Text
ff. 1a–312a · 623 folio sides
- 1a
'phags pa ting 'dzin rgyal po'i 'grel pa grags pa'i phreng ba zhes bya ba slob? dpon 'jam dpal grags paS mdzad pa bzhugs/
- 1b
rgya gar skad du/ Arya sarba d+harma swa b+hA ba sa ma tA bi pany+tsi ta sa mA d+hi rA dza nA ma ma hA yA na sU tra TI ka kIrti mA la nA ma/ bod skad du/ 'phags pa chos thams cad kyi rang bzhin mnyam pa nyid rnam par sbros pa'i ting nge 'dzin gyi rgyal po zhes bya ba theg pa chen po'i mdo'i 'grel pa grags pa'i phreng ba zhes bya ba/ 'phags pa 'jam dpal gzhon nur gyur ba la phyag 'tshal lo/ /sangs rgyas thugs dang 'jam dbyangs la sogs rgyal sras rab mchog rnams kyi ji lta bar/ /mkhyen pa'i de nyid chos
- 2a
lam legs par blo ma sbyangs pa rnams kyis ma shes pa/ /shin tu sbyor ba goms par byas na blo chung rnams la 'ang de blo skye bar 'gyur/ /des na bdag la rtag tu chos kyi de nyid rtogs pa mngon par 'byung bar shog /mdo sde'i dbang bo ting 'dzin rgyal po yi/ /'dir ni 'grel pa byed par 'bad pa de/ /blo yangs gyur pa nyid kyis sangs rgyas nas/ /thub pa skyes mchog nyid du 'gyur ba yin// //'di skad bdag gi zhes bya ba la sogs pas ni 'brel pa dang/ brjod par bya ba dang/ dgos
- 2b
pa dang dgos pa'i dgos pa rnams nyan pa'i skye bo rnams spro ba bskyed pa'i phyir dang por brjod par bya ba yin no/ /de yang 'di skad ces bya ba la sogs pa smos nas sdud par byed pas 'di skad bdag gis zhes smras pa yin no/ /de la chos thams cad kyi rang bzhin mnyam ba nyid rnam par spros pa'i ting nge 'dzin gyi rgyal po ni brjod par bya ba'o/ /de ston par byed pa'i gzhung gi tshogs kyang ting nge 'dzin gyi rgyal po zhes bya ste/ rgyu la 'bras bu btags nas so/ /brjod pa dang brjod bya de dag thabs las byung ba'i mtshan nyid ni 'brel pa yin no/ /yang dag par dgos pa ni thos pa dang bsam pa dang/ sgom pa las byung ba'i shes pas chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po mngon sum du byed pa'o/ /de nas ting nge 'dzin de mngon
- 3a
sum du mdzad nas bcom ldan 'das mi gnas pa'i mya ngan las 'das pas sems can ma lus pa'i don mdzad pa ni dgos pa'i dgos pa yin no// des 'dod pa'i 'bras bu mthar thug pa yongs su rdzogs par 'dod par bya ba gzhan med do/ /zhes bya ba ni dgos pa mthar thug pa yin no/ /de la 'di skad ces bya bas ni mdo'i don ma lus pa bsdus pa bstan to/ /bdag gis zhes bya ba ni mngon sum du thos pa'o/ /thos pa zhes bya ba ni mngon sum du byas pa med par sdud ba pos bstan pa yin no/ /sdud pa po ni kun dga' bo yin te/ kun dga' bo khyod kyis 'di zung zhig ces bya ba'i tshig gis so/ /phyag na rdo rje yang yin te/ ji ltar gzhan du bshad pa bzhin no/ /da ni gang gi tshe gang las gang du gang dag dang lhan cig mdo sde rin po che dpe med pa 'di lta bu khyod kyis thos zhes 'dri ba'i lan gdab pa'i phyir
- 3b
dang/ rang nyid tshad mar bstan pa'i phyir sdud par byed pas yul la sogs pa bstan pa ni thos pa'i dus gcig na zhes bya ba la dus gcig na/ 'di lta bu'i mdo sde rin po che 'di thos kyi gzhan gyi che ni gzhan thos so/ /zhes bya bas ni sman pa'i rgyal po snying rje can bzhin du bdag nyid mang du thos pa yin par sdud pa pos bstan pa yin te/ 'di lta bu'i mdo sde rin po che thams cad du thos pa yod pa yin no/ /zhes bya ba'i bsam pas so/ /yang na dus gcig na zhes bya ba ni skad cig gcig la rmi lam du lha la sogs pa'i byin gyis brlabs kyis dus thung ngu la lo brgya la sogs par dmigs pa lta bur chos kyi rgyun gyi ting nge 'dzin thob pa dang/ /de bzhin gshegs pa'i bdag po'i dbang gis skad cig gcig la thos ba mi brjed pa yin pa la 'gal ba med do zhes bya ba ni bsdus pa'i don yin no/ /bcom ldan 'das zhes bya ba la/ nyon mongs las dang de bzhin skye/ /nyon mongs shes bya'i sgrib de bzhin/ /gang yang mi mthun phyogs chos rnams/ /bcom bas bcom ldan 'das zhes brjod ces bya ba ni gsung rab kyi tshig yin no/ /nges pa'i tshig gi tshul gyis ni nyon mongs pa la sogs pa bcom pas bcom ldan 'das sems? dbang phyug dang ni gzugs bzang dang/ /dpal
- 4a
dang grags dang ye shes dang/ /brtson 'grus phun sum tshogs pa ste/ /drug po dag la ldan zhes grub ces bya ba de dag 'di la yod pas bcom ldan 'das te/ dbang phyug la sogs pa kun dang ldan pas bcom ldan 'das so/ /rgyal po'i khab na bzhugs pa zhes bya ba la bzhugs pa ni bzhi ste/ spyod lam gyi bzhugs pa dang/ ston pas bzhugs pa dang/ mnyam par gzhag pas bzhugs pa dang/ nang du yang dag 'jog gis bzhugs pa ste/ gang cung zad sku'i 'phrin las su 'grang ba de dag thams cad spyod lam gyis bzhugs pa'o/ /gang dag gsung gi 'phrin las rnams ni ston pas bzhugs pa'o/ /gang dag thugs kyi 'phrin las rnams ni 'di dag las gzhan pa'i bzhugs pa rnam pa gnyis po yin te/ rtag tu mnyam par bzhag pa nyid dang/ ting nge 'dzin la snyoms par zhugs pa ni mnyam par bzhag pas bzhugs pa'o/ /thugs rje chen pos 'jig rten la rnam par gzigs pa dang/ lha la sogs pas nye bar 'du ba ni nang du yang dag 'jog gis bzhugs pa'o/ /rgyal po'i khab na bya rgod kyi phung po'i ri zhes bya bas gnas gnyis bstan pa ni khyim pa ni rab tu byung ba'i phyogs gnyis bsdu ba'i phyir ro/ /rgyal po'i khab ces bya ba don dang ldan ba'i? ming ngo/ /bya rgod kyi phung po zhes bya ba ni rin po che sna tshogs spungs pa'i rin po che chen
- 4b
po'i ri'i rgyal po ste /bde bar gshegs pa sras dang bcas pa'i rgyal ba skyed ma ston pa'i gnas te/ dpag tu med pa'i bsod nams dang ye shes kyi tshogs las nges par byun ba'i mngon par byang chub pa'i gnas rdo rje'i gdan bzhin du mngon par mi g.yo ba yin no/ /'khor phun sum tshogs pa bstan pa'i phyir/ dge slong gi dge 'dun chen po dang thabs gcig ces bya ba la sogs pa smos te/ dge slong gi dge 'dun chen po ni nyon mongs sgribs ba spangs pa nyid/ /bdud rnams kun gyi mi phyed pas/ / nyan thos dge 'dun dge 'dun nyid/ /byang chub sems dpa' i dge 'dun ni nyon mongs ba dang shes bya'i sgrib pa dang bral ba'i phyir dang/ nyon mongs pa bcom pa'i phyir dang/ theg pa gcig tu bstan pas bsam pa gcig pa nyid kyis mi phyed pa'i phyir dang/ tshogs nas sems can gyi don byed pa'i phyir dge 'dun zhes bya'o/ /dge slong dge 'dun rtags gnas pas/ sngon nyid du ni bstan par byas zhes bya'o/ /byang chub sems dpa' rnams phyis bstan ba ni mdo sde rin po che dpag tu med pa nyan pa'i don dang/ de bzhin gshegs pa rnams bzhin du gzhan gyi don byed pa la zhugs pa yin pa'i phyir thams cad du drung na gnas pa med par bstan pa'i phyir ro/ /thabs gcig tu zhes bya ba ni lhan cig tu'o/ /yon tan gyis che bas che ba bstan nas/ /da ni grangs kyi che ba bstan pa'i phyir/ dge slong 'bum du tshangs ba zhes bya ba smos te/ grangs 'bum du? tshang ba zhes rnam par bcad pa'o zhes bya ba'i bar du'o/ /byang chub sems dpa' dpag tu med pa 'dus par gyur na yang rab tu grags pa'i byang chub seMs dpa' nye bar mtshon bar bya ba'i phyir/ /khrag khrig phrag brgyad cu zhes bya ba la sogs pa'i tshig smos so/ /thaMs cad kyang skye ba gcig gis thogs pa zhes bya ba la bar mchod pa nyid du sangs rgyas nyid mngon du byed pa la sogs pa skye ba gcig gis thogs pa rnams dang thabs cig go /zhes
- 5a
bya bar 'brel to/ /mngon par shes pa zhes bya ba ni 'jig rten gyi khams thams cad du rab tu grags pa zhes bya ba'i don to/ /gzungs dang mdo sde rtogs par khong du chud pa zhes bya ba ni sngags kyi gzungs dang chos kyi gzungs dang/ don gyi gzungs dang/ mngon par rtogs pa'i gzungs so/ /de la ni sngags kyi gzungs gang zhe na/ byang chub sems dpa' rnams kyi byin gyis brlabs dang bcas pa'i ye shes kyi sbyor ba dang/ ting nge 'dzin la dbang bas byung ba de ni sngags kyi gzungs zhes brjod do/ /ting nge 'dzin la dbang pa'i stobs kyis sems can gyi gdon dang/ 'tshe ba zhi bar bya ba'i phyir/ sngags kyi tshig ting nge 'dzin la dbang thob pa las byung ba'am/ sngon gyi smon lam gyi stobs kyis byung ba yang rung bas mngon par byin gyis rlob ste/ sngags kyi tshig 'di dag gis sems can rnams kyi gdon dang 'tshe ba dang/ nye bar 'tshe ba dang/ kun nas nyon mongs pa thams cad nye bar zhi bar gyur cig /ces brjod pas des de dag la sngags kyi tshig de dag grub par 'gyur ro// de ltar na gong ma gong ma'i sa la gnas pa'i byang chub sems dpa' chen po rnams kyi yang sems can rnams kyi don de dang de la dmigs nas byin gyis brlabs pa de lta de ltar yang dag par 'phel bar 'gyur ro/ /de lta bas na de ltar ting nge 'dzin gyi dbang gis byung ba'i sngags 'dzin pas sngags kyi gzungs zhes bya'o/ /de la chos kyi gzungs gang zhe na/ 'dir sa la bzhugs pa'i byang chub sems dpa' rnams sangs rgyas dang byang chub sems dpa' rnams las chos nyan ngan? sngon goms par ma byas pa dang/ sngon ma thos pa'i ming gi tshogs dang/ tshig gi tshogs dang yi ge'i tshogs kyi bsdus pa tshad med pa dpag tu med pa'i chos de dag rnams kyang go rim bzhin du bskal pa rab tu mang por yang mi brjed par dran pa dang shes rab kyis
- 5b
'dzin pa ni chos kyi gzungs zhes bya'o/ /de la don gyi gzungs gang zhe na/ byang chub sems dpa' de dag nyid kyis de ltar bzung ba'i chos gang yang tshad med pa grangs med pa'i don de rnams dus tshad med par mi brjed? par dran pa dang shes rab kyis gcig tu byas nas 'dzin pa gang yin pa de ni don gyi gzungs zhes bya'o/ /de la mngon par rtogs pa'i gzungs gang zhes na/ ji skad gsungS pa'i chos thams cad mngon par rtogs pa'i don bsgoms pas brtan par gyur pa de nyid la mngon par 'dod cing mngon par mi g.yo bar chos nyid la bzod pa'i bzod pa ni mngon par rtogs pa'i gzungs zhes bya'o/ /sa thams cad la yang gzungs so sor thob pa ni yod do/ /de la byang chub sems dpa' i sa dang po la khyad par du 'phags par byin gyis rlob pa zhes bya ba'i gzungs rab tu thob par 'gyur ro/ /gnyis pa la ni dri ma med pa zhes bya ba'o/ /gsum pa la ni shin tu rab tu gnas pa zhes bya'o/ /bzhi pa la ni gzung bar dka' ba zhes bya ba'o/ /lnga pa la ni yon tan gyis sems brgyan pa zhes bya pa'o/ /drug pa la ni ye shes kyi dkyil 'khor gyi sgron ma zhes bya ba'o/ /bdun pa la ni khyad par du 'gro ba zhes bya ba'o/ /brgyad pa la ni rnam par mi rtog pa zhes bya ba'o/ /dgu pa la ni sgo mdza' yas pa zhes bya ba'o/ /bcu pa la ni mi zad pa'i za ma rtog ces bya ba ste/ de ltar nas dang sa la gzungs so sor thob cing gzungs rtog par khong du chud pa'o/ /mdo sde rtogs par khong du chud par zhes bya ba la/ nges pa dang drang ba'i don gyi mdo sde rnams rtogs pa ni ji lta ba bzhin rtogs pa'o/ /de'i rab kyi mthar thug pa thob pa ni gzungs dang mdo sde rtogs par khong du chud pa'o/ /de dag dang thabs cig tu bzhugs zhes bya bar sbyar ro/ /nyon mongs pa mdo sde la sogs pa sbyin zhing rab tu bstan pas sems can thams cad tshim par byed pa'o/ /mngon par shes pa chen po ni mi nyams shing sgrib pa med par yul thams cad
- 6a
'dzin pa'i shes rab po/ /de nyid rgyur gyur pas 'jig rten gyi khams mdza' yas rab 'byams rnams su khyab pa'i ngag brjod pa la mkhas pa'o/ /pha rol tu phyin pa thams cad ni sbyin pa la sogs pa pha rol tu phyin pa bcu'o/ /de rnams kyi dam pa'i pha rol te rab kyi mthar phyin pa thob pas so/ /byang chub sems dpa' i ting nge 'dzin thams cad ni dpa' bar 'gro ba la sogs pa la lhun gyis grub par 'jug pa'o/ /'bad pa dang bcas pas thod rgal la sogs pa la 'jug cing de dag la snyoms par 'jug pa dang ldang ba ji lta ba bzhin du shes pa gang gis shes pa de ni mnyam par bzhag pa dang ldang ba? shes pa'o/ /de la mkhas ba ni nges gsal ba'o/ /sangs rgyas thams cad kyis bstod cing bsngags te rab tu bkur ba zhes bya ba la/ sangs rgyas thams cad kyis bstod pa ni yon tan dam pa rnams brjod pa'o/ /bsngags pa ni bsam gyis mi khyab pa'i sems can gyi don byed pa'i sbyor ba'i khyad par rab tu ston pa'o/ /de'i phyir bkur ba ste/ bsod nams dang ye shes kyi tshogs kyi sgo nas rab tu bsngags pa'o/ /sangs rgyas kyi zhing thams cad du rdzu 'phrul gyis 'gro ba la mkhas pa zhes bya ba la/ yid kyi shugs kyi rdzu 'phrul gyis dus gcig la sangs rgyas kyi zhing thams cad du bdag gi lus yang dag par ston cing/ de bzhin gshegs pa thams cad kyis gsungs pa'i chos nyan pa'i phyir dang/ sems can gyi don byed pa'i phyir 'gro ba zhes bya ba ste/ de lta bu la mkhas pa'o/ /bdud thams cad skrag par bya ba'i shes pa la mkhas pa zhes bya ba la shes rab dang thabs dang snying rje chen po'i ye shes mkhas pas khams gsum las rnam par rgyal ba la sogs pa'i khro bo chen po sprul bar byed pa'o/ /chos thams cad ces bya ba la sogs pa la chos thams cad ni 'dus byas dang/ 'dus ma byas so/ /de dag skye ba med pa la sogs pa'i ngo bor rnam
- 6b
par rig pa ni ji lta ba bzhin du shes pa'o/ /de la mkhas pa ni gsal ba'o/ /sems can thams cad ces bya ba la sogs pa la/ sems can thams cad kyi dad pa la sogs pa'i dbang po chung ngu dang 'bring dang chen po'i dbye ba rnam pa tha dad pa skye ba mchog dang mchog ma yin pa dang 'brel pa de rnams shes nas de dag dang rjes su mthun pa'i chos ston pa'i ye shes la mkhas pa'o/ /sangs rgyas thams cad la mchod pa zhes bya ba la sogs pa la/ de bzhin gshegs pa'i mchod pa ni rnam pa gnyis te/ sgrub pa'i mchod pa ni ji skad gsungs pa'i bslab pa'i gnas rnams las mi 'da' bar bsrung ba dang/ chos nyid ji ltar gnas pa bzhin du sgrub cing rdzogs par byed pa'o/ /me tog dang spos la sogs p ni phyi'i mchod pa ste/ de dag gnyis ka mchod pa'i las kyi bya ba'o/ /de dag gi sgrub pa shes pa la mkhas zhes bya ba ni snga ma bzhin no/ /'jig rten pa'i chos thams cad ces bya ba la sogs pa la/ rnyed pa dang ma rnyed pa dang/ bde ba dang sdug bsngal ba dang/ bstod pa dang smad pa dang/ grags pa dang ma gragS pa zhes bya ba 'di dag ni 'jig rten gyi chos brgyad de/ 'di dag gi ma gos pa'o/ /lus dang ngag dang sems yang dag par brgyan pa zhes bya ba la/ srog chags gsod pa dang/ ma byin par len pa dang/ mi chongs par mi spyod pa mi dge ba'i lam spangs pas lus brgyan ba dang rdzun du smra ba dang phra ma dang tshig 'khyal pa dang ngag rtsub po med pas ngag brgyan pa dang/ brnab sems dang gnod sems dang log par lta ba yongs su spangs pas sems brgyan pa'o/ /yang mtshan sun cu rtsa gnyis dang dpe byad bzang po brgya cu ni lus kyi rgyan no/ /yan lag drug cu dang ldan pa'i gsung gi 'jig rten gyi khams mdza' yas pa khyab pa tshangs pa'i dbyangs kyis sems can rnams la chos ston pa ni dag gi rgyan no/ /sems kyi rnam grangs shes bas sems can gyi sems kyi rgyun
- 7a
gyi bye brag rtogs nas 'dod chags la spyod pa la sogs pa'i sems can rnams 'dul ba ni sems kyi rgyan yin no/ /de'i phyir lus dang ngag dang sems yang dag par brgyan pa zhes bya'o/ /tshangs pa'i gnas bzhis gnas pa'i dbye ba med pa'i yon tan bstan pa'i phyir/ byams pa chen po dang/ snying rje chen po'i go cha bgos pa zhes bya ba gsungs te/ byams pa dang snying rje smos pa ni dga' ba dang btang snyoms mtshon pa'i don to/ /brtson 'grus kyi pha rol tu phyin pa rab kyi mthar thug pa'i yon tan dang ldan pa bstan pa'i phyir/ bskal pa grangs med par mi skyo ba'i brtson 'grus che ba zhes bya ba gsungs te/ bskal pa grangs med pa mang por goms par bdag gir byas pa nyid kyis brtson 'grus kyi pha rol tu phyin pa chen pos bskal pa grangs med par yid mi skyo bar sems can gyi don byed pas so/ /'khor thams cad zil gyis gnon pa'i yon tan la sbyor ba bstan pa'i phyir/ seng ge'i sgra chen po sgrogs par zhes gsungs te/ seng ge'i sgra chen po ni chos thams cad bdag med pa'i sgra ste/ ji ltar seng ge'i sgras tha rnams skrag par byed pa de bzhin du bdag med pa'i seng ge'i sgras mu? stegs thams cad skrag par byed de/ seng ge'i sgra chen po sgrogs pa'i ngang tshul gang la yod pa de la de skad ces bya'o/ /bdud dang mu stegS la sogs pas zil gyis mi non pa'i yon tan de dag dang ldan pa nyid bstan pa'i phyir/ phyir rgol ba thams cad kyis zil gyi mi non pa zhes bya ba gsungs te/ so so yang dag par rig pa bzhi rab tu brnyed nas/ rgyun mi 'chad pa'i spobs pa dang ldan pas de dag gi zil gyi mi non pa yin no/ /bstan ma thags pa gang yin pa de dag thams cad ni/ phyir mi ldog pa'i phyag rgyas btab pa zhes bya ste/ phyir mi ldog pa nyid du nges pa zhes bya ba'i don to/ /sangs rgyas thams cad kyi chos kyi dbang bskur?
- 7b
ba thob pa na byang chub sems dpa' i sa bcu pa la'o/ /de'i phyir thams cad kyang sa bcu ba'i dbang phyug yin no/ /'di lta ste zhes bya ba la sogs pa ni ji ltar grangs yongs su bstan pa'i byang chub sems dpa' rnams kyi ma'i? rab tu bstan pa'i phyir lhun po dang zhes bya ba la sogs pa smos te/ sngon goms par bya ba'i ting nge 'dzin yongs su rdzogs pa'i ngo bo de dang des tha snyad kyi don du ni rab tu bsgrags pa yin no/ /byang chub sems dpa' sems dpa' chen po zhes bya ba la/ gang la byang chub la? dang sems can la dmigs pa yod pa de la byang chub sems dpa' zhes bya'o/ /de'i phyir de ni gcig tu gzhan gyi don la zhugs pas sems dpa' chen po zhes bya'o/ /rgyal po chen po bzhi zhes bya ba nas/ tshangs rigs kyi lha'i bu zhes bya ba'i bar dang/ /de las gzhan pa rnams kyis kyang yongs su bskor cing ste kun nas yongs su bskor pa ni yongs su bskor ba'o/ /mdun gyis bltas nas zhes bya ba la mdun gyi lta ba byas te/ mdun du byas pa la chos ston pa'o/ /khyad par ji lta bu can zhe na thog mar dge ba zhes bya ba la sogs pa gsungs te/ thog mar dge ba steng thog ma nyid thos kyi theg pa la zhugs pa rnams kyang sangs rgyas nyid thob par 'gyur ba'o/ /bar du dge ba ni rang sangs rgyas kyi theg pa la zhugs pa rnams kyang mthar sangs rgyas nyid du 'gyur ba'o/ /thad mar dge ba ni theg pa chen po la zhugs pa rnams ni drang po'i rim gyis sangs rgyas nyid thob par 'gyur pa'o/ /yang na thos pa dang bsam ba dang sgom pa'i dus su yang tshad ma las byung ba'i don gyis mi bslu ba'i phyir ro// don bzang po ni chos thams cad bdag med par rab tu sgrub pa'i phyir ro/ /tshig 'bru bzang po ni 'dod pa'i don ma tshang pa med pa/ bde bar rtogs shing sgrub bar byed pa'i chos skad sna tshogs kyi ston pa'o/ /ma 'dres pa ni gnyis su med pa'i chos nyid gsal ba'o/
- 8a
yongs su rdzogs pa ni bsod nams dang ye shes kyi tshogs yongs su rdzogs pa'i thabs ston pa'o/ /yongs su dag pa ni nyon mongs pa'i 'dam gyis ma gos pa'o/ /yongs su byang ba ni gcig tu dag pa'i nges par 'byung ba'i choS? ston pa'o/ /tshangs par spyod pa yang dag par ston to zhes bya ba la/ tshangs pa ni mya ngan las 'das pa'o/ /de'i ched du sbyin pa la sogs pa spyad pa spyod pa'o/ /yang dag pa ni rab kyi mthar thug pa'o/ /rab tu ston pa ni gsal bar byed pa'o/ /zhes gsungs so/ /de'i tshe 'khor tshogs pa zhes bya ba la sogs pa la/ mdo sde 'dir zla 'od gzhon nur gyur pa nyid gtso bor gyur pa nyid du bstan pa'i phyir/ 'khor tshogs pa de nyid du zhes bya ba la sogs pa gsungs te/ 'khor chogs pa'i nang nas nye ba'i yul du 'ongs naS so/ /'dug par gyur pa ni ji ltar rig pa'i stan la 'dug nas so/ /sngon gyi rgyal ba la bya ba byas pa zhes bya ba ni sngon gyi de bzhin gshegs pa rnams la sbyin pa la sogs pas bsnyen bkur byas shing bya ba byas pa'i mtshan nyid gang la yod pa de ni sngon gyi rgyal ba la bya ba byas ba'o/ /de'i phyir dge ba'i rtsa ba bskyed pa'o/ /skye ba dran pa ni sngon gyi de bzhin gshegs pa rnams la bsnyen bkur byas shing bskyed pa'i dge ba'i rtsa ba dran par gyur pa'o/ /spobs pa thob pa ni mi brjed pa'i gzungs gyi sbobs pa thob pa'o/ /theg pa chen po la yang dag par zhugs ba ni theg pa chen po'i chos nyid la yang dag par zhugs pa nyid do/ /snying rje chen po la brtson pa zhes bya ba ni 'gro ba ma lus pa gdon par 'dod pa'i mtshan nyid can rtse ba chen po la zhugs pa zhes bya ba'i don to/ /de nas zhes bya ba la sogs pa la/ gus pa dang bcas pas phyag 'tshal ba sngon du 'gro bas yongs su zhu bar byed do/ /zhes bshad par bya ba'i phyir ro/ /bdag bcom ldan 'das la zhu bar 'gyid do zhes sbyar te phyogs 'ga' zhig
- 8b
ces bya ba ni yul ma lus pa dus gcig tu zhu ba ni mi srid pa dang/ rang gi the tshom spang ba'i don du bdag cung zad cig 'dri bar bgyid do/ /zhes bya ba'o/ /de ltar na yang skabs phye ba mdzad na zhu bar bya ba yin pas gal te zhus nas zhu ba lung bstan pa'i slad du/ /bcom ldan 'das kyis bdag la skabs phye na zhes bya ba gsungs te/ bcom ldan 'das ni rtag tu mnyam par bzhag pa yin pas sems can gyi spyod pa dang /bsam pa mkhyen pas rteg tu skabs phye ba yin na yang zla 'od gzhon nur gyur pa kho na gus pa bskyed pa'i phyir /ci 'dod pa dris shig ces bya ba la sogs pa gsungs so/ /gzhon nu nga ni thams cad mkhyen pa zhes bya ba la sogs pa ni bdag nyid la bstod pa gtsor byed pa ni ma yin gyi/ 'on kyang nye ba na gnas pa'i gdul bya'i skye bo'i 'khrul pa bzlog pa'i phyir ro/ /thams cad mkhyen pa zhes bya ba'i bshad pa ni thams cad gzigs pa zhes bya ba ste/ gang la thams cad gzigs pa'i ngang tshul yod pa de la de skad ces bya'o/ /dngos po'i don ji ltar gnas pa bzhin gzigs pa'o/ /chos thams cad nges par rtogs pa dang de bzhin gshegs pa'i stobs bcu dang mi 'jigs pa ste/ 'jigs pa thams cad dang bral bas de dag gi khyu mchog tu gyur pa ni gtso bor gyur pa'o/ /rjes su thob pa ni thams cad gzigs pa nyid kyis rjes su brnyed pa dang ldan zhes bya ba'o/ /des na shes bya thams cad la sgrib pa med pa'i rnam par thar pa'i ye shes te/ rnam pa thams cad mkhyen pa'i ye shes so/ /de dang ldan pa ni de dang bcas pa'o/ /mngon par rdzogs par sangs ma rgyas pa ci yang med de/ zhes bya ba dang sbyar ro/ /gzhon nu zhes bya ba ni mchod pa'i tshig go /'jig rten gyi khams mdza' yas su? med pa'i shes bya'i nang na gang cung zad mi mkhyen pa ci yang mi mnga' ste/ des na thams cad mkhyen no zhes bya ba'i don te /'dis ni thams cad mkhyen pa zhes bya ba bshad pa yin no/ /thams cad gzigs pa zhes bya ba'i bshad pa ni mi gzigs pa'i ma zhes bya ba'o
- 9a
chos thams cad la stobs dang mi 'jigs pa zhes bya ba'i bshad pa ni mi gsan pa'am/ thugs sum chud pa'am zhes bya ba'o/ /sgrib pa med pa'i rnam par thar pa'i ye shes dang ldan pa zhes bya ba'i bshad pa ni mngon sum du ma mdzad pa'am mngon par rdzogs par sangs ma rgyas pa ci yang med do zhes bya ba ste/ thams cad mkhyen pa'i tshig gi bshad par gyur pa tshig gi lhag ma rnams yin par khong du chud par bya'o/ /de lta bas na dris shig ces bya ba'o/ /dri ba dris pa de dang de lung bstan pas ngas khyod kyi sems rangs par bya'o/ /zhes bya ba ni dga' bar bya'o/ /zhes bya ba'i don to/ /tshigs su bcad pa'i dbyangs kyis 'dul ba'i sems can mgu bar bya ba'i phyir dang/ bde blag tu khong du chud par bya ba'i phyir/ tshigs su bcad de gsol ba zhes rang gi sems la rnam par gnas pa 'das pa smra bar 'dod pa yin no/ /de ni the tshom thams cad bcad pa'i phyir/ 'od mdzad ji ltar spyad pa yin zhes bya ba la sogs pa gsungs te/ ji ltar zhes bya ba ni rnam pa gang gis so/ /sbyin pa la sogs pa la ji ltar zhugs bar gyur par bsam gyis mi khyab ye shes 'thob ces bya ba sbyar ro/ /'jig rten mgon po rdzogs sangs rgyas/ /'od mdzad ces bya ba ni bod pa'o/ /bsam gyis mi khyab ye shes ni rnam pa thams cad mkhyen pa'i ye shes te/ gzhan gyis bsam par bya mi nus pa'i phyir ro/ /lung yang bstan du gsol zhes bya ba ni de lta bu la sogs par 'thob par 'gyur ba bstan du gsol zhes bya ba'i don to/ /mgon po gsungs mchog zhus pa lung bstan gsol zhes bya ba ni lung gi tshig yin te/ i a d+his kha bskangs nas kun bstan gsol/ /zhes bya ba'i don to/ /mi dang lhas mchod pa zhes bya ba la sogs pa yang ring por sbyor bas bod pa ste/ ji ltar ltas byin zhes bya ba lta bu'o/ /de bzhin du thams cad du lta bar bya'o/ /bdag la g.yo na mi mchis
- 9b
te/ lhag pa'i bsam pas zhu? ba lags zhes bya ba la 'ga' zhig bslu ba'i bsam pas kyang 'dri ba srid do/ /snyam pa'i som nyid bsal ba'i phyir ro/ /de nyid kyi phyir bdag gi dbang ni gzhan ma mchis zhes bya ba la sems can thaMs cad kyi bsam pa yongs su mkhyen cing mngon sum du gzigs pa'i phyir bcom ldan 'das kho na dbang du gyur pa yin no zhes bya ba'i don to/ /ji skad bstan pa'i don gzung ba'i phyir/ 'dun dang smon lam rgya chen zhes bya ba la sogs pa smos te/ sangs rgyas nyid mngon sum du bya ba'i smon lam dang mdun pa dang spyod pa ji lta ba bzhin bdag la mchis pa deng khyod kyis mkhyen pa'o/ /shAkya seng ge zhes bya ba la/ shAkya'i rigs su skye ba bzung ba dang/ mi mkhyen pa'i 'jigs pa mi mnga' bas shAkya seng ge ste/ bdag la bshad du gsol zhes bya ba'o// bdag ni tshig la gtsor 'dzin pa ma lags kyis zhes bya ba la bdag ni tshig tsam gtsor 'dzin pa yang ma lags la/ sgra tsam la lhag par chags pa yang ma lags kyi/ gzhan du na sgrub pa phun sum tshogs par bgyid pas de'i phyir mi dbang sgrub pa bdag la myur du gsungs zhes bya ba bstan pa 'bras bu med pa la sogs so/ /zhes bstan pa yin no/ /da ni mngon par 'dod pa nyid zhus pa ni yongs su bsdud pa'i chos rnams gang zhes bya ba la sogs pa dang gang dag gis chos rnams bsdus pa'i sangs rgyas kyi theg pa ni theg pa chen po'o/ /gces? spras bgyis pa ni sangs rgyas kyi yon tan ma lus bskyed par byed pa nyid kyi phyir na gces spras bgyid pa'o/ /de dag gang lags lung bstan du gsol zhes bshad zin to/ /chos rnams kun gyi mthar phyin pa zhes bya ba la chos rnams kun gyis mthar thug par gyur pa de'i phyir bdag zhu'o zhes bya ba dang 'brel to/ /phan par bgyis pa'i chos rnams bdag la gsungs/ zhes bya ba la/ phan par byed pa gyur pa nye bar mkho ba nyid bdag las gsungs zhes
- 10a
bya ba bstan du gsol/ zhes bya ba'o/ /ci nas mis bsten te nges pas bsten pa'i mi'o/ /'gyur zhing zhes pa ni shes rab rnaM par 'gyur ba'o/ /'di skad bstan par 'gyur te/ chos gang la bsten pas shes rab rno bar 'gyur te/ sangs rgyas kyi chos rnams 'dzin par nus pa'i shes rab mi de la 'byung bar 'gyur pa'o/ /mi zad 'jigs dang bral te mi skrag pa zhes bya ba la sogs pa la/ rgyal ba dang chom rkun dang me dang mu ge la sogs pa'i 'jigs pas mi skrag pas tshul khrims kyi phung po ji lta na yang gtong bar mi bgyid pa'o/ /ji ltar na rgyags pa dang zhe sdang dang/ gti mug dang chags pa dang bral nas byang chub sems dpa' spyad pa spyod pas nye bar kun zhi zhing grol bar 'gyur ba'o/ /dge slong ngam byang chub sems dpa' tshul khrims la sogs pa'i sdom pa/ ji ltar tshul khrims mi gtong zhing/ ji ltar bsam gtan 'dor mi 'gyur ba zhes bya ba ni mi gtong ba'i rgyu zhus pa yin no/ /dgon pa la ni ji ltar bsten zhes bas ni sems dben pa'i mtshan nyid 'chad par 'gyur ro/ /bdag gi shes rab ji ltar 'phel zhes bya bas ni shes rab lhag par 'phel bar 'gyur ba'o/ /ji ltar mchog gi tshul khrims la mngon par dga' bar 'gyur /ji ltar tshul khrims kyi phung po bskyon med par 'gyur/ ji ltar 'dus byas kyi chos rnams kyi rang bzhin 'jal bar 'gyur/ ji ltar lus dang ngag dang yid dag par 'gyur/ ji ltar na lus dang yid kyi las rnams dag par 'gyur/ de dag thams cad bdag la bstan du gsol zhes bya ba ni bsdus pa'i don yin no/ /de skad ces gsol pa dang/ bcom ldan 'das kyis zla 'od gzhon nur gyur pa la 'di skad ces bka' stsal to zhes bya ba la/ zla 'od gzhon nur gyur bas gang zhus pa de bstan par bya ba rnams nye bar dmigs nas 'di skad ces bya ba la sogs pas bstan pa'o/ /ji skad bstan pa'i zhus pa rnamS
- 10b
gyi lan gdab pa'i phyir chos gcig dang ldan na zhes bya ba la sogs pa ste/ yon tan 'di dag thob par 'gyur zhing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bya ba ni mdor na thams cad kyi chos nyid ji lta ba bzhin myur du mngon par rtogs par 'gyur ro/ /zhes bya ba'i don to/ /chos gcig po gang zhe na zhes bya ba ni chos du ma yod pas gang yin mi shes so zhes zhus pa'o/ /gzhon nu 'di zhes bya ba la sogs pas ni gsal por ston par mdzad pa'o/ /sems can thams cad la sems snyoms pa yin zhes bya ba ni snying rje chen pos bu gcig pa la brtse ba lta bu dang ldan pa'o/ /phan pa'i sems dang zhes bya ba ni ma 'ongs pa'i dus na phan par 'gyur ba'i chos la zhugs pa'i phyir ro/ /khong phro ba med pa'i semS ni sems can thams cad la khong khro ba med pa'o/ /mi mnyam pa med pa'i sems ni chos nyid dang mnyam pa nyid du zhugs pa'o/ /zhes bya ba khyad par rnam pa gsum gyi khyad par can du gyur pa ni gcig nyid yin pas 'di dang ldan na yon tan 'di dag thams cad 'thob bar 'gyur zhing zhes bya ba ni bstan pa dang/ 'chang bar 'gyur ba rnams myur du mngon par byang chub par 'gyur ba'i rang bzhin zhes bya ba'i don to/ /don de dag nyid tshigs su bcad pa rgyas par zla 'od gzhon nu la khong du chung bar bya ba'i phyir /de nas bcom ldan 'das kyis zhes bya ba la sogs pa gsungs te/ de nas zhes bya ba ni de ma thag tu'o/ /yang zhes bya ba ni tshig gi rgyan no/ /de'i tshe zhes bya ba ni ston pa'i skyabs la bab pI tshe'o/ zla 'od gzhon nur gyur pas zhes bya ba la/ byang chub kyi zla ba'i 'od kyis nyon mongs pa ma lus pa'i gdung ba rab tu zhi bar byed cing/ sangs rgyas kyi yon tan rin po che'i sman gyi nus pa skyed par byed pa'i 'od des gang la yod pa de la de skad ces bya'o/ /skyon thams cad dang bral bas gzhon nur gyur pa zhes bya ba de la gtang nas tshigs su bcad pa
- 11a
gsungs pa/ chos gcig yang dag blang nas ni/ /byang chub sems dpa' gang gnas pa zhes bya ba la sogs pa ste bshad zin to/ /mnyam pa'i sems la bsten pa yis/ rnam par smin pa mnyam par bstan zhes bya ba la/ sems mnyam ba nyid du zhugs pa la/ rnam par smin pa'i khyad par gyi yon tan de bzhin gshegs pas bstan zhes bya ba'i don te/ de bzhin gshegs pa'i zhabs kyi mthil mnyam par 'gyur pa'o/ /cho ga spyod yul ma lus pa mnyam par 'gyur zhes bya bar sbyar ro/ /mnyam pa'i sems kyi yon tan bstan nas/ mi mnyam pa ma yin pa'i gsungs gi mnyam zhing mi mnyam ma yin sems bsgoms nas zhes bya ba la sogs pha la/ tha ba'i skyon bral nem nur rab spangs na zhes bya ba la tha ba dang 'dra bar yon tan gyi lo tog skye ba dang bral ba'i skyon te/ 'dod chags la sogs pa dang bral ba gang la yod pa de la de skad ces bya zhing /chos rnams kyi de kho na nyid khong du chud pas nem nur rab tu spangs pa gang yin pa de la de skad ces bya'o/ /de'i rkang lag mthil dang mnyam pa ni snga ma bzhin no/ /mchog tu 'od gsal dag pa ni gser gyi mchog nyid do/ /blta na sdug pa ni kun nas so/ /phyogs bcur lhang nger snang ba ni phyogs bcu rnams su byang chub sems dpa' lhang nger snang ba'o/ /sangs rgyas kyi zhing mdza' yas par 'od 'phro zhing bya bar byed de/ gzi brjid kyi thams cad zil gyis mnan nas gdul ba'i phyir ro/ /nam nges zhi ba'i sa ni thob pa'i tshe/ zhes bya ba ni spros pa thams cad dang bral ba'i de kho na nyid sangs rgyas kyi yon tan thams cad kyi rten du gyur pa gang yin pa de ni zhi ba'i sa zhes bya ste/ sa de thob pa ni brnyes pa'o/ /sangs rgyas mkhyen la sems can mang po dgod ces bya ba ni sems can gyi khams bya ba tha dad pa rnams sangs rgyas mkhyen pa ste rnam pa thams cad mkhyen pa'i ye shes de la'o/ /dgod ces bya ba ni rab tu dgos?
- 11b
par bya ba ste/ de'i tshe nus pa dang ldan pa'i phyir zhes bya ba'i don to/ /gzhon nu de la zhes bya ba la sogs pas ni sngar gsungs pa'i rjes su bstan pas 'bras bu gsum pa ste/ chos thams cad kyi rang bzhin mnyam pa nyid rnam par spros pa zhes bya ba'i ting nge 'dzin thob par 'gyur ro zhes bya ba la/ chos thams cad ni mdor bsdu na 'dus byas dang 'dus ma byas so/ /zag pa dang bcas pa dang zag pa med pa la sogs pa ni 'di dag gi khongs su gtogs pa yin no/ /thams cad kyang yin la chos kyang yin pas chos thams cad do/ /de dag gi ngo bo rang gi ngo bo ste/ de bzhin nyid kyi ngo bo mnyam pa nyid kyi ngo bo ni mnyam pa nyid do/ /rnam par spros ba ni lus kyi sdom pa zhes bya ba la sogs pas ting nge 'dzin gang bshad pa'o/ /de ni chos thams cad kyi rang bzhin mnyam pa nyid rnam par spros pa'i ting nge 'dzin to/ /yang na chos thams cad kyi rang bzhin mnyam pa nyid ni snga ma bzhin no/ /de ni spros pa dang gzhan du bya ba dang/ tha dad du dbye ba dang/ dum bur bya bar mi nus pa yin te/ rnam par rtog pa'i spros pa thams cad dang bral ba'i ting nge 'dzin la dbye ba med pa'i phyir chos thams cad kyi rang bzhin mnyam pa nyid rnam par spros pa med pa'i ting nge 'dzin zhes bshad par bya'o/ /dang po'i bshad pa nyid dang sbyar ba'i phyir gzhon nu chos thams cad kyi rang bzhin mnyam pa nyid ces bya ba la soD pa gsungs pa la 'di lta ste/ lus kyi sdom pa dang zhes bya ba la sogs pa brgya phrag gsum gyis ni mdor bstan pa yin la/ rgyas par ni bcom ldan 'das nyid kyis 'og nas nges par ston par 'gyur ro/ /de ltar na yang cung zad tsam dgrol bar bya'o/ /de la lus kyi sngon pa ni srog gcod pa dang/ ma byin par len pa dang/ 'dod pa la log par spyod pa spangs pa'i 'khor gsum yongs su dag pa'o/ /dag gi sdom pa ni brdzun du smra ba dang/ phra ma dang tshig rtsub po dang/ dag 'khyal pa spangs pa'o/ /yid kyi sdom pa ni
- 12a
brnab sems dang gnod sems dang/ log par lta ba spangs pa'i 'khor gsum yongs su dag pa'o/ /las yongs su dag pa ni rmi lam lta bu'i chos rnams la mngon par zhen pa med par thams cad du 'jug pa'o/ dmigs ba la sogs yang dag par 'da' ba zhes bya ba ni sems tsam sgyu ma lta bu rtogs pas phyi dang nang gi gzung ba dang 'dzin pa rjes su mi dmigs pa'o/ /phung po yongs su shes pa ni gzugs dang tshor ba dang 'du shes dang 'du byed dang/ rnam par shes pa'i phung po rnams dbu ba gong bu dang/ chu bur dang/ smig rgyu dang chu shing gi sdong po dang/ sgyu ma lta bu nyid du yongs su shes pa'o/ /khams mnyam ba nyid ces bya ba ni/ khams bcwa? brgyad po rnams sprul ba lta bur mnyam pa nyid do/ /skye mched sel ba dang zhes bya ba ni skye mched bcu gnyis po rnams gzugs brnyan dang 'dra bas rang bzhin med pa nyid khong du chud pa'o/ /sred pa spong ba dang zhes bya ba ni chos thams cad rang bzhin gyi stong pa nyid la dmigs pa ni rjes su mi dmigs pa'o/ /mi skye ba mngon sum du byed pa zhes bya ba ni rang dang gzhan dang gnyis ka nyid ngo bo nyid kyis ma skyes pas gdong nas skye ba med pa'i chos kyi dbyings kyi rang bzhin khong du chud pa'o/ /byed pa la 'jug ces bya ba ni chos thams cad skye ba med par rtogs kyang sems can gyi don bya ba mi spong bar brtson 'grus brtsams pas 'jug pa'o/ /rgyu gsal bar byed pa zhes bya ba ni chos thams cad sgra brnyan lta bur ri gnas brag cha lta bu'i sgras byang chub kyi sems dang sbyin pa'i pha rol tu phyin pa la sogs pa ston pa'o/ /las kyi 'bras bu chud mi gson pa zhes bya ba ni rmi lam dang 'dra ba'i las rnams las 'bras bu yang rmi lam dang 'dra ba so so nges pa nyid yin te/ rten cing 'brel bar 'byung ba'i chos nyid yin pa'i phyir ro/ /chos mthong ba zhes bya ba ni chos naM mthong ba med pa
- 12b
nyid ni don dam par chos nyid mthong ba yin pas chos mthong ba zhes bya'o/ /lam bsgom pa zhes bya ba ni 'phags pa'i lam yan lag brgyad pa'i ngo bo mi dmigs pa nyid kyis mngon par zhen pa med par bsgom bar bya ba dang bsgom pa bo dang sgom pa rjes su mi dmigs par sgom pa ni lam sgom pa'o/ /de bzhin gshegs pa la brten pa zhes bya ba ni de bzhin gshegs pa thams cad kyis gsungs pa'i bslab pa yongs su skyong ba dang/ chos nyid la nan tan byas pas sangs rgyas la brten par 'gyur ro/ /shes rab rno ba zhes bya ba ni chos thams cad skye ba med pa'i chos nyid zab mo la bzod pa so sor rtog pas sangs rgyas nyid mngon sum du byed pa'i shes rab ni rno ba nyid do/ /sems can gyi rjes su 'jug pa zhes bya ba ni sems can thams cad kyi bsam pa dang bag? la nyal ba dang/ dbang po mchog dang mchog ma yin pa la 'jug pa'i ye shes so/ /chos shes pa zhes bya ba ni chos thams cad kyis chos kyi sku'i ngo bor yongs su shes pas rjes su mi dmigs pa'i sbyor pas chos thams cad mthong ba ni chos mthong ba'o/ /so so yang dag par rig pa la 'jug pa shes pa ni chos dang don dang nges pa'i tshig dang spobs pa so so yang dag par rig pa rnams la sems can rnams chos kyi tshul ji lta ba bzhin du nan tan byed cing 'dzud pa dang/ bdag nyid kyang de bzhin du nan tan gyis yang dag par sgrub pa ni so so yang dag par rig pa la 'jug pa shes pa'o/ /yi ge dang tshig rab tu dbye ba shes ba zhes bya ba ni a la sogs pa'i yi ge rnams gdeng? nas ma skyes pa la sogs par rab tu 'byed pa ni yi ge'i rab tu dbye ba'o/ /tshig rab tu 'byed ba ni sub dang ting nge'i dbye bas ming gi tshogs dang tshig gi tshogs dang/ yi ge'i tshogs pho dang mo dang ma ning la sogs pa 'jig rten gyi tha snyad gyi dbye bas tha dad pa'i rnam grangs su du ma yongs su shes ba'o/ /chos nyid mi 'gyur zhing mi zad pa de ni tshig rab tu gnas bar gyur pa'o
- 13a
de ni chos thams cad kyi rab kyi mthar thug par 'byed pas rab tu dbye ba'i ye shes te/ gnyis su med pa'i ye shes so/ /dngos po rnams la yang dag par 'da' ba zhes bya ba ni mu stegs la sogs pas yongs su brtags pa rdzas dang yon tan dang las dang spyi dang bdag la sogs pa'i rdzas ma lus ba rgro btags pa tsam du shes nas mi zhen par yongs su gtob ba ni dngos po las yang dag par 'da' ba' o// //sgra yongs su shes pa zhes bya ba ni brag ca lta bu nyid yin pa'i phyir ngo bo nyid kyis yongs su ma grub par shes pa ni sgra yongs su shes pa'o/ /dga' ba rab tu thob pa zhes bya ba ni chos thams cad kyi rab gi ngo ji lta ba khong du chud pas dga' ba dang yid bde bas nyon mongs pa dang nye ba'i nyon mongs pa dang bral ba nyams su myong ba ni dga' ba rab tu thob bas bya'o/ /chos kyi dga' ba rjes su myong ba zhes bya ba ni theg pa chen por phan yon mthong ba'i chos rnams la ji lta ba bzhin bslabs shing nan tan byas pa'i dgal bas thams cad du chos kyi dga' ba dang gyi 'bral ba ni chos kyi dga' ba rjes su myang ba zhes bya'o/ /dang po zhes bya ba ni theg pa chen po'i lam gyi bde ba rab tu rtogs nas chos nyid khong du chud pa yin gyis nyan thos la sogs pa'i lam gyis ni ma yin te/ sangs rgyas nyid thob par bya ba/ la nyan thos la sogs pa'i lam ni drang po ma yin pa'i phyir ro/ /des na drang po nyid kyi ngo bo ni drang po'o/ /shugs drang pa zhes bya ba ni lus dang dag dang sems la g.yo ba med pas rtogs pa med pa'i spyod lam nyid bas spyod lam la 'khyogs pa med pa ni shugs drang bzhes bya'o/ /khro gnyer dang bral ba dang zhes bya ba ni 'dod chags dang zhe sdang dang gti mug rab tu spangs bas zhe sdang gi cha la gdags pa'i khro ba las kun tu byung ba'i smin ma'i bar na ri mo yon po med pa ni khro gnyer
- 13b
dang bral ba zhes bya'o/ /des la zhes bya ba la/ des ba nyid ni nges pa ste/ bshes gnyen du gyur pa nyid kyis zhe sdang dang bral ba'i phyir 'grogs na bde ba ni nges pa zhes bya'o/ /'jam pa zhes bya ba ni dang rab dang/ gya nom ba dang ma zhim pa dang/ gzhan la pa ni po'i dngos po dang/ sems mnyam pa nyid dang sems can thams cad la brtse ba nyid ni 'jam pa zhes bya ba'o/ /bzhin 'dzum pa dang gsong bor smra ba zhes bya ba la gdong gi pad? rgyas par byas shing mdzes pas dang po nyid da tshur sbyin /bde bar byon nam zhes phebS bar smra ba ni bzhin 'dzum ba dang gsong bor smra ba zhes bya'o/ /bla ma la gus pa zhes bya ba ni bla ma dang nye ba na 'jigs pa dang bcas pa dang/ gus pa dang bcas pas dge ba'i bshes gnyen gyi 'du shes kyis dus thams cad du rjes su 'jug pa ni bla ma la gus pa zhes bya'o/ /bla ma la sri zhu che ba zhes bya ba ni dam pa'i chos nyan par 'dod bas bla ma dang nye bar phyin nas nye ba blta ba dang/ yongs su spyod pa la le lo mang bar thams cad du 'jug pa ni bla ma la sri zhu che ba zhes bya'o/ /skye bas tshig? shes pa zhes bya ba ni skye ba thams cad kyis rang bzhin rnam par rig pa'i phyir mngon par ma zhen cing/ don du mi gnyer la ro mi myang ba nyid du sems can gyi don che ba byed pas 'dor bar yang mi byed pa ni skye bas chog shes pa zhes bya'o/ /chos dkar pos mi ngoms pa zhes bya ba ni sangs rgyas nyid thob bar byed pa'i chos rnams nyan pa dang/ sems pa dang sgom pas yongs su mi skyo ba dang dkar po'i chos rnams gong nas gong du bstin? pa dang dge ba gang yin zhes tshal ba ni chos dkar pos mi ngoms pa zhes bya'o/ /'tshor rnam par dag pa zhes bya ba ni rigs pas rnyad pa chog shes shing rnyed pa'i ched du spyod kham bsrungs nas snyan bar smra ba la sogs pa yongs su srong pa'i 'og ba'i 'tsho ba yongs su spangs ba ni 'tsho ba rnam par dag pa'o/ /dgon pa la gnas pa'i mi gtong ba zhes bya ba ni nyan thos
- 14a
dang/ rang sangs rgyas kyi sems dang bral ba'i sems yongs su mi gtong ba dang yi dam du blangs pa ni mi spong ba dang/ chos dben pa la mngon par dga' ba dang/ bsam gtan la rtse gcig pa ni dgon pa la mi gtong ba zhes bya'o// sa rnam par gzhag pa shes pa zhes bya ba ni nyan thos kyis dkar po rnam par mthong ba la sogs pa brgyad/ rang sangs rgyas kyi sa dang dgu dang/ byang chub sems dpa' i sa rab tu dga' ba nas chos kyi sprin gyi bar du bcu'o/ /de dag ni rnam par bzhag pa ni sa gang dag la dus ji srid du gnas nas yon tan ji snyed yod pa ji lta ba bzhin du shes pas rnam pa thams cad shes pa ni sa rnam par bzhag pa shes pa zhes bya'o/ /dran pa chud mi gson pa zhes bya ba ni nyan thos kyi mi rtag pa dang/ sdug bsngal ba dang stong pa dang/ bdag med pa la sogs pa yongs su mi nyams pa'o/ /byang chub sems dpa' rnams kyi ni stong pa nyid dang mtshan ma med pa dang smon pa med pa dang/ rang bzhin gyi 'od gsal ba rnams dang pha rol tu phyin pa la sogs pa'i dran pa mi nyams pa'o/ /phung po la mkhas pa zhes bya ba ni phung po dang khams dang skye mched rnams rten cing 'brel bar 'byung ba nyid du rtogs pa dang/ ngo bo med par rtogs pa la mkhas pa ni phung po la mkhas pa zhes bya'o/ /mngon par shes pa mngon sum du bya pa la 'jug pa zhes bya ba ni rdzu 'phrul gyi rkang pa bzhi mngon sum du byas nas mngon par shes pa lnga nges par sgrub pa'o/ /de las rdzu 'phrul gyi cho 'phrul yang dag par bstan pas sems can dbang du byas pa ni mngon par shes pa mngon sum du bya ba la 'jug pa'o/ /nyon mongs pa'i sel ba zhes bya ba ni 'dod chags dang zhes dang dang gti mug gi rgyun chags pa dang/ sdang ba dang rtag par lta ba byung ba'i gnyen po bsgom pa ni nyon mongs pa sel ba zhes bya'o/ /bag chags kyi mtshams sbyor ba
- 14b
yang dag par 'joms pa zhes bya ba ni sngon gyi so so'i skye bo'i chos dang/ nyan thos dang rang sangs rgyas kyi chos kyi bag chags rtsa ba nas spangs nas byang chub sems dpa' rnams kyi byang chub chen por smon lam btab pa dang/ chos thams cad stong pa nyid bsgom pa ni bag chags kyi mtshams sbyor pa yang dag par 'joms ba zhes bya'o/ /khyad par du 'gro pa zhes bya ba ni de bzhin gshegs pa thams cad kyi stobs dang mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams nges par sgrub pa ni khyad par du 'gro ba zhes bya'o/ /bsgom pa'i rgyu mthun pa zhes bya ba ni chos thams cad mnyam pa nyid du bsgom pa'i stobs kyi rjes su chags pa dang khong khro ba spangs pa ni bsgom pa'i rgyu mthun ba zhes bya'o/ /nyes pa las 'byung ba la mkhas pa zhes bya ba la so sor thar pa'i 'dul ba las bstan pa'i bslab pa'i gnas kyi bye brag las 'das pa rnams las ldang bar bya ba la mkhas pa ni nyes pa las 'byung ba la mkhas pa zhes bya'o/ /kun nas ldang ba gnon pa zhes bya ba ni mi dge ba sngon byas pa'i nyas pa 'chags shing yang mi byed pa'i sdom pa yang dag par len pa dang gnyen po'i phyogs bsgom pa ni kun nas ldang ba gnon pa zhes bya'o/ /bag la nyal spong ba zhes bya ba ni khams gsum gyi skye ba la sred cing dga' ba'i 'khri shing rgyas pa rtsam nas gcod pa'i sel ba dang chos thams cad la sred pa rab tu spangs pa ni bag la nyal spangs pa'o/ /srid pa las yang dag par 'da' ba zhes bya ba ni srid pa'i rgyu ma rig pa dang srid pa yang dag par spangs pa dang khams gsum pa'i yid la byed pa las yang dag par 'das pa ni srid pa las yang dag par 'da' ba zhes bya'o/ /skye ba dran pa zhes bya ba ni sngon gyi gnas rjes su dran pa'i mngon par shes pa'i stobs kyis skye ba rgyud pa dpag tu med pa mngon par dran pa'i skye ba dran pa zhes bya'o/ /las kyi rnam par smin pa la
- 15a
nem nur med pa zhes bya ba ni rtag pa dang chad pa'i mdza' gnyis dang bral ba'i rten cing 'brel bar 'byung ba'i chos nyid khong du chud pas/ las dang rnam par smin pa la the tshom med pa ni las kyi rnam par smin pa la ni nem nur med pa zhes bya'o chos sems pa zhes bya ba ni chos nyid dang de bzhin nyid dang/ yang dag pa'i mdza' rnams ni de bzhin gshegs pa byung yang rung? ma byung yang rung/ chos rnams kyi chos nyid 'di ni de bzhin du gnas pa yin pas/ chos zhes bya ba'i sgras chos nyid bstan la/ de la sems pa dang sgom pa dang yang dag pa ji lta ba bzhin dag tu rtog pa ni chos sems pa zhes bya'o/ /thos pa tshol ba zhes bya ba ni nyan thos dang rang sangs rgyas dang byang chub sems dpa' i yon tan rgya cher ston pa'i khyad par rtogs pa tshol zhing sde snod gsum dang byang chub sems dpa' i sde snod dang/ shin tu rgyas pa rmad du med nyan zhing don gyi khyad par tshol ba ni thos pa tshol ba zhes bya'o/ /ye shes rno ba zhes bya ba ni chos thams cad sgyu ma lta bu dang rmi lam lta bu dang rang bzhin gyis stong pa nyid ces bya ba la sogs pa ni ye shes rno ba zhes bya'o/ /ye shes la sred pa zhes bya ba ni gong ma gong ma'i ye shes kyi sa pa'i chos nyid rtogs pa ni ye shes tshol ba ni ye shes la sred pa zhes bya'o/ /ye shes rjes su rtogs pa zhes bya ba ni bla na med pa yang dag par rdzogs pa'i byang chub mngon du mdzad pa'i ye shes dang de skyed par byed pa'i lam gyi ye shes rtogs pas rgya dang 'bras bu'i ye shes rtogs pa ni ye shes rjes su rtogs pa zhes bya'o/ /cad shes kyi sa dang zhes bya ba la cad shes ni lnga ste/ glang po che dang rta dang glang dang seng ge dang/ nyan thos rnams te/ 'jigs pa dang bral ba nyid dang/ dul ba nyid kyis so/ /byang chub sems dpa' rnams ni cad shes chen po ste/ lam drang po nas 'gro ba nyid kyi phyir dang/ 'jigs pa thams cad yang dag par spangs pa nyid kyi phyir ro
- 15b
de dag gis ni rab tu dga' ba la sogs pas bcu'o/ /de dag la bslab pas yon tan thams cad nges par skyed bar byed pas so ste/ cang shes kyis zhes bya'o/ /sems ri lta bu zhes bya ba la/ bdud dang mu stegs pa thams cad kyi mi bskyod pa dang byang chub chen por sems brten pa ri'i rgyal po ri rab ltar mi g.yo bar byang chub kyi snying po la bzhugs nas kyang lha'i bu'i bdud la sogs pa bdud bzhis mngon par mi g.yo ba'i thugs de'i ngo bo ni sems ri rab lta bu zhes bya ste/ mi bsgul ba zhes bya ba ni nyon mongs pa'i brlan thams cad kyis yang dag pas mi 'phrogs pas ni bsgul ba zhes bya'o/ /mi g.yo ba zhes bya ba la/ phyi dang nang gi mtshan ma rnams yid la mi byed pas rjes su mi dmigs pa ni mi g.yo ba'o/ /phyir mi ldog pa'i mtshan nyid ces bya ba ni gang gi phyir mi ldog par mtshan pa'i pha rol tu phyin pa drug dang ma bral ba nyid dang/ de bzhin gshegs pa thams cad mthong ba dang/ bsnyen bkur byas pa dang/ des gsungs pa'i chos thos pa dang bsgom pa dang mi 'bral ba'i byang chub sems dpa' i spyod ba ni phyir mi ldog pa'i mtshan nyid ces bya'o/ /dkar bo'i chos mngon par rdzogs par 'byor ba zhes bya la dkar po chos thams cad yongs su rdzogs pas yang dag par rdzogs pas yang dag par rdzogs pa'i byang chub dang nye bar gyur cing/ dkar po'i chos mngon par rdzogs par 'byor ba zhes bya'o/ /sdig pa'i chos la smod pa zhes bya ba ni sdig pa'i chos kyi rnam par smin pa yongs su shes pa dang po nas sdig pa'i las mi byed la byas pa rnams gyang 'chags shing phyin chad kyang mi byed par yang dag par sdom pa ni sdig pa'i chos la smod pa zhes bya'o/ /nyon mongs pa rnams kyi rgyu ba med pa zhes bya ba la ma rig pa da srid pa dang 'dod chags du zhe sdang dang gti mug rnams mi skyed pa dang/ yid la mi byed pa ni nyon mongs pa rnams kyi rgyu ba med pa zhes bya'o/ /
- 16a
bslab pa yongs su mi gtong ba zhes bya ba ni las dang 'bras bu nges par 'brel par rtogs pas bden pa dkon mchog la yis chas pa brtan pa dang/ de bzhin gshegs pa la gus pa ni bslab pa yongs su mi gtong ba zhes bya'o/ /ting nge 'dzin la rnam par 'jog pa zhes bya ba ni sems dang sems las byung ba'i chos rnams skye zhing 'gag pa'i ngo bo la rtogs pa la mkhas ba dang ma tshang ba med pa'i ting nge 'dzin rnams la sems rtse gcig pa ni ting nge 'dzin la rnam par 'jog pa zhes bya'o/ /sems can rnams kyi bsam pa shes pa zhes bya ba ni dman pa dang 'bring dang mchog gi dbang po'i dbye ba tha dad pa'i sems can rnams kyi bsam pa shes nas de dang rjes su mthun pa'i chos bstan pa'i phyir/ dbang po mchog dang mchog ma yin pa mkhyen pa ni sems can gyi bsam pa shes pa zhes bya'o/ /skyes pa'i khyad par shes pa zhes bya ba ni 'gro ba rigs lnga rnams kyi 'khor bar gang du skyes na sems can rnams kyi don du 'gyur ba der byang chub sems dpa' rnams bsams bzhin du skye ba len pa'i shes pa ni skye ba'i khyad par shes pa zhes bya'o/ /shes pa mdza' yas pa shes pa zhes bya ba ni 'jig rten dang 'jig rten las 'das pa'i las kyi gnas dang/ bzo'i gnas shes pa de'i khyad par nyid de dbye ba dpag tu med pa shes pa ni shes pa mdza' yas pa shes pa zhes bya'o/ /tshig gi dgos pa shes pa zhes bya ba la/ sems can gyi bsam pa la dgongs pa dang/ bstan pa la dgongs pa dang/ don gzhan la dgongs pa dang/ dus gzhan la dgongs pa'o/ /de dang de la dgongs nas bstan pa'i dgongs pa can gyi tshig de dang de rtogs pa'i shes pa ni tshig gi dgongs pa shes pa zhes bya'o/ /khyim na gnas
- 16b
pa yongs su gtong pa zhes bya ba la lus dang ngag dang sems dben pa dang chags pa thams cad yongs su spangs nas rab tu byung nas nges par 'byung ba'i sems ni khyim na gnas pa yongs su gtong ba zhes bya'o/ /khams gsum la mngon par mi dga' ba zhes bya ba la khams gsum gyi rang gi ngo bo rtogs pas mngon par zhen pa med pa dang mi dmigs pa'i sbyor bas khams gsum la mngon par mi dga' ba zhes bya'o/ /sems zhum pa med pa zhes bya ba la/ bsod nams dang ye shes kyi tshogs dpag tu med pa bsags pa'i rgyur gyur pa byang chub kyi sems mi gtong ba dang rtag tu yang dag par blangs pa mi gtong ba'i sems ni sems zhum pa med pa zhes bya'o/ /chos la mngon par zhen pa med pa zhes bya ba la/ chos thams cad mnyam pa nyid du mthong bas chos thams cad la mngon par zhen pa med par 'jug pa ni chos la mngon par zhen pa med pa zhes bya'o/ /dam pa'i chos yongs su 'dzin pa zhes bya ba la sangs rgyas kyi byang chub thob par byed pa'i chos rnams mi gtong ba'i sems kyis yang dag par len pa ni dam pa'i chos yongs su 'dzin pa zhes bya'o/ /chos bsrung ba zhes bya ba la/ dam pa'i chos sun 'byin pa rnams dang/ gzhan gyi phyogs na bar smra ba rnam rigs pas tshar bcad nas rang gi phyogs su 'jog pa ni chos bsrung ba zhes bya'o/ /las kyi rnam par smin pa la yid chos pa zhes bya ba ni rang dang gzhan la ngo tsha bas sdig pa'i las spong zhing mi dge bas dmyal ba la sogs par 'gro bar yid ches shing/ dge bas lha dang ma ri skye bar yid ches bas de'i phyir rtag tu chos tshol ba la mngon par sbyor ba ni las kyi rnam par smin pa la yid ches pa zhes bya'o/ /'dul ba la mkhas pa zhes bya ba ni rang bzhin gyi kha na ma tho ba
- 17a
mi 'byung ba dang/ ltung ba'i khyad par dge 'dun gyi lhag ma la sogs pa sbom po'i gnas rtogs pa ni 'dul ba la mkhas pa zhes bya'o/ /rtsod pa'i gzhi zhi bar byed pa zhes bya ba ni tshogs kyi nang na gnas na ni nges par rtsod pa 'byung bar 'gyur ba ni rtsod pa'i gzhi yod pa'i phyir ro/ /de'i phyir tshogs dang 'du 'dzi rnam par spangs pa ni rtsod pa'i gzhi zhi bar byed pa zhes bya'o// //'gyod pa med pa zhes bya ba la 'jig rten pa'i 'gyed pa'i gzhi las byung ba'i rnam par spros pa spong zhing 'gyed pa med pa ni mi rtsod pa ste/ dge sbyong gi chos 'gyed pa med pa zhes bya'o/ /bzod pa'i sa zhes bya ba ni lus dang sems la gnod pa chos nyid kyi stobs kyis bzod pa ni bzod pa'i sa zhes bya'o/ /bzod pa yang dag par 'dzin pa zhes bya ba ni sdug bsngal dang du len pa dang/ gzhan gnod pa byed pa la ji mi snyam pa dang/ chos la nges par rtogs pa'i bzod pa blangs nas rtag tu gomS par byed pa dang/ gzhan ngan du smra ba dang/ ring nas 'ongs pa'i tshig gi lam rnams btang snyoms su byas nas bzod pa ma ral bar byed pa ni bzod pa yang dag par 'dzin pa'o/ /chos rab tu 'byed pa la mkhas pa zhes bya ba ni phung po dang khams dang skye mched la sogs pa'i dbye ba dang/ kun nas nyon mongs pa dang rnam par byang ba'i phyogs kyi rab tu dbye bas mi dmigs pa nyid ni chos rab tu dbye ba mkhas pa zhes bya'o/ /chos gtan la dbab pa la mkhas pa zhes bya ba ni chos thams cad brjod du med pa dang/ gdod nas ma skyes pa'i rang bzhin du rnam par nges pa'i shes pa ni chos gtan la dbab pa la mkhas pa zhes bya'o/ /chos kyi tshig rab tu dbye ba shes pa shes bya ba
- 17b
ni phung po dang khams dang skye mched dang rten cing 'brel par 'byung ba dang rdzu 'phrul gyi rkang pa rnams dang dbang po dang stobs dang byang chub kyi yan lag la sogs pa'i rnam par bzhag pa shes pa ni chos kyi tshig rab tu dbye bar shes bzhes bya'o chos kyi tshig nges par dgod pa la mkhas pa zhes bya ba ni chos rnams kyi tshig rab tu gnas pa ni de bzhin nyid kyi rab tu dbye ba ste/ stong pa nyid bcu drug la sogs pa'i rab tu dbye bas rab tu ston pa'i shes pa ni chos kyi tshig nges par dgod pa la mkhas pa zhes bya'o/ /don dang don ma yin pa'i tshig gi dbye ba dgod pa la mkhas pa'i shes pa zhes bya ba la/ don ni chos so/ /don ma yin pa ni chos ma yin pa'o/ /don dang don ma yin pa de dag gnyis ka la? bsnan pa med ? dbri? ba med pa dang/ chos nyid mnyam pa nyid la so sor bsnan du med pa nyid ni chos thams cad yongs su shes pa ste/ dbye ba med pa'i gnas ni chos thams cad gnyis su med pa'i de bzhin nyid do/ /de la mkhas pa ni gsal ba ste/ blang ba dang dor ba'i cha shes pa ni don dang don ma yin pa la mkhas pa shes ba zhes bya'o/ /sngon gyi mdza' shes pa ni sngon gyi mdza' ste rgyu dang byed pa yin no/ /phyi ma'i mdza' ni bya ba ste 'bras bu yin no/ /de la rgyu ni byang chub kyi sems te/ sangs rgyas kyi chos rnams kyi byed pa'o 'bras bu ni nyan thos dang rang sangs rgyas dang yang dag par rdzogs pa'i sangs rgyas nyid do/ /de'i rang gi ngo bo ji lta ba rig pa ni sngon gyi mdza' shes pa'o/ /phyi ma'i mdza' shes pa zhes bya ba ni rten cing 'brel par 'byung ba la sngon gyi mdza' i rang bzhin med cing phyi ma'i mdza' i rang bzhin med par shes pa ni phyi ma'i mdza' i shes pa zhes bya'o/ /dus gsum mnyam pa nyid shes pa zhes bya ba ni 'das pa dang ma 'ongs pa dang da ltar byung ba'i dngos po rnams mi dmigs par mnyam pa nyid du chos thams cad mtshan
- 18a
nyid gcig pa nyid ni dus gsum mnyam pa nyid shes pa zhes bya'o/ /'khor gsum yongs su dag pa shes ba zhes bya ba ni las dang byed pa po dang bya ba rnams rjes su mi dmigs pa 'am/ 'das pa dang ma 'ongs pa dang da ltar byang ba'i chos rnams yid la mi byed pa ni 'khor gsum yongs su dag bshes pa zhes bya'o/ /sems gnas pa shes pa zhes bya ba ni dmigs pa dang/ dmigs byed ngo bo med pa ni sems dang sems las byung ba'i rang gi ngo bo mthar thugs pa nyid ni spros pa thams cad rjes su mi dmigs pa'i rang bzhin gyi gnas skabs te/ sems gnas pa shes pa zhes bya'o/ /lus gnas pa shes ba zhes bya ba ni rdul? phra rab kyi rang bzhin gyis sam/ bdag dang bdag gi rang bzhin gyis thams cad du yang pa ma yin bas gzugs brnyan dang 'dra ba nyid ni lus gnas pa shes pa zhes bya'o/ /spyod lam bsrung ba zhes bya ba ni 'khrul pa med pa'i sems kyis lus dang ngag dad sems bsdams pa mi 'khrul pa nyid do/ /spyod lam mi 'khrugs pa zhes bya ba ni rtag tu mnyam par bzhag pa nyid kyis langs pa dang 'chag pa dang/ 'dug pa dang nyal ba la sogs pa na rnam par 'gyur ba med pa nyid ni spyod lam mi 'khrugs pa zhes bya'o/ /spyod lam mi 'chos pa zhes bya ba ni rang bzhin gyis bzang bas sdig pa'i rnam par rtog pa yang med pa dang chos mnyam pa nyid mthong bas ma bcos pa'i spyod lam nyid la gnas ba'i phyir spyod lam mi 'chos pa zhes bya'o/ /dbang po mdzes pa zhes bya ba ni chos thams cad mnyam pa nyid du mthong bas rigs pa dang ma rigS? pa'i don rab tu ston pa dang/ bsam pa dang rjes su mthun pa'i chos ston pa'i dus na dbang po rab tu mdzes pa ni dbang po mdzes pa zhes bya'o/ /'jig rten shes pa zhes bya ba'i 'jig rten gyi bsam pa'i rjes su mthun par 'jug pa dang ldog pa'i bye brag
- 18b
yongs su shes ba ston du 'gro bar chos ston pa ni 'jig rten shes pa zhes bya'o/ /lhug par gtong ba zhes bya ba ni slong ba la sems zhum pa med pas thams cad gtong ba nyid dang/ bdog pa rnams mi sbed pa dang ser sna med pa nyid ni lhag par gtong ba zhes bya'o/ /lag kyang zhes bya ba ni rtag tu rab tu sbyin pa'i phyir lag pa brkang pa dang/ chos dang zang zing gyi bgo bsha' byed ba'i dang tshul can ni lag brkyang pa zhes bya'o/ /sems kyi 'dzin pa med pa zhes bya ba ni thams cad la mngon par zhen pa med pas gzung bar bya ba ni yul mi dmigs pa la gcig tu dad pa'i phyir dang sems dri ma med pa ni sems 'dzin pa med pa zhes bya'o/ /ngo tsha shes pa zhes bya ba ni bdag gi dbang du byas nas ngo tsha bas sdig pa'i las la mi 'jug pa dang/ gzhan gyi sems bsrung pa'i phyir/ tshig 'khyal pa mi smra ba ni ngo tsha shes pa zhes bya'o/ /khrel yod pa zhes bya ba ni gzhan gyi dbang du byas nas ngo tsha ba ste/ dbyed med pa'i las rnams la 'jug pa dang/ chos gtsor byed pa ni khrel yod pa zhes bya'o/ /mi dge ba'i sems la smod pa zhes bya ba ni mi dge ba'i chos la 'jug pa byis pa so so'i skye bo'i chos rnam par spangs pas de dag la yid mi gtong ba dang/ rtag tu dge ba'i bshes gnyen la nye bar bsten pa ni mi dge ba'i sems la smod pa zhes bya'o/ /sbyangs pa'i yon tan mi gtong ba zheS bya ba ni sbyangs pa'i yon tan yang dag pa'i blangs pa nyams par mi byed pa nyid dang/ yi dam la brtan pa nyid ni spyangs pa'i yon tan mi gtong ba zhes bya'o/ /spyod pa yang dag par 'dzin pa zhes bya ba ni byang chub sems dpa' i spyod pa nyid la rjes su 'jug pi'i phyir/ sbyin pa la sogs pa'i spyod pa la pha rol gnon pas yang dag par 'dzin pa ni spyod pa yang dag par 'dzin no/ /zhes bya'o/ /dga' bar spyod pa zhes bya ba ni chos nyid nyams su myong ba'i dga' ba dad bsam gtan nyams su myong ba'i dga' bas thams cad du dga'
- 19a
pa ni drag 'bar spyod pa zhes bya'o/ /bla ma rnams la ldang zhing stan 'dings pa zhes bya ba la/ rmug pa dang gnyid dang snyoms las la sogs pa dang bral bas rtag tu bla ma la bsnyen bkur ba la zhugs pa'i tshe/ ngo tsha dang nga rgyal spangs pas bla ma la sogs pa'i g.yog bya ba la ngal ba med pa'i sems kyis bla ma la ldang zhing bsnyen bkur byed pa la mkhas par gyur pa'o/ /nga rgyal tshar gcod pa zhes bya ba ni gzhan gyis brtags pa'i bdag nye bar mi dmigs pa dang/ phung por mngon par zhen pa med par bzung ba dang 'dzin pa rjes su mi dmigs pas nga rgyal gyi rgyu rjes su ma dmigs pa ni nga rgyal tshar bcod pa zhes bya'o/ /sems yang dag par 'dzin pa zhes bya ba ni phyi rol gyi rnam par g.yeng ba rab tu spangs nas chos bdag med pa la rnam par bzhag ste/ bskyed pa dang ma bskyed pa'i dge ba'i chos rnams rnam par mi nyams pa'i shes pa ni sems yang dag par 'dzin pa/ zhes bya'o/ /sems kyi spro ba shes pa zhes bya ba ni dge ba la 'jug pa'i sems gong nas gong du brtson 'grus brtsom pa la sbyor ba dang/ brtson 'grus kyi 'bras bu mngon bar mi nyams pa'i ye shes ni sems kyi spro ba shes pa zhes bya'o/ /don rtogs par shes pa zhes bya ba ni don dam pa dang yang dag par rab tu ldan pa'i dngos po rnams bden pa ji lta ba bzhin rab tu rtogs pa'i shes pa ni don rtogs par shes pa zhes bya'o/ /ye shes rjes su rtogs pa zhes bya ba la 'jig rten dang 'jig rten las 'das pa'i chos rnams kyi rang bzhin ye shes tsam du rtogs pas phyi rol gyi gzung ba'i don rang bzhin med par rtogs pa ni ye shes rjes su rtogs pa zhes bya'o/ /mi shes pa med par gyur pa zhes bya ba ni ma rig pa dang bral bas ji ltar gnas pa'i chos nyid kyi de kho na nyid la byin ci log tu sgro btags pa dang bral ba ni mi shes pa med par
- 19b
gyur ba zhes bya'o/ /sems la 'jug pa shes pa zhes bya ba ni gang zag la bdag med pa rab tu rtogs pas 'phel ba dang 'grib pa shes pa ni sems la 'jug pa shes pa zhes bya'o/ /spang pa dang ngas par sgrub pa la mkhas pa'i shes pa zhes bya ba la/ spang ba ni 'dor ba ste nyon mongs pa kun tu spong ba'o/ /nges par sgrub pa ni dkar po'i chos rnams ji lta ba bzhin du yongs su rdzogs par byed pa'o/ /de la spang ba dang yongs su rdzogs par byed pa la mkhas shing gsal ba ni shes rab shin tu bsgoms ba rab tu goms pa las byung ba'i shes rab rnon po nyid ni spang ba dang nges par sgrub pa la mkhas pa'i shes pa zhes bya'o /sgra skad thams cad shes pa zhes bya ba ni nges pa'i tshig so so yang dag par rig pas sems can thams cad kyi skad kyis de dag dang rjes su mthun par chos ston pa'i shes pa ni sgra skad thams cad shes pa zhes bya'o/ /rnam par bzhag pa shes pa zhes bya ba ni nyan thos dang rang sangs rgyas dang/ mu stegs la sogs pa'i dbang po'i bye brag rnam par bzhag pa dang rjes su mthun par chos bstan par mdzad par byed pa'i shes pa'i rnam par bzhag pa shes pa zhes bya'o don gtan la dbab par shes ba zhes bya ba la/ don ni 'du byed kyi phung po'o/ /de'i bstan la dbab pa ni/ /'du byed rnams nyid mi rtag pa/ /skye zhing 'jig pa'i chos ma yin/ /skyes nas 'jig par 'gyur babs/ /de dag nye bar zhi ba bde zhes bya bas 'du byed nye bar bcad pas de ni gtan la dbab pa ste/ don gtan la dbab pa shes pa zhes bya'o/ /gnod pa rnam par spangs pa zhes bya ba ni gnod pa ni byis pa rnams kyi 'khor ba'o/ /'khor ba las yang dag par 'da' ba ji lta ba bzhin shes nas gzhan rnams kyang chos ma yin pa spong du bcu gnas de las yang dag par 'da' bar byed pa ni gnod pa rnam par spangs pa zhes bya'o/ /skyes bu dam pa dang 'grogs pa zhes bya ba ni skyes bu dam pa ni sangs rgyas dang byang chub sems dpa' rnams so/ /de dag dang 'grogs pa ni de la skyabs su 'gro zhing
- 20a
de dag gi gsungs pa'i chos mnyan pa dang mi 'bral ba nyid ni skyes bu dam pa dang 'grogs pa'o/ /skyes bu dam pa dang brten pa zhes bya ba la/ sangs rgyas dang byang chub ses dpa' rnams dang/ nyan thos dang rang sangs rgyas dang dge ba'i bshes gnyen dang bsam pas mi 'bral ba nyid du rtag tu bsten pa ni skyes bu dam pa dang bsten pa zhes bya'o/ /skyes bu ngan pa rnam par spong ba zhes bya ba la/ skyes bu ngan pa ni gang de bzhin gshegs pa'i bstan pa la mngon par ma dad pa dang/ ngan du brjod pa'i bsam pa can rgyud zhe sdang gis bsreg pa/ snyom las can chos nyams su len pa la rgyab kyi phyogs pa de dag ni snang du gyur pa ma yin pa zhes de rnam par slong ba nyid ni skyes bu ngan pa rnam par spong ba'o /bsam gtan rnams sgrub pa zhes bya ba la/ sems can gyi khams mdza' yas ba rnam par grol ba'i 'dod pa la rnam par rtog pa la sogs pa dang bral ba'i bsam gtan kyi bde ba dang yid bde ba nyams su myong ba ni bsam gtan rnams sgrub pa zhes bya'o/ /bsam gtan la ro myang bar mi byed par zhas bya ba ni bsam btan gyi dbang gis khams gsum du skye ba don du gnyer ba dang bral ba nyid de/ sems can gyi don bya ba'i bsam ba dang/ gong ma god ma'i sangs rgyas kyi yon tan rnams nges par bsgrub pa'i bsam la bas bsam gtan dang bsam gtan gyi bde ba la ? myang? ba med pa'o/ /mngon par shes bas rnam par 'phrul pa zhes bya ba ni rtag tu rjes su 'brang ba'i mngon par shes pa lnga la rab tu gams nas/ shin tu shes par dka' ba'i sangs rgyas kyi chos rnams dbang po mchog dang mchog ma yin pa'i shes rab seMs can rnams kyis bsam pa shes nas bzhan dag la ston cing rab tu 'byed pa ni mngon par shes bas rnam par 'phrul ba zhes bya'o/ /ming dang brda zhes bya ba ni/ ming ni ming gis stong pa ste/ ming la ming ni yod ma yin/ /chos rnams thams cad ming med pa//
- 20b
ming gis kyang ni rab tu bsgrags/ /zhes bya bas gdod nas ma skyes pa'i brda' tsam gyi tha snyad kyi don du khas blangs pa ni ming dad brda' zhes pa'o /bdags pa'i tha snyad ces bya ba ni 'jig rten gyis btags pa'i skyes pa dar bud med la sogs pa'i ming ste/ de bzhin du tha snyad du 'jug par mi nus so zhes bya bas gdags pa dang tha snyad du dbye ba byas nas khas blangs pa yin no/ /btags pa yang dag par 'joms pa zhes bya ba ni brjod du med pa'i chos nyid nyams su myong pas chos thams cad brjod du med pa'o zhes brjod du med par shes da ni btags pa yang dag par 'joms pa zhes bya'o/ /'khor ba las ldog pa zhes bya ba la/ 'khor bsgrub par byed pa'i las mi byed pa ste/ nyes pa thams cad kyi 'byung gnas yin pa'i phyir ro/ /zhes bshad nas nyon mongs pa can gyi sems bzlog pa ni 'khor ba las ldog pa zhes bya'i/ spong pa ni ma yin no/ /rnyed pa don du mi gnyer bzhes bya ba la/ sred pa spangs pa'i phyir ji ltar rnyed pa'i don chung du tsam gyis chog pa ni 'dod pa chung ba sto/ rnyed pa don du mi gnyer ba ni rang gi don la bltos nas so/ /gzhan gyi don? la zhugs pa rnams kyi ni srid bas byas pa med pas 'dod ba chung ba zhes bya'o/ /rnyed pa dang bkur sti dang du mi len pa zhes bya ba la sems gyis kyang mi 'dod cing mi sems pas sdig pa'i rgyur gyur pa'i rnyed pa dad ru mi lan ba no rnyed pa dang bkur sti dang du mi len pa zhes bya'o/ /mi snyan brjod pas zhum pa med pa zhes bya ba ni gzugs dang cho? dbang? 'du shes dang 'du byed dang rnam par shes pa'i phung po rnams la mngon par zhen pa med pas mi snyan po ste/ skyon sgrogs pa la bum pa med cing sro shi ba med pa ni mi snyan pa brjod pas zhum pa med pa zhes bya ba'o/ /bsngags pa yang dag pa lam chags pa zhes bya ba la chags pa ni dang du len pa ste/ yang dag pa'i yon tan gyis bsngags pa brjod kyang rnyed pa dang bkur sti la don du gnyer ba med pa'i phyir dga' bar mi 'gyur la/
- 21a
rnyed pa dang bkur sti ni dge ba'i bar chad byed pa'i rgyu yin pa'i phyir dang/ dge ba'i rjes su mthun pa ma yin pas bsngags pa brjod pas dga' bar mi 'gyur bas bsngags pa la ma chags pa zhes bya'o/ /bkur sti byed pa la btang snyoms pa zhes ga ba la/ las kyi 'bras bu so sor nges pa rtogs pa dang/ dus dang dus ma yin pa rtogs pa'i phyir kha cig ni bdag gir byed la/ kha cig la btang snyoms su byed pa ni bkur sti byed pa la btang snyoms pa zhes bya'o/ /bkur sti mi byed pa la zhum pa med pa zhes bya ba la/ bdag la bkur sti ma byas so zhes sems so shi bar mi 'gyur ba'o/ /rtag pa nyid du yang rnal 'byor koms par byed pa mi 'dod pas de na bkur sti mi byed pa la zhum pa med pa zhes bya'o/ /smod pa la khro ba med pa zhes bya ba ni smod pa dang smad par bya ba rjes su mi dmigs par 'jig rten gyi chos so sor brtags pa'i stobs kyi smod pa la khro ba med do/ /khro ba'i sems mi bskyed cas bya ba'o/ /bstod pa la btang snyoms pa zhes bya ba la gcig tu dge ba'i chos la zhugs pas bstod pa la sogs pa la rnam par rtag pa mi 'gyur zhing/ /chos tshol ba la sems brten pa'i phyir bstod pa la sogs pa bden pa yin na yang bstod pag? btang snyoms su byed pa'o/ /ma rnyed pas zhum pa med pa zhes bya ba la/ sngon byas pa'i las kyi rjes su 'brang pa'i phyir/ 'di ni sbyin pa ma byas pa'i 'bras bu yin no snyam du shes nas ma rnyed pas num pa med pa ni ma rnyed pas sems zhum pa med pa zhes bya'o/ /khyim pa dang mi rten pa ni rnyed pa'i don du nye bar 'gro ba spangs pa'o/ /rab tu byung ba dag dang mi bstan pa zhes bya ba ni rab tu byung ba dang du? bra mo'i gtam byed pas bsam gtan dang snyoms pa 'jug pa la mi sbyor ba spangs nas mnyam par bzhag pa tshol ba ni rab tu byung ba dang mi bsten pa zhes bya'o/ /spyod yul ma yin pa spangs pa zhes bya ba ni 'dod chags dang zhe sdang dang gti mug dang
- 21b
nga rgyal dang the tshom la sogs pa nyon mongs pa'i rgyu rnams spyod yul ma yin pa yul du mi byed pa ste/ chos nyid kyi mi mthun pa yin pa'i phyir ro/ /nges na spyod yul ma yin pa rnam par spong ba zhes bya'o/ /spyod yul du rgyu ba zhes bya ba ni ji skad gsungs pa'i lam bsgom zhing/ gzhan dag kyang de la sbyor bar byed pa ni spyod yul du rgyu ba zhes bya'o/ /kun tu spyod pa phun sum tshogs pa zhes bya ba la byang chub sems dpa' rnams kyi spyod lam ma 'khrungs pas gzhan gyi sems mgu bar byas nas byang chub kyi lam la sbyor bar byed pa ni/ kun tu spyod pa phun sum tshogS pa zhes bya'o/ /spyod pa ma yin pa rnam par spong ba zhes bya ba ni bdag nyid kyang dkar po'i chos thams cad rjes su bsrung zhing gzhan dag kyang de nyid la rab tu 'god pa ni spyod pa ma yin pa rnam par spong ba zhes bya'o/ /rigs sun par mi byed pa zhes bya ba ni dam bcas pa'i don nges par nyams su len pas de bzhin gshegs pa'i rigs sun par mi byed pa ste/ gzhan du dam bcas gzhan nyams su lan pa ni rigs dang rjes su mthun pa ma yin pas rigs sun pa yin no/ /de sun par mi bya ba'i phyir bdag dang gzhan dang ji skad gsungs pa'i sgrub pa phun sum tshogs pa la rab tu 'god pa'o/ /bstan pa bsrung ba zhes bya ba ni byang chub kyi sems mi gtong ba dang rtag tu zab mo'i chos tshol zhing nges par rdzogs par byed pa dang chos dang chos kyi rjes su mthun par sgrub par byed pa ni de bzhin gshegs pa'i bstan pa bsrung ba yin no/ /smra ba nyung ba zhes bya ba ni ting nge 'dzin la rab tu dmigs pas rtag tu mnyam par bzhag pa'i phyir/ smra ba la rgyab kyis phyogs pa dang/ dgos pa tsam sgrub pa ni smra ba nyung ba zhes bya'o/ /gnyen pa zhes bya ba ni shes rab kyi rgyud bzhus pas khams? po shing 'dra ba med pa nyid mnyen pa zhes bya'o/ /tshigs gi lan klan pa la mkhas pa zhes bya ba ni rigs pa dang grol ba'i spobs pa can yin pa'i phyir lan smra ba'i nus pa yod pas rgol ba dang phyir rgol ba'i lan la mkhas pa yin no/ /phyir rgol ba tshar gcod pa zhes bya ba ni tshad ma
- 22a
dang ldan pa'i chos nyid kyi don rab tu bsgrubs pas rang gi phyogs gzhag pa dang gzhan gyi phyogs tshad mas gnod pas sun byung ba'i don rab tu bsgrubs pa ni phyir rgol ba tshar gcod pa zhes bya'o/ /dus su 'gro bar med pa zhes bya ba ni/ dus shes pa'i phyir phan gdags ba dang/ char bcad pa'i dus ni 'di yin no zhes rjes su mthun pa dang/ rjes su mthun pa ma yin pa'i dus kyi rnam par dbye ba shes pa'i phyir dus su 'gro bar byed pa zhes bya'o/ /so so'i skye bo la yid mi ston pa zhes bya ba na so so'i skye bo'i rgyus byis pa'i chos kyi skyon mthong bas yid brtan pa'i gnas ma yin par shes nas spong ba ni so so'i skye bo'i yid mi ston pa zhes bya'o/ /sdug bsngal ba rnams la khyad du mi gsod pa zhes bya ba la/ sems can thams cad la sems mnyam pa'i phyir/ dman pa dang lhag pa'i ngo bo med pas brnyas par mi byed pa'o/ /gzhan du khyad du bsad pas 'dul ba'i don ni ma gtogs so/ /de dag la nor sbyin pa zhes bya ba la zang zing rab tu sbyin pas rjes su bzung nas chos kyi lam la rab tu 'jog par byed pa ni de dag la sbyin pa'o/ /dbul po rnams la rnyas par mi byed pa zhes bya ba ni snying rje chen pos sems can 'di dag ni sngon gyi tshe rabs su rang gi sbyin pa ma btang bas sdug bsngal nyams su myong ba yin no/ /zhes bsams nas dpral bo rnams la brnyas par mi rigs so/ /tshul khrims 'chal pa la snying rtse ba zhes bya ba la ltung ba byung ba'i sems can rnams pa stung ba las ldang ba'i chos bstan nas tshul khrimS la rab tu 'god par byed ba ni tshul khrims 'chal ba la snying rtse ba zhes bya'o/ /phan pa'i dngos po zhes bya ba ni gzhan rnams ma 'ongs pa'i dus su phan pa'i chos kyi lam la nges par sbyor bas phan 'dogs par byed pa ni phan pa'i dngos po zhes bya'o/ /snying rtse? ba'i blo zhes bya ba ni sems can thams cad kyi ma 'ongs ba'i sdug bsngal gsal bar spro ba'i glo gang yin pa de ni snying brtse ba'i blo zhes bya'o/ /chos kyis
- 22b
phan 'dogs pa zhes bya ba ni chos ji lta ba bzhin bstan pas chos kyi lam la 'jug pa ni chos kyi phan 'dogs pa zhes bya'o/ /zang zing yongs su gtong ba zhes bya ba ni chos la mngon par dga' ba dang/ zang zing sbyin pas gzhan rjes su sdud pa ni zang zing yongs su gtong bar zhes bya ba'o/ /mi soD par gnas pa zhes bya ba ni bsags pa'i nyes pa mthong bas thams cad yongs su gtong ba dang ser sna'i sems rnam par spong pa ni mi sogs par gnas pa zhes bya'o/ /tshul khrims la bstod pa zhes bya ba ni tshul khrims kyi 'bras bu la yid ches pa'i ston kyi tshul khrims kyi yon tan brjod pa'i/ /'chal ba'i tshul khrims la smod pa zhes bya ba ni tshul khrims 'chal ba rnams ni dmyal ba dang byel song dang yi dags rnams su nges par skye bar 'gyur ro/ /zhes shes nas 'chal pa'i tshul khrims spong ba ni tshul khrims smod pa zhes bya ba'o/ /tshul khrims dang ldan pa la g.yo med pas bsten pa zhes bya ba ni tshul khrims la rab tu gnas pa ni 'dod par bya ba'i 'bras bu mtho ris dang/ thar pa yin no zhes shes nas tshul khrims dang ldan pa ni rnyed dka' ba'i 'du shes kyis bsod nams mngon bar 'phel bar bya ba'i phyir g.yo med par bsten pa'o/ /bdogs pa thams cad yongs su gtong ba zhes bya ba ni phyi dang nang gi bdag nyid can gyis yongs su gzung ba'i rdzas rnams mi 'dzin pa dang/ bsam pa bzang pos sems can thams cad rjes su gzung ba'i phyir thams cad sbyin pa ni bdag pa thams cad yongs su gtong ba zhes bya'o/ /lhag pa'i bsam bas mgron du gnyer bya zhes bya ba ni lhag pa'i bsam pas sems can thams cad sangs rgyas kyi byang chub dang mya ngan las 'das pa'i bde ba nyams su myong bar bya ba'i don du mgron du gnyer ba ni lhag pa'i bsam pas mgron du gnyer ba zhes bya'o/ /ji skad smras pa bzhin byed pa zhes bya ba ni/ 'gro la phan phyir sangs rgyas 'grub par shog/ ces smon lam btab nas smon lam yongs su rdzogs par ma byas par bar du mya ngan las 'das ?
- 23a
ni ji skad smas pa bzhin byed pa ma yin no/ /de las bzlog pa ni ji skad smras pa bzhin byed pa zhes bya'o/ /rgyun mi 'chad par bsnyen bkur byed pa zhes bya ba la/ nga rgyal med pa/ dge ba'i bshes gnyen kyi drung du rtag tu gnas pa dang/ dam pa 'chos mnyam pa'i phyir dang/ the tshom spang ba'i phyir sangs rgyas dang byang chub sems dpa' rnams la yang dang yang 'dri ba ni rgyun mi 'chad par bsnyen bkur byed pa zhes bya'o/ /gus bar byas te/ dga' ba nyams su myong bar byed pa zhes bya ba ni lung shes nas phyin ci ma log pa'i de nyid rtogs ba'i dga' ba nyams su myong nas mngon par rtogs pa'i ye shes mngon sum du byas pas lhag par 'ga' ba nyams su myong ba'o/ /de shes pa zhes bya ba ni sngon byang chub sems dpa' i gnas skabs na 'di ltar sbyin pa la sogs pa la mngon par sbyar bas sangs rgyas nyid thob pa ji lta ba de ltar las dang po pa'i byang chub sems dpa' rnams kyis kyang de bzhin du 'jug par bya'o/ /zhes 'dra ba'i dpe shes pa dang mi 'dra ba'i de las bzlog pa'i shes pas ni sangs rgyas nyid mi 'thob bo zhes gzhan gyi rgol ba tshar bcad nas chos mthun pa dang mi mthun pa'i dpe dag gis bsgrub bya bsgrub nas gzhan gyi phyogs sun phyung zhing rang gi phyogs 'jog pa ni/ dpe? shes pa'i dgos pa yin no/ /sngon byung pa la mkhas pa'i shes pa zhes bya ba ni sngon gyi gnas rjes su dran par byas pa shes pa'i phyir dge ba nyid la 'jug pa dang/ gzhan dag kyang de nyid la nges par sbyar ba dang rtag tu mang su thos pa goms par byed pa ni sngon byung ba la mkhas pa'i shes pa zhes bya'o/ /dge ba'i rtsa ba sngon du 'gro ba zhes bya ba ni lus kyi las dang/ ngag gi las 'ga' zhig cha? chags pa la sogs pas kun nas bslad pa rnams sangs rgyas kyi byang chub tu yongs su bsngo zhing/ gzhan dag kyang dge ba la bskul zhing byang chub tu sems bskyed pa ni dge ba'i rtsa ba sngon du 'gro ba nyid do/ /thabs la mkhas pa zhes bya ba ni sdig pa bshags pa dang bsod nams la rjes su
- 23b
yi rang ba dang/ de bzhin gshegs pa la gsol ba gdab pa dang dge ba'i rtsa ba yongs su bsngo pa la sogs pa chung du yang sems can thams cad dang thun mong du byas pa'i phyir dpag tu med par 'gyur ba ni thabs la mkhas pa zhes bya'o/ /mtshan ma spong ba zhes bya ba ni chos thams cad rmi lam lta bu'o/ /zhes rtogs nas dngos po'i rang bzhin med pas rdzas su gyur pa'i mtshan mi dmigs pa ni mtshan ma spong ba zhes bya'o/ /'du shes zlog pa zhes bya ba la zlog pa ni gtong ba ste/ phyin ci log spong ba ni 'du shes zlog pa ste phyin ci log gi rtsa ba las byung ba'i bdag la sogs par mngon par zhen pa bzlog pa'o/ /dngos po'i mtshan nyid shes pa zhes bya ba ni phung po dang khams dang skye mched thams cad bya ba'i khyad par gyis mtshon pa yin la/ chos thams cad ni nam mkha' i rang bzhin no/ /zhes bya bas mtshan nyid med pa'i mtshan nyid ni dngos po'i mtshan nyid shes pa'o/ /mdo sde mngon par sgrub pa'i shes pa zhes bya ba la drang pa'i don dang nges pa'i don gyis mdo sde yongs su shes pa sngon du 'gro bas chos ji ltar 'byung ba rnams sems can rnams kyis bsam pa dang rjes su mthun par rab tu ston pa dang/ dge ba dang mi dge ba dang lung du ma bstan pa rnams kyi rnam par dbye bas/ dpe sna tshogs kyi 'jal bar nye bar dgongs pa'i tshig yang dag par ston pa ni mdo sde mngon par sgrub pa'i shes pa zhes bya'o/ /bden pa bstan la 'bebs pa zhes bya ba ni mya ngan las 'das pa ni don dam pa'i bden pa ste/ de'i gtan la dbab pa ni rnam par shes pa 'gags shing ming dang gzugs la sogs pa ma skyes pa dang bag chags dang bcas pa'i rgyun spangs kyang 'khor ba yongs su mi spong ba ni byang chub sems dpa' i bden pa gtan la 'bebs pa zhes bya'o// rnam par grol ba mngon du byed pa zhes bya ba ni rnam par grol ba ni nyon mongs pha ma lus pa dang bral bas spang bar bya ba'i ngo bo mi dmigs pa nyams su myong ba ni rnam par grol ba mngon du byed pa zhes bya'o/ /tshig mgo gcig tu smra bzhes bya ba ni mu stegs kyi
- 24a
gzhung sna tshogs kyis brtags pa'i lta ba bsal nas chos thams cad bdag med par rab tu sgrub pa ni tshig mgo gcig tu smra ba zhes bya'o/ /mi 'jigs pa thob pa zhes bya ba ni sangs rgyas kyi chos zab mo thos pa las mi 'jigs pa dang sgrub pa la mi 'jigs pa dang/ gzhan rgol ba la mi 'jigs pa dang/ mi 'jigs pa thob pa'i 'bras bu nyid yin pas mi 'jigs pa thob pa zhes bstan to/ tshul khrims dam pa zhes bya ba ni tshul khrims nyams su len pa'i ngo bo dge bcu'i las kyi lam yang dag par blangs pa dang so sor thar pa'i sdom pa blangs pa dag/ mi dge ba ma lus pa las ldog pa ni tshul khrims nyid yin te/ ngo bo'i rkyen yin na yang thams cad rang gi ngo bo nyid brjod par bya'o/ /chos gzhan la ni ma yin no// snyoms par 'jug pa la gzhol ba zhes bya ba ni khams gsum pa ma lus pa la mngon par mi dga' zhing bden pa la dga' ba dang/ mya ngan las 'das pa la dga' ba dang thams cad mkhyen pa nyid mngon par 'dod pa ni ting te 'dzin la snyoms par 'jug pa'i rgyu yin no/ /shes rab thob pa zhes bya ba la/ pha rol pos smras pa ma lus pa'i lta ba sun 'don nus pa'i shes pa thob pa dang/ dmigs pa thams cad snang pa med ba'i shes pa ni shes rab 'thob pa zhes bya'o/ /gcig bur dga' ba zheS bya ba 'di ni 'du 'dzi thams cad spangs nas dkar po'i chos mdor byas pa'i shes rab kyi pha rol tu phyin pa bsgom pa ni gcig pur dga' ba zhes bya'o/ /shes kyi khe nyung dus chog shes pa zhes bya ba la/ nyung ? tsam shes pa'i shes pa nyid ni shes pa ste de'i ngo bo ni shes ba yin gyi/ shes ba zhes bya ba'i sgra rang gi skye bo la ni mi bya ste/ gang gi phyir cung zhig tsam gyis chog shes pa'o/ /zhes byis 'chad par 'gyur ro/ /sems la rnyog ba med pa zhes bya ba la nyon mongs pa dang mi bgrogs pa dang dang
- 24b
dang bzhin gyi rnam par dag pa la drmigs? pas 'dzin pa med pas spyod ba'i sems na rnyog pa med pa zhes bya'o/ /lta bas byas pa rnam par spong ba zhes bya ba la/ 'jig tshogs la lta ba sngon du 'gro ba'i lta ba drug cu rtsa gnyis ni rtsa bar gyur pa'i bdag ? lta ba rnam par spangs pas spangs par 'gyur ro/ /gzungs thob pa zhes bya ba ni ji skad gsungs pa'i gzungs rnam pa bzhi thob pas phyin ci ma log par don ji lta ba bzhin du rab tu sten pa ni gzungs? thob pa zhes ba'o/ /ye shes la 'jug pa zhes bya ba na rjes su shes pa la sogs pa'i shes pa rnams phan tshun rjes su zhugs pa nyid du khong du chud pa'i ye shes la 'jug pa zhes bya'o/ /gnas zhes bya ba ni dge pa'i chos rnams kyi gnas skabs kyi ston du gyur pa dang rtsa bar gyur pa ni gnas zhes bya'o/ /gnas skabs zhes bya ba ni chos thams cad ni sems kyi bris pa'o/ /zhes bya bas sems nyid kyi gnas skabs las gzhan pa'i gnas ni med pas so/ /rab tu gnas pa zhes bya ba ni dad pa las das rgyas kyi chos rnams gnas pa yin te/ dad pa med pa'i mi rnams la/ /dkar bo'i chos rnams mi skye ste/ zhes bya ba'i tshig gis so/ /sgrub pa shes pa zhes bya ba la/ bsgrub par bya bas na bsgrub pa ste/ lam gom par byas pas bsgrubs bya rdzogs par byed pa'o/ /rgyu zhes bya ba la/ ma rig pa ni rgya ste/ 'du byang rnams dang? mi dge ba'i chos rnams kyi'o/ /rigs zhes bya ba ni thar pa dang thar par 'dren par byed pa'i dge ba rnams so/ /chu la zhes bya ba ni tshul dang lam gdam? rig pa dang sred pa dag dang 'brel ba'i lugs dad ldan zheng don shes pas thad pa thob par byed pa de ni tshul zhes bya'o/ /sgo zhes bya ba ni thar pa'i grong khyer du 'jug pa'i sgo ni thabs la mkhas pa ste/ skyon thams cad spangs nas lam gyi sgo ston pa'i phyir ro/ /lam zhes bya ba la gang zag dang chos la bdag med pa la 'jug ? bya ba'i phyir mi rtag pa dang/ sdug bsngal ba dang?
- 25a
bdag med pa dang/ stong pa nyid shes pa dang/ chos thams cad rang bzhin gyis stong par rtogs pa ni rnam pa thams cad mkhyen pa nyid kyi grong khyer du 'jug pa'i lam yin no/ /sa zhes bya ba ni rab tu dga' bas sogs pa'i sa bcu 'bad pa med par thob pa'i gnas skabs la gnas pa'i rten du gyur pa'i phyir sa zhes bya ba'i sgras brjod do/ /skye ba dang bral pa zhes bya ba ni 'khor ba sgrub par byed pas las dang bral bas las kyis bskyed pas skye ba kun tu bcas pa'o/ /ye shes kyi sa zhes bya ba ni bdag la sogs par kun tu rmongs pa dang bral bas chos bdag med pa la 'jug ba ni ye shes kyis zhes bya'o/ /mi shes pa spong pa zhes bya ba ni bdag la sogs par rmongs pa'i ma rig pa ni mi shes pa'o/ /de dang 'gal ba'i bdag med pa mthong bas 'dis rab tu spong bas na spong ba zhes bya'o/ /shes pa la rab tu gnas ba zhes bya ba ni dmigs bar bya ba rdzas med pas dmigs pa med pa la rab tu gnas pa ni shes pa'i rang bzhin mthar thug pa la gnas te shes pa la gnas ba zhes bya'o/ /rnal 'byor spyod pa'i sa zhes bya ba la bsam gtan dang rnam par thar pa dang/ byang chub kyi phyogs la sogs pa bsgom pa ni rnal 'byor ro/ /zhi gnas dang lhag mthong gi lam gang la gnas nas kun tu spyod cing goms par byed ba de la rnal 'byor spyod pa'i sa zhes brjod do/ /byang chub sems dpa' i spyod yul zhes bya ba ni spyod yul ni byang chub sems dpa' i yul te pha rol tu phyin pa drug dang/ sa thams cad dang/ sangs rgyas kyi yon tan rnams so/ /skyes bu dam pa la brten ba zhes bya ba ni sangs rgyas dang/ byang chub sems dpa' dang/ dge ba'i bshes gnyen mnyes par byed pa nyid dang/ de dag dang mi 'bral pa'i sems so/ /skyes bu dam ba ma yin? pa spong ba zhes bya ba ni mu stegs can dmigs pa'i lta ba can rnam pa? dang/ dam pa ma yin pa'i?
- 25b
lam du zhugs pa rnams ni skyes bu dam pa yin pa'o/ /de rnams 'dul pa'i dus la bab ba ma yin par shes nas mi bsten pa ni skyes bu dam ba ma yin pa spong ba zhes bya'o/ /de bzhin gshegs pas gsungs pa zhes bya ba la/ bden pa zhes bya ba ni lhag ma ste/ thams cad mkhyen pa'i ye shes kyis nyams su bstan nas/ thar pa dang mya ngan 'das pa'i ming gis bstan pa'o/ /sangs rgyas kyi sa zhes bya ba ni dge ba'i chos thams cad yongs su rdzogs pas thob pa'i sa kun tu 'od ni sangs rgyas nyid kyis yin pas sangs rgyas kyis zheS bya'o/ /mkhas pa rnams kyi rjes su yi rang pa zhes bya'o/ /chos nyid ces bya ba ni lhag ma ste/ 'das pa dang ma 'ongs pa dang da ltar byung ba'i sangs rgyas dang byang chub sems dpa' rnams dang/ nyan thos dang rang sangs rgyas kyis legs legs so zhes rjes su yi rang ba'o/ /byis pa rnams kyi spangs pa zhes bya ba ni shin tu rtogs par dka' ba'i goms par ma byas pa'i chos nyid kyi de kho na nyid do/ /thams cad rang bzhin med pa'i mtshan nyid can gyi mya ngan las 'das pa zhes bya ba la/ 'di ni mya ngan las 'das ba ma yin no zhes spong bar byed ba'o/ /nyan thos dang rang sangs rgyas rnams kyis shes par dka' ba zhes bya ba la/ zab cing rgya tsho? ba'i sangs rgyas kyis chos bsam gyi mi khyab pa nyid la goms pa ma byas ba'i sems kyi rgyud yin pa'i phyir de kho na nyid kyis chos nyid shes par dka' ba'o/ /mu stegs can thams cad kyis ma yin pa ni bdag dang bdag gir mngon par zhen pa'i brdzun pa'i mngon pa'i nga rgyal gyis thar pa 'dod pa rnams bdag nyid rtag pa la sogs pa'i ngo bor bsgom par byed pa de dag gis ma yin pa chos nyid kyi don de kho na nyid ni de dag gi yul ma yin pa'o/ /byang chub sems dpa' rnams kyis yongs su bzung ba zhes bya ba ni rnyed par dka' pa'i lam chen po la nor bu rin po che'i 'du shes dang
- 26a
nad thams cad rab tu zhi bar byed pa'i sman gyi rgyal po chen po'i 'du shes kyis mi gtong ba'i sems kyis chos nyid yongs su 'dzin pa'o/ /stobs bcu dag gis yongs su bzung ba zhes bya ba la/ sangs rgyas kyis chos ma lus pa yongs su rdzogs par bya ba'i sbyor bas stobs bcu bsod nams gang ye shes kyi tshogs yongs su rdzogs pas rjes su ste/ phyi nang sangs rgyas kyis mkhyen pa'o/ /lha rnams kyis mchod par bya ba zhes bya ba la/ dpag tu med cing rgyun mi 'chad pa'i bde ba phun sum tshogs pa ni 'di las mchod pa byas pa nyid las 'byung bar 'gyur ro/ /zhes shes nas de 'dod pa rnams kyis mchod par bya ba yin no/ /tshangs pas phyag bya ba zhes bya ba ni thar pa ma yin pa la thar pa'i 'du shes can de dag yang dag pa'i thar ba 'byung ba ni 'di nyid yin gyi/ gzhan ni ma yin no zhes thar pa 'dod pa rnams kyis phyag bya ba yin no/ /klu rnams kyis phyag bya ba dang zhes bya ba la dud 'gro'i skye gnas sgrub par byed pa'i lam gyi bag chags kyi rgyun kun tu bcad pa'i phyir phyag 'tshal ba'o/ /gnod sbyin gyis rjes su yi rang ba zhes bya ba ni dpe med pa'i longs spyod phun sum tshogs pa thob na yang ngan 'gro'i lam thams cad yongs su bcad pa'i phyir rab tu dga' ba'i sems kyis rjes su yi rang ba'o/ /mi 'am ci rnams kyis bstod par bya ba ni thar par 'dod pa'i rab tu dga' ba dang/ rab tu mgu bas chos brjod pa'i dbyangs snyan pas mi 'am ci'i rgyal po ljon pa bzhin du bstod bar byed pa'o/ /lto 'phye chen po rnams kyis bsngags par bya ba zhes pa ni drag? po chen po'i sems kyi rgyun 'jug pa nye bar bcad pa'i ched du'o/ /byang chub sems dpa' rnams kyis bsgom par? bya ba ni rnam pa thams cad mkhyen pa nyid mngon sum du byed pa ni bsgom pa'i lam thob pas yin gyi/ tshig tsam gyis ting nge 'dzin
- 26b
rtogs pa ma yin no/ /zhes bya bas so/ /mkhas pa rnams kyis kun chub par bya ba zhes bya ba ni rig par bya ba rig pa ni mkhas pa'o/ /des phyir mi ldog pa'i sangs rgyas nyid mngon sum du bya ba'i phyir nye bar bzung nas kun chub par byed pa'o/ /bla na med pa'i nor zhes bya ba ni ting nge 'dzin zhes bya ba dang 'brel te/ lha dang mir bcas pa'i skye dgu rnams kyi bde ba thams cad kyi rgyur gyur pa dang thar pa'i bde ba'i rgyur gyur pa ni bla na med pa'i nor zhes bya'o/ /zang zing med pa'i sbyin pa zhes bya ba la/ sbyin pa thams cad kyi nang na zang zing med pa'i sems kyis chos sbyin ba ni mi shes pa'i nyon mongs pa thams cad gcod par byed pa'i phyir chos kyi sbyin pa nyid ni sbyin pa'i mchog go/ nad pa rnams kyi sman du gyur pa zhes bya ba la 'dod chags dang zhe sdang dang gti mug ni 'dan non ta ri la sogs pas kyang de dag gi rgyu ma shes shing gso ba yang mi shes pas rtag tu na bde dag gi 'dod chags la sogs pa'i nad rnams rab tu zhi bar bya ba'i gso ba'i sman ni 'di lta bu'i ting nge 'dzin nyid yin no/ /ye shes kyi mdzod ces bya ba ni ye shes thams cad sdud par byed pa'i ting nge 'dzin gyi rgyal po bsgom pa la mngon par sbyor ba ni ye shes mi zad pa'i mthod? yin pas so/ /spobs pa mi zad pa zhes bya ba ni ji ltar gnas pa'i chos nyid kyi de nyid rtogs pa dang mi zad pa'i spobs pa ni spobs pa mi zad pa'i rgyu yin pas so/ /mya ngan dang bral ba zhes bya ba ni 'di dag thams cad don med pa dang/ sdug bsngal gyi bdag nyid can no zhes shes nas chos thams cad med pa bsgom pas mya ngan dang bral bar 'gyur ro/ /khams gsum yongs su shes pa zhes bya ba ni khamS gsum pa 'di dag ni rmi lam dang 'dra zhes bya bar shes nas de lta bu'i sgyu ma lta bu'i sems can thar par bya ba'i phyir yongs su mi gtong ba ni/ khams gsum yongs su shes pa zhes bya'o/ /pha rol tu 'gro ba dag la gzings lta bu zhes bya ba ni lhag pa'i
- 27a
bsam pas yongs su mya ngan las 'da' ba 'dod pa rnams la mi rtags pa la sogs pa bstan pa dang/ chos la bdag med pa la sogs pa bstan pa dang/ chu bo'i nang du zhugs pa dag la gru lta bu zhes bya ba ni 'khor ba'i chu klung du lhung zhing rgya mtsho bzhir nub bar rnams sgrol ba'i phyir theg pa chen po'i gru bo che ni mi phyed pa'i gru yin no/ /grags pa 'dod pa dag gi grags pa zhes bya ba ni sangs rgyas kyi chos thams cad mnyan pa dang bsams pa dang bsgom pa'i stobs kyi 'jig rten gyi khams mdza' yas ba na bzhugs pa'i de bzhin gshegs pa'i sa rnams la mchod ba'i phyir dang/ sems can rnams kyi don du rab tu spros pas thams cad du khyab pa ni grags pa yin no/ /sangs rgyas rnams kyi bstong pa zhes bya ba ni de bzhin gshegs pa rnams kyi brnyes pa'i sangs rgyas rnams kyi yon tan mdza' med pa de dag gi sems can gyi khams ma lus pa bskyab pa'i phyir bla na med pa'i chos chen po'i sbyin bdag mdzd pa la dri ma med pa'i yon tan gyi bstod ba'o/ /de bzhin gshegs pa rnams kyis bsngags pa zhes bya ba ni dka' ba brgya phrag du mas bsgrubs pa'i sangs rgyas nyid thob nas kyang thabs la mkhas pa'i stobs kyis sems can thams cad kyi rgyud la sbyor bar byed pas yon tan thams cad dang thar pa'i bde ba thams cad kyi sbyin bdag nyid ni bsngags pa'o/ /stobs bcu rnams kyis bstod pa zhes bya ba ni rnyed par dka' ? zhing rin che ba'i chos rin po che'i sbyin bdag nyid ni gzhan la yod pa ma yin no/ /zhes bya ba ni stobs bcu rnams kyis bstod pa'o/ /byang chub sems dpa' rnams kyi yon tan zhes bya ba ni theg pa chen po rtogs shing khong du chud pas theg pa gzhan la 'dod pa med pa'i byang chub sems dpa' rnams kyi yon tan thun mong ma yin pa'o
- 27b
snying rje can dag gi btang snyoms zhes bya ba la/ gcig tu gzhan gyi don la bzhugs pa rnams la btang snyoms 'byung ba ma yin te/ btang snyoms ni sems can gyi don la snyoms pa yin no zhe na/ de lta bu ni yod pa ma yin te/ sangs rgyas kyi mdzad pa mdzad zin nas de'i tshe gdul bya med pa ni btang snyoms su rigs kyi/ gzhan du ma yin no/ /nyes pa zhi bar 'dod pa dag gi byams pa zhes bya ba la/ nyes pa ni zhe sdang yin te/ de yang dag par mthong ba rnams kyis gnyen po'i ngo bor nges par sbyar ba'i byams pa chen po'i bdag nyid du byas pa'i rgyud kyi mtsho la zhe sdang gi me chung du tsam yang yod pa ma yin no zhes bya bas nyes pa zhi bar 'dod pa dag gi byams pa zhes bya'o/ /theg pa chen po dag gi dbugs 'byin pa zhes bya ba ni gang gi tshe sangs rgyas kyi chos rnams kyi snang ba thob par gyur ba de'i tshe nges par bsam pa thams cad rdzogs par 'gyur ro zhes dbugs 'byin pa thob par 'gyur ro/ /seng ge'i sgra sgrogs pa rnams kyi nan tan zhes bya ba ni nan tan gyis thams cad kyi mchog sangs rgyas kyi chos mngon sum du mdzad nas/ bdag med ba'i seng ge'i sgra'i sgra bsgrags pa'i ngang tshul gyi nan byed pa'o/ /sangs rgyas kyis ye shes kyi lam zhes bya ba la/ dge ba'i chos kyi lam thams cad ni lam ste/ rjes su mi dmigs pa'i sbyor bas sangs rgyas nyid 'thob kyi/ gzhan gyis ni ma yin no/ /chos thams cad kyi phyag rgya zhes bya ba ni gdod nas zhi zhing ma skyes pa'i phyag rgyas btab pa nyid ni chos thams cad do/ /zhes bya bas pha rol dang pha rol ma yin pa'i chos thams cad mnyam pa nyid kyi rgyas btab pa'o/ /thamS cad mkhyen pa'i ye shes yongs su mi 'phrogs pa zhes bya ba la/ mi dge ba'i bag chags rnams dang bral ba'i phyir dang/ dge ba'i chos thams cad yongs su rdzogs pa'i phyir bdud dang mu stegs la sogs pa thams cad kyis mi g.yo ba'i ye shes
- 28a
nyid ni mi 'phrogs pa zhes bya'o/ /byang chub sems dpa' rnams kyi skye mos tshal du gyur pa zhes bya ba la/ dga' ba dang rab tu dga' ba'i bde ba sems can thams cad la bsngos pa'i rtsed mo'i sa ni skyed mos tshal te/ mchog tu gyur pa'i theg dang dam pa zhes bya ba'i bar du'o/ /bdud kyi sde rnams skrag par byed pa zhes bya ba la/ bag chags dang bcas pa'i nyon mongs pa thams cad rnam par bsal ba dang rnam rtog gsal ba ni bdud kyi sde rnams skrag par byed pa'o/ bde bar 'gro ba rnams kyi rig pa zhes bya ba ni mya ngan las 'das par 'gro ba rnams kyi rig ba ni shes rab kyi pha rol tu phyin pa ste/ lam thams cad kyi gnod pa rnam par sel bar byed pa'i phyir ro/ /don grub ba rnams kyi don zhes bya ba ni sangs rgyas rnams kyi mi gnas pa'i mya ngan las 'das pa ni 'gro ba ma lus pa'i don mdzad pa'i phyir don te dgos pa'o/ /dgra'i nang du song ba rnams kyi skyabs zhes bya ba ni tshad ma dang ldan pa'i chos nyid rab tu bstan pas dmigs bar lta ba can thams cad dang lta ba log pa can rnams thams cad du sun dbyung bas yongs su skyobs pa yin gyi/ gzhan du na de dag lta ba log par ltung bar 'gyur ro/ /phyir rgol ba rnams chos dang mthun par tshar gcod pa zhes bya ba ni mu stegs kyis khas blangs pa'i chos can mi rtag ba la sogs pa'i chos dang bcas ba la skyon 'di lta bu yod de zhes brjod par tshar gcod pa'o/ /mi 'jigs pa rnams kyi bden pa'i rnam pa zhes bya ba la/ 'jigs pa thams cad dang bral ba'i phyir bstan par byas shing rab tu bstan par byas pas mnyam pa nyid mthong bar nus pa nyid ni don dam par na mi 'jigs pa rnams kyi bden pa'i rnam pa zhes bya'o/ /stobs rnams yang dag par tshol ba zhes bya ba ni phyin ci ma log pa'i lam la 'jug pa la rmongs pa bzlog pa'i don to/ /sangs rgyas kyi chos ma 'dres
- 28b
pa bco brgyad kyi snga ltas su gyur pa zhes bya ba ni byang chub kyi sems gtsor byas pa'i dkar po'i chos thams cad kyi byed pa bor 'gyur ba'i yon tan ni snga ltas su gyur ba zhes brjod do/ /chos kyi sku'i rgyan zhes bya ba ni skyes bu chen po'i mtshan sum cu rtsa gnyis kyis yang dag par brgyan pa'i sku ste/ des de mngon sum du mdzad pas so/ /thar par 'dod pa rnams kyi dga' ba zhes bya ba ni thog ma dang tha mar dge ba'i chos nyams su myong bas bla na med pa'i chos la dga' ba ni thar pa thob par byed pa yin no/ /sras thu bo rnams kyi dga' ba zhes bya ba ni yab sangs rgyas kyi yon tan gyi nor thob pas bde ba dang yid bde ba nyams su myong bas dga' ba'o/ /sangs rgyas kyi ye shes yongs su rdzogs pa zhes bya ba ni sangs rgyas kyi chos rnams ma thob pa thob par bya ba dang/ thob pa rnams yongs su mi nyams pa nyid du nye bar 'dzin cing bsrung ba'o/ /nyan thos dang rang sangs rgyas thams cad kyi sa ma yin ba zhes bya ba ni dman pa la mos pa'i nyan thos dang rang sangs rgyas la sogs pa rnams zab cing rgya che ba'i sangs rgyas kyi chos rnams thos pa na 'jigs shing skrag nas ma rtogs pas sam yin pa ste yul ma yin pa'i phyir ro/ /sems rnam par dag pa zhes bya ba ni rnam par rtog pa dang kun tu rtog pa dang kun tu rtog pa'i dri ma rnams rab tu spangs pas rtog pa med pa'i chos nyid dang/ de rtogs bas sems rnam par dag pa'o/ /lus yongs su dag pa zheS bya ba ni nad thams cad rab tu zhing bar byed pa'i chos kyi sman gyi bdud rtsi 'thungs pas rdo rje lta bu'i sku thob pa ni lus rnam par dag pa'o/ /rnam par thar pa'i sgo rnams yongs su rdzogs pa zhes bya ba la/ stong pa nyid dang/ mtshan ma med pa dang/ smon pa med pa dang rang bzhin gyi zhi ba'i chos nyid bsgoms pa'i sbyor bas mngon sum du byed pa ni yongs su rdzogs pa zhes bya'o/ /sangs rgyas kyi ye shes kun nas nyon mongs pa med pa zhes bya ba ni snying rje chen po'i chags? pas rjes su chags nas sems can thaMs cad
- 29a
kyi sdug bsngal bral bar spro zhing zhugs pa ni kun nas nyon mongs pa med pa'i chags pa zhes bya'o/ /zhe sdang dang bral ba zhes bya ba ni snying rje chen po'i rang bzhin gyis sems kyis 'gro la phan pa nye bar bsgrubs pa ni zhe sdang dang bral ba zhes bya'o/ /gti mug gi ma yin pa zhes bya ba ni rten cing 'brel bar 'byung pa la rnam par lta ba'i chos kyis snang ba shar ba la rmongs pa'i mun pa'i skabs med pa'i phyir ro/ /ye shes 'byung ba zhes bya ba ni 'jig rten dang 'jig rten las 'das pa'i gzo la sogs pa thams cad la mkhas pa dang le lo med pa ni ye shes 'byung bar 'gyur ba yin no/ /rig pa skye ba zhes bya ba ni ji skad stan pa'i zab cing rgya che ba'i dam pa'i chos thos pa dang/ nang du tshul bzhin yid la byed pa ni rig pa skye ba'i rgyu zhes bya'o ma rig pa spong ba zhes bya ba ni mi dmigs pa'i sbyor bas tshul bzhin ma yin pa yid la byed pa spong ba dang/ tshul bzhin yid la byed pa nyid bsgom pa ni ma rig pa spong bzhes bya'o/ /rnam par grol ba snying por byed pa rnams kyis tshim pa zhes bya ba ni 'phags pa'i chos thob pa'i bdag nyid che ba dang ma bral ba'i dga' ba rjes su 'dzin cing mi gtong ba'o/ /ting nge 'dzin snying por byed pa rnams kyi dga' ba zhes bya ba ni ting nge 'dzin bde ba sems can thams cad dang thun mongs du byas nas sems rtse gcig ba dang mi 'bral ba nyid kyi dga' ba'o/ /blta 'dod pa rnams kyi mig tu gyur pa zhes bya ba ni gzhan gyi brjod du med pa'i chos nyid mngon du byed pa nyid phyin ci ma log par mthong ba'i mig gis blta bar 'dod pa yin gyi/ phyi rol kyi sha'i mig gis ma yin te/ de des mngon sum du mi byed pa'i phyir/ /rnam par 'phrul par 'dod pa rnams kyi mngon par shes pa zhes bya ba ni rdzu 'phrul dang cho 'phrul sna tshogs kyis rtse zhing 'bad pa med par mi dmigs pa'i ting nge 'dzin la dbang thob bas mngon par shes pa lnga rang gi dang giS
- 29b
'jug par 'gyur ba nyid yin no/ /mngon par sgrub par 'dod pa rnams kyi rdzu 'phrul zhes bya ba ni ye shes rtogs pa med pa nyid dang/ sgrib pa dang bral ba'i ting nge 'dzin gyi ye shes mngon sum du byas pas mngon par bsgrub pa'i rdzu 'phrul gyis sems can thams cad kyi sems 'phrog par nus pa'o/ /thob par 'dod pa rnams kyi gzungs zhes bya ba ni sngar bstan pa'i gzungs bzhi po de dag thams cad kyis mya ngan las 'das pa dang mnyam pa 'dzin pas na gzungs zhes bya'o/ /dran pa mi brjed pa zhes bya ba ni 'khor ba gtogs pa'i sbyor ba nyid kyis mya ngan las 'das pa la dmigs pas rang bzhin gyis zhi ba nyid kyis dran pa mi brjed pa'o/ /sangs rgyas rnams kyis byin gyis brlabs pa zhes bya ba la/ chos kyi skus sems can thams cad kyi sems kyi rgyud la khyab pa mi 'phrogs pa'i sbyor ba byin gyis brlabs pa yin no/ /'dren pa rnams kyi thabs mkhas pa zhes bya ba ni bde ba thams cad kyis zhi bar 'gro ba ni de nas bzung nas nye bar 'gyur ba yin no/ /phra ba zhes bya ba ni mya ngan las 'das pa ni dmigs par lta ba la mngon par zhen pa rnams kyis shes par dka' ba dang/ dmigs pa thams cad las yang dag par 'das pa nyid kyi phyir ro/ /shes par dka' ba zhes bya ba ni chos kyi sku'i rang gi ngo bo ni rnam par shes pa'i yul las yang dag par 'das pI phyir shes par dka' ba'o/ /dka' bas shes pa zhes bya ba ni byis pa rnams kyis sdug bsngal gyis kyang mi shes pa ste/ sngar nyams su ma myong ba dang/ ma shes pa dang/ mngon par ma sbyar bas sngar ma bskyed pa bskyed pa'i nus pa med pas shes par dka' ba nyid ni shes par dka' ba'o/ /yi ge rnams ldog pa zhes bya ba ni ngag gi lam thams cad mi dmigs par yi ge thams cad kyis nges pa'i tshig gis ston pa ni yi ge rnams ldog pa zhes bya'o/ /sgras shes par dka' ba zhes bya ba ni so so rang
- 30a
gis rig bar bya ba'i de kho na nyid ni tshig tsam gyis rnyed par bya ba ma yin te/ tshig gis mtshon pa'i ngon des par rtogs nas bsgoms pa'i stobs kyis mngon sum du byed pa yin pa'i phyir sgras shes par dka' ba zhes bya'o?// rtogs pa rnams kyi kun shes pa zhes bya ba ni lhun gyis grub par rin po cha chen po'i 'du shes nyid dang/ 'gro ba ma lus pa'i don sgrub pa shes pa ni mkhas pa'o/ /des pa rnams kyi shes pa zhes bya ba ni des pa ni byang chub sems dpa' chen po 'gro ba ma? lus pa'i don byed pa dang chos nyid la dga' ba'o/ /des shas pa ni bkur sti dang gus pas shes pa'o/ /'dod pa chung ba rnams kyis rab tu rtogs pa zhes bya ba ni nyan thos dang sangs rgyas rnams te/ chos nyid rtogs pa tsam gyis rang gi nyams su myong ba rab tu rig pa la rab tu rtogs pa zhes bya'o/ /brtson 'grus brtsams pa rnams kyis gzung ba zhes bya ba ni byang chub tu sems bskyed pas sbyin pa la sogs pa la zhugs pa brtson 'grus brtsams brgyun mi 'chad par sangs rgyas nyid nye bar 'dzin pa'o/ /dran pa dang ldan pa rnams kyis bcangs pa zhes bya ba ni sngon gyi gnas rjes su dran pa'i stobs kyis byas pa chud mi gson pa ni bcangs pa'o/ /sdug bsngal zad pa zhes bya ba ni 'dod chags dang zhe sdang dang gti mug rab tu spangs pas de'i ngo bo med pa'i sdug bsngal zad pa ni sdug bsngal med ba'o/ /chos thams cad skye ba med pa zhes bya ba ni chos thams cad ni sems kyi khongs su gtogs pa yin la/ de 'gags pas chos thams cad 'gags pas rang bzhin gyis zhi ba nye bar gzungs nas ma skyes pa zhes bya'o theg pa gcig tu bstan pa zhes bya ba ni chos thams cad rmi lam lta bu zhes bya ba dang/ dmigs su med pa'o zhes bya ba 'di'i khongs su gtogs pa'i phyir theg pa gcig tu bstan pa zhes bya'o/ /gzhon nu 'di ni chos thaMs cad kyi
- 30b
rang bzhin mnyam pa nyid rnam par spros pa'i ting nge 'dzin gyi rgyal po zhes bya'o zhes bya ba la/ de rnam par spros pa zhes bya ba ni lhag ma'o/ /yang bcom ldan 'das kyis bshad pa na zhes bya ba la sogs pas ni ting nge 'dzin bstan pa'i mthong ba'i chos kyi yon tan bstan te/ khrag khrig phrag brgyad cus mi skye ba'i chos la bzod pa thob par gyur to/ /zhes bya bar 'brel to/ /gal te sa brgyad pa la mi skye ba'i chos zab mo la bzod pa thob par 'gyur pa ma yin nam/ thos pa tsam gyis ci ltar 'gyur zhe na/ de lta bu'i ne ma nur bsal pa'i phyir/ sngon yongs su sbyang ba byas pa zhes bya ba smras te/ lhan cig byed pa dang bral bas sngon ni thob par ma gyur la/ da ltar ni thob par gyur to zhes brjod par bya'o/ /de bzhin du khrag khrig phrag dgu bcu rtsa drug gis rjes su mthun pa'i bzod pa thob par gyur to zhes bya ba la/ rtogs pa dang rjes su mthun pa'i bzod pa ni rjes su mthun pa zhes bya'o/ /sgra'i rjes su 'brang ba ni thos pa'i rjes su 'brang ba'o/ /len pa med par zag pa las sems rnam par grol lo zhes bya ba ni 'dod chags dang bral bar gyur nas nyon mongs pa'i cha tsam yang med pa'o/ /choS rnams la chos kyi mig rdul med cing dri ma dang bral ba rnam par dag go zhes bya ba ni chos mthong bas rnam par dag ba skyes pa'o/ /dge slong ma rnams kyang 'dod chags dang bral ba thob bo/ /dge bsnyan rnams kyis kyang lan cig phyir 'ong ba'i 'bras bu thob par gyur te sngon yongs su spyangs pa'i khyad par nyid dang bsam pa dang rjes su mthun par 'bras bu blta bar bya'o/ /stong gsum gyi stong chen po'i 'jig rten gyi khams 'di yang rnam pa drug tu g.yos zhes bya ba ni bya pa'i bye brag go /de la rnam pa drug ni shar phyogs dma' na nub phyogs mtho ba ni gcig go/ de las bzlog pa ni gnyis pa'o/ /byang phyogs dma' na lho phyogs mtho ba ni gsum pa'o/ /de dag las bzlog pa ni bzhi pa'o/ /mdza' dma' na dbus mtho ba ni lnga ba'o/ /de dag las bzlog pa ni drug pa'o zhes bya ba ni
- 31a
rnam pa drug go/ g.yo ba la sogs pa chung ngu dang 'bring dang chen po'i bye brag gi mtshan ma bco brgyad du 'gyur ro/ /de ltar chos kyi tshig gi bye brag gis mi shin tu gus pa bskyed pa'i phyir dang/ chos nyid kyi mthus chen po yang dag par bstan nas 'chad pa ni gleng gzhi'i le'u zhes bya'o/ /sangs rgyas chos rnams gleng gzhi ni/ /byang chub sems la nges par brjod/ /sa dang pha rol phyin pa la/ /de nyid yang dang yang 'byung phyir/ /de ni gleng gzhi'i le'u las/ /bde gshegs dam bas bka' stsal te/ /gleng gzhi de las thams cad kyang/ /blo dang ldan pas shes par bya/ /gleng gzhi'i le'u'i bshad pa rdzogs so// //sa la'i dbang po'i rgyal po'i le'u bshad par 'dod nas/ de'i tshe zhes bya ba la sogs pa gsungs te/ zla 'od gzhon nu ni thams cad du gsol ba 'debs pa la dbang bas/ de'i phyir de la bos nas de bzhin gshegs pa grangs med pa rnams la ngas bkur stir byas zhes bya bar 'brel to/ /sngon byang chub sems dpa' i spyad pa spyod pa na 'khor los sgyur ba'i rgyal por gyur te zhes bya ba las/ rgyal srid kyi dbang phyug dang ldan pa'i rang gi bde ba la bltos pa med pas ting nge 'dzin 'di 'dod cing ste ting nge 'dzin thob par bya ba'i phyir dang/ ting nge 'dzin thob nas myur du bla na med pa'i byang chub 'dod pa'i phyir ro// bya rgod phung po'i ri 'di nyid la zhes bya ba ni sngon gyi gnas rjes su dran pa'i shes pas bskal pa dpag tu med pa'i skye ba dran pa'i bdag nyid kyi dran pa'i rgyu ston pa'o/ /bkur stir byas pa ni bkur bar 'os pa la mchod pa'o /bla mar byas pa ni bla ma la gus pas bstan pa'o/ /ri mor byas ba ni chen bor brtsis pa'o/ /mchod par byas pa ni me tog la sogs pas so/ /rjed par byas pa ni yon chab dang zhabs bsil la sogs pas so/ /gsol bar byas pa ni de las gzhan pa'i mchod pa'i rnam pas so/ /de dag nyid bstan pa'i
- 31b
phyir rin po che thams cad dang/ me tog dang spos dang zhes bya ba la sogs pa la/ gtsug lag khang rnam pa sna tshogs rnam par bkra ba bye ba khrag khrig brgya stong du ma'i bkod pa zhes bya ba ni rten gyi khyad par nye bar mkho ba thams cad dang ldan pas bsnyen bkur bas shing dgyes par byas nas de bzhin gshegs pa de dag thams cad kyi drung nas so/ /chos thams cad kyi rang bzhin mnyam pa nyid rnam par spros pa'i ting nge 'dzin 'di rgyas par thos te/ zhes bya ba ni mang du mang po dang lhan cig nges par bya pa'i phyir mnyan par byas pa'o thos nas kyang gzhan dag la rab tu bstan par byas so/ /bdag nyid kyis kyang nyon mongs pa med pa'i bsgom pas bsgoms so zhes bya ba ni bdag dang gzhan gyi rgyud la rdul dang 'dra ba'i nyon mongs pa rnams gang bsgoms pas mi skye ba'i byams pa chen po'i rang bzhin gang yin pa de ni nyon mongs pa med pa'i bsgom pa ste/ bsgom pa de gzhan dag la yang rab tu ston par byed pa'o/ /de dag thams cad kyi tha ma ni de bzhin gshegs pa sA la'i dbang po'i rgyal po zhes bya ba zhig byung ste/ zhes bya ba la/ sdang? bstan pa'i de bzhin gshegs pa rnams ting nge 'dzin gyi ro myang ba'i phyir bsten pas ma doms nas phyi nas yang de bzhin gshegs pa la brten pa/ gzhon nu de bzhin gshegs pa sA la'i dbang po'i rgyal po de'i? zhes bya ba la sogs pa gsungs te/ nyan thos dang byang chub sems dpa' khrag khrig brgya stong gi dge 'dun byung ste/ zhes bya bas ni mang po dang lhan cig bdag gis thos pa dang/ bcom ldan 'das kyi 'khor yang mdza' yas par bstan pa yin no/ /de bzhin gshegs pa de la lo bye ba stong phag bco brgya du mchod pa dang bsnyen bkur chen po byas te/ ting nge 'dzin gyi rgyal po mnyan pa'i phyir ro/ /de'i tshe'i tshad ni lo bye ba stong phrag bdun cu rtsa drug tu gyur te/ zhes bya ba ni ji srid sku tshe'i mthar thug par ma gyur kyi bar du mnyan ba dang gzung ba dang bcang bar 'dod pas
- 32a
yongs su mi gtong ba'i sbyor bas bla ma dang nam yang bral bar ma gyur to/ /bcom ldan 'das de'i drung du rab tu byung nas zhes bya pa ni rnam par g.yeng ba ma lus pa spangs pas thos pa'o/ /mnyen cing gzung ste zhes bya ba la sogs pa ni snga ma bzhin no/ /de lta bas na zhes bya ba la sogs pas ni skyo ba med pa'i sems kyi ji ltar de de bzhin gshegs pa thams cad la mchod pa dang rim gro dang g.yog bya ba dang ldan pa bzhin du khyod kyis kyang bya'o/ /zhes rab tu bstan pa'i phyir gzhon nu de lta bas na ting nge 'dzin 'di 'dod cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod na khyod kyis kyang de bzhin du de bzhin gshegs pa thams cad la mchod ba dang/ rim gro dang g.yog bya ba la brtson par bya'o zhes gsungs pa yin no/ /gal te de bzhin gshegs pa rnams la mchod pa dang g.yog byas pas ji ltar bla na med pa yang dag par rdzogs pa'i byang chub 'thob ces bya ba'i som nyid de ci'i phyir zhe na/ zhes 'dri ba'i lan gdab pa'i phyir de bzhin gshegs pa thams cad la mchod pa dang rim gro dang g.yog bya ba'i rgyu mthun pas zhes bya ba gsungs te/ gang gi phyir de bzhin gshegs pa la mchod pa dang g.yog byas pa'i yongs su spyod pa'i rgyu mthun pa nyid dang/ mnyam pa dang bsam ba'i rgyu mthun pa'i mtshungs pa'i 'bras bus ni de bas na bla na med pa yang dag par rdzogs pa'i byang chub kyang rnyed dka' ba ma yin pas de la mngon par sbyar bar rigs nas/ ting nge 'dzin 'di rgyun mi 'chad par bsgoms na nges par bde ba thob par 'gyur ro/ /zhes bya pa'o/ /gzhon nu de lta bsan zhes bya ba la sogs pas ni nye bar sdud par byed do/ /lhug par bstan pa'i don de tshigs su bcas pas slar yang gsungs pa ni bde bar khong du chud par bya ba'i phyir dang/ ston pa la dbang thob par bstan pa'i phyir/ sngon byung ba'i le'u 'di nyid rgya cher zhes bya ba la sogS
- 32b
pas bstan te/ sngar bstan pa las lhag par 'jug pa ni rgya cher zhes bya'o/ /tshigs su bcad pa'i dbyangs kyis te yid du 'ong ba'i dbyangs kyi rgya cher yang dag par rab tu bstan pa'o/ /bstan to zhes bya ba ni 'das pa'i dus ston pa'o/ /dran pa stobs bcu bya ba drug cu dag/ sngon tshe bya rgod phung po'i ri la bzhugs/ zhes bya ba la/ dran pa ni sngon gyi dus su stobs bcu dang ldan pa bye ba drug cu bya rgod kyi phung po'i ril bzhugspa dran par gyur pa'o/ /de dag gis de sngon byang chub sems dpa' i spyad pa spyod pa'i tshe/ ting nge 'dzin 'di bshad par mdzad pa'o/ /de dag thams cad kyi tha mar gyur pa 'di de bzhin gshegs pa sA la'i dbang po'i rgyal po zhes bya ba'o/ /de la nga yis ting nge 'dzin 'di dris so/ /da yang rgyal rigs nyid gyur te/ rgyal po sa bdag gtso bo yin zhes bya ba la/ mi'i bdag po thaMs cad cad kyi nas 'khor los sgyur ba gtso bor gyur pa'o/ /nga'i? bu yang lnga brgya ste/ zhes bya ba ni 'khor los sgyur ba la nges par bu lnga brgya las mi nyung ba 'byung bar 'gyur ro/ /sangs rgyas de'i gtsug lag khang bye ba snyed ni ngas byas te/ zhes bya ba la/ de bzhin gshegs? pa la mchod pa dang/ g.yog bya ba'i phyir nye bar mkho ba thams cad dang ma bral ba tsan dan shing dad rin po che'i ka ba la sogs pas mdzes? par brgyan pa rnams byas so/ /rgyal po de'i skye bo mang po dga' zhing yid du 'ong ba'i ste/ 'jig rten thams cad kyi 'dod pa'o/ /'jigs pa'i bla ma zhes bya ba ste/ des de bzhin gshegs pa la khyad par can gyi mchod pa dam pa dag /lo stong phrag bye ba bcwa? brgyad kyi bar du byas so/ /rkang gnyis gtso bo rgyal ba ma smad pa/ /lo ni bye ba stong phrag bdun cu drug/ ode nyan thos kyi dag 'dun dang bcas pa la mchod pa rnam pa mang po ngas byas so/ /bcom ldan 'das de'i drung du da btsun mo dang sras dang bcas pa rab tu byung nas/ lo bye bstod phrag bcu bzhir ngas ting nge 'dzin 'di yongs su zhus te/ tshigs su bcad ba khrag khrig stong phrag brgyad cu dang?
- 33a
dkrigs phrag bye ba brgya rnams ngas bzung ngo/ /gzhung de dag kyang ting nge 'dzin 'di'i le'u gcig yin no/ /de dag kyang ngas ma can cing bzung nas gzhan dag la yang rgya cher bstan to/ /de lta bu'i le'u stong phrag brgya'i gzhung grangs med tshad med pa'i de bzhin gshegs pa'i yul du gyur pa'o/ /ting nge 'dzin 'di thob par 'dod pas ngas bdog pa'i dngos po ma gtang ba ci yang med do/ /de bzhin gshegs pa mdza' yas pa bya rgod phung po'i ri 'di la bzhugs pas ting nge 'dzin 'di rgya cher gzhan dag la bstan to/ /de dag gi drung du ngas kyang ji ltar thos pa bzhin du bsgoms shing nan tan du byas pas bsgrubs pa ste/ nan tan rnam pa sna tshogs pas bstan to/ /yon tan la rab tu gnas pa dang/ ro la ma zhen cing mi brkam pa dang/ ser sna dang phrag dog la sogs pa'i skyon thams cad dang bral ba dang/ yon tan thams cad kyis brgyan pa la ni ting nge 'dzin 'di rnyed par dka' ba ma yin te/ 'dor na mi gang ting nge 'dzin 'di 'dzin pa des ni mtshan sum cu rtsa gnyis dang/ dbe byang bzang po brgyad cus brgyan pa'i sku dang/ chos thams cad 'dzin par 'gyur ro zhes bya ba yin no/ /gang dag ting nge 'dzin 'di 'dzin par byed pa de'i yon tan ni de bzhin gshegs pa dpag tu med pas zhal gyi pad+ma dpag tu med pa nas dpag tu med pa'i ljags kyi khyad par gyis gsung gi yan lag tha tha dad pa dpag tu med pas bskal pa dpag tu med par brjod dad pa dpag tu med pas bskal pa dpag tu med par brjod kyang tshigs su bcad pa gcig tsam brjod pa'i bsod nams kyi cha tsam yang bsgrags par mi 'gyur ro/ /gang gi phyir 'das pa dang ma 'ongs pa dang da ltar byung ba'i de bzhin gshegs pa de dag thams cad kyis kyang ting nge 'dzin 'di nyid la lags par bslabs pas bla na med pa yang dag par rdzogs pa'i byang chub mngon par rdzogs par sangs rgyas so/ /de'i phyir ting nge 'dzin 'di 'dzin pa'i yon tan ni dpag tu med par shes par bya'o/ /sngon gyi sbyor
- 33b
ba'i skabs kyis ni/ /shin tu mnyes par bya ba gsungs/ /sangs rgyas 'bras bu 'dod pa yis/ /de bzhin 'jug par bya ba yin zhes bya ba yin no// //sA la'i dbang po'i rgyal po'i le'u ste gnyis ba'i 'grel pa'o// // nga ni sangs rgyas rjes su dran pa bsgom pa dang ldan pa ni ting nge 'dzin la mngon par phyogs par 'gyur bas/ sangs rgyas rjes su dran pa'i le'u de nas bcom ldan 'das zhes bya ba la sogs pa gsungs te/ de lta bas na byang chub sems dpa' gang de bzhin gshegs pa'i yon tan yang dag pa dang sangs rgyas kyi yon tan brjod pa yang dag par bstan par 'dod pa dang/ don dang 'bru mi zad par te yongs su rdzogs par 'gyur bar 'dod pa nges kyang sems can thams cad kyi don du ting nge 'dzin 'di bzung bar bya zhes bya ba la sogs pa gsungs te// sangs rgyas kyi yon tan yang dag pa de dag gang yin zhe na zhes yon tan dpag tu med pa'i bden pa'i rang bzhin nges pa byed pa zhus pa dang/ dgon pa na 'dug kyang zhes bya ba la sogs pa gsungs te thams cad du sangs ryas rje su dran pa bsgom pa dang mi 'bral bar goms par bya'o zhes bstan pa yin no/ /da ni yang dag pa'i yon tan brjod par bya ba'i phyir/ 'di ltar bcom ldan 'das zhes bya ba la sogs pa gsungs te/ bcom ldan 'das zhes bya ba ni bdud bzhi bcom pa dang/ dbang phyug la sogs pa'i yon tan dang ldan pa'o// de bzhin gshegs pa zhes bya ba ni chos ji ltar gnas pa de dag de bzhin du rtogs shing mngon par rdzogs par sangs rgyas pa'am de bzhin ston bar mdzad bas de bzhin gshegs pa'o/ /dgra bcom pa zhes bya ba'i nyon mongs pa bag chags dang bcas pa bcom pas mchod par 'os pa 'am/ dgra bcom pa dang ldan pas dgra bcom pa'o/ /yang dag par rdzogs pa'i sangs rgyas zhes bya ba la/ yang dag pa phyin ci ma log pa'o/ /rdzogs pa ni yongs su gang ba ste/ bsod nams dang ye shes kyi tshogs ma tshang ba med pa brnyes pa'o/ /rig
- 34a
pa dang zhabs su ldan pa zhes bya ba la/ de la yang dag pa'i lta ba ni rig pa'o/ /yan lag lhag ma bdun ni zhabs zhes bya ste/ /de ltar na 'phags pa'i lam yan lag brgyad pa dang ldan pa ni rig pa dang zhabs su ldan pa zhes bya'o/ bde par gshegs pa zhes bya ba ni don gsum bzung bar bya ste/ rab tu grub pas na bde bar gshegs pa ste/ bu mo gzugs bzang mo bzhin no/ /phyir mi ldog par gshegs pas na yang bde bar gshegs pa ste/ rims nad legs par bya ba lta bu'o// ma lus par gang bas na bde bar gshegs pa ste/ bum pa gang ba bzhin te/ des na bde bar gshegs pa zhes bya'o/ /'jig rten mkhyen pa zhes bya ba ni dbang po dang bsam pa ci lta ba bzhin snod dang snod ma yin pa'i bye brag gis 'gro ba drug tu skyes pa'i 'jig rten rnams kyi don skal pa bzhin rig pas na 'jig rten mkhyen pa zhes bya'o/ /skyes bu 'dul ba kha lo bsgyur ba zhes bya ba la/ skyes bu gdug pa can gyi dregs pa bsal nas rang gi lam la 'jig par byed pas na skyes bu 'dul ba zhes bya'o/ de rnams kha lo sgyur ba ni gtso bor gyur pa'o/ /bla na med pa ni lhag pa'i rang bzhin du gyur pa ste/ des na skyes bu 'dul ba kha lo sgyur ba ni de bzhin gshegs pa las gzhan la yod pa ma yin no/ /lha dang mi rnams kyi ston pa zhes bya ba ni zhi ba dang/ drag po la sogs pa'i sems can rnams phyin ci ma log par bstan pas 'dul bar mdzad pas ston pa'o/ /lha ni lha chen po la sogs pa'o/ /mi rnams ni sor mo'i phreng ba la sogs pa'o/ /de lta bu yang dag pa'i yon tan dang ldan pa des su yin zhe na/ de'i phyir sangs rgyas bcom ldan 'das zhes bya ba gsungs te/ de bzhin gshegs pa de ni bsod nams dag gi rgyu mthun ba zhes bya ba la/ rgyu dang 'dra ba'i 'bras bu ni rgyu mthun pa ste sngon gyi bsod nams kyi 'bras bu ni rgyu mthun pa'i 'bras bu ste bcom ldan 'das so//
- 34b
dge ba'i rtsa ba rnams chung mi za ba zhes bya ba ni ma chags pa la sogs pa'i dge ba'i rtsa ba'i rang bzhin sngon gyi dus su bskyed ba rnams mngon par mi nyams pa'i 'bras bu ma tshang ba med pa'i sku mthong ba las rjes su dpag par bya ste/ dge ba'i rtsa ba ma tshang ba med pa gcig tu bsdus par gyur pa ni bcom ldan 'das so/ /bzod pas brgyan pa zhes bya ba ni rgyan ma lus pa thams cad zil gyis gnon pa'i ngo bo ni bzod pa yin no/ /brgyan pa zhes bya ba ni rdzogs par thob pa ste shin tu rdzogs par byas pa'o/ /bsod nams kyi gter rnams kyi gzhi zhes bya ba ni bsod nams nyid gter yin te/ phun sum tshogs pa ma lus pa'i rgyur gyur pa'i phyir ro/ /de dag gi gzhi ni skal pa dang ldan pa rnams la mngon sum du 'gyur ba ni bcom ldan 'das yin pas bsod nams kyi gter rnams kyi gzhi zhes bya'o/ /dpe byad bzang po rnams kyis shin tu brgyan pa ni spras nas mdzes par byas pa'o/ /mtshan gyi me tog rgyas pa zhes bya ba la/ byang chub kyi yan lag gi me tog las skyes pa'i skyes bu chen po'i mtshan sum cu rtsa gnyis kyis rnam pa thams cad mkhyen pa nyid kyi 'bras bu thob par bya ba la nye ba'i tshe brgyan pa'o/ /spyod yul ran par mthun pa zhes bya ba ni ran par mthun pa ni 'dra ba'o/ /de med pa ni ran par mthun pa'o/ /spyod yul ni yul lo/ /yang na spyod lam gyi khyab bar yid du 'ong bas thams cad tu de dang 'dra ba med pa zhes bya ba'i don to/ /mthod na mi mthun par med pa zhes bya ba la/ shin tu gdug pa'i sems dang ldan pa rnams kyis kyang mthong ba'i spyod yul du gyur na mthong bas yid 'phrog par byed pa'i phyir yang mi mthun pa'i sems 'byung bar 'gyur ba'o/ /dad pas mos pa rnams mngon par dga' ba zhes bya ba ni gang zhig dad pa tsam gyis mos par gyur pa de dag kyang dad pa rgyun chad pa'i rgyu med pa'i phyir de nyid la mngon par dga' bar 'gyur ro/ /des na dad pas mos pa rnams mngon par
- 35a
dga' ba zhes bya'o/ /shes rab zil gyis mi non pa zhes bya ba ni bdud dang/ mu stegs dang/ kun tu rgyu dang/ nyan thos dang /rang sangs rgyas dang/ byang chub sems dpa' i shes rab rnams kyi spyod yul de bzhin gshegs pa'i ye shes ma yin pa'i phyir zil gyis mi non pa zhes bya'o/ /stobs rnams la rdzi ba med pa zhes bya ba ni de bzhin gshegs pa'i stobs bcu las lhag pa med ba'i phyir/ 'dud la sogs pa stobs chung ba rnams kyis rdzi bar mi nus pa'o/ /seMs can thams cad kyi ston ba zhes bya ba ni sems can rnams la skal ba ci lta ba bzhin du chos ston pas rjes su ston pa'i phyir ston pa zhes bya'o/ /byang chub sems dpa' rnams kyi yab ces bya ba la byang chub kyi sems bskyed pa la sogs bas bskyed pa 'am/ thabs la mkhas pa'i rang bzhin yin pa'i phyir yang ste/ shes rab pha rol phyin pa ma/ /pha ni thabs la mkhas pa yin/ /zhes bya ba gsungs pas so/ /'phags pa'i gang zag rnams kyi rgyal po zhes bya ba la/ de bzhin gshegs pas bcas pa'i bslab pa bsrungs shing bslabs pa dgra bcom pa la sogs pa'i 'bras bu thob cing de'i dka' las 'da' bar mi nus pa'i phyir ro/ /las dang po pa rnams kyi ded dpon zhes bya ba la/ dge ba'i rtsa ba bcu'i lam rgyags byin nas 'grod dka' ba'i lam laS sgrol ba ni ded dpon gyi las yin pas de sgrub par byed pa'o/ /ye shes dpag tu med pa zhes bya ba ni 'jig rten dang 'jig rten las 'das pa'i shes pas tshad gzung bar mi nus pa'i phyir dpag tu med pa'am/ dpag tu med pa'i ye shes dang ldan paS so/ spobs pa bsam gyis mi khyab ba zhes bya ba ni sems can thams cad kyi sems kyi spyod pa dang/ rjes su mthun par rgol ba'i lan gdab ba'i spobs pa bsam gyis mi khyab pa nyid kyi phyir ro/ /gsung rnam par dag ba zhes bya ba ni yan lag drug cu dang
- 35b
ldan pa'i gsung gi dkyil 'khor rnams rnam par dag pa nyid do/ /dbyangs snyan pa zhes bya ba ni dbyangs snyan pa nges par bsgrags pas sems can thams cad dga' ba bskyed nas/ /ngoms pa med par byed pa'i phyir dbyangs snyan pa zhes bya'o/ /sku byad blta bas mchog mi shes pa zhes bya ba ni dang por mthong ba gang du babs pas de las gzhan du blta bar mi 'dod pa ste/ bltas shing bltas shing dga' ba ni/ /sar pa sar pa yang yang skyes zhes bstan pa lta bu'o/ /sku mtshungs pa med pa zhes bya ba ni yan lag ma lus pa yang dag par rdzogs pas de'i phyir thub pa nyid kyi sku ni mtshungs pa med pa ste/ 'dra ba yang med pa'i sku zhes bya ba'i don to/ /'dod pa dag gis mgos pa zhes bya ba la/ 'dod pa'i khams na gnas na yang 'dod pa'i khams dang 'brel pa'i skyon gyis ma gos pa'o/ /de bzhin du gzugs dang/ gzugs med pa'i khams dang 'brel bas ma gos pa yang ngo/ /phung po dag las rnam par grol pa zhes bya ba ni sdug pa dang bral ba la sogs par rnam par rtogs pa dang bral ba'i phyir dang/ sdug bsngal gyi rgyu las grol ba'i phyir sdug bsngal las kyang grol ba nyid do/ /khams rnams dang mi ldan pa zhes bya ba ni sa la sogs pa dang/ khams bco brgyad po rnams dang bral ba zhing ma gos pa'o/ /skye mched rnams bsdams pa zhes bya ba ni yul dang yul can rnams rang bzhin gyis med pas mngon par zhen pa rab 'byams bsdus pa ste/ rang gi ngo bo mthar thug par gyur ces bya ba'i don to/ /mdud pa rnams shin tu bcad pa zhes bya ba la/ 'dod pa dang /ma rig pa dang lta ba'i mdud pa'i 'ching ba rnams de kho na nyid nyams su myong bas nan gyis bcad pa ste/ gang zhe na rnam par 'ching ba ste/ tha dad par byas zhes bya ba'i don to/ /yongs su gdung ba rnams las grol ba zhes bya ba ni 'dod chags la sogs pa'i nyon mongs pa rnams ni sreg bar byed pas yongs su
- 36a
gdung ba zhes bya ba ste/ dge ba'i rgyun rnams sreg bar byed bas so/ /de dag las rnam par grol ba ni rnam pa sna tshogs kyis spangs pa'o/ /sred pa las yongs su grol ba zhes bya ba ni yongs su ni kun nas so/ /grol ba zhes bya ba ni 'khor ba la mngon par zhen pa'i mtshan nyid can gyi sred pa la las so/ /chu bo las brgal ba zhes bya ba ni chu bo ni bzhi ste/ 'dod pa dang/ srid pa dang/ ma rig pa dang/ lta ba'i mtshan nyid can no/ /de dag las brgal ba ni pha rol gyi 'gram mya ngan las 'das pa thob ces bya ba'i don to/ /ye shes yongs su rdzogs pa zhes bya ba la/ rnam pa thams cad mkhyen pa nyid mngon sum du mdzad pa las rnam pa thams cad yongs su rdzogs par mkhyen pa ni gzhan la med pas so/ /'das pa dang /ma byon pa dang/ da ltar sangs rgyas bcom ldan 'das rnams kyis ye shes la gnas pa zhes bya ba ni de bzhin gshegs pa thams cad dang mnyam pa nyid kyi ye shes mi gnas pa'i tshul gyis rab tu gnas pa'o/ /mya ngan las 'das pa la mi gnas pa zhes bya ba ni nyan thos la sogs pa bzhin du mya ngan las 'das pa la mngon par mi zhen la/ 'khor ba dang mya ngan las 'das pa mnyam pa nyid du dmigs pas gcig la mngon par zhen pa med pa nyid do/ /yang dag pa nyid kyi mdza' la gnas pa zhes bya ba ni sangs rgyas dang de bzhin nyid rten dang brten pa'i ngo bor med pas de'i bdag nyid du gnas pa ni gnas med pa nyid gnas yin no zhes byas nas so/ /sems can thams cad kyis steng du blta pa'i sa la bzhugs pa ste zhes bya ba ni de rtogs par 'dod pa rnams rab tu zhen pa'i sems kyis thams cad mkhyen pa nyid gyis blta ba ste mngon bar 'dod pa zhes bya ba'i bar du'o/ /bzhon nu 'di dag ni de bzhin gshegs pa'i sangs rgyas kyi yon tan yang dag pa ste zhes bya ba ni bshad ma thag pa'o/ /sangs rgyas kyi yon
- 36b
tan de dag dang ldan pa ni spobs pa rgyun mi 'chad bas yang dag par rdzogs pa'i sangs rgyas kyi yon tan bsngags pa yang dag par bstan pa na don dang tshig yongs su zad par mi 'gyur ba ni yongs su rdzogs par mi 'gyur ba ste/ sangs rgyas kyi yon tan gyi mthu dpag tu med pa'i phyir ro/ /de'i gsung thams cad kyang sangs rgyas kyi yon tan nyid kyis brgyan par gsung bar 'gyur te/ chos nyid rab tu bsgrubs pa la ched du byed pa'i phyir ro/ /lhug pas bstan pa'i don de dag nyid bde bar khong du chud par bya ba'i phyir tshigs su bcad pa'i dbyangs kyis rab tu bstan pa ni ji lta ji ltar 'jig rten rnams la phan pa yang dag par sgrub par byed pa de lta de ltar ston par mdzad pas/ bskal ba stong phrag mang por rab bshad kyang/ /rgyal pa'i bsngags pa thams cad brjod mi lang/ /zhes bya ba la sogS pa ste/ rgyal ba ste bdud rnams las rgyal ba'o/ /yon tan gyi bsngags pa thams cad brjod par ni bskal pa stong phrag mang por yang mi nus pa'o/ /de ltar de bzhin gshegs pa de dag gis yon tan bskyed pa de ni brjod par mi nus pa'o/ /ting 'dzin thob par bya ba'i phyir dang/ yon tan bskyed pa'i dbye ba bstan par bya ba'i phyir/ bu mo gzugs bzang shin tu blta na sdug ces bya ba la sogs pa gsungs te/ rgyan thams cad kyis brgyan pa mtshan thams cad dang ldan ba yang sngon btang ngo/ /de bzhin du nor dang/ 'bru dang/ bran pho dang/ bran mo dang/ nor bu dang/ mu tig dang/ byu ru la sogs pa yang byin no/ /gos ni bgo bar bya'o/ /dri mchog dri ldan ni dbyar gyi me tog nyid de ma li ka'o/ /phul ba ni sbyin pa'o/ /mchod rten ni mchod rten no/ /bla na med pa'i sems ni dri ma med pa'i sems bskyed nas mchod pa byas pa'o/ /de bzhin du chos kyi sbyin ba ni zang zing med pa'i sems kyis so/ /chos kyi sbyin pa byin pas nga grags par 'gyur ro/ /snyam tha de 'dra ba'i sems nam yang ma skyes so/ /sdug pa'i mchog byin pa la bdag nyid kyis spyad par
- 37a
bya'o snyam pa'i sems kyang nga la med de/ 'on kyang sangs rgyas kyi ye shes thob par bya ba'i phyir ro/ /snying rje chen po sngon du 'gro ba'i sbyangs ba'i yon tan dag kyang sangs rgyas nyid thob par bya ba'i ched du'o/ /ting nge 'dzin thob par bya ba'i phyir phrag dog dang ser sna dang bral ba'i sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab la brten to/ /gang gA'i klung gi bye ma snyed kyi 'jig rten gyi khams nor bu rin po ches bkang nas sbyin pa byin pa'i bsod nams pas ting nge 'dzin 'di ston par byed pa'i tshig bzhi pa'i tshigs su bcad pa gcig tsam bzung na sangs rgyas nyid dang nye ba'i rgyu yin pa'i phyir bsod nams mang du bskyed par rig par bya'o/ /gang+gA'i glung gi bye ma snyed kyi bskal bar phan yon yongs su bsgrags kyang sangs rgyas nyid kyang mthar thug par brjod pa mi spyod do/ /de bas na sangs rgyas nyid kyi 'bras bu thob par 'dod pas ting nge 'dzin gyi rgyal po'i mdo sde mdo sde'i rgyal po'i tshigs su bcad pa tsam gzung ba la yang blo dang ldan pas rtag tu 'bad par bya'o/ /snying rje chen po la 'jug pa'i mdo sde nan tan gyis mnyan par bya'i/ tshig tsam gyis ni ma yin no zhes bya ba ni mdor bsdus pa'o/ /ji ltar 'das pa la thogs pa med par mkhyen pa bzhin du ma 'ongs ba la yang thogs pa med par mkhyen pa 'jug pa yin no zhes bya bar/ 'jig rten 'dren pa mya ngan 'das zhes bya ba la sogs pa ste/ 'jig rten 'dren pa mya ngan las 'das nas phyi ma'i dus na dge slong sdom pa med pa mang po dag mang du thos pa mi 'dod pa de dag sgra tsam gyis sbyin pa dang tshul khrims dang/ bzod pa dang/ brtson 'grus dang bsam gtan dang/ shes rab la sogs pa'i bsngags pa brjod par byed kyang de dag 'dod pa ni ma yin te/ dpe gsungs pa/ ji ltar skyes bu la la dag /tsandan dag ni 'di 'dra ste/ zhes bya ba'i dpes ni sgra tsam la 'jug par gsungs so/ /'tsho ba tsam gyi
- 37b
ched du tshul khrims la sogs pa la bsngags pa brjod par byed pa yin gyi/ rang gi ngo bo ni yod pa ma yin no zhes bya bar/ ji ltar skyes bu dbul po la la zhig/ skye bo mang pos yongs brnyas gyur pa ste/ brnyas pa ni smad par gyur pa'o/ /de bzhin du ting 'dzin las nyams pa yang blta bar bya'o/ /ji ltar de nyid kyis phyis nor gyi gter chen po skye bo'i tshogs chen pos 'dod par bya ba'i gter chen po'i bdag por gyur na skye bo'i chen pos rim gro byed par 'gyur ro/ /de bzhin du gang gi tshe ting nge 'dzin 'di thob par gyur pa de'i tshe lha dang bcas pa'i 'jig rten thams cad kyis mchod par 'gyur ro/ /sangs rgyas su dag phyogs su mya ngan 'das zhes bya ba la sogs pas ni ting nge 'dzin gyi che ba'i bdag nyid gsungs so/ /zla 'od gzhon nu sems dga' nas zhus pa/ skyes bu dam pa mya ngan yongs 'das nas zhes bya ba la sogs pa ste/ ma rungs dus na bdag gis mdo 'di bzung zhes bya ba la/ ma rungs pa'i dus ngan pa la bab pa'i tshe bdag gis mdo 'di gzung bar bya'o zhes bya'o/ /zla 'od gzhon nu ji lta bar byang chub sems dpa' snga brgya mdo sde 'dzin pa la rab tu zhugs par gyur to/ /sangs rgyas rjes dran nges grub pas/ /ye shes dbang phyung cher gyur nas/ /sangs rgyas sras po brgyas bskor ba/ /'jig rten la grags kun mkhyen 'gyur/ /sangs rgyas rjes su dran pa'i le'u zhes bya ste gsum pa rdzogs so// //da ni ting nge 'dzin gyi le'u bstan par 'dod nas/ /de nas zhes bya ba la sogs pa gsungs te/ bcom ldan 'das ga la ba der logs su thal mo sbyar ba btud nas 'di skad ces gsol to zhes bya ba la/ bdag bcom ldan 'das la phyogs 'ga' zhig zhu'o zhes bya ba ni thams cad dus gcig tu zhu bar mi nus pa'i phyir ro/ /bcom ldan 'das kyis bdag la skabs phye na zhes bya ba ni zhu ba'i skabs phye nas so/ /zhu ba lung
- 38a
bstan pa'i slad du zhes bya ba ni lan rtsol na zhes bya ba'i don to/ /rtag tu skabs phye yis ci dang ci 'dod pa dris shig ces bya ba ni rtag tu mnyam par gzhag pa'i phyir nam yang skabs med pa ma yin no zhes bya bar dgongs so/ /bcoM? ldan 'das ting nge 'dzin ting nge 'dzin zhes bgyi ba'i don ci lags zhes rang gi 'dod pa zhus pa'o/ /ting nge 'dzin gyi rang gi ngo bo gsungs pa/ ting nge 'dzin ting nge 'dzin ces bya ba ni 'di lta ste/ sems nges par rtogs pa zhes bya ba la/ sems des par rtogs pa ni nges par rnam par rtog pa'i spros pa dang bral ba'i rang rang gi ngo bo mthar thug pa mnyam par mthong ba'i mnyam pa nyid dang blo mnyam par rtse gcig tu gyur pa de la ting nge 'dzin zhes bya ste/ gzhan dag go bar bya ba'i phyir yin gyi don dam pa nyid du ni ngag gi spyod yul thams cad las 'das pa/ ma skyes pa/ rnam par rtog pa thams cad dang ma 'dres pa/ phyi dang nang gi bdag nyid can gyi mngon par zhen pa dang bral ba/ 'gog pa la snyoms par zhugs pa bzhin du sgrub pa thams cad dang bral ba yang ma yin pa ste/ ye shes kyi rgyun g.yo ba med pa yang me rlung med pa la 'bar ba'i rtse mo'i rgyun du 'jug pa ni chos thams cad mnyam pa nyid rnam par spros pa'i ting nge 'dzin gyi rang gi ngo bo zhes ston to/ /de la rnam par spos pa ni sngar bstan to/ /ting nge 'dzin/ 'di thob na phung po dang/ nyon mongs pa dang/ dam bcas pa dang/ brtson 'grus kyi khur rnams par bar 'gyur ro/ /de bzhin gshegs pa'i ye shes ni thams cad mkhyen pa'i ye shes zhes bya'o/ /sangs rgyas kyi khyu mchog mi sangs rgyas kyi chog ni sangs rgyas kyi che ba'i bdag nyid do/ /'dod chags dang/ zhe sdang dang/ gti mug rab tu spangs pa nyid du gyur pa 'di ni ting nge 'dzin 'di'i sngon du 'gro ba'i rgyu yin pas 'di dag dang/ rigs par rnal 'byor du byed pa zhes bya ba ni rigs pa ste tshad ma dad? ldan pa'i rnal 'byor gang la
- 38b
yod pa de ni rig par rnal 'byor du byed pa zhes bya ste/ de'i ngo bo ni rig par rnal 'byor du byed pa'o/ /de las bzlog pa ni mi rigs pa rnam par spong ba'o/ /dge ba'i chos la 'dun pa ni mngon par zhen pa'o/ /'khor ba las thar par 'dod pa ni lhag pa'i bsam pa sgrub par byed pa ste/ nam gyi cha stong dang/ nam gyi cha smad la mi nyal bar dkar po'i tshad la spro ba'o/ /skye po rnams la yid mi ston pa ni 'khor ba sgrub par byed pa'i chos mi byed pa'o/ phyi dang nang gi skye mched yid la mi byed pa dang/ bdag la mi bstod gzhan la mi smod pa dang/ khyim la chags pa spong ba dang/ so so'i skye bo la yid rton pa spong ba dang/ gzhan gyi rkyen gyis mi 'gro ba nas rjes su mthun pa'i bzod pa'i bar rjes su mthun pa'i chos la bzod pa'i ting 'dzin gyi rgyu yin pas ting nge 'dzin zhes brjod do/ /tshigs su bcad pa'i dbyangs kyis zhes bya ba ni bshad zin to/ /ngas ni bdud rtsi'i sgo ni rab tu phye zhes bya ba las/ ngas ni zhes pa ni bdag gis so/ /bdud rtsi ni mya ngan las 'das pa ste thar pa'o/ /de las gzhan pa'i mtshan nyid ni 'chi ba ste de med pa'o/ /de'i sgo ni ting nge 'dzin 'di yin no/ /phye ba ni ma sgribs pa'o/ /chos kyi rang bzhin ci 'dra de bzhin bshad/ /chos rnams ngo bo ji ltar gnas pa gzhin du'o/ /de bzhin du skye ba med pa'i chos kyi rang bzhin yang ngas bshad do/ /skye ba dag kyang ci 'dra ste sgyu ma lta bu dang/ gzugs brnyan lta bur skye bar 'gyur zhes bya'o/ /mya ngan 'das pa phan yon bcas par bshad phan yon dang bcas par bstan pa'o/ /de lta bas na ngas gang bstan pa'i lam nas 'gro bar bya ste/ sdig pa'i grogs po spang ba dang/ dge ba'i bshes gnyen bsten pa dang/ dben pa la mngon par dga' ba dang/ sems can thams cad la byams pa chen po bsgom pa dang/ yongs su dag pa'i tshul khrims bsrung bar bya ba la sogs pa ni ting nge 'dzin 'thob pa'i rgyu yin no/ /byang chub
- 39a
kyi sems la yang dag par 'dzud pa dang/ sangs rgyas kyi ye shes bla na med pa la rab tu bkod na myur du ting nge 'dzin 'di mngon sum du byed par 'gyur ro/ /ting nge 'dzin 'di ni stong pa nyid kyi rang bzhin yin pas byis pa rnams spyod yul ma yin no/ /de lta bas na sangs rgyas kyi sku byad khyad par can rjes su dran pa bsgom pa sngar bstan pa yin no/ /rtag tu mnyam par bzhag pas ji lta ba bzhin gyi spyod lam gyis de la gtad pa'i yid dang ba bsgoms na/ de'i phyir rnam par rtogs pa thams cad dang bral ba'i de bzhin gshegs pa thams cad snang bar 'gyur ro/ /de dag gis de la dgongs par yang 'gyur ro/ /de bzhin gshegs pa rnams kyis dgongs pas de nam yang ting nge 'dzin dang bral bar mi 'gyur ro zhes shes nas yon tan dpag tu med pa'i pha rol tu phyin pa'i yon tan thob par 'dod pas ting nge 'dzin 'di bsgom par bya'o/ /mi de'i sems ni shin tu myos par 'gyur zhes bya ba la sogs pa la/ thams cad mkhyen pa ma yin pas ni thams cad mkhyen pa'i yon tan mdza' yas pa shes par nus pa ma yin pas myos par 'gyur ba ste/ sems rnam par g.yengs pa nyid 'thob par 'gyur ro/ /phyogs bcu dag na sems can su yang ni zhes bya ba la sogs pas ni yon tan dpag tu med pa nyid brjod par bde pa yin no/ /de lta bas na yon tan dpag tu med pa dang ldan pa'i sangs rgyas nyid 'dod pas ji skad gsungs pa'i mtshan nyid can gyi sangs rgyas rjes su dran pas bcom ldan 'das bsgom par bya'o/ /'dus byas dang 'dus ma byas mnyam pa nyid du rtogs nas mtshan ma thams cad dang bral bas mtshan ma med pa'i rnal 'byor pa ni chos thams cad stong pa nyid la 'jug par 'gyur ro/ /yang de ni chos kyi sku la yang gnas par 'gyur ro/ /gang chos kyi sku la gnas pa de ni chos thams cad dngos
- 39b
po med pa'i ngo bo nyid du shes nas de bzhin gshegs pa gzugs gyi skur mthong bar 'gyur te/ sangs rgyas rnams ni chos nyid blta/ 'dren pa rnams ni chos kyi sku zhes gsungs pas so/ /ji lta ji ltar mang du mis brtags pa zhes bya ba la sku'i rnam par? kyang rung/ /de las bzlog bas kyang rung/ /rnam par rtog pas yongs su bsgrubs pa'i rang gi ngo bo mthar thug par 'gyur zhing de la gzhol bar 'gyur ba'o/ /de bzhin du sku byang de rnam pas sam ye shes dpag tu med pa ste/ chos kyi skus kyang rung/ langs? ba dang/ 'gro ba dang/ 'dug ba dang/ nyal ba la sogs pa'i spyod lam thams cad du sems rnam par g.yeng ba med pas sangs rgyas rjes su dran par sgom par byed pa de dag gis smon lam dang 'bad pa'i stobs ji lta ba bzhin du mthong bar 'gyur ro/ /ting nge 'dzin 'di la gnas pa ni mtshan ma dang 'bad pa thams cad bral na yang de bzhin gshegs pa yon tan gyis brgyan pa thams cad mthong bar 'gyur ro/ /bdag dang gzhan gyi rnam par rtog pa dang bral bas nga rgyal yang mi skye'o/ /nam zhig de ni na zhing mi bde nas zhes bya ba la/ gang gi tshe nang chen pos na zhing gnod par gyur pas de la ni 'chi ba la thug pa'i sdug bsngal gyis tshor bas lus la khyab par gyur pa de lta na yang sangs rgyas rjes su dran pa rnam bar mi nyams te/ rtag tu mnyam par bzhag pa'i phyir dang chos nyid ji lta ba bzhin du so sor brtags pa'i stobs kyis so/ /de'i phyir sangs rgyas kyi yon tan dang phan yon dpag tu med pa thos nas sangs rgyas nyid la 'bad pa bstan pos sangs rgyas kyi yon tan rnams des par ba sgrub pa'i phyir 'bad par bya'o// ngas ni rab tu bzang pa'i chos bshad kyang zhes bya ba la sogs pa ni de bzhin gshegs pa ston pa tsam/ khyod nyid kyis ni mngon du byas zhes bya bar dgongs pa'o/ /nang pa sman gyi rgyal pa thogs pa dag ces bya ba la sogs pa la/ thos pa tsam gyis
- 40a
nyon mongs pa ma lus pa spangs pa'i sangs rgyas nyid thob pa ni ma yin no/ /de lta bas na sangs rgyas nyid thob par 'dod pas sbyin pa la sogs pa dang ldan pa'i ting nge 'dzin bsgoms pa la rtag tu 'bad par bya'o/ /zhes de bzhin gshegs pas brlab pa bstan pa yin no/ /ting nge 'dzin chos rnams thams cad kyi spros med bdag nyid bsgoms pa yin/ /mnyam pa gang du blo mnyam pa/ /chos kyi sku yi ngo bo nyid/ /ces bya ba'o/ /ting nge 'dzin gyi le'u ste bzhi pa rdzogs so// // de nas yang zhes bya ba la sogs pas ni dbyangs byin gyi le'u bstan pas thams cad btang par bstan par bya ba'i phyir/ mgo dang gos la me 'bar ba lta bur zhes bya ba la sogs pa la/ mgo dang gos la me 'bar ba gsod pa la brtson pa'i skyes bu bzhin du ? du'i tshogs la sogs pa spang shing/ rgyal srid kyi longs spyod dang dbang phyug la sogs pa yang spangs la khyim gyi gnas nas nye bar 'byung bar bya'o zhes bya ba ni thams cad btang la rab tu 'byung bar bya'o zhes bya ba'i don to/ /gzhon nu ston byung ba zhes bya ba la sogs pa la/ dbyangs byin dpes byas nas de dag nyid gsal por ston to/ /rig pa dang zhabs su ldan pa zhes bya ba la sogs pa sngar bstan zin to/ /de bzhin gshegs pa de'i nyan thos 'dus pa dang po ni bye ba phrag brgya bcu byung ngo zhes bya ba la sogs pa la zag pa zad pa ni nyan mongs pa zad pa'o/ /khur bor ba ni nyon mongs pa dang/ phung po dang/ dam bcas pa dang/ brtson 'grus kyi khur rnams dang bral ba'o/ /rang gi don rjes su thob pa ni de bzhin gshegs pas bstan pa'i lam bsgoms ba'i stobs kyis rang gi don mngon par rtogs pa thob pa'o/ /srid par sbyor ba yongs su zad pa ni ma rig pa la sogs pa srid par sbyor ba dgu yongs su zad pa gang la yod pa de la de skad ces bya'o/ /yang dag pa'i bkas sems rnam par grol ba ni gang gi sems rnam par
- 40b
grol ba dang/ shes rab rnam par grol pa'o/ /yang dag pa'i lam bsgrom pas gang la sems shin tu rnam par grol ba yod pa de la de skad ces bya'o/ /sems thams cad la dbang thob pa ni gang dag gis nyon mongs pa thams cad rab tu zhi bas rang gi sems yang? dbang thob bas 'dus par gyur ba zhes bya'o/ /de bzhin du 'dus pa gnyis pa la ni bye ba phrag bdun cu 'o/ /'dus pa gsum pa la ni bye ba phrag drug cu'o/ /byang chub sems dpa' yang grangs med pa lus bar gyur te/ dam pa'i chos yongs su 'dzin pa zhes bya ba la sogs pas ni 'khor phun sum tshogs pa shin tu che bar bstan pa yin no/ /de'i tshe bcom ldan 'das de'i tshe'i tshad ni lo bzhi khrin gyur to zhes bya ba ni dus chen por bstan pa'o/ /'dzam bu'i gling 'di 'byor ba ni nor phun sum tshogs pa'o/ /rgyas pa ni shin tu rgya che ba'o/ /bde ba ni nang la sogs pa med pa'o/ /lo legs pa ni lo tog thams cad phun sum tshogs pa'o/ /skye bo thams cad kyi yid dga' ba ni dga' bar bya ba'o/ /nyams dga' ba ni bdud la sogs spyod la sogs pa'i rim gyis shin tu rnam par dag pa mthar thug bya ba ni gnod pa ci yang med par bstan pa yin no/ /de'i tshe 'dzam bu'i gling 'dir rgyal po gnyis byung bar gyur te/ stobs bstan dang/ stobs chen zhes bya bas byed byang? la dbang byed par gyur to/ /de la stobs chen dbang byed pa'i phyogs der de bzhin gshegs pa dbyangs byin byung bar gyur to/ /de nas de bzhin gshegs pa dbyangs byin nyan thos kyi dge bdun dang bcas pa/ byang chub sems dpa' i dge 'dun dang bcas pa/ nye bar kho ba thams cad la rgyal po de 'khor dang bcas pa des bsod snyoms la sogs pa la ji ltar bde bar longs spyad pa'i phyir spyan drangs so/ /de nas de bzhin gshegs pa des rgyal po de 'khor dang bcas pa la tshul khrims dang/ gso spyod la sogs pa'i rim gyis shin tu rnam par dag pa mthar thug pa'i mya ngan las 'das pa la rab tu dgong ba'i phyir chos bstan te zhes bya
- 41a
bya ba ni mdor bsdus pa'i don yin no/ /'di dag nyid kyi don tshigs su bcad pa'i dbyangs kyis bstan pa ni snga ma bzhin no/ /sbyin pa rab sbyin gcig la gcig brten pa/ zhes bya ba la sogs pa la/ /longs spyod kyi phyir byin pa de bzhin gshegS pas ma bsngags te/ sangs rgyas nyid kyi phyir sgrub pa'i mchod pa gtsor byed pas gang dag sems can thams cad la phan pa'i sems kyis chos ston par byed pa'i chos kyi sbyin pa nyid ni sangs rgyas nyid thob par byed pa'i phyir gtso bo yin no/ /zang zing med pa'i chos la brten pa ni zhes bya ba la sogs pa la/ don chen 'gyur zhes bya ba ni don chen po sangs rgyas nyid thob par 'gyur ro/ /zhes bya ba'i don to/ /zang zing med pa'i sems kyis chos byin pa dang/ sems can thams cad la snying rje chen po bskyed pa ni myur ba nyid du 'grub par 'gyur ro zhes bstan pa'i phyir/ de 'dra de dag myur du sangs rgyas 'gyur zhes bya ba'o/ /bzlog pa'i sgo nas dben pa bsten pa gtsor bstan pa'i phyir/ 'dod pa dag la rab tu sten byed cing zhes bya ba la sogs pa gsungs te/ bu dang bu mo dang chung ma dang nyed du la sogs pa'i sred pa dang ldan pas 'dod pa la rab tu brten pas ni bla na med pa yang dag par rdzogs pa'i byang chub 'thob par 'gyur ba ni gnas med do zhes bstan pa yin no/ /de 'dra'i sangs rgyas gang yang sngon ma byung zhes bya ba ni sngon gyi sangs rgyas gang yang khyim pa nyid du gyur nas bu dang bu mo dang ldan bzhin du bla na med pa yang dag par rdzogs pa'i byang chub mngon par sangs rgyas pa'am/ ma 'ongs pa dang/ da ltar yang nyon mongs can dang/ nyon mongs pa med pa'i gnas skabs ni 'gal pa'i phyir ro zhes bya bar dgongs pa'o/ /rgyal srid la sogs pa spangs shing zag pa dang bcas pa'i nyon mongs pa rab tu spangs nas nyon mongs pa'i bdud la sogs pa thams cad las nges par rgyal te bla na med pa'i
- 41b
byang chub 'dus ma byas pa mngon par byang chub par 'gyur ro zhes bya ba ni nges par yin no/ /de lta bas na bza' ba dang btung ba la sogs pa nye bar mkho ba thams cad kyi mchod pa thams cad kyis de bzhin gshegs pa mnyes par mi 'gyur gyi ji ltar rab tu byung nas tshangs par spyod pa bsrung pa la mngon par sbyor bas rtag pa nyid du 'dus byas thams cad la rab tu rtog pa la gcig tu gzhol bas dgon par phyogs te gom pa bdun por na snga ma de bas bsod nams 'di khyad par du 'phags so zhes rgya cher 'byung ngo/ /de lta bu'i rab tu byung ba'i bsngags pa brjod pa'i gtam rgya cher thos pa dang/ gang gi phyir bdag kyang skra dang kha spu brags te gos ngur smrig bgos nas dad? pas khyim nas khyim med par rab tu byung bar bya'o zhes bsams nas/ 'khor dang bcas par de bzhin gshegs pa'i drung du song ste phyin nas rab tu byung bar gyur to/ /de de ltar rab tu byung nas ting nge 'dzin 'di bzung ste/ de dge ba'i rtsa ba des ngan 'gro thams cad du ltung ba thams cad dral bar gyur to/ /sangs rgyas bye ba phrag nyi shu la bsnyen bkur byas so/ / de dag las ting nge 'dzin 'di thos so/ /bzung ngo/ /bsgoms/ /dge ba'i rtsa ba de nyid kyis bla na med pa yang dag par rdzogs pa'i byang chub mngon par rdzogs par sangs rgyas te ye shes dpa' pa zhes bya bar gyur to/ /des sems can dpag tu med pa rnams kyi don byas te/ mya ngan las 'das pas 'dul ba'i skye bo 'dul ba'i phyir phyis sangs rgyas kyi mya ngan las 'das bas mya ngan las 'das so/ /rgyal po stobs chen dang lhan cig de bzhin gshegs pa dbyangs byin gyi drung du 'ongs pa'i 'khor de dag gis kyang ting 'dzin 'di thos nas de bzhin du rab tu byung bar gyur to/ /rab tu byung nas kyang ting nge 'dzin 'di rgya cher thos shing kun chub bar byas nas bskal pa 'bum tshang ba dang/ bla na med pa yang dag par rdzogs pa'i byang chub mngon par sangs rgyas nas de bzhin
- 42a
gshegs pa dpa' brtan zhes bya ba sha stag 'jig rten du byung ste/ de bzhin du sems can gyi don byas nas yongs su mya ngan las 'das so zhes bya ba 'di dag gis ni ting nge 'dzin sgom pa'i rjes su mthun pa ni rab tu byung ba nyid yin no zhes dgos pa bstan to/ /khyim dang chung ma la sogs pa yongs su gtong ba yang 'di'i rgyu yin no/ /de nas de'i tshe zhes bya ba la sogs pas ni sngon gyi sbyor ba'i le'u tshigs su bcad pas yang dag par rab tu bstan to zhes bya'o/ /dgos pa ni sngar bstan pa bzhin du gzung par bya'o/ /ngas dran bsam gyis mi khyab bskal pa na/ /'das pa'i dus na mi yi gtso bo ni/ /zhes bya ba la sogs pas ni sngon gyi dus na nyams su myong ba bstan to/ /bsam gyis mi khyab bskal pa zhes bya ba ni grangs las 'das pa nyid kyi phyir bsam par mi nus pa'o/ /bsam gyis mi khyab pa'i bskal pa 'das pa'i dus de'i tshe/ de bzhin gshegs pa dbyangs kyis byin zhes bya zhes bya ba la sogs pas ni lhag pa'i gzhung gi don bstan pa nyid tshigs su bcad pas ston pa yin pas rtogS sla ba'i phyir ma bshad do/ /sngon gyi sbyor ba'i le'u'i gzhung ni don gyis rnam brgyan pa/ thub pa'i dbang po'i 'gro ba rtogs pa'i byang chub sems dpas bstan/ /bsgom pa'i don du sems kyis thams cad gzung byas nas/ /de phyir mi lus sems kyi de bzhin bzung la bsgom zhes bya'o/ /dbyangs byin gyi le'u ste lnga pa'i 'grel pa rdzogs so// //ji skad gsungs pa'i ting nge 'dzin nges par bsgrub pa'i phyir ting nge 'dzin yongs su sbyong ba'i las/ de nas yang zhes bya ba la sogS pa gsungs so/ /de la ting nge 'dzin yongs su sbyong ba gang zhe na zhes bya bas ni yongs su spyod ba la rmongs pa gsal ba'i phyir dris pa'o/ /gzhon nu 'di la zhes bya ba la sogs pa ni bcom ldan 'das kyis thams cad ston par rtsom pa yin no//
- 42b
snying rje chen po la zhugs pa'i sems kyis zhes bya bas ni gzhan gyi don la zhugs pa ni byang chub sems dpar 'gyur ro zhes ston pa yin no/ /de bzhin gshegs pa bzhugs pa'am/ yongs su mya ngan las 'das pa rnams la/ zhes bya ba ni thams cad du bsam pas rab tu bsgyur bas mchod pa de 'grub par 'gyur ro zhes bya bar dgongs pa'o/ /mchod pa bya ba la brtson pa yin te zhes bya ba de nyid bstan pa'i phyir 'di lta ste/ chos gos dang/ bsod snyoms dang zhes bya ba la sogs pa la/ mchod pa dang bsnyen bkur las byung ba'i rtsa ba de dag kyang ting nge 'dzin thob par yongs su bsngo'o zhes bya ba ni ting nge 'dzin thob na sangs rgyas nyid kyang 'thob par 'gyur ro snyam du dgongs pa yin no/ /de ni 'dod pa yongs su spyod pa'am/ mtho ris la sogs pa chos cung zad tsam 'dod pas de bzhin gshegs pa la mchod pa ma yin no/ /chos sems par 'gyur gyi gzhan sems pa ma yin no/ /de 'dod na de bzhin gshegs pa chos kyi skur yang mi dmigs pa ste/ mngon par zhen pa'i gnas ma yin pa'i phyir ro/ /yang de gzugs kyi skur ltag pa zhig dmigs par 'gyur zhes bya ba yin no/ /chos nyid la nan tan byed pa ni don dam pa'i mchod pa ste/ de bzhin gshegs pa mi mthong ba dang/ bdag nyid mi dmigs pa dang/ rnam par smin pa gzhan la mi re ba zhes bya ba 'di ni 'khor gsum yongs su dag pa'i de bzhin gshegs pa'i mchod pa'o/ /mchod pa 'dis de bzhin gshegs pa mchod na byang chub sems dpa' ting nge 'dzin 'di rab tu thob cing myur du bla na med pa yang dag par rdzogs pa'i byang chub mngon par rdzogs par 'tshang rgya ste/ rgyu dang 'bras bu rjes su mthun par ni nges pa yin no snyam du dgongs pa yin no/ /don 'di dag nyid tshigs su bcas pas gsungs pa ni tshigs su bcad pa'i dbyangs kyis zhes bya ba la sogs pa ste snga ma bzhin no/ /ye shes mdza' yas pa la spos phul bas zhes bya ba la sogs pa la/ /ye shes mdza' yas
- 43a
pa gang la yod pa de la de skad ces bya ste/ de bzhin gshegs pa de la dri phul ba nyid kyis bla na med pa'i tshul khrims kyi dri dang ldan par 'gyur ro/ /'khor gsum yongs su dag pa'i dris de bzhin gshegs pa la mchod pa byed pa des ni ye shes kyi rang bzhin rjes su mthun pa'i bzod ba chung ngu skye bar 'gyur ro /bzod pa chen po bsten pa'i mi de la ni mi yis khas? tshad tsam du bcad gtubs kyang zhes bya ba ni khams chad tsam du bcad cing gtubs nas lus dum bur? byas kyang bskal pa gang gA'i klung gi bye ma snyed du yang bla na med pa yang dag par rdzogs pa'i byang chub las de'i sems ldog par mi 'gyur te/ bcang bya dang gcod pa po la sogs pa mi dmigs pa'i phyir ro/ /ci'i phyir na bzod pa'i ming du gdags zhes bya bas na bzod pa la 'jug pa'i phyir rgyu gang gis bzod pa zhes bya zhes dris pa yin no/ /ji lta rjes su mthun pa zhes kyang bya/ /gang gi rgyas na phyir mi ldog ces bya/ /ji ltar byang chub sems dpa' zhes kyang brjod ces 'di na/ /chos bdag med pa la sems kyis 'dod cing bzod pa ni rjes su mthun pa'i bzod pa ste/ the tshom thams cad spangs nas sangs rgyas kyi chos rtogs pa la rjes su phan pa'i phyir ro/ /de'i phyir rjes su mthun pa'i bzod pa zhes brjod do/ /de lta bu'i bzod pa dang ldan ? byang chub sems dpa' i dur du bdud sdig can sangs rgyas kyi cha byad kyis 'ongs nas de phyir zlog? pa'i phyir tshig 'di skad smra'o/ /bla na med pa yang dag par rdzogs pa'i byang chub ni shin tu rnyed par dka' yis de'i phyir nyan thos nyid du 'byung bar gyis zhig? ces smra yang de phyir ldog par mi 'gyur ro/ /byang chub sems dpa' i zhes bya ba'i sgra la 'jug pa'i phyir/ sems can mi mthun lta las rtogs byed cing zhes bya ba la/ 'jig tshogs la lta ba sngon du song ba'i lta ba drug cu rtsa gnyis ni lam ngan pa ston pa'i phyir mi mthun pa'i lta ba zhes bya'o/ /de las bzlog pa'i phyir yang dag pa'i lam ston par byed pa'i
- 43b
chos thams cad bdag med pa ston par byed pa'i lta ba zhes bya bas sems can rnams/ rtogs par byed cing zhes bya ba ni sgrub tu 'jug pa'o/ /mi 'chi thob pa'i lam ni 'di min zhes zhes bya ba la/ de lta bu'i lta ba log pa ltung ba'i lam las bzlog naS sems can rnams bdud rtsi 'thob pa'i lam la 'jog par byed pas de'i phyir byang chub sems dpa' zhes bya'o/ /de bzhin du rjes su mthun pa'i bzod pa dang ldan pa'i lam la rab? tu zhugs pa chos kyi rang bzhin bdag med par rtogs pa la sems can dang/ srog la sogs par lta ba rmi lam gyi nang du yang 'byung bar mi 'gyur ro/ /bdud rnams bye ba gang gA'i klung gi bye ma snyed sangs rgyas kyi gzugs su de dag gi drung du 'ongs nas sems can dang srogs pa ni yod do zhes smran? yang de dag la g.yo ba med pa'i sems kyis lan 'di skad 'debs bar byed do/ /tshad ma dang ldan pa'i shes pas bdag med pa rtogs pa'i stobs kyi san dang srog la sogs pa med par yang dag par rtogs so zhes smra'o/ /khyod ni sangs rgyas kyang ma yin te/ lam log par ston pa'i phyir ser skya la sogs pa mu stegs pa bzhin te/ bdud nyid ba'i sems bslu ba'i phyir sangs rgyas kyi gzugs su 'ongs pa yin no zhes zer ro/ /ye shes kyis ni phung po stang bar shes zhes bya ba la sogs pa la/ bdag la sogs pa dang bral ba'i phung po lnga stong par shes pa'o/ /shes nas nyon mongs pa rnams dang mi 'grogs na ci ltar na 'jig rten pa la byang chub sems par grags she na/ ba snyad tsam gyis rnam par dpyod byed cing zhes bya ba la sogs pa gsungs te/ tha snyad cam yin pas don gyis stong ngo/ /tha snyad ni don dam pa ma yin te/ mya ngan las 'das na ? 'jig rten gyi tha snyad du mya ngan las ma 'das pa bzhin du tha snyad du byed do zhes bya bar dpes bstan pa'i phyir/ ji ltar skyes bu dag gi bu
- 44a
skyes nas zhes bya ba la sogs pa la/ ji ltar skyes bu 'ga' zhi la bu zhig skyes la lha sbyin la sogs par ming btags pa'i ming de ni gang nas kyang 'ongs pa med do/ /de bzhin du byang chub sems dpa' zhes ming btags pa de yang gang nas kyang ma dongs te/ sgro btags pa 'ba' zhig tu zad do/ /de bzhin du phung po la sogs pa'i ring? ba ngo bo gang ngo bo la nges par brtags shing byang chub sems dpa' sems can dang srog la sogs pa brtags pa na dmigs par mi 'gyur te/ de nyid byang chub sems dpa' yin gyi gzhan ma yin no/ /rgya mtsho'i dbus nas zhes bya ba la sogs pa la/ rgya mtsho chen po'i dbus su me 'bar ba 'byung ba ni srid kyang byang chub sems dpa' ni nam yang 'jig tshogs la lta ba 'am/ srog la sogs par lta ba 'byung ba ma yin no/ /'di la gang yang sems can nam/ skye ba 'am/ 'chi ba 'am/ rang bzhin gyis grub pa ni med do zhes bsams nas chos thams cad sgyu ma lta bu nga ba nyid kyis stong? pa'o zhes gang gis rtogs pa de la byang chub sems dpa' zheS bya'o/ /de lta bur gyur pa'i chos rnams kyi rang bzhin rtogs pa ni gzhan la yod pa ma yin no zhes bstan pa'i phyir mu stegs can gyis rnam par rig mi nus zhes bya ba la sogs pa la/ 'jig tshogs kyi lta ba la mngon par zhen pa'i mu stegs pa rnamS kyis shes par mi nus pa'o/ /mu stegs pa ma yin pa rnams las las kyang kha zas la sogs pa la shin tu bskam pa dang/ chags pa che ba dang lhung bzed dang chos gos la sred pa dang/ mi brtan pa dang/ khengs sems can dang/ snyoms las dang/ gnyid kyis zil gyis mnan pa dang/ le lo la sogs pa mngon pa rtogs pa dang 'gal ba yid la byed pa nams kyis byang chub rtogs bar 'gyur ba ma yin no zhes bstan pa yin?/ /gang dag spyod yul dran pa nye bar gzhag ces bya ba
- 44b
la sogs pas ni rtogs pa dang rjes su mthun pa'i rgyu bstan te/ dran pa ni ting nge 'dzin no/ /gzhag pa ni sems rnam par mi g.yo ba'o/ /dga' ba ni rab tu dga' ba ste ma'o/ /stong pa nyid kyi gos kyis g.yogs pa dang/ zas ni bsam gtan gyis bdud rtsi'o// chos thams cad bdag med pa'i dri yis rjes su byugs pa dang/ byang chub kyi yan lag gi me tog gi phreng pa'i rgyan gang la yod pa de bla na med pa yang dag par rdzogs pa'i byang chub thob par 'gyur ro/ /de'i phyir bdag med yon tan chu bo'i gter gyur pa/ rdzogs pa'i byang chub sems kyis brgyan cing stong pas khyab/ /don? gyi snying po rtogs nas blo gros mdza' yas sangs rgyab kyi/ /bsam gtan ting 'dzin yongs su sbyong ba'i rgyu yang gsungs/ /ting nge 'dzin yongs su sbyang ba bya ba'i le'u'i bshad pa ste drug pa rdzogs so// //da ni sdug bsngal dang du len pa dang/ /gzhan gnod pa byed pa la ji mi snyam pa dang/ chos la nges par rtog pa'i dbye bas bzod pa rnam pa gsum gyi le'u/ bzod pa gsum gyi ye shes la mkhaS par bya'o zhes bya ba la sogs pa gsungs te/ des bzod pa dang po dang/ gnyis pa dang/ gsum pa rab tu shes par bya ste zhes bya ba ni khyad par shes par bya'o/ /gzhon nu da lta bas na zhes bya ba la sogs pas ni bzod pa gsum gyi le'u la 'jug pa'i chos kyi rnam grangs 'di gzung ba la 'bad par ba'o zhes bstan pa yin no/ /bzod pa gsum gyi rang gi ngo bo tshigs su bcad pa'i dbyangs kyis bstan pa na su dag dang/ yang rtsod par mi byed cing zhes bya ba la sogs pa la/ gang dang yang rtsod par mi byed ces bya ba ni 'thab cing rtsod pa spangs nas chos nyid kyi rjes su 'drang bas ni thams cad bzod pa'o/ /'di dag bzod pa dang por bstan pa yin zhes bya ba la sogs pa la/ bzod pa dang po'i rang gi ngo bo rtogs pa thob pa yin no zhes pa bstan pa yin no
- 45a
zhes bya ba'i don to/ /bzod pa dang po'i rab tu dbye ba'i khyad par bstan pa'i phyir/ chos thams cad sgyu ma 'drar shes te zhes bya ba la sogs pa gsungs te/ chos thams cad sgyu ma lta bur bzod pa'i mtshan nyid can gyi bnod? pa mtshan ma spangs pa de ni mdo sde'i tshul thams cad la yang mkhas shing legs par brlabs pas the tshom thams cad dang bral bas bde bar gshegs pas legs par gsungs pa'i phyin ci ma log pa'i chos nyid la de mos par 'gyur ro/ /de nas nges pa'i don de dang drang ba'i don gyi mdo sde'i rnam par dbye bas shes par 'gyur te/ gang stong pa nyid sgrub par byed pa de ni nges par don te bshad pa la bltos pa med pa'o/ /gang yang gang zag la sogs pa ston par byed pa ni drang ba'i don te bshad du yod pa'o/ /de'i phyir mnyam pa nyid mthong ba rnams ni mu stegs pa de dag la yang sems sdang ba mi bskyed la/ yang dag par zhugs pa rnams la yang rjes su ma chags so/ /de nas gzugs rnam pa bzhi'i ngo bo nyid snang bar 'gyur ro/ /de bden pa'i rjes su 'brang ba'i tshig smra bar 'gyur ro/ /sa la sogs ba'i 'byung ba rnams gzhan du 'gyur yang srid kyi/ 'di lta bu'i bzod pa dang ldan pa ni bla na med pa yang dag par rdzogs pa'i byang chub las ldog par mi 'gyur ro/ /de ltar bzod pa dang po'i khyad par bstan nas/ zhi gnas stobs kyis bskyod pa med gyur cing zhes bya ba la sogs pas ni bzod pa gnyis pa'i khyad par bstan te/ gang gi tshe ting nge 'dzin gyi stobs kyi sems g.yo ba med par gyur cing shes rab kyi stobs kyis sems 'khrug pa med par gyur pa na de'i tshe bzod pa gnyis pa'i khyab par thob pa yin no zhes bstan to/ /sems can kun gyis 'khrugs par mi nus te zhes bya ba ni gzhan gnod pa byed pa la ji mi snyam pa'i bzod pa'i bdag nyid can du gyur pa dang/ rang dang gzhan du rtogs pa dang bral
- 45b
ba'i phyir spyod lam rnam pa bzhi car la yang sems g.yo ba med par gyur pa na mnyam par bzhag pa nyid gyis bgreng dan? 'dug gam 'gro 'am/ nyal yang rung/ smra yang rung bzod pa'i pha rol tu phyin pa thob pas mngon par shes pa lnga bsgrubs nas sangs rgyas gyi zhing mdza' yas pa na gnas pa'i sems can rnams gdul ba'i phyir rdzu 'phrul gyis 'gro zhing des nga rgyal yang mi byed la de las nyams par yang mi 'gyur te/ mngon par 'du bya ba med par 'jug pa'i phyir ro/ /'jig rten gyi khams thang gyi sems can thams cad thams cad mkhyen pa'i ye shes dang ldan par gyur nas/ sgo sna tshogs nas chos ston par gyur kyang nges de dag thams cad de bzhin du 'dzin cing gzhan dag la yang bsams pa'i khyad par ji lta ba bzhin du chos bstan pas byas nas 'dul bar byed do zhes bya ba ni bzod pa gnyis pa'i khyad par yin no zhes bya ba ste/ yon tan zhes bya ba'i don to/ /bzod pa gsum pa'i khyad par bstan pa'i phyir/ /shar dang lho dang nub dang byang phyogs dang zhes bya ba la sogs pa gsungs te/ shar dang/ lho dang/ nub dang/ byang dang/ steng dang/ 'og dang/ phyogs mtshams rnams kyi phyogs bcu'i 'jig rten gyi khams na rnam par bzhugs pa'i de bzhin gshegs pa rnams mthong bar 'gyur zhing de dag la chos kyang nyan to/ /rang nyid las kyang de bzhin gshegs pa rnams sprul nas 'dul bya'i sems can rnams gzugs pa'i phyir chos ston par yang byed do/ /de la sangs rgyas kyi zhing thams cad du yang mthong zhing sems can thams cad kyi bsams pa thams cad kyang yongs su rdzogs par byed par 'gyur ro/ /de bzhin gshegs pa thams cad kyi spyod yul? du gyur pa'i spyod lam la lags par bslabs pa'i phyir de bzhin du thams cad sgrub par byed do/ /de dag nyid bstan pa'i phyir/ 'jig rten khams 'di'i sems
- 46a
can ci yod pas zhes bya ba la sogs pa gsungs te/ sems can thams cad byang chub sems dpa' i yon tan bsngags pa brjod cing bstong pa byed pa na des de dga' ba'am rjes su chags pa skye bar gyur na de bzhin gshegS pa'i bslab pa la legs bar bslabs ba ma yin no zhes brjod par bya'o/ /bsngags pa ma yin pa bsgrags par gyur pa na gal te sems zhum par gyur pa na de lta na yang sangs rgyas kyi ye shes la bslabs ba ma yin te/ rjes su chags pa dang khong khro ba dang bcas pa ni de bzhin gshegs pa'i bslab pa ma yin no zhes byas nas so de bzhin du ? pa mA? rnyed la la sogs pa 'jig rten gyi chos brgyad kyis ri'i rgyal po bzhin du sems mi bskyod cing kun tu rtogs pa thams cad kyi rlung gis mi g.yo ba ni bzod pa gsum pa'i yon tan gyi khyad par yin no/ /da ni bzod pa gsum gyi rnam par dbye ba bstan pa'i phyir/ sgra yi rjes 'gro bzod pa 'di bstan te zhes bya ba la sogs pa la/ ngan par sma ba la sogs pa'i tshig gi lam la bzod pas na sgra'i rjes su 'jug pa'i bzod pa zhes bya'o/ /thos pa las byung ba dang/ bsam pa las byung ba ni mngon par rtogs pa la phan pa'i phyir rjes su mthun pa zhes bya'o/ /bsgoms pa la byung ba ni skye ba med pa'i chos la bzod pa ste/ mngon par rtogs pa'i ngo bo nyid yin pa'i phyir ro/ /mthong? ba'i lam gyi ngo bo yang mngon par rtogs pa'i rang bzhin no/ /bzod pa'i gsum po 'di lhun gyis grub pa'i rang bzhin dus byang chub sems dpa' rnams kyis thob par 'gyur pa'i tshe de bzhin gshegS pa rnams kyis bla na med pa yang dag par rdzogs pa'i byang chub tu lung ston par 'gyur ro/ /byang chub sems dpa' re lung bstan pa thob nas bdag cag kyang sangs rgyas su 'gyur bar bya'o/ /zhes byang chub tu sems bskyed par 'gyur ro/ /de ma
- 46b
nag? tu sa chen po yang rnam pa drug tu rab tu g.yos so/ /rab tu dga' ba'i sems kyis la sogs pa yang me tog sna tshogs kyi char yang rab tu 'bebs so/ /sems can dag gis sbyos bsdigs brdegs na yang zhes bya ba la sogs pa'i don ni bshad zin pas yang brjod par mi bya'o/ /gang yang sems can rnams mtshon thogs nas de'i lus dang yan lag dum bu dum bung mar du gtubs kyang sems kyi rgyud byams pa chen po bsgoms pa'i phyir de dag la khro ba'i sems sam/ sdang ba'i sems skye bar ni 'gyur gyi bzlog nas snying rje chen po nyid kyis de dag nyid gzung ba'i phyir 'bad par byed do/ /de'i phyir byang chub mchog rab bla na med ces bya ba la sogs pas gsungs pa yin no/ /bla na med pa yang dag par rdzogs pa'i byang chub mngon par rdzogs par sangs rgyas bar 'dod pas ji skad gsungs pa'i bzod pa dag bsgom par bya'o zhes bya ba yin no/ /gang tshe nas la bzod pas skyon spangs nas/ rnam rtog ma lus zhib legs bsgoms na/ /bdud kyi dgra yis chog pa kyang de bzhin zhi/ /bzod mar drag chog mtshon rnon bzod par gyis/ /bzod pa gsum gyi le'u bstan pa ste bdun pa'i bshad pa rdzogs so// //da ni dngos po med pa las byung ba'i le'u/ chos thams cad kyi dngos po med pa'i ngo bo nyid ye shes la mkhas par bya'o zhes bya ba la sogs pa gsungs te/ gzhon nu ji ltar na zhes bya ba la sogs pas ni rang gi ngo bo dris pa'o/ /gzhon nu 'di la zhes bya ba la sogs pa ni lan gyi tshig gsungs pa'o/ /dngos po med pa'i ngo bo nyid ces bya ba ni gang gis dngos po rnams la gcig dang du ma'i rang bzhin gyis des par brtags pa na ngo bo nyid nye bar dmigs par mi 'gyur ba'o/ /de'i phyir dngos po med pa'i ngo bo nyid ces bya'o/ /mtshan ma med pa zhes bya ba la/ mtshan ma ni dngos po'i rtags te
- 47a
mtshan ma dang rtags dang/ rgyu gang dag gis de 'dzin pa nyid do/ /mo gsham gyi bu bzhin du ma skyes pa nyid la ni mtshan ma'i ngo bo med pas mtshan ma med pa nyid do/ /mtshan nyid med pa zhes bya ba ni bya ba'i khyad par gyis phung po thams cad kyis mtshan nyid bstan la/ bya ba de yang gcig pa 'am/ tha dad pa 'am/ gnyi ga'i ngo bor yang med pas mtshan nyid dang mtshan nyid kyi rang gi ngo bo yongs su ma grub pas de'i phyir mtshan nyid med pa zhes bya'o/ /ma skyes pa zhes bya ba ni rang dang/ gzhin dang/ gnyi ga dang/ rgyu med pa las kyang skye par mi 'gyur zhes bya ba la sogs pas rgya cher skye ba bkag pa'i phyir ma skyes pa'o/ /ma 'gags pa zhes bya ba ni skye ba med pa nyid kyis 'gags pa yang med do/ skyes pa ni 'gags par 'gyur gyi ma skyes pa'i mo gsham gyi bu la 'chi ba med pa bzhin no/ /yi ge med pa zhes bya ba ni mi 'gyur pa brjod du med pa ste/ yi ge'i ngo bo ma yin pas sgra'i tshangs pa smra ba rnams kyis yongs su brtags pa'i rang bzhin dang bral ba nyid do/ /de'i phyir yi ge med pa'o/ /stong zhes bya ba ni bstan ma thag pa'i spros pa thams cad kyis ma spros pa bdag dang bdag gis rang gi ngo bo dang bral ba stong pa nyid do/ /bzod ma nas zhi ba zhes bya ba ni skye ba sngon du song ba'i mya ngan las 'das pa yod pa ma yin gyi bzod ma nyid nas mya ngan las 'das pa'o/ /rang bzhin gyis rnam par dag pa zhes bya ba ni dag par bya ba dang/ dag par byed pa dang/ dag pa'i rang gi ngo bo dang bral bas chos thams cad rang bzhin gyis dag pa'o/ /ci thams cad du ngo bo med pas de skad brjod par bya ba 'am zhe na/ de ni ma yin te/ chos thams cad de bzhin du yongs su shes par bya'o/ /thams cad du yang mngon par zhen pa ni 'ching ba'i bdag nyid yin pa'i phyir 'khor
- 47b
ba las grol bar mi 'gyur ro/ /sangs rgyas don du bsteng? pa rnams kyi zhes bya ba ni lhag ma'o/ /de'i phyir ni chos thams cad de lta bur yongs su shes par gyur pa de'i tshe byang chub sems dpa' chos thams cad kyi dngos po med pa'i ngo bo nyid kyi ye shes mkhas pa zhes bya'o zhes bya ba'o/ /chos thams cad gyi zhes bya ba la sogs pa la/ gzugs dang/ sgra dang/ dri dang/ ro dang/ reg bya dang/ chos thams cad la 'dod chags par mi byed/ zhe sdang bar mi byed/ gti mug par mi byed ces bya ba ni ngo bo nyid shes pa'i dgos pa'o/ /de ci'i phyir zhe na/ zhes bya ba ni 'dod chags la sogs pa'i rgyu yod bzhin du 'dod chags par mi 'gyur zhes bya ba la sogs pa rgyu gang gi phyir zhes bsams pa'o/ /lan gdab pa'i phyir/ des chos de yang dag par rjes su mi mthong zhes bya ba la sogs pa gsungs te/ yang dag par rjes su mi mthong zhes bya ba ni byi dang nang gi dngos po rnams rjes su dpag bas so/ /dmigs pa zhes bya ba ni mngon sum gyis so/ /de ltar ma dmigs shing rjes su mi mthong bas khams gsum thams cad la chags par mi 'gyur ro/ /thams cad la ma chags pa nyid ni myur du ting nge 'dzin 'di bsgrubs nas mi dmigs pa'i sbyor bas bla na med pa yang dag par rdzogs pa'i byang chub mngon par rdzogs par sangs rgyas par 'gyur ro/ / tshigs su gcad pas bshad pa/ de la 'di skad ces bya ste zhes pa la sogs pa ni yang bshad par byar med do/ /gzhon nu sngon byung ba 'das pa'i dus da zhes bya ba la sogs pas mi sangs rgyas nges par 'thob par byed pa nyid gsungs pa'o/ /dngos po med pa las byung ba zhes bya ba la sogs pa la/ gzhon nu de bzhin gshegs pa de skyes ma thag tu ster gi nam mkha' la tA la bdud? tsam zhu? 'phags nus chos thams cad dngos po med pa las byung ba ? gsungs te/ sgra de 'jig rten gyi
- 48a
khams thams cad du chos thams cad dngos po med pa las byung ba'o zhes go bar byas so/ /de bzhin gshegs pa'i 'di dngos po med pa las byung ba zhes bya bar 'gyur ro zhes bya ba la sogs pa la de bzhin gshegs pa de'i gsung rab la rgyal bu gzhon nu snying rje cher sems zhes bya ba zhig byung ngo zhes bya ba ni rtogs pa gcig nas gcig brgyud pas rgyun mi 'chang par bstan to/ /de ting nge 'dzin 'di thos nas rab tu dod pa'i sems kyis rab tu byung ngo zhes bya ba la sogs pa dang/ de dge ba'i rtsa ba des de bzhin gshegs pa dgra bcom pa yang dag par rdzogs pa'i sangs rgyas don legs par bsams pa zhes bya ba la sogs pa la/ 'di dag gi don tshigs su gcad pas bstan pa ni bstan zin pa las don lhag pa ci yang med pas ma bshad do/ /dngos med las byung ngo bo nyid / /dngos po'i ngo bo rnams bsgom pas/ /bsgoms pa'i stobs kyis byung gyur pa/ /sangs rgyas dngos med las byung dngos/ /dngos po med pa las byung ba'i le'u ste brgyad pa'i bshad ba rdzogs so// //da ni chos zab mo la bzod pa'i le'u/ /de nas yang bcom ldan 'das kyis zhes bya ba la sogs pa gsungs te/ gzhon nu de lta bas na zhes bya ba la sogs pa la/ 'di las byung ngo zhes bya ba ni chos thams cad kyi rang bzhin mnyam pa nyid rnam par spros pa'i ting nge 'dzin 'di na sangs rgyas thams cad skyes par mdzad pa nyid kyi phyir khyab pa nyid du gsungs pa yin no/ /de lta bas na byang chub 'dod pas zhes bya ba la/ gang dag byang chub mngon par rdzogs par sangs rgyas par 'dod pas ting nge 'dzin gyi rgyal po zhes bya ba'i mdo sde de bzhin gshegs pa thams cad kyis bstod pa 'di gzung bar bya ste/ sems can thams cad gzung par bya ba'i phyir zhes bya ba'i
- 48b
don to/ /chos zab mo bzod pa las mkhas par bya'o zhes bya ba la/ rang gi ngo bo yongs su shes pa la mkhas par bya'o/ /gzhon nu ji ltar na chos zab mo bzod pa la mkhas pa yin zhe na zhes bya ba ni rang nyid kyis dri ba sngon du 'gro bas go bar mdzad pa yin no/ /gzhon nu 'di la byang chub sems dpa' zhes bya ba la sogs pa la/ sgyu ma ni sngags dang sman la sogs pa'i dbang gis yang dag pa ma yin pa'i don snang pas sems can rnams rmongs pa skyed par byed pa'o/ /rmi laM lta bu ni dge ba dang/ mi dge ba la sogs pa'i bag chags tsam gyi stobs kyis bsgoms pas snang ba tsam nyid do/ /smig rgyu lta bu ni don bya ba byed pas stong pa'i phyir ngoms pa skyed pa ma yin pa nyid do/ /brag ca lta bu ni byed pa po med pa'i sgra tsham thos pa'i spyod yul du gyur pa nyid do/ /mig yor lta bu ni phyi dang nang gi don gyis stong pa skra shang la sogs pa snang ba dang 'dra ba nyid do/ /chu zla lta bu ni skyes pa nyid na mi dmigs pa gnas pa med pa'i ngo bo nyid yin pa'i phyir ro// sprul pa lta bu ni rang gi bag chags ki sbrul pa'i 'khyud pa dang/ 'khyud bya la sogs pa dang 'dra ba'i phyir ro/ /gzugs brnyan lta bu ni gzung ba dang 'dzin pa'i rang bzhin med pa nyid kyi rgyur gyur pa'i phyir ro/ /'di dag gi rnam par gzhag pa yang kun rdzob tu yin gyi/ /don dam par ni chos thams cad nam mkha' lta bur rab tu shes par bya ste/ spros pa thams cad bral ba'i rnam pa can gyi/ ye shes la ni shes pa po dang/ shes bya dang/ shes ba'i rang bzhin mi dmigs pa nyid do/ /gzhon nu byang chub sems dpa' chos thams cad de ltar yang dag pa ji lta ba bzhin du shes pa de'i tshe 'di chos zab mo bzod pa la mkhas pa zhes bya'o zhes bya ba la shin tu zab pa'i chos nyid la bzod pa dang
- 49a
ldan pa'i byang chub sems dpa' de ni tshogs par 'gyur ba la mi chags de bzhan du mi sdang mi rmongs pas so/ /de ci'i phyir chags par 'gyur ba la mi chags par yod pa'i dngos po la glo bur du ji ltar 'gyur zhe na/ ? chos de yang dag par rjes su mi mthong/ chos de mi dmigs te zhes bya ba la/ gang chags par 'gyur ba'i bdag la sogs pa dang/ gang la chags par 'gyur ba'i bud med kyi lus la sogs pa dang/ chags pa gang yin pa 'dor chags gyi sems te/ byed pa po dang/ las dang/ bya ba'i rang gi ngo bo mi dmigs pa nyid do/ /rjes su mi mthong zhes bya ba ni rjes su dpag pas so/ /mi dmigs zhes bya ba ni mngon sum gyis so/ /de bzhin du zhe sdang dang gti mug la yang sbyar bar bya'o/ /de ltar 'dod chags pa med pa dang/ zhe sdang ba med pa dang/ gti mug pa med pa dang/ sems phyin ci ma log pa de ni mnyam par gzhag pa zhes bya ste/ dmigs pa'i rnam par g.yeng ba ma lus pa dang gral ba'i phyir ro/ / spros pa med pa zhes bya ba ni spros pa thams cad nye bar zhi ba'i chos nyid nges bar rtogs pa'i phyir ro/ /rgal ba pha rol tu phyin pa zhes bya ba ni 'dod chags pa la sogs pa 'khor ba'i rgyu mtsho'i pha rol tu phyin pa'i phyir ro/ /skams sar? byin pa zhes bya ba ni chu bo bzhi'i 'jigs ba las rnam par grol ba'i mya ngan las 'das pa'i skam par phyin pa'i phyir ro/ /bde bar son pa zhes bya ba ni sdug bsngal thams cad dang bral ba'i mya ngan las 'das pa'i lam thos pa'i phyir ro/ /mi 'jigs pa thob pa ni yang 'khor bar ldung ba'i 'jigs pa dang ? ba'o/ /tshul khrims can zhes bya ba ni ngan 'gro thams cad las log pa'i? bsil po'i? ting nge 'dzin gyi tshul khrims kyis brgyan pa'i phyir ro/ /ye shes can zhes bya ba ni
- 49b
rnam pa thams cad mkhyen pa'i ye shes khong du chud pas ye shes la? sbyor? ba'o/ /shes rab can zhes bya ba ni phyin ci ma log pa'i chos nyid rab tu rtogs pa'i ngo bo nges par 'byed pa'i shes rab 'di la yod pas zhes byas nas so/ /bsod nams can zhes bya ba ni bsod nams kyi tshigs dang ldan pas so/ /rdzu 'phrul can zhes bya ba ni mngon par shes pa lngas rtse zhing rdzu 'phrul gyi chos 'phrul yang dag par ston pa'o/ /dran pa can zhes bya ba ni sngon gyis gnas rjes su dran pa dang ldan pa'o blo gros can zhes bya ba ni rigs pa dang grol ba'i spongs pa dang ldan? pas so/ /rtogs pa can zhes bya b ni bsam pa ci lta ba'i dbang gis bsgrub pa dang rjes su mthun par rtogs pa khong du chud par byed pa nyid do/ /zho tsha shes pa dang ldan pa zhes bya ba ni bdag dang gzhan gyis dbang du byas nas sdig pa'i las mi byed pa'o/ /bram ze zhes bya ba ni sdig pa'i chos spangs pas gang gis sdig pa ma lus pa'i gnyen po'i phyogs su gyur pa bzod pa'i ngo bo des bar rtogs pa la bram ze zhes bya'o/ /khrus byas pas ni nyon mongs pa ma lus pa'i dri ma 'khrud pa byed pa'i bzod pa'i chu'i nang du rtog tu zhugs pa'i phyir ro/ /pha rol tu song ba zhes bya ba ni rig byed kyi mthar thug pa'i pha rol tu song bas so/ /rigs par byed ces bya ba ni ji skad gsungs pa'i rang bzhin rig pa'i phyir ro/ /gcing spra can ni bya ba m yin pa thams cad spangs pa dang ldan pa'o/ /sangs rgyas kyi sras zhes bya ba ni de bzhin gshegs pa thams cad kyi rigs skyong bar bzod pa'i phyir ro/ /shAkya'i sras zhes bya ba ni shAkya'i rigs su 'khrungs pa shAkya thub pa las nye bar gdags par 'os pa'o/ /tsher ma dkrugs pa zhes bya ba ni bdud la sogs pa dang/ nyon mongs
- 50a
pa'i tsher ma snar ba med par byas pa'o/ /'obs dral ba zhes bya ba ni khro ba la sogs pa'i mtshams bcad pa thag ring du bsal bar byas pa'i phyir ro/ /'obs? las rgal ba zhes bya ba ni nyon mongs pa'i mtshams? las rgal ba'i phyir ro/ /zug rngu phyung ba zhes bya ba la/ phyung ba ni kun nas so/ /nyon mong pa'i bag chags na brug rngu'o/ /phyang ba ni phyun nas bskyur ba'o/ /nad med pa ni nyan mongs pa'i gdugs pa'i rim nad thams cad dang bral ba'o/ /nyon mongs pa dang tha dad du gyur pas na dge slong ngo/ /kun nas dkris pa med pa ni dkris pa dang bral ba'o/ /skyes bu zhes bya ba ni thabs nye bar bstan nas skyes bus sgrub pa'i phyir ro/ /skyes bu dam pa ni sems can thams cad kyi don byed pas so/ /sems can thams cad kyi gtso bor gyur pa na skyes bu mchog ces bya'o/ /'jigs pa thams cad dang bral zhing bdag med pa'i seng ge'i sgra sgrogs bas na skyes bu seng ge'o/ /thams cad du mnyam par bzhag pas na skyes bu glang po che ste/ glang po langs kyang mnyam par bzhag pas bya ba'i tshig gis so/ /shin tu dul ba'i phyir dang nyon mongs pa'i g.yul du 'jigs pa dang/ bral bas skyes bu cang shes zhes bya'o/ /khur khyer ba ni lci khyed ba ste sems can gyi don dang/ nges par ldan pa la skyes bu lcing khyer pa zhes bya'o/ /bdud bzhi las rnam par rgyal ba'i phyir dpa ni skyes bu dpa' go /grogs la bltos pa med par bdud la sogs ba'i stobs 'tshams byed pas skyes bu rtsal po che'o/ /shin tu dri zhim zhing yid du 'ong ba'i mi tog bzhin du yon tan me tog gi rang bzhin du gyur pa ni skyes bu me tog ces bya'o/ /pad+ma bzhin 'khor ba'i dam gyi skyon gyis ma gos pa'i phyir skyes bu pad+ma zhes bya'o/ /de nyid dkar po'i chos kyis yongs su sang? ba pad+ma kha bye bas skyes bu pad+ma dkar po zhes bya'o/ /shin tu gdug pa can gyi
- 50b
sems can rnams 'dul ba mkhyen pa'i phyir skyes bu 'dul ba zhes bya'o/ /sems can ma lus pa'i 'od du 'ong ba dang bdud rtsi'i 'od 'phro? bar byed pas skyes bu zla ba zhes bya'o/ /ma smad pa'i yon tan dang ldan pas skyes bu phal pa ma yin pa zhes bya'o/ / ji skad bstan pa'i mi mthun pa'i phyogs kyi dri mas gos pa med pas mi gos pa zhes bya ste/ chos zab mo la bzed pa'i dge ba zhes brjod phyir bya'o zhes thams cad la spyang bar bya'o/ /de nas bcom ldan 'das kyis zhes bya ba la sogs pas ni sngar bstan pa'i don nyid yar tshigs su bcad pas gsungs pas ni/ nam zhig 'jig rten khams 'di byung ba dang zhes bya ba la sogs pa la/ gang gi tshe snod kyi 'jig rten gyi khams 'di 'chags par 'gyur ba'i tshe? nam mkha' i steng du rlung gi dkyil 'khor nas rtsams nas ji srid du chu dang gser gyi dkyil 'khor gyi bar du 'chags par 'gyur ro/ /nam zhig rim gyis 'jigs par gzhal med bar la sogs pa thams cad nam mkha' i mthar thug par 'gyur bas 'jig rten thams cad nam mkhar gyur pa'i tshe zhes gsungs pas 'jig rten 'di nam mkhar 'gyur ro/ /de ltar sngon bzhin phyis kyang de bzhin te zhes bya ba la/ nam mkha' i rang gi ngo bo tsam la ni gzhan du 'gyur ba med la/ nam mkha' yang rang bzhin med pa'i phyir chos thams cad kyang de ltar rtogs par bya'o/ /tshigs bcad gnyis pas kyang don 'di nyid bstan zhes bya'o/ /ji ltar bar snang cung zad sprin med las zhes bya ba la/ rang bzhin med par snang bskad cig mar? mthong ba las/ skad cig tu ni? sprin gyi dkyil 'khor snang zhes bya ba la/ gang nas kyang 'ong ba med cing gang yang 'gro ba med pa'o/ /de bzhin gshegs ba mya ngan 'das pa dag ces bya ba la sogs pa la/ de bzhin gshegs? pa mya ngan 'das nas da ltar bzhugs pa ma
- 51a
yin na yang gzugs brnyan rnam de bzhin gshegs pa'i gzugs yid la byas pa na sngon ji lta ba bzhin du mthong bas de'i phyir chos thams cad gzugs brnyan lta bu'o zhes bya'o/ /ji ltar 'bub? nar po rngas? pa ngag ces bya ba la sogs pas nam phung po lnga snying po med par ston to/ /chu bos khyer ba skys bus nges mthong ste zhes bya ba la sogs pa la ci 'di la snying po yod dam zhes brtags na/ de la brtags na snying po yod mi snang zhes bya ba la/ skye bu des dbu ba'i gong bu de la snying po ci yang mi snang ba zhes bya ba/ snying po ci ma mthong ba zhes bya ba'i don to/ /gzugs kyi phung po ni dbu ba lta bu ste/ gzugs kyi phung po la snying po yod pa ma yin no zhes bya ba'i don to/ /ji ltar char pa thigs chen bab pa na zhes bya ba la sogs pas ni tshor ba'i phung po'i skye ba dang 'gag pa nyid ston par byed do/ /chu yi chu bur ngag ni tha dad 'byung zhes bya bas ni char gyi rgyun bab na chu bur 'byung bar 'gyur ro/ /de yang mi brtan zhing snying po yod pa ma yin pa bzhin du tshor ba'i phung po rnams pa gsum dang/ chos thams cad kyang skyes ma thag tu 'gor cing nyams pa'i rang bzhin no zhes bya ba'o/ /brnga tsam gyis tha snyad la 'jug par byed de zhes bya bas 'du shes kyi phung po rdzas su med bar ston pa'o/ /ji ltar phrin yig grong gzhan bskur ba las zhes bya ba la sogs pa la/ grong gzhan na gnas bdag gis phrin yig mthong ba las ji ltar bris pa'i dge ba dang mi dge ba'i bya ba la sogs pa sgrub par byed pa mthong yang de sgrub par byed pa'i sgra gzhi dang? 'thos pa yang med do/ /de bzhin du 'pho ba med bzhin du brda tsam gyis ma brtags na nyams dga' ba'i bya ba rnams rang gi blo'i rnam par 'phrul pas 'jug par 'gyur zhes bya ba yin no/ /thams cad kyang rang gi sems rnam par 'khrul pa tsan
- 51b
yin gyi yang phyi rol gyi dngos po ni yod pa ma yin no zhes bya bar/ ji ltar mi dag chang gis myos nas ni zhes bya ba la sogs pa la/ chang gis sems myos par gyur ba ni chang gi nus pas bdag nyid dang sa yang 'khor ba 'dra bar mthong ngo/ /de bzhin du mi bden pa la sgro btags pa'i chang gi dbang gis 'khor ba'i 'khor lor 'go ba drug por 'khor bar 'gyur te/ zo chun gyi 'khrul 'khor bzhin du 'gro zhing 'ong bas 'khor bar sems kyang don dam par gang yang 'khor yod pa ma yin te/ sa g.yo ba dang 'khor bar shes pa dang 'dra'o/ /'dod chags kyang mi bden pa la sgro btags pa'i dbang gis med bzhin du snang bar bstan pa'i phyir/ me long so? dang 'bru mar snod rnams la zhes bya ba la sogs pa la/ me long ngam /'bru mar gyi snong du rang gi gdong bltas ba na thig le dang skra 'khyil bas brgyan pa'i gzugs brnyan de la bden pa'i gdong du sgro btags nas 'dod chags kyi shugs kyi stobs kyis bud med du dmigs nas 'dod pa la zhen pa'i byis pa rgyug par byed na yang gdod gzugs brnyan du 'phos pa yang med la gzugs brnyan gdong du 'phos pa yang ma yin no/ /gzugs brnyan dang 'dra ba'i chos rnams la rang dang gzhan du rnam par phye zhing bltas nas rang bzhin gyis yod pa ma yin na yang 'dod chags dang/ zhe sdang dang/ gti mug la sogs pa'i nyon mongs pa rnams kun tu 'byung ngo/ /sgyu ma dang/ smig rgyu dang/ dri za'i gong khyer dang/ gzugs brnyan dang 'dra ba ngo bo nyid kyis stong ba'o zhes des bar rtog par byed na skye bar mi 'gyur ro/ /yid du 'ong ba'i glu dang si la snyan la sogs pa yang 'dod chags la sogs ba'i rgyu ma yin no zhes bstan pa'i phyir/ ji ltar mi dag nags ri'i khrod 'dug nas zhes bya ba la sogs ba la/ ji ltar ri'i gcod rong du
- 52a
zhugs pa'i skyes bus bgang pa dang/ rus pa dang/ glu blangs pa la sogs pa'i sgra bsgrags pa na de bzhin du pha rol gyi ri las kyang brag ca'i sgra 'byung bar 'gyur ba dang brag ca'i sgras sgra byas pa bzhin du chos thams cad kyang brag ca dang 'dra bar rig par byas la de dag la mngon par zhen par mi bya'o/ /rmi lam gyi nang du 'dod pa'i yon tan lnga nyams su myong la/ sad pa na dmigs par mi 'gyur ro/ /de lta na yang byis pa'i blo can rnams rmi lam du dmigs pa de la mngon par zhen par 'gyur ro/ /byis pa thams cad kyang de dang 'dra'o/ /lha'i dbang po dang rgyal srid kyi dbang phyug la sogs pa la yang mngon par zhen par mi bya'o zhes bstan pa'i phyir/ sgyu ma byed pa dag gis gzugs sprul te/ /rta dang glang po shing rta sna tshogs byas zhes bya ba la sogs pa la/ de bzhin du bu dang chung ma la sogs pa brdzum pas sgro btags pa nyid du bsgrub pa'i phyir/ ji ltar bu mo bzhon nu'i rmi lam na zhes bya ba la sogs pa gsungs te/ chags pa'i bde ba nam yang ma myong ba'i gzhon nu ma de'i rmi lam gyi mthar mtshan thams cad kyis brgyan pa gzugs bzang ba'i bu zhig skyes par mthong la/ de yang yon tan gyi tshogs ma lus pas brgyan pa'i lang tsho la bab pa'i skabs su gyur la/ de'i rjes la shi bar mthong bas bu skyes bas yid dga' zhing shi na ma mthong bas ni mya ngan du gyur kyang skyes? pa yang med la shi ba yang med do/ /sngon dang phyi ma'i mthar rang bzhin ma rig pa'i 'jig rten rnams kyi dga' ba dang mya ngan yang gzhon nu mas rmi lam du bu skyes ba dang shi ba mthong ba dang 'dra ba zhes bya ba yin no/ /ji ltar mtshan mo'i chu yis zla ba dag ces bya ba la sogs pa'i don yang rtogs la'o/ /ji ltar so ga'i nyi ma phyed dus na zhes bya ba la sogs pa
- 52b
lan? sos ka'i zla ba phyi ma'i nyi ma phyed kyi dus la phab pa na drag cing tsha par 'jug pa'i nyi ma'i 'od zer tsha sgo can gyi sa'i cha la bab bas smig rgyu g.yo ba la chu'i phung por mthong bar 'gyur ro/ /skom pas sems la gnod cing gsungs pas chu btung? bar 'dod pas 'di na chu mthong ngo zhes rab tu rgyug par byed cing de ji lta ji ltar brgyugs bzhin du smig rgyu de lta de ltar ring du 'gro ba ltar snang ba na de ngal ba dang skom ba dang tsha bas gdungs pa ma yin pa chu'i thigs ba tsam yang mi rnyed de yod pa ma yin pa'i phyir chu de la btung bar lta ga la nus/ ma rigs pa dang sred pas rmongs pa'i 'jig rten rnams kyang de bzhin du rgyug par byed do zhes bya bas ni 'du shes kyi phung po rang bzhin med par bsgrubs pa yin no/ /da ni 'du byed kyi phung po rang bzhin med pa dang snying po med par brjod ba'i phyir ji ltar chu shing rlon pa'i sdong po la zhes bya ba la sogs pa la gsung pa la/ /chu shing gi sdong po la snying po brtags par 'dod pas shun pa rnams so sor bsal nas nang ngam phyi rol gang nas kyang snying por gyur ba ci yang mi mthong ngo/ /de bzhin du 'du byed du btogs pa rnams phra rab tu rnam bar phye nas brtags pa na snying por gyur ba'i lhag ma ci yang lus ba med pa de/ 'dir snying por gyur pa ni chos thams cad kyi stong pa nyid yin no zhes bya'o/ /de'i phyir chos thams cad kyi stong pa nyid bsgoms pas grol bar 'gyur gyi gzugs la sogs pa bsgoms pas ni ma yin no zhes bstan pa'i phyir/ mig dang/ rna ba sna yang tshad ma yin zhes bya ba la sogs pa la/ mig dang/ rna ba dang/ sna dang/ lce dang/ lus dang/ yid kyi rnam par shes pa rang rang gi yul gzugs dang/ sgra dang/ dri dang/ ro dang/ reg bya dang/ chos rnams 'dzin pa'i dbang po de dag giS
- 53a
yul de dag dmigs pa de kho na nyid kyis ngor gal te gyur na ni sems can thams cad kyang 'bad pa med par grol bar 'gyur ro zhes bstan pa'i phyir byis pa de nyid rig gyur na/ de nyid shes pas ci zhig bya zhes bstan pa yin no/ /dbang po dang/ dbang po'i don rnams ngo bo nyid kyis bem po'o/ /dge ba dang mi dge ba'i 'bras bu stong par mi nus pa lung du ma bstan pa yin no/ /de'i phyir don dam pa'i rgyu ma yin no/ /don dam par dge ba ni thar pa'o zhes bya ba'i tshig gis so/ /de'i phyir gang mya ngan las 'das pa ngon du gnyer ba rnams kyis mya ngan las 'das pa thob pa'i mtshan nyid can gyi 'phags pa'i lam sgom pas rang gis dgos pa gyis shig /gzhan du na phyi rol gyi don la mngon par zhen pa rnams la mya ngan las 'das pa med do zhes bya ba'o/ /don de dag nyid bstan pa'i phyir/ lus la sngon gyi mdza' ma rab brtags na zhes bya ba la sogs pa la/ bzod ma nas zhi ba'i phyir sngon gyi mdza' yang med la/ skye ba med pa la nyamS pa yang med pas phyi ma'i mdza' yang med do/ /de dag gnyi ga med pas dbus kyang yod pa ma yin pas de ni 'dus ma byas kyis rigs zhes bya'o/ /chos kyi dbyings 'dus ma byas kyis bsgom pa ni 'phag pa'i gang zag go /zhes bstan par gang? ba'i phyir/ mya ngan las 'das pa'i chos la chos med de zhes bya ba la/ mya ngan las 'das pa ni chos rnams nges par grub pa ste chos rnams nyid ye nas med pas mya ngan las 'das pa yod par ga la 'gyur/ /yod dang med ces bya bar rtogS ba dang ldan ba rnams kyi sdug bsngal nam yang zhi bar mi 'gyur ro/ /de ltar spyod ba'i sdug bsngal zhi mi 'gyur zhes bya ba'o/ de ltar spyod par byed na zhes bya ba'i don te/ rgyu ma tshang ba med pa'i 'bras bu nyams par mi rigs so zhes bya ba'i
- 53b
tshul gyis so/ /yod ces pa ni mdza' gcig med pa gnyis zhes bya ba la sogs pa la/ yod bston 'gro med pa ste/ /med pa'ang yod pa sngon 'gro yin/ /de phyir med ces mi brjod cing/ /yod pa nyid duAng brtag mi bya zhes bstan pa yin no/ /de bzhin du gtsang dang mi gtsang 'di yang mdza' yin te zhes bya ba la sogs pa la/ yod pa dang/ med pa dang/ gtsang ba dang/ mi gtsang ba la sogs par rtsod par thab par gyur pas ni sdug bsngal nyid rnam par 'phel ba'i 'gyur ro/ /de'i phyir gnyi ga'i mdza' ni rnam spangs nas zhes bya ba la sogs pa la/ rtsod pa'i gzhir gyur pa'i mdza' gnyis rnam par spangs nas dbus la mngon par zhen pa yang spangs te/ chos zab mo la bzod pa ji skad bstan pa bzhin du bsgom par bya'o/ /zhes bya ba ni mdor bsdus pa'i don yin no/ /dran pa nye bar gzhag pa'i gtam byas te zhes bya ba la sogs pa la/ dran pa nye bar gzhag pa'i gtam khyas pa nyid kyis de kho na nyid lus kyis mngon sum du byed par mi 'gyur ro/ /de bzhin du bsam gtan gyi gtam dang/ bden pa'i gtam byas pa tsm gyis bsam gtan dang bden pa mthong bar mi 'gyur ro/ /zhes thams cad du dregs pa'i nyon mongs pa'i rgyan rnams bkru bar bya'o/ /zhes slob par mdzad pa'o/ /tshul khrims bsrung zhing de yis bsnyem mi bya/ /chos rnams mnyan cing de yis bsnyems mi bya zhes pa la/ bdag ni tshul khrims dang ldan pa'o/ /bdag ni mang du thos pa'o/ / zhes khengs par mi bya'o/ /zhes bya ba'i bar du'o/ /dregs pa sdug bsngal rtsa ba yin par bstan zhes bya ba la/ bsnyems shing nga rgyal byed pa ni sdug bsngal gyi rgyu ste byed pa yin no/ /rgyags par dregs pas sdug bsngal rab tu
- 54a
'phel zhes bya ba la/ rgyags? pas dregs shing khyengs par gyur ba ni sdug bsngal nyid 'phel bar 'gyur te/ sdug bsngal dang rjes su mthun pa'i phyir ro/ /bzlog nas rgyags pa dang bral bar gyur na ni sdug bsngal thams cad 'gag par 'gyur te/ sdug bsngal dang 'gal ba'i bde pa'i rang bzhin yin pa'i phyir ro/ /ji snyed chos mang yongs su chub byas nas zhes bya ba la/ gal te mang du thos pa yin na yang tshul khrims srung bar mi byed cing/ bdag ni mang du thos pa yin no zhes nga rgyal byed na tshul khrims nyams pas de ngan 'gror 'gro ba la thos pa mang pos skyob par mi nus so/ /de bzhin du tshul khrims tsam gyis mgu zhing thos pa mang po chol bar mi byed na de tshul khrims kyi 'bras bu nyams su myong nas de zad pa dang/ yang ngan 'gror lhung nas sdug bsngal nyams su myong bar 'gyur ro/ /de bzhin du dmigs pa dang bcas pa'i bsgoms pas kyang nyon mongs pa zad par mi 'gyur ro/ /zhes bya bar/ 'jig rten pa'i ting nge 'dzin sgom byed kyang zhes bya ba la sogs pa la/ bdag tu mngon par zhen pa sngon du 'gro ba'i 'jig rten pa'i bsgom pas kyang/ de nyid nyon mongs phyir yang rab tu ldang/ bdag tu 'du shes can la/ bdag yod na ni gzhan du 'du shes shing/ bdag gzhan cha las yongs su 'dzin dang ldang/ /de gnyis dang ni kun tu 'brel pa las/ /nyon mongs thams cad rab tu skyo bar 'gyur zhes bstan pas so/ /dpe bstan pa'i phyir/ lhag spyod kyis ni ting 'dzin 'dir bsgoms bzhin zhes bya ba la/ lhag spyod ni phyogs gyi gos can no/ /de 'dod chags dang bral ba rdzu 'phrul gyis nam mkha' la 'gro ba mthong nas de lta bu 'dod pa'i bcos ma'i sems kyis bstan pa 'di la zhugs nas
- 54b
ting nge 'dzin bsgoms pa'i stobs kyis rdzu 'phrul mngon du byas par gyur to/ /de rdzu 'phrul thob nas phyogs kyi gos can gyi bstan pa la yang 'di lta bu'i rdzu 'phrul yod do zhes yang phyogs kyi gos can du gyur nas nam mkha' la song ngo/ /de la dus gzhan zhig na khyod kyi bsgom pa 'di ni lam ma yin no/ /zhes brtsad pa dang rdzu 'phrul las nyams nas sa la lhung ste dmyal bar song bar gyur to/ /de lta bas na bdag med pa bsgoms pa las gzhan gyis grol bar 'gyur ba ma yin no zhes bstan pa'i phyir gal te bdag med chos la rab rtog cing zhes bya ba gsungs pa la gal te chos thams cad bdag med par sngar ci skad gsungs pa bzhin rnam grangs kyis nges par brtags nas dmigs pa thams cad spangs te/ sgom pas chos thams cad bdag med par sgom pa kho na mya ngan las 'das pa 'thob pa'i rgyu yin gyi/ rgyu gzhan ni yod pa ma yin no/ /tshul khrims kyi rkang pa dang bral bas 'khor pa las 'bros par 'dod na yang 'gro ba ni med do/ /zhes chom rkun gyi dpes bstan pa'i phyir mi zhig chom rkun tshogs kyis rab gtses nas bye ba la sogs pa gsungs te/ chom rkun gyis shin tu gtses pas rang gis srog yongs su bskyab par 'dod pa dag 'bros par 'dod pa las 'jigs pas bred cing brgyal ba'i rkang pas 'bros pa'i nus pa med par 'gyur ro/ /d bzhin tshul khrims nyams pa rmongs pa'i mi zhes bya ba la sogs pas ni dpes bstan pa la sbyor bar byed do/ /de tshul khrims nyams pa des 'bros par mi nus pa ste/ tshul khrims kyi rkang pa dang brel ba'i phyir 'khor ba'i khams las bdag nyid 'bros par nus pa ma yin no/ /rgas pa dang 'chi ba dang nad la sogs pa rnam pa sna tshogs pa'i nyon mongs
- 55a
pa'i dgras ngan 'gro gsum du lhung bar byed do/ /yang bdag med pa legs par bsgoms par gyur pa khros sam gshegs kyang bdag dang gzhan gyi cha'i rtogs pa dang ngal ba'i phyir khro ba la sogs pa sgro? bar mi 'gyur ro zhes bstan pa'i phyir/ stong par shes ba de la 'khrug pa med ces bya ba'o/ /stong pa nyid mi shes pa d la khros pa la sogs pa 'byung ngo/ /zhes bstan pa'i phyir ro/ 'gro med phung po stong par ston mi nus zhes bya ba la sogs pa gsungs so/ /tshig gis sgro btags pa tsam gyis stong pa nyid rtogs par mi 'gyur ro/ /zhes bstan pa'i phyir/ mi shes de dag gzhan gyis brgal na yang zhes bya ba la sogs pa la/ gzhan gyis brgal ba na khro bas zil gyis non nas drag cing rtsub pa'i tshig gi mtshon cha sa gzhan la gnod pa byed pa la 'jug par 'gyur gyis/ ji skad gsungs pa'i stong pa nyid dran par mi 'gyur ro/ /de dag nyid de ma thag pa'i dpes bstan pa'i phyir/ mi dag na zhing lus ni sdug bsngal ltar zhes bya ba la sogs pa la/ yun ring po'i dus su nang kyis gnod cing nyam thag par gyur pa'i sdug bsngal gyis gril gyis mnan pa dag nad gso ba'i phyir sman pa la brten par 'dod na btsal ba nan gyi rgyu dang gso ba la mkhaS pa gzhan la phan pa byed pa la brtson pa snying rje chen po dang ldan pa'i sman pa yang dag par snyed nas des kyang nad thams cad zhi bar byed pa'i nus pa'i sman nad pa de la byin na nad pa de nang bsal ba'i bsten par mi byed na gang gis nyas zhes bya bar sman pas ma lan sman gyis ma nyes te zhes bya ba l/ ji ltar rigs pa'i sman bsten nad bsa bar nus kyis ma bsten par ni ma yin no/ /de ni nad pa nyid kyis nyes pa yin te/ sman mi bsten pa'i mtshan nyid can gyi'o/ /zhes bya bas
- 55b
skabs la bab pa dang sbyar ba'i phyir/ /de bzhin bstan pa 'di la rab byung ste zhes bya ba la sogs pa la/ de bzhin gsh+gs pa'i bstan pa 'di la rab tu byung nas stobs dang/ /byang chub kyi yan lag dang bsam gtan dang/ gzugs su med pa la sogs pa thob nas sman bstan pa'i gnas lta bu'i sgom pa gang yin pa la sbyor bar mi byed pa ni sgoms pa la rjes su sbyor ba dang bral ba'i mtshan nyid can mya ngan las 'da pa'i nad med pa thob par mi 'gyur ro/ /de lta bas na dngos po med pa stong pa'o zhes don dam pa sgom pa la sbyor bar byed pa ni sangs rgyas kyi sras su 'gyur gyi/ mu stegs pas yongs su brtags pa'i phyogs gcig stong pa nyid ni yongs su spong bar byed de/ 'khor ba dang rjes su mthun pa'i phyir ro zhes par/ srid pa thams cad yod ystong pa ste zhes pa la sogs pa bstan to/ /de ni sems can thams cad kyi nad thams cad rjes su 'dzin pa'i brtse ba chen po dang ldan na yang byis pa'i skye bo spang bar bya ba'i rgyu bstan pa'i phyir/ mkhas pa byis pa dag dang rtsod mi byed ces bya ba la sogs pa la mkhas pa ni blo dang ldan pa ste/ ji skad du gsungs pa'i gsung rab la mkhas pa'o/ /byis pa ni mi shes pa ste/ de dang rtsod par mi byed de/ bzlog nas ri mor byas nas spong ba na bdag la bsten nas sems gdugs pa bskyed pas ngan 'gror 'go bar 'gyur ro/ /zhes bsams pa'o/ /byis pa'i sems kyi rgyud rigs pas grogs por yang mi byed do/ /grogs po'i grogs po nyid kyang des mi shes te dgra dang 'dra bar 'gyur zhes so so'i skye bo'i grogs la mkhas pa rnams yid rton par mi byed do/ /byis pa dang ni byis par mthun 'byor pa zhes bya ba la sogs pa la 'dod pa mthun pa'i phyir/ ji ltar mi gtsang ba dang mi gtsang bzhin zhes gsungs te/ mi gtsang ba dang mi gtsang ba chen por 'dra bar 'gyur ro zhes bya
- 56a
pa'i don to/ /mkhas pa dag ni mkhas pa'i skye bo dang zhes bya ba la sogs pa la/ yongs su dag pa ni yongs su dag pa dang grogs po zhes bya bar/ mthun zhing 'byor ba mar dang snying khu bzhin zhes gsungs so/ /'khor ba'i skyon ma mthong ba dang/ las dang rnam par smin pa stan pa'i de bzhin gshegs pa'i bka' la ma dad pa'i phyir bslab pa nyams pa la sogs par 'gyur ro/ /zhes bya bar/ rab tu rnyed dka' yi? nyid thob nas ni zheS bya ba la sogs pas ni bslab pa la mi gus pa'i rgyu bstan te/ bzo'i gnas dag la ni mkhas mi 'gyur zhes bya ba ni mtsho ba'i don gyi gtso'i gnas la sogs pa la mi mkhas pa'i phyir dbul por gyur la/ /'tsho ba med pas 'tsho ba'i phyir de bzhin gshegs pa'i bstan pa la rab tu byung nas de lhung bzed dang chos gos la chags par 'gyur cing sdig pa'i grogs po'i lag tu song bas bslab pa'i gnas la gus par mi byed kyi bya ba ma yin pa la sbyo bas lus dang ngag dang sems ma gdams pas brdzun pai tshig smra zhing gzhan gyi skyon smra ba la zhugs pa/ zas la lhag par chags pa/ /zas la tshod zin pa med pa de dag /sangs rgyas bsod nams kyis ni zas rnyed kyang zhes bya ba la/ sangs rgyas kyi byin gyis brlabs kyis de ltar gyur pa'i zas rnyed nas yang byas pa mi shes pa yin pa'i phyir sangs rgyas kyi byin gyis brlabs kyis bdag cag gis zas la sogs pa thob bo snyam du mi sems so/ /de dag kha zas shin tu zhim pa dri dang ro dang ldan pa dag mi rigs pa'i sbyor ba yongs su longs spyod dang/ de dag la ni zas de dgu tu 'gyur zhes bya ba la/ de gya nom pa yin na yang dug dang 'dres pa'i zhos bsres pa'i zas za ba dang 'du bar dge ba'i srog gi bar chad
- 56b
byed pa'i rgyu yin pa'i phyir de dag dug gi don du 'gyur ba yin no/ /zhes bstan par glang po che phrug gu'i dpes/ ba glang phrug gus rtsa ba ma bkrus bzhin zhes gsungs te/ ji ltar glang po che phrug gus rtsa ba ma bkrus pa ste/ pad+ma'i rtsa ba 'dam dang bcas pa zos na 'chi ba'i rgyur 'gyur ro/ /de lta bas na bdag la phan pa 'dod pas sdig pa'i grogs po spang ba dang mdza' gcig tu gzhol ba dang/ /so so'i skye bo dang 'du 'dzi spangs nas rnal 'byor dang rjes su mthun pa'i dgon par gnas par byas la/ /byams pa dang snying rje dang dga' ba dang btang snyoms dang ldan pa'i ting nge 'dzin mngon sum du byas nas snying rje chen po'i thabs kyis sems can thams cad la chos zab mo la bzod pa yang ston to/ /de dag gis kyang de las thos nas de bzhin du bsgrubs pa la/ /'phags pa'i zang zing med pa'i bzod pa 'thob ces bya ba la/ 'phags pa ni chos zab mo mngon par rtogs pa'o/ /zang zing med pa ni nyes pa thams cad dang bral ba'o/ /thob pa ni ldan pa zhes bya'o/ /zab mo'i chos tshul rtogs pas rnam par dag pa'i blo/ /snying rjes 'go ba'i don byed bzod pa rnam bsgom bya/ /shes rab snying rje'i yon tan rang bzhin dam pa 'jam pa'i mgon/ /de nyid kun la blo rgyas blo yis sangs rgyas 'gyur bar gyis/ chos zab mo la bzod pa'i le'u ste dgu pa'i bshad pa rdzogs so// //da ni grong khyer du gshegs pa'i le'u le'u snga ma rnams mtshams sbyo sngon du 'gro bas bstan par bzhed nas/ de nas yang zhes bya ba la sogs pa la/ /nan tan snying por bya'o zhes bya ba ni khyod kyis de ltar bslab par bya'o/ /zhes bya ba nyid do/ /nan tan ni nyams su len pa ste/ sgrub pa gtso bor bya'o zhes bya ba'o/ /bslab par bya ba ni slob pa'i phyir ro/ /de ci'i phyir zhe na/ zhes bya ba ni gang gi phyir nan tan nye bar ston zhe na'o?
- 57a
nan tan snying por byed pa la bla na med pa yang dag par rdzogs pa'i byang chub kyang rnyed par dka' ba ma yin na zhes bya bas ting nge 'dzin ni shin tu rnyed par dka' ba ma yin no/ /zhes bya ba'i bar du'o/ /de nas zla 'od gzhon nur gyur pa stan las langs te bcom ldan 'das gal ba der logs su thal mo sbyar nas zhes bya ba nas/ nan tan gyis ting nge 'dzin la 'jug pa legs par bshad do/ /zhes bya ba la sogs pa nas/ /bdag kyang nan tan snying por bgyid do/ /zhes bya ba'i bar du ste/ /lus dang srog la bltos ba med par byas nas yang dag par rdzogs pa'i byang chub sems can thams cad kyi don du nan tan gyis bsgrub par bya'o/ /zhes bya ba ni bsdus pa'i don to/ /nam mkha' 'dra zhing rdul bral gzugs bzang 'chang zhes bya ba la sogs pa la/ / nam mkha' 'dra ba ni chos kyi sku ste/ /sgrib pa thams cad mi mnga' bas so/ /rdul bral ni phyi dang nang gi 'dod chags kyi rdul dang bral ba'i phyir ro/ /gzugs bzang 'chad pa ni mtshan sum cu rtsa gnyis kyis brgyan pa'i longs spyod rdzogs pa'i sku 'chang ba'i phyir ro/ /lus mi mnga' ni nam mkha' dang mnyam pa'i phyir ro/ /mtshan mi mnga' ni mtshan ma'i mtshan nyid med pa ste/ /gzugs kyi mtshan nyid med pa'i phyir gzugs kyi sku'i mtshan nyid med pa nyid do/ /shes rab sras po ni gzugs med pa mtshan nyid med pa'i shes rab kyi pha rol tu phyin pa bsgom pa las skyes pa'i phyir ro/ /yang na nam mkha' dang 'dra bas na rdul bral lo/ /rdul dang bral ba ni gzugs bzang 'chang ba ste/ / chos nyid kyi gzugs la gzugs zhes byas nas so/ /gang gi phyir gzugs dang mtshan mi mnga' ba ni shes rab kyi pha rol tu phyin pa'i ngo bo ste/ shes rab pha rol
- 57b
phyin gnyis med/ /ye shes de ni de bzhin gshegs zhes bya ba yin no/ /goms par byed pa'i dus la bltos nas de'i sras po nyid do/ /de lta bas na thams cad du dman pa la mos pa rnams kyi gting dpag par dka' ba'i phyir dang/ shin tu zab pa'i yon tan rnams kyi rten du gyur pa'i phyir/ yon tan rgya mtsho rab zab ces bya ba'o/ /de lta bas na sems can gyi don bya ba ji ltar nges par 'grub ces na/ / thugs rje can zhes bya ba gsungs te/ dmigs pa med pa'i thugs rje chen po'i sku yin pa'i phyir dang/ /sngon sbyangs ba'i nus pa'i stobs kyis sems can gyi don byed pa yang nges par 'gyur zhes bya'o/ /de ltar bstod nas rang gi 'dod pa'i don la gsol ba 'debs pa ni/ mtshungs med phyag ni bdag gi spyi bor zhog ces pa ste/ phyag zhog ces bya ba ni gsol cig ces pa'o/ /bdag gi mgor te spyi bor ro/ /mtshungs med ni 'dra ba med pa'i don to/ /bcom ldan 'das kyis kyang ji ltar gsol ba btab pa'i don yang dag par bsgrub po zhes bstan pa'i phyir/ phyag g.yas pa zla 'od gzhon nur gyur pa'i spyi bor bzhag go zhes bya ba la/ / bcom ldan 'das kyis phyag g.yas pa bzhag ma thag tu skad cig de nyid la zla 'od gzhon nur gyur pa la gzugs thams cad nges par ston pa'i ting nge 'dzin te/ rnam pa thams cad kyis gzugs thams cad kyi snang ba skyed par byed pa'o/ /yid ltar mgyogs pa'i ting nge 'dzin ni yid kyis bsams po tsam gyis thams cad du 'gro zhing 'ong ba'i rdzu 'phrul gyi ngo bo'o/ /nam mkha' mdzod ni 'dod pa tsam gyis 'dod pa'i don thams cad nam mkha' las yang dag par 'grub pa'o/ /rdo rje lta bu ni rnam par g.yeng ba thams cad kyis mi phyed ba nyid do/ /dpa' bar 'gro ba ni ting nge 'dzin thams cad kyi yul non pa'o/
- 58a
sgrib pa med pa'i mdza' ni sgrib ba thams cad kyi mdza' 'gro ba'o/ /de bzhin gshegs pa thams cad ston pa ni 'jig rten gyi khams mdza' yas ba na bzhugs pa'i de bzhin gshegs pa rnams mngon sum du mthong ba'i ngo bo nyid do/ /stong pa nyid thams cad kyi dbang bskur ba thob pa ni stong pa nyid thams cad kyis ngo bo shes rab kyi pha rol tu phyin pa mngon sum du byas pa'i shes rab ye shes kyi dbang bskur bas dbang bskur ba'o/ /de dag la sogs pa ste/ gtso bor gyur pa'i ting nge 'dzin gyi sgo dpag tu med pa mngon sum du gyur pa'o/ /gzungs kyi sgo dang/ dga' ba dang bde ba gang lha yul gyi dga' ba dang bde ba thob bo/ /zhes bya bas ni de bzhin gshegs pa'i phyag gis mthil gyis reg pa'i mthu khyad par du 'phags par rig par bya'o/ /de dag nyid kyi don tshigs su bcad bas so sor bstan pa'i phyir/ dra bas mdzes 'brel sum pa lcags kyu'i mtshan mnga' zhing zhes bya ba la sogs pa la/ bum pa dang/ lcags kyu dang/ dpal be'u dang/ 'khor lo dang /rgyal mtshan dang nye dang bdan la sogs pa'i mtshan gyis brgyan po bskal ba mi nyung ba dpag tu med par sbyin pa'i char 'babs pa la mkhas pa'i phyag g.yas pa gser gyi kha dog can zla 'od kyi mgo la bzhag par gyur pas zla 'od gzhon nu lo dge med ba'i dga' ba dang bde ba dang ldan par gyur pas bcom ldan 'das gal ba der logs su thal mo sbyar ba btung nas /tshul dang mthun pa'i tshigs su bcad pas bstong ba / bla med mi 'jigs sbyin pa khyod la phyag 'tshal lo/ /zhes bya ba la sogs pa la/ sems can thams cad la mi 'jigs pa rtsol bas mi 'jigs pa sbyin pa'o/ /sems can thams cad la bu gcig pa sdug pa bzhin du
- 58b
rtse ba sbyin bas na/ sems can gnyen rtsa'o/ /rnam pa sna tshogs pas sems can gyi don la 'jug pas na/ bden pa'i rtsal mnga' ba'o/ /mnyam pa med pa'i de bzhin gshegs pa de dag thams cad dang mnyam pas/ mi mnyam mnyam pa'o// dmigs pa med pa'i snying rje chen po'i rang bzhin gyi sku yin pa'i phyir/ shin tu thugs rje can no/ /dpa' po dgra bzhi rnam par btul la phyag 'tshal lo/ /zhes bya ba ni dgra bzhi rnam par btul ba ste/ bdud bzhi'i dgra las rnam bar rgyal ba nyid do/ /brtson 'grus kyi stobs kyis don dam pa sangs rgyas nyid mngon sum du mdzad pas na brtson pa'o/ /chos nyid kyi sku bdag nyid kyi phyir sku mchog go /shin tu spangs pa ni shes rab ste nam mkha' i dkyil 'khor nas shar ba/ snying rje byams pa'i 'od zer stong dang ldan ba'i rgyal ba'i nyi ma mi shes pa'i mun bsal ba'o/ /skyabs su 'chi zhes bya ba ni gus par phyag 'tshal nas bdag la skyabs gzhan ma mchis bas skyabs su mchi'o/ /zhes bcom ldan 'das la gsol ba 'debs pa'o/ /bcom ldan 'das bdag la thugs brtse de'i? slad du zhes bya ba la/ thugs kyis dgongs la/ song bdag gi sdum par byang chub sems dpa' i dge 'dun dang/ nyan thos kyi dge 'dun dang bcas pa bshos gsol bar gnas phang? mdzad du gsol zhes bya'o/ /de ? skad ces bya ste zhes bya ba'i tshigs bcad kyis kyang don de nyid bstan to/ /thugs brtse ba'i phyir zhes bya ba ni thugs kyis gnas pa ni bdag gir mdzad pa'o/ /de'i phyir gsungs ba cang mi gsung bar gyur pas zhes bya'o/ /de nas zlo 'od kyis cang mi gsung bas gnad bar rig nas stan las langs te/ bcom ldan 'das la mgo bos phyag 'tshal te song nas rgyal po'i khab nas bya rgod kyi phung po'i
- 59a
bar gyi lam thams cad mnyam par byas nas me tog sna tshogs dang/ spos dang/ na bza' dang/ rgyal mtshan dang/ bdan dang/ rnam par rgyal ba'i bdan dang/ gar dang/ zlos gang la sogs pa dang/ rol mo rnam pa sna tshogs brgya stong dum dang ldan pas/ skyes pa dang bud med rnams kyang yang dag par brgyan no/ /lam gyi ngos gnyis su yang 'dzam bu chu klung gi gser las byas pa lha rdzas kyi tA la'i phreng ba brgyan rnam pa sna tshogs kyis brgyan pa rnams bkod/ nam mkha' la yang rin po che sna bdun las byas pa'i shin rin po che sna tshogs kyi khyad par mar me bzhin du gsal bar byed pa rnams btsugs so/ /sngar bstan pa'i don rnams tshigs su bcad pas rtogs par sla ba'i phyir gsungs pa ni/ lam ni sna tshogs shin tu legs par brgyan zhes bya ba la sogs pa la/ lhug pa'i gzhung bshad pa nyid bshad pa yin pa'i phyir yang bshad par mi bya'o/ /de ltar rin po che rnam pa sna tshogs la sogs pas lam brgyan nas rgyal po'i khab gang yin pa dang/ rang gi khyim gang yin par song nas rang gi khyim du zhugs nas de'i nub mo ma yin zhing bzang ba gya nom pa dpag tu med pa'i bza' ba dang bca' ba dang/ myang bar bya ba rnams mngon par bsgrubs shing lha'i zhal zas ro brgya dang ldan pa yang tshogs pa byas nas de nas nang par? snga rab kyi dus su/ rgyal ba'i khab kyang de bzhin du brgyan nas de la dad? gi khyim yang ? sna tshogs du mas brgyan cing rin po che'i stan bye ba khrag khrig brgya stong dum yang bting ngo/ /de'i? dbus su lha rdzas kyi seng ge'i khri lca'i dang mi'i las 'das pa bshams so/ /a ga ru nag po'i bdug pas ni bdugs/ /me tog sna tshogs kyis brgyan cir rang gi khyim spras so/ /don 'di
- 59b
dag nyid tshigs su bcad pas bstan par 'dod nas/ zla 'od kyis ni khyim mchog yangs pa yang/ /rgya cher thams cad shin tu brgyan pa byas zhes bya ba la sogs pa la/ rab kyi mthar thug par brgyan pa byas pa'o/ /khyim mchog ni khyim gyi gtso bo'o/ /zla 'od kyis gus pas zhes bya ba ni lhag ma'o/ /lha rdzas seng ge'i khri ni dbus su btsugs zhes bya ba ni dbus su bkod pa'o/ /gang la 'jig rten sgron ma bzhugs pa'i zhes bya ba la/ ston bye ba stong phrag mdza' yas pa bting nas byang chub sems dpa' i dge 'dun dang/ nyan thos kyi dge 'dun gyi gdan yang bshams so/ /phyogs dang phyogs mtshams thams cad du dris khyab par byed pa'i a gra ru'i bdug pa'i smod kyang bzhag go /me tog rnam pa sna tshogs kyang bkram mo/ /gang byed glu len sil snyan sgra dag gis zhes bya ba la/ 'dus byas pa'i sgra'i sbyong bas ni mtho ris 'thob par 'gyur ro/ /zhes mngon par zhen pa slang ba'i phyir te/ don la bstan par bya'i yi ge la brtan par ni mi bya'o zhes bya ba ste/ don dang sgra la 'brel pa grub pa ci yang med pa'i phyir gang su yang dung bas sgra de dag gis sam lag pa la sogs pa'i brda yang rung bas rab tu bsgrubs pa'i don gyi rjes su 'brang bar bya'o/ /zhes rtogs par bya'i rmongs pa sgra la zhen pa rnams kyis yongs su brtags pa'i 'dus byas pa'i sgra la 'bad pa bskyed par mi bya'o zhes bya ba'i don to/ /gang dang glu dang brdung? ba'i sgras nye bar mdzes par byas pa'i khang pa'i mchog ni lha la sogs pa'i sems kyang ngo mtshar du 'dzin cing lha'i gzhal med khang yang zil gyis mnan pa'i rnam par rgyal ba'i gnas pas lhag par zla 'od kyi khang? rnams mthong ngo/ /de nas zla 'od bcom ldan 'das ga la ba der spong zhes bya bar sbyar ro/ /nang par shin tu snga ba'i dus
- 60a
su glu dang brdung ba la sogs pa dang bcas par rang gis 'khor gyi yongs su bskor cing de bzhin gshegs pa'i byin gyis brlabs pa'i byang chub sems dpa' bye ba khrag khrig brgya stong phrag brgyad cu thaMs cad kyang lha'i me tog manda nga bas snyim pa bkad pa'o/ /de dag las la la ni skye ba gcig gis thogs pa'i zhes bya ba la skye ba gcig gis thogs pa ni nges par skye ba gcig na bla na med pa yang dag par rdzogs par 'ching rgyab zhes bya ba'o// 'di lta ste zhes bya ba ni de'i dus na nye bar gnas pa'i grangs nges pa bstan par bya ba'i phyir ro/ /'phags ba spyan ras gzigs dbang phyug chen por byas nas byams pa'i bar byang chub sems dpa' bcu gnyis ni skye bo gcig gis thogS pa'o/ /de dag la sogs pa byang chub sems dpa' chen po'i 'khor gyis yongs su bskor cing mdun du bdang te/ rta dang ba glang dang shing rta ngum shin tu brgyan cing ma zhen ? khris pa mang po zhes bya ba la de bzhin gshegS pa la mchod pa dang/ bsnyen bkur gyi phyir zhon ba med pa'i bzhon pa'i tshogs de dag dang 'dres nas tshad med pa'i 'khor gyi tshogs chen pos yongs su bskor te/ rgyal po'i khab kyi grong khyer chen po'i chu dron can gyi sgo nas phyir byung ste/ ri'i rgyal po bya rgod kyi phung po gal ba dang/ bcom ldan 'das gal der song ste phyin nas zhes bya ba la/ dka' thub kyi stobs kyis yangs shing rgya che ba'i sgo de ni chu dron can gyi sgo'o/ /yang na po ta zhes bya ba ni bya rgod phung po'i de'o/ /de la mngon par phyogs pa'i sgo ni chu dron can gyi sgo zhes bya ba 'am yang na lho phyogs kyi sgo la ming du btags pa'o/ /phyin nas bcom ldan 'das la lan gsum bskor ba byas nas phyogs gcig tu
- 60b
'khod ba'o/ /de nas stan las langs te bcom ldan 'das la thal mo sbyar ba btud te/ dus la bab par gsol ba'i phyir/ bcom ldan 'das gdugs tshod la bab po zhes bya ba la/ dge slong rnams kyi zas kyi dus ni snga dro'i dus lags so/ zhes bya ba ste/ dus ni dus tshod do/ /spyad lags pa ni nges par kun zin pa'o/ /gtsang pa ni gus par bshams pa'o/ /da de'i dus la bab po snyam pa'o/ /bcom ldan 'das kyis de ltar dus la bab par mkhyen na ste/ thugs la dgongs na byang chub sems dpa' i dge 'dun dang bcas par bdag gi sdum par gdugs tshod gsol ba'i dus la bab po zhes bya ba'o/ /de dag thams cad tshigs su bcad pas bstan par 'dod nas bdag gis grong khyer mchog kun rnam par brgyan zhes bya ba la sogs pa la/ grong khyer dang bdag gi khyim yang legs par brgyan/ zhal zas ro? brgya dang ldan pa yang tshogs par bshams shing legs par sbyar te/ gsol ba'i dus la bab kyis bcom ldan 'das sras dang bcas pa grong khyer du gshegs su gsol/ snang byed nyi ma mun pa'i tshogs sol mthong 'phags pas gdugs tshod kyi dus la bab cing nye bar gyur to/ /de'i phyir sras dang thabs gcig bdag gi sdum bar gshegs su gsol zhes bya ba ni lha zhes bya ba ? ni don gyis bskul ba'o/ /dang sems can mang po'i don chen por 'gyur ro/ /ji ltar mar me mdzad kyis khyed la lung bstan pa/ de bzhin gshegs pa 'jig rten mngon sum lung ston cig /bdag 'dir lung bstan 'jig rten thos nas ni bla na med pa yang dag par rdzogs pa'i byang chub tu 'gro ba 'di dag thams cad sangs rgyas 'gyur zhes sems bskyed par 'gyur zhing/ rim gyis sems can dgrol ba'i phyir dpag tu med pa'i smon lam gyi go gyon pa'i
- 61a
byang chub sems dpa' dpag tu med pa 'byung bar 'gyur ro/ /de bzhin gshegs pa rnams ni mi gnas pa'i mya ngan las 'das pa yin pa'i phyir/ 'di na snod min sems can gang yang med ces bya ba ni g.yo ba med pa'i sems kyis byang chub tu sems bskyed par bya'o/ /zhes bya ba'i don to/ /bzhengs shig bzhengs shig ces bya ba ni shin tu rings? pas lan gnyis su zhus pa'o/ /khyim du gshegs pa'i dgongs pa ji ltar bdag gi sdum par khyod gshegs pa/ de bzhin byang chub shing dbang drung bdag mchi/ zhes bya ba la/ ji ltar bdag gi sdum par khyod gshegs pa bzhin du byang chub kyi shing drung du bdag mchi bar bgyi'o/ / byang chub kyi shing drung deng bdag mchis la rdo rje skyil mo krung bcings nas rdo rje'i gdan mi phyed cing mi g.yo ba la gnas nas bdud bzhi las nges par rgyal te khyod gyis thob pa bzhin du byang chub thob par bgyi'o/ /longs shig zla 'od rgyal ba'i sras zhes bya ba la sogs pa la/ khyod kyis mngon par 'dod pa bsgrub par bya'o/ /zhes bya ba'o/ /zan la re ni khyim du 'dong zhes bya ba ni de skad ces gsungs nas dus la bab nas gdan las bzhengs nas sham thabs gsol/ chos gos bgos/ lhud bzed bsnams nas dge slong gi dge 'dun chen po dang thabs gcig tu bcom ldan 'das chu dron can gyi sgo nas rgyal bo'i khab kyi grong khyer chen por gdugs tshod kyi phyir gshags so zhes bya bar 'brel to/ /byang chub sems dpa' dang lha la sogs pas yongs su bsod te mi dang mi ma yin pa rnams kyis ni mchod cing bstod par byed pa dang/ sangs rgyas kyi mthu chen po dang /sangs
- 61b
rgyas kyi byin rlabs chen po dang/ sangs rgyas kyi rdzu 'phrul chen po dang/ cho 'phrul rnam pa sna tshogs dang ldan bas rnam par mi rtog pa'i spyod lam gyis cho 'phrul nyid bstan pa'i phyir// 'od zer bye ba khrag khrig brgya stong ?? sku lus kyi che shes las zhes bya ba ni lhag ma'o/ /sil snyan sna tshogs dang/ gdugs sna tshogs dang/ bden la sogs pa'i mchod pa'i khyad par dang/ dang pa dang/ khrung khrung dang/ dung pa la sogs pa'i bya'i cho gsab pa? tu? med pa snyan cing yid du 'ong ba'i sgra skad rnam pa sna tshogs ba sgrogs shing nam mkha' i dkyil na 'khor zhing bstod pa'i dbyangs sgrogs par byed do/ /gnod sbyin gyi dbang po gzugs bzang dang/ dbang po'i rtog la sogs pa gnod sbyin gyi dbang po bye ba khrag khrig brgya stong du ma dag gi lag pa gnyis gtun shing 'dzin cing gdug pa tsan? rnams skrod par byed do/ /phyogs sna tshogs nas lhags pa'i rgyal po dbang che ba/ dbang che bar grags pa rnams rta dang ba glang dor shing rta dang rkang thad rgyan gyis shin tu brgyan pa rnams ma zhon par khrid pas yongs su bskor ba dang/ tshangs pa yang bcom ldan 'das kyis g.yas phyogs nas mchod pa dang/ rim gro dang/ bsnyen bkur byed cing 'gro'o/ /g.yon nas ni lha'i dbang po 'gro'o/ /nam mkha' i ngos thams cad bar mtshams med par gang pa'i lha'i bu mchod pa sna tshogs thogs bas lag pa sgril? bas/ nam mkha' gang bar gyur nas bcom ldan 'das la mchod ba'i las kyi phyir 'khod de zhes bya ba ni ji skad bstan pa rnams kyis bskor nas bcom ldan 'das chu dran can gyi sgo nas gshegs pa'o/ /de la 'di skad ces bya ste zhes bya ba la sogs pas ni sngar bstan pa nyid gsal bor bya ba'i phyir/ sangs rgyas de bzhin
- 62a
gshegs bas dus mkhyen nas zhes bya ba la sogs pa gsungs pa la/ dus mkhyen nas 'od zer gyi cho 'phrul sna tshogs ston pas sangs rgyas kyi zhing dpag tu med pa snang bar mdzad cing gshegs ? gyur to// bcom ldan 'das de'i g.yon phyogs nas ni spyan ras gzigs dbang phyug dang/ mthu chen thob dang/ mthong ba don yod dang/ spos kyi glang po dang/ lag na rin chen dang/ lag bzangs dang/ rin chen tog dang// 'byung bar dka' ba la sogs pa rnams so/ /g.yas phyogs nas ni byams pa sngon du 'gro ba'i bskal ba bzang po rnams so/ /zla 'od ni mdun nas 'gro bar byed do/ /'jam dpal ni dpag tu med pa'i byang chub sems dpa' i tshogs kyis yongs su bskor nas g.yon phyogs nyid nas so zhes bya bas ni shes rab dang byams pa dag gis mngon par 'dod pa'i gnas thob par bya ba nyid yin pa'i phyir zhes bya ba yin no/ /'jam dpal gzhon nur gyur pa dang/ byams ba dag g.yon dang g.yas phyogs su gnas par bstan nas 'jam dpal gzhon nur gyur pa'i rjes thogs su ni nyan thos kyi dge 'dun no/ /nyan thos kyi dge 'dun gyi rjes thogs su ni go'u tam la sogs pa'i drang srong chen po rnams te/ bstan ma thag ba de dag thams cad kyis bcom ldan 'das yongs su bskor ba ni nam mkha' dri ma med pa'i dbus na zla ba'i dkyil 'khor yongs su rdzogs pa la skar ma'i tshogs rnams kyis yongs su bskor ba ltar nye bar mdzes par gyur pas bcom ldan 'das grong khyer du gshegs nas gang gi tshe dbang po'i phung bu'i sgo them la bcom ldan 'das kyis zhabs bzhag pa de'i tshes chen po rnam pa drug tu g.yes par gyur te/ de dag kyang sngar bshad zin to/ /don de nyid yang tshigs su
- 62b
bcad pas bstan pa'i phyir grong khyer mchog der 'dren pa gshegs pa na zhes bya ba la sogs pa la/ sems can rnams rab tu dga' bar gyur to/ /bkres pa dang/ skom pa dang bral lo/ /dbang po mtshad pa rnams kyis ni dbang po tshang ba thob par gyur to/ /yi dags rnams kyang de bzhin gshegs pa'i 'od zer gyis rag pas bde ba thob par gyur to/ /sa yang rnam pa drug tu rab tu g.yos so/ /'on kyang sems can 'ga' la yang gnod par gyur pa med pa ste 'tshe ba med ba'o/ / nam mkha' la 'gro ba'i lha rnams kyang gdugs pa rnam pa sna tshogs 'dzin par byed do/ /sil snyan dbye ba brgya stong du ma dag kyang ma brdungs par nam mkha' i dkyil nas rang sgra snyan pa sgrogs so/ /ljon shing sdong po stong phrag brgya yang de'i tshe me? tog rgyas bar gyur cing bcom ldan 'das la 'dud par gyur to/ /rta dang/ glang po che dang/ khyu mchog dang/ ri dags kyi bdag po rnams kyang rab tu dga' ba'i sems kyis snyan cing yid du 'ong ba'i sgra sgrogs so/ /phyogs sna tshogs nas 'ongs pa'i sa bdag rgyal po rnams kyang spyi bo sa la btsugs nas phyag 'tshal zhing 'dud do/ /kha cig ni mu tig gi phreng ba dang/ dpung rgyun dang/ rkang gdub dang/ cod pan dang/ gdu bu dang/ rna cha la sogs pa'i rgyan gyi khyad par rnams 'thor bar byed do/ /gang yang mchog tu sdug bsngal bar gyur pa'i sems can gnod pa rnam pa sna tshogs kyis nyam thag cing mya ngan gyi zug rdus zug pa de dag ni skad cig de la bde ba dang ldan par gyur to// nam mkha' i dkyil nas 'gro ba'i bya'i tshogs rnam pa sna tshogs rnams kyang snyan cing yid du 'ong ba'i sgra sgrogs so/ /gang dag gis sgra skad de thos pa de dag kyang 'dod chags dang zhe sdang dang gti mug zhi bar gyur te/ chos zab mo la rjes su
- 63a
mthun pa'i bzod pa thob par gyur to/ /de dag sangs rgyas nyid du yang de bzhin gshegs pas lung ston to/ /de yi dus na nyon mongs mi 'byung ste zhes bya ba la/ de bzhin gshegs pa'i byin gyis brlabs kyis nyon mongs pa dang bral nas rab tu dad pa'i sems kyis de bzhin gshegs pa la phyag 'tshal nas byang chub tu sems bskyed par byed do/ /ba spu'i khung bu re re nas kyang 'od zer stong phrag brgya stong du ma byung ba'i 'od zer gyis zil gyis mnan pas nyi ma la sogs pa'i lha rnams kyi 'od shes pa med do/ /mi gtsang ba dang/ dri ma dang/ /nag nog smad pa med par gyur te nyon mongs pa'i dbang gis mi gcing ba la sogs pa snang bar 'gyur gyi/ /gzhan dun nyon mongs ba thams cad bag chags dang bcas pa spangs pa la mi gtsang pa la sogs pa snang pa'i skabs lta ga la yod/ /zla 'od kyis thams cad yongs su sbyangs pa'i yang phyir ro/ /lha rnams kyis gtong ba'i me tog de dag ni sa'i steng du me tog bkram par gyur te/ /mi rnams kyis gtor ba rnams ni nam mkha' la me tog gis gdugs su gyur to/ /gang gi tshe bcom ldan 'das sras gi dbus nas gshegs pa'i cho sprul pa spros nas sems can rnams la chos ston to/ /'og min gyi mthar thug pa'i lha rnams mchod pa sna tshogs kyis lag pa brel ba yang 'das? so/ /de bzhin du gnod sbyin dang/ /dri za dang/ mi'am ci dang lto 'phye chen po dang/ /drang srong rnams tshar bcad pa dang/ /phan 'dogs pa rnams kyang 'dus nas de bzhin gshegs pa'i zhabs la phyag 'tshal bar byed do/ /grong dang grong khyer dang/ ri dang/ nags na gnas pa dang/ chu klung gi lta rnams kyang ltags so/ /de lta bu
- 63b
la sogs pa'i rdzu 'phrul gyi cho 'phrul gyi khyad par dpag tu med pa bskal pa bye ba brgya stong du yang shes par dka' ba zhes bya ba'o/ /gtso bo'i yon tan dri ma med par 'jug pa'i mthu rnams ni/ /nam mkha' dang mnyam dpag med 'jam dbyangs blo yi yul gyur pa/ /grong mchog gshegs pa'i sgo them zhabs bzhag tshe na bstan/ /bdag gi blo yis de la 'jug par ji ltar nus/ /skye dang 'chi ba dang ldan bam po shin tu sdug bsngal pas/ /skye ba kun tu bdag ni 'di 'dra dang 'brel bar/ /bdag gi bsod nams sa bon 'di dang ldan par ma gyur ces bkral ba yin gyi 'jig rten ngo mtshar gyur pa ci yang med/ grong khyer du gshegs pa'i le'u ste bcu pa'i bshad pa rdzogs so// da ni mdo sde 'dzin pa'i le'u bstan pa'i phyir/ de nas bcom ldan 'das zhes bya ba la sogs pa la zla 'od gzhon nu'i khyim du gshegs so/ /gshegs nas kyang gdam bshams pa la bzhugs so/ /byang chub semS dpa' i dge 'dun dang/ dge slong gi dge 'dun yang so sor gang 'os pa'i stan la 'khod do/ /de nas zla 'od gzhon nur gyur pas bcom ldan 'das byang chub sems dpa' i dge 'dun dang dge slong gi dge 'dun bzhugs par rigs nas rang nyid kyis sngar 'dus pa'i zhal zas ro brgya dang ldan pas tshim par byas nas/ /bdar te zhes bya ba ni ci bzhed pa rnams ji ltar bde bar byas nas/ /bcom ldan 'das bshos gsol nas lhung bzed bzhag ste phyag bcabs par rig nas chos ston gyi yon du ras bcos bu zung bye ba stong phrag brgya rib phul lo/ /byang chub sems dpa' rnams la ni ras zung re do'o/ /dge slad rnams la ni chos gos gsum gsum phul/ /de nas
- 64a
langs te thal mo sbyar ba btung nas bcom ldan 'das la tshul dang mthun pa'i tshigs su bcad pas bstod pa/ skye par med cing 'gag pa med pa ces bya ba la sogs pa la/ sku lus mi mnga' ba ni chos kyi sku la sku med bar bstan to/ /ci'i phyir zhe na/ skyes pa med pa'i phyir ro/ /de nyid kyis na 'gag pa med do/ /bsam pa'i yul las yang dag par 'das pa'i phyir/ bsam gyis mi khyab ces bya ste/ /chos kyi sku'i sgo nas bstod pa'o/ / gzugs dang mtshan ni phun sum tshogs zhes bya ba ni longs spyod rdzogs pa'i sku'i sgo nas so/ /shes rab kyis skyes zhes bya ba ni shes rab kyi pha rol tu phyin pa bsgoms pa las nges par byung ba'i phyir ro/ /thabs dang stobs kyi rtsal kyang mnga' zhes bya ba ni dmigs ba med pa'i snying rje chen po'i thabs kyis sems can ma lus pa'i don byed pa'i phyir dang/ don dam par nam mkha' dang 'dra ba'i thugs mnga' ba'o/ ye shes rgya mtsho zhes bya ba ni rnam pa thams cad mkhyen pa nyid kyi rten la phyag 'tshal ba'o/ /de ltar na gtsugs lag khang dang/ /zhal zas dang/ btung ba dag /chos ston la sogs pa'i bya ba rnams la ji ltar 'jug ce na/ dran pa nye bar gzhag pa bzhugs pa'i spyod yul te zhes bya ba la/ gang la dran pa nye bar gzhag pa yod pa de la de skad ces bya'o/ /gzims mal ni dga' ba dang bde ba'o/ /btung ba ni ting nge 'dzin no/ /bshos ni bsam gtan no/ /stong pa nyid ni dgon pa ste thams cad du stong pa nyid la gnaS pa'i phyir dben? pa la brten pa yin no/ /de lta bu'i rang bzhin yin na yang gzugs kyi skur yang ston pa'i phyir/ /rgyal ba thugs rje bsnyen pas na zhes bya ba la thugs rje'i gzhan dbang du gyur pas bshos
- 64b
gsol ba dang/ /btud pa 'thung ba la sogs par yang ston to/ /em sangs rgyas bsam mi khyab ces bya ba la sogs pas ni mchod pa tsam gyis mya ngan las 'das par gyur pa ngo mtshar che bar bstan to/ /sangs rgyas 'khor dang bcas pa bshamS gsol ba'i/ /bsod nams bdag gis gang ni bsags pa des/ /ji ltar khyod bzhin bdag kyang sangs rgyas su gyur cig ces smon lam btab po/ /yid kyis zhu ba zhus pa ni/ /gang gi bya ba la bltos pa med par yang tshig 'jug pa yod do zhes bstan pa'i phyir te/ byang chub sems dpa' mkhas pas ci spyod na zhes bya ba la sogs pa la/ /ji ltar zhugs na chos rnam ji lta ba bzhin du shes par 'gyur/ /ji ltar na 'jug pa'i mtshan nyid bya ba lag jug par 'gyur/ skye ba dran par ji ltar 'gyur/ 'khor rnams mi phyed bar ji ltar 'gyur/ /ji ltar spobs pa mdza' yas par 'gyur zhes bya ba la sogs pa'i zhu ba rnams kyi lan gdab pa'i phyir/ /zla 'od kyi sems kyi rnam par rtog pa thugs kyi mkhyen nas zla 'od gzhon? nur gyur pa la bos nas dga' stsal pa/ chos gcig dang ldan na yon tan 'di dag rab tu thob par 'gyur ro/ /zhes bya ba ni bshad ma thag pa'o/ /chos gcig po gang zhen zheS the tshom bsal ba'i phyir dris pa dang/ gzhon nu 'di la zhes bya ba la sogs pas bcom ldan 'das kyis lan 'debs pa'o/ /chos thams cad ming dang bral bar rab tu shes zhes bya ba ni ming dang skad dang yi ge dang bral bas skye ba dang bral ba/ ? rgyu dang rkyen dang mtshan nyid mi mthun pa sgro btags pa thams cad las dben pa gnyis su med pa'i ngo bo nyid stong pa nyid dang/ mtshan ma med pa dang/ smon pa med pa dang/ /rang bzhin gyis 'od gsal ba'i
- 65a
mtshan nyid can sems dang/ /yid dang/ rnam par shes pa dang bral ba/ /gzung ba dang/ 'dzin pa med par chos thams cad rab tu shes so/ /don 'di dag nyid tshigs su bcad pas gsal bar mdzad pa'i phyir chos rnams bstan pa gcig po ni zhes bya ba la sogs pa la/ /chos rnams thams cad mtshan nyid med ces bya ba ni nges par bstan pa gcig go /gang gis chos gcig bstan pa 'dir rab tu shes pa nges de bzhin gshegs pa'o byin gyis brlabs kyis yang dag pa'i mdza' rab tu shes par 'gyur ro/ /'dir gang gis ci yang brjod du med pa'o/ /gcig gis kyang ni thams cad shes zhes bya ba la sogs pa la/ /yang dag pa'i mdza' i ngo bo nyid du gang giS shes pa'o/ /shes nas ming dang rgyu mtshan la sogs pa la chos thams cad sngon gyi mdza' dang/ phyi ma'i mdza' med pas ma skyes par shes so/ /skye ba dran par ji ltar 'gyur zhes bya ba la sogs pa'i lan ni gang gi tshe skye ba dran pa de'i tshe? bya ba thams cad la rmongs par mi 'gyur ro/ /de nas rmongs pa med na yang dag pa'i mdza' yongs su shes so/ /yang dag pa'i mdza' yongs su shes na byang chub sems dpa' i 'khor rnams mi phyed par 'gyur ro/ chos kyi rang bzhin yongs su mi shes pa'i byis pa rnams ni 'khor pa'i sdug bsngal nyams su myong bar 'gyur ro/ /chos rnams la mi rtogs pa ni rang gi rnam par rtog pa'i bzos sprul pa'i sgyu ma'i dra ba'i rang bzhin la mkhas pa rmongs par mi 'gyur ro/ /de'i phyir/ bstod pa rnyog pa med pa'i chos 'di na mi khas pa'i sa yin te zhes bya ba ni 'di ni byang chub sems dpa' i spyod pa'o/ /sangs rgyas kyi chos rnams kyis brgyan no/ /bcom ldan 'das kyi bstan pa se/ rang
- 65b
bzhin gyis stong pa nyid ni nyon mongs pa ma lus pa bag chags dang bcas par rab tu spong pa dbed? pa'i phyir ro/ /gang gi tshe byang chub sems dpa' nyon mongs pa bag chags dang bcas pa rab tu spangs par gyur pa de'i cha gzugs dang/ sgra dang/ /dri dang/ ro dang/ reg bya dang/ chos rnams la zhen par mi 'gyur ro/ /de mi gnas pa'i sbyar bas sangs rgyas kyi rigs la gnas nas dag pa'i bshas gnyan la brten te/ sbyin pa dang/ tshul khrams dang/ bzod pa dang/ brtson 'grus dang/ bsam gtan dang/ shes rab kyis sangs rgyas nyid thob par 'gyur ro/ /de la lha klu rtag tu bkur sti byed ces bya ba la sogs pas ni chos la gus pa nyid kyis chos nyid la rab tu zhugs pa'i byang chub sems dpa' la thams cad mched par byed par 'gyur ro /de bzhin gshegs pa rnams kyang rab tu dgyes pa'i thugs kyi zab cing rgya che ba'i chos rnams rab tu ston par 'gyur ro/ /gang gis stong nyid shes de byang chub sems zhes bya ba ni stong pa nyid la gnas pa'i byang chub sems dpa' sems can gyi khams dpag tu med pa gdul ba'i phyir stong pa nyid dang rab tu ldan pa'i chos ston par 'gyur ro/ /da? thos nas bla na med pa'i sangs rgyas kyi ye shes mngon par bsgrub par bya ba'i phyir 'jug par 'gyur ro/ /de nas de bzhin gshegs pa mthong bar 'gyur ro/ /des kyang de dag la chos ston par 'gyur ro/ /chos kun sgyu ma lta bur shes par bgyis/ /ji ltar bar snang rang bzhin stong ba ltar zhes bya ba la/ /gzong ma nas ma skyes pa'i nam mkha' i ni thogs pa dang bcas pa'i dngos po'i don byed pa tsam gyi phyir rang bzhin gyis stong pa'o/ /de ltar chos thams cad rang bzhin gyis stong par shes nas zhes ba med par thams cad su sems can thams cad kyi don byed par 'gyur ro/ /de dag gi
- 66a
yang rang bzhin de 'drar shes zhes bya ba la/ shes pas gdul bya'i skye bo rnams la mngon par bltas nas sangs rgyas kyi zhing mdza' yas pa'i sems can gdul bya rnams gdul ba'i phyir de bzhin gshegs pa'i sprul pa rnams spros te/ de dag tu sangs rgyas kyi mdzad pa mdzad de mya ngan las 'das kyang skye ba dang 'gag pa ci yang med do/ /de ltar chos kun la yang rab brtags te zhes bya ba la/ byang chub tu sems bskyed nas sangs rgyas kyi gdung rgyud mi bcang pa'i phyir zhugs nas mtshan sum cu rtsa gnyis dang/ dpe byad bzang po brgyad cus brgyan pa'i sku chen por gyur nas bdud thams cad kyi mi g.yo ba'i yid dang/ sems can thams cad la bu cig pa ltar brtse ba'i lhag pa'i bsam pa dang/ gsol ba 'debs pa med bzhin rtag tu nye bar gnas pa'i dge ba'i bshes gnyen zhes bya'o/ /spobs pa mi zang pas mdo sde dpag tu med pa'i don shin tu 'bar ba tu ston bar mkhas pas ngeS pa'i tshig so sor yang dag par rig pa'i stobs kyis sems can thams cad gdul ba la mkhas pa'o/ /mtshang ba med pa'i stobs kyis shugs 'chang zhing zhes bya ba la sogs pa la/ shin tu phra ba chos kyi rang bzhin rtogs pa'i phyir ma tshang ba med pa'i stobs te/ stobs bcu thob par 'gyur ro/ /lha dang mi dang lha ma yin du bcas pa'i 'jig rten rnams la yang yid du 'ong par 'gyur ro zhes bya ba la sogs pa ni mthong ba'i chos kyi phan yon dang yon tan gyi tshigs ston te go sla'o/ /bskal pa stong dam de yi bsod nams stobs zhes bya ba la sogs pa la/ mdo sde 'dzin pa'i bsod nams ni mdza' yas shing smra par mi nus te/ dpag tu med pa'i phyir ro/ /mdo sde 'dzin pa'i
- 66b
bsod nams kyi che ba'i bdag nyid brjod pa'i phyir/ skyes bu la la bsod nams 'dod pas 'dir zhes bya ba la sogs pa la/ ji ltar skyes bu bsod nams 'dod pa 'ga' zhig gis de bzhin gshegs pa rnams la bskal pa bye ba khrag khrig brgya stong dpag tu med par bsnyen bkur dang / kun tu spyod pas bsnyen bkur byas la/ gzhan bsod nams 'dod pa zhig gi chos zab mo'i tshul 'di las sems shin tu dad pas tshigs su bcad pa gcig cig phyi ma'i dus te dam pa'i chos 'jig pa'i dus su 'dzin na de la snga ma'i bsod nams char mi phong ces bya ba la/ sngar bstan pa'i de bzhin gshegs pa la mchod pa dang bsnyen bkur byas pa'i bsod nams kyi char yang mi phong ngo zhes bya pa'i bar te/ gtso po nyid du gyur pa'o/ /de phyir bye brag 'di 'phags de 'dra ste zhes bya ba la sogs pas ni nye bar bsdus pa'o/ /bsod nams dpag med dpe las 'das gyur pa/ /nam mkha' dang mnyam 'dir ni thob gyur pas/ /tshig gi bdag po 'jam mchog 'dra gyur pa/ /de ni byang chub sems dpa' de rgyal pas/ /mod sde 'dzin pa'i le'u ste bcu gcig pa'i bshad pa rdzogs so// //da ni ting nge 'dzin rjes su bslab pa'i le'u/ gzhon nu de la zhes bya ba la sogs gsungs te/ mdo sde 'dzin pa'i le'u ru phan yon bstan pa sngon du 'gro ba'i tshig gis/ gzhon nu sems ni ngo bo nyid med pa/ bzugs? med pa/ bstan du med pa zhes bya ba la sogs pa la/ ngo bo nyid med pa'i phyir gzugs med pa'o/ /gzugs med pa'i phyir 'di ni 'di'o zhes nges par bstan par mi nus pas so/ /sems ji lta ba sangs rgyas kyi yon tan yang ji lta bu'o/ /de bzhin gshegs pa yang de lta bu'o/ /chos thams cad kyang de lta
- 67a
bu'o/ /zhes bya bar rab tu shes pa'i byang chub sems dpa' gang yin pa de ni nges par brtags pa la mkhas par 'gyur ro/ /de ni khams gsum las byung ba la mkhas pa'o/ /ji skad smras pa de bzhin byed pa'o// khams gsum la ma chags pa'o/ /khams gsum las yang dag par 'das pa'o/ /'dod pa dang gzugs dang gzugs med pa dang/ nyon mongs pa dang/ sgra dang yi ge la mngon par zhen pa dang bral ba de ni chos kyi tshul la mkhas so/ /chos thams cad kyi tshul rnam par dgod pa'i ye shes la mkhas pa'i blo dang yang dag par ldan pa'i phyir gzhan gyis zil gyis non par mi 'gyur ro/ /chos kyi rnam grangs 'di bshad pa'i tshe lha dang mi'i skye dgu sngon yongs su sbyang ba byas pas khrag khrig phrag dgu bcu rtsa brgyad kyis zhes bya ba ni sbyang ba byas pa bye ba brgya stong chos zab mo la bzod pa'i stobs kyis zhes bya ba'i bar du'o/ /gzungs ni shes rab bo/ /sgrib pa med pa'i bzod pa so sor thob par 'gyur ro/ /de dag bcom ldan 'das kyis lung bstan pa ni sangs rgyas su ste bsam pa nges pa'i phyir ro/ /de la 'di skad ces bya ba ste zhes bya ba la sogs pa'i tshigs su bcad pas ni don de nyid slar yang bstan pa'o/ /byang chub sems dpa' blo ldan gang zhes bya ba la sogs pa la/ byang chub sems dpa' gang bla na med pa yang dag par rdzogs par 'tshang rgya bar 'dod pas chos thams cad chos nyid du mtshan nyid gcig par shes pa'i phyir sna tshogs kyi 'du shes dang bral ba'i sems brtan pos chos thams cad kyis rang bzhin mnyam pa nyid rnam par spros pa'i ting nge 'dzin rdzogs par bya ba'i phyir rjes su bslab par bya'o/ /de bzhin gshegs pa ni chos kyi sku yin gyis gzugs kyi sku ni
- 67b
ma yin te/ sgro btags pa'i rtogs pa thams cad rab tu spangs pa'i phyir ro/ /bsam gyis mi khyab pa'i chos kyi sku mthong ba ni sangs rgyas mthong ba'o/ /ting nge 'dzin mthong ba'o/ /de bzhin du chos thamS cad nam mkha' i ngo bo nyid do zhes rnam par rig nas khams gsum la mi brten pa'i sems ni bdud dang rnam par rtog pa thams cad kyi mi bskyod pa'i sems kyis ting nge 'dzin gyis bde ba las gnas pa'o/ /skye ba med cing 'gag pa med par chos rnams rang bzhin rtogs na yang de bzhin gshegs pas gsungs pa'i tshul khrims kyi bslab pa'i gnas rnams ma nyams pas gang du sems can gyi don mthong ba der smon lam gyi dbang gis skye par 'gyur te/ tshul khrims dang ldan pa'i smon lam grub par 'gyur ro/ /zhes gsungs pa'i phyir ro/ /bzod pa bsgom par byed/ brtson 'grus rtsom par byed/ bsam gtan las mi nyams/ /chos rab tu 'byed pa'i mtshan nyid can gyi shes rab la slob pa ni ting nge 'dzin las rab tu slob pa yin no/ /ting 'dzin sems las nges rtog pa/ /kun tu rnam pa mi rtog nyid/ /de la yang dag rjes slob pa/ /bsgrub pa zhes 'dir bshad pa yin/ /ting nge 'dzin la rjes su slob pa'i le'u ste bcu gnyis pa'i bshad pa rdzogs so// // ting nge 'dzin la slob pa'i rjes su ting nge 'dzin gyi rang gi ngo bo nye bar bstan pa'i phyir/ ting nge 'dzin nges par bstan pa la mkhas par bya'o zhes bya ba la sogs pa gsungs te/ gang chos thams cad kyi ji lta ba bzhin nyid dang zhes bya ba ni ji lta ba bzhin ni rang bzhin gyis stong pa nyid bzhin no/ /de ni ma brtags pa log par ma spong pa ma yin pa gang gis kyang nye bar ma bskyed pa ste/ skye ba med cing 'gag pa med pa nyid do/ /sems dang
- 68a
sems las byung ba dang/ chos dang chos can dang/ las dang bya ba la sogs pa'i yid la byed pa rgyun chad pa / phung po la sogs pa'i rjes su mi dmigs pa dmigs su med pa'i ngo bo nyid dran pa dang/ blo gros dang/ rtog pa dang/ khrel yod pa dang/ brtan pa dang/ chog dang/ spyod yul dang/ nan tan gyi gnas su gyur pa/ byang chub sems dpa' thams cad kyi bslab pa/ ting nge 'dzin pas rab tu byung ba'o/ /de bzhin du sangs rgyas kyi yon tan gyi rten du gyur pa/ de la ni ting nge 'dzin nges par bstan par zhes bya'o/ /nges par bstan pa 'di la rab tu gnas pa ni ting nge 'dzin dang bral bar mi 'gyur ro/ /sangs rgyas thams cad yi yon tan dang mngon par mi 'brel te/ sems 'khrul pa med pa yin/ lhun gyis grub pa yin/ sems can ma lus pa'i don byed bar nus par 'gyur ro/ /zhes bya'o/ /de nas zhes bya ba la sogs pas ni bcom ldan 'das kyis ting nge 'dzin gyi ngo bo gsungs te/ ting nge 'dzin mnyam pa med pa'i sa zhes bya ba la sogs pa la/ mnyam pa med pa ni stod pa nyid do/ /zhi ba ni rang bzhin gyi zhi ba'o/ /phra ba ni rags pa la dmigs pa'i blo gros rtogs par mi nus pa'o/ /de nyid kyi phyir mthong dka' o/ /gang gis phyir 'du shes thaMs cad bcom pas na de'i phyir ting nge 'dzin zhes bya'o/ /stong ba nyid ni spros pa thams cad dang bral ba'o/ /de'i phyir ting nge 'dzin zhes bya'o/ /de dag rgya cher bstan pa'i phyir/ /rtog pa med cing rnam rtog med ces bya ba la sogs pa la/ gzung ba dang 'dzin pa'i rnam par rtog pa rnam par spangs pa ni gzhi med pas bstan du med pa'o/ /sems kyang dmigs pa med pa ste/ de phyir ting nge 'dzin zhes bya ba la/ mnyam par gzhag
- 68b
bar gyur kyang rlom sems med pa ni/ rlom sems med pa ji bzhin pa de ni ting nge 'dzin zhes bsgrags so/ /chos ni sdul tsam yang yod med pas yod pa ma yin pa la dmigs par ga la 'gyur/ chos rnams dmigs su med pa ste/ de phyir ting nge 'dzin ces bya zhes bya ba la sogs pa la/ sems kyi dmigs pa zhes bya ba de yang rnam par rtog pa'o/ /chos de rnam par ma brtags pa zhes bya ba ni sems dang sems las byung ba'i chos rnams kyang zhes byas nas so/ /sgra yis don rnams rab stan te/ /sgra de nyid kyang dngos po med/ /mi bden pa yi sgra de yis/ /gang di ci zhig ston par byed/ /sgra ni brag ca lta bu ste/ /'khrul pa 'ba' zhig tsam nyid do// zhes bya'o/ /chos 'di rnams ni mi gnas te zhes bya ba la/ gnas dang/ gnas pa dang/ gnas pa po rnams mi dmigs pa ni gnas pa med pa nyid gnas pa'o/ /zhes bya ba'i spas brjod do/ /de bzhin du 'gro zhing 'chi 'phor brjod pa yi zhes bya ba la sogs pa la/ 'chi 'pho dang 'gro ba dang bral ba ni ting nge 'dzin gyi ngo bo nyid yin no/ /zhes brjod do/ /mnyam par bzhag pa'o/ /zhes bya ba dang/ mnyam par ma bzhag pa'o/ /snyam pa'i rlom sems te/ rlom sems ma lus ba dang bral ba'i byang chub sems dpa' ni shin tu rnam par bzhag pa nyid kyis bla na med pa yang dag par rdzogs pa'i byang chub 'thob par byed pa'o/ /zhi gnas dang lhag mdzod mnyam pa nyid du 'jug pa'i byang chub sems dpa' ni ting nge 'dzin bsgom pa dang mngon par ldan pa zhes bya'o/ /yi ge dag gis 'jug par mi nus te zhes bya ba la/ chos nyid la zhugs pa la yi
- 69a
ge'i nyams su myong pa yod par mi 'gyur te/ yi ge dang/ skad dang/ sgra thams cad dang bral ba bsgom pa tsam gyis rtogs par bya ba'o/ /byang chub sems dpa' gang zhig ji skad bshad pa'i ting nge 'dzin bsgom pa la mngon par dga' bas sems gzhan ma yin pa ni nam mkha' dar mnyam pa'i sems so/ /gal te zhing 'di bskal pas chig gyur kyang zhes bya ba la sogs pas ni ting nge 'dzin gyi nus pa ston pa yin no /gal te sangs rgyas kyi zhing 'di bskal pa sreg pa'i mes bsregs pas snod kyi 'jig rten thal ba bzhin du mngon sum du byas par gyur kyang ri'i mchog gi dbus su zhugs pa de mes mi tshig go /ci'i phyir bsreg bya'i dngos po yin na mi 'tshig ce na/ nam mkha' sngon chad nam yang mi 'tshig bzhin zhes bya ba la sogs pa gsungs te/ bskal pa'i mes 'jig rten gyi khams 'di bsreg kyang nam mkha' ni tshig sar mi 'gyur te/ ngo bo nyid med pa'i phyir ro/ /de bzhin du nam mkha' dang mnyam pa'i ting nge 'dzin la snyoms bar zhugs pa yang na mkha' bzhin dmigs pa thams cad dang bral ba la yang bsreg pa'i? bya ba'i ngo bo mi dmigs pa'i phyir de tshig par mi 'gyur ro/ /gal te sangs rgyas kyi zhing 'di 'bar gyur kyang zhes bya ba la/ sangs rgyas kyi zhing 'di bskal pa'i mes sreg bar byed pa na ting nge 'dzin la gnas pas bskal pa'i me rab tu zhi bar bya ba'i phyir yid kyis sa ma tshig gis kyang rung/ bskal pa sreg pa'i me rab tu zhi bar 'gyur ro/ /zhes bya ba ni skad cig de nyid la ma lus par rab tu zhi bar 'gyur gyi gzhan du ni ma yin no/ /bsngags la sogs pa'i stobs kyis 'byung pa chen po bzhin gzhan du 'gyur yang srid de/ de'i gnyen po'i phyogs yin pa'i phyir ro/ /stong pa nyid la ni
- 69b
gnyen pa'i phyogs med pa'i phyir gzhan du 'gyur ba med do/ /de yi rdzu 'phrul stobs kyang mdza' yas 'gyur zhes bya ba ni ting nge 'dzin gyi mthus sangs rgyas kyi zhing dpag tu med par 'gro ba dang 'ong ba la sogs pa'i mchan nyid can rdzu 'phrul rnam pa sna tshogs la byang chub sems dpa' de mngon du phyogs par 'gyur ro/ /spobs pa mdza' yas pas chos mdza' yas pa nyan pa dang/ sprul ba mdza' yas pa spro bar byed pa dang/ yon tan gyi tshogs mdza' yas pa nges par bsgrub pa'i phyir/ /de tshe rdzu 'phrul khyad par 'thob ces bya ba la sogs pa la/ nam zhig nyon mongs med gyur ba/ /de tshe rdzu 'phrul 'thob 'gyur te/ /gang gi tshe ting nge 'dzin gyi mi mthun pa'i phyogs su gyur pa nyon mongs pa rnam par spangs par gyur pa de'i cho rdzu 'phrul la dbang thob bar gyur pa na ji ltar 'dod pa bzhin rdzu 'phrul gyi cho 'phrul ston par 'gyur bas brtags pa'i dri ma thams cad spangs par gyur pa'i byang chub sems dpa' i ting nge 'dzin la bslab par bya'o/ /snod kyi 'jig rten rnam pa sna tshogs pa/ /'jig pa'i dus kyis mes bcom phyed byas kyang/ /nam mkha' bcom zhing phye mar byed mi nus/ /de bzhin ting 'dzin brtan thob rnal 'byor pa/ /ting nge 'dzin nges par bstan pa'i le'u bcu gsum pa'i bshad pa rdzogs so// //da ni lung bstan pa'i mtshan ma 'dzum pa yang dag par bstan pa'i le'u rab tu bsgrub pa'i phyir/ de nas zhes bya ba la sogs pa gsungs pa la/ de nas zla 'od gzhon nur gyur pa las bcom ldan 'das kyis skabs phye ba dang/ bcom ldan 'das la tshigs su bcad pas bstod pa ni yang dag pa'i yon tan
- 70a
brjod par sngon du 'gro bar 'dzum pa mdzad pa yongs su zhu ba'i phyir/ sdug bsngal gces pa'i sems can gzigs nas ni zhes bya ba la sogs pa la/ 'dod chags dang/ zhe sdang dang/ gti mug rnams kyis kun tu dkrugs pa'i sems can rnams la gzigs nas de dag nye bar gzung bar bya ba'i phyir byang chub tu thugs? skyed par mdzad de/ /sangs rgyas su gyur nas sems can ma lus pa rab tu dgrol bar bya'o/ zhes bya'o/ /dpa' bos bskas pa bye ba med spyad de zhes bya ba la/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab rnams bskal ba mi nyung bar goms par mdzad pa'i sbyin ba? re zhig gsungs pa/ glang po dang/ mgyogs 'gro dang/ shing rta'i mchog dang/ grong khyer gyi mchog dang/ rgyal srid kyi mchog dang/ khyim dang/ chung ma dang/ bu dang/ lag pa dang /rkang pa dang/ yan lag gi mchog la sogs pa yang byang chub kyi phyir sbyin par btang ngo/ /khyod kyi tshul khrims dri ma de rnam dag ste zhes bya ba la/ tshul khrims 'chal pa'i dri ma spangs pas/ bdag nyid gtong zhing tshul khrims yongs mi nyams zhes pa ni skyes pa'i rabs bzhin no/ /lus dang dag dang yid kyang rab tu bsdams/ bde gshegs sems dul khyod la phyag 'tshal lo/ /bzod la dgyes shing zhes bya ba la sogs pa la/ sdug bsngal dang du len pa dang/ gzhan gnod pa byed pa la ji mi snyam pa dang/ chos la nges pa'i bzod pa rnams la rab tu gnas pa'i phyir lus dum bur byas kyang khro ba mi 'byung ste/ bdag tu 'du shes med pa'i phyir ro
- 70b
snying rje chen pos yongs su bsgos pa'i rgyud yin pa'i phyir bcud cing bcad pa nas 'o ma'i rgyun 'jig? par gyur pa'i ngo mtshar che bar gyur pa khyod la phyag 'tshal lo/ /zhes bya'o/ /stobs bcu dang ldan pa'i phyir thogs pa med pa'i ye shes kyis chos thams cad rang bzhin med par rtogs na yang thugs rje chen pos bskul pa'i phyir sems can 'di dag ni phyin ci log du zhugs pa'o/ /zhes rjes su brtse ba'o/ /chos thams cad ni bdag dang bdag gi ba dang bral bas stong pa'o/ /zhes rab tu shes na yang 'jig rten rnams de kho na nyid kyi lam las nyams par gzigs nas de dag gi phyin ci log spang par bya ba'i phyir chos rnams rang bzhin gyis bdag med pa'i lam rab tu bstan nas sangs rgyas kyi byang chub la rab tu 'gong par byed do/ /zhes pa ni snying rje'i thabs la mkhas pa zhes gsungs so/ /zla ba skar mar bcas pa'i mkha' ltung zhing zhes bya bas ni byin ci ma log pa gsung ba nyid du bstan te/ gal te nam mkha' ltung ba 'am sa la sogs pa'i 'byung ba rnams gzhan du 'gyur ba ni srid kyi bcom ldan 'das kyis bka' ni gzhan du gsung par mi 'gyur te/ de'i rgyu rmongs ba mi mnga' ba'i phyir ro/ /dmigs pa'i lta ba la mngon par zhen pa'i sems can gzigs nas de dag gi rmongs pa'i mun pa bsal ba'i phyir zab mo rang bzhin gyis zhib stong pa nyid ston par mdzad de/ /dmigs pa med pa'i bslab pa la legs par bslabs pa'i phyir ro/ /khyod la 'khrul pa mod mi mnga' zhes bya ba la/ phyin ci log tu ston pa'i 'khrul pa mi mnga' bar gsungs pa ni bdag tu 'du shes gang gnas ba de dag 'khrul bar 'gyur te/ /mi mkhas pa zhes pa rmongs pa yod pa'i phyir ro/ /zhes bya ba'i don to/ /bdag med pa
- 71a
shes pa rnams ni bdag med pa nyid ston par mdzad de/ de'i phyir yang dag pa gsungs pa/ yang dag pa'i chos la rab tu gnas pa/ yang dag par bden pa la gnas pa/ yang dag par spyod pa/ yang dag par smon ba/ yang dag pa'i rgyu mthun pa/ yang dag spyod pa phun sum tshogs/ /yang dag mdza' la shin tu bslabs/ /yang dag bsam pa yang dag spyod/ /yang dag mkhyen la phyag 'tshal lo/ /zhes bya bas yang dag pa gsung bar bston nas ye shes gsung ba nyid du bstod pa'i phyir/ khyod kyi shes rab mnyam pa med ces bya ba la sogs ba la/ rnam pa thams cad mkhyen pa'i ye shes kyi khyad par gsung ba nyid kyis na/ ye shes gsung la phyag 'tshal lo/ /zhes bya ba yin no/ /byams pa gtsor gyur pa nyid du bstod pa/ sems can kun gyis bshes gnyen khyod ces bya ba la sogs pa la/ dmigs pa med pa'i snying rje chen po'i rang bzhin shin tu goms par byas pas 'gro ba ma lus pa'i don bya ba'i phyir rab tu gnas pa ri rab bzhin du mi g.yo ba/ 'khor gyi dkyil 'khor thams cad zil gyis mnan nas bdag med pa'i seng ge'i sgra nges par bsgrags pas mu stegs pa rnams seng ges wa ji lta ba bzhin du gdug pa'i sems dang ldan pa gdul dka' ba drag po chen po yang thabs kyi stobs kyis khyod kyis 'dul zhes bya ba la sogs pa yin no/ /sngar bstan pa'i don nyid sdud par byed pas tshigs su bcad pas bstan par bya ba'i phyir/ 'khrul ba med pa'i chos tshig khyod ston to zhes bya ba la sogs pa gsungs pa yin no/ /de ltar stobs bcu bden pa gsung la bstod nas ni zhes bya ba la sogs pa la/ stobs bcu dang ldan pa la bdag gis
- 71b
bstod? pa bgyis pa'i bsod nams nye bar bsags pa nges shAkya seng ge'i ji lta ba bzhin du bdag kyang sangs rgyas su gyur cig ces zla 'od kyi smon lam btab pa'o/ /de nas zla 'od kyi bsam pa mkhyen nas bcom ldan 'das 'dzum pa mdzad do/ /zhes bya ba la sogs pa/ stobs bcu'i sras kyi thu bo byams pas de zhus te zhes bya ba la/ byang chub sems dpa' chen po byams pas 'dzum pa mdzad pa'i rgyu zhus pa ni/ 'dren pas gang gi slad du 'di ltar 'dzum pa mdzad ces bya ba la/ 'dzum pa mdzad ma thag tu sa chen po yang g.yos so/ /lha la sogs pa nam mkha' i dkyil 'khor na gnas pa rnams kyang dga' ba'i sems kyis bcom ldan 'das pa blta zhing gnas so/ /bde gshegs zil gyis non te lung bstan du gsol zhes bya bas ni zhus pa'o/ /bskal pa mi nyung bar sbyin pa la sogs pa'i pha rol tu phyin pa la goms par byas pas sems can thams cad kyi sems kyi spyod pa mkhyen pa la bcom ldan 'das thogs pa med par 'jug pas de'i phyir lung bstan du gsol/ mi yi gtso bo la ni gang gis mchod ces bya ba la sogs pa la/ bsod nams nye bar bsags pa'i phyir zhus pa'o/ /pad+ma bye ba 'dab ma bye bar ldan zhes bya ba la sogs pa ni byang chub sems dpa' i gdan te/ de la byang chub sems dpa' chos smra ba mang po mchis pas mgon po la de'i slad du zhu'o/ /gang gis de bzhin gshegs pa la rab tu mchod gnas su zhig gis mchod par bgyis pas/ sangs rgyas byang chub ji ltar 'thob 'gyur zhes bya ba dang/ gang gis phra zhing shin tu blta dka' ba'i chos zhes bya ba la sogs pa la gang chos shin tu phra ba las stong ba zhi ba'o/ /zhes nas sgom pa de dag gi slad du bdag zhu'o/ /'das pa dang ma 'ongs pa
- 72a
dang da ltar gyi sems can thams cad kyi sems kyi spyod pa la 'khrul pa'am bsnyel ba khyod la mi mnga' bas 'dzum pa mdzad pa ci'i phyir gsungs pa'o/ /'jig rten gyi khams sna tshogs nas byang chub sems dpa' thams cad gus pa dang bcas par 'ongs pa la spos kyi glang po ni sangs rgyas mi bskyod pa'i zhing nas so/ /bde ba can gyi mthu chen thob dang/ spyan ras gzigs dbang phyug go /rje btsun 'jam dpal la ni yul nges par bstan ba med de sangs rgyas kyi zhing thams cad kyi de bzhin gshegs pa thams cad kyi spyan snga nas chos nyan pa'i phyir bdag nyid kyi lus rab tu ston pas so/ /zhes bya bas so/ /de bzhin du byang chub sems dpa' i che ba'i bdag nyid can rnams 'dir 'dus pa la snod ma yin pa ni gang yang ma mchis pas rgyu ma mchis par de zhin gshegs pa 'dzum pa mi mdzad na 'dzum pa mdzad pa'i dgos pa bcom ldan 'das bshad du gsol/ byams pa bskyed cing dga' ba 'phel bar bgyid ces bya ba la sogs pa la/ de bzhin gshegs pa'i bka' ni nyon mongs pa thams cad zhi bar byed pa yon tan thams cad skyed par byed ba ste/ de lta bur gyur pa'i gsung gi dbyangs kyis thugs rje can gyis seng ge'i sgra bsgrag du gsol/ 'jig rten phan pa khyod kyi gsung cig la sogs pa la/ gcig cig bstan pa'i sgra las mos pa sna tshogs can rnams la skad sna tshogs kyis sems can thams cad bdag la ston to bdag la ston to/ /snyam du dang rang gi bsam pas rtogs so/ /de lta bu na gang gi 'dzum pa mdzad pa khyod kyis gsungs pa'o/ /sems can thams cad kyi nyon mongs pa rab tu zhi bar byed pa'i gsung ni dga' ba skyed par byed kyi 'dod chags ni ma yin no/ /byams pa skyed par byed kyi zhe sdang ni ma yin no/ /shes rab skyed
- 72b
par byed kyi gti mug ni ma yin no/ /sangs rgyas kyi gsung ni 'khor gyi dkyil 'khor las phyi rol tu mi 'da' zhing thams cad kyi the tshom gcod pa'o/ /sa 'di gas par 'gyur yang srid/ /rgya mtsho skams par 'gyur yang srid/ /zla ba dang nyi ma ni ltung yang srid kyi yang de bzhin gshegs pa'i gsung ni gzhan du 'gyur zhing gsung ba ma yin no/ /bskal ba bye ba brgya stong dpag tu med par sangs rgyas nyid kyis de bzhin gshegs pa'i yon tan brjod kyang mthar thug par mi 'gyur na gang gi don du 'dzum pa mdzad gyur pas bya'o/ /'dzum pa mdzad par gyur ces bya'o/ /'dzum pas phye ba'i zhal mdzes rgyas pa don gyi dgongs pa can/ /nam mkha' dang mnyam mi g.yo stod pa gcig tu zhi ba nyid/ /su yi sems kyi rnam sgoms thub pa'i dbang pos bstan du gsol/ /sna tshogs kyis stong khyod ni sna tshogs nyid du mthong bar gyur/ /'dzum pa mdzad pa bstan pa'i le'u ste bcu bzhi pa'i bshad pa rdzogs so// //'dzum pa'i rgyu zla 'od lung ston pa gsol ba ni de nas de'i che zhes bya ba la sogs pa la/ zla 'od gzhon nur gyur pa 'di nyid kyis zhes bya ba la/ zla 'ong gzhon nur gyur pa 'di ni dri ma med pa'i bod ces bya ba'i rgyal bar 'gyur ro/ /zhes bya bar sbyar ro/ /yang dag pa'i yon tan gyis bcom ldan 'das la yang dag par bstod pas 'jig rten thams cad kyis rab tu bsngags par 'gyur/ bya rgod kyi phung po'i ri 'di nyid du sngon sangs rgyas bye ba brgya stong mang po la ting de 'dzin gyi ngo bo rab tu shes par bya ba'i phyir bsnyen bkur byas so/ /de ni phyi ma'i dus na ting nge 'dzin 'di ni shin tu rgyas byed 'gyur zhes bya ba la/ 'di ni zhes pa la 'di rab tu rgyas par byed par 'gyur ro/ /ting nge 'dzin rgyas byed ces bya ba ni/ rgyas par byed par 'gyur ba'o/ /sangs rgyas bye ba mang pos yongs su bzung ste zhes bya ba ni/ de bzhin
- 73a
gshegs pa thams cad kyis rjes su bzung bas nye bar bsags pa'i bsod nams dang ye shes kyis tshogs nyid bstan to/ 'dren pa rnams la mchod pa mchog byed 'gyur zhes bya ba ni/ mchod pa khyad par du 'phags pa byed par 'gyur ro/ / lag mthil skyu ru 'bru lnga bzhag ba bzhin zhes bya ba ni/ lag mthil na 'dug pa'i skyu ru ra'i 'bras bu bzhag ba dang/ 'dra bar 'das pa dang ma 'ongs pa dang da ltar byung ba'i shes bya'i dkyil 'khor la phyin ci ma log par lta bar byed do/ /zla 'od gzhon nus? ma 'ongs pa na sangs rgyas bye ba phrag stong dang/ de'i phyi nas gang gA'i klung gi bye ma snyed kyis bde bar gshegs pa rnams la mchod pa byas nas zhes bya ba ni mchod pa byas nas bla na med pa thams cad mkhyen pa'i ye shes thob nas/ dri ma med pa'i 'od ces bya pa'i de bzhin gshegs par 'gyur ro zhes bya ba'o/ /bdag nyid lung bstan pa thob nas/ shing tA la bdun tsam du 'phags nas nam mkha' la 'dug ste/ ched du brjod pa ni ched du brjod do/ /e ma rgyal ba chos mchog ston mdzad pa zhes bya ba la sogs pa la/ bsam gyis mi khyab pa'i chos ston pa'i phyir dang/ ye shes brten pa'i phyir dang/ nyon mongs pa'i bag chags dang bcas pa spangs pa'i phyir dang/ bdud kyi phyogs las rgyal ba'i phyir bcom ldan 'das la bstod pas bdag nyid rab tu dga' ba dang bstan pa'i phyir gsungs pa gter mchog dam pa bdag gis deng thob ste zhes bya ba la/ gter gyi mchog ni chos kyi gter te mi zad pa'i ye shes kyi gter ro/ /de dag gis rnyed pas ngan 'gro log par ltung ba thams cad spangs ba'o// the tshom gyi yid bdag la ma mchis so/ /sangs rgyas su 'gyur ram mi 'gyur snyam pa yang ma mchis kyi/ nges par sangs rgyas nyid du 'gyur ba'o/ /gser gyi kha dog ltar mdzes shing mtshan thams cad kyis brgyan pa'i phyag bdag gi spyir bor rab tu bzhag nas
- 73b
sangs rgyas nyid du bdag dbang bskur ro zhes bya ba'o/ /gang la ri bong 'dzin 'dra'i dri ma med pa'i mdangs mnga' ba/ /gcig tu dri ma rab tu zhi bar byed pas mdzes gyur cig /chos la bdag med rtogs pas blo ni dri ma med zhugs phyir/ /de nyid ma lus rig pa sangs rgyas byang chub tu lung bstan/ /'dzum pa lung bstan pa'i le'u ste bco lnga pa'i 'grel pa rdzogs so// //'khor ba'i nyon mongs pa'i nad rab tu zhi bar bya ba nyid la ting nge 'dzin bla na med pa'i sman pa chen po yin no/ /zhes bya bar sngon byung ba'i le'u bstan pa'i phyir/ de nas yang bcom ldan 'das kyis zhes bya ba gsungs te/ sems can thams cad srid pa'i sdug bsngal thams cad las thar bar bya bar 'dod pas chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di mnyan par bya zhes bya ba nas/ gzhan dag la yang rgyu cher yang dag par rab tu bstan par bya zhes bya ba'i bar du sbyar ro/ /de ci'i phyir zhe na zhes bya ba ni gang gi phyir ting nge 'dzin thos pa la sogs pas srid pa'i sdug bsngal las grol bar 'gyur zhes bya ba'i som nyid bsal ba/ gzhon nu ting nge 'dzin 'di ni ngan song thams cad las 'da' bar byed pa/ nad thams cad las rab tu thar bar byed pa yin zhes bya ba ni lan no/ /de nas bcom ldan 'das kyis tshigs su bcad pa'i dbyangs kyis sngon byung ba'i gtam bstan pa 'di yang dag par rab tu bstan to/ zhes bya ba ni sngon byung ba'i gtam gsungs pa ste/ sngan chad spyad pa spyod pa dran pa ni zhes bya ba la sogs pa ni sngon byang chub sems dpa' i spyod pa spyad pa nyams su myong ba da nyid dran pa'o/ /de dag nyid bstan pa/ seng ge rgyal mtshan zhes bya ba'i de bzhin gshegs pa'i bstan pa la/ tshangs pas byin zhes bya ba'i dge slong mkhas pa chos smra ba chen po byung ngo/ /da ni de'i blo gros rgyal po zhes bya ba'i rgyal po'i bur gyur pa la gso bar dka' ba'i nad kyis yongs su
- 74a
sdug bsngal bar gyur pa ste/ sman pa lnga brgya kun kyang nang dang rgyu dang gso ba la mkhas pa thams cad kyis de'i nang gso ba'i phyir brtson pa'i yid kyis gso bar byed kyang gso bar ma nus so/ /de nas chos smra ba'i dge slong nges nang chen pos nyam thag pa thos nas nang 'dri ba'i phyir nga'i drung du 'ongs pa dang nang 'di ni shin tu mi zad pa ste sman gyis gso bar mi nus so/ /snyam du rig nas ting nge 'dzin 'di nga la bshad par gyur to/ /de nas ting nge 'dzin thos pa dang nga chos smra ba dang/ chos la dga' ba skyes par gyur par nam mkha' dri ma med pa lta bu'i chos nyid kyi ngo bo rtogs nas/ sprin dang khug rna la sogs pa dang bral ba ltar nad thams cad dang bral bar gyur to/ zhes bya bas ting nge 'dzin la rnal 'byor du bya'o/ /de'i che chos? smra bar gyur pa de ni de bzhin gsheD? pa dgra bcom pa yang dag par rdzogs pa'i sangs rgyas mar me mdzad yin no/ /rgyal po'i bu blo gros rgyal por gyur pa de ni bcom ldan 'das shAkya thub pa yin no/ /ting nge 'dzin nyams su myong ba'i mthu gsungs pa/ de bas gzhon nu khyod kyi phyi dus nas zhes bya ba la sogs pa la/ ma 'ongs pa'i sems can gyi spyod pa la rab tu mthong nas bag yod pa'i gnas pas gnas par bya'o/ /zhes slob par byed do/ /phyi ma'i dus nas dge slong mang po dag ces bya ba la/ dge slong 'dod pa can/ gdug pa can/ ma bsdams pa/ sdig pa'i sems dang ldan pa mang po dag ting nge 'dzin 'di rab tu spong bar 'gyur ro/ /de bzhin gshegs pa can gzhan gyi rnyed pa mi bzod pa/ dbang po g.yo ba/ dbang po ma bsdams pa'i rang bzhin can/ khyim gzhan la chags pa/ rtag tu rnyed pa'i ched du kha bsagS dang/ tshul 'chos pa ched du byed pa de dag gi ting nge 'dzin 'di rab tu spong bar 'gyur ro/ /zhes thams cad du sbyar bar bya'o/ /lag pa dang ni rkang pa rnam par rdab ces bya ba la/ bya ba ma yin pa la shin tu zhugs pa rnams ting nge 'dzin rab tu spong ba 'byung ba dang?
- 74b
'gyur ro/ /gcig la gcig ni mgul 'khyud lag pa sbrel zhes bya ba la/ 'di dag gis ni spyod lam mi 'dra bas 'jug pa nyid du ston par byed do/ /grong du spyod lam gzhan du bsgyur bar byed ces bya ba dang/ mi rigs sbyor ba'i mtshad nyid 'di dag ste zhes bya ba la/ mi rigs par sbyor ba'i mtshan nyid ni 'di dag yin no/ /zhes shes par byas la spang bar bya'o/ /gang dag tshul khrims gnas shing yon tan ldan zhes bya ba la sogs pa la /gang dag tshul khrims la sogs pa'i yon tan thams cad kyis brgyan pa'i de la yongs su bsnyas? bar 'gyur ro/ /gang yang gdug pa'i sems dang ldan pa de dag la ni mchod par 'gyur ro/ /de lta bas na gzhon nu khyod kyis so so'i skye bo la yid brtan par mi bya'o zhes bya'o/ /da ni yon tan dag gis bsngags brjod na zhes pa la/ dge slong dag ni ji skad bstan pa'i yon tan dag la mi spyod de/ byang chub po zhes bya ba'i sgra tsam gyis nan tan snying por byed pa dang brel ba'i phyir byang chub mi 'thob kyi/ nan tan snying por byed pa la ni byang chub thob par dka' ba ma yin zhes bya bas thams cad du nan tan snying por bya'o/ /zhes bya ba'i don to// ting 'dzin ye shes rdo rje yis/ /'dod chags zhe sdang rmongs chen gyis/ /nad rnams phye mar btags bya ba/ /'di la brtag par bya ba med/ /sngon byung ba'i gtam gyi le'u ste bcu drug pa'i 'grel pa rdzogs so// // sangs rgyas mang po mngon sum du bya ba'i sgo'i ting nge 'dzin nye bar bstan par bzhed nas de nas /tam 'di mthar phyin pa dang zhes bya ba la sogs pa la/ sngon gyi gtam gyi spyod pa mthar phyin pa dang/ byams pas bcom ldan 'das la yid kyis tshig su bcad pas zhu ba zhus pa zhes bya ba la/ bya rgod kyi phung por 'chi par gnang ba gsol ba'i phyir/ rtag tu sangs rgyas gnas par bde gshegs 'chi zhes bya ba ni de bzhin gshegs pa mchod pa'i slad du'o/ /de bzhin gshegs pa yang thugs kyis
- 75a
lan 'debs pa ni/ ma pham bdud rnams pham byas khyod song zhig ces bya ba la/ ? pa zhes bya ba ni byams pa'i ming gi rnam grangs so/ /der song nas 'gro ba ma lus ba'i don chen por 'gyur ro/ /zhes bya ba ste/ bcom ldan 'das kyis byams pa la bskul ba'o/ /yid kyis bskor ba byas nas bya rgod phung po gal ba der nye bar song ste/ nye bar song nas sngon bzhin du nye bar mkho ba'i mchod pa thams cad gyis brgyan cing sprul nas skad cig de la zla 'od kyi khyim du zhugs par gyur te/ /zhuD nas bcom ldan 'das la yid kyis bskor ba byas nas rang gi stan la nye bar 'dug nas rig par byed pa ni/ ri yang lha rdzas yangs shing rgya che ba zhes bya ba la sogs pa la/ gang gi phyir bcom ldan 'das kyis bdag brdzangs pa'i don de thams cad bdag gis bsgrubs lags so/ /zhes gsol to/ /ri yang rin chen sna tshogs rnam par bkram zhes bya ba ni bdag gi ri brgyan pa yang bgyis so/ /dbus su rin chen seng ge'i khri yang btsugs zhes bya'o/ /de nas bcom ldan 'das kyis chos bstan pa'i gtam gyis yang dag par bstan/ yang dag par gzengs bstod/ yang dag par sbyar nas gdan las gzhengs te rdzu 'phrul gang gis gshegs pa de lta bu'i sangs rgyas kyi rdzu 'phrul gyi rgyal po'i khab nas byung ste/ chu dron can gyi sgo nas bya rgod kyi phung po'i ri gal ba der gshegs nas byams pas sprul pa'i seng ge'i khri la bzhugs nas dge slong gi dge ba? cu? gyis yongs su bskor te 'khor rgya mtsho lta bu la chos ston to/ /de nas zla 'od bcom ldan 'das ga la ba der logs su thal mo sbyar pa btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du zhes bya ba la sogs pa la/ gzhon nu de bzhin gshegs pas khyod la rtag tu skabs phye yis ci dang ci 'dod pa dris shig ces bya ba ni/ skabs sbyin pa'i tshig go bcoM
- 75b
ldan 'das la 'di skad ces gsol to/ /bcom ldan 'das byang chub sems dpa' chos du dang ldan na ting nge 'dzin 'di thob par 'gyur zhes bya ba la sogs pa la/ chos bang? po la the tshom za ba bzlog pa'i phyir zhus pa'o/ /gzhon nu chos bzhi dang ldan na zhes bya bas ni grangs nges par bsnan to/ /de ltar na yang ma shes nas/ bzhi gang zhe na/ zhes zhus pa'o/ /gzhon nu 'di la zhes bya ba la sogs pa la lan yin te/ des shing zhes bya ba ni sems can gyi don dang/ de bzhin nyid la shin tu dga' bas zhes byas nas so/ /'grogs na bde ba ni bde ba nyid do/ /dul zhing dul ba'i sa thob pa yin zhes bya ba ni pha rol gyi spyos sam spyod pa'i tshig gi nyes par smra zhing zhes bya ba la sogs pa thams cad bzod pa'o/ /rang gi las la lta ba nga rgyal bcom pa chos 'dod pa'o/ /zhes bya ba rnams bsdoms nas chos gcig ces bya'o/ /gzhan yang zhes bya bas ni chos gnyis pa ston par byed do/ /tshul khrims dang ldan pa yin zhes bya ba ni tshul khrims spyir bstan pa yin la dbye ba khyad par du bstan pa ni/ tshul khrims yongs su dag cing zhes pa la sogs pa ste/ tshul khrims dang mi mthun pa med pas rnam par dag pa'i tshul khrims so/ /blangs pa'i bslab pa'i gnas rnams ma nyams pas/ tshul khrims ma zhig pa'o/ /ltung ba phra mo yang mi 'byung bas/ tshul khrims la skyon med pa'o/ /dmigs pa'i lta ba dang bral ba dang khams gsum la brten pa med pa'i phyir mi gnas pa'i tshul khrims zhes bya'o/ /tshul khrims dang brtul bzhugs mchog tu 'dzin pa med pa'i phyir/ mchog tu mi 'dzin pa'i tshul khrims so/ /'khor gsum yongs su dag pa nyid yin pas/ tshul khrims mi dmigs pa'o/ /de ltar gzhon nur gyur pa'i tshul khrims ni/ /'phags pas bstong pa'i tshul khrims dang/ mkhas pas bstong pa'i tshul khrims zhes brjod do/ /chos gnyis po 'di dag dang ldan na ting nge
- 76a
'dzin 'di dag 'thob par 'gyur ro/ /gsum pa ni/ gzhan yang gzhon nu zhes bya ba la sogs pas gsungs te/ khams gsum la sems sgrag pa dang/ sems dang bar 'gyur te/ de la zhen pa zlog pa'i phyir ro/ /sems skyo ba ni de'i phyir don du mi gnyer ro/ /don du mi gnyer bas mngon par mi dga' o/ /mngon par mi dga' bas ma chags ma zhen pa'o/ /ma chags ma zhem pas khams gsum pa yi/ skyon yang snying rje chen pos yongs su bzung bas khams gsum gyi sems can sdug bsngal can rnams dgrol bar bya'o/ /zhes spro ba skyed de ngan 'gror 'gro ba yang byang chub sems dpa' 'dod par bya ba yin no/ /bzhi pa ni gzhan yang zhes bya ba la sogs pa yin te/ dad pa can du 'gyur te/ bden pa dang dkon mchog la sems rab tu dad pa'ong? dad pa dang ldan pas/ chos yongs su tshol bas mi ngoms pa yin te/ dang ldan yin phyir chos la brten zhes pas mang du thos par 'gyur ro/ /shes rab ldan phyir de nyid rig ces bya bas ci ltar thes pa'i chos rnams gzhan dag la yang dag par rab tu ston te sems can 'di dag gi chos 'di thos nas phyid mi ldog par gyur nas bla na med pa yang dag par rdzogs pa'i byang chub par 'gyur zhes bya ba'o/ /chos bzhi po 'di dag dang ldan pa'i byang chub sems dpa' ting nge 'dzin 'di thob par 'gyur ro/ /myur? du bla na med pa yang dag par rdzogs pa'i byang chub mngon par rdzogs par 'tshang rgya'o/ /zhes bya ba la/ yang dag par rdzogs pa'i byang chub dang nye bar 'gyur ba'i rgyu gsungs so/ /de nyid kyi phyir/ de bzhin gshegs pa mang pes bshad pa ste/ nges kyang de bzhin gshegs pa mang po'i thad nas thos nas gzhan la rgya cher yang dag par rab tu bstan to/ zhes bya ba la de nas bcom ldan 'das kyis sangs rgyas mang po? ngo bor? brjod pa'i ting nge 'dzin gyi sngon byung ba'i gtam bstan pa ni zhes bya ba ni rang nyid kyis
- 76b
par byas pa'i de bzhin gshegs pa rnams tshigs su bcad pas bstong pa ni/ dran pa bskal pa gzhal med dpag yas nas zhes bya ba la sogs pa la/ 'das pa'i dus kyi bskal pa grangs med pa 'das pa na/ dbyangs gyi yan lag sgra zhes bya ba de bzhin gshegs pa byung ste/ de'i sku tshe'i tshang brgya phrag drug cur 'gyur ro/ /zhes bya bas ni grangs nges pa bstan to/ /skyo ba med pa bstan pa'i dus bstan pa'i phyir ro/ /de bzhin du gzhan dag gis kyang grangs nges pa blta bar bya'o/ /dbyangs kyi yan lag sgra dang por byas pa nas/ tshangs pa'i snyan pa bskal pa gcig la sangs rgyas nyis brgya byung ngo/ /yang mdza' yas dbyangs nas brtsams nas/ chos kyi rang bzhin 'phags kyi bar du sangs rgyas brgya rtsa brgyad byung ste/ de bzhin gshegs pa thams cad gyi sku tshe'i tshad ma bstan yang/ tshogs dang chos kyi sku dang ni/ /'gro ba'i don ni spyod pa yis/ /sangs rgyas thams cad mnyam pa ste/ /sku tshe rigs dang tshad kyis min/ /zhes bya ba'i tshig gis yon tan dman par the tshom mi bya'o/ /byang chub phyir ni 'di dag ngas mchod de/ zhes bya bas ni bla ma bsten pa dang/ chos mnyan pa la lhod pa med pa'i brtson 'grus kyi bsgom par bya'o/ /zhes bstan to/ /dgos pa gzhan yang bstan ma thag pa'i chos kyi rang bzhin sangs rgyas 'phags kyi mtshan gang nyan pa de ni myung du ting nge 'dzin thob par 'gyur ro/ /'di ni mtshon pa yin te/ sangs rgyas gzhan rnams kyi mtshan bsgrags pa nyan pa yang de bzhin du 'gyur ro/ /sangs rgyas 'di dag gi yang pha rol la zhes bya ba la/ mi dbang dbyangs zhes bya ba'i de bzhin gshegs pa byung ste/ de bzhin gshegs pa de'i nyan thos kyi dge 'dun ni bya ba brgya phrag gsum mo/ /byang chub sems dpa' i dge 'dun ni/ /bye ba khrag khrig stong phrag brgyad cu yon tan dpag tu med pa dang ldan pa byung ngo/ /nyan thos dang/
- 77a
byang chub sems dpa' dang/ lha la sogs pa'i 'khor la de bzhin gshegs pa mi dbang dbyangs zhes bya ba de chos ston to/ /de'i chos bstan pa thos pa rnams phyir mi ldog par gnas par gyur to/ /der rgyal po dpal gyi stobs zheS bya ba byung ste/ /de la bu ni lnga brgya'o/ /btsun mo'i 'khor ni bye ba brgya phrag brgyad cu'o/ /bu mo ni bye ba stong phrag bcu bzhi'o/ /rgyal po de ston zla tha chung gi nya la yan lag brgyad pa'i gso sbyong dang ldan pas bu dang btsun mo dang bu mo dang/ de las gzhan pa'i 'khor bye ba khrag khrig bcu dang bcas par bcom ldan 'das gang na ba der nye bar song ngo/ /nye bar phyin pa dang thal mo sbyar ba byas nas bcom ldan 'das kyi mdun du 'dug pa dang de'i bsam pa mkhyen nas ting nge 'dzin 'di ston par mdzad do rgyal po des ting nge 'dzin 'di thos pa dang rgyal srid kyi dbang phyug spangs nas ji ltar 'ongs pa'i 'khor rnams dang bcas par rab tu byung bar gyur to/ /de rab tu byung nas kyang lo brgyad gyi bar du 'chag pa la mngon par brten nas/ ting nge 'dzin la song ba'i sems dang mnyam par bzhag pa nyid kyi dus byas par gyur to/ /rgyal po de'i rigs su byung ba rdzus te skyes pa bzhin du mngal gyi dri mas ma gos pa zhig skyes te/ de'i pha ni brtan pa'i stobs zhes bya'o/ /ma ni blo gros chen mo zhes bya'o/ /rgyal bu gzhon nu de skyes pa tse ma nyid la tshig 'di skad ces rgyal po de chos 'chang dam ci bzhugs sa? zhes bya ba ni da ltar 'tsho ba'am zhes bya ba'o/ /ting nge 'dzin rab tu 'chad dam zhes bya ba la sogs pa la de bzhin gshegs pa de bdag gi bsam pa mkhyen nas ting nge 'dzin 'chang dan? zhes pa'o/ /rkyen rnams med pa ni rkyen rnams dang bral ba ste/ rten cing 'brel par 'byung ba ni rkyen dang bral ba'o/ /chos rnams kun zhes bya ba ni chos thams cad chos
- 77b
thams cad kyi rang bzhin mnyam pa nyid rnam par spros pa'i ting nge 'dzin gyi phyag rgyas btab pa nyid de chos nyid kyi ngo bo nyid mi g.yo bar byas pa'o/ /de lta bu'i ting nge 'dzin de rgyal ba 'chang dam ci zhes thams cad du sbyar bar bya'o/ /byang chub sems dpa' i zhong bla na med pa'o/ /lus dang ngag dang yid lta pa rnam par dag pa'o/ /dmigs pa thams cad yang dag par 'da' pa'o/ /skye ba med pa mngon sum du bya ba la 'jug pa'o/ /so so yang dag par rig pa bzhi 'jug pa'i ye shes so// phung po dang khams dang skye mched la mkhas pa'o/ /yi ge'i rab tu dbye ba shes pa'o/ /rdzas su mngon par zhen pa las yang dag par 'da' ba' o/ /dga' ba dang rab tu dga' ba 'thob pa zhes bya ba la sogs pa dang/ gzhan yang de bzhin gshegs pa'i yon tan mang ngo/ /ting nge 'dzin bsgom pa las byung ba'i de bzhin gshegs pas mkhyen pa de dag thams cad ting nge 'dzin gyi mthu yin no zhes bya ba'o/ /gzhon nu de yi tshigs bcad de thos nas zhes bya ba la sogs pa la/ gzhon nu nges de bzhin gsheD pa'i yang dag pa'i yon tan ji lta ba brjod pa'i tshigs su bcad pa thos nas khrag khrig stong phrag brgyad kyis ni sgra'i rjes su 'gro ba'i bzod pa thob par gyur to/ /de nas rgyal po stobs brtan gyis gzhon nu de la smras pa de bzhin gshegs pa de da ltar yang bzhugs so/ /'o na kyang la dri bar bya'o/ /su las khyod kyi ting nge 'dzin 'di thos zhes bya ba la/ gzhon nus gang la thos pa gzhon nus smras pa/ rgyal po gsan du gsol zhes bya ba la sogs pa la bskal pa gcig la yang de bzhin gshegs pa dpag tu med pa mthong ste/ de dag la bdag gis bsnyen bkur byas shing ting nge 'dzin yongs su bsgom pa'i phyir ting nge 'dzin gyi rang gi ngo bo yongs su zhus so/ /de nas bzung nas bskul pa bye ba brgya
- 78a
? du yang skyes so cog tu skye ba dran cing mngal gyi dri mas ma gos par rdzus skye bar 'gyur ro/ /de'i phyir ma rmongs shing ngan pa 'dus byas pa'i phyir ting nge 'dzin bsgom pa dang nam yang ma bral lo/ /chos dang chos smra ba la gus pa dang bcas pa dang ri mo dang bcas par bya'o/ /gus pa dang bcas pa dang ri mo dang bcas pas gus pa dang ri yod ba gyis pas bdag gi snyan dang grags pa dang/ yon tan 'phel bar 'gyur ro/ /'thab pa dang/ brtsod pa dang/ mi mthun pa las yang sems kyi rgyud ting nge 'dzin gyis yongs su bsgos par gyur pas khro ba la sogs pa dang bral nas sbyin pa dang/ tshul khrims dang/ bzang po dang/ brtson 'grus dang/ bsam gtan dang/ shes rab kyi pha rol tu phyin pa dang ma bral pa nyid du bzod pa rab tu gnas nas de bzhin gshegs pa dgra'i yan lag dbyangs kyi spyan sngar bdag gis bzod pa'i stobs gyis rtag tu gnas par bgyi'o zhes dam bcas so/ /rtag tu ni dus thams cad du bzod pa'i stobs kyis gnas par bgyi'o zhes pa'o/ /bdag bzod pa'i stobs de la gnas pa ni bdud kyis bdag la btse? ba rnam pa sna tshogs byas na yang bdag gi sems 'khrugs par ma gyur to/ /de lta bu'i yon tan dpag tu med pa bsgrags pa yang byang chub 'dod pa'i byang chub sems dpas de ltar bslab par bya'o/ /zhes bya ba'i don to/ /sngon gyi bskal pa du mar 'di pas chos mang ba'i dka' ba spyad par ngas dran te/ de dang de brjod par mi nus pa'o/ /da ni bdag bde bar gshegs pa'i drung du mchi'o/ zhes bya ba la nges dus de nyid kyi tshe mngon par shes pa lnga bsgrubs nas rdzu 'phrul gyis de bzhin gshegs pa'i thang du song ste phyin nas/ bcom ldan 'das kyi zhabs la mgo bos phyag byas nas bdun du 'dug par gyur te zhes bya ba la sogs
- 78b
pa la/ nga ni rgyal po dpal gyi stobs su gyur/ da'i bu rnams ni chos skyong bar gyur pa 'di dag go /bu mo gang yin pa de dag ni mya ngan las 'das so/ /rgyal po stobs brtan ni zas gtsang ma'o/ /skyed ba'i ma gang yin pa de ni lha mo sgyu? ma'o/ /de ltar smon lam gyi stobs kyi de dang der skye ba gzung ngo/ /ngas de ltar brtson 'grus brtsams pas ting nge 'dzin bsgrubs so/ /byang chub sems dpa' rnams kyis kyang de bzhin du brtson 'grus brtsams la ting nge 'dzin 'di bsgrub par bya'o/ /zhes bya ba yin no/ /sangs rgyas dpag tu med pa nyer bsten nas/ /ting 'dzin rgyal po da yis bde bar thob/ /ma bslabs pa ngag bslab phyir rab bstan te/ /de nas da ni bde gshegs thub dbang gyur/ /sangs rgyas mang po las ting nge 'dzin gyis bsgo nges par bsgrubs pa'i le'u ste bcu bdun pa'i 'grel pa rdzogs so// //ting nge 'dzin rjes su yongs su gtang pa'i le'u bstan par bzhed nas/ de nas yang bcom ldan 'das gyis zhes bya ba la sogs pa gsungs te/ byang chub sems dpa' gang ting nge 'dzin 'di 'dzin pa dang zhes bya ba nas/ gzhan dag la yang rgya cher rab tu ston pa zhes bya ba'i bar la gnas pa/ de la yon tan gyi phan yon bzhir rig par bya ste zhes bya ba la bsod namS/ zil gyis mi non par 'gyur ro zhes bya ba ni khams gsum na spyod pa'i sems can rnams kyi bsod nams pas bsod nams lhag pa'i phyir ro/ /bdud dang mu stegs la sogs pa phas kyi rgol ba thams cad kyis mi rdzi ba'i ye shes kun tu rtogs ba'i phyir ro/ /de nyid kyi phyir ye shes dpag tu med par 'gyur/ spobs? pa mdza' yas par 'gyur te zhes bya'o/ /tshigs su bcad pas phan yon rgyas par bstan pa'i phyir gsungs pa ni/ bskal pa bye ba mdza' yas dpag tu med/ /stobs bcus de yis phan yon brjod na yang zhes bya ba'i bar du ste/ de bzhin gshegs pa nyid
- 79a
kyis rnam pa thams cad mkhyen pa'i stobs kyis thams cad mkhyen par spyod kyi phan yon mthar thug par brjod pa lta zhog cha tsam bgrang? bar yang mi nus ste/ ji ltar rgya mtsho chen po las chu thig pa cig blangs pa bzhin no zhes bya ba la/ zla 'od kyi phan yon shin tu rgya che ba thob pas sems shin tu rnyed par dka' o snyam du bsams te bcom ldan 'das la zhus pa ni/ phyi ma'i dus na su dag ni zhes bya ba la sogs pa la/ bcom ldan 'das kyis bka' stsal pa/ gzhon nu bshad kyi mnyan par gyis zhes bya ba la sogs pa la/ gang dag chos nyid la nan tan gyis zhugS pa de de bzhin gshegs pa la mchod pa yin/ byams pa'i sems dang ldan pa yin/ bslab pa la gus pa yin te mdo 'di nyid nyan par 'gyur te/ gang dag sngon de bzhin gshegs pa la mchod ba byas pa de dag nyan par 'gyur ro/ /gang yang sngon gyi tshe rabs su mu stegs can du gyur pa de dag ma dad nas spong par 'gyur ro/ /de'i bstan pa la rab tu byung ba rnyed pa dang bkur sti 'dod pa de dag kyang rab tu spong bar byed do/ /gang gis 'dzam bu'i gling gi mchod rten thams cad bshig ba bas kyang gzhan zhig gis mdo sde 'di spangs nas/ 'di'i sdig pa khyad par du 'phags shing che'o/ /de bzhin du gang gis gang+gA'i klung gi bye ma snyed kyi dgra bcom pa bsang pa bas gang mdo sde 'di spong bar byed pa'i de'i sdig pa shin tu che ba yin no/ /khyed la su dag spro ba yod ces bya ba la/ phyi ma'i dus mi zad pa dam pa'i chos 'jig pa'i tshe mdo sde 'di 'chang par spro ba khyed las su yod ces bka' stsal pa dang/ zla 'od kyis zhus pa de bzhin gshegs pa mya ngan las 'das nas bdag gis lus dang srog la yang bltos pa med par gcig tu chos la dga' bas/ mdo sde 'di rgya cher rgyas par bgyi'o zhes zhus so/ /gzhan yang byang chub sems dpa' chos smra ba
- 79b
brgyad brgya sang stan las langs te/ bdag cag gis kyang phyi ma'i dus nas mdo sde rin po che 'di gzung bar bgyi'o zhes bya ba'o/ /lha la sogs pa rnams kyang bcom ldan 'das la thal mo sbyar nas bdag cag gis kyang chos 'dzin pa bsrung bar bgyi'o/ /zhes gsol to/ /mdo sde 'di rab tu bshad pa na gang gA'i klung gi bya ma snyer kyis grangs dang mnyam pa'i sangs rgyas kyi zhing rab tu g.yos par 'gyur ro/ /sangs rgyas kyi zhing de dag nas 'ongs pa de dag kyang de bzhin gshegs pa'i byin gyis brlabs kyis chos 'di lta bu thos nas sems can bye ba dpag tu med pa sangs rgyas kyi ye shes la rab tu gnas par gyur to/ /sangs rgyas kyi zhing 'di na gnas pa mang po yang byang chub tu sems bskyed de de bzhin gshegs pa la mchod pa byas nas sangs rgyas nyid du khur bstan pa nges par thob par gyur to/ /de bzhin du dge slong dang/ dge slong ma dang/ dge bsnyen dang/ dge bsnyen ma rnams kyis kyang mdo sde rin po che 'di thos nas nges par sangs rgyas kyi byang chub tu lung bstan to zhes bya ba yin no/ /gang su dag phyi ma'i dus na mdo 'di nyan pa de dag kyi? nges par sangs rgyas nyid du 'gyur ro zhes bya ba nyid yin no/ /ting 'dzin rgyal po ma lus don ldan pa/ /byang chub mchog gtso'i rgyur gyur rab bstan pas/ rgyal ba kun gyi rjes gdams rab btang te/ /'gro ba kun gyis dngos grub che 'byung shog /ting nge 'dzin yongs su gtang pa'i le'u ste bco? brgyad pa'i bshad pa rdzogs so// //sangs rgyas kyi chos bsam gyi mi khyab pa nges par bstan par bshad par gzhed nas/ de nas yang bcom ldan 'das kyis zhes bya ba la sogs pa gsungs te/ gzhon nu de lta bas na byang chub sems dpa' chos thams cad kyi rang bzhin mnyam pa nyid rnam par spros pa'i ting nge 'dzin gyi yon tan gyi rjes su bsngags pa thos nas mi sgrag par 'dod pas bsam gyis mi khyab nga'i sangs rgyas kyi chos rnams la mkhas
- 80a
par bya'o/ /gzhan du na shin tu zab pa'i chos thos na kun tu rmongs par 'gyur ro/ /sangs rgyas kyi chos bsam gyis mi khyab pa thos na mi skrag /mi dngang/ dngang par mi bya'o/ /zhes bya ba la sogs pa la chung du? dang/ 'bring dang/ chen po'i dbye bas mi skrag pa la sogs pa'i tshig gsum gyi don blta bar bya'o/ /bcom ldan 'das ji ltar na byang chub sems dpa' sangs rgyas gyiS chos bsam gyi ma khyab pa la mkhas par 'gyur ba lags zhes bya ba ni zla 'od kyis bcom ldan 'das la zhus pa'o/ /chos thams cad rang bzhin gyis mnyam pa nyid kyi rnam par spros pa'i ting nge 'dzin 'di nyan cing thos nas zhes bya ba la sogs pa nas gzhan dag la yid rgya cher yang dag par rab tu ston na zhes bya ba'i bar du ste/ gzhon nu byang chub sems dpa' de sangs rgyas kyi chos bsam gyis mi khyab pa nges bar bstan pa la mkhas par bya'o/ /zhes bya'o/ /sangs rgyas kyi chos thams cad bsdus pa'i ngo bo chos thams cad kyi rang bzhin mnyam pa nyid rnam par spros pa'i ting nge 'dzin zhes bya ba 'di lta bu'i mchog tu gyur ba'i phan yon zla 'od kyis thos pas ting nge 'dzin gyi rgyal po 'di rab tu thob par gyur to/ /byang chub sems dpa' sems dpa' chen po gzhan rab tu mang bos kyang mngon par shes pa'i shes pa thob par gyur to/ zhes bya ba la sogs pa la ting nge 'dzin mthu lhag par gyur pa'i dbang gis g.yo pa dang/ lha la sogs pas me tog gi char 'babs pa la sogs pa'i ngo mtshar ni sems can dpag tu med pa'i don byed par shes par bya'o/ /zhes bya'o/ /de nas de nyid du dri za'i bu gtsug phud lnga pa zhes bya ba sil snyan lnga brgya dang bcas par nam mkha' i dkyil nas babs nas bcom ldan 'das kyi spyan sngar 'dug par gyur te bsnyen bkur dang g.yog byed do/ /bcom ldan 'das kyi rdzu 'phrul mngon par 'du bya ba bstan
- 80b
pa nyid kyis zla 'od kyi sems sangs rgyas kyi chos la gcig tu gzhol bar nges par bstan ba la mkhas pa thob par bya ba dang gtsug phung lnga pa can yang rgyud la mkhas pa thob par bya ba'i phyir ro/ /de nas bi bi? ngang sil snyan rnams las bsam gyis mi khyab pa'i sangs rgyas kyi chos 'di la nges par gzhol bar 'gyur ba'i tshigs su bcad pa'i sgra sangs rgyas kyi sbyin gyis brlabs kyis byung bar gyur te/ /skra gcig khyon la sangs rgyas mang po ni zhes bya ba la sogs pa la/ rmi lam gyi nang du lha la sogs pa'i bde ba nyams su myong ba dang/ bzhon pa sna tshogs dang/ gzhal yas khang la sogs pa mthong yang khyim dang de dag zhugs pa yang ma yin de nas phyir byung ba yang med do/ /de bzhin du rang gi sems tsam? las tha mi dad ba'i dngos po don gyis stong ba dmigs su med pa/ rmi lam du snang ba ltar ma rig pa'i bag chags kyis bsgos pa'i sems nyid phyin ci log tu dmyal ba la sogs par rab tu snang ngo/ /byang chub kyi sems dang/ pha rol tu phyin pa'i bag chags kyis bsgos pa'i sems la ni de bzhin gshegs pa la sogs par snang bar 'gyur ro zhes bya'o/ /skra gcig khyon la ste/ spu'i khung bur sangs rgyas mang por gang gA'i klung gi bye ma'i grangs dang mnyam par rab tu snang ngo/ /sangs rgyas kyi zhing yang de nyid de phan tshun gnod pa med pa nyid du gnas so/ /'gro ba lngar skyes par gyur pa'i dmyal ba dang/ dung 'gro dang yi dags dang/ lha dang mi rnams kyang ngo/ /'dres pa med cing gnod par ni 'gyur te zhes bya ba ni 'dres shing 'dus pa yang med/ gcig la gcig gnod pa yang med du/ rang rang gi rab tu snang ba tsam gyis mthar thug pI phyir ro/ /ri dang chu klung dang/ nags tshang tshing la sogs pa rnams kyang gcig la gcig dog pa med par shes so/ /'gro ba lngar snang ba sbyir bstan nas rgyas par so sor bstan pa'i phyir de'i gnas su ri bo dum ste zhes bya ba la sogs pa la/ khor yug dang /khor
- 81a
yug chen po dang/ ri dang ri rab dang/ btang gzung dang/ btang gzung chen po dang/ 'bigs byed dang/ bya rgod kyi phung po la sogs pa'i ri rnams kyang ngo/ /de bzhin du dmyal ba tsha ba dang/ rab tu tsha ba dang/ thig nag la sogs pa rnams dang/ der skyes pa rnams la sdug bsngal gyi rnam pa rab tu snang zhing sdug bsngal nyams su myong ngo/ /de'i gnas na lha'i gzhal med khang zhes bya ba la/ lha rnams gzhal med khang gnas shing bde ba nyams su myong ngo/ /de'i gnas su sangs rgyas rnams skye zhing zhes bya ba la/ sangs rgyas rnams skye zhing chos kyi 'khor lo bskor ba la sogs pa'o/ /ye shes bral ba dag gi mi mthong zhes bya ba ni sangs rgyas mthong ba'i dge ba'i rtsa ba dang bral ba rnams kyis so/ /de'i gnas nyid na dam pa'i chos nub cing de bzhin gshegs ba mya ngan las 'das par yang thos so/ /de bzhin du 'dren pa bzhugs te chos kyang ston zhes bya ba la sogs pa la/ de la kha cig ni dpag tu med par tshe dus byed pa'o/ /kha cig ni thung ba nyid du'o/ /gnas der la la 'di snyam du 'du shes te zhes bya ba la/ kha cig 'di snyam du bdag gis de bzhin gshegs pa la mchod pa byas so/ /zhes 'du shes shing/ 'du shes su 'dzin pas dga' ba'i 'du shes 'jug par gyur kyang ma skyes pa la mchod par nus pa ma yin no/ /mthong ba la sogs pa'i tha snyad rnams ji ltar yin zhe na/ rmi lam gyi dpes thams cad grub bo zhes bya bar/ mi dag bdag gi khyim na rmi lam bzhin zhes bya ba la/ rang gi khyim na nyal ba zhig gis rmi lam du lha la sogs pa'i bde ba nyams su myong zhing 'dod pa'i yon tan lngas dom pa med pa nyid las sad par gyur na 'dod pa'i yon tan lnga mthong ba med do/ /rmi lam du mthong ba de nyid ma skyes pa mi bden pa'o zhes shes so/ /de bzhin du mtho?
- 81b
ba dang/ nyams su myong ba dang/ rnam par shes pa'i tha snyad rnams kyang brdzun ba'i bag chags kyis sprul ba yin gyi don dam pa ni ma yin no zhes bya ba la ting nge 'dzin gyi ngo bo nges par rtogs nas chos nyid de kho na nyid las g.yo bar mi 'gyur ro zhes bya ba'o/ /yul rnams la sdug pa dang mi sdug pa'i char 'byed pa dang bral ba de ni 'dzin pa dang/ dor ba med pas bse ru bzhin du the tshom med par lam gang yin pa de rnam par bsgom par byed pa'o/ /chos thams cad stong pa'o/ /zhes ye shes nges par sgrub pa de'i spobs pa dag ni mdza' yas 'gyur zhes bya ba'o/ /sdug ba dang mi sdug par kun tu chags pa med pa de la ni sdug pa dang bral ba'i sdug bsngal dang mi sdug pa dang phrad pa'i sdug bsngal gyi mthar byas 'di gnyis rab tu spangs nas ni chos nyid gcig pu la brtan par bya'o/ /gang zhig chos ni thos nas chags byed cing zhes bya ba la/ mya ngan las 'das pa dang/ rjes su mthun pa ni chos nyid yin no zhes thob nas rjes su chags pa'i dbang gi mngon par zhen no/ /chos ma yin pa ni dmyal ba la sogs pa'i rgyu yin no// zhes khong khro ba skyed par byed do/ /chos dang chos ma yin pa mnyam pa nyid du ma rtogs pas nga rgyal dang rgyags pa'i dbang gis sdug bsngal nyams su myong bar 'gyur zhes bya'o/ /mnyam pa nyid la gnas pa rnams ni sdug ba dang mi sdug pa las grol ba nyid du gnas pa yin no/ /de dag ni tshul khrims yongs su dag pa dang/ bzod pa dang/ brtson 'grus dang/ bsam gtan dang/ shes rab la rab tu gnas pa zhes bya'o/ /gang dag phyin ci log gis lam la zhugs ba de dag ni bdud kyi zhags pas bzung ba zhes blta bar bya'o/ /zla 'od gzhon nus tshigs su bcad ba'i don khong du chud pas bsam gyis mi khyab ba'i sangs rgyas kyi chos zab mo rnams la gcig tu nges par bstan pa la mkhas pa thob par gyur to/ /dri za'i bu gtsug phung lnga ba can gyis kyang sgra'i rjes su 'jug ba'i bzod pa thob
- 82a
par gyur to/ /zhes bya ba ni de bzhin gshegs pa'i byin gyis brlabs kyis chos nyid rab tu rtogs par 'gyur zhes bya ba'i don to/ /ri bong 'dzin pa'i 'od ltar dkar ba'i dka' 'grel grags pa'i mdangs ldan pa/ 'jam pa'i dbyangs kyi zhabs kyi pad+ma la gus tsam gyis rab bsgrubs pa/ /mdo sde'i dbang po'i rgyal po las skyes skye bo ma lus phan don du/ /gal te legs par mthong na ye shes sa la brtan pa'i don dang/ sangs rgyas kyi chos bsam gyis mi khyab pa nges par bstan pa'i le'u ste bcu dgu pa'i 'grel pa rdzogs so// //dbang po tog gi rgyal mtshan rgyal po'i le'u nges par bstan par bzhed nas/ de nas yang bcom ldan 'das kyis zhes bya ba la sogs pa gsungs te/ dge ba'i rtsa ba dang/ bslab pa dang/ yon tan gyis chos gdon mi za zhing tshul khrims shin tu yongs su dag par bya'o/ /zhes bya ba la/ tshul khrims la rab tu gnas na sangs rgyas kyi yon tan thams cad mchog tu mthar thug par nges par sgrub par byed do/ /tshul khrims kyi rab tu dbye ba bstan pa'i phyir/ 'du 'dzi med pa mang zhing zhes bya ba la/ dben pa la dga' ba'i tshul khrims kyi rab tu dbye ba bstan pa'i phyir/ 'du 'dzi med pa mang zhing zhes bya ba la/ dben pa la dga' ba'i? tshul khrims rnam par dag par 'gyur ro/ /sdig pa'i grogs po yongs su spangs pa dang/ dge ba'i bshes gnyen la brten pa dang/ dam pa'i chos nyan pa dang/ yongs su 'dzin pa dang/ 'chad ba dang/ mngon par dga' bas snying rje chen pos sems can thams cad nges par gzung ba'i phyir byang chub tu sems skyed pa la sogs pa thams cad tshul khrims kyi yan lag yin no zhes bya ba'o/ /brtson 'grus brtsams shing lus dang srog la mi lta bas rgyun mi 'chad par dge ba'i bshes gnyen btsal bar bya'o/ /g.yo med de ni bcos ma ma yin pa'i sems kyis dge ba'i bshes gnyen las snying rje
- 82b
chen po la 'jug pa'i chos kyi rnam grangs 'di mnyan par bya/ gzung bar bya zhes bya ba nas/ gzhan dag la yang rgya cher yang dag par bstan par bya'o/ /zhes bya ba'i bar du'o zhes bya ba la/ gang gi tshe dge ba'i bshes gnyen tshol ba dang/ sra gzhu bya ba dang/ g.yog bya ba la yid mi skyo bar gyur pa de'i bde bar bla na med pa yang dag par rdzogs pa'i byang chub mngon par 'tshang rgya bar 'gyur te/ bla na med pa yang dag par rdzogs pa'i byang chub kyang dge ba'i bshes gnyen la rag las pa nyid yin na snying rje chen po la 'jug pa'i chos kyis rnam grangs 'di lta smos kyang ci dgos zhes bya'o/ /sngon byung ba bstan pa tshigs su bcad pa'i dbyangs kyis yang dag rab tu bstan zhes bshad pa ni/ 'das pa'i bskal ba bye ba mang po ste zhes bya pa la sogs pa la/ 'das pa'i bskal pa dpag tu med pa na de bzhin gshegs pa dbang po tog gi rgyal mtshan rgyal po zhes bya ba des ting nge 'dzin bshad de/ chos thams cad bdag dang/ srog dang/ gang zag dang/ shes las skyes dang/ shing bu la sogs pa'i byed pa pos stong ba sgyu ma dang/ smig rgyu dang/ gzugs brnyan dang/ chu'i zla ba dang 'dra ba la 'chi ba'i dus byed pa na sems can dang srog la sogs par 'jig rten pha rol tu 'gro ba yang med la/ las dang 'bras bu rnam par nyams pa yang med de/ ji ltar me long gi dkyil du bzhin gyi kha dog nag po dang/ dkar po dang/ thig le dang/ 'dab ris la sogs pa mthong ba dang 'dra bas/ las dang 'bras bu'i snang ba yang sems kyis rgyud la de dang 'dab bo zhes bya ba yin no/ /rigs pa'i tshul gyi sgo ste khyab byed du pas blangs pas skye ba dang 'chi pa dang/ 'jig rten pha rol tu 'gro ba dang/ byed pa po dang/ spyod pa po la sogs pa mi rigs zhes bya ba yin te/ gang la yi ge tshig kyang mi dmigs pas stong pa nyid kyi phyir ro/ /sangs rgyas byang chub nyid ni bcom ldan khyen zhes bya ba ni de bzhin nyid kyi
- 83a
ting nge 'dzin no/ /de lta bu'i ting nge 'dzin bcom ldan 'das kyis bshad pa'o/ /de nas bdag gis ting nge 'dzin 'di thos nas nyon mongs pa'i nang ma lus pa rab tu zhi bar byed pa'o/ /byang chub sems dpas bsgrubs pa'i nor yin te zhes bya ba la sogs pas ni ting nge 'dzin gyi yon tan gyi khyad par bstan pas 'bras bu'i khyad par 'dod pa rnams 'jug par bya ba'i phyir ro/ /de nas dge slong chos smra ba 'dug pa dag ces bya ba la/ der chos 'chad pa'i tshe tshul khrims kyi spyod pa phun sum tshogS pas chos 'di thos nas sangs rgyas nyid dang rjes su mthun pa'i sems bskyed par gyur to/ /de'i bsam pa mkhyen nas khyod byang chub tu sems bskyed de/ rim gyis pha rol tu phyin pa thams cad yongs su rdzogs par byas nas sangs rgyas nyid du nges par 'gyur ro zhes chos smra pa'i dge slong lung bstan pa de ni gzhan ma yin gyi nga nyid yin no zhes bya bas ni thams cad du ting nge 'dzin btsal ba dang/ dge ba'i bshes gnyen la gcig tu brten par bya'o/ /zhes bstan par 'gyur ro/ /gus pas ting nge 'dzin thos nas rnam par bsgoms/ sangs rgyas gyur nas 'gro ba'i don bya zhes/ de ltar bsam nas bdag gzhan don gyis blos/ /de yi dka' 'grel don byed grags pas byas/ /dbang po tog gi rgyal mtshan gyis rgyal pa'i le'u ste nyi shu pa'i 'grel pa rdzogs so// // dmigs pa'i lta ba can gyis sdig pa'i grogs po yongs su spangs bar bya ba'i ched du sngon byung ba nye bar bstan par bya ba'i phyir/ de nas bcom ldan 'das kyis zhes bya ba la sogs pa gsungs te/ gzhon nu de lta bas na zhes bya ba nas brtsams nas sdang bstan pa'i rjes su 'brel par/ de nas bcom ldan 'das kyis de'i tshe sngon byung ba'i gtam gyis rgyud tshigs su bcad pa'i dbyangs kyis yang dag par rab tu bstan par zhes bya ba la/ de dag nyid bstan par bya ba'i phyir sngon byung dzam bu'i gling zhes bya ba 'dir zhes bya
- 83b
pa la sogs pa la/ sngon byung ba dzam bu'i gling 'dir tshong dpon gyi khye'u gnyis byung ste/ zhes bya ba ni tshong dpon gyi khye'u gnyis de bzhin gshegs pa'i bstan pa la rab tu byung bar gyur to/ /rab tu byung nas kyang 'dzin pa thams cad rnam par spangs nas byas du ltar bsam gtan dang rjes su mthun pa'i nags su gnas nas bsam gtan gyi dga' ba dang/ bde ba nyams su myong nas rdzu 'phrul dang ldan zhing bsam gtan thob bar gyur te/ sems can rnams kyi dbang po dang bsam pa rnam par shes nas phan tshun chos kyis 'bel ba'i gtam byed cing gnas so/ /de nas rgyal po stobs dang bcas pa ri dags bshor du song ba las/ de dag dang nye ba'i dgon par song ngo/ /mi'i bdag pos de dag mthong nas rab tu dga' ba skyes so/ /mngon par phyag 'tshal nas mdun du 'dug pa dang /gi? bsam pa dang rjes su mthun pa'i gtam rgyal po de la smras pa rgyal rigs nyon zhes bya ba la sogs pa la/ sangs rgyas 'byung ba mchog tu rnyed par dka' zhes bya ba la/ sangs rgyas 'byung ba ni shin tu dkon pa yin pas de'i phyir bag yod par gyur pas chos bsrung pa la 'bad par gyis shig ces bya ba'o/ /tshe 'di ri'i chu bo bzhin du myur du 'gro zhing mi gnas pa bzhin du na ba dang/ rga ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde bas nye bar gtses pa de'i tshe chos ma gtogs pa'i skyabs gzhan med do/ /de'i phyir chos skyong bar gyur pas phyi ma'i dus shin tu 'jigs su rung ba de'i tshe de bzhin gshegs pa'i bstan pa 'jig pa ni/ ji ltar 'jig par mi 'gyur ba de ltar mdzod cig/ ces de dag gi rnam pa mang pos mi'i bdag po la gtams so/ /de nas gdams ngag thos pas dga' ba dang/ yid bde ba skyes nas de dag gi rkang pa la mngon par phyag 'tshal nas/ rang gi pho bar du song ngo/ /gzhan dmigs pa'i lta bas/ shin tu g.yen spyos pa'i dge slong mang po
- 84a
rnyed pa dang/ bkur sti 'dod pa rnams/ de'i khab du zhugs pa dang/ de dag gi dbang po ma bsdams par mthong nas/ mi'i bdag po nges de dag la gus par ma bas so/ /de nas dge slong mang po/ brkam zhing chags zhes bya ba la/ shin tu brkam pa chags pa chags pa can/ de bzhin gshegs pa'i bstan pa las nyams pa de dag gis mi'i bdag po de/ byin ci log tu 'dzin du 'jug go /chos smrab ba nyis po 'di na chad par lta ba yin te/ mya ngan las 'das pa'i lam ston pa yang ma yin la/ phung po dang/ khams dang/ skye mched rnams ston par 'dod pas/ dge ba dang/ mi dge ba'i las kyang med la/ de med pas/ mtho ris dang/ ngan song la sogs pa'i 'bras bu nyid kyang/ ring ba nyid du spangs pa yin no/ /gal te ma bsang na? yang/ yul gzhan du spongs bshig/ de ltar gyur na de bzhin gshegs pa'i bstan pa ring du gnas par 'gyur ro/ /zhes zer ro/ /de dag gi tshig gis mi'i bdag po the tshom skyes shing/ bsad pa'i bsam pa yang byung ba dang/ mi'i bdag po de la rtag tu rjes su 'brel pa'i lha zhig yod pas mi'i bdag po 'di lta bu'i sems ma skyed cig /sdig pa'i grogs po'i tshig gis sdig pa'i sems ma skyed cig ces bskul ba dang/ rgyal po de lha'i tshig gis bskul bas de bzhin gshegs pI bstan pa las mi g.yo ba'i dran pa yang byung ngo/ /de'i spun zla dge slong de dag gis log par 'dzin du bcug pas bsad par bya'o/ /snyam nas de stobs dang bzhon pa dang bcas par gdan chos smra bar gnyis gnas pa der phyir pa dang/ nags don rtag tu gnas pa'i lha dang gnod sbyin la sogs pa rnams kyis so phag gi char phab pas so phag gi char gyi phye mar byas nas mnar mang bar song bar gyur to/ /dge slong mang po de dag sang dmyal bar song bar gyur to/ /de lta bas na chos zab mo spang bar
- 84b
mi bya ste/ dmyal bar 'gro bas 'jig pa'i phyir ro zhes bya ba yin no/ /gzhon nu khye'u mchog gnyis po byung ba dang zhes bya ba la sogs pas 'di nyid ston te/ chos smra ba gnyis po de gzhan yin par mi lta ste/ 'on kyang gcig ni de bzhin gshegs pa mar me mdzad yin no/ /gnyis pa ni da yin no/ /rgyal po de ni byams pa yin no/ /lha mo de ni zla 'od yin no/ /de'i nu bo de ni lhas sbyin no zhes bya ba'o/ /rmongs pa'i gra ba ma las pa'i gzhi/ /bdag med rdo rjes rnam par brtag pa'i phyir/ /'jig rten bde gshegs sras su 'gro gyis la/ /de nas nyes bral thub pa'i dbang bor gyur/ /sngon byung pa'i le'u ste nyi shu rtsa gcig pa'i 'grel brdzogs so// //de bzhin gshegs pa ni chos kyi sku'o zhes bsgrub pa'i phyir/ de nas yang bcom ldan 'das kyis zhes bya ba la sogs pa gsungs te/ byis pa rnams la rtog tu chags byed de zhes bya ba la/ phyi dang nang rnag gi rang bzhin can gyi lus la mngon par zhen par byas nas byis pa rnams phan pa dang/ mi phan pa la yongs su rtogs par mi bzod pa'i g.yo ba'i srog dang bde ba la mngon par zhen pas/ sdig pa byas nas dmyal par ngeS par 'gro bar 'gyur ro/ /gang yang mngon par zhen pa dang bral ba de dag ni bdud ngag las rgyal nas byang chub kyi zhing chen po'i rtsa bar/ rab tu sad pas byang chub tu mngon par rdzogs bar sangs rgyas par 'gyur ro zhes bya ba'o/ /de bzhin gshegs pa la gzugs kyi skur mi lta'o/ /de ci'i phyir zhe na zhes bya ba ni/ gzugs kyi skus mngon par rdzogs par sangs rgyas pa yin la/ de'i phyir sku gang gis mngon par sangs rgyas pa de nyid skur lta bar bya'o/ /zhes bya ba'i the tshom yongs su spong bar byed pa ste/ chos kyi skus bsgos pa ni gzugs kyi sku yin la/ chos kyi sku ni gzugs kyis skus bsgos pa yang ma yin te/ de bzhin gshegs pa rnams byung yang rung/ de bzhin gshegs pa rnams ma byung yang rung/ chos
- 85a
rnams kyi chos nyid ni de bzhin du gnas pa'i phyir ro/ zhes bya bas so/ /gzhon nu de la byang chub sems dpa' de bzhin gshegs pa'i sku la smon par 'dod pa dang/ shes bar 'dod pas/ ting nge 'dzin 'di nyid bzung bar byas zhes bya ba la sogs pas ni/ chos kyi sku'i ngo bo nyid ting nge 'dzin 'di yin no zhes bya ba'i don to/ /de bzhin gshegs pa'i sku ni bsod nams brgyas bsgrubs pa'o zhes bstan pa ni gzugs kyi sku zhal gyis bzhes nas gsungs pa yin no zhes bya bar/ bsod nams brgya pa las skyes pa'i blo dang don gcig tu bstan pa zhes bya ba gsungs te/ bsod nams brgya pa'i mtshan nyid can gyi rgyu las byung ba'i chos kyi skus bskyed pas na bsod nams brgyas bsgrubs pa zhes brjod do/ /don dam pa ni mtshan ma med pa'i phyir mtshan nyid thams cad dang bral pa nyid do/ /zab pa ni dmigs pa'i lta ba can rnams kyis rtogs par dka' ba'i phyir ro/ /tshad med pa ni mngon sum dang/ rjes su dpag pa dang/ lung gi tshang mas rtogs par byar med pa'i phyir ro/ /mtshan ma med pa'i ngo bo nyid ni rang gi mtshan ma yang med pa nyid do/ /mtshan ma thams cad rnam par bsgoms pa ni pha rol tu phyin pa la sogs pa thams cad rab tu bsgoms pa nyid do/ /mi g.yo ba ni mi gnas pa'i mya ngan las 'das pa'i ngo bo nyid kyis thams cad du nges par gnas pa nyid dang/ shin tu nam mkha' i ngo bo nyid do/ /mig lnga'i yul las yang dag par 'das pa ni mthong ba med pa'o/ /de bzhin nyid dang/ yang dag pa'i mdza' ngo bo nyid ni chos kyi skur rab tu shes par bya ste/ mngon par zhen pa med par rnal 'byor gyis so/ /bsam gyis mi khyab pa ni sems kyis las yang dag par 'das pa'i phyir dang/ rnam par spros pa thams cad nges par bral ba'i phyir bde ba dang sdug bsngal la sogs pas mngon bar mi g.yo ba'o/ /gnas med pa ni gzung ba'i gnas med pa'i phyir ro/ /sangs rgyas kyi ye shes la smon par 'dod
- 85b
ba rnams kyi sgra las shin tu rang? la zhes bya ba ni sgra'i rjes su 'gro ba'i shes rab la zhen par mi bya ste/ so sor rang rig pa yin pa'i phyir ro/ /snying pa ni 'dod chags la sogs pa'i dri ma'i ngo bo dang bral ba nyid do/ /dbyer mi phyed pa ni zhe sdang gi mtshon chas so/ /brtan pa ni gti mug gi rlung gis ma bskyod pa nyid do/ /'on ji ltar bsgrub par bya zhes na/ stong pa nyid du bstan pas nges par bstan pa zhes bya ba gsungs to/ stong pa nyid ces bya ba'i sbras ni chos kyi sku ston par byed pa yin par shes par bya'o/ /ma skyes pa ni chos kyi sku skyed par byed pa'i rgyu med pas skye ba las yang dag par 'das pa yin no/ /rtag ba ni tha snyad tsam du mi 'gyur ba'i rtag pa nyid do/ /bye brag med pa ni 'jig rten la sgrub pa'i phyir mya ngan las 'das pa zhes sgra'i sbyor ba 'byung? ba ste/ mya ngan las 'das pa la sangs rgyas dang nyan thos dang/ /rang sangs rgyas kyi mya ngan las 'das pa'i bye brag mang ba nyid do/ /sgras mya ngan las 'das pa ni sgras brjod du med pa'o/ /dbyangs kyi zhi ba ni brag ca'i? sgra dang 'dra bar brjod pa dang/ brjod bya'i rnam par rtogs pa zhi bas zhi ba'o/ /tha mal pa'i sgras ni dngos po dang dngos po med pa dang/ gnyi ga yang rnam par rtog pa tsam nyid kyi phyir brda ste brda tsam gyis thams cad du tha snyad du byed pa'o/ /don dam pa ni ji lta ba'i tshig gis bstan par bya ba ste/ yang dag pa dang/ bden pa dang/ de bzhin nyid dang/ don dam pa zhes bya ba'i rnam grangs so/ /bsil ba dang yongs su bdud pa med pa zhes bya ba ni nyon mongs pa'i tsha ba'i yongs su gdung ba med pa'i phyir ro/ /smad du med pa ni gang gis kyang spang du med pa de'i phyir smad du med pa zhes bya'o/ /kha dog stan pas mu med pa zhes bya ba ni yon tan brjod pa las mdza' med pa'i phyir ro/ /gzhon nu de ni de bzhin gshegs pa'i sku zhes bya'o/ /zhes bya ba ni ngo bo nyid dang/ ma bcos pa shes bya ba'i don to/ /sku 'di nyid kyi khyad par tshigs su bcad pa'i dbyangs kyis bstan par bya ba'i phyir/ 'di 'dra'i 'jig rten
- 86a
mgon po'i sku zhes bya ba ni yang dag par bden pa'i sku shes par 'dod pas des ting nge 'dzin 'di bsgom par bya ste/ ting nge 'dzin gyi ngo bo nyid ni sku yin pas ting nge 'dzin gyi ngo bo gang gis mthong ba nges de bzhin gsheD pa'i sku bsod nams dang ye shes kyi tshogs las nges par byung ba mthong ba yin no/ /sangs rgyas kyi sku ni dag pa ste/ 'od kyang gsal zhes bya ba la /rang bzhin gyis 'od gsal ba nyid de/ /rmongs pa'i mun pa med pa'i phyir ro/ /bar snang mtshungs pa ni spros pa med pas so/ /gal te mtshan sum cu rtsa gnyis dang ldan pa'i de bzhin gshegs pa'i mngon par byang chub sku mnga' na ci ltar bar snang mtshungs pa'i sku yin zhe na/ sangs rgyas byang chub ci 'dra ba zhes bya ba la sogs pa la/ ci ltar sku bzod ma nas zhi ba yin pa de ltar mtshan rnams kyang yin la sangs rgyas kyi zhing rnams kyang de dang 'dra'o/ /stobs dang byang chub kyi yan lag la sogs pa rnams kyang chos nyid kyi ngo bo nyid kyis 'di ltar mtshan nyid med par mtshan nyid gcig pa zhes bya'o/ sus kyang sha'i mig gis ni/ nam yang mthong bar mi nus so/ /zhes bya ba la sogs pa la/ mig gis yul gyis spyod yul ma yin pa'i phyir ro/ /mang po dag ni 'di skad smra/ ngas ni 'jig rten 'dren pa mthong zheS bya ba ni sku yang gser gyi kha dog la ste/ de bzhin gshegs pa mthong ngo zhes na/ sangs rgyas dag gi byin brlabs dang zhes bya ba la/ chos kyi sku'i dbang gi mtshan sum cu rtsa gnyis kyis brgyan pa'i sku mthong bar gyur na yang che dang chu dang zheng 'di tsam mi zhes sus kyang gzhal bar mi nus so// de'i phyir de bzhin gshegs pa'i sku ni bsam gyis mi khyab pa zhes bya ba'o/ /gal te tshad? kyang rnyed gyur na zhes bya ba la/ kha dog dang dbyibs so sor nges pa'i bdag nyid yin na lha dang mi la sogs pa dang khyad par med par 'gyur ro/ /mnyam par bzhag ba'i? semS
- 86b
kyi zhes bya ba ni spros pa thams cad dang/ nye bar bral pa'i sems ni mnyam par gzhag pa'o/ /de'i rnam par smin pa'i sems kyang de dang 'brab ste/ dkar po'i chos mang pos nges par bsgrubs pa dge ba'i chos thams cad gcig tu bsdus sh+ring bsdoms pa'i ting nge 'dzin rgya che ba nga'i sku ni mi snang ngo zhes bya ba la/ ting nge 'dzin gyi ngo bo yin pa'i phyir gzhan gyis mi mthong ngo/ /gang gi sems ni ci 'dra ba zhes bya ba la/ gang thams cad la mngon par zhen pa med pa'i sems de ni rnam par rtog pa med pa'o// ming dang gzugs kyang de dang 'dra ste zhes bya ba phung po lnga'i rang bzhin yang rnam par dgra pa'o/ /de'i phyir sems kyi ngo bo nyid med pas ming dang gzugs kyang ngo bo nyid med pa zhes bya ba'o/ /sdig pa'i 'du shes gsum po dag ces bya ba ni 'dod chagS dang/ zhe sdang dang/ gti mug gi bdag nyid can dang/ ming dang/ rgyu mtshan dang/ kun tu rtogs pa'i bdag nyid can/ bdag dang/ bdag gi dang/ gnyi ga'i 'du shes rab tu spangs pas yid bzhin gyi nor bu rin po che bzhin du chos kyi sku las gdul bya'i skye bo rnams la skal pa ci lta ba bzhin du don sgrub par byed pa'o/ /dpa' o chen po chos kyi sku zhes bya ba la/ chos nyid kyi bdag nyid yin pa'am byang chub kyi phyogs la sogs pa'i chos kyi bdag nyid kyi sku ni chos kyi sku zhes bya'o/ /gzugs kyi sku yang de bzhin gshegs pa'i sprul pa'i skus 'gro ba ma lus pa'i don byed pa lta bu'o/ /sprul ba yang sprul ba lta bu'o zhes bya bas chos thams cad rang bzhin med pa yin na yang sku gsum rnam par bzhag pa dang mi 'gal bar de bzhin gshegs pa ni chos kyi sku'i zhes bya ba 'di nges pa yin par rtog par bya'o/ /lhag ma ni go bla'o/ /rab 'byams rgya chen dpag med dang/ /chos kyi sku yi byin brlabs las/ /sangs rgyas yid bzhin nor bu dang/ /'byung ste nam mkha' dag dang 'dra/ /mi shes rab rib kyis sgringS?
- 87a
pa/ /rab rib dregs pa sel byed pa/ /dri med mig sman dka' 'grel 'di/ /'jam dpal grags pas byas pa yin/ /chos kyi sku'i le'u ste nyi shu rtsa gnyis pa'i 'grel pa rdzogs so// //da ni longs spyod rdzogs pa'i sku yang zab cing rgya che ba yin no zhes bstan pa'i phyir/ gzhon nu de la de bzhin gshegs pa'i sku ni zhes bya ba la sogs pa gsungs te/ de bzhin gshegs pa'i sku ni mtshan ma dang las kyis kyang shes par sla ba ma yin te zhes bya ba ni sngon po dang/ ser po la sogs pa'i mtshan ma'i bya bas kyang shes par sma ba ma yin no/ /de nyid bstan pa'i phyir sngon po 'am zhes bya ba la sogs pa gsungs so/ /de la rang bzhin gyis sngo ba ni sngon po'o/ /kha dog sngon po zhes bya ba ni sbyor ba las byung ba'i sngon por snang ba'i sngon po'o/ /sngon po lta bur ston pa zhes bya ba ni dpa' i ngo bos bstan par mi nus pa'o/ /sngon po 'byung ba zhes bya ba ni 'od sngon por snang bas so/ /thams cad du 'am gyi sgra ni phan tshun gyi/ khyad par yang dag par bstan pa 'am rnam par rtogs par blta bar bya ba'i bsdu ba ni ma yin no/ /de bzhin du ser po la sogs pa la yang brjod par bya'o/ /tshangs pa'am lha 'am zhes bya ba ni nges par bzung bar mi nus pa'o/ /de ltar yang kha dog de dang des 'dul ba'i gdul bya'i skye bo rnams la de dang der snang ba skyed par byed do/ /de bzhin gshegs pa'i sku ni dag pa ste/ mtshan ma dag gi bsam par mi nus pa dang/ mtshan ma thams cad dang bral bas bsam gyis mi khyab par bstan to/ /gzugs kyi sku'i nges pa yang yongs su gzung ba dang/ tshad? bzung bar? ni lha dang bcas pa'i 'jig rten gyis kyang sla ba ma yin na yang cho skyi sku lta smos kyang ci dgos don de dag nyid tshigs su bcad pas gsal por bstan pa'i phyir/ 'jig rten khams kyi rdul phran dang zhes bya ba la sogs pa la 'jig
- 87b
rten gyi khams gyi khams thams cad kyi rdul phra rab ni brang bar nus kyang srid/ sgra'i rtse mo brgyad bshags pas rgya mtsho chen po'i chu thig pa bgrangs bar nus kyang srid kyi de bzhin gshegs pa'i yang dag pa'i yon tan bsngags pa brjod par mi nus so/ / de'i phyir 'jig rten gyi khams ma lus pa'i 'byung ba chen po lnga'i rdul phra rab ji snyed yod pa de bas kyang sems can gcig gis sems kyi spyod pa ma dbang mthong ngo/ /de bzhin du sems can thams cad kyi sems kyi spyod pa'i khyad par de dag kyang nga'i yang dag pa'i yon tan gyi bsngags pa'i dper bzod pa ma yin no/ /de bzhin du mtshan ma dang/ las kyis kyang de bzhin gshegs pa ni 'di lta bu'i zhes shes par nus pa ma yin no/ /gang gi phyir sangs rgyas mtshan ma bral ba ste/ /chos kyi sku yis rab tu phye? zab cing dpag tu med pa ste/ /de phyir sangs rgyas bsam mi khyab/ /ces bya ba dang/ chos rnams de dag dpag tu med/ /bskal pa bye bar bsnyen pas na/ /de phyir nga yi lus kyang ni/ /'od gsal bsam du med pa grub ces bya ba ni brtags pa thamS cad las 'das pa yin na yang gdul bya rnams kyis ni de bzhin gshegs pa ni 'di lta bu'o zhes brtags so/ /chos dang longs spyod sprul sku yang/ /tha snyad du ni nyer brtags nas/ /dbye ba byas kyi chos sku yi/ /ngo bo nyid kyi dbye ba med/ /de bzhin gshegs pa'i sku nges par bstan pa'i le'u ste nyi shu rtsa gsum pa'i 'grel pa rdzogs so// //so so yang dag par rig pas bsgos pa ni ting nge 'dzin no/ /ting nge 'dzin gyi yang dag par bsgos pa ni sangs rgyas kyi byang chub bo zhes rab tu bstan pa'i phyir/ de nas yang bcom ldan 'das kyis zhes bya ba la sogs pa gsungs te/ gzhon nu de lta bas na bdag gi so sor yang dag par rig pa bzhi mngon sum du bya bar 'dod pa zhes bya ba la/ gzhon nu byang chub sems
- 88a
dpa' nges ting nge 'dzin 'di bzung bar bya zhes bya ba 'brel? to/ /gang gi phyir nye bar bstan par bya ba nyid ni don so sor yang dag par rig pa dang/ chos so so yang dag par rig pa dang/ spobs pa so so yang dag par rig pa dang/ nges pa'i tshig so so yang dag par rig pa'o/ /gzhon nu de la chos so so yang dag par rig pa gang zhe na/ mdor ji ltar bstan pa de bzhin du ma bshad kyi chos la don nan tan gyis bsgrub par bya ba'i phyir ro/ /ji srid gzugs kyi tha snyad yod pa de srid du de bzhin gshegS pa'i bsngags pa brjod pa yang de snyed do zhes bya ba la ming dang/ gdags pa dang/ tha snyad dang/ sgra 'jug pa zhes bya ba bye brag go zhes bya ba'i bar du'o/ /de bzhin du tshor ba dang/ 'du shes dang/ 'du shes rnams dang/ rnam par shes pa zhes bya ba la/ tshor ba la sogs pa'i tha snyad kyang bsam gyis mi khyab pa'o/ /de bzhin du de bzhin gshegs pa'i bsngags pa brjod pa'i tha snyad kyang zhes bya ba ni de bzhin gshegs pa'i sku ni dag gi brjod pa'i spyod yul las 'das pa'o/ /zhes bstan pa yin no/ bzhon nu de ltar 'dus byas la yang nyes pa grangs med/ mya ngan las 'das pa la yang phan yon grangs med de zhes bya ba ni de bzhin gshegs pa'i bsngags pa brjod pa zhes bya ba'i don to/ /gang gi phyir 'du byed brjod pa bsam gyis mi khyab pa zhes bya ba la/ sems can dpag tu med pa'i bsam pa yongs su shes pas 'dus byas pa'i 'du byed kyi brjod pa nyid do/ /dbyangs brjod pa bsam gyis mi khyab pa ni yan lag drug cu dang ldan pa'i bsung ni bsam du mi nus pa'i phyir ro zhes byas nas so/ kun nas nyon mongs pa bsam gyis mi khyab pa ni kun nas nyon mongs pa sgrub par byed pa'i sbyor ba las byung ba'i sgra bsam gyis mi khyab pa nyid do/ /rnam par byang ba brjod pa bsam gyis mi khyab pa zhes bya ba la/ kun nas nyon mongs ba'i rgyu 'dod chagS?
- 88b
la sogs pas bshad pa yang rnam par byang ba'i rgyu yin te/ thabs kyi khyad par la 'jug pa'o zhes brjod pas rnam par byang ba'i dgongs pa bsam gyis mi khyab par rab tu ston to zhes bya ba'o/ /gzhon nu de dag ni de bzhin gshegs pa'i bsngags pa brjod pa bsam gyis mi khyab pa brjod pa bzhi'o zhes bya ba ni yon tan ston pa'i rnam grangs so/ /zhes bya ba'i don to/ /bsam gyis mi khyab par bstan pa ste zhes bya ba ni de dag nyid bzhi pa sgrub pa lnga bcu rtsa bdun gyis rgya cher bstan par bya zhes bya ba'i don to/ da ni rnam par dbye ba bstan pa'i phyir/ gzhon nu 'di dag ni byang chub sems dpa' rnams kyi tshul bzhi ste zhes bya ba la sogs pa la/ 'du dbye ba bstan pa'i phyir/ gzhon nu 'di dag ni byang chub sems pa sngon du 'gro bas sems can rnams mya ngan las 'das par khrid par byed pas 'du byed kyi tshul gyi lam zhes bya ste/ de ni de bzhin gshegs pa las gzhan gyi bsam par mi nus pas bsam gyis mi khyab pa'o/ /'du byed yongs su bshad pa'i tshul bsam gyis mi khyab ces bya ba la/ chos bstan pa'i tshul ni yongs su bshad pa'i tshul ste/ 'du byed ji ltar gnas pa bzhin yongs su bsam pas khyad par gyis rnam par gzhag pa'i phyir chos ston pa ni yongs su bshad pa'i tshul bsam gyis mi khyab pa zhes bya ste/ snga ma bzhin no/ /kun nas nyon mongs pa'i tshul bsam gyis mi khyab pa zhes bya ba ni nyon mongs pa dang/ las dang/ skye pa'i kun nas nyon mongs pa rnams yang dag pa'i rtog pa la sogs pas spang bar bya ba ci lta ba bzhin du spong bar byed pa de rab tu byung ba'i thabs kyi khyad bar gyi tshul lo/ /rnam par byang ba'i tshul bsam? gyis mi khyab pa zhes bya ba ni rnam par byang ba'i tshul ni rnam par grol ba'i lam ste/ chos thams cad bdag med pa nyid du mnyam par rtogs pa nyid ni grol ba'o/ /der thabs du mas 'dren bcing la byed par byed pas na tshul zhes bya'o/ /bsam
- 89a
gyis mi khyab ba ni snga ma bzhin no/ /rigs pa bzhi ste bya ba la/ rigs pa ni rjes su dpag pa ste 'dus byas kyis dngos po la rigs pa 'jug pa ni/ 'dus ma byas pa ni ma yin no/ /de la kun nas nyon mongs pa dang/ rnam par byang ba'i bsam pa dang yongs su bshad pa 'jug ste/ rjes su dpag pa dang/ mngon sum dang/ lung la sogs pa'i bsam pa 'jug gi 'dus ma byas ni ma yin no/ /thams cad du 'du byed kyi yon tan dang/ skyon bsam gyis mi khyab pa rab tu bsgrub pa'i phyir sgo la sogs pa'i tshig nas nye bar bzung nas sgor 'jug pa'i thabs ni rnam pa bzhi'o/ /nges par bstan pa ni bshad pa'i bye brag yin te/ 'du byed dang/ yongs su bshad pa dang/ kun nas nyon mongs pa dang/ rnam par byang ba dang bzhi po thams cad du bshad par bya'o/ /sgra ni brjod pa'o/ /tshig gi lam ni dgongs pa can gyi tshig go /dgongs te bshad pa bzhi ni sems can la dgongs pa dang/ chos nyid la dgongs pa bstan pa la dgongs pa dang/ dus la dgongs pa'o/ /lha la nges par rtogs ba bzhi la/ rnam par dag pa'i lha la rtog pa dang/ zag pa med pa'i lha la rtog pa dang/ byang chub sems dpa' i lha la rtog pa'o/ /nges par bsams nas rtog pa ni nges par rtog pa'o/ /mi'i lus thob pa la dmigs nas khyad par can gyi dge ba'i las la kun tu spyod pa ni mi la rtog pa zhes bya'o/ /'di dag thams cad ni ming tsam mo zhes rtog pa ni ming la nges par rtog pa'o/ /rtog pa'i bye brag gis 'jug par bya ba la zhugs pa gong nas gong du shin tu 'das pa'i khyad par ro/ /rdo rje'i tshig ni mi phyed pa'i gnas la rab tu gnas pas na rdo rje'i tshig go /yi ge oM dang swAhA la sogs pa gang dag gis gros su byed cing rab tu sad par byed pas lha mngon du phyogs par byed pas sngags kyi tshig ces bya'o/ /sbyin pa la sogs pa
- 89b
ni sdud pa sgrub pa'o/ /sdig pa ni spong ste rims nad byang ba bzhin no/ /mdor ston pas na mdo sde ste/ bsdus te bshad pas don rgyas par ston pa'o/ /mdo sde'i mdza' ni mdo sde ma lus pa'i mthar thug pa zhes bya ba'i don to/ /mdo sde'i mthar thugs pa'i gnas ni zab mo zab mo'i gnas su gyur pa'am don yang rung ba'o/ /bdags par bya ba la btags pa ni tha snyad kyis nges par rnam par bzhag par byas pa'o/ /snang ba rab tu sgrub par byed pa'i tshig ni snad pa'i tshig ces bya'o/ /ye shes gsal bar byed pas ni gsal ba'i tshig ces bya'o/ /spyod pa'i khyad par rab tu sgrub pa'i tshig ni spyod pa'i tshig ces bya'o/ /spyod pa ni sbyin pa la sogs pa la 'jug ba'o de rab tu sgrub par byed pa ni gang gi rang bzhin no/ /yi ge'i tshogs ni tshig go /tshig gi tshogs ni dag go zhes bya bas so/ / bsam pa sna tshogs pa'i tshig rnams shes par dka' bas na bsam gyis mi khyab ba'i chog ces bya'o/ /sngon gyi mdza' dang phyi ma'i mdza' dang/ dbus med par rab tu sgrub par byed ba'i tshig ni mdza' yas pa'i tshig go /su yang gang nas kyang gang yang 'gro ba dang/ 'ong ba dang rgyu ba med pa ni rgyu ba med pa zhes bya'o/ /yongs su ni kun tu'o/ /de ni mdza' ste/ rtag pa dang chad pa'i mtshan nyid do/ /gang la de dag med pa de ni mdza' o/ /de brjod par byed pa'i tshig de dag ni mu med pa'i tshig ces bya'o/ /'dra bar gyur pa'i chos med pas na yon tan la sogs pa gzhal bar mi nus pa'i phyir ro/ gzhal du med pa'i tshig ces bya'o/ /bgrang bar bya ba med par grangs kyang med de yul med pa'i phyir des na grangs med pa'i tshig ces bya'o/ /tshad mas yongs su bcad par bya ba ni gzhal bya yin na tshad ma'i yul ma yin pa'i phyir tshad med pa'i tshig ces bya'o/ /shes pa'i dmigs pa ni shas pa'i tshig ste/ dmigs pa med pa nyid kyi phyir bsam gyis mi khyab pa ste/ yul med pa nyid kyi phyir ro/ /shes pa bsags pa ni bsod nams dang ye shes kun nas bsdus
- 90a
pa ste/ byang chub kyi sems nas brtsams te sangs rgyas nyid kyi bar du yang dag bar bsags pas na bsags pa'o/ /shes ba'i rigs ni shes pa skye ba'i gnas te/ thos pa dang/ bsam pa dang/ bsnyom pa'i mngon sum du byed pa'i rgyur gyur pa'o/ /sngon yongs su myong ba'i dpag tu med pa'i don rnams bsags pa snang ba ni spobs pa bsags pa zhes bya'o/ /mdo sde ma lus pa bsdus shing bsags pa ni mdo sde'o/ /'jig rten ba dang/ 'jig rten las 'das pa dang/ zag pa dang bcas pa dang/ zag pa med pa dang/ 'jig rten las 'das pa yang drang ba'i mdo sde dang/ nges pa'i don gyis mdo sdes bsdus pa dang bya ba dang/ spyod pa dang/ rnal 'byor la sogs pa'i dbye bas tha dad pa'i gsang sngags thos pa ni mang du thos pa zhes bya'o/ /tshul khrims dang/ thos ba dang/ shes rab dang/ ting nges 'dzin rnams na nor bzhi zhes bya'o/ /bslang ba ni bzhi ste/ lhag ba'i tshul khrims dang/ lhag pa'i shes rab dang/ lhag pa'i sems dang/ mi dge ba thams cad spangs pa'i sdom pa'i bslab pa'o/ /spyod yul bzhi ni sa dang/ pha rol tu phyin pa dang/ thams cad mkhyen pa dang/ ting nge 'dzin gyi yul zhes bya'o/ /las bzhi ni/ lus kyi las dang/ ngag gi las dang/ yid kyi las dang/ sangs rgyas thams cad kyi chos yongs su rdzogs bar byed pa'i las dang bzhi'o/ /spobs pa bzhi ni myur ba'i spobs pa dang/ shin tu myur ba'i spobs pa dang/ rgyun mi chad pa'i spobs pa dang/ rjes su ma bstan pa'i spobs pa'o/ /lam bsgom pa ni bzhi ste/ nyan thos kyi lam bsgom pa dang rang sangs rgyas kyi lam bsgom ba dang/ byang chub sems dpa' i lam bsgom pa dang/ de bzhin gshegs pa'i khyad par gyi lam bsgom pa dang/ kun nas nyon mongs pa shes pa bzhi ni las kyi kun nas nyon mongs pa shes pa dang/ skye ba'i kun nas
- 90b
nyon mongs pa shes pa dang/ nyon mongs pa'i kun nas nyon mongs pa shes pa dang/ 'gro ba'i kun nas nyon mongs pa shes pa dang/ 'bras bu yod pa'i shes pa bzhan 'chang ba 'bras bu yod pa'i shes pa dang/ lung bstan pa 'bras bu yod pa'i shes pa dang/ bag la nyal 'joms pa 'bras bu yod pa'i shes pa dang/ yang dag par rdzogs pa'i byang chub rtogs pa 'bras bu yod pa'i shes pa'o/ /ma rig pa shes pa bzhi ni ma rig pa skye ba shes pa dang/ ma rig pa'i rang gi ngo bo shes pa dang/ ma rig pa'i 'jug pa shes pa dang/ ma rig pa 'gag pa shes pa'o/ /sdug bsngal shes pa bzhi ni sdug bsngal gyi sdug bsngal shes pa dang/ yongs su 'gyur ba'i sdug bsngal gyi sdug bsngal shes pa dang/ 'du byed kyi sdug bsngal nyid kyi sdug bsngal shes pa dang/ 'khor ba'i phung po lnga'i sdug bsngal shes pa'o/ /yid mi bde ba shes pa bzhi naM rnyed pa med pa'i yid mi bde ba shes pa dang/ mi bsngags pa'i yid mi bd ba shes pa dang/ mi shes pa'i yid mi bde ba shes pa dang/ mngon par rtogS pa ma thob ba'i yid mi bde ba shes pa'o/ /dbul po shes pa bzhi ni shes pas dngul ba shes pa dang/ tshig gi dbul ba shes pa dang/ sgrub pas dbul ba shes pa dang/ thabs kyi dbul ba shes pa dang/ skye ba shes pa bzhi ni bsams bzhin du skye ba shes pa dang/ las kyis skye ba shes pa dang/ mngal nas skye ba shes pa dang /mngal ma yin pa nas skye ba shes pa'o/ /nang shes pa bzhi ni phung po shes pa dang/ skye mched shes pa dang/ khams shes pa dang/ bde ba dang sdug bsngal gyi tshar ba shes pa'o/ /phyi rol shes pa bzhi ni phyi rol nyid lta bur de dag nyid sgro btags nas phung po la sogs pa bzhi po nyid shes pa'i shes pa'o/ /ngo tsha shes pa'i shes pa bzhi ni bdag la bltos nas 'dzems ba ni ngo tsha shes pa'o/ /des bya ba
- 91a
ma yin pa mi byed pa'i shes? pa dang/ bya bar rnams? mi 'dor ba'i shes pa dang/ dam bcas pa des bsgrub pa'i bden pa dang sangs rgyas dang byang chub sems dpa' rnams mi bslu ba'i shes pa'o/ /bden pa shes pa bzhi ni byang chub tu sems skyed pa mi mdor ba'i bden pa shes pa dang/ tshogs yongs su rdzogs par byed pa'i bden pa shes pa dang/ sems can mi bslu ba'i bden pa shes pa dang/ sangs rgyas nyid mngon sum du bya ba'i bden pa shes pa'o/ /srid pa shes pa bzhi ni 'dod pa'i srid pa shes pa dang/ gzugs kyi srid pa shes pa dang/ gzugs med pa'i srid pa shes pa dang/ ma rig pa'i lta ba'i srid pa shes pa'o/ /dngos po shes pa bzhi ni 'dus byas kyi dngos po shes pa dang/ 'dus ma byas kyis dngos po shes pa dang/ lung du bstan pa'i dngos po shes pa dang/ lung du ma bstan pa'i dngos po shes pa dang/ gang zag shes pa bzhi ni phung po gang zag du shes pa dang/ rjod du med pa'i gang zag shes pa dang/ las 'dzin pa'i gang zag shes pa dang/ gang zag 'ba' zhig pa shes pa'o/ /dmigs pa shes pa bzhi ni bdag gi dmigs pa shes pa dang/ sems can gyi dmigs pa shes pa dang/ srid pa'i dmigs pa shes pa dang/ chos kyi dmigs pa shes pa'o/ /bsam gyis mi khyab pa'i ye shes 'di dag gi bstan pa yang bsam gyis mi khyab pas mthar phyin par bstan par sla ba ma yin no/ /gzungs bzhi ni 'du byed thams cad mdza' yas par bshad pa brjod pa de la gang shes pa 'di ni gzungs dang pe'o/ /dbyangs? mdza' yas par brjod pa de la gang shes pa 'di ni gzungs gnyis pa'o/ /kun la nyon mongs pa mdza' yas par bshad pa brjod pa de la gang shes pa 'di ni gzhuS? gsum pa'o/ /rnam par byang ba'i yon tan gyi phan yon mdza' yas par brjod pa de la gang sheS
- 91b
pa de ni gzungs bzhi pa ste/ tshig gi gzungs dang/ don gyi gzungs dang/ sngags kyi gzungs dang/ mngon par rtogs pa'i gzungs so/ /shes rab dang dran pa gnyis ni gzungs thams cad kyi rgyu yin pa'i phyir gzungs zhes bya'o/ /tshul bzhi zhes bya ba nas ? nas gzungs 'di dag la thug gi bar du 'du byed dang/ yongs su bshad pa dang/ kun nas nyon mongs pa dang/ rnam par byang ba zhes bya ba dag gi thams cad du bstan pa ni 'di dag ni 'du byed kho na la brten par nges so zhes bya ba'i don to/ /'di ltar zhes bya ba ni sngar bstan pa rnams so/ /gzungs gang yin pa de ni shes pa'o/ /shes pa ni chos so zhes bya ba la/ chos shes pas nan tan gyi yang dag par rig pa gang yin pa de ni chos so yang dag par rig pa'o/ /don gang zhig chos shes pas ji lta ba bzhin du nges par byas pa ni don so so yang dag par rig pa zhes bya'o/ /chos shes pas nges par byas pa'i don gang yin pa sems can thams cad dga' bar bya ba'i phyir skad sna tshogs gyi nges pa'i tshig gis chos ston pas so so rang gis rig pa'i ye shes skyed pa ni nges pa'i tshig so so yang dag bar rig pa zhes bya'o/ /chos shes pas tha snyad kyis ston par byed pa'i dus su rigs pa dang grol ba'i spobs pa nyid dang/ tshig 'dres pa med pa nyid dang/ tshig zhum pa med pa nyid dang/ spobs pa mdza' yas pa nyid kyis so so yang dag par rig pa ni spobs pa so so yang dag par rig pa zhes bya'o/ /de ltar so so yang dag par rig pa bzhi rgyas par bstan nas bde bar rtogs par bya ba'i phyir tshigs su bcad pas/ de nas bcom ldan 'das kyis zhes bya ba la sogs pa gsungs te/ sangs rgyas ye shes ji snyed pa/ /gzugs su rtags pa'ang? de snyed? de zhes bya ba la/ de dag thams cad sngar bstan zin pas yang brjod par mi bya'o/ /ngo mtshar bsam gyis mi khyab chos/ /so so yang dag rig dbye bas/ /'gro ba'i mgon po rdzogs sangs rgyas/ /rkang gnyis mchog gi rab tu bstan/ /de bzhin gshegs pa
- 92a
bsam gyis mi khyab pa bstan pa'i le'u ste nyi shu rtsa bzhi pa'i 'grel pa rdzogs so// //so so yang dag par rig pa la 'jug pa'i skabs dbye bas so so yang dag par rig pa'i rnam par dbye ba rgya cher bstan pa'i phyir gzhon nu de la byang chub sems dpa' ji ltar chos so so yang dag par rig pa la spyod na zhes bya ba gsungs te/ gzugs la sogs pa'i phung po'i ngo bos sam/ de las gzhan pas sam/ de dag gi stong pa nyid kyis spyod na so so yang dag par rig pa lags zhes zhus pa'i lan du gzhon nu 'di la byang chub sems dpa' chos rnams la chos kyi rjes su lta bas gzugs las gzhan du byang chub yang dag par rjes su mi mthong zhes bya ba la/ ma skyes pa'i gzugs la gzugs kyi ngo bo med pas brtags pa'i gzugs la 'am/ gzugs kyis sam/ gzugs las kyang byang chub yang dag par rjes su mi mthong ste/ brtags pa'i gzugs ni sgyu ma dang sprul pa'i gzugs dang 'dra bas byang chub yang dag par rjes su mi mthong ngo/ /chos nyid kyi gzugs las gzhan du yang byang chub yang dag par rjes su mi mthong ste/ sgro btags pa thams cad dang bral ba'i phyir chos nyid kyi gzugs ni gzugs med pa nyid do/ /de'i phyir gzugs nyid byang chub/ byang chub nyid gzugs so zhes bya bas gnyiS su med cing gnyis su byar med do/ /de bzhin du tshor ba dang/ 'du shes dang/ 'du byed dang/ rnam par shes pa nyid gzugs so/ /gzugs nyid rnam par shes pa zhes bya'o/ /gzugs kyi ngo bo gang yin ba dang/ de bzhin gshegs pa gang yin pa 'di ni gnyis su med de/ chos nyid kyi gzugs la dbye ba med pa'i phyir ro/ /byang chub sems dpa' sems dpa' chen po de ltar lta na chos so so yang dag par rig pa la spyod do/ /don de dag nyid tshigs su bcad pas rgya cher bstan pa'i phyir/ de phyir
- 92b
bcom ldan 'das kyis zhes bya ba la sogs pa gsungs te/ gzugs kyis kyang ni byang chub bstan/ /byang chub kyis kyang gzugs bstan te zhes bya ba la/ gzugs kyi chos nyid ni byang chub so/ /byang chub nyid kyang gzugs so zhes bya ba'o/ /mi mtshungs pa yi sgra rnams kyis? chos kyi bla ma rab tu bstan zhes bya ba la/ /gzugs nyid byang chub bo zhes bya ba mi 'dra ba'i sgras bstan na yang gzugs la byang chub med de/ skye ba med pa'i phyir ro/ /chos kyi bla ma rab tu bstan zhes bya ba ni ma skyes pa'i chos ni bstan par bya ba dang/ ston pa dang/ bstan pa dang/ bral ba yin na yang gdul bya'i bsam pa'i dbang gis ston par byed de/ zhes brjod par byed do/ /gzugs dang byang chub mnyam pa ste/ tha snyad bya ba der mi snyed ces bya ba la/ sna tshogs su tshar dbye ba btags pa/ dmigs pa dbye bar mi 'gyur ba'o dang? mya ngan las 'das pa zab par yang zhes bya ba la sogs pa la/ mya ngan las 'das pa ni dmigs pa thams cad dang bral ba'i ngo bo nyid yin pas shin tu zab pa nyid do/ /de ltar na yang sgra yis rab tu ston par byed pa mya ngan las 'das pa dang/ sgra yang mi dmigs te/ sgra dang mya ngan las 'das pa 'di dag gnyis su med cing tha mi dad do/ /de bzhin stong pa'i chos rnams la/ /mya ngan 'das pa rab tu bstan zhes bya ba ni gzhan du na pha rol la rtogs pa skye bar mi 'gyur ro/ /chos rnams thams cad rang bzhin gyis/ /mya ngan 'das dang mtshungs mnyam pas zhes bya ba la/ bzod nas zhi zhing ma skyes pa/ /rang bzhin gyis ni mya ngan 'das/ /chos rnams thams cad ces bya bas so/ /sangs rgyas kyi ni sku mthong nas zhes bya ba la sogs pa la/ de bzhin gshegS pa'i gzugs kyi sku mthong ba na de bzhin gshegs pa'i sku mthong ngo zhes smra na yang de bzhin gshegs pa gzugs kyi bskur mthong bar nus pa ma yin te/ chos kyi bskur nges pa'i phyir ro/ /'o na gzugs kyi skur rnam par gzhag pa ji ltar yin zhe na/
- 93a
gzugs kyi mtshan nyid ci 'dra ba/ /gzugs kyi ngo bo nyid shes te/ /rang bzhin med cing ma skyes pa/ /sgyu ma sprul pa'i gzugs bzhin no/ /gzugs kyi rang bzhin mdo? shes pas/ /bdag gi lus zhes bdag tu mthong/ /de bzhin du phung po lnga po rnams la bdag gi chos rnams kyi mtshan nyid mtshan nyid med par mtshan nyid gcig pa bshes pa ni mtshan nyid do zhes shes nas/ chos kyi sku la rab tu gnas nas chos ston to/ /chos kyi sku la mi brten par de spros pa thams cad nye bar zhi ba'i rang bzhin nyid yin pas chos nyid de ni sangs rgyas rnams kyis kyang tshig gis brjod par mi spyod do/ /de bzhin du 'di lta bu'i chos zab mo'i ngo bo de shes par sangs rgyas kyi sgra thos pas bdag gis de bzhin gshegs pa mthong ngo zhes tshig tsaM du smra yang sgra tsam gyis de bzhin gshegs pa mthong ba ma yin no/ /de tsam gyis de bzhin gshegs pa mthong na ni sems can thams cad kyang sangs rgyas kyis sgra thos pas sangs rgyas su 'gyur na de lta bu ni med do/ /de lta bas na de bzhin gshegs pa chos kyi skur mthong ba nges sangs rgyas mthong zhes bya'o/ /de'i phyir chos kyi sku dang/ stong ba nyid dang/ gzugs ni thams cad du mtshan nyid gcig pa yin no/ /nges na gang gis gzugs rnams rab shes pa/ /de ni stong nyid rab tu shes// gang gis stong nyid rab shes pa/ /des ni 'dres pa rab tu shes zhes bya ba la sogs pa dang/ rnam pa 'di ni mi shes pas/ /dmigs pa can rnams rab tu brlag ces bya ba'o/ /bdag la sogs pa'i dngos po med pa la dngos por 'du shes pa dang/ mya ngan las 'das pa don dam par yod pa'i chos nyid kyi gzugs la med par 'du shes pa don ma yin pa la don du mngon par zhen la shes kyi khe yis bslus pa dge 'bras bu med pa la 'bras bur mngon par zhen pa dag nga'i bstan pa las shin tu
- 93b
'khyams nas dge sbyong gi nor dang bral ba don dam pas dngul pas/ li lo can tshul khris nyams pas rnam par gnas pa dag 'di ni sangs rgyas kyi bstan pa ma yin no/ /zhes smra bar byed do/ /la la dag ni 'di skad du/ bdag cag byang chub zhugs zhes zer zhes bya ba la sgra tsam gyis dga' ba yin gyi yang 'di'i chos nyid la rab tu gnas pa ni ma yin no/ /rnyed pa la dga' bar 'gyur gyi chos 'dod pa ni ma yin no/ /khengs pa dang bag med pas zil gyis mnan pas mchod rten dang gtsug lag khang la sogs pa byed cing drags pa 'dod pa/ dmigs pa'i lta ba can lta ba la mngon par zhen pa/ gzhan gyi bud med la chags shing brgyal ba/ rab tu byung ba'i bsam pa tsam yang rnyed par dka' ba de dag khyim pa rnams la 'dod pa rnams ni me lce lta bu'o/ /zhes ston par byed cing de dag gi bu mo dang chung ma dag la mngon par chags shing rigs sun par byed par 'gyur ro zhes bya ba la/ de dag rnga dang/ dung dang/ rdzu rnga la sogs pas nga la mchod par byed cing sgrub pa'i mchod pa dang bral ba yin no/ /de bzhin gshegs pa la sgrub pa'i mchod pas mchod na mchod par 'gyur ro/ /tshul khrims dang/ spyod pa dang/ spyod yul phun sum tshogs pa mthong na bdag cag ji lta ba 'di dag kyang de dang 'dra ba yin no/ /tshul khrims kyang de lta bu zhes zer ro/ /tshul khrims kyi bsngags pa brjod pa thos nas 'di dag sangs rgyas kyi dka' ma yin no zhes ngo tsha dang bral bas spong par byed do/ /sangs rgyas kyi byang chub dang/ de'i rgyur gyur pa chos spangs pas mnar med par mchog tu gzhol bar 'gyur te/ dmyal ba thob par byed pa'i rgyu gang yin pa de sangs rgyas nyid thob par byed pa'i rgyu ni ma yin no/ /de lta bas na bdag byang chub la gnas par bya'o/ /zhes bya ba'i tshig tsam gyis byang chub sems dpar gyur pa ma yin pa de dag dang khyed ston par yang mi bya'o/ /gal te phrad par gyur na smra ba dang/ gtam dang/ rim 'gro
- 94a
gyis la de dag gi sems srung ba'i phyir lo grangs du lon pa dris la de dag rgan par gyur na rkang pa la mgo bos phyag 'tshal ba la sogs pas bsnyen bkur bya zhing khong khro ba cung zad kyang mi skyed de/ byams pa'i sems kyis byang chub thob par 'gyur ba yin no/ /gang yang de dag gi 'khrul pa dpag tu med par snang bar gyur na yang de ltar na yang brjod par mi bya ste/ gang gis las gang ji ltar spyad pa de'i 'bras bu dang mthun par 'byung ba nyams su myong bar 'gyur ro zhes sheS nas bzhin gyi zla ba 'dzum bzhin du/ rgan rabs dang ni gser bu la/ /rtag tu gser? por smra ba dang/ /des shing nga rgyal bcom bar bya/ /rab tu dang pa'i sems kyi sems can thams cad rjes su gzung bar zhugs pas chos gos dang bsod snyoms la sogs pas rjes su bzung bar 'os pa rnams kyis gyis shig ces slob par byed do/ /khyod la chos mnyan pa'i phyir 'ga' zhig gis gsol ba btab na de spro ba skyed par byed de khyed nyid mkhas pa chen po yin na khyod kyi drang du bdag gis ji ltar smra bar nus zhes brjod par bya'o/ /gal te de dag gi nang nas 'ga' zhig snod du gyur pa yod na bdag nyid kyis bshad par bya'o/ /de la tshul khrims 'chal pa mang du gnas par gyur na der tshul khrims kyi gtam mi bya'o/ /sbyin pa'i gtam bya'o// gang gi tshe tshul khrims dang spyod pa phun sum tshogs pa mang du gnas par gyur pa de'i tshe tshul khrims kyi gtam bya'o/ /gal te 'khor yongs su dag par gyur na sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab la sogs pa sangs rgyas kyi yon tan thams cad dang ldan pa'i gtam bya'o/ /sbyin pa la sogs pa 'ba' zhig gis mgu bar mi 'gyur na byang chub ni bsam gtan dang/ ting nge 'dzin gyis bsgrub bar bya'o/ /zhes ting nge 'dzin sgom pa la mngon par sbyor bar
- 94b
bslab par bya'o/ /bsod nams dang ye shes kyi tshogs yongs su rdzogs par bya ba'i phyir nye bar mkho ba'i mchod pa thams cad kyis sangs rgyas dang byang chub sems dpa' thams cad la mchod par bya'o/ /de lta bas na byang chub tu sems yang dag par bskyed nas nan tan snying por byed pa sangs rgyas kyi chos thams cad nges par sgrub pa'i phyir mdo sde 'di don dang gzhung dang bcas par bzung bar bya zhes bya ba yin no/ /'di'i phan yon rgya cher bstan pa ni snga ma bzhin du shes par bya'o/ /zhes bya ba yin no/ /sangs rgyas dpag med 'byung ba'i chos nyid nyid/ /sangs rgyas kyis bsngags ting 'dzin rgyal po 'dir/ /grags pa cung zhig tsam zhig bdag gis bstan/ /shin tu phra ba bdag 'dra sus rtogs nus/ /so so yang dag bar rig pa la 'jug pa'i le'u ste nyi shu rtsa lnga pa'i 'grel pa rdzogs so// //da ni thabs la mkhas pa bstan par bzheng nas de nas yang bcom ldan 'das kyis zhes bya ba la sogs pa gsungs te/ gzhon nu de ltar na byang chub sems dpa' thabs mkhas pa yin zhe na/ zhes bya ba'i lan gdab pa'i phyir gzhon nu 'di la byang chub sems dpa' zhes bya ba la sogs pa la/ sems can thams cad la nye du'i sems nye bar bzhag nas sems can thams cad kyi bsod nams kyi phung po ci yod pa sems kyi mngon par brtags nas shin tu legs so zhes bya bas rjes su yi rang bar bya ste nyin lan gsum/ mtshan lan gsum du nyin re bzhin du bsod nams kyi phung po 'dis sems can thams cad sangs rgyas nyid thob par gyur cig/ bdag kyang sems can thams cad sgrol bar nus par gyur cig ces bya'o/ /thabs mkhas pa 'di dang yang dag par ldan pa'i byang chub sems dpa' i ting nge 'dzin rab tu thob par 'gyur zhing myur du bla na med pa yang dag par rdzogs pa'i byang chub mngon par rdzogs bar 'tshang rgya bar 'gyur ro zhes bya ba yin no/ /don 'di dag nyid tshigs su bcad pas rgya cher bstan
- 95a
par bya ba'i phyir/ sems can 'di dag thams cad bdag gi gnyen zhes bya ba la sogs pa gsungs te/ bu gcig pa sdug pa la brtse bas yongs su 'dzin pa bzhin du sems can 'di dag ni bdag gi gnyen du gyur pa yin pa gnyen rnams la brtse ba btang nas ji ltar nyan thos bzhin du 'khor bas 'jigs shing skra gnas bdag nyid gcig pu yongs su mya ngan las 'das? bar bya zhes snying rje chen pos de dag la dmigs nas sems can thams cad kyi bsod nams kyi phung po thams cad la rjes su yi rang zhing rjes su yi rang ba dang ldan pa'i bsod nams kyi phung po de yang sems can thams cad la de bzhin du nges par bsngo bar bya'o/ /bdag nyid kyang sems can thams cad bsgral bar dam bcas pa'i phyir lus dang srog gi phyir yang shin tu rnam par dag ba'i tshul khrims nyams par mi 'gyur zhing mos pa phun sum tshogs pas sangs rgyas dang chos dang/ dge 'dun la mngon par rab tu dang ba dang/ byang chub 'dod pas/ byang chub tu sems skyed nas dkon mchog gsum la mchod pa la brtson pas sems can thams cad rjes su bzung ba'i phyir nor dang/ 'bru dang/ rin po che dang/ rgyal srid la sogs pa yongs su btong bar byed cing sems kyi ryu shes rab yongs su bsgoms par gyur pa yin pa'i phyir stong pa nyid thos pa na sems rab tu dga' ba dang/ sems can bsdu ba la mkhas pa dang/ legs pa rab tu byung ba dang/ legs par bsten par rdzogs pa dang/ dben pa dang/ dben pa la dga' ba dang/ bas ru ltar gnyis su med pa spyod pa dang/ bag yod pas ni gter rnam pa bzhi rnyed par 'gyur te/ de bzhin gshegs pa'i bstan pa rab tu gnas/ rab tu byung ba thob pa dang/ mi phyed pa'i dad pa thob pa dang/ ting nge 'dzin 'thob pa ni gteng? bzhi pa'o/ /de bzhin du thab pa'i gter dang/ spobs pa mdza' yas pa'i gter dang/ dge ba'i chos thams cad
- 95b
la bag yod pa'i gter ro/ /chos dang chos kyi rjes su nan tan byed la rab dga' bas/ /'gro la phan gdags phyir ni rab zhugs dang/ /rdzogs byang chub dang sems can gyi ma yi rang zhing/ /bde gshegs nyid kyi rgyu de dag la yi rang ngo/ /rjes su yi rang ba'i le'u ste nyi shu rtsa drug pa'i 'grel pa rdzogs so// //bag yod pa'i spyod pa ni byang chub sems dpa' i spyod pa'o zhes rab tu bstan pa'i phyir/ gzhon nu de lta bas na bag yod par bya'o/ /zhes gzhon nu khyod kyi de ltar bslab par bya'o/ /zhes bya ba la sogs pa la/ de ci'i phyir zhe na zhes bya ba ni ting nge 'dzin nges par bsgrub par bya ba bzhag nas bag yod pa la nan tan du bya ba gang gi phyir bstan zhe na/ gzhon nu bag yod pa'i byang chub sems dpa' la bla na med pa yang dag par rdzogs pa'i byang chub kyang rnyed par mi dka' na ting nge 'dzin lta smos kyang ci dgos te/ shin tu rnyed par dka' ba ma yin no zhes bya ba'i don to/ /ji ltar na bag yod pa yin zhes dris pa dang/ rgyu gsungs pa/ tshul khrims yongs su dge? pa yin zhes bya ba la/ bag med pa ni tshul khrims yongs su dag par mi 'gyur bas ji ltar na tshul khrims yongs su dag pa yin zhes bya bas tshul khrims yongs su dag pa'i rim pa dris pa'o/ /thams cad mkhyen pa'i sems dang ma bral bas pha rol tu phyin pa drug la rtag tu mnyam par bzhag pa ni bag yod pa zhes bya'o// sangs rgyas kyi byang chub ni sbyin pa'i gter las yin no zhes bya bar dang phar sbyin pa'i phan yon gsungs pa/ gzhon nu byang chub sems dpa' sbyin pa la mos pa'i phan yon ni bcu ste zhes bya ba la/ bcu gang zhes? zhes the tshom bsal ba'i phyir dris pa dang/ bcom ldan 'das kyis bka' stsal pa/ de'i ser sna'i nyon mongs pa tshar bcad pa yin de'i sems rtag tu gtong ba'i rjes su spal ba yin/ rgyal po dang me dang/ chos rkun la sogs pas dang thun mong gis longs spyod las snying po len pa yin/ sbyin pas longs spyod de
- 96a
pa'i rigs su skye ba yin/ longs spyod chen po 'grub pa 'phags pa'i phyir ro/ /des na 'di la skyes ma thag tu gtong ba'i sems mngon du 'gyur pa yin te/ sngon goms pa'i phyir ro/ /gtong ba po dang/ sbyin bdag yin no zhes sems can thams cad la phangs shing sdug pa yin no/ /'jigs pa med pa nyid zhum pa mang pa ste/ 'khor gyi nang du 'gro ba na sbyin pa'i bdag nyid che ba'i stobs kyis thams cad zil gyis mnan pa'o/ /phyogs dang phyogs mtshams su de'i tshigs su bcang pa'i sgra rgya cher brjod pa'i grags pa mngon par 'byung ste/ phyogs thams cad nas 'ongs pa'i sems can thams cad la thun mong du sbyin pas rab tu bsgos pa'i phyir ro/ /rkang lag 'jam zhing gzhon sha can yin te/ /sbyin pa'i rgyu mthun pas skyes bu chen po'i mtshan gyis spras pa'i lag pa dang/ rkang pa dang ldan pa'i phyir ro/ /rkang mthil mnyam zhing rab tu gnas pa yin te/ sbyin pa la yid dam bcas pa brtan pa'i phyir ro/ /dge ba'i bshes gnyen dang ma 'bral ba ni sangs rgyas dang byang chub sems dpa' thams cad dang/ byang chub kyi snying po la mchis kyi bar du mi 'bral ba'i legs pa ni 'di bcu'o zhes bya ba ni 'das pa rnams so/ /don de dag nyid tshigs su bcad pa bstan pa ni don lhag pa med pas ma bshad do/ /sbyin pa rnam pa bzhi la 'di bstan pa/ /ma lus bsdus par gyur pa'i ngo bo gcig/ sbyin pa rnams kyi gtso bor 'di mthong gi/ gzhan don zhugs pa rnams la kun kyang gtso/ /sbyin pa'i phan yon bstan pa'i le'u ste nyi shu rtsa bdun pa'i 'grel pa rdzogs so// //sbyin pa'i rjes su tshul khrims bstan par bzhed nas/ gzhon nu tshul khrims yongs su dag pa'i phan yon ni bcu ste zhes bya ba la sogs pa la/ ye shes kyi rjes su bskor
- 96b
zhing zhes bya ba la ye shes la tshul khrims la sogs pas yongs su 'phel ba byed pa zhes bya'o/ /yongs su rdzogs par byed pa ni/ /dkar po'i chos rnams kyis so/ /sangs rgyas rnams kyi rjes su slob pa ni de bzhin gshegs pa'i bslab pa dang rjes su mthun pa rnams 'phel bar byed pa'i phyir ro/ /mkhas pa rnams kyis ma smang pa ni smad pa'i las mi byed pa'o/ /dam bcas pa las mi g.yo ba ni/ byang chub kyi sems mi btong ba dang/ tshul khrims ma nyams pa'o/ /nan tan la gnas pa ni thams cad nan tan gyis sgrub pa'o/ /'khor ba las 'byol ba ni 'khor ba la mngon par mi zhen pa tsam gyis/ sems can gyi don la rgyab kyi phyogs pa ni ma yin no/ /mya ngan las 'das pa thob par byed pa ni mya ngan las 'das pa'i mthar thug pa'i sems dang ldan pa'o/ /kun nas ldang pa med par gnas pa ni nyon mong pa'i kun nas ldang ba med pa'o/ /ting nge 'dzin rab tu 'thob pa ni rnam par g.yeng ba med pa'i tshul khrims kyis ting nge 'dzin mngon sum du byed pa'i phyir ro/ /dbul pho ma yin par 'gyur ba ni mchog shes pa ni nor gyi dbang phyug go zhes bya bas tshul khrims gyi nor bsags pas tshul khrims kyi phung po rab tu gnas pa'i phan yon ni bcu po 'di dag go /tshigs su bcad pa rnams ni don lhags pa med bsam bshad do/ /sangs rgyas yon tan ma lus tshul khrims rgyus byung bas/ /nges par sangs rgyas nyid ni thob 'gyur ba/ /tshul khrims mchog ces sangs rgyas yang dag gsung/ /brtson 'grus brtsams la rtag tu legs par bsrungs/ /tshul khrims nges par bstan pa'i le'u ste nyi shu rtsa brgyad pa'i 'grel pa rdzogs so// //tshul khrims kyi rjes su bzod pa'i phan yon bstan pa'i phyir/ gzhon nu zhes bya ba la sogs pa gsungs te/ mes me 'tshig /mtshon gyis mi 'chi/ dug
- 97a
gis mi tshugs chus mi 'chi/ nyam nga ba ma spangs par 'chi ba'i dus byed par mi 'gyur ro/ /lha rnams de la srung bar byed de/ bzod pa dang ldan pa de la rtag tu bsrung ba'o/ /lus mtshan dang dpe byad kyis brgyan pa thob par 'gyur te// mtshan rdzogs par byed pa'i rgyu yin pa'i phyir ro/ /de'i ngan 'gro'i sgo thams cad bcad par 'gyur te/ bzod thob ngan song ltung mi 'gyur zhes bya ba'i tshig gis so/ /de tshangs pa'i 'jig rten du skye ba rnyed par dka' bar mi 'gyur te/ bzod pa ni tshangs pa'i gnas pa'i ngo bo yin pa'i phyir ro/ /de bde bar nyin mtshan 'da' bar 'gyur te/ sdug bsngal dang phrad pas byas pa'i gnod pa thams cad bzod pa'i phyir ro/ /de'i lus la dga' ba dang bde ba mi 'dor bar 'gyur te/ bzod pa ni bde ba'i ngo bo yin pa'i phyir ro/ /bcu po 'di dag ni bzod pa la rab tu gnas pa'i phan yon yin no/ /tshigs su bcad pa rnams kyi don ni snga ma bzhin no/ /rdzogs sangs rkang gnyis mchog gyur pas/ /bzod pa rnam pa gsum gsungs pas/ /stong nyid chos la bzod pa las/ /gzhan dag bzod par mi 'gyur ro/ /tshul khrims kyi le'u nas brtsams nas le'u'i grangs med de mthar phan yon bcu ste zhes bya ba'i bar du'o/ /brtson 'grus kyi phan yon bstan pa'i phyir gsungs pa/ gzhon nu phan yon ni 'di bcu ste zhes bya ba la sogs pa ste/ bsnyen par dka' bar 'gyur ba ni brtson 'grus kyi stobs kyis yon tan thaMs cad shin tu mthar thug par 'gro ba nyid kyi zil gyis mnan par sla ba ma yin pa'i phyir ro/ /sangs rgyas kyis yongs su bzung ba thob pa ni sangs rgyas rnams kyis dgongs pa'o/ /lhas yongs su bzung bar 'gyur pa ni sgrib pa las srung zhing steng? bar byed pa'o/ /nges thos? pa'i chos yongs su mi nyams pa ni de rtag tu 'don par byed pa'i phyir ro/ /sngon ma thos pa'i chos rnams thos pa ni brtson 'grus kyis sngon
- 97b
mthos pa'i chos thos pa'o/ /ting nge 'dzin gyi rigs 'thob pa ni chos bzhan dag kyang thams cad ting nge 'dzin gyi rigs 'thob pa ste/ mngon du phyogs par 'gyur ba'o/ /nad nyung bar 'gyur ba ni nad kyi gnyen po'i chos bsten pa'i phyir ro/ /de'i zas rnams kyang bde bar 'ju bar 'gyur ba ni khams mi bde ba med pa'i rgyu chos la bsten pa'i phyir ro/ /pad+ma lta bur 'gyur zhing mda' ste kam lta bur mi 'gyur ba zhes bya ba ni rim gyis dkar po'i chos rnams 'phel bar 'gyur zhing 'khor ba'i nyes pa'i 'dam gyis ma gos pa yin gyi lcags mda' ste/ ba ltar rim gyis zas pa dang/ sdug bsngal skyed pa ni ma yin no/ /'di dag ni brtson 'grus brtsams pa'i phan yon zhes bya'o/ /don de dag nyid bde bar gtogs par bya ba'i phyir yang tshigs su bcad pas gsungs pa/ bsnyen dka' bar yang rtag tu 'gyur zhes bya ba la sogs pa ste/ snga ma bzhin no/ /de bzhin gshegs pa rnams kyis bskal pa dpag tu med par brtson 'grus brtsams pas bla na med pa yang dag par rdzogs pa'i byang chub bo zhes brtson 'grus brtsams la rnal 'byor la brtson par bya'o/ /bdag gzhan don ldan byang chub sems mchog gis/ /brtson 'grus kyis ni bzang po kun 'thob cing/ /'jig rten 'das pa'i sangs rgyas yon tan kun/ /brtson 'grus brtsams pa'i spyor bas yang dag 'grub/ /da ni bsam gtan gyi phan yon rab tu bstan pa'i phyir/ gzhon nu bsam gtan la mos pa'i phan yon ni bcu ste zhes bya ba la sogs pa gsungs te/ spyod pa la gnas pa ni byang chub sems dpa' i spyod pa las kun tu mi 'dod? pa'o/ /spyod yul la spyod pa ni sa dang pha rol tu phyin pa la sogs pa la spyod pa nyid do/ /yongs su gdung ba nye par gnas pa ni nyon mongs pa'i yongs su gdung ba nye bar zhi bas bsam gtan gyi bde ba la gnas pa nyid do/ /dbang po spas par 'gyur ba ni rtag tu mnyam par bzhag
- 98a
pas spas pa ste dbang po rnams yul las log par 'gyur ba'o/ /dga' ba myong ba ni bsam gtan las skyes pa yin gyi/ yul dang yul can las ni ma yin no/ /'dod pa las dben pa ni 'dod pa'i sred pa dang bral ba nyid do/ /bsam gtan gyi tshim pa med pa ni bsam gtan gyi bde bas ngoms pa med pa'o/ /bdud kyi yul las thar pa mi rnam par rtog pa'i rnam par g.yeng ba'i bdud kyis mi g.yos pa nyid do/ /sangs rgyas kyi yul la rab tu gnas pa ni snying rje chen po dang byang chub kyi sems kyis yongs su bzung ba'i bsam gtan sgom pa nyid do/ /rnam par grol ba rab tu smin par byed pa ni rnam par grol ba'i ye shes mthong pa yongs su gso ba'o/ /bcu po 'di dag ni byang chub sems dpa' bsam gtan la mos pa'i phan yon no/ /tshigs su bcad pa rnams ni don tha dad pa med pas ma bshad do/ /sa 'dir byang chub sems dpa' bsam gtan mngon ldan pa/ /dus rnams kun tu dga' ba mchog ni nyams su myong/ /dpag med yon tan yang dag ldan pa yis/ /rnam sang sangs rgyas sa 'dir myur du 'gyur/ /shes rab la rnam par gnas pa'i phan yon bstan par bzhed nas/ gzhon nu shes rab spyod pa'i phan yon ni bcu ste zhes bya ba la sogs pa gsungs te/ bdog pa thams cad yongs su gtong ba ni phyi dang nang gi bdag nyid can gyi dngos po yongs su gtong ba'o/ /sbyin pas dag par rlom sems mi byed pa ni shes rab dang bral ba'i sbyin pa'i 'bras bu ni longs spyod tsam nyid kyi phyir ro/ /tshul khrims ma ral ba ni yongs su rdzogS par byed pa'i phyir ro/ /tshul khrims la mi gnas pa ni chos thams cad gnas med par nyams su myong ba nyid do/ /bzod pa'i stabs la gnas pa ni chos zab mo la bzod pa ni sems can gyi 'du shes dang bral bas sems can gyi 'du shes la mi
- 98b
gnas pa yin no/ /brtson 'grus brtsams pa ni lus dang ngag dang yid kyi brtson 'grus yid la byed pa mi dmigs pa la legs par gnas pa'o/ /bsam gtan la bsam gtan du byed pa ni thams cad la mi gnas pa'i rnal 'byor pa'o/ /bdud rnams kyis thub par dka' ba ni bdud kyi dkyil 'khor thams cad rnam par 'jig pa'i shes rab kyi rnam par 'byed pa nyid do/ /pha rol rgol ba thams cad kyis rab tu mi bsgul ba ni 'jig rten las 'das pa'i shes rab kyis pha rol rgol ba thams cad mi dmigs par byas nas legs par gnas pa nyid do/ /snang ba thob par 'gyur zhes bya ba ni 'du byed 'jug pa thams cad mi shes pa'i mun pa rnam par sel ba'i shes rab kyi snang bshar ba nyid kyis sems can thams cad la snying rje chen pos yongs su bzung ba'i shas rab thams cad du 'jug gi /nyan thos dang rang sangs rgyas kyi sa la 'dod par mi 'gyur bas dman pa la mos pa'i sems mi bskyed pa'o/ /sangs rgyas kyi bsam gtan dang/ ting nge 'dzin dang/ snyoms par 'jug pa la rab tu 'jug pa ni de la mngon par mos pas rab tu 'jug pa'o/ /tshigs su bcad pa'i don ni tha dad med pas ma bgrol lo/ /byang chub sems dpa' bag yod legs pa'i blo gros shes rab snang bas gsal/ /ye shes snang ba las 'phros snying rjes sems can kun gyis gnyen/ /dngos dang dngos med 'byung dang 'gag pa ma lus 'khrul pa tsam/ /rtogs nas bde bar gshegs pa'i sangs rgyas 'gyur/ /da ni mang du thos pa'i phan yon bstan par bya ba'i phyir/ gzhon nu phan yon ni 'di bcu ste zhes bya ba la sogs pa la/ gang zhe na zhes bya ba ni thams cad du nye bar bstan pa'i tshig yin par shes par bya'o/ /kun nas nyon mongs pa dang/ rnam par byang ba'i phyogs shes par byas nas kun nas nyon mongs pa'i phyogs spong ba ste/ mi dge ba'i las kyi lam bcu ni kun nas
- 99a
nyon mongs pa'i phyogs yin no zhes shes nas spong bar byed pa'o/ /the tshom rnam par 'byed pa zhes bya ba ni sems can rnams la rnams par phye nas bstan pas nges pa bskyed nas the tshom sel bar byed pa'o/ /lta ba dang por byed pa zhes bya ba ni lta ba ngan pa dbang phyug la sogs pa rgyur lta ba dang/ mi mnyam pa'i rgyu gtso bo la sogs pa'i lta ba las bzlog nas yang dag pa'i lta ba la rab tu 'jog pa ste/ de lta bu'i tshul gyis lta ba drang por byed do/ /lam log pa spong ba zhes bya ba ni gti mug las skyes pa'i mchod sbyin la srog gcod pa la sogs pa spong du 'jug cing bdag nyid kyang mu stegs la sogs pa'i lam las ldog par 'gyur ba'o/ /lam la rab tu gnas pa ni sangs rgyas nyid thob par byed pa'i chos la nan tan byed pa'i sangs rgyas nyid kyi lam mo/ /sems can thams cad la snang bar gyur pa ni rmongs pa'i mun pa nye bar sel bar nus pa'i bstan bcos thams cad thos pas gsal bar gyur pa'o/ /ngan 'gro thams cad kyis mi 'jigs pa ni ngan 'gror 'gro bar byed pa'i las mi byed pa'i phyir ro/ /bcu po 'di dag ni byang chub sems dpa' mang du thos pa'i phan yon yin no/ /ma lus don rnams mdzad pa thub pa'i dbang po bzhin/ /mang du thos shing chos rnams rnam 'byed la mkhas shing// ma lus bstan bcos don rnams 'byed par bzod pa yis/ /shin tu dri ma med pa sems can don du byas/ /chos kyi sbyin pa'i phan yon ni gzhon nu chos sbyin pa'i phan yon ni 'di bcu ste zhes bya ba la sogs pa gsungs pa dang/ bya ba ma yin pa spong ba ni bya ba ma yin pa'i gnyen po'i phyogs kyi chos ston pa'i phyir ro/ /bya ba la 'jug pa ni yang dag pa'i lam rab tu ston pa'i phyir ro/ /skyes bu dam pa'i chos la 'god pa ni bdag nyid kyang de lta bur gnas pa'o/ /sangs rgyas kyi zhing yongs su
- 99b
spyod pa ni sems rnam par dag pas sangs rgyas kyi zhing yongs su dag par 'gyur zhes bya'o/ /byang chub kyi snying po thob par byed pa ni chos kyi sbyin pas chos kyi sku 'thob par 'gyur ro zhes bya ba'i tshig gis byang chub kyi snying po ni byang chub dam pa ste/ choS kyi sku'o/ /thob par byed pa ni sgrub par byed pa'o/ /dngos po yongs su btong ba ni chos thams cad dngos po med par rtogs pas dngos por mngon par zhen pa yongs su 'dor ba'o/ /gzhan du na skye ba med pa la btang ba yang med pa'i phyir zhes bya ba'o/ / nyon mongs pa tshar gcod pa'i nyon mongs pa rnams nus pa thams cad dang bral bar byed pas tshar gcod par byed kyi bcing pa dang dgag pas ni ma yin no/ /sems can thams cad la skal pa'i shas sbyin pa zhes bya ba ni dge ba'i rtsa ba rnams ma gong par sems can thams cad dang thun mong du byas nas lhag pa'i bsam pas sems can thams cad la bsngo ba'o/ /de la dmigs pa'i byams pa sgom pa ni sems can thams cad nges par gzung pa'i phyir sems can la dmigs pa dang/ chos la dmigs pa dang/ dmigs pa med pa'i snying rje chen po sgom par byed cing mthong ba'i chos la ni bde ba thob par 'gyur la/ chos sbyin pa dang dus mnyam pa nyid du ni dga' pa dang rab tu dga' ba thob par 'gyur ro/ /zhes bya ba bcu po 'di ni chos kyi sbyin pa'i phan yon no/ /tshigs su bcad pa'i don ni snga ma bzhin no/ /bde ba dpag med 'byung ba'i rgyur gyur pa/ /dam chos sbyin pa sangs rgyas kyis rab bsngags/ /chos kyi sbyin pa las lhag gzhan med pas/ /de phyir chos kyi sbyin pa rab tu sbyin par bya/ /byang chub sems dpa' stong pa nyid la gzhan pa'i phan yon bstan pa'i phyir ro/ /gzhon nu stong pa nyid la gnas pa'i phan yon ni 'di bcu'o zhes bya ba la sogs pa la/ sangs rgyas kyi gnas pa la gnas pa ni stong pa nyid la gnas pa nyid do/ /sangs rgyas kyi
- 100a
gnas pa'o zhes byas nas so/ /mi gnas par bsam gtan byed pa ni gnas la dmigs pa med pa nyid do/ /skye ba la mi smon pa ni chos thams cad stong pa'i phyir khams gsum du skye ba dmigs su med pa nyid do/ /tshul khrims la mchog tu mi 'dzam pa ni bdag ni tshul khrims dang ldan pa'o/ /tshul khrims ni 'di'i don du tshul khrims bsrung ngo zhes gsum la mchog tu lta ba'i rnam par rtog pa dang bral ba nyid do/ /'phags pa la mi skur ba ni 'phags pa nyan thos dang/ rang sangs rgyas kyi rtogs pa la nam mtan? byed pa yang mngon par mi nyams par mthong bas stong pa nyid la gnas na yang/ ci yang med do zhes skur pa mi 'debs pa'o/ /mi 'gal bar gnas pa ni thams cad du 'gal ba ma dmigs pa nyid do/ /dngos po mi dmigS pa ni phyi dang nang dang bdag nyid can gyi dngos po rnams rang gi ngo bor yongs su ma grub pa nyid do/ /'du byed thams cad stong pa'o zhes nges par rtogs pa'i phyir ro/ /dben par gyur pa ni nyon mongs pa thams cad kyi dben pa'i stong pa nyid kyi ting nge 'dzin gyis gnas pa'i phyir ro/ /sangs rgyas la bskur pa mi 'debs pa ni bcom ldan 'das kyis chos thams cad stong pa nyid du bstan pa ni dmigs pa med pa'i lta ba yin gyi gang gzhan dag tu gang zag la sogs pa bstan pa ni dgongs pa can ma yin gyi? bden pa nyid yin no zhes ston par byed na de de bzhin gshegs pa la skur pa 'debs pa yin no/ /dam pa'i chos 'dzin pa ni klog pa dang kha ton la sogs pas lung gi chos 'dzin par byed do/ /rtogs pa'i chos ni mngon sum du byed pas 'dzin pa'i phyir stong pa nyid sgom pa kho na dag pa'i chos 'dzin pa yin no zhes bya ba ni stong pa nyid la gnas pa'i phan yon yin no/ /ma lus stong par rnal 'byor pas shes kyang/ /las rnams thams cad rjes su mthun par byed/ /dpa' bo khams gsum dag na mi 'jigs pas
- 100b
'dir? ni byang chub rang bzhin sangs rgyas 'gyur/ /da ni nad du yang dag 'jog gi phan yon bstan par 'dod nas/ /gzhon nu nang du yang dag 'jog gi phan yon ni 'di bcu ste zhes bya ba la sogs pa gsungs te/ sems rnyog pa med pa ni sems nyon mongs pa'i 'dam gyis ma gos pa nyid do/ /bag yod par gnas pa ni rtag tu mnyam par bzhag pa'i phyir bag med pa'i gnas spangs pa nyid do/ /sangs rgyas rjes su dran pa ni nang du yang dag par 'jog gis/ sangs rgyas kyi yul mngon par dran pa nyid do/ /chos la dad pa nyid ni lung dang rtogs pa'i mtshan nyid can dag la thams cad du bslu ba med pa nyid du dad pa'o/ /ye shes la nem nur med pa ni rnam pa thams cad mkhyen pa'i ye shes yod dam med dam bdag gi 'thob bam mi 'thob ces the tshom za ba med ba nyid do/ /sangs rgyas la byas pa gzo ba ni de bzhin gshegs pas bstan pa'i chos rnams thos pa dang bsams pa dang bsgoms pa'i stobs kyi yon tan 'di dag 'byung ngo zhes shes nas de bzhin gshegs pa la blta pa dang/ phyag bya ba dang/ mchod pa la sogs pa la rtag tu 'jug pa nyid do/ /chos mi spong ba ni chos bstan pa thos nas sangs rgyas mthong ba yin no/ /de'i phyir chos spang bar mi bya'o/ /de spangs pas dkon mchog gsum spangs pa yin pas de la ngan 'gro'i 'gro ba las 'gro ba gzhan yod pa ma yin no zhes shes nas spong bar mi byed ba'o/ /shin tu bsdams par gnas pa ni lus dang ngag dang yid kyi sdom pa blangs pa ma nyams pa nyid do/ /dul ba'i sa rjes su thob pa ni sangs rgyas kyi sa dang rjes su mthun pa'i nang du yang dag 'jog la brtan par 'gyur ba'o/ /so so yang dag par rig pa bzhi mngon sum du byed pa ni ji skad gsungs pa'i ting nge 'dzin gyi sgoms pa nyid kyis mngon sum du byed pa zhes bya ba ste/ byang chub sems dpa' nang du yang dag 'jog la mngon par sbyor ba'i
- 101a
phan yon ni bcu po 'di dag go /tshigs su bcad pa'i don ni snga ma bzhi no/ /bde bar gshegs pa'i sras kyi so so rang rig pa/ /rgyal ba kun gyi rab tu bsngags pa'i bsam gtan gyis/ /rtag tu de nyid la ni thim par gyur de 'di des na de la nang du yang dag 'jog ces bya/ /dgon pa na gnas pa'i phan yon bstan pa'i phyir/ /gzhon nu bcu po 'di dag ni zhes bya ba la sogs pa gsungs te/ /bya ba nyung bar gnas pa ni khyim gyi bya ba mang po spangs pa'i phyir ro/ /'du 'dzi ring du spong ba ni mang po tshogs nas bre mo'i gtam byed pa dben pa'i mi mthun pa'i phyogs su byas nas spong pa'o/ /de la brtsod pa med par 'gyur ba ni nags na rtsong pa'i zla med pa'i phyir ro/ /gnod pa med bar gnas pa ni gang la yang mi bzod pa'i sems kyis gnod pa'i sems ma skyes pas gzhan du yang gnod pa'i bsam pa skyed par mi bya ba'o/ /yang na nad thams cad dang bral ba'i phyir nang kyis rjes su gnod pa med par 'gyur ba'o/ /zag pa 'phel bar mi byed pa ni 'dod chags dang/ zhe sdang dang/ gti mug gi rgyu las byung ba'i las dang nyon mongs pa'i rgyu mi byed pa'o/ /rtsod pa'i bzhir mi byed pa ni ltung ba'i rgyu las byung ba'i rtsod pa zhes bya ba ni dgon pa de na 'dul ba 'dzin pa dang/ ma mo 'dzin pa med pa'i phyir med pa'o/ /shin tu zhi bar spyod pa ni lus dang ngag dang/ yid kyis gnas ngan len nye bar zhi ba'i phyir dgon pa na nye bar zhi bar spyod pa'o/ /shin tu bsdams par gnas pa ni sdom pa gsum gyi khongs su gtogs pa'i bsdoms pa thams cad kyis bsdams pa nyid kyi phyir ro/ /thar pa dang mthun pa'i sems kyi rgyud du 'gyur ba ni dus thams cad du mya ngan las 'das pa la zhen pa'i sems kyis gnas pa nyid do/ /rnam par grol ba mngon sum du byed pa ni rnam par grol ba mngon sum du bya ba la zhugs pa'i phyir ro zhes bya'o/ /tshigs su bcad pa'i don ni snga ma bzhin no
- 101b
stong nyid dgon pa'i dbus gnas pa'i/ /rnal 'byor mchog gzhol rnal 'byor pa/ /rga shi med pa'i sangs rgyas nyid/ /rtag pa'i gnas ni thob par 'gyur/ /bsod snyoms par dam bcas pa'i sbyangs pa'i yon tan gyi phan yon bstan pa'i phyir gzhon nu phan yon 'di bcu ste zhes bya ba la sogs pa la/ de shes kyi khe 'dod pa ma yin pa ni gnyen bshes la chags pa dang bral ba nyid do/ /snyan pa 'dod pa ma yin pa ni grags pa'i ched du bsod snyoms par yi dam du len cing sbyangs pa'i yon tan len pa ma yin pa'o// rnyed pa dang bkur sti 'dod pa ma yin pa ni gzhan gyi khyim spangs nas bsod snyoms kyis chog shes pa'o/ /'phags pa'i rigs bzhi la gnas pa ni bden pa bzhi bsgom pa dang ldan pa nyid do/ /tshul 'chos la dang kha gsags med par 'gyur ba ni rnyed? pa'i don du dbang po yang dag par bsdams pa dang/ tshig snyan pa brjod pa dang bral ba'o/ /bdag la mi bstod pa ni bdag ni bsod snyoms tsam gyi chog pa tshul khrims dang ldan pa gzhan ni de lta ma yin no/ /zhes zer ba med pa'o/ /gzhan la mi smos pa ni gzhan gyi skyon mi smra ba'o/ /rjes su chags pa dang/ khong khrom? spangs pas gzhan gyi khyim du spyod pa ni rung ba dang gya nom pa'i bsod snyoms ster? ba'i khyim gyi rnam par rtogs pa spangs nas mnyam ba nyid du rjes su 'jug pa'o/ /zang zing med par chos kyi sbyin pa sbyin par byed pa ni nor la zhen ba med? pa nyid do/ /sbyangs pa'i yon tan yo byad bsnyungs pa la gnas shing chos bstan pa gzung bar 'gyur ba yin zhes bya ba ni 'jig rten pa rnams mgu ba'i tshul khrims la rab tu gnas pa'i phyir ro zhes bya ba phan yon ni bcu po 'di'o/ /tshigs su bcad pa'i don ni snga ma bzhin no/ /gzhon nu de lta bu'i sbyangs pa'i yon tan la gnas pa'i bshad ma thag pa'i bgon? ? gnas ba ni sangs rgyas kyi gter rnyed par 'gyur/ /chos kyi gter rnyad ba
- 102a
'gyur/ /ye shes kyi gter rnyed par 'gyur/ /dus gsum gyis shes pa'i gter rnyed par 'gyur ro/ /ji ltar sangs rgyas kyi gter rnyed par 'gyur zhes na zhes don des par dris pa dang/ bcom ldan 'das kyis bka' stsal pa dben pa la spyod cing dgon pa la gnas nas mngon par shes pa lnga 'thob ste/ lha'i mig dang/ lha'i rna ba dang/ pha rol gyi sems shes pa dang/ sngon gyi gnas rjes su dran pa dang/ rdzu 'phrul gyi yul te de mi'i las 'das pa lha'i mig rnam par dag pas phyogs bcu rnams su sangs rgyas bcom ldan 'das grangs med dpag tu med pa rnams mthong ngo/ /de sangs rgyas mthong ba dang mi 'bral bar 'gyur te/ de ltar na sangs rgyas rnams kyi gter rnyed pa yin no/ /sangs rgyas bcom ldan 'das de dag phyogs bcu na chos gang ci ston pa de yang lha'i rna bas thos te/ de'i phyir de chos nyan pa dang mi 'bral bar 'gyur te/ de ltar na chos gyi gter rnyed pa yin no/ /byang chub sems dpa' ye shes gang dang ldan pas chos thams cad 'dzin te/ kun bzung nas mi rjed cing bsam pa dang/ bag la nyal shes nas sems can rnams la chos ston te/ de ltar na ye shes kyi gter rnyed pa yin no/ /de mngon par shes pas 'das pa dang/ ma 'ongs pa dang/ da ltar byung ba'i sems can thams cad kyi sems dang spyod pa shes pa la 'jug ste/ de ltar na sngon gyi mdza' dang/ phyi ma'i mdza' dang/ da ltar byung ba shes pa'i gter rnyed pa yin no/ /mdor bsdus nas sangs rgyas kyi chos rnams kyang rab tu 'thob par 'gyur ro/ /dam pa'i chos kyi yon tan ma lus pa/ /tshig gis brjod pa mi nus bsam par dka' / /gus pas zhugs par gyur kyang brjod mi nus/ /gzhan gyi don du zhugs pas mi legs min/ /phan yon bcu pa'i le'u ste nyi
- 102b
shu rtsa dgu pa'i 'grel ba rdzogs so// //da ni rab tu byung ba ni legs par rtogs pa'i rjes su mthun pa'i yin no/ /zhes rab tu bstan pa'i phyir gzi brjid kyi tshogs kyi rgyal po'i le'u/ de nas yang bcom ldan 'das kyis zhes bya ba la sogs pa gsungs te/ gzhon nu de lta bas na lha'i 'khor los sgyur ba'i rgyal srid kyi bde ba yang spangs te rab tu 'byung ngo zhes khyod kyi de ltar bslab par bya'o/ /zhes bya ba nas gzhon nu bdag nyid yongs su gtong bas kyang sems can de dag gi don bya'o/ /zhes bya ba'i bar gyi gzhung gi don ni bshad zin to/ /de nas bcom ldan 'das kyis sngon byung ba'i le'u 'di tshigs su bcad pa'i dbyangs kyis yang dag par rab tu bstan te zhes bya bar 'brel to/ /'das pa'i bskal pa brgya mar rab dran te zhes bya pa la sogs pas ni sngon byung ba'i gtam gsungs te/ 'das pa'i bskal pa brgya phrag mang po ngas dran te/ dus de'i tshe de bzhin gshegs pa gzi brjid tshogs kyis rgyal po zhes bya ba de'i bstan pa la mngon par shes pa drug dang ldan pa'i dge slong bye ba phrag bcu byung ste/ so so yang dag par rig pa thob pa/ sbyangs pa'i yon tan gyis yang dag par brgyan pa/ sems zhi ba'i dge 'dun byung ba gyur to/ /der grong khyer ni bye ba brgya phrag bdun cu rtsa drug byung ngo/ /grong khyer re re yang dpag tshad? lnga brgya yod pa la me tog dang/ 'bras bu sna tshogs dang ldan pa'i ljon shing mchog gi brgyan cing khyab pa bya sna tshogs skad snyan pa 'byin pas gang ba'i skyed mos 'tshal brgyas brgyan pa na yang rdzing bu dang pad+ma dang/ utpa la dang/ dri zhim dang/ dri zhim ldan pa la sogs pas brgyan pa'i chu yan lag brgyad dang ldan pas yongs su gang ba yid du 'ong ba la bya'i tshogs kyis brgyan pas skyed mos tshal ji snyed yod pa de rnyed dang mnyam pa'o/ /de'i tshe dzam bu'i gling 'dir sa'i bdag po brtan pas byin zhes bya ba bu lnga brgyas
- 103a
brgyan pa yid rab tu dga' ba/ phas kyi rgol ba dang/ mu ge dang/ bdud la sogs pa'i gnod pa dang bral bas dzam bu'i gling dang/ lha'i gnas la khyad par med pa'i rgyal srid kyi bde ba kha na ma tho ba med pa nyams su myong bar gyur te/ yang de'i tshe de bzhin gshegs pa gzi brjid tshogs kyis rgyal po khyad par du ting nge 'dzin gyi rgyal po'i che ba'i bdag nyid kyis yon tan nges par ston cing chos ston to/ /don dam pa'i rang bzhin gsal par bya ba'i phyir dang/ chos thams cad bdag med par rab tu sgrub pa'i phyir/ srid pa'i 'gro ba rmi lam lta bu ste zhes bya ba la sogs pa gsungs te/ 'gro ba drug gi 'khor bar 'byung bas na srid pa'o/ /der skyes pas ni 'gro ba'o/ /de dag? ni rmi lam lta bu ste /ji ltar rmi lam ni 'gro ba sna tshogs su ltung ba'i sems can rnams skye ba dang/ 'gag pa dang/ bde ba dang/ sdug bsngal so so rang rig pa nye bar dmigs na yang rmi lam gyi dngos po grub pa med pas skye ba dang 'chi ba la sogs pa de dag bden par yod pa ma yin no/ /'di la su yang mi skye 'chi ba med ces bya ba ni skye ba yang med de/ mo gsham gyi bu bzhin du skye ba yang med pa'i phyir ro/ /ma skyes pa la 'chi ba yang med pa nyid do/ /sems can ming dang srog kyang mi rnyed de zhes bya ba ni grangs can dag ni sems can zhes bya ba yon tan gsum gyi bdag nyid can gtso bo zhes brjod pa'o/ /de yongs su gyur pa na 'gro ba yin na zhes zer ro/ /mi rnyed ces bya ba'i tshad mas nges par brtags na nye bar dmigs par mi 'gyur ba ste/ yongs su 'gyur ba mi rigs pa nyid do/ /rtag na ni rang gi ngo bo gzhan du 'gyur ba yin pas yongs su 'gyur ba yang ma yin no/ /skad cig ma yin na yang skad cig gnyis par gnas pa'i skabs med pas yongs su 'gyur ba med ces bya'o/ /srog ni
- 103b
phyogs kyi gos can gyis yongs su brtags pa'i bdag ste/ de yang phung po lnga po las gzhan du dmigs par mi 'gyur ro/ /mi ni rig byed pa la sogs pas brtags pa'i skyes bu ste/ sred de yang phung po lnga po las gzhan du dmigs par mi 'gyur ro/ de nyid kyi phyir chos 'di rnams ni dbu ba chu shing 'dra zhes bya ba la/ dbu ba'i gong bu ni snang ba tsam ste nges par brtags na ci yang med pa'o/ /phung po lnga po yang dbu ba'i gong bu bzhin du bdag la sogs pa'i ngo bo med pa nyid do/ /chu shing so sor phye na snying po ci yang med pa de bzhin du phung po dang khams dang skye mched la sogs pa'i snying po yod pa ma yin no/ /de lta bas na sgyu ma lta bu nam mkha' ltar rang bzhin med pa nyams su myong ba rnams ni sprin lta bu/ glog lta bu/ chu'i zla ba lta bu smig rgyu ltar mthong ba nyid na mi dmigs pa'i ngo bo skad cig ma'i ngo bo zhes bya'o/ /dpe 'di dag ni gang zag la bdag med par sgrub pa'i phyir bstan te/ 'ga' zhig la la la grags pa'i dbang du byas nas yin no/ /bdag med pa gnyis ga sres nas bstan par bya ba'i phyir srid pa gsum po rmi lam bzhin du stong/ myur du 'jig cing mi rtag sgyu 'dra nyid ces bya ba la/ rab tu snang zhing gsal yang rmi lam nyid dang 'dra ba'i phyir dang/ skad cig pa nyid dang/ snying po med pa nyid du rab tu rtogs so/ /'dir gang naS kyang ma 'ongs shing/ /'di nas kyang gang yang 'gro ba med pa ni gang gi phyir chos thams cad stong pa nyid dang/ mtshan ma med par gyur pa'o/ /de'i phyir mi dag 'jig rten 'dir yang shi nas ni zhes bya ba la/ mi dag 'jig rten 'di nas shi par gyur ba med par gyur pa'o/ /de'i phyir mi dag 'jig rten 'dir yang shi nas ni zhes bya ba la/ mi dag 'jig rten 'di nas shi par gyur /skad cig ma nyid yin pas kyang skyes pa'i yul de nyid du 'chi bar 'gyur bas 'gro ba med pa nyid do/ /gal te de lta na ma byas ba dang phrang ba dang/
- 104a
byas pa chung zos par 'gyur ro zhes bya ba'i the tshom bzlog pa'i phyir/ las byas rnams ni nam yang med mi 'gyur zhes bya ba la sogs pa gsungs te/ dge ba dang mi dge ba'i las byas pa'i skyes bu gnyid kyis log pa'i tshe mtho ris dang ngan song la sogs ba'i bde ba dang/ sdug bsngal la sogs pa nyams su myong bar gyur ba mthor yang de dag tu song ba'i bya ba med pa dang/ 'dir shi bar thal bar 'gyur ba'i phyir ro/ /de lta na ni bde ba dang sdug bsngal nyams su myong bar yang mi 'gyur te/ 'gro ba med ba'i phyir ro zhe na/ 'jig rten pha rol tu 'gro ba'i skyes bu la sogs pa med kyang las dang 'bras bu rnam par nyams pa med do zhes bya ba yin par/ 'khor ba na yang dkar gnag 'bras bu ster zhes bya bas bstan pa yin no/ /rtag pa ma yin chad par mi 'gyur te zhes bya ba la/ gal te rtag pa yin na ngo bo gcig tu gyur pa las dang 'bras bu'i nyams su myong ba yod par mi 'gyur ro/ /chad par gyur na yang/ thams cad yod ba ma yin pas las dang 'bras bu yod par mi 'gyur ro zhes bya bas kho bo cag gi 'dod pa ltar na ni las dang 'bras bur 'brel ba grub pa yin gyi gzhan dag gis yongs su brtags pa'i skyes bu rtag pa dang/ chad par lta ba'i dan ba'i lam du zhugs pa rnams la ni med do// las bsags med cing gnas pa dag kyang med ces bya ba la/ sngon dang phyi ma phrad ba med bas bsags pa yod par mi 'gyur ro/ /skad cig ma so so yang rang gi ngo bo so sor 'byung ba na de nyid du gnas pa med na ji ltar las dang 'bras bu nyams su myong ba yin zhe na/ de yang byas nas reg par mi 'gyur ba min zhes bya ba la/ gang gis las byas pa des reg par mi 'gyur min te/ nyams su myong bar mi 'gyur ba ma yin no/ /de lta na yang nyams su myong bar 'gyur ro zhes bstan pa'i phyir ro/ /
- 104b
gzhan gyis byas pa myong bar 'gyur ba'ang med ces bya ba la/ gzhan gyis byas pa gzhan gyis myong ba yang ma yin la/ las gzhan zhig byas nas 'bras bu gzhan zhig myong ba yang ma yin te/ srog gcod pa'i las byas nas sbyin pa'i 'bras bu longs spyod nyams su myong na ni so sor nges pa'i las kyis 'bras bu nyams su par thal bar 'gyur ro/ /'pho ba med cing phyir yang 'ong ba med pa ces bya ba ni 'jig rten 'di nas 'jig rten pha rol tu rtag pa'i bdag 'ga' yang 'pho ba yang med de bdag la sogs pa'i med pa'i phyir ro/ 'jig rten pha rol la sogs pa nas 'ga' zhig 'dir 'ong ba yang med de/ 'pho bar smra ba tshad mas gnod pa nyid kyis sun phyung ba'i phyir ro/ /thams cad yod pa'ang ma yin te/ gzhan gyis yongs su brtag pa thams cad ni ri bong gi rwa bzhin du mi bden ba'i phyir ro med pa'ang ma yin te/ sgyu ma dang 'dra ba'i so sor snang ba la 'jig rten gyi tha snyad 'dogs pas med pa yang ma yin no/ /lta ba'i gnas kyang ma yin te/ dngos po'i ngo bor yongs su ma grub pa nyid do/ /ngag ba yang ma yin te/ sngon ma dag pa las phyis dag par 'gyur ba ma yin pa ni sems can cig la dag pa dang/ ma dag pa ni yongs su brtags pa tsam yin zhes bya'o/ /de'i spyad ba 'jug ba tsam yang med de/ thams cad du yod pa ma yin pa'i phyir ro/ /de bzhin du 'jug pa dang 'jug pa med pa zhig pa ni 'jug ba'o/ /gzod nas zhi ba ni 'jug pa'i ngo bo med pa 'am sgrub par byed pa'o/ /skye med zhi ba mtshan ma med pa'i gnas zhes bya ba la/ skye ba med pa ni zhi ba'i go 'phang ngo/ /skye ba ni nyes pa thams cad kyi gnas yin pa nyid dang/ rab tu ma zhi ba nyid do/ /de'i phyir mtshan ma thams cad dang bral ba'i gnas yin no/ /bde gshegs spyod yul zhes bya ba ni gzhan gyi spyod yul ma yin no zhes bstan pa yin no/ /de lta bu'i bar du zhi ba dang/ stong pa nyid nges par rtogs bas sangs rgyas kyi yon tan dri ma med pa bsnyengs pa med ba'i
- 105a
stobs bcu dang/ pha rol tu phyin pa bcu dang/ ye shes bcu la sogs pa'i sangs rgyas kyi yon tan dpag tu med pa rnam par dag pa rnams 'bad pa med par 'byung bar 'gyur ro/ /mngon par shes pas rnam par ? zhing cho 'phrul rnam pa sna tshogs kyi khyad par yang 'bad pa med pa nyid du 'byung bar 'gyur zhes bya'o/ /'gro ba dang 'jug med mkhas pa'i chos kyis 'gros zhes bya ba ni chos kyi dbyings kyi rang bzhin ni gar yang 'gro ba med pas mi 'gro ste zhes bya ba de bzhin nyid la 'gro ba dang/ 'ong ba med pa nyid kyi phyir ro/ /de 'dra'i 'gro ba 'gro med ces bya ba ni chos nyid kyi 'gros ni mkhas pas nan tan gyis rtogs par bya ba ste/ sangs rgyas dang/ byang chub sems dpa' rnams kyis rtogs par bya pa'o/ /de dag nyid brtan par bya ba'i phyir/ chos kyi dbyings ni gar yang mi 'gro ste zhes bya ba la/ chos kyi dbyings dang/ de bzhin nyid dang/ yang dag pa'i mdza' dang/ stong pa nyid dang/ chos nyid ces bya ba ni rnam grangs kyi sgra zhes bya ba'o/ /zhi bar bzhi nye bar zhi ba'i 'gros zhes bya ba ni gzod pa nas zhi ba nyid do/ /rab zhi ni tha ma'i mdza' dang bral ba'i phyir ro/ /nye bar zhi ba ni dbus med pa'i phyir ro/ /rtag tu dngos po'i rang bzhin rjes su song zhes bya ba ni mi g.yo ba yin tu mthong bar dka' ba'i gnas te/ bde bar gshegs pa'i go 'phang ngo/ /de lta bu'i gnas de? ni tshig gis brjod par nus pa ma yin no/ /dbyangs kyis bshad kyang dbyangs kyis 'jug pa med ces bya ba la/ dbyangs kyi sgra'i ngo bos stong ba nyid yin pas gang nas kyang ma 'ongs gar yang mi 'gro/ gang yang gnas pa med pa ste/ ngo bo nyid kyis stong pa'i phyir ro/ /chos nyid kyi 'gros te 'gro ba kho na dbyangs kyis 'gro ba yin no/ /'gros zhes bya ba'i sgras kyang 'gro ba bstan par mi nus te/ sgrub pa po dang bsgrub bya'i rang bzhin med pa'i
- 105b
rang bzhin gcig ba nyid de sngon gyis mdza' dang/ phyi ma'i mdza' dang dbus kyi ngo bo dang bral ba nges par rtogs pa ni chos nyid kyi 'gros yin no zhes bstan pa ni de bzhin gshegs pa thams cad kyi mnyam pa yin no/ /rdul bral rnam par dag pa don dam gnas// sangs rgyas de nyid yod ces mi gsungs la/ de nyid rig pa de nyid med mi smra/ /long bar gyur pa'i mu stegs rtsod par byed ces bya ba la/ rdul bral ni 'dod chags la sogs pa'i rdul dang bral ba'o/ /rnam par dag pa ni dri ma'i bag chags dang bral ba'i phyir ro/ /zhi ba ni rang bzhin gyis stong pa nyid do/ /rtogs dang rlom sems med par rab zhi gnas zhes bya ba ni chos nyid kyis gzugs su zhi ba de la brtags pa yod pa ma yin pas yid kyi rnam par rtogs pas kyang brtag par mi nus pa'o/ /de lta bu'i chos zab mo rgyal? ba ste/ bdud las rgyal bas ston par mdzad pa yin no/ /'di la yi ge spyod pa yang ma yin pas ston pa med na yang bstan pa'i rnam pa'i snang ba yang gdul bya'i rgyud? la snang bar 'gyur ro/ /de bzhin du/ rin chen chos rnams rdul bral don dam stong zhes bya ba la/ sgros pa ma lus pa dang bral ba'i stong pa nyid kyi de kho na nyid ni don dam pa'o/ /zhes sangs rgyas rnams ston par mdzad do/ /rgyal po brtan byin gyis ni de tshe thos zhes bya ba la/ rang gi pho brang na gnas bzhin du chos bstan pa de thos so zhes bya ba la/ thos ba dang ldan pa'o/ /de nas dga' ba? dang/ rab tu dga' ba thos nas 'khor bye ba khrag khrig brgyad cu dang bcom ldan 'das ga la ba der song ste phyin nas bcom ldan 'das kyis zhabs la mgo bos phyag 'tshal nas lag pa thal mo sbyar ba byas te/ bcom ldan 'das kyis? spyan sngar 'dug go/ mi'i bdag po'i bsam pa mkhyen nas chos thams cad kyi rang bzhin mnyam pa nyid kyi ting nge 'dzin dam pa 'di bshad do/ /rang bzhin gyis stong pa 'di thos nas mi'i bdag po de la dga' ba dang mtshungs pa med pa skye bar gyur to/ /'phags
- 106a
pa'i dga' ba ni zang zing med pa'i chos kyi dga' ba'o/ /de dga' ba dang/ rab tu dga' ba skyes pas gling bzhi la dbang ba'i rgyal srid kyi dbang phyug rtsa bzhin du spangs nas sangs rgyas nyid thob par bya ba'i phyir rab tu byung bar gyur gyi 'dod pa'i rgyus ni ma yin no/ /bsam pa mi g.yo byang chub rab nges pas/ /rtag tu stong pa'i chos la rab gnas te/ /sangs rgyas sa yi mthar thug rtogs 'gyur zhes/ /bsam pa dag pas mi dbang rab tu byung/ /dzam bu'i gling pa'i mi de dag thams cad kyang de'i rjes su rab tu byung bar gyur to/ /de tshe stobs bcu'i yon tan rgya tsho ste zhes bya ba la/ gang gi tshe mi'i bdag po dang lhan cig thams cad rab tu byung bar gyur pas de'i tshe bcom ldan 'das dge slong dang dge slong ma'i 'khor gyis bskor bar gyur to/ de lta na chos gos dang bsod snyoms la sogs pa ji ltar 'grub par 'gyur zhes the tshoM? za ba gsal pa'i phyir/ de tshom rmos ma btab rtsi 'khrungs te zhes bya ba la sogs pa la/ ma rmos? shing ma btab pa nyid du rtsi thams cad lha'i bdud rtsi dang 'dra ba bsod nams las byung bar gyur te/ byin len byed pa dang g.yog dang bsten bkur ba yang lha la sogs pa rnams rtag tu nye bar gnas par gyur to/ /chos gos gsum gang lags par kha dog sgyur ba/ legs par drubs ba/ legs par bcags pa? rnams kyi kyang bsod nams las byung zhing grub par gyur to/ /zad pa'i dus na sems can mang po dag ces bya ba la sogs pa la/ phyi ma'i dus na mi mang po dag khengs spyod chung zhing dbul bzhin du khyim la mngon par zhen pa dag rab tu 'byung bar mi nus la/ de dag la rgyal po'i ched pas khro ba dang/ brdeg pa dang/ bsdigs pa dang/ bcing ba dang/ gnod pa rnam pa dpag tu med pa nyams su myong bar 'gyur ro/ /de lta na yang 'khor bas skye bar mi 'gyur zhing bza' ba tsam yang rnyed par mi 'gyur na nor bsag cing? 'byor bar 'gyur ba lta
- 106b
ga la yod/ nor bsags pa'i rgyu bzo'i gnas kyi cha la mkhas pa yang ma yin no/ /'dod chags dang khong khro dang/ 'dod pas zil gyis? mnan par gyur na yang bdag kyang sangs rgyas nyid du 'gyur ro zhes smra bar byed cing mi dge ba bcu'i las kyi lam la rab tu gnas pa'i btsun pa byang chub spyod pa ston zhes smra zhes bya ba ni 'di skad du btsun pa byang chub kyi spyod pa bdag la bstan du gsol/ bdag nyan par 'tshal lo zhes kyang smra bar byed kyang chos thos pa'i rjes su 'jug pa yang ma yin la/ gang las byang chub sems dpa' i spyod pa thos pa de la yang dge ba'i bshes gnyen gyi 'du shes kyang mi skyed do/ /de dag nyid la slar yang khong khro rab tu bskyed nas 'khrul pa 'tshol bar byed cing cig tu skyon smra ba la gnas par 'gyur ro/ /gzhon nu de'i? tshig 'di thos nas ni zhes bya ba la sogs pa la/ nga'i gsung ni thos nas/ de dag dang ni sten par ma byed cig/ byang chub 'dod pa rnams la sbyangs pa'i yon tan gyis bsngags pa brjod par byed kyang bdag nyid nan tan nyams su len pa la rjes su zhugs pa ni ma yin no/ /tshul khrims rnaM par dag pa rgyags pa dang/ nga rgyal dang/ ser sna la sogs pa dang bral ba nan tan snying por byed pa rnams la ni byang chub kyang rnyed par dka' ba ma yin na/ ting nge 'dzin 'di lta smos kyang ci dgos zhes bya ba'o/ /mtshan sum? cu rtsa gnyis dang/ dpe byad bzang ba brgyad cu la sogs pa yon tan gyi sgo nas bcom ldan 'das yid la bya ba'o/ /zhes bya bar/ 'chags cing 'dug dang 'greng zhing nyal ba dang/ /mi gang thub pa zla ba dran byed pa/ /de yi mdun na rtag tu ston pa bzhugs/ /de ni rgya cher mya ngan 'das paS 'gyur/ /zhes bya ba la/ spyod lam bzhi po thams cad du rjes su dran par byed pa ni nges pa kho na sangs rgyas kyi byang chub thob par 'gyur ro/ /zhes gsungs pas de'i phyir phyi dang nang gi bdag nyid can gyi mchod pa'i khyad par gyi mchog tu gus pa dang de bzhin
- 107a
gshegs pa la mchod par bya'o/ /sangs rgyas sku gzugs shin tu mdzes pa dag ces bya ba ni phyi rol gyi sku gzugs la phyag bya ba dang/ blta ba dang/ chod pas bsod nams bsags par bya ba'i phyir 'byor pa ji lta ba bzhin du gser dang/ dngul dang zangs dang/ sa las byas pa yang rung/ mdzes ba/ mtshan gyis legs par brgyan pa/ bzo legs par byas pa mdun du bzhugs su gsol ba la gdugs dang/ rgyal mtshan dang/ ba ngan la sogs pa dang/ zhal zas sna tshogs kyi bshos gtsang gi bye brag gis mchod par bya'o/ /de bzhin du ras dris la sogs par gtogs pa'i ri mo la yang mchod par bya'o/ /sangs rgyas rjes su dran pa bsgom zhing dben par gnas par bya'o/ /zhes bstan pa'i phyir/ rtag tu nags khrod dben pa bsten par gyis zhes bya ba la sogs pa la/ grong dang grong khyer la sogs de? bzhen pa spangs nas nags dang ri'i phug dang/ sman ljongs la sogs par gcig pu gnyis su med par bse ru ltar gnas la/ ting nge 'dzin bsgom pa la mngon par dga' bas rtag tu mnyam par bzhag na ting nge 'dzin mngon sum du 'gyur ro zhes bstan pa'i phyir/ da ni chos rje khyod ni nga yi bu/ /zhes bya ba la/ da ni chos kyi rje yin khyed rnams ni da'i sras chos las skyes pa yin no/ /de lta bas na ting nge 'dzin nges par grub par 'dod pas da'i rjes su bslab par 'dod pa'i phyir zhum pa med pa'i sems kyis 'bad par bya ste/ ji ltar mi'i bdag po bstan pas byin gyis rgyal srid kyi dbang phyug spangs nas rab tu byung ste/ rab tu byang nas kyang ting nge 'dzin bsgom pa la mngon par sbyor bar gyur pa bzhin bya'o/ / zhes bya ba la/ gong ma'i bdag po brtan pas byin zhes bya ba byung ba thos pa de gzhan ma yin te/ nga nyid de'i tshe de'i dus na mi'i bdag po brtan pas byin zhes par gyur to/ /ngas sangs rgyas dpag tu med pa la mchod pa byas so/ /tshul khrims bsrungs so/ /ting nge
- 107b
'dzin mchog 'di rjes su tshol ba'i tshe bu dang/ bu mo dang/ chung ma dang/ rgyal srid kyi longs spyod dang/ lag pa dang/ rkang pa dang/ mig dang yan lag gi mchog la sogs pa yang ting nge 'dzin 'di'i rgyur zhum pa med pa'i sems kyis sbyin par btang ngo/ /'bru dang/ nor dang rin po che dang/ bran pho dang/ bran mo dang/ yongs su spyod pa'i g.yog rnams kyang gsol ba 'debs pa rnams la byin no/ /de bzhin du rgyan gyi bye brag rin po che sna tshogs las byas pa dang/ gos kyi bye brag shin tu phra ba srin bal gyi 'dab ma ltar reg na 'jam zhing bde ba rnams kyang ting nge 'dzin 'di thob par bya ba'i phyir btang ngo/ /nga yis rta dang ba lang shing rta tshogs zhes bya ba la sogs pa la/ nga yis zhes bya ba ni bdag nyid kyis so/ /btang zhes bya ba mi byin no zhes thams cad du blta bar bya'o/ /sems can sdug bsngal gang dag pas mthong ba da dag ngas nor gyis bde bar byas so/ /ngas sngon skyed smos tshal ni mang po dag bya ba la sogs pas ni phyi rol gyi nye bar 'kho ba sbyin par gsungs te/ me tog dang 'bras bu sna tshogs kyis brgyan pa'i skyed mos tshal dga' pa'i tshal dang 'dra ba brgya stong dag kyang sangs rgyas kyi yon tan ma lus pa bsdus pa'i ting nge 'dzin 'di thob bar bya ba'i phyir btang ngo/ /grang dang grong khyer yul 'khor grong? 'dabs dang zhes bya ba la sogs pas ni dbang phyug gi longs spyod bdag gir byas pa'i long spyod gyi dngos po rnams yongs su gtong pa'i sbyin pa gsungs te/ grong dang/ grong khyer dang/ tshong 'dus dang/ yul 'khor dang/ rgyal po'i pho brang nye bar 'kho ba thams cad dang ldan pa 'byor pa yang dag par brgyan pa rnams byin pas da'i tshe dga' ba dang bde ba dper med pa rjes su myong ngo/ /ri rab tshad tsam rin chen sna tshogs rin thang med pa'i sa'i bting na gnas pa dang/ rgyal ba'i yon tan bzhin du bsags pa'i rin chen phung po dpag tu med pa dang/ rab tu grags pa'i nor bu'i cod pan rab tu mdzes pa rnam pa gzhan dag
- 108a
kyang/ sangs rgyas thob phyir 'gro ba ma lus yid 'phrog rab tu grags pa sbyin par sbyin/ /rin chen phung po ri rab mnyam pa yang/ /chos dang ting 'dzin thob phyi rang yis byin/ /rnyed par dka' zhing btang bar dka' ba yang/ /byang chub tshad? du sngon chad nga yi btang/ /shin tu dbul ba ngas ni phyug por byas zhes bya ba la/ dbul po gang dag phongs par gyur pa de dag ni ngas phongs ba med cing longs spyod phun sum tshogs pa'i bde ba dang ldan bar byas so/ /gang gi tshe nga? sa'i bdag por gyur cing longs spyod phun sum tshogs pa dang ldan par gyur pas sdug bsngal ba mgon med pa mthong bar gyur ba ni ci'i phyir 'di ltar sdug bsngal bar gyur ces 'dri bar byed do/ /nor med pas so zhes zer na de dag la snying rje chen po'i sems nye bar gzhag nas de dag la rgyal srid sbyin par byed do/ /gzhon nu nga yis ngo mtshar byas pa dang zhes bya ba la sogs pa la/ gang yang nga yis ting nge 'dzin thob par bya ba'i ched du sdug bsngal nyams su myong ba de dag bskal pa bye ba phrag khrig tu bgrang ba'i sbyor bas bgrang bar nus pa ma yin no zhes bstan to/ /de bzhin gshegs pa'i spyod pa la dang ba ma thob pa rnams kyis mthar thug pa ma rnyed nas thos nas sems myos shing myos par 'gyur ro/ /gzhon nu khyod la shin tu bsgo bar bya zhes bya ba la sogs pa la/ de bzhin gshegs pa thugs rje can no gzhan ma yin pas gsungs pa yin no/ /ngas ting nge 'dzin 'di 'tshol ba na sems can thams cad bla na med pa'i byang chub kyi bde ba la dgod par bya'o/ /zhes bya ba nas ting nge 'dzin 'di tshol ba na sdug bsngal gyi khyad par dpag tu med pa na nyams su myong ngo/ /gang gi tshe ngas ting nge 'dzin 'di thob par gyur pa nang la sgrib pa med pa'i ye shes skyes bar gyur to/ /ye shes nges 'jig rten gyi khams sna tshogs na bzhugs pa'i de bzhin gshegs pa rnams mthong ngo/ /cho? 'phrul gyi mngon par shes
- 108b
pa'i rdzu 'phrul gyi khyad par gyis 'jig rten gyi khams sna tshogs na bzhugs pa'i de bzhin gshegs pa rnams kyi thad du nye bar song nas spyi bos phyag 'tshal te/ gus pa dang bcas pas gsol ba gdab ba sngon du 'gro bas gal te bdag la skabs phye na som? nyi dpag tu med pa ma chis pas the tshom 'ga' zhig zhu'o/ /dran pa rjed pa med pas ji ltar thos pa bzhin du bzung nas de bzhin du sems can rnams la bdag gi bstan par bgyi'o/ /ting nge 'dzin 'di nyid la bdag gis g.yo ba med pa'i blo gros 'di nyid la rab tu gnas par 'gyur ba de ltar rab tu bzhag par bgyio/ /gang gis sngon gyi de bzhin gshegs pa dag ces bya ba la sogs pa la/ gang dag sngon de bzhin gshegs pa ma mthong ba dang/ mthos pa de dag gi ting nge 'dzin 'di ji ltar thob par 'gyur zhes bya ba dang/ de bzhin gshegs pa'i thad nas chos bstan pa ma thos pa bsod nams ma byas pa de dag gis ting nge 'dzin 'di la rab tu dang ba'i sems bskyed pa dang/ dad par bya ba dang/ mnyan pa dang/ mos par bya bar sla ba ma yin no/ /yang gang dag sngon de bzhin gshegs pa rnams kyi thad nas ting nge 'dzin 'di thos pa de dag ni chos zab mo 'di thos pa na mi skrag mi dngang/ dngang par mi 'gyur te/ de 'jigs pa chung ngu dang/ 'bring dang/ chen po med pa'i phyir ro/ /byang chub sems dpa' de ni sras thugs las skyes pa nyid de dag gi don du ngas ting nge 'dzin 'di bya dka' ba brgya stong gis yang dag par bsgrub pa yin no/ /yang gang gi ting nge 'dzin gyi rgyal po 'di lan cig thos pa nga yang ngan song du ltung ba'i 'jigs pa nam yang yod pa ma yin no/ /mi khom pa brgyad spangs pa'i dal ba phun sum tshogs pa 'thob cing thams cad du sangs rgyas mthong zhing bsnyen bkur byed pa dang/ chos thos pa dang mi 'bral ba'i sems kyis sangs rgyas khrag khrig rab tu mang po mthong ba ste/ gang ting nge 'dzin 'di 'dzin pa de baS?
- 109a
mngon sum du sangs rgyas rnams mthong ba'o/ /rgyal ba byams pa gags pa mdza' yas bzhin zhes bya ba la sogs pa la/ ji ltar byang chub sems dpa' 'phags pa byams pa da'i rjes thogs nyid du nges par sangs rgyas nas sems can mang po'i don gyis shig ces lung bstan pa bzhin du blo gros mdza' yas des ni nga lung bstan zhes bya ba la sogs pa la/ gang gi lag tu ting nge 'dzin 'di thob pa de yang de bzhin du rgyal ba nyid du gyur nas sems can ma lus pa'i don byed par 'gyur zhes bya ba'i/ /bran pa dang/ blo gros dang/ rtogs pa dang/ spobs pa dang/ ldan par 'gyur ro/ /mi gang ting nge 'dzin mchog 'di 'dzin pa ni zhes bya ba la/ ting nge 'dzin 'di 'dzin pa de la yon tan 'di dag 'byung bar 'gyur zhing/ yon tan gzhan yang lha dang/ klu dang/ lha ma yin dang/ mi 'am ci dang/ lto 'phye chen po dang/ mi dang mi ma yin pa rnams kyis kyang mchod par 'gyur/ srung bar 'gyur ro/ /dug dang/ me dang/ mtshon dang/ chu la sogs pas nyam nga ba ma spangs bar 'chi ba'i dus byed par mi 'gyur ro/ /nags khrod dang/ ri dang sman ljongs dang/ brag bug dag tu gcig tu gnyis su med par 'dug na yang ting nge 'dzin? gyi mthus lha dang /klu dang/ gnod sbyin dang/ di za la sogs pa rnams kyis bsnyen bkur byed par 'gyur ro/ /ye shes dri ma med pa/ dpag tu med pa/ thogs pa med pas de bzhin gshegs pa'i yon tan yongs su sgrogs par byed pa dang/ thogs pa med cing nyams pa med pas dpag tu med pa'i thos pa 'dzin pa'i gzungs rab tu thob par 'gyur ro/ /ye shes kyi sgron ma 'dzin cing 'jig rten ma lus pa'i mi shes pa'i ling tog gi rab rib sel ba la mkhas par 'gyur ro/ /ting nge 'dzin 'di 'dzin pa'i stobs kyis 'jam pa dang/ yid du 'ong ba dang/ rnar snyan pa'i tshig gis 'khor gyi dkyil 'khor ma lus pa yongs su dga' ba skyed par nus pa ltar bdud dar mu stegs pa rnams zil gyis
- 109b
gnon pa'i seng ge'i sgra sgrogs par byed do/ /mi gang ting nge 'dzin mchog 'di 'dzin pa dang zhes thams cad du sbyar bar bya'o/ /de dag sman pa dpyad mkhan 'bra bar yang zhes bya ba ni/ nad ma lus pa gsob la mkhas pa'i sman pa dpyad mkhan te/ sman ster ba'i dus tshod brtsi ba'i skyes bu'i gnas lta bu'i dus nges par byed pa'i sman pa'i mchog tu 'gyur ba'o/ /mang po'i rten dang dpung gnyen skyabs su 'gyur zhes bya ba la/ lam nye bar bstan pa ni 'gro ba'o/ /skyon thams cad kyis gdong ba dang bral ba'i gnas su gyur pa ni rten no/ / 'khor bas 'jigs shing skrag pa'i 'jigs pa sel bas dpung gnyen dang/ skyabs su 'gyur ro/ /snang bar gyur ba ni mi shes pa'i mun pa sel ba'o/ /thams cad du mtshan ma thams cad yid la byed pa dang bral ba'i phyir rtag tu mnyam par gzhag par 'gyur ro tha mal pa ma yin pa'i mig thob par 'gyur ro/ /yan lag brgyad cu dang ldan pa'i gsung gi dkyil 'khor gyis brgyan pa'i tshangs pa'i dbyangs thob par 'gyur ro/ /zas la yid kyang chags par mi 'gyur te zhes bya ba la sogs pa la/ bsam gtan la mngon par dga' ba'i phyir zas la zhen ba che bar mi 'gyur ro/ /lhung bzed dang chos gos la sogs pa'i yo byad la sems chags par mi 'gyur ro/ /bdag nyid la bstod pa dang/ gzhan la mi snyan par brjod pas rjes su chags pa dang/ khong khro ba dang bral bar 'gyur ro/ /rtag tu bsam gtan la dga' phra ba'i sems zhes bya ba ni rtag tu bsam gtan la mngon par dga' ba'i sems phra mo nyid rtag tu 'gyur pa'o/ /gzhan gyi 'khrul ba tshol bar yang mi byed cing de la lta bar yang mi byed de/ bdag nyid kyes legs par byas pa dang nyes par byas pa la nges par rtog pa la zhugs pa'i phyir ro/ /spyod pa yongs dag sems la nyon mongs med ces bya ba ni sems kyi rgyud ting nge 'dzin bsgom pas bsgom pa'i phyir lus dang/ ngag dang/ yid kyi kun tu spyod pa yongS
- 110a
su dag pa yin no/ /sems sgyu dang g.yo spangs pa yin/ thar pa bsgom pa dang mngon par dga' ba yin ser sna dang bral zhing sbyin pa la dga' ba yin/ tshul khrims dang yang dag par ldan pa yin/ byad bzhin bzang zhing skyes bu chen po'i mtshan sum cu rtsa gnyis kyis brgyan bar 'gyur ro/ /yan lag thams cad yongs su mdzes pas sku blta ba bas mi ngoms par 'gyur ro/ /tshangs pa dang/ dbang po dang/ drag po la sogs pa rnams kyang g.yog bzhin du bka' nyan cing rtag tu rjes su 'brang bar 'gyur ro/ /ngan 'gror ltung ba'i 'jigs pa ma lus pa dang bral ba yin no/ /zab mo'i chos thos shing goms par byas pa'i blo gros dang ldan pa'i phyir/ sangs rgyas kyis chos rnams la som nyi med pa yin zhes bya'o/ /gzungs thob pa yin no/ /gang gi tshe 'chi ba'i dus byed pa de'i tshe yang de bzhin gshegs pa 'ong dpag tu med pa 'dod chags dang bral ba'i dge 'dun gyi 'khor du mas yongs su bskor ba mthong bar 'gyur ba'o/ /rab tu dga' ba dang dri ma med pa dang/ 'od byed pa dang/ 'od 'phro ba dang/ sbyang dka' ba dang/ mngon du gyur pa dang/ ring du 'gro ba dang/ mi g.yo ba dang/ legs pa'i blo gros dang/ chos kyi sprin zhes bya ba byang chub sems dpa' i sa bcu yang ting nge 'dzin 'di thob pa na 'bad pa med par thob par 'gyur ro/ /de bzhin du dbang bcu po che la dbang ba dang/ las la dbang ba dang/ yo byad la dbang ba dang/ mos pa la dbang ba dang/ smon lam la dbang ba dang/ rdzu 'phrul la dbang ba dang/ skye ba la dbang ba dang/ chos la dbang ba dang/ sems la dbang ba dang/ ye shes la dbang ba rab tu thob par 'gyur ro/ /mi gang zhig ting nge 'dzin 'di 'dzin pa zhes thams cad du sbyar bar bya'o/ /sems can thams cad bcom ldan snying rje can zhes bya ba la sogs pa la/ sems can thams cad de bzhin gshegs pa thugs rje can du gyur la/ de bzhin
- 110b
gshegs pa de dag la rigs kyi buAm/ rigs kyi bu mo la la zhig gis bskal pa gang+gA'i klung gi bye ma snyed du gus par byas/ bsnyen bkur du byas/ nye bar 'kho ba'i yo byad thams cad kyis mchod par byas la/ dad pa can gang zhig gis ting nge 'dzin 'di la rjes su yi rang ngo zhes tshig tu brjod bar byed na rigs kyi bu snga ma de'i bsod nams kyi phung po de bas rjes su yi rang ba las byung ba'i bsod nams kyi phung po de bas rjes su yi rang ba las byung ba'i bsod nams kyi phung bo rab tu mang bar shes par bya'o/ /zhes bcom ldan 'das kyis gsungs pa de nyid tshong? ma yin gyis/ gzhan ni tshang ma'i yul ma yin pa'i phyir ro/ /sangs rgyas bdag nyid las byung ye shes me'i/ /'od zer dmar ser steng du 'phros par gyur pa yis/ /srid pa gsum po skad cig tsam gyis thal par byas bzi brjid can gyis 'od ces sangs rgyas gsungs/ /gzi brjid tshogs kyi rgyal po'i le'u ste sum cu pa'i 'grel pa rdzogs so// //phan yon gyis le'u rab tu bsgrub par bya ba'i phyir/ de nas yang bcom ldan 'das kyis zhes bya pa la sogs pa gsungs ste/ gzhon nu de lta bas na byang chub sems dpa' gang ci nas bdag sems? can thams cad kyi sgra dang skad shes pas chos ston to zhes bya ba la sogs pa la/ snyam pa'i zhes bya ba ni mngon par 'dod pas so/ /ci nas kyang bdag sems can thams cad kyi sgra ste tha mal pa'i brda'o/ /skad ni tha snyad kyi khyad par sgrub par byed pa'i tshig go /dbang po mchog dang mchog ma yin pa rtogs shing brda' de dang des kun rdzob tu tha snyad du byed de/ chung ngu dang/ 'bring dang/ mchog gi dbang po dang// bsam pa'i khyad par dag gi nas gang dang gang 'dod pa de la chos bstan pa'i phyir/ de chos thams cad kyi rab? bzhin mnyam pa nyid rnam par spros pa'i ting nge 'dzin 'di mnyan par bya/ /gzung bar bya/ kun chub par bya zhes bya ba nas/ gzhan dag la
- 111a
yang rgya cher yang dag par bstan par bya zhes bya ba'i bar gyis ni thams cad mkhyen pa'i yon tan yongs su rdzogs pa'i rgyur gyur pa ni ting nge 'dzin 'di yin no zhes bstan par 'gyur ro/ /tshigs su bcod pas phan yon rgya cher bstan pa'i phyir/ de nas bcom ldan 'das kyis zhes bya ba la sogs pa gsungs te/ des ni 'das pa'i 'dren pa tshad med pa rnams kyang mthong zhes bya ba ni gzhan dag la ting nge 'dzin thos pa med pas 'das pa'i de bzhin gshegs pa dpag tu med pa de dag la the tshom thams cad bcad pa'i phyir/ mthong ba dang dris ba'i? dge ba'i rtsa bar ba mchog rab tu gnas pas ting nge 'dzin 'di la mos shing 'dod na gzung bar bya zhes bya ba nas/ gzhan dag la yang rgya cher yang dag par bstan par bya ba'i bar du blta bar bya'o/ /lha dang mi'i bde ba gya nom rnyed par 'gyur zhes bya ba ni bsod nams kyi mthus lha dang mi'i bde ba bya zhom pa nyon mongs pas ma gos pas mchod par yang 'gyur ro/ /lha rnams kyis dbang po yang/ mi'i rgyal po yang rab tu thob par 'gyur ro/ /mi zad pa'i bsam gtan gyi bde ba yang nyams su myong bar 'gyur ro/ /bsngags pa rgya cher thos kyang de ni dga' mi 'gyur zhes bya ba ni 'jig rten gyi chos brgyad kyis rjes su ma gos par bstan pa yin no/ /dge zhing gnyen par smra la 'jam pa'i tshig dang ldan zhes bya ba ni thams cad du 'jam pa'i chog? gi dang ldan pa dang/ khro gnyer med pa dang/ bzhin 'dzum pa dang ldan pa dang/ 'grogs na bde ba dang/ tshul khrims legs par bsdams pa nyid do/ /mdza' ba'i sems su 'gyur ba ni snying rje chen po'i rtse bas bsgos pa'i rgyud yin pa'i phyir ro/ /'thab pa dang/ rtsod pa med pa'i gtam byed pas na/ spros pa spangs pa dang/ bsam gtan gyi bde bas gnas pa dang/ rab tu dga' ba'i sems dang/ des shing gnyen pa'i sems su 'gyur ro
- 111b
zhes bya ba la sogs pa'o/ /pha rol tu phyin pa thams cad dang ldan pa dang/ rtag tu mnyam par bzhag par 'gyur/ lha dang/ klu dang/ gnod sbyin dang/ srin po la sogs pa rnams kyis kyang rtag tu gus par rjes su 'brang zhing srung ba dang sbed par byed do/ /'gro ba ma lus pa'i yid 'phrog cing yid du 'ong ba dbyangs dang tshongs pa'i dbyangs dang ldan par 'gyur ro/ /thar par 'dod pa ting nge 'dzin rdul bral 'di 'dzin na/ zhes bya ba la sogs pa la/ sa bcu dang/ dbang dang/ stobs dang/ byang chub kyi yan lag la sogs pa sangs rgya kyi yon tan thams cad yang dag par rdzogs par 'gyur zhing myur du bla na med pa yang dag par rdzogs pa'i byang chub kyang thob par 'gyur ro/ /ma lus mdo sde yon tan phan yon rnamS /ting nge 'dzin rgyal po'i rjes su rab zhugs par/ /sngon gyi rgyal ba kun gyis dbyangs su bsgrags/ /gcig dang du ma'i rnam rtog sna tshogs spangs/ /yon tan dang/ phan yon bstan pa'i le'u ste sum cu rtsa gcig pa'i 'grel pa rdzogs so// //da ni chos thams cad kyi rang bzhin nges par bstan par bya ba'i le'u bstan pa'i phyir/ de nas bcom ldan 'das kyis zhes bya ba la sogs pa gsungs te/ bzhon nu de lta bas na byang chub sems dpa' chos thams cad kyi rang bzhin shes par bya snyam pa zhes bya ba la/ chos thams cad kyi rang bzhin yongs su shes par 'dod pas mdor sdus na chos thams cad kyi rang bzhin mnyam pa nyid rnam par spros pa'i ting nge 'dzin 'di mnyan par bya/ bzung bar bya zhes bya ba nas/ gzhan dag la yang rgyu cher yang dag par bstan par bya zhes bya ba'i bar la/ stong pa nyid ni phyi dang nang gi bdag nyid can gyi chos thams cad kyi rang bzhin no/ /chos thams cad ni stong pa nyid dang mnyam pa ste/ bzod ma nas zhi ba ma skyes pa zhes bya ba'o/ /spros pa med pa nyid mngon par rtogs pa ni brtags pas rnam par ma spros pas na ma spros pa'o/ /ma spros pa ni lhag pa
- 112a
med pa ste/ stong pa nyid ni ting nge 'dzin zhes bya la/ ting nge 'dzin yongs su shes pa ni chos thams cad yongs su shes par 'gyur ro/ /tshigs su bcad pas yon tan gyi sgo nas rang bzhin bstan par bya ba'i phyir/ de la 'dod chags sdang pa med cing zhe sdang med ces bya ba la sogs pa gsungs ste/ stong pa nyid bsgoms pa dang ldan pa de la 'dod chags dang/ zhe sdang dang/ gti mug dang/ nga rgyal dang/ ser sna la sogs pa nyon mongs pa dang/ nye ba'i nyon mongs pa rnams dran pa'i spyod yul du yang mi 'gyur ro/ /de'i phyir gnod pa med do/ /de ni bde gshegs thugs sras bslab? yod min 'dor zhes bya ba la/ byang chub sems dpa' de ni shin tu bzang po'i spyod pa dang ldan pa bsgom pa la brtan pa'i phyir bde bar gshegs pa'i bslab pa yong mi 'dor zhes bya ba nam yang 'dor bar mi byed de/ ci nas kyang 'dor bar mi byed ces bya ba'i don to/ /bud med dbang du nam yang mi 'gro'i/ de bzhin gshegs pa'i bstan pa la dga' ba dang/ rab tu 'ga' ba thob par yang 'gyur ro/ /chos kyi rang bzhin tshul gyi rigs pa gang shes pa zhes bya ba ni chos kyi rang bzhin gang gis shes pa des thams cad mkhyen pa'i ye shes kyi cho ga shes pa ste mkhas pa yin no/ /de dang de ni sangs rgyas mdza' yas mu med mthong zhes bya ba ni gang dag gi chos kyi rang bzhin du ji lta ba bzhin shes pa des 'jig rten gyis khams dpag tu med pa na bzhugs pa'i sangs rgyas rnams lha'i mig gis mthong bar 'gyur ro/ /gzungs kyi ye shes kyang thob par 'gyur ro/ /ring por mi thogs par de bzhin gshegs par yang 'gyur ro zhes bya ba ste/ ting nge 'dzin dang/ byang chub dang/ sangs rgyas kyi ngo bo dbyer med par rtogs pa'i phyir ro/ /de dang de ni smon pa dpyad shes bde ba sbyin par 'gyur zhes bya ba ni gang gis chos thams cad kyi rang bzhin sheS
- 112b
pa de ni sman pa'i rgyal po bla na med pa sman pa'i mchog tu 'gyur ro zhes bya ste/ mi rigs pa'i rgyu las byung ba'i nad gso bar byed pa'o/ /'jigs tshogs la lta ba'i zug rngu 'byin par byed pa'o/ /nyon mongs pa'i tsha bas gdungs pa'i sems can mthong nas ting nge 'dzin gyi sman chen po'i btung ba sbyor ba byed pa'o/ /sdug bsngal ba rnams bde bar byed pa'o/ /snying rje chen po'i go cha bgos nas smon lam gyis stobs kyis 'phangs pas rnam pa thams cad kyi sgo nas sangs rgyas kyi tshul la legs par bslabs shing thams cad du sems can thams cad rab tu grol bar bya ba'i cho ga la mkhas pas bsam pa dang/ lhag pa'i bsam ba ji lta ba bzhin du rjes su mthun par chos ston pas btul nas sangs rgyas nyid la rab tu 'jug go /thams cad la chags pa med do/ /stong pa nyid kyi ting nge 'dzin gyi ngo bo la mkhas pa'o/ /'jig rten pa'i tha snyad kyis tha snyad du byed kyang 'jig rten gyi chos kyis kyang mi gos te/ 'jig rten gyi chos rnams kyi ngo bo nyid kyi rang bzhin yongs su shes pa'i phyir ro/ /gang gis chos thams cad kyi rang bzhin shes pa de bzod pa'i stobs kyis yang dag par 'phags pa ste/ rdeg pa dang/ bsdigs pa dang/ khu tshur dang/ thal lcag dang/ mtshon brgyab kyang sems khro ba dang bral ba yin/ yan lag dang nyid mag? bcad kyang bzhin 'gyur ba med pa yin te/ bzod par bya ba'i dngos po rnams kyi rang bzhin la nges par brtags pa na dngos po thams cad rang bzhin gyis stong par rig pa'i phyir ro/ /bdag dang gzhan du 'du shes pa dang bral ba'i phyir rtag tu lus dang ngag dang yid rab tu zhi bas gnas par 'gyur ro/ /de dang de dag chos kyi rang bzhin dam pa ston zhes bya ba ni byang chub sems dpa' i de dang de chos thams cad kyi rang bzhin shes nas rtogs pa ji lta ba bzhin du rjes su mthun pa'i chos ston par byed cing sems can slu bar mi byed do/ /shes rab dang snying rje dag gis phyin ci ma log
- 113a
par mngon par rtogs pa mngon du 'gro bas smon lam yongs su rdzogs nas sems can ma lus pa nye bar 'dzin par 'gyur ro/ /de de ring por mi thog par bla med byang chub reg ces bya ba la/ byang chub sems dpa' gang dag giS chos thams cad kyi rang bzhin mnyam pa nyid rnam par spros pa'i ting nge 'dzin mngon sum du byed pa'i bsgom pa la mngon par sbyor ba de dang de byang chub la reg par 'gyur te/ de mngon sum du byed par 'gyur ro/ /byang chub sems dpa' de la sems rab tu dang bas mchog tu gyur pa'am/ chung ba yang rung sbyin pa sbyin par byed do/ /sbyin pa de'i 'bras bu yang sangs rgyas nyid kyi mthar thug par 'gyur te/ sangs rgyas kyi spyod yul du gyur pa yin no/ /de de mdo sde bye ba mdza' yas 'chang bar byed ces bya ba ni spobs pa dpag tu med pa dang/ ye shes dpag tu med pa dang ldan par 'gyur te/ des 'chad par byed pa yin zhes bya'o/ /chos kyi rang bzhin zhi ba gang shes pa zhes bya ba la/ bskal pa bye ba khrag khrig tu ye shes mngon par 'phags pas ri rab ltar mi g.yo bar 'gyur te/ phas kyi rkol ba thams cad kyis zhes bya ba'o/ /de bzhin gshegs pa thams cad kyi chos bshad pa gang yin pa de dag thams cad nye bar bzung nas de dag las rkang pa tsam yang brjed par mi 'gyur ro/ /chos dang/ mi 'jigs pa dang/ zang zing dang/ byams pa'i sbyin bdag tu gyur nas sems can thams cad la bde ba ster bar byed de/ bza' ba dang/ btung ba dang/ gos dang/ rin po che dang/ rgyan dang/ mdzod dang/ bar mdzod la sogs pa phyi dang/ nang gi bdag nyid kyi dngos po rnams la bltos pa med pa'i sems kyis yongs su gtong bar byed cing bsams bzhin du dzam bu'i gling gi dbang phyug gi rgyal por gyur nas sems can thams cad sbyin pas bsdus nas chos la sbyor bar byed do/ /byams pa chen po dang/ snying rje
- 113b
chen po dang/ dga' ba chen po dang/ btang snyoms chen po dang/ tshangs pa'i gnas bzhi rtag tu rjes su goms par byas pas mtshan ma med cing lhun gyis grub par gyur pas chos thams cad rang bzhin gyis stong pa gang yin pa yang shes par 'gyur ro/ /dpa' bo bu dang bu mo bran dag gtong bar byed ces bya ba la sogs pa la/ yid du 'ong ba'i bu sdug pa dang/ bu mo rgyan thams cad kyis brgyan pa dang/ bran po g.yog gis las thams cad las mkhas pa dang/ bran mo sgeg pa dang/ sgrin pa bya ba rnams la mkhas shing yid du 'ong ba dang/ lag pa dang/ rkang pa dang/ mig la sogs pa dang/ yan lag gi mchog dang bdag nyid bltos pa med pa'i sems kyis byin no/ /gang chos thams cad rang bzhin gyis stong par bsgoms pa'i blo can de thams cad btong ste/ phyi dang nang gi bdag nyid can gyi dngos po thams cad gtong ngo/ /des ni 'dren pa rkang gnyis gtso bo mchod par 'gyur zhes bya ba la sogS pa la gang dag gis chos thams cad rang bzhin gyis stong par rtogs nas sgrub pa phun sum tshogs par byed pa nges de bzhin gshegs pa thams cad sgrub pa'i mchod pas mchod pa yin no/ /chos kyi rang bzhin stong pa'i tshul du gang rig pa/ /de ni mkhas pa bde bar gshegs pa'i mdzod 'chang yin zhes bya ba la sogs pa la/ de ni bde bar gshegs pa'i chos kyi phung po'i mdzod 'chang ba yin te/ gzungs rnam pa bzhi la rab tu gnas pa ni ring por mi thogs par de bzhin gshegs par 'gyur ro/ /gang dag ting nge 'dzin rgyal po'i mdo 'di zad pa'i dus te/ dam pa'i chos rnam par 'jig pa'i dus su 'dzin pa de dbang po nyams par mi 'gyur ro/ /mi khom pa brgyad kyi nang du yang skye bar mi 'gyur te/ de dag ni chos thos pa med pa'i phyir ro/ /bde 'gro lha dang mir skyes nas gzugs brdang? zhing mdzes pa lus mtshan gyi brgyan cing mngon par shes pa lngas rtse la sangs rgyas dpag tu
- 114a
med pa sprul pa byed cing/ sprul pa'i sangs rgyas de dag kyang sangs rgyas kyi zhing sna tshogs su song nas sangs rgyas kyi mdzad pa mdzad nas/ yang phyir 'ong bar byed do/ /chos thams cad sprul pa lta bur rtogs nas de lta bu nyid du ston par byed do/ /dran pa dang/ blo gros dang/ rtogs pa dang/ yongs su dag pa'i blos chos thams cad la dbang thob cing tshangs pa'i gnas bzhi la gnas nas sa bcu dang/ dbang bcu dang/ stobs dang mi 'jigs pa dang/ sangs rgyas kyi chos ma 'dres pa yongs su rdzogs par byas nas sangs rgyas su 'gyur te/ ting nge 'dzin bsgoms pa'i stobs thob pa'i phyir zhes bya bas so/ /nga sngon byang chub sems dpar gyur pa na ting nge 'dzin ni bsgoms so/ /mang du byas so/ /brtson 'grus nyams pa med ba dang ldan pa'i tshe de bzhin gshegs pa mar me mdzad kyis ma 'ongs pa'i dus na khyod bla na med pa yang dag par rdzogs pa'i sangs rgyas su 'gyur ro zhes lung bstan to/ /mdo sde 'di la khyed kyang de'i rjes su slobs zhes bya ba la sogs pa la/ chos thams cad rang bzhin gyis stong pa la mi dmigs pa'i sbyor bas ngas ji ltar ting nge 'dzin 'di la bslabs nas sems can ma lus pa'i don du mngon par rdzogs par sangs rgyas pa bzhin du khyod kyis kyang bslab par bya'o zhes bya ba yin no/ /mdo sde rin po che 'di la mi slob par spangs nas rmongs pa rnams mnar med par gzhol bar 'gyur ro/ /de lta bas na bdag dang gzhan gyi don byed pa la mkhas pa'i blo gros can gyi bag yod par byas la dam pa'i chos spong ba'i sems rmi lam du yang bskyed par mi bya'o/ /phyi ma'i dus na gang dag mdo sde rin po che 'di 'dzin pa de dag ni nges par bla na med pa yang dag par rdzogs pa'i byang chub par 'gyur ro/ /sems ni dang par byang chub la ni nges byas nas/ stong pa rtsol
- 114b
bral don dam yang dag ldan pa'i/ /ngo bo nyid ni yang dag stogs byas nas/ /skye ba med pas sbyin pa la sogs spyod pa spyad/ /chos thams cad kyi rang bzhin nges pas bstan pa'i le'u ste sum cu rtsa gnyis pa'i 'grel pa rdzogs? so// //mdo sde 'dzin pa'i phan yon gyi le'u bstan par bzhed nas de nas yang bcom ldan 'das kyis zhes bya ba la sogs pa gsungs te/ gzhon nu de lta bas na byang chub sems dpa' sems dpa' chen po chos thams cad la mngon par shes pa chen po'i byi dor bya ba yongs su sbyar bar bya ba bas ting nge 'dzin mnyan par bya gzung bar bya zhes bya ba nas/ gzhan dag la yang rgya cher yang dag par rab tu bstan par bya zhes bya ba'i bar du'o/ /chos thams cad la mngon par shes pa chen po'i byi dor bya ba gang zhes na zhes bya ba ni rang nyid kyi gzhan gyi bsam pa rab tu bstan nas nges par bskyed pa'i phyir dris pa yin no/ 'di lta ste zhes bya ba ni nye bar bstan pa'i phyir ro/ /chos thams cad la yongs su 'dzin pa med pa ni gzung bar bya ba med pa'i phyir ro/ /mchog tu mi 'dzin pa ni 'dzin pa por mchog tu 'dzin pa med pa'i phyir ro/ /de bzhin du phyi rol gyi gzugs la sogs pa'i phung po lnga po gzung ba dang/ 'dzin pa dang bral bas mi bden pa nyid du bsgrubs nas tshul khrims la sogs pa'i phung po lnga po rang bzhin med pa nyid du kun tu rigs par bya ba'i phyir/ tshul khrims kyi phung por mi 'dzin zhes bya ba la sogs pa gsungs te/ bdag ni tshul khrims so/ /bdag ni tshul khrims dang ldan pa'o/ /'di'i don du tshul khrims bsrung ngo zhes bya ba'i rnam par rtog pa dang ldan pa'i 'khor gsum yongs su dag pa'i tshul khrims kyi phung por 'gyur ro/ /de bzhin du rgyus med pa'i ni ting nge 'dzin gyi phung po ste/ 'gro ba dang 'ong ba med pa'i phyir ro/ /stong ba nyid mthong ba ni shes rab kyi phung po'o/ /bden pa mthong ba ni rnam par grol ba'i phung po
- 115a
ste/ de bzhin nyid mthong pa'o/ /yang dag par ji lta ba bzhin du mthong ba ni rnam par grol ba'i ye shes ye shes mthod pa'i phung po'i ste/ thams cad dmigs su med par mthod pa'i sbyor ba dang/ so sor rtogs pa'i 'gog pas gnyid gyi ngo bo dang/ bral bar mthong ba'o zhes bya'o/ /de bzhin du chos thams cad kyi rang bzhin yongs su shes pa de ni mngon par shes pa ste/ gang dag mngon par shes pa de dang yang dag par ldan pa'i byang chub sems dpa' sems dpa' chen po na? ting nge 'dzin thams cad la rdzu 'phrul gyi cho 'phrul gyis rnam par rtse zhing sems can thams cad la bsam pa'i lta ba bzhin du chos ston na yang gang la yang mngon par zhen pa med pa de la ni chos thams cad la mngon par shes pa chen po byi dor byas pa yin no zhes brjod do/ /tshigs su bcad pas rgya cher rab tu bstan pa ni snga ma bzhin no/ /mngon shes chen po yongs su sbyangs pa/ /rtsod pa med par bstan pa ste zhes bya ba ni chos thams cad stong pa nyid kyi phyir rtsod par byed pa med pas rtsod pa med pa'o// mngon shes de'i ste/ mngon sum du byed pa'i shes pa ni shes rab ste/ sangs rgyas kyi gnyis su med pa'i ye shes bsam pa thams cad las yang dag par 'das pa'o/ /'dzin pa la ni gang gnas pa/ de la ye shes yod mi 'gyur zhes bya ba ni gnyis su med pa'i de kho na nyid ni stong pa nyid kyi ye shes te/ dngos por 'dzin pa'i 'jug pa de la thams cad du mi 'byung ba zhes bya ba'i don to/ /gang dag sgra yis bstan pa yin/ chos rnams mang po bsam mi khyab/ /ces bya ba ni sems can bsam pa sna tshogS pa rnams la dgos pa sna tshogs kyis sgra? sna tshogs su ston pa'o/ /sgra de la yang gang chags pa/ dgongs pa'i bshad pa mi shes so zhes bya ba la/ sgra tsam thos nas/ ci la dgongs te bshad pa yi/ dgongs pa dag ni mi shes pa zhes bya ba la/
- 115b
rnam par dbye ba'i nus pa med bzhin du chos ma yin pa ni chos su bshad/ /chos ni chos ma yin par bshad par byed de/ de bzhin gshegs pas gsungs pa'i gsung rab mngon par shes pa'i dge ba'i bshes gnyen la ma brten pa nyid dang/ de bzhin gshegs pa'i gsung rab la bslab pa'i phyir ro/ /'jig rten khams ni stong dag tu zhes bya ba la sogs pa la/ 'jig rten khams thams cad du ngas gdul bya sna tshogs kyi bsam pa'i dbang gis skad sna tshogs dang/ tshig dang/ yi ge sna tshogs kyi theg pa gsuM la bzhugs par bya ba'i phyir mdo sde gang dag rab tu bshad pa da dag thams cad don gcig pa ste/ stong pa nyid kyi don to/ /kun kyang mya ngan 'das pa la gzhol ba'i don dpag tu med cing mdza' med pa thams cad brjod par nus pa ma yin te/ yongs su brjod pa dang/ mnyan pa dang/ bsam pa dang/ bsgom pa'i 'bad pa rab tu mang po la 'jug pa ni shes rab chung bas nus pa ma yin no zhes bya bar/ tshig cig rnam par bsgom na ni/ /de dag thams cad bsgoms par 'gyur zhes bya ba la/ /gang gi kun tu dngos po gcig nyid mthong/ /dngos kun ngo bo de yi kun tu mthong/ /gcig gi stong nyid gang yin pa/ /de ni kun gyi stong pa nyid/ /chos kyi dbyings su ma gtogs pa'i/ /'di ltar chos yod ma yin pas zhes bya bas chos kyi dbyings kyi ngo bor bsgoms na de thamS cad bsgoms shing rtogs par 'gyur ro/ /sangs rgyas ji snyed thams cad kyis zhes bya ba la sogs pa la/ de bzhin gshegs pa thams cad kyis chos mang po rab tu bstan pa thams cad kyi don ni bdag med pa nyid do/ /bdag dang/ sems can dang/ srog la sogs pa ni don ma yin pa zhes gang gis shes nas gang sangs rgyas kyi chos la zhugs pa de ni don la mkhas pa ste/ don la bsal ba yin no/ /de ltar chos thams cad bdag med pa'i tshig 'di bslab par gyur pa la/ sangs rgyas chos rnams dkon ma
- 116a
yin/ /zhes bya ba la/ 'di ni sangs rgyas nyid thob pa'i rgyu nyid yin/ /sangs rgyas kyi byang chub brnyed par dka' ba ma yin no?/ /gzhan gyis ni rab tu rnyed par dpa' ba yin no/ /zhes ston par de 'gyur ro chos kun sangs rgyas chos yin te/ /zhes bya ba la chos nyid kyi ngo bo yongs su shes na chos thams cad kyi ngo bo las mi 'da' ba' o zhes gang chos nyid 'di las mi 'da' bar slob pa ngo? chos nyid dang 'gal bar yang mi byed de/ /gang gi phyir stong pa nyid ni gang dang yang 'gal ba med pa'i phyir ro/ /chos thams cad rang bzhin gyis stong pa'i phyir/ chos thams cad sangs rgyas kyi chos so/ /de bzhin du tshig kun kyang ni sangs rgyas kyi tshig ste/ gang gi phyir dngos po med pa'i tshig byang chub dang rab tu ldan pa ste/ 'du byed rdza su med pa'i phyir ro/ /phyogs bcu dag na btsal na yang zhes bya ba la sogs pa yang phyogs bcu po thams cad du sangs rgyas kyi tshig ngo bo nyid kyis med pas dmigs par mi 'gyur te/ gzugs la sogs pa'i phung po las ma btogs pa'i dngos pa'i don med pa'i phyir ro/ /gzugs la sogs pa'i rang bzhin med pa nyid ni sngar? nyid du rab tu bsgrubs zin to/ /zhes bya ba yin no/ /bla na med pa'i de bzhin gshegs pa'i tshig 'di ni ma rnyed do/ /mi rnyed do/ /rnyed par mi 'gyur ro/ /chos nyid kyi ngo bo nyid la ni dus gsum du yang 'gyur ba med pa'i phyir ro/ /sangs rgyas tshig ni bla na med ces bya ba ni/ gong na lhag par gyur par med pa ni bla na med pa'o/ /phrad zhes bya ba ni chos ma skyes pa'i phyir ro/ /de lta na yang bla na med pa zhes bya ba'i tshig gis rab tu bstan to/ /chos thams cad rnyed pa med pa ni thob pa med pa ste/ rjes su ma rnyed pa'o/ /rnyed la yang rnyed pa med ces bya ba ni so gsham gyi bu bzhin du rten dang brten pa'i ngo bor med pa'i phyir ro zhes bya ba yin no/ /de ltar chos rnams gang shes pa
- 116b
byang chub dam pa rtogs par 'gyur zhes bya ba ni gang gis chos thams cad ma skyes pa/ ma 'gags pa/ rang bzhin gyis stong par yang dag par shes pa ste/ de bla na med pa yang dag par rdzogs pa'i byang chub tu mngon par sangs rgyas bar 'gyur ro/ /mngon par rdzog ga par sangs rgyas nas chos kyi 'khor lo bskor bar 'gyur te/ sangs rgyas dang/ sangs rgyas kyi chos rnams kyang sgyu ma lta bu'o/ /chos thams cad kyang de lta bu'i rang bzhin no zhes sangs rgyas kyi chos rab tu bstan pas byang chub sems dpa' rnams rtogs bar byed cing gnas ngan len gyi spros pa thams cad dang bral ba'i sangs rgyas kyi ye shes bla na med pa 'thob bo/ /de ltar sangs rgyas kyi ye shes nges par rtogs pa'i byang chub sems dpa' ni sangs rgyas zhes bya ste/ don dam par rtogs pa dang/ rtogs bya dang rtogs pa po'i mi dmigs pa'i ye shes la byang chub dang/ sangs rgyas dang/ byang chub sems dpa' zhes brjod do/ /dngos po med pa dang/ mtshan ma med pa dang/ smon pa med pa dang/ stod pa nyid kyi rnam par thar pa'i sgo ste/ thabs dang sgo zhes bya ste sangs rgyas nyid du 'jug pa la thabs gzhan ni med do zhes bya ba'o/ /de bzhin gshegs pa rnams kyis bstan pa'i lam phyin ci ma log pa'i lam yin no zhes bya'o/ /mig dang rna ba sna ngag dang/ zhes bya ba la sogs pa la phung po dang khams dang/ skye mched la sogs pa stong pa nyid kyi rang bzhin du shes nas rtsod pa med pa'i gnas la gnas te/ blo gros ngan pa dang/ the tshom dang/ yid gnyis dang/ bral ba'i byang chub sems can rnams 'dul bar byed do/ /tshig dang yi ge sna sogs la mngon par zhen pa spang pa'i phyir/ sangs rgyas sgras ni gang byas pa zhes bya ba la sogs pa gsungs te/ tshul khrims kyi sgra gang yin pa de sangs rgyas kyi sgra yin la/ sangs rgyas kyi sgra gang yin pa de la tshul khrims kyi sgra zhes bya ba gnyi ga'i sgra mtshan nyid gcig pa ste
- 117a
'di lta ste/ ma skyes pa'i mtshan nyid ces bya ba'o/ /sangs rgyas kyi sgra dang/ tshul khrims kyi sgra 'ba' zhig tu ma zad kyi/ ji srid sgras sdus pa dman pa dang/ 'bring ba dang/ mchog gis bsdus pa'i dbye bas tha dad pa de dag thams cad sangs rgyas kyi sga dang mnyam me? shes ston to/ /ji ltar mnyam zhe na/ gsungs pa/ yul na mi gnas/ mtshams na mi gnas/ skye ba med pa/ 'gag pa med pa/ sna tshogs ma yin pa/ tha dad pa ma yin pa/ 'das pa ma yin pa/ da ltar byung ba ma yin pa/ sngon po dang/ ser po dang/ dmar po dang/ dkar po'i kha dog ma yin pa/ chos thams cad gzung du med pa/ brjod du med pa'o/ /de ltar na yang sgras bsnan no/ /sgra yang med/ sgras bstan pa yang med/ sgra ston pa po yang med do/ /sgra thams cad sangs rgyas kyi sgra dang mnyam zhes bya'o/ /dbyangs kyis bstan pa'i cho 'phrul gyis dpag tu med pa'i sems can gyi khams rnams phung po lhag? ma med pa'i mya ngan las 'das pa'i dbyings su rab tu 'god par byed de zhes bya ba'o/ /sems can gang yang mya ngan las 'das pa la bkod pa yang med de/ chos thams cad rang bzhin gyis mya ngan las 'das pa'i phyir ro/ /ji ltar nyi ma zla ba dag ces bya ba la sogs pa la/ ji ltar chu dang pa'i snod du nyi ma 'am zla ba'i gzugs brnyan gang yang rung ba mthong bar 'gyur la/ de dag 'dir 'ongs pa la yang ma yin la/ gzugs brnyan mi snang ba yang ma yin no/ /de bzhin du gdul bya'i rgyud kyi chu dang ba la sangs rgyas kyi zla ba'i gzugs brnyan snang bar 'gyur la/ sangs rgyas de dag gang nas kyang byon pa med la/ gang yang bzhud pa yang med/ gang yang gnas pa yang med la/ gdul bya'i rgyud la mi snang ba yang ma yin no/ /de bzhin du chos? rnams gzugs brnyan dang 'dra bas rang bzhin med par gang gis shes pa des sangs rgyas
- 117b
bcom ldan 'das gzugs kyi sku lus dang ldan par mthong bar mi 'gyur ro/ /gang gis lus med pa chos nyid kyi bdag nyid du gang gis mthong ba des de bzhin gshegs pa mthong ba yin te/ gang gi phyir/ rdzogs sangs rgyas kyi chos kyi sku// chos dbyings mnyam dang mi mnyam pa dang/ shes dang shes bya las grol ba'o/ /'dren pa de yis mthong ba yin/ /de ltar sangs rgyas mthong ba yin/ /gzhan du sangs rgyas mthong ma yin/ /gang gis sangs rgyas ma mthong ba/ /de yis chos nyid mthong ma yin/ /rten cing so sor bstan pa ste zhes bya ba la sogs pa la/ 'di la brten nas 'byung ngo zhes rten cing 'brel bar 'byung ba'i don ston par yin zhes bya'o/ /dge sbyong nyid ni su 'dod pa/ /'jug pa 'di ni rigs par gyis/ zhes bya ba ni gdal la bdag gis dge sbyong gi 'bras bu 'thob po snyam pung rgyal yod pa des ci yang thob pa med de/ mngon pa'i nga rgyal can la chos nyid kyi de kho na nyid rtogs pa med pa'i phyir ro/ /gang gis thob par bya ba dang/ thob pa po med pa'i phyir dge sbyong gi 'gra? bum thob pa de dge sbyong zhes brjod do/ /de ltar rten cing 'brel par 'byung ba'i don rtogs pa de ni dge spyod du 'gyur zhing dge sbyong gi 'bras bu thob ces bya'o/ /su dag bslabs par ma gyur pa/ /zab mo'o chos 'di ga la smra zhes bya ba la/ ji ltar na/ 'di lta bu'i chos zab mo 'jig la smra ste/ tshig gis ji ltar sgrub par nus/ /gang de snang smra ba nges bslabs pa ma yin te/ gang gi phyir zab mo'i sgras chos de nyid ni sgrub par gyur pa ma yin pa'i phyir ro/ /phung po lnga ni dngos med de/ /med pa las ni 'di dag / 'byung zhes pa ste/ 'di la 'byin pa po yod pa ma yin no/ /gang yang kun nas slong pa po de ni mi? bden pa yongs su brtags pa'o/ /de yang rnam par brtags pa na nam mkha' pad+ma dang 'dra ba brjod du med pa'i/ /phung po lnga'i mtshan nyid gang yin pa yongs su brtags
- 118a
pa'i mtshan nyid do/ /chos thams cad kyi mtshan nyid kyang de lta bu ste/ 'di lta ste mtshan nyid med par mtshan gcig pa ste/ nam mkha' i mtshan nyid do/ /nam mkha' i mtshan nyid ji lta bu yin zhe na/ sngon gyi mdza' dang phyi ma'i mdza' zhes bya ba la sogs pa gsungs te/ nam mkha' la ni sngon gyi mdza' dang phyi ma'i mdza' dang da ltar byung ba dmigs par mi 'gyur zhing/ thams cad mkhyen pa nyid kyis kyang dmigs par mi 'gyur te/ de med pa'i phyir ri? bong gi rwa? bzhin no// chos thams cad kyang gzung ba dang 'dzin pa'i rang bzhin du dmigs par mi 'gyur ro zhes bya ba ni rang bzhin gyi gtan tshigs so/ /de'i phyir chos kyi rang bzhin 'di nyid yin/ /gzung ba med pa nam mkha' 'dra zhes gsungs pa yin no/ /de lta bur ni chos bstan te zhes bya ba ni bstan bya dang/ ston pa po dang/ bstan pa dang bral ba yin na yang gdul bya'i bsam pa'i dbang gis bstan to zhes brjod par byed do/ /su dag chos ni mi mthong pa zhes bya ba la sogs pa la/ gang gi blta bya dang/ lta ba po dang lta pa'i chos thams cad rjes su mi dmigs pa'i sbyor bas srid pa rang bzhin med par bsgoms pa'i bdag nyid can gyi rnal 'byor gyi dbang phyug rnams kyi spyod yul yin gyi gzhan gyi ni ma yin no zhes bya ba'o/ /de lta bur ni su shes pa zhes bya ba la sogs pa la/ gang gis 'di lta bu'i chos kyi rang bzhin mi dmigs par shes pa'i rnal 'byor pa ni chos rnams la mi chags pa te/ zhes bya ba mngon par zhen par mi 'gyur ro/ /ma chags par gyur pas chos rnams ming tsam du rtogs so/ chos rnams ming tsan du shes pas sangs rgyas kyi chos rnams la rlom sems mi byed do/ /rlom sems med pas sngon gyi mdza' dang/ phyi ma'i mdza' stong pa nyid du rtogs par 'gyur ro/ /sngon gyi mdza' dang phyi ma'i mdza' stong pa nyid du rtogs pas skyo ba med pa'i chod
- 118b
kyis sems can gyi khams ma lus pa bla na med pa'i sangs rgyas nyid thob par bya ba'i phyir brtson 'grus rtsom par byed do/ /nam mkha' la ni bya rjes bzhin/ /zhes bya ba la sogs pa la/ ji ltar nam mkha' la bya'i rjes blta bar mi nus pa de bzhin du byang chub sems dpa' i spyod pa dmigs pa dang bral ba gnas med pa yin pa'i phyir nam mkha' dang/ bya rjes dang/ spyod pa dang/ byang chub 'di dag thams cad rang bzhin med pa'o/ /byang chub sems dpa' yang rang bzhin med pa'o/ /rang bzhin med pas byang chub mngon par sangs rgyas nas sprul pa'i sku'i gzugs sna tshogs bstan nas sgyu ma lta bu'i sems can rnams dga' bar byed de/ ji ltar sgyu ma mkhan gyis bsngags dang rdzas la sogs pa'i sbyor bas gzugs sna tshogs pa ston par byed kyang yod pa ma yin pa bzhin du sems kyis sgyu ma la legs par bslabs pa'i byang chub sems dpa' yang de dang 'dra'o/ /sgyu ma la yang sems med la/ sems la yang sgyu ma med de/ gnyi ga yang yongs su ma grub pa'i rang bzhin yin pa'i phyir ro/ /de bzhin chos rnams stong pa la/ byis pa'i blo yis rnam rtags nas zhes bya ba ni byis pa'i blo can rnams kyis rnam par rtog pas ba rtags pa'i dge ba dang/ mi dge ba'i las kyi zhags pa'i gzhan dbang du gyur pa'i sems kyi rgyud gang yin pa rnams la skye ba dang/ rga ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde bas nye bar rgyas pa'i 'khor bas 'khor bar 'gyur gyi yongs su grol bar mi 'gyur ro/ /mi sbyor ba dang rab sbyor dang/ las kyis sbyor ba gang gnas dang/ zhes bya ba la sogs pa la/ sbyor ba dang mi ldan pas mi sbyor ba ste/ yang dag par ma zhugs pa'o/ /las kyi lam tsam la gcig tu gzhol byas las kyi rgya mtshor nub cing khyer ba de dag ni thams cad du las ma zad kyi bar du yang dang yang de dag na skye bar 'gyur zhing 'chi bar 'gyur te/ de dag ni gdung kyi phyogs
- 119a
su gnas pa/ /bdud kyis zil gyis mnan pa'o/ /shes rab chung ba de dag phyir ci log gis las kyis blos bsgos pa las sna tshogs byas nas las dang rjes su mthun par sdug bsngal nyams su myong bar 'gyur ro/ /byis pa so so'i skye bo de dag ni long par gyur pa ste/ lam mthong ba'i yang dag pa'i lta ba dang bral ba'i phyir ro/ /rmongs pas zil gyis mnan cing khro bas zil gyis mnan pas phan tshun rdeg par byed do/ /nga'i bu nga'i nor snyam du zhes bya ba la sogs pa la/ bdag dang bdag gir sgro btags nas yod pa ma yin pa la btags pas 'khor ba 'phel bar byed pa'i so so'i skye bo de dag 'khor ba na 'khor ro/ /las kyi dbang gis so so so sor skye bar 'gyur bas nas so so'i skye bo zhes bya'o/ /chos rnams mang po dag tu 'char ces bya ba la sogs pa la/ lta ba sna tshogs la brten nas chos sna tshogs/ rab tu 'chad kyang chos ston pa de chos ma yin la/ de dag chos kyi 'du shes kyi 'jug par 'gyur zhing/ 'khor ba na 'khor bar 'gyur gyi nam yang grol bar mi 'gyur te/ grol ba'i rgyu de bzhin gshegs pa'i bstan pa la ma brten pa'i phyir ro/ /'dod pa'i phyir ni byis pa rnams zhes bya ba la sogs pa la/ bud med ni 'dod chags kyi rgyu yin yang de la nye bar brtags pa ni nang ni rul la phyi rol ni pags pas g.yogs pa sdug bsngal gyi rgyu chen po ste/ rul bar gyur pa la 'dod pa stan par byed pa de dag ni 'gro ba rul par 'gro bar 'gyur ro/ /sangs rgyas rnams kyis 'dod pa dang/ bud med bsten pa ma bsngags so zhes bya ba la sogs pa la/ bud med la rab tu chags pa ni byang chub kyi lam bsgom pa la rgyab kyis phyogs par 'gyur te/ bud med kyi zhags pa mi bzad pa ni sdig pa thams cad kyi rgyu yin pa'i phyir sprul gdug pa bzhin du ring du spong bar byed cing byang chub kyi lam sgom par
- 119b
phyed pa nyid ni sangs rgyas nyid du 'gyur zhes bya ste/ rgyu ma tshang ba med pa la nan tan byas na phun sum tshogs pa'i 'bras bu thob par rigs so zhes bya bar dgongs pa'o/ /bla na med pa'i ye shes legs par bsgoms pa dag ni/ bla med sangs rgyas 'grub par 'gyur zhi bya ba'o/ /gso sbyong dang tshul khrims kyi sdom pa la/ rab tu gnas nas gzhan dag kyang de la rab tu sbyor bar byed cing de bzhin du sems can dpag tu med pa'i don la rab tu zhugs pa'i byang chub sems dpa' de ni bdud rtsi'i rdal yang rab tu brdung zhes bya ba ni dam pa'i chos kyi bdud rtsi sbyin pa'i rnga bo ches sems can ma lus pa la thun mongs du chos bstan pa'i phyir rnga'i sgras snus? par byed pa'o/ bdu kyi gnas kyang g.yo ba dang/ skrag pa dang/ 'jigs pa yang dag par bstan nas dbang du byas nas sangs rgyas kyi byang chub la rab tu 'thog? par byed pa'o/ /gzhan mu stegs byed rnams kyang rtsod pas pham par byas shing zil gyis mnan te rang gi lta ba 'dor du bcug nas de bzhin gshegs pa'i bstan pa la 'jug par byed/ sa yang rab tu g.yo bar byed ces bya ba la sogs pa ston pa la/ mngon par shes pa lnga nges par bsgrubs nas rdzu 'phrul gyis rnam par rtse zhing/ 'bar ba dang/ tshar 'bebs pa dang/ snang bar byas nas zhing khams bye ba g.yo par byed pa dang/ bdud kyi dkyil 'khor ba rnams skrag pa la sogs pa ston par byed do/ /de bzhin du sprul pa rnams kyis kyang 'dul bar byed? do zhes pa bar sbyar ro/ /de dag zhing rnams spral byed de zhes bya ba la sogs pa la/ rin po che sna tshogs kyi rang bzhin gyi ljon shing rnams me tog dang 'bas gu dri zhim zhing mdzes pas rnam par brgyan pa rnams dang/ sems can ma zas pa'i yongs su byang bar phyir mo brang dang ngo/ /khang pa rtsegs ma dang/ mnga' yab dang/ gcad bang gyur? bu dang/ gnas dang /bzhon pa dang/ kho? dpal sogs pa rnams nye bar mkha' ba thams cad kyis gdab sprul
- 120a
nas sems can ma lus pas longs spyad pa'i phyir sbyin par byed do/ /rdzing bu min du 'ong ba dag ces bya ba la sogs pa la/ chu yan lag brgyad dang ldan pas yongs su gang la srid pa dang nyon mongs pa'i gdung ba zhi bar byed pa shin tu yid du 'ong zhing nyams dga' ba/ gang dag gis chung la 'thungs ba de dag phyir mi ldog par 'gyur zhing nges par bla na med pa yang dag par byang chub par 'gyur ro/ /de'i phyir bla na med pa'i ye shes chos la bdag med pa nges pa'i rtogs pa'i byang chub sems dpa' ni bla na med par zhugs pa/ zhi bar zhugs pa/ mya ngan las 'das pa thob par 'gyur zhes bya'o/ /'jug pa 'di ni mi shes pas zhes bya ba la sogs pa la/ chos kyi de kho na nyid mi shes pa dmigs pa'i lta ba can bdag nyid nyams shing gzhan dag kyang 'phung bar byed pa de dag ni chos zab mo la skur ba btab nas mnar med pa'i bar du 'gro bar 'gyur zhing/ der yang tshor ba drag po dpag tu med pa myong bar 'gyur ro/ /das ni de dag rab tu shes zhes bya ba la sogS pa dang/ bkod pa dag ni sprul par byed ces bya ba la sogs pa ni rdzu 'phrul gyi cho 'phrul gyi che ba'i bdag nyi gsungs pa yin te/ sangs rgyas kyi zhing ji snyed pa rnams su gzugs la sogs pa'i yon tan phun sum tshogs pa de dag thams cad sangs rgyas kyi zhing gcig tu ston par byed do/ /chos chen gyis ni go bgos te zhes bya ba sems can thams cad skyob pa'i mtshan nyid can gyi snying rje chen po ni chos chen po'o/ /snying rje chen po'i go cha de bgos nas rdo rje'i sku dpa' bo chen po/ stobs po che/ khams gsum gyi bdud gyi stobs rab tu 'joms par byed pa'i chen po stod pa nyid kyi rdo rje'i stobs kyis rab tu 'debs pa zhes bya ba'o/ /chen po stong pa nyid kyi rdo rjes bdud dang mu stags la sogs pa'i stobs rnams snang ba med par byams
- 120b
pas ji ltar phyis ldang bar mi 'gyur ba de ltar byed do/ /'od zer bye ba stong phrag dag ces bya ba la sogs pa la/ sku las 'phros pa'i 'od zer gyis bdud kyi gnas ma lus pa snang ba med par byed pa'o/ /'dod chags dang 'dod chags dang bral ba dang/ rjes su chags pa dang/ khong khro ba rnam par spangs pa 'du shes dang kun tu rtog pa thams cad bag chags kyi mtshoms sbyor ba'i nyes pa rnams stong pa nyid la gnas pa'i byang chub sems dpa' chen pos kun nas bcom pa'i phyir zhes bya ba'o/ /de dag la ni sdig can 'dud/ /bar chad byed par ga la 'gyur/ zhes bya ba la sogs pa la/ stong pa nyid la gnas pa la bdud sdig can gyis kyang bar chad bya bar mi nus so zhes bya ba'i don to/ /gang dag lta ba thams cad la rab tu gnas pa/ 'dod chags dang/ zhe sdang dang/ gti mug dang/ drags pa dang/ nga rgyal dang/ ser sna la sogs pa'i nyon mongs pa'i dbang du 'gyur par dag nyid bdud dang bdud kyi phyogs lhung ba zhes bya'o/ /de dag la bar chad bya ba'i phyir bdud 'jug par mi 'gyur ro/ /de'i phyir lam dam pa nas zhugs pa rnams la bdud bar chad bya ba'i phyir 'jug par 'gyur bas stong pa nyid kyi rdo rjes de dag la rab tu dga' bar bya'o zhes snga ma dang sbyar ro/ /rnam rig tshig dang brda rnams ni zhes bya ba sogs pa la tshig dang brda'i tha snyad sna tshogs kyis sgyu ma dang sprul pa bzhin du brngal yang mngon par zhen pa med par sems can rnams kyi don byed do/ /'du shes 'di ni spang snyam du zhes bya ba 'du shes gyi spros pa la spyod pa de dag 'du shes las grol bar mi 'gyur ro/ /gang dag su yi 'du shes yin/ su yis 'du shes bskyed/ sus ni 'du shes la reg /sus ni 'du shes 'byung/ /gang gis ni 'du shes bkag ces bya ba de dag thams cad rang bzhin gyis stong pa'o zhes gang gis shes pa de'i 'du shes thams cad
- 121a
rab tu spong bar 'gyur ro/ /'du shes kun las rnam grol ba/ rgyal ba'i chos 'di ston pa'o/ /stong nyid de nyid bsgoms pa yi/ /chos kyi 'du shes kyang yod min/ /gang tshe rnam thar reg ba na/ /bsam pa thams cad bsam pa med ces bya ba la/ gang gi tshe bsam pa thams cad dang bral bar 'gyur bas rnam par thar pa mngon sum du byas pa de'i tshe las dang po pa'i bsam pa gang yin pa de bsam du med pa ni bsam pa bsam du med pa zhes bya ste/ rang bzhin med pa'o/ /de'i tshe bsam pa thamS cad dang bral ba'i sangs rgyas ni bsam du med pa zhes bya'o/ /dkar po'i chos thams cad kyi rnam par sman pa ni bsam gyis mi khyab pa'i ting nge 'dzin to/ /de'i phyir sems can thams cad kyi bsam pa skad cig gcig la shes par 'gyur ro/ /chos thams cad bsam pa dang bral ba'o zhes bya ba ni gcig tu dben par gnas par bya'o zhes bya ba'i bsam pa yod na de ji ltar bsam pa dang bral ba yin zhe na/ bsam pa dag ni mi sems na zhes bya ba la sogs pa la/ sangs rgyas ni bsam pa thams cad bral pa'o zheS bsam bar bya ba sems na yang 'das pa'i bsam pa nyid 'phel bar 'gyur gyi/ bsam pa sems ba des sangs rgyas thob par mi 'gyur ro/ /shi 'phos dus byas shi ba'i tshe/ /gang gi bsam pa rab 'jug pa zhes bya ba la/ 'phos pa ni 'das pa'o// shi ba ni sems nyams pa'o/ /dus byas pa ni ma 'ongs bar ro/ /gang gi bsam pa rab 'jug pa ni bsam pa'i rjes su rnam par shes pa rtag tu 'jug pa ste/ bsam las de ni me thar ro/ /bsam pa 'di ni bsam pa che/ /zhes bya ba na bsam pa thams cad dang bral ba'i chos nyid sems pa ni chos kyi bsam pa bla na med pa ste/ ma skyes shing ni ma 'gags pa/ mtshan ma med cing mtshan nyid med ces bya ba ni don dam pa'o bskal pa bye bar bshad kyang ni zhes bya ba la sogs pa la/ bskal pa bye ba stong phrag du mar
- 121b
dngos po thams cad kyi rang bzhin rab tu bshad kyang ngo bo nyid rnam par gzhag pa byas pa ma yin te/ rdzas kyi rang bzhin med pa'i phyir ro/ /mtshan ma med par bshad pa yin te/ dngos po dang dngos po med pa ma nyam pa nyid ni dngos po med pa'i sgras bstan gyi /dngos po med pa nyid ni bstan bar nus pa ma yin no/ /dngos po kun gyi dngos po ni rang bzhin te /dngos po med ces nga bstan to/ /de ltar dngos po rnam rig na zhes bya ba la sogs pa la/ dngos po rnams kyi rang bzhin de ltar rig par byas nas spros pa thams cad dang bral ba'i dngos po nyid dngos po zhes rab tu bstan te dngos po nyid du kun rdzob tu mtshon par byed pa'o/ /'jig rten sangs rgyas bdag 'gyur snyam zhes bya ba la sogs pa la/ bdag sangs rgyas su gyur cig ces bya bas ni bdag tu mngon par zhen pa dang /bdag gir 'dzin pa la sogs pa yongs su ma btang bas nges byang chub thob par mi 'gyur ro/ /de lta na ji ltar byas na de 'thob ce na/ chos ni gang dag la yang smon mi byed ces bya ba la sogs ba la/ sangs rgyas la sogs pa'i mtshan nyid can gyi chos cung zad la yang smon par mi byed de/ chos kyi de kho na nyid rtogs pas rtag tu ma nyam par bzhag pa'i phyir ro/ /ci yang med cing dmigs pa med/ de ni byang chub brjod pa yin zhes bya ba la/ dngos po thams cad kyi rang bzhin nges par grub pas stong pa nyid ni ci yang med pa'o dmigs pa dang dmigs bya dang bral ba ni dmigs pa med pa'o/ /chos nyid dang de bzhin nyid ces bya ba de dag ni byang chub ste/ phyin ci ma log pa'i don rtog pa ni byang chub ces bya ba'i sgras bstan to zhes bya ba'i don to/ /byang chub tu ni der zhugs zhes// mang du de skad smra mod kyi/ /zhes bya ba la sogs pa la/ chos kyi de kho na mngon par mi shes bzhin du sgra tsam nyid 'ba' zhig gis byang chub sems dpa' zhes zer ba de'i sgo'i rang bzhin gang yin pa/ /de ni shin tu zab pas rtogs par dga' ba'o/ /de'i phyir
- 122a
sgra tsam 'ba' zhig nyid do zhes bya ba'o/ /mngon shes che la mdo sde 'di/ /nges par bstan zhes bya ba yin/ zhes bya ba la sogs pa la/ mngon par shes pa chen po bsgrub par bya ba'i phyir mdo sde 'di rab tu bstan zhes bya ba'o nyon mongs pa thams cad spangs pa dang ldan pas 'bad pa med par 'jug pa'i smon lam dang/ ye shes kyis mngon par 'du byed ba med pa'i rdzu 'phrul la dbang thob pas ji ltar 'dod pa'i sangs rgyas kyi zhing blta ba/ 'gro ba dang 'ong ba dang 'chi 'pho ba dang /skye ba la sogs pa rab tu ston pa yang sems tsam gyis 'jug par byed cing ston to/ /nyan thos dang rang sangs rgyas rnams kyi rdzu 'phrul gyi cho 'phrul gang yin pa ni byang chub sems dpa' i lhun gyis grub par 'jug pa'i rdzu 'phrul gyi cha tsam gyis kyang zil gyis mnan nas shes par yang mi 'gyur ro zhes bya ba'o/ /lha rnams kyis kyang de dag gi /bsam pa shes par mi nus te/ zhes bya ba la sogs pa la/ nyan thos dang/ rang sangs rgyas rnams dang/ 'jig rten pa'i lha rnams kyis kyang de'i ye shes kyi khyad par phra bar 'jug pa rnams shes par nus pa ma yin na bsam gyis mi khyab pa'i rdzu 'phrul gyi cho ga shes pa lta smos kyang ci dgos zhes bya ba'o/ /de dag spyi cher mi 'gyur te/ zhes bya ba la sogs pa la/ tshe la dbang thob par gyur pas rga ba dang 'chi ba la sogs pa'i sdug bsngal med pa'i phyir ro/ /mdo sde bye ba brgya rnams ni/ /nyin dang mtshan du de dag tshol te zab cing dpag tu med pa'i mdo sde rnams mnyan pa dang/ gzung ba dang bcang ba yang gzhan dag la yang rab tu bstan pa'i phyir te/ ji ltar mngon par rtogs pa'i ting nge 'dzin bye ba brgya stong yang ston to/ / rgol ba brgya stong la yang lan 'debs so/ /kun tu rtogs pa thams cad kyang spong ngo/ /sems can thams cad la sems mnyam pa dang/ ye shes yongs su dag pa dang /rjes su mi dmigs pa'i spyod ba bar?
- 122b
chos yang dag par brjod pa la/ de yi tshig kyang don med min/ chos bstan pa yang 'bras bu yod/ ces bya ba la sogs pa'i don ni rtogs sla'o/ /gang gis rin chen mdo 'di las/ zhes bya ba na gang dag mdo sde rin po che 'di las tshig bzhi pa'i tshigs su bcad pa tsam 'dzin pa'i byang chub sems dpa' des de bzhin gshegs pa mthong bar bya'o/ /myur du byang chub tu mngon par byang chub par 'gyur ro/ /de dag sangs rgyas kyi chos rnam la blo gros ngan pa dang the tshom yod par mi 'gyur ro/ /des bya rgod kyi phung po'i ri la de bzhin gshegs pa chos ston pa mthong zhing gus pas rgyal ba la mchod pa byas pa yin no/ /gang dag gis mdo sde rin po che 'di rna ba'i lam du thos par gyur pa des de bzhin gshegs pa byams pa mthong bar 'gyur zhing/ mthong nas chos zab mo thos nas nges par sangs rgyas nyid du lung ston par 'gyur ro/ /mdo sde 'di ni rab ston na/ /sangs rgyas rnams kyis mdzod bsrungs te/ zhes bya ba ni sangs rgyas rnams kyi chos kyi mdzod bsrungs par 'gyur ro/ /mdo sde 'dzin pa dang/ len pa dang /bsrung ba 'di ni de bzhin gshegs pa'i bla na med pa'i mchod pa'o/ /de dag sgra yang sgrogs par 'gyur/ /zhes bya ba la sogs pa la /dpag tu med pa'i sangs rgyas kyi zhing gi 'khor gyi dkyil 'khor du 'dus nas spobs pa dpag tu med pa dang ldan pas dri ba dpag tu med pa dris nas som nyi med pas ji ltar thos pa bzhin bzung blangs nas de bzhin du sems can thams cad la chos ston par byed do/ /sangs rgyas rnams kyi de lung bstan/ /zhes bya ba la sogs pa la/ mdo sde gang de bzhin gshegs ba thams cad kyi mngon par byang chub pa'i rgyu 'di phyin ci ma ldog pa'i bsrungs pa de ni lung bstan par 'gyur ro zhes bya ba'o/ /de dag gzugs ni phun sum tshogs zhes bya ba la sogs pa la/ skyes bu chen po'i mtshan sum cu rtsa gnyis kyis yang dag par brgyan pa'i lus yan
- 123a
lag thams cad yongs su rdzogs pas mdzes pa sems can thams cad yang dag par dga' bar byed pa'o/ /sangs rgyas kyi zhing sna tshogs na bzhugs pa'i de bzhin gshegs pa rnams la mchod pa'i phyir chu las skyes ba dang/ thang las skyes pa'i me tog yid du 'ong ba kha dog dang dri dang yang dag par ldan pa rin po che sna tshogs kyi rang bzhin sprul pa dang/ de bzhin du sil snyan rnam pa sna tshogs kyi rang bzhin sprul pa dang /de bzhin du sil snyan rnam pa sna tshogs yongs su byung ba grangs med pa sprul nas mchod par byed do/ /yon tan phan yon 'di dag ste/ /zhes bya ba la sogs pa la/ bstan ma thag pa'i yon tan dang phan yon dpag tu med pa rnams dang/ 'chad par 'gyur ba de thams cad ting nge 'dzin gyi rgyal po'i mdo 'di 'dzin pa yin no zhes bya ba'o/ /bud med kyis kyang mdo sde 'di// thos nas tshigs bcad gcig bzung nas/ zhes bya ba la sogs pa la/ mdo sde ma lus pa'am/ tshigs su bcad pa gcig tsam? yang/ /'dzin par byed na de bud med kyi lus spangs nas skyes pa'i lus bsgrubs te chos smra bar 'gyur/ /rab tu mdzes shing mtshan gyis yang dag par brgyan ba'i lus su 'gyur ro/ /mdo sde mchog rab 'di yin ni/ /zhes bya ba la sogs pa la/ mchog rab kyi yon tan yang mchog rab nyid pa? zhes bya ba'i bar du'o/ /sa bdag 'khor los sgyur bar de gyur te/ zhes bya ba la sogs pa la/ 'khor los sgyur ba'i rgyal por gyur nas de bzhin gshegs pa'i bstan pa la rab tu dang ba'i sems kyis tshigs su bcad pa brgya stong gis de bzhin gshegs pa la bstod nas de bzhin gshegs pa'i bstan pa la rab tu byung ngo/ /rab tu byung nas kyang tshangs par spyod pa rnam par dag pa la spyod par 'gyur ro/ /de rnam par dag pas ting nge 'dzin bsgrubs te ting nge 'dzin gyi stobs kyis stong pa
- 123b
nyid dang/ mtshan ma med pa dang/ smon pa med pa dang/ rang bzhin gyis 'od gsal ba dang/ gzod ma nas zhi ba'i chos ston par 'gyur ro/ /snang bar gyur pas mi shes pa'i mun pa sel bar byed pa la mkhas par 'gyur ro/ /ting nge 'dzin 'dzi 'dzin par ? tshangs par spyod pa gtsang bar 'gyur zhing nyon mongs pa'i phyogs thams cad bkrus pa dags par 'gyur ba'i sems kyi rgyud kyis gzhan dag kyang rnams par dag pa'i tshul khrims la rab tu 'god par byed par 'gyur ro/ /de shes rab rab tu rno bar 'gyur ro bstan btsos ma lus pa yongs su shes pa'i thos pa'i rgya mtshor 'gyur ro/ /dge ba'i chos rab tu ston pas dge ba'i gtam gyis sems can gyi khams dpag tu med pa 'dul ba la mkhas par 'gyur ro/ /gong yang 'jig rten la grags pa'i las kyi gnas kyi khyad par dang/ bzo'i gnas kyi khyad par dang/ gso ba dang/ sman rnams kyi ro dang/ nus pa dang/ sman pa'i gnas kyis khyad par de dag la rab kyi mthar thug par thob pa/ snyan dngags dang/ bstan bcos dang/ glu dang/ rung ba dang/ gar gyi bstan bcos la sogs pa sna tshogs la slob dpon du bkur bar 'gyur ro/ /'khor dpag tu med pa dang/ /'khor mi phyed bar 'gyur ro/ /gang cung zad sems la gnod pa byed pa dang/ lus la gnod pa byed pa'i nang rnam pa sna tshogs pa de dag de la 'byung bar mi 'gyur te/ ting nge 'dzin bsgoms pa'i sems dang de 'gal ba yin pa'i phyir ro/ /bar snang mkha' la gos pa med pa ltar zhes bya ba la sogs pa la/ ji ltar nam mkha' rang bzhin gyis rnams par dag pa dang/ tshad med pa yin pa de bzhin du ting nge 'dzin 'di bsgoms par gyur pa'i sems kyang nam mkha' bzhin du shin tu rnam par dag pa dang/ rang bzhin gyis 'od gsal ba dang/ tshad med pa ste/ tshad gyis yongs su bcad par mi nus pa'i phyir ro/ /zla ba'i 'od dang zhes bya ba la sogs pa dang/ ci ltar zla ba dang nyi ma'i
- 124a
'od rang bzhin gyis 'od gsal ba yin no/ /de bzhin du sems kyang mi shes pa'i mun pa ma lus pa rnam par bsal na rang bzhin gyis 'od gsal bar 'gyur ro/ /rdul dang bral ba'i ting nge 'dzin zhib 'di 'byung na zhes thams cad du bstan par bya'o/ /ji ltar tshon rtsi thogs nas bar snang nam mkha' las zhes bya ba la sogs pa la/ tshon rtsi sna tshogs kyi tshogs ras dang/ rtsig ngos la sogs pa la 'dri ba bzhin du nam mkha' la bri bar nus pa ma yin no/ /de bzhin du sems la yang gnyis su med pa'i rang bzhin gyi ting nge 'dzin ma gtoD pa rnaM par rtog pa sna tshoD kyi tshon sbyar bas bri bar nus pa ma yin no/ /rlung ni ji ltar phyogs bzhi dag nas langs pa dang zhes bya ba la sogs pa la/ rlung ni phyogs bzhi nas rgyas bskor zhing zhags pas bcing du rung yang srid kyi de'i sems ni shes par nus pa ma yin zhing sems can thams cad kyi sems kyi spyod pa shes par nus pa ma yin no/ /yongs su brtags pa nye bar bzung nas snod sna tshogs kyi chu'i nang du byung ba'i chu'i zla ba ni gzung bar nus kyang srid/ glog 'gyu ba lag pas bcad bar nus kyang srid/ sems can thams cad kyi sgre dang skad/ gcig tu byas nas gzung bar nus kyang srid kyi/ de'i sems kyi spyod pa shes par ni nus pa ma yin no// zhes bya bas ting 'dzin thob pa'i che ba'i bdag nyid rab tu bstan pa yin no/ /des ting nge 'dzin de thob nas yang ngan song gsum du las kyi dbang gis ltung bar mi 'gyur gyi/ sems can gyi don du bsam bzhin du srid par skye bar ni mi 'gyur ro/ /'dod pa dag la mi srid gzugS la mi sred de/ zhes bya ba la sogs pa la/ 'dod pa dang/ gzugs dang/ gzugs med pa la sred pa dang bral bas 'dod pa la sogs pa la mi srid pa'o/ /chung ma dang bu dang bu mo dang gnyen bshes dang? 'khor dang nor dang 'bru dang rin po che dang mu tig la
- 124b
sogs pa la sred pa med pa yin no/ /sred pa ni tshol ba dang don du gnyer ba ste/ shin tu 'dod pa bde dang der tshol bas ngoms pa med pa'i sems zhes bya'o/ /de'i tshangs par spyod pa mtho ris kyi phyir ma yin/ lha'i dbang po dang/ rgyal srid kyi dbang phyug gi phyir ma yin gyi/ gzhan du na 'gro la phan phyir sangs rgyas 'grub par shog ces bya bas sems can ma lus pa bsgral bar dam bcas pa'i phyir ting nge 'dzin sgom par byed do/ /glu la'ang mi sred/ ces bya ba la sogs pa la glu dang gar dang sil snyan dang rjes su mthun pa dri dang/ me tog dang spos dang/ phye ma dang/ gos dang/ bza' ba dang/ btung ba dang/ mal dang/ stan tshol ba ched du byed par mi 'gyur ro/ /ting nge 'dzin thob pa'i yon tan ni 'di dag ste/ rnam pa sna tshogs pa'i rnam par rtog pa'i sbyor ba yongs su spong ba la mkhas par blta bar bya'o zhes bya ba yin no/ /mig la mi sred ces bya ba la sogs pa ni phung po dang khams dang skye mched la mngon par ma zhen par bstan pa yin no/ /khyim la mi srid ces bya ba la sogs bas ni phyi rol gyi nye bar mkho ba la mngon par zhen pa yongs su spangs la ting nge 'dzin bsgom pa la mngon par sbyar bar bya'o zhes bstan par 'gyur ro/ /sbyin la mi srid ces bya ba la sogs pa ni pha rol tu phyin pa drug bsgom pa'i rnam par rtog pa yang ting nge 'dzin thob pa na yod pa ma yin no zhes bstan par 'gyur ro// sangs rgyas dag la mi sred ces bya ba la sogs pas ni sangs rgyas dang chos dang dge 'dun la yang mngon par zhen pa yod pa ma yin no zhes bstan pa yin no/ /yod la mi sred ces bya ba la sogs pa la/ yod pa nyid dang/ med pa nyid dang/ mdza' dang ldan pa nyid dang/ mdza' dang mi ldan pa nyid dang/ dbus nyid la zhen pa la sogs pa yang ting nge 'dzin thob par 'gyur ba la yod pa ma yin no zhes bya ba'o/ /de la 'dod chags nam yang yod ma yin zhes bya ba la sogs pa la/ 'dod chags dang zhe sdang dang /gti
- 125a
mug gis byas pa'i sems rnams rnam par rmongs par byed pa'i gnod pa yod par mi 'gyur ro/ /nyon mongs pa dang/ nye ba'i nyon mongs pa dang/ kun nas nyon mongs pas gnod par mi 'gyur ro/ /des thams cad yongs su btang pa dang/ 'jig rten las 'das pa'i stobs dang/ mthu dang brtson 'grus thams cad thob par 'gyur ro/ /gang tshe 'jig rten du yang 'khor los sgyur ba yi/ zhes bya ba la sogs pa la/ /de bsams bzhin du gling bzhi'i dbang phyug gi 'khor lo sgyur bar 'gyur ro/ /de ltan yang ting 'dzin yongs su sgom par byed pa dang/ rtag tu sems mnyam par bzhag pa dang/ dge ba bcu'i las kyis lam la 'god par byed pa dang/ 'gro ba'i don byed bar 'gyur ro/ /su dag gtso bor gyur cing rigs che rin chen mchog ces bya ba la sogs pa la gang yang dzam+bu'i gling na rigs rin po cher brtsis pa longs spyod chen po der skyes nas rnam pa sna tshogs pa'i don gtong bas sems can rnams rjes su bzung nas sangs rgyas kyi byang chub las nges par 'god par byed do// de dag rim gyis sangs rgyas rgyal ba mchog tu 'gyur zhes bya ba la sogs pa dang/ tshangs spyod mtshungs med tshul khrims rab tu srung zhes bya ba la sogs pa la/ sbyin pa dang/ tshul khrims dang/ bzod ba dang/ brtson 'grus dang/ bsam gtan dang/ shes rab la sogs pa'i yon tan gyis brgyan nas rdzu 'phrul gyi rkang ba rnams goms pa mthar thug par gyur nas rdzu 'phrul gyis mos pa sna tshogs pa'i sems can rnams kyi bsam pa dang/ lhag pa'i bsam pa dang/ rjes su mthun par chos bstan pas dbang du byas nas sangs rgyas kyi byang chub la 'god par byed do/ /mngon par shes pa lnga dang yang dag par ldan pas 'chi? 'pho dang/ skye ba la sogs pa yongs su shes nas las dang 'bras bu so sor des pa la sogs pa rab tu
- 125b
bstan bas btul nas bla na med pa'i theg pa chen po la rab tu 'god par byed do/ /de la 'phya bar byed pa na sems can 'du shes mi 'jug ste zhes bya ba ni de la gang dag 'phya bar byed pa na sems can gyi 'du shes dang/ srog gi 'du shes 'jug par mi 'gyur te/ bdag dang gzhan du 'du shes pa dang bral ba'i phyir ro/ /stong pa nyid la rnam par gnas nas bdud kyi dkyil 'khor rnam par 'thag par byed do/ /byang chub chen po'i snying po la zhugs nas bdud bzhi pham par byed pa zhes bya bas 'du shes thams cad spangs pa'i byang chub tu mngon bar byang chub par 'gyur ro/ /mngon par byang chub pa'i dus sum lus pa g.yo pa la sogs pa'i rdzu? 'phrul gyi khyad par yang 'byung zhes bya ba'o/ /rten cing chos rnams 'byung bar 'gyur zhes bya ba la sogs pa la/ dngos po gang dag rten cing 'byung ba de rnams rang gi mtshan nyid kyis stong pa zhes bya ba ste/ stong pa nyid 'gro bas 'gro ba'o/ /de'i 'gro ba ni 'gro ba'ang med pa ste/ 'gro ba po dang 'gro bya dang 'gro ba med pa'i phyir ro/ /de ni 'gro ba der 'gro ste zhes bya ba la sogs pa la spros ba thaMs cad dang bral ba'i chos nyid rtoD pa la 'gro ba med paS rtoD pa med pa mngon par byang chub nas byang chub kyi snying po las bzhengs nas gdul bya'i sems can thams cad 'dul bar mdzad cing sems can dmigs par mi 'gyur yang sprul pa lta bur chos rnams rig na sprul pas sprul pa'i sprul pa lta bur sems can rnams kyi don byed do/ /sprul pa de dag ji lta ba bzhin du chos ston pa'o/ /theg pa chen po sangs rgyas kyi theg pa bla na med pa zhes bya ba la sogs pa la/ byang chub sems dpa' gang dag kyang zhing rnams stong nas lhags pa rnams/ zhes bya ba la sogs pa mchod pa'i khyad par ston pa ni go sla'o/ /pad+ma bye ba bsam mi khyab/ /'dab ma dag ni gser las byas/ /zhes bya ba la sogs pa la/ /btsan ldan sprul gyi snying po can gyi ze ba can baiDUrya'i sdong po dang/ rin po che'i shel
- 126a
gyi 'dab ma dang/ rin po che dpal gyi snying po'i ge sar can gyi dpag tu med pa'i pad+ma sprul nas yid du 'ong ba'i dri dang rdul sangs rgyas kyi zhing dpag tu med pa khyab pa spros pas sems can thams cad kyi nyon mongs pa 'joms pa'i ngo bo sangs rgyas dang/ chos dang /dge 'dun dang/ stong pa nyid dang/ mtshan ma med pa dang/ smon pa med pa la sogs pa'i sgra rnams sprul pa'i pad+ma de dag la byung nas dpag tu med pa'i sems can phyir mi ldog pa la 'god par byed pa zhes bya ba la sogs ba dang/ bya rnams kyang sprul bar byed do/ /skad snyan pas chos nyid kyi de kho na nyid ston par byed pa dang/ rin po che'i shing sna tshogs kyang de bzhin gshegs pa la mchod pa'i phyir sprul par byed do zhes bya ba'o/ /gong ma bzhin du zhes bya ba ni de lta bu'i mchod pa'i khyad par gyis zhes bya ba'i don to/ /dbyangs kyi yan lag rnams 'byin pa zhes bya ba la sogs pa la/ de bas dbyangs kyang bsam yas te/ byang chub sems dpa' rlom sems med/ rlom sems med pa'i chos rnams la/ /byang chub sems dpa' rnam par 'byams/ /mngon shes lnga po shes rab che/ /chos kyi 'khor lo bskor ba po/ /mdo sde rin chen 'di bsngags rnams/ /zhes bya ba la sogs pa la/ mdo sde 'dzin pa'i phan yon rgya cher thos nas rab tu dga' ba'i sems bskyed par byed pa de dag ni bde ba can gyi 'jig rten gyi khams su 'gro bar 'gyur ro zhes bya ba la sogs pa'o/ /zad dus mi bzang pa la byang chub sems dpa' gang/ bde bar gshegs pa'i bstan pa'i chos mchog 'di bsrung ba/ zhes bya ba la sogs pa la/ phyi ma'i dus ni ting nge 'dzin gyi rgyal po klog pa dang/ 'don ba la sogs pas gang dag srung bar byed pa de dag pa'i bu chos las skyes pa/ byang chub sems dpa' chen po yin no/ /sna tshogs kyi chos kyi de nyid yangs ba ston bar byed pa mkhas pa'i grags pa dang
- 126b
ldan ba/ snying rje chen po las spros sems kyis sangs rgyas nyid 'phags sems can kun gyis gnyen gcig pa/ zab cing rgya che'i sku mnga' 'jam pa'i dbyangs kyi zhabs la gus pas rab 'dud bag yod pa/ /de yis rgyal ba mchog gis gsungs pa'i mdo sde zla ba'i sgron ma bshad par byas/ /mdo sde 'dzin pa'i phan yon gyis le'u ste sum cu rtsa gsum pa'i 'grel pa rdzogs so// //brtson 'grus rab tu 'bar bas rang gi lus dang srog la yang bltos pa med par chos kyi rnam grangs 'di la rnal 'byor du bya'o? zhes bstan pa'i phyir/ de nas bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na zhes bya ba la sogs pa la/ mchod pa rgya cher bya ba la mngon par brtson bar bya'o/ /zhes bya ba'i bar mi don go bar zad do/ /chos thams cad kyi rang bzhin mnyam pa nyid rnam par spros pa'i ting nge 'dzin 'di yid du 'ong ba'i dbyangs dang tshig dang yi ge rgyun chags pas gzhan la rgya cher rab tu bstan par bya'o/ /de ci'i phyir zhe na/ zhes bya ba ni chos thams cad la goms bar byas nas sangs rgyas nyid 'thob par 'gyur ba yin na gang gi phyir ting nge 'dzin gcig bu rab tu bstan par bya zhes som nyi za bar 'gyur/ chos thams cad kyi rang bzhin mnyam ba nyid rnam par spros pa'i ting nge 'dzin gyi rgyal po'o zhes bya ba la/ gang gi tshe snying rje chen po dang thabs kyis brten pa'i brtson 'grus dang ldan pas de bzhin gshegs pa 'am/ de bzhin gshegs pa'i mchod rten la mchod pa rgya cher bya ba la brtson par 'gyur cing/ ting nge 'dzin gyi rgyal po 'di gzhan dag la rgya cher rab tu ston pa'i tshe de stong pa nyid dang/ mtshan ma med pa dang/ smon pa med pa dang/ rnam par thar pa'i sgo rnams la rab tu gnas par 'gyur ro/ /des chos cung zad kyang dmigs par mi 'gyur te/ ting nge 'dzin gyi ngo bo nges par rtags pa'i phyir ro/ /dmigs pa med pa'i ting nge 'dzin la
- 127a
nges par gnas pa'i byang chub sems dpa' ni bdag dang gzhan sangs rgyas nyid du bya ba'i phyir smon lam thams cad yongs su rdzogs par byed cing/ ting nge 'dzin thob par byas nas myur du bla na med pa yang dag bar ?? byang chub mngon par rdzoD par 'tshang rgya'o/ /de'i phyir ting nge 'dzin ni chos thams cad kyi rtsa ba yin no zhes bya'o/ /gzhon nu sngon byung ba 'das pa'i dus na zhes bya ba la sogs pas ni 'das pa'i dus kyi gtam gsungs pa yin te/ de bzhin gshegs ba dbyangs sbyin mya ngan las 'das pa la mchod pa'i phyir mi'i bdag po dpal dbyangs zhes bya bas de bzhin gshegs pa'i rang bsrel? gyi snying po can gyi mchod rten bye ba khrag khrig brgya stong phrag brgyad khri bzhi stong byas te/ byas nas de dag la mchod pa rgya cher byas so// byang chub sems dpa' chen po rnams la yang chos mnyan pa'i phyir bde ba'i yod byad thams cad kyis mchod pa la brtson par gyur to/ /byang chub sems dpa' de dag thams cad kyang chos smra ba chen po sa legs pa'i blo gros la legs par gnas pa'o// de nyid kyi phyir spongs pa rgyun mi 'chad pa/ chags pa med pa'i ting nge 'dzin dang gzungs la rab tu gnas pa/ yongs su dag pa'i sangs rgyas kyi yon tan dpag tu med pas brgyan pa/ chos zab mo bstan pa/ chos thams cad la dbang thob ba sha stag go /'khor ? byang chub sems dpa' bde bas byin zhes bya ba gzugs dang lang tsho la sogs pa'i yon tan dang ldan pa zhig kyang gnas so/ /de'i tshe rgyal po dpal dbyangs kyis byang chub sems dpa' i dge 'dun chen po de la pha rol tu phyin pa drug yang dag par brjod pa dang/ byang chub sems dpa' i sde snod yang dag par brjod pa dang/ gzhung dang/ don dang/ chos dang/ sngags kyi gzungs chen po rang bzhin can de dag bstan pa'i phyir gsol ba gdab pa byas so/ /gsol ba btab pa dang
- 127b
thabs mkhas pa ni snying rje chen pos yongs su gzung ba dang/ chos thams cad kyang sangs rgyas kyi chos la 'jug pa'i thabs su gyur pa zhes bya ba'o/ /dbang ni dbang bcu ste/ bye brag tu bstan na mdo sde dang/ mngon pa'i chos dang/ 'dul ba dang/ rnam par 'byed pas rab tu phye nas bstan pa'i phyir byang chub sems dpa' sems dpa' chen po de dag la gsol ba btab nas de'i nub mo ste srod kyi dus su nyal ba'i dus so/ /de'i tshe de bzhin gshegs pa'i ring bsel gyi mchod rten gyi mdun du mar me'i yon bye ba khrag khrig brgya stong dag rab tu 'bar bar byas te/ ci ltar bka' nyan pa rnams kyis rgyal po'i rjes su spyod pas phun sum tshogs pa rnams dang/ rgyal po dpal dbyangs kyis btsun ma'i 'khor gyi skye bo dang lhan cig tu mchod pa'i khyad par rnam pa sna tshogs kyis mchod pa byas nas yang btsun mo 'khor dang bcas te khang thog tu song ngo/ /song nas lha la sogs pa'i 'khor dang bcas par 'dug go /de nas byang chub sems dpa' chen po bde bas byin 'di snyam du sems te/ bdag ni theg pa chen po la zhugs pa yin na zhes bya ba la sogs pa la/ bdag gis de bzhin gshegs pa la mchod pa lha dang lha ma yin dang bcas pa'i 'jig rten ngo mtshar du 'gyur pa de lta bus mchod pas chos kyi snang ba thob par bya ba dang/ rgyal po dpal dbyangs kyi mchod ba thams cad zil gyis mnan pas ngo mtshar thob bar bya ba'i phyir snang ba'i mchod pa bya'o snyam du nges par bsams nas de bzhin gsheD ba'i ? srel kyi snying po can gyi mchod rten gyi mdun du 'dug nas lag pa g.yas pa ras kyis dkris nas 'bru mar gyi nang du bcug ste 'bar bar byas so/ /bsam ba rnam par dag pa dang/ chos nyid rab tu rtogs pas lag pa de ltar 'bar yang sems dang bzhin gyi mdog 'gyur ba med pas tshor ba med par mtshon pa dang/ chos nyid la dga' bas bzhin gyi mdangs pad+ma rab tu rgyas pa lta bur gyur to/ /byang chub sems dpa' i spyod pa
- 128a
shin tu ngo mtshar che bar bstan pa'i phyir sa chen po 'di yang g.yos par gyur to/ /lag pa g.yas pa 'bar bar byas pa'i 'ong nges mar me'i 'od bye ba khrag khrig brgya stong phrag du ma rnams mog mog bor byas nas phyogs thams cad du snang bar gyur to/ /chos thams cad kyi rang bzhin mnyam pa nyid rnam par spros par ting nge 'dzin gyi mthu shin tu khyad bar du 'phags pas/ sum cu rtsa gsum gyis lha rnams kyi bar la chos ston to/ /de dag gis kyang chos kyi dga' bas mchod pa chen po byas so// rgyal po dpal dbyangs kyis byang chub sems dpa' bde bas byin gyi lag pa 'bar bar byas pa'i 'od kyis gzhan thams cad kyi 'od zil gyis mnan nas 'bar bar gyur pa mthong nas byang chub sems dpa' chen po 'di ni mngon par shes pa chen po thob pa yin no snyam nas rgyal po dpal dbyangs gus pa dang bcas pas btsun mo'i 'khor brgyad cu dang lhan cig tu khang pa'i steng nas bdag nyid mchongs kyang bde bas byin mthong bas sems rab tu dga' ba'i khyad bar gyis lha la sogs pas legs par bsrungs pa dang/ bsod nams lhag par spyod pa'i che ba'i bdag nyid kyis khru stong phrag brgya tshang ba'i khang pa'i steng nas mtsho la? na yang de dag gi lus dang sems la gnod pa ci yang ma byung ngo/ de nas byang chub sems dpa' bde bas byin gyis gam du song ba dang/ bde bas byin lag pa 'bar bar gyur pa mthong nas dad ba'i shugs kyis che nges btab bo/ /de nas rgyal po dpal dbyangs du zhib mchim phyung nas bde bas byin gyi 'dun na 'dug pa mthong nas bde bas byin gyis rgyal po chen po ci'i phyir bdag gi mdun na bshum bzhin bzhugs de skad ces smras ba dang/ rgyal po dpal dbyangs kyis tshigs su bcad pa'i dbyangs kyis smras pa zhes bya ba ni lan gdab pa'i phyir zhes bya ba'i don to/ /de dag nyid bstan pa'i phyir/ shes rab chen po bde bas byin zhes
- 128b
bya ba la sogs pa la/ chos smra ba chen po bde bas byin mkhas pa chen po'i ya mtshan pa mthong nas skye bo ma lus pa yid mi bde zhing du bar gyur to zhes bya ba yin no/ /dpe med yon tan bang mdzod ye shes phung po mchog gyur pa/ ri'i dbang lta bu dag pa'i zla ba nyi ma pas lhag cing/ ma lus 'byung po kun la sems snyoms pa yi 'od zer gyis/ nyid sku mdzes ba'i mdangs kyis ci nas gsal mdzad pa'i/ /lag pa nyams par shes nas bdag kyang shin tu sdug bsngal lo/ /zhes bya bas ni du ba'i rgyu bstan to/ /khyod kyi lag pa 'bar bar byas pa zhes bya ba la sogs bas ni 'od kyi khyad par du gyur pa nye bar bstan te/ phyogs ma lus pa bsnang bar byed par mkhas pa khyod las byung ba'i snang bas mar me la sogs pa gzhan gyis 'od mi gsal bar byas pa dang/ ngo mtshar bskyed par bya ba'i phyir/ sa 'di rab tu g.yos gyur te/ zhes bya ba la sogs pa la/ khyod kyi sems zhums pa med pa mthong nas skyes bu 'di ni tha mal ba ma yin te/ nges bar phyir mi ldog pa'i byang chub sems dpa' yin no snyam du bsams nas ? btsun mo'i 'khor dang bcu pa khang pa'i steng nas mtshangs so zhes bya ba la sogs pas byang chub sems dpa' la go bar byas nas legs so zhes bya ba byin pa ni che ba'i yon tan brjod pa'i phyir te/ ye shes kyi bdag nyid che ba dang/ sems kyi bdag nyid che ba dang brtson 'grus kyi bdag nyid che ba dang/ 'gyur ba med pa'i bsam pas chos stong pa'i che ba'i bdag nyid bstan pa'o/ /bdag kyang de bzhin mkhas pa yi/ /smon lam yongs su rdzogs par bgyi/ /zhes bya bas gzhan dag kyang slob tu 'jug pa'o/ /'di ltar yan lag ma tshang ba/ /nges ni rab tu sdug bsngal la/ /zhes bya ba la/ byang chub sems dpa' bde bas byin yan lag ma tshang ba ma yin par ston pa'i tshigs su bcad pa gzhan gsungs pa ni gang la lag pa med pa yang/ de ni yan lag mtshang min zhes bya ba
- 129a
la dge ba'i yan lag la yan lag ces bya ba'i sgras brjod pas lus kyi yan lag ma tshang par gyur kyang tshul khrims kyi yan lag ma nyams pa ni yan lag ma tshang ba med pa zhes brjod do/ /su la tshul khrims med pa dag /de ni yan lag ma tshang yin zhes bya ba ni bzlog pa'i sgo nas bstan pa yin no/ /rul pa'i lus 'dis rul pa ma yin pa'i chos kyi sku thob par bya ba'i de bzhin gshegs pa thams cad la mchod par bya'o/ /stong gsum gyi stong chen po'i 'jig rten gyi khams stong phrag brgya rgyan thams cad kyis brgyan cing rin po che sna bdun gyis yongs su bkang nas gang dag gis de bzhin gshegs pa rnams la phul bar gyur pa dang/ yang gzhan zhig gis chos nyid stong pa shes nas/ de bzhin gshegs ba rnams la yan lag dang nyid lag la sogs pa phul na snga ma de pas lus kyi yan lag gtong ba 'di ni bsod nams kyi phung po dpag tu med pa rab tu thob par 'gyur ro zhes bya ba'o/ /'jig rten rjes su gzung ba'i phyir bden pa'i byin gyis brlabs byed par rtsom pa ni bden pa'i tshig ni brjod par bgyi zhes bya ba la sogs pa la/ bden pa gang gis sangs rgyas su bdag 'gyur na ste 'jig rten thams cad la snang ba byed pa dang sems can gyi khams dpag tu med pa rab tu dgrol bar khyed par 'gyur na bden pa dang bden pa'i tshig nges sa chen po 'di rnam pa drug tu g.yos par gyur cig ces brjod pa dang/ bden pa'i tshig de brjod ma thag tu sa chen po 'di rnam pa drug tu g.yos so/ /ngo mtshar rmad du byung ba'i ltas de mthong bas lha la sogs pa rnams dga' ba'i sems kyis byang chub tu sems bskyed nas theg pa chen po la rab tu gnas par gyur to/ /yang stong pa nyid kyi bdag nyid che ba bstan par bya ba'i phyir byin gyis brlabs byed pa ni/ bden pa gang gis chos de ni/ lag ba zhes
- 129b
kyang bya med na zhes bya ba la/ don dam bar 'jugs la sogs pa'i phung po bden pa ma yin te/ stong pa nyid kyi rang bzhin gyi phyir ro/ /bden pa de yis sngon ltar yang/ /lag pa myur du 'byung bar shog /ces bya ba ni ji ltar sngon ma nyams pa'i dus kyis gzugs bzhin du gyur cig pa'o/ /de bzhin du bde bas byin zhes bya ba'i chos kyang yod pa ma yin no/ /gang gis ston par byed pa'i sgra de yang stong pa'o/ /bden pa dang bden pa'i tshig nges 'jig rten thams cad tshig par ma gyur cig ces gal te bden pa'i byin gyis brlabs byas nas yang thams cad tshig par mi 'gyur ro zhes bya ba yin no/ /sems can thams cad mnyam par bzhag par shog cig /nges par phyir mi ldog par gyur cig ces bya ba phan pa'i bsam pas brjod ma thag nyid du mtshan thams cad yang dag par rdzogs par 'gyur zhes bya ba yin no/ /de nas lha dang klu dang gnod sbyin dang/ dri za dang/ lha ma yin dang/ mi 'am ci dang/ mi dang/ mi ma yin pa thams cad kyis mchod pa bla na med pa byas so/ /de bzhin gshegs pa thams cad kyang mthong zhing sangs rgyas kyi zhing de dag tu che ba'i yon tan yang 'khor rnam pa bzhi la bstan pas sems dad ba skyed par byed pa'i phyir ro/ /lha la sogs pa yang bla na med pa yang dag par rdzogs par byang chub par 'gyur ro/ /sangs rgyas shAkya seng ge ni zhes bya ba la sogs pa la/ de nyid de'i tshe bde bas byin tu gyur pa yin no/ /dpal dbyangs ni byams pa ma pham pa nyid yin no zhes bya ba'o/ /lhag ma ni go sla'o/ /nyes pa kun las rnam grol ba/ /bde ba mya ngan 'das par 'dod/ /sems can kun la bde sbyin bas/ /thabs chen man ngag ston mdzad pas/ /thub pa gtso po bde ba sbyin/ /'jig rten bsam pa'i bye brag gis/ /de nyid gcig du rnam par bsgyur ro/ /bde bas byin gyi le'u ste sum cu bzhi pa'i 'grel pa rdzogs so// //mdo sde 'chang
- 130a
pa'i chos smra ba la rang gi sha dang khrag gi kyang nye bar spyad pas sems can gyi don du bsnyen bkur byas la nad gso bar bya'o zhes bya bar/ de nas bcom ldan 'das kyis zhes bya ba la sogs pa gsung te/ gzhon nu de lta bas na zhes bya ba la sogs pa la/ chos kyi sbyin pa'am zhes bya ba nas mngon par brtson par bya'o zhes bya ba'i bar du ni rtogs sla ba'i phyir ma dkrol lo/ /sbyin pa de yang bsngo ba bzhis yongs su bsngo bar bya'o/ /zhes bya ba ni yongs su bsngo ba'i khyad par las 'bras bu'i khyad par du 'gyur bas de'i phyir khyad par du 'phags pa'i 'bras bu 'dod pas de bzhin du bsngo bar bya'o zhes bya ba yin no/ /bzhi po gang dag yin zhes dris pa dang/ 'di lta ste zhes bya bas nye bar ston par byed do/ /thabs la mkhas pa gang gis zhes bya ba la sogs pa la/ thabs la mkhas pa gang gis de bzhin gshegs pa de rnams myur du bla na med pa yang dag par rdzogs par sangs rgyas nas 'gro ba ma lus pa'i don mdzad par gyur ba de bzhin du thabs la mkhas pa'i khyad par la dmigS nas sbyin pa las byung ba'i dge ba'i rtsa ba bskyed par bya'o zhes bya ba ni bsngo ba dang po'o/ /dge ba'i bshes gnyen gang las thabs la mkhas pa 'di thos nas gang gis bla na med pa yang dag par rdzogs pa'i byang chub 'thob pa'i dge ba'i bshes gnyen de dag dang bdag rtag tu 'grogs par gyur cig ces de ltar sbyin pa las byung ba'i dge ba'i rtsa ba bskyed par bya'o zhes bya ba 'di ni gnyis pa'o/ /longs spyod thob pa gang ngag 'jig rten thams cad nye bar 'tsho bar 'gyur ba de dang bdag phrad par gyur cig ces sbyin pa las byung pa'i dge ba'i rtsa ba bskyed pa ni gsum pa'o/ /bdag gis lus grub pa gang gis chos dang zang zing rnam pa gnyis kyis sems can thams cad rjes su 'dzin pa de lta bu dang mthun pa'i bdag gi lus grub par gyur cig ces sbyin pa las byung
- 130b
pa'i dge ba'i rtsa ba bskyed pa ni bzhi pa'o/ /de lta bur yongs su bsngo ba'i sbyin pa ni sangs rgyas nyid sgrub par 'gyur ba'o/ /gzhan yang gzhon nu zhes bya ba la sogs pa la/ byang chub sems dpa' gang dag tshul khrims kyi phung po la rab tu gnas pa de la g.yo med paS bsten par bya'o/ /byang chub sems dpa' gang ting nge 'dzin 'di 'dzin pa'i dge slong nad shin tu mi bzang pas btab nas na bar gyur na rang gi sha dang khrag gis kyang na ba de las bslang ba de la spro bar bya ste/ lhag pa'i bsam pa phun sum tshogs ba dang/ sangs rgyas nyid 'dod pas g.yo med pa'i sems kyis rang gi sha dang khrag kyang yongs su btang la chos smra pa'i dge slong nad mi bzad pa de las bslangs par bya'o zhes bya ba yin no// sngon byung ba'i gtam gyis lhag pa'i bsam pa g.yo ba med pa bstan pa'i phyir/ gzhon nu sngon byung ba 'das pa'i dus na zhes bya ba la sogs pa la/ sngon byung ba ni sngar grub pa la sngon byung ba zhes bya ba ste/ 'das pa'i sgras bstan pas chog na grangs med pa la sogs pa ci dgos zhe na/ grangs kyi nges pa bstan pa ni 'das pa'i shin tu ring por gyur pa bsgrub pa'i phyir bstan to/ /de bzhin gshegs pa smon lam bsam gyis mi khyab pa khyad par du 'phags pa'i rgyal bo zhes bya ba ni smon lam gyi khyad par gyis bskal pa grangs med pa bye ba brgya stong du mas bsgrub par bya ba'o/ /sems can gyi khams dpag tu med pa yongs su smin par bya ba dang/ grol bar bya ba'i mtshan nyid can sangs rgyas kyi mdzad pa rnams nyi ma gcig po de nyid la yang dag par bsgrubs par gyur nas sems can rnams theg pa gsum gyis mya ngan 'das pa la bkod de/ bdag nyid kyang nyi ma de nyid kyi mdza' la yongs su mya ngan las 'das par 'gyur ro/ /de yongs su mya ngan las 'das nas dam pa'i chos ni yun ring du gnas par gyur to/ /lnga brgya tha mar gyur pa na zhes bya ba la/ brgya phrag lnga bsdus pa ni lnga brgya ste/ de bzhin gshegs
- 131a
pa'i dam pa'i chos gnas pa'i dus lo lnga stong gnas so zhes zer ro/ /lo lnga stong la lnga brgya lnga brgya tha dad du byas pa'i dbang du byas nas lnga brgya phrag bcur 'gyur bas dus bcur 'gyur te/ re zhig dang por ni mngon par rtogs pa'i dus yin no/ /de nas bsgrub pa'i dus so/ /de nas lung gi dus zhes bya bas dus gsum mo/ /de la mngon par rtogs pa'i dus kyang gsum du 'gyur te/ dgra bcom pa'i dus dang/ phyir mi 'ong ba'i dus dang/ rgyun tu zhugs pa'i dus so/ / bsgrub pa'i dus kyang rnam pa gsum du 'gyur te lhag mthong gi dus dang/ ting nge 'dzin gyi dus dang/ tshul khrims kyi dus so/ /lung gi dus kyang gsum du gyur te/ chos mngon pa'i sde snod kyi dus dang/ mdo sde'i sde snod kyi dus dang/ 'dul ba'i sde snod kyi dus so/ /de ltar dus dgu dang/ rtags tsam 'dzin pa'i dus dang bcur 'gyur ro/ /de la dus re re la yang la lnga brgya lnga brgyar 'gyur te/ de ltar dus bcu la lnga brgya phrag bcu yin pas lo lnga stong du 'gyur ro/ /de la lnga brgya phrag dang po la ni dgra bcom pa'o// gnyis pa la ni phyir ma 'ong ba'o/ /gsum pa la ni rgyun tu zhugs pa'o/ /bzhi pa la ni lhag mthong ngo/ /lnga pa la ni ting nge 'dzin no/ /drug pa la ni tshul khrims so/ /bdun pa la ni chos mngon pa'o/ /brgyad pa la ni mdo sde'o/ /dgu pa la ni 'dul ba'o/ /lnga brgya phrag bcu pa la ni rtags tsam mo/ /de lta bu la lnga brgya tha ma zhes bya'o/ /lnga brgya zhes bya ba kha cig gzhan du 'don te/ lnga brgya zhes bya ba'i ring? po bor ba'o zhes zer ro/ /gzhan dag ni 'di skad smra ste/ mi rnams ni tshe? tshad lo brgya yin no/ /de la dang po'i lo lnga bcu la ni kha dog dang/ gzugs dang/ stobs dang/ shes rab la sogs pa 'phel bar 'gyur ba yin no/ /phyir phyi ma'i lnga bcu la ni de dag rim gyis 'grib par 'gyur ba yin no/ /de bzhin du 'jig rten thams cad
- 131b
kyis dus kyi tha ma la bab pa'i tshe phyir phyi ma'i lnga bcu'i tha ma la bab par 'dra bar tha mar gyur pa dam pa'i chos nub par 'gyur ba'i dus kyi tshe mngon par rtogs pa nub par 'gyur ba'i dus na mngon par rtogs pa yod par mi 'gyur ro/ /lung gi chos kyis? 'dri ba dang/ 'drir 'jug pa dang/ klag pa dang/ 'don pa la sogs pa la nyon mongs pa dang grogs ngan pa la sogs pas kun nas dkrugs pas 'jig rten rnams 'jug par mi 'gyur ro/ /de lta bur gyur cing nub pa'i tshe dge slong dmigs par lta ba mang po 'byung ste/ phung po la sogs pa la mngon par zhen par lta ba ni dmigs par lta ba yin par rig par bya'o/ /de dag 'di lta bu'i mdo sde la 'dod par mi 'gyur te/ lta ba phyin ci log tu gyur pa'i phyir ro/ /mos par yang mi 'gyur te/ zab mo'i chos la goms par ma byas pa'i phyir ro/ /mos pa med pa 'ba' zhig tu ma zad kyi spong zhing skyon 'dogs par byed cing skur pa 'dabs so/ /mdo sde 'di lta bu zab mo'i don ston cing 'jug pa dang ldan pa'i mdo sde 'dzin pa'i dge slong rnamS la gnod pa byed cing srog kyang gcod par byed do/ /rnyed? pa dang bkur sti la chags par 'gyur ba mang po 'byung ngo/ /re'i dus na rgyal po ye shes kyi stobs shes bya ba dzam bu'i gling gi dbang phyug stobs kyi 'khor los sgyur ba dam pa'i chos yongs su 'dzin pa 'byung ngo/ /yang 'dir dge slong yang dag blo gros zhes bya ba ting nge 'dzin 'di 'dzin pa chos smra ba rgyal po de'i dge ba'i bshes gnyen du gyur pa rgyal po'i pho brang du 'gro zhing phan par 'dod pa de la rgyal po de yang da lta ba dang/ chos mnyan pa dang/ bsnyen bkur bya ba la na khaS par gyur to/ /dge slong chos smra ba de yang zhes bya ba la sogs pa mchos smra ba'i yon tan brjod par byed pa yin no/ /sems can rnams kyi spyod lam dang/ spyod pa dang/ mos pa dang/ khams dang/ bag chags la mkhas pa ste zhes bya ba la sogs
- 132a
pa la/ de la spyod lam ni spyod lam la zhugs pa'o/ /spyod pa ni sbyin pa la sogs pa la zhugs pa'o/ /mos pa ni nyan thos dang/ rang sangs rgyas dang yang dag par rdzogs pa'i sangs rgyas rnams kyi lam bsgom pa'i rtogs pa'i sems so/ /khams ni bag chags so/ /bag chags ni rang bzhin no/ /de dag la mkhas pa ni nges par rig par gyur pa'o zhes bya ba'i don to/ /dbang po ni dad pa la sogs pa'o/ /stobs kyang dad pa la sogs pa lnga po de dag nyid do/ /brtson 'grus kyi rim pa ni chung ngu dang/ 'bring dang/ chen po'i rnam pa gsum mo/ /khams dang bag chags shes pa ni shes pa ste/ sdug bsngal shes pa dang/ rjes su shes pa la sogs pa'i bag chags la sogs pa'o/ /de dag mkhas pa ni snga ma bzhin no/ /bden pa'i mtshams sbyar ba ni dgongs pa'i mtshams sbyar ba'o/ /mtshams bral ba ni rnam par mi sbyong ba'o/ /dgongs pa dang dgongs pa can ma yin pa'i tshig gi lan gdab pa la mkhas pa ni nges pa'i don dang/ drang po'i don gyi dbye ba la nges par mkhas pa'o/ /spobs pa zab ces bya ba ni theg pa dman pa la zhugs pa rnams bzlog pa'i thabs kyis zab mo'i chos ston pas 'dul ba la mkhas pa'o/ /gsong por smra zhing bzhin la khro gnyer med pa zhes bya ba ni sems can rnams drang por bsdu ba'i rgyu yin no/ /sems chen por gyur pa la gnas pa zhes bya ba ni rgya chen po la mos pa'i smon lam dang ma gral ba'i sems so/ /snying rje chen po la brtson pa'i ni sems can thams cad la snyoms pa'o/ /pha rol rgol ba tshogs ngan pa'i dpon po thams cad tshar gcod pa'i shes rab can yin pas phas kyi rgol ba thams cad kyis mi non pa zhes bya ba'o/ /de lta bur gyur ba'i chos smra ba ni chos ston pa la dbang ba yin no zhes bya bas chos smra ba'i yon tan brjod pa'i
- 132b
sgo nas ston pa yin no/ /de'i tshe rgyal po ye shes stobs kyi bu mo byung bar gyur zhes bya ba ni rgan pa la yang sgra 'jug pas gzhon nu zhes bya ba bzung ngo/ /de'i phyir nges pa bstan pa'i phyir lo bcu drug lon pa zhes bya ba smras so/ /mtshan thams cad kyis brgyan pa ye shes ldan zhes bya ba byung ste/ de'i slob dpon ni dge slong yang dag blo gros zhes bya ba de yin te/ dge ba'i chos rnams yang dag par ston pa zhes bya ba la sogs pa la/ de'i tshe chos smra ba de la brla gnyis su 'bruM bu me dpal nag po chen po gso dka' zhing sman dkon pa zhig byung ste/ sman pa rnams kyis kyang 'di ni gso bar mi nus so snyam nas bor ro/ /de nas rgyal po ye shes stobs kyi btsun mo'i 'khor dang bcas pa dge slong de na bar mthong nas 'di 'chi bar mi 'gyur ram snyam nas rab tu du zhing mchi ma phyung ngo/ /de'i dus na rgyal po ye shes stobs la lha mo sngon snag gi gnyen mtshams su gyur pa zhig yod de zhes bya ba ni snag gis 'brel pa nye du brtse ba can rtag tu rjes su 'brang ba zhig yod pa des rgyal po de la rmi lam gyi nang du bstan pa/ rgyal po chen po gal te dge slong 'di la mi'i sha dang khrag sar pa ma rul pa gnod pa med pa 'bram bu me dpal nag po 'di la byugs te/ mi sha sar pa ma rul pa las ro sna tshogs su g.yos byas te byin na dge slong 'di nad las sos par 'gyur ro/ /zhes bya ba la sar pa zhes bya bas ni srog dang bcas pa la khrag yod kyi gzhan la med pas so/ /gnod pa med pa zhes bya bas ni/ gzhan la gnod pa ma byas par bstan te/ khrag ni bsku ba'o/ /sha ni zas su bya ba'o/ /rnyed par ni dka' o snyam pas btsun ma'o? 'khor dang rang gi 'khor rnams la bzlas nas spro ba bskyed na su yang spro ba ma byung ngo/ /rgyal po'i bu mo ye shes ldan yang rmi lam de lta bu zhig mthong nas ma la sogs pa'i 'khor rnams la de bzhin du bzlas pa dang/ su
- 133a
yang de la sman de ster bar spro ba ma byung ste/ de lta bu'i lhag pa'i bsam pa dang bral ba'i phyir ro/ /de nas rgyal po'i sras mo ye shes ldan de dga' zhing mgu yid rangs shing rab tu dga' ba dang/ dga' ba dang yid bde ba bskyes nas 'di ltar su yang don 'di la spro ba med pa ni bdag gi skal pa yin no snyam mo/ /dga' ba ni shin tu dga' ba'o/ /mgu ba ni bde bar ches dga' ba rtse gcig pa'o/ /yid rang ba ni mngon par 'dod pa'i don rdzogs par 'gyur ba / la yid bde ba skyes pa'o/ /rab tu dga' ba ni sbyin pa la shin tu dga' ba'o/ /dga' ba dang yid bde ba skyes nas zhes bya ba ni sha dang khrag ster ba la nges par byas pa'i dga' ba las skyes pa'i yid bde ba'o/ /'di ltar bdag gis ci 'di bdag gis lus laS bcad de zhes bya ba ni 'chad par 'gyur ba'i sha dang khrag sbyin par ngam bcas pa'o/ /bdag gis rtsi 'di bdag gi lus las bcang de zhes bya ba dang sbyar te/ ji skad bstan pa bzhin du khrag sar pa dang/ sha sar pa gnod pa med pa sbyin par bya'o/ /rgyal po'i pho brang 'di na bdag ni thams cad kyi nang na gzhon cing chung ste/ lus dang ngag dang yid kyi las kyi mdza' nyon mongs pa med pas nyon mongs pa med pa'i ye shes btsal bar bya ba'i phyir zhes bya bas ni phyi dang nang gi dngos po nyon mongs pa can med par bstan pa yin no/ /nyon mongs pa med pa'i ye shes ni rnam pa thams cad mkhyen pa'i ye shes so/ /'di zhes bya ba ni gang gi don du bdag thams cad du thams cad la zhugs pa 'di zhes bya'o/ /chos smra ba kun nas nyon mongs pa med pa la zheS bya ba ni zang zing med pa'i sems kyis zab cing rgya che ba'i chos ston pa la/ rang? gi lus las khrag dang sha nye bar phul te dge slong 'di nad 'di las gso bar bya'o zhes nges bar byas nas rang gi gnas su song nas mtshon rnon po thogs te/ chos la zhugs
- 133b
pa'i yid kyis bdag gis brla las sha bcad nas ro sna tshogs dang ldan pa'i gya nom par g.yos byas nas khrag kyang snong du bzung nas slob dpon de'i drung du song ste/ rgyal po ye shes stobs kyi mdun du 'dug nas/ khrag gis 'brum bu me dpal nag po de la byugs so/ / g.yos legs par byas pa'i zas de dag dge slong de zar bcug ste tshim par byas shing legs par bstabs so/ /ji ltar bde bar byas te/ ji ltar 'dod pa bzhin du bzung bar byas so/ /de nas dge slong de mi shes ma rig mi dogs pa zas de zos so zhes bya ba ni rgyal po'i sras mo'i sha chen yin no zhes bya ba'i yid gnyis dang rtogs pa med pa'o/ /zas de zos ma thag tu dge slong de'i na tsha thams cad med par gyur te/ nang de thams cad kyang sos so/ /de nas nad dang gnod pa de dang bral nas de lta bu'i chos bstan te/ btsun mo'i 'khor de dang/ grong khyer pa'i skye bo 'dus pa de dag las srog chags nyi khri nyis stong bla na med pa yang dag par rdzogs pa'i byang chub tu sems bskyed do zhes bya ba'o/ /de nas rgyal po ye shes stobs kyis bdag gi bu mo la tshigs su bcad pa 'di dag gis dris so/ /bu mo khyod kyis khrag 'di gang nas rnyed ces bya ba la sogs pa la/ bu mo khyod kyis khrag 'di gang nas rnyed de bsang ba yin nam/ rang shi ba yin nam/ rang shi na yang khrag kyang yod par mi 'gyur la/ sha sar par yang mi 'gyur ro/ /rmi lam du yang gnod pa med pa'i khrag dang shaS bskus shing zos nas so? par 'gyur zhes bstan pa'i phyir ro zhes bya ba'i blos dris pa'o/ /yab kyis bka' stsal pa'i rjes thogs su bdag ni ci mchi yab khyod gsan du gsol zhes bya ba la sogs pa la/ rang gi mthong ba'i rmi lam zlos pa la sogs pas yab la go bar byed pa bdag nyid kyi rtsol bas rang gi lus kyi khrag rang sha sbyin pa smra bar byed do/ /bdag nyid kyi brla las sha bcad nas g.yos su byas nas chos smra ba la byin no/ /bdag nyid kyi khrag gis kyang 'brum bu'i nad la rab tu bsku ba byas nas chos smra ba'i dge slong
- 134a
nang las thar bar gyur to zhes bya ba'o/ /rgyal pos rang gi sras mo la brtse bas khyod rang nyid kyi sha bcang pa na sdug bsngal ji lta bur myong bar gyur zhes dris pa dang/ bu mo ye shes ldan gyis yab la smras ba/ sa bdag mi'i rgyal po gson la tshul bzhin du sgrub pa mdzod cig ces bya bar/ las kyis rnam smin bsam yas de 'dra ba zhes bya ba la sogs pa la/ sdig pa'i las kyis sems can rnams dmyal bar ltung bar 'gyur ro/ /der sha med par gyur nas yang las kyis dbang gis sha de slar 'byung bar 'gyur yang de dge ba'i las kyis ni ma yin no/ /ci ste lhag pa'i bsam pas bla na med pa'i chos kyi sku thob par bya ba'i phyir lus bcang cing byin yang bdag la tshor ba mi bde ba med do/ /bdag chos kyi dga' ba la gnas pas sgro btags pas byas pa'i sdug bsngal gyi tshor pa ring du spangs par gyur to/ /sha bcad bdag la na tsha ma mchis te/ khrag phyung bdag la g.yo ba yod ma mchis zhes bya ba la sogs pa la/ bdag la khrag phyung ba na sems g.yo zhing 'gyur ba'i mtshan ma bdag la med do/ /bdag gis chos nyid ji ltar thos pa de lta bu'i chos kyi sku la rma yang med la/ bcad pa yang med sha yang med/ khrag kyang med pa de lta bu gal te rig par gyur na lus thams cad bcad cing dum bu ma byas pa de lta na yang chos la dga' bas de dag ba gang ba tsam du yang mi shes so/ /bdag gi sha dang khrag chos smra ba la byin pa la bdag gi lus la rma yang med la sdug bsngal yang med de/ skad cig de la chos nyid la mos pa'i stobs kyis/ bdag gi sngon gyi lus ji lta ba de lta bu'i lus su gyur to/ /yab cig u dum bA ra'i me tog bzhin/ zhes bya ba la sogs pas/ chos smra ba rnyed dka' bar bstan to/ /'jig rten du u dum bA ra'i me tog brgyal 'byung bar 'gyur ro/ /de bzhin du ?
- 134b
gling 'dir yang chos smra ba chos chen po yang rnyed par dka' ste/ 'jig rten gyi khams snyings ma can yin pa'i phyir ro/ /ji ltar dzam bu'i chu bo'i gser 'bar ba zhes bya ba la sogs pa la/ ji ltar dzam bu'i chu klung gi gser mthong yang ngoms pa med pa bzhin du chos smra pa'i dge slong mthong bas kyang ngoms par mi 'gyur ro/ /zhes bya bas ni gzugs dang lang tsho phun sum tshogs pa bstan to/ /skye bo skom pa dad pa'i chu 'thungs nas zhes bya ba la sogs pa la/ ji ltar chu gtsang zhing dang la grang ba skom gyis gdungs pas 'thungs na skom pa'i gdungs ba dang bral bar 'gyur ro/ /de bzhin du chos smra ba'i dge slong las chos kyi bdud rtsi 'khor ba'i sems can skom gyis gdungs pas 'thungs na 'khor ba'i sred pa'i gdung ba dang bral bar 'gyur ro/ /de bzhin du chos smra ba yon tan dpag tu med pa'i phung por gyur pa la/ sha dang khrag la sogs pa gang byin pa ni/ bdag gi sha dang khrag btang ba legs par btang ba yin no zhes bya bas bdag gis sha dang khrag btang ba ni gnas su btang ba yin te/ de bzhin du chos smra ba'i nang rab tu zhi bar byed pa'i sman sbyin pa byas pa ni sangs rgyas kyis gsungs pa bzhin byas pa'i phyir ro/ /sbyin pa de yongs su bsngo ba nye bar rtsom par byed pa ni mang du thos shing yo byang dang ldan pa ste/ zhes bya ba la sogs pa la thos pa dang/ tshul khrims dang/ gtong ba la sogs pa'i sangs rgyas kyi yon tan dpag tu mang ba dang ldan pa'i ting nge 'dzin 'di 'dzin pa'i nang gso bar bya ba'i phyir bdag gi sha dang/ khrag btang ba'i bsod nams kyis 'di la zab cing rgya che ba'i chos ji snyed mnga' ba bdag gis kyang thob par gyur cig ces bya ba'o/ /ji ltar tsandan la sogs pa'i dri kun tu ldang ba ltar sems can thams cad kyi yid 'phrog ba'i dri ldang ba dang/ de bzhin gshegs pa'i ring bsrel gyi snying po can gyi mchod rten 'jig pa bcos pa'i bsod nams dpag tu med pa 'thong
- 135a
ba bzhin du/ 'gro ba'i chos kyi sku'i mchod rten 'jig pa yang dag par bsrung ba'i bsod nams kyang dpag tu med do zhes bya ba'o/ /bdag la phyir yang log ltung 'jigs ma mchis zhes bya ba la sogs pa ni ngan 'gror 'gro ba dang/ mi khom par skye ba dang/ bud med kyi dngos por mi 'gyur ro zhes bya ba'o/ /tshigs su bcad pa'i dbyangs kyis yang dag par rab tu bstan to/ /zhes bya ba'i don ni go bar zad do/ /gang gis gang gA'i klung gi bye ma snyed kyi sangs rgyas kyi zhing rnams rin po che sna tshogs kyis yongs su bkang ba byas te de bzhin gshegs pa rnams la phul la/ gzhan zhig gis sor mo'i rtse mo tsam zhig chos kyi phyir btang na 'di ni de bas ches bsod nams mang du 'byung bar 'gyur ro bu mo ngo ni 'di nas shi 'phos nas zhes bya ba ni 'chi ba'i dus byas nas sangs rgyas kyi zhing du skyes nas de bzhin gshegs pa dpag tu med pa mthong bar 'gyur zhing de dag las chos kyang thos la thams cad du rab tu byung nas tshangs bar spyod par 'gyur ro/ /mar me mdzad bde bzhin gshegs pa yi zhes bya ba la sogs pa la/ de bzhin gshegs pa mar me mdzad kyi drung du tshangs par spyod pa spyad de/ bud med kyi dngos po spangs nas chos smra ba chen por gyur to/ /de'i tshe rgyal po ye shes stobs ni byams pa yin no/ /dge slong chos smra ba de ni de bzhin gshegs pa mar me mdzad du gyur pa yin no/ /de'i tshe rgyal po'i bu mo ye shes ldan zhes bya ba ni da yin no/ /rmi lam ston pa'i lha gang yin pa de ni de bzhin gshegs pa mi bskyod par gyur to/ /gang dag dge slong chos smra ba na ba mthong nas/ /mchi ma byung ba de dag thams cad ni phyir mi ldog bar gyur to/ /de dag rtag tu mig kyang na ba mang ces bya ba la sogs pa ni go sla'o/ /de bzhin gshegs pa'i mdzod kyang bzung nas ni
- 135b
zhes bya ba sogs pas ni ting nge 'dzin pa'i yon tan bstan pa yin no/ /sangs rgyas bye ba stong dag mthong bar 'gyur zhes bya ba la sogs pa la/ de lta bas na yon tan dpag tu med pa thob par 'dod pas chos smra ba'i dge slong na ba la nye bar spyod pas bsnyen bkur? bya'o zhes bya ba yin no/ /rang gi sha ni khrag dang bcas pa dang/ /sangs rgyas thob phyir snying rjes btang byas pas/ /chos smra'i dge slong nad las thar byas pa'i/ /ye shes ldan de bcom ldan thub dbang yin no/ /ye shes ldan gyi le'u ste sum cu rtsa lnga pa'i 'grel pa rdzogs so// //me tog zla mdzes kyi spyod pa'i gtam rgyur skabs kyi dang po'i rtsom pa bstan pa'i phyir/ de nas tshe dang ldan pa kun dga' bo stan las langs te zhes bya ba la sogs pa gsungs te/ rgyu gang lags/ rkyen gang lags zhes bya ba ni nye bar len pa'i rgyu ni ci lags/ lhan cig byed pa'i rgyu ni gang lags zhes zhus pa yin te/ byang chub sems dpa' 'ga' zhig lag pa dang/ rkang pa dang/ rna ba dang/ sna dang/ mig dbyung ba dang/ mgo bcad pa dang/ yan lag dang/ nying lag bcad pa la sogs pa myong ba dang/ sdug bsngal rnam pa sna tshogs pa gzhan dang gzhan dag kyang nyams su myong yang sdug bsngal nyams su myong bas skyo bar yang mi 'gyur zhing bla na med pa yang dag par rdzogs pa'i byang chub las kyang mi nyams pa lags/ zhes kun dga' bo'i zhu ba'i lan bka' stsal pa'i phyir ro/ /bcom ldan 'das kyis bka' stsal pa/ kun dga' bo ngas sngon sdug bsngal ji snyed myong bar gyur pa khyod kyis shas shing de 'dra dag dran nas zhes bya ba la sogs pa la/ bla na med pa yang dag par rdzogs pa'i byang chub 'di yang dag par sgrub pa ni nges sdug bsngal gang dag nyams su myong ba de dag khyod nyid kyis rab tu shes bzhin du de dag khyad kyis mi dran nam ci'i phyir yang de bzhin gshegs pa la de dag 'dri bar sems khyod kyis
- 136a
lan gdab par 'os so zhes dgongs pa'o/ /kun dga' bos lan btab par gyur na gdul bya rnams gus par mi 'gyur ro zhes bya bar bcom ldan 'das kyis lan gdab par bya ba'i phyir/ kun dga' bo 'di lta stes dper na zhes bya ba la sogs pa gsungs pa la/ 'di la skyes bu la la zhig rkang pa nas spyi bo'i bar du 'bar bar gyur te/ me lce gcig tu gyur pa de la skyes bu la la zhig der nye bar 'ongs te/ 'di skad du kye skyes bu tshur shog /lus la me 'bar bam zhi bar 'dod pa'i yon tan lnga dang phrad cing ldan par rtses shig /ces bya ba la sogs pa la/ kun dga' bo 'di ji snyam du sems/ skyes bu de lus la me 'bar ba de ma zhi bar 'dod pa'i yon tan lnga dang phrad cing ldan par gyur te/ rtse ba dang/ dga' ba dang/ yongs su spyod par byed dam/ de lta bu ni 'byung yang srid kyi de bzhin gshegs pa sngon byang chub sems dpa' i spyad pa spyod pa na sems can ngan song gsum gyis sdug bsngal bar gyur cing mi yin yang dbul ba dag mthong nas yid bde ba 'am sems dga' ba dag ma byung ngo/ /nga ji lta ba de bzhin du byang chub sems dpa' sems dpa' chen po gang dag sngon byang chub sems dpa' i spyad pa spyod pa na tshul khrims ma nyams pa dang/ zhes bya ba la sogs pa de la tshul khrims ma nyams pa zheS bya ba ni bstan pa'i tshig yin te/ nyon mongs pas ral pa med pas tshul khrims mar la ba'o/ /tshul khrims ma zhig pa ni dri ma phra mos de ma can du byas pa'i tshul khrims med pa'i phyir ro/ /tshul khrims 'dren ma ma yin pa ni bar ? du tshul khrims med pas 'dres pa ma yin pa'o/ /tshul khrims mcho tu 'dzin pa ma yin pa ni tshul khrims dang brdul? zhugs mchog tu 'dzin pa med pa nyid do/ /tshul khrms ma g.yos ba ni/ lta ba gzhan la 'jug pa'i bsam pa med pa nyid do/ /tshul?
- 136b
khrims ma rlongs pa ni tshul khrims kyi yan lag thams cad nyams pa med pa nyid do/ /tshul khrims ma 'khrugs pa ni bdud la sogs pa gzhan pha rol po gzhan dag gis 'khrugs pa ste/ gzhan du bsgyur du mi nus pa nyid do/ /tshul khrims mi yang ba ni brtson 'grus kyi stobs kyis goms par byas pa'i tshul khrims yin pa'i phyir dang/ zab mo'i chos la bzod pa yongs su bsgoms pa'i tshul khrims yin pa'i phyir ro/ /tshul khrims gzhin la mi ston pa ni bdag dang bdag gir mngon par zhen pa'i gnyen po bdag med pa bsgoms pa'i tshul khrims yin pa'i phyir dro/ /tshul khrims mi bslu ba ni 'bras bu bslu ba med pa'i phyir dang/ lha dang mi dang bcas pa'i 'jig rten bslu ba med pa'i phyir ro/ /tshul khrims drang ba ni bsam pa la g.yo med pa'i phyir ro/ /tshul khrims ngam bcas pa bzhin du byed pa ni ngam bcas pa'i don rdzogs par byed pa nyid do/ /tshul khrims sems can rnams la phan 'dogs pa ni gzhan gyis don byed pa'i ngo bo ste/ de lta bu'i rang bzhin gyi tshul khrims dang ldan par gyur pa ni de byang chub sems dpa' i spyod pa dpag tu med pa la sbyong pa'i tshe lag pa dang/ rkang ba zla sogs ba bcad par bgrang ba med de/ chos nyid la so sor rtog par byed pa'i phyir ro/ /tshogs yongs su rdzogs par byed pa'i las kyang nyams par mi 'gyur te/ myur du bla na med pa yang dag par rdzogs pa'i byang chub mngon par rdzogs par sangs byed pa la gnas par bya ba dang/ sems can gyi don bya ba gnas byed pa la gnas par bya ba dang/ sems can gyi don bya ba gnas skabs thams cad du yongs su btang bar mi bya'o zhes bstan par 'gyur ro/ /sngon byung ba 'das pa'i dus na zhes bya ba la sogs pa la/ 'di dag nyid bstan pa'i phyir 'das pa'i dus na de bzhin gshegs pa rin po che'i pad+ma'i zla ba rnam par dag pa mngon pa
- 137a
'phags pa'i rgyal po zhes bya ba bskyal pa bye ba khrag khrig phrag dgu bcu rtsa dgung ji skad gsungs pa'i sems can rnams kyi don byas nas mya ngan las 'das par gyur to/ /bcom ldan 'das de mya ngan las 'das pa'i dam pa'i chos rab tu 'jig par 'gyur ba'i dus kyi tshe? rgyal po dpa' bas byin zhes bya ba zhig byung ngo/ /de'i pho brang 'khor rin chen ldan zhes bya ba yongs shing rgya che ba zhes bya ba la sogs pa la/ de lta bu'i dus kyi tshe? 'jigS pa chen po'i dus kyi tshe log par lta ba mu stegs kyi gsang sngags yongs su tshol bas rnam par g.yengs pas mun par gyur pa'i tshe de ltar gyur pas 'di lta bu'i mdo sde skye bo mang pos spangs par gyur to/ /de ltar gyur pas byang chub sems dpa' bdun stong zab mo'i chos rab tu ston par byed pa rnams grong dang grong khyer dang/ grong rdal dang/ yul 'khor dang/ rgyal po'i pho brang 'khor dang/ ljongs nas bskrad? nas de dag chos smra ba me tog zla mdzes dang lhan cig kun tu bzang po zhes bya ba'i nags khrod der sten cing gnas te/ dge slong de dag la gzungs kyi chos kyi rnam grangs 'di ston to/ /nags khrod de yang dus thams cad du snang ba'i me tog sna tshogs dang/ 'bras bus brgyan pa yid dang rjes su mthun pa/ shing sna tshogs kyis gang zhing re rgya dang/ sngon po dang/ ser po dang/ reg na bde ba'i rtsi sna tshogs dang myu gus brgyan pa sa'i nang nas 'thon te/ brag dang rdob sna tshogs kyi phug yangs/ shing mtho la rin po che'i ri dag gi mdzes par brgyan pa shin tu yid du 'ongs zhing chu las skyes pa'i me tog pad+ma dang/ utpal sngon po la sogs pas chu dri ma med pas brgyan pa/ /sangs rgyas dpag tu med pa bzhugs bzhugs pa/ drang srong gi tshogs dang/ grub pa dang/ rig pa 'dzin pa dang/ dri za? dang/
- 137b
mi'am ci gnas pa bsam gtan dang rjes su mthun pa/ ka la bingka dang/ khu byug dang/ rma bya dang/ ne tso dang/ sha rig dang/ ngang pa rnams kyi sgras rab tu gang ba/ sum cu rtsa gsum gyi dga' ba'i tshal bzhin du shin tu yid du 'ong ba/ rnal 'byor dang rjes su mthun pa'i gnas nags khrod chen po kun tu bzang po de na byang chub sems dpa' de dag spyod lam rnam pa bzhis rnal 'byor la rjes su brtson pas gnas par gyur to/ /de nas chos smra ba me tog zla mdzes de gcig bu dben par song nas nang du yang dag 'jog la zhugs te/ ting nge 'dzin gyi stobs las byung ba'i lha'i mig gis bltas na byang chub sems dpa' bye ba khrag khrig mang po sngon dge ba'i rtsa ba bskyed pa rnams 'jig rten gyi khams sna tshogs nas 'dir skyes so/ / gal te de dag gis gzungs kyi chos kyi rnam grangs 'di mnyan pa rnyed na ni bla na med pa yang dag par rdzogs pa'i byang chub las phyir mi ldog par 'gyur la/ gal te mnyan pa ma rnyed na ni phyir ldog par 'gyur ba dag mthong ngo/ /de nas chos smra ba me tog zla mdzes ting nge 'dzin de las langs nas byang chub sems dpa' i dge 'dun chen po de dag ga na bar song ste phyin nas 'di skad ces smras so/ /rigs kyi bu dag kho bo ni zhes bya ba la sogs pa la sems kyis ji ltar mthong ba'i sems can yongs su smin par bya ba la bsams te'o/ /de nas byang chub sems dpa' i dge 'dun chen po de dag gis de'i bsam pa mi shes pas bzlog par bya ba la 'bad pa'i phyir/ /khyod rgyal po'i pho brang 'khor du 'gro ba ni kho bo cag 'dod pa ma/ yin no/ /zhes bya ba la sogs pa smras te/ de'i rgyu bstan pa'i phyir de ci'i phyir zhe na/ zhes dris pa dang/ lhag pa'i nga rgyal can mang po dag byung gis de dag tshe dang ldan pa'i srog bcod par gyur na ma legs so/ /zhes bya ba la sogs pa la/ tshe dang
- 138a
ldan pa khyod ni shin tu mdzes shing byad bzhin bzod la blta na sdug ste/ mtshan thams cad kyis yang dag par brgyan pa/ mig dang yid 'phrog pa yin pas rgyal po 'am gzhan dag phrag dog dang ser sna'i dbang gis khyod kyi srog bcad par gyur na ma legs so zhes smras so/ /de skad smras pa dang/ de nas chos smra ba me tog zla mdzes kyis byang chub sems dpa' i dge 'dun chen po de la 'di skad ces smras so/ /gal te kho bos bdag nyid bsrung ba byas na zhes bya ba la sogs pa la/ bdag nyid mngon par bsrung ba des ni de bzhin gshegs pa'i bstan pa bsrungs par mi 'gyur ro/ /don de dag nyid tshigs su bcad pa'i dbyangs kyis rgya cher bstan par bya ba'i phyir/ bdag tu 'du shes 'di la gnas nas su/ / bstan pa 'di ni bsrung bar yong mi nus/ /zhes bya ba la sogs pa la/ bdag tu 'du shes pa la gnas pas ni bstan pa 'di bsrung bar nus par mi 'gyur ro/ /gang gi phyir de bzhin gshegs pa'i dam pa'i chos bstan pa ni brtson 'grus chen pos bsgrubs par bya ba yin te/ bdag la sogs pa la mngon par zhen pa dang/ gzugs la sogs pa'i yon tan la chags pa spangs pa dang/ de bzhin gshegs pa la bsnyen bkur byas pa rnams kyis bsrung bar nus so/ /dam pa'i chos 'jig par 'gyur ba'i tshe gang dag btang snyoms sgom par byed pa gang yin pa des de bzhin gshegs pa la bkur sti byas bar mi 'gyur ro/ /khyed bde rang? gi don gyis la/ zhes bya ba la sogs pa la/ bdag nyid bsrung ba la 'bad pa gyis la khyed rnams bde bar gnas par gyis shig/ de lta na yang de bzhin gshegs pas rab tu bsngags pa'i tshul khrims bsrungs na ni bdag nyid legs par bsrung bar 'gyur ro/ /chos mchog rin chen sbyin pa sbyin bar gyis/ zhes bya ba la sogs pa la rjes su
- 138b
'dems par byed do/ /chos kyi sbyin pa nus pa ji lta ba bzhin du sbyin pa gyis shig/ rtag tu bzod? pa bsgom par gyis shig/ dgon pa na gnas pa btang bar mi bya'o/ /byang chub sems dpa' i dpyod pa rtag tu brtson 'grus brtan pos rjes su spyad par gyis shig ces rjes su gdams nas/ bdag ni sems can rnams kyang bskyab pa'i phyir/ grong dang rgyal po'i pho brang 'gro bar bya zhes bya ba la sogs pa'o/ /blo gros che 'ching sems can dam pa mchog /drang srong de ni 'gro bar byas pa dang zhes bya ba la sogs pa la de nas chos smra ba des nges par chas par byas pa dang/ kha cig ni du zhing mchi ma? 'byin par byed/ la la snying rje rje ltar du bar byed kha cig ni rkang pa la 'ju zhing 'gro bar 'gog par byed do/ /mkhas pa blo gros chen po ma bzhud par zhes bya ba la sogs pa la/ sngon gyi de bzhin gshegs pa gang yin pa de dag kyang khyim gyi gnas spangs te nags tshal dang brag dang ri'i rtse mor gshegs nas dgon pa la brten te/ byang chub sems dpa' i spyod pas sangs rgyas kyis/ khyod kyang de bzhin du slobs la lam de'i rjes su 'brang bar gyis shig ces bya bas nags su gnas par spro ba skyed par byed do/ /lus ni shin tu mdzes pa'i rgyan gyis brgyan zhes bya ba la sogs pa la/ phrag dog gi gzhan dbang du gyur pas sdig pa'i blo dang ldan pa dag gnas ma yin pa la khro bar 'gyur ro zhes kha cig sma'o/ /chos smra ba me tog zla mdzes kyis byang chub sems dpa' i tshogs chen po de la tshigs su bcad pas kun nas bsdus nas phyogs gcig tu lan bdab ji snyed sngon gyi bde gshegs byung ba ni/ zhes bya ba la sogs pa /bde bar gshegs pa gang dag sngon byung bar gyur pa de dag thams cad kyang 'jig rten rnams kyi don bya'o zhes sems can gyi don mdzad pa dang ldan pas byang chub sems dpa' i spyod pa la rab tu gnas nas sems can gyi don la gcig
- 139a
tu gzhol bas byang chub thob nas yang sems can gyi don nyid la 'jug par mdzad pa yin no/ /de bzhin du bdag kyang nges par sems can rnams kyi don bya'o zhes blos nges par byas nas lhung bzed dang/ chos gos blang nas lam du zhugs so zhes bya bar sbyar ro/ /spyad pa'i dam pa byang chub rgyu spyad de/ de dag bsod nams ye shes mchog dang ldan zhes bya ba ni/ byang chub sems dpa' byang chub rgyur spyad de/ zhes pa byang chub kyi rgyur spyod pa nyid kyis bsod nams dang ye shes kyi tshogs bsags pa nyid las byung ba'i sku/ byang chub sems dpa' chen po khrag khrig de'i rjes su bslabs pa rnams kyis sems can rnams kyi skyabs byed par 'dod pa de dag thams cad kyis chos smra ba de la bskor ba byas nas du zhing skad chen po bton te 'dug go /gzhan kha cig ni shing swA la rtsa ba nas bcad pa bzhin du 'gyel nas brgyal lo/ /la la ni dran pa med bzhin du smre sngags 'don par byed kyang sems can gyi don 'dod pa'i drang srong de log par ma gyur to/ /drang srong chos kyi lhung bzed thogs nas chas/ /ji ltar seng ge ral pa can bzhin du zhes bya ba la sogs pa la/ the tshom thams cad bral zhing skyon dang yon tan la nges par rtog pa dang bral bas gcig tu chos nyid kyi ngo bo bsgoms pa'i blo can ni bdag nyid gcig pu nags na gnas shing rang gi don la ched du byed par ma gyur la/ sems can rnams dan 'gror lhung bar gyur na mi rung ngo zhes shes nas grong khyer gyi mchog du song bar gyur to/ /der de 'ongs nas snga dro dang po la srog chags khri phrag dgu bcu rtsa dgu phyir mi ldog pa la bkod do/ /da? dung rgyal po'i pho brang der ma phyin nas/ de mthar gyis rgyal po'i pho brang 'khor rin chen ldan ba deng nye bar song ste shing plak+Sha dang sA la'i drung du 'dug go/ zhes bya ba ni gnas la zhen pa med par bstan pa'i phyir
- 139b
ro/ /de'i nub? mo 'dis pa dang/ rgyal po'i pho brang 'khor rin chen ldan du zhugs par gyur te/ zhugs nas srog chags bye ba phrag sum cu rtsa drug sangs rgyas kyi chos las phyir mi ldog pa la bkod kyang gcig tu sems can gyi don la blo? zhugs pa des da dung zas kyi bya ba ma byas so/ /de zas bcad pa de cir yang ma brtsis par rgyal po'i pho brang 'khor rin chen ldan? nas byung ste/ bcom ldan 'das kyi sen mo'i mchod rten gang na yod pa der song ste/ 'greng bzhin du nyin mtshan 'das par byes/ /sngon gyi de bzhin gshegs pa'i sen mo'i/ /sku gdung gi za ma tog bcug pa'i mchod rten sems can dpag tu med pa'i bsod nams nye bar bsags pa'i phyir bzhengs pa'i mchod rten ni sen mo'i mchod rten zhes bya'o/ /'greng bzhin du zhes bya ba ni brtson 'grus kyi stobs kyis rab tu bsgrubs pa'i spyod lam gyis bzhugs pa bstan to/ /de bzhin du nyi ma lnga pa'i bar du rgyal po'i btsun mo'i 'khor gyi nad du song nas bud med brgyad khri bla na med pa yang dag par rdzogs pa'i byang chub las phyir mi ldog pa la bkod do// de bzhin du de nyi ma lnga pa la yang zas bcad nas rgyal po'i pho brang du zhugs te/ rgyal po'i bu stong phyir ma ldog pa la bkod do/ /bud med dang rgyal po'i bu'i grangs bstan pa ni/ phrag dog gi gnas yin par bstan pa'i phyir ro/ /de snga dro bdun pa la rgyal po'i pho brang 'khor rin chen ldan du zhugs pa dang rgyal po dpa' bas byin skyed mos tshal du 'gro bar mthong ste/ gser gyi shing rta la dos ni dngul/ mda' ni sprul gyi snying po'i tsandan/ 'khor lo ni bai DUrya/ gdugs dang/ rgyal mtshan dang/ ba dan bsgreng ba yid la 'dod pa bzhin du 'gro ba'i rta'i gnya' bar gnya' shing bkal ba de bu mo gzhan nu brgyad brgyas rin po che'i tha gus btags shing 'dren te zhes bya ba ni gang de 'dren ba de dag kyang kha? tur gnyis nas btags pa'i rin po che'i tha
- 140a
gu'i sna nas sor gdub la sogs pa'i rgyan gyis brgyan pa'i lag pa'i sor mos rtsed mo tsam du 'dren par byed do/ /de dag kyang gzhon nu ma rnams mthong ba tsam gyis 'dod lha'i mda' yis pheg pa bzhin/ srid pa'i 'khor? lo ma lus 'dod pa'i 'khor lor zhugs par gyur pa na/ 'dod pas myos shing mda' rnams myur ba nyid du phye mar rlog byed pa/ sngon gyi las kyis rab tu bskyed nas shing rta mchog la bzhon par byed/ /rgyal rigs shing sA la chen po lta bu zhes bya ba la sogs pa la/ rgyal po'i bu mo lnga brgya yang rin po che'i shing rta'i nang du zhugs nas mdun thog thag tu 'gro ste/ de dag gis dge slong de mthong ma thag tu phyir mi ldog par gyur to/ /btsun mo'i 'khor brgya stong phrag drug cu rtsa brgyad kyang de bzhin du phyir mi ldog par gyur to/ /rgyal po de dang lhan cig 'ongs pa'i skye bo'i tshogs chen po de dag kyang tshul ji lta ba bzhin du thal mo sbyar te phyag 'tshal zhing 'khod par gyur to/ /bu mo de dag kyang sngon gyi dge ba'i rtsa ba dag gis bskul bas khyogs de dag la babs nas nor bu dang gang du bu rnams bkrol te tshul dang mthun par phyag 'tshal nas tshigs su bcad pa 'di dag smras te/ 'di dag rab tu snang bar bgyis zhes bya ba la sogs pa la/ 'char kha'i nyi ma'i dkyil 'khor gyi 'od dang 'dra bar dge slong de der byon ba tsam gyis skye bo'i tshogs chen po ma lus pa de dag chos kyi snang bas snang bar byas so/ /byin gyis brlabs so/ /byang chub sems dpa' i mthus 'dod chags dang/ zhe sdang dang/ gti mug dang/ nga rgyal dang/ rgyags pa dang/ phrag dog dang/ ser sna dang/ sred pa la sogs pa'i nyon mongs pa rnams kyis gnod par ma gyur to/ /dge slong de bar nas rgyal po dpa' bas byin pa gang yang lta bar mi byed do/ /ji ltar zla ba
- 140b
nya ba skar ma'i tshogs kyis bskor ba bzhin du dge slong de la rgyal po'i bu la sogs pa ma lus pas yongs su bskor bar gyur to/ /de bzhin du gser gyi gzugs kyi dpe dang/ sA la'i rgyal po'i dpe dang/ brgya byin dang/ tshangs pa dang/ rab 'phrul dang/ 'thab bral gyi lha'i bu'i dpes 'jig rten ma lus bzil gyis gnon pa'i gzugs shin tu mdzes pa bstan to/ /sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab kyi snang bas 'jig rten thams cad zil gyis mnan nas snang bar byas pas nyi ma stong bas lhag pa'i mdangs dang ldan par gnas so/ /chos kyi rgyal po dbang brnyes rnams kyi sras de lags/ zhes bya ba la sogs pa la/ de bzhin gshegs pa thams cad kyis sras thugs las skyes pa'i sras/ chos kyi sras zhes bya ba la/ de bzhin gshegs pa'i mdzad pa byed pa yin par bstan to/ /dge slong khyod ni mi rtags pa nam yang ma gyur cig ces bya ba ni ma 'ongs pa'i don mtshon par byed do/ /chos 'di ji ltar khyod bdag nyid kyis rab rtogs shing zhes bya ba la sogs ba ni smon lam 'debs par byed pa'i rgyu gsungs pa yin no/ /khyod kyis 'jig rten thams cad la sangs rgyas kyis rjes su gnad ba'i spyod pa spyad pa bzhin du bdag cag kyang khyod bzhin du 'jig rten thams cad rjes su 'dzin par nus pa'i bud med kyi dngos po kun spangs te skyes pa'i lus thob nas rab tu byung zhing bsnyen par rdzogs par gyur nas dge slong du gyur cig ces smon lam 'debs shing thal mo sbyar nas gos dang phreng ba dang/ rgyan dang/ gang du? bu 'phra can dang/ dpung rgyan dang/ ska rags dang/ rkang gdub la sogs pa bkrol nas rab tu dga' ba skyes pas mchod pa'i don du phul la/ /dbang po zhi zhing stobs bcu ldan pa yi/ /sangs rgyas nges pa kun la
- 141a
phyag 'tshal lo/ /zhes bya ba la sogs pa la/ sangs rgyas yon tan dpag tu med pa'i phung po dang ldan pa dang/ lha dang/ mi dang lha ma yin du bcas pa'i 'jig rten gyis ma bskor ba'i tshes kyi 'khor lo bskor bar mdzad pa de'i sras la phyag 'tshal lo/ /gang gi thugs sras 'di 'dra mnga' ba yi/ /sman rgyal mtshungs med rgyal la phyag 'tshal lo/ /zhes bya ba smras nas mchod pa rnam pa sna tshogs pas mchod pa byas nas rtogs pa thob par bya ba'i phyir rab tu dga' ba'i sems kyis gnas par gyur to/ /de nas rgyal po dpa' bas byin 'di snyam du sems te zhes bya bas ni phrag dog gis kun nas bslang ba'i sems kyi rnam par rtog pa bstan pa yin te/ kye ma btsun mo'i 'khor 'di dag ni log par zhugs te/ skye bo'i tshogs kyang log par gyur to snyam nas de rgyal po'i srid kyi phyir shin tu dngangs par gyur to/ /blon po dang grong khyer gyi mi thams cad kyang nga bor nas dge slong 'di'i phyogs su song nas gnas so zhes bsams nas shin tu yang 'khrugs par gyur to/ /dge slong rgyal po'i lam na 'dug pa'i mig tu rdul song ba dang/ rgyal po de yang brtag pa med pa'i sems kyis dge slong 'dis chags pa'i sems kyis pa'i btsun mo'i 'khor la bltas te mig gis kyang brda byas so snyam mo/ /cung zhig 'dzum pa'i mig dang chags sems kyis/ /de yi btsun mo'i 'khor ni 'di dag la/ bltas pa tsam gyis 'dod lha'i mda' yis brgyab/ /bsad bya ma ni yang 'di ni gsang par bya/ /mi dbang des ni rang gi bu rnams bsgo/ /da yi bu nyid bdag yod bka' bzhin bsgrubs/ /gdug pa can gyis dge slong 'di sod la/ /nga yi yid bzhin 'dod pa'i don rnams sgrubs/ /de nas gzhon nu de dag rgyal bo dpa' bas byin la slar zlog go /dge slong de'i
- 141b
phyir de dag 'di snyam du sems te/ yab kyi bka' stsal pa thams cad sgrub par byed pa yin na yang de dag dge ba'i rtsa ba bsags pa yin pa'i phyir de'i bka' las 'da' bar byed do/ /de nas rgyal po dpa' bas byin la gsod pa'i gshed ma dga' byed ces bya ba gtum po ste rab tu drag pa'i las byed pa bsam pa med pa ni drag pa ste zhes bya ba la sogs pa ste/ las dang rjes su mthun pa'i ming ngo/ /de rgyal po dpa' bas byin dang ha cang yang mi ring ba zhig na 'dug go /zhes bya ba la sogs pa la/ de nas rgyal po dpa' bas byin gyis dga' byed la 'di skad ces smras so/ /khyod la bya dga' cher sbyin na dge slong 'di srog dang bral bar byed nus sam/ zhes bya ba la sogs pa la/ dga' byed kyis smras pa/ lha shin tu rdo thog go /rgyal pos smras pa/ 'on da rung ci'i phyir thogs mtshon rnon po thogs la dge slong 'di'i lag ba dang/ rkang pa chod cig/ rna ba dang sna yang chod cig /mig yang skam pas phyung shig/ dga' byed gyis kyang de bzhin du thams cad bsgrubs so/ /de nas dge slong de'i mgo dang/ rna ba dang/ rkang lag bcad par gyur pa las kyang 'od zer bye ba khrag khrig brgya stong du ma yang byung/ 'o ma'i rgyan yang byung ste zhes bya ba la sogs pa la/ bskal ba mi nyung bar goms par byas pa'i bsod nams dang/ ye shes kyi tshogs kyis bsgrubs pa'i lus yin pa'i phyir bcad cing gtubs pa'i 'phro? nas sems can rnams gdul bar bya ba'i phyir 'khor lo la sogs pa'i mtshan snang ba dang/ 'o ma'i rgyun byung bar gyur to/ /des na 'di lta bu'i byang chub sems dpa' chen po gzhan gyis gnod pa byas ba ji ltar 'chi bar 'gyur zhes gzhan gyis bcad du med de lus dang srog la yang bltos pa med par sems can rnams kyi don bya'o zhes rab tu bstan pa'i phyir dang/ de lta bus 'dul ba'i? sems can rnams rjes su gzung ba'i phyir gzhan gyis nye bar
- 142a
zil gyis mnan pa'i 'chi ba'i bstan pa la 'gal ba med do/ /de bzhin du mya ngan las 'das pa la sogs pa la yang brjod par bya'o/ /de nas skye bo'i tshogs chen po des dge slong de lam na bcad gtubs shing 'dug pa mthong nas de dag sdug bsngal zhing yid mi bde ste/ ngo mtshar du gyur nas du zhing cho nges btab ste smre sngags bton nas phyir yang rgyal po'i pho brang rin chen ldan du song ngo/ /de nas rgyal po dpa' bas byin zhag bdun 'das pa dang/ skyes mor tshal mchog na 'dug pa mi dga' mi rtse yongs su mi spyod de/ de zhag bdun 'das nas skyed mos tshal nas log nas rgyal po'i pho brang 'khor rin chen ldan du zhugs pa dang/ nges dge slong de rgyal po'i lam du bor ba shi nas zhag bdun lon yang lus kyi mdog ma 'gyur ba shin tu yid du 'ong ba mthong nas de 'di snyam du sems te/ dge slong 'di ni the tshom med par bla na med pa yang dag par rdzogs pa'i byang chub las phyir mi ldog pa yin no snyam nas/ bdag gis shin tu mi bzad sdig ba'i las byas pas/ / bdag ni myur du dmyal ba'i sdug bsngal tshor ba dag/ ltag ltogs sha mthong rgyug pa ji bzhin du/ /'gro las 'dir ni skyob pa 'ga' ma mchis/ zhes bsams pa dang/ steng gi bar snang las lha'i bu brgyad khris sgra? skad mthun bar dbyangs gcig tu smras pa/ rgyal ba chen po 'di ni de bzhin te/ khyod ji ltar sems pa ltar dge slong 'di ni byang chub las phyir mi ldog pa yin no zhes zer ro/ /bar snang las lha dag gi sgra thos nas de shin tu 'jigs shing skrag nas bag tsha zhing spu zing zhes byed de 'gyed? cing skyabs med par gyur to/ /de nas rgyal po dpa' bas byin sdug bsngal zhing yid mi bde ste 'gyod par gyur pas de'i tshe cho nges btab nas tshig 'di skad ces smras so/ /rgyal po'i srid dang rgyal po'i pho brang dang/ /nor bu rin chen mu tig gser dbyig
- 142b
spangs/ /rta dang glang po che dang/ shing rta dang/ nor dang/ 'bru dang/ mdzod dang/ bang mdzor rnams spangs la rang nyid dum bu dum bur byas la 'chi bar bya'o zhes zer zhing grong khyer gyi mchog nas 'byung ba'i dus kyi lo rgyas gsal bar byed cing dge slong me tog zla mdzes 'dir byung ba zhes bya ba la sogs pa la/ lus mtshan sum cu rtsa gnyis kyis brgyan pas dgro ba ma lus pa nges par snang bar byed pa ston gyi zla ba dri ma med pa'i dkyil 'khor ltar yongs su rdzogs shing mdzes pa gshegs pa'i tshe 'dod pa'i longs spyod ngan pas bdag dkrugs te zhes bya ba la/ 'dod pa'i 'dam ni 'khor ba'i sdug bsngal gyi rgyu yin pas ngan pa'o/ /dkrugs ba ni 'dod pa'i 'dam gyis gos pa ste/ bud med kyi tshogs kyis yongs su bskor nas nges par byung ba na shing rta'i mchog la zhon te rgyal rigs kyis yongs su bskor cing 'gro ba'i tshe/ dge slong dri mchog mig bzangs 'di nyid de/ /dri mchog mig bzang ni ba'i rji? ma lta bu'i mig ces bya ba'i don to/ /'dir byon dge slong de yang mthong nas su/ /bud med tshogs rnams rab tu dgar gyur cing/ zhes bya ba ni dge slong mthong bas bud med kyi tshogs rnams rab tu dga' bar gyur pa'o/ /mos pa skyes nas gser gyi phreng ba mthor zhes bya ba ni gser gyi phreng ba rnams mgo las phud nas lag pa gnyis kyis bzung ste sor mo bcu'i thal mo sbyar ba byas nas tshigs su bcad pa'i dbyangs kyis gus pa dang bcas pas bstod pas bstod par byed pa'o/ /rgyal po de'i glu dang rol mo la sogs pa'i ca co'i sgra rnams kyang rab tu zhi bar gyur nas rang rang gi bya? ba rnams bor te dge slong mthong bas mi doms pa'i sems su gyur to/ /thams cad rang rang shing rta la zhon nas zhes bya ba ni sngam bzhin no/ /shin tu gtum pa'i sems kyis gsong du btang zhes bya ba la/ shin tu gtum pa ni shin tu mi bzang pa ste/ de la gcig zhen cing gzhol bar gyur zhes bya ba'i don to/ /phyi dus
- 143a
bdag med lhung nas mnar med sreg /ces bya ba ni las nges bdag mnar med par tsha ba chen pos gdungs par gyur zhing lhung bar gyur pa la ci zhig byar yod ces bya ba'o/ /dga' byed de ni rgyal po'i lam 'dir gnas zhes bya ba la sogs pa ni snga ma bzhin no/ /bdag gi dka' bzhin de 'dra nges bgyis te/ me tog phreng brgyus 'dra ba'i dge slong gtubs zhes bya ba la bka' ni bka' stsal pa bzhin du byed pa'o/ /de byas pas bdag 'di lta bur gyur te dri mi zhim pa'i mtshan nyid can du bdag byas so zhes bstan to/ /yang na gsong pa la dga' bas bdag sdig pa'i las can du byas pas na dga' byed do/ /rin po che'i phreng ba lta bu'i dran pa la gnas pa bcad pas na smad pa'i las la dga' bas na dga' byed do/ /rgyal po 'di 'dra bka' bzhin bgyir mi rung zhes bya ba ni bka' stsal pa bzhin du mi bgyid do zhes bya ba dang sbyar ro/ /yang na dga' byed rgyal po'i lam na 'dug pa la sod cig ces gsong byed du ngas ming du btags pa byas pa yin no/ /ngas byas zhes bya ba ni ngas byas pa ste/ nges me tog phreng brgyus 'dra ba'i dge slong gtubs pa ste/ me tog sna tshogs brgyus pa'i phreng ba'i skud pa 'dra ba btubs pa ni bcad pa'o/ /de bzhin du mtshan thams cad kyi me tog gi phreng ba chos smra ba yon tan chen po can skyon med pa dum bu dum bur byas so zhes bya'o/ /nags mchog kun tu bzang po dga' ba na zhes bya ba la sogs pa la khyod ni dge slong gi dge 'dun gyi ma lta bur gyur pa yin pas khyod mi bzhugs na de dag ma dang bral ba'i bu chung ngu bzhin du sdug bsngal bar 'gyur ro/ /de'i phyir dge slong khyod bzhengs la nags su gnas par mdzod cig ces bya ba ni khyod la 'chi ba yod pa ma yin no zhes bya bar dgongs pa'o/ /gang gis don du byon pa de khyod kyis bsgrubs lags kyis pa'o/ /dge slong shin tu
- 143b
snying rjes du zhing tshol zhes bya ba ni kun tu bzang po'i nags na gnas pa'i dge slong rnams 'ong bar mchi bas ji srid ma mchis kyi bar du khyod bzhengs shig ces bya ba'o/ /lag pa g.yas pas me tog rgyal mtshan thogs zhes bya ba la sogs pa la/ g.yon pa dang g.yas kyi phyogs nas rnam pa sna tshogs pa'i gdugs dang/ rgyal mtshan dang/ ba dan dang/ rnam par rgyal ba'i ba dan dang/ gos dang/ rgyan la sogs pas lam yang legs par brgyan nas mchis pas chos bstan pa'i don du byon pa lags pas bzhengs la rgyal po'i pho brang du gshegs nas chos bstan pa mdzod cig ces gsol ba 'debs pa'o/ /ji ltar skyes bu mthu chen po la dag ces bya ba la sogs pa la/ ji ltar rab tu grags pa 'ga' zhig sa'i steng du lhung bar gyur kyang thams cad zil gyis gnon par 'gyur ro/ /de bzhin du skyon thams cad dang bral ba khyod bsad par gyur pas sa la ltung bar gyur cing dum bur bcad par gyur kyang mdzes par gnas so/ /dge slong rab tu snying rjes du zhing tshol zhes bya ba la sogs pa la/ dge slong rnams kyis shi ba mthong na thams cad sdug bsngal gyis bcom par 'gyur la/ thos pas kyang mya ngan gyis zug rngus zug par 'gyur ro/ /shin tu ngo mtshar che bar bstan par bya ba'i phyir/ me tog zla mdzes ri yi rgyal po ltar/ /zhes bya ba la sogs pa la/ mtshan thams cad kyis legs par brgyan pa'i yon tan gyi phreng ba yang bud med kyi tshogs kyi me tog gi phreng ba gtubs pa bzhin du bdag gis dum bu dum bur byas so/ /bdag ni sangs rgyas rnams dang ring bas ring zhes bya ba ni bdag ni skyabs 'dod pa lags na bu la sogs pa rnams kyis ni skyabs byed par mi nus so zhes bya ba'o// 'das pa dang/ ma byon pa dang/ da ltar byung ba'i de bzhin gshegs pa rdo rje ltar sra zhing brtan pa'i sku mnga' ba de dag la skyabs su mchi'o/ /zhes bya ba ni rdo rje ltar mi byed
- 144a
pa'i sku mnga' ba de dag la'o/ /der ni dge slong dum bur byas mthong nas/ /zhes bya ba la sogs la/ lha rnams kyis dge slong de dum bu dum bur bcad pa mthong nas snying rje rje ltar du zhing kun tu bzang po'i nags tshal du song nas dge slong rnams la go bar byed pa ni/ /me tog zla mdzes rgyal pe'i khab 'dir bsad ces bya ba la sogs pa la/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab la sogs pa'i rab bzhin gyi yon tan gyi bsngags pa brjod cing du ba'i sgras lha de dag gis go bar byas pa dang/ lha'i chi de snying rje thos nas ni/ /dge slong de? kun shin tu sdug bsngal gnas/ /zhes bya ba la sogs pa la/ du ba'i sgra thos nas dge slong de thams cad mchog tu sdug bsngal par gyur nas me tog zla mdzes lta ba'i phyir rgyal po'i pho brang du zhugs so/ /zhugs pa dang de dum bu dum bur byas pa mthong nas skad chen po bton nas tshe des btab ste dus nas rgyal nas sa la 'gyel to/ /dge slong dge 'dun rgyal po de la smra zhes bya ba la sogs pa la/ lha dge slong 'dis nyes pa ci zhig byas zhes nyes pa'i rgyu ci zhig yod dam snyam du dogs nas dris pa'o/ /tshul khrims skyon med shin tu bsdams pa yi zhes bya ba la sogs pa la/ lus dang/ ngag dang/ yid kyi las phyin ci log med par bstan pa yin te/ sngon gyi gnas rjes su dran pa'i shes pas bdag dang gzhan gyi spyod pa shes pa brjod pa med pa la 'jug pa'i phyir dang/ stong pa nyid dang/ mtshan ma med pa dang/ smon pa med pa la sogs pa rnam par thar pa rnams la yang dngos por mngon par zhen pa yod pa ma yin na phyi rol gyi dngos po rnams la lta smos kyang ci dgos/ sems can thams cad la bu gcig pa ltar lta ba'i byams pa dang ldan yang chags bas? lta ba ni ma yin no/ /'dod pa'i nyes dmigs bstan pa'i phyir
- 144b
'dod bar na cing brtsog la sdug bsngal skyes ces bya ba la sogs pa la/ mtho ris kyi gags su gyur pa dang/ dbang phyug thams cad nyams par byed pa dang/ pha ma gsod pa dang/ tshul khrims ma nyams pa'i tshul khrims dum bu dum bur byed pa'i rgyur ni/ 'dod pa yin zhes bya'o/ /'dod pas ldongs par gyur cing 'dod pa'i dbang gyur skye bo sdig pa'i las rnams byed/ 'dod pa bsten pas rab tu nyams shing myos pa'i stobs kyis byis pa 'du 'dzir gnas/ 'jigs shing shin tu 'jigs par 'jug pa'i du 'bod dag dang du 'bod chen por 'gro/ de phyir nyes pa mdza' yas yul gyur 'dod pa spongs la dge la 'jug par gyis/ /lus ni sgyu ma gsog dang 'dra ba dang/ zhes bya ba la sogs pa la/ lus kyang sgyu ma lta bur rig cing/ /lag pa dang rkang pa dang mig dang yan lag gi mchog la sogs pa rnams la bltos pa med par byang chub sems dpa' chen po byang chub 'dod pas yongs su btang bar bya zhing/ sbyin pa dang/ /tshul khrims dang/ bzod pa dang/ brtson 'grus dang/ bsam gtan dang/ shes rab tu bsgoms pa'i sems kyi rgyud yin pa'i phyir/ snying rje chen po dang ldan pa 'gro ba ma lus pa'i don byed pa'i byang chub sems dpa' chen po ni glang po che dang/ rta dang shing rta dang/ grong khyer gyi mchog dang/ khang bzangs dang/ khang pa rtsegs pa dpag tu med pa'i rin po che'i rgyan gyis brgyan pa/ shin tu yid du 'ong ba'i phreng bas rnam par brgyan pa/ gzhon nu mas yongs su bskor pa/ dpe med cing dpag tu med pa'i chung ma dang/ bu dang bu mo rnams kyang gtong bar byed do/ /dga' nas mchod pa mtshungs pa med pa ces bya ba la sogs pa ni/ thams cad gtong ba 'ba' zhig ma zad kyi/ mchod pa thams cad kyis kyang mchod par byed ces bya ba'o/ /'dod pa'i khams rnams dang ni gzugs kyi khams/ gzugs med khams la de dag mi gnas te/ zhes bya ba la sogs pas
- 145a
gzugs la rab tu gnas pa'i byang chub sems dpa' de ni khams gsum la mngon par zhen pa dang/ bdag dang sems can dang srog dang gang zag la sogs pa'i 'du shes dang bral ba dngos po dang/ dngos po med pa dang/ bde pa dang/ mi bde ba dang/ mdza' dang/ mdza' med pa dang/ yod pa dang/ med pa dang/ bud med dang/ skyes pa la sogs pa'i 'du shes dang bral ba'o/ /'dod chags dang/ zhe sdang dang/ gti mug dang/ rgyags pa dang/ nga rgyal dang/ ma rig pa la sogs pa mi mthun pa'i phyogs dang/ gnyen po'i phyogs kyi 'du shes dang bral ba'i/ /su dag gzhan las chos mchog thos nas ni/ zhes bya ba la sogs pa la/ ngo mtshar du gyur pa dpag tu med pa'i spyod pa thos nas blo dang ldan pa rnams the tshom za bar yang mi 'gyur ro/ /'bru mar gang ba'i snod bzhin dang zhing dag ces bya ba la sogs pa la/ ji ltar til mar gyi snod kyi nang du nye ba na gnas pa'i gzugs brnyan 'byung ba bzhin du gzhan gyi sems shes pa yin no/ /gzhan gyi sems shes pa dang bcad pa dang dbyug pa'i rang bzhin nges par rtags pa'i phyir sems can ma lus pa'i don yang dag par rdzogs par byed pa'o zhes bya ba'o/ /mdza' ba byas na rjes su chags pa skye/ zhes bya ba la sogs pa la/ rjes su chags pa dang/ khong khro rnam par spangs pa/ phyi dang nang gi dngos po yongs su gtang ba/ sbyin pa dang tshul khrims la sogs pa'i bde bar gshegs pa'i yon tan ma lus par 'dzin pa'i byang chub sems dpar gyur pa/ skyon thams cad bral ba'i byang chub sems dpa' chen po me tog zla mdzes khyod kyis ji ltar bsang ces bya ba yin no/ /de nas rgyal po dpa' bas byin gyis dge slong gi dge 'dun las me tog zla mdzes kyi yon tan gyi bye brag rgya chen por gyur pa thos nas las ngan pa byas pas 'jigs shing skrag nas sdug bsngal?
- 145b
par gyur te/ byang chub sems dpa' i dge 'dun la tshigs su bcad pa'i dbyangs kyis lan btab pa/ nags khrod chen po kun tu bzang po ni/ zhes bya ba la sogs pa la/ nags khrod stug po kun tu bzang po ni zhes bya ba ni sngar bshad zin pas yang brjod par mi bya'o/ /byang chub sems dpa' thugs rje'i stobs ldan dag ces bya ba la sogs pa la/ mgon med pa'i sems can bsgral bar dam bcas pa thugs rje chen po'i gzhan dbang du gyur pa khyod kyis shin tu drag pa'i sdig bgyis pa bdag la skyabs mdzod cig ces bya ba'o/ /de lta bas na kun dga' bo lus dang srog la yang ma chags par bya'o zhes bya ba ni bcom ldan 'das kyis ma 'ongs pa'i skye ba la phan pa'i don du 'jug pa'i rim pa bstan pa yin no/ /de ci'i phyir zhe na/ zhes bya ba ni lus dang/ srog la ma chags par bya ba dang chags pa'i yon tan dang skyon shes nas blang ba dang btang bar bya'o zhes bya ba'i don zhus pa dang/ dbye ba gsungs pa/ lus dang srog la chags pa ni mi dge ba'i las rnams mngon par 'du byed par 'gyur ro/ /lus dang srog la ma chags pa na dge ba'i las mngon par 'du byed par 'gyur ro zhes bya ba ni rgyal po la dgongs nas bstan pa yin no/ /de la 'di skad ces bya ste zhes bya bas ni tshigs su bcad pas de dag nyid gsal bar mdzad pa yin no/ /sems can gang dag chags pa ni zhes bya ba la sogs pa la/ gang dag snying po med pa'i lus rma bzhin du rtag tu rnag 'jig pa dang/ srog kyang nges par g.yo ba la chags pa ni shin tu drag pa'i las byas nas 'jigs pa chen po dang ldan pa'i dmyal ba thar bar dka' ba thob par 'gyur ro/ /yang gang dag dbu ba'i gong bu lta bu'i lus dang shin tu myur bar 'gro ba'i srog la mngon par zhen ba med pa de dag ni tag tu sbyin pa la sogs pa'i bsod nams la zhugs pa de dag dam pa'i 'gro bar 'gyur ro zhes bya ba yin no//
- 146a
sems can thams cad la snying rje chen po'i sems/ nye bar gzhag nas/ dben pa na bde bar gnas pa dang/ dgon pa dang nags khrod kyi bde ba spangs te/ grong la sogs par gnas nas sems can rnams phyir mi ldog par 'gyur bar de ltar chos bstan par bya'o/ /zhes bya ba la sogs pa la/ sngon byung ba'i gtam bstan pa'i phyir/ nga sngon spyad pa dag ni spyod pa na/ de tshe rgyal po dpa' bas byin du gyur/ 'dod pa'i rgyu yis dge slong me tog zla mthos de yis bsad ces bya bar 'brel te/ /rgyal po'i pho brang rin chen ldan zhes bya ba la sogs pa la/ rgyal po'i pho brang nas 'byung ba'i dus su 'khor la sogs pa thams cad kyis mthong bar gyur na/ zhes bya ba mtshon pa yin no/ /gang gi tshe rgyal po'i pho brang nas byung nas shing rta la zhon pa'i tshe shin tu mdzes pa'i dge slong mthong nas 'dis ni bdag gi rgyal srid khyer ba'i dogs pa yod snyam du phrag dog dang ser sna'i dbang gis 'jigs pa'i blo bdag la skyes te/ bu dang bu mo dang 'khor rtsoms kyis kyang bskor ba mthong nas bdag gi phun sum pa ni phrogs par gyur te snyam nas phrag dog dang ser sna dang/ khro bas zil gyis mnan nas/ dbang phyug rgyags pas bu la 'di skad byas/ mdun na 'dug pa'i dge slong bsad par gyis zhes bya ba la sogs pa la gzhon nu de dag gis 'di skad ces smras so/ /bsod nams bsags pa'i rten du gyur pa'i dge slong 'di mi gsod do zhes smras pa dang/ bu rnams kyi tshig thos nas shin tu khros pa'i bzhin gyis gsod pa'i gshed ma dga' byed la smras pa myur ba myur bar dge slong 'di sod cig ces bsgo ba dang shin tu drag po las can gsod pa'i gshed ma dga' byed kyis dge slong de dum po dum bur gtubs so/ /bcad pa'i 'phro nas kyang mo'i rgyun 'bab bar gyur to/ /zhes bya ba la sogs pa sngo ma
- 146b
bzhin no/ /bdag skyed mos mtshal nas phyir log nas phyogs der phyin pa dang/ lus dum bu dum bur byas kyang 'gyur ba med pa de mthong nas rgyu ci zhig gis 'gyur ba med par 'dug snyam nas bdag ngo mtshar skyes par gyur te/ de nas bar snang la lha rnams du zhing smre sngags 'don pa'i sgra thos te/ khyod kyis sdig pa'i las shin tu mi bzad pa byas te/ sdig pa'i las des khyod des par mnar med par 'gro bar 'gyur ro zhes zer ba thos pas rgyal po de lhas bskul bas/ sdug bsngal zhing yid mi bde la shin tu skrag pa'i sems kyis mnar med par 'gro ba'i sgra thos pas/ bdag gis shin tu mi zad pa'i sdig pa'i las byas te/ byang chub sems dpa' chen po me tog zla mdzes bdag gis bkrongs zhes bya ba la/ de bzhin gshegs pa'i dam pa'i chos kyi mdzod 'dzin pa/ ye shes kyi sgron mar gyur pa/ mi shes pa'i mun pa sel ba la mkhas pa/ chos bdud rtsi sman sbyin par byed pa'i sman pa'i rgyal po chen por gyur pa bdag gis krongs so/ /zhes smra sngags 'don par byed do/ /chos rnams skye? dgu? de gal? gang 'chad cing zhes bya ba la sogs pa la/ mang du smre sngags 'don cing 'das pa dang/ ma byon pa dang/ da ltar gyi de bzhin gshegs pa rnams la skyabs su 'gro bar bya ba la skyabs gzhan med do/ /snyam mo/ /de nas rgyal po dpa' bas byin gyis zhes bya ba la sogs pa ni yang dag pa'i yon tan ni snying rjes dang bcas pa rgya cher tshigs su bcad pa yang dag par brjod pa kun tu bzang por 'phags pa'i dge 'dun gyis/ /khyod la rnam pa mang por sgo ba bgyis zhes bya ba la sogs pa la kun tu bzang po'i nags khrod na gnas pa'i dge slong gi dge 'dun gyis rnam pa mang por bsgo ba bgyis zhes bya ba ni rgyal po'i pho brang rin chen ldan du ma bzhud cig ces yongs su bsgo ba byas pa'o/ /khyod kyi srog gi bar chad byung nga re zhes bya ba
- 147a
smras pa/ khyod kyis dge slong dge 'dun tshig ma bzung zhes bya ba la/ dge slong gi dge 'dun gyi bka' bcag nas gang gi don du grong khyer du gshegs pa'i don de de bzhengs la yang dag par rdzogs par mdzod cig pa'o/ /lha rdzas myu gu sna tshogs brgyan pa'i sa zhes bya ba la sogs pa la/ kun tu bzang po'i nags tshal dam pa por nas/ gang gi don du khyod 'dir byon pa'i don de bdag la 'dir gsungs shig de thos pa dang khyod kyi bka' bzhin du bgyi'o/ /sangs rgyas sras po bzhengs pa la bka' stsol cig /bdag ni mgon med khyod la skyabs su mchi zhes bya ba ni dmyal ba mnar med par mchi ba las/ gzung du gsol zhes bya ba'o/ /gcig pu ri dags rgyal po seng ge ltar zhes bya ba la sogs pa'i don ni go bar zad do/ /bdag gis dpa' bo dum bu dum bur bcad ces bya ba la sogs pa las/ bdag ste bdag gi ji srid dge slong gi dge 'dun 'dir ma byon gyi bar du khyod bzhengs la bdag gi gsol ba btab pa bzhin mdzad par bos? so/ /me tog zla mdzes mi 'jigs bdag gsol la bzhengs la bdag 'jigs pa chen po las bsgral ba'i phyir zla ba'i dkyil 'khor yongs su rdzogs pa lta bu'i khyod kyi lus mtshan dang cha shas yongs su rdzogs pa yang bzhengs la bdag la mi 'jigs pa gsol cig ces bya ba'o/ /sems can ma lus pa la mi 'jigs pa gsol bar mdzad pa'i lha khyod ni nyes pa las rab tu grol ba chos smra ba chen po khyod kyi bde bar gshegs pas bstan pa'i chos bshad du gsol zhes pa'o/ /de ring bdag la sna gcig gnad par mdzod ces bya ba la sogs pa la/ bdag gi blo'i mi shes pa'i mun pa bsal ba'i phyir ye shes chen po'i nyi ma shar ba'i? mdzod la bzhengs su gsol te/ ye shes chen po'i nyi ma'i snang bas 'jig
- 147b
pa chen po dmyal bar 'gro bar mun pa chen po bsal du gsol zhes gsol ba 'debs pa'o/ /nyon mongs byed pa'i sdig sems ci ru rung/ /rgyags pas khengs pa'i rgyal srid ci ru rung/ /zhes bya ba la/ thams cad du dmyal ba la sogs par khrid par byed sdig pa'i las byed pa'i sems de lta bu yang ci ru rung/ rgyal srid ni rgyal po'i dbang phyug nyid de/ ngas kyang ci ru rung zhes bya ba sdig pa dang rjes su 'brel ba'i phyir ro/ /thams cad spangs te gcig pu 'gro bar 'gyur zhes bya ba la/ bu dang bu mo ma yin chung ma 'khor rnams min/ grong khyer yul 'khor chen po rgyal po'i pho brang min/ de dag nad nas cig kyang bdag dang 'gro mi 'gyur/ 'di nas bdag gis snying bo cig ma blangs/ /dmyal ba'i rjes mthun sdig pa 'jigs rung ba/ /dogs gnyis dring du byed pa rab tu drag pa des/ bdag nyid cig pu mnar med khrid par 'gyur/ /bdag gi skye ba thams cad don med byas/ /ha ha bzod dang dka' thub brtul zhugs bzang/ zhes bya ba la sogs pa la tshul khrims dang/ bzod pa dang/ nges pa la sogs pa'i yon tan gyi phung po khyod skyabs ma mchis pa bdag por nas gang du gshegs zhes bya ba'o/ /'phags pa khyod kyi las dang yan lag bcad pa na/ zhes bya ba la sogs pa las/ khyod kyi yan lag dang/ nyid lag bcad par gyur pa na 'od zer sna tshogs 'byung bar gyur cing/ 'o ma'i rgyun 'byung bar gyur pas skye bo ma lus pa ngo mtshar skyed par mdzad pa khyod bzhengs shig ces gsol ba 'debs bya'o?/ /byams pa dang/ snying rje chen po'i rang bzhin can/ chos zab mo rab tu ston pa'o/ /sa bcu la rab tu gnas ba'i bdag nyid can/ dbang bcu'i pha rol tu phyin pa thob pas dbang bcu la dbang du gyur pa khyod gang du gshegs da myur du bzhengs shig ces bya ba'o/ /dmigs pa med pa'i snying rje chen po de yang gang du thal nas thugs rje'i yul du gyur pa
- 148a
bdag la ci ste mi gzigs/ khyod kyi bzod pa'i rang bzhin du mdzad na bdag lta bu shin tu rmongs pa la ci'i phyir khro bar dgongs/ de lta bas na chos smra ba chen po khyod ci'i slad du cad mi gsung bar yun ring du bzhugs/ dus ring por chos mi ston par bzhugs pa mdzes pa ma lags so/ /khyod bzhengs la bdag gi khab tu gshegs la thogs pa med pa'i spobs pas bud med kyi chos kyi nang du byang chub sems dpa' chen pos chos bstan du gsol/ lha khyod lha'i lus 'di mi shigs kyis zhes bya ba la sogs pa la/ ting nge 'dzin gyi rang bzhin rdo rje ltar mi phyed pa'i sku ni lha la sogs pas bshig par nus pa ma yin pas dum bu ltar snang ba'i sems can rmongs par mdzad pa'i sgyu ma mi mdzes bas bzhengs shig yang don dam par ni gnyis su med pa'i ye shes kyi sku la dbye ba yod pa ma yin no/ /de lta bas na dum bu dum bur snang ba 'di ni sgyu ma tsam ste/ byang chub sems dpa' sgyu ma mdzad pa mi mdzes so/ /sgyu ma'i rnam par spros pa thong mdzod la bzhengs nas bla na med pa'i chos bstan cing bshad du gsol zhes bya ba ni smre sngags 'don pa'i bye brag go /sgyu ma'i rnam par 'phrul pa'i lus tsam ste/ sha dang rus pa khrag dang bral zhing dri ma rnams par dag /mtshon dang me dang rdo rje'i tshogs kyis kyang ni mi phyed pa'i/ khyod kyi sku ni ji ltar gzhig par nus pa yin/ /rang bzhin rnam par dag pa'i chos kyi skur gyur nas/ /skye bo ma lus phan phyir thub dbang gzugs kyi sgus/ /'gro ba rnams la chos nyid stong pa'i rang bzhin de nyid ston/ bde bar gshegs sras kyi de nyid rdo rje de ni su yi shigs/ /ha ha 'phags pa me tog zla mdzes tshur/ /zhes bya ba la sogs pa la/ khams gsum gyi 'dod cing chags par bya ba la ma chags pas ni 'dod chags dang bral ba'o/ /sems can thams cad kyi pha mar gyur pa khyod kyis bdag ji ltar ngan song
- 148b
du 'jug par mi 'gyur ba de ltar ngan song gi sgo bcad du gsol/ /des na thar pa'i lam rnams ni dbye bar mdzod cig pa'o/ /mgon po khyod ni dgung bdun bshos ma gsol/ zhes bya ba la sogs pa la/ chos ston pa la zhen pas dus yol bar gyur te/ khyod kyis dgung bdun du bshos ma gsol gyis bdag gi sdum par rgyal po'i pho brang rin chen ldan du gshegs la bshos gsol/ chos bstan du gsol/ sems can thams cad la mnyam pa'i sems nyid kyi sangs rgyas kyi chos rab tu bstan pa de lta na smon lam btab pa'i don yod par 'gyur ro/ /khyod nyid kyi mgon dang bcas pa'i dge 'dun de yang khyod med na mgon med par gyur pas sems can snying po khyod ni myur bzhengs la zhes bya ba la sogs pa ni bzhengs la dge slong gi dge 'dun dbugs thon mdzod cig / khyod ni 'jig rten khams gsum gyi sgron mar gyur pa lags pas khyod mi bzhugs na 'jig rten gsum po long ba lta bur 'gyur ro/ /de'i phyir khyod bzhengs la kun tu bzang po'i nags tshal du gshegs nas dge slong gi dge 'dun la bdag nyid ston cig pa'o kye ma zhes bya ba ni brtabs pa'i don to/ /kye kye zhes pa ni mi yengs par bya ba'o/ /kye kye chos 'dzin yon tan rmad byung che/ /zhes bya ba la sogs pa la/ lung dang rtogs ba'i chos 'dzin pa khyod lta bu 'gro ba rnams kyi nang du dus thams cad du 'byung ba ma yin te/ a shAt+tha? yi me tog lta bu khyod kyis shes rab dang/ snying rje'i spyan gyi dge slong gi dge 'dun la rnam par gzigs la ngag gi spyod yul thams cad las 'das pa'i don dam pa'i gzungs bshad du gsol zhes bya ba'o/ /bdag rjes su gzung ba'i phyir bzhengs la khro ba med pa bstan du gsol/ gang gi phyir bzod pa dang thugs rje chen po'i pha rol tu phyin pa khyod la khro ba gal me? bar zhes bya ba'o/ /de'i phyir de ring khyod bzhengs shig ces bya ba ni bzhengs la chos ston cig ces thams cad du blta bar bya'o/ /sems
- 149a
can thams cad la phan pa'i don du zhugs sam me tog zla mdzes te/ sems can thams cad kyi nyon mongs pa'i gdung ba zhi bar byed pas dpe med pa'i zla ba bzhengs shig /tshul khrims dang/ bslab pa dang/ brtul zhugs dang/ thos pa dang/ blo gros dang/ rtogs pas rab tu rtogs par mdzad pa/ thugs rje chen po'i tshon gyis kha dog bsgyur ba'i ngur smrig 'chang ba/ nges par 'byung bar mngon par dga' ba'i bsam pa can/ lus dang/ ngag dang/ sems rab tu thul ba ma thul ba'i sems can rnams 'dul bar mdzad pa dang/ gnyid log pa dang/ rab tu log pa'i sems can rnams/ chos kyi sgras sad par mdzad nas theg pa chen po la rab tu 'jog par mdzad pa'o/ /kye kye sbyin pa yin ni spang leb la/ tshul khrims tha gus 'brel ba'i gru sbyar te/ zhes bya ba la sogs pas ni theg pa chen po'i grub pa'i ded dpon du bstan te/ /sbyin pa'i spang leb la tshul khrims kyi tha gus bcings shing/ bzod pa'i yon tan gyi bcings pa/ brtson 'grus kyi rlung g.yor btsugs pa/ mngon par 'dod pa'i yul du 'gro ba'i bsam gtan gyi mthun pa'i rlung gi phul nas shes rab kyi skya ba 'dzin pas legs par bzung nas shin tu bstan pa'i theg pa chen po'i grur zhugs nas 'khor ba'i rgya mtsho chen po ma rig pa dang/ sred pa dang/ rnam par rtog pa'i rlabs kyi ma lus pa khyab par g.yeng ba'i sems can rnams sgrol bar byed dgos na/ ci'i phyir rab tu gnyid log pa bzhin du sems can gyi don la btang snyoms su mdzad ces bya ba'o/ /bla na med pa'i sman ba'i rgyal por bstan pa'i phyir gsungs pa/ kye kye sman pa'i dam pa brtul zhugs la/ zhes bya ba la sogs pa la/ nang kyi rgyu dang/ gso ba shin tu mkhas pa'i sman gyi rgyal po khyod bzhengs la 'dod chags dang zhe sdang dang gti mug gi nang kyi yongs su mnar bar gyur pa'i sems can
- 149b
rnams la rnam par gzigs te/ nyes pa'i nad thams cad rab tu zhi bar bya ba'i phyir dam pa'i chos kyi bdud rtsi'i sman sbyin pas sems can thams cad la nyon mongs pa'i nad thams cad las rnam par thar par byas nas bdud rtsi'i dbyings mya ngan las 'das pa las dgod par bya ba'o/ /kye kye mkhas pa ye shes rgya tshor brlabs chos kyi rnga dag shin tu rdung ba mdzod/ /ces bya ba la sogs pa la/ sems can rnams la thun mong du chos bstan pa'i rgyu mtshan rab tu bsgrub pa'i phyir rnga dag shin tu dad pa ste/ choS kyi rnga'o/ /rdung ba ni chos dang/ don dang/ nges pa'i tshig dang/ spobs pa so sor yang dag par rig pa thob pas chos smra ba chen por gyur pas sems can mos pa sna tshogs pa rnams la bsam pa dang/ lhag pa'i bsam pa ji lta ba bzhin du rjes su mi mthun pa'i chos ston pas yang dag pa'i lam la dgong par mdzad pa'i nus pa mnga' bzhin du ci'i phyir btang snyoms su mdzad ces bya ba'o/ /me tog zla ba mtshan gyis brgyan pa kye/ zhes bya ba la sogs pa ni bsod nams dang ye shes kyi tshogs yongs su rdzogs par bsags pa'i bdag nyid can gyi nye bar bcom pa'i 'chi ba yod par mi 'gyur bas kyi me tog zla ba khyod bzhengs la 'khor ba'i brtson rar? bsdam pa'i sems can rnams dgrol du gsol zhes gsol ba gdab pa'i phyir/ me tog zla ba mtshan mchog brgyan pa kye zhes bya ba la sogs pa la/ bdag gi gsol ba gdab pa'i tshig gson la dge slong gi dge 'dun dang lhan cig bsam gtan dang rjes su mthun pa'i nags khrod du bzhugs la bsam gtan bzhi la bsam gtan pa dang/ rtag tu semS nang du bsdus pa dang /mdza' ba dang mdza' ba ma yin pa po la mnyam pa'i sems kyi ri rab bzhin mi g.yo ba'i thugs mnga' ba khyod bzhengs la tshur byon/ /sangs rgyas dang/ sangs rgyas na yin pa'i sems can la rab tu mnyam par bzhugs pa dang/ byang chub kyi snying po la nges par
- 150a
bzhugs nas bdud bzhi las rnam par rgyal te/ mngon par sangs rgyas nas chos kyi 'khor lo bskor ba dang/ mngon par shes pa lnga yongs su rdzogs par legs par sgom pas de dag lhun gyi grub par mnga' baS khyod kyis mi mkhyen pa ci yang mi mnga' yis bdag gis bsam pa phyir gdung bar gyur pa'i me 'di zhi bar mdzad du gsol/ /bdag gis gsol ba btab pa don yod par mdzad du gsol/ khyod kyi bzhed pa thams cad bdag gis yongs su rdzogs par bsgrub kyis bzhengs su gsol/ khyod dum bu dum bur ma bzhugs shig /grong khyer dang grong dang/ tshong dus dang/ skye bo'i tshogs dang/ blon po dang/ bu dang/ bu mo la sogs pa'i 'khor rnams la bka' stsal pa/ a ka ru dang/ tsan dan dang/ gur kum dang/ ga pur dang/ gla rtsi la sogs pa'i dri zhim po rnam pa sna tshogs dang/ me tog dri zhim pos yongs su bkang ba'i sgrom bu myur du gyis la gang du chos smra ba'i pur sreg pa der khyer cig ces bsgo nas 'bru mar dri zhim po sna tshogs kyis bsgos pa'i a ga ru dang/ tsandan dang/ lha shing rnams las me sbar nas sgrom du de'i bur bcug nas nyon mongs pa dang bral ba'i dge slong rnams kyis me sgar nas sreg pa'i cho ga byas so/ /sreg pa'i cho ga ni shing phran bcug nas me sbar ba'o/ /de nas chos smra ba de'i lus las de bzhin gshegs pa'i sku bzhin du ? gdung gi phung po byung bar gyur to/ /rgyal po des ni mchod rten byas nas su/ /'di la ngas ni mchod pa bya zhes zer/ zhes pa la/ ngas 'di'i mchod rten sku gdung gi snying po can byas la las ngan pa byas pa zad par bya ba'i phyir mchod pa rnam pa sna tshogs pa me tog dang/ phreng ba dang/ byug pa dang/ phye ma dang/ gdugs dang/ rgyal mtshan dang/ bden dang/ rnam par rgyal ba'i ba dan dang/ sil snyan bye
- 150b
ba khrag khrig brgya stong du ma dang/ bcas pas dus gsum du song nas mchod par byed par gyur to/ /der mchod rten gyis mdun du 'dug nas dus gsum du mi shes pas byas pa'i sdig pa rnams bshags par byed do //slan chad kyang mi bgyid par sdom par byed pa de lta bus/ lo stong bye ba phrag ni dgu bcu lngar? nyes pa byas pa dag kyang rab bshags shing/ zhes bya ba ni lo bye ba stong phrag dgu cu rtsa lngar nyes pa byas pa'i las rnams zad par bya ba'i phyir tshul khrims ma nyams pa dang/ ma ral ba dang/ ma 'dres pa dang/ dri ma med pa bsrungs par gyur to/ /gso sbyong dag kyang de tshe rab gsos te zhes bya ba la/ 'di la gso ba yod pas na gso sbyong ste/ gso sbyong la lo stong phrag dgu bcu rtsa lngar gnas so/ /de ltar byas kyang lus zhig nas de mnar med par lhung bar gyur te/ 'dod pa'i phyir snying rje med pa'i las byas pas sdug bsngal mang po nyams su myong bar gyur to/ /sangs rgyas rnams kyang bdag gis mnyes par ma byas so/ /lo bye ba phrag dgu cu rtsa lngar nga long bar yang gyur to/ /bskal pa bye ba khrag khrig drug cu rtsa gnyis su nga'i mig bcar bar gyur to/ /lag pa dang/ rkang pa dang/ rna ba dang/ sna dang/ mgo yang bcang ngo/ /mi'i 'gro bar skyes kyang rung/ 'gro ba gzhan du skyes kyang rung ste/ de dag thams cad sdug bsngal gyis gnod par gyur cing skyabs med pa'i sdug bsngal nyams su myong bar sbyar? to/ /de lta bas na 'dod pa'i phyir shin u mi zad pa'i las byed pa spang bar bya'o/ /byang chub thob par bya ba'i phyir lag pa dang/ rkang pa dang/ mgo dang/ bu dang/ bu mo dang/ chung ma shin tu yid du 'ong zhing yid 'phrog pa rnams dga' ba'i sems kyis bzhi? par gyur kyang sngon gyi las zad par ma gyur te/ las shin tu drag pa byas pa ni zad par dka' ba'i phyir ro/ /kun dga' de ltar bskal ba mdza' yas dpyad/ /ces bya ba la sogs pa la/ ngas
- 151a
de tshe sdug bsngal 'di dag sngon myong gyur zhes bya ba la/ nga byang chub sems dpa' i spyad pa spyod pa na de dang der de lta bu'i sdug bsngal nyams su myong bar gyur to/ /yang gang dag gzungs la rab tu gnas shing// byams pa la gnas pa dang/ de bzhin gshegs pa la bsnyen bkur byed pa la gzhol ba de lta bu dag ni nam yang ngan song du 'gro bar mi 'gyur ro/ /de'i phyir byang chub 'dod pas tshul khrims la rab tu gnas nas chos kyi sbyin ba la mngon par dga' bar bya'o zhes bya ba yin no/ /nga ni de tshe rgyal po dpa' bas byin yin zhes bya ba la/ nga nyid de'i tshe rgyal po dpa' bas byin zhes bya bar gyur gyi gzhan ma yin no/ /sdig pa zad par bya ba dang/ bsod nams 'phel bar 'gyur ba'i las de lta bu byas pas byang chub mngon par thob par 'gyur ro/ /nga'i bu rnams phyi dus chos skyong ba zhes bya ba la sogs pa la/ nga'i bur gyur pa gang dag yin pa de dag ni byang chub sems dpa' i spyod pa dpyad nas chos skyong ba'i de bzhin gshegs par gyur to/ /me tog zla mdzes kyang pad+ma'i bla ma zhes bya ba'i de bzhin gshegs par gyur to/ /gshed ma dga' byed kyang de bzhin gshegs pa zhi ba'i rgyal po zhes bya bar gyur to/ /skyes pa dang/ bud med dang/ rgyal rigs dang/ khyim bdag dang/ grong khyer gyi dpon dang/ tshong dpon la sogs pa gang yin pa de dag thams cad kyang bla na med pa yang dag par rdzogs pa'i byang chub mngon par rdzogs par sangs rgyas nas sems can rnams kyi don mdzad de yongs su mya ngan las 'das par gyur to/ /zhes bya ba yin no/ /kun tu bzang po stong nyid ngo bo nyid/ /stong nyid bdag med phyir ni de nyid gnas/ /pha rol phyin bcu'i bdag nyid kun bsdams pa/ /kun tu bzang po'i nags tshal zhes de brjod/ /zla ba thub
- 151b
dbang tshogs gsungs ting nge 'dzin/ /byang chub yan lag tshogs ni me tog tshul khrims 'dri/ /sangs rgyas sras po sangs rgyas yon tan cig la gzhol/ /me tog zla mdzes srid gsum snying po gcig /dri med chos kyi bdag nyid gragS pa gcor gyur pa/ /'gro ba'i don sgrub byed pa sangs rgyas thob bya'i phyir/ /ser sna'i nyes pa spangs nas 'bad pa yi/ /'dod pa'i lha yi gnad 'byed pa yi bshad pa byas me tog zla mdzes kyi le'u ste sum cu rtsa drug pa'i 'brel pa rdzogs so// // ting nge 'dzin gyi yon tan dang/ gzugs kyi phan yon bstan par bya ba'i phyir/ de nas yang bcom ldan 'das kyi zla 'od gzhon nur gyur pa la bka' stsal pa zhes bya ba la sogs pa la/ de lta bas na zhes bya ba nas brtsams nas/ tshul khrims kyi phung po la yang rab tu gnas par bya'o zhes bya ba'i bar gyi don ni go bar zad do/ /ting nge 'dzin dang/ gzungs kyi yon tan dang/ phan yon tshigs su bcad pas rgya cher rab tu bstan par bya ba'i phyir gsungs ba/ byang chub sems dpa' gang zhig tshul khrims chogs gnas shing/ zhes bya ba la sogs pa la/ byang chub sems dpa' gang zhig tshul khrims kyi phung po la rab tu gnas pa bdag la phan par 'dod pa/ bdag dang gzhan gyi don sgrub pa'i phyir byang chub sems dpa' i spyad pa spyod pa de dag ni de bzhin gshegs pa mi bskyod pa'i sangs rgyas kyi zhing mngon par dga' bar skye bar 'gyur zhing chos zab mo la bzod pa thob ste/ rim gyis bla na med pa yang dag par rdzogs pa'i byang chub mngon par rdzogs par sangs rgyas par 'gyur ro/ /de phyir gnod sems med cing ba kun mthun gyi/ zhes bya ba la sogs pa las/ kun mthun zhes bya ba ni bsod nams dang ye shes kyi tshogs yongs su rdzogs par 'gyur ba'o/ /'dod chags zhe sdang gti mug la sogs pa'i nyes pa kun dang bral ba'i sems kyi gzhan
- 152a
la phan par byed pa la gcig tu gzhol bas de bzhin gshegs pa thams cad la bsnyen bkur byas nas sangs rgyas nyid thob par gyis shig ces bya ba'o/ /de phyir phan yon mchog 'di thob nas ni zhes bya ba la sogs pa ma tshul khrims kyi yon tan dang ldan pa'i dge slong mthong nas gus pa dang bcas ba de la bsnyen bkur bya'o/ /yid bzhin gyi nor bu dang/ pad+ma rA ga dang/ in+d+ra nI la dang/ mar ka ta dang/ bu shar ga dang/ kar ke ta dang/ mu sa la garb+ha la sogs pa'i rin po che'i khyad par gyis yongs su bkod pa'i 'jig rten gyi khams gang+gA'i klung gi bye ma snyed yod par gyur la/ byang chub sems dpa' sbyin pa mos pa gang zhig gi rin po che de dag blangs nas bskal pa gang+gA'i klung gi bye ma snyed du sbyin pa btang ba bas/ gang gzhan dag gi chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di 'dzin par byed na bsod nams kyi phung po sbyin pa las byung ba de bas bsod nams kyi phung po 'di nyid mang du 'phel bar rig par bya ste/ sbyin pa'i 'bras bu'i gtong ba dang longs spyod pa yin la ting nge 'dzin gyi 'bras bu'i dpag tu med pa'i ye shes kyi tshogs rdzogs na sangs rgyas nying thob par 'gyur ba'o zhes bya ba yin no/ /de lta bas na ting nge 'dzin 'di thob par gyur na chos chen po mi zad pa'i chos kyi mdzod du 'gyur ro/ /thos pa'i rgya mtsho thob par 'gyur ro/ /chos kyi mchog rnams bsam gyis mi khyab pas/ shin tu rgyas byas byang chub sems dbar brjod ces bya ba ni ting nge 'dzin thob pa'i byang chub sems dpa' la mchog dang/ rab mchog dang/ bsam gyis mi khyab pa dang/ dpe med pa dang/ legs par bsdams pa zhes brjod do/ /gang gi ting nge 'dzin 'di bsgom par byed pa de ni de bzhin gshegs pa'i bsod
- 152b
nams ma gtogs pa bsod nams/ /gzhan thams cad zil gyis gnon par 'gyur ro/ /bsod nams dang ye shes dang/ brtson 'grus dang/ stobs kyis de bas lhag pa yod pa ma yin la mnyam pa yang yod pa ma yin no/ /gzhon nu ci sted chos de gzugs yod na zhes bya ba la sogs pa la/ des bskyed pa'i bsod nams kyi phung po de gal te chos gzugs can zhig yin na ni 'jig rten gyi khams thams cad yongs su gang bar 'gyur zhing nam mkha' i khams su yang shor bar mi 'gyur ro/ /de'i phyir bsod nams kyi phung po dpag tu med pa yongs su 'dzin par 'dod pa dang/ 'das pa dang/ ma byon pa dang/ da ltar byung ba'i de bzhin gshegs pa rnams la mchod pa dang/ bsnyen bkur yongs su spyad pa dang/ sems kyis nyes par byed par 'dod pas kyang ting nge 'dzin gyi rgyal po 'di gzung bar bya'o/ /byang chub ces bya ba ni ting nge 'dzin mngon sum du byed pa 'di nyid la byang chub ces bya'o/ /gzhon nu nga'i tshig la dad par gyis zhes bya ba la thams cad mkhyen pa'i gsung gi byang chub kyi ngo bo nges par rtogs par bya'o/ /de lta bas na de bzhin gshegs pa'i bka' ni gzhan du mi 'gyur ba'o zhes bya bar shes par byas la/ dad par gyis shig pa de la dad pa ldan par gyis shig pa'o/ /nges ni bdag tu lta ba 'dir sbyangs so// zhes bya ba la sogs pa la/ byang chub spyad pa mchog 'di spyod par byed pa na bdag dang bdag gir lta ba rnam par spangs nas ngas ting nge 'dzin 'di btsal ba'i tshe g.yeng ba med pa'i sems kyis btsal bar gyur pa na rnyed par gyur pa ni byang chub pa yin te/ /ting nge 'dzin nyid byang chub po zhes byas nas so/ /de'i phyir mdo sde 'di mnyan par bya'o/ /'di las mdo sde bye ba khrag khrig 'byung zhes bya ba ni kun gyi lung du gyur pa ste/ mdo sde thams cad bsdus pa'i gzugs can yin pa'i phyir
- 153a
'di ni mdo sde kun gyi dam pa'i mdo zhes bya ba ni mdo sde thams cad kyi rab mchog tu gyur pa ste/ gang gi phyir chos de rnams la mdza' thug pa rnyad par mi 'gyur ba de dag gi'o/ /stong chen dag ni bcad cing bshig nas su/ /zhes bya ba la sogs pa la/ rdul phra rab kyi mthar thug par bgrang bar nus kyang srid kyi/ gang ting nge 'dzin 'di thob pa dag mdo sde gang dag ston pa de dag ni bgrang bar mi nus so/ /stong gsum gyi stong chen po'i 'jig rten gyi khams kyi sems can thams cad kyi dbugs dbyung ba dang 'jug pa bgrang bar ni nus kyang srid kyi/ byang chub sems dpa' i ting nge 'dzin thob pa'i mdo sde ston ba ni shes par mi nus so/ /zhes bya bas ni spobs pa dpag tu med par bstan pa yin no/ /sangs rgyas kyi zhing gang+gA'i klung gi bye ma snyed kyi sems can de dag bgrang bar nus kyang srid/ de bzhin du rgya mtsho chen po'i bye ma ni tshad gzhal bar nus kyang srid/ de bzhin du skra'i tshal pa brgyar bshegs pa'i dum bu'i rtse mos rgya mtsho chen po'i chu blangs pas bgrang bar nus kyang srid kyi/ chos smra ba de'i dbyangs kyi yan lag ni shes par mi nus so/ /'das pa'i sems can gang dag ji snyed pa de ni bgrang bar nus kyang srid kyi/ des shes pa'i mdo sde ni shes par mi nus so zhes bya ba'o/ /sems can thams cad kyi sgra dang skad kyi tshad ni shes par nus kyi/ gang mdo sde 'di 'chad pa de'i skad dang/ sgra'i mthar thub pa ni shes par mi nus so zhes bya ba'o/ /byang chub sems dpa' ting nge 'dzin thob pa ni nges pa'i tshig dang/ bstan pa'i don ma lus pa la mkhas shing gtan la dbab pa la mkhas pa dang/ rnam par dag pa'i blo gros bsam gyis mi khyab pa dang/ shin tu phra ba'i don la yang 'jug cing shes pa dang/ bzod ma nas ma skyes pa'i ngo bor sgra rnams
- 153b
rnam par rig par de la yang mngon par zhen pa med par chos ston par byed do/ /thogs med de ni chos smrar brjod pa ste/ 'gro ba kun la ston kyang chags mi 'gyur/ zhes bya ba la/ sems can thams cad kyi skad thams cad legs par nges pa'i blo ba ldan pa'i phyir thams cad lam chags shing mngon par zhen pa med par chos kyi de kho na nyid dang ma bral bas sems kyi rgyud chos nyid la mi g.yo'o/ /kun rdzob la zhen pa'i sems can rnams la yang de dang de lta bu'i chos ston par byed do zhes bya ba'o/ dri ba nges par bstan pa brgya la mkhas/ zhes bya ba la sogs pa la/ sems can dpag tu med pas rgol ba yang dpag tu med pa 'byung la/ de dag la lan 'debs pa la mkhas pa ni mkhas pa nyid do/ /chos thams cad kyi rang bzhin yongs su rtogs pas chags pa med pa ste kun tu ma zhen pa'o/ /mdo sde gcig gi phyogs kyang bye ba snyad/ ces bya ba la sogs pa la/ gdul bya'i sems can dpag tu med pa byang chub kyi lam la dgod pa'i phyir spobs pa dpag tu med pas bskal pa dpag tu med par ston pas na chags par mi 'gyur te/ dmigs pa la mngon par zhen pa med pa'i phyir ro/ /ting nge 'dzin 'di la lags par gnas pa/ zhes bya ba la sogs pa la/ ting nge 'dzin la legs par gnas pa'i byang chub sems dpa' ni brag gi rang bzhin gyi ri rab bzhin du phas kyi rgol ba'i smra ba rnams kyis rab tu g.yos par mi 'gyur ro/ /rgol ba ma lus pa la dus gcig tu lan btab pas de dag thams cad zil gyis mnan nas mi smra bar sdod bar gyur nas rang gi phyogs la 'jog par byed do zhes bya ba'o/ /su dag stong pa nyid la rtog brtson pa /sangs rgyas gnas su nges pa de yin te/ zhes bya ba la sogs pa la/ sangs rgyas rnams dang/ byang chub sems dpa' rnams ni stong pa nyid la gnas pa'o/ /gang gis
- 154a
chos thams cad stong pa nyid du rab tu shes pa de ni pha rol gyi rgol ba thams cad kyi skyod par nus pa ma yin no/ /de'i phyir mi 'khrugs pa dang/ mi skyod pa dang/ zil gyis mi non par 'gyur te/ byang chub sems dpa' chen po ting nge 'dzin bsgom pa'i bdag nyid chen po mthu chen po dang ldan pa'i rang bzhin can yin no zhes bya ba'o/ /de yis stong nyid rtogs par khong du chung ces bya ba la sogs pa la/ byang chub sems dpa' stong pa nyid rtogs par khong du chud na chos thams cad la nem nur dang/ the tshom dang/ yid gnyis yod par mi 'gyur ro/ /de bzhin gshegs pa'i stobs bcu dang/ byang chub kyi yan lag bdun dang/ so sor yang dag par rig pa bzhi dang/ rdzu 'phrul gyi rkang pa bzhi dang/ mngon par shes pa lnga la sogs pa ni ting nge 'dzin thob na thob par 'gyur ro zhes bya ba'o/ /stobs la sogs pa rnams sngar bshad zin pas yang bshad par mi bya'o/ /de bzhin gshegs pa dpag tu med pa mthong ba dang rtag tu mi 'bral ba dang/ chos nyan pa la gcig tu zhen pa'i ye shes bla na med pa yang dag par ldan pa dang/ dpag tu med pa'i ting nge 'dzin la dbang thob pa dang/ dpe med pa'i ting nge 'dzin dpag tu med pa'i cho ga shes pa la mkhas pa de'i bsod nams kyi mdza' ni shes bar sla ba ma yin no/ /zhes bstan pa'i phyir nor bu rin chen dag gis gang gyur dang/ zhes bya ba la sogs pa la/ stong gsum gyi stong chen po'i 'jig rten gyi khams 'og gis gzhi nas bzung nas srid pa'i rtse mo'i bar du rin po che sna tshogs kyis yongs su bkang nas de bzhin gshegs pa rnams la bskal pa dpag tu med par sems can thams cad kyis sbyin par byed pa dang/ gang chos kyi bdag nyid can zhig stong pa nyid la dga' bas de bzhin gshegs pa la phyag
- 154b
'tshal bar byed na snga ma'i bsod nams kyi phung po nges bye ba'i char yang mi bod do zhes bya ba ni bsod nams kyi phung po shin tu rgya chen po la 'jug pa'i rgyu ni ting nge 'dzin no/ /sangs rgyas kyi yon tan thams cad nges par bsgrub par gyur pa'o/ /bsod nams thams cad ni 'di'i brgya'i char yang mi 'gyur ro/ /zhes bstan pa yin no/ /ting nge 'dzin dang bral ba'i sbyin bas ni myur du sangs rgyas nyid thob pa ma yin no/ /ting nge 'dzin nyan pa dang/ sems pa dang/ bsgom pa dang/ yang dag par ldan pas ni myur du thob par 'gyur ro zhes bya ba'o/ /gang gi 'di lta bu'i gter rnyed pa zhes bya ba la sogs pa la/ sangs rgyas kyi zhing dpag tu med pa khyab par nor thams cad kyis yongs su gang ba'i gter rnyed na yang de phul du byung ba'i mdzod chen po can zhes mi bya'o/ /ting 'dzin thob pa de ni phul du gyur pa'i mdzod thul bar dka' ba thob par 'gyur ro/ /rgyal srid thob pas kyang dga' bar mi 'gyur te/ ngoms pa skyed pa ma yin pa'i phyir ro/ /ji ltar ting nge 'dzin thob par gyur na ni shin tu tshim par 'gyur ro/ /de dang de dag sangs rgyas kun mkhyen gyi/ /chos rnams rtag tu 'dzin par byed pa yin/ zhes bya ba la sogs pa la/ gang chos thams cad bsdus pa'i ngo bo thams cad mkhyen pa'i ye shes kyi sgrom ting nge 'dzin gyi rgyal po sgrub pas 'dzin pa de de bzhin gshegs pa'i chos kyi mdzod 'dzin ba yin no de dag ni sems can thams cad dga' bar byed pa'i rgyu klu'i? dbyangs snyan pas chos ston pa la mkhas pa yin/ tshul khrims kyi nor can yin/ bslab pas phyug pa yin/ don dam pa'i chos la mngon par dga' bas dur smrig dmar po'i chos gos 'chang ba yin/ khams gsum nas nges par 'byung ba'i bsams? can yin/ rtag tu mnyam par bzhag pa/ shin tu dul ba 'dul dka' ba'i sems can thams cad 'dul bar byed pa'o/ /shin tu bag med pa rab tu gnyid kyis log pa'i sems can gyi
- 155a
khams rnams chos bstan pa'i sgras rab tu sad par mdzad zab mo'i sgras rab tu sad par byas nas theg pa gsum la rab tu dgod par byed pa'o/ /ser na med pa'i sbyin bdag chen po'o/ /sems can thams cad ? bde ba dang/ yid bde ba skyed par byed pa'i longs spyod phun sum tshogs pa sbyin par byed pa'o/ /chos kyi rnga'i sgras sems can thams cad bsdus na sems can thams cad kyi the tshom gyi 'khri shing rgyas par gyur pa ye shes kyi ral gris gcod pa la mkhas pas the tshom thams cad bcad nas the tshom med pa'i chos kyi dbyings la rab tu dgod pa'i phyir des par 'byung ba'i chos ston par byed pa'o/ /chos la gus pa chos la dga' bas phyin ci log la zhugs pa'i sems can rnams 'khor ba'i 'dam du zhugs par mthong nas de dag la snying rje chen po'i sems bskyed nas 'phags pa'i lam yan lag brgyad pa nye bar ston par byed pa'o/ /'khor ba'i rgya mtsho chen bor 'khyams pa'i sems can rnams bsgral ba'i phyir chos kyi gru legs par sbyar nas zag glan byas te/ mdo sde sna tshogs kyi skud pas yang dag par bcings nas shes rab skya ba 'dzin pas legs par bzung ba/ sbyin pa dang/ tshul khrims dang/ bzod pa dang/ brtson 'grus kyi rlung gis bskyod nas ded dpon chen po'i mgon dang bcas pas mngon pa'i 'dod pa'i pha rol gyi 'gram lta ba ye shes kyi tshogs dang/ lam gyi mchog la yang dag par zhon nas mgon med pa'i sems can thams cad theg pa chen po'i gru der bcug nas gnod pa thams cad dang bral ba yon tan thams cad kyi? 'byung gnas mya ngan las 'das pa'i grong khyer pha rol gyi 'gram du phyin par byed de/ chos thams cad kyi rang bzhin mnyam pa nyid rnam bar spras pa'i ting nge 'dzin gyi rgyal po thob pa'i
- 155b
byang chub sems dpa' zhes bya ba'o/ /de nyid ni sman pa'i rgyal po bla na med pa'i dbang po/ chos kyi sman sbyin pas thams cad kyi nang gso bar byed pa de ni 'jig rten las 'das pa'i rigs pas rgol ba rnams pha rol tu song ba phas kyi rgol ba thams cad 'joms bar byed pa/ rgol ba'i dbang po/ rgol ba'i dbang phyug /thams cad mkhyen pa'i ye shes kyi shes pas dpa' ba/ bdud kyi dgra'i stobs 'joms pa'o/ /sems can thams cad kyi skyabs dang dpung gnyen dang/ mgon dang/ gling dang/ snang bar gyur pa'o/ /dam pa'i chos nyan pa dang sems pa dang/ sgoms pa dang/ sgom pa yongs su skyo ba med pa'i brtson 'grus dang/ sems can thams cad yang dag par rab tu dga' bar byed pa'i sgrib pa med pa'i chos ston pas bsam pa thams cad yongs su rdzogs par byed pa'o/ /sems can thams cad kyi sems kyi spyod pa shes pa la mkhas pa'o/ /bdud kyi dkyil 'khor thams cad 'joms shing byang chub kyi snying por nye bar 'gro ba dang/ chos kyi 'khor lo bskor ba la sogs pas rdzu 'phrul sna tshogs yang dag par ston pas sems can rnams 'dul bar byed kyang sems can gyi 'du shes kyang skyed par mi 'gyur ro/ /yongs su brtag pa nye bar bzung na 'jig rten gyi khams thams cad kyi sems can thams cad sangs rgyas su gyur la/ bskal pa bye ba khrag khrig brgya stong du mar ting nge 'dzin gyi yon tan ma lus pa brjod par brtsams ba de dang ldan yang yon tan gyi mdza' shes par mi 'gyur ro zhes bya bas ni ting nge 'dzin gyi yon tan ni dpag tu med pa'o zhes bstan to/ /ting 'dzin rgyal po yon tan rgya mtsho yi/ /yon tan ma lus rab kyi mthar thug pa/ /dpag med sangs rgyas kyis kyang brjod mi spyod/ /thams cad mkhyen pa'i blo bzhin mdza' mi shes/ /ting nge 'dzin gyi yon tan dang/ /gzungs
- 156a
kyi phan yon bstan pa'i le'u ste/ sum cu rtsa bdun pa'i 'grel pa rdzogs so// //de nas bcom ldan 'das kyis zhes bya ba nas/ gzhan dag la yang rgya cher rab tu bstan par bya zhes bya pa'i bar du ni bshad zin to/ /des bzod pa'i stobs bsgoms par bya ba zhes bya ba la sogs pas ni 'chad par 'gyur bar mtshon pa yin no/ /bsten par bya ba ni rtag tu goms pa'i sbyor bas so/ /mang du bya ba ni brten par bya ba'o/ /chos don du gnyer ba dang zhes bya ba la sogs pa la/ /chos la ngon du gnyer ba ni chos mnyan pa'i phyir dge ba'i bshes gnyen la brten pa'o/ /chos 'dod pa ni bsgom pa la mngon par brtson par gyur pa'o/ /chos yongs su 'dzin pa'i chos nyid mngon sum du byed pa'o/ /chos dang rjes su mthun pa'i chos la zhugs pa ni sangs rgyas mchod pa la brtson ba dang ldan pa'o/ /de ltar rab tu zhugs pas gnas gsum la brtson par bya'o/ /gsum gang zhe na/ 'di lta ste zhes bya ba ni nye bar bstan pa'i tshig yin no/ /nyon mongs pa zad pa ni byas pa dang/ ma byas pa'i sdig pa rnams spong zhing zad par byed pa'o/ /bsod nams kyi dbang du gyur pa ni bsod nams kyi stobs bdag por gyur pas 'jug par bya ba'o/ /sangs rgyas kyi ye shes 'dod pas ma chags pa'i dge ba'i rtsa ba la sogs pa rnams bskyed par bya ba'i 'jig rten gyi bde ba la reg par mi bya'o/ /don de dag gsal bar bstan pa'i phyir sngon gyi sbyor ba'i tshigs su bcad pa'i dbyings kyis gdul bya'i skye bo rnams 'dun par bya ba'i phyir/ bskal pa stong du ji ltar ngas spyad pa zhes bya ba la sogs pa la/ mnyan par gyis zhes bya ba ni rna stong du gzhug pa'o/ /ting nge 'dzin 'di 'tshol ba'i tshengs? sngon bskal pa stong phrag mang por sangs rgyas brgya stong phrag mang po la mtshon?
- 156b
ba? byas so/ /sangs rgyas kyi zhing dpag tu med pa'i rdul gyi tshogs pas mang ba'i bskal pa yang 'das pa na de bzhin gshegs pa tshogs kyi dbang phyug ces bya ba byung ngo/ /de bzhin gshegs pa de'i dge slong gi dge 'dun ni bye ba stong phrag drug cu byung de'i tshe sa chen po 'di yang bde zhing lo legs pa la sogs pa'i yon tan dang ldan par gyur to/ /de na gnas pa'i sems can thams cad kyang bde ba dang ldan par gyur to/ /nges shing brtul zhugs bzang la nyon mongs chung zhes bya ba ni bde ba thams cad dang ldan du zin kyang de bzhin gshegs pa'i bdag po'i dbang gi nyon mongs pa dang bral bar gyur cing tshul khrims la sogs pa'i yon tan gyis brgyan par gyur to/ /de'i dus nas bdag byung ba ni zhes bya ba la sogs pa la de'i dus nas chen po'i ? po'i sras me tog mchog ces bya ba byung ngo/ /de'i bu yang lnga brgya yod de/ gzugs bzang zhing blta na sdug pa/ skyes bu'i mtshan thams cad kyis brgyan pa'o/ /de nas rgyal po nges de bzhin gshegs pa de la me tog dang 'bras bu sna tshogs dang ldan pa'i skyed mos tshal stong phrag brgya snyed longs spyod dang yongs su spyad pa'i phyir phul lo/ /'chag pa la sogs pa'i sar yang gos rnam pa sna tshogs gting ngo/ /rgyal po'i bu nge las kyi lam dang yang dag par ldan pas me tog dang/ spos dang/ mar me dang/ /dri dang/ byug pa dang/ phye ma dang/ chos gos dang/ gdugs dang/ rgyal mtshan dang/ ba dan rnams sna tshogs pa dang/ sil snyan gyi khyad par rnam pa sna tshogs pas bcom ldan 'das de la mchod pa byas te/ thal mo sbyar nas mdun du 'dug par gyur to/ /de nas dge slong rnams dang/ lha la sogs pa yang ci zhig ston par 'gyur snyam pa la/ zab mo'i chos ston par 'gyur ro snyam nas dga' bar 'gyur to/ /sa'i bdag po de'i bla na med pa'i lhag pa'i bsam pa mkhyen nas chos thams cad
- 157a
kyi rang bzhin mnyam pa nyid rnam par spros pa'i ting nge 'dzin 'di ston par mdzad do/ /chos bstan pa'i byin gyis bslabs kyis sa chen po 'di rnam pa drug tu g.yos bar gyur to/ /nam mkha' i dkyil nas kyang yid du 'ong ba'i? me tog sna tshogs kyi char bab par gyur to/ /sa chen po 'di las rin po che sna tshogs kyi rang bzhin pad+ma'i khyad par mang po byung bar gyur to/ /de nas de'i bsam pa lhag par bzang pa'i ngo bo thugs su chud nas bla na med pa yang dag par rdzogs pa'i byang chub tu lung bstan to/ /bcom ldan 'das kyis ting nge 'dzin 'di yang bshad do/ /de'i don tshig rnams te don dang tshig gi dbye ba rnams phye nas de'i don tshig rnams kyang mnyan par gyis/ zhes bya ba la sogs pa la/ don ni don dam pa'o/ /tshig ni rab tu gnas pa ste/ mi gnas pa'i mya ngan las 'das pa'o/ /zhes bstan par bya ba'i phyir/ srid thams cad srid pa med pa ste/ kun brtags gsog dang smig rgyu 'dra ba yin/ /zhes bya ba gsungs ste/ srid pa thams cad te 'byung bar 'gyur bas ni srid pa'o/ /de dag 'byung bar 'gyur pa ma yin te/ ma skyes pa'i phyir rang dang/ gzhan dang/ gnyis ka dang/ rgyu med pa la skye ba med pa nyid do/ /de la brtags pa'i ngo bos ma skyes pa'o/ /brtags pa yang gzung ba dang/ 'dzin pa'i rnam pa'o// gzhan gyi dbang gi ngo bos ni yang don dam pa'i skye ba yod do zhes bye brag tu smra ba dang mdo sde pa dang/ rnal 'byor spyod pa pa rnams zer ro/ /don 'di shes par byed 'dod pa ni/ /kun tu brtags pa'i ngo bo yin/ /chos rnams thaMs cad ma skyes pa/ /gzhan gyi dbang la brten nas ni/ /mi rnams kyi ni rnam rtog skye/ zhes gsungs so zhes zer na/ da ni mi rigs te/ gzhan gyi dbang yang skye ba med par sgrub par byed pa'i mdo sde yod pa'i phyir ro/ /de yang 'phags pa dgongs pa nges
- 157b
par 'grel pa'i mdo las/ mtshan nyid ngo bo nyid med pa dang/ skye pa ngo bo nyid med pa dang/ don dam pa'i ngo bo nyid med pa la dgongs nas ngas chos thams cad rang bzhin med pa dang/ ma skyes pa ma 'gags pa/ gzod ma nas zhi ba chos thams cad rang bzhin gyis mya ngan las 'das pa'o zhes gsungs pa yin no/ /chos rnams kyi mtshan nyid ngo bo nyid med pa gang zhe na/ gang kun brtags kyi mtshan nyid gang yin pa'o/ /de ci'i phyir zhe na/ gang gi phyir ming brdas rnam par gzhag pa'i mtshan nyid de ni rang gi mtshan nyid ma yin te/ phung po dang/ khams dang/ skye mched la sogs pa 'dus byas dang/ 'dus ma byas dang/ rang gi mtshan nyid dang/ spyi'i mtshan nyid kyis stong pa'i phyir mtshan nyid ngo bo nyid med pa zhes brjod do/ /de la chos rnams kyi skye ba ngo bo nyid med pa ni chos rnams kyi gzhan gyi dbang gi mtshan nyid do/ /de'i phyir zhe na/ gang gi phyir de ni gzhan gyi rkyen gyis 'byung bar 'gyur gyi/ rang gi ngo bos ni ma yin no/ /rang gi ngo bor med pa de ni ma skyes pa'o/ /ma skyes pa ni rang gi ngo bo med pa'o zhes bya bas skye ba ngo bo nyid med pa zhes brjod do/ /don dam pa'i ngo bo nyid med pa gang yin zhe na/ chos rnams kyi yongs su grub pa'i mtshan nyid de/ de nyid la don dam pa ngo bo nyid med pa zhes brjod do/ /de ci'i phyir zhe na/ chos rnams kyi bdag med pa gang yin pa de ni don dam pa'o/ /de'i ngo bo nyid med pa zhes bya ba gang yin pa ni don dam pa ngo bo nyid med pa zhes bya ba'o/ /dper na nam mkha' ji lta bu ni mtshan nyid med pa'o/ /sgyu ma byas pa ji lta bu ni skye ba ngo bo nyid med pa nyid do/ /ji ltar nam mkha' gzugs thams cad kyis stong pa tsam dang/ thams cad du 'gro ba yin pa de bzhin du don dam pa ngo bo nyid med pa nyid blta ste/ chos bdag med pas rab tu bsgom pa'i phyir dang/ thams cad du 'gro pa'i phyir zhes bya'o/ /lung 'ba' zhig tsam gyis de skad smra ba ma yon gyi/ rigs pas
- 158a
kyang ji ltar skye ba med pa yin pa de ltar bsgrub par bya yis rna gtod la shes rab kyi rjes su 'brang ba rnams nyon cig /'bras bu 'byung ba na rgyu'i ngo bor 'byung ngam/ gzhan zhig 'byung ma rang dang gzhan gnyis las 'byung dam/ rgyu'i bya ba la ma bltos bar skye bar 'gyur ram/ yod pa 'am/ med pa 'am/ gnyi ga'i ngo bo 'am/ rgyu du ma las 'bras bu gcig gam/ du ma zhig skyed pa 'am/ yang na du mas du ma skyed par byed/ yang na gcig gis gcig la skyed la dum yang skye dam/ rgyu zhig ba la 'bras bu 'byung bar 'gyur ram/ yang rgyu ma zhig pa las 'bras bu 'byung bar 'gyur zhes bya ba'i rnam par rtog pa 'byung bar 'gyur na de lta bu'i phyogs de dag thams cad kyang rang gi phyogs la gcig tu chags pas bsgos pa'i rtog bas snying po med pa la snying por brtags bar yang dag par mtshon par bya'o/ /de lta na yang 'bras bu rgyu'i rang bzhin du gyur na 'bras bu yang rgyu bzhin du 'grub pa'i phyir de skyes pa ma yin te/ rgyu'i rang gi ngo bo bzhin no/ /skye ba dang bral bar khyod ? 'dod bas 'bras bu'i bdag nyid du gyur pa'i gtso bo ni rgyu nyid yin pa'i phyir zhes bya bas so/ /de yang ma skyes pa'i phyir bong bu'i rwa bzhin du rgyu nyid du ma rigs so/ /rang dngos bzhin du de gzhan min/ /rgyu ni rgyu ma yin bar 'gyur/ /ma skyes nyid phyir gang gi ci/ /rgyu ma yin ba rgyur 'gyur zhes bya ba yin no/ /gzhan dag kyang gnyis pa la bltos pas brjod par bya ba yin/ /gnyis pa yang 'bras bu'i rdzas yin na de yang rgyu yod pa'i dus na de med la de yod pa'i dus na ni rgyu med pa de ci la bltos nas gzhan nyid yang dag par khas len par byed/ ba lang gi rwa la bltos nas rta'i rwa gzhan zhes brjod par ni mi nus so/ /mngon par 'dod pa'i rgyus mngon par 'dod ba'i 'bras bu skyes par byed pa yang gzhan nyid
- 158b
yin te/ mi mthun pa'i dngos po'i don bzhin no/ /'dod pa'i 'bras bu yang 'dod pa'i rgyu las ma yin te/ gzhan yin pa'i phyir de las gzhan pa bzhin no/ /smras pa/ ngo bo nyid kyi dngos med na/ /gang phyir gang la gzhan zhes brjod/ /ba glang rwa dang ? rwa// rta ru gzhan zhes brjod mi nus/ /gang yang mig la sogs pa'i rkyen/ /mig gi rnam shes skyed pa la/ /gzhan dag yang dag skyed min te/ /gzhan phyir re lde la sogs bzhin/ /'dod pa'i mig gi blo yi rgyu/ /mig blor mi 'dod gzhan nyid bzhin/ /snga nas yod pa ma yin phyir/ /ji ltar bum pa gos sogs bzhin/ /gnyi ga la skye bar yang mi rigs te/ /yod pa dang/ med pa'i ngo bo dag ni phan tshun spangs te gnas pa'i mtshan nyid can yin pas lhan cig mnyam du gnas pa mi srid do/? de nyid kyis na brjod du med pa'i phyogs kyang 'thad ba ma yin te/ brtags pa ma yin pa'i rang bzhin la tha dad pa dang/ tha dad pa ma yin pa'i rnam par rtogs pa ma spangs pa dang/ gang yang 'di ma yin zhes bya bar gyur pa na de yin zhes bya bar 'gyur bas gcig spangs bar 'gyur ba de ni tha dad pa zhes bya'o/ /de spangs pas ni tha mi dad par 'gyur zhes bya ba yin no/ /dngos po rnams kyi gnas pa gzhan ji lta bu zhig gang na yod pa yin/ gang rgyu med pa las skye ba yang rig pa ma yin te/ rgyu med gzhan la mi bltos phyir/ /rtag tu yod pa'am med par 'gyur zhes bya ba dang/ de lta bas na/ bdag las ma yin gzhan pas min/ /gnyi ga las min rgyu med min/ /dngos po gang dag gang na yang/ /skye ba nam yang yod ma yin/ zhes bya ba la bdag las skye bar ni grangs can 'dod do/ /gzhan las skye bar ni bde bar gshegs pa pa kha cig dang/ bye brag pa la sogs pa'o/ /gnyi ga las skye bar ni spyod ba pa dang phyogs kyi gos can pa dag 'dod do/ /rgyu med pa las skye bar rang bzhin rgyur
- 159a
smra ba 'dod do/ /nga ni 'bras bu'i rang gi ngo bo dpyad par bya'o/ /yod pa skye ba yang ma yin te/ yongs su rdzogs pa la yang skye pa'i don dgos pa ma yin te/ nges par grub zin pa'i ngo bo bzhin no/ /gzhan du yod pa de yang skye bar 'gyur na ni skyes zin pa nyid yang skye bar 'gyur ba'i phyir ro/ /med pa las skye par rang rigs pa ma yin te/ nges par brtags pas na bong bu'i rwa bzhin du skye ba 'jug pa'i sems med pa'i phyir ro/ /gzhan du na med pa thams cad gang ci yang rung ba las skye bar 'gyur bas nges na rgyu dang 'bras bu nges pa med par 'gyur ro/ /so so nges pa'i nus pa yod pas de ltar ma yin no/ /zhes pa de ni bden na dngos pa'i nus pa so sor nges pa de dag kyang 'ga' zhig las 'ga' zhig 'byung bar 'gyu gyi/ thams cad ni ma yin pas med pa dang khyad par med do zhes bya ba yin no/ /gang gi rgyu ni yod pa las/ 'byung phyir med las 'byung ma yin zhes pa'o/ /gang yang med pa'i 'bras bu dang rgyu rkyen phrad cing reg pas de'i phyir de dag las so sor nges pa'i 'bras bu dang 'brel ba med bas 'bras bu gang la nus pa nges par 'byung bar 'gyur zhes bya ba'o/ /dus dang mtshams nges pa'i nus pa yod pa ma yin no zhes bya bas thams cad las thams cad skye bar 'gyur ba ni bzlog par dka' ba yin no/ /yod pa dang med pa'i phyogs gnyi ga la brjod pa'i skyon dang ldan par 'gyur bas gnyi ga las skye ba yang rigs pa ma yin no/ /gcig la rang bzhin gnyis yod pa ni mi srid pas gnyi ga dang gcig ni phan tshun 'gal ba yin no/ /de yang yod las ma yin med las min/ /rkyen ni don la mi rigs te/ med na'ang rkyen gyis ci zhig bya/ /yod na'ang rkyen gyis ci zhig bya/ /yod min med min gnyi ga yang/ /gang tshe chos ni 'byung med pa/ /skyed byed rgyu ni de lta na/ /ji lta bur ni dgos?
- 159b
pa yin/ /bsdus pa dang ni so so yi/ /rkyen la de 'bras yod ma yin/ /rkyen dag la yang de ci ltar/ /gang yang rkyen la de yod min/ /zhes bstan pa yin no/ /gal te rgyu mang pos 'bras bu gcig skyed par byed na yang/ de lta ni ngo bo tha dad pa'i rang bzhin can rgyu rnams 'bras bu'i rang bzhin gcig pu zhig 'byung ba na lhan cig byed pa'i rgyus 'bras bu gcig skyed par byed pa na rgyu'i dbye bas 'bras bu'i dbye ba thob par mi 'gyur ro/ /de lta bas na dbye ba med par 'gyur te/ rgyu la dbye ba yod na yang 'bras bu'i dbye ba 'thob par mi 'gyur ro/ /gang yang dbye ba yod pa las dbye ba 'byung pa gyur na ni dbye ba med pa las kyang dbye ba med par 'byung bar rigs te/ med na mi 'byung bar nges pa'i phyir ro/ /'dir ni de ltar mi 'gyur te/ tha dad pa dang tha dad pa ma yin pa'i sna tshogs pa rnams rgyu med par 'gyur ro/ /de ma yin pa'i dngos po gzhan ni gang yang yod pa ma yin no zhes bya bas dngos po thams cad rang dbang du 'byung bar zhal bar 'gyur ro/ /yang gal te rgyu'i rang bzhin tha dad pa dag las 'bras bu'i rang bzhin tha dad pa 'byung bar 'gyur te/ rgyu'i bya bas ma 'dres par bsgrubs pa'i 'bras bu'i ngo bo'i khyad par de lta bur 'gyur te/ ji ltar yul dang dbang po dang yid la byed pa'i tshogs pa las rnam par shes pa 'byung ba na yul gyi rnam pa skyed par byed kyi dbang pos kyang ma yin yid la byed las kyang ma yin no/ /dbang pos ni yul so sor nges par 'dzin te/ gzhan gyis ni ma yin no/ /de bzhin du de yid la byed pas ni rtogs pa'i ngo bor 'gyur gyi gzhan gyis nam? yin no/ /rgyu'i byed pa'i khyad par tha dad du zin kyang 'bras bu'i ngo bo tha dad par mi 'gyur te/ dbye ba med pa'i ngo bo yin pa'i phyir ro zhe / de ni gang gi tshe mi'i gzhung kham blangs nas gnas pa rnams dang 'dra bas ji ltar na 'bras bu'i
- 160a
ngo bo gcig pu tha mi dad pa khyad par sna tshogs par 'gyur ba yin/ sna tshogs pa dang/ gcig nyid ni phan tshun gal ba'i phyir ro/ /yul gyi rnam par snang ba yang rnam par shes pa las tha mi dad pas yul la sogs pas ji ltar byed pa de bzhin du de las tha mi dad pa'i yid la byed pas kyang de dag dang 'dra bar de dang tha mi dad pa'i yid la byed pa'i rtogs pa bskyed par byed do/ /de dag kyang ma 'dres par gnas pa yin no/ /de bas na skyon 'di yod na mi rung ngo/ /zhes 'bras bu las tha dad pa'i bye brag rnams su 'gyur ro zhe na/ de ltar na yang rgyu'i bya ba'i khyad par gyi sbyor ba dang ldan pas de'i 'bras bu rgyu med par thal bar 'gyur ro zhes bya ba yin no/ /'bras bu las na yin pa yi/ /khyed ni khyad par 'dod par byed/ dbye ba de ni gzhan min to/ /de yi? dbang phyug ci zhig byed/ /rtogs pa'i dngos las gzhan min phyir/ /gzugs las de ni ? byung ma yin/ /rnam pa las gzhan ma yin no/ /yang de gzugs las 'byung bar 'gyur/ /'byung dang 'byung ba ma yin dang/ /skyed dang skyed pa ma yin nyid/ /gcig nyid la ni dus gcig tu/ /'byung ba mi 'gal khyod kyis smros/ /'on te 'dir ga gzhan min nyid/ /rnam par dbye ba ji ltar rigs/ /smras pa'i skyon du(mdo 'grel): la 'gyur bas/ /glang chen gyin khrus dang 'dra zhes bya ba'o/ /gang yang rgyu gcig gis 'bras bu gcig skyed par byed do zhes zer na/ de ltar na ni thams cad long ba dang/ /'on ba'i skyen du thal bar 'byung te/ mig la sogs pa rang gi rigs mthun par skyed pa'i skad cig la rnam par shes pa skyed par byad pa ma yin la/ gang gi tshe rnam par shes pa skyed pa'i skad cig la rang gi rigs mthun pa mi skyed pas skad cig gnyis pa la mig la sogs pa med pas de
- 160b
med? pa la srogs par thal bar 'gyur ba bzlog par dka' 'o/ /dbang phyug la sogs pa byed pa'i rgyu gcig gis 'bras bu du ma nyid skyed par 'dod pa de yang tshad ma thams cad kyis gnod pa yin te/ rgyu tshogs pa'i rim gyis 'bras bu 'byung bar mthong ba'i phyir ro/ /gal te rgyu zhig pa'i rjes la 'bras bu 'byung bar 'gyur ro zhe na/ de lta na ni rgyu med par thal bar 'gyur te zhig pa ni nam mkha' i me tog dang 'dra ba yin pas rgyur rung ba ma yin no/ /ma zhig pa las skye bar 'gyur zhe na/ de ltar na yang rgyu dang 'bras bu dus mnyam pa nyid du 'byung bar thal bar 'gyur ro/ /ba glang gi twa? g.yas g.yon bzhin du dus gcig tu byung ba la rgyu dang 'bras bu'i ngo bo yod pa ma yin no/ /med pa'i sngon du nus med la/ /nus pa'i dus su 'bras bu 'ang yod// rgyu dang 'bras bu dus gcig tu/ /'byung ba gsal por 'gal ba yin/ /zhes bya ba yin no/ /yang na skyes par gyur pa'i rjes su la phyis 'bras bu dang dus mnyam du yang dmigs pa yin no zhes 'dod pas dus mnyam par gnas pa mi 'gal lo zhen de lta na ni/ /'dus byas thams cad skad cig ma zhes gsungs pas skad cig mas gnod pas shin tu yang 'bras bus skyed bar rigs pa yin no/ /'o na ti rgyu 'gag par 'gyur ba'i dus su 'bras bu skye bar 'gyur ba la skyon 'di yod pa ma yin no zhes dam 'cha' bar byed na de la yang brjod par bya ste/ rgyu'i 'jig pa zhes bya ba gang yin ci'i rgyu'i ngo bo nyid yin nam/ skad cig las mi gnas pa'i chos zhig pa yin zhes bya ba yin nam/ yang na rgyu thams cad du dmigs par ma gyur pa yin nam / ji lta na ci nyes zhe na/ rgyu'i ngo bo nyid yin na ni de ltar na yang rgyu dang 'bras bu dus gcig pa nyid du thal bar 'gyur ro/ /'on te rgyu zhig pa nyid yin no zhe na/ 'bras bu dang dus mnyam pa nyid ga la yod/ /yang dngos po med pa zhes bya ba res 'ga' ba/
- 161a
yin no zhe na/ de yang rig pa ma yin te/ res 'ga' ba nyid du gyur pa ni rgyu dang bcas pa nyid dang/ rdzas nyid du thal bar 'gyur te/ rnam par shes pa yin? no/ /yang smras pa/ re zhig nyams pa'i rgyu las kyang/ 'bras bu 'byung bar mi rigs la/ /ma nyams las min rmi lam dang/ /'dra bar khyod kyi 'byung bar 'dod/ /ma zhig pa las 'bras skye na/ /de tshe 'bras bu ci ste med/ /zhig par gyur las 'bras skye na/ /de tshe 'bras de gang las byung/ /zhes bya ba yin no/ /de lta bas na dngos po'i don rnams gyi skye ba brtags pa ji lta ji ltar dpyad pa byas pa de lta de ltar rigs pa bzob pa ma yin no/ /de'i phyir rgyu dang bcas pa'i srid pa rnams snying po med pa/ dngos po med pa/ ma skyes pa yin na skye ba la sogs pa'i tha snyad ji ltar rung zhe na/ smras pa/ kun brtags te mi bden pa'i kun tu brtags pa tsam ste/ dngos po rnams brtags pa tsam du byung ba'o/ /de'i phyir ga mog dang smig rgyu 'dra ba yin zhes bya ba gsungs te/ gsog ni smig rgyu la chu yod pa ma yin pa'o/ /de dang 'dra ba'i gzugs la sogs pa'i dngos po thams cad dngos po med pa'i ngo bo nyid do/ /sgyu ma ste sprul pa dang/ nam mkha' i me tog gi dri dang 'dra ba ma yin no/ /glog dang sprin 'dri ste/ g.yo ba dang/ stong pa nyid de/ de dag ji lta ba bzhin du brtags pa na yang g.yo ba dang/ glog ltar skad cig ma'i rang bzhin dang/ sprin bzhin du yongs su ma grub pa'i ngo bo nyid kyi phyir stong pa'o/ /gang zag la bdag med par bstan pa'i sgo nas skye ba med par sgrub pas chos la bdag med pa yang bsgrub par 'gyur ro/ /zhes bstan par bya ba'i phyir/ bdag dang sems can srog kun med/ ces bya ba ni chos thams cad bdag med ba dang/ sems can med pa dang/ srog med pa zhes bya ba ni ji lta bu zhig bdag la sogs pa
- 161b
rdzas su gyur pa rnams yod de/ /rigs pa dang/ bye brag pa dang/ spyod pa dang/ grangs can la sogs pa'i bar dang/ phyogs kyi gos can la sogs pa rnams yod pa ma yin pa'i bdag la sogs pa khas blangs nas de bsgrub pa'i phyir rigs pa smra ba rtsom par byed do/ /de dag las rigs pa smra pa bas smras pa/ gang yang bdag med na las dang 'bras bu dag dang/ byed pa po dang/ spyod pa'i rnam par gzhag pa rnyed par mi 'gyur te/ byed pa po gcig nyid med na byas pa chung zos pa dang/ ma byas pa dang/ phrad par thal bar 'gyur ro/ /de dag gi yod pa nyid dang/ rtag pa nyid dang/ khyab ba nyid dang/ byed pa po nyid dang/ spyod pa po nyid sgrub par byed pa'i tshang ma rjod par byed do/ /yod pa nyid ni re zhig legs ldan byed tshad ma 'god pa ni yod pa la sogs pa drug po'i khyad par yul du gyur pa dang/ yul du gyur pa ma yin pa mngon sum dang/ rjes su dpag pa dang/ nye bar 'jal ba dang/ sgra las byung ba dang/ dran pa dang/ so sor shes pa dang/ grub pa'i lta ba dang/ grub pa'i shes pa dang/ yid gnyis dang/ phyin ci log dang/ so sor ma brtags pa dang/ rmi lam dang/ rmi lam gyi rmi lam ste bdag gi shes pa'i khyad par rnams kyis lus la tha dad pa'i rigs par 'gyur te/ rang gi rgyu las byung ba'i skye ba yin pa'i phyir/ skyes bu gzhan gyi shes pa bzhin no/ /ga chos mi mthun pa ni zhig pa'i bum pa la sogs bzhin no/ /de la yod pa la sogs pa khyad par drug ste/ yod pa dang/ mi rtag pa dang/ rdzas dang ldan pa dang/ 'bras bu dang/ rgyu dang/ spyi'i khyad par zhes bya ba las drug po de dag gi yul las rdzas dang/ yon tan dang/ las rnams ni yul du gyur pa'o/ /yul du ma gyur pa ni spyi dang/ khyad par dang/ 'du ba'o/ /'di dag gnyi gang shes bya ste yul lo/ /gang dag mngon gsum la sogs
- 162a
pa la de skad ces bya'o/ /grub pa'i lta ba ni rtsis kyi bstan bcos dang 'brel ba ste/ /grub pa rnams kyi lta ba yin pa 'am/ grub par byed pa'i lta ba yin pas grub pa'i lta ba zhes bya'o/ /spobs pa'i shas pa ni grub pa'i shes pa zhes bya ste sang nga'i phu bo'o? dngo? zhes bya ba lta bu'o/ /yang na ni drang srong rnams kyi shes pa yin pas grub pa'i shes pa zhes bya'o/ /yid gnyis ni the tshom mo phyin ci log ni phyin ci log tu gyur pa'o/ /rmi lam ni dang po'i rmi lam gyi gnas skabs kyi rkyen gyi rmi lam mo/ rmi lam gyi rmi lam ni rmi lam gyi nang du rmi lam gzhan byung ba'o/ /'di dag bud med rnams dang/ dmad? rigs rnams ngo mtshar bskyed pa'i phyir rnam phug pas bstan pa yin no/ /snang bar byed pa bas tshang ma 'god pa ni lhas sbyin nges yid ches pas rab tu sbyor bar byed de/ gzugs dang/ ro dang/ dri dang/ reg pa'i rkyen gcig pa dang/ du ma'i mtshan ma can yul tshogs kyi rkyen de dag nyid la mtshan ma gcig dang rab tu sbyong ba'i mtshan ma gcig bu gang yin pa de ni bdag ces bya'o/ /bdag ces bya ba'i tshig na lus dang/ dbang po dang/ yid dang/ blo dang/ tshor ba la sogs pa bsdus pa las tha dad du gyur ba'i yul te/ sbra? gcig pa'i phyir bum pa bzhin no zhes bya ba yin no/ /de bzhin du 'tsho ba dang bcas pa'i lus 'di ni bdag med pa ma yin te/ srog la sogs pa dang bral bar thal bar 'gyur ba'i phyir bum pa bzhin no zhes bya ba'o/ /de ltar yod par smra ba'i tshad ma brjod nas rnam phug pas rtag pa nyid dang/ khyab pa nyid kyi tshad ma brjod pa'i phyir smras pa/ da'i dang po ma'i mngal nas byung ma thag pa'i yul rig pa'i shes pa de nyid phyi dus tha ma'i yul rig pa'i shes pa yang de nyid yin te/ rang gi shes pa yin pa'i phyir dang po'i rang gi shes pa bzhin no zhes zer ro/ /khyab pa'i tshad ma yang/ de nyid yin te/ sa dang/ chu dang me dang/ rlung dang/ yid ces bya ba rnams ni rtsod
- 162b
pa'i gul du gyur pa yin te/ ring du gyur pa na gnas na yang nga yi dags dang 'brel pa yin te/ thogs pa dang bcas pa nyid dang/ shugs dang bcas pa nyid dang/ gzhan nyid dang/ gzhan ma yin pa nyid dang/ phan tshun yang dag par sbyor ba'i rnam par dbye ba nyid kyi phyir bdag nyid kyi la sogs pa bzhin zhes bya ba'o/ /de dag gis ni yod pa nyid dang/ rtag pa nyid dang/ khyab pa nyid du bsgrubs pa yin no/ /gal te de ltar rtag pa nyid dang/ khyab pa nyid yin na yang byed pa po nyid dang/ spyod pa po nyid dang/ skye ba dang/ rga ba dang/ 'chi ba dang/ srog dang/ gsod pa la sogs pa 'gal bar mi 'gyur ro/ /de ltar na yang shes pa dad byed par 'dod pa dang/ 'bad pa rnams bdag de la mnyam du tshogs pa ni byed pa po zhes bya'o/ /bde ba dang/ sdug bsngal yang dag bar rig pa mnyam du tshogs pa ni spyod pa po zhes bya'o/ /de yang bde ba dang/ sdug bsngal gyi rkyen ni longs spyod do/ /de bdag nyid la mnyam du tshogs pa ni spyod pa po nyid do/ /skye ba ni lus dang dbang po dang blo dang tshor ba la sogs pa rigs rnam par dag pa rnams su sngon ma thob par mngon par sbyor ba'o/ /sngon gyi de dang 'bral ba ni 'chi ba'o/ /lus dang bcas pa'i bdag dang/ yid sbyor ba chos dang chos ma yin pa la bltos pa ni srog ces bya ba'o/ /dgos pa'i rten dang byed pa'i rgyun la gnod pa byed pa'i rgyun la gnod pa byed pa ni gsod pa zhes bya'o/ /de'i don ni 'di yin te/ sems can 'chi ba med pa'i chos can la bden pa la sogs pa yang dag par myong ba'i tshor ba 'bras bu'i rten lus dang yul nye par dmigs pa'i byed pa po/ dbang po rnams kyi rgyun gcod pa? la gsod pa zhes rnam par 'jog par byed do/ /de dag la lan gdab par bya'o/ /gang rtags pa la sogs pa'i sbyor bas tshig gi don drug gi yul nyid la mngon sum la
- 163a
sogs pa gsungs pa de ma grub pa yin te/ mngon sum gyi rdzas dang/ yon tan dang/ las dang/ spyi dang/ khyad par dang/ 'du ba rnams mi 'dzin pa'i phyir ro/ /mi 'dzin pa yang mig la sogs pa ni yul so sor nges pa'i phyir ro/ /de yang mig gi gzugs nyid 'dzin gyi re la sogs pa ni ma yin te/ /dbang po lhag ma rnams don med par 'gyur ba'i phyir ro/ /de bzhin du rna bas sgra nyid 'dzin gyis gzugs la sogs pa ni ma yin no/ /de bzhin du lhag ma rnams kyang rang rang gi yul 'dzin par nges pa yin no/ /gang gzugs la sogs pa de dag la tha dad pa'i rdzas la sogs pa bzung bar 'gyur/ /gal te rjes su dpag pas bsgrub bar bya'o zhes zer na/ de ltar na yang mngon sum sngon du 'gro ba yin pas de med par ji ltar 'jug par spro bar byed/ bdag gi shes pa'i khyad par rnams kyis lus las tha dad pa'i rig par bya ba rig par 'gyur te/ zhes bya ba ni grub pa sgrub pa yin te/ khyod kyi yul las tha dad pa'i thaMs cad la mkhyen pa dang/ 'dod chags dang bral ba'i rnal 'byor pas rig pa'i phyir ro/ /gang yang skyes bu gzhan gyi shes pa bzhin no zhes chos mthun pa'i dper bstan pa de yang bsgrub byas stongs pa yin no/ /rnam par shes pa thams cad rang rig pa'i dag nyid can nyid do/ /shes pa gzhan gyi rig par 'dod pa'i phyogs ltar na thug pa med par thal bar 'gyur ba sgrub pa med pa'i skyon du 'gyur/ /gang dag ma lus pa 'di dag ni rnam par shes pa nyid do/ /rang rig pa'i mthar thug pa'i phyir de las gzhan dag yod pa ma yin no/ /zhes bya ba'i lta ba ltar na ni gsal ba po nyid du grub pa sgrub pa'i skyon du 'gyur ba'o/ /de bzhin du gzhan dag la yang gtan tshigs kyi gzhan dbang du gyur pa'i skye ba dang ldan pa la grub pa sgrub pa'i
- 163b
skyon brjod par bya'o/ /gang yang snang bar byed pas smras pa'i lhas byin gzugs la sogs pa dang so sor sbyor ba'i shes pas bdag gis mthong ngo/ /bdag gis thos so zhes bya bas byed pa po gcig nyid go bar byed pa yin pas gang dang so sor ? ba de nyid bdag yin no zhes zer ba de ni rigs pa ma yin te/ rtag pa dang/ thams cad du gtogs pa dang/ /gcig bu nyid de lta bu dang/ so sor sbyor ba ma mthong ba'i phyir mi srid pa nyid do/ /rtag pa dang/ rtag pa thams cad du gtogs pa dang/ byed pa po dang/ spyod pa po dang/ rjes su sbyor ba nyid la sogs rjes su 'gro ba dang/ med na mi 'byung ba med pa'i phyir mo gsham gyi bu bzhin du brtags pa tsam mo/ /de lta na gang dang so sor sbyor bar byed ce na/ sems skad cig pa nyid la thog ma med pa'i dus kyis ma rig pas gcig pa nyid du sgro btags nas so sor sbyar ba'i rnam par 'khrul pas dngos po dang ma rig pa ni dngos po'i de kho na nyid dang so sor mi sbyor ba'o/ /de lta bas na bdag yod par rtog pa ni shin tu sdig pa can yin no// tshig gcig pa nyid kyis zhes bya ba'i bsgrub par byed pa yang bdag gis mi mthun pa'i phyogs sgrub par byed pa yin te/ tshig gi brjod bya ni spyi yin la/ bdag ni spyi ma yin pas so/ /gzhan sel ba'i yul can yin pa'i phyir tshig gi yul ni med pa'o// nges ni bdag ni ma yin no zhes sgrub par 'gyur ro/ /gang yang srog dang bcas pa'i lus 'di mi bdag med pa ma yin te/ srog la sogs pa med pa ltar thal bar 'gyur ba'i phyir shin tu yang 'brel pa med pa yin te/ srog la sogs pa dang bdag la 'brel pa grub pa med pa'i phyir ro/ /de'i bdag nyid kyi 'brel pa ni ma yin te/ /tha dad kyi dbye ba khas blangs pa'i phyir ro/ /de las byung ba'i 'brel pa yang ma yin te rtag pa ni rim dang cig car don bya ba byed pa 'gal ba'i phyir ro/ /de
- 164a
la re zhig rim gyis bskyed pa'ang mi rigs te/ skyed par byed pa dang/ skyed par byed pa ma yin pa'i rang bzhin gnyis dus gcig tu gcig la 'gal ba'i phyir ro/ /lhan cig byed pa stong gis kyang 'gyur ba med pa la lhag par phan gdags par nus pa mi srid pas lhan cig byed pa la bltos pas rtogs pa la ci zhig dgos/ /cig car skyed par byed pa yin na yang skad gcig la thams cad skyed par byed do zhes bya bas skad cig gnyis pa la bya ba med pas dbugs 'byung 'jug rgyun chad pa'i 'chi ba 'am/ yang na dngos po thams cad mi dmigs pa'i grol ba thob par 'gyur ro/ /yang med na mi 'byur? ba'o zhes rtog na yang rjes su mthun pa ma yin no/ /gang yang rtag pa nyid dang/ khyab pa nyid du sgrub par byed pa'i gtan tshigs gnyis nye bar bkod pa de dag kyang shin tu 'brel pa med pa yin te/ chos can med pa nyid de bdag ni chos can du ma grub pa'i phyir ro/ /'on te lus phyogs su byas nas dang po'i rnam par shes pa skyed par byed pa de nyid kyis dus phyi mar 'byung ba'i rnam par shes pa yang skyed par byed do zhes zer ba de yang rigs pa ma yin te/ de nyid las 'di yang skyes so/ /zhes bya ba la tshang ma yod pa ma yin no/ /de la re zhig mngon sum ni sngon dang phyi ma'i dngos po la 'jug pa ma yin no/ /rjes su dpag pa yang mngon sum du 'gro ba nyid yin pas de med na de 'jug pa ma yin no rjes su dpag pa nyid sngon du 'gro ba yang thug pa med par 'gyur ro/ /sbyor ba gnyis pa gzugs dang ldan pa'i phyir bdag gis lus bzhin no zhes bya ba'i dpe nyid bdag dang 'bral bar ma grub pa yin na thams cad du 'gro ba dang khyab pa nyid lta ga la yin/ byas pa'i tshig bzhin 'brel pa med par 'gyur ro/ /byis pas smras pa sun 'don pa'i phyir brgal ba'i lan brjod par bya ste/ gang la skye ba med pa de
- 164b
la 'gag pa yang med pa'i phyir de la sems can yang med de ri bong gi rwa bzhin no/ /gzhan gyis 'dod pa'i bdag la ni skye ba yang med/ 'gag pa yang med do zhes bya ba ni khyab par byed pa mi dmigs pa yin no/ /de bzhin du gang rim gyis kyang rung? cig car yang rung don bya ba byed pa de ni brtag pa yang ma yin/ khyab pa yang ma yin na/ med pa yang ma yin pa'i phyir mar me dang/ sa bon dang/ myu gu dang/ 'khri shing la sogs pa bzhin no/ /rim gyis sam/ cig car yang rung/ don bya ba byed pa las log pa de ni rtag pa nyid dang/ khyab pa nyid med pa ma yin pa las log pa'i phyir med pa ma yin pa dang 'gal pa'i yod pa nye bar dmigs pas khyab par byed pa 'gal ba dmigs pa yin no/ /yang na gang rim gyis sam cig car yang rung bas don bya ba byed pa ma yin pa de ni yod pa ma yin te/ ri bong gi rwa dang/ rus sbal gyi spu la sogs pa bzhin no/ /rim gyis kyang rung/ cig car yang rung bas don bya ba byed pa bdag rtag pa la yod pa ma yin no/ /rim gyis 'am cig car gyi mtshan nyid kyi don bya ba byed pa rtag pa las srog pas khyab par bya ba sems can yang ldog pa zhes bya ba khyab par byed pa mi dmigs pa yin no/ /yang na gang yang rdzas nyid dang/ yod pa nyid dang/ byed pa po nyid dang/ skye ba dang ldan pa nyid la sogs pa'i chos dang ldan pa de dag thams cad bdag med pa'i phyir phyi rol gyi bum pa la sogs pa bzhin no/ /rdzas nyid la sogs pa'i chos dang ldan pa'i nang gi bdag nyid can gyis srog dang bcas pa'i lus dang/ yid dang/ blo dang/ bde ba dang/ sdug bsngal la sogs pa yang zhes bya ba ni rang bzhin gyi gtan tshigs so/ /rim pa 'di nyid kyis spyod pa pa la sogs pa la yang mngon sum la sogs pa'i tshad mas gnod pas bdag la sogs pa khas len pa'i rgol ba rnams kyang sun phyung bar 'gyur ro/ /de lta na yang cung zad tsam bstan par bya'o/ /de la spyod pa pa ni rjes su 'gro ba dang/
- 165a
ldog pa'i rang bzhin gyi sems pa bde ba dang/ sdug bsngal la sogs pa'i ngo bor rjes su/ song ba bdag gi de kho na nyid khas len par byed de gcig tu med par gyur na ni byas pha chung zos pa dang/ ma byas pa dang phrad par 'gyur gcig tu skyes bu rtag par gyur na ni byed pa po'i rang gi ngo bo ma btang bas spyod pa po nyams par 'gyur ro zhes bya ba'o/ /de yang gzhon nu ma lon gyis/ /de'i phyir gnyi ga spangs nas ni/ /ldog dang rjes su 'gro'i bdag nyid kyi/ /skyes bu khas blangs bya ba ste// bskyil la sogs pa'i sprul dang 'dra/ zhes smras pa yin no/ /byed pa po dang/ spyod pa pa nyid ni bdag la brten pa yin gyi/ /gnas skabs la brten pa ni ma yin no/ /de nyid ni byed pa po dang/ spyod pa po nyid du shes pa stobs kyis rnam par 'jog par byed do/ /de ni bdag nyid mngon sum du byas pa na rtag pa 'das pa dang ma 'ongs pa dang/ da ltar byung ba'i rnam pa bdag gi yul yin pa'i phyir bdag shes pa dang ldan no/ /bdag gis shes par 'gyur ro/ /bdag gis shes so zhes yul gcig gnyis su nges par byed do zhe na/ de lta bu ni shin tu tshad ma la mkhas pa'i bram ze rnams srid pa yin no/ /de yang mngon sum ni gnyis ka'i bdag nyid can 'das pa dang ma 'ongs pa la sogs pa'i dus la khyab pa'i dngos po rab tu sheS pa'o zhes bya bas ni 'di skad bstan par 'gyur te/ 'das pa zhes bya ba ni nyams pa'o/ /ma 'ongs pa ni da dung ma byung ba'o/ /de dag mngon sum gyis rab tu rig go zhes smras pas yod pa dang rab tu sbyor ba'i mdo'i rtsa pas gnod par 'gyur ba ni ma 'ongs pa ni ma mthong bas mngon sum gyur pa ci yang med ces bya ba la sogs pas 'das pa dang ma 'ongs pa la sogs pa'i yul la sbyor bas 'jug pa la rtsod pa'i skyes bus byas pa ma yin pas sgrub pa'i 'bad pa 'bras bu med par 'gyur te/ de'i phyir
- 165b
mngon sum ni da ltar byung ba'i yul tsam 'dzin par nges par shes par bya'o/ /de ltar na sngon dang phyi ma dang bral ba'i da ltar byung ba'i ngo bo tsam gyi bdag rang rig par bya ba shes par bya'o/ /zhes bya bas rnam par shes pa nyid sngon dang phyi ma'i rjes su 'gro ba dang bral ba skad cig ma rang rig par bya ba'i bdag nyid khas blangs pa ni bdag ces ming gi rnam pa gzhan btags par zad do/ /gal te rjes su dpag pas bdag rtag pa nyid du sgrub par byed do zhe na/ de ltar na yang mngon sum sngon du 'gro ba 'am/ rjes su dpag pa sngon du 'gro ba na rjes su dpag pa sngon du 'gro ba yin na ni thug pa med par 'gyur ro/ /mngon sum la 'jug pa sngon du ma song bar yang ji ltar rjes su dpag pa la 'jug par nus par 'gyur/ /gzhan yang bdag tu nga rgyal ba'i stobs kyis bdag sgrub par byed na yang lus la dmigs na bdag ring do/ /tsho'o/ /dmar ser ro zhes spyi'i dbang du byas nas smra yi/ /bdag ni bdag gi spyi'i dbang du byas nas ni ma yin no/ /des na 'di skad smras par 'gyur te/ mig la sogs pa'i bdag nyid can las tsam la dmigs nas bdag ces bya bar rtogs par 'gyur ro/ /de la 'gal ba med de/ ming tsam du byas nas byed pa po nyid la sogs pa yang rnam par shes pa skad cig ma'i khyad par can gyi rgyu dang 'bras bu'i ngo bo las gzhan ni med do/ /byas pha chung zos pa dang/ ma byas pa dang phrad par 'gyur ro zhes rtsod pa de yang rtsod pa ma yin pa nyid do/ /de lta bas na spyod pas brtags pa'i bdag ni btags pa 'ba' zhig kho na'o/ /phyogs kyis gos can pa ni mngon sum nyid kyis 'jug pa dang/ ldog pa'i shes pa'i bdag nyid kyi bdag nye bar dmigs so zhes smras pa de ltar na yang bde bde ba dang sdug bsngal la sogs pa'i gnas skabs kyi dbye bas phye ba yod kyang gang yang gnas skabs can ni gnas skabs thams cad du rtogs pa'i ngo bor nye bar dmigs te/ de yang
- 166a
rdzas su yod pa'o/ /rnam grangs kyang rim gyis goms pa las bde ba dang/ sdug bsngal gyi gnas skabs dbye ba yin la/ yang mngon sum gyis grub pa yin no/ /de lta na yang yul dang/ dus dang/ ngo bo nyid dbye ba med pa chos dang chos can gyi dbye ba med do/ /grangs dang/ ming dang/ /mtshan nyid dang/ 'bras bu'i dbye bas ni dbye ba yod de/ dper na bum pa dang/ gzugs la sogs pa bzhin no zhes bya bas bum pa dang/ de'i gzugs la sogs pa dang yul la sogs pa dbye ba yod do/ /gang yang yul bum pa'i yul dang/ dus dang ngo bo nyid ni gzugs la sogs pa'o/ /grangs la sogs pas ni bum pa'i gzugs la sogs pa las dbye ba yod do/ /de yang bum pa ni gcig go / gzugs la sogs pa ni mang po'o zhes bya ba ni grangs kyi dbye ba'o/ /gdu bu dang/ rna cha dang/ rkang gdub dang/ kham por zhes bya ba ni ming gi dbye ba'o/ /rjes su 'jug pa'i mtshan nyid na rdzas so/ /ldog pa'i mtshan nyid ni gzugs la sogs pa'o zhes bya ba ni mtshan nyid kyi dbye ba'o/ /bum pa'i dgos pa ni chu len pa dang/ gzugs la sogs pa ni rang dang rjes su mthun par sgyur ba ni 'bras bu'i zhes bya ba ni 'bras bu'i dbye ba'o zhes zer na/ de la brjod par bya'o/ /gang yang rtogs pa'i ngo bo'i bdag nyid rdzas kyi rnam grangs dang sbyor bar byed pa ni ci sngar gyi rang gi ngo bo dang sbyor bar byed dam/ yang na sngar gyi rang gi ngo bo yongs su gtong bar byed ces rnam par rtog par byed na/ de la rtog pa dang po ltar na sngon dang phyi ma'i gnas skabs su khyad par med pas rtog pa de yongs su gyur pa yin zhes bya ba ji lta bu/ yongs su gyur pa zhes bya ba ni sngon gyi gnas skabs yongs su btang nas gzhan zhig yongs su bzung ba la brjod do/ /de la mi 'gyur ba'i rang bzhin med pas tshig tsam gyis
- 166b
gyis yongs su gyur par rigs pa ma yin no/ /sbyor ba ni gang la sngon dang/ phyi ma'i gnas skabs su khyad par med pa de ni yongs su 'gyur ba ma yin te/ nam mkha' bzhin no/ /rtogs pa la yang sngon dang phyi ma'i gnas skabs khyad par med pa zhes bya ba ni khyab bar byed pa mi dmigs pa'o/ /gal te rnam par rtog pa gnyis pa ltar na yang sngar gyi rang gi ngo bo yongs su btang nas bzhan gyi ngo bor skye bar 'gyur te/ thag pa la ras yug byung ba bzhin zhes bya bas ji ltar de yongs su gyur pa yin sbyor ba ni gab? gi tsho mi 'gyur ba'i ngo bor gnas pa ma yin par gang gyur pa de ni yongs su gyur pa ma yin te/ mi 'gyur pa'i rang bzhin gyi bum pa yod bzhin du ras yug byung bar gyur pa bzhin no/ /sngar gyi rang gi ngo bo yongs su bor nas ngo bo gzhan zhig tu gyur ba zhes bya ba ni khyab par byed pa'i 'gal ba dmigs gang yang gnyi ga'i bdag nyid yin pas gcig tu rdzas kyi rnam grangs la dbye ba yang yod pa ma yin/ /dbye ba med pa yang ma yin no/ /de lta na yang tha dad pa dang/ tha dad pa ma yin pa dang gnyi ga yang rung ji skad bstan pa'i skyon yod pa ma yin no zhe na/ de lta na yang mdzes pa ma yin te/ gal te rdzas kyi rnam grangs kyi dbye ba med par khas len par byed na de ltar na bdag nyid thams cad kyi dbye ba med pa yin pa'i phyir de las bzlog pa'i dbye ba yod par ji ltar 'gyur ro/ /gcig la dus gcig tu dgag pa dang/ sgrub pa phan tshun 'gal ba rigs pa ma yin no/ /sbyor ba ni gang dbye ba med pa der de dang 'gal ba'i dbye ba dmigs par mi 'gyur te/ ji ltar de'i rnam grangs kyi rdzas rnams la thun mongs ma yin pa'i rang gi ngo bo so sor nges pa bdag nyid kyi ngo bo de'i rang bzhin ni dbye ba med la dbye ba med pa'i rdzas kyi rnam grangs gang yin pa de ni nges par gnas so zhes bya ba ni 'gal ba dmigs pa'o/ /yang na ldog pa dang ldan pa rang gi ngo bo las tha mi dad pa'i?
- 167a
ci ldog pa dang ldan pa'i phyir/ ji ltar rnam grangs kyi rang gi ngo bo las ldog pa dang ldan pa'i rang bzhin las tha mi dad pa'i rdzas zhes bya ba ni rang bzhin gyi gtan tshigs so/ /yang na gang rjes su 'gro ba'i bdag nyid can gyi gzugs las tha mi dad pa'i phyir de ni rjes su 'gro ba'i bdag nyid kho na ste/ rdzas kyi rang bzhin no/ /rjes su 'gro ba'i bdag nyid can gyi ngo bo las tha mi dad pa'i rang bzhin gyi bde ba dang/ sdug bsngal la sogs pa'o zhes bya ba ni rang bzhin gyi gtan tshigs so/ /gzhan du chos 'gal ba'i gnod pa yod par 'gyur na yang dbye ba med pa yin no/ dbye ba med pa'i phyir dbye ba yang yod par mi 'gyur te/ dbye ba dang dbye ba med pa'i tha snyad rgyun chad pas 'gro ba rnams kyang 'jug pa dang ldog pa med par 'gyur ro/ /zhes bya ba ni bzlog na gnod pa can gyi tshad ma yin no/ /de lta bas na rjes su 'gro ba dang ldog pa'i ngo bo dang bral ba sngon dang phyi ma'i rang bzhin gyis dben pa/ da ltar byung ba'i tsam gyi dngos po nye bar 'dzin pa/ rang rig pa'i bdag nyid ni mngon sum zhes bya bas bdag med pa la mngon sum du grub pa'i yin no/ /mngon sum gyis grub kyang rjes su dpag pa nye bar 'god pa ni bdag med pa la pha rol po rnams kyi rang gi bya bas rgol ba rnams bzlog pa'i phyir yin pas 'di las mngon par zhen par mi bya'o snyam du dgongs pa'o/ /bdag tu blta ba mthug po 'jings pa'i nang du zhugs pa'i/ mu stegs tshad ma ngan pa'i rlung gis shing ba la bzhin 'das pa/ zhing shes brag ri phye mar rlog pas thog lhung bar/ phye mar brlab pas phyis 'byung bar ni ga la 'gyur de ltar na chos thams cad bdag med pa/? sems can med pa/ srog med ba'o zhes bshad pa yin no/ /gzod ma nas ni bstod zhing ma 'ongs chos zhes bya ba la sogs pa la/ gal te phyi rol gyi dngos po'i don med pa dang/ bdag med pas bdag med pa rnam par gzhag pa yin na yang de ltar na yang gang zag la bdag med pa yin gyi/ chos thams
- 167b
cad bdag med pa ni ma yin te/ rnam par shes pa'i chos sun ma phyung ba'i phyir ro zhes bya ba'i the tshom dang bral ba'i phyir gzod ma nas ni stong zhing zhes bya ba la sogs pa'i don ni gzod nas zhi ba dang ma skyes pa dang zhes bya ba la sogs pa ste/ gzugs dang/ tshangs dang/ 'du shes dang/ 'du byed rnams dang/ rnam par shes pa'i phung po rnams ma skyes pas na gzer? ma nas zhi ba'o/ /ji ltar phyi rol med pa de bzhin du rnam par shes pa yang ma skyes pa'i phyir gzod ma nas zhi ba zhes bya'o/ /phung po lnga stong pa nyid du bsgrub pas chos thams cad stong pa nyid du bsgrubs pa yin pa'i phyir des na gang nas kyang 'ongs pa med/ gang yang song ba med/ gang du yang gnas pa med pa ste/ rang bzhin gyis gnas pa med pa'i phyir ro/ /sgyu ma'i rang bzhin rtog tu snying po mad ces bya ba la snying po med pa ste/ thams cad du phyi dang/ nang gi dngos po rnams la bdag la sogs pa'i snying por gyur ba'i rdzas ci yang med pa'o/ /sgyu ma'i rang bzhin te/ gzugs brnyan tsam gyis byis pa rnams rnam par rmongs par byed do/ /don dam par ni/ thams cad dag cing rnam dag nam mkha' bzhin zhes bya ba ni dag pa ste rang bzhin gyis rnam par dag pa'i phyir sbyin dang/ /bug rna la sogs pa lta bu dang bral bas chos thams cad rnam dag nam mkha' bzhin zhes bya ba'o/ /mi sngon mi ser dkar po ma yin te zhes bya ba la sogs pa la/ sngon po dang/ ser po dang/ dkar po la sogs pa'i kha dog dang bral ba'i phyir te/ sngon po la sogs pa'i yon tan ni rdzas la rten pa'i phyir rdzas kyi rang bzhin med na de la brten pa rnams shin tu yang ring du med pa kho na'o zhes bya bas ming 'ba' zhig tsam mo/ /de yang nang na yang med/ phyi rol na med/ /gnyi ga'i bar na yang mi dmigs su zhes bya ba la sogs pas sun phyung ba nyid yin no/ /de'i phyir/ sems ni dbyen pa'i ste/ sems kyi bsam par bya ba ma yin pa'o/ /thams cad sgra? dang
- 168a
bral ba ni brjod du med pa'o/ /skad cig ste brdar bya ba yod pa ma yin pas phyi dang nang gis bdag nyid thams cad sgra dang bral ba'o/ /bshad pa na yang yi ge 'pho ba med ces bya ba la sogs pa la/ bshad kyang rung/ ma bshad kyang rung/ yi ge rnams la 'pho ba med pa ste/ gzhan du 'gro ba yang med pa zhes bya ba yul gzhan du 'gro yang rung/ mi 'gro yang rung/ bshad kyang rung/ ma bshad kyang rung bar yi ge'i ngo bo ni mi zad par bstan pa yin no/ /de ltar gang gis yi ge'i rang bzhin mi zad pa ste/ chos kyi dbyings kyi rang bzhin ji lta ba bzhin rab tu shes pa de ni mi zad pa'i chos kyi dbyings kyi rang bzhin du 'gyur ro/ /sangs rgyas brgya stong dag ni gang 'das pa zhes bya ba la sogs pa la/ gang sangs rgyas brgya stong grangs med pa 'das pa rnams kyis chos brgya stong phrag mang po rab tu bstan kyang chos dang yi ge la zad pa yod pa ma yin te/ skyes pa med pa la 'gag pa yang med pa'i phyir ro/ /skye ba med pa ji lta bu ni sngar bstan pa yin no/ /mdo sde brgya stong dag ni bshad byas kyang zhes bya ba la sogs pa la/ mdo sde dpag tu med pa gdul bya rnams dang mthun par bshad kyang chos thams cad yi ge med par yang shes la rnam par rtog pas de la chags par yang mi 'gyur ro/ /bdag med pa dang/ sems can med pa la sogs pa'i chos bstan kyang zad par mi 'gyur te nyams pa med pa'o/ /mkhas pa de ni tshig kun smra byed kyang zhes bya ba la sogs pa la/ skad thams cad kyis sems can thams cad la nges pa'i tshig bsgrub pas ston kyang de'i sems 'phrogs par yang mi 'gyur te de sems can thams cad la gnas pa med pa'i phyir ro/ /tshig rnams thams cad ri yi brug cu? bzhin zhes bya ba la sogs pa la/ sgra thams cad ni ri'i gcong rong dang phug gi nang gi brag ca dang 'dra bas rang bzhin med pa'o zhes bya bar shes nas de dang
- 168b
de la mngon par zhen pa mi 'byung zhing chags par mi 'gyur ro/ /tshig de'i ni zhes bya ba ni sgra gang dag gi chos thams cad yongs su bsgrags kyang de'i skad cig ma yin pa'i phyir brtan pa ma yin no/ /ji ltar sgra skad cig ma yin zhing mi bstan pa ltar chos thams cad mi rtag pa nyid do/ /mtshan med ni mtshan nyid dang/ mtshon par bya ba dang bral ba nyid do/ /dben pa ni dben pa nyid kyi phyir rnam par dag pa'o/ /rnam par dag pa'i phyir stong pa'o zhes bstan par 'os pa yin no/ /'dus byas dang 'dus ma byas kyi dbye ba'i rnam par rtog pa drang srong de dag ste/ de bzhin gshegs pa rnams dang/ byang chub sems dpa' chen po rnams la med pa'o/ /de 'gro ba thams cad skyes par gyur pa'i sems can rnams 'dul ba la mkhas pa yin no/ /'dus ma byas pa'i 'gro ba'i 'gro bar gyur pas lta bas byas pa'i nyon mongs pa'i 'dam thams cad las rgyal ba'o/ /ting nge 'dzin la dbang bar gyur pas 'bad pa med pa nyid du 'gro ba'i don sgrub par byed pa'i tshig gi rang bzhin shes pa'o/ /shes rab kyi stobs kyis mngon par shes pa lnga nges par bsgrubs nas thabs la mkhas pa'i stobs kyis so so yang dag par rig pa la 'jug cing mngon par bsgrubs nas nges pa'i tshigs? dag gi spyod yul thams cad las 'das pa zhi ba rab tu zhi ba ston to zhes bya ba yin no/ /btags pa tsam du btags nas brjod pa yin zhes bya ba la sogs pa la khams gsum pa thams cad sems dang sems las byung bas brtags pa yin pas brtags pa tsam zhes brjod do/ /de ni brtags pa tsam nyid yin pa'i phyir rdzas ni phra mo tsam yang yod pa ma yin no/ /gzhan gyi dbang gang yin pa de la ni mdza' med de/ sngon gyi mdza' dang/ phyi ma'i mthas stong pa'i phyir skye ba dang 'jig pa'i ngo bos stong pa nyid kyis dbus kyang med pa'o zhes bya bas/ 'khor ba la ni mdza' ma mi snyed de zhes bya ba bshad pa yin no/ /yongs su grub pa yang/ gang dag sngon byung mdza' ni mtshan nyid med ces bya ba la
- 169a
sogs pa la/ sngon kyi mdza' ni rgyu ste/ skye ba'i mdza' nyid med pas mtshan med pa'o/ /de la bltos nas ma 'ongs pa dang/ da ltar gyi mtshan nyid kyang med pa'o/ /de'i phyir kun rtags dang/ gzhan gyi dbang dang/ yongs su grub pa'i mtshan nyid stong pa nyid kyi phyir rnam par shes pa smra ba sun 'byung? nas dbu ma nyid du bsgrubs pa ni chos rnams stong pa zhes bya ba ste/ de ltar chos thams cad stong pa nyid dge ba dang/ mi dge ba'i las dang/ de'i 'bras bu rnam par gzhag pa ji ltar grub cen? brjod par bya'o/ /dge ba dang/ mi dge ba'i las dang 'bras bu rnam par gzhag pa ni rmi lam ji lta ba bzhin no zhes bya ba gsungs pa/ las dang bya bas de ltar zhugs gyur te zhes bya ba ni dman pa dang/ rab dang bar ma'i dbye bas 'bras bu myong bar 'gyur ba'i dbye ba yang 'byung bar 'gyur ro/ /chos rnams rtag tu dbang zhing rang bzhin stong zhes bya ba la sogs pa la/ bdag la sogs pas stong/ yang ji ltar sa bon dang/ myu gu dang/ 'khril shing la sogs pa'i rgyu dang 'bras bu yang dmigs pa yin no de dang 'dra bar nang gi bdag nyid kyi lus kyi mig la sogs pa yang blta'o zhes bya ba ni rang bzhin gyi gtan tshigs/ /kun rdzob tu ni rgyal bas chos bshad de zhes bya ba la sogs pa la 'dus byas dang/ 'dus ma byas kyi chos rnams kyi kun rdzob ces bya ba'i sgras brjod do/ /don dam par ni brjod du med pa zhes bya ba'o/ /'gro ba kun gyi mtshan nyid de 'dra'o zhes bya ba la/ 'dus byas dang 'dus ma byas las ma gtogs pa'i chos gzhan med pas mtshan nyid 'di nyid do/ /las dkar nag gis 'bras du bdag nyid kyi byas pa rnams rgyud gcig tu mngon par zhen bas nyams su myong bar 'gyur bas 'bras bu rgyu med pa yang ma yin te/ las dang rjes su mthun pa'i 'bras bu yod pa'i phyir ro/ /srid pa thams cad sgyu ma dbang med pa zhes bya ba ni rgyu dang 'bras bu'i dngos
- 169b
por brtags pa'i so sor nges par snang ba'i rgyu thams cad sgyu ma dang/ smig rgyu dang 'dra ba rdzun pa/ stong pa'o zhes bstan pa yin no/ /dngos po rnams 'di lta bur shes pa de'i tshul khrims kyi phung po rnam par dag par 'gyur te/ lhag pa'i shes rab kyi tshul khrims yin pa'i phyir ro/ /chos thams cad skye ba med par bzod pa'i stobs dang ldan pa'i phyir cung zad tsam la yang rtog par mi byed do/ /byang chub sems dpa' rtag tu sems mnyam par bzhag pa ni mnyam par bzhag pa zhes bya'o/ /rgyal po nges ni ji tsam chos rig pa zhes bya ba la sogs pa la/ de bzhin gshegs pas chos ji snyed cig gsungs pa de thams cad des don dang/ tshig dang bcas pa thams cad 'dzin par nus shing brjod par yang mi 'gyur ro/ /don ji lta ba bzhin nges par rtogs paS rgyal po de 'khor dang bcas par rab tu byung nas tshul khrims ma nyams par bsrungs so/ /rgyal po'i bu rnams kyang ting nge 'dzin 'di thos nas legs par gsungs pa la mngon par dga' nas yid rab tu mgu pas bde bar gshegs pa sras dang bcas pa la phyag 'tshal nas ting nge 'dzin rab tu rtogs pas mi skye ba'i chos la bzod pa so sor thob par gyur to/ /zhes gsungs pa yin no/ /der yang srog chags stong phrag brgyad bcu dag ces bya ba la sogs pa la der chos bstan pas skye ba med pa'i chos la bzod pa so sor thob par gyur to zhes bya bar 'brel te/ /chos kyi rang bzhin bzang po 'di thos nas zhes bya ba la/ chos kyi rang bzhin zab mo 'di thos nas ting nge 'dzin yang dag pa'i de'i don dam pa ste/ phyin ci ma log pa bden pa 'di bcom ldan 'das kyi nges par bstan to zhes bya'o/ /ji lta bu'i mi skye ba zhig ce na/ skyes bu la ni skye dang 'gag pa med ces bya ba la sogs pa la/ skyes bu ste bdag la skye ba dang/ 'gag pa med pa'o/ /de bzhin chos 'di lta ste/ gzhan dag kyang rtag tu snga nas te/ thams cad du gzod ma nas
- 170a
dben pa dang zhi ba ni mi skye ba'i chos zhes bya'o/ /de lta bu'i chos kyi rang bzhin nges par rtogs nas rgyal bos mi skye ba'i chos la bzod pa thob par gyur to/ /mi skye ba'i chos la bzod pa thob par gyur pas rgyal srid yongs su spangs na de bzhin gshegs pa'i bstan pa la rab tu byung bar gyur to/ /bu dang bcas pa'i 'khor gzhan de'i rjes su 'brang ba rnams kyang chos 'dod pas de'i rjes su rab tu byung bar gyur to/ /lo ni brgya phrag nyi shu yongs su tshang bar zhes bya ba la sogs pas ni chos rab tu bstan pa dang/ thos pa'i dus nges par bstan pa yin no/ /de nas dus kyang gzhan du gyur pa'i tshe zhes bya ba la sogs pa la/ de bzhin gshegs pa de yang mya ngan las 'das/ nyan thos rnams kyang mya ngan las 'das nas de'i chos nyam chung bar gyur/ yongs su 'dzin pa yang nyung bar gyur pa na rgyal po de'i bu rgyal tsha ba de bzhin gshegs pa'i bstan pa la rab tu dad bar gyur pa zhig byung ba de'i khab tu rtag tu 'ong ba'i dge slong zhig yod ba des ting nge 'dzin 'di rab tu bstan to// yang dag par bshad do/ /de yang yid du 'ong ba/ shin tu 'jam pa/ snyan par smra ba'o/ /sngon gyi 'brel par gyur pa'i lha zhig rtag tu de'i bsngags pa brjod par byed do/ /de yang dran pa dang/ blo gros dang/ rtogs pa dang/ brtan pa phun sum tshogs pa'i phyir sems can thams cad dga' bar byed pa'i tshig gis phung po dang/ khams dang/ skye mched dang/ rten cing 'brel par 'byung ba ston pa la mkhas pas chos gos dang/ lhung bzed dang/ na ba'i gsos sman dang/ yo byad rnams mang du rnyed pa dang ldan pas grags pa dang ldan pa'i 'od kyis phyogs thams cad du khyab pa'i 'od 'di la yod pas dge slong de'i ming snyan pa'i 'od ces bya'o/ /gzhan dge slong mang bos de'i bsod nams kyi stobs ma bzod nas dmigs pa'i lta ba can de dag la phrag
- 170b
dog gi mtshon rnon po snying la phog par gyur pas de ma dang ba'i sems bskyed bar gyur to/ /dge slong de yang bsod nams dang/ ye shes dang/ tshul khrims dang/ ting nge 'dzin gyi stobs kyis 'jig rten thams cad las 'phags par gyur cing 'jig rten thams cad kyi mig 'phrog par byed pa mchod par byed pa'i dge slong chos smra ba de la dge slong gzhan dag gdug pa'i sems bskyed par rig nas chos smra ba de bsrung ba'i phyir go cha dang/ ya lang legs par 'gos pa/ lag na mtshon? sna tshogs thogs pa skyes bu rnams la bka' stsal bas de bskor nas dogs pa dang/ bag tsha ba dang bral bas stong ba dang/ mtshan ma med pa dang/ don dam pa mya ngan las 'das pa rab tu ston pa'i chos rab tu ston to/ /dmigs pa'i lta ba can gang dag yin pa de dag ni stong pa nyid bston pa la spro ba med do/ /dge slong dag ni lag na mtshon thogs 'ongs zhes bya ba la sogs pa la/ rang dang rjes su mthun pa'i chos ston par byed pa dgra 'di gsad par bya ba'i phyir lag na mtshon cha sna tshogS thogs pas 'brel ba'i lag pa dang bcas pas langs/ dge slong 'di ni chos min rab ston gyis zhes bya ba la sogs pa la/ dge slong 'di ni bdag cag gi 'dod pa dang mi mthun pa'i phyin ci log gi chos ston gyis 'di bsang na bsod nams nyid mang du 'phel par 'gyur gyis bdag cag la bsod nams ma yin par ni mi 'gyur ro zhes nges par bsams nas rdeg par brtsam pa dang/ mthong nas dge slong mtshon gyis mi 'jigs te zhes bya ba la sogs pa la/ mang du mtshon cha sna tshogs rdeg par byed pa de dag mthong ba yang 'chi ba'i 'jigs pa med pas bag tsha ba ci yang med kyi/ stong pa nyid rjes su dran zhing gang gsang pa dang/ gang gis gsod pa dang/ cis gsod pa de dag stong pa nyid kyi stong pa nyid bsad du med de/ 'chi bar 'gyur ba yang med pa'i phyir su zhig 'chi bar 'gyur zhes nges par sems pa'i blos de bzhin gshegs pa
- 171a
thams cad la phyag 'tshal nas bden pa'i byin gyis brlabs rtsom par byed do/ /chos thams cad stong pa nyid yin pa'i bden pa dang/ bden pa'i tshig 'dis mtshon cha 'di dag mandar ba'i me tog tu gyur cig ces brjod ma thag tu ngo mtshar rmad du byung ba'i ltas byung bar gyur te/ mtshon cha de dag kyang me tog manda ra bar gyur/ ri dang nags tshal dang bcas pa'i sa chen po yang g.yos par gyur to/ /mtshon cha 'dzin pa'i dge slong de dag kyang 'jigs shing skrag pa'i yid kyis yang de dang nye bar 'gro bar ma nus so/ /su dag thub dbang la ni dad mos shing zhes bya ba la sogs pa la/ sems can gang dag stong pa nyid la mos pa de dag ni thub pa'i dbang po de la dang cing mos par gyur te/ de dag a la la stong zhes brjod nas su zhes bya ba la sogs pa la/ a la la zhes bya ba ni sdig pa can la smad pas dge slong sdig pa can gyi spyod pa smad pa dang/ chos smra ba la sems dad pa bskyed pas lan stong snyed brjod pa'o/ /ras bcos bu brgya stong gis dge slong mngon par g.yogs zhes bya ba la chos smra ba'i dge slong de rang bzhin gyi bzang ba nyid dang/ bdag nyid kyi byams pa chen po'i bdag nyid can du gsal bar bstan pa'i phyir 'jig rten thams cad kyi mdun du tshig 'di skad ces brjod par byed do/ /sems can su dag nga la sdang byed ba zhes bya ba la sogs pa la/ gang dag bdag gsang par bya ba'i phyir sdang ba'i sems kyis zhugs pa de dag nges par mnar med par 'gro bar 'gyur bas de dag gzung bar bya ba'i phyir bdag gis byang chub sems dpa' i spyod pa nyamS su blang bar bya'i/ /gzhan gyis ni gzung par nus pa ma yin no zhes smras nas dge slong des lo brgyad bcur bcom ldan 'das kyis gsungs pa'i stong pa nyid kyi mdzad bshad do/ /dge slong gang dag sdang bar gyur pa de dag ni pham par gyur cing 'jig
- 171b
rten thams cad kyis smad cing brnyas par gyur to/ /dge slong de ni gzhan dag gshe ba'i chig drag po mtshon cha dang 'dra bas smad cing zher 'debs par byed kyang dge slong sdig pa can gyi yul de dang/ la yang bzod pa goms pa'i stobs kyi bzhin gyi pad+ma'i mdangs gzhan du gyur pa med do zhes bya ba yin no/ /de nas dge slong de la rgyal po'i bu bsod nams blo gros kyis 'di skad ces smras so/ /bdag gi slob dpon de la gangs su dag gis yid mi bde ba'i rgyu sems la gnod pa ci zhig ma byas sam/ zhes smras pa dang bzod pa la goms par byas pa'i stobs kyis sems la byams pa chen po shin tu bsten par ring du goms par gyur pas khro ba dang 'khrug pas bskyed pa'i gnod pa ma mchis so zhes smras so/ /gang gis bskal ba brgya stong du byang chub sems dpa' i spyad pa spyod pa'i tshe bzod pa legs par sgom pa'i bdag nyid du byas pa'i dge slong snyan pa'i 'od ces bya ba gang yin pa de ni bcom ldan 'das shAkya thub pa de yin no/ /gang gis chos smra ba'i dge slong snyan pa'i 'od srung bar byed pa'i rgyal po'i bu bsod nams blo gros gang yin pa byams pa 'di yin te/ de yang de bzhin gshegs par 'gyur ro zhes lung bstan to/ /gang de bzhin gshegs pa tshogs kyi dbang phyug la mchod pa byas pa'i rgyal po me tog mchog ces bya ba de bzhin gshegs pa dgra bcom pa yang dag par rdzogs pa'i sangs rgyas pad+ma'i mchog ces bya bar gyur to zhes lung bstan no/ /de lta bur bskal pa dpag tu med pas chos mnyan pa dang/ bsam pa dang/ bsgoms pa mngon sum du bya ba'i phyir bzod pa rnams gsum mngon du byas so/ /de ltar ngas sngon bzang pa'i stobs bsgrub pa bzhin du gzhon nu khyod kyang rjes su slobs shig ces zla 'od gzhon nu la gdams pa'o/ /ba mya ngan las 'das par gyur nas don dam pa'i chos rnam par 'jig par gyur pa'i tshe mu stegs kyi gzhung la brtson cing zhe na
- 172a
ba'i dge slong mang po 'byung bar 'gyur te/ de dag nga'i dam pa'i chos stong pa nyid lta ba ngan pa thams cad 'jig par byed pa 'di spong bar byed par 'gyur te/ de dag ni rmongs pa'i mun nag 'thug por zhugs pas bdag nyid 'phung par byas nas gzhan dag kyang 'phung bar byed pa yin no zhes bya bas de'i phyir bag yod par bya'o/ /gang yang nad thams cad zhi bar byed pa'i bdud rtsi 'thung ba bzhin du stong pa nyid la mos pa de ni da'i bstan pa las rab tu byung ba zhes bya'o// dge slong gi dngos por bsnyen par rdzogs te/ gso sbyong gis las la sogs pa yang rung ba kho na'o/ /de lta bas na lus dang srog la'ang bltos pa med par byas la/ chos thams cad kyi rang bzhin mnyam pa nyid rnam par spros pa'i ting nge 'dzin stong ba nyid kyi bdag nyid bsgom par bya'o/ /de bzhin gshegs pa thams cad la mchod pa dang bsnyen bkur gyis phyir ngal ba med pa'i sems kyis pha rol tu phyin pa rnams dang/ sa rnams nges par sgrub par byed pa'i dge ba'i rtsa ba rnams nye bar bsgrub par bya'o/ /zhes bya ba yin no/ /mchod pa thams cad dang/ lugs sku la sogs pa yang 'di dag nyid kyi khongs su gtogs pas ma spros so/ /gang gi tshe stong pa nyid bsgom pas 'dod chags la sogs pa rnam par bsal bar mi nus pa de'i tshe 'dod chags la mi sdug pa dang/ zhe sdang la byams pa dang/ gti mug la shes rab ni gnyen po yin no zhes bya bas mi sdug pa la sogs pa bsgom par bya ba la sogs ni man ngag go zhes thams cad du sbyar bar bya'o/ /'jig rten gyi chos brgyad rnam par spangs pa'i sems kyi chos nyid kyi de bzhin nyid kho na nyid rjas su tshol pa gcig tu mdom par zhen pas tshul bzhin du bsgoms na sangs rgyas nyid du 'gyur gyi tshig tsam gyis ni ma yin no zhes bstan to/ /sangs rgyas sras po bde gshegS
- 172b
'od kyi phreng bas phreng brgyas pa'i/ /ma lus 'khor lo de yi snyan pa'i 'od kyis khyab par gyur/ /bsod nams ye shes dag gis de nyid ma lus gsal byas nas/ /de ni yang 'dir shAkya'i mgon po shin tu mgon por gyur/ snyan pa'i 'od ni de nyid shes ba'i mchog/ ting 'dzin rgyal po yon tan ldan par grags/ /snyan pa'i 'od kyis shin tu gsal bar byas/ /snyan pa'i 'od 'dir thub pa'i dbang por gyur/ /snyan pa'i 'od kyi le'u ste/ sum cu rtsa brgyad pa'i 'grel pa rdzogs so// // da ni byang chub sems dpa' lus dang ngag dang/ yid kyi sdom pas bsdams pa ni sangs rgyas kyi yon tan thams cad sdom pa gsum las nges par byung ba yin pas nges par bla na med pa yang dag par rdzogs par sangs rgyas par 'gyur bas de la mngon par brtson par bya'o zhes bya ba yin no/ /de la lus kyi sdom pa nye bar bstan pa'i phyir/ de nas bcom ldan 'das kyis zhes bya ba la sogs pa gsungs te/ de la lus kyi sdom pa yang rnam pa gnyis te/ don dam pa pa dang/ kun rdzob pa'o don dam pa'i lus ni chos kyi sku'o/ /da mngon sum du byed pa dang/ srung ba'i lus kyi sdom pa zhes bya'o/ /yang dag pa'i mchog dang/ gtso bo zhes bya ba ni sdom pa ste/ lus kyi sdom pa'o/ /'di nyid bstan par bya ba'i phyir/ /lus kyi sdom pa gang dang ldan pa byang chub sems dpa' chen po chos thams cad la chags pa med par 'gyur pa de ni lus kyi sdom pa zhes bya'o zhes bya ba la sogs pa gsungs te/ chos kyi sku nyid chos thams cad la chags pa med pa'i ye shes su gyur pa ni de thob pa'o/ /longs spyod rdzogs pa'i sku yang don dam par yin no zhes bya bar/ lus kyi sdom pa gang dang ldan pas dpe byad bzar po brgyad bcu'i bar thong par 'gyur bde ni zhes bya ba la sogs pa yin te/ ngo bo nyid longs rdzogs pa dang/ de bzhin gzhan ni sprul pa dang/ /chos sku
- 173a
zhes bya ba la/ chos kyi bdag nyid can gyi sku ni chos kyi sku zhes bstan pa'i phyir lus kyi sdom pa gang dang ldan pa de bzhin gshegs pa'i stobs bcu 'thong? pa zhes bya ba la de la dang por byang chub sems dpa' i stobs bcu ni lhag bar mos pa'i stobs dang/ so sor brtags pa'i stobs dang/ bsgoms pa'i stobs dang/ bzod pa'i stobs dang/ ye shes kyi stobs dang/ spong ba'i stobs dang/ spobs pa'i stobs dang/ thos pa'i stobs dang/ bsod nams kyi stobs dang/ sgrub ba'i stobs te/ 'di bdag gi bshad pa rgyas pa ni mtshan yang dag par brjod pa'i 'grel pa nas shes par bya'o/ /de bzhin gshegs pa'i stobs bcu ni gnas dang gnas ma yin pa mkhyen pa'i stobs dang las dang rnam par smin pa mkhyen pa'i stobs dang/ khams sna tshogs mkhyen pa'i stobs dang/ mos pa sna tshogs mkhyen pa'i stobs dang/ dbang po'i rnam pa dbye ba mkhyen pa'i stobs dang/ thams cad du 'gro ba'i lam mkhyen pa'i stobs dang/ bsam gtan dang rnam par thar pa dang ting nge 'dzin la snyoms pa 'jug pa mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho ba dang skyes mkhyen pa'i stobs dang zag pa zad pa mkhyen pa'i stobs so/ /'di dag gi bshad pa yang de nyid nas shes par bya'o/ /mi 'jigs pa bzhi zheS bya ba la/ bzhi gang zhe na/ skye ma bdag yang dag par rdzogs par sangs rgyas so zhes dam bcas pa na chos 'di mngon par rdzogs par sangs ma rgyas so zhes bya bar bdag la gang gis kyang chos dang ldan par rgol bar 'gyur ba'i rgyu dge slong dang dram za'i nang nas yang dag par rjes su ma mthong ste/ rgyu yang dag par rjes su ma mthong bas bdag bde ba thob pa dang/ bag tsha ba med pa thob pa dang/ mi 'jig pa thob pa'i di ni dang po'o/ /de bzhin du bdag zag pa zad do/ /zhes dam bcas pa na zag pa 'di rnams
- 173b
zad par ma gyur to/ /zhes bya ba dang/ de bzhin du bdag gi nges par 'byung ba'i lam bstan pa na 'di ni sdug bsngal zad pa yang ma yin nges par 'byung pa ma yin zhes zer ba gnas med do zhes bya ba dang/ gang yang bdag gyis bar du gcod par 'gyur ba'i chos bshad pa na 'di ni bar du gcod pa ma yin no zhes chos dang ldan par rgal pa dge sbyong dang bram ze'i nang nas zhes bya ba snga ma bzhin no/ /sangs rgyas kyi chos ma 'dres pa bco brgyad thob pa zhes bya ba ni gang gi nub mo de bzhin gshegs pa mngon par rdzogs par sangs rgyas pa nas nye bar bzung nas/ gang gi nub mo yongs su mya ngan las 'das pa'i bar du de bzhin gshegs pa la 'khrul pa mi mnga' o/ /ca co mi mnga' o/ /dgongs pa nyams pa mi mnga' o/ /thugs mnyam par ma gzhag pa mi mnga' o 'du shes sna tshogs mi mnga' o/ /kun tu ma brtags pa'i btang snyoms mi mnga' o/ /'dun pa nyams pa mi mnga' o/ /brtson 'grus nyams pa mi mnga' o/ /dran pa nyams pa mi mnga' o/ /ting nge 'dzin nyams pa mi mnga' o/ /shes rab nyams nga mi mnga' o/ /rnam par grol? ba nyams pa mi mnga' o/ /sku'i phrin las thams cad ye shes sngon du 'gro ba ye shes kyi rjes su 'brang ba'o/ /gsung gi 'phrin las thams cad ye shes sngon du 'gro ba ye shes kyi rjes su 'brang ba'o/ /thugs kyi 'phrin las thams cad ye shes sngon du 'gro bas ye shes kyi rjes su 'brang ba'o/ /'das pa'i dus la ma thogs ma chags pa'i ye shes gzigs pa 'jug pa dang/ ma 'ongs pa'i dus la ma thogs ma chags pa'i ye shes gzigs pa 'jug pa dang/ da ltar byung ba'i dus la ma thogs ma chags ba'i ye shes gzigs pa 'jug ba zhes bya ba ste/ 'di ni gzhon nu lus kyi sdom ba zhes bya'o zhes bya ba ni thams cad du chos kyi bdag nyid can gyi sku ni lus kyi sdom pa zhes gzung bar bya'o/ /stong pa nyid dang/ mtshan ma med pa dang/ smon pa
- 174a
med pa'i rnam par thar pa'i sgo gsum ni lus kyi sdom pa'o/ /byams pa chen po dang/ snying rje chen po dang/ dga' ba chen po dang/ gtang snyoms chen po ni lus kyi sdom pa'o/ /chos dang/ don dang/ nges pa'i tshig dang/ spobs pas so sor yang dag par rig pa bzhi ni lus kyi sdom pa'o/ /dran pa nye bar gzhag pa bzhi ste lus dang/ tshor ba dang/ sems dang/ chos dran pa nye bar gzhag pa dang bzhi'o/ /yang dag par spong ba bzhi ni sdig pa byas pa rnams spong ba dang/ ma byas pa rnams mi byed pa dang/ dge ba byas pa rnams spel bar byed pa dang ma byas pa rnams byed pa la 'dun pa skyed ces bya ba la sogs pa'o/ /'dun pa dang/ brtson 'grus dang/ sems dang/ dpyod pa ste/ rdzu 'phrul gyi rkang pa bzhi dang/ dad pa dang brtson 'grus dang/ dran pa dang/ ting nge 'dzin dang/ shes rab ces bya ba dbang po lnga dang/ gzhan de dag nyid stobs dang ldan par gyur pa'i stobs lnga po dang/ dran pa yang dag byang chub kyi yan lag dang/ chos rab tu rnam par 'byed pa yang dag byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi yan lag dang/ shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag te /byang chub kyi yan lag bdun dang/ 'phags pa'i lam yan lag brgyad ni yang dag pa'i lta ba dang/ yang dag pa'i rtog pa dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag ba'i rtsol ba dang/ yang dag pa'i dran ba dang/ yang dag pa'i ting nge 'dzin ni lus kyi sdom pa'o/ /zhes bya bas ni don dam pa'i lus kyi sdom pa bstan to/ /da ni kun rdzob pa'i lus kyi sdom pa brjod par bya'o/ /lus kyi sdom pa gang dang ldan bas byang chub
- 174b
sems dpa' i srog gcod pa spong bar 'gyur ba dang zhes bya ba la sogs pa ni dge ba bcu'i las kyi lam bsrung ba dang/ mi dge ba bcu'i las kyi lam rnam par spong pa ni lus kyi sdom pa'o/ /gzhan yang mi dge ba'i bye brag rnams bstan pa'i phyir srang la g.yo byed pa dang zhes bya ba la/ srang la g.yo byed pa ni srang mtho dman du byed pa'o/ /tshad la g.yo byed pa ni de phul mtho dman du byed pa la sogs pa'o/ /nor la g.yo byed pa ni bcos ma'i gser la sogs pa byed pa'o/ /chags pa dang/ zhe sdang dang/ gti mug gis kun nas bslang pa'i sems kyis bcing pa ni lcags sgrogs la sogs pas bsdam pa'o/ /gzung ba ni bcing pa'i gnas su bcug nas 'dzin pa'o/ /rdeg pa ni dbyig pa la sogs pas so/ /sdigs pa ni 'di bzhin gyis shig mi byed na khyod gnyen dang bcas pa 'chi bar bya'i zhes bya ba la sogs pas 'bros par rtsom pa'o/ /bcad pa ni lag pa dang/ rkang pa dang/ rna ba dang/ sna la sogs pa gcod pa'o/ /dbug pa ni mdung la bskyon pa'o/ /zhe la gnon pa ni gzhan gnod pa byed pa la mi bzod pa'o/ /de dag las ldog pa ni lus kyi sdom pa'o zhes bya ba'o/ /lag pa rgod pa dang/ rkang pa rgod pa ma yin zhes bya ba la sogs pas kyang don 'di nyid bstan pa yin no/ /bshad pa rnam pa gnyi ga yang lus kyi sdom pa ste/ sngon gyi de bzhin gshegs pa rnams kyis kyang gsungs pa yin no zhes bstan pa'i phyir gzhon nu sngon byung ba 'das pa'i dus na zhes bya ba la sogs pa la/ lus kyi sdom pa'i ting nge 'dzin gyi sgor 'jug pa tshigs su bcad pa'i dbyangs kyis yang dag par rab tu bstan to zhes bya ba ni ji ltar bar snang nam mkha' rnam bar dag pa ste/ chos nyid kyi bdag nyid can gyi sku ni shin tu rnam par dag pa rang bzhin gyis 'od gsal ba ste de lta bu'i rnam par rig pa ni lus kyi sdom pa'o/ /de ni sgras bstan par nus pa ma yin te/ tshig gi spyod yul las 'das pa'i phyir ro/ /ji ltar
- 175a
lus kyi sdom pa dben zhing stong pa yin pa ltar lus kyang stong pa ste/ lus kyi mtshan nyid ni nam mkha' i mtshan nyid yin pa'i phyir ro/ /lus dang sdom pa dag mtshan nyid gcig pa'i phyir kun rdzob tu nam mkha' zhes gdags pa'i tha snyad kyis 'jug par 'gyur ro/ /de bzhin du lus dang sdom pa zhes bya ba'i gdags pa'i tha snyad kyang 'jug par 'gyur ro zhes bya ba'o/ /sdom pa'i mtshan nyid de 'drar shes pa zhes bya ba la sogs pa la/ sdom pa'i mtshan nyid 'di lta bu sus shes pa de la sdom pa nam yang med mi 'gyur te/ rnam yang sdom pa las ma gtogs pa'i sdom pa ma yin pa rjes su mi dmigs pa'i phyir ro/ /chos thams cad kyi mnyam pa nyid thob pa'i zag pa med pa la/ nyon mongs pa'i 'jug pa 'byung bar ga la 'gyur?/ 'dod chagS dang/ zhe sdang dang/ gti mug gi dbang du gyur pas ni lus kyi sdom pa 'di mngon du shes par mi nus te/ 'dod chags la sogs pa dang 'gal ba yin pa'i phyir lhan cig gnas pa 'gal ba bzlog par dga' ba yin no/ /zag pa med pa'i lus kyi sdom pa gang gi shes pa de ni nyon mongs pa'i dbang gis 'khor bar skye bar mi 'gyur ro/ /nyon mongs pa dang bral bar gyur kyang smon lam gyi dbang dang/ bsams bzhin du srid par skye ba len pa la ni 'gal ba med do/ /dgra bcom pa'i chos ni de dang 'dra ste zhes bya ba la sogs pa la/ ji ltar dgra bcom pa rnams las dang nyan mongs pa'i dbang gi len par mi 'gyur ba bzhin du gang dag khams gsum la chags pa med pa de dag kyang de bzhin te/ des lus kyi sdom pa shes pa zhes bya'o/ /lus kyi sdom pa 'di ni zheS bya ba la sogs pa la/ don dam pa ste/ chos kyi sku'o/ /chos thams cad mnyam pa nyid kyis rnam pa thams cad mkhyen pa nyid kyi ye shes yang dag pa gang yin pa ni yongs su gang ba'i phyir rab ni mchog te/ sdom pa zhes bya'o/ /don dam par ni tshig gi brjod
- 175b
du med pas ji ltar bshad par nus nas ji ltar lus kyi sdom pa zhes bya zhe na/ gsungs pa/ don la zhugs la ngas ni don bstan to zhes bya ba la sogs pa la/ kun rdzob kyang rang gi ngo bo la mngon par zhen pa med pa don dam pa zhugs pa rnams la ngas bstan te/ /chos kyi sku'i dbang gis skal pa dang ldan pa rnams la bshad pa'i rnam pa'i snang ba yang 'byung bar 'gyur ro/ /zhes bya'o/ /don med rnams spangs don la gnas pa rnams zhes bya ba la sogs pa la/ gang don dang mngon par ldan pa de don ma yin pa spangs nas lus kyi sdom pa la gnas par 'gyur ro/ /rgyal ba'i bstan pa don du gang brjod dang zhes bya ba ni blo dman pa rnams kyi the tshom bsal pa'i phyir bris pa/ don ni gang zhig yin ji ltar ni shes par bya zhes bya ba'o/ /chos thams cad stong pa rang bzhin gyi 'od gsal ba zhes bya bas de bzhin nyid kyis don ni don to/ /ji ltar shes par 'gyur zhe na/ ye shes kyi rang gi ngo bo bstan pa yin no/ /don tshul rang bzhin gang gis shes pa ni zhes bya ba la sogs pa la/ gang gis don gyi tshul gyi rang bzhin shes pa de ni lus kyi sdom pa shes pa yin no/ /gang gi stong pa nyid dang/ mtshan ma med pa dang/ smon pa med pa'i rnam par thar pa'i sgo nas bdag med pa dang gsog shes par bya ste/ des ni lus kyi sdom pa shes par 'gyur ro/ /dngos po thams cad kyi dngos po med pa'i ngo bo med pa gang rig par gyur pa de ni dngos po thams cad la chags par mi 'gyur te/ mngon par zhen par mi 'gyur ro/ /de mngon par zhen pas mtshan ma med pa'i ting nge 'dzin rab tu thob par 'gyur ro/ /ting nge 'dzin rab tu thob pas lus dang ngag dang/ yid kyi gnas ngan len sdom pa ma yin pa'i mtshan nyid 'byung bar mi 'gyur ro/ /gzugs dang/ sgra dang/ dri dang/ ro dang/ reg bya rnams la mtshan mar 'dzin pas gzungs nas mngon par zhen pas phyin ci log sgro btags pas sdom pa ma yin pa
- 176a
'khor ba'i rgyu 'byung bar 'gyur ro/ /grog ma kun gyi g.yos shing 'gul mi nus zhes bya ba la sogs pa la/ yang dag pa'i tshul la rab tu gnas pa ri rab ltar mi g.yo ba'i rang bzhin can de la ji ltar grog mas ri rab 'dod chags la sogs pas g.yo bar mi 'gyur ro/ /mi srid par bstan pa'i phyir yongs su btag pa nye bar bzung nas nam mkha' la ri mo bri bar nus shing lag pas nam mkha' la gzung bar nus par 'gyur srid kyang ting nge 'dzin la gnas pa ni 'dod chags la sogs pas bskyod par mi nus so/ /gang yang sems can thams cad sgra thams cad sgrom du bcug nas bcing par nus kyang srid/ de bzhin du nyi ma'i 'od dang/ glog dang/ rlung rnams rgya'i nang du bzung nas bcing bar nus kyang srid ces bya ba la sogs pas ni thams cad du mi srid par bstan pa'i phyir gsungs pa yin no/ /spyod yul gang gnas lus kyi sdom pa ni zhes bya ba la sogs pa la/ byang chub sems dpa' gang dag lus kyi sdom pa la gnas pa de la ni 'jig rten gyi chos thams cad dang/ nyon mongs pa dang/ nye ba'i nyon mongs pa 'byung bar mi 'gyur ro/ /dug dang mtshon la sogs pas kyang gnod par mi 'gyur ro/ /de bzhin du ting nge 'dzin la gnas pas 'jigs pa dang/ skrag pa thams cad spangs pa yin/ 'gro ba ma lus pa'i don byed pa yin/ zhi ba dang rab tu zhi ba'i ting nge 'dzin la dbang ba rab tu thob pa ni 'jigs pa dang/ skrag pa dang/ kun nas 'khrug ba dang/ phrag dog dang/ ser sna la sogs pa'i nyon mongs pa'i rnam par rtog pa las rnam par grol ba yin no/ /gang gi phyir lus kyi sdom pa la legs par bslabs pa ni bdag dang bdag gi 'du shes dang bral zhing/ 'jigs pa thams cad dang bral bas bdud bya ba brgya stong gis kyang bskyod par mi nus so/ /byang chub sems dpa' rnams la
- 176b
phan pa'i phyir sdom pa gang brjod pa ni gzhung gi sgo nas so/ /bshad pa ni bsgoms pa'i khyad par gyi man ngag bstan pa'o/ /rab tu bstan pa zhes bya ba ni bdud dang mu stegs la sogs pa pha rol rgol ba ma lus pas rab tu sbyar bar tshar mdan pa kun dbyung ba'i phyir bde bar gshegs pa pa'i gzhung gi 'dod pa la sbyar ba'i tshad ma dang ldan pa'i chos bdag med par rab tu bsgrubs nas gzhung dang don rab tu bstan pa'i phyir/ chos rnams kun la ye shes thogs pa med/ /ces bya ba la sogs pa la/ thogs pa thaMs cad dang bral ba'i de bzhin gshegs pa thams cad kyi rnam pa thams cad mkhyen pa'i ye shes mngon par byang chub nas mtshan sum cu rtsa gnyis dang/ dpe byang bzang po brgyad cus brgyan pa'i de bzhin gshegs pa'i sku thun mong ma yin pa nges par sgrub par 'dod pas ji skad gsungs pa'i lus kyi sdom pa bsgom par bya'o/ /lus kyi sdom pa dang/ yang dag par ldan pa la bla na med pa yang dag par rdzogs pa'i byang chub kyang rnyed dka' ba ma yin no/ /drang srong chen po'i chos 'di gang 'dod pa zhes bya ba la sogs pa la/ gang dag sangs rgyas kyi chos bsam gyis mi khyab pa rtogs par 'dod pa des kyang lus kyi sdom pa la bslabs na sems can gyis khams thams cad kyi mchod rten du gyur pas phyag bya ba'i gnas su 'gyur ro/ /stobs bcu la sogs pa'i sangs rgyas kyi chos rnams ni bshad zin pas yang bshad par mi bya'o/ /'di 'dra'i lus kyi sdom pa thos nas ni zhes bya ba la sogs pa la/ rgyal po khyad par sems des lus kyi sdom pa thos nas dga' ba dang/ rab tu dga' ba thob nas rab tu byung ngo/ /rab tu byung nas kyang lo bye ba phrag bcu tshangs par spyod pa spyad do/ /tshangs pa'i gnas bzhi yang bsgoms nas de bzhin gshegs pa dpag tu med pa la bsnyen bkur bya ba'o/ /tshul khrims rnam par dag pa skyon med 'gyur zhes bya ba la
- 177a
sogs pa dang/ gzhon nu gzhan zhig yin nam sems gyur na zhes bya ba la sogs pa de'i dus de'i dus kyi rgyal po khyad par sems gang yin pa de ni gzhan yin snyam na de ltar mi lta ste shAkya thub par nyid de'i tshe rgyal po khyad par sems zhes bya bar gyur to zhes gsungs so/ /da ni lus kyi sdom pa'i phan yon bstan pa'i phyir de nas yang bcom ldan 'das kyis zhes bya ba la sogs pa la/ de lta bas na lus kyi spyod pa yongs su dag par bya'o zhes gzhon nu khyod kyis de ltar bslab par bya'o zhes bya ba ni ma 'ongs pa'i skye bo la bltos nas slobs shig ces bstan pa'o/ /de ci'i phyir zhe na zhes pa ni rgyu gang gi phyir lus kyi spyod pa yongs su dag pa la kun tu spyad par bya zhes som nyi za ba'i phyir/ lus kyi spyod pa yongs su dag pa'i byang chub sems dpa' chen po ni sems can dmyal pa dag la mi 'jigs zhes bya ba la sogs? pa la/ dmyal ba dang/ yi dags dang/ dud 'go'i? skye gnas su skye bar 'gyur pa'i rgyu yod pa ma yin no/ /dug dang/ me dang/ chu dang/ mtshon? dang/ seng ge dang/ glang po che dang/ glang dang/ stag dang/ gnod sbyin dag gis kyang 'jigs par mi 'gyur te/ 'jigs pa'i rgyu mi dge ba med pa'i phyir dang/ gcig tu dge pa'i rang bzhin gyis lus kyi sdom pa la mi dge ba phra mo tsam gyi gnas kyang yod pa ma yin no/ /yang lus kyi spyod pa yongs su dag pa'i byang chub sems dpa' ni stong gsum gyi stong chen po'i 'jig rten gyi khams 'di lag mthil du bzhog ste/ tA la gcig tsam mam/ tA la bdun tsam gyi bar du steng du 'phen par byed zhes bya bas ni stobs rnams kyi mthar thug pa thob ba'i bar yang lus kyi sdom pa legs par bsdams pa la rnyed dka' ba ma yin no zhes bstan par 'gyur ro/ /rdzu 'phrul dang cho 'phrul mchog gi pha rol tu phyin pa yin te zhes bya bas ni lus kyi sdom pa ni
- 177b
yon tan thams cad kyi rten nyid du bstan pa yin no/ /kun tshogs pas na rdzu 'phrul lo/ /cho 'phrul ni yang rdzu 'phrul gang dang yang dag par ldan pas rdzu 'drul gyi yul sna tshogs pa nyams su myong ba de gcig tu gyur cing mang por yang 'gyur ro zhes bya ba la sogs pa rgyas par 'byung ba ste/ gzugs bstan pas 'dul ba'i sems can rnams 'dun par bya ba'i phyir/ gcig tu gyur ces bya ba ni mdor bsdus pa'i gzugs bstan pas 'dul ba'i sems can rnams gdul ba'i phyir ro/ /snang bar gyur pa ni gzugS gsal ba nyid do/ /mi snang bar gyur pa ni gzugs mthong ba med pa nyid do/ /rtsig pa la thad kar 'gro zhes bya ba la sogs pa la/ rtsig pa dang/ rab dang/ brag la sogs pa thogs pa dang bcas pa'i rdzas rnams la thogs pa med par 'gro pa'o/ /des na thams cad la thogs pa med bar 'gro ba zhes bya'o/ /nam mkha' la yang ji ltar 'dod pa bzhin du 'gro bar byed la/ sa la yang steng du 'byung bar byed/ byi zul yang byed de/ dper na chu la bya ba bzhin no/ /chu la yang sa la bya ba bzhin mi 'bying bar 'gro ba'o/ / cho 'phrul zung ston cing 'bar ba dang/ char 'bebs pa'i mtshan nyid ston te/ bskal pa sreg pa'i me lta bu'i me'i phung po lus kyi phyogs gcig nas ston par byed do/ /'jig pa'i dus kyis sprin gyi char gyi rgyun bzhin du lus kyis phyogs gcig nas chu'i bud po 'bebs par byed do/ /bskal ba sreg pa'i me'i phung po gang yin pa yang kha'i dbrugs gcig gis zhi par byed do/ /tshangs pa'i 'jig rten gyi bar bar du lus kyi skyil mo krung gcig gis dbang sgyur ro/ /don 'di nyid tshigs su bcad pa'i dbyangs kyis bstan pa ni ma bshad/ /rdzu 'phrul gyi cho ga bstan nas da ni lha'i rna ba la sogs pa bshad par 'dod pas/ gzhon nu de lta bas na zhes bya ba la sogs pa la/ lus kyi spyod pa yongs su dag pa'i byang chub sems dpa' ni lha'i rna ba'i khams mi'i las
- 178a
'das pas lha'i dang gzhan dag gi sems can thams cad kyi sgra thams cad thos te/ gang thag ring ba dang gzhan dag kyang rung/ phra ba dang rgya che ba yang thos so zhes bya ba'o/ /de bzhin du lha'i sna'i dbang po/ /mi'i las 'das pas 'jig rten gyi khams thams cad kyi dri'i khyad par yid du 'ong ba dga' ba dang/ bde ba dang/ yid bde ba'i rgyud dag thams cad tshor ro/ /mig dang/ sna ba dang/ yid kyi dbang po rnams ni mnga' thob pa'i yul can yin la/ gsum ni gzhan no zhes bya ba 'di tshig gis bstan na ji ltar 'jig rten gyi khams dpag tu med pa'i dri rnams sna'i dbang pos 'dzin par nus zhes zer na/ de ni de bzhin gshegs pa rnams dang byang chub sems dpa' chen po rnams ma gtogs pa gzhan rnams kyi dbang du byas nas bstan pa yin no/ /de bzhin gshegs pa rnams kyi dbang po rnams ni yul thams cad kyi yul can te/ thams cad kyang don thams cad spyod yul ba'o zhes bya ba'i tshig gis so/ /sems tsam so sor snang ba la bar chad la sogs pa ni kun tu rtogs pa'i zos bsgrubs pa 'jig rten gyi tha snyad tsam du zad kyi don dam par ni ma yin no/ /sna'i dbang po dang/ ro'i dbang po dang/ reg pa'i dbang po rnams kyis thams cad shes bya ba ste/ thams cad kyang thams cad kyi yul can yin pa nyid du gal te rnam par 'jog par byed na mi gtsang ba la sogs pa'i rol sogs pa yang myong ba thob par thal par 'gyur ro zhes rgol ba'i lan gdab par dka' o zhe na/ rgol ba 'di ni lan gdab par 'os pa yang ma yin te/ gzhon nu ma len gyi tshig mi shes pas kun nas bskyed pa yin no/ /de yang sgyu ma sprul pa'i dngos po nyams su myong ba bzhin du phan tshun sems rnam par 'khrug pa tsam du zad kyi/ gang du cung zhig kyang nyams su myong ba ni med de/ rjes su grub pa med pa'i phyir ro/ /gzhan gyi rnam par rmos pa bzlog pa tsam de'i dgos pa yin no zhes de bzhin du rab
- 178b
tu bstan pa'i phyir kun rdzob du dngos po thams cad gzung bar bya'i/ don dam par ni gzong ma nas zhi ba skye ba med pa'o zhes bya bar gnas so/ /sems kyi rnam grangs shes pa bstan pa'i phyir gsungs pa/ sems can pha rol dang zhes bya ba la sogs pa la/ sems can pha rol ba zhes bya ba ni sems can gyi spyi bstan pa yin no/ /gang zag pha rol pa zhes bya ba ni so sor nges pa'i sems can gyi khyad par ro/ /sems kyi rnam par rtog pa dang spyod pa yang dag par ji lta ba bzhin du rab tu shes te zhes bya ba la sogs pa la/ 'dod chags dang bcas pa dang/ 'dod chags dang bral ba dang/ zhe sdang dang bcas pa dang/ zhe sdang dang bral ba dang/ gti mug dang bcas pa dang/ gti mug dang bral ba dang/ nyon mongs pa dang bcas pa dang/ nyon mongs pa med pa'i sems kyang yang dag pa ji lta ba bzhin du rab tu shes so zhes bya ba'i bar du'o/ /sngon gyi gnas rjes su dran pa'i mngon par shes pa gsungs pa/ des sngon gyi gnas rnam pa du ma rjes su dran te/ skye ba gcig kyang rjes su dran nas bskal pa bye ba khrag khrig brgya stong du ma'i skye ba'i bar du yang rjes su dran no/ /'jig pa'i bskal pa dang/ 'chags pa'i bskal pa gcig nas 'jig pa dang/ 'chags pa'i bskal pa bye ba khrag khrig brgya stong du ma'i bar du yang rjes su dran te/ bdag sngon gnas che ge mo zhig tu skyas te ming ni 'di zhes bya/ rigs ni 'di zhes bya/ dus ni 'di zhes bya/ kha dog ni 'di 'dra ba zhig/ zas ni 'di lta bu zhig za za/ bdag gi 'tsho ba ni 'di 'dra/ tshe'i tshang? ni 'di tsam zhig thug yun ni 'di srid gcig tu gnas gnas bde ba dang sdug bsngal ni 'di lta bu zhig myong myong/ de nas shi 'phos nas ni chog? mo zhig tu skyes/ de nas shi 'phos nas ni 'dir skyes zhes rnam pa dang bcas pa dang/ yul phyogs dang bcas pa dang/ gzhi ci las gyur pa dang bcas par sngon gyi gnas rnam pa du ma rjes su dran no zhes bya ba ni rtog /sla ba'i phyir ma bshad do/ /lha'i mig
- 179a
gis mngon par shes pa gsungs pa/ de lha'i mig gi rnam par dag pa ma'i las 'das pas sems can 'chi 'pho ba dang/ skye ba yang 'chi 'pho dang skye ba yang shes pa rnam par dag pa'i khyad par gyis mthong ngo/ /kha dog bzang po dang/ kha dog ngan pa la sogs pa yang ji lta ba bzhin du yang dag par rab tu shes so/ /sems can 'di rnams ni lus kyi nyes par spyod pa dang ldan pa/ dag gi nyes par spyod pa ldan pa/ yid kyi nyes par spyod pa dang ldan pa'o/ /lus kyi nyes par spyod ba rnam pa gsum mo/ /dag gi nyes par spyod pa ni rnam pa bzhi'o/ /yid kyi nyes par sbyong pa ni rnam pa gsum te/ mi dge ba bcu'i las kyi lam dang yang dag par ldan pa ste bcas pa'o/ /'phags pa la skur ba ni 'phags pa'i lam sun par byed pa'o/ /log par lta ba ni las dang 'bras bu med par lta ba la zhugs pa'o/ /logs par lta ba'i chos kyi las yang dag par 'dzin pa'i rgyus lus zhig nas shi ba'i 'og tu ngan song ngan 'gro sems can dmyal ba rnams su skyes so zhes bya ba yin no/ /de dag las bzlog pa'i lam la nan tan byas pas ni bde 'gro mtho ris kyis 'jig rten lha rnams su skye bar 'gyur ro zhes bya ba yin no/ /mngon par shes pa lnga'i go rim 'chos pa ni 'dir mdo ji lta ba bzhin du bshad pa yin pas brtag par bya ba med do/ /de ltar rim gyis mngon par rtogs ngeS par bstan nas skad cig gcig gis mngon par byang chub pa bstan pa'i phyir/ gzhon nu lus kyi spyod pa yongs su dag pa'i byang chub sems dpa' sems dpa' chen po ni skad cig gcig dang ldan pa'i shes rab kyi gang cung zad shes par bya ba dang/ blta bar bya ba dang/ mnyan par bya ba dang/ mngon par rdzogs par sangs rgyas par bya ba dang/ rnam par 'khrul par bya ba de thams cad yang dag pa ji lta ba bzhin du rab tu shes so/ /thos so/ /mthong ngo/ /mngon par rdzogs par sangs rgyas so/ /don de dag nyid tshigs su
- 179b
bcad pas gsungs pa byang chub sems dpa' skyob pa yi/ mngon par shes pa'i rim pa bstan zhes bya ba la sogs pa la/ mngon par shes pa'i rim pa nges par bstan pa ni byang chub sems dpa' i rtogs pa la mkhas pa shes par bya ba'i phyir ro/ /ting nge 'dzin la gnas pas na byang chub sems dpa' zhes kyang bya ba ni ting nge 'dzin 'ba' zhig la gnas pas kyang de la byang chub sems dpa' zhes bya ba yin na yang gang yang rna bas kyang rnam par sbyang ba'i phyir de dag rna ba rnams sbyong ste/ lha yi rna ba bas khyab ces bya ba la sogs pa la/ de lha'i rna bas sangs rgyas thams cad kyi gsungs pa'i chos nyan to/ /de stong gsum gyi stong chen po'i 'dzin gyis khams kyi dri'i khyad par rnams ji ltar 'di na 'dug pa bzhin du lha'i snas snom mo zhes bya ba la sogs pa'o/ /de bzhin du gzhan gyi sems shes pa dang/ sngon gyi gnas rjes su dran pa'i shes pa rnams skad cig gcig dang ldan pa'i shes pas lus kyi sdom pa rnam par dag pa la gnas nas nges par sgrub par byed do/ /ma lus rnam dag nam mkha' lta bu'i chos kyi lus/ /bdag nyid rdzogs sangs rgyas kyi sku ru gsungs/ /de yi sdom pa byang chub mchog gtso rtog gyur pa/ /sangs rgyas zhes bstan de ni chos kyi dbyings/ /lus kyi sdom pa'i phan yon bstan pa'i le'u ste/ sum cu rtsa dgu pa'i 'grel pa rdzogs so// // lus kyi sdom pa'i rjes la dag gi sdom pa rab tu rtogs par bya ba'i phyir/ de nas bcom ldan 'das kyi zhes bya ba la sogs pa la/ gzhon nu de la dag gi sdom pa gang zhe na/ dag gi sdom pa gang dang ldan pas byang chub sems dpa' sems dpa' chen po rnam pa drug cu dang ldan pa'i sangs rgyas kyi gsung dbyangs thogs pa med pa/ bsam gyi mi khyab pa rab tu thob par 'gyur ro/ /rnam pa drug cu ni mnyen pa dang/ 'jam pa dang/ yid du 'ong ba dang/ yid 'thad pa dang/ dag pa dang/ dri ma med pa dang/ /
- 180a
gsal ba dang/ snyan cing 'jebs pa dang/ mnyan par 'os pa dang/ mi tshugs pa dang/ snyan pa dang/ rdul ba dang mi rtsub pa dang/ mi brlang ba dang/ rab tu dul ba dang/ rnar? snyan pa dang/ lus tshim par byed pa dang/ sems tshim par byed pa dang/ snying dga' bar byed pa dang/ dga' ba dang bde ba skyed pa dang/ yongs su gdung ba med pa dang/ kun tu shes par bya ba dang/ rnam par rig par bya ba dang/ rnam par gsal ba dang/ dga' bar byed pa dang/ mngon par dga' bar byed pa dang/ kun shes bar byed pa dang/ rnam par rig par byed pa dang/ rigs pa dang/ 'brel pa dang/ zlos pa'i skyon med pa dang/ seng ge'i sgra'i shugs dang/ glang po che'i sgra'i skad dang/ 'brug gi dbyangs dang/ klu'i dbang po'i sgre dang/ dri za'i glu dbyangs dang/ ka la bing ka'i sgra dbyangs dang/ tshangs pa'i sgra dbyangs dang/ shang shang te'u'i sgra dbyangs su grag pa dang/ lha'i dbang po'i sgra dbyangs ltar snyan pa dang/ rnga'i sgra dang/ mkhengs pa dang/ mi dma' ba dang/ sgra thams cad kyi rjes su zhugs ba dang/ tshig zur chag pa med pa dang/ mtshang pa med pa dang/ ma zhum pa dang/ ma zhin pa dang/ rab tu dga' ba dang/ khyab pa dang/ tha ba dang bcas pa'i ched dang/ rgyun chags pa dang/ 'brel pa dang/ sgra thams cad rdzogs par byed pa dang/ dbang po thams cad tshim par byed pa dang/ ma smad pa dang/ mi 'gyur ba dang/ ma rtogs pa dang/ 'khor kun tu grags pa dang/ rnam pa thams cad kyi mchog dang ldan pa zhes bya ba rnams ni gzhon nu ngag gi sdom pa zhes bya ba'o/ /ngag gi sdom pa gang dang ldan pas byang chub sems dpa' tshig btsun ba thob par 'gyur pa dang/ skyes bu chen po'i mtshan sum cu rtsa gnyis dang/ dpe byad bzang po brgyad cu dang de bzhin gshegs pa'i stobs bcu dang/
- 180b
mi 'jigs pa bzhi dang sangs rgyas kyi chos ma 'dres pa bco brgyad rab tu 'thob par 'gyur ba de ni dag gi sdom pa zhes bya ste/ sangs rgyas kyi yon tan thams cad nges par bsgrub pa'i phyir dang ting nge 'dzin la mnyam par bzhag ba'i tshig yin pa'i phyir ro zhes bya ba ste/ 'di dag ni lus kyi sdom pa'i skabs su rgyas par bshad pas yang bshad pa ma byas so/ /gzhan yang ngag gi sdom pa gang dang ldan pas byang chub sems dpa' srog gcod pa spong bar gyur pa dang/ ma byin par len pa dang/ mi tshangs par spyod pa dang/ brdzun du smra ba dang/ phra ma'i tshig dang/ tshig rtsub po dang/ khyad par smra ba spangs par gyur ba dang/ pha ma dang slob dpon dag la smra bar bya ba ma yin pa'i tshig mi smra ba dang/ sangs rgyas dang/ chos dang/ dge 'dun la mi smod pa dang/ tshig gzhan gang nyes pa dang ldan pa'i tshig de dag spangs pa yin te/ tshig de dag la yang mi dmigs/ mi rtog go rlom sems su mi byed mi lta/ mngon par chags par mi byed de zhes bya bar sbyar te/ gang gi phyir brag ca lta bu dang/ sprul pa lta bu dang smig rgyu lta bu dang/ mig yor lta bu dang/ sgyu ma lta bu'o zhes shes na dngos po med pa nyid kyi phyir nye bar dmigs par mi 'gyur ro/ /mi rtog pas na mngon par mi zhen pa de dag gi sdom pa zhes brjod pa yongs su dag pa'i byang chub sems dpa' ni ngan song thams cad kyis mi 'jig zhes bya ba ni snga ma bzhin no/ /don 'di dag nyid tshigs su bcad pa'i dbyangs kyis bstan pa ni go bla bas ma bkrol lo/ /chos kyi nges tshig rtogs pa dag gi sdom pa ste/ sangs rgyas gsung rnams thams cad rnam par dag/ ting 'dzin rang bzhin ting 'dzin rgyal por gsungs/ /gang phyir tshig giS bstan pas rnam par spros/ /ngag gi sdom pa'i le'u ste/ bzhi bcu pa'i 'grel pa rdzogs so// //ngag gi sdom pa'i
- 181a
rjes la yid kyi sdom pa bstan pa'i phyir gsungs pa/ gzhon nu de lta bas na yid kyi sdom pas bsdam par bya'o zhes bya ba la sogs pa la/ yid kyi sdom pa gang dang ldan pas byang chub sems dpa' sangs rgyas kyi choS rnams la mi 'jigs pa thob par 'gyur ba zhes bya ba ni 'jigs pa thams cad dang bral pa ni chos kyi sku'i ngo bo nyid do/ /chos ni sangs rgyas kyi rang bzhin can gyi chos so/ /'thob par 'gyur ba ni mngon sum du byed pa'o/ /mi 'khrugs pa'i sems rnam par grol ba rab tu thob par gyur pa ni nyon mongs dang/ bdud dang/ rnam par rtog pas bskyod par mi nus pas rnam par grol ba ste/ nyon mongs pa thams cad spangs pa'i mtshan nyid can gyi mthar thug pa thob par gyur pa la yid kyi sdom pa zhes bya ba'o rdo rje lta bu ting nge 'dzin thob par 'gyur ba zhes bya ba la/ ting nge 'dzin gang la gnas pas bdud la sogs pas mi phyed cing mi bskyod pa ste/ sems las ma gtogs pa'i bdud kyi ngo bo med pa 'di lta bur rtogs shing sems kyis rang bzhin du rtog pa ni yid kyi sdom pa zhes bya ba'o/ /'bar ba'i bye brag dang 'dra ba zhes bya ba'i ting nge 'dzin thob par 'gyur zhes bya ba ni 'bar ba ni sprul pa'i 'od zer gyi tshogs so/ /ting nge 'dzin gang las tha dad pa lta bur snang ba'i 'bar ba'i tshogs 'phro ba de lta bu 'thob pa'o gzhung la las ni 'od zer 'thob par 'gyur zhes zer ba de ni ting nge 'dzin gyi rgyus byung ba'i phyir ting nge 'dzin nyid 'od zer gyi sgras nye bar btags pa yin no/ /yan lag drug cu dang ldan pa'i gsung dbyangs phun sum tshogs pa thob par 'gyur zhes bya ba ni bstan zin to/ /yid kyi sdom pa gang dang ldan pas byang chub sems dpa' tshig btsun pa thob par 'gyur zhes bya ba ni tshig gzung bar 'os par 'gyur pa'o/ /yid kyi sdom pa zhes bya'o zhes thams cad du sbyar ro/ /mchan sum cu rtsa gnyis zhes bya ba nas/ brtsams
- 181b
nas ji srid du phan par 'dod pa dang/ spyod lam dang spyod pa la 'jug pa thob par 'gyur zhes bya ba'i bar ni sngar bshad zin pas yang bshad par mi bya'o/ /gzhan yang gzhon nu zhes bya ba la sogs pas ni yid kyi sdom pa rnam pa gzhan bshad par bya'o zhes bya ba'i don to// log par lta ba spangs pa'i phyir log par lta ba dang 'grogs par mi byed ces bya ba ni log par lta ba'i bag chags spang pa'i don to/ /de bzhin du brnab sems spangs pa'i phyir zhes bya ba la sogs pa la/ brnab sems ni gzhan gyi rdzas la mi rigs pa'i 'dod pas bdag gir gyur cig ces 'dod pa'o/ /gnod sems ni sems can sdang ba'o/ /gnod sems spang pa'i phyir gnod sems dang 'grogs par mi byed ces bya ba ni snga ma bzhin no/ /le lo spang pa'i phyir le lo'i sems dang 'grogs par mi byed ces bya ba la le lo ni snyom pa'o/ /bla ma rnams la g.yo yi sems mi bskyed ces bya ba ni bslab pa'i sems mi bskyed pa ste/ dge ba'i phyogs kyi mi mthun pa'i phyogs yin pa'i phyir ro/ /de bzhin du pha dang ma dang slob dpon rnams la g.yo'i sems mi bskyed pa'o/ /'dod chags dang zhe sdang dang/ gti mug gi sems mi bskyed pa ste/ chags par mi bya'o/ /'dod chags la sogs pa dang mi 'grogs pa dang/ byang chub kyi sems gtang bar mi bya ba dang lhag pa'i sems kyang 'khrug par mi byed pa ni phyin ci log tu sgro btags paS mi g.yo ba'o/ /nyon mongs pa dang nye ba'i nyon mongs pa thams cad yang dag par ldan pa'i kun tu rtogs pa spangs par 'gyur ba yin te/ de ni yid kyi sdom pa zhes bya'o/ /yid de yang sgyu ma lta bu'o zhes bya ba la 'jug go zhes bya ba ni sems rnam par rmongs pa'i rang bzhin can gyi byis pa rnams rang gi rang bzhin 'dzin pa'i shes rab dang bral ba'i phyir de lta bu'i byis pa rnams khams gsum 'di dag ni sems tsam mo zhes blo 'byung bar 'gyur te/ sems kyi rang bzhin ji lta bu ma shes pa'i phyir ro/ /byang chub sems dpa'
- 182a
chen po rnams ni ji ltar sgyu ma'i rang gi ngo bo nyid ni ma skyes pa'o/ /gang ngo bo nyid kyi ma skyes pa de ni skye ba med pa 'gag pa med pa ste de'i ngo bo nyid med pa de rang bzhin med pa'o/ /rang bzhin med pa'i phyir dmigs su med de shes ba zhes bya ba 'am rnam par shes pa zhes bya ba 'am/ mi shes ba zhes pa 'am/ yod ces bya ba 'am/ med ces bya bar rnam par rtog pa mi 'byung ngo/ /gal te de lta na tha snyad bzhag pa ji lta bur 'gyur zhe na/ tha snyad la brtag pas dgos pa ci zhig yod// gal te tha snyad rnam par gzhag pa med par gnas par mi nus so zhe na/ de lta na skye ba dang 'gag pa ni rmi lam lta bu'o/ /chu ltar snang ba ni smig rgyu lta bu'o/ /bu dang bu mo la sogs pa'i tha snyad ni sprul pa lta bu'o/ /de dag thams cad kyang gang nas kyang 'ongs pa med/ gar yang 'gro ba med la de lta na yang gzhi med bzhin du tha snyad nyid zhugs par gyur cing 'jug par 'gyur ro/ /de bzhin du rnam par shes pa'i tha snyad kyang khyad par med par lta bar bya'o/ /yid kyi sdom pas yang dag par bsdams pa'i byang chub sems dpa' yid de yang mi dmigs so/ /de'i phyir mi rtog go /de'i phyir rlom sems su mi byed do/ /de nyid kyi phyir dmigs par mi 'gyur te/ gang gi phyir cung zad tsam yang mi mthong ngo/ /des na thams cad la mngon par mi zhen te/ kun rdzob tu ni chos kyi dbyings kyi ngo bo las ni g.yo ba ni yid kyi sdom pa zhes bya'o zhes bya ba ni tha snyad du brjod pa'o/ /tshigs su bcad pa rnams la ni lhag pa med pas ma bshad do/ /sangs rgyas yon tan yongs su rdzogs par sdom pa la zhugs shing/ /rdzogS sangs rgyas kyi gzugs ldan rtogs pa 'di ni rab 'dod cing/ /thams cad mkhyen pa'i nyi ma'i 'od kyi tshogs kyi dkyil zhugs na/ /sgrib pa ma lus rnam par bsal nas rab tu sad pa'i sems/ /yid sdom pa zhes de bshad chos rnams thams cad
- 182b
legs bsdus pas/ /chos nyid las gzhan min gzugs phyir ni sdom pa chos kyi sku/ /yid kyi sdom pa'i le'u ste bzhi bcu rtsa gcig pa'i 'grel pa rdzogs so// //tshig sum brgya po 'di dag ni gleng bzhi'i le'u bshad pas brjod par mi bya'o/ /rgya che ba ni sangs rgyas kyi chos yangs par gyur pa'o/ /ste ni gang gi phyir te gang gi phyir rgya che ba de'i phyir bstan pa yang rgya che ba ste/ tshul sna tshogs dang/ sgo sna tshogs nas bstan pas sems can gyi khams dpag tu med pa byang chub chen po la rab tu bkod nas dpag tu med pa'i bsod nams dang ye shes 'thob par 'gyur bas 'di ni nam mkha' bzhin rgya che ba'o/ /rin chen 'od zer rgya che gang zhes bya ba ni sangs rgyas dkon mchog dang/ chos dkon mchog dge 'dun dkon mchog rnams dpag tu med pa'i spyod pa rgya che ba dang/ bstan pa rgya che ba ni rgya che ba zhes brjod do/ /chos thams cad kyi rang bzhin mnyam pa nyid rnam par spros pa'i ting nge 'dzin nges par bstan pa'i chos kyi rnam grangs 'di bcom ldan 'das kyis bshad pa na skal pa ji lta ba bzhin du kha cig ni byang chub tu sems bskyed do/ /kha cig ni phyir mi ldog pa nyid du'o/ gzhan dag ni sangs rgyas kyi byang chub tu sems bskyed do/ /yang gzhan dag ni dgra bcom pa'i 'bras bu thob par gyur te zhes bya bas bcom ldan 'das kyi chos bstan pa ni 'bras bu dang bcas pa yin no zhes bstan par 'gyur ro/ /stong gsum gyi stong chen po'i 'jig rten gyi khams 'di yang rnam pa drug tu g.yos shing ltas chen po bco brgyad du g.yos pa ni/ g.yos so/ /rab tu g.yos so/ /'gul to/ /rab tu 'gul to/ /kun tu rab tu 'gul to/ /ldag go /rab tu 'dog /kun tu rab tu ldeg go /'ur 'ur/ rab tu 'ur 'ur/ kun tu rab tu 'ur 'ur ro/ /chem chem/ rab tu chem chem/ kun tu rab tu chem chem/ shig shig/
- 183a
rab tu shig shig /kun tu rab tu shig shig go zhes bya ba ni de la rnam pa drug tu g.yos pa ni g.yo ba dang/ mtho ba dang dma' ba dang/ steng du 'gro ba dang/ 'og tu 'gro ba dang/ sgra rjes su sgrogs pa'o/ /ltas chen po bco brgyad ni drug po de dag nyid kyi rnam par 'gyur ba rnams kyi g.yo ba la sogs pa chung du dang/ 'bring dang/ chen po'i dbye bas go rim ji lta ba bzhin du rig par bya'o/ /snod kyi 'jig rten yang rnam pa gnyis te/ 'dus byas pa dang/ 'dus ma byas pa'o/ /sems can gyi 'jig rten yang rnam pa gnyis te/ sems can mi dge ba la spyod pa dang/ lha tshogs la mos pa dang/ nga rgyal can dang/ rig pa dang/ ldan pa rnams kyi dbang du byas nas chung du dang/ 'bring dang chen po'i dbye bas g.yos so zhes bya ba nas kun tu shig shig ces bya ba'i bar du tshig bco brgyad kyi don bstan pa yin par shes par bya'o/ /yang na gzhan du bshad par bya ste/ rnam pa drug tu g.yos pa dang/ ltas chen po bco brgyad ces bya ba ni g.yos pa dang/ 'gul ba dang/ ldeg pa dang/ chem chem pa dang/ 'ur 'ur ba dang/ shig shig pa ni rnam pa drug go /de dag nyid so sor chung du dang/ 'bring dang/ chen po'i dbye bas phye ma ltas chen po bco brgyad du 'gyur ro/ /phyogs drug la mtho ba dang/ dma' ba' i dbye bas phyogs kyi 'gyur ba bcu gnyis su 'gyur la/ de dag kyang sngar bstan zin to/ /de la rgyu gnyis kyis g.yo ba la sogs pa 'di dag 'byung bar 'gyur te/ mthu chen po dang ldan pa'i lha rnams kyi dam pa'i chos thos pa las byung ba'i dga' ba rab kyi mthar thug par gyur pa laS byung bas kun tu 'khor bar gyur pa las 'khrugs pa'o/ /bstan pa'i 'jig rten yang thams cad las 'das pa'i de bzhin gshegs pa'i bstan pa'i chos nyid kyi dbang por gyur pa nyid du bstan pa dang/ chos nyid kyi mthus chos kyi bdag nyid kyi che ba khong?
- 183b
du chud par bya ba'i phyir ro/ /de la phyogs cig par bar du 'gul ba ni g.yo ba'o/ /shing rnams bzhin du bdag nyid thams cad g.yo ba ni 'gul ba'o/ /mgal me'i 'khor lo bzhin du 'khor ba ni ldeg pa'o/ /chem chem pa ni sgra rgyun chags su 'byung ba'o/ / 'ur 'ur ni 'khrugs pa'o/ /shig shig pa ni shin tu zab pa'i sgra'o/ /yang na g.yo ba ni sa'o/ /mgul ba ni shing thams cad do/ /ldeg pa ni ri thams cad do/ /chem chem pa ni lha'i rnga'i sgra la sogs pa'o/ /'ur 'ur ba ni rgya mtsho la sogs pa'o/ /shig shig 'bring du 'byung/ tha mar ni che bar 'byung ngo zhes bya bas gnas skabs rtsom pa'i dus na ni chung bar 'byung la/ bar du ni 'bring du 'byung/ tha mar ni che bar 'byung ngo zhes bya bas bco brgyad du 'gyur ro/ /phyogs thams cad du yang mtho ba dang/ /dma' ba la sogS pa rnam pa gcig tu mnyam du 'byung bar 'gyur na ni bcad nas gtor ba bzhin du shin tu 'khrugs par 'gyur na rim gyis mtho ba dang/ dma' ba la sogs par 'gyur ro/ /de la gang gi tshe shar phyogs kyis chen po ri dang shing du bcas pa shin tu 'khrugS par gyur pa de'i tshe shar phyogs mtho ba lta bur snang bar 'gyur ro/ /de'i tshe nub phyogs rang gi rang bzhin du gnas kyang dma' ba lta bur snang bar 'gyur ro/ /de'i phyir shar phyogs mtho na/ nub phyogs dma' ba zhes bstan pa yin no/ /gang gi tshe nub phyogs kyi sa chen po ri dang shing du bcas pa shin tu 'khrugs par gyur pa de'i tshe/ nub phyogs mtho ba ltar snang bar 'gyur ro zhes thams cad du sbyar bar bya'o/ /cho 'phrul dang bcas par bstan pa yang cho 'phrul bstan pas sems can rnams 'dul ba ni dgos pa yin no/ /chos nyid kyi bdag nyid che ba nyid kyis g.yo ba la sogs pa yin no zhes shes nas chos kyi de kho na nyid goms par bya ba la rtag tu nan tan bya'o zhes bya ba yin no/ /gzhan yang lha'i me tog la sogs pa'i char 'bab pa la soD pa rnams kyang choS
- 184a
nyid kyi stobs su blta bar bya'o/ /kun dga' bo chos kyi rnam grangs 'di khyod kyis zung zhig ces bya ba la sogs pas ni yang dag par gtong bar byed pa yin no/ /de nas bcom ldan 'das la tshe dang ldan pa kun? dga' bos/ 'di skad ces gsol to/ /bcom ldan 'das chos kyi rnam grangs 'di'i ming ci lags zhes bya ba ni ming bzung ba tsam gyis bsod nams kyi phung po chen por 'gyur ro zhes bstan pa yin no/ /ji ltar gzung bar bya bgyi zhes bya ba ni thos da du/ byed pa'i du su the tshom med par tha snyad du bya ba'i don to/ /bcom ldan 'das kyis bka' stsal pa/ snying rje chen po la 'jug pa zhes bya ba bzung zhig ces bya ba ni 'dis dmigs pa med pa'i snying rje chen po'i ngo bo nges par byas pa zhes bya'o/ /chos thams cad kyi rang bzhin mnyam pa nyid rnam par spros pa zhes bya ba'i ting nge 'dzin zhes bya bar zung zhig / ces bya ba ni de bzhin gshegs pa'i bka' ni shin tu 'da' bar dka' o zhes bya ba'o/ /kun dga' bos gsol ba/ bcom ldan 'das chos kyi rnam grangs 'di bdag gis bzung lags so zhes bya ba ni 'phags pa kun dga' bos khas blangs par gyur pa'o/ /bcom ldan 'das kyis de skad ces bka' stsal pa dang zhes bya ba ni mdo sde 'di gsungs bar gyur pa na'o/ /yid ras pa ni gdul bya rnams kyi ga? bsam? sa pa dang/ lhag ba'i bsam pa yongs su rdzogs par gyur pas shin tu yang bzung bas yid rangs pas bcom ldan 'das kyang thugs rangs pa'o/ /zla 'od gzhon nur gyur pa yang yid rangs pa'o/ /tshe dang ? pa kun dga' bo yang yid rangs pa'o/ /'khor bzhi po de dag kyang yid rangs pa'o/ /gnas gtsang ma'i lha'i bu dum yang yid rangs pa'o/ /lha dang/ mi dang/ lha ma yin dang/ dri zar bcas pa'i 'jig rten rnams kyang yid rangs pa'o/ /com ldan
- 184b
'das kyis thugs phyin ci ma log pa'i sems gyis yang dag par mnyes par byas pa gang yin pa de thams cad bcom ldan 'das kyis gsungs pa la mngon par bstod do/ /zhes bya ba ni legs so legs so legs bar gsungs so zhes bya bas mngon par dga' ba dang ldan pa'o/ /shin tu yid 'ong? shin tu snyan pa'i tshig gi tshogs kyi 'od zer dang/ 'jam pa'i dbyangs kyi zhabs kyi pad+ma rnam snyod 'gro ba yi/ /srid par gtogs pa'i rab rib tshogs rnams ma lus sel byed pa/ /bde bar gshegs pa'i tshul gyis gnas gyur rnam par 'grel ba la rab mkhas shing/ /bde bar gshegs pa'i chos rnams bsgom bya ma lus bsgoms gyur gang yin pas/ /tshul rnams sna tshogs rnyed ba'i gnyen de'am? chags pa gang gis/ /bde bar gshegs pa'i gsung gi snying por gyur pa rab gnas pa/ /ma bkrol bzhag pa bdag la skal pa cung zad tsam zhig yod pa yin/ /sems can don la brtson pa'i sems ldan snying rje rnam par 'gro ba sems can gnyen gcig pa/ /sa steng rig mang ldan par grags pa 'jam dpal grags pa zhes bya brtul zhugs can/ /des ni mdo sde rin po che 'di'i 'grel pa grags pa'i phreng ba zhes bya byas/ /de ni bsgoms bya bsgoms na bde gshegs kyis gsungs de nyid gcig tu zhi ba snang bar 'gyur/ /chos rnams thams cad mnyam nyid rnam spros pa/ /ting 'dzin rgyal po de nyid 'jam dbyangs mchog /chos rnams kun gyis lugs la mkhas gyur ba/ /ngo bo nyid !kyis dag pa'i chos sku mchog/ rgyal ba'i yon tan kun gyis brgyan pa'i mdo sde'i rgyal po'i 'grel pa ji bzhin byas pa laS bsod nams mkha' ltar mdza' med ston ka'i skar ma'i bdag bo'i mdangs 'dra bdag gis gang thob ba/ /de dag gis ni 'khrul pa med pa'i sems kyis gcig tu gzhan phan sems can kun gyi don byas nas/ 'jam pa'i dpal gyi grags ldan rgyal ba'i
- 185a
sras mchog byang chub sems dang sangs rgyas gyur par shog /'jam dpal dbyangs kyi byin gyis brlabs kyi grags pa'i grags pa shin tu rab rgyas nas/ /nam mkha' dri med steng nas 'gro ba'i nyi ma'i 'od kyi mun pa sel cing rab rgyas pa /sangs rgyas gdung la gcig tu zhen pas thams cad mkhyen pa'i rten gyi sar gyur 'di yi 'grel byas pas/ bshad pa dpag med byed pas yul dang dus kyi mthar gnas shog / ting nge 'dzin rgyal po'i 'grel pa grags pa'i phreng ba zhes bya ba slob dpon 'jam dpal grags pas mdzad pa rdzogs so// //dpal lha btsun pa byang chub 'od kyis bka' lung gis rgya gar gyi mkhan po zhib bzang po'i zhal zhal snga nas/ lo tsA ba dge slong tshul khrims rgyal bas bsgyur cing zhus/ yongs kyi dge ba'i bshes gnyen chen po khu brtson 'grus g.yu drung gis sku'i/ bsod nams su bsgyur// //bzang spyod 'brel pa klu sgrub kyis mdzad pa bzhugs so// // rgya gar skad du/ Arya b+ha dra tsarya pra Ni d+ha nA ma hA rA dza ni band+ha na/ bod skad du/ 'phags pa bzang po spyod pa'i smon lam gyi rgyal po chen po'i bshad sbyar/ kun tu bzang mo la phyag 'tshal lo/ /bzang po spyod pa'i smon lam gyi rgyal po chen po la don mdor bsdu na bcu ste/ 'di lta ste/ de bzhin gshegs pa rnams la phyag 'tshal ba dang/ de la mchod pa dang/ sdig pa bshags pa dang/ bsod nams la rjes su yi rang ba dang/ chos kyi 'khor lo bskor bar bskul ba dang/ de bzhin gshegs pa rnams bzhugs par gsol ba dang/ dge ba'i rtsa ba yongs su bsngo ba dang/ de'i rab tu dbye ba dang/ de'i mthar thug pa dang/ de'i phan yon no/ /de la phyogs bcu kun gyi zhing la sogs pas na bzhugs pa'i sangs rgyas bcom ldan 'das
- 185b
rnams la sbyir lus dang ngag dang yid rnam par ma phye bar phyag 'tshal ba'i dbang du mdzad nas gsungs pa ni/ ji snyed su dag ces bya ba la sogs pa'o/ /ji snyed ces bya ba ni ji srid pa ste tshad ji tsam yin pa'o/ /de'i phyir tshad yongs su bcad par 'gyur ro/ /des ni ? sgras sangs rgyas bcom ldan 'das rnams gzhal du med pa nyid du ston pas gsungs pa ni su dag ces bya ba ste/ grangs dang ma'i gi sgo nas ched las 'das pa zhes bya ba'i don to/ /phyogs bcu'i 'jig rten na zhes bya ba ni phyogs bcu po rnams kyi 'gro ba na'o/ /dus gsum kun gshegs mi yi seng ge rnams zhes bya ba ni dus gsum por gyur pa mdza' dag ste/ dus gsum na bzhugs pa rnams zhes bya ba'i don to/ /mi yi seng ge zhes bya ba ni thams cad la 'jigs pa dang bral zhing gang las kyang dogs pa med pa ni seng ge zhes bya'o/ /sangs rgyas bcom ldan 'das kyang lha dang bcas pa'i 'jig rten na de dang 'dra ba yin te/ des na seng ge dang 'dra bas seng ge'o/ /mi rnams su skye ba kun tu bstan pa'i phyir de dag ni mi yang yin pas na sangs rgyas bcom ldan 'das rnams ni mi'i seng ge yin no/ /de dag thams cad la bdag gis phyag bgyis te rab tu 'dud do/ /brjod par 'dod pa'i dbang gis phyogs gcig brjod pas thams cad kyi sgra mthong ba deS na lhag ma ma lus pa yongs su bzung ba'i don du ma lus zhes gsungs so lus dang ngag dang yid rab tu dang ba ni mchog tu dang bar gyur pa ste/ sems rab tu dbang bas kun nas bslang ba'i phyir lus dang dag kyang rab tu dang pa yin no/ /de ni lus la sogs pa so so rnams par phye bas phyag 'tshal ba gsungs te/ de la re zhig lus kyis phyag 'tshal ba ni/ /zhing gi rdul snying lus rab btud pa yis zhes bya ba la sogs pas yin te/ sangs rgyas kyi zhing gang gi rdul dang mnyam pa'i lus rab btud pas so/ /snod? kyi sgras ni 'dir dpe dang mthun pa'i rnam grangs
- 186a
yin te/ khyad par med pa'i phyir ro/ /phyogs bcu dus gsum du son pa'i sangs rgyas kyi zhing thams cad kyi rdul dang mnyam pa'i zhing de'i grangs kyi lus rab tu btung pas ni rgyal ba kun la rab tu phyag 'tshal lo zhes bya ba ni nyon mongs pa'i dgra las rgyal ba'i phyir dang bdud las rgyal ba'i phyir na/ sangs rgyas bcom ldan 'das rnams la rgyal ba zhes brjod de/ ji skad du bcom ldan 'das kyis/ sdig pa'i chos las nga rgyal te/ des na nyer 'gro da rgyal ba zhes bya ba la sogs pa gsungs pa bzhin no/ /dus gsum du gshegs pa'i rgyal ba de dag thams cad la rab tu phyag 'tshal lo/ /bcom ldan 'das gcig la sems phyogs par gyur pa'i phyir na gzhan la yid kyis stong pa'i lus zhing gi rdul dang ma nye? pa kho nas rab tu phyag 'tshal lam ci zhes na ma yin no/ /zhes brjod pa ni/ rgyal ba kun la mngon phyogs yid kyis su zhes bya ba ste/ de bzhin gshegs pa rnams re re la mngon du phyogs pa'i sems kyis zhes bya ba'i don to/ /bzang po spyod pa'i smon lam stobs dag gis zhes bya ba la/ bzang po ni dge ba'o/ /de ni bzang po yang yin pas na/ bzang po sgyod pa ste/ byang chub sems dpa' i zhes bya ba'i don to/ /de'i don tu smon pa ni smon lam ste don du gnyer pa'o/ /de'i stobs ni nyon mongs pa la sogs pa rna pas kyis zil gyis mi non pa dang/ mi mthun pa'i phyogs las nges par rgyal pa yin te/ des na de'i stobs kyis te/ rnam pa gzhan du ni 'di lta bu'i tshul gyis bya ba mi srid pa'i phyir ro/ /de bzhin du yid kyis phyag 'tshal ba ni/ rdul gcig steng na zhes bya ba la sogs pa'o/ /rdul gcig steng na zhes bya ba ni rdul gcig gi thog na'o/ /sangs rgyas sras kyi dbus na bzhugs pa zhes bya ba ni byang chub sems dpa' i tshogs dpag tu med pa'i
- 186b
dbus na so sor bzhugs pa'o/ /sangs rgyas rdul snyed rnams zhes bya ba ni 'dir yang khyad par med pa'i phyir na phyogs bcu dus gsum du rjes su son pa'i sangs rgyas kyi zhing gi rdul dang mnyam pa'i bde bar gshegs pa rnams mos zhes 'chad par 'gyur ba dang 'bral lo/ /ji ltar rdul gcig gi steng de ltar te tshul 'di nyid kyi ma lus par mdza' dag par ro/ /chos kyi dbyings zhes bya ba la/ chos thams cad kyi rang bzhin na chos nyid do/ /de nyid ni dbyings zhes bya ba'o/ /rnam pa de lta bu'i chos kyi dbyings nam mkha' i khams kyi mthas gtugs pa ste/ rdul gcig gi steng na gnas pa'i byang chub sems dpa' i tshogs dpag tu med pas so sor bskor ba'i bcom ldan 'das rnams kyis gang zhig bar chad med par khyad par yid kyis mos pa'o/ /lus dang ngag gi las dag ni yid kyis kun nas bslang ba'i phyir na yid kyis lam rab tu bstan to/ /da ni de dag bsngags pa rgya mtsho mi zad rnams zhes bya ba la sogs pas dag gis phyag 'tshal lo/ /de dag ces bya ba la/ de ltar lhag par mos par byas pa de dag la ste/ gang dag la bsngags pa rgya mtsho ste/ yon tan rgya mtsho yod pa dang nyams pa dang mdza' gtugs pa med pa'i phyir zad pa med pas mi zad pa yod pa de dag ni bsngags pa rgya mtsho mi zad rnams so/ /'dir bsngags pa'i sgra ni yon tan gyi rnam grangs yin la/ rgya mtsho'i sgra ni don mang po brjod pa yin par/ rtogs par bya ste/ bsngags pa rgya mtsho mi zad pa mnga' ba de dag la'o/ /dbyangs kyi yan lag rgya mtsho sgra kun gyis zhes bya ba la/ 'dir yang yan lag gi sgra ni yon tan gyi rnam grangs yin no/ /ji ltar yin zhe na/ 'di ltar nyan thos kyi theg pa las yan lag lnga dang ldan par brjod pa dang/ theg pa chen por yang yan lag drug cu dang ldan pa dang/ yan lag stong phrag bcu dang ldan pa dang/ yan lag
- 187a
dpag tu med pa dang ldan par brjod pa der yang yon tan lnga dang ldan pa zhes bya ba la sogs par rtogs par bya ba yin pa'i phyir dbyangs kyi yan lag dang ldan pa'i sgra ste don gyi tshul gang yin pa rgya mtsho dpag tu med pa de dag kun gyis so/ /rgyal ba kun gyi zhes bya ba la sogs pa las/ rgyal ba rnams kun gyi yon tan te byang chub kyi sems bskyed pa nas nye bar bzung nas lus dbang gi ngang yid kyi rang bzhin gzhal du med cing thun mong ma yin pa gang dag yin pa de dag rab brjod cing ste mngon par smra bar byed/ rab tu sgrogs par byed cing ngo/ /bde bar gshegs pa so so nas mdun na bzhugs pa lta bur gyur pa de dag thams cad bdag gi bsted par bgyi'o/ /yang na bsngags pa rgya mtsho mi zad ces bya ba ni gzhi mthun pa nyid kyi sgo nas yon tan zhes bya 'di nyid kyis khyad par yon te/ bde bar gshegs pa rnams kyi yon tan bsngags pa rgya mtsho mi zad pa rab tu rjod cing zhes bya ba'i don to/ /da ni sangs rgyas bcom ldan 'das de dag nyid la bla na yod pa dang bla na med pa'i mchod pa rnam pa gnyis gsungs te/ me tog dam pa zhes bya ba la sogs pa'i tshigs su bcad pa gnyis kyis ni bla na yong ba yin me tog la sogs pa rnams kyi nang na dam pa gang dag yin pa'i me tog dam pa de dag dang/ phreng ba dam pa dang/ sil snyan dam pa dang/ gur gum dang tsan dan la sogs pa'i byug pa dam pa dang/ gdugs dam pa mchog dang/ mar me mchog dang/ bdug pa dam pa dang/ na bza' dam pa dang/ dri dam pa dang/ dri sna tshogs sbyar cing legs par bsgrubs pa'i phye ma'i phur ma ste/ tsan dan dang gur gum dang ga bur dang a ka ru la sogs pa sna tshogs kyi rang bzhin ri rab dang mnyam pa dang/ bkod pa'i khyad par 'phags pa mchog kun gyis/ /zhes bya ba bkod pa dam pa dang/ 'dir bkod pa'i sgra ni tshogs pa'i rnam grangs yin te/ lha dang mi rnams kyi
- 187b
? rdzas rnam pa thams cad kyi mchog dang ldan pa rnams kyis/ rgyal ba thams cad la mchod par bgyi ba'o/ /mchod pa gang rnams bla med rgya che ba zhes bya ba la sogs pas ni bla na med pa yang gsungs so/ /byang chub sems dpa' i ting nge 'dzin gyi mthus bskyed pa'i mchod pa gang rnams bla na med cing sangs rgyas kyi zhing thams cad du spros pas chos kyi dbyings kyi mthar thug pas rgya che ba de dag rgyal ba thams cad la bdag lhag bar mos so/ /bzang po sbyong pa dad pa'i stobs dag gis zhes bya ba la/ bzang po spyod pa la lhag par mos shing mngon par yid ches pa dang/ mngon par nges pa de'i stobs kyis te/ de la ming du ma dag las bzang po spyod pa na de ltar rnam pa sna tshogs pa'i mchod pa byang chub sems dpa' i byams pa ltar mos pa yin no/ /da ni ji skad brjod pa'i phyag 'tshal ba dang mchod pa nye bar bsdus pa gsungs pa ni/ rgyal ba kun la phyag 'tshal mchod par bgyi zhes bya ba ste/ rgyal ba thams cad la phyag 'tshal zhing mchod par bgyi ba'o/ /kun nas slong ba dang/ gnas pa dang/ ngo bo nyid rnam pa gsum gyi sgo nas sdig pa bshags pa gsungs pa ni/ 'dod chags zhe sdang zhes bya ba la sogs pa'o/ /de la sdig pa kun nas slong pa'i rgyu gang zhig yin zhe na/ 'dod chags zhe sdang gti mug ni kun nas slong ba'i rgyu yin no/ /gnas gang yin zhe na/ gnas ni lus dad ngag dang yid yin no/ ngo bo nyid ni/ sdig pa bdag gis bgyis pa ci mchis pa zhes bya ba ste/ skye ba 'di 'am skye ba phyi ma dag tu bdag nyid kyis byas pa dang byed du bcug pa dang byed pa la rjes su yi rang ba'o/ /de thams cad ni de dag thams cad rgyal ba sras dang bcas pa rnams kyi mngon sum du 'dug pa lta bus skad cig tsam 'gyod bzhin pas so sor bshags par bya zhing bsal bar bgyi ro/ /de ni phyogs bcu'i 'gro ba kun dang zhes bya ba la sogs pas bsod nams la rjes su yi rang ba gsungs so/ /phyogs bcu'i 'gro ba'i
- 188a
bsod nams sbyin pa dang/ tshul khrims dang/ bsgom pa las byung ba dus gsum pa gang yin pa dang/ gang yang slob pa'i gang zag bdun po rnams dang/ gang yang mi slob pa'i dgra bcom pa rnams dang dang rgyal rnam pa gnyis po bse ru lta bu dang/ tshogs na spyod pa rnams kyi bsod nams dus gsum la 'jig rten las 'das pa gang yin pa dang/ gang yang sems dang po bskyed pa nas nye bar bzung pa'i byang chub sems dpa' thams cad dang/ sangs rgyas bcom lan? 'das dus gsum du gshegs pa rnams kyi brda las byung ba'i byang chub kyi sems bskyed pa nas nye bar bzung ste/ pha rol tu phyin pa dang sa la sogs pa las nges par skyes pa re re zhing dus gsum du gyur pa 'jig rten pa dang/ 'jig rten las 'das pa'i bsod nams kyi tshogs gzhal du med cing bsam gyis mi khyab pa sangs rgyas kyi ye shes kyi spyod yul du gyur pa gang yin pa de dag thams cad la bdag rjes su yi rang bar bgyid do/ /'gro ba'i sgra ma lus pa brjod par byed pa nyid kyis slob pa la sogs pa'i bsod nams 'dus par grub bzhin du so sor nye bar blangs pa la don ci zhig yod ce na/ de ni ma yin te/ 'gro bas na 'gro ba ste sred pa dang bcas pa zhes bya ba'i don nam/ 'khor bar 'gro ba zhes bya ba'i don no/ /de la kha cig la ni shin tu 'gro ba med pa'i phyir dang/ kha cig ni mi 'gro ba nyid kyis 'gro ba'i sgrar brjod par par bya ba ma yin te/ des na tha dad par bstan pa yin no/ /da ni chos kyi 'khor lo bskor bar bskul ba ni/ ph yogs bcu'i 'jig rten zhes bya ba la sogs pa gsungs so/ /phyogs bcu'i 'jig rten rnams na 'gro ba'i sgron ma ste/ 'jig rten gyi phyi dang/ nang gi mun pa'i tshogs rnams sel bar byed pa'i bdag nyid yin pa'i phyir na sangs rgyas bcom ldan 'das rnams ni 'jig rten gyi sgon? ma yin no/ /byang chub rnams sangs rgyas zhes
- 188b
bya ba ni bla na med pa yang par rdzogs pa'i byang chub tu mngon par sangs rgyas pa'o/ /ma chags pas snyes zhes bya ba ni ma chags pa nyid thob pa ste/ mngon par byang chub pa'i chos kyi tshul las don ma lus pa'i rang bzhin yongs su shes pa'i phyir na chags pa thams cad las yang dag 'das pa'o/ /chos zab mo rtogs pa ni don du mi gnyer zhing mngon par mi brtson pa gzhan dag gis rtogs par dka' ba des na gang dag chos bstan pa la spros pa med par 'jig rten gyi khams sna tshogs pa rnams na byang chub kyi shing mchog gi drung du gshegs nas bzhugs pa gang yin pa'i 'jig rten gyi mgon po de dag thams cad la bdag gis 'gro ba'i mi shes pa'i mun pa bsal ba'i phyir dang/ bla na med pa'i ye shes kyi snang ba byas pa'i phyir na bla na med pa'i chos kyi 'khor lo bskor ba'i don du sa'i steng du pus mo brtsugs shing thal mo sbyar bar byas nas so so'i mdun du gnas pa lta bus bskul bar gyid do zhes bya ba ni chos kyi 'khor lo skyor ba'i don du bskul pa'o/ /da ni mya ngan 'da' ston gang bzhed de dag la zhes bya ba la sogs pas gsol ba 'debs so/ /gang zhes bya ba ni khyad par yin yang skabs yin pa'i phyin phyogs bcu'i 'jig rten sgron ma zhes bya ba dang mngon par 'brel to/ /phyogs bcu'i sangs rgyas bcom ldan 'das dag mya ngan 'das ston te/ mya ngan 'das pa ston par bzhed pa de dag thams cad la bdag gis thal mo rab tu sbyar nas yun ring du bzhugs pa'i don du gsol bar bgyi ste zhu bar dbul lo/ /dus ji srid du na zhe na/ bskal pa zhing gi rdul snyed dus gsum du gtogS pa'i sangs rgyas kyi zhing thams cad kyi rdul dang mnyam pa'i bskal par bzhugs par ro/ /ci'i don du zhe na/ mgon med par gyur pa'i 'gro ba kun la phan zhing bde ba'i phyir ro/ /de la phan pa ni gtan du ba'i grub pa dang bde ba ste mya ngan las 'das pa'i
- 189a
lam 'thob pa'o/ /bde ba ni lha grangs kyi nye bar spyod pa 'thob pa'o/ /da ni ji skad brjod pa'i phyag 'tshal ba la sogs pas skyes pa'i bsod nams kyi phung po gzhal du med par yongs su bsngo bar byed pa ni/ phyag 'tshal ba dang mchod cing bshags pa dang zhes pa la sogs pas so/ /phyag 'tshal ba dang mchod pa dang/ sdig pa bshags pa dang/ bsod nams la rjes su yi rang ba dang/ chos kyi 'khor lo bskor bar bskul ba dang/ de bzhin gshegs pa la gsol ba btab pas dge ba cung zad bdag gis ci bsags pa ste nye bar bsgrubs pa de dag thams cad bdag gis bla na med pa yang dag par rdzogs pa'i byang chub kyi phyir bsngo bar bgyi'o/ /da ni brgyad pa de'i rab tu dbye ba ste/ kun tu bzang po'i smon lam de'i yan lag so so'i rab tu dbye ba ni de'i rab tu dbye ba yin ne/ /de yang rnam pa drug ste/ 'di lta ste bsam pa'i sgo nas dang byang chub kyi sems mi brjed pa'i sgo nas dang/ ma gos pa'i sbyor ba'i sgo nas dang/ sems can la phan pa'i sgo nas dang/ go cha'i sgo nas dang/ skal pa mnyam pa'i byang chub sems dpa' dang 'phrad pa'i sgo nas dang/ dge ba'i bshes gnyen ma nyes par byed pa'i sgo nas dang/ de bzhin gshegs pa mngon du gyur pa'i sgo nas dang/ dam pa'i chos yongs su 'dzin pa'i sgo nas dang/ mi zad pa'i mdzad thob pa'i sgo nas dang/ 'jug pa'i sgo nas dang/ stobs kyi sgo nas dang/ sgrub pa'i sgo nas dang/ las kyi sgo nas dang/ rjes su slob pa yongs su phye ba'i sgo nas dang/ bsdu ba'i sgo nas so/ de la bsam pa'i sgo nas ni rnam pa dang po'o/ /de yang rnam pa gsum ste/ de bzhin gshegs pa lam chod pa dang dgongs pa yongs su rdzogs pa'i bsam pa ni/ 'das pa'i sangs rgyas rnams dang zhes bya ba la sogs pa'o/ /mya ngan las 'das pa bstan zin pa'i sangs rgyas bcom ldan 'das rnams la bla na med pa'i mchod pas mchod par gyur cing phyogs
- 189b
bcu'i 'jig rten te/ 'jig rten gyi khams du ma rnams na 'gro ba mdza' dag la phan pa dang bde ba sgrub pa lhur mdzad pa dang/ da lta bzhugs shing 'tsho ba gang yin pa de dag rnams kyang de bzhin du mchod par gyur cig pa'o/ /gang yang ma byon pa 'byung bar 'gyur ba de dag kyang rab myur bar te dka' ba med pa kho nar bsam rdzogs byang chub rnam par sangs rgyas spyon cig pa'o/ /phyed snga mas ni de bzhin gshegs pa la mchod pa'i bsam pa dang/ phyed phyi mas ni dgongs pa yongs su rdzogs pa'i bsam pa bstan to/ /sangs rgyas kyi zhing yongs su spyod pa'i bsam pa ni/ phyogs bcu'i zhing rnams gang dag ji snyed pa zhes bya ba la sogs pa gang gsungs pa yin no/ /phyogs bcu'i rnams na sangs rgyas kyi zhing rnams gang dag ces bya ba gang dag yod pa ji snyed ces bya ba ni srid pa de dag thams cad bde ba can bzhin du rgya cher yongs su dag par gyur te/ dpag tu med pa'i 'jig rten gyi khams kyi gnas rnams so sor tha gru che bar gyur cing byang chub shing dbang drung gshegs rgyal ba ste/ bcom ldan 'das rnams dang byang chub sems dpa' rnamS kyis rab tu gang bar te kun nas bar mtshams med par khyab par shog ces bya'o/ /sems can thams cad bde ba'i lhag pa'i bsam pa ni/ phyogs bcu'i zhes bya ba la sogs pa gang gsungs pa yin te/ phyogs bcu rnams na skye gnas bzhis bsdus pa 'gro ba drug gis sems can gang rnams ji snyed yod pa de dag rtag tu ste/ gtan du lus dang sems kyi nad dang bral bar gyur cig nyams pa med pa mchog tu gyur pa'i bde bas bde bar gyur cig /de dag gi chos dang ldan pa'i don de mthun pa ste rjes su mthun par gyur par shog la/ 'gro ba kun gyi chos dang ldan pa'i re ba yang rtag tu 'grub par shog ste/ yongs rdzogs par gyur cig pa'o/ /da ni mi mthun pa'i phyogs spangs pa nye bar ston pa'i sgo nas tshigs su bcad pa bzhis rnam pa gnyis
- 190a
ba byang chub kyi sems mi brjed pa ni/ /byang chub spyod pa dang ni bdag spyod tshe/ zhes bya ba nas brtsams nas de dag ma lus yongs su byang bar shog ces bya ba'i bar gyis gang gsungs pa yin no/ /byang chub ces bya ba ni bla na med pa yang dag par rdzogs pa'i byang chub ste/ de'i don du spyod pa ni byang chub spyod pa'o/ /de la bdag spyod pa'i che 'gro ba kun du skye ba dran par gyur cig /de bzhin du tshe rabs kun tu 'chi 'pho ba dang skye ba na bdag ni rab tu 'byung bar shog ces bya ba 'chi 'pho ba dang skye ba dag gis ni don gyis na bar gyi gnas skabs brjod pa nyid du blta bar bya ste/ /'di ni byang chub kyi sems mi nyams pa'i rgyu dang po yin no/ /de bzhin du rgyal ba kun gyi rjes su slob byed cing zhes bya ba la sogs pa la/ dus gsum du gshegs pa'i rgyal ba ma lus pa rnams kyi bslab pa la rjes su slob par byed cing/ bzang po spyod pa zhes bya ba la/ bzang po spyod pa yongs su rdzogs byed pas zhes bya ba yang dag par sgrub par byed pa na ci zhig gis bdag gis bya zhe na/ tshul khrims spyod pa dri med yongs dag pa/ rtag tu ma nyams skyon mad spyod par shog/ ces bya ba ste/ dper na yid bzhin gyi nor bu rin po che ni glo bur gyi dri ma dang mi ldan pa nyid kyis dri ma med pa dang/ lus kyi nyes pa dang bral ba'i phyir rang bzhin gyis yongs su dag pa yin no/ /de nyid kyi phyir ma nyams pa dang skyon med pa yin te/ 'dod pa thams cad skong bar byed pa dang/ yongs su gdung ba thams cad sel bar byed pa yin cing nang thams cad dang bral bar byed pa dang/ dus ma yin bar 'chi ba rab tu zhi bar byed pa dang/ gzhan gyi don sgrub pa la 'jug pa 'ba' zhig yin te/ de bzhin du byang chub sems dpa' rnams kyi tshl khrims kyang rin po che dang 'dra bse rin po che yin te/ glo bur kyi las dang nyon mongs pa'i dri ma dang ma 'dres pa'i
- 190b
phyir dri ma med pa dang/ nyan thos dang rang sangs rgyas kyi theg pa'i sems bskyed pa'i lus kyi skyen dang bral ba'i phyir dang/ med na mi dbyung ba nyid kyis rnam pa thams cad mkhyen pa nyid du sems bskyed pa rin po che'i rang bzhin yin pa'i phyir kun nas yongs su dag pa dang/ byang chub sems dpa' i bslab pa thams cad la gus par byed pa nyid kyis ltung ba kun tu mi spyod pa'i phyir na bslab pa ma nyams pas ma nyams pa dang/ 'das pa'i yul nyams su myong ba la bltos nas sred pa skye zhing ma 'ongs pa'i skye ba la yang 'dir bdag nyid du mngon par dga' ba dang/ da ltar byung ba la lhag par zhen pa'i sred pa ste dus gsum pa'i sred pas sten par byed pa 'di dag gis cung zhig kyang skyo ba med pa'i phyir skyon med pa yin zhing sa gzhin du sangs rgyas dang byang chub sems dpa' i yon tan thams cad kyi rten du gyur ba'i phyir dang/ 'gro ba'i 'dod pa thams cad yongs su skor ba'i phyir yongs su gdung ba thams cad sel cing nad thams cad sel ba dang/ lha dang mi rnams su dpag tu med pa'i tshe sgrub pa dang/ gzhan gyi don bsgrub pa la 'jug pa la 'jug pa 'ba' zhig tu gyur pa yin no/ /nges pa'i tshig gis lus dang sems kyi gdung ba thams cad sel bar byed pa'i phyir na bsil par gyur pa nyid kyis tshul khrims so/ / tshul khrims spyod pa zhes bya ba ni tshul khrims nyid spyod pa yin pas tshul khrims spyod pa ste/ spyad pas na spyod pa'o/ /rnam pa de lta bu'i tshul khrims spyod pa bri ma med pa yongs su dag pa mi nyams pa skyon med pa la byang chub kyi bar du rtag tu spyod par shog cig ces bya ba ste/ 'di ni byang chub kyi sems mi brjed pa'i rgyu gnyis pa yin no/ /lha'i skad dang/ zhes bya ba la sogs pa ni lha rnams la lha'i skad kyis/ /klu dang gnod sbyin dang grul bum dan mi rnams la ni de'i skad de sgra
- 191a
rnams kyis te mdor na 'gro ba kun gyis sgra rnams ji tsam pa de dang de dag gis de dag la de ltar so sor byang chub kyis bar du dam pa'i chos bstan to zhes bya ba ni byang chub kyi sems mi brjed pa'i rgyu gsum pa yin no// des shing zhes bya ba la sogs pa la des ni rgyud 'dam pa'o/ /pha rol tu phyin pa ni sbyin pa la sogs pa bcu'o/ /de dag la brtson pa ni bdag nyid thams cad kyis rnam pa thams cad du grims shing yid mi skyo ba'o/ /nams kyang zhes bya ba ni byang chub kyi sems byang chub kyi snying po'i bar du nam yang brjod par ma gyur cig pa ste/ 'di ni rgyu bzhi pa'o/ /tshigs su bcad pa phyed dang bzhi po 'di dag gis ni byang chub kyi sems kyi mi mthun pa'i phyogs su gyur pa'i sgrib pa gang yin par dag gi gnyen po bstan par mdzad pa yin no/ /da ni tshigs su bcad pa phyed kyis mi mthun pa'i phyogs spong ba ston pa ni/ sdig pa gang rnams sgrib par gyur pa dag ces bya ba la sogs pa gang gsungs pa yin no/ /sdig pa gang rnams byang chub/ sems la bar du gcod par byed pa'i sgrib par gyur pa de dag thams cad du thams cad ma lus par yongs su byang bar te spangs par shig cig ces pa'o/ /de ni rnam pa gsum mgos pa'i sbyor ba rgyu rnam pa gsum po gang las gang du ji ltar zhes bya bas gsungs pa ni/ las dang nyon mongs zhes bya ba la sogs pa'o/ /rnams las zhes bya ba ni las dang nyon mongs pa dang/ bdud kyi las rnams las te/ las 'di yang khyad par med pa'i phyir na dge ba dang mi dge ba dang mi g.yo ba rnam pa gsum gang yang gzung ngo/ /de la mi dge ba'i las dang nyon mongs pa bdud kyis las rnams las grol ba de dag gis ma gos par 'jig rten gyi 'gro ba la sogs pa rnams su rtag tu spyad do/ /ci dad 'dra bar zhe na/ ji ltar pad+ma chus
- 191b
mi chags pa bzhin zhes bya ba ste/ dper na pad+ma chur skyes pa chus mi gos pa de bzhin du bdag las dang nyon mongs pa dang bdud kyis las la legs pa 'jig rten gyi chos rnams kyis ma gos par ro/ /de bzhin du dge ba dang mi g.yo ba'i las rnams su chags pa med pa ste/ rnam par smin pa'i 'bras bu la mi bltas par 'gro ba mdza' dag la phan pa dang sgrub pa'i don nyid 'ba' zhig du spyod par bya ste/ byang chub sems dpa' i spyod pa la zhes khong nas dbyung ngo/ /ci 'dra bar zhe na/ nyi zla nam mkhar thogs pa med ltar zhes bya ba ste/ dper na nyi ma dang zla ba dag 'jig rten na yid bzhin gyi nor bu ltar gzhan gyi don byed pa la ro gcig tu 'jug pa'i phyir rang gi don la chags pa phra mo yang med par nyin dang mtshan mor nam mkha' la rgyu ba de bzhin du spyad pa'o/ /de la bdud ces bya ba ni dge ba'i bar chad byed cing byang chub kyi gegs su gyur pa lam dam pa las ldog par byed pa yin no/ /dam pa'i nges tshig ni chos ni dam pa yin la chos kyi 'tsho ba 'gog par byed pa'i phyir gsod par byed pas na bdud ces brjod do/ /de'i lam ni rgyas phan pa'i dngos po las phyir phyogs pa'o/ /rnam pa bzhi pa 'di dang pha rol du sems bskyed ma lus pa la phan 'dogs pa ni zhing gi khyon dang zhes bya ba la sogs pa gang gsungs pa yin no/ /'gro ba'i ngan song gi sdug bsngal ngan song gsum gyi dbye ba can thams cad dang zhi byed cing ngo/ /ci'i phyir ngan song gi sdug bsngal kho na zhi bar byed par gsungs she na/ de bdag ni shin tu gdung bar byed pa yin pa'i phyir gtsor nye bar blangs pa yin te/ 'khor ba'i sdug bsngal thams cad nyid zhi bar byed pa zhes bya bar rig par bya'o/ /phul du byung ba'i bde ba dag la 'gro/ kun 'god pa na'o/ /ci zhig byed ce na/ 'gro ba thams cad la ni phan phyir spyad de/ yid skyo ba med par sbyor ba gzhan med par/ bla na med pa'i ye
- 192a
shes thob par byed pa'i don du zhes bya ba'i don to/ /spyad pa ni 'bad par bya ba'o/ /dus ji srid du zhe na/ zhing gi khyon dang phyogs rnams ji tsam par zhes bya ba ste/ ji tsam par zhes pa ni ji srid du'o/ /zhing gi byan zhes bya ba ni sangs rgyas kyi zhing ji srid pa'i khyon rab tu rgyugs dang/ rgyan te skabs brgyud mas 'byung ba'o/ /phyogs rnams zhes bya ba ni srog bcu pa rnams su ste de srid du spyad ces 'brel to/ /rnam pa lnga pa ni go cha'o/ /de yang rnam pa gsum ste/ sangs rgyas kyi chos yongs su rdzogs par byed pa dang/ sems can gyi spyod pa dang mthun par 'dug pa dang/ dam pa'i chos rab tu sbyin pa'i sgo nas te/ byang chub spyod pa yongs su rdzogs byed cing zhes bya ba la sogs pa gang gsungs pa yin no// byang chub spyod pa yongs su rdzogs byed cing zhes bya ba la/ byang chub kyi don du spyod pa ni byang chub spyod pa ste/ de yongs su rdzogs par byed pa ni sangs rgyas kyi chos rnams sgrub par byed cing zhes bya ba'i don to/ /skye ba dang skye bar sems can rnams kyi sems kyi spyod pa rnams shes par byas nas/ rang bzhin gyis sgyu med cing 'grogs na bde bas de dag dang mi mthun pa med par rjes su mthun par 'jug pa'o/ /bzang po spyod pa dag ni rab ston cing zhes bya ba la 'dir bzang po spyod pa ni chos ston pa'i rang bzhin yin par bzung ste/ rab tu ston par brjod par 'dod pa'i dag la bzang po spyod par btags pa'i phyir na/ de 'gro ba la rab tu ston pa dang brjod pa dang gsal bar byed cing/ ma 'ongs pa bskal pa phyi ma'i mthar thug pa kun tu yid yongs su mi skyo bar spyod par gyur zhes bya ba dang/ rnam pa drug pa lus dang ngag dang yid kyi spyod pa dang smon lam gyis skal pa mnyam pa'i byang chub sems dpa' dang 'grogs pa ni/ bdag gi spyod dang mtshungs par zhes bya ba la sogs pa gang
- 192b
gsungs pa yin no/ /bdag gi spyod dang ste spyod pa'i sgo nas mtshungs par gang spyod pa ste/ mnyam par spyod pa'i byang chub sems dpa' de dag dang ni rtag tu 'grogs par shog ste/ ji srid byang chub kyi bar du lhan cig gnas par gyur cig pa'o/ /lus dang ngag rnams dang ni yid kyis kyang de dag nyid dang lhan cig tu byang chub sems dpa' i spyod pa gcig dang smon lam gcig tu spyad de kun nas nyon mongs can ma yin par gnas par bya'o/ /rnam pa bdun pa phan pa'i bsam pas nye bar bstan pa sgrub pa dag gis dag ba'i bshes gnyen mnyes par byed pa'i sgo nas ni/ bdag la phan par 'dod pa'i grogs po gang zhes bya ba la sogs rnams kyis gang gsungs pa yin no/ /grogs po gang dag phan par 'dod cing bzang po spyod pa rab tu ston par byed 'chad par byed la chos smra bar byed pa de dag dang yang bdag lhan cig rtag tu phrad par te nye bar gnas par shog cing de dag kyang bdag gis nams kyang ste 'ga' i tshe yang yid mi 'byung ste cung zad tsam sun par yang mi bya'o/ /ji srid byang chub kyi bar du gtan du rjes su mthun par 'jug par bya'o/ /rnam pa brgyad pa dus ring bar mchod pa'i bya bas mi skyo bar de bzhin gshegs pa mngon du gyur pa ni/ sangs rgyas sras kyis bskor ba'i mgon po rnams zhes bya ba la sogs pa'o/ /phyogs bcu po rnams thams cad du rgyal ba sangs rgyas bcom ldan 'das mgon po zhes bya ba 'gre ba'i gnyen gcig tu gyur pa byang chub sems dpa' i tshogs kyis kun nas bskor ba rnams rtag tu thogs pa med pa'i mig gis mngon sum du zhes bya ba mngon du phyogs shing mngon du gyur par blta bar bgyi zhing/ de dag la yang so sor skad cig re re la rnam pa thams cad kyi mchog dang ldan pa'i mchod pa nam mkha' ltar yangs pa rgya chen por gyur pa chos kyi dbyings khyab pa dag bgyi'o/ /dus ji srid du zhe na/ ma 'ongs bskal pa kun tu
- 193a
mi skyo bar zhes bya ba ste/ phyi ma'i mdza' i mur thug pa ma 'ongs pa'i bskal pa thams cad du skyo ba med pa'i yid dang ldan pas bgyi ba'o/ /rnam pa dgu pa 'dzin pa dang ston par byed pa'i bya ba dag gis dam pa'i chos yongs su 'dzin pa ni rgyal ba rnams kyi dam chos 'dzin pa dang zhes bya ba la sogs pa gang gsungs pa yin no/ /dus gsum gyi rgyal ba thams cad kyis bstan pa'i chos gsungs rab yan lag bcu gnyis po gang yin pa de ngag gzugs kyi stobs kyis 'dzin par byed yang dag par 'dzin par byed pa dang/ chos ston ba'i rang bzhin gyi byang chub spyod pa 'gro ba la kun tu snang byed cing zhes bya ba yang dag par 'chad bar byed cing ngo/ /'dir yang byang chub spyod pa zhes bya ba ni de ston par byed pa'i tshig la brjod pa yin no/ /bzang por spyod pa rnam par spyod pa ni zhes bya ba la/ bzang po spyod pa ni byang chub sems dpa' i spyod pa yin te/ de rnam par spyod pa ni dri ma med par byed pa yin pas/ ma 'ongs bskal pa kun tu ste dus ring por byed pas ma lus rnams su spyad par bgyi zhes bya ba ni 'bad par bgyi ba'o/ /rnam pa bcu pa bsod nams dang ye shes la sogs pa rnyed pas na mi zad pa'i mdzod thob pa ni/ srid pa thams cad du yang 'khor ba na zhes bya ba la sogs pa gang gsungs pa yin te/ 'dod pa la sogs pa'i srid pa thams cad du yang sems can gyi don gyi dbang gis 'khor ba ste skye ba na bsod nams dang ye shes dag ni mi zad rnyed de zad mi shes pa dang ldan par gyur cig /de bzhin du thabs pa dang/ shes rab dang/ nam mkha' mdzed dang/ dri ma med pa'i phyag rgya la sogs pa'i ting nge 'dzin rnams dang/ de bzhin du byang chub sems dpa' i rnam par thar pa snying rje chen po dang/ dri ma med pa dang/ sgyu ma'i rnam pa la sogs pa rnams nas byang chub sems dpa' i yon tan thun mong dang
- 193b
thun mong ma yin pa rnams kyi mi zad mdzod de/ 'gro ba thams cad la phan pa dang bde ba bskyed pa'i don du yon tan zad mi shes pa'i gzhir gyur ces bya ba'o/ /rnam pa bcu gcig pa ni 'jug pa'o/ /de yang rnam pa brgyad de/ 'di lta ste sangs rgyas kyi zhing/ blta ba la 'jug pa rnam pa gnyis dang/ sangs rgyas kyi gsung la 'jug pa dang/ de bzhin gshegs pa'i chos kyi 'khor lo bskor ba la 'jug pa dang/ bskal pa'i 'jug pa la 'jug pa dang/ de bzhin gshegs pa la lta ba dang/ de'i spyod yul la 'jug pa dang/ sangs rgyas kyi zhing mngon par sgrub pa la 'jug pa dang/ de bzhin gshegs pa'i thad du 'gro ba la 'jug pa ni brgyad pa'o/ /de la sangs rgyas kyi zhing blta ba la 'jug pa rnam pa gnyis ni rdul gcig steng na rdul snyed zhing rnams te zhes bya ba la sogs pa'i tshigs su bcad pa gnyis kyis gang gsungs pa yin te/ rdul gcig nyid kyi stong na phyogs bcu dus gsum du son pa'i sangs rgyas kyi zhing gi rdul dang mnyam pa'i sangs rgyas kyi zhing rnams zhing der zhes bya bzhing dang rnams su bsam gyis mi khyab ces bya ba bsam du med cing bsam pa las 'das pa'o/ /sangs rgyas bcom ldan 'das rnams/ sangs rgyas sras kyi zhes bya ba ni byang chub sems dpa' rnams kyi dbus na bzhugs pa zhes bya ba bzhugs par gyur ro pa rnams la blta bar bgyi zhes 'brel te/ byang chub spyad pa spyod cing zhes bya ba ni byang chub kyi spyod pa sgrub par byed cing de/ /lta bar bgyi'o/ /zhes bya ba ni 'jug par bgyi'o/ /gal te de lta yin na mi srid pa don du gnyer ba nyid kyis byang chub sems dpa' rnams 'dras bu med pa'i smon lam nyid 'debs par byed par mi 'gyur ram/ 'di ltar ro zhig sangs rgyas kyi zhing gcig nyid rnam par dbye ba so so dang bcas pa ma lus par rdul gcig gi steng du mthong ba mi srid pa yin na de ji ltar bgrang las
- 194a
las 'das pa'i sangs rgyas bcom ldan 'das byang chub sems dpa' i 'khor gyi dbus na bzhugs pa rnams kyis gang ba'i sangs rgyas kyi zhing dus gsum du son pa'i sangs rgyas kyi zhing gi rdul dang mnyam pa so sor rnam par phye ba rnams rdul gcig gi steng du mthong bar gyur cig ces smon lam ji ltar 'debs par byed ce na/ de ni ma yin te/ gang gi phyir ji ltar bsam gyi mi khyab pa'i las kyis sprul pa'i 'jig rten gyi khams sna tshogs pa rnams steng dang 'og dang thad kar yul tha dad pa yin pa de bzhin bsam gyis mi khyab pa'i ye shes kyis sprul pa rnams rdul gcig gis yang steng du de ltar ci ste mi srid/ bsam gyis mi khyab pa nyid kyang/ /gang tshes ni mkhas rnams la/ /mtshar min cung zad yod min pa/ /de tshe dbang po rnams kyis ni/ /rtogs pa nyid la mtshar ci yod/ /'jig rten mgon po skyob pa yis/ /bsam gtan las tshul klu rnams dang/ /sangs rgyas bdag nyid che nams kyi/ /bsam mi khyab par bzhir gsungs so zhes brjod pa 'dzin no// de ltar na mi srid pa'i don yin yang blo rnam par 'gyur ba med pa rnams kyis sangs rgyas kyi gsung 'di thams cad la de kho na ltar yin no snyam du mngon par dad par bya'o/ /'di la shin tu gsal bar rab tu bsgrags pa yin te/ sangs rgyas kyis gsung lkog gyur la/ /gang zhig the tshom skyed byed des/ /'di nyid du ni stong nyid la/ /yang dag par ni yid ches bya'o zhes bya ba'o/ /'jig rten na yang re zhig chu dang bas khengs pa'i snod shin tu chung ngu'i nang du gza' dang skar ma dang rgyu skar la sogs pas brgyan par byas pa'i nam mkha' thams cad mthong ba kho na'o/ /de nyid kyi phyir bcom ldan 'das kyis/ chos rnams gzugs brnyan dang mtshungs te/ /rang rab rmi lam mtshan nyid can/ /rgyu ma rmig rgyu dang 'dra zhing/ /dri za'i grong khyer lta bu yin/
- 194b
zhes gsungs so/ /'di yang gang yang dus gsum dag gi zhing bkod pa zhes bya ba'i tshigs su bcad pa 'dir phyis gsal bar bya'o/ /de ltar ma lus phyogs rnams thams cad du zhes bya ba la sogs pa ni rdul gcig gi steng du ji lta ba de ltar ro/ /ma lus phyogs rnams thams cad du ni phyogs ma tshang pa med pa rnams su'o/ /skra tsam khyon la zhes bya ba la skra'i khyon ni skra'i stong ngo/ /'di skad du skra nyag ma tsam gyi go skabs su dus gsum gyi tshad dang mnyam pa dus gsum du gtogs pa'i sangs rgyas rgya mtsho rnams dang/ de'i zhing rgya mtsho rnams su spyod cing zhes bya ba spyod pa la 'jug bzhin pas/ /bskal pa rgya mtshor rab tu 'jug ste 'jug par bya'o zhes brjod pa yin no/ /sangs rgyas kyi gsung la 'jug pa ni/ /gsung gcig yan lag rgya mtsho'i skad rnams la zhes bya ba la sogs pa gang gsungs pa yin no/ /chos ston par mdzad pa'i de bzhin gshegs pa gcig gi gsung dbyangs rgya mtsho sgra skad rnams la te/ bgrang ba las 'das pa'i nyan pa po skye bo'i mos pa'i dbye ba nyid las gcig pa kho nar tshig dang yi ge gzhan dang gzhan rnams su tha dad pa nyid kyis gzhan dang gzhan du gyur pa rnams nyan pa'i sgo nas de kho na bzhin du chos ston par mdzad pa phyogs bcu dus gsum du bzhugs pa rgyal ba kun gyi dbyangs kyi yan lag rnam bar dag pa gang yin pa chos nyan par byed pa'i 'gro ba dpag tu med pa kun gyi bsam pa ji lta ba bzhin du gyur pa'i dbyangs sangs rgyas kyi gsung de lta bur gyur pa yin pa ste/ de ltar thos pa'i rna bas 'jug par bgyi ste/ de bzhin gshegs pa gcig gi gsung gi yan lag rgya mtsho'i sgra skad de nyid la 'jug par bgyi'o/ /de skad du yang/ mos pa sna tshogs can gyi ni/ /'khor mang rnams ni gnas pa la/ /gsung gcig bka' ni stsal pa na/ /gsung rnams du mang go 'gyur zhing//
- 195a
nga yi ched du yin no zhes/ /skye bo kun gyi rtogs 'gyur gang/ /'di las ches rmad ci yod de/ /'di las ches mtshar ci zhig yod/ /ces gsungs ba dang/ /de bzhin du 'phags pa sdong po bkod pa'i mdo'i 'phags pa byams pa'i rnam par thar pa las kyang/ /'di ni gang dag theg mchog? la gnas rmongs med pa/ /bskal pa bye ba khrag khrig mang po rnams su yang/ /ngoms med sems kyis phyogs bcu'i bde gshegs rnams kyis ni/ /chos sprin mthun par byed pa rnams kyi gnas pa yin zhes gsungs pa yin te/ tshigs su bcad pa snga ma gnyis kyis ni 'chad pa po'i che ba dang/ tshigs su bcad pa phyi mas ni nyan pa po'i skye bo'i che ba'i bdag nyid yin no/ /gang dag/ gcig gsungs yan lag rgya mtsho'i sgra skad la/ rgyal ba kun dbyangs yan lag rnam dag pa zhes bdun pa gcig gi tshig gis mdza' can du 'dod pa ste de dag gis ni te'i sgra tshig gis bskong ba yin par blta bar bya'o/ /chos kyi 'khor lo bskor ba la 'jug pa ni dus gsuM gshegs pa rgyal ba 'khor lo mi zhes? bya ba la sogs pa gang gsungs pa yin te/ de dag rnams thams cad kyi don zhes bya ba ni dus gsum gshegs pa rgyal ba rnams kye'o/ /ci 'dra ba rnams kyi zhe na/ 'khor lo'i tshul rnams rab tu bskor mdzad rnams kyi gsung dbyangs mi zad pa gang yin pa zad pa las 'das pa de rnams la blo'i stobs kyis zhes bya ba shes pa'i bdag nyid che bas cig car du 'jug par bgyi zhing zhugs par bgyi'o/ /thabs gang dang gang gis chos bstan pa gang dang gang yin pas dus gang dang gang gi tshe/ yul gang dang gang du mos pa sna tshogs can gyi sems can rnams 'dul byang gyur pa de ni 'dir tshul yin par blta'o/ /dbyangs kyi sgra ni 'dir yang tshigs gi kha bskong gi don du'o/ /bskal pa'i 'dug pa
- 195b
la 'jug pa ni ma 'ongs bskal pa kun gyi bskal 'jug pa zhes bya ba la sogs pa gang gsungs pa yin te/ phyogs bcur rtogs pa'i ma 'ongs pa'i bskal pa kun gyi bskal 'jug la zhes bya ba bskal pa la brgyud par 'byung ba rnams la mdor bsdus te bdag ni 'jug par bgyi'o/ /gang yang bskal pa dus gsum tshad de dag ces bya ba ni dus gsum gyi grags snyed pa ste/ de dag thams cad shes pa'i skad cig gis cha shas zhes bya ba skad cig ma gcig gis phyogs cig tu zhugs par spyad pa byed de zhugs so zhes bya'o/ /de bzhin gshegs pa blta ba dang de'i spyod yul la 'jug pa ni dus gsum gshegs pa mi yi seng ge gang zhes bya ba la sogs pa gang gsungs pa yin te/ phyogs bcu pa rnams kyi dus gsum du gshegs pa'i mi'i seng ge sangs rgyas bcom ldan 'das gang yin pa de dag shes pa'i skad cig gcig gis bdag gis blta zhing/ de dag gi ni spyod yul te/ yul la yang 'jug pa'o/ /sgyu mar gyur pa'i rnam thar stobs kyis zhes bya ba ni/ byang chub sems dpa' i rnam par thar pa sgyu mar gyur pa zhes bya ba shes pa'i rang bzhin yin la de'i stobs kyis rtag tu 'jug pa'o/ /sangs rgyas kyi zhing mngon par bsgrub pa la 'jug pa ni gang yang dus gsum dag gi zhing bkod pa zhes bya ba la sogs pas gang gsungs pa yin te/ gang yang dus gsum dag gi zhing bkod pa rgya mtsho de dag rdul gcig gi steng na rdzu 'phrul gyi stobs mngon par bsgrub par bya zhing/ de ltar ma lus phyegs rnams thams cad du zhes bya ba de ni de ltar de phyogs ma lus pa thams cad du zhing gi bkod pa rnams rdul gcig gi steng du de kho na bzhin mngon par bsgrub par bgyi ste/ shes pa'i skad cig gis 'jug par bya'o/ /gal te re zhig da ltar ba nyid kyi sangs rgyas kyi zhing gi rang bzhin dang/ tshad dang mdog dang
- 196a
dbyings kyi dbye bas tha dad pa rnams rdul gcig gi steng na gnas pa la ma yin na/ dus gsum gyi sangs rgyas kyi zhing ma lus pa phyogs bcu na yod pa rnams de kho na bzhin rang bzhin la sogs pa'i dbye bas tha dad pa rnams rdul? gcig gi steng du bar ma chod cing ma 'dres par gnas par ji ltar 'gyur te/ des ni 'di ji ltar yid chos par bya zhe na/ 'dir brjod pa gang gi phyir yongs su ma chu bcing ngo bo nyid med pa sgyu ma lta bu ma skyes pa ma 'gags pa skra shad lta bu gdong ma nas zhi ba rang bzhin gyis yongs su mya ngan las 'das pa mos pa ji lta ba bzhin rtog pa tsam gyis rab tu phye ba rnam pa sna tshogs pa du ma'i rang bzhin gyi chos thams cad ni legs par bsgoms shing rnam pa sna tshogs par gyur pa'i ting 'dzin dang rnam par thar pa'i khyad par rnams kyis bsam gyis mi khyab par nye bar dgod par nyams su myong bar 'gyur ba na/ legs par bsgoms par byed pa'o/ /gnas 'dir gsal bar 'jog par byed pa yin te/ 'jig rten yang 'tshe ba mang ba yid ches pa cung zad tsam gyis nus pa bskyed pa'i mig 'phrul mkhan blo gros mchog tu ya mtshan par byed pa'i sgyu ma sgrub par byed pa rnams mthong ba kho na yin pa de'i phyir ji skad brjod pa 'di thams cad yid ches par bya ba yin gyi/ 'di la the tshom cung zad kyang mi bya'o/ /de bzhin gshegs pa rnams kyi drung du 'gro ba la 'jug pa ni/ gang yang ma byon 'jig rten sgron ma rnams zhes bya ba la sogs pa gang gsungs pa yin te/ gang yang ma byon pa'i dus phyi ma'i mdza' i mung thug par gyur pa'i sangs rgyas bcom ldan 'das 'jig rten gyi sgron ma phyogs bcu'i 'jig rten gyi khams kyi mdza' gtugs pa gzhan na bzhugs pa bgrang ba las 'das pa sangs rgyas kyi ye shes kyi spyod yul du gyur ba rnams skad cig so sor dus mtshungs pa kho nar
- 196b
bla na med pa yang dag par rdzogs pa'i byang chub mngon par rdzogs par 'tshang rgya ba dang/ de bzhin du gzhan dag dus mtshungs pa kho nar chos kyi 'khor lo bskor ba dang/ de bzhin du gzhan dag mya ngan 'das pa ston par 'gyur pa de dag gi drung du ste/ des na/ de dag rnam par 'tshang? rgya 'khor lo bskor zhes bya ba la sogs pa gsungs pa yin no/ /de dag ces bya ba ni de dag gis te/ mngon par rdzogs par 'tshang rgya ba dang/ de bzhin du chos kyi 'khor lo bskor ba dang/ mya ngan las 'das pa ston pa dang/ de bzhin du 'jig rten gyi mgon po gcig pu pa de dag kun gyi zhabs drung du/ yid mgyogs kyi rdzu 'phrul gyi stobs kyis cig car lus kyi sprin ma 'ongs phyogs bcu khyab par byas nas/ nam mkha' khyab pa'i mchod pa'i sprin mchog tu khyad par du 'phags pa bgrang ba las 'das pa rnams kyis re re la mchod pa dang bstod pa 'bul ba dang/ lan brgya dang ldan stong du bskor ba byed cing 'khor ba ji srid kyi bar du bdag mchi'o zhes bya ba dus mtshungs par 'gro ba'o/ /rnam par 'tshang rgya zhes bya ba ni mngon par 'tshang rgya ba'o/ /mya ngan 'das pa ston ces bya ba 'di la rab tu zhi mdza' zhes bya bas bshad pa ni tshig kha bskang ba'i don khang na bzhugs pa dang 'chi 'pho ba ston pa dang/ lhums na par zad kyi 'on kyang chu zla snang ba ltar dga' ldan gyi gzhal yas khang na bzhugs pa dang 'chi 'pho ba ston pa dang/ lhums na bzhugs pa dang/ bltam pa dang/ lha'i gam du gshegs pa dang/ gzo dang sgyu rtsal ston pa dang/ khab nas 'byung ba dang/ rab tu 'byung ba dang/ dga' ba spyod pa dang/ byang chub kyi snying por gshegs pa dang/ byang chub kyi shing gi rgyal po'i drung du seng ge'i gdan la bzhugs nas bdud btul ba'i dus rnams su yang de dag gi zhabs drung du de kho na ltar dus cig
- 197a
par nyid mchi ba'o/ /de skad du yang/ gang phyir sems can gzhal med rnams/ so sor 'jig rten khams rnams su/ skad cig skad cig 'tshang rgya des zhum pa dang du blang mi bya zhes gsungs so/ /rnam pa bcu gnyis pa ni stobs so/ /de yang rnam pa bcu ste/ kun tu myur ba'i rdzu 'phrul stobs rnams dang zhes bya ba la sogs pa gang gsungs pa yin no/ /grub pas na rdzu 'phrul de yang dag par grub cing 'dod ba ji lta ba bzhin rdzogs par byed pa'i cho 'phrul zhes bya ba'i don to/ /rdzu 'phrul cho 'phrul yin no zhes ji ltar rtogs she na/ sems can so so ba rnams kyi yid 'phrog cing mgu bar byed pas na cho 'phrul yin no/ /de'i stobs ni don yod pa nyid do/ /kun tu myur ba'i zhes bya ba ni ji ltar byang chub sems dpa' i gzhan du mi 'gro bas kun tu rgyu ba'i rdzu 'phrul gyis cig char phyogs bcur 'gro ba de bzhin du'o/ /theg pa'i stobs kyis zhes bya ba ni theg pa chen po'i stobs kyis te/ 'dis 'gro bar byed pas na theg pa'o/ /theg pa yang yin la chen po yang yin pas theg pa chen po yin pa 'am/ yang na sangs rgyas dang byang chub sems dpa' chen po rnams kyi theg pa yin pas theg pa chen po'o/ /de'i rang bzhin ci yin zhe na/ sangs rgyas kyi byang chub thob par byed pa'i lam yin te/ theg pa chen po ni bsod nams dang ye shes zhes bya ba nyid yin no/ /yang na pha rol tu phyin bas dang bcas pa theg pa chen po yin no/ /de'i stobs ni thogs pa med pa nyid dang mi mthun pa'i phyogs kyis mi rjib? zhes bya ba'i don to/ /kun nas sgo'i zhes bya ba ni thams cad nas 'jug pa'i sgo'o/ /ji ltar zhe na/ gang byang chub kyi sems mi skye ba dang/ gang la sems can thams cad la phan pa dang bde bar bsngags par ma gyur ba'i gnas skabs dang/ dmigs pa de ni gang yang yod pa ma yin te/ 'di thams cad kyang spyod
- 197b
yul yongs su dag pa'i mdor blta bar bya'o/ /spyod pa'i stobs rnams dang zhes bya ba ni khyad par med pa'i phyir spyod pa gnyis ka'i stobs kyi ste/ byang chub sems dpa' i spyod pa'i stobs dang/ bzang po spyod ba'i stobs kyis so/ /kun tu yon tan zhes bya ba ni thog ma dad bar dang/ tha mar dge bas so/ /byams pa'i stobs zhes bya ba ni sems can gyi khams thams cad la bde ba'i bsam pas khyab par byas pa'o/ /kun tu khyab pa zhes bya ba ni phyogs bcu khyab bas so/ /bsod nams stobs zhes bya ba ni dag par byed cing gtsang bar byas pas bsod nams yin pa 'am/ yang nas yang legs par 'gyur bas na bsod nams te/ de'i stobs ni byang chub du sems bskyed pa nyid kyis 'gyur ro/ /ji skad du byang chub sems kyi bsod nams gang/ /gal te de la gzugs mchis na/ /nam mkha' i khams ni kun gang nas/ /de bas kyang ni lhag par 'gyur zhes gsungs so/ /de bzhin du theg pa chen po dang ldan pa'i chos zab cing rgya che ba la 'dzin pa dang/ klog pa dang/ ston pa dang/ mos pa dang/ tshigs su bcad pa gnyis kyi gzungs dang/ yang dag par rdzogs pa'i byang chub tu yongs su bsngos pas kyang 'gyur te/ bsod nams kyi stobs nges so/ /kun tu dge ba zhes bya ba ni sems can thams cad la phan pa dang bde bar bya ba'i bsam pas bsgrub pa'i phyir ro// ye shes stobs zhes bya ba ni shes bya thams cad rig pa'i shes pa yin pa'i phyir ro/ /chags pa med par gyur pa zhes bya ba ni dus gsum po rnams la chags pa med pa'i phyir ro/ /shes rab stobs zhes bya ba ni don de kho na stobs bas so/ /thabs kyi stobs ni nye bar 'gro bas na thabs te/ de'i stobs ni don yod pa nyid do/ /ting 'dzin stobs zhes bya ba ni yang dag par 'dzin pas ting nge 'dzin te bsam gtan no/ /de'i stobs ni 'gro ba mdza' dag gi don bya ba'i ched du mngon par shes pa la sogS
- 198a
pa'i yon tan mngon par sgrub pa la thogs pa med pa nyid do/ /ting nge 'dzin gyi stobs des so/ /byang chub stobs rnams zhes bya ba la/ byang chub ni bla na med pa yang dag par rdzogs pa'i byang chub kyi stobs gang yin pa de mthu'o/ /yang dag par sgrub par byed pa'o/ /rnam pa bcu gsum pa ni gnyen po'o/ /de la mi mthun pa'i phyogs las dang nyon mongs pa dang bdud kyi stobs 'joms pa las rnam pa gsum pa ni/ las kyi stobs rnams stobs med rab byed cing zhes bya ba la sogs pa gang gsungs pa yin te/ khyad par med pa'i phyir na dge ba dang mi dge ba dang mi g.yo ba'i dbye ba las te rnam pa gsum mo/ /de la re zhig nges par myong bar 'gyur ba'i mi dge ba'i stobs ni ngan song gsum bskyed par nus pa ste/ yongs su dag par byed sel bar byed/ rnam par sun 'byin pa la sogs pa'i stobs kyis sbyor bar byed pa ste/ sdig pa shin tu mi bzang byas pa dag /bdag la rnam par smod pas srabs par byed rab tu bshags dang sdom par byed pas ni/ de dag rtsa nas 'byin par ngas bshad do zhes ji skad gsungs pa bzhin no/ /gnyen po'i stobs kyis kyang rnam par dag par byed de/ dper na mdza' bo'i du mos ma la gnod pa byas pas kun nas bslang ba'i mi dge ba'i las kyis zhing gi khyad par las mthong ba'i chos nyid la rnam par smin pa'i 'bras bu ster bar zhugs te 'bras bu cung zad kyang lhag pa'i bsam pa'i khyad par skyes pa sems can gyi don du smon pa byang chub kyi sems bskyed pa kho nas de ma lus bar drungs phyung zhing bcom pa bzhin no/ /sems can gyi don du smon pa byang chub tu sems bskyed pa ci 'dra ba zhig yin zhe na/ smras pa/ 'gro ba thams cad na sems can gang su dag bdag dang 'dra bar ma la gnod pa byed par 'gyur ba de
- 198b
dag thams cad kyi don du spyi bor 'khor los bral ba'i sdug bsngal gyi phung po chen po mdza' yas ba sdug pa bdag kho nas 'khor ba ji srid du rgyun ma chad par myong bar gyur te/ 'dir nam yang sems can gcig kyang 'ong bar ma gyur cig ? bya ba yin no/ /rten gyi stobs kyis kyang dper na phag mo'i rtogs pa brjod pa las/ lha'i bu tshe zad pa 'ga' zhig grong gi phag mo'i mngal du skye bar byed pa nges par myong bar 'gyur ba'i las 'bras bu bskyed pa la mngon du phyogs par gyur la/ de yang gsum la skyabs su song pa tsam gyis thams cad gtan du drungs phyung nas sum cu rtsa gsum pa'i lha rnams nas shi 'phos nas dga' ldan gyi lha rnams kyi nang du skyes pa bzhin no/ /chos thams cad bdag med par rtogs pa las kyang gtan rtsa ba nas phyung bar 'gyur te/ ji skad du las kyi sgrib pa rnam par spyod ba'i mdo las dper na dge slong gzhan zhig gis mi tshangs par spyod pa dang/ mi gsong pa'i phas pham pa gnyis byas te/ phyi nas de skyo ba skyes shing snying la gdung pa skyes par gyur te/ smyon pa bzhin du gtsug lag khang nas gtsug lag khang dang/ grong nas grong dang srang nas srang du rgyu zhing skye bo thams cad kyi mdun du bdag bcom mo/ /bdag bcom mo zhes yang dag par sgrogs te/ yang nas yang kyi hud kyi hung zhes zer zhing sdigs bshags pa'i stobs kyis 'dor bar byed pa nas las de bsrabs pa'i bar du byas par gyur to/ de de ltar sems shin tu gdungs par gyur pa na mngon par shes pa thob pa'i byang chub sems dpa' gzhan zhig gang gis chos zab mo de lta de lta bu bstan pas chos thams cad bdag med pa nyid rtogs nas thams cad nas thams cad rnam pa thams cad nas sdig pa de thams cad drungs phyung nas mi skye ba'i chos la bzod pa thob par gsungs pa bzhin no/ /zab mo'i
- 199a
chos la lhag par mos pa 'di ni lhung ba dang 'gyod pa thams cad sel ba dang/ las kyi sgrib pa thams cad rnam par sbyong bar byed pa yin no zhes de ltar dad par bya ste/ ji skad du 'phags pa de bzhin gshegs pa'i mdzod kyi mdo las/ 'od srungs gang zhig ba yang yin la rang sangs rgyas kyang yin pa de srog dang bral bar byed pa 'di ni srog gcod pa rnams kyi nang na lci ba yin no/ /'di lta ste dkon mchog gsum gyi dkor 'phrog ba 'di ni ma byin par len pa rnams kyi nang nas lci ba yin no/ /'di lta ste ma yang yin la dgra bcom pa yang yin pa de la log par bsgrub pa 'di ni 'dod pas log par spyod pa rnams kyi nang na lci ba yin no/ /'di lta ste de bzhin gshegs pa la skur pa 'debs pa 'di brdzun du smra ba rnams kyi nang na lci ba'o/ /'di lta ste dge 'dun gyi dbye na byed pa 'di ni phra ma rnams kyi nang na lci ba yin no/ /'di lta ste 'phags pa rnams la gshe ba 'di ni tshig rtsub mo rnams kyi nang na lci ba yin no/ /'di lta ste chos 'dod pa rnam par g.yeng ba 'di ni nag 'khyal ba rnams kyi nang na lci ba'o/ /'di lta ste yang dag par song ba rnams dang/ yang dag par zhugs pa rnams kyi rnyed pa 'phrog par sems pa 'di ni brnab sems kyi nang na lci ba'o/ /'di lta ste mtshams med pa nye bar rtsom pa 'di ni gnod sems kyi nang na lci ba'o/ /'di lta ste lta ba shin tu thibs por gyur pa 'di ni log par lta ba rnams kyi nang na lci ba yin te/ mi dge ba'i las kyi lam bcu po 'di dag thams cad ni kha na ma tho ba chen po yin no/ /'od srungs gal te sems can cig 'ga' la la zhig mi dge ba bcu'i las kyi lam gyi las kha na ma tho ba chen po 'di dag dang ldan par gyur la/ de yang de bzhin gshegs pa'i chos sman? pa rgyu rkyen du ldan pa la 'jug ste/ 'di la gang zhig byed pa 'am gang gis myong bar byed pa'i bdag gam/ sems can nam/ srog
- 199b
gam/ gang zag ni 'ga' yang med do snyam zhing de ltar chos thams cad bcos bu nyid dang/ mngon par 'dus ma byas pa nyid dang/ kun nas nyon mongs pa med pa nyid dang/ sgyu ma'i chos nyid dang/ rang bzhin gyis 'od gsal ba nyid la 'jug cing/ chos thams cad gdod ma nas rnam par dag pa nyid la mngon par dad par byed/ lhag par mos par byed na sems can de ngan song du 'gro bar nga mi smra'o/ /de ci'i phyir zhe na/ nyon mongs pa rnams la ni tshogs su gyur ba yod pa ma yin te/ nyon mongs pa thams cad kyi skye ba dang 'jig pas nyams par gyur pa/ rgyu dang rkyen tshogs pa las skye zhing skyes ma thag tu yang 'gag par gyur pa ste/ skye ba'i 'jig pa gang yin pa de ni nyon mongs pa rnams thams cad kyi yang 'jig pa yin no zhes de ltar mos pa gang yin pa de la ni ltung ba med cing ltung ba'i gnas yod pa ma yin no/ /sgrib pa med pa la ltung ba gnas par 'gyur ba gang yin pa de ni gnas ma yin zhing go skabs med do/ /zhes gsungs pa bzhin no/ /de bzhin du byang chub kyi sems bskyed pa mngon du byas pa nyid las kyang ltung? bas kun nas bslang ba'i mi dge ba 'di shin tu bsal bar gyur pa yin te/ ji skad du 'phags pa nye bar 'khor gyis zhus pa'i mdo las/ gal te byang chub sems dpa' snga dro'i dus na ltung ba dang bcas pa nyi ma phyed na byang chub kyi sems mngon du byed na byang chub sems dpa' de'i tshul khrims kyi phung po ni mdza' med pa nyid du rig par bya'o/ /de bzhin du nyi ma phyed na ltung ba dang bcas pa phyi dro'i dus na byang chub kyi sems mngon du byed na byang chub sems dpa' de'i tshul khrims kyi phung po mdza' med pa nyid du rig par bya'o zhes gsungs pa bzhin no/ /de skad du 'phags pa sdong po dkod pa'i mdo las kyang/ rigs kyi bu byang chub kyi sems ni nyes par byas pa thams cad nges par sreg pa nyid kyis bskal pa sreg pa'i me lta bu'o
- 200a
zhes bya ba la sogs pa gsungs pa'o/ /sum brgya pa las kyang/ rab 'byor rigs kyi bu 'am rigs kyi bu mo gang dag 'di lta bu'i rang bzhin gyi mdo sde 'di dag 'dzin par 'gyur ba dang/ 'chang bar 'gyur ba dang/ klog par 'gyur ba dang/ kun chub par byed par 'gyur ba de dag ni gdud par 'gyur shin tu gdung bar 'gyur te/ de ci'i phyir zhe na/ sems can de dag ni tshe rabs snga ma'i mi dge ba'i las ngan song 'grub pa dang rjes su mthun pa byas pa gang yin pa de dag mthong ba'i chos nyid la yongs su longs spyod pas na sngon gyi mi dge ba'i pas de dag zad par 'gyur ba'i phyir ro zhes gsungs te/ de lta bu la sogs pa'i tshul gyis nges par myong bar 'gyur ba'i sdig pa'i las shin tu yongs su dag par byas par 'gyur ro zhes bstan pa yin no/ /kha cig 'di skad ces sdig pa'i las chung ngu dang 'bring dag ni sdig pa bshags pa la sogs pa'i stobs kyis shin tu sgal bar 'gyur mod/ mtshams med pa la sogs pa las lci ba rnams kyi thams cad rtsa ba nas byang bar ji ltar 'gyur zhes zer ba gang yin pa de dag la brjod pa/ bsam pa chung ngu dang 'bring dang chen po'i dbye ba las rgyal po ma skyes dgra la sogs pa mtshams med pa byed pa gang yin pa rnams kyis mnar med par bskal pa'am bskal pa dang nye ba 'am bskal pa phyed du gnas par bya dgos pa shin tu 'gyod pa'i sems gdung bar 'gyur ba de dag gi las rnams yang dag par bshags pa la sogs pa'i stobs kyis bsrabs par gyur pa yin te/ 'di lta ste de la las des 'bras bu pho long ltung ba'i dus tsam zhig yang dag par myong bar gyur to zhes gsungs pa yin no/ /des na da tsam gyis las de shin tu rtsa ba nas byung bar don la ma song dam ci/ gshol cig gis ma rmos pa nyid du 'gyur ba ni ma yin no//
- 200b
gal te sbrang bu'i rkang pa tsam gyis khyad par can yang ma 'gyur bar nges ba'i las gyi tshogs yongs su zad par ji ltar 'gyur zhe na/ de yang gal te gnyen po'i sems pa 'jug pa 'bad na zad par 'gyur ba kho na'o/ /'o na bskal pa bye ba brgyar yang ni/ las rnams chud mi za ba de/ /tshogs shing dus la bab pa na/ /lus can rnams la 'bras bu 'byin zhes bya ba la sogs pa gsungs pa gang yin pa de ji ltar drang zhe na/ las gang dag snam par sun 'byin pa kun tu spyod pa la sogs pa'i stobs kyis ma spangs shing ma bsrabs pa de dag la de skad bstan par bya'o/ /de skad du yang/ mi mkhas sdig pa cung zad byas kyang 'gro 'gro zhing/ /mkhas pas chen po byas kyang don med rab spong ste/ /lcags ni chung yang chu steng bzhag na nub 'gyur pa/ /de nyid che yang snong du byas na lding ba bzhin zhes gsungs so/ /myong bar ma nges pa'i sdig pa'i las dus gsum pa bgrang ba las 'das pa gang yin pa de yang yongs su dag par byed pa ni ngan song du skyes pa'i sems can rnams la phan pa dang bde ba dang nye bar bsgrub pa'i phyir las la dbang ba nyid kyis phyogs bcu rnams su cig car kho nar 'khor ba ji srid kyi bar du rgyun mi 'chad par de dang skal pa mnyam pa'i skye ba dang/ mdog dang dbyibs dang tshang kyi dbye ba tha dad pa'i rnam par smin pa skyes pas nges par byed pa dang dge ba'i las kyi stobs srid pa'i 'bras bu skyed par nus pa de yang yongs su dag par byed do/ /ji ltar zhe na/ rnam par smin pa'i 'bras bu spangs nas byang chub nyid du smon lam gyis yongs su bsngo bar byed pas nges par byed pa dang gzugs dang gzugs med pa na spyod pa/ mi g.yo ba'i las bsam gtan dang/ gzugs med pas kun nas bslang ba de'i las kyang de nyid yin te/ de yang bsal nas las la dbang ba nyid ji ltar 'dod pa bzhin sems can gyi don du
- 201a
nges par brtson par byed pa ste/ 'dir sbyor bar byed pa ni 'di yin no/ /nyon mongs stobs rnams kun tu 'joms byed de zhes bya ba la/ lus dang sems kyi rgyud nyon mongs par byed pas nyon mongs pa ni 'dod chags la sogs pa'o/ /de dag gi stobs ni gang gi dbang gis 'gro ba mdza' dag bgrod par bya ba dang/ bgrod par mi bya ba dang/ phan pa dang ma yin pa dang/ lci ba dang/ yang ba la sogs pa thams cad mi shes par 'gyur ba shas cher 'jug pa nyid do/ /de 'joms par byed pa ni mi sdug pa la sogs pa bsgoms pa dang/ 'jig rten pa'i lam gyis zil gyis gnon bar byed pa ste/ mdor na nyon mongs pa la dbang bas de dag nyid byang chub gyi yan lag tu sgom par byed pa'o/ /bdud kyi stobs rnams stobs med rab byed cing zhes bya ba la/ bdud ces bya ba ni lha'i bu la sogs pa ste/ de rnams kyi stobs ni byang chub sems dpa' i spyod pa la sogs pa la bar chad byed bar nus pa de stobs med par rab tu byed pa ni mngon par shes ba'i stobs kyis gzi brjid med cing mthu med ces bya bar sgrub cing ngo/ /bzang po spyod pa'i stobs kun rdzogs par gyi zhes bya ba la/ bzang po spyod pa'i stobs ni mthun pa'i phyogs kyis zil gyis mi non pas lhun gyis grub par 'jug pa nyid do// kun zhes bya ba ni de ma lus pa'o/ /rdzogs par bgyi zhes bya ba ni sngar brjod pa rdzu 'phrul gyi stobs la sogs pa rnam pa bcu dang/ bshad ma thag pa'i gnyen po rnam pa gsum pa 'dis rdzogs par bgyi ba'o/ /da ni rnam pa bcu bzhi pa byang chub sems dpa' rnams kyi las gang yin pa de ston no/ /las de yang sangs rgyas kyi zhing yongs su sbyong ba la sogs pa rnam pa brgyad tshigs su bcad pa gnyis kyis gsungs pa ni/ zhing rnams rgya mtsho zhes bya ba la sogs pa gang yin pa ste/
- 201b
bde ba can dang pad+ma can la sogs pa lta bu sangs rgyas kyi zhing rgya mtsho skad cig re re la rnam par dag par byed pa dang/ de bzhin du 'khor ba'i btson dang nyon mongs pa'i lcags sgrog gis 'ching bas nye bar bcings pa'o/ /sems can rgya mtsho rgyu? 'phrul dang kun rjod pa'i cho 'phrul gnyis kyis mgu bar byas nas rjes su bstan pa'i cho 'phrul gyis rnam par grol bar byed ba dang/ chos rnams rgya mtsho zhes bya ba ni bstan pa'i chos rgya mtsho dang/ rtogs pa'i chos rgya mtsho rnams shes rab kyi mig gis skad cig so so la mthong bar byed lta bar byed ba dang/ shes bya mdza' yas pa nyid kyis ye shes mdza' yas ba yin pa de bas na/ ye shes rgya mtsho zhes gsungs ba'i ye shes rgya mtsho de dag skad cig so so la 'jug cing rtogs par byed pa de mngon du mthong ba zheS bya ba'i don dang/ spyod pa rgya mtsho zhes bya ba la sogs pa ni byang chub kyi spyod pa rgya mtsho dang/ bzang po spyod pa'i spyod pa gnyis ka gzung bar rigs te/ khyad par med pa'i phyir ro/ /de la byang chub kyi spyod ba ni sangs rgyas kyi chos sgrub par byed pa ye shes kyi tshogs so/ /bzang po spyod pa yang 'gro ba mdza' dag la phan pa dang bde ba bskyed pa dang rjes su mthun pa bsod nams kyi tshogs so/ /gzhan yang bzang po spyod pa yang byang chub kyi spyod pa kho na te/ gnyis ka yang sangs rgyas thob par byed pa yin pa'i phyir ro/ 'on kyang dngos dang brgyud pa'i zhes bya ba'i khrud bar de tsam du zad de/ spyod pa rgya mtsho de dag mngon par shes pa'i stobs kyis skad cig re re la yang rnam par spyod zhing dri ma med par byed pa dang/ skad cig re re la smon lam rgya mtsho tshul khrims dang ting nge 'dzin gyi stobs kyis rab tu rdzogs par byed pa dang/ skad cig re re la phyogs bcu'i sangs rgyas rgya mtsho nam mkha' khyab pa'i mchod ba rnams kyis rab tu mchod par byed cing/ bskal pa rgya mtshor mi skyo bar spyad par bgyi ste/ mi skyo ba'i sems kyis
- 202a
mchod par bgyi'o/ /rnam pa bco lnga la ni sangs rgyas dang byang chub sems dpa' i rjes su slob pa'i yongs su bsngo ba'o/ /de yang rnam pa gnyis las/ de la de bzhin gshegs pa'i rjes su bslab pa'i yongs su bsngo? ni/ /gang yang dus gsum gshegs pa rgyal ba yi zhes bya ba la sogs pa gang gsungs pa yin te/ gang yang dus gsum gshegs pa rgyal ba rnams kyis byang chub sems dpa' i spyod pa'i smon lam gyi bye brag de kun ma lus par bdag gis rdzogs par byas shing yang dag par bsams nas/ bzang po spyod pa zhes bya ba bzang po'i spyod pas byang chub 'tshang rgya bgyi zhes bya ba bla na med pa yang dag par rdzogs pa'i byang chub par bya'o/ /lus dang ngag dang yid dang spyod pa dang zhing dang smon lam rnam par dag pa rnams kyis 'phags pa kun tu bzang po la sogs pa byang chub sems dpa' i rjes su slob par yongs su bsngo ba ni/ rgyal ba kun gyi sras kyi thub bo ba zhes bya ba la sogs pa gang gsungs pa yin te/ byang chub semS dpa' rnams kyis kun tu bzang po'i spyod pa gang yin pa dang/ de bzhin du byang chub sems dpa' i rnam par thar pa gang ji snyed pa dang/ byang chub sems dpa' i ting nge 'dzin ji snyed pa dang/ mdor bsdus na de lta bu la sogs pa byang chub sems dpa' i yon tan ji snyed pa de snyed thams cad kyis pha rol tu phyin pa nges na byang chub sems dpa' sems dpa' chen po 'phags pa kun tu bzang po ni sras kyi thu bo pa yin no/ /thu bo zhes bya ba la sogs pa la/ rgyal ba thams cad kyi sras kyi thu bor gyur pa byang chub sems dpa' sems dpa' chen po 'phags pa kun tu bzang po zhes bya ba'i ming gang la yod pa'i mkhas pa de dang zhes bya ba la mkhas pa de nyid dang/ mtshungs par spyod pa'i phyir zhes bya ba ni bskal pa 'di yi bar du spyad pa'i phyir
- 202b
na ji skad bstan ba'i dge ba 'di dag thams cad skad cig re re la yongs su bsngo zhes pa'o/ /lus dang ngag dang yid kyang zhes bya ba la sogs ba ni/ lus dang ngag dang yid rnam par dag ba dang zhing rnam par dag pa'o/ /mkhas ba bzang po'i zhes bya ba ni mkhas pa 'phags pa kun tu bzang po'o/ /bsdong ba zhes bya ba ni yongs su bsngo byed pa'o/ /ci 'dra ba zhes bya ba ni ji lta bar ro/ /de 'dra zhes bya ba ni de 'dra ba kho nar bdag kyang de dang zhes bya ba ni 'phags pa kun tu bzang po dang mnyam par shog cig pa'o zhes bya ba ni bzang po spyod pa'i don du'o/ /kun nas dge ba bzang po zhes bya ba ni thog ma dang bar dad tha mar dge zhing shis la legs pa'o/ /'jam dpal gyis ni smon lam zhes bya ba ni 'phags pa 'jam dpal gyi smon lam la spyad par bgyi ba'o/ /de'i smon lam gang yin zhe na/ ji skad du 'phags pa 'jam dpal rgyal po nam mkhar gyur pas/ 'khor ba tha ma med pa yi/ sngon gyi tha ma ji srid pa/ de srid sems can phan don du/ spyod pa dpag yas spyad par bgyi zhes bya ba la sogs pa rgya cher gsungs pa bzhin no/ /ma 'ongs bskal pa kun tu mi skyo bar zhes bya bar ni ma 'ongs pa'i bskal pa ma lus pa thams cad du yid mi skyo zhing bsam pa gzhan med par sangs rgyas dang byang chub sems dpa' i bya ba ste/ las de dag ma lus par rdzogs par bgyi'o/ /rnam pa bcu drug pa sbyor ba dang/ /yon tan tshad med pa dang/ /spyod pa la gnas pa rnams kyis gsungs pa ni/ /spyod pa dag ni tshad yod ma gyur cig ces bya ba la sogs pa gang gsungs pa yin te/ bdag gi spyod pa rnams tshad med par gyur cig /yon tan rnams kyang tshad med par gyur cig/ spyod pa chad med pa dang yon tan tshad med pa rnams la gnas nas kyang sangs rgyas dang byang chub sems dpa' de dag gi rnam par 'phrul pa rmad du byung ba'i rdzu 'phrul
- 203a
la sogs pa thams cad kyi che 'tshal bar bgyi ba'o/ /de rnams ni brgyad pa de'i rab tu dbye ba rnam pa bcu drug yin no/ /da ni don dgu pa de'i mthar thug pa ji srid du gyur pa dang/ sems can gyi khams thams cad kyi mthar ji srid pa dang/ 'gro ba las kyi mdza' ji srid pa dang/ nyon mongs pa'i mdza' ji srid pa de srid par gyur pa dang/ bdag gi kun tu bzang po'i spyod pa'i smon lam gyi mdza' 'di yang de srid du gyur cig pa ste/ nam mkha' la sogs pa ni mthar thug cing yongs su rdzogs pa med pa de bzhin du bdag gi smon lam mthar thug cing yongs su rdzogs pa med par gyur cig pa'o/ /don bcu pa ni smon lam gyi phan yon yin no/ /de yang rnam pa gnyis te/ mthong ba'i chos dang ldan pa dang/ pha rol dang ldan pa'o/ /de la mthong ba'i chos dang ldan pa ni rnam pa bzhi ste/ 'di lta ste khyad par can gyi bsod nams yongs su 'dzin pa dang/ de bzhin gshegs pa mthong ba dang/ byang chub sems dpa' dang skal ba mnyam pa nyid thob pa dang/ las kyi sgrib pa yongs su zad pa'o/ /de la zhing khyad par du 'phags pa dang yongs su 'dzin par byed pa'i dngos po rab tu mang zhing rgya che ba rnam pa sna tshogs pa phul ba'i bsod nams kyi dpes byang chub don tu gnyer bar gyur pa smon lam la mos pas bsod nams khyad par du 'phags pa mchog yongs su 'dzin pa ni/ gang yang phyogs bcu'i zhing rnams zhes bya ba la sogs pa ste/ rigs kyi bu 'am rigs kyi bu mo gcig po gang zhig gis/ phyogs bcu'i sangs rgyas kyi zhing mdza' yas mu med pa rnams/ gos dang blar dang gdugs dang rgyal mtshan dang ba dan dang rnams sna tshogs pa dang sa'i snyan dang rin po che dang/ dril bu dang/ phreng ba dang/ me tog dang/ bdug pa dang/ mar me'i phreng ba la sogs pa lha dang mi'i las 'das pa rnams kyis brkyan?
- 203b
dang/ lha dang mi'i bza' ba dang bca' ba la sogs pa ro lnga brgya dang ldan pa mchog du bde ba bskyed par byed pa rnams sangs rgyas kyi zhing gi rdul dang mnyam pa'i bskal par sangs rgyas bcom ldan 'das rnams la sbyin pa phul ba dang/ gzhan gang? zag gang gis bsngo ba'i rgyal po 'di thos nas mos shing ste/ 'di kho na ltar yin no zhes lan cig tsam yang zhes bya ba dus cig gi tshe dang ba bskyed pa'o/ /des su yin zhe na/ byang chub mchog ni rab tu don gnyer ba ste/ theg pa chen po pa'o/ /des ni sbyin ba las byung ba'i bsod nams dam pa mchog tu gyur pa 'di thob pa 'gyur ro/ /gang dag gi ltar na don gyis na skyes bu de'i zhes bya ba yin te/ de'i bsod nams 'di ni dag pa mchog tu 'gyur ba zhes bya ba yin no/ /log par ltung ba dang grogS pa ngan pa spangs pas de bzhin gshegs pa mthong ba ni/ gang zhig gi bzang po spyod pa'i smon lam 'di btab pas zhes bya ba la sogs pa'o/ /des ni ngan song gsum po thams cad spangs par 'gyur zhing/ des ni nyan thos la sogs pa grogS po ngan pa mi dge ba'i bshes gnyen rnams spangs par 'gyur ro/ /'chi ba'i dus na bcom ldan 'das de bzhin gshegs pa snang ba mdza' yas de yang myur du mthong bar 'gyur ro/ /sus mthong zhe na/ bzang bo spyod pa 'di'i don dang gzhung gi sgo nas su'i? snying du chud pa des so/ /rnyed ma dang 'tsho ba dang skye ba rab tu bsngags pa thob pa'i phyir byang chub sems dpa' dang skal ba mnyam pa nyid thob pa ni de dag rnyed pa rab rnyed ces bya ba la sogs pa gang gsungs pa yin te/ de dag gis ni smon lam rin po che bla na med pa rab tu rnyed pa yin no/ /smon lam rin po che bla na med pa 'di rnyed pa'i phyir ni de dag ni bde bar 'tsho ba yin no/ /de nyid kyi phyir mchog tu gyur pa thob par bya ba'i dngos po skye bas thob pa'i phyir mi tshe 'dir yang legs par te dge bar 'ongs pa yin
- 204a
la/ 'phags pa kun tu bzang po de ci 'dra bar de dag kyang ring po mi thogs par de bzhin du 'gyur ro/ /bzhi pa las kyi sgrib pa zad pa'i phan yon ni/ mtshams med lnga po dag gi sdig pa rnams zhes bya ba la sogs pa gang gsungs pa yin te/ ma bsad pa la sogs pa mtshams med pa lnga'i sdig pa rnams gang gis mi shes pa'i dbang gis byas pa dag ste/ mi shes pa'i rtsa ba can yin pa'i phyir 'dod chags la sogs pa gang yang rung ba dag ni mi shes pa'i dbang gis byas pa zhes brjod do/ /ji skad du brjod pa nges par 'dzin pa'i phyir rab tu dang ba'i chus brlan zhing legs par gyur pa'i yid dang ldan pa de yis bzang spyod smon lam 'di brjod na te/ lhag par mos pas brjod pa dang/ 'jig pa dang 'gro ba mdza' dag la nyin mtshan du ston par byed na mtshams med pa dag myur du ma lus bar yongs su byang bar 'gyur te drungs phyung zhing zad par 'gyur ro/ /pha rol dang ldan pa gang rnam pa gnyis te/ rgyus bsdus pa dang/ 'bras bus bsdus pa'o/ /de la rgyus bsdus pa ni gzugs dang/ mtshan dang/ dpe byad dang/ rigs dang/ rus dang/ gnod pa med pa dang/ mchod par bya ba nyid kyis mtshan nyid de/ /ye shes dang ni zhes bya ba la sogs pa gang gsungs pa yin te/ ye shes zhes bya ba ni spyod pa thams cad yang dag par 'grub pa'o/ /gzugs zhes bya ba ni yid 'phrogs pa'i gzugs so/ /mtshan zhes bya ba ni skyes bu chen po'i mtshan sum cu rtsa gnyis te/ dbu gtsug tor dang ldan pa la sogs pa dang/ mtshan gyi 'khor du gtogs pa'i phyir dpe byad de rnams dang yang ldan pa nyid du nges par bya'o/ /rigs zhes bya ba ni bram ze dang rgyal rigs gang yang rung ba'i rigs so/ /dus? zhes bya ba ni thams cad las khyad par du 'phags pa mngon par shes par gyur pa ste
- 204b
de dag dang ldan par 'gyur zhes bya ba la/ ldan pa ni rtag tu yang dag par ldan zhing 'brel ba'o/ /'gyur ba ni grub pa'o/ /bdud dang mu stegs tshogs kyis mi thub ces bya ba ni gang zhig kun tu bzang po'i spyod pa'i smon lam 'di 'dzin ba dang ston par bya? pa de ni bdud dang mu stegs pa'i tshogs rnams kyis mi thub cing zil gyis mnon pa dang/ 'jig rten gsum po thams cad du mchod par 'gyur ro/ /'bras bus bsdus pa ni byang chub kyi snying por 'gro ba dang/ seng ge'i khri la bzhugs par ston pa? dang/ bdud 'dul ba dang/ mngon par byang chub pa dang/ chos kyi 'khor lo bskor ba la sogs pa'i mtshan nyid de byang chub shing dbang drung du de myur 'gro zhes bya ba la sogs pa gang gsungs pa yin te/ gang la bzang po spyod pa bla na med ba'i rin po che 'di yod cing bsod nams dang ye shes kyi tshogs bsags pa de ni byang chub shing gi dbang po'i drung du myur du 'gro la/ byang chub kyi shing gi drung du song nas kyang/ sems can thams cad la phan pa sgrub pa'i don du seng ge'i khri la/ skyil mo krung bcas nas 'dug ste/ 'dug nas kyang bdud kyi sde pham par byas nas/ de'i 'og tu bla na med pa yang dag par rdzogs pa'i byang chub tu mngon par sangs rgyas nas bla na med pa'i chos kyis 'khor lo bskor bar byed cing mdor bsdus te ston bar byed ces pa'i don to/ /gzhan yang 'jig rten pa dang 'jig rten las 'das pa'i phun sum tshogs pa ma lus pa thob pa'i phan yon ni gang yang bzang po spyod pa'i smon lam 'di zhes bya ba la sogs pa gsungs pa yin te/ gang la la zhig bzang po spyod pa'i smon lam 'di 'chang zhing ston pa dang/ klog par byed pa de'i rnam par smin pa gang yin pa ni 'jig rten 'dir sangs rgyas te/ rje btsun bcom ldan 'das nyid kyi mkhyen par 'gyur gyi/ gzhan nyan thos dang rang sangs rgyas rnams kyi
- 205a
ni ma yin no/ /smon lam rin po che 'di'i rnam par smin pa ci 'dra ba zhig yin par mkhyen zhe na/ gsungs pa ni/ byang chub mchog la zhes bya ba ni 'bras bu bla na med pa gang dag par rdzogs pa'i byang chub bo/ 'jig rten pa'i 'phun sum tshogs pa 'di med na mi 'byung ba'i phyir na/ 'jig rten pa'i phun sum tshogs pa ma lus pa thob pa'i phan yon yang don gyis brjod pa nyid du blta bar bya'o/ /de'i phyir smon lam 'di la som nyid ma byed tshig ste/ the tshom ma skyed cig pa'o/ /da ni bar gyi yongs su bsngo ba gsungs pa ni/ 'jam dpal dpa' bo ji ltar mkhyen pa dang zhes bya ba la sogs pa ste/ ji ltar 'phags pa 'jam dpal dang/ ji ltar byang chub sems dpa' kun tu bzang pas mkhyen pa bzhin du/ de dag gi ni rjes su bdag slob cing/ dge ba 'di dag thams cad rab tu bsngo zhes bya ba 'di ni byang chub sems dpa' i yongs su bsngo ba'o/ /da ni gnyis pa de bzhin gshegs pa'i yongs su bsngo ba gsungs pa ni/ dus gsum gshegs ba'i rgyal ba thams cad kyis zhes bya ba la sogs pa ste/ dus gsum gshegs pa rgyal ba thams cad kyis/ bsngo ba gang la mchog tu bla na med par bsngags shing phan yon yon tan brjod pa'i yongs su bsngo ba nges bdag gi dge ba'i rtsa ba'i tshogs rgya mtsho dang ldan pa 'di dag kun kyang bzang po spyod pa mchog tu bsngo bar bgyi zhes bya ba'o/ /de ni tshigs su bcad pa phyed kyis sgribs ba dang bral ba nyid dang phyed phyi mas pha rol phyin pa dang rjes su mthun pa'i bdag gi dngos po yongs su 'dzin pa gsungs pa ni/ bdag ni 'tsho ba'i dus byed gyur pa na zhes bya ba la sogs pa ni 'chi ba'i dus byed gyur pa ni? tshe 'dir bar chad byed ba'i dus su ste/ 'chi ba'i tshe sgrub
- 205b
pa gang dag cung zad yod pa de dag bzang po spyod pas bzlog nas/ mngon sum du bcom ldan 'das snang ba mdza' yas de mthar nas bde ba can gyis sangs rgyas kyi zhing der rab tu 'gro ba'o/ /der song nas ni zhes bya ba la sogs pa la/ bde ba can gyi sangs rgyas kyi zhing der song nas kyang ji skad bstan pa'i smon lam 'di dag thams cad kyang ma lus par bdag gis mngon sum du gyur par shog cing/? /de dag kyang bdag gsam lus par yongs su rdzogs par byas te bskangs nas/ sems can thams cad la phan par bgyi'o/ /dus ji srid du zhe na/ 'jig rten ji srid ces bya bas te/ 'gro ba ji srid par zhes bya ba'i don to/ /lung bstan pa thob pa dang/ /sems can gyi don grub pa ni lhag mas so/ /ji ltar zhe na/ rgyal ba'i dkyil 'khor bzang zhing dga' ba der zhes bya ba la sogs pa ste/ rgyal ba'i dkyil 'khor zhes bya ba ni de bzhin gshegs pa 'khor gyi dkyil 'khor du'o/ /bzang zhing zhes bya ba ni dga' bar bya ba'o/ /de ni de lta bu der ro// pad+ma dam pa ni pad+ma mchog ste/ rin po che sna tshogs kyi rang bzhin can no/ /bstan pa mdzes pa ni 'od dang ldan pa ste 'od zer gyi dra bas 'phro ba'o/ /skyes zhes bya ba ni byung bar gyur pa'o/ /bcom ldan 'das snang ba mdza' yas de'i mngon sum du 'dis lung ston par byed pas na lung bstan pa ste/ dus 'di tsam na 'jig rten gyi khams che ge mo zhes bya ba zhig tu de bzhin gshegs pa dgra bcom pa yang dag par rdzogs pa'i sangs rgyas che ge mo zhes bya ba zhig tu 'gyur ro/ / zhes bya ba rnam pa de lta bu'i lung bstan pa der rgyal ba de'i thod nas thob par shog cig pa'o/ /de las zhes bya ba ni bcom ldan 'das 'od dpag med de las lung bstan pa thob ste/ de nas sprul pa bye ba phrag brgya yis te/ sprul pa'i sprin
- 206a
rnams kyis phyogs bcu po rnams su khyab par byas nas chags pa med cing thogs pa med pa'i ye shes kyi che ba'i bdag nyid kyi blo'i stobs kyiS phyogs bcu'i 'gro ba thams cad du sems can rnams las? ni? pa mang po bgrang ba las 'das pa rnams 'gro ba ji srid kyi bar du skad cig re re las bgyi zhing nye bar bsgrub par bgyi'o zhes bya ba'i don to/ /smon lam rgyal bo 'di la bshad sbyar byas pa las/ /bsod nams dri med dag ba thob pa gang yin de'i/ rgyu mthun pa ni btang zhing yongs su bsngos pa yin/ /'gro don bsgrub phyir 'di ni yang yang byed par shog /'phags pa kun tu bzang po'i spyod pa'i smon lam gyi rgyal po'i bshad sbyar slob dpon klu sgrub kyi zhal snga nas mdzad pa rdzogs so// // kha che'i mkhan po thig le bum pa dang/ sgra bsgyur gyi lo tsA ba chen po shAkya'i dge slong blo ldan shes rab kyis bsgyur cing zhus te gtan la phab pa'o// //bzang spyod kyi 'grel pa phyogs kyi glang pos mdzad pa bzhugs so// // rgya gar skad du/ samAn+ta b+ha dra tsarya praNid+hAna arba saM gra ha kri ti A tsarya dig? nA ga pA da nan?/ bod skad du / kun tu bzang po'i spyod pa'i smon lam gyi don kun bsdus te slob dpon phyogs kyi glang pos mdzad pa/ sangs rgyas dang byang chub sems dpa' thams cad la phyag 'tshal lo/ /kun tu bzang po'i spyod pa'i smon lam la don rnam pa bcu yod de/ 'di lta ste/ de bzhin gshegs pa la phyag bya ba dang/ de la mchod pa dang/ nyes pa bshags pa dang bsod nams kyi rjes su yi rang ba dang/ chos kyi 'khor lo rab tu bskor bar bskul ba dang/ de bzhin gshegs pa bzhugs par gsol ba dang/ dge ba'i rtsa ba rab tu bsags pa yongs su bsngo ba dang/ de'i rab tu dbye ba dang/ de'i
- 206b
mdza' dang/ de'i legs pa'o/ /de la phyogs bcu'i zhing dang dus thams cad du gshegs pa'i sangs rgyas rnams la lus dang ngag dang yid kyis phyag bya ba las brtsams te gsungs pa/ ji snyed su dag phyogs bcu'i zhes bya ba la sogs pa'o?// lus kyis ni/ zhing gi rdul snyed la sogs pa'o/ /yid kyi ni/ rdul gcig steng na rdul snyed la sogs pa'o/ /ngag gis ni/ de dag bsngags pa mi bzang rgya mtsho zhes bya ba la sogs pa'o/ /mchod pa ni rnam pa gnyis te/ bla na yod pa dang bla na med pa'o/ /bla na yod pa ni tshigs su bcad pa gnyis kyis bstan te/ me tog dam pa zhes bya ba la sogs pa'o/ /bla na med pa ni/ mchod pa gang rnams bla med ces bya ba la sogs pa'o/ /rang bzhin dang gzhi dang gnas kyi nyes pa bshags pa las brtsams te gsungs pa/ 'dod chags zhe sdang gti mug ces bya ba la sogs pa'o/ /bsod nams kyi rjes su yi rang ba'i dbang du byas te gsungs pa/ phyogs bcu'i zhes bya ba la sogs pa'o/ chos kyi 'khor lo rab tu bskor bar bskul ba las brtsams te gsungs pa/ gang rnams phyogs bcu'i 'jig rten sgron ma zhes bya ba la sogs pa'o/ /de bzhin gshegs pa bzhugs par gsol ba ni/ mya ngan 'das ston gang bzhed ces bya ba la sogs pa'o/ /dge ba'i rtsa ba rab tu bsags pa yongs su bsngo ba ni/ phyag 'tshal ba dang zhes bya ba la sogs pa gsungs pa'o/ /kun tu bzang po'i smon lam rab tu dbye ba ni rnam pa bcu drug go /'di lta ste/ bsam pa dang/ byang chub kyi sems mi brjed pa dang /mi chags pa'i sbyor ba dang/ sems can la phan gdags pa dang/ go cha dang/ skal pa mnyam pa'i byang chub sems dpa' dang 'grogs pa dang/ dge ba'i bshes gnyen dang 'grogs pa dang/ de bzhin gshegs pa mngon du 'gyur ba dang /dam
- 207a
pa'i chos yongs su gzung ba dang/ mi zad pa'i mdzod rab tu rnyed pa dang/ 'jug pa dang/ stobs dang/ gnyen po dang/ las dang/ rjes su slob bar bsngo ba dang/ bsdu ba'o/ /des bsam pa ni rnam la gsum sto/ de bzhin gshegs pa'i dgongs pa yongs su bskang ba'i bsam ba ni gang gsungs pa/ 'das pa'i sangs rgyas rnams dang zhes bya ba la sogs pa'o/ /sangs rgyas kyi zhing yongs su byang ba'i bsam pa ni/ phyogs bcu ga la'i zhing zhes bya ba la sogs pa'o/ /sems can la phan pa dang bde ba'i bsam pa ni gang gsungs pa/ phyogs bcu'i sems can zhes bya ba la sogs pa'o/ /gnyen po dang bcas pas mi mthun pa'i phyogs sbang ba bstan bas ni byang chub kyi sems mi nyams pa ste gang gsungs pa/ byang chub spyod pa dag ni bdag spyod cing zhes bya ba la sogs pa'o/ /gang las ci la ji ltar mi chags pa'i sbyor ba de bstan pa'i phyir gsungs pa/ las dang nyon mongs bdud kyi las zhes bya ba la sogs pa'o/ /tshe 'di dang/ gzhan du sems can la phan pa'i dbang du byas te gsungs ba/ ngan song sdug bsngal rab tu zhi bar byed ces bya ba la sogs pa'o/ /sems can gyi spyod pa'i rjes su 'jug pa dang/ sangs rgyas kyi chos yongs su bskang? ba dang/ dam pa'i chos rab tu bstan pas go cha rnam ba gsum ste/ gang gsungs pa sems can rnams kyi spyod dang mthun par 'jug ces bya ba la sogs pa'o/ /lus dang ngag dang spyod pa dang smon lam gyi skal ba mnyam pa'i byang chub sems dpa' 'di 'grogs pa ste/ gang gsungs pa/ bdag gi spyod dang mthun par gang spyod pa zhes bya ba la sogs pa'o/ /phan pa'i bsam pa bstan pa dang/ nan tan gyi dge ba'i bshes gnyen gyi dbang du mdzad nas gang gsungs pa/ bdag la phan par 'dod pa'i grogs po dag ces bya ba la sogs pa'o
- 207b
dus dang 'khor dang mchod pa byed pa la yongs su mi skyo bas de bzhin gshegs pa mngon du 'gyur ba ste/ gang gsungs pa/ mngon sum rtag tu bdag gis rgyal ba blta zhes bya ba la sogs pa'o/ /'dzin pa dang yongs su sbyang ba dang bshad pas dam pa'i chos yongs su gzung bar gsungs pa/ rgyal ba rnams kyi dam pa'i chos 'dzin cing zhes bya ba la sogs pa'o/ /bsod nams dang ye shes la sogs pa tshogs bsgrubs pas mi zad pa'i mdzod rab tu rnyed bar gang gsungs pa/ srid pa thams cad du ni 'khor ba na zhes bya ba la sogs ba'o/ /'jug pa ni rnam pa brgyad de/ sangs rgyas dang de'i zhing mthong ba la 'jug pa ni tshigs su bcad pa gnyis kyis bstan te/ gang gsungs pa/ rdul gcig steng na rdul snyed zhing rnams zhes bya ba la sogs pa'o/ sangs rgyas kyi gsungs la 'jug pa ni gang gsungs pa/ gsung gcig yan lag rgya mtsho zhes bya ba la sogs pa'o/ /chos kyi 'khor lo rab tu bskor ba 'jug par gsungs pa ni/ de dag gi yang gsungs dbyangs zhes bya ba la sogs pa'o/ / bskal bar rab tu 'jug ba ni gang gsungs pa/ ma 'ongs bskal ba thams cad ces bya ba la sogs pa'o/ /de bzhin gshegs pa'i spyod yul la 'jug pa ni gang gsungs pa/ dus gsum gshegs pa mi yi seng ge zhes bya ba la sogs pa'o/ / sangs rgyas kyi zhing sgrub pa la 'jug bar gsungs ba/ gang yang dus gsum dag gi zhing gi rgyan zhes bya ba la sogs pa'o/ /de bzhin gshegs pa'i drung du 'gro bar 'jug pa brgyad pa ni gang gsungs pa/ gang yang ma byon 'jig rten sgron ma dag ces bya ba la sogs pa'o/ /stobs ni rnam pa bcu ste/ tshigs su bcad pa gnyis las rdzu 'phrul la sogs pa'o/ /kun tu myur ba'i rdzu 'phrul stobs zhes bya ba la sogs pa'o/ /gnyen po ni las dang nyon mongs pa dang bdud kyi stobs ma
- 208a
mthun pa'i phyogs rab tu bzhom pa'i phyir rnam pa gsum du gsungs pa/ las kyi stobs rnams yongs su dag byed cing zhes bya ba la sogs pa'o/ /sangs rgyas kyi zhing rgya mtsho yongs su sbyangs ba la sogs pa las ni rnam pa brgyad de/ tshigs su bcad pa gnyis kyis gsungs pa/ zhing rnams rgya mtsho rnam par dag byed cing zhes bya ba la sogs pa'o/ /sangs rgyas dang byang chub sems dpa' i rjes su slob bar yongs su bsngo ba ni rnam pa gnyis te/ de la de bzhin gshegs pa'i rjes su slob bar bsngo ba ni/ gang yang dus gsum gshegs pa rgyal ba yi zhes bya ba la sogs pa'o/ /lus dang ngag dang yid kyi zhing dang smon lam rnam par dag pas 'phags pa kun tu bzang po la sogs pa byang chub sems dpa' rnams kyi rjes su slob par bsngo ba ni tshigs su bcad pa gsum gyis gsungs pa/ rgyal ba kun gyi sras kyi thu bo pa zhes bya ba la sogs pa'o/ /tshad dang sbyor ba dang yon tan dang spyod pa dang gnas kyi bye brag gis kun tu bsdu ba gsungs pa/ spyod pa dag ni tshad yod ma gyur cig ces bya ba la sogs pa'o/ /de la smon lam gyi mdza' med pa'i dpe ni rnam pa bzhir gsungs te/ nam mkha' i mthar thug gyur pa zhes bya ba la sogs pa'o/ /smon lam gyi legs pa ni yon tan rnam pa gnyis to/ tshe 'di dang/ phyi ma'i'o/ /de la tshe 'di'i rnam pa bzhi ni 'di lta ste/ bsod nams kyi tshogs yongs su bzung ba dang/ de bzhin gshegs pa mthong ba dang/ byang chub sems dpa' dang skal pa mnyam pa rnyed pa dang/ las kyi sgrib pa yongs su zad pa'o/ /de la mang po dang/ rgya che ba dang/ sna tshogs pa dang/ rjes su gzung ba dang/ dngos po dang/ zhing dam pa'i bsod nams kyi dpe dang/ byang chub 'dod pa dang/ smon lam la mos pas bsod nams kyi mchog dam pa
- 208b
yongs su 'dzin par gsungs pa de/ gang yang phyogs bcu'i zhing rnams mdza' yas pa zhes bya ba la sogs pa'o/ /ngan song dang log pa'i grogs po yongs su spangs pas de bzhin gshegs pa mthong bar 'gyur te/ des ni ngan song thams cad spangs par 'gyur zhes bya ba la sogs pa'o/ /rab tu bsngags brnyed pa 'tsho ba'i tshe 'thob pas byang chub sems dpa' dang skal pa mnyam ba rnyed bar gsungs te/ de dag rnyed pa rab rnyed bde bar 'tsho zhes bya ba la sogs pa'o/ /las kyi sgrib pa yongs su zad pa'i yon tan legs pa bzhi pa ni gang gsungs pa/ mtshams med lnga po dag gi sdig pa rnams zhes bya ba la sogs pa'o/ /phye ma'i yang rnam pa gnyis te/ rgyus bsdus pa dang/ 'bras bus bsdus pa'o/ /de la rgyus bsdus pa ni/ ye shes dang mtshan dang dpe byad bzang po'i lus dang nad med pa'i lus kyi mtshan nyid du gang gsungs pa/ ye shes dang ni gzugs dang mtshan zhes bya ba la sogs pa'o/ /'bras bus bsdus pa ni byang chub kyi snying por 'gro ba dang/ seng ge'i khri la 'dug bar ston pa dang/ bdud rnams rab tu pham pa dang/ mngon par rdzogs par 'tshang rgya ba dang/ chos kyi 'khor lo bskor ba la sogs pa'i mtshan nyid du gsungs pa/ byang chub shing dar drung du de myur zhes bya ba la sogs pa'o/ /mdor na 'jig rten gyi dar 'dzin las 'das pa'i sbyor ba thob pa ni legs pa'o/ /gang yang bzang po spyod pa'i smon? lam 'di zhes bya ba la sogs pa'o/ /'di man chad kyi bsngo ba gsum ni byang chub sems dpa' de bzhin gshegs pas gsungs pa'i sgrib pa med pas pha rol tu phyin pa dang mthun pa'i lus 'dzin cing smon lam yongs su rdzogs pas 'jig rten ma gnas te sems can gyis don sgrub bar gsungs pa/ 'jam dpal ji ltar ji ltar mkhyen cing dpa' ba zhes bya ba nas bzung ste/ 'jig
- 209a
rten ji srid sems can phan par bgyi zhes bya ba'i bar rnams so/ /kun tu bzang po'i spyod ba'i smon lam gyi don kun bsdus pa rdzogs so// //sangs rgyas dang byang chub sems dpa' i thams cad la phyag 'tshal lo/ /bzang po spyod pa'i smon lam gyi bsdus pa'i don ni rnam pa bcu 'o/ /'di lta ste/ de bzhin gshegs pa la phyag bya ba dang/ de la mchod pa dang/ sdig pa bshags pa dang/ bsod nams kyi rjes su yi rang ba dang/ chos kyi 'khor lo bskor bar bskul ba dang/ de bzhin gshegs pa bzhugs par gsol ba dang/ dge ba'i rtsa ba yongs su bsngo ba dang/ de'i rab tu dbye ba dang/ de'i mdza' dang/ de dag gi legs pa rnams so/ /de la mi dbye ba'i spyis ni phyogs bcu'i dus gsum gyi zhing thams cad kyi sangs rgyas bcom ldan 'das rnams la lus dang ngag dang yid kyis phyag bya ba'i phyir/ ji snyed su ngag ces bya ba la sogs pa bshad do/ /ji snyed ces bya ba ni grangs ji tsam pa'i tshad de/ de dag gi tshad chad par ma gyur pas na sangs rgyas bcom ldan 'das rnams sbyir bstan pa'i phyir/ su dag ces bya ba bshad de/ grangs chad la med pa'o zhes bya ba'i tha tshig go /phyogs bcu zhes bya ba ni phyogs bcu'o/ /'jig rten zhes bya ba ni 'go ba rnams so/ /dus gsum gshegs pa zhes bya ba ni dus gsum gyis kun chub pas te/ dus gsum gyi zhes bya ba'i tha tshig go /mi yi seng ge zhes bya ba la seng ge ni thams cad du bag brkyang zhing gar yang dgos pa med la/ de dang 'dra ba lhar bcas pa'i 'jig rten na sangs rgyas bcom ldan 'das seng ge dang yang 'dral/ mi'i tshe yang ston pa'i phyir mi yang yin la seng ge yang yin bas mi'i seng ge'o/ /bdag gis ma lus de dag thams cad la zhes bya ba la/ thams cad ces bya ba ni phyogs
- 209b
gcig tu yang brjod du rung bas na 'dir ni ma lus zhes bya ba brjod do/ /lus dang ngag yid dang bas phyag bgyi'o zhes bya ba ni mchog tu dad pa bskyed pa ste/ sems dang ba des bskyed pas na lus dang ngag kyang dang ba'o/ /da ni lus la sogs pas phyag bya ba so sor phye ste bshad do/ /de la lus kyi phyag bya ba ni/ zhing gi rdul snyed ces bya ba la sogs pa ste/ sangs rgyas kyi zhing gi rdul snyed kyi lus kyis phyag bya ba'o/ /snyed ces bya ba ni dpe'i rnam grangs te/ phyogs bcu dus gsum du gshegs pa'i sangs rgyas kyi zhing ji snyed gyi lus rab tu btud pas phyag bya ba'o/ /rgyal ba kun la rab tu phyag 'tshal lo/ /zhes bya ba ni nyon mongs pa'i dgra dang bdud las rgyal bas na sangs rgyas bcom ldan 'das la rgyal ba zhes bya ste/ sangs rgyas bcom ldan 'das kyis 'di skad du/ sdig pa'i chos rnams las rgyal bas/ nyer 'grong ni rgyal ba yin zhes gsungs pa la sogs pa'o/ /de ltar dus gsum du gshegs pa'i rgyal ba thams cad la phyag bya'o/ /bcom ldan 'das gcig la sems kyis dmigs pa na gzhal la ma khyab par 'gyur ro snyam pa la/ rgyal ba thams cad yid kyis mngon sum du zhes bya ba bshad do/ /de bzhin gshegs pa thams cad re re zhing yang mngon sum du bsam pa'i don to/ /bzang po spyod pa'i smon lam stobs dag gis zhes bya ba la/ brang de po ni dge ba'o/ /bzang po yang yin la spyod pa yang yin pas na bzang po spyod ba ste/ byang chub sems dpa' i spyod pa zhes bya ba'i tha tshig go /der smon pa'i smon lam yin pas na smon lam zhes bya'o/ /de'i stobs kyi nyon mongs pa la sogs pas zil gyis mi non cing mi mthun pa'i phyogs bcom pas na stobs dag gis zhes bya ba ste/ rnam pa gzhan las ni 'di lta bu'i byed pa mi 'byung ba'i phyir ro/ /da ni yid kyis phyag bya ba ste
- 210a
rdul gcig steng na rdul snyed ces bya ba la sogs pa'o/ /rdul gcig gi steng du rdul snyed kyi sangs rgyas rnams zhes bya ba ni khyad par du ma smos pa'i phyir phyogs bcu dus gsum du gshegs pa'i sangs rgyas rnams kyi zhing gi rdul snyed kyi bde bar gshegs pa rnams so/ /sangs rgyas sras kyi dbus na bzhugs pa dag ces bya ba ni re re zhing yang byang chub sems dpa' grangs med pa'i tshogs kyi dbus na bzhugs pa'o/ /rdul gcig gi steng du ji ltar bsams pa de bzhin du thams cad du yang bsam par bya ba'i phyir ro/ /de ltar chos kyi dbyings rnams ma lus pa zhes bya ba bshad de/ chos kyi dbyings thams cad du khyab par byed pa'i phyir nam mkha' i mthas klas pa thams cad du yang rdul gcig gi steng na rdul snyed kyi sangs rgyas re re la yang byang chub sems dpa' grangs med pa'i tshogs kyis kun nas bskor ba rnams kyis gang zhing bar mtshams med par khyab par yid? kyis mos par bya'o/ /lus dang ngag gi las yid kyis bskyed pas na bar du yid kyis las bshad do/ /nga ni dag gis phyag bya ba ni/ de dag bsngags pa mi zad ces bya ba la sogs pa'o/ /de dag ces bya ba ni ji ltar mos par bya ba dag go /mthar yang 'god pa med pas na de mi zad pa'o/ /bsngags pa rgya mtsho zhes bya ba ni yon tan rgya mtsho ste/ de dag gi bsngags pa rgya mtsho bzhin mi zad pa'o/ /bsngags pa zhes bya ba ni yon tan gyi rnam grangs so/ /rgya mtsho zhes bya ba ni mang po'i don du rig par bya'o/ /dbyangs kyi yan lag rgya mtsho'i sgra kun gyis zhes bya ba la/ yan lag ces bya ba ni yon tan gyis rnam grangs so/ /ji lta zhe na/ 'di lta ste/ nyan thos kyi theg pa las/ bcom ldan 'das kyi dbyangs ni yan lag lnga dang ldan zhes 'byung ba dang/ theg pa chen po las/ yan
- 210b
lag drug cu dang ldan la/ yan lag stong phrag bcu drug dang ldan/ tshang med pa'i yan lag dang ldan zhes 'byung ste/ de ltar yon tan lnga la sogs pa dang ldan par rig par bya'o// //de? ni sangs rgyas bcom ldan 'das de dag la bla na yod pa dang/ bla na med pa'i mchod pa rnam pa gnyis las bla na yod pa'i tshigs su bcad pa gnyis te/ me tog dam pa zhes bya ba la sogs pa'o/ /me tog la sogs pa dam pa gang yin pa de dag ni me tog dam pa dang phreng ba dam pa dang/ sil snyan dam pa dang/ ba dan dang/ tsan dan dang/ gur gum la sogs pa'i byug pa dam pa dang/ gdugs dam pa dang/ mar me dam pa dang/ bdug pa dam pa dang/ na bza' dam pa dang/ spos sna tshogs sbyar ba'i dri dam pa dang/ tsan dan dang/ gur gum dang/ ga pur dang/ a ka ru la sogs pa'i phye ma'i phur ma ri rab dang mnyam pa rnams kyis so/ /khyad par can gyi rgyan mchog thams cad kyis zhes bya ba la rgyan mchog ces bya ba ni mang po'i rnam grangs so/ /lha dang mi'i rnam pa thams cad dang ldan pa'i dam pa rnams kyis rgyal ba de dag thams cad la mchod par bgyi'o/ /da ni bla na med pa'i bshad par bya ste/ mchod pa gang rnams bla med ces bya ba la sogs pa ste/ bla na med pI mchod pa rgya che ba ni byang chub sems dpa' i ting nge 'dzin gyi khyad par gyi mthu las skyes pa sangs rgyas kyi zhing thams cad du khyab par chos kyi dbyings dam pas rgyal ba de dag kun la bdag gis bsam pa'o/ /bzang po spyod pa la dad pa'i stobs dag gis zhes bya ba ni bzang po spyod pa la mos pa dang/ dang cing nges par yid ches pa de'i stobs kyis so/ /bzang po spyod pa ni mdo sde dum nas byang chub sems dpa' i mchod pa sna tshogs 'byung ba'o/ /da ni ji ltar bshad pa'i phyag bya ba dang
- 211a
mchod pa rnams mjug brtul ba'i phyir/ rgyal ba kun la phyag 'tshal mchod par bgyi zhes bya ba bshad de/ rgyal ba thams cad la phyag bya zhing mchod par bya'o/ /rang bzhin dang rgyu dang gnas dang gsum gyis sdig pa bshags par bshad de/ 'dod chags zhe sdang gti mug dbang gis zhes bya ba la sogs pa'o/ /de la rang bzhin no/ sdig pa bdag gis bgyis pa ci mchis pa zhes bya ba ste/ tshe 'di dang tshe gzhan du byas pa dang/ byed du bcug pa dang/ rjes su yi rang ba rnams so/ /rgyu gang gis zhe na/ 'dod chags dang zhe sdang gti mug dbang gis so/ /gnas gang zhe na/ lus dang ngag dang yid la gnas nas so/ /de lta bu de dag thams cad rgyal ba kun dang/ de'i sras rnams gyi spyan sngar 'dug pa bzhin du shin tu 'gyod pa'i yid kyis skad cig re re la yang bshags shing bsnyur te bskug par bya'o/ /da ni bsod nams kyi rjes su yi rang ba bshad do/ /phyos bcu'i zhes bya ba la sogs pa'o/ /phyogs bcu'i 'gro ba thams cad kyi sbyin pa dang tshul khrims dang bsgom pa las byung ba'i bsod nams dang/ dus gsum du gang slob pa'i gang zag bdun dang/ gang mi slob pa'i dgra bcom pa dang/ gang rang rgyal ba'i rnams te/ de yang bas ru lta bu dang/ sdes rgyu ba dang rnam pa gnyis kyis 'jig rten dang 'jig rten las 'das pa'i dus gsum gyi bsod nams dang/ gang thog mar sems bskyed pa rnams nas bzung ste/ byang chub sems dpa' thams cad kyi dang/ sangs rgyas bcom ldan 'das gang dus gsum du gshegs pa rnams kyi dang/ byang chub tu sems bskyed par gtogs pa pha rol tu phyin pa dang/ sa la sogs pa las skyes ba dang/ dus gsum du gshegs pa 'jig rten gyi dang/ 'jig rten las 'das pa re re'i bsod nams kyi tshogs cha
- 211b
med pa bsam du med pa dang/ sangs rgyas kyi ye shes kyi spyod yul du gyur pa de dag thams cad la skad cig re re zhing yang rjes su yi rang bar bya'o/ /'gro ba zhes bya ba'i tshig ni ma lus par bsnyags pas slob pa la sogs pa'i bsod nams byang? 'dus na ci'i phyir tha dad du smos she na/ de lta ma yin te/ 'gro bas na 'gro ba srong pa dang bcas pas 'khor bas 'khor ro zhes bya ba'i tha tshig go /de la gang yang 'gro ba med na ji ltar 'gro ba zhes bya/ de bas na so sor bstan to da? ni chos kyi 'khor lo bskor bar bskul bar bshad do/ gang rnams phyogs bcu'i zhes bya ba sogs pa'o/ /gang rnams phyogs bcu'i 'jig rten sgron ma dag ces bya ba ni 'gro ba'i sgron ma ste/ 'jig rten gyi phyi dang nang gi mun pa mang po rnam par sel bas na sangs rgyas bcom ldan 'das 'jig rten gyi sgron ma'o/ /byang chub rim par sangs rgyas zhes bya ba ni bla na med pa'i byang chub tu mngon par sangs rgyas pa'o/ /ma chags brnyes zhes bya ba ni mngon par byang chub pa'i stobs kyi dngos po thams cad kyi rang bzhin ma lus par yongs su mkhyen pas chags par gyur pa thams cad las 'das pa'o/ /chos zab mo rtogs par bya ba la gzhan dag mi 'dod cing/ brtson 'grus rtsom pas khong du chud par bya bar dka' bas na chos 'chad pa'i phyir spro bar mi mdzad par 'jig rten sna tshogs pa'i byang chub kyi shing dam pa'i drung du bzhugs pa'i 'jig rten gyi mgon po thams cad la 'gro ba rnams kyi mi shes pa'i mun nag bsal bar bya zhing bla na med pa'i ye shes kyis snang bar bya bar bla na med pa'i chos kyi 'khor lo bskor ba'i phyir pus mo gnyis sa la gtsugs nas thal mo sbyar te mdun na 'dug pa bzhin du bskul bar bya'o/ /da ni de bzhin gshegs pa bzhugs par
- 212a
gsol ba gdab ba ni/ mya ngan 'das ston ba gang bzhed ces bya ba la sogs pa ste/ gang zhes bya ba khyad par du ma brjod kyang gang rnams phyogs bcu'i 'jig rten sgron ma dag ces bya ba dang sbyar ro/ /phyogs bcu nas sangs rgyas bcom ldan 'das bzhugs pa rnams mya ngan las 'das zhing mya ngan las 'da' ba ston bar byed pa gang dag yin pa de dag thams cad la bdag gis thal mo sbyar te yun ring du bzhugs par gsol ba gdab po/ /ci'i phyir zhe na/ mgon med par gyur pa'i 'gro ba thams cad la phan pa dang ba ba'i phyir te/ de la phan pa zhes bya ba ni bde ba dang ldan pa'i mya ngan las 'das pa'i lam 'thob par byed pa'o/ /bde bar zhes bya ba ni lha'i longs spyod thob par byed pa'o/ /dus ji srid du zhe na/ dus gsum du gshegs pa'i sangs rgyas thams cad kyi zhing gi rdul snyed kyis bskal par bzhugs su gsol ba'o/ /da ni ji ltar bshad pa'i phyag bya ba la sogs pa tshad med pa las byung ba'i bsod nams ma lus pa rnams yongs su bsngo bar bya ste/ phyag 'tshal ba dang/ mchod cing bshags pa dang/ bsod nams kyi rjes su yi rang ba dang/ chos kyi 'khor lo bskor bar bskul ba dang/ bde bar gshegs pa bzhugs par gsol ba rnams kyi dge ba cung zad bdag gis ci bsags pa de dag thams cad bdag gis bla na med pa yang dag? par rdzogs pa'i byang chub tu yongs su bsngo bar bya'o/ /da ni de'i rab tu dbye ba ste brgyad pa'o/ /de yang bzang po spyod pa'i smon lam gyi yan lag rab tu dbye ba ste/ de dag ni rnam pa bcu drug go /'di lta ste/ bsam pa dang/ byang chub kyi sems mi brjed pa dang/ chags pa med par sbyor ba dang/ sems can la phan bdags pa dang/ go cha bgo ba dang/ skal ba mthun pa'i byang chub sems dpa'
- 212b
bsten pa dang/ dge ba'i bshes gnyen mgu bar byed pa dang/ de bzhin gshegs pa mngon sum du bya ba dang/ dam pa'i chos yongs su bsdu ba dang/ mi zad pa'i mdzod rnyed pa dang/ 'jug par bya ba dang/ stobs dang gnyen po dang/ las dang/ rjes su slob cing bsngo ba dang/ bsdu bar bya ba rnams so/ /de la bsam pa ni rnam pa dang po ste/ de yang rnam pa gsum mo/ /de bzhin gshegs pa la mchod cing dgongs pa yongs su rdzogs par bya ba'i bsam pa ni/ 'das pa'i sangs rgyas rnams dang zhes bya ba la sogs pa'o/ /mchod par gyur cig ces bya ba ni bla na med pa'i mchod pas so/ /'das par bstan pa ni sangs rgyas bcom ldan 'das mya ngan las 'das pa rnams so/ /gang du ltar phyogs bcu'i 'jig rten gnas shing bzhugS pa 'jig rten gyi khams sna tshogs na 'gro ba thams cad la phan pa dang bde ba la bstobs pa la brtson pa de dag la yang de bzhin du mchod par gyur cig pa'o/ /gang phyis byon par 'gyur ba de dag gi bsam pa kun rdzogs nas sangs rgyas dang byang chub tu myur du gyur cig pa'o/ /de la phyed yan chad ni de bzhin gshegs pa la mchod par bsam mo/ /phyed man chad ni dgongs pa rdzogs par bsam par bstan pa'o/ /sangs rgyas kyi zhing yongs su rdzogs par bsam pa ni/ phyogs bcu ga la'i zhing rnams zhes bya ba la sogs pa ste/ ga la'i zhes bya ba ni gang yang rung ba'o/ /ji snyed pa zhes bya ba ni gang yang rung ba'o/ /bde ba can gyi 'jig rten bzhin du phyogs bcu'i sangs rgyas kyi zhing ji snyed yod pa de dag thams cad yongs su dag par gyur cig pa dang snang ba mdza' yas kyi bzhin du 'jig rten gyi khams tha dad pa gzhan yang yangs par gyur cig pa'o/ /byang chub kyi shing drung du gshegs pa'i rgyal ba bcom ldan 'das rnams dang/ byang chub
- 213a
sems dpa' rnams kyis kyang kun tu gang zhing mtshams med par gyur cig pa'o/ /sems can thams cad la phan zhing bde ba'i bsam pa ni/ phyogs bcu'i sems can gang rnams ji snyed pa zhes bya ba po? sogs pa ste/ phyogs bcu'i 'jig rten gang na skye ba rnan pa bzhir bsdus pa dang/ rgyud drug gi sems can de dag yun du bde ba'i mchog gis bde bar gyur cig pa'o/ /nad med pa ni lus dang sems kyi nad dang rtag par bral bar gyur cig pa'o de ltar chos kyi snyed pa dang mthun pa ni ldan par gyur pa'o/ /'gro ba chos kyi bsam pa can thams cad 'di ltar rtag tu grub pa dang phun sum ldan par gyur pa'o/ /byang chub kyi sems mi brjed pa ni gnyen po dang bcas pa dang/ mi mthun pa'i phyogS spang bar bstan pas rnam pa gnyis te/ de dag ni tshigs su bcad pa bzhi ste/ byang chub spyod pa zhes bya ba nas bzung ste/ de dag ma lus yongs su byang bar shog ces bya ba'i bar du'o/ /byang chub ces bya ba ni bla na med pa yang dag par rdzogs pa'i byang chub bo/ /de ltar spyod pa'i byang chub kyi spyod pa ste/ de dag spyod cing sgrubs pas na 'gro ba kun tu yang tshe rabs dran par gyur cig /tshe rabs kun tu 'chi 'pho skye ba na/ zhes bya ba ni shi zhing skyes pa na yang rtag tu bdag rab tu 'byung bar gyur cig pa'o/ /skyes nas shi ba'i bar la bshad par blta ba'o/ /'di ni byang chub kyi sems mi nyams pa'i rgyu dang dngos po dang po'o/ /'di ltar rgyal ba kun gyi rjes su slob gyur te/ zhes bya ba ni rgyal ba dus gsum du gshegs pa thams cad kyis bslabs pa'i rjes su slob pa'o/ /bzang po spyod pa yongs su rdzogs par bya ba'o/ /rdzogs par ji ltar bya zhe na/ tshul khrims spyod pa dri med yongs dag par/ /rtag tu ma nyams skyon med spyod par shog ces bya ba ni dper na yid bzhin
- 213b
kyi nor bu rin po che glo bur gyi dri ma dang bral bas na/ dri ma med pa'o/ /g.ya'i skyon kun bsal bas na rang bzhin gyis yongs su dag pa ste/ de lta bas na ma nyams skyon med pa zhes bya ba ste/ 'dod pa kun tu phun sum ldan par byed/ gdungs kun yongs su med par byed/ nad thams cad dang bral bar byed pa'o/ /de ltar byang chub sems dpa' i tshul khrims kyang rin po che'i bzhin du glo bur gyi las dang nyon mongs pa dang ma 'dres pas na dri ma dang bral ba ste dri ma med pa'o/ /nyan thos dang rang sangs rgyas kyi theg par sems bskyed pa'i g.ya'i skyon dang bral zhing thams cad mkhyen pa'i sems bskyed pa rin po che bzhin du kun tu dag pas na yongs su dag pa'o/ /byang chub sems dpa' i bslab pa la shin tu gus par byas nas nyes ba mi spyod pas na nyams pa med pa'i phyir nyams pa med pa'o/ /'das pa'i yul la re pa'i sred pa skye ba dang/ ma 'ongs pa dang tshe phyi ma rnams su smon pa'i sred pa dang/ da ltar byung ba la zhen pa'i sred pa ste/ dus gsum gyi sred pa'i khab kyis cung ad du yang ma gtses pas na skyon med pa'o/ /sa bzhin du sangs rgyas dang byang chub sems dpa' thams cad kyi 'dod pa phun sum ldan par byed pa dang/ thams cad kyi bdud ba yongs su sel ba dang/ thams cad kyi nang 'joms pa dang/ lha? dang mi rnams kyi don tshad med par sgrub pa 'ba' zhig pa la 'jug pa ste/ sgra'i tshul duAng lus dang sems kyi gdung ba bsil bar byed pas na tshul khrims so/ /tshul khrims ni spyad par bya ba yin pas na spyod pa zhes bya ba'o/ /de ltar rtag par nam byang chub kyi bar du spyod pa ni tshul khrims spyod pa dri ma med yongs su dag pa 'am ma nyams pa skyon med par spyod pa ste/ 'di ni byang chub kyi sems mi brten pa'i rgyu gnyis pa'o/ /lha yi skad dang zhes bya ba la sogs pa ni lha la ni lha'i skad kyis so/ /klu dang gnod sbyin dang grul buM?
- 214a
dang mi rnams la yang so so'i skad dang sgra yis so/ /mdor na 'gro ba ji snyed pa thams cad kyi skad du de dag thams cad la de lta bu'i skad du chos bshad pa ni nam byang chub kyi bar du'o/ /'di ni rgya gsum pa'o des shing zhes bya ba la sogs pa la nges pa ni sems kyi rgyud mnyen pa'o/ /pha rol tu phyin pa ni sbyin pa la sogs pa bcu pa'o/ /de la rab tu brtson pa ni mi skyo ba'i yid kyis yongs su brtson par byed pa'o/ /byang chub kyi sems ni nam? du gar yang mi 'dor bar bya ba ste/ mi 'dor bar ni nam byang chub pa'i bar du ste/ 'di ni rgyu ba ni pa'o/ /tshigs su bcad pa phyed dang bzhi pas ni byang chub kyi sems la mi mthun pa'i phyogs kyis sgrib par gyur pa de dag gi gnyen po bstan pa'o/ /nga tshigs bcad phyed? kyi ni mi mthun pa'i phyogs rab tu spong bar ston te/ gang zhe na sdig pa gang rnams sgrib par gyur pa dag ces bya ba la sogs pa'o/ sdig pa sgrib par gyur pa byang chub kyi sems la bar chad byed pa de dag thamS cad kun yongs su zad cing spong bar gyur cig pa'o/ /da ni chags pa med par sbyor ni rnam pa gsum ba ste/ gang las dang/ gang na dang/ ji ltar dang gsum mo/ /las dang nyon mongs zhes bya ba la sogs pa'o/ /gang las she na/ las dang nyon mongs pa dang bdud kyi las rnams las so/ /las de dmigs kyis ma phye ba na dge ba dang mi dge ba dang mi g.yo ba dang rnam pa gsum can gzung ngo/ de la mi dge ba'i las dang nyon mongs pa dang bdud kyi las rnamS las ni dgrol zhing de dag la mi chags par rtag tu spyod pa ste/ ka na zhe na lha la sogs pa'i 'jig rten 'gro ba na gnas pa'i tshe'o/ /ji lta bu bzheng? lti pad+ma chus mi chags pa bzhin zhes bya ba ste/ ji ltar padmo chu las skyes kyang chus mi chags pa bzhin du las dang nyon mongs pa dang bdung kyi la sogs pa 'jig rten gyi chos rnams
- 214b
kyis mi chags par spyod pa'o/ /de ltar dge ba dang mi g.yo ba gnyis las kyang 'bras bu rnam par smin pa las re ba med par bya zhing chags pa med par bya ste/ 'gro ba thams cad la phan shing bde ba 'ba' zhig spyod cing sgrub pa ni byang chub sems dpa' i spyod pa yin par brjod do/ /ji ltar zhe na/ dper na/ nyi zla nam mkhar thogs pa med ltar spyad ces bya ba ste/ nyi ma dang zla ba ni 'jig rten na yid bzhin gyi nor bu bzhin du gzhan gyi don byed pa la zhugs shing bdag gis cung zad la'ang mi chags par nyin mtshan du nam mkha' la rgyu ba de dang 'dra par ro/ /de la bdud ces bya ba ni dge ba'i srog gi bar chad byed pas byang chub dang mi mthun par byed cing dam pa'i lam las zeg pa ste/ sgra'i tshul duAng chos kyis 'tsho ba'i bar byang byed cing gsod pas na bdud ces bya'o/ /de'i las ni phan ba'i dngos po la sgyus 'tshe ba pa'o/ /tshe 'di dang phyi ma la sems can thams cad la phan gdogs pa ste rnam pa bzhi pa'o/ /de yang gang zhe na/ ngan song sdug bsngal zhes bya ba la sogs pa'o/ /'gro ba thams cad sdig pas sdug bsngal zhing ngan song rnam pa gsum du skyes pa de dag rab tu zhi bar bya'o/ /de la yang ci'i phyir ngan song gi sdug bsngal 'ba' zhig zhi ba zhes bya zhe na/ de dag gis shin tu gnod par byed pas na gtso bor bshad pa yin gyi/ 'khor ba thams cad kyi sdug bsngal yang de bzhin du rab tu zhi bar bya bar rig par bya'o/ /ci'i phyir 'gro ba thams cad mchog tu bde ba la 'god par bya zhe na/ de ltar 'gro ba thams cad la phan bar spyad par byas pa ste/ bla na med pa'i ye shes thob kyi bar du yongs su mi skyo ba'i pang? kyis gzhan du mi sbyor bar spyod par bya ba'o/ /ji srid bya bar du zhe na/ zhing gi khyon dang phyogs rnams ji tsam par zhes bya ba ste/ ji tsam par zhes bya ba ni ji srid pa'o/ /zhing gi khyon zhes bya ba ni sangs rgyas kyi zhing gi khyon ji tsam pa ste/ bskal pa gcig nas gcig tu gnas pa'o/ /phyogs
- 215a
zhes bya ba ni phyogs bcur sbyar bar bya'o/ /go cha bgos pa ni rnam pa lnga ste/ de yang rnam pa gsum mo/ /sems can gyi spyod pa'i rjes su 'jug pa dang/ sangs rgyas kyi chos yongs su rdzogs par byed pa dang/ dam pa'i chos rab tu bsgrags pa rnams te/ de yang gang zhe na/ sems can dag gi spyod pa dang mthun par ces bya ba la sogs pa'o/ /sems can rnams la sgyu med pa'i rang bzhin spyod pa dang/ bde bar gnas pa dang/ sems kyi rjes su mthun par 'dzin cing spyod pa'o/ /byang chub spyod pa yongs su rdzogs byed cing zhes bya ba ni byang chub pa'i don du spyod pa ni byang chub kyi spyod pa ste/ de yongs su rdzogs pa ni sangs rgyas kyi chos rnams 'grub par byed pa'o/ /bzang po spyod ba dag ni rab ston cing zhes bya ba la 'dir bzang po spyod pa zhes bya ba ni dam pa'i chos 'chad pa nyid bzung ste/ thabs kyis sgro btags pa dang/ 'chad pa dang ston pa'o/ /ma 'ongs bskal pa kun tu spyod par gyur ces bya ba ni ma 'ongs pa'i bskal pa mdza' yas pa thams cad du mi skyo ba'i yid kyis spyod pa'o/ /lus dang ngag dang yid kyis spyod pa dang/ smon lam gyis bskal pa mnyam pa'i byang chub sems dpa' dang mthun par sten pa ste de ni rnam pa drug pa'o/ /de yang gang zhe na/ bdag gi spyod dang mtshungs par gang spyod pa zhes bya ba la sogs pa'o/ /bdag gi byang chub sems dpa' i spyod pa dang mthun par gang spyod pa de dag dang rtag par nam byang chub pa'i bar du 'grogs pa dang/ lus dang ngag dang yid kyis byang chub sems dpa' i spyod pa dang/ smon lam de dang lhan cig tu spyod par shog cig pa'o/ /phan par bsam pa'i man ngag sgrub pa ni dge ba'i bshes gnyen mgu bar byed pa ste/ de ni rnam pa bdun pa'o/ /de yang gang zhe na/ bdag la phan par 'dod pa'i grogs po zhes bya ba la sogs pa'o//
- 215b
dge ba'i bshes gnyen gang phan par 'dod pas bzang po spyod pa ston pa dang/ 'chang pa dang/ chos kyi gtam zer ba de dang/ bdag rtag par lhan cig tu mtshungs par spyod par gyur pa'o/ /de bdag gis nams kyang gzhar yang yid dbyung bar mi bya ste/ nam byang chub pa'i bar du rtag par de dang mthun par gyur cig pa'o/ /dus dang 'khor dang mchod pa bya ba la skyo ba med pa ni de bzhin gshegs pa mngon du byed pa ste de ni rnam pa brgyad pa'o/ /de yang gang zhe na/ sangs rgyas sras kyis bskor ba'i mgon po rnams zhes bya ba la sogs pa'o/ /mngon sum zhes bya ba ni mngon sum du bya ba ste phyogs bcu kun gyi'o/ /rgyal ba ni sangs rgyas bcom ldan 'das te/ byang chub sems dpa' i 'khor gyis bskor ba'o/ /mgon po zhes bya ba ni 'gro ba thams cad kyi gnyen gcig pur gyur pa'o/ /rtag tu blta zhes bya ba ni skyon med pa'i mig gis so/ /de dag kun re re la yang rnam pa thams cad dang ldan pa rgya chen po nam mkha' dang mnyam pa chos kyi dbyings kun tu khyab pa'i mchod pas mchod par bya'o/ /ji srid kyi bar du zhe na/ ma 'ongs bskal pa kun tu mi skyo bar zhes bya ba ste/ skyo ba med pa'i yid kyi ma 'ongs pa'i bskal pa thams cad kyi mthar thug pa'i bar du'o/ /'dzin pa dang/ bcad pa dang/ yongs su sbyang ba dang gsum ni dam pa'i chos yongs su bsdu ba ste de ni rnam pa dgu pa'o/ /de yang gang zhe na/ rgyal ba rnams kyi dam pa'i chos 'dzin cing zhes bya ba la sogs pa'o/ dus gsum du gshegs pa'i rgyal ba thams cad kyi gsung rab yan lag bcu gnyis po bshad pa'i chos de dag gzungs kyi stobs kyis 'dzin pas na 'dzin cing zhes bya'o/ /byang chub spyod pa ni bsgrags par bya ba'i chos nyid do/ /kun tu snang bar byed? ces bya ba ni 'gro ba rnams la yongs su bsgrags shing rab tu bstan pa'o/ /bzang po spyod pa rnam
- 216a
par sbyang pa yang zhes bya ba ni byang chub sems dpa' i spyod pa'o/ /de rnam pa rnam par sbyang ba ni dri ma med par bya ba ste/ nyes ba thams cad ring du spong pa'o/ /ma 'ongs skal pa kun tu spyad par bgyi zhes bya ba ni de ltar brtsal ba'o/ /bsos nams dang ye shes ki? tshogs la sogs pa'i tshogs thob pas mi zad pa'i mdzod rnyed pa ste 'di ni rnam pa bcu pa'o/ /de yang gang zhe na/ srid pa thams cad du ni zhes bya ba la sogs pa'o/ /'dod pa la sogs pa'i srid pa thamS cad na sems can gyi don du 'khor bar 'khor zhing skye bar bsod nams dang ye shes kyi tshogs mi zad pa thob pas ldan par gyur cig/ de ltar shes rab dang/ thabs dang/ ting nge 'dzin nam mkha' i mdzod dang dri ma med pa'i phyag rgya rnams dang/ de ltar byang chub sems dpa' i rnam par thar pa 'di lta ste/ snying rje chen po thogs pa med pa dang/ sgyu mar gyur pa dang/ sangs rgyas dang byang chub sems dpa' i yon tan thun mong pa dang/ thun mong ma yin pa'i mdzod mi zad pa dang/ mi zad pa'i yon tan gyi gter du 'gro ba thams cad la bde zhing phan pa'i phyir gyur cig pa'o/ /'jug pa ni rnam pa bcu gcig pa ste/ de yang rnam pa brgyad do/ /'di lta ste/ sangs rgyas dang/ de'i zhing blta bar 'jug pa rnam pa gnyis dang/ sangs rgyas kyi gsung la 'jug pa dang/ chos kyi 'khor lo bskor bar 'jug pa dang/ bskal par 'jug pa dang/ de bzhin gshegs pa blta zhing de'i spyod yul la 'jug pa dang/ sangs rgyas kyi zhing mngon par sgrub par 'jug pa dang/ de bzhin gshegs pa la bsnyen bkur bya bar 'jug pa dang brgyad do/ /de la sangs rgyas dang de'i zhing blta bar 'jug pa rnam pa gnyis ni tshigs bcad rnam pa gnyis kyis te/ de yang gang zhe na/ rdul gcig steng na zhes bya ba la sogs pa'o//
- 216b
rdul gcig gi steng du phyogs bcu'i dus gsum du gshegs pa'i sangs rgyas kyi zhing gi rdul snying kyi sangs rgyas kyi zhing rnams te/ zhing der zhes bya ba ni zhing de dang der ro/ /bsam gyis mi khyab ces bya ba ni bsam yas pa ste/ sangs rgyas bcom ldan 'das rnams so/ /sangs rgyas sras kyi zhes bya ba ni byang chub sems dpa' rnams kyi'o/ /dbus na bzhugs zhes bya ba ni dbus na bzhugs pa'o/ /byang chub spyad pa spyod cing zhes bya ba ni byang chub spyad pa spyod pa ste sbyad pa rab tu sgrub pa na'o blta bar bgyi zhes bya ba ni 'jug pa'o/ /byang chub sems dpa' i smon lam mi srid par btab na don med par 'gyur ro/ /ji ltar zhe na/ 'di lta ste/ sangs rgyas kyi zhing gi phyogs cha gcig kyang rdul gcig steng du chung bar bstan ma srid na ji ltar dus gsum du gshegs pa'i sangs rgyas kyi zhing gi rdul snyed kyis sangs rgyas thams cad kyi zhing re re na yang grangs med pa'i sangs rgyas bcom ldan 'das re re la yang byang chub sems dpa' i 'khor gyi dbus na bzhugs pas kun tu gang ba de snyed du rdul gcig gi steng du so sor blta zhing smon par ji ltar bya zhes bsgral ba dang/ de ltar ma yin te/ 'di ltar bsam gyis mi khyab pa'i las 'jig rten gyi khams sna tshogs pa bla 'og snal zhi la sogs pa sprul ba bzhin te/ de ltar bsam du med pa'i ye shes kyis sprul na rdul gcig gi stong du ci'i phyir ma sing de/ bsam gyis mi khyab par lung? las kyang bshad pa/ mkhas pa ngag gis sa 'di la/ /ngo mtshar 'gyur ba cung zad med/ /sgyu ma'i rnam par gyur pa la// ya mtshan du ni su zhig 'dzin/ /bsam gtan las dang klu rnams dang/ /sangs rgyas rnams kyi tsha ba nyid/ /'jig rten mgon po 'dren pa nges/ /bsam gyis mi khyab rnam bzhir bshad/ /de lta bas na sangs rgyas thams cad kyi gsung
- 217a
rab la mi srid par 'dzin pa de dag kyang 'dis yid ches par gyis shig/ 'jig rten na yang shin tu chud pa'i sdod du chu ngang bas bkang ba la/ gza' skar la sogs pa nam mkha' i rgyan thams cad snang ba bzhin no/ /de ltar yang bcom ldan 'das kyis gsungs pa/ gzugs brnyan bzhin pa chos rnams te/ /rab rib rmi lam mtshan nyid dang/ /sgyu ma smig rgyu 'dra ba dang/ de 'drang ma lus thams cad do/ /zhes bya ba la sogs pa ni ji ltar rdul gcig gi steng na bzhugs zhes bya ba la sogs pa bzhin no/ /de ltar ma lus zhes bya ba ni ma lus pa'i phyogs thams cad do/ /skra tsam khyon zhes bya ba ni skra'i tshad tsam ste/ de yang bshad par bya ba ni skra'i rtse mo tsam gyi khyon to/ /dus gsum ni dus gsum du bshags pa rnams kyi'o/ /sangs rgyas rgya mtsho zhes bya ba ni de dag gi zhing rgya mtshor yang bskal pa rgya mtshor spyod cing rab tu 'jug ces bya ba ni de srid du byang chub kyi spyad pa na mthong bar shog cig pa'o/ /sangs rgyas kyi gsung la 'jug pa de gang zhe na/ gsung gcig yan lag ces bya ba la sogs pa'o/ /de bzhin gshegs pa gcig gis chos bshad pa la nyan pa grangs med pa mos pa tha dad pa dag las don tha dad pa dang tshig dang yi ge 'bru tha dad pa tshad med pa rnams go bar 'gyur bas na rgya mtsho zhes bya ste/ de ltar rgyal ba dus gsum du gshegs pa thams cad kyis de bzhin du chos bshad pa'i gsung sgra rnam par dag pas nyan pa grangs med pa'i 'gro ba rnams ji ltar 'dod pa 'gro ba ltar sangs rgyas kyi gsung sgru? skyon med pa'i rna bas de dag gi gsung sgra rgya mtsho kun la rtag par 'jug par bya ste ma lus par yid la bya'o/ /lung las kyang 'di skad du gsungs te/ 'khor bar 'khor ba mang po'i rnams/ /dad pa'i rnam pa sna tshogs la/ /gsung
- 217b
gcig tu ni bshad mod kyis/ du ma'i rnam par go bar gyur/ /bdag la nye tsher 'chad do snyam/ /'gro ba kun gyis ji ltar go /ya mchan de las ci zhig che/ /de ltar ngo mtshar ci zhig yod/ /'di lta ste/ sdong pos brgyan pa'i mdo sde 'phags pa byams pa'i rnam par thar pa las bshad pa/ phyogs bcu'i bde bar gshegs pa rnams kyi chos sprin la/ gnas gcig 'dug nas rmongs pa med par gyur te nyan/ /bskal pa bye ba mang por sems kyis ngoms pa med/ /blo chen rgya mtsho dang ni mnyam par spyod par shog/ tshigs su bcad pa snga ma gnyis kyis ni 'chad pa'i che ba nyid bstan pa'o/ /tshigs su bcad pa 'og mas ni nyan pa'i che ba nyid bstan to/ /chos kyi 'khor lo bskor bar 'jug pa ste/ de yang gang zhe na/ de dag gi yang gsung dbyangs mi zad pa la zhes bya ba la sogs pa'o/ /de dag gi zhes bya ba ni dus gsum du gshegs pa rgyal ba thams cad kyi'o/ /chos kyi 'khor lo bskor ba ni de la 'jug pa'o/ /mi zad pa ni bgrang las 'das pa'i gsung sgra'o/ /de la blo yi stobs kyis zheS bya ba ni ye shes kyi mthu chen pos skad cig tu 'jug cing stobs pa'o/ /tshul rnams zhes bya ba ni gang dang gang gis thabs kyis gang dang gang la chos 'chad pa ni dus gang dang yul gang du dad pa sna tshogs kyi sems can dag las 'dul bar 'jug pa'o// bskal par 'jug pa ste/ de yang gang zhe na/ skad cig gcig gis shes bya ba la sogs pa ste/ skad cig ma'i ye shes gcig gis phyogs bcu rnams kyi'o/ /ma 'ongs bskal pa thams cad 'jug pa pa yang zhes bya ba ni bskal pa gcig nas gcig tu bdag 'jug pa'o/ /mdor na gang yang bskal pa dus gsum tshad de dag ces bya ba la sogs pa ste/ dus gsum du ba gang? ba de dag thams cad skad cig ma'i ye shes gcig gis cha shas kyis rtogs par bya'o/ /de bzhin gshegs pa blta zhing de'i spyod/
- 218a
yul las 'jug pa ste/ de yang gang zhe na/ dus gsum gshegs pa mi yi seng ge gang zhes bya ba la sogs pa ste/ gang phyogs bcu dus gsum du gshegs pa'i mi'i seng ge sangs rgyas bcom ldan 'das so// de dag bdag gis skad cig ma'i ye shes gcig gis blta bar bya ba ni mthong bar bya'o/ /de dag gi spyod yul ni de dag gi spyod yul lo/ /sgyu mar gyur pa'i rnam thar stobs kyis 'jug ces bya ba ni sgyu mar gyur pa zhes bya ba ni byang chub sems dpa' i rnam par thar pa ye shes kyis bdag nyid de'i mthus rtag par 'jug pa'o/ /sangs rgyas kyi zhing mngon par sgrub par 'jug pa ste/ de yang gang zhe na/ gang yang dus gsum dag gi zhing zhes bya ba la sogs pa'o/ /gang yang dus gsum dag gi zhing gi rgyan ni zhing mang po ste/ de dag mngon par bsgrub ces bya ba ni rdzu 'phrul gyi stobs kyis rdul gcig gi steng du mngon par sgrub pa'o/ /de ltar ma lus phyogs rnams thams cad du zhes bya ba ni ji ltar ma lus pa'i phyogs kyi rdul gyi steng du sgrub ba de bzhin du ye shes kyis skad cig ma gcig gis zhing mang po rnams mngon par sgrubs nas 'jug pa'o/ /de ltar gyi sangs rgyas kyi zhing thams cad kyi ngo bo nyid dang/ tshad dang/ kha dog dang/ dbyibs dag so sor tha dad pa mang po ma 'dres pa rnams kyang rdul gcig gi steng du bzhag par mi rung na/ so sor tha dad pa mang po rnams rdul gcig gi steng du phyogs bcu mtshams med cing ma 'dres par ji ltar gzhag par bya ste/ de lta bas na 'di la ji ltar yid ches par bya snyam pa la/ de'i lan du de bas ni chos thams cad ni yongs su ma rdzogs pa ste/ ngo bo nyid med pa/ sgyu ma lta bu/ ma skyes pa /ma 'gags pa/ skra shad 'dzings pa lta bur thog ma nas zhi zhing rang bzhin gyis sems las 'das pa la ji ltar mos pas brtags pa tsam gyis 'byung ba ni
- 218b
rnam pa sna tshogs du ma'i gzugs su rab tu bsgoms pas rnam pa mang po'i ting nge 'dzin dang/ rnam par grol ba'i khyad par gyis bsam gyis mi khyab pa'i rnam pa sna tshogs myong bas na dngos po 'ang? dag par du gsal bar snang ngo/ /'jig rten na yang sngags cung zad tsam las mthu skyes pa'i mig 'phrul gyis rab tu bsgrubs na ngo mtshar dang ldan pa'i sgyu ma'i 'dzes pa yang snang ngo/ /de lta bas na 'di dag thams cad ni ji ltar smras pa bzhin yid ches par byas te/ 'di ltar yid gnyis ni cung zad kyang ma byed cig/ de bzhin gshegs pa la bsnyen bskur bya bar 'jug pa dang brgyad de/ de yang gang zhe na/ gang yang ma byon zhes bya ba la sogs pa ste/ gang ma byon pa ni phyi ma ma 'ongs pa'i mthar thug pa rnams so/ /'jig rten sgron ma zhes bya ba ni sangs rgyas bcom ldan 'das te/ phyogs bcu'i 'jig rten gyi khams gzhan dang gzhan na nam mkha' i mdza' klas pa nas bzhugs pa bgrang ba las 'das pa'i sangs rgyas kyi ye shes kyi spyod yul kyis skad cig gis dus mnyam par ba na mong? pa yang dag par rdzogs pa'i byang chub tu mngon par rdzogs pa'i byang chub tu mngon par rdzogs par sangs rgyas pa ste/ de nas 'di bzhin du dus mnyam par chos kyi 'khor lo bskor bar 'gyur ba dang/ de bzhin du mya ngan las 'das pa ston par bshad de/ de dag mngon sum du byang chub ces bya ba la sogs pa'o/ /de dag ces bya ba ni de ltar mngon par rdzogs par byang chub par mdzad pa dang/ de de bzhin du chos kyi 'khor lo bskor bar mdzad pa dang/ mya ngan las 'das pa rnams rab tu ston pa'i mgon pa thams cad kyis zhabs kyis drung du yid myur ba dang/ kun tu myur ba zhes bya ba'i rdzu 'phrul gyi stobs gnyis kyis mthus lus kyi sbrin phyogs bcu bkang ste/ mchod pa'i sprin nam mkha' khebs pa'i dam pa bgrang ba
- 219a
las 'das pa thams cad kyis mchod pa dang/ bstod cing brjod pa dang/ bskor ba brgya stong du ma byed cing 'khor ba'i mdza' i bar 'gro ba ni bsnyen par 'jug pa'o/ /rim par 'tshang rgya zhes bya ba ni mngon par byang chub pa'o/ /mya ngan las 'das pa ston pa zhe 'am/ /rab tu zhi mdza' zhes bya ba ni tshig bskad ba'i phyir rnam grangs su rig par bya ste gtso bor bshad pa'o/ /de yang chu zla'i gzugs brnyan bzhin du dga' ldan gnas kyis gzhal med khang na bzhugs pa las 'chi pho bstan pa dang/ mngal na gnas pa'i tshe dang/ lha phyag byas pa dang/ bzo bstan pa dang/ mngon par byung nas rab tu byung ste dka' ba spyod pa dang/ byang chub kyi snying por bzhud nas byang chub kyi shing drung du seng ge'i gdan la bzhugs pas bdud pham par mdzad pa'i dus su gong ma bzhin nye bar 'gro ba ni de dag gi zhabs kyi drung du yud tsam gyis so/ /stobs te rnam pa bcu gnyis pa'o/ /de dag kyang rnam pa bcu ste tshig bcad gnyis kyis so/ /de yang gang zhe na// rdzu 'phrul stobs rnams dang zhes bya ba la sogs pa ste/ 'phrul bar byed pas rdzu 'phrul zhes bya bas na ji ltar 'dod pa phun sum tshogs par byed pa ste/ cho 'phrul zhes bya ba'i tha tshig go /rdzu 'phrul ji ltar cho 'phrul du shes par bya zhe na/ so so'i sems can rnams kyi yid 'phrog cing mgu bar byed pas na tshe 'phrul lo/ /de'i stobs kyis gdon mi za pas na rdzu 'phrul gyi stobs so/ /kun tu myur pa'i zhes bya ba ni byang chub sems dpa' i gzhan du bgrod do/ /go cha la kun tu gyur ba'i rdzu 'phrul gyis skad cig gis phyogs bcur mi thog par 'gro ba'o/ /theg pa'i stobs zhes bya ba ni theg pa chen po'i stobs kyis te/ de bas na theg pa chen po nges theg pas na theg pa chen po'o/ /yang na byang chub sems dpa'
- 219b
chen po'i theg pa yin pas na/ theg pa chen po ste/ dngos su na sangs rgyas kyi byang chub thob par byed pa'i lam bsod nams dang ye shes kyi tshogs gnyis la theg pa zhes bya'o/ /yang na pha rol tu phyin pa rnams dang bcas pa la theg pa chen po zhes bya'o/ /de dag gi stobs ni mi mthun pa'i phyogs kyi stobs ji snyed pas mi tshoms pa'o/ /kun nas sgo'i zhes bya ba ni kun gyi sgo ste/ ji lta zhe na/ de'i lus dang dmigs pa ni byang chub tu sems bskyed cing gzhan la phan par mi byed pa gang yang med pa'o/ /de ni 'phags pa spyod yul yongs su dag pa'i mdo las ltos shig/ spyod pa'i stobs rnams zhes bya ba ni spyod pa gnyis ka bye brag med pa'i stobs te/ byang chub sems dpa' i stobs dang/ kun tu bzang po'i spyod pa'i stobs kyis/ /kun tu yon tan zhes bya ba ni thog me dang bar ma dang tha ma de dge ba'o/ /byams pa dag gi stobs zhes bya ba ni sems can gyi khams thams cad la bde bar sems pas khyab pa'o/ /kun tu khyab pa zhes bya ba ni phyogs bcur khyab pa'o/ /bsod nams stobs zhes bya ba ni dag cing gtsang bar byed pas na bsod nams so/ /yang na phyi phyir zhing bsod par 'gyur bas na bsod nams so/ /de'i stobs ni byang chub tu sems bskyed pa bsgoms pa las byung ba ste/ 'di skad du/ byang chub sems kyi bsod nams gang/ /gal te de ni gzugs gyur na/ /nam mkha' i khams kyang gang gyur cing/ /de bas de na lhag par 'gyur zhes gsungs so/ /de bas na theg pa chen po dang ldan pa'i chos zab cing rgya che ba rnams 'dzin pa dang/ klog pa dang/ 'chad pa dang/ mos nas tshigs bcad gnyis tsam yang gzung nas yang dag par rdzogs pa'i byang chub tu bsngos par gyur pa de'i bsod nams kyis stobs so/ /kun nas dge ba'i zhes bya ba ni sems can
- 220a
thams cad la dge ba dang phan pa sems shing sgrub pa'i phyir ro/ /ye shes stobs zhes bya ba ni shes par bya ba thams cad la shes par byed pa ni ye shes so/ /chags pa med par gyur pa'i zhes bya ba ni dus gsum du mi thogs pa'o/ /shes rab kyi stobs zhes bya ba ni dngos po rnams ji lta ba bzhin du stobs pa'o/ /thabs kyi stobs zhes bya ba ni/ sgrub par bya ba'i rigs pa ni thabs te sgrub pa'i stobs la thogs pa med pa'o/ /ting nge 'dzin stobs zhes bya ba ni stobs dang byed pa'i ting nge 'dzin bsam gtan no/ /de'i mthus 'gro ba thams cad kyis don bya ba'i phyir mngon par shes pa la sogs pa'i yon tan sdud pa la mi thogs pa de ni ting nge 'dzin gyi stobs so byang chub stobs rnams zhes bya ba ni byang chub bla na med pa yang dag par rdzogs pa'i byang chub pa ste/ de thob par byed pa ni stobs so/ /yang dag bsgrubs par byed ces bya ba ni de'i tshogs sgrub pa'o/ /gnyen po ste rnam pa bcu gsuM pa'o/ /de yang las dang nyon mongs pa dang bdud kyi stobs rnams kyis mi mthun pa'i phyogs rnams 'joms pa ste rnam pa gsum mo/ /de yang gang zhe na/ las kyi stobs rnams yongs su dag byed cing zhes bya ba la sogs pa ste/ dge ba dang mi dge ba dang mi g.yo ba'i las rnams dmigs kyis phye bas na las de yang rnam pa gsum mo/ /de la mi dge ba'i las kyis gdon mi za bar myong bar gyur pa na ngan song gsum du 'bras bu smin bar 'gyur pa'i stobs te/ de sbyong ba ni sman pa la sogs pa'i mthus skyugs pa lta bu ste/ 'di skad du/ ma rungs pa yi las byas pa/ /bdag gis 'gyod pas bsrebs par 'gyur/ /bshags nas bsdams pa byas nas ni?
- 220b
de dag rtsa nas 'dod par bshad/ /gnyen po'i stobs kyis kyang kun tu 'byung bar rung ste/ dper na mdza' bo'i bu mos ma la brnyas pa'i rgyu'i mi dge ba'i las ni zhing gis khyad par gyis tshe 'di nyid la 'bras bu cung zhig smin nas de'i bsam pa'i khyad par gyis sems can gyi don du smon lam dang sems bskyed pas ma lus par shin tu rtsa ba nas phyung nas brtsom mo/ /de la sems can gyi don du smon lam dang sems bskyed pa ji lta/ zhe na smras pa/ 'di ltar gang 'gro ba'i sems can thams cad kyis 'di ltar bdag bzhin du ma la brnyas pa'i las byas pa de dag thams cad bdag nyid kyi mgo la 'khor los bskor ba'i sdug bsngal gyis phung po chen po mtshams med pa rnams nam 'khor ba'i mdza' i bar du bdag gis myong bar gyur la/ sems can gzhan sus kyang myong bar ma gyur cig ces sems bskyed pa'o/ /rten gyi stobs kyis kyang ji ltar ched du brjod pa'i sde las 'pho bar 'dod pa'i lha'i bu gzhan zhig brtsogs pa phag gi mngal du skye bar nges pa'i las kyi 'bras bu mngon par gyur nas gsum la skyabs su song ba tsam gyis thams cad sbyangs te sum cu rtsa gsum gnam gyi lha las shi 'phos nas dga' ldan gnam du skyes so/ /chos thams cad la bdag med bar rtogs pas kyang shin tu rtsa ba nas 'byung bar 'gyur te/ 'di skad du las kyi sgrib pa so sor sbyong ba'i mdo las kyang 'di lta ste/ dge slong gzhan zhig mi tshangs par spyod pa dang/ mi bsad pa'i phas pham pa gnyis byung nas 'khyod? de mi dga' bas yid gdungs te smon pa bzhin du gtsug lag khang nas gtsug lag khang gzhan du/ /grong nas grong gzhan edu/ tshong dus la sogs par song nas sdig pa de dag 'gro ba thams cad kyi mdun du 'chags te
- 221a
e ma'o bdag nyams so/ /bdag nyams so zhes phyi phyir smras te/ sdig bshags pa'i skus shing gis brud nas ji tsam na las de bsrabs par gyur kyang/ de'i phyir de shin tu sems la gdung zhing 'dug pa de la mngon par shes pa thob pa'i byang chub sems dpa' gzhan zhig gis zab mo chos ji lta ji lta bar bshad de/ gang gis de'i sdig pa thams cad thams cad du rtsa ba nas phyin nas chos thaMs cad bdag med par rtogs nas mi skye ba'i chos la bzod pa thob par gyur to/ /ngan song thams cad kyi nyes pa thams cad kyi the tshom sel ba dang/ sgrib pa'i chos thams cad sbyang ba ni zab mo'i chos la mos pa 'di yin te/ 'di bzhin du mos par byos shig ces gsungs/ /ji ltar 'phags pa de bzhin gshegs pa'i mdzod kyi mdo las kyang/ 'od srung gang gis pha yang yin la rang sangs rgyas kyang yin pa de 'tsho ba dang phral na 'di ni srog gcod pa'i nang na mchog go /ma byin par len pa'i mchog ni 'di lta ste/ dkon mchog gsum gyi dkor rku ba'o/ /'dod pas log par g.yem pa'i mchog ni 'di lta ste/ ma yang yin la dgra bcom pa yang yin pa la nyal ba'o/ /brdzun du smra ba'i mchog ni 'di lta ste/ de bzhin gshegs pa la skur pa'o/ /phra ma'i nang na mchog ni 'di lta ste/ dge 'dun gyi dbyen byas pa'o/ /tshig rtsub mo'i nang na mchog ni 'di lta ste/ /'phags pa rnams la 'phya ba'o/ /tshig kyal pa'i nang na mchog ni 'di lta ste/ chos 'dod pa rnams rnam par g.yeng bar byed pa'o/ /chags pa'i mchog ni 'di lta ste/ yang dag par song ba dang yang dag par zhugs pa rnams kyi rnyed pa 'phrog par sems pa'o/ /ngan sems kyi nang na
- 221b
mchog ni 'di lta ste/ 'phags pa rnams la mi bsten pa'o/ /log par lta ba'i nang na mchog ni 'di lta ste/ lta ba la shin tu zhen pa'o/ /mi dge ba bcu'i las kyi lam 'di dag thams cad ni kha na ma tho ba chen po ste/ /'od srungs gal te semS can 'ga' zhig gis kha na ma tho ba chen po mi dge ba'i bcu'i las kyi lam 'di dag dang ldan par gyur pa nges de bzhin gshegs pas rgyu dang rkyen du ldan pa'i chos bshad pa la zhugs nas/ 'di la bdag gam/ sems can nam/ 'tsho ba 'am/ gang zag gam/ byed pa 'am/ so sor myong par byed pa gang yang med de/ de bas na chos thams cad ni ma byas pa/ mngon par 'dus ma byas pa/ sgyu ma'i chos nyid nyon mongs pa med pa/ rang bzhin gyis yongs su dag pa dang/ thog ma nas rnam par dag ba'i chos thams cad la mngon par dang cing shin tu mos pa'i sems can de ni ngan song du 'gro bar ngas ma gsungs so/ /de ci'i phyir zhe na/ nyon mongs pa rnams la phung po'i dngos po med de/ nyon mongs pa thams cad ni byung nas zhig ste med par 'gyur ro rgyu dang rkyen 'dus nas tshogs shing skye skyes ma thag tu yang 'gag par 'gyur ro/ /bcom ldan 'das gang sems bskyed pa zhi ba bzhin du nyon mongs pa thams cad kyang zhi bar gyur cing/ gang 'di bzhin du shin tu mos pa de ni nam yang sdig pa'i rgyur mi 'gyur te/ gang gi phyir sgrib pa med pa la sdig par 'gyur pa'i gnas med cing skabs med do zhes gsungs so/ /de ltar byang chub tu sems bskyed pa mngon du byas na nyes pa thams cad kyi rgyur 'gyur ba'i mi dge ba shin tu 'byang bar 'gyur te/ ji skad du 'phags pa u pa las dris pa'i mdo las gsungs pa de ste byang chub sems dpa' snga dro nyes pa byung na nyi ma gung la byang chub gyi sems mngon du byas na de'i tshul khrims kyi phung po mdza' yas par rig par bya'o/ /de bzhin du nyi ma
- 222a
gung la nyes pa byung na phyi dro byang chub kyi sems mngon du byas na de'i tshul khims kyi phung po mi zad par rig par bya'o/ /zhes bya ba la sogs pa'o/ /de las yang gsungs pa/ rigs kyi bu byang chub kyi sems ni nyes byas thams cad sreg pa'i bsal pa'i me lta bur 'gyur ba'o zhes bya ba la sogs pa'o/ /sum brgya pa las gsung pa/ rab 'byor rigs kyi bu 'am rigs kyi bu mo gang gis 'di lta bu'i mdo sde 'chad ba dang/ 'dzin pa dang/ klag pa dang kun chub par byed pa de la yongs kyis brnyas par 'gyur/ shin tu yongs kyis brnyas par 'gyur ro/ /de ci'i phyir zhe na/ gang sems can de dag gis tshe rabs snga ma snga ma la mi dge ba'i las byas te/ gang ngan song du skye bar 'gyur ba de dag tshe 'di las yongs kyi brnyas pas tshe rabs snga ma'i las mi dge pa de dag byad bar 'gyur ro zhes bya ba la sogs pa bshad do/ /kha cig 'di skad du sdig pa'i las chung ngu dang 'bring? po dag ni bshags pa la sogs pa'i mthus bya bar 'gyur grang na/ mtshams med pa la sogs pa lci ba rnams thams cad kyi thams cad du byang bar ji ltar 'gyur zhes zer ba dag kyang yod do/ /de'i lan du ma skyes dgra la sogs pas mtshams med pa byas pas bsam pa chung du dang 'bring po dang chen po'i rim pas mnar med par bskal pa chung ngu 'am nyung duAm phyed du gnas par 'gyur ba las de dag phyis shin tu 'gyod pa'i mes gdungs pa'i sems kyis 'gyod nas bshags pa'i mthus nang las de bsrabs par gyur te/ gang pho long brdabs pa'i dus tsam du sdug bsngal gyi 'bras bu myong bar gyur to zhes gsungs na/ de ci de tsam gyis kyang las rnams shin tu rtsa ba nas 'byung bar mi 'gyur ba ma yin te 'gyur ro/ /ci sog ma gcig
- 222b
chod pas sogs ma kun brdabs par 'gyur ram/ gang gsungs pa/ bskal pa brgya dag snyed du yang/ /las rnams chud zar mi 'gyur te/ /tshogs dang dus dang ldan pa na/ /lus can rnams la 'bras bur smin zhes bya ba la sogs pa de ji ltar shes par bya zhe na/ rnam par 'gyod pa la sogs pa spyod pa'i mthus las gang bdag mngon par ma sbyangs shing bsabs par ma byas pa de dag ni bshad pa'i chos 'di yin par rig par bya'o/ /de ltar yang gsungs pa/ mi shes pas ni sdig pa chung byas 'og tu 'gro/ mkhas pas nyes pa che byas kyang ni spong bar 'gyur/ /bsgongs pa'i lcags ni chung yang chu yi 'og tu 'bying/ de nyid snod du byas na che yang steng na 'phyo zhe'o/ /nges par mi myong ba'i dus gsum gyis sdig pa'i las bgrang ba las 'das pa des yang las kyis dbang gis phyogs bcu kun tu skad cig gis 'khor ba'i mdza' i bar du rgyun du ngan song gsum du skyes pa'i sems can rnams la phan pa dang bde ba'i phyir de dag gi ris dang rgya dang kha dog dang dbyibs dang ched tha dad par 'bras bu rnam par smin par gdon mi za bar mi byed do/ /dge ba'i las kyis kyang sogs pa'i 'bras bu smin par bya nus pa'i mthu 'di ltar yongs su 'byung ngo/ /ji ltar zhe na/ 'bras bu rnam par smin par 'gyur ba las byang chub nyid du smon lam gyi mthus bsngos shing gdon mi zad par byed pa'o/ /gzugs dang gzugs med pa na spyod pa'i mi g.yo ba'i las bsam gtan la snyoms par 'jug pa'i rgyu de'i stobs nyid kyang de las bzlog te/ las la dbang bas sems can gyis don du gar dga' bar sbyor ba ste/ 'di ni dag par byed pa'o/ /nyon mongs stobs rnams kun tu 'joms par byed ces bya ba ni lus dang sems kyi rgyud snyon mongs par byed pa ni nyon mongs pa ste 'dod chags la sogs pa'o
- 223a
de dag gi stobs lhag par che bas de'i mthus 'gro ba thams cad la rigs pa dang mi rigs pa dang/ phan pa dang me phan pa dang/ lci ba dang yang ba la sogs pa thams cad mi shes pa la sogs pa de la mi gtsang ba la sogs pa bsgoms pas 'jig rten gyi lam gyis yongs su sbyangs pa ste mngon par gzhil ba'o/ /'dor na nyon mongs ba las dbang bas byang chub kyi yan lag gi dngos por 'gyur ba'o/ /bdud kyi stobs rnams stabs med rab byed cing zhes bya ba la bdud ni lha'i bu la sogs pa ste/ de dag gi stobs kyis byang chub sems dpa' i spyod pa'i bar chad byed nus pa de la mngon par shes pa'i stobs kyis stobs med pa dang/ mthu med pa dang/ gnas med par byed pa'o/ /bzang po spyod pa'i stobs kun rdzogs par bgyi/ /zhes bya ba ni bzang po spyod pa'i stobs ni gnyen po'i me mthun phyogs rnams kyis mi tshugs shing mngon par 'du mi byed pa'o/ /de dag kun ma lus par rdzogs par byed pa ni gong du bshad pa'i rdzu 'phrul la sogs pa stobs bcu bshad pa dang/ gong du smos pa'i gnyen po rnams gsum mo/ /gang byang chub sems dpa' i las ni rnam pa bcu bzhi pa ste/ de yang rnam pa brgyad do/ /zhing rnams rgya mtsho rnam par dag byed cing zhes bya ba la sogs pa tshigs su bcad pa rnam pa gnyis te/ de yang gang zhe na/ zhing rnams rgya mtsho zhes bya ba la sogs pa ste/ de yang sangs rgyas kyi zhing rgya mtsho bde ba can dang padmo can ltar dag bar byed pa'o/ /de bzhin du 'khor ba na rgyu nyon mongs ba'i lcags sgrogs gi ching bas bcings pa'i sems can rgya mtsho snyed la rdzu 'phrul dang kun brjod pa'i cho 'phrul rnam pa gnyis kyis mgu bar byas nas rjes su bstan pa'i cho 'phrul gyis skad cig tu rnam par grol bar byed pa'o
- 223b
chos rnams rgya mtsho rab tu mthong byed cing zhes bya ba ni thob par bya ba'i chos rgya mtsho snyed dang/ bshad pa'i chos rgya mtsho snyed shes rab kyi mig gis skad cig re re la yang mthong bar bya'o/ /shes bar bya ba mdza' yas pas na ye shes kyang mdza' yas pa ste/ de bas na ye shes rgya mtsho zhes bya ba ste/ rab tu rtogs par byed ces bya ba ni khong du chud par bya ba ste/ rtogs par byed do zhes bya ba'i tha tshig go/ spyod pa rgya mtsho zhes bya ba'i byang chub sems dpa' i spyong ba dang/ bzang po spyod pa gnyis dmigs kyis ma phyed pas na gnyi ga gzung bar rig par bya'o/ /de la byang chub kyi spyod pa ni sangs rgyas kyi chos rnams sgrubs pa ste ye shes kyi tshogs so/ /bzang po spyod pa yang 'gro ba thams cad la phan pa dang bde bar byed pa ste bsod nams kyi tshogs so/ /bzang po spyod pa dang/ byang chub kyi spyod pa gnyi ga yang byang chub sgrub pa yin mod kyi/ mngon gsum dang gcig nas gcig tu brgyud pa tsam zhig bye brag yod do/ /spyod pa rgya mtsho dag mngon par shes pa'i stobs kyis skad cig ma re res rnam par dag par byed pa ni dri ma med par byed pa'o/ /smon lam rgya mtsho zhes bya ba ni skad cig ma re re la tshul khrims dang/ ting nge 'dzin gyi mthus rdzogs par byed pa'o/ /sangs rgyas rgya mtsho phyogs bcu nas mchod ba'i sprin gyis nam mkha' khyab par skad cig gis rab tu mchod pa'o/ /bskal pa rgya mtshor mi skyo spyad par bgyi zhes bya ba ni mi skyo ba'i yid kyis so/ /sangs rgyas dang byang chub sems dpa' i rjes su slob par bsngo ba ni rnam pa bco lnga pa ste de yang rnam pa gnyis so de la de bzhin gshegs ba'i rjes su slob par bsngo ba gang zhe na/ gang yang dus gsum gshegs pa'i rgyal ba yi zhes bya ba la sogs pa ste/ gang rgyal ba dus gsum gshegs pa rnams kyi byang chub kyi spyod pa
- 224a
dang smon lam gyi khyad par de dag thams cad bdag gis ma lus par rdzogs par bgyi'o zhes bya ba ste/ yongs su rdzogs shing rab tu chud par bya'o/ /bzang po spyod pas zhes bya ba ni bzang po spyod pas so/ / byang chub sangs rgyas nas zhes bya ba ni bla na med pa'i byang chub tu sangs rgyas par bya'o/ /lus dang ngag dang yid rnams kyi spyod pa dang zhing dang smon lam rnams rnam par dag bas 'phags pa kun tu bzang po la sogs pa byang chub sems dpa' rnams kyi rjes su bslab par bsngo ba ste/ tshigs bcad gsum mo/ /de yang gang zhe na/ sras kyi thu bo pa zhes bya ba la sogs pa ste/ byang chub sems dpa' rnams kyi bzang po spyod pa gang yin pa dang/ de ltar byang chub sems dpa' i rnam par thar pa ji snyed pa dang/ ting nge 'dzin ji snyed pa dang/ mdor na byang chub sems dpa' i yon tan la sogs pa ji snyed pa de dag thams cad kyi mthar phyin pa ni 'phags pa kun tu bzang po byang chub sems dpa' ste/ de bas na sras kyi thu bo zhes bya ba la sogs pa'o/ /de ltar rgyal ba kun gyis sras kyi thu bo ni 'phags pa kun tu bzang po zhes bya ba byang chub sems dpa' chen po'o/ /mkhas pa de dang zhes bya ba ni de nyid mkhas pa'o/ /mtshungs par sbyad ba'i phyir zhes bya ba ni mthun bar spyad pa ste/ ji ltar bstan pa'i dge ba'i rtsa ba 'di dag thams cad skad cig re re la yongs su bsngo bar bya ba'o/ /lus dang ngag dang yid kyang rnam dag cing zhes bya ba ni lus dang ngag dang yid rnams kyi spyod pa rnam par dag pa dang/ zhing rnams rnam par dag pa ste/ bzang po mkhas pa zhes bya ba ni 'phags pa kun tu bzang po mkhas pa'o/ /ci 'dra bar zhes bya ba ni ji lta bu yin par ro/ /de 'drar zhes bya ba ni de 'dra bar bdag kyang gyur
- 224b
cig pa'o/ /mtshungs par zhes bya ba ni 'dra bar ro/ /kun nas dge ba bzang po spyod pa'i phyir zhes bya ba ni thogs ma dang tha ma dang bar du dge ba'o/ 'jam dpal gyi ni smon lam spyad bar bgyi zhes bya ba ni 'phags pa 'jam dpal gyi smon lam spyod par shog cig pa'o/ /de'i smon lam ji lta bu zhen/ gzhung las/ 'phags pa 'jam dpal nam mkha' zhes bya ba'i rgyal por gyur pa'i tshe 'khor ba thogs ma dang tha ma dang bral ba ji srid pa de srid du sems can rnams la tshad med ba'i phan pa spyad do zhes bya ba la sogs pa rgya chen po rnams so/ /ma 'ongs bskal pa kun tu mi skyo bar zhes bya ba ni ma 'ongs pa'i bskal pa thams cad ma lus par mi skyo ba'i yid kyis gzhan du mi sems par sangs rgyas dang/ byang chub sems dpa' de dag gi bya ba'i las ma lus pa yongs su rdzogs par bya zhing rab tu bsgrub par bgyi'o/ /sbyor ba dang yon tan dang spyod pa dang gnas dang tshad med pa'i khyad par bsdu ba ni rnam pa bcu drug pa ste/ de yang gang zhe na/ spyod pa dag ni tshad yod ma gyur cig ces bya ba la sogs pa'o/ /bdag gi spyod pa yang tshad yod ma gyur ces bya ba ni tshad med par gyur cig pa ste/ chad med pa'i spyod pa dang/ tshad med pa'i yon tan la gnas pas de ltar sangs rgyas dang byang chub sems dpa' rnam par sprul pa'i 'phrul gyi ya mtshan thams cad yongs su shes par gyur cig pa'o/ /de'i bye brag rnam pa bcu drug ste/ de yang brgyad pa'o/ /da ni de'i mdza' ste rnam pa dgu pa'o/ /bzang po spyod pa'i smon lam gyi mdza' de yang nam mkha' la sogs pa dper brjod pa rnam pa bzhi ste/ de yang gang zhe na/ nam mkha' i mthar thug gyur pa ji tsam pa zhes bya ba la sogs pa'o/ /ji tsam zhes bya ba ni nam mkha' i mdza' i mdza' ji tsam pa ste/ nam mkha' i mdza' tsam du gyur
- 225a
cig pa'o/ /sems can kun gyi mdza' ji tsam pa dang/ 'gro ba rnams kyi las dang nyon mongs pa'i mdza' ji tsam par bdag gi bzang po spyod pa'i smon lam gyi mdza' yang de tsam du gyur cig pa'o/ /nam mkha' la sogS pa la yang yongs su zad cing thug pa med de/ de ltar bdag gi smon lam 'di'i mdza' yang zad cing thugs pa med par gyur cig pa'o/ /smon lam gyi yon tan ni rnam pa bcu pa ste/ tshe 'di dang/ pha rol gyi rnam pa gnyis so/ /de la tshe 'di'i ni rnam pa bzhi ste/ 'di lta ste/ bsod nams khyab par can yongs su sdud pa dang/ de bzhin gshegs pa mthong ba dang/ byang chub sems dpa' dang skal pa mthun pa thob pa dang/ las kyi sgrib pa 'byang ba rnams so/ /de dngos po che ba dang rgya che ba dang sna tshogs kyi dngos po bsdu ba dang/ zhing khyad par can gyis nges dang/ gang gis byang chub thob par bya pa'i phyir smon lam 'di la dad pas bsos nams khyad par can yongs su spung par 'gyur te/ de yang gang zhe na/ gang yang phyogs bcu'i zhing rnams mdza' yas pa zhes bya ba la sogs pa'o/ /'di ltar rigs kyi bu pho 'am rigs kyi bu mo 'am/ gang gis phyogs bcu mdza' yas pa mu med pa na sangs rgyas kyi zhing rnams rin po che sna tshogs dang/ na bza' dang/ bla re dang/ gdugs dang/ rgyal mtshan dang/ ba dan dang/ rin po che'i dril bu'i phreng ba dang/ spos dang/ me tog dang/ bdug pa dang/ mar me dang/ phreng pa la sogs pa dang/ sil snyan mi'i las 'das pa 'phrul gyi rgyan rnams kyis rab tu brgyan pa dang/ mi'i ma yin pa'i 'phrul gyi zhal zas ro lnga brgya dang ldan pa mchog tu bde ba skyed pa rnams sangs rgyas kyi zhing gi rdul dang mnyam pa'i bskal bar sangs rgyas bcom ldan 'das la gsol zhing phul ba bas/ gang gis
- 225b
bsngo ba'i rgyal po 'di thos nas/ lan cig tsam yang dad pa skyed pa ni zhes bya ba ste/ 'di ni 'di nyid do zhes nges pa bskyed par byas pa ste/ da yang gang zhe na/ byang chub mchog gi rjes su rab mos shing zhes bya ba theg pa chen po la zhugs pa des snga ma'i sbyin pa'i bsod nams pas 'di'i bsod nams khyad par can du 'gyur ro/ /sdig pa'i grogs po yongs su spangs pas de bzhin gshegs pa mthong ba ste/ de yang gang zhe na/ des ni ngan song thams cad spangs par 'gyur zhes bya ba la sogs pa'o// nges spang bar bya ba ni sdig pa dang ngan song gsum mo/ /des ni grogs po ngan pa spangs par 'gyur zhes bya ba ni nyan thos la sogs pa mi dge ba'i bshes gnyen rnams so/ /'chi ba'i tshe bcom ldan 'das sna bar mdza' yas de bzhin gshegs pa de yang des myur du gdon mi za bar mthong bar 'gyur te/ gang gis mthong zhe na/ gang gis 'di ltar bzang po spyod pa'i smon lam 'di'i don dang/ tshig bcas par sems kyis chub pa'o/ /tshe'i 'tsho ba dge ba thob pa ni byang chub sems dpa' dang skal ba mthun pa thob pa ste de yang gang zhe na/ de dag rnyed pa rab rnyed bde bar 'tsho zhes bya ba la sogs pa'o/ /bla na med pa'i smon lam rin po che'i thob pa ni/ rab tu rnyed pa ste/ bde bar 'tsho ba rnyed pa yang smon lam rin po che 'di lta bu thos pas so/ /de lta bas tshe'i mchog thob par bya pa'i dngos po thob par 'gyur pa'i phyir ro/ /mi che 'dir yang de dag legs par 'ongs zhes bya ba ni dge bar 'ongs pa'o/ /kun tu bzang po de yang ci 'dra bar zhes bya ba ni de ltar ring por mi thogs pas 'gyur ba'o/ /las kyi sgrib pa yongs su 'byad pa'i yon tan ni rnam pa bzhi pa ste/ de yang gang zhe na/ mtshams med lnga po dag gi sdig pa rnams zhes bya ba la sogs pa'o/ /sdig pa mtshams med pa lnga ni ma
- 226a
bsang pa la sogs pa'o/ /gang gis mi shes dbang gis byas pa dag ces bya ba ni mi shes pa'i rtsa ba las byung ba'i phyir 'dod chags la sogs pa gzhan dag la yang mi shes pa'i dbang gis zhes bya ba'o// Fde yis kun tu bzang po'i spyod pa'i smon lam 'di gong bzhin du bzung nas dad pa'i chus sems brlan par byas te brjod pa dang/ 'chad pa dang/ mos par byed pa dang/ klog pa dang/ 'char ba dang/ sgom pa rnams byas na mtshams med pa'i sdig pa yang myur du ma lus par yongs su byang bar 'gyur ro/ /tshe phyi ma'i yang rnam pa gnyis te/ rgyus bsdus pa dang/ 'bras bus bsdus pa'o/ /de la rgyus bsdus pa ni ye shes dang/ mtshan dang dpe byad kyis lus brgyan pa dang nad med pa'i mchog gi mtshan rnams te/ de yang gang zhe na/ ye shes dang ni gzugs dang zhes bya ba la sogs pa'o/ /ye shes zhes bya ba ni shes pa ste/ spyod pa thams cad dang ldan pa'o/ /gzugs zhes bya ba ni gzugs yid 'phrog pa'o/ /mtshan zhes bya ba ni skyes bu chen po'i mtshan sum cu rtsa gnyis dbu'i gtsug tor la sogs pa'o/ /mtshan gyi 'khor dpe byad yin pas na de dang yang ldan par rig par bya'o/ /rigs zhes bya ba ni bram ze dang rje'u rigs la sogs pa gzhan dag kyang ngo/ /kha dog ces bya ba ni rus chen po btsun pa rnams so/ /ldan par zhes bya ba ni kun dang ldan pa'o/ /'gyur zhes bya ba ni de ltar 'gyur ba'o/ /bdud dang mu stegs mang pos de mi thub ces bya ba ni bdud mang po dang/ mu stegs can mang pos mi tshugs shing zil gyi mi non pa'o/ /mchod par gyur cig ces bya ba ni khams gsum pa thams cad kyis mchod par gyur cig pa ste/ gang gis kun tu bzang po'i spyod pa smon lam 'dzin cing
- 226b
ston cing/ 'bras bus bsdus pa ni byang chub kyi snying por song ba dang/ seng ge'i gdan la bzhugs par bstan pa dang/ bdud rnams rab tu btul ba dang/ mngon par byang chub pa ste/ chos kyi 'khor lo bskor ba la sogs pa'i mtshan nyid do de yang gang zhe na/ byang chub shing dbang drung du de myur 'gro ba zhes bya ba la sogs pa ste/ bzang po spyod pa bla na med pa 'dis shin tu bsags pa'i bsod nams dang ye shes kyi tshogs kyis myur du 'gre'o/ /byang chub shing dbang drung zhe bya ni byang chub shing dbang gi drung du'o/ /song bas kyang skyil mo krung bcas te seng ge'i gdan la 'gro ba thams cad la bde zhing phan pa'i phyir 'dug nas bdud sde dang bcas par brtul ste/ de nas bla na med pa yang dag par byang chub sangs rgyas nas bla na med pa'i chos kyi 'khor lo bskor bar mdzad do/ /zhes bya ba'i tha tshig go/ mdor na 'jig rten dang 'jig rten las 'das pa'i yon tan phun sum tshogs pa ma lus par bstan to/ /de yang gang zhe na/ gang yang bzang po spyod pa'i smon lam 'di zhes bya ba la sogs pa'o/ /gang gis bzang po spyod pa'i smon lam 'di 'chang ba dang ston pa dang/ klog pa'i rnam par smin pa ni su gang gis shes she na/ nyan thos dang/ rang sangs rgyas la sogs pa gzhan gyis ni ma yin te/ gtso bo sangs rgyas bcom ldan 'das kyi mkhyen te/ smon lam rin po che'i rnam par smin par ji ltar mkhyen ce na/ byang chub mchog la zhes bya ba ste/ bla na med pa'i byang chub mchog gi 'bras bu'o/ /'jig rten gyi phun sum tshogs pa'i yon tan yar ma lus par 'dir gshad par rig par bya ste/ 'jig rten gyi phun sum tshogs pa'i yon tan ni 'di'i zhar gyis 'byung bar rig par bya'o/ /de bas na smon lam 'di la dogs pa dang sem nyid ma byed cig ces pa'o/ /da ni bsngo ba
- 227a
bstan pa zhes bya ba ste/ 'jam dpal dpa' 'os ji ltar mkhyen ces bya ba la sogs pa'o/ /'jam dpal gyis ji ltar mkhyen pa dang/ byang chub sems dpa' kun tu bzang pos kyang de bzhin du ste/ dge pa'i phung po 'di dag thams cad de dag gis rjes su bsngo zhing slob pa ni byang chub sems dpa' i bsngo ba'o/ /'di ni de bzhin gshegs pa'i bsngo ba ste/ dus gsum gshegs pi? rgyal ba thams cad kyis zhes bya pa la sogs pa'o/ /dus gsum gshegs pa'i rgyal ba bcom ldan 'das thams cad kyis bla na med pa mchog du bsngo bar bsngags shing bstod pa ste/ de ltar bdag gis bsngo ba ni bla na med pa mchog kun tu bzang po'i spyod pa'i dge ba'i tshogs 'di kun kyang de ltar ro/ /'di la tshigs su bcad pa phyed kyis ni sdig pa'i sgrib pa spong ba'o/ /phyed kyis ni pha rol tu phyin pa dang mthun pa'i lus yongs su bzung ba'o/ /de yang gang zhe na/ bdag ni 'chi ba'i dus byed ces bya ba la sogs pa'o/ / 'chi bar byed pa ni 'chi ba ste/ 'chi ba'i dus su bzang po spyod pa la gang gis sgribs par 'gyur pa'i sgrib pa de thams cad phyir gsal pa'o/ /mngon par mthong zhes bya ba ni bcom ldan 'das snang ba mdza' yas mngon sum du mthong ba'o der zhes bya ba ni bde ba can gyi 'jig rten du 'gro ba la bya'o/ /der song na zhes bya ba ni bde ba can gyi sangs rgyas kyi zhing der song ba ste /ji ltar smras pa bzhin smon lam du btab pa de kun bdag gis mngon sum du rdzogs par gyur cig pa'o/ /de dag ma lus bdag gis yongs su bskang zhes bya ba ni/ sems can thams cad la 'di lta bu phan par bya ba'o/ /ji srid du zhe na/ 'jig rten ji srid ces bya ba ste/ 'jig rten ji srid par 'gro ba rnams kyi don bya ba'o/ /
- 227b
lhag ma ni lung bstan pa thob pa dang/ sems can gyi don sgrub ba ste/ gang zhe na/ rgyal ba'i dkyil 'khor zhes bya ba la sogs pa ste/ rgyal ba'i dkyil 'khor zhes bya ba ni de bzhin gshegs pa'i 'khor 'dus pa'o/ /bzang po zhes bya ba ni mdzes pa'o/ /dga' ba zhes bya ba yid dga' bar 'gyur pa'o/ /pang mo dag pa zhes bya ba ni pad mo dam pa'o/ /mdzes zhes bya ba ni rin po che sna tshogs las byas pas 'tsher ba'o/ /skyes zhes bya ba ni mngon du byung pa'o/ /lung bstan ces bya ba ni lung bstan pas na lung ston pa ste/ dus 'di na 'jig rten gyi khams che ge mo zhig tu de bzhin gshegs pa dgra bcom pa yang dag par rdzogs par 'tshang rgya ba lung ston pa ste/ bcom ldan 'das snang ba mdza' yas las bdag gis lung bstan pa mngon gsum du thob par bya'o snyam pa'o/ /der ni zhes bya ba ni bcom ldan 'das snang pa mdza' yas las lung bstan pa rab tu thob nas/ bye ba brgya phrag du mar sprul pa'i tshe 'phrul gyi sprin gyis phyogs bcu kun tu khyab par sprul nas/ sems can thams cad la phan pa'i rnam pa mang po grangs med tshad med pa skad cig gis so sor thams cad du byed pa ste/ blo'i stobs kyi zhes bya ba ni ye shes gyi mthu chen po ste/ mi chags shing thogs pa med pas zhes bya ba'i tha tshig go/ //'phags pa bzang po spyod pa'i smon lam gyis rgyal po'i bshad pa/ blo dpon phyogs kyi glang pos mdzad pa rdzogs sto// //bzang spyod 'grel pa shAkya bshes gnyen gyis mdzad pa bzhugs so// //*/ /rgya gar skad du/ Arya b+ha dra ta rya pra Ni d+hA na rA dza TI ka/ bod skad du/
- 228a
'phags pa bzang po spyod pa'i smon lam gyi rgyal po'i rgya cher 'grel pa/ 'phags pa 'jam dpal gzhon nur gyur pa la phyag 'tshal lo/ /don kun mkhyen pa dpag med cing/ /gsung ni mkha' ltar dpag tu med/ phyogs dang dus sku dpag med pa/ /'jam dpal khyod la phyag 'tshal lo/ /'phags pa byang chub sems dpa' chen po kun tu bzang po'i smon lam 'di las ni byang chub sems dpa' i lam mos pas spyod pa dang/ lhag pa'i bsam pa dag pa'i sa'i gnas skabs gnyis gyis rab tu phye ba thabs dang bcas pa/ phan yon dang bcas pa/ 'bras bu dang bcas pa bsgom pa'i tshul dang/ 'don pa tsam gyi phan yon bstan to/ /de la thabs ni/ ji snyed su dag phyogs bcu'i 'jig rten na zhes bya ba nas bzung ste/ dge pa'i tshogs byang chub tu yongs su bsngo ba tshigs su bcang pa bcu gnyis kyis bstan to/ /de'i 'og tu rgyal ba kun gyi rjes su slob gyur te zhes bya ba la sogs pa'i tshigs su bcad pas ni smon laM gyi don thams cad bstan te/ de'i 'og tu 'das pa'i sangs rgyas rnams dang phyogs bcu zhes bya ba la sogs pa tshigs su bcad pa gsum gyis ni byang chub tu sems bskyed pa bstan to/ /de'i 'og tu byang chub spyod pa dag ni bdag spyod cing zhes bya ba la sogs pa tshigs su bcad pa gsum gyis ni byang chub kyi sems mi brjed pa bstan to/ /de'i 'og tu las dang nyon mongs bdud kyi las rnams las zhes bya ba la sogs pa tshigs su bcad pa gcig gis ni mi gos par sbyor ba bstan to/ / de'i 'og tu zhing gi khyon dang phyogs rnams ji tsam bar/ /ngan song sdug bsngal rab tu zhi bar byed ces bya ba la sogs pa tshigs su bcad pa gcig gis ni sems can la phan gdags pa bstan to/ /de'i 'og tu/ byang chub spyod pa yongs su rdzogs
- 228b
byed cing zhes bya ba la sogs pa tshigs su bcad pa gcig gis ni go cha bstan to/ /de'i 'og tu/ bdag gi spyod dang mtshungs par gang spyod pa zhes bya ba la sogs pa tshigs su bcad pa gcig gis ni byang chub sems dpa' skal ba 'dra bar spyod pa dang phrad pa bstan to/ /de'i 'og tu/ bdag la phan par 'dod pa'i grogs po dag ces bya ba la sogs pa tshigs su bcad pa gcig gis ni dge ba'i bshes gnyen mnyes par bya ba bstan to/ /de'i 'og tu/ sangs rgyas sras kyis bskor pa'i mgon po rnam zhes bya ba la sogs pa tshigs su bcad pa gcig gis ni sangs rgyas la blta ba bstan to/ /de'i 'og tu/ rgyal ba rnams kyi dam pa'i chos 'dzin cing zhes bya ba la sogs pa tshigs su bcad pa gcig gis ni dam pa'i chos yongs su gzung ba bstan to/ /de'i 'og tu/ srid pa thams cad du yang 'khor ba na zhes bya ba la sogs pa tshigs su bcad pa gcig pu 'dis ni mdzod zad mi shes pa thob pa bstan te/ de ltar tshigs su bcad pa bco lngas ni mos pas spyod pa'i sa bstan to de'i 'og tu/ rdul gcig steng na rdul snyed zhing rnams te zhes bya ba nas bzung ste/ nam mkha' i mthar thug gyur pa ji tsam bar zhes bya ba'i bar 'dis ni lhag pa'i bsam pa dag phyir sa yongs su bstan to/ /de la dang po/ rdul gcig steng na rdul snyed zhing rnams te zhes bya ba la sogs pa tshigs su bcad pa gnyis kyis ni sangs rgyas kyi zhing blta ba la 'jug pa bstan te/ 'dis ni sa rab tu dga' ba yang bstan to/ /de'i 'og tu/ gsung gcig yan lag rgya mtsho'i skad rnams kyis zhes bya ba la sogs pa tshigs su bcad pa gcig gis ni sangs rgyas kyi gsung la 'jug pa bstan te/ 'dis ni sa dri ma med pa yang bstan to/ /de'i 'og tu/ dus gsum gshegs pa rgyal ba thams cad kyis zhes bya ba la sogs pa
- 229a
tshigs su bcad pa gcig gis ni chos kyi 'khor lo bskor pa la 'jug pa bstan te/ 'di ni sa 'od byed pa yang yongs su bstan to/ /de'i 'og tu/ ma 'ongs bskal pa thams cad 'jug par yang zhes bya ba la sogs pa tshigs su bcad pa phyed kyis ni bskal pa la 'jug pa bstan la/ de'i 'og tu/ gang yang bskal pa dus gsum tshang de dag ces bya ba la sogs pa phyed gzhan gyis ni bskal pa thams cad la 'jug pa bstan te/ 'dis ni sa 'ong 'phro can yang bstan to/ /de'i 'og tu/ dus gsum gshegs pa mi yi seng ge gang zhes bya ba la sogs pa tshigs su bcad pa gcig gis ni sangs rgyas blta ba dang/ de'i spyod yul la 'jug pa bstan te/ 'dis ni sa shin tu /sbyang dka' ba yang bstan to/ /de'i 'og tu/ gang yang dus gsum dag gi zhing bkod pa zhes bya ba la sogs pa tshigs su bcad pa gcig gis ni sangs rgyas kyi zhing bkod pa bsgrub pa la 'jug pa bstan te/ /'dis ni sa mngon du gyur pa yang bstan to/ /de'i 'og tu gang yang ma byon 'jig rten sgron ma rnams zhes bya ba la sogs pa tshigs su bcad pa gcig gis ni de bzhin gshegs pa'i drung du 'gro bar 'jug pa bstan te/ 'dis ni sa ring du song ba yang bstan to/ /'di ni 'jug pa rnam pa brgyad de/ 'dis rnam par mi rtog pa dang/ mngon par 'du byed pa med pa'i lam yongs su dag pa yang bstan to/ /de'i 'og tu/ kun tu myur ba'i rdzu 'phrul stobs rnams par zhes bya ba la sogs pa tshigs su bcad pa gnyis kyis ni stobs bcu bstan to/ /rab kyi mthar phyin par 'gro bas stobs te/ 'dis ni sa mi g.yo ba bstan to/ /de'i 'og tu/ las kyi stobs rnams yongs su dag byed cing zhes bya ba la sogs pa tshigs su bcad pa gcig gis ni mi mthun yig
- 229b
phyogs nyams pa bstan te/ 'dis ni sa legs pa'i blo gros bstan to/ /de'i 'og tu/ zhing rnams rgya mtsho rnam par dag byed cing zhes bya ba la sogs pa tshigs su bcad pa gnyis kyi ni yon tan yongs su sbyangs pa rnam pa brgyad bstan to// de'i 'og tu/ gang yang dus gsum gshegs pa rgyal pa yi zhes bya ba la sogs pa tshigs su bcad pa gcig gis ni yon tan thams cad yongs su rdzogs par bya ba bstan to/ /de'i 'og tu/ rgyal ba kun kyi sras kyi thu po pa zhes bya ba dang/ lus dang ngag dang yid kyang rnam dag cing zhes bya ba dang/ kun nas dge ba bzang po spyod pa'i phyir zhes bya ba la sogs pa tshigs su bcad pa gsum gyis ni bsod nams dang ye shes kyi tshogs ji ltar yongs su bzung ba rgyal bar bya ba'i phyir byang chub sems dpa' chen po'i rjes su slob par yongs su bsngo ba bstan te/ tshigs su bcad pa 'di drug gis ni sa chos kyi sprin dang rgyu'i gnas skabs yongs su rdzogs pa yang bstan to/ /de'i 'og tu/ spyod pa dag ni tshang yang ma gyur cig ces bya ba la sogs pa tshigs su bcad pa gnyis kyis ni sangs rgyas kyi sa kun tu 'od ston te/ tshigs su bcad pa gcig gis ni de'i dge ba'i tshogs ji ltar yongs su bsngos pa de'i rgya che ba bstan to/ /gnyis pa ni mi gnas pa'i mya ngan las 'das pa'i dus na zad mi shes par mdzad pa ston to/ /de ltar tshigs su bcad pa bcu dgus byang chub sems dpa' i lam lhag pa'i bsam pa dag pa'i sas rab tu phye ba 'bras bu dang bcas pa bstan nas bsgom pa'i phan yon mthong ba'i chos dang/ tshe rabs gzhan pa ston to/ /de la mthong ba'i chos ni rnam pa bzhi ste/ gang yang phyogs bcu'i zhing rnams mdza' yas pa zhes bya ba la sogs pa dpe dang bcas pa'i tshigs su
- 230a
bcad pa gnyis kyis ni bsod nams kyi tshogs dpag tu mong pa yongs su sdud pa'i phan yon yang ston to/ /gang gis bzang spyod smon lam 'di btab pa zhes bya ba la sogs pa tshigs su bcad pa gcig gis ni sangs rgyas mthong ba'i phan yon ston to/ /de dag rnyed pa lag rnyed pa de bar tsho zhes bya ba la sogs pa tshigs su bcad pa gcig gis ni byang chub sems dpa' dang skal pa mnyam pa nyid rab tu 'thob pa'i phan yon ston to/ /mtshoms med pa lnga po dag gis sdig pa rnams zhes bya ba la sogs pa tshigs su bcad pa gcig gis ni sgrib pa byang pa'i phan yon ston te/ /'di bzhi ni tshe 'di'i phan yon yin no/ /tshe rabs gzhan gyi ni rgyu dang 'bras bu'i sgo nas rnam pa gnyis so/ /de la rgyu'i sgo nas ni/ ye shes dang ni gzugs dang mtshan rnams dang zhes bya ba la sogs pa tshigs su bcad pa gcig ston to/ /'bras bu'i sgo nas ni/ byang chub shing dbang drung du ? myur 'gro zhes bya ba la sogs pa tshigs su bcad pa gcig ston to/ /de ltar sgom pa'i phan yon rgyas par bstan nas/ /gang yang bzang po spyod pa'i smon lam 'di zhes bya ba la sogs pa tshigs su bcad pa gcig gis ni 'jig rten dang 'jig rten las 'das pa'i phun sum tshogs pa'i khyad par ma lus par 'thob pa'i phan yon mdor ston te/ de ltar tshigs su bcang pa brgyad kyis ni phan yon mdo dang rgyas par bstan to/ /'di man chad ni 'don pa tsam gyi phan yon yongs su bsngo ba byang chub sems dpa' dang de bzhin gshegs pa'i rjes su slob pa'i phan yon ston to/ /de la byang chub sems dpa' i rjes su slob pa'i mtshan nyid ni/ 'jam dpal ji ltar mkhyen cing dpa' ba
- 230b
dang zhes bya ba la sogs pa tshigs su bcad pa gcig gis bstan to/ /de bzhin gshegs pa'i rjes su slob par yongs su bsngo ba yang/ dus gsum gshegs pa rgyal ba thams cad kyis zhes bya ba la sogs pa tshigs su bcad pa gcig gis bstan to/ /pha rol tu phyin pa yongs su rdzogs par bya ba dang/ mthun pa'i lus yongs su bzung bar yongs su bsngo ba ni bdag ni 'chi ba'i dus byed gyur pa na zhes bya ba la sogs pa tshigs su bcad pa gsum mo/ /smon lam yongs su bkang zhing 'jig rten gnas kyi bar du sems can gyi don bya bar yongs su bsngo ba ni/ der song nas ni smon lam 'di dag kyang zhes bya ba la sogs pa tshigs? su bcad pa gcig gis ston to/ /da ni tshigs su bcad pa gnyis las/ bzang po spyod pa'i smon lam bton pa'i zhes bya ba la sogs pa tshigs su bcad pa gcig gis ni bton pa de yongs su bsngo ba ston to/ /bzang spyod yongs su bsngos pa'i bsod nams ni zhes bya ba la sogs pa tshigs su bcad pa tha ma gcig gis ni bsgom pa dang bton pa'i phan yon rnam pa gnyis yongs su bstan to/ /de ltar na bton pa tsam gyi phan yon yongs su bsngo ba 'di yang tshigs su bcad pa tha ma dang bcas te tshigs su bcad pa brgyad kyis bstan pa yin te/ 'di ni byang chub sems dpa' chen po kun tu bzang po'i spyod pa'i smon lam gyi khog dbug pa yin no/ /de ni 'di ci rigs par so sor dbye ba rtsam mo/ /don bsgom pa ni sems kyis chos yin pas de sbyang ba kho na la 'bad par bya'o/ /sems 'di ni rin po che thams cad kyi mchog yid bzhin gyi nor bu'i rgyal po lta bu ste/ 'di yongs su sbyang ba byas pa'i khyad par las sangs rgyas dkon mchog bla na med pa la sogs pa rin po che thams cad 'byung ngo/ /mngon par 'du byed pa me dran? ni
- 231a
'dod chags la sogs pa nyon mongs pa'i bag chags la sogs pa dang ldan pa'i phyir 'khor ba ste/ ji skad du bcom ldan 'das kyis/ 'dod chags la sogs nyon mongs pas/ /bsgos pa'i sems nyid 'khor ba ste/ /de dag las ni rnam grol ba/ /de srid srid pa'i mdza' zhes brjod ces gsungs pa lta bu'o/ /sems sbyad pa de yang dmigs pa'i khyad par las 'gyur la/ dmigs pa de yang che ba'i bdag nyid dang/ rgya che ba'i sgo nas khyad par can du 'dod do/ /de la de bzhin gshegs pa yon tan gyi cho gas rgya che ba shin tu dpag tu med pa gcig la sems bsgrims te/ ji lta ba bzhin du dmigs na yang yon tan phun sum tshogs pa thams cad 'thob par byed na de bzhin gshegs pa thams cad la lta smos kyang ci dgos zhes bstan pa'i phyir/ ji snyed su dag phyogs bcu'i 'jig rten na zhes bya ba la sogs pa tshigs su bcad pa gsungs so/ /de la ji snyed ces bya ba 'dis ni zangs? kyi tshad ston to/ /su dag ces bya ba ni bgrang bar bya ba rnams te/ de bzhin gshegs pa ji snyed su dag ces bya ba'i tha tshig go /de dag nyid ma lus pa'i brjod pa'i phyir/ phyogs bcu zhes bya ba smos te/ phyogs bcu na'o/ /'jig rten na zhes bya ba ni snod kyi 'jig rten yin par ston to/ /'di skad du phyogs bcu sangs rgyas kyi zhing thams cad na de bzhin gshegs pa gang dag bzhugs pa zhes bshad pa yin no/ /'di tsam gyis kyang ma lus par smras pa ma yin pas khyad par gnyis pa/ dus gsum gshegs pa mi yi seng ge kun/ zhes bya ba gsungs te/ dus gsum gyis bsdus pa zhes bya ba'i tha tshig go /ci ste dus gsum smos su zin kyang phal cher smos pa'i sgo?
- 231b
nas dus gsum gyis bsdus pa smos par 'gyur ro snyam pa la/ kun zhes bya bas kyang bye brag du byas so/ /des na phyogs bcu na dus gsum gyis bsdus pa'i de bzhin gshegs pa bzhugs pa thams cad ces smos pa kho nar 'gyur ro/ /ni? yi seng ge zhes bya ba 'dis ni 'di skad du de bzhin gshegs pa gang yin pa de dag kyang mir gyur pa kho na las de bzhin gshegs pa brnyed kyi rang bzhin gyis de bzhin gshegs pa ni ma yin no zhes ma rnams spro ba bskyed pa yin no/ / seng ge ni 'jig rten na srog chags thams cad kyis zil gyis mi non la thams cad zil gyis gnon nus so zhes grags pa de bzhin du de bzhin gshegs pa yang pha rol rgol ba dang phyir rgol ba'i ri dags rnams kyis zil gyis mi non la de thams cad zil gyis gnon spyod de/ seng ge dang 'dra bar seng ge dag go zhes ston to/ /yul dang dus yongs su mchad? pa'i de bzhin gshegs pa de dag thams cad la bdag phyag 'tshal lo zhes de skad bstan pa'i phyir/ /bdag gis ma lus de dag thams cad la zhes bya ba gsungs te/ thams cad ces bya ba ni gcig kyang yongs su mi 'dor bar bya ba'i phyir ma lus pa smos pa yin te/ 'jig rten pa'i lugs kyi drung pa gcig ma brngas bas zhing ma brngas pa yin no// zhes bya ba de lta bu yongs su spang pa'i phyir ro/ /phyag bya ba de yang lus 'ba' zhig gis ni ma yin no/ /'o na ci zhe na/ ngag dang yid kyis kyang bya'o/ /de la lus kyis phyag byas pa ni spyir smos bas mgo gtung pa dang thal mo sbyar ba dang/ yan lag lnga po thams cad kyis phyag bya ba smos bar 'gyur ro/ /dag? gis phyab bya ba ni dang bas phyag bya ba sngon du 'gro ba'i yon tan bcod pa'i dag gis phyag bya ba'o/ /yid kyis phyag bya ba ni de'i yon tan gyis ngo bo mngon du byed cing de la sems
- 232a
'dun pa'o/ /phyag 'tshal ba yang res 'ga' gzhan gyi ngor yang byed pas de'i phyir dang las zhes bya bas bye brag tu byas so/ /dang ba yang rnam pa gsum ste/ dad pa tsam gyis rjes su 'brang ba'i ni grub pa'i mdza' i de kho na nyid ma rigs bzhin du sangs rgyas kyi yon tan yang dag par brjod pa tsam las byung ba gang yin pa ste 'di ni chung ngu'o/ /chos kyi rjes su 'brang ba'i ni theg pa chen po'i don gyi de kho na nyid yongs su shes pa las byung ba ste/ de bas chos lhag pa'o/ /rtogs pa rnyed pa'i ni chos kyi de kho na mngon sum du byed pa'i sgo nas rtogs nas dang ba snyed pa ste de bas kyang tshas lhag pa'o/ /dad? pas zhes bya bas ni khyad bar du ma byas pa'i phyir ci rigs par rnam par gsum char yang smos pa yin no/ /'dis ni ngo bo nyid du phyag byas pa bstan nas/ de ni mos pa bstan pa'i phyir/ bzang po spyod pa'i smon lam stobs dag gis/ zhes bya ba la sogs pa gsungs te/ zhing zhes bya bas ni sangs rgyas kyi zhing thams cad yongs su gzung ngo/ /rdul zhes bya ba'i sgras ni rdul phra rab thams cad bsdu'o/ /rdul phra rab de dag snyed de mnyam pa'i lus gang ba yin pa de dag la de skad ces bya ste/ zhing gi rdul snyed kyi lus de dag gis so/ /'di skad du sangs rgyas kyi zhing thams cad kyi rdul phra rab kyi grangs rnyed kyi lus rnams kyis rgyal ba thams cad la phyag 'tshal lo zhes bshad pa yin no/ /'dis ni dus dang yul yongs su mchad pa'i de bzhin gshegs pa bstan pa gang yin pa dang/ 'og nas 'byung ba mos pa gang dag yin pa de dag re re la yang zhing gi rdul snyed kyi lus rnams kyis phyag bya ba yang ston to/ /'di thams cad kyang sems kyi kha phyi rol tu lta bas ni ma yin no/ /'o na ci zhe na/ de bzhin gshegs pa
- 232b
re re zhing mthun? na bzhugs pa bzhin yid kyis bsams te gus pa dang bcas pa'i lus de snyed kyis shin tu gus pas phyag bya'o/ /de nyid bstan pa'i phyir rgyal ba thams cad yid kyis mngon sum du zhes bya ba gsungs so/ /de yang ji ltar bu yin snyam pa la/ bzang po spyod pa'i smon lam stobs dag gis zhes bya ba gsungs so/ /bzang po zhes bya ba ni byang chub sems dpa' kun tu bzang po ste/ nyon mongs pas byas pa gcig kyang mi dmigs par rnam pa thams cad du spyod pa yongs su sbyor bas rnam pa thams cad du mdzes pa'i phyir kun tu bzang po zhes bya ste/ de'i spyod pa'i mtshan nyid kyi smon lam ni bzang po spyod pa'i smon lam mo/ /de'i stobs kyis te de'i man ngag gi mthus de bzhin gshegs pa de dag thams cad la phyag bya'o/ /zhes 'phags pa nor bzangs la de skad ces bstan to/ /de ltar na dang por ni ngo bo nyid du phyag bya ba la sogs pa sangs rgyas la phyag 'tshal ba la dmigs pa'i sems dpa' i khyad par rnams kyi rgya che ba bstan to/ /de bzhin gshegs pa de dag ji snyed par sems ba'i khyad par yang de snyed do/ /las 'di ni shes rab kyi byed pas byas pa'i phyir sems yongs su spyad ba 'di ni bsod nams kyi tshogs zhes bya ba 'ang bya la ye shes kyi tshogs zhes kyang bya'o/ /mos pas phyag bya ba ni rdul phra rab thams cad kyi grangs snyed kyi lus rjes su 'jug pa'i phyir dang/ sangs rgyas thams cad mngon sum du byed ba'i phyir de bas kyang spyod pa shin tu yangs pa nyid dang/ shin tu zab pa nyid dang/ chos phra ba nyid du ston to/ /mos pa'i de bzhin gshegs pa bstan pa'i phyir/ rdul gcig steng na zhes pa la sogs pa gsungs so/ /rdul phra rab kyi rdul gcig gi steng du sangs rgyas kyi zhing thams cad kyi rdul phra rab kyi rdul gyi grangs snyed kyi de bzhin gshegs pa mos pa'i
- 233a
shes pas mngon par bgod do/ /de dag kyang de bzhin gshegs pa nyag gcig ni ma yin no/ /'o na ci zhe na/ byang chub sems dpa' i 'khor gyi dkyil 'khor dang bcas pa dag go /de dag kyang spyod la gzhan gyis ni ma yin no/ /'o na ci zhe na/ bzhugs pa'o/ /rdul phra rab kyi rdul gcig gi steng du ji lta ba de bzhin du sangs rgyas kyi zhing thams cad kyi rdul phra rab kyi rdul de de yang mngon par dgod do zhes de skad bstan pa'i phyir/ de ltar chos kyi dbyings rnams ma lus ba zhes bya ba gsungs te/ 'dis kyang rdul phra rab de de smos pa ni snod rnams phra mor 'jug pa bstan to/ /chos kyi dbyings kyi bar smos pas ni ma lus bang? 'jug par bstan to/ /thams cad smos pas ni bar med par 'jug pa bstan to/ /de bzhin du sangs rgyas sras zhes smos pa dang/ bzhugs pa smos pa ni gnas pa po 'khor dang bcas pa gnas khyad par can ? bcas pa grangs med pa mngon sum du bya ba yang bstan te/ 'dis ni yongs su spyad pa'i khyad par snga ma las sems yongs su spyad pa'i khyad par lhag par bstan to/ /de ltar de bzhin gshegs pa rnams bstan nas/ de'i yon tan brjod pas sems yongs su sbyang ba'i khyad par bstan pa'i phyir/ de dag bsngags pa mi zad rgya mtsho rnams zhes bya ba gsungs so/ /de dag ces bya ba ni ngo bo nyid dang/ mos pa'i de bzhin gshegs pa dag go /mi zad ces bya ba ni dus thams cad du rgyun mi 'tshang pa ste/ 'dis ni dus la khyab pa bstan to/ /bsngags pa rgya mtsho zhes bya ba ni yon tan gyi tshogs dus thams cad du ldan pa nam mkha' i gtos khyab pa dag ste/ 'dis ni phyogs kyi tshogs la khyab pa bstan to/ /dbyangs kyi yan lag ni dbyangs 'grub pa'i rgyu ste/ lce dang rkan la sogs pa'o// //
- 233b
rgya mtsho zhes smos pa ni sgra thams cad bsdus par bstan to/ /'di skad du 'gro ba'i sgra 'grub pa'i gru re de la sgra thams cad sprul nas dngos po de de 'dod pa bstod pa brjod pa'i sgra ni phyogs dang dus dang dngos po thams cad la khyab bdag gis zhes bshad pa yin no/ /sdig pa mi dge ba'i chos las rnam par rgyal ba'i phyir rgyal ba'o/ /legs par 'dod pa dag gis 'dris par bya zhing yang dang yang gams par bya ba yin pas yon tan te/ pha rol tu phyin pa dang ma 'dres pa la sogs pa thun mong pa dang thun mong ma yin pa dang/ 'jig rten pa dang/ 'jig rten las 'das pa dag go /de'i phyir rgyal ba thams cad kyi so so'i yon tan thams cad skad cig skad cig la brjod cing do/ /mdzes pa dang/ phyir mi ldog pa dang yongs su rdzogS par gshegs pa'i phyir bde bar gshegs pa ste/ bde bar gshegs pa de dag la so sor re re la bdag gis sangs rgyas kyi zhing thams cad kyi rdul phra rab kyi grangs snyed kyi lus rnams kyis phyag 'tshal zhing mngon du phyogs nas bstong ngo? zhes bya ba yin no/ /de ltar rang 'khrungs dang rang 'khrungs ma yin pa'i sangs rgyas la dmigs pa'i khyad par dpag tu med pa grangs med pa yang bstan la/ de bzhin du ngo bo nyid dang/ mos pa'i phyag bya ba dang/ de bzhin du de bzhin gshegS pa'i yon tan dang/ bstod pa brjod pa'i sprin yang brjod pa nas de ni de dag nyid la mchod pa bya ba bstan pa'i phyir/ me tog dam pa phreng ba dam pa dang zhes bya ba la sogs ba gsungs so/ /me tog smos ba ni rin po che dang/ gos dang/ gser dang/ dngul la sogs pa las byas pa dri dang kha dog dang dbyibs sna tshogs rnams dang/ lha'i dang/ mi'i rnams dang/ dus thams cad dang/ yul thams cad na grags pa rnams bsdu'o/ /dam pa zhes smos pas ni
- 234a
thams cad pas mchog dang/ che ba dang dpa' ba rnams bsdu bar rig par bya'o/ /phreng ba smos pas ni phreng ba'i tshul du bkod ba dus thams cad dang/ yul thams cad nas 'byung ba dang/ lha'i dang/ mi'i rnams bsdu'o/ /dam pa smos pas ni rgya che ba dang/ gya nom pa bsdu par rig par bya'o/ /sil snyan smos pas ni dung dang/ rnga bo che dang/ rnga pa Ta ha dang/ rdza rnga la sogs pa lha'o dang/ mi'i dang/ dus thams cad pa dang/ rnam pa thams cad dang/ yul thams cad nas 'byung ba rnams bsdu'o/ /dam pa smos pas ni thams cad kyi mchog bsdu bar rig par bya'o/ /gang ni 'di nyid kyi nang du 'dus par rig par bya ste/ sil snyan dang lhan cig spyod pa'i phyir ro/ /glu ni bstod pa brjod pa'i sgras 'phangs pa'i phyir ro/ /byug ba smos pas ni tsan dan dang gur gum la sogs pa sangs rgyas kyi zhing rnams byug pa yin bar rig par bya ste drin? 'og nas 'chad pa'i phyir zhal zhal dang bsku ba'i de nyid ?? ba ni phrin mchog bsdu'o/ /gdugs smos dwa? ni rin po che'i ? sogs pa lha'i dang mi'i rnams yin par rig par bya ste/ de'i phyir ji skad smos pa'i yo byad kyi khyad par rnams dang/ dngos po dang/ yul dang/ dus dang/ gnas skabs dang/ bkod pa la sogS ? khyad par gyi mchog dang ldan pa gzhan dag gis kyang? rgyal ba de dag la mchod par bya pa'o zhes bya ba yin no/ /na bza' smos pas ni ras? dang du ku la'i ras dang zar ma'i ras dang man ras la sogs pa dus thams cad pa dang yul thams cad nas 'byung ba dang lha'i dang mi'i shin tu khyad par zhugs pa'i mthar phyin pa'i na gza' rnams bsdu'o/ /dam pa smos pas ni shin tu sba ba dang shin tu che ba /dag gis mchod par bya'o/ /zhes sbyar ro/ /dri smos
- 234b
pas ni tsan dan la sogs pa bcos ma dang bcos ma yin pa lha dang klu dang gnod sbyin la sogs pa la grags pa rnams bsdu'o/ /mchog smos pas ni shin tu phul du phyin pa 'jig rten pa dang 'jig rten las 'das pa bkod pa thams cad kyis shes bya bar ston to/ /phye ma smos pas ni tshon rim par bkod pa kha dog spel ba spo b+ha? la sogs pa'i bye brag dang ldan par ston to/ /ri rab ces smos pas ni grags pa'i tshad kyis rgya cha bar ston to/ /mar me smos pas ni rin po che'i spyod pa'i mar me la sogs pa rgya chen po'i 'jig rten gyi khams thams cad du rgyas par gsal ba dri sna tshogs kyis rgyas par 'gengs pa rnams bsdu'o/ /mchog ces smos pas ni gang dag sangs rgyas dang byang chub sems dpa' rnams la sos? kyis gzhan la ma yin pa ste thun mong ma yin pa zhes ston to/ /bdug pa smos pas ni bdug pa'i khyad par ga bur dang/ a ka ru dang/ tsan dan la sogs pa bcos ma ma yin pa dang/ bcos ma ste sbyang ba'i khyad par gyis bskyed pa lha'i dang mi'i las 'das pa gang dag yin pa dag bsdu'o/ /dam pa smos pas ni sangs rgyas dang byang chub sems dpa' i bsod nams kyi khyad par las skyes pa dag ces ston to/ /bkod pa'i khang bzang dang/ yang thog dang/ lha khang dang/ lha khang bum pa can dang/ gtsang khang gyur bu'i bye brag la sogs te/ tsan dan la sogs pa las byas pa nas so phag la sogs pa las byas pa'i bar gyi rnam pa de dag thams cad kyis so/ /mchog ces smos pas ni rin po che thams cad las byas ba thams cad du khyab pa khyad par can gyi rnam pa thams cad dang ldan par rig par bya'o/ /lha'i mchod pa'i yo byad kyi khyad par de lta bu de dag dang rab kyi mthar phyin pa gzhan dag gis kyang sangs rgyas kyi zhing ngo bo
- 235a
nyid dang mos pa ba thams cad khyab bar byas nas skad cig skad cig la de bzhin gshegs pa 'khor gyi dkyil 'khor dang bcas pa de dag thams cad la mchod par bya'o/ /zhes bstan nas/ da ni mchod la gang rnams bla med rgya che ba/ zhes bya ba la sogs pas bla na med pa'i mchod pa ston to/ /'di'i gong na mchod pa khyad par du 'phags pa gzhan med pas bla na med pa dag ste/ gang byang chub sems dpa' sems dpa' chen po thams cad kyis de bzhin gshegs pa thams cad la mchod pa byas pa dang/ de bzhin gshegs pa thams cad kyi phan tshun mchod pa mdzad pa'i phyir mngon par sprul pa rab kyi na thar thug pa brnyed pa'i ye shes ky bsgrubs pa phyogs dang dus thams cad du khyab pa mchod pa'i yo byad rgya che zhing bzang ba thams cad bsdus pa bkod pa'i rnam pa thams cad kyi rab kyi mthar phyin pa dang gang chos kyis mchod pa bla na med pa yon tan gyi tshogs thams cad yongs su spyod pa'i rang bzhin snying rje chen po dang byang chub kyi sems kyi bsdus pa'i mchod pa de lta bu de dag gis rgyal ba de dag la mchod bar bya'o zhes bya bar sbyar ro/ /rtogs pa thob pa ma yin yang 'on kyang sems can thams cad kyis gnas skabs de thob par bya ba'i phyir mos pa'i shes pas de bzhin gshegs pa sras dang bcas pa nyan thos kyi dge 'dun dang bcas pa thams cad la dbul bar bya'o zhes bstan pa'i phyir/ /de dag rgyal ba thams cad la yang mos zhes bya ba gsungs so/ /de bas bdag gis de ltar ji skad smos pa kun tu bzang po spyod pa yongs su sbyang ba bya ba bstan pa'i tshogs mchod pa'i yo byad kyi khyad par 'jig rten thams cad las shin tu 'das pa skye bo thams cad kyi yid
- 235b
'phrog pas rgyal ba de dag thams cad la phyag 'tshal te mchod par bya'o/ /zhes bya ba yin no/ /de ltar nas sangs rgyas rjes su dran ba dang/ de la phyag 'tshal ba dang/ bstong pa bya ba dang/ mchod pa'i mchog rnams kyis bsod nams kyis tshogs bsags nas de'i 'og tu thog ma med pa can gyi 'khor ba na sdig pa mi dge ba'i las gang cung zad byas pa dang/ byed du bcug pa dang/ rjes su yi rang ba de ma lus par bkru ba'i don du so sor bshegs par bya ba bstan to/ /phyir sdig pa bdag gis bgyis pa ci mchis pa zhes bya ba la sogs pa gsungs so/ /'khor ba na 'khor ba'i tshe bdag byis pa mi dag pa'i las cung zad byas pa dang/ byed du bcug pa dang/ rjes su yi rang ba de yang rgyu rnam pa gsum gyis 'byung ste/ 'dod chags kyi dbang gis chags nas srog gcod pa la sogs pa gang cung zad byed pa dang/ zhe sdang gi dbang dang/ gti mug gi dbang yang de bzhin no/ /de yang ji sten lus sam dag gam yid kyis byas pa de dag thams cad bdag gis sangs rgyas dang byang chub sems dpa' mngon sum du bzhugs pa thams cad la mngon du bshags so/ /mi dge ba'i sems pas rgyu 'di las sgrub pa yid du mi 'ong ba'i 'bras bur nus pa bzlog par bya'o/ /bkru bar bya'o dri ma med par bya'o/ /bag chags kyang med par bya ste/ theg pa chen po'i mdo las ji skad gsung pa'i yon tan gyi dri rnams kyis sems kyi rgyun shin tu dri zhim ? bya'o zhes bya ba'i tha tshig go/ /de ltar bsod nams kyi tshogs kyang bsagS mi dag ba bsags pa yang so sor la sags nas gzhan gyis byas pa'i bsod nams kyi tshogs kyang yongs su bzung pa'i phyir/ phyogs bcu'i zhes bya ba la sogs pa gsungs so/ /gang phyogs bcu'i sems can 'das pa dang ma 'ongs pa dang da?
- 236a
ltar gyi rnams kyi sbyin pa dang tshul khrims la sogs pa bsod nams rnam pa du ma ste/ bsod nams zhes bya ba'i sgras ni ma chags pa dang zhe sdang med pa gti mug med pas bsdus pa'i sems dang sems las byung ba dang/ des kun nas bslang pa'i lus dang ngag gi las yongs su bzung ngo/ /de dag nyid thob par byed pa dang/ gtsang bar byed pa'i don gyis bsod nams yin no/ /de'i phyir so so'i skye bo dang slob pa dang mi slob? pa de dag gis bsod nams gang la yang zhes bya ba yin te/ slob pa ni gang 'phags pa'i lam skyes la skyes bu'i don yongs su ma rdzogs pa dag ste/ de dag gis bslab par bya ba yod pa'i phyir slob pa dag go /mi slob pa ni gzhan gyis man ngag gis 'phags pa'i lam bskyed nas khams gsum na spyod pa'i nyon mongs pa rnams spangs pas skyes bu'i don yongs su grub pa nyid kyis bslab par bya ba med pas mi slob pa dag go /gang dag bskal pa gcig tu ye shes kyi tshogs yongs su rdzogs par byas te gzhan gyi man ngag med par 'phags pa'i lam thob nas khams gsum dang bral bar zhugs pa de dag ni snying rje chen po med pas gzhan la lung 'bog pa'i bya ba med par bdag gcig pu sangs rgyas par byed par sangs rgyas rnams so/ /sangs rgyas sras zhes bya ba ni byang chub sems dpa' mos bas spyod pa'i sa nas bzung ste chos kyis sprin gyis ri? bar la gnas pa gang yin pa ste/ de dag ni sangs rgyas kyi gdung mi mchad par bya ba'i phyir sras zhes bya'o/ /rgyal ba ni sangs rgyas bcom ldan 'das bdud thams cad las rnam par rgyal ba rnams yin te/ dus thams cad du bzhugs pa de dag gis bsod nams gang yin pa dang/ gong du bshad pa rnams kyi bsod nams mdza' yas pa bsam gyis mi khyab pa mtshungs pa med
- 236b
ba nam mkha' lta bur mu med pa sangs rgyas thams cad kyi yul du gyur pa gang yin pa de dag thams cad la bdag rjes su yi rang ngo/ /bsod nams mdzad pa de dag gi rang gi bsod nams kyi tshogs mngon sum du mdzad nas bzhugs pa la yang shin tu yi rang ngo// bdag kyang de'i rjes su phyin nas mos pa'i shes pas dge ba'i rtsa ba de dag thams cad rang gi rgyud las brlan nas rjes su yi rang ba 'am/ de dag dang stong pa nyid du ro gcig pas gcig par mos nas rjes su yi rang ba bya dga' ba bskyed par bya ste/ thabs 'dis gzhan gyis byas pa'i dge ba'i tshogs mdza' yas pa de thams cad kyang sems kyis yongs su bzung ngo zhes bya ba'i tha tshig go /de ltar de bzhin gshegs ba la phyag bya ba la sogs pas rang gi bsod nams kyi tshogs kyang yongs su bzung /sdig pa bshags pas sems kyi rgyud kyang yongs su sbyangs gzhan gyis byas pa'i bsod nams kyi tshogs kyang rjes su yi rang bas yongs su bzung ste/ dge ba'i phung po dpag tu med pa kun tu bsags pas sems can la phan pa'i lhag pa'i bsam pa yongs su spyad bar bzhed pas/ gang rnams phyogs bcu'i 'jig rten sgron ma dag ces bya ba 'di gsungs so/ /gang dag phyogs bcu'i 'jig rten na sangs rgyas kyi zhing shin tu yangs shing rgya che ba mar me'i snod lta bu dag na thugs rje chen po snum lta bu yongs su bkang pa/ skyes bu chen? po'i mchen sum cu rtsa gnyis dang/ dpe byad bzang po brgyad cus brgyan pa'i sku snying po lta bur gyur pa/ shes rab kyi pha rol tu phyin pa ye shes chen po'i me'i phung po rab tu 'bar ba/ phyogs bcu mdza' yas par 'od zer gyis tshogs dge ba'i dkyil 'khor dpag tu med pa 'phro bas gti mug gi mun nag chen po/ /ma lus par bcom pa dag ni 'jig rten sgron ma lta bu yin pas 'jig rten sgron ma ste de bzhin gshegs pa rnams so/ /byang chub mchog rim par
- 237a
sangs rgyas nas mchog tu gyur pa'i sangs rgyas brnyes te/ chags pa mi mnga' ba brnyes pa/ 'jig rten thams cad kyis rtogs par dga' ba'i chos thugs su chud pas cad mi gsung par bzhugs nos chos kyi 'khor lo mi bskor bar sangs rgyas ltar sems can gyi don la mi gzigs pa ma yin mod kyi/ 'on kyang chos zab? par bstan pa dang/ dam pa'i chos la gus pa bskyod pa'i phyir skul ba la bzhes te/ der smos pa'i sems dang ldan pa rnams la dge ba'i tshogs bsags pa'i phyir bdag nyid 'khor lo mi bskor ro/ /de bas na chos kyi 'khor lo bskor par bya ba'i phyir bdag gis phyag bya ba la sogs pa sngon du 'gro ba'i bskul bas de dag la bskul bar bya'o/ /bla na med pa ni 'jig rten thams cad na 'dra ba med pa'i phyir ro/ /de ltar ma byon pa'i sangs rgyas la bskul bas sems can la phan pa'i lhag pa'i bsam pa yongs su sbyangs nas/ yang gsol ba gdab bas kyang yongs su sbyangs ba'i phyir/ mya ngan 'das ston gang bzhad de dag la/ zhes bya ba la sogs pa gsungs so/ /de bzhin gshegs pa gang dag sangs rgyas kyi dul pa'i sems can rnams kyi don ci rigs par mdzad nas sangs rgyas kyis mdzad pa yongs su rdzogs pa 'dra bar mya ngan las 'das ba ston par bzhed pa phung po'i lhag ma ma lus pa'i mya ngan las 'das pa'i dbyings kyis phung po rnams yongs su mdor bar bzhed pa de dag la skye bo lhag ma rnams longs su smin par bya ba'i phyir mya ngan las 'das pa'i grong khyer du mi 'jug du gsol/ sems can mgon ma mchis par mi mdzad du gsol/ 'gro ba lhag ma dag la sngon gyi smon lam ji lta ba bzhin du don mdzad par gsol zhes bdag rab tu bsgrims nas/ /phyag 'tshal te thal mo sbyar ba la sogs pas
- 237b
gsol ba gdab po/ /bskul ba ni bdag nyid byed par 'dod pa la bskul ba tsam du zad de/ des na gsol ba dang bskul ba dag ni bsgrim pa dang mi bsgrim pa'i ngo bo yin pa'i phyir gsol ba dang bye brag yod do/ /dus ji srid cig du bzhugs bar gsol ba gdab snyam pa la/ zhing gi rdul snyed bskal par bzhugs par yang zhes bya ba la sogs pa gsungs so/ /sems can gyi don mdza' las pa'i phyir sangs rgyas kyi zhing thams cad kyi rdul phra rab kyi rdul gyi grangs snyed kyi bskal par bzhugs su gsol lo/ /des na 'di skad du sems can gyi khams ji tsam pa de tsam du seMs can gyi don mdzad pa yongs su ma grub pa nyid do/ /de bas na de don du gnyer ba rnams yongs su mya ngan las mi 'da' ba nyid do zhes ston to/ /ci'i phyir bzhugs par gsol snyam pa la/ 'gro ba kun la phan zhing bde ba'i phyir zhes bya ba gsungs so/ /'gro ba kun la zhes bya ba ni sems can gyi khams ma lus pa la'o/ /phan pa ni mi dge ba'i chos thams cad las bzlog pa dang/ dge ba'i chos thams cad la 'jug pa 'am/ tshe 'di dang tshe 'di ma yin pa'i dang/ gtan du bde ba 'thob ba'i rgyu'o/ /bde ba ni lha dang mi'o/ /yang na bde ba'i mchog ni mya ngan las 'das pa ste/ de'i don du bzhugs su gsol lo/ /da ni bsod nams kyi phung? po lhag pa'i bsam pa yongs su sbyang ba byas pa'i khyad par las skyes pa bar mtshams med par ji ltar bzung ba bsdom pa de thams cad khyad par 'phags pa'i 'bras bur yongs su bsngo ba thabs kyis bsdus nas yang rgya chen por bya ba'i phyir// phyag 'tshal ba dang zhes bya ba la sogs pa gsungs so/ /de la ngo bo nyid dang mos pa'i lus kyis sangs rgyas mdza' yas pa la phyag 'tshal bar dmigs pa'i sems pa'i khyad par gang yin pa de dag ni phyag 'tshal ba'i sgrar bstan to//
- 238a
mchod pa ni mchod pa'i yo byad mdza' med pa sangs rgyas mdza' yas ba la phul bas bsdus pa'i sems ba'i bye brag rnams so/ /bshags pa ni byas pa dang byed du bcug pa dang rjes su yi rang ba 'dod chags dang zhe sdang dang gti mug las byung ba lus dang ngag dang yid las byung ba'i mi dge ba'i kha ba sangs rgyas dang byang chub sems dpa' thams cad kyi spyan sngar bshags pa'i rang bzhin gyi sems pa'i rgyun rnams so/ /rjes su yi rang ba ni sangs rgyas dang byang chub sems dpa' dang nyan thos dang rang sangs rgyas dang so so'i skye bo thams cad kyis byas pa dang byed du bcug pa dang rjes su yi rang ba'i bsod nams kyi tshogs mdza' yas pa la rjes su yi rang bar zhugs pa'i sems pa'i phung po'o/ /bskul ba ni sems can gyi don mdzad par bya ba'i phyir mngon par rdzogs par sangs rgyas pa'i sangs rgyas te chos la gus pa bskyed pa'i phyir bskul ba la gzhes pa rnams la so sor bsti stang bya ba sngon du 'gro ba'i don du gnyer ba bsdus pa'i sems pa'i khyad par rnams so/ /gsol ba ni rang gi mdzad pa rnams yongs su rdzogs par mdzad nas phung po lhag ma med pa'i mya ngan las 'das pa'i grong khyer du gshegs par bzhed pa rnams la gsol ba 'debs pa ste /phyag 'tshal ba sngon du 'gro ba'i 'gog pas bsdus pa'i sems pa mchog 'byung ba rnams so/ /de ltar ji skad smos pa'i tshul du rang gi rgyud yongs su sbyang ba byas pa'i khyad par gyis dge ba'i tshogs mdza' yas ba bsags pa gang yin pa de dag sangs rgyas dang byang chub sems dpa' dbang du gyur pa rnams kyi spyan sngar bzhag nas dad pa phul du byung ba'i nor bu rin po ches dang bar byas pa'i sems kyis byang chub tu yongs su bsngo bar bya/ 'bras bu'i khyad par bla na med
- 238b
pa la nges par bya ste/ don de nye bar bsgrub bo zhes bya ba'i tha tshig go/ de ltar na bsod nams kyi tshogs yongs su gzung ba'i phyir thabs kyi khyad par pha rol mi dpogs byang chub sems dpa' chen po kun tu bzang po'i spyod pas 'thob par byed pa'i mtshan nyid kyi 'di ni dad pas bskyed pa'i sems kyis thos pa'i tshe yang sems kyis rgyun rnam par dag par byed pas nyin gcig bzhin du dus gsum du sgrub pas lta smos kyang ci dgos/ de bas na 'di ni 'og nas 'byung ba'i don rnams thams cad la yang so sor sbyar bar rig par bya'o/ /de ltar bsod nams kyi tshogs yongs su bsdud pa'i thabs sgrub pas rgyal ba kun gyis rjes su slob gyur te/ thabs kyis yongs su zin pa'i 'phags pa kun tu bzang po'i spyod pa rab tu ston bar byed/ rab tu 'chad par byed ces bya ba 'dis ni mos pas spyod pa'i sa'i don bsdus par bstan to/ /ye shes spyod pa rnams par dag byed cing zhes bya ba la/ ye shes ni zag ba med pa rnam par mi rtog pa'i theg pa'o/ /de'i spyod pa ni sa bsgom pa'i gor mi mo/ /de rnam par dag pa ni bsgom pa rab kyi mthar phyin par gyur pa'i ye shes kyis ste/ 'dis ni sa bcu bsdus so/ /byang chub spyod pa yongs su rdzogs byed cing ces bya ba la/ byang chub ni thams cad mkhyen pa'i ye shes phul du byung ba'o/ /de'i spyod pa ni sangs rgyas kyi sa kun tu 'od kyis bsdus pa bsgom pa'o/ /de yongs su rdzogs pa ni byang chub kyi snying por bzhugs nas nyon mongs pa dang shes bya'i sgrib pa bag chags dang bcas te spangs pa'i phyir mi gnas pa'i mya ngan las 'das pa'i mngon sum du mdzad pa yin te/ /'dis ni phan yon gyi lam bsdus so/ /de ltar na tshigs su bcad pa 'dis ni smon lam chen po 'di'i don thams cad bsdus par
- 239a
bstan pa yin no/ /'di man chad 'das pa'i sangs rgyas rnaMs dang zhes bya ba la sogs pas ni mos pas spyod ba'i sa'i don gyi rim ba brjod de/ de bzhin gshegs pa 'das pa rnams ni mngon par rdzogs bar byang chub pa la bltos nas yin gyi/ phung po'i lhag ma ma lus pa'i mya ngan las 'das pa'i dbyings la bltos nas ni ma yin te/ de bzhin gshegs pa rnams ni mi gnas pa'i mya ngan las 'das pa'i dbyings la bzhugs pa'i phyir ro// phyogs bcu'i 'jig rten dag na gang bzhugs zhes bya ba ni sprul pa'i sku rnams kyis phyogs bcu dag na da ltar sems can yongs su smin par mdzad ba zhes bya ba'i tha tshig go /mchod bar gyur ces bya ba ni ji skad bshad ba'i mchod pa dang sgrub ba'i mchod pa bla na med pas de bzhin gshegs pa 'das pa la sogs pa gang dag yin pa de dag la mchod bar gyur cig ces bya ba yin te/ sgrub pa'i mchod pas ni byang chub tu sems bskyed pa ston to/ /gang yang ma byon pa de dag rab tu myur ba kho nar mngon par rdzogs par sangs rgyas nas ji ltar bzhed pa bzhin dgongs pa yongs su rdzogs par gyur cig ces bya ba ste/ 'dis ni sems can gyis don mdzad par bzhugs pa de dag skad cig kyang shol bar ma gyur cig ces de skad bstan to/ /thugs la dgongs pa ni bsam pa ste/ yun ring po nas bzhed pa'i don 'bras bu'i khyad par rdo rje lta bu'i ting nge 'dzin ces bya ba gang yin pa'o/ /de yongs su rdzogs pa ni bsam pa rdzogs pa'o/ / de nyid kyi phyir/ byang chub rim bar sangs rgyas zhes bstan to/ bla na med pa yang dag par rdzogs pa'i byang chub brnyes pa de yongs su rdzogs par gyur cig ces bya ba'i tha tshig go /de dag bdag nyid 'bras bu ?
- 239b
pa la zhugs mod kyi/ 'on kyang de dag gi don chen po 'grub pa dang/ bgegs med par smon pa rnams kyi bsam pa shin tu dag par 'gyur ro zhes ston to/ /tshigs su bcad pa 'dis ni sangs rgyas thams cad kyis dgongs pa yongs su rdzogs par bya ba'i bsam pa bstan to/ /da ni sangs rgyas kyi zhing thams cad yongs su sbyangs pa'i bsam pa bstan pa'i phyir/ phyogs bcu ga la'i zhing rnams ji snyed pa zhes bya ba la sogs pa gsungs so/ /phyogs bcu na sangs rgyas kyi zhing gi khyad bar ji snyed yod pa de dag rdo la sogs pa nyes pa med pa bde ba'i phul du phyin pa bde ba can dang 'dra bar yongs su dag par gyur cig ces bya ba yin no/ /yongs su dag pa 'ba' zhig ma yin gyi/ de na yod pa'i dngos po thams cad rab kyi mthar phyin par gyur pa'i sgo nas rgya che bar yang gyur cig ces bya ba yin no/ /de ltar gnas yongs su dag pas yongs su dag par brjod nas/ /gnas pa yongs su dag pa bstan pa'i phyir/ byang chub shing dbang drung gshegS zhes bya ba la sogs pa gsungs so/ /byang chub ni ye shes bla na med pa'o/ /de shing gi rgyal po gang gi drung du bzhugs nas brnyes pa de ni sems can gyi mchog gi yongs su bzung ba'i khyad par gyi phyir byang chub shing gi dbang po ste/ shing thams cad kyi nang na shin tu khyad par du 'phags pa'i phyir dbang po'o/ /bdud bzhi pham par mdzad pa'i phyir gang dag der bzhugs pa de dag byang chub shing dbang drung gshegs so/ /de dag gang yin snyam pa la/ rgyal ba dang zhes bya ba gsungs so/ /bag chags dang bcas pa'i nyes pa thams cad las rgyal ba'i phyir te/ de dag gis yongs su gang bar gyur cig ces bya ba yin no/ /ci de dag nyi tshes sam snyam pa la/ sangs rgyas sras kyis zhes bya ba gsung
- 240a
so/ /de kho na nyid rnam par sangs rgyas pa'i sangs rgyas de dag nyid kyi sas sku dag pa mnga' ba zab cing bzang ba yon tan gyi tshogs dpag tu med pa dang ldan pa sa bcu la rab tu gnas pa'i byang chub sems dpa' de dag yin no/ /de'i phyir sems can rin po che khyad par can de lta bu dag gis sangs rgyas kyi zhing khyed par can de dag yongs su gang bar gyur cig ces bya ba yin no/ /de ltar gnas dang gnas pa yongs su dag pas sangs rgyas kyi zhing yongs su spyad ba'i bsam pa brjod pas sems can la phan pa dang bde ba'i bsam pas yongs su dag pa bstan pa'i phyir/ phyogs bcu'i sems can gang rnams ji snyed pa zhes bya ba la sogs pa gsungs so/ /phyogs bcu dag na gang ji snyed 'khod pa de dag thams cad bde bar gyur cig ces bya ba 'dis ni ngan song ba'i sdug bsngal las ldog par bstan to/ /cing 'ga' zhig gam zhe na ma yin te/ rtag tu zhes bya ba gsungs so/ /ngan song ba'i sdug bsngal dang bral du zin kyang bde 'gror skyes pa rnams la nad la sogs pa'i sdug bsngal yod do snyam pa la/ nad med gyur ces bya ba gsungs te/ dus thams cad du lhan cig skyes pa dang blo bur gyi sdug bsngal ma lus ba las grol bar gyur cig ces bya ba'i tha tshig go/ sdug bsngal de dang bral du zin kyang de bas ches mi bzad pa dbul sogs pa'i sdug bsngal yod do snyam pa las/ 'gro ba kun gyi chos kyi don rnams ni zhes bya ba gsungs so/ /'gro ba thams cad de/ sems can gyi phung po ma lus pa dag gi chos kyi 'dod pa grub pa'i gyur cig ces bya ba yin no/ /chos kyis rnyed pa'i don ni chos kyi don yin te/ dge ba bcu'i las kyi lam las mgol bas rnyed pa'o/ /yang na chos kyi zhes bya ba ni 'jig rten gnyi gar ma smad pa'o/ /chos kyi
- 240b
zhes smos pas ni pha rol la gnod pa byas pa'i sdug bsngal med par bstan to/ chos kyi yin yang ci ste na sgrub pa dang srung ba la sogs pa'i sdug bsngal dang 'brel par 'gyur ro snyam pa la/ mthun bar gyur cing zhes bya ba gsungs so/ /sgrub pa la sogs pa'i yongs su nyon mongs ba med pas shin tu mthun par gyur cig ces bya ba'o/ /de lta yin yang 'dod pas phongs pa la sogs bas byas pa'i sdug bsngal 'byung ba kho na'o snyam? pa la/ re ba'ang grub bar shog /ces bya ba gsungs so lus can thams cad kyi re ba ste/ 'dod pa'i don grub par bya ba'i bsam pa grub cing 'byor par shog ces bya ba'i tha tshig go /byang chub kyi sems ni sems can la phan pa skyed pa'i mtshan nyid yin pa'i phyir da ltar ma 'ongs pa'i sangs rgyas mngon par rdzogs par byang chub bar smon pa dang/ sangs rgyas kyi zhing dang sems can yongs su dag par smon bas ni byang chub kyi sems bskyed pa bstan to/ /'dir dang por mchod pa rab tu dbul bas ni mos pas spyod pas bsdus pa'i sbyin pa'i pha rol tu phyin pa bstan to/ /de ltar tshigs su bcad pa gsum gyis byang chub kyi sems bskyed pa mos pas spyod pas bsdus pa brjod nas/ de bstan par bya ba'i phyir/ byang chub spyod pa dag ni bdag spyod cing zhes bya ba la sogs pa tshigs su bcad brtsa ba drug la sogs pas ni de las gzhan pa thabs ston to/ /byang chub kyi sems mi brjed pa dang/ de dang mthun pa'i pha rol tu phyin pa sgrub pa yang skye ba dran na 'byung gi /de ltar ma yin te/ dran pa nyams na de gnyi ga med do/ /byang chub tu spyod pa ni byang chub tu spyod ba ste/ de? 'phags ba kun tu bzang po'i spyod pa'i la nan tan byed pa'o/ /de spyod cing ste/ thos pa dang bsam pa la sogs pa'i rim gyis sgom zhing/ zhes bya ba'i tha tshig go /de yang phyugs bdag pa'i thar
- 241a
pa bzhin du skye ba gcig gis ni ma yin no/ /'o na ci zhe na/ bskal pa grangs med pa du mas thob ba'i bsod nams dang ye shes kyi tshogs kyis 'thob par bya ba yin no/ /de'i phyir skye ba dran pa nyid med na de thams cad mi srid do/ /tshe rabs gzhan du brjes nas sdug ste/ gnyid kyis log pa'i gnas skabs na bdag su yin pa dang/ bdag gis gnas gang yin pa dang/ bdag gi bya ba dang mi bya ba gang yin pa mi shes pa de lta bur gyur pa ni dge ba med pa dang yang shin tu ring na tshogs yongs su rdzogs par lta ga la 'gyur/ de bas na skye ba dran par gyur ces bya ba gsungs so/ /smon lam ma btab par yang lha la sogs pa'i nang na skye ba dran pa dag yod do snyam ba la/ 'gro ba kun tu zhes bya ba gsungs so/ /'gro ba ni sems can dmyal ba la sogs pa lnga ste/ las dang nyon mongs pa'i dbang gi sems can rnams shi ba'i 'og tu skye ba'i don du de dag tu 'gro bas na 'gro ba'o/ /'di skad du las kyi dbang gis 'gro ba thams cad du skye ba na rtag tu skye ba dran par gyur cig ces bshad pa yin no/ /'chi 'pho ni shi ba ste 'chi ba zhes bya ba'i tha tshig go /skye ba ni skye ba ste ris mthun pa'i khyad par 'thob pa'o/ /skye ba dran du zin kyang so so'i skye'o gnas skabs na khyim par gyur pa'i phyir dang/ de'i skye bo dang 'grogs pa'i phyir sems kyi rgyud sbyang ba ma byas bas tshogs la sbyor ba rnyed par dka' bas 'chi 'pho skye ba na zhes bya ba la sogs pa gsungs te/ gang nas 'chi 'pho ba dang/ gang du skye ba der rab tu 'byung bar gyur cig ces bya ba yin no/ /skye ba der rab tu byung ste khyim pa'i cha byad dang/ der 'grogs pa bor yang dus ji srid cig gi bar du snyam pa la rtag tu zhes bya ba gsungs so/ /dus thams cad du ste bar
- 241b
skabs su rab tu byung ba ma yin no/ /rab tu byung yang 'chal ba'i tshul khrims spyod pa'i phyir tshul khrims la sogs pa la skyon byung na tshogs yongs su rdzogs par ga la 'gyur/ nga med pa'i tshul khrims ni yon tan thams cad kyi gzhi yin pas yon tan 'thob pa thams cad kyang med par 'gyur bas de'i phyir/ tshul khrims spyod pa dri med ces bya ba la sogs pa gsungs so/ /tshul khrims kyi mtshan nyid kyi spyod pa ni tshul khrims spyod pa'o/ /de yang ci ste 'dod chags la sogs pa'i skyon gyis kun nas bslang ba'i 'chal pa'i tshul khrims kyi dri mas dri ma can du gyur pas de'i phyir dri med ces bya ba gsungs so/ /de yang ci ste na bslab pa mi 'dod ba'i gti mug gi spyod pas bslab pa'i gnas rnams me shes pa'i phyir ram/ dran pa nyams la sogs pas yongs su ma dag par 'gyur ro snyam pa la/ /yongs su ngag par zhes bya ba gsungs so/ /shes rab kyis yongs su zin pa'i tshul khrims ni dri ma med cing yongs su dag pa yin no/ /yongs su dag pa yang ci? ste na dus tshigs kyi nyi ma dag la 'gyur ro snyam pa la/ rtag tu zhes bya ba gsungs ste/ ji srid 'tsho'i bar du zhes bstan par 'gyur ro/ /tshul khrims rnam pa de lta bu yang ci ste na phyogs? gcig par 'gyur ro snyam pa la/ ma nyams zhes bya ba gsungs te/ bslab pa yongs su rdzogs par gzung zhes bya ba'i tha tshig go /de yang ci ste na bag med pas skyon can du 'gyur ro snyam pa la skyon med ces bya bar gsungs so/ /des na rang bzhin dang bcas pa'i kha na ma tho pa'i dngos po dang bral ba'i phyir kun tu kha na ma tho ba'i dngos po dang bral ba'i phyir kun tu kha na ma tho ba med pa'i tshul khrims su 'gyur ro/ /de'i phyir tshul khrims rnam pa de lta bu la rtag par spyod cing rgyun du nan tan byed bar shog
- 242a
cig ces bya ba yin te/ bde 'gror lus dang longs spyod kyi khyad par len pas bde ba dang yid bde ba 'thob pa'i phyir dang/ 'tshal? ba'i tshul khrims kyi gdud ba zhi bar byed ba'i phyir sems bsil bar byed pa'i don byas? tshul khrims zhes bya'o/ /de ltar skye ba dran pa dang rab tu 'byung ba dang tshul khrims yongs su dag pas ni rang gi rgyud yongs su smin par bstan to/ /da ni skye ba gzhan dran pa'i mthu nyid kyis srog chags thams cad kyi skad yongs su shes? pa'i phyir skad kyi bye brag de dang de dag thams cad kyis sems can gyi don sgrub pa'i ched du smon lam gyi khyad par gyis lha la sogs pa'i nang de dang der skyes na rang rang gi skad kyi khyad par rnams kyis de dag la chos bstan par bya ba'i phyir lha yi skad dang zhes bya ba la sogs pa gsungs so/ /tshigs su bcad pa 'dis ni rgyud gzhan yongs su smin par bstan to/ /de ltar de dag gi don spyad nas bdag dang gzhan gyi don sgrub pa la bsam pa gtum po mi rigs te/ don de sgrubs pa'i phyir/ des shing? pha rol phyin la rab brtson te/ zhes bya ba la sogs pa tshigs su bcad pa gsungs so/ /des pa ni sems can thams cad la mchog tu byams pa'i rang bzhin no/ /de ni sems can logs par sgrubs pa thams cad dang 'grogs kyang yongs su mi skyo zhing rang gi lus dang ngag dang yid kyis kyang gzhan la gnod pa mi byed do/ de ltar sems can thams cad sdud pa la zhugs ba de ni byams pa dang snying rje dang ldan pas sgrib ba med par sems can gyi don sgrub bo/ /de ltar lus dang ngag dang yid kyi las yongs su dag pas/ pha rol phyin la rab brtson te zhes bya ba 'am/ pha rol tu phyin pa ni sbyin ba la sogs pa te/ rang gi phun sum tshogs pa'i
- 242b
mthar phyin par 'go ba'i phyir ro/ /de bas na de dag la rab tu brtson te shin tu mngon par dga' o/ /ci ste na byang chub kyi sems dang bar mi 'gyur ram snyam pa la/ byang chub sems ni nams kyang brjed ma gyur zhes gsungs/ /'dis ni pa? tu phyin par byar ba goms pa'i phyir gnyen po rnyed pas mos pas spyod pa'i sa na sems can gyi don gyi rgyu smon lam gyi dbang gis de dang de dag tu skyes na yang mos pa'i dbang gis byang chub kyi sems nam du yang brjed par ma gyur cig ces ston to/ /de la bla na med pa'i ye shes thob pa ni byang chub po/ /der sems ni byang chub kyi sems te bsod nams dang ye shes kyi tshogs rnam pa sna tshogs bsags pa'i phyir ram/ ji ltar yongs su sbyang ba byas pa'i mthu yongs su bzung ba'i dbang gis 'khor ba pa dang/ nges par 'byung ba'i tshul rnam pa tha dad pa sna tshogs kyis bkra bar bya ba'i phyir sems so/ /nams kyang brjed ma gyur zhes bya ba ni gzhan yang ma gyur cig ces bya ba'i tha tshig ste/ de la de'i skye ba'i mthu nyams par ma gyur cig ces bya ba'i tha tshig go/ de ltar byang chub kyi sems dang mi mthun pa'i phyogs yongs su dag pa la yang ci ste na sgrib pa kun tu 'byung srid do snyam pa la/ sdig pa gang rnams sgrib par gyur pa dag /ces bya ba la sogs pa gsungs so/ /sdig pa ni 'dod chags la sogs mi dge ba'i chos rnams te/ de dag nyid 'phags pa'i lam skye ba la sgrib pas sgrib pa rnams te/ las dang/ nyon mongs pa dang/ rnam par smin pa'i rang bzhin rnams so/ /de la las ni byas shing bsags pas rtogs pa'i bar du gcod bar gyur ba'o/ /nyon mongs pas ni mi dge ba bcu'i las kyi lam kun nas slong bar byed pa nyid kyis thams cad du gyur pa'i phyir byang chub sems dpa'
- 243a
rnams kyis sgrib pa'o/ /rnam par smin pa ni gang bsod nams dang ye shes kyi tshogs sogs pa'i bar du gcod pa ste de nyid sgrib pa'o/ /de dag bdag gi rgyud la yongs su byang bar shog ces bya ba ste/ 'byung bar ma gyur cig ces bya ba'i tha tshig go /yongs su byang yang ci sten ma lus par ma yin no snyam ba la/ ma lus par zhes bya bas bye brag tu byas te/ kun nas dkris pa dang bag chags dang bcas pa yang med par zhes bya ba'i tha tshig go /rim pa ni skye ba gzhan du song ba'i tshe dran pa nyams na thog ma med pa'i tshe rabs gzhan na goms ba khyim gyi gnas la srid pa mngon du 'gyur ro/ /de bas na bu dang bu mo la sogs pa la chags pas nyams na tshul khrims 'chal cing dge ba la mngon par mi dga' o/ /de nas tshul khrims 'chal na sems can yongs su smin bar byed pa rnyed par dka' o/ /de nas sems dri ma can du gyur na yid bzhin gyi nor bu lta bu'i sems can rnams la nges par yang mi 'gyur ro/ /de nas pha rol tu phyin pa la sbyor ba dang thag ring ngo/ /de nas bsod nams kyi tshogs thams cad kyi sa bon du gyur ba byang chub kyi sems las yongs su nyom/ /de nas sems kyis yon tan thams cad kyis stong pa la nyes par spyod pa nyon mongs bar rab 'byams ma bzlog pa dag 'dod dgur rnam par rgyur ro/ /'das pa'i skye ba dran pas de nyid rab tu 'byang ngo/ /de nas tshul khrims so/ /de nas sems can yongs su smin par byed do/ /de nas nges bar 'gyur de nas pha rol tu phyin pa la sbyor ro/ /de nas byang chub kyi sems mi brjed do/ /de nas sgrib pa spong ste/ byang chub kyi sems yongs su mi gtong ba'i go rim ni de lta bu'o/ /skabs 'dis ni mos pas spyod pas bsdus pa'i tshul khrims?
- 243b
kyi pha rol tu phyin pa bstan to/ /da ni byang chub kyi sems mi brjod pa'i mi gos par bsgrub pa bstan pa'i phyir/ las dang nyon mongs bdud kyi las rnams las zhes bya ba la sogs pa'i tshigs su bcad pa 'dis gsungs so/ /'dis ni gang gis gang du dang/ ji ltar mi gos pa de go rim bzhin du ston to/ gang gis mi gos zhe na/ las rnams so/ /laS ni sems dpa' dang des byas pa ste/ de bas na mi dge ba'i las byas par gyur pa de dag las rnam par grol bar spyad bar bya bar sbyar ro/ /ci las 'ba' zhig las sam zhe na/ ma yin te/ nyon mongs rnams las kyang zhes gsungs so/ /nyon mongs ba ni 'dod chaD la sogs pa ste/ lus dang sems kyi rgyun gdung bar byed/ dri ma can du byed pas/ nyon mongs pa rnams so/ /ci las dang nyon mongs pa nyi tshe las sam zhe na/ ma yin no/ /'o na ci zhe na/ bdud kyi las rnams las zhes bya ba gsung ste/ dge ba'i chos kyi bar chad byed pa'i phyir bdud rnams so/ /de dag kyang lha'i bu'i bdud la sogs pa dang/ nye du dang yul dang lha la rtog pa la sogs pa'o/ /gang du mi gos snyam pa la/ 'jig rten 'gro ba rnams su zhes bya ba gsungs so/ /'jig rten pa'i phyir 'jig rten no/ /de yang rnam pa gnyis te/ sems can dang snod do/ /de dag ni 'jig rten gyi 'gro ba rnams te/ 'di skad du 'gro ba rnams su 'khor ba na mi gos par spyad ces bya ba yin no/ /gos pa ni dri ma can du byed pa ste/ de med pa'i phyir mi gos pa'o/ /ci 'dra bar snyam pa la 'dir ji ltar padmo zhes bya ba'i dbas gsal bar byed de/ dper na padmo chu las skye ba na chus mi gos bar skye ba de bzhin du bdag kyang 'gro ba thams cad la rjes su chags pa dang khong khro ba la sogs pa spangs nas mi gos par zhes bya ba yin no/ /nyi ma dang zla ba zi lta ba bzhin du
- 244a
du zhes bya ba ni/ /dper na nyi ma dang zla ba nam mkha' i dkyil na rgyu bas bsil ba dang tsha ba bsgrub par byed kyang srog chags rnams la rjes su chags pa dang/ thod? khro ba spangs ba de bzhin du bdag kyang sems can yongs su smin par bya ba'i phyir 'khor pa'i nam mkha' la rgyu zhing rjes su chags pa dang khong khro ba spangs te sbyang do zhes bya ba'o/ /skabs 'dis ni mos bas spyod pa'i sas bsdus pa'i brjod pa'i pha rol tu phyin pa bstan to/ /de ltar rjes su chags pa dang khong khro ba spangs te gnas pa la sems can la phan 'dogs pa'i bgegs mi 'byung bar bstan pa'i phyir/ ngan song sdug bsngal rab tu zhi bar byed ces bya ba gsungs te/ shin tu nyas par spyad pa'i dbang gis bde 'gro rnams las ngan song 'gro zhing 'og tu 'gro bas na ngan song do/ /de dag tu sdug bsngal te mi bde ba myong ba 'di dag thams cad rab tu zhi bar bya'o/ /rab tu zhi bar byas nas byang sems can de dag bde ba'i khyad par phul du byung ba la dgong par bya'o/ /bde ba ni sil ba myong ba ste/ dbang po la phan 'dogs pa'o/ de ltar de ltar byung bAi sdug bsngal bsal te/ dpe med pa'i bde ba 'thbo par byed pas sems can gyi don byas nas ma 'ongs pa'i gtan gyi bde ba la rab tu dgong ba'i phyir/ 'gro ba thams cad la ni phan par spyad ces bya ba gsungs so/ /'gro ba thams cad de sems can gyi tshogs ma lus pa la phan par bya ba'i phyir bla na med pa'i mya ngan las 'das pa la rab tu dgong bar spyad par bya'o/ /gang du spyad snyem pa la /phyos rnams na ni zhing khyon ji tsam par zhes bya ba gsung sso/ /phyog sbcu dag na zhing gi khyon ji tsam pa ste sangs rgyas kyi zhing gi khyad la de dag thams cad du'o/ /'dis ni mos pas spyod pas bsdus pa'i brtson 'grus kya pha rol tu phyin pa bstan to/ /de ltar bsod nams kyi
- 244b
tshogs su thabs yongs su gzung? ba bstan nas ye shes kyi tshogs yongs su gzung ba'i phyir/ sems can dag gi spyod dang mthun par 'jug ces bya ba la sogs pa go cha 'go? ba bstan to/ /'khor ba na las dang nyon mongs pas spel ba'i srog chags rnams chags par 'gyur ba'i phyir sems can rnams so/ /de dag gi spyod pa ni sems kyi bye brag gis lus dang dag gi las rnam pa sna tshogs kyi rang bzhin no/ /de dag dang mthun par 'jug pa ni de dag gi bsam pa dang/ bag la nyal yongs su shes pa'i phyir de dag gis bsam pa dang mthun par de dag gi spyod pa dang 'thun par 'jug pa ste/ sems mgu bar byed pa'i thabs 'dis ni byang chub kyi spyod pa ye shes gyi tshogs kyi mtshan nyid byang chub kyi rgyur thos pa dang bsam pa dang sgom pa khyad par can la sogs pa'i rang bzhin gang yin pa de dag yongs su rdzogs par byed cing ste/ sgrub par byed cing/ bzang po spyod pa dag ni rab ston cing/ zhes bya ba ni byang chub sems dpa' chen po kun tu bzang pos bstan pa bla na med pa'i ye shes thob par byed pa'i thabs dpag tu med pa ston pa'i rang bzhin gang yin pa de dag sems can rnams la ston cing rab tu 'chang cing spyad par bya'o/ /dus ji srid cig gi bar du snyam pa la/ ma 'ongs bskal pa kun tu spyod gyur cig ces bya ba gsungs so/ /ma 'ongs pa'i bskal pa de dag thams cad du skye zhing skyes nas/ sems can mgu bar byed pas ye shes kyi tshogs yongs su rdzogs par bya'o zhes bya ba yin no/ /'dis ni sems can gyi spyod pa mthun par 'jug bas mos pas spyod pas bsdus pa'i bsam gtan gyi pha rol tu phyin pa bsnyad de/ gzhan gyi bsam pa yongs su shes pa ni mnyam par bzhag pa med par mi 'byung ngo/ /de ltar go cha chen po
- 245a
bgos pa sems can mgu bar byas pa lhur len pa dang/ byang chub sems dpa' skal pa mtshungs pa dang phrad par bstan pa'i phyir/ bdag gi spyod dang mtshungs par gang spyod pa zhes bya ba la sogs pa gsungs te/ gzhan gang dag byang chub tu sems bskyed par bzang po spyod pa la nan tan byed pa de dag ni de dang skal pa 'dra bas na mtshungs pa ste/ de'i dngos po ni mtshungs pa nyid do/ /sems can gang dag bdag dang mtshungs par gyur pa sbyor ba mthun par gyur pa de dag dang bdag phrang par gyur cig pa'o/ /phrad pa ni lhan cig 'grogs pa ste/ lus dang ngang dang yid kyis gcig tu kun tu bzang po spyod pa'i smon lam la nan tan byed par gyur cig ces bya ba'i tha tshig dus ji srid cig gis bar du snyam pa la/ rtag tu zhes bya ba gsungs so/ /'dis ni byang chub sems dpa' skal pa 'dra ba dang 'grogs pas chos rab tu rnam par 'byed pa'i phyir mos pas spyod pas 'dus pa'i shes rab kyi pha rol tu phyin pa bstan to/ /da ni spyod pa mtshungs pa'i byang chub sems dpa' dang mthun par bya ba goms par byas nas/ bdag la phan par 'dod pa'i grogs po dag ces bya ba la sogs bas dge ba'i bshes gnyen par bya ba ston te gang bdag la zhes/ 'am bdag la skyabs 'byung ba ni grogs po rnams so/ /bdag la phan par 'dod pa zhes bya ba ni byang chub mcho thob par byed pa dang ste/ bdag 'khor ba na 'khor ba'i tshe mchog tu phan 'dod par 'dod pa mchog tu byams pa'i rang bzhin can kun tu bzang po'i lung phyin ci ma log pa sbyin pa de dag dang 'phred par gyur cig/ phyir zhing 'grogs par gyur cig ces bya ba yin no/ /cis res 'ga' zhig gam zhe na/ ma yin te/ rtag tu zhes bya
- 245b
gsungs so/ /dus thams cad du ste thams cad kyi mchog rdzogs pa'i byang chub thob kyi bar du'o/ /de ltar phan pa'i phyir zhugs pa de lta bu de dag la bdag gis ci zhig bya snyam pa la/ nams kyang yid mid byung zhes bya ba gsungs ste/ lus dang dag dang yid rnams kyis de'i lung dang 'gal bar ma spyod pa'i phyir lan 'gal yang de dag yid dbyung bar mi bya'o/ /yang dag pa'i sgrub pa la nan tan byed pas kun tu mnyes par bya'o/ /'dis ni dge ba'i bshes gnyan mnyes par bya ba'i thabs yongs su shes pas mos phas spyod pas bsdus pa'i thabs kyi pha rol tu phyin pa bstan to/ /de ltar go cha bgos bskal pa 'dra ba'i byang chub sems dpa' mnyes par bya ba lhur len pas smon lam gyi stobs kyis dge ba'i bshes gnyen bla na med pa yang dag par mnyes par bya bas sangs rgyas blta ba bstan pa'i phyir/ mngon sum rtag tu bdag gis rgyal ba blta zhes bya ba la sogs pa la gsungs so/ /mngon sum ni mngon sum ste/ nyon mongs pa las rgyal ba blta bar bya'o/ /ci bar 'ga' 'am snyam pa la rtag tu zhes bya ba gsungs te/ dus thams cad du'o/ /ci rgyal ba nyag gcig gam zhe na/ ma yin no/ /'o na ci zhe na/ sangs rgyas sras kyi bskor ba'i mgon po rnams zhes bya ba smos so/ /bdag dang gzhan mngon par rtogs nas dngos por mngon par zhen pa'i gnyid dang bral te bdag nyid sangs rgyas pa'i phyir sangs rgyas rnams so/ /de rnams kyi sras ni bu rnams te/ chos mnor bar bstan pa las skyes shing byung bas sras rnams so/ /sangs rgyas kyi sras de dag gis yongs su bskor cing kun nas bskor ba de rtag tu blta zhes bya bas sbyor ro/ /de lta bu de dag ma thong nas ci zhig bya
- 246a
snyam pa la/ de dag la 'ang mchod pa rgya cher bgyi zhes bya ba gsungs so/ /sangs rgyas byang chub sems dbang dang bcas pa de dag la mchod pa bya ba ni yo byad khyad par rnam pa sna tshogs spel te/ rnam par bkod pas rab tu phye ba me tog rin po che la sogs pa bla na yod pa 'am bla na med pa dag gis mchod cing rjed par bya ba yin no/ /ci 'bra snyam pa la/ rgya cher zhes bya bar gsungs te/ dngos po dang bsam pas mthar thugs pa med par bya ba'o/ /dus ji srid cig gi bar du snyam pa la/ ma 'ongs bskal pa kun tu zhes bya ba gsungs te/ da ltar dang 'das ma 'ongs pa zhes bya'o/ /'ongs pa ma yin pas na ma 'ongs pa ste 'byung bar 'gyur ro zhes bya ba'i tha tshig go /dus kyi rgyun mi thung pas na bskal pa ste/ ma 'ongs pa'i bskal pa thams cad du bye brag med par mchod par bya'o zhes bya bar sbyar ro/ /mi skyo bar zhes bya ba ni mchog tu dga' pa'o/ /sangs rgyas la blta ba dang mchod pa bstan pa 'dis ni mos pas spyod pas bsdus pa'i smon lam gyi pha rol tu phyin pa bstan te/ smon lam gyi stobs kyis sangs rgyas mthong ba'i phyir ro/ /de ltar de bzhin gshegs pa de dag mthong zhing mchod nas gzhan ci zhig bya snyam pa la/ rgyal ba rnams kyi dam pa'i chos 'dzin cing zhes bya ba la sogs pa gsungs so/ /rgyal ba rnams kyi dam pa'i chos zhes bya ba la/ dam pa rnams kyi chos ni dam pa'i chos so/ /yang na de ni dam pa yang yin la chos kyang yin pas dam pa'i chos so/ /'dzin zhes bya ba ni mi brjed pa'i tshul gyis tshigs dang don 'dzin cing rang gi sems la mngon du
- 246b
'jog pa ste/ sangs rgyas bcom ldan 'das rgyal ba rnams kyi dam pa'i chos lung dang rtogs pa'i bdag nyid 'dzin cing ma 'ongs bskal pa kun tu spyad par bgyi zhes bya bar sbyar ro/ /ci dam pa'i chos bzung bar 'ba' zhig tu zad dam? zhe na ma yin no/ /'o na ci zhe na/ byang chub spyod pa yongs su ston par byed ces bya ba gsungs so/ /byang chub ni rnam pa thams cad mkhyen pa'i ye shes so/ /de'i phyir/ spyod pa ni byang chub kyi spyod pa ste/ de thob par byed pa'i thabs pha rol tu phyin pa sgrub pa'i mtshan nyid do/ /de yongs su ston pa ni kun tu rab tu bshad pa ste/ ser sna'i dri ma dang bral ba'i sems kyis 'jig rten gyi khams gzhan dag tu yang stong nas yongs su mi skyo bar sems can rnams la ci rigs par theg pa chen po'i chos ston par byed cing zhes bya ba'i don to ci de tsam zhig bya bar zad dam zhe na/ ma yin no/ /'o na ci zhe na/ bzang po spyod pa rnam par sbyang bar yang zhes bya ba gsungs so/ /bzang po ni mkhas 'phags pa kun tu bzang po'o/ /de spyod pa ni bzang po spyod pa'o/ /yang na de ni dge ba thams cad yongs su thob par byed pa'i phyir spyod pa yang yin la bzang po yang yin pas bzang po spyod pa'o/ /de dag rnam par sbyang ba zhes bya ba la/ kun tu spyang ba ni rnam par spyang pa'o/ /yang na sngar thos pa dang bsam pa tsam gyis sems la gtang de rgyas par byas nas phyis sgom pa'i ye shes kyis yongs su mthar thug par byed pa ni rnam par sbyar ba'o/ /de ltar dam pa'i chos 'dzin pa dang/ byang chub kyi spyod pa ston pa dang/ bzang po spyod pa spyod pa ni ci zhig bya snyam pa la/ ma 'ongs bskal pa kun tu spyad par bgyi zhes bya ba gsungs so/ /'dis ni smon lam yongs su rdzogs pas de'i mi mthun
- 247a
pa'i phyogs kyi stobs/ /zil gyis gnon pa'i phyir mos pas spyod pas bsdus pa'i stobs kyi pha rol tu phyin pa ston to/ /de ltar dge ba'i las dpag tu med pa bsags pa'i bsod nams dang ye shes kyi tshogs bstan pa'i phyir/ srid pa thams cad du yang 'khor ba na zhes bya ba gsungs so/ /'dir 'byung bas srid pa ste 'khor ba'o/ /de dag ni thams cad kyang yin pa srid pa yang yin pas srid pa thams cad de/ khams gsum mdza' dag gis bsdus pa'i 'gro ba rnams so/ /las kyi dbang ngam smon lam gyi stobs kyis de dag tu 'khor zhing skye ba gcig nas gcig brgyud pa myong ba na yon tan kun gyi mi zad mdzod du gyur ces bya ba'i tha ma dang sbyar ro/ /bsod nams ye shes dag ni mi zad rnyed ces bya ba/ goms par byed pa'i phyir bsod nams so/ /shes pa'i phyir ye shes te/ bsod nams dang ye shes de dag gis mi zad pa ni yongs su mi gtug pa'o/ /rnyed reng pa ni thog pa ste rab tu thob ces bya ba'i tha tshig go /de ltar ji skad smos pa'i thabs yongs su bzung bas sems can gyi khams ji snyed pa de snyed kyi bsod nams dang ye shes mi zad pa rnyed de bdag dang gzhan gyi don ma lus pa sgrub pa'i phyir yang shes rab la sogs pa yon tan rnams kyi mi zad pa nyid thob par bya bar bzheng nas/ shes rab thabs dang ting 'dzin rnam thar dang zhes bya ba la sogs pa gsungs so/ /rab tu shes pa'i phyir shes rab bo/ /bsams pa'i don bsgrim mi dgos par thob par byed pas thabs so/ /dmigs pa la sems yang dag par 'dzin pas ting nge 'dzin to/ /bsgrib ba rnams las sems bye brag tu thar bar byed pas rnam par thar pa ste/ ji skad smras pa de dag dang 'de?
- 247b
bar gshegs pa'i sras mdza' dag gi rgyud la yod pa'i yon tan gyi tshogs rmad du byung ba grangs med dpag tu med pa gzhan dag gis kyang mi zang mdzod du gyur ces bya ba yin no/ /mi zad mdzod gyur ces bya ba ni mdzod zad mi shes par gyur cig /ces bya ba'i tha tshig te/ sangs rgyas na 'khor ba ji srid par bzhugs pa'i rgyun gyis rtag pa nyid kyis mi zad pa yang yin la/ de'i rgyud la mnga' ba'i yon tan stobs dang mi 'jigs pa la sogs pa'i snod yin pa'i phyir mdzod kyang yin no/ /yang na sangs rgyas ni yon tan rin po che thun mong dam nyon mong ma yin pa zang mi shes pa rnams kyi snod yin pa'i phyir mdzod de/ gnyi ga'i dpe yang nam mkha' o/ /yon tan thams cad yongs su dag ste/ zad mi shes pa 'dis ni mos pas spyod pas bsdus pa'i ye shes kyi pha rol tu phyin pa bstan ni? ro?/ /de ltar phyag 'tshal ba la sogs pa dang/ bshad ma thag pa mos pas spyod pas bsdus pa'i pha rol tu phyin pa goms bar byas pas bsod nams dpag tu med pa yongs su bzung bar bstan nas/ nga ni lhag pa'i bsam ba dag gis yul 'jug pa ston to/ /de yang rnam pa brgyad do/ /de la sangs rgyas kyi zhing blta ba la 'jug pa ni/ rdul gcig steng na rdul snyed zhing rnams te zhes bya ba la sogs pa gsung pa gang yin pa'o/ /rdul shin tu phra ba gcig la rdul phra rab shin tu tshad med grangs med pa snyed kyi sangs ryas kyi zhing thams cad blta'o/ /ci ste 'ba' zhig gam snyam pa la/ de ma yin te/ gzhan yang/ zhing der bsam gyis mi khyab sangs rgyas rnams zhes bya ba gsungs so/ /sangs rgyas kyi zhing de dag so so la yang sangs rgyas bcom ldan 'das yon tan bsam gyis mi khyab pa grangs med pa dag blta ste/ byang chub spyad pa spyod cing blt bar bgyi zhes 'og nas
- 248a
'byung ba 'di dang sbyar ro/ /ci sangs rgyas nyag gcig blta bar bya'am zhe na/ ma yin no/ /'o na ci zhe na/ sangs rgyas sras kyi dbus na bzhugs pa la zhes bya ba ste/ sangs rgyas kyi sras byang chub sems dpa' thams cad kyi 'khor gyi dkyil 'khor gyi dbus na bzhugs pa ma rngos shing phan tshun gnod par mi mnga' bar bzhugs pa mtshams yod par bzhugs pa rnams blta bar bya'o/ /nam zhig de ltar blta bar 'dod ce na/ byang chub spang ba spyod cing zhes bya ba smos so/ /byang chub sems dpa' i spyad pa spyod pa ste/ sa rnams dang pha rol tu phyin pa dag yongs su rdzogs par byed cing zhes bya ba'i tha tshig go /rdul phra rab kyi rdul gcig la sangs rgyas kyi zhing de snyed dang/ de bzhin gshegs pa byang chub sems dpa' i 'khor gyi dkyil 'khor dang bcas pa de snyed ji ltar rung ste/ tha mal par gnas pa'i blos na thams cad pas phra ba'i rdul phra rab la dpag tu med pa grangs las 'das pa'i zhing rnams dang/ sangs rgyas dang byang chub sems dpa' i rnams blta'o zhes bya ba de yid mi mches pa ma yin nam zhe na/ bsgom pa'i stobs goms par ma byas pa phyi rol gyi don la mngon par zhen pa theg pa chen po'i don gyi de kho na ma rtogs pa rnams ni yid mi ches pa bden no/ /rnam par rig pa tsam du mos pa theg pa chen po'i don bsgom pa la brtson pa rgyu'i stobs can dag ni yid ches te/ 'di ltar rmi lam na khang bu dog pa na gnas pa'i glang po che'i khyu dang skye bo mang po 'dus pa dang/ nags tshal thibs po dang/ klung dang mtshe'u dang lteng ka bkod pa rnam pa sna tshogs mthong ngo/ /mang po grangs med pa de snyed cig de na gnas par yang mi rung na de'i tshe de dag kyang dmigs pa las dpa' i dus na yang dran no/ /de lta bas na bsam
- 248b
gtan pa rnal 'byor can gyi dbang phyug rnams kyi gnas 'di bsam gyis mi khyab pas yongs su sbyang pa byas pa'i sems la yid mi nyes pa ci zhig yod de bstan bcos dang mdo dag las mang du byang zin to/ /'di ni 'jig rten na yang mthong ste/ dper na sgyu ma mkhan gyis rnga brdungs pa las dngos po thams cad 'jug pa dang 'byung ba la sogs pa snan ba lta bu'o/ /gal te de ni 'khrul pa tsam du zad do zhe na/ 'dus byas thams cad kyang de bzhin te ji skad du skar ma rab rib mar me dang/ zhes bya ba la sogs pa tshigs su bcad pa gsungs pa lta bu'o/ /de bas na 'di ni mkhas pa rnams kyis rig pa dang lung dag gis bsgrub par bya ba yin gyi 'di la the tshom ni mi bya'o/ /yang na rnal 'byor gyi stobs kyis rdul phra rab dngos po thaMs cad kyi gnas ji tsam du rgyas par byed do/ /da ni de ltar phyogs rnams ma lus thams cad du zhes bya ba la sogs pas bsgom pa rgyas par bya ba ston to/ /de ltar zhes bya ba ni ji skad smos pa'i tshul du'o/ /ma lus phyogs rnams thams cad du zhes bya ba ni phyogs bcu ma lus pa thams cad du rdul phra rab re re'i steng du sangs rgyas rgya mtsho la mos pa 'jug go zhes bya ba yin no/ /de ltar phyogs la khyab par bstan nas dus la khyab par b stan pa'i phyir/ byis pa'i lam du zhes bya ba gsungs so/ /byis pas ni de kho na nyid ma mthong ba dag ste/ dge ba'i las la can? gyis gzugs dgos pas byis pa dag go /de dag gis lam ste 'gro ba rnams su 'gro ba la sogs pa'i rgyun gyis kun nas nyon mongs par gyur pa'i 'jig rten gyi khams so/ /de nyid ni 'das pa dang ma 'ongs pa'i dus rnam par gzhag pa yod kyi gzhan ni ma yin te/ de bas na der gtogs pa'i sangs rgyas dang zhing dang bskal par spyod pas bsdus pa rnams la 'jug go /zhes bya bar sbyor
- 249a
sangs rgyas kyi zhing yongs su dag ba rnams na ni rang gi 'od kyi dkyil 'khor gyi snang bas mun pa mun nag ma lus bar bsal ba'i phyir sangs rgyas nyi ma rtag tu shar ro/ /de'i phyir de dag na byang chub sems dpa' rnams rtag par sad pas dus rnam par bzhag pa nyid med do/ /gza' dang skar ma'i tshogs med pa'i phyir nyin mtshan la sogs pa rnam par bzhag ba med pa'i phyir yang dus rnam par bzhag pa med do/ /sangs rgyas kyi zhing blta ba la 'jug pa 'dis ni thog mar de kho na nyid rtogs na rab tu dga' ba thob pa'i phyir sa rab tu dga' ba dang sangs rgyas la mchod pa la sogs ba'i sbyin pas lhag pa'i bsam pa dag pa'i sas bsdus ba'i sbyin pa'i pha rol tu phyin pa yongs su rdzogs par bstan to/ /de ltar sangs rgyas kyi zhing blta ba la 'jug pa brjod nas/ da ni gsung gcig yan lag rgya mtsho'i skad rnams kyis zhes bya ba la sogs pas sangs rgyas kyi gsud la 'jug pa ston no/ /de la gsung gi dkyil 'khor gyi me long gcig shar ba la sems can thams cad kyi dbyangs kyi gzugs brnyan cig car du dmigs pas sems can du ma'i dri ba'i don gyi yul phan tshun mi mthun pa tha dad pa dag rtag tu dris kyang brjod pa med cing 'bad mi dgos par 'dri ba thams cad lung ston pa dmigs pa'i phyir sangs rgyas bcom ldan 'das kyi gsung ni sems can thams cad kyi bsam pa ji lta ba bzhin du 'byung ba yin te/ sangs rgyas kyi gsung bsam pa ji lta ba bzhin du skye bo mdza' yas pa'i yid tshim par byed pa de lta bur 'jug par bya zhing yang dag pa ji lta ba bzhin du rtogs par bya'o zhes bya ba yin no/ /'dis ni sa dri ma med pa dang tshul khrims yongs su dag pa ni 'dod ba'i dngos po
- 249b
'grub ba'i phyir tshul khrims kyi pha rol tu phyin ba yang bstan to/ /de ltar sangs rgyas kyi gsung la 'jug pa brjod nas/ chos kyi 'khor lo bskor ba la 'jug par bya ba bstan pa'i phyir/ gsung dbyangs zad mi shes ba de dag la zhes bya ba la sogs pa gsungs so/ /dbyangs ni gang la brjod par bya ba dang brjod par byed pa'i dngos pos brjod par bya bar mi rtogs pas da? ro tsam du zad pa ste/ ca co'i sgra bzhin no/ /dbyangs? de la mos pa'i stobs kyis gsung grangs med pa yod pa'i phyir gsung dbyangs zhes bstan te/ gsung ni brjod bar bya ba dang brjod par byed pa'i dngos po'i zad mi shes pa de dag la zhes bya ba ni sems can gyi khams kyi mthar thug ba ji snyed pa dag pa'o/ /dus gsum gshegs pa rgyal ba thams cad kyi zhes bya ba ni dus gsum po dag tu gshegs shing rnam par bzhugs pas na dus gsum gshegs pa dag ste thams cad kyang yin la dus gsum gshegs pa yang ni yin pa zhes tshig rnam par sbyar ro/ /dus gsuM smos bas ni sangs rgyas sangs rgyas rnams kyi ma lus pa la 'jug pa bstan to/ /thams cad smos pas ni bar chad med par 'jug pa bstan to/ /'di skad du gsung gi dkyil 'khor gcig gis bsdus pa skad kyi khyad par thams cad dang ldan pa de dag gis phyogs dang dus thams cad na rnam par bzhugs pa'i sangs rgyas bcom ldan 'das rnams kyi chos gdul bya'i bsam pa tha dad pas so sor tha dad par bshad par bya'o zhes bshad pa yin no/ /de nyid bstan pa'i phyir/ /'khor lo'i tshul rnams rab tu skor byed cing zhes bya ba gsungs so/ /'khor lo'i tshul zhes bya ba ni chos kyi 'khor lo'o/ /gdul bya'i rgyud la 'gro bas 'khor lo ste/ de dag la 'jug par bya ba ni rab tu dga' bas sems
- 250a
can rnams la ston ba'o/ /che ba'i bdag nyid de thams cad la yang rang gi blo'i stobs kyis bdag 'jug bar bya ste/ bzang po spyod pas sgrub pa'i nan tan gyis thob pa'i shes rab phul du byung bas 'dis 'jug bar bya'o zhes bya ba'i tha tshig go /chos kyi 'khor lo bskor ba la 'jug pa nges ni yang dag pa ji lta ba bzhin du chos bstan pa brtags pa'i 'od kyi snang bas bdag dang gzhan gyi rgyud la yod pa'i mi shes pa'i mun ba sel ba'i phyir sa 'od byed pa yang bstan la/ sems can log par sgrub ba dad du len pa'i phyir don gyis na bzod pa'i pha rol tu phyin ba yang bstan to/ /de ltar chos kyi 'khor lo bskor ba la 'jug pa bstan na/ bskal pa la 'jug ba bstan par bzhed nas ma 'ongs bskal pa thams cad 'jug par yang zhes bya ba la sogs ba gsungs so/ /rnam bar mi rtog pa'i ye shes kyi skad cig me long gi dkyil 'khor gcig la ma 'ongs pa 'byung bar 'gyur ba'i bskal pa thams cad 'jug par bya zhing khongs su gtogs bar bya'o/ /bskal pa smos bas ni dus der gtogs pa bde bar gshegs pa sras dang nyan thos la sogs pa'i dkyil 'khor gyi bskor ba thams cad dang/ /'gro bar gtogs ba rus la sogs pa'i bye brag du mas tha dad pa ji ltar gnas pa'i srog chags thams cad bsdus te/ dngos bo de bzhin du snang ba'i phyir ro/ /ji ltar skad cig gcig la ma 'ongs pa'i bskal ba thams cad 'jug par bya ba de bzhin du skad cig gcig pa nyid du mos pa'i sgo nas 'das ba dang ma 'ongs pa dang da ltar byung ba'i bskal ba thams cad skad cig gcig la 'jug bar bya zhing khongs su gtogs par bya ba'i phyir/ gang yang dus gsum bskal ba chod de dag ces bya ba la sogs
- 250b
pa gsungs so/ /'dis ni skad cig gcig la skad cig gcig gis bskal ba thams cad la 'jug pa ste/ /khongs su gtogs par bya ba'o/ /de ltar spyod pa'i khyad par bstan ba dang brtson 'grus kyi pha rol tu phyin pa la sbyor bar yongs su grub pa'i bye brag 'dis ni byang chub kyi yan lag gtogs pa'i 'ong 'phro ba thob pas sa 'od 'phro ba can yang bstan to/ /de ltar bskal pa la 'jug ba brjod nas sangs rgyas blta ba dang de'i spyod yul la 'jug pa bstan pa'i phyir /dus gsum gshegs pa mi yi seng ge gang ces bya ba la sogs pa gsungs so/ /'das pa dang ma 'ongs pa dang da ltar byung ba'i dus na gshegs pa'i mi'i seng ge ste/ mi'i gtso bo rnam bar mi rtogs pa'i ye shes kyi me long gi dkyil 'khor du chud pa gang dag yin pa de dag thams cad bdag gis skad cig gcig la blta bar bya zhing /de dag gi spyod yul te/ thams cad mkhyen pa'i ye shes kyi yul bsam gyis mi khyab ba la 'jug par bya'o/ /ji lta bu snyam ba la /sgyu mar gyur pa'i rnam thar stobs dag gis zhes bya ba gsungs /sgyu ma gyur pa'i rnam par thar pa'i ting nge 'dzin gang la gnas pa de dag dngos po thams cad sgyu mar lta bur gzigs pas ji ltar mos pa bzhin du lus rnam par gnas par grub po/ /sangs rgyas blta ba dang de'i spyod ba la 'jug pa nges ni bdud thams cad kyis shin tu thub par dga' ba'i phyir sa shin tu sbyang dka' ba yang bstan la/ sgyu ma lta bu la sogs pa'i ting nge 'dzin gyi stobs thob pas bsam gtan gyi pha rol tu phyin pa yang bstan to/ /de ltar sangs rgyas blta tha dad de'i spyod yul la 'jug pa brjod nas/ de ni sangs rgyas kyi zhing bkod ba sgrub pa la 'jug pa bstan pa'i phyir/ gang yang dus gsum dag gi zhing bkod pa/ zhes bya ba la sogs pa gsungs so/ /dus gsum gyis bsdus pa'i zhing
- 251a
rnams kyi bkod pa brgyan gyis khyad par kha dog dang dbyibs sna tshogs la sogs pa'i rang bzhin gang dag yin pa de dag rdul phra rab kyi rdul gcig la mos pa'i shes bas mngon sum du bya ba ni mngon par sgrub pa'o// rdul gcig gi steng du ji lta ba de bzhin du phyogs bcu'i rdul phra rab re re la yang bar med bar mos par khyab par bya ba'i phyir/ de ltar ma lus phyogs rnams thams cad du zhes bya ba gsungs/ /phyogs thams cad du yang de bzhin du de bzhin gshegs pa thams cad kyi zhing bkod pa thams cad la 'jug bar bya'o zhes bya ba yin no/ /sangs rgyas kyi zhing gtos kyis shin tu tha gru che ba grangs kyis mdza' yas pa/ dus kyi bye brag gis dus gsum du gtogs pa rnams kyang rdul shin tu phra ba'i rdul phra rab kyi rdul gcig la 'jug pa'i ye shes kyi che ba nyid bstan ba 'dis ni shes rab kyi pha rol tu phyin pa bstan pa dang sangs rgyas kyi chos thams cad mngon du gyur bas sa mngon du gyur ba yang bstan to/ /de ltar sangs rgyas kyi zhing bkod ba sgrub ba la 'jug ba brjod nas/ de bzhin gshegs pa'i drung du 'gro ba la 'jug bar bya ba'i phyir/ gang yang ma byon 'jig rten sgron ma rnams zhes bya ba la sogs ba gsungs so/ /ma byon pa ni ma byin ba ste snga ma bzhin no/ /'od zer rab tu 'gyeng bas phyi nang du bcas pa'i mi shes pa'i mun pa chen po sel ba'i phyir dang/ /'phags pa'i lam yan lag brgyad pa yang dag pa ji lta ba bzhin du rab tu ston pa'i phyir 'jig rten rnam ba gnyi ga'i yang sgron ma dang 'dra bas sgron ma dag ste/ bcom ldan 'das de bzhin gshegs pa rnams so/ /ma byon pa de dag bla na med pa'i ye shes mngon bar rdzogs par byang chub pa'i dus dang/ bla na med pa'i chos kyi 'khor lo bskor ba'i dus te/ 'dul ba ji lta ba dag gnod?
- 251b
du sprul bas bsam pa ji lta ba bzhin du yang dag par rab tu ston pa'i dus dang/ longs spyod rdzogs pa'i skus byang chub sems dpa' chen po dag dang thabs gcig tu theg pa'i chos bla na med pa'i 'phel ba'i gtam rdzogs par longs spyod pa'i dus dang mi gnas pa'i mya ngan las 'das pa nyid yin yang nges 'dul ba'i bsam pa yongs su smin par bya ba'i dbang gis mya ngan las 'das pa ston pa'i dus na ma byon pa'i de bzhin gshegs pa de dag thams cad kyi drung du cig car du 'chi'o/ /der 'gro bas ni de'i dus na thob bar bya ba'i yon tan gyi khyad par thob bas bdag dang gzhan gyi don phun sum tshogs pa ston te/ /de bzhin gshegs ba'i drung du 'gro ba 'di ni 'jug pa brgyad pa'o/ /'das ni sangs rgyas kyi chos rid? du rtogs pa'i phyir sa ring du song ba bstan la/ rnam par mi rtogs pa'i ye shes dang ldan pas gcig na gnas kyang thabs kyis sangs rgyas kyi zhing thams cad du lus gcig car du ston pa'i phyir thabs kyi pha rol tu phyin pa yang bstan to/ / de ltar 'jug ba rnam pa brgyad brjod nas/ da ni de ltar lam la zhugs pa'i yon tan gnyen por gyur pa rnams la mi mthun pa'i phyogs rnams kyis rnam pa thams cad du zil gyis mi non pa'i phyir dang/ des zil gyis gnon pa'i phyir/ kun tu myur ba'i rdzu 'phrul rtob sa rnams dang/ zhes bya ba la sogs pas tshigs su bcad pa rnam pa gnyis kyis stobs rnam pa bcu gsungs so/ /de la 'byor ba ni rdzu 'phrul te/ sems kyi 'gro ba dang 'ongs pa la dbang 'byor ba'o 'gro ba de yang nam mkha' la sogs pa la ring ba dang/ myur du 'gro ba ste/ rtsig pa la/ yang thad gang 'gro'o zhes bya ba la sogs pa yin no/ /de nyid kyi bye brag bstan pa'i phyir kun tu myur ba zhes bya ba gsungs ste/ /gang du
- 252a
du 'dod pa dad ji ltar 'dod pa la sogs pa'i bar du thams cad la thags thogs med bar 'gro ba'i phyir ro/ /theg ba ni theg pa chen po la sogs pa'i bye brag gis theg pa rnam pa gsum mo/ /de la theg pa chen po ni byang chub kyi lam 'bras bu dang bcas pa ste/ sa bcu dang pha rol tu phyin pa dang bla na med pa'i ye shes kyi rang bzhin no/ /nyan thos kyi theg pa ni mdo sde dang 'dul ba dang chos mngon pa zhes bya ba ste sde snod gsum dang/ de la rag las ba rjes su mthun pa'i chos sgrub pa dang/ des thob par bya ba'i 'bras bu bzhi'o/ /rang sangs rgyas kyi theg pa ni bden pa bzhi dang/ bsod nams dang ye shes kyi tshogs tsam dang/ des thos par bya ba 'bras bu'i khyad par ro/ /de'i stobs ni rnam pa thams cad kyi mchog dang ldan ba'i ye shes thob pa'i phyir thams cad du thogs pa med bar shes pa'o/ /de'i phyir kun nas sgo'i zhes bya ba gsungs te 'dul bya ji lta ba bzhin du rnam ba thams cad kyi phyir? bar lung ston pa zhes bya ba'i tha tshig go/ kun tu yon tan spyod pa'i stobs rnams dang zhes bya ba la/ spyod ba ni byang chub sems dpa' kun tu bzang po'i spyad pa spyod pa'o/ /de'i stobs ni mi mthun pa'i phyogs kyis zil? gyis mi non pa dang/ des zil gyis gnon par nus pa'o/ /de nyid kyi phyir zab cing rgya che ba shin tu yongs su dag pa grangs med pa bsam gyis mi khyab pa rnams yongs su grub pa'i phyir kun tu yon tan zhes bya ba gsungs so// kun tu khyab pa byams pa dag gi stobs zhes bya ba la/ byams pa ni sems can thams cad la phan pa dang bde ba sgrub pa'i mtshan nyid do/ /de'i stobs kyis khro ba la sogs pa sems can la rnam bar 'tsho ba la sogs pa'i
- 252b
mtshan nyid kyis zil gyis mi non pa'o/ /kun tu khyab pa ni khams gsum du gtogs pa'i sems can sdug bsngal gsum dang ldan pa thams cad la dmigs pa'i phyir ro/ /kun tu dge ba'i bsod nams stobs rnams dang/ zhes bya ba la bsod nams ni sbyin ba dang tshul khrims la sogs pa'i sems pa ste/ gtsang bar byed pa'i phyir ro/ /de'i stobs ni chags ba la sogs bas zil gyis gnon nus pa'o/ /kun tu dge ba zhes bya ba ni sbyor ba dang dngos gzhi dang 'jug la sogs pa dang/ chung ngu dang 'bring dang chen po'i rnam bas kyang yongs su dag pa zhes bya ba'i tha tshig go /chags pa med bar gyur pa'i ye shes stobs zhes bya ba la/ ye shes ni rnam par rtogs pa'i spros pa thams cad nye bar zhi ba'i mtshan nyid de/ /de yang chos bdag med ba'i rang bzhin no/ /de'i stobs ni mi mthun pa'i phyogs ma lus par sel ba'o/ /de yang 'jig rten 'ga' zhig la chags kyang srid snyam pa la/ bye brag bstan pa'i phyir/ chags pa med par gyur pa zhes bya ba la gsungs te/ thams cad du chags pa med cing thogs pa med pa skad cig gcig gis chos thams cad kyi rang bzhin rtogs pa'i mtshan nyid ces bya ba'i tha tshig go /shes rab thabs rang nyid 'dzin stobs dag gis zhes bya ba la/ shes rab ni chos rab tu rnam par 'byed pa zag pa dang bcas pa dang zag pa med pa la sogs pa'i bye brag tu chos rnams rab tu rnam par 'byed pa sems las byung ba'i chos gang gis yongs su gcod pa de la shes rab ces bya'o/ /de'i stobs kyi thams cad du thogs pa med par nus pa'o/ /thabs ni shes rab kyi bye brag nyid de/ 'dod pa'i don bsgrub par bya ba'i khyad par gyi mtshan nyid 'ga' zhig la thabs zhes bya'o/ /de'i stobs ni sgrub pa
- 253a
thams cad yongs su shes pa'o/ /ting nge 'dzin ni sems rtse gcig pa ste/ ? 'dod ba la dmigs shing sems gzhan du mi 'pho ba'o/ /de'i stobs ni dngos po mdza' yas pa yul du gyur pa nyid do/ /de lta bas na ji skad smos pa'i yon tan mi mthun pa'i phyogs kyi mi tshoms pa rnams kyis byang chub kyi tshogs su rdzogs par bya ba 'di ni stobs so/ /stobs bcu pos mi mthun pa'i phyogs kyis mi g.yo ba'i phyir mi g.yo ba'i sa bstan to/ /don gyis na smon lam gyi pha rol tu phyin pa yang bstan te/ smon lam gyi dbang gis de lta bu'i don grub pa'i phyir ro/ /de ltar stobs rnam pa bcu brjod nas mi mthun pa'i phyogs spong ba bstan bas bzhed nas/ las kyi stobs rnams yongs su dag byed cing zhes bya ba la sogs ba gsungs so/ /las kyi stobs ni las kyi stobs kyi ste/ chen po nyid kyis rnam par smin par nges pa'o/ /de yongs su dag par byed pa ni ngan song ba'i las thams cad shin tu spong ba'o/ /nyon mongs pa ni 'dod chags la sogs pa ste/ lus dang sems kun nas nyon mongs par byed pa'i phyir ro/ /de dag gis stobs ni chen po dang 'bring po'i rang bzhin no/ /de kun tu 'joms par byed pa ni kun tu mi spyod pa dang/ de'i bag chags kyang gcod pa'o/ /bdud rnams ni phung po dang/ 'chi bdag dang/ lha'i bu rnams so/ /de la phung po rnams kyi ni de la dmigs pa'i 'dod pa'i 'dod chags spangs pa'i phyir dang/ ji ltar 'dod ba bzhin gnas pa'i phyir stobs med bar byed pa ste yongs su spyod pa'o/ /'chi bdag ni bsam gtan gyi stobs thabs kyis zin pas tshe btang nas kyang yang ji srid 'dod kyis bar du gnas pas byin gyis rlob bas stobs med bar byed pa
- 253b
ste yongs su sbyong ba'o/ /lha'i bu'i bdud stobs dang bcas pa ni byams pa'i stobs kyis pham par byas te stobs med par byed pa'o/ /rnam pa 'dis byang chub sems dpa' chen po kun tu bzang po spyod pas bsdus pa'i stobs rnam pa thams cad du yongs su rdzogs par bya'o zhes bya ba yin te/ 'di ni mi mthun pa'i phyogs sbyong ba'i sgo nas gnyen po'i mtshan nyid kyi sgrub pa yin no/ /'dis ni mi mthun pa'i phyogs mdza' dag zil gyis gnon pa dang/ kun tu bzang po'i spyod pa'i stobs bla na med pa rnyed pa'i stobs kyi pha rol tu phyin pa bstan to/ de'i phyir 'di la bde bar gshegs pas blo gros legs pa'o zhes pa kun nas bsngags bar 'os ba yod pa'i phyir sa legs ba'i blo gros kyang bstan to// da ni de ltar sgrub pa dang ldan pa'i rang gi yon tan yongs su rdzogs par bya ba'i phyir/ zhing rnams rgya mtsho rnam par dag byed cing zhes bya ba la sogs pa tshigs su bcad pa gnyis kyis las rnam pa brgyad gsungs so/ /zhing gi khyad par snga ma gang dag rang gi mos pa'i shes pa mi gsal pa'i rnam pa can gyis rang gi sems kyi me long gi dkyil 'khor la gzugs brnyan gyi tshul du bkod pa de dag dang thogs pa med pa'i ye shes kyi stobs rnyed pa de nyid la gsal bar byed ba ni rnam par dag par byed pa ste/ rang dang gzhan gyi bdag nyid dag la rang gi rgyud nyid kyi dbang gis ji lta ba bzhin du yang dag par dmigs pa yin no/ /zhing zhes bya ba ni gang las sems can gyi khams dpag tu med pa'i dge ba'i srog mi zad par byed pa sangs rgyas dang byang chub sems dpa' i 'bru rnams 'khrung pa ste/ de ni nga rgyal med ba la sogs yon tan 'byor pa/ snying rje dang byams pa'i zer gyis brlan pa/ nyon mongs pa'i sdod dum dang pa tshwa la sogS?
- 254a
sogs pa'i nyes pa med bdag go /de ltar na bla na med pa'i sangs rgyas kyi myu gu 'khrung bar nus pa'i phyir sems nyid sangs rgyas kyi zhing ste 'bras bu la sogs pa'i zhing bzhin no/ /rin po che la sogs pa'i yo byad kyi khyad par sna tshogs pa thun mong ma yin pa rgya che zhing zab pa don che zhing rin po che dang srid pa'i longs spyod kyi bye brag dang ldan pa bsam gyis ma khyab pa gnod pa thams cad dang bral ba rnams kyi tshogs ni rgya mtsho'o/ /gang na 'jig rten mdza' dag gi mig gcig tu gyur pa sangs rgyas kyi ye shes sna tshogs bsam gyis mi khyab cing rgya che ba ston pa'i phyir sangs rgyas sras dang bcas pa khang pa brtsegs pa dang/ skyed mos tshal dang/ gzhal med khang dang/ rgyan dang/ na bza' la sogs pa yo byad kyi khyad par rnam pa sna tshogs lha dang mi'i las shin tu 'das pa rnams kyis brgyan pa 'jig rten mdza' dag las 'das pa'i skus 'dul ba'i mos pa ji lta ba bzhin du spyod lam gyis bzhugS pa rnams byang chub sems dpa' chen po'i 'khor gyi dkyil 'khor rnams na mdo sde zab cing rgya che ba ston pas longs spyod rdzogs par myong bar gyur pa dpag tu med pa rgya mtsho chen po'i chu'i rdul phra dab dang mnyam pa de dag rang gi sems yongs su sbyong ba ste/ 'di ni zhing rgya mtsho rnam par dag pa'o/ /sems can rgya mtshor ga ni rnam par dgrol zhes bya ba la/ 'khor ba la chags pa ni sems can te/ de dag bgrang ba las shin tu 'das pa ni rgya mtsho'o// dus ji lta ba dang skal pa ji lta ba bzhin du nyon mongs pa dang shes bya'i sgrib pa spang ba'i man ngag gi nyon mongs pa'i 'ching ba shin tu mi zad pa dam po gcod pa ni de dag rnam pa dang grol ba'o/ /rang gi bdag nyid 'dzin pa'i phyir
- 254b
chos rnams te/ sangs rgyas dang byang chub sems dpa' i rgyud la mnga' ba snying rje chen po dang stobs dang me 'jigs pa la sogs pa grangs med pa mdza' yas pa zab pa rgya che ba shin tu rnam par dag pa mthu che ba sems can gyi khams ma lus pa la phan par byed pa sangs rgyas kyi byang chub thob par byed pa mchog tu mthar phyin pa ste/ rdul phra rab kyi grangs ji snyed pa de dag gi rgya mtsho ni sangs rgyas dang byang chub sems dpa' re re'i rgyud la mda' pa'i tshogs so/ /de dag mthod bar byed ba ni rnam par mi rtog pa'i ye shes kyi me long gi dkyil 'khor lo rab tu 'god? pa'o/ /ye shes ni sangs rgyas bcom ldan 'das bskal pa grangs med par bsod nams dang ye shes kyi tshogs bsags pa dang ldan pa 'og min pa rnams kyi nang na rgyal po'i gnas khang pa brtsegs pa shin tu bzang po na bzhugs pa rnams kyi bya dka' ba brgya stong gis rnam par sbyangs pa rnam pa bzhi bo me long lta bu dang/ mnyam pa nyid dang so sor rtogs pa dang/ bya ba bsgrub pa zhes bya ba 'khrul pa rnam pa sna tshogs dang bral ba dri ma med pa rdo rje lta bu'i ting nge 'dzin gyi khyad par gyis rtog pa'i dra ba ma lus pa zad par mdzad pa na skye ba gang yin pa'o/ /de ni sangs rgyas kyi rgyud tha dad pa dang/ skad cig tha dad pas tha dad pa'i phyir rgya mtsho'o/ /de rtogs par byed pa ni dge ba'i bshes gnyen gyis stobs kyis dam pa'i chos mnyan pa dang/ tshul bzhin yid la byed pa dang/ bsgom pa'i rim pas mngon sum du byed pa'o/ /spyod pa ni ma lus pa la mchod pa dang/ phyag bya ba dang/ sdig pa bshags pa dang/ rjes su yi rang ba dang/ bskul ba dang/ gsol ba gdab pa dang/ yongs su bsngo ba dang/ sems can ma lus pa la phan 'dogs pa dang/ byang chub kyi sems la sogs
- 255a
pa dang/ pha rol tu phyin pa dang/ sa yongs su rdzogs pa la sogs pa'i mtshan nyid de/ nyan thos dang/ rang sangs rgyas dang/ sa dang po la gnas pa'i byang chub sems dpa' thams cad kyis bsam pa tsam gyis sgrag par byed pa'o/ /de rnam par dag par byed pa ni dngos po dang/ dus dang/ phyogs rnam par dbye ba dang/ bsdu ba dang/ rgyas par bya ba dang/ gzhan la phan gdags pa dang/ rang gi rgyud rnam par sbyang ba la sogs pa ji ltar bstan pa rnams snod dang/ grangs kyi tshad dang/ dus dang/ yul rnam par dbye ba dang/ yo byad rnam par dgod pa sprul pa la sogs pa'i bya ba'i khyad par mthar phyin pa rnams kyi mos pa'i stobs kyis sgrub pa'o/ /smon lam ni shes rab kyi bye brag nyid de bdag dang gzhan la phan 'dogs pa rnam pa du ma thabs dang bcas pa byang chub kyi mthar phyin par 'gro ba la sogs pa don du gnyer ba'i rnam pa ste/ de yang byang chub sems dpa' thams cad kyi so so'i khams dang/ 'gro ba dang/ skye gnas dang/ rigs dang/ rgyud dang/ dus kyi bye brag gis tha dad pas mang ba'i phyir rgya mtsho zhes bya bar gyur to/ /de ni dus mdza' yas par yongs su sbyang ba'i shes rab dang thabs dang/ ting nge 'dzin dang/ gzungs dang rnam par thar pa dang/ bsod nams dang/ ye shes kyi stobs kyis mthar 'byin pa ni rab tu rdzogs par byed pa'o/ /sangs rgyas ni gang dag sems can gyi khams sdug bsngal ba la gzigs nas thugs rje chen po dang ldan pa'i thugs kyis phan ma gtags pa la yang bye brag tu ma byas pa sems can gyi khams zad par sras kyis tshul du bdag gir mdzad nas/ de sgrol ba'i phyir go cha chen po mnabs te/ 'khor ba'i rgya mtsho sdug bsngal nyam da brgya stong du ma dang ldan pa
- 255b
brgal nas shes rab dang thabs kyi bye brag rnam pa sna tshogs kyi bsod nams dang ye shes kyi tshogs yongs su rdzogs par mdzad de/ mi shes pa'i mun pa ma lus par bsal ba ye shes kyi nyi ma sa'i phug mdza' dag gis sgron ma gcig bur gyur la shar? bas ma rig pa'i ? nyid dang bral te sangs pa'i phyir sangs rgyas nyid do/ /de dag gi rgyud tha dad pa dang dus tha dad pas grangs ba las 'das pa'i phyir rgya mtsho'o/ /mchod pa'i yo byad yul dang/ dus dang dngos po dang/ bkod par khyad par bzhugs pa thams cad dang ldan pa'i rang bzhin grangs med pa'i mchod ma'i? sprin rnams kyis nam mkha' i dkyil 'khor mdza' yas pa khyab par byas te/ de re re la yang dus mdza' yas par shin tu brjod pa ni mchod pa'o/ /ji skal pa rgya mtsho ? mi skyo spyad par bgyi zhes bya ba la/ bskal pa zhes bya ba ni 'dab gyi bskal po la sogs pa rnam pa mang ste/ de la bskal pa rang po pa mi'i tshe dpag tu med pa nas bzung ste/ rim gyis mi'i tshe lo bcu'i par du gyur pa de ni mar 'grib pa zhes bya ba bar gyi bskal pa gcig go /de nas yang tshol brgyad khri bar gyur la 'grib pa'i rim gyis tshe lo bcu par gyur pa'i bar 'di ni yang skye ba dang mar 'grib pa zhes bya ba rab gyi bskal pa gnyis pa'o/ /de lta bu bco brgyad gyi tha mar yang skye ba zhes bya ba gcig dang/ dang po'i mar 'grib pa zhes bya ba dang/ bar gyi bskal pa nyi shur ni 'jig rten 'chags so/ /bar gyi bskal pa nyi shur ni chags nas gnas/ /bar gyi bskal pa nyi shur ni 'jig rten go /bar gyi bskal ba nyi shur ni zhig nas 'dug go /bar gyi bskal ba de lta bu la rgyad cu la bskal pa chen po gcig go /'di ni bskal pa chen po zhes bya ste/ de dag bgrang ba las 'das pa ni rgya mtsho'o/ /gzhan gyi don 'ba' zhig bsgrub pa'i phyir der? zhugs pa sems
- 256a
can gyi don sgrub bar byed pa ro gcig pa gnyen po'i mchog thob pa rnams 'gro ba'i don spyad pa sgrub pa'i phyir/ sdug bsngal du ma'i skye mched 'khor ba'i btson ngan dus ri yong yang gnas shing sems can dmyal ba la sogs par yang gnas pa ni spyod pa'o/ /der yang de la phan gdags pa'i bsam pa la zhugs pa gnod pa ma byas pa'i dgra bo gzhan dag gis gtsas pa rnams lag pa dang rkang pa dang rna ba dang sna la sogs pa gcod cing srog la 'bebs pa'i rang bzhin can rnams dang/ phyi rol gyi 'tsho ba rnam pa mdza' yas pa grangs ba dang rlung dang tsha ba la sogs pa yun ring du rgyun mi mchad par gnod pa de dag gis kyang sgyid lug bar mi 'gyur ba ni mi skyo ba'o/ / 'di ni las rnam ba brgyad de/ de ltar las rnam pa brgyad gyis bsod nams dang ye shes kyi tshogs yongs su sbyangs nas/ da ni rgyu'i gnas skabs kyis bsdus pa'i yon tan thams cad yongs su rdzogs par bya ba bstan pa'i phyir/ gang yang dus gsum gshegs pa rgyal pa'i zhes bya ba la sogs pa gsungs so/ /dus gsum ni 'das pa dang ma 'ongs pa dang da lta 'byung bdag ces bya ba dag ste/ gzugs la sogs pa'i phung po dag nyid mi rtag pas 'joms pa'i phyir dus yin gyis/ phyi rol pa rnams kyi ltar phung po la ma gtogs pa'i dus ni med do/ /de dag las kyang 'das pa la sogs pa'i bye brag gi rnam pa gsum du tha dad do/ /der gshegs pa ni de'i bdag nyid du bzhugS pa'o/ /bdud bzhi las rgyal ba'i phyir rgyal bste dus gsum du gshegs pa'i nga rgyal ba de dag go /byang chub kyi phyir spyod pa ni byang chub spyod pa'o/ /de la smon lam gyi bye brag ni yon tan thob pa bla na med pa dpag tu med pa
- 256b
grangs med pa gting dang pha rol mi dbogs pa don du gnyer ba'i bye brag rnams te/ de dag thams cad bdag gis bsod nams dang ye shes kyi tshogs grangs med pa yongs su bzung ste/ kun tu bzang po'i dkyil 'khor yongs su bskad zhing yongs su kun nas rdzogs par bsgrubs te/ bla na med pa'i byang chub thams cad mkhyen pa'i ye shes rnam par 'tshang rgya bar bya/ rtogs bar bya/ mngon sum du bya'o zhes bya ba'i tha tshig go /de ltar rgyu'i gnas skabs gyis? bsdus pa'i yon tan thams cad yongs su rdzogs par bya ba brjod nas/ bsod nams dang ye shes kyi tshogs ji ltar blangs pa shin tu rgyas par bya ba'i phyir da ni byang chub sems dpa' i rjes su slob par yongs su bsngo pa/ rgyal ba kun gyi sras kyi thu bo pa zhes bya ba sogs pa tshigs su bcad pa gsum gyis ston to/ /de la byang chub sems dpa' ni bcom ldan 'das kyis mdo gzhan dag las 'dod chen pa dang/ 'dod chen pa ma yin pa dang rnam pa gnyis bstan te/ 'dod chen pa ni gang dag? byang chub tu sems bskyed nas mthar gyis tshogs yongs su rdzogs pa'i byas te bla na med ba yang dag par rdzogs pa'i byang chub mngon par rdzogs par 'tshang rgya zhing mngon par sangs rgyas nas kyang sems can gyi don du sems can gyi khams ji srid du de srid du bzhugs pa'o/ /'dod chen pa ma yin pa ni/ gang dag sems can gcig 'khor ba las ma grol gyi bar du yang bla na med pa yang dag par rdzogs pa'i byang chub mngon par rdzogs par 'tshang rgya par mi bya'i/ byang chub sems dpa' i gnas nyid na sems can gyi don byed cing 'dug go zhes smon lam de skad btab pa ste/ de dag ni tshogs yongs su rdzogs kyang dam bcas ba yongs su ma rdzogs pas/ mngon par 'ching mi rgya'o/ /de dag gi
- 257a
nang na byang chub sems dpa' chen po 'phags pa kun tu bzang po ni thu bo ste/ byang chub sems dpa' thams cad pas sngar byang chub tu sems bskyed pa'i phyir ro/ /snga ma rnams kyi nang na ni 'phags pa byams pa'o// de la chos kyi sku'i rgyu mthun pa las skyes pa'i phyir de ni rgyal ba thams cad kyi sras so/ /gang gi ming ni kun tu bzang zhes bya zhes bya ba ni/ gang gi ming sangs rgyas kyi zhing tha dad pa'i 'khor gyi dkyil 'khor rnams su rnam pa thams cad bzang pa'i phyir sangs rgyas thams cad kyis kun tu bzang po kun tu bzang po zhes bsgrags pa'o/ /mkhas pa de dang zhes bya ba ni de bzhin gshegs pa thams cad kyis gsungs pa theg pa chen po bla na med pa dpag tu med pa rnam pa thams cad nyan pa dang/ len pa dang/ 'dzin pa dang/ 'chang ba dang/ rnam par 'byed pa'i phyir mkhas pas mkhas pa zhes bya'o/ /bdag gis lus dang ngag dang yid rnams kyi spyod pa'i khyad par mdza' yas mu med pa dag gis mthun pa'i yon tan grub pa byang chub sems dpa' i spyod pa'i dkyil 'khor chen po yongs su spyod ba 'di yang mkhas pa de'i spyod pa dang mthun par yongs su bsngo zhing de'i 'bras bu thob par bya bar mngon sum du byas te ji ltar de'i bsod nams kyi tshogs dang ye shes kyi tshogs mdza' yas pa ltar bdag gi yang de bzhin du shog cig ces bya ba'i tha tshig go /de ltar bye brag med par de'i spyod pa dang mthun par yongs su bsngo ba brjod nas/ da ni rnam par dbye ba bstan pa'i phyir/ lus dang ngag dang yid kyang? rnam dag cing zhes bya ba la sogs pa gsungs so/ /de la lus rnam par dag pa ni gang 'dul bya'i skye? bo la bltos nas de dang der de lta de lta bu'i gzugs de ston pa dang/ rdul phra
- 257b
rab kyi rdul re re la yang lus sangs rgyas kyi zhing thams cad kyi rdul phra rab kyi rdul snyed kyi bye ba grangs pa nye bar ston pa dang/ lus gcig gis sangs rgyas kyi zhing thams cad rgyas par 'gengs par ston pa dang/ sangs rgyas thams cad kyis zhabs drung nas ma g.yos par ston pa la sogs pa yon tan rin po che mdza' yas pas yongs su zin pa ni lus rnam par dag pa'o/ /ngag rnam par dag pa ni dbyangs kyi dkyil 'khor gcig la skad thams cad ston pa ste/ sgra kun tu ston pa la sogs pa yon tan grangs med pa'i tshogs dang ldan pa ni ngag rnam par dag pa'o/ /yid rnam par dag pa ni skad cig skad cig la spyod pa'i dkyil 'khor ma lus pa mngon sum du/ byed pa dang/ phyogs bcu ma lus pa dang/ dus thams cad du bzhugs pa'i sangs rgyas thams cad mngon sum du byed pa dang/ chos so so tha dad pa dpag tu med pa dag mngon sum du byed pa la sogs pa yon tan gyi tshogs dpag tu med pa dang ldan pa ni yid rnam par dag pa'o lus dang ngag dang yid rnam par dag pa 'dis spyod pa rnam par dag par 'gyur pas/ spyod pa rnam dag ces bya ba gsungs te/ kun tu bzang po'i spyod pa ji ltar btsams pa pha rol tu phyin pa dang/ bsam gtan dang/ ting nge 'dzin dang snyoms par 'drug pa rnam par dag pa ni spyod pa rnam par dag pa'o/ /de ltar lus dang ngag dang yid yongs su dag pas spyod pa yongs su dag pa 'ba' zhig du zang ngam zhe na/ zhing rnam par dag par yang 'gyur bas zhing rnams yongs dag dang zhes bya ba gsungs so/ /de la lus rnam par dag par sangs rgyas kyi zhing rnams su sangs rgyas dang byang chub sems dpa' rnams kyi kha dog dang dbyibs sna tshogs dam pa rgya che ba dang/ lha dang mi las 'das pa dag ston pa dang/ dag rnam par
- 258a
dag pas sangs rgyas dang byang chub sems dpa' la sogs pa'i 'khor gyi dkyil 'khor rnams su man ngag phyin ci ma log pa zab cing rgya che ba mdza' med pa sgrogs pa dang/ yid rnam par dag pas snod kyi 'jig rten tha gru che zhing dbyibs mnyam pa rin po che'i dpag bsam gyi shing brgya stong du mas rnam par mdzes par byas pa/ nags tshal dang skyed mos tshal dang khri ston la sogs pa sna tshogs du mas khyab pa ston pa ni sangs rgyas kyi zhing yongs su dag pa'o/ /'di ni yongs su dag pa rnam pa lnga ste/ de'i don du byang chub sems dpa' sems dpa' chen po bcom ldan 'das kun tu bzang po mkhas pa gsal ba de'i yongs su bsngo ba ci 'dra bar gyur pa ltar bdag gi sngo ba'ang rnam pa lnga yongs su dag par bya ba'i phyir de 'dra bar gyur cig ces bdag kyang de dang mtshungs par shog ces bya ba 'dis ston to/ /bdag ces bya ba ni bdag nyid kyi dbang du byas pa'o/ /de dang zhes bya ba ni byang chub sems dpa' chen po kun tu bzang po dang ngo/ /mtshungs pa zhes bya ba ni bye brag med par ro/ /de ltar byang chub sems dpa' sems dpa' chen po kun tu bzang po'i spyod pa dang mthun pa dang/ de'i sngo ba dang mthun pa bstan nas/ byang chub sems dpa' chen po 'phags pa 'jam dpal zab cing rgya che ba'i thugs dang ldan pa'i spyod yul yang yongs su rdzogs par bya'o zhes bstan pa'i phyir kun nas dge ba bzang po spyod pa'i phyir zhes bya ba la sogs pa gsungs so/ /rnam pa thams cad du mdzes pa dang rang bzhin gyis rgyud rnam par dag pa'i phyir dge ba ste/ kun tu bzang po spyod pa kun tu dge ba mchog tu yid 'phrogs pa mchog tu mdzes pa des 'di'i sku 'jam zhing mdangs sdug pa bla na med pa'i phyir/ sangs rgyas thams
- 258b
cad kyis mtshan 'jam dpal zhes bya bar bstan to/ /de'i smon lam ni gang sems can gyi khams mdza' yas pa byang chub gyi sems bskyed pa dang/ spyod pa rab 'byams yongs su spyod du gzhug pa dang/ mngon par rdzogs par byang chub pa la dgong pa don du gnyer ba ste smon lam bzang po de lta bu spyad par bya'o/ /dus ji srid gcig gis bar tu snyam pa la/ ma 'ongs bskal pa kun tu zhes bya ba gsungs so/ /ma 'ongs pa 'byung bar 'gyur ba'i bskal ba mdza' yas pa kun tu'o/ /der yang skad cig re re la rab tu dga' ba'i bye brag khyad zhugs pa thob nas cung zad kyang mi skyo bar ? lus dang sems mi skyo bar zhes bya ba'i tha tshig go /pha rol mi dpogs pa'i smon lam de lta bu brtsams na 'ga' zhig bar mdor ldog par 'gyur yang srid snyam pa la bye brag bstan pa'i phyir/ bya ba de kun ma lus rdzogs par bgyi zhes bya ba gsungs te/ ji ltar 'dod pa'i smon lam gyis bya ba de rdzogs par bya bas grub par bya'o/ /kun zhes bya ba ni ji skad bstan pa rnams so/ /ma lus pa ni rdul phra rab tsam yang ma lus par zhes bya ba'i tha tshig go /de ltar las rnam par dag pa de brgyad dang/ byang chub sems dpa' i rjes su slob par yongs su bsngos pa 'dis ni ye sheS kyi pha rol tu phyin pa bstan te/ sa'i mdza' i ye shes khyad par du 'phags pa thob pa'i phyir ro/ /nam mkha' ltar mdza' yas pa'i sangs rgyas kyi zhing rnams su 'khor gyi dkyil 'khor dag gi nad du ci rigs par chos chen po'i chu'i rgyun gyis char cig cad 'bebs pas chos kyi sprin kyang bstan pa yin no/ /de ltar ji skad bshad pa'i tshul khrims bcu rnams su bsod nams ye shes kyi tshogs rgyas par byas nas rdo rje lta bu'i ting nge 'dzin brnyes te sgrib pa'i
- 259a
rgyun ma lus par yongs su zad nas sa bcu gcig pa sangs rgyas kyis kun tu 'od la phyir zhing bsod nams dang ye shes kyi tshogs dpag tu med cing zad mi shes par mdzad pa tshigs su bcas pa gnyis kyis go rim bzhin du yongs su bstan pa'i phyir/ spyod pa dag ni tshad yod ma gyur cig ces bya ba la sogs pa gsungs te/ byang chub sems dpa' sems dpa' chen po'i yongs su bsngo ba rjes su bsgrubs pas spyod pa'i rlabs ni 'di tsam zhig go /dus ni 'di srid cig tu'o/ /de ni rnams kyi rnam par dag pa ni 'di tsam zhig go /yongs su sbyangs pa byas pa'i khyad par ni 'di tsam dag go/ brtsams pa ni 'di snyed do zhes spyod pa ched yod par ma gyur cig ces bya ba ste/ de ltar na grangs med pa'i mthar thug par 'gyur ro/ /ci spyod pa 'ba' zhig de ltar shin tu rgyas sam 'on tu gzhan yang snyam pa la/ yon tan dag kyang tshad gzung med par shog ces bya ba gsungs so/ /yon tan rnams ni stobs dang mi 'jigs pa la sogs pa ste/ yon tan ni 'di snyed cig go /dus ni 'di srid cig tu'o/ /'bad pa'i bye brag ni 'di tsam zhig go /dge ba'i bshes gnyen ni 'di tsam zhig la bsnyen bkur byas so/ /de bzhin gshegs pa 'di snyed cig ni mnyes par byas so/ /zhes so so'i skye bo dang nyan thos dang rang sangs rgyas dang/ byang chub sems dpa' dang/ sangs rgyas kyi rgyud la mnga' ba'i yon tan mthun mong ba dang/ thun mong ma yin pa rnams tshad yod par ma gyur cig ces bya ba de skad cig skad cig la yon tan bye ba phrag brgya mdza' yas pa thob pas yon tan rnams tshad las 'das pa'o/ /spyod pa tshad med pa
- 259b
la gnas nas kyang zhes bya ba ni de ltar spyod pa tshad med pa la gnas te 'dug nas so/ /de dag 'phrul pa thams cad 'tshal bar bgyi zhes bya ba ni sangs rgyas dang byang chub sems dpa' de dag dang gzhan yang phyogs kyi mdza' klas pa thams cad rnam par gnas pa dag gi rnam par 'phrul ba'i che ba nyid rnam pa tha dad pa dum ston pa 'tshal bar bgyi'o zhes bya bar sbyar ro/ /de ltar bsod nams dang ye shes kyi tshogs ji ltar bsgrubs pa rjes su slob par yongs su bsngo ba'i thabs kyis sangs rgyas par byas pa phyogs dang dus kun tu khyab pa de yang zad mi shes par mdzad par bzhed nas/ nam mkha' i mthar thug gyur pa ji tsam par zhes bya ba la sogs pa gsungs te/ nam mkha' mdza' yas pa'i mthar thug pa ji tsam par bdag gi smon lam gyis mdza' yang de tsam mo zhes bya ba yin no/ /mthar thug pa ni ngas par gnas pa ste/ mthas klas pa'o zhes bya ba'i tha tshig go /'di skad du nam mkha' mu med pa ji lta ba de bzhin du bdag gi smon lam yang mu med par gyur cig ces bshad pa yin no/ /de ltar nam mkha' i dpes smon lam re re'i tshad kyang mthar thug pa med par bstan nas/ sems can ma lus mdza' yang de bzhin te zhes bya bas sems can mthar thug pa med par ston te/ sems can gyi khams ma lus pa grangs las shin tu 'das pas mdza' thug pa med pa gang yin pa de dag gi smon lam bdag gi mdza' thug pa med par gyur cig ces bya ba yin no/ /de ltar sems can mthar thug pa med par ston te/ ji tsam las dang zhes bya ba las 'byung ba mthar thug pa med par ston te/ /'di skad du ji ltar so so'i skye bo gcig nas gcig tu brgyud pa rnams su las 'byung ba mdza' thug pa med pa de
- 260a
bzhin du bdag byang chub kyi spyad pa spyod pa'i smon lam 'byung ba yang mthar thug par ma gyur cig ces bshad pa yin no/ /de ltar las 'byung ba mdza' thug ba med par bshad nas/ nyon mongs zhes rkyang? pa la sogs pas mi mthun pa'i phyogs mdza' thug pa med par ston te/ ji ltar sems can gyis khams ma lus pa'i 'dod chags la sogs pa mi mthun pa'i phyogs su gyur pa rnams 'phags pa'i lam med par mthar thugs pa med par gyur pa de bzhin du de'i gnyen por gyur pa bdag gi smon lam gyi khyad par rnams kyang sems can so so'i spyod pa'i don bya ba'i phyir mdza' thug par ma gyur cig ces bya ba yin no/ /skabs 'dis ni sangs rgyas kyis kun tu 'od bstan to/ /de ltar 'phags pa kun tu bzang po'i spyod pa'i dkyil 'khor thabs dang bcas pa mos pas spyod pa'i sas rab tu phye ba bsam pa dag pa'i sas bsdus pa ji skad smos pa'i yongs su bsngo bas mdza' yas par byas pa zang mi shes pa nyid du bstan to/ /ji ltar ji skad smos pa'i smon gyi don yongs su rdzogs par byas nas/ da ni de la mos pa'i phan yon 'bras bur gyur pa shin tu che ba'i phyir dang/ gang yang phyogs bcu'i zhing rnams mdza' yas pa zhes bya ba la sogs pa gsungs so/ /de lta phyogs bcu'i zhing rnams mdza' yas pa zhes bya ba 'dis ni tha gru che bar bstan to/ /rin chen smos pas ni rin chen rin thad che bas sbyin par bya pa'i khyad par bstan to/ /brgyan ces bya ba smos pas ni kha dog dang dbyibs la sogs pa tha dad pa'i bkod pa sna tshogs bstan to/ /rgyal ba rnams la zhes bya ba 'dis ni 'bras bur gyur pa shin tu bla na med pa rab tu dag pa mdza'
- 260b
yas pa'i zhing khyad par can bstan te/ lha dang mi yi bde ba mchog rnams kyang zhes bya ba la/ lha dang mi'i bde ba smos pas ni phan 'dogs pa'i bde ba'i khyad par bstan to/ /zhing gi rdul snyed bskal bar phul ba zhes bya ba 'dis ni dus khyad bar can bstan to/ /de ltar rnam pa khyad par can de dag gis khyad par du 'phags pa'i sbyin pa yang smon lam khyad par can 'di lan cig thos nas dad pa bskyed pa'i sams kyis mos bas bsags pa'i bsod nams kyi phung po dang 'dra bar bstan pa'i phyir/ gang gis bsngo ba'i rgyal po 'di zhes bya ba la sogs pa gsungs so /dad pa dang mos pa phun sum tshogs ba 'ga' zhig gis yongs su bsngo ba thams cad kyi mchog bde bar gshegs ba mdza' yas pas bsngags pa ji skad bstan pa 'dis thos nas thos pa dang/ bsam pa la sogs pa'i rim gyis lan cig ste/ lan 'ga' zhig sems la bzhag nas mos shing dad pa bskyed nas te/ mos pa'i shes pas mngon sum du byed zhes bya ba'i tha tshig go ci'i phyir de ltar bsod nams kyi tshogs phul du byung bar bstan snyam pa la/ byang chub mchog gi rjes su rab mos shing zhes bya ba gsungs so/ /byang chub mchog ni bla na med pa yang dag par rdzogs pa'i byang chub ste/ nyan thos dang rang sangs rgyas kyi byang chub pas shin tu khyad du zhugs pas mchog tu gyur pa'i phyir ro/ /rab tu mos pa ni mngon par 'dod pa'o/ /cir 'gyur snyam pa la/ bsod nams dam pa'i mchog tu 'di 'gyur ro zhes bya ba gsungs so/ /dam pa ni gong du smos pa'i sbyin pa bas so/ /mchog ni de las gzhan ba'i bsod nams kyi khyad par thams cad thob pa'o/ /de ltar bsod nams kyi tshogs yongs su sdud pa'i khyad par gyi phan yon brjod nas sdig pa dang grogs po ngan pa
- 261a
bsal bas myur ba nyid du sangs rgyas mthong pa'i phan yon stan pa'i phyir/ des ni ngan song rnams kyang spangs par 'gyur zhes bya ba la sogs pa gsungs so/ /des ni zhes bya ba ni sems can kyi mchog skyes bu khyad par can gyis so/ /spangs pa ni thag bsrings te yongs su btang ba'o/ /de dag gang zhig snyam pa la ngan song zhes bya ba gsungs te/ ngan song ngan 'gro rnams te/ las kyi dbang gis yang der mi skye ba'i phyir ro rtag tu lha dang mi'i nang du skye ba rab tu rnyed pas ngan song 'ba' zhig spangs pa ma yin gyi ngan song gi rgyur gyur pa grogs po ngan pa rnams kyang spangs so/ /smad pa'i grogs po rnams ni grogs po ngan pa rnams te/ gang dag tshe 'di nyid tshal? bde bar bya ba'i phyir khyim gyi gnas la sogs pa la mdzud pa dang/ theg pa de'i snod du gyur pa rnams myur du mya ngan las 'das par bya ba'i phyir theg pa chen po dang phral te nyan thos dang rang sangs rgyas kyi theg pa la 'dzud pa yin no/ /de dag kyang dge ba'i bshes gnyen la yang dag pa ji lta ba bsnyen bkur byas pa dang/ /de'i man ngag sbyang ba la nan tan byas pas yongs su spangs pa yin no/ /da ltar smon lam bsgoms pa'i dbang gis ngan song rgyang bsrings pa dang grogs po ngan pas ngas myur du bcom ldan 'das 'od dpag med de yang mthong bar 'gyur ro/ /'di la 'od dpag tu med pa nam mkha' i dkyil mdza' dag khyab par byed pas ngan song gi sdug bsngal sna tshogS zhi bar byed pa dang/ lha dang mi'i bde ba sna tshogs shin tu bskyed pas sems can thams cad la phan 'dogs par zhugs pa'i 'od tshad med pa yod pas so 'od dpag med do/ /bcom ldan 'das de mthong ba su yin snyam pa
- 261b
la/ gang gis bzang spyod smon lam 'di btab pa zhes bya ba gsungs te/ gang gis bzang po spyod pa zhes bya ba smon lam gyi rgyal po 'di btab pa'o/ /de ltar sangs rgyas mthong ba'i phan yon bstan nas/ byang chub sems dpa' dang mtshungs pa nyid thob pa'i mtshan nyid kyi phan yon bstan pa'i phyir/ rnyed pa lags rnyed ces bya ba gsungs so/ /'dod pa'i don sngon ma thob pa rnyed pa de nyid legs par rnyed pa ste/ don yangs shing rgya che brnyed? ba'i phyir legS par gyur ba'i de dag ni legs par rnyad pa 'ba' zhig tu ma zad kyi skyes bu chen po'i byin gyis brlabs kyis legs par 'cho? ba yang yin te/ /gang dag srog la 'bab pa'i sdug bsngal dag gis kyang gzhan gyi don nyid sgrub pa de dag legs par 'tsho ba yin gyi gzhan dag ni shi ba dang mtshungs so/ /de nyid kyi phyir legs par 'ongs pa ste/ skyes bu'i don sgrub? par bzod pa'i phyir mi srid pa 'dir legs par 'ongs pa'o/ /de nyid gyi phyir bdag? sems can gyi don gzhal du med pa byed cing mchog tu dga' ba'i shes che bar gyur pa de dag kha cig skyes bu mchog ces bya'i/ de las gzhan pa dag ni rtsa rul pa dang mtshungs de dag ring por mi thogs de bzhin 'gyur zhes bya ba ni ji skad smos pa'i rgyus byang chub sems dpa' chen po bcom ldan 'das kun tu bzang po de ci 'dra bar gang dag de'i smon lam rjes su sgrub pa de dag kyang ring por mi thogs par de bzhin du 'gyur te/ myur ba kho nar de bzhin du 'gyur ro zhes bya ba'i tha tshig go /de ltar bas don mas yongs su sdud pa dang/ sangs rgyas mthong ba dang/ byang chub sems dpa' dang mtshungs pa nyid thob pa'i phan yon brjod nas da ni/ mtshamS de med lnga po bdag gi sdig pa rnams zhes bya ba la sogs pas sgrib pa 'byang ba'i phan yon gsungs te/ mtshams med ces bya ba ni shi
- 262a
mthag tu gdon mi za bar sems can dmyal bar 'gro bas bar gcad par mi nus pa'i phyir mtshams med pa'o/ /lnga ni pha dang/ ma dang dgra bcom ba bsad pa dang/ dge 'dun gyi dbyen byas pa dang/ de bzhin gshegs pa la ngan sems kyis khrag phyung ba zhes bya ba rnams so?/ /sdig pa na ngan song du ltung par byed pas rnam par smin pa smad pa'i phyir ro/ /gang gis mi shes dbang gis zhes bya ba ni ma dge ba'i grags pa dang bstan pas gang gi las kyi rnam par smin pa chen po ma shes nas ci zhig ltar byas te bsgrubs pa rnams so/ /de yi bzang po spyod pa 'di brjod na zhes bya ba ni sus bzang po spyod pa zhes bya ba smon lam gyi rgyal po 'di brjod na nye? dad pas 'don cing smos paS mos na'o/ /myur du ma lus yongs su byang bar 'gyur zhes bya ba la/ myur ba ni ring por mi thogs par ro/ /yongs su byang ba ni yongs su zad pa'o/ /'gyur ba ni byed pa'o/ /ma lus pa zhes bya ba ni lhag ma med pa ste/ cung zad tsam yang mi gnas so/ /zhes bya ba'i tha tshig go ba/ /de ltar tshe 'di'i phan yon rnam pa bzhi'i khyad par bstan ye shes dang ni gzugs dang mtshan rnams dang zhes bya ba la sogs pas tshe rabs gzhan gyi phan yon gsungs so/ de la ro zhig rgyur gyur pa'i phan yon ston te/ ye shes ni mi shes pa thams cad sel ba'i phyir ro/ /gzugs ni lus kyi kha dog dang dbyibs kyi bye brag go /mtshan rnams ni dbu gdugs lta bu la sogs pa'o/ /kha dog ni pags pa'i mdog gser gyi kha dog lta bu'o/ /rigs ni rigs gnyi ga yongs su dag pa'o/ /de bas na thams cad bas khyad par du 'phags pa de dag dang ldan zhing yang dag par ldan par 'gyur pa yin no/ /de nyid kyi phyir yon
- 262b
tan thams cad yongs su rdzogs pas bdud dang mu stegs mang pos de mi thub ces bya'o/ /mu stegs can dag ni gang dag 'di las phyi rol pa dag ste lam ngan par zhugs pa rnams so/ /bdud rnams ni dge pa'i tshogs kyi bar byed pa dag go? /de dag ni tshogs ni mang po'o/ /mu stegs can dang bdud kyi tshogs de dag gis mi thub ba ni zil gyis non par mi 'gyur ba ste/ de zil gyis non bar nus pa ni tshig 'og nas 'byung ba dang sbyar ro/ /de'i phyir yon tan de lta bu dang ldan pas de'i mi mthun pa'i phyogs kyi nyes pa dang bral ba'i phyir/ 'jig rten sum po kun na'ang mchod par 'gyur zhes bya ba la sogs pa gsungs so/ /'jig rten gsum po kun ni 'jig rten gyi khams thams cad de/ / smon lam gyi dbang gis sems can gyi don bsgrub pa'i phyir gang du skyes pa der mchod bar 'gyur te/ lha dang mi rnams kyis bsti stang du byed par 'gyur ro/ /zhes bya bar sbyar ro/ /de ltar tshe rabs gzhan gyi rgyur gyur pa'i phan yon brjod nas/ da ni byang chub shing dbang drung du de myur 'gro zhes bya pa la sogs pas 'bras bur gyur pa'i phan yon gsungs te/ myur zhes bya ba ni de las gzhan pa'i byang chub sems dpa' dag pas myur ba ste/ des rtag tu byas pa dang gus par khyas te goms pas smon lam gyi rgyal po 'di'i mthus 'gro'o/ /byang chub shing dbang zhes bya ba ni byang chub kyi shing gi rgyal po'o/ /byang chub ni bla na med pa'i ye shes te/ de shing gi rgyal ba gang gi drung du bzhugs nas brnyes pa da ni shing thams cad kyi nang na lha dang mis mchod par bya ba nyid kyis mchog du 'byung ba'i phyir dbang po'o/ /'gro zhes bya ba ni byang chub kyi shing gi rgyal po'i drung? der ro/ /song nas sems can phan phyir
- 263a
der 'dug ste zhes bya ba la sogs 'dug ces bya ba ni skyil mo krung bcas pa'o/ /ci'i phyir snyam pa la/ sems can phan phyir zhes bya ba gsungs te/ lha dang mir bcas pa'i 'gro ba dag mtho ris dang byang grol thob par bya ba'i phyir de ltar 'dug nas byams pa'i stobs kyis bdud dpung dang bcas pa pham par byas te'o/ /byang chub sangs rgyas zhes bya ba ni bla na med pa yang dag par rdzogs pa'i byang chub mngon sum du byas nas so/ /'khor lo rab tu skor zhes bya ba ni bla na med pa'i chos kyi 'khor lo chen po ston ces bya ba'i tha tshig ste/ 'dis ni tshe 'di dang tshe rabs gzhan gyi 'bras bu'i phan yon rgyas par bshad pa yin no/ /da ni gang yang bzang po spyod pa'i smon lam 'di zhes bya ba la sogs pas phan yon gyi khyad par spyir mdor bsdus te ston to/ /gang zhes bya ba ni la la zhig go /'di zhes bya ba ni bzang po spyod pa'i smon lam gyi rgyal po'o/ / 'dzin pa ni phyin ci ma log par tshig dang don sgrub pa'i sgo nas mi brjed pa'i tshul du'o/ /klog pa ni glegs bam la bris pa klag ste/ tshul du'o/ /ston pa ni gzhan dag la tshig dang don gyi tshul gyis ston pa'o/ / de yi rnam par smin pa sangs rgyas mkhyen ces bya ba la/ bzang po spyod pa 'dzin pa dang/ klog pa dang ston pa de'i rnam par smin pa ste/ rnam par smin pa'i 'bras bu gang yin pa de ni sangs rgyas bcom ldan 'das kho nas rnam par mkhyen cing bye brag tu thugs su chud kyi/ gzhan gyis ni de'i rnam par smin pa'i rang bzhin yongs su shes par mi nus zhes bya ba'i tha tshig go /rgyu dang mi 'dra bar smin pa ni rnam par smin pa ni/ lha dang mi rnams
- 263b
kyi nang na lus dang/ longs spyod dang/ rigs dang/ gzugs dang/ nad med pa dang/ yid gzhungs pa dang/ yid rno ba la sogs pa phyi rol mi dpogs pa gang yin pa'o/ /de ltar rnam par smin pa'o 'bras bu brjod nas byang chub mchog la som nyi ma byed cig ces bya bas rgyu mthun pa'i 'bras bu'i bye brag mchog tu gyur pa ston to/ /byang chub mchog ni zag pa dang bcas pa dang/ zag pa med pa thams cad kyi rtsi mor phyin pa ste/ de spyod pa mdza' ? dag gi 'bras bur 'gyur ro/ /som nyi ma byed cig ces bya ba ni 'di la som nyi mi bya'o/ /nges par de'i 'bras bu sangs rgyas su 'gyur ro zhes de ltar nges par gzung bar bya'o/ /de ltar bskom pa'i phan yon ji skad bstan cing ji skad bshad pa rab tu bstan nas/ da ni 'jam dpal dpa' bos ji ltar mkhyen pa dang zhes bya ba la sogs pas ston pa tsam gyis bsags pa'i dge ba'i rtsa ba yongs su bsngo ba ston te/ ji ltar bcom ldan 'das 'phags pa 'jam dpal gyis dge ba'i rtsa ba'i tshogs yongs su bsngo ba mkhyen pa bzhin du'o/ /ci 'dra ba zhig snyam pa la/ dpa' bo zhes bya ba ste/ dpa' bo ni shes rab kyi ral gri dang can dri ma med pa bla na med pa bdar bas dngos po la mngon par zhen pa'i dgri? tshogs thams cad bcom pa'i phyir ro/ /kun tu bzang po de yang de bzhin te zhes bya ba ni bcom ldan 'das 'phags pa kun tu bzang po de yang ji ltar yongs su bsngo ba'i cho ga'i tshul mkhyen pa bzhin du'o/ /de dag gi ni rjes su pad+ma ? slob cing/ zhes bya ba la sogs pa la/ de dag ces bya ba ni de la sogs pa gzhan la theg pa chen po'i chos zab cing rgya che ba rgya mtsho'i pha rol tu song ba bcom ldan 'das byang chub sems dpa' chen po rnams te/ de dag kyang de
- 264a
bzhin pa'o/ /rjes su slob cing zhes bya ba ni slob pa'i rjes su byed cing ngo/ /dge ba 'di dag thams cad rab tu bsngo zhes bya ba la/ 'di dag thams cad ces bya ba ni smon lam gyis kun nas bslang ba 'di dag thams cad ma lus par zhes bya ba'i tha tshig go /bsngo zhes bya ba ni bla na med pa yang dag par rdzogs pa'i byang chub tu nges par byed pa'o/ /ci zhig bsngo zhes na/ dge ba zhes bya ba gsungs so/ /byang chub sems dpa' chen po 'di gnyis kyi rjes su slob pas yongs su bsngo bar ma zad kyi/ gzhan yang de'i gong nas gong du khyad par du 'phags pa'i yongs su bsngo bas yongs su bsngo'o zhes bstan pa'i phyir/ dus gsum gshegs pa rgyal ba thams cad kyi zhes bya ba la sogs pa gsungs te/ dus gsum gshegs pa ni 'das pa dang ma 'ongs pa dang da ltar byung ba'i sangs rgyas bcom ldan 'das thams cad kyis so/ /bsngo ba gang la bsngags pa zhes bya ba ni bstod pa'o/ / mchog ces bya ba ni yongs su bsngo ba thams cad pas rab tu bsngags pa nyid kyis mchog tu gyur pa de ni shes rab kyi pha rol tu phyin pa stong phrag brgya pa las bcom ldan 'das kyis mi dmigs pa'i rnam pas yongs su bsngo ba gsungs pa gang yin pa'o/ /des bdag gis dge ba zhes bya ba la des zhes bya ba ni mi dmigs par yongs su bsngo ba bde bar gshegs pa dang/ de'i sras mdza' dag gi bsngags shing bstod pas so/ /'di kun kyang zhes bya ba la/ 'di zhes bya ba ni dge ba'o/ /kun zhes bya ba ni bzang po spyod pa bsgoms pas bsdus pas yang? ngo/ /mchog tu bzang po spyad phyir bsngo bar bgyi zhes bya ba la mchog tu bzang po spyad phyir zhes bya ba ni mchog tu bzang po bsgrub pa'i phyir ro/ /bsngo ba
- 264b
ni yongs su bsngo ba'o/ /'di skad du bzang po spyod pa ston pa las byung ba'i dge ba'i rtsa ba gang yin pa 'di dang/ gang yang bzang po spyod pa bsgoms pas bsdus pa snga ma de dang de gnyi ga yang bzang po spyod pa'i smon lam bsgrub pa'i phyir sbyar bar bya'o zhes bshad pa yin no/ /de ltar bton pa tsam gyis rjes su slob pa'i yongs su bsngo ba bstan nas/ da ni bdag ni 'chi ba'i dus byed gyur pa na zhes bya ba la sogs pas ma 'ongs pa na pha rol tu phyin pa yongs su rdzogs par bya ba dang mthun pa'i lus yongs su bzung bar yongs su bsngo ba ston to/ /bdag ces bya ba ni bdag nyid du ston to/ /dus zhes bya ba ni zla ba la sogs pa dang skad cig thang cig la sogs par bgrang ba ste/ de yang sngon gyi 'du byed kyis 'phang ba'i lus rigs mthun pa gzhan dag na gnas pa'i don byed pa ni yongs su rdzogs par byed pa ste/ de na gnas pa yongs su rdzogs par byed ces bya ba'i tha tshig go /sgrib pa zhes bya ba la sogs pa ni sems kyi rgyun la sgrib cing khengs par byed pa ste/ dge ba'i chos skye ba la sgrib pa rnams so/ /de dag kyang las dang nyon mongs pa dang rnam par smin pa'i sgrib pa'i rang bzhin dag ste/ mtshams med pa'i las rnams dang/ /nyon mongs mi zad ngan 'gro dang/ /sgra mi snyen dang bdu shes med sems can sgrib pa gsum du 'dod ces gang bshad pa ste/ sgrib pa de lta bu de dag go /thams cad ni yongs su ma lus pa'o/ /phyir zhes bya ba ni bye brag tu 'am kyang bsrings pa'o/ /bsal to zhes bya ba ni bdag gi? rgyud la yang mi skye ba'i chos nyid du byas te'o/ /'od dpag med pa de ni mngon sum ba ltar? zhes bya ba la sogs pa la/ mngon sum ni mngon du'o/ /'od dpag med pa zhes bya ba de ni bcom ldan 'das de bzhin gshegs pa 'od dpag med do/ /blta zhes bya
- 265a
pa ni blta bar bya ba'o/ /bde ba can gyi zhing der mchi bar bgyi zhes bya ba ni bcom ldan 'das 'od dpag med de nyid kyi sangs rgyas kyi zhing bde ba can yon tan dpag tu med pa dang ldan pa mchog tu bde zhi ? yid bde ba'i gnas gcig tu gyur pa bde bar gshegs pa'i sras dpag tu med pas yongs su gang ba der mchi'o zhes bya ba yin te/ bdag der skye bar bya'o zhes bya ba'i tha tshig go/ rgyal ba'i dkyil 'khor bzang zhing dga' bar der zhes bya ba la sogs pa la/ rgyal ba'i dkyil 'khor ni bcom ldan 'das 'od dpag med de'i 'khor gyi dkyil 'khor te/ gang la bcom ldan 'das 'od dpag med de byang chub sems dpa' dag pa rnams dang thabs gcig tu bla na med pa'i 'byor pas chos kyi longs spyod bla na med pa 'byor pa'o/ /rgyal pa'i dkyil 'khor de ci 'drar nyam pa la/ bzang zhing dga' ba zhes bya ba gsungs so/ /de la bzang pa ni kha dog dang dbyibs sna tshogs phun sum tshogs pa'i khyad par la sogs pa dang ldan pa'o/ /dga' ba ni las bzang po sna tshogs kyi bye brag gis spras pa dang/ lha dang mi'i las shin tu 'das pa'i yon tan gyis nyams dga' ba dang/ sems dga' ba'i phyir dga' ba'o/ /der zhes bya ba ni der te/ rgyal ba'i dkyil 'khor bzang zhing dga' ba deng zhes bya bar sbyor/ /pad+ma dam pa shin tu mdzes las skyes zhes bya ba la/ pad+ma smos pas ni skye ba'i gnas kyis khyad par ston te/ mngal la sogs pa nas mi skye ba'o/ /dam pa zhes bya ba ni mchog ste/ rin po che la sogs pa'i rgyu las gyur pa'o/ /mdzad pa zhes bya ba ni mdangs sdug pa dang ldan pa ste/ mchog tu yid 'phrog cing blta na sdug pa zhes bya ba'i
- 265b
tha tshig go /skyes zhes bya ba ni byung ba'o/ /lung bstan pa yang bdag gis der thob shog ces bya ba la sogs pa la/ lung bstan pa ni ma 'ongs pa na sangs rgyas su 'gyur bar ji ltar 'dod pa'i zhing dang 'khor ba la sogs pa'i khyad par dang ldan par 'gyur bar 'khor gyi dkyil 'khor du byang chub sems dpa' la bka' stsal pa 'am/ sems la gzugs brnyan du mdzad pa'o/ /thob ces bya ba ni thos pa'o/ /su las zhe na/ rgyal ba 'od dpag med las mngon sum du zhes bya ba gsungs te/ bcom ldan 'das 'od dpag med de las mngon sum du zhal nas mngon du thob kyis/ lkog nas ma yin no zhes bya ba'i tha tshig go/ lung bstan pa yang der ni rab thob nas zhes bya ba la sogs pa ni bcom ldan 'das kyi 'khor gyi dkyil 'khor der bcom ldan 'das las mngon sum du lung bstan pa thob nas so/ /sprul pa bye ba phrag brgya du ma yis zhes bya ba la/ sprul pa ni bsam gtan dang ting nge 'dzin gyi stobs kyis bskyed pa'i sangs rgyas dang byang chub sems dpa' rnams so/ /de dag bye ba phrag brgya ni sprul pa bye ba phrag brgya'o/ /du ma zhes bya pa ni kun tu grangs med pa'o/ /phyogs bcu rnams su zhes bya ba ni phyogs bcu thams cad du'o/ /blo'i/ stobs kyis zhes bya ba ni shes rab kyi stobs te/ shes rab kyi pha rol tu phyin pa mchog dang ldan pas zhes bya ba'i tha tshig go /rtogs par 'dod pa'i don thams cad de la 'god pas blo'o/ /sems can rnams la phan la zhes bya ba ni sems can rnams la mya ngan las 'das pa thob par byed pa dge ba'i rtsa ba skyed pa'o/ /mang po zhes bya ba ni mdza' yas pa rnams so/ /bgyi zhes bya ba ni bsgrub po zhes bya ba'o/ /de ltar sems can la phan/
- 266a
'dogs pa bstan nas spyod pa yongs su rdzogs par bya ba dang/ sems can gyi don gyi mdza' gtugs pa bstan pa'i phyir/ der song nas ni smon lam 'di dag kyang zhes bya ba la sogs pa gsungs so// der zhes bya ba ni bcom ldan 'das 'od dpag med de'i sangs rgyas kyi zhing du'o/ /song nas zhes bya ba ni skye gnas so/ /smon lam 'di dag ces bya ba ni smon lam ji skad bstan pa rnams so/ /thams cad ma lus mngon du gyur par shog ces bya ba ni thams cad gcig tu bsdus nas mngon du gyur cing mngon du gyur par shog cig ces bya ba sbyar ro/ /de dag ma lus bdag gis yongs su bskang zhes bya ba ni de dag ma lus par yongs su bskang pa'o/ /yongs su bskangs na ci zhig bya snyam pa la/ 'jig rten ji srid sems can phan par bgyi zhes bya ba gsungs te/ bdag gis sems can rnams la phan par bgyi zhes bya ba ni sgrub par bgyi zhes bya ba yin no/ /dus ji srid cig gi bar du snyam pa la/ 'jig rten ji srid ces bya ba gsungs te/ sems can gyi 'jig rten ji srid kyi bar du'o/ /'di skad du ji ltar 'jig rten thams cad kyi mthar thug pa med pa de bzhin du/ snying rje chen po'i gzhan gyi dbang can 'gro ba'i don bsgrub pa'i phyir ci la yang ma dag par chas pa bdag gi yang mdza' thug par ma gyur cig ces bshad pa yin no/ /de ltar bsags pa'i bsod nams yongs su bsngo ba bstan nas/ da ni bzang po spyod pa'i smon lam ston pa yis zhes bya ba la sogs pa tshigs su bcad pa gcig gis bston pa'i yongs su bsngo ba mdor bsdus pa te ston to/ /bzang zhes bya ba ni byang chub sems dpa' kun tu bzang po'o//
- 266b
de'i spyod ba ni bzang po spyod pa ste/ yon tan sna tshogs rgya che ba du ma dang ldan pa'o/ /de nyid kyi smon pa'i bye brag gi rang bzhin yin pas smon lam zhes bya'o/ /de bzhin du de ston pa'i sgra'i rang bzhin la yang smon lam zhes brjod byas pa la sogs pa bton pa'o/ /dge ba cung zad bdag gis bsags te/ 'dul ba bzhin no/ /de bton zhes bya ba ni glegs bam du byas pa la sogs pa bton pa'o/ /dge ba cung zad bdag gis bsags pa gang zhes bya ba ni bdag gis dge ba bsod nams bsags pa gang yin pa ste/ kun tu bsags shing tshogs su byas pa zhes bya ba'i tha tshig go /des ni zhes bya ba dge bas zhes bya bar sbyar ro/ /'gro ba'i zhes bya ba ni sems can gyi tshogs zad par bgyi'o/ /smon lam zhes bya ba ni smon pa'i khyad par te/ bzang po spyod pa zhes bya ba 'di nyid do/ /dge ba zhes bya ba ni dkar po ste de kho na ma tho ba med ba zhes bya ba'i tha tshig go /skad cig tu yang thams cad 'byor par shog ces bya ba ni sems can re re'i skad cig skad cig la 'byor pa grub par gyur cig ces bya ba yin te/ thams cad ces bya ba ni ma lus pa'o/ /bzang sbyor yongs su bsngos pa'i bsod nams ni zhes bya ba la sogs pa 'di man chad kyis ni bton pa dang bsgom pas bsdus pa'i smon lam bye brag med par yongs su bsngo ba ston te/ kun tu bzang po'i spyod pa thog ma dang tha ma med pa zab cing rgya che ba'i rang bzhin bskal ba mi nyung par bsags pa byang chub sems dpa' kun tu bzang po'i spyod pa bsngos pa'i ste/ thams cad mkhyen pa'i ye shes kyi khyad par bla na med par yongs su kun tu bsngos pa'i'o/ /mdza' yas shin tu khyad par 'phags de thob gang zhes bya ba ni bsod nams dge ba mdza' yas shing dpa' tu med pa thob pa gang yin pa ste/ sems can la phan pa dang bde ba bskyed
- 267a
pa'i gnas yin pa'i phyir dang/ thabs kyi khyad par dpag tu med pa dag bsgrub pa'i phyir dang dus dpag tu med par bsgrub pa'i phyir bsod nams mdza' yas so/ /shin tu khyad par 'phags zhes bya ba ni mchog tu khyad par 'phags pa gtso bor gyur pa ste/ de yang thams cad mkhyen pa'i ye shes kyi rgyur gyur pa'i phyir dang/ mi dmigs pa'i rnam pa'i ye shes kyis yongs su zin pa'i phyir bsod nams shin tu khyad par du 'phags par rig par bya'o/ /'dis ni bsod nams 'di'i don che ba nyid dang mthu che ba nyid ston to/ /de'i zhes bya ba ni bsod nams rnam pa 'di lta bu nges so/ /'gro ba sdug bsngal chu bor byang pi? rnams zhes bya ba ni skyes shing skyes pa 'gro ba'i phyir 'gro ba'o// sdug bsngal chu bor byid ba zhes bya ba la/ sdug bsngal rnams ni skye ba dang/ rga ba dang/ na ba dang/ 'chi ba dang/ mi sdug pa dang phrad pa dang/ sdug pa dang/ bral ba la sogs pa rnams pa du ma ste/ de dag dang ldan pa dang// de dag gis bsdoms sam/ bde ba la bye brag gam/ thag ring por 'bral zhing 'gyes par byed pa'i phyir ro/ /de nyid du chu bo ste/ yun ring po nas 'phel pa'i rgyun 'jug pa dang mi zlogs par 'jug pa dang/ de'i rgyu las byung ba mi dge ba'i las du ma 'byung ba'i rang bzhin gyis ngan song du son cing ltung ba'i phyir/ chu'i chu'o dang 'dra ba'i phyir ro/ /chu bor bying ba ni nges par de'i bdag nyid dang lhan pa gnas pa ste/ de'i dbang du gyur pa zhes bya ba'i tha tshig go /'od dpag med pa'i gnas rab 'gro bar shog /ces bya ba la bcom ldan 'das 'od dpag med kyis gnas ni sangs rgyas kyi zhing ngo/ /ci 'dra snyam pa la/ rab ces bya ba gsungs te/ yon tan sna tshogs
- 267b
bsam gyis mi khyab pa/ dpag tu med pa/ rgya che ba brgya phrag gis rab tu brgyan pa/ mchog tu bde ba dang yid bde ba'i gnas su gyur pa/ mi gnas pa'i mya ngan las 'das pa'i gnas lta bur skye bo mdza' dag la phan pa skyed par gyur pa'o/ /'gro bar shog ces bya ba ni 'go ba 'am 'jug bar shog cig ces bya bar bsgyur te/ 'gro ba thams cad 'jug par shog cig ces bya ba'i tha tshig go/ kun tu bzang po mtshan don mthun pa yi/ /kun tu bzang po'i spyod pa rnams phye ba'o/ /dge ba kun tu bzang po de yis ni/ /'jig rten kun tu bzang po 'dra bar shog /shAkya'i bshes gnyen blo ldan gyis/ /shAkya'i gdung rgyud 'phel bya'i phyir/ /kun tu bzang po'i spyod pa yi/ /rgya cher 'brel pa rab bzang byas/ /'phags pa bzang po spyod pa'i smon lam gyi rgyal po'i rgya cher 'grel pa/ slob dpon shAkya'i bshes gnyen gyis mdzad pa rdzogs so// //rgya gar gyi mkhan po shAkya si ha dang/ zhus chen gyi lo tsA pa bande dpal brtsegs kyis zhus nas gtan la phab pa'o// //'phags pa bzang po spyod pa'i 'grel ba slob dpon rgyan bzang kyis mdzad pa bzhugs so// // */ /rgya gar skad du / Arya b+ha dra tsarya pra ni d+hA na rA dza TI ka /bod skad du/ 'phags ba bzang po spyod pa'i smon lam gyi rgyal po'i rgya cher 'grel pa/ sangs rgyas dang byang chub sems dpa' thams cad la phyag 'tshal lo/ /kun tu bzang po spyod pa'i smon lam gyi bsdus pa'i don ni bcu ste/ 'di lta ste/ de bzhin gshegs pa la phyag bya ba dang/ de la mchod pa dang/ sdig ba bshags pa dang/ bsod nams
- 268a
kyi rjes su yi rang ba dang/ chos kyi 'khor lo bskor bar bskul ba dang/ de bzhin gshegs pa bzhugs par gsol ba dang/ dge ba'i rtsa ba yongs su bsngo ba dang/ de'i rab tu dbye ba dang/ de'i mdza' dang/ de'i yon tan gyi phan yon no/ /de la mi dbye bar spyir phyogs ngang dus dang zhing thams cad du gtogs pa'i sangs rgyas bcom ldan 'das rnams la lus dang ngag dang yid kyis phyag byas pa'i dbang du mdzad de/ ji snyed su dag ces bya ba la sogs pa gsungs so/ /ji snyed ces bya ba ni ji tsam pa ste/ tshang ji tsam pa'o/ /de nas tshang de yongs su chad par 'gyur ro zhes na/ de'i phyir su dag ces bya ba smos te/ sangs rgyas bcom ldan 'das rnams spyi sgrar bstan gyi grangs kyi ming gis chad pa med do zhes bya ba'i tha tshig go /phyogs bcu'i zhes bya ba ni phyogs bcu na'o/ /'jig rten na zhes bya ba ni 'gro ba'i nang na'o/ /dus gsum gshegs pa zhes bya ba ni dus gsum du gtogs pa ste/ dus gsum pa zhes bya ba'i tha tshig go /mi yi seng ge zhes bya ba la seng ge ni rnam pa thams cad du bag tsha ba med cing gang gis kyang mi 'jigs so/ /sangs rgyas bcom ldan 'das rnams kyang lha dang bcas pa'i 'jig rten na de dang 'dra ste/ de'i phyir seng ge dang 'dra bas na seng ge'o/ /de dag ni mir skye ba bstan pa'i phyir mi yang yin la seng ge yang yin pas na mi'i seng ge ste/ sangs rgyas bcom ldan 'das so/ /bdag gis ma lus de dag thams cad la zhes bya ba la thams cad ces bya ba'i sgra ni brjod par 'dod pa'i dbang gis phyogs gcig la yang brjod du rung bar mthong bas na ril gyis bsdus pa'i phyir ma lus zhes bya ba brjod do/ /lus dang ngag yid dang bas phyag bgyi'o/ /zhes bya ba ni mchog tu dang bas gyur pa ste/ sems dang
- 268b
bas kun nas bslad pa'i phyir lus dang ngag kyang dang pa'o/ /da ni lus la sogs pas phyag bya ba so sor phye ste bshad de/ /de la re zhig lus kyis phyag bya ba ni zhing gi rdul snyed ces bya ba la sogs pas bstan te/ sangs rgyas kyi zhing gi rdul rnyed kyi lus rab tu btud pas so/ /khyad par med pa'i phyir ces bya ba'i sgra ni 'dir mnyam pa'i grangs yin te/ phyogs bcu dus gsum du gtogs pa'i sangs rgyas kyi zhing gi rdul thams cad dang mnyam zhing grangs de snyed kyi lus rab tu btud pas rkyal ba kun la rab tu phyag 'tshal lo zhes bya ba yin no/ /sangs rgyas bcom ldan 'das rnams ni nyon mongs pa'i dgra las rgyal ba'i phyir dang/ bdud las rgyal ba'i phyir rgyal ba zhes bya'o/ /ji skad du bcom ldan 'das kyis/ sdig pa mi dge ba'i chos las nga rgyal te/ de bas nye 'gro da ni rgyal ba yin zhes gsungs pa lta bu ste/ dus gsum du gtogs pa'i rgyal ba de dag thams cad la phyag bya ba'o /bcom ldan 'das gcig la sems gtad pa'i phyir/ ci gzhan la yid kyis bstod pa'i lus zhing gi rdul snyed kyis phyag 'tshal lam zhe na/ ma yin te/ rgyal ba thams cad yid kyi mngon sum du zhes bya ba smos te/ de bzhin gshegs pa thams cad re re zhing yang sems kyis mngon sum du bsam mo zhes bya ba'i don to/ /bzang po spyod pa'i smon lam stobs dag gis zhes bya ba la bzang po ni dge ba'o/ /de ni bzang po yang yin la spyod pa yang yin pas bzang po spyod pa ste/ byang chub sems dpa' i spyod pa zhes bya ba'i tha tshig go /de'i ched du smon pa ni smon lam ste don du gnyer ba'o/ /de'i stobs ni nyon mongs pa la sogs pas zil gyis mi non pa ste/ mi mthun pa'i logs las nges par rgyal ba'o/ /de'i phyir de'i stobs kyis te/ rnam pa
- 269a
gzhan gyis ni 'di lta bu'i byed pa mi srid pa'i phyir ro/ /de ni yid kyi phyag bya ba dang/ rdul gcig steng du rdul snyed zhes bya ba la sogs pa yin no/ /rdul gcig gi steng la thog ma rdul snyed kyi sangs rgyas rnams zhes bya ni khyad par du ma smos pa'i phyir phyogs bcu dus gsum du gtogs pa'i sangs rgyas rnams kyi zhing gi rdul ma lus pa de snyed kyi bde bar gshegs pa rnams so/ /sangs rgyas sras kyi dbus na bzhugs pa dag ces bya ba ni re re yang byang chub sems dpa' dpag tu med pa'i dbus na bzhugs pa dag ste/ mos zhes 'chad par 'gyur ro/ /rdul gcig gi steng du ji lta ba bzhin du tshul 'di nyid kyis/ chos kyi dbyings rnams ma lus pa thams cad du yang mos par bya ste/ chos thams cad kyi ngo bo nyid ni chos nyid do/ /de nyid kyi dbyings yin pas na chos kyi dbyings te chos kyi dbyings nam mkha' i mdza' gtugs pa de lta bu de bcom ldan 'das rdul gyi steng na bzhugs pa re re zhing yang byang chub sems dpa' dpag tu med pa'i tshogs kyis kun nas bskor ba rnams kyis gang zhing bar mtshams med par khyab par yid kyi mos par bya'o/ /lus dang ngag gi las dag ni yid kyi las kyis kun nas bslad pa'i phyir bar du yid kyi las bstan to/ /da ni dag gis phyag bya ba bstan te/ de dag bsngags pa mi zad pa zhes bya ba la sogs pa'o/ /de dag ces bya ba ni de ltar mos pa dag gi'o/ /nyams pa dang mdza' thug pa med pa'i phyir zad mi shes pas na mi zad pa'o/ /gang dag la bsngags pa mi zad rgya mtsho ste/ yon tan mi zad rgya mtsho yod pa de dag ni/ bsngags mi zad rgya mtsho ste bsngags pa zhes bya ba'i sgra ni yon tan gyi rnam grangs yin no/ /rgya
- 269b
mtsho zhes bya ba'i sgra ni mang po nyid du ston par khong du chud par bya ste/ bsngags pa mi zad rgya mtsho de dag go/ dbyangs kyi yan lag rgya mtsho sgra kun gyis zhes bya ba la yan lag ces bya ba'i sgra yang 'dir yon tan gyi rnam grangs yin no// ji lta zhe na/ 'di ltar nyan thos kyi theg pa las ni/ bcom ldan 'das kyis gsung dbyangs lan lag lnga dang ldan pa zhes 'byung la/ theg pa chen po las ni yan lag drug cu dang ldan pa dang/ yan lag khri dang ldan pa dang yan lag tshad med pa dang ldan pa zhes 'byung ngo/ /de dag du ni yon tan lnga dang ldan pa zhes bya ba la sogs pa mngon te/ dbyangs kyi yon tan rgya mtsho de dag thams cad dang ldan pa'i dbyangs gang yin pa ste/ sgra gang dag yin pa de dag gis// rgyal ba kun gyi zhes bya ba la sogs pa ni rgyal ba de dag thams cad kyi byang chub tu sems bskyed pa nas bzung ste/ sku dang gsung dang thugs kyi yon tan thun mong dang thun mong ma yin pa de dag rab tu brjod cing mngon par smra la sgrogs shing bde bar gshegs pa de dag thams cad te re re'i spyan sA na 'dug pa bzhin du bdag gis bstod do/ /yang na bsngags pa mi zad rgya mtsho zhes bya ba ni gzhi mthun pa yin pa'i phyir yon tan zhes bya ba 'di'i khyad par yin te/ bsngags pa mi zad pa rgya mtsho rnams rab tu brjod cing zhes bya ba'i tha tshig go /de ni sangs rgyas bcom ldan 'das de dag nyid la mchod pa bla na yod pa dang/ /bla na med pa rnam pa gnyis bstan pa la/ bla na yod pa ni me tog dam pa zhes bya ba la sogs pa tshigs su bcad pa gnyis kyis bstan te/ me tog la sogs pa'i nad na dam pa gang yin pa'i me tog dam pa dang/ phreng ba dam pa dang/ sil snyan dam pa dang/ tsan dan dang gur gum la sogs pa byug pa dam pa
- 270a
dang/ gdugs dam pa dang/ mar me dam pa dang/ bdug pa dam pa dang/ na bza' dam pa dang/ dri sna tshogs sbyar ba'i dri dam pa dang/ tsan dan dang gur gum dang ga pur dang a ka ru la sogs pa'i phye ma'i phur ma ri rab dang mnyam pa de dag gis so/ /bkod pa'i khyad par 'phags pa mchog kun gyis zhes bya ba la bkod ces bya ba'i sgra ni 'dir tshogs pa'i rnam grangs yin te/ lha dang mi'i rnam pa thams cad kyi mchog dang ldan pa dag gis rgyal ba thams cad la/ mchod par bgyi'o zhes bya ba yin no/ /bla na med pa ni mchod pa gang rnams bla na med ces bya ba la sogs pas bstan te/ mchod pa gang rnams bla na med cing rgya che ba byang chub sems dpa' i ting nge 'dzin gyi khyad par gyis mthus bskyed pa/ chos kyi dbyings kyis klas par/ sangs rgyas kyi zhing thams cad du rgyas par 'gengs pa de dag bdag gis rgyal ba thams cad la yid kyis mos par bya'o/ /bzang po spyod la dad pa'i stobs dag gis zhes bya ba ni bzang po spyod pa la dad pa'i stobs kyis zhes bya ba yin te/ bzang po spyod la dad pa ni mos pa dang yid ches pa dang nges pa yin no/ /de'i stobs kyis te bzang po sbyong ba de'i mchod pa ni mdo sde du ma las kyang byang chub sems dpa' sprul pa'i mchod pa 'byung ba de lta bu dag yin no/ /da ni ji skad bshad pa'i phyag 'tshal ba dang mchod pa dag 'jug bsdus pa'i phyir/ rgyal ba kun la phyag 'tshal mchod par bgyi zhes bya ba gsungs te/ rgyal ba thams cad la phyag 'tshal bar bgyi zhing mchod par bgyi'o/ /ngo bo nyid dang gzhi dang rten dang rnam pa gsum gyis sdig pa bshags pa bstan pa'i phyir 'dod chags zhe sdang gti mug dbang gis na zhes bya ba la sogs pa gsungs so/ /de la ngo bo
- 270b
nyid kyi sgo nas bdag gis tshe 'di dang tshe rabs gzhan dag du sdig pa bgyis pa dang/ bgyid du brtsal ba dang/ bgyid pa la rjes su yi rang pa ci mchis pa'o/ /gzhi ci yin zhe na/ gzhi ni 'dod chags dang zhe sdang dang gti mug dang/ rten gang yin zhe na rten ni lus dang ngag yid yin te/ de dag thams cad rgyal ba sras dang bcas pa kun gyi spyan snga nas bdug pa dang 'dra bar shin tu 'gyod pa'i yid kyis/ skad cig re re la so sor bshags shing gsol bar bgyi'o de ni bsod nams kyi rjes su yi rang bar bstan pa'i phyir/ phyogs bcu'i zhes bya ba la sogs pa gsungs so/ /phyogs bcu'i 'gro ba kun gyi sbyin pa dang/ tshul khrims dang/ bsgoms las byung ba'i bsod nams dus gsum pa gang lags pa dang/ slob pa gang zag bdun po rnams kyi gang lags pa dang/ mi slob pa dgra bcom pa rnams kyi gang lags pa dang/ rang rgyal ba rnams pa nyis pa bse ru lta bu dang/ tshogs shing spyod pa rnams kyi bsod nams 'jig rten dang/ 'jig rten las 'das pa dus gsum pa gang lags pa dang/ byang chub sems dpa' thams cad kyi sems dang po bskyed pa nas bzung ba'i gang lags pa dang/ sangs rgyas bcom ldan 'das rnams dus gsum du gtogs pa rnams re re zhing brdar brtags pa'i byang chub kyi sems dang po bskyed pa nas bzung ba'i bsod nams kyi pha rol tu phyin pa dang/ sa la sogs pa las bskyed pa 'jig rten pa dang/ 'jig rten las 'das pa dus gsum du gtogs pa tshad med cing bas/ gyis mi khyab pa sangs rgyas kyi ye shes kyi spyod yul gang lags pa de dag thams cad la skad cig re re zhing rjes su yi rang ngo/ /'gro ba zhes bya ba'i sgra ni ma lus pa la bsnyegs pa'i phyir slob pa la sogs pa'i bsod nams kyang nang du 'du bar
- 271a
'grub na/ ci'i phyir logs shig du smos zhe na/ de ni ma yin te/ 'gro bas na 'gro ba ste/ sred pa dang bcas pa 'khor bar shin tu 'gro'o zhes bya ba'i tha tshig go/ de la kha cig ni shin tu 'gro ba med pa'i phyir la kha cig ni 'gro ba yod pa med pa'i phyir 'gro ba 'gro ba zhes bya ba'i sgrar brjod pa mi rung bas so sor bstan to/ /de ni chos kyi 'khor lo bskul bar bstan pa'i phyir/ gang rnams phyogs bcu'i 'jig rten sgron ma dag ces bya ba la sogs pa smos te/ phyogs bcu'i 'jig rten gyi sgron ma ni gang dag yin pa ste/ sangs rgyas bcom ldan 'das rnams ni 'jig rten gyi phyi dang nang gi mun pa mang po sel ba'i bdag nyid can yin pa'i phyir 'jig rten gyi sgron ma byang chub rim par zhes bya ba'i ni bla na med pa'i byang chub mngon par rdzogs par sangs rgyas nas so/ /ma chags bsnyes zhes bya ba ni ma chags pa nyid du 'gyur ba ste/ mngon par byang chub pa'i stobs kyis dngos po'i ngo bo nyid ma lus par yongs su mkhyen pa'i phyir chags pa thams cad las yang dag par 'das pa yin no/ /chos zab mo rtogs par bya ba yang don du mi gnyer ? mngon par mi brtson pa gzhan dag gis khong du chud par dka' o zhes chos 'chad par mi spro zhing 'jig rten gyi khams sna tshogs na byang chub kyi shing dam pa'i drung na bzhugs pa gang dag lags pa 'jig rten gyi mgon po de dag thams cad la 'phro ba'i mi shes pa'i mun pa bsal zhing bla na med pa'i ye shes kyi snang ba 'byung bar bya ba'i ched du chos kyi 'khor lo bla na med pa bskor ba'i phyir re re'i spyan snga na bdag pus mos la btsugs te/ thal mo sbyar nas 'dug bzhin du bskul lo zhes bya ba yin no/ /de bzhin gshegs pa rnams bzhugs par gsol ba ni/ mya nga
- 271b
'das ston gang bzhed de dag la zhes bya ba la sogs pas bstan to/ /gang zhes bya ba ni bye brag ma phye ba'i skabs yin pa'i phyir/ phyogs bcu'i 'jig rten gyi sgron ma zhes bya ba kho na dang sbyar te/ phyogs bcun sangs bcom ldan 'das gang dag mya ngan las 'das pa ston par bzhed pa de dag thams cad la yun ring du bzhugs par bdag gsol zhing don du gnyer ro zhes bya ba yin no/ /dus ji srid cig du zhe na/ dus gsum du gtogs pa'i sangs rgyas kyi zhing gi rdul thams cad dang mnyam pa'i bskal par bzhugs par ro/ /ci'i phyir zhe na/ 'gro ba mgon med pa thams cad la phan zhing bde bar bya ba'i phyir te/ de la phan pa shin tu grub pa dang bde ba mya ngan las 'das pa'i lam thob pa yin no/ /bde ba ni lha'i rmad du byung ba rnyed pa'o/ /da ni ji skad bstan pa'i bsod nams kyi phung po phyag 'tshal ba la sogs pas kun nas bslang ba'i yongs su bsngo ba ni/ phyag 'tshal ba dang mchod cing bshags pa dang zhes bya ba la sogs pa gsungs te/ phyag 'tshal ba dang mchod pa dang sdig pa bshags pa dang/ bsod nams kyi rjes su yi rang ba dang/ chos kyi 'khor lo bskor bar bskul ba dang/ de bzhin gshegs pa bzhugs par gsol ba'i dge ba cung zad bdag gis bsags shing bsgrubs pa de dag thams cad bla na med pa yang dag par rdzogs pa'i byang chub tu yongs su bsngo'o zhes bya ba yin no/ /da ni de'i rab tu dbye ba ste brgyad pa'o/ de'i rab tu dbye ba ni kun tu bzang po'i spyod pa'i smon lam de yan lag tu dbye ba yin no// de yang rnam pa bcu drug ste 'di lta ste/ bsam pa dang/ byang chub kyi sems mi brjed pa dang/ chags pa med par sbyor ba dang/ sems can la phan gdags pa dang/ go cha dang/ skal ba mthun pa'i byang chub sems dpa'
- 272a
dang 'phrad pa dang/ dge ba'i bshes gnyen mgu bar bya ba dang/ de bzhin gshegs pa mngon du bya ba dang/ dam pa'i chos yongs su gzung ba dang/ mi zad pa'i mdzod rnyed pa dang/ 'jug pa dang stobs dang/ gnyen po dang/ las dang/ rjes su slob cing yongs su bsngo ba dang/ bsdu ba'o/ /de la bsam pa ni rnam pa dang po yin no/ /de yang rnam pa gsum ste/ de bzhin gshegs pa la mchod cing dgongs pa yongs su rdzogs par bsam pa ni 'das pa'i sangs rgyas rnams dang zhes bya ba la sogs pa gang gsungs pa yin no/ /mchod par gyur ces bya ba ni bla na med pa'i mchod pa ste/ sangs rgyas bcom ldan 'das mya ngan las 'das pa rnams dang/ da ltar phyogs bcu'i 'jig rten gyi khams kyi tshogs dag na gzhes shing bzhugs la/ 'gro ba mdza' dag la phan pa dang bde ba bskyed pa lhur mdzad pa gang dag yin pa de dag la yang de bzhin du mchod par gyur cig/ ma 'ongs pa na 'byung bar 'gyur ba gang dag yin pa de dag kyang thugs la/ dgongs pa rdzogs nas myur du thogs pa med par byang chub rnam par sangs rgyas par spyon cig ces bya ba yin te/ phyed gong mas ni de bzhin gshegs pa la mchod pa'i bsam pa bstan to/ /phyed 'og mas ni dgongs pa yongs su rdzogs pa'i bsam pa bstan to/ /sangs rgyas kyi zhing yongs su sbyang ba'i bsam pa ni/ phyogs bcu ga la'i zhing rnams ji snyed pa zhes bya ba la sogs pa gang gsungs pa yin te/ ga la'i zhes bya ba ni gang yang rung ba'o/ /ji snyed pa zhes bya ba ni ci yod pa ste/ phyogs bcu na sangs rgyas kyi zhing ji snyed yod pa de dag thams cad re re zhing yang dpag tu med pa'i
- 272b
'jig rten gyi khams kyi gtos lta bur rgya che zhing yangs pa dang/ bde ba can lta bur yongs su dag par gyur la/ byang chub kyi shing gi dbang po'i drung du gshegs pa'i rgyal ba bcom ldan 'das rnams dang/ byang chub sems dpa' rnams kyis kun nas yongs su gang zhing/ bar mtshams med pa khyad par gyur cig ces bya ba yin no/ /sems can thams cad la phan pa dang bde ba'i bsam pa ni/ phyogs bcu'i sems can gang rnams ji snyed pa zhes bya ba la sogs pa gang gsungs pa yin te/ phyogs bcu'i sems can 'gro ba lnga po skye gnas bzhis bsdus pa gang yin rung ba ji snyed pa de dag thams cad rtag tu rgyun mi 'chad par lus dang sems kyi nang dang bral zhing nang med par gyur la/ ngan song ba ma yin pa'i bde ba mc hog gis bde bar gyur cig /de dag gi chos dang mthun pa'i don rnyed pa gang yin pa de yang mthun zhing 'tsham par gyur la/ 'gro ba thams cad kyi chos dang mthun pa'i bsam pa yang rtag tu 'grub cing 'byor par shog cig ces bya ba yin no/ /tshigs su bcad pa bzhis ni mi mthun pa'i phyogs spangs pa gnyen po dang bcas pa bstan pas rnam pa gnyis pa byang chub kyi sems mi brjed pa bshad de/ byang chub spyod pa dag ni bdag spyod cing ces bya ba nas/ de dag ma lus yongs su byang bar shog ces bya ba'i bar gang gsungs pa yin no/ /byang chub ces bya ba ni bla na med pa yang dag par rdzogs pa'i byang chub bo/ /de'i ched du spyad pa ni byang chub spyod pa ste/ de bdag spyod cing sgrub la/ 'gro ba thams cad du skye ba dran par gyur cig /tshe rabs thams cad du 'chi 'pho skye ba ste 'chi 'pho ba dang skye ba na yang bdag rtag tu rab tu 'byung bar shog cig ces bya ba yin no
- 273a
'chi 'pho ba dang skye ba dag gis bar gyi gnas skabs ni shugs kyis bstan pa kho nar blta bar bya ste/ 'di ni byang chub kyi sems mi brjed pa'i rgyu dang po yin no/ /de bzhin du rgyal ba kun gyi rjes su slob gyur te zhes bya ba la sogs pa gsungs te/ /dus gsum du gtogs pa'i rgyal ba thams cad kyi bslabs pa'i rjes su slob par gyur te'o/ /bzang po sbyor pa zhes bya ba ni sbyod pa bzang po'o/ /yongs su rdzogs byed cing ces bya ba ni yongs su rdzogs shing mthar phyin par byed pa'o/ /ci zhig bya zhe na/ tshul khrims spyod pa dri med yongs dag pa/ rtags tu ma nyams skyon med spyod bar shog ces bya ba smos te/ dper na yid bzhin gyi nor bu rin po che glo bur gyi dri ma dang bral ba'i phyir dri ma dang bral ba nyid kyis dri ma med la/ g.ya'i skyon dang bral ba'i phyir/ rang bzhin gyis yongs su dag pa ste/ de nyid kyi phyir ma nyams shing skyon med la/ sems can gyi 'dod pa phun sum tshogs par byed pa dang/ yongs su gdung ba thams cad sel ba dang/ nad thams cad 'gal? ba dang/ dus ma yin bar mchi ba rab tu zhi bar byed pa lta bu gzhan gyi don sgrub pa 'ba' zhig tu zad pa de bzhin du byang chub sems dpa' rnams kyi tshul khrims kyang rin po che bzhin du rin che ba yin te/ las dang nyon mongs pa glo bud ba dang ma 'dres pa'i phyir dri ma dang bral ba nyid kyis dri ma med la/ nyan thos dang rang sangs rgyas kyi theg ba'i sems bskyed pa'i g.ya'i skyon dang bral ba'i phyir dang/ med na mi 'byung ba nyid kyis thams cad mkhyen pa nyid kyi sems bskyed ba/ rin po che'i rgyu las byung ba'i phyir/ kun nas yongs su dag pas na yongs su dag pa
- 273b
ste/ byang chub sems dpa' i bslab pa thams cad la gus par byed pa nyid kyis ltung ba kun tu mi 'byung ba'i phyir bslab pa la nyams pa'i sgo nas mnyam shing/ yul nyams su myong ba 'das pa la bltas pa'i sred pa dang// ma 'ongs pa la mngon par dga' ba'i srid pa dang/ da ltar gyur ba lhag par chags ba'i sred pa skye ba dus gsum pa'i ? ba 'di dag gis cung zad kyang ma gtsos pa'i phyir skyon med pa/ sa lta bur sangs rgyas dang byang chub sems dpa' thams cad kyi yon tan rnams kyi gzhir gyur ba'i phyir 'go ba mdza' dag gi 'dod pa phun sum tshogs bar byed pa dang/ yongs su gdung ba thams cad sel ba dang/ nad thams cad dang bral ba dang/ lha dang ma rig gis nang na cho dpag tu med par phyed pa lta bu gzhan gyi don sgrub pa la zhugs pa 'ba' zhig tu zad do/ /des pa'i tshig du na/ lus dang sems kyis yongs su gdung ba sel pa'i sgo nas bsil bar gyur pa'i phyir tshul khrims zhes bya ba'o/ /tshul khrims nya 'bral zhes sa bzhi tshul khrims nyid spyod pas tshul khrims spyod pa'o/ /tshu 'khrims spyod pa de ma med pa/ /yongs ssu dag pa/ mnyams pa skyon med pa de lta bu de byang chub kyi bar du spyod par sho gcig ces bya ba yin te/ ? byang chub kyi sems kyi sems mi brjod ba'i rgyu gnyis pa yin no/ /lta yi skad par klu dad gnod sbyin skad ces bya ba la sogs pa ni lha rnams kyi nang du ni lha'i skad kyis so/ /klu dang gnod sbyin dang? grul bum dang mi rnams kyi nang du ni de dag gi sgro dang skad kyis so/ /mdzod na 'gro ba mthar dag gi skod ji snyed yod ba de dag gis 'dod 'jag? pa so sor byang chub kyi bar du de bzhin du chos ston to zhes bya ba yin to/ 'di ni rgyu gsum ba yin no/
- 274a
des shing pha rol phyin la zhes bya ba la sogs pa nges pa ni rgyud mnyen pa'o/ /pha rol phyin ba ni sbyin pa la sogs pa bcu'o/ /de la rab tu brtson zhing skyo ba med ba'i yid kyis bdag nyid thams cad kyi rnam pa thams cad du brtson te/ byang chub kyi bar du byang chub kyi sems nams kyang res 'ga' yang brjed par mi 'gyur zhing 'bral bar ma gyur cig ces bya ba yin te/ 'di ni rgyu gzhi pa yin no/ /tshigs su bcad pa phyed dang bzhi po de dag gis ni byang chub kyi sems kyi mi mthun pa'i phyogs su gyur pa'i sgrib pa gang dag yin pa de dag gi gnyen po bstan pa yin no/ /da ni tshigs su bcad pa phyed kyi mi mthun pa'i phyogs spangs bstan pa ni/ sdig pa gang rnams sgrib par gyur ba dag ces bya ba la sogs pa gsungs ba yin te/ sdig pa sgrib par gyur pa byang chub kyi sems kyi bar chad byed pa gang dag yin pa de dag ma lus par thams cad kyi thams cad du yongs su byang zhing spong bar shog cig ces bya ba yin no/ /da ni gang las dang/ gang du dang/ ji ltar zhes rgyu gsum gyi rnam pa gsum pa chags pa med par sbyor ba ston te/ /las dang nyon mongs bdud kyi las rnams las zhes bya ba la sogs pa gsungs pa yin no/ /gang las zhe na/ las dang nyon mongs pa dang bdud kyi lam las so/ /las 'di yang bye brag tu ma phye ba'i phyir dge ba dang mi dge ba dang/ mi g.yo ba'i khyad par gyis rnam pa gsum bzung te/ de las mi dge ba dang/ nyon mongs pa dang/ bdud kyi las rnams las grol zhing de dag gis mi chags bar rtag tu spyad do/ /gad du zhe na/ 'jig rten 'gro ba rnams su ste lta la sogs pa'i nang du'o/ /ji lta bur zhe na/ ji ltar pad+ma chus mi chags pa
- 274b
bzhin zhes bya ba smos te/ ji ltar pad+ma chu la skyes pa chus mi chags pa de bzhin du sdig pa'i las dang nyon mongs dang/ bdud kyi lam 'jig rten gyi chos dag gis ma gos par spyod do zhes bya ba yin no/ /de bzhin du las dge ba dang mi g.yo ba dag las yang mi chags shing 'bras bu rnam par smin pa la mi lta bar 'gro ba mdza' dag la phan pa dang/ bde ba skyed pa 'ba' zhig gis phyir spyad de/ byang chub sems dpa' i spyod ba zhes bya ba kho nas drang ngo/ /ci dang 'dra bar zhe na/ nyi zla nam mkha' thogs pa med ltar spyad ces bya ba smos te/ dper na nyi ma dang zla ba dag 'jig rten na yid bzhin gyi nor bu bzhin du gzhan gyi don byed pa la ro gcig du bzhugs pa'i phyir/ rang gi don la cung zad kyang ma chags bar nyin mtshan du nam mkha' la rgyu ba de dang 'dra bar ro zhes bya ba yin no/ /de la bdud ces bya ba ni dge ba'i bar chad byed pa ste/ byang chub kyi lam 'gog cing yang dag pa'i lam zlog par byed pa yin no/ /nges pa'i tshig tu ni chos kyi srog gi bar chad byed pa yin pas gsod pa'i phyir bdud ces bya'o/ /de'i lam ni phan pa'i dngos po las rgyus 'tshe ba'o/ /rnam pa bzhi pa tshe 'di dang tshe phyi mar sems can ma lus pa la phan gdags ba ni/ zhing gi khyon dang phyogs rnams ji cim bar/ /dan song sdug bsngal thams cad ces bya ba la sogs pa gang gsungs pa yin te/ 'gro ba'i ngan song ba'i sdug bsngal ngan 'gro gsum las byung ba de dag thams cad rab tu zhi bar byed cing ngo/ yang ci'i phyir na ngan song gi sdug bsngal dag kho na rab tu zhi ba zhes bya zhe na de dag gis ni shin tu gnod par byed pa'i bdag nyid yin pa'i phyir gtsor smos par zad kyi/ 'khor ba ba'i sdug bsngal thams cad rab tu zhi bar byed cing zhes bya ba yin par rig par bya'o/ de bzhin du 'gro ba thams cad bde
- 275a
ba'i mchog la yang 'gong cing zhes bya ba yin no/ /ci zhig bya zhe na/ 'gro ba thams cad la phan bar bya zhing phan pa bskyed par bya ba'i phyir ste/ bla na med pa'i ye shes thob par bya ba'i bar du yid yongs su skyo ba med pas gzhan du mi sbyod bar spyad cing 'bad par bya'o/ /dus ji srid cig tu zhe na/ zhing gis khyon dang phyogs rnams ji tsam par zhes bya ba smos te/ phyogs rnams na zhes bya ba ni phyogs bcu na'o/ /ji tsam par zhes bya ba ni ji srid par ro/ / zhing gi khyon ces bya ba ni sangs rgyas kyi zhing gi rgyun te bskal pa brgyud bar rgyun byung ba ji srid du spyad do zhes bya bar sbyar bar bya'o/ /rnam pa lnga pa ni go cha'o/ /de yang sems can gyi spyod pa dang mthun par 'jug pa dang/ sangs rgyas kyi chos yongs su rdzogs par byed pa dang/ dam pa'i chos rab tu ston pa dang/ rnam pa gsum te/ byang chub spyod ba yongs su rdzogs byed cing zhes bya ba ni byang chub kyi ched du spyod ba ni byang chub spyod ba'o/ /yongs su rdzogs par byed pa ste/ sangs rgyas kyi chos rnams skyed bar byed cing zhes bya ba'i tha tshig go/ bzang po spyod pa dag ni rab ston cing zhes bya ba bzang bo spyod ba ni 'dir rab tu ston par brjod par bzhed ba yin bas chos ston ba'i ngo bo nyid yin bar bzung ste/ de mngon bar rjod par byed pa'i tshig dag la bzang po spyod pa nye bar btags ba'i phyir ro/ /tshig de 'gro ba la rab tu ston cing ste yang dag bar rab tu ston la 'chad cing ma 'ongs pa'i bskal ba phyi ma'i mthar skyo ba med pa'i yid kyis spyod bar gyur cig ces bya ba yin no/ /rnam pa drug ba lus dang ngag dang yid kyi spyod ba'i smon lam dag gis skal ba mthun ba'i byang chub sems dpa' dang 'phrad pa ni bdag gi spyod dang mthun bar gang spyod ba zhes bya ba la sogs pa gang gsungs pa yin te/
- 275b
byang chub sems dpa' gang dag bdag gis spyod pa dang zhes bya ba la spyod pas mtshungs shing 'dra ba de dag dang bdag byang chub kyi bar du rtag tu lhan cig phrad cing 'grogs par gshog cig ces pa dang/ lus dang ngag dang yid kyis kyang de dag / kho na dang lhan cig kun nas nyon mongs ba med pa'i gnas bas byang chub sems dpa' i spyod ba gcig ba dang smon lam gcig tu spyad par bya'o zhes bya ba yin no/ /rnam pa bdun pa phan par sems pa'i gdams dag sgrub pa dag gis dge ba'i bshes gnyen mgu bar byed pa ni/ bdag la phan par 'dod pa'i grogs po gang ces bya ba la sogs pa gang gsungs pa yin te/ bdag la phan par 'dod pa'i grogs po dge ba'i bshes gnyen bzang po spyod pa ston cing 'chad bar byed ba chos smra ba gang dag yin pa de dag dang rtag tu 'grogs shing phrad pa dang de dag nams kyang res 'ga' yang cung zad kyang yid mi 'gyur zhing byang chub kyi bar du dus thams cad du mthun par 'jug bar gyur cig ces bya ba yin no/ /rnam pa brgyad pa 'khor dang dus dang mi skyo ba dang mchod pa'i bya ba dag gis de bzhin gshegs pa mngon du bya ba ni/ sangs rgyas sras kyis bskor ba'i mgon po rnams zhes bya ba la sogs pa gang gsungs yin te/ phyogs bcu kun gyi rgyal ba sangs rgyas bcom ldan 'das byang chub sems dpa' i tshogs kyis bskor ba'i mgon po 'gro ba'i gnyen po gcig pu la thogs pa med pa'i mig gis rtag tu mngon sum du lhag ger blta zhing de dag re re la yang skad cig skad cig la mchod pa rgya chen po rnam pa thams cad kyis mchog dang ldan pa nam mkha' i gtogs dang mnyam zhing chos kyi dbyings khyab pas mchod par bya'o zhes bya ba yin no/ /dus ji srid cig tu zhes na/ ma 'ongs bskal pa kun tu mi skyo bar zhes bya
- 276a
ba smos te/ ma 'ongs ba'i bskal ba phyi ma'i mdza' i mur thug par skyo ba med pa'i yid kyis so zhes bya ba yin no/ /rnam pa dgu ba 'dzin ba dang ston pa dang/ sbyor bdag gis dam pa'i chos yongs su bzung ba ni/ rgyal ba rnams kyi dam pa'i chos 'dzin cing zhes bya ba la sogs pa gsungs pa yin te/ dus gsum pa'i rgyal ba rnams kyis bshad pa'i chos gsungs rab yan lag bcu gnyis pa gang yin pa de dag thams cad gzungs kyi stobs kyis 'dzin cing yang dag par 'dzin pa dang/ byang chub kyi spyod pa chos bshad pa'i ngo bo nyid kyang 'gro ba la kun tu snang bar byed yongs su snang bar byed ba yang dag par rab tu ston par byed cing ngo/ /'dir yang byang chub spyod pa zhes bya ba ni rab tu ston par byed pa'i tshig rnams kho na la bya'o/ /bzang po spyod pa rnam par sbyang ba yang zhes bya ba la bzang po spyod pa ni byang chub sems dpa' i spyod pa ste/ de rnam par spyod zhing skyon ma lus pa thag srid ba dbyed bas dri ma dang bral bar byed pa ma 'ongs ba'i bskal ba thams cad du spyad bar bya 'bad par bya'o zhes bya ba yin no/ /rnam par bcu pa bsod nams dang ye shes la sogs ba'i chogs yang dag par 'grub pa'i sgo nas mi zad ba'i mdzod rnyed pa ni/ srid ba thams cad du yang 'khor ba na zhes bya ba la sogs pa gang gsungs pa yin te/ 'dod pa la sogs pa'i srid pa thams cad du sems can gyi don gyi dbang gis 'khor zhing 'khor bar skye ba na/ 'gro ba mdza' dag la phan pa dang bde ba skyed pa'i phyir bsod nams dang ye shes mi zad pa rnyed cing ldan bar gyur cig ces pa dang/ de bzhin du thabs dang shes rab dag dang ting nge 'dzin nam mkha' i mdzod dang /
- 276b
dri ma med pa'i phyag rgya la sogs pa dang/ de bzhin du byang chub sems dpa' i rnam bar thar ba snying rje chen po bshol ba med pa dang/ sgyu ma lta bur gyur ba la sogs pa nas byang chub sems dpa' i yon tan thun mong dang/ thun mong ma yin pa thams cad kyis bar gyi mi zad pa'i mdzod de/ yon tan gyi nor mi zad par gyur cig ces bya ba yin no/ /rnam ba bcu gcig ba ni 'jug ba'o/ /de yang rnam pa brgyad de 'di lta ste/ sangs rgyas dang zhing lta bar 'jug pa rnam pa gnyis dang/ sangs rgyas kyi gsung la 'jug pa dang/ chos kyi 'khor lo bskor ba la 'jug ba dang/ bskal pa 'jug pa la 'jug ba dang/ de bzhin gshegs pa blta zhing de'i spyod yul la 'jug pa dang// sangs rgyas kyi zhing mngon bar sgrub pa la 'jug ba dang/ brgyad pa de bzhin gshegs pa'i drung du 'gro ba la 'jug pa'o/ /de la sangs rgyas dang de'i zhing blta bar 'jug pa gnyis tshigs su bcad pa gnyis kyi bstan pa ni/ rdul gcig steng na rdul snyed zhing rnams zhes bya ba la sogs pa gang gsungs pa yin te/ rdul gcig gis steng na phyogs bcu dus gsum du gtogs pa'i sangs rgyas kyi zhing gis rdul dang/ mnyam ba'i sangs rgyas kyi zhing rnams so/ /zhing der zhes bya ba ni zhing de dang der ro/ /bsam gyis ma khyab ces bya ba ni bsam gyis mi khyab cing bsam gyis mi lang ba'i sangs rgyas bcom ldan 'das rnams so/ /sangs rgyas sras kyi dbus na bzhugs pa la zhes bya ba ni byang chub sems dpa' rnams kyis dbus na bzhugs ba la'o/ /byang chub spyad pa spyod cing ces bya ba ni byang chub kyi spyad pa spyod pa kun tu spyod pa sgrub cing ngo/ /blta bar bgyi zhes bya ba ni blta bar bgyi zhing 'jug par
- 277a
bgyi ba yin na/ /de lta yin na byang chub sems dpa' rnams mi srid pa don du gnyer bas smon lam 'bras bu med pa kho na'o/ /zhes bya bar mngon ba ma yin nam/ 'di ltar re zhig sangs rgyas kyi zhing gcig dang ril gyis bye brag tu rdul gcig gis steng du blta bar mi srid na/ de ji ltar dus gsum du gtogs pa'i sangs rgyas kyi zhing gi rdul ma lus pa dang mnyam pa'i/ /sangs rgyas kyi zhing sangs rgyas bcom ldan 'das byang chub sems dpa' 'khor dbus na bzhugs ba bgrang ba las 'dis pa dag gis yongs su gang ba rnams/ so so tha dad bar bye brag tu rdul gci gis steng du blta bar bya'o zhes smon lam 'debs zhe na/ de ni de lta ma yin te/ 'di ltar ji ltar bsam kyis mi khyab ba'i las kyis sprul pa'i 'jig rten gyis khams bla dang 'og dang/ 'chol ba la sogs ba sna tshogs pa tha dad pa de bzhin du rdul gcig gis steng du yang bsam gyis mi khyab pa'i ye shes kyi sprul pa de lta bu cig ste mi srid/ bsam gyis mi khyab pa nyid las kyang/ gang tshes stengs mkhas pa rnams/ /mig 'phrul can gyis rnam pa la/ /ya mtshan cung zhig yod min ba// de tshe ngo mtshar mi zhig che/ /'jig rten mgon po skyob pa yis/ /bsam gtan las dang klu rnams dang/ /sangs rgyas bdag nyid che rnams kyis/ /bsam gyis mi khyab bzhir bshad do/ /zhes gsungs te/ de bas na sangs rgyas kyi bka' la blo ma bya ba rnams kyi don 'di mi srid par 'dris kyang de kho na ltar yin no zhes dad bar bya dgos so/ /'di gsal rab tu sgrub pas na/ /gang zhig sangs rgyas kyis bshad pa/ /lkog du gyur ba dag
- 277b
la ni/ /the tshom skye ba de yid 'ding?/ /stong pa nyid du yid che bya/ /'jig rten re zhig snod shin tu chung du chu dang bas gang ba'i nang du yang gza' dang sgyu skar dang skar ma la sogs pas brgyan ba'i nam mkha' thams cad snang ba kho na'o// de nyid kyi phyir bcom ldan 'das kyis/ /chos rnams gzugs brnyan lta bu dang/ /rab rib rmi lam mtshan nyid dang/ /sgyu ma smig rgyu 'dra ba dang/ /dri za'i grong khyer lta bu yin zhes gsungs te/ 'di'i 'og nas/ gang yang dus gsum dag gi zhing bkod pa zhes 'byung ba'i chogs su bcad pa yang 'dir gsal bar bya'o/ /de ltar ma lus phyogs rnams zhes bya ba la sogs pa ni rdul gcig gis steng du ji lta ba de bzhin du phyogs bcu mdza' dag ma lus pa thams cad du'o/ /skra tsam khyon la zhes bya ba ni skra'i khyon te/ skra'i rtse mo tsam gyis go skabs la dus gsum gyi tshad snyed kyis sangs rgyas rgya mtsho dang/ de'i zhing rgya mtsho dag la'o/ /spyod cing zhes bya ba ni spyod ba la 'jug cing do/ /bskal pa rgya mtsho rab tu 'jug ces bya ba ni 'jug bar bya zhes bya ba yin no/ /sangs rgyas kyi gsung la 'jug pa ni/ gsung gcig yan lag rgya mtsho'i sgra skad kyis/ /zhes bya ba la sogs pa gang gsungs pa yin te/ de bzhin gshegs pa gcig chos ston pa ni nyan pa'i skye bo ba grang ba las 'das ba'i mos ba tha dad pa'i sgo nas/ cig car du don gzhan dang tshig dang yi ge gzhan dang gzhan dpag tu med pa dag gis gsungs gis yan lag rgya mtsho dpag tu med pa dang ldan par grags bar// phyogs bcu du gsum du gtogs pa'i rgyal ba de kho na bzhin du chos ston pa thams cad kyi dbyangs kyi yan lag rnam bar dag ba chos nyan ba'i skye bo
- 278a
dpag tu med pa'i bsam pa ji lta ba'i dbyangs gang yin pa sangs rgyas kyi gsung de lta bu de la thog ba med pa'i skabs de bzhin gshegs pa de'i gsungs gi yan lag rgyu la chod/ /mjug ba ? zhir ma lus yang yid la bya'o zhes bya ba yin no/ /de skad du mos pa du ma dang ldan pa/ mang po nye bar 'khor ba la/ gsung gcig bka' stsal ni smos kyi/ /du ma gcig tu gda' ba ste/ /'di dag la na'i ched yin zhes/ /'gro ba kun gyis rtogs ? gang /de las la mtshan che ci mchis/ /de las ngo mtshar ci zhig ba chos zhes gsungs po/ /de bzhin du 'phags pa sdong po bkod pa'i 'phags pa byams pa'i rnam par thar pa las kyang/ gang zhig stan gcig 'dug nas ma rmongs par/ /bskye ba bo dung gyu bye ba mang po phyogs bcu yi/ /bde gshegs chos sprin nyan yang doms? ba'i sems med pa/ /'di ni blo chen rgya mtsho lta bu'i gnas pa yin zhes gsungs te/ tshigs su bcad pa stan gnyis kyis ni 'chad pa po'i che ba'i bdag nyid bstan to/ /tshigs su bcad pa 'og mas ni nyan pa'i skye bo'i che ba'i bdag nyid bstan to/ /chos kyi 'khor lo bskor ba la 'jug pa ni/ /dus gsum gshegs ba rgyal bdag ces bya ba la sogs ba gang gsungs pa yin no/ /de dag gis zhes bya ba ni dus gsum du gtogs pa'i rgyal ba 'khor lo'i tshal skor zhing rab tu skor bar mdzad pa de dag thams cad kyis te/ de dag gi gsung dbyangs zad mi shes shing bgrang ba las 'das pa gang dag yin ba de dag la'o/ /blo'i stobs kyis zhes bya ba ni ye shes kyi che ba'i bdag nyid kyis te/ cig car du 'jug cing rab tu 'jug bar bya'o/ /tshul ni 'dir thabs gang dang/ chos bshad pa
- 278b
gang gis/ dus gang gi tshe yul gang du/ sems can mos pa sna tshogs pa rnyams 'dul bar 'gyur ba de yin par blta'o/ /dbyangs zhes bya ba'i sgra ni 'dir tshig kha bskang ba'i don yin no/ /bskal ? 'drug pa la 'jug pa ni/ ma 'ongs bskal pa thams cad 'jug bar yang zhes bya ba la sogs pa gdags su nges pa yin te/ mdor na 'jig gi ye shes kyi skad cig gis phyogs bcung gtogs pa'i ma 'ongs pa'i bskal pa 'jug ba zhes bya ba'i bskral ba brgyud par 'jug par bgyi'o zhes bya ba yin no/ /gang yang bskal pa dus gsum tshad de dag ces bya ba ni dus gsum du bgrang ba de dag thams cad ye shes kyi skad cig ma'i cha shas zhes bya ba ye shes kyi phyogs gcig tu bzhugs shing khong du chud bar bya'o zhes bya ba yin no/ /de bzhin gshegs ba blta zhing de'i sbyod yul la 'jug ba ni/ dus gsum gshegs mi yi seng ge dag ces bya ba la sogs pa gang gsungs ba yin te/ phyogs bcu dus gsum du gtogs pa'i ma'i seng ge sangs rgyas bcom ldan 'das gang dag yin pa de dag bdag gis skad cig re re blta zhing brtags bar bya'o zhes bya ba yin no/ /de dag gi spyod yul ni yul la/ sgyu bar gyur ba'i rnam par stobs kyis 'jug ces bya ba ni rtag tu byang chub sems pa'i rnam par thar ba sgyu mar gyur pa zhes bya ba ye shes kyi ba'o/ /sting nge stongs kyi 'jug par bya'o zhes bya ba yin no/ /sangs rgyas kyi zhing mngon bar sgrub pa la 'jug pa ni gang yang dus gsum dag gi zhing bkod pa zhes bya ba la sogs gang gsungs pa yin te/ dus gsum dag gi zhing bkod ba/ zhing gi tshogs gang dge yin pa de dag rdul gcig gi steng du mngon bar sgrub cing ?/ /mngon du bsgrub bar bya'o zhes bya ba yin no/ /de ltar phyogs
- 279a
rnams ma lus thams cad du zhes bya ba ni/ de ltar phyogs ma lus par rdul re re'i sten du de kho na bzhin du zhing bkod pa mngon bar sgrub pas na ye shes kyi skad cig gis 'jug bar bya'o zhes bya ba yin no/ /re zhig da ltar gyi sangs rgyas kyi zhing ngo bo nyid dang tshad dang kha dog dang dbyibs kyi bye brag tha dad pa thams cad kyang/ ma mchis par rdul gcig gi steng du bzhag par mi srid na/ sangs rgyas kyi zhing dus ba'o? gsum du gtogs pa de bzhin du ngo bo nyid la sogs pa'i bye brag tha dad pa ma lus ba rnams phyogs bcur par mtshams med par rdul re re'i steng du ma 'tshol bar ji ltar 'jog bar 'gyur/ de'i phyir 'di ji ltar yid ched par sgrub zhe na/ 'dir bshad pa 'di ltar chos thams cad ni yongs su ma grub pa'i ngo bo nyid med pa sgyu ma lta bu rmi lam lta bu ma skyes pa ma 'gags pa/ skra shang 'jigs pa lta bu gzod ma nas zhi ba/ rang bzhin gyis yongs su mya ngan las 'das pa ji ltar mos pa bzhin rtogs pa tsam gyis rab tu phye ba rnam pa sna tshogs du ma'i ngo bo nyid yin te/ ting nge 'dzin rnam par thar ba'i khyad par rnam pa sna tshogs rnam pa mang po shin tu bsgoms pa dag gis nye bar bkod pa bsam gyis mi khyab pa nyams su myong bar byed pas na rang gis bsgoms pa'i lam 'di dag gsal ba rab tu 'gyur ro/ /'jig rten na yang mig 'phrul mkhan goms pa cung zad tsam las skyes pa'i mthu can dag sgyu ma bkod pa bsam gyis mi khyab par nyams su myong bar byed pa'i/ ji chad gis bsgoms pa'i lam 'di dag gsal ba rab tu 'gyur ro/ /'jig rten na yang mig 'phrul mkhan goms pa cung zad tsam las skyes pa'i mthun can brag sgyu ma shin tu ngo mtshar dang ldan pa rab tu sgrub par snang ba nyid de/ de lta ba ni 'di dag thams cad ni/ ji ltar bshad pa bzhin yid ches par bya'i/ 'di la yid gnyis ni cung zad kyang mi bya'o/ /brgyad pa de bzhin gshegs
- 279b
ba'i drung du 'gro ba la 'jug pa ni/ gang yang ma byon 'jig rten sgrol ma zhes bya ba la sogs pa gang gsungs pa yin te/ gang yang ma byon pa'i 'jig rten gyi sgron ma sangs rgyas bcom ldan 'das phyi ma'i mdza' i mur thug par gtag pa bgrang pa las 'das pa sangs rgyas kyi ye shes kyi spyod yul du gyur ba phyogs bcu'i 'jig rten gyi khams nam mkha' i khams kyi mdza' thug pa gzhan dang gzhan du skad cig re re la dus mnyam ba nyid dang/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba rnams dang/ de bzhin du gzhan dus mnyam pa nyid du chos kyi 'khor lo bskor bar 'gyur ba rnams dang/ de bzhin du gzhan mya ngan las 'das par stom pa'i? 'gyur ba rnams so/ /de'i phyir de dgra rim par 'tshad rgya zhes bya ba la sogs pa gsungs te/ de dag ces bya ba ni mngon par rdzogs par 'tshad rgya ba dang/ de bzhin du chos kyi 'khor lo bskor bar mdzad ba dang/ mya ngan las 'das pa ston par mjob? pa de dag go /'jig rten gyi mgon gcig po de dag thams cad la zhabs kyi drung du 'khor ba ji srid bar yid myur ba dang/ kun tu myur pa'i rdzu 'phrul gnyis kyi stobs kyis lus kyi sprin gyis phyogs bcu khyab par byas te/ mngon? phag? sprin nam mkha' khobs pha thams cad du khyad par du 'phags pa bgring ba las 'das pa dag gis re re la dus mnyam pa nyid du mtshong pa dang/ bstod pa brjod pa dang/ skor ba brgya phrag du ma byed par mchi zhing nye bar mchi'o/ /rim par 'tshang rgya zhes bya ba ni mngon par rdzogs gar? byang chub pa'o/ /'di'i mya ngan las 'das pa ston pa nyid rab tu zhi mdza' yin to/ tshig kha bskang ba'i phyir rnam grangs ba shing de zhes bya bar
- 280a
mngon no/ /gtso bo yin pa'i phyir de skad bshad par zang kyi gzhan chu zla snang ba bzhin du dga' ldan gyi gzhal med khang na bzhugs pa dang/ 'chi 'pho ston pa dang/ lhums nu btugs pa dang/ bltams pa dang/ lha phyag byas pa dang/ bzo kun tu ston po dang/ mngon par byung ba dang/ rab tu byung ba dang/ dka' ba spyod pa dang/ byang chub kyi snying por gshegs pa dang/ byang chub kyi shing gi rgyal po'i drung du seng ge'i khril bzhugs te/ bdud btul ba'i dus dag tu yang de bzhin du de dag kho na'i zhabs kyi drung du cig car du mchi bar bgyi'o/ /zhes bya ba yin te/ de skad du/ gang phyir 'jig rten khams su ni/ /sems can skad cig re re la/ /so sor rnam par 'tshang rgya ba/ /de phyir zhum par mi bya'o zhes gsungs so/ /rnam pa bcu gnyis pa ni stobs yin no/ /de yang rnam pa bcu ste/ kun tu myur ba'i rdzu 'phrul stobs zhes bya ba la sogs pa tshigs su bcad pa gnyis kyi bar stan to/ /kun tu myur ba zhes bya ba ni dper na byang chub sems dpa' gzhan gyis mi 'gro ba kun tu myur ba'i rdzu 'phrul gyis phyogs bcur cig car du 'gro ba de kho na dang 'dra'o/ /rdzu 'phrul zhes bya ba rdzu 'phrul ni 'byor cing ji ltar 'dod pa bzhin du phun sum tshogs par byed pa ste/ cho 'phrul zhes bya ba'i tha tshig go/ rdzu 'phrul ji ltar na cho 'phrul yin no zhes bya bar shes zhe na/ sems can so so'i yid 'phrog cig 'dun par byed bas na tsho 'phrul lo/ /de'i stobs ni don yod pa nyid de/ rdzu 'phrul gyis stobs des so/ /kun nas sgo'i theg pa'i stobs dag dang zhes bya ba la kun nas sgo zhes bya ba ni slo kun nas so/ /ji lta zhe na/ de'i lus kyi gnas phagS?
- 280b
dang/ dmigs pa ni gang la byang chub kyi sems mi skye ba dang/ gang la sems can thams cad la phan pa dang/ bde bar smon par mi 'gyur ba de med de/ 'di thams cad 'phags pa spyod yul yongs su dag pa'i mdo las blta bar bya'i theg pa chen po'i stobs zhes bya ba ni theg pa chen po'i stobs kyis te/ 'dis theg pa na theg pa'o/ /de ni theg pa yang yin la chen po yang yin pas na theg pa chen po'o/ /yang na theg pa chen po sangs rgyas dang byang chub sems dpa' thams cad kyi theg pa yin pas na theg pa chen po'o/ /'di'i rang bzhin ci yin zhe na/ sangs rgyas kyi byang chub thob par byed pa'i lam bsod nams dang ye shes kyi tshogs zhes bya ba ni theg pa chen po'o/ /yang na theg pa chen po ni pha rol tu phyin pas dang bcas pa yin no/ /de'i stobs ni thogs pa med pa nyid de mi mthun pa'i phyogs las nges par rgyal ba nyid ces bya ba'i tha tshig bo/ /kun tu yon tan zhes bya ba ni thog ma dang bar dang tha mar dge ba'o/ /spyod ba'i stobs zhes bya ba ni bye brag tu ma byas pa'i phyir byang chub sems dpa' i spyod pa'i stobs dang/ bzang po spyod pa'i stobs te/ spyod pa gnyi ga'i stobs kyis so/ /kun tu khyab pa zhes bya ba ni phyogs bcur khyab ba'o// byams pa dag gi stobs zhes bya ba ni/ sems can gyi khams thams cad la bde bar sems pas khyab pa'o/ /kun tu dge ba zhes bya ba ni sems can thams cad la phan pa dang/ bde ba bskyod ba'i bsam pas sgrub ba'i phyir ro/ bsod nams stobs zhes bya ba ni dag cing gtsang bar byed pas na bsod nams so/ /yang na phyi phyir lags par 'gyur bas na bsod nams so/ /de'i stobs ni byang chub kyi sems bskyed pa sgoms pa las 'gyur bas te/ ji skad du/
- 281a
byang chub sems kyi bsod nams gang/ /de ni gal te gzugs can gyur/ /nam mkha' i khams kun bkang nas ni/ /de bas kyang de lhag 'byung zhes gsungs so/ /de bzhin du theg pa chen po dang ldan pa'i dam pa'i chos zab cing rgya che ba 'dzin ba dang klog pa dang 'chad pa dang/ mos pa dang/ tshigs su bcad pa gnyis 'dzin pa dang/ yang dag par rdzogs pa'i byang chub tu yongs su bsngo ba las kyang 'gyur te bsod namS kyi stobs des so/ /chags pa med par 'gyur ba zhes bya ba ni dus gsum car la yang thogs pa med pa'i phyir ro/ /ye shes stobs zhes bya ba ni shes bya 'tha' dag rig pa'i ye shes yin pa'i phyir ro/ /shes rab stobs zhes bya ba ni dngos po'i de kho na nyid rtogs pa'o/ /thabs kyi stobs zhes bya ba ni thabs ni grub pa'o/ /de'i stobs ni 'bras bu med pa ma yin pa nyid do/ /ting nge 'dzin gyi stobs zhes bya ba la/ /ting nge 'dzin ni mnyam par 'jog pa ste bsam gtan no/ /de'i stobs ni 'gro ba mdza' dag gi don bya ba dang/ mngon? par shes pa la sogs pa yon tan mngon par sgrub pa la thogs pa med pa nyid de ting nge 'dzin gyi stobs des so// byang chub stobs zhes bya ba la byang chub ni bla na med pa yang dag par rdzogs pa'i byang chub bo/ /de'i ched kyi stobs te/ mthu gang yin pa de yang dag par sgrub par byed ces bya ba ni de'i tshogs rnam par sgrub par byed cing/ / rnam pa bcu gsum pa ni gnyen po yin no/ /de yang mi mthun pa'i phyogs las nyon mongs pa dang/ bdud kyi stobs 'joms par byed bas rnam pa gsum te/ las kyi stobs rnams rnam par dag byed cing zhes bya ba la sogS
- 281b
pa gang gsungs pa yin te/ las 'di ni bye brag tu ma byas pa'i phyir dge ba dang mi dge ba dang/ mi g.yo ba'i bye brag gis rnam pa gsum ste/ de la las mi dge ba'i stobs ni nges par myong bar 'gyur ba yod pa'i phyir 'bras bu ngan 'gro gsum 'byin par nus pa yin no/ /de las mos pa la sogs pa'i stobs kyis yongs su dag par byed cing sel bar byed pa ni ji skad du/ shin tu mi bzad las rnams byas pa ni/ /bdag la rnam par smod pas bsrabs? bar 'gyur/ /rab tu bshags dang sdom par byed pa yis/ /de dag shin tu rtsa nas bton par bshad ces gsungs pa lta bu yin no/ /gnyen po'i stobs kyi yongs su dag par byed pa ni/ /dper na byams ma'i bu mos ma la brnyas pas kun nas bslang pa'i las mi dge ba zhing gi khyad par gyis mthong ba'i chos kho na la rnam par smin pa'i 'bras bu 'byin par zhugs pa 'bras bu cung zad cig kyang smin pa las/ de'i lhag pa'i bsam pa'i khyad par las byung ba'i sems can gyi don du smon pa'i sems bskyed pa kho nas ma lus par shin tu rtsa nas bton te/ bcom pa lta bu yin no/ /sems can gyi don du smon pa'i sems bskyed pa yang ji lta bu zhig ce na/ smras pa/ 'gro ba thams cad kyi sems bskyed sems can gang dag bdag lta bur ma la brnyas pa'i las de lta bur byed par 'gyur ba de dag thams cad kyi phyir 'khor ba ji srid kyi bar du/ bdag kho na'i mgo la 'khor los 'bab pa las skyes pa'i sdug bsngal gyi phung po chen po mdza' yas pa bsnyoms pa mtshams med pa nyams su myong bar gyur cing nam du yang sems can 'ga' yang 'dir 'ong bar ma gyur cig ces bya ba yin no/ /rten gyi stobs kyis yongs su dag par byed pa ni dper na phag mo'i rtog pa brjod pa las/ lha'i bu
- 282a
'chi 'pho bar 'gyur ba'i chos can zhig phag mo'i mngal du skye gnas myong bar 'gyur ba'i las kyi 'bras bu smin par mngon du phyogs pa las gsum la skyabs su song ba tsam gyis thams cad shin tu rtsa nas bton te/ sum cu rtsa gsum pa'i lha las shi 'phos te dga' ldan pa dag gi nang du skyes so/ /zhes 'byung ba lta bu yin no/ /chos thams cad bdag med par rtogs pas kyang shin tu rtsad nas phyin par 'gyur te/ ji skad du/ las kyi sgrib pa rgyun gcod pa'i mdo las 'di lta ste/ dge slong zhig mi tshangs par spyod pa dang/ mi bsod pa'i phas pham pa gnyis byung ba dang/ phyis mi dga' zhing yid gdung nas myos pa bzhin du gtsug lag khang nas gtsug lag khang dang/ grong nas grong dang/ lam po che la sogs par 'gro na yang/ sdig pa de skye bo kun gyi mngon gsum du yang dag par rab tu 'chags te/ yang dang yang du kye ma kye hud bdag ni mi rung ngo/ /bdag ni nyams so zhes smra zhing las de srab mor gyur gyi bar du/ sdig pa 'chags pa'i stobs kyis sel bar byed do/ /de ltar sems shin tu gdungs par gyur pa de la byang chub sems dpa' mngon par shes pa thob pa zhig gis chos zab mo de dang de lta bu bshad pa dang/ de na de chos thams cad la bdag med par rtogs pas sdig pa thams cad rnam pa thams cad du rtsad nas bton te/ /mi skye ba'i chos la bzod pa thob par gyur to zhes gsungs pa lta bu yin no// chos zab mo la mos pa 'di'i ltung ba dang/ 'gyod pa thams cad sel ba dang/ sgrib pa thams cad sbyong ba yin no zhes bya ba de ltar dad par bya ste/ /ji skad du/ 'phags pa de bzhin gshegs pa'i mdzod las/ 'od srungs gang gi?
- 282b
pha? yang yin la rang sangs rgyas kyang yin pa de bsad na 'di ni srog gcod pa rnams kyi nang na mi bzang pa yin no/ /'di lta ste/ dkon mchog gsum gyi dkor 'phrog pa 'di ni ma byin par len pa rnams kyi nang na mi zad pa yin no/ /'di lta ste/ ma yang yin la dgra bcom ma yang yin pa de la nyal po byas na 'di ni 'dod pa log par g.yem pa rnams kyi nang na ma rungs pa yin no/ /'di lta ste/ de bzhin gshegs pa la skur pa 'debs pa 'di ni brdzun du smra ba rnams kyi nang na ma rungs pa yin no/ /'di lta ste/ dge 'dun gyi dbyen byed pa 'di ni phra ma rnams kyi nang na ma rungs pa yin no/ /'di lta ste/ 'phags pa rnams la kha zer ba 'di ni tshig rtsub po rnams kyi nang na ma rungs pa yin no/ /'di lta ste/ chos 'dod pa rnams rnam par g.yeng bar byed pa 'di ni tshig khyal pa rnams kyis nang na mi bzang pa yin no/ /'di lta ste/ yang dag par song ba dang yang dag par zhugs pa rnams kyi rnyed pa 'phrogs par sems pa 'di ni brnab sems rnams kyi nang na ma rungs pa yin no/ /'di lta ste/ mtshams med pa shom par 'gyur ba 'di ni gnod sems rnams kyi nang nas ma rungs pa yin no/ /'di lta ste/ lta ba shin tu thibs po ni log par lta ba rnams kyi nang na ma rungs pa yin no/ / mi dge ba'i las kyi lam bcu po 'di dag ni gang las kyang kha na ma tho ba che ba yin no/ /'od srungs gal te sems can 'ga' zhig mi dge ba'i las kyi lam de dag kha na ma thob che ba bcu po de dag dang ldan par gyur la/ de yang de bzhin gshegs pas bstan pa'i chos rgyu dang rkyen dang ldan pa la 'jug ste/ 'di la bdag gam sems can nam/ /srog gam gang zag gam gang zhig byed pa'am/ gang zhig myong bar 'gyur ba ni 'ga' yang med do/ /de lta bas na
- 283a
chos thams cad ni ma byas ba mngon par 'du ma byas pa sgyu ma'i chos nyid kun nas nyon mongs pa med pa rang bzhin gyis 'od gsal pa'o zhes bya ba la 'jug la/ chos thams cad ni gzong ma nas dag pa'o zhes bya bar dad cing mos na/ sems can de ngan song du song bar nga mi smra'o/ /ci'i phyir zhe na/ nyon mongs pa rnams la phung po'i dngos po med de/ nyon mongs pa thams cad ni skyes nas 'jig cing/ nyams pa rgyu dang rkyen tshogs pa dang ldan na 'byung la byung ma thag tu 'gag pa yin no/ /gsol pa/ bcom ldan 'das sems bskyed pa zhig pa gang lags pa de nyid nyon mongs pa thams cad zhig pa lags so/ /gang zhig de ltar mos pa de la ni nam yang lhung ba ma mchis la/ ltung ba'i gnas kyang ma mchis te/ sgrib pa med pa la ltung ba gnas pa gang lags pa 'di ni gnas ma lags shing go skabs ma mchis te/ 'di ni mi srid lags zhes bstan pa lta bu yin no/ /de bzhin du byang chub kyi sems bskyed pa mngon du byas pa kho nas kyang ltung bas kun nas bslang ba'i mi dge ba thams cad shin tu rtsad nas phyin par 'gyur te/ ji skad du/ 'phags pa nye ba 'khor gyis zhus pa'i mdo las gal te byang chub sems snga dro ltung ba byung ba nyi ma'i gung la byang chub kyi sems mngon du byed na/ byang chub sems dpa' de'i tshul khrims kyi phung po yongs su gtugs pa med pa kho na yin par rig par bya'o/ /de bzhin du nyi ma'i gung la ltung ba byung na/ /phyi dro byang chub kyi sems mngon du byed na de kho nas byang chub sems dpa' de'i tshul khrims kyi phung po mi zad par rig par bya'o zhes bya ba la sogs pa gang gsungs pa dang/ /de bzhin du rigs kyi bu byang chub kyi
- 283b
sems na nyes byas thams cad des par sreg pa'i phyir bskal pa'i me lta bu yin no/ /zhes bya ba la sogs pa gang gsungs pa lta bu yin no/ /sum brgya pa las kyang/ rab 'byor rigs kyi bu 'am rigs kyi bu mo gang la la dag mdo sde 'di lta bu 'dzin pa dang/ 'chang ba dang/ klog pa dang/ kun chub bar byed pa de dag ni brnyes par 'gyur/ shin tu brnyas par 'gyur ro/ /de ci'i phyir zhe na/ sems can de dag gi tshe rabs snga ma'i las mi dge ba ngan song du 'gro bar 'gyur ba byas pa gang dag yin pa de dag mthong ba'i chos kho na la brnyas pas zad par 'gyur ro zhes gsungs te/ /de lta bu la sogs pas sdig pa'i las nges par myong bar 'gyur ba shin tu yongs su dag par byas pa yin no/ /kha cig 'di skad du/ sdig pa'i las chung du dang 'bring dag ni bshags pa la sogs pa'i stobs kyis shin tu rtsad nas phyin bar 'gyur grang na/ mtshams med pa la sogs pa las lci pa rnams kyi ji ltar thams cad kyis thams cad du rtsad nas phyin par 'gyur zhes zer na/ 'dir smras pa/ ma skyes dgra la sogs pa mtshams med pa byed pa dag bsam pa chung ngu dang 'bring dang/ chen po'i khyad par gyi/ mnar med par bskal pa bar ma'am/ de bas thud? pa 'am/ phyed du gnas par gyur pa las de dag shin tu 'gyod pa'i med kun tu gdungs pa dang/ mi dga' nas bshags pa la sogs pa'i stobs kyi las de 'di ltar pho long brdabs ma'i yung rtsam zhig tu 'bras bu myong bar 'gyur bar bsrabs pa nyid du 'gyur ro zhes 'byung na/ de ji tsam gyi don dun las de shin tu rtsad nas phyung bar 'gyur ba ma yin nam nyag ma gcig ma brngas pas zhing ma brdas pa ni ma yin no/ /'o na lus can kun
- 284a
gyis las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu smin pa nyid du 'gyur/ /zhes bya ba la sogs pa gang gsungs pa de ji ltar drang zhe na bshad pa 'di ni las gang dag rnam par sun 'byin pa la sogs pa kun tu spyod pa'i stobs kyis ma bsal zhing srab mor ma byas pa de dag la blta bar byas ste/ de skad du/ mi mkhas pas ni sdig pa chung ngu byas kyang 'og tu 'gro// mkhas pas chen po byas kyang gnod pa rab tu spong bar 'gyur/ /lcags kyi gong bu chung yang chu yi 'og tu 'bying 'gyur la/ /de nyid snod du byas na cha yang steng na 'phyo bar 'gyur zhes bshad pa lta bu yin no/ / sdig pa'i las nges par myong bar 'gyur ba ma yin pa dus gsum pa bgrang ba las 'das pa gang yin pa de yang las la dbang bas/ /phyogs bcu kun tu 'khor ba'i rgyun ji srid par sems can ngan song du skyes pa rnams la gcig car kho nar phan pa dang/ bde ba sgrub pa'i phyir de dang skal pa mthun pa rigs dang kha dog dang dbyibs dang/ tshad kyi bye brag tha dad pas rnam par smin pa'i 'bras bu 'byin par nges par byed do/ /las dge ba'i stobs kyang srid pa'i 'bras bu 'byin par nus pa ma yin te/ de yang yongs su dag par byed do/ /ji lta zhe na/ rnam par smin ba'i 'bras bu dang phral te/ smon lam gyi stobs kyi byang chub kho nar yongs su bsde zhing rgyu mtshan du byed do/ /las mi g.yo ba ni/ gzugs dang gzugs med pa na spyod pa/ bsam gtan dang po la snyoms par 'jug bas kun nas slang ba'o/ /de'i stobs ni de nyid yin te/ de yang las la dbang bas bsam?
- 284b
te sems can gyi don du ji ltar 'dod pa bzhin sbyor bar byed do/ /'dod chags la sogs pa ni lus dang sems kyi rgyud nyon mongs par byed pas nyon mongs pa dag yin no/ /de dag gi stobs ni shas cher chung pa nyid de/ gang gi dbang gis bgrod par bya ba dang/ bgrod par bya ba ma yin pa dang/ phan pa dang/ phan pa ma yin pa dang/ lci ba dang yang ba la sogs ba thams cad mi shes pa yin no/ /de mi sdug pa la sogs pa sgom pa dang/ 'jig rten pa'i lam gyi yongs su 'jil zhing zil gyi gnon par byed de/ mdor na nyon mongs pa la dbang bas de dag nyid byang chub kyi yan lag tu sgom par byed do zhes bya ba yin no/ /bdud kyi stobs rnams stobs med rab byed cing zhes bya ba la bdud ces pa ni lha'i bu la sogs pa'o/ /de dag gis ni byang chub sems dpa' i spyod pa la sogs pa'i bar chad du byed nus pa yin te/ de mngon par shes pa'i stobs kyis stobs med cing gzi byin yal ba dang mthu med par byed cing ngo/ /bzang po spyod pa'i stobs kun rdzogs par bgyi zhes bya ba la bzang po spyod pa'i stobs ni mi mthun pa'i phyogs kyis zil gyis mi nen? pa ste/ mngon par 'du bya ba med par 'jug pa nyid yin no/ /de thams cad ma lus par sngar bshad pa rdzu 'phrul la sogs pa stobs rnam ba bcu dang/ bshad ma thag pa gnyen po rnam pa gsum po 'dis yongs su rdzogs par bgyi'o/ /de ni rnam pa bcu bzhi pa byang chub sems dpa' rnams kyi las gang yin pa de ston to/ /las de yang sangs rgyas kyi zhing dag par byed pa la sogs pa rnam pa brgyad de/ zhing rnams rgya mtsho zhes bya ba la sogs pa gang gsungs pa tshigs su bcad pa gnyis
- 285a
kyis bstan to/ /sangs rgyas kyi zhing rgya mtsho dag skad cig re re la bde ba can lta bu dang/ pad+ma can lta bur rnam par dag par byed cing de bzhin du/ sems can 'khor ba'i btson rab nyon mongs ba'i lcag sgrog gi 'ching bas bcings pa rgya mtsho dag skad cig re re la rdzu 'phrul dang kun brjod pa'i cho 'phrul gnyis kyis 'dun par byas te/ rjes su bstan pa'i cho 'phrul gyis rnam par grol lo/ /chos rnams rgya mtsho zhes bya ba ni bshad pa'i chos rgya mtsho dang/ rtogs pa'i chos rgya mtsho dag skad cig re re la shes rab kyi mig gis rab tu mthong bar byed/ rnam par mthong bar byed cing ngo/ /shes bya mdza' yas pas ye shes kyang mdza' yas pa nyid de de'i phyir ye shes rgya mtsho zhes bya ba gsungs so/ /ye shes rgya mtsho de skad cig re re la rab tu rtogs par byed cing 'jug par byed de/ khong du chud par byed pa zhes bya ba'i tha tshig go/ spyod pa mtsho /zhes bya ba la sogs pa ni/ byang chub spyod pa rgya mtsho dang bzang po spyod pa rgya mtsho ste/ bye brag tu ma byas pa'i phyir spyod pa gnyi ga mos par rigs so/ /de la byang chub kyi spyod pa ni sangs rgyas kyi chos 'dren par byed pa ye shes kyi tshogs so/ /bzang po spyod pa de ni 'gro ba mdza' dag la phan pa dang bde ba skyed par byed pa bsod nams kyi tshogs so/ /gzhan yang bzang po spyod pa ni byang chub spyod pa kho na yin te/ gnyi ga yang byang chub 'dren par byed pa'i phyir ro/ /'on kyang khyad par ni mngon sum dang brgyad pa zhes bya ba de tsam zhig yod do/ /spyod pa bzang po de skad cig de re la mngon par shes pa'i stobs kyis rnam par dag par byed ri ma dang bral bar byed cing ngo/ /smon lam rgya mtsho zhes bya ba ni skad
- 285b
cig re re la tshul khrims dang ting nge 'dzin gyi stobs kyi rab tu rdzogs par byed cing ngo/ /sangs rgyas rgya mtsho zhes bya ba ni skad cig re re la phyogs bcur mchod pa'i sprin nam mkha' khebs pa dag gis rab tu mchod par byed cing ngo// bskal ba rgya mtshor mi skyo spyad par bgyi zhes bya ba ni skyo ba med pa'i yid kyis so/ /rnam pa bco lnga pa ni sangs rgyas dang byang chub sems dpa' i rjes su slob par yongs su bsngo ba yin te/ de yang rnam pa gnyis so/ /de la de bzhin gshegs pa'i rjes su slob cing yongs su bsngo ba ni/ gang yang dus gsum gshegs pa zhes bya ba la sogs pa gang gsungs pa yin te/ dus gsum du gtogs pa'i rgyal ba rnams kyi byang chub spyod pa smon lam gyi bye brag gang dag yin pa de dag thams cad bdag gis ma lus par/ bzang po spyod par zhes bya ba spyod pa bzang pos rdzogs par bgyi zhes bya ba yongs su rdzogs par bgyi shing bskad nas/ byang chub rnam par 'tshang rgya bar bgyi'o zhes bya ba yin no/ /lus dang ngag dang yid dang spyod pa dang/ zhing dang smon lam rnam par dag pa dag gis byang chub sems dpa' 'phags pa kun tu bzang po la sogs pa'i rjes su slob cing yongs su bsngo ba ni rgyal ba kun gyi sras kyi thu bo pa zhes bya ba la sogs pa gang gsungs pa tshigs su bcad pa gsum gyis bstan te/ 'phags pa byang chub sems dpa' chen po kun tu bzang po ni byang chub sems dpa' rnams kyis kun tu bzang po spyod pa gang yin pa dang/ de bzhin du byang chub sems dpa' rnam par thar pa snying rje dang/ ting nge 'dzin ji snyed pa dang/ de lta bu la sogs pa mdor na byang chub sems dpa' i yon tan ji snyed pa de dag thams cad kyi pha rol tu phyin pas ni/ de'i
- 286a
bras kyi thu bo zhes bya'o/ /rgyal ba thams cad kyi sras kyi thu bo 'phags pa byang chub sems dpa' kun tu bzang po zhes bya ba gang yin pa mkhas pa de dang zhes bya ba ni mkhas? pa de kho na der do/ /mtshungs par spyod pa'i phyir zhe bya ba ni/ mtshungs par spyod pa'i phyir skad cig re re la ji skad bstan pa'i dge ba'i rtsa ba 'di yongs su bsngo'o zhes bya ba yin no/ /lus dang ngag dang yid kyang rnam dag cing zhes bya ba la sogs pa ni lus dang ngag dang yid rnam par dag ba dang/ spyod pa rnam par dag pa dang/ zhing rnam par dag pa'o /bsngo ba zhes bya ba ni bsngo ba ste/ yongs su bsngo ba yin no/ /bzang po mkhas pa zhes bya ba ni mkhas pa 'phags pa kun tu bzang po'o/ /ci 'dra ba zhes bya ba ni ji lta bur ro/ /de 'dra zhes bya ba ni de dang 'dra ba kho na'o/ /bdag kyang de dang mtshungs par shog ces bya ba la/ de dang zhes bya ba ni 'phags pa kun tu bzang po dang ngo/ /mtshungs par zhes bya bar ni 'dra bar ro/ /kun nas dge ba zhes bya ba ni thogs ma dang bar ma dang tha mar zhi zhing dge ba'o/ /bzang po spyod pa'i phyir zhes bya ba ni bzang po spyod pa'i ched du'o/ /'jam dpal gyi ni smon lam zhes bya ba ni 'phags pa 'jam dpal gyi smon lam sbyang bar bgyi'o zhes pa ba yin no/ /da'i smon lam ji lta bu zhig ce na/ ? pa 'jam dpal chos kyi rgyal par gyur pa na/ 'khor ba la thog me'i mu dang mdza' spangs pa ji srid pa de srid du sems can la phan pa kho na'i phyir spyad pa tshad med pa spyod par gyur cig zhes smon pa de lta bu la sogs pa rgyas par ji skad du 'byung ba lta bu yin no/ /ma 'ongs bskal ba kun tu mi skyo bar zhes bya ba ni ma 'ongs pa'i bskal
- 286b
pa ma lus pa thams cad du skyo pa med cing gzhan du mi sems par sangs rgyas dang byang chub sems dpa' i bya ba 'phrin las de dag rdzogs par bgyi zhing bsgrub par bgyi'o zhes bya ba yin no/ /sbyor ba dang yon tan dang/ spyod pa tshad med pa dang/ gnas pa'i khyad par dag gis rnam pa bcu drug pa ste/ bsdu ba bstan pa ni/ spyod pa dag ni tshad yod ma gyur cig ces bya ba la sogs pa gang dag gsungs pa yin te/ bdag gi spyod pa'ang chad yod par ma gyur cig / yon tan rnams kyang tshad gzungs med par shog cig /spyod pa tshad med pa dang yon tan tshad med pa dag la gnas nas kyang/ rtag tu sangs rgyas dang byang chub sems dpa' de dag gi 'phrul pa rmad du byung ba rnam pa thams cad du 'tshal bar bgyi'o/ /zhes bya ba yin no/ /de'i rab tu dbye ba rnam pa bcu drug po 'di ni bsdus pa'i don brgyad pa yin no/ /da ni de'i mdza' ste bzang po spyod pa'i smon lam 'di'i mdza' i na nam mkha' la sogs pa'i mdza' o dper brjod pas rnam pa bzhi'o/ /nam mkha' i mthar thug gyur pa ji tsam par zhes bya ba la sogs pa gang gsungs pa ji tsam par zhes bya ba ni nam mkha' i khams kyi mthar thug par gyur pa ji tsam pa dang/ sems can gyi rgya khams thams cad ces kyi mdza' ji tsam pa dang/ 'gro ba'i las dang nyon mongs pa rnams kyi mdza' ji tsam par bdag gi bzang po spyod pa'i smon lam 'di'i mdza' yang de tsam du gyur cig ces bya ste/ nam mkha' la sogs pa'i mdza' yongs su thug pa med pa de bzhin du/ bdag gi smon lam 'di'i mdza' yang yongs su thug pa med par gyur cig ces bya ba yin no/ /bsdus pa'i don bcu pa ni/ smon lam gyi phan yon te/ de yang mthong
- 287a
ba'i chos dang/ tshe phyi ma dang rnam pa gnyis so/ /de la mthong ba'i chos ni rnam pa bzhi ste 'di lta ste bsod nams khyad par can yongs su sdud pa dang/ de bzhin gshegs pa mthong ba dang/ byang chub sems dpa' dang skal pa mnyam pa 'thob pa dang/ las kyi sgrib pa yongs su sbyang ba'o/ /de lag rung ba'i dngos po mang po rgya chen po sna tshogs pa mdza' yas pa/ zhing gi khyad par du 'phags pa'i bsod nams brjod pa de bas byang chub don du gnyer ba'i smon lam la mos pa bsod nams khyad par can yongs su sdud pa ni/ gang yang phyogs bcu'i zhing rnams zhes bya ba la sogs pa gang gsungs pa yin te/ 'di ltar rigs kyi bu 'am rigs kyi bu mo 'ga' zhig gis phyogs bcu'i sangs rgyas kyi zhing mdza' yas mu med pa rin po che sna tshogs kyi na bza' dang/ bla re dang/ gdugs dang/ rgyal mtshan dang/ dbang dang/ rol mo dang/ rin po che'i dril bu dang/ phreng ba dang/ spos dang/ me tog dang/ mar me'i phreng ba la sogs pa ma'i las 'das pa lha rdzas de dag gis brgyan cing brgyan pa dang/ lha dang mi'i bza' ba dang bca' ba la sogs pa khyad par du 'phags pa ro brgya dang ldan pa/ bde ba'i mchog skyed par byed pa dag bskal pa sangs rgyas kyi zhing gi rdul snyed du sangs rgyas bcom ldan 'das rnams la 'bul bar byed la/ gang yang gzhan zhig gis yongs su bsngo ba'i rgyal po 'di thos nas lan cig tsam ste/ lan cig dang cing yid ches pa 'di ni de lta yin no zhes nges pa skyed par byed na/ de ni sbyin pa las byung ba'i bsod nams sngo ma de bas bsod nams khyad bar du 'phags
- 287b
pa 'di thob par 'gyur ro/ /de yang gang zhig ce na/ byang chub mchog gi rjes su rab mos shing zhes bya ba ste/ theg pa chen po yin no/ /ngan song dang grogs po ngan pa spangs pas de bzhin gshegs pa mthong ba ni/ des ni dam song thams cad spangs par 'gyur zhes bya ba la sogs pa gang gsungs pa yin te/ de ni ngan song dang ngan 'gro gsum spangs par 'gyur ro/ /des ni grogs po ngan pa mi dge ba'i grogs po nyan thos kyi theg pa la sogs pa dag kyang spangs pa yin zhing des 'chi ba'i dus kyi tshe/ bcom ldan 'das 'od dpag med kyang gdon mi za bar myur du mthong ngo/ /gang gis mthong zhe na/ gang gis sems la bzang po spyod pa'i smon lam 'di'i don dang tshig gi sgo nas yod pas so/ /rnyed pa dang 'tsho ba dang tshe rab tu bsngags pa rnyed pas byang chub sems dpa' dang skal pa mnyam pa nyid 'thob pa ni/ de dag rnyed pa rab rnyed ces bya ba la sogs pa gang gsungs pa yin te/ gang dag gis smon lam rin po che'i rnyed pa bla na med pa rnyed pa de dag ni bde par 'tsho ba yin te/ smon lam rin po che nyid rnyed pa'i phyir ro/ /de nyid kyi phyir de dag gis tshe de la rnyed par bya ba'i dngos po mchog rnyed pa'i phyir mi'i tshe 'dir mdzes par 'ongs? pa na/ legs par 'ongs pa yin la/ de dag ring por mi thogs par la sags pa kun tu bzang po de ci 'dra ba de bzhin de dang 'dra bar kho nar 'gyur ro/ /bzhi pa las kyi sgrib pa yongs su 'byang ba'i phan yon ni/ mtshams med lnga po dag gi sdig pa rnams zhes bya ba la sogs pa gang gsungs pa yin te gang gis mi shes pa'i dbang gis/ ma bsod pa la sogs pa mtshams med pa lnga'i las byas pa nges/ bzang po spyod
- 288a
pa'i smon lam 'di skad bshad pa des par gzung la/ dang pa'i chu'i rlan gyis sems brnyan te/ brjod ci bstan/ mos par byas shing bklags/ gzung zhing sgoms la/ nyin mtshan du yang skyo ba skyed na/ mtshams med pa lnga po dag myur du ma lus pa yongs su byang bar 'gyur zhing cang nas phyin par 'gyur ro/ /tshe phyi ma ni rnam pa gnyis te/ rgyus bsdus pa dang/ 'bras bus bsdus pa'o /de la rgyus bsdus pa ni ye shes dang gzugs dang mtshan gyis brgyan pa'i lus gnod pa med pa'i lus kyi mtshan nyid de/ ye shes dang ni gzugs dang zhes bya ba gang gsungs pa yin no/ /ye shes dang zhes bya ba ni spyod pa thams cad dang ldan pa'i ye shes dang ngo/ /gzugs dang zhes bya ba ni yid phrog pa'i gzugs dang ngo/ /mtshan rnams zhes bya ba ni skyes bu chen po'i mtshan dbu gtsug gtor dang ldan pa zhes bya ba la sogs pa sum cu rtsa gnyis dang ste/ dpe byad rnams ni mtshan gyi 'khor yin pa'i phyir de dag dang yang ldan par 'gyur ro zhes bya bar khong du chud par bya'o/ /rigs zhes bya ba ni bram ze dang rgyal rigs dag las gang yang rung ba zhig dang ngo/ /rus rnams zhes bya ba thams cad las khyad par du 'phags par grags pa dang ngo/ /ldan par zhes bya ba ni rtag tu ldan zhing yang dag par ldan par 'gyur ro/ /'gyur zhes bya ba ni 'gyur ro zhes bya ba yin no// bdud dang mu stegs mang pos de mi thub ces bya ba ni gang zhig kun tu bzang po spyod pa'i smon lam 'di 'dzin cing/ ston par byed pa de ni bdud mang po dang mu stegs mang pos kyang mi thub cing zil gyis mi non la 'jig rten
- 288b
gsum po thams cad na yang mchod par 'gyur zhes bya ba yin no/ /'bras bus bsdus pa ni byang chub kyi snying por gshegs pa dang/ seng ge'i khri la bzhugs par ston pa dang/ bdud pham par mdzad pa dang/ mngon par rdzogs par byang chub pa dang/ chos kyi 'khor lo bskor pa la sogs pa'i mtshan nyid de/ byang chub shing dbang drung du de myur 'gro zhes bya ba gang gsungs pa yin no/ /gang gi bzang po spyod pa rin po che bla na med pa 'dis bsod nams dang ye shes kyi tshogs shin tu bsags pa de ni byang chub shing dbang ste/ byang chub kyi shing gi rgyal po'i drung du myur du 'gro'o/ /song nas 'gro ba mdza' dag la phan bskyed pa'i phyir seng ge'i khri la skyil mo krung bcas te 'dug go/ 'dug nas kyang bdud sde dang bcas pa pham par byas nas/ de'i 'og tu bla na med pa yang dag par rdzogs pa'i byang chub mngon par rdzogs par sangs rgyas te chos kyi 'khor lo bla na med pa rab tu bskor zhing ston par byed do zhes bya bya ba'i tha tshig go /mdor na 'jig rten pa dang 'jig rten las 'das pa'i phun sum tshogs pa ma lus pa 'thob pa'i phan yon ni/ gang yang bzang po spyod pa'i zhes pa gang gsungs pa yin te/ gang zhig bzang po spyod pa'i smon lam 'di 'chang ba dang/ klog pa dang/ ston par byed pa de'i rnam par smin pa gang yin pa de ni/ rje btsun sangs rgyas bcom ldan 'das kho nas mkhyen gyi/ gzhan nyan thos dang rang sangs rgyas ni 'gas kyang mi shes so// smon lam rin po che'i rnam par smin pa ji lta bu zhig mkhyen ce na/ byang chub mchog ces bya ba gsungs te/ 'bras bu bla na med pa yang dag par rdzogs pa'i byang chub yin no/ /'jig rten pa'i phun sum tshogs pa ma lus?
- 289a
pa 'thob pa'i phan yon yang 'dir shugs kyis bshad pa kho nar rig par bya ste/ 'jig rten pa'i phun sum tshogs pa 'thob pa ni smon lam 'di med na mi 'byung ba yin pa'i phyir ro/ /de lta bas na smon lam 'di la som nyi ste the tsom ma skyed ma byed cig ces bya ba yin no/ /da ni 'don par byed pa'i yongs su bsngo ba bstan pa'i phyir/ 'jam dpal dpa' bos ji ltar mkhyen pa dang zhes bya ba la sogs pa gang gsungs pa yin no byang chub sems dpa' 'phags pa 'jam dpal gyis ji ltar mkhyen pa dang/ 'phags pa kun tu bzang pos ji ltar mkhyen pa'o/ /de dag gi zhes bya ba ni/ de dag gi rjes su bdag slob cing dge ba'i tshogs 'di dag thamS cad bsngo ba'o zhes bya ba yin te/ /'di ni byang chub sems dpa' ltar yongs su bsngo ba yin no/ /nga ni gnyis pa de bzhin gshegs pa'i ltar yongs su bsngo ba ni/ dus gsum gshegs pa rgyal pa thams cad kyis zhes bya ba la sogs pa gang gsungs pa yin no te/ dus gsum du gtogs pa'i rgyal ba sangs rgyas bcom ldan 'das thams cad kyis bsngo ba gang la mchog nyid dang bla na med pa nyid du bsngags shing rab tu bstong pa'o/ / des bdag gis zhes bya ba ni bsngo ba des bdag gi dge ba'i tshogs yang dag par bsgrubs pa 'di thams cad bzang po spyod pa'i mchog bla na med ba'i phyir yongs su bsngo bar bgyi'o zhes bya ba yin no/ /da ni tshigs su bcad pa byed kyi sgrib pa dang bral ba bstan pa dang/ gzhan byed dang gnyis kyis pha rol tu phyin pa dang mthun pa'i lus yongs su 'dzin par bstan pa'i phyir bdag ni 'chi ba'i dus byed ces bya ba la sogs pa gsungs pa
- 289b
yin te/ 'chi ba'i dus ni 'chi ba'o/ /'chi ba'i tshe sgrib pa gang yang rung ba de dag thams cad bzang po spyod pas phyir bsal te'o/ /mngon sum snang ba mdza' yas de mthong nas zhes bya ba ni bcom ldan 'das 'od dpag med mthong nas so/ /der zhes bya ba ni sangs rgyas kyi zhing bde ba can der rab tu 'gro'o zhes bya ba yin no/ /der song nas zhes bya ba ni sangs rgyas kyi zhing bde ba can der song nas/ ji skad bstan pa'i smon lam 'di dag nyid ma lus par mngon du gyur par shog cig /de dag ma lus par bdag gis yongs su bskang nas/ sems can thams cad la phan par bgyi'o zhes bya ba yin no/ /dus ji srid cig tu zhe na/ 'jig rten ji srid zhes bya ba la sogs pa gang gsungs pa yin te/ 'jig rten ji srid ces bya ba ni 'gro ba ji srid par zhes pa'i tha tshig go /lhag ma rnams kyis ni lung bstan pa thob pa dang/ sems can gyi don du bsgrub pa bstan te ji ltar zhe na/ rgyal ba'i dkyil 'khor zhes bya ba la sogs pa smos te/ rgyal ba'i dkyil 'khor der zhes bya ba ni/ de bzhin gshegs pa'i 'khor gyi dkyil 'khor der ngo/ /bzang zhing dga' ba zhes bya/ ba ni skyid cing dga' ba'o/ /pad+ma dam pa ni rin po che sna tshogs kyi pad+ma mchog go /shin tu mdzes las zhes bya ba ni/ gsal zhing 'od zer gyi ? ba sna tshogs 'byung ba las so/ /skyes zhes bya ba ni 'khrungs pa'o/ / lung bstan pa zhes bya ba ni/ 'dir lung ston par byed pas na lung bstan pa ste/ bdag gis der bcom ldan 'das 'od dpag med de las mngon sum du dus 'di srid cig na 'jig rten gyi khams che ge mo zhig tu /de
- 290a
bzhin gshegs pa dgra bcom pa yang dag par rdzogs pa'i sangs rgyas 'di zhes bya bar 'gyur ro zhes bya ba de lta bu'i lung bstan pa thob par shog cig ces bya ba yin no/ /der ni zhes bya ba ni bcom ldan 'das 'od dpag med de las lung bstan pa thos nas/ de'i 'og tu sprul ba mang po sprul pa'i sprin bgrangs ba las 'das pa bye ba phrag brgyas phyogs bcu khyab par byas te/ phyogs bcur 'gro ba mdza' dag gi nang du 'khor de ji srid bar sems can rnams la skad cig re re zhing phan pa mang po bgrang ba las 'das pa byed cing/ sgrub par gyur cig ces bya ba yin no/ /blo'i stobs kyis zhes bya ba ni ye shes kyi mthus te/ / ye shes kyi che ba'i bdag nyid chags pa med cing thogs pa med pas zhes bya ba'i tha tshig go /smon lam rgyal po 'di yi bshad sbyar byas pa yin/ bsod nams dri med thob pa'i dge ba gang yin des/ 'di na 'gro don grub par bya phyir yang dang yang/ /srid pa ji srid bar du rgyu mthun 'byin par sngo/ /'phags pa bzang po spyod pa'i smon lam gyi rgyal po'i rgya cher 'grel pa'o// //slob dpon rgya na bzang pos mdzad pa rdzogs sto// //rgya gar gyi mkhan po dznyA na ga rb+ha dang/ zhus chen gyi lo ts+tsha ba band+he dpal brtsegs rakI tas bsgyur te gtan la phab ba'o// // bzang? spyod 'gral pa slob dpon dbyig? gnyen gyis mdzad pa bzhugs so// // */ /rgya gar skad du/ Arya b+ha dra tsarya pra Ni d+ha na TI ka /bod skad du/ 'phags pa bzang po spyod pa'i smon
- 290b
lam gyi 'grel pa/ 'phags pa kun tu bzang po la phyag 'tshal lo/ /'phags ma sgrol ma la phyag 'tshal lo/ /kun tu bzang po spyod ba'i smon lam chen po yang dag pa'i bsdus pa'i don bcu ni 'di lta ste/ de bzhin gshegs pa la phyag 'tshal ba dang/ de la mchod pa dang/ sdig pa bshags pa dang/ bsod nams kyi rjes su yi rang ba dang/ chos kyi 'khor lo bskor par gsol pa gdab pa dang/ yongs su mya ngan las mi 'da' bar bzhugs su gsol ba dang/ dge ba'i rtsa ba yongs su bsngo ba dang/ de'i rab tu dbye ba dang/ de'i mthar thug pa dang/ de'i phan yon zhes pa'o/ /de la dang por bye brag tu ma phye bar spyir phyogs thams cad kyi zhing na/ dus gsum du bzhugs pa'i sangs rgyas bcom ldan 'das dag la/ lus dang ngag dang yid dag gis mngon par phyag 'tshal ba'i dbang du byas te gsungs pa/ ji snyed ces pa la sogs pa la/ ji snyed ces ba ni ji snyed pa ste// grangs ji snyed pa'o/ /des kyang tshad yongs su bcad par 'gyur bas/ de'i phyir spyi'i sgra dpag tu med pa'i sangs rgyas bcom ldan 'das ngag bstan par gsungs pa ni/ su dag ces pa ste/ grangs bgrang du mang pa zhes pa'i don to/ / / / phyogs bcu zhes pa ni phyogs bcu na'o/ /'jig rten zhes pa ni 'gro ba'o/ /dus gsum gshegs pa kun zhes pa ni/ dus gsum dus son pa ste/ 'jig rten gsum dus zhes pa'i bar du'o/ /mi yi seng ge zhes pa la/ gang gi phyir seng ge zhes bya bas thams cad skrag cing rang ni gang la yang 'jigs pa med pa'o/ /sangs rgyas bcom ldan 'das kyang lha dang bcas pa'i 'jig rten la de dang 'dra ba yin pas/ de'i phyir seng ge dang
- 291a
'dra bas na seng ge ste/ mi'i skye ba yang dag par bstan pa'o/ /mi yang de seng ge yang de yon pas ni ma'i seng ge ste/ sangs rgyas bcom ldan 'das so/ /de la bdag gi phyag mtshal ba ni btung ba'o/ /thams cad ces pa ni smra ba'i bsam pa'i dbang gis phyogs gcig la yang thams cad kyi sgra mthong bas ma lus pa yongs su bzung ba'i don du ma lus zhes gsungs so/ /lus dang ngag yid dang bas zhes pa ni mchog tu dad? pa bskyed pas so/ /rab tu dad ba'i sems kyis bslang phyir lus dang ngag rab tu dang ba'o/ /da ni so sor rnam par phye nas lus la sogs pa'i phyag 'tshal ba gsungs pa la dang por re shig lus kyi phyag 'tshal ba ni/ bzang por spyod pa'i smon lam stobs kyis ni/ zhes bya ba la sogs pa la bzang po ni dge ba'o/ /bzang po lang de spyod pa yang de ste/ byang chub sems dpa' i spyod pa zhes bya ba'i don to/ /de'i don du smon lam ni smon pa dang don du gnyer ba'o /de'i stobs ni bdud la sogs pas zil gyis mi non cing mi mthun pa'i phyogs las kyang rgyal ba ste/ de'i phyir de'i so bas? zhes pa'o/ /'di lta bur gyur pa'i rnam pa la gzhan pas ni bya ba 'grub par mi 'gyur ro/ /sangs rgyas cig la sems kyi dmigs pa'i phyir/ ji ltar sangs rgyas kyi zhing la rdul dang mnyam pa'i lus kho na yid kyis stong pas gzhan phyag tu ji ltar 'gyur zhe na gsungs pa/ rgyal ba thams cad yid kyi mngon sum du zhes te/ de bzhin gshegs pa thams cad re re yang sems kyi mngon sum du zhes pa'i don to/ /
- 291b
zhing gi rdul snyed ces bya ba la sogs pa sangs rgyas kyi zhing gi rdul dang mnyam pa'i lus kyis phyag 'tshal ba'o/ /snyed ces pa'i sgras ni ma tshungs pa'i rnam grangs te/ bye brag med par phyogs bcu dus gsum na bzhugs pa'i sangs rgyas kyi zhing rdul dang mnyam pa'i de'i grangs kyis lus kyis lus phyag 'tshal ba'o/ /rgyal ba kun la rab tu phyag 'tshal lo zhes pa la/ rgyal po ni nyon mongs pa'i dgra 'am/ bdud las rgyal ba ste sangs rgyas bcom ldan 'das la de skad du brjod do/ /ji skad gsungs pa/ sdig pa mi dge'i chos las nga rgyal bas/ /de bas nyer 'gro nga ni rgyal ba yin/ /zhes bya ba la sogs pa ste /rgyal ba de dag thams cad dus gsum du bzhugs ba la phyag bgyi pa'o/ /de bzhin du yid kyi phyag ni/ rdul gcig ces bya ba la sogs pa la/ rdul gcig gi steng du ni rdul gcig gi rtse mo'o/ /rdul snyed sangs rgyas zhes pa ni bye brag tu ma byas pa'i phyir 'dir yang phyogs bcu dus gsum na bzhugs pa ma lus pa'i sangs rgyas kyi zhing gi rdul dang mnyam pa'i bde bar gshegs pa'o/ /sangs rgyas sras kyis dbus zhes pa ni re re yang dpag tu med pa'i byang chub sems dpa' i chogs kyi dbus na bzhugs pa ste/ mos zhes pa 'chad do/ /ji ltar rdul gcig gi rtse mo la ji lta ba de ltar/ rigs pa 'di nyid kyis ma lus pa thams cad kyang lta ba'o/ /chos kyi dbyings zhes pa la/ chos thams cad ngag gis rang bzhin ni chos nyid de/ de nyid kyi dbyings te/ chos kyi dbyings zhes pa'o/ /de lta bu'i rnam pa kho nas nam mkha' i mthar thug pa'i chos kyi dbyings su re re
- 292a
yang dpag tu med pa'i byang chub pa'i byang chub sems dpa' i tshogs kyis yongs su bskor ba'i sangs rgyas bcom ldan 'das rdul gyi steng du gnas pa dag yongs su rdzogs pa rgyun mchad par khyab par yid kyis mos par bya'o/ /lus dang ngag gi las ni yid kyis mos par bya'o/ /lus dang ngag gi las ni yid kyis kun nas bslang ba'i phyir bar du yid kyi las bstan to/ /da ni ngag gi phyag bstan pa ni/ de dag bsngags pa mi zad ces bya ba la/ de dag ces pa ni de dag gi de bzhin du mos pa ste/ nyams pa dang mthar thug mde? ba dang/ zad pa med pa de ni bsngags pa mi zad rgya mtsho ste/ yon tan rgya mtsho'o/ /gang de dag gi bsngags pa mi zad rgya mtsho'o/ /'dir bsngags pa'i sgra ni yon tan gyi rnam grangs yin la/ rgya mtsho'i sgra ni mang po'i tshogs su blta bar bya ste/ de dag gi zad pa med pa'i yon tan rgya mtsho 'ong dbyangs kyi yan lag rgya mtsho sgra kun gyi zhes pa dang yan lag ni sgra ni 'dir yon tan gyi rnam grangs so/ /gang zhe na/ gang gi phyir yan lag lnga dang ldan pa'i bcom ldan 'das kyis gsungs zhes nyan thos kyi theg pa las gsungs so/ / theg pa chen po las ni yan lag drug cu dang ldan pa dang/ stong phrag brgya dang ldan pa dang/ dpag tu med pa'i yon tan dang ldan par brjod do/ /de la yang yan lag lnga dang ldan pa zhes bya ba la sogs pa go bar bya'o/ / thams cad ni dbyangs kyi yon tan rgya mtsho dang ldan pa'i sgra ste/ gang dbyangs de'o/ /rgyal ba kun gyi zhes bya ba la sogs pa la/ rgyal ba kun gyi yon tan ni gang byang chub tu sems bskyed pa nas bzung ste/ dpag tu med
- 292b
pa'i thun mongs ma yin pa lus dang dgra dang yid kyis rang bzhin no/ /de brjod pa ni mngon par rdzogs pa ste/ rab tu bsgrags pa'o/ /bde bar gshegs pa re re'i mdun du/ gnas nas bdag gis thams cad bstod pa'o/ /yang na bsngags pa mi zad rgya mtsho zhes pa ni gzhi mthun pa ste/ 'di ni yon tan gyi khyad par ro/ /bde bar gshegs pa bdag gis bsngags pa mi zad pa'i yon tan rgya mtsho brjod do zhes bya ba'i don to/ /da ni sangs rgyas bcom ldan 'das de dag nyid kyi bla dang bcad pa dang/ bla na med pa'i mchod pa rnam pa gnyis gsungs pa la/ bla dang bcad pa'i tshigs su bcad pa gnyis ni/ me tog dam pa zhes bya ba la sogs pa gang mchog tu gyur pa dag pa ni me tog dam pa dang phreng ba dam pa dang/ rol mo dam pa'o/ /byug pa dam pa ni tsan dan dang gur kum la sogs pa'o/ /gdugs kyi mchog dang/ mar me'i mchog dang/ spos kyi mchog dang/ gos kyi mchog go /bdug pa'i mchog ni dri zhim pa sna tshogs sbyar bar gyur pa'o/ /phye ma'i phur ma ni sna tshogs pa'i tsan dan dang gur kum dang ga bur dang a ka ru'i rang bzhin ri rab dang mnyam pa'o/ /bkod pa'i khyad par 'phags pa mchog dag gis zhes pa ni bkod pa'i mchog go bkod pa'i sgra ni 'dir yang mang po'i rnam grangs te/ lha dang mi'i rnam pa thams cad kyi mchog dang ldan pa nyid kyis rgyal ba de dag nyid la mchod par bgyi zhes ba'o/ /bla na med pa'i mchod pa gsungs pa/ mchod pa gang rnam bla med rgya che ba zhes bya ba la sogs pa la/ gang dag bla na med pa rgya che ba'i mchod pa byang chub sems dpa' i ting nge 'dzin gyi khyad par gyi mthu las skyes ba sangs rgyas kyi zhing thams cad du spro ba/ chos kyi dbyings kyi mchog tu gyur
- 293a
par bdag gis sems kyis lhag par mos bas rgyal ba de dag nyid la mchod pa bgyi zhes pa'o/ /bzang po spyod la dad pa'i stobs kyi ni zhes pa la/ bzang po spyod pa la mos pa dang/ lhag par mos pa dang/ mngon par yid ches pa dang/ des pa'i stobs kyis so/ /de la bzang po spyod pa ni mdo sde du ma dag las byang chub sems dpas 'di lta bu'i mchod pa byas so zhes thos so/ /da ni ji skad du bshad pa'i phyag 'tshal ba dang/ mchod ba'i nye bar bsdu ba gsungs pa/ rgyal ba kun la phyag 'tshal mchod par bgyi/ zhes pa ni rgyal ba thams cad la phyag dang mchod pa bya ba'o/ /rgyu mtshan gang gis kyang gang gi sgo nas dang/ rang bzhin te/ rnam pa gsum gyis sdig pa bshags pa gsungs pa/ 'dod chags zhes pa la sogs pa la/ de la rgyu mtshan gang gis she na/ 'dod chags dang zhe sdang dang gti mug gi rgyu mtshan gyis so/ /gang gi sgo nas she na/ lus dang ngag dang yid kyi sgo nas so/ /rang bzhin ni gang yang skye ba 'di 'am/ skye ba gzhan du sdig pa bdag gis byas ba 'am/ byed du bcug pa dang/ rjes su yi rang ba ste/ de thams cad rgyal ba rnams sras dang bcas pa'i mdun du gnas nas skrag pa'i sems kyis skad cig skad cig la bshags bar bgyi ste slar yang mi bgyid do zhes pa'o/ /da ni bsod nams kyi rjes su yi rang gsungs pa/ phyogs bcu rgyal ba rnams dang zhes bya ba la sogs pa la/ gang sangs rgyas bcom ldan 'das dus gsum na bzhugs ba brdar gyur pa'i byang chub tu sems bskyed pa nas bzung ste/ sa dang pha rol tu phyin pa la sogs pa'i des bar 'byung ba re re'i
- 293b
dus gsum gyi 'jig rten dang 'jig rten las 'das pa'i bsod nams gyi tshogs dpag tu med pa dang/ bsam gyis mi khyab pa'i sangs rgyas kyi ye shes kyi spyod yul du gyur pa dang/ gang yang dang po byang chub tu sems bskyed pa nas bzung ba'i byang chub sems dpa' thams cad kyi dang/ gang yang rang rgyal ba rnam pa gnyis po bse ru ltar gcig po spyod pa dang/ tshogs shing spyod pa ngag gi yang dus gsum gyis 'jig rten dang 'jig rten pa 'das pa'i bsod nams dang/ gang yang slob pa'i gang zag bdun po dag dang/ gang yang mi slob pa dgra bcom pa dang/ gang yang phyogs bcu'i 'gro ba thams cad kyi sbyin pa dang/ tshul khrims dang/ bsgoms pa'i rang bzhin gyi dus gsum gyi bsod nams te/ de dag thams cad la skad cig skad cig bdag gis rjes su yi rang bar bgyi'o/ /'gro ba'i sgra ni ma lus pa'i tshigs yin pa'i phyir slob pa la sogs pa'i bsod nams kyang 'di'i nang du 'dus par 'grub na/ ci'i phyir so sor bstan ce na/ de ni ma yin te/ 'gro ba zhes bya ba ni 'gro ba ste/ shin tu sred pa dang bcas pas 'khor bar 'gro ba zhes bya ba la don te/ de la kha cig ni shin tu 'gro ba med pa dang/ gcig ni 'gro ba med pa nyid pas 'gro ba'i sgras brjod par mi bya'o zhes pas dbye ba bstan to/ /da ni chos kyi 'khor lo bskor par gsol pa gdab pa gsungs pa/ gang yang phyogs bcu zhes bya ba la sogs pa la/ gang yang phyogs bcu'i 'jig rten gyi sgron ma ni 'gro ba'i sgron ma ste/ 'jig rten gyi phyi dang nang gi bdag nyid can gyi mun pa'i chogs sel ba'i phyir sangs rgyas bcom ldan 'das ni 'jig rten gyi sgron ma'o
- 294a
byang chub brnyes zhes bya ba ni bla na med pa yang dag par rdzogs pa'i byang chub mngon sum du yang dag par rtogs pa'o/ /ma chags brnyes zhes pa chags pa med pa'i mngon par byang chub pa'i stobs kyis/ dngos po ma lus pa'i don thams cad kyi rang bzhin yongs su shes pas chags pa thams cad yang dag par bsal nas zab mo'i chos kyang rtogs pa ste/ gzhan don du gnyer ba la sogs pa dang ldan pa dag gis ni dka' ba rtogs par 'gyur ro zhes pa'o/ /gang yang chos 'chad par mi bzheng par 'jig rten gyi khams gsum na/ byang chub kyi shing mchog gi drung na bzhugs pa de dag thams cad la/ bdag gis 'jig rten gyi mgon po gcig bu 'gro ba mi shes pa'i mtun nag gis g.yogs pa la/ bla na med pa'i ye shes kyi snang ba mdzad pa'i bla na med ba'i chos kyi 'khor lo bskor bar pus mos la btsugs nas thal mo sbyar ba byas te mdun du gnas nas/ so sor 'di lta bur gsol ba gdab par bya'o/ /zhes pa'o/ /mya ngan las mi 'da' bar bzhugs bar gsol ba gdab pa ni/ mya ngan 'das ston gang bzhed ces bya ba la sogs pa la gang yang zhes par bye brag tu ma byas pa ni/ 'phral du bstan pa yin pa'i phyir/ phyogs bcu'i 'jig rten sgron ma zhes pa nyid dang 'brel to/ /gang yang phyogs bcu'i 'jig rten gyi sangs rgyas bcom ldan 'das mya ngan las 'da' bas yongs su mya ngan las 'da' bar ston par bzhed pa de dag thams cad la bdag gis thal mo rab tu sbyang bar gyur pas yun ring por bzhugs par gsol ba 'debs so/ /dus ji tsam du
- 294b
zhe na/ dus gsum po thams cad kyi rdul dang mnyam pa'i bskal par bzhugs par ro/ /ci'i don du zhe na/ mgon thams cad med par gyur pa'i 'gro ba la phan pa dang bde ba'i don du'o/ /de la phan pa ni shin tu phul du/ byung ba'i bde ba mya ngan las 'das pa'i lam thob pa'o/ /bde ba ni mngon par mtho ba thob pa'o/ /da ni ji skad du bshad pa'i brjod bya phyag 'tsha ba la sogs pas skyed pa'i bsod nams kyi phung po yongs su bsngo ba ni/ phyag 'tshal ba dang mchod cing zhes bya ba la sogs pa la/ phyag 'tshal ba dang/ mchod pa dang/ sdig pa bshags pa dang/ bsod nams kyi rjes su yi rang ba dang/ de bzhin gshegs pa la bskul ba dang/ de bzhin gshegs pa la gsol ba btab pa'i dge ba gang bdag gis bsags shing bskyed pa de thams cad bla na med pa yang dag par rdzogs pa'i byang chub tu bsngo bar bgyi'o zhes pa'o/ /da ni brgyad pa ste/ de'i rab tu dbye ba yin pa la/ de ni kun tu bzang po'i smon lam gyi cha shas dang bcas pa'i dbye ba ste/ de'i rab tu dbye ba'o/ /de yang rnam pa bcu drug go /'di lta ste/ bsam pa dang/ byang chub kyi sems mi brjed pa dang ma gos par rab tu sbyor ba dang/ sems can la phan pa dang/ go cha dang/ phan pa 'dod pa'i byang chub sems dpa' i grogs po dang/ dge ba'i bshes gnyen mnyes par bya ba dang/ de bzhin gshegs pa mngon sum du bsgoms pa dang/ dam pa'i chos yongs su bzung ba dang/ mi zad pa'i mdzod yang dag par dmigs pa dang/ 'jug pa dang/ stobs dang/ gnyen po dang/ las dang/ rjes su bslob par yongs su
- 295a
bsngo ba dang/ bsdus pa zhes pa'o/ /de la rnam pa dang po ni bsam pa ste/ de yang rnam pa gsum ste/ de bzhin gshegs pa la mchod par bsam pa yongs su skong ba'i bsam pa ni/ 'das pa'i sangs rgyas rnams dang zhes bya ba la sogs pa la/ mchod par 'gyur ba'i bla na med pa'i mchod pa gang 'das pa mya ngan 'das pa'i sangs rgyas bcom ldan 'das dag dang/ gang yang da ltar phyogs bcu'i 'jig rten gyi khams sna tshogs pa na/ 'tsho zhing gzhes pas 'gro ba la phan pa'i bde ba mchog gi rgyu ru gnas pa de dag kyang de bzhin du mchod par gyur cig /gang yang ma 'ongs pa nas 'byung bar 'gyur ba de yang yid la bsams pa'i don yongs su rdzoD pa myur ba myur bar sangs rgyas kyi byang chub thob par gyur cig pa'o/ /dang po'i phyed kyis ni de bzhin gshegs pa la mchod pa'i bsam pa'o/ /phyis kyi phyir kyis ni bsam pa yongs su bskang bar bstan to zhes pa'o/ /sangs rgyas kyi zhing yongs su dag pa'i bsam pa gang gsungs pa ni/ phyogs bcug la zhes bya ba la sogs pa la/ ji snyed ces pa ni gang dag ste/ phyogs bcu'i sangs rgyas kyi zhing yod pa de thams cad yongs su dag cing bde ba can dang 'dra bar rgya che ba dang/ dpag tu med pa'i 'jig rten gyi khams su rgya che bar so sor gnas par gyur cig pa'o/ / byang chub shing dbang drung gshegs rgyal ba dang zhes pa ni/ byang chub kyi shing gi dbang po'i drang du bzhugs pa'i sangs rgyas bcom ldan 'das dag byang chub sems dpas kyang yongs su gang bar mnyam rgyun ma chad par
- 295b
khyab par gyur cig pa'o/ /sems can la bde ba ster ba'i bsam pa yang gang gsungs pa ni/ phyogs bcu'i sems can gang rnams ji snyed pa zhes bya ba la sogs pa la/ gang dag ji snyed phyogs bcu'i 'jig rten gyi khams kyi skye gnas bzhis bsdus pa'i 'gro ba drug gis sems can de dag zag pa med pa'i bde ba mchog gi bde bas mngon du byed par gyur cig /lus dang sems kyis nas kyang med par ro/ /rtag tu ni rgyun tu gyur cig pa'o/ / de dag kyang chos dang ldan pa'i snyed pa'i yon tan de dang rjes su mthun par rnyed par gyur cig /chos dang ldan pa'i bsam pa kho nas 'gro ba thams cad rtag tu phun sum tshogs par gyur cig pa'o/ /da ni mi mthun pa'i phyogs spang bar nye bar bstan pa'i tshigs su bcad pa bzhis byang chub kyi sems mi brjed pa rnam pa gnyis pa gsungs pa ni/ byang chub spyod pa dag ni zhes bya ba nas brtsams nas lus yongs su byang bar shog ces pa'i bar du'o/ /byang chub ces pa ni bla na med pa yang dag par rdzogs pa'i byang chub bo/ /de'i don du spyod pa ni byang chub spyod pa'o/ /de dag gis spyad pa ni rtogs par gyur nas 'gro ba thams cad du mi brjed par gyur cig pa'o/ /de ltar tshe rabs kun tu 'chi 'pho skye ba na zhes pa ni/ 'chi ba dang skye bdag ni yang rtag tu bdag rab tu 'byung bar gyur cig ces pa'o/ /skye ba dang 'chi bas dbus kyi gnas brjod par don gyis blta bar bya'o/ /'dis ni byang chub kyi sems mi brjed pa'i rgyu dang pa'o/ / rgyal ba kun gyi rjes su slob 'gyur te zhes bya ba la sogs pa la/ rgyal ba dus gsum du bzhugs pa thams cad kyi bslab pa la slob pa ni bzang po spyod pa la'o/ /bzang po spyod pa yongs su rdzogs byed cing zhes pa la/ yongs su
- 296a
rdzogs pa ni phun sum tshogs pa'o/ /ji ltar bya zhe na/ tshul khrims spyod pa dri med yongs dag pa/ /rtag tu ma nyams skyon med spyod par shog ces pa'o/ /ji ltar dper na yid bzhin gyi nor bu rin po che blo bur gyi dri mas ma gos pas dri ma med pa'i phyir dri ma med pa ste/ g.ya' dang 'dra ba'i skyon gyis ma gos pa'i phyir rang bzhin gyis yongs su dag pa'o/ /de nyid kyis nam nyams skyon mang pa ste/ 'dod pa thamS cad phun sum tshogs par byed pa/ gdung? ba thams cad yongs su zhi bar byed pa/ nad thams cad sel ba dus ma yin par 'chi ba zlogs par byed pa gzhan gyi don phun sum tshogs pa kho na la gcig tu 'jug pa'o/ /de bzhin du 'dir yang byang chub sems dpa' i tshul khrims rin po che dang 'dra ba'i rin po che ste/ glo bur gyi dri ma las dang nyon mongs pa'i dri ma dang bral bar dri ma med pa ste/ nyan thos dang rang sangs rgyas kyi theg pa'i sems bskyed pa g.ya' 'dra ba'i skyon dang bral ba'i phyir ro/ /med na mi 'byung ba nyid kyi phyir yang thams cad mkhyen pa sems skyed pa rin po che'i rang bzhin yin pa'i phyir ro/ /yongs su ni kun nas so/ /dag pa ni yongs su dag pa ste/ byang chub sem dpa' i bslab pa thams cad la brtson par byed pas na/ ltung bas ma gos pa'i bslab pa ni nyams pa med pas nam nyams pa'o/ /'das pa'i yul nyams su myong ba las ltos pa'i sred pa skyes pa dang yang ma 'ongs pa dang/ skye ba 'di la chags pas mngon par dga' ba'i sred pa dang da ltar byung ba la mngon par zhen pa'i sred pa ste/ dus gsum po 'di dag gi sred pa'i khab dag gis cung zad tsam yang ma phug pas na skyon med pa'o/ /sa dang 'dra bar
- 296b
sangs rgyas dang byang chub sems dpa' thams cad kyi yon tan gyi gzhir gyur pa'i phyir 'gro ba thams cad kyi 'dod pa phun sum tshogs par byed pa'o/ /gdung ba rab tu sel ba dang/ nad thams cad rab tu zhi ba dang/ lha dang mi thams cad kyi tshe dpag tu med par byed pa/ gzhan gyi don phun sum tshogs pa kho na la gcig tu 'jug pa kho na ste/ des pa'i tshig tu ni lus dang sems kyi gdung ba thams cad sel ba'o/ /tshul khrims shes pa ni bsil bar byed pas na tshul khrims te/ tshul khrims spyod pa yin pas tshul khrims spyod pa'o/ /spyod pa ni spyod par byed pa'o/ /rnam pa de lta bu nyid kyi tshul khrims kyi spyod pa dri ma med pa yongs su dag pa/ ma nyams pa/ skyon med pa rgyun tu spyod pa ni byang chub kyi bar zhes pa'o/ /da ni byang chub kyi sems mi brjed pa'i rgyu gnyis la/ lha yi skad dang zhes bya ba la sogs pa la/ lha la yod pa'i skad ni lha'i skad do/ /klu dang gnod sbyin dang grul bum dang mi dag ste/ de'i skad ni de dag gi skad do/ /mdor bsdu na ji srid du/ 'gro ba thams cad kyi skad de dang des/ de dang de la chos bstan pa ste/ byang chub kyi snying po'i bar du'o zhes pa'o/ /'di ni rnam pa gsum ste/ des shing zhes bya ba la sogs pa la/ nges pa ni mnyen pa dang zhi ba'o/ /pha rol tu phyin pa ni sbyin pa la sogs pa bcu ste/ de la mngon par brtson pa ni/ bdag nyid rnam pa thams cad du brtson pa dang ldan pa ma dub? pa'i yid kyis so/ /ma gyur ces pa ni cung zad tsam yang bdag nyid kyi byang chub sems so/ /brjed par ma gyur pa 'di mi brjed par gyur pa ste/ byang chub kyi snying po'i bar du'o zhes pa'o/ /tshigs su bcad pa phye dang bzhis gang byang chub tu sems
- 297a
bskyed pa'i phyogs su gyur pa'i sgrib pa dang/ de dag gi gnyen po'i phyogs nye bar brten par byas nas 'di ni rgyu bzhi pa ste/ da ni tshig rkang gnyis kyis mi mthun pa'i phyogs spang par bya bar bstan pa gang gsungs pa/ sdig pa gang rnams sgrib par gyur pa zhes bya ba la sogs pa la/ gang sdig pa sgrib par gyur pa ni byang chub kyi sems kyi bar du gcod pa ste/ de dag ma lus pa thams cad kyis thams cad kyi thams cad du yongs su zad par spong bar gyur cig ces pa'o/ /da ni ma gos pa'i sbyor ba rnam pa gsum pa ste/ rgyu gsum pa ngag/ gang las/ gang du/ gang ltar gsungs pa ni/ las dang nyon mongs pa zhes bya ba la sogs pa la/ gang las shes pa ni las dang nyon mongs pa dang bdud kyi lam yang ngo/ /las de yang bye brag tu ma byas pa'i phyir dge ba dang/ mi dge ba dang/ mi g.yo ba'i bye brag gis gsum char yang bzung ngo// de la mi dge ba'i las dad nyon mongs pa dang bdud kyi lam dag las rnam par grol ba ni des ma gos par rtag tu spyod pa'o/ /gang du zhe na 'jig rten lha la sogs par ro/ /ji lta bur zhe na/ ji ltar pad+ma chus mi chags pa bzhin zhes pa ste/ ji ltar pad+ma chu lus skyes kyang chus mi gos so/ /de dang 'dra bar sdig pa'i las dang/ nyon mongs pa dang bdud kyi lam 'jig rten pa'i chos dag gis mi gos par spyod pa spyad do zhes pa'o/ /de bzhin du dge ba dang mi g.yo ba'i las kyi rnam par smin pa'i 'bras bu la mi chags par 'gro pa thams cad la phan pa dang bde ba 'ba' zhig kho na'i phyir ba spyad pa ste/ byang chub sems dpa' i spyod pa zhes pa khong
- 297b
nas dbyung ngo/ /ci dang 'dra bar zhe na/ nyi zla na mkhar thogs pa med ltar spyod ces pa ste/ ji ltar zla ba dang nyi ma dag 'jig rten na yid bzhin gyi nor bu dang 'dra bar gzhan gyi don byed pa gcig pus 'jug pa'i phyir ro/ /bdag gi don la ni cung zad tsam yang chags pa med par nyin dang mtshan du nam mkha' la rgyu ba dang 'dra bar zhes pa'o/ /de la bdud ces pa ni gang gi phyir dge ba'i bar du gcod par byed cing/ byang chub kyi lam la 'gegs pa/ yang dag pa'i lam las bzlog pa ste/ nges pa'i tshig tu mchos kyi srog gi bar du gcod par byed pa'i rgyu yin pas bdud la bdud ces brjod do/ /de yid lam 'gogs pa ni phan pa'i dngos po sgyu yi bslu ba ste/ skye ba 'di 'am gzhan thams cad la'o/ /da ni rnam pa bzhis sems can la phan par byed pa gang gsungs pa ni/ ngan song sdug bsngal zhes pa la sogs pa la/ 'gro ba'i sdug bsngal thams cad ni ngan song gi sdug bsngal te/ ngan song gsum du skyed pa de'i rab tu zhi ba'o/ /ci'i phyir ngan song gi sdug bsngal kho nar rab tu zhi ba zhes brjod ce na/ de dag ni shin tu sdug bsngal ba'i bdag nyid yin pa'i phyir dngos su bstan te/ 'khor ba'i sdug bsngal thams cad kyang rab tu zhi bar byed par rtogs par lta'o/ /'gro ba thams cad kyang bla na med pa'i bde ba la rab tu gzhog par byed pa'o/ /ji ltar bya zhe na/ 'gro ba thams cad nyid la phan pa dang bde ba'i bsam pas sbyor ba gzhan mi byed par ji srid bla na med pa'i ye shes ma thob kyi bar du yongs su ma dub pa'i yid kyis spyod pa'o/ /dus ji tsam du zhe na gsungs pa/ zhing gi khyon dang phyogs rnam dang ji tsam par zhes te/ ji tsam par zhes pa ni zhing gi khyon ji tsam par zhes pa ste/ ji
- 298a
srid du sangs rgyas kyi zhing gi rgyun bskal pa gcig nas gcig tu brgyud par gyur pa ste/ phyogs shes pa phyogs bcu de steng du spyod do zhes bya bar 'brel te/ rnam pa lnga pa ste go cha gsungs pa la/ de yang rnam pa gsum ste/ sems can gyi spyod pa'i rjes su 'jug pa dang/ sangs rgyas kyi chos yongs su rdzogs pa dang/ dam pa'i chos gsal ba bsan pa'o/ /gang gsungs pa/ sems can dag gi spyod pa dang zhes bya ba la sogs pa la/ sems can dag la skye ba dang skye bar rang bzhin gyis g.yo sgyu med pas bde bar dri ba dang/ sems dang spyod pa yongs su shes nas/ rjes su 'jug pa ste/ rjes su mthun par gyur bas so/ /byang chub spyod pa yongs su rdzogs byed cing ces bya ba la/ byang chub kyi don du spyod pa ni byang chub kyi spyod pa'o/ /de yongs su rdzogs pa ni sangs rgyas kyi chos yongs su 'phel ba'i bar du'o/ /bzang po spyod pa'i smon lam stobs kyis ni zhes pa la/ bzang po spyod pa yang 'dir chos ston pa'i rang bzhin du yongs su bzung ste/ smra bar 'dod pa'i bsam pas gsung rab kyi tshig la bzang po spyod pa zhes nye bar btags pa ste/ ma 'ongs pa'i bskal pa mthar thug pa'i bar du mi skyo ba'i yid kyis spyod par bya'o zhes pa'o/ /lus dang dag dang yid kyi spyod pa mtshungs pa'i byang chub sems dpa' i grogs po dang 'grogs pas ni rnam pa drug pa ste/ gang gsungs pa/ bdag gi spyod dang mtshungs pa zhes bya ba la sogs pa la/ gang yang spyod pa mtshungs pa bdag dang 'dra ba'i byang chub sems dpa' o/ /spyod ces pas ni spyod pa de dang lhan cig tu mtshungs par byang chub kyi bar du rtag tu 'grogs par gyur cig pa'o/ /lus dang ngag dang yid kyis kyang de nyid dang lhan cig tu byang chub sems dpa'
- 298b
gcig bu'i/ smon lam spyod cing nyon mongs ba med par gnas so zhes pa'o/ /phan pa'i bsam pas gdams ngag ston pa'i dge ba'i bshes gnyen bsten pa ni rnam pa gsum ste/ gang gsungs pa/ bdag la phan par 'dod pa'i zhes bya ba la sogs pa la/ gang yang dge ba'i bshes gnyen phan par 'dod pa/ bzang po'i spyod pa rab tu ston pa/ chos kyi gtam byed pa de dang lhan cig mtshungs par rtag tu 'grogs par gyur cig pa'o/ /dus dang 'khor dang mchod pa'i bya pa la ngal ba med par de bzhin gshegs pa mngon sum du bsgom pa rnam pa brgyad gang gsungs pa ni/ sangs rgyas sras kyis bskor ba zhes bya ba dag la/ phyogs bcu po kun gyi rgyal ba sangs rgyas bcom ldan 'das dag byang chub sems dpa' i tshogs kyis yongs su bskor ba'i mgon po 'gro ba'i gnyen cig pu ma bsgribs pa'i mig gis rtag tu blta'o/ /de dag la yang skad cig skad cig la so sor rnam pa thams cad kyi mchog dang ldan pa/ rgya che ba nam mkha' i dbyings dang ma cu par chos kyi dbyings khyab pa 'am mchod par bya'o/ /dus ji tsam du zhe na/ ma 'ongs pa'i bskal pa thams cad kyi mthar thub par dub pa med pa'i sems kyis shes pa'o/ /'dzin pa dang ston pa'i las dag gis dam pa'i chos yongs su 'dzin pa rnam pa dgu pa gang gsungs ba ni/ rgyal ba rnams kyi dam pa'i chos 'dzin cing zhes bya ba la sogs pa la/ dus gsum du rgyal ba thams cad kyis gang gsungs pa/ gsung rab yan lag bcu gnyis kyi chos bstan pa dang/ de 'dzin pa'i stobs kyi 'dzin pa dang/ nan tan du bya'o/ /byang chub kyi spyod pa yang chos ston pa'i rang bzhin te/ 'gro ba la rab tu gsal bar byed pa zhes pa'o/ /gsal bar byed pa ni yang dag par gsal bar bstan pa'o/ /'dir yang byang chub kyi spyod pa zhes pa ni de dang/
- 299a
gsal bar ston pa ni/ tshig la mngon par brjod do/ bzang po spyod pa rnam par spyod pa yang zhes pa la/ bzang po'i spyod pa ni byang chub sems dpa' i spyod pa'o/ /de rnam par sbyang ba ni dri ma med par bya ba ste/ ma lus par bkrus nas ring du byed pas ma 'ongs pa'i bskal pa kun tu spyod pa ni nan tan du bya pa'o/ /bsod nams dang ye shes la sogs pa'i tshogs bsags pa mi zang pa'i mdzod yang dag par dmigs pa rnam pa bcu pa gsungs pa ni/ srid pa thams cad du ni zhes bya ba la sogS pa la/ 'dod pa'i khams la sogs pa'i srid pa thams cad du sems can gyi don gyi dbang gis 'khor ba na 'khor par skye ba dang/ zad mi shes pa'i bsod nams kyi tshogs dang yang dag par ldan par 'gyur pa dang /de bzhin du thabs dang shes rab dag dang/ ting nge 'dzin nam mkha' mdzod dang/ dri ma med pa'i phyag rgya la sogs pa dag dang/ de bzhin du byang chub sems dpa' i rnam par thar pa snying rje chen pos dmigs pa sgyu mar gyur pa la sogs pa dang/ ji srid du byang chub sems dpa' i yon tan thun mong dang thun mong ma yin pa mi zad pa'i mdzod zad mi shes pa'i yon tan gyi gter du/ 'gro ba ma lus pa la phan pa dang pa de ba'i rgyur gyur cig ces pa'o/ /rnam pa bcu gcig pa ni 'jug pa ste/ de yang rnam pa brkyang go/ 'di lta ste/ sangs rgyas kyi zhing lta pa la 'jug pa rnam pa gnyis dang/ sangs rgyas kyi gsungs la 'jug pa dang/ chos kyi 'khor lo bskor ba la 'jug pa dang/ bskal par gnas pa la 'jug pa dang/ de bzhin gshegs pa lta ba'i spyod yul la 'jug pa dang/ /sangs rgyas kyi zhing du bkod pa dag lta ba la 'jug pa dang/ de bzhin gshegs pa'i drung du 'gro ba ste brgyad do/ /de la sangs rgyas kyi zhing la 'jug pa rnam pa gnyis tshigs su bcad pa rnam pa gnyis kyis gang gsungs pa ni/ rdul gcig ces bya ba la sogs pa la/ rdul
- 299b
gcig gi rtse mo la phyogs bcu dus gsum gyi sangs rgyas kyi zhing rdul dang mnyam pa'i sangs rgyas kyi zhing ngo/ /de la yang zhing zhes pa ni zhing dang zhing ngo/ /bsam gyi mi khyab pa zhes pa ni bsam gyis mi khyab cing bsam pa las 'das pa'i sangs rgyas bcom ldan 'das dag pa dang/ sangs rgyas kyi sras zhes pa ni byang chub sems dpa' ste/ de dag gi dbus na bzhugs pa zhes pa ni bzhugs par gyur pa'o/ /byang chub spyad pa spyod cing zhes pa la/ byang chub kyi spyad pa la spyod pa ste/ rtogs nas spyod pa'o/ /blta zhes pa ni lta ba la 'jug pa'o/ /de lta bur gyur pa'i smon lam ni mi srid pas byang chub sems dpa' i smon lam gyi 'bras bu med pa'i 'di ltar rtogs te/ gang gi phyir sangs rgyas kyi zhing gcig rnam par dbye ba yang rdul gcig gi rtse rgyas kyi zhing na/ grangs dpag tu med pa'i sangs rgyas bcom lus pa'i sangs rgyas kyi zhing gi rdul ngang mnyam pa'i sangs rgyas kyi zhing na/ grangs dpag tu med pa'i sangs rgyas bcom ldan 'das dag byang chub sems dpa' i 'khor gyi dbus na bzhugs pas yongs su gang ba/ so so'i rnam par dbyed ba rdul gcig gi rtse mo la lta zhes pa'i smon lam ji lta zhe na/ de ni ma yin te/ gang gi phyir bsam gyis mi khyab pa'i las kyi sbrul pa'i 'jig rten gyi khams sna tshogs paS steng dang 'og dang thad kar tha dad pa ji lta ba de bzhin du/ bsam gyis mi khyab pa'i ye shes kyi sprul pas rdul gcig gi rtse mo la 'di lta bu ci'i phyir srid par mi 'gyur/ bsam gyis mi khyab pa yang gang gsungs pa/ ngo mtshar cung zad yod par ni/ 'jig rten khams pas ma mthong ste/ /dbang pos mngon du gyur pa nyid/ /de la ngo mtshar ci zhig yod/ /bsam gtan pa la klu dag dang/ /sangs rgyas mthu yi bdag nyid che/ /'jig rten mgon po skyob pa yid/ /bzhi po
- 300a
bsam mi khyab pa gsungs/ zhes so/ /de ltar yang 'dir sangs rgyas kun gyis gsung la blo zhan pa dag mi srid pa'i don la yang de bzhin kho na yin no zhes shin tu dad par byed do/ /'di yang shin tu gsal bar rab tu bsgrubs zin to/ /lkog don sangs rgyas kyis gsungs pa/ /gang blo the tsom skyed gyur pa/ /des ni 'dir ni yid ches pas/ /stong pa nyid la rab tu bya/ /'jig rten na yang ji srid du snod shin tu chung ba chu dang bas yongs su gang ba la/ nam mkha' la brgyan pa'i gza' dang rgyu skad la sogs pa thams cad mthong ba nyid do/ /de nyid kyi phyir bcom ldan 'das kyi gsungs pa/ chos rnams brag ca dang mtshungs pa/ /rab rib rmi lam mtshan nyid dang/ /sgyu ma smig rgyu 'dra ba dang/ /dri za'i grong khyer lta bu'o zhes so/ /'di dag kyang gang yang dus gsum dag gi zhing bkod pa'i tshigs su bcad pas phyis gsal bar ston par 'gyur ro/ /de ltar ma lus zhes bya ba la sogs pa la/ ji ltar rdul gcig gi rtse mo de lta bur ma lus shing lus pa med pa'i phyogs thams cad kyi'o/ /skra tsam khyon zhes pa ni skra'i rtse mo'o/ /'di skad bstan par 'gyur te/ skra'i rtse mo'i tsam gyi khyon gyi tshad la/ dus gsum du bzhugs pa'i sangs rgyas bcoM ldan 'das rgya mtsho dang/ de dag gi zhing rgya mtsho'o/ /spyad pa zhes bya ba la spyad pa de sngon du bya ba ste/ ma 'ongs pa'i bskal pa rgya mtsho'i bar du 'jug pa'o/ /sangs rgyas kyi gsung la 'jug pa yang gang gsungs pa/ gsung gcig yan lag ces bya ba la sogs pa la/ sangs rgyas kyi gsung gcig gis chos bstan pa la/ grangs las 'das pa'i skye bo mang po'i bye brag gis don gzhan dang gzhan/ tshig dang yi ge gzhan dang gzhan dpag tu med
- 300b
cig car dpag tu med pa'i gsung gi yan lag rgya mtsho dang ldan pa'i sgra thos so/ /phyogs bcu dus gsum na bzhugs pa'i rgyal ba thams cad kyi yang de bzhin du chos ston pa'i dbyangs kyis yan lag rnam par dag pa dpag tu med pa nyan pa'i skye bo dag gis 'dod pa ji lta ba bzhin du rnam pa de lta bur sangs rgyas kyi gsung bsgribs pa med par thos so/ /de la de bzhin gshegs pa re re'i dbyangs kyi yan lag rgya mtsho'i sgra la rtag tu 'jug par bya zheng ma lus par yid la bya'o zhes pa'o/ /de bzhin du yang gsungs pa/ de'i phyir ngo mtshar mi che ste/ 'di ni shin tu ngo mtshar che/ /mang po nye bar 'dug pa la/ /gang de mos pa'i dbang gis ni/ /tshig gcig gis ni bshad pa yang/ /du ma nyid du mtshon nas ni/ bdag nyid la ni ston to zhes/ /skye bo mang pos go bar 'gyur/ zhes so/ /de bzhin du sdong po bkod pa'i mdo byams pa'i rnam par thar pa las gsungs te/ gang phyogs bcu'i bde bar gshegs pa'i chos kyi spron stan gcig la gnas te ma rmongs par 'thung pas bskal pa bye ba khrag gi bar du sems ngoms pa med par blo chen po rgya mtsho dang mtshungs par bdag gnas par bya'o zhes so/ /dang po'i tshigs su bcad pa phyed kyis ni ston pa po'i che ba pa'i bdag nyid do/ /phyis kyi tshigs su bcad pa phyed kyis ni nyan pa'i skye bo'i bdag nyid che ba bstan to/ /gang zhes pa ni bdun pa ste/ gcig gi tshig tu brjod pa'o/ /gsung gcig yan lag rgya mtsho'i sgra kun gyis zhes pa la/ sgra kun gyis zhes pa'i tshig gi kha skong du lta bar bya'o/ /chos kyi 'khor lo bskor ba la 'jug pa yang gang gsungs pa/ dus gsum gshegs pa zhes bya ba la sogs pa la/ de dag kyang dus gsum du bzhugs pa'i rgyal ba thams cad
- 301a
dag chos kyi 'khor lo bskor ba la 'jug pa dang ldan pa gang mi zad pa grangs las 'das pa'i dbyangs kyi blo'i stobs kyis zhes pa ni ye shes kyi mthu'i bdag nyid kyis cig car 'jug pa ste/ 'jug par bya'o/ /thabs gang dang gang gis gang la chos ston pa/ dus gang la dang yul gang la mos pa du ma'i sems can gdul bya la 'gro ba ste/ 'dir yang tshul de ltar blta bar bya'o/ /dbyangs kyi sgra ni 'dir yang tshig? kha bskang ba'i don to// bskal par gnas pa la 'jug pa yang gsungs pa/ ma 'ongs bskal pa zhes bya ba la sogs pa la/ ye shes kyi skad cig gis phyogs bcur bzhugs pa ma 'ongs bskal par 'jug pa ste/ mdor bsdu na bskal pa gcig nas gcig tu brgyud par bdag gis 'jug par bgyi ba'o/ /gang yang bskal pa dus gsum tshang de dag ces pa ni sna tshogs pa dus gsum gyi grangs las 'das pa de thams cad ye shes skad cig ma gcig gis mthar te/ gcig ces pa ni ye shes skad cig ma gcig gis phyogs gcig go/ 'jug ces pa ni nang du 'dus par bya'o zhes pa'o/ /de bzhin gshegs pa la lta ba dang/ de'i spyod yul la 'jug pa gang gsungs pa/ dus gsum gshegs pa mi yi seng ge gang zhes pa'i sogs pa gang yang phyogs bcu dus gsum du bzhugs pa'i mi'i seng ge sangs rgyas bcom ldan 'das de la bdag gis ye shes skad cig ma gcig gis so/ /? bzhes pa ni blta bar bya ba'o/ /de dag gi spyod yul ni yul lo/ /sgyu mar gyur pa'i rnam thar stobs kyis 'jug ces pa ni/ sgyu mar gyur pa'i zhes bya ba'i byang chub sems dpa' i rnam par thar pa ye shes kyi rang bzhin de'i stobs kyis rgyun 'jug par bya'o/ /zhes pa'o/ /sangs rgyas
- 301b
kyi zhing du bkod pa yang gang gsungs pa/ gang yang dus gsum zhes bya ba la sogs pa la/ gang yang dus gsum bkod pa ste zhing mang po'i?/ /de dag mngon par bsgrub pa ni rdzu 'phrul gyi stobs kyis rdul gcig yi rtse mo la'o/ /de ltar ma lus phyogs rnams thams cad du zhes pa ni de ltar phyogs bcu ma lus pa'i rdul gyi rtse mo la de dang 'dra bar sangs rgyas kyi zhing bkod pa du ma la ye shes kyi skad cig gcig gis 'jug par bgyi zhes pa'o/ /de ltar ba nyid la yang ji srid du sangs rgyas kyi zhing dag gi rang bzhin dang/ tshad dang kha dog dang dbyibs kyi bye brag tu byas pa so sor rdul gcig gi rtse mo'i gnas skabs su mi srid na/ yang ci'i phyir dus gsum du bzhugs pa ma lus pa'i sangs rgyas kyi zhing dag de bzhin du rang bzhin la sogs pa'i dbye pas phye ba/ so sor rdul gcig go? rtse mo la phyogs bcu rgyu ni ma chad par so sor gnas par 'gyur ba de ji ltar rtogs par 'gyur zhe na/ de la yid ches par bgyis shig dang 'dir brjod par bya ste/ gang gi phyir chos thams cad ni yongs su ma grub pa/ rang bzhin med pa sgyu ma dang 'dra ba/ rmi lam dang 'dra ba/ ma skyes pa ma 'gags pa/ skra shad 'dzings pa dang 'dra ba/ gdong ma nas zhi ba/ rang bzhin gyis myur na las 'das pa ji ltar mos pa'i rnam par rtog pa tsam gyis bskyed pa/ sna tshogs pa du ma'i ngo bo ste/ rang gi goms pa sna tshogs pa mang po dge gi ting nge 'dzin gyi mos pa'i khyad par gyis bsam gyis mi khyab par spros nas/ mngon par bsgrubs pa'i nyams su myong bar gyur pa 'di dag rang bzhin gyis bsgoms pa'i las kyis gsal bar rtogs par 'gyur ro/ /'jig rten na yang cung zad yongs su sbyangs pa las byung ba'i mthus/ sgyu ma
- 302a
ngo mtshar can sna tshogs pa mig 'phrul mkhan gyis rab tu bsgrub pa mthong bas/ de lta bas na ji skad du bstan pa de thams cad la yid ches par bya ste/ 'di la cung zad cem yang the tsom mi bya'o/ /bde bar gshegS pa'i drung du 'gro ba la 'jug pa brgyad pa gang gsungs pa ni/ gang yang ma byon zhes bya ba la sogs pa la/ gang yang ma byon pa'i mthar thug par bzhugs pa'i 'jig rten gyi sgron ma sangs rgyas bcom ldan 'das phyogs bcu'i 'jig rten gyi khams gzhan dang gzhan na nam mkha' i khams kyi mthar thug pa'i bar gyi bgrang gis mi lang ba'i sangs rgyas kyi ye shes kyi spyod yul skad cig la dus gcig nyid du bla na med pa yang dag par rdzogs pa'i byang chub mngon du gyur cig/ de bzhin du gzhan yang dus gcig ba? chos kyi 'khor lo bskor bar 'gyur ba dang/ de bzhin du gzhan yongs su mya ngan las 'da' bar ston par 'gyur ba de'i phyir gsungs pa ni de dag byang chub 'tshang rgyab la sogs pa/ la/ de dag ces pa ni mngon par byang chub pa de dag de bzhin du chos kyi 'khor lo bskor ba/ mya ngan las 'da' bar ston pa gang yang 'jig rten gyi mgon po de dag thams cad kyi zhabs kyi drung du cig car du yid ma gyogs pa dang kun tu 'gro ba'i rdzu 'phrul gyi stobs kyis lus kyi sprin phyogs bcur spros nas/ mchod pa'i sbrin nam mkha' khyab pa dag thams cad so sor 'phags pa/ grangs las 'das pas re re la mchod pa dang/ bstod pa byed pa dang/ lan brgya stong gi bar du g.yas phyogs su bskor ba byed pa'i 'khor ba'i mthar thug par /mchi'o zhes pa ni nye bar 'gro ba ste/ dus gcig nyid la zhes pa'o/ /byang chub ces pa ni mngon par byang chub pa dang mya ngan las 'da' ba ston pa'o/ /'di nyid ni
- 302b
zhi mdza' zhes pa ni tshig kha bskang pa'i don du rnam grangs kyis mtshon to zhes pa ste/ gtso bo nyid brjod pa'o/ /'on kyang chu'i zla ba'i snang ba dang 'dra bar dga' ldan gyi gnas na bzhugs pa dang/ 'pho ba bstam pa dang/ mngal na gnas pa dang/ skye ba dang/ lha yis phyag byas pa dang/ sgyu rtsal bstan pa dang/ kha ba nas byung ba dang/ rang tu byung ba dang/ dka' ba spyod pa dang/ byang chub kyi snying por 'gro ba dang/ byang chub kyi shing gi rgyal por seng ge'i gdan la bzhugs nas bdud pha ma par byas pa'i dus te/ de dang 'dra ba nyid du 'gro bar byas pa de dag nyid kyis zhabs kyi drung du zhes pa'i don to/ /de bzhin du yang gsungs pa/ 'jig rten khams ni tha dad par/ gang de sems can gzhal yas pa skad cig gis ni rtogs min zhes/ /zhum pa'i sems su mi bya'o/ /zhes pa'o/ /rnam pa bcu gnyis pa ni stobs te/ de yang rnam pa bcu ste/ tshigs su bcad pa gnyis kyis gang gsungs pa ni/ kun tu myur ba'i zhes bya ba la sogs pa la/ kun tu zhes pa ni ji ltar byang chub sems dpa' gzhan du mi 'gro ba/ kun tu myur ba'i rdzu 'phrul gyi cig car du phyogs bcur 'gro ba de 'gro ba de dang 'dra ba nyid du shes pa'o/ /rdzu 'phrul zhes pa la rdzul 'phrul ni phun sum tshogs pa ste ji ltar 'dod pa'i rdzu 'phrul phun sum tshogs pa byed do zhes ba'i bar du'o/ /rdzu 'phrul ji ltar rtogs bya zhe na/ sems can so so'i yid dga' bar byed pa ni rdzu 'phrul zhes pa'o/ /de'i stobs ni don yod pa ste/ des na rdzu 'phrul gyi stobs so/ kun nas sgo zhes pa la/ ji ltar kun du sgo zhe na/ de'i gnas skabs cung zad dang/ de la dmigs pa yang med pa dang/ gang la byang chub sems bskyed pa med pa dang/ sems can thams cad la phan pa dang bde bar 'dod pa yang med par mi
- 303a
'gyur ba ste/ de yang 'phags pa spyod yul yongs su dag pa'i mdo las blta bar bya'o/ /theg pa'i stobs shes pa ni theg pa chen po'i stobs te/ 'dis 'dod bar byed pas na theg pa chen po ste/ theg pa yang de yin la chen po yang de yin pas na theg pa chen po'o/ /chen po ni sangs rgyas dang byang chub sems dpa' dag gi theg pa yin pas na theg pa chen po'o/ /rang bzhin cu zhe na/ sangs rgyas kyi byang chub thob par byed pa'i lam bsod nams dang ye shes kyi tshogs ston pa'i theg pa chen po ste/ pha rol tu phyin pa'i dbang du byas pa'i sa bcu ni theg pa chen po'o/ /de'i stobs ni mi mthun pa'i phyogs 'joms pa zhes bya ba'i bar du'o/ /kun tu yon tan zhes pa ni thog ma dang bar ma dang tha mar dag pa'o/ /spyod pa'i stobs shes pa ni bye brag ma bstan pa'i phyir spyod pa gnyi ga'i stobs kyis te/ byang chub sems dpa' i spyod pa'i stobs dang/ bzang po spyod pa'i smon lam gyis stobs kyang ngo/ /kun tu khyab ba zhes pa ni phyogs bcur 'gro ba'o/ /byams pa'i stobs ni sems can gyi khams thams cad bde ba'i bsam pa spro ba'o/ /bsod nams stobs shes pa la/ bsod nams ni dag par byed pas na bsod nams sam/ yang dang yang mchog thob pa la sbyor bar bsod nams so/ /de'i stobs ni byang chub sems bskyed pa bsgoms par 'gyur ro/ /ji skad du gsungs bas/ byang chub sems ni bskyed pa yi/ /bsod nams gal te gzugs 'gyur na/ /nam mkha' i khams kun gang ba dang/ /de bas kyang ni lhag par 'gyur zhes so/ /de bzhin theg pa chen po la yang dag par brtson pa zab pa rgya che ba'i dam pa'i chos 'dzin pa dang/ klogs pa dang 'don pa la mos pa dang/ tshigs su bcad pa gnyis kyi gzungs kyis yang dag par rdzogs pa'i byang chub tu yongs su bsngo bas kyang
- 303b
'gyur te/ nges na bsod nams kyi stobs ni kun nas dge ba ste zhes te/ sems can thams cad la phan pa dang/ bde ba'i bsam pa kho nas skye ba'i phyir ro/ /chags pa med pa zhes pa zhes dus gsum la ma bsgribs pa'i phyir ro/ /ye shes stobs shes pa ni shes bya thams cad ji lta ba'i ye shes yin pa'i phyir ro/ /shes rab stobs ni zhes pa ni don thams cad rtogs par 'gyur pa'i phyir ro/ /thabs kyi stobs zhes pa la thabs ni thabs te bsgrub pa'o/ /de'i stobs ni don yod pa'o/ /ting 'dzin stobs zhes pa la/ /ting 'dzin du byed pas na ting 'dzin te/ bsam gtan de'i stobs kyis 'gro ba thams cad kyi don byed pa dang/ mngon par shes pa la sogs pa'i yon tan dag thogs pa med par mngon du byed pa'i des na/ ting nge 'dzin gyi stobs so/ /byang chub stobs dang zhes pa la/ byang chub ni bla na med pa yang dag par rdzogs pa'i byang chub po/ /de'i don du stobs ni nus pa'o/ /de yongs su rdzogs par byed pa zhes pa ni de'i cho gas gnas par bya'o/ /rnam pa bcu gsum pa'i gnyen po'i stobs te/ de yang las dang nyon mongs pa dang bdud kyi stobs mi mthun pa yid rnam pa gsum ste/ gang gsungs pa/ las kyi stobs rnams yongs su rdzogs byed cing zhes ba la/ bye brag tu ma phyed pa'i phyir dge ba dang mi dge ba dang mi g.yo ba'i byed brag gis/ de yang rnam pa gsum mo/ /de la mi dge ba'i las ni nges par myong bar 'gyur la ji srid du ngan 'gro gsum gyi 'bras bu 'byin pa'i nus pa dang ldan pa'o/ /de yongs su dag par byed pa ni spong ba dang sdom par byed pa ste/ gnyen po la/ sogs pa'i stobs kyis so/ /ji skad gsungs pa/ las byas pa yid shin tu skrag pa yis/ /bdag la rnam smad pas ni chung 'gyur te/ de dag bshags dang bsdam par byas pa yis/ /shin tu rtsad nas 'byin pa dang smra'o zhes so/ /gnyen po'i stobs
- 304a
kyis kyang yongs su dag pa ni/ ji ltar bu mo byams mas zhing/ byad par can ngan pa byas pas bslang ba'i mi dag pa'i las/ mthong ba'i chos nyid la 'bras bu 'byin par byed pa yang cung zad tsam myong bar gyur pa dang/ bsam pa khyad par can skyed nas sems can gyi don du smon pa'i sems bskyod pa nyid kyis ma lus thams cad med par gyur to/ /zhes so/ /sems can gyi don du smon lam gyi sems ji lta bu zhig bskyed ce na/ gsungs pa/ 'gro pa 'di dag thams cad nyid na sems can gang cung zad rnam pa 'di ltar ma'i yul la bdag lta bu'i las byed par 'gyur ba de dag thams cad nyid kyis byas pas bdag yid kyi spyi bo la 'khor lo 'khor ba'i sdug bsngal kun nas bsdus pa rgyun mi 'chad par nyams su myong bar gyur cing 'khor ba'i sems can 'ba' zhig kyang 'di lta bu mi myong bar gyur cig ces pa'o/ /rten pa'i stobs kyang ji lta bar phag mo'i rtogs pa brjod pa las/ lha'i bu zhig 'chi ba'i dus byas nas phag mo'i mngal du skye ba myong bar 'gyur ba'i las kyi 'bras bu mngon du byed ba/ gsum la skyabs su 'gro ba tsam gyis thams cad rtsa ba nas btson nas// sum cu rtsa gsum pa'i lta dag gi nang nas shi 'phos te/ dga' ldan gyi lha dag gi nang du skye so/ /chos thams cad bdag med par yang dag par rtogS pas kyang shin tu rtsa nas 'byin te/ ji skad du las kyi sgrib pa rnam par dag pa'i mdo las kyang gsungs pa/ dge slong zhig la mi tshangs par spyod pa dang/ mi bsad pa'i pham pa gnyis byung ba las phyis 'gyod pa'i sems kyis gdungs nas /snying 'bar bar 'gyur te smyon pa lta bur lha khang nas lha khang dang/ grong nas grong dang/ yul 'khor la sogs par song nas skye bo mang po'i mdun du sdig pa bsal bar byed de/ ha ha brkus brkus zhes yang dang yang sdig pa bshags pa'i stobs
- 304b
kyis spong zhing ji srid de'i las de chung bar byed par gnas te/ de'i don kho nas yid gdungs par gyur pa dang/ de las gzhan mngon par shes pa dang ldan pa'i byang chub sems dpas/ de dang de bzhin du zab mo'i chos bstan pas/ gang gis de'i sdig pa rnam pa thams cad byang nas chos la bdag med par yang dag par rtogs te/ mi skye ba'i chos la bzod par gyur to zhes so/ /ltung ba'i 'gyod pa thams cad sel bar byed pa dang/ las kyi sgrib pa thams cad dag par byed pa yin pas/ zab mo'i chos 'di la mos ba dang ngad par bya'o/ /ji skad 'phags pa de bzhin gshegs pa'i mdzod las rgyas par gsungs te/ 'od srungs gang phar yang gyur la rang sangs rgyas kyang yin pa de'i srog bcad na 'di ni srog gcod pa'i nang na lci ba'o/ /ma byin par len pa'i nang na lci ba ni 'di lta ste/ dkon mchog gsum gyi dkar 'phrog pa'o/ /mi tshangs par spyod pa'i nang na lci ba 'di lta ste/ ma yang yin la dgra bcom ma yang yin pa de la spyod pa'o/ /brdzun du smra ba'i nang na lci ba ni 'di lta ste/ de bzhin gshegs pa la skur ba'o/ /phra ma'i nang na lci ba ni 'di lta ste/ de dag 'dun gyi dbyen no/ /tshig rtsub po'i nang na lci ba ni 'di lta ste/ 'phags pa la tshig ngan par smra ba'o/ /dag khyal pa rnams kyi nang na lce? po? ni 'di lta ste/ chos 'dod pa g.yeng bar byed pa'o/ /brnab sems kyi nang na lci ba ni 'di lta ste/ yang dag par zhugs pa'i rnyed pa la brnab sems so/ /gnod sems kyi nang na lci ba ni 'di lta ste/ mtshams med pa byed pa'i sems so/ /log par lta pa rnams kyi nang na lci ba ni 'di lta ste/ shin tu ma thug pa'i lta ba ste/ 'di ltar mi dge ba'i las kyi lam bcu pa thams cad kha na ma tho ba chen po dang bcas pa ste/ 'od srungs de la gal te sems can gcig brgya lam na 'di lta bu'i kha na ma tho ba chen po dang bcas pa
- 305a
dag gi mi dge ba'i las kyi lam bcu po dang ldan par gyur na/ de yang de bzhin gshegs pa'i rgyu rkyen dang yang dag par ldan pa'i chos bstan pas grol bar 'gyur te de la cung zad bdag gam sems can nam/ srong?/ / gam/ gang zag gam/ byed pa po 'am/ myong ba po ni 'ga' yang med do zhes yid la byas shing mngon par 'dus nas/ nyon mongs pa med pa sgyu ma lta bu'i chos nyid/ chos thams cad rang bzhin gyis gsal bar grol bar 'gyur pa'o/ / gdod ma nas rnam par dag pa'i chos thams cad la/ dad pa dang ldan pas mos ba'i sems can de/ ngan song du 'gro bar mi 'gyur ro zhes da smra'o/ /de ci'i phyir zhe na/ nyon mongs pa'i phung po la dngos po med pa ste/ nyon mongs pa thams cad skye ba dang 'jig pas so/ /rgyu rkyen tshogs pa'i sbyor ba las skyes btsam nyid na 'gag pa'o/ /sems gang skyes pa dang 'gags pa de nyid ni nyon mongs pa yang 'gags pa'o/ /gang de lta bur mos pa de ltung ba dang ltung ba ma yin pa cung zad kyi gnas ma yin no/ /gang gnas med pa go skabs med pa/ sgrib pa med pa'i gnas la ni ltung ba gnas pa yod pa ma yin no zhes so/ /de bzhin du byang chub tu sems bskyed pa 'di sngon du byas pa nyid kyis mi dge bas kun nas bslad ba'i ltung ba thams cad las shin tu 'don par 'gyur ba ste/ ji skad du 'phags pa u pa las zhus pa'i mdo las/ gal te byang chub sems dpa' de la snga dro'i dus su ltung ba byung bar 'gyur na/ gung gi dus su byang chub kyi sems med na mngon du bya'o/ /de ltar na byang chub sems dpa' de'i tshul khrims kyi phung po phyin ci ma log par rig par bya'o/ /de ltar gung gi dus su ltung ba byung bar gyur na ni phyi dro'i dus su byang chub kyi sems mngon du bya'o/ /de ltar na byang chub
- 305b
sems dpa' de'i tshul khrims kyi phung po phyin ci ma log par rig par bya'o zhes pa la sogs pa'o/ /ji skad du sdong po dkod pa'i mdo las kyang gsungs te/ rigs kyi bu byang chub kyi sems ni bskal pa chen po'i me lta bu ste/ nyes byas thams cad srag pa'o zhes bya ba la sogs pa'o/ /sum brgya pa las gsungs pa/ gang yang rab 'byor rigs kyi bu 'am rigs kyi bu mo rnam pa 'di lta bu'i tshul gyis mdo 'di len par byed pa dang/ 'dzin par 'gyur ba dang/ klog par 'gyur ba dang tshul bzhin du yid la byed pa de yongs su 'gyur ba dang/ shin tu yongs su yang 'gyur ro/ /de ci'i phyir zhe na/ gang sems can de dag gi skye ba snga par mi dge pa'i las byas pas ngan song du skye bar nges pa mthong ba'i chos nyid la myong bar 'gyur ba skye ba sngon ma'i mi dge ba'i las yongs su zad par 'gyur ro/ /zhes pa la sogs pas/ sdig pa'i las gang nges par myong bar 'gyur ba shin tu yongs su byang bar byed bar 'gyur ro zhes pa'o/ /kha cig 'di skad du smra ste/ tha ma 'bring gi sdig pa'i las su gyur pa ni bshags pa la sogs pa'i stobs kyis kyang rtsa ba nas 'gyur na/ lci ba'i las mtshams med pa thams cad kyi thams cad kyi thams cad du rtsa nas 'byin pa ji ltar 'gyur zhe na/ de la brjod bar bya ste/ ma skyes dgra la sogs pa mtshams med pa byas pa gang chung ngu dang 'bring dang chen po'i bsam pa'i dbye ba la sogs pas mnar med bar bskal par cung mchog pa 'am/ phyed du gnas par ji ltar 'gyur te/ de dag shin tu 'gyod pas sems gdungs pa'i shugs dang/ bshags pa la sogs pa'i stobs kyis de'i las bsrabs par gyur nas/ gang las de pho long 'phangs ba tsam gyi dus su las kyi 'bras bu myong ngo zhes so/ /ci de srid du de'i las de rtsa ba nas
- 306a
byung bar ma gyur tam/ zhing nyag ma gcig ma brngas pas zhing thams cad ma brngas par gyur pa ma yin no/ /yang ma nges pa'i las kyis phung po ji ltar zad par 'gyur zhe na/ sbrang bu'i rkang pa'i lhag na tsam gang gi phyir gnyan po'i phyogs kyi sems skyed pa las zhugs pas yongs su zad par 'gyur ba kho na'o/ /gang 'di skad du gsungs pa/ bskal pa bye ba brgya ru yang/ /las ni chud zod mi 'gyur te/ /tshogs pa'i dus su 'bras bu ni/ /lus can la ni smin par 'gyur/ /zhes pa la sogs pa de ji ltar ma nges she na/ smad pa la sogs pa kun tu spyad pa'i stobs kyis gsal ba dang chung bar ma byas pa de dag las 'di bstan par blta bar bya'o/ /de bzhin du yang gsungs pa/ mi mkhas sdig pa chung du byas kyang 'og tu 'gro/ mkhas pas chen por byas kyang nges na don med gnod pa spong/ /lcags kyi gong bu chung yang chu yi 'og tu 'bying/ /snod byas na ni chen po yid na sting? du lding zhes so/ /sdig pa'i las myong bar 'gyur bar ma ngas pa dus gsum gyi grangs las 'das pa de yang/ las kyi dbang gis phyogs kun tu dus gcig kho nas 'khor ba'i rgyun dan 'gror skyes pa'i sems can dag la phan pa dang bde ba'i chogs thob pa'i don du de dang grogs mthun par rigs dang kha dog dang dbyibs dang/ tshad dbye ba dbyer med pa'i rnam par smin pa'i 'bras bu nges par byed pa'o/ /dge ba'i las kyi srid pa'i 'bras bu 'byin pa'i nus pa dang ldan pas de yang yongs su sbyor ba'o/ /ji ltar zhes pa ni rnam par smin pa'i 'bras bu bsal nas byang chub nyid du smon lam gyi stobs kyis yongs su bsngo bar nges bar bya'o/ /gzugs dang gzugs med pa na spyod
- 306b
pa'i mi g.yo ba'i las kyang bsam gtan dang snyoms par 'jug pas bslang ba de'i stobs de nyis kyis de yang spangs nas/ las kyis dbang gis sems can gyi 'dod pa ji ltar 'dod pa bzhin du nges par sbyor ba ste/ 'di ni 'dir sbyang pa'o/ /nyon mongs stobs rnams rab tu 'joms byed cing zhes pa la/ lus dang sems kyi rgyud nyon mongs par byed pas na nyon mongs pa ste/ 'dod chags la sogs pa'o/ /de dag gi stobs ni mthu ste/ 'gro ba dag gang gi dbang du gyur pa'i dus nyid na/ bgrod pa dang bgrong pa yang ma yin pa dang/ phan pa dang mi phan pa dang/ yang ba dang lci ba la sogs pa thams cad mi shes pa ste/ de dge la sogs pa bsgom pa 'jig rten pa'i lam gyis 'joms pa ni zil gyis gnon pa'o/ /mdor bsdu na nyon mongs pa de nyid dbang du byas nas byang chub kyi yan lag tu bsgoms pa'o zhes pa'o/ /bdud kyi stobs rnams stobs med rab byed cing zhes pa la/ bdud ces pa ni lha'i bu la sogs pa'o/ /de dag gi stobs ni byang chub sems dpa' i spyod pa'i bar du gcod pa'i nus pa ste/ de yang ye shes kyis stobs kyis stobs med pa'i nus pa med pa dang/ mi gnas par bya ba'o/ /bzang po spyod pa'i stobs ni rdzogs par bgyi zhes pa la/ bzang bo spyod pa'i stobs gyis mi mthun pa'i phyogs zil gyis man nams? mngon par 'du bya ba med bar byed pa ste/ de thams cad ma lus par yongs su rdzogs par bya'o zhes pa'o/ /rdzu 'phrul la sogs pa'i stobs rnam pa bcu gong du bstan pa dang/ 'di nyid kyis yang de ma thag tu bstan pa'i gnyen po rnam pa gsum yang bstan nas/ da ni gang byang chub sems dpa' dag ni las rnam pa bcu bzhi rgyas par ston pa las/ las de yang rnam pa brgyad do/ /sangs rgyas kyi zhing yongs su
- 307a
dag pa la sogs pa'i tshigs su bcad pa gnyis kyis gang gsungs ba/ zhing rnams rgya mtsho zhes pa la sogs ba la/ sangs rgyas kyi zhing rgya mtsho dag bde ba can dang pad+ma can dang 'dra bar skad cig la yongs su dag bar bya ba'o de bzhin du 'khor ba'i brtson ra na nyon mongs pa'i lcags sgrog gi bcing bas bcings ba'i sems can rgya mtsho dag rdzu 'phrul dang kun brjod pa'i cho 'phrul gnyis kyis dang bar byas nas/ rjes su bstan pa'i cho 'phrul gyis skad cig la dag bar byed pa'o/ /chos rnams rgya mtsho zhes pa ni bstan pa'i chos rgya mtsho dang/ rtogs pa'i chos rgya mtsho ste/ shes rab kyi mig gis skad cig la mthong ba'i lta ba'o/ /shes bya mdza' yas ba'i phyir ye shes kyang mdza' las ba ste/ de'i phyir gsungs pa/ ye shes rgya mtsho zhes so/ /de skad cig la ye shes rgya mtsho rtogs pa ni yid kyis rtags par bya ba'o zhes pa'i bar du'o/ /spyod pa rgya mtsho zhes bya ba la/ byang chub sems dpa' i spyod pa rgya mtsho dang/ bzang po spyod pi spyod ba rgya mtsho ste/ bye brag tu ma byas pa'i phyir na gnyi ga yang nye bar bstan pa'o/ /de la byang chub kyi spyod pa ni sangs rgyas kyis chos 'phel bar byed pa ye shes kyi tshogs so/ /bzang po spyod pa yang 'gro ba thams cad la phan ba dang bde pa skyed pa bsod nams kyi tshogs so/ /'on kyang bzang po spyod pa yang byang chub kyi spyod pa nyid do/ /gnyi ga yang byang chub thob par byed pa'i phyir ro/ /'on kyang dngos dang brgyud pa'i bye brag nyid do/ /de spyod pa rgya mtsho ni mngon par shes pa'i stobs kyis skad cig la dag par byed pa ste/ dri ma med par byed pa'o/ /smon lam rgya mtsho ni skad cig gcig la tshul khrims dang/ ting nge 'dzin gyi stobs kyis yongs su rdzogs par byed pa'o/ /sangs rgyas rgya mtsho ni phyogs
- 307b
bcu na bzhugs pa'i sangs rgyas rgya mtsho? la mchod pa'i sprin? nam mkha' khyab pa dag gis skad cig la mchod par bya ba'o/ /bskal ba rgya mtsho'i spang pa ni mi skyo ba'i yid kyis bya ba'o/ /sangs rgyas dang byang chub sems dpa' i rjes su bslab par yongs su bsngo ba ni rnam pa bco lnga ba ste/ de yang rnam pa gnyis las/ de la de bzhin gshegs pa'i rjes su yongs su bsngo ba bslab par gang gsungs pa ni/ gang yang dus gsum gshegs pa rgyal ba yid zhes bya ba la/ gang yang dus gsum du bzhugs pa'i rgyal ba dag gi byang chub sems dpa' i spyod pa ni/ smon lam khyad par can de thams cad ma lus par bdag gis yongs su rdzogs par bgyi zhes pa ni/ yongs su rdzogs par bya ba'o/ /bzang po spyod ba zhes pa na/ bzang po spyod pa'o/ /byang chub sangs rgyas shes pa ni bla na med pa yang dag par rdzogs pa'i byang chub tu'o/ /lus dang ngag dang yid kyi spyod ba dang/ zhing rnam par dag pa'i smon lam rnam par dag ba dag/ 'phags pa byang chub sems dpa' kun tu bzang po'i rjes su bslab pa dang/ yongs su bsngo pa'i tshigs su bcad gsum gyis gsungs ba ni/ sras kyi thu bo zhes bya ba la sogs pa la/ gang kun tu bzang po'i spyod pa'i byang chub sems dpa' dag/ de bzhin du ji srid du byang chub sems dpa' i rnam par thar pa dang ji srid du ting nge 'dzin dang/ mdor bsdu na ji srid du byang chub sems dpa' i yon tan 'di dag ma lus pa de srid du thams cad nyid las byang chub sems dpa' 'phags pa kun tu bzang po mchog tu gyur pa des na thu bo zhes gsungs so/ /rgyal ba thams cad kyi sras kyi thu bo 'phags pa kun tu bzang po zhes byang chub sems dpa' de la mkhas pa zhes so/ /de nyid mkhas pa ste/ gang de dang mtshungs par spyad pa'i zhes ba ni mnyam du spyad pa'o/ /de ltar
- 308a
dge ba'i rtsa pa ji ltar bstan pa de skad cig la/ de yongs su bsngo zhes pa ni yongs su bsngo bar bya'o/ /lus dang ngag rnams dang ni sems kyi zhes bya ba ni/ lus dang ngag dang yid rnam par dag pa dang/ spyod pa rnam par dag pa dang zhing yongs su dag pa'o/ /gang dang 'dra bar zhe na/ gang gi ming ni zhes pa ste/ mi gang yongs su bsngo ba/ bzang po la mkhas pa zhes pa ste/ /'phags pa kun tu bzang po ni bzang po la mkhas pa'o/ /de 'drar zhes pa ni de dang mtshungs pa nyid du bdag gyur cig pa'o/ /mtshungs shes pa ni 'dra bar ro/ /des na zhes pa ni 'phags pa kun tu bzang po'o/ /bzang po spyod pa zhes te/ bzang po'i spyod pa'o/ /kun nas dge ba zhes pa ni thog ma dang bar ma dang tha mar ro/ /'jam dpal gyis smon lam zhes pa ni/ 'phags pa 'jam dpal gyi smon lam gyi spyod pa'o/ /de'i smon lam ji lta bu zhe na/ 'phags pa 'jam dpal chos kyis rgyal bor gyur pa na gsungs pa/ ji srid dang po'i mdza' nas ni/ /'khor ba'i mdza' ma spangs pa ru/ /de srid sems can phan pa nyid/ /bdag ni spyod pa spyod par shog /ces pa la sogs pa rgyas par gsungs pa'o/ /ma 'ongs bskal pa kun tu mi skyo bar/ /zhes pa ni ma 'ongs pa'i bskal ba ma lus pa thams cad du yang ma dub pa'i sems kyis bsam pas bya ba'o/ /de dag sangs rgyas dang byang chub sems dpa' i bya ba'i las yongs su rdzogs par bya ba ni phun sum tshogs par bya ba'o zhes pa'o/ /tshad med pa dang/ sbyor ba dang/ yon tan dang/ spyod pa dang/ gnas skabs kyi khyad par gyis bsdus pa rnam pa bcu drug pa gang gsungs pa ni spyod pa dag ni zhes bya ba la sogs pa la bdag gi spyod pa tshad yod par ma gyur ba dang
- 308b
yon tan tshad gzung du med par gyur pa dang/ spyod pa tshad med par gyur pa dang/ yon tan tshad med par gyur pa la gnas nas/ sangs rgyas dang byang chub sems dpa' de dag gi rnam par 'phrul pa rdzu 'phrul la sogs pa gang ngo mtshar ? gyur pa rnams thams cad kyi thams cad du 'tshal bar bgyi'o zhes so/ /'di ni de'i rab tu dbye ba rnam pa bcu drug ste don brgyad pa'o/ /da ni de'i mthar thug pa'i don dgu pa ste/ de ni kun tu bzang po'i smon lam gyi mthar thug pa ste/ nam mkha' i mthar thug pa zhes pa la sogs pa gang gsungs pa/ nam mkha' i mthar thug pa zhes bya ba la sogs pa la/ ji srid du nam mkha' i khams kyi mthar thug par gyur pa sems can gyi khams kyi mthar thug pa de srid dang/ las dang nyon mongs pa yang 'gro ba ji srid pa'i mthar thug pa de srid kyi bar du/ bdag gis kun tu bzang po'i spyod pa'i smon lam 'di yang gyur cig pa'o/ /nam mkha' mthar thug pa med pa dang yongs su rdzogs pa med pa de bzhin du /bdag gi smon lam yang mthar thug pa med pa dang/ yongs su rdzogs pa med par gyur cig ces pa'o/ /don bcu pa ni smon lam gyi phan yon no/ /de yang rnam pa gnyis te/ mthong ba'i chos dang/ pha rol gyi'o/ /de la mthong ba'i chos la bzhi ste/ 'di lta ste/ bsod nams khyad par can yongs su bzung ba dang/ de bzhin gshegs pa blta ba dang/ byang chub sems dpa' i grogs mthun pa rnyed pa dang/ las kyi sgrib pa thams cad yongs su zad pa'o/ /de la rab tu mang bar gyur pa rgya che ba rnam pa sna tshogs pa'i rjes su bzung ba'i dngos po zhing khyad par du 'phags pa'i gtam byang chub kyi don du gyur pa'i smon lam la/ mos pa'i mchog khyad par du 'phags pa'i bsod nams yongs su bsngo ba gang gsungs pa ni/
- 309a
gang yang phyogs bcu'i zhing rnams zhes bya ba la sogs pa la/ gang yang rigs kyi bu 'am rigs kyi bu mo gang gis phyogs bcu mdza' yas pa mthar thug pa'i sangs rgyas kyi zhing sna tshogs pa/ rin po che dang gos dang/ bla re dang/ gdugs dang/ rgyal mtshan dang/ ba dan dang/ rol mo dang/ rin po che'i dril bu dang/ phreng ba dang/ dri dang/ me tog dang/ mar me'i phred ba dag mi dang lha'i dag las shin tu 'das pa brgyan pa/ lha dang mi dag gi khyad par du 'phags pa'i bza' ba dang gtung ba la sogs pa ro lnga brgya dang ldan pa mchog tu bde ba skyed par byed pa/ sangs rgyas kyi zhing rdul dang mnyam pa'i bskal par sangs rgyas bcom ldan 'das dag la dbul par bya'o/ /gang yang gzhan 'di lta bu'i bsngo ba'i rgyal po 'di thos nas/ lan cig tsam yang mos pa ste/ mngon par yid ches pa nyid kyis 'di nyid nges par skyes nas gang byed pa'o/ /de gang zhe na/ byang chub mchog gi rjes su rab mos te/ zhes pa ni theg pa chen po la'o de yang sngon pas bzang ba'i bsod nams khyad par du 'phags pa 'di thob par 'gyur ba'o/ /'gyur ro zhes bya bar bstan pa ni de dag gi don drug pa'i rnam par dbye bar yongs su 'gyur pa ste/ de'i bsod nams kyi mchog khyad par du 'phags pa 'di lta bur 'gyur ba'o/ /sdig pa'i grogs po ngan pa spong pa dang/ de bzhin gshegs pa la lta ba gang gsungs pa/ grogs po ngan pa spangs pa yin zhes bya ba la sogs pa la/ grogs po ngan pa ni mi dge ba'i bshes gnyen te/ nyan thos la sogs pa'o/ /'chi ba'i dus na des par bcom ldan 'das snang ba mdza' yas de bzhin gshegs pa myur du mthong ba'o/ /gang gis ma thong zhe na/ gang 'di lta bu'i bzang po spyod? pa'i smon lam gyi
- 309b
snying por gyur pa'i gzhung dang don dag blo la gnas pa'o/ /skye ba 'di thob pa la bsngags pa'i grogs po byang chub sems dpa' dang/ gang phrad pa gsungs pa ni/ rnyed par brnyed ces bya ba la sogs pa la/ rnyed pa ni bla na med pa'i smon lam rin po che rnyad pa'o/ /rab tu rnyed pa ni nges bde bar 'tsho ba dang/ de dag smon lam rin po che nyid rnyed pa ste/ 'di nyid kyis yang skye ba na mchog tu gyur pa thob par bya ba'i dngos po thob pa'i phyir ro/ /legs par 'ongs pa? ni mi'i skye bar ro/ /gang 'phags pa kun tu bzang po'i spyod pa de ci 'dra bar de yang myur ba nyid du de bzhin du de dang 'dra bar gyur cig ces pa'o/ /las kyi sgrib pa yongs su zad pa'i phan yon bzhi pa gang gsungs pa ni mtshams med lnga po zhes bya ba la sogs pa la/ mtshams med pa lnga ni ma bsang pa la sogs pa ste/ gang mi shes pa'i dbang gis byas pa'o/ /mi shes pa rtsa bar gyur pa'i phyir na/ gzhan 'dod chags la sogs pa yang yang ma shes pa'i dbang gis zhes brjod do/ /de kun tu bzang po'i spyod pa'i smon lam ji skad du bshad pa 'di 'don pa la dad pa'i chu yis snying gang bar gyur pas/ 'don pa dang/ ston pa dang/ yid kyis mos pa dang/ klog pa dang/ 'dzin pa dang/ bsgom pa la skrag pa'i shugs kyis nyin mtshan du yi dam du byed na mtshams med pa yang myur du ma lus par yongs su zad pa ste/ rtsa nas 'byin pa'o/ /pha rol gyi ni rnam pa gnyis te/ pha rol gyi rgyu dang 'bras bu'o/ /de la ye shes dang mtshan dang dpe byang dang/ rigs kyi mi mthun pa'i phyogs kyis ma bcings par gyur pa'i mtshan nyid gang gsungs pa/ ye
- 310a
shes dang ni gzugs dang zhes bya ba la sogs pa la/ ye shes zhes pa ni ye shes kyi spyod pa rgya mtshos 'gro ba'i gzugs zhes pa ni/ gzugs yid du 'ong ba'o/ /mtshan zhes pa ni skyes bu chen po'i mtshan sum cu rtsa gnyis te/ spyi gtsug ltar mi mngon pa la sogs pa dag dang mtshan gyi 'khor dpe byad dag ste/ gzhan la med pa de dang ldan par gyur pa zhes go bar bya'o/ /rigs shes pa la rigs shes pa ni bram ze dang/ rje'u rigs dang/ gzhan pa'i rigs so/ /dus shes pa rtogs pa khyad par can mngon par shes pa la sogs pa'o/ /'gyur zhes pa ni 'gyur ba ste skye bar ro/ /ldan zhes pa ni yang dag par ldan par gyur pa'o/ /bdud dang mu stegs mang pos de mi thub ces pa ni mu stegs kyi tshogs dang bdud kyi tshogs kyis kyang mi thub pa ste/ zil gyis mi non zhing ngo/ /'jig rten gsum po thams cad kyis kyang mchod par 'gyur ba'o/ /gang kun tu bzang po'i spyod pa'i smon lam 'di 'dzin par byed pa dang/ klog par byed pa dang/ ston par byed pa'i 'bras bu yang dag par bsdus pa ni/ byang chub kyi snying por song nas seng ge'i gdan la 'dug ste/ bdud pham par byas nas mngon par byang chub ste/ chos kyi 'khor lo bskor ba la sogs pa'i mtshan nyid gang gsungs pa ni/ myur du 'gro zhes bya ba la sogs pa la/ gang kun tu bzang po'i spyod pa rin po che bla na med pa 'di'i? yang dag par sdud pa ni/ bsod nams dang ye shes kyi tshogs kyis myur du 'gro zhes pa ste/ byang chub kyi shing gi dbang po ni byang chub kyi shing gi rgyal po'o/ /song nas kyang skyil mo krung gis 'gro ba thams cad la phan pa dang bde ba'i don du
- 310b
seng ge'i gdan la bzhugs pa'o/ /bzhugs nas kyang bdud kyi dpung pham par byas nas/ de'i rjes su bla na med pa yang dag par rdzoD pa'i byang chub tu mngon par rdzoD par sangs rgyas nas/ bla na med pa'i chos kyi 'khor lo bskor ba ste/ ston par byed pa zhes bya ba'i bar du'o/ /yang mdor bsdus nas 'jig rten dang 'jig rten las 'das pa'i ma lus pa'i phun sum tshogs pa'i phan yon gang gsungs pa/ gang gis bzang po spyod ces bya ba la sogs pa'o/ /gang bzang bo skyod pa'i smon lam 'di 'dzin pa dang/ klog pa dang/ gang zhig ston pa de'i rnam par smin pa de sangs rgyas bcom ldan 'das rje brtsun gyis mkhyen gyi/ gzhan nyan thos dang yang sangs rgyas la sogs pas ni ma yin no/ /smon lam rin po che 'di'i rnam par smin pa ji lta bu zhig mkhyen ce na/ gsungs pa/ byang chub mchog ste bla na med pa yang dag par rdzogs pa'i byang chub kyi 'bras bu 'jig rten las 'das pa ma lus pa'i phun sum tshogs pa rtogs pa dang/ de nyid kyi phan yon 'di yang brjod pa go par bya ste/ de med na mi 'byung ba'i phyir 'di las 'jig rten gyi phun sum tshogs pa 'thob par 'gyur pa'o/ /de'i phyir smon lam gyi rgyal po 'di la yid gnyis bskyed par mi bya'o/ /de ni gang klog pa'i yongs su bsngo ba gsungs pa/ 'jam dpal ji ltar mkhyen cing zhes bya ba la sogs pa la/ 'phags pa 'jam dpal gyis ji ltar mkhyen pa dang/ byang chub sems dpa' chen po kun tu bzang po 'di yang de bzhin zhes pa'o// de dag gi rjes su bdag gis bslab par bya ba ni/ dge ba'i phung po 'di dag byang chub sems dpa' 'di ltar yongs su bsngo pa'o/ /da ni de bzhin gshegs pa'i yongs su bsngo ba gnyis pa ni/ dus gsum gshegs pa rgyal ba thams
- 311a
cad kyis zhes bya ba la sogs pa la/ dus gsum du bzhugs pa'i rgyal ba bcom ldan 'das dag gis gang yongs su bsngo ba bsngags shing bstod pa'i? mchog tu gyur pa bla na med pa nges so/ /des bdag gis shes pa ni bdag gis kyang yongs su bsngo bar bya ba ste/ bsod nams kyi phung po bsags pa 'di dag thams cad spyod pa bla na med pa bzang po'i spyod pas so/ /da ni tshigs su bcad pa phyed kyis ni sgrib pa spangs pa dang / gzhan phyed kyis ni pha rol tu phyin pa dang rjes su mthun pa'i bdag nyid du bsgom pa'i yongs su bzung ba gang gsungs pa ni/ dus byed ces bya ba la sogs pa la/ dus byed pa ni 'chi ba'o/ /de'i dus byed pa ni 'chi ba'i dus na'o/ /gang cung zad sgrib pa yod pa de dag bzang po'i spyod pas de thams cad ma lus bsal ba'o/ / mngon sum mthong zhes pa ni bcom ldan 'das snang ba mdza' yas mthong ba'o/ /der zhes pa ni bde ba can gyis sangs rgyas kyi zhing der ro/ /'gro'o zhes pa ni de ru 'gro ba zhes pa'o/ /de ltar bde ba can gyi sangs rgyas kyi zhing der song nas kyang rnam pa 'di lta? bu'i ji ltar bstan pa smon? lam gyi tshogs bdag gi mngon du gyur cig /sems can ma lus pa thams cad nyid la phan par bya ba'i phyir/ de dag thams cad bdag gis yongs su rdzogs par bya ba'o/ /dus ji srid du zhe na/ gsungs pa/ 'jig rten ji srid ces pa ste/ 'jig rten ji srid pa'i 'gro ba zhes pa'i don to/ /lung bstan pa yang dag par thob pa dang//
- 311b
sems can gyi don phun sum tshogs pa mchog tu bya ba ni/ rgyal ba'i dkyil 'khor zhes bya ba la sogs pa la/ der zhes pa ni de la'o/ /rgyal ba'i dkyil 'khor zhes pa ni/ de bzhin gshegs pa'i 'khor gyi dkyil 'khor te/ bzang zhes pa ni mdzes pa yid du 'ong zhing yid dang 'thad pa'o/ /pad+ma dam pa zhes pa ni pad+ma'i mchog ste / rin po che sna tshogs pas spras? pa'i rang bzhin mdzes pa yid du 'ong ba/ 'od gsal ba sna tshogs pa'i 'od zer mang? po 'khro ba'o/ /skye zhes pa ni 'byung bar 'gyur ba'o/ /lung bstan ces pa ni lung ston par byed pa ste/ 'dis lung ston pa'o/ /'di'i dus su 'jig rten gyi khams che ge mo zhig tu/ /de bzhin gshegs pa dgra bcom pa yang dag par rdzogs pa'i sangs rgyas/ ming 'di zhes bya bar 'gyur ro zhes rnam pa 'di lta bur lung bstan pa'o/ / de la bdag gis lung bstan pa thob pa ni/ bcom ldan 'das snang ba mdza' yas de'i mngon sum du/ dngos su'o/ /der ni zhes pa ni bcom ldan 'das snang ba mdza' yas las lung bstan pa thob nas/ de nas sprul pa bya? ba brgya'i sprul pa'i sbyin? du mas phyogs bcu thams cad khyab par byas nas/ 'gro ba sems can 'di dag la phan pa mang po grangs las 'das pa skad cig la bya'o/ /nye bar bsdu ba ni/ phyogs bcur byed pa dang/ 'khor ba stongs kyi bar du'o/ /blo yi stobs zhes pa ni ye shes kyi stobs te/ ye shes kyi che ba'i bdag nyid do/ /chags pa med par spyad par bya'o zhes bya ba'i bar du'o/ /smon lam rgyal po 'di yi 'grel pa byas pa
- 312a
yis/ /bsod nams bdag gis thong las 'gro ba'i don grub cing/ /yang nas yang du dge ba 'di ni byed pa dang/ /'di yi rgyu mthun sbyin par yongs su bsngo bar shog/ //'phags pa bzang po spyod pa'i 'grel pa/ slob dpon dbyig gnyen gyis mdzad pa rdzogs so// //rgya gar gyi mkhan po paN+Di ta a tsA rya a nan+ta dang/ lo ts+tsha ba dge slong b+ha dra pA las bsgyur ba'o/ mang+gA laM//