Text

ff. 1b–405a · 808 folio sides

  1. 1b

    rgya gar skad du/ shrI pa ra mA di nA ma ma hA yA na ka la ba rA dza/ bod skad du/ dpal mchog dang po zhes bya ba theg pa chen po'i rtog pa'i rgyal po/ bcom ldan 'das ma shes rab kyi pha rol tu phyin pa la phyag 'tshal lo/ / 'di skad bdag gis thos pa dus gcig na/

  2. 2a

    bcom ldan 'das de bzhin gshegs pa thams cad kyi rdo rje'i byin gyis rlabs dang / dam tshig dang / mkhyen pa'i bye brag rnam pa tha dad pa thams cad dang ldan pa/ de bzhin gshegs pa thams cad kyi rin po che thams cad kyi cod pan gyis khams gsum du dbang bskur ba brnyes pa/ de bzhin gshegs pa thams cad kyi thams cad mkhyen pa'i ye shes dang ldan pa/ rnal 'byor can chen po'i dbang

  3. 2b

    phyug/ de bzhin gshegs pa thams cad kyi phyag rgya thams cad kyi mnyam pa nyid thugs su chud pa sna tshogs kyi bya ba mdzad de/ sems can gyi khams ma lus shing lus pa med pa thams cad kyi re ba thams cad yongs su skong ba'i 'phrin las mdzad pa/ thugs rje che ba/ rnam par snang mdzad chen po rtag pa/ dus gsum gyi mnyam pa nyid la bzhugs pa/ sku dang / gsung dang / thugs thams cad rdo rje/ de bzhin gshegs pa thams cad bzhugs shing bsngags pa/ bstod pa/ nor bu chen po dang rin po ches smras pa/ kha dog sna tshogs pa'i dril bu btags pa/ dar gyi ba dan dang / me tog gi 'phreng ba dang / rnga ma dang / dra ba dang /

  4. 3a

    dra ba phyed pa dang / zla ba rlung gis bskyod pa rnams kyis nye bar mdzes par byas pa'i 'dod pa'i khams thams cad kyi gzhan 'phrul dbang byed kyi lha'i rgyal po'i gnas na/ byang chub sems dpa' bye ba phrag brgyad dang thabs cig tu bzhugs pa la 'di lta ste/ byang chub sems dpa' sems dpa' chen po lag na rdo rje dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po nam mkha'i snying po dang / byang chub sems dpa' sems dpa' chen po rdo rje khu tshur dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po sems bskyed ma thag tu chos kyi 'khor lo bskor ba dang / byang chub sems dpa' sems dpa' chen po nam mkha'i mdzod dang / byang chub sems dpa' sems dpa' chen po bdud kyi stobs thams cad rab tu 'jom

  5. 3b

    pa dang / de dag la sogs pa byang chub sems dpa' sems dpa' chen po bye ba phrag brgyad dang thabs cig ste/ yongs su bskor cing mdun gyis bltas nas chos ston te/ thog mar dge ba bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ chos thams cad kyi ngo bo nyid rnam par dag pa'i sgo zhes bya ba shes rab kyi pha rol tu phyin pa'i tshul 'di yang dag par ston te/ 'di ltar rab tu dga' ba rnam par dag pa'i gnas de ni/ 'di lta ste/ byang chub sems dpa'i gnas so// 'dod chags kyi mda' rnam par dag pa'i gnas de ni/ 'di lta ste/ byang chub sems dpa'i gnas so// reg pa rnam par dag pa'i gnas de ni/ 'di lta ste/ byang chub sems dpa'i gnas so// sdug pa'i 'ching ba rnam par dag pa'i gnas de ni/ 'di lta ste/ byang chub sems dpa'i gnas so// thams cad la dbang phyug dang dbang rnam par dag pa'i gnas de ni/ 'di lta ste/ byang chub sems dpa'i gnas so/ / lta ba rnam par dag pa'i gnas de ni/ 'di lta ste/ byang chub sems dpa'i gnas so// dga' ba rnam par dag pa'i gnas de ni/ 'di lta ste/ byang chub sems dpa'i gnas so/ / sred pa rnam par dag pa'i gnas de ni/ 'di lta ste/ byang chub sems dpa'i gnas so// bsnyems pa rnam par dag pa'i gnas de ni/ 'di lta ste/ byang chub

  6. 4a

    sems dpa'i gnas so/ / rgyan rnam par dag pa'i gnas de ni/ 'di lta ste/ byang chub sems dpa'i gnas so// yid tshim par byed pa rnam par dag pa'i gnas de ni// 'di lha ste/ byang chub sems dpa'i gnas so// snang ba rnam par dag pa'i gnas de ni/ 'di lta ste/ byang chub sems dpa'i gnas so// lus bde ba rnam par dag pa'i gnas de ni/ 'di lta ste/ byang chub sems dpa'i gnas so// gzugs rnam par dag pa'i gnas de ni/ 'di lta ste/ byang chub sems dpa'i gnas so// sgra rnam par dag pa'i gnas de ni/ 'di lta ste/ byang chub sems dpa'i gnas so/ / dri rnam par dag pa'i gnas de ni/ 'di lta ste/ byang chub sems dpa'i gnas so// ro rnam par dag pa'i gnas de ni/ 'di lta ste/ byang chub sems dpa'i gnas so// de ci'i phyir zhe na/ 'di ltar chos thams cad ni ngo bo nyid kyis rnam par dag pa ste/ chos thams cad ngo bo nyid kyis stong pa nyid pas shes rab kyi pha rol tu phyin pa yongs su dag pa'o// badz+ra hUM/ lag na/ rdo rje su la las chos thams cad kyi ngo bo nyid rnam par dag pa'i gnas sgrub pa shes rab kyi pha rol tu phyin pa'i tshul 'di lan cig thos na'ang / de byang chub kyi snying po'i bar du shes bya'i sgrib pa thams cad dang chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po bsags kyang sems can dmyal ba la sogs pa ngan song rnams su rnams kyang skye bar mi 'gyur ro//

  7. 4b

    sdig pa'ang byang ma thag tu sdug bsngal med par byang bar 'gyur ro// su zhig 'dzin pa 'am/ nyin re zhing klog pa dang / kha ton byed pa dang / tshul bzhin yid la byed pa de tshe 'di nyid la chos thams cad kyi mnyam pa nyid rdo rje'i ting nge 'dzin 'thob pas chos thams cad la dbang phyug tu 'gyur ro/ / chos thams cad la dga' ba dang / mgu ba dang / mchog tu dga' ba myong bar 'gyur ro// byang chub sems dpa' sems dpa' chen po'i tshe bcu drug gis de bzhin gshegs pa nyid dam/ rdo rje 'dzin pa nyid 'thob par 'gyur ro// de nas bcom ldan 'das lag na rdo rje de bzhin gshegs pa thams cad kyi theg pa chen po mngon par rtogs pa'i dkyil 'khor thams cad pa/ rdo rje dbyings mtha' dag gi sems dpa'i mchog/ khams gsum po mtha' dag na 'jig rten gsum po ma lus pa las rnam par rgyal ba/ sems can gyi khams ma lus shing lus pa med pa 'dul bar spyod pa/ don thams cad grub pa/ lag na rdo rje mtha' yas pa thams cad pa/ dam tshig chen po pa/ rdo rje gsang ba'i sems can chen po du mas g.yog byas pa de/ shes rab kyi pha rol tu phyin pa'i tshul gyi don 'di ston te/ bzhin rab tu 'dzum zhing lag pa g.yon pa rdo rje bsgyings te/ thog ma'i rdo rje chen po gsor nas rang gi snying khar gtod pa'i tshul gyis 'dzin cing bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so/ / hUM/ de nas 'di gsungs pa tsam gyis de bzhin gshegs

  8. 5a

    pa thams cad kyi rdo rje 'dzin pa dang bcas pa 'jig rten gyi khams thams cad kyi khams gsum thams cad nas rjes su mnyes par byas te bkug nas/ bcom ldan 'das rnam par snang mdzad kyi dkyil 'khor chen por bcug ste/ dam tshig gis bcings nas dbang du byas te dngos grub thams cad grub bo// de nas bcom ldan 'das rnam par snang mdzad kyis bde ba chen po'i snyam pa'i phyag rgya bcings nas de bzhin gshegs pa thams cad kyi gsang ba'i rdo rje zhes bya ba'i ting nge 'dzin la snyoms par zhugs pas bzhugs so/ / de nas phyag na rdo rje gsang ba chen po'i dam tshig 'byung ba dkyil 'khor byin gyis rlob pa'i ye shes rdo rje zhes bya bzhi ting nge 'dzin la snyoms par zhugs nas/ dam tshig chen po'i de kho na nyid rdo rje dbyings kyis byin gyis brlabs pa chen po zhes bya ba'i dkyil 'khor chen po 'di gsungs so/ / de nas yang dag bshad bya ba// dkyil 'khor chen po dam pa ste// de nyid dang po dam tshig che// rdo rje byin rlabs zhes bya'o// gru bzhir bgyi zhing sgo bzhi dang // khyams rnams kyis ni yongs bskor ba// rta babs bzhi dang yang dag ldan// 'od zer 'bar rab 'khrigs pa'i 'od// dkyil 'khor gyi ni grwa rnams dang // sgo khyud kyi ni mtshams rnams su// zla ba phyed la rab gnas pa'i// rin chen kun gyis nye bar mdzes// rtse mo sna tshogs pa dan ni// dril bu mchog btags rlung gis bskyod// me tog chun 'phyang mo long spras// phyi yi dkyil

  9. 5b

    'khor bri bar bya/ / de yi nang du 'khor lo ni// dkyil 'khor brgyad dang mnyam pa ru// rdo rje thig gis thig gdab pa// rdo rje 'khor lo zhes byar bshad// de yi dbus su cig rigs pa/ sangs rgyas sgyu ni gzhag bya ste// 'dzum bcas zla ba'i mdog can la// rdo rje bsnyems pa 'dzin pa'i mchog/ rdo rje 'phreng sogs kyis spras shing // sna tshogs 'bar ba 'khrigs pa'i 'od/ / pad+ma'i gdan la bzhugs par ni// lugs ma'am mngon par 'dus byas pa'o// rang gi snying po kun bzlas te// de tshe dkyil 'khor rtag par bya// rdo rje sems sogs sems dpa' rnams/ / snying po nyid kyis yang dag dgod// rdo rje shugs kyis brgal nas ni// dkyil 'khor thams cad yang dag bsdus// gzhag gam yang na bri bar bya// phyogs rnams kun tu ston pa'o/ / mdun du rdo rje sems dpa' ni// sangs rgyas kun gyi dbu rgyan can// rdo rje mtshon ni gsor bar brtson// dmar skya dag tu nges par dgod// sangs rgyas kyi ni g.yas logs su/ / rdo rje kI lI kA la ni// yan lag kun gyis yongs 'khyud pa// rdo rje can gzugs nyi ma'i 'od// rgyab tu rdo rje 'dod pa ni// chu srin gyi ni rgyal mtshan thogs// sngo skya'i mdog can ci rigs par/ / blo dang ldan pas gzhag par bya// g.yon du rdo rje bsnyems pa ni// bsnyems pa'i rdo rje gnyis kyis ni// rdo rje bsnyems pa gnyis 'dzin pa// btso ma'i gser dang 'dra ba

  10. 6a

    dgod/ / sangs rgyas kyi ni mtshams rnams su// me tog la sogs kyis mtshan cing // thal mo spyi bor legs 'jog pa'i// mchod pa chen po gzhag par bya// phyi yi dkyil 'khor mtshams rnams su/ / lha mo'i tshogs rnams dgod par bya// sgo yi dbus ni thams cad du// gzugs mtshan la sogs bsdus pa dgod// sangs rgyas dkyil 'khor can brgyad ni/ / rdo rje 'dzin sogs bri bar bya// rdo rje 'khor lo thams cad du// sangs rgyas rdo rje 'dzin gyis bskor// phyi yi dkyil 'khor gnas rnams su// 'dod pa'i dbang phyug bri bya ste/ / mdun du 'jig rten gsum rgyal lo// 'dod pa tshangs pa zhi byed mchog/ de nas dkyil 'khor chen po 'dir 'jug pa la sogs pa'i cho ga rgyas par 'byung ste/ de la dang po nyid du ji skad bshad pa'i cho ga 'dis zhugs pa'i slob dpon ni rdo rje chen po'i slob dpon dang / dkyil 'khor thams cad kyi slob dpon dang / dam tshig thams cad shes pa dang / chos thams cad rig pa dang / las thams cad sgrub pa dang / dngos grub thams cad grub pa dang / bcom ldan 'das rdo rje sems dpas byin gyis brlabs pa dang / dbang bskur ba thams cad thob pa dang / thams cad shes pa dang ldan pa dang / mchod pa thams cad dang / 'jig rten dang 'jig rten las 'das pa'i dkyil 'khor thams cad 'di'i dbang du 'gyur ba dang / 'grub par 'gyur ba dang / 'di'i

  11. 6b

    phyag rgya thams cad kyang rang nyid kyis bcings pas 'grub par 'gyur ro/ / dam tshig thams cad kyi lam la nyes pa dang bcas kyang nyams par mi 'gyur zhing byin gyis brlabs par rtog par 'gyur ro/ / ma brlabs par yang thams cad shes par 'gyur ro// mchod pa la sogs pa'i bya ba thams cad 'grub par 'gyur ro// mdor bsdus na tshe 'di nyid la dngos grub kyi mchog ji ltar mngon par 'dod pa de lta bur sangs rgyas nyid dam/ rdo rje 'dzin pa nyid 'thob par 'gyur ro// de ci'i phyir zhe na/ 'di ltar bcom ldan 'das rdo rje sems dpa' 'di'i snying la bzhugs shing don yod pa'i phyir bkug cing dam tshig gis bcings la dbang du byas te rjes su mnyes pas bdag nyid slob dpon du gyur nas 'jug cing bsgrubs na 'grub par 'gyur ro/ / de nas rdo rje'i phyag rgya bcings la dang po'i rdo rje'i lha bas bltas te/ snying po lan cig brjod nas/ dkyil 'khor chen po bsgrub par bya'o// de nas rdo rje rnam par sgeg pa'i phyag rgyas bzlas brjod lan cig byas la/ phyag byas nas gos dmar po gyon la me tog gi 'phreng ba thogs te gdong dris byugs pa dang / rdo rje thal mos rdo rje'i gar byed cing bskor bas snying khar me tog thogs te bdag nyid 'jug par bya'o// zhugs nas kyang rnam par sgeg pa dang / bskor bas gdud cing snying po'ang bzlas brjod bya'o// de nas bcom ldan 'das la rdo rje'i lta bas bltas te/ de bzhin du 'dug nas bcom ldan 'das

  12. 7a

    bsgrub par bya'o/ / de nas bcom ldan 'das rdo rje 'dzin pa bdag nyid dgyes pas mthong ba stsol bar 'gyur zhing smin ma bskyod la sku thams cad dam yan lag rnams bskyod cing kha dog dmar por 'gyur ro/ / 'od zer gyi rang bzhin gyi zhal lam sku thams cad ston par 'gyur ro// ro 'phrul dpag tu med pa'ang ston par 'gyur ro// de nas bcom ldan 'das bdag nyid mthong bstsol lam dngos grub mchog kyang stsol bar 'gyur ro/ / de nas brtsams te nyin re zhing dngos grub thams cad 'thob par 'gyur ro// gang du zhugs pa tsam nyid kyis mi tshugs pa mi song bar 'gyur ro/ / dngos grub thams cad dang / phun sum tshogs pa thams cad dang / ye shes thams cad dang / bya ba thams cad bcom ldan 'das phyag na rdo rjes sgrub par mdzad do// de nas de yang dag par mchod de rdo rje ming gis dbang bskur zhing dpa' bo'i rdo rjes bcom ldan 'das la mnos la/ snying po bzlas nas bcom ldan 'das mthong ba stsal nas rang nyid kyis stsol ces brjod la rang gis blang bar bya'o/ / de nas skad cig de nyid la dngos grub mchog yid la 'dod pa 'grub par 'gyur ro// yang na bdag nyid kyis zla ba drug gis yid la 'dod pa'i dngos grub mchog 'grub par 'gyur ro zhes bcom ldan 'das phyag na rdo rjes gsungs so/ / de nas ming gi dbang bskur ba la sogs pa'ang de bzhin no// de nas byin gyis brlab pa la sogs pa byas nas yang ji ltar 'dod pa'i cho gas bsgrubs la 'byung

  13. 7b

    bar bya zhing dkyil 'khor chen po'i gsang ba sgrub pa lan cig bya'o/ / de nas slob ma gzhug par bya ste/ de la dang por rdo rje slob dpon gyis dang po'i rab tu dga' ba'i rdo rje'i phyag rgya bcings la 'jug par bya'o/ / zhugs nas de bzhin du phyag byas la snying pos ji ltar mngon par 'dod pa'i tshig dang bcom ldan 'das bsgrub pas phyag rgya chen pos bsgrub par bya'o// de nas bcom ldan 'das bsgrubs pas mtshan ma de nyid 'byung ste/ shes nas phyag rgya chen po nyid 'grub par 'gyur ro// dngos grub thams cad kyang 'grub par 'gyur te/ zhugs pa 'dis ni rdo rje slob dpon bdag nyid de bzhin du 'grub par 'gyur ro/ / de nas de bzhin du rdo rje blang ba la sogs pa byas nas rdo rje slob ma la cho ga rgyas pa 'di bzhin du byas te phyag rgya bcing ba'ang bslab par bya'o// gang yang de bzhin gshegs pa thams cad la sogs pa'i dam tshig la mos pa de rnams la'ang rang gi lhag pa'i lha yi 'jug pa'i cho ga rgyas pa dang / / de bzhin du yid la 'dod pa'i dngos grub thams cad 'grub par 'gyur ro// de nas lha gzhan dag la dad pa rnams la de bzhin du 'jug pa'i cho ga rgyas par byas nas de bzhin du 'grub par 'gyur ro// de nas ji ltar zhugs pa rnams zas dang / ro bcud dang / gnas pa la sogs pa thams cad kyis yang dag par tshim par byas la/ ji ltar shes pa'i gar dang / glu dang / dgod pa dang / bu dang / bu mo dang / mdza' bshes dang / nye du dang / gnyen

  14. 8a

    mtshams dang bcas pas kyang mchod par bya'o/ / de la 'dir ni snod dang snod ma yin pa brtag par mi bya ste/ sems can gyi khams ma lus shing lus pa med pa rnams bde ba chen po rdo rje dam tshig 'di dang / 'dod pa'i bsams pa yongs su rdzogs par byed pa'i rdo rje'i sbyor bas rdo rje chos kyi mnyam pa nyid kyi phyag rgyas rgyas btab pa yin pa'i phyir ro// dkyil 'khor chen po'o// de nas cho ga 'byung ste/ zla ba nya nas brtsams nas phyag na rdo rje'i spyan sngar rab tu dga' ba'i rdo rje'i phyag rgya bcings la/ ji ltar skyo bar ma gyur par dang por byin gyis brlabs pa la sogs pa byas la rdo rje tshig gis brjod cing ji srid zla ba gcig gi bar de srid du bzlas brjod byas na sngon du bsnyen pa byas par 'gyur ro/ / de nas brtsams nas phyag na rdo rje'i bka' ji lta ba bzhin du dngos grub tham cad 'grub par 'gyur ro/ / de nas ras ris 'dri ba'am 'drir gzhug par 'dod na/ dang por rdo rje bri ba'i phyag rgyas bris la/ de'i 'og tu ni tso bder bya'o// dkyil 'khor thams cad du'ang de nyid kyis dang por brtsam par bya ste/ dbus su bcom ldan 'das cho ga ji lta ba bzhin du bri zhing dkyil 'khor chen po'i tshul gyis sems dpa' chen po brgyad bri bar bya'o// de nas zla ba nya nas brtsams te phyag rgya chen po bcings la/ de bzhin du sngon du bsnyen pa'i tshul lhar bzlas na zla ba nye ba'i mtshan mo thog thag ji lta ba bzhin du skyo bar ma gyur pas phyag rgya ma bkrol bar bzlas brjod bya'o// de nas

  15. 8b

    nang par bcom ldan 'das kyis zhal 'dzum zhing zla ba dang mnyam pa'i mdangs can mthong ba stsol cing sangs rgyas nyid dang / rdo rje 'dzin pa nyid la sogs pa'i dngos grub mchog rnams stsol bar 'gyur ro/ / cho ga gzhan yang bcom ldan 'das de bzhin gshegs pa byang chub sems dpa' chen po brgyad kyis yongs su bskor ba dang / phyogs thams cad du de bzhin gshegs pa rnams dang rdo rje 'chang ba thams cad bri bar bya'o/ / de nas de bzhin du bsgrubs pas sangs rgyas nyid la sogs pa dngos grub thams cad 'grub bo// ras la bcom ldan 'das phyag na rdo rje bsnyems pa dang bcas par bris la/ de'i spyan sngar dang po'i phyag rgya chen pos gnas nas bzlas brjod 'bum byas te/ 'bum rdzogs na phyag na rdo rje nyid thob par 'gyur ro// de bzhin gshegs pa dpa' bo gcig pa bris nas yang mthar 'tshang rgya bar 'gyur ro/ / de nas bklags pa tsam gyis 'grub pa'i las rnams dkyil 'khor du zhugs pa tsam gyis 'grub par 'gyur ba ni// 'di lta ste/ de bzhin gshegs pa thams cad rjes su mnyes par bya ba la ni 'dod chags la sogs pa bde ba thams cad phul bas so// rdo rje 'dzin pa chen po mnyes par bya ba la ni rdo rje sems dpa' dang 'khyud cing 'o byed pas so/ / byang chub sems dpa' thams cad rjes su mnyes par bya ba la ni dpag tu med pa'i bzlas pas so// rdo rje thams cad rjes su mnyes par bya ba ni rang gi snying po

  16. 9a

    bzlas pas so/ / gzhan srung ba lnga la sogs pa sems can thams cad rjes su chags par bya ba la ni thams cad du 'bum bzlas pas so// bdag srung ba la ni yungs kar la lan cig bzlas pas so/ / gzhan srung ba la ni rdo rje bskor bas so// thams cad srung ba la ni yid kyis lan cig go// mtshams dang / phyogs dang / dkyil 'khor thams cad bcing ba la ni lta ba'am yungs kar la sogs pas so/ / sems can thams cad rengs par bya ba la ni dbugs mi 'byin par bzlas pas so// sems can thams cad rmugs par bya ba la ni rdo rje 'tshor bas so// sems can thams cad rmongs par bya ba la ni mig btsum nas bzlas pas so/ / thams cad gsad pa la ni rdo rje dral bas so// sems can thams cad rgyas gdab pa la ni rdo rje mkha' 'gro ma'i phyag rgyas so// snying thams cad 'dren cing 'byin pa la ni yid kyis bzlas pas so// sems can thams cad za ba la ni ldang zhing myur bar zlog pas so// thams cad bsreg par bya ba la ni rdo rje 'jigs byed kyi phyag rgyas so/ / nor thams cad dgug pa la ni gser gyi bzlas pas so// nor dang 'bru thams cad dgug pa la ni rdo rje rnal 'byor ma'i phyag rgyas so// thams cad rjes su chags par bya ba la ni pi wang rdung ba dang bcas pa'i ka ka la'i glu len pas bzlas brjod bya'o/ / thams cad 'bigs pa dang rjes su chags par bya ba la ni rdo rje mda'i phyag rgyas so// thams cad chags par bya ba la ni phyogs thams

  17. 9b

    cad kyi de bzhin gshegs pa mnyes pas so/ / sdug pa'i 'ching ba brtan par bya ba la ni snying brtan pos nges par 'chir bas so// ma rungs pa rab tu sgrub pa la ni rdo rje spen pas so// rgyan thams cad dbrog pa la ni 'bar ba'i lta bas dbrog pas so/ / thams cad yid tshim pa la ni rdo rje khu tshur snying khar bzhag pas so// mun pa snang bar bya ba la ni rdo rje kha shar du bltas te bskor bas so// lus bde pabar bya ba la ni rang gi mtshan gyi bzlas pas so/ / gzugs thams cad snang bar bya ba la ni rdo rje gzugs kyi mchog gi phyag rgyas so// sgra thams cad thos par bya ba la ni rdo rje pi wang gis so// dri zhim po sna tshogs pa'i phyir ni sna'i dbugs 'byin pa'i glu yis so/ / zas dang / skom thams cad dang / bcud thams cad spo ba la ni rdo rjes spo bar bya'o// dbab pa thams cad la ni mnyam pa'i thal mo dang se gol dang / glu'i bzlas pas so// thams cad gar byed du gzhug pa la ni bdag nyid gar byed cing bzlas pas so// thams cad glu len du gzhug pa la ni lce bskyod cing bzlas so// thams cad sbyar gzhug pa la ni rdo rje mchu yis so// thams cad babs nas lan ston pa la ni rdo rje 'bebs pas so// gdon thams cad las thar par bya ba la ni rdo rje myu gu'i phyag rgyas so// gdon thams cad 'dzin du gzhug pa la ni tshogs kyi bdag po rab tu dga' ba'i khro bos bzlas pas so/ / rims thams cad 'dzin du gzhug pa la ni rdo rje'i rims kyi gdon gyis so// rims thams cad

  18. 10a

    bsal ba la ni rdo rje'i lhubs bsal bas so/ / dug thams cad sbar ba la ni rdo rje lta bu'i dug gis so// dug thams cad gzhig pa la ni rma bya'i chun pos so// dug thams cad bza' ba la ni rdo rje bdud rtsi'i phyag rgyas so/ / bdud la sogs pa ma rungs pa thams cad brlag pa la ni 'khrugs pas dpag tu med par bzlas pas so// mkha' 'gro ma'i gdon thams cad las grol bar bya ba la ni rdo rje chen po gsor ba'i phyag rgyas so/ / phyag rgya thams cad gzhig pa la ni rdo rje 'phen pas so// mkha' 'gro ma thams cad dgug pa dang / gzhug pa dang / gdul ba la ni rdo rje kha T+wAM ga'i phyag rgya 'dzin pas so/ / ma mo thams cad kyi dkyil 'khor dang / dam tshig dang / snying po dang / phyag rgya dang / gsang sngags dang / rig pa dang / gsang ba gzhig pa la ni rdo rje khro bo'i yi gI phaT kyis so/ / ma mo dang mkha' 'gro ma thams cad mngag gzhug par bya ba la ni ma mo'i gnas su khros pas bzlas brjod 'bum bya'o// bdud thams cad kyi stob gzhom pa la ni rdo rje drag po'i ha ha zhes bya ba'i gad rgyangs kyis so/ / gzhan gyi dpung thams cad gzhom pa la ni rdo rje la yongs su bzlas la 'phang ngo // 'thab pa thams cad las thar par bya ba la ni rdo rje rgyal mtshan gyi phyag rgyas so/ / thams cad bcing ba la ni gos la mdud pa bya'o// thams cad grol ba la ni yi ge mu yis so// ro langs dang 'khrul 'khor thams cad gzhig

  19. 10b

    pa la ni rdo rje 'jigs byed kyis so/ / lcags sgrog thams cad dgrol ba la ni rdo rje khab long gis so// me yang dag par bskyed pa la ni rdo rje me shel gyis so// chu med par chu yang dag par bskyed pa la ni rdo rje chu shel gyis so/ / nam mkha' las zas dang / skom dang / gos dang / rgyan thams cad la sogs pa yo byad mang po 'byung ba la ni nam mkha' la lba zhing bzlas brjod 'bum bya'o/ / nam mkha' la sangs rgyas kyi sku la sogs pa gzugs thams cad ston pa la ni sangs rgyas rjes su dran la nam mkhar lta zhing bzlas pas so// nam mkha' las yi ges 'das pa dang / ma 'ongs pa dang / da ltar byung ba'i lung bsgo ba bden par ston pa la ni yi ge a bris la bzlas brjod 'brum byas pas so// pra sa na thams cad las 'das pa dang / ma 'ongs pa dang / da ltar byung ba'i lung bsgo ba bden par ston pa la ni rdo rje pra se na thams cad dbab pas so/ / de bzhin du mig gis bden pa thams cad mthong ba la ni rang gi mig la bzlas pa 'bum byas pas so// rna bas thos par bya ba la ni rang gi rna ba la bzlas pa 'bum byas pas so/ / snas bsnam par bya ba la ni sna la bzlas pas so// lces rang nyid smra ba la ni lce la bzlas pas so// lus kyis reg par bya ba la ni lus la bzlas pas so/ / yid kyis shes par bya ba la ni yid la 'bum bzlas pas so// rmad du byung ba thams cad bstan pa la ni sangs rgyas kyi sku bsgrubs pas so// sgyu ma thams cad

  20. 11a

    bstan pa la ni rma bya'i sgo'i chun po la 'bum bzlas so/ / thams cad g.yogs par bya ba la ni zhi ba'i gnas su 'bum bzlas pas so// thams cad la lan ldon par bya ba la ni rdo rje hUM mdzad kyi rdo rjes so/ / rdzu 'phrul thams cad bstan pa la ni rdo rje rdzu 'phrul gyi phyag rgyas so// cho 'phrul thams cad bstan pa la ni rdo rje ting nge 'dzin gyi phyag rgyas so// rang gi lus la sog pa dngos po thams cad las sangs rgyas dang rdo rje sems dpa' la sogs pa rgyu ba dang mi rgyu ba'i dngos po thams cad bstan pa la ni rdo rje rdzu 'phrul rnam par 'phrul pas so/ / lha thams cad dbab pa la ni rdo rje bskor bas so/ / klu thams cad rjes su 'brang bar bya ba la ni klu'i rgyal po'i mtshar bzlas brjod bya'o// gnod sbyin thams cad mngag gzhug par bya ba la ni rdo rje bka' bsgo bas so// 'byung po thams cad gdul ba la ni lha chen po mnan nas khros pas bzlas brjod bya'o/ / ser ba thams cad bzlog pa la ni rdo rje srid srung gi phyag gi phyag rgyas so// glog 'bab pa thams cad bzlog pa la ni rdo rje khro gnyer can gyi phyag rgyas so/ / char 'bab pa la ni klu'i mtshor bzlas brjod bya'o// char gcad pa la ni dri ma med pa'i chu'i sbyin lugs bya'o// sprin bskyed pa la ni klu bris nas bdug pas bdug par bya'o/ / sprin bshig pa la ni rdo rje nam mkha'i spyan gyis so// chu med pa'i phyogs su shin tu bsil ba'i chu'i tshogs rtag tu 'byung ba la ni rdo rje klu'i phyag rgyas so// gter thams cad shes par bya

  21. 11b

    bal ni snong du chu blugs par bya'o/ / gter thams cad brko ba la ni rdo rje 'jor gyis so// gter thams cad rnyed pa la ni rdo rje nor gyis so// rgyal srid thams cad thob par bya ba la ni rdo rje dbang bskur ba'i phyag rgyas so/ / sa'i bdag por bya ba la ni rdo rje sems dpa'i dbang bskur ba'i phyag rgyas so// dkyil 'khor thams cad sgrub pa la ni rdo rje 'khor lo'i phyag rgyas so// phyag rgya thams cad sgrub pa la ni bde ba chen po'i dam tshig gi phyag rgyas so/ / dam tshig thams cad sgrub pa la ni rab tu dga' ba'i rdo rje'i phyag rgyas so// dngos grub thams cad sgrub pa la ni rdo rje bsnyems pa'i ljags kyu 'phyag rgyas so/ / ma grub pa thams cad grub par ston pa la ni rdo rje grub pa'i phyag rgyas so// rig pa 'dzin pa thams cad sgrub pa la ni rdo rje rig pa 'dzin pa'i phyag rgyas so// rdo rje thams cad sgrub pa la ni rdo rje thams cad kyi mchog gi phyag rgyas so/ / byang chub sems dpa' thams cad sgrub pa la ni thugs kyi rdo rjes so// rdo rje 'dzin pa nyid sgrub pa la ni rdo rje sems dpa'i phyag rgya chen pos so// sangs rgyas nyid sgrub pa la ni rdo rje ye shes kyi phyag rgyas so/ / bde ba chen po rdo rje don yod pa'i dam tshig thams cad kyi rtog pa'i rgyal po chen po las/ dam tshig chen po'i de kho na nyid rdo rje zhes bya ba rtog pa'i rgyal po chen po rdzogs so/ / / de nas bcom ldan 'das rnam par snang mdzad kyis yang de bzhin gshegs pa thams cad kyis zhi ba'i chos nyid mngon par rdzogs par byang chub par sgrub pa zhes bya

  22. 12a

    ba'i shes rab kyi pha rol tu phyin pa'i tshul gsungs te/ rdo rje sra ba nyid kyi phyir rdo rje mnyam pa nyid kyi mngon par rdzogs par byang chub pa ni byang chub chen po'o// don gcig pa nyid kyi phyir don gyi mnyam pa nyid mngon par rdzogs par byang chub pa ni byang chub chen po'o/ / ngo bo nyid rnam par dag pa nyid kyi phyir chos kyi mnyam pa nyid mngon par rdzogs par byang chub pa ni byang chub chen po'o// thams cad la rnam par mi rtog pa nyid kyi phyir thams cad mnyam pa nyid mngon par rdzogs par byang chub pa ni byang chub chen po'o/ / lag na rdo rje gang la la chos mngon par sgrub pa bzhi po 'di dag nyan pa dang / 'dzin pa dang / klog pa dang / sgom pa de sdig pa thams cad la spyod kyang byang chub kyi snying po la thug gi bar du ngan song tha mas cad las yang dag par 'das par 'gyur ro// de nas de skad ces bka' stsal nas bcom ldan 'das ye shes kyi khu tshur yongs su 'dzin pa'i don gyi gnas 'di nyid rgya cher ston cing bzhin 'dzum pa dang bcas te chos thams cad kyi mnyam pa nyid kyi snying po 'di gsungs so/ / aHde nas 'di gsungs pa tsam gyis de bzhin gshegs pa thams cad yang dag par 'dus par mdzad nas/ bcom ldan 'das kyi phyogs thams cad du rdo rje sems dpa'i dkyil 'khor chen po'i tshul gyis zhugs pa dang / sems dpa' chen po brgyad phyi'i dkyil 'khor du phyogs brgyad du bzhad pa chen pos bzhad cing bzhugs so// de nas bcom ldan 'das de bzhin gshegs pa rnam par snang mdzad de bzhin

  23. 12b

    gshegs pa thams cad kyi rdo rje'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi de kho na nyid rdo rje zhes bya ba'i dam tshig chen po'i dkyil 'khor chen po 'di gsungs so/ / rdo rje sems dpa'i dkyil 'khor chen po'i tshul du phyi'i dkyil 'khor bris la/ de'i dbus su thig gsum gyi 'khor lo bris nas/ bcom ldan 'das kyi thad kar sna tshogs pad+ma rab tu gnas pa'i de'i 'khor lo'i lte ba la bcom ldan 'das de bzhin gshegs pa rtag pa chen po sa la sogs pa las byas pa gzhag go/ / de'i phyogs thams cad dus la sogs pa las byas pa'i de bzhin gshegs pa brgyad gzhag gam bri bar bya'o/ / de nas tshon gyis thig le rnams kyi dkyil 'khor gyi 'khor lo la bzhugs pa'i de bzhin gshegs pa rnams rdo rje 'dzin pa dang bcas pa bri bar bya'o/ / phyi'i dkyil 'khor gyi phyogs bzhi dang / mtshams rnams su byang chub sems dpa' brgyad ji lta ba bzhin gzhag nas bum pa gang ba bzhi sgo rnams su dgod par bya'o/ / byang chub kyi mtshan ma rnams gzhag par bya ste/ shar nas brtsams te ne'u gsing sa dang bcas pa'i dum bu dang / ro drug gis yongs su gang zhing dbyig dang / gser dang / rin po che dang / gos la sogs pas yongs su bkang ba'i snod dang / 'jam zhing shin tu bde ba'i stan dang / sangs rgyas kyi sku gzugs dgod do// de nas de bzhin du gos gyon la de bzhin gces

  24. 13a

    pa thams cad kyi rdo rje'i phyag rgya bcings nas zhugs na/ bdag nyid slob dpon med par yang bcom ldan 'das de bzhin gshegs pa thams cad kyis byin gyis brlabs par 'gyur ro/ / de nas brtsams te de bzhin gshegs pa thams cad kyi rtog pa dang / dngos grub thams cad la mi tshugs pa dang / mi sod pa dang / sgrib pa thams cad dang bral ba 'thob par 'gyur ro/ / de nas slob ma'ang de bzhin du gzhug go// zhugs nas rdo rje rtse lnga pa byin la rdo rje ming gis dbang bskur ba'ang sbyin par bya'o// de nas dam tshig 'di dag bya bar bsgo bar bya'o// sems can kun la phan phyir dang / bstan pa thams cad srung ba'i phyir// rnam par mi rtog sbyor ba yis// ci bde bar ni thams cad kyis// zhes bya'o// de nas mtshan ma bzhi 'byor pa ji lta bas skal ba ji lta ba bzhin du sbyin par bya'o/ / dam tshig chen po'i dkyil 'khor ro// de nas sgrub pa ni ras la bcom ldan 'das rnam par snang mdzad 'bum pa dang bcas shing de bzhin gshegs pa thams cad kyi khu tshur gyi phyag rgya yongs su 'dzin par bya'o/ / gzhan thams cad ni dam tshig chen po'i dkyil 'khor gyi tshul du byon/ de nas de bzhin du sems dpa' mchog sgrub pa dang / dngos grub mchog rnams kyang de bzhin no/ / gzhan yang ras la bcom ldan 'das dpa' bo gcig pu bris te/ 'di'i mdun du rdo rje'i tshig gis bzlas brjod 'bum byas nas ye shes kyi khu tshur yongs su 'dzin pas mtshan/

  25. 13b

    mo thog thag bzlas na shes rab kyi pha rol tu phyin pa 'thob cing dngos grub thob pa'i byang chub sems dpar 'gyur la/ de nas de bzhin gshegs par 'gyur ro// de nas ma bsgrubs pas kyang dkyil 'khor du zhugs pa tsam nyid kyis las rnams 'grub par 'gyur te/ 'di lta ste/ de bzhin gshegs pa thams cad mchod pa la ni ji snyed pa'i de bzhin gshegs pa'i bde ba thams cad phul bas so/ / sangs rgyas dang byang chub sems dpa' thams cad mchod pa la ni bdag phul bas so// dkon mchog gsum mchod pa la ni me tog la sogs pa la bzlas pas so// sems can thams cad mchod pa la ni thams cad la byams pa'i bzlas pas so// chos thams cad bsdu ba la ni shes rab kyi pha rol tu phyin pa'i tshig bzhi po gdon pas so// bdud thams cad 'dul ba la ni brtan zhing nges pa'i bzlas pas so/ / de bzhin gshegs pa thams cad kyi dbang bskur ba thob pa la ni rgyan thams cad dbul zhing rang nyid bcings pas so// chos nyid thams cad thob pa la ni rdo rje pad+ma la lta bas so/ / de bzhin gshegs pa thams cad kyi de kho na nyid dngos grub thob pa la ni rdo rje las kyi mchog gis so// sangs rgyas nyid rab tu thob pa la ni rdo rje ye shes kyi khu tshur gyi de kho na nyid kyi phyag rgya chen pos so/ / bde ba chen po rdo rje don yod pa'i dam tshig gi rtog pa'i rgyal po chen po las/ de bzhin gshegs pa thams cad kyi de kho na nyid kyi rdo rje dam chog

  26. 14a

    ces bya ba'i rtog pa'i rgyal po rdzogs so/ / de nas ma rungs pa thams cad 'dul ba de bzhin gshegs pa shAkya thub pas kyang yang chos thams cad mnyam pa nyid kyis rnam par rgyal ba bsdu ba zhes bya ba shes rab kyi pha rol tu phyin pa sgrub pa 'di gsungs te/ 'dod chags kyi spros pa med pa nyid kyis zhe sdang gi spros pa med pa nyid do// zhe sdang gi spros pa med pa nyid kyis gti mug gi spros pa med pa nyid do/ / gti mug gi spros pa med pa nyid kyis chos thams cad kyi spros pa med pa nyid do// chos thams cad kyi spros pa med pa nyid kyis shes rab kyi pha rol tu phyin pa nyid du rig par bya'o/ / lag na rdo rje gang la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa des 'dul ba'i dbang gi phyir khams gsum du skyes pa'i sems can thams cad bsad kyang ngan song du skye bar mi 'gyur ro/ / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// de nas bcom ldan 'das lag na rdo rje chos nyid 'di'i don rgya cher ston cing / 'jig rten gsum las rnam par rgyal ba'i rdo rje zhes bya ba'i ting nge 'dzin gyi phyag rgya bcings la/ khro gnyer dang bcas shing smin ma bteg ste 'bar bar balha la pad+ma'i gdong khro zhing dgod de/ mche ba gtsags nas rkang pa g.yas pa bskum pa'i tshul du gnas pas gnas nas/ rdo rje hUM zhes bya ba'i snying po 'di gsu

  27. 14b

    / hUM/ de nas 'di gsungs pa tsam gyis 'jig rten gsum po thams cad kyi 'dod pa'i dbang phyug la sogs pa 'jig rten gsum gyi bdag po rnams yang dag par bkug ste lhung bar mdzad nas dkyil 'khor du bcug nas rnam par rgyal bar mdzad/ bcings te dbang du byas nas btul zhing rjes su btul te bslangs nas yang dam tshig gis bcings nas 'jig rten gsum gyi bdag po dbang phyug chen po chung ma dang bcas pa zhabs gnyis su phab nas mnan pa mdzad do/ / de nas de rnams kyis 'jig rten gsum po thams cad du sgra chen po bsgrags te/ kye rdo rje 'chang chen po yongs su skyob par mdzod cig/ bdag cag rnams ma gzir cig/ 'dir khyod la bdag cag skyabs su mchi'o// dam tshig dang bka' bsgo ba'ang bsgrub par bgyi'o// ma mo thams cad kyang btul zhing dam la btags nas dkyil 'khor yang rnam par bshig ste/ phyag rgya thams cad dang / dam tshig kyang dral zhing rnam par bshig pa dang / gdon thams cad kyang bzlog cing nad thams cad dang / rims thams cad dang / gnod pa dang / dug dang / ngan 'gro rnams dral cing rnam par bshigs pas sgra chen po sgrogs shing 'jigs pa chen pos 'jigs par byed pa'i tshig rnams kyis bcom ldan 'das nyid la skyabs su song ngo // bcom ldan 'das kyis kyang zhal rnam par bzhad pas de rnams dkyil 'khor du bcug ste/ dam tshig gis bcings nas rdo rje rin chen gyis dbang bskur nas rang gi mtshan ma rnams rdo rjes byin gyis brlabs te rdo rje ming

  28. 15a

    gis dbang bskur ba'ang rjes su stsal nas sems can ma lus pa'i don du phyi'i rdo rje'i rigs su rab tu gzhag go/ / de nas rdo rje khro bo'i rdo rje las phyag na rdo rje dang 'dra ba'i dngos po'i bdag nyid can kha dog dang / rgyan dang / mtshon cha rnam pa sna tshogs pa bsnams pa rnam par 'gyur ba'i rdo rje'i mche ba gtsigs pa/ tshems kyis sgros gnon pa/ smin ma mi bzad cing khro gnyer bskor baHspyan dang / dbu skra dang / ag tsom 'bar ba/ zhal 'jigs pa/ rdo rje lcags kyu dang / zhags pa dang / mtshon cha mda' dang / dbyig pa dang / ral gri dang / kha T+wAM ga dang / gri rings dang chu gri phyag na bsnams pa/ khro bo chen po hUM mdzad las phyung ste/ bcom ldan 'das phyag na rdo rje'i dang po'i dkyil 'khor gyi tshul gyis bzhugs so// lha la sogs pa de rnams kyang rang gi dkyil 'khor gyis byin gyis brlabs nas phyi'i dkyil 'khor du gzhag go/ gdon la sogs pa de dag kyang dkyil 'khor gyi phyi rol na gnas so// de nas bcom ldan 'das de bzhin gshegs pa thams cad thugs rje chen po'i thabs kyi khro bo'i rdo rje zhes bya ba'i ting nge 'dzin la snyoms par zhugs nas/ khams gsum po mtha' dag las rnam par rgyal ba rdo rje byin gyis brlabs pa zhes bya ba'i dkyil 'khor chen po 'di gsungs so/ / de nas yang dag bshad bya ba/ rdo rje'i dkyil 'khor dam pa ste// khams gsum rnam rgyal zhes bya ba// 'dul ba chen po 'dul byed pa'o// dkyil 'khor

  29. 15b

    dang po'i sbyor ba yis/ / phyi yi dkyil 'khor bri bar bya// de yi nang gi 'khor lo ni// dkyil 'khor brgyad pa dag dang mtshungs// de yi dbus su khro bo che// phyag na rdo rje gzhag par bya// sangs rgyas 'phreng la sogs pas spras/ / ut+pal sngon po'i mdog 'dra ba// zhal ni cung zad mche ba gtsigs// khros bcas bzhad pa'i zhal mnga' ba// g.yon brkyang ba yis legs bzhugs la/ rdo rje hUM mdzad bsdus pa'o// g.yon gyi zhabs kyis legs mnan pa// de yi bya ba dbang phyug che// g.yas ni dka' thub bzlog pa yi// nu ma'i steng du rab tu 'jog/ 'bar 'phreng 'khrigs pa'i 'od ldan pa/ / sa sogs bcas pa'i khams rnams kyi// khro bo kun tu gzhag par bya// 'bar 'phreng 'khrigs pa'i 'od ldan pa// 'khor lo de yang mkhas pa yis// 'bar 'phreng 'khrigs pa'i 'od can bri/ / phyi yi dkyil 'khor gnas rnams su// phyi yi dkyil 'khor tshogs rnams so// khro bo'i mtshan ma bzhi po ni// gzhu dang mda' dang ral gri dang // 'khor lo de bzhin rtse gsum sbreng / / sgo rnams kun tu bri bar bya// phyi rol gnas pa'i gdon rnams kyi// sna tshogs gtor mas bkang ba dang // ba dan sngon po dril btags shing // rtse mo kha dog sna tshogs pa'o/ / de nas 'dir 'jug pa la ni yan lag thams cad ras sngon po zung gis g.yogs shing khros pas rdo rje dam tshig gi phyag rgya dang bcas par 'dzin par gyur pas zhugs na/ bcom ldan

  30. 16a

    'das kyis rdo rje rigs kyi slob dpon du byin gyis rlob par mdzad do/ / de nas brtsams te sdig pa las rnam par grol zhing mi sod pa dang / mi tshugs pa dang / mu stegs thams cad la tshar gcod pa dang / phan 'dogs nus shing thams cad las rgyal ba dang / dngos grub thams cad 'grub par 'gyur ro// de nas slob ma de bzhin du bcug la snying po byin te dkyil 'khor thams cad du'ang bya'o/ / de nas rdo rje rnon po rtse bzhi pa 'bar ba byin la rdo rje ming gi dbang bskur bas dbang bskur nas/ rdo rje brtul zhugs sbyin par bya// 'di ni gdug pa 'dul byed pa'i// phyag na rdo rje rdo rje ste/ / ma rungs thams cad 'dul ba la// khyod kyis kyang ni rtag tu bcang // de nas de bzhin du bya'o// rdo rje'i dkyil 'khor ro// de nas sgrub pa nI ras la bcom ldan 'das khro ba'i dbang phyug byas la/ rdo rje'i dkyil 'khor gyi tsho gas kyang sems dpa' chen po thams cad bya'o// phyogs thams cad du ni lha la sogs pa dang ma mo rnams bri bar bya ste/ de nas sgrub pa chen po la'ang de bzhin te/ de bzhin du dngos grub mchog rnams la ni ras la bcom ldan 'das ji lta ba bzhin du byas nas/ de'i mdun du lag pa gnyis kyis phyag rgya bcings te bzlas brjod 'bum bya'o// de nas yi ge hUM tsam gyis 'jig rten dang 'jig rten las 'das pa'i las thams cad byed par 'gyur ro// ma bsgrubs par yang las thams cad dang / de bzhin du thams cad rjes su chags

  31. 16b

    par yang bya ba dang / dgug pa dang / gzhug pa dang / bcing ba dang / dgrol ba dang / dbang du bya ba dang / lkugs par bya ba dang / rengs par bya ba dang / rmongs par bya ba dang / gnyid med par bya ba dang / rgyas gdab pa dang / lhung ba dang / brdeg pa dang / gsad pa dang / gso bar bya ba la sogs pa'ang lan cig bzlas pas byed par 'gyur ro// thams cad gsad pa la ni rdo rje khro bo mthar byed kyis so/ / thams cad rgyas gdab pa la ni khro bo'i lta ba'i bzlas pas so// thams cad gzhig pa la ni rdo rje khros pas gzhig par bya'o// thams cad dnges par gnon pa la ni rdo rje dang khros pas phyogs der brdeg par bya'o/ / gdon thams cad dbug pa la ni rdo rje phra mo 'bigs byed kyis so// thams cad kyi snying 'byin pa la ni khros pa'i yid kyis dbyung bar bya'o// gdug pa thams cad tshar gcad pa la ni khros pas rdo rje bskor bar bya'o/ / gdug cing khros pa dag pa la ni khros pas lcags phye'i sbyin sreg gis so// bdud thams cad brlag pa la ni rang gi sa bon gyi sbyin sreg gis so/ / gnod sbyin thams cad bskrad pa la ni ha ha zhes dgod cing bzlas pas so// klu thams cad gdon pa la ni rdo rje sa la rdeb cing bzlas pas so// lha rnams lhung bar bya ba la ni lha mo rdo rje lhung byed kyis so/ / lha'i bdag po thams cad dbang du bya ba dang / 'dul ba dang / bsnun pa dang / gsod pa dang / dul bar bya ba la ni rdo rje srid pa gsum po gdul bar byed pas so// rnam thos sras

  32. 17a

    rjes su 'brang bar bya ba la ni rnam thos sras mnan nas khros pas bzlas brjod bya'o/ / lus ngan po mnan nas dpal dbrog pa la ni rdo rje skyes bus so// 'dod pa'i lha dbang du bya ba la ni 'dod pa'i lha'i mdun du khros pas bzlas brjod bya'o/ / tshangs pa lhung bar bya ba la ni rdo rje rab tu dga' ba'i phyag rgyas so// khyab 'jug gzhig pa la ni rdo rje 'khor lo dral bas so// dbang phyug chen po gdul ba la ni rdo rje tri shU la dral bas so/ / ma mo thams cad gsad pa la ni rdo rje khro bo'i tshogs kyi srin mos so// phyi'i dkyil 'khor thams cad kyi phyag rgya dang / dam tshig dang / chos dang / gsang ba'i dngos grub rnam par gtor zhing rnam par 'jig pa la ni rdo rje khro bo'i gdug pa'i dam tshig 'jigs par byed pas so// ri dang / shing dang / khyim dang / gtsug lag khang dang / grong khyer dang mchod rten dang / lha'i khang pa dang / skyes pa dang / bud med dang / glang po dang bcas pa'i rta la sogs pa thams cad gzhom pa la ni rdo rje khro bo'i lta bas mig la reg pas so// lhung ba thams cad bslang ba la ni rdo rje khro bo bsnang bas so/ / thams cad spong ba la ni rdo rje khros pa'i rnal 'byor mas so// thams cad dbrog pa la ni rdo rje khro bo'i khu tshur dang dbrog pas so// 'jigs pa thams cad bskye pab la ni rdo rje khro bo'i ltabs so/ / dpung thams cad gsad pa la ni rdo rje khro bo'i gnod sbyin mos so// gzhan gyi dpung thams cad gzhom pa dang / gnon pa dang / rmongs par bya ba dang / long bar bya

  33. 17b

    dang / rgyas gdab pa dang / gsad pa la ni rdo rje khro bo ma rungs pa'i srin mos so// rgyal po la sogs pa mi chen po thams cad gsad pa la ni dong ka'i shing la rang gi khrag gis sbyin sreg byas pas so// lha thams cad gzhig pa la ni thams cad kyi gzugs brnyan phur bus btab pas so// lha'i bdag po thams cad sreg pa la ni lha thams cad kyi gzugs brnyan gyi yam shing gis so// rang gi khrag gi rgyun 'bab pas sa thams cad nub par bya ba la ni rdo rje khro bo sa 'og gi phyag rgyas so/ / khams gsum thams cad gsad pa la ni rdo rje 'jig pa'i phyag rgyas so// 'jig rten gsum po thams cad las rnam par rgyal ba la ni 'jig rten gsum las rnam par rgyal ba'i mchog gi rdo rje'i khro bos so/ / khams gsum thams cad dbab pa dang / dgug pa dang / gzhug pa dang / dbang du bya ba dang / nges par gnon pa la ni rdo rje sems dpa'i khro bo'i phyag rgyas so/ / khams gsum po thams cad rjes su chags par bya ba dang / dgug pa dang / gzhug pa dang / bcing ba dang / rgyas gdab pa dang / dbang du bya ba dang / gnon par bya ba dang / sgrub pa la ni bde ba chen po'i rdo rje dam tshig gi khro bos so// bde ba chen po rdo rje don yod pa'i dam tshig gi rtog pa'i rgyal po chen po las/ khams gsum rnam par rgyal ba'i rdo rje zhes bya ba rtog pa'i rgyal po chen po rdzogs so/ / // de nas bcom ldan 'das de bzhin gshegs pa ngo bo nyid dag pa'i chos nyid thob pas yang chos thams

  34. 18a

    cad kyi mnyam pa nyid spyan ras gzigs dbang phyug gi ye shes kyi phyag rgya zhes bya ba shes rab kyi pha rol tu phyin pa'i tshul 'di gsungs te/ 'dod chags thams cad rnam par dag pa nyid kyis kyang 'jig rten na zhe sdang thams cad rnam par dag par 'gyur ro/ / dri ma thams cad rnam par dag pa nyid kyis 'jig rten na sdig pa thams cad rnam par dag par 'gyur ro// chos thams cad rnam par dag pas 'jig rten na sems can thams cad rnam par dag par 'gyur ro// shes pa thams cad rnam par dag pas 'jig rten na shes rab kyi pha rol tu phyin pa rnam par dag par 'gyur ro/ / lag na rdo rje gang la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa de 'dod chags dang dri ma thams cad kyi nang na 'dug kyang pad+mo lta bur 'dod chags kyi nyes pa rnams dang / dri ma rnams dang / glo bur gyi nyon mongs pa rnams kyis gos par mi 'gyur te/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / de nas byang chub sems dpa' sems dpa' chen po spyan ras gzigs dbang phyug don gyi gnas 'di nyid yang rgya chen por ston cing bzhin rab tu 'dzum dbul te/ pad+ma'i 'dab ma kha 'byed pas 'dod chags la sogs pa'i dri mas mi gos pa la lta zhing 'gro ba thams cad kyi phyir pad+ma'i gzugs sna tshogs zhes bya ba'i snying po 'di gsungs so// hrIHde nas

  35. 18b

    'di gsungs pa tsam gyis pad+ma chen po las de bzhin gshegs pa la sogs pa'i gzugs brnyan thams cad/ bcom ldan 'das dang 'dra ba'i pad+mas mtshan ma'i gzugs can nges pa byung nas/ bcom 'das spyan ras gzigs dbang phyug gi rim pa dang po'i dkyil 'khor gyi tshul du bzhugs par gyur to/ / de nas bcom ldan 'das spyan ras gzigs dbang phyug chos thams cad la gzigs pa'i ye shes kyi dbang phyug gi ye shes kyi phyag rgya zhes bya ba'i ting nge 'dzin la snyoms par zhugs nas/ 'gro ba thams cad 'dul ba zhes bya ba'i dkyil 'khor chen po 'di gsungs so// phyi'i dkyil 'khor ji lta ba'i nang du gnyis pa ni zur bzhi pa las de bzhin du sgo dang mtshamasu bcas pa bri'o// de nas dkyil 'khor brgyad pa'i tshul du thig bzhi thig btab pa la tshon dmar pos pad+ma 'dab ma brgyad pa bri bar bya'o/ / de'i dbus su bcom ldan 'das dgod par bya'o// de'i mdun du bcom ldan 'das pad+ma chen po chags pa sku mdog dmar po pad+ma'i gzugs 'dzin pa/ pad+ma chen po dang / mda' dang / gzhu bsnams pa/ g.yas su bcom ldan 'das pad+ma chen po'i gtum po dbang phyug dbang phyug chen po'i gzugs 'dzin pa gzhag par bya'o/ rgyab tu pad+ma chen po khyab 'jug gi gzugs 'dzin pa sku mdog nag po gzhag par bya'o// g.yon du pad+ma chen po mi mjed kyi bdag po tshangs pa'i gzugs 'dzin pa sku mdog dkar po gzhag par

  36. 19a

    bya'o/ / g.yas kyi mtshams su pad+ma chen pos 'dzin pa gzhag par bya'o// mtshams gnyis par pad+ma chen po rgyu mtsho chu lha'i gzugs 'dzin pa gzhag par bya'o// gsum par pad+ma chen po nyi ma'i gzugs can gzhag par bya'o/ / bzhi par pad+ma chen po rlung gi gzugs 'dzin pa gzhag par bya'o// phyi'i dkyil 'khor gyi mtshams rnams su/ shrI hI gI d+hI lha mo bzhi gzhag par bya ste/ thams cad kyang g.yas na rang gi mtshan ma 'dzin pa/ g.yon pa pad+ma 'dzin par bya ste/ sgo rnams su ni 'dod chags dang / zhe sdang dang / gti mug dang / mya ngan las 'das pa'i mtshan ma rnams gzhag par bya ste/ 'di lta ste/ bud med kyi gzugs dang / sbrul gyi gzugs dang / phag gi gzugs dang / pad+ma'i gzugs bya'o// de nas gos dkar po bgos te/ gos dkar pos gdong g.yogs la pad+ma chen po'i phyag rgya chen po me tog dang bcas par bcings te zhugs la me tog dor bar bya ste/ gang du babs pa de des bsgrub par bya'o// de nas pad+ma blangs la pad+ma'i ming gi dbang bskur bas dbang bskur la 'di skad ces brjod par bya zhing pad+ma'i 'dab ma la blta bar bya ste/ ji ltar pad+ma dmar po 'di// tshon gyi nyes pas mi gos te/ dam gyi nang na dag pa ltar// 'dod chags zhe sdang sogs de bzhin// de ltar chos rnams bsgoms na ni// blo ldan nyon mongs bcas gyur kyang // nyon mongs kun las rnam grol nas//

  37. 19b

    myur du sangs rgyas nyid 'thob 'gyur// zhes bya ba'i ting nge 'dzin 'di la gzigs pas de bzhin gshegs pa thams cad kyi dbang phyug nyid thob par 'gyur te/ de nas bcom ldan 'das spyan ras gzigs dbang phyug ces mtshan btags so/ / de nas brtsams te bdag nyid kyi dngos po thams cad shin tu yongs su dag pa dang / so shing dngos grub thams cad byang chub kyi snying po'i bar du rjes su myong bar 'gyur zhing myur du sangs rgyas nyid 'thob par 'gyur te/ slob ma gzhug pa'i cho ga rgyas pa'ang de bzhin no// ye shes kyi dkyil 'khor ro// sgrub pa la ni de zhin du ras kyi ri mo gnyis kyis dngos grub thams cad 'thob par 'gyur ro/ / de nas ma bsgrubs kyang thams cad rjes su chags par bya ba la ni pad+ma la lan stong bzlas te sbyin par bya'o// thams cad gsad pa la ni pad+ma chen po'i khro bo'i phyag rgyas so/ / thams cad rmongs par bya ba la ni pad+ma chen po phag gis so// nyon mongs pa thams cad rnam par dag par bya ba la ni pad+ma chen po rnam par gzigs pa'i ting nge 'dzin gyi phyag rgyas so/ / sa thams cad kyi bdag por bya ba la ni sa la skyil mo krung bcas pas bzlas brjod 'bum byas nas mthar mtshan mo thog thag bzlas brjod bya'o// chu thams cad dbab pa la ni klu bris nas de'i steng du 'dug nas bzlas brjod 'bum bya'o/ / thams cad snang bar bya ba la ni mun par nyi ma chen po'i 'od kyis so// rlung thams cad dgug pa dang / gzhug pa dang /

  38. 20a

    bcing ba dang / dbang du bya ba la ni pad+ma chen po rlung gi mchog gis so// bde ba chen po rdo rje don yod pa'i dam tshig gi rtog pa'i rgyal po chen po las/ nyon mong pa thams cad rnam par dag pa'i dam tshig ces bya ba'i rtog pa'i rgyal po chen po rdzogs so/ / // de nas bcom ldan 'das de bzhin gshegs pa khams gsum thams cad kyi dbang pos yang de bzhin gshegs pa thams cad kyis dbang bskur ba las byung ba ye shes kyi snying po zhes bya ba shes rab kyi pha rol tu phyin pa'i tshul 'di bshad de/ dbang bskur ba sbyin pa ni khams gsum thams cad kyi rgyal srid thob par 'gyur ro/ / nor sbyin pa ni re ba thams cad yongs su rdzogs par 'gyur ro// chos sbyin pa ni chos thams cad kyi mnyam pa nyid 'thob par 'gyur ro// zang zing sbyin pa ni lus dang ngag dang / sems kyi bde ba thams cad thob par 'gyur ro// de nas byang chub sems dpa' sems dpa' chen po nam mkha'i snying po bzhin rab tu 'dzum pa dang bcas te rang gi mgo la rdo rje rin po che sa dbang bskur ba'i 'phreng ba 'ching zhing don yod pa 'di nyid rgya cher ston te/ dbang bskur ba thams cad kyi dam tshig rin po che zhes bya ba'i snying po 'di smras so// traM/ de nas 'di gsungs pa tsam gyis bcom ldan 'das kyi rin po che de la thams cad dbang bskur ba la sogs pa yo byad dang gter thams cad byung ste/ bcom ldan 'das dang po'i dkyil 'khor gyi tshul gyis byang chub

  39. 20b

    sems dpa'i gzugs nyid kyis zhugs so/ / de nas bcom ldan 'das nam mkha'i snying po dbang bskur ba thams cad kyi rin po che rdo rje zhes bya ba'i ting nge 'dzin la snyoms par zhugs nas/ bsam pa thams cad yongs su rdzogs par byed pa nor bu rin po che'i dam tshig ces bya ba'i dkyil 'khor 'di gsungs so// phyi'i dkyil 'khor ni dang po'i dkyil 'khor gyi tshul du byas pa'i nang du rin po che zur brgyad pa/ rin po che'i ka ba brgyad la gnas pa/ dkyil 'khor brgyad pa'i tshul las rin po che'i lcug mas yongs su bskor ba/ rdo rje rin po che'i ra ba cog dang me tog gi 'phreng ba dang / ba dan dang / gdugs dang / rnga yab kyis nye bar mdzes par bya'o// de'i dbus su bcom ldan 'das rnga'i khri la bzhugs pa dbang bskur ba'i 'phreng ba rang nyid 'ching bar mdzad cing / zhal rnam par bzhad cing margad kyi mdog can gzhag par bya'o// de'i mdun du byang chub sems dpa' de bzhin gshegs pa thams cad kyi dbang bskur ba'i rin po che zhes bya ba'i rdo rje rin po che'i cod pan 'dzin pa gzhag par bya'o/ / g.yas su rin po che chen po'i nor sbyin pa dbyig gi gter 'dzin pa gzhag par bya'o// rgyab tu chos chen po'i rin po che'i glegs bam 'dzin pa gzhag par bya'o/ / g.yon du rin po che chen po ro myang ba zas dang skom thams cad 'dzin pa gzhag par bya'o// mtshams rnams su mchod pa'i lha mo rnams rin po rnaH

  40. 21a

    gdugs dang / rgyal mtshan dang / rnga dang / srog shing rnams 'dzin pa gzhag par bya'o// phyi rol gyi mtshams su bum pa gang ba rnams so// sgo rnams su dbang bskur ba la sogs pa'i mtshan ma rnams gzhag par bya'o/ / phyi rol tu ni gdugs dang / rgyal mtshan dang / ba dan dang / bla re rnams kyis kun tu khyab par bya'o// de nas de bzhin du rdo rje rin chen gyi phyag rgya 'dzin pas zhugs nas/ de nas brtsams te nor thams cad 'grub pa la sogs pa'i dngos grub thams cad 'thob par 'gyur ro// de nas zhugs nas kyang dbang bskur ba'i 'phreng ba bcings te rin po che blangs nas rin po che'i ming gi dbang bskur bas dbang bskur la sbyin pa thams cad phul nas slar dbyung bar bya'o/ / slob ma gzhug pa'i cho ga rgyas pa'ang de bzhin no// rdo rje rin po che'i dkyil 'khor ro/ / sgrub pa dang dngos grub rnams kyang de bzhin no// de nas ma bsgrubs par dbang bskur ba thams cad 'thob pa la ni rdo rje rin po che'i dbang bskur ba'i 'phreng bas so/ / bsam pa thams cad yongs su rdzogs pa la ni nyin re zhing nyi ma 'char kar bzlas brjod dpag tu med pa byas pas so// chos thams cad kyi don shes pa la ni dri ma med pa'i nam mkha' la blta zhing bzlas brjod bya'o/ / zas dang skom thams cad la sogs pa dang / ro thams cad thob par bya ba la ni nam mkha' las yid la 'dod pa bzhin du nyin re zhing bcom ldan 'das

  41. 21b

    kyi bzlas brjod stong byas pas so/ / shin tu mthon po thob par bya ba la ni gdugs bzung nas bzlas brjod 'bum bya'o// rnam par rgyal ba chen po thob pa la ni rin chen rgyal mtshan mchog gis so/ / grags pa dang snyan pa chen po mchog dang ming thob par bya ba la ni nyin re zhing kha thams cad du bltas nas bzlas pa bya'o// bdag po chen po thob pa la ni rin po che'i srog shing gi phyag rgyas so/ / bde ba chen po rdo rje don yod pa'i dam tshig gi rtog pa'i rgyal po chen po las/ dbang bskur ba thams cad kyi rin po che'i dam tshig ces bya ba'i rtog pa'i rgyal po chen po rdzogs so/ / de nas bcom ldan 'das de bzhin gshegs pa thams cad kyi phyag rgya thob pa/ de bzhin gshegs pa thams cad kyi khu tshur 'dzin pa/ de bzhin gshegs pa rtag pas yang de bzhin gshegs pa thams cad kyi ye shes kyi phyag rgya'i byin gyis brlabs pa rdo rje zhes bya ba shes rab kyi pha rol tu phyin pa'i tshul 'di bshad de/ de bzhin gshegs pa thams cad kyi sku'i phyag rgya yongs su 'dzin pa ni de bzhin gshegs pa thams cad nyid du 'gyur ro/ / de bzhin gshegs pa thams cad kyi gsung gi phyag rgya yongs su 'dzin pa ni chos thams cad thob par 'gyur ro/ / de bzhin gshegs pa thams cad kyi thugs kyi phyag rgya yongs su 'dzin pa ni ting nge 'dzin thams cad thob par 'gyur ro// de bzhin gshegs pa thams cad kyi rdo rje'i

  42. 22a

    phyag rgya yongs su 'dzin pa ni lus dang / ngag dang / sems thams cad rdo rjer rdo rje'i dngos grub dam pa thob par 'gyur ro// su la la shes rab kyi pha rol tu phyin ba'i tshul 'di nyan pa dang / 'chang ba dang / klog pa dang / lung 'bog pa dang / sgom pa des dngos grub thams cad dang / phun sum tshogs pa thams cad dang / shes pa thams cad dang / dgos pa thams cad dang / lus dang / ngag dang / sems thams cad rdo rjer rdo rje'i dngos grub dam pa thob nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de nas byang chub sems dpa' sems dpa' chen po rdo rje khu tshur dam tshig chen po'i rdo rje'i phyag rgya yongs su 'dzin pas don gyi gnas 'di rgya cher ston te/ bzhin rab tu 'dzum zhing rdo rje sra zhing rdo rje sra ba'i phyag rgya thams cad kyi dngos grub kyi dam tshig ces bya ba'i snying po 'di gsungs so/ / a/ de nas 'di gsung ba tsam gyis de bzhin gshegs pa thams cad la sogs p a sems can thams cad bcom ldan 'das rdo rje sems dpa' phyag rgya thams cad kyis rdo rje sems dpa' nyid du de bzhin gshegs pa thams cad la sogs pa dngos grub mchog gi rgyus rgyas gdab bo/ bcom ldan 'das rdo rje khu tshur gyis yang sku dang / gsung dang / thugs rdo rje thams cad las phyag rgya chen po la sogs pa phyag rgya thams cad kyi dam tshig sems dpa' phyung nas kyang

  43. 22b

    dang po'i dkyil 'khor gyi tshul gyis bzhugs par gyur te/ de nas bcom ldan 'das byang chub sems dpa' rdo rje khu tshur de bzhin gshegs pa thams cad kyi ye shes kyi phyag rgya'i rdo rje zhes bya ba ti nge 'dzin la snyoms par zhugs nas/ phyag rgya thams cad kyi rdo rje dam tshig ces bya ba'i dkyil 'khor chen po 'di gsungs so// phyi'i dkyil 'khor dang po'i sbyor bas bris la nang du rdo rje'i thig gis 'khor lo bri'o/ / de bzhin du de'i dbus su dkyil 'khor brgyad par thig btab la/ dbus su bcom ldan 'das rdo rje khu tshur phyag gnyis dam tshig gi phyag rgya bcings pa zhal rnam par bzhad pa gzhag go/ / de'i mdun du rdo rje sku'i mchog ces bya ba rdo rje bsnyems par 'dzin pa'o// g.yas su rdo rje ljags zhes bya ba rdo rje lce'i mchog 'dzin pa'o// rgyab tu ting nge 'dzin rdo rje zhes bya ba rdo rje 'dzin pa'o/ / g.yon du rdo rje rdo rje zhes bya ba bsnyems par 'dzin pa'o// shar lho'i mtshams su phyag rgya'i khu tshur zhes bya ba dang / gnyis pa la ni nor gyi khu tshur zhes bya ba dang / gsum pa la ni chos kyi khu tshur zhes bya ba dang / bzhi pa la ni las kyi khu tshur zhes bya ba dang / rang gi phyag rgya dang phyag mtshan yang 'dzin par bya'o// sgo rnams su ni rdo rje bsnyems ma la sogs pa'i phyag rgya'i lha mo rnams bri bar bya'o/ / de nas dam tshig gi phyag rgya yongs su bzung la rang nyid zhugs nas phyag rgya thams cad kyi slob dpon du 'gyur ro// de nas brtsams te dngos grub thams cad

  44. 23a

    don yod par 'thob par 'gyur ro/ / phyag rgya thams cad kyi ye shes kyi dbang phyug tu bla na med pa yang dag par rdzogs pa'i byang chub tu myur bar mngon par rdzogs par 'tshang rgya bar 'gyur ro/ / der zhugs nas phyag rgya bcing ba bcom ldan 'das la bslab par bya zhing rdo rje ming gi dbang bskur bas bskur la 'di skad brjod par bya'o// sku gsung thugs kyi rdo rje yi/ gzugs brnyan lta bur sbyor ba yis// phyag rgya kun zhes bya bar bsgrags// dam tshig dngos grub kun ster ba'o// slob ma gzhug pa'ang de bzhin no// phyag rgya thams cad kyi dkyil 'khor ro/ / sgrub pa dang dngos grub rnams kyang de bzhin no// de nas ma bsgrubs pa'i las rnams kyang de bzhin no// phyag rgya thams cad bcing ba sgrub pa la ni snying khar rdo rje'i khu tshur gyis so/ / phyag rgya thams cad sgrub pa la ni rdo rje chen po'i khu tshur gyis so// dam tshig thams cad sgrub pa la ni rdo rje 'dod pa'i khu tshur gyis so// sems can rjes su chags par bya ba la ni chags pa chen po'i khu tshur gyis so/ / thams cad dbang du bya ba la ni rdo rje bzhad pa'i khu tshur gyis so// thams cad bcing ba la ni rdo rje bsdams pa'i khu tshur gyis so// thams cad bsdam par bya ba la ni rdo rje lu gu rgyud kyi khu tshur gyis so/ / thams cad lkugs par bya ba la ni rdo rje zhal zhal gyi khu tshur gyis so// thams cad btsir ba la ni rdo rje bsdam pa'i khu tshur gyis so// thams

  45. 23b

    cad gsang pa la ni rdo rje khro bo'i khu tshur gyis so/ / thams cad bza' ba la ni rdo rje gnod sbyin gyi khu tshur gyis so// thams cad gzhig pa la ni rdo rje nges par 'tsher ba'i khu tshur gyis so// thams cad dral ba la ni rdo rje dral ba'i khu tshur gyis so// thams cad dbab pa la ni rdo rje 'bebs pa'i khu tshur gyis so// thams cad gar byed du gzhug pa la ni rdo rje gar gyi khu tshur gyis so// thams cad smrar gzhug pa la ni rdo rje brdung ba'i khu tshur gyis so// thams cad rengs par bya ba la ni rdo rje dmigs pa'i khu tshur gyis so// gzhan gyi dpung thams cad lkugs pa dang / 'phye bar bya ba la ni rdo rje chen po'i phye ba'i khu tshur gyis so/ / phyag rgya thams cad dgrol ba la ni rdo rje thar pa'i khu tshur gyis so// rdo rje mkha' 'gro ma thams cad kyi phyag rgya gzhig pa la ni rdo rje hUM mdzad kyi rdo rje khu tshur gyis so/ / gdug pa thams cad kyi phyag rgya dbye ba la ni hUM mdzad kyi rdo rje khu tshur gyis so// phyag rgya thams cad bcings pa la ni rdo rje khu tshur gyis so// phyag rgya thams cad rdo rjer bya ba la ni rdo rje khu tshur gyis so/ / thams cad rgyas gdab pa la ni rdo rje ma mo'i khu tshur gyis so// thams cad phye mar bya ba la ni rdo rje bzang po'i khu tshur gyis so// thams cad rnam par gzhig pa la ni rdo rje gdug pa'i khu tshur gyis so/ / thams cad gzhig pa dang rnam par gzhom pa la ni dbang po'i rdo rje khu tshur gyis so// chu'i nang du gnas shing chags pa la ni rdo rje gnon po khu tshur

  46. 24a

    gyis so/ / gzugs mang por ston pa la ni rdo rje sna tshogs pa rdo rje'i khu tshur gyis so// mi snang ba'i dngos grub la ni mi snang ba'i rdo rje khu tshur gyis so// rgyu ba dang mi rgyu ba'i dngos po rnams 'byung ba la ni rdo rje nam mkha'i khu tshur gyis so/ / nam mkha' la 'gro ba'i dngos grub la ni rdo rje bsdams pa'i khu tshur gyis so// rig pa 'dzin pa'i dngos grub la ni rdo rje ral gri'i khu tshur gyis so/ / de bzhin gshegs pa thams cad mchod pa'i dngos grub la ni rdo rje las kyi khu tshur gyis so// thams cad mkhyen pa grub pa la ni rdo rje ye shes kyi khu tshur gyis so// nor thams cad kyi dngos grub la ni rdo rje nor gyi khu tshur gyis so// phyag rgya thams cad kyi bdag po nyid la ni rdo rje phyag rgya'i khu tshur gyis so// las thams cad kyi dngos grub la ni rdo rje thams cad kyi khu tshur gyis so/ / dkyil 'khor thams cad grub pa la ni rdo rje 'dzin pa'i khu tshur gyis so// rang nyid 'das pa dang / ma 'ongs pa dang / da ltar gyi dngos grub rnams ston pa la ni rdo rje lcags kyu mchog gi khu tshur gyis so/ / rdo rje 'dzin pa nyid la ni rdo rje bsnyems pa'i khu tshur gyis so// sangs rgyas nyid la ni de bzhin gshegs pa thams cad kyi rdo rje'i khu tshur gyis so// bde ba chen bo'i rdo rje don yod pa'i dam tshig gi rtog pa'i rgyal po chen po las/ phyag rgya thams cad kyi khu tshur gyi dam tshig ces bya ba rtog pa'i rgyal po chen po rdzogs so// de nas

  47. 24b

    ldan 'das chos thams cad spros pa med pa'i de bzhin gshegs pas yang 'khor lo ltar yi ge bskor ba zhes bya ba shes rab kyi pha rol tu phyin pa'i tshul 'di bshad de/ ngo bo nyid med pa'i tshul gyis chos thams cad stong pa'o/ / mtshan ma med pa'i tshul gyis chos thams cad mtshan ma med pa'o// smon pa med pa'i tshul gyis chos thams cad smon pa med pa'o// shes rab kyi pha rol tu phyin pa yongs su dag pas chos thams cad rang bzhin gyis 'od gsal ba'o/ / de nas bcom ldan 'das 'jam dpal gzhon nur gyur pa don 'di rgya cher ston zhing bzhin 'dzum bzhin du ral gri des de bzhin gshegs pa thams cad la 'debs shing shes rab kyi pha rol tu phyin pa'i snying po'i mchog 'di gsungs so/ / a de nas 'di gsungs pa tsam gyis de bzhin gshegs pa thams cad 'dus pa mdzad nas dang po'i dkyil 'khor gyi tshul gyis bzhugs so/ / de nas 'jam dpal gzhon nur gyur pa chos thams cad ngo bo nyid med pas spros pa med pa'i ral gri zhes bya ba'i ting nge 'dzin la snyoms par zhugs nas/ 'khor lo lhar yi ge bskor ba zhes bya ba'i dkyil 'khor 'di gsungs so// phyi'i dkyil 'khor ji lta ba'i nang du 'khor lo bris la/ a la sogs pa'i yi ge'i 'phreng ba go rim bzhin du bri bar bya'o/ / de nas dkyil 'khor brgyad pa'i tshul gyis thig btab la/ de'i lte ba la bcom ldan 'das 'jam dpal gzhon nu'i cha lugs 'chang zhing 'dzum pa dang bcas pa nam mkha'i mdog

  48. 25a

    can phyag bzhi dang / ral gris de bzhin gshegs pa thams cad la 'debs par gzhag par bya'o// de'i mdun la sogs par de bzhin gshegs pa'i sku rnams gzhag par bya'o/ / phyi'i mtshams rnams su shes rab kyi pha rol tu phyin pa bzhi lung ji ltar thob pa bzhin du gzhag par bya'o// sgo rnams su ni mtshan ma bzhi gzhag par bya'o// 'di lnga s+t+waM/ ral gri dang / mdung dang / lhung bzed dang / glegs bam rnams so// de nas ral gri dang / glegs bam gyi phyag rgya de bzhin du chos kyi slob dpon du byin gyis brlab bo// de nas ral gri blangs te ral gri'i ming gi dbang bskur bas dbang bskur la chos 'di bshad par bya ste/ ral gri 'di ni rtag zung la// shes rab tshul ni dkar smra zhing // nam mkha' sangs rgyas sbyor ba yis// 'debs na myur du 'grub par 'gyur/ / sangs rgyas bstan pa srung phyir dang // sems can mang po srung ba'i phyir// 'dis bsad sdig par mi 'gyur zhing // bsod nams ngag kyang thob par 'gyur// slob ma rnam la'ang de bzhin te/ / shes rab kyi pha rol tu phyin pa yongs su rdzogs pa'i dngos grub rnams kyis myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// chos kyi dkyil 'khor ro// sgrub pa'ang de bzhin no// ma bsgrubs par yang de bzhin du las rnams 'grub par 'gyur ba ni stong pa nyid kyi ting nge 'dzin 'thob pa la ni thams cad nam mkha' bsgoms pas

  49. 25b

    so/ mtshan ma med pa'i ting nge 'dzin 'thob pa la ni mtshan ma dang bral ba'i ting nge 'dzin bsgoms pas so// smon pa med pa'i ting nge 'dzin 'thob pa la ni smon pa med pa bsgoms pas so// rang bzhin gyis 'od gsal ba'i chos kyi ye shes 'thob pa la ni shes rab kyi pha rol tu phyin pa bsgoms pas so/ / nyon mongs pa thams cad gcod pa la ni chos bsgoms pas so// yi ge thams cad kyi nges pa'i tshig gi ye shes la ni spros pa med pa'i ye shes bsgoms pas so/ / gnas thams cad du yi ges chos kyi bya ba mthong ba la ni a la sogs pa'i yi ge'i ngo bo nyid bsgoms pas so// / de bzhin gshegs pa thams cad kyi byang chub pa thob pa la ni rdo rje ral gri'i phyag rgyas so// bde ba chen po rdo rje don yod pa'i dam tshig gi rtog pa'i rgyal po chen po las/ 'khor lo chen po lhar yi ge bskor ba'i dam tshig ces bya ba'i rtog pa'i rgyal po chen po rdzogs so/ / // de nas bcom ldan 'das de bzhin gshegs pa thams cad kyi 'khor lo'i nang du 'dus pa'i de bzhin gshegs pas yang 'khor lo chen po la 'jug pa zhes bya ba shes rab kyi pha rol tu phyin pa'i tshul 'di bshad do/ / rdo rje mnyam pa nyid la 'jug pa ni de bzhin gshegs pa thams cad kyi 'khor lo la 'jug par 'gyur don gyi mnyam pa nyid la 'jug pa ni byang chub sems dpa' sems dpa' chen po'i 'khor lo la 'jug par 'gyur ro/ / chos thams cad kyi mnyam pa nyid la 'jug pa ni dam pa'i chos kyi 'khor

  50. 26a

    lo la 'jug par 'gyur ro/ / thams cad kyi mnyam pa nyid la 'jug pa ni 'khor lo thams cad la 'jug par 'gyur ro// de nas byang chub sems dpa' sems bskyed ma thag tu chos kyi 'khor lo bskor ba chos nyid kyi don 'di rgya cher ston cing bzhin rab tu 'dzum nas/ rdo rje 'khor lo bskor zhing rdo rje 'khor lo thams cad la 'jug pa'i dam tshig ces bya ba'i snying po 'di smras so/ / hUMHde nas 'di gsungs pa tsam gyis de bzhin gshegs pa thams cad kyi snying po can khams gsum du gtogs pa'i sems can thams cad dkyil 'khor thams cad du zhugs nas/ bcom ldan 'das kyi thugs las dkyil 'khor thams cad kyi dam tshig sems dpa' rnams nges par byung nas dkyil 'khor gyi tshul gyis ji lta ba bzhin du bzhugs so// de nas bcom ldan 'das byang chub sems dpa' rdo rje khro bo 'khor lo thams cad la rab tu 'jug pa'i phyag rgya zhes bya ba'i ting nge 'dzin la snyoms par zhugs nas/ dkyil 'khor chen po thams cad du 'jug pa'i dam tshig ces bya ba'i 'khor lo'i dkyil 'khor 'di gsungs so/ / phyi'i dkyil 'khor ji lta ba bzhin du byas te/ nang gi dkyil 'khor du rdo rje 'khor lo bris la/ dbus su rdo rje'i 'khor lo bskor ba gzhag par bya'o/ / phyag na rdo rje la sogs pa'i byang chub sems dpa' thams cad rnam pa thams cad du dkyil 'khor dang po'i tshul du gzhag par bya'o// phyi'i mtshams rnams su rdo rje'i

  51. 26b

    rags kyi dkyil 'khor bzhi bri bar bya'o/ / sgo rnams su mtshan ma bzhi gzhag par bya ste/ 'di lta ste/ rdo rje sems dpa'i sku dang / rdo rje khro bo'i sku dang / spyan ras gzigs dbang phyug gi/ sku dang / nam mkha'i snying po'i sku rnams so// de nas rdo rje 'khor lo'i phyag rgyas ji lta ba bzhin du dkyil 'khor thams cad du sangs rgyas nyid dang / rdo rje 'dzin pa nyid 'grub par 'gyur ro// de nas 'khor lo blangs la 'khor lo'i ming gis dbang bskur ba ni gsang ba'i dkyil 'khor bzhi thig btab pa'i rigs rnams su 'jug par bya'o// slob ma gzhug pa'ang de bzhin rdo rje 'khor lo'i dkyil 'khor ro/ / sgrub pa'ang de bzhin no// ma bsgrubs par yang dkyil 'khor thams cad du 'jug pa la ni rdo rje 'khor los gter rang gi khar bcug la gzhag par bya'o// dkyil 'khor chen por 'jug pa la ni rdo rje 'khor lo chen pos so/ / de bzhin du phyag rgya'i dkyil 'khor du 'jug pa la ni de bzhin gshegs pa thams cad kyi 'khor lo'i phyag rgyas so// de bzhin du dam tshig gi dkyil 'khor du 'jug pa la ni dam tshig chen po'i 'khor los so/ / las kyi dkyil 'khor du 'jug pa la ni rdo rje thams cad kyi 'khor los so// de bzhin du rjes su chags par bya ba dang / dbang du bya ba dang / don thob pa dang / rgyas gdab pa dang / bcad pa dang / 'jug pa dang / mchod pa dang / gdug pa 'dul ba'i las rnams la ni sems dpa' chen po

  52. 27a

    brgyad kyi phyag rgya g.yon na 'khor lo dang bcas pa rnams kyis so/ / bde ba chen po'i rdo rje don yod pa'i dam tshig gi rtog pa'i rgyal po chen po las/ dkyil 'khor thams cad// kyi rdo rje'i dam tshig ces bya ba rtog pa'i rgyal po chen po rdzogs so// / de nas bcom ldan 'das de bzhin gshegs pa thams cad la mchod pa thams cad kyi cho ga rgyas pa snod kyis mchod pa thams cad kyi mchog ces bya ba shes rab kyi pha rol tu phyin pa'i tshul 'di bshad do/ / byang chub kyi sems bskyed pa nyid ni de bzhin gshegs pa thams cad la mchod pa'i cho ga rgyas pa'o/ / sems can gyi khams thams cad yongs su skyob pa nyid ni de bzhin gshegs pa thams cad la mchod pa'i cho ga rgyas pa'o// dam pa'i chos yongs su 'dzin pa ni de bzhin gshegs pa thams cad la mchod pa'i cho ga rgyas pa'o/ / shes rab kyi pha rol tu phyin pa yi ger dri ba dang / yi ger 'drir 'jug pa dang / 'dzin pa dang / klog pa dang / rjod pa dang / ston pa dang / nyan pa dang / sems pa dang / sgom pa dang / mchod pa byed pa ni de bzhin gshegs pa thams cad la mchod pa'i cho ga rgyas pa'o// de nas byang chub sems dpa' sems dpa' chen po nam mkha'i mdzod don de nyid rgya cher ston te/ bzhin rab tu 'dzum zhing las thams cad don yod pa'i dam tshig ces bya ba'i snying po 'di smras so// oM/ de nas 'di gsungs pa tsam gyis nam mkha' thams cad las mchod

  53. 27b

    pa thams cad kyi cho ga rgyas pa nam mkha'i khams ma lus par spros par gyur nas/ bcom ldan 'das nam mkha'i mdzod kyi byang chub sems dpa'i tshul gyis dkyil 'khor chen po'i tshul du bzhugs so/ / de nas byang chub sems dpa' nam mkha'i mdzod mchod pa thams cad kyi cho ga rgyas par byin gyis rlob pa zhes bya ba'i ting nge 'dzin la snyoms par zhugs nas/ rdo rje'i mchod pa'i mchog don yod pa'i dam tshig ces bya ba'i dkyil 'khor 'di gsungs so/ / phyi'i dkyil 'khor ji lta ba de bzhin du nang du rin po che'i ka ba brgyad byas la/ dbus su bcom ldan 'das mtshon cha sna tshogs 'dzin pa/ zhal 'dzum pa/ sku dang yan lag zla ba'i mdog la sogs pa'i kha dog lnga pa'i mdog can gzhag par bya'o// de'i phyogs thams cad du dam tshig sems dpa' rnams gzhag par bya'o// 'di lta g+he/ phyag na rdo rje dang / 'jig rten dbang phyug la sogs pa byang chub sems dpa' brgyad po/ byang chub kyi sems dang / ting nge 'dzin dang / dbang bskur ba dang / phyag rgya yongs su 'dzin pa dang / stong pa nyid smra ba dang / dkyil 'khor 'dri ba dang / mchod pa thams cad dang / sems can rnams yongs su skyob pa ni bla na med pa'i mchod pa'i cho ga rgyas pa phyag na 'dzin pa'i tshul gyis ji lta ba bzhin du gzhag go/ / phyi'i mtshams rnams su ni me tog la sogs pa rnams dang / sgo rnams su ni dbyig dang / gser dang / mu tig dang / rin po che ste mtshan ma bzhi gzhag par bya'o// de nas

  54. 28a

    de bzhin du rdo rje thams cad kyis mchod pa thams cad 'thob par 'gyur ro/ / zhugs nas sna tshogs rdo rje blangs la/ sna tshogs rdo rje'i ming gi dbang bskur bas dbang bskur nas mchod pa rnam pa bzhi bya ste/ 'di lha ste/ lus kyi las thams cad dang / phyag bya ba dang / ngag dang / yid dang / sems kyi chos kyi dbyings su spros pas mchod pa'i cho ga rgyas pa thams cad kyis mchod par bya zhing / rdo rje dang phyag rgyas mchod pa gcig tu byas pa'o// slob ma rnams kyi gzhug pa'i las kyang de bzhin no// las kyi dkyil 'khor ro// de nas sgrub pa dang dngos grub dag kyang de bzhin no/ / de nas ma bsgrubs par yang byang chub kyi sems kyi mchod pa la ni rang gi snying khar rdo rje bsgoms pas so// ting nge 'dzin gyi mchod pa la ni thams cad dag par bsgoms pas so// dbang bskur ba'i mchod pa la ni rdo rje dbang bskur ba sna tshogs kyis so// phyag rgya'i mchod pa la ni rdo rje thams cad kyi sna tshogs kyis so// stong pa nyid kyi mchod pa la ni a la sogs pa'i yi ge lung bstan pas so/ / dkyil 'khor gyi mchod pa la ni 'khor lo sna tshogs kyis so// mchod pa thams cad la ni sna tshogs rdo rjes so// gdug pa 'dul ba'i mchod pa la ni khro bos so// metog la sogs pa dor ba la ni bzlas pas so/ / bde ba chen po rdo rje don yod pa'i dam tshig gi rtog pa'i rgyal po chen po las/ sna tshogs rdo rje don yod pa'i dam tshig ces bya ba'i rtog pa'i rgyal po chen

  55. 28b

    po rdzogs so/ / / de nas bcom ldan 'das de bzhin gshegs pa gdug pa thams cad 'dul nus pas yang ye shes kyi khu tshur yongs su 'dzin pa sems can thams cad 'dul ba ye shes kyi snying po zhes bya ba/ shes rab kyi pha rol tu phyin pa'i tshul 'di bshad do// sems can thams cad mnyam pa nyid pas khro ba mnyam pa nyid do// sems can thams cad dul ba nyid pas khro ba dul ba nyid do/ / sems can thams cad chos nyid pas khro ba chos nyid do// sems can thams cad rdo rje nyid pas khro ba rdo rje nyid do// de ci'i phyir zhe na/ 'di ltar sems can thams cad 'dul ba ni byang chub bo/ / de nas byang chub sems dpa' bdud kyi stobs thams cad rab tu 'joms pa don de nyid rgya cher ston te bzhin rab tu 'dzum zhing rdo rje mche ba'i phyag rgya dang / rdo rje gnod sbyin gyi gzugs kyi rdo rje khro bo'i gad mo zhes bya ba snying po 'di smras so/ / ha/ de nas 'di gsungs pa tsam gyis gdug pa thams cad 'dul ba'i sems dpa' rnams bcom ldan 'das rdo rje gnod sbyin gyi thugs las byung ste dang po'i dkyil 'khor gyi tshul du bzhugs so/ / de nas byang chub sems dpa' rdo rje gnod sbyin thabs thams cad kyis 'dul ba khro bo rdo rje zhes bya ba'i ting nge 'dzin la snyoms par zhugs nas/ gdug pa thams cad 'dul zhing byin gyis rlob pa rdo rje zhes bya ba'i gnod sbyin gyi dkyil 'khor 'di gsungs so// phyi yi dkyil 'khor tshul du ni/ phyi yi

  56. 29a

    dkyil 'khor bri bar bya/ / de yi nang rim nyid du ni// dkyil 'khor bzang po gru bzhi pa// sgo bzhi pa la thig bzhir ldan// tshon sna lnga yis rnam par bri// ka ba brgyad ni mdun gnas par/ / 'bar ba'i dkyil 'khor yang dag ldan// de yi dbus su ci rigs par// rdo rje gnod sbyin gzhag bya ste// rdo rje mche ba gtsags pa dang // 'bar ba'i 'phreng ba 'khrigs pa'i 'od/ / 'jigs byed kha dog sngo ba dang // ha ha zhes bzhad gsal ba'i zhal// de yi kun tu gnod sbyin ni// shin tu 'jigs pa gzhag par bya// de nyid dang po la sogs mchog/ phyag na rdo rje sogs mtshan 'chang / / phyi yi dkyil 'khor mtshams su ni// mche ba'i phyag rgya bri bar bya// sgo yi gnas ni thams cad du// rdo rje'i mtshan ma gzhag par bya// de nas 'jug pa la sogs pa byung ste/ rdo rje mche ba'i phyag rgya dang / ha ha zhes bzhad pa dang bcas pas zhugs nas gdug pa thams cad 'dul nus shing myur du rdo rje 'dzin pa nyid thob par 'gyur ro// de nas zhugs nas rdo rje mche ba blang la rdo rje ming gi dbang bskur la rdo rjes rdo rje gnod sbyin nyid bsnun no/ / de nas rdo rje gnod sbyin gyi zhal nas ha ha zhes bya ba'i sgra 'byung bar 'gyur ro// de nas bcom ldan 'das de bzhin gshegs pa thams cad srung ba po gnod sbyin gyi bdag po phyag na rdo rje gtum por bdag grub pa yin no zhes shes par bya'o/ / de nas phyag rgya thams cad bcing bar bya zhing bsgrub

  57. 29b

    par bya'o/ / de nas mchod pa la de bzhin du yang dag par tshim par byas nas/ shes rab kyi pha rol tu phyin pa'i tshul 'di lan cig brjod la slar dbyung bar bya'o// de bzhin du phyag rgya bcing ba la sogs pa cho ga rgyas pa ni dang po la sogs pa'i dkyil 'khor thams cad du bya'o/ / phyag na rdo rje'i dkyil 'khor ro// sgrub pa dang dngos grub rnams kyang de bzhin te/ ma bsgrubs par yang dang po ji lta ba bzhin no/ / gdug pa thams cad 'dul ba la ni rdo rje mche ba'i phyag rgyas so// sems can thams cad 'dul ba la ni khro bas ha ha zhes dgod cing zlos pas so// nyan thos dang rang sangs rgyas kyi 'dod chags dang bral ba las lhung bar bya ba la ni chos gos dang snam sbyar gyi sbyin sreg gis so/ / dbang bskur ba thams cad dbrog pa la ni khams thams cad kyi phye ma'i sbyin sreg gis so/ / thams cad rgyus gdab pa la ni rdo rje khu tshur gyi phyag rgyas so// thams cad gcad pa la ni gzugs brnyan byas nas gtubs pas so// ma rungs pa thams cad kyi dkyil 'khor rnam par gzhig pa la ni rdo rje gzung nas 'jug par bya'o/ / mchod pa thams cad rnam par gzhig pa la ni khros nas bzlas brjod bya'o// thams cad skrag par bya ba la ni 'jigs byed kyi lha bas blta bar bya'o/ / bde ba chen po rdo rje don yod pa'i dam tshig gi rtog pa'i rgyal po chen po las/ rdo rje dam tshig ces bya ba'i rtog pa'i rgyal po chen po rdzogs so//

  58. 30a

    bcom ldan 'das de bzhin gshegs pa chos thams cad kyi mnyam pa nyid la gnas pas yang chos thams cad kyi mchog ces bya ba shes rab kyi pha rol tu phyin pa'i tshul 'di bshad/ ngo/ chos thams cad mnyam pa nyid pas shes rab kyi pha rol tu phyin pa mnyam pa nyid do// thams cad don nyid pas shes rab kyi pha rol tu phyin pa don nyid do// thams cad chos nyid pas shes rab kyi pha rol tu phyin pa chos nyid do/ / thams cad las nyid pas shes rab kyi pha rol tu phyin pa las nyid du rig par bya'o// de nas bcom ldan 'das lag na rdo rje de bzhin gshegs ba dang / byang chub sems dpa' thams cad kyi don yod pa'i dam tshig gi dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ don yod pa thams cad kyi dam tshig ces bya ba'i snying po 'di smras so/ / hUM/ de nas 'di gsungs pa tsam gyis de bzhin gshegs pa thams cad la sogs pa dkyil 'khor thams cad thugs las byung ste/ dam tshig gi de kho na nyid kyi rdo rje'i dkyil 'khor chen po der zhugs par gyur to/ / de nas phyag na rdo rjes bcom ldan 'das kyi zhabs gnyis la nges par btud de dam tshig chen po'i dkyil 'khor 'di gsungs so// dkyil 'khor chen po bris la dkyil 'khor gyi gnas brgyad du rdo rje khams gsum rnam par rgyal ba la sogs pa dkyil 'khor so sor gzhag go/ / de nas bcom ldan 'das phyag na rdo rje dam tshig thams

  59. 30b

    cad kyi rdo rje byin gyis rlob pa zhes bya ba'i ting nge 'dzin la snyoms par zhugs nas/ dam tshig thams cad kyi rdo rje zhes bya ba'i dkyil 'khor 'di gsungs so// dkyil 'khor chen po'i tshul du phyi'i dkyil 'khor bris la/ de'i dbus su rdo rje 'khor lo bris nas/ 'khor lo'i gnas rnams su dkyil 'khor chen po la sogs pa bri bar bya'o// thams cad kyang dkyil 'khor brgyad pa'i thig gis btab cing sems dpa' chen po gzhag par bya'o/ / phyi'i dkyil 'khor du phyi rol gyi rdo rje'i rigs ji ltar rjes su 'thun par bri bar bya'o// sgo rnams su ni rigs rnam pa bzhi'i mtshan ma rnams gzhag par bya'o/ / de nas dam tshig chen po'i de kho na nyid kyi rdo rje'i dkyil 'khor chen po'i tshul gyis dkyil 'khor gyi cho ga thams cad rgyas par bya'o// dam tshig chen po'i rdo rje'i de kho na nyid dam tshig ces bya ba'i rtog pa'i rgyal po chen po las/ bde ba thams cad kyi dam tshig ces bya ba rtog pa'i rgyal po chen po rdzogs so// // de nas bcom ldan 'das de bzhin gshegs pa thams cad rnam par snang mdzad kyis yang sems can thams cad byin gyis rlob pa zhes bya ba'i shes rab kyi pha rol tu phyin pa'i tshul 'di bshad do/ / byang chub sems dpa' sems dpa' chen po kun tu bzang po thams cad kyi rang bzhin yin pas sems can thams cad ni de bzhin gshegs pa'i snying po can no/ / thams cad rdo rje'i snying pos dbang bskur bzhed pas sems can thams cad rdo rje'i snying po can no// ngag thams cad rab

  60. 31a

    tu 'byung bas sems can thams cad ni chos kyi snying po can no/ / sems can thams cad kyi bya ba byed pa la sbyor bas sems can thams cad ni las kyi snying po can no// de nas phyi rol gyi rdo rje'i rigs rnams kyis ca co'i sgra phyung nas chos nyid kyi don rgya cher ston cing snying po phul te/ de nas rdo rje dbang phyug chen po rang gi de kho na nyid kyi snying po 'di phul lo// tri/ de nas dkyil 'khor bshad par bya ste/ kun nas zlum pa thig gsum pa dkyil 'khor chen po sgo bzhi pa mtshams rnams su mdung rtse gsum pa bri bar bya'o// de'i dbus su dbang phyug chen po bri bar bya'o/ / de'i logs thams cad du tshogs brgyad po bri bar bya ste/ 'di lha ste/ nag po chen po dang / dga' byed dbang phyug dang / dril chen dang / gar gyi dbang phyug rnam ni phyogs rnams su'o/ / mtshams su ni thod pa bzang po dang / gtum po'i dbang phyug dang / lag na kha T+wAM ga dang / ba lang rna ba'i dbang phyug dang ngo // thig gi mtshams rnams su ni ma mo'i tshogs thams cad gnas ji lta ba bzhin du bri bar bya'o/ / sgo rnams su dbyig pa'i dbang phyug dang / mgo'i dbang phyug dang / dril rna dang / drag po chen po'o// phyi rol tu ni 'byung ba rnams dang / yi ge rnams bri bar bya'o// de nas slob dpon thal ba gtsang mas lus bskus shing gos gtsang ma bgos te/ mdung rtse gsum gyi mtshan ma gzhag par bya'o// zhugs nas kyang

  61. 31b

    snying po bzlas par bya'o/ / de nas slob ma de bzhin du bcug la lag par mdung rtse gsum pa byin la chos bshad par bya'o// sems can kun la phan phyir dang // bskur ba thams cad srung phyir dang / 'dod kun bdag po nyid phyir dang // drag po'i las la gnas par gyis// de nas phyag rgya'i ye shes bslabs te gtor ma sbyin par bya'o// de nas brtsams te 'jigs pa med par dngos grub thams cad dang / phun sum tshogs pa thams cad kyis bde ba dang / yid bde ba dang / thams cad rjes su myong nas drag po'i 'jig rten du mchod par 'gyur ro// dkyil 'khor chen po zhi ba'i mdung thung gi mtshan ma zhes bya ba'o/ / de nas ma mo thams cad kyis bcom ldan 'das la phyag 'tshal te/ dang po mgrin gcig tu thams cad dgug pa dang / gzhug pa dang / gsad pa dang / sgrub pa'i dam tshig ces bya ba rang gi de kho na'i snying po 'di phul lo// b+h+yo/ de nas 'di'i dkyil 'khor bshad par bya'o// zur bzhi pa byang gi sgo can gyi dkyil 'khor thig btab la/ dbus su nag po gar byed bzhin pa gzhag par bya'o/ / de'i phyogs dang mtshams thams cad du ma mo brgyad bri bar bya'o// 'di lta ste/ drag mo dang / tshangs pa mo dang / khyab 'jug mo dang / gzhon nu mo dang / nag mo dang / nag mo chen mo dang / zab mo dang / srin mo'o// dkyil 'khor gyi phyi'i mtshams rnams su ni drag po'i mkha' 'gro ma bzhi bri bar bya ste/ zhi ba mo dang / be ruN+Da dang /

  62. 32a

    gtum mo dang / 'jigs byed ma rnams so// de rnams kyi mtshan ma ni mdung rtse gsum pa dang / 'phreng ba dang / 'khor lo dang / dril bu dang / zod pa khrag dang bcas pa dang 'khar gsil dang / mche ba dang / kha T+wAM ga'o// sgo srungs rnams kyi ni thod pa dang / rus pa'i lu gu rgyud dang / bya rgod dang / byi la'o// de nas phyag rgya'i slob dpon chos spyod pa/ gtsang ba/ gos gtsang ma bgos pa thams cad za ba 'am/ thams cad spyad pa la'ang smad pa med de/ zhi ba'i pho nyi'i phyag rgyas zhugs la snying po bzlas par bya'o// de nas dkyil 'khor gyi dbus nas b+h+yo chen po thos par 'gyur ro/ / de nas slob dpon ma gtogs pa gzhan thams cad ji ltar 'ongs pa zhugs par 'gyur zhing 'thob par 'gyur te/ gdug pa'i dam tshig ni ma gtogs so// de nas slob ma lag na me tog thogs pas ras kyis mig bkab la nag po chen po'i phyag rgyas bcug ste/ rnam par dam tshig chen po b+h+yo zhes bya ba dang sbyar bar bya'o// de nas skrag nas me tog 'dor ro/ / de nas gang du lhung ba de lhag pa'i lhar bsgrub par bya'o// gal te lhung bar ma gyur na'ang 'dor du gzhug go// des ni 'jigs par byed par nus shing rnal 'byor yang so sor 'thob par 'gyur ro/ / de nas gdong g.yogs bkrol la dkyil 'khor bstan par bya'o// gdug pa la sogs pa'i phyag rgyas mchod nas snying po dang rang rang gi mtshan ma sbyin par bya'o// de nas dam tshig

  63. 32b

    bstan par bya ste/ sems can thams cad rgyas gdab cing // dam tshig sdang rnams bza' bar bya// sngags rnams bstan par mi bya ste// dam tshig rnal 'byor grub ster bya'o// drag po'i/ dam tshig mdung rtse dang // ma mo rnams kyi rgyas 'debs par// gal te 'das na khyod kyi snying // rtag tu 'jig par byed par 'gyur// de nas brtsams te gang sha chen po za ba ni de ring po mi thog par rnal 'byor 'grub par 'gyur ro/ / gang za bar mi 'gyur ba de'i rnal 'byor med do// gal te dam tshig las 'das par ma gyur na tshogs thams cad kyis kyang mi gsod par 'gyur ro// phyag rgya'i ye shes bslab par bya ste/ phyag rgya'i gar dang mchod pa byas nas gtor ma sbyin zhing bza' ba dang / btung ba dang / longs spyod la sogs pas tshim par byas nas phyir byung bar bya'o/ / dngos grub thams cad kyi dam tshig ces bya ba'i phyag rgya'i dkyil 'khor ro// de nas sbrang rtsir byed pa la sogs pa ming po gsum gyis/ bcom ldan 'das la phyag 'tshal te mgrin gcig tu rang gi de kho na nyid kyi snying po 'di phul lo/ / swa/ de nas 'di'i dkyil 'khor bshad par bya ste/ zur bzhi pa dang sgo bzhi par// phyi yi dkyil 'khor bri bar bya// de yi nang du dkyil 'khor ni/ / gzhu yi dbyibs can bri bar bya// de yi dbus su ming po ni// mchog gsum dag ni gzhag bya ste// sbrang rtsir byed dang rgyal byed dang // don kun grub byed ces bya ba'o//

  64. 33a

    go cha ya lad bgos par dang // de bzhin thod pa mtshan ma 'dzin// lha yi gos dang 'phreng ba 'chang // cung zad dgod cing khro ba dang // seng ge'i khri la 'dug pa dang // 'od kyi dkyil 'khor gyis mdzes pa'o/ / dngos grub kun ster dag pa ste// gsum ni srid gsum dag dang mtshungs// sgo dang mtshams ni thams cad du// tshogs la sogs pa legs par gzhag/ grub dang 'phel chen gnod sbyin dang // gtum dang khro mchog gsod pa'o// phyi rol ba dan rtse mo la// dril bu'i 'phreng bcas thams cad du// bum pa gang ba rol mchog bcas// 'byung po ma lus gtor mar bcas/ / klu rnams glu ru len pa dang // rol mo rdung bar byed pa dang // de bzhin slob dpon gar byed pas// phyag rgya kun gyis 'jug par bya// zhugs nas spun la dad pa yis/ yang dang yang du 'dud bya zhing // me tog kun gyis mchod pa yis// sgrub dang de nyid dag kyang brjod// 'jig rten gsum po srid gsum mchog/ ngan song gsum mchod gsum rnam gsum legs ldan sbas pas grub pa ni/ / dngos grub kun la rtag tu'o// de nas snying po lan cig brjod cing phyag rgya thams cad kyi g.yas pa'i mdzub mo lcags kyur byas la dgug par bya'o// de nas dril bu dang bcas pa'i 'phreng ba rnams g.yo'o/ / thams cad phab nas de bzhin du gzhug par bya'o// de nas dam tshig 'di brjod par bya ste/ gal te dam tshig 'das gyur na// pha gsod 'gro ba gang

  65. 33b

    yin dang / / ma gsod pa yi 'gro ba gang // 'gro ba der ni 'gro bar 'gyur// rtag tu dam pa bsten par bya// dam pa min pa yongs su spang // gzhan la de nyid bstan mi bya// rtag tu ming po gsum po sgrub/ 'di ni dam tshig go// de nas glu dang / gar dang / rol mo dang / dgod pa dang / dga' ba dang / za ba dang / mgu bas mel rtse bya'o// phyag rgya dang gar gyi rol mo'i mchod pa'ang byas la/ slob dpon gyis kyang phyag rgya de dang bcas pas byung ba dang / 'byung bar 'gyur ba'i ye shes brjod par bya'o// de nas brtsams te dngos grub thams cad dang / phun sum tshogs pa thams cad dang / 'byor pa thams cad 'grub par 'gyur ro// dam tshig gi dkyil 'khor ro// de nas sring mo bzhis bcom ldan 'das la phyag 'tshal te/ rang gi de kho na nyid kyi snying po 'di phul lo// hUM/ de nas 'di'i dkyil 'khor bshad par bya ste/ dkyil 'khor kun nas zlum por thig btab la/ thig bzhi la 'khor lo bzhi pa byas la/ dkyil 'khor de rnams su sgo bzhir lta ba'i lha mo bzhi'i gzugs brnyan gzhag par bya ste/ 'di lta ste/ dga' ba mo ni shar du lte ba/ mda' dang gzhu thogs pa la brtson pa/ sgeg ma mdog dmar ba'o// gsod ma lho phyogs su lta ba/ lag na gri dang phub thogs pa/ mdog nag po'o// phag mo nub tu lha ba/ lag na gser gyi gter thogs pa/ gser gyi mdog can no// grub pa mo zhi ba mo zhes bya ba byang du lba ba/ lag na gri dang sha

  66. 34a

    ka ra thogs pa/ mdog dkar mo'o// phyi rol gyi sgo bzhir mtshan ma dgod pa gzhag par bya'o// de nas slob dpon dril bu dkrol zhing lag pa g.yon pa kha T+wAM ga dang bcas pas 'jug par bya'o/ / zhugs nas snying po bzla bar bya'o// de nas phyag dang gar gyi mchod pa btab par bya'o// de nas yid la 'dod pa'i dngos grub thams cad ster bar 'gyur ro// thams cad kyis mchod par 'gyur ro/ / mkha' 'gro ma la sogs pa'i gdon rnams kyis mi tshugs pa dang / 'di ni nor rnams kyang bskyed par 'gyur ro// ji ltar mngon par 'dod pa'i thams cad kyis mnyes par byed pa dang / gter thams cad 'byin pa dang / dngos grub thams cad sgrub nus par 'gyur ro// slob ma gzhug pa'ang de bzhin no// de rnams kyang 'di dag thams cad 'grub par 'gyur ro/ / las kyi dkyil 'khor ro// bde ba chen po rdo rje don yod pa'i dam tshig gi rtog pa'i rgyal po chen po las/ phyi rol gyi rdo rje'i rigs kyi rtog pa rdzogs so// / de nas bcom ldan 'das de bzhin gshegs pa mtha' yas mu med pas mthar thug cing mu med pa'i chos dang ldan pas yang cho ga 'di mthar thug par byin gyis brlab pa'i phyir/ chos thams cad mnyam pa nyid kyi mthar thug pa byin gyis rlob pa rdo rje zhes bya ba shes rab kyi pha rol tu phyin pa'i tshul 'di bshad do/ / shes rab kyi pha rol tu phyin pa mtha' yas pa nyid pas de bzhin gshegs pa thams cad mtha'

  67. 34b

    yas pa nyid do/ / shes rab kyi pha rol tu phyin pa mu med pa nyid pas rdo rje thams cad mu med pa nyid do// shes rab kyi pha rol tu phyin pa du ma nyid pas chos thams cad du ma nyid do// shes rab kyi pha rol tu phyin pa mthar thug pa med pa nyid pas las thams cad mthar thug pa med pa nyid yin no/ / gang la la shes rab kyi pha rol tu phyin pa'i tshul 'di nyan pa dang / 'chang ba dang / klog pa dang / ston pa dang / rjod pa dang / sgom pa de sangs rgyas dang byang chub sems dpa'i spyod pa mthar thug pa med pa'i mthar phyin te sgrib pa thams cad zad nas/ de bzhin gshegs pa 'am rdo rje 'dzin par myur du 'gyur ro/ / de nas de bzhin gshegs pa thams cad 'dus te/ chos kyi rnam grangs 'di don yod pa dang / thogs pa med par myur du grub par bya ba'i phyir lag na rdo rje la legs so zhes bya ba byin no/ / sems can chen po legs so legs// bde ba chen po legs so legs// theg pa chen po legs so legs// blo gros chen po legs so legs// cho ga 'di ni legs par smras// sangs rgyas rdo rje 'dzin kun gyis/ / 'bras bu yod pa 'dul ba'i mchog/ rdo rje'i mdo 'di'i byin gyi rlabs// cho ga'i rgyal po bla na med// gang rnams 'di dag 'dzin pa ni// bdud la sogs pa thams cad kyis/ / de dag mi song mi tshugs so// sangs rgyas byang chub sems dpa' dang // dngos grub dam pa thams cad kyang // sangs rgyas kun gyis gsungs pa bzhin// ring por mi thogs

  68. 35a

    'thob par 'gyur/ / de skad gsungs nas gsang grub phyir// rdo rje can gyis bshad pa la// kun mchog sangs rgyas mkhas bcas pa// thams cad kyis ni mngon par bstod// bde ba chen po rdo rje don yod pa'i dam tshig gi rtog pa'i rgyal po chen po las/ shes rab kyi pha rol tu phyin pa'i tshul rdzogs so// / rgya gar gyi mkhan po A tsar+ya shwad d+hA ka ra barma dang zhu chen gyi lo tsob dge slong rin chen bzang pos bsgyur cing zhus te gtan la phab pa/ / / de nas bcom ldan 'das rnam par snang mdzad de bzhin gshegs pa thams cad kyi gsang ba'i chos nyid brnyes pa/ chos thams cad spros pa med pas yang bde ba chen po rdo rje don yod pa'i dam tshig ces bya ba/ rdo rje chos nyid shes rab kyi pha rol tu phyin pa'i sgo dpal mchog dang po thog ma dang / tha ma dang / dbus med pa'i dam pa 'di gsungs so// byang chub sems dpa' chen po rnams kyi 'dod chags chen po'i dngos grub dam pa ni/ bde ba chen po'i dngos grub dam par 'gyur ro/ / byang chub sems dpa' chen po rnams kyi bde ba chen po'i dngos grub dam pa ni/ de bzhin gshegs pa thams cad kyi byang chub chen po'i dngos grub dam par 'gyur ro// de bzhin gshegs pa thams cad kyi byang chub chen po'i dngos grub dam pa ni/ bdud chen po'i stobs thams cad rab tu 'joms par byed pa'i dngos grub dam par 'gyur ro// byang chub sems dpa' rnams

  69. 35b

    kyi bdud chen po'i stobs rab tu 'joms pa'i dngos grub dam pa ni/ khams gsum pa thams cad dbang phyug chen po'i dngos grub dam par 'gyur ro// byang chub sems dpa' rnams kyi khams gsum/ pa thams cad kyi dbang phyug gi dngos grub dam pa ni/ sems can gyi khams ma lus shing lus pa med par yongs su sbyong bar 'dod pa'i rgyu'i phyir/ 'khor ba la'ang ma chags shing brtson 'grus chen po'i byang chub sems dpa' rnams kyis sems can gyi khams ma lus shing lus pa med pa rnams yongs su bskyab pa dang / sems can thams cad la phan pa bde ba'i mchog shin tu bde ba chen po'i dngos grub dam par 'gyur ro/ / de ci'i phyir zhe na/ ji srid 'khor ba'i gnas su ni// mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus/ / shes rab pha rol phyin thabs dang // ye shes gnas su bsgrubs pas ni// chos kun rnam par dag pa'i phyir// 'khor ba yongs su dag par 'gyur// chags la sogs pas 'dul na ni/ / 'khor ba'i bar du rtag par yang // 'jig rten sdig byed de sbyong phyir// 'khor ba srid du bdag nyid 'dul// ji ltar pad+ma rab dmar ba// 'dam gyi nyes pas mi gos pas// de bzhin gnas pa'i nyes pa yis/ / 'gro phan rnams la mi gos so// 'dod chags chen po rnam par dag/ bde ba chen po nor che la// khams gsum dbang phyug thos pas na// sems can don rnams

  70. 36a

    sbron par byed/ / gang la la zhig nang par langs nas dpal mchog dang po shes rab kyi pha rol tu phyin pa'i tshul gyi sgo'i chos kyi rnam grangs 'di nyin re bzhin 'don pa dang / nyan pa dang / 'dzin pa dang / klog pa dang / sgom pa de yis bde ba dang yid bde ba thams cad kyang thob par 'gyur ro// bde ba chen po'i rdo rje don yod pa'i dam tshig dngos grub kyi mchog kyang tshe 'di la thob par 'gyur ro/ / de bzhin gshegs pa thams cad kyi gsang ba mchog kyang 'grub ste/ rdo rje 'dzin pa chen po thams cad dam/ de bzhin gshegs par 'gyur ro// bde ba chen po rdo rje don yod pa'i dam tshig dpal mchog dang po las/ de bzhin gshegs pa thams cad kyi bde ba chen po rdo rje gsang ba'i shes rab kyi pha rol tu phyin pa'i sgo rdzogs so// de nas bcom ldan 'das de bzhin gshegs pa thams cad kyi rdo rje sems dpa' byin gyis rlob pa'i rdo rje gsang ba mchog gi dngos grub kyi cho ga rgyas pa'i rgyal po chen po/ de bzhin gshegs pa thams cad kyi sku gsung thugs kyi rdo rje gsang ba'i don yod cing bstan pa'i cho ga phyag rgya btab pa'i sku gsung thugs thams cad kyis rdo rje/ de bzhin gshegs pa thams cad kyi dam tshig chen po thams cad la rab tu zhugs nas chos nyid rtogs pa'i ye shes la rab tu zhugs nas/ de bzhin gshegs pa thams cad kyi sna tshogs pa'i 'phrin las kyis dus gsum du 'jig rten gyi khams ma lus par spros pa las

  71. 36b

    kyi mtha' can/ de bzhin gshegs pa rnam par snang mdzad chen po/ zla ba phyed pa du ma la rab tu gnas pa'i rdo rje rin po che rnams kyi 'od zer sna tshogs pa rnam par 'bar ba'i 'od kyis gsal ba gser gyi dril bu btags pa dang / sna tshogs pa'i ba dan rlung gis bskyod pa rnams kyis nye bar mdzes par byas pas/ me tog gi 'phreng ba sna tshogs pa dang / na bza' dang / me long dang / mu tig gi 'phreng ba rab tu 'phyang bas mdzes shing brgyan pa/ sna tshogs pa'i kha khyer la gnas pa mchog tu gyur pa'i lha'i bu mo dgod pa dang / sgeg pa dang / gar dang / glu yis rab tu brgyan pa dang / bstod pas sad par byed pa/ bde ba chen po rdo rje sems dpa'i gnas gzhal yas khang pa la bzhugs so// de nas bcom ldan 'das rdo rje sems dpa' de bzhin gshegs pa thams cad kyi sku dang / gsung dang / thugs rdo rjes byin gyis brlabs pa'i dam tshig sems dpa' thams cad dang / dbang bskur ba thams cad dang / thams cad mkhyen pa'i ting nge 'dzin las tham cad mchog tu gyur pa/ khams gsum thams cad 'dul bar mdzad pa/ thams cad dbang du byed pa po 'byin pa po 'dod pa thams cad pa/ rgya che ba'i dngos grub kyi cho ga thams cad pa/ rtag pa'i de bzhin gshegs pa la gsol ba btab pa/ ji srid srid pa'i bar gnas pa// de srid sems can don mchog mchod// sems can khams ni mtha' yas dang // rgyal sras srid

  72. 37a

    par 'dod pa'i phyir/ / srid pa'i skyon rnams 'joms phyir dang / bde ba chen po 'phel bya'i phyir// gsang ba'i rtog pa mchog gsung ba'i// rjes su gnang bar bdag la stsol/ de nas bcom ldan 'das de bzhin gshegs pas chos thams cad sgrib pa med pa nyid la lhag par dgongs nas/ gdul bya thams cad thugs rje chen po'i sna tshogs rdo rje zhes bya ba'i ting nge 'dzin la snyoms par zhugs te/ ma lus shing lus pa med pa'i sems can gyi bsam pa thams cad yongs su rdzogs par byed pa dang / thams cad yongs su bskyang ba dang / phan pa dang / bde ba dang / dngos grub thams cad phun sum tshogs pa dang / ye shes dang / las dang / mchog gi dngos grub kyi rgyur 'gyur ba'i bar du de bzhin gshegs pa'i thams cad nyid dang / rdo rje 'chang chen po thob pa mchog gi dngos grub kyi don bde ba chen po'i rdo rje dang po de/ de bzhin gshegs pa thams cad kyi 'khor lo sgyur ba nyid de bzhin gshegs pa thams cad kyis sku'i 'phreng ba'i cod pan gyis dbang bskur bas yin no/ / de nas bcom ldan 'das rdo rje 'chang chen po ma lus pa lus pa med pa'i bde ba chen po mchog gi dngos grub la sogs pa dngos grub thams cad thob par bya ba'i phyir/ sems dpa'i skyil mo krung bcas te su drang por srang ste/ g.yon pa bsnyems pa'i tshul du mdzad nas g.yas pa rdo rje gsor bas rang gi thugs kar dang po'i rdo rje mchog sa

  73. 37b

    sbyor ba 'dzin cing / bde ba chen po'i rdo rje zhes bya ba thams cad kyi phyag rgya 'di nyid kyi sku dang / gsung dang / thugs las 'byung ngo // oM ma hA su kha badz+ra satwa dzaHhUM baM ho su ra s+t+waM/ de nas phyung ba tsam kyigyis de bzhin gshegs pa thams cad byon nas/ de bzhin gshegs pa thams cad kyi khu tshur yongs su bzung ba rnams slar yang byang chub chen po mngon par rtogs nas de rnams kyis bzhad pa chen po mngon par mdzad do/ / 'jig rten gyi khams thams cad g.yos pa dang shin tu g.yos pas yongs su dag par gyur to// khams gsum rgyas par spros pa thams cad kyang bcom ldan 'das kyi 'khor chen por gyur to/ / gang gi sems can thams cad bde ba dang yid bde ba thob par gyur to// de nas rdo rje 'chang chen pos de bzhin gshegs pa thams cad kyi don yod cing / thogs pa med pa las mngon par 'byung bar rdo rje chen po phyag ces bya ba'i ting nge 'dzin la snyoms par zhugs te/ bde ba chen po rdo rje'i dam tshig ces bya ba rnam par gnon par mdzad nas de'i sku thams cad las dngos grub thams cad dang / bde ba dang / yid bde ba ster ba rtag tu rjes su 'brel ba can lhan cig tu spyod pa bde ba chen po rdo rje dam tshig gi sems dpa' rnams phyung nas phyogs thams cad du phyung stemadun du rdo rje gsang ba yid las byung ba/ g.yas su rdo rje kI li kI li/ rgyab tu 'dod pa'i rdo rje/ g.yon du rdo rje bsgyings pa'o// mtshams rnams su mchod pa'i lha mo rnams so//

  74. 38a

    phyi rol gyi kha khyer mtshams su lha'i bu mo rnams so// sgo srungs pa rnams ni rdo rje lcags kyu dang / zhags pa dang / lcags sgrog dang / dril bu 'dzin pa'o// phyi rol tu rdo rje sgo srungs kyi tshogs dang / pho nya dang / bran rnams so// de nas bcom ldan 'das de bzhin gshegs pa thams cad kyis khu tshur bcings te/ de bzhin gshegs pa thams cad byang / chub rdo rje zhes bya ba'i ting nge 'dzin la snyoms par zhugs nas/ bcom ldan 'das rdo rje sems dpa' rdo rje 'chang chen po la gsol ba btab ste/ sems can kun la bde don du// rgyal ba chen po 'byung ba ste/ / chags bral de rnams chags ldan yang // rang gi btsun mo'ang gsol mdzad pas// de phyir bdag gis khyod la gsol// bde ba chen po rdo rje che// gsang ba'i rtog/ pa'i dngos grub ste// 'dul ba mchog ni bshad du gsol// de nas bcom ldan 'das don yod cing thogs pa med pa'i bka' bde ba chen po thams cad kyi dngos grub 'dul ba rdo rje 'dod pa'i mchog ces bya ba'i rnam par gnon par mdzad nas/ rdo rje chen po gsang ba'i dmachog ces bya ba'i dkyil 'khor chen po 'di gsungs so// de nas yang dag bshad bya ba// dkyil 'khor chen po dam pa ste/ bde ba chen po rdo rje mchog/ dam tshig dam pa'i ming can yin// dkyil 'khor gnas ni 'dus byas nas// de'i dbus cho ga bzhin du ni// phyag rgya chen po mnyam gzhag nas/

  75. 38b

    der ni dkyil 'khor bsgrub par bya// gsar zhing legs par bsgril ba dang // mdud pa dag ni med pa yi// thig skung dmar pos thig btab nas// tshon gyi phye mas bri bar bya// zur bzhi pab la sgo bzhi pa/ / sgo khyud bzhis ni mdzes pa dang // kha khyer gyis ni yongs su bskor// mtshams su lha yi bu mos mdzes// dkyil 'khor gyi ni mtshams rnams dang // sgo dang sgo khyud mtshams rnams su/ / zla ba phyed la gnas pa yi// rdo rje rin chen 'od zer 'bar// rlung gis bskyod pa'i dril bu mchog/ ba dan sna tshogs mdzes pa yin// me long dra ba me tog 'phreng // ldan pa'i phyi rol dkyil 'khor bri// de ni nang du 'khor lo ni// dkyil 'khor brgyad pa dang 'dra ba// rdo rje thig gis yongs bskor ba'i// rdo rje 'khor lo yang dag bri// de dbus cho ga bzhin du/ ni/ rdo rje sems dpa' dgod par bya// blugs sam yang na byas pa'am// brdungs sam yang na bris pa yis// bzhad pa dang bcas zla ba'i 'od// 'bar ba'i 'od zer dmar pos khyab// sangs rgyas 'phreng bas rnam par mdzes// skul tshon gyis yang dag byugs// sems dpa'i skyil mo krung gis bzhugs// rdo rje bsnyems pa 'dzin pa'i mchog/ sa ma ya s+t+waM zhes brjod nas// snying khar rnam par dgod par bya// de yi logs ni thams cad du// sems dpa' chen po rnams bris te// tshon nam yang na rdul tshon gyis// gor mi ji bzhin bri bar bya// mdun du sku mngon

  76. 39a

    dmar po ni/ / rdo rje mtshon cha la brtson pa// g.yas su dag pa'i dkar po ste// legs par 'khyud pa'i rdo rje can// rtsub tu sku mdog ser po ste// chu srin gyi ni rgyal mtshan 'dzin/ / g.yon du sku mdog sngon po ste// phyag gis snyems pa 'dzin la sogs// mchod pa'i snod rnams 'dzin pa'o// mchod pa'i lha mo bri bar bya// sgeg mo bzhad ma glu ma dang / dkar mo lha yi bu mo'i tshogs// rdo rje lcags kyu zhags pa dang // rdo rje lcags sgrog dril bu bsnams// sgo ni bzhi po rnams la ni// sgo srungs bzhi po dgod par bya// de nas de dag gi snying po rnams ni 'di yin te/ hUM badz+ra dr-iSh+Ti samA ke ma Ta/ hUM badz+ra kI li kI la ye hUM/ hUM sma ra badz+ra bi d+ha hUM/ hUM tuSh+Ta badz+raHhUM/ rdo rje bran no// de nas mchod pa'i lha mo rnams kyi ni/ hUM ma d+hu ra badz+ri hUM/ / hUM badz+ra me g+he hUM/ hUM shA rad badz+ra hUM/ hUM badz+ra shi shi ri hUM/ de nas lha'i bu mo rnams kyi ni/ hUM badz+ra lA s+ye/ ma hA ba ra badz+ra Ni/ oM badz+ra gI te badz+ra/ oM nr-i te badz+ra/ de nas sgo srungs rnams kyi ni/ dzaHaM ku sha pra ti ha ra/ hUM badz+ra pA sha ga na/ baM badz+ra s+pho Ta du ha/ a badz+ra g+he Tats+tshe ra/ de ltar lha mo'i dkyil 'khor du/ bud med grags pa nyid ni dgod// bkod na de dag rnams kyis ni/ byin gyis brlabs pa nyid du 'gyur/ / de na phyag na rdo rje 'dzin// dkyil 'khor kun tu bris byas nas// bum pa gang ba ji snyed dang // me tog la sogs kun gyis mchod// dril bu btags pa'i

  77. 39b

    ba dan rnams/ / mtshams rnams su ni gzhag par bya// lcug ma dang bcas bum pa rnams// sgo yi phyi rol dag tu gzhag/ rdo rje dang bcas gzhi dang bcas// bcug mo yongs su bzlas nas ni/ dri chus gang ba'i bum pa ste// phyag na rdo rje'i mdun gzhag bya// de la 'di ltar bde ba chen po'i dam tshig gi bdud rtsi'i chu byin gyis brlab pa'i snying po ni/ oM ma hA su kha badz+ra sa ma ya/ a b+he khe kA dzaHhUM baM hoH/ lan nyi shu rtsa gcig bzla'o// chu 'di gtor ba'am 'thungs na sdug bsngal thams cad rab tu byang ba dang / bde ba thams cad rab tu 'phel bar 'gyur ba yin no// de nas rang gi dam tshig rnams kyis rdo rje 'chang la sogs pa bsgrub par bya'o/ / dzaHhUM baM hoH/ zhes brjod nas/ dgug pa dang / gzhug pa dang / bcings nas skad cig gis dbang du 'gyur ro// phyag rgya chen po mnyam bzhag ste/ / de bzhin g.yas su mdzub lcags kyus/ dgug pa 'di ni lan cig gis// 'grub par rab tu gzhug par bya// oM ma hA su kha badz+ra satwa/ a a hi shri g+h+raM su kha badz+ra gu h+ya sa ma ya ma nu sma ra prA nu sma ra pra b+hU ta sa ma ya s+thA hri da yaM/ su toSh+yo me b+ha wa/ su po Sh+yo me b+ha wa/ a nu rak+to me b+ha ba/ a d+hi tiSh+ThA b+ha ga bAM a na ti na dan sid d+h+waM tu me man+da pa daiH/ dzaHhUM baM hoH/ de nas rtag tu bcom ldan 'das/ / dkyil 'khor du ni rang nyid byin// dgug cing bcug nas brtan pa dang // dbang du 'gyur zhing 'grub pa yin// rmad du byung ba'i rdzu 'phrul dum rnams mthong ba'am

  78. 40a

    yang na bcom ldan 'das rang nyid kyis mthong bar 'gyur ro/ / de nas rang nyid rdo rje 'dzin kun gyis slob dpon ni phyag rgya thams cad 'grub pa/ dam tshig thams cad shes pa/ las thams cad nus pa/ bcom ldan 'das kyis byin gyis brlabs pa yin no// 'jug pa'i cho ga 'di yis rdo rje slob dpon rang nyid ji snyed pa'i dris byugs shing bsgos pa/ rgyan dang bcas pa'i me tog gi 'phreng bas lus shin tu brgyan pa/ gos dmar po gnyis bgos pas rang nyid kyis bcom ldan 'das la bstod cing rdo rje dang bcas pa'i rdo rje bsnyems pas rang nyid 'jug par bya'o// bstod pa ni drug ldan la sogs pa glu yis bya'o/ / 'dod chags la sogs bde kun yid khyod ni// kun tu bdag la bde ba la stsol cig/ rdo rje sems dgongs myur du bdag bstan mdzod// bdag dgyes mdzad dang bde mchog grub la 'dud/ / de nas rab tu zhugs nas dgongs su gsol bar bya ste/ thog mtha' med pa'i sems dpa' ni// rdo rje sems dpa' bde ba che// kun tu bzang po khyod yin te// rdo rje bsnyems bdag khyab bdag yin/ / sems kyi sems dpa'i ting nge 'dzin// de bzhin rdo rje rdo rje 'dzin// kun mchog dam tshig dngos grub can// rdo rje sems bdag de grub mdzod// de nas bcos ldan de nyid kyis/ / rdo rje slob dpon byin brlabs gyur// de sngar ma byung ba'i so so rang rig pa'i bde ba gnyis ka la skye bar 'gyur ro// phra mo dbab par 'gyur ro// de nas bcom ldan 'das grub

  79. 40b

    par gyur to zhes shes par bya'o/ / de nas de bzhin du 'dug la ci 'dod pa'i bzlas brjod bya'o// de nas de bzhin du 'dug la rang gi bsod nams kyi byin gyi rlabs kyis 'dod pa'i dngos grub thob par 'gyur ro// de nas brtsams te sems dpa' chen po thams cad 'grub par 'gyur zhing mthong bar 'gyur ro// de rnams kyis kyang de la dngos grub thams cad stsol bar mdzad do// phyag rgya thams cad kyang bdag rang nyid kyis bcings na las thams cad 'grub par 'gyur ro/ / dam tshig thams cad kyang 'di la bstan par 'gyur ro// yid kyi 'dod pa'i las rnams kyang byed pa yin no// bde ba dang yid bde ba thams cad nyams su myong zhing gzhan gyis mi thub pa dang mi sod pas lo gcig 'das nas sangs rgyas nyid la sogs pa'i mchog gi dngos grub thob pa yin no/ / de nas sems can thams can zhugs pa'i don du brtag par bya ba yin no/ / rdo rje slob dpon rang nyid snga ma bzhin du lus la brgyan nas rab tu bde ba'i rdo rje'i dam tshig gi phyag rgya rab tu bcug ste/ de bzhin du de kho na nyid chen po bskul bas yang dag par bskul la dgug pa'i bya la 'di skad ces brjod do/ / srid pa'i bde ba rnam dag phyir// sngar gyi srid pa la khrod dga'// 'dod pa kun gyi dngos grub che// 'gro ba kun la'ang 'grub par gyis/ / de nas mchod pa byas la/ rang gi lhag pa'i lha gang yin pa de'i dam tshig phyag rgya me tog dang bcas pa gzhug par bya ste/ bcug nas rna bar 'di skad ces brjod par bya'o//

  80. 41a

    chags bral nyid kyis 'dul bar 'gyur// 'dod chags chen po bde ba che// rdo rje sems dpa' sbas pa yin// 'dod chags bral ba lta bu yi// sdug bsngal gzhan ni rang bzhin med/ / de bas sems can chags bral la// slar yang yid ni ma byed cig/ de nas me tog la sogs pa snying po 'dis 'dor du gzhug go// oM ma hA su kha badz+ra satwa pra ti gr-ih+Na sa ma ya s+t+waM/ de nas gang du babs pa de ni de'i lha yin no/ / de nas de kho na nyid chen por brjod par bya'o// gang 'dod pa'i snying po byin la sgrub tu bcug la rang nyid lhag pa'i lha dbang bskur bas dbang bskur nas de'i mtshan ma lag pa gnyis su byin te/ de'i rigs kyi ming gi dbang bskur la snying po 'dis dbang bskur bar bya'o// oM sarba ta thA ga ta At+ma kohaM/ badz+ra d+ha ra sa mu khe b+ha a b+hi khe tAM/ a b+hi Shiny+tsA mi gr-ih+Na sid+d+hi badz+ri te a mo g+ha sid+d+hi s+thA/ de nas phyag rgya bcings pa bslab par bya'o// de nas ci 'dod pa'i mchod pa byas shing byed du bcug nas ci 'dod pa bza' ba dang btung bas slob ma rnams tshim par byas la phyag rgya dang phyag rgya'i lan gar dang rgod pa byed du bcug cing rang nyid kyis kyang bya'o/ / de nas thams cad bskrad nas 'di skad brjod par bya ste/ thog mtha' rgyu yi 'gro ba 'di// dga' bas mchog la ragasus sems dpa' chen po rdo rjer 'gyur/ / slar yang gshegs par mdzad du gsol// de nas snyim pa'i me tog dor nas dbyung bar bya'o// dkyil 'khor yang rang nyid kyis phyag

  81. 41b

    rdul tshon de dag gi rol bu byas la bzhag na las thams cad 'grub par 'gyur ro/ / de nas bde ba chen po rdo rje dam tshig gi bdud rtsi'i tshul de'ang bcug na tshe 'phel ba la sogs pa'i las thams cad dgongs pa yin no/ / de nyid kyis dbang bskur na'ang dkyil 'khor du dbang bskur ba thob pa dang mchog gi dngos grub kyang thob par 'gyur ro// gal he sku bri ba'i ri mo mkhan pa rnyed na rang rang gi phyag mtshan gyi phyag rgya rnams kyis dkyil 'khor bri bar bya'o/ / gal te de'ang mi shes na phyag mtshan gzhag par bya'o// phyag rgya'i cho ga rgyas pa'o// de ras bcom ldan 'das don yod pa thogs pa med pa myur du 'grub pa'i cho ga rgya che ba'i dam tshig rdo rje zhes bya ba'i ting nge 'dzin la snyoms par zhugs te/ rnam par gnon par mdzad nas rdo rje 'chang chen pos 'di gsungs so// bde ba chen po rab bsgrubs dang // 'dod pa chen po rnam dag phyir// rdo rje sems dpa' 'grub pa ni// rtag par myur du bshad par bya// ji srid 'khor ba'i gnas su ni// de srid sems can gnon par bya/ / mya ngan 'das pa byang chub sgrib// de nyid kyi ni dam tshig rnams// ji srid pa la gnas pa ni// de srid sems can don nyid byed// thams cad dag pa'i mchog chos bya/ / ji ltar sems can kun gyi don// dngos grub thams cad rab sgrub pa// de phyir sbyin tshogs pha rol phyin// byang chub spyod pa mchog gi min// de bzhin gshegs ni 'dul min la//

  82. 42a

    sems can kun rnams don mdzad pa// 'di ni dngos grub rab sgrub na// dus kun tu ni thams cad mdzad// de ras sgrub pa 'di bya ste// dngos grub shin tu brtag pa yin/ gang gis srid pa 'di nyid du// shin tu brtag pa'i dngos grub thob// dkyil 'khor dag tu ma zhugs kyang // dam tshig rnam par spangs pa 'am// bsod nams med kyang thams cad du// srid pa 'di la myur du 'grub/ / gal te dngos grub sgrub 'dod na// rtag tu yul dang ldan gyur na// gsang ba'i mchod pas mchod nas ni// rang rang phyag rgyas 'grub par 'gyur// drug ldan la sogs snyan pa'i glu/ chags pa kun kyang phyir 'dod par// bzlas pa'i don ni ci nus pas// rdo rje sems dpa' bsgrub par bya// 'di yis 'dod pa'i kun dbang phyug/ ci 'dod 'ong ngo mkha' la rgyu// dngos grub kun gyi dbang phyug grub/ / rga shi med cing gtso bor 'gyur// rgyal ba kun gyis mchod byas la// rang gzhan kun gyis bsnyen bkur zhing // rdo rje 'chang chen dang mtshungs shing // don yod kur spyod pa yin no/ / bde ba chen po rdo rje grub pa'i rgyal po de bzhin gshegs pa la sogs pa'i dngos grub thams cad rab tu ster ba'i rdo rje 'chang byang chub sems dpa' yin na/ gal te de bzhin gshes pa thams cad kyi dngos grub mngon par 'dod pa des/ bcom ldan 'das de bzhin gshegs pa de bzhin gshegs pa thams cad kyi phyag rgya'i khu tshur yongs su 'dzin pa ras ris la bri bar bya'o// bzhad pa

  83. 42b

    dang bcas pa dngos po thams cad du de bzhin gshegs pa rnams kyis yongs su bskor ba'o/ / de'i mdun du de bzhin gshegs pa thams cad khu tshur yongs su 'dzin pas/ rdo rje'i tshig gis stong phrag brgya bzlas par bya'o/ / 'bum rdzogs pa na mtshan phyed na bdud kyi tshogs rnams 'ong bar 'gyur ro// de nas bdud thams cad kyi stobs gzhom pas bcom par bya'o// de nas tho rangs kyi dus su de bzhin gshegs pa thams cad nyid dang byang chub sems dpa' nyid thob par 'gyur ro/ / gal te rdo rje 'chang chen po nyid mngon par 'dod na des lugs sam/ 'dus byas pa 'am/ brdungs pa 'am/ ras ris la sog par leg pa gri ba'i phyag na rdo rje'i dkyil 'khor bzhin du sngar grub pa la sku gzugs kyi khyad par ji ltar thob pa rdo rje sems dpa'i sgrub pa bshad do// zla ba drug gis rdo rje 'chang chen po'i dngos grub chen po 'grub bo/ / gal te rdo rje 'chang chen po dgug na bde ba chen po rdo rje lcags kyus dgug cing ci 'dod pa bsgrub par bya'o// zla ba gcig bzlas nas thams cad gsol bar bya'o// gal te rang gi phyag rgyas bdag nyid sgrub na rang gi lha'i phyag rgya chen po bcings te bsgoms pas bdag rdo rje sems dpa' yin no zhes bsgoms la bsgrub par bya'o/ / de ji ltar mngon par 'dod pa'i bzlas pas bdag nyid bsgrub par bya'o/ / yang dang yang du sgom zhing bzlas pa de srid bdag gis bya'o// ji srid rdo rje 'chang nyid zla ba phyed bzlas nas thob par 'gyur ro// de nas 'dod pa thams cad kyi dbang phyug bsgrub par 'dod//

  84. 43a

    de bzhin du rang yid du 'ong ba dang bcas par rab tu zhugs te phyag rgya bcings la de srid bzlas par bya'o// ji srid bdag 'dod pa rnams kyi dbang phyug dang khams gsum pa ma lus pa bdag por 'gyur ro/ / de nas bcom ldan 'das rdo rje 'chang khams gsum pa ma lus pa'i rdo rje'i rgyun gyi rang bzhin thams cad grub pa'i chos nyid kyi ye shes rnam par rol par mdzad nas ma bsgrubs pa'i phyag rgya'i las kyi rgyun rdo rje'i cho ga rgyas pa 'di gsungs so/ / ma bsgrubs pa'i snying po'i las rnams 'di lha ste/ bdag nyid srung ba ni bde ba chen po'i rdo rje gsang ba'i gtsug tor gyis so// thams cad srung ba ni bde ba chen po rdo rje gsang ba'i mdzod spus so/ / phyogs thams cad dang / mtshams dang / dkyil 'khor bcing ba ni bde ba chen po rdo rje gsang ba 'bar ba'i 'phreng bas so// bdud thams cad kyi stobs gzhom pa ni bde ba chen po rdo rje gsang ba mi bskyod pas so/ / tshe 'phel bar bya ba ni bde ba chen po rdo rje gsang ba'i bdud rtsis so// gzugs chen po phun sum tshogs pa ni bde ba chen po rdo rje gsang ba'i gzugs can gyis so/ / gzi brjid dang na tshod shin tu bzang por rab tu 'phel ba la ni bde ba chen po rdo rje gsang ba'i bcud kyis len gyis so// stobs dang mdog 'phel ba la ni bde ba chen po rdo rje gsang ba'i mthu yis so/ / dbang bskur ba thams cad la ni rdo rje gsang ba'i cod pan gyis so// nor thams cad thob par bya ba la ni rdo rje gsang ba'i dbang phyug gis so// rgyal

  85. 43b

    srid thob pa la ni rdo rje gsang ba'i rgyal po'i phyag rgyas so/ / sa ma lus pa thob pa la ni rdo rje gsang ba'i rtsal gyis so// thams cad dbab pa dang / g.yo bar byas pa dang / gar byed du gzhugs pa dang / dus gsum bden pa nyid du smrar gzhug pa la ni bde ba chen po rdo rje gsang ba'i dam tshig gi don du gzhug pas so// pra se na thams cad grub pa la ni rdo rje gsang ba'i pra se na dbab pas so// gdon thams cad las thar pa la ni rdo rje gsang ba'i rengs pas so/ / thams cad gnyid log par bya ba la ni rdo rje gsang ba'i gnyid kyis so// thams cad rgyas gdab pa la ni bde ba chen po rdo rje gsang ba'i dam tshig gi mkha' 'gro mas so/ / thams cad du gsang ba la ni rdo rje gsang ba mthar byed kyis so// thams cad bsgyel ba la ni rdo rje gsang ba'i hUM mdzad kyis so// thams cad bslang ba la ni rdo rje gsang ba'i dam tshig gis bslang ba'o/ / thams cad bcing ba la ni rdo rje gsang ba bcing bas so// thams cad thar par bya ba la ni rdo rje gsang ba'i yi ge mus so// 'phra men ma thams cad las thar par bya ba la dang po sngon gyi gnas skabs rjes su sbyin pa la ni gsang ba chen po he ru ka'i rdo rjes so/ / ma mo'i gdon thams cad las thar par bya ba la ni rdo rje gsang ba'i drag mos so// 'phra men ma thams cad kyis rgyas btab pa la dang / thar par bya ba la dang / snying zos pa las snying gzhan 'byung bar 'jug pa dang / shi ba gso ba la ni dam chog chen po gsang ba'i he ru ka'i rdo rje'i dbang bskur ba'i phyag rgyas

  86. 44a

    so/ / gdug pa thams cad kyi phyag rgya gzhig pa la ni rdo rje gsang ba'i rdo rjes so// rims thams cad zhi ba la ni rdo rje gsang ba'i 'bar ba'i lta bas so// dug thams cad gzhig pa dang / bza' ba dang / 'bab pa dang / 'chi ba gso ba la ni gsang ba chen po rdo rje nor bu'i phyag rgyas so// dug thams cad dang / sbyar ba'i dug thams cad rab tu zhi bar bya ba la ni rdo rje gsang ba'i dug med pas so/ / gshed byed thams cad dang / byad dang / ro langs dang / byur dang / gnod sbyin mo rnams kyi gzhig pa la ni rdo rje gsang ba'i sbyin sreg gis so// rtsod pa thams cad dang / 'thab pa dang / 'thab mo dang / rtsod pa gzhig pa la ni rdo rje gsang ba'i zhal rab tu gdangs pas so// yams dang / 'tshe ba thams cad dang / sdig pa dang / rmi lam ngan pa gzhig pa la ni rdo rje gsang ba'i zhi bas so/ / gzhan gyi dpung thams cad rengs par bya ba dang / gnyid log par bya ba dang / rmongs par bya ba dang / lkugs par bya ba dang / rgyas gdab pa dang / bsad pa la ni bde ba chen po rdo rje gsang ba'i gshed byed kyis so/ / 'thab mo thams cad las rgyal ba thob pa la ni rdo rje gsang ba'i rgyal mtshan gyi dpung rgyan gyis so// gdug pa thams cad gzhig pa la ni rdo rje gsang ba'i rdo rje legs pas so/ / bgegs thams cad zhi bar bya ba la ni rdo rje gsang ba'i thabs sbyor gyis so// dgra bo thams cad rnam par gzhig pa la ni rdo rje gsang ba'i rnam par 'thor bas so//

  87. 44b

    bdud kyi stobs thams cad gzhom pa la ni rdo rje gsang ba'i rab tu 'dul bas so// spyir bskyed pa la ni rdo rje gsang ba'i sprin chen pos so// char dbab pa lan rdo rje gsang ba'i sdigs mdzub kyis so/ thog dbab pa dang / glog dang / rlung dang / char zhi bar bya ba la ni rdo rje gsang ba'i sprin srung gis so// sprin dang / mun pa dang / khug rdza zhi bar bya ba la ni rdo rje gsang ba'i bde ba chen po'i sbyin gyis so/ / klu thams cad dgug pa la ni rdo rje gsang ba'i phyag rgyas so// klu thams cad dbang du bya ba la ni gsang ba thams cad kyi nor bu'i phyag rgyas so// klu thams cad rjes su 'brang bar bya ba la ni rdo rje gsang ba'i klu 'dul bas so/ / klu thams cad 'byin pa la ni rdo rje gsang ba'i klu 'don pas so// sa ma lus pa g.yo zhing 'gul bar bya ba la ni rdo rje gsang ba'i thar pas so// chu med par chu'i phung po char bsil zhing dri ma med par bskyed pa la ni bde ba chen po rdo rje klu'i phyag rgyas so/ / mun par nyi ma'i snang ba chen po bskyed pa la ni rdo rje nyi ma'i phyag rgyas so// rlung thams cad dbang du bya ba la ni rdo rje rlung thams cad kyis so/ / nam mkha' la gzugs thams cad kun tu ston pa la ni rdo rje gsang ba'i 'dzin pas so// nam mkha' las dngos po thams cad 'byung bar bya ba la ni rdo rje gsang ba'i 'byung bas so/ / nam mkha' la rang gi bdag nyid kyi dngos po kun tu bstan par bya ba la ni rdo rje gsang ba'i rdzu 'phrul gyis so// nam mkha' la de bzhin gshegs pa dang / rdo rje 'dzin pa la

  88. 45a

    sogs pa byang chub sems dpa' thams cad dang / 'jig rten gyi khams thams cad bstan pa la ni rdo rje gsang ba'i rnam par 'phrul bas so// nam mkhan shing thams cad sa ma dang / me tog dang / 'bras bu thams cad 'byung ba la ni rdo rje gsang ba'i dus kyi phyag rgyas so// sa'i cha thams cad la 'bras bu'i chathams cad smin par 'gyur ba la ni rdo rje gsang pa gshol gyi zug rgyas so/ / thams cad las lha'i kha zas dang / btung ba dang / gos dang / rgyun dang / gnas gsar ba dang / bu mo gzhon nu 'byung ba dang / skyes pa dang / bud med dang / rgyan pa dang / rgyan pa thams cad 'drung bar bya ba la ni bde bachen po rda rji ma tshig gi bsod nams kyi rgyabs so// gdul dung dpung mi tshogs yan lag bzhi pa bstan gyis sum bzed pa la ni rde rdza de pan pa'i sdom pa lo/ / mA ma rnams cad btsun pa pa rje pade chog gis so// bde chos go thathams cad la rde rje ma'i brungs so// rlung dbyung ba dang tsha baphrul lams cad brdzun pa na / #nga/ / bya mi

  89. 45b

    chu'i steng du gzhag pa dang / bdag nyid gzugs mang po'i dngos po ston pa dang / mi snang ba dang / nam mkha' la 'gro ba'i dngos grub la ni rdo rje gsang ba'i dngos grub kyi phyag rgyas so// lha la sogs pa thams cad mngag gzhug par bya ba la ni rdo rje gsang ba'i bka' bsgo bas so/ / sems can thams cad dbang du bya ba la ni rdo rje gsang ba'i dbang gis so// mi rU ba thams cad drang ba dang / dbab pa dang / bden par smrar gzhug pa la ni rdo rje gsang ba'i dngos grub chen po'i phyag rgyas so// gzugs brnyan thams cad dbab pa dang / dgug pa dang / dgod par bya ba dang / gar byed du gzhug pa dang / kun tu rol par bya ba dang / bsgo ba thams cad byed du gzhug pa dang / thams cad khyer te 'ong ba dang / las thams cad byed du gzhug pa la ni bde ba chen po rdo rje'i dam tshig sgrub pas so// thams cad rjes su chags par bya ba la ni bde ba chen po rdo rje yid las byung bas so/ / rgyu ba dang mi rgyu ba thams cad rtser gzhug pa la ni rdo rje ki li ki li'i gsang bas so// thams cad brtan par bya ba la ni rdo rje chu srin gyi phyag rgyas so/ / thams cad dang bar bya ba la ni rdo rje bsnyems pas so// rmi lam ngan pa bzlog pa la ni rdo rje ngag gis so// gzhan dag gis rang 'dod pa'i rmi lam mthong bar bya ba la ni rdo rje lam mthong bas so/ / rmi lam ngan pa thams cad gzhig pa la ni rdo rje sreg blugs kyis so// rmi lam bzang ba thams cad sgrub pa brtan par bya ba la ni rdo rje rmi lam grub pas so// nang dang gnod/

  90. 46a

    pa thams cad bsal ba la ni rdo rje spyan gyis so// rims thams cad gzhig pa la ni rdo rje brgyad kyis len gyis so// dus ma yin par 'chi ba gzhig pa la ni rdo rje drang bas so// dmyal ba la sogs pa'i ngan 'gro thams cad gzhig pa la ni rdo rje sdig pa dral bas so// sku thams cad sgrub pa la ni rdo rje sku mchog gis so// gsung thams cad sgrub pa la ni rang gi lce 'das pa dang ma 'ongs pa dang / da ltar gyi dngos po thams cad bden par ston pa'o rdo rje gsang ba'i ljags kyi mchog gis so// thugs thams cad sgrub pa la ni rdo rje thugs thams cad bskyed pas so// rdo rje thams cad kyi dngos grub ni rab tu dag pa'i rdo rjes so/ / dkyil 'khor thams cad rab tu 'jug pa la ni rdo rje 'khor los so// phyag rgya thams cad bcings pa'i dngos grub la ni rdo rje gsang ba'i dam tshig gi phyag rgya chen pos so/ / thams cad dam tshig thams cad sgrub pa la ni rdo rje dam tshig gi phyag rgyas so// las thams cad sgrub pa la ni rdo rje gsang ba'i mchod pas so// dngos grub thams cad la ni rdo rje gsang ba'i bde ba chen po'i grub pas so/ / phun sum tshogs pa thams cad la ni rdo rje lhung ba las gdon pa'i phyag rgyas so// thams cad mkhyen pa'i ye shes thob pa la ni rdo rje ye shes kyi phyag rgyas so// thams cad kyi mchod pa bya ba nyid la ni rdo rje gsang ba'i gar gyis so// rdo rje thams cad kyi dngos grub dam pa la ni rdo rje bde ba chen po'i rdo rjes so// sems dpa' chen po thams cad kyi dngos grub dam

  91. 46b

    pa las rdo rje sems dpa'i bde ba chen po de bzhin gshegs pa thams cad kyi dngos grub dam pa la ni rdo rje sems dpa' gsang ba'i mchog gi bde ba chen pos so/ / rdo rje 'dzin pa thams cad dngos grub dam pa la ni bde ba chen po gsang ba'i dam tshig gi phyag rgyas so/ / bde ba chen po rdo rje gsang ba'i rtog pa'i rgyal po las/ rab tu dga' ba'i rdo rje gsang ba'i mchod pa'i cho ga rgyas pa'o// / de nas bcom ldan 'das bde ba chen po rdo rje'i dam tshig gi sems dpa'i byin gyis brlabs pa gsang ba'i chos can rnam par snang mdzad chen po de bzhin gshegs pa thams cad kyi khu tshur yongs su 'dzin pas/ de bzhin gshegs pa thams cad kyi 'khor lo byin gyis rlob pa'i rdo rje zhes bya ba'i ting nge 'dzin la snyoms par zhugs te/ rang gi rdo rje sems dpa' la gsol ba btab bo// bde ba chen po rab grub dang // 'dod chags chen po rnam dag phyir// de bzhin gshegs pa mtha' yas nyid// dam pa'i rigs ni bskyed du gsol// de nas bcom ldan 'das rdo rje 'chang chen po de bzhin gshegs pa thams cad kyi dam tshig bde ba chen po mi phyed pa'i rnam par gnon pa mdzad nas/ bcom ldan 'das kyi sku dang / gsung dang / thugs rdo rje rdo rje thams cad la rab tu zhugs nas thams cad kyi bdag nyid mnyam par spros nas/ bde ba chen po rdo rje phyag rgya'i gzungs 'di gsungs so// oM d+hi/ de nas 'di ni gsungs tsam gyis// rnam pa drug tu

  92. 47a

    g.yos gyur te/ / sangs rgyas sras dang bcas pa kun// kun nas 'dus shing bstan par gyur// dkyil 'khor chen po'i sbyor ba yis// thams cad grub phyir kun nas bzhugs/ / bzhad pa chen po'i khyad par gyis// rmad byung chen po rab tu bzhad// de nas bcom ldan 'das de bzhin gshegs pa rdo rje sems dpa' de bzhin du rdo rje la snyoms par zhugs te/ bde ba chen po'i dam chog rdo rje gsang ba zhes bya ba'i gzungs kyi dkyil 'khor 'di gsungs so/ / ji ltar chos kyi bris nas ni// rgyal ba g.yon du bsnyems 'dzin pa// dam tshig mchog gi mchog bkod nas/ sa ma ya s+t+waM zhes brjod do// de bzhin gshegs pa sras dang bcas// rdo rje mtshon cha la sogs gzung // byang chub sems dpa' sems dpa' che// me tog la sogs spyir thal sbyar// de la 'jug la sogs pa yi/ / cho ga rgyas pa'i khyad par ni 'di yin te/ de bzhin gshegs pa thams cad la phyag bya ba'i phyag rgya dang / rdo rje glu 'dis 'jug par bya'o// rdo rje sems dpa' bsdus pa yis rdo rje rer chen blun med/ / rnga rje chos ni b+hur blangs byas// rdo rje'i las ni byed par 'gyur// de nas rab tu zhugs nas de bzhin gshegs pa thams cad kyi ye shes kyi gzungs bde bachen pa gsang ba'i lcags kyus dgug par bya'o/ / oM badz+ra d+hAr su ra ma hA su le sar+b+ba par thab ma ta ya// sar+b+ba ta thA ga ta dz+nyA na me mu drA pa de dzaHhUM baM hoH/ de nas de bzhin gshegs pa thams cad 'dzin

  93. 47b

    pa dang bcas pa yang dag par byon par 'gyur ro/ / yid bde ba la sogs pa'i mtshan ma 'byung ngo // cho 'phrul du ma dag mthong ba yin no// de nas chog rgyas pa dang / sgrub pa dang / yid kyi 'dod/ pa'i dngos grub thams cad dang / don yod pa dang / thogs pa med par myur du dam pa grub pa yin no// de bzhin du bya'o// de nas ma bsgrubs par lan cig bzlas pas las rnams byed par 'gyur ro/ thams cad srung ba la ni rdo rje gtsug tor gyis so// sems can thams cad dbang du bya ba la ni rdo rje mdzod spras so// chos nyid thams cad thob pa la ni rdo rje chos nyid kyis so// de bzhin gshegs pa thams cad kyis mchod pa'i dngos grub ni rdo rje mchod pas so/ / gdug pa thams cad 'dul ba la ni khro bos so// byang chub kyi spyod pa ma lus par rdzogs par bya ba la ni rdo rje spyod pa'i phyag rgyas so// bdud thams cad gzhom pa la ni bdud thams cad 'joms par byed pas so// de bzhin gshegs pa thams cad nyid du bya ba la ni rdo rje ye shes kyi khu tshur gyis so// bde ba chen po rdo rje gsang ba las/ de bzhin gshegs pa thams cad kyi gsang ba chen po'i cho ga rgyas pa'o// / de nas bcom ldan 'das de bzhin gshegs pa don yod cing thogs pa med pa'i bka' bstan pa/ de bzhin gshegs pa thams cad kyi thugs rdo rje chen po thabs bde ba chen po'i khro bo rdo rje zhes bya ba'i ting nge 'dzin la snyoms par zhugs te/ rang gi rdo rje sems dpa' la gsol ba btab bo// bde ba chen po

  94. 48a

    rab grub dang / / chags pa chen po rnam dag phyir// gdug pa thams cad gzhom pa'i phyir// rang gis sprul mdzod rdo rje 'dzin// de nas bcom ldan 'das rdo rje sems dpa' de bzhin gshegs pa thams cad kyi bka' rdo rje'i dam tshig ces bya ba'i rab tu dga' ba'i rdo rje khro bo 'di gsungs so/ / hUM rak+Sha dz+wA la mA le pra ti la ya/ ag+ni pra bi ta te/ ma hA su ra ta badz+ra kro d+hadza hUM phaT/ de nas 'di gsungs pa tsam gyis bcom ldan 'das phyag na rdo rje'i rdo rje las kun nas 'od zer dmar po 'bar ba'i snying po can smin ma 'gyur zhing khro gnyir bsdus pa/ sma ra ser zhing spyan 'bar ba/ rdo rje mche ba gtsigs pas mchu'i sgros rnam par gnon pa'i zhal mnga' ba/ dbu skra gyen du 'bar ba/ rdo rje dang gzhu la sogs pa yongs su 'dzin pa/ bcom ldan 'das kyi dkyil 'khor chen po'i tshul du bzhugs pa'o/ / bcom ldan 'das kyis kyang khams gsum pa'i gdug pa thams cad 'dul bar mdzad nas/ rdo rje dam tshig chen po'i byin gyis brlabs pa'o// dkyil 'khor thams cad thig gdab phyir/ / de la dang po khros pa gzhag/ su ra tod b+ha ba hUM zhes zlos// ut+pal sngon po'i 'od 'bar ba// rdo rje bsnyems pa 'dzin pa'i mchog/ mche ba cung zad gcig pa'i zhal/ / khro dang bcas pa bzhad pa'i zhal// rdo rje skyil mo krung gis bzhugs// 'od zer 'bar ba 'khrugs pa'i 'od// dkyil 'khor chen po'i tshul gyis ni// thams cad du mi

  95. 48b

    bri/ rab tu dga' ba'i rdo rje khro bo'i phyag rgya chen pos dang por slob dpon gyis 'jug par bya ste/ slob ma rnams kyang de bzhin no// slob dpon zhugs nas khros pas lcags kyu de nyid kyis dgug par bya'o/ / hUM su ra ta badz+ra kroN+Da/ a ya te/ ma hA su kha badz+ra satwa dza/ sarba badz+ra ku la ne tra pra be sha ya hUM/ sar+b+ba mu drA ga Na ban+d+ha ya baM/ sarba ma yaM bi shA ku ru ho/ sarba karma Ne tra satwA ya a/ de nas rdo rje'i rigs thams cad bcom ldan 'das dang bcas pa byon zhing grub pa yin no/ / slob dpon dang slob ma rnams la dgyes pa dang / khro bo 'bab pa'i mtshan yang dag par 'byung bar 'gyur ro// gzhan yang cung zad 'byung ba yin na de grub pa dang / dngos grub dang / cho ga rgyas pa'ang de bzhin du'o// gal te ma grub na lan cig bzla'o// khams gsum pa ma lus pa las rgyal bar bya ba la ni rdo rje hUM mdzad kyi phyag rgyas so/ / sems can gyi khams thams cad 'dul ba la ni rdo rje khro bo'i gsang bas so// 'jig rten gsum las rnam par rgyal ba la ni 'jig rten gsum las rnam par rgyal ba'i phyag rgyas so/ / thams cad dgug pa dang / gzhug pa dang / dbab pa dang / bcing ba dang / dbang du bya ba dang / gzhig pa dang / rengs pa dang / gnyid log par bya ba dang / rgyas gdab pa dang / bsgyel ba dang / gsad par bya ba la ni bide ba chen po rdo rje khro bos so// thams cad lhung bar bya ba la ni rdo rje khro mar thabs so// thams cad dbab pa la ni rdo rje 'bebs pa'i

  96. 49a

    khro bas so/ / thams cad nges par gnon pa la ni rdo rje gang rgyangs kyis so// las thams cad nye bar dgod pa la ni bde ba chen po rdo rje dam tshig gi khro bos so// bde ba chen// po'i rdo rje'i gsang ba las/ rab tu dga' ba las byung ba rdo rje gsang ba rnam par rgyal ba'i dam tshig gi cho ga rgyas pa'o// / de nas bcom ldan 'das de bzhin gshegs pa thams c ad kyi don yod cing thogs pa med pa thams cad dag pa'i chos sgrib pa med pa de bzhin gshegs pa thams cad kyis rdo rje'i ye shes kyi phyag rgya zhes bya ba'i ting nge 'dzin la snyoms par zhugs nas rang gi rdo rje sems dpa' la gsol ba btab bo/ / bde ba chen po rab grub dang // 'dod chags chen po rnam dag phyir// pad+ma'i rigs chen dag pa la// mchog cher khyod kyis bskyed pa mdzod/ / de nas bcom ldan 'das rdo rje 'chang chen pos chos thams cad la gzigs pa rdo rje zhes bya ba'i rnam par gnon par mdzad nas/ bde ba chen po rdo rje gsang ba'i pad+ma zhes bya ba sngags 'di gsungs so/ / oM hrI baM hoH'di gsungs pa tsam gyis bcom ldan 'das kyi zhal nas pad+ma'i mdog gi mdangs can zla ba'i dkyil 'khor gyi 'od lnga bu pad+ma'i mdangs la sogs pa yongs su 'dzin pa/ de bzhin gshegs pa'i dbang bskur ba dang / ral pa'i cod pan dang / na bza' dmar po 'chang ba dang / pad+ma chen po'i sems dpa' rnams byung nas dkyil 'khor

  97. 49b

    chen po'i tshul gyis bzhugs so/ / bcom ldan 'das zhal rab tu bzhad pas rdo rje g.yon pas pad+ma 'dzin cing de bzhin du rdo rje bsnyems pas skyil mo krung gis bzhugs so// de nas dkyil/ 'khor ni/ dkyil 'khor chen po'i tshul gyis ni/ dkyil 'khor chen po thams cad thig gdab bo// rdo rje 'jig rten dbang phyug gzhag/ pad+ma'i mtshan ma'i tshogs rnams bri// de nas rdo rje pad+mas zhugs la mdzub mo'i lcags kyu gnyis kyis dgug par bya'o/ / oM hri ba~M hoHoM hriHma hA su kha badz+ra a lo ke shwa rA ya me/ A A he pra be shid+ha d+hi me b+ha ba sid+d+hi m+ba ra mu drA pa de dzaHhU~M baM hoH/ de nas bcom ldan 'das spyan ras gzigs dbang phyug byon te mchog thams cad stsol bar 'gyur ro// snang ba'i mtshan ma 'byung bar 'gyur ro// cho ga rgyas pa thams cad dang / sgrub pa dang / dngos grub thams cad kyang de bzhin no// mi bsgrubs kyang lan cig bzlas pas las thams cad byed do// sgrib pa thams cad rnam par sbyang ba la nI pad+ma chen bos so/ / thams cad srung ba la ni pad+ma'i gtsug tor gyis so// thams cad rjes su chags pa la ni pad+ma la blta bas so// thams cad dag pa'i ting nge 'dzin thob pa la no pad+ma kha 'byed pas so/ zung med thams cad dbang du bya ba la ni pad+ma chen po 'dod chags kyis so// sus pa thams cad dbang du bya ba la ni pad+ma chen po'i dbang phyug gis so// rmi lam gdab pa la ni pad+ma chen po

  98. 50a

    dmar pos so/ / bcom ldan 'das kyi mchog thob par bya ba la ni rdo rje gsang ba'i pad+ma rmongs pa med pas so// bde ba chen po pad+ma gsang ba las/ bde ba chen po pad+ma'i rigs kyi cho ga rgyas pa'o/ / / de nas bcom ldan 'das khams gsum pa thams cad kyi bdag po dbang phyug de bzhin gshegs pas bsam pa thams cad yongs su rdzogs pa'i rin po che'i dbang bskur ba'i phyag rgya zhes bya ba'i ting nge 'dzin la snyoms par zhugs nas/ rang gi rdo rje sems dpa' la gsol ba btab bo// bde ba chen po rab grub dang // chags pa chen po rnam dag phyir// nor bu chen po'i rigs mchog ni/ / mgrin sbyor phyir ni bskyed par mdzod// de nas bcom ldan 'das de bzhin gshegs pa thams cad kyi dbang bskur ba'i dam tshig rab tu bzhag pa zhes bya ba'i rnam par gnon par mdzad nas/ bde ba chen po'i rdo rje rin po che zhes bya ba'i rig sngags 'di gsungs so// oM li ti d+ha b+hadz+nyAT te traM/ de nas 'di gsungs pa tsam gyis bcom ldan 'das dbang bskur ba'i bde ba chen po'i rdo rje las nor bu rin po che rab tu phyung nas phyag g.yon pa la rab tu gnas so/ / nor bu rin po che dag pa de'ang mar gang rnyog pa med pa'i mdog can rdo rje rin po che rang gi 'od zer gyis dbang bskur ba can/ nor bu rin po che'i mda' la sogs pa'i mtshan ma yongs su bsdams pa/ bcom ldan 'das kyi dkyil 'khor chen po'i tshul gyis zhugs so// de nas dkyil 'khor bri ba ni// dkyi

  99. 50b

    'khor thams cad thig gdab bya/ / rdo rje rin chen bdag po gzhag/ nor bu'i rigs ni chen po bri// rdo rje rin chen gyigs rgyas zhugs te/ de bzhin du mdzub mo gnyis kyis rdo rje lcags kyus dgug par / bya'o// oM ma hA su kha badz+ra bi b+hU te ra ya b+ha ga bAM daM A kaR+Sha ya gi ra baM sarba ta thA ga ta a graM sa tra sa ma be na nA ma b+he ra ma tra be traM pa Da Da swA hA/ de nas bcom ldan 'das nam mkha'i snying po'i nor bu thams cad dang bcas pa byon pa yin no/ / spyi bo nas spu ldang ba'i mtshan ma 'byung bar 'gyur ro// bcom ldan 'das kyis bdag la dbang bskur ba la ni zhes shes par bya'o// de nas slob ma rnams gzhug par bya ste cho ga rgyas pa thams cad de bzhin du bya'o/ / de nas ma bsgrubs pa'i las rnams lan cig bzlas pas 'grub par 'gyur ro// dbang bskur ba thams cad thob pa la ni rdo rje rin po che myu gus so/ / don thams cad thob pa la ni rdo rje rin chen gyi rgyal mtshan gyi rtse mos so// bsam pa thams cad yongs su rdzogs par bya ba la ni rdo rje nor bu chen po'i mtshan ma'i phyag rgyas so// gter chen po thob par bya ba la ni rdo rje rin chen gyi sa 'og gi phyag rgyas so/ / rdo rje dbang bskur ba thob pa la ni rdo rje chen po'i 'phreng bas so// byang chub sems dpa' chen po'i dbang bskur ba thob pa la ni rdo rje chen po'i 'phreng bas so/ / de bzhin gshegs pa'i dbang bskur ba thob pa la ni rdo rje rin chen gyi dbang bskur ba dam pa'i 'phreng bas so// rdo rje 'dzin pa chen por dbang bskur ba thob pa lan

  100. 51a

    de bzhin gshegs pa thams cad kyi sku'i mchog gi rdo rje rin chen gyi con pan gyi 'phreng bas so/ / bde ba chen po'i rdo rje gsang ba las/ bde ba dang yid bde ba thams cad kyi nor bu'i rigs kyi cho ga rgyas pa'o/ / / de nas bcom ldan 'das rigs thams cad bsdus pa'i rdo rje byin gyis brlabs pa'i ye shes thob pas sems can thams cad gzhug pa'i 'khor lo rdo rje'i phyag rgya zhes bya ba'i ting nge 'dzin la snyoms par zhugs so/ / thog ma tha ma med pa'i bcom ldan 'das rdo rje sems dpa' la gsol ba btab bo// bde ba chen po rab grub pa// chags pa chen po rnam dag phyir/ / bde ba chen po don gyi phyir// 'gro rnams ci bder bzhugs su gsol// de nas bcom ldan 'das thams cad pas rnam par rgyal ba 'gro ba kun 'dul ba/ dam tshig thams// cad dang dngos grub thams cad stsol ba rdo rje 'chang chen po ston pa po/ sgrub pa po/ stobs dang pha rol gnon pa/ thogs pa med pa thams cad la rjes su ston pas don yod par grub pa dam tshig rdo rje 'dzin pa zhes bya ba'i rnam par gnon pa mdzad nas/ bde ba chen po dngos grub thams cad kyi dam tshig ces bya ba'i don yod pa mtshungs pa med pa'i thams cad kyi snying po 'di gsungs so// AHhUMHhrIHhUM/ de nas 'di gsungs pa tsam gyis de bzhin gshegs pa thams cad la sogs pa 'jig rten pa dang 'jig rten las 'das pa'i dkyil 'khor chen po der yang dag par gnas te/

  101. 51b

    dkyil 'khor gcig nyid du 'gyur ro// de nas bcom ldan 'das rdo rje 'chang chen pos sems can thams cad rjes su gzhug pa bde ba chen po'i rdo rje'i dam tshig gsang ba gsungs pa/ dkyil 'khor chen po'i tshul gyis ni/ / dkyil 'khor thams cad kun tu bri// dkyil 'khor chen po dang por ni// de yi dbus su brtag par bya// de yi dbus su rigs rnams kyis// dkyil 'khor chen po bri bar bya/ / phyi yi mtshams kyi mtha' ma ru// phyi yi dkyil 'khor tshogs rnams bri// sgo rnams kun tu 'jug par ni// rang gi phyag rgyar rab tu gnas// dkyil 'khor dam pa lnga sdud cing // rdo rje shugs kyis 'jug par bya// cho ga rgyas pa thams cad dang / dngos grub thams cad dang / las thams cad kyang de bzhin no// de nas lha la sogs pa dam tshig sems dpa' thams cad bcom ldan 'das las rang rang gi rjes su gnang ba mnos nas/ sems can thams cad la bde ba'i don yod pa bcom ldan 'das rdo rje 'chang chen po'i zhabs la phyag byas nas rang rang gi gsang ba'i snying po 'di rnams phul lo/ / de nas 'jig rten gsum pos gsol pa/ oM b+h+rUM trAM/ de nas dkyil 'khor bri ba ni// zur bzhi pa la sgo bzhi pa// phyi yi dkyil 'khor mchog yin no/ / de yi dbus su dngos grub phyir// gzhu yi se ral kar ldan zhing // mda' dang tso shi ga thogs bri// sbrang rtsir byed dang rgyal bar byed// sgrub pa thams cad sgrub pa po// rtse gsum

  102. 52a

    mtshan ma'i phyag rgya yis/ / pus mo lhung btsugs byas te// zhugs nas dam tshig bcings nas ni// yang dag dgug pa nyid du byas// oM b+hA ra b+hA ba swAhA/ gcig bzlas pa yis// thams cad kun gyis yongs bskor ba// dngos grub kun ston 'ongs pa la// ji ltar rnyed pa'i gtor ma sbyin// slob dpon gyi ni 'jug pa yis// slob ma thams cad gzhug par bya/ / dam tshig mchog ni de nyid dang // gsang ba'i de nyid brjod par bya// gal te ma brtags ma smras dang // 'on te 'di skad bshad pa'i chos// 'dir ni kun tu ma spyad na/ rtse gsum gyis ni khyod snying 'joms// snying stobs rdul dang mun pa ni// tshangs pa khyab 'jug dbang phyug che// ming po gsum po 'di dag ste// nam yang brnyas par mi bya'o// gang zhig 'di dag la brnyas pas/ / yang dang yang du rab bzhugs nas// dkyil 'khor mchod pa byed pa de// dngos grub thams cad thob pa ni// phyag rgya dag kyang bstan byas nas// de yis gar gyi mchod pa bya/ / 'dod pa'i yon tan lnga po yis// rtag tu dkyil 'khor mchod par bya// de nas gsang ba'i lha mo rnams kyis rang gi phyag rgya phul lo// hrIHhUM shrI b+h+yo/ dkyil 'khor thams cad bya ba ni/ / gru bzhi pa la sgo bzhi pa// thig bzhi dang ni yang dag ldan// ka ba chen po bzhi dang bcas// gru chad bzhi yis rnam par mdzes// de yi dbus su de bzhin du// dkyil

  103. 52b

    'khor bzhi po bri bar bya/ / sgo ru mngon phyogs bzhi po na// snying po dang bcas gzhag par bya// dga' mo lag na mtshon cha thogs// dngos grub bya ba bsnyems dang bcas// de nas dang pa dkyil 'khor du/ / de bzhin kun nas 'jug par bya// sring mo rang gi phyag rgya yis// go rims ji bzhin 'jug par bya'o// zhugs nas 'jug pa la sogs kyis// cho ga bzhin du mchod byas nas/ / gsang ba de nyid rab grub pas// dgug pa yang dag bya ba yin// oM kA li me nir de pro ta la/ me b+hA rak+Sha si pa ra s+thA ma ya he ba ho ba/ ba ra he bi d+ye s+thA ma ya swA hA/ sid+d+hi ke sid+d+hi s+thAm a he/ phyag rgya 'di rnams kyis so// hrIHhUM shrI b+h+yo/ de nas thams cad 'bab par 'gyur ro// babs nas gzhug par bya'o// de nas de bzhin phyag rgya bcings pa bslabs la mna' bsgrags nas gsang ba brjod par bya'o/ / sems can don la gang zhugs pa// gang du dkyil 'khor ston pa rnams// gal te gsang ba mi srung na// khyod kyis de dag gsang ba yin// 'dod chags zhe sdang gti mug dang // de bzhin zas dang skom dang ro// chos kyis brten pas bde ba dang // chos min pas ni sdug bsngal te// phyag rgya gar gyi mchod pa yis// ci 'dod par ni mchod par bya/ / ji snyed pa dang ci 'dod bzhin// yul rnams la ni brten par bya// de nas lha ma yin thams cad kyis rang gi snying po phul lo// oM sarba ma hA tsakra pra brda la dpram baM hUM u0f7f z

  104. 53a

    ur bzhi pa yi dkyil 'khor ni/ / khru gang tsam du brkos byas nas// gyen du kha bltas sgo bri bar// bde mchog la sogs bri bar bya// 'khor lo rab tu zhugs byas la/ yang dag dgug par dgug par bya// me tog la sogs gtor bar bya// sha la sogs pa'i gtor ma byas// oM biSh+Nu tsakra A na ya/ sha brtsi ma tsi ta traM su ra a d+hi paM he sho haM/ sar+b+ba mA yA g+h+r-i taM d+hapa me sid d+ha hA hA swA hA/ de nas yid kyi 'dod pa'i sgyum thams cad grub pa yin no// slob ma gzhug pa'ang de bzhin du bya'o// de nas klu rigs bzhis snying po phul lo// phuH/ de nas dkyil 'khor bri ba ni/ / zur bzhi pa la sgo bzhi pa// sbrul gyi thig gis kun tu bri// klu yi gdengs ka'i btsun mos 'khyud// mtshams kyi char ni mjug rtse bdud// de yi dbus su sa 'dzin pa/ klu yi rgyal po she Sha bri// shes rab can gyis klu chen gyi// rigs rnams thams cad bri bar bya// de nas 'dzin shugs kyis ni// khros shing drug pas 'jug par bya// dkyil 'khor der ni rab zhugs nas/ / gdengs ka'i phyag rgya dgug par bya// oM hrIHa nI la dza ba be ga pri thi b+hin+da d+ha ra She Sha Na/ A ya hU~MHphu sarba nA ga ku la a na ya hUM phu/ sa ma ya pra be she ya phu/ sar+b+ba sA d+hA ya phuHphuHphuHphuH/ de nas klu thams cad phu zhes bya ba zlos shing dkyil 'khor du zhugs nas babs par 'gyur zhing 'thob bo// de nas slob dpon gyis ri mo'i phyag rgyas dug med par bya'o// de nas

  105. 53b

    brtsams te thams cad zos na'ang bdud rtsi bzhin du 'ju bar byed do/ / 'di rnams lhan cig tu gar byed pa dang / dug thams cad sreg pa dang / 'jig pa dang / za bar nus par 'gyur ro// de nas ci 'dod pa'i dam tshig sbyin par bya ste/ 'dod chags zhe sdang gti mug ste// 'di dag 'jig rten dug gsum mo// gal te bden las 'das gyur na// 'chi ba'i 'jig rten 'di rtag nas/ gal te dngos grub thob 'dod na// glog brnyas par yang mi bya zhing // ser ba bzlog par mi bya'o// sbrul ni gang yang gsang mi bya// bde ba chen po rdo rje gsang ba'i rtog pa'i rgyal po las/ bde ba chen po'i dam tshig chen po'i rdo rje gsang ba la sogs pa'i cho ga rgyas pa'o// de nas rdo rje chen po yi// ri rab ri yi rtse mo ni// rdo rje rin chen 'od gsal bas// dri med gzi brjid mdzes pa la/ / zur bzhi pa la sgro bzhi pa// sgo khyud kyis ni rnam par mdzes// kha khyer rnams la gnas pa'o// rdo rje lha mo tshogs kyi mchod// zla ba phyed la gnas pa yi// rdo rje rin chen rnams kyis mdzes// rlung gis bskyod pa'i dar bzangs kyis// ba dan dril bu'i sgra sgrogs pa// dra ba me long me tog gi/ 'phreng ba chen po btags pas brgyan// bde ba chen po rdo rje che/ / rdo rje kun gyi mngon 'dus byas// rdo rje sems dpa' gnas chen po// sangs rgyas kun gyis nges bsten pa// byang chub sems dpa'i gnas pa mchog/ rdo rje

  106. 54a

    'chang ba kun gyi gnas/ / bde ba chen po rdo rje che// nor bu chen po mchog ces bya// rdo rje chen po'i khang pa na// bde ba chen po bzhugs gnas yin// thog mtha' med pa'i sems dpa' ni/ / rdo rje sems dpa' dga' ba che// kun tu bzang po kun bdag nyid// rdo rje bsnyems tshul bdag po'i bdag/ sems can kun gyi sems gang yin// brtan phyir sems dpar bshad pa yin/ / mnyam par bzhag pas ting 'dzin te// nges pa'i phyir ni rdo rjer 'gyur// sems dpa' byin rlabs sbyor ba yis// slar yang rdo rjer sems dpar 'gyur// de nyid rtag pa bcom ldan 'das// byang chub spyod pa'i rjes 'gro yin// rang sems so sor rtogs sogs na// sangs rgyas byang chub cho ga bzhin// bdud ni sangs rgyas rdo rje can// rdo rje 'chang chen de nyid yin/ / de nyid de bzhin gshegs pa'i rigs// de nyid rdo rje rigs chen po// de nyid pad+ma'i rigs dag pa// de nyid nor bu'i rigs dam pa// de nyid 'dod chags bral ba yis/ / 'dod dang thar pa nyid yin te// dus su srid gsum mchog gsum dang // 'jig rten gsum dang khams gsum pa// mi g.yo thams cad mchog de nyid// brtan zhing snying po nor bu che/ / rgyu ba sems kyi 'du byed thabs// thams cad byed pa thams cad nyid// dang po'i sems dpa' sems dpa' che// byang chub sems dpa' bde rab stsol// sems dpa'

  107. 54b

    skyil mo krung bcas nas/ / pad+ma'i lte bar zhugs pa yin// btsun mo'i tshogs bcas sna tshogs pa'i// rdo rje lha mo rnams kyis bskor// bde ba chen po rab grub dang // chags pa chen po rnam dag phyir/ / ma lus gdul bya'i don dang ni// dngos grub thams cad rab grub phyir// bdag nyid la sogs sems dpa' che// dngos grub thams cad rab grub phyir// dam tshig chen po dam tshig rnams/ / rgyal bas kyang ni srung bar mdzad// snyems bcas rdo rje gsor ba dang // rdo rje bsnyems bcas yang dag ldan// phyag rgya thams cad rnam dag dang // rdo rje sems dpa' mchog grub phyir/ / bde ba chen po rdo rje che// dngos grub thams cad sgrub pa la// ye shes phyag rgyar yang dag ldan// snying po chen por dam pa yin// gang gi bsod nams mi ldan dang // de bzhin dkyil 'khor ma lus zhugs// don yod thogs med nyid mchog gi/ dngos grub thams cad rnyed mi dka'// bde ba chen po rdo rje che// gsang ba'i mchog de dam tshig bstan// dngos grub thams cad sgrub pa yin/ / rtog pa thams cad myur 'grub byed// thog mtha' med par dang po 'byung // bsod nams thams cad cher mtho ba// gzi can rnams dang bde mchog dang // 'dod / chags chen po rnam dag phyir// rjes su chags pa sgom pa zhes// ji bzhin ye shes rab 'jug pa// nye ba'i snying po bcas snying po// bskal thob bcom ldan 'das kyis gsungs// hUM/ de nas

  108. 55a

    'di ni gsungs tsam gyis/ / sangs rgyas sras dang bcas pa rnams// nye bar 'dzin pa mdzad nas ni// 'gro ba thams cad bskyed par mdzad// sna tshogs 'gro ba kun bskyed nas/ / gtso bos dngos grub dris gyur pas// ji ltar skad cig gis 'di 'grub// sems dpa' chen po myur du spros// de nas dkyil 'khor chen po ni// thog mar dkyil 'khor byin rlabs ni// rdo rje kun mchog dam tshig ni/ / cho ga bzhin du bsgrubs nas ni// de nas phan chad sems can 'byung // ji bzhin las kyi rjes 'gro ba// rtag par sdig pa kun spyod dang // dran sems dang ni le lo can// de ni skyes po gsum gzigs nas/ / 'jig rten gtso bo rnams kyi gzigs// bcom ldan ji ltar 'on ni// byis pa dge ba kun tu bskyed// de rnams kyi ni tshig gsan nas// tshig ni 'di skad gsungs pa yin// rdo rje 'dzar kun byed pa pos/ / las kyi 'chi ba ltos gyur pa// de yi tshig de thos nas ni// sras bcas sangs rgyas thams cad kyis// thugs rje chen pos 'di skad gsungs// bde ba chen po rab grub dang // shin tu chags pa rnam dag phyir/ / kun mchog cho ga rgyas pa yis// snying po 'di ni bshad du gsol// de nas ston pa rdo rje 'dzin// dngos grub thams cad stsol ba yin// rtog pa kun gyi bde ba che// rdo rje gsang ba dang po mchog/ gzhan yang snying po bstan pa dang // dkyil 'khor la sogs cho ga che// sna tshogs phyi ma'i rgyud dang bcas// dngos grub thams cad rab grub byed// 'jig rten thams cad khams chen

  109. 55b

    po/ / phra rab rdul rnams dang mnyam pa// snying po chen po 'di nyid kyis// grub pa'i bden pa dam par 'gyur// de nas bde gshegs de rnams ni// de yi tshig mchog gsan gyur nas// dang po'i dkyil 'khor grub stsol ba/ / de tshe de la gsol ba btab// chags pa dang bral 'dul ba'i phyir// chags bral bstan par bya ba 'am// 'dod chags thams cad rnam dag phyir// nyid kyi thugs kyis cho ga gsungs// de nas bcom ldan 'das kyis rdo rje'i glu chen po gsung zhing dkyil 'khor brtag par mdzad do// thams cad rjes su chags pa bde ba dam pa'i thugs// rdo rje sems dpa' khyod ni rab tu byung ba yin// rab tu dga' ba 'gro ba kun gyi bde chen po/ / brtan mtho de ring bdag la myur 'grub mngon phyogs mdzod// ces bya ba'i dkyil 'khor glu len cing brtags par mdzad do// dkyil 'khor chen po'i sbyor ba yis/ dang po'i dkyil 'khor brtag par bya// phyag na rdo rje thams cad du// rdo rje lha mo la sogs tshogs// ji ltar cho ga bzhin du ni// brgyan par byas te rab 'jug bya// g.yon du bu mo rdo rje 'dzin// bsdus te rnal 'byor bca' bar bya/ / rdo rje dang bcas bsnyems pa yi// phyag rgya mchog gis rang nyid 'jug/ dkyil 'khor de ru zhugs nas kyang // lan gsum du ni bskor bar bya// rdo rje sems dpa'i mdun 'dug / de nyid gsang ba'ang brjod par bya// hUM hUM ma hA su kha badz+ra satwa dza/ hUM baM ho/ sa ma ya s+t+waM a nu rak+te me b+ha ba su to Sh+yo me b+ha ba/ dr-i D+ho me b+ha ba/ a d+hi tiSh+Tha b+ha ga bAM/ a na di ni d+he na swA hA/ ma hA

  110. 56a

    su kha badz+ra satwa sa ma ya gu h+ya sa ma sid+d+him+me pra lats+tsha oM ha ha ha ha a/ de nas rab tu dga' bas rdo rje lha mo dga' ba'i gtam bya'o// oM badz+ra dr-iSh+Ti sa ma ya ke maT/ badz+ra kI li kI li ho/ hUM s+tha ra badz+ra Ni baM d+ha hUM hUM tuSh+Ta badz+ra Ni hUM/ de nas bcom ldan 'das kyi mdun du nye bar 'dug ste/ de bzhin du bcom ldan 'das bdag la 'grub par mdzod cig ces bcom ldan 'das la gsol ba brjod par bya'o// myur du thams cad rjes chags par// ki li kau las thams cad nus// thams cad rjes su chags dran dang // rtag tu legs par mnyes gyur bdag/ oM ma hA su kha sid+d+ha badz+ra satwa dzaHhUM baM ho/ sid+d+ha sa ma ya s+t+wa~M sid+d+hi hUM/ de nas chen po'i rdo rje chus dbang bskur zhing 'thungs la rdo rje rtse lnga pa bzung ste/ bdag rdo rje sems dpa' yin zhes rang gi ming brjod pa la snga ma bzhin du gar gyi mchod pas mchod pa bya ste/ ltar rnyed pa'i yul dang ldan pas slob ma dang lhan cig mchod pa byas nas byung bar bya'o// slob ma gzhug par bya zhing rang nyid kyang der zhugs pas dkyil 'khor thams cad du zhugs par 'gyur ro// rdo rje slob dpon thams cad phyag rgya thams cad kyi bdag po dam tshig thams cad shes pa thams cad la tshar gcod pa dang phan 'dogs par nus pa/ dngos grub thams cad phun sum tshogs pa'i ye shes kyi las byed ba/ rang nyid 'jug pa tsam nyid kyis slob dpon ma yin pa dang dkyil 'khor du ma zhugs par skad cig nyid kyis bcom ldan 'das kyis byin gyi rlob par 'gyur ro// de ci'i phyir zhe na/ 'di ltar bcom ldan

  111. 56b

    'das nyid nges par rang nyid rang gi dam tshig gi rdo rje slob dpon du gyur nas 'jug par mdzad do/ / las thams cad kyi cho ga rgyas par yang mdzad pa yin no// snying po 'di'i byin rlabs kyis dkyil 'khor du ma zhugs na'ang dkyil 'khor thams cad du zhugs pa dang / thams cad kyi slob dpon du 'gyur ro// lan cig bzlas pas mi song ba dang / mi tshugs pa dang / thams cad du sna tshogs pa'i yi ge rnams kyis mthong ba dang / thos pa dang / rig pa dang / shes pa yin no// rdo rje 'chang chen po dang bcas pa'i de bzhin gshegs pa'i thams cad ma lus par mdzad nas/ dngos grub thams cad de la stsol pa yin no/ / yongs su sbyang ba dang rten pa'i don du ma yin no// bgegs byed pa rnams kyang sdug bsngal bar 'gyur ba ma yin no// bcom ldan 'das bde ba chen po rdo rje 'chang chen shin tu brtan zhing shin tu dgyes pa rjes su chags pa shin tu rgyas pa dngos grub thams cad dang / phun sum tshogs pa thams cad dang / ye shes thams cad las thams cad gdon mi za ba'i grub pas myur du sgrub par mdzad pa yin no/ / 'on kyang gang gis bris sam/ 'drir bcug gam/ lan cig brjod pa 'am/ 'dzin pa des ma bsgrubs shing dkyil 'khor du ma zhugs na'ang tshe 'di nyid la ji ltar mngon par 'dod pa'i mchog gi dngos grub thams cad grub pa yin no/ / de ci'i phyir zhe na/ 'di lta ste/ don yod cing thogs pa med pa de bzhin gshegs pa thams cad kyi bdag po'i bdag po'i bdag dang / de bzhin gsheg

  112. 57a

    pa thams cad kyis kyang bar chad byed par mi nus so/ / thams cad rjes su chags pa nyid kyi phyir ro// sangs rgyas kyi byang chub kyang rjes su chags pa las byung ba yin no// 'dod pa brtan pas rjes su chags te/ de mi 'dod pa ji ltar mchog gi bde ba chen po la sogs pa'i go 'phang thams cad du 'gyur ro// zhes bya bar thogs pa med pa'i bcom ldan 'das chags pa chen po'i bde ba chen pos gsungs so/ / grub na bde ba chen po ni// rdo rje chags pas skad cig ster// grub pa'i dam tshig 'di yin te// 'di ni kun gyis 'da' bar dka'// sdig pa chen po byed pa 'am/ / de bzhin dkyil 'khor ma mthong ba// lan cig bzlas pas sdig sbyangs pas// mchog grub pas ni grub par 'gyur// rtog par gsungs pa 'am 'dod pa yis// gzugs brnyan rjes su dran bsgoms na/ / snying po yang na glegs bam du// thams cad nyid phyir bdag po grub// gang la gzugs brnyan med pa dang // glegs bam med par 'gyur na yang // yi ge hUM ni thams cad du// bris te bdag sgrub bsgrub par bya/ / zhes bya ba don yod pa'i thogs pa med pa'i dngos grub can rdo rje 'chang chen pos gsungs so// de nas rtog pa'i rgyal po 'di'o// las kun sgrub par 'dod na ni/ dkyil 'khor thams cad theg btab nas// mtshan ma'i phyag rgya bri bar bya// dang po'i rdo rjes zhugs nas ni// brjod par bya ste/ chags pa che las thogs pa che// thogs po che las bde ba che/

  113. 57b

    bde ba che las rdo rje brtan// rdo rje las ni phyag rgyas 'byung // sku gsung thugs kyi rdo rje yi// gzugs brnyan rab tu sbyor ba yis// phyag rgya thams cad bshad pa ste// dam tshig 'da' bar dka' ba'o/ / phyag rgya bcings pa tsam gyis ni// sangs rgyas rdo rje 'chang la sogs// yang dag bsdus par gyur nas no// mnyam pa'i 'jig rten grub par 'gyur// ji ltar rgyal ba'i phyag rgya yis/ bka' ni 'da' bar dka' ba ste// de bzhin rgyal ba kun gyis ni// phyag rgya 'da' bar nus pa min// sangs rgyas nyid dam rdo rje 'chang // de ltar bskal pa bye ba yis// thob min ji ltar phyag rgya mchog/ bsdus pa tshe 'di nyid la thob// ji ltar gdul ba'i 'jig rten ni// de bzhin dngos po gsungs pa yin// de yi thabs ni phyag rgya ste// dngos grub thams cad byed pa mchog/ de bzhin cho ga rgyas pa dang // dngos grub thams cad gdon mi za'o// de nas dang po'i dkyil 'khor gyi// gsang ba'i dam tshig 'di yin te// sor mo thams cad kun sbyar nas/ rdo rje thal mo zhes brjod do// sor mo nang du bcings pa las// rdo rje bsdams pa dag tu bshad// rdo rje bsdams pa'i nang du ni// mdzub mo mthe bong yang dag sbyar// g.yas pa ya~M ni mthe bong ste/ bcug sde btsir ba'i lcags kyu 'dzin// mda' lnga bsdus pa bcings pa nang du gnas// mthe bong bsnyems pa'i mtha' rdo rje// dang po'o bde ba dam pa ste// mtheb mdzub rtse sbyar dbus ma'i

  114. 58a

    rtse/ / mig 'bras lhar sbyar 'dzin pa'o// dbus ma'i rdo rje'i 'og tu ni// mthe bong gis mnan btsir bar bya'o// rdo rje 'dren ma dang 'dren pa// srin lag mthe chung kha phye ba/ bskor nas pus mor gzhag pa ni// dang po rdo rje las byung ba'o// gyen du gtor dang shur du blugs// mthe bong sbyar nas bskor ba dang // rab tu brkyang zhing blugs pa dang // bskor zhing spyi bor gnas pa dang / / bskor nas snying khar gzhag pa dang // yongs su bskor zhing dgod pa'o// kha las gyen du 'byung ba dang // de bzhin gar gyis bskor ba dang // mdzub mo'i sor mo gnyis kyi dang / / g.yon pa'i mdzub mo g.yas kyis gzung // mdzub mo'i mthe bong bcing ba dang // mthe bong mtha' ma'i nang du gzhag/ khu tshur gyi phyag rgya rnams so// de nas don yod cing thogs pa med pa 'di rnams kho na'i las kyi phyag rgya bcing ba mchog tu gsang ba bla na med cing bla ma'i las kyi tshogs sgrub par byed pa/ de bzhin gshegs pa thams cad dang bcas pa'i bdag gis kyang gnon par mi nus so/ / de la bde ba chen po'i rdo rje dbus ma'i las rdo rje sen mo'i rtse mo mchu la sogs par gzhag pa dang / 'khor lo rab tu bskor ba dang / rdo rje nor bu dang ji ltar 'dod pa'i dngos grub kun tu byed pa rnams kyis rdo rje 'chang chen po dang / sangs rgyas dang / byang chub sems dpa' rnams dang / rdo rje rin po che dang / mchog gi dngos grub bo// rdo rje 'dren mas ni mig

  115. 58b

    'bras kyi las so/ / g.yas pa dang g.yon pa'i mig gis bltas pas thams cad rjes su chags pas so// mig 'bras tshur 'dren pas ni dgug pa'o// gzhug pas thams cad gzhug pa'o// btsar bas 'ching ba'o// btsun pa med pas dbang du bya ba'o// rdo rje ki li ki li las dbus ma la tsum pa na dang / 'khyud pa dang / rol pa dang / dbus ma dang mthe bo'i rtse mor bde bar rdeg pas mthong ba dang / rol pa dang / btsir ba rnams kyis thams cas la rol pa ste/ rgyu ba dang mi rgyu ba thams cad du lha'i gzugs kyis bud med rnams 'byung ba yin no// ji srid 'di rnams dang rol cing rdo rje sems dpa'i btsun mo la'ang rol bar byed do/ / rdo rje chu srin mas btsir ba dang / gyen du bteg pa dang / myang ba dang / drung du 'gro ba dang / myur du za ba rnams kyis brtan pa'i chags pas bcing ba dang / thams cad las rnam par rgyal ba dang / chu'i nang du gnas pa dang / 'chag pa dang / thams cad za ba grub pa'o// rdo rje bskor bas g.yo zhing g.yo ba dang / lhod par byed pa dang / btsir ba dang / dbus ma phan tshun lhan cig dgug pa dang / mgyogs par dbus ma'i rdo rje dral ba rnams kyis khro ba thams cad 'bar ba dang / rab tu zhi ba dang / thams cad la rgyas btab pa dang / ltung ba dang / gsod pa rnams myur du 'grub bo// mthe bong rdo rje'i nang du zhugs pa'i mchod pa rnams kyis mchod na rdo rje 'chang chen pos kyang mchod par

  116. 59a

    'gyur ro/ / de bzhin du lha'i bu mo rnams kyis mthe bong rdo rje'i nang du zhugs pa'i las rnams kyi lha'i bu mo thams cad kyang bkug nas rol pa la sogs pa'i las thams cad nye bar sbyar ba'o/ / rdo rje lcags kyu ma la sogs pa'i nang gi khu tshur gyi sa las rnams kyis yid kyis 'dod pa'i dngos grub thams cad do// de nas dngos grub thams cad kyi rgyud ni rdo rje sems dpa' phyag rgya chen pos dngos grub dang / dam tshig dang / ye shes dang / las kyi dngos grub grub pa'o// don yod pas grub pa myur du thams cad kyi bdag nyid bcom ldan 'das kyis byin gyis brlabs pas yid kyis 'dod pa grub pa'o/ / rab tu dga' ba'i rdo rje sems mi g.yo bar byed pas las thams cad bsgrub par byas ni thogs pa med pa'i dngos grub kyi grub par 'gyur ro// de bzhin du rang gi phyag mtshan rnams kyis dngos grub thams cad grub par 'gyur ro/ / dang po nyin re lan cig tu// phyag rgya chen pos snying po bzla// rdo rje nye ba'i snying po yis// phyag rgya thams cad nges sbyar bya/ thams cad don yod par sgrub pa'o// bde ba chen po rdo rje che// gsang ba'i rtog pa mchog phyi ma// sgrub pa don yod dam tshig ni// snying pos skad cig dngos grub ster// rtsa rgyud phyo ma'i rgyud dang bcas/ / phyag rgya'i rgyud ni bla na med// dngos grub mchog ni de bzhin du// bla na med pa'i ye shes grub// de nas dang po'i dkyil 'khor la sogs pa'i phyag rgya thams cad rgyud

  117. 59b

    kyi cho ga rgyas pa'o/ / / de nas bcom ldan 'das kyis phyag rgya chen po'i rgyud ni/ bang pa g.yon du dgod bya ba// zhabs kyi pad+ma ci bder bri// rdo rje skyil mo krung bcas nas/ sku ni drang por 'dzin pa bde// bsnyems bcas rdo rje gsor nas ni// rdo rje bsnyems pa yang dag 'chang // sku gsung thugs kyi rdo rje yis// rdo rje sems dpa' rang nyid 'gyur// 'dis ni rdo rje sems dpa' nyid/ / sangs rgyas nyid dam sras nyid dam/ dngos grub kun gyi dbang phyug nyid// tshe 'di nyid la 'grub par 'gyur// sku gsung thugs kyi rdo rje yis// ji bzhin phyag rgya'i rjes 'brangs nas/ / mtshan ma'i phyag rgyar ldan pa yis// sems dpa' chen po rang nyid 'gyur// phyag rgya chen po'o// de nas dam tshig gi phyag rgya bcing ba ni bde ba chen po'i rdo rjer bshad do/ / rdo rje mda' la sogs pa'i bzhi po 'di las byung ngo // mdzub mo gnyis kyis lcags kyu'i phyi rol tu mngon par phyogs pa'o// mthe bos 'khyud pa'o// mthe bong gnyis kha phye la mdzub mo gnyis kyis dbus ma'i rtse mo 'dren cing srin lag dang mthe'u chung mnyam par sbyar la rtse mo so sor phye bas chu srin gyi rgyal mtshan gyis sgreng ba'o/ / brla gnyis la bskor zhing gnas de bzhin du mtshams rnams la rdo rje thal mos bskor bas so/ / sgo'i phyag rgya rnams ni rdo rje bsnyems pa'i khu tshur gyis so// bde chen mchog gi phyag rgya che// de bzhin dngos grub rab

  118. 60a

    stsol ba/ / mda' sogs dam tshig sna tshogs pa'i// dngos grub chen po mchog ster ba'o// de nas chos kyi phyag rgya ni// ho bid hUM d+h+ri ka hUM/ de rnams kyang dngos grub thams/ cad stsol ba'o// de nas las kyi phyag rgya ni rdo rje med pa rnams kyis rtogs par bya'o// g.yon pa'i rdo rje bsnyems pa g.yas pa'i khu tshur bstod pa'i tshul gyis snying khar bzung bar byas pa ste rab tu dga' ba bstan par byed cing dngos grub thams cad stsol ba'o/ / mda' gzhu gtod pa'i rdo rje mtshon cha ma'o// 'og tu 'khyud pa'o// rgyal mtshan gyen du bsgreng ba'o// bsnyems pa gnyi gtod pa'o/ / sgeg pa dang bcas mtha' la sogs pas bkrol bas glog 'gyur ba'i gar yongs su bskor bas me tog la sogs pa'i ka pu ti'i thal mo spyi bo nas phab/ rdo rje thal mo bkrol bas de bzhin du sgeg pa dang bcas pas mchod pa dor bar bya'o/ / rdo rje gar gyi nang gi mtshams kyi la'o// rdzogs pa 'am ni ma tshang ba// yang na ji ltar rnyed pa bzhin// me tog mchod la sogs ma yin// dngos grub mchog stsol thun mong yin// dam tshig gi phyag rgya'i sbyor mtshan yongs su bzung ba'o// 'di rnams kyang don yod pa'i las sgrub pa rnams so// rnams tshul gyi bdud rtsi'i chu bzla'o// 'jug pa'i cho ga'i phyag rgya bshad pa ni// dkyil 'khor chen po thams cad kyi rdo rje slob dpon gyis byin gyis brlabs pa'i gsang ba'i dam tshig ces bya ba'i 'jug pa'i phyag rgya gnyis pa ni/ g.yon

  119. 60b

    mtheb mdzub mo'i skye gnas su/ / g.yas pa'i mthe bo'i lhag bcug la// btsir ba bde ba ster ba'o// mdzub mo lcags kyu bcings pa ste// dkyil 'khor mchog tu 'jug par bya// yang na sems dpa' gang la 'jug/ de der myur du 'grub par 'gyur// rab tu dga' ba'i rdo rje ma'o// rang gi khu tshur gyis rdo rje'i bdud rtsi'i chu blangs na chu'i rgyun des dbang bskur te 'thung du bcug na dbang bskur bar 'gyur ro/ / dbang bskur ba thams cad kyis na tshod dar la bab pa dang / nad med pa dang / dngos grub thams cad dang ldan par 'gyur ro// 'di la rims dang / gdon dang / dug dang sbyar dug dang / mkha' 'gro ma dang / phyag rgya la sogs pas gnod pa byed par mi nus so// skyil mo krung gis ni gar dang mchod pa dbul bar bya'o// de nas mchod pa ni rdo rje gar gyis so// rdorje glu blangs pas rdo rje gar dbul ba ni 'khor lo sgyur ba'i gar gyis so// rdo rje khu tshur yongs su bzung ba rdo rje gtod pas rdo rje mtshon cha la sogs par bsgreng bar bya ste/ mthar sgeg mo dga' ba'i rdo rje gsang ba'i bzhad pa dang bcas pa'i zhal dang spyan g.yo bas phyag 'tshal lo/ / bcom ldan 'das rdo rje 'chang dgyes pas dga' ba thams cad la sogs pa'i bde ba dang yid bde ba thams cad kyis dngos grub stsol ba yin no/ / rdo rje bsdams pa btsir ba rang gi snying khar bde ba bkrol na dkyil 'khor bkrol ba la rdo rje sems dpa'i sgom pas re ga dang rdo rje yid kyis gyen du bteg

  120. 61a

    la/ rim pa nang gi dkyil 'khor du zhugs na dam tshig nyams par mi 'gyur ro// rdo rje sems dpa'i sgom pas dkyil 'khor phyags na dam tshig nyams par yang mi 'gyur/ ro/ de nas las kyi phyag rgya'i rgyud ni/ bde ba chen po rdo rje spyi bo dang / dpral ba dang / snying khar bzhag pa phab ste/ phyogs thams cad du 'bar ba'i ra ba 'byung bar 'gyur te/ rdo rje khro bo'i rgyal po chen po rnams kyis kyang 'jug par mi nus so/ / snying khar sgom pa rdo rje dang bcas pa'o// gyen du kha lta bas lhung bar bya'o// rang gi gdong yongs su sbyangs nas gdong par bkrol bar bya'o/ / dbus ma'i rdo rje brtag par bya'o// dpung 'og gnyis su gzhag cing spring khar gzhag par bya'o// dar dpyangs kyi dbang bskur ba mthong ba'o// skye gnas las dong tshe 'byin pa'o/ / spyi bor gzhag par bya'o// sa la reg par bya'o// rab tu dga' ba'i rdo rje'i rtags kyi lcags kyus so// rtse mo gtod pa'i skye gnas bkrol ba lag pa g.yon pa'i mthil nyed cing bsnun par bya'o/ / de btsir bar bya'o// mig btsum par bya'o// bskor zhing btsir nas khro bo'i lte bas blta bar bya'o// yongs su bskor nas kha'i mtha' mche ba bstan pa'i g.yas pa'i mdzub mos sdigs mdzub bo/ / mdzub mos blta bar bya'o// mthe bong btsir bar bya'o// yi ge mus phyag rgya bkrol ba'o// dang po'i mthe'u chung

  121. 61b

    gis rdo rje bsnun par bya'o/ / de nyid rnam 'gyur ba'i gdong bas so// de nyid yongs su bskor nas dpral bar gyed du kha blta bas gnas pa'o// de nyid kyis nam mkha' la gdeg pa'o// g.yo zhing btsum pa'i mig gis phyag rgya bcings par dkrol ba'o// mthe'u chung gis nor bus reg pa bya'o// mdzub mo mnyam pos zhabs kyi sor mo rje bar bya ste/ bza' ba 'am yid kyis gzhag par bya'o/ / mdzub mos sbyin sreg byed pa'o// rab tu dga' ba'i rdo rje gdong par dgrol bar bya'o// sbyin sreg byed pa'o// mthe'u chung gnyis skye gnas la sbyar te phyag rgya bral bar bya'o/ / srin lag dang mtha' ma mnyam par sbyar sor mo ba dan gyi tshul du bsgreng bar bya'o// rdo rje bsdams pas legs par byed pa mdzub mo'i mthe bong mnyam po bye ba dang bkug pa bskor nas dral bar bya'o/ / rdo rje bsdams rab tu brkyang ba'i mthil las reg par bya'o// dang po'i rdo rje sbyin bskyed pa'o// mdzub mos char bskyed par bya'o// mdzub mos bzlog par bya'o/ / rdo rje lta bas 'phrog par bya'o// rab tu dga' ba'i rdo rje bshad do// mdzub mo gcig gi nor bu'o// mthe'u chung rdo rje sngogs mdzub bo// mdzub mos sa 'og nas chu mig bkug la bstan pa'o/ / bde ba chen po rdo rje sa la bzung nas g.yo bar bya'o// mdzub mo gnyis kyis gdengs ka'i tshul bstan pa'o// mdzub mo bzhi'i 'od zer gyis

  122. 62a

    stag bstan pa'o/ / mdzub mo rlung bskyed pa'o// rab tu dga' ba'i rdo rjes mdzub mo me long dang / rol pa dang / nam mkha' rdo rje lta ba dang / steng du bskor bar bya'o// rdo rje'i mangs shing drung thams cad dang / nags dang / skyed mos tshal dang / 'bru thams cad la gzhag par bya'o// rnon pos klog par bya'o// bdag nyid kyis thams cad la drang bar bya'o/ / phyi rol gyi dpung mdun du bskor bar bya'o// rdo rje khu tshur gnyis kyis glog 'gyur bas bskor bar bya'o// glog 'gru bas nam mkha' la bskor bar bya'o// g.yas pas g.yon pa la brdeg par bya'o/ / rdo rje khu tshur gnyis g.yo zhing g.yo ba med la gzhag par bya'o// mdzub mo mnyam pa'i dkyil 'khor ni nor bu'o// mdzub mo'i rdo rje g.yon pa'i mthe bong gi pu gar g.yas pa'i mdzub mo gzhug par bya'o/ / rab tu dga' ba'i rdo rjes steng du nam mkha' la bka' ba skyod pa dang / skye gnas g.yo ba dang / dbus ma'i rdo rje bskyod cing btsor ba'o// rdo rje yid las byung ba dang / rdo rje ki li ki li dang / rdo rje chu srin dang / rdo rje bsnyems ma ni bshad pa'o// rdo rje bsdams pa'i mdzub mos gsol ba 'debs par byed pas mdzub mo gnyis kyis rang gi mig bkag la yid kyis ji ltar mngon par 'dod pa bsgom par bya'o/ / sbyin sreg byed pa'o// mdzub mos rang mig btsum par bya'o// sos gzung bar bya'o// btung

  123. 62b

    bar bya'o/ / rtse mo bskyod cing spyir sreg bya'o// mthe bo'i 'og tu matu brgyad la sbyin par bya'o// rdo rje'i sku'i phyag rgya'i mchog ni mthe bong sems dpa'i skyil mo krung gi mdzub mo rdo rje ni rdo rje sku mchog go/ / dbus ma'i mnyam pa'i mgo lcogs kyis ngag 'byin pa'o// snying khar gzhag nas/ oM bu d+hi tsi t+ta/ At+pa ra yA mi zhes bya ba sgom mo// mthe bo'i rtags g.yon pa'i mthe bo'i bu gar gzhug pa'o/ / rdo rje khu tshur gnyis glog 'gyur ba lhar bskor bas rdo rje 'khor lo'o// rdo rje bsnams ma rdo rje dang bcas pa'o// yi ge hUM gis sdigs mdzub bo// rab tu dga' ba'i rdo rje gar gyi kha sbyor ro/ / rdo rje bsnyems ma bshad do// mthe'u chung gi zur gyis mdud pa'i rtse mo mnyam pa yongs su bskor/ 'og nas bteg pa mdzub mo mnyam pa'i rtse mo dang dbang bskur ba'i gnas su gzhag na rdo rje mdzod spu'o/ / de bzhin gshegs pa thams cad kyi khu tshur ni 'og nas bshad par bya'o// rdo rje gar gyi bshad pa yin no// mdzub mo phyir phyogs pa spang ba'i rdo rje snying khar badz+re he zhes bya ba ni phyag rgya chen po'o/ / de bzhin du snying khar rdo rje sgom zhing ma hA sa ha haM zhes bya'o// ye shes kyi khu tshur gyis ta thA ga ta a haM/ bcom ldan 'das kyis phyag rgya chen po bshad do/ / de nas rdo rje khu tshur gyis bcing ba ni/ mdzub mo rdo rje bsdams pa bcing // mdzub mo bkug pa gnyis kyis brgyan// mtha' ma gnyis kyi nang du ni// mthe bong

  124. 63a

    gnyis kyi kha sbyar na/ / dam tshig chen po rdo rje mchog/ khu tshur dngos grub mchog kun stsol// rdo rje khu tshur rab tu brtags// de nas de bzhin gshegs pa'i rigs kyi phyag rgya'i rgyud cho ga rgyas pa ni phyag rgya chen po rnams kyi ni/ ta thA ga to hUM zhes bya bas bcing bar bya'o// dam tshig cho ga mchog ni mthe bong mthe'u chung mnyam pa'o// rdo rje sna tshogs rdo rje'o// mda' la sogs pa'i de bzhin no// las kyi phyag rgya rnams ni de nyid do// de bzhin gshegs pa'i khu tshur gyis de bzhin du bcing ba'o// lcags kyu ma bzhin no// khu tshur gyi khyad par rdo rje bsdams pa'i khu tshur mthe bong gnyis la gnas pa dam tshig gi khu tshur te/ de gnyis su byas pa de bzhin gshegs pa'i khu tshur ro// de bzhin gshegs pa'i khu tshur gnyis dang dkyil 'khor lngas phyag 'tshal zhing 'jug par bya'o/ / 'di dag kyang dngos grub thams cad stsol ba'o// de nas las kyi phyag rgya bcing ba ni rdo rje sku mchog gi spyi gtsug dang / mdzod spu dang / snying khar bzhag ste bskor zhing bskor bas khu tshur chos dang gtsug tor du gzung bar bya'o// de bzhin gshegs pa'i khu tshur gnyis kyi mdzub mo gnyis kyis sdigs mdzub bya ba dang sbyin pa'i tshul bya'o/ / g.yon pa snying khar bzung ste g.yas pa'i mdzub mo gcig gis sa la reg pa'o// g.yon pa'i khro bo mdzub mo g.yas pa'i khu tshur gyi nang du mngon par phyogs pas/ de bzhin

  125. 63b

    gshegs pa thams cad kyi khu tshur sangs rgyas nyid du myur du 'thob pa'o/ / rdo rje bsdams pa'i 'og tu bcings pas bstan pa'i skyil mo krung ngo // de nas rdo rje rigs kyi phyag rgya'i cho ga rgyas pa'i rgyud ni 'jug pa'i phyag rgya rab tu dga' ba'i rdo rje khro bo'i dgug pa'i phyag rgya de nyid do/ / phyag rgya chen po rnams kyang de bzhin no// dam tshig ni 'og tu rdo rje bsdams pa'i sor mo thams cad 'bar ba'i nang du mthe bong rjen rje khro bo ti ran hi ri ste/ rdo rje 'chang chen po sgrub par byed pa'o// gzhan dag kyang de bzhin no// chos kyi rnams ni de bzhin te/ las kyi phyag rgya rnams ni de bzhin no/ khu tshur gyi khyad par ro// rdo rje khu tshur gyi mdzub mo sdigs mdzub bo// dam tshig las byung ba de bzhin no// de nas las kyi phyag rgya rnams ni rdo rje hUM mdzad las byung ba'o// lag pa rdo rje'i mthe'u chung gdu bur bcings pa'i sngags mdzub ni/ rdo rje hUM mdzad de g.yon brkyang bas gnas pa'o// g.yon pa'i mdzub mo'i rdo rje sdigs mdzub bo// sna'i dbugs dang yi ge hUM gis so/ / khros pa yi ge a sbyar bar bya'o// ha har dgod pa bzhad par bya'o// snying khar rdo rje bsgoms pas rdo rje'i phyag rgya chen po'o// de nas pad+ma'i rig kyi phyag rgya'i cho ga rgyas pa'i rgyud ni de bzhin gshegs pa'i rdo rje'i mdzub mo gnyis bkug la de'i snying khar gzhag pa ni rdo rje pad+ma'o/ / phyag rgya chen po la sogs pa'i phyag rgya thams cad ni de bzhin no// dam tshig go/

  126. 64a

    khyad par dang khu tshur gyi khyad par ro// kha 'bus pa'i thal mo las mthe bong dang mthe'u chung kha phye bas 'dab ma bzhi pa'i pad+ma chen po'o// thams cad bcing ba ni ji lta ba bzhin no/ / khu tshur gyi khyad par ni rdo rje bsdams pa'i mdzub mo gnyis bkug la mthe bong ma nyams par brkyang la dbus ma gnyis phyi rol tu gshebs pa dang bcas pa gzhag pa ste/ de gnyis su byas pa pad+ma'i khu tshur ro/ / de las las kyi phyag rgya rnams ni pad+ma chen po'i bshad pa'o// de nyid spyi bo la'o// de nyid rdo rje lta bas blta bar bya'o// de nyid sor mo thams cad kha phye bas so// de nyid rdo rje gnyis gnyis kyi mig go// de nyid legs par byed pa'o// de nyid dpral bar byas nas gsol ba gdab par bya'o// de nyid g.yon pa'i skye gnas su mthe bo'i rtags bcug pa'o// de nas nor bu'i rigs kyi phyag rgya'i rgyud kyi cho ga rgyas pa ni rdo rje thal mo rab tu brkyang zhing mthe bong mnyam po la mdzub mo bkug pa bzhag ste/ dpral ba'i mdzod spu'i phyogs su bzhag na dbang bskur pa thams cad gsol ba'o/ / phyag rgya chen po la sogs pa'i phyag rgya thams cad bcing ba de bzhin no// dam tshig gi rdo rje'i bsdams pa ni mdzub mo bkug pa'i sor mo mnyam pa'i nor bu mthe bong rdo rjes bkab pa rdo rje nor bu'o/ / gzhan rnams ni de las byung ba'i rdo rje rin po che'i khu tshur ro// de gnyis su byas rin po che'i khu tshur ro// de nas las kyi phyag rgya rnams ni rdo rje rin po che bsgreng ba

  127. 64b

    / bsgrub par bya ba'i myu gu'o// kha sbyar nas phrin lag dang mthe'u chung mnyam po kha phye bas mchog gi dar dbyangs 'dzin pa'o// dbus ma'i nor bu'o// mthe'u chung gi D+h+we no'o// 'og tu gtor ba'o/ / rdo rje bsdams pa las ni badzub mo mo rang bu'i bzung ba'i 'greng ba'o// rdo rje rin po che'i gsum bdun dang logs gnyis su bcing bar bya'o// rdo rje rin po che'i mdzad snga phyogs su gzhag ste mdzub mo'i rtse mos steng du 'dud pa dar dpyangs kyi tshul du bya'o/ / mthe bong gnyis brtan pa'i skyil mo krung byas la mdzub mo gnyis bkug nas mnyam pa'i kha 'bus pa'i mchog gi lus can de bzhin gshegs pa thams cad kyi sku'i mchog go/ des spyi bo nas brtsams te/ mdun dang / g.yas dang / rgyab dang / g.yon du bya ba byas nas/ de bzhin du mdun dang / rgya ba dang / logs gnyis su sgeg pa dang bcas pas mtha' ma la sogs pa bkrol ba byas nas/ 'phreng ba bcings pa'i mdud pa bya zhing dar dpyangs kyi tshul du bya ste/ rdorje sems dpa'i dbang bskur ba dang sred pa gsum gyi dbang phyug thams cad kyi mchog rdo rje sems dpa' nyid thob pa yin no// rdo rje thams cad kyi rtogs pa thams cad ni gong du ji lta bzhin no/ / de nas phyi'i phyag rgya shes par bya ba ni 'di yin to/ phyag rgya chen po ni g.yon par kham phor dang g.yas su mda' gtod pa'i phyag rgya'o// dam tshig gi 'jug pa ni mdzub mo

  128. 65a

    dang / gung mo dang / srin lag mnyam par legs par sbyar la/ rtse gsum par byas la mthe bong dang mthe'u chung gnyis lu gu chud ni mgon po rnams kyi'o// ci nas/ lhar bzung ba bzhin du lha mo rnams kyi phyag rgya'o// dam tshig ni gung mo dang srin log rdo rje bsdams pas mdzub mo dang / gung mo dang / mthe'u chung dang / srin lag mthe bo'i sor mo'i rtsa bar bsdus pa ni sring mo bzhi'i dkyil 'khor gyi phyag rgya'o/ / gal te dkyil 'khor brtag par mi nus na de'i tshe 'di bcings pas dkyil 'khor shin tu brtag par 'gyur te dngos grub kyang shin tu gsol ba yin no/ / lha mo rnams 'di nyid kyis spyan drangs par rang 'jug par bya'o// de nas sgyu ma'i 'khor lo ni g.yon pa'i steng du sor mo thams cad shin tu brkyang / dam tshig dkyil 'khor gyi 'khor lo ste/ lha ma yin thams cad kyi sgyu ma thams cad don yod par sgrub pa'o// gdengs ka can gyi dbang po'i mthe bong gnyis pa rtse mo'i phyi rol tu phyogs pa'i sor mo brgyad kyis klu thams cad dgug pa dang / gzhug pa dang / bcing ba dang / dbang du bya ba'i dam tshig ste/ lto 'phye chen po'i lag pa'o// gal te 'da' bar byed na 'chi bar 'gyur ro/ / gung mo dang srin lag bzhi pos mdud pa byas la mgu ba'i tshul gyis steng du sgreng ste bsdus nas mthe'u chung gnyis kyi rtse mos bteg par byas na dug thams cad 'bar ba dang

  129. 65b

    dug thams cad bcing ba dang / kun las bsdus te bteg pas dug thams cad 'jig pa'o// 'di nyid kyi dug thams cad za ba dang / 'pho bdug med par bya'o// phyi rol gyi phyag rgya'i cho ga rgyas pa'i rgyud do/ / de nas rtog pa thams cad sgrub pa'i phyag rgya'i rgyud kyi cho ga rgyas pa'o zhes bcom ldan 'das bde ba chen po'i rdo rje'i gsang ba'i dam tshig chen po rdo rje sems dpas gsungs so/ / de la sku'i phyag rgya lnga ni phyag rgya chen po rdo rje 'chang chen po'i rigs la'o// dam tshig gi phyag rgya de bzhin gshegs pa'i rigs la'o// rdo rje hUM mdzad ni rdo rje'i rigs la'o// pad+ma chen po ni pad+ma'i rigs la'o// rdo rje nor bu chen po ni nor bu'i rigs la'o// de nas gsung gi phyag rgya lnga ni snyan pa'i glu'i yul thams cad kyi tshul rnams nus pa ji lta ba'i glu'i rgyan thams cad ni glu blangs te bzlas pa ni rdo rje sems pa'i rigs la rab tu dga' ba'i rdo rje'i ngag go/ / lce dang mchu gnyis shin tu g.yo ba med cing ngos shin tu ma 'byar ba dbyangs dang bral ba'i rdo rje'i de ni de bzhin gshegs pa'i rigs la ste rigs thams cad dgos pa'o/ / sprin gyi 'brug sgra yi ge hUM gi sgra phra mo dang ldan pa ni rdo rje zhes bya ba'i ngag rdo rje'i rigs so// ting nge 'dzin gyi ngag pad+ma'i rigs la ste thams cad dag pa'i pad+ma zhes bya'o/ / chos kyi ngag nor bu'i rigs la skye mchod pa'i nor bu'o// de nas thugs kyi phyag rgya lnga ste/ thams cad bsgrub par bya ba la ni

  130. 66a

    rdo rje sems dpa'i dngos pos so/ / sangs rgyas rjes su dran pas de bzhin gshegs pa'i rigs la'o// bdag gam bdag gi mdun du gsad par bya'o zhes bya ba ni rdo / rje'i rigs la'o// sbyang bar bya'o zhes bya ba ni pad+ma'i rigs la'o// nam mkha' thams cad bsgom pas nor bu'i rigs la'o// de nas rdo rje'i phyag rgya lnga ni rdo rje rtse mo lnga 'od zer gyi 'phreng bas rtse mo yongs su khyab pa dang bde ba chen po'i rdo rje'i khu tshur gyis rdo rje sems dpa'i rigs la'o/ / rdo rje rtse lnga pa 'od zer dang bcas pa de bzhin gshegs pa'i khu tshur gyis de bzhin gshegs pa'i rigs la'o/ / 'bar ba'i rang bzhin rdo rje rtse bzhi pa rdo rje khro bo khu tshur gyis rdo rje'i rigs la'o// pad+ma'i steng gi de bzhin gshegs pa'i rdo rje'i pad+ma'i khu tshur gyis pad+ma'i rigs la'o/ / rdo rje phyed pas rdo rje rin po che nor bu khu tshur gyis nor bu'i rigs la'o// de nas rigs thams cad rtogs pa'i gsang ba thogs pa med cing gdon mi za ba'i de kho na nyid kyis bden pa myur du mchog gi dngos grub kyi cho ga rgyas pa sgrub pa thams cad kyi rgyud bshad par bya'o/ / zhes bcom ldan 'das don yod cing thogs pa med par myur ba mchog gi dngos grub can rdo rje sem dpas gsungs so/ / rdo rje sems dpa'i phyag rgya chen po ni bde ba chen po'i rdo rje gsang ba'i dam tshig go// gsung gi phyag rgya ni snying po'o// thugs kyi phyag rgya ni nye ba'i snying po'o// rdo rje'i phyag

  131. 66b

    rgya ni rdo rje bsnyems ma'o/ / de nas phra mo'i las kyi phyag rgya'i rgyud don yod cing thogs pa med pa 'di yin te/ ma mchu'i spos so rnams kyis bzung nas rdo rje'i lha bas blta zhing thams cad rjes su chags pa dang / dbang du byed pa dang / rol pa dang / brtan par byed pa'i dngos grub skad cig gis so sor nyams su myong ba ni rdo rje sems dpa'i rigs la'o// rdo rje phra mo'i byin gyis brlabs te/ dam tshig tsam du blta ba de bzhin gshegs pa thams cad kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye she mthong ba'i dngos grub thob par 'gyur ba ni de bzhin gshegs pa'i rigs las byung ngo / / khro gnyer dang bcas pa'i khro bos mi bzad pa'i lta ba bya ba shin tu ma 'gal bsdams nas thams cad lhung ba dang / dbab pa dang / rengs pa dang / nyal du bcug pa dang / rgyas btab pa dang / gsod pa dang / gzhan gyi dpung rmugs pa dang / thams cad las rnam par rgyal ba'i dngos grub skad cig mas 'byung bar 'gyur ba/ khro bo'i rdo rje khu tshur rigs la'o// btsums pa med pas rdo rje blta bas mchu mnyam pa ni sgrib pa thams cad rnam par sbyang ba dang / srung ba dang / ting nge 'dzin mngon du gyur pa'i dngos grub 'byung ba ni pad+ma'i rigs la'o// 'bar ba'i lta bas zhal rnam par bzhad pas dbang bskur ba thams cad dang / phun sum tshogs pa thams cad dang /

  132. 67a

    mchod pa'i cho ga rgyas pa'i dngos grub myur du thob par 'gyur ro// de nas phyag rgya thams cad bcing ba sgrub pa ni/ nyin re mngon du lan cig tu// snying po rang nyid sgrub pa ste/ rang gis bcings nas mdor bsdus pa// phyag rgya thams cad grub par 'gyur// de nas phyag rgya thams cad kyi gsang ba grub pa ni/ snying po'i phyag rgya sngags rig pa'i// sgrub pa 'di ni rmad du byung / / ci nus ci 'dod bzlas pa yis// nye ba'i snying po gsang ba'o// don yod thogs med gsang ba dang // rang bzhin grub pa de bzhin du// bsod nams med pa rnams la yang // dngos grub kun la grub par 'gyur// dkyil 'khor ma zhugs pa rnams la// snying po mchog 'di sbyin mi bya// gsang ba'am gsang rgyud dam pa ni// gal te dngos grub yid 'ong 'dod/ / gang gi khyim du gnas gyur pa'i// phyag rgya sngags 'di dge ba ste// gzhan gyis mi thub mi sod cing // dngos grub thams cad thob par 'gyur// sems can thams cad bde don dang / / sgrub pa thams cad sgrub pa'i phyir// sras bcas sangs rgyas thams cad kyis// rdo rje mchog 'dzin de la zhus// bde ba chen po rab bsgrub dang // chags pa chen po rnam dag phyir/ / rtogs pa thams cad bsdus pa'i rgyud// sems dpa' chen po bshad du gsol// rnam rtog med pa'i chos rnams la// 'dir ni rtog pa gang zhig brjod// snying po

  133. 67b

    zhes ni gang bshad pa'i/ / ye shes rgyud ni ji ltar yin// dkyil 'khor zhes ni brjod pa ci// der 'jug yon tan ci dang ldan// rigs kyi 'khor lo'i khyad par dang // gzhan yang sgrub pa ji lta bu/ / rdo rje sems dpa' sems dpa' nyid// 'di yang ji ltar de nyid gang // thog ma mtha' ma med nyid dang // rab tu dga' ba ji ltar 'gyur// dang po snying po 'di yi yon/ de bzhin nyid ni gang zhig yin// hUM gi glu ni gang gis gsungs// 'di yi don ni ji ltar brjod// sems ni rdo rje nyid dang ni// de bzhin phyag rgya rdo rje nyid// sangs rgyas rnams ni 'byung ba dang / / rigs rnams kyang ni de bzhin du// sangs rgyas byang chub sgrub pa dang // sangs rgyas bdud du ji ltar 'gyur// rtogs pa rnams kyang sgrub pa dang // dang po'i snying po'i de nyid dang / / snying po phyag rgya sngags rig pa'i// sgrub pa de bzhin dngos grub rnams// bsod nams med pas ji ltar 'grub// slob dpon nyid du ji ltar grub// me tog spos dang mar me dang / / dri rnams ci yin ji ltar 'gyur// mchod pa yang ni ji ltar bya// gsang ba'i mchod pa ji ltar yin// kun byed kun za sdig pa can// shin tu sdig can ji ltar grub// don yod thogs med dngos grub kyis// de rnams ji ltar 'grub par 'gyur// gsang ba de yang gang zhig yin// 'di nyid du ni gang gis grub// bde ba chen po rab grub dang // chags pa

  134. 68a

    chen po rnam dag phyir/ / gsang ba'i de nyid gsang ba ni// bdag cag rnams la kun bshad gsol// de nas bcom ldan 'das rdo rje 'chang chen pos de bzhin gshegs pa thams cad kyis gsol ba btab pa'i tshig gsan nas zhal rab tu bzhad de/ bzhad pa chen po'i dam tshig chen po thams cad kyi de kho na nyid kyi rdo rje zhes bya ba'i rnam par gnon par mdzad nas rtog pa thams cad kyi rgyud phyi ma 'di gsungs so/ / de la rnam par mi rtog pa khyab pa'i rgyud ni/ rnam rtog med pa'i ting 'dzin las// sems can don ni yongs su brtag/ des na brtag par bshad bya ste/ / rtog pa yongs su dag phyir ro// de la bde ba chen po'i rdo rje gsang ba'i dkyil 'khor gyi rgyud ni 'di yin te/ sa la yi ge'i gnas bris nas// bde ba chen po zhes brjod pa// de yi dam tshig rdo rje ste// snying po thams cad sgrub byed pa'o// de la dkyil 'khor gyi bshad pa'i rgyud ni/ ji ltar gnas dang ji ltar dus// ji ltar 'jig rten ji lta bu// 'khor ni dgod par bya ba ste/ / de lta bu yi dkyil 'khor bri// de nas dkyil 'khor thams cad du zhugs pa'i rnam par smin pa'i rgyud ni/ rdo rje sems sogs sems dpa' yi// 'khor bcas de tshe dkyil 'khor du/ zhugs pa'i bsod nams ci 'dra ba// de ltar bris pa'ang de dang 'dra// de nas rigs thams cad kyi 'khor lo'i khyad par gyi rgyud ni/ rdo rje 'khor lor brtan pa bzhin// lcags kyi 'khor

  135. 68b

    lo dam pa ste/ / 'bar ba'i 'khor lo de bzhin du// pad+ma 'dab brgyad nor bu che// de nas dkyil 'khor thams cad sgrub pa'i rgyud ni/ dkyil 'khor brtag par byas nas ni// nang gi rim par zhugs bya ste/ / dkyil 'khor bdag la dzaHhUM baM// ho brang sid d+hu ba brjod bya// de nas rdo rje sems dpa' de nyid ni/ sangs rgyas la sogs 'gro kun gyis// thams cad bdag nyid bcom ldan mchog/ sems can 'byung phyir sems dpa' che// rdo rje sems dpa' rab tu grags// de nas dam tshig chen po'i de kho na nyid bshad pa'i rgyud ni/ thog mtha' med pa'i sems dpa' mi/ rdo rje sems dpa' dga' ba che// kun tu bzang po kun bdag nyid// 'khor ba mya ngan 'das de bzhin// de nas thog ma dang mtha' ma med pa'i de kho na nyid bshad pa'i rgyud ni/ thog mtha' med pa thams cad ni/ / nam mkha' 'byung ba chen po'i gnas// nam mkha' skye ba skye med phyir// rdo rje sems dpa' de bzhin no// de nas bcom ldan 'das rab tu dga' ba'i bshad pa'i rgyud ni// rab tu dga' phyir nyon mongs te/ / 'dod pa thams cad bde 'dod pa// de la bde ba rnam dag phyir// srid gsum snga rol bcom ldan 'byung // de nas dang po'o snying po'i de kho na nyid bshad pa'i rgyud ni/ chags pa kun las chags pa che// 'dod ldan thams cad sad par byed// 'dod chags 'bar ba dri za yi// snying po'i phyag rgya rdo rje'o// de nas yi ge hUM gi glu blang ba'i rgyud ni

  136. 69a

    glu las chags pa dga' las 'dod/ / rab tu dga' las thams cad 'byung // thams cad 'byung bar grub pa'i phyir// bskal pa dang por bcom ldan gsungs// de nas yi ge hUM gis bzlas pa'i don gyi rgyu bshad pa'i rgyud ni/ myur du thams cad rjes chags pas// rjes su chags par byed mchog ni// snying po bzlas pa'i don yin no// de nas rdo rje sems rgyud ni// klu rnams ji ltar khro ba ni// bsdus nas kun tu 'jug pa na// rdo rje thogs ni brtan gyur pa// de bzhin rdo rje bsdus pa'o// de nas rdo rje sems dpa' 'byung ba shes pa'i rgyud ni/ thams cad de nyid sems dpa' ni/ / bdag gis bdag nyid la yang gnas// rdo rje sems dpa' dngos su ni// myur du thams cad du yang zhugs// de nas de bzhin gshegs pa 'byung ba shes pa'i rgyud ni/ 'dod chags pas ni dga' las bde// bde las sdig pa sdig pa sdug/ sdug las ting 'dzin shin tu brtan// rdo rje nyid las sangs rgyas 'byung // de nas de bzhin gshegs pa'i rigs la sogs pa 'byung ba'i rgyud ni/ de bzhin gshegs pa'i rigs nyid dang // de nyid rdo rje rigs chen po// de nyid pad+ma'i rigs dag pa// de nyid nor bu'i rigs mchog bshad// de nas mngon par byang chub pa'i rgyud ni/ rang sems so sor rtog pa ni// byang chub sems ni yang dag 'byung // rdo rje nyid phyir sangs rgyas nyid// bdag nyid sangs rgyas rab tu sgom//

  137. 69b

    de bzhin gshegs pa bdud nyid du shes pa'i rgyud ni/ rang sems nyid ni bdud nyid de// sems nyid de bzhin gshegs pa yin// rang gi sems ni gdul ba'i phyir// sangs rgyas bdud nyid du ni 'gyur/ / de nas rtogs pa thams cad sgrub par shes pa'i rgyud ni/ rtog pa kun la grub bya gang // rgyu ba dang ni mi rgyu yin// rang gi lha yi rnal 'byor gyis// de dag thams cad bsgrub par bya/ / de nas dang po'i snying po sgrub pa shes pa'i rgyud ni/ bzlas pa'i don shes nus pa yis// rdo rje sems dpa' rab sgrub ste// ji srid 'dod pa'i bzlas pa'i mchog/ dngos grub chen po'i bde ba ste/ / de nas snying po dang / phyag rgya dang / sngags dang / rig pa sgrub pa shes pa'i rgyud ni/ sems dpa' gang gi snying po dang // phyag rgya sngags dang rig pa dang // bzlas pa'i don du sems dpa' che// bdag nyid dang ni bsgrub bya ste// de nas dngos grub shes pa'i rgyud ni/ rdo rje sems dpa'i dngos grub che// de bzhi de bzhin gshegs kun gyis// byang chub rdo rje sems dpa' nyid// las kun mchog gi dngos grub phyir// de nas bsod nams med pa rnams kyis grub par shes pa'i rgyud ni/ ci 'dod 'khor lo bris nas ni/ ci yang rung ba'ang thal bas kyang // sems dpa' chen po bzhag byas nas// nyin zhag bzhi ni bsgrub par bya// de nas slob dpon nyid kyi dngos grub shes pa'i rgyud ni/ bde ba chen

  138. 70a

    po rdo rje yi/ / gsang mchog dam tshig grong khyer ro// ji bzhin rang nyid rab zhugs te// bdud rtsi chu yi dbang bskur bya// de nas me tog la sogs pa'i mchod pa 'bul ba'i shes pa'i rgyud ni/ rdo rje can la mchod pa kun// de bzhin gshegs pa'i rigs la dkar// rdo rje bdag nyid nag po ste// dmar po pad+ma nor bu ser// de nas 'bul bshes pa'i rgyud ni/ rdzogs pa 'am ni ma tshang ba// yang ni ji ltar rnyed pa ni// rdo rje gar sogs mchod pa yi// rtag tu thams cad 'grub par 'gyur// de nas bdud kyi mchod pa shes pa'i rgyud ni/ drug ldan la sogs snyan pa'i glu// glu ni thams cad ci 'dod pas// rdo rje 'byed pa la sogs 'grol// mchod pa dag ni rab tu bya// de nas gsang ba'i mchod pa shes pa'i rgyud ni/ rdo rje gar bcas mchod pa ni// go rims ji lta ba bzhin du// bzlas pa'i don gyis ma brjod kyang // mchog gi dngos grub 'grub par 'gyur// de nas sdig pa chen po byed pa'ang grub pa shes pa'i rgyud ni/ dkyil 'khor la ni ma zhugs kyang // tshul khrims 'chal pa la sogs pa// ting nge 'dzin gyi stobs kyis ni// sdig pa kun las grol bar 'gyur/ / de nas dngos grub mi 'thob pa'i rgyu shes pa'i rgyud ni/ chags pa smad par mi bya ste// rnam dag de bzhin bde ba sbyar// bcom ldan 'das kyang chags

  139. 70b

    pa che/ / 'di ma dag pas 'grub mi 'gyur// de nas mchog gi dngos grub shes pa'i rgyud ni/ ji bzhin yul dang ldan gyur nas// mchog gi dngos grub 'grub par bya// rtog pa kun las rnal 'byor 'di/ / tshe 'di nyid la sgrub par byed// bde ba chen po rdo rje gsang ba'i rtogs pa'i rgyal po chen po'i rdo rje rin po che chen po las/ rtog pa thams cad kyi rgyud phyi ma'i cho ga rgyas pa'o/ / / de nas bcom ldan 'das rtog pa de bzhin gshegs pa thams cad kyi rdo rje gsang ba de bzhin gshegs pa thams cad kyi dbang bskur ba'i rdo rje rin po che/ de bzhin gshegs pa thams cad kyi cho ga gzigs pa'i ye shes kyi dbang phyug gi rdo rje'i pad+ma/ de bzhin gshegs pa thams cad kyi sna tshogs pa'i mdzad pas 'phrin las dam pa'i cho ga rgyas pa'i rdo rje thams cad la khyab pa/ ma lus shing lus pa med pa'i rdo rje'i khams brtan pa'i dngos grub kyi cho ga rgyas pa nam mkha'i khams kyi mthar thug par chos kyi dbyings spro ba thams cad khyab pa'i de bzhin gshegs pa thams cad kyi 'khor lo mngon par mkhyen pa mdzad nas/ dang po'i snying po'i gsang ba'i de kho na nyid kyi rdo rje'i sgrub pa'i rgyud 'di gsungs so// ji srid 'khor ba'i gnas la zhugs/ / de srid sems can gdon par mdzad// mya ngan 'das bzhugs gzi brjid can// sems can don ni nus pa min// de phyir sems dpa' dam pa

  140. 71a

    rnams/ / 'khor ba'i srid du 'khor bar bzhugs// sems can don ni mngon par zhen// thams cad dag pa'i mchog chos can// de bzhin gshegs pas mi 'dul bas/ / sems can don mi mdzad pa de// 'dir ni rab grub dngos grub mchog/ dus kun tu ni thams cad du// rdo rje 'chang chen la sogs pa// 'di ltar bsod nams rnam smin gyis/ / kun la mthong ba la sogs kyang // rang gis las kyis mdzad mi spyod// dkyil 'khor la ni ma zhugs kyang // srid pa 'di la myur 'grub 'gyur// shin tu mthong ba la sogs/ kun// sems can thams cad rab stsal mdzad// kun nas dus kun thams cad la// dngos grub thams cad rab stsol 'gyur// rgyal po rdo rje 'chang chen po// srid pa'i dbang phyug kun gyis so/ / de phyir bsgrub bya 'di bshad bya// dngos grub shin tu rtag pa'o// gang gis srid pa 'di nyid du// shin tu rtag pa'i dngos grub thob// lugs ma 'am ni brdung ma 'am// ri mo bris pa 'am 'dus byas pa'i// phyag na rdo rje'i sku gzugs ni// ji bzhin bshad par rab gzhug bya// bde ba chen po rdo rje gsang ba'i dam tshig gi de kho na nyid sgrub pa'i dngos grub kyi cho ga rgyas pa'o/ / de nas bcom ldan 'das de bzhin gshegs pa thams cad kyis phyag rgya'i ye shes kyis slar yang phyag rgya thams cad sgrub pa'i dngos grub kyi rgyud 'di gsungs so//

  141. 71b

    nyin re snga rol dus ji bzhin// dang po'i rdo rje bde ba che// 'di ni rdeg pa thams cad la// phyag rgya thams cad mdor bsdus pas// dam tshig yang dgra bcings nas grub// phyin sa ma bsgrubs kyang grub 'gyur/ / de nas bcom ldan 'das kyis rdo rje chos kyi de kho na nyid kyi gsang ba'i sngags sgrub pa 'di gsungs so// langs pa 'am ni 'dug pa'am// gang dang der ni gnas pa'o/ / thams cad rjes chags rnal 'byor gyis// dngos grub thams cad thob par 'gyur// de nas bcom ldan 'das kyis las kyi gsang ba'i de kho na nyid kyi rgyud 'di gsungs so/ / gsang ba'i gar mchod mchod pa 'am// yang na mchod pa tsa bde bar// byas te mgon po bsgrubs byas nas// mchog gi dngos grub myur du 'thob// de nas rang gi phyag rgyas bdag nyid sgrub pa'i rgyud ni/ phyag rgya chen po mnyam bzhag ste// rang gi snying pos lan cig sgrub// brtan zhing shin tu dgyes kun chags// shin tu dgyes myur bdag po grub// de nas yi ge hUM gi glu blangs pa'i grub pa'i rgyud ni/ ri b+hi da sogs rgyan dang ldan// ci nus pa dang ci 'dod pa// dri za dang po blangs nas ni// yi ge hUM gis grub par 'gyur// zhes bcom ldan 'das chags pa chen po dang po'i rdo rje sems dpas gsungs so/ / de kho na nyid chen po'i gsang ba'i dngos grub sgrub pa'i rgyud do// rtog pa thams cad kyi las kyi phyag rgya bshad

  142. 72a

    par bya'o/ / zhes bya ba bcom ldan 'das thog ma dang mtha' ma med pa'i 'phrin las kyi rdo rje sems dpas gsungs so// shin tu ring ba'i tshe 'phel ba ni bde ba chen po'i rdo rje'i chos so/ / shin tu gzhon pa'i na tshod 'phel ba ni bde ba chen po'i rdo rje'i bcud kyis len gyis so// gzugs chen po dang gzi brjid chen po 'phel ba ni bde ba chen po'i rdo rje'i gzugs kyi gzi brjid kyis so/ / 'du byed chen po thams cad 'phel ba ni bde ba chen po rdo rje 'du byed chen pos so// sems can thams cad kyi bdag nyid thams cad srung ba ni bde ba chen po rdo rje srung bas so/ / phyogs thams cad dang / mtshams dang / dkyil 'khor bcings pa ni bde ba chen po rdo rje bskor bas te/ thams cad rdo rje chen po'i ngo nyid khro bo'i rgyal po chen po rdo rjes kyang 'jug par mi nus shing mi phyed par 'gyur ro/ / srid pa thams cad srung ba ni bde ba chen po'i rdo rje'i byin gyis brlabs pas so// bdag nyid kyi dngos grub thams cad dam gzhan dag rdo rje byed pa ni bde ba chen po'i go chas so/ / 'thab mo thams cad las rnam par rgyal ba ni bde ba chen po'i rdo rje rgyal mtshan mchog gi dpung rgyan gyis so/ / 'thab mo srung ba ni bde ba chen po'i gzhan gyis mi thub pas so// gzhan gyi dpung thams cad bshig pa ni rdo rje bde ba chen po'i rdo rje 'dzin pas so// gzhan gyi dpung

  143. 72b

    nyams pa dang / ldang ba dang / lhung ba dang / gsod pa ni bde ba chen po'i rdo rje glog bskor bas so// rims thams cad la sogs pa'i nad thams cad dang nang chen po zhi ba ni bde ba chen po rdo rje phrogs pas so/ / dug thams cad gzhig pa dang dug med par bya ba ni bde ba chen po'i rdo rje 'phrog pas so// phyag rgya gdon thams cad las dgrol ba ni bde ba chen po'i 'byung po bskrad pas so/ / ma mo mkha' 'gro dang / gdon thams cad dgrol ba chen po dang / gzhom pa dang / snying gzhan dbyung ba dang / shi ba gso ba dang / tshe 'phel ba de shin tu srung ba rnams ni bde ba chen po'i rdo rje'i phyag rgya'i lan gyis so/ / thams cad dbab pa dang / g.yo ba dang / 'ching ba dang / gar byed du gzhug pa dang / glu len du gzhug pa dang / snga ma 'byung ba so sor bstan pa dang / rmad du byung ba dang / cho 'phrul bstan pa dang / bde chen thams cad pa thams cad smrar gzhug pa dang / dgrol ba dang / srung ba dang / sos su bcug pa rnams ni bde ba chen po'i rdo rje dbab pas so// rgyu ba dang mi rgyu ba'i dngos po thams cad la yid kyis 'dod pa'i pra dbab pa thams cad grub pa ni bde ba chen po rdo rje pra dbab pas so/ / rang gi lus dang / ngag dang / yid rdo rjes mthong ba dang / thos pa dang / smra ba dang / ston pa'i shes pa grub pa ni bde ba chen po rdo rje'i bdag nyid bsgom

  144. 73a

    pa'o/ / thams cad las 'das pa dang / ma 'ongs pa dang / da ltar byung ba thams cad kyi bka' mthong ba'i yi ge sna tshogs pa 'am/ dngos po sna tshogs pa thams cad kyis rna ba'i shes pa rab tu 'jug pa ni bde ba chen po'i rdo rje thams cad mkhyen pas so/ / glog dang / char dang / thog dbab pa thams cad bzlog pa dang / sprin gzhig pa ni bde ba chen po'i rdo rje khro bo'i lta bas so/ / sa'i 'og thams cad las sngar ma byung ba'i 'bru la sogs pa'i 'bras bu 'byung ba dang / nye bar len pa dang / chu med pa'i gnas las chu'i dngos po 'byung ba dang / nye bar len pa dang / mun pa chen por snang ba chen po bskyed pa dang / nye bar len pa dang / rlung thams cad la bka' bsgo ba dang / nye bar len pa dang nam mkha' thams cad las yid kyis 'dod pa'i dngos po thams cad mthong ba dang / nye bar len pa ni bde ba chen po'i rdo rje dbyings kyi dbang phyug mas so// thams cad gzhom ba dang / rengs pa dang / dral ba dang / rmugs pa dang / gnyid log par bya ba dang / rgyas gdab pa dang / ltung ba dang / rmongs pa dang / bsad pa dang / phyir ldog pa ni bde ba chen po'i gdug pa 'i rdo rje'i brag rgyas so/ / thams cad rjes su chags pa dang / dgug pa dang / gzhug pa dang / dbab pa dang / bcing ba dang / bkrol ba dang / dral ba dang /

  145. 73b

    lhung ba dang / ltung ba bslang ba dang / 'dren pa dang / bran du byed pa dang / mngag gzhug bka' bsgo ba byed pa dang / thams cad tshur drang ba dang / par gtang ba dang / gsad pa dang / sbyar gso ba la sogs pa'i las thams cad byed pa dang / dbang du byed pa'i sgrub pa ni bde ba chen po rdo rje thams cad sgrub pa ni bde ba chen po rdo rje'i thams cad sgrub pas so// rigs thams cad kyi mchog gi dngos grub la sogs pa'i mchog gi dngos grub thams cad dang / mchog gi dbang bskur ba la sogs pa'i thams cad dang / phun sum tshogs pa thams cad dang / thams cad rjes su chags pa la sogs pa'i bde ba dang / yid bde ba thams cad rab tu gzhug pa dang / mchod pa chen po thams cad la sogs pa'i las thams cad myur du grub pa'i cho ga rgyas pa ni bde ba chen po'i rdo rje'i mchog gi dngos grub kyis so/ / de la bde ba chen po rdo rje gsang ba'i dam tshig gi dang po'i mchog gi dam tshig gi las kyi phyag rgya'i rgyud ni 'di yin te/ bde ba chen po'i rdo rje'i ni rdo rje sems dpa' tshe ster ba'o/ / 'di'i las kyi phyag rgya thams cad bcing ba'o// dbus ma'i rdo rje btung bar byas/ rtse mo 'od zer byas nas gdong pa yongs su sbyangs te gdong par dgrol bar bya'o// bdag kun tu bskor nas snying khar dgrol bar bya'o// gtsug tor dang / phyogs thams cad dang / dkyil 'khor bskor ba'o// snying khar dang / yid kyis rgyab dang / phrag pa dang /

  146. 74a

    spyi bo dang / dpral bar bzhag la rdo rje khu tshur gnyis kyis 'phreng ba bcings la go cha byas te/ mdud pa byas nas rdo rje'i gnas rnams su slar yang 'phreng ba byas pas rgyab tu mdud pa bya ste dar dbyangs bya'o/ / snying khar dang / dpral ba dang / mgrin pa dang / spyi bor gzhag par bya'o// dbus ma'i dar mchog go// byab pa'i gyen du kha bltas pa'i dbugs pa dang 'jig pa'i gdong gis blta bas so/ / 'bar ba bzhi'i tshul gyis 'dor zhing khros pa'o// rang gi snying khar bcings te zhi ba'i lta bas rtse mo 'phrog par bya'o// blta bas 'phrog par bya'o// dbab par myur du dgrol bar bya'o/ / yongs su bskor nas dpral bar gzhag ste dbus ma'i rdo rje sor mo'i rtse mo gnyis bskyod par byas na ci la bzhin du las byed pa'i snying khar gzhag ste/ dbus ma rdo rje'i las ni/ 'di lta ste/ snying khar stod pa dang / bskyed pa dang / bcing ba dang / gar byed du bcug pa dang / mgrin pa bsal ba dang / rtse mo btsir ba dang / kha 'bus pa dang / mgrin pa bsal ba dang / bcings pa myur du dgrol ba dang / srung ba dang / byab pa'i las so// snying kha kha sbyor ba skyod pa'o// nyin re bzhin snga rol du lan cig lus yongs su sbyang ba dang / mgrin pa bsal ba'i ngag dang / rnying khar gzhag pa dang / phyag rgya lta ba ste/ nyin re snga rol du lan cig dbang po thams cad kun tu bsor bar bya'o// dbus ma rdo rjes byed pa ni khro ba'i rdo rje'i lha

  147. 74b

    bas so/ / dbus ma rdo rje las ni 'og nas 'byung ste/ nye bar longs spyod pa dang / thams cad la dgug par byed pa dang / dbab pa sbyin pa dang / 'bar ba'i me rtag byed pa dang / nye bar len pa dang / rlung gi tshul dang / nam mkhar bsgoms pa las dus mo'o// dbus ma'i rdo rje'i lus ni phyag rgyas gzhom pa dang / rtse mo gnyis snying khar btsir ba dang / sen mo drung pa dang / mig la reg pa dang / btsum pa dang / sen mo mnyam pos snying khar bteg pa dang / lhung ba dang / glod par byed pa dang / phan tshun rdeg pa dang / rang gi snying khar rang bzhin du gzhag pa'i las so/ / dbus ma'i rdo rje las ni mda' gtod pa dang / lcags sgrog gnyis kyis dgug pa dang / g.yon pa la g.yas pa bcug pa dang / rtse mo bskyod pa dang / gdu bur bcing ba dang / myur du dgrol ba dang / sor mo mnyam por myur du dral ba dang / lhung ba dang / 'og nas bteg pa dang / g.yon pa g.yas pas drang ba dang / las thams cad la sbyar bar bya ba dang / 'og nas bskyod cing gyen du drang ba dang / tshur 'dren pa dang / phar gtad pa dang / g.yon dang g.yas kyis drag por 'degs pa dang / rang gi snying khar rtse mo 'dren pa dang / las thams cad la nges par sbyong bar byed pa'i las dang / snying khar 'khor lo gzhug pa dang / dbang bskur ba'i 'phreng ba dang / dar dbyangs 'ching bar byed pa

  148. 75a

    dang / snying khar las drangs te bde ba tshur 'dren pa thams cad yongs su sbyang ba dang / gar gyis blangs te spyi bor dgrol ba'i las so// bde ba chen po rab grub dang / / chags pa chen po rnam dag phyir// don yod thogs med sna tshogs pa'i// phyag rgya'i rgyud ni rab tu bshad// rdo rje 'dzin pa chen po yis// sangs rgyas sras bcas bdag nyid kun/ / sems can thams cad myur grub dang // don yod dngos grub kun stsol ba'o// dkyil 'khor dag tu ma zhugs pa// sdig pa'i las ni kun dang ldan// de dag kyang ni sgrub 'gyur te/ / bcings pa tsam gyis sdig byang phyir// gang zhig le lo nyid kyis sam// brtson 'grus ldan pa yang tshang ba// dkyil 'khor med pa'i sems can gang // slob dpon nyid byin ma brlabs dang / / de dag grub mchog rdo rje che// rdo rje slob dpon nyid du 'gyur// don yod mchog dang sna tshogs pa'i// bcings pa tsam gyis myur grub byed// bsam pa thams cad yongs rdzogs pa'i/ / mchog gi dngos grub kun la 'jug/ dang po 'byung ba'i rdo rje mchog/ bde ba che la yang dag 'byung // dag cing shin tu grub pa dang // 'grol ba thams cad la yang ngo / / de nas phyag rgya thams cad sgrub pa'i gsang ba'i rgyud ni/ las 'dod thog mar phyag rgya ni// skal ba ji bzhin snying pos sgrub/ rang gi bdag nyid nges

  149. 75b

    sbyar bya/ / bde ba chen po'i rdo rje gsang ba'i rtog pa'i rgyal po las/ bde ba chen po'i thams cad kyi dam tshig don yod pa'i dngos grub kyi mchog ces bya ba'i rgyud phyi ma'i cho ga rgyas pa yongs su rdzogs pa'o/ / // de nas bcom ldan 'das de bzhin gshegs pa thams cad kyi yongs su mthar thug pa med pa'i sku dang / gsung dang / thugs rdo rje thams cad las kyi sbyor ba/ rdo rje 'chang ba dang bcas pa rnams kyis bde ba chen po'i rdo rje gsang ba'i dam tshig rtog pa'i rgyal po chen po 'di sems can gyi khams ma lus pa kun khyab cing spro ba dang / dngos grub thams cad kyi cho ga rgyas pa srid pa thams cad kyi rtse mo'i yongs su mthar ma thug pa'i gsung rab yongs su mthar thug pa'i don du/ thog ma dang mtha' ma med pa'i rdo rje sems dpa' la gsol ba btab pa yin no/ / rdo rje nam mkha' chen po yi// chos kyi dbyings ni spro ba mchog/ rdo rje nam mkha' chen po yi// chos dbyings spro ba'i dngos grub ster/ / rtag tu sangs rgyas thams cad ni// rdo rje 'chang chen bcas pa dang // rdo rje 'chang gi theg pa ni// yongs su mthar thug nus pa min// e ma'o mngon zhen sems can dang / / le lo can dang las kun dang // thugs rje dam pa'i rdo rje khyod// byang chub sems ni bla na med// bde ba chen po rab sgrub dang // chags pa chen po rnam dag phyir// rtog pa

  150. 76a

    'di ni mthar thug pa/ / rab tu sgrub phyir mthar thug brjod// de nas bcom ldan 'das de bzhin gshegs pa thams cad kyis gsol ba btab pa'i tshig gsan nas/ de bzhin gshegs pa thams cad ting nge 'dzin rdo rje sems dpa' byin gyis brlab pa zhes bya ba'i ting nge 'dzin la snyoms par zhugs nas 'di gsungs so// bde ba chen po rab sgrub dang / / chags pa chen po rnam dag phyir// thams cad dgongs grub don du ni// yongs su mthar thug byin brlabs pa'o// gang gis tshul mchog 'di ni nyan 'gyur dang // gang gi khyim na gsang ba thams cad gnas/ / bde chen mchog gi rdo rje mchog gsang ba'o// dngos grub tshe 'dir de dag rnams la brtan// brtan pa nyid phyir 'dul bar rang mi byed// sems can don du rgyal ba las dag phyir/ / rnam par sbyang bar mdzad pa 'di yin te// rtog pa 'di ni bgegs med bdud rnams med// dngos grub 'phel med min par byin gyis brlabs// bdud dang brtan med nyid ni bdag mi byed// brtan pa nyid phyir 'dul ba nga mi byed// rtog pa chen po'i mchog 'di gang grub pa// myur du dngos grub mchog phyir bdag brtan 'gyur// brtan zhing rab dgyes brtan pas rjes su chags// bde ba chen po byed cing shin tu rgyas// nga yi dang po snying po gang sgrub pa// de la nga ni rtag tu dngos grub ster// de nas de bzhin

  151. 76b

    gshegs pa thams cad 'dus nas legs so zhes bya ba byin te/ bcom ldan 'das kyis gsungs pa la mngon par bstod do// bde ba chen po rdo rje gsang ba zhes bya ba'i rtog pa'i rgyal po zhes mchog tu grub pa yongs su rdzogs so/ / / de nas bcom ldan 'das byang chub sems dpa' sems dpa' chen po phyag na rdo rje 'di nyid sngar yang ston par mdzad cing zhal rab tu 'dzum pa dang / mchog dang po'i rdo rje bde ba chen po rdo rje bsnyems pas gsor nas rang gi thugs kar stod pa'i tshul du 'dzin cing mchog tu gsang zhing mchog tu grub pa don yod cing thogs pa med pa bde ba chen po rdo rje don yod pa'i dam tshig 'di rtogs pa thams cad kyi sdig pa dang / sgrib pa dang / bdud thams cad 'dul bar byin gyis brlabs pa'i dbang gis ma grub pa rnams kyang mchog dam par grub par byed pa dang / mchog tu gsang ba thog ma dang mtha' ma med pa'i mtshon cha mchog dang po zhes bya ba'i rtog pa'i rgyal po dbang phyug chen po'i chen po rgyud phyi ma gsungs pa/ de nas thog ma'i gnas nyams dga'// nam mkha' kun la rab tu gnas// rin chen 'od 'bar rab tu gsal// dri ma med pa'i mdangs kyis brgyan// zur bzhi pa la sgo bzhi pa/ / sgo khrud rnams kyis rab tu brgyan// kha khyer gyis ni yongs su bskor// rdo rje lha mo tshogs kyis mchod// zla ba phyed ni rab tu gnas// rdo rje rin chen

  152. 77a

    'bar byed pa/ / rlung gis bskyod pa'i rtse mo mchog/ dar 'phan dril bu sgra sgrogs pa// dra ba me long rtag me long // me tog chun po'i brgyan gyis bskor// bde ba chen po rdo rje che/ / rdo rje kun gyis legs sbyar ba// rdo rje sems dpa'i bzhugs gnas che// sangs rgyas kun gyis rjes brten pa// byang chub sems dpa'i gnas kyi mchog rdo rje 'dzin pa kun gyi gnas/ / bde ba chen po rdo rje che// rdo rje rin chen mchog ces bya// rdo rje 'chang chen bzhugs nas ni// bde ba chen po rnam par bzhugs// thog mtha' med pa'i sems dpa' ni/ / rdo rje sems dpa' dga' ba che// kun tu bzang po kun bdag nyid// rdo rje bsnyems tshul bdag gis bdag/ sems can kun gyis sems gang yin// brtan pa'i phyir ni dpa' zhes bya// brtan par bzhag pas ting 'dzin te// nges pa las ni rdo rjer gyur// sems dpa' byin rlabs sbyor ba yis// rdo rje sems dpa' nyid du 'gyur/ / de nyid bcom ldan sna tshogs pa// byang chub spyod pa'i rjes 'thun pa// bdud dang bdud las rgyal ba nyid// byang chub sems rgyas de nyid do// rdo rje drag po mthar byed nyid/ / phyag na rdo rje nyid kyang de// de nyid de bzhin gshegs pa'i rigs// de nyid rdo rje rigs chen mo// de nyid pad+ma'i rigs dag pa// de nyid nor bu'i rigs bzang

  153. 77b

    bshad/ / de nyid 'dod chags bral ba nyid// 'dod dang grol ba de nyid ni// dus gsum srid gsum mchog gsum ste// 'jig rten gsum mchog khams gsum pa// mi g.yo thams cad mchog de nyid/ / brtan pa sra ba nor chen po// rgyu ba sems kyi 'dus byas pa// thams cad byed pa thams cad nyid// dang po'i sems dpa' sems dpa' che// byang chub sems dpa' bde bar stsol/ / sems dpa'i skyil krung bcas nas ni// pad+ma'i steng du bzhugs pa dang // btsun mo'i tshogs bcas sna tshogs pa// rdo rje lha mos yongs su bskor/ / bde ba chen po grub don du// 'dod chags chen po rnam dag phyir// ma lus gdul bya'i don du ni// dngos grub thams cad rab grub phyir// dam tshig mchog ni ma lus pa// rgyal bas kyang ni bsrung bar bya// bsnyems bcas rdo rje gsor ba dang // rdo rje bsnyems pa'i tshul 'chang zhing // phyag rgya kun myur grub mngon du// rdo rje sems dpa' mchog grub phyir/ dngos grub kun gyi thabs chen po// bsod nams kun gyis cher mthong ba// ye shes phyag rgya yang dag ldan// snying po chen po dam yin te// gang gis bsod nams mi ltar pa/ de bzhin dkyil 'khor ma zhugs pa// don yod thogs pa med mchog 'gyur// dngos grub thams cad rnyed dka' min// bde ba chen po rdo rje che// gsang ba mchog gi dam tshig

  154. 78a

    brtan/ / dngos po thams cad sgrub pa ster// rtags pa thams cad myur sgrub byed// thog mtha' med phyir dang por 'byung // mchog dang po zhes bya bar bshad// tshig kun gyi ni ci 'dod pa// chags pa kun gyi ci dga' bar// rjes su chags par bgyi 'o zhes// ji bzhin 'bab pa'i ye shes 'jug/ nye ba'i snying po bcas snying po// bskal pa dang por bcom ldan gsungs/ / hUM/ de nas 'di ni gsungs tsam gyis// sangs rgyas thams cad sras bcas pa// rdo rje 'dzin bcas sna tshogs pa// skad cig gis ni 'dus par 'dus// rdo rje 'dzin gyis thog mar ni// yud kyi 'jig rten gsum po 'byung // ji ltar 'gro ba rab sgrub ces// bde gshegs rnams kyis dngos grub dris// de rnams kyis ni bka' gsan nas rdo rje 'dzin rang grol ba ni/ / 'byin dang stsol ba ston pa po// byed pas tshig ni 'di skad gsol// chags bral gyis 'dul 'jig rten rnams// chags bral nyid kyis dag par 'gyur// 'dod chags chen po bde ba che// 'di ni ji ltar 'grub par 'gyur// de yi tshig de gsan nas ni// rgyal ba rang nyid kyis gsungs pa// byang chub sems de thog ma'i lha// khyod ni thabs chen nyid yin no/ / ji srid 'khor lo'i gnas su ni// mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus// ji srid

  155. 78b

    sems can rnam rtog pa/ / de srid byang chub srid pa che// byang chub sems can la phan phyir// rdo rje can gyis ci bder gyis// de nas thog ma dang dkyil 'khor// dang po dkyil 'khor byin gyis// brlab// rdo rje kun gyi dam tshig mchog/ ji bzhin cho gas sgrub pa nyid// de nas bcom ldan 'das de ni// bde ba chen po grub phyir dang // 'dod chags chen po rnam dag phyir// gtso bo mgon la gsol ba btab/ / bcom ldan 'das la gsol ba ni// 'dod chags chen po bde ba che// snying po 'di ni rtog pa mchog/ bde chen myur du grub pa'o// de rnams kyi ni bka' gsan nas// rdo rje sems dpa' bde chen po// bde ba chen po rdo rje che// dkyil 'khor chen po bka' stsal to// de nas rab tu bshad bya ba// dkyil 'khor chen po dam pa ste// bde ba chen po rdo rje mchog/ gsang ba dam pa zhes bshad do// thog mar dam tshig gsum thob pa'i// rdo rje slob dpon rang phyag rgyas// 'khor lo kun gyi cho ga la// rtag tu rdo rje dril 'chang bya// rtog pa thams cad yang dag 'bebs/ / dkyil 'khor thams cad sgrub byed yin// dam tshig che gsum zhes bya ba'i// rgya 'di thams cad sgrub byed yin// dngos grub cho ga thams cad la// rdo rje dril bu rab bskul ba// cho ga lhag gam ma tshang yang // 'grub 'gyur smad par mi bya'o// zhes bcom ldan 'das rdo rje sems dpas gsungs so// mchog gi dang po mtha' yas mchog

  156. 79a

    bla na med cing mnyam med pa/ / nam mkha' kun la rab tu gnas// mchog ste yi ge dam pa yin// dkyil 'khor gnas ni sbyang byas la// de yi dbus su cho ga bzhin/ dngos grub byin rlabs cho ga yis// dkyil 'khor de ni grub par bya// glu dang rol mo'i cho ga dang // me tog spos sogs mchod pa yi// ci rnyed pa dong tso 'dod par// mchog dang por ni brta par bya/ / mchog gi dang por mtha' yas mchog/ bla na med cing dpe med pa// nam mkha' kun la rab tu gnas// grong khyer dag ni mi 'gyur mchog/ thog ma med mchog brtag pa'i phyir// sangs rgyas 'byung ba'ang rab tu bzhugs// kun mchog mnyam pa nyid rten pas// lhag dang ma tshang med kun gang // mtha' dang dbus med nam mkha' ni// 'di ni dbu mar rnam brtag pas/ phyag rgya sbyor ba'i ting nge 'dzin gyis// de yi dbu mar rnam dag nyid// de yi dbus su pad+ma'i gzugs// yu bar bcas pa rab tu gzhag/ sna tshogs pad+mas yang dag khebs// thams cad da pa'i gdan de yin/ / de nas srad bu nyis 'gyur du// byas pa'i thig ni gdab bya ste// nam mkha' kun gyi tshang yi phyir// gdul bya'i blo ni mtha' yas pas// tshad ni tshad med pa yin no// mi mnyam med pas zur bzhi pa// dran dang dbang po'i sgo bzhi ste// bsam gtan rnams kyi rta babs bzhi// ting 'dzin khams su bshad pa yin// khyams la rten pa'i rdo rje'i bdag

  157. 79b

    gzugs rnams lha mos mchod pa'o/ / rgyan rnams kun gyis bkra ba ni// bsam pa thams cad rdzogs byed pa// gdul bas skyod pa sna tshogs mchog/ dam chos mchog ste kun tu 'gro// rlung gis skyod pa sna tshogs pa'i// ba dan rtser btags dril sgra sgrogs// me long ye shes rtag me tog/ byang chub yan lag me tog 'phreng // dra ba me long me tog che// me tog 'phreng ba'i rgyan gyis bskor/ / kun grub mi 'gyur bde ba ni// bde ba chen po zhes bshad do// bde ba chen po'i gzhal yas khang // dang po'i gnas de bri bar bya// thar pa chen po'i grong khyer mchog/ kun mchog de ni legs bris nas// thog ma mtha' ma med pa'i dbyings// phyogs kun mnyam pa nyid du bsam// phyi yi dkyil 'khor ro// de yi nang gi 'khor lo ni// dkyil 'khor brgyad pa lta bu yin/ / 'di ni rnam thar brgyad po ste// dngos grub kun gyi bde ba ster// byang sems theg pa chen po yi// mdo sde'i 'khor lo rab bskor ba// rdo rje thig gis yongs bskor ba/ / rdo rje 'khor lo yang dag bri// de ni sna tshogs pad+ma cher// rdo rje sems dpa' dgod par bya// lugs ma'am yang na brkos pa 'am// byas pa'am yang na bris pa ste// 'dzum bcas zla ba'i mdog can la// dmar zhing sna tshogs 'od rapa rab// sangs rgyas kun gyi dbang sogs dang // rgyan dang na bza' sna tshogs pa// sems dpa'i skyil krung dag

  158. 80a

    gis bzhugs/ / rdo rje bsnyems tshul 'chang ba'i mchog/ su ra s+t+rai zhes brjod cing // rang snying pos kyang gzhag par bya// de yi phrogs ni thams cad du// tshon nam de bzhin bye ma yis/ / go rims dag ni ji bzhin du// rdo rje lha mo yang dag bris// rdo rje mchod bstod la brtson bya// rdo rje chags ma mdun du bri// lha mo rdo rje rol pa ni// can la rab tu 'khyud// rgyab tu rdo rje dran ma ni// rgyu sbyin rgyal mtshan 'dzin pa'o// rdo rje 'dod pa'i dbang phyug ma// rdo rje khu tshur gnyis bsgoms bri// de nas 'di rnams dgod pa byug d+hA ni/ dzA dzadz+ra d+hi sa ma ka~M ma rbatrUM/ oM badz+ra kI la~M kI li dz+haiM/ baM badz+rI Nis+pha ra rAT+Ta/ oM badz+ra kA me shar tshwa/ mtshams su rdo rje sems ma sogs// dus kyi mchod pa yang dag bri/ sdong rtsi ma dang sbyin// skyon dang dgun no rjem// me tog bdug pA mAr mye re// d+hi spyi bor thal sgyur ba// rdo rje rgyal po'i lha mo ste// de nas phyag rdza rab bshad bya// oM ma d+hu badz+dza oM badz+ra mi u0f88u0f90 gu lu gu lu/ oM sha du 'jos oM/ oM badz+ra na ma nAdz+dza/ sgeg mo bzhad sa k+Sh+ma chen po// gar mdzad pa yi lha ma'i tshogs// rdo rje rol mo 'di dag ni/ byi ni mtshams su bya// Ni ra ti badz+ra me g+ha bi la si ni/ traH/ her ting nr-i byeb babe ba/ sgo lo gnas ni thams cad du// gsol ka ba ni bzhi po ste// rdo rje lcags kyu zhags pa

  159. 80b

    / dang // lcags sgrog de bzhin dril bu ma'i// badz+ra aM ku sha dzaHbadz+ra pA She hUM/ badz+ra shrI kha le baM/ badz+ra g+haN+Te ho// dam tshig mchog ni thams cad kyi// dgongs shing brtag pa nyid du 'gyur/ / rdo rje lha mo la sogs pa// dngos grub kun la 'byung bar 'gyuraro// gsol ka ba ni g.yogs mo yi// gtso mo dang / pho nya dang / bran mo dang / de nas sku mchog la sogs pa mngon bris yang dag bsgrub par bya/ / dam tshig mchog ni bcings nas su// dzaHhUM baM ho zhes brjod bya// sems dpa'i skyil krung bcas nas ni// rdo rje spyan gyi spyan sngar 'dug/ bde ba chen po rdo rje mchog/ bdag po lan cig yang dag dgug/ hUM ma hA su kha badz+ra satwa/ ya hi shI g+h+ra~M/ ma hA su kha badz+ra a mo g+hA ya/ a nu pA lA yA/ pra bud+d+ha su ra ta traM a nu rak+to me b+ha bak+Sha to Sh+yo me b+ha wa/ su po Sha yo me b+ha wa/ b+ha ga b+haM na na da ni sa sat+te/ sarba sid+d+hi m+me pra yats+tsha/ a shaM ta ma tr-i Sha A be sha ya sa ma yer bad+d+ha/ ba shI ka re me/ yai mer mu drA bA daMHdza hUM baM ho/ 'di yis bcom ldan 'das rtag par// dkyil 'khor du ni rang nyid gshegs// bkug cing bcug la shin tu brtan// dbang du gyur na rab tu thub// ces bcom ldan 'das dam tshig chen pos gsungs so/ / rdo rje slob dpon rang lha ni// 'od zer kun tu ston la sogs// mtshan ma rnam pa mang po ni// ngo mtshar gyur pa mthong bar 'gyur// de nas rdo rje mchod

  160. 81a

    yin no/ / rdo rje thal mo kha dbye dbul// bum pa gang dag ji snyed pa'i// me tog sogs kyis yang dag mchod// ba dan rtse mor dril btags pa// mtshams kyi char ni gzhag par bya/ / bum pa spos chus gang ba la// de nas rdo rje mchod yon ni// lcug ma la ni yongs su bzlas// de la bde ba chen po rdo rje don yod pa'i dam tshig gi chur sgrub pa ni 'di yin te// hUM ma hA su kha badz+ra a mo b+ha sa ma yo da sa dad a b+hi Shiny+tsa/ sarba su kha sau ma na s+yA nu da da ku ru ku ru/ dzaHhUM baM ho/ 'di lan nyi shu rtsa gcig yongs su bzlas la bdag nyid la rdo rjes dbang bskur bya'o/ / bsang gtor bya ba dang / 'thungs pas kyang sdug bsngal thams cad bsal ba dang / bde ba thams cad 'phel bar 'gyur ro// zhes bcom ldan 'das rdo rje sems dpas gsungs so/ / de nas 'khor lor ma zhugs kyang // rang nyid thog mar byung zhugs shing // rdo rje kun gyi slob dpon che// rdo rje can gyis rang byin rlob// de nas rdo rje 'dzin slob dpon// rang nyid khrus byas dris legs byugs/ / ci rnyed pa yi rgyan gyis brgyan// shin tu dmar ba'i gos bgo zhing // me tog 'phreng btags kha dris bsgo// rnam sgeg dga' ba'i rdo rje dang // rdo rje gar gyis sbyor ba yis/ / spyi bor me tog thal sbyar nas// gnas de mgon la phyag bya'o// zhugs nas dkyil 'khor de la ni// bskor ba dag ni lan gsum bya// de nas mdun du 'dug nas ni//

  161. 81b

    de kho na nyid lan cig brjod// 'dod chags chen po bde ba che// rdo rje chen po nor che ba// ye shes chen po las chen po// de dag rdo rje sems grub brjod// de nas me tog sil ma ni// mgon la gtor te cho ga bzhin/ / dang po Sha Da ba la sogs// bstod pa'i glu ru lan cig blangs// de nas bcom ldan 'das kyis bstod pa'i rgyal po mtshan brgya rtsa brgyad po de kho na nyid chen po ni 'di yin te/ dpal mchog dang po sems dpa' che// dga' ba chen po'i dga' ba che// kun tu bzang po'i kun bdag nyid// rdo rje bsnyems tshul bdag po'i bdag/ sems dang sems dpa'i ting 'dzin mchog/ rdo rje rdo rje mchog chen po// kun tu bzang po'i spyod pa mchog/ bdud dang bdud ni rab 'joms pa// thams cad du ni byang chub che// sangs rgyas sangs rgyas skyes mchog skyes/ / rdo rje hUM mdzad yi ge hUM// 'jig rten dbang phyug nor rab gsal// 'dod chags chen po bde ba nyid// 'dod dang thar pa nor che ba// dus gsum srid gsum mchog gsum pa/ 'jig rten gsum mchog khams gsum pa// brtan par rang byung gsal ba ste// rab phra sbom dang legs bsags pa// rgyu ba rab mchog thob mdzad pa// srid pa 'khor bar sbyong mdzad pa/ / thog mtha' med cing thog mtha' can// mdangs ldan dang por thams cad gnas// snying po phyag rgya sbyor dam tshig/ de nyid bden pa mchog pa ste// de bzhin gshegs pa'i dngos

  162. 82a

    grub che/ / chos dang las ni khams chen po// dam pa'i chos te las mchog bdag/ byang chub sems ni rab sbyong mdzad// rdo rje khro bo khro bo che// dus mtha' ltar bya bar 'dul ba po/ / 'dul mdzad chen po gdug pa'i mchog/ drag po drag nyid zad mdzad pa// thams cad dag pa pad+ma che// shes rab thabs te tshul chen po// 'dod chags dag pa ting 'dzin mchog/ sna tshogs chags pa dbang phyug che// nam mkha' mtha' yas brtag pa'i don// 'byung po thams cad gnas chen po// 'byor pa po ni thams cad gnas// 'byor pa dpal dang gtso bo rgyal// bsam pa thams cad rdzogs mdzad pa// phyag 'tshal khyod la phyag 'tshal lo// phyag 'tshal 'dud cing phyag 'tshal lo// dad pas khyed la bdag rten bgyid// rdo rje sems dpa' bdag grub mdzod/ / gang zhig bstod pa'i rgyal po 'di// nyin re nang par rjod byed dam// chos kyi tshig gis lan cig brjod// dngos grub shin tu myur bar 'gyur// gal te 'dir grub mi 'dod na// dang por nyin re dus gsum du// bstod na sdig pa las nges grol// zhing dag pa ni grub par byed// rtag tu sdug bsngal thams cad sel// lan cig rab tu brjod pa yis// dngos grub thams cad skal bzang byed/ / phun sum tshogs dpal 'phel bar byed// kun grub don yod yon tan can// mtshan brgya rtsa brgyad dam pa'o// de nas gsang ba'i mchod pas ni// rab tu

  163. 82b

    dga' bas mgon la mchod/ / rang gi phyag rgya lan cig ni// rang gi phyag rgyas bcings te grub// de nas lha yi chu dang ni// de bzhin sku mchog gis dbang bskur// rang gi snying po rjerje phyag/ snying po 'di ni blang bar bya// de la rdo rje sems dpar dbang bskur ba'i snying po 'di yin te/ hUM ma hA su kha badz+ra satwa a b+hi She ke na hriHa b+hi Shiny+tsA mi/ sArba badz+ra a d+hi pa ti s+t+waM dr-i D+ho mo b+hA ba mi / d+ha nA ma ma ste b+ha ga bA na/ ma hA badz+ra d+ha ra su ra ha s+t+waM/ ma hA badz+ra satwa/ oM b+hur+m+ma ba swa/ de nas rdo rje dbang bskur ba// phyag na rdo rje mi 'dzin pa// rdo rje 'dzin chen slob dpon du// 'di nyid du ni rab grub 'gyur/ / de nas kyang ni ci 'dod par// cho ga'i dam pa bsgrubs nas ni// rdo rje gar gris mchod pa yis// legs par mchod la phyir phyung bya// de nas brtsams te rdo rje'i bdag/ rdo rje kun gyis gsang rab 'dzin// rdo rje thams cad 'dzin slob dpon// dngos grub thams cad grub par 'gyur// rdo rje sems dpa'i dngos grub che// phyag rgya kur bdag dang phug che/ / d+hIHthams cad mkhyen pa'i rdo rje che// las rnams thams cad nus la brtag/ mi tshugs pa dang mi sod pa// kun byed dngos grub thams cad ster// sems can kun gyi rgyal po che/ / tshar gcod pa dang phan 'dogs nus// thams cad rjes chags byed kun mchog/ kun rigs pa dang kun gyi bdag/ 'dod pa thams cad la rab sbyor// phun tshogs kun gyi

  164. 83a

    dbang phyug che/ / lha la sogs pa'i sems can kun// bsgo ba thams cad rtag tu byed// rdo rje sems dpa' rtag tu mthong // tshe 'di nyid la 'grub par 'gyur// de ni kyis ni 'dod par ldan/ / dga' zhing rang nyid de bdag por// rdo rje slob dpon 'gyur ba yin// zhes bcom ldan 'das rdo rje sems dpas gsungs so// bde ba chen po rdo rje slob dpon byin gyis rlob cing 'jug pa'i cho ga rgyas pa'i rgyud do/ / / rdo rje slob ma 'jug pa'i cho ga rgyas pa'i rgyud rjes su bshad par bya'o// bcom ldan 'das rdo rje sems dpas gsung so/ / rdo rje mchod yon snying khar bskor// bcings nas bsam g.yos bzhin gyis ni// mgo bos yang dag phyag bya ba// dngos grub thams cad sgrub byed yin// dkyil 'khor du ni rab zhugs la/ / skor ba lan gsum byas nas ni// 'dod chags chen po bde ba che// 'gro ba kun las grub mdzad brjod// de nas dus kyi mchod pa yis// bde ba chen po yang dag mchod// de bzhin du ni dbang bskur bar// rdo rje gsang ba'i slob ma gzhug/ de nas ji bzhin brgyan nas ni// rdo rje slob dpon gyis rab gzhug/ slob ma'i tshogs rnams bcug nas ni/ 'dod pa yi dngos grub thob// de nas slob ma bcug nas ni// dga' chen po ni brjod par bya// rab dgyes rab bde bstan pa yi// rdo rje sems bdag 'di grub mdzod// de nas me tog 'phreng

  165. 83b

    ba ni/ spyi bo nas ni myur du dor// gang du me tog babs gyur de// lhag pa'i lhar ni rab grub 'gyur// de nas lha yi chu yis ni// rdo rje 'dzin pa rang dbang bskur// rdo rje chen po rdo rje lnga/ phyin la rdo rje bo d+hi brjod// oM ma hA su kha badz+ra/ badz+ra a b+hi She ke na s+t+waM/ a b+hi Shiny+tsA mi/ ma hA badz+ra d+hA ra/ he badz+ra nA ma sid+d+hi na maH/ gang la rdo rje ming gang zhig yin pa de la kye zhes bya ba'i sgra dang sbyar bar bya'o/ / de nas snying po byin la// phyag rgya bcing ba brlabs nas ji ltar mngon par 'dod pa grub par bya'o// rdo rje sems dpa'i cho ga 'am// gang 'dod rang gi grub pa la// de nyid kyis ni dam tshig nyid// 'jug la sogs pa'i cho ga bshad// 'jig rten pa ni sna tshogs dang // de bzhin 'jig rten 'das pa yang // thams cad rang gi ngo bo ni// rgyas par bsgrubs na rab tu grub/ / 'di la rab tu 'jug tsam gyis// mi tshugs pa dang mi ldog pa// nyid du rgyal ba'i sras 'gyur zhing // bde chen rab tu grub pa ster// de nas rdo rje 'dzin slob dpon/ / mna' ni mang du bsgrags nas kyang // de nyid chos dang dam tshig nI// rang nyid dang ni gzhan gyis brlab// de la 'di ni man 'a grub pa'i rdo rje chus dbang bskur nas brjod par bya'o// 'di ni khyod kyi dmyal ba'i chu/ / dam tshig 'das na sreg par byed// dam tshig srung na 'grub par 'gyur// dngos grub rdo rje bdud rtsi chu// de nyid chos dang dam tshig ni// gal te dkyil 'khor

  166. 84a

    ma mthong smra/ / kye 'o 'dug na gnas pa 'am// dad pa med pas bgad par 'gyur// de la 'di ni de kho na nyid dang dam tshig gi gsang ba'i cho ga rab tu sbyin pa yin te// thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje bsnyems tshul bdag po'i bdag/ de kho na nyid mchog gi gsang ba'i lnga'i de kho na nyid chen por bshad par brjod par bya'o/ / bcom ldan de nyid chos kyi mchog bka' stsal par mdzad// srid pa ngo bo nyid kyis dag/ ngo bo nyid kyis srid bral byas// rang bzhin dag pa'i sems dpa' mchog/ srid pa mchog ni byed pa yin// de la srid pa rnam par dag pa'i thabs rtogs pa thams cad kyi gsang ba'i mchog dam tshig chen po bstan par bya ba ni 'di yin te/ srid pa'i bde ba shin tu chung // sdug bsngal chen po dag bya'i phyir// shin tu bde ba dam pa'i thabs// dam tshig rtag tu brten par bya// 'dod pa'i longs spyod thams cad ni// ci 'dod par ni bsnyen bzhin du/ / rang gi lhag pa'i lhar sbyor bas// bdag dang gzhan la mchod par bya// de la rtog pa thams cad kyis gsang ba'i mchog gi dam tshig chen po 'di brjod par bya ste/ ji srid 'khor ba'i gnas su ni/ / mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus// gsang ba mchog gi dam tshig thabs// bsod

  167. 84b

    nams byin rlabs sgrub byed pa/ / dngos grub kun gyi dbang phyug mchog/ rgyun du sems can don byed pa'o// de ltar sems ni rab dang rdo rje nyid du gyis// rang gi dam tshig mi bzad bde bskyed sten par gyis/ / de ni 'gro la myur du bde ba sangs rgyas thams cad dang // rab tu mtshungs shing rtag pa nyid du rtogs par 'gyur// de nas khyed kyis bcud dang / kha zas dang / gnas pa dang / glu dang / rol mo la sogs pa'i mchod pa rnams legs par stobs pas bdag nyid gang la sred pas kyang rdo rje slob dpon chen po mchod par bya'o// rdo rje slob dpon me tog sogs/ ci 'dod par ni legs mchod cing // rdo rje gar gyi mchod pa yis// yang dag par ni mchod de byung // de nas rdo rje 'dzin slob dpon// gar gyi mchod pas mchod nas ni// rdo rje thal mo sbyor ba yis/ / slob ma kun gyis rab tu mchod// ro dang kha zas gnas pa dang // glu dang rol mo ci 'dod pa// rdo rje sems dpa' de bzhin bdag/ yang dag mchod nas phyir byung bya// dpal mchog dang po zhes bya ba'i dkyil 'khor mchog tu gsang ba'o// de nas sgrub pa bshad bya ba// dngos grub shin tu rtag pa ste// gang gi srid pa'i 'di nyid la// dngos grub rtag pa thob byed pa'o/ / 'di yis byang chub sems dpa' ni// srid par gnas shing srid par sangs// dngos grub kun gyi dbang phyug grub// rtag tu sems can kun don byed// mi yis ji ltar

  168. 85a

    su sa bgyur/ n a sa / bang pa/ sa ma thod pa ma ba byed pa sa mas sa rgyas ba pa ma 'gyu ra sgy u ma na ma/ dzi ma pa yang byung snu rgyu/ pa ma m ma gsu / hUM ni glur blangs pas/

  169. 85b

    / rdo rje sems dpa' bsgrub par bya// der rjes cha lugs ji bzhin du// mchog gi dang por rab dgyes pas// gzugs brnyan la sogs dang por ni// ci 'dod pabar ni rab tu sgrub/ / 'di yis 'dod pa kun dbang phyug/ 'dod pa tsam gyis 'gro 'ong lding // dngos grub kun gyi dbang phyug grub// kun mchog dang po'i dbang phyug yin// phun tshogs kun bdag thams cad pa/ / 'dod chags chen po bde ba che// thams cad kun mdzad sna tshogs pa// rtag par kun tu 'dul ba po// dngos grub kun gyi bde ba mchog/ phyag rgya kun bdag dbang phyug yin/ / rdo rje kun gyi dngos grub che// thams cad mkhyen pa'i byung gnas che// mi tshugs pa dang mi sod pa// thams cad byed cing kun gyis gnas// khams gsum las rgyal sna tshogs pa/ / tshar gcod pa dang phan 'dogs pa// kun la rjes chags kun gyi mchog/ kun rigs dngos grub thams cad ster// rang gi rnam 'phrul rab ston byed/ / kun mchog dngos grub chen po ste// dbang phyug chen pos dbang phyug che// gzugs dang tshe stobs rdo rje mchog/ rdo rje sems dpa' gnyis pa bzhin// 'gro ba rnams kyis mchod cing rjod/ / rang gi gnyen rnams kyis brten pa// rgyal po rdo rje 'chang chen lhar// rga dang 'chi ba med par 'gyur// gal te rdo rje sems dpa' 'am// sangs rgyas byang chub

  170. 86a

    sems nyid 'dod/ / dngos grub ji ltar 'dod pa nyid// tshe 'di nyid la 'grub par 'gyur// phyi ma 'am ni 'jig rten pa'am// rtog pa kun bshad cho ga 'am// rang nyid kyis mdzad kyis rtag tu/ / dngos grub thams cad grub 'gyur zhes// bcom ldan rdo rje dngos grub kyis// dbang phyug bde ba chen po ni// rdo rje 'chang ba chen rgyal po// kun mchog sa yi dbang pos gsungs/ / de la ji ltar na rang gi phyag rgya sgrub pa'i rgyud yin zhe na/ phyag rgya chen po mnyam bzhag la// rang gi snying po lan cig sgrub// dr-i D+ha su to Sh+ya san rak+ta/ su bo sid+d+ha ta la gu/ de la ji ltar yi ge hUM// glu blang ba ya~M rgyud yin zhe na/ ri d+hi ta sogs kyis brgyan ldan// ci nus pa dang ci dga' dang // g+haN+Do la sogs glu blangs pa'i/ yi ge hUM gis 'grub par 'gyur// de nas phyag rgya thams cad kyi// mchog de sgrub pa'i rgyud bshad de// gal te phyag rgya sgrub 'dod na// de bzhin yul dang ldan gyur pas// rang nyid kyis ni rgyu bcings la/ / yongs su mi skyo'i bar du bsgrub// de la ji ltar na dam tshig thams cad grub pa'i rgyud yin zhe na/ dam tshig phyag rgya bcings nas ni// sa ma ya s+t+waM zhes brjod la/ rang gi snying khar rim bzhin du// phyag rgya'i mchog do bsgrub par bya// de nas las kyi phyag rgya yi// mchog sgrub pa ni rgyud du ni// rdo rje gar gyis mchod pa yis// yongs su mi skyo bas

  171. 86b

    bsgrubs na/ / mchod pa kun sogs las rnams ni// tshe 'di nyid la 'grub par 'gyur// rdo rje 'chang chen nyid dang ni// sangs rgyas byang chub sems nyid dang // gzhan yang dngos grub thams cad ni/ / dam par myur du 'grub par 'gyur// rtog pa thams cad sgrub pa chen po don yod par grub pa'i cho ga rgyas pa'i rgyud do// // de nas rtogs pa thams cad sgrub pa'i dngos grub kyi rgyud ni nyin re zhing dang por lan cig phyag rgya sgrub pa don yod pa dngos grub thogs pa med pa bshad par bya'o/ / zhes bcom ldan 'das kyis gsungs so// thams cad rjes su mnyes par bya ba dang / dgug pa dang / bcing ba dang / dbang du bya ba bsgrub pa la ni bde ba chen po rdo rje lta bas so// bde ba dang / yid bde ba dang / phun sum tshogs pa dang / dngos grub thams cad mngon par 'phel bar bya ba la ni bde ba chen po rdo rjes so/ / tshe dang / lang tsho dang / gzugs dang / gzi brjid chen po mngon par 'phel bar bya ba la ni dang po'i rdo rje bcud kyis len gyis so/ / dpal chen po dang / skal ba bzang po dang / grags pa dang / snyan pa 'phel bar bya ba la ni dang po'i rdo rje grub pas so// stobs chen po dang / ye shes dang / chos dang / las bsgrub par bya ba la ni dang po'i rdo rje snying stobs che bas so// rdzu 'phrul dang / cho 'phrul dang / rmad du byung ba dang / rnam par 'phrul pa thams cad ston pa la ni dang

  172. 87a

    po'i rdo rje'i rnam par 'phrul pas so/ / thams cad du yi ge dang / gzugs kyis bden pa thams cad mthong ba dang / thos pa dang / smra ba dang / 'dri ba grub par bya ba la ni dang po'i rdo rje don yod pa'i bden pas so/ / dbang po thams cad kyis bden pa thams cad mthong ba dang / thos pa dang / smra ba dang / zil gyis gnon par bya ba la ni dang po'i rdo rje don yod pa'i bden pas so/ / sgyu ma thams cad dang / bde ba'i mchog dang / lung bsgo ba dang / lan thob pa grub pa la ni dang po'i rdo rje rmad du byung bas so// gter thams cad dbyung ba dang / nor dbrog pa dang / rgyal srid thob pa dang / sa la nye bar longs spyod pa la ni dang po'i rdo rje dbang bskur bas so// yul thams cad dang / skye bo dang / grong khyer dang / nags dang / chu bor nye bar longs spyod sprul pa la ni dang po'i rdo rje grub pas so// thams cad las mngon ma byung ba'i lha yul dang / rin po che dang / kha zas dang / btung ba dang / g.yog 'khor shin tu bzang po la sogs po yul de nye bar longs spyod pa la ni dang por rdo rje sprul pas so/ / skad cig gis sa gzhi thams cad 'bru la sogs pa smin par bskyed pa dang / chu'i phung po chen po srung ba dang / snang ba chen po bskyed pa dang / rlung thams cad dbang du bya ba la ni dang po'i rdo rje dbyings kyi dbang phyug gis so// rgyu dang mi rgyu ba'i dngos po thams cad bza' ba dang / btung ba dang /

  173. 87b

    rang rtser gzhug pa dang / las thams cad la sbyar ba la ni dang po'i rdo rje don yod pa'i thams cad dbang du byed pas so// dngos grub thams cad las de bzhin gshegs pa dang / byang chub sems dpa' dang / rdo rje 'dzin pa dang / rdo rje la sogs mthong ba la ni dang po'i rdo rje bsnyems pas so// rang gi bdag nyid rdo rje sems dpa' la sogs pa'i gzugs thams cad sprul cing ston pa mi snang ba dang / nam mkhar 'gro ba grub pa dang / shin tu phra ba dang / sbom pa dang / du mar ston pa la ni dang po'i rdo rje gzugs sna tshogs pas so// 'jig rten gsum gyi bdag por gyur pa thams cad dbab pa dang / dbang du bya ba dang / las thams cad la sbyar ba la ni dang po'i rdo rje hUM mdzad kyis so// lha thams cad dbab pa dang / bcing ba dang / dbang du bya ba dang / las thams cad la nges par sbyar ba la ni dang po'i rdo rje lha'i bdag pos so// klu thams cad gdon pa dang / 'dul ba dang / dbang du bya ba dang / las thams cad la nges par sbyar ba la ni dang po'i rdo rje 'bar ba'i rdo rjes so/ / gnod sbyin la sogs pa thams cad dgug pa dang / dbang du bya ba dang / las thams cad la nges par sbyar bar bya ba dang skrag par bya ba la ni dang po'i rdo rje gdon 'dul bas so/ / dkyil 'khor thams cad brtag pa dang / 'jug pa dang / mchod pa dang / sgrub pa dang / las thams cad la nges

  174. 88a

    par sbyar bar bya ba la ni dang po'i rdo rje 'khor los so/ / phyag rgya thams cad dgug pa dang / bcing ba dang / dbang du bya ba dang / brtan par bya ba sgrub pa la ni dang por rdo rje phyag rgyas grub pas so/ / dam tshig thams cad dgug pa dang / gzhug pa dang / bcing ba dang / sgrub pa la ni dang po'i rdo rje dam tshig gi mchog gis so// las thams cad rab tu sgrub pa la rnam par mi 'jigs par bya ba dang / brtan par bya ba dang / grags pa chen po rab tu bsgrags pa la ni dang po'i rdo rje las kyis so// rdo rje thams cad dgug pa dang / gzhug pa dang bcing ba dang / dbang du bya ba sgrub pa la ni dang po'i rdo rjes so// sems dpa' chen po thams cad dgug pa dang / gzhug pa dang / bcing ba dang / dbang du bya ba sgrub pa la ni dang po'i rdo rje sems dpas so/ / de bzhin gshegs pa thams cad dgug pa dang / gzhug pa dang / bcing ba dang / dbang du bya ba sgrub pa la ni dang po'i de bzhin gshegs pas so// rdo rje 'dzin pa chen po dgug pa dang / bcing ba dang / dbang du bya ba la ni dang po'i rdo rje 'dzin pas so zhe kyang gsungs so// dkyil 'khor dag tu ma zhugs pa 'am/ sdig pa thams cad byas pa 'am/ rang gi snying po ma bsgrubs pa'am dngos grub thams cad grub par 'gyur/ ma bsgrubs par thams cad 'grub pa/ don yod par grub pa/ phyag rgya mchog tu grub pa'o// de nas dang

  175. 88b

    po'i snying po ma bsgrubs pa'i thams cad don yod pa/ thogs pa med pa/ las thams cad kyi rgyu skad cig sgrub pa rjes su bshad par bya'o// zhes bcom ldan 'das rdo rje thams cad kyi sna tshogs pa'i 'phron las rdo rje 'chang chen pos gsungs so/ / don yod pa thogs pa med pa/ bdag kyang bder gshegs lhan cig tu// las kyi rab 'byams 'di dag ni// dngos grub skad cig gis sgrub byed/ / 'di lta ste/ thams cad shin tu bsrung ba dang / yongs su bskyang ba dang / zhi ba dang / bde legs su bya ba dang / tshe 'phel bar bya ba la ni rdo rje gar gyi sems dpa'i tshul gtsug gtor gyi phyag rgyas so/ / dkyil 'khor thams cad mtshams dang / phyogs dang / dam tshig dang / dngos grub bcing zhing srung ba la ni rdo rje gar gyi so sor 'brang ba chen pos so/ / nyin gsum pa dang / nyin bzhi pa dang / slar zlos pa dang / rtag pa can dang / khyab 'jug gi rigs thams cad gsal ba la ni rdo rje gar gyi nad med pas so// gdung ba thams cad dang / gnod byed dang / nad dang / mya ngan dang / sdug bsngal thams cad gzhig pa la ni rdo rje gar gyi sdug bsngal nye bar zhi ba'o// dug dang sbyar ba'i dug la sogs nye bar thar pa dang / dbab pa dang / bcing ba dang / bza' ba dang / bdud rtsir bya ba la ni rdo rje gar gyi nye ba'i dug gis so// gdon thams cad dbab pa dang / bcing ba dang / dam tshig 'dzin

  176. 89a

    du gzhug pa dang / rab tu gdul ba dang / srung ba la ni rdo rje gar gyi gdon las thar pa'o// thams cad la bcing ba dang / thar pa dang / dral ba dang / lhung ba dang / ldang ba la ni rdo rje gar gyi rdo rje chen po'i khro bos so// mkha' 'gro ma thams cad kyi phyag rgya gzhig pa dang / gdon las thar par bya ba dang / shi ba bslang ba dang / tshe mngon par 'phel ba dang / shin tu srung ba la ni rdo rje gar gyi phyag rgya'i lan gyis so// sgrib pa thams cad dang / sdig pa thams cad dang / rmi lam ngan pa dang / lhas ngan pa dang / byur gzhig pa la ni rdo rje gar gyi zhi bas so/ / thams cad dbab pa dang / bskyod pa dang / gar byed du gzhug pa dang / thams cad bden par smrar gzhug pa dang / pra se na thams cad sgrub pa la ni rdo rje gar gyi thams cad 'bebs pa'i phyag rgyas so/ / thams cad rgyas gdab pa dang / gsad pa dang / lhung bar bya ba dang / bslang ba dang / slar gso ba la ni don yod grub pa'i rdo rje gar gyi mkha' 'gro ma chen mos so/ / thams cad rengs par bya ba dang / rmongs par bya ba dang / gnyid log par bya ba dang / gsad pa dang / bza' bar bya ba la ni rdo rje gar gyi gdug pa'i srin pos so/ / gzhan gyi dpung thams cad skrag par bya ba dang / gzhig par bya ba dang / dbang du bya ba dang / lhung bar bya ba dang / gsad par bya ba la ni rdo rje gar gyi gshed byed

  177. 89b

    kyis so/ / khro bo thams cad bsal ba dang / bzhin ras dang bar bya ba dang / rtsod pa las rgyal ba dang / 'jigs pa las thar pa dang / g.yul 'gyed pa la sogs pa'i rgyal ba sgrub pa la ni rdo rje gar gyi rgyal mtshan mchog gi dpung rgyan gyis so/ / sprin thams cad yang dag par gzung zhing mi g.yo bar bya ba dang / char chen po dbab pa dang / rlung dang / char dang / glog dang ser ba bzlog pa dang / dro ba dang / grang ba bsal ba la ni rdo rje gar gyi dbang po'i rdo rjes so// gzugs dang / sgra dang / dri dang / ro dang / reg bya thams cad shin tu grub pa la ni rdo rje gar gyi 'dod pa'i dbang phyug gis so/ / rgyu ba dang mi rgyu ba thams cad rjes su chags pa dang / dgug pa dang / dbang du bya ba dang / rtse ba dang / las thams cad la nges par sbyar ba la ni rdo rje gar gyi dngos grub thams cad kyis so/ / lha thams cad dbab pa dang / klu thams cad dbang du bya ba dang / gnod sbyin dang / 'byung po dang / ma mo thams cad las la nges par sbyar ba la ni rdo rje gar gyi rdo rje glu'i mchog gis so/ / rnam thos sras mnan nas dpal drang ba dang / lha'i bu mo thams cad rab tu dbrog pa dang / lha dang lha ma yin gyi bud med thams cad rtse ba dang / 'jig rten gsum ma lus pa las rgyal ba dang / 'dod pa'i dbang phyug thams cad las rgyal ba dang / dbang phyug chen po thams cad dbrog pa

  178. 90a

    la ni rdo rje gar gyi skyes bu byed pa chen pos so/ / mchod pa thams cad sgrub pa dang / thams cad rdo rjer bya ba dang / bdud la sogs pa thams cad rab tu gzhom pa dang / phyag rgya thams cad bcing ba dang / dngos grub kyi mchog la sogs pa ma lus shing lus pa med pa'i dngos grub thams cad las kyi rgyu myur du grub par bya ba la ni rdo rje gar gyi don yod cing thog pa med pa'i myur ba'i las sna tshogs kyi dngos grub kyis so/ / de nas phyag rgya thams cad sgrub pa'i cho ga rgyas pa'i rgyud do// nyin re dang po lan cig ni// phyag rgyas thams cad rab sgrub byed snying mchog lan cig bzlas nas ni/ / phyag rgya chen po rab grub bya// de yi rjes la nye snying po// las rnams kun la nges sbyar bas// don yod grub pas las rnams ni// kun la shin tu grub par 'gyur/ / phyag rgya thams cad rab byin rlob// phyag na rdo rje'i phyag rgya ni// dkyil 'khor dag kyang mthong ba la// ma bshad pa la'ang rab grub 'gyur// rtog 'dir 'jig pa yod min te/ / 'khor lo med pa'i brgya byin la// gang phyir bdag la byin rlob pas// rang sras rgyu ni 'gyur ba yin// sdig pa chen po byed pa la'ang // bsam pa shes nas sbyin par bya/ / 'di dag bcings tsam nyid dag byed// dngos grub thams cad 'grub par 'gyur// dpal mchog dang po'i rtog pa chen po'i rgyal po bde ba chen po'i rdo rje

  179. 90b

    don yod pa'i dam tshig gi cho ga rgyas pa'i rtog pa'o/ / // de nas ston pa rdo rje 'dzin// 'byin pa byed pa bde ba che// bde chen can du bstan phyir dang // sems can thams cad rnam dag phyir/ / khams kun dang mnyam zad pa med// kun gyi bdag nyid la zhugs te// mnyam pa'i dngos grub mchog spros nas// de bzhin gshegs pa'i rigs phyung ngo / / mtha' yas pa yi zhing thams cad// 'jig rten kun gyi khams bcas pas// de tshe sangs rgyas thams cad kyis// til gyi gang bu bzhin myur gang // 'jig rten khams ni thams cad du/ / sems can kun mdun yang dag bzhugs// sems can thams cad ma dag pas// rung rig las kyis dag ma gyur// de tshe sems can khams rnams ni// rang bzhin gyis ni gso dka' phyir// rang gi las ni sbyang don du// btang snyoms chen po mdzad pa yin// de nas bcom ldan rdo rje can// sems dpa' chen po bde ba che// byang chub chen por thugs brtan pas// skad cig gis ni yang dag bskul// sems can la phan bsod nams tshog/ byang chub sems ni brtan pa dag/ sems can khams ni rgud 'gyur bas/ / shin tu btang snyoms ma mdzad cig/ de nas sangs rgyas kyis gsungs pa// sku gsung thugs kyi rdo rje can// thugs rje'i bdag nyid can gyi thabs//

  180. 91a

    byang chub sems mchog khyod smros shig/ de nas ston pa rdo rje 'dzin// de tshe kun nas byin gyis brlabs// bde ba chen po rdo rje che// dkyil 'khor chen po dam pa yin/ khams gsum 'khor ba'i rgyu khyon gyi// 'khor lo chen po gdod nas byung // de yis khams gsum gnas pa yis// sems can thams cad yang dag bsgrubs// sangs rgyas kun sogs dngos grub la/ / de tshe dag pa 'grub par 'gyur// de nas sangs rgyas thams cad la// 'dus nas gsol ba 'debs mdzad pa// de bzhin gshegs pa'i rin po che// sangs rgyas kun mchog bshad du gsol/ / de nas sangs rgyas thams cad kyis// sku gsung thugs la yang dag gnas// sku gsung thugs ni rdo rje la// yang dag spros te 'di gsungs so// oM b+hU khaM/ de nas 'di ni gsungs tsam gyis// sangs rgyas thams cad 'dus nas ni// bdud bcom la sogs mdzad nas ni// byang chub snying por byin gyis brlabs// de nas ston pa rdo rje 'dzin/ / dkyil 'khor gyi ni mchog gsungs pa// sems can la ni bde don phyir// rtog pa kun gyi bde ba che// de nas yang dag bshad bya ba// dkyil 'khor chen po dam pa ste// dkyil 'khor chen po'i phyi rol mchog/ rdo rje 'khor lo yang dag bri// 'khor lo lte bar sangs rgyas nyid// 'dzum pa'i tshems ni mi snang ba// su ra ta sa ma ya s+t+waM// oM sid+d+hi mAM zhes

  181. 91b

    brjod dgod/ / mdun du bdud las rnam par rgyal// mdzad pa'i sangs rgyas yang dag bri// g.yas su byang chub sems dpa' yi// nor chen pos ni dbang bskur ba// rgyab tu byang chub sems dpa' dang / / mnyam du chos kyi 'khor lo bskor// g.yon du log par rnams dregs pa// sdig pa bsdus par 'byin pa'o// de nas 'di rnams kyi snying po ni/ badz+ra satwa/ badz+ra rat+na/ badz+ra d+harma/ badz+ra karma/ de nas phyag rgya rnams te/ satwa badz+ra/ badz+ra rat+ne/ badz+ra pad+me/ bi shwa badz+ra/ mtshams kyi char ni rdo rje dang // rin chen sdong bu nor bu bri'o// mtshams rnams su ni lha mo ste/ / lcags kyu la sogs sgo rnams su// de bzhin snga ma ji lta bar// 'khor lo de ni rtag par bya// mchod pa'i thal mo snying khar bcings// g.yon du de bzhin bskor bar bya// me tog dang bcas phyag rgya 'di// sangs rgyas kun gyi dam tshig rim// me tog bcas te snying khar bcing // bsam pa g.yos pas gdung par bya// mgon la mgo bos phyag byas la skor ba lan gsum byas nas ni/ / zhugs nas me tog dor bar bya// shin tu gsang ba yang dag dgug/ de la de bzhin gshegs pa thams cad mnyes par bya ba dang / dbang du bya ba dang / dgug pa dang / bsgrub par bya ba'i snying po 'di yin te/ oM a kA ro mu khaM sarba d+harmA NAM/ A d+ya nuha ban na tAta/ de nas cho ga ji bzhin du// ston la me tog sil ma dor//

  182. 92a

    sangs rgyas byang chub rab grub phyir// 'gro ba'i mgon la de nyid brjod// de yi kun nas sangs rgyas ni// thams cad 'dus pa nyid du 'gyur// thams cad mi dmigs sbyor ba yis/ / dngos grub thams cad stsol bar mdzad// dkyil 'khor der zhugs pa la ni// dngos grub thams cad 'grub par 'gyur// dga' ba la sogs mtshan ma mchog/ sna tshogs pa ni 'byung bar 'gyur// de nas de bzhin cho ga ni// rgyas pas slob ma mchog tu zhugs// mchod pa'i thal mos 'khor lo tshe// mchod nas slar ni dbyung bar/ bya// sgrub pa byas nas dngos grub kyang // cho ga ji bzhin rab bshad bya// ras la bcom ldan bdud la sogs// rnam par rgyal du mnyes par bri// sgrub 'di lan cig tsam gyis ni// de'adra'i sgrub pas 'grub par 'gyur// sku gzugs sogs mdun yang dag par// ye shes khu tshur yongs gzung la// rdo rje'i tshig gi cho ga bzhin// bzlas brjod stong phrag brgya bya'o/ / mdor na 'bum na rdzogs pa na// ci 'dod dngos grub thams cad dang // tshe mchog 'di la sangs rgyas nyid// thob 'gyur 'di la the tsom med// de nas de bzhin gshegs pa'i phyag rgya chen po'i sgrub pa chen po'i rgyud ni/ phyag rgya gang rung gcig bcings nas// bdag ni sangs rgyas yin bsgoms na// phyag rgya chen po'i dngos grub che// brtan par myur du thob

  183. 92b

    par 'gyur/ / de nas dam tshig sgrub pa'i rgyud ni/ snying khar rdo rje gzugs bzhag ste// sa ma ya s+t+waM zhes brjod la// bzlas brjod 'bum gyis bsgrubs nas ni// dngos grub thams cad thob par 'gyur/ / de nas las kyi phyag rgya thams cad sgrub pa'i rgyud ni/ bdud las rgyal ba'i mchog bcings te// chos kyi 'khor lo rab tu bskor// mtshungs med sems can don byas la/ / las kyi phyag rgya rtag tu 'grub// ces bcom ldan 'das kyis gsungs so// de bzhin gshegs pa thams cad kyi dngos grub kyi mchog sgrub pa'i cho ga rgyas pa'i rgyud / de nas ma bsgrubs dngos grub mchog/ las rnams rab 'byams dag pa ste// sdig pa kun sel sna tshogs pa// go rims bzhin du rab bshad bya// 'di lha ste/ nad thams cad dang / mya ngan dang / gnod pa dang / gnod byed dang / dug thams cad dang / sbyar ba'i dug dang / gshed byed dang / g.yeng byed dang / ro langs dang / sngags dang / sman dang / bgegs dang / log 'dren dang / sdig pa dang / rmi lam ngan pa dang / dus ma yin par 'chi ba dang / rims dang / gdon dang / mkha' 'gro ma dang / nye bar 'tshe ba dang / 'go ba'i nad dang / nyon mongs pa dang / lus dang / ngag dang / sems kyi sdug bsngal thams cad rnam par bshig pa la ni de bzhin gshegs pa

  184. 93a

    thams cad kyi sdug bsngal 'phrog par byed pas so/ / tshe dang / lang tsho dang / gzugs dang / kha dog dang / gzi byin chen po dang / mdangs dang / stobs dang / spro ba dang / brtson 'grus dang / dpal dang / skal ba bzang po dang / bsod nams dang / ming dang / snyan pa dang / grags pa dang / dran pa dang / blo gros dang / brtan pa dang / rtogs pa dang / stobs dang / ting nge 'dzin dang / phung po dang / 'du byed dang / sku dang / gsung dang / thugs 'phel ba la ni de bzhin gshegs pa thams cad kyi bde ba chen pos so/ / de bzhin gshegs pa thams cad kyi sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / ye shes dang / stobs dang / thabs dang / rdo rje dang / sgrub pa dang / gzungs dang / sa dang / spyod pa dang / so so yang dag par rig pa dang / sangs rgyas kyi chos ma 'dres pa dang / chos dang las dang / sna tshogs pa'i bya ba dang / sems can gyi don dang / sangs rgyas kyi mdzad pa'i don dang / sku dang / gsung dang / thugs grub pa la ni de bzhin gshegs pa thams cad kyi dngos grub thams cad kyis so/ / de bzhin gshegs pa thams cad kyis byang chub sems dpa'i sems bskyed pa dang / kun tu bzang po'i cho ga spyod pa rdzogs par bya

  185. 93b

    ba dang / sems can thams cad kyi don dang / 'pho ba dang / skye ba'i sa dang / gzhon nu'i rol pa ston pa dang / mngon par byung ba dang / dka' ba spyod pa ston pa dang / byang chub kyi snying por gshegs pa dang / bdud thams cad 'dul ba dang / byang chub chen por mngon par byang chub pa dang / chos kyi 'khor lo bskor ba dang / mu stegs thams cad tshar gcod pa dang / 'jig rten gsum las rnam par rgyal ba dang / lha las babs pa dang / 'dus pa chen po'i byin gyis brlabs pa dang / gdug pa thams cad 'dul ba dang / 'dul ba la rab tu gzhag pa dang / ngan 'gro thams cad las 'don pa dang / mdo sde thams cad ston par mdzad pa dang / rtog pa thams cad byin gyis brlabs pa dang / dngos grub thams cad sbyin pa dang / de bzhin gshegs pa thams cad kyi sku dang / gsung dang / thugs las dmigs pa'i rdzu 'phrul dang cho 'phrul sgrub pa la ni de bzhin gshegs pa thams cad kyi sna tshog kyi rdo rjes so/ / ji ltar phyag rgya 'di dag gis// byang chub sems la mngon rten pa// de ltar byang chub spyod tshogs kyi// byang chub dam pa thob mi 'gyur// don yod bsod nams dam pa yis/ / las kyi rab 'byams sgrub byed pa// cho ga ma grub pa rnams grub// sangs rgyas chos ni rab ster byed// rnam pa kun tu dang ldan pa'i// sems can kun la sbyin

  186. 94a

    par bya/ / dkyil 'khor dag tu ma zhugs pa// skad cig gis ni sbyor bar byed// dpal mchog dang po rtog pa'i rgyal po las/ de bzhin gshegs pa thams cad kyi byang chub rdo rje byin gyis brlab pa'i rdo rje rtog pa rgyas pa'o/ / / de nas sna tshogs las chen po// khyab bdag rdo rje 'dzin chen po// gdug pa thams cad 'dul ba'i mchog sems can kun la rjes ston mdzad/ / de bzhin gshegs pa'i rigs bskyed cing // gang phyir nyes byas kyis gdug pa'i// rang gi rang sems spyod pa yis// zhi bas sems can kun gyi don/ gdul bar rab tu sgrub mi nus// sangs rgyas kun gyis bsgrub bya ba'i// 'gro ba 'di dag thams cad yin// gang tshe bder gshegs sems can don// dam pa mdzad par mi spyod pa/ / de tshe nyid kyis dngos po kun// gtso bos rdo rje gsol ba btab// sems can thams cad 'dul mdzad pa// bcom ldan 'das la gsol ba btab// u d+hiSh+Tha sa ma ya kro d+ha ni sum+b+ha dz+wA la badz+ra hUM/ de nas 'di ni gsungs tsam gyis// phyag na rdo rje rang nyid gtso// sku gsung thugs kyi rdo rje las// slar byung nas ni mdun na gnas// khro chen rgyal po'o khru yis/ nisems dpa'i skyil krung gis legs bzhugs// 'bar ba'i 'phreng 'od kyis gsal bas// sreg pa'i bskal pa bzhin 'dra ba// g.yon pa'i rdo rje bsnyems pa che// drag tu

  187. 94b

    gsor bas bskyod mdzad cing / / 'bar ba'i rdo rje cher 'bar ba// rnam par 'phros pas sreg pa yang // 'bar ba chen pos gsod pa ni// bskal pa'i me yi phung po 'dra// dang po'i rdo rje khro gnyer bcas/ / rdo rje mchog 'dzin pas gsungs pa// de la rdo rje me dang nyi ma ltar// 'bar ba zhes bya'i snying po 'di yin te// hUM/ de nas 'di ni gsungs tsam gyis// sdig pa ku/ gyi bud shing zad// 'jig rten khams kyi 'jig rten gsum// thams cad g.yos shing 'dul bar 'gyur// lha chen la sogs lha rnams ni// g.yo ba med cing rmongs par 'gyur/ rdo rje 'bar ba 'khrug pa kun// de bzhin 'jig pa lta bur 'gyur// nyan thos dang ni rang rgyal rnams// mya ngan 'das pa nye bar 'gro// lha la sogs pa'i srid gsum kun// de tshe kun tu rmongs par 'gyur/ / sangs rgyas thams cad 'dus pa yin// sangs rgyas byang chub yang bstan mdzad// sems dpa' kun gyi thabs chen po// dam pa yang ni thugs su chud// de nas rdo rje 'bar ba'i mchog/ 'bar ba'i 'phreng ba 'khrug pa'i 'od// rdo rje mche ba gtsigs pa'i zhal// zhal ras khro dang bcas pa yis// g.yon brkyang bas ni legs par bzhugs spyan 'bar 'jigs su rung ba ste/ / dbu skra gyen du brdzes shing g.yo// kun nas 'khyil cing 'bar ba che// rdo rje gsang ba'i rnal 'byor che// mkha' 'gro'i tshogs kyi yul can rnams/

  188. 95a

    phyung nas kun tu 'gro ba rnams// thams cad du ni 'bar ba 'khrug/ rlung bskyod bskal pa'i me ltar bur// 'bar ba'i 'phreng ba kun tu 'khrugs// 'jig rten kham/ ni ma lus na// sangs rgyas thams cad sras bcas pa// yang dag bzhugs pa legs bskul te// 'jig rten thams cad yongs su bskor// bkug nas sems can kun don dang / brtan pa thams cad 'grub pa'i phyir// 'jig rten gsum dag de rnams dang // rgyu dang mi rgyu'i sems med byas// de nas rdo rje 'dzin rgyal pos// kun mchog lha yi dbang po ni/ / de rnams la ni thugs rje yis// 'chi bar slar gso brtan por gsungs// oM ud+hiSh+Tha ma hA a d+hi pa ti badz+ri Nai shI g+he ud thA pA ya hUM/ rgyu ba dang mi rgyu ba thams cad bslang bar bya'o/ / de nas sa gsum blang ba na// thams cad du ni shi ba gso// sangs rgyas dpa' bos btul gyur cing // rdo rje can gyis kyang rjes btul// de nas rdo rje 'dzin khro bas// 'bar ba'i rdo rje gsor byed cing // nga yi dam chog la gnas zhes// sna tshogs pa la bka' rab bsgo// de rnams kyis gsol pa/ 'di su zhig lags/ bcom ldan sku ni zhi ba la/ gnod sbyin gzugs can gang lags gsungs// khyed kyi dam tshig ci 'dra ba// zhus pa bde ba'i tshig tu gsungs// bcom ldan 'das kyis bka' stsal pa// 'di ni sangs rgyas

  189. 95b

    rnam grol ba/ / gdod skyes rdo rje gnod sbyin che// dkon mchog gsum dang de bzhin du// nga la skyabs su 'gro bar gyis// 'jig rten gsum gyis 'di thos nas// tshogs bdag chos kyi dbang phyug bcas/ / bskal pa'i mi dpung lta bu yi// 'bar ba'i mtshon gyis 'thab par brtsams// de rnams kyis smras pa/ bdag cag gis ni sangs rgyas rigs// rdo rje gnod sbyin shes ma yin/ / bdag cag 'jig rten gsum po gcig/ gnod sbyin bsgo bas ci zhig bya// de nas rdo rje 'dzin khros nas// khro gnyer dpral bar bsdus te gnas// de nas khro gnyer thams cad ni/ / rdo rje 'dzin pa'i rjes su spyod// g.yon pa bsnyems pa chu bcas pas// smin ma spyan bsdus pas rgod cing // nam mkha' khyab pa'i dbyangs kyis ni/ / rtag tu khros bcas pas smras so// de la khams gsum rnam par rgyal ba'i nye ba'i snying po/ sems can ma lus rgyal ba la ni 'di yin te// hi/ de nas snying po 'di phyung bas/ / nges rgyal bcu gcig bcings pa dang // dam tshig brtan pa 'dzin du bcug/ rdo rje ming gis dbang bskur nas// lag na rdo rje 'dzin mchog byas// rdo rje ming ni byin nas su/ / 'jig rten gsum po ting 'dzin bzhag/ de nas rdo rje chen po mchog/ mgon po yis ni gsol btab pa// sems can kun la rjes ston pas// rtog pa 'di na/

  190. 96a

    bshad du gsol// rdo rje 'dzin pas gsungs pa yi// dkyil 'khor chen po'i phyi rol du// 'bar ba'i 'khor lo yang dag bri// de yi dbus su gzhag bya ba// sngon po 'bar ba gzugs bzang ba// zhal gyi mche ba cung zad gtsigs// zhal ni khro dang bcas pas bzhed// sems dpa'i skyil krung gis legs bzhugs// bsnyems bcas shes / cher 'bar ba la// 'od zer 'bar ba 'khrugs pa yi// rdo rje gsor ba mdzad la brtson// de yi dngos ni thams cad du// rdo rje rnal 'byor ma yi gzugs// rdo rje mtshon cha mdung chen dang // ral gri zhags pa mtshon 'dzin pa// mtshams su mda' dang kha T+wAM ga/ 'khor lo ba dan sna tshogs 'dzin// rdo rje rigs ni sna tshogs pa// 'bar ba'i 'khor los yongs su bskor// dkyil 'khor dgod par bya ba ni// thig bdun gyis ni yang dag tu// dang po rdo rje phyag rgya gdab/ gnyis pa sngags kyi lha mo ste// gsum pa rdo rje rgyal po ni// rdo rje lha mos yang dag bskor/ / rdo rje chen mo sgeg mo che// bzhi pa glu mkhan ma la sogs// rgyal rigs gsol ka bran rnams kyis// khro bo rnams ni lnga pa las// drug par rdo rje pho nya mchog/ gnod sbyin srin po king kar/ / dbang phyug dam pa drag po sogs// gtum po chen po 'dul bar mdzad// phyi yi dkyil 'khor dbyibs rnams su// mdor na ming po gsum la sogs/

  191. 96b

    lha la sogs pa'i tshogs thams cad// legs par bri'am gzhag par bya// mtshams su lha mo rab bshad pa// de rnams kyi ni sgo dbus su'ang // lcags kyu la sogs de bzhin du// dkyil 'khor chen po'i tshul gyis ni// go rims dag ni ji bzhin du// cho ga rgyas pa ji bzhin bya// khros pas rdo rje gsor ba dang // khro gnyer 'dzum dang bcas pas 'dud// de nas khro zhing slob dpon che/ / rdo rje can mchog rab zhugs la// rdo rje hUM mdzad kyis sdigs mdzub// hUM mdzad rab tu sbyar bar bya// snyems dang bcas pas rgyas btab nyid// de bzhin khro bas gdul ba la/ / rdo rje 'chang chen rgyas pa yis// gdug pa nyid la rab tu dgyes// de nas me tog blangs nas ni// khros pas bdag po che la gtor// rdo rje 'bar ba'i lcags kyu ches// yang / dgra par yang dgug par bya// oM ma hA badz+ra dz+wa la yA na lArka ya hi dzaHsarba badz+ra ku la pra be sha ya hUM/ sarba mu draM gA nA na ban d+ha na tra Ta/ sarba sa ma yaM sA d+ha ya phaT/ sarba duSh+Ta na da ha pa tsa b+hasmi ku ru ma hA kro d+ha ag+ni badz+reHhUM phaT/ a a a a/ de nas bcom ldan khro bo yis// rgyal po bstan pa che byon 'gyur// rdo rje rigs la sogs pa kun// dngos grub thams cad gsol bar mdzad/ / de nas hUM mdzad la sogs smras// mtshan ma rnams kyang 'byung bar 'gyur// gal te slob ma la sogs la// snying khar dbab pa phra ba skyed// de nas

  192. 97a

    rdo rje hUM mdzad kyis/ / phyag rgyas slob ma gzhug par bya// bcug nas dang po'i sems dpa' yi// rang gi snying po brjod par bya// hUM hUM badz+ra pra ha ra Ni phaT/ hUM badz+ra shU la yA gr-i ni tri ta/ ma ta/ sa hUM badz+ra ko Shats+tshen+d+ra haM/ oM badz+ra a ma la pA she ma Ta/ rdo rje 'gugs pa dang / rdo rje mdung dang / rdo rje ral gri dang / rdo rje zhags pa ste/ rdo rje khro bo'i srang ba'o/ / de nas 'di rnams kyi phyag rgya rdo rje don yid thogs pa med pa shin tu grub pa/ stobs dang pha rol gnon pa rnams sems can mngon par rgyas gdab pa nus pa rnams bskul bar / bya'o// oM badz+ra gu h+ye sing+ga pa ra mi yo ge shwa ri haM/ hUM badz+ra tsaN+Da ho kha n+ta ga ma hA badz+ra ka pA la ya ma ku ste/ ru lu ru luN+Di hUM badz+ra nA rA ya ni dza~M/ hUM badz+ra phaT ke dza~M/ rdo rje khro bo'i mkha' 'gro/ ma lan cig bzlas te dgod pa 'am bri bar bya'o// bcom ldan 'das de kho na nyid kyi snying pos bzhugs su gsol na/ dngos grub thams cad la don yod pa'i dngos grub 'grub par 'gyur ro/ / de nas dam tshig brjod par bya ste/ sems can thams cad bde phyir dang // bstan pa thams cad 'grub pa'i phyir// gdug pa 'dul ba bsod nams ni// 'gyur zhes rdo rje 'dzin gyis gsungs/ / de nas bcom ldan 'das hUM mdzad kyis phyag rgya dang bcas pa'i mdzub mo sbyar bar bya'o// de nas bcom ldan 'das gdug pa thams cad dang / bdud

  193. 97b

    thams cad dang / 'jig rten gsum po thams cad yang dag par 'dul ba nyid du byin gyis rlob par mdzad do// de nas dbang bskur ba rgyas pa la sogs pa de bzhin du byas la rdo rje khro bo'i las bzhi pa bslab par bya ste/ phyag rgya rnams kyis sems can rnams rgyas gdab pa dang / phyag rgya gzhig pa dang / gsad pa dang / slar 'tsho bar bya'o// gang la phyag rgya sbyar ba ni 'chi bar 'gyur ba de ni gdug pa yin par shes par bya'o/ / de nas 'tsho bar byed pa'i phyag rgyas 'tsho bar byas la shin tu srung ba rab tu sbyar ba byas na shin tu srung ba yin pa'i phyir gdug pa rnams slar yang gnod par mi byed do/ / de nas brtsams te slob ma bzang // dkyil 'khor tshogs ni kun gyis kyang // mi tshugs pa dang mi sod par// tshe 'di nyid la 'grub par 'gyur// de nas 'di sgrub bshad bya ste/ / ji bzhin sku ni dge 'dun du// rdo rje gsor zhing dang por ni// bzlas brjod stong phrag brgya bya'o// 'bum tshang nas ni sems dpa' che// rdo rje sems dpa' dang mnyam mchog/ rdo rje khro bo rgyal po mchog/ rgas dang 'chi ba med par 'gyur// gdug pa rnams ni rjes 'dul zhing // sangs rgyas kun la rab mchod par// 'jig rten gsum du legs snang zhing // cis kyang 'jigs pa med par 'gyur// de nas de kho na nyid kyi snying po sgrub pa ni/ 'greng ngam yang na 'dug pa'am// 'gro ba 'am nyal bar byed pa na// ji ltar de ltar 'bum

  194. 98a

    bzlas na/ / tshe 'di nyid la 'grub par 'gyur// 'di yis 'dod pa'i dbang phyug kun// 'dod pa tsam gyis 'gro 'ong lding // dngos grub kun gyis dbang phyug grub// rgas dang 'chi ba med par 'gyur// 'gro ba rnams kyis mchod pa dang // rang gi nye du rnams kyis brten// gdug pa thams cad rjes 'dul zhing // gang la 'jigs pa med par 'gyur// bcom ldan 'das khro bo'i rgyal po chen pos gsungs so// de nas phyag rgya'i dam pa sgrub pa yin// ji bzhin dus su phyag rgya bcings// bdag nyid nye bar bsregs nas ni// srid 'di nyid du khro chen po'i/ / dngos grub thams cad 'grub par 'gyur// de nas dam tshig sgrub pa ni// bdag ni thams cad gsad bya zhes// brjod mi phyag na rdo rje yis// dam tshig phyag rgya bcings nas ni/ / bzlas na rdo rje 'dzin 'grub 'gyur// de nas las rnams sgrub pa ni// las rnams dam pa sgrub pa ni// rnam pa bzhi ni rab byed cing // thams cad bde ba'i phyir zos na/ / rdo rje las nyid thob par 'gyur// sgrub pa chen po'i cho ga rgyas pa'i rgyud do// / de nas dngos grub sgrub pa ni// rdo rje khro mchog rgyal po yi// las kyi rgyun ni dam pa rnams/ / go rims bzhin du bshad par bya// 'di lta ste/ thams cad sreg pa dang / bskrad pa dang / gzhig pa dang / rengs par byed pa dang / gnyid log par bya ba

  195. 98b

    dang rgyas gdab pa dang / rmongs pa dang / gzhig pa dang / bcing ba dang / gzir ba dang / dral ba dang / rdeg pa dang / 'bar ba dang / bsgyel ba dang / btse ba dang / gcad pa dang / dbug pa dang / phye mar bya ba dang / gtor ba dang / rnam par gzhom pa dang / rims dang / dug dang / gdon gyis zin du gzhug pa dang / sbyor bar bya ba dang / gsad par bya ba la rdo rje hUM mdzad kyis so/ / thams cad 'dug par bya ba dang / nges par bkod pa dang / bskyod pa dang / gar byed du gzhug pa dang / glu len du gzhug pa dang / brgyal du gzhug pa dang / rtser gzhug pa dang / ha ha zhes dgod du gzhug pa dang / 'khor ba dang / drang ba dang / 'ong du gzhug pa dang / sgom pa dang / nub par bya ba dang / dbyung ba dang / 'phang ba dang / nye bar ldeg par bya ba dang / bskur ba dang / nga ro 'don par bya ba dang / ngur gzhug par bya ba dang / rang nyid brdeg par bya ba dang / 'ching bar bya ba dang / skra 'bal bar bya ba dang / zhe 'gras par bya ba dang / gos bshu ba dang / khro ba 'bar bar bya ba la ni khro bo'i gdan gyi phyag rgyas so/ / thams cad dgug pa dang / gzhug pa dang / dbab pa dang / pra se na sgrub pa dang / bden pa smra bar brjod pa dang / sgyu ma ston cing lan ston pa dang / dus tshogs kyi 'khor lo yongs su bzlog pa dang / dus ma yin par shing las me tog 'bras bu smin par byed par ston pa dang / 'bru thams cad yang dag par ston pa dang / rims dang

  196. 99a

    sbyar ba'i dug dang / gdon dang / dug dang / mkha' 'gro ma las thar par bya ba dang / g.yul 'gyed pa thams cad las thar par bya ba dang / gzhan gyi dpung gzhom pa dang / phyogs dang / mtshams dang / dkyil 'khor bcing ba dang / shin tu srung ba dang / yongs su skyob par bya ba dang / thar par bya ba dang / bslang ba dang / dbang du bya ba la ni khro bo chen po sna tshogs grub pas so/ / lha la sogs pa thams cad ltung bar bya ba dang / klu 'don par bya ba dang / gnod sbyin rjes su 'brang bar bya ba dang / srin po skrag pa dang / mkha' 'gro ma la sogs pa'i gdon thams cad dang / bdud kyi dpung thams cad gzhom pa dang / ma mo rnams gdul ba dang / gdug pa'i tshogs rnam par gtor ba dang / gdug pa rnams tshar gcod pa dang / 'dam pa dang / 'jigs pa med par yang dag par bskyed pa dang / nor bu bzang po dbang du bya ba dang / nor sbyin las nor thams cad dbrog pa dang / rnam thos sras mnan nas dpal drang ba dang / lha'i bu mo gzhon nu ma thams cad dang rtse 'jo bya ba dang / brgya byin mnan nas bde tsog ma dbrog pa dang / skem byed tshor gcad pa dang / tshangs pa lhung bar bya ba dang / khyab 'jug 'dul ba dang / dbang phyug chen po las rnam par rgyal ba dang / 'dod pa'i dbang phyag mnan nas dga' ba mo dbrog pa dang / rdo rje sgrub pa dang / byang chub sems dpa' sgrub pa dang / de bzhin gshegs pa thams cad mnyes par bya ba dang / dgug pa dang / gzhug pa dang /

  197. 99b

    dam tshig gi bcing ba dang / dbang du bya ba dang / sgrub pa la ni rdo rje khro bo chen po rgyal po dam pa'i dngos grub kyis so zhes kyang gsungs so// lan cig bzlas pas mchog grub pa// thog ma'i rtsa snying bzang lan cig/ de yi 'og tu khro gnyer gyis// bsgrub bya thams cad grub pa yin// dpal mchog dang po'i rtog pa chen po'i rgyal po las/ rdo rje me dang nyi ma lhar rab tu 'bar ba'i rtog pa'i cho ga rgyas pa'o/ / / de nas ting 'dzin thams cad ni// rnam dag mchog gi chos nyid las// spyan ras gzigs dbang chen po ni// rdo rje sems dpa'i gtso chen yin// gdug pa thams cad 'dul don du/ / rang rigs chen po che ni bskyed// sangs rgyas kun gyi khro bo che// thabs med pas ni thabs yin no// 'dod chags la sogs kun bsags pas// ma dag sems can khams dag ni/ / de rnams la ni rab spyod par// skyes bu mchog ni rnam par mkhyen// mchog tu mi 'dul ba nyid kyis// sangs rgyas kyang ni mnga' mi mdzad// 'jig rten kun na 'jig rten mchog/ rang snying bzang ba la snyoms zhugs// de la 'di ni de bzhin gshegs pa thams cad kyi ting nge 'dzin gyi rgyal po chos thams cad rang bzhin gyis rnam par dag pa'i chos nyid kyi ye shes kyi rdo rje zhes bya ba'i ting nge 'dzin te/ gang la gzigs pas de bzhin gshegs pa thams cad khams gsum pa thams cad kyi dbang phyug thams cad kyi thugs su chud par gyur pa'o// bsnyems

  198. 100a

    pas pad+ma g.yos pa ni/ / bzung ste 'dab ma 'byed mdzad pas// ci nus pa li ting 'dzin gyis// rang bzhin gyis ni gzigs par mdzad// ji ltar pad+ma dmar po 'di// tshon gyis nyes pas mi gos pa/ / gnas kyi nyes pa sna tshogs pa'i// khams gsum pa ni de bzhin dag/ 'di la gzigs pa la sogs pas// rgyal ba rnams ni dbang por 'gyur// de yis rdo rje sems dpa' ni/ / spyan ras gzigs kyi dbang phyug gyur// de bas bsgoms pa'i snying po 'di// dag par bsgoms pas sgom par ni// rdo rje 'chang ba chen po ni// pad+ma chen po 'chang bar 'gyur/ / gser sbyangs ri yi dbang po ste// rgyal po chen po dang mnyam pa// bsnyems pa g.yon pa'i pad mchog gis// tshul gyis 'dul ba mdzad pa na// pad+ma'i rigs mchog ston pa'i phyir/ / rgyal po rnams kyis gsol ba btab// de nas thams cad 'dul mdzad cing // shin tu dkar ba'i chos 'dzin pa// rdo rje chos te rang rgyal po// 'jig rten dbang pos bka' stsal pa/ / phyi ni dkyil 'khor chen po la// pad+ma 'dab ma brgyad pa bri// de yi dbus su spyan 'dzum pa// 'jig rten dbang phyug dgod par bya// gser sbyangs lta bu'i pad+ma ni// g.yon bsnyems tshul gyis gzigs mdzad pa// rgyal mtshan kun gyis rnam par spras// sangs rgyas sku mchog spyi bor bzhugs// de yi ngos ni thams cad du// sangs rgyas sku ni

  199. 100b

    brgyad po bri/ / rang gi 'dzin pa pad+ma che'i// ting nge 'dzin la rnam par gzigs// 'jig rten dbang po'i gzugs logs su// sangs rgyas la sogs rigs kyi lha// zhi ba sred med bu tshangs pa/ / 'dod pa'i gzugs ni pad+ma can// spyi bor 'tsher 'a zhing mgrin 'degs pa// rta mgrin lcags kyu bcings nas ni// chos kyi tshig gis spyan drang bya// de nas pad+ma'i snying po ni// sarba ta thA ga / ta pad+ma dza/ hUM badz+ra pad+ma he pad+ma/ pad+ma baM/ ho pad+ma nI rA dza/ de nas mtshams rnams su ni/ hUM pad+me tsaN+De shwa ra hUM/ he ma hA bi shwa pad+ma tsA ra Ne sid+d+ha hUM/ maT hrIHpad+ma pad+mo/ hUM a ho pad+ma a shA/ kra ma kra ma hUM dzaM/ dkyil 'khor chen po'i tshul gyis ni// cho ga rgyas par byas nas ni// pad+ma chen po me tog bcas// ma yengs yid kyis phyag bya'o// dkyil 'khor zhugs nas ting nge 'dzim / las byung gzungs 'di brjod par bya// oM bi sho d+ha ya/ ma nu sa ni shud+d+ha ma hA satwa/ d+hA tu sa ma ya satwa/ rA ga dI pany+tsa ye/ tsat+ta me sar+b+ba d+ha meSh+TA badz+ra Ni tsit+ta me sar+b+ba d+ha me shra dza~M ni/ gzungs kyi phyag rgya gsan nas ni/ / dgyes pas pad+ma 'dzin pa ni// de nas mdzub mo lcags kyu bcing // chos kyi tshig gis legs spyan drangs// oM sarba ta thA ga ta a ba lo ke shwa ra pad+ma hasta/ ya hi shI g+h+raM ma me badz+ra mu drA a gri sh+ya sa be sa ma ye bad+ma bi shi ko ma/ dzaHhUM baM ho/ sho d+ha ya sarba sA d+ha ya ba ma me/ mahA badz+ra d+ha ra s+t+wa~M/ de nas/ 'jig rten 'dzin pa rang nyid byon// 'jig rten kun mchog grub 'gyur

  200. 101a

    ba'i/ / ting 'dzin cho ga nges par mdzad// de nas de bzhin slob ma rnams// gzhug pa'i cho ga rgyas pa ni// dngos grub thams cad sbyin pa yis// ye shes dag ni bslab par bya/ / ting 'dzin snying po 'di yi ni// sgrub pa chen po gdod nas 'byung // 'jig rten kun gyi dbang phyug nyid// go rims bzhin du bshad par bya// bud med rnams kyi nang zhugs pa 'am// gdug pa kun gyi nang chud pa 'am/ / gang yang rung bar 'dug nas ni// pad+ma chen po yongs su gzung // dus dang stobs ni ji bzhin du// nye ring ci nus bsgrub par bya// cho ga 'di yi tshe 'di la// myur du mchog ni 'grub par 'gyur/ / 'dod chags kun gyis bde myur ba// 'dod pa tsam gyis 'gro 'ong lding // 'jig rten kun gyi dbang phyug rgyal// rga dang 'chi ba med par 'gyur// sangs rgyas byang chub sems dpa' nyid/ / phyag na rdo rje nyid dang ni// dngos grub kun gyi mtha' yas mchog/ tshe 'di nyid la thob par 'gyur// de nas phyag rgya sgrub pa ni// phyag rgya bcings te ting 'dzin gnas// dngos grub chen po nyid thob bo/ / dam tshig dam tshig mchog gis te// las kyi las mchog phyag rgyas so// sgrub pa chen po'i cho ga'i rgyud do// / de nas dngos grub ma grub pa'i// ting 'dzin las ni 'dres pa dag/ dang po'i ting 'dzin grub pa ni// go rims bzhin du rab bshad bya// 'di lta ste/ sgrib pa thams cad dang / sdig pa thams cad dang / rmi lam ngan pa dang / lhas ngan

  201. 101b

    pa dang / yams dang / 'tshe ba dang / nad 'gro ba dang / nyon mongs pa dang / dus ma yin par 'chi ba dang / 'jigs pa dang / skrag pa dang / rtsod pa dang / 'thab pa dang / byis pa'i gdon dang / dmu rgod dang / nyon mongs pa dang / ngal ba dang / sdug bsngal ba dang / yid mi bde ba dang / dbul ba dang / rgyags pa dang / reg na mi bde ba dang / skal ba ngan pa dang / nad med pa ma yin pa dang / nor rlag pa rnams la ni pad+ma chen po zhi bas so// rlung dang / mkhris pa dang / khrag dang / bad kan dang / 'dus pa dang / ma zhu ba dang / rims dang / sbyar ba'i dug dang / dug dang / mdze dang / 'brum bu phra mo dang / g.yan pa dang / rkang shu dang / sman dang / chu'i da mu rdzing dang / mtshan par rdol ba dang / sha bkra dang / zad byed dang / khrag zad pa dang / khu ba zad pa dang / nad thams cad dang / gnod pa dang / gnod byed dang / gdon dang / 'phra men rnams gso ba la ni pad+ma chen po sman gyi phyag rgya 'dzin pas so// thams cad rdo rjer byas pa dang / chos dang / go cha dang / gtsug tor dang / gtsug pud dang / mtshams dang / phyogs dang / dkyil 'khor dang / sa dang / nam mkha' dang / rdo rje'i gdan dang / khang pa chen po dang / rdo rje ra ba dang / me 'bar ba dang / thal ba'i ra ba dang / rdo rje dang / ri bo don yod pa la sogs pa dang / srad bus yongs su bskor ba dang / phur bus gdab pa dang / zas dang / btung ba dang / gos

  202. 102a

    dang / rgyan dang / phyag rgya dang / srung ba la ni pad+ma chen po thams cad srung bas so// tshe thams cad dang / stobs dang / kha dog dang / gzi brjid dang / mdangs dang / lang dang / brtson 'grus dang / spro ba dang / nad med pa dang / dpal dang / skal ba bzang po dang / nor dang / 'bru dang / dbang phyug dang / 'byor pa dang / dngos grub dang / bla dang / rnyed pa dang / bkra shis pa dang / ming dang / grags pa dang / snyan pa dang / ting nge 'dzin dang / shes rab dam pa 'grub pa la ni pad+ma chen po mchog grub pas so// dpal mchog dang po'i rtog pa chen po'i rgyal po las/ chos thams cad sgrib pa med pa'i ye shes kyi rdo rje'i cho ga rgyas pa'o// // de nas rgyal po rdo rje 'dzin// thams cad mi 'gyur nam mkha' che// thams cad dbang bskur kun gyi don/ / kun dbang rin chen thams cad 'dzin// ting nge 'dzin gyis rab byin rlab// bdag po chen po rab sad mdzad// chos rnams la ni rnam gzigs pas// kun don dbang phyug gdod nas byung / / nyi zla dang ni gza' skar can// nam mkha' nyid du 'gyur ba yin// de nas rin chen ting 'dzin ni// nges par rdo rje can du brjod// de nas nam mkha' rdo rje nyid// ldeng sngon bai DUR+Ya mnyam mdangs/ / rdo rje rin chen rnams dge ba// nam mkha'i snying por yang dag gyur// de nas bcom ldan thog ma nyid// mdzod spu kun gyi gnas na bzhugs// ting nge 'dzi

  203. 102b

    la rnam gzigs pas/ / 'jig rten dbang phyug bdag po nyid// sangs rgyas thams cad sras bcas dang // de bzhin rdo rje 'dzin pa mchog/ rdo rje rin chen de yis ni// kun rigs kun gyi dbang bskur phyir/ / bsam pa thams cad rdzogs bya'i phyir// kun mchog kun la dbang bskur nas// shes pa brjod pa bdi gsungs so// oM sarba badz+ra satwa a d+hi pa ti tAM/ a b+hi Shiny+tsA mi b+hur+N+Na ba swA/ de nas bzang pos 'di gsungs shing // legs par shis brjod dbang bskur bas// rdo rje rin chen che de las// chos kyi gtso bor byung bar gyur// byung nas 'gro ba thams cad ni// ci rigs par ni kun dbang bskur// rdo rje kun gyis dbang bskur nas// slar yang dkyil 'khor tshul gyi sa bzhugs// bde gshegs kun gyis byin brlabs pa// rdo rje rin chen bla na med/ / shin tu dbang phyug chen po'i mchog/ dngos grub gsol ba'i rtog pa gsungs// dkyil 'khor chen po'i phyi rol ni// nam mkha' 'khor lo nam mkha'i mdog/ nyi ma zla ba skar ma dang / / gza' rnams kyis ni brgyan pa bri// de dbus nam mkha'i snying po ni// bdag nyid thams cad dgyes par gzhag/ dag pa'i bai DUR+Ya mdog 'dra// 'od zer 'bar ba sna tshogs 'khrug/ g.yon pa rin chen thugs kar bstod// g.yas pas nor chen rab stsol ba// de yi ngos su sems dpa' mchog/ bzhi po gzugs bcas dam pa yin// dbang bskur

  204. 103a

    ba dang gter nyid dang / / nor bu chen po bla med dang // 'byor pa dpal ni phun sum tshogs// rang nyid mtshan mas mchod pa ni// de la de dag gi snying po 'di yin te/ badz+ra satwa dzaHbadz+ra rat+na hUM/ badz+ra d+har+m+ma baM/ badz+ra karma ho/ de nas gzungs rnams kyi snying po bshad de/ oM pra ti badz+ra Ni phaT/ oM badz+ra prI ti hi hi/ oM tsan+ta ma Ni ho/ oM badz+ra ma hA ma he haM/ dkyi 'khor chen po'i khu tshur gyis/ / cho ga rgyas pa ji bzhin bri// nor bu'i khu tshur gyis bzhugs pa// mkha' skyes las ni mgos phyag bya// bzhugs nas nam mkha' mkhas pa yi// dam tshi dam pa brjod par bya/ / khyed ni nam mkha' las byung ba'i// thams cad kyis ni lnga pa yin// oM e sid+d+ha b+hAr+N+Na ba sid+d+ha/ sid+d+ha swa/ sid+d+ha ma hA rat+na/ ba ba Ta Ta tAM/ 'di ni bzlas pa tsam gyis/ ni// mkha' snying dngos grub thams cad dang // phun tshogs kun la shin tu ni// 'grub 'gyur 'di la the tshom med// ces bcom ldan 'das rdo rje rin chen bla ni med pas gsungs so// de nas nor bu khu tshur can gyis lcags kyus dgug par bya'o// oM b+hu rA ya hI dzA/ b+hu ba pra be sha hUM swa/ gr-ih+Na baM ba ba Ta Ta sid+d+ha ho taM/ de nas bcom ldan myur du ni// byon nas dngos grub thams cad ni/ / 'byor pa shin tu g.yo ba la// don ni rab tu 'grub par 'gyur// de nas slob ma phyag rgya ni// me tog bcas pa mchog gis gzhug/ bcug nas de nyid mchog snying po/

  205. 103b

    bden pa lan cig brjod du gzhug/ de nas 'byor pa'i mchog brtag pa// dpal gyi phun tshogs mchod pa che// 'jig rten mchog gi dngos grub rnams// bde bar gshegs pa bzhin du 'thob/ de nas de phyir sgrub pa bshad// de na rdo rje rin chen rgyal mchog gis// dpag med zlos pas bsgrub bya zhing // 'di yis skyes mchog 'di nyid la// 'dod chags 'gro dang 'ong bar 'gyur// rin chen kun gyi dbang phyug rgya la/ / rga dang 'chi ba med par 'gyur// dngos grub kyi dam pa thams cad kyang de bzhin no// phyag rgya sgrub pa ni dga' ba nyid kyis so// dam tshig gi phyag rgya sgrub pa ni dam tshig gi khu tshur gyis so/ / de bzhin du las sgrub pa ni dngos grub bla na med pa yin no// phyag rgya chen po sgrub pa nyid de'i rgyud do// // de nas de phyir las rnams kyi// rab 'byams rgyun ni dam ba dang / / dngos grub chen po kun bsgrubs pa// go rims ji bzhin rab bshad bya// 'di lta ste/ 'byor pa thams cad dgug pa dang / gzhug pa dang / bcing ba dang / dbang du bya ba dang dbrog pa dang / bsags pa dang / len pa dang / 'dren pa dang / 'gugs pa dang / gtod pa dang / gzhig pa dang / 'phen pa dang / 'degs pa dang / 'bebs pa dang / brdeg pa dang / sbyang ba dang / rnyed pa dang / nyo ba dang / btsong ba dang / kun tu 'gyed pa dang / nye bar dgod pa dang / brtan par bya ba dang / rdo rjer bya ba dang / 'byor pa thams cad grub pa dang / 'byor pa

  206. 104a

    thams cad kyi mchog sgrub pa la ni rdo rje rin chen gyis dbang bskur bas so/ / dpal thams cad dgug pa dang / gzhug pa dang / bcing ba dang / dbang du bya ba dang / dbrog/ pa dang / bsags pa dang / len pa dang / 'dren pa dang / 'gugs pa dang / gtod pa dang / gzhig pa dang / 'phen pa dang / 'degs pa dang / 'bebs pa dang / brdeg pa dang sbyang ba dang / rnyed pa dang / nyo ba dang / btsong ba dang / kun tu 'gyed pa dang / nye bar dgod pa dang / brtan par bya ba dang / rdo rjer bya ba dang / 'byor pa thams cad sgrub pa dang / 'byor pa thams cad kyi mchog sgrub pa la ni rdo rje rin chen dpal gyis so/ / phun sum tshogs pa thams cad dgug pa dang / gzhug pa dang / bcing ba dang / dbang du bya ba dang / dbrog pa dang / bsags pa dang / len pa dang / 'dren pa dang / 'gugs pa dang / gtod pa dang / gzhig pa dang / 'phen pa dang / 'degs pa dang / 'bebs pa dang / brdeg pa dang / sbyang ba dang / rnyed pa dang / nyo ba dang / btsong ba dang / kun tu 'gyed pa dang / nye bar dgod pa dang / brtan par bya ba dang / rdo rjer bya ba dang / 'byor pa thams cad sgrub pa dang / 'byor pa thams cad kyi mchog sgrub pa la ni rdo rje rin chen phun sum tshogs pas so/ / mchod pa thams cad dgug pa dang / gzhug pa dang / bcing ba dang / dbang du bya ba dang / dbrog pa dang / bsags pa dang / len pa

  207. 104b

    dang / 'dren pa dang / 'gugs pa dang / gtod pa dang / gzhig pa dang / 'phen pa dang / 'degs pa dang / 'bebs pa dang / brdeg pa dang / sbyang ba dang / rnyeng ba dang / !/ ba dang / btsong ba dang / kun tu 'gyed pa dang / nye bar dgod pa dang / brtan par bya ba dang / rdo rjer bya ba dang / 'byor pa thams cad sgrub pa dang / 'byor pa thams cad kyi mchog sgrub pa la ni rdo rje rin chen gyi mchod pa sgrub pas so zhes kyang gsungs so/ / sems can thams cad bde don du// rdo rje sems dpa' nor che ba// rang gi rgyal mchog lan cig sgrub// yi ge traM ni sbar bar bya/ / dpal mchog dang po rtog pa'i rgyal po chen po las/ bsam pa yongs su rdzogs par byed pa rdo rje rin chen gyi rtog pa'i cho ga rgyas pa'o// de nas rgyal ba rdo rje 'dzin/ 'jig rten gsum po khams gsum pa// 'jig rten gsum bdag thams cad la// 'jig rten gsum mchog 'dul mdzad pa// cho ga bzhin du sgom 'gyur zhing // sems can don phyir cho gas bzhugs/ / 'dod chags zhe sdang gti mug rnams// rtag tu rnam par gnas pa yin// mi mnyam pa yis rten gyur na// dug nyid du ni nye bar 'gro// bdud rtsir nyid du'ang 'gyur// ba yin// 'dod chags tshangs pa mchog 'byin pa// zhe sdang drag po'i ting 'dzin gyis// gti mug khyab 'jug brtan mdzad nas// 'jig rten gsum po byin gyis brlabs//

  208. 105a

    'dod chags zhe sdang gti mug rnams/ rtag tu gnas pas srid gsum gnas// chos kyi rten nas gsum mchog ste// chos min rten pas ngan song gsum// 'dod// chags sbrang rtsir byed par bshad// zhe sdang rgyal bar byed par bshad// gti mug don ni sgrub byed ces// kun tu gsang ba'i ming yin no// nga ni 'jig rten gcig pu nyid// 'jig rten gsum du rab tu bshad/ / nga ni 'dod pa gcig pu nyid// tshangs pa drag po g.yung drung yin// de nas gsum po 'di yis mchog/ sbyang phyir rdo rje sbyang 'dzin pa// gzugs ni gsum po 'di dag nyid// bdag nyid kho na byung ba yin// gang phyir 'jig rten 'di dag ni// rtag tu yang ni 'di skad smra// tshangs sogs kyis 'dul yang dag pa'i// sangs rgyas byang chub snod ma yin// de rnams srung phyir bcom ldan 'das/ / rdo rje 'chang chen rang nyid ni// gzugs ni gsum pa 'di mdzad nas// phyis ni sangs rgyas nyid ma 'gyur// de nas tshangs pa la sogs lha// 'jig rten gsum mchog dbang phyug che/ / dkyil 'khor der ni gsang snying po'o// rang gi rang grub phyir rab phul// oM b+hAr b+hu ba swa/ zur bzhi pa la sgo bzhi pa// sgo srungs bzhis ni rab srung ba// kha khyer gyis ni legs bskor ba/ / phyi yi dkyil 'khor bri bar bya// de yi nang ma nyid dang ni// dkyil 'khor gzhu yi dbyibs can la// sbrang rtsi byed dang rgyal nyid byed// sgrub pa thams cad sgrub

  209. 105b

    pa ni/ / go rims dag ni ji bzhin du// legs par bri ba'am gzhag par bya// pus mo gnyis kyis zhugs la der// rtse gsum dam tshig gis mtshan pas// zhugs te dam tshig bcings nas/ / ni// yang dag par ni dgug par bya// oM b+hur+m+ma ba swaH/ swas+thi nA ma swA hA/ nyi shu rtsa gcig bzlas pa yis// thams cad thams cad kyis bskor ba// thams cad grub phyir 'ongs pa la// de nyid pa yi gtor ma sbyin/ / slob dpon rab tu zhugs pa yi// slob ma thams cad gzhug par bya// de nyid gsang ba brjod nas ni// dam tshig mchog ni sbyin par bya// gal te khyod kyis rtse gsum bcag/ snying po snod min la smras sam// ji skad smras pa'i chos rnams ni// gal te 'dir ni ma spyad dam// snying stobs rdul dang mun pa nyid// tshangs pa drag po g.yung drung ste// ming po gsum po 'di nyid ni// nam yang brnyas par mi bya'o// gang zhig 'di rnams sgom pa slob// yang dang yang du zhugs nas ni// dkyil 'khor mchod par byed pa dang // dngos grub thams cad thob par 'gyur/ / rang gi phyag rgya bslabs nas ni// de la gar gyi mchod pa dang // 'dod yon dam pa lnga rnams kyis// rtag tu dkyil 'khor mchod par bya// 'jig rten gsum 'byin pa'i rgyud do/ / / de nas ston pa rdo rje 'dzin// sems can kun rje ston mdzad pa// 'jig rten gsum phyung don grub tu// slar yang srin mo rnams 'byin mdzad/

  210. 106a

    kun tu chags dang zhe sdang rmongs// brtan par byed pa'i rgyu yin no// dga' dang phrag dog bud med ni// rab tu grags pa'i grub kun ster// gang zhig 'jig rten kun tu bshad/ / tshogs kun gyis mchod lha mo rnams// zhi dang 'jigs ma de bzhin gser// grub pa dang ni zhi bar bshad// phyi rol sems can phan phyir dang // rtogs don khong du chud bya'i phyir// de rnams kyi ni snying po dang // dkyil 'khor de bzhin dam tshig bshad// hi hUM shI sh+tsa/ dkyil 'khor chen po bzhi pa ni// srang bu gsum gyi dkyil 'khor bya// mtshams kyi thig ni ka ba che// bzhi po dag gi rim pa bzhin/ / de yi dbus su dkyil 'khor ni// bzhi po dag gi de bzhin bya// rang gi snying po bzhi po ni// rang gi sgor ni phyogs pa gzhag/ skal bzang lag na rang gi mtshon// sring mo phub can zhi ba ma// phag mo lag na gter nyid de// grub pa mo ni bsnyems dang bcas// de nas dang po'i dkyil 'khor du// kun nas de bzhin bzhugs nas ni// sring mo rnams kyis rang gi rgyas/ / go rims dag ni ji bzhin du// zhugs nas de bzhin cho ga bya// spros la sogs pas mchod par bya// de nyid gsang ba rab bsgrub pas// kun nas dgug pa ngag tu bya/ / oM suM b+ha ga ra tiSh+Tha ma ya hI b+hu/ rak+Sha sa mA ti/ ma ya hI b+hu b+hu ba/ ba ra hA a mir+ya tA ma ya swA hA/ sid+d+hi ke sid+d+hi sa ma ya hi I mAm+bi mu drA b+hiHdz+r-IMHhUM shrI b+h+yo/ de nas lus ni tham

  211. 106b

    cad kyis/ / de bzhin du ni legs bzhugs la// de nas phyag rgya bcings brtan te// gsang ba mchog 'di brjod par bya// gal te gsang nyid ma gsungs na// gang zhig sems can don bzhugs dang / / gang yang dkyil 'khor sgrub byed pa// de rnams khyed kyis bsad par 'gyur// chos dang ldan la bdud rtsi nyid// chos min pas ni dug pas lhag/ ci rnyed pa dang dus dza bzhin/ / yul rnams nye bar bsten pa dang // phyag rgya gar gyis bshad pa yis// ci bde bar ni rtag tu mchod// sring mo bzhi'i rgyud do// / de nas ston pa rdo rje 'dzin// sa yi dbang phyug kun gyi mchog/ 'dod chags zhe sdang gti mug che// sgrub pa dag ni rab sgrub nyid// 'dod chags sogs dug gzhig phyir dang // kun nas bdud rtsi nyid bya'i phyir// zhe sdang las byung klu yi ni// dkyil 'khor dam pa 'byung bar 'gyur// de la snying po 'di yin te// phuHzur bzhi pa la sgo bzhi pa// srad bu thams cad yang dag bri// sgo khyud klu yi gdengs ka mchog/ mtshams kyi rtse mchog mjug ma mdud// de yi dbus su klu rgyal ni// mtha' yas gdengs ka bcas pa ni// klu yi rigs ni brgyad po dag/ shes rab can gyis kun tu bri/ / de nas khros dang zhugs nas ni// klu 'dzin pa yi shugs kyis ni// zhugs nas dkyil 'khor de nyid du// sbrul gyi gdengs kas dgug par bya//

  212. 107a

    oM hrIHa nI la dza ba be ga pri thi b+hin da ri She sha ya hi pu/ sar+b+ba nA ga ku lA nu na phu/ sa ma ya pra be sha ya phu/ sar+b+ba na sA d+ha ya phu/ ta ta sa sar+b+ba na ga pu Ta ka phu/ de lhar byas na legs par bzhugs shing dga' bar 'gyur ro/ / de nas slob dpon gyis dug med par bsam par bya'o// de nas brtsams te dug thams cad zos pas kyang bdud rtsir 'gyur/ ro// nor rgyas par brtse bar byed do// dug thams cad sbar ba dang gzhig pa nus par 'gyur ro// de nas mna'i snying po sbyin par bya ste/ 'dod chags zhe sdang gti mug rnams// 'jig rten na ni 'di gsum dug/ gal te bden pa las 'das nas// 'di dag gis ni rtag gsod 'gyur// khyed kyis glog la brnyas mi bya// ser ba bzlog par mi bya zhing // gal/ te dngos grub la dga' na// ci nas sbrul ni gsang mi bya// klu'i dkyil 'khor ro// / de nas ston pa rdo rje 'dzin// sdug bsngal thams cad sel ba'i mchog/ sem can kun la bde ba'i phyir/ / gdon gyi dkyil 'khor bsdu ba yi// 'dod chags zhe sdang gti mug rnams// nyes byas kyi ni dug nyid 'gyur// gdon dang rims dang sdig pa dang / dmyal bar yang ni 'gyur ba yin// de nas gdug pa'i snying po ni// haM/ zur bzhi pa la sgo bzhi par// gdon gyi dkyil 'khor kun tu bri// de'i dbus dang por gdon la sogs// cho ga rgyas

  213. 107b

    par dgod par bya/ / de nas bshad pa bzhin zhugs nas// dgod cing myur du dkyil 'khor du// rdo rje 'dzin pa zhugs nas ni// khros pas rkang pa g.yon pas mnye// de nas gdon dang rims sdig kun/ / dmyal ba thams cad rtag tu ni// sdig pa chen po byed pa yang // rdo rjes rab tu 'jigs par 'gyur// zhes bcom ldan 'das rdo rje sems dpas gsungs so// sdug bsngal thams cad 'don pa'i rgyud do/ / // de nas ston pa rdo rje 'dzin// kun mchog dbang phyug dam pa yis// sems can kun don rab sgrub phyir// dkyil 'khor thams cad gsungs pa yin// de la snying po 'di yin te/ oM AHhUMHhriHtrAM/ de nas 'di ni gsungs tsam gyis// kun mchog dbang phyug dam pa yin// gzugs kun gyis ni kun mchog ni// dbang phyug dam pa mdzad pa yin/ / gsang ba chen po lnga yis ni// gang tshe 'dul bar ma gyur pa// de tshe sna tshogs cher mdzad pa// 'gro ba 'dul ba'i dam pa yin// dam pa yang dag bshad bya ste// kun mchog sna tshogs rnam par rgyal/ / kun mchog dbang phyug dam pa yin// dkyil 'khor chen po bris nas ni// de yi dbus su cho ga bzhin// rdo rje sems dpa' rab bzhag la// rdo rje lha mo tshogs dkyil 'khor/ / de yi ngos ni thams cad du// kun mchog bdag po sku rnams so// rdo rje mchog bcas mtshan ma ni// rang gi rigs kyis bskor ba gzhag/ rgyal po rdo rje sred med bu'i/

  214. 108a

    gzugs 'dzin 'khor lo rnam par bri// khyab bdag rdo rje can rdo rje// gtum dbang rdo rje mdung bsnams pa// rdo rje pad 'byung pad+ma 'byung // rdo rje 'dzin pa tshangs pa'i gzugs nam mkha'i snying po 'dod pa'i gzugs/ / rdo rje dang bcas me tog mtshon// dkyil 'khor gyi ni mtshams rnams su// rigs kyi lha mo bri bar bya// rdo rje dpal mo dkar mo dang // rdo rje sgrol ma mkha' rdo rje/ / de nas dkyil 'khor gyi bdag po 'di rnams kyi snying po bshad par bya ste/ oM badz+ra nA rA ya Nats+tshin+da pra ti ha na badz+ra tsakre Na ho/ b+ha ga bAM badz+ra ta thA ga ta/ dzaHhUM baM hoH/ badz+ra d+hA ra taM/ / badz+ra ta thA ga ta hUM badz+ra kro d+ha ma hA yo gi nI ga Ne shwa ra/ ma hA badz+ra ku lo gra pa ne ho/ b+ha ga bAM badz+ra tsan+de shwa rA ya/ ha ha ha ha hrIHbadz+ra pad+mo b+ha ba ho/ b+ha ga baM badz+ra lo ki shwa re/ ma hA pra me sid d+hu/ oM b+hA ra b+hu baHswaH sA sti na ma/ swA hA/ he badz+ra ku su mA yu d+ha/ sarba kA ma me sA d+ha ya ho/ b+ha ga bA badz+ra A kA sha gar+b+ha/ ba ba Ta Ta traM/ badz+ra A kA sha gar+b+ha a she ShaM mu drA/ na mo ye na sA d+he na/ b+hA ga ba te pradz+nyA pI ra mi tA yu d+ha/ ts+tshin+tu badz+ra Ni tsakr-i Na te na sa t+ye na pA pa kAn/ oM d+hI shrI shru ti smr-i ti bi dza ye swahA/ na mo ye na/ oM badz+ra gau ro ma hA bi d+yA trai lo kya bi dza ye shwa ri badz+ra kro d+ha ag+ni sa ma ye/ badz+ra d+ha ri na mo stus+tha/ tad+ya thA/ oM hi li ma~M / le li hA li badz+ra mu ka ye swAhA/ badz+ra sa ma ya/ na mo ye na sA d+he na b+ha ga ba te/ bud+d+ha bud+d+hir+g+gad+hA d+hA ra/ badz+ra d+har+m+ma pra yo ge na/ te na sa te na sid+d+ha nA~M/ oM tA re tut+tA re tu re swAhA/ badz+ra d+ha mo ta/ oM kA ma

  215. 108b

    / badz+rI Ni sid+d+ha bi shud+d+ha sA d+hu ba ha/ ga ga mod+b+ha be yo ge na sid+ha mAM pa ra ma ka re/ tad+ya thA/ ga ga na bi shud d+he/ sar+b+ba ma b+hi pra ya pa ri pU Ni swA hA/ phyi yi dkyil 'khor gan sa rnams su// rdo rje 'dzin pa rab spyod gnas/ / lha dbang dang ni me mo nyid// 'jig rten skyong rnams dgod par bya// tshogs kyi dbang phyug rdo rje yi// rol mo che bcu rdung byed pa// phyi yi dkyil 'khor kha khyer la// sgo dang mtshams su'ang 'di bri'o// sgo rnams kun tu 'jug pa ni// rang gi phyag rgyas rab tu gzhug/ dkyil 'khor dam pa lnga par ni// dang po'i sbyor bas 'jug par bya'o// de nas / dbus su 'dug nas ni// dang po lcags kyu che ba nyid// snying po 'di ni rjod byed cing // 'gugs pa 'di ni brjod par bya// oM ma hA su kha badz+ra satwa sid+hi hUM/ sar+b+ba ta thA ga tA na/ sa ma ya A kaR+Sha ya dzaHbadz+ra ku la dI paM da ma ye tA pra be sha ya hUM/ sar+b+ba lo kaM shwa raM pra be sha ya sa ma ya ban+d+ha na baM/ sa ma ya sar+b+ba rat+na dI paM ma hA ma Ni rA dzA nAM/ ba shAM ku ru ho hUM a/ hUM hriHtraM/ de nas gsang ba chen po yi/ / snying po bzang po 'di brjod pas// rdo rje 'chang chen rgyal po ni// 'khor lo thams cad dang bcas pas// bkug cing rab tu bcug pa dang // bden pas bcings te dbang du byas/ / dkyil 'khor rgyal po mchog thams cad// dngos grub kun gyi sgrub par 'gyur// de nas go rims ji bzhin du// dkyil 'khor thams cad sgrub pa dang /

  216. 109a

    dngos grub de rnams nyid kyang ni// thams cad kyang ni bsgrub par bya// bde ba thams cad mi 'gyur gnas// bde ba chen po zhes brjod do// rdo rje 'di ni sgrub la sogs/ 'di ni tshe 'dir 'grub par 'gyur// de ltar sna tshogs pa'i don sbyang ba'i don gyis cho ga 'gro ba dpag tu med pa 'dul ba mtha' med cing sna tshogs pas mnyam pa med cing phul du phung ba/ de bzhin gshegs pa la sogs pa'i rogs thams cad 'dzin pa'i bde ba'i mchog byed pa/ rgyal ba thams cad kyis byin gyis brlabs pa srid pa'i bde ba'i cho ga byed pa gsungs pa yin no// dpal mchog dang po'i rtog pa'i rgyal po las/ / rtog pa thams cad kyi rgyud phyi ma'i rtsa ba'i rgyud kun gyi mchog dbang phyug dam pa'i dkyil 'khor gyi cho ga rgyas pa rdzogs so// / sangs rgyas kun gyi gsang ba che// dam tshig mchog gi sgrub pa dang // bde ba chen po gzhal yas khang // dngos grub kun gyi lus byas pa// de bzhin gshegs mchog chen po yi// rin chen rgyal ba sogs kyi brgyan/ / bde ba chen po'i chags pa che// glu dang rol mo rjes chags pa// bla med dga' ba chen po yi// mchod pa kun gyis rab tu mchod// dpa' ba chen po dpal gyi gnas/ / rang gi bzhugs gnas mchog de la// rab tu dga' ba'i rgyal po mchog/ mi 'gyur mchog tu yang dag bzhugs// rdo rje sems dpa' bdag rang nyid// rab tu

  217. 109b

    dga' ba mi 'gyur mchog/ kun tu bzang po 'khor ba dang // byang chub sems dpa' de bzhin gshegs// dngos grub chen po kun gyi mchog/ rdo rje bsnyems pa'i bdag po'i bdag kun mchog chags pa chen po yi/ / dngos grub dbang phyug rjes grub pa// glu dang rol mo thog mtha' med// mchog ni bcom ldan 'das kyis gsungs// hUMHde nas 'di ni gsungs tsam gyis/ / rdo rje thams cad 'dzin pa ni// gsang ba lnga yi de nyid che// phyag rgya'i lha mo byung bar gyur// rtag tu chags dang dngos grub che// rnam rgyal dbang phyug lhag pa'i lha/ phyag rgya dam pa bzhi pa ste// sems dpas byin gyis brlabs pa'i sku// de nas de rnams kyi snying po ni 'di yin te/ sku mchog so sor rtog pa dang // dngos grub kun gyis bde ba'i mchog/ kun mchog rnam rgyal mthong ba dang // thams cad dbang phyug mchod pa che// dngos grub rnams dang phun tshogs dang // dga' ba dag dang bdag po rnams// rdo rje lha mo thog mtha' med/ / rdo rje sems dpa' sku yi mchog/ ces bya'o// de nas mchog tu gsang ba'i mi rnams ni dga' ba chen po dpal don yod dga' ba'i dam tshig 'dod pa'i rdo rje ma dang / dga' ba chen po dpal don yod la chags pa'i dam tshig gi rdo rje kI li kI li dang / dga' ba chen po dpal rdo rje don yod la chags pa'i dam tshig rnam par rgyal ba'i rdo rje ma dang / dga' ba chen po dpal rdo rje

  218. 110a

    don yod la chags pa'i dam tshig rdo rje 'don pa'i dbang phyug ma'o/ / 'di rnams gsang ba'i mtshan dag ni// mkhas pas gang zhig dad pas brjod// de ni phyag rgya thams cad kyi/ / dngos po kun bdag bdag por 'gyur// zhes bya ba bcom ldan 'das rdo rje sems dpa' mchog tu gsang bas gsungs pa yin no// de nas 'di sgrub bshad bya ba// dngos grub shin tu brtag/ pa ste// sdig pa che las dga' ba dang // sgrub pa gang zhig ma grub kyang // rdo rje sems dpas gsungs pa bzhin// de dag kyang ni myur du 'grub// nyin re 'am ni zla re 'am// de bzhin lo ni re ra la/ / ci mngon mngon 'dod bsgrub par bya// ci rnyed pa dang ci bde bas// ras la bcom ldan bri bar bya// kun bdag dam tshig dbang phyug ste// gang zhig bris par gyur na ni// mchog tu rtag pa'i thar pa thob// bzhad pa dang bcas zla ba'i 'od// sna tshogs pad+ma'i 'od 'bar ba// sangs rgyas kun gyi dbang bskur sogs// sna tshogs rgyan dang na bza' ldan// sems dpa'i skyil mo krung gis bzhugs// rdo rje bsnyems pa'i mchog 'chang ba// g.yon pa dril bu mchog bsnyems pa// rdo rje sems dpa' rab tu brtag/ de yi logs na bzhugs pa rnams/ / de yi 'od kyi dkyil 'khor brten// rab tu dga' ba bde ba'i sku// gsang ba chen po dgod par bya// dang po pad+ma ltar dkar dmar// gzhan ni pa la sha ltar dkar// gzhan ni

  219. 110b

    ut+pal 'dab ltar sngo/ / rdo rje bsnyems ma ser po 'dzin// dang po dang ni gnyis pa dag/ g.yas kyi logs la brten pa ste// gsum pa dang ni bzhi pa dag/ g.yon gyi logs su bzhi pa yin// rdo rje kI la kI la ma// dbus kyi rang lha dgyes par spro// de yi logs la rdo rje che// mda' ni gsor ba la brtson pa// bsnyems pa'i phyag gis yongs 'khyud pa'i// chu srin rgyal mtshan bsgreng dang bcas/ / de yi logs na bzhad dang bcas// mchod pas bdag po la blta ba// sangs rgyas rin chen dbang bskur mtshan// thams cad spyan gyi phyag rgya gzigs// rang la bdag gi thugs gtad pa/ / zur du lta zhing bzhugs pa'o// ras ris 'di ni mthong ba yis// rtag pa'i bsod nams thob par 'gyur// mchod pa dang ni brtag pa yis// mchog tu dga' ba'i thar pa thob/ / ces bya ba bcom ldan 'das rdo rje sems dpas gsungs so// de ltar mchog tu dga' ba rab tu 'dod pa ni// mchog tu dga' ba dam pa'i dngos grub 'gyur// gsal zhing rgyal ba'i ras ris chen po 'di/ / thams cad gzigs rnams mchod pa chen po'i dpal 'dis rol// 'khor lo de ni brtag byas nas// mchog tu gsang ba'i dkyil 'khor ni// rnam par dben pa'i khang par ram/ / yang na skyed mos tshal sogs su// de bzhin gshegs mchog chen po yi// ras ris rgyal po sogs kyis brgyan// dril bu dang bcas yid dga' ba'i// bla re phul

  220. 111a

    bas mchog gyur pa'i/ / rdo rje glu yi mchod tshogs dang // glu dang rol mo rnam 'phrul pa/ me tog spos sogs rab sbyor ba// mar me'i sbyor bas yang dag mchod// khang pa gsum brtsegs dkyil 'khor du/ / mchog gi gsang ba bsgrub par bya// yang na bdag nyid kho na mchog/ rang gi lhag pa'i lhar bsgom bya// de nas 'khor lor ma zhugs kyang // rang nyid kyis ni rtag zhugs nas/ / rdo rje kun 'chang slob dpon ni// dngos grub kun la grub par 'gyur// rang nyid khrus byas dri zhim bsgos// ci rnyed rgyan dang gos dang ldan// sna tshogs gos kyis// yang dag klubs// 'phreng bcas kha ni dri zhim pa// rdo rje sems dpa'i sbyor ba yis// me tog spos dang dri snod bcas// rdo rje glu ni 'di dag gis// gar byed grong khyer 'jug par bya// de la mchog tu gsang ba'i dpal dam tshig gsum 'jug la mchog tu gsang ba'i glu'i mchod pa mchog tu grub pa 'di yin te/ dngos grub kun gyi bde ba nyams dga' ba'i// thar pa'i grong du bcom ldan bde chen 'jug/ mchog tu bde ba dam pa'i dngos grub kyis// dzaHhUM baM ho rab tu grub par mdzod// rab tu zhugs te g.yon pa yis// rdo rje mig gis mgon la 'dud// g.yon pa bsnyems pa cung zad bzhad/ / bstod cing mdzes pa'i mig gis btsums pa de la mchog tu gsang ba dam pa dpal dam tshig gsum gyi phyag 'tshal ba'i me tog gi sil ma dor ba'i mchog tu

  221. 111b

    gsang ba rdo rje'i glu'i mchod pa mchog tu grub pa 'di yin te/ mchog tu bde ba'i sems ni rol par ldan// sgeg pa'i phyag gis bcom ldan 'das la 'dud// dzaHhUM baM ho hi hi hi hi hi/ mgon po snyim pa'i me tog bzhes su gsol/ / de nas me tog sil mdor// rdo rje sems dpa'i dbang bskur bas// rdo rje dril bu'i phyag rgya dang // ldan pa'i 'od gsal sbyin par bya// de la mchog tu gsang ba dam pa'i dpal dam tshig gsum gyi rdo rje sems dpa'i dbang bskur ba'i mchog tu gsang ba'i rdo rje'i glu'i mchod pa mchog tu grub pa 'di yin te/ oM sangs rgyas kun ldan rin chen mchog gis brgyan/ / lha yi cod pan dang bcas khyod la 'dud// rdo rje 'chang bdag rin chen dbang bskur bas// sems dpa' sa ma ya s+t+waM hUM// de nyid kyis ni rdo rje gzung // chos kyi dril bu dkrol bar bya// dam tshig gis ni phyag rgya cher// byin gyis brlabs nas snying po bzlas// rdo rje la sogs thob bzung bas// rdo rje sems dpa' gnyis pa 'dra// rdo rje thams cad 'dzin rgyal po/ / rdo rje can gyis byin gyis brlabs// 'gyur zhes bya ba mchog tu gsang ba dam pa'i dpal dam chog gsum gyis bdag la byin gyis brlabs pa'i sgrub pa gcig pu'i cho ga mchog tu grub pa bcom ldan 'das rdo rje sems dpas gsungs so/ / de nas 'dir grub bshad bya ba// dngos grub shin tu brtag pa yang // gang gis sgrub pa dam pa

  222. 112a

    dang / / sdig chen byed pa rnams kyang ni// rdo rje sems dpas gsungs pa bzhin// ma grub rnams kyang grub par 'gyur// lugs ma 'am ni brdungs pa 'am// 'dus byas pa'am bris pa 'am/ / dang po'i sems dpa' bzhugs gsol nas// de yi mdun du cho ga bzhin// rtag tu rdo rje dril 'chang zhing // dngos grub mchog ni bsgrub par bya// thams cad dgug dang mchod pa che/ / bdag byin rlab sogs sgrub rnams su// de la ji ltar mchog tu gsang ba dam pa'i dpal dam chog gsum gyi dngos grub thams cad dgug pa'i rgyud ni 'di yin he/ rang lhag lha yi sbyor ba las// thams cad dgug pa'i sbyor ba las// yan lag mchog gi rol bcas pas// gar bya zhing ni dgug par bya// de nas de bzhin gshegs pa thams cad kyi mchog gi dngos grub mchog tu gsang ba'i dam tshig gi glu'i mchod pa ni 'di yin te/ dza mchog dang po'i rdo rje 'chang ba rdo rje sems dpa' bde rtog rab tu dga' ba khyod bdag sangs rgyas so sor rtogs/ / hUM mchog rdo rje las ni mchog tu zad med srid pa mi 'gyur bde dang yid bde dam tshig bdag la de grub mdzod// baM mchog bdag gi sku 'dzin rnal 'byor thams cad rnam rgyal bsgreng ba rab mchog dag pa bde bar 'gyur ba'i pad+ma'i rgyal po kye/ / ho rab mchog ni mchog gi dngos grub dam pa thams cad dbang phyug dam par bdag gyur cig/ rtag par bdag 'phel nam

  223. 112b

    mkha'i snying po khyod/ / hu lu hu lu'i sgrub pas dbab par mdzod// dam tshig chen pos yang dag dgug pa khyod// de bzhin gshegs pa kun gyi dam tshig ste// rab tu dga' ba mchog dang po// / de la mchog tu gsang ba dam pa'i dpal dam tshig gsum gyi dngos grub thams cad kyi mchod pa chen po'i cho ga ji ltar yin/ rang lha'i rnal 'byor ji bzhin du// mchod pa kun mchog sku rnams kyis/ / rol mo'i rnam 'phrul gyis rjes mchod// de nas de bzhin gshegs pa thams cad kyis mchog gi dngos grub kyi mchod pa chen po'i cho ga'i mchog tu gsang ba'i dam tshig gi rnga rje'i glu'i mchod pa ni 'di yin te/ thams cad rjes su chags pa bde ba dam pa'i thugs// rdo rje sems dpa' khyod ni rab tu dga' ba yin// bde ba chen po gsal mthong bdag la brtan gyur cig/ myur du so sor mkhyen nas rab tu 'dod pa bsgrubs// de la mchog tu gsang ba dam pa'i dpal dam tshig gsum gyi dngos grub thams cad byin gyis brlabs kyis sgrub pa chen po dza lhar yin/ rang lha'i sbyor ba ji bzhin du// phyag rgya kun gyis byin brlabs pas// de nyid chen po'i mchog gis ni// rang nyid bsgrubs te snying po bzla// de nas de bzhin gshegs pa thams cad kyi mchog gi dngos grub byin gyis brlabs pa'i gsang ba chen po'i dam tshig gi rdo rje'i glu'i mchod pa mchog tu grub pa ni 'di yin te/ oM/ nam mkha' skye ba mtshan ldan phyir//

  224. 113a

    thog ma tha ma med pa'i mchog/ sems dpa' rdo rje che rang bzhin// rdo rje sems dpa' rdo rje che rang bzhin// rdo rje sems dpa' bdag grub mdzod// kun mchog dngos grub chen po ste/ / dbang phyug chen po lhag pa'i lha// rdo rje 'dzin pa kun gyi rgyal// mi 'gyur mchog tu bdag grub mdzod// nyes pa mi mnga' rtag pa khyod// 'dod chags kyis ni rjes chags pa// 'dod pa chen po dga' ba che// bcom ldan de nyid kyis grub mdzod// shin tu dag pa kun gyi mchog/ gdod nas grol ba de bzhin gshegs// kun tu bzang po kun bdag nyid// byang chub sems dpar bdag grub mdzod/ / dngos grub chen po kun gyi mchog/ dbang phyug chen po phyag rgya'i mchog/ grub pa'i rdo rje cher bskyod pas// rdo rje bsnyems bdag bdag mdzod cig/ dpal mchog dang po'i bcom ldan khyod// gang gis don dang glu yis bstod// de ni dngos grub kun gyi mchog/ dbang phyug chen po nyid grub 'gyur// zhes bya ba mchog gi de kho na nyid kyis mchog tu gsang ba'i glu chen po mchog tu grub pa bcom ldan 'das rdo rje 'chang gis gsungs so/ / dngos grub cho ga 'di yis ni// rdo rje sems dpa' yang dag rtogs// kun mchog dngos grub chen po yi/ / dbang phyug nyid ni rab sgrub pa'o// kun nas 'od zer ston sogs dang // so sor ston pa'i rmad byung rnams// rdo rje tshig gis rang lha las// ngo mtshar gyur rnams mthong bar

  225. 113b

    gyur/ / rtog pa kun gyis sna tshogs che// dngos grub dbang phyug bde rnams kyis// myur du rang gis byin brlabs pas// rdo rje slob dpon gyis thob bo// zhes bya ba bcom ldan 'das rdo rje sems dpa' mchog dang pos gsungs so/ / de la mchog tu gsang ba dam pa'i dpal dam tshig gi lha thams cad kyis bdag la byin gyis brlab pa'i sgrub pa chen po'i rgyud ji ltar yin/ rang lha rnal 'byor ji bzhin du// lha kun bdag nyid sku rnams kyis// rang lha rnal 'byor bdag nyid kyis// rang lhag lha nyid bsgrub par bya// de nas mchog tu gsang ba dam pa'i d pal dam tshig gsum gyi kun mchog dngos grub chen po'i dbang phyug chen po'i bdag nyid la sogs pa'i dngos grub thams cad kyi las kyi tshogs mchog tu mi 'gyur ba dam pa bla na med pa'i dga' ba dang / rab tu dga' ba bde ba dam pa dang / yid bde ba thams cad kyi dngos grub dam pa'i cho ga rgyas pa rjes su sgrub pa ni 'di yin te/ rang lha'i rnal 'byor ji bzhin du// rdo rje kun mchog sku rnams kyis// glu dang rol mo'i cho ga ni// rdo rje nyid kyis rjes chags 'gyur// rang lha'i sbyor ba ji bzhin du// dbyangs kyi rtsa ba rnams sad pas// glu dang rol mo'i cho ga ni/ / dril bu nyid kyis rjes su brjod// rang lha'i sbyor ba ji bzhin du// sna tshogs phyag rgya'i bdag po mchog/ glu dang rol mo'i cho ga ni// dam tshig gis ni rjes

  226. 114a

    bsgrub bya/ / de yi rtog pa thams cad la// rdo rje 'bebs pa rab sad nas// rang gi lha yi dam tshig ni// thams cad gzhi 'gyur 'grub par 'gyur// mchog tu gsang ba dam pa'i dpal dam tshig gsum gyi glu chen po dang rol mo'i cho ga mchog tu gsang ba mchog tu grub pa bcom ldan 'das rdo rje sems dpas gsungs so/ / de nas de rjes gnas ji bzhin// ci rnyed pa ni ci bde bas// me tog spos kyis mchod nas ni// khang pa 'am skyed mos tshal sogs su// bdag nyid ci 'dod rab bsgrubs nas// ci rnyed rgyan dang gos dang ldan// sna tshog gos kyis yang dag klubs/ / me tog 'phreng bcas kha dri zhim// lugs ma 'am ni brdungs pa'am// 'dus pa 'am ni ri mor bri// dang po'i 'khor lo de mdun du// cho ga bzhin du bzhugs gsol nas/ / rang lha'i rnal 'byor ji bzhin du// rdo rje dril bu rab sad pas// thams cad dgug dang mchod pa che// bdag byin rlab sogs bsgrub par bya// sngon du lan cig bsgrubs byas nas/ / de nas de rjes ci 'dod pa// ci 'dod ci spyod ci smras pa// thams cad bza' zhing thams cad byed// langs pa'am ni 'dug pa 'am// rab tu dgod dam smra ba 'am/ / ji bzhin de bzhin de dang der// ci 'dod par ni ji bzhin bzhag/ gsang ba mchog gi 'khor lo no// me tog sogs kyis mchod nas ni// ji bzhin du ni rjes

  227. 114b

    bsgrub bya/ / 'dis ni 'dod pa kun dbang phyug/ 'gro dang 'od dang 'dod na 'phur// dngos grub kun gyi dbang phyug 'grub// rga shi med pa'i gtso bor 'gyur// rdo rje sems dpa' grub chen po/ / phyag rgya kun gyis dbang phyug bdag/ rdo rje kun 'dzin rgyal po ni// rdo rje mtshon cha thams cad 'dzin// mi thub pa dang mi sod cing // thams cad byed cing kun gyi rten// sems na kun gyi rgyal po che// tshar gtsang rjes su bzung bar nus// kun mchog rjes su chags pa che// 'dod pa grub pa bde ba mchog/ kun las rnam rgyal grub 'gyur te// kun mchog dbang phyug dam pa yin/ / dngos grub chen po kun gyi mchog/ dbang phyug chen po'i go 'phang nas// rgyal po rdo rje kun 'dzin pa// sangs rgyas thams cad rab 'grub 'gyur// de ltar mchog tu rjes chags dga' ba pad+ma'i ra ba che// mchog tu gsang ba grub pa'i bla na med pa'i dngos grub stsol// mchog kyi rgyal mtshan bsgreng bas gang zhig rjes su bstan pa ste/ mchog gi dngos grub dbang phyug chen po nyid des nyams myong ba// zhes bya ba bcom ldan 'das rdo rje sems dpas gsungs so// dpal mchog dang po las/ gsang ba chen po dam pa'i dpal dam tshig gsum dang / dngos grub thams cad dgug pa dang / mchod pa chen po dang / bdag la byin gyis brlab pa la sogs pa'i sgrub pa'i cho ga rgyas pa'o//

  228. 115a

    gsang ba mchog gi dgyes pa dang // sangs rgyas kun gyis rjes brten pa// rdo rje sems dpa' rang gi gnas// thams cad bdag nyid rtag tu bzhugs// thog mtha'/ med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje bsnyems tshul bdag po'i bdag/ 'di ni rang byung bcom ldan 'das// lhag pa'i lha ni gcig pu nyid/ / ces bya ba grub par 'gyur ro// de lhar mchog tu rjes chags dga' ba pad+mar che// mchog tu bsngags pa bla na med pa'i dngos grub stsol// mchog gi rgyal mtshan bsgreng ba gang zhig rjes su bstan pa ste/ / mchog gi dngos grub bde ba chen po nyid des nyams myong ba// zhes bya ba bcom ldan 'das rdo rje sems dpas gsungs so// dpal mchog dang po las/ dga' ba chen po'i dpal rdo rje don yod pa'i dga' ba'i dam tshig rnal 'byor thams cad kyi dbang phyug de bzhin gshegs pa thams cad kyi dpal rang gi dam tshig gi dkyil 'khor mchog tu gsang ba'i yongs su rdzogs so/ / // de nas de bzhin gshegs pa thams cad kyi dam tshig chen po'i slob ma'i cho ga rgyas pa rjes su bzung ba bshad par bya'o zhes bya ba bcom ldan 'das rdo rje sems dpas gsungs so/ / de la dang por kho nar re zhig de bzhin gshegs pa thams cad kyi mchog tu gsang ba dam pa'i sngags 'dis

  229. 115b

    cig brjod pas sems bskyed du bcug ste/ oM sarba yo ga tsah+Na ud pA dA yA mi/ 'di brjod pa tsam gyis de bzhin gshegs pa thams cad dang mi 'bral zhing ldog pa dang / bdud thams cad zil gyis gnon pa'i phyag rgya byang chub sems dpa' chen po de bzhin gshegs pa nyid du'ang rtogs par bya'o zhes byas gsungs so/ / byang chub sems ni bla med pa// mchog tu bskyed par byas nas ni/ / byang chub sems ni bzhag nas ni// su ra ta sa ma ya s+t+waM ho/ 'di yis rdo rje bskul ba na// 'dod pa kun las 'grub par 'gyur// de nyid bskul ba'i myur du ni// byang chub sems ni bla med pa// kun mchog dngos grub chen po'i phyir// rdo rje sems dpa' nyid du 'gyur// zhes bya ba'i mchog bcom ldan 'das rdo rje sems dpas gsungs so// gar byas spyi bor thal mo sbyar// gos kyis gdong ni g.yogs pa rnams// ci 'dod dngos grub 'dod pa yis// slob ma thams cad gzhug par bya// ci 'dod dngos grub sems pa yis/ / slob ma me tog dor du gzhug/ phyag rgya gang la de bcas pa'o// de de'i lha mo bsgrub par bya// de nas gdong g.yogs bkrol byas la// rnam pa kun gyi yon blangs nas/ sangs rgyas rin chen dbang bskur gyis// dam tshig gsum ni gsal bar sbyin// de la rdo rje chen po mna'i chus dbang bskur te 'di lhar brjod par bya'o// 'di ni khyod kyi

  230. 116a

    dmyal ba'i chus/ / dam tshig 'das na sreg par byed// dam tshig bsrungs na dngos grub ni// rdo rje bdud rtsi'i chu 'dis 'grub// rdo rje dril bu'i phyag rgya ni// gas te dkyil 'khor ma mthong smras/ / skye bo 'dus pa'i nang na gnas// dad pa med pas bzhad gad mod// ces bya bas mna' bsgag go// de la sangs rgyas kyi rin po che'i dbang bskur ba'i mchog ni 'di yin te/ rdo rje chu yis dbang bskur nas de bzhin gshegs pa thams cad kyi sku'i mchog dbang bskur ba'i gnas su bzhag ste/ oM sarba ta thA ga ha ma hA sa ma ya a d+hi pa ti s+t+waM a b+hi Shiny+tsA mi ma hA badz+ra d+ha ra zhes bya ba'i sngags 'dis rdo rje lag tu sbyin par bya'o/ / 'di ni sangs rgyas thams cad nyid// rdo rje 'chang gi rdo rje ste// rdo rje 'chang gi brtul zhugs chetshe/ / khyod kyis kyang ni rtag tu bcang // de bzhin gshegs pa thams cad kyi byang chub mchog gi sems chen po yongs su mi spang bar rtag tu sgrub pa shin tu gsang ba de 'di yin te/ oM badz+ra karma pA d+hi d+hi shrI badz+ra nA ma sid d+hi sa ma ya staM b+hur b+hu baHswaHgang la rdo rje'i ming btags pa de la kye'i sgra dang por sbyar bar bya'o// de'i ming de'ang ji srid byang chub snying po mthar thug pa'i bar gyi de bzhin gshegs pa'i yang ming du 'gyur ro/ / de la mchog tu gsang ba dam pa'i dpal dam tshig gsum sbyin pa ni 'di yin te/ thog mtha' med pa'i sems dpa' ni// rdo rje sems

  231. 116b

    dpa' dga' ba che/ / kun tu bzang po kun bdag nyid// rdo rje bsnyems tshul bdag po'i bdag/ ces bya ba bcom ldan 'das dpal mchog dang po'i skyes bu mchog gi de kho na nyid kyi gsang ba lnga'i de kho na nyid bshad par byas nas rdo rje sbyin par bya'o/ / 'di bcom ldan 'das srid pa'i bdag po dam pa kun gyi mchog/ dbang phyug gi dam pa de bzhin gshegs pa de nyid chos kyi mchog gi bka' yang dag par mdzad pa ni/ srid pa'i rang bzhin gyi ni dag/ rang bzhin gyis ni srid bral byas// rang bzhin dag pa'i sems dpa' mchog/ srid pa'i mchog ni mdzad pa yin/ / mchog tu gsang ba'i chos nyid 'bebs pa ni dril bu'o// de bzhin gshegs pa thams cad la mchod pa bya ba 'am lha sgrub pa dgrol bar bya'o// de nas chos thams cad kyi de kho na nyid rab tu sad pa'i phab pa rnams kyis sgrib pa thams cad rnam par dag par byed pa yin no/ / rdo rje thams cad 'bebs par byed pa dang / rab tu sgrub par byed pa dang / dbang du byed pa dang / rab tu dang bar byed pa zhes bya ba sgrub par 'gyur ro// de nas srid pa dag pa'i thabs kyi mchog rtog pa thams cad kyi gsang ba chen po dam tshig la rtag tu brten par bya'o zhes bya ba'o/ / de la 'di ni deng khyod kyi// srid bde shin tu gyur pa ni// sdug bsngal chen po dag bya'i phyir// shin tu bde ba dam pa'i thabs// dam tshig 'di ni rtag

  232. 117a

    tu bskyed/ / 'dod pa'i longs spyod thams cad la// ci 'dod par ni rten bzhin du// rang gi lha yi sbyor ba yis// bdag dang gzhan la mchod par bya// de bzhin gshegs pa thams cad kyi bla na med pa'i mchog tu gsang ba'i theg pa chen po'i yang chen po dam tshig gi sbyor ba ni bcom ldan 'das dam tshig go/ / 'di ltar/ de bzhin gshegs pa kun gyis kyang / / 'da' ba ru ni mi mdzad pas// phyag rgya'i dam tshig ces ni bsgrags// yid kyi sku ni brtan phyir ro// zhes bya ba mchog tu gsang ba bcom ldan 'das rdo rje sems dpas gsungs so/ / de la 'di brjod par bya ste/ ji srid 'khor ba'i gnas su ni// mkhas mchog 'dug par gyur pa'i tshe// ji srid mtshungs med sems can don// mya ngan mi 'da' byed par nus/ / gsang ba dam pa dam tshig thabs// bsod nams byin gyis brlabs bsgrubs pa// rtag tu dngos grub kun dbang phyug/ sems can don ni byed pa yin/ dam tshig 'dis ni bdag sgrub cing // ci bde bar ni sgrub byed pa// nyes pa spyad kyang sdig kun gyis// rnam pa kun tu gnod mi 'gyur// 'dod pa chen po sgrub par 'gyur// kun bdag dam tshig dbang phyug dang / / thams cad rdo rje 'dzin rgyal po// kun mchog dbang phyug dam pa'o// las kyi tshogs kyi dngos grub kyis// ma lus bsgrubs pas 'grub par

  233. 117b

    'gyur/ / bdag gzhan thams cad rgyas btab pas// yang na bsgrub bya kun la yang // don yod mchog tu grub par 'gyur// rnal 'byor thams cad rjes sgrub byed// dpal ldan sdug bsngal kun 'phrog byed/ / dam tshig 'di ni 'da' bar dka' ba'o// zhes bya ba mchog tu gsang ba bcom ldan 'das dpal rdo rje sems dpas gsungs so// rdo rje la sogs thob 'dzin pas/ / dngos po kun gyi bde ba kun// phab pas rdo rje slob ma yis// dkyil 'khor du ni nyams su myong // de nas thams cad gzengs bstod pas// sangs rgyas kun gyis bdag nyid dngos/ / rdo rje ming gis dbang bskur bas// de bzhin gshegs ni lung bstan bya// de la de bzhin gshegs pa thams cad kyis lung bskrun pa'i rdo rje sems dpa'i cho ga 'di yin te// sangs rgyas kun gyis bstan pa che/ / gzengs bstod pa yis gang lung bstan// de ni sangs rgyas thams cad nyid// rdo rje ming gis dbang bskur ba'o// oM/ 'di ni ngas khyod lung bstan te// rdo rje sems dpa' de bzhin gshegs/ / srid pa shin tu grub pa'i phyir// srid pa'i ngan 'gro las khyod bton// he badz+ra nA maH/ ta thA ga ta sid+d+hi sa ma ya s+t+waM b+hur b+hu baHswaHgang la gzengs bstod pa 'di dang / phyag rgya chen pos lung bstan mchog tu gsang ba'i cho gas byas pa de la rdo rje sems dpa' la sogs pa'i de bzhin gshegs pa thams cad dang / rdo rje 'chang dang bcas pa'i byang chub sems

  234. 118a

    d pa'i dkyil 'khor dang bcas pa de bzhin gshegs pa thams cad kyis rang gi dam tshig gi slob dpon rnams dang mgrin gcig tu bla na med pa yang dag par rdzogs pa'i byang chub tu lung bstan par mdzad do/ / 'di lta ste/ gzengs bstod pa 'di nyid kyi phyag rgya chen po dang / mchog tu gsang ba dam pa'i dngos grub kyi byin gyis brlabs pa 'di dang / sngags kyi stobs las dad par bya'o/ / de na ji lta ba bzhin du zhugs pa rnams la de bzhin gshegs pa thams cad 'dus pa la sogs pa'i dbugs dbyung ba sbyin par bya'o// de bzhin gshegs pa thams cad rdo rje 'chang dang bcas pa ji snyed pa byang chub sems dpa'i dkyil 'khor dang bcas pa gang yin pa de dag thams cad rang gi dam tshig la rjes su chags pa'i dir dgug pa dang / rab tu zhugs pa dang / dbang du bya ba dang / sgrub pa dang / rjes su sgrub pa rnams kyis rdo rje'i dbyibs thams cad bstan par 'gyur pa nyid kyis 'di brtan par 'gyur pa/ chos kyi dbyings thams cad kun tu khyab pa nyid kyis zhugs pa/ nam mkha'i khams thams cad kyis rgya che ba nyid kyis 'dir rab tu bzhugs shing legs par rab tu bzhugs pa gang yin pa de dang de dag de bzhin gshegs pa thams cad kyi rang gi dam tshig la rag las pa'i de bzhin gshegs pa nyid la lhag par dmigs nas/ de bzhin gshegs pa thams cad kyi rang gi dam tshig gi slob dpon de bzhin gshegs pa thams cad 'di

  235. 118b

    yin no zhes bya ba byin gyis brlabs nas/ de bzhin gshegs pa thams cad kyis rang gi dam tshig gi slob dpon gyis/ dam tshig gis mgrin gcig tu khyed rnam las dbugs dbyung ba mdzad pa yin te dad par bya'o// de bzhin gshegs pa thams cad kyi mchog tu gsang ba'i dbugs dbyung ba 'di yin te/ gsang ba'i dkyil 'khor dam pa ni// mthong ba dang ni zhugs pas kyang // sdig pa kun las nges grol zhing / khyed rnams 'dir ni legs par gnas// bde chen theg pa 'di la ni// slar 'chi ba ni yod min te// mi tshugs pa dang mi sod pas// cis kyang mi 'jigs rol bar gyis// srid pa'i sdug bsngal ldog pa ni/ / srid pa shin tu grub pa'i phyir// ston pa mchog tu gyur pa khyod// srid pa shin tu grub pa yin// dam tshig sdom pa grub pa 'di// khyod kyis rtag tu bsrung bar bya// sangs rgyas kun gyis 'thun par gsungs// dam pa brtag pa'i bka' yin no// gang zhig bskyed pa tsam gyis ni// sangs rgyas nyid du dogs med pa'i// byang chub sems ni gtang mi bya// phyag rgya rdo rje gang yin pa'o// dam pa'i chos ni mi smad cing // nam yang gtang bar mi bya'o// mi shes pa dang rmongs pa yis// des ni smad par mi bya'o// rang gi bdag nyid yongs spangs nas/ dka' thub rnams kyis gdung mi bya// ci bde bar ni bde bar gzung // 'di ni ma byon rdzogs sangs rgyas// rdo rje dril bu phyag rgya rnams// nam yang yongs su spang mi bya//

  236. 119a

    slob dpon smad par mi bya ste// 'di ni sangs rgyas kun dang 'dra// sangs rgyas kun mtshungs bla ma yi// slob dpon la ni gang smod pa// des ni sangs rgyas kun spang pas/ / rtag tu sdug bsngal thob 'gyur te// rims dang dug dang sbyar dug dang // mkha' 'gro rnams kyis gtses pa dang // gdon dang log 'dren gtum po yis// bsad nas sems can dmyal bar lhung / / de bas 'bad pa thams cad kyis// rdo rje slob dpon blo gros che// dge ba rab tu mi spyoms pa// nam yang smad par mi bya'o// bla ma la ni gus bcas yon// rjes 'thun khyod kyis sbyin par bya/ / des ni rims sogs gnod pa rnams// phyir zhing 'byung bar mi 'gyur ro// rang gi dam tshig slob dpon ni// sbyin min bu dang chung ma dang // rang srog gis rtag bsnyen bya na/ / longs spyod g.yo ba smos ci dgos// gang gis bskal ba bye ba ni// grangs med par yang rnyed dka' ba'i// sangs rgyas nyid kyang rtsod ldan la// tshe 'di nyid la ster bar byed/ / rtag tu rang gi dam tshig srung // rtag tu de bzhin gshegs pa mchod// rtag tu bla ma la yang mchod// 'di ni sangs rgyas kun dang 'dra// de byin sangs rgyas thams cad la/ / rtag tu byin pa nyid du 'gyur// de byin bsod nams tshogs yin te// tshogs las dngos grub mchog tu 'gyur// de phyir 'di ni legs gnas pas// deng khyod sku

  237. 119b

    ba 'bras bur bcas/ / rang byung dam tshig lha dang mnyam// deng khyod gyur pa the tshom med// sangs rgyas rdo rje 'dzin bcas pa// kun gyis deng khyod dbang bskur bas// khams gsum gyi ni rgyal po che/ / rgyal po bdag por bstan pa yin// de ni bdud las rnam rgyal te// grong khyer mchog tu rab tu zhugs// khyed rnams kyis ni sangs rgyas nyid// deng 'dir thob pa the tshom med/ / ces bya ba de bzhin gshegs pa thams cad dang / rdo rje 'chang dang / byang chub sems dpa' chen po'i 'khor gyi dkyil 'khor dang bcas pa'i bcom ldan 'das rdo rje sems dpa' mchog tu bden pas gsungs so/ / de nas de bzhin gshegs pa thams cad kyi mchog tu gsang ba de bzhin gshegs pa thams cad kyis dpal rang gi dam tshig gi slob dpon dang / slob ma'i tshogs rnams kyis dbugs dbyung ba ni 'di yin te/ phyir mi ldog pa'i phyag rgya yis// byang chub sems dpa' lhan cig bskyed// sangs rgyas nyid ni rtogs bya ste/ / zhes bya ba'o// de'i rgyu gang yin zhe na/ gang gi phyir khyed rnams kyis bdag nyid thams cad kyi byang chub kyi sems chen po bskyed pa tsam gyi mthu nyid kyis phyir mi ldog par 'gyur ba yin no/ / phyir mi ldog pa nyid kyi phyir nges pa'i phung po la rnam par gnas pas bla na med pa yang dag par rdzogs pa'i byang chub tu nges pa nyid

  238. 120a

    bla na med pa yang dag par rdzogs pa'i byang chub tu mngon par rdzogs par sangs rgyas par rjes su rtogs par bya'o zhes bya'o/ / de nas thams cad kyi dpal dam tshig gi slob dpon gyi mchog tu gsang ba'i dbugs dbyung ba yin te/ rdo rje sems dpa'i bdag sbyor ba// rnal 'byor kun dang rjes sbyor ldan// sangs rgyas nyid du rtogs bya ste// mkhas pa mchog tu rtag pa'o/ / zhes bya'o// de'i rgyu gang yin zhe na/ gang gi phyir khyed rnams kyis bdag nyid thams cad 'di de bzhin gshegs pa thams cad kyi rang gi dam tshig yongs su gzung ba gdon mi za ba nyid kyi phyir/ de bzhin gshegs pa bla na med pa yang dag par rdzogs pa'i byang chub mngon par sangs rgyas pa nyid du rtogs par bya'o// de bzhin gshegs pa thams cad kyi dpal rang gi dam tshig rjes su sgrub pa mchog gi dngos grub rnams de bzhin gshegs pa thams cad kyi nyid du de dag rtogs par bya'o/ / de'i phyir gnas skabs thams cad du'ang ci nus pas sdug bsngal dang yid bde ba thams cad kyi skabs mi 'byed pa khyed rnams kyis rang gi bdag nyid thams cad kho na rjes su srung zhing gsad par mi bya'o/ / ci rnyed pa'i longs spyod dang nye bar spyod pa thams cad kyis de bzhin gshegs pa thams cad kyi mchog tu gsang ba bla na med pa'i theg pa chen po'i dam tshig gi sbyor ba yang dag par mchod la/ bde bar gzung ba dang yang dag par 'phel bar bya'o//

  239. 120b

    bdag nyid la ji lta ba bzhin du mngon par brtson pa de bzhin du gzhan rnams la na tshod bskyed pa yin no// lta ba log pa dang / phyi rol du mu stegs pa dang / nyan thos thams cad dang / rang sangs rgyas kyi sar lhung bas 'di shin tu gsang ba yin no// ngag ni shin tu mi smra bas so// sems ni shin tu 'gag pas so// gang gis kyang khyod kyis lus ngag yid gsum gyi rdo rje rnam de bzhin gshegs pa thams cad kyi sku gsung thugs kyi rdo rje dpal rang gi dam tshig bla na med pa'i dngos grub mchog tu rtogs par 'gyur zhes bya ba yang gsungs so/ / 'dod pa'i longs spyod thams cad kyis/ / cis kyang mi 'jigs rol par gyis// dam tshig 'di ni 'da' dka' ste// sdig pa med kyis ma 'jigs shig/ ces bcom ldan 'das rdo rje sems dpa' mchog tu bden pas gsungs so/ / byang chub sems dpa'i 'khor gyi dkyil 'khor dang bcas pa'i de bzhin gshegs pa thams cad kyis thugs la dgongs pa yin no// de ltar yid ni rab dang rdo rje nyid du gyis/ / rang gi dam tshig mi bzad bde ster bsnyen par gyis// deng ni 'gro la myur bde rdo rje sems dpa' dang // rab tu mnyam zhing rtag pa nyid du rtogs par gyis// de nas ro dang bza' ba spyod pa glu/ / rol mo'i mchod sogs kyis ni mgon mchod la// rdo rje bla ma chen po bde phul nas// rang dang gzhan dag ci 'dod mchod par gyis// myos byed myos bral btung

  240. 121a

    ba ni/ / ci 'dod pas ni bsten pa yis// glu dang rol mo'i cho ga sogs// ji bzhin rjes 'gro'i bzlas pa bya// rang gsang tshogs blangs pa yi// glu dang rol mo gar rnams kyis/ / sna tshogs phyag rgya'i mchod pa dang // rdo rje sems dpa'i rol mo sogs/ bud med sogs dang ldan pa 'am// rang gi slob ma dang bcas pa// ci 'dod pa yi longs spyod kyi mchod pa byas pas myur du 'grub/ / ces bya ba mchog tu gsang ba bcom ldan 'das rdo rje sems dpas gsungs so// de la gsang ba'i cho ga'i khyad par ni 'di yin te/ hUM bcom ldan 'das mchog dang po'i rdo rje sems dpa'i 'o/ / a de bzhin gshegs pa rnams kyi'o// hi dpal 'jig rten gsum las rnam par rgyal ba'o// oM pad+ma'i snying po'o'o// ha nam mkha'i snying po ste byang chub sems dpa' chen po'i rgyal po nam mkha'i snying po yin no zhes bya ba gsungs so/ / rang gsang snying po'i klu dag ni// yi ge lnga pos bya ba ste// rang gsang tshogs blangs pa 'di// mchog tu gshegs ba kun gyi yin/ / de nas mchog tu gsang ba rdo rje glu yi mchod pa ni/ rdo rje dril bu mnyam sogs bcas// rnam par dben par ral mo dkrol// rang gsang tsho gas glu blangs pa// gsang ba'i rol mo rab tu sgrub/ / de nas mchog tu shin tu gsang ba'i rdo rje gar gyi mchod pa ni/ 'dzin pa dang bcas bzung ba che'i// bgyi ba rab tu byas nas kyang // dkyil 'khor 'dra ba'i ga

  241. 121b

    byas nas/ / yongs su bskor bas rab mchod bya// de nas mchog tu gsang ba'i phyag rgya sna tshogs pa'i mchod pa ni/ rdo rje sems dpa' la sogs lha'i// rtog pa thams cad rnam 'phrul ba/ / gtam rgyud phyag mtshan phyag rgya yis// gang zhig gar de rol mo yin// gser ram yang na dngul dang ni// de bzhin shing las byas pa yi// rang gi lha yi gdong rnams kyis// grub pa'i phyag rgyas gar rnams bya// dkyil 'khor gang dang gang brten pa// phyag rgya sna tshogs mchod pa yis// slob ma'i tshogs ni de dang de// bzla zhing thams cad mchog tu gzhug/ sna tshogs cho ga 'di yis ni// sdig pa kun las rnam grol 'gyur// bsod nams kun kyang 'phel 'gyur te// rtag tu srung bar 'gyur ba yin// rims dang gdon dang dug dang nad// sbyar dug mkha' 'gro'i 'tshe ba dang // bdud dang gsod par byed pa rnams// 'di ni rab tu zhi bar 'gyur// dngos grub dag ni phun sum tshogs// dga' ba de bzhin bdag po rnams// sangs rgyas kun gyi bdag nyid kyis// rnal 'byor dam pa thob par 'gyur// zhes bya ba shin tu gsang ba'i bcom ldan 'das rdo rje sems dpas gsungs so// de nas phyag rgyasna tshogs pa'i mchod pa'i cho ga rgyas pa/ lhag pa'i lha thams cad re re'i mchog gsang ba 'jug pa'i rdo rje glu'i mchod pa'i cho ga rgyas pa mngon par brjod nas rdo rje slob dpon gyis byas pa 'am/

  242. 122a

    de las gzhan ci 'dod pa'i glu rol mo rnams kyis rtog pa thams cad kyi sna tshogs pa'i dam tshig chen po'i mchog tu grub pa zhes bya ba ste/ re re zhig thog ma kho nar bcom ldan 'das dpal mchog dang po'i rdo rje sems dpa' mchog tu gsang ba'i dam tshig gi 'jug pa'i glu'i mchod pa ni/ thams cad rjes su chags pa bde ba dam pa'i thugs// rdo rje sems dpa' khyod ni rab dga' dam tshig ste/ / bde ba chen po brtan zhing mtho ba gsal gyur cig/ so sor rtogs nas mngon du phyogs shing myur du bdag sgrubs shig/ de nas de bzhin gshegs pa thams cad kyi rigs kyi mchog tu gsang ba'i dam tshig gi 'jug pa'i rdo rje glu'i mchod pa ni/ rdo rje sems dpa' bsdus pas na// rdo rje rin chen bla na med// rdo rje chos ni zlar blangs pas// rdo rje las ni byed par 'gyur/ / de nas rdo rje rigs thams cad kyi mchog tu gsang ba'i dam tshig gis 'jug pa'i rdo rje glu'i mchod pa ni/ hUM/ rdo rje mda' gzhu dang bcas khyod la 'dud// rdo rje chag pa'i dam tshig dpal khyod 'dud/ / kha T+wAM 'jigs dus rdo rje khyod la 'dud// rdo rje dril bu skyed pa'i dpal khyod 'dud// de nas pad+mo'i rigs thams cad mchog tu gsang ba'i dam tshig gi 'jug pa'i rdo rje glu'i mchod pa ni/ la lar skye bo ma rungs pa yi srog 'phrog byed pa shin tu drag po'i sku// la lar 'gro ba mtha' yas 'dul phyir shin tu rno ba'i 'khor lo 'dzin pa'i sku/

  243. 122b

    la lar pad+ma'i gdan gyi shin tu zhi ba'i sku ste 'gyur ba med pa ste// la lar shin tu 'bar ba'i 'dod pa'i dam tshig pad+ma'i rgyal po bdag sgrubs shig/ de nas nor bu'i rigs thams cad kyi mchog tu gsang ba'i dam tshig gi 'jug pa rdo rje glu'i mchod pa ni/ dbang bskur thams cad dbang phyug dam pa las// yang dag bsgrubs shing mi zad gter gyi mchog/ kun mchog rgyal mtshan rnam rgyal sgreng ba las/ / rdo rje rin chen dpal dag legs mchod 'gyur// de nas rang ming gsum gyi ni b+hA ra b+hu baHsAHde nas sring mo bzhi rnams kyis hUM hUM shrI b+h+yo/ de nas klu'i rigs thams cad kyi dkyil 'khor gyi ni phu phu/ de nas gnod sbyin gyi sde dpon chen po lag nA rdo rje bsdigs pa thams cad kyi dkyil 'khor gyi rdo rje glu'i mchod pa ni/ sar+b+ba maM ga maN+Dal mi daM badz+ra d+ha ra kra ma bi marda b+hi ki dza b+hi ki ra b+hany+dza ud sA da ya/ nA sha ya/ ha na da ha/ pa tse b+ha smai ku ru kro d+ha hUM ka ra man+ti Na/ de nas thams cad kyi mchog dbang phyug dam pa'i dkyil 'khor chen po'i mchog tu gsang ba'i dam tshig gi rdo rje glu'i mchod pa ni/ la lar dri med zla ba'i dkyil 'khor stong gi 'od kyi sku ni rnam par mdzes// la lar 'jig dus nyi ma 'char ka byed pa'i 'od zer tshogs ni 'jigs chen 'bar/ / la lar mdangs dang 'od zer dang ldan pa de zhing zhi ba'i rgyal po'i sku 'dzin pa// la lar shin tu mdzes pa'i gzugs 'chang mchog gi mda' dang bcas pa'i

  244. 123a

    gzhu 'dzin pa/ / la lar gdul bya rnam par sbyang phyir brtson pa'i rdo rje sems khyod mkha' bzhin bzhugs/ ma lus 'dul ba mkhas pa'i bde ba dam pa nyid phyir bdag la 'grub gyur cig/ de nas mchog tu gsang ba'i cho ga dam pa'i gsang ba'i mchog dpal dam tshig gsum gyi 'jug pa'i rdo rje glu'i mchog tu grub pa ni 'di yin te/ dngos grub kun gyi bde ba nyams dga' ba'i/ / thar pa'i grong khyer bcom ldan bde chen 'jug/ mchog tu bde ba dam pa'i dngos grub kyis// dzaHhUM baM hoHrab tu grub par mdzod// de nas shin tu m chog tu gsang ba'i cho ga mchog tu gsang ba bla na med pa'i dam pa'i dpal dam tshig bla na med pa'i mchog shin tu gsang ba'i rdo rje'i glu'i mchod pa mchog tu shin tu grub pa zhes bya ba mngon par brjod nas/ shin tu mchog gi de kho na nyid kyi rdo rje'i mchod pa'i glu dang / gar dang / cho gas ji lta ba bzhin du rjes su bsgrubs nas so sor rjes su bsgrub par bya'o zhes bya ba dang / de bzhin gshegs pa thams cad kyi mchog tu shin tu gsang ba bla na med pa'i rtog pa thams cad kyi sna tshogs pa'i dam tshig chen po'i mchod pa mchog tu grub pa yin no zhes bya bar yang gsungs so/ / sna tshogs cho ga 'di yis ni// rdo rje sems dpa bsdus pa yin// kun mchog sna tshogs chen po yi// rnal 'byor dbang phyug rab tu grub// ces bya ba shin tu gsang ba bcom ldan 'das

  245. 123b

    rdo rje sems dpas gsungs so/ / de ltar dpal mchog dang po'i rtog pa'i cho ga rgyas pa gtam rgyud sna tshogs can/ mchog tu gsang ba'i rol mo bla na med pa'i dngos grub nyams dang ldan pa ste/ gang gis sna tshogs pa'i rgyal mtshan mthon po dang ldan pa kun tu rjes su bsten pa mchog gi dngos grub bde ba chen po nyid ni/ de yis yang dag nyams su myong // don yod mchod mchog tu bsod nams ldan/ / cho ga mchog tu brtag pa ste// kun mchog gsang ba chen po ni// dngos grub thams cad myur sgrub byed// gang zhig grong mchog rab dgyed par// zhugs te sgrub par byed pa ni/ / shin tu mchog gi 'dod pa yi// dngos grub dbang phyug bde des thob// gang gis dngos grub ma thob na// bsod nams phun tshogs byed pa rnams// dkyil 'khor mchog tu rab zhugs na/ / sgrub po 'dir ni rab grub 'gyur// gal te rdo rje sems dpa' mchog/ nye ba'i snying po bsgrubs byas kyang // ma grub 'dir zhugs grub par 'gyur/ / dpal mchog dang po'i rtsa rgyud du// de bzhin myur du grub pa min// ji ltar dang po'i khyim zhugs nas// rdo rje'i dkyil 'khor grub pa ltar// dkyil 'khor thams cad sgrub pa yis/ / de ltar thams cad grub pa min// ji ltar mchog tu gsang ba yi// khang bzangs dam pa mthong ba yis// dam tshig rnams las nyams pa dang // sgrib pa

  246. 124a

    kun gyis bsgribs pa dang / / bdud sogs gdon gyis reg pa yang // rtag pa'i thar pa thob par 'gyur// dkyil 'khor du ni ma zhugs pa'am// yang na dkyil 'khor ma grub pa/ / slar yang mchog tu rab zhugs na// de dag myur du 'grub par 'gyur// sgrub min 'di ni cung zad med// dngos grub las dang bde de bzhin// dngos grub thams cad bzhin 'gyur du/ / rtog pa kun las bsgrub par bya// zhes bya ba bcom ldan 'das rdo rje sems dpas gsungs so// dpal mchog dang po las/ de bzhin gshegs pa thams cad kyi dpal dam tshig chen po'i dkyil 'khor gyi cho ga shin tu gsang ba rdzogs so/ / / de nas de bzhin gshegs pa thams cad kyi 'jig rten gsum gyi dam tshig mchog gi gsang ba'i cho ga ni 'di yin te/ sangs rgyas chos dang dge 'dun te// dam tshig chen po gsum 'di yin// byang chub sems dpa' mchog 'dzin pa'i// ras la dkon mchog gsum bri bya// go cha dang bcas rdo rje mchog/ go cha sogs kyis legs par brgyan// rdo rje mtshon cha brjod pa dang // pad+ma rin chen 'chang ba'o// 'khor lo dA ni btags nas su// gsang ba'i dkyil 'khor dam pa'o/ / ci rigs par ni bsgrubs byas nas// sum 'gyur du ni 'grub par 'gyur// de bzhin gshegs pa thams cad kyi dam tshig chen po zhes bya ba'i snying po mchog gi dngos

  247. 124b

    grub ma lus pa ster ba 'di yin te/ oM b+hA khaM/ khyim mam yang na nags tshal lam// snga ma bzhin du brgyan nas ni// mtshon cha mchog gi cho ga yis// thams cad byas la 'di brjod bya// de nyid kyis ni bcom ldan 'das// byang chub sems dpa' de bzhin gshegs// lha ngan rnams la phan pa'i phyir// 'di dag mya ngan 'das pa ston// ma lus 'dul ba la brtson pas// brtan zhing nges pa'i cho ga dgos/ / shin tu srid pa la gnas mchog/ cho ga la sogs dgos pa yin// sangs rgyas chos dang dge 'dun zhes// dkon mchog gsum du 'gyur ba yin// srid pa shin tu grub pa yis/ / rnam par dag pa'i dpal mdzad mchog/ ces bya ba ni de bzhin gshegs pa thams cad kyi mchog tu gsang ba'i rdo rje'o// de nas mchog tu gsang ba'i chos nyid kyi dril bu ni/ thams cad nam mkha'i mtshan nyid de// nam mkha' la yang mtshan nyid med// nam mkha' dang mnyam sbyor ba yis// kun mchog mnyam pa nyid du gsal// zhes bya ba ni shes rab kyi pha rol tu phyin pa'o/ / de nas dam tshig chen po gsum gyi sdom pa zhes bya ba ni/ longs spyod kun la longs spyod pa// rang lha bdag nyid kyis bsnyen na// dkon mchog gsum la mchod pa'i mchog/ bdag gis bya zhes brjod cing mchod// ces bya ba ni de bzhin gshegs pa'i rnal 'byor sgrub pa'o// thabs kyi cho ga 'di yis ni// 'dod pa'i yon tan lnga rnams

  248. 125a

    kyang / / bza' min pa yang bza' byas na// rtag pa'i dngos grub thob par 'gyur// zhes bya ba ni de bzhin gshegs pa thams cad kyi mchog tu gsang ba'i dam tshig chen po gsum mo/ / de ltar brjod nas snying po byin la/ phyag rgya bcing ba slob tu bcug nas ji ltar mngon par 'dod par bsgrub par bya'o// de nas/ rdo rje 'dzin pa slob dpon gyis// rdo rje mchod bas mchod nas ni/ / ci 'dod pa yi mchod pa yis// slob ma thams cad mchod du gzhug/ longs spyod kun la longs spyod kyang // dkon mchog gsum po la phul bas// 'dod pas bdag kyang gzhan rnams la/ / mchod pa nyid du 'grub par 'gyur// dpal mchog dang po las/ mchog tu gsang ba'i cho ga'o// // de nas rdo rje chen po khro bo'i rgyal po'i mchog tu gsang ba'i cho ga ni/ ras la bcom ldan bri bya ste// rdo rje'i rigs kun bdag po ni// rdo rje nyi ma me lhar 'bar// cho ga ji bzhin mchog tu'o// de yi pad 'dab gcig bzhugs pa/ / de yi 'od kyi dkyil 'khor rten// gsang ba'i rdo rje'i rnal 'byor che'i// mkha' 'gro ma rnams logs la bri// dang por dmar dang dkar ba dang // gzhan ni thal ba lhar dkar ba/ / gsum pa dkar dang lha ba dang // bzhi pa gser lhar dri med pa'o// rdo rje gtum pa'i dbang phyug grub// rdo rje kha T+wAM bsgrengs dang bcas// rdo rje 'dod pa me lhar

  249. 125b

    'bar/ / de yi logs la mtshan ma bcod// rdo rje khyab 'jug ma rdo rje'o// 'khor lo bstod pa de bzhin gzhan// rdo rje dril du ba dan nam// de yi logs na g.yon bsnyems ma/ cung zad mche ba gtsigs pa yis// khro dang bcas pas zhal bzhad pa// rang bdag la ni thugs gtad cing // sku ni zur gyi phyogs la bzhugs// de nas 'di yi snying po ni// hUMHde nas nye ba'i snying po ni/ / rdo rje dril sogs lhan cig tu// rnam dbyen rol mo brdungs pa yis// hi yis glu dang rol mo ni// brdung zhing zur bzhi rab tu sgrub// ces bya ba ni 'dir bzlas pa'i cho ga'o/ / 'khor lo de ni brtag byas nas// gsang ba'i dkyil 'khor dam pa ni// mtshon cha mchog gi cho ga yis// cho ga thams cad rgyas pa'o// de nas de kho na nyid dang chos dang dam tshig cho ga sbyin pa ni/ rtag tu chags pa las byung khro// rdo rje mi yi phung po'i sku// 'bar ba'i rdo rje khro bo che/ rab 'bar ba yi tshogs kyi sku// rdo rje 'bar ba'i rnal 'byor che/ / mkha' 'gro ma rnams kun tu' bar// zhes bya ba ni rdo rje'o// de nas chos ni/ thams cad nam mkha'i mtshan nyid de// nam mkha' la yang mtshan nyid med// nam mkha' dang mnyam rnal 'byor pas/ / thams cad myur ba nyid du sgrub// nam mkha' kun mchog sbyor ba yis// thams cad nam mkha' zhes brjod cing // rdo rje phyag rgyas rgyas btab pa//

  250. 126a

    'jig rten gsum yang za bar byed// ces bya ba ni rdo rje rnal 'byor gyi mkha' 'gro ma'i mchog tu gsang ba'i dam tshig go// cho ga 'di yis thams cad du// mnyam par bzhag pas bsgrub par bya/ / kun mchog dngos grub chen po yis// las kyi tshogs rnams mi zad pa'o// zhes bya ba'o// de nas ji lta ba bzhin du de bzhin gshegs pa'i cho gas rang gi phyag rgya rnams kyi sa gar gyi mchod pa byas nas 'grub par 'gyur ro/ / dpal mchog dang po las rdo rje rnal 'byor gyi cho ga'o// / de nas mchog tu phra ba dang shin tu bzang ba'i rdo rje'o/ / grub mchog gsang ba'i rnal 'byor gyis// mkha' 'gro ma yi 'khor lor bshad// grong khyer skyed mos tshal sogs ni// ji lta ba bzhin rgyas byas nas// / rdo rje 'dzin kun slob dpon gyis// ji bzhin du ni rab sgrub pa'i// yid 'ong bzhi dang lhan cig tu// rang gis phyag rgyas me tog stod// ji lta ba bzhin grong khyer 'jug/ g.yon pa'i kha ni gyen du bstod/ / rdo rje drag po bzhad chen po// sgra sgrog mchog gi phyag rgya yis// 'jug sde mgon la phyag 'tshal bya// de la phyag ni 'di yin te// oM zhes bya ba brjod byas la/ / shin tu dga' ba'i dbugs rlung gis// ru lu ru lu l+li/ drug ldan par ma'i ru lu ru lu l+le ste/ 'di ni rdo rje drag po phyag 'tshal ba'i sgra sgrog pa'i mchog ces bya ba 'dir

  251. 126b

    rdo rje phyag rgya phyag rgya ste/ phyag rgya thams cad dang / gzhan rmongs pa dang / thogs pa med pa'i dngos grub thams cad dang / las thams cad la dgongs shing mchog tu grub pa'o// zhes bya ba bcom ldan 'das rdo rje sems dpa' mchog tu gsang bas 'di gsungs so// de nas yid 'ong dam bcas pas// me tog sil ma dor nas ni// rdo rje pad+ma'i dbang bskur gyis dam tshig gsum ni gsal bar sbyin/ / de la rdo rje sems dpa'i phyag rgya 'di yin te/ pad+ma'i thod pa la bya ste/ de'ang rdo rjer byin gyis brlabs pas na rdo rje pad+ma zhes bya ba'o// de nas 'dir phyag rgya bcing ba ni/ sor mo thams cad phan tshun sbyar// kun mchog rtse mo dang bcas pa// mthe bong rdo rje bkab pa ni// rdo rje pad+ma zhes grub bo// rdo rje pad+ma'i phyag rgya 'dis// rdorje sems dpa' dbang bskur ba'i sbyor ba dang / rdo rje pad+ma'i rin po che'i cod pan gyis dbang bskur bar bya'o// 'dis dbang bskur pa tsam gyis de bzhin gshegs pa rnams kyis shin tu gdug pa dang / drag pa dang / rab tu gtum pa dang / ma rungs pa'i sems can thal bar brlag nas/ khams gsum ma lus pa'i stobs chen po dang ldan pa'i 'khor los sgyur ba'i de bzhin gshegs pa thams cad ces bya bar byin gyis rlob par 'gyur ba dang / mchog tu brtag pa'i srung bar yang 'gyur ro zhes mchog tu gsang ba bcom ldan 'das rdo rje sems dpas gsungs

  252. 127a

    so/ / de nyid kyis ni rdo rje gzung // chos kyi dril bu dkrol bar bya'o// dam tshig gis ni phyag rgya che// byin gyis brlabs nas snying po badz+ra// rdo rje la sogs thob par/ bzung // rdo rje sems dpa' gnyis pa 'dra// rdo rje rnal 'byor dbang phyug grub// rdo rje can gyis byin brlabs 'gyur// bud med rnams kyang 'bebs gyur nas// ston pa'i rdo rje phab pa yis/ / rdo rje dang bcas phyag mtshan 'dzin// rnal 'byor ma rnams rab tu 'gyur// de la thog mar re zhig rdo rje nyi ma me ltar 'bar ba chen po thal bar rab tu rlog pa zhes bya ba/ de bzhin gshegs pa thams cad kyi rdo rje chen po'i khro ba'i rgyal po'i bdag po mchog dang po yang dag par 'bebs par byed pa ste/ de bzhin gshegs pa thams cad kyi thugs rje chen po'i thabs kyis 'khon du 'dzin pa'i khro bo'i me 'bar ba'i rdo rje rdo rje dang bcas pa'i kha T+wAM ga'i rgyal mtshan dang nges par sbyor ba/ ba dan dang bcas pa'i dril bu 'chang ba/ rdo rje bsnyems pa'i bdag po shin tu khro ba 'beb pabs sgeg pa dang bcas pa'i smin mtshams kyi khro gnyer shin tu 'jigs par byed pa'i spyan ser po dang ldan pa'o/ / de bzhin gshegs pa thams cad rdo rje'i 'jigs pa chen pos 'jigs par byed pa'i spyan gyis blta ba'i phyag rgya 'dis stong phrag brgya bzlas pas 'grub par mdzad do/ / de bzhin gshegs pa thams cad rjes su chags pa dang / dgug pa dang / gzhug pa dang /

  253. 127b

    dbang du bya ba dang / 'bebs par nus so// thams cad nam mkha'i sbyor ba'i ting nge 'dzin dang lan cig brjod pa tsam gyis khams gsum ma lus pa'i rdo rje bdud rtsi la sogs pa'i bdud thams cad dang / de bzhin gshegs pa thams cad la bdud pa dang / drag por rab tu gtum pa dang / ma rungs pa'i sems can rnams dang / mkha' 'gro ma drag po thams cad dang / gang zhig nyan thos dang rang sangs rgyas rnams te/ de dag kyang thal bar zlog par 'gyur na/ dgra bo la sogs pa gzhan lha smos kyang ci dgos/ don yod cing thogs ba med pa dang / dngos grub thams cad dang / las kyi tshogs rnams la dgongs shing mchog tu grub pa'o// de nas bcom ldan 'das thugs rje chen po'i thabs shin tu drag po'i man ngag gi bzlas pa ni/ sna'i dbugs phra ba nyid kyis bden pa'i rdo rje tshig gi grub pa'i yid kyi 'dod pa las tham cad kyi dngos grub kyi tshogs rnams la dam pa mchog tu grub pa'o// hUM/ de nas mchog tu gsang ba'i rdo rje rnal 'byor gyi dbang phyug ma'i lha chen mo rnams kyis bshad par bya ste/ de la thog mar re zhig rdo rje chen po 'dod pa'i me 'bar ba zhes bya ba'i lha mo chen me rdo rje gzhu dang / mda' bstod pa'i spyan g.yon pa ste/ rdo rje spyan gyi lta ba'i phyag rgya 'dis thams cad sgrub par mdzad pa dang / sgeg pa dang bcas shing g.yo ba'i spyan gyi zur gyis

  254. 128a

    gzigs pa'i phyag rgyas btab pa tsam gyis thams cad la rgyas 'debs par mdzad pa dang / don yod cing thogs pa med pa dngos po thams cad dang las kyi tshogs rnam la dgongs shing mchog tu grub pa'o/ / de bcom ldan 'das yum 'di'i rdo rje phra mo'i g.yon pa'i khro ba'i bzlas pa ni yid kyi 'dod pas dngos grub thams cad dang las kyi tshogs rnams las mchog tu grub pa'o/ / hrIH/ gnyis pa ni rdo rje chen po 'dod pa'i me 'bar ba'i dam tshig gi lan zhes bya ba'i lha mo ste/ dbus su rang gi lhag pa'i lha bstod pa'i zhal 'dzum pa'i spyan cung zhig 'dzums shing dga' ba chen po'i rdo rje'i lta ba'i phyag rgyas 'dis thams cad grub par mdzad pa dang / tsum pa dang / 'khyud pa la sogs pa'i reg pa'i phyag rgyas rgyas btab pa tsam gyis thams cad la rgyas 'debs par mdzad pa dang / phyag rgya thams cad 'joms par mdzad pa dang / thams cad kyis gsod par mdzad pa dang / don yod cing thogs pa med pa'i dngos grub thams cad dang / las kyi tshogs rnams las dgongs shing mchog tu grub pa'o// de nas bcom ldan 'das yum 'di'i bya rog gi mgrin pa'i dbyangs kyis rdo rje dag gi khro bo'i bzlas pa ni yid kyi 'dod pas dngos grub thams cad dang las kyi tshogs rnams la mchog tu grub pa'o/ / hUM/ gsum pa ni rdo rje chen po'i 'dod pa'i me 'bar ba thal bar rlog

  255. 128b

    pa zhes bya ba'i lha mo chen mo ste/ bcom ldan 'das kyi rdo rje chen po dang / kha T+wAM ga'i rgyal mtshan 'chang ba dang / sgeg pa dang bcas pa'i bzhad pa smin mtshams kyi khro gnyer gyi khro bo spyan te/ rdo rje chen po'i khro bo'i ki li ki la khro ba'i spyan gyis lta ba'i phyag rgya 'dis thams cad sgrub par mdzad pa'o// badz+ra zhes bya ba dang / ru lu ru lu ru lu hrI zhes bya ba tsam gyis bdud thams cad 'joms pa dang / don yod cing thogs pa med par dngos grub thams cad dang / las kyi tshogs rnams la dgongs shing mchog tu grub pa'o// hi/ bzhi pa ni rdo rje chen po 'dod pa'i me 'bar ba thal bar rlog pa 'chi ba slong zhes bya ba g.yon bsnyems pa g.yas pas rang gi spyi bor rdo rje dril bu skyod par mdzad pa/ sgeg pa dang bcas pa'i spyan gyi shin tu gdang ba ste/ rdo rje rgyal po drin gyi spun gyis lta ba'i phyag rgyas thams cad sgrub par mdzad pa/ thal lcag la sogs pa dang / bzhad gad dang / brdeg pa dang / phyag rgyas rgyas btab pa'i 'chi ba thams cad slospong bar mdzad pa/ don yod cing thogs pa med pa/ dngos grub thams cad dang las kyi tshogs la dgongs shing mchog tu grub pa'o// de nas bcom ldan 'das yum 'di'i dril bu'i dbyangs kyi rdo rje khro bo'i bzlas pa ni yid kyis 'dod pas dngos grub thams cad kyi tshogs thams cad mchog tu grub pa'o/ / Sh+Tha/ de la sogs pa mtha' yas mchog/

  256. 129a

    chos dbyings mnyam dang mi mnyam pas// nam mkha'i khams ltar grangs med cing // nam mkha' kun gyis gnas skabs kyis// dkyil 'khor 'di la rab zhug / rdo rje mchog gi rnal 'byor gyi// dbang phyug ma lus kun nas 'bebs// de nas rdo rje rnal 'byor pa ston pa des rnal 'byor pa rang gi logs dag tu dgod pa yin te/ zla chos dkyil 'khor rnam pa yi/ / dkyil 'khor du ni dgod par bya// bkod nas thams cad kun mchog gi/ dngos grub dam pa bsgrub par bya// thams cad dgug dang mchod pa che// bdag byin rlab sogs sgrub pa yis/ / shin tu gsang ba'i dkyil 'khor de// brtag pa dang ni bsgrubs nas kyang // rdo rje 'dzin kun slob dpon gyis// rdo rje slob ma rnams gzhug bya// de la re zhig thog ma kho nar slob dpon gyis bcug ste/ tshogs kyi dkyil 'khor du dam tshig gsum gyis byin gyis brlabs kyis/ rdo rje rnal 'byor ma rnams logs dag tu bzhag nas/ skyes pa rnams kyang gzhug cing byang chub kyi sems kyis rdo rje chen po'i khro bo'i dam tshig dang sdom pa dag len du gzhug par bya'o/ / khye'u dang bu mo rnams rab tu gzhag la tshogs dang bcas pa'i rang nyid kyis zhugs te bsrung ba dang / bskyab pa dang / sba ba thams cad bya'o// de nas 'dir slob ma gzhug pa'i cho ga rgyas pa ni/ byang chub sems ni bla med pa// mchog tu bskyed par byas nas ni//

  257. 129b

    / gar byas spyi bor thal sbyar mchod// slob ma thams cad gzhug par bya// ci 'dod pa yi dngos grub bskyed// slob ma me tog dor du gzhug/ rnal 'byor ma ni gang la babs// de dang de yi lha mo 'grub/ / de nas gdong g.yogs bkrol nas ni// rnam pa kun tu yon blangs nas// rdo rje pad+ma'i dbang bskur gyis// dam tshig gsum ni gsal bar sbyin// 'dir mna' bsgag pa dang dbang bskur ba ni de nyid do/ / de la 'dir dam tshig gsum sbyin pa ni 'di yin te/ mi byed pa dang so sor rtogs// gdug pa thams cad gnon pa dang // sangs rgyas kun dngos rdo rje ste/ / byang chub sems ni che zhing bstan// mtshon cha de ni rgyal kun gyis// kun tu bzang po'i lag tu sbyin// bstan pa thams cad grub pa'i phyir// de phyir phyag na rdo rje yin// de nas rdo rje nyi ma me lhar 'bar ba'i mchog tu gsang ba ni/ rtag tu chags pa las byung khro// rdo rje sems dpa' gdul bya'i phyir// rdo rje nyi ma me ltar 'bar// mchog tu 'jigs par byed pa yin/ / de nas mchog tu gsang ba'i rdo rje rnal 'byor gyi mkha' 'gro ma rnams kyi gsang ba ni/ rdo rje nyi ma 'char las byung // de bzhin gshegs pa'i grib ma 'di// sprul te ma lus bdud la sogs/ / gdug pa'i khrag ni gsol bar spyod// ces bya ba ni gsang ba mchog gi de kho na nyid do// de nas 'dir mchog tu gsang ba'i chos nyid 'bebs pa'i dril bu ni/ shin

  258. 130a

    tu gdug cing drag pa dang / / bdag po rogs po bu rnams dang // shin tu gnyid ni log pa dag/ rdo rje mchog ni 'dzin pas gsungs// zhes bya ba ni bcom ldan 'das kyis gsungs so/ / mchog tu gsang ba'i chos nyid 'bebs pa'i rdo rje kha T+wAM ga ba dan gyi dril bu thams cad 'bebs pa dang / rab tu sgrub par byed pa dang / thams cad ltung bar byed pa dang / slong bar byed pa'o// de nas rnal 'byor mchog gi dam tshig ni/ khrag chen ga pur dang bcas pa// tsan dan dmar dang sbyar ba ni// tshogs kyi nang nas rab zhugs nas// rdo rje dang bcas rdo rje 'dzin/ / srin lag mthe bo'i rtse mo yis// nam mkha' thams cad sbyor mchog ldan// zla ba'i btung ba bzhin myangs na// rtag pa'i dngos grub thob par 'gyur// 'dod pa kun la longs spyod cing / / ci 'dod pa ni bsnyen bzhin du// nam mkha' kun mchog sbyor ba yis// dngos grub thams cad thob par 'gyur// nam mkha' kun mchog sbyor ba yis// nam mkha' thams cad ces brjod cing / / rdo rje phyag rgyas btab pa yis// 'jig rten gsum yang bza' bar bya// dngos grub las dang de bzhin bde// 'di la cung zad mi sgrub med// las kyi tshogs kyi dngos grub kyis// don sgrub ma lus sgrub par 'gyur// don yod mchog tu grub pa dang // gdug pa thams cad gnon par byed// sdug bsngal kun 'gro dpal

  259. 130b

    dang ldan/ / rnal 'byor 'di ni las kun byed// ces bya ba mchog tu gsang ba'i bcom ldan 'das rdo rje sems dpas gsungs so// de nas ro dang bza' ba spyod pa glu// rol mo'i mchod pa sogs kyis mgon la spyod/ / phul ba de yi rdo rje bla ma che// bdag dang gzhan rnams mchod par bya// myos byed myos byed btung ba ni// ci 'dod par ni bsnyen pa yis// rdo rje nyi ma me 'bar sogs// ji bzhin rjes 'gro'i bzlas pa bzla// rang gsang tsho gas blangs pa yi// glu dang rol mo gar rnams dang // sna tshogs phyag rgya'i mchod pa dang // khams gsum rnam rgyal la sogs pa// bud med tshogs dang bcas pa yis/ / mchod pa rgya chen thams cad dang // ci 'dod pa yi longs spyod kyis// mchod pa byas nas rab tu sgrub// ces bya ba mchog tu gsang ba bcom ldan 'das rdo rje sems dpas gsungs so/ / de nas de bzhin gshegs pa thams cad 'dus pa la sogs pa'i dbugs dbyung ba sbyin par bya ste/ 'gro ba kun gyi khams rnams kyi// phra rab rdul dang mnyam pa nyid/ / rtog pa'i rgyal po grub pa ste// sangs rgyas la sogs mchog grub pa'o// gang zhig blo ni dpag med pa'o// khyad par du ni dmigs mi 'gyur// de bzhin gshegs pas bden pa ni/ dam pa thams cad bsdus pa'o// zad pa thams cad zad 'gyur dang // 'phel ba thams cad 'phel bar 'gyur// gang zhig mthong bas mi snang 'gyur// gang nas kyang ni 'jig

  260. 131a

    mi byed/ / drag po dbang po nye dbang zla// nyi ma mkha' 'gro tshogs dkyil 'khor// khros nas yi ge hUM tsam gyis// ma lus pa ni thal bar byed// rnal 'byor mkha' 'gro ma'i dkyil 'khor/ / mchog tu zhugs nas mthong nas ni// sdig pa kun las rnam grol te// khyod rnams dang ni rab tu gnas// slar khyod 'chi ba yod min te// khyad par du ni ngan 'gro med/ / gzhan gyis mi thub mi sod cing // cis kyang mi 'jigs dga' bar gyis// shin tu srid pa'i dngos grub rnams// ston pa'i mchog tu gyur pa yin// dam chog sdom pa grub pa 'di// rtag tu yang ni srung ba 'di// sangs rgyas kun gyis 'thun par gsungs// dam pa rtag pa'i bka' yin no// byang chub sems ni spang mi bya// dam chos de bzhin dam tshig dang // slob dpon smad par mi bya ste/ / gang phyir rdo rje 'dzin kun de// sems can kun la phan phyir dang // theg pa thams cad grub pa'i phyir// gdug pa 'dul bas dag pa zhes// rdo rje mchog ni 'dzin pas gsungs/ / shin tu gdug cing gtum pa dang // bdag po'i grogs po bu rnams kyang // phyag rgya'i rnal 'byor mngon spyod kyis// shin tu gnyid ni log tu gzhug/ rtag tu rang gi dal tshig bsrung / / rtag tu de bzhin gshegs rnams mchod// rtag tu bla ma la yang dbul// de la phul na 'bras bu che// de byin sangs rgyas thams cad la// rtag tu byin pa

  261. 131b

    nyid du 'gyur/ / de byin bsod nams tshogs rdzogs te// tshogs las dngos grub mchog tu 'gyur// deng khyod skye ba 'bras bur bcas// gang phyir 'di la rab tu gnas// dam tshig/ rgyal po dang mnyam par// sangs rgyas kun gyis byin gyis brlabs// sangs rgyas rdo rje 'dzin rnams kyis// de ring khyod la dbang bskur bas// khams gsum gyi ni rgyal srid che'i// stobs dpal 'khor lo sgyur ba yin// rdo rje dam pa'i gsang mchog rnal 'byor ma'i// mchog gi dam tshig gsang ba mthong nas ni// bdud la sogs pa'i sha yang zos nas ni// de bzhin gshegs sbyor thob nas khyod grub yin// zhes bcom ldan 'das rdo rje sems dpas gsungs so// dpal mchog dang po las/ mchog tu gsang ba'i rdo rje rnal 'byor gyi mkha' 'gro ma dkyil 'khor gyi cho ga shin tu grub pa'o/ / de nas 'phags pa spyan ras gzigs kyi dbang phyug gi mchog tu gsang ba 'gro ba 'dul ba'i cho ga ni/ ras la bcom ldan bri bar bya/ / pad+ma gar gyi dbang phyug gtso// glog gi 'khor lo yongs 'khor ba'o// 'khor ba'i rnam 'phrul gar rnams kyis// pad+ma la sogs phyag mtshan bri// phyag rgya 'khor lo ltar mdzad pa/ / de yi logs ni thams cad la// khro gnyer ma sogs bri bar bya// drag po la sogs phyag mtshan gzugs// pad+ma'i lha mor pad+ma bcas// dkyil 'khor/

  262. 132a

    de ni brtag byas nas// gsang ba'i dkyil 'khor dam pa ni// mtshon cha mchog gi cho ga yis// thams cad byas nas 'di brjod bya// de nyid sangs rgyas bcom ldan 'das spyan ras gzigs kyi dbang phyug ste/ / 'dul ba'i thabs kyis dag pa yin// rol mo'i gar gyis mdzad pa yin// zhes bya ba ni mchog gi rdo rje ste/ ji ltar pad+ma dmar po ni// gnas kyi nyes pa sna tshogs kyis/ / tshon gyi nyes pas mi gos pa// de bzhin khams gsum dag pa'o// zhes bya ba ni mchog tu gsang ba'i chos nyid kyi dril bu'o// cho ga gang dang gang dag gis// 'gro ba rnams kyi 'dul 'gyur ba/ / pad+ma dag mchog rnal 'byor bdag/ de dang de yi bdag por bya// zhes bya ba ni rdo rje thams cad kyi chos kyi dam tshig go// de nas ji lta ba bzhin du pad+ma gar gyi mchod pas mchod la/ cho ga thams cad rjes su spyad par bya'o// de nas bcom ldan 'das nam mkha'i snying po don thams cad 'grub pa'i cho ga ste/ nyi ma'i dkyil 'khor bris nas ni// ras ris de ni blo gros che// ljang khu bai DUR+Ya dang mtshungs// nam mkha'i snying po bri bar bya// de yi 'od kyi 'khor lor brten// dbang bskur ma dang gter ma dang // rgyal mchog mang ba mchod pa'o/ / gsang ba'i dkyil 'khor dam pa de'i// 'khor lo brtag par byas nas ni// mtshon cha mchog gi cho ga yis/ cho ga rgyas pa ji bzhin pa'o// de ni rdo rje mchog

  263. 132b

    de ni/ / nyi ma 'di ni dam pa ste// de bzhin gshegs pa thams cad mthong // nam mkha'i snying po bcom ldan 'das// bsam pa thams cad yongs rdzogs mdzad// de nas chos kyi rin po che'i dril bu ni/ bsam pa grub pa thams cad kyi// nor gyi bsam pa grub pa mchog/ de yang 'dod pa rab sgrub phyir// 'dod las thar pa bde ba che// zhes bya'o// dman min rnams ni sbyin bya'o/ / 'dod pa kun gyi bde ba rnams// bdag nyid dang gzhan rnams la ni// bsam pa thams cad rdzogs phyir ro// zhes bya ba ni dam tshig gi mchog go// dam chog 'di yis mchog tu ni/ / rdo rje sems dpa' bde ba che// myur du yang dag dam pa mchog/ mi 'gyur mchog ni grub par mdzod// de ltar gsang ba mchog gi tshul dag ni// ji bzhin cho ga mchog tu rgyas pa ste/ / mchog chen des ni rtog pa thams cad kyi// khyad par dngos grub thams cad 'grub par 'gyur// dpal mchog dang po las/ rtog pa thams cad kyi sgrub pa'i cho ga'o// / de nas grub chen thams cad kyi// sgrub pa'i mchog ni bde ba che// rdo rje sems dpa' phyag rgya ste// rtog pa kun mchog grub pa'i phyir// snod ma yin pa'i sems can gang // sdig pa thams cad byed rnams la/ / mthong ba la sogs sems can do// sems dpa' chen pos mdzad pa yin// mthong med long ba de rnams ni// bsod nams med tshogs rtags ldan la// rdorje

  264. 133a

    sems sogs sems dpa' mchog/ mthong ba'i thabs kyi rgyu rnams ni// bsod nams sems sogs sems mchog gi/ sku gsung thugs kyi rdo rje yis// dam tshig mchog ni bcing ba ste/ / dam tshig 'da' bar dka' ba'o// rdo rje sems sogs sems dpa' yi// gang phyir sku rnams brtan pa ni// de yi phyag rgyar grags pa ste// dngos grub kun phyir de dag sprul/ / gang dag bzung ba tsam gyis ni// rdo rje sems dpa' la sogs mchog/ mthong zhing mngon par mthong ba nyid// mchog bsdus nyid du gyur pa yin// phyag rgya bcings pa tsam gyis ni/ / gang phyir bsdus par gyur pa ste// rdo rje sems sogs sems dpa' rnams// nyams pas 'jigs pas 'grub mi 'gyur// ji ltar rgyal po rnams kyi bka'i// rtags kyi phyag rgya 'da' dka' ba/ / phyag rgya gsang ba kun gyis kyang // 'da' bar nus pa ma yin no// sangs rgyas nyid dam rdo rje 'dzin// de ltar bskal pa bye bas kyang // thob par mi 'gyur myur du ni// ji ltar phyag rgya mchog gzung ba'o/ / ji ltar 'dul ldan 'jig rten ni// de ltar dngos grub gsungs pa yi// de yi thabs ni phyag rgya ste// dngos grub thams cad mchog tu byed// gang zhig bcing ba tsam gyis ni/ / 'dus na bde ba chen po rnams// rdo rje sems sogs skad cig gis// byin gyis brlabs par bstan par mdzad// ces bya ba'o// de nas 'di gsungs nas bcom

  265. 133b

    ldan 'das kyis mkhas shing mchog tu phra ba dang / zab pa dang / rgya che ba/ bsam gyis mi khyab pa/ mchog tu dag pa/ thog ma dang tha ma med pa/ mi zad cing zad pa med pa/ don yod cing thogs pa med pa/ shin tu mchog tu dga' ba ma lus pa'i bde ba chen po dang / yid mi bde ba ma lus shing lus pa med pa'i sems can gyi khams thams cad kyi dngos grub chen po'i dbang phyug chen po'i mchog tu mi 'gyur ba'i dngos grub thams cad kyi mchog rdo rje dbab pa rnams kyis rab hu sad par mdzad nas/ bde ba chen po rdo rje gsang ba'i don yod pa'i mchog gi gsang ba zhes bya ba'i mtshon cha mchog tu gsang ba'i cho ga rgyud phyi ma'i mchog byin gyis rlob par mdzad pa'o/ / de nas de bzhin gshegs pa thams cad kyi dam tshig gis bdag la byin gyis brlab pa gcig pu'i cho ga bshad par bya'o zhes bya ba bcom ldan 'das rdo rje sems dpas gsungs so/ / nyin re sngon du lan cig tu// phyag rgya che dang snying po bzla// kun gyi phyag rgya rab grub pa'i// bdag byin rlabs pa gcig pu'i 'grub// ces bya ba ni mchog tu grub pa'o// de nas mchog tu gsang ba dag la byin gyis brlabs pa gcig pu sgrub pa'i cho ga mchog grub pa ni/ lan cig dam tshig gsum mchog tu// gsang ba dam pa'i khang par ni/ / rdo rje la sogs thob zung na// rdo rje can gyi byin rlabs 'gyur// de nas shin tu mchog tu gsang ba'i bdag la byin gyis brlabs pa gcig pu sgrub pa'i cho ga rgyas pa'i khyad par

  266. 134a

    shin tu mchog tu grub pa ni/ rdo rje dril bu kun bdag nyid// sna tshogs phyag rgya'i skur bdag ldan// phyag rgya kun gyi rnal 'byor bdag/ rdo rje sems dpa' nyid du 'gyur/ grub pa'i cho ga 'di yis ni// rdo rje sems dpa' yang dag bsdus// kun mchog dngos grub chen po yi// dbang phyug chen po nyid byin brlabs// don yod rab tu bdag byin brlabs// rang bzhin gyis ni thams cad du/ / mdor na phyag rgya thams cad ni// dngos grub las dang de bzhin bde// thams cad byir rlabs sgrub pa yi// mi 'gyur ba ni kun sgrub byed// ces bya ba bcom ldan 'das rdo rje sems rapas gsungs so/ / dpal mchog dang po las/ dngos grub thams cad byin gyis brlab pa'i cho ga mchog tu gsang pa zhes bya ba'o// / de nas yang mchog tu gsang ba'i rnal 'byor thams cad kyi cho ga rjes su bshad par bya'o zhes bya ba bcom ldan 'das rdo rje sems dpas gsungs so/ / de la thog ma kho nar re zhig don yod cher ni rnal 'byor gyi skad kyi dbyangs so/ / 'di yang brtson pa yin no zhes bya ba ni skad cig dbyings kyi don to// gang zhig brtson pa yin zhe na/ smras pa/ rang gi lhag pa'i lha rjes su dran par sbyor bas na rnal 'byor ro/ slar yang gzhan ni yang dag par bsdu ba dang / yang dag par kun tu sbyor ba dang / yang dag par sbyor ba zhes bya ba ni rnal 'byor brjod pa'i rnam grangs so// gang yang dag par kun

  267. 134b

    tu sbyor ba yin zhe na/ rang gi lhag pa'i lha rjes su dran pa'i rnal 'byor rjes su bsgrubs pas rang gi lhag pa'i lha'i rnal 'byor bsgrub pa'i sbyor ba bya zhes bya'o// de la ji ltar thams cad kyi rnal 'byor yin zhe na/ dam tshig gi rnal 'byor ni thams cad kyi rnal 'byor zhes bya ba yin no// de bzhin gshegs pa kun gyis kyang // 'da' ba ru ni mi mdzad pas// phyag rgya dam tshig ces su bsgrags/ / yid kyi gzugs ni brtan phyir ro// zhes bya ba ni dam tshig gi don to// de la rjes su sgrub pa'i rnal 'byor ni dam tshig gi rnal 'byor te/ thams cad kyi rnal 'byor zhes bya'o// 'a'adi lta ste/ rdzas mang po yang dag par sbyar bas sbyor ba zhes bya ba grub pa de bzhin du/ thams cad kyi bdag nyid kyi phyag rgya'i sbyor bas dag par kun tu sbyor bas na thams cad kyi rnal 'byor ni dag tshig gi rnal 'byor ro/ / de la ji ltar na thams cad kyi bdag nyid kyi rnal 'byor yin zhe na/ sangs rgyas kun bdag yang dag sbyor// ji lta'i dbyibs dang sku dang ldan// bdag nyid bdag nyid la ni/ / bkod nas rjes su bsgrub par bya// zhes bya ba ni rang gi dam tshig rnal 'byor thams cad kyi rnal 'byor zhes bya'o// de la rjes su sgrub pa ni// lhag pa'i lha ni gang gang gis phyag rgya gang dang gang 'ching ba/ de dang de yi rnal 'byor gyis// phyag rgya de dang der sbyor bya// zhes bya ba'o// gnas mchog tu gsang ba'i rab mchog gi rjes su sgrub pa'i tshi ga rdzas pa

  268. 135a

    mchog tu shin tu grub pa ni/ bdag ni sangs rgyas thams cad nyid// gzi brjid can ni nyid kyang yin// rang gi lha yi rnal 'byor gyis// de phyir bdag nyid brtag par bya// phyag rgya thabs kyi rnal 'byor chen po mchog tu gsang ba zhes bya'o// de nas mchog tu shin tu gsang ba'i mchog gi rjes su sgrub pa'i cho ga rgyas pa'i khyad par shin tu mchog tu grub pa ni/ rang sbyor ba ji bzhin du/ / sna tshogs phyag rgya'i dbang bskur ldan// phyag rgya kun bdag rnal 'byor bdag/ mi 'gyur mchog tu grub par 'gyur// rtog pa thams cad kyi sna tshogs pa'i dam tshig mchog gi rnal 'byor ni yang dag par kun tu sbyor ba zhes bya'o/ / de nas gzhan yang slar mchog tu gsang ba mchog tu gsang ba mchog gi rjes su sgrub pa'i cho ga rgyas pa'i khyad par mchog tu grub pa las shin tu mchog tu grub pa zhes bya ba ni/ rdo rje sems dpar bdag sbyor ba'i// ji bzhin dbyings dang skur ldan pa// kun bdag phyag rgya'i rnal 'byor bdag/ mi 'gyur mchog ni grub par 'gyur// 'di ni sangs rgyas thams cad kyi// dam tshig gsal ba'i rjes 'gro ba// rnal 'byor kun bdag grub pa ste// gsal zhing gi tu grub mchog yin/ / 'di yis mi 'grub cung zad med// dngos grub las dang de bzhin bde// las kyi tshogs kyi dngos grub dang // dngos grub ma lus myur du 'grub// ces bya

  269. 135b

    ba ni gsang ba'i dam tshig gi rnal 'byor te shin tu mchog tu rab tu grub pa'o/ / 'dod pa kun la longs spyod cing // ci 'dod par ni brten pa yis// rnal 'byor dag ni 'di dag gis// rang gi bdag nyid rab mchod bya// zhes bya ba 'di ni de bzhin gshegs pa thams cad kyi shin tu gsang ba bla na med pa theg pa chen po'i dam tshig chen po'i rnal 'byor// de bzhin gshegs pa thams cad kyi dpal gyi rang gi dam tshig rnal 'byor/ dga' ba chen po'i dpal rdo rje don yod pa'i dga' ba'i dam tshig rnal 'byor thams cad kyi bla na med pa'i bcud kyis len gyi mchog gi dngos grub kyi rnal 'byor gyi rgyal po de bzhin gshegs pa bcom ldan 'das dpal rdo rje sems dpa' 'o/ / rdo rje sems dpa'i mchog gi tshe dang / na tshod gzhon pa dang / nad med pa dang / gzugs dang / kha dog dang / gzi brjid dang / mthu dang / stobs dang / spro ba dang / dngos grub mchog thams cad dang / dpal dang / skal ba bzang po dang / dga' ba chen po dang / shin tu bde ba dang / yid bde ba thams cad la dam pa mchog tu 'grub pa'o// ji srid ma lus shing lus pa med pa lus pa'i dngos grub chen po dam pa thams cad kyi dbang phyug chen po'i bdag nyid la sogs pa'i dngos grub thams cad kyi las kyi tshogs mchog tu grub pa ste/ rgyas btab pa tsam gyis skar cig gis rab tu grub pa yin no// de'i rgyu gang gi phyir zhe na/ 'di lha ste/ spyod pa

  270. 136a

    phyag rgyal rag lus/ / phyag rgya rnal 'byor la gnas pa// rnal 'byor khyad par gyis bsgrub bya// rnal 'byor dam tshig gis sgrub byed// sems ni stong pa sgyu mar mtshungs// lus dang bral bar ma grub ste// lus de yang ni rtsig pa 'dra// bya ba med cing sems dang bral// sems kyang lus dang bral ba dang // lus kyang sems dang bral ba ni// grub pa ma yin de bzhin 'di/ phyag rgya rnal 'byor cho gar brjod// ji ltar lus ni sems kyi sa dang // sems kyang lus kyis 'grub 'gyur ba// de bzhin phyag rgya rnal 'byor gyis// rnal 'byor dam tshig bsgrub pas so/ / de ltar dam tshig rnal 'byor dag/ phan tshun du ni sgrub pa'i phyir// phan tshun du ni rtag bdag nyid// de bzhin gshegs par 'grub par 'gyur// zhes bya ba ni shin tu mchog tu gsang ba mchog bcom ldan 'das rdo rje sems dpas gsungs so/ / de la ji ltar phyag rgya thams cad dang rnal 'byor dag rjes su sgrub pa yin zhe na/ phyag rgya sku ni bstan pa'i phyir// de yang bde bas brtan par 'gyur/ / sdug bsngal gyis ni g.yo 'gyur ram// yang na 'ching thob par 'gyur// de ni rnal 'byor sems las byung // yid bde ba yis rab tu sgrub// yid mi bde bas g.yo ba'am/ / yang 'gog pa yang thob par 'gyur// de phyir 'bad pa thams cad kyis// phyag rgya rnal 'byor rjes sgrub byed// dka' thub med cing nges pa med// bde ba dga' bas

  271. 136b

    bsgrub par bya/ / zhes bya ba shin tu gsang ba bcom ldan 'das rdo rje sems dpas gsungs so// de la dam tshig thams cad kyi rnal 'byor rjes su sgrub pa'i bde ba de gang yin zhe na/ 'dod pa kun la longs spyod cing / / ci 'dod par ni brten pa yis// rang gi lha yi rnal 'byor gyis// bdag dang gzhan rnams mchod par gyis// zhes bya ba'o// de bzhin gshegs pa thams cad mchog tu gsang ba bla na med pa'i theg pa chen po'i rnal 'byor bcom ldan 'das rdo rje sems dpa' mchog tu bde ba zhes bya'o/ / de la dam tshig thams cad rnal 'byor rjes su sgrub pa de gang yin zhe na/ dka' thub nyes pa mi zad pas// sdug bsngal ldan pas myur du bskams// sdug bsngal gyis ni sems g.yengs 'gyur// rnal 'byor pa ni sbyor ba min// de phyir ci 'dod la spyod pa/ / kun za de bzhin thams cad byed// ci 'dod bya ba la spyod pa// ci 'dod par ni spyod pa spyod// gang dang gang du 'chag pa dang // dgod pa 'am ni smra ba 'am// gang yang de rung ji bzhin te/ / dkyil 'khor du ni ma zhugs pa// sgrib pa rnams dang ldan pa 'am// rang gi lha yi rnal 'byor bdag/ tshig gis kyang ni de bzhin 'gyur// de nyid rnal 'byor 'di yis ni/ / thams cad nyid ni bsgrub pa bya// ngan spyod sdig pa thams cad kyis// rnam pa kun tu gnod mi 'gyur// 'dod pa chen po kun bdag nyid// dbang phyug dam

  272. 137a

    pa 'grub par 'gyur/ / thams cad rdo rje 'dzin rgyal po// kun mchog dbang phyug dam pa'o// sangs rgyas byang chub sems dpa' nyid// rnal 'byor 'di yis rnyed snga na/ / dngos grub rnams dang las mchog gi/ tshogs rnams gzhan lha smos ci dgos// don yod mchog tu grub pa dang // phyag rgya thams cad rjes sgrub byed// dpal ldan sdug bsngal kun 'phrog pa'i/ / rnal 'byor 'di ni mi 'gyur mchog/ ces bya ba mchog tu yid bde ba bcom ldan 'das rdo rje sems dpas gsungs so// de la rnal 'byor thams cad bcing ba ji ltar yin zhe na/ bsam pa med cing thams cad smra// de bzhin tham cad bsams na kyang// ye shes tsam la snyoms 'jug pa// rang bzhin nyid du snyoms par zhugs// de la ji ltar rnal 'byor thams cad bcing ba dang lung bstan pa yin zhe na/ rang gi lha yi sbyor ba yis// dngos grub thams cad rab sbyor bas// ye shes tsam la sbyor ba 'dis// rnal 'byor zhes ni brjod pa yin// zhes bya ba ni phyag rgya thams cad kyi rnal 'byor gyi cho ga mchog tu gsang ba zhes bya'o/ / de nas bcom ldan 'das kyis thams cad rnal 'byor dang / rnal 'byor chen po dang / shin tu rnal 'byor bcings pa dang / lung bstan pa gsungs te/ rdo rje sems dpa' bdag sbyor bas// mchod pa kun gyis rjes sbyor ba// rnal 'byor thams cad rab sbyor 'di// rnal 'byor zhes ni rje

  273. 137b

    bar bya/ / de la 'di ltar brjod bya ste// de nyid chen po 'di 'grub ste// mchog gi bdag nyid 'di nyid ni// shin tu mchog tu gsang ba ste// sa sar skye bo la brjod min// rdo rje sngong dpon slob ma mchog/ de nyid dad pa'i rjes 'brang ba'i// thams cad rnal 'byor cho ga sbyor// gzhan rnams la ni rims kyis so// 'di la sgrub med cung zad med// dngos grub las dang bde ba dang / / thams cad rnal 'byor rjes sgrub pas// mi 'gyur thams cad sgrub par byed// rnal 'byor cho ga gsal ba 'di// gcig pu'ang gang la yod gyur na// gzhan gyis mi thub mi sod cing / / bdud la sogs pa gnod mi 'gyur// de la rgyal po rdo rje 'dzin// rdo rje sems dpa' de bzhin gshegs// kun mchog dngos grub chen po yi// rnal 'byor dbang phyug rab grub 'gyur/ / zhes bcom ldan 'das rdo rje sems dpas gsungs so// dpal mchog dang po las/ shin tu gsang ba'i rnal 'byor thams cad kyi mchog tu gsang ba'o/ / // de nas rtog pa thams cad don yod cing thogs pa med pa mchog tu mkhas shing phra la rgya che zhing zab la bsam gyis mi khyab cing shin tu tshad med pa/ ma lus shing lus pa med pa'i mchog gi dngos grub la sogs pa'i dngos grub thams cad rab tu mchog tu grub pa'i rgyas pa'i rgyud bshad par bya'o/ / zhes bya ba phyag rgya thams cad kyi ye shes kyi rlung bshad

  274. 138a

    par bya'o zhes bya ba phyag rgya thams cad kyi ye shes kyi rgyud bcom ldan 'das rdo rje sems dpas gsungs so/ / g.yon pa'i bang bar dgod pa la// zhabs kyi pad+mo cing de bar/ / sems dpa'i skyil mo krung bcings te// rang nyid lus ni drang por 'dzin// rdo rje gsor bas kun las rgyal// mchog gi dngos grub kun gyi phyir// sku gsung thugs kyi rdo rje yis/ rdo rje sems dpa' nyid du 'gyur// 'dis ni rdo rje sems dpa' 'am// sangs rgyas nyid ni gzi can nyid// dngos grub kun gyi dbang phyug yin// tshe 'di nyid la 'grub par 'gyur// zhes bya ba thams cad kyi bdag nyid brtan pa'i bcom ldan 'das rdo rje sems dpas gsungs so/ / dkyil 'khor du ni ma zhugs kyang // phyag rgya chen po yongs bzung bas// bde bar gshegs pa rnams kyis kyang / / phyag byas mchod cing bkur bar 'gyur// gang gis 'di mthong phyag byed pa// bstod pa dang ni mchod par byed// ston pa mthong ba phyag byed dang // de yis bdag po mchod par 'gyur/ / dngos grub kun gyi chags chen po'i// bde ba phun tshogs dbang phyug che// phyag rgya chen pos 'grub 'gyur te// rdo rje sems dpa' gnyis pa 'dra// lha la sogs pa'i dngos grub kun/ / las kun gyi ni bde ba yang // phyag rgya chen po'i byin rlabs kyis// khyad par du ni rab tu 'jug/ de yis mi 'grub gang yang med// dngos grub las dang de

  275. 138b

    bzhin te/ / phyag rgya chen po'i byin rlabs pas// bsgrubs pa'i spobs kyis mchog kun 'byung // de nas thog ma dang tha ma med pa'i rdo rje sems dpa' la sogs pa'i sems dpa' chen bopo kun gyi dkyil 'khor chen po'i thams cad kyi dam tshig dang / chos dang / las dang / gdon mi za bar dgug pa dang / gzhug pa dang / 'bebs pa dang / rjes su chags pa dang / dbang du byed pa dang / sgrub pa thams cad dang / mchog gi sgrub pa dang / mchog gi sgrub pa thams cad kyi dam tshig chen po phyag rgya bde ba chen po'i rdo rje gsang ba'i de ma chog ces bya ba'o// de bcing ba ni 'di yin te// sor mo thams cad mnyam sbyor bas// rdo rje thal mo zhes brjod do// kun mchog nang du bsdams pa yis// rdo rje bsdams pa bshad pa yin// rdo rje bsdams pa'i nang du ni/ / mdzub mo mthe bong yang dag sbyar// g.yas pa'i mthe bong rtags kyis ni// rtse mo bkug nas btsir ba bya// mda' lngas bsdus pas bcings nas ni/ dbus ma bcings pa'i nang du gnas// mthe bong mthe'u chung rdo rje bsnyems// de yi dang po rdo rje mchog/ rdo rje bsdam pa de bcings nas// dbus ma'i rdo rje lcags kyu gnyis/ dgug pa'i tshul ni de nyid kyis// rang gi snying khar lcags kyu 'debs// lcags kyus rgyal po 'di yis ni// rdo rje sems dpa' rgyal po che// dga' ba'i rdo rje lcags kyus

  276. 139a

    dgug/ slar yang nye ba'i snying po sgrub// snying khar brdeg pa drag po na// rjes su chags pa'i me yis gdungs// snying po phyogs pas dbang grur dgyes// myur/ du byon nas 'grub par 'gyur// zhes bcom ldan 'das chags pa chen po dang bde ba chen po bcom ldan 'das rdo rje 'chang chen pos gsungs so// de bzhin du de bzhin gshegs pa thams cad dang / byang chub sems dpa'i rdo rje la sogs pa dang / brtan pa dang / g.yo ba'i dngos po thams cad rgyas btab pas 'ongs te myur du 'grub par 'gyur ro// gal te ma 'ongs na 'jig par 'gyur ro/ / bde ba chen po rdo rje don yod pa'i dam tshig ces bya ba'i snying po'i mchog gi phyag rgya'o// rdo rje mchod yon rdo rje thal mo shin tu rab tu brkyang ba'i thal mo'o// de nas dang po'i rdo rje phyag rgya'i dbus ma'i rdo rje gzung ba'i me tog gi lcug mas bzla bar bya'o/ / rdo rje'i chu dang rdo rje khu tshur gyis dbang bskur na thams cad bdag po nyid dang / tshe 'phel ba la sogs pa'i dngos grub thams cad la dgos pa yin pas btung ba byas nas sdug bsngal thams cad 'joms pa yin no/ / de nas dang po dkyil 'khor du 'jug pa'i phyag rgya ni/ ba dan gsum dang kha T+wAM ga bcings nas mi nus par ni dga'/ / rdo rje gar bskor sgrol ba yi// yongs su bskor ba 'dzin pa che// ka pu ta yi kha sbyor ni// spyi bor gzhag ste phab nas kyang // sgeg bcas mdzub

  277. 139b

    mo mthe'u chung sogs/ / bkrol nas rdo rje can la dbul// 'di yi 'khor du ma zhugs kyang // rdo rje slob dpon nyid thob 'gyur// rang nyid zhugs pa tsam gyis ni// mchod pas don yod grub phyir ro/ / yongs su rdzogs pa'am ma tshang ba// yang na slar yang ci rnyed pa'i// me tog la sogs mchod pa yis// thun mong dngos grub kun 'grub pa'i// ba dan gsum mchog kha DA ga ldeg bcas mtha' ma la sogs bkrol/ / glog 'gyu mchog tu bskor ba yis// rdo rje gar gyi mchod pas mchod// sgeg pa dang bcas pa'i 'dzum pa'o mig gis phyag 'tshal bas rdo rje sems dpa' dang / de bzhin gshegs pa thams cad kyang rjes su chags par byas nas phyag byed du gzhug pa'o// rdo rje thal mo bskor bas ma lus par byas nas thams cad la bsgod pa'i phyag rgya'o/ / de bzhin gshegs pa thams cad lcags kyu mchog ni rdo rje bsdams pa'i mthe bong brtan pa'i skyil mo krung mdzub mo gnyis bkug pa'i lus dbus ma mnyam pa'i kha 'bus pa'i mchog gi yan lag spyi bor bzhag la/ g.yas logs thams cad la cod pan bcings la mdun rdo rje khu tshur gnyis kyi gdud pa'i tshul byas te/ 'phreng ba bcings pa byas la sgeg pa dang bcas pabs mthe'u chung la sogs pa bkrol te/ logs gnyis la dar dpyangs 'ching ba'i tshul byas la mnyam pa'i thal mo rgyas btab pas rdo rje sems dpa'i dbang bskur bar 'gyur ba yin

  278. 140a

    no/ / de nas bde ba chen po na rdo rje'i bdud rtsi'i chus dbang bskur bar bya ste/ thams cad kyi rdo rje slob dpon nyid dang rdo rje 'chang chen po nyid du 'gyur ba yin no// rdo rje khwa tshur gyis rdo rje rtse lnga pa rdo rje'i 'od zer 'bar ba'i rtse mo can kha dog dmar por sbyin par bya'o/ / slob mas kyang slob dpon la yon phul la/ de nas me tog la sogs pa'i dbang bsgyur ba thams cad kyis slob dpon las rdo rje thal mo bskor ba'i phyag 'tshal ba'i phyag rgyas blang bar bya ste/ de ltar na dkyil 'khor thams cad kyi cho ga'o// de nas dngos grub thams cad kyi dbang phyug grub pa'i rdo rje 'chang chen po rgyal po sgrub pa'i phyag rgya'i rgyud ni/ bde ba chen po'i gsang ba chen po'i lcags kyu rang gi snying po'i sngags lan cig brjod pas rdo rje sems dpa' spyan drang ngo // sems dpa'i skyil mo krung dang ldan pas rdo rje gar gyi mchod pa 'bul bas glog 'gru ba'i gar dang / rdo rje khu tshur yongs su gzung bas bsnyems pa dang bcas pa'i rdo rje mtshon cha la sogs pa bsgreng bar byas la sgeg mo dga'i rdo rje mas phyag bya'o/ / rdo rje glu len cing bzlas pa'i don ni/ rdo rje gar gyi mchod pa yis// yang dag mchod na myur du 'grub// de las dang po'i rdo gsang ba'i glu 'di dang po la sogs pa rnams kyis blang bar bya ste/ thams cad bde ba dam pa rjes su chags pa'i thugs// rdo rje sems dpa' khyod ni rab tu dga' ba yin// bde ba

  279. 140b

    chen po brtan zhing 'thor bar bdag gyur cig/ so sor rtogs nas myur du bsgrubs shing phyag 'tshal lo// rdo rje glu ni 'di nyid kyis// bde chen la ni lan cig bstod// rjes su chags nas shin tu dgyes/ / brtan par gyur nas sgrub par 'gyur// phyag rgya chen po lan cig tu// snying pos bdag byin brlab par bya'o// shin tu g.yo med lce rtse dang // so dang mchu gnyis yang dag ldan/ / rdo rje dag ni dbyangs dang bral// rigs kun rab tu sgrub par byed// ri bi ta sogs hUM gi glu// rgyan ldan ci 'dod mi nus par// drug ldan la sogs snyan pa'i glu// ci 'dod gra ma ra ga'i glu/ / rab dga' rdo rje mchog gis ni// gAn d+ha ra ba yi glu mchog blang // ngag 'di ni mchog tu grub pa yin te/ bzlas pa thams cad la dgos pa ji srid mngon par 'dod pa'i bzlas pa'o/ / bzlas pa'i don ni nye ba'i snying po shes pa yin te/ rdo rje sems dpa' sgrub pa'o// phyag rgya chen pos rang la byin gyis brlabs pas/ rdo rje'i lta bas de bzhin du lta zhing rdo rje bsnyem pas 'dzin cing / yi ge hUM gi glu'i bzlas pa bcom ldan 'das bsgrub par bya'o// lan cig sgrub pa ni ji lta ba bzhin mngon par 'dod pa'i bzlas pas so// de nas de'i 'og tu ji ltar mngon par brtson pa dang / ji ltar 'dod pa dang / ji ltar mngon par 'dod pa dang / ji ltar byin gyis brlabs nas yi ge hUM gis rlung gi bzlas pas dga' ba chen po rdo rje don yod pa'i dga'

  280. 141a

    ba'i shugs kyi rdo rje sems dpa' la sogs pa'i dngos po thams cad ji lta ba bzhin du 'dod pa dang / ji ltar dga' ba sgrub pa'o// de nas phyag rgya chen po ni// sku gsung thugs kyi rdo rje yis/ / ji bzhin gzugs kyis rjes 'brangs pas// mtshan ma'i phyag rgya yang dag ldan// sems dpa' chen po rang nyid 'gyur// de nas dam tshig gi phyag rgya ni bde ba chen po rdo rje bshad pa'o/ / 'di las rdo rje mda' la sogs pa 'byung ba yin no// 'di lta ste/ phyi rol tu kha bltas pa'i mdzub mo gnyis bkug pa tsam ni rdo rje'i mda' 'o// mthe bong yongs su bcig pa ni rdo rje ki li ki la'o/ / mthe bong gnyis kha phye nas mdzub mo gnyis kyi rtse mos dbus ma 'dren pa'i srin lag dang mthe'u chung mnyam pa'i kha phye ba ni rdo rje chu srin no// brla gnyis la bskor zhing gnas pa ni rdo rje 'dod pa'i dbang phyug ma'o/ / rdo rje thal mo rang gi snying khar bskor bas sgeg pa dang bcas pa'i mig gis blta zhing mgo bos phyag byas la spyi bor gzhag la phab ste gyen du gtor ba dang / 'og tu blugs pa dang / mthe bong sbyar nas bskor ba dang / rab tu byug pa ni me tog dang / spos dang / mar me dang / dril bu dang ldan pa'i rdo rje mchod pa rnams su brjod pa yin no/ / phyi'i mtshams rnams su rdo rje thal mo snying khar bskor bas sgeg pa'o// kha la yongs su bskor nas spyi bor 'jog pa'o// g.yon pa'i mdzub mo bkug/ g.yon

  281. 141b

    pa g.yas pas bkug pas rdo rje pi wang skyeng zhing rdo rje glus mngon par bstod pa'o/ / rdo rje khu tshur gnyis kyi sa gar byas la spyi bor rdo rje thal mo bcing ba'o// rdo rje bsdam pa nang du bcings pa'i g.yas pa'i mdzub mo lcags kyu'o/ / mthe bong gnyis kyis mdud pa'o// mdzub mo dang mthe bong gnyis kyis mdud pa'o// gnyis kyis nang du mthe bong bcings pa'o// de nas gsang ba'i dam tshig rnams ni bde ba chen po'i rdo rje dam tshig gsung ba'i lcags kyu ste/ de las byung ba ni/ mtheb mdzub rtse sbyar dbus ma'i rtse// mig 'bras lhar byas 'dzin pa'o/ / dbus ma rdo rje'i 'og tu ni// mthe bong gis mnan btsir bar bya// rdo rje 'dren pa dang 'dra ba// srin lag mthe'u chung kha phye ba// bskor nas pus mor gzhag pa ste/ gzhan rnams thams cad ji bzhin bshad// dam tshig gi rdo rje 'bebs pa mdzub mo gnyis bkug pa rdo rje khu tshur ro// de las dam tshig gi phyag rgya ni rdo rje dang bcas pa'i khu tshur gnyis kyis so/ / 'di lha ste/ g.yon pa bsnyems pas g.yas pa bstod pa'i tshul gyis snying khar bzung ba ni rdo rje bsnyems pa'o// bstod pa dang bcas pa'i snying khar 'dzin pa'o/ / rdo rje bstod pa'i tshul ni ki li ki la'o// rgyal tshan sgreng ba'o// bsnyems pa gnyis bstod pa ni 'dod pa thams cad kyi rdo rje dbang phyug ma'o// mtshams rnams

  282. 142a

    su rdo rje gar bshad pa'o/ / sgeg mo la sogs pa'ang de bzhin no// rdo rje spro ba rnams kyis ni g.yon pa'i mdud pa lag pa g.yas pa steng du byung bas rdo rje bka' bsgo ba byed pa'o/ / mdzub mo dang mthe bong mkhrig mar gzung ste mdud de btsar ba'o// rang gi snying khar dril bu dkrol ba'i tshul lo// 'di rnams kyis thams cad dgug pa dang / bcing ba dang / gzhug pa don yod par bsgrub par bya'o zhes bya ba'ang gsungs so// ji bzhin grub pa'i mtshan ma rnams// dngos grub chen po myur du gsol// dang ba'i phyag rgya dge 'di dang / / dkyil 'khor med pa rnams kyang 'grub// de nas dngos grub med pa sgrub pa'i phyag rgya chen po bcing ba ni/ dang po'i rdo rjes phyag rgya bzhi'i 'phreng ba'i tshul du bsgrub par bya'o/ / gzhug pa dang / dgug pa dang / brtan pa dang / las rnams lha bas so// lte ba dang / snying kha dang / dbang bskur ba dang / spyi bor gzhag par bya'o// dbus ma'i rdo rje snying kha dang / rtags dang / kha dang / dbang bskur ba'i gnas su bzhag nas btung bar bya'o// mdzub mo dang / dbus ma dang / srin lag dang / mthe'u chung gi rdo rje'o// dpung pa dang / snying kha dang / lce dang / spyi bor bstod pa'o// nam mkha' bskyed pa dang / mdzub mo dang / srin lag 'bar ba dang / snying khar dga' ba dang / rang gi lus

  283. 142b

    la bskor ba'o/ / thams cad bskor nas dbang po kun la gzhag par bya'o// dbu ma'i rdo rje dbang po thams cad la reg pa'o// rang gi las byas pas so// dbang bskur nas de bzhin du dngos grub byed pa'o/ / sa la bzhag nas bya'o// thams cad du bskor nas yid kyis sprul par bya'o// 'dzum pa med pa'i khro zhing 'bar la g.yos pa ni lnga pa'o// bza' ba dang / btung ba dang / rked pa bskyod pa dang / spyi bor bka' bsgo ba'o// thams cad du bskor zhing thams cad du dran pa'o// mthe'u chung dang / mthe bong dang / dbus ma'i rdo rje bzhi snying khar bya'o// mdzub mo gnyis kyis yi ge hUM dang bcas pas dgug par bya'o// dbus ma'i rdo rjes dpral bar 'phred la mig byed pas so// rang gi snying khar bcings la g.yo ba med cing ma btsums pa'i lha bas sa 'og tu lha zhing ha hUM d+hi zhes brjod par bya'o/ / gnod sprin la sogs pa'i gdong pa bris nas rdo rje dgug par bya'o// 'og gi phyogs su bzhag na brtag par 'gyur ro/ / kha'i dbus su zhugs na rab tu zhugs par 'gyur ro// phyag byas na mchod par 'gyur ro// snying khas grub par 'gyur ro// cig car du sor mo thams cad dral ba ni yid kyis las so/ / bcings nas dzaHhUM baM hoHdbu ma phyi rol tu bcings pas spyi bo dang / snying kha dang / kha dang / phyogs su bskor ba'o//

  284. 143a

    snying khar bzhag nas rang gi rdo rjer sgom pa'o// rang nyid byang chub sems dpar sgom pa'o// rang de bzhin gshegs pa rjes su dran pa'o// rang nyid rdo rje 'chang chen por rjes su dran pa'o/ / de nas las kyi tshogs thams cad sgrub pa'i phyag rgya'i rgyud ni rdo rje gar las byung ba'i phyag rgya rdo rje 'chang bdag dang de bzhin gshegs pa thams cad kyis kyang don yod cing thogs pa med pa'o/ / rdo rje sku mchog gi gtsug tor gyis las ni rdo rje bsdams pa btsar ba dang / dbus ma'i nor bu dang / bskor ba dang / sor mo thams cad kyi rdo rje dang / sor mo lhag pa'i 'od zer gyi 'khor lo'o// khro bo rdo rje khu tshur gnyis kyis 'khor lo bskor zhing bskor ba'o// khar bskor ba'o// snying khar phab cing 'bar bar byed pas phyogs thams du rdo rje 'bar ba'i ra ba ste/ khro bo chen po 'bar ba'i rdo rje dag gis kyang 'jug par nus so// dam tshig brjod par bya'o// sgrub pa la brtsam mo// rdo rje sems dpa'i rdo rje lta bu'i 'phrog pa rnams kyis gsum dang / bzhi dang / phyir ldog pa dang / rtag tu 'byung ba dang / dpag tu med pa ni bskor zhing btsum pa med pa'i mig gis rab tu zhi ba'o// rdo rje khu tshur gnyis kyis mthe'u chung gi lcags kyu'i mdud pa dang / mdzub mo gnyis mnyam pa'i las ni snying khar rab tu bzhag pa'o// byab pa'o// mdzub mo'i rtse mos mnan par bya'o//

  285. 143b

    dgos pas rab tu gzhag pa'o// yongs su bskor nas de bzhin du mdzod spur gzhag par bya'o// kha nag gnyis kyis rdo rje bcings pas mthe'u chung rdo rje'i legs par byed pa'i tshul gyis nyebar 'phel ba'o/ / bsdus pa'i tshul lo// rdo rjes brdeg pa'o// thal mos phrog pa'o// rdo rjes bsdus pa'o// rdo rje bsdams pa'i mdzub mo gnyis bkug cing bsnams la nang du bzhag ste mthe'u chung gnyis kyis kha phye ba'i mche ba ni rdo rje gnod sbyin gyi phyag rgya'o/ / des mthil phra bar brdab pa'o// mdzub mo'i sen mo drud pa'o// dbus ma'i rdo rje brtan pa'o// byabs nas myur du phyag rgya dgrol ba'o// sor mo sbyar nas rdo rje gtsug tor ro// ba dan gsum pa gnyis kha gyen du lba ba dang / 'og tu kha lta ba'i mdzub mo dang dbus ma'i mdud pa byas la/ mdzub mo dang dbus ma de dag 'dus pa'o// rdo rje hUM mdzad kyi las so// mdud pa btsir ba'o// cig car du phyag rgya dgrol ba'o// btsir nas dral ba'o// dbus mas bsnun te nam mkha' las lhung ba'i tshul lo/ / slong ba'i tshul yang ngo // ba dan gsum pa gnyis mnyam pa'i mthe'u chung rtse mo'i rdo rje dbus ma gdud pas yongs su bskor ba la dbang bskur ba'i gnas su mdzub mo'i rtse mo bzhag pa'o/ / dbye ba ni yi ge hUM gis so// gdon las dgrol ba ni yi ge hUM gis so// 'chi ba slong ba ni yi ge a yis so// tshe 'phel ba

  286. 144a

    'og nas blang ba'o/ / byab pa'ang ngo // rdo rje khu tshur gnyis bcings nas mdzub mo bkug cing yongs su bskor te mche ba rnam par gtsigs pa'i 'jigs pa'i gdong gi g.yo ba med pa nyid do/ / yan lag thams cad glod par 'gyur ba'o// rab tu gnyid log cing kha gdangs pa'o// rang gi snying khar brdeg pa'o// myur du myang ba'o// rdo rje khu tshur gnyis bcings nas kha gdangs te 'jigs par byed pa'i kha dang ldan pa sgra gyen du brdzes pa'i spyi bos 'og nas gyen du blang bar bya ba'i las ni yi ge b+ho dang / rdo rje khu tshur mnan pa dang / yi ge hUM dang bcas pa'i yan lag gi mchog gi sdigs mdzub dang / rang nyid myur du khros pas lhung ba'o// rdo rje gnod sbyin gyi phyag rgya srin lag dang mthe'u chung mnyam pa kha phye ba'i ba dan rgyal mtshan mchog gi dpung rgyan gyi las ni phyag 'tshal ba dang / dgod pa dang / lce bskyod pa dang / dpung pa gnyis bsnyems pas bstod pa dang / rgyal mtshan sgreng ba'o// sems dpa'i skyil mo kruklung gis gnas shing rdo rje gsor ba nyid kyis ni nam mkha' dbugs gtor ba dang / kun tu g.yo zhing btsums pa'i lte bas char 'bebs pa'i tshul dang / khro bo'i rdo rje nyi ma me lhar 'bar ba'i bzlas pa dang / lta ba dbrog pa dang / drang bas yan lag bskor zhing thams cad rab tu 'bar bar byed pa 'bebs pa'o// rdo rje bsdams pa'i rdo rje dran ma'o// rdo rje bsdams pa'i

  287. 144b

    ni yi ge hUM gi glus so/ / shin tu srung ba ni yi ge haM gi chos kyi ngag gis so// pad+ma chen po bcings nas ji srid 'dod pa'i bzlas pa 'am/ yang na pad+ma'i khu tshur g.yon pa bsnyems pas mar dang / hil mar dang / til dang / 'bras dang / khams kyi phye ma sbyin sreg mchog tu grub pa ste/ oM ni ba ra Na sarba d+harmA hA badz+ra ha ni haM/ oM bi re dzo bi ga ta/ sarba d+harmA badz+ra ha ri Ni haM/ oM saM no pa sarba d+harmA pra ti ba d+hi badz+ra ha ri Ni haM/ oM ni ri ti mi ta sarba d+harmA tA badz+ra ha ra Ni haM/ oM sarba b+ha wa b+ha sa ra sarba d+harmA ha ri Ni ha~M/ ka ta ka gnyis kyi rdo rje bsdams pa legs par byed pa'i tshul gyis sen mo drud pa'o/ / 'og dang steng du rdo rje bsdams pas bskyod pa'o// rdo rje bsdams pa'i mthe'u chung la sogs pa dgrol bas gar ro// rdo rje bsdams pa'i mdzub mos ngag 'byin pa'o// bde ba chen po rdo rje don yod pa'i dam tshig gi lcags kyus brtan pa dang / g.yo ba'i dngos po thams cad la rdo rje sems dpa' la sogs pa rnams dang / gzugs brnyan gyi tshul gyis gsal bar ston pa dang / sgra brnyan gyi tshul gyis sems can thams cad dang bdag nyid la bden pa thos su gzhug pa'o// rdo rje khro bar / khu tshur gnyis bcings nas rdo rje lta ba'i las so// 'di lha ste/ 'dzum med pa'i lta ba sbyin pa'o// mig 'bras steng du yongs su bskor ba'o// btsum pas myur du lhung ba'o//

  288. 145a

    g.yon pa'i mdzub mo bkug pa'i shing bu'i g.yas pa'i mdzub mos bsdus pa ni rdo rje pi wang ngo // rdo rje bsnams pa'i lag mthil dang mnye ba'o// kha dbus mnyam ba'i dbus ma lce'o/ / rab tu dga' ba'i rdo rje'i phyag rgya'o// bde ba chen po'i rdo rje mchod pa'i las ni dang po'i glu'i bzlas pa ji srid mngon par 'dod pa'o// g.yo ba med cing dgod pa dang dgug pa ni rab tu dga' ba'i rdo rje'i lte ba'i lcags kyu mas so/ / rang gi ma mchu so dag gis nang du yongs su gzung ba'o// rang gi dbang po bskyod pa'o// rab tu dga' ba'i rdo rje gar gyis yid kyis 'dod pa'i bka' bsgo ba yang ste/ bcom ldan 'das rdo rje sems dpa' la sbyor ba des kyang 'da' bar mi rus na/ brtan pa dang g.yo ba'i dngos po gzhan lnga smos kyang ci dgos/ rdo rje thal mo'i mthe bong gnyis sems dpa'i skyil krung gis mdzub mo sgreng ba ni bcom ldan 'das sems dpa'i rdo rje'i sku mchog ste/ 'di skad cig bzung bas shin tu byin gyis brlabs nas bcom ldan 'das bzung zhing mchod nas sgrub par 'gyur ba dang / dngos grub thams cad la grub pa dang dgos pa yin no// spyi bo'i steng nas g.yas su bskor bar bya'o/ / sa la bzhag nas khro gnyer gyis gyen du drang bar bya'o// gnod sbyin gyi gzugs brnyan bris la de'i snying khar bzhag par byas na mangs gzhug tu

  289. 145b

    'gyur ro/ / dbang phyug chen po'i gnas su khro zhing bzla bar bya'o// ma mo'i gnas su bcing ba la yi ge b+h+yo sbyar bar bya ste/ ma mo 'khor dang bcas pa thams cad kyi bsnyen bkur dang rol mo la sogs pa'i bka' bsgo ba thams cad byed par 'gyur ro/ / rdo rje gsor ba dang bcas pa'i bzhad pa'i gdong gi las 'di ltar bya ba yin te/ 'dus na rkang pa g.yon pas mnan nas bsgrub par bya'o/ / mdun du gzhon nu ma sgrub cing mig gnyis kyis 'phrog pa sbyar bar bya'o// b+ha ga bris nas bltas te bsgrub par bya'o// dbang phyug chen po rkang pa g.yon pas mnan la yi ge hUM la sbyar bar bya'o/ / 'dod pa'i dbang phyug rdo rje mangs bsnun te/ de nas 'og tu kha lha bar bzhag ste gsor bar byed pa'o// rdo rje gsang ba'i mchod pas bde ba chen po'i dam tshig ces bya ba'i bshad pa'o/ / thams cad rdo rjer byed pa ni rdo rje khu tshur gnyis kyis go cha bcing bar byas la spyi bo dang dbang bskur ba'i gnas su gnyis gnyis bzhag la/ logs gnyis la gnyis dang 'phreng ba'i tshul gyis de bzhin du dar dpyangs bcing ba'o// g.yon du rdo rje mda' 'phang ba'o// rdo rje bsnyems ma'o// phyag rgya chen po'ang ngo / / dpal mchog dang po las/ phyag rgya thams cad kyi cho ga rgyas pa'o// / de nas de bzhin gshegs pa thams cad kyi phyag rgya'i rgyud ni sems dpa'i

  290. 146a

    rdo rjema'o/ / de bzhin gshegs pa thams cad kyi kha cur ro// rdo rje rin chen gyis dbang bskur ba byas na rdo rje rtse lnga pa 'od zer dang bcas pa sbyin par bya'o// mdzod mnyam pa'i thal ma ji sgru ba bzhin du can du gtsar ba la sogs pa rnams kyis so/ / de bzhin gshegs pa 'i sa tsur bzhes bcings pa ni mamon pa'i mdzu ma kyi rol du khe bskus pa bag bu tshur la bzlas pas bzung ste/ de bzhin gshegs pa thams cad kyi brang chub mngon par rdzongs pa'i nga chubs sade bzhin gshegs pa thams cad kyi bu tshur zhes bya bar brjod pa ste/ ma cing tshogs pa mang pa 'dzibacings pas thar med pa yang dag par rdzogs pa'i byang rgyub las phyir mi ldog pa dang / 'bras bu dang ldan pa dang / bdud mi sogs pa gzhan gyi mtha mgyur ro/ / phyag tu ba dgang gis bcing sgrubs de na de bzhin gshesas pa nyid du rtogs par byed bya'o// de mtshad na de bzhin ma shems pa thams cad mchong par bgyur t shan cananag shegs pathams cad mchong bar 'gyur ro/ / su mchog tsha gdang / dzardzal sa ci brag tu bcad pa'o// rnamams cas tu chung

  291. 146b

    dang mdzub mo rtse mo bcing ba snying kha las bteg ste dbang bskur ba'i gnas su rtse mo rab tu bzhag pa ni rin chen ma'o/ / de nyid gyen du kha blta ba'i mdzub mo gnyis phyir bkug pas pad+ma'o/ / rdo rje sems dpa' rdo rje ma ni phyi rol tu dbus ma bcings pa'o// chos kyi phyag rgya'o// de nas las kyi phyag rgya ni rdo rje khu tshur zhes bshad do// g.yon pa chos gos dang bcas pa rang gi snying khar bstod pa'i tshul gyis bzung ste/ g.yas pas sa gnon cing rab tu rgyal bar byed pa zhes bya ba ste/ des bdud kyi stobs rnams 'joms pa'o// de nyid yongs su bskor te gyen du kha blta bar bzung nas gzengs bstod pa zhes bya ba lhung ba slong bar byed cing lung ston par byed pa'o/ / de nyid chos gos mtha' mar pad+ma'i 'dab mkha'abyed par byed pa chos 'byung ste/ chos thams cad sbyong bar byed pa'o// de nyid ba dan gsum gyis bzung ba slong bar byed pa ste/ gdon mi za bar dngos grub rol ba'o// 'di rnams g.yas pas las byed cing don yod pa dang bcings pa tsam gyis 'grub pa'o/ / lhag ma ni ji lta ba bzhin du bzung bas so// de nas las kyi phyag rgya rnams ni de bzhin gshegs pa thams cad kyi khu tshur nad gzir ba'o/ / mig yongs su sbyang ba'o// snying khar gzhag pa'o// byab pa'o// khu tshur gyis 'phrog pa'o// bza' ba'o// khros nas gtor bar

  292. 147a

    bya'o/ / phur bu gdon pa'o// rting pa la brdeg pa'o// yi ge oM bris nas dbyi bar bya'o// so rnams kyis bzung bar bya'o// yi ge hUM dang bcas pas brdeg par bya'o/ / mtshon cha bris nas dbyi bar bya'o// kun tu sbyin sreg bya'o// dur ba'i sbyin sreg bya'o// spyi bor bzhag la blta bas byab par bya'o// stang du kha T+wAM ga bzung ba'o/ / rang gi khyim du bskor bar bya'o// rang gi khyim du gzhag par bya'o// 'jug par bya'o// snying kha las gdon par bya'o// lus la bskor bar bya'o// ngag 'byin pa'o// snying khar btsir bar bya'o// de bzhin gshegs pa thams cad kyi phyag rgya chen po ni sku mchog go// brtan par bya'o// dbang po la gzhag par bya'o// kha la'o// de nyid du bskor bar bya'o/ / dpral bar gzhag par bya'o// snying khar ro// dpung ba gnyis la'o// brla gnyis la'o// 'phreng ba bcing ba'o// dbang po rnams la'o// spyi bo la'o// gdong pa la'o/ / kha las bton nas so// thams cad du bskor bar bya'o// phyogs rnams su bskor bar bya'o// rang dang gzhan dag de bzhin gshegs pa rjes su dran pa'o// snying kha las rjes su dran pa'o/ / snying khar bzhag nas dga' ba bskyed par bya'o// sangs rgyas nyid bskyed par bya'o// sangs rgyas thams cad nyid sgom pa'o// phung po lnga la gzhag par

  293. 147b

    bya'o/ / rdza mkhan gyi 'khor lo ltar bskor bar bya'o// lus rjes su dran pa'o// lce gzhag par bya'o// yid kyis mngon par gdud par bya'o// gtong ba rjes su dran pa'o// rmug ci so/ / byams pa'o// brtson 'grus so// ting nge 'dzin no// shes rab bo// ye shes so// stobs so// thabs so// nges par brjod pa'o// sa'o// spyod pa'o// so so yang dag par rig pa'o/ / ma 'dres pa'o// chos so// lus sna tshogs so// sems can gyi don no// sangs rgyas kyang don no// lus so// ngag go// yid do// rdo rje chen po'o// / oM bo d+hi tsit+ta badz+rI/ oM sa man+ta b+ha dre tsAr+ya bi/ oM tsan+d+ra ma d+hi/ oM a ni ro d+ha/ oM dzi ti bi ra ba ra he/ oM sarba dz+nyA ne/ oM ma hA rA ga d+harmA te/ oM bidu ka btse/ oM badz+ra dr-iD+hA tsaN+De hUM/ oM sar+b+ba ta thA ga ha/ oM swa b+hA ba bi shud+d+ha/ d+harmA hA dz+nyA na bi shud+d+he/ oM kar+m+ma bi shud+d+he/ hUM sum+b+ha badz+ri Ni phaT/ oM kar+m+ma rA ge/ oM badz+ra badz+rI Ni/ oM hUM sarba d+harmA Ni/ oM hrIH/ oM a kA ro mu khaM/ oM pradz+nyA bA rA mi tA yai/ bar+b+hu/ oM a~M/ oM sarba ha thA ga ha~M kA yA gr-i/ oM sarba ta thA ga ta b+ha bi shud+d+he/ oM sarba ta thA ga ta tsit+ta badz+ra/ a/ de nas de bzhin gshegs pa thams cad kyi ngag gi phyag rgya ni dbyangs shin tu zab pa'i sgra dang ldan pa'i phyag rgya'i chos kyi ngag ste/ de bzhin gshegs pa thams cad kyi ngag thogs pa med par 'grub pa'o// de nas bzlas pa

  294. 148a

    ni rjes su dran pas so/ / sgrub pa la de bzhin no// las la nye bar sbyor ba ni de bzhin gshegs pa thams cad rjes su dran pas so// de bzhin gshegs pa thams cad kyi phyag rgya bcing ba'o/ / de nas rdo rje nyi ma me lhar 'bar ba'i phyag rgya bcing ba ni/ de la phyag rgya chen po ni bdag nyid thams cad kyis rjes su'o// dam tshig gi phyag rgya'i rgyud ni/ rdo rje bsdams pa nang du bcings la sor mo thams cad kyi 'bar ba'i dkyil 'khor gyi nang mthe bong gi rdo rje bzhag la khams gsum pa thams cad sreg pa dang / 'tshed pa dang / thal bar byed par nus te/ bcom ldan 'das kyis kyang dbang du byed par 'gyur ro// de nyid kyi g.yon pa'i sor mo sdigs mdzub bya zhing g.yas pa'i lcags kyus dgug par byas na thams cad 'gugs pa'o// rdo rje hUM mdzad kyi phyag rgya'i ni khro bo'i rdo rje khu tshur gnyis pa'i rdo rjes mthe'u chung gi lcags kyus bcings te/ des sdigs mdzub bya zhing las thams cad rang dngos grub thams cad nyam su myong ba yin no/ / rdo rje thal mos mdzub mo bcings la khro gnyer thur du gzhag par bya zhing me stag tu myur du 'phro zhing g.yo ba ni rdo rje khro gnyer ro// thams cad sreg par byed pa dang thams cad 'dul bar byed pa dang / rab tu bdul bar byed pa ni khro gnyer gyi phyag rgya'o// rdo rje thal mos legs par bskor bar g.yon pa'i mdzub mo lcags kyu ste dgug pa dang / gzhug

  295. 148b

    pa dang / sgrub pa thams cad la don yod pa'o// rdo rje pad+ma dbus mnyam pa'i kha 'bus kyi mdzod do// rdo rje pad+ma ni thams cad gcod par byed pa'o// rdo rje bsdams pa ni mthe bong dang mdzub mo'i gdu bus g.yas pa'i hUM gis mdzub mo bzung ste thams cad dgug pa dang / gzhug pa dang / mchog tu grub pa'o// rdo rje hUM mdzad las byung ba ni g.yas pa'i mdzub mos g.yon pa'i yi ge hUM bzung ba ste/ gzhu chud 'dren pa zhes bya ba thams cad rjes su chags par byed pa dang 'bigs par byed pa'o// rdo rje bsdams pa las rdo rje hUM mdzad kyi mchog go/ bsdams pa'i g.yon pa'i rdo rje khu tshur g.yas pa'i rtse gsum gyis mtshan pas yongs su bzung ba ste/ thams cad dral bar byed pa'o// rdo rje hUM mdzad kyi g.yas pa'i khu tshur gyis mthe'u chung yang dag par brkyang ba g.yon lag pa'i steng du bzhag pa ni kha T+wAM ga bsgreng ba ste/ gdug pa thams cad kyi phyag rgya phye zhing dral bar byed pa dang / rgyas 'debs pa dang / gsod ba dang / za ba la sogs pa'i yo byad thams cad g.yas pas 'khor lo bzung ba'i tshul gyis stod cing dor ba ste/ thams cad gcod pa dang / gcod par byed pa'o// rdo rje chen mam pa'i rdo rje'o/ / g.yas pa'i rdo rje 'bebs pa dang / sbyor ba sngo zhing g.yo ba'i 'dab ma can gyi b.ran gsum pa'o// rdo rje bsdams pa'i mthe bong dang mdzub ma gnyis

  296. 149a

    rdo rje las byung ba'i srin lag mnyam par sbyar zhing mthe'u chung kha phye'o/ / dpal thams cad byed pa dang / rnam par rgyal bar byed pa dang / gdug pa thams cad 'jom par byed pa dang / thams cad 'bebs par byed pa'o// rdo rje sems dpa'i dbang bskur bshad pa'o// rdo rje'i rigs thams cad kyi ni// rdo rje thal mo mnyam byas la// mdzub mo gnyis kyis dar dpyangs bcings/ / mthe bong srin lag rdo rje ni// yongs su bskor te dbang bskur ro// 'bar ba'i rdo rje rtse lnga pa phyag nas gzung bar bya'o// ci 'byor pas slob dpon la yon phul te/ dngos grub thams cad kyi mchog phun sum tshogs pa rnams 'grub par 'gyur ro zhes bya ba bcom ldan 'das rdo rje sems dpas gsungs so// rdo rje phyag rgya rdo rje rin ti ri las 'byung ba ste/ don yod thams cad sgrub par byed pa'o// de nas las kyi phyag rgya bzhi ni dam tshig gi phyag rgya'i lha mo rnams so// de nas bcom ldan 'das kyi las kyi dam tshig ni rdo rje khu tshur g.yon pas bsnyems pa thams cad sgrub pa dang / g.yas pa'i rdo rje khu tshur gyis rdo rje gsor ba ste/ 'dis thams cad brgyal ba dang / 'bar ba dang / sreg pa dang / ltung ba dang / rgyas btab pa dang / bsad pa dang / slong ba dang / khams gsum las rnam par rgyal ba dang / brtan pa dang / g.yo ba thams cad la nges par sbyor ba dang /

  297. 149b

    dngos grub dang / mchog thams cad sgrub pa'o// de nas las kyi phyag rgya ni rdo rje khu tshur sdigs mdzub dang bcas pa'i mdzub mo ni khro ba'i khu tshur ro// de dag gi las dam tshig phyag rgya'o// mdzub mo'i sor mo gnyis kyis thams cad dgug pa'o// snying khar cig shos dag g.yas pa'i gdug pa thams cad gcod pa'o// mkhrig ma'i mdud pas g.yas pa'i khro bo 'gugs pas thams cad dgug pa rab tu gzhug pa'o/ / bstod pa dang bcas pa'i mda' 'phangs pa'o// de bzhin du rdo rje rtse gsum pa la sogs pa'i rdo rje gar gyi sbyor bas rang gi phyag rgya gyen du 'phang ba'o/ / las kyi dam tshig gi phyag rgya gnyis su byas la rdo rje thal mo rnams kyi las kyi phyag rgya ste/ rdo rje gar gyi sbyor bas rang gi dam tshig gis phyag rgya steng du dor bste thams cad la rgyas gdab pa dang / sgrub pa dang / gsod pa dang / 'bebs pa dang / 'tsho bar byed pa ni rdo rje gar gyi mchod pa'o// de nas ngag gi phyag rgya ni sprin gyi sgra sgrog pa'i hUM yig gi hUM phra ba'i sgra dang bcas pa khro zhing gsal ba'i khro bo'i rdo rje ngag go/ / sgrub pa'i don bsgrub par bya'o// de nas ma grub na las kyi phyag rgya bcing ba'o// sgrub pa ni de bzhin du phyag rgya chen po lan cig tu bya'o/ / las la nges par sbyor ba khro gnyer gyis so// rdo rje hUM mdzad las byung ba'o// ske tshe dang bcas pa'i til mar rnon po'i sbyin sreg ni g.yas pas so// de nyid kyis btang ba'o// /

  298. 150a

    de nyid kyi thams cad 'ching ba'o// g.yo ba med pa nyid do// gnyid log pa bstan pa'o// khro bo'i rdo rje lta ba'i sdigs mdzub bo// phyag rgya glod par gyur pa'o// mdzub mo gnyis yang dag par sbyar nas phye ba'o/ / de dag nyid kyis gdu bu bcing ba'o// mche bas btsar ba'o// de nas dral ba'o// g.yas pas brdeg pa'o// mdzub mo gnyis kyis 'bar ba'o/ / g.yas pa'i mdzub mo g.yon pa lhung ba'i tshul lo// mdzub mo gnyis kyis 'bar bar phye ba'o// gcod pa'o// mdzub mo gnyis kyi sor mo sbyar ba'i rtse mo gcod pa'o// lag pa gnyi drag tu mnye ba'o/ / thams cad du sor mo thams cad dor ba'o// cig car du phyag rgya dgrol ba'o// drang zhing g.yo bas sdigs mdzub bo// g.yas pa'i mdzub mo gdengs ka bskyod pas sdigs mdzub bo/ / g.yas pa'i mdzub mo mche bas gzung ba'o// du ba dang / dgod pa dang / rgyug pa la sogs pas bstan pa'o// mdzub mo gnyis kyis se gol rdeb pa'o// g.yon pa'i steng du g.yas pa nye bar gzhag pa'o// sa la rab tu gzhag pa'o// bskyod par bya'o// gar bya'o// 'byin pa'o// brlab par bya'o// thams cad du brlab par bya'o// ha har dgod pa'o// bskor ba'i dgug par bya'o// drang bar bya'o// gtang bar bya'o// yongs su bskor nas nub par bya'o// de nas dor ba'o// myur du dor ba'o// de bzhin du

  299. 150b

    kun nas 'dren pa'o/ / de bzhin du gyen du drang ba'o// rang nyid kying ro bya'o// bdag nyid la brdeg par bya'o// snying khar brdeg par sbyin par bya'o// rang nyid kyis rang gi skra 'bal bar bya'o/ / sdang bar sdom pa'o// rang gis gos stod par bya'o// khro bas de bzhin du 'bar ba ston pa'o// g.yas pa'i mdzub mo lcags kyu'o// de nyid kyi rab tu gzhug pa'o// g.yas pa'i se gol lo/ / g.yon pa'i se gol lo// lce reg pa ni mdzub mo gnyis kyis so// yan lag la ba spu g.yas su bskor bskor bas 'khyil ba'o// lhung ba la sogs pa byed pa'o// dus su sgom pa'o// khro ba'i lha bas shing drung rnams la yid kyis 'dod pa'o// de bzhin du sa la'o// lta ba'o// smin ma'o// so'o// phu'o// phyag rgyas brdeg pa'o// rgyal mtshan sgreng ba'o/ / khro bo dang bcas pa'i 'jigs byed kyi blta bas so// 'dzum pa med pas blta bas so// de bzhin du 'bar ba 'ching bas so// phyag rgya bskor ba'o// gtsug hor las mdzub mo'i rdo rje gzhag par bya'o/ / de bzhin du snying khar ro// phyag rgya de dgrol ba'o// phyag rgya zur du bslang ba'o// mdzub mo'i rtse mo brtan par sbyar ba'o// lha bas sbreng nas 'og tu lhung ba'o/ / 'og nas gyen du 'dren pa'o// yi ge hUM khros pa'o// 'jigs byed kyi blta bas so// rdo rje kha T+wAM ga dral ba khro bas so// rdo rje snying khar sgom

  300. 151a

    pa'o/ / rdo rje rtse gsum dral ba'o// gdug pa'i dkyil 'khor gzhig par bya'o// yi ge hUM gis so// hi'o// g.yas su dbugs dbyung ba'o// de nyid kyi dong rtse gsor ba'o/ / khro bo'i lta ba de bzhin du'o// khu tshur g.yas pas mnan te g.yon pas so// bzung nas dgug par bya'o// dong tshe gsor ba ni gnyis kyis so// g.yon pa'i dril bu dral ba'o/ / de bzhin du rdo rje hUM mdzad kyi g.yas pa'i khu tshur g.yon pa'i rdo rje khro bos mnan te mthe'u chung gi gdu bu dkrol ba'i khu tshur gyis 'phrog par bya'o// g.yas pa'i dril bu dral ba'o// tshegs dang bral ba lhung ba na yid kyis so// 'khor lo dral ba'o// rtse gsum dral ba'o// rdo rje hUM mdzad kyi g.yon pa g.yas pa'i rdo rje khu tshur gyis mnan te/ de bzhin du gdu bu bkrol bas 'phrog par bya'o/ / rdo rje dang / byang chub sems dpa' dang / de bzhin gshegs pa thams cad dang / rdo rje 'chang chen po rjes su dran pas mdun du bsgrub par bya'o// rdo rje khro bo rgyal po'i phyag rgya'i rgyud do// / de nas 'phags pa spyan ras gzigs dbang phyug gi phyag rgya'i rgyud ni/ pad+ma chen po rdo rje thal mo kha sbub pa dbu mo dang / mthe bong dang / mthe'u chung kha phye ba'i 'dab ma bzhi pa chos nyid thams cad thob pa dang / thams cad rjes su chags par byed pa'o// phyag rgya chen po rnams ni de bzhin no// dam tshig phyag

  301. 151b

    rgya rdo rje pad+ma bshad pa'o/ / pad+ma'i rigs rnams kyis rdo rje bsdams pa las byung ba'o// de la pad+ma de bzhin gshegs pa rnams ni nang gi rdo rje bsdams pa las byung ba'o// de bzhin gshegs pa'i pad+ma pang par gyen du kha phye ba lha bu'i ting nge 'dzin gyi ming can gyi phyag rgya pad+ma'i spyan zhes bya'o/ / rdo rje pad+ma chen po'i rdo rje pad+ma snying khar rdo rje bcing brdo rje pad+ma'i chags pa zhes bya'o/ / pad+ma chen po'i bdag po mdzub mo mnyam pa 'og tu kha lha babang bar bzung ba pad+ma'i sgrol ma zhes bya ba'i phyag rgya'o// pad+ma chen po'i ba dan rin po che gnyis bzung zhing des pad+ma sbyin pa'o/ / 'di rnams kyi chos nyid thams cad las thob pa dang / thams cad rjes su chags pa dang / srid pa'i sdug bsngal gyi tshogs thams cad las sgrol ba dang / bsam pa thams cad yongs su rdzogs pa shin tu grub pa zhes bya'o/ / rdo rje rtse gsum dral ba'o// de nas pad+ma lha'i bdag po rnams kyi phyi rol gyi bsdams pa las byung ba'o// de la don yod rgyal po ni 'og tu mdzub mo gnyis kyi kha 'bus pa khro gnyer la gzhag par bya ste/ pad+ma'i khro gnyer gyi spyan no// rdo rje bsdams pa kha gyen du 'bar ba ni mgrin sngon gyi'o// g.yon pa'i mdzub mo bkug pa mthe bos yongs su bzung ste/ dung gi dbyibs de g.yas pa'i mthe bong bsgreng ba bteg ste/ mthe'u chung mnyam pa'i kha 'bus pa'i pad+ma dang / sor mo lhag pa

  302. 152a

    @yang dag par brkyang ba'i 'khor lo ni pad+ma'i khyab 'jug ma'o/ / pad+ma las byung ba'i mdzub mo gnyis bkug pa'i lcags kyu dang sor mo lcug ma kha phye ba'i pad+ma las byung ba'i zhes bya'o/ / rta mgrin gyi ni mdzub mo gnyis shin tu sbyar ba'i lcags kyu rgod ma'i kha shin tu rab tu brkyang ba'i srin lag gi rtse mo dang / mthe'u chung dang gnyis rab tu brkyang ba so sor phye la g.yon g.yo zhing bzung ba ni pad+ma'i lcags kyu zhes bya'o/ / 'di rnams kyis dbang bskur ba thams cad dang / las thams cad dang / grol ba thams cad dang / dgug pa thams cad kyi dngos grub don yod pa'o/ / de bzhin gshegs pa'i sku mchog gi ting nge 'dzin gyi phyag rgya bshad pa'o// de nas las kyi phyag rgya ni kha T+wAM ga bcings nas pad+ma'i rigs thams cad kyi dmatshas gi phyag rgya ji lta ba bzhin du gzung bas so/ / ngag gi ting nge 'dzin gyis gzungs dgug pa ni chos kyi ngag gis bzlas pa'i don shes pa'o// pad+ma chen po bcings nas yid kyi sbyin sreg bya'o// sems kyis zhi bar bya'o// dngos po bsrung bar bya'o// rnam par sbyang bar bya'o zhes bya ba ba sgrub par bya'o// las thams cad pa'i phyag rgya'i tshogs so// 'phags pa spyan ras gzigs dbang phyug gi phyag rgya'i rgyud do/ / / de nas nam mkha'i snying po'i phyag rgya chen po de bzhin no// dam tshig gi phyag rgya rdo rje rin chen te mthe bong dang mdzub mo'i sor mo bzhi ni rtse mo mnyam

  303. 152b

    nas 'og tu rab tu bsdus te/ dbang bskur ba'i rdo rje thal mos dbang bskur ba thams cad thob pa'o// des ji lta ba bzhin du dbang bskur ba'o// rdo rje de nyid snying khar ro// gyen du kha blta ba'o// de nyid khu tshur ro// khu tshur spyi bor bzhag la me tog la sogs pa'i mchod pa dbul bar bya'o// 'di nyid dbus su bzhag nas las kyi phyag rgyar bzung ba'o// dbang bskur ba thams cad kyi rin chen po che'i gter gyi mchod pa thob pa'i don du yang dag par rdzogs pa'o/ / bcom ldan 'das kyis las kyi dam tshig ni gsal ba yongs su rdzogs par byed pa'o// g.yon pa'i khu tshur snying khar bstod nas g.yas pa nor sbyin pa bkrol ba'o/ / nor bu'i khu tshur gyi phyag rgya nyid kyis so// snying po'i ngag klu'i rgyal pos bzla ba ste bka' bsgo zhing de bzhin du las la nye bar sbyor ba'o/ / gal te ma grub na dbang bskur bar gnas pa'i rdo rje rin chen gyis nam mkhar las thams cad kyi bka' bsgo ba'o// chos kyi phyag rgya thams cad kyi tshogs ni 'di'o// don yod thogs med grub pa dang / / las kyi tshogs ni sgrub pa dang // ngag gi phyag rgya'i bka' bsgo ba// thams cad myur du mkha' las byung // zhes bya ba bcom ldan 'das rdo rje sems dpas gsungs so/ dbang bskur ba thams cad kyi cho ga rgyas pa'o// // de nas phyi'i rgyud ni phyag rgya chen po ni g.yon par kham por dang g.yas na mda' bstod pa'o// de rnams kyi dam tshig ni 'jug pa

  304. 153a

    la bya ste/ lag pa gnyis kyi mthe bong dang mthe'u chung gi gdu bus lu gu rgyud bcing bar byas la mdzub mo dang / dbus ma dang / srin lag mnyam ste rtse gsum pas mtshan pa ni ming po rnams kyi'o/ / ji lta ba bzhin du bzung bas lha mo rnams kyi'o// rdo rje bsdams pa'i dbus ma dang srin lag gis sor mo'i rtse mo bzhi la mdzub mo dang mthe'u chung bzhi'i rtse mo 'dus pa ni lha mo rnams kyis 'da' bar dka' ba'i dam tshig go/ / sring mo bzhi'i dkyil 'khor gyi phyag rgya'o// gang gi tshe dkyil 'khor gyis brtag par ma nus na de'i tshe 'di bcings te bltas na dkyil 'khor brtag pa dang / mthong ba dang / mchod pa ci dgar 'grub par 'gyur ro// gdengs ka can gyi dbang po rnams kyi ni mthe bong bcings nas phyi rol tu kha bltas pa'i sor mo gdengs ka sgreng ba ste/ klu thams cad dgug pa dang / gzhug pa dang / bcing ba dang / dbang du bya ba'i dam tshig ste/ gal te 'da' bar byed na 'chi bar 'gyur ro// lho 'phye lag pa ste thams cad sgrub par byed pa'o// dbus ma srin lag bzhi'i mdud pa legs par byed pa'i sbyor bas nye bar spyod cing bsdus la mthe'u chung gnyis kyi rtse mo gnyis kyis brdeg par bya ste/ nye bar 'phel ba dug thams cad 'bar ba'o// kun nas bsdus na dug thams cad 'ching ba'o// 'di nyid kyis dug thams cad bza' ba dang / 'pho ba dang /

  305. 153b

    dug med par bya'o// gdug pa'i dkyil 'khor ni rdo rje khu tshur gyis bzung ba'i rdo rjes khros nas myur du gzhig par bya'o// phyi'i phyag rgya'i rgyud do// / de nas bcom ldan 'das thams cad mchog dbang phyug dam pa sna tshogs pa'i phyag rgya ni/ rdo rje thal mo mnyam bzhag nas// ba dan gsum ni yongs su bzung // rdo rje khyab 'jug ces bya ba// der na thams cad gcod par byed/ / rdo rje 'khor lo'i phyag rgyas nyon mongs pa'i dgra thams cad kyi mgo rnams bcad nas mchog tu byung ba thams cad grub pa'o// mthe'u chung mthe bong dang sbrel ba'i/ / lag gnyis steng du 'og tu ni// dbus ma gsum gyi rtse gsum mtshan// rdo rje 'dzin ma zhes sgrub pa'o// rdo rje dam tshig phyag rgya rdo rje gtum pa'i dbang phyug ma zhes bya ba don yod pa'i dam tshig go/ / rdo rje pad+ma mnyam bzhag nas// gang der ji bzhin de bzhin du// shin tu thob dka'i sangs rgyas kyang // sgrub pa bzlas pas sgrub par byed// rdo rje chos nyid ces bya ba'i phyag rgya sgrol ma'o/ / mdzub mo bsdams pa'i phyi rol dgug/ mthe bong rdo rje bkab pa ste// rdo rje chen po'i nor bu ster// zhes bya ba ni rdo rje nor bu zhes bya ba'i phyag rgya'o// / de nas thams cad kyi dbang phyug dam pas bsgrubs pa'i dngos grub thams cad kyi tshogs kyi phyag rgya'i rgyud ni 'di yin te/ de la dang po re zhig dang po'i dngos grub

  306. 154a

    bcu rab tu sgrub par byed pa'i phyag rgya rab tu sgrub par byed pa'i phyag rgya chen po stong 'gyur te/ ji lta ba bzhin du dam tshig phyag rgya mtshan rnams kyis lag pa g.yas pa dang g.yon pa dag gi rdo rje chen po'i sbyor ba las thams cad kyi dngos rtsub tu sgrub par byed pa'i spong pa nyid du 'gyur te/ rdo rje bsdams pa'i nang du bcings pas so// de ltar na rang gi mtshan gyi khu tshur rdo rje gar las byung ba'i phyag rgya skyong dang po'i las kyis tshogs brgya sgrub par byed pa'i rdo rje las byed pa gsum mo/ / de ltar lag pa g.yas pa dang / g.yon pa'i cig shos kyi las thams cad rab tu sgrib par byed pa'i las kyi phyag rgya spong bzhi pa'o/ / de ltar na ma lus pa'i phyag rgya bcing ba ni lag pa gcig gis phyag rgya thams cad bcing ba rab tu sgrub pa'o// de ltar 'gro ba don kun tu// 'khor dang dam tshig las dang bcas// kun mchog dbang phyug dam pa ste// rdo rje sems dpas sgrub par mdzad// de ltar gsang ba rgya chen rmad du byung / / mchog tu 'gro ba thams cad sbyong byed pa// mchog dang po yi bla ma bla na med// gsal ba'i rgyud ni nga yis yang dag bshad// dpal mcho ga dang po'i rtog pa'i rgyal po las/ rigs thams cad kyi phyag rgya'i rgyud do// / de nas ston pa rdo rje 'dzin// gsang ba kun gyi bdag brtan pas// de nyid phyag rgya'i rgyud chen po// mtshon changam

  307. 154b

    pa 'di gsungs so/ / de nas bcom ldan 'das rdo rje sems dpa'i rtog pa thams cad kyi gsang ba'i dkyil 'khor gyi rtog pa'i tshogs mchog tu mkhas shing phra ba/ rgya che la zab pa bsam gyis mi khyab pa/ tshad med pa/ gsal zhing mnyam pa med pa/ bla na med pa'i bla ma mthar thug pa med pa'i dngos grub kyi gsang ba sgrub pa ma lus shing lus pa med pa'i dngos grub thams cad kyi las rnams sgrub pa po don yod cing thogs pa med pa bshad par bya'o/ / zhes bya ba bcom ldan 'das mchog tu gsang bas gsungs so// ma mchu so rnams kyis bzung la dga' ba chen pos dang po'i rdo rje blta bas lha zhing byed pa dag gis ma lus shing lus pa med pa'i dngos grub thams cad kyi las kyi tshogs rnams sgrub par byed pa'o/ / bde ba chen po'i gsang ba chen po'i rdo rje rdo rje can zhe bya ba'i phyag rgya'o/ / de bzhin gshegs pa thams cad kyi bzhad pa chen pos dgod cing brtan pa'i rdo rje lta bu'i byed pa dag gis de bzhin gshegs pa thams cad kyi las rnams sgrub par byed pa ste/ de bzhin gshegs pa thams cad kyi spyan zhes bya ba'i phyag rgya'o// khro gnyer dang bcas pa/ khro bo'i rdo rje lta ba dang bcas pa'i byed pa dang / sna'i dbugs chen po'i yi ge'i hUM gis rdo rje thams cad kyi dngos grub ste/ rdo rje nyi ma lhar me 'bar ba'i lta ba'i spyan zhes bya ba'i phyag rgya'o// de bas cung zad 'dzub pas dngos grub thams cad kyi

  308. 155a

    l as kyi ye shes kyi rdo rje lba ba'i byed pa rnams kyis mchu mnyam pa'i ting nge 'dzin rdo rje la sogs pa'i dngos grub thams cad kyi las kyi ye shes kyi tshogs rnams sgrub par byed pa ste/ pad+ma chen po'i spyan zhes bya ba'i phyag rgya'o// bsnyems pa dang bcas pa'i ting nge 'dzin gyis phra bar 'dzum pa'i lta ba'i byed pa rnams dang / bzhin 'dzum pa dang bzhad pas nam mkha' la dngos grub thams cad kyi las kyi tshogs sgrub par byed pa ste/ rdo rje chen po ni nor bu'i spyan zhes bya ba'i phyag rgya'o// don yod thogs med grub pa dang // bden pa'i bdag nyid 'jigs pa med/ / sangs rgyas kun dang bdag nyid kyang // gsang ba'i phyag rgya legs grub stsol// dkyil 'khor du ni ma zhugs kyang // de nas de phyir mchog dang po// bcom ldan rdo rje sems dpa' mchog/ dang po shin tu mkhas shing phra la zab cing rgya che ba bsam gyis mi khyab pa ste/ mchog gi mchog ni dang po dang // mchog tu gsang ba dam pa ste/ 'dzum pa'i phyag rgya la sogs tshogs// rdo rje sems dpas gsungs pa yin// rdo rje 'chang chen slob dpon ni// mchog tu dang zhing rab dga' bas// snying po la sogs rnam med kyang / / myur du thams cad sgrub par byed// snying po phyag rgya sngags rigs pa// sgrub pa 'di ni rmad byung ste// dngos grub thams cad rab sgrub pas// ma grub rnams kya

  309. 155b

    'grub par 'gyur/ / gang zhig grub par ma gyur dang // bsod nams phun tshogs mi ldan na// bdag nyid dam ni rdo rje sems// bsgrubs na de ni myur du 'grub// gal te rdo rje sems dpa' mchog/ snying po sogs dang nye snying pos// bsgrub pa byas kyang ma grub na// 'dzum pa'i phyag rgyas bsgrub par bya// de phyir gsang ba'i btsun mo 'di// rdo rje sems dpa' rab dga' byed/ / rdo rje sems dpa' dga' ba che// dgyes pa de yis myur du 'grub// de nyid chen po 'di grub pa// dam pa mchog gi bdag nyid ni// gsang ba mchog tu bsod nams ldan/ / so so'i skye bo la brjod min// de nyid grub pa'i rjes 'brang ba'o// rdo rje sems dpa'i grub pa gang // gal te dngos grub mchog 'dod na// de bzhin gzhan la sbyin mi bya// gis grub par ma gyur na// de la de nyid sbyin par bya// de nyid 'dzum pas myur du ni// bdag byin brlabs pas 'grub par 'gyur// de nyid chen po dag pa 'di// rdo rje can gyi mtshon cha mchog/ phyag rgya'i rgyud ni bla med pa// mchog tu gsang ba bshad pa yin// de nyid dad pa'i rjes 'brang ba'i// rdo rje slob dpon kun mchog la// gal te dngos grub mchog 'dod ma/ gzhan rnams la yang de bzhin sbyin// phyag rgya'i rgyud ni gcig pu 'di// bdag nyid gang la yod gyur na// bdud la sogs pa rnams kyis ni// mi thub pa dang mi song 'gyur

  310. 156a

    de la rgyal ba rdo rje 'dzin/ / kun mchog dngos grub kun gsol ba// kun gsol kun byed thams cad du// bka' bsgo ba kun grub par 'gyur// dpal mchog dang po gsang ba'i bla ma dam pa'i dpal rang gi dam tshig gi bla na med pa'i mchog tu gsang ba'i phyag rgya'i cho ga'o/ / / de nas bcom ldan 'das dpal mchog dang po rdo rje sems dpa'i mchog dang po mchog tu mkhas shing phra la zab cing rgya che ba/ bsam gyis mi khyab la mtha' med cing shin tu mtha' yas pa/ tshad med cing gzhal du med pa bla na med pa/ don yod cing thogs pa med pa'i mchog de kho na nyid kyi snying po mchog tu gsang ba'i snying po mchog tu gsang ba zhes bya ba thams cad kyi mchog gi dngos grub chen po'i bdag nyid la sogs pa'i dngos grub thams cad kyi las kyi tshogs mchog tu mi 'gyur ba'i dam pa bla na med pa'i gsang ba dang / rab tu dga' ba thams cad dang / bde ba dang / yid bde ba'i dngos grub kyi mchog sgrub par byed pa dang / mchog gi phyag rgya'i rgyud bshad par bya'o// zhes bcom ldan 'das rdo rje sems dpas gsungs so// tsum pa nas 'khyud pa la sogs pa'i bcom ldan 'das mchog dang rdo rje sems dpa'i phyag rgya thams cad ni/ dga' ba chen po dpal rdo rje don yod pa'i dga' ba'i dam tshig rnal 'byor zhes bya bar

  311. 156b

    thams cad rnal 'byor zhes bya bar gang brjod pa'o/ / de gang dang gang la nye bar sbyor ba de dang der bcom ldan 'das ni/ kun mchog dngos grub chen po yi// dbang phyug chen po lhag pa'i lha/ / byin rlabs mchog ni rtags mdzad nas// rdo rje sems dpa' myur du 'grub// tsum pa na 'khrud pa la sogs pa'i reg bya'i rgyas btab pa tsam gyis kyang ma lus shing lus pa med pa dang / lhag ma med pa thams cad kyi mchog dbang phyug chen po'i bdag nyid la sogs pa'i dngos grub thams cad kyi las kyi tshogs yid kyi 'dod pa / grub par byed pa yin no zhes bya ba shin tu mchog tu gsang ba'i phyag rgya'o// rnam par 'phrul pa dang bcas pa'i 'dzum zhing g.yo ba'i mig gi zur gyis blta ba'i phyag rgya ste/ bcom ldan 'das kyi dga' ba chen po'i rdo rje don yod pa'i mda' zhes bya bas rgyas btab pas thams cad rjes su chags pa dgug pa dang / dbang du bya ba dang / dngos grub mchog la sogs pa'i dngos grub thams cad kyi las kyi tshogs yid kyi 'dod pa rnams sgrub par byed pa'o/ / 'dzum zhing cung zad phye ba'i mig gis lta ba ni mchog tu dga' ba'i dpal rdo rje spyan zhes bya ba'i phyag rgya thams cad sgrub par byed pa ste 'dis blta zhing btung bar bya'o/ / 'di ni bcom ldan 'das kyis rab tu dga' ba chen po dpal rdo rje don yod dga' ba'i bcud kyis len gyi mchog gi dngos grub ces

  312. 157a

    dra ba'i drug tu ste/ tshe zang pa thams cad kyang 'dis rdo rje sems dpa'i tshod gzhon pa dang / rang med pa dang / gzugs dang / spobs dang / 'azi brjid kyi slobs/ dang / spro ba dang / dngos grub kyi mchog thams cad dang / dpal dang / skal ba bzang po dang / dga' ba chen po dang / shin tu bde ba thams cad dang / yid bde ba dang / dngos grub kyi mchog thob pa ste/ ji srid dngos grub kyi mchog thams cad kyi las kyi tshogs mchog tu dam pa grub ste/ bcom ldan 'das yum gyis rgyas btab pa tsam gyis skad cig ma gcig gis grub pa'o// bsnyems pa dang bcas pa'i yon pa'i mig dgod cing bstod pa ni/ bcom ldan 'das dgyes pa chen po'i dpal don yod pa'i dga' ba'i rgyal mtshan mchog gi dpung rgyun zhes bya ba'i phyag rgya ste/ 'dis rgyas btab pas thams cad las rnam par rgyal bar byed pa dang / phyag byed du bcug pa dang / rab tu sgrub par byed pa dang / ji bzhin ji srid mchog thams cad grub cing dngos grub chen po'i dbang phyug nyid rab tu sgrub par byed pa'o/ / sgeg pa dang bcas pa'i lta ba dang / 'dzum pa dang / gsong zhing phyag 'tshal ba dang ldan pa ni bcom ldan 'das kyi phyag cu phyag 'tshal ba'i phyag rgya ste/ dga' ba cheran po dpal don yod pa'i dbang phyug gi ki li ki la zhes bya ba'i phyag rgya sde/ 'dis rdo rje sems dpa' la sogs pa'i brtad

  313. 157b

    pa dang g.yo ba'i dngos grub thams cad la rgyas btab pas 'dud par gyur nas/ dngos grub mchog thams cad la sogs pa'i dngos grub thams cad kyi las kyi tshogs kyis mchog gi dam pa'i dngos grub kyis 'grub par 'gyur ro/ / rnam par 'phrul pa dang sgeg pa dang bcas pa'i 'dzum pa'i zhal nyid ni/ bcom ldan 'das mchog dang po rdo rje sems dpa'i dga' ba chen po'i dpal rdo rje don yod dga' bas rnam par 'phrul pa brtson pa zhes bya ba mchog tu gsang ba'i rdo rje 'dzum pa'i phyag rgya ste/ 'dis bcom ldan 'das rdo rje 'dzin pa thams cad kyi slob dpon mchog dang po'i glu ni/ kun mchog dngos grub chen po ni// dbang phyug chen po lhag pa'i lha// rdo rje 'dzin kun rgyal po ste// mi 'gyur mchog ni 'grub par 'gyur// rnam par 'phrul p a dang bcas pa'i sgeg pa'i 'dzum pa'i phyag rgyas btab pa tsam gyis thams cad kyis thams cad kyi dngos grub chen po'i dbang phyug chen po'i bdag po nyid la sogs pa'i dngos grub thams cad las kyi tshogs yid kyi 'dod pa rnams 'grub par byed do/ / sarba ku ru ya thA su khaM/ zhes bya ba brjod do// de bzhin gshegs pa thams cad kyi gsang ba theg pa chen po'i mdo sde'i dbang po'i rgyal po bcom ldan 'das phyag na rdo rje de bzhin gshegs pa thams cad kyi phyag rgya ste/ de bzhin gshegs pa thams cad kyi theg pa chen po'i mngon par rtogs pa'i gsang

  314. 158a

    ba'i rdo rje byin gyis brlabs pa zhes bya ba 'di rang bzhin gyis 'od gsal ba'i phyir/ chos thams cad rnam par dag pa la sogs pa ma lus shing lus pa med pa'i de bzhin gshegs pa thams cad kyi chos nyid thob pa'i ye shes dang / mngon par shes pa dang / mchog gi dngos grub la sogs pa'i dngos grub thams cad kyi las tshogs rnams sgrub par byed pa'o// rnam par 'phrul pa dang bcas pa'i 'dzum zhing smin ma'i khro gnyer rdo rje lta ba'i phyag rgya ni bcom ldan 'das kyi khro bo ki li ki la zhes bya ba'i phyag rgya ste/ 'dis rgyas btab pas rdo rje sems dpa' la sogs pa'i brtan pa dang g.yo ba'i dngos po thams cad rjes su chags pa dang / dgug pa dang / dbang du bya ba dang / 'bebs pa dang / gzhug pa dang / gar dang / glu dang / rnam par 'phrul ba ston pa dang / bden ngag thams cad dang / grol ba dang / phra dbab pa thams cad sgrub pa dang / sgyu ma thams cad dang / rmad du byung ba thams cad so sor ston pa dang / sna tshogs pa'i gzugs thams cad kyis bya ba ston pa dang / thams cad la rgyas btab pa dang / gnod pa dang / gdul ba dang / gsod pa dang / thams cad phyir 'dren pa dang / thams cad sgrub pa dang mchog gi dngos grub la sogs pa gzhom du med pa'i dngos grub thams cad kyi las kyi tshogs rnams sgrub par byed pa'o/ / thams cad dag pa'i ting 'dzin gyis// thams

  315. 158b

    cad mnyam pa nyid kyi gzugs/ / sna tshogs pa yi bya ba la// rab tu 'jug pa'i mchod pa byin gyis brlab// rdo rje pad+ma zhes bya ba'i ni/ bcom ldan 'das 'phags pa spyan ras gzigs kyi dbang phyug gi phyag rgya ste/ thams cad rnam par sbyang ba dang / srung ba dang / yongs su sbyong ba dang / rims thams cad dang / dug dang / sbyar ba'i dug dang / gdon dang / nang dang / mkha' 'gro ma'i phyag rgya nye bar zhi ba dang / shi ba yang dag par gso ba dang / dbang phyug thams cad thob pa dang / gzugs sna tshogs pa'i bya ba thams cad la rab tu 'jug pa la sogs pa'i dngos grub mtha' yas pa de bzhin gshegs pa thams cad kyi ting nge 'dzin gyis rab tu byed pa'o/ / nam mkha' phra bar bskyod pa dag gis rol zhing rnal 'byor thams cad kyi rjes su chags par bya ste/ 'di la bcom ldan 'das nam mkha' snying po'i rdo rje byin gyis brlab pa zhes bya ba'i phyag rgya ste/ 'dis rgyas btab pas bcom ldan 'das rjes su chags shing dgyes pa dang / brtan par rjes su chags nas nam mkha' thams cad kyi bdag nyid kun gyi dngos po nyid kyi phyir bsam pa thams cad yongs su rdzogs pa dang / mchog gi dngos grub la sogs pa'i dngos grub thams cad kyi las kyi tshogs yid la 'dod pa rnams sgrub par byed pa'o zhes bya ba yang gsungs so// mchog dang po ni mchog nyid du/

  316. 159a

    gsang ba dam pa gsungs pa yin/ rig sogs phyag rgyas rgyas btab pa'o// rdo rje sems dpas gsungs pa yin// rdo rje kun 'dzin slob dpon gyis// tsum+ba na dang 'khyud sogs kyis/ / thams cad rnal 'byor rjes sgrub ste// myur du kun la rgyas gdab bya// snying po phyag rgya sngags rigs pa'i// sgrub pa 'di ni rmad byung ste// grub pa med pa rnams la yang / / dngos grub thams cad rab sgrub byed// gang la dngos grub med gyur dang // bsod nams phun tshogs med pa yang // bdag nyid rdo rje sems dpa' ma// rgyas gdab myur du 'grub par 'gyur/ / gal te rdo rje sems dpa' mchog/ snying po la sogs nye snying pos// bsgrub bya grub par ma gyur na// tsum+ba sogs kyis rgyas gdab bya// gang phyir gsang ba'i phyag rgya ni/ / dngos grub kun gyi bde dam pa// rdo rje sems dpa'i mchod pa mchog/ de yis myur du 'grub par 'gyur// de nyid chen po 'di grub pa// mchog gi bdag nyid dam pa ste/ / mchog tu gsang ba bsod nams ldan// so so'i skye bo la brjod min// rdo rje slob dpon slob ma mchog/ de nyid dad pa'i rjes 'brang la// gal te dngos thub mchog 'dod na/ / sbyin te gzhan la sbyin mi bya// phyag rgya'i rgyud 'di 'bo' zhig gis// bdag nyid gang la yod gyur na// bdud la sogs pa thams cad kyis// mi thub

  317. 159b

    pab dang song mi 'gyur/ / de nas rgyal po rdo rje 'dzin// kun mchog dngos grub kun stsol ba// thams cad mdzad cing thams cad mkhyen/ thams cad sgrub par mdzad pa yin// zhes bya ba bcom ldan 'das rdo rje sems dpas gsungs so/ / dpal mchog dang po las/ mchog tu gsang ba zhes bya ba'i phyag rgya'i rgyud phyag rgya bcu pa rdzogs so// / de nas mchog tu mkhas shing phra la zab cing rgya che ba/ bsam gyis mi khyab pa/ shin tu mtha' yas pa/ tshad med cing gzhal du med cing brjod kyis mi lang zhing rab tu khyab pa/ mchog tu grub ba zhes bya ba'i phyag rgya'i rgyud bshad pa'o/ / zhes bya ba bcom ldan 'das mchog tu grub pa'i rdo rjes gsungs so// de la phyag rgya bcu ni bdag nyid thams cad skyed par byed pa'o// rdo rje/ sems dpa'i phyag rgya chen po'i bde ba chen po'i rdo rje don yod pa'i dam tshig las byung ba'o// sngon du dang po'i dngos grub thams cad mchog la sogs pa'i dngos grub thams cad kyi las kyi tshogs myur du sgrub par byed pa ste/ de la 'di ni sku'i phyag rgya ste ba dan gsum pa dang / kha T+wAM ga'i phyag rgya bcings nas g.yon pa dril bu dang bcas shing g.yas pa bslang ba'i tshul du byed ba ste/ sgeg pa dang bcas pa'i mdzub mo la sogs pa dkrol ba'i gar gyis rdo rje 'dod pa'i dbang phyug ma bstod pa ste/ thams cad kyi mchog dngos grub chen po dbang phyug chen po'i mchog na

  318. 160a

    phyag rgyas dga' ba chen po'i dpal rdo rje dor yod pa'i dgyes pa'i dmatshig dngos drub kyi rnal 'byor gyi dbang phyug ma zhes bya ba ste/ des rdo rje bsnyems ma yongs su btang bar byas na dngos grub bzhir 'gyur ro/ / rdo rje bsnyems ma de nyid kyis rgyas btab na thams cad kyi mchog gi dngos grub chen po'i dbang phyug chen po'i bdag nyid mi 'gyur ba'i mchog go// mnga' gsor bas rgyas btab na rdo rje lha mo rnams kyang rjes su chags par byed na/ bud med gzhan rnams lha smos kyang ci dgos/ rdo rje ki li ki las rgyas btab na lha dang lha ma yin gyi bud med thams cad rol par byed cing ma grub na'ang thams cad sgrub par nus pa yin no/ / chu srin gyi rgyal mtshan bsgreng ba'i phyag rgya 'dis thams cad las rnam par rgyal ba dang gsod pa'o// rdo rje 'dod pa'i dbang phyug mas yongs su dgod cing 'phreng ba dor ba'i sngags dang phyag rgyas btab pa tsam gyis 'dod pa thams cad kyi dbang phyug thob pa'o// mchog tu gsang ba'i ras ris kyi phyag rgya ji lta ba bzhin du brjod par bya'o/ / bde ba chen po rdo rje don yod pa'i dam tshig gi mchod pas rab tu dga' ba la sogs pa'i mchod pa thams cad thob pa mi bzang ba'o// rdo rje bstod pa'i phyag rgyas srid pa gsum thams cad bskyod pa dang rab tu byed pa'o// rdo rje hUM mdzad kyi phyag rgya dang rkang pas lha'i gzugs brnyan mnan cing rgyas btab nas sdigs mdzub

  319. 160b

    byas te/ lha la sogs pa'i sems can de dang de ring por mi thogs par rgyas btab pas bka' bsgo ba thams cad dang las rnams byed par 'gyur ro// stan mthon po la skyil krung phyed pas 'dug ste rkang pa g.yon pas rdo rje sems dpa'i gzugs brnyan yang mnan nas rdo rje gsor zhing rdo rje sems dpa' mnan nas/ dngos grub yid du 'ong ba thams cad dang phun sum tshog bab rnams nyams su myong na/ lha la sogs pa'i sems can rnams lha smos kyang ci dgos/ g.yon pa'i rdo rje khu tshur gyis rang gi rtags bzung nas g.yas pa rdo rje la sogs pa bstod pa'i tshul gyis 'dzin cing / yid la 'dod pa'i lha'i bu mo thams cad la rgyas 'debs shing stobs kyis rol bar byed pa 'am sgrub par byed pa ste/ rdo rje sems dpa'i phyag rgya chen po'o// de nas dam tshig gi phyag rgya ni bde ba chen po rdo rje don yod pa'i dam tshig las byung ba ni bcu ste/ snying khar sen mo 'drud pa'o// lcags kyu brdeg pa'o// g.yon pa'i lcags kyu la zhags pa de gzhug pa'i lcags kyu'i rtse mo btsir ba'o/ / phan tshun sems drung pa'i snying khar byas pa'o// lce mnyam par byin pa'o// snying khar rdo rje bstan par rab tu bzhag pa'o// bya ba'o// rtse ba'i phyag rgya yang ngo // 'di rnams kyis dngos grub dang / phun sum tshogs pa dang / bde ba dang / phyag rgya dang / dam tshig dang / dkyil 'khor dang / chos

  320. 161a

    dang / ye shes dang / las dang / bde ba chen po thams cad kyi dngos grub rnams don yod par thob par 'gyur ro// de nas gsang ba'i dam tshig gi rdo rje bsdams pa las byung ba'i las bcu ni/ dbus ma'i lcags kyus so// kha sbyor gyin du rdo rje sor mo rnams thams cad kyi las so// mthe bong rdo rje'o// de nyid kyis mthil gnyis su drud pa'o// mdzub mo rdo rje de nyid kyi lcags kyu gnyis so/ / dbus ma'i rdo rje'o// de nyid kyi sor mo'i rtse mo bcing bar bya'o// srin lag gi rdo rje'o// de nyid kyis sor mo'i rtse mo dag gi rol mo'o// mthe'u chung gi rdo rje'o/ / de nyid kyis mthe bong gnyis kyi sen mo btsir ba'o// 'di rnams kyis btab pas rdo rje sems dpa' la sogs pa'i dngos po thams cad sgrub pa dang / rjes su chag pa dang / dbang du byed pa dang / dgug pa dang / rol pa dang / chags pas bcing ba dang / thams cad smrar gzhug pa dang / gar byed du gzhug pa dang / dgod du gzhug pa dang / gsod pa'o// de nas las kyi dam tshig gi phyag rgya bcu ni/ rdo rje gar gyi mchod pa lha dang lha ma yin gyi bu mo thams cad dang / bu mo gzhon nu ma thams cad brtan par rjes su chags pa ni rdo rje lta bas so/ / rab tu dga' ba'i sgrub pa ni ma mchu nang du g.yo bar byed pas mya ngan dang btung ba'o// chags pa brtan zhing lhung ba ni dbugs ring por gtong bas so// de nas las

  321. 161b

    'dod pa thams cad kyis dbang phyug thob pa ni dpung pa gnyis bstod pas so/ / thams cad kyis mchod par 'gyur ba ni snying khar bzhugs pas so// yod par thams cad rnyed pa ni mig dgug pas so/ / 'dod pa'i chags pa bskyed pa ni dbus dang bcas pa'i sman pa'i gdong gis blta bas so// thams cad 'bebs pa'i cho ga ni rang gi snying phra bar bskyod pa'i las rnams kyis so/ / 'dod pa'i chags pa bsad pa ni dbugs btung bas rang nyid sdang bar byed pas so// 'dod pa thams cad kyi rjes su spod pa la sogs pa'i las thams cad kyi byed pa ni bka' bsgo bas so/ / de rnams rdo rje sems dpa' la sogs pa'i brtan pa dang g.yo ba'i dngos po thams cad la'ang nye bar sbyor ba na don yod grub pas skad cig nyid kyis brtan zhing mi 'gyur ba'i dngos grub kyis rgyas btab na 'grub par 'gyur ro/ / zhes bya ba bcom ldan 'das rdo rje sems dpas gsungs so// de nas las kyi phyag rgya bcu ni/ rdo rje bsnyems pa'i phyag rgyas thams cad sgrub pa'o/ / rdo rje mtshon chams thams cad las rnam par rgyal ba dang rjes su chags pa'o// rdo rje ki li ki las rab tu dga' ba'i reg bya dang dngos grub thams cad bde bas grub pa'o// rgyal mtshan bsgreng bas 'thab mo thams cad las rnam par rgyal lo/ / rdo rje 'dod pa'i dbang phyug mas bdag po chen po nyid do// dus kyi mchod pas mchod par 'gyur ba nyid do// rdo rje gsor bas thams

  322. 162a

    cad 'dul ba'o/ / rdo rje dor rabs thams cad gsod pa dang thams cad 'phrog pa'o// g.yon pa bsnyems shing g.yas pa'i rdo rje khu tshur gyis las rnams kyi sgyu ma dang rdzu 'phrul thams cad dang / so sor ston pa dang / rmugs pa dang / rengs pa dang / gnyid log tu gzhug pa dang / bskor ba dang / baspang ba dang / 'bru dang / ltung ba 'pho ba dang / dbang du byed pa la sogs pa'i las thams cad sgrub par byed pa'o/ / rdo rje sems dpa'i dam tshig gi phyag rgya bcu ni/ rdo rje thal mo las byung ba'o// rdo rje sku mchog gi dngos grub thams cad do// mdzub mo gnyis kyi lcags kyus dngos grub thams cad do/ / rdo rje gnod sbyin gyis bdud thams cad la sogs pa'i gdug pa 'dul ba'i de nyid kyi mthe bo'i rdo rje btab pas thams cad rnyed pa'o// de nyid kyi mthe bong gnyis bcug pa'i gtsug tor rdo rjes thams cad srung ba'i mthe bong rdo rje nang du bcug pa de nyid kyis rdo rje sems dpa' la sogs pa'i sems can rjes su chags pa dang / dgug pa dang / dbang du byed pa sgrub pa'o// mthe'u chung rdo rje sor mo gnyis kyi rtse mo gnyis mdzub mo gnyis kyis legs par bzung bas mthe bong ni dpal dgug pa dang dbang du byed pa'o// rdo rje gnod sbyin gyi rgyal mo de nyid kyis nor thams cad dang dpal dbrog pa'o/ / de nyid kyi dbus ma gnyis kyis srin lag gnyis kyi rtse mo yongs su btsir bas bdud la sogs pa'i gdon las grol ba dang

  323. 162b

    dbang du byas nas las thams cad la sbyor ba'o/ / rab tu dga' ba'i rdo rjes yul thams cad kyi mchog sgrub pa'o// de nas gsang ba'i phyag rgya rab tu dga' ba'i rdo rje las byung ba'o// sems dpa' mnan nas rdo rje lha mo rol du gzhug pa'o/ / de'ang rab tu dga' ba'i rdo rje chen pos rgyas btab pas so// rdo rje dang bcas pa'i rab tu dga' ba'i rdo rje las so// de bzhin gshegs pa thams cad kyi chags pa dang bral ba'i 'khor los so/ / mdzub mo dang / dbus ma dang / srin lag gi 'khor lo bsgreng bar byas la mthe bong dang mthe'u chung mnyam la bral bar bya ste/ rab tu dga' ba'i rdo rje sgrub pa de kho na nyid kyis rgyas btab cing sgrub par 'gyur ro// btsar bas 'dod pa thams cad rab tu sgrub par byed pa'o// mdzub mo lcags kyus 'dod pa thams cad kyi bde ba dgug pa'o/ / mdzub mo phrag dog la sogs pa'i 'dod pa thams cad kyi sdug bsngal rab tu zhi ba'o// rtag tu bskyod pas rab tu dga' ba 'bebs shing de nas sgrub pa'o// skye gnas g.yo bas dud med dang skyes pa dag gis rab tu dga' ba la 'jig rten las 'das pa'i 'dod pa thams cad kyi bde ba chen po shin tu mtha' yas pa'o// kha sbyor btsir bas ji srid 'tsho'i bar du 'dus pa dang bral ba'ang ngo / / rtags kyi sen mo g.yon pa'i mthil drud pas shin tu brtan pa'i 'dod pa la chags pa nyid du 'gyur ro// gzhan gyi 'dod pa la mi blta zhing

  324. 163a

    gzhan la mi 'gro bar shin du bde ba de yid bde bster ba'i bud med thams cad 'grudzub par 'gyur ro/ / skye gnas kyis ser mo drung bas skyes bu rnams so// de nas thams cad kyi bdag nyid kyi gsang ba'i phyag rgya bcu ste/ de la lus thams cad kyi phyag rgya ni rdo rje khu tshur gnyis kyis 'khrud la ma mchu so rnams kyis bzung ste/ rmongs pas bde ba sngar du gzhug/ sgrub pas rab tu dga' ba'i dngos grub kyi rdo rje sems dpa' shin tu 'grub par 'gyur ro/ / mchog dang po'i dngos grub kyis su ra ta s+t+waM zhes bcom ldan 'das la brjod cing de kho na nyid bskul bas grub par 'gyur ro/ / rab tu dga' ba'i ye shes kyis thams cad sgrub pa'o// lag pa g.yon pa'i gsang ba khu tshur ni thams cad sgrub pa'o// bde ba chen po rdo rje las byung ba'i rdo rje chen po'i blta bas thams cad grub pa'o/ / smin ma gyen du bteg pas lhung ba slong ba'o// rang gi ma mchu nang du myang bas skal ba bzang po chen po sgrub pa'o// rang gi lce bskyod pas rang nyid kyis bden pa thams cad dang de kho na nyid gsal zhing mi slu bar smra ba'o/ / rang gi lus la 'bebs pas gzugs thams cad yongs su bsgyur ba ste/ rdo rje sems dpa' 'am rang sangs rgyas su'ang 'gyur ba yin no/ / rang gi bdag nyid rdo rje bsgoms pas nam mkha' la 'gro ba'o// de nas dang po'i las thams cad kyi phyag rgya bcu ni/ rdo rje thal mo kha T+wAM gas so//

  325. 163b

    dngos grub thams cad rdo rje khu tshur dag gis so// de bzhin gshegs pa'i khu tshur dag gis dngos grub thams cad do// thams cad gsod pa ni khro bo'i khu tshur dag gis so// thams cad sbyar ba ni pad+ma'i khu tshur dag gis so/ / nor thams cad dbrog pa ni nor bu'i khu tshur gyis so// thams cad 'bebs pa ni thams cad 'bebs pa'i khu tshur gyis so// thams cad gar byed du gzhug pa ni kha T+wAM ga gtor ba'i khu tshur dag gis so/ / thams cad smrar gzhug pa ni mdzub mo mnyam pa'i lce'i khu tshur dag gis so// thams cad bskyod pa ni brtan pa'i khu tshur dag gis so// thams cad gzhug cing don yod par sgrub pa ni rdo rje lcags kyu'i khu tshur gyis so// de nas rdo rje khu tshur gnyis kyis ci 'dod pa'i lag pa'i sor mo'i phyag rgya bcu ste/ don yod cing thogs par med pa skad cig mas myur du grub par byed pa 'di lta ste/ bi wang dang / gling bu dang / rdza rnga dang / mu kuN+Da dang / cha lang dang / rnga bo che dang / rnga zlum dang / rnga pa Ta ha dang / guny+dzA dang / hi mi li ste/ 'di rnams kyis rgyas btab na thams cad du rjes su chags pa dang / dbang du byed pa dang / 'bebs pa dang / rims dang / dug dang / sbyar dug dang / gdon las grol ba dang / gsong ba dang / 'thab mo las rnam par rgyal ba dang / phun sum tshogs pa thams cad thob pa yin no zhes bya ba gsungs so// 'dod chags chen po rnam dag phyir/

  326. 164a

    rdo rje sems dpa' tshan po yin/ thug rgyu rtog pa rab tu bas// rnga rje slob pon slob ma mchag/ de 'a dang pa'i rjes 'brang la// tshogs tsam gyis nis cig gis/ / don yod kun grub bde bar gsol// zhes bya'o// dpal mchog dang po las/ mchog tu grub pa zhes bya ba'i phyag rgya'i rgyud rdzogs so// de nas mchog tu mkhas shing mtha' las 'das pa/ tshad med cing gzhal du med pa/ ma lus shing lus pa med pa'i mchog gi dngos grub chen po'i bdag nyid la sogs pa'i dngos grub thams cad kyis las kyi tshogs mchog tu dam pa'i grub pa zhes bya ba rdo rje gar las byung ba'i tshogs thams cad kyi phyag rgya stong bshad par bya'o/ / zhes bya ba bcom ldan 'das rdo rje sems dpas gsungs so// phyag rgya chen po mnyam bzhag nas// sgeg bcas mdzub sogs bkrol ba yis// las kyi phyag rgya chen po rgyu// thams cad gar gyis bsgrub par bya// bde ba chen po rdo rje gsang ba'i lcags kyus khyad par du las kyi phyag rgya bcing bste/ brgya phrag dang po mchog tu bsgrubs te rdo rje dam tshig lha mo rnams kyi phyag rgya'o// rdo rje bsdams pa bcings nas ni// kha sbyor nang du gsal ba ste/ / mchog dang po yi gsang chen gyis// las kyi phyag rgya brgya gzhan yin// zhes bya ba rdo rje lha mo gsang ba thams cad kyi phyag rgya'o// rdo rje gar gyi mchod pa che'i/

  327. 164b

    thal mos spyi bor bzung nas ni// las kyi phyag rgya grub pas na// dbang po rnams dang sbyar bar bya// zhes bya ba rdo rje thams cad kyi mchod pa chen po'i lha mo rnams kyi phyag rgya'o// rdo rje bsnyems mas gar bya zhing / / sgeg bcas mthe'u chung sogs bkrol bas// de nyid bcings nas gar bya zhing // phyi ma 'di ni 'byung ba yin// zhes bya ba rdo rje thams cad kyi las don yod pa'i dam tshig grub pa'i dbang phyug chen po'i mchog gi phyag rgya brgya'o/ / rdo rje thal mo mnyam bzhag nas// thams cad kyis ni bsgrub par bya// mchog dang po yi las chen po'i phyag rgya mchog ni gzhan yin no/ / zhes bya ba rgyal mo thams cad kyi phyag rgya/ mnga' lnga bsdus pa bcings nas ni// las kyi phyag rgya bde ba brgya// rab tu dga' mchog ma bkrol bas/ bde ba nyid du mngon par sbyar// zhes bya ba rdo rje thams cad kyi mchog tu gsang ba'i 'dod pa ma'i phyag rgya'o// sku gsung thugs kyi rdo rje yis// ji bzhin phyag rgya mchog sbyor bas/ las kyi phyag rgya sna tshogs brgya// mchog dang po ni rab tu brtag/ ces bya ba rdo rje thams cad kyi sku gsung thugs kyi rdo rje lha mo'i phyag rgya'o// rdo rje lha mo'i kha T+wAM ga/ lus kun gyis ni gar bya zhing / / rdo rje gar mchog glu blang zhing // dang po'i phyag rgya chen po zhes bya ba'o// ji ltar gong du brgya gsungs pa/ rol mo mchog gi phyag rgya'i tshogs// rol mo brdung ring

  328. 165a

    glu len pa/ / brag rgya kun gyi gsal ba brgya// zhes bya ba rdo rje thams cad kyi lha'i bla mo'i tshogs kyis phyag byaste/ phyag tu srong mchog tu thub pa'o// de la sogs pa mtha' yas mchog/ chos dbyings mnyam dang mi mnyam pa// nam mkha'i mtha' lhur grangs med pa'i// phyag rgya'i rgyal mo grub mchog ster// kun mchog dngos grub chen po yi// dbang phyug chen po'i mchog grub phyir// nam mkha' kun gyi go skabs kyis// dkyil 'khor 'di ni rab tu zhugs// dam pa mchog tu grub par byed// mchog gi dam pa rgyud chen po/ dam pa mchog gi dngos grub ster// rdo rje slob dpon slob ma mchog/ de nyid dad pa'i rjes 'brangs la// phyag rgya kun gyi tshul 'di ni// bstan par bya ste gzhan la min// de ltar mchog hutu mi 'gyur dam pa'i dngos grub bde ba yi/ / mchog tu rnam dag rdo rje bde grub mtha' yas 'bras bur ldan// dpal mchog dang po'i gsal ba'i de nyid mchog gi sku'i tshul lo// mchog tu rtag pa'i tshul 'di yongs su mthur thug pa'o/ / dpal mchog dang po las/ dam pa mchog tu grub pa zhes bya ba'i phyag rgya'i rgyud rdzogs so// // de nas sems dpa' chen po kun/ / rdo rje 'dzin dang bcas pa'i mchog/ rdo rje 'chang chen gtso bo ni// mgon la bde gshegs rnams kyis gsol// kun mchog nam mkha' chen po yi// dngos

  329. 165b

    grub dbang phyug rab grub phyir/ / rtog pa thams cad kun bsdus pa'i// de nyid sems dpa' chen pos gsungs// rnam rtog med pa'i chos rnams la// rtog pa'i don 'di gang brjod pa/ gang gis rgyud 'di phyi ma la// dang po'i gnas mchog ji ltar lags// de bzhin rdo rje sems dpa' nyid// rab dga' nyid dang bzang ba nyid// rdo rje bsnyems bdag ji ltar lags/ sems dpa' sems dpa'i ting nge 'dzin// de bzhin rdo rje rdo rje 'dzin// rdo rje 'chang chen nyid dang ni// byang chub spyod pa ji ltar lags// bdud dang bdud las rgyal ba nyid// byang chub sangs rgyas ji ltar lags/ / rdo rje gtum mo mthar byed nyid// phyag na rdo rje ji ltar lags// ji ltar dang po'i rigs byung dang // 'dod pa thar pa ji ltar lags// ji ltar mgon po rnam gsum dang / / khyod ni ji ltar thams cad nyid// dang po'i snying po ji ltar lags// de ci nye snying ji ltar lags// bde chen rdo rje chen po yi// don yod dam tshig ji ltar lags// dkyil 'khor zhes bya ji skad gsungs// de yi rnam smin ji lta bu// thig gdab pa dang brtag pa yis// dngos grub ji ltar gsungs pa lags// gsang ba lnga yi de bde ba// ji ltar zur pa ji lta bu/ / dkyil 'khor bdag po rnams dang ni// rigs rnams gsal ba ji ltar lags// thams cad dbang bskur de nyid dang // phyag mtshan tshogs kyi de nyid dang // thams/

  330. 166a

    cad dgug gzhug mchod pa che// bdag byin brlabs sogs sgrub pa che// de ni de nyid gsang ba dang // don yod pa ni mchog nyid de// mi 'gyur dam pa grub pa'i phyir// thams cad bdag cag rnams la gsungs// zhes bya ba bcom ldan 'das de bzhin gshegs pa thams cad kyis mchog gi mdo gsungs so// de nas ston pa rdo rje 'dzin// rtog pa kun gyi bdag po ni/ / the tshom tshogs rnams gsan nas su// 'di yi lan ni gsungs pa yin// de la rtog pa'i don gyi rgyud ji ltar yin zhe na// rnam rtog med pa'i chos rnams las// sems can don ni yongs brtags pas/ / des na rtogs par gsungs pa ste// rtog pa yongs su dag phyir ro// de nas rgud phyi ma ji ltar yin zhe na/ rgyud ni rgyun zhes bya bar bshad// phyi ma sngar dang / yang dag byung // de nyid gsang ba'i gsang ba dang // phyi ma dang bcas rgyud du 'dod// de la dang po gnas zhes bya ba'i rgyud ji ltar yin zhe na/ nam mkha' kun la rab tu gnas// rdo rje kun mchog rang bzhin mchog/ bde ba chen po dga' ba che'i// grong khyer der ni mo 'gyur mchog/ ces bya ba bcom ldan 'das rdo rje sems dpas rtog pa thams cad kyi rtog pa'i de kho na nyid ces bya ba 'di gsungs so/ / de la thos mthar med pa'i rdo rje sems dpa' ji ltar yin na/ nam mkha' skye ba mtshan ldan phyir// thog ma tha ma med pa'i mchog/ sems dpa' rdo rje cherang

  331. 166b

    bzhin/ / rdo rje sems dpa' zhes byar brjod// de nas bcom ldan 'das de gang yin zhe na/ kun mchog dngos grub chen po yi// dbang phyug chen po lhag pa'i lha// rdo rje 'dzin pa kun gyi rgya rab tu dga' ba mi 'gyur mchog/ de la bcom ldan 'das dga' ba chen po nyid ji ltar yin zhe na/ nyes pa med cing shin tu rtag/ 'dod chags kun gyis rjes chags pa// de nyid 'di yis gsang ba 'di/ / 'dod chags chen po'i dga' ba che// de la ci kun tu bzang po nyid ji ltar yin zhe na/ shin tu dag pa kun gyi mchog/ gdod nas grol ba de bzhin gshegs// kun tu bzang po kun bdag nyid/ / byang chub sems dpa'i cho ga mchog/ de la rdo rje bsnyems pa'i bcom ldan 'das ji ltar yin zhe na/ kun mchog dngos grub chen po yis// dbang phyug chen po'i phyag rgya'i mchog/ rdo rje dbang phyug cher bstod pas// rdo rje bsnyems pa'i bdag po'i bdag/ ces bya ba ni bcom ldan 'das mchog dang po'i skyes bu'o// mchog dang po yi nyid 'di/ rdo rje sems dpa' gang gang brjod// dngos grub kun gyi 'byor pa rnams// de la thams cad 'grub par 'gyur// zhes bya ba mchog gi de kho na nyid bcom ldan 'das rdo rje sems dpas gsungs so/ / de nas de'i 'og tu las kyi byabs bcom ldan 'das thams cad kyi mchog nyid du bshad par bya'o// bcom ldan 'das rdo rje sems dpas gsungs so//

  332. 167a

    de la bcom ldan 'das thams cad kyis sems can ji ltar yin zhe na/ bsam gyis mi khrab rgya che ba// zab dngos kun bde mi 'gyur ba// thams cad khyab cing dri ma med byang chub sems ni bdag brtan pa/ / de nas 'di las khyad par ni// sems nyid brtan pa nyid sems pas// ting 'dzin de la mnyam par bzhag/ rnam shes las ni rdo rje kun// rdo rje las ni 'dzin gyur te/ / bcom ldan 'das rdo rje 'dzin ji ltar yin zhe na/ sems dpa'i byin rlabs sbyor ba ni// bdag la byin brlabs mchog sgrub pa// nyin re sgrub par byed na des// rdo rje sems dpa' nyid thob 'gyur/ / de la bcom ldan 'das kun tu bzang po'i spyod pa ji ltar yin zhe na/ snying stobs rdul dang mun pas kyang // gang phyir sems can don gyur pas// de phyir nga ni kun tu bzang / / byang chub spyod pa'i rjes 'jug pa'o// de la ji ltar bcom ldan 'das bdud nyid dang 'dul bas rgyal ba ji ltar yin zhe na/ sems nyid kho na bdud nyid de// sems nyid de bzhin gshegs pa'o/ / rang sems gdul bar bya ba'i phyir// bdag ni bdud nyid gyur pa yin// de la ji ltar bcom ldan 'das mngon par rdzogs pa'i byang chub dang sangs rgyas yin zhe na/ rang sems so sor rtog pa'i phyir// byang chub sems mchog rdo rje nyid// de phyir de nyid sangs rgyas nyid// bdag byin brlabs mchog grung phyir ro// de la ji ltar

  333. 167b

    bcom ldan 'das phyag na rdo rje yin zhe na/ mi phyed so sor rtogs pa dang // gdug pa thams cad nges par gnon// sangs rgyas kun dngos rdo rje ste// byang chub sems ni brtan pa bdag/ kun tu bzang po'i lag tu ni// mtshon cha de ni rgyal bas byin// brtan pa thams cad grub pa'i phyir// des na phyag na rdo rje des// de la ji ltar dang po'i rigs las byung ba shes pa rgyud yin zhe na/ shes rab pha rol phyin pa yum// yab ni thabs la mkhas pa ste// rdo rje sems dpa' gdul bya'i phyir// rigs rnams rab tu byung ba'o// de la ji ltar bcom ldan 'das 'dod pa thar pa yin zhe na/ bcom ldan 'das ni chags pa che// dngos grub thams cad rjes chags phyir// dngos grub thams cad mi 'gyur bde// bde ba chen po zhes brjod pa'o// de la ji ltar bcom ldan 'das rnam pa gsum pa yin zhe na/ bdag ni dus gsum mtha' yas phyir// nga ni srid gsum gdul bya'i phyir// gsum mchog 'jig rten gsum kun phyir// 'jig rten gsum nga khams gsum nga // de la ji ltar bcom ldan 'das thams cad nyid yin zhe na/ nga ni brtan pa thams cad bde// bsod nams kun mchog che ba'i phyir// g.yo ba sems kyis 'dus byas phyir/ / sgyu ma thams cad nga yin no// zhes bya ba rang gi las kyi bya ba'i de kho na nyid rdo rje sems dpas gsungs so// de la ji ltar dang po'i glu byung ba shes pa yin/

  334. 168a

    zhe na/ srid pa shin tu grub pa yi// dbang phyug chen po mchog grub phyir// gzi can sems can don mdzad phyir// bskal pa thog mar bcom ldan 'das kyis gsungs/ / de nas de gang yin zhe na/ 'dod chags chen po bcom ldan 'das// rab tu dga' ba mi 'gyur mchog/ gsang ba'i phyir ni snying po brjod// yi ge hUM ni mi 'gyur mchog/ de nas nye ba'i snying po yi/ / de kho na nyid shes pa ni// de nyid gsang zhing gsang ba dang // snying po rab tu brjod par bya// snying po'i rjes su sgrub par 'grub// nye ba'i snying po nyid du brjod// de la ji ltar bde ba chen po'i rdo rje don yod pa'i dam tshig gi bshad pa'i rgyud yin zhe na/ dngos grub kun gyi mi 'gyur bde// bde ba chen po zhes brjod do// rdo rje de nyid don yod grub dam tshig 'da' bar dka' ba'o/ / zhes bya ba'i mchog gi dam pa'i glu bcom ldan 'das rdo rje sems dpas gsungs so// de la ji ltar dkyil 'khor gyi don shes pa yin zhe na/ ji lhur gnas dang 'khor lo dang / / ji ltar dgod par 'gro ba dang // 'khor dang bcas pa dgod pa gang // de 'dra'i 'khor lo mchog gis sprul// de nas rnam par shes pa ni// rdo rje sems sogs lha rnams kyis// 'khor lo mngon sum mthong ba yis// rtag pa'i bsod nams ci 'dra ba// phyir na bris na'ang de bzhin no// de nas thig gdab pa'i cho ga ni

  335. 168b

    shes rab can gyis dkyil 'khor bris/ / phyogs kun mnyam pa nyid dmigs la// shar dang nub dang byang dang sgor// thig bzhi btab pas dkyil 'khor brgyad// rdo rje thig gis yongs bskor bar/ / sab brgyad kyis nyer mdzes shing // gro ba ni rtsa babs/ gakhyer dang // rbab dra byed la sogs brgyan// der bdag po yi don shes ni// rdo rje sems dpa lba bu zhe na/ nam mkha' skye ba mtshan ldan phyir// thog mA tha ma med pa'i mchog/ sems dpa' rdo rje tshe rang bzhin// dpal mchog dang po zhes byar brjod// de nas bcom ldan 'das 'das gang zhe na/ / kun mchog dngos grub chen po yi// dbang phyug chen po lhag pa'i lha// rdo rje 'dzin pa kun gyi rgyal// rab tu dga' ba mi 'gyur mchog/ ces bcom ldan 'das rdo rje 'dzin pas gsungs so/ / de nas spyan ras gzigs dbang gis// pad+ma rA ga dang mtshungs pa// thams cad dag pa bla na med// rdo rje sems dpa' rang bdag nyid/ / spyan ras gzigs kyi dbang phyug nyid// de nas pad+ma'i rigs kyi de kho na nyid ni/ rdo rje chos ni rab grub phyir// sems can thams cad rnam dag phyir// pad+ma chen po'i rigs dag pa'i/ / ting 'dzin ye shes kun nas bsdus// zhes bya'o// de la ji ltar nam mkha' snying po yin zhe na/ thams cad nam mkha'i bcom ldan 'das// sems

  336. 169a

    can bsod nams mthong zhing che/ / nam mkha'i snying po sems dpa' dang // de nas nor bu'i rigs kyis ni// dbang bskur ba dang gter dang ni// rdo rje rgyal mtshan mchod pa che/ / nor bu chen po'i rigs grub pa// bsam pa thams cad yongs rdzogs pa'o// zhes bya ba dkyil 'khor thams cad kyi de kho na nyid chen po bcom ldan 'das rdo rje sem dpas gsungs so/ / rdo rje rigs thams cad kyi dbang bskur ba shes pa ni/ sangs rgyas rin chen rdo rje phyed// rdo rje rin chen rdo rje la// spyan ras gzigs la rdo rje sku// nor bu nor bu 'dzin pa de nas mchog dang po'i phyag mtshan gyi de kho na nyid do/ / kun mchog dngos grub chen po yi// dbang phyug chen po'i mtshon cha che// gsang ba lnga yi de nyid che// rdo rje rtse lnga zhes brjod do// de nas rigs thams cad kyi phyag mtshan gyi de kho na nyid ces pa ni/ sangs rgyas thams cad sangs rgyas nyid// sna tshogs bya ba rdo rje can// 'jig rten dbang phyug rdo rje chos// nor na bu bsags pa'o/ / zhes bya ba dbang bskur ba thams cad kyi phyag mtshan gyi de kho na nyid bcom ldan 'das rdo rje sems dpas gsungs so// de la ji ltar thams cad dgug pa'i rgyud yin zhe na/ rtog pa kun gyi gsang tshon gyis// rdo rje lcags kyu dril bcas pas// bkug ste de nas rjes sgrub pa// dril bu nyid kyi bya ba yin// ji ltar mchod pa thams

  337. 169b

    cad kyi cho ga yin zhe na/ rtog pa kun gyi gsang chen gyi// rab tu dga' bas mchod nas ni// glu dang rol mo rnams 'phrul pas// mchod de slar yang rnal 'byor mchod// de la lhar dngos grub thams cad byin gyis brlabs pa'i dam tshig chen po'i de kho na nyid yin zhe na/ rtog pa kun gyi gsang chen gyi// phyag rgya kun gyis legs byin brlabs// dam tshig chen po'i 'di nyid kyis/ / rang nyid bsgrubs nas snying po bzlas// thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje bsnyems ba'i bdag po'i bdag/ ces bya ba'i mchog dang po'i skyes bu'o// de la ji ltar rang lhag pa'i lha thams cad kyi sgrub pa chen po'i rgyud yin zhe na/ brtan pa dang ni g.yo ba dang // rtog pa kun las bsgrub bya gang / / rang gi lhag pa'i lha sbyor bas// de dag thams cad bsgrub par bya// de nas thams cad rjes su sgrub pa'i rgyud ni/ rdo rje dril bu 'dzin gyur nas/ / rdo rje dril bus rab sad cing // rtog pa thams cad rjes sgrub pas// mchog dang la sogs 'grub par 'gyur// de la ji ltar 'bad pa med pa thams cad sgrub pa'i rlud yin zhe na/ bsgrub bu ci 'dod bsgrubs nas ni// phyi nas ji ltar 'dod pa yis// ci 'dod spyod pa la spyod cing // thams cad byed cing thams cad bza'

  338. 170a

    langs pa'am ni 'dug pa 'am/ / gang dang de ru 'chag pa 'am// dgod pa dang ni smra ba 'am// gang der ci bzhin de bzhin no// dbang po gang dang gang lam 'gyur/ de dang de yi ngo bor bya// mnyam par bzhag nas rnal 'byor gyis// rang gi lhag pa'i lha sbyor bya// de nyi rnal 'byor 'di yis ni// thams cad nyid ni bsgrub par bya// sangs rgyas kun dngos thams cad ni/ / rtag tu mthong zhing grub par 'gyur// dam tshig chen po de nyid ni// mkhas pa gang zhig dad pas klog/ de ni sdig kun dang bral bas// dngos grub kun gyis dbang phyug 'gyur/ / zhes bya ba dam tshig chen po'i de kho na nyid do// de ltar dpal mchog dang po'i cho ga ma nyams mchog gi bla ma gsal// mchog tu gsang ba sgrub pa'i cho ga bde mchog myur du grub phyir gsol/ / rdo rje mchog 'dzin dang bcas bde gshegs sras bcas rnams kyis byin brlabs pa// bde chen dam pa rdo rje 'dzin pa dga' chen mchog gis de gsungs so/ / dpal mchog dang po las mchog tu gsang ba'i cho ga/ de nas ston pa rdo rje 'dzin// mkha' lhar thug med kun tu 'gro// sangs rgyas kun gyis bstod nas ni/ rtog pa'i mthar thug don gsungs so// bdag gi snying po dang 'di mchog chen po'o// bde chen mchog gi mchog dang rjes su chags pa che// kun mchog sems dpa' rnams kyi

  339. 170b

    rtag tu 'byung gnas ni/ / kun mchog 'byor pa'i dbang phyug gso ba yin// mtha' yas pa dang thog med mthar thug med pa ni// mchod bya chen po thams cad rnams kyi tshul chen po/ nam mkha' dang mtshungs mchog gi dngos 'phel gsol// de ni sus kyang mthar thug byed par nus pa min// sems can rnams ni dman la zhen cing nyung la dga'// dad pa med cing slu ba byed la ma sbyangs pa/ / rtag tu rjes su chags shing chags bral la chags pa// de rnams la ni phan phyir 'di ni mthar thug pa'o// gang gi khyim na 'di gnas gang gis rab tu sgrub pa 'am/ / yang na ji bzhin gsungs pa rtag tu 'dir sgrub byed// so sor nyams su myong ba'i mthu yis thams cad du// bdud kyi la sogs rnams kyis de ni gnod mi nus/ rdo rje 'chang sogs sku ni gang gis sgrub byed pa// gzugs brnyan la sogs thams cad 'dir ni ji bzhin gsungs// des ni thams cad so sor nyams myong nus par ldan// bdud kyil sogs rnams kyis don gnod mi nus// gang zhig rdo rje la sogs gzugs brnyan la sogs pa// ji ltar 'dod pa 'di dag thams cad sgrub par byed// rab tu 'dod pas yi ge hUM las bris nas ni/ / 'dod pa'i dngos grub de yis ster zhing thob par 'gyur// rgyal po rnams kyis rnam par sbyangs par mdzad pa ni// gang la don kun dag

  340. 171a

    phyir mdzad par mi 'gyur min/ / 'dir ni bgegs byed bdud rnams kyang ni yod ma yin// rtogs pas dngos grub 'phel zhing byin gyis brlabs pa yin// ni bdud nyid mi 'gyur brtan med nyid mi 'gyur// brtan pa nyid phyir dang ni brtan par mdzad pa yin// rtag pa 'di ni mchog chen gang gis sgrub byed pa// de la nga ni dngos grub myur du sgrub par byed/ / dngos grub chen po la thams cad du rjes su chags shing shin tu mnyes pa dang / shin tu brtan pa dang / shin tu rgyas pa dang / rtag tu rgya che bar 'gyur ba yin no/ / gang zhig mchog gi rgyal po'i snying po sgrub byed pa// rgyal ba thams cad dgyes shing rgyal ba dgyes par mdzad// de dag grags pa chen po thob nas bde ba'ang thob// de phyir 'di la dad cing gus par bya ba yin/ / de nas rgyal ba rnams kyis bcom ldan 'das la legs so zhes bya ba byin te/ yab mchog sangs rgyas sras ni legs so legs// sras mchog sangs rgyas sras ni legs so legs/ / rdo rje mchog ni rdo rje 'byung ba legs// dam pa'i chos kyi bdag nyid legs so legs// sangs rgyas rnams kyis yang dag byir brlabs pa/ / rtag tu mi 'gyur don yod grub pa che// ji ltar dang po'i grub pa de bzhin du// phyis nas kyang ni de bzhin grub par 'gyur// de ltar ngag chen gsungs nas ni/

  341. 171b

    skus dang bcas pa'i sangs rgyas rnams// rdo rje sems dpa' chen po yi// gsung la rjes su yi rang mdzad// dpal mchog dang po las/ rtog pa'i dral po thams cad kyi mchog rdzog so/ / // thugs dam sa'i snying po tho ling du rgya gar gyi mkhan po paN+Di ta mkhas pa chen po man+ta ka la sha dang / sgra bsgyur gyi lo tsa ba lha btsan po dge slong bla ma zhi ba'i 'od kyi zhal snga nas bskur cing zhus te gtan la phab pa/ lo tsa chen po rin chen bzang po yi// dpal mchog dang po'i rgyud 'di bskur ba la// bar bar dpe ma rnyed pas ma 'gyur nas// bdag gis 'bad pas dpe btsal rnyed pas bsgyur/ / rgya gar skad du/ Ar+ya br-idz+nyA pA ra mi tA na ya sha ta pany+tsa da sha ka/ bod skad du/ 'phags pa shes rab kyi pha rol tu phyin pa'i tshul brgya lnga bcu pa/ bcom ldan 'das shes rab kyi pha rol tu phyin pa la phyag 'tshal lo// 'di skad bdag gis zos pa dus gcig na/ bcom ldan 'das de bzhin gshegs pa thams cad kyi mkhyen pa'i bye brag rnam pa tha dad pa dang ldan pa/ de bzhin gshegs pa rin po che thams cad kyi cod pan gyis khams gsum du dbang bcu rdzogs pa/ de bzhin gshegs pa thams cad kyi ma thams cad mkhyen pa'i ye shes dang ldan pa/ rnal 'byor can chen po'i dbang phyug/ de bzhin gshegs pa thams cad kyi phyag

  342. 172a

    rgya chos thams cad kyi mnyam pa nyid thugs su chud pa sna tshogs kyis bya ba mdzad de/ ma lus pa na sems can gyi khams lus pa med pa rnams kyi re ba thams cad yongs su bslang ba'i 'phrin las mdzad pa/ thugs rje che ba rnam par snang mdzad chen po rtag pa khams gsum gyi mnyam pa nyid la bzhugs pa/ sku dang / gsung dang / thugs thams cad rdo rje de bzhin gshegs pa lha'i rgyal po gzhan 'phrul dbang byed kyi gnas/ / 'dod pa'i khams thams cad na nor bu rin po che chen pos rab tu spras pa dang / ba dan kha dog sna tshogs dril bu brgyus pa rlung gis bskyod pa dang / me tog gi 'phreng ba dang / rnga ma dang / rgyan 'phreng dang / chun 'phyang dang / zla ba lta bus mdzes par byas pa/ de bzhin gsheg pa thams cad bzhugs pa shes pa bstod pa na/ byang chub sems dpa' bye ba phrag brgya dang thabs cig tu bzhugs pa la 'di lha ste/ byang chub sems dpa' sems dpa' chen po lag na rdo rje dang / spyan ras gzigs dbang phyug dang / nam mkha'i snying po dang / rdo rje khu tshur dang / 'jam dpal dang / sems bskyed ma thag tu chos kyi 'khor lo bskor ba dang / nam mkha' mdzod dang / byang chub sems dpa' sems dpa' chen po bdud kyi bstobs thams cad rab tu 'joms pa dang / de dag la sogs pa byang chub sems dpa'

  343. 172b

    bye ba phrag brgya dang thabs cig ste/ yongs su bskor cing mdun gyis bltas nas chos ston te/ shes rab kyi pha rol tu phyin pa'i tshul chos thams cad kyi ngo bo nyid rnam par dag pa'i sgo zhes bya ba/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su byang ba yang dag par ston to/ / 'di ltar rab tu dga' ba rnam par dag pa'i gnas de ni/ 'di lta ste/ byang chub sems dpa'i gnas so// 'dod chags kyi mda' rnam par dag pa'i gnas de ni/ 'di lha ste/ byang chub sems dpa'i gnas so// reg pa rnam par dag pa'i gnas de ni/ 'di lta ste/ byang chub sems dpa'i gnas so// sdug pa'i 'ching ba rnam par dag pa'i gnas de ni/ 'di lta ste/ byang chub sems dpa'i gnas so// thams cad la dbang phyug dang dbang rnam par dag pa'i gnas de ni/ 'di lta ste/ byang chub sems dpa'i gnas so/ / lta ba rnam par dag pa'i gnas de ni/ 'di lha ste/ byang chub sems dpa'i gnas so// dga' ba rnam par dag pa'i gnas de ni/ 'di lha ste/ byang chub sems dpa'i gnas so/ / sred pa rnam par dag pa'i gnas de ni/ 'di lta ste/ byang chub sems dpa'i gnas so// snyems pa rnam par dag pa'i gnas de ni/ 'di lta ste/

  344. 173a

    byang chub sems dpa'i gnas so// rgyan rnam par dag pa'i gnas de ni/ 'di lta ste/ byang chub sems dpa'i gnas so// yid tshim par byed pa rnam par dag pa'i gnas de ni/ 'di lta ste/ byang chub sems dpa'i gnas so// snang ba rnam par dag pa'i gnas de ni/ 'di lha ste/ byang chub sems dpa'i gnas so// lus bde ba rnam par dag pa'i gnas de ni/ 'di lha ste/ byang chub sems dpa'i gnas so// gzugs rnam par dag pa'i gnas de ni/ 'di lta ste/ byang chub sems dpa'i gnas so// sgra rnam par dag pa'i gnas de ni/ 'di lta ste/ byang chub sems dpa'i gnas so// dri rnam par dag pa'i gnas de ni/ 'di lta ste/ byang chub sems dpa'i gnas so// ro rnam par dag pa'i gnas de ni/ 'di lha ste/ byang chub sems dpa'i gnas so// reg rnam par dag pa'i gnas de ni/ 'di lha ste/ byang chub sems dpa' gnas so// de ci'i phyir zhe na/ 'di lta ste/ chos thams cad rIniringo bo nyid kyis rnam par dag pa ste/ chos thams cad ngo bo nyid kyis stong pa nyid pas/ shes rab kyi pha rol tu phyin pa yongs su dgra pa'o// lag na rdo rje su la la chos thams cad kyi ngos nyid rnam par dag pa'i sgo sgrub pa'i shes rab kyi pha rol tu phyin pa'i tshul 'di lan cig thos na'ang / de byang chub kyi snying po'i bar du sgrib pa thams cad dang / tshod pa dang / nyon mongs pa'i

  345. 173b

    sgrib pa dang / chos kyi sgrib pa dang / las kyi sgrib pa cher po bsags kyang / sems can dmyal ba la sogs pa ngan song du nams kyang skye bar mi 'gyur/ sdig pa'ang byas ma thag tu sdug bsngal med par byang bar 'gyur ro/ / su zhig 'dzin pa dang / nyin re bzhin klog pa dang / kha ton byed pa dang / tshul bzhin yid la byed pa de tshe 'di nyid la chos thams cad kyi mnyam pa nyid rdo rje'i ting nge 'dzin thob pas/ chos thams cad la dbang bar 'gyur ro// chos thams cad la dga' ba dang / mgu ba dang / mchog tu dga' ba myong bar 'gyur ro// byang chub sems dpa' chen po'i tshe bcu drug gis de bzhin gshegs pa 'am/ rdo rje 'dzin thob par 'gyur ro// de nas bcom ldan 'das lag na rdo rje de bzhin gshegs pa thams cad pa/ theg pa chen po mngon par rtogs pa/ dkyil 'khor thams cad la rdo rje 'dzin mtha' dag gi sems can gyi mchog khams gsum ma lus pa dag na/ 'jig rten gsum po thams cad las rnam par rgyal sems can gyi khams lus med pa 'dul ba/ don thams cad grub pa/ dam tshig chen po la rdo rje gsang ba'i sems can du mas g.yog byas pa'i shes rab kyi pha rol tu phyin pa'i tshul gyi don 'jo smon te/ bzhin rab tu 'dzum zhing lag pa g.yon pa rdo rje bsgrengs te/ thog pa'i rdo rje chen po gsor nas/ rang gi snying bar bstod pa'i tshul chos 'dzin cing

  346. 174a

    pa chen po rdo rje don yod pa'i dam tshig ces bya ba rang gi de khor nyid kyi snying po 'di smras so/ / hUM/ de nas bcom ldan 'das de bzhin gshegs pa rnam par snang mdzad kyis yang de bzhin gshegs pa thams cad kyi mnyam pa nyi mngon par rdzogs par byang chub par bsgrub pa zhes bya ba/ shes rab kyi pha rol tu phyin pa'i tshul 'di bshad de/ rdo rje srab nyid kyi phyir rdo rje mnyam pa nyid mngon par rdzogs par byang chub pa ni byang chub chen po'o/ / don gcig pa'i phyir don gyi mnyam pa nyid mngon par rdzogs par byang chub pa ni byang chub chen po'o// ngo bo nyid rnam par dag pa'i phyir chos kyi mnyam pa nyid mngon par rdzogs par byang chub pa ni byang chub chen po'o// thams cad la rnam par mi rtog pa'i phyir thams cad mnyam pa nyid mngon par rdzogs par byang chub pa ni byang chub pa ni byang chub chen po'o/ / lag na rdo rje sul la mo mngon par sgrub pa bzhi po 'di dag nyar ba dang / 'dzin pa dang / klog pa dang / sgom pa desdig pa thams cad spyod kyang / byang chub kyi snying po la 'dug gi bar du ngan song thams cad las yang dag par 'das par 'gyur ro// myur du blan med pa yang dag par rdzogs pa'i byang chub su mngon par rdzogs pa'i byang chub tu mngon par rdzogs par 'tshang rgya bar 'gyur ro/ / de nas bcom ldan 'das ye shes kyi khu tshur yongs su 'dzin pa don gyi gnas

  347. 174b

    nyid N+Da cher sgron cing / bzhin rab tu 'dzum dbul te/ chos thams cad kyi mnyam pa nyid kyi snying po 'di rab tu smras so// ang de nas ma rungs pa thams cad 'dul ba bcom ldan 'das de bzhin gshegs pa shAkya thub pas kyang / yang chos thams cad kyi mnyam pa nyid kyi rnam par rgyal ba bsdu ba zhes bya ba/ shes rab kyi pha rol tu phyin pa sgrub pa 'di bshad de/ 'dod chags kyi spros pa med pa nyid kyis so/ / zhe sdang gi spros pa med pa nyid do// zhe sdang gi spros pa med pa nyid kyis/ gti mug gi spros pa med pa nyid do// gti mug gi spros pa med pa nyid kyi/ chos thams cad spros pa med pa nyid do// chos thams cad kyi spros pa med pa nyid kyis/ shes rab kyi pha rol tu phyin pa spros pa med par rig par bya'o// lag na rdo rje su la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa des 'dul ba'i dbang gis khams gsum du skyes pa'i sems can thams cad bsad kyang ngan song du 'gro bar mi 'gyur te/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// de nas bcom ldan 'das lag na rdo rje chos 'di'i don rgya chen po ston te/ 'jig rten gsum las rnam par rgyal ba'i rdo rje zhes bya ba'i phyag rgya bcings nas/ khro gnyer dang bcas shing smin ma bteg ste 'bar bar lha la pad+ma'i gdong khro zhing dgod de/

  348. 175a

    mche ba gtsigs nas rkang pa g.yon pa brkyang ba'i tshul du gnas pas gnas nas/ rdo rje hUM zhes bya ba'i snying po 'di smras so// d+hU/ de nas bcom ldan 'das de bzhin gshegs pa ngo bo nyid dag pa'i chos nyid thob pas/ yang chos thams cad kyi mnyam pa nyid spyan ras gzigs dbang phyug gi ye shes kyi phyag rgya zhes bya ba/ shes rab kyi pha rol phyin pa'i tshul 'di bshad de/ 'dod chags thams cad rnam par dag pas/ 'jig rten na zhe sdang thams cad rnam par dag par 'gyur ro// dri ma thams cad rnam par dag pas/ 'jig cen na sdig pa thams cad rnam par dag par 'gyur ro/ / chos thams cad rnam par dag pas/ 'jig rten na sems can thams cad rnam par dag par 'gyur ro// shes pa thams cad rnam par dag pas/ 'jig rten na shes rab kyi pha rol tu phyin pa rnam par dag par 'gyur ro// lag na rdo rje su la la shes kyi pha rol tu phyin pa'i tshul 'di nyan pa dang / 'dzin pa dang klog pa dang / sgom pa de 'dod chags dang dri ma thams cad kyi nang na 'dug kyang / pad+ma lta bur 'dod chags kyi nyes pa rnams dang / dri ma rnams dang / glo bur gyi nyon mongs pa rnams kyis gos par mi 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas byang chub sems dpa' sems dpa'

  349. 175b

    chen po spyan ras gzigs dbang phyug don gyi gnas 'di nyid rgya cher ston cing / bzhin rab tu 'dzum dmul te pad+ma'i 'dab mkha 'byed pas/ 'dod chags la sogs pa dri mas mi gos pa la lha zhing / pad+ma gzugs sna tshogs zhes bya ba'i snying po 'di smras so// hrIH/ de nas bcom ldan 'das de bzhin gshegs pa khams gsum thams cad kyi dbang pos yang de bzhin gshegs pa thams cad kyis dbang bskur ba las byung ba'i ye shes kyi snying po zhes bya ba/ shes rab kyi pha rol tu phyin pa 'di bshad de/ dbang bskur ba sbyin pa ni khams gsum thams cad kyi rgyal srid thob par 'gyur ro/ / nor sbyin pa ni re ba thams cad yongs su rdzogs par 'gyur ro// chos sbyin pa ni chos thams cad mnyam pa nyid thob par 'gyur ro// zang zing gi sbyin pa ni lus dang / ngag dang / sems kyi bde ba thams cad thob par 'gyur ro// de nas byang chub sems dpa' sems dpa' chen po nam mkha'i snying po bzhin rab tu 'dzum ste// rang gi mgo la rdo rje rin po che'i dbang bskur ba'i 'phreng ba 'ching zhing don 'di nyid rgya cher ston te/ dbang bskur ba thams cad kyi dam tshig rin po che zhes bya ba'i snying po 'di smras so// tAM/ de nas bcom ldan 'das de bzhin gshegs pa thams cad kyi ye shes kyi phyag rgya thob pa/ de bzhin gshegs pa thams cad kyi khu tshur 'dzin pa/ de bzhin gshegs pa rtag pas

  350. 176a

    yang de bzhin gshegs pa thams cad kyi ye shes kyi phyag rgya'i gnas rdo rje zhes bya ba/ shes rab kyi pha rol tu phyin pa'i tshul 'di bshad de/ de bzhin gshegs pa thams cad kyi sku'i phyag rgya yongs su 'dzin pa ni/ de bzhin gshegs pa nyid du 'gyur ro// de bzhin gshegs pa thams cad kyi gsung gi phyag rgya yongs su 'dzin pa ni/ chos thams cad thob par 'gyur ro/ / de bzhin gshegs pa thams cad kyi thugs kyi phyag rgya yongs su 'dzin pa ni/ ting nge 'dzin thams cad thob par 'gyur ro// de bzhin gshegs pa thams cad kyi rdo rje'i phyag rgya yongs su 'dzin pa ni/ lus dang / ngag dang / sems thams cad rdo rjer rdo rje'i dngos grub dam pa thob par 'gyur ro// su la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / lung 'bogs pa dang / sgom pa des dngos grub thams cad dang / phun sum tshogs pa thams cad dang / shes pa thams cad dang / dgos pa thams cad dang / lus dang / ngag dang / sems thams cad rdo rjer rdo rje'i dngos grub dam pa thob nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / des byang chub sems dpa' sems dpa' chen po rdo rje khu tshur dam tshig chen po ni rdo rje'i phyag rgya yongs su 'dzin pas don gyi gnas 'di rgya cher ston te/

  351. 176b

    de bzhin rab tu 'dzum zhing rdo rje sra ba'i dngos grub thams cad kyi mchog ces bya ba'i snying po 'di smras so// A/ de nas bcom ldan 'das chos thams cad spros pa med pa'i de bzhin gshegs pas yang 'khor lo ltar yi ge bskor ba zhes bya ba/ shes rab kyi pha rol tu phyin pa'i tshul 'di bshad de/ ngo bo nyid med pa'i tshul gyis/ chos thams cad stong pa'o// mtshan ma med pa'i phyir/ chos thams cad mtshan ma med pa'o// smon pa med pa'i tshul gyis/ chos thams cad smon pa med pa'o// shes rab kyi pha rol tu phyin pa yongs su dag pas/ chos thams cad rang bzhin gyis 'od gsal ba'o// de nas bcom ldan 'das 'jam dpal gzhon nur gyur pa don 'di nyid rgya cher ston te/ bzhin rab tu 'dzum bzhin du/ bdag gi ral gri des de bzhin gshegs pa thams cad la 'debs shing shes rab kyi pha rol tu phyin pa'i snying po'i mchog 'di smras so// A/ de nas bcom ldan 'das de bzhin gshegs pab thams cad kyi 'khor der 'dus pa/ de bzhin gshegs pa'i 'khor lo chen po la 'jug pa zhes bya ba/ shes rab kyi pha rol tu phyin pa'i tshul 'di bshad do// rdo rje mnyam pa nyid la 'jug pa ni/ de bzhin gshegs pa thams cad kyi 'khor lo la 'jug par 'gyur ro// don gyi mnyam pa nyid la 'jug pa ni/ byang chub sems dpa' sems dpa' chen pon

  352. 177a

    'khor lo la 'jug par 'gyur / chos thams cad kyi mnyam pa nyid la 'jug pa ni/ dam pa'i chos kyi 'khor lo la 'jug par 'gyur ro// chos thams cad mnyam pa nyid la 'jug pa ni/ 'khor lo thams cad la 'jug par 'gyur ro// de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba/ chos mnyam pa nyid kyi don rgya cher ston cing bzhin 'dzum nas/ rdo rje 'khor lo bskor zhing rdo rje 'khor lo thams cad la 'jug pa zhes bya ba'i snying po 'di smras so// hUM/ de nas bcom ldan 'das de bzhin gshegs pa la mchod pa thams cad kyi cho ga rgyas pa'i snod kyis mchod pa thams cad kyi mchog ces bya ba/ shes rab kyi pha rol tu phyin pa'i tshul 'di bshad do// byang chub kyi sems bskyed pa ni/ de bzhin gshegs pa thams cad la mchod pa'i cho ga rgya che ba'o// sems can gyi khams thams cad yongs su skyob pa ni/ de bzhin gshegs pa thams cad la mchod pa'i cho ga rgyas pa'o/ / dam pa'i chos yongs su 'dzin pa ni/ de bzhin gshegs pa thams cad la mchod pa'i cho ga rgyas pa'o// shes rab kyi pha rol tu phyin pa yi ger 'dri ba 'am/ yi ger 'drir 'jug pa dang / 'dzin pa dang / klog pa dang / brjod pa dang / ston pa dang / nyan pa dang / sems pa dang / sgom pa dang / mchod pa byed pa ni/ de bani

  353. 177b

    gshegs pa thams cad la mchod pa'i cho ga rgyas pa'o/ / de nas byang chub sems dpa' sems dpa' chen po nam mkha'i mdzod don de nyid rgya cher ston te/ bzhin rab tu 'dzum zhing las tham cad don yod pa'i dam tshig ces bya ba'i snying po 'di smras so/ / oM/ de nas bcom ldan 'das de bzhin gshegs pa sems can thams cad 'dul nus pas yang ye shes kyi khu tshur yongs su 'dzin pa sems can thams cad 'dul ba shes pa'i snying po zhes bya ba/ shes rab kyi pha rol tu phyin pa'i tshul 'di bshad do// sems can thams cad mnyam pa nyid pas/ khro bo mnyam pa nyid do/ / sems can thams cad 'dul ba nyid pas/ khro bo 'dul ba nyid do// sems can thams cad chos nyid pas/ khro bo chos nyid do// sems can thams cad rdo rje nyid pas/ khro ba rdo rje nyid do// de ci'i phyir zhe na/ 'di ltar sems can thams cad 'dul ba ni byang chub bo// de nas byang chub sems dpa' bdud kyi stobs thams cad rab tu 'joms pa don de nyid rgya cher ston te/ bzhin rab tu 'dzum zhing rdo rje mche ba'i phyag rgya dang / rdo rje gnod sbyin gyi gzugs kyis khro bo'i gad mo zhes bya ba'i snying po 'di smras so// ha/ de nas bcom ldan 'das de bzhin gshegs pa chos thamams cad kyi mnyam pa nyid la gnas pas yang chos thams cad kyi mchog ces bya ba shes rab kyi pha rol tu phyin pa'i tshul 'di bshad de/ thams cad mnyam pa nyid pas/

  354. 178a

    shes rab kyi pha rol tu phyin pa mnyam pa nyid do// thams cad don nyid pas/ shes rab kyi pha rol tu phyin pa don nyid do// thams cad chos nyid pas/ shes rab kyi pha rol tu phyin pa chos nyid do// thams cad las nyid pas/ shes rab kyi pha rol tu phyin pa las nyid du rig par bya'o// de nas bcom ldan 'das lag na rdo rje de bzhin gshegs pa byang chub sems dpa' thams cad kyi don yod pa'i dam tshig gi dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ don yod pa thams cad kyi dam tshig ces bya ba'i snying po 'di smras so/ / hUM/ de nas bcom ldan 'das de bzhin gshegs pa thams cad pa rnam par snang mdzad kyis yang sems can byin gyis rlob pa zhes bya ba/ shes rab kyi pha rol tu phyin pa'i tshul 'di bshad do// byang chub sems dpa' sems dpa' chen po kun tu bzang po thams cad kyi rang bzhin yin pas/ sems can thams cad ni de bzhin gshegs pa'i snying po can no// thams cad snying rje'i snying pos dbang bskur ba nyid pas/ sems can thams cad ni rdo rje'i snying po can no/ / ngag thams cad rab tu byung bas/ sems can thams cad ni chos kyi snying po can no// sems can thams cad kyi bya ba byed pa la sbyor bas/ sems can thams cad ni

  355. 178b

    las kyi snying po can no/ / de nas pha rol gyi rdo rje rigs rnams kyis ca co'i sgra byung nas chos nyid kyi don rgya cher ston cing snying po phul te/ de nas rdo rje'i dbang phyug chen pos rang gi de kho na'i snying po 'di phul lo/ / tI/ de nas ma mo thams cad kyis bcom ldan 'das la phyag 'tshal te/ mgrin gcig tu thams cad dgug pa dang / gzud pa dang / gzhig pa dang / sgrub pa'i dam tshig ces bya ba rang gi de kho na'i snying po 'di phul lo// b+h+yo/ de nas sbrang rtsir byed la sogs pa ming po gsum gyis bcom ldan 'das la phyag 'tshal te/ mgrin gcig tu rang gi de kho na'i snying po 'di smras so// swA/ de nas sring mo bzhis bcom ldan 'das la phyag 'tshal te/ rang gi de kho na'i snying po 'di phul lo// hUM/ de nas bcom 'das de bzhin gshegs pa mtha' yas la mthar thug cing mu med pa'i chos dang ldan pas yang cho ga 'di mthar thug par byin gyis brlab par bya ba'i phyir/ chos thams cad kyi mnyam pa nyid kyi mthar thug pas byin gyis brlabs pa rdo rje zhes bya ba/ shes rab kyi pha rol tu phyin pa'i tshul 'di bshad de/ shes rab kyi pha rol tu phyin pa mtha' yas pa nyid pas/ de bzhin gshegs pa thams cad mtha' yas pa nyid do// shes rab kyi pha rol tu phyin pa mu med pa nyid bas/ rdo rje thams cad mu med pa nyid do// shes rab kyi pha rol

  356. 179a

    tu phyin pa du ma nyid pas/ chos thams cad du ma nyid do// shes rab kyi pha rol tu phyin pa mthar thug pa med pa nyid pas/ chos thams cad mthar thug pa med pa nyid yin no/ / su la la shes rab kyi pha rol tu phyin pa'i tshul 'di nyan pa dang / 'dzin pa dang / 'chang ba dang / klog pa dang / ston pa dang / brjod pa dang / sgom pa de sangs rgyas dang byang chub sems dpa'i spyod pa thug pa'i med pa'i mthar phyin te/ sgrib pa thams cad zad nas de bzhin gshegs pa 'am/ rdo rje 'dzin par myur du 'gyur ro// de nas de bzhin gsheg pa thams cad 'dus te/ chos kyi rnam grangs 'di don yod pa dang / thogs pa med par myur du 'grub par bya ba'i phyir/ lag na rdo rje la legs so zhes bya ba byin no// sems can chen po legs so legs/ / bde ba chen po legs so legs// theg pa chen po legs so legs// blo gros chen po legs so legs// cho ga 'di ni legs par smras// sangs rgyas rdo rje 'dzin kun gyis// 'bras bu yod pa 'dul ba'i mchog/ rdo rje mdo sde byin gyis brlabs// cho ga'i rgyal po bla na med// gang rnams 'di dag 'dzin pa ni/ bdud la sogs pa thams cad kyis// de dag mi song mi tshugs so// sangs rgyas byang chub sems dpa' dang // dngos grub dam pa thams cad kyang // sangs rgyas kun gyis

  357. 179b

    gsungs pa bzhin/ / ring por mi thogs thob par 'gyur// de skad gsungs nas sngags grub phyir// rdo rje can gyis bshad pa la// kun mchog sangs rgyas mkhas bcas pa/ thams cad kyis ni mngon par bstod// de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyi gsang ba'i chos nyid brnyes pa chos thams cad spros pa med pas/ yang bde ba chen po rdo rje don yod pa'i chos mnyam pa nyid shes rab kyi pha rol tu phyin pa'i sgo mchog dang po thog ma dang / tha ma dang / dbus med pa'i dam pa 'di gsungs so// byang chub sems dpa' chen po rnams kyis 'dod chags chen po dngos grub dam pa ni/ de bzhin gshegs pa thams cad kyi bde ba chen po dngos grub dam par 'gyur ro/ / byang chub sems dpa' chen po rnams kyi bde ba chen po dngos grub dam pa ni/ de bzhin gshegs pa thams cad kyi byang chub chen po dngos grub chen po grub pa dam par 'gyur ro/ / byang chub sems dpa' chen po rnams kyi de bzhin gshegs pa thams cad kyi byang chub chen po dngos grub dam pa ni/ bdud chen po'i stobs thams cad rab tu 'joms pa dngos grub dam par 'gyur ro/ / byang chub sems dpa' chen po rnams kyi bdud chen po'i stobs rab tu 'joms pa

  358. 180a

    dngos grub dam pa ni/ khams gsum pa thams cad kyi dbang phyug chen po dngos grub dam par 'gyur ro// byang chub sems dpa' chen po rnams kyi kham gsum thams cad kyi dbang phyug chen po'i dngos grub dam pa ni/ ma lus pa na sems can gyi khams lus pa med pa yongs su sbyong bar 'dod pa'i rgyu'i phyir/ 'khor la'ang chags shing brtson 'grus che ba'i byang chub sems dpa' chen po rnams kyis ma lus pa na/ sems can gyi khams lus pa med pa yongs su bskyab pa dang / sems can thams cad la phan pa dang / bde ba dang / mchog tu shin tu bde ba chen po dngos grub dam par 'gyur ro// de ci'i phyir zhe na/ ji srid 'khor ba'i gnas su ni// mkhas mchog 'dug par gyur pa'i tshe/ / de srid mtshungs med sems can don// mya ngan mi 'da' byed par nus// shes rab pha rol phyin thabs dang // ye shes gnas su bsgrubs pas na/ / chos kun rnam par dag pa'i phyir// 'khor ba yongs su dag par gyur// chags la sogs pas 'dul na ni// 'khor ba'i bar du rtag par yang 'jig rten sdig byed de sbyang phyir/ / 'khor ba srid du bdag nyid 'dul// ji ltar pad+ma rab 'bar yang // tshon gyi nyes pas mi gos pa// de bzhin gnas pa'i nyes pa

  359. 180b

    yis/ / 'gro phan rnams la mi gos so// 'dod chags chen po rnam par dag/ bde ba che zhing nor che la// khams gsum dbang phyug thob pas na// sems can don rnam/ brtan par byed// lag na rdo rje su la la nang par langs nas mchog dang po shes rab kyi pha rol tu phyin pa'i tshul gyi sgro'i chos kyi rnam grangs 'di nyin re zhing 'don pa dang / nyan pa dang / 'dzin pa dang / klog pa dang / sgom pa de yid bde ba dang / bde ba thams cad thob par 'gyur ro// de bzhin gshegs pa rdo rje don yod pa'i dam tshig dngos grub kyi mchog kyang tshe 'di la thob par 'gyur ro/ / de bzhin gshegs pa thams cad kyi gsang ba'i mchog kyang grub ste/ rdo rje 'dzin thams cad kyi chen po 'am/ de bzhin gshegs par 'gyur ro/ / de nas bcom ldan 'das kyis/ gsang ba'i bdag po lag na rdo rje la bka' stsal pa/ gsang ba pa'i bdag po shes rab kyi pha rol tu phyin pa'i tshul gyi sgo'i sngags kyi tshig ni nyi shu rtsa lnga po 'di rnams so/ / oM byang chub kyi sems rdo rje/ oM kun tu bzang po'i spyod bya/ oM yid bzhin gyi nor bu/ oM 'gog pa med pa/ oM sde bzlog pa/ oM rnam par shes pa thams cad/ oM 'dod chags dang bral ba'i chos nyid chen po oM brtson 'grus kyi go cha/ oM kun tu 'gro ba/ oM rdo rje sra ba'i sem/

  360. 181a

    hUM phaT oM de bzhin gshegs pa thams cad/ oM ngo bo nyid rnam par dag pa/ oM mos nyid shes pa rnam par dag pa/ oM las rnam par spong ba/ hUM nges par gnod mdzes rdo rje can/ hUM phaT oM 'dod pa la 'dod chags pa/ oM spong ba'i rdo rje can/ oM hUM thams cad 'dul ba/ oM hrIHoM a zhes bya ba'i sgo/ oM shes ra kyi pha rol tu phyin pa/ A pAM hUM oM a/ oM de bzhin gshegs pa thams cad kyi sku'i mchog/ oM de bzhin gshegs pa thams cad kyi gsung rnam par dag pa/ oM de bzhin gshegs pa thams cad kyi thugs rdo rje aHoM a sdig pa 'ching ba thams cad tshoms shig/ ngan song gi rgyud thams cad las thar par gyis shig/ oM dam tshig thams ca kyi rdo rje hUM traT/ sdig pa gzhom pa'i phyag rgya dang sngags te/ de bzhin gshegs pa thams cad kyi gsang ba/ dngos grub dam pa rdo rje 'dzin chen po dang / de bzhin gshegs pabar 'gyur ro/ / lag na rdo rje 'di ni sems can dge ba'i rtsa ba ma bskyed pa rnams kyi lag tu thob par mi 'gyur ro// 'di ni sems can dge ba'i rtsa ba ma bskyed pa rnams kyis mnyan pa'am/ yi ger 'dri ba 'am/ yi ge thir gzhug pa 'am/ bklag pa 'am/ 'chang ba 'am/ bsgom pa 'am/ bsti stang du bya ba 'am/ ri mor bya ba 'a

  361. 181b

    mchod par mi nus so/ / gang dag gis shes rab kyi pha rol tu phyin pa'i tshul gyi chos kyi rnam grangs 'di las za na yi ge 'bru gcig tsam zos na'ang / sems can de dag ni gzhan na sangs rgyas mang po la dge ba'i rtsa ba bskyed pa yin na mtha' dag rdzogs pa lha ci smos/ lag na rdo rje gang la la dag sangs rgyas bye ba phrag gang+gA'i klung brgyad cu'i bye ma la bkur sti ma byas pa dang / bla mar ma byas pa dang / bsti stang ma byas pa dang / mchod par ma byas pa de dag gis shes rab kyi pha rol tu phyin pa'i tshul gyi sgo'i chos kyi rnam grangs 'di thos bapar mi nus so/ / chos kyi rnam grangs 'di gang la spyod pa'i sa phyogs de mchod rten du 'gyur ro// chos kyi rnam grangs 'di gang gi lus la thogs sam/ glegs bam la bris te spyod pa'i gang zag de phyag bya ba'i gnas su 'gyur ro/ / de bskal pa bye ba mang por skye ba dran par 'gyur ro// de la bdud sdig to can bar chad byed par mi 'gyur ro// rgyal po chen po bzhi dang / lha gzhan rnams kyang de la bsrung ba dang / bskyab pa dang / sba ba'i phyir rtag tu phyi bzhin 'brang bar 'gyur ro// yang ba ma spangs par 'chi bar 'gyur ro/ / sangs rgyas dang byang chub sems dpa' thams cad kyis dgongs par 'gyur ro// mdor na sangs rgyas kyi zhing gang dang gang du 'dod pa de dang der skye'o// de ltar

  362. 182a

    shes rab kyi pha rol tu phyin pa'i tshul gyi sgo'i chos kyi rnam grangs 'di phan yon mang mod kyis/ ngas phyogs tsam zhig brjod do// bcom ldan 'das kyis de skad ces bka' stsal na swA/ byang chub sems dpa' sems dpa' chen po lag na rdo rje dang / byang chub sems dpa' de dag dang / thams ca dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa'i tshul brgya lnga bcu rdzogs so/ / chu gar skad du/ shrI badz+ra maN+Da.a laM kA ra nA ma ma hA tan+t+ra rA dza/ bod skad du/ dpal rdo rje snying po rgyan ces bya ba'i rgyud kyi rgyal po chen po/ bla ma dang 'jam pa'i dbyangs kyi zhabs kyi pad+ma la spyi bos gus par phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje dang / nor bu dang / rin po che dang / pad+ma dang / lus kyis byin gyis brlabs pa'i dam tshi gis ye shes rnam pa sna tshogs shing khyad par du 'phags pa dang ldan pa/ de bzhin gshegs pa thams cad kyi rin po che'i cod pan khams gsum pa'i chos kyi rgyal

  363. 182b

    por dbang bskur ba brnyes pa/ de bzhin gshegs pa thams cad kyi rdo rje dam tshig gi ye shes rnal 'byor gyi dbang phyug chen po/ de bzhin gshegs pa thams cad kyi ye shes kyi phyag rgya brnyes baM/ de bzhin gshegs pa thams cad kyi phyag rgya thams cad mnyam pa nyid thugs su chud cing las sna tshogs mdzad pa/ ma lus shing lus pa med pa'i sems can gyi khams thams cad kyi re ba thams cad yongs su rdzogs pa'i rdo rje'i las mdzad pa/ thugs rje chen po rnam par snang mdzad chen po rtag pa dus gsum du gnas pa'i sku dang / gsung dang / thugs rdo rje de bzhin gshegs pa/ de bzhin gshegs pa thams cad kyis bstan cing bsngags pa'i nor bu rin po che chen po dang ldan pa/ kha dog rnam pa sna tshogs pa'i dril bu btags pa/ rlung gis bskyod pa'i dar gyi 'phan dang / me tog gi chun po dang / dra ba dang dra ba phyed pas klubs shing nye bar mdzes pa/ chos kyi dbyings thams cad legs par yongs su dag pa/ chos kyi dbyings kyi khang bzangs 'od mtha' yas pa/ shes rab kyi pha rol tu phyin pa'i gtsug lag khang la me tog gi 'khri shing mchog gi snying po'i rgyan gyis bkod pa/ 'jig rten gyi khams kyi rgyud rgya mtsho rab tu bkram pa'i sprin nam mkha'i khams yongs su

  364. 183a

    khyang pa/ de bzhin gshegs pas byin gyis brlabs pa/ mtha' las 'das pa'i sangs rgyas 'khrungs pa'i dbus/ rnam par snang mdzad kyi snying po bo'od gsal ba'i gzhal med khang / de bzhin gshegs pa'i gnas rdo rje snying po'i rgyan/ de bzhin gshegs pa thams cad kyi sku dang / gsung dang / thugs rdo rje/ bzhin gshegs pa mi 'khrungs mi 'gog 'gog par mi 'gyur ba'i yan lag gi spyod yul yang dag pa'i mtha' gsal ba/ thams cad mkhyen pa'i ye shes kyi yul/ chos kyi dbyings kyi snying po'i khang bzangs/ de bzhin gshegs pa thams cad kyi ye shes kyi sku/ de bzhin gshegs pa thams cad kyi byang chub kyi snying po sa chen po'i dam pa la bzhugs so/ / de la sangs rgyas kyi zhing thams cad kyi rdul phra rab kyi rdul dang mnyam pa'i byang chub sems dpa' sems dpa' chen po rnams dang / de bzhin gshegs pa rnams kyis yongs su bskor zhing mdun du bdar te chos ston par mdzad pa ni thog mar dge ba/ bar du dge ba/ tha mar dge ba/ don bzang po/ tshig 'bru bzang po/ 'dres pa/ yongs su rdzogs pa/ yongs su dag pa/ yongs su dkar ba/ chos thams cad kyi tshul yongs su dag pa'i sgo ston par mdzad do// de nas yang bcom ldan

  365. 183b

    'das de bzhin gshegs pa thams cad kyi sku dang / gsung dang / thugs rdo rje gnyis su med pa mnyam pa nyid kyi ye shes sems dpa'/ de bzhin gshegs pa thams cad kyi ye shes kyi nyi ma/ rnam par rgyal ba'i dam tshig 'byung gnas rdo rje snying po// chos thams cad ngo bo nyid kyis rnam par dag pa'i ye shes mnyam pa nyid brnyes pa/ rgya mtsho lhar zab pa/ las sna tshogs pa'i phyag rgya'i ye shes thob pa/ sku dang / gsung dang / thugs rdo rje nam mkha' lta bu/ sku chen po rdo rje'i sku/ mtha' las 'das pa'i sku sku rin po che chos kyi sku/ sprul pa'i sku/ chos mnyam pa nyid kyi sku/ byang chub kyi sems/ don yod pa/ yongs su bsdus pa/ dge ba 'phel ba/ rgyal po chen po// snang ba'i tog bzhad pa po/ chos dang ldan pa/ shes rab kyi 'khor lo// skad thams cad pa/ sna tshogs pa can/ srung ba po/ gnod sbyin can/ mtshams sbyor ba/ yang dag pa'i gter/ gtsug tor du gyur pa/ mchog ldan/ rdo rje can/ 'khor lo can/ ye shes can/ khyab 'jug chen po/ sku dang / gsung dang / thugs rdo rje/ nam mkha'i dbyings thams cad du legs par bzhugs pa/ de bzhin gshegs pa thams cad kyis yongs su bgrod pa/ rdo rje'i dbyings thams

  366. 184a

    cad khong du chud pa'i ye shes sems dpa' nam mkha'i khams thams cad kyi rdul phra rab kyi rdul dang mnyam pa'i rdo rje'i byin rlabs kyi ye shes snying po/ de ba'in g shegs pa thams cad kyi bla na med pa'i rdo rje rin po che'i dbang bskur ba chen po'i dam tshig nam mkha'i khams thams cad du spros pas de bzhin gshegs pa'i mngon par shes pas mngon par byang chub par gyur pa/ de bzhin gshegs pa thams cad kyi bdag nyid kyi ngo bo rnam par dag pas chos thams cad rang bzhin gyis dag pa nam mkha' thams cad la khyab pa po/ gzugs thams cad yongs su mthong ba'i ye shes kyis ma lus shing lus pa med pa'i sems can 'dul ba'i spyod pa mchog dang ldan pa/ de bzhin gsheg pa thams cad don yod pa'i bka' lung mdzad pas sems can thams cad mnyam pa nyid bla na med pa'i las sna tshogs pa can/ rnam snang mi 'gyur mi bskyod pa// rin chen tog ste 'od byed pa/ / 'od dpag med pa rgyal ba'i mgon// don yod pa ni las kun byed// de bzhin gshegs pa thams cad kyi me long lta bu'i ye shes kyi dkyil 'khor/ de bzhin gshegs pa thams cad kyi mnyam pa nyid kyi ye shes la rab tu gnas pa/ de bzhin gshegs pa thams cad kyi so sor rtog pa'i ye shes gnyis su med pa

  367. 184b

    brnyes pa/ de bzhin gshegs pa thams cad kyi bya ba sgrub pa'i ye shes yang dag par rjes su thob pa/ de bzhin gshegs pa thams cad kyi chos kyi dbyings rnam par dag pa/ chos thams cad mnyam pa nyid kyi ye shes kyi spyod yul/ de bzhin gshegs pa thams cad kyi gnyis su med cing mnyam nyid dmigs pa'i ye shes yongs su dag pa mthar phyin pa la gnas pa/ stong pa nyid dang / de bzhin nyid dang / yang dag pa'i mtha' dang / mtshan ma med pa dang / smon pa med pa dang / tshangs pa'i gnas bzhi po dag gis sangs rgyas kyi ye shes kyi yul du gyur pa/ sangs rgyas kyi yul mnyam pa nyid la dmigs pa/ de bzhin gshegs pa thams cad rdo rje rnal 'byor gyi dbang phyug nyid la byin gyis brlabs nas/ phyogs dang mtshams rnams la rnam par gnas so// de nas rdo rje rnal 'byor gyi dbang phyug gis/ 'jam dpal gzhon nur gyur pa la bka' stsal pa/ 'jam dpal khyod kyis sangs rgyas thams cad dang rdo rje 'dzin pa rnams spyan drongs shig/ bcom ldan 'das kyis de skad ces bka' stsal pa dang / 'jam dpal gzhon nu 'khor los sgyur ba chen po rab tu dgyes pa'i zhal ras kyis de bzhin gshegs pa thams cad dang / rdo rje 'dzin pa rnams spyan drang ba'i don du rdo rje se sol

  368. 185a

    brdabs te/ de bzhin gshegs pa thams cad kyi bsdus pa chen po'i snying po 'di ched du brjod pa/ bud+d+ha sa mA dza AHhrIHoM hUM badz+ra sa mA dzaHde nas de skad ces brjod pas de bzhin gshegs pa thams cad dang / rdo rje 'dzin pa rnams kyis 'jig rten gyi khams me tog gi gzhi'i snying po'i rgyan bkod pa'i rgyud rab 'byams rgya mtsho sprin khyab par mthong ngo / / de nas yang 'jam dpal gzhon nur gyur pas/ bcom ldan 'das rnam par snang mdzad dang / de bzhin gshegs pa thams cad dang lhan cig tu mdzad nas/ de bzhin gshegs pa thams cad kyi rdo rje blo gros kyis ye shes yongs su bskyed de gnas thams cad du rnam par gnas so// de nas bcom l dan 'das rnam par snang mdzad de bzhin gshegs pa thams cad kyi rdo rje'i rang bzhin rnal 'byor gyi dbang phyug gis de bzhin gshegs pa thams cad du bdag nyid byin gyis brlabs te/ de bzhin gshegs pa de rnams dang rdo rje 'dzin pa rnams la bka' stsal pa/ kye de bzhin gshegs pa thams cad thams cad mkhyen pa'i ye shes kyi 'khor los sbyar ba chen po'i snying po bdag la yod de ngas bshad par bya'i/ de bzhin gshegs pa thams cad kyi byin gyis rlobs shig/ b+h+rUM/ de nas/ mi bskyod de bzhin gshegs

  369. 185b

    pa dang / / rin chen 'byung gnas de bzhin gshegs// de bzhin gshegs pa 'od dpag med// don yod grub pa de bzhin gshegs// gzhan yang de bzhin gshegs pa rnams dang lhan cig de bzhin gshegs pa thams cad kyi thugs kyi dpal gyi be'u la rab tu zhugs te/ zhugs pa tsam gyis de bzhin gshegs pa thams cad kyi bde ba chen po thams cad kyi phyir byin gyis brlab par mdzad do/ / de nas bcom ldan 'das rnam par snang mdzad zhal bzhir gyur te/ zhal bzhi po rnams las chos kyi dbyings dang nam mkha'i khams mtha' med pa sangs rgyas thams cad kyi yul chos kyi tshul dbyangs gcig gis ched du brjod pa 'di lha ste/ rab tu dga' ba rnam par dag pa'i gnas gang yin pa de ni 'di ltar byang chub sems dpa'i gnas so/ / lta ba rnam par dag pa'i gnas gang yin pa de ni 'di ltar byang chub sems dpa'i gnas so// dga' ba rnam par dag pa'i gnas gang yin pa de ni 'di ltar byang chub sems dpa'i gnas so/ / sred pa rnam par dag pa'i gnas gang yin pa de ni 'di ltar byang chub sems dpa'i gnas so/ / 'dod chags rnam par dag pa'i gnas gang yin pa de ni 'di ltar byang chub sems dpa'i gnas so// zhe sdang rnam par dag pa'i gnas gang yin pa de ni 'di ltar

  370. 186a

    byang chub sems dpa'i gnas so/ / gti mug rnam par dag pa'i gnas gang yin pa de ni 'di ltar byang chub sems dpa'i gnas so// nga rgyal rnam par dag pa'i gnas gang yin pa de ni 'di ltar byang chub sems dpa'i gnas so/ / mi khom pa rnam par dag pa'i gnas gang yin pa de ni 'di ltar byang chub sems dpa'i gnas so// yid sim pa rnam par dag pa'i gnas gang yin pa de ni 'di ltar byang chub sems dpa'i gnas so// snang ba rnam par dag pa'i gnas gang yin pa de ni 'di ltar byang chub sems dpa'i gnas so/ / lus rnam par dag pa'i gnas gang yin pa de ni 'di ltar byang chub sems dpa'i gnas so// ngag rnam par dag pa'i gnas gang yin pa de ni 'di ltar byang chub sems dpa'i gnas so/ / yid rnam par dag pa'i gnas gang yin pa de ni 'di ltar byang chub sems dpa'i gnas so// gzugs rnam par dag pa'i gnas gang yin pa de ni 'di ltar byang chub sems dpa'i gnas so/ / sgra rnam par dag pa'i gnas gang yin pa de ni 'di ltar byang chub sems dpa'i gnas so// dri rnam par dag pa'i gnas gang yin pa de ni 'di ltar byang chub sems dpa'i gnas so/ / ro rnam par dag pa'i gnas gang yin pa de ni 'di ltar byang chub sems dpa'i gnas so// reg rnam par dag pa'i gnas gang yin pa de ni 'di ltar byang chub sems

  371. 186b

    dpa'i gnas so/ / dngos po thams cad rnam par dag pa'i gnas gang yin pa de ni 'di ltar byang chub sems dpa'i gnas so// de ci'i phyir zhe na/ 'di ltar chos thams cad ni rang bzhin// gyis rnam par dag pa ste/ chos thams cad rang bzhin gyis rnam par dag pas/ shes rab kyi pha rol tu phyin pa yongs su dag pa'o// bcom ldan 'das kyis de skad bka' stsal nas chos thams cad kyi dbang phyug gsang sngags thams cad kyi 'dren pa'o/ / sngags thams cad kyi bla mar gyur pa/ thams cad gtsug tor 'khor lo sgyur ba brtan pa/ rdzi ba med pa/ 'khor lo sgyur ba'i snying pos bka' stsal pa/ b+h+rUM/ 'jam dpal gang la las chos thams cad kyi rang bzhin bsdus pa shes rab kyi pha rol tu phyin pa'i snying po 'di lan cig tsam yang thos na/ de'i byang chub kyi snying po la thug pa'i bar du sgrib pa thams cad chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po thams cad nye bar bsags kyang nams kyang dmyal ba la sogs pa ngan song rnams su skye bar mi 'gyur ro/ / gzhan yang sdig pa rnams byas na'ang sdug bsngal med cing zad par 'gyur ro/ / gang gis 'di 'chang ba dang / nyi ma re re 'don pa dang / ston pa dang / rgyun ma chad par yid la byed pa de ni skye ba 'di nyid la chos thams cad mnyam pa nyid rdo rje'i ting

  372. 187a

    nge 'dzin so sor thob nas chos thams cad kyi dbang phyug tu 'gyur ro/ / chos thams cad la dga' zhing mgu la rab tu dga' ba myong bar 'gyur ro// byang chub sems dpa' chen po skye ba bcu drug na/ de bzhin gshegs pa nyid dam rdo rje 'dzin pa nyid thob par 'gyur ro// hUM/ de nas bcom ldan 'das de bzhin gshegs pa rnam par snang mdzad kyis/ slar yang shes rab kyi pha rol tu phyin pa'i tshul de bzhin gshegs pa thams cad kyi zhi ba'i chos nyid mngon par byang chub pa'i byang chub chen po dang / rang bsgrub pa 'di ston par mdzad do// rdo rje mnyam pa nyid mngon par byang chub pa'i byang chub chen po'i rdo rje lta bur sra ba dang don gcig pa nyid kyis don mnyam pa nyid mngon par byang chub pa'i rang bzhin mngon par bzhin rnam par dag pas/ chos nyid mnyam pa nyid mngon par byang chub ba'i byang chub chen po dang / rnam par rtog pa dang / rnam par mi rtog pa nyid kyis thams cad mnyam pa nyid mngon par byang chub pas byang chub chen po ste/ 'jam dpal gang la las chos kyi gnas bzhi po 'di thos nas nyan pa dang / 'dzin pa dang / 'don pa dang / sgom par byed na/ ji srid byang chub snying po la zug gi bar du sdig pa thams cad yang dag par ldan pa'ang sdig pa thams cad las grol bar 'gyur zhing / myur du bla na med pa yang dag par rdzogs pa'i byang chub mngon par byang chub par 'gyur ro// aM/ de nas yang bcom ldan 'das gdug pa

  373. 187b

    thams cad 'dul ba de bzhin gshegs pa shAkya thub pas/ chos thams cad mnyam pa nyid rnam par rgyal bas bsdus pa zhes bya ba'i shes rab kyi pha rol tu phyin pa nges par sgrub pa bkar stsal pa/ 'dod chags kyi spros pa med pa'i phyir/ 'dod chags kyi spros pa med pa'o// zhe sdang gi spros pa med pa'i phyir/ zhe sdang gi spros pa med pa'o// gti mug gi spros pa med pa'i phyir/ gti mug gi spros pa med pa'o// chos thams cad spros pa med pa'i phyir/ chos thams cad spros pa med pa'o// shes rab kyi pha rol tu phyin pa spros pa med pa'i phyir/ shes rab kyi pha rol tu byiphyin pa spros pa med par rig par bya'o/ / 'jam dpal gang la la shes rab kyi pha rol tu phyin pa'i tshul 'di thos nas 'dzin cing 'don la klog par byed na/ des 'dul ba'i dbang nye bar bzung nas khams gsum du skyes pa'i sems can rnams bsad par gyur kyang ngan song du 'gro bar mi 'gyur zhing / myur du bla na med pa yang dag par rdzogs par byang chub par 'gyur ro// hUM/ de nas bcom ldan 'das rang bzhin gyis rnam par dag pa'i chos nyid brnyes pa'i de bzhin gshegs pas/ slar yang chos thams cad rnam par gzigs pa'i dbang phyug ye shes kyi phyag rgya zhes bya ba'i shes rab kyi phyi pa'i tshul 'di bka' stsal pa/ 'jig rten gyi 'dod chags thams cad rnam par dag pa'i phyir/ yul thams cad rnam par dag pa nyid yin no// 'jig rten gyi zhe sdang thams cad rnam par

  374. 188a

    dag pa'i phyir/ sdig pa thams cad rnam par dag pa nyid yin no// 'jig rten gyi chos thams cad rnam par dag pa'i phyir/ chos thams cad rnam par dag pa nyid yin no// 'jig rten du thams cad mkhyen pa'i ye shes rnam par dag pa'i phyir/ thams cad mkhyen pa'i ye shes rnam par dag pa nyid yin no// 'jig rten gyi shes rab kyi pha rol tu phyin pa rnam par dag pa'i phyir/ shes rab kyi pha rol tu phyin pa rnam par dag pa nyid yin no// 'jam dpal gang la las shes rab kyi pha rol tu phyin pa 'di thos nas nyan par byed cing 'dzin cing 'don la sgom par byed na/ de 'dod pa thams cad kyi nang na gnas kyang pad+ma lta bur 'dod chags kyi skyon glo bur ba'i dri mas gos par mi 'gyur zhing / myur du bla na med pa yang dag par rdzogs pa'i byang chub mngon par rdzogs par byang chub par 'gyur ro/ / hrIHde nas bcom ldan 'das khams gsum thams cad pa'i bdag po de bzhin gshegs pas/ slar yang de bzhin gshegs pa thams cad dbang bskur ba'i 'byung gnas ye shes snying po zhes bya ba'i shes rab kyi pha rol tu phyin pa'i tshul bka' stsal pa/ dbang bskur byin pas 'jig rten gsum po thams cad kyi rgyal po yongs su thob par 'gyur ro// don gyi sbyin pas thams cad kyi bsam pa yongs su rdzogs par 'gyur ro/ / chos kyi sbyin pas chos thams cad mnyam pa nyid thob par 'gyur ro// zang zing gi sbyin pas thams cad kyi lus dang / ngag dang / yid

  375. 188b

    bde ba thob par 'gyur ro/ / trAM/ de nas bcom ldan 'das de bzhin gsheg pa tham cad kyi ye shes kyi phyag rgya rnyed pa thams cad kyi kha tshur 'chang ba de bzhin gsheg pa brtags pas/ sngar yang de bzhin gshegs pa thams cad kyi ye shes phyag rgya byin gyis brlabs pa rdo rje zhes bya ba'i shes rab kyi pha rol tu phyin pa'i tshul bka' stsal pa/ de bzhin gshegs pa thams cad kyi sku'i phyag rgya yongs su bzung bas de bzhin gshegs pa thams cad nyid du 'gyur ba dang / gsung gi phyag rgya yongs su bzung bas chos thams cad thob pa'i don du 'gyur ba dang / thugs kyi phyag rgya yongs su bzung bas ting nge 'dzin thams cad thob pa'i don du 'gyur ba dang / rdo rje'i phyag rgya yongs su bzung bas sku dang / gsung dang / thugs thams cad rdo rje mchog tu 'grub pa'i don du 'gyur te/ 'jam dpal gang la las shes rab kyi pha rol tu phyin pa'i tshul 'di thos nas 'dzin cing 'don la 'chad cing sgom par byed na/ des dngos grub thams cad dang / phun sum tshogs pa thams cad dang / ye shes thams cad dang / las thams cad dang / sku dang / gsung dang / thugs rdo rje sems dpa' mchog gi dngos grub thams cad so sor yongs su thob par 'gyur zhing / myur du bla na med pa yang dag par rdzogs pa'i byang chub mngon bapar rdzogs par byang chub par 'gyur ro/ / AH/ de nas bcom ldan 'das chos thams cad spros pa med pa'i de bzhin gshegs pas/ slar yang rdo rje'i yi ge yongs su bsgyur ba zhes byab/

  376. 189a

    shes rab kyi pha rol tu phyin pa'i tshul bka' stsal pa/ rang bzhin med pa sbyor ba'i phyir/ chos thams cad spong ba nyid dang / chos thams cad mtshan ma med par nye bar bzang ba'i phyir/ chos thams cad mtshan mas dben pa dang / smon pa las nye bar grol ba'i phyir/ chos thams cad smon pa med pa dang / shes rab kyi pha rol tu phyin pa yongs su dag pa'i phyir chos thams cad rang bzhin gyis 'od gsal ba'o/ / AM/ de nas bcom ldan 'das de bzhin gshegs pa thams cad kyi 'dus pa'i khongs su chud pa de bzhin gshegs pas/ slar yang 'dus pa chen por 'jug pa zhes bya ba'i shes rab kyi pha rol tu phyin pa'i tshul bka' stsal pa/ rdo rje mnyam pa nyid la zhugs nas de bzhin gshegs pa thams cad la 'dus par 'jug par 'gyur ba dang / don mnyam pa nyid la zhugs nas byang chub sems dpa' chen po'i 'dus par 'gyur ba dang / chos thams cad mnyam pa nyid la zhugs nas dam pa'i chos kyi 'dus par 'jug par 'gyur ba dang / las mnyam pa nyid la zhugs par 'dus pa thams cad du 'jug par 'gyur ba dang / hUM/ de nas bcom ldan 'das de bzhin gshegs pa thams cad kyi mchod pa'i cho ga rgyas pa'i snod de bzhin gshegs pas/ slar yang de bzhin gshegs pa thams cad kyi mchod pa dam pa zhes bya ba'i shes rab kyi pha rol tu zin par

  377. 189b

    tshul bka' stsal pa/ byang chub kyi sems bskyed pas de bzhin gshegs pa thams cad kyi mchod pa'i cho ga rgyas pa dang / sems can gyi khams thams cad yongs su skyob pas de bzhin gshegs pa thams cad kyi mchod pa'i cho ga rgyas pa dang / chos thams cad yongs su bzung bas de bzhin gshegs pa thams cad kyi mchod pa'i cho ga rgyas pa dang / shes rab kyi pha rol tu phyin pa 'dri ba dang / 'drir 'jug pa dang / 'dzin pa dang / 'don pa dang / brjod pa dang / sgom pa mngon du 'gro ba'i las kyis de bzhin gshegs pa thams cad kyi mchod pa'i cho ga rgyas pa'o/ / oM/ de nas bcom ldan 'das gdug pa thams cad 'dul ba'i nus pa'i de bzhin gshegs pas/ slar yang sems can thams cad 'dul ba'i ye shes snying po zhes bya ba'i shes pa kyi pha rol tu phyin pa'i tshul 'di bka' stsal pa/ chos thams cad mnyam pa nyid pas khro ba mnyam pa nyid dang / sems can 'dul ba nyid pas khro ba 'dul ba nyid dang / sems can thams cad chos nyid nyid pas khro ba chos nyid nyid dang / sems can thams cad rdo rje nyid pas khro ba rdo rje nyid de/ de ci'i phyir zhe na/ 'di ltar sems can thams cad 'dul ba'i byang chub ste/ ha/ de nas bcom ldan 'das thams cad mnyam pa nyid la rab tu gnas pa'i de bzhin gshegs pas/ slar yang chos thams cad mas/

  378. 190a

    pa nyid kyi mchog ces bya ba'i shes rab kyi pha rol tu phyin pa'i tshul 'di bka' stsal pa/ thams cad mnyam pa nyid pas shes rab kyi pha rol tu phyin pa mnyam pa nyid dang / thams cad kyi don nyid pas shes rab kyi pha rol tu phyin pa'i don nyid dang / chos nyid thams cad mnyam pa nyid pas shes rab kyi pha rol tu phyin pa'i chos mnyam pa nyid dang / thams cad kyi bya ba nyid pas shes rab kyi pha rol tu phyin pa'i bya ba nyid du rig par bya'o/ / hrI/ de nas bcom ldan 'das de bzhin gshegs pa thams cad kyis/ slar yang de bzhin gshegs pa thams cad byin gyis rlob pa zhes bya ba'i shes rab kyi pha rol tu phyin pa'i tshul 'di bka' stsal pa/ byang chub sems dpa' chen po kun tu bzang po bdag nyid thams cad pas sems can thams cad sangs rgyas kyi snying po dang / rdo rje'i dbang bskur bas sems can thams cad rdo rje'i snying po dang / rin po che thams cad kyi dbang bskur bas sems can thams cad rin po che'i phung po dang / ngag thams cad la rab tu 'jug pas sems can thams cad chos kyi snying po dang / las thams cad byed pa'i sbyor bas sems can thams cad las kyi snying po'o// hrIH/ de nas bcom ldan 'das mtha' las 'das shing mu med pa'i chos la mi gnas pa'i bcom ldan 'das de bzhin gshegs pas/ slar yang chos thams cad yongs su mi gnas pas byin gyis

  379. 190b

    brlabs pa rdo rje zhes bya ba'i shes rab kyi pha rol tu phyin pa'i tshul 'di bka' stsal pa/ shes rab kyi pha rol tu phyin pa mtha' med pa'i phyir/ de bzhin gshegs pa thams cad mtha' med pa dang / shes rab kyi pha rol tu phyin pa mu med pa'i phyir/ de bzhin gshegs pa thams cad mu med pa dang / shes rab kyi pha rol tu phyin pa gcig pa nyid kyi phyir/ chos thams cad gcig pa nyid dang / shes rab kyi pha rol tu phyin pa yongs su mi gnas pa'i phyir/ chos thams cad yongs su mi gnas par 'gyur ba ste/ 'jam dpal gang la las shes rab kyi pha rol tu phyin pa'i tshul 'di thos nas nyan par byed 'dzin cing 'don la sgom par byed na/ de ni dag cing mthar byed pa'i byang chub sems dpa'i spyod pa la nges par gnas nas sgrib pa thams cad las rnam par grol bas de bzhin gshegs pa nyid dam/ rdo rje 'dzin pa nyid myur du thob par 'gyur ro// rgyo/ de nas bcom ldan 'das rnam par snang mdzad de bzhin gshegs pa de bzhin gshegs pa thams cad kyi gsang ba'i chos nyid brnyes pa/ chos thams cad spros pa med pas/ slar yang bde ba chen bo rdo rje don yod pa dam tshig ces bya ba rdo rje chos mnyam pa nyid shes rab kyi pha rol tu phyin pa'i sgo dam pa thog ma dang / za ma dang / dbus las grol ba pa'i mchog 'di bka'

  380. 191a

    stsal pa/ byang chub sems dpa' chen po rnams kyi 'dod chags chen po mchog tu grub pas bde ba chen po mchog tu grub par 'gyur ba dang / byang chub sems dpa' chen po rnams kyi bde ba chen po mchog tu grub pas de bzhin gshegs pa thams cad kyi byang chub chen po mchog tu grub par 'gyur ba dang / byang chub sems dpa' chen po rnams kyis de bzhin gshegs pa thams cad kyi byang chub mchog tu grub pas bdud sde chen po rab tu 'joms pas mchog tu grub par 'gyur ba dang / byang chub sems dpa' chen po rnams kyi bdud sde chen po rab tu 'joms pa mchog tu grub pas 'jig rten gsum po mtha' dag gi dbang phyug mchog tu grub par 'gyur ba dang / byang chub sems dpa' chen po rnams kyi 'jig r ten gsum mtha' dag gis dbang phyug mchog tu grub pas ma lus shing lus pa med pa'i sems can gyi khams yongs su skyob pa'i sems can thams cad la phan pa dang bde ba'i mchog shin tu bde ba chen po mchog tu grub par 'gyur te/ swa/ de ci'i phyir zhe na/ ji srid 'khor ba'i gnas su ni// mkhas pa mchog rnams gnas gyur pa/ srid mnyam med sems can don// mya ngan mi 'da' byed par nus// shes rab pha rol phyin pa'i thabs// ye shes byin gyis brlabs kyis 'grub// las ni tham

  381. 191b

    cad rnam dag pas/ / srid pa dag par 'gyur phyir ro// chags sogs rab ldan 'jig rten ni// kun nas srid par sdig byed pa// de dag rnam par sbyang don du/ de rnams 'dod chags chen po 'dzin// ji ltar pad+ma legs dmar ba// dmar po'i skyon gyis mgos ltar// bag chags skyon gyis srid pa ru// rtag tu 'gro phan gos mi 'gyur/ / 'dod chags chen po rnam dag pa// bde ba chen po nor chen po// khams gsum dbang phyug thob nas su// de dag don ni brtan par byed// haH/ 'jam dpal gang la las shes rab kyi pha rol tu phyin pa'i tshul gyi sgo'i chos kyi rnam grangs 'di nyin re bzhin du nang par langs te/ gang 'don pa dang / nyan pa dang / 'dzin pa dang / rjod par byed na/ des bde ba dang yid bde ba thams cad thob par 'gyur zhing bde ba chen po rdo rje don yod pa'i dam tshig gi dngos grub mchog tu gyur pa skye ba 'di 'dri la thob par 'gyur ro/ / hUM/ de nas yang bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal nyi shu rtsa lnga po 'di dag ni nges par shes rab kyi pha rol tu phyin pa'i tshul gyi sgo ste/ 'di lta ste/ oM na ma sarba bud+d+ha bo d+hi satwAnA~M/ oM bo d+hi tsit+ta badz+ra/ oM sa man+ta b+ha dra ts+tshaH

  382. 192a

    oM tsan+ti ma NI/ oM a ni rod+b+ha/ oM dzaHb+h+rUM b+he te/ oM dzA ti pa ri wa ra te/ ma hA rU g+hA d+hAr+m+ma te/ oM b+hir+yaM ka rba ts+tshe/ oM sarba kA mI ni/ oM badz+ra TAD+D+h+ya ka wa tsi te hUM phaT/ oM sarba ha thA ga te/ oM swa b+hA ba bi shud+d+he/ oM pradz+nyA pA ra mi tA dz+nyA na bi shud+d+he/ oM kar+m+ma bi sho d+ha ne hUM/ oM ni su~M b+ha badz+ro Ni hUM phaT/ oM kar+m+ma rA ge/ oM badz+ra hUM badz+re/ oM sarba d+harma t+tI/ oM hrIHoM a kA ro mA kha~M/ oM pradz+nyA bA ra mi te oM ha~MHyaM hU~M oM au/ oM sarba ta thA ga ha kA ya a gr-i/ oM sarba ta thA ga ta bAg badz+raM/ oM sarba tA thA ga ta tsit+ta badz+re aH/ oM s+pho Ta ya sarba A pa ya big+h+nAM ni pra mo k+Sha ya/ sarba a pA yA ga taM b+h+yaHsarba sa ma ya badz+ra hUM phaT/ sdig pa dang bral ba'i phyag rgya dang sngags so// de brjo/ pa tsam gyis de bzhin gshegs pa thams cad kyi gsang ba mchog gi dngos grub rdo rje 'dzin pa 'am/ de de bzhin gshegs pa nyid du 'gyur ro// 'jam dpal 'di ni dge ba'irtsa ba ma bskrun pa'i sems can rnams kyi rna lam du grags par mi 'gyur zhing / dge ba'i rtsa ba ma bskrun pa'i sems can gyis bris pa dang / bklag pa dang / brjod pa dang rim gro bya ba dang / bla mar bya ba dang / rjed par bya ba dang / mchod par bya ba'ang nus pa ma yin no// gzhan du na gang gis shes rab kyi pha rol tu phyin pa'i tshul gyi sgom

  383. 192b

    chos kyi rnam grangs 'di chung ngu na/ yi ge gcig yang thos na sems can de sangs rgyas mang po la dge ba'i rtsa ba bskrun par rig par bya na/ slar yang mtha' dag ma lus par rdzogs pa lta ci smos/ 'jam dpal sems can gang la la gang+gA'i klung gi bye ma brgyad cu snyed kyi sangs rgyas bye ba khrag khrig la phyag byas/ bla mar byas/ rjed par byas/ mchod par byas nas des shes rab kyi pha rol tu phyin pa'i tshul 'di nyan par nus so/ / sa'i khams gang na chos kyi rnam grangs 'di spyod pa de mchod rten du gyur pa ste phyag bya/ baba'i gnas so// gang chos kyi rnam grangs 'di yid la bzung ba 'am/ glegs bam du bris par gyur na de bskal pa bye ba khrag khrig brgya stong mang por skye ba dran par 'gyur ro// de la bdud sdig to can gyis bar du mi gcod do// rgyal po chen po bzhi po rnams dang / gzhan yang lha rnams kyis phyi bzhin rjes su 'brang ste/ de la srung ba dang / skyab pa dang / sbed par byed par 'gyur zhing tshul ma yin pas dus byed par mi 'gyur la/ sangs rgyas dang byang chub sems dpa' thams cad kyis dgongs par 'gyur ro// mdor na sangs rgyas kyi zhing gang dang gang yid la 'dod pa de dang der skye bar 'gyur ro// 'jam dpal 'di lta bu'i phan yon mang po 'di ni shes rab kyi pha rol tu phyin pa'i

  384. 193a

    tshul gyi sgo'i chos kyi rnam grangs so/ / de nas bcom ldan 'das rdo rje rnal 'byor gyi dbang phyug chen pos rdo rje snying po thams cad kyi rgyan theg pa chen po mngon par/ rtogs pa/ de bzhin gshegs pa thams cad kyi mchog tu gsang ba chen po mchog tu gsang ba'i dam tshig rdo rje dbyings kyi dbang phyug dam pa 'khor los sgyur ba chen po bzhis yongs su bskor ba rdo rje snying po rgyun ces bya ba'i snying po 'di phyung ngo / / mtshan nyid gcig pa'i phyir chos thams cad gdod ma nas ma skyes pa'o// nam mkha' mnyam pa'i phyir/ chos thams cad stong pa nyid do// spros pa thams cad spangs pa'i phyir/ chos thams cad gdod ma nas rnam par dag pa'o// thams cad kyis sems gsal ba'i mtshan nyid kyi phyir/ chos thams cad chos kyi dbyings yongs su rgyas pa'o// AHb+h+rUM trA hrIHhUM/ de bzhin gshegs pa thams cad kyi rdo rje yi ge'i tshig 'di brjod pa tsam gyis chos kyi dbyings kyi mthas klas pas sangs rgyas kyi yul thams cad shin tu gsal bas snang bar gyur to/ / de nas bcom ldan 'das de bzhin gshegs pa thams cad dang thabs cig tu de bzhin gshegs pa thams cad kyi slar yang bsdu bas byon nas/ de bzhin gshegs pa thams cad kyi dkyil 'khor chen po'i bkod pa zhes bya ba'i

  385. 193b

    ting nge 'dzin la snyoms par zhugs te/ 'jam dpal gzhon nur gyur pa la bka' stsal pa/ 'jam dpal de bzhin gshegs pa thams cad kyi rdo rje snying po rgyan ces bya ba bshad par byas nyon cig/ de legs par rab tu nyon la yid la gyis shig bshang par bya'o// de nas bcom ldan 'das rnam par snang mdzad chen pos/ 'jam dpal gzhon nur gyur pa la bka' stsal pa/ 'jam dpal khyod kyang de bzhin gshegs pa thams cad kyi shes rab ye shes la zhugs la/ de bzhin gshegs pa thams cad kyi snying po chen po la rdo rje'i byin gyis brlabs byos shig/ de nas yang 'jam dpal gzhon nur gyur pas bcom ldan 'das rnam par snang mdzad kyis gsol ba btab pa'i tshig thos nas de bzhin gshegs pa thams cad kyi thugs kar zhugs te/ byin gyis brlabs nas de las 'thon te/ de bzhin gshegs pa thams cad kyi spyan sngar rnam par gnas so/ / de nas bcom ldan 'das kyis de bzhin gshegs pa thams cad kyi dam tshig 'byung gnas rdo rje snying po'i rgyan byin gyis rlob pa zhes bya ba'i ting nge 'dzin la snyoms par zhugs nas/ chos kyi dbyings kyi rdo rje chen po snying po'i rgyan de bzhin gshegs pa thams cad kyi gsang ba'i dkyil 'khor chen po bka' stsal pa/ de nA

  386. 194a

    yang dag bshad bya ba/ / dkyil 'khor chen po mchog gyur pa// rdo rje snying po gsang chen po// de bzhin gshegs pa kun ldan dge/ rdo rje snying po dang mtshungs pa// khams rnams thams cad rnam par sprul/ / sangs rgyas kun gyi bdud rtsi dang // gzhan yang bcud len dang mtshungs pa// de bzhin gshegs pa kun gyi gsang // rdo rje kun gyi rang bzhin grong // gru bzhi pa la sgo bzhi pa// rdo babs bzhis ni rnam par mdzes// thig bzhi dang ni yang dag ldan// dar dang me tog chun pos spras// grwa yi cha ni thams cad dang // sgo 'gram dang ni mtshams rnams su/ / rdo rje rin chen rnams kyis spras/ nang gi dkyil 'khor thig gdab bya// de yi phyi rol du bya ba// dkyil 'khor yang ni rnam pa bdun// sgo khyud du ni rin chen ni// mchog tu rmad byung gzhag par bya/ / rdo rje srad bu dag dang ldan// ka ba brgyad kyis nye bar brgyan// rdo rje ka ba'i mdun bzhag pa// bum pa la sogs dag gis spras// tshad mdzes pa yi snying po / / rdo rje 'khor lo sogs pas brgyan// rab rab chen po ni// ri bo gnyis kyi phyi rol tu// sngags pas kun nas yongs bskor ba/ khyad par rdo bzhin bri bar bya// nang gi dkyil 'khor phyogs kyi char/ / dkyil 'khor dag ni rnam bzhir bya// gru bzhi pa dang zlum po dang // gru gsum rnam pa las byung dang // zla ba phyed pa'i tshul 'dra ba// dkyil 'khor yang ni bzhi pa'o// de yi nang

  387. 194b

    gicha la ni/ / pad+ma lo ma brgyad pa bri// de ltar shes rab chen po yi// slob dpon rdo rje 'byung bas bri// de yi rjes su lha rnams kyi// go rims ji bzhin bri bar bya// gdugs dkar rgyal ba'i gtsug tor dang / / gzi brjid dra ba rnam par rgyal// dam tshig mchog gi rnam pa bzhi// slar yang 'dab ma'i mtshams su bri// rdo rje shugs kyis song nas ni// dkyil 'khor dag ni bzhi po ru// mi bskyod la sogs rnam pa bzhi/ / rdo rje rnal 'byor dbang phyug bri// mi bskyod pa yi dkyil 'khor ni// zla 'od lta bu'i mdog tu bya// der ni rdo rje sems dpa' sogs// kun mchog sa yi dbang phyug rnams/ / rdo rje slob dpon stobs po che// shes rab chen pos dgod par bya// rdo rje rin chen sogs gang ba'i// rin chen 'byung gnas dkyil 'khor yin// rdo rje chos sogs gsang ba yi/ / dkyil 'khor tshe dpag med pa'i 'o// rdo rje las la sogs ldan pa// don yod grub pa'i dkyil 'khor ro// rdo rje shugs kyis song nas ni// dkyil 'khor gsum pa bri bar bya// rnam gzigs la sogs sangs rgyas rnams// dkyil 'khor der ni bri ba yin// rdo rje snying po rgyal po che// khyab bdag gsang ba'i dbang phyug gtso// 'dod pa'i don kun grub pa'i phyir// 'bad pa yis ni bri bar bya// blo gros rgya mtsho mi zad blo// byams pa bdag nyid chen po dang / nam mkha'i snying po grags chen po// kun tu bzang po nyid dag dang / phyag na rdo rje bdag nyid

  388. 195a

    che/ / kun nas 'bar ba'i 'khrigs pa'i 'od// 'jam pa'i dbyangs ni rigs kyi mchog/ sangs rgyas sras bzang dri ma med// sgrib pa thams cad nges par sel// de nang / sa yi snying po mchog/ nam mkha'i mdzod ni mdzod dam pa// lag na rin chen bla na med// mi phan pa kun 'joms pa ni// dra ba can gyi 'od ces bya// dpa' bo 'di dag gsang ba che// dkyil 'khor/ 'di dag bri bar bya// 'khor lo de ni dor nas ni// blo gros ldan pas phyir song ste// shar du sangs rgyas thams cad kyi// phyag rgya go rims bzhin du dgod// 'khor lo mdzes pa'i/ dge legs bri// rdo rje dpal be'u pad ces bya// gtsug tor rnam pa sna tshogs pa// rdo rje pad+mas rnam par brgyan// lhung bzed dang ni 'khar gsol dang // chos gos kyang ni khyang par du/ / 'di dag shAkya seng ge yi// sangs rgyas kun gyis rab tu gsungs// gang zhig dngos grub mchog 'dod pas// de rnams blo ldan brtan par bri// byang du 'jig rten dbang phyug gi/ phyag rgya'i tshogs mchog de bzhin te// pad+ma ut+pa la nyid dang ni// spyi blugs pags pa'i g.yang gzhi dang // dbyug gu'i shing ni mkhas pa yis// ma myos pa ru bri bar bya// slar yang lho ru song nas ni/ / phyag na rdo rje bdag nyid che// slob dpon bdag nyid chen po yis// phyag rgya 'bar bas bri bar bya// rdo rje bany+tsi sha dang ni// dril bu rab tu mdzes pa dang // dbyug gu dang ni tho ba dang // dbyug pa

  389. 195b

    rdo rjes mtshan pa dang / / lcags sgrog dang ni rtse gsum yang // 'di dag dpa' bo'i phyag rgya'o// dkyil 'khor nub tu song nas ni// 'jam pa'i dbyangs ni blo gros kyi// gsang ba'i chos ni dam pa mchog/ brtson 'grus chen po'i phyag rgya bri// ut+pal 'khor lo rdo rje dang // ral gri yang ni khyad par du// zod pa dang ni dgra sta dang // rma bya dang ni seng ge nyid// phyag rgya 'di rnams brtson 'grus che/ / mkhas pa yis ni dgod par bya// 'khor lo'i grwa ni legs gnas par// rdo rje sgeg mo la sogs bri// phyi yi 'khor lo'i grwa ru ni// rdo rje bdug pa zhes bya sogs// bdag nyid chen po 'bad pa yis/ / mchod pa 'di dag bri bar bya// phyi yi dkyil 'khor gA rnams su// gzugs kyi rdo rje zhes bya sogs// gzugs sgra de bzhin dri dang ni// khyad par du ni ro dang yang // reg dang chos kyi dbyings dang ni// mkhas pa yis ni dgod par bya// sgo yi nang ni thams cad du// sgo skyong ba ni dgod par bya// de bzhin dkyil 'khor gzhan pa ru// rdo rje shugs kyis song nas ni/ / go rims bzhin du sangs rgyas kyi// yum rnams 'bad pas bri bar bya// nam mkha'i spyan zhes bya ba ni// sangs rgyas spyan zhes bya ba dang // shes rab pha rol phyin ma dang // phyag rgya kun dang yang dag ldan/ / ji srid de bzhin gshegs rig ma// thams cad shar du dgod par bya// de nas blo gros ldan pa yis// byang gi phyogs su song nas ni// gos dkar las gnas sgrol ma

  390. 196a

    che/ / khro gnyer can dang grags 'dzin ma// khyad par du ni dpal bdun dang // mda' bdun dang ni dbyangs can ma// de la sogs pa'i lha mo rnams// bran dang bran mor yang / dag ldan// de bzhin pho nya pho nya mo// gsang ba'i phyag rgya lhan cig bri// rdo rje shugs kyis song ba ni// lho yi phyogs su rab phyin la/ mA ma kI dang lcags sgrog dang // khab rtse rdo rje mtshan ma mchog/ de ltar bris nas blo ldan gyis// nub kyi phyogs su song nas ni// der ni phyin nas shes ldan gyis// sgra can stobs chen bri bar bya// de bzhin 'dam bu mda' rgyu dang // lha mo zla ba'i 'od zer 'dra/ / lha mo nye ba'i sgra can ma// 'bad pa yis ni bri bar bya// rab bkra nor gyi blo gros dang // 'gugs byed pho nya lnga dang ldan// grwa yi cha ru bri bya ba// rdo rje mdung rtse zhes bya sogs/ / sgo yi nang ni thams cad du// sgo skyong ba ni rnam par bri// gzhan gyis mi thub lha mo che// de bzhin ral pa gcig ma mchog/ rdo rje dregs ma lha mo che// rdo rje kum+b+hi yang dag bri/ / de nas blo ldan dkyil 'khor ni// thams cad las ni 'thon nas su// shar gyi cha ni thams cad du// sngags pa rnam par gzhag pa yis// khro chen gzhan gyis mi thub de bzhin mi g.yo zhes bya dang / / khams gsum rnam rgyal snying po ni// mnga' bdag brgya phrag lnga yis bskor// de ltar bris nas sngags pa yis// de nas byang gi char song ste//

  391. 196b

    namagrin khro bo chen po dang // skar ma'i spyan ni khyad par du'o// khro gnyer rim pa rnam bsgyings pa// khro bo blo ldan brtson 'grus che// pho nya bran rnams thams cad dang / ma mo stong gos yongs bskor bar/ / 'jig rten mgon gyis bka' stsal to// de nas blo gros ldan pa yis// lho yi phyogs su song nas ni// der ni phyin te brtson chen po// khro bo chen po stobs po che// rdo rje mtshan pas legs mtshan pa/ / shes rab chen pos dgod par bya// khro bo zla ba'i thig le dang // de bzhin khro chen rdo rje 'chang // sgra gcan khro bo stobs po che// khro bo bdud rtsi 'khyil ba dang // rdo rje sa 'og sa 'og dang // de bzhin 'jigs pa'i mig can dang // rkang pas bsnun pa rdo rje mchog/ gsang dang rab gsang rjes 'gro dang // bran dang pho nya khro bo ni// stong phrag gsum dang phyed kyis bskor/ / de ltar bris nas blo ldan gyis// nub kyi phyogs su phyin nas ni// der ni song ste brtson chen po// gshin rje mthar byed ces bya ba// gdong drug pa la lag drug pa// khro bo yi ge bdun zhes bgyi/ / khro bo'i gtsog stong phrag ni// bdun dag gos ni yongs bskor ba'o// dkyil 'khor cha ni thams cad du// khro bo gtum po thams cad bri// de nas sgro ldan 'ongs nas su/ / rang rgyal rgyal ba thams cad kyi// dkyil 'khor kun tu bri bar bya// de nas sngags pa 'ongs nas ni// rgyal ba nyan thos bri bar bya// de yi phyi ru tshangs sogs lha// dkyil 'khor

  392. 197a

    kun tu rnam par bri/ / dbang phyug che dang khyab 'jug dang // zla ba nyi ma zhes bya dang // gza' brgyad dang ni 'jig rten skyong // rgyal chen ris ni bzhi po dang // de bzhin sum cu rtsa gsum dang / / 'thab bral rnams dang dga' ldan dang // 'phrul dga' gzhan 'phrul dbang byed dang // tshangs pa mdun na 'don pa rnams// tshangs chen rnams dang // 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang // sprin med rnams dang / bsod nams skyes rnams dang 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min rnams dang / dag pa'i gnas rnams dkyil 'khor thams cad kyi mtshams su dgod par bya'o/ / de nas dbang ldan du dbang ldan dang / dbang por dbang po dang / mer me'i lha dang / gshin rjer gshin rje dang / bden bral du bden bral dang / chur chu lga dang / rlung du rlung lha dang / lus ngan du lus ngan rnams dang / phyi rol gyi shar phyogs su khro bo gzhan gyis mi thub pa zhes bya ba'i phyag rgya chen po dgod par bya'o// lho 'jigs byed kyi spyan gyi phyag rgya chen po dgod par bya'o/ / nub tu khro bo'i rgyal po chen po gshin rje gshed kyi phyag rgya chen po dgod par bya'o// byang du rta mgrin gyi phyag rgya chen po rnam par dgod

  393. 197b

    par bya'o/ / phyi rol dur ba dag gi nang du rgya mtsho chen po bdun dgod par bya'o// de'i phyi rol tu 'gro ba lnga po gzhag par bya'o// de lta bu'i gru bzhi pa/ sgo bzhi pa/ dkyil 'khor chen po dang dang / me tog gi chun po dang / gdugs dang / rgyal mtshan dang / ba dan sgreng ba/ dra ba dang dra ba phyed pas klubs pa/ de lta bu'i dkyil 'khor chen po bris la bsgom par bya'o// de bzhin du dbus su ri'i rgyal po lhun po'i tshad du dpag tshad brgya stong phrag du mar rgyas pa de'i steng du rdo rje seng ge'i khri la bzhugs pa'i sangs rgyas bcom ldan 'das rnam par bsams nas nye bar spyod pa thams cad kyis cho gas mchod/ la mnyes par byas te/ mchod pa dang / dbang bskur ba dang / byin gyis brlabs pas spro ba dang bsdu ba la sogs pa byas pas/ nam mkha'i gnas su de bzhin gshegs pa thams cad kyi phyag rgya chen po rnam par bsams nas spyan drangs te bcug la bcings nas dam chog la rnam par gzhag ste/ de bzhin du de bzhin gshegs pa thams cad dang rdo rje sems pa'i sku mdog nyid rnam pabapar snang mdzad yin no snyam du snyoms pa bsgom par bya'o/ / de nas snying rje dang byams pa'i mig gis phyogs bcu'i 'jig rten gyi khams mtha' las 'das pa thams cad khyab pa'i rgya mtsho'i sprin de bzhin gshegs pa thams cad kyi sku'i sprin gyis kun nas bkang ste/ de bzhin gshegs pa'i rim pa mchog gis rdo rje sems dpa' hUM mdzad kyi phyag rgya rang gi lus la zhugs nas/

  394. 198a

    phyogs thams cad hUM gi yi ge'i sgra brjod cing bsnun pa bzhis rol pa dang bcas pas phyag byas la bzlas pa byas te/ dam tshig gi phyag rgya bcings la/ cho ga bzhin du rdo rje slob dpon gyis bkug nas bcug ste bcings la dam tshig la bzhag pa byas nas/ rdo rje se gol gyi sbyor ba dang kun nas 'bebs pa'i phyag rgyas bdag nyid la dbab ste/ snying po 'di bzhis rol pa dang bcas/ de bzhin gshegs pa thams cad dang bdag mtshungs so snyam du bsam par bya'o// de la de'i snying po ni/ a A aM aHbdag byin gyis brlabs pa la sogs pa byas nas brjod la/ de bzhin gshegs pa thams cad dang bdag mtshungs pa yin no zhes nga rgyal bskyed do// de bzhin gshegs pa thams cad kyi rdo rje lcags kyu'i se gol gtogs nas snying po 'dis sangs rgyas thams cad spyan drang bar bya'o/ / de la snying po ni 'di yin te/ b+h+rUM trAM hrIHhUM/ badz+ra sa mA dza/ A gats+tsha A gats+tsha nu sarba ta thA ga ha sarba bo d+hi satwa pa ri pri ti pra t+ye ka ri ha te swA hA/ oM badz+ra sa pU dzaHA gats+tsha A gats+tsha sarba te thA ga hA badz+ra yo gI shwa ra satwa nA yeHsa hA a hAHoM haH/ de nas de bzhin gshegs pa thams cad dang / byang chub sems dpa' thams cad dang bcas pa/ dkyil 'khor thams cad yongs su rdzogs pa/ de bzhin gshegs pa thams cad kyi rigs dang / rgyud dang / gzungs rnams dang lhan cig dkyil 'khor du 'dus nas 'byon par 'gyur ro// den/ de bzhin gshegs pa thams cad

  395. 198b

    kyi phyag rgya chen po bdag nyid rnam par bsgoms nas ming brgya rtsa brgyad pa bton la cho ga ji lta ba bzhin du mchod pa byas nas/ de bzhin gshegs pa thams cad brtan par byas nas sgo bzhi po rnams kyis rdo rje lcags kyu la sogs pa las byas te/ las chen po dam pa'i phyag rgyas de bzhin gshegs pa thams cad bzhugs par byas te/ oM sarba ta thA ga ta/ su ra ta badz+ra badz+ra satwa dzaHhUM baM hoHa d+hi tiSh+Tha n+tu sarba ha thA ga ha ma hA maN+Da laM/ de nas gsang ba'i mchod pa la sogs pa rnams kyis mchod nas/ de bzhin gshegs pa thams cad la gsol ba gdab par bya ste/ sangs rgyas dang byang chub sems dpa' thams cad la bdag gsol ba 'debs lags kyis/ sangs rgyas dang byang chub sem dpa' thams cad kyis bdag la byin gyis brlab tu gsol/ sems can thams cad kyi don mdzad du gsol/ bdag la dngos grub thams cad stsal du gsol/ ji ltar bdag gis de bzhin gshegs pa thams cad kyi mchod pa rab 'byams rgya mtsho'i sprin rnams kyis chos kyi dbyings kyi mthas klas pa'i sangs rgyas thams cad kyi yul kun nas bkang ste byin gyis brlab par bgyi'o/ / de bzhin gshegs pa thams cad kyi bka' yongs su rdzogs par bgyi'o// de nas 'dir rdo rje snying po'i rgyan chos kyi dbyings kyi dkyil 'khor du slob ma gzhug pa'i cho ga rgyas par 'gyur ba ni/ de nas gos dmar po phrag par gzar te de bzhin gshegs pa thams cad la sngags 'dis phyag

  396. 199a

    'tshal ba'i thal mo sbyar nas/ sngags 'das snyan gsan dbab par bya ste/ sa ma ya ho/ sa ma ya s+t+waM/ sa ma ya badz+rA a b+hiSh+TA na me ku ru nAM/ sarba ta thA ga ta sa ma ye me ar+d+ha / tiSh+Than+tu sarba bud+d+ha mAM pra be sha yan+tu/ sarba ta thA ga ta badz+ra maN+Da la a laM kA re ma hA badz+ra maN+Da le pra ti ba la yan+tu mAM sU dzAny+tsa me pra yats+tshan+tu/ de nas slob dpon gyis do thal sor mo me tog dkar po'i 'greng ba sngags 'di btags nas nang du me tog bzhi dang / sor mo'i rtse mor me tog re re bcug la/ de nas sngags 'di brjod cing gzhug par bya'o// hUM d+haM hri/ kruM shru dzI baHkaHpro khri shri dzI haM/ aM a d+hi tiSh+Tha mAM/ sarba ta thA ga ta sa ma ya satwa pra bi shA mi/ de nas slob dpon gyis de'i gdong g.yogs bcings la/ de bzhin gshegs pa thams cad kyi mya ngan las 'das pa'i grong khyer chos kyi dbyings nam mkha'i khams rab tu khyab pa'i sbyor bas de bcug la/ sngags 'dis me tog gtor bar bya'o// sngags ni/ sa ma yo he sa ma ya s+t+waM sa ma ya hUM/ gang la me tog rnams lhung ba de nyid de'i lhar byin par bya'o// de nas tshe ga bzhin du sngags 'dis dbab par bya'o/ / sa ma yo haM sa ma ya stAM/ sa ma ya hUM/ na maHsarba ta thA ga he b+h+yaHta Ta ta Ta/ d+ha ma d+ha ma/ badz+ra hUM/ bi kr-i ta bi dU/ dz+nyAM hwA dur dAn+ta da ma ka/ ha si ta lam+bo dar/ ka ha ka ha/ tsu lu tsu lu/ muny+tsa muny+tsa/ aT+TAn+da ha sa da ra bi dar/ badz+ra badz+ra/ badz+rod ga te/ badz+ra ne tra/ badz+ra shro tra/ badz+ra d+hA Ne/ badz+re da~Mn+da ny+tsi ra ya si pra bi hisha badz+ra bA

  397. 199b

    Nil+r-ing ya nA bi mI bi gan+d+haHb+hUH/ prAr+N+Na pUH/ b+hUd+d+had+b+ha pa ya b+hUd+b+ha pa ya/ b+hU ma ya b+hU ma ya/ pA ta ya mo Ta ya/ A be sha ya/ dzalpA dzal+la/ dzal+lA ya dza lpA ya/ la b+hU la g+hA/ sar+b+ba ta thA ga ta dz+nyA kar phra ba ra/ d+har+m+ma lab+h+yAM/ bi dza ya he haM badz+ra dze kA ra hUM kr-i ta swAhA/ dbab pa'i dam tshig go// de ltar babs nas kye khyod kyis gang dge ba 'am mi dge ba mthong ngamo zhes 'dri'o// de nas da bzhin gshegs pa 'am/ rdo rje 'dzin pa 'am/ rige pa'am/ mi dge ba bdag gis 'di lta bu mthong ngo zhes smra bar 'gyur ro// de nas slob dpon gyis de thams cad de bzhin gshegs pa thams cad kyi rdo rje'i rang bzhin du yongs su gzhag la mig bcings pa bkrol la dbang bskur ba'i don du dkyil 'khor grwa bzhi pa byas la/ de'i dbus su kha dog thams cad kyis pad+ma chen po 'dab ma brgyad pa yid du 'ong ba 'am seng ge'i khri rang nyid kyis bris te/ de nas de la dar gyi bgo ba dang / me tog dang / bdug pa la sogs pa rnams kyis mchod pa khyad par du gzugs dang / sgra dang / dridang / ro dang / reg pa dang / gdugs dang / rgyal mtshan dang / ba dan dang / dung dang / rdza rnga dang / rnga bo che dang / dung la sogs pa dang / gur dang / glu rnams kyis legs par mchod nas cod pan lnga'i dbang bskur te/ de bzhin gshegs pa thams cad kyi rdo rje slob dpon gyi go 'phang la rab tu bzhag pa rigs dang rjes su 'thun pa'i ming du byas nas sngags 'dis byin gyis brlab par

  398. 200a

    bya ste/ oM sarba ta thA ga ha badz+roSh+NI Sha a b+hi Shiny+tsi/ oM badz+ra satwa a b+hi Shiny+tsa/ oM badz+ra rat+na a b+hi Shiny+tsa/ oM badz+ra pad+ma a b+hi Shiny+tsa/ oM badz+ra badz+ra a b+hi Shiny+tsa/ spyi bo dang / dpral ba dang / mgrin pa dang / snying kha dang / lte ba dang / rked pa nas/ rje dar gyi bar du yi ge'i phyag rgya bkod la/ rang gi lha'i gzugs kyi sbyor bas byin gyis brlab par bya'o// de nas rdo rje'i tshig rnams bslab par byas te/ de la rdo rje'i gnas tshigs rnams ni 'di dag ste/ rang bzhin gyis dbyer med pa'i phyir rang gi lus rdo rje sems dpa'i gnas te/ rdo rje'i gnas 'dis lta ba'i thibs pa thams cad nges par 'joms par 'gyur ro/ / ma rig pa rdo rje'i gnas kyi rig pa la 'jug pa ste/ rdo rje'i gnas 'dis dmigs pa'i dngos po yongs su shes pa la 'jug par 'gyur ro/ hUM/ mngon par 'du byed pa'i phyir mtshams med pa'i mtha' rdo rje'i gnas 'dis lta ba thams cad du gyur pa'i sems nges par rig par 'gyur ro// oM/ 'dod chags kyi mtha' zhi ba'i phyir 'dod chags dang bral ba'i mthar rdo rje'i gnas te/ rdo rje'i gnas 'dis 'dod chags pa dang bral bar 'gyur ro// ha/ zhe sdang gi mtha' zhi ba 'i phyir byams pa'i mtha'i rdo rje'i gnas te/ rdo rje'i gnas 'dis skyon thams cad kun tu 'dral bar 'gyur ro// maM/ gti mug gi mtha' zhi ba'i phyir shes rab kyi sgron ma rdo rje'i mtha' ste/ rdo rje'i mtha' 'dis mun pa bsal byed par 'gru

  399. 200b

    ro/ raM/ sems can thams cad sems can gcig pa ste/ rdo rje'i gnas 'dis sems can mnyam pa nyid la 'jug pa'i don dang sems can gyi rang bzhin rtogs pa'i don du 'gyur ro// hrI sems can thams cad sems can gcig pa ste/ rdo rje'i gnas 'dis sems can nges pa la 'jug pa'i don dang / sems rang bzhin gyis 'od gsal ba mngon par rtogs pa'i don du 'gyur ro// / a/ sangs rgyas thams cad sangs rgyas gcig pa ste/ rdo rje'i gnas 'dis de bzhin gshegs pa thams cad kyi rjes su 'jug pa'i don dang / mnyam pa nyid kyi ye shes rjes su rtogs pa'i don du 'gyur ro/ / aM/ chos thams cad sangs rgyas kyi chos rdo rje'i gnas 'dis thams cad mkhyen pa'i ye shes rjes su rtogs par 'jug pa'i don dang / rdo rje lta bu'i ting nge 'dzin rjes su rtogs pa'i don du 'gyur ro/ / aM bdud kyi las thams cad sangs rgyas kyi chos te/ rdo rje'i gnas 'dis las thams cad rjes su rtogs pa la 'jug pa'i don dang / las thams cad las yongs su 'das pa'i don du 'gyur ro/ / hU~M/ ngag thams cad de bzhin gshegs pa'i gsung ste/ rdo rje'i gnas 'dis sgra ji bzhin pa thams cad rjes su rtogs pa la 'jug pa'i don dang / brjod pa las 'das pa'i chos rjes su rtogs pa'i don du 'gyur ro/ / baM/ chos thams cad ma skyes pa ste/ rdo rje'i gnas 'dis 'chi 'pho med pa la 'jug pa'i don dang / skye ba dang / rga ba dang /

  400. 201a

    na ba dang / 'chi ba'i lam las 'da' ba'i don du 'gyur ro// maM chos thams cad ma byung ba ste/ rdo rje'i gnas 'dis 'gog pa med pa la 'jug pa'i don dang / chos thams cad 'gog pa med pa'i don du 'gyur ro/ / khaM/ 'di la rnam gnas rnal 'byor pa// bdag gi de nyid rab rtogs te// bdag gis de nyid rab brtags nas// sangs rgyas kun mtshungs mnyam med/ 'gyur// de la sogs pa'i dngos grub thams cad dang / phun sum tshogs pa thams cad dang / gter thams cad dang / 'khor lo thams cad dang / rdo rje thams cad dang / ral gri dang / yid bzhin nor bu dang / dngul chu dang / bcud len rnams dang / gyen du 'gro ba dang / rkang 'og dang / mi snang ba dang / rig pa 'dzin pa dang / 'khor lo sgyur ba nyid dang / brgya byin nyid dang / tshangs pa dang / khyab 'jug dang / dbang phyug chen po dang / byang chub sems dpa'i sa rnams des myur du 'grub par 'gyur/ hUM/ yid ni rtse gcig gyur pa yi// sangs rgyas rjes dran bsgoms nas ni/ / nyi ma'i dkyil 'khor dbus gnas par// sangs rgyas sku gzugs bsgom par bya// sbyor ba de yi bka' drin gyis// sangs rgyas kun mtshungs mnyam med 'gyur// zla ba'i dkyil 'khor dbus gnas par/ / 'od kyi dkyil 'khor rab gsal ba'i// kun tu bzang po phyag rgya che// legs par mnyam par bzhag pas bsgom// lo ni phred kyi sbyor ba yis// kun tu bzang po 'dra bar

  401. 201b

    'gyur/ / rdo rje rin chen phyag rgya che// legs par mnyam par bzhag pas bsgom// rgyal po'i dbang bskur nyid dam ni// yang na dbang phyug thob par 'gyur// rdo rje chos kyi phyag rgya che// de nas rang gis brtan bopor bsgom/ / 'jig rten kun gyi dbang phyug kyang // thob na dngos grub gzhan ci smos// rdo rje las kyi phyag rgya gang // de bzhin nyid kyi 'od gsal ba// rdo rje'i sbyor bas de bsgoms pas// rdo rje'i rnal 'byor brtan por 'gyur/ / de lta bu'i byang chub kyi sems kyi mchog sgom pa phyag rgya chen po'i ye shes nyid yin no// 'khor lo sgyur ba'i phyag rgya che// legs par mnyam par bzhag pas bsgom// phyag rgya kun gyi bdag nyid kyis/ / dam pa'i don nyid thob par 'gyur// gzi brjid dra ba phyag rgya che// dam pa'i don du bsgom par bya// gsang ba'i rgyal po thob 'gyur na// dngos grub gzhan lha ci zhig smos// gdugs dkar gtsug tor chen po ni// dam pa'i don du bsgom par bya// gtsug tor ye shes thob 'gyur na// dngos grub gzhan lha ci zhig smos// rgyal ba'i gtsug tor phyag rgya che// de ni yang dang yang du sgo// chos kyi rgyal po rnam rgyal nyid// mdor bsdus pa ni thob par 'gyur// rnam rgyal gtsug tor phyag rgya yi// dam pa'i yi ge bsgom par bya// legs par rab gnas 'od zer can/ / dngos grub ye shes thob par 'gyur// de la sogs pa mtha' yas mchog/ chos dbyings mnyam dang mi mnyam pa// gtsug tor rnams kyis legs bshad pa// phyag rgya de rnams bdag nyid mchog/

  402. 202a

    de ltar rnal 'byor pas bsgoms na// lhag pa'i lha ni gcig pu nyid// thog ma tha ma med zhi ba// rang byung mchog tu mi 'gyur ba// sangs rgyas kun dang mnyam sbyor ba// rnal 'byor dbang phyug go 'phang mchog/ sangs rgyas ye shes dri ma med// bdag nyid chen po thob par 'gyur// de bzhin gshegs pa thams cad kyi gtsug tor gyi dam tshig ye shes kyi phyag rgya rnams so// da ni de bzhin gshegs pa thams cad kyi chos kyi yi ge'i rang bzhin gyi ye shes de la bslab par bya'o/ / zhes bya ba ni rnam par spyod pa'i phyir/ chos thams cad kyi sgor shes par bya'o// a zhes bya ba ni chos thams cad ma skyes pa'i phyir/ chos thams cad kyi sgor bshad par bya'o// oM A aM a aHpa zhes bya ba ni chos thams cad kyi sgo ste/ don dam par chos thams cad kyi pha rol tu phyin pa thams cad yongs su rdzog par blta bar bya'o/ / oM paM/ na zhes bya ba ni chos thams cad kyi ming dang / gzugs dang / shes rab dang / chos dang bcas pa yongs su shes pa'i dbang du 'gyur ba'i phyir/ chos thams cad kyi sgor bshad do/ / oM naM/ da zhes bya ba ni 'dul ba dang zhi ba'i pha rol tu phyin pa yongs su rdzogs par byed pa'i phyir/ chos thams cad kyi sgor brjod do// oM daMHsa zhes bya ba ni thogs pa med pa las yang dag pa 'das shing yongs su nyon mongs pa dang / rnam par spong ba dang / zag pa dang bcas pa dang / zag pa med pa'i sgo nas phung po dang / khams dang / skye mched la sogs pa don dam pa'i bden pa la

  403. 202b

    gnas te mi dmigs pa'i phyir/ chos thams cad kyi sgor rnam par gzhag go// oM sU/ ta zhes bya ba ni de bzhin nyid kyi rjes su 'gro ba'i chos kyi dbyings la 'jug pa'i phyir/ chos thams cad kyi sgor rnam par blta'o/ / oM taM/ ka zhes bya ba ni las kyi rnam par smin pa rnam par bgrod pa'i phyir/ chos thams cad kyi sgor gsal bar bya'o// oM kaM/ ma zhes bya ba ni sgyu ma lta bu nyid dran pa med cing snying rje che ba dang shes rab rno ba las byung ba'i phyir/ chos thams cad kyi sgor gsal bar bshad do// oM maM/ ga zhes bya ba ni zab mo la spyod pa'i phyir/ chos thams cad kyi sgor blta bar bya'o// oM ga/ dza zhes bya ba ni skye ba dang / rgab dang / 'chi ba las yongs su rgal ba'i rang bzhin mi phyed pa'i phyir/ chos thams cad kyi sgor blta bar bya'o// oM dzaM/ d+ha zhes bya ba ni chos kyi dbyings yongs su mi phyed pa'i rdo rje yongs su rdzogs pa'i phyir/ chos thams cad kyi sgor blta bar bya'o// oM d+haM/ sha zhes bya ba ni zhi gnas dang lhag mthong yongs su rdzogs pa'i phyir/ chos thams cad kyi sgor blta bar bya'o// oM shaM/ Sha zhes bya ba ni gang zag dang chos kyi bdag med pa nam mkha' lhar gsal zhing chos thams cad rang bzhin gyis 'od gsal ba'i phyir/ chos thams cad kyi sgor rnam par gzhag go// oM ShaM/ k+Sha zhes bya ba ni g.yo ba skye ba med pas mi bzad pa'i ye shes so sor dmigs te chos thams cad yongs su dag pa'i phyir/ chos thams cad kyi sgor blta bar bya'o// oM k+ShaM/ nga zhes bya ba ni chos thams cad mkhyen pa'i ye shes kyi'ang yul ma yin

  404. 203a

    pa'i phyir/ chos thams cad kyi sgor blta bar bya'o// oM dza/ tha zhes bya ba ni gnas dang gnas ma yin pa la mkhas pas sangs rgyas kyi zhing yongs su sbyong ba'i phyir/ chos thams cad kyi / sgor blta bar bya'o// oM dz+rIM/ DA zhes bya ba ni sgrib pa thams cad rab tu spangs pas zad pa'i ye shes mi skye zhing mthar thug pa'i ye shes thob pa'i phyir/ chos thams cad kyi sgor bshad do// oM D+heHdzA zhes bya ba ni myur du 'chi ba med pa rjes su dmigs pa med pa'i phyir/ chos thams cad kyi sgor blta bar bya'o// oM dz+nyA/ ka zhes bya ba ni lus rnam par spyod pa ni 'dod chags dang bral bas nyon mongs pa thams cad spangs te/ / rdo rje snying po'i lus so sor thob pa'i phyir/ chos thams cad kyi sgor blta bar bya'o// oM kaM/ A zhes bya ba ni sems rnam par spyod po ni nyes pa dang / rmongs pa dang / bag la nyal ba rab tu spangs nas byang chub kyi sems bskyed pa rang bzhin gyis 'od gsal ba'i phyir/ chos thams cad kyi sgor blta bar bya'o// oM AM/ ba zhes bya ba ni ngag rnam par spyod pa ni ngag gis spros pa chos kyi dbyings rnam bapar dge pa'i phyir/ chos thams cad kyi sgor blta bar bya'o// oM baM/ tsha zhes bya ba ni grib ma ma dmigs shing rang bzhin gyis dang ba'i phyir/ chos thams cad kyi sgor blta bar bya'o// oM tsha/ zhes bya ba ni gcig tu 'dres pa ma dmigs pa'i don dam par gnyis su med par gyur pa'i phyir/ chos thams cad kyi sgor blta bar bya'o// oM g+haM/ Ta zhes bya ba ni ca co dang bral ba'i rdo rje snying po 'dzin pa'i

  405. 203b

    phyir/ chos thams cad kyi sgor bshad do// oM TaM/ pha zhes bya ba ni chos thams cad dbu ba rdos pa lha bu'i tshul gyis gsang ba'i ye shes gsal ba'i phyir/ chos thams cad kyi sgor bshad do// / oM phaM/ Da zhes bya ba ni dgra chen po las grol ba'i nam mkha' las 'gro ba grub pas so sor thob pa'i phyir/ chos thams cad kyi sgor blta bar bya'o// oM DaM/ Sha zhes bya ba ni tsha sgo mi dmigs pa'i phyir/ chos thams cad kyi sgor blta bar bya'o// oM ShaM / u zhes bya ba ni chos thams cad nye bar zhi ba'i phyir/ chos thams cad kyi sgor rnam par gzhag go// oM AM/ ya zhes bya ba ni rgyan du byed pa ni nges par 'byung ba'i don du 'phags pa'i lam yan lag brgyad la nye bar gnas pa'i phyir/ chos thams cad kyi sgor blta bar bya'o// oM yaM/ ta zhes bya ba ni de kho na nyid ni spros pa thams cad rnam par spangs pa'i phyir/ chos thams cad kyi sgor rnam par gzhag go// oM taM/ hu zhes bya ba ni ma skyes pa'i chos rnam par grol ba'i mtshan nyid yin pa'i phyir/ chos thams cad kyi// sgor bshad do/ oM hUM/ hrI zhes bya ba ni yongs su bzung ba med pa ni 'thab pa dang rtsod pa spangs pa'i chos nyid yin pa'i phyir/ chos thams cad kyi sgor blta bar bya'o// oM hrI/ kun nas nyon mongs ba med pa ni mtshan nyid rnam par dag pa'i phyir/ chos thams cad kyi sgor blta bar bya'o// oM ka kha ga g+ha nga / rang bzhin 'od gsal ba'i mtshan nyid bzung ba'i phyir/ chos thams cad kyi sgor gnas

  406. 204a

    so/ / oM tsa tsha dza dz+nyA nya/ snang ba ni gsal zhing 'bar ba'i phyir/ chos thams cad kyi sgo'o// oM Ta Tha Da D+ha Na/ sgom pa ni chos thams cad gnyis su mi gnas pa'i phyir/ chos thams cad kyi sgo'o/ / oM ta tha da d+ha na/ gzhi med pa ni chos thams cad ma 'dres pa'i phyir/ chos thams cad kyi sgor rnam par gzhag go// oM ba pha ba b+ha ma/ byang chub ni chos thams cad dri ma med pa'i phyir/ chos thams cad kyi sgor blta bar bya'o/ / oM yar la wa/ mya ngan las 'das pa ni glo bur ba thams cad nges par dor ba'i mtshan nyid dang / chos kyi dbyings so sor thob cing mngon par shes pa lnga dang / ye shes mkhyen pas sangs rgyas kyi sa yongs su thob pa'i phyir/ chos thams cad kyi sgor blta bar bya'o// oM shwa Sha sa pa/ rnam pa thams cad kyi mchog dang ldan pa thams cad mkhyen pa'i ye shes rnam par dag pa de bzhin gshegs pa thams cad kyi chos kyi sgo rnam par nges pa'o/ / // de nas rig pa thams cad kyi gsang ba'i cho ga rgyas par gyur pa ni/ sngon bzhin nges par byas nas ni// phyog kun mnyam pa nyid bsgoms nas/ / ri rab chen po gru bzhi pa// rin chen kun gyis rnam par brgyan// de yi steng du rdo rje che// de yi steng du pad+ma gzhag/ 'dab ma brgyad pa cher bkra ba// rnal 'byor ston zhes rnam par bshad/ / sangs rgyas kun gyi phyag rgya che// 'od zer gsal ba'i dkyil 'khor can// dbang po gnyis ni snyoms 'jug pa// yongs su rdzogs par bdag nyid kyis/

  407. 204b

    rnal 'byor thams cad bsgom par bya// mnyam med sangs rgyas kun dang mtshungs// sangs rgyas kun bdag bsgoms na ni// bskal mthar yang ni de gnas 'gyur// b+ha ga chen po rnal 'byor che// rnal 'byor pa gnas mi bzad pa// sangs rgyas kun bdag bsgoms na ni// sangs rgyas kun dang mtshungs par 'gyur// khams gsum pa yi rgyal srid che// sems can kun la thams cad du/ / gang tshe rnal 'byor pas bsgoms na// de tshe dngos grub lag na gnas// rang bzhin gyis ni 'od gsal chos// gdod nas dag cing ma 'dres pa// gang tshe ye shes mthong ba ni// / de yi tshe na dag par 'gyur// sangs rgyas thams cad mdor bsdus pa// sna tshogs las kyi sbyor ba yis// gang tshe rnal 'byor pas bsgoms na// sna tshogs las ni byed par 'gyur// de bzhin gshegs pa thams cad kyi// phyag rgya chen po'i ye shes so// / 'khor lo sgyur ba rgyal po che// kun mchog sa yi dbang phyug ni// rdo rje sbyor bas bsgoms na ni// mnyam med 'khor lo sgyur ba mtshungs// gzi brjid 'phreng ba phyag rgya che// legs par mnyam par bzhig pas bsgom// 'bar ba'i 'phreng bas 'khrugs shing mdzes// pad+ma rA ga mtshungs pa'i 'od/ / rdo rje'i sbyor bas bsgoms na ni// rang bzhin gzi brjid 'phreng bar 'gyur// gdugs dkar rgyal ba'i gtsug tor gyi// phyag rgya chen po bsgoms na ni// 'od zer gsal ba'i sbyor ba

  408. 205a

    yis/ / sems can dag pa nyid du 'gyur// rnam par gsal ba'i gtsug tor rgya// ral gri 'bar ba'i 'od kyis 'khrugs// zag pa med pa'i sbyor ba yis// ma'am med gsal ba'i gtsug tor mtshungs/ / rgyal ba'i gtsug tor phyag rgya che// legs par mnyam par bzhag pas bsgom// rgyal ba'i gtsug tor sbyor ba yis// de yis rnam pa'i spyod yul 'gyur// rdo rje dam tshig ye shes che/ / legs par mnyam par bzhag pas bsgom// kun tu bzang po dam pa'i gzugs// mnyam med rdo rje sems dpa' mtshungs// zla ba'i dkyil 'khor dbus gnas pa/ rdo rje sems dpa' sems dpa' che// byang chub sems dang mtshungs pa'i 'od// gtsug tor lnga ldan stobs po che// rdo rje'i sbyor bas bsgoms pa yis// rdo rje sems dpa' 'dra bar 'gyur/ rdo rje rgyal po'i phyag rgya che// de yi don du bsgoms nas ni// 'gro ba thams cad 'gugs byed na// skye bo gzhan lta smos ci dgos// rdo rje chags pa'i phyag rgya che// legs par mnyam par bzhag pas bsgom/ / skye dgu thams cad chags 'gyur na// bud med gzhan lha smos ci dgos// rdo rje sems dpa' phyag rgya che// dam pa'i don du bsgom par bya// legs so ba ni rab gsol bas/ / bud med thams cad tshim par bya// byang chub kyi sems kyi phyag rgya'i ye shes so// rdo rje rin chen phyag rgya che// 'bar ba'i 'phreng bas 'khrugs pa'i 'od/

  409. 205b

    dpral ba'i phyogs su gnas pa bsgom// de yi dar thod dbang bskur thob// rdo rje gzi brjid phyag rgya che// nyi ma'i dkyil 'khor mtshungs pa'i 'od// snying khar gnas pa bsgom par bya// kun mkhyen ye shes ster bar byed/ / rin chen tog gi phyag rgya che// legs par mnyam par bzhag pas bsgom// sbyin pa'i pha rol phyin pa mchog/ sgrub po dam pas rdzogs par byed// rdo rje bzhad pas phyag rgya che// legs par mnyam par bzhag pas bsgom// rdo rje bzhad pa lhar gyur te// de ni skye dgu dga' byed 'gyur// dbang bskur ba'i phyag rgya'i ye shes so// / pad+ma yi ni pad+ma che// dag pa'i chos ni mnyam bzhag pas/ / dam pa'i don du bsgom par bya// mnyam med rdo rje chos dang mtshungs// shes rab ye shes rdo rje rno// bsgoms pas de ni rdo rje 'chang // shes rab pha rol phyin dag pa/ / stong nyid sbyor bas bsgoms nas ni// dam pa'i don du bsgom bya de// mnyam med 'jam dbyangs dang ni mtshungs// rdo rje rgyu yi phyag rgya che// legs par mnyam par bzhag bsgoms nas// chos kyi 'khor lo kun mchog rtse// mdor bsdus nas ni de yis bskor// rdo rje smra ba'i phyag rgya che// dam pa'i don du bsgoms nas ni// rdo rje bzlas pa'i nus pa yis// ldem po'i ngag ni de yis 'chad// chos kyi phyag rgya'i ye shes so// / rdo rje las kyi phyag rgya che// dam pa'i don du bsgoms nas ni// kun nas kun nas rang nyid kyis// rdo rje las ni byed par 'gyur// rdo rje srung ba bya ba/

  410. 206a

    pa che// rdo rje chos zhes grags pa ste// chos kyi sbyor bas bsgoms na ni// rdo rje srung ba dang mtshungs 'gyur// rdo rje gnod sbyin brtson 'grus che// khro bo chen po stobs po che/ dam pa'i don gyis bsgom par bya// rdo rje gnod sbyin dang mtshungs 'gyu ro// rdo rje khu tshur phyag rgya che// lus ngag yid kyi de bzhin du// rdo rje'i sbyor bas bsgoms na ni// rdo rje khu tshur 'dzin par 'gyur/ / las kyi phyag rgya'i ye shes so// / sgeg mos mngon par dga' ba ster// 'phreng ba yang ni dbang 'gyur ba// glu mas mdzes pa'i sgra dbyangs byed// gar mas rdzu 'phrul thob par 'gyur/ / dri mas bzang po'i dri yin te// me tog byang chub yan lag nyid// sgrol mas mtha' dag gsal ba'o// bdug pa bdug pa dag la brtson// lcags kyus dbang phyug 'gugs byed na// skye bo gzhan lha smos ci dgos// zhags pas dbang po'ang 'tshong 'gyur na// gdug pa'i sems can smos ci dgos// lcags sgrog gis ni 'phrog byed dang // tshangs sogs dbang phyag chen po'ang 'ching / / 'bebs pas thams cad 'bebs 'gyur na// dman pa'i mi dag smos ci dgos// 'di nyid kyi ni sbyor ba yis// chos kyi yi ge dang ldan pa'i// phyag rgya'i ye shes dang bcas pas// de dag thams cad myur du 'grub/ / 'di yi sbyor ba shes par bya// phyag rgya'i 'khor lo khyad par bya// spyi gtsug nas ni rkang pa'i bar// yi ge yis ni yongs gang bar// gzugs brnyan gcig gis go 'phang

  411. 206b

    'gyur/ / sems ni rtse gcig 'gyur bar bsam// sa la rab gnas pad+ma ni// dbang chen gyi ni gnas zhes bshad// dbang po gnyis ni mtshungs sbyor bas// dbang phyug kyang ni bsgrub par bya// dbang chen dag ni gru bzhi pa// dbang chen dag gi las su bshad// chu ni zlum por shes par bya// pad+ma'i 'dab mas rnam par mtshan// zhi bar byed pa'i las dang ldan// zhi ba'i don du de bshad do/ / me ni gru gsum shes par bya// bzhi mdo yi ni gnas su bshad// dbang du bya ba sgrub don du// pad+ma rA ga 'dra ba'i 'od// mngon spyod la ni brtson 'grus che// rlung gi dkyil 'khor dam pa ste/ / ral gri yi ni phyag rgya'i dbyibs// dbyar gyi sprin dang mtshungs pa'i 'od// ser dang dkar dang de bzhin dmar// nag po yang ni khyad par ru// dang po'i dkyil 'khor nas sbyangs te/ tha ma'i bar du rab tu brtag/ dang po rdo rje rab tu gzhag/ de yi rjes su rin chen te// pad+ma dang ni las rnal 'byor// grub pa'i go 'phang rim par bshad// phyag rgya thams cad kyi ye shes so// de nas bcom ldan 'das rtag pas de bzhin gshegs pa thams cad kyi phyag rgya'i ye shes bka' stsal pa/ gnyis dang gnyis su med pas yongs su dag pas/ chos thams cad rnam par grol ba'i phyag rgyas rgyas btab pa'o/ / rtag pa dang chad pa yongs su dag pas/ chos thams cad zhi ba dang / mtha' dang / mtha' med pa'i phyag rgyas rgyas btab pa'o// zad pa'i sgo dang / zad pa'i

  412. 207a

    mtha' dang / zad pa'i mur thug pa dang ldan pas/ chos thams cad zad pa dang 'dod chags dang bral ba'i phyag rgyas rgyas btab pa'o// mnyam pa nyid kyi mtha' rnam par dag pas/ chos thams cad la skur pa mi 'debs pa'i phyag rgyas rgyas btab pa'o// mig lnga las yang dag par 'das pas/ chos thams cad nam mkha'i phyag rgyas rgyas btab pa'o// sems can thams cad nam mkha'i khams thams cad dang ldan pa'i phyir/ chos thams cad nam mkha'i rang bzhin gyi phyag rgyas rgyas btab pa'o// chos kyi dbyings yongs su khyab pas/ chos thams cad dbyer mi phyed pa'i phyag rgyas rgyas btab pa'o/ / chos thams cad byang chub kyi sems dang tha mi dad pas/ chos thams cad byang chub kyi sems kyi phyag rgyas rgyas btab pa'o// chos kyi dbyings mi phyed pa'i mtshan nyid yin pas/ chos thams cad kyi chos kyi dbyings kyi phyag rgyas rgyas btab pa'o// ngo bo nyid med pas/ chos thams cad stong pa nyid kyi phyag rgyas rgyas btab pa'o// 'tsho ba med pas chos thams cad bdag med pa'i phyag rgyas rgyas btab pa'o/ / skad cig ma nyid pas/ chos thams cad mi rtag pa'i phyag rgyas rgyas btab pa'o// skye ba dang / rga ba dang / na ba dang / 'chi ba'i mtha' dang ldan pas/ chos thams cad sdug bsngal gyi phyag rgyas rgyas btab pa'o// sngon gyi mtha' dang phyi ma'i mtha' de bzhin nyid pas/ chos thams cad de bzhin nyid kyi phyag rgyas rgyas btab pa'o//

  413. 207b

    gdod pa nas yongs su dag pas/ chos thams cad yang dag pa'i mtha'i phyag rgyas rgyas btab pa'o// 'dus byas dang 'dus ma byas mnyam pa nyid pas/ chos thams cad spong ba nyid kyi phyag rgyas rgyas btab pa'o/ / spros pa'i dmigs pa rnam par bral bas/ chos thams cad mtshan ma med pa'i phyag rgyas rgyas btab pa'o// re ba thams cad las rnam par grol bas/ chos thams cad smon pa med pa'i phyag rgyas rgyas btab pa'o/ / dngos po med pa'i ngo bo nyid kyi mtshan nyid kyis na/ chos thams cad mi rtag pa'i phyag rgyas rgyas btab pa'o// phung po lnga yongs su 'dus pa'i mtshan nyid kyis na/ chos thams cad sdug bsngal gyi phyag rgyas rgyas btab pa'o/ / rang bzhin gyis bdag med pas/ chos thams cad bdag med pa'i phyag rgyas rgyas btab pa'o// shin tu mi g.yo ba'i phyir/ chos thams cad zhi ba'i phyag rgyas rgyas btab pa'o/ / don dam pa'i bden pas yongs su khyab pa'i phyir/ chos thams cad bden pa'i phyag rgyas rgyas btab pa'o// 'tsho ba rnam par mi gnas pa'i phyir/ chos thams cad dri ma med pa'i phyag rgyas rgyas btab pa'o/ / shin tu gdon mi za bar gnas pa'i phyir/ chos thams cad 'khrug pa med pa'i phyag rgyas rgyas btab pa'o// sngon gyi mtha' dang phyi ma'i mtha' bcad pa'i phyir/ chos thams cad ji lta ba bzhin gyi phyag rgyas rgyas btab pa'o/ / ming rnams kyi gzhi gzhi med pa'i phyir/ chos thams cad sgro 'dogs pa med pa'i phyag rgyas rgyas btab pa'o// byed pa pos byas pa'i

  414. 208a

    phyir/ chos thams cad 'jig pa'i phyag rgyas rgyas btab pa'o// rang bzhin gyis ma byung ba'i phyir/ chos thams cad 'byung ba med pa'i phyag rgyas rgyas btab pa'o// rang bzhin gyis ma skyes pa'i phyir/ chos thams cad 'gog pa med pa'i phyag rgyas rgyas btab pa'o// 'gag pa med pa'i phyir/ chos thams cad gdod ma nas skye ba med pa'i phyag rgyas rgyas btab paba'o/ / rnam par spyod pa kun tu spyod pa thams cad dang bral ba'i phyir/ chos thams cad spros pa med pa'i phyag rgyas rgyas btab pa'o// gzugs rnam par lta ba med pa'i phyir/ chos thams cad mtshan nyid med pa'i phyag rgyas rgyas btab pa'o/ / gnas yongs su bcad pa'i phyir/ chos thams cad nye bar sbyor ba med pa'i phyag rgyas rgyas btab pa'o// mi mthun pa'i phyog nye bar mi dmigs pa'i phyir/ chos thams cad la skur pa mi 'debs pa'i phyag rgyas rgyas btab pa'o// mngon par 'du byed pa thams cad med pa'i phyir/ chos thams cad las kyi rnam par smin pa med pa'i phyag rgyas rgyas btab pa'o/ / skye ba dang gnas pa las rnam par grol ba'i phyir/ chos thams cad 'dus ma byas pa'i phyag rgyas rgyas btab pa'o// nam mkha' dang khyad par med pa'i phyir/ chos thams cad mnyam pa nyid kyi phyag rgyas rgyas btab pa'o// mtshan nyid gcig pa'i phyir/ chos thams cad gzugs dang / tshor ba dang / 'du shes

  415. 208b

    / dang / 'du byed dang / rnam par shes pa'i phyag rgyas rgyas btab pa'o// snying po med pa'i phyir/ chos thams cad phung po'i phyag rgyas rgyas btab pa'o// snying po dang bcas pa med pa'i phyir/ chos thams cad khams dang skye mched kyi phyag rgyas rgyas btab pa'o// sangs rgyas thams cad kyi sku dang mnyam pa nyid thob pas// chos thams cad khams dang skye mched kyi phyag rgyas rgyas btab ba'o/ / mtha' gcig tu 'jig rten gyi lam rnam par dag pa'i phyir/ chos thams cad 'phags pa'i bden pa bzhi'i phyag rgyas rgyas btab pa'o// lha'i rjes su byed pa'i phyir/ chos thams cad phyag rgya chen po'i phyag rgyas rgyas btab pa'o/ / mtha' gcig tu chos la phan 'dogs pa'i phyir/ chos thams cad chos kyi phyag rgyas rgyas btab pa'o// thams cad kyi las sna tshogs byed pa'i phyir/ chos thams cad las kyi phyag rgyas rgyas btab pa'o// thams cad dam tshig thams cad rjes su sgrub pa'i phyir/ chos thams cad dam tshig gi phyag rgyas rgyas btab pa'o// sangs rgyas kyi chos thams cad rab tu mi gnas pa'i phyir/ chos thams cad sangs rgyas kyi phyag rgyas rgyas btab pa'o// chos thams cad 'jig rten las 'das pa'i lam gyi phyag rgyas rgyas btab pa dang / theg pa chen po'i phyag rgyas rgyas btab pa dang / gsang sngags kyi phyag rgyas rgyas btab pa dang / phyag rgya'i phyag rgyas rgyas btab pa dang / dkyil 'khor gyi phyag rgyas rgyas

  416. 209a

    btab pa dang / mnyam pa nyid kyi phyag rgyas rgyas btab pa dang / rdo rje ye shes kyi phyag rgyas rgyas btab pa dang / ye shes thams cad kyi phyag rgyas rgyas btab pa dang / thams cad mkhyen pa'i ye shes kyi phyag rgyas rgyas btab pa dang / me long lta bu'i ye shes kyi phyag rgyas rgyas btab pa dang / mnyam pa nyid kyi ye shes kyi phyag rgyas rgyas btab pa dang / so sor rtog pa'i ye shes kyi phyag rgyas rgyas btab pa dang / bya ba sgrub pa'i ye shes kyi phyag rgyas rgyas btab pa dang / chos thams cad chos kyi dbyings rnam par dag pa'i ye shes kyi phyag rgyas rgyas btab pa'o// de bzhin gshegs pa thams cad kyi ye shes phyag rgya'o// muH'jam dpal phyag rgya'i cho ga 'di dag ni mi mnyam pa dang mnyam pa'i ye shes kyi tshig/ de bzhin gshegs pa thams cad kyis byin gyis brlabs pa'i tshig/ thams cad mkhyen pa'i ye shes yongs su rdzogs par byed pa theg pa chen po'i tshig ste/ sems can thams cad kyi sems kyi rgyud kyi phyag rgya'i tshig rnams la 'das pa dang / ma 'ongs pa dang / da ltar byung ba'i bcom ldan 'das rnams dang / chos kyi phung po brgyad khri bzhi stong dang / byang chub kyang byung ba yin no/ a aM aHAM/ sngags pas phyag rgya 'dis rgyas btab na de bzhin gshegs pa'i ye shes kyi phyag rgya yang dag par 'du'o/ / hUM/ myur du ma skyes pa'i chos rnams la bzod pa thob par 'gyur/ khaM/ de nas da ni de bzhin gshegs pa thams cad kyi sbyor ba thams

  417. 209b

    cad kyi gsang ba chen po'i phyag rgya'i ye shes su gyur pa'i/ snying gi dbus su rtag tu sgom/ zla ba'i dkyil 'khor dbus son par// pad+ma'i 'phreng ba 'khrigs pa'i 'od// pad+ma chen po 'dab brgyad pa/ / 'bar ba'i 'phreng ba 'khrigs pa'i 'od// de yi steng du rtag sgom pa// yi ge yi ni gtso bo mchog/ thog ma tha ma med zhi ba// kha ba ba mo'i 'od 'dra 'od// dpa' bo kun da zla lhar dkar// nyi ma'i dkyil 'khor lhar 'od gsal/ / zhi ba'i chos kyi rang bzhin sku// kun mkhyen ye shes kyis gang ba// de bzhin gshegs pa gnas kyi gsang // ra sa ya na dang mtshungs mchog/ kha yig mkha' 'drar shes par bya/ / thig le nA ngas rnams par spras// gsang ba chen po mchog tu mdzes// thog ma tha ma med pa'i bdag/ de yi steng du rdo rje che// rtse mo lnga dang yang dag ldan// de yi steng du sgron ma che/ / 'bar ba'i 'phreng bas 'khrugs pa'i 'od// de yi steng du rtag bsams pa// yi ge mchog gi go 'phang ngo // man ngag mchog las shes bya ste// gzhan du na ni nga mi smra// sangs rgyas mkhas pa thams cad kyis// mdor bsdus nas ni 'di gsungs so// rnam par grol ba gsum thob nas// thob 'gyur 'di ni gzhan du min// lce ni rkan la sbyar bar bya// sna yi rtse mor yi ge hUM/ / dbang po gnyis ni snyoms 'jug pas// phyag rgya'i go 'phang tshig gis ni// shes rab ldan pas rang sems sgom// snang ba med cing spros med pa// shin tu mchog tu phrar shes bya//

  418. 210a

    khyab bdag bsod nams ye shes dngos// bsam bya bsam gtan gcig bya ste// mig dang sgron ma'i 'od bzhin du// kun tu 'bar ba dang ldan pa// mgrin pa 'bad pas bcum nas ni/ / dkar po ser po sngon po 'od// dmar po yang ni thams cad du// 'bar ba 'di dag 'bad pa yis// sgrub po dam pas mtshon par bya// snying khar gsal bar byas nas su// de bzhin thams cad spyi bor song / / gnas de la ni 'thon nas kyang // dbang po thams cad dga' bar 'gyur// de la 'thon nas 'jig rten ni// mtshungs par kun nas thams cad du// slar yang de ru 'ongs nas ni/ / de ni 'jug pa rab tu bsam// yid kyis de ltar bsgoms na ni// rang nyid 'khor lo sgyur lta bu// dbang po gnyis ni rab sbyor bas// legs par mnyam par bzhag pas bsgom/ / dbang po lngas ni dmigs nas yang // mi rnams lus ni dag par 'gyur// ji snyed bud med yon tan dang // ldan pa kun tu gnas pa ni// bkug nas bcug ste bcings nas su// dbang du bya ste bsgrub par bya// de rnams lhan cig yongs bsten nas// sngags pas mchog gi dngos grub thob// gsang ba mchog tu dgyes pa na// shes rab pha rol phyin pa che// zhi ba'i chos kyi rim pa ni/ / shin tu mnyam par bzhag pas bsgom// rdo rje sems dpa'i dngos grub che// de 'grub gzhan lta smos ci dgos// mchog ni rtag par shes par bya// bar mas phun sum tshogs

  419. 210b

    pa ste/ / stong pa nyid dang mtshan med mchog/ smon pa med pa zhes su grags// chos kun bdag med pa yi mchog/ kun mkhyen ye shes rdzogs par byed// sa bcu yi ni stobs dag gis/ pha rol phyin pa thams cad thob// rdo rje sems dpa' mchog bsgoms na// rdo rje sems dpa' 'dra bar 'gyur// de nyid 'di ni bcud kyis len// gnyis su med pa'i ye shes mchog/ theg chen mchog tu yid 'ong ba/ / stong nyid sgom pa'i bdag nyid can// gnyis su med pa'i ye shes mchog/ gang gis rtag tu sgom byed na// de yang rdo rje 'dzin rgyal po// yon tan mchog las skyes par 'gyur/ / bud med gang zhig sngo bsangs ma// rgyan rnams kun gyis rnam par brgyan// lus ngag yid kyi sbyor ba yis// yongs reg A ling gtsum pas// mchog gi dngos grub thob par 'gyur// bud med kha dog ljang khu gang // rgyan rnams kun gyis rnam par brgyan// de tshe don sngags pas te// mnyam med gsang ba'i ye shes mtshungs// bud med gang zhig kha dog dkar// pad+ma'i 'dab ma 'dra ba'i 'od/ / de dang lhan cig sngags pas bsdad// dam pa'i dngos grub thob par 'gyur// bud med gang zhig kha dog dmar// ut+pa la yi rgyan 'chang ma// sngags pas de dang ldan cig gnas/ / shes rab pha rol phyin mtshungs 'gyur// bud med in+d+ra nI la mtshungs// gsang ba rdo rje rnal 'byor gyis// sngags pa cho ga shes pas bstan// rig 'dzin rnams kyi stob

  420. 211a

    chen 'gyur/ / gsang chen mar ka ta mtshungs// gang gis rtag tu bsten pa ni// de yang rdo rje 'dzin rgyal po// myur du gsang ba'i dam par 'gyur// bud med pad+ma rA 'dra/ / rgyan rnams kun gyis rnam par brgyan// dbang po gnyis ni snyoms 'jug pas// rdo rje 'dzin ma lta bu sgrub// sangs rgyas kun dang mnyam sbyor ba// gnyis su med pa'i ye shes mchog/ gang gis rtag tu sgom pa ni// mnyam med sangs rgyas kun dang mtshungs// dran pa nye bar gzhag pa bzhi// mchog gi gnas kyi bsgoms pa ni// rnal 'byor mchog gis mi ring bar/ / rdo rje 'dzin pa lta bur 'gyur/ yang dag spong ba rnam pa bzhi// legs par mnyam par bzhag pas bsgom// dbang po gnyis ni snyoms 'jug pas// mnyam med 'jig rten dbang phyug mtshungs/ / so sor yang dag rig pa bzhi// shin tu mnyam bzhag bsgoms na ni// zhen med rdo rje sangs rgyas mtshungs// mnyam med 'jam pa'i mchog dang 'dra// mi 'jigs pa ni rnam pa bzhi/ / rdo rje'i sbyor bas bsgom par bya// dbang po gnyis ni snyoms 'jug pas// rdo rje 'dzin pa lta bu ste// rdzu 'phrul gyi ni rkang pa bzhi// shin tu mnyam bzhag bsgoms na ni// dbang po gnyis ni mnyam sbyor bas// rdzu 'phrul ldan pa'i mchog tu 'gyur// tshangs pa yi ni gnas bzhi po// tshad med pa yi sems kyis ni// rdo rje sbyor bar bdag bsgoms na// rdo rje 'dzin pa lta bur

  421. 211b

    'grub/ / sbyor ba'i bdag nyid dbang po lnga// dam pa'i don gyis bsgoms na ni// dbang po gnyis ni snyoms 'jug pas// mnyam med rdo rje sangs rgyas mtshungs// yid kyi stobs ni rnam pa lnga/ shin tu mnyame bzhag bsgoms na ni// 'khor lo sgyur ba brtson 'grus che// stobs 'dzin lta bu nyid du 'gyur// byang chub yan lag rin chen bdun// gsang sngags bsgoms pas bsgoms na ni// rtog pa'i ye shes sbyor ba yis// khyab bdag chos kun 'dzin par 'gyur// 'phags pa'i yan lag brgyad kyi lam// kun mkhyen ye shes rdzogs byed pa// de ni bsgoms pa tsam gyis ni// 'jig rten shes las rab tu 'do'/ / rjes su dran pa rnam pa drug/ bdag nyid rtse gcig gis bsgoms na// sngags pa rdo rje 'dzin pa ru// sngags pa dus mi ring bar 'gyur// stobs bcu po ni yang dag bsgoms// sgoms pa'i rnal 'byor de nyid kyi/ / bsod nams ye shes yongs rdzogs te// rtag tu stobs bcu'i dam par 'gyur// pha rol phyin bcu yongs su rdzogs// stobs rnams dang ni dbang rnams dang // sa rnam kun ni nges bskyed nas/ / mU tu mtshan ma dag par 'gyur// bud mang nu ma shin tu bsnun// rje ngar rje ngar de bzhin du// mchu yis mchu ni yongs su bzung // 'bad pas dam du A ling ga/ rnam grol gos kyis bsgribs nas su// byang chub sems ni bsgom par bya// rdo rje ye shes brtson 'grus che// rdo rje dbyings su bdag bstan pas// rnam pa sna tshogs kang na/

  422. 212a

    rnal 'byor shis pa de bsnyen bya// sngar bzhin thams cad byas nas su// bud med rnams kyi dam tshig sgrub// rdo rje sems dpa' mtshungs par 'gyur// bud med rnams kyi nyer nas bsnun/ / ling ga myur du gang bar 'gyur// sbyor ba 'di ni mkhyen pa yis// stobs chen sangs rgyas rab tu grub// gsang ba 'di ni dam pa ste// sangs rgyas kun gyi skyeb pa'o// gsang ba 'di yi sbyor ba yis/ / yi ge dam pa 'grub par 'gyur// sangs rgyas rnams kyi ma 'dres pa'i// chos su grags pa gang yin pa// de rnams sgom byed gtso bo ni// dngos grub thams cad rab rdzogs pa// ma 'dres pa yi chos bco brgyad// sangs rgyas chos su grags pa ste// de rnams sgom pa dang ldan pas// sangs rgyas byang chub rab ster byed// bsam gtan bzhi po thob nas ni// gzugs med pa yi rtag par yang / / 'gog pa'i snyoms par 'jug ldan pas// sangs rgyas byang chub sgrub pa po// byang chub phyogs ni sum cu bdun// chos ni mchog tu rmad byung ba// de rnams sgom pa dang ldan pas/ / byang chub sems dpa'i skyob pa'o// sngags rnams thams cad rab 'grub cing // sbyor ba thams cad thams cad du'o// de nas 'bad pa thams cad kyis// sangs rgyas chos nyid bsgom par bya/ / 'jig rten 'jig rten 'das pa'i las// ye shes rin chen rab snyed dka'// mchod dang dbang bskur byin brlabs pas// rnyed 'gyur gzhan du ma yin no// zhu zhing

  423. 212b

    gsol ba gdab pa dang / / bdag nyid dbus pa de bzhin no// sangs rgyas sogs la yi rang bzhin// de bzhin yongs su bsngo ba dang // byang chub sems ni yang dag bskyed// khyad par du ni dus kun tu'o// thog ma bar nang phye ra red du// ji lta bzhin du rjes bsgoms pas// sangs rgyas thams cad bsgrub bya ste// 'di la the tsom yod ma yin// 'gro ba sems kyi spro ba ni// brtan pa'i snying po legs par bshad// stong nyid de bzhin nyid las byung / / rdo rje sems dpa' de bshad do// 'gro ba thams cad bkug nas su// sangs rgyas byang chub sbyar bar bya// don yod ye shes dag pa ste// rdo rje rgyal po mchog ces bshad// rdo rje chags pas chags gyur na// rang bzhin gyis ni brtan par 'gyur// 'gro ba ma lus lus med pa// de yi sems ni chags par bshad// chos rnams kun ni rang bzhin gyis// rnam par dben zhing gnyis su med/ / gang tshe dag pa'i bdag nyid mthong // de tshe rdo rje legs par bshad// rdo rje sems dpa' bzhi po yis// ming dang brda ni sbyar ba'o// sangs rgyas kun dang mnyam sbyor ba// sdom pa mdog tu dam pa'o// khams gsum pa yi rgyal srid che// tshogs gnyis rdzogs par byas pa ste// sa dang pha rol phyin mchog gtso// rdo rje dbang bskur las byung ba// de bzhin gshegs kun ye shes te/ / rnyog pa med cing yi ge med// 'od kyi dkyil 'khor gzi brjid mchog/ brtan pa rtag pa nyid du 'gyur// nam mkha'i mdzod ni mdzod chen po// chos rnams thams cad legs gnas pa/

  424. 213a

    yid bzhin nor bu rdo rje che// rdo rje chog ni bla na med// ye shes snang ba rin chen che// yongs su skye ba yongs su blta// de bzhin gshegs kun gsang ba ni// rdo rje bzhad pa zhes su bshad/ / chos kyi bdag med las byung ba// gnyis su med pa'i ye shes mchog/ chos nyid dam pa bsam du med// rdo rje chos zhes rab tu grags// rdo rje blo gros snang ba che// shes rab ye shes dri med mchog/ zag med shes rab chen po pa// de ni rdo rje rnon por bshad// sangs rgyas rnams kyi chos 'khor lo// gnyis su med las byung bar mtshon// yan lag bcu gnyis rten 'brel ming // rdo rje rgyu zhes nges par bshad// dgongs pa'i skad ni spros pa'i mchog/ yul rnams kyis ni bshad pa de// sangs rgyas kun gyi bzlas pa che// de ni rdo rje smra bar bshad// sems can kun gyi don la sbyar/ / sangs rgyas kun gyi mchod pa che// gdod nas dag pa'i rnal 'byor che// de ni rdo rje las su bshad// bla na med pa'i byams pa che// bsrung ba'i bya ba gong ma med// dga' ba'i chos ni brtson chen po/ / rdo rje srung ba zhes su grags// shes rab thabs kyi khro ba che// sangs rgyas kun dang rjes 'thun pa// nyon mongs thams cad ze ba che// de ni gnod sbyin chen por brjod/ / lus ngag yid ni yang dag sbyor// sgrib pa med cing yi ge bral// de bzhin gshegs pa kun gyis gsang // de ni rdo rje mtshams sbyor bshad// rdo rje ye shes rnal 'byor che//

  425. 213b

    sangs rgyas kun gyi stobs po che// thog ma tha ma med zhig/ rig pa mchog ces bya bar bshad// de nas yang 'jam dpal gzhon nur gyur pas de bzhin gshegs pa thams cad kyi rdo rje'i glus/ / debazhin gshegs pa thams cad legs par mchod nas glur blangs pa/ oM sarba bud+d+ha pa ra me shwa ra bu d+d+ha shud+d+ha/ la li ho su b+ha ga su ra ta ma hA ma hA A d+hi ma hA bo d+hi bud+d+ha bud+d+ha/ yo gI shwa ra ta thA ga tA d+hU bi twA ta ma ka ta thA ga ta/ byang chub sems bskyed las 'khrungs pa// sangs rgyas kun la phyag 'tshal lo// mchog gi dbang phyug dam pa'i chos// gdod nas zhi ba la phyag 'tshal// byang chub sems dpa' skyob pa po// rdo rje can kun la phyag 'tshal/ / de bzhin gshegs pa rdo rje che// sangs rgyas byang chub la phyag 'tshal// mi dmigs go 'phang la gnas pa// mtha' las 'das pa la phyag 'tshal// 'dren pa rnams kyi stobs po che/ / hUM gi yi ge ma lus pa// thams cad mkhyen pa mtha' dag dang // shin tu yongs su mya ngan 'da'// 'jig rten dbang phyug mgon bzang po// rdo rje ye shes dri ma med// rnam par dag par rdo rje mchog/ dngos grub thams cad rab gsol byed// rnal 'byor dbang phyug rnams kyi mchog/ dus gsum bsam pa dbang gyur pa// sems can rnams la phan don du// khyab pa khyod la phyag 'tshal 'dud/ / rdo rje snying po rgyan las/ dkyil 'khor chen po yongs su rdzogs so// / de nas bcom ldan 'das de bzhin gshegs pa rnams slar yang 'dus par gyur nas de bzhin

  426. 214a

    gshegs pa thams cad kyi thugs kar zhugs te/ bcom ldan 'das rnal 'byor gyi dbang phyug chen po rdo rje'i snying po'i rgyan gyi dkyil 'khor chen po'i phyag rgya'i don zhu ba zhus pa/ de nas yang dag bshad bya ba// dkyil 'khor chen po dam pa ste// rdo rje snying po zhes grags pa// sangs rgyas kun gyi skyob pa'o// gru bzhi pa la sgo bzhi pa// rta babs bzhis ni rnam par mdzes// sgo khyud rdo rje'i gzugs brnyan dang // phyag rgya dang ni rab tu mdzes// dkyil 'khor de yi dbus su ni// 'khor lo gnyis ni rab tu gnas// rtsibs brgyad pa dang bcu drug rtsibs// rnam par dbye ba legs par brtag/ dbus kyi dkyil 'khor nang gi ni// lte ba'i gnas su legs brtag pa// pad+ma chen po 'dab brgyad pa// ge sar gtams pas rab tu mdzes// de yi lte ba'i dbus/ su ni// khyab bdag rnal 'byor dbang phyug che// rnam par snang mdzad brtson chen po// sems can rnams kyi rjes brtse bas// de yi nye 'khor kun tu ni// de bzhin gshegs pa brgyad rnams dgod/ / shar du dgod bya 'khor lo can// gtsug tor dkar po nub tu ste// gzi brjid phung po lho ru'o// rnam par rgyal ba byung du gnas// dbang ldan rnam par gsal bar bri/ / mer ni spang du dgod par bya// steng 'gro chen po bden bral du// rlung du rgyal po chen po gnas// sangs rgyas gzugs brnyan 'dzin pa yi// rnal 'byor ldan pa 'di dag bri// mi

  427. 214b

    bskyod pa ni shar du dgod/ / lho ru rin chen 'byung ldan no// nub tu 'od dpag med par 'gyur// byang du don yod grub pa'i ming // zla ba'i dkyil 'khor la brten pa'o// dbang ldan phyogs nas brtsam nas ni/ / rdo rje sems dpa' la sogs bri// thams cad zla ba'i dkyil 'khor gnas// 'khor rnams zla ba'i dkyil 'khor la'o// 'phreng ba rnam par dgod bya ba// rang gi phyag rgya 'od zer 'bar/ / rdo rje sgeg mo la sogs pa'i// lha mo 'bad pas dgod par bya// rdo rje bdug pa la sogs bri// de bzhin gzugs kyi rdo rje sogs// rdo rje lcags kyu la sogs pa// sgo srungs 'bad pas bri bar bya/ / phyi yi dkyil 'khor la gnas pa// kun tu bzang sogs rim bzhin bri// rang gi phyag rgya'i 'khor rnams drang // pho nya yi ni 'khor dag dang // khro bo rnams dang mngag pa dang // de bzhin pho nya pho nya ma/ / rgya mtsho yi ni dkyil 'khor ni// 'od kyi dkyil 'khor gsal ba'o// phyi ru phyi rol rdo yang ming // dkyil 'khor la ni 'bad pas bri// dbang ldan phyogs nas brtsams nas su// 'jig rten skyong ba brgyad po bri// tshangs pa khyab 'jug dbang chen min// dbang po la sogs lha thams cad// ma mo kun dang srin mo rnams// rgyal chen rnams dang klu dang bcas// de bzhin lha rnams thams cad dang / / brtson 'grus chen po nam mkha' lding // 'bad pa yis ni bri bar bya// de lha'i dkyil 'khor bris nas su// khyad par du ni mchod par bya// me tog bdug spos rol mo dang // de bzhin

  428. 215a

    bza' dang sngon mo sogs/ / 'phreng ba'i rgyan ni sna tshogs kyis// de bzhin gshegs rnams mchod par bya// dkyil 'khor kun gyi cho ga yis// mchod pa kun gyis thams cad nas/ / 'khor lo kun gyi cho ga yis// sangs rgyas thams cad mchod par bya// de nas slob ma thams cad gzhug/ yongs su dag pa khyad par du// byang chub sems ni bskyed nas su// byang chub bslab pa rjes spyod pa/ / cho ga shes pa'i sngags pas gzhug/ 'dren pa rnams la mchog tu gzhug/ rdo rje'i dbang bskur sbyor ba yis// dbang bskur ba ni de nas sbyin// seng ge'i khri yi steng du ni/ / dar dang me tog chun pos spras// dkar po'i gdug dang rin chen che// bla re rgya che 'bar ba dang // de yi g.yas kyi drung du ni// mkhas pa yis ni gzhag par bya// ba dan rnam pa sna tshogs dang / sna tshogs ras las yang dag sprul// g.yon gyi drung du thams cad nas// 'bad pa yis ni gzhag par bya// rin chen sman kun gyis gang ba'i// bum pa legs par gzhag bya ste// rdo rje chu sogs dbang bskur gyis/ / de la rang gis dbang bskur bya// rdo rje ming gis dbang bskur ba// mkhas pa yis ni slar yang bya// kun gyis cod pan dbang bskur gyis// yang dang yang du dbang bskur bya// chos kyi cod pan dbang bskur dang / / sangs rgyas kun gyi skyob pa ni// sna tshogs las kyi dbang bskur sbyin// chos kyi dbyings dang mnyam mtshungs pa'o// chos kyi sku yi dbang bskur ba// sangs rgyas kun gyi sgron ma'i sbyin//

  429. 215b

    de ltar slob ma dbang bskur ba// khyad par du ni sngags pas byas// de la dam tshig cho ga yis// sngags dang phyag rgyas sbyin par bya// slob dpon brnyas par mi bya zhing // sgrub po kun la smad mi bya// sngags kyi spyod pa thams cad la/ / 'da' bar mi bya smad mi bya// 'jig rten pa yi lha rnams dang // grub mtha'i rigs pa thams cad la// smad par mi bya blang mi bya// de la mngon par dga' ba spangs// sdig pa thams cad rnam spangs shing // de bzhin bsod nams thams cad bsdu// bza' dang sngon mo du ma la// bza' bar mi bya smad mi bya// 'dod pas bcom ldan sems dpa' ste// sangs rgyas kun gyi sras bdag skyes/ / thog ma tha ma med zhi ba// nam yang dor bar mi bya'o// sangs rgyas thams cad chags las 'khrungs// de bzhin zhe sdang rmongs las 'khrungs// mnyam dang mi mnyam chos kun dang / / dbu ma'i gnas la gnas nas su// de nyid dam tshig shes nas su// sangs rgyas byang chub yongs mi spong // lus can kun la 'tshe mi bya// khyod kyis ser sna mi bya ste// phrag dog bya bar mi bya'o// dam pa'i chos ni spang mi bya// byang chub sems ni mchog tu bde// chang gi btung ba spang bya ste// pha rol bud med rnam par spang // thams cad mkhyen pa yongs mi dor// rtag tu srog chags gsung mi bya/ / sems can rnams la snying rje dang // byams pa yang ni rnam par bsgom// sems can rnams la phan pa ni// yang dang yang du yongs su bya// sangs rgyas kun gyis rjes skyob pa// dam tshig 'di

  430. 216a

    nyid 'di dag ni/ / slob ma rnams la rjes brtse bas// mkhas pa yis ni bstan par bya// de nas phyag rgya rjes bcings pa// go rims bzhin du bstan par bya// phyag rgya 'di dag khyad par gyi/ / mtshan nyid yang dag rab bshad bya// me tog zum pa'i tshul bzhin du// thal mo legs par bsdam par bya// sangs rgyas dpa' bo thams cad kyis// pad+ma'i thal mo zhes su bsgrags// sems dpa' mchog ni legs brkyang ba/ / pad+ma'i phyag rgya zhes su brjod// re re'i mtshams su nges bcings pa// de ni rdo rje thal mor btags// sor mo thams cad nges bsdams pa// rdo rje bsdams pas legs bcings pa// sor mo brkyang ste steng du bstan// sangs rgyas byang chub rab gsol byed// khu tshur nang du byas nas ni// gnyis ka sbyar bas yongs su brtag/ 'khor lo sgyur sogs phyag rgya'o// dam pa sbyin pa yin/ par bshad// sangs rgyas dpa' bo thams cad kyi// dam tshig phyag rgya 'di yin no// ming ming nang bcug khu tshur gyis// kun gyis gtso mor yongs su brtag/ rdo rje'i rnam par legs par sbyar/ rdo rje chen po zhes su bsgrags// mthe'u chung sprin lag khu tshur las// gung mo legs par brkyang nas su// mdzub mos mthe bong yongs su sbyar// 'khor los sgyur ba nyid gsol byed// brkyang ba'i rtse mo sbyar ba ni/ / gdugs dkar zhes ni rab tu grags// srin lag dang ni mthe bong sbyar// gung mo gnyis ni brtag par bya// gzi brjid 'phreng ba phyag rgya che// gzi brjid 'phreng ba nyid gsol

  431. 216b

    sa / zhu sa nags/ ts+tsha ma wA/ na sa // ma ma / rgyu ba dka' sangs rgyas thams ca byis// steng du 'phyo ba zhes smra bshad// rdo rje bsnams pa yongs su m+b+har// dus cig kun rje 'thung gnas te// yu ma kyimamachog tu gyur// mthe'u chung da na mthe bong brkyang / / lcags kyu mnga' yi sbyor ba yis// legs so ba ni sbyar bar bya// gung mo rdo rje rin chen rtse// phye ba gzi brjid mchog gi mchog/ rgyal mtshan gnas/ su nges par sbyar// bzhad pa'i gnas su sbyar bar bya/ / rdo rje chos kyi phyag rgya che// dbum pad+ma lba bur bskus// ral ze'i chos ni 'jam pa'i dbyangs// 'khor lo sgyur ba'i 'khor lo 'dra// kha ru phye ba'i phyag rgya che// rdo rje smra ba nyid du 'gyur/ las kyi rdo rje'i phyag rgya ni// kar mtshungs rdo rje sna tshogs can// chos yongs sdud pa'i sbyor ba yis// rdo rje srung bar brtag par bya// mche ba gnyis ni rnam par gtsigs// rdo rje gnod sbyin zhes su bshad khu tshur bcangs pa khu tshur gyis/ / rdo rje thal mo snying khar gzhag/ rdo rje smrig mo zhes su grags// yongs su sbyar ba spyi bor gzhag/ rdo rje 'phreng ba zhes su brjod// khal mo sbyar ba gdong du dkrol/ rdo gru par rjes su bsgrags// brtsed cing bdud pa'i sbyor ba yis// de ni rdo rje gar mar bshad// bad+ma'i ril mo gdong du dbre// spyi bor yongs su sbyar la gzhag/ snying khor mthe thong mo nyes po

  432. 217a

    las/ / gdong ni legs par brkyang bar bya// lag pa steng du yongs brkyang ba// gzugs kyi phyag rgya nyid du 'gyur// lag gnyis rna ba'i lam du gzhag/ sgra yi phyag rgya nyid du bshad/ / dri ni byug pa'i sbyor ba yis// dri yi phyag rgya zhes su bshad// gdong du snyim pa phye ba ni// ro yi phyag rgya zhes su bsgrags// mkha' la myur ba'i sbyor ba yis// reg pa reg pa zhes su bshad/ / mthe'u chung gnyis ni yongs su sbyar// mdzub mo lcags kyu'i sbyor ba las// de nyid zhags pa'i dbyibs dang ni// lu gu rgyud kyi rnam par brtag/ bzhi pa rdo rje dril bu zhes// rdo rje 'bebs par rnam par brtag/ phyag rgya kun dang nye ba'i rgya// blo gros ldan pa rang gis brtag/ thal mo yongs su sbyar la bsdams// mdzub mo gnyis po bskums nas ni// rin po che yi rnam par bcing // kun tu bzang po blo ldan gyis/ / de las rtse mo rtse mo bskum// sems kyis byams pa bsgoms nas su// mdzub mo sbyar la bcug nas ni// ral gri'i rnam pa brtag pa ste// 'di ni nam mkha'i snying po yi// phyag rgyar sangs rgyas kun gyis bsngags/ / de nas ral gri'i mtshon cha yi// rnam pa ru ni nyer gnas pa// phyag rgya 'di ni rnam 'gog pa// thams cad kyis ni yongs su brjod// gar ni sdud pa'i sbyor ba yi// rdo rje thal mo rab tu brkyang // pad+ma lha bur rnam par brtag/ pad+ma'i lag pa blo ldan gyis// de nyid me tog zum tshul dang // ut+pal rnam pa ltar mdzes pa// 'di ni pad+ma sgrol ba'i rgya// pad+ma'i mgon

  433. 217b

    zhes su grags/ / mche ba gtsigs pa dang ldan pa'i// kha dang 'dra bar legs par brtag/ 'di ni rta mgrin phyag rgya ste// kha yi phyogs su rab tu brtag/ pad+ma'i thal mo dpral ba yin// khro gnyer du ni nye bar sbyar/ / rdo rje thal mo 'bebs pa che// dpal gyi snying po rin chen ldan// yid bzhin nor bu'i rnam pa zung // thal mo legs par rab tu brkyang // mi zad blo gros phyag rgya che// sangs rgyas kun / kyigyis rab tu brtag/ gar ni sdud pa'i sbyor ba yis// rin chen rdo rje snying khar gzhag/ nam mkha' mdzod kyi phyag rgya ste// nam mkha'i mdzod nyid ster bar byed// rdo rje chen po legs par brkyang // mthe'u chung mthe bong nges par bcing / / lag pa gnyis ni nges par brtag/ blo gros rgya mtsho'i phyag rgyar 'gyur// rdo rje thal mo steng du bsgreng // mdzub mo gnyis po sbyar bar bya// 'di ni rdo rje snying po'i rgya// rdorje snying pos bka' stsal to// khru tshur nang du byas nas su// mdzub mo gnyis po rtse mo sbyar// 'di ni 'jam dpal phyag rgya ste// rdo rje ral gri zhes su brtag/ de nyid sha ti'i rnam pa ni// 'jam pa'i dbyangs ni blo ldan gyi'o/ / gshin rje mthar byed mdung rtser 'gyur// mdung rtse chen por rab tu brtag/ mdzub mo bskum par byas nas ni// gung mo'i steng du yongs su gzhag/ zhags pa'i rnam pa rab ldan pa'i/ / gshin rje yang ni 'jigs par byed// de nyid ral grir byas pa ni// skra can gyi ru rab tu bshad// khu tshur thams cad nges bcings te// mdzub mo gcig ni bskum par bya// 'di

  434. 218a

    ni nye ba'i skra can rgyar/ / 'jam pa'i dbyangs kyis bka' stsal to// rdo rje bsdams pa steng bcings te// dbu ma gnyis ni rnam par spangs// mdzub mo rdo rje'i rnam par bya/ mthe'u chung dang ni mthe bong brkyang // 'di ni rdo rje 'dzin chen po'i// phyag rgya don kun sgrub byed yin// mdzub mo mthe bong bsdams pa ni// mA ma kI ni yongs su bshad// mdzub mo lcags sgrog rnam pa mas/ / gung mo'i dbu ma rdo rjer bya// 'di ni rdo rje lcags sgrog rgya// rdo rje lta bur yongs su bshad// rdo rje chen po rtse lnga pa// khro bo gzegs mar rnam par bshad// mchog gi rtse mo rtse gcig bya// rdo rje rtse mo nyid kyir bshad// lag na rin chen phyag rgya ni// lag gnyis legs par brkyang bar bya// sor mo pad+ma'i dbyibs su bya// skul byed lha mor yongs su bshad/ / thal mo yongs su sbyar ba las// mdzub mo dang ni mthe bong dag/ mig gi tshul du sbyar bar bya// sangs rgyas spyan gyir rnam par bshad// bkra shis kyi ni skyil krung bca' rnam 'byor rig pas lung srang ste/ / lag gnyis lhung bzed 'dzin 'dra ba// bsam gtan phyag rgyar rab tu bshad// 'di ni rnam par snang mdzad rgyu// sangs rgyas kun gyi don mdzad pa'i// mi bskyod ba yi sa la reg/ rin chen tog gi mchod sbyin bshad// bsam gtan phyag rgya 'od dpag med// ngo bo nyid kyi don rtogs byed// don yod gzigs pa'i phyag rgya ni// mi 'jigs pa ni med pa

  435. 218b

    sbyin/ blo ldan rnal 'byor skyil krung gnas// sangs rgyas kun gyi rang bzhin bdag/ mnyam par bzhag pas phyag rgya kun// 'ching ba 'am ni 'ching du gzhug/ 'jig rten pa yi phyag rgya la// lelog pa gcig ni rab brkyang ste// dbang ldan gyi ni rtse gsum pa// mthe bong mthe'u chung mnan par bya// lha yi dbang po'i rdo rjer 'gyur// lag pa g.yas pas bteg par bya// mi yi oM yig lag pa dag/ mthe bong gung mo nyid la gzhag/ gshin rje'i rdo rje dbyug pa ste// mdzub mo dang ni mthe bong sbyar// de nyid khyab 'jug 'khor lo ste// 'khor lo'i yi ge dgod par bya// lag pa gcig gis thod pa ni/ / ma mo rnams kyir yang dag bshad// sor mo gnyis bsgreng ral gri ni// srin po'i bdag nyid chen po'i'o// mdzub mo mthe bong sbyar ba ni// chu lha'i zhags pa nyid du bshad// mdzub mo dang ni gung mo dag/ rgyal mtshan lta bur legs par brkyang // rlung lha rgyal mtshan phyag rgya ni// lag pa gnyis kyis rab tu brtag/ dbu ma gcig pu legs brkyang ba// dbyug to'i phyag rgyar rab tu bshad/ / gnod sbyin kun gyi dbang phyug ni// lus ngan bdag nyid chen po'o// mchod phyir thogs kyi phyag rgya ni// tshangs pa yi ni legs par bshad// drag po'i gsam shing shes bya ste/ / lha mo'i paTi s+ya ru brjod// tshogs bdag gi ni sna ru bshad// zla ba'i bdud rtsi'i dkyil 'khor ro// nyi ma'i 'od zer stong phrag ni// lag pa gnyis kyis bstan par bya// 'od kyi dkyil

  436. 219a

    'khor sbyor ba yis/ / dbang po'i rdo rje mtshon cha ltar// 'di ni lha rnams kun gyi rgya// dpa' bo kun gyi rab tu gnas// dri za rnams kyi phyag rgya ni// glu len lta bur rab tu bsgrags/ / dga' byed dbang phyug phyag rgya che// rdza rnga'i sgra dbyangs rab tu 'bar// sangs rgyas thams cad rab mchod phyir// don chen pos ni rab tu brtags// ting ting cag 'dzin sbyor ba yis// dri za rnams kyir rab tu bsgrags// pi wang bsgreng pa'i sbyor ba yis// dbyangs can gyir ni rnam par bshad// rtag tu dun du b+hi sgrog pa/ rig pa 'dzin pa rnams kyir brjod// lag gnyis gdengs ka'i tshul byas pa/ / klu rnams kyir ni legs par bshad// gar ni sdud pa'i sbyor ba yis// 'gyeng dang 'dud pa'i de bzhin no// lag pa zhags pa nges bcings pa// de ni phyag rgyar rab tu bshad/ / 'di rnams dam tshig phyag rgya ru// de bzhin gshegs rnams legs par gsungs// las kyi sbyor ba 'ab ba yis// 'di rnams kyang ni phyag rgyar bshad// phyag rgya dor nas sems kyi ni// rin chen yang du yang du bsam// rnam par rtog med gdod nas zhi// chos dbyings mnyam zhing mi mnyam pa// stong pa mkha' 'drar shes nas su// mkhas pa yis ni bsgom par bya// 'di dag thams cad ma skyes shing // rmi lam lta bur rab tu garas// dri za'i grong khyer lta bur snang // 'tsho ba'i 'jig rten yang dang yang // mig 'phrul lta bur shin tu ni// 'gro ba thams

  437. 219b

    cad rab tu gsal/ / mi rtag sdug bsngal stong pa ru// srid pa thams cad mdor bsdus pa// bdag med pa zhes mthong nas ni// sangs rgyas kun dang dpa' bo yis// sgyu ma smig rgyu brag cha dang / / lbu ba chu yi chu bur dang // gzugs brnyan lta bur 'jig rten na// de ltar sangs rgyas rnams kyis dgongs// thams cad mgal mo'i 'khor lo ltar// zo chun khyud mo ji bzhin du// gar gyi gnas kyi tshul 'dra ba// zla ba gnyis dang mtshungs par blta// rtag tu glog gi 'phreng ba 'dra// sbrang bu'i sgra dang mtshungs par bshad// 'khor ba shin tu brlang ba ste// rgod ma'i kha dang 'dra bar gnas/ / 'di ltar shes shing rtogs nas ni// sgom pa'i stobs kyi rang bzhin gyis// sems ni legs sgrub rnal 'byor pa// de la phyag rgya rab tu bshad// stong pa mtshan ma med pa dang // smon pa med pa'i rang bzhin las// lus dang ngag dang yid kyis ni// dam tshig gsum ni brtags pa'o// phyag rgya sngags dang lha nyid dang // de nyid gsum ni rab tu gnas/ bdag nyid sbyor ba'i rnal 'byor gyis/ / mtshan nyid gcig tu rnam par gnas// de 'di dam pa'i phyag rgya ru// sangs rgyas rnams kyis bka' stsal to// phyag rgya yi ge bral ba ste// rnam pa med cing snang ba ste// dngos po med pa'i tshogs rnams la/ / dngos po'i de nyid nyid du bshad// dngos med dngos po'i rang bzhin yin// dngos med nyid kyang dngos po yin// dngos dang dngos med rnam par grol// rnal 'byor ye shes mchog

  438. 220a

    tu bde/ / rtog ge med cing snang ba med// 'khrul pa med cing yi ge med// sbyong pa nam mkha' mtshungs pa'i sems// gang tshe de ltar nyid 'gyur ba// de tshe phyag rgya rnams dang sngags// lnga nyid du yang rab tu brtag/ sngags las phyag rgya ma mthong zhing // phyag rgya las kyang sngags min zhing // rang nyid lha yi rnal 'byor ni// gnyis med sngags dang phyag rgyar brtags// de bzhin gshegs pa thams cad kyis rdo rje snying po rgyan ces bya ba'i rgyud kyi rgyal po chen po las/ phyag rgya'i rim par phye ba'o// // de nas bcom ldan 'das de bzhin gshegs pa thams cad slar yang 'dus par gyur te/ de bzhin gshegs pa thams cad kyi 'khor lo sgyur ba chen po rdo rje rnal 'byor gyi dbang phyug chen po ma gsol ba btab pa/ de bzhin gshegs pa thams cad kyi rigs bskyed par mdzad du gsol/ de nas bcom ldan 'das shAkya thub pa de dag gis gsol ba btab pa'i tshig nye bar gsan nas/ 'og min gyi gnas nas byon te dga' ldan gyi gnas su bzhugs nas/ dga' ldan gyi ris kyi lha'i bu rnams la chos bstan nas zas gtsang gi rigs la mngon par gzigs te/ mngon par byung bar mdzad nas byang chub kyi snying po dag la nye bar gnas nas nye bar 'khod do// bdud bzhi las rnam par rgyal bar bstan nas byang chub kyi snying po la bzhugs par gyur te/ bzhugs nas kyang kun nas 'phro ba'i ting nge 'dzin sngon du 'gro ba'i ting nge 'dzin bye ba brgya stong phrag brgyad cu rtsa bzhi la snyoms par zhugs te/ snyoms par zhugs nas kyang de bzhin

  439. 220b

    / gshegs pa thams cad kyi rdo rje se gol gyi sgras de bzhin gshegs pa thams cad spyan 'dren cing gsang sngags 'di gsungs so// oM sarba ta thA ga ta badz+ra sa mA dza A kaR+Sha ya sarba ta thA ga tAn hUM/ de nas de bzhin gshegs pa thams cad 'khor dang bcas pa'i dkyil 'khor chen po rnams legs par byon te/ chos kyi dbyingasu spos nas phyogs bcu mu med pa'i 'jig rten gyi khams thams cad khyab pa'i rgya mtsho'i sprin rnams bkang ste/ nam mkha'i khams na gnas pa thams cad til gyi gang bu ltar 'dzam bu'i gling du 'khod par gyur to// de nas bcom ldan 'das rdo rje rnal 'byor gyi dbang phyug gis bkug cing bcug ste bcings nas dbang du mdzad de/ de nyid kyi thugs kar rab tu bzhugs par gyur to// de nas bcom ldan 'das rdo rje rnal 'byor gyi dbang phyug chen pos gnyis su med pa'i sbyor bas byin gyis brlabs te/ sngags 'dis rang gi sems so sor rtogs par mdzad do// oM tsat+ti pra ti bi d+haM ka ro mi/ de'i rjes thogs nyid la sangs rgyas thams cad kyis bcom ldan 'das rnam par snang mdzad kyi thugs kar longs spyod rdzogs pa dang / sprul pa'i sku las chos sku rang bzhin gyis 'od gsal ba sems rin po che nges par 'byung ste spros par mdzad do// de nyid sems 'od gsal ba/ thugs rje chen pos khyab pa/ de bzhin gshegs pa thams cad mnyam pa nyid kyi mtshan nyid gzung ba dang 'dzin pa'i rnyog pa spangs pa/ nam mkha' ltar gdod nas zhi ba de las thugs rje chen po la mngon par phyogs par byas nas/

  440. 221a

    sems can gyi khams thams cad la rnam par gzigs te/ mi shes pas rga ba dang 'chi bas rnam par khyab par 'jig rten la gzigs nas/ slar yang sngags 'dis byang chub kyi sems nye bar bskyed pa bstan pa/ oM bo d+hi tsit+ta ud pA da yA mi/ byang chub kyi sems bskyed pa'i rjes thogs nyid la de bzhin gshegs pa thams cad kyi sa de'i thugs kar sems 'od gsal ba de yongs su rdzogs po'i zla ba'i dkyil 'khor ltar byin gyis brlabs te/ de bzhin gshegs pa thams cad kyi thugs kar rnam par gzhag go/ legs par rnam par dag pa'i nam mkha' ltar dri ma med pa spros pa thams cad spangs pa/ me long lta bur bstan par byas nas gnas te byang chub kyi sems chen po la sngags 'di brjod do// oM dz+nyA na rasmi bi sri dzaHhUM/ de'i rjes thogs nyid la 'od zer rngam pa sna tshogs pa zla ba'i dkyil 'khor las rnam par phyung ngo / / de phyung nas kyang chos kyi dbyings kyi pho brang du zhugs te/ shes bya'i dkyil 'khor thams cad gsal bar byas nas sems can thams cad kyi sems kyi ri bo'i rtse mo bsnyil te rab tu rtogs par byas nas gcig tu 'dres te/ rdo rje'i sku chen po rnams bcom ldan 'das kyi thugs kar rjes su zhugs nas zla ba'i dkyil 'khor gyi dbus su rab tu gnas so/ / de nas bcom ldan 'das rdo rje rnal 'byor gyi dbang phyug chen pos sngags 'di byin gyis bslabs so// oM tiSh+Tha badz+ra pa rad b+hU ya pany+tsa mu d+ha/ slar yang sngags 'dis spros pa/

  441. 221b

    oM swa ra badz+ra/ slar yang sngags 'dis bsdus so// oM saM ha ra badz+ra/ de nas de bzhin gshegs pa thams cad kyis ye shes rdo rje'i snying po 'di ched du brjod pa/ oM dz+nyA na badz+ra/ de nas bcom ldan 'das rdo rje rnal 'byor gyi dbang phyug chen pos sngags 'dis byin gyis brlabs pa/ oM sarba ta thA ga ta dz+nyA na badz+ra hUM/ de nas de bzhin gshegs pa thams cad kyi sku dang / gsung dang / thugs mnyam pa nyid mnyes pas sngags 'dis byin gyis brlabs pa/ oM badz+ra At+ma kohaM/ de nas de bzhin gshegs pa thams cad brtan pa nyid du nye bar gyur to// de nas bcom ldan 'das rnam par snang mdzad kyis de bzhin gshegs pa thams cad kyi sku dang / gsung dang / thugs gzigs nas sngags 'dis byin gyis brlab par mdzad do// oM ya thA sarba ta thA ga tA sta thA a ha mi pa/ de nas bcom ldan 'das de bzhin gshegs pa thams cad kyi sku sems can thams cad kyi don mdzad pa'i rgyu sangs rgyas thams cad kyi sku bdag nyid seman gyi khams thams cad du nges par bstan to/ / de nas brgya byin dang / tshangs pa dang / 'jig rten skyong ba rnams kyis mthong nas/ lha dang mi rnams kyis mngon par byang chub pas bcom ldan 'das mngon par byang chub pa zhes sgra bsgrags so// de nas tshangs pas gsol ba btab ste/ chos kyi 'khor lo rab tu bskor nas de dang des 'dul ba'i skye bo btul te gang gis slar ldog pa med pa nyid du gyur to// 'di rnams ni sangs rgyas kyi byang chub sgom pa'i rim pa'o//

  442. 222a

    de nas bcom ldan 'das rnam par snang mdzad ting nge 'dzin de las bzhengs nas sangs rgyas kyi byang chub bstan te/ sems can thams cad kyi don mdzad pa nye bar bsgrubs nas de thugs ka las rdo rje phyung ste nyid kyi phyag tu gzhag par gyur to/ / de nas 'od zer rnam par phyung ste/ 'jig rten gyi khams thams cad snang bar mdzad nas slar log ste/ bcom ldan 'das kyi thugs kar zhugs nas byang chub sems dpa' chen po kun tu bzang po'i skur byin gyis brlabs te/ mtshan nyid thams cad yongs su rdzogs par rgyan thams cad kyis brgyan pa/ dar dang 'phreng bas dbang bskur ba/ zla ba'i kha dog lta bu'i 'od zer can du byin gyis brlabs te rnam par gnas so// de nas thugs ka nas phyung nas zla ba'i dkyil 'khor la brten te/ de bzhin gshegs pa thams cad kyi spyan snga dang / rgyab dang / drung du rdo rje sems dpa' dang / rdo rje chos dang // rdo rje rin chen dang / rdo rje las la sogs pa byang chub sems dpa' chen po'i 'phreng ba rnam par gnas so/ / de bzhin du sgeg mo la sogs pa rnams dang / bdug pa la sogs pa khyad par du nges par bskyed cing gzugs la sogs pa rnams dang / lcags kyu la sogs pa'i lha rnams bskyed de/ 'di ngag gi dkyil 'khor bka' stsal pa/ de nas yang dag bshad bya ba// dkyil 'khor chen po mchog gyur pa// sangs rgyas dpa' bo thams cad kyis// rdo rje snying po zhes su gsungs// gru bzhi po la sgo bzhi

  443. 222b

    pa dar dang me tog 'phreng bas brgyan/ / sgo logs dang ni rig byed dang // rta babs kyis ni so sor spras// de yi dbus su khri chen po// kun nas yongs su gru bzhi pa// de yi steng du pad chen po// ge sar ldan zhing rab mdzes pa/ / de yi lte ba'i dbus su ni// sangs rgyas sku gzugs dgod par bya// sangs rgyas kyi ni drung kun tu// sangs rgyas thams cad dgod par bya// sangs rgyas kun gyi nye 'khor du'akhor lo sgyur ba la sogs bri/ / phyi yi gnas ni thams cad du// sangs rgyas sras po rnam par dgod// kha dog ser po gzi brjid che// dbang chen dkyil 'khor rab 'bar ba// thams cad rnam pa sna tshogs rgyun/ / brgyan pa de dag dgod par bya// rdo rje snying po'i rgyan gyi rgyud chen po las// dbang chen gyi dkyil 'khor gyi cho ga'o// // de nas bcom ldan 'das rnam par snang mdzad kyis slar yang rgya'i lha'i dkyil 'khor chen po bka' stsal pa/ de nas yang dag bshad bya ba// dkyil 'khor chen po mchog 'gyur ba// chos kyi 'khor lo 'dra bas na// chos kyi 'khor lo zhes su brjod/ / de yi phyi rol gnyis pa la// zlum po ru ni rtogs par bya// ri mo rnam pa sna tshogs pas// sgro dang sgro logs brtag par bya// rta babs rnam pa sna tshogs pa// ngar dang me tog 'phreng bas brgyan/ / de yi dbus su pad chen pos// ga~M sar ldan zhing rab mdzes pa// 'dab ma brgyad kyi ka ba la// dkyil 'khor brgyad kyis brgyan pa'o// dkyil 'khor de yi dbus su ni// rgyal ba thams cad dkar/

  444. 223a

    kho mchog/ kha ba pa no ltar dkar gsal// shel dang zla ba lta bu 'ong // kun da zla ba ltar dkar bsam// zla ba'i dkyil lakhor dbus son par// de yi nye 'khor thams cad du// sangs rgyas sras po rnam par dgod/ / thams cad zla ba ltar dkar zhing // zla ba'i dkyil 'khor la gnas pa// mtshon cha sna tshogs zla ba 'dra// zla ba 'bar mtshungs mnyam med pa// chu yi ming zhes bya ba yi// dkyil 'khor dam pa nyid du 'dod// rdo rje snying po rgyan gyi rgyud chen po las/ chu'i lha'i dkyil 'khor gyi cho ga'o// / de nas bcom ldan 'das rdo rje rnal 'byor gyi dbang phyug chen pos me lha zhes bya ba'i dkyil 'khor chen po bka' stsal pa/ de nas yang dag bshad bya ba/ dkyil 'khor chen po mchog gyur pa// rdo rje ye shes gzi brjid mtshungs// rdo rje gzi brjid ces su brjod// gru gsum rnam pa nyid du bya/ / shing rta'i rnam pa dang mtshungs shing // rabar ba'i 'phreng 'khrugs 'jigs pa'o// kha dog dmar po stobs po che// 'jig pa'i dus kyi me 'dra ba// rtag tu pad+ma rA ga mtshungs// de yi dbus su gzi brjid che// nyi ma'i kha dog stobs po che// rdo rje rtse gsum sna tshogs pa// shing rta'i snying khar gzhag par bya// bal po se'u'i me tog mtshungs// ya ba'i me tog dag dang 'dra// pad+ma pad+ma rA ga mtshungs/ / sangs rgyas dpa' bo yang dga' bar// bzang po mtsham dang mtshungs 'dra ba// rgya skyegs bcud dang 'dra bar gnas// de yi nye 'khor thams cad du// de bzhin sangs rgyas

  445. 223b

    sangs rgyas sras/ / khro bo dang ni mngag pa dag/ mkhas pa yis ni dgod par bya// de dag thams cad kha dog dmar// gzi brjid khams la 'od ldan pa// 'od zer dmar po rab 'phro ba// nyi ma'i dkyil 'khor dbus son par/ / thams cad dmar po'i mtshon cha can// dmar po'i rgyan gyis rnam par brgyan// dmar po'i gos kyis bkab pa'i lus// 'phreng ba dmar po mchog 'dzin pa// 'di ni gzi brjid gter zhes bya/ / dkyil 'khor mchog tu 'bar ba'o// rdo rje snying po rgyan gyi rgyud chen po las/ me lha zhes bya ba'i dkyil 'khor chen po rdzogs so// / de nas bcom ldan rnam par snang mdzad kyis slar yang rlung lha'i dkyil 'khor bka' stsal pa/ de nas yang dge bshad bya ba/ dkyil 'khor chen po mchog gyur pa// rlung gi khams dang 'dra bas na// rlung gi dkyil 'khor zhes su bshad/ / zla ba phyed pa'i rnam pa 'dra// dbyar gyi sprin gyi 'od dang mtshungs// a ta si yi me tog 'dra// in+d+ra nI la'i 'od dang mtshungs// de yi dbus su pad chen po// bai DUR+Ya yi 'od dang 'dra/ / shin tu gnag pa'i mig sman mtshungs// sngon dmar gyi ni rnam par gnas// de yi lte ba'i dbus su ni// sangs rgyas dpa' bo rab 'bar ba// rgyal po 'khyil pa 'bar ba'i gzi// mtshan mo nag mo lha bur gnas/ / ut+pal sngon po 'dab ma'i tshul// stong pa nam mkha' lta bur gnas// de yi nye 'khor thams cad du// rgyal dang rgyal ba'i sras rnams bri// khro bo rnams dang mngag pa dang/

  446. 224a

    de bzhin po nya pho nya mo// thams cad sna tshogs rgyan gyis brgyan// de bzhin dag po'i gos gyon pa// ba dang rnam pa sna tshogs bsdams// kha dog nag po thams cad du/ gdugs ni rnam pa du ma'i dbyibs// kha dog sna tshogs migs 'bar ba// bla re rgyas pa mnyam pa ni// kha dog nag po sna tshogs pa// dngos po kun gyi rang bzhin gyis// mdor bsdus nas ni bsgom par bya/ / dkyil 'khor chen po'i 'di lta bu// sangs rgyas kun gyi rjes skyob pa// bris nas shes rab can gyis bsgom// gal te dngos grub rang 'dod na// rdo rje snying po rgyan gyi rgyud chen po las/ / rlung lnga'i dkyil 'khor gyi cho ga'o// / de nas bcom ldan 'das rnams kyis slar yang ting nge 'dzin la snyoms par zhugs te/ bcom ldan 'das rdo rje rnal 'byor gyi dbang phyug chen po la gsol ba btab pas/ bcom ldan 'das de bzhin gshegs pa thams cad kyis de kho na nyid kyi sgrub pa'i thabs bka' stsal du gsol/ de nas bcom ldan 'das rdo rje rnal 'byor gyi dbang phyug chen po de rnams kyis gsol ba btab pa'i tshig nye bar gsan nas/ sgrub pa'i thabs kyi cho ga mchog tu gsang ba chen po bka' stsal pa/ sgeg mo sogs pas mchod pa kun/ / yang dag mdor bsdus byas nas ni// sangs rgyas kun gyi sku chen por// bdag gis rtag tu bsgom par bya// sngags kyi yi ge yang dag ldan// 'dod pa ster ba'i skur bya//

  447. 224b

    sgra dang gzugs dang de bzhin sbyor// yi ge'i 'phreng ba de bzhin te// zla ba'i dkyil 'khor dbus gnas par// sngags pas thams cad rnam par bsam// hUM sngags pas snying khar son par sgom/ / gsang sngags dge ba brjod nas su// de bzhin gshegs pa'i rigs dag pa// dung gi sgra ru rab tu brjod// dril bu'i sgra ni rab gsal ba// pad+mo rnal 'byor dbang phyug go/ dus min sprin gyi hUM gi sgra// tsa Ta tsa Ta'i sgra 'phro ba// rdo rje rin chen dbang phyug gi/ sgra ru de bzhin gshegs rnams gsung // nor bu mas kyi rigs kyi yang // rnga chen sgra ru rab// tu bshad// pi wang gling bu de bzhin glu// gar gyi rgyan gyi sgra dang ni// rdza rnga'i ngar sgra hUM gi sgra// spyi yi nyid du rab tu bshad// rtog pa kun las rnam par sbyar// sgrub pa'i thabs kyi las rnams dang de nas gzugs kyi bzlas pa mchog/ go rims ji bzhin rab tu bshad// dgug dang gzhug dang bcing ba dang // lha rnams dbang du bya ba ste// de la rang gi tshul rab sbyar// sngags dang phyag rgya rab tu sbyar/ / de rjes rnam pa kun gyi mchog/ rtag tu lus chen bsam bya bsam// lha yi sku gzugs bsgom par bya// lag pa'i phyag rgya rab nges pa'i// phyag rgya'ang snying khor son shes bya// rang gi rigs rimachog yis// de yi lus ni 'od gsal zhing // sgron ma'i nod ltar gsal ba'i khyim// de ltar kun nas thams cad du// kun nas ba spu'i rtse dag nas// 'od zer 'bar ba'i 'phreng dge

  448. 225a

    bas/ gzugs kyi bzlas pa zhes su bshad// de nas sbyor ba'i bzlas pa yis// gsang sngags sgrub pa brtsam par bya// mchod dang byin brlabs dbang bskur mchog/ spro la sogs rim thams cad du// sbyor ba'i bzlas pa gtso bo 'di// 'bad pa yis ni rab tu bshad// snying kha mgrin pa mchu lce min// dkan dang spyi bo nyid ma yin// nang min phyi dang gnyis par min/ / chos ni 'ba' zhig kho na la// bzlas pa'i sgra yang 'byung ma yin// 'di ni bcom ldan rnal 'byor che// shes rab pha rol phyin gsal ba// sgom pa'i sngags pa de nyid ni// rnal 'byor pa yi gnas su bshad/ / de nas rjes su mdor bsdus te// snying khar dkyil 'khor rab zlum pa// zla ba gang ba lhar bsam bya// dri ma med cing legs par gnas// de la yi ge rnam par dgod// tshig gi 'phreng ba ma chad pa// mu tig 'phreng ba ltar brgyud pa// char sprin gyi ni me 'dra'i 'od// de tshe thams cad gsam par byed// lha yi lus ni snang byed cing // ji lta ji lta yi ge'i 'phreng / mchog gi lus la rab 'jug pa// de lta de ltar sngags kyi lus// lha yi bdag nyid nyid du 'gyur// mthu stobs lha dbang thams cad ni// tshangs pa khyab 'jug las chen lhag/ bzlas pa'i de nyid mchog 'di ni/ / sangs rgyas kun gyis bsngags pa'o// ji ltar sems ni sgom pa yi// de ltar dngos grub mchog tu 'gyur// rdo rje'i snying po rgyan gyi rgyud chen po las/ bzlas pa'i de kho na nyid kyi

  449. 225b

    le'u'o/ / / de nas bcom ldan 'das rdo rje rnal 'byor gyi dbang phyug chen pos// de bzhin gshegs pa thams cad kyi bstod pa rin po che bka' stsal pa/ mnyam med mi g.yo mnyam med mchog gi chos nyid can/ / thugs rje'i bdag nyid 'gro ba'i sdug bsngal sel bar mdzad// yon tan mtha' yas dngos grub thams cad sbyin mdzad pa// dri med mi g.yo mnyam med dam pa'i mchog chos can/ / yon tan shin tu phra ba'i cha la'ang tshad med de// dpe ni nam mkha' dang yang bskrun du yod ma yin// dngos grub mtha' yas mnyam med dpe dang bral ba rnams// sems can khams la dngos grub mchog rnams nges par stsol/ / rtag tu dri ma med pa thugs rje'i shugs las byung // smon lam grub pa 'gag pa med pa'i chos nyid can// 'gro ba'i don grub rab tu brtson pa mthan yas pa/ / thugs rje chen po'i bdag nyid rtag tu rnam par snang // tshad med tshad dang bral ba shin tu rdzogs pa yi// bde bar gshegs pa go 'phang dam pa bsnyes gyur kyang // kham gsum rnams la dngos grub mchog stsol mdzad pa yi/ / thugs rje'i spyod pa mi g.yo 'gag par yong mi 'gyur// e ma'o shin tu bzang po'i chos nyid mchog dang ldan// mchog sbyin rnams kyi nang na go 'phang mchog bsnyes pa/ / khams gsum kun la rtag tu dngos grub mchog stsol mdzad// mgon po dus gsum sgrib pa med par rab mkhyen pas// dam tshig mchog gsum dngos

  450. 226a

    grub dam pa dag la gsol/ / 'di de sangs rgyas thams cad kyi// yang dag yon tan rgyas pa ste// lan cig tsam zhig brjod pas kyang // gsang sngags thams cad 'grub par 'gyur/ / bstod pa'i rgyal po 'di yis ni// de bzhin gshegs de kun bstod na// rab yangs dngos grub stsol gyur te// bskal par gnas shing bskal par bskul// lus ni g.yo ba med pa ru/ / bdag nyid brtan par byas pa yis// mgon po chen po rnam snang mdzad// mi bskyod rin chen 'byung gnas dang // rgyal ba dag pa 'od dpag med// don yod rgyal ba thams cad du/ / dngul chu bcud len de nyid dang // mchog kyang rab tu gsol bar byed// dngos grub yid 'ong ma lus pa// rgyas pa'i don dang phun sum tshogs// re ba thams cad yongs rdzogs pa/ yid la 'dod pa ster bar byed// ye shes tshe dang stobs dang shugs// mchog tu dge ba gsol bar mdzad// de bzhin gshegs pa thams cad kyi bstod pa'i rgyal po zhes bya ba rdzogs de nas bcom ldan 'das rdo rje rnal 'byor gyi dbang phyug chen pos/ de bzhin gshegs pa thams cad kyi dngos grub kyi cho ga rgyas pa bka' stsal pa/ chos grangs med cing rgyu skar med/ / smyung bar gnas pa'i cho ga med// ji ltar bshad pa tshogs bslab pa'i gnas nye bar bzung ste gang yang rung ba'i yid dga' bar ji ltar rung ba'i dkyil 'khor byas te/

  451. 226b

    me tog sil ma bkram la bdug spos kyis bdug ste/ de bzhin gshegs pa thams cad la ji ltar nus pa'i me tog la sogs pa'i mchod pa byas te/ sngags 'dis yid kyis kyang sdig pa bshags te/ oM sarba pA paM ta kA ya bA krit+ta ma na shud+d+ha b+hU tAM rA ga dwe Sh+wa mo ha mA na mA na biSh+pe ra Na ya da kri tri kA li kaM hUM hUM hUM phaT phaT phaT/ sarba pA paM s+pho Ta yA mi swA hA/ oM sarba pA paM pra ti de sha yA mi swA hA/ / de'i rjes thogs la bdag nyid kyis dngos po dbul bar bya ste/ oM sarba ta thA ga tA nAn At+ma b+ha bA nir yA ta yA mi/ sarba ta thA ga taHpra ti grih+Nan+tu mAM swA hA/ de nas de bzhin gshegs pa thams cad kyi bsod nams la rjes su yi rang ba ni/ oM sarba ta thA ga ta pra N+ya dz+nyA na saM b+ha rA na a nu mo da yA mi swA hA/ yang dang yang du byang chub kyi sems bskyed pa rang bzhin gyis grub pa'i sngags kyis bya ste/ oM sarba ta thA ga ta sa man+ta/ b+ha dra ma hA badz+ra/ sa ma yaM/ ma hA bo d+hi tsit+ta/ ut+pA da yA mi swA hA/ de nas byang chub kyi sems bskyed pa'i rjes thogs la zla ba'i kha dog can zla ba'i dkyil 'khor la bzhugs pa'i bsod nams dang ye shes kyi tshogs yongs su rdzogs pa/ sa bcu'i dbang phyug nor bu rin po che chen po'i pad+ma'i snying po seng ge'i khri'i steng du bdag nyid bsam par bya'o/ / oM shud+d+ho haM/ sngags 'dis bdag yongs su dag par byas te/ oM sa b+hA b+ha shud+d+haHsarba ta thA ga tAHswa b+hA ba shud+d+ho haM/ sngags 'dis bdag nyid chos kyi dbyings yangs pa 'ong

  452. 227a

    gsal ba'i snang bar shin tu gnas par bya ste/ oM d+har+m+ma d+hA tu swa b+hA ba At+ma ko haM/ de nas skyes bu chen po'i mtshan sum cu rtsa gnyis kyis brgyan pa/ 'jig rten tham cad las shin tu 'das pa'i de bzhin gshegs pa thams cad kyi chos kyi skur bdag nyid sngags 'dis gnas par bya ste/ oM pra b+he shwa ro haM/ de bzhin du rim pa 'dis chos kyi dbyings rgya chen por spros nas/ bdag nyid sangs rgyas nyid do zhes nga rgyal bskyed la/ bdag skye dgu ma lus pa'i dpung gnyen du byas la/ chos kyi dbyings rang bzhin gyis 'od gsal bar lhan cig gnas par byas te// nye bar rgyas par thun mtshams bzhir bzlas pa bsam par bya ste/ yi ge la rjes su gzhol ba'i yid kyis 'bum phrag nyi shu bzlas par bya zhing / nyi ma re rer stong phrag brgyad dam stong phrag ro bzlas te ji srid mtshan ma ma thob pa de srid du'o/ / tsan dan dang / ga pur dang / gur kum la sogs pa rnams kyis dkyil 'khor byas te/ nye bar mkho ba thams cad kyis mchod pa cho 'phrul gyi zla ba'am/ sa ga'i nya gang ba la mar gyi mar me stong phrag brgyad spar la rdo rje skyil krung gis gnas te/ sna ma'i me tog gam me tog pad+mas de bzhin gshegs pa thams cad dang mchod rten mchod de/ ji srid 'brug gi sgra sgrog pa ma thos pa de srid du bzlas par bya'o// de nas de bzhin gshegs pa'i sku bdag la gsal bar 'gyur bar shes par bya'o// de nas sreg blugs 'bum phrag gcig

  453. 227b

    dgang bar byas pas mtshan ma thams cad gsal bar 'gyur ro/ / bye ba phrag bzhi bzlas pas dbang phyug chen po la sogs pa'i sems can thams cad dbang du 'gyur ro// de nas sgrub pa chen po byed par 'dod pas/ de bzhin gshegs pa'i mtho gang ba'i tshad kyis de bzhin gshegs pa'i mchod rten byas la/ mchod rten re re'i mdun du stong phrag re re bzlas pa 'am/ yang na dri'i mchod rten gyi drung ngu 'bum lhag pa'i bye ba phrag bdun bzlas so/ / bde bar gshegs pa'i mtho gang ba'i tshad kyi mchod rten nyi ma re re la re re ji srid bye ba phrag bdun bzlas pa rdzogs pa de srid du bya'o// tha ma'i mchod rten 'bar ba'i 'od des sgrub pa'i lus la zhugs pas brgya byin dang / tshangs pa dang / 'jig rten skyong ba la sogs nas/ ji srid dag pa'i gnas kyi ris kyi dbang phyug chen po la sogs lha rnams me tog gi char 'bebs par 'gyur ro/ / lba dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci la sogs pa 'ongs nas kyang stong par byed cing / ji srid a bi tsi mnar med pa'i bar gyi sems can dmyal ba thams cad bsil bar 'gyur ro/ / yi dgas rnams kyang yi dgas kyi sdug bsngal las rnam par grol bar 'gyur ro// sdug bsngal ba rnams kyis sems can rnams la gdung bar mi 'gyur ro/ / de nas de bzhin gshegs pa thams cad kyis mngon par gzigs par 'gyur ro// de'i rjes la lus dang gser gyi mdog lta bu dang / lo brgyad gnyis

  454. 228a

    kyi rnam pa can dang / ting nge 'dzin dang / ye shes thob pa dang / kha dog dang / tshe dang / stobs dang / shugs dang / dbang phyug la sogs pa'i yon tan dang ldan pa dang / 'jig rten gyi khams su rgyu ba dang / 'khor lo sbyar ba ltar che ba dang / sangs rgyas thams cad kyis mngon par bstod cing stang du 'gro ba dang / rig pa 'dzin pa'i rgyal por 'gyur ba dang / stong gsum gyi stong chen po'i 'jig rten gyi khams kyi rig pa 'dzin pa'i rgyal po rig pa 'dzin pa brgya stong phrag du mas yongs su bskor ba dang / phyogs bcu mtha' yas pa'i 'jig rten gyi khams su rdzu 'phrul gyis 'gro ba dang / de bzhin gshegs pa thams cad la mchod pa chen po'i sprin gyis legs par mchod cing grub pa thams cad 'od kyis ltung bar 'gyur ro// brgya byin dang / tshangs pa dang // 'jig rten skyong ba'i stan phyed ster bar 'gyur ro// gzi brjid dang / gzugs dang / dpa' bas rig pa 'dzin pa thams cad zil gyis gnon par 'gyur ro// byang chub sems dpa'i sa'ang so sor thob par 'gyur ro/ / sems can thams cad 'dul ba la mkhas par 'gyur ro// phyi ma'i mthar tshe byin gyis brlab ste/ sangs rgyas thams cad bskyed par mthong bar 'gyur ro// byang chub sems dpa' thams cad kyi bya ba nges par ston par 'gyur ro// mchod pa'i sprin thams cad 'byung bar 'gyur ro// byang chub sems dpa' chen po kun tu bzang po dang / byams pa dang /

  455. 228b

    'jam dpal dang mtshungs par 'gyur ro// de bzhin gshegs pa thams cad kyi sku'i sgrub pa'i thabs zhes bya ba ste dang por// / sgrub pa'i thabs gnyis pa ni de bzhin gshegs/ pa thams cad mchod par byas te/ gi'u wang ngam ldong ros pad+ma'i snod du gzhag la/ ji srid dngos grub rnam pa gsum byung ba de srid bzlas par bya'o// sems can thams cad dbang du 'gyur ba dang / mi snang ba dang / rig pa thams cad 'dzin pa nyid do// rig pa 'dzin par gyur nas nyi ma stong shar ba'i kha dog dang / lo brgyad gnyis kyi rnam par sba li zhing 'khyil ba dang / gdu gu dang ldan zhing lha'i bu mo bye ba phrag du mas yongs su bskor cing rig pa 'dzin pa'i grub pa thams cad kyis yongs su bskor ba dang / bskal pa chen po'i mthar gnas pa dang / rig pa 'dzin pa thams cad kyi dbang phyug tu 'gyur ro/ / rim pa 'dis gsum bsgrubs na dbang phyug chen por 'gyur ro// mchod phyir thog bsgrubs na tshad par 'gyur ro// 'khor los khyab 'jug tu 'gyur ro// grog mkhar gyi rtse mo'i sa bzung ste sa srungs kyi bus byA la de la zhon te bzlas na dbang por 'gyur ro/ / nyi ma'i dkyil 'khor byas te de'i steng du bsdad na nyi ma dang mtshungs par 'gyur ro// zla ba'i dkyil 'khor gyi zla ba'i ste/ 'di nyid kyis lha'i bye brag gang gis mtshan mar bzung ste/ des de'i longs spyod la spyod par 'gyur ro// de bzhin du rim pa 'dis dngul chu 'am bcud len gang bsgrubs pa de 'grub par 'gyur ro// gal ta ma

  456. 229a

    grub na de'i tshe sgrub pa lan bdun bya'o/ / bdun byas pas ci nas kyang 'grub par 'gyur ro zhes de bzhin gshegs pa thams cad kyi 'khor lo sgyur bas bka' stsal pa 'bum phrag gsum bzlas pas ri bo lhun po'i tshang tsam gyi ri bo yang hUM zhes brjod pas lhung ba dang / rgya mtsho skems pa dang / ljon pa drung nas 'byin pa dang / bum pa nam mkha' la 'phen pa dang / glang po che rengs par byed pa dang / pha rol gyi sde mngon par 'joms par byed pa dang / bar snang na gnas pa thams cad ltung bar byed pa'o// sems can thams cad 'bebs par byed do/ / sgrub pa po las gang dang gang sgrub par 'dod pa de dang de thams cad byed do// yang na zla ba gcig tsam mi smra bar de bzhin gshegs pa thams cad kyi skur bdag nyid bsgoms na sangs rgyas thams cad mthong bar 'gyur ro/ / sgyu 'phrul dra ba thams cad ston par 'gyur ro// nam mkha' la gnas shing 'chag par byed do// me 'bar ba dang glog 'gyur ba la sogs pa ston par byed do/ / gcig tu gyur nas mang por 'gyur ro// 'jig rten gyi khams stong phrag kyang g.yo bar byed do// sgrub pa pos bye ba phrag bdun bzlas nas 'di dag thams cad bsgrub par bya'o/ / rim pa 'dis lhung bzed dang / chos gos dang / stong g.yogs dang / khar gsil las gang yang rung ba bzung nas ji srid rig pa 'dzin par gyur pa de

  457. 229b

    srid du bzlas par bya'o/ / sangs rgyas kyi zhing thams cad du 'gro ba dang / sprul pa du ma byed pa dang / 'dod na 'chi ba dang / skad cig tsam gyis 'jig rten gyi khams thams cad du 'gro zhing de bzhin gshegs pa thams cad kyi nye bar gnas par byed do/ / sangs rgyas kyi gzugs kyis sangs rgyas kyi bya ba thams cad kyang byed do// sgrub pa'i thabs gzhan yang bde bar gshegs pa'i mtho'i tshad kyi mchod rten 'bum phrag gcig byas te/ rma med pa'i ril gri blangs la cho 'phrul gyi zla ba phyed la nye bar spyod pa thams cad kyis mchod de brgyad pa 'am/ bcu bzhi pa 'am/ nyagang ba la skyil krung bcas te ji srid du ral gri 'bar ba de srid du bzla bar bya'o// de'i rjes thogs nyid la rnga bo che rnams kyi sgra grag go/ steng nas me tog gi char 'bab par 'gyur ro// ldan cig pa ji snyed pa dang bcas pa steng du 'gro'o/ / rig pa 'dzin pa thams cad kyis mchod par 'gyur ro// rig pa 'dzin pa'i rgyal po chen por 'gyur ro// ral gri'i rig pa 'dzin pa chen po'i 'khor lo sgyur ba rnam pa sna tshogs pa'i chos gos dang rgyan 'chang ba 'dod dgur smra ba skad cig tsam gyis 'jig rten gyi khams thams cad du rnam par spyod pa dang / rga shi med pa dang nyi ma re re zhing sangs rgyas kyi bdag nyid che ba mthong ba dang / mchod pa'i sprin thams cad kyis sangs rgyas kyi zhing thams cad du mchod pa'i char 'bebs pa dang / bskal pa chen po stong

  458. 230a

    phrag tu 'tsho bar 'gyur ro/ / de nas sgrub pa'i thabs gzhan yang 'khor lo 'am pa Ti sa blangs te 'bum phrag nyi shu bzlas pa yongs su rdzogs pa dang dpal gyi sgor song ste/ nim pa'i lo ma tsha ba'i mar khu la btab pa 'bum phrag gcig sreg blugs bya'o// lha ma yin gyi 'khrul 'khor thams cad 'byed par 'gyur ro// lha ma yin gyi bu mo thams cad 'ong bar 'gyur ro/ gal te ma grub na 'bum phrag gnyis sam/ gsum du sreg blugs bya'o// lha ma yin gyi bu mo thams cad bsregs bzhin du 'ong bar 'gyur ro// 'ongs nas kyang sgrub pa po la zhu bar byed de/ kye skyes bu dpa' bo 'jug tu gsol zhes smra'o// de nas grogs dang bcas nas 'jug par bya'o// ral gri'am 'khor lo de bzung nas lha ma yin gyi rig pa 'dzin pa'i rgyal por 'gyur ro/ / sa 'og gi rdzas rnams kyi mnga' bdag lha ma yin gyi bu mo thams cad kyi bdag po/ gsang sngags grub pa gzhan dang lha ma yin gyi rig pa 'dzin pa rnams kyi dbang phyug/ sa 'og thams cad kyi bdag po/ lha ma yin chen po'i sprul pa byed pa po bskal pa chen por gnas pa/ khyab 'jug gi 'khor lo hUM zhes bya ba brjod pa tsam gyis rlag par byed pa/ khyab 'jug kyang hUM zhes brjod pa tsam gyis rlag par byed na/ gzhan lha smos kyang ci zhig dgos/ sgrub pa'i thabs gzhan yang bde bar gshegs pa'i mchod rten 'bum phrag sum cu byas te/ mchod

  459. 230b

    rten re re'i mdun du stong phrag brgyad brgyad bzla bar bya'o/ / thams cad la nye bar spyod pa thams cad kyis mchod la/ tha mar me tog can gyi lcags ma 'khor lo rtsibs drug pa mtho gang tsam pa bzung ba la cho 'phrul gyi zla ba phyed pa skyil krung bcas te/ ji srid 'bar ba ngo srad du bzlas par bya'o// de bcangs pas rig pa 'dzin pa'i 'khor lo sgyur bar 'gyur ro// rig pa 'dzin pa'i rgyal po thams cad kyi mnga' bdag dbang phyug chen po la sogs pa'i lha thams cad 'dul bar byed pa/ bskal pa bye ba brgya stong phrag dgu bcu rtsa dgur 'tsho ba dang / 'jig rten gyi khams stong rdzu 'phrul gyis gnon pa dang / mchod pa'i sprin brgya stong phrag gis mchod pa byed pa dang / sangs rgyas stong phrag mthong bar 'gyur ro// de rnams la nyi ma re re zhing mchod pa chen po'i sprin gyis mchod par byed do/ / sgrub pa'i thabs rgyas pa gzhan yang mchod rten 'bum phrag drug cu byas te/ sngon du bsnyen pa byas la bye ba bzlas pa'o// de nas mtshan nyid dang ldan pa'i ro blangs la khrus byas nas nye bar mkho ba thams cad kyis mchod de/ ji srid ma langs pa de srid du bzla bar bya'o// langs nas dngul chu dang / bcud len dang / mi snang ba la sogs pa thams cad des ster bar byed do/ / gal te mi ster na ji srid kha las lce ma byung ba de srid du bzla bar bya'o// de nas mtshon rnon pos de gcad par bya'o// de bzung bas nyi ma stong gi gzi

  460. 231a

    brjid can rig pa 'dzin pa thams cad kyi rgyal po rig pa 'dzin pa bye ba stong phrag drug cu'i mkhor can/ tshe bskal pa bye ba brgya stong phrag drug cu 'tsho ba/ sangs rgyas kyi zhing thams cad du rdzu 'phrul gyis 'gro ba dang / ri bo lhun po bye ba phrag stong sprul ba dang / gling stong phrag 'phen pa dang / rgya mtsho stong phrag skems pa dang / lha'i 'jig rten brgya stong phrag bsdigs pa dang / tshangs pa dang / khyab 'jug dang / dbang phyag chen po la sogs pa rnams lhung ba dang / skra li zhing 'khyil ba dang / lo brgyad gnyis pa'i rnam pa dang / rgyan thams cad kyis rnam par brgyan pa ste/ sreg pa'i bskal pa na 'jig rten gyi khams gzhan du 'gro zhing rga ba dang 'chi ba med par 'gyur zhes/ bcom ldan 'das rdo rje rnal 'byor gyi dbang phyug chen pos de skad ces bka' stsal to/ / de bzhin du yid bzhin gyi nor bu dang / dpag bsam gyi shing dang / bum pa bzang po dang / nor gyi char pa dang / nam mkha' mdzod kyi ting nge 'dzin chen po dang / rin po che chen po'i lag pa dang / nor rgyun gyi rtog pa chen po dang / sems can gyi re pa thams cad rjes su 'gengs pa dang / 'khor lo sgyur ba'i rgyal po dang / rin po chetshe thams cad kyang bsgrub par bya'o/ / de la 'di lha ste/ 'khor lo rin po che dang / nor bu rin po che dang / bud med rin po che dang / khyim bdag rin po che dang / glang po rin po che dang / rta rin po che

  461. 231b

    dang / bsnyen bkur ba rin po che'o// de nas sgrub pa'i thabs gzhan yang tsan dan dkar po las pad+ma sor drug pa'i tshad byas pa/ pad+ma de lag par bzung nas zla ba drug tu skyil krung bcas te/ nye bar spyod pa thams cad kyis mchod nas thun mtshams gsum ma ma bzhir grangs mi gzung bar bzlas par bya'o// zla ba drug yongs su rdzogs pa dang pad+ma 'bum phrag bdun sreg blugs bya'o/ / zla ba nya nas bsgrub pa brtsam par bya ste/ nye bar spyod pa thams cad kyis mchod la skyil mo krung bcas nas mtshan thog thag bzlas par bya'o// tho rangs kyi tshe rig pa 'dzin par 'gyur ro/ / ska li zhing 'khyil ba dang / lo brgyad gnyis kyi rnam pa rgyan gyi tshogs thams cad kyis brgyan pa/ nyi ma stong phrag shar pa'i 'od dang mtshungs pa/ rig pa 'dzin pa bye ba phrag du ma'i 'khor can/ lha'i bu mo bye ba khrag khrig brgya bstong du mas yongs su bskor ba/ tshangs pa la sogs pa'i lha rnams mngag gzhug par 'gyur ro// sangs rgyas kyi zhing thams cad du skad cig tsam gyis rnam par rgyu ba dang / mchod pa'i sprin du mas de bzhin gshegs pa rnams mchod par 'gyur ro// de bzhin du ut+pa la'i sgrub pa dang / tsan dan dmar po'i pad+ma'i sgrub pa'ang ngo / / sgrub pa gzhan yang bsgrub par bya ba ni shel dang / pad+ma rA ga dang / mu tig gi 'bras bu'am rin po che yongs su rtog par byed pa pos yongs su brtags pa na bde bar gshegs

  462. 232a

    pa'i mtho'i tshad tsam pa'i mchod rten 'bum tsam byas te/ gang yang rung ba'i grangs mi gzung bar ji srid bdag yongs su dag par mthong ba de srid du bzlas par bya'o// de rjes su mngar gsum gyis sbags pa'i pad+ma 'bum dang / sna ma'i me tog 'bum phrag gsum dang / a ka ru'i yam shing 'bum dang / tsan ngan gyi yam shing 'bum phrag gsum dang / til dang 'bras 'bum phrag bzhi dang / zho zan 'bum dang / mar gyi sreg blugs stong phrag gsum dang / sman thams cad pa'i sreg blugs 'bum phrag gcig byas la/ sbyin sreg yongs su rdzogs pa dang / dkar po'i tshes bco lnga la bsgrub par bya'o/ / skyil mo krung bcas te/ nye bar spyod pa thams cad kyis mchod la/ ji srid nor bu rin po che 'bar ba de srid du bzlas par bya'o// 'bar nas kyang rig pa 'dzin pa gzhon nu gdong du 'gro bar 'gyur ro/ / kr-i li zhing 'khyil ba dang / lo brgyad gnyis kyi rnam pa rgyan thams cad kyis brgyan pa/ phyogs bcu mu med pa'i 'jig rten gyi khams rgyas par gsal bar byed pa/ rig pa 'dzin pa thams cad kyi bla ma 'khor lo sgyur ba chen por 'gyur ro// yid bzhin nor bu'i dngos grub byang chub sems dpa' chen po'i rig pa 'dzin pa zhes brjod do// sangs rgyas thams cad mchod cing bsnyen bkur bar byed do/ / skad cig tsam la 'jig rten gyi khams thams cad kyi sems can bskor nas slar de nyid du 'ong bar 'gyur ro// gal te 'dod byang chub sems dpa'

  463. 232b

    tshogs mngon par rdzogs par byas te/ lus de nyid kyis bla na med pa yang dag par rdzogs par byang chub par mngon par rdzogs par 'tshang rgya bar 'gyur ro// de bzhin du sgrub thabs kyi le'u la bris sku dang / shing lham dang / mu tig gi 'phreng ba'ang yid bzhin gyi nor bu'i cho gas bsgrub par bya'o// thams cad du 'grub par 'gyur ro// sgrub pa'i thabs gzhan yang mchod rten bye ba phrag stong byas te/ 'bum phrag bdun bzla bar bya'o// yongs su rdzogs pa dang / me tog can gyi lcags sam/ lcags lnga'i rang bzhin gyi rdo rje rtse mo lnga pa sor bcu'i tshad dam/ bde bar gshegs pa'i mtho'i tshad tsam cho 'phrul gyi zla ba phyed la mtshan thog thag khri'i steng du lag pa bka ba la/ ji srid 'bar bar gyur pa de srid du bzla bar bya'o// de bzung nas rdo rje'i rig pa 'dzin pa 'khor los sgyur ba chen po nyi ma bye pa brgya phrag dang rjes su 'tsham pa/ rdo rje 'chang ba ltar gzi brjid dang ldan zhing 'od gsal bar 'jig rten gyi khams thams cad du rnam par rgyu zhing / dbang phyug chen po la sogs pa'i lha rnams la ci bsgo ba nyan par 'gyur/ lha ma yin rnams skrag pa dang / srin po rnams 'joms pa dang / sems can thams cad des ci bsgo ba byed par 'gyur bar/ bcom ldan 'das de bzhin gshegs pa thams cad kyi 'khor los sgyur ba chen pos de skad ces bka' stsal to/ / rdo rje snying po rgyan gyi rgyud chen po las/ de bzhin gshegs pa thams cad kyi rdzas kyi bya ba bsgrub pa zhes bya ba'i le'u

  464. 233a

    yongs su rdzogs so/ / / de nas bcom ldan 'das de bzhin gshegs pa rnams slar yang ting nge 'dzin la mnyam par bzhag ste/ bcom ldan 'das thog ma dang tha ma med pa rdo rje rnal 'byor gyi dbang phyug chen po la gsol ba btab pa/ bcom ldan 'das de bzhin gshegs pa thams cad kyi gsang ba chen po ka k+Sha sbyar ba ste/ mtha' yas pa kha sbyar ba zhes bya ba bka' stsal du gsol/ de nas bcom ldan gyis de bzhin gshegs pa thams kyi gsang ba chen po gsang sngags kyi ka k+Sha pu Ta bka' stsal pa/ de nas yang dag bshad bya ba/ sangs rgyas kun gyis rjes su skyob// gsang sngags ka k+Sha sbyar zhes bya/ gsang chen mchog tu rmad du byung // gru bzhi pa la tshad mdzes pa// kun nas yongs su bzang zhing dag/ re mig bzhi bcu zhe dgu pa// mdor bsdus nas ni sngags pas bya// dang po'i 'phreng bzang gnyis la ni// a sogs blo glos ldan pas dgod// ka sogs lhag ma'i re mig la// sngags pas mdo ru bsdus te bri/ / sbyor ba ji bzhin yi ge kun// go rims bzhin du dgod par bya// re mig stong pa dag la ni// k+Sha yig dang ni rdo rje bri// rim pa 'di dag bkod nas ni// rang sde'i 'og tu 'bar ba mchog/ dang po dbyangs la de'i rjes su// yi ge phyag rgya mdor bsdus pa// ka tsa Ta ta pa ya shA// dag cing chu yi dkyil 'khor ldan// 'di rnams myur du 'grub par byed/

  465. 233b

    pad+ma'i rigs kyi lha'i nying do// don kun grub par yang dag ldan// ma yi dkyil 'khor nus su bshad// 'bar ba'i me dang mtshungs pa'i 'od// kha tsha Sh+Ta tha par Sha// dbang chen gyi ni dkyil 'khor ldan/ / ga dza Da da ba la swA// dngos grub kun byed rlung gzugs ldan// dbyar gyi sprin ltar shin tu 'jigs// g+ha dz+ha D+had+ha b+ha wa hA// steng 'gros dngos grub byed par brjod// slar yang nya Na na ma/ / chos kun dbang du byed par mchog/ thog ma'i dbyangs yig gang yin pa// de ni de bzhin gshegs stobs bcu// khyad par yan lag bcu gnyis bshad// de bzhin gshegs pa'i stobs bcu gnyis/ / ma ning yi ge bzhi po spong // r-i r-I l-i lAM zhes bya ba// dbyangs dang sa bon de bzhin sngags// de dag yi ge ru yang bshad// dbang du byed pa'i sde tshan kun// thig le sgra gtsug zla phyed ces/ / sna ldan gyi ni 'phreng zhes bshad// sangs rgyas de bzhin byang sems kyis// yi ger brjod pa de bzhin zhing // gsal byed ces kyis gsal ba'o// de bzhin yang la ba rlung / / me dang dbang ldan bdag po ste// 'byung ba chen po'i khams rnams so// rlung me bdud rtsi'i bcud ces bshad// mnyam dang mi mnyam cha dbye bas// thams cad nyid kyi lam zhes bya// phyag rgya dang ni dkyil 'khor sngags// ting 'dzin mdor bsdus bshad pa'o// mi rtag sdug bsngal stong bdag med// chos kun las ni bton nas ster// stong pa mtshan med smon med pa//

  466. 234a

    rnam par thar pa gsum du bshad// phung po khams dang skye mched rnams// mkhas pa yis ni shes par bya// da ni sngags kyi ka k+Sha'i sbyor ba las// rab tu btus pa sbyar ba dang phral ba bshad par bya'o/ / yi ge rnams kyis byang chub dpyod// sangs rgyas nyid kyang mya ngan 'das// lhan cig nyid du sbyar bar bya// dbyangs rnams kyis ni bsdus pa bshad// mtshan nyid kyang ni rab bshad bya/ / dbyangs ni byang chub gzugs nyid de// gzhan dang lhan cig sbyar bar bya// de la nges par sangs rgyas nyid// ster ba nyid du legs par bshad// thog mar sangs rgyas thams cad kyis/ / gsang sngags dri ma med pa 'byung // thog mar dbyangs ni thig ler ldan// rdo rje'i steng du yang dag gnas// 'bar ba'i 'phreng can rab zhi pa// rnam par 'phro ba nyid du gnas/ / zla ba'i dbus su bsgom bya ba// kun gyi ye shes 'od po che// kun tu 'gro ba rab tu thob// thams cad du yang rnyed par dka'// de ni gdod nas gnas rtag pa// yi ge med cing dbyer med pa/ / byang chub sems zhes rab tu bshad// dung dang kun da zla ltar dag/ gnyis pa'i sgra dang yang dag ldan// de ni shin tu ring por shes// sangs rgyas kun gyi spyod pa sa dang pha rol phyin pa rnams/ / usma rnams kyi rnam pa ni// mya ngan 'das pa zhes su bsgrags// dbyangs dang yi ge khyad par can// mtshan nyid rab tu sbyar bar bya// rang gi phyag rgya sogs

  467. 234b

    ldan pa/ / sangs rgyas byang chub rab gsol byed// da ni sangs rgyas thams cad kyi// sngags kyi de nying 'di bshang bya// thog mar spyod pa byas nas ni// gnyis pa smra ba po ru bshad// zhi ba'i dbyangs kyi kun nas mnan// gsum pa'i ming ni yid ces bya// rgyu med pas te cung zad pa// bzhi pa yis ni gsal bar byas// drug pa'i sgra dang ldan pa la// de yi steng du thig le gnas/ / chos kun nam mkha' dang mtshungs par// yang dang yang du bshad pa yis// de ni lnga par shes par bya// yi ge lnga pa stobs po che// yi ge lnga yi stobs lnga'i bdag nyid las skyes gtso/ / mthu stobs chen po khyab bdag srid pa'i bdag nyid skyes// mthu stobs chen po srid gsum las rab grol byed pas// yi ge lnga ni 'gro ba drug las grol ba'i bdag/ mngon shes drug kyang rab tu ster byed dri ma med/ / de nyid bcom ldan spyod pa so// mi bskyod pa zhes rab tu grags// byang sems rdo rje sems dpa' ste/ brtan pa'i sems dpar rab byung ba// chos kun gyi ni de bzhin nyid/ / glung bsgrags de ni thams cad du// me yi sa bon dang ldan pa// dpyad pa yi ni steng du gnas// de nyid bcom ldan rnal 'byor ni// rin chen 'byung ldan zhes su bshad/ chos rnams can gyi byed tshom/ ming banyid du rang ba gang pa'o// ye mas zin yang dag lam/ yin pa'i dbyangs kyi spyi bo/ yan partsal pa' da gnas// ma ma ma

  468. 235a

    'byor ni/ / sna tshogs de bzhin gshegs pa kun// drug pa'i dbyangs dang yang dag ldan// don yod pa yi snying por grags// sde lnga pa yi bzhi pa ni// dngos dang dngos med rab rtogs byed/ / me yi sa bon rab tu ldan// 'khor lo'i dbus su rab tu gnas// drug pa'i dbyangs dang yang dag ldan// thig le sgra yis rnam par spras// 'khor lo sgyur ba ye shes che/ / rnam par rgyal ba'i nor ster byed// gang zhig sde lnga pa yi mtha'// sgyu ma'i chos la rab tu gnas// de nyid bcom ldan rnal 'byor ni// gdugs dkar zhes su bshad pa'o// brgyad pa'i dbyangs dang yang dag ldan// byams pa zhes ni grags pa ste// de nyid bcom ldan rnal 'byor ni// spyi bor thig le mnan pa'o// 'jam pa'i dbyangs dang ye shes che// mA ma kI ru de bsgrags so/ / lnga yi dbyangs dang yang dag ldan// 'jam pa'i dbyangs zhes rab tu grags// spyod pa'i gar mkhan rab rtogs ming // sdig pa thams cad rengs byed de// rnam par sel bzhes bya ba/ / sdig kun rnam par sbyod byed pa// sde tshan lnga pa'i gsum pa ni// phyag na rdo rje stobs chen dang // gshin rje mthar byed khro bo che// yi ge gsum ni stobs chen po// thog mar dgu pa yi ni dbyangs/ / de yi dbus su spyod pa gzhag/ tha mar sna tshogs zhes bya sbyar// sku gsum du ni rnam par sgom// tha ma'i sde tshan gsum pa ni// gang yin kun tu bzang por bshad

  469. 235b

    sde tshan dang po'i gsum pa ni/ / sangs rgyas spyan zhes bya ba'o// de nyid bcom ldan mgon po ni// nam mkha'i mdzod ces rab tu grags// rdo rje khro bo stobs po che// de nyid rab tu grags pa'o// 'di kun thams cad stong pa ste// rgyu ni rab tu spang ba'o// dbyangs lnga dang ni yang dag ldan// rdo rje hUM mdzad hUM mdzad do// gang zhig bzhi pa'i sde dang po'o// me dang rab tu ldan pa dang // bzhi pa'i dbyangs dang yang dag ldan// gzi brjid phung po stobs po che// de nyid gang dang ma sbyar ba// sgrol ma zhes su rab tu grags// bzhi pa yi ni gnyis pa gang // shes rab pha rol phyin par nges/ / thig le lhan cig yang dag ldan// sgra dang ldan pa'i mchog tu gyur// sde mtshan gnyis pa'i gsum pa gang // me nyid dang ni yang dag ldan// bzhi pa'i dbyangs kyi yang dag mnan/ / khams gsum rnam par rgyal ba'i mchog/ de nyid bcom ldan zhes bya ba// spyod pa'i gar mkhan zhes bya'i mtshan// de yi rjes nyid la ni me// dgu pa'i dbyangs dang yang dag ldan/ / gsum pa'i dbyangs kyis mnan pa yi// sde tshan dang po'i dang po ste// de nyid bcom ldan mgon po ni// 'jig rten mgon po thub pa che// ye shes rgya che ba sgrub par bya// sangs rgyas byang chub rab gsol byed/ / sde tshar lnga pa rir chen mchog/ bzhi pa'i sa bor dam pa ste// 'og tu ma yi yan lag ldan// khro gnyer can zhes rab tu grags// dbang chero yi ge dag pa

  470. 236a

    la/ thig le sgra yis rnam par brgyan// sangs rgyas spyan zhes rnam grangs pa// sdig pa thams cad 'phrog par byed// sde tshan dang po'i gsum pa ni// nam mkha'i spyan zhes brjod pa'o/ / sgyu ma'i chos la rab gnas nas// gsod pa'i don du rab tu gsal// mA ma kI zhes bya ba'i ming // rig pa mchog tu gsang ba ste// rgyu mi dmigs pa'i chos rnams kyis/ dri ma med pa stsol pa byed// gnyis pa'i dbyangs dang yang dag ldan// 'phags pa mi g.yo ba zhes bya// dbang chen sa bon yang dag ldan// 'gro ba'i rdo rje rengs byed na// gdug pa gzhan kun smos ci dgos// rlung gi dkyil 'khor sbyar byas pa// rang gi sa bon gnas shing 'phro// 'gro ba thams cad skrong byed na// gdug sems can gzhan smos ci dgos// de nyid me dang ldan pas na// dbang dang dgug pa'i las rnams dang // bgegs dang dgra rnams zhi ba ni// khyad par mi g.yo ba yis byed// don dam bden pa'i byin gyi rlabs// rnam par snang mdzad gnas las byung / / gzhan gyi dmag dpung 'joms pa ni// me dang ldan pa nyid kyis bya// drug pa'i dbyangs dang yang dag ldan// thig le sgra yis rnam par brgyan// rlung gi dkyil 'khor gyis grangs pas/ / 'gro ba thams cad 'gugs par byed// ti si man ngar la sogs// de yis phye mar rlog par nges// rdo rje la gnas 'khor lo yi// dbus nas 'gro kun rangs par byed/

  471. 236b

    gnas nas bskyod par byas pa yis// 'byung po rnams ni dbang du byed// rtag pa'i gzugs su gnas nas ni// mi g.yo ba yi snying khar son// chos kyi dbyings mtshungs thob nas ni// bdag gi bdag nyid bsgom par bya/ / rlung gi sa bon rin po che// spyod pa'i steng du yang dag ldan// me las byung ba me la gnas// 'gro ba thams cad 'bebs par byed// sde tshan dang po'i dang po gang / / sa yi yi ge steng du mnan// sde tshan lnga pa'i tha ma ni// drug pa'i sgra yi stang du gnas// 'og tu me yi sa bon ldan// nyi ma'i dkyil 'khor dbus su ste// sa gsum thams cad 'bar par byed/ / me yi phyogs su gnas nas ni// phyag rgya'i bdag nyid thams cad sgom// rlung lha me lha yang dag sbyor// rgyu ni byed pa mtshungs pa'o// rnam par snang mdzad ye shes che// de nyid kho na bsgrub par bya/ / dbang chen me ni sbyor ba las// 'khor lo sgyur ba'i go 'phang gnas// ye shes rgya chen bsgrub par bya// yang na phun su tshogs pa'i don// rig pa 'dzin dang sangs rgyas nyid/ rnal 'byor ye shes phun sum tshogs// skye ba 'di las 'grub 'gyur te// 'di la the tshom mi bya'o// dbyangs dang yi ge thams cad la// sbyor ba'i dbye ba rnam par gnas// tshig dang ngag gi tshad rnams dang / / ting nge 'dzin rnams thams cad du// slob dpon man ngag shes bya ste// gzhan du bya ba ma yin no// rdo rje snying po'i rgyan ces bya ba'i rgyud chen po las/ rdo rje ka k+Sha

  472. 237a

    sbyor ba mdor bsdus te bstan pa ste/ rgyas par slob dpon gyis mngon par dpyad par bya'o// // de nas bcom ldan 'das rnams slar yang 'dus par gyur pas bcom ldan 'das rdo rje rnal 'byor gyi dbang phyug la gsung dag gi dkyil 'khor gsol ba btab pa/ de nas bcom ldan 'das rnam par snang mdzad kyis/ de rnams kyis gsol pa btab pa'i tshig gi rjes nyid la/ 'brug gi sgra mtha' yas pa'i legs par bsgrags pa nam mkha'i mdzod kun nas rdo rje rgya che ba tshangs pa chen po'i sgra yongs su rdzogs pa'i don dang / de bzhin gshegs pa thams cad kyi gsung gi 'khor lo'i dkyil 'khor so sor yongs su rtogs pa'i don du/ de bzhin gshegs pa thams cad kyi gsung grub pa zhes bya ba'i dkyil 'khor chen po bka' stsal pa/ de nas yang dag bshad bya ba// gsung gi 'khor lo'i dkyil 'khor che// zlum po kun nas bzang po ste/ zla ba'i dkyil 'khor lta bur gnas// de yi steng du pad chen po// 'dab ma brgyad la ge sar can// de yi lte ba'i dbus su ni// yi ge mchog gi go 'phang nyid// bdag gi dngos grub bsgom par bya// ngag gi dbang phyug 'od chen po// snying khar zla ba dang pad+ma// de yi steng du dung brtag bya/ / dung gi dbus su lce yin te// rdo rje'i rang bzhin dge ba'o// de yi steng du rin chen par// yang ras sangs rgyas gzugs brnyan yang // 'bar zhing rkan gyi mthar khyab pa// bdud

  473. 237b

    rtsi'i rgyun ni rab 'bab pa/ / pa yi yi ge spyi tshugs pa// sangs rgyas kyi ni steng du gnas// bdud rtsi'i thig pa 'dzag pa ni// go rims bzhin du bsam par bya// zla ba phyed dang zla ba gcig/ yang na zla ba bzhi 'am ni/ / zla ba brgyad du rab mchog bsgoms// dkyil 'khor bzang po bsgrub par bya// skyil krung gis ni nyer gnas te// dang po'i sbyor ba'i dbang phyug skyes// chos kyi dbyings ni mtha' dag tu/ / thams cad du ni yongs su gang // sangs rgyas gzugs brnyan bsgom par bya// chos dbyings mnyam dang mi mnyam pa// sangs rgyas kun gyi rjes skyob pa'i// ji snyed rig pa thams cad ni/ / lus dang ngag dang yid rnams kyis// phyag rgya de rnams bdag nyid mchog/ de rnams thams cad bdag nyid kyis// lus kyi 'khor lo la 'jug bsam// dung gi sgra ni gsal ba bsam/ / pad+ma'i khams la yang dag rten// pad+ma'i ge sar thig le las// sgra yi rang bzhin rdul phran rnams// mgrin par son nas sgra gyur te// de las kyang ni ji ltar gyur// slar yang lce ru son pa dang / / yi ge mchog tu dge ba'o// lce yi yi ge cher 'bar ba// gcig nas gcig tu rdo rje'i tshul// kun nas rab tu 'od gsal ba// rdo rje'i ngag ni dam pa'i don// sgra yis nam mkha' kun gang bar/ / sgrub pos mdo ru bsdus te bzla// de bzhin du ni snying khar sla// lce la 'od zer nges 'phros nas// mchu 'am solas rab bkra ba'i// gal te 'od zer mthong na ni//

  474. 238a

    grub par rnam par shes/ grub pa'i ngag ni dam pa'i don// yang na lnga ni gzhan pa yis// ngag gi sgrub thabs chen po mchog/ rang lde rdo rje'i rang bzhin bsam// bdag nyid rdo rje sems dpa'i rang / / 'bar ba'i sgron ma dang mtshungs pa// rang gi snying gi dbus kyi cha// yi ge mchog tu phra ba yis// a yi yi ge mnga' bdag mchog/ rnam par bkra ba nyi ma bzhin rang gi sde pa'i mthar thug mtshungs/ / yi ge yi ger yongs su gzhol// phra mo mnyam pa'i mthar thug ni// 'bar zhing thig le dang mtshungs shing // snying gi dkyil 'khor gsal byed pa/ de yi 'bar ba rab phra ba// ji srid dkan gyi bar du son// slar yang yi ge thams cad ni// yang dang yang du gsal byed cing // rdo rje 'bar ba stong phrag dang // yang dang yang du rnam par 'don// 'jig rten kun tu de song ste// chos dbyings mnyam dang mi mnyam pa// yi ge'i rang bzhin rnam bkra ba/ rang gis 'gro ba rnam byas te// slar yang 'ongs nas gnas su/ / 'jug pa ru ni yongs su brtag/ de nas sgra dang yi ge ni// lte bar song ste yongs su gnas// lte bar ru ni pad+ma mchog/ pad+mar rdo rje dri med mdzes// de yi steng du dung chen po/ rab tu 'phro ba nyid du gnas// de las 'bar ba'i rnam pa'i sgra// brang gi gnas nas yongs su byung // slar yang mgrin par song nas su// rdo rje lce la yang dag reg/ 'gram pa sbyar ba'i

  475. 238b

    dbus su ni/ / sangs rgyas gzugs brnyan dri ma med// kha ba ba zho ltar dkar 'od// bcud len bdud rtsi'i thigs pa 'dra// rdo rje lce ni mtha' dag rnams// yang dang yang du gas bar byed/ / ting nge 'dzin gyi rtsar son te// slar yang snying kha nyid du song // thig le las ni gug kyad gyur// kug kyang ri mo ring po can// cha shas rnam bzhi 'dus pa las// de ri yi ger rnam par shes/ / yi ge las ni sgra skye zhing // sgra las nA da de las dbyangs// dbyangs las ngag tu rnam par 'gyur// yi ge las ni cha shas tshogs// tshig rkang dang ri ngag tu 'gyur// tshig rkang las ni tshigs bcad dang // de bzhin du ni gA thA dang // 'phreng 'dzin rgyun tshogs de bzhin te// 'di ltar sngags dang rig sngags dang // rang gi snying por rab tu 'gyur// de nas bzlas pa'i rnal 'byor che/ / blo gros ldan pas brtan byas te// dgug dang gzhug dang bcing ba dang // dbang du byas te bsgrub par bya// bzlas pa 'di yi sbyor ba yis// thams cad du ni brtur par bya/ yid bzhin gyi ni ngag 'grub bo// rmad byung mchog tu rnyed dka' ba'o// yang dag lha ni gzhan pa yi// ngag 'grub thams cad skyo ba rnams kyi// yi ge gcig pa gsang chen po// ngag gi sgrub thabs mchog tu dge/ sangs rgyas kun gyi bdag nyid ni// legs par mnyam par gzhag pas bsgom// rang snying zla bar rdo rje che// 'bar ba'i 'phreng ba 'khrugs pa'i 'od// de las bstan

  476. 239a

    bcos thams cad ni/ / nges par gdor ba nyid du bya// ngag grub pa yi ye shes 'dis// thams cad mkhyen pa thob par byed// bstan bcos thams cad rab 'don cing / de nyid kyang ni 'chad par byed// sems can kun gyis thams cad du// dngos po cung zad gang bsams pa// de dag thams cad rnam shes te// skad cig tsam la smra bar byed// rdo rje snying po rgyun ces bya ba las/ ngag gi sgrub pa'i thabs rdzogs so// // de nas bcom ldan 'das rnams slar yang 'dus nas/ bcom ldan 'das de bzhin gshegs pa thams cad kyi thugs mchog gi dbang phyug la gsol ba btab pa/ bcom ldan 'das de bzhin gshegs pa thams kyi gsang sngags kyi mdzod kyi cho ga rgyas pa sgrub pa'i thabs bka' stsal du gsol/ de nas bcom ldan 'das chos thams cad kyi dbang phyug gis de dag gis gsol ba btab pa nye bar gsan nas de de bzhin no zhes bka' stsal nas/ de bzhin gshegs pa thams cad kyi gsang sngags kyi mdzod kyi sgrub pa'i thabs kyi rim par phye ba'i cho ga rgyas pa bka' stsal pa/ de nas yang dag bshad bya ba// 'khor lo sgyur ba'i sgrub pa'i thabs// 'khor lo rtsibs brgyad rnam par bri// yang na bcu drug rtsibs kyang bri// lte bar de bzhin gshegs pa dgod// 'khor lo'i 'phreng bas rnam par brgyan// mtha' ru rin chen rnam pa bdun// mkhas pa yis ni spel bar byed//

  477. 239b

    de yi lte bar bdag nyid ni// 'khor lo sgyur ba stobs po che// sangs rgyas kun gyi sku chen po// chos kyi dbyings dang mtshungs pa'i mchog/ de yi phyag rgya bgrang las 'das// skad cig ma ni nyid la/ 'thon// 'gro ba thams cad snang byas nas// sngags kyi dbang phyug nyid la gzhug/ 'khor lo'i dngos grub gza brjid che// 'khor lo sgyur bar bdag nyid 'gyur// chung dang tshe dang dpang phyug dang / / rang dbang 'dod dgur spyod pa dang // kun tu 'gro ba nyid dang ni// kun gyi dbang phyug phun tshogs 'bras// rga dang 'chi ba med thob cing // nges par 'khor lo sgyur dang mtshungs// ga ser gyi 'khor lo rin po che// de bzhin dngul dang shel nyid dang // me tog can gyi lcags kyang rung // rang gi lag gis bzung nas su// dbang chen dkyil 'khor dbus su ni// sangs rgyas tham cad bsgom par bya/ / 'khor lo sgyur ba gzi brjid che// mtshan rnams kyis ni rnam par brgyan// de ltar bdag nyid bsgoms nas ni// 'khor lo sgyur ba nyid du 'gyur// de la de'i sngags kyi tshig tu gyur pa ni/ oM sarba ta thA ga toSh+To Sh+Tha a ba lo ki ti/ mu NI tsakrA la rti dz+wa la dz+wA la d+hu na bi d+hu na tra sa ya mA ra ya/ uts+tshu Ta ya han b+hAny+dza pro khi ni kuN+Da la nI a ba rA dzi tAm+ma d+hA ri Ni/ hUM hUM phaT phaT swA hA/ ba'i sngags so// oM oM a paM rA dza~M ta d+hika swA hA/ snying po'o// ra maHsar+b+ba bud+d+hA nAM/ a pra ti ha ta shA sa nA nAn oM ba rA dzi ta d+hi ka swA hA/ mchog gi snying po'o// 'khor lo sgyur bar rab grub ste/

  478. 240a

    sangs rgyas nyid ni thob nas ni// ye shes tshe dang stobs dang shugs// yang na dbang phyug dam pa kun// dpa' bo thams cad ster byed ma// dngos grub gzhan smos ci dgos/ / 'khor lo sgyur ba'i sgrub pa'i thabs so// nyi ma'i dkyil 'khor bri bar bya// nam mkha' la ni yongs su sgom// gzi brjid phung po ye shes che// sangs rgyas thams cad thob par 'gyur/ / gnyis su meng 'byung sems kyi mchog/ dkyil 'khor mchog tu rmad byung ba// de ni me yir shes par bya// sangs rgyas byang chub rab sgrub byed// de yang 'khor lo 'dzin rgyal po/ / 'khor lo sgyur ba legs 'bar ba// de la de bzhin rin chen bdun// 'khor lo'i 'phreng bas rnam par brgyan// 'khor lo'i dkyil 'khor dbus gnas par// nyi ma re re'i bkra shis sgom// gzi brjid phung po sku chen po// sum cu rtsa gnyis mtshan 'chang ba// 'bar ba'i 'phreng 'khrugs dpa' bo ni// snang ba shar ba lta bur gnas// de yi phyag rgya rtag tu bsam/ / nam mkha'i rnam par legs par gnas// chos kyi dbyings kyi mtha' klas pa// 'od zer 'phreng bas rnam par khyab// de dang bdag nyid rdo rjer sgom// sangs rgyas byang chub rab sgrub byed/ / kun tu kun nas thams cad du// dngos po kun las 'byung bar 'gyur// ye shes tshe dang stobs dang shugs// kun tu 'gro ba nyid dang ni// sangs rgyas thams cad nyid dag dang //

  479. 240b

    rdo rje can kun nyid dang ni// gzi brjid mchog kun thob gyur nas// gzi brjid phung po 'dra bar 'gyur// de la sngags kyi tshig tu gyur pa ni/ oM ta thA ga toSh+NI Sha a na ba mo ki ti murti te/ dza ra si dz+wa la dz+wa la d+ha ka d+ha ka/ d+ha ra d+ha ra/ bi b+ha bi b+ha/ hUM hUM phaT phaT swA hA/ rtsa ba'i sngags so// oM te dzo rA si swA hA/ snying po'o// oM dza la te dzo rA si hUM phaT swA hA/ nye ba'i snying po'o// dag pa'i gsang sngags 'di rnams kyis/ / nyi ma'i ye shes rab tu gsal// kun tu 'gro ba'i 'grub par bya// rig pa 'dzin pa nyid thob 'gyur// gzi brjid phung po gsang sngags kyi sgrub pa'i thabs so// / kun nas snang ba zhes bya mchog/ yi ge gsum pa stobs po che// gser gyi kha dog legs 'bar zhing // gtsug tor steng na 'od gsal ba// sngags pa rang bdag gis bsgom bya/ kun nas snang ba lta bur 'gyur// oM AHhUM/ gsang sngags rtse mo dam pa 'di// bsgoms pa tsam gyis thams cad du// brtan pa dang ni g.yo ba yi// 'gro kun kun nas snang bar 'gyur/ / kun nas snang ba'i gtsug tor gyi sgrub pa'i thabs so// chos kyi 'khor lo phyag rgya che// legs par mnyam par bzhag pas bsgom// sangs rgyas kun nyid kun kyi mchog/ chos kyi 'khor lo rab skor byed// 'khor lo 'di ni rtsibs bcu gnyis// rnam pa bcu gnyis yongs su gnas// rnam gsum gsum ni yongs bskor ba// bya ba'i don du dag pa

  480. 241a

    / sangs rgyas rang bzhin sku chen po// nam mkha'i khrugs na gnas pa ste// chos kyi dbyings ni khyab pa ni// legs par mnyam par bzhag pas bsgom/ 'gro ba brtan dang g.yo ba ni// 'di kun rten cing 'brel 'byung ba// 'di ni chos kyi phyag rgya che// sangs rgyas byang chub rab sgrub byed// de yi sngags su gyur pa ni// oM d+hu na pA ta ya ts+tsha kre Na/ badz+ra Ni hUM/ gsang sngags 'di ni dpal ldan mchog/ chos kyi 'khor lo gnyis med 'char// skad cig tsam gyis thams cad du// dam pa'i chos ni stobs ldan byed// chos kyi 'khor lo sgrub pa'i thabs so/ / / chos kyi 'khor lo'i rnam pa 'dra// sangs rgyas sku gzugs legs 'bar ba// rnal 'byor sbyor ba'i mchog bsgrubs na// nyon mongs rdo rje 'dra bar 'gyur/ / snying nas rdo rje gzugs brnyan 'dra// 'bar ba'i 'phreng ba 'khrugs pa'i 'od// de yi snying la rdo rje me// dri ma med pa skye bar 'gyur// nyon mongs rtag rgyu yongs zad kyi// dgra rnams kun las rgyal bar byed// bden pa bzhi ni rtogs pas na// bden pa'i ye shes thob par 'gyur// sngags ni/ oM kI sha a~M sha ni hU~M phaT/ 'di ni nyon mongs rdo rje'i sngags/ drag cing drag po'i gzhan gnon pos// sangs rgyas nyid kyang ster byed na// dngos grub gzhan lta smos ci dgos// nyon mongs rdo rje sgrub pa'i thabs so// / dbang chen dkyil

  481. 241b

    'khor la gnas pa'i/ / sangs rgyas rang bzhin stobs po n+de// bdud bzhi las ni rnam rgyal ba// legs par mnyam par gzhag pas bsgom// bden pa bzhi yi khA tshung me// lus dang ngag dang de bzhin yid/ / khu tshur sangs rgyas thams cad kyis// gnyis med skye ba'i mtshan nyid do// rdo rje'i dbus su bsgom par bya// rang nyid sangs rgyas yin no zhes// brtan dang g.yo ba'i 'gro ba ni/ / 'di dag thams cad ma skyes par/ rdo rje khu tshur bsgoms nas ni// rdo rje khu tshur 'dra bar 'gyur// de la sngags su gyur pa ni// oM bi dza ye daH/ de bzhin gshegs pa'i khu tshur che/ / shes rab pha rol phyin gsal ba// sngags pas rtag tu bsgoms na ni// shes rab pha rol phyin pa 'thob// de bzhin gshegs pa thams cad kyi khu tshur gyi sgrub pa'i thabs so/ / / dngos grub las byung 'od gsal ba// gdod nas zhi zhing mtshan nyid med// sangs rgyas rang bzhin sku chen po// dkyil 'khor chen po'i dbus su'o// rdo rje rdo rje'i bdag nyid sgom// 'bar ba lta bu'i gzi brjid kyis// 'di yis 'jig rten thams cad kyi/ 'khor lo sgyur ba nyid du ni// 'jig rten kun gyi thams cad du// kun nas phun sum tshogs pa kun/ / bkug nas gus pas sbyin par bya// sngags ni/ oM dz+wa la dz+wA la dI pya dI pya ud ga toSh+NI Sha d+hu ra d+hA na hU~M/ snying 'gro'i gtsug tor zhes bya bar// sangs rgyas dpa' bo kun gyis

  482. 242a

    gsungs/ / 'di ni bsgrubs pa tsam gyis ni// sangs rgyas nyid kyang rnyed dka' min// de bzhin gshegs pa thams cad kyi gtsug tor gyi sgrub pa'i thabs so// sangs rgyas rang bzhin phyag rgya che// legs par mnyam par bzhag pas bsgom// tshang skyob gdugs dkar chen po ni// chos dbyings mnyam dang mi mnyam pa// zla ba'i dkyil 'khor dbus gnas par// zla ba'i kha dog cher 'bar zhing // chu yi dkyil 'khor rnam dag pa// dri med puN+Da ri kar gnas// ri mo bdun gyis yongs su gang // bcud lenar lta bur bsgom par bya/ / dngos grub 'di yi sbyor ba yis// sems can rnams la thams cad du// re ba thams cad yongs rdzogs pa// 'di ni gtsug tor gdugs dkar che// sngags ni/ oM ma ma ma ma hUM ni/ 'di ni bsgrubs pa tsam gyis ni// ye shes tshe dang stobs mgyogs 'gro// dpa' bo thams cad thob 'gyur zhing // sangs rgyas nyid kyang rnyed dka' min// gdug dkar po yi sgrub thabs so/ / / zla ba'i dkyil 'khor la gnas par// 'bar ba'i 'phreng 'khrugs ral gri ni// sngags pas snying khar bsgom par bya// rang gi bdag nyid sangs rgyas zhes/ / sangs rgyas rang bzhin sprin chen pos// nam mkha'i mthongs rnams yongs gang ba// bdag nyid gnyis med ngo bo yis// rnal 'byor gcig tu bsgom par bya// sngags kyi yi ge

  483. 242b

    'khor lo che/ / 'bar ba'i 'phreng ba 'khrugs pa'i 'od// sngags pas snying khar bsgom par bya// rgyal ba dam pa nyid du 'gyur// sngags ni/ oM dz+wa la dzA loSh+NI Sha dz+wa la dzA ma ban+d+ha bad+d+ha da ma dam chu ma dru ma da ha da ha na hUM/ rgyal ba'i gtsug tor ral gri che// shes rab ye shes dri ma med// sngags pas kun nas bsgoms nas ni// rgyal ba'i gtsug tor 'dri bar 'gyur// rgyal ba'i gtsug tor gyi sgrub pa'i thabs so/ / / sangs rgyas kun gyi rang bzhin sku// 'bar ba'i 'phreng ba 'khrugs pa'i 'od// seng ge'i khri yi steng du bsam// yang na rdo rje'i gdan la gan/ kun tu gtsug tor cher 'bar ba// snying khar yongs su bsgom par bya// sangs rgyas kun gyi bdag nyid ni// yi ge dam pa yi ni gnas// thog ma tha ma med zhi ba// chos kyi sgra ni mchog tu che// 'di ni bsgrubs pa tsam gyis ni// kun tu gtsug tor bstobs po che// skad cig de la 'grub 'gyur te// rdo rje sangs rgyas kun gyi bka' bzhin no// sngags ni/ oM badz+ra ban d+ha hUM/ gsang sngags 'di ni dam pa gtso/ / sangs rgyas thams cad dbang bskur byed// rtag tu rnal 'byor pas bsgoms na// de ni kun gyis dbang bskur ro// rdo rje snying po rgyan ces bya ba'i rgyud chen po las de bzhin gshegs pa thams cad gtsug tor gyi cho ga rgyas pa'i rim par phye ba yongs su rdzogs so/ / / de nas bcom ldan 'das de bzhin gshegs pa rnams slar yang 'dus

  484. 243a

    par gyur te/ bcom ldan 'ad rdo rje rnal 'byor gyi dbang phyug la gsol ba btab pa/ bcom ldan 'das byang chub sems dpa' rnams kyi gsang sngags kyi sgrub pa rgyas pa bka' stsal du gsol/ de nas bcom ldan 'das rdo rje rnal 'byor dbang phyug chen pos de dag gis gsol ba btab pa'i tshig gsan nas/ de bzhin gshegs pa thams cad du bdag nyid byin gyis brlabs nas/ byang chub sems dpa' thams cad kyi gsang sngags kyi rim par phye ba bka' stsal pa/ shes rab ye shes rdo rje che// snying khar yongs su bsgoms nas su// ral gri 'bar ba gzi brjid che// mtha' klas pa la rnam par gnas// 'jam dbyangs zhes bya bsgom par bya// gur kum gyi ni rnam pa 'dra// gtsug na zur pud lnga ldan pa// gzhon nu byis pa'i gzugs can ni/ / mtha' yas rgyas pa'i rlabs che ba// rnam par 'phro ba lta bur gnas// ut+pal sngon po phyag na bsnams// dpa' chen dang ni me las 'khrungs// ye shes chen po gzi brjid che/ / 'khrul pa med cing yi ge bral// sangs rgyas kun bdag shes rab mchog/ nyon mongs thams cad zad par byed// rdo rje kun bdag bkod pa po// kun tu 'gro ba'i dam pa'i don/ / dbyer med mchog tu gsang ba po// rig pa mchog gi bdag nyid 'di// zhal drug pa la phyag drug mchog/ mngon shes drug ldan yi ge drug/ rjes dran drug gi sbyor ba yis//

  485. 243b

    phyag rgya dam pa stobs po che// gzi brjid yang na stobs kyis kyang // kun nas yongs su gsal ba po// gzugs che lus kyang che ba ste// nam mkha'i khams na rnam par gnas// yang na phyag gnyis shes par bya/ / ting nge 'dzin gnas sdig pa bcom// dpa' bo pad+ma la gnas pa// zla ba'i mdog can 'od po che// rnal 'byor pa yi ye shes phra// shes rab pha rol phyin par ba/ gdod nas ma skyes pa zhes bsam// sangs rgyas byang chub rab gsol byed// sangs rgyas rnams kyi ye shes mchog/ 'jam pa'i dbyangs zhes rab tu grags// de'i sngags ni/ oM bA kye daM na maH/ gsang sngags 'di ni mchog tu gsang // gsang chen gyi ni dam par bzhed// rnam thar gsum gyi sgo mar gnas// pha rol phyin drug rab tu gsal// rang nyid shes rab yin no zhes/ / sngags pas rtag tu bsgom par bya// dbang po drug ni rab bsgyur te// sangs rgyas nyid ni rnal 'byor las// pad+ma rA ga lta bu'i mdog/ ston zla lta bur cher gsal ba// sems dpa' chen po gser gyi mdog/ stobs po che ni bsgom par bya// 'di ni bsgrubs pa tsam gyis ni// shes rab dri ma med par 'gyur// bstan bcos thams cad rab smra zhing // dbang phyug thams cad mdun na gnas/ / rig pa 'dzin pa thams cad dang // byang chub kun gyi pha rol son// dbang phyug kun dang bde ba che// chos rnams kun gyi yon tan mchog/ rdo rje 'dzin

  486. 244a

    pa thams cad dang / / yang na sangs rgyas thams cad kyi// kun tu 'gro ba thob 'grub na// dngos grub gzhan lta smos ci dgos// dngul chu bcud len de nyid dang // rkang pas spyod pa de nyid mchog/ ril bu dang ni mi snang ba// thams cad du ni ster bar 'gyur// dpal ldan 'jam pa'i mchog 'di ni// chos kyi dung gi mchog las 'khrungs// sangs rgyas rnams kyi tshangs pa'i dbyangs/ / 'jam pa'i dbyangs zhes rab tu grags// 'di ni bsgrubs pa tsam gyis ni// bsams pa'i phun sum tshogs kun gyis// sangs rgyas kun tu brtan 'gro na/ / gzhan pa'i lha lta smos ci dgos// 'jam pa'i dbyangs kyi sgrub pa'i thabs so// // snying khar pad+ma chen po la// zla ba'i dkyil 'khor yongs su gnas// 'jig rten dbang phyug dpa' bo che/ / thugs rje chen po'i thugs ldan pa// phyag bzhi pa la zhal bzhi pa// dung dang kun da zla ltar dkar// chos kyi dbyings las yang dag byung // chu yi dkyil 'khor chen po la bdag nyid 'jig rten dbang phyug lces/ / de la gnas pa dge bsgom// rang bzhin gyis ni 'di kun dag/ gdod nas ma skyes ma byung ba// gsang sngags chen po 'di yis ni// snying bar yongs su bsgom par bya/ / 'jig rten dbang phyug 'khor lo che// kun tu rnam par 'gro ba yis// 'bar ba'i 'phreng bas 'khrigs shing zhi// ral pa'i thor tsugs 'dzin pa po// ral pa'i

  487. 244b

    dbus su dpa' bo che/ / 'od dpag med pa ldan pa'i bdag/ ston ka'i zla ba lta bur gsal// kun tu nam mkha' yongs gang ba// gsang sngags sbyor bdag bsgom par bya// rang nyid 'jig rten gsum rnam rgyal/ / chos kyi dbyings kyis mtha' klas pa// pad+ma'i lus kyis yang dag gang // kun tu pad+ma rnams la ni// khams gsum rnam par rgyal ba'i sku// khyad par du dag dgang bar bya/ / 'gro ba brten dang g.yo ba kun// snang dang mi snang dngos po ni// yang dang yang du blta bar bya// gdul bya ma lus sems la ni// stobs po ches ni dgang bar bya// rtsa don dbyibs ni 'di bzhin du/ / sna tshogs gzugs la cher 'bar ba// kun nas yongs su bsdus nas ni// sngags pa'i bdun du gzhag par bya// de nas sngags pas de ma thag/ slar yang rtse gcig sems kyis ni/ / dgug dang gzhug dang bcing ba dang // dbang du bya ba bsgrub par bya// 'jig rten dbang phyug thub chen po// bcom ldan rnal 'byor can 'grub na// dpa' bo thams cad sgrol 'gyur zhing / / rang gi dngos grub mchog rnams dang // rnal 'byor thams cad 'dzin nyid dang // rnam par rgyas pa'i nor ster 'gyur// rig pa 'dzin dang 'khor lo can// sa dang rol phyin sogs dang / / sangs rgyas rnams kyang stsol 'gyur na// dngos grub gzhan lta smos ci dgos// de'i sngags ni/ oM A ro li ka/ gsang sngags dpal ldan mchog 'di ni// rang nyid

  488. 245a

    khams gsum rnam par rgyal/ / longs spyod thams cad bkug nas ni// skad cig tsam gyis rnam par skyer// pad+ma'i sgrub pa'i sbyor ba yis// bdag nyid 'jig rten dbang phyug sgrub/ / 'jig rten gsum gyis rgyal rnams ni// srid pa bkug nas rnam par sbyar// 'jig rten dbang phyug gi sgrub pa'i thabs so// / thams cad rdo rje'i rang bzhin gzugs/ / me yi dkyil 'khor dge ba ste// de yi dbus su bya ba ni// dkyil 'khor rlung dang rab mtshungs pa// de yi dbus su de 'dra bsam// nyi ma yi ni dkyil 'khor ro// de yi dbus su gzi brjid che/ / 'bar ba lta bu'i gzi brjid can// rdo rje'i lag pa gzi brjid che// rgyan rnams kun gyis rnam par brgyan// tshangs pa'i yulas thams cad du// kun nas yongs su gsal bar byed/ / hUM gi yi ge sgra zab mo// dbyar gyi sprin dang mtshungs pa'i 'od// rgyal po 'khyil ba dang mtshungs pa// zar ma yi ni me tog 'dra// 'bar ba dmar pos 'khrigs shing 'jigs/ / bskal pa'i me dang 'dra bar gnas// zhal bzhi pa las mche ba bzhi// 'jigs pa'i dus kyis thal ba 'dra// hUM gi yi ge bzhi dang ldan// sprin 'khrugs pa dang rab tu 'dra/ / rdo rje hUM mdzad ces bya ba// rnal 'byor pas ni rtag tu bsgom// sngags kyi tshigs ni/ oM sum+b+ha ni sum+b+ha hUM/ grih+Na gr-ih+Na hUM/ gr-ih+NA pa ya gr-ih+NA pa ye hUM/ A na ya ho b+ha ga wAn/ 'ang+ga

  489. 245b

    rAdzA hUM phaT/ rdo rje 'dzin pa'i rgyal po 'di// kun mchog srid pa'i dbang phyug gis// 'jig rten gsum yang 'gugs byed na// bud med gzhan lta smos ci dgos// tshangs pa khyab 'jug dbang chen sogs/ / chung ma dang bcas phyag rgyar bcas// de dag thamasas cad 'gugs byed na// sdug bsngal can gzhan smos ci dgos// nyi ma'i dkyil 'khor dbus gnas par// rdo rje'i gzugs brnyan snying khar son/ / dbang po gnyis ni mnyam sbyor bas// rdo rje can gyi sngon du sgrub// bsam pa thams cad rdzogs byed pa/ bcom ldan rdo rje can 'grub 'gyur// rgyal po thams cad sbyin 'gyur na/ / dngos grub gzhan lta smos ci dgos// sngags ni 'dir/ oM Tak+ki hUM dzaH/ gsang sngags 'di yi sbyor ba yis// dam pa'i don du bsgrub par bya// longs spyod ji snyed thams cad rnams/ / de snyed thams cad rnam par ster// rdo rje 'dzin pa sgrub pa'o// // dbang chen dkyil 'khor la gnas pa'i/ byams pa chen po'i bdag nyid sku// snying khar bzla zhing gzugs brnyan 'od/ / rdo rje 'bar ba'i 'phreng ba ldan// 'jig rten khams ni 'byam klas pa// rang bzhin gcig tu byas nas ni// rdo rje yis ni spro ba dang // dbang bskur ba yi rang bzhin dge/ gser gyi kha dog legs 'bar ba// ral pa'i thor tsugs 'dzin pa po// ral pa'i dbus su mchod rten che// dung dang kund zla 'od bzang // bsgoms nas sems can thams

  490. 246a

    cad la/ / brtan pa'i don du dbang bskur bya// yang na sems can thams cad la// bu gcig lta bur rnam par spro// bsgom pa'i sbyor bas bsgoms na ni// gnyis med ma rgyal ba las rgyal/ / spro ba dang ni bsdu ba dang // gnas sogs dbye bas rnam par dbye// byams pas kun tu rnam par spro// chos dbyings mnyam dang mi mnyam pa// thams cad bdag dang bdag gi bar/ / shin tu dri ma med par gnas// ri rab lta bur brtan pa'i sems// 'khrul pa med cing yi ge bral// de ltar sems ni brtan byas nas// mnyam med sems can kun dang mnyam/ / bdag nyid byams pa yin no zhes// dga' ldan gnas pa'i tshul 'dzin pa// cung zad la zhing 'khyil ba'i sgra// pad+ma rA ga mtshungs pa'i 'od// rin chen sems ni rnam dag pas/ bdag nyid kyis ni bsgom par bya// 'di'i gsang sngags rang bzhin gyis grub pa ni/ oM a dzi tany+dza ya sarba satwa sa ma yA nu ga ta swA hA/ gsang sngags bdag nyid rgyal po 'di/ byams pa zhes ni grags pa ste// chos kyi dbyings dang mtshungs par khyab// byams pa'i thugs ni yid du 'ong // dang po'i sbyor ba'i rnal 'byor gyis// sgrub pa'i thabs mchog bsgom par bya/ oM me tra ya tri/ 'di ni bsgrubs pa tsam gyis kyang // dga' ldan du ni gnas par 'gyur// sgrib pa kun dang bral ba'i bdag/ rang nyid lha yi bu dang mtshungs// byams pa'i sbyor bas bsgoms nim

  491. 246b

    'di ni byams pa lta bur 'gyur/ / byams pa'i sangs rgyas zhing du ni// rang bzhin gyis ni skye bar 'gyur// de mdun chos ni legs mnyan nas// sa dang pha rol phyin pa dang // dbang dang ting 'dzin thob nas ni/ / de ni byang chub sems dpar 'gyur// mthar yang sangs rgyas thams cad ni// byams pa'i yid kyis thob par 'gyur// byams pa'i sgrub pa'i thabs so// rang gi lus ni thams cad ni/ / nam mkha' mtshungs pa nyid du sgom// chos bdag med pas bskyed nas kyang // rang nyid nam mkha'i snying porar gyur// gsang sngags 'di mi sbyor ba yis// mkha' mtshungs dpe las rnam par 'das/ / nam mkha'i 'od zer gyur pa yis// rang gi sems can sems la spro// kun gyi sems las spros nas ni// slar yang rim gyis bsdu bar bya// nam mkhar sa many+dzu rA blta/ / rang gi de nyid kyis sbyar bya// rin chen dkyil 'khor dbus gnas par// rin chen kha dog 'od po che// rgyan rnams kun gyis lus brgyan pa// lag na rin chen stobs po che/ rin chen sbyor bas bsgoms pa yis// nam mkha'i dam pa 'grub pa yin// oM A kA sha gar+b+ha ya swA hA/ nam mkha'i snying po stobs po che// bcom ldan rnal 'byor 'grub par 'gyur/ / rang gi dngos grub thams cad ni// ster bar 'gyur te dpyad mi dgos// dpa' bo sangs rgyas thams cad kyis// dngos grub ji snyed bka' stsal pa// nam mkha'i snying po bsgrubs

  492. 247a

    pa yis/ / de dag thams cad myur du ster// nam mkha' snying po sgrub pa'i thabs so// // sangs rgyas kun gyi rang bzhin sku// rgyan rnams kun gyis brgyan pa yi/ kun tu bzang po'i 'od bzang ba// zla ba'i dkyil 'khor dbus su ni// sngags pas rtag tu bsgom par bya// dngos grub mchog ni thob par 'gyur// rang gi lus ni ji snyed pa'i rang gi phra rab rdul rnams kyis/ / de dag thams cad mtshungs par bya// sangs rgyas sku yi sku nyid du// yang na ba spu'i khung rnams su// rang gi 'khor los yongs bskor nas/ sangs rgyas kun dang mtshungs byas te// bdag ni kun tu bzang po zhes// yi ge lnga pa zhes su bshad// 'di yi sngags chen bzla bar bya// yang na 'dir ni lha gzhan gyis// rtag tu sngags su gyur pa'o/ / oM saM hrIHkA ya swA hA/ gsang sngags rgyal po che gsang zhing // gdod nas dag cing rang byung ba// grub pas gsang sngags 'di yis ni// de yi shes rab dri med cing // gzugs mdzes pa ni de dang mtshungs/ / bstan bcos thams cad rab smra ba// kun bzang mchog tu bdag 'gyur ro// kun tu bzang po'i sgrub pa'i thabs so// // zla ba'i dkyil 'khor dbus gnas par/ / rgyan rnams kun gyis brgyan pa yi// sgrib pa thams cad rnam sel ba// dam pa'i don du bsgom par bya// gsang sngags 'di yi sbyor ba dang // bcud kyis len gyis

  493. 247b

    bde blag tu/ / ring po nyid du mi thogs par// sgrib pa rnam sel mtshungs par 'gyur// oM sarba ni wa ra Na biSh+Ta ma b+hi swAhA/ oM ni sa ra ya swA hA/ gtso bo gsang sngags 'di 'dzin la/ rnam par sel bar grags pa ste// thams cad sgom pa'i sbyor ba yis// phyag rgya kun gyi thams cad du// gdod nas skye med rang bzhin gyis// gdod nas dag cing 'gyur ba med// de ltar chos 'di shes nas ni/ / lha nyid dang ni mnyam byas nas// rnyog pa med cing zag med pa'i// rjes su rnal 'byor gyis bsgrub bya// ut+pal sngon po'i 'dab ma ltar// gsal ba'i rnam par gnas pa'o/ / me yis yongs su bskor ba yis// phyag rgya ral gri gzi brjid che// yang nas yang du sems byed cing // dngos grub 'di ni gzi brjid che// rnam sel mchog gi dbang phyug ni/ mtha' las 'das pa'i dngos grub mchog/ thams cad nas ni stsol ba nyid// rnam par sel ba bsgrub pa'i thabs so// / dbang chen dkyil 'khor stang du ni// rdo rje yin dbus na bzhugs/ / gser gyi mdog can sku chen po// 'bar ba lta bu'i gzi brjid can// snying khar dri yi phyag rgya gnas// mkha' snying zhes byar bdag nyid bsgom// rang gi lhag pa'i lhar sbyor ba/ rang gi gsang sngags brjod par bya// mkha' snying zhes byar bdag bsgoms nas// sngags kyi yi ge mchog bde 'di// oM k+Shi ha rA dzaHswA hA/ bsam yas sngags mchog 'di yis mi//

  494. 248a

    dngos grub thams cad rab gsal mdzad// sa yi snying po zhes grags pa// dam pa'i don du rnal 'byor pas// sa'i snying po'i sgrub pa'i thabs so// zad pa med cing 'khrul pa med// zad med mchog gi shes rab can// zla ba'i dkyil 'khor dbus su ni// shes rab rdo rje'i bdag nyid dge/ blo gros mi zad rnyed dka' ba// 'bad pa yis ni bsgom par bya/ / me yi dkyil 'khor dbus su ni// gser gyi mdog dang ldan pa'i gzugs// rgyal po chen po zla ba'i 'od// 'od kyi dkyil 'khor rab tu gsal// sngags ni/ oM ak+Sha ya ma ti swA hA/ sngags kyi yi ge gsang ba 'di// thams cad blo gros gsal bar byed// ye shes mi zad 'dod pa yis// 'bad pa yis ni bsgrub bya ste// dngos grub kun gyi mchog ces bya// shes rab ye shes dri med mdzes// sangs rgyas nyid kyang thob 'gyur na// dngos grub gzhan lta smos ci dgos// blo gros mi zad pa'i sgrub thabs so// // kun nas shes rab chen po cam// zla ba'i dkyil 'khor la brten par// gser gyi kha dog gzi brjid che// rgyan rnams thams cad kyis brgyan pa'i// gzhon nu'i gzugs can rtag tu bsam// re ba thams cad rdzogs par mdzad// rang gi lhag pa'i lhar sbyor ba// nam mkha'i bdag po bdag yin zhes// lus ngag yid kyis thams cad du// thams cad rig pas brtan par bya// shin tu dri med byang chub sems// rang snying

  495. 248b

    me long lta bur bsam/ / de nas yi ge'i tshig bkod de// mkha' mdzod bdag ces bdag nyid kyis// bsgoms nas rdo rje rdo rje'i bdag/ mkha' la rin chen 'byung gnas dang // yid bzhin nor bu dpag bsam shing / / de bzhin bum pa bzang po sogs// 'jig rten kun gyi dbang phyug gis// nye bar mkho ba thams cad 'bab// 'jig rten kun gyi rdzas thams cad// ji snyed yod pa de dag kun/ / 'dir ni skad cig tsam nyid la// dngos grub dam pa stsol bar 'gyur// oM ga ga na gany+dza gaM swA hA/ nam mkha' mdzod kyi dngos grub che// nor gyi rgyun ni rab 'bebs pa// nam mkha'i mdzod ni stobs po che/ / skad cig ma la byed par 'gyur// nam mkha' mdzad kyi sgrub pa'i thabs so// / rin chen dkyil 'khor las byung ba// rin chen phung po char rab 'bebs// rin chen gzi brjid mchog tu rol// lag na rin chen de bsgrub bya// lag na rin chen phyag brkyang ba// zla ba'i dkyil 'khor dbus gnas par// rdo rje sbyor bas bsgom par bya// bdag nyid rin chen zhes bya/ / rin chen thams cad stsol bar mdzod// thams cad rdo rje bzhin bdag nyid// pri yang ku mdog sngo bsangs 'od// dbang chen dang ni ma las byung // phyag na rin chen cher gsal ba/ / rab tu 'bang de bsgom par bya// oM rat+na pA Ni ra muHswA hA/ gsang sngags 'di ni brtson 'grus che// rab tu 'bang de bsgrubs nas ni// 'gro ba kun gyi lag tu ni// rin chen thams

  496. 249a

    cad rabacos byed/ / lag na rin po che sgrub pa'i thabs so// chos kyi dbyings dang mtshungs pa'i sems// bdud rtsi'i chu mis rab gang ba// stong gsum nas ni bsam par bya/ / pad+ma gcig gi steng na gnas// de yi steng du gzi brjid che// chu lha yi ni gzugs kyi mchog/ de steng du yang gsang chen po// me yi dkyil 'khor dam pa yin// de yi steng du brtson 'grus che/ / rtse mo brgya pa'i rdo rje byung // de yi steng du pad chen po// 'dab ma brgyad pa 'od gsal ba// de steng rtag tu bsam pa ni// byang chub sems dpa' stobs po che// rgya mtsho'i blo gros zhes grags pa/ / 'bar ba'i 'phreng ba 'khrigs pa'i 'od// dung dang kun da zla ba'i mdog/ rgyan rnams kun gyis rnam par brgyan// de yi lag na phyag rgya che// rdo rje steng du rab tu grags// / rang gi lhag pa'i lha sbyor bas// rang nyid rdo rje yin no zhes// rgya mtsho'i blo gros shes rab che// slar yang gsang sngags bzla bar bya// sngags ni/ oM sA ga ra ma ti sa ra swA hA/ sngags 'di mchog dang gtso bo ste/ / shes rab ye shes dri med mdzes// rdo rje'i sbyor bas myangs nas ni// shes rab rgya mtsho'i blo gros mtshungs// rang nyid sangs rgyas 'jam pa'i dbyangs// thub rten 'jig rten dbang phyag rgya la/ / dngos grub gzhan lta smos ci dgos// rgya mtsho'i blo gros kyi sgrub pa'i thabs so// / dbang chen dkyil 'khor la gnas pa'i// ut+pal sngon po 'dab 'dra'i 'od//

  497. 249b

    rdo rje snying po brtson 'grus che// zla ba'i dkyil 'khor dbus su ni// ji snye sa stengs mtha' dag tu// khyab la sdug cing mtho ba yi// sra zhing snying po rnams dag pa'i// mchog gi yi ge 'gyur med pa/ / sa bcu'i dbang phyug mgon po ni// chos kyi sprin la spyod mdzad pa// bsam yas sa ni yang dag brnyes// in+d+ra nI la mtshungs pa'i 'od// de yi sngags gyur mdzes pa ni// yi ge mchog ni steng du 'bar/ / thugs kyi rdo rje cher gsal ba// rang nyid rnam par 'phro ba bzhin// sngags ni/ oM badz+ra gar+b+ha hUM/ 'di ni sngags mchog gtso bo ste// sangs rgyas byang chub rab sgrub byed/ / ye shes yangs pa stsol mdzad cing // rnam pa kun tu phun tshogs kun// sangs rgyas nyid kyang stsol mdzad na// dngos grub gzhan lta smos ci dgos// dgug dang gzhug dang bcing ba dang / / dbang du bya ba sgrub par byed// bdag nyid rdo rje yin no zhes// nga rgyal rab tu bskyed nas ni// rdo rje snying po bzhin du gzham// bdag gi rnal 'byor bsgom par bya// thugs kyi rdo rje nyid gyur nas/ / chos kyi dbyings dang mnyam pa thob// des na rnam pa thams cad kyi// rdo rje snying pos yang dag byung // rdo rje snying po mkha' dziH// sbyin pa byed pa de yis bsgrub// rdo rje po sgrub pa'i thabs so/ / / dbang chen me las yang dag blang // nor bur rin can 'dra ba'i 'ong // zla ba'i dkyil mthor gnas pa mo/ nyi ma'i dkyil 'khor mtshungs pa'i sa

  498. 250a

    rin chen 'byung ba sems chen po/ / 'gro ba snang bar byed de gnas// pad+ma mkha' 'dra'i rnam pa can// phyag rgya de yi snying khar gnas// rin chen skyo bas bsgom par bya/ / rin chen char pa 'bab par 'gyur// sngags ni// oM rat+na ka rahU~M rat+na na da da swA hA/ rin chen 'byung gnas rgyal po 'di// mchog rnams kyi ni sa yi phyug/ sbyor ba kun gyis bsgrub par bya/ / rgya che'i nor rnams stsol bar 'gyur// rin chen 'byung ba'i sgrub pa'i thabs so// de bzhin gshegs pa thams cad kyi rdo rje snying po rgyan gyi rgyud las/ sangs rgyas dang byang chub sems dpa' thams cad kyi sgrub pa'i thabs so/ / // de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das thog ma dang tha ma med pa dam pa'i chos kyi 'khor lo bskor ba'i gsol ba btab pa/ de bzhin gshegs pa thams cad kyis khro bo bcom ldan 'das skyed du gsol// de nas bcom ldan 'das khro bo 'khor lo sgyur ba chen pos de skad ces gsol ba btab ma thag kho nar rdo rje khro bo'i dkyil 'khor gsang ba las ches gsang ba bka' stsal pa/ de nas yang dag bshad bya ba// khro bo yi ni dkyil 'khor mchog/ rlung khams rab tu gsal ba la/ me ni dbus nas dbus su'o// de yi dbus su rdo rje che// 'od zer lnga yi 'phreng bas mdzes// de yi mdun du bya ba yang // bdud rtsi rabar ba chen po yi// de yi g.yas kyi gdan la ni// rdo rje chen po

  499. 250b

    'bar 'phreng can/ / g.yon nyid du ni be con can// rig pa'i 'phreng bas rnam par spras// rgyab tu ral gri'i phyag rgya ni// rin chen 'bar bas rnam par brgyan/ phyi ngos rnams su rnam khros pa'i khro bo thams cad dgod par bya/ / de yi sngags kyi yi ge gsang // gsang chen mchog tu 'bar ba'o// gzhal du med cing grangs med mchog/ chos dbyings mnyam dang mi mnyam pa// yi ge gcig pa gsang chen po/ / rgyu yi don du rtogs par byed// dbyangs lnga dang ni yang dag ldan// thig le sgra yis rnam par brgyan// de nyid gsang ba'i mgon po ni// dbyangs bdun pa ni bshad pa yin/ / he ru ka dpal rdo rje che// 'jigs pa'i bskal pa can thal bas// sems dpa' sngon po 'bar ba'i bdag/ 'bar ba me yi dkyil 'khor bzhin// 'jigs pa chen po'i dus mtshan gyis/ / char sprin dang ni 'dra ba'i 'od// pad+ma rA ga'i rnam pa 'dra// 'bar ba kun gyis rnam par brgyan// dur khrod me bzhin shin tu yang // gsal ba'i sgra ldan stobs po che// rno ba'i rdo rje 'bar ba/ / thod pa'i cod pan steng du 'bar// 'jigs pa chen po'i dus mtshan gyis// rgod ma kha yi me lhar gnas// smin 'khyog rnam par 'khrug pa can// g.yas brkyang ba yi zhabs kyis bzhugs/ / khro bo la sogs nyams dang ldan// rnam pa sna tshogs 'khrugs pa'i gdong // gar dang sdud par yang dag ldan// 'jig rten snang ba'i gar mdzad pa// phyag ni brgya phrag stong dang ldam/

  500. 251a

    gcig tu gyur cing rnam pa mang // rnam mngazhal ldan de dag gi/ sngo ser la sogs tha dad ldan// zhabs kyang rnam pa dum ldan// sna tshogs mdog ldan rnam par 'khrug de nyid bcom ldan rnal 'byor te/ / khro bo'i rgyal po stobs po che// shin tu gdug cing drag rnams la// sgyu 'phrul dra ba zhes byar gnas// phyag drug zhabs drug snang ba can// zhal drug pa ste gsus po che/ / char sprin mdog 'dra cher gnag pa// dus mtha'i me dang 'dra bar gnas// mdog chen rgyal po 'khyil ba 'dra// zur ma yi ni me tog mtshungs// khro bo thod pa'i 'phreng ba 'chang / / gshin rje mthar mdzad stobs po che// de la sngags kyang / oM AHhUM phaT/ oM ya ma ma tha na hUM phaT/ oM hrIHSh+TIHbi kr-i tA na na hUM sarba sha dz+nyA na nA sha ya stam+b+ha ya hUM phaT/ sngags kyi rgyal po'i bdag nyid 'di/ / khyab bdag gdul dka' 'dul ba po// gshin rje mthar mdzad khro bo che// sangs rgyas kun gyi bdag nyid gtso// sangs rgyas thams cad spyan 'dren cing / dbang du yang ni mdzad par gnas// rtag tu gdul dka' 'dul mdzad cing // rdo rje snang mdzad legs par 'dul// shin tu gdug pa drag rnams la// zhi ba'i nye bar mi sbyar te// shes rab thabs kyi bdag nyid kyis// de bzhin gshegs rnams khro bor mdzad// thugs rjes khro bo'i ngang tshul can// 'jig rten gsum yang nges sreg mdzad// de bas 'bad pa thams cad

  501. 251b

    kyis shes rab thabs kyi bdag nyid smra/ / thugs rjes khro bos ma lus mchog/ gdug pa 'dul bar mdzad pa bskyed// gshin rje mthar byed kyi sgrub pa'i thabs so// nyid bcom ldan rnal 'byor te// khro bo gzegs ma zhes su grags// rin chen 'bar ba'i khro bo che// 'jigs pa chen po'i dus dang 'dra// ut+pal sngon po'i 'dab ma bzhin// de yi kha dog rnam par gsal/ / drag po chen po'i zhal bzhi pa// 'bar ba'i 'phreng ba 'khrigs pa'i 'od// spyan gsum pa la khro gnyer bsnyer// phyag drug pa la mchog tu 'bar// me yi khams dang 'dra ba'i mdog/ li khri'i mdog ltar shin tu dmar// de yis khro gnyer bsnyer ba yis// gdug pa 'dul mdzad byin par byed// khro bo'i rgyal po gnyis pa ni// yang dang yang du bsam par bya/ / ma lus sa rnams thams cad du// son pa'i bdag nyid chen po des// 'gugs pa dang ni dbang byed na// skye bo gzhan lta smos ci dgos// sngags ni/ oM ka Ni ka Ni hUM khro bo 'di yi sngags 'dzin pa/ / 'jig rten gsum mchog stobs po che// sa rnams thams cad sreg byed na// skye bo gzhan lta smos ci dgos// khro bo gzegs ma sgrub pa'i thabs so// / / de nyid bcom ldan rnal 'byor te// rdo rje sems dpa' de bzhin gshegs// pad+ma gar gyi dbang phyug gyur// rta mgrin zhes su bshad pa yin// rtag tu 'char ka'i mdog 'dra ba/

  502. 252a

    rgya skyegs mdog ltar dmar ba'o// chu dang gzi brjid can reg pa// me yi dkyil 'khor dag dang ldan// 'dod ldan rnams la 'dod pa 'byung // gdug pa can rnams gdu pa 'byung / / zhi ba la yang zhi ba 'byung // stobs ldan rnams la stobs kyis sbyor// zhal bzhi pa la zhabs bzhi pa// bsam gtan bzhi dang mnyam par ldan// phyag bzhi pa la brtson 'grus che/ / seng ge lhur gnas mchi ba bzhi// rta mgrin rgyal po chen po ni// dam pa'i dbang phyug bsgrub par bya// skad cig nyid la gnas nas ni// thams cad lhung ba bsgrub par bya// sngags ni// oM a mr-i tod+b+ha bod b+ha be hUM phaT/ oM a mr-i tod b+ha ba hUM phaT/ g.yas dang g.yon gyi sbyor ba yis// g.yon brkyang ba ni rab tu sbyar// khro bo rgyal krung byis nas ni// 'jig rten thams cad rab tu mnyes/ / pad+ma'i dbang phyug rgyal po 'di// sa yi dbang phyug kun gyi mchog/ rta yi mgrin pa stobs po che// stobs kyi sbyor ba bsgrub par bya// dbang phyug chen po la sogs lha/ tshogs kyi bdag po gzhan dag dang // mi dang gdug pa'i bsam pa can// sa rnams thams cad dgug par bya// rta mgrin gyi sgrub pa'i thabs so// / de nyid bcom ldan rnal 'byor de/ / gcig pu nyid ni lhag pa'i lha// shes rab thabs kyi bdag nyid gyur// khro bo mchog tu mi 'gyur ba// kun sbyor bdag gi rnal 'byor gyis// thugs rjes khro ba'i

  503. 252b

    dbang du song / / de nas sangs rgyas thams cad kyis// b+ha yi tsi mor yid kyis ni// g.yo ba med par bsam par bya/ slob dpon mi gam tshwa tha ma/ de bzhin gshegs pa thams cad les// ral gri zhags pa 'dzin pa gsang / / thog ma tha ma med pa'i mchog/ pri yang ku ru sngo ba'i gzugs// 'khrigs shing byis pa lta bur gnas// ma lus pa yis rnams kun// chos dbyings mnyam dang mi mnyam pa/ khro bo mngag pa bran dang ni// pho nyas kyang ni rnam par brgyan// skye bo kun gyis yongs su gang // sangs rgyas kun gyi spyan snga na// bka' lung yang ni yongs su stsol// sngags ni/ na maHsa man+ta badz+rA/ NAM tsaN+Da ma hA ro Sha Na s+pho Ta ya hUM/ tra ka hAM maM/ khro bo gzi brjid chen po 'di// gzugs mang mnga' ba stobs po che// 'gro ba thams cad 'gugs par byed// dbang du yang ni mdzad par gnas// rlung dang me las yang dag byung / / 'bar ba lta bu'i gzi brjid can// sngags dang phyag rgya sogs kun mchog/ lus dang ngag yid de bzhin no// dgug dang gzhug dang bcing ba dang // dbang du bya ba sgrub par byed/ / de la sogs pa mtha' yas mchog/ nam mkha'i khams kyi mtha' klus mchog/ khro bo'i phyag rgya rang byang ba// drag po thog ma tha ma med// rnam par 'phro ba bzhin du gnas de bzhin gsheg pa thams cad kyi rdo rje snying po rgyan gyi rgyud las/ khro bo'i dkyil 'khor 'di yongs su rdzogs so// / de nas bcom ldan 'das de bzhin gshegs pa thams cad slar yang

  504. 253a

    'dus te gshegs nas/ bcom ldan 'das de bzhin gshegs pa thams cad kyi gzungs thams cad kyi dbang phyug gi rgyal po bcom ldan 'das la gsol ba btab pa/ bcom ldan 'das gzungs rnams thams cad kyi dkyil 'khor skyed par mdzad du gsol/ de nas bcom ldan 'das kyis gzungs kyi dkyil 'khor bka' stsal pa/ de nas yang dag bshad bya ba gzungs rnams kyi ni dkyil 'khor dge/ gru bzhi pa la sgo bzhi pa// rta babs kyis ni rnam par mdzes// thig bzhi dang ni yang dag ldan// dkyil 'khor dam pa rab tu bshad// de yi dbus su pad chen po/ / lo ma kun gyis shin tu mdzes// nyi shu rtsa lnga'i 'dab ma ldan// rdo rje rin chen legs par brgyan// de yi dbus su rtag bri ba// dpag med shes rab pha rol phyin// de yi nye 'khor thams cad du/ sna tshogs las ni 'bar rnams la// nyi shu rtsa lnga'i dbye ba yis// shes rab pha rol phyin ma bri// shar gyi 'dab ma nas brtsams te// thog mtha' nyid kyang brtag par bya// phyag rgya'i yi ge ci rigs par go rims bzhin du rnam par dgod/ / phyogs cha'i dbye ba tha dad kyis// kha dog bye ba thams cad du// rnam dbye mchog tu sna tshogs pa// chos nyid mnyam dang mi mnyam pa// de las 'od zer bsam mi khyab/ / sngo sar la sogs dbye ba yis// shes rab snang ba'i dkyil 'khor gyis// 'gro ba thams cad gsal bar bya// 'dus par gyur nas de dag kun// lha nyid kyi ni gzugs ji bzhin// shes rab

  505. 253b

    chen po gzugs chen po/ / 'bar bcas mdzes pa'i gzi brjid can// da yi lte ba'i dkyil du mi// sngags kyi dkyil 'khor kun nas rten// sku ni gser gyi mdog dang 'dra// rgyan rnams kun gyis rnam par brgyan/ / rang gi ting nge 'dzin la zhugs// du ma'i gzugs kyi gzus ldan pa// shes rab pha rol phyin ma ni// sems can khams ni rnam skyong mdzad// kun nas sems can rnams kyi yum// sems can kun gyi thams cad du/ / thams cad lus la mnyam par khyab// sems kyi rgyun bzhin legs par bzhugs// zag pa med cing bsam mi khyab// dri ma med cing ngang gis stong // nam mkha' dang ni mtshungs 'dra ba/ / dngos dang dngos med rnam par spangs// thog ma tha ma med cing zhi// chos rnams kun gyi dbang phyug sku// sdig pa kun las rnam par grol// bden pa gnyis la rnam par gnas// kun rdzob dang ni dam pa'i don// chos kyi sku ru de bshad do// dbang po kun kyang rnam par shes// sems dang thams cad thams cad du// yid kyi rnam shes zhes su bshad// shes rab blo dang blo gros dram/ lhag mthong dang ni ye shes kun// kun nas nyon mongs mi mthun phyogs// rtag dang chad pa'i mtha' dang ldan// mtha' gnyis po ni rnam par spangs// kun rdzob dang ni dam pa'i don// rnam pa gnyis su de rab brtags/ / ji ltar bud shing la brtan nas// mi yi sa bon gnas pa dang // til la til mar ji bzhin no// bur shing ro bzhir rab tu brtag/ me tog dri ni ji bzhin nam// yol mar gsar ji bzhin du//

  506. 254a

    rnal 'byor pa yi ye shes srub// bdud rtsi lta bu'i snying po 'byung // gtsub shing dang ni gtsub stan las// ji bzhin gtsubs pas me 'byung ste// de bzhin ye shes rnal 'byor pas/ bsrubs pas yongs su brtag par bya// shes bya'i dkyil 'khor thams cad la// yang nas yang du bsrub par bya// mun pa thams cad rnam sel ba'i// nyi ma'i 'od zer ji bzhin bdag nam mkha'i dri ma med rten nas/ / nyi ma zla ba ji bzhin gnas// 'char ba yi ni gsal byed pa// 'bar ba stong phrag gi ni snod// mun pa kun 'joms skar ma la// kun nas kyang ni mdzes pa yin/ rnal 'byor pas ni ji ltar sems// mkha' bzhin shin tu dri ma med// gzung 'dzin las ni nges par grol// mnyam dang mi mnyam dngos po kun// der gnas rnal 'byor pa rnams kyis// ye shes nyi zla mtshungs pa'i 'od/ / shes rab pha rol phyin bsgoms te// gsang sngags 'di ni bsam par bya// rang bzhin gyis ni dag pa'i dngos// rang bzhin med par rnam par gnas// rang bzhin gyis ni 'od gsal kun/ / 'dod nas ma skyes rnyog pa med// yi ge de nyid de lta bu// gnas dang mi gnas rnam par spangs// sde tshan bzhi pa'i gnyis pa la// thig le sgra yis rnam par brgyan// de nyid bcom ldan mgon po ste// shes rab pha rol phyin mar bshad// oM dz+nyA swA hA/ oM swA hA/ oM shru ti smr-i ti bi dza ye swA hA/ sangs rgyas rnams kyi shes rab 'dis// bsam pa thams cad rdzogs

  507. 254b

    par byed/ / 'di ni sangs rgyas kun gyi yum// de nyid 'khor los rnam par sbyar// 'dis ni dngos grub thams cad dang // grub pa nyid ni byed par gnas// bstan bcom rab tu 'chang byed dang / shes bya thams cad khyad par du// thams cad mkhyen pa'i chos rnams kun// dbang phyug dam pas shes par 'gyur// shes rab kyi pha rol tu phyin ma'i sgrub pa'i thabs so// shes rab pha rol phyin gnyis pa// rdzu 'phrul chen po mkha' dang mnyam// gser gyi mdog can 'bar ba can// zla ba'i gdan la legs par bzhugs// brtson 'grus chen po bsam gtan bya// sngags kyi yi ge rnam par brgyan// mchog tu rnal 'byor ma rnams kyis// sangs rgyas spyan zhes btags pa yis// de yi gsang sngags rab bshad bya// nyon cig sa rnams 'dod pa rnams// sngags ni.oM ru ru s+phu ru dz+wa la tiSh+Tha sid+d+ha lo tsa ne sar+b+ba ar+tha sA d+ha ni swA hA/ 'di de mchog tu gsang ba ni// rnal 'byor ma la mchod du bshad// dam chen yi ge'i mthar thug pa// bsgoms pas dge ba rab tu ster/ chos kyi phyag rgya 'di shin tu// sems can thams cad dbang du byed// dpung dang bcas pa myur bkug ste// bran du gyur nas nye bar gnas// phyag rgya gcig pa'i lha mo che// rol cing g.yo ba'i zhal mnga' ba/ / sgeg pa la sogs nyams dang ldan// rol ci snang ba'i gar mdzad pa// sangs rgyas spyan ni 'grub par 'gyur// mig gi phyag rgya rab tu sbyar// mig gi phyag rgya 'di shin tu// 'jig

  508. 255a

    rten gsum yang gar byed do/ / sangs rgyas spyan gyi phyag rgya'i sgrub pa'i thabs so// chu yi dkyil 'khor dgas pa na// bcud kyis len dang mtshungs pa'i mchog mtha' yas rgyas shing langs pa yi/ / dri ma med pa'i mkha' la gnas// dkyil 'khor de yi dbus su ni// lha mo mchog tu mdzes pa mo// 'dam bu mngar rgyu'i mdog ltar dkar// grub ma ral pa cod pan 'chang / / 'gro ba mtha' dag snang mdzad ma// rtag tu nam mkha' bzhin du gnas// sngags ni/ oM a ka Te bi ka Te ka TaM ka Te swA hA/ gos dkar mo yi phyag rgya che// dung dang kun zla ba 'dra/ / sngags kyi yi ge 'phreng ba che// pad+ma'i rgyal po rab tu gnas// 'gro ba mtha' dag snang mdzad na// sgrub pa pos ni bsgrub par bya// dam pa'i lha mo 'grub par 'gyur// pad+ma'i dkyil 'khor sgrub pa'i thabs/ / zhi ba'i yi ge mnyam par ldan// zhi bar mdzad cing 'jig rten gyi// sa gsum sgrub par byed pa'i thabs// gos dkar mo'i sgrub pa'i thabs so// / sngo bsangs dkar mo sna tshogs gzugs/ / rnam pa sna tshogs rgyan gyis brgyan// zla ba'i dkyil 'khor dbus gnas pa// sgeg pa'i nyams kyis yongs gang ba// 'gro ba mtha' dag skyob mdzad ma// thugs rje'i thugs dang ldan pa can/ / rab tu 'bad de bsgrub par bya// rol pa yini yi gas mchod// sngags ni/ oM tA re tud+hA re tu re swA hA/ chos kyi phyag rgya mtha' yas mchog/ sgrol mas legs par rnam

  509. 255b

    par gnas/ / gsang chen bzhin du thams cad la// bcud kyis len dang 'dra ba'i mchog/ kun tu kun tu thams cad du// dngos grub thams cad stsol bar mdzad// sgrol ma'i sgrub pa'i thabs so// / dkyil 'khor chen po'i dbus su mi// rnal 'byor dbang phyug chen mo mchog/ phyag bzhi spyan ni gsum pa dang // ral pa'i cod pan dag gis brgyan// 'dam bu mnga' rgyun mdog ltar dkar/ / dpa' ba la sogs nyams kyis brgyan// brtson 'grus chen mo 'jigs sel ma// zla ba'i dkyil 'khor dbus gnas par// rab tu 'bar ba'i me bzhin du// shin tu gsal ba'i gzi brjid can/ / hUM gi yi ge zab mo'i sgra// sa gsum po ni 'khrugs par mdzad// khro gnyer can zhes legs par grags// sngags kyi 'phreng bas rnam par brgyan// sngags ni/ oM b+ha ya nA sha ni/ trA sa ni tA sa/ tra sa ya/ b+hI ku TaM ta DaM be tA Di be ra Ti shwe te shwe ta dzi Tin/ oM Tak+ki hUM dzaHswA hA/ gsang sngags 'di ni brtson 'grus che// gsang sngags kun gyi bdag nyid mchog/ 'gro ba kun kyang mgu byang na// gdug pa'i sems lha spros ci dgos// khro gnyer can gyi sgrub pa'i thabs so// / nyi ma'i dkyil 'khor dbus gnas par// zla ba'i dkyil 'khor rdo rje ldan/ / rdo rje'i 'phreng bas yongs su bskor// gzi brjid dkyil 'khor kun nas dkris// der gnas rtag tu lha mo ni// stobs chen pri yang gu ltar ldang // phyag bzhi pa der bsam par bya/

  510. 256a

    rgyan rnams kun gyis rnam par brgyan// rnal 'byor ma rnams cher zhi ba// dngos grub thams cad rab stsol ma// sngags kyi yi ge 'phreng ba che// rdo rje'i dbus song rab tu gnas/ / khro bo hUM mdzad gang ba'i mtha'// dpa' ba'i nyams la sogs par ldan// lha mo 'jig rten gsum rmongs byed// dngos grub chen po rab stsol ma// skad cig tsam gyis 'gro ba kun nges par dbang du byed par 'gyur/ / rdo rje'i rlung gi 'phreng ba che// rdo rje'i 'khor la rab tu gnas// 'jigs pa chen po'i me ltar drag/ snang ba chen po stobs po che// pad+ma rA ga'i rnam pa 'dra// rdo rje 'bar bas rnam par brgyan/ / mtshan ni mA ma kI zhes bya// lha mo 'jig rten gsum gyis mchod// sngags ni/ oM ku la d+hA tI ye na maHshaM ka re/ shAn+tiM ka re/ g+huT+Ta g+hun+ta g+hur+b+hi ni g+hA ta ya g+hur+t+ti ni swA hA/ oM ku lan+d+ha ri/ ban+d+ha ban+d+ha hUM phaT/ gsang sngags 'di ni don gyi mchog/ sangs rgyas kun gyis gsungs pa yin// sa gsum po ni 'gugs byed cing // tshangs pa la sogs lha rnams kun// 'gro ba thams cad 'gugs byed la/ / rang gi dbang du gnas pa rang yin// mA ma kI'i sgrub pa'i thabs so// / rlung gi dkyil 'khor drag po la// rdo rje lu gu rgyud kyis bskor// de yi dbus su snang ba che/ / zla ba'i gzugs kyis rnam par brgyan// de spros pa las bdag nyid ni// rdo rje lu gu rgyud kyi sku// phyag bzhi ma la lha mo de// rdo rje yi ni rgyan gyis brgyan// dmar po 'bar ba de yis ni// sa

  511. 256b

    gsum po ni 'ching bar mdzad/ / tshangs pa khyab 'jug dbang phyug che// bkug nas dbang du mdzad par gnas// dngos grub thams cad 'dzin pa dang // de yi thugs kar rdo rje che// 'bar ba'i 'phreng ba 'khrigs pa'i 'od/ / de yi 'bar ba lcags sgrog gi/ rnam pa rdo rje'i mtshan mas mtshan// nges par phyung nas de dag kun// chos dbyings mnyam dang mi mnyam pa'i// 'jig rten khams na mtha' dag tu// kun nas rnam par bkang nas kyang // bsgom bya rdo rje thams cad du// khro bo dang ldan spro ba'i zhal// lte ba 'phyang zhing sku che ba// mche ba bzhi yis rnam par brgyan// 'bar ba yi ni 'phreng ba gsal// gzugs mdzes drag po'i gzugs dang ldan/ / sngags ni/ oM badz+ra shrI kha lA yA d+hi pa ta ye/ ma hA ba lA ya/ mahA bi d+yA rA dzA ya te pra dz+wa li ta/ has+thA ya na ni la kar+N+Na ya ki ra ta rU pa lam po da rA ya/ b+hU b+hI ku Ti mu khA ya/ mdzA ra mu khA ya/ tsa tur daMSh+T+rA ka rA lA ya/ e h+ye hi a s+ya ra shi rA ra/ ma nu pra wi sh+ya shi r-i gr-ih+Na/ grI bA gr-ib+da/ dAs+thA pa daM gr-ih+Na bi Sha/ A be sha ya/ kaM pa ya kaM pa ya/ b+hU ma b+h+ra ma ya/ maN+Da la me d+h+ye/ kuH bi kraH/ srAts+tshuSh+Ta/ n+d+hek+ShaH/ Ta ya stA Tas/ / dz+dzaT+TA/ 5/ sUH/ bal ba/ kis+thir ya si/ ba/ nAg+sa/ 5/ rak+Sha.a/ bi shA n+ta ma~M/ sems ma u0f7f8/ rum+ba ra swA hA/ ni d+hin d+hi/ rnaM'i mo Shi/ badz+ra shaM ka lA/ Ar+yA pa ya ti swA hA/ oM badz+ra ra~MNi hUM phaT/ oM badz+ra Ni hU~M phaT/ oM badz+ra kA mo sU Ta swAhA/ gsang sngags 'di la sbyor ba yis// bcud kyis len

  512. 257a

    ni bde ba dang / / 'gro ba thams cad 'bebs pa dang // gdug pa rnams ni 'ching ba dang // tshangs pa la sogs lha rnams dang // lha dang lha min lto 'phye che// 'jig rten skyong dang klu rnams kyang / / rang gi gnas nas bskyod nas ni// grub pa kun gyi dngos grub ni// dngos grub 'gugs par 'dod pa yi// thams cad gus pas sbyin par byed// bud med gzugs kyis sgrub par byed/ rdo rje lug rgyud ma'i sgrub pa'i thabs so// zla ba'i dkyil 'khor dbus gnas par// pad+ma dmar pos rab tu gnas// phyag bzhi pa la du ma'i gzugs// dung dang kun nga zla ba 'dra/ thugs kyi rdo rje'i ngo nyid yin// rdo rje dkyil 'khor dbus su ni// zhi ba la sogs nyams dang ldan// chos rnams kun gyis bdag skyes mchog/ rnal 'byor pas ni rtag tu sgom// sangs rgyas mtha' las yang dag 'byung / / der bdag yang dag sgom pa ni// skul byed ma zhes yongs su grags// sngags kyi 'phreng ba'i yi ge ni// kun nas 'phro ba mu tig 'dra// nam mkha'i khams ni yongs gang ba/ / ji srid de yi spyod yul yang // de srid de yi 'od zer sgom// rnal 'byor ye shes kyis rab sbrul// sngags ni/ oM tsa le tsu le tsun+da swA hA/ 'di yi sngags kyi mchog gtso bo// sangs rgyas kun gyi mchod pa po/ / mtshungs pa med pa'i dngos grub ster// lha dang lha min bcas pas mchod// 'di yis sdig kun 'dzad byed cing // phun sum tshogs kun rab stsol mdzad// pad+ma'i phyag rgya

  513. 257b

    yang dag ldan/ / sangs rgyas nyid kyang sbyin par mdzad// skul byed ma'i sgrub pa'i thabs so// / gsang ba mchog gi dgyes pa na// thams cad bdag nyid rtag tu bzhugs// sangs rgyus kun bdag dgyes pa ni/ / rdo rje sems dpa' bde ba'i mchog/ 'di ni rang byung bcom ldan 'das// gcig pu nyid ni lhag pa'i lha// sangs rgyas kun dang mnyam sbyor ba// mkha' 'gro ma yi zab sdom 'dod chags med cing chags bral med/ / dbu mar dmigs par mi 'gyur ro// bud med kun gyi sgyu ma'i rgya// 'di ni gnyis mang theg pa'i mchog/ sgyu ma dag ni thams cad las// bud med sgyu ma khyad par 'phags/ / rang bzhin nyid kyis de grub pa// nus pa yis ni rang bzhin gyis// 'jig rten gsum gyi bud med 'dir// bkur bar bya bar 'os ma yin// ngan spyod rnams kyis kyang 'grub ste/ / rnyed pa kun dang bde dang spro// thams cad bud med sgyu mas 'grub// rang gi ngo bo yongs bsgyur ba// sna tshogs sgyu ma'i phyag rgya 'di// shes rab pha rol phyin mar bshad// kun las tshogs phyag rgya ni/ / kun la sna tshogs sdom pa yis// sangs rgyas kun dang mnyam par sbyor// stong pa nyid kyi de nyid bskul// kun la kun nas thams cad du// kun tu kun nas rang nyid kyis// sangs rgyas thams cad brtan dang g.yo/ / thams cad dngos po rang nyid 'gyur// sems dang sems can ting 'dzin dang // byang chub spyod pa sna tshogs nyid// sa dang pha rol phyin spyod pa// dbang nyid du

  514. 258a

    yang de bshad do/ / bdud dang bdud las rgyal ba nyid// sangs rgyas rdo rje de bzhin gshegs/ thog ma tha ma med zhi ba// byang chub sangs rgyas bcom ldan de'o// rdo rje rdo rje 'dzin pa nyid/ / pad+ma de bzhin pad+ma 'dzin// nor bu nor bu 'dzin pa nyid// sna tshogs de bzhin sna tshogs 'dzin// ral gri ral gri 'dzin rgyal po/ 'khor lo de bzhin 'khor lo 'dzin// 'jig rten gsum rgyal nyid dang ni/ / 'di rnams kyi yang rigs nyid 'gyur// de nyid chags dang chags bral ba// 'dod dang thar pa ru yang 'gyur// dus gsum dang ni srid gsum mchog/ 'jig rten gsum dang / khams gsum pa// brtan pa thams cad de nyid de// rnam pa sna tshogs nyid du 'gyur// g.yo ba kun nas sna tshogs pa// thams cad du ni de 'gyur ro// de la sogs pa sna tshogs mchog/ chos dbyings mnyam dang mi mnyam pa/ nam mkha'i khams kyi mtha' klas pa// dngos po kun tu de 'gyur ro// de nyid bcom ldan rnal 'byor te// gcig pu nyid ni lhag pa'i lha// nam mkha' kun gyi skabs na dpal/ rdo rje sems dpa' de bzhin gshegs// dpal ldan sgyu ma chen po 'chang // rnam snang rtag pa thams cad du// rnal 'byor dbang phyug gtso chen khyab// sangs rgyas 'khor lo can mi bskyod/ / che dang rin chen 'byung stobs che// tshe dpag med pa kun nas mchog/ don yod sna tshogs mdzad pa dang // rdo rje sems dpa' blta na sdug/ dgug pa mchog gi sbyor ba dang // legs/

  515. 258b

    par mdzad par nyid yin/ rin chen sgrol ma de bzhin tog/ rdo rje bzhang ba snang ba che// rdorje chos dang rno ba cha/ rgyu dang sgra mchog bdud ci dang // las dang rgo da kyi// khu tshur de bzhin gshegs pa kun/ / de nyid bcom ldan rnal 'byor te// rdo rje sems dpa' stobs po che// rdo rje hUM mdzad mdzad dang // rta mgrin zhes ni rnam par grags// he ru ka dpal rdo rje che// mchog gi gshin rje gshin rjeg shed// khro bo gzegs ma snang ba che// rdo rje mi ni 'od chen po// gzugs rnams kyi ni mchog gcig tu// ting nge 'dzin las dbang sgyur ma// shes rab pha rol phyin mchog gtso// sa dang pha rol phyin pa stobs// tshangs pa'i gnas pa chen po bzhi// dbang ni mchog tu 'bar ba dang // dran pa nye bar gzhag pa bzhi// dbang po rnams dang stobs rnams dang // rjes dran drug por gyur pa gang // bsgom par bya ba rab tu gnas/ / de nyid bcom ldan gcig pu ste// byang chub yan lag bdun brtags pa// mtha' gcig yongs su rdzogs par 'gyur// sum cu rtsa gnyis mchog gi mtshan// 'jig rten 'das pa'i lam po che/ 'phags lam yan lag brgyad brtags pa// stobs bcu yi ni bcu pa nyid// sangs rgyas chos kyis bdag nyid nas// byang chub phyogs kyi chos chen po// rnam par dbye ba sum cu bdun// mthar gyis gnas pa'i snyoms 'jug ni// dgu la gnas par 'gyur ba dang // bsdu ba'i dngos po chen po bzhi// sems can bsdu bas sdud pa dang // so so yang dag rig pa bzhi// de bzhin srung ba mi

  516. 259a

    mnga' ba/ / skal ba chen po'i mi 'jigs pa// mchog tu gyur pa nyid dang ni// bsam gtan gzugs med bzhi phrag gnyis// tshad med pa yang de bzhin mo// byang chub kyi ni skye mchog gtso/ / bden pa bzhi ni ston pa po// nyon mongs can gyi mi mthun phyogs// zag bcas zag pa med pa'i mchog/ de nyid bcom ldan rnal 'byor te// dbang phyug mchog gi dbang phyug dab/ skyeskyo dgu'i bdag po skye dgu'i mgon// mchog gi bdag nyid dbyangs bdag po// kun rdzogs brjod pa thams cad dang // sgra rnams kyi ni spyod yul 'gyur// brjod du med cing spros pa bral// stong pa mkha' mnyam mtshungs pa med/ / tshig mtha' sgra yi rnam dgod pa// 'jig rten tha snyad tshul du gtogs// de tshe lus sogs dbye ba yis// sa rnams kyi ni yongs su brtags// sku ni sprul pa nyid du 'gyur/ / mongs spyod rdzogs pa yang dag brnyes// rdo rje'i sku dang de bzhin du// ye shes sku sogs yongs su brtags// mthara' yas sku dang sku chen po// rin chen sku ni 'od byed pa// pad+ma'i sku ni snang ba che/ / thams cad sku ni las bzang byed// rtogs par bya ba las kyi sku// rnam pa gsum du'ang dbye bar bya// de nyid bcom ldan rnal 'byor te// byang chub sems ni 'od gsal ba/ kun tu 'od kyi sa chen po/ nyi ma'i dkyil 'khor gzi brjid ldan// gnyis pa bdud rtsi'i 'od ces bya// zla ba'i 'od ni 'od gsal ba// gsum pa nam mkha' 'od ces bya// mkha' bzhin legs par rab tu gnas/

  517. 259b

    rdo rje'i 'od mtha' gang zhig sa// bzhi pa de ni yid 'ong ba// bsam pa brtan pa'i sbyor ba yis// rdo rje zhes ni yongs su bsgrags// lnga pa rin chen mod ces bya// dbang bskur ba ni rab tu gnas// drug pa pad+mo 'chang zhes bya/ / pad bzhin rab tu rnam par snang // rang bzhin gyis ni chos nyid dag/ bdag gi med cing yongs bzung med// bdun pa las kyis zhes bya// sangs rgyas 'phrin las mdzad pa che// brgyad pa dpe med pa zhes bya/ / dpe ni de la yod ma yin// dgu pa dpe dang bral zhes bya// dpe rnams thams cad rab 'jug pa// bcu pa shes rab 'od ces bya// sangs rgyas sa ni bla na med// bcu gcig kun mkhyen nyid ces bya/ / sa chen po ni 'od gsal ba// bcu gnyis so sor bdag rig pa// rnal 'byor ye shes yongs rdzogs nyid// sa chen po ni 'di dag rnams// sangs rgyas rnams kyis don dam du// sangs rgyas dang ni sangs rgyas chos// rnal 'byor ye shes gang brjod pa// thams cad nyid ni mtha' yas mchog/ chos dbyings mnyam dang mi mnyam pa// de bzhin gshegs pa thams cad kyi rdo rje snying po rgyun gyi rgyud chen po las/ / sngags kyi de kho na nyid do// / de nas bcom ldan 'das de bzhin gshegs pa thams cad kyis/ bcom ldan 'das thog ma dang tha ma med pa chos kyi 'khor mo chen po bskor ba rnal 'byor gyi dbang phyug chen po la gsol ba btab pa/ de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig gi de ma thag nyid du

  518. 260a

    de bzhin gshegs pa thams cad mnyam pa nyid du dmigs pa rdo rje zhes bya ba'i ting nge 'dzin la mnyam par bzhag nas/ mnyam par gzhag pa'i de ma thag tu yang bcom ldan 'das bzhin gshegs pa thams cad kyi thugs rdo rje la rjes su bcug nas/ bcom ldan 'das rnam par snang mdzad kyi lus dang / ngag dang / yid mnyam pa nyid du byin gyis brlabs nas mnyam par bzhugs so// de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi skur bdag nyid rtogs nas ting nge 'dzin las bzhengs te/ 'jam dpal gzhon nur gyur pa la 'di skad ces bka' stsal to/ / 'jam dpal de bzhin gshegs pa thams cad kyi theg pa chen po mngon par rtogs pa zhes bya ba'i dkyil 'khor chen po yod do zhes gsungs nas cang mi gsung bar bzhugs par gyur to/ / de nas 'jam dpal gzhon nur gyur pa de bzhin gshegs pa thams cad kyi byin gyi bla bas kyis stan las langs te/ bla gos phrag pa gcig tu gzar nas/ bcom ldan 'das kyi spyan sngar pus mo g.yas pa'i lnga nga sa la btsugs te/ thal mo sbyar nas btud de 'di skad ces gsol to// bcom ldan 'das bstan du gsol/ shes rab kyi pha rol tu phyin pa dang thabs kyi theg pa chen po mngon par rtogs pa zhes bya ba'i dkyil 'khor chen po gang du zhugs pas/ sems can rnams thabs chung ngus de bzhin gshegs pa tham cad kyi mchog gi dngos grub thob par 'gyur ba bka' stsal du

  519. 260b

    gsol/ / de nas bcom ldan 'das rdo rje rnal 'byor gyi dbang phyug chen pos// 'jam dpal gzhon nur gyur pa la bka' stsal pa/ 'jam dpal khyod gang de bzhin gshegs pa thams cad kyi dam tshig la rjes su zhugs pa ni 'jam dpal khyod legs so legs so/ / de legs par rab tu nyon la yid la zung zhig dang / theg pa chen po mngon par rtogs pa zhes bya ba'i dkyil 'khor chen po bshad par bya'o// de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi rdo rjes byin gyis rlob pa zhes bya ba'i ting nge 'dzin la snyoms par zhugs nas/ dam tshig chen po rdo rjes byin gyis rlob pa theg pa chen po mngon par rtogs pa zhes bya ba'i dkyil 'khor 'di bka' stsal pa/ de nas dkyil 'khor chen po mchog/ yang dag rab tu bshad bya ba// dam tshig chen po rdo rje mchog/ snying po chen po'i rgyan ces bya// klu bzhi pa la sgo bzhi pa// rta babs bzhis ni mdzes par bya// thig bzhi dang ni mnyam par ldan// 'od zer 'bar bas 'khrigs pa'i 'od// rdo rje snying po yongs bcug pa// byang chub shing gis nye bar mdzes// rdo rje dkyil 'khor grwa rnams dang // sgo yi logs kyi mtshams rnams su// rdo rje rin chen rnams kyis spras// rdo rje pad+ma thams cad du// las kyi rdo rje thams cad du/ 'bar ba'i 'phreng ba 'khrigs pa'i 'od// dril bcas sna tshogs mchog dang ldan// rgyal mtshan bsgreng ba rlung bskyod pa'i// gos dang me tog chun pos spras// zla ba phyed pas nye bar mdzes// ral gri lha

  520. 261a

    bur ut+pa la/ / lcags kyu la sogs sna tshogs rgyan// chu yis dkyil 'khor yongs bskor ba// mu khyud bzhin du rnam par gnas// de la'ang sgo logs la sogs pa/ mkhas pa yis ni spro bar bya// de yi nang du brI bya ba// 'khor lo chen po rab tu gnas// cha brgyad dang ni yongs su ldan// dkyil 'khor legs pa rnam par spras// rdo rje'i thig dang yongs su ldan/ rdo rje'i 'khor lo char 'bar ga/ de yi dbus su snying po che// rdo rje'i snying po zhes su bshad// de yi steng du rdo rje che// rdo rje pad+ma rab tu gnas// pad+ma'i steng du rdo rje che// 'khor lo'i dkyil 'khor dag gis brgyan/ / dung dang kun da zla ba dkar// sangs rgyas kun gyi gdan du bshad// de yi steng du legs bzhugs pa// khyab bdag rnam par snang mdzad che// zla ba'i mdog ldan 'dzum bcas pa// ting 'dzin ldan ni sdig pa bcom/ / rdo rje'i 'phreng bas rnam par spras// sna tshogs 'bar bas 'khrigs pa'i 'od// rin chen chen po'i 'phreng ba ches// spras pa rnam par dgod par bya// de sngags rtag tu shes bya ba/ / yi ge yi ni mchog gtso bo// sa yi sted dang ldan pa g.yas// mchog gi dbang phyug rgya gcig pu// drug pa'i dbyangs kyis legs gsal ba// thig le nA das legs par brgyan// rten cing 'brel 'byung 'khor lo yis// don can rab tu bskyed par bya// de nyid bcom ldan rnal 'a byor can// gcig pu nyid ni lhag pa'i lha// chos kyi sku ni ye shes che// rdo rje rnal 'byor dbang phyug

  521. 261b

    bshad/ / de nas yang de bzhin gshegs pa mi bskyod pa ye shes kyi 'od zer dang / de bzhin gshegs pa spyan ras gzigs dbang phyug gi rgyal po dang / de bzhin gshegs pa rdo rje rnam par gnod pa dang / de bzhin gshegs pa thams cad kyi sku dang / gsung dang / thugs rdo rje nyid du rang gi bdag nyid byin gyis brlabs te/ bcom ldan 'das de bzhin gshegs pa shAkya thub pa'i phyogs thams cad mnyam pa nyid du dmigs nas phyogs bzhir 'khod do/ / dbang chen dkyil 'khor mi bskyod pa// me yi dkyil 'khor ye shes 'od// chu yi dkyil 'khor 'od dpag med// rdo rjes rnam gnon rlung dkyil 'khor/ / de nas bcom ldan 'das byang chub sems dpa' chen po kun tu bzang po'i dam tshig las 'byung ba sems dpa' byin gyis rlob pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi theg pa chen po mngon par rtogs pa zhes bya ba/ de bzhin gshegs pa thams cad kyi rdo rje snying po'i rgyun gyi snying po 'di nyid kyi thugs ka nas phyung ba'o/ / oM badz+ra satwa/ de nas 'di rnam par phyung ba tsam gyis de bzhin gshegs pa thams cad kyis thugs ka nas rdo rje'i 'od zer rnams phyung ste/ rdo rje'i 'od zer de rnams kyis 'jig can gyi khams thams cad snang bar byas te gsal bar gyur nas/ de nas rdo rje'i 'od zer de rnams kyis 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyi skus

  522. 262a

    'jig rten gyi khams rnams su gshegs nas/ 'jig rten gyi khams thams cad snang bar mdzad de/ sems can thams cad kyi don mngon par rdzogs nas slar yang gcig tu 'dus te/ byang chub sems dpa' sems dpa' chen po kun tu bzang po'i skur gyur nas/ bcom ldan 'das rdo rje rnal 'byor gyi dbang phyug chen po'i thugs kar gnas te ched du brjod pa 'dis ched du brjod pa/ e ma he rdo rje snying po bdag/ sangs rgyas ye shes bla na med// snying po ye shes rnam dag pa// rdo rje sems dpa' nyid gyur nas// byang chub sems ni brtan bskyed de// sangs rgyas ye shes bla na med// gang zhig brtan phyir lus min yang // sangs rgyas sku nyid du gyur to// de nas rdo rje'i sku byang chub sems dpa' chen po bcom ldan 'das kyi thugs ka nas 'thon nas/ bcom ldan 'das mi bskyod pa'i nye 'khor thams cad rnam pa bzhis phye ste/ dkar po/ ser po/ dmar po/ ljang khu'i mdog tu mngon par sprul nas/ rang gi sngags kyi yi ges zla ba'i dkyil 'khor la brten te gnas par gyur to/ / dgug pa'i ting nge 'dzin/ oM badz+ra rA dza/ rjes su chags pa'i ting nge 'dzin ni/ oM badz+ra rA ga/ de bzhin gshegs pa thams cad la legs par mdzad pa'i ting nge 'dzin ni/ oM badz+ra sA d+hu/ de bzhin du rin chen 'byung ldan gyi dkyil 'khor la dbang bskur ba'i ting nge 'dzin ni// oM badz+ra rat+na/ nyi ma'i dkyil 'khor gyi ting nge 'dzin ni/ oM badz+ra tarba/

  523. 262b

    de bzhin gshegs pa thams cad kyi nam mkha' mdzod kyi ting nge 'dzin ni/ oM badz+ra ke tu/ de bzhin gshegs pa thams cad kyi bzhad pa chen po'i ting nge 'dzin ni/ oM badz+ra hAs/ de bzhin du 'od dpag tu med pa'i dkyil 'khor yang thugs rje'i ting nge 'dzin ni/ oM badz+ra d+harma/ shes rab kyi pha rol tu phyin pa'i ting nge 'dzin ni/ oM badz+ra tIk+Sh+Na/ dam pa'i chos kyi 'khor lo'i ting nge 'dzin ni oM badz+ra he tu/ de bzhin gshegs pa thams cad kyi sems dpa' smra ba'i ting nge 'dzin ni/ oM badz+ra b+hA Sha/ de bzhin du rdo rje don yod pa'i dkyil 'khor la las sna tshogs pa'i ting nge 'dzin ni oM badz+ra kar+m+ma/ brtson 'grus kyi pha rol tu phyin pa'i ting nge 'dzin ni/ oM badz+ra rak+Sha/ de bzhin gshegs pa thams cad kyi khro bo'i ting nge 'dzin ni/ oM badz+ra yak+Sha/ de bzhin gshegs pa thams cad kyi sku dang / gsung dang / thugs khur tshur bcangs pa'i ting nge 'dzin ni/ oM badz+ra san+d+hi/ de nas bcom ldan 'das rnam par snang mdzad de bzhin gshegs pa thams cad kyi ye shes kyi phyag rgya'i dam tshig rdo rje'i dbyings kyis byin gyis brlabs pa zhes bya ba'i ting nge 'dzin la snyoms par zhugs te/ nyid kyi thugs ka nas 'di phung ngo // oM badz+ra d+hA tu hUM/ rang gi rig pa mchog ni/ badz+ra d+hA tI shwa ri hUM/ badz+ra NaM/ de nas yang de bzhin gshegs pa mi bskyod pas de bzhin gshegs pa thams cad kyi rdo rje sems dpa'i dam tshig ye shes kyi phyag rgya'i dkyil 'khor byin gyis rlob

  524. 263a

    pa zhes bya ba'i ting nge 'dzin la snyoms par zhugs nas/ nyid kyi thugs ka nas rang gi rig pa mchog 'di phyung ba/ oM ak+Sho b+h+yaHa/ oM dz+nyA na muSh+Ti tsit+ta badz+ri Ni hUM/ de bzhin gshegs pa 'od zer gyis de bzhin gshegs pa thams cad kyi rdo rje rin po che'i dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ nyid kyi thugs ka nas rang gi rig pa mchog 'di bka' sprul pa/ oM badz+ra rat+na saM b+ha ba tAM/ oM badz+ra dz+nyA nA gar+b+ha ti hUM/ de nas de bzhin gshegs pa 'od dpag tu med pa de bzhin gshegs pa thams cad kyi rdo rje chos kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ nyid kyi thugs ka nas rang gi rig pa mchog 'di bka' stsal pa/ oM a mi tA b+hA hrIHoM badz+ra d+hA ri Ni hUM/ de nas de bzhin gshegs pa rnam par gnod pas de bzhin gshegs pa thams cad kyi rdo rje las kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ rang gi rig pa mchog 'di bka' stsal pa/ oM sar+b+ba a mo g+ha sid+d+hi aM/ oM badz+ra ma hA ba le hUM/ de nas bcom ldan 'das de bzhin gshegs pa rnam par snang mdzad yul la rnam par gzigs shing / / de bzhin gshegs pa thams cad mnyam pa nyid rnam par spros pa'i snying po 'di bka' stsal pa/ oM sar+b+ba ta thA ga ta ma hA dz+nyA na

  525. 263b

    badz+ra hUM/ de nas de bzhin gshegs pa thams cad kyi snying po 'di dag bshad pa tsam gyis/ de bzhin gshegs pa thams cad kyi dkyil 'khor thams cad mthong bar gyur to// de nas phyag na rdo rjes de bzhin gshegs pa thams cad kyi snying po'i bdag nyid rtogs nas rdo rje mnyam pa nyid spros pa'i snying po bka' stsal pa/ oM badz+ra sa ma tA dz+nyA na bud+d+ha hUM/ de nas 'di bshad pa tsam gyis de bzhin gshegs pa thams cad kyi snying po rnams phyag na rdo rjer mthong bar 'gyur ro/ / de nas phyag na rdo rje'i thugs ka nas chos thams cad mnyam pa nyid spros pa'i snying po 'di phyung ngo // oM sar+b+ba d+harmA sa ma tA dz+nyA na badz+ra hUM de nas 'di rnam par phyung ba tsam gyis kyang slar yang phyag na rdo rje'i thugs kar de bzhin gshegs pa thams cad kyi dkyil 'khor thams cad byin gyis brlabs par mdzad nas/ dkyil 'khor thams cad du 'khor par mthong ngo / / de nas de bzhin gshegs pa de dag thams cad kyi thugs ka nas de bzhin gshegs pa thams cad mnyam pa nyid spros pa'i snying po 'di phyung ngo // oM sar+b+ba satwa sa ma hA pra bats+tsha bud+d+ha hUM/ de nas 'di phyung ba tsam gyis de bzhin gshegs pa thams cad kyi thugs ka nas phyag na rdo rje rnam par phyung ste/ slar yang de bzhin gshegs pa thams cad kyi spyan snga na gnas nas bka' nod cing 'khong po/ / bcom ldan 'das de bzhin gshegs pa rnams bdag gis ji ltar bsgrub par bgyi/ de bzhin gshegs pa thams cad kyis bka' stsal pa/ de bzhin gshegs pa thams cad kyi

  526. 264a

    dkyil 'khor rnams la byin gyis rlob par byos shig/ de de bzhin no zhes gsol nas/ bcom ldan 'das rdo rje sems dpa' de bzhin gshegs pa thams kyi thugs ka nas dkyil 'khor thams cad byin gyis brlabs te brtan par gyur nas/ rdo rje sgeg mo la sogs pa'i lha rnams phyung ste/ lha mo de rnams dkyil 'khor thams cad kyi grwa rnams su de bzhin du rnam par gnas so/ / sgo rnams su sgo skyong ma rnams dang / mtshams rnamasu bzug dang / lga dang rjing / ro dang / reg bya rnams bshad do// de dag gi sngags su gyur pa ni/ oM badz+ra me g+hA nA~M nA~M/ 'khor lo'i mtshams su gzhag par bya'o/ / oM sne ha badz+ra Ni haM/ oM badz+ra sha rang badz+ra aM aM/ oM badz+ri Ni kI li kI li hUM/ de bzhin gshegs pa thams cad dgyes pa chen po'i mchod pa phyi'i dkyil 'khor gyi grwa dang / mtshams rnams su dri rdo rje la sogs pa'i lha mo rnams de bzhin gshegs pa'i nye bar gnas par dgod par bya'o/ / oM badz+ra gan+d+he hUM/ oM ma d+ha badz+ri Ni hUM/ b+hu g+h+raM/ oM ma nod b+ha ba bidz+ri Ni hUM/ oM badz+ra shi shi ra ho ho/ de bzhin gshegs pa thams cad kyi rol pa chen po'i lha mo'i sgo'i mtshams rnams su gzugs la sogs pa'i.oM badz+ra d+hU pe/ oM badz+ra shab+da/ oM badz+ra gan+d+he/ oM badz+ra ra sa/ oM badz+ra s+phar she mnyes par byed pa'o/ / de bzhin gshegs pa thams cad kyi shin tu dga' bde rdo rje'i snying po ni/ oM sa ma ya hoHsu r-i ta s+t+waM/ dga' bde chen po'o rdo rje'i snying po 'dis de bzhin gshegs pa

  527. 264b

    thams cad kun nas mnyes pas dkyil 'khor thams cad la brtan par gyur nas/ dngos grub thams cad stsol bar mdzod// dgug dang legs par rab gnas dang // ji bzhin gnas su sbyar ba nyid/ / kun nas dgyes mdzad sangs rgyas kun// dngos grub thams cad rab sbyin dge/ sngags kyi tshig rnams kyang / oM e h+ye hi b+ha ga wan badz+ra aM ku sha dzaHoM pra be sha hUM sar+b+ba ta thA ga te/ oM sa ma ye ban+d+ha tiSh+Tha b+ha ga wan/ oM tuny+tsa hoH/ b+ha ga wAn badz+ra A be sha aH/ 'di dag ni dkyil 'khor thams cad kyi sgo'i 'phrin las so// de lta bu'i dkyil 'khor 'dri ba la byams pa dang / 'jam dpal dang / kun tu bzang po dang / spyan ras gzigs dbang phyug la sogs pa'i byang chub sems dpa' chen po rnams dgod par bya'o// sngon du bshad pa'i dkyil 'khor gyi gas slob ma bcug ste dbang bskur ba la sogs pa byas/ slob ma dang bcas pas thabs cig tu de bzhin gshegs pa thams cad la nye bar mkho ba thams cad kyis mchod par bya'o// de la dang po nar re zhig dkyil 'khor thams cad kyi slob dpon ni dam tshig thams cad shes pa/ bcom ldan 'das rdo rje rnal 'byor gyi dbang phyug chen pos dngos grub thams cad kyis byin gyis brlabs pa dbang bskur ba thams cad thob pa/ rdo rje rnal 'byor gyi dbang phyug lta bu/ thams cad mkhyen pa'i ye shes kyis de bzhin gshegs pa thams cad kyi dam tshig gi phyag rgya la bslab par bya'o// de nas

  528. 265a

    'dir dam tshig gi phyag rgya bcing bar 'gyur ba ni skyil krung bcas nas/ dri la sogs pa rnams kyis phyag rgya bcing ba rab tu bsgrub par bya'o// lag pa gnyis rdo rje bsdams pa byas te sor mo phan tshun bcings nas skyil krung gi dbus su rdo rje bsdams pa bzhag pa ni de bzhin gshegs pa thams cad kyi phyag rgya'o/ / rdo rje sems dpa' la sogs pa ni gar gyi sbyor bas so// rdo rje bsdams pa de nyid de rkeng pa'i phyogs su bzung ba ni rdo rje sems dpa'i phyag rgya'o// rdo rje bsdams pa las mdzub mo lcags kyu ltar bzung ba ni rdo rje rgyal po'i phyag rgya'o// de nyid mnga' 'phen pa lta bu'i sbyor ba ni rdo rje mnga'i phyag rgya'o/ / de nyid las legs so ba sbyin pas rgyab tu 'jog pa ni rdo rje legs pa'i byang chub kyi sems kyi phyag rgya'o// rdo rje bsdams pa de nyid dpral bar 'jog pa ni rdo rje rin chetshon gyi phyag rgya'o/ / rdo rje bsdams pa la 'od kyi dkyil 'khor gyi sbyor ba ni rdo rje nyi ma'i 'od kyi dkyil 'khor gyi phyag rgya'o// rdo rje bsdams pa spyi bor sbyar ba ni tog gi phyag rgya'o// kha'i thang du bskor ba ni rdo rje bzhad pa'i phyag rgya'o/ / rdo rje bsdams pa de nyid kha'i thad du bskor ba ni rdo rje chos kyi phyag rgya'o// de nyid snying khar byas pa ni rdo rje ral gri'i phyag rgya'o// de nyid 'kho lo ltar yongs su bskor ba ni rdo rje rgyu'i phyag rgya'o/ / de nyid snying khar sgreng ba ni rdo rje smra ba'i chos kyi phyag rgya'o// rdo rje bsdams pa de nyid gar nyid du ston pa ni las sna tshogs pa'i phyag rgya'o// lag pa gnyis spyi bo dang

  529. 265b

    snying kha dang / mgrin par 'jog pa ni rdo rje srung ba'i phyag rgya'o// rdo rje bsdams pa 'gram pa gnyis su 'jog pa ni rdo rje gnod sbyin gyi phyag rgya'o// rdo rje bsdams pa de nyid snying khar bcangs pa ni dziH khu tshur gyi phyag rgya'o/ / de bzhin du sgeg mo dang bdug pa ma la sogs pa'i sbyor bas lha mo thams cad kyi phyag rgya thams cad la rab tu sbyar bar bya'o// rol cing rnam par dgod pa dang // sgeg dang snying rje'i bdag nyid dang / / dpa' dang khro sogs chos bdag nyid// rang nyid zhi ba'i bdag nyid nyams// phyag rgya thams cad rab tu sbyar// gal te dngos grub mchog 'dod na// bdag nyid rdo rje'i ga byed dam/ / skyob pa sangs rgyas thams cad kyi// phyag rgya bcing ba rab tu sbyar// thams cad grub par 'dod sogs kyis// skyil krung sangs rgyas thams cad kyis// de phyir gnyis med rdo rje can/ sangs rgyas rnams kyi drang po'i sku// sgeg pa'i sbyor ba'i rdo rje can// sangs rgyas rnams kyi zhi ba'i spyan// bsnyems bcas rdo rje can gyir dgongs// sangs rgyas rnams dang rdo rje can// ting 'dzin dbye ba las shes bya/ / 'khrugs pa'i lha stangs khro rnams kyi// btsun mo rnams kyi rol pa nyid// 'jig rten pa yi wa rnams dang // bsdigs spyod rnams kyi lta stangs te// chos rnams kun gyi rjes 'jug pa'i/ / shugs kyi lha stangs phyag rgya'o// tshogs dang po nya pho nya mo'i// lha stangs rnam pa sna tshogs nyid// mchu yi phyag rgya yongs ldan pa// g.yo ba med cing mi 'gul ba// sangs rgyas

  530. 266a

    rnams kyi phyag rgya mchog/ sangs rgyas byang chub rab sbyin byed// mtshams sbyor cung zad yang dag ldan// rnam 'gyur med cing mtshungs med gnas// rol pa'i yi ge yang dag ldan/ mchu yi phyag rgya rdo rje can// rnam 'gyur can dang 'khor ba can// khro bas su ni yongs su bsdams// 'di ni khro ba'i phyag rgyar bshad// mchu yi phyag rgya gzugs mdzes can// 'jig rten pa rnams mchu'i phyag rgya/ / rnam 'gyur 'jig cing gzugs dang bral// shin tu gnag dka'i 'dod chags dang // sdang dang rmongs las thams cad du// rol cing rnam 'khor dang ldan pa// g.yo bcas rab tu 'phro ba yang / / mchu yi phyag rgyar shes par bya// lha mo pho nya tshogs kyi yang // de la sogs pa mtha' yas mchog/ lha stangs mchu la sogs pa'i ming // phyag rgya thams cad mdor bsdu ba// skyob pa rnams kyi kun shes bya// ji srid sku yi dbye ba dang // dbang po la sogs rab dbye dang // de dag phyag rgya sna tshogs mchog/ sangs rgyas kun gyi brtags pa nyid// sna tshogs sku ni gzi brjid che// tshad med yon tan 'byung ba'i gnas// sangs rgyas rnams kyi phyag rgya mchog/ sangs rgyas byang chub rab sbyin byed// rdo rje snying po rgyan gyi rgyud chen po las/ dam tshig chen po'i de kho na nyid gsang ba zhes bya ba'i dkyi 'khor chen po yongs su rdzogs so/ / // de nas bcom ldan 'das rnam par snang mdzad kyis slar yang de bzhin gshegs pa thams cad kyi mnyam pa nyid mngon par dbang

  531. 266b

    bskur ba zhes bya ba'i dkyil 'khor chen po 'di bka' stsal pa/ de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa/ rta babs bzhis ni mdzes par bya/ sna tshogs khams ni bsam yas mchog/ dar dang me tog chun pos brgyan// rdo rje rin chen rnams kyis spras// sna tshogs pad+mo de bzhin gzhan// dkyil 'khor de mi dbus su mi// sangs rgyas gzugs yid 'ong ba/ / mgon po sum cu rtsa gnyis mtshan// 'bar ba mchog gis brgyan pa po// de sngags rtags su shes bya ba// dang po'i dbyangs dang gnyis pa'o// de yis nye 'khor brgyad du ma 'gram du rtsibs brgyad pa yi yang / / 'khor lo dag ni bri bar bya// dkyil 'khor de yi dbus su ni// 'khor lo kun tu 'bar ba gzhag/ 'khor lo'i lte ba'i dbus su ni// pad+ma'i rgyal po rab tu gnas sgeg sogs sangs rgyas thams cad ni/ / ji ltar sngon bzhin bri bar bya// nye bar mkho ba'i mchod kun gyis// de bzhin gshegs pa mchod par bya// dgug sogs cho ga'i sbyor ba ni// dkyil 'khor snga ma ji bzhin no/ / dkyil 'khor nye bar spyod pa kun// cho ga dir ni 'byung bar 'gyur// dkyil 'khor chen po'i rtog pa'o// / de nas dkyil 'khor chen po mchog/ yang dag rab tu bshad bya ba/ 'jig rten gsum las rnam rgyal zhes// bya ba rdo rje hUM mdzad grags// gru bzhi pa la sgo bzhi pa// rta babs bzhis ni mdzes par byas// de yi nang du 'khor lo ni// dkyil

  532. 267a

    'khor brgyad pa lta bu'o/ / de yi dbus su khro bo che// 'jig rten gsum las rnam rgyal yang // khro gnyer ldan zhing smin ma 'khyog/ spyan gsal 'bar ba chen po pa/ cung zad che ba gtsigs pa'i zhal// rnam par dgod cing slar khro ba// g.yas brkyang ba yi zhabs kyis ni// dga' zlog dbang phyug chen po gnon// sangs rgyas 'phreng ba sogs pas spras// in+d+ra ni la mtshungs pa'i 'od// phyag bzhi pa la spyan gsum pa// zhal bzhi pa la thub par dka'// be con dang ni zhags par mdzod// dang po na ni rdo rjer bshad// gnyis pa zhags pa sdigs mdzub can/ / phyag gnyis khu tshur dam pa mchog/ khu tshur gnyis ni rab tu brtag/ mthe'u chung gnyis ni mnyam sbyar ba'o// lu gu rgyud kyis rnam par sbrel// snying khar phyag rgya legs gzhag nas/ sdigs mdzub gnyis kyis bsdigs par mdzad// 'jig rten gsum rgyal zhes bya ba'i// phyag rgya mchog tu thub par dka'// sngags ni ming gi de nyid ldan// 'bar ba'i 'phreng bas mnyam par 'khrigs/ / dkyil 'khor de yi gnas rnams su// cha rnams kun tu thams cad nas// phyag rgya thams cad mnyam par bri// zla ba'i dkyil 'khor mnyam gnas par// ral gri 'khor lo gzhu dang mnga'/ / de bzhin du ni dgra sta nyid// de la sogs pa'i mtha' yas mchog/ mdor bsdus nas ni phyag rgya dgod// de ltar khro bo'i dkyil 'khor thams cad rnam par bkod nas nye bar

  533. 267b

    mkho ba'i mchod pa thams cad kyis mchod par bya'o/ / 'jig rten gsum las rnam par rgyal ba'idakyil 'khor ro// / de nas dkyil 'khor chen po mchog/ yang ngag rab tu bshad bya ba/ / sangs rgyas dpa' bo thams cad kyis// 'gro ba 'dul ba zhes su bshad// gru bzhi pa la sgo bzhi pa// dar dang me tog chun pos brgyan// de dbus dkyil 'khor chen po ni// chu zhes bya ba'i ming can no/ / de yi dbus su pad chen po// 'dab ma brgyad pa yid 'ong ba// de yi lte ba'i dbus su ni// 'gro ba 'dul ba zhes bya ba// zla ba'i 'od can zla ba'i mdog/ ral pa'i cod pan 'dzin pa can/ / phyag bzhi pa la zhal bzhi pa// rgyan rnams kun gyis brgyan pa po// sangs rgyas 'phreng ba sogs pas spras// sku rnams thams cad kun nas spro// mtha' yas rab 'byams rgya ba'i/ / chos dbyings mnyam dang mi mnyam la// de yi sngags su yongs grags pa// sha Sha'i sde yi mtha' dge ba// kA yig don ldan sngon byung ba// rgyu yi don du rab sgrub byed// bzhi pa'i dbyangs kyis spyi bor mnan/ / me yi sa bon gsal bar byed// thig le sgra ni mchog tu sbyin// 'jig rten dbang phyug ces bya'i mtshan// de yi phyag rgya yang dag bshad// pad+ma'i thal mo rab tu brkyang bris pa'i phyag rgyar yang dag bshad/ / dbyug gu'i ril ba spyi blugs bri/ mdun du bgrang 'phrang pad+ma yi// rgyal po zla ba'i dkyil 'khor gzhag/ de la sogs pa mtha' yas mchog/ phyag rgya mchog

  534. 268a

    tu'abar de dag/ 'gro ba 'dul ba'i dkyil 'khor du// ji ltar rigs pa dgod par bya// 'gro ba 'dul ba zhes bya ba// dkyil 'khor gyi ni rgyal po'o// de nas dkyil 'khor chen po mchog/ gzhan ni rab tu bshad par bya// dpa' bo rin chen snying po yi// rdo rje rin chen zhes su bshad// gru bzhi pa la sgo bzhi pa// cha babs bzhis ni mdzes par byas/ de yi dbus su rin chen che// yan lag brgyad pa mchog tu 'bar// de dbus rin chen pad+ma ni// rin chen 'phreng bas rnam par mdzes// de dbus ma ra ka ta 'dra// rin chen rdo rje cher 'bar ba/ sangs rgyas lnga yi cod pan can// rin chen 'phreng bas rnam par mdzes// mdun du kun gyi dbang bskur gtso// rin chen de yi gtso bo mchog/ g.yas su pad+ma rA ga ste// rgyab tu in+d+ra nI la'o/ / yid bzhin nor bu rin chen g.yon// phyag rgya rnam pa sna tshogs mchog/ sna tshogs rin chen rnam par brgyan// dkyil 'khor kun gyi grwa bzhi ni// gnas rnams su ni gzhag par bya// sangs rgyas dpa' bo thams cad kyis/ / de yi sngags su yongs grags pa// bzhi pa'i sde yi dang po gang // me yi sa bon gyis gsal byas// dbyangs kyi gnyis pas kun nas mnan// dbang sgyur ba ni steng du gnas/ / de yi phyag rgya yang dag bshad// rin chen snyim pa rgyab bskums te// rin chen rnam pa legs 'byung ba// de ni rdo rje rin chen no// rdo rje rin po che'i dkyil 'khor ro//

  535. 268b

    nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// rdo rje 'phreng bas rnam par mdzes de yi dbus su zhal bzhi pa'i/ / 'khor lo bzhi ni yongs bskor ba'o// de yi dbus su pad chen po'o// kha dog sna tshogs yongs 'bar ba// de yi dbus su brtson chen po// rdo rje'i gzugs ni yongs su bri/ / rdo rje khur 'dzin mdzes pa ni// rgyan rnams kun gyis brgyan pa po// kha dog sna tshogs gzi brjid che// sangs rgyas 'phreng bar rnam par mdzes// de yi sngags ni yang dag bshad// bcu gnyis pa yi dbyangs kyi mtha'/ / mya ngan 'das don legs gsal bya// sgeg sogs rig ma thams cad kyis// de bzhin rang gi phyag rgya yis// rdo rje'i thig le yongs su ldan// sna tshogs bkra ba mchog tu 'bar/ / de yi dbang bskur phyag rgya yis// mchod pa kun gyis thams cad nas// kun nas yongs su bskor ba yis// las kyi dkyil 'khor bri bar bya// las kyi dkyil 'khor ro// / de nas dkyil 'khor chen po mchog/ yang dag rab tu bshad bya ba// shes rab ye shes 'khor lo che// sngags kyi yi ges rnam par brgyan// de yi dbus su pad chen po// 'dab ma brgyad pa shin tu mdzes/ / de yi lte ba'i dkyil du ni// gzhon nu sna tshogs gzugs ldan pa// sku mdog dmar zhing 'dzum bcas pa// sna tshogs gzugs can ral gri can// phyag bzhi pa la zhal

  536. 269a

    ban pa/ / ral gA'i 'byung bas rnam par brgyam// gsang sngags can pa y-i ge wa// dzam drung dra lags par gnas// dbyangs dang smra ba kun nas ngon// thugs ts+tsha ni yang dag gnas/ phyi rol nyid ni zla bzhin no// thig bzhi dang ni yang dag ldam/ rta babs bzhi dang mnyam par sbyor// sgo gcig gis mi shin tu mdzes// shes rab pa rom phyin pa nyid/ la 'khor dbus su ni/ / gal te dngos grub mchog 'dod ma// 'bang pa yis ni bri bar bya// sngon du bshad pa'i tshig yis// mchod sogs cho ga rgyas pa nyid// gzugs pa'i cho ga de bzhin du/ ji ltar dkyil 'khor 'dir mthong bzhin// shes rab ye shes dkyil 'khor ro// / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa/ chababs bzhis ni mdzes par byas// thig pa ni yis ni yang dag ldan// phyi yi dkyil 'khor bri bar bya// de yang nang du bri bya ba// chos kyi 'khor lo bla na med// rten cing 'brel 'byung 'phreng ba ni/ 'bad pa yis ni bri bar bya// 'khor lo'i dbus su brtson chen po// rdo rje'i rgyu'i stobs po che// phyag bzhi pa la zhal bzhi pa// rgyan rnams kun gyis brgyan pa'o// kha dog nag po gzi brjid che/ chos kyi 'khor lo rab skor mdzad// de yi sngags gyur mdzes pa ni// rgyu yingon du so sor bskyes// dbyangs drug dang ni yang dag ldan// thig le phyi mos rnam par brgyan// yi ge chen po'i 'phreng ba

  537. 269b

    can/ / 'khor lo gnyis kyis rnam par brgyan// de yi mdun du dung yin la// rgyab tu zhags pa brjod par bya// rdo rje'i thal mo phyag rgya che// 'khor lo bzhin du rab tu gnas// mchod pa thams cad rab tu brtag/ ji ltar dkyil 'khor snga ma bzhin// de lha'i dkyil 'khor bris nas ni// chos kyi 'khor lo bla na med// thog mar chos kyi 'khor lo bskor// dngos grub thams cad yang dga' bar/ / chos kyi 'khor lo'i dkyil 'khor ro// / de nas dkyil 'khor chen po mchog/ yang dag rab tu bshad bya ba// thog ma'i dkyil 'khor sbyor ba yis// dkyil 'khor kun gyi thig gdab bo/ / de yi dkyil du snang ba che// mkhar bzhin shin tu 'od gsal ba// sems dpa' chen po nam mkha'i mdzod// pad+ma'i rgyal po rab tu bzhugs// zla ba'i mdog can gzi rjed ce/ / sna tshogs mtshon cha 'dzin pa'i mchog/ gzhon nu rab tu brjid pa'i zhal// nam mkha'i mdzod ces rab tu grags// sangs rgyas 'phreng ba sogs pas spras// rdo rje dkyil 'khor rgyun par mdzad/ / 'di yi gsang sngags gzi brjid che// dbyangs dgu pa la thig le dang // nA da yis ni rnam par brgyan// sde tshan dang po'i gsum pa la// thig le nA ngas rnam par brgyan// gtso bo de yi sngags pa yang / nam mkha'i mdzod ni rab skor mdzad// de lha'i dkyil 'khor bris nas ni// sngags kyi 'phreng ba mchog ldan pa// ma lus pa yi sa rnams kun// thams cad nas ni na mkha'i

  538. 270a

    tshul tog ni phyag rgyar gyur pa de'i/ / de bzhin du ni nges par bcing // de ma'i dkyil 'khor bris nas ni// nam mkha' yi ni mdzad de la// gal te bdag ni grub 'dong ma mchod pa kun gyis rnam par mchod/ / nam mkha'i mdzod kyi dkyil 'khor ro// / de nas dkyil 'khor chen po mchog/ yang dag rab tu bshad bya ba// dkyil 'khor snga ma'i sbyor ba yis dkyil 'khor thams cad thig gdab bo/ / dkyil 'khor de yi dbus su ni// khro bo'i dkyil 'khor gru bzhi pa// der yang rdo rje 'di yi mchog/ dkyil 'khor gyi ni mchog tu 'dod// de yi dbus su gzi brjid che/ / rdo rje gnod sbyin bla na med// phyag bzhi pa la zhal bzhi pa// pad+ma'i rgyal po la rab gnas// rgyan rnams kun gyis brgyan pa'i lus// 'dud rnams thams cad rab 'joms mdzad/ / de sngags yi ger gyur pa na// sha Sha'i sde tshan mthar dge ba// rgyu yi don du legs gsal bya// khro bo'i dkyil khor chen po bskor// sngags kyi yi ge 'phreng ba che// 'bad pa yis ni bri bar bya/ / de lha'i dkyil 'khor bris nas ni// rdo rje gnod sbyin de yi ni// gal te dngos grub mchog 'dod na// sgyu ma thams cad gzhom par bya// rdo rje gnod sbyin gyi dkyil 'khor chen po'o// de nas dkyil 'khor chen po mchog/ yang dag rab tu bshang bya ba// gru bzhi pa la sgo bzhi pa// rta babs bzhis ni mdzes pa byas// de yi dbus su 'khor lo che// lcags kyu

  539. 270b

    yis ni rnam par mdzes/ / dbus su bcom ldan rdo rje rgya// lcags kyu la ni rab tu bzhugs// phyag bzhi pa la zhal bzhi pa// rgyan rnams thams cad rab tu 'bar// rdo rje lcags kyu khu tshur che// 'bar ba 'phro bas rnam par brgyan// 'gro ba thams cad 'gugs par mdzad// sngags kyi yi ges legs par sbyar// sha Sha'i sde yi drung gnas pa// byed pa'i rgyu ru legs par gnas// dbyangs drug pa yis legs par phye/ / zla phyed thig legs legs par brgyan// lcags kyu'i phyag rgya legs par sbyar// 'gugs par byed la don yod pa'o// de ltar dkyil 'khor bris nas ni// rdo rje lcags kyu mchog tu dge/ dgug pa la sogs thams cad la// 'gro ba 'dul ba yongs su bsdu// don yod rgyal po'i dkyil 'khor ro// / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par bya// thig bzhi dang ni yang dag ldan// dngos grub dkyil 'khor bri bar bya// dkyil 'khor de yi dbus su ni/ / dkyil 'khor lcags kyu'i rnam pa can// de yi dbus su gru gsum grags// lcags kyu mchog tu dge ba'o// de yi dbus su sems dpa' che// rdo rje rgyal po stobs po che/ phyag bzhi pa la zhal bzhi pa// rgyan rnams kun gyis brgyan pa'o// gzi brjid chen po dkar dang dmar// zhags pa lcags kyu 'dzin dge ba// de yi gsang sngags yang dag bshad

  540. 271a

    don yod 'bras bu stsol ba po/ / sde tshan gnyis pa'i gsum pa ni// gnyis 'gyur nyid du rnam par gnas// de yi thig le mya na 'das// sngags kyi 'phreng ba gzhan gyis bskor/ sgeg mo la sogs mchod pa che// 'bad pa yis ni bri bar bya// sgo skyong ba dang mchod pa yang // sbyor ba ji bzhin rnam par dgod// de lha'i dkyil 'khor bris nas ni// mchod pa thams cad yongs su sgrub/ / rdo rje rgyal po'i dkyil 'khor ro// / de nas dkyil 'khor chen po mchog/ yang dag rab tu bshad bya ba// sangs rgyas dpa' bo thams cad kyis// rdo rje chags pa zhes su bshad/ / gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// chags pa'i dkyil 'khor bri bar bya// thams cad dmar pos rab dregs pas/ dbang du byed pa'i dam pa yin// de yi dbus su pad chen po// 'dab ma brgyad pa ge sar bcas// de yi lte ba'i dbus su ni// rdo rje chags pa bri bar bya// pad+ma rA ga mtshungs pa'i 'od// phyag bzhi pa la zhal bzhi pa/ / spyan gsum 'od kyi 'phreng ba can// de yi phyag rgya mchog tu ni// mdzes pa yis ni mda' gzhur 'gyur// rgyan rnams kun gyis mdzes pa'i lus// 'gro ba kun la ches mchog 'gyur// de yi gsang sngags mdzes gyur pa// rdo rje chags pa mchog tu bde// sha Sha'i sde yi mthar gyur pa// k+Sha yi yi ge'i sngon du gnas// dbyangs dgu pa dang yang dag ldan// sngags kyi 'phreng bas yang

  541. 271b

    ngag brgyan/ / me tog mnga' ni yongs su 'phen// re ba thams cad yongs rdzogs mdzad// de lha'i dkyil 'khor bris nas ni// sangs rgyas thams cad rab mchod byed// rdo rje chags pa'i dkyil 'khor ro// de nas dkyil 'khor chen po mchog/ yang dag rab tu bshad bya ba// rdo rje legs pa zhes grags pa// gnyis su med pa'i dga' ba'ang 'phel// gru bzhi pa la sgo bzhi pa// rta babs bzhis ni mdzes par byas/ / de yi dbus su cher mdzes pa'i// dkyil 'khor dam pa gru bzhi pa// de yi dbus su pad chen po// ze 'bru yis ni nye bar mdzes// de yi lte ba'i dkyil du ni/ zla ba'i gzugs brnyan yang dag 'bar// der gnas dpa' bo bsam par bya// rdo rje legs pa stobs po che// dung dang kun da zla ba dkar// kha ba ba zho'i 'od ltar mdzes// legs so stsol ba tshim par mdzad/ / ting nge 'dzin dbang mang po sbyar// rdo rje sgeg mo sogs mchod pa// de bzhin me tog bdug pa sogs// sgo yi skyong ba nyid kyang ni// rab tu 'bad de bri bar bya// de yi sngags gyur mdzes pa ni/ / gsang ba chen po mchog tu 'bar// lha mi yi ge sngon gang de// sems can don ni rab sgrub byed// thig le gnyis dang yongs su ldan// legs stsol bas ni rnam par gnas// de lta'i dkyil 'khor bris nas mi/ mchod pa thams cad rab tu bskor// bdag nyid dag pas gzhug pa sogs// thams cad yongs su spyad par bya// rdo rje legs pa'i dkyil 'khor ro//

  542. 272a

    de nas dkyil 'khor chen po mchog/ yang dag rab tu bshad bya ba// rdo rje gzi brjid ces su grags// rdo rje nyims blo gros ldan// gru bzhi pa la sgo bzhi pa// rta babs bzhis ni mdzes par byas/ / thig bzhi dang ni yang dag ldan// dkyil 'khor dam pa bri bar bya// de yi nang du bri bya ba// rdo rje nyi ma 'odang po che// rdo rje nyi ma'i steng du ni// gru gsum rnam pa las byung ba// de yi dbus su gzi brjid che/ / 'bar ba yi ni me lta bu// pad+ma chen po 'dab brgyad pa// me 'bru yis ni shin tu mdzes// de yi lte ba'i dkyil 'khor du// rdo rje gzi brjid stobs po che// bzang po'i mtshal dang mtshungs pa'i 'od/ / rgya skyegs khu ba mtshungs pa'i mdog/ phyag bzhi pa la zhal bzhi pa// rgyan rnams kun gyis brgyan pa po// de yi sngags su yongs grags pa// kun nas sangs rgyas mtshungs pa'i nyid/ / dbyangs yig bcu gcig pa yi mtha'// nyi ma'i dkyil 'khor dbus su ni// sngags kyi 'phreng bas yongs su bskor// rang gi phyag rgya'i mtshan ma ldan// de lta'i dkyil 'khor bris nas ni/ / sangs rgyas thams cad rab mchod bya// rdo rje gzi brjid dkyil 'khor ro// / de nas dkyil 'khor chen po mchog/ yang dag rab tu bshad bya ba/ yid bzhin no/ bu'i rgyal mtshan ming // bdag nyid chen po rdo rje tog/ gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// zla ba'i dkyil 'khor bri bar bya// dkyil

  543. 272b

    'khor de yi dbus su ni/ / mchog tu 'bar ba yi ni rlung // zla ba phyed pa'i rnam pa 'dra// rin chen rgyal mtshan yongs bsgreng ba// de yi dbus su sems dpa' che// rgyan rnams kun gyis brgyan pa po// zhal bzhi pa la gzi brjid che// in+d+ra nI la mtshungs pa'i 'od// rin chen char pa rab tu 'bebs// phyag bzhi pa la snang ba che// de yi gsang sngags gzi brjid che// sde tshan bzhi pa'i dang po la me yis rab tu gsal byas pa/ / tog gi phyag rgyas yongs su bskor// sngags kyi 'phreng bas rnam par brgyan// de lha'i dkyil 'khor bris nas ni// sangs rgyas thams cad rab mchod bya/ rdo rje tog gi dkyil 'khor ro// / de nas dkyil 'khor chen po mchog/ yang dag rab tu bshad bya ba// rdo rje bzhad pa zhes grags pa// rdo rje bzhad pa mtshungs pa'i 'od// glu bzhi pa la sgo bzhi pa/ / rta babs bzhis ni mdzes par byas// thig bzhi dang ni yang dag ldan// dkyil 'khor chen po bri bar bya// dkyil 'khor de dbus zlum po ni// in+d+ra nI la mtshungs pa'i 'od// de bzhin chu ni gzi brjid can// phyag rgya 'khor los rnam par mdzes// dkyil 'khor de yi dbus su ni// ston ka'i zla ba 'dra ba'i 'od// 'gro ba mtha' dag snang mdzad pa// rgyan rnams kun gyis brgyan pa po/ / phyag bzhi pa la zhal bzhi pa// dbang phyug thams cad yang dag ldan// de yi gsang sngags gsang chen po// rgyu yi don du bsgrub par bya// stong pa mngon brjod bsam mi khyab//

  544. 273a

    rang ming rtog pas mtshan pa'o// de lha'i dkyil 'khor bris nas ni// sangs rgyas thams cad rab mchod bya// rdo rje bzhad pa'i dkyil 'khor ro// / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// dngos grub dkyil 'khor yang dag bri/ / de yi steng du'ang pad+ma che// pad+ma me las yang dag byung // gru gsum mchog tu mdzes pa po// thor cog dag gis rnam par brgyan// chos dbyings yi ge'i de kho na// thams gzi brjid bdag nyid dag/ de yi mdog gi de nyid ni// 'phro ba'i ma ra ka ta 'dra// phyag bzhi pa la zhal bzhi pa// rgyan rnams kur gyis brgyan pa po// gnyis pa'i mdog tu gyur pa ni// pad+ma rA ga mtshungs pa'i 'od// ji srid dag gi 'khor lo ni// smra ba'i dbye bas rab tu gnas// thams cad so sor gsal bar byed// sprin gyi dkyil 'khor mchog rmad byung // de lha'i dkyil 'khor bris nas ni/ sangs rgyas thams cad rab mchod bya// rdo rje smra ba'i dkyil 'khor ro// / de nas dkyil 'khor chen po mchog/ yang dag rab tu bshad bya ba// dkyil 'khor snga ma'i sbyor ba yis/ / dkyil 'khor thams cad bri bar bya// de yi dbus su go cha che// rin chen kun gyis rnam par brgyan// de yi dbus su brtson chen po// rdo rje srungs par yang dag bri// phyag bzhi pa

  545. 273b

    la zhal bzhi pa/ / rgyan rnams kun gyis brgyan pa po// kha dog sna tshogs gzi brjid che// thams cad srung ba mchog tu dge/ phyag rgya sngags dang yang dag ldan// gsang ba chen po go 'phang mchog/ de yi gsang sngags gzi brjid che// sha Sha'i sde yi mthar gnas mchog/ mgon po'i rgyur ni mngon par brjod// steng du nA das brgyan par bya// kun nas kha dog du ma yis// yongs su bskor bar bsgom par bya// sngags kyi 'phreng ba yongs su ldan// glog gi 'phreng bas rnam par brgyan// de lha'i dkyil 'khor bris nas ni// mchod pa thams cad rab bsgrub bya/ rdorje srung ba'i dkyil 'khor ro// / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par bya/ thig bzhi rang ni yang dag ldan// khu tshur dkyil 'khor bri bar bya// dkyil 'khor de yi dbus su ni// rdo rje pad+ma yid 'ong ba// gzi brjid chen po gser gyi mdog/ 'dab ma brgyad pa yid 'ong ba/ / de yi steng du gzi brjid che// rdo rje khu tshur stobs po che// phyag bzhi pa la zhal bzhi pa// rgyan rnams kun gyis brgyan pa po// kun da dung dang zla ba dkar// khu tshur de bzhin gshegs kun gyi/ sku dang gsung dang thugs khu tshur// rdo rje nyid du mnyam nyid mchog/ gnyis su med pa mchog gsang ba// khu tshur gyis ni sdud par bshad// de sngags mchog tu

  546. 274a

    dga' ba ni/ / brjod du med nyid stsol mdzad pa// sde tshan lnga pa'i gsum pa ni// 'bar ba'i 'od kyi dkyil 'khor car// sangs rgyas rnams kyi rdo rje'i sku// 'di yi sngags la rnam par gnas/ / de lha'i dkyil 'khor bris nas ni// rdo rje khu tshur mchod par bya// rdo rje khu tshur gyi dkyil 'khor ro// / de la sogs pa'i mtha' yas mchog/ dkyil 'khor mchog tu 'bar ba ni/ / chos kyi dbyings kyi mtha' klas pa'i// sangs rgyas byang chub stsol bar mdzad// de nas yang dag bshad bya ba// 'jig rten pa yi dkyil 'khor mchog/ de bzhin gru bzhi bris nas ni/ / sgo khyud la sogs rnam par spang / rtse gsum snam bu nyid dang ni// dung dang pad+ma sogs pas brgyan// thog mar dbang phyug chen po dgod/ rtse gsum pa yi phyag rgyar ldan khyu mchog la zhon mig gsum pa/ / stag gi pags gyon phyag bzhi pa// thal bas byugs shing mgo bo la// ral pa'i tshogs ni rab 'phyang ba// chu yi dkyil 'khor dbus su ni// de bzhin gshegs pa thams cad la/ / phyag 'tshal ba de de bri'o// de'i sngags ni/ oM hrI sa suM hUM phaT/ gsang sngags 'di ni cher gsang ba// bdag nyid chen po dbang phyug che'i// dbang phyug chen po'i sgrub pa'i thabs so// / dkyil 'khor chen po de nyid la// dbang phyug chen po'i gnas su nag po chen po gzhag par bya'o// lag pa stong gi gar byed pa dang ldan pa'i dga' byed dbang phyug dang lhan cig phyag bzhi

  547. 274b

    pa lag pa stong gis gnas pa'o/ / rang gi sngags ni/ oM ma hA kA la hUM b+h+yaH/ oM nin+di ka shwa ra hUM b+h+yaH/ 'di bzlas na dngos grub thams cad byed do// dga' byed dbang phyug dang nag po chen po'i sgrub pa'i thabs so/ / / de nyid kyi ni cho ga yis// dkyil 'khor gru bzhi thig gang po bya// der ni pad+ma yang dag bri// pad+ma'i dbus su sbrang rtsi byed// la sogs mthar byed spun bri'o/ / gzhu yi phyag rgya yongs su 'dzin// sbrang rtsi byed dang rgyal bar byed// nyid kyi sgrub thabs de bzhin no// me tog mda' dang yongs su ldan// rang gi ming rtogs mtshan ma can// sngags ni// oM ma d+hA krid+d+ha saM/ oM sA d+hA na sAH/ gsang sngags 'di ni 'dod gzugs can// dbang du byed pa thams cad sgrub// sbrang rtsi rdo rje la sogs pa'i sgrub pa'i thabs so// / dkyil 'khor gru bzhi pa bris nas dbus su thig bzhi gdab bo/ / dbus su tum pu ru'o// shar gyi 'dab mar rgyal ba'o// lho ru rnam par rgyal ba'o// nub tu mi thub pa'o// byang du gzhan gyis mi thub pa'o// de lta bu'i dkyil 'khor bris nas/ go rims ji lta ba bzhin du gsang sngags dgod par bya'o// oM tuM bu ru hUM/ oM dza ye hUM/ oM bi dza ya hUM/ oM a dzi te hUM/ oM a pa rA dzi ta hUM/ dga' ba 'di dag lag g.yon du/ / khu tshur g.yon pas rab grub rtsol// 'di yi phyag rgya nyid gyur pa// sangs rgyas kun gyis rab tu brtags// lag pa dgod par rab bshad bya// go rims ji lta ba bzhin du// tum

  548. 275a

    bu ru ni mthe bor dgod/ / sdigs mdzub la ni rgyal ba gnas// rnam rgyal gung mo nyid la'o// mi thub de bzhin ming med la// gzhan gyis mi thub mthe'u chung la// lag pa'i dbus su yi ge oM/ / dgod bya de nyid lag pa'i rgyab// rdo rje 'phrang ba'i mthar thug tu// dgod par bya ba mchog tu bshad// sbyor dang rnam par dbye ba yang // phyag rgya kun spyod yongs su bsdu// so sor brtan par bya ba nyid// sor mo rnams la khyad par du// dbang dang dgug dang rmongs la sogs// rengs byed la sogs go rims bzhin// las rnams dag ni thams cad du// sngags pas mnyam par bzhag ste bya/ / de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das rdo rje rnal 'byor gyi dbang phyug chen po la/ bzhin gshegs pa thams cad kyi gsang ba'i mtshan rnams kyi legs par mdzad de/ bcom ldan 'das mnyes par mdzad pa/ byang chub sems ni rdo rje che// sangs rgyas de bzhin gshegs pa kun/ / dgra bcom 'dod chags bral ba dang // legs pa chos kyi 'byung gnas mchog/ blo gros dag pa ye shes che// thams cad mkhyen pa kun rig mchog/ mchog gi dbang phyug dpa' ba ma/ thog ma tha ma med khyab pa// ma 'dres ma 'dres pa yi don// shin tu phra ba mchog sbyin rgyal// rdo rje can chen rnal 'byor che// rdo rje rnal 'byor dbang phyug mchog/ mi bskyod pa dang mi zad mgon//

  549. 275b

    chos dbyings gzhan dang gzhan min pa// rin chen 'byung gnas rdo rje mchog/ dbang bskur kun gyi bla ma'i bla// theg chen che ba'i mchog gi mchog/ dpa' bo mchog tu dpa' ba'i mchog/ cing yangs la phra ba dang // thams cad thams cad de bzhin gsheg/ 'khor lo sgyur ba'i rgyal po che// tshang skyob dkar po stobs po che// gzi brjid phung po gzi brjid che// phul byung phul las phul du byung / / rgyu med mchog gi mchog dpa' mchog/ gzi mchog gzi brjid byed mtshungs pa// rgyal ba rgyal ba mchog nyid dang // legs pa'i rgyal po bdag nyid che// rdo rje sems dpa' sems dpa' che/ / rdo rje rgyal po lcags kyu che// rdo rje chags pa mda' chen po// rdo rje legs pa legs grub mdzad// rdo rje rin chen che mchog mchog/ rdo rje gzi brjid legs brjid mdzad/ / rgyal mtshan chen po rin chen tog/ rdo rje bzhad pa legs bzhad mdzad// 'jig rten dbang phyug pad+ma che// shes rab ye shes legs rno mdzad// chos kyi 'khor lo chos chen po/ sems dpa' smra ba legs bzhang mdzad// sna tshogs las ni rgyal po che// rdo rje srung ba legs srung mdzad// khro bo chen po gnod sbyin che// rdo rje mtshams sbyor mtshams sbyor sel// phyag 'tshal sangs rgyas kun khyod la/ / dang po'i rnal 'byor dbang phyug mchog/ legs so rdor can rnal 'byor che// de bzhin gshegs pa thams cad dge/ snying po'i rgyan ces mtshan gsol pa/

  550. 276a

    'di dag thams cad legs par gsungs// sangs rgyas rnams kyi byang chub sems// ye shes snying po shin tu mdzes// gsang ba chen po mchog tu gsang // sna bya shin tu rnyed dka' ba/ / shes rab pha rol phyin pa'i mdo// brjod du med cing yi ge bral// rdo rje snying po rgyan gyi rgyud chen po las/ shes rab kyi pha rol tu phyin pa'i dkyil 'khor zhes bya ba'i rtog pa rgyas pa 'di yongs su rdzogs so/ / // de nas bcom ldan 'das de bzhin gshegs pa thams slar yang 'dus te gshegs nas/ bcom ldan 'das thog ma dang tha ma med pa'i rdo rje rnal 'byor gyi dbang phyug chen po la gsol ba btab bo/ / de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig nye bar gsan nas sangs rgyas thams cad kyi yul la 'jug pa ye shes rdo rje zhes bya ba'i ting nge 'dzin la snyoms par zhugs so/ / de ma thag tu bcom ldan 'das ma'ang snyoms par zhugs so// de nas bcom ldan 'ad rdo rje rnal 'byor gyi dbang phyug chen po 'di skad cig nyid la 'jam dpal gzhon nur gyur pa de bzhin gshegs pa thams cad kyi shes rab kyi ye shes rdo rje la zhugs par gyur to/ / zhugs nas/ kyangade bzhin gshegs pa thams cad kyi shes rab ye shes kyi ting nge 'dzin gsal bar mdzad cing brtan par gyur nas/ de bzhin gshegs pa thams cad kyis thugs de las

  551. 276b

    'thon te/ sangs rgyas thams cad kyi yul chos kyi dbyings kyi mtha' klas pa ma lus shing lus pa med pa'i sems can gyi khams thams cad snang bar mdzad nas/ sems can thams cad kyi'ang shes rab dang ye shes rnam par sbyang te/ byang chub kyi sems bskyed nas bkug cing rjes su mnyes par byas nas legs par mdzad nas rnam par gnas te/ rdo rje sems dpa'i ting nge 'dzin legs par yongs su rdzogs par mdzad nas mngon par dbang bskur te gzi brjid dang / tog dang / bzhad pa dang / de dag la nges par sbyar te mchog gi dbang phyug chen po las rdo rje sems dpa' ting nge 'dzin gyis chos rtogs pa la'ang rab tu gnas nas rnon po dang / rgyu dang smra ba'i sems dpa' rnams la'ang thugs brtan par mdzad de/ yongs su dag nas yang pad+mo'i sems dpa'i ting nge 'dzin la rang bzhin gyis dag pa'i dbang phyug chos nyid gzhi med pa la sbyar nas/ sna tshogs pa'i las kyi bdag pos kyang sems can yongs su smin cing srung ba'i khro bos de bzhin gshegs pa thams cad kyi sku dang / gsung dang / thugs rdo rje mtshams sbyor ba rnams sems can gyi khams mtha' dag yongs su smin pa dang / byin gyis brlabs te slar log nas bcom ldan 'das kyi thugs kar rjes su zhugs te/ de bzhin gshegs pa thams cad kyi shes rab kyi ye shes la zhugs nas ched du brjod pa 'di ched ngu brjod// e ma ho zag mang shes rab ni// sangs rgyas skyob pa thams cad

  552. 277a

    kyi/ shes rab shin tu dri med sems// sems dpa'i lus su bdag gyur to// dri med sangs rgyas thams cad kyi// dngos dang dngos med rnam dpyad nas// e ma'o// chos ni bsam med nyid// bdag gi dbang du rnam par gnas// de nas byang chub sems dpa' chen po 'jam dpal bcom ldan 'das kyi thugs ka nas 'thon nas/ byang chub sems dpa' bcu drug gi lus su mngon par sprul te/ bcom ldan 'das rnam par snang mdzad la yongs su bskor ba'i de bzhin gshegs pa thams cad kyi nye 'khor kun tu nyi ma'i dkyil 'khor dang / 'od kyi dkyil 'khor dang / byin gyis brlabs pa zla ba'i dkyil 'khor la 'khod par gyur nas/ bcom ldan 'das rdo rje rnal 'byor gyi dbang phyug chen po la 'di skad ces gsol to// bcom ldan 'das rdo rje snying po rgyan gyi rgyud las/ shes rab kyi pha rol tu phyin pa mdor bstan pa'i chos kyi tshig bka' stsal du gsol/ de nas bcom ldan 'das rnam par snang mdzad kyis/ 'jam dpal gzhon nur gyur pa la bka' stsal pa/ 'jam dpal khyod de bzhin gshegs pa la don de yongs su zhu bar sems pa ni legs so legs so// legs par rab tu nyon la yid la zung zhig dang ngas bshad do// de nas bcom ldan rangs rdo rje rnal 'byor gyi dbang phyug chen pos de bzhin gshegs pa thams cad du bdag nyid byin gyis brlabs nas sngags kyi tshig 'di dag bka' stsal pa/ dran pa nye bar gzhag pa bzhi ni nang gi lus dang /

  553. 277b

    phyi'i lus dang / phyi nang gi lus la lus kyi rjes su lta zhing brtson 'grus can shes bzhin dang ldan pa/ dran pa dang ldan pas 'jig rten gyi chags sems dang / yid mi bde ba rnam par bsal cing rnam par spyod do/ / lus la kun 'byung ba'i rjes su lta zhing rnam par spyod do// lus la zad pa'i rjes su lta zhing rnam par spyod do// lus la mi gnas pa'i rnam par spyod cing 'jig rten du gang yang nye bar len pa med do// nonang gi tshor ba dang / phyi'i tshor ba dang / phyi nang gi tshor ba dang / nang gi sems dang / phyi'i sems dang / phyi nang gi sems dang / nang gi chos dang / phyi'i chos dang / phyi nang gi chos la chos kyi rjes su lta zhing brtson 'grus can shes bzhin dang ldan pa/ dran pa dang ldan pas 'jig rten gyi chags sems dang / yid mi bde ba rnam par bsal cing rnam par spyod do// chos la kun 'byung ba'i rjes su lta zhing rnam par spyod do/ / chos la zad pa'i rjes su lta zhing rnam par spyod do// chos la mi gnas pa'i rnam par spyod cing 'jig rten du gang yang nye bar len pa med do// rtag tu shes rab kyi pha rol tu phyin pa lus dang / ngag dang / sems dang / chos mnyam pa nyid kyis gan so// oM kAM/ oM tsat+tA ra smr-i t+yA pa s+thA nA nA hUM/ yang dag par spong ba bzhi ni sdig to mi dge ba'i chos ma skyes pa rnams mi bskyed pa'i phyir mi dmigs pa'i tshul gyis 'dun pa skyed cing rtsol lo/ / brtson 'grus rtsom mo// sems kyi mthu skyed do// smon lam yang dag par 'debs so// sdig to mi dge ba'i chos skyes pa rnams spang ba'i phyir 'dun pa la

  554. 278a

    sogs pa dang / dge ba'i chos ma skyes pa rnams bskyed pa'i phyir 'dun pa skyed do// 'bad do// brtson 'grus rtsom mo// sems rab tu 'dzin to// smon lam yang dag par 'debs so/ / dge ba'i chos skyes pa rnams 'phel zhing shin tu rgyas par bya ba dang / sbom po yongs su rdzogs pa'i phyir 'dun pa skyed do// 'bad do// brtson 'grus rtsom mo// sems rab tu 'dzin to/ / smon lam yang dog par 'debs so// chos tshad med pa thams cad don dam par tshad med par rtogs par bya ba'i phyir/ bcom ldan 'das rdo rje rnal 'byor gyi dbang phyug chen / pos 'di bka' stsal to// oM samya ka pra hA Na sar+b+ba ta thA ga ta sa ma tA a d+hiSh+Ti te aHhUM/ yang dag par spong ba brjod pa zhes bya ba shes rab kyi pha rol tu phyin pa'i sgo'o// rdzu 'phrul gyi rkang pa bzhi ni mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed do/ / sems dang / brtson 'grus dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed do/ / shes rab kyi pha rol tu phyin pa'i don dam pa dang / kun rdzob kyi sgo'i chos thams cad sgyu ma'i mtshan nyid do zhes bcom ldan 'das chos thams cad kyi 'khor lo sgyur bas bka' stsal to/ / oM ri d+hi pA da pA ra mi te la ba pa ra hUM hUM/ rdzu 'phrul gyi rkang pa'i pha rol tu phyin pa mnyam pa nyid kyi ye shes zhes bya ba shes rab kyi pha rol tu phyin pa'o// dbang po lnga ni dang

  555. 278b

    pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o// bcom ldan 'das chos thams cad mnyam pa nyid la dbang / sbyar bas spros pa med pa'i dbang po 'di dag bka' stsal to// oM in+d+ra ya ba bo d+ha pra dz+nyA e shany+dza nA ma n+ya nA pa ga tA ya AHhUM/ dbang po mnyam pa nyid ces bya ba shes rab kyi pha rol tu phyin pa'o// stobs lnga ni dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so zhes bka' stsal to// bcom ldan 'das chos thams cad mnyam pa nyid la gnas pa/ stobs thams cad rtogs pa/ spros pa thams cad dang bral ba// gdod ma nas dag pas 'di bka' stsal pa/ oM sar+b+ba ta thA ga ta ba la AHhUM hUM ba/ stobs 'phel ba zhes bya ba shes rab kyi pha rol tu phyin pa'o// tshangs pa'i gnas pa bzhi ni byams pa dang / snying rje dang / dga' ba dang / btang snyoms pa'o// oM brah+ma bi hArA d+hASh+ThA ki maM dz+r-i k+ShaM hUM hUM/ chos thams cad mnyam pa nyid ces bya ba shes rab kyi pha rol tu phyin pa 'di bka' stsal to// tshangs pa'i gnas pa byin gyis rlob pa'o// so so yang dag par rig pa bzhi ni spobs pa so so yang dag par rig pa dang / nges pa'i tshig so so yang dag par rig pa dang / don so so yang dag par rig pa dang / chos so so yang dag par rig pa'o zhes bcom ldan 'das chos

  556. 279a

    thams cad sgyu ma'i mtshan nyid du so so yang dag par rig pa'i phyir/ shes rab kyi pha rol tu phyin pa'o zhes bka' stsal to// oM pra ti sam+bi daHswa hUM/ shes rab kyi pha rol tu phyin pa mnyam pa nyid do/ / rjes su dran pa drug gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa dang / chos thams cad gcig tu rjes su dran pa ni chos thams cad don dam pa stong pa nyid ces bya'o// mtshan nyid dang mtshan nyid med pa rnam par dpyod pas mnyam pa nyid kyi sgo zhes bya ba ting nge 'dzin la dbang sgyur bas bka' stsal to/ / oM sarba a nu smr-i ti bud d+haM saM pa dA di shi hUM hUM hUM/ dran pa drug gi shes rab bo// byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag dang byang chub kyi yan lag mnyam pa nyid skye ba med pa'i mtshan nyid ces bya ba shes rab kyi pha rol tu phyin pa bka' stsal to/ / oM sarba tA saM bo d+h+yaM ga sa ma tA pra tiSh+Thi te dru paM/ byang chub kyi yan lag bdun

  557. 279b

    zhes bya ba'i shes rab kyi pha rol tu phyin pa'o/ / 'phags pa'i lam yan lag brgyad gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// lam zad mi shes pa'i byang chub kyi sems chen po la 'jug pa legs par so sor rig par thams cad mkhyen pa'i ye shes so/ / oM Ar+yA Sh+TAM ga mArga ma Ta/ 'phags pa'i lam yan lag brgyad pa nyid ces bya ba shes rab kyi pha rol kyi pha rol tu phyin pa'o/ / ting nge 'dzin gsum ni stong pa nyid dang / mtshan ma med pa dang / smon pa med pa'o// de la stong pa nyid kyi ting nge 'dzin gang zhe na/ stong pa'i rnam pa dang / dben pa'i rnam pa dang / med pa'i rnam pa dang / rang bzhin med pa'i rnam pa thams cad mtshan nyid gcig tu rtogs pa sems rtse gcig pa ste/ 'di ni stong pa nyid kyi ting nge 'dzin ces brjod do// de la mtshan ma med pa'i ting nge 'dzin gang zhe na/ gang la mtshan mar mi byed pa dang / 'dod pa med pa dang / shes pa med pa dang / zhi ba'i rnam pa dang / rnam par bral ba'i rnam par sems rtse gcig pa ste/ 'di ni/ mtshan ma med pa'i ting nge 'dzin ces bya'o// de la smon pa med pa'i ting 'dzin gang zhe na/ mi rtag pa'i rnam pa dang / sdug bsngal ba'i rnam par sems rtse gcig pa ste/ de ni smon pa med pa'i ting nge 'dzin

  558. 280a

    ces bya'o/ / chos thams cad rtogs nas smon par mi byed de/ lha 'am lha las gzhan gang yang rung ba don du mi gnyer zhing 'phags par yang mi 'dod pa ste/ dngos po / thams cad la ting nge 'dzin thams cad kyi sgo yis kyang ngo // shes rab kyi pha rol tu phyin pa 'di nyid kyis ting nger dzin gyi sgo gsum nye bar rtogs par bya'o// oM kha sa mAHsarba d+harmAHkhaM/ de la stobs bcu ni gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang / mos pa sna tshogs mkhyen pa'i stobs dang / sdug bsngal 'gog pa so sor mkhyen pa'i stobs dang / kun nas nyon mongs pa'i gzhi mkhyen pa'i stobs dang / sngon gyi gnas rjes su dran pa mkhyen pa'i stobs dang / mngon par shes pa lnga mkhyen pa'i stobs dang / zag pa zad pa mkhyen pa'i stobs so// de bzhin gshegs pa thams cad kyi mnyam pa nyid so sor rtogs pa'i phyir shes rab kyi pha rol tu phyin pa'o/ / oM da sha ba la sa ma tA thA/ stobs bcu mnyam pa nyid ces bya ba shes rab kyi pha rol tu phyin pa'o// rnam par thar pa brgyad gang zhe na/ gzugs can gyis gzugs rnams mthong ba 'di ni rnam par thar pa dang po'o/ / nang gzugs med pa'i 'du shes dang ldan pas phyi rol gyi gzugs rnams mthong ba 'di ni rnam par thar pa gnyis pa'o// bzang bar mos

  559. 280b

    pa 'di ni rnam par thar pa gsum pa'o/ / gzugs kyi 'du shes las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o// de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o// de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched nye bar bsgrubs te gnas pa 'di ni rnam par thar pa drug pa'o// rnam pa thams cad du cung zad med pa'i skye mched las yang dag par 'das te/ 'du shes med 'du shes min skye mched la nye bar bsgrubs te gnas pa 'di ni rnam par thar pa bdun pa'o// de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa la nye bar bsgrubs te gnas pa 'di ni rnam par thar pa brgyad pa'o// chos thams cad spros pa med pa'i mtshan nyid kun nas nyon mongs pa med cing rnam par byang ba med pa/ bsam gtan med cing bsam gtan med pa ma yin pa/ snyoms par 'jug pa med cing snyoms par 'jug pa med pa ma yin pa 'di bka'

  560. 281a

    stsal to/ / oM sa man+ta b+ha dre swa b+hA ba bi shud d+he d+haM ShaM khaM/ gnas dang gnas ma yin pa dang bral ba zhes bya ba shes rab kyi pha rol tu phyin pa'o// mi 'jigs pa bzhi gang zhe na/ bdag gis yang dag par rdzogs par sangs rgyas so zhes dam bcas na chos 'di rnams mngon par rdzogs par sangs ma rgyas so zhes bya bar bdag la dge sbyong ngam/ bram ze 'am/ lha'am/ bdud dam/ tshangs pa 'am/ skye dgu'i tshogs gzhan ci'ang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su ma mthong ste/ rgyu yang dag par rjes su ma mthong bas de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca' 'o// 'khor gyi nang du seng ge'i sgra skrag go/ / tshangs pa'i 'khor lo 'jig rten na dge sbyong ngam/ bram ze 'am/ lha 'am/ bdud dam/ tshangs pa'am/ gzhan sus kyang rung ste/ chos dang ldan par bskor bar mi nus pa bdag gis rab tu bskor bar bya'o/ / bdag zag pa zad do zhes dam bcas nas/ de la zag pa 'di rnams yongs su zad par ma gyur to zhes bya bar bdag la dge sbyong ngam/ bram ze'am/ lha 'am/ bdud dam/ tshangs pa'am/ skye dgu'i tshogs gzhan su'ang rung ste/ 'jig rten na chos dang 'thun par zhes bya ba'i bar du'o// gang yang bdag gis bar chad kyi chos su

  561. 281b

    bstan pa de dag la bstan na bar chad kyi chos su mi 'gyur ro zhes bya ba rgyas par sbyor ro/ / gang yang bdag gis lam 'phags pa'i 'byung ba rtogs par 'gyur ba de byed pa'i sdug bsngal yang dag par 'gyur bar brten pa de dag la nan tan byas nas/ sdug bsngal yang dag par zad par 'gyur bar mi 'byung ngo zhes dge sbyong ngam/ bram ze 'am/ lha 'am/ bdud dam/ tshangs pa 'am/ skye dgu'i tshogs sus kyang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ba la sogs pa ji ltar gyur pa thams cad yongs su spros te brjod par bya'o// mi 'jigs pa ni ngar 'dzin pa'i phyir ro// chos thams cad mnyam pa nyid sgyu ma'i mtshan nyid do zhes/ oM bai sha ra d+ya sa ma tA pra b+hA a a/ aM aH/ mthar gyis gnas pa'i mnyam pa nyid kyi snyoms par 'jug pa dgu gang zhe na/ 'dod pas dben pa/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs te gnas so// de rnam par rtog pa dang / rnam par dpyod pa nye bar zhi nas nang yongs su dang ste sems kyi rgyud gcig tu gyur pas rtog pa med pa dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so// de dga' ba'i 'dod chags dang bral bas btang snyoms su

  562. 282a

    gnas te/ dran pa dang ldan zhing shes bzhin du bde ba lus kyis myong la/ 'phags pa rnams kyis de la dran pa dang ldan pa'i bde ba la rnam par spyod pa btang snyoms pa'o/ zhes brjod pa ste/ dga' ba med pa'i bsam gtan gsum pa la nye bar bsgrubs te gnas so// de bde ba'ang spangs/ sdug bsngal ba'ang spangs shing / yid bde ba dang yid mi bde ba snga nas nub pas/ bde ba'ang med/ sdug bsngal ba'ang med/ btang snyoms pa dang dran pa yongs su dag pa/ bsam gtan bzhi pa nye bar bsgrubs te gnas so// de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ / de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye mched la nye bar bsgrubs te gnas so/ / de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ / de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so// de rnam

  563. 282b

    ba thams cad du 'du shes med 'dra shes min skye mched las yang dag par 'das te/ 'du shes dang tshor ba 'gog pa la nye bar bsgrubs te gnas so// rnam par thar pa brgyad po dang mnyam pa nyid rjes su thob nas dngos por rtogs par mi byed/ dngos po med par rtogs par mi byed/ chos thams cad gnyis su med par rtogs so// 'di ni mthar gyis gnas pa'i snyoms par 'jug pa dgu mnyam pa nyid do/ / oM a nan+taHbi mo k+Sha mu khe shu/ dngos po thams cad mthar gyis gnas pa'i rnam par thar pa mnyam pa nyid ces bya ba shes rab kyi pha rol tu phyin pa'o// de la pha rol tu phyin pa bcu gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / smon lam gyi pha rol tu phyin pa dang / ye shes kyi pha rol tu phyin pa dang / stobs kyi pha rol tu phyin pa dang / thabs kyi pha rol tu phyin pa dang / thams cad kyi pha rol tu phyin pa dang / mi mnyam pa dang mnyam pa'i pha rol tu phyin pa dang / spros pa med pa'i pha rol tu phyin pa dang / yang dag pa'i don gyi pha rol tu phyin pa dang / chos thams cad kyi de kho na nyid kyi don gyi pha rol tu phyin pa dang / rdo rje'i pha rol tu phyin pa dang / rin po che'i pha rol tu phyin pa dang / pad+ma'i pha rol tu phyin pa dang / las kyi pha rol tu phyin pa dang /

  564. 283a

    chos thams cad mnyam pa nyid kyi pha rol tu phyin pa ste/ bsten pa'i rjes su rtogs pa'i sbyor bas so// oM sarba pA ra mi ta anA pa ri pU ra Ni/ oM prA dz+nyA taM/ thams cad kyi pha rol tu phyin pa zhes bya ba shes rab kyi pha rol tu phyin pa'o/ / de la sa bcu pa gang zhe na/ rab tu dga' ba zhes bya ba'i sa dang / dri ma med pa zhes bya ba'i sa dang / 'od byed pa zhes bya ba dang / 'od 'phro ba zhes bya ba dang / sbyang dka' ba zhes bya ba dang / mngon du gyur pa zhes bya ba dang / ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin zhes bya ba dang / sa thams cad don gcig ste/ 'di ltar ye shes kyi don to// ye shes kyang ci'ang med pa/ nyon mongs pa med pa/ yi ge med pa/ don yod pa/ gdod ma nas dag pa/ dri ma med pa'od gsal ba/ brjod pa dang bral ba zhes bya ba'i don to// oM b+hU mi bi sho d+ha ni sarbA NA pa ri pU ra Ni bi pru/ sa yongs su sbyong ba zhes bya ba shes rab kyi pha rol tu phyin pa'o// byang chub sems dpa'i gnas pa bcu gang zhe n+d+ha/ byang chub sems dpa'i sems dang po bskyed pa dang / gzhon nur gyur pa dang // las dang po pa dang / rnal 'byor spyod pa dang / skye ba nas skye bar sbyor ba dang ldan pa dang / bsam pa dang ldan pa dang / phyir mi ldog pa dang / dbang bskur ba thob bo dang / skye ba gcig gis thogs pa dang / byang chub sems dpa' rnams kyis rnam par gnas pa dang / mi gnas pa dor ba ste/

  565. 283b

    don dam par gnas pa gcig yin pa'i phyir te/ 'di ltar gnas pa med pa'o// oM sarba bya ba s+thA na bi ga te hUM/ rnam par gnas pa med pa zhes bya ba'i shes rab kyi pha rol tu phyin pa'o// byang chub sems dpa' rnams kyi dbang bcu gang zhe na/ tshe la dbang ba dang / las la dbang ba dang / yo byad la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang skye ba la dbang ba dang / ye shes la dbang ba dang / chos la dbang ba dang / sems la dbang ba'o// dbang ba dang mi dbang ba rang bzhin gyis rnam par grol ba thams cad la dbang ba dang / dbang phyug thams cad la dbang rjes su thob pa/ chos thams cad dang legs par rab tu ldan pa'i phyir ro// oM sarba bi shi te tre hUM hUM/ thams cad la dbang ba zhe bya ba shes rab kyi pha rol tu phyin pa'o// de la sangs rgyas kyi chos ma 'dres pa bco brgyad gang zhe na/ de bzhin gshegs pa la 'khrul pa mi mnga' 'o// ca co mi mnga' 'o// dgongs pa nyams pa mi mnga' 'o// thugs mnyam par ma gzhag pa mi mnga' 'o/ / 'du shes sna tshogs mi mnga' 'o// ma brtags pa'i btang snyoms mi mnga' 'o// mos pa yongs su nyams pa mi mnga' 'o// brtson 'grus yongs su nyams pa mi mnga' 'o/ / dgongs pa yongs su nyams pa mi mnga' 'o// ting nge 'dzin yongs su nyams pa mi mnga' 'o// shes rab yongs su nyams pa mi mnga' 'o// rnam par grol ba yongs su nyams pa

  566. 284a

    mi mnga' 'o/ / rnam par grol ba'i ye shes gzigs pa yongs su nyams pa mi mnga' 'o// 'das pa'i dus la ma thogs ma chags pa'i ye shes gzigs pa 'jug go/ ma 'ongs pa'i dus la ma chags ma thogs pa'i ye shes gzigs pa 'jug go/ da ltar byung ba'i dus la ma chags ma thogs pa'i ye shes gzigs pa 'jug go// sku'i 'phrin las thams cad ye shes sngon du 'gro ba ste ye shes kyi rjes su 'brang ngo / / gsung gi 'phrin las thams cad ye shes sngon du 'gro ba ste ye shes kyi rjes su 'brang ngo // thugs kyi 'phrin las thams cad ye shes sngon du 'gro ba ste ye shes kyi rjes su 'brang ngo / / de bzhin gshegs pa thams cad ni yul thams cad du dus thams cad kyi tshe thams cad mnyam pa nyid la legs par rab tu gnas pa ste/ stong pa nyid la yang dag par rjes su rtogs pa nyid kyi phyir na shes rab yongs su dag pa'o/ / oM a we Ni ka bud+d+ha d+harmA sa ma te aHbI ra hU~M khaM/ ma 'dres pa mnyam pa nyid ces bya ba'i shes rab kyi pha rol tu phyin pa'o// / de la skyes bu chen po'i mtshan sum cu rtsa gnyis rnams ci zhe na/ phyag dang zhabs kyi mthil 'khor los mtshan pa nyid de/ 'di yi phyag dang zhabs kyi mthil dag la 'khor lo rtsibs stong can lte ba dang bcas pa mu khyud dang bcas pa rnam pa thams cad yongs su rdzogs pa'o/ / phyag dang zhabs kyi mthil legs par gnas pa ste/ zhabs kyi mthil thams cad kyis sa gzhi la reg

  567. 284b

    cing / de'ang 'di'i mtho ba ni dma' ba dang dma' ba ni mtho ba'o// phyag dang zhabs kyi sor mo ngang pa'i rgyal po lta bu rngabs 'brel ba ste/ de bzhin gshegs pa rnams kyi phyag dag dang zhabs de dag gser gyi mdog can gyi ri mo'i 'phreng ba rnams kyis rkang pa brgyad pa bzhin du mdzes pa'o/ / phyag dang zhabs 'jam zhing gzhon sha chags pa nyid de/ bcom ldan 'das 'di'i phyag dang zhabs dag ras bal 'jam po bzhin dang / skyes nas zla ba lon pa'i byis pa bzhin du gzhon sha can dang / kA tsa lin da ltar 'jam pa reg na bde ba'o// bdun mtho bar gyur te/ phyag gnyis ngadag dang / zhabs gnyis dag dang / phrag gong dag dang / mgrin pa'i phyogs gcig go/ sor mo ring ba ste/ 'di yi zhabs kyi sor mo rnams rim gyis ring ba nyid do// rting pa yangs pa ste/ 'di'i rting pa che zhing zhabs kyi rjes su 'tsham par yangs par 'gyur ro// sku che zhing drang ba nyid do// 'phye bo ma yin zhing zhom pa ma yin/ ma tshang ba ma yin/ 'thas pa ma yin/ legs par skyes pa rnam pa thams cad pa bdun dad ldan pa'i sku ste/ mtho ba 'di'i srid dang rjes su 'tshams pa'i zheng du 'gyur ro// zhabs 'bur mi mngon pa nyid de/ 'di'i pus mo dang long bu mtho bar 'gyur ro// kha spu'i rtse mo gyen du phyogs pa ste/ 'di' ba spu rnams rtse mo gyen du phyogs par 'gyur zhing / ba spu rnams g.yas phyogs su 'khyil la 'khor ba mig sman gyi mdog can rnams te/ de rnams kyis

  568. 285a

    gser gyi mdog can gyi sku mngon par gsal bar byed do/ / byin pa ri dgas e n+yA ya'i lta bu ste/ bcom ldan 'das kyi byin pa dag zlum pa ri dgas e n+yA ya rnams kyi lha bu'o/ / phyag ring zhing mdzes pa ste/ rgyas shing ma btung ba nyid du phyag mthil dag gis rang gi pus mo'i lha nga la reg pa'o// mdoms kyi sba ba sbubs su nub pa ste/ sbubs kyis rab tu g.yogs pa glang po che'i gsang gnas lta bur 'gyur ro/ / sku mdog gser 'dra ba ste/ 'di'i kha dog gser lta bur 'gyur ro// pags pa srab pa ste/ shin tu 'jam pa gser shog ltar 'jam pa'i pagla pa can du 'gyur zhing rdul med pa'i na bza' 'dzin pa'o/ / s+phu re re nas skyes pa ste/ 'di'i ba spu'i khung bur spu rnams re rer 'gyur ro// smin ma'i dbus na mdzod spu can te/ 'di'i smin ma dag gi dbus na ros skud legs pa lta bu dung bcag pa'i mdog can g.yas phyogs su 'khyil bar 'gyur te/ mdzod spu nyid kyis zhal gser gyi kha dog lta bur shin tu gsal bar byed do// sku stong seng ge lta bu ste/ 'di'i sku steng du yangs pa seng ge'i lta byar 'gyur ro// dpung mgo zlum pa ste/ yongs su zlum pa'i mgrin pa can du 'gyur ro// thal gong rgyas pa ste/ 'di'i nye bar rgyas par 'gyur zhing gser shog bzhin du rnam par gsal ba'i mgrin pa can no/ / yar lag so so rnams su ro rnams myong bar byed do zhes pas na/ ro bro ba'i mchog dang ldan pa nyid de rtsa rnams yin la/

  569. 285b

    de rnams kyi mchog tu rlung dang / mkhris pa dang / bad kan la sogs pa rnams kyis ma dkrugs pa nyid kyis phyir yang dag par gsal ba'o// shing n+ya gro d+ha ltar chu zheng gab pa skyes bu chen po'i chu dang zheng dag mnyam pa'o/ / dbu gtsug tor dang ldan pa ste/ dbu zlum par 'gyur zhing / gtsug tor gdugs lta bus yas bkab pa gtsug tor yang shin tu mtho ba'o// ljags ring bas te/ snyan gyi mtha'i bar du ljags kyi rtse mos reg par byed cing / dbu skra'i mthar thug par yang dbral ba'i mthar ljags kyis khebs pa'o// tshangs pa'i dbyangs te/ 'khor stong phrag du mar dbyangs nang du ji lta ba de lta phyi rol du'ang thos shing / bya ka la bing ka'i bzhin du snyan pa nyid du 'gyur ro// 'gram pa seng ge lta bu ste/ 'gram pa dag seng ge'i bzhin du zlum por 'gyur ro// tshems dkar bas te/ dung dang / kun da dang / zla ba'i kha dog can gyi tshems rnams so// choms mnyam pa ste/ ha cang dma' ba ma yin/ mtho ba ma yin/ mi mnyam pa ma yin pa'i rtse mo can gyi tshechoms rnams su 'gyur ro/ / tshems thags bzang ba ste/ tshems rnams par med pa'o// tshems bzhi bcu mnga' ba ste/ tshems 'og tu nyi shu dang / steng du tshems nyi shu'o// spyan mthon mthing ste/ spyan dag gi sngon po gang yin pa de shin tu rnam par dag par 'gyur te/ ri mo dmar mo rnams dang ma 'dres pa nyid kyi phyir la/ gang dkar po yin pa de dkar po kho na shin tu rnam par 'gyur ro//

  570. 286a

    rdzi ma pa'i lta bu ste/ spyan gyi rdzi ma rnams khyu mchog gi bzhin du gang 'og ma yin pa de rnams 'og kho na dang / gang steng ma yin pa de rnams steng kho nar gnas pa ma 'dzings pa legs par gzhol ba'o/ / sems can 'ga' zhig rnams kyis de bzhin gshegs pa gser gyi mdog can du mthong ba/ 'ga' zhig rnams kyis shel gyi mdog can du mthong ba/ 'ga' zhig rnams kyis pad+ma rA ga'i kha dog dang / 'ga' zhig rnams kyis in+d+ra nI la'i kha dog can dang / 'ga' zhig rnams kyis mu tig dmar po'i kha dog can dang / 'ga' zhig rnams kyis dung dang / kun da dang / zla ba ltar dkar ba dang / 'ga' zhig gis kha dog sna tshogs pa dang / 'ga' zhig gis nam mkha'i kha dog can dang / 'ga' zhig gis khru phyed dang bcu gsum pa'i tshad dang / ji srid du dpag tshad 'bum gyi tshad dam dpag tshad bye ba'i tshad dang / ji srid du 'jig rten gyi khams rab 'byams rgya mtsho'i sprin mtha' yas pa rnams su snang bar mdzad pa'i 'od kyi dkyil 'khor can dang / stong gsum gyi stong chen po'i 'jig rten gyi khams snang bas yongs su rgyas par mdzad pa dang / ji srid du me tog gi gzhi'i snying po'i rgyan bkod pa'i rgya mtsho rnams snang bar byed cing / chos kyi dbyings kyi mthar thug pa'i bar du ste/ sangs rgyas thams cad kyi yul gdul bya'i dbang las thams cad snang bar byed cing / 'jig rten gyi khams thams cad dbyings kyis rnam par

  571. 286b

    rig par mdzad pa dang / stong gnyis dang / gsum dang / ji srid nam mkha'i mthar thug pa'i bar thams cad 'od dang dbyangs kyis snang bar byas nas/ rnam par rig par mdzad pa dang / chos dang / zang zing dang / don 'thun pa dang / don bya ba'i bsdu ba'i dngos po bzhi rnams kyis sems can rnams la phan 'dogs shing / phan btags nas byang chub chen po la rab tu dgod par mdzad do/ / skyes bu chen po'i mtshan sum cu rtsa gnyis mnyam pa nyid kyis chos rnams thams cad mnyam zhing mnyam pa ste/ lha rnams kyi mtshan mngon par 'grub par blta bar bya'i/ mtshan ma yin pa mngon par 'grub pa ni ma yin no/ / byang chub mtshan nyid med pa'i nyid kyi phyir chos rnams thams cad mtshan nyid med pa ste/ 'di lta ste/ stong pa nyid kyi mtshan nyid can no// lha thams cad kyang stong pa nyid du mnyam pa'o/ / lha thams cad dang / byang chub dang / chos rnams thams cad kyang mtshan nyid gcig pa ste/ 'di lta ste/ nam mkha'i mtshan nyid can/ stong pa nyid kyi mtshan nyid can/ zhi ba'i mtshan nyid can rnams so// oM sar+b+ba ta thA ga tA ba ra lak+Sha nA sa ma tA d+harmA te aM/ mtshan thams cad mnyam pa nyid ces bya ba'i shes rab kyi pha rol tu phyin pa'o// dpe byad brgyad cu rnams ci zhe na/ sangs rgyas bcom ldan 'das rnams ni sen mo zangs kyi mdog lta bur 'gyur te/ sen mo snum pa dang / sen mo mtho ba dang / sor mo rnams zlum par 'gyur

  572. 287a

    ba dang / sor po rnams rim gyis phra ba dang / sor mo rnams rgyas pa dang / rtsa mi mngon pa dang / rtsa rnams mdud pa med pa dang / long bu mi mngon pa dang / zhabs mi mnyam pa med par mtshungs pa dang / glang po che'i stabs su gshegs pa dang / seng ge'i stabs su gshegs pa dang / g.yas phyogs su ldog cing gshegs pa dang / drang por gshegs pa dang / mdzes par gshegs pa dang / rim gyis gshegs pa dang / che zhing yangs la yongs su gyur pa'i pus mo'i lha nga can dang / mtshan yongs su rdzogs pa dang / gom pa snyoms pa dang / sku rnam par dag pa dang / sku 'jam pa dang / sku rnam par dang ba dang / sku zhum pa med pa dang / sku dgu pa med pa dang / kun tu spyod pa gtsang ba dang / khyu mchog ltar kun nas rab tu dang ba can dang / gzigs pa yongs su dag cing mngon par 'dod pa la mnyam pa'i 'od can dang / dku zlum pa dang / dku skabs phyin pa dang / dku ma rnyongs pa dang / dku skyed gzhu'i lag bcangs lta bu dang / lte ba zab pa dang / lte ba mi g.yo ba dang / lte ba g.yas phyogs su 'khyil ba dang / lte ba thogs pa med pa dang / yan lag dang nying lag shin tu rnam par 'byed pa dang / pags pa skyon dang bral ba dang / gnag bag dang sme ba med pa dang / sku brtan pa dang / phyag shing bal lta bu dang / phyag yangs pa dang / phyag gi ri mo snum pa dang / phyag gi ri mo mi yo bdang

  573. 287b

    mchu bim pa lta bu dang / zhal ha cang mi ring ba dang / mnyen ning srab la dmar ba'i ljags dang / glang po che'i nga ro n+dan dang / snyan cing mnyen pa'i dbyangs dang / sgra phun sum tshogs pa dang / dbyangs 'jam pa dang / shangs mtho ba dang / mche ba zlum pa dang / mche ba dkar ba dang / mche ba byin gyis phra ba dang / spyan gtsang ba dang / spyan yangs pa dang / smyan mthon mthing dang / rdzi ma gnag pa dang / smin ma stug pa dang / smin ma 'jam pa dang / spyan dkar gnag 'byes shing pad+ma'i 'dab ma lho bu dang / smin tshugs ring ba dang / smin mo'i sgra nag pa dang / smin ma'i spu phra ba dang / smin ma rjes su 'thun pa dang / kha dog ma nyams pa dang / snyan mi mnyam pa med pa dang / snyan skyon dang bral ba dang / dbang po thams cad ma nyams shing skyon dang bral ba dang / yongs su rdzogs shing mtho la mchog tu gnas pa'i zhal gdong dang dpral ba can dang / dbu shin tu rgyas pa dang / dbu skra gnag pa dang / dbu skra skyug pa dang / dbu skra 'jam pa dang / dbu skra dri zhim pa dang / dbu skra mnyam pa dang / dbu skra snum pa dang / dbu skra ma 'khums pa dang / dpal be'u dang / bkra shis dang / g.yung drung 'khyil bas brgyan pa dang / rgyal mtshan yang dag par gnas pa dang / dpral ba dung lta bu dang / dbu mchog tu mtho ba dang / gtsug tor yar 'phags pa dang / dbu gdugs kyi rnam pa can dang /

  574. 288a

    kun nas mdzes pa ste/ de bzhin gshegs pa rnams ni tshad med pa'i dpe byad can mnyam pa nyid la legs par rab tu gnas pa/ gsal byed dang gsal byed ma yin pas mnyam pa nyid la legs par rab tu gnas pa/ chos thams cad gsal byed med par mnyam pa nyid la rab tu legs par gnas pa/ mtshan dang dpe byad thams cad sgyu ma'i chos dang ldan pa la legs par rab tu gnas pa/ dus gsum gyi dpe byad mnyam pa nyid rdo rje lta bu mnyam pa nyid thob pa/ stong pa nyid thob pa nyid kyi chos thams cad dang dpe byad mnyam pa nyid thob pa/ gnyis su med pa'i don la legs par yang dag par zhugs pa rnams so zhes pa'o/ / oM a nu byany+dza ni sa ma tA su pra tiSh+Thi te badz+rany+dzan hUM laM aM/ dpe byad mnyam pa nyid ces bya ba'i shes rab kyi pha rol tu phyin pa'o// / de nas bcom ldan 'das de bzhin gshegs pa thams cad slar yang 'dus par gyur nas/ bcom ldan 'das rdo rje rnal 'byor gyi dbang phyug tshon po can legs so zhes bya ba rnams kyis mnyes par mdzad do/ / oMd byang chub sems chen khyod legs so// sangs rgyas kun gyi bdag nyid mchog/ sangs rgyas chos chen khyod legs so// tshad med ched du khyod legs so// shes rab dam pa'i ched du yang // mdo sde 'di ni legs par bshad// sangs rgyas snga mas ma gsungs pa'o// de nas bcom ldan 'das rdo rje rnal 'byor can gyi dbang phyug chen pos lha rnams

  575. 288b

    thams cad la phyag 'tshal ba bzhi yis dges par mdzad do/ / sangs rgyas kun khyong la phyag 'tshal// chos kyi sgra yi mchog gi mchog/ gdod ma'i sngags kyi don nyid la// rdo rje ye shes stobs/ can la// shin tu sgrib meng zhi ba la// rdo rje chos rnams legs gnas pa// theg pa chen po'i go 'phang thob// thugs rje'i bdag nyid can gyi lha// gdod nas dag pa dpa' bo che// dbang phyug dam pa mchog gi mchog/ dge chos mchog tu 'gyur ba med// bder gshegs de rnams la phyag 'tshal// ces pa'o// na mo stu te/ oM mAM hUM na mo sU te swA hA/ 'di ni brjod pa tsam zhig gis/ / sangs rgyas thams cad rab mchod pa'o// zhes pa'o// de nas bcom ldan 'das rnam par snang mdzad chen pos de bzhin gshegs pa thams cad bos nas 'di skad ces gsungs so// bcom ldan 'das de bzhin gshegs pa rnams thams cad dngos grub thams cad kyi dkyil 'khor bskyed par mdzad du gsol/ de nas bcom ldan 'das de bzhin gshegs pa rnams thams cad slar yang 'dus par mdzad nas/ bcom ldan 'das rdo rje rnal 'byor can gyi dbang phyug chen po la gsol ba btab pa/ bcom ldan 'das khyod nyid kyi rigs thams cad kyi 'khor lo bskyed par mdzad du gsol/ / de nas bcom ldan 'das rdo rje rnal 'byor gyi dbang phyug chen pos gsol ba btab pa'i gsung gi de ma thag kho nar/ 'jam dpal gzhon nur gyur pa la bos te bka' stsal pa/ 'jam dpal

  576. 289a

    de bzhin gshegs pa rnams thams cad kyi byang chub kyi snying po nyon cig ces te/ de nas 'di las yang dag bshad/ byang chub dkyil 'khor bla na med// rdo rje ye shes gsang ba mchog/ sangs rgyas skyob pa thams cad kyi'o// dben pa'i sa gzhi nyam dga' ba/ me tog 'phreng bas rnam brgyan pa// kun tu sna tshogs cha bzang ba// kun tu sna tshogs sdom par ni/ / kun nas sna tshogs bya ba rnams// dam pa'i don du bsgrub par bya// ri yi mchog gam grong khyer ni// me tog 'bras bus rnam brgyan pa// der gnas sngags pas dngos grub mchog/ gal te 'dod na yang dag bri// gtsug lag khang dang dgon pa'i gnas// ri stengs rnams su kun nas ni// sangs rgyas kun gyi bya ba rnams// dam pa'i don du bsgrub par bya// ma mo'i gnas dang zhi ba'i gnas// dur khrod lha yi gnas su ni// rdo rje 'dzin dpal bya ba rnams// don dam par ni bsgrub par bya// pad+ma'i skyed mos tshal kun dang // chu bo 'dus pa rnams su yang / / phyag na pad+ma dpal bya ba// dam pa'i don du bsgrub par bya// rgyal po'i pho brang nyams dga' ba/ rgyal po'i skyed tshal rnams su ni// rdo rje rin chen de yi ni// rin chen bya ba rnams bsgrub bya/ / rtags gcig pa dang ba glang gnas/ chu klung 'dus pa rnams su yang // sna tshogs bya ba thams cad rnams// dam pa'i don du bsgrub par bya// dpal ldan rdo rje sems dpa'

  577. 289b

    dang / lha rnams gnas mchog kun tu'o// nam mkha' 'am ni phyogs gzhan du// gang du mnyam par bzhag pa der// rtag pa bsod nams mchog gyur pa/ khya ba thams cad bsgrub par bya/ / phyogs kun mnyam nyid gnas dkyil 'khor// shes rab can gyis thig gdab bya// shar lho nub dang byang rnams kyi// phyogs su dkyil 'khor thig brgyad pa'o// de yi phyi ru 'khor lo nI/ / kha dog lnga pa cher 'bar ba'o// gru bzhi pa la sgo bzhi pa// rta babs bzhi yis mdzes pa ste// sna tshogs gos dang me tog 'phreng // rnga yab sogs kyis rnam brgyan pa/ / dkyil 'khor kun la gnas pa yi// sgro dang sgo khyud mtshams rnams su// rdo rje rin chen rnams kyis spras// dkyil 'khor thams cad bri bar bya// dkyil 'khor de yi dbus su ni/ / gal te dngos grub mchog 'dod na// zla ba'i dkyil 'khor la gnas par// sangs rgyas gzugs brnyan bri bar bya// shar du bcom ldan 'khor lo can// rdo rje sems dpa' yang dgra ldan/ / 'khor lo sgyur ba thams cad ni// sgeg par bcas pa kun bri bya// lho ru gtsug tor dkar po ni// rin chen 'bar ba yang dag ldan// gtsug tor dkar po'i ngos su ni// rdo rje gzi brjid la sogs bri/ / byang du brtson 'grus chen po ni// gzi brjid phung po stobs po che// sna tshogs rdo rje sogs bcas pa// rim pas kun nas bri bar bya// rdo rje rnal 'byor can gyis

  578. 290a

    ni/ / dbang phyug mgon po'i nub phyogs su// gtsug tor rgyal ba brtson 'grus che// rdo rje chos sogs dang bcas pa// thams cad sngags pas bri bar bya/ gal te dngos grub mchog 'dod na// dbang ldan phyogs su 'phags pa gnas// me mtshams su ni cher 'phags so// bden bral du ni rnam rgyal nyid// rlung du de bzhin rnam 'phro ba'o// rdo rje sems dpa' sems dpa' che// sems dpa' kun gyi mdun du ni// zla ba'i dkyil 'khor dbus gnas pa// gsang zhing 'bar 'khrigs 'od zer can// mkhas pas dkyil 'khor rnams su ni/ / mchod pa rnams ni bzhag byas te// sgeg mo la sogs mchod pa che// de bzhin gzugs sgra la sogs dang // bdug pa la sogs gsang chen no// sgo skyong ba ni bzhi yin te/ / phyi yi dkyil 'khor gnas rnams su// kun tu bzang po sogs rnams bri// de ltar dkyil 'khor bri bya ste// mchod pa byas nas snga ma bzhin// de bzhin 'jug pa sogs byas la/ / sgrub pa'i thabs ni brtsam par bya// rdo rje rnal 'byor dbang phyug sngogs// dkyil 'khor mngon sum mthong ba las// snga ma brtag pa ji bzhin du// phyi nas b zhin dri bar bya/ / bsod nams ji bzhin dkyil 'khor rnams// thams cad tshon gyi rab brtag pa// rang gi lhag pa'i lha ngo bos// dkyil 'khor thams cad bri bar 'gyur// rang lngan

  579. 290b

    bdag nyid rnal 'byor gyis/ / dkyil 'khor thams cad rab tu grub// cho ga dman dang lhag pas kyang // 'grub par 'gyur te skyon ma yin// kun tu sna tshogs skal bzang ba// kun nas tshogs 'khor lo can/ / 'khor lo sgyur ba bdag nyid che'i// ran chen bdun gyi mchod pa che'ang // yongs su rdzogs pa'i zla bltar// dkyil 'khor bdud rtsi 'byung zhes bya// sangs rgyas 'dzin sogs kyis/ / dkyil 'khor 'di ni bshad byas pa'o// phyag na pad+ma bdag nyid che// pad+ma'i rnam par brtag shes bya// rin po che yi rin chen rnams// dkyil 'khor sna tshogs rnam pa'o// dkyil 'khor dman zhing dam tshig rnams// dor bar byas pa de nyid ni// gsang ba shes pa ma yin na// sgrub pa'i thabs ni 'grub mi 'gyur// de phyir gsang ba thams cad kyi// dkyil 'khor thams cad lta ba ni/ / gal te dngos grub mchog 'dod na// gdon mi za bar rtag tu bya// bla ma la ni yon phul nas// rjes su rim pas bsgrub par bya// brtan pa'am ni g.yo ba yi// rdzas rnams ji snyeng thams cad de/ / rtsa ba me tog 'bras bu sogs// bu mo legs par brgyan byas dang // 'dod pa'i chung ma phul byas nas// slar yang rin gyis bslu bar bya// grong dang de bzhin gtsug lag khang / / kun dga' ra sogs rgyal srid mchog/ gang la sbyin bya cung zad yod/ 'tshe ba de ni sbyin par bya// bdag gi dngos po yongs gtong ba// sangs rgyas thams cad rab mchod pa'o// bla ma

  580. 291a

    la ni yon phul nas/ / gsang ba ngam pa rmad byung ba/ mngon par dbang bskur de nas bya// 'dab ma brgyad pa yid 'ong la// slob ma bzhag nas yan lag kun// phyag rgya kun/ nas bcings byas nas// khams kun rang bzhin rtsa ba dang // sa bon 'bras bu dud pa yi// bum pa rnams kyis dbang bskur te// sangs rgyas 'phreng ba'i dbang bskur las// spyi bo dang ni dpral ba dang / / gzhogs dang de bzhin rgyab tu yang // sangs rgyas rin chen chen po kun// cod pan mchog tu mi 'gyur ba'o// dpal ldan sangs rgyas gtsug nor bu// gdugs dkar steng na gnas pa'o/ / rgyal srid kun gyi dbang bskur gyis// yang dang yang du dbang bskur bya// dpal kun gyis ni ma don mtho ba// zhes bya'i dbang bskur bshad pa'o// khams kun rang bzhin glang bo dang / / rta ni mchog tu 'bar ba 'am// seng ge'i gdan gnas dbang bskur ba// dpal gyi sngags ni rjod byed cing // dpal gyi mngon mtho zhes bya ba'i// dam pa'i don gyis dbang bskur ba/ bkra shis sam ni dpal be'u// gang yang bris nas dbang bskur bya// sangs rgyas dpa' bo thams cad kyi// rnam rgyal dbang bskur zhes bshad do// tsan dan chu dang bum pa che// gzhan gyis mi thub sman thugs pa/ / kun nas dbang bskur ched du ni// rtag tu shes rab can gyis brtag/ gzhan gyis mi thub dbang bskur mchog/ dkyil 'khor gang gang bris byas nas// phyas

  581. 291b

    gang dang gang bkod pa/ / de ni de dang de brtag bya// de rnams phyag rgya dam par bshad// dbang bskur ched du sangs rgyas rnams// lha de rnams ni yid du 'ong // sman gyi dam pa mchog gyur pa/ sangs rgyas kun gyis rab tu bshad// tsan dan dang ni rgya spos dang // ga pur de bzhin gur kum dang // a ka ru dang lha yi shing // tsan dan dmar po nyid dang ni// saM hUM byA g+h+r-i de bzhin mchog kun nas sa ha de ba dang / / gi ri kar Na tshangs mchod sbyin// sman gyi dam pa rnams su bshad// lhag nas kun gyi sbyor ba yis// sangs rgyas mchod pa rab 'jug cing // dang po rdo rje dbang bskur pa/ shes rab thams cad rab 'jug byed// rin chen dam pa'i dam pa ni// gser la sogs kyis thams cad nas// sman kun dang ni sa bon kun// 'bru rnams thams cad bzang po ni/ sangs rgyas byin brlabs rnal 'byor las// dbang bskur don du rab brtag bya// sangs rgyas kun gyi rnal 'byor che// dbang bskur dam pa 'od 'bar ba'o// sangs rgyas kun nas sangs rgyas 'gyur// zhes pa'o/ / dpal rdo rje snying po rgyan gyi rgyud du ji ltar rnyed pa yongs su rdzogs so// rigs gzugs skal bzang mang thos blo 'byor sogs// phun tshogs ldan pa dpal ldan chos rje yis/ rgyud 'di bsgyur las cung zad ma rdzogs pa// dpal ldan blo gros brtan pas rdzogs par bsgyur/ rgya gar skad du/ shrI badz+ra maN+Da a lang

  582. 292a

    kA ra nA ma ma hA tan+t+ra rA dza/ bod skad du/ dpal rdo rje snying po rgyan ces bya ba'i rgyud kyi rgyal po chen po/ bla ma dang 'jam pa'i dbyangs kyi zhabs kyi pad+ma la spyi bos gus par phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje dang / nor bu dang / rin po che dang / pad+ma dang / las kyis byin gyis brlabs pa'i dam tshig gi ye shes rnam pa sna tshogs pa'i khyad par dang ldan pa/ de bzhin gshegs pa thams cad kyi rin po che'i cod pan khams gsum pa'i chos kyi rgyal por dbang bskur ba bsnyes pa/ de bzhin gshegs pa thams cad kyi rdo rje dam tshig gi ye shes rnal 'byor gyi dbang phyug chen po de bzhin gshegs pa thams cad kyi ye shes kyi phyag rgya brnyes pa/ de bzhin gshegs pa thams cad kyi phyag rgya thams cad mnyam pa nyid thugs su chud cing las sna tshogs mdzad pa/ ma lus shing lus pa med pa'i sems can gyi khams thams cad kyi re ba thams cad yongs su rdzogs pa'i rdo rje'i las mdzad pa/ thugs rje chen po rnam par snang mdzad chen po rtag pa dus gsum du gnas pa'i sku dang / gsung dang / thugs rdo rje de bzhin gshegs pa/ de bzhin gshegs pa thams cad kyis bsten cing bsngags pa'i nor bu rin po che chen po dang ldan pa/ kha dog rnam pa sna tshogs pa'i dril bu btags pa/ rlung gis bskyod pa'i dar gyi ba dan dang /

  583. 292b

    memochog gi rgyan po dang / dra ba dang drab phyed pas klubs shing nye bar mdzes pa/ chos kyi dbyings thams cad legs par yongs su dag pa/ chos kyi dbyings kyi khang bzangs 'ong mtha' yas pa/ shes rab kyi pha rol tu phyin pa'i gtsug lag khang me tog gi 'khri shing mchog gi snying po'i rgyan gyis bkod pa/ 'jig can gyi khams kyi rgyud rgya mtsho rab tu bkram pa'i sprin nam mkha'i khams yongs su khyab pa/ de bzhin gshegs pas byin gyis brlabs pa/ mtha' las 'das pa'i sangs rgyas 'khrungs pa'i dbus/ rnam par snang mdzad kyi snying po 'od gsal ba'i gzhal med khang de bzhin gshegs pa'i gnas/ rdo rje snying po'i rgyan/ de bzhin gshegs pa thams cad kyi sku dang / gsung dang / thugs rdo rje/ de bzhin gshegs pa mi 'khrungs mi 'gog/ 'gog par mi 'gyur ba'i yan lag gi spyod yul/ yang dag pa'i mtha' gsal ba/ de bzhin gshegs pa thams cad kyi thams cad mkhyen pa'i ye shes kyi yul/ chos kyi dbyings kyi snying po'i khang bzangs/ de bzhin gshegs pa thams cad kyi ye shes sku/ de bzhin gshegs pa thams cad kyi byang chub kyi snying po sa chen po'i dam pa la bzhugs so// de la sangs rgyas kyi zhing tham cad kyi rdul phra rab kyi rdul dang mnyam pa'i byang chub sems dpa' sems dpa' chen po rnams dang / de bzhin gshegs pa rnams kyis yongs su bskor zhing mdun

  584. 293a

    du bdar te chos ston par mdzad do/ / thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa yongs su dag pa/ yongs su dkar ba/ chos thams cad kyi tshul rnam par dag pa'i sgo ston par mdzad do// de nas bcom ldan 'das de bzhin gshegs pa thams cad kyi sku dang / gsung dang / thugs rdo rje gnyis su med pa mnyam pa nyid kyi ye shes sems dpa'/ de bzhin gshegs pa thams cad kyi ye shes kyi nyi ma/ rnam par rgyal ba'i dam tshig gi 'byung gnas rdo rje snying po/ chos thams cad kyi ngo bo nyid kyis rnam par dag pa'i ye shes mnyam pa nyid bsnyes pa/ rgya mtsho ltar zab pa/ las sna tshogs pa'i phyag rgya'i ye shes thob pa/ sku dang / gsung dang / thugs rdo rje nam mkha' lta bu/ sku chen po rdo rje'i sku/ mtha' las 'das pa'i sku/ sku rin po che chos kyi sku/ sprul pa'i sku/ las mnyam pa nyid kyi sku/ byang chub kyi sems don yod pa/ yongs su bsdus pa/ dge ba 'phel ba/ rgyal po chen po/ snang ba tog/ bzhad pa po/ chos dang ldan pa/ shes rab 'khor lo// skad thams cad pa/ sna tshogs pa can/ srung ba po/ gnod sbyin can/ mtshams sbyor ba/ gtsug tor du gyur pa/ mchog ldan/ rdo rje can/ 'khor lo can/ ye shes can/ khyab bdag chen po/ sku dang / gsung dang /

  585. 293b

    thugs rdo rje nam mkha'i dbyings thams cad du legs par bzhugs pa/ de bzhin gshegs pa tha man yang dag par 'du bar byed pa/ rdo rje'i dbyings thams cad khong du chud pa'i ye shes sems dpa' nam mkha'i khams thams cad kyi rdul phra rab kyi rdul dang mnyam pa'i rdo rje'i byin rlabs kyi ye shes snying po/ de bzhin gshegs pa thams cad kyi bla na med pa'i rdo rje rin po che'i dbang bskur ba chen po'i dam tshig nam mkha'i khams thams cad du spros pas/ de bzhin gshegs pa'i mngon par shes pa mngon par byang chub par gyur pa/ de bzhin gshegs pa thams cad kyi bdag nyid kyi ngo bo rnam par dag pa/ de yis chos thams cad rang bzhin gyis dag pa/ nam mkha' thams cad la khyab pa po/ gzugs thams cad yongs su mthong ba/ ye shes kyis ma lus shing lus pa med pa'i sems can 'dul ba'i spyod pa mchog dang ldan pa/ de bzhin gshegs pa thams cad don yod pa'i bka' lung mdzad pas sems can thams cad mnyam pa nyid bla na med pa'i las sna tshogs pa tsacan/ rnam snang mi 'gyur mi bskyod pa// rin chen tog ste 'od byed pa// 'od dpag med pa rgyal ba'i mgon// don yod pa ni las kun byed// de bzhin gshegs pa thams cad kyi me long lta bu'i ye shes kyi dkyil 'khor/ de bzhin gshegs pa thams cad kyi mnyam pa nyid kyi ye shes rab la rab tu gnas pa/ de bzhin gshegs pa thams cad kyi so sor rtog pa'i ye shes gnyis su med pa brnyes

  586. 294a

    pa/ de bzhin gshegs pa tha ma da kyi bya ba sgrub pa'i ye shes yang dag par rjes su thob pa/ de bzhin gshegs pa thams cad kyi chos kyi dbyings rnam par dag pa/ chos thams cad mnyam pa nyid kyi ye shes kyi spyod yul/ de bzhin gshegs pa thams cad kyi gnyis su med cing mnyam pa nyid dmigs pa'i ye shes yongs su dag pa mthar phyin pa/ stong pa nyid dang / de bzhin nyid dang / yang dag pa'i mtha' dang / mtshan ma med pa dang / smon pa med pa dang / tshangs pa'i gnas bzhi po dag gis sangs rgyas kyi ye shes kyi yul du gyur pa/ sangs rgyas kyi yul mnyam pa nyid la dmigs pa/ de bzhin gshegs pa thams cad rdo rje rnal 'byor gyi dbang phyug chen po nyid la byin gyis brlabs nas/ phyogs dang mtshams rnams su kun tu gnas so/ de nas yang bcom ldan 'ang rdo rje rnal 'byor gyi dbang phyug gis/ 'jam dpal gzhon nur gyur pa la bka' stsal pa/ 'jam dpal khyod kyis sangs rgyas thams cad dang rdo rje 'dzin pa rnam spyan drongs shig/ bcom ldan 'das kyis de skad ces bka' stsal pa dang / 'jam dpal gzhon nu 'khor lo sgyur ba chen po rab tu dgyes pa'i zhal ras kyis/ de bzhin gshegs pa thams tsad dang rdo rje 'dzin pa rnams spyan drang ba'i don du rdo rje sa gol brdabs te/ de bzhin gshegs pa thams cad bsdu ba'i snying po chen po 'di ched du brjod pa/ bud+d+ha sa mA dza AHhAHoM hUM badz+ra sa ma

  587. 294b

    d zade nas de skad ces brjod pas de bzhin gshegs pa thams cad dang rdo rje 'dzin pa rnams kyis 'jig rten gyi khams me tog gi gzhi'i snying po'i rgyan bkod pa'i rgyud rab 'byams rgya mtsho'i sprin yang dag par mthong ngo / / de nas yang 'jam dpal gzhon nur gyur pas/ bcom ldan 'das rnam par snang mdzad la de bzhin gshegs pa rnams thams cad kyis lhan cig yang dag par sbyar nas/ de bzhin gshegs pa thams cad kyi rdo rje blo'i ye shes yongs su bskyed de gnas thams cad du rnam par gnas so// de nas bcom ldan 'das rnam par snang mdzad de bzhin gshegs pa thams cad kyi rdo rje rang bzhin rnal 'byor gyi dbang phyug gis/ de bzhin gshegs pa thams cad nyid du bdag nyid byin gyis brlabs te/ de bzhin gshegs pa de rnams dang rdo rje 'dzin pa rnams la bka' stsal pa/ kye de bzhin gshegs pa thams cad thams cad mkhyen pa'i ye shes 'khor los sgyur ba chen po'i snying po bdag la yod pa dang bshad par bya'o// de bzhin gshegs pa thams cad kyis byin gyis rlobs shig/ b+h+rUM/ de nas/ mi bskyod de bzhin gshegs pa dang // rin chen 'byung gnas de bzhin gshegs// de bzhin gshegs pa 'od dpag med// don yod grub pa de bzhin gshegs// gzhan yang de bzhin gshegs pa rnams dang lhan cig de bzhin gshegs pa thams cad kyi thugs dpal gyi be'u la rab tu zhugs so// zhugs pa tsam gyis

  588. 295a

    de bzhin gshegs pa thams cad 'khor lo la bde ba thams cad yang dag par ston no/ / de nas bcom ldan 'das rnam par snang mdzad zhal bzhir gyur te/ zhal bzhi po rnams kyis chos kyi dbyings dang nam mkha'i khams mtha' med pa sangs rgyas thams cad kyi yul chos kyi tshul mngon par btags pa 'di nyid dbyangs kyis ched du brjod pa 'di lta ste/ rab tu dga' ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so// lta ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / dga' ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so// sred pa rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / 'dod chags rnam par dag pa'i gnas gang yin pa de ni/ 'di lta ste/ byang chub sems dpa'i gnas so// zhe sdang rnam par dag pa'i gnas gang yin pa de ni/ 'di lta ste/ byang chub sems dpa'i gnas so// gti mug rnam par dag pa'i gnas gang yin pa de ni/ 'di lta ste/ byang chub sems dpa'i gnas so// nga rgyal rnam par dag pa'i gnas gang yin pa de ni/ 'di lta ste/ byang chub sems dpa'i gnas so// mi khom pa rnam par dag pa'i gnas gang yin pa de ni/ 'di lta ste/ byang chub sems dpa'i gnas so// yid sim pa rnam par dag pa'i

  589. 295b

    gnas gang yin pa de ni/ 'di lta ste/ byang chub sems dpa'i gnas so// snang ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so// lus rnam par dag pa'i gnas gang yin pa de ni/ 'di lta ste/ byang chub sems dpa'i gnas so// ngag rnam par dag pa'i gnas gang yin pa de ni/ 'di lta ste/ byang chub sems dpa'i gnas so// yid rnam par dag pa'i gnas gang yin pa de ni/ 'di lta ste/ byang chub sems dpa'i gnas so// gzugs rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / sgra rnam par dag pa'i gnas gang yin pa de ni/ 'di lta ste/ byang chub sems dpa'i gnas so// dri rnam par dag pa'i gnas gang yin pa de ni/ 'di lta ste/ byang chub sem dpa'i gnas so/ / ro rnam par dag pa'i gnas gang yin pa de ni// 'di lta ste/ byang chub sems dpa'i gnas so// reg rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / dngos po thams cad rnam par dag pa'i gnas gang yin pa de ni/ 'di lta ste/ byang chub sems dpa'i gnas so// de rgyu ci'i phyir zhe na/ 'di ltar chos thams cad ni rang bzhin gyis rnam par dag pa ste/ chos thams cad rang bzhin gyis rnam par dag pas shes rab kyi pha rol tu phyin pa yongs su dag pa'o// bcom ldan 'das kyis de ska ces bka' stsal nas//

  590. 296a

    gsang sngags thams cad kyi dbang phyug/ gsang sngags thams cad kyi 'dren pa po/ sngags thams cad kyi bla mar gyur pa/ thams cad gtsugatong 'khor lo sgyur ba/ bstan pa la brdzi ba med pa/ 'khor lo sgyur ba'i snying po bka' stsal pa/ b+h+rUM/ 'jam dpal gang la las chos thams cad bsdus pa shes rab kyi pha rol tu phyin pa'i snying po 'di lan cig tsam yang thos na/ de'i byang chub kyi snying po la thug po'i bar du sgrib pa thams cad chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po nye bar bsags kyang / nams kyang dmyal ba la sogs pa'i ngan song rnams su lhung bar mi 'gyur ro/ / sdig pa rnams byas pa tsam na'ang sdug bsngal med cing zad par 'gyur ro// gang gis 'dir 'chang ba dang / nyi ma re re 'don pa dang / klog pa dang / rgyun ma chad par tshul bzhin yid la byed pa de ni/ skye ba 'di nyid la chos thams cad mnyam pa nyid rdo rje'i ting nge 'dzin so sor thob nas chos thams cad kyi dbang phyug tu 'gyur ro// chos thams cad dga' zhing mgu la rab tu dga' ba myong bar 'gyur ro// byang chub sems dpa' chen po skye ba bcu drug na/ de bzhin gshegs pa nyid dam rdo rje 'dzin pa nyid thob par 'gyur ro// hUM/ de nas bcom ldan 'das de bzhin gshegs pa rnam par snang mdzad kyis slar yang shes rab kyi pha rol tu phyin pa'i tshul/ de bzhin gshegs pa thams cad kyi zhi ba'i chos nyid mngon par byang chub pa mngon

  591. 296b

    par bsgrub pa 'di ston par mdzad do/ / rdo rje ston pa nyid kyis rdo rje mnyam pa nyid mngon par rdzogs par byang chub pa'i byang chub chen po dang / don gcig pa nyid kyis don mnyam pa nyid mngon par byang chub pa'i byang chub chen po dang / rang bzhin rnam par dag pas chos nyid mnyam pa nyid mngon par byang chub pa'i byang chub chen po dang / rnam pa rtog pa dang rnam par mi rtog pa nyid kyis las thams cad mnyam pa nyid mngon par byang chub pa'i byang chub chen po ste/ 'jam dpal gang la las chos kyi gnas bzhi po 'di nyan par byed pa dang / 'dzin pa dang / 'don pa dang / sgom par byed na ji srid byang/ chub snying po la gnas kyi bar du sdig pa thams cad la kun tu spyod pa thams cad kyang sdig pa thams cad las 'das par 'gyur zhing / myur du bla na med pa yang dag par rdzogs pa'i byang chub mngon par byang chub par 'gyur ro/ / AM/ de nas yang bcom ldan 'das gdug pa thams cad 'dul ba de bzhin gshegs pa shAkya thub pas/ chos thams cad mnyam pa nyid rnam par rgyal bas bsdus pa zhes bya ba shes rab kyi pha rol tu phyin pa mngon par sgrub pa bka' stsal pa/ 'dod chags kyi spros pa med pa'i phyir 'dod chags spros pa meng ba'o// zhe sdang gi spros pa med pa'i phyir zhe sdang spros pa med pa'o/ / gti mug gi spros pa med pa'i phyir gti mug spros pa med pa'o// chos thams cad spros pa med pa'i phyir chos thams cad spros pa med pa'o// shes rab kyi pha rol tu phyin pa spros pa

  592. 297a

    med pa'i phyir shes rab kyi pha rol tu phyin pa spros pa med par rig par bya'o/ / 'jam dpal gang la la shes rab kyi pha rol tu phyin pa'i tshul 'di nyan pa dang / 'dzin cing 'don la klog par byed na/ de 'dul ba'i dbang nye bar bzung nas/ khams gsum du skyes pa'i sems can rnams bsad par gyur kyang ngan song du 'gro bar mi 'gyur zhing / myur du bla na med pa yang dag par rdzogs pa'i byang chub par 'gyur ro/ / hUM/ de nas bcom ldan 'das rang bzhin gyis rnam par dag pa'i chos nyid brnyes pa'i de bzhin gshegs pas slar yang chos thams cad spyan ras gzigs dbang phyug ye shes kyi phyag rgya zhes bya ba'i shes rab kyi pha rol tu phyin pa'i tshul 'di bka' stsal pa/ 'dod chags thams cad rnam par dag pa'i phyir 'jig rten na yul thams cad rnam par dag pa nyid du 'jug par 'gyur ro/ / zhe sdang thams cad rnam par dag pa'i phyir 'jig rten na sdig pa thams cad rnam par dag pa nyid du 'jug par 'gyur ro// chos thams cad rnam par dag pa'i phyir 'jig rten na chos thams cad rnam par dag pa nyid du 'jug par 'gyur ro/ / thams cad mkhyen pa'i ye shes rnam par dag pa'i phyir 'jig rten na thams cad mkhyen pa'i ye shes rnam par dag pa nyid du 'jug par 'gyur ro/ / shes rab kyi pha rol tu phyin pa rnam par dag pa'i phyir 'jig rten na shes rab kyi pha rol tu phyin pa rnam par dag pa nyid du 'jug

  593. 297b

    par 'gyur ro/ / 'jam dpal gang la las shes rab kyi pha rol tu phyin pa'i tshul 'di nyan par byed/ 'dzin cing 'don la sgom par byed na/ de 'dod pa thams cad kyi nang na gnas kyang pad+ma lta bur 'dod chags kyi skyon glo bur ba'i dri mas gos par mi 'gyur zhing / myur du bla na med pa yang dag par rdzogs pa'i byang chub mngon par rdzogs par byang chub par 'gyur ro// hrIHde nas bcom l dan 'das khams gsum pa thams cad kyi bdag po de bzhin gshegs pas slar yang de bzhin gshegs pa thams cad dbang bskur ba'i 'byung gnas ye shes snying po zhes bya ba shes rab kyi pha rol tu phyin pa'i tshul bka' stsal pa/ dbang bskur byin pas khams gsum po thams cad kyi rgyal srid yongs su thob par 'gyur ro// don gyi sbyin pas thams cad kyi bsam pa yongs su rdzogs par 'gyur ro/ / chos kyi sbyin pas chos thams cad mnyam pa nyid thob par 'gyur ro// zang zing gi sbyin pas thams cad kyis lus dang / ngag dang / yid bde ba thob par 'gyur ro// tAM/ de nas bcom ldan 'das de bzhin gsheg pa thams cad kyi ye she kyi phyag rgya brnyes pa thams cad kyi khu tshur 'chang ba de bzhin gshegs pa rtags pas slar yang de bzhin gshegs pa thams cad kyi ye shes phyag rgya byin gyis brlabs pa rdo rje zhes bya ba'i shes rab kyi pha rol tu phyin pa'i tshul bka' stsal pa/ de bzhin gshegs pa thams cad kyi sku'i phyag rgya yongs su bzung bas de bzhin

  594. 298a

    gshegs pa thams cad nyid du 'gyur ba dang / gsung gi phyag rgya yongs su bzung bas chos thams cad thob pa'i don du 'gyur ba dang / thugs kyi phyag rgya yongs su bzung bas ting nge 'dzin thams cad thob pa'i don du 'gyur pa dang / rdo rje'i phyag rgya yongs su bzung bas sku dang / gsung dang / thugs thams cad rdo rje mchog tu 'grub pa'i don du 'gyur te/ 'jam dpal gang la las shes rab kyi pha rol tu phyin pa'i tshul 'di nyan par byed/ 'dzin cing 'don la 'chad cing sgom par byed na/ de dngos grub thams cad dang / phun sum tshogs pa thams cad dang / ye shes thams cad dang / las thams cad dang / sku dang / gsung dang / thugs rdo rje sems dpa' mchog gi dngos grub thams cad so sor thob par 'gyur zhing / myur du bla na med pa yang dag par rdzogs pa'i byang chub mngon par rdzogs par byang chub par 'gyur ro// AH/ de nas bcom ldan 'das chos thams cad spros pa med pa'i de bzhin gshegs bas slar yang rdo rje'i yi ge'i 'khor lo bskor ba zhes bya ba'i shes rab kyi pha rol tu phyin pa'i tshul bka' stsal pa/ rang bzhin med pa'i tshul gyis chos thams cad stong pa nyid dang / chos thams cad mtshan ma med pa nye bar gzung ba'i phyir chos thams cad mtshan mas dben pa dang / smon pa las nye bar grol ba'i phyir chos thams cad smon pa med pa dang / shes rab kyi pha rol tu

  595. 298b

    phyin pa yongs su dag pa'i phyir chos thams cad rang bzhin gyis 'od gsal ba'o/ / aM de nas bcom ldan 'das de bzhin gshegs pa thams cad kyi 'khor lo'i nang du gnas pa'i de bzhin gshegs pas slar yang 'khor lo chen por 'jug pa zhes bya ba'i shes rab kyi pha rol tu phyin pa'i tshul bka' stsal pa/ rdo rje mnyam pa nyid la zhugs nas de bzhin gshegs pa thams cad kyi 'khor lor 'jug par 'gyur pa dang / don mnyam pa nyid la zhugs nas byang chub sems dpa' chen po'i 'khor lor 'jug par 'gyur ba dang / chos thams cad mnyam pa nyid la zhugs nas dam pa'i chos kyi 'khor lor 'jug par 'gyur pa dang / las mnyam pa nyid la zhugs nas 'khor lo thams cad du 'jug par 'gyur ro// hUM/ de nas bcom ldan 'das de b zhin gshegs pa thams cad kyi mchod pa'i cho ga rgyas pa'i snod de bzhin gshegs pas slar yang de bzhin gshegs pa thams cad kyi mchod pa dam pa zhes bya ba'i shes rab kyi pha rol tu phyin pa'i tshul bka' stsal pa/ byang chub kyi sems bskyed pas de bzhin gshegs pa thams cad kyi mchod pa'i cho ga rgyas pa dang / sems can gyi kham thams cad yongs su skyob pas de bzhin gshegs pa thams cad kyi mchod pa'i cho ga rgyas pa dang / chos thams cad yongs su bzung bas de bzhin gshegs pa thams cad kyi mchod pa'i cho ga rgyas pa dang / shes rab kyi pha rol tu phyin pa 'dri ba dang /

  596. 299a

    'drir 'jug pa dang / 'dzin pa dang / 'don pa dang / rjod pa dang / sgom pa sngon du 'gro ba'i las kyi de bzhin gshegs pa thams cad kyi mchod pa'i cho ga rgyas pa'o// oM/ de nas bcom ldan 'das gdug pa thams cad 'dul ba'i nus pa'i de bzhin gshegs pas slar yang sems can thams cad 'dul ba'i ye shes snying po zhes bya ba shes rab kyi pha rol tu phyin pa'i tshul 'di bka' stsal pa/ sems can thams cad mnyam pa nyid pas khro ba mnyam pa nyid dang / sems can thams cad 'dul ba nyid pas khro ba 'dul ba nyid dang / sems can thams cad chos nyid nyid pas khro ba chos nyid nyid dang / sems can thams cad rdo rje nyid pas khro ba rdo rje nyid de/ de rgyu ci'i phyir zhe na/ 'di ltar sems can thams cad 'dul ba'i byang chub ste/ haHde nas bcom ldan 'das thams cad mnyam pa nyid la rab tu gnas pa'i de bzhin gshegs pas slar yang chos thams cad mnyam pa nyid kyi mchog ces bya ba'i shes rab kyi pha rol tu phyin pa'i tshul 'di bka' stsal pa/ thams cad mnyam pa nyid pas shes rab kyi pha rol tu phyin pa mnyam pa nyid dang / thams cad kyi don nyid pas shes rab kyi pha rol tu phyin pa'i don nyid dang / chos thams cad mnyam pa nyid pas shes rab kyi pha rol tu phyin pa'i chos mnyam pa nyid dang / thams cad las nyid pas shes rab kyi pha rol tu phyin pa las nyid du rig par bya'o// hrIHde nas

  597. 299b

    bcom ldan 'das de bzhin gshegs pa thams cad kyis slar yang de bzhin gshegs pa thams cad byin gyis rlob pa zhes bya ba shes rab kyi pha rol tu phyin pa'i tshul 'di bka' stsal pa/ byang chub sems dpa' chen po kun tu bzang po bdag nyid thams cad pas sems can thams cad de bzhin gshegs pa'i snying po dang / rdo rje'i snying pos dbang bskur bas sems can thams cad rdo rje'i snying po dang / rin po che thams cad kyis dbang bskur bas sems can thams cad rin po che'i snying po dang / ngag thams cad la rab tu 'jug pas sems can thams cad chos kyi snying po dang / las thams cad byed pa'i sbyor bas sems can thams cad las kyi snying pa'o// hrIH/ de nas bcom ldan 'das mtha' las 'das shing mu med pa'i mthar phyin pa'i de bzhin gshegs pas slar yang mu med cing mthar phyin pa'i chos dang / slar yang 'di rtog pa dang yongs su mthar thug pa byin gyis brlab pa'i don du chos thams cad mnyam pa nyid yongs su mthar thug pas byin gyis brlabs pa rdo rje zhes bya ba'i shes rab kyi pha rol tu phyin pa'i tshul 'di bka' stsal pa/ shes rab kyi pha rol tu phyin pa mtha' med pa'i phyir de bzhin gshegs pa thams cad mtha' med pa dang / shes rab kyi pha rol tu phyin pa mu med pa'i phyir de bzhin gshegs pa thams cad mu med pa dang / shes rab kyi pha rol tu phyin pa gcig pa nyid kyi phyir chos thams cad gcig pa nyid dang / shes

  598. 300a

    rab kyi pha rol tu phyin pa yongs su mthar thug pa'i phyir chos thams cad yongs su mthar thug par 'gyur pa ste/ 'jam dpal gang la las shes rab kyi pha rol tu phyin pa'i tshul 'di nyan par byed/ 'dzin cing 'don la sgom par byed na/ de ni dag cing mthar phyin pa'i byang chub sems dpa'i spyod pa mthar phyin pa la gan pa nyid kyis sgrib pa thams cad las rnam par grol bas/ de bzhin gshegs pa nyid dam rdo rje 'dzin pa nyid myur du thob par 'gyur ro// b+h+yoHde nas bcom ldan 'das rnam par snang mdzad de bzhin gshegs pa de bzhin gshegs pa thams cad kyi gsang ba'i chos nyid bsnyes pa/ chos thams cad spros pa med pas slar yong bde ba chen po rdo rje don yod pa'i dam tshig ces bya ba rdo rje chos mnyam pa nyid shes rab kyi pha rol tu phyin pa'i sgo dam pa thog ma dang / tha ma dang / dbus las grol ba'i mchog 'di bka' stsal pa/ byang chub sems dpa' chen po rnams kyi 'dod chags chen po mchog tu grub pas bde ba chen po mchog tu grub par 'gyur ba dang / byang chub sems dpa' chen po rnams kyi bde ba chen po mchog tu grub pas de bzhin gshegs pa thams cad kyi byang chub chen po mchog tu grub par 'gyur ba dang / byang chub sems dpa' chen po rnams kyi de bzhin gshegs pa thams cad kyi byang chub mchog tu grub pas bdud sde chen po rab tu 'joms pa mchog tu grub par 'gyur ba dang /

  599. 300b

    byang chub sems dpa' chen po rnams kyi bdud sde chen po rab tu 'joms pa mchog tu grub pas khams gsum po mtha' dag gi dbang phyug mchog tu grub par 'gyur ba dang / byang chu sems dpa' c hen po rnams kyi 'jig rten gsum po mtha' dag gi dbang phyug mchog tu grub pas ma lus shing lus pa med pa'i sems can gyi khams yongs su skyob pa'i sems can thams cad la phan pa dang bde ba'i mchog shin tu bde ba chen po mchog tu grub par 'gyur ro/ / saM/ de rgyu ci'i phyir zhe na/ ji srid 'khor ba'i gnas su ni// mkhas pa mchog rnams gnas gyur pa// de srid mnyam med sems can don/ / mya ngan mi 'da' byed par nus// shes rab pha rol phyin pa'i thabs// ye shes byin gyis brlabs kyis 'grub// las ni thams cad rnam dag pas// srid pa dag par 'gyur phyir ro/ / chags sogs kyis 'dul 'jig rten ni// kun nas srid par rtag sdig byed// de dag rnam par sbyang don du// srid pa'i bar du rang 'dul byed// ji ltar pad+ma legs dmar ba/ / tshon gyi skyon gyis ma gos ltar// bag chags skyon gyis srid pa ru// rtag tu 'gro phan gos mi 'gyur// 'dod chags chen po rnam dag pa// bde ba chen po nor chen po// khams gsum dbang phyug thob nas su// de dag don ni brtan par byed// haH'jam dpal gang la las shes rab kyi pha rol tu phyin pa'i tshul gyi sgo'i chos kyi rnam grangs 'di nyin re bzhin du nang

  600. 301a

    par langs te/ gang 'don pa dang / nyan pa dang / 'dzin pa dang / rjod par byed pa des bde ba dang yid bde ba thams cad thob par 'gyur zhing / bde ba chen po rdo rje don yod ba'i dam tshig gi dngos grub mchog tu gyur pa skye ba 'di nyid la thob par 'gyur ro/ / hUM/ de nas yang bcom ldan 'das kyis/ 'jam dpal gzhon nur gyur pa la bka' stsal pa/ 'jam / dpal nyi shu rtsa lnga po 'di dag ni nges par shes rab kyi pha rol tu phyin pa'i tshul gyi sgo ste/ 'di ltar/ oM na maHsarba bud d+hA bo d+hi satwA nAM/ oM bo d+hi tsit+ta badz+ra/ oM sa man+ta b+ha dre tsar+ye bI/ oM tsan tA ma Ni/ oM a ni ro d+ha/ oM dzat+ti b+hi b+ha te/ oM dzA ti pa ri war te/ oM ma hA rA ga d+harma te/ oM bIr+ya ka ba tse/ oM sarba gA mo ni/ oM badz+ra dr-ir+tha ka bi tsa he hUM phaT/ oM sarba ta thA ga ta oM sa b+hA ba shud+d+he/ oM pradz+nyA pa ra mi tA dz+nyA na b+hi shud+d+ha/ oM karma bi sho d+ha nr-i hUM phaT/ oM ni sum+b+ha badz+ri NI hUM phaT/ oM karma rA ge/ oM badz+ra hUM badz+re/ oM sarba dA ma NI/ oM hrIHoM a kA ro mu / oM pradz+nyA pA ra mi ti/ oM haHpaM hUM/ oM aM/ oM sarba ta thA ga ta kA ya a gri/ oM sarba ta thA ga ta bA ka bi sho d+ha ne/ oM sarba ta thA ga ha tsit+ta badz+ri aH/ oM s+pho Ta ya sarba a pA ya ban+d+ha nA ni pra mo k+Sha ya/ sarba a pA ya ga ti b+h+yaHsarba sa ma ya badz+ra hUM phaT/ sdig pa dral ba'i phyag rgya dang sngags so// de brjod pa tsam gyis de bzhin gshegs pa thams cad kyi gsang ba mchog gi dngos grub rdo rje 'dzin pa

  601. 301b

    chen po 'am/ / de de bzhin gshegs pa nyid du 'gyur ro// 'jam dpal 'di ni dge ba'i rtsa bam pa skrun pa'i sems can rnams kyi rna lam du grag par mi 'gyur zhing / dge ba'i rtsa ba ma bskrun pa'i sems can gyis bri ba dang / bklag pa dang / brjod pa dang / rim gror bya ba dang / bla mar bya ba dang / rjed par bya ba dang / mchod par bya bar yang nus pa ma yin no// gzhan du na gang gis shes rab kyi pha rol tu phyin pa'i tshul gyi sgo'i chos kyi rnam grangs 'di tha na yi ge gcig tsam yang thos nas/ sems can de sangs rgyas mang po la dge ba'i rtsa ba bskrun par rig par bya na/ slar yang mtha' dag ma lus pa rdzogs pa lta ci smos/ 'jam dpal sems can gang la la gang+gA'i klung gi bye ma brgyad cu snyed kyi sangs rgyas bye ba khrag khrig la phyag byas/ bla mar byas/ rjed par byas/ mchod par byas na/ des shes rab kyi pha rol tu phyin pa'i tshul 'di nyan par nus so// gang du na chos kyi rnam grangs 'di rab tu spyod par 'gyur ba'i sa phyogs de mchod rten du gyur par 'gyur te/ gang zag de'ang phyag bya ba'i 'os su 'gyur ro// gang chos kyi rnam grangs 'di yid la gzung ba 'am/ glegs bam du bris par gyur na/ de bskal pa bye ba khrag khrig brgya stong mang por skye ba dran par 'gyur ro/ / de la bdud sdig to can gyis bar du mi gcod do// rgyal po chen po bzhi po rnams dang / gzhan yang lha rnams kyis phyi bzhin rjes su 'brangs te/ de srung ba dang / skyob pa dang /

  602. 302a

    sbed pa byed par 'gyur zhing / tshul ma yin pas dus byed par mi 'gyur la/ sangs rgyas dang byang chub sems dpa' thams cad kyis dgongs par 'gyur ro// mdor na sangs rgyas kyi zhing gang dang gang yid la 'dod pa de dang der skye bar 'gyur ro/ / 'jam dpal 'di lta bu'i phan yon mang po 'di ni shes rab kyi pha rol tu phyin pa'i tshul gyi sgo'i chos kyi rnam grangs so/ / de nas bcom ldan 'das rdo rje rnal 'byor gyi dbang phyug chen pos rdo rje'i snying po thams cad kyi rgyan theg pa chen po'i mngon par rtogs pa de bzhin gshegs pa thams cad kyi mchog tu gsang ba chen po/ mchog tu gsang ba'i dam tshig rdo rje dbyings kyi dbang phyug dam pa chen po/ 'khor los sgyur ba chen po bzhis yongs su bskor ba/ rdo rje snying po rgyan ces bya ba'i snying po 'di phyung ngo / / mtshan nyid gcig pa'i phyir chos thams cad gdod nas ma skyes pa'o// nam mkha' dang mnyam pa'i phyir chos thams cad stong pa nyid do// spros pa thams cad spangs pa'i phyir chos thams cad gdong ma nas yongs su dag pa'o/ / thams cad kyi sems gsal ba'i mtshan nyid kyi phyir chos thams cad chos kyi dbyings yongs su rgyas pa'o// aHb+h+rUM dzA hrIHhUM/ de bzhin gsheg pa thams cad kyi rdo rje yi ge'i tshig 'di brjod pa tsam gyis chos kyi dbyings kyi mtha' klas pa sangs rgyas kyi yul thams cad de snyed nyid du shin tu gsal ba rgya chen po snang bar gyur to/ / de nas bcom

  603. 302b

    ldan 'das de bzhin gshegs pa thams cad kyis slar yang bsdu bas byon nas/ de bzhin gshegs pa thams cad kyi dkyil 'khor chen po'i bkod pa zhes bya ba'i ting nge 'dzin la snyoms par zhugs te/ 'jam dpal gzhon nur gyur pa la bka' stsal pa/ 'jam dpal de bzhin gshegs pa thams cad kyi rdo rje snying po rgyan ces bya ba'i dkyil 'khor chen po bshad par bya yis nyon cig/ de legs par nyon la rab tu yid la gyis shig dang bshad par bya'o// de nas bcom ldan 'das rnam par snang mdzad chen pos/ 'jam dpal gzhon nur gyur pa la bka' stsal pa/ 'jam dpal khyod kyang de bzhin gshegs pa thams cad kyi shes rab ye shes la zhugs la/ de bzhin gshegs pa thams cad kyi rdo rje'i snying po chen po la byin gyis brlab par byos shig/ de nas yang 'jam dpal gzhon nur gyur pas/ bcom ldan 'das rnam par snang mdzad kyis gsol ba btab pa'i tshig thos nas/ de bzhin gshegs pa thams cad kyi thugs kar zhugs te/ byin gyis brlabs nas de las 'thon te/ de bzhin gshegs pa thams cad kyi spyan sngar rnam par gnas so// de nas bcom ldan 'das kyis de bzhin gshegs pa thams cad kyi dam tshig 'byung gnas rdo rje snying po'i rgyan byin gyis rlob pa zhes bya ba'i ting nge 'dzin la snyoms par zhugs nas/ chos kyi dbyings kyi rdo rje chen po snying po'i rgyan de bzhin gshegs

  604. 303a

    pa thams cad kyi gsang ba'i dkyil 'khor bkod pa chen po bkar stsal pa/ de nas yang dag bshad bya ba// dkyil 'khor chen po mchog gyur pa// rdo rje snying po gsang chen po/ / de bzhin gshegs pa kun ldan dge/ rdo rje snying po dang mtshungs pa// khams rnams thams cad rnam par sprul// sangs rgyas kun gyi bdud rtsi dang // gzhan yang bcud len dang mtshungs pa/ / de bzhin gshegs pa kun gyi gsang // rdo rje kun gyi rang bzhin grong // gru bzhi pa la sgo bzhi pa// rta babs bzhis ni rnam par mdzes// thig bzhi dang ni yang dag ldan/ / dur dang me tog chun pos sbas// grwa yi cha rnams thams cad dang // sgo khyud kyi ni mtshams rnams su// rdo rje rin chen rnams kyis spras// rdo rje'i thig rnams kyis spras pa'i/ phyi rol dkyil 'khor thig gdab bya// de'i yang phyi rol du bya ba// dkyil 'khor bdud rtsi yi ni 'od// khyad par ji lta ba bzhin du// sngags pas kun nas yongs bskor bya// de ltar rnam bzhi'i rnam pa dang // ji srid grong ni rnam pa bdun// sbyor ba bdun dang yang dag ldan// dar dang me tog 'phreng bas brgyan// sgo dang sgo khyud rin chen ni// yang dag mtho ba legs par gnas/ / de yi grong gi nang du ni// rab zhugs 'khor lo 'dra ba ru// rdo rje thig gis yongs su bskor// ka ba brgyad kyis nye bar mdzes// rdo rje ka mdun gnas rnams su//

  605. 303b

    dkyil 'khor lnga yis brgyan pa'o// de ltar 'khor lo rnam pa gnyis// nang gi dkyil 'khor dang mtshungs pa// tshad mdzes pa yi snying po che// rdo rje 'khor los rnam par brgyan// gru bzhi pa dang zlum po nyid/ / gru gsum rnam par yang dag byung // zla phyed rnam pa dang mtshungs pa// dkyil 'khor rnam pa bzhi slar yang // slob dpon rdo rje yang dag 'byung // shes rab chen pos rab brtag bya/ / dbus kyi dkyil 'khor dbus su ni// pad+ma chen po 'angab brgyad pa// pad+ma rA ga'i 'od mtshungs la// sangs rgyas gzugs brnyan gzhag par bya// dkyil 'khor gyi ni dbus nyid du/ / sangs rgyas thams cad bsdus pa'o// sangs rgyas kyi ni ngos kun tu// shes rab can gyis gzhag bya ba// dam tshig mchog bzhi rnam bzhi ni// go rims bzhin du yang dag bri/ / rdo rje chen po seng ge'i khri// 'khor lo car gyi khyab bdag gzhag/ gdugs dkar rgyal ba'i gtsug tor dang // gzi brjid phung po skal ba che// rnam par 'phro byed rnam rgyal nyid/ / de bzhin gtsug tor lnga po ni// sangs rgyas skyob pa thams cad la// yongs su bskor nas snam bu la// dkyil 'khor kun tu bri bar bya/ rdo rje shugs kyis song nas ni/ / dkyil 'khor dag ni ba'i po ru/ mi bskyod la sogs rnam pa bzhi// rdo rje rnal 'byor dbang phyug bri// mi bskyod pa yi dkyil 'khor ni/ khwa 'od lta bu'i mdog tu bya// rdo rje sems

  606. 304a

    dpa' sogs rgyal po/ / kun mchogs yi dbang phyug rnams// rdo rje slob dpon stobs po che// shes rab chen pos dgod par bya// rin chen 'byung gnas dkyil 'khor du/ rdo rje rin chen sogs kyis dgang // rdo rje chos sogs gsang ba yi// dkyil 'khor tshe dpag med pa'o// rdo rje las la sogs ldan pa// don yod grub pa'i dkyil 'khor ro// gnyis pa 'khor lo'i dkyil 'khor du/ / rdo rje shugs kyis song nas ni// rnam gzigs la sogs sangs rgyas rnams// dkyil 'khor kun tu der ni bri// rdo rje snying po rgyal po che// khyab bdag gsang ba'i chos dbang phyug/ 'dod pa'i don kun grub pa'i phyir// 'bad pa yis ni bri bar bya// blo gros rgya mtsho mi zad blo// byams pa bdag nyid chen po dang // nam mkha'i snying po grags chen po// kun tu bzang po nyid dag dang / / phyag na rdo rje bdag nyid che// kun nas 'bar bas 'khrugs pa'i 'od// 'jam pa'i dbyangs ni rigs kyi mchog/ sangs rgyas sras bzang dri ma med// sgrib pa thams cad nges par sel/ / de nas sa yi snying po mchog/ nam mkha'i mdzod ni mdzod dam pa// lag na rin cher bla na med// ngan song kun ni 'joms pa ni// dra ba can gyi 'od ces bya// dpa' bo 'di dag gsang ba che/ / dkyil 'khor 'di dag bri bar bya// 'khor lo de ni dor nas ni// blo gros ldan pas phyir song ste// shar du sangs rgyas thams cad kyi// phyag rgya go rims

  607. 304b

    bzhin du dgod/ / 'khor lo mdzes pa'i dge legs can// rdo rje dpal be'u pad ces bya// gtsug tor rnam pa sna tshogs pa// rdo rje pad+mas rnam par brtan// lhung bzed dang ni 'khar gsil dang / / chos gos kyang ni khyad par du// shAkya seng ge ji srid par// sangs rgyas kun gyis rab tu gsungs// gang zhig dngos grub mchog 'dod pas// de rnams blo ldan brtan pas gri/ byang du 'jig rten dbang phyug gi/ phyag rgya'i tshogs mchog de bzhin te// pad+ma ut+pal nyid dang ni// spyi blugs pags pa'i g.yang gzhi dang // dbyug gu'i shing ni mkhas pa yis// ma myos pa ru bri bar bya// slar yang lho ru song nas ni// phyag na rdo rje bdag nyid che// slob dpon bdag nyid chen po yis// phyag rgya 'bad pas bri bar bya// rdo rje paT+Ti sha dang ni// dril bu rab tu mdzes pa dang / / dbyug gu dang ni tho ba dang // dbyug pa rdo rjes mtshon pa dang // lcags sgrog dang ni rtse gsum yang // 'di dag dpa' bo'i phyag rgya'o// dkyil 'khor nub tu song nas ni// 'jam pa'i dbyangs ni blo dang ldan// gsang ba'i chos ni dam pa'i mchog/ brtson 'grus chen po'i phyag rgya bri// ut+pal 'khor lo rdo rje dang // ral gri yang ni khyad par du// thod pa dang ni dgra sta nyid rma bya dang ni seng ge nyid/ / phyag rgya 'di ni brtson 'grus che// mkhas pa yis ni dgod par bya// 'khor lo'i grwa ni legs gnas par// rdo rje sgeg mo la sogs bri// phyi yi 'khor lo'i grwa

  608. 305a

    ru ni rdo rje bdug pa zhes bya sogs/ / bdag nyid chen po 'bad pa yis// mchod pa 'di dag bri bar bya// phyi yi dkyil 'khor grwa rnams su// gzugs kyi rdzu la sogs ming / / gzugs smra de bzhin dri drang ni// khyad par du ni ro nyid dang // reg dang chos kyi dbyings dag ni/ ma bas pA yis ni dgod par bya// sgo yi rang ni thams cad du// sgo slong ba ni dgod par bya/ / de bzhin dkyil 'khor gnyis pa ru// rdo rje shugs kyis song nas ni// go rims bzhin du sangs rgyas kyi// sum rnams 'bad pas bri bar bya// nam mkha'i sbyin zhes bya ba ni/ / sangs rgyas spyan zhes bya ba dang // shes rab pha rol phyin ma yang // phyag rgya kun dang yang dag ldan// ji srid de bzhin gshegs rig ma// thams cad shar du dgod par bya// de nas blo gros ldan pa yis// byang gi phyogs su song nas ni// gos dkar mo dang sgrol ma che// khro gnyer can dang grags 'dzin ma// khyad par du ni dpal bdun dang // mnga' bdun dang na dbyangs can ma/ / de la sogs pa'i lha mo rnams// bran dang bran mor yang dag ldan// de bzhin po nyo bo nya mo// gsang ba'i phyag rgya lhan cig bri/ rdo rje shugs kyis song nas ni// lho yi phyogs su rab phyin la/ / mA ma kI dang lcags sgrog dang // khab rtse rdo rje'i mtshan ma mchog/ de ltar bris nas blo ldan gyis// nub kyi phyogs su song nas ni// der ni phyin nas shes ldan gyis// skra

  609. 305b

    can stobs chen bri bar bya/ / de bzhin 'dam bu mda'i rgyu dang // lha mo zla mdzes 'od zer 'dra// dkyil 'khor kun gyi mtshams rnams su// de bzhin nye ba'i sgra can ma// 'bad pa yis ni bri bar bya/ / rab bkra nor gyi blo gros dang // 'gugs byed pho nya lnga dang ldan// grwa yi cha ru bri bar bya// rdo rje mdung rtse zhes bya sogs// sgo yi nang ni thams cad du// sgo skyong ba ni rnam par bri/ / gzhan gyis mi thub lha mo che// de bzhin ral pa gcig ma mchog/ rdo rje dregs mo lha mo che// rdo rje kum b+hi yang dag bri// de nas blo ldan dkyil 'khor ni// thams cad las ni 'thon ras su/ / shar gyi cha ni thams cad du// sngags pa mnyam par bzhag pa yis// khro chen gzhan gyis mi thub pa// de bzhin mi g.yo zhes bya dang // khams gsum/ rnam rgyal snying po ni// mnga' bdag brgya phrag lnga yis bskor// shar du bris ras sngags pa yis// de nas byang gi char song ste// rta mgrin khro bo chen po dang // skar ma'i spyan ni khyang par du'o/ / khro gnyer rim pa rnam bsgyings pa// khro bo blo ldan brtson 'grus che// pho nya bran rnams thams cad dang // ma mo stong gis yongs bskor bar// 'jig rten mgon gyis bka' stsal to/ / de nas blo gros ldan pa yis// lho yi phyogs su song nas su// der ri phyin te brtson chen po// khro bo chen po stobs po che// rdo rjes mtshan pas legs mtshan pa// shes rab

  610. 306a

    chen pos dgod par bya/ / khro bo zla ba'i thig le dang // de bzhin khro chen rdo rje 'chang // khro bo gzegs ma stobs po che// khro bo bdud rtsi 'khyil ba dang // rdo rjes 'og sa 'og dang / / de bzhin 'jigs pa'i mig can dang // rkang pas bsnun pa rdo rje mchog/ gsang dang rab gsang rjes 'gro dang // bran dang po nya rjes 'gro ba// rjes 'gro can blong bopo ni/ stong phrag gsum dang phyed kyis bskor// de ltar bris nas blo ldan gyis// nub kyi phyogs su phyin nas ni// der ni song skye brtson chen po// gshin rje mthar byed ces bya ba// gdong drug pa la lag drug pa/ / khro bo yi ge bdun zhes bya// khro bo'i gtso bo stong phrag ni// bdun dag gis ni yongs bskor ba'o// dkyil 'khor can thams cad du// khro bo gtum po thams cad bri// de nas blo ldan 'ongs nas su// rang rgyal rgyal ba thams cad ni// dkyil 'khor kun tu bri bar bya// de nas sngags pa 'ongs nas ri// rgyal ba nyan thos bri bar bya// de nas thams cad bris nas su// de rnams tshangs sogs lha de dag/ dkyil 'khor kun tu rnam par bri// dbang phyug che dang khyab 'jug dang // zla ba nyi ma zhes bya dang // gza' brgyad dang ni 'jig rten skyong // rgyal chen ris ni bzhi po dang / / de bzhin sum cu rtsa gsum nyid// 'thab bral rnams dang dga' ldan rnams// 'phrul dga' gzhan 'phrul dbang byed rnams// tshangs pa mdun na 'don pa rnams// tshangs chen rnam

  611. 306b

    dang 'od chung rnams dang / tshad meng 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min rnams dang / dag pa'i gnas pa rnam dkyil 'khor thams cad kyi mtshams su dgod par bya'o/ / de nas dbang ldan du dbang ldan dang / dbang por dbang po dang / mer me lha dang / gshin rjer gshin rje dang / bden bral du bden bral dang / chur chu lha dang / rlung du rlung lha dang / lus ngan du lus ngan rnams dang / phyi rol tu khor drug tu chen po'i ri'i rgyal po bri bar bya'o// rab dag gi nang du rgya mtsho chen po bdun dgod par bya'o/ / phyi rol gyi shar phyogs su khro bo gzhan gyis mi thub pa zhes bya ba'i phyag rgya chen po dgod par bya'o// lhor rdo rje 'jigs byed kyi spyan gyi phyag rgya chen po dgod par bya'o// nub tu khro bo'i rgyal po chen po gshin rje gshed kyi phyag chen po dgod par bya'o/ / byang du rta mgrin gyi phyag rgya chen po rnam pa dgod par bya'o// de lta bu'i gru bzhi pa sgo bzhi pa'i dkyil 'khor chen po dar dang me tog gi chun po dang / sgo khyud dang / gdugs dang / rgyal mtshan dang / ba dan sgreng ba/ dra ba dang dra ba phyed pas klubs po/ de lta bu'i dkyil 'khor chen po bris la bsgom par bya'o// de'i phyi

  612. 307a

    rol du 'gro balnga po gzhag par bya'o/ / de bzhin du dbus su ri'i rgyal po lhun po'i tshad dpag tshad brgya stong phrag du ma rnam par bsams nas/ de'i steng du rdo rje seng ge'i khri la bzhugs pa'i sangs rgyas bcom ldan 'das gzhag par bya'o/ / de ltar dkyil 'khor rim gyis bkod nas nye bar spyod pa thams cad kyi cho gas mchod nas/ nye bar zhugs te dgugs pa dang / gzhug pa dang / dam tshig gis bcings nas mnye bar byas te/ mchod pa dang / dbang bskur ba dang / byin gyis brlabs pa dang / spro ba dang / bsdu ba la sogs pa byas nas/ de bzhin gshegs pa thams cad kyi phyag rgya chen po bsgom par bya'o// de bzhin du sgom pa las blang ste/ de bzhin gshegs pa thams cad dang rdo rje sems dpa'i bdag nyid ni rnam par snang mdzad pa zhes bsgom par bya'o/ / de lta bu las langs nas de'i snyoms pa 'chang zhing snying rje dang / byams pa'i 'dren byed dang / mig gis phyogs bcu'i 'jig rten gyi khams mtha' las 'das pa rab 'byams rgya mtsho'i sprin thams cad du de bzhin gshegs pa thams cad kyi sku'i sprin gyis kun nas bkang ste/ de bzhin gshegs pa rab tu 'bab pas rdo rje sems dpa'i hUM mdzad kyis phyag rgya rang gi lus la zhugs nas phyogs thams cad hUM gi yi ge'i sgras rab tu bsgrag par bya'o/ / bsnun pa bzhis rol pa dang bcas pas phyag byas la bzlas pa bya ste/ dam tshig gi phyag rgya bcings la

  613. 307b

    cho ga bzhin du rdo rje slob dpon gyis bkug nas bcug ste bcings la dam tshig la bzhag par byas nas/ / rdo rjes grol gyi sbyor ba dang / kun nas 'bebs pa'i phyag rgyas bdag nyid la dbab ste/ snying po 'di bzhis de bzhin gshegs pa thams cad dang bdag mtshungs so snyam du bsam par bya'o// de la 'di ni thams cad 'bebs pa'i snying po bzhi por 'gyur ro// a A aM aH bdag byin gyis rlob pa la sogs pa byas nas/ slob dpon gyis de bzhin gshegs pa thams cad dang bdag mtshungs pa yin no zhes nga rgyal bskyed par byas nas/ de bzhin gshegs pa thams cad kyi rdo rje lcags kyu'i se gol gtogs nas/ sangs rgyas thams cad spyan drang bar bya'o// de la snying po ni 'di yin te/ badz+ra sa mA dzaH/ A gats+tsha A gats+tshan+tu sarba ta thA ga ta/ sarba bo d+hi satwa pa ri bri tAHprat+ye kA ra ha teH/ sa ha/ zhes so// oM badz+ra sa mA dzAHA gats+tsha/ A gats+tsha/ sarba ta thA ga ta badz+ra yo gi shwa raHsatwa na yaiHsa ha a haHa haH/ de nas de bzhin gshegs pa thams cad dang / byang chub sems dpa' thams cad dang bcas pa/ dkyil 'khor thams cad yongs su rdzogs pa de bzhin gshegs pa thams cad kyi rigs dang / rgyud dang / gzungs rnams dang lhan cig dkyil 'khor du 'dus na byon par 'gyur ro/ / de nas de bzhin gshegs pa thams cad kyi phyag rgya chen po bdag nyid rnam par bsgoms nas/ ming brgya rtsa brgyad pa bton la cho ga ji lta ba bzhin du

  614. 308a

    mchod pa byas nas/ de bzhin gshegs pa thams cad brtan par byas nas/ sgo bzhi po rnams su rdo rje lcags kyu la sogs pas las byas te/ las chen po dam pa'i phyag rgyas de bzhin gshegs pa thams cad gzhug par bya'o/ / oM sarba ta thA ga ta/ su ra ta badz+ra badz+ra satwa dzaHhUM baM hoHa d+hi tiSh+Tha tu/ sarba ta thA ga tA ma hA maN+Da laM/ zhes so// de nas gsang ba'i mchod babal sogs pa rnams kyis mchod pa byas nas/ de bzhin gshegs pa thams cad la gsol pa btab par bya ste/ sangs rgyas dang byang chub sems dpa' thams cad la bdag gsol ba 'debs lags kyis/ / sangs rgyas dang byang chub sems dpa' thams cad kyis bang gA la byin gyis brlab tu gsol/ sems can thams cad kyi don mdzad du gsol/ bdag la dngos grub thams cad stsal du gsol/ ji ltar bdag gis de bzhin gshegs pa thams cad kyi mchod pa rab 'byams rgya mtsho'i sprin rnams kyis chos kyi dbyings kyi mtha' klas pa'i sangs rgyas thams cad kyi yul kun nas bka' sti byin gyis brlab par bgyi'o/ / de bzhin gshegs pa thams cad kyi bka' yongs su rdzogs par bgyi'o// de nas 'dir rdo rje snying po'i rgyan chos kyi dbyings kyi dkyil 'khor du slob ma gzhug pa'i cho ga rgyas par 'gyur ba ni/ de nas gos dmar po phrag par gzar te/ de bzhin gshegs pa thams cad la phyag 'tshal ba'i thal mo sbyar nas

  615. 308b

    sngags 'dis snyan gsan dbab par bya ste/ sa ma ya ho/ sa ma ya s+t+waM/ sa ma ya badz+ra d+hiSh+ThA naM/ ku ru mAM/ sarba ta thA ga ta sa ma ye Shu me a d+hi tiSh+ThAn+tu sarba bud+d+ha mAMHpra be sha yan+tu/ pra ti pA la yan+tu pU dzAny+tsa ma pra yats+tshan+tu/ pra bidz+dzi smai/ sarba ta thA ga ta badz+ra maN+Da a lang kA re/ ma hA badz+ri maN+Da le pra ta~M ba la yan+tu man+t+ra dzany+tsA ma pra yats+tsha yan+tu/ de nas slob dpon gyis de'i thal mor me tog dkar po'i 'phreng ba sngags 'dis btags nas/ nang du me tog bzhi dang sor mo'i rtse mor me tog re re bcug la/ de nas sngags 'di brjod cing gzhug par bya'o// tsU d+ha hri/ kruM shru dzu baHka pro khi shrI dz+dza hUMn a d+hi tiSh+Tha mAM/ sarba ta thA ga ta sa ma ya satwa pra bi shA mi/ de nas slob dpon gyis de'i gdong g.yogs bcings la/ de bzhin gshegs pa thams cad kyi mya ngan las 'das pa'i grong khyer chos kyi dbyings nam mkha'i khams rab tu khyab pa'i sbyor bas de bcug la/ sngags 'dis me tog gtor bar bya'o// sngags ni/ sa ma yo haM/ sa ma ya s+t+waM/ sa ma ya hUM/ gang la me tog rnams lhung ba de nyid de'i lhar byin par bya'o/ / de nas cho ga bzhin du sngags 'dis dbab par bya'o// na maHsarba ta thA ga te b+h+yaH/ ta Ta ta Ta/ d+ha ma d+ha ma/ badz+ra hUM/ bi kr-i ti bi d+h+ya/ dzI hwA dur darlang ma ka/ ha si ta laM bo d+ha ra/ ka ha ka ha/ tsu lu tsu lu/ muny+tsa muny+tsa/ an+d+ra ha sa dar bi dar/ badz+ra badz+rong+ga ta badz+ra ne tre/ badz+ra sho tra/ badz+ra g+hA Na/ badz+ra daMSh+Ta kiny+tsi rA yi sa pra bi sha badz+ra pA Ni

  616. 309a

    da ya ma bi sha/ g+hur+Na b+har+dz+dza/ pUr+N+Na pUr+t+ta/ g+hAr+N+Na pa ya g+hur+N+Na pa ya/ b+h+ra ma yA b+h+ra ma yA/ pA ta ya mo Ta ya/ a be shA ya/ dzalpa dza wa/ dzam+bA ya dzalpA ya/ la b+hA la g+hu sarba ta thA ga ta dz+nyA ka ra/ pra ba ra/ d+harma lab+hU/ bi dza yo hi ha~M badz+ra kA ra hUM kr-ita swA hA/ dbab pa'i dam tshig go/ de ltar phab nas/ kye khyod kyis gang dge ba 'am mi dge ba mthong ngam zhes dri'o/ / de nas de de bzhin gshegs pa 'am/ rdo rje 'dzin pa 'am/ dge ba'am/ mi dge ba bdag gis 'di lta bu mthong ngo zhes smra bar 'gyur ro// de nas slob dpon gyis de thams cad de bzhin gshegs pa thams cad kyi rdo rje'i rang bzhin du yongs su bzhag la/ mig bcings pa bkrol la/ dbang bskur ba'i don du dkyil 'khor gru bzhi pa byas la/ de'i dbus su kha dog thams cad kyis pad+ma chen po 'dab ma brgyad pa yid du 'ong ba 'am/ seng ge'i khri rang nyid kyis bris te/ de nas de la dar gyi bgo ba dang / me tog bdug pa la sogs pa rnams kyis mchod la/ khyad par du gzugs dang / sgra dang / dri dang / ro dang / reg bya dang / gdugs dang / rgyal mtshan dang / ba dan la sogs pa nye bar mkho ba dang / dung dang / rdza rngu dang / rnga bo che dang / drung la sogs pa dang / gar dang / glu rnams kyis legs par mchod nas/ cod pan lnga'i dbang bskur te/ de bzhin gshegs pa thams cad kyi rdo rje slob dpon gyi go 'phang la sngags 'dis rab tu

  617. 309b

    gzhag par bya'o/ / oM sarba ta thA ga tA badz+reSh+NI Sha a b+hi Shiny+tsa/ oM badz+ra satwa a b+hi Shiny+tsa/ oM badz+ra rat+na a b+hi Shiny+tsa/ oM badz+ra pad+ma a b+hi Shiny+tsa/ oM badz+ra badz+ra a b+hi Shiny+tsa/ spyi bo dang dpral ba dang / mgrin pa dang / snying kha dang / lte ba dang / rkeng pa nas/ rje ngar gyi bar du yi ge'i phyag rgya bkod la rang gi lha'i gzugs kyi sbyor bas blta bar bya'o// de de ltar dbang bskur nas rigs dang 'thun pa'i ming byas nas rdo rje'i tshig rnams bslab par bya'o/ / de la rdo rje'i gnas tshig rnams ni 'di dag ste/ rang bzhin gyis dbyer med pa'i phyir rang gi lus rdo rje sems dpa'i gnas te/ rdo rje'i gnas 'dis lta ba'i thibs po thams cad nges par 'joms par 'gyur ro// rig pa la 'jug pa'i phyir ma rig pa rdo rje'i gnas te/ rdo rje'i gnas 'dis dmigs pa'i dngos po yongs su shes pa la 'jug par 'gyur ro/ / hUM/ mngon par 'du byed pa'i phyir mtshams med pa'i mtha' rdo rje'i gnas te/ rdo rje'i gnas 'dis lta bar gyur pa thams cad du nges par rig par 'gyur ro/ / aM 'dod chags dang bral ba'i mtha' mnyam pa nyid kyi phyir 'dod chags kyi mtha' rdo rje'i gnas te/ rdo rje'i gnas 'dis 'dod chags 'dod chags dang bral ba'i ched du 'jug go// ha/ byams pa'i mtha' mnyam pa nyid kyi phyir zhe sdang gi mtha' rdo rje'i gnas te/ rdo rje'i gnas 'dis nyes pa thams cad gcod pa'i ched du 'jug go// me shes rab sgron ma mnyam pa nyid kyi phyir

  618. 310a

    gti mug gi mtha' rdo rje'i gnas te/ rdo rje'i gnas 'dis mun pa bsal bar byed par 'gyur ro// ra sems can thams cad sems can gcig pa ste/ rdo rje'i gan/ 'dis sem can mnyam pa nyid la 'jug pa'i don dang / sems can gyi rang bzhin rtogs pa'i don du 'gyur ro// hrI/ sems can thams cad sems gcig pa ste/ rdo rje'i gnas 'dis sems nges pa la 'jug pa'i don dang / sems rang bzhin gyis 'od gsal ba mngon par rtogs pa'i don du 'gyur ro// a/ sangs rgyas thams cad sangs rgyas gcig pa ste/ rdo rje'i gnas 'dis de bzhin gshegs pa thams cad kyi rjes su 'jug pa'i don dang / mnyam pa nyid kyi ye shes rjes su rtogs pa'i don du 'gyur ro// aM/ chos thams cad sangs rgyas kyi chos te/ rdo rje'i gnas 'dis thams cad mkhyen pa'i ye shes rjes su rtogs par 'jug pa'i don dang / rdo rje lta bu'i ting nge 'dzin rjes su rtogs pa'i don du 'gyur ro// A.AMHbdud kyi las thams cad sangs rgyas kyi las te/ rdo rje'i gnas 'dis las thams cad rjes su rtogs pa la 'jug pa'i don dang / lus thams cad las yongs su 'das pa'i don du 'gyur ro// hUM/ ngag thams cad de bzhin gshegs pa'i gsung ste/ rdo rje'i gnas 'dis sgra ji bzhin pa thams cad rjes su rtogs pa la 'jug pa'i don dang / brjod pa las 'das pa'i chos rjes su rtogs pa'i don du 'gyur ro// d+haM/ chos tham

  619. 310b

    cad ma skyes pa ste/ rdo rje'i gnas 'dis 'chi 'pho med pa la 'jug pa'i don dang / skye ba dang / rga ba dang / na ba dang / 'chi ba'i lam las 'da' ba'i don du 'gyur ro// maM chos thams cad ma byung ba ste/ rdo rje'i gnas 'dis 'gog pa med pa la 'jug pa'i don dang / chos thams cad 'gog pa med pa'i don du 'gyur ro// khaM/ 'di la rnam gnas rnal 'byor pa// bdag gi de nyid rab rtogs te/ / bdag gis de nyid rab brtags nas// sangs rgyas kun mtshungs mnyam med 'gyur// de la sogs pa'i dngos grub thams cad dang / phun sum tshogs pa thams cad dang / gter thams cad dang / 'khor lo thams cad dang / rdo rje thams cad dang / ral gri dang / yid bzhin gyi nor bu dang / dngul chu dang / bcud len rnams dang / gyen du 'gro ba dang rkang 'og dang / mi snang ba dang / rig pa 'dzin pa dang / 'khor los sgyur ba nyid dang / brgya byin dang / tshangs pa dang // khyab 'jug dang / dbang phyug chen po nyid dang / byang chub sems dpa'i sa rnams de myur du 'grub par 'gyur ro/ / hUM yid ni rtse gcig gyur pa yis// sangs rgyas rjes dran bsgoms nus ni// nyi ma'i dkyil 'khor dbus gnas par// sangs rgyas sku gzugs bsgom par bya/ / sbyor ba de yi bka' drin gyis// sangs rgyas kun mtshungs mnyam med 'gyur// zla ba'i dkyil 'khor dbus gnas par// 'od kyi dkyil 'khor rab gsal

  620. 311a

    ba'i kun tu bzang po phyag rgya na/ / legs par mnyam par bzhag pas sgom/ yo ni byed kyi sbyor ba yis// kun tu bzang po 'dra bar 'gyur// rdo rje rin chen phyag rgya legs par mnyam par bzhag pas sgom/ / rgyal po'i dbang bskur nyid ngam ni// yang na dbang phyug thob par 'gyur// rdo rje chos kyi phyag rgya che// de ni rang gis brtan por bsgom// 'jig rten kun gyi dbang phyug kyang / / thob na dngos grub gzhan ci sngos// rdo rje las kyi phyag rgya gang // de bzhin nyid kyi 'od gsal pa// rdo rje'i sbyor bas de bsgoms pas// rdo rje'i rnal 'byor brtan por 'gyur/ / de lta bu'i byang chub kyi sems kyi mchog sgom pa phyag rgya chen po'i ye shes nyid yin no// 'khor lo sgyur ba'i phyag rgya che// legs par mnyam par bzhag pas bsgom// phyag rgyu kun gyi bdag nyid kyi/ / dam pa'i don nyid thob par 'gyur// gzi brjid phung po phyag rgya che// dam pa'i don du bsgom par bya// gsang ba'i rgyal sring thob 'gyur na// dngos grub gzhanas tsonig smos/ / gdugs dkar btsug tu rkun po ni// dam pa'i don du bsgom par bya// gtsug tor me shes thob 'gyur// dngos grub gzhan su ci nag smos/ rgyal ba'i gtsug tor phyag rgyade ni yang dang yang du bsgom/ / chos kyi rgyal srid rnam rgyal nyid/ mdor bsdus pas ni thob par 'gyur// nam rgyal gtsug tor phyag rgya yis// dam pa'i yi ge bsgom par bya/

  621. 311b

    legs par rab gnas 'od zer can// dngos grub ye shes thob par 'gyur// de la sogs pa mtha' yas mchog/ chos dbyings mnyam dang mi mnyam pa// gtsug tor rnams kyis legs bshad pa/ / phyag rgya de rnams bdag nyid mchog/ de ltar rnal 'byor pas bsgoms na// lhag pa'i lha ni gcig pu nyid// thog ma tha ma med zhi ba// rang byung mchog tu mi 'gyur ba/ sangs rgyas kun dang mnyam sbyor ba// rnal 'byor dbang phyug go 'phang mchog/ sangs rgyas ye shes dri ma med// bdag nyid chen po thob par 'gyur// de bzhin gshegs pa thams cad kyi gtsug tor gyi dam tshig ye shes kyi phyag rgya rnams so/ / da ni de bzhin gshegs pa thams cad kyi chos kyi yi ge'i rang bzhin gyi ye shes de la bslab par bya'o// zhes bya ba ni rnam par dpyod pa'i phyir chos thams cad kyi sgo s+ye/ rnam par 'byed pa'i don du shes par bya'o// oM baM/ a zhes bya ba ni chos thams cad ma skyes pa'i phyir chos thams cad kyi sgor bshad do// oM a A aM aHpa zhes bya ba ni chos thams cad kyi sgo ste/ don dam par chos thams cad kyi pha rol tu phyin pa thams cad yongs su rdzogs par blta bar bya'o// oM paM/ na zhes bya ba ni chos thams cad kyi ming dang / gzugs dang / shes rab dang / chos dang bcas pa la dbang sgyur ba'i phyir chos thams cad kyi sgor bshad do// oM naM/ nga zhes bya ba ni 'dul ba dang zhi pa'i pha rol tu phyin pa yongs

  622. 312a

    su rdzogs par byed pa'i phyir chos thams cad kyi sgor bshad do/ / oM de/ sa zhes bya ba ni thogs pa med pa las yang dag par 'das shing / yongs su nyon mongs pa dang / rnam par spong ba dang / zag pa dang bcas pa dang / zag pa med pa'i sgo nas phung po dang / khams dang / skye mched la sogs pa don dam pa'i bden pa la nye bar len pa mi dmigs pa'i phyir chos thams cad kyi sgor rnam par gzhag go/ / oM sruM/ ta zhes bya ba ni de bzhin nyid kyi rjes su 'gro ba'i chos kyi dbyings la 'jug pa'i phyir chos thams cad kyi sgor rnam par blta'o// oM te/ ka zhes bya ba ni las kyi rnam par smin pa dang bral ba'i phyir chos thams cad kyi sgor gsal bar bya'o// oM kAM/ ma zhes bya ba ni sgyu ma lta bu nyid dang / dran pa med cing snying rje che ba dang / shes rab rno ba las byung ba'i phyir chos thams cad kyi sgor gsal bar bshad do/ / oM mAM/ ga zhes bya ba ni zab mo gting dpag dka' ba'i phyir chos thams cad kyi sgor blta bar bya'o// oM kaM/ zhes bya bar skye ba dang / rga ba dang / 'chi ba las yongs su rgal ba'i rang bzhin mi phyed pa'i phyir chos thams cad kyi sgor blta bar bya'o// oM dze d+ha zhes bya ba ni chos kyi dbyings yongs su mi phyed pa'i rdo rje jo po rdzogs pa'i phyir chos thams cad kyi sgor blta bar bya'o/ / oM d+haM/ sha zhes bya ba ni zhi gnas dang lhag mthong yongs su rdzogs pa'i phyir chos thams cad kyi sgor blta bar bya'o//

  623. 312b

    oM / kha zhes bya ba ni gang zag dang chos kyi bdag med pa nam mkha' ltar gsal zhing chos thams cad rang bzhin gyis 'od gsal ba'i phyir chos thams cad kyi sgor rnam par gzhag go// oM khaM/ k+Sha zhes bya ba ni g.yo ba skye ba med pas mi zad pa'i ye shes so sor dmigs te chos thams cad yongs su dag pa'i phyir chos thams cad kyi sgor blta bar bya'o// oM k+ShaM/ nga zhes bya ba ni thams cad mkhyen pa'i ye shes thogs pa med pa'i phyir chos thams cad kyi sgor blta bar bya'o/ / oM daM/ tha zhes bya ba ni gnas dang gnas ma yin pa la mkhas pas sangs rgyas kyi zhing yongs su sbyong ba'i phyir chos thams cad kyi sgor blta bar bya'o/ / oM thaM/ D+ha zhes bya ba ni mthar phyin pa dang / mur thug pa med pa dang / sgrib pa thams cad rab tu spangs pas zad pa dang mi skye ba'i ye shes thob pa'i mchog tu byed pa'i phyir chos thams cad kyi sgor bshad do/ / oM D+haM/ dz+haiM zhes bya ba ni dri ma'i rnam par dmigs pa med pa'i phyir chos thams cad kyi sgor blta bar bya'o// oM dz+nyA/ lus rnam par byed pa ni 'dod chags dang bral ba'i mtha' nyon mongs pa thams cad spangs te rdo rje snying po'i lus so sor thob pa'i phyir chos thams cad kyi sgor blta bar bya'o// oM kaM/ sems rnam par 'byed pa ni nyes pa dang / rmongs pa dang / bag la nyal ba rab tu spangs nas byang chub kyi sems bskyed pa rang bzhin gyis 'od gsal ba'i phyir chos thams cad kyi sgor

  624. 313a

    blta bar bya'o/ / oM aM/ ngag rnam par 'byed pa ni ngag gi spros pa chos kyi dbyings rnam par dag pa'i phyir chos thams cad kyi song blta bar bya'o// oM baM/ tsha zhes bya ba ni grib ma ma dmigs shing rang bzhin gyis dang ba'i phyir chos thams cad kyi sgor blta bar bya'o/ / oM tshe/ g+ha zhes bya ba ni gcig tu 'dres pa ma dmigs pa'i don dam par gnyis su med pa'i phyir chos thams cad kyi sgor blta bar bya'o/ / oM g+haM/ Ta zhes bya ba ni ca co dang bral ba dang rdo rje snyems pa 'dzin pa'i phyir chos kyi sgor bshad do// oM TaM/ pha zhes bya ba ni chos thams cad dbu ba rdos pa lta bu'i tshul gyis gsang ba'i ye shes gsal ba'i phyir chos thams cad kyi sgor bshad do/ / oM pheM/ Da zhes bya ba ni 'tshe ba las grol ba'i nam mkha' la 'gro ba grub pas so/ sor thob pa'i phyir chos thams cad kyi sgor blta bar bya'o// oM Da~M/ Sha zhes bya ba ni cha sgo mi dmigs pa'i phyir chos thams cad kyi sgor blta bar bya'o// oM ShaM/ chos thams cad nye bar zhi ba'i phyir nye bar zhi ba ni chos thams cad kyi sgor rnam par gzhag go/ / oM uM/ chos bzhin ni nges par 'byung ba'i don du 'phags pa'i lam yan lag brgyad pa 'jug pa'i phyir chos thams cad kyi sgor blta bar bya'o/ / oM yaM/ de kho na nyid ni spros pa thams cad rnam par spangs pa'i phyir chos thams cad kyi sgor rnam par gzhag go// oM taM/ ma skyes pa'i chos rnam par grol

  625. 313b

    ba'i mtshan nyid kyi don yod pa'i phyir chos thams cad kyi sgor bshad do/ / oM hUM/ yongs su gzung ba med pa ni 'thab pa dang rtsod pa spang ba'i chos nyid yin pa'i phyir chos thams kyi sgor blta bar bya'o/ / oM hU~M/ kun nas nyon mongs pa med pa ni mtshan nyid rnam par dag pa'i phyir chos thams cad kyi sgor blta bar bya'o// oM ka kha ga g+hang / rang bzhin 'od gsal ba'i mtshan nyid gzung ba'i phyir chos thams cad kyi sgor gnas so/ / oM tsa tsha dza dz+nyA nya/ snang ba ni gsal zhing 'bar ba'i phyir chos thams cad kyi sgo'o// oM Ta Sha Da D+hA Na/ sgom pa ni chos thams cad kun tu sbyor ba dang bral ba yang dag par sdud pa'i phyir chos thams cad kyi sgo'o/ / oM ta tha da d+ha na/ gzhi med pa ni chos thams cad ma 'dres pa'i phyir chos thams cad kyi sgor rnam par gzhag go/ oM pa pha ba b+ha ma/ byang chub ni chos thams cad dri ma med pa'i phyir chos thams cad kyi sgor blta bar bya'o/ / oM a ra la wa/ mya ngan las 'das pa ni glo bur ba thams cad nges par dor ba'i mtshan nyid dang / chos kyi dbyings so sor thob cing mngon par shes pa lnga dang / ye shes mkhyen pas sangs rgyas kyi sa yongs su thob pa'i phyir chos thams cad kyi sgor blta bar bya'o// oM sha Sha sa ha/ rnam pa thams cad kyi mchog dang ldan pa thams cad mkhyen pa'i ye shes rnam par dag pa rnam par 'byed par byed pa'o zhes so/ / de bzhin gshegs pa thams cad kyi chos kyi sgo rnam par nges pa'o// // de nas rigs

  626. 314a

    thams cad kyi gsang ba'i cho ga rgyas par gyur pa ni/ sngon bzhin nges par byas nas ni// phyogs kun mnyam pa nyid bsgoms nas/ ri rab chen po gru bzhi pa/ rin chen kun gyis rnam par brgyan/ / de yi steng du rdo rje che// de yi steng du pad+ma gzhag/ 'dab ma brgyad pa ches bkra ba// rnal 'byor gnas zhes rnam par bshad// dbang po gnyis ni snyoms 'jug pa/ / yongs su rdzogs par bdag nyid kyis// sangs rgyas thams cad nyid bsgoms na// de ni bskal pa'i mthar thug gnas// sangs rgyas ku gyi phyag rgya che// 'od zer gsal ba'i dkyil 'khor can/ / rnal 'byor thams cad bsgom par bya// mnyam med sangs rgyas kun dang mtshungs// b+ha ga chen po rnal 'byor che// rnal 'byor pa gnas mi bzad pa// sangs rgyas kun bdag bsgoms nas ni/ / sangs rgyas kun dang mtshungs par 'gyur// khams gsum pa yi rgyal srid che// sems can kun la thams cad du// gang tshe rnal 'byor pas bsgoms na// de dngos grub lag na gnas/ / rang bzhin gis ni 'od gsal chos// gdod nas dag cing ma 'dres pa// gang tshe ye shes mthong ba yi// de yi tshe na dag par 'gyur// sangs rgyas thams cad mdor bsdus pa/ / sna tshogs las kyi sbyor ba yis// gang tshe rnal 'byor pa bsgom na// sna tshogs las ni byed par 'gyur// de bzhin gshegs pa thams cad kyi// phyag rgya chen po'i ye she so//

  627. 314b

    / 'khor lo sgyur ba rgyal po che// kun mchog sa yi dbang po ni// rdo rje sbyor bas bsgoms na ni// mnyam med 'khor lo sgyur ba mtshungs// gzi brjid phung po phyag rgya / legs par mnyam par bzhag pas bsgom// 'bar ba'i 'phreng bas 'khrugs shing mdzes// pad+ma rA ga mtshungs pa'i 'od// rdo rje sbyor bas bsgoms nas ni// rang nyid gzi brjid phung por 'gyur/ / gdugs dkar rgyal ba'i gtsug tor gyi// phyag rgya chen po bsgoms na ni// 'od zer gsal ba'i sbyor ba yis// sems can dag pa nyid du 'gyur// rnam par gsal ba'i gtsug tor rgya/ / ral gri 'bar ba'i 'od kyis 'khrugs// zag pa med pa'i sbyor ba yis// mnyam med gsal ba'i gtsug tor mtshungs// rgyal ba'i gtsug tor phyag rgya che// legs par mnyam par bzhag pas bsgom/ / rgyal ba'i gtsug tor sbyor ba yis// de yi rnam pa'i spyod yul 'gyur// rdo rje dam tshig ye shes che// legs par mnyam par bzhag pas bsgom// kun tu bzang por sogs gzugs kyis/ / mnyam med rdo rje sems dpa' mtshungs// zla ba'i dkyil 'khor dbus gnas par// rdo rje sems dpa' sems dpa' che// byang chub sems dang mtshungs pa'i 'od gtsug tor lnga ldan stobs po che/ / rdo rje'i sbyor bas bsgoms pa yis// rdo rje sems dpa' 'dra bar 'gyur// rdo rje rgyal po'i phyag rgya che// don dam par ni bsgoms na ni// 'gro

  628. 315a

    pa thams cad 'gugs byed na/ / skye bo gzhan lta smos ci dgos// rdo rje chags pa'i phyag rgya che// legs par mnyam par bzhag pas bsgom/ skye dgu thams cad chags 'gyur na/ / bud med gzhan lta smos ci dgos// rdo rje legs pa'i phyag rgya che// dam pa'i don du bsgom par bya// legs so ba ni rab gsol bas// bud med thams cad tshim par byed// byang chub kyisems kyi phyag rgya'i ye shes so/ / rdo rje rin chen phyag rgya che// 'bar ba'i 'phreng bas 'khrugs pa'i 'od// dpral ba'i phyogs su gnas pa bsgom// de yis dang thod dbang bskur thob/ / rdo rje gzi brjid phyag rgya che// nyi ma'i dkyil 'khor mtshungs pa'i 'od// snying khar gnas pa bsgom par bya// kun mkhyen ye shes stor bar byed// rin chen tog gi phyag rgya che// legs par mnyam par bzhag pas bsgom/ / sbyin pa'i pha rol phyin pa mchog/ sgrub po dam pas rdzogs par byed// rdo rje bzhad pa phyag rgya che// legs par mnyam par bzhag pas bsgom// rdo rje bzhad pa ltar gyur te/ / de ni bskye dgu dga' byed 'gyur// da dang bskur ba'i phyag rgya'i ye shes so// / pad+ma pad chen pad+ma la// dag pa'i chos ni mnyam bzhag pas// dam pa'i don du bsgom par bya/ / mnyam mod rdo rje chos dang mtshungs// shes rab ye shes rdo rje no// bsgoms pas de ni rdo rje 'chang // shes rab pha rol phyin dag pa// stong nyid sbyor bas bsgoms na ni// dam pa'i don

  629. 315b

    du bsgom byed/ / mnyam med 'jam dbyangs dang ni mtshungs// rdo rje rgyu yi phyag rgya che// legs par mnyam par bzhag bsgoms nas// chos kyi 'khor lo kun mchog rtse/ mdor bsdus nas yis bskor/ / rdo rje smra ba phyag rgya che// dam pa'i don du bsgoms nas ni// rdo rje bzlas pa'i nus pa yis// ldem po'i ngag ni de yis 'chang // chos kyi phyag rgya'i ye shes so// rje las kyi phyag rgya che// dam pa'i don du bsgoms na ni// kun nas kun nas rang nyid kyis// rdo rje las ni byed par 'gyur// rdo rje srung ba byams pa che// rdo rje chos zhes grags pa ste// chos kyi sbyor bas bsgoms na ni/ / rdo rje srung ba dang mtshungs 'gyur// rdo rje gnod sbyin brtson 'grus che// khro bo chen po stobs po che// dam pa'i don gyis bsgom par bya// rdo rje gnod sbyin dang mtshungs 'gyur// rdo rje khu tshur phyag rgya che// lus ngag yid kyis de bzhin du// rdo rje'i sbyor bas bsgoms nas ni// rdo rje khu tshur 'dzin par 'gyur// las kyi phyag rgya'i ye shes so// / sgeg mos mngon par dga' ba ste/ / 'phreng ba yi ni dbang bskur ba// glu mas mdzes pa'i sgra dbyangs byed// gar mas rdzu 'phrul thob par 'gyur// dri mas bzang po'i dri yin te/ me tog byang chub yan lag nyid sgron mas mtha' dag gsal ba'o/ / bdug pas bdug pa dag la brtson// lcags kyus dbang phyug 'gugs byed na// skye bo gzhan lta smos ci dgos// zhags pas dbang po 'ching 'gyur na

  630. 316a

    gdug pa'i sems can smos ci dgos/ / lcags sgrog gis ni 'phrog byed dang // tshangs sogs dbang phyug chen po'ang 'ching // 'bebs pas thams cad 'bebs 'gyur na/ dman pa'i mi dag smos ci dgos// 'di nyid kyi ni sbyor ba yis// chos kyi yi ge mchog gi ni// phyag rgya'i ye shes rab sbyor bas// sbyar te myur du bsgrub par bya// 'di yi sbyor ba shes par bya// phyag rgya'i 'khor lo khyad par du// spyi gtsug snying kha rkang pa'i bar// yi ge yis ni yongs gang bar// gzugs brnyan gcig gi go 'phang gyur// sems rtse gcig gyur bsam gtan gyi// sa la rab gnas pad+ma ni// dbang chen gyi ni gnas zhes bshad// dbang po gnyis ni mtshungs sbyor bas// dbang phyug kyang ni bsgrub par bya// dbang chen dag ni gru bzhi pa// dbang chen gyi ni las su bshad/ / chu ni zlum por shes par bya// pad+ma'i mtshan mas rnam par mtshan// zhi bar byed pa'i las dang ldan// zhi ba'i don du de bshad do// me ni gru gsum shes par bya// sum mdo yi ni gnas su gnas/ / dbang du bya ba sgrub don du// pad+ma rA ga 'dra ba'i 'od// mngon spyod la ni brtson 'grus che// rlung gi dkyil 'khor brjod bya ste/ ral gri yi ni phyag rgya'i dbyibs/ dbyar gyi sprin dang mtshungs pa'i 'od// ser dang dkar dang de bzhin dmar// nag po yang ni khyad par du// dang po'i dkyil 'khor gyi nas ni// tha ma'i bar du rab tu brtag/ dang po rdo rje rab tu gzhag

  631. 316b

    de yi rjes su rin chen te/ / pad+ma dang ni las rnal 'byor// grub pa'i go 'phang rim par bshad// phyag rgya thams cad kyi ye shes so// / de nas bcom ldan 'das rtag pas de bzhin gshegs pa thams cad kyi phyag rgya'i ye shes bka' stsal pa/ gnyis dang gnyis su med pas yongs su dag pas chos thams cad rnam par grol ba'i phyag rgyas rgyas btab pa'o// rtag pa dang chad pa yongs su dag pas chos thams cad zhi ba dang / mtha' dang / mtha' med pa'i phyag rgyas rgyas btab pa'o// zad pa'i sgo dang / zad pa'i mtha' dang / zad pa'i mur thug pa dang ldan pas chos thams cad zad pa dang 'dod chags dang bral ba'i phyag rgyas rgyas btab pa'o/ / mnyam pa nyid kyi mtha' rnam par dag pas chos thams cad la skur pa mi 'debs pa'i phyag rgyas rgyas btab pa'o// mig lnga las yang dag par 'das pas chos thams cad nam mkha'i phyag rgyas rgyas btab pa'o/ / sems can thams cad nam mkha'i dbyings nyid kyi phyir chos thams cad nam mkha'i rang bzhin gyis phyag rgyas rgyas btab pa'o/ / chos kyi dbyings su yang dag par 'du ba nyid kyi phyir chos thams cad dbyer mi phyed pa'i phyag rgyas rgyas btab pa'o// byang chub kyi sems dang tha mi dad pas chos thams cad byang chub kyi sems kyi/ phyag rgyas rgyas btab pa'o// chos kyi dbyings mi phyed pa'i mtshan nyid yin pas chos thams cad chos kyi dbyings kyi phyag rgyas rgyas btab pa'o// ngo bo nyid med pas chos thams cad stong pa nyid kyi phyag rgyas

  632. 317a

    rgyas btab pa'o/ / 'tsho ba med pas chos thams cad bdag med pa'i phyag rgyas rgyas btab pa'o// skad cig ma nyid pas chos thams cad mi rtag pa'i phyag rgyas rgyas btab pa'o/ / skye ba dang / rga ba dang / 'chi ba'i mtha' dang ldan pas chos thams cad sdug bsngal gyi phyag rgyas rgyas btab pa'o// sngon gyi mtha' dang phyi ma'i mtha' de bzhin nyid pas chos thar cad de bzhin nyid kyi phyag rgyas rgyas btab pa'o/ / gdod ma nas yongs su dag pas chos thams cad yang dag pa'i mtha'i phyag rgyas rgyas btab pa'o// 'dus byas dang 'dus ma byas mnyam pa nyid pas chos thams cad chen po stong pa nyid kyi phyag rgyas rgyas btab pa'o/ / spros pa'i dmigs pa rnam par grol bas chos thams cad mtshan ma med pa'i phyag rgyas rgyas btab pa'o// re ba thams cad las rnam par grol bas chos thams cad smon pa med pa'i phyag rgyas rgyas btab pa'o/ / dngos po med pa'i ngo bo nyid kyi mtshan nyid kyis na chos thams cad mi rtag pa'i phyag rgyas rgyas btab pa'o// phung po lnga yongs su 'dus pa'i mtshan nyid kyis na chos thams cad sdug bsngal gyi phyag rgyas rgyas btab pa'o// rang bzhin gyis bdag med pas chos thams cad bdag med pa'i phyag rgyas rgyas btab pa'o/ / shin tu mi g.yo ba'i phyir chos thams cad zhi ba'i phyag rgyas rgyas btab pa'o// don dam pa'i bden pa yang dag par 'du ba'i phyir chos thams cad bden pa'i phyag rgyas rgyas btab

  633. 317b

    pa'o/ / 'tsho ba rnam par mi gnas pa'i phyir chos thams cad dri ma med pa'i phyag rgyas rgyas btab pa'o// mchog tu mthar phyin pa'i chos thams cad 'khrugs pa med pa'i phyag rgyas rgyas btab pa'o/ / sngon gyi mtha' dang phyi ma'i mtha' bcad pa'i phyir chos thams cad ji lta ba bzhin gyi phyag rgyas rgyas btab pa'o// 'jal ba'i dbang du byed pa dang dbang du bya ba med pa'i phyir chos thams cad sgro 'dogs pa med pa'i phyag rgyas rgyas btab pa'o/ / byed pa pos byas pa'i phyir chos thams cad 'jig pa'i phyag rgyas rgyas btab pa'o// rang bzhin gyis ma byung ba'i phyir chos thams cad 'byung pa med pa'i phyag rgyas rgyas btab pa'o/ / rang bzhin gyis ma skyes pa'i phyir chos thams cad 'gog pa med pa'i phyag rgyas rgyas btab pa'o// 'gag pa med pa'i phyir chos thams cad gdong ma nas skye ba med pa'i phyag rgyas rgyas btab pa'o/ / rtog ge kun tu spyod pa thams cad dang bral ba'i phyir chos thams cad spros pa med pa'i phyag rgyas rgyas btab pa'o// gzugs rnam par lta ba med pa'i phyir chos thams cad mtshan nyid med pa'i phyag rgyas rgyas btab pa'o/ / gnas yongs su bcad ba'i phyir chos thams cad nye bar sbyor ba med pa'i phyag rgyas rgyas btab pa'o// mi mthun pa'i phyogs thams cad nye bar mi dmigs pa'i phyir chos thams cad la rjes su sbyor ba med pa'i phyag rgyas rgyas btab pa'o/ / mngon par 'du byed pa thams cad med pa'i phyir chos thams cad las kyi rnam par smin pa

  634. 318a

    med pa'i phyag rgyas rgyas btab pa'o/ / skye ba dang gnas pa las rnam par grol ba'i phyir chos thams cad 'dus ma byas pa'i phyag rgyas rgyas btab pa'o// nam mkha' dang khyad par med pa'i phyir chos thams cad mnyam pa nyid kyi phyag rgyas rgyas btab pa'o/ / mtshan nyid gcig pa'i phyir chos thams cad gzugs dang / tshor ba dang / 'du shes dang / 'du byed dang / rnam par shes pa'i phyag rgyas rgyas btab pa'o/ / snying po med pa'i phyir chos thams cad phung po'i phyag rgyas rgyas btab pa'o// snying po dang bcas pa med pa'i phyir chos thams cad khams dang skye mched kyi phyag rgyas rgyas btab pa'o/ / sangs rgyas thams cad kyi sku dang mnyam pa nyid thob pas chos thams cad khams dang skye mched kyi phyag rgyas rgyas btab pa'o// mtha' gcig tu 'jig rten gyi lam rnam par dag pa'i phyir chos thams cad 'phags pa'i bden pa bzhi'i phyag rgyas rgyas btab pa'o/ / lha'i rjes su byed pa'i phyir chos thams cad phyag rgya chen po'i phyag rgyas rgyas btab pa'o// mtha' gcig tu chos la phan 'dogs pa'i phyir chos thams cad chos kyi phyag rgyas rgyas btab pa'o// thams cad kyi las sna tshogs byed pa'i phyir chos thams cad las kyi phyag rgyas rgyas btab pa'o// thams cad dam tshig thams cad rjes su sgrub pa'i phyir chos thams cad dam tshig gi phyag rgyas rgyas btab pa'o// sangs rgyas kyi chos thams cad rab tu mi gnas pa'i phyir chos thams cad sangs rgyas kyi

  635. 318b

    phyag rgyas rgyas btab pa'o/ / chos thams cad 'jig rten las 'das pa'i lam gyi phyag rgyas rgyas btab pa'o// theg pa chen po'i phyag rgyas rgyas btab pa dang / gsang sngags kyi phyag rgyas rgyas btab pa dang / phyag rgya'i phyag rgyas rgyas btab pa dang / dkyil 'khor gyi phyag rgyas rgyas btab pa dang / mnyam pa nyid kyi phyag rgyas rgyas btab pa dang / rdo rje ye shes kyi phyag rgyas rgyas btab pa dang / ye shes thams cad kyi phyag rgyas rgyas btab pa dang / thams cad mkhyen pa'i ye shes kyi phyag rgyas rgyas btab pa dang / me long lta bu'i ye shes kyi phyag rgyas rgyas btab pa dang / mnyam pa nyid kyi ye shes kyi phyag rgyas rgyas btab pa dang / so sor tog pa'i ye shes kyi phyag rgyas rgyas btab pa dang / bya ba sgrub pa'i ye shes kyi phyag rgyas rgyas btab pa dang / chos thams cad chos kyi dbyings rnam par dag pa'i ye shes kyi phyag rgyas rgyas btab pa'o/ / de bzhin gshegs pa thams cad kyi ye shes kyi phyag rgya'o// muH/ 'jam dpal phyag rgya'i tshig 'di dag ni mi mnyam pa dang / mnyam pa'i ye shes kyi tshig/ de bzhin gshegs pa thams cad kyis byin gyis brlabs pa'i tshig/ thams cad mkhyen pa'i ye shes yongs su rdzogs par byed pa theg pa chen po'i tshig ste/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams dang / byang chub kyi phyag rgya nyid kyi phyag rgya'i tshig gang gis/ phyag rgya'i tshig 'di rnams kyis kyang

  636. 319a

    chos kyi phung po brgyad khri bzhi stong skyed par byed do/ / sems can thams cad kyi sems kyi rgyud la phyag rgyas rgyas btab pa'o// a aM aHAM/ sngags pas phyag rgya 'di lha bus rgyas btab na/ de bzhin gshegs pa'i ye shA kya phyag rgya yang dag par 'du'o// hUM/ myur du ma skyes pa'i chos rnams la bzod pa thob par 'gyur ro// khaM/ de nas da ni de bzhin gshegs pa thams cad kyi sbyor ba thams cad kyi gsang ba chen po'i phyag rgya'i ye shes su gyur pa ni/ snying gi dbus su rtag bsgom bya// pad+ma chen po'angab brgyad pa// 'bar ba'i 'phreng bas 'khrigs pa'i 'od/ / zla ba'i dkyil 'khor dbus son par// de yi sbyang du rtag sgom pa// yi ge yi ni gtso bo mchog/ thog ma tha ma med zhi ba// kha ba pa mo'i 'od 'dra 'od// dpa' bo kun da zla ltar dkar/ / nyi ma'i dkyil 'khor ltar 'od gsal// zhi ba'i chos kyi rang bzhin sku// kun mkhyen ye shes kyis gang ba// de bzhin gshegs pa kun gyi gsang // ra sA ya na dang mtshungs mchog/ kha yig mkha' 'drar shes par bya// thig le nA dus rnam par spras// gsang ba chen po mchog tu mdzes// thog ma tha ma med pa'i bdag/ de yi steng du 'od zer che// 'bar ba'i 'phreng 'khrugs pa'i 'od/ / rdo rje rdo rje lta bur gnas// spyi bor rtse mo lnga dang ldan// de yi steng du rtag bsam pa/ yi ge mchog gi go 'phang ngo // man ngag mchog las shes bya ste// ga

  637. 319b

    du na ni nga mi smra/ / sangs rgyas mkhas pa thams cad kyis// mdor bsdus nas ni 'di gsungs so// rnam par grol ba gsum thob nas/ thob 'gyur 'di ni gzhan du min// lce ni rkar la sbyar bar bya/ / sna yi rtse mor yi ge hUM// dbang po gnyis ni snyoms 'jug pas// phyag rgya'i go 'phang tshig gis ni// shes rab ldan pas rang sems sgrom// snang ba med cing spros med pa// shin tu mchog tu phrar shes bya// khyab bdag bsod nams ye shes dngos// bsam bya bsam gtan brtson byas te// mig dang sgron ma'i 'od bzhin du// ra yig 'bar ba dang ldan pa/ mgrin pa 'bad pas bcum nas ni// dkar po ser po sngon po'i 'od// dmar po yang ni bdag gis spro// 'bar ba 'di dag 'bad pa yis// 'di dag yang dag nyer mtshon bya// snying khar gsal bar byas nas su/ / de bzhin thams cad spyi bor song // gnas de las ni 'thor nas kyang // dbang po thams cad dgang bar bya// de las 'thon nas 'jig rten ni// mtshungs par kun nas thams cad du/ / slar yang de ru 'ongs nas ni// de ni 'jug par rab tu bsam// yid kyis de ltar bsgoms na ni// rang nyid 'khor los sgyur lta bur// dbang po gnyis ni rab sbyor bas/ legs par mnyam par bzhag pas bsgom// dbang po lngas ni dmigs nas yang // mi rnams lus ni dag par 'gyur// ji snyed bud med yon tan dang // ldan pa kun tu gnas pa'i//

  638. 320a

    bkug nas bcug ste bcings nas su// dbang du bya ste bsgrub par bya// de rnams lhan cig yongs brten nas// sngags pa mchog gi dngos grub thob// gsang ba mchog tu dgyes pa na/ / shes rab pha rol phyin pa ste// zhi ba'i chos kyi rim pa mchog/ shin tu mnyam par bzhag pas bsgom// rdo rje sems dpa'i dngos grub gang // de 'grub gzhan lha smos ci dgos/ / mchog ni rtag par shes par bya// bar mas phun sum tshogs pa ste// stong pa nyid dang mtshan med mchog/ smon pa med pa zhes su grags// chos kun bdag med pa yi mchog/ kun khyen ye shes rdzogs par byed// sa bcu yi ni stobs dag gis// pha rol phyin pa thams cad thob// rdo rje sems dpa' mchog bsgoms na// rdo rje sems dpa' 'dra bar 'gyur// de nyid 'di ni bcud kyis len/ / gnyis su med pa'i ye shes mchog/ theg chen mchog tu yid 'ongs pa// stong nyid bsgom pa'i bdag nyid can// gnyis su med pa'i ye shes mchog/ gang gis rtag tu sgom byed na/ / de yang rdo rje 'dzir rgyal po// yon tan mchog las skyes par 'gyur// rgyan rnams kun gyis rnam par brgyan// bud med lus ngag yid sbyor bas// yongs reg a ling gtsum pas// mchog gi dngos grub thob par 'gyur// bud med kha dog ljang khu gang // rgyan rnams kun gyis rnam par brgyan// de tshe de ni sngags pas bsten// mnyam med gsang ba'i ye shes mtshungs// bud med/

  639. 320b

    gang zhig kha dog dkar// pad+ma'i 'dab ma 'dra ba'i 'od// de dang lhan cig sngags pas bsdad// dam pa'i dngos grub thob par 'gyur// bu mo gang zhig kha dog dmar// ut+pa la yi rgyan 'chang ma/ sngags pas de dang lhan cig gnas// shes rab pha rol phyin mtshungs 'gyur// bud med in+d+ra nI la mtshungs// gsang ba rdo rje rjes su sbyor// rig 'dzin rnams ni rgyal po ni// stobs chen grub par de 'gyur ro/ / gsang chen ma ra ta ka mtshungs// gang gis rtag tu bsten pa ni// de yang rdo rje 'dzin rgyal po// myur du gsang ba'i dam par 'gyur// bud med pad+ma rA ga dang // rgyan rnams kun gyis rnam par brgyan/ / dbang po gnyis ni snyoms 'jug pas// rdo rje 'dzin ma lta bur sgrub// sangs rgyas kun dang mnyam sbyor ba// gnyis su med pa'i ye shes mchog/ bsam pas rtag tu sgom pa ni/ / mnyam meng sangs rgyas kun dang mtshungs// dran pa nye bar gzhag pa bzhi// mchog gi gnas kyis bsgoms na ni// rnal 'byor mchog gis mi ring bar/ rdo rje 'dzin pa lta bur 'gyur// yang ngag spong ba rnam pa bzhi/ / legs par mnyam par bzhag pa sgom// dbang po gnyis ni snyoms 'jug pas// mnyam med 'jig rten dbang phyug mtshungs// so so yang dag rig pa bzhi// shin tu mnyam bzhag bsgoms na ni/ / rdo rje sangs rgyas ting 'dzin mchog mnyam med 'jam pa'i mchog dang 'dra// mi 'jigs pa ni rnam pa bzhi/ rdo rje'i sbyor bas bsgom par bya// dbang po gnyis ni

  640. 321a

    snyoms 'jug pas/ / rdo rje 'dzin pa lta bu ste// rdzu 'phrul gyi ni rkang pa bzhi// shin tu mnyam bzhag bsgoms na ni// dbang po gnyis ni mnyam sbyor bas// rdzu 'phrul ldan pa'i mchog tu 'gyur/ / tshangs pa yi ni gnas bzhi po// tshad med pa yi sems kyis ni// rdo rje sbyar bar bdag bsgoms na// rdo rje 'dzin pa lta bur 'grub// sbyor ba'i bdag nyid dbang po lnga/ dam pa'i don gyis bsgoms na ni// dbang po gnyis ni snyoms 'jug pas// mnyam med rdo rje sangs rgyas mtshungs// yid kyi stobs ni rnam pa lnga// shin tu mnyam bzhag bsgoms na ni// 'khor lo sgyur ba brtson 'grus che// stobs 'dzin lta bu nyid du 'gyur// byang chub yan lag rin chen bdun// gsang sngags sgom pas bsgoms na ni// rtog pa'i ye shes sbyor ba yis// khyab bdag chos kun 'dzin par 'gyur// 'phags pa'i yan lag brgyad kyi lam// kun mkhyen ye shes rdzogs byed pa// de ni bsgoms pa tsam gyis ni// 'jig rten shes la rab tu 'da'// rjes su dran pa rnam pa drug/ bdag nyid rtse gcig gis bsgoms na// sngags pa rdo rje 'dzin pa ru// sngags pa dus mi ring bar 'gyur// stobs bcu po ni yang dag bsgoms// bsgoms pa'i rnal 'byor de nyid kyis/ / bsod nams ye shes yongs rdzogs te// rtag tu stobs bcu'i dam par 'gyur// pha rol phyin bcu yongs su rdzogs// stobs rnams dang ni dbang rnams dang //

  641. 321b

    sa rnams kun gyis nges bskyed nas// myur du mtshan ma dag par 'gyur// rnam grol gos kyis bsgribs nas su// de yi nu ma shin tu bsnun// rdza ngar gyis kyang de bzhin du// mchu yis mchu ni yongs su bzung / / 'bad pas dam du a ling ga/ byang chub sems ni bsgom par bya// rdo rje ye shes brtson 'grus che// rdo rje dbyings su bdag brten pas// rnam pa sna tshogs ka ra na/ / rnal 'byor shes pa de bsten bya// bud med rnams kyi dam tshig 'grub// rdo rje sems dpa' mtshungs par 'gyur// bud med rnams kyi b+ha gas bsnun// ling gA myur du gang bar 'gyur/ / sbyor ba 'di ni mkhyen pa yis// stobs chen sangs rgyasku rab tu grub// gsang ba 'di ni dam pa ste// sangs rgyas kun gyi skyob pa'o// gsang ba 'di yi sbyor ba yis// yi ge dam pa 'grub par 'gyur// sangs rgyas rnams kyi ma 'dres pa'i// chos su grags pa gang yin pa// de rnams sgom byed gtso bo ni// dngos grub thams cad rab tshogs pa'o// ma 'dres pa yi chos bco brgyad// sangs rgyas chos su grags pa ste// de rnams bsgom pa dang ldan pas// sangs rgyas byang chub rab sbyar byed// bsam gtan bzhi po thob nas ni// gzugs med pa yi rtag par yang // 'gog pa'i snyoms par 'jug ldan pas// sangs rgyas byang chub sgrub pa po// byang chub phyogs ni sum cu bdun// chos ni mchog tu rmad byung ba//

  642. 322a

    de rnams bsgoms pa dang ldan pas// byang chub sems dpa'i skyob pa'o// sngags rnams thams cad rab 'grub cing // sbyor ba thams cad thams cad du'o// des na 'bad pa thams cad kyis// sangs rgyas chos nyid bsgom par bya// 'jig rten 'jig rten 'das pa'i lam// ye shes rirab rnyed dka'// mchod dang dbang bskur byin brlabs pas/ / rnyed 'gyur gzhan du ma yin no// bshags dang gsol ba gdab pa dang // bdag nyid dbul ba de bzhin no// sangs rgyas sogs la yi rang zhing // de bzhin yongs su bsngo ba dang / / byang chub sems ni yang dag bskyed// khyad par du ni dus kun tu'o// thog ma bar dang phye ma red du// ji lta bzhin du rjes bsgoms pas// sangs rgyas thams cad bsgrub bya ste/ 'di la the tshom yod ma yin// 'gro ba sems kyis spro ba ni// brtan pa'i snying por legs par bshad// stong nyid de bzhin nyid las phyung // rdo rje sems dpar de bshad do// 'gro ba thams cad bkug nas su/ / sangs rgyas byang chub sbyar bar bya// don yod ye shes dag pa ste// rdo rje rgyal po mchog ces bshad// rdo rje chags pas chags gyur nas// rang bzhin gyis ni brtan par 'gyur/ / 'gro ba ma lus lus med pa// de yi sems ni chags par bshad// chos rnams kun gyi rang bzhin gyis// rnam par dben zhing gnyis su med// gang tshogs dag pa'i

  643. 322b

    bdag nyid mthong / / de tshe rdo rje legs par bshad// rdo rje sems dpa' bzhi po yis// ming dang brda ni sbyar ba'o// sangs rgyas kun dang mnyam sbyor ba// sdom pa mchog tu dam pa'o// khams gsum pa yi rgyal srid che// tshogs gnyis rdzogs par byas pa ste// sa dang pha rol phyin mchog gtso// rdo rje dbang bskur las byung ba// de bzhin gshegs kun ye shes te// rnyog pa med cing yi ge med// 'od kyi dkyil 'khor gzi brjid mchog/ brtan pa rtag pa nyid du 'gyur// nam mkha'i mdzod ni mdzod chen po// chos rnams thams cad dbang sgyur ba// yid bzhin nor bu rdo rje che/ / rdo rje tog ni bla na med// ye shes snang ba rin chen che// rmad du byung ba nges par mthong // de bzhin gshegs kun gsang ba ni// rdo rje bzhad pa zhes su grags/ chos kyi bdag med las byung ba// gnyis su med pa'i ye shes mchog/ chos nyid dam pa bsam du med// rdo rje chos zhes bya bar dran// rdo rje blo gros snang ba che// shes rab ye shes dri yang mchog/ zag med shes rab chen po pa// de ni rdo rje rnon por bshad// sangs rgyas rnams kyi chos 'khor lo// gnyis su med las byung bar mtshon// yan lag bcu gnyis rten 'brel ming // rdo rje rgyu las nges par bshad// dgongs pa skad ni spros pa'i mchog/ yul rnams kyis ni bshad pa ste// sangs rgyas kun gyis bzlas pa che// de ni rdo rje smra bar bshad// sems can kun gyi

  644. 323a

    don la sbyar/ / sangs rgyas kun gyi mchod pa che// gdod nas dag pa'i rnal 'byor che// de ni rdo rje las su bshad// bla na med pa'i byams pa che// bsrung ba'i bya ba gong na me pa// dag pa'i chos ni brtson chen po// rdo rje bsung ba zhes su grags// shes rab thabs kyi khro bo che// sangs rgyas kun dang rjes 'thun pa// nyon mongs thams cad za ba che// de ni rdo rje gnod sbyin brjod// lus ngag yid ni yang dag sbyor// sgrib pa med cing yi ge bral// de bzhin gshegs pa kun gyi gsang // de ni rdo rje mtshams sbyor bshad// rdo rje ye shes rnal 'byor che// sangs rgyas kun gyi stobs po che/ / thog ma tha ma med zhi ba// rig pa mchog ces bya bar bshad// de nas yang 'jam dpal gzhon nur gyur pas de bzhin gshegs pa thams cad kyi rdo rje'i glus de bzhin gshegs pa thams / cad legs par mchod nas glur blangs pa/ oM sarba bud+d+ha pa ra me shA ra pu d+h+ya shud+d+ha/ la li hoHsu b+ha gaHsu ra taHma hA ma hA A di ma hA bo d+hi shuD+ha shun+ta/ yo gI shwa ra tA b+ha bi tA da ma ka ta thA ga ta/ byang chub sems bskyed las 'khrungs pa/ / sangs rgyas kun la phyag 'tshal lo// mchog gi dbang phyug dam pa'i chos// gdod nas zhi ba la phyag 'tshal// byang chub sems dpa' skyob pa po// rdo rje can kun la phyag 'tshal/ / de bzhin gshegs pa rdo rje cha// sangs rgyas byang chub la phyag 'tshal// mi dmigs go 'phang la gnas pa// mtha' las 'das pa la phyag 'tshal// 'dren pa rnams kyi stobs po

  645. 323b

    tshehUM gi yi ge ma lus pa/ / thams cad mkhyen pa mtha' dag dang // shin tu yongs su mya ngan 'das// 'jig rten dbang phyug mgon bzang po// rdo rje ye shes dri ma med// rnam par dag pa rdo rje mchog/ dngos grub thams cad rab gsol byed// rnal 'byor dbang phyug rnams kyi mgon// dus gsum bsam pa dbang sgyur ba// sems can rnam la phan don du// 'byung ba khyod la phyag 'tshal 'dud/ / rdo rje snying po rgyan las/ dkyil 'khor chen po yongs su rdzogs so// // de nas bcom ldan 'das de bzhin gshegs pa rnams slar yang 'dus par gyur nas// de bzhin gshegs pa thams cad kyi thugs kar zhugs te/ bcom ldan 'das rnal 'byor gyi dbang phyug chen po rdo rje snying po'i rgyan gyi dkyil 'khor chen po'i phyag rgya'i don ched du brjod pa/ de nas yang dag bshad bya ba/ / dkyil 'khor chen po dam pa ste// rdo rje snying po zhes grags pa// sangs rgyas kun gyi skyob pa'o// gru bzhi pa la sgo bzhi pa// rta babs bzhis ni rnam par mdzes// sgo khyud rdo rje'i gzugs brnyan dang / / phyag rgya dang ldan rab tu mdzes// dkyil 'khor de yi dbus su ni// 'khor lo gnyis ni rab tu gnas// rtsibs brgyad pa dang bcu drug rtsibs// rnam par dbye ba legs par btag/ dbus kyi dkyil 'khor nang gi ni// lte ba'i gnas su legs brtags pa// pad+ma chen po 'dab brgyad pa// ge sar gtams pas rab tu mdzes// de yi lte ba'i dbus su ri

  646. 324a

    khyab bdag rnal 'byor dbang phyug che/ / rnam par snang mdzad brtson chen po// sems can kun la rjes brtse bas// de yi nye 'khor kun tu ni// de bzhin gshegs pa brgyad// rnams dgod// shar du dgod bya 'khor lo can// gtsug tor dkar po nub tu gnas// gzi brjid phung po lho ru'o// rnam par rgyal ba byang du gnas// dbang ldan rnam par gsal ba bri/ mar ni steng 'gro dgod par bya// steng 'gro chen po bden bral du// rlung du rgyal ba chen po gnas// sangs rgyas gzugs brnyan 'dzin pa'i mchog/ rnal 'byor ldan pas 'di dag bri/ / mi bskyod pa ni shar du dgod// lho ru rin chen 'byung ldan no// nub tu 'od dpag med par 'gyur// byang du don yod grub pa'i ming // zla ba'i dkyil 'khor lo brten pa'o// dbang ldan phyogs nas brtsams nas ni// rdo rje sems dpa' la sogs bri// thams cad zla ba'i dkyil 'khor gnas// 'khor rnam 'i dkyil 'khor ba'o// 'phreng ba rnam par dgod bya ba/ rang gi phyag rgya 'od zer 'bar// rdo rje sgeg mo la sogs pa'i// lha mo 'bad pas dgod par bya// rdo rje bdug pa la sogs rI// de bzhin gzugs kyi rdo rje sogs// rdo rje lcag kyu la sogs pa/ / sgo srungs 'bad pas bri bar bya// phyi yi dkyil 'khor la gnas par// kun tu bzang sogs rim bzhin bri// rang gi phyag rgya'i 'khor rnams dang // pho nya yi ni 'khor dag

  647. 324b

    dang / khro bo rnams dang mngag pa dang // de bzhin pho nya pho nyam// rgya mtsho yi ni dkyil 'khor ni// 'od kyi dkyil 'khor gsal ba'o// phyi ru phyi rol rdo rje'i ming // dkyil 'khor la ni 'bad pas bri/ / dbang ldan phyogs nas brtsams nas su// 'jig rten skyong ba brgyad po bri// tshangs pa khyab 'jug dbang chen ming // dbang po la sogs lha thams cad// ma mo kun dang srin mo rnams/ / rgyal po chen po bzhi dang klu// de bzhin lha rnams thams cad dang // brtson 'grus chen po nam mkha' lding // 'bad pa yis ni bri bar bya// de lha'i dkyil 'khor bris nas su/ khyad par du ni mchod par bya// me tog bdug spos rol mo'i tshogs// de bzhin bza' dang ston mo sogs// 'phreng ba'i rgyan ni sna tshogs kyis// de bzhin gshegs rnams mchod par bya/ / dkyil 'khor kun gyi cho ga yis// mchod pa kun gyis thams cad nas// 'khor lo kun gyi cho ga yis// sangs rgyas thams cad mchod par bya// de nas slob ma thams cad gzhug/ yongs su dag pa khyad par du// byang chub sems ri bskyed nas su// byang chub bslab pa rjes spyod pa// cho ga shes pa'i sngags pas gzhug/ 'dren pa rnams la mchog tu gzhug/ rdo rje'i dbang bskur sbyor ba yis// dbang bskur ba ri de ras smin// seng ge'i khri yi steng du ni// ngar dang me tog chun pos sbas// dkar po'i gdugs dang rin chen che// bla re N+ya

  648. 325a

    'bar ba dang / / de yi g.yas kyi drung du ni// mkhas pa yis ni gzhag par bya// ba ngan rnam pa sna tshogs dang // sna tshogs ras kyis rab mchod pa// g.yon gyi drung du thams cad nas/ / 'bad pa yis ni gzhag par bya// rin chen sman kun gyis gang ba'i// bum pa legs par bzhag byas te// rdo rje'i ming gi dbang bskur gyis// de la rang gis dbang bskur bya// rdo rje ming gis dbang bskur ba// mkhas pa yis ni slar yang bya// kun gyi cod pan dbang bskur gyis// yang dang yang du dbang bskur bya// chos kyi cod pan dbang bskur dang // sangs rgyas kun gyi skyob pa ni/ / sna tshogs las kyi dbang bskur byin// chos kyi dbyings dang mnyam mtshungs pa'o// chos kyi sku yi dbang bskur ba// sangs rgyas kun gyi sgrol ma sbyir// de ltar slob ma dbang bsgyur ba/ khyad par du ni sngags pas bya// de la dam tshig cho ga yis// sngags dang phyag rgyas sbyar bar bya// slob dpon brnyas par mi bya zhing // sgrub po kun la smad mi bya/ sngags kyi spyod pa thams cad la// 'da' bar mi byasmra mi bya// 'jig rten pa yi lha rnams dang // grub mtha'i rigs pa thams cad la// smad par mi bya blang mi bya// de la mngon par dga' ba spangs/ / sdig pa thams cad rnam spangs shing // de bzhin bsod nams thams cad bsdu// bza' dang ston mo du ma la// bza' bar mi bya smang mi bya// 'dod pas bcom ldan sam

  649. 325b

    dpa' ste/ / sangs rgyas kun gyi sras bdag skyes// thog ma tha ma med zhi ba// nam yang dor bar mi bya'o// sangs rgyas thamacad chags las 'khrungs// de bzhin zhe sdang rmongs las 'khrungs/ / mnyam dang mi mnyam chos kun dang // dbu ma'i gnas la gnas nas su// de nyid dam tshig shes nas su// sangs rgyas byang chub yong mi spong // lus can kun la 'tshe mi bya// khyod kyis ser sna mi bya ste// phrag dog bya bar mi bya'o// dam pa'i chos ni spang mi bya// byang chub sems ni mchog tu bde// chang gi btung ba spang bya ste// pha rol bud med rnam par spang // thams cad mkhyen pa yongs mi dor/ / rtag tu srog chags gsad mi bya// sems can kun la snying rje dang // byams pa yang ni rnam par bsgom// sems can rnams la phan pa ni// yang dang yang du yongs bsdu bya/ sangs rgyas kun gyi rjes skyob pa// dam tshig de nyid 'di dag ni// slob ma rnams la rjes brtse bas/ mkhas pa yis ni bstan par bya// de nas phyag rgya rjes bcing ba// go rims bzhin du bstan par bya/ / phyag rgya 'di dag khyad par gyi// mtshan nyid yang dag rab bshad bya// thal mo bstan par bsdam par bya// me tog zum pa'i tshul du mdzes// sangs rgyas dpa' bo thams cad kyis// pad+ma'i thal mo zhes su bsgrags/ rtse mo thams cad legs brkyang ba// pad+ma'i phyag rgya zhes su brjod// re re'i mtsham su ngas bcings pa// de ni rdo rje thal mor brtags// sor mo thams cad nges

  650. 326a

    bsdams pa/ / rdo rje bsdams pas legs bcings pa// sor mo brkyang ste steng du bstan// sangs rgyas byang chub rab gsol byed// khu tshur nang du byas nas ni// gnyi ka sbyor bas yongs su brtag/ 'khor lo sgyur sogs phyag rgya'o// dam pa sbyin pa yin par bshad// sangs rgyas dpa' bo thams cad kyi// dam tshig phyag tu 'di yin no// ming med nang bcug khu tshur gyis/ / kun gyi rtse mor yongs su brtag/ rdo rje'i rnam pa legs par sbyar// rdo rje chen po zhes su bsgrags// mthe'u chung srin lag khu tshur las// gung mo legs par brkyang nas su// mdzub mos mthe bong yongs su sbyar// 'khor los sgyur ba nyid gsol byed// brkyang ba'i rtse mo sbyar ba ni// gdugs dkar zhes ni rab tu grags// srin lag dang ni mthe bong sbyar// gung mo gnyis ni brtag par bya/ / gzi brjid phung po'i phyag rgya che// gzi brjid phung po nyid gsol byed// de nyid ral gri lta bur sbyar// rnam par rgyal ba zhes su grags// de nyid rgyal ba zhes bya ba// rdo rje ldan pa de bzhin gshegs// khu tshur snying po ldan byas pas// gtsug tor rnam pa'i 'byung gnas te// thub dka' sangs rgyas thams cad kyis// steng du 'gro ba zhes su bshad// rdo rje bsdams pa yongs su sbyar/ / dam tshig kun gyi 'byung gnas te// gung mo'i rtse mo mchog tu sbyar// mthe'u chung dang ni mthe bong brkyang // lcags kyu mda' yi sbyor ba yis// legs so ba'i

  651. 326b

    sbyar bar bya/ / gung mo rdo rje rin chen rtse// phye ba gzi brjid mchog gi mchog/ rgyal mtshan gnas su nges par sbyar// bzhad pa'i gnas su sbyar bar bya// rdo rje chos kyi phyag rgya che// dbu ma pad+ma lha bur bskum/ / ral gri 'dzin pa 'jam pa'i dbyangs// 'khor lo sgyur ba'i 'khor los sgyur// kha ru phye mo'i phyag rgya che// rdo rje smra ba nyid du 'gyur// las kyi rdo rje'i phyag rgya che// gar mtshungs rdo rje sna tshogs can// chos yongs sdud pa'i sbyor ba yis// rdo rje srung bar brtag par bya// mche ba gnyis ni rnam par gtsigs// rdo rje gnod sbyin zhes su bshad// khu tshur bcangs pa khu tshur gyi/ / rdo rje thal mo snying khar gzhag/ rdo rje sgeg mo zhes su grags// yongs su sbyar ba spyi bor gzhag/ rdo rje 'phreng ba zhes su brjod// thal mo sbyar ba gdong du dgrol// rdo rje glu mar rjes su bsgrags/ / 'gyed cing 'dud pa'i sbyor ba yis// de ri rdo rje gar mar bshad// pad+ma'i thal mo gdong du dbye// spyi bor yongs su sbyar la gzhag/ snying khar mthe bong mnyam pa dang // rab tu brkyang ba byug pa'o// lag pa steng du yongs brkyang ba// gzugs kyi phyag rgya nyid du 'gyur// lag gnyis rna ba'i lam du gnag/ sgra yi phyag rgya nyid du bshad// dri ni byug pa'i sbyor ba yis/ / dri yi phyag rgya zhes su brjod// gdong du snyim pa phye ba ni/ ro yi phyag rgya zhes su brjod// mkha' la myur ba'i sbyor ba yis// reg pa reg pa zhes su bshad// mthe'u chung gnyis ni yongs

  652. 327a

    su sbyar/ / mdzub mo lcags kyu'i sbyor ba las// de nyid zhags pa'i dbyibs dang ni// lu gu rgyud kyi rnam par brtag/ bzhi pa rdo rje dril bu zhes// rdo rje 'bebs par rnam par bcag/ phyag rgya kun dang nye ba'i rgyu// blo gros ldan pa rang gis brtag/ thal mo yongs su sbyar la bsdum// mdzub mo gnyis po bskum nas ni// rin po che yi rnam par bcing / kun tu bzang po blo ldan gyis// de las rtse mo rtse mo bskum// sems kyis byams pa bsgoms nas so// mdzub mo sbyar la bcug nas ni// ral gri'i rnam par bcag pa ste// 'di ni nam mkha'i snying po yi/ / phyag rgyar sangs rgyas kun gyis bsngags// de nas ral gri'i mtshon cha yi// rnam par ru ni nyer gnas po// phyag rgya 'di ni rnam 'gog par// thams cad kyis ni yongs su brjod// gar ni sdud pa'i sbyor ba yis// rdo rje thal mo rab tu brkyang // pad+ma lta bur rnam par brtag/ pad+ma'i lag pa blo ldan gyis// de nyid me tog zum tshul dang // ut+pal rnam pa ltar mdzes pa// 'di ni pad+ma'i sgrol ba'i rgya/ / pad+ma'i mgon po zhus su grags// mche ba gtsigs pa dang ldan pa'i// kha dang 'dra bar legs par brtag/ 'di ni rtswa mgrin phyag rgya ste/ kha yi phyogs su rab tu brtag/ pad+ma'i thal mo dpral ba yi// khro gnyer du ni nye bar sbyar// rdo rje thal mo 'bebs pa che// dpal gyi snying po rin chen ldan// yid bzhin nor bu'i rnam pa bzung // thal mo legs par rab tu brkya

  653. 327b

    mi zad blo gros phyag rgya che/ / sangs rgyas kun gyis rab tu brtags// gar ni sdud pa'i sbyor ba yis// rin chen rdo rje snying khar gzhag/ nam mkha' mdzod kyi phyag rgya ste// nam mkha'i mdzod nyid ster bar byed/ / rdo rje chen po legs par brkyang // mthe'u chung mthe bong nges par bcing // lag pa gnyis ni nges par brtag/ blo gros rgya mtsho'i phyag rgyar 'gyur// rdo rje thal mo steng du bsgreng / / mdzub mo gnyis po sbyar bar bya// 'di ni rdo rje snying po'i rgyu// rdo rje snying pos bka' stsal to// khu tshur nang du byas nas su// mdzub mo gnyis po rtse mo bya// 'di ni 'jam dpal phyag rgya ste/ / rdo rje ral gri zhes su brtag/ de nyid shag ti'i rnam pa ni// 'jam pa'i dbyangs ni blo ldan gyi'o// gshin rje mthar byed mdung rtser 'gyur// mdung rtse chen por rab tu brtag/ mdzub mo bskum par byas nas ni// gung mo'i steng du yongs su gzhag/ zhags pa'i rnam pa rab ldan pa'i// gshin rje yang ni 'jigs par byed// de nyid ral gri byas pa ni// sku can ma ru rab tu bshad/ / khu tshur thams cad nges bcings te/ mdzub mo gcig ni bskum par bya// 'di ni nye ba'i sku can ma yi rgyar// 'jam pa'i dbyangs kyis bka' stsal to// rdo rje bsdam pa steng bcings te/ / dbu ma gnyis ni rnam par spangs// mdzub mo rdo rje'i rnam par bya// mthe'u chung dang ni mthe bong brkyang // 'di ni rdo rje 'dzin chen po'i// phyag rgya don kun sgrub byed yin

  654. 328a

    mdzub mo mthe bong bsnams pa ni/ / mA ma kIr ni yongs su bshad// mdzub mor lcags sgrog rnam pa las// gung mo'i dbu ma rdo rjer bya// 'di ni rdo rje lcags sgrog / rdo rje lta bur yongs su bshad// rdo rje chen po ce lnga pa// khro bo gzigs mar rnam par bshad// mchog gi rtse mo rtse gcig bya// rdo rje rtse mo nyid kyi bshad// lag na rin chen byug tu ni/ / lag gnyis legs par brkyang bar bya// sor mo pad+ma'i dbyibs su bya// skal byed lha mor yongs su bshad// thal mo yongs su sbar ba las// mdzub mo dang ni mthe bong dag/ mig gi tshul du sbyar bar bya/ / sangs rgyas spyan gyir rnam par bshad// bkra shis kyis ni skyil krung bca'// rnal 'byor rig pas lus bsrangs te// lag gnyis lhung bzed 'dzin 'dra ba// bsam gtan phyag rgyar rab tu bshad/ / 'di ni rnam par snang mdzad rgya// sangs rgyas kun gyi don mdzad pa'o// mi bskyod pa yi sa la reg/ rin chen tog gi mchog sbyin bshad// bsam gtan phyag rgya 'ongad dpag med/ / ngo bo nyid kyi don rtogs byed// don yod gzigs pa'i phyag rgya ni// mi 'jigs 'jigs pa med pa sbyin// blo ldan rnal 'byor skyil krung gnas// sangs rgyas kun gyi rang bzhin bdag mnyam par bzhag pa phyag rgya kun/ / 'ching ba 'am ni 'ching du gzhug/ 'jig rten pa yi phyag rgya la// lag pa gcig ni rab brkyang ste// dbang ldan gyi ni rtse gsum pa// mthe bos mthe'u chung mnan

  655. 328b

    par bya/ / lha yi dbang po rdo rjer 'gyur// lag pa g.yas pas brtag par bya// me yi oM yig lag pa dag/ mthe bong gung mo nyid la gzhag/ gshin rje'i rdo rje dbyug pa ste// mdzub mo dang ni mthe bong sbyar/ / de nyid khyab 'jug 'khor lo ste// 'khor lo'i yi ge dgod par bya// lag pa gcig gis thod pa ni// ma mo rnams kyir yang dag bshad// sor mo gnyis bsgreng ral gri ni// srin po bdag nyid chen po'i'o// mdzub mo mthe bong sbyar ba ni// chu lha'i zhags pa nyid du bshad// mdzub mo dang ni gung mo dag/ rgyal mtshan lha bur legs par brkyang // rlung lha rgyal mtshan phyag rgya ni/ / lag pa gnyis kyis rab tu brtag/ dbu ma gcig pu legs brkyang ba// dbyug to'i phyag rgyar rab tu bshad// gnod sbyin kun gyi dbang phyug ni// lus ngan bdag nyid chen po 'o/ mchod phyir thogs kyi phyag rgya ni// tshangs pa yi ru legs par bshad// drag po'i gsal shing zhes bya ste// lha mo'i pa Ti sa ru brjod// tshogs bdag gi ni sA ru bshad// zla ba'i bdud rtsi'i dkyil 'khor ro/ / nyi ma'i 'od zer stong phrag ni// lag pa gnyis kyis bstan par bya// 'od kyi dkyil 'khor sbyor ba yis// dbang po'i rdo rje mtshon cha ltar// 'di ni lha rnams kun gyi rgya/ / dpa' bo kun gyis rab tu gnang // dri za rnams kyi phyag rgya ni// glu len lta bur rab tu bsgrags// dga' byed dbang phyug phyag rgya che// rdza dza'i sgra dbyangs rab tu 'bar// sangs

  656. 329a

    rgyas thams cad rab mchod phyir/ / lha chen pos ni rab tu brtags// tIng ting cag 'dzin sbyor ba yis// mi 'am ci rnams kyir brjod bya// pi wang bsgreng ba'i sbyor ba yis// dbyangs can gyir ni rnam par bshad// rtag tu dun du b+hi sgrog pa// rig pa 'dzin pa rnams kyir brjod// lag gnyis gdengs ka'i tshul byas pa// klu rnams kyir ni legs par bshad// gar ni sdud pa'i sbyor ba yis/ / 'gyed dang 'du ba'i de bzhin no// lag pa zhags pa nges bcings pas// de ni phyag rgyar rab tu bshad// 'di rnams dam tshig phyag rgya ru// de bzhin gshegs rnams legs par gsungs/ / las kyi sbyor ba 'bad pa yi// 'di rnams kyang ni phyag rgyar bshad// phyag rgya dor nas sems kyis ni// rin chen yang dang yang du bsam// rnam par rtog med gdod nas zhi/ / chos dbyings mnyam zhing mi mnyam pa// stong pa mkha' 'drar shes nas su// mkhas pa yis ni bsgom par bya// 'di dag thams cad ma skyes shing // rmi lam lta bur rab tu gnas/ / dri za'i grong khyer lta bur snang // 'tsho ba'i 'jig rten yang dang yang // mig 'phrul lta bur shin tu ni// 'gro ba thams cad rab tu gsal// mi rtag sdug bsngal stong pa ru// srid pa thams cad mdor bsdus pa/ / bdag med pa zhes mthong nas ni// sangs rgyas kun dang dpa' bo yis// sgyu ma smig rgyu brag cha dang // lbu ba chu yi chu bur dang // gzugs brnyan lta bur

  657. 329b

    'jig rten ni/ / de ltar sangs rgyas rnams kyis dgongs// thams cad mgal me'i 'khor lo ltar// zo chun khyud mo ji bzhin du// gar gyi gnas kyi tshul 'dra ba// zla ba gnyis dang mtshungs par blta/ / rtag tu glog gi 'phreng ba 'dra// sbrang bu'i sgra dang mtshungs par gnas// 'khor ba shin tu bslang ba ste// rgod ma'i kha dang 'dra bar gnas// 'di ltar shes shing rtog nas ni/ / bsgoms pa'i stobs kyis rang nyid kyis// sems ni legs sgrub rnal 'byor pa// de la phyag rgya rab tu bshad// stong pa mtshan ma med pa dang // smon pa med pa'i rang bzhin las// lus dang ngag dang yid kyis ni// dam tshig gsum ni brtags pa'o// phyag rgya sngags dang lha nyid dang // de nyid gsum ni rab tu gnas// bdag nyid sbyor ba'i rnal 'byor gyis// mtshan nyid gcig tu rnam par gnas/ / de 'di dam pa'i phyag rgya ru// sangs rgyas rnams kyis bka' stsal to// phyag rgya yi ge bral ba ste// rnam pa med cing snang ba med// dngos po med pa'i chos rnams la/ / dngos po'i de nyid du ni bshad// dngos med dngos po'i rang bzhin yin// dngos med nyid kyang dngos po yin// dngos dang dngos medu rnam par grol// rnal 'byor ye shesna mchog tu bde/ rtog ge med cing snang ba med// 'khrul pa med cing yi ge med// stong pa nam mkha' mtshungs pa'i sems// gang tshe de ltar nyid gyur pa// de tshe phyag rgya rnams dang sngags// lha nyid du yang rab tu

  658. 330a

    brtag/ sngags las phyag rgya ma mthong zhing // phyag rgya las kyang sngags min cing // rang nyid lha yi rnal 'byor ni// gnyis med sngags dang phyag rgyar brtags/ de bzhin gshegs pa thams cad kyi rdo rje snying po rgyan ces bya ba'i rgyud kyi rgyal po chen po las/ phyag rgya'i rim par phye ba'o// // de nas bcom ldan 'das de bzhin gshegs pa thams cad slar yang 'dus par gyur te/ de bzhin gshegs pa thams cad kyi 'khor lo sgyur ba chen po rdo rje rnal 'byor gyi dbang phyug chen po la gsol ba btab pa/ de bzhin gshegs pa thams cad kyi rigs bskyed par mdzad du gsol/ de nas bcom ldan 'das shAkya thub pa de dag gis gsol ba btab pa'i tshig nye bar gsan nas/ 'og min gyi gnas nas byon te dga' ldan gyi gnas su bzhugs nas/ dga' ldan gyi ris kyi lha'i bu rnams la chos bstan nas/ zas gtsang gi rigs la mngon par gzigs te/ mngon par byung bar mdzad nas byang chub kyi snying po dag la nye bar mnan nas 'khod de/ bdud bzhi las rnam par rgyal bar bstan nas byang chub kyi snying po la bzhugs par gyur te/ bzhugs nas kyang kun nas 'phro ba'i ting nge 'dzin sngon du 'gro ba'i ting nge 'dzin bye ba brgya stong phrag brgyad cu rtsa bzhi la snyoms par zhugs te/ snyoms par zhug nas kyang de bzhin gshegs pa thams cad kyi rdo rjes gol gyi sgras de bzhin gshegs pa

  659. 330b

    thams cad spyan 'dren cing gsang sngags 'di gsungs so/ / oM sarba ta thA ga ta badz+ra sa mA dzaHA kaR+Sha ya sarba ta thA ga tan hUM/ de nas de bzhin gshegs pa thams cad 'khor dang bcas pa'i dkyil 'khor chen po rnams legs par byon te chos kyi dbyings su spros nas/ phyogs bcu mu med pa'i 'jig rten gyi khams thams cad rab 'byams rgya mtsho'i sprin rnams khyab ste/ nam mkha'i khams na gnas pa thams cad til gyi gang bu lhar 'dzam bu'i gling du 'khod par gyur to/ / de nas bcom ldan 'das rdo rje rnal 'byor gyi dbang phyug gis bkug cing bcug ste/ bcings nas dbang du mdzad de/ de nyid kyi thugs kar rab tu bzhag par gyur to// de nas bcom ldan 'das rdo rje rnal 'byor gyi dbang phyug chen pos gnyis su med pa'i sbyor bas byin gyis brlabs te/ sngags 'dis rang gi sems so sor rtogs par mdzad do/ / oM tsit+ti pra ti bA d+haM kA ro maM/ de'i rjes thogs nyid la sangs rgyas thams cad kyis bcom ldan 'das rnam par snang mdzad kyi thugs kar longs spyod rdzogs ba dang / sprul pa'i sku las chos kyi sku rang bzhin gyis 'od gsal ba sems rin po che nges par byung ste spros par mdzad do// de nyid sems 'od gsal ba/ thugs rje chen pos khyab pa/ de bzhin gshegs pa thams cad mnyam pa nyid kyi mtshan// gzung ba dang 'dzin pa'i rnyog pa spangs pa/ nam mkha' ltar gdong nas ni ba de las thugs rje chen po la mngon par phyogs par byas nas/

  660. 331a

    sems can gyi khams thams cad la rnam par gzigs te/ mi shes pas rga ba dang 'chi bas rnam par khyab pa'i 'jig rten la gzigs nas/ slar yang sngags 'dis byang chub// kyi sems bskyed pa nye bar bstan pa/ oM bo d+hi tsit+ta ut+pA da yA mi/ byang chub kyi sems bskyed pa'i rjes thogs nyid la de bzhin gshegs pa thams cad kyi thugs kar sems 'od gsal ba de yongs su rdzogs pa'i zla ba'i dkyil 'khor lhar byin gyis brlabs te/ de bzhin gshegs pa thams cad kyi thugs kar rnam par gzhag go// legs par rnam par dag pa'i nam mkha' ltar dri ma med pa/ spros pa thams cad spangs pa/ me long lta bur bstan par byas nas gnas te byang chub kyi sems chen po la sngags 'di brjod do// oM dz+nyA na rasmi bi sra dza hUM/ de ni rjes thogs nyid las 'od zer rnam pa sna tshogs pa zla ba'i dkyil 'khor las rnam par phyung ngo / / de phyung nas kyang chos kyi dbyings kyi pho brang du zhugs te shes bya'i dkyil 'khor thams cad gi sal bar byas sems can thams cad kyi sems kyi ri bo'i rtse bsnyil te rab tu rtogs par byas nas gcig tu 'dres te/ rdo rje'i sku chen po rnams bcom ldan 'das kyi thugs kar rjes su zhugs nas zla ba'i dkyil 'khor gyi dbus su rab tu gnas so/ / de nas bcom ldan 'das rdo rje rnal 'byor gyi dbang phyug chen pos sngags 'dis byin gyis brlabs so// oM tiSh+Tha badz+ra/ slar yang sngags 'dis

  661. 331b

    spros pa/ oM s+pha ra badz+ra/ slar yang sngags 'dis bsdus so// oM saM ha ra badz+ra/ de nas de bzhin gshegs pa thams cad kyis ye shes rdo rje'i snying po 'di cheng du brjod pa/ oM dz+nyA na badz+ra de nas bcom ldan 'das rdo rje rnal 'byor gyi dbang phyug chen pos sngags 'dis byin gyis brlabs pa/ oM sarba ta thA ga ta dz+nyA na badz+ra hUM/ de nas de bzhin gshegs pa thams cad kyi sku dang gsung dang / thugs mnyam pa nyid brnyes pas sngags 'dis byin gyis brlabs pa/ oM badz+ra At+ma koH/ de nas de bzhin gshegs pa thams cad brtan pa nyid du nye bar gyur to// de nas bcom ldan 'das rnam par snang mdzad kyis de bzhin gshegs pa thams cad kyi sku dang / gsung dang / thugs gzigs nas sngags 'dis byin gyis brlab par mdzad do// oM ya thA sarba ta thA ga ta sta thA a ha ma pi/ de nas bcom ldan 'das de bzhin gshegs pa thams cad kyi sku sems can thams cad kyi don mdzad pa'i rgyu/ sangs rgyas thams cad kyi sku bdag nyid sems can gyi khams thams cad du nges par bstan to/ / de nas brgya byin dang / tshangs pa dang / 'jig rten skyong ba rnams kyis mthong nas/ lha dang mi rnams kyis mngon par byang chub pas bcom ldan 'das mngon par byang chub pa zhes smra ba sgrags so/ / de nas tshangs pas gsol ba btab ste/ chos kyi 'khor lo rab tu bskor nas/ de dang des 'dul ba'i skye bo btul te/ gang

  662. 332a

    gis slar ldog pa med pa nyid du gyur to/ / 'di rnams ni sangs rgyas kyi byang chub sgom pa'i rim pa'o// / de nas bcom ldan 'das rnam par snang mdzad ting nge 'dzin/ de las bzhengs nas/ sangs rgyas kyi byang chub bstan te/ sems can thams cad kyi don mdzad pa nye bar bsgrubs nas de'i thugs ka las rdo rje phyung ste/ nyid kyi phyag tu bzhag par gyur te/ de nas 'od zer rnam par phyung ste/ 'jig rten gyi khams thams cad snang bar mdzad nas slar log ste/ bcom ldan 'das kyi thugs kar zhugs nas byang chub sems dpa' chen po kun tu bzang po'i skur byin gyis brlabs te/ mtshan nyid thams cad yongs su rdzogs par rgyan thams cad kyis brgyan pa/ dar dang 'phreng bas dbang bskur ba/ zla ba'i kha dog lta bu'i 'od zer can du byin gyis brlabs te rnam par gnas so/ / de nas thugs ka nas phyung ba'i zla ba'i dkyil 'khor la brten te/ de bzhin gshegs pa thams cad kyi spyan snga dang / rgyab dang / drung du rdo rje sems dpa' dang / rdo rje chos dang / rdo rje rim chen dang la sogs pa byang chub sems dpa' chen po'i 'phreng bar rnam par gnas so/ / de bzhin du sgeg mo la sogs pa rnams dang / bdug pa la sogs pa'i lha khyad par du nges par bskyed cing / gzugs la sogs pa rnams dang / lcags kyu la sogs pa'i lha rnams bskyed de/ 'di dag gi dkyil 'khor bka' stsal pa/ de nas yang dag bshang bya ba// dkyil 'khor chen po mchog gyur pa/

  663. 332b

    sangs rgyas dpa' bo thams cad kyis// rdo rje snying po zhes su gsungs// gru bzhi pa la sgo bzhi pa// dar dang me tog 'phreng bas brgyan// sgo khyung dang mi ba khyer dang // rba babs kyis ni so sor spras/ / de yi dbus su khri chen po// kun nas yongs su gru bzhi pa// de yi steng du pad chen po// ge sar ldan zhing rab mdzes pa// de yi lte ba'i dbus su ni// sangs rgyas sku gzugs dgod par bya/ / sangs rgyas kyi ni drung kun tu// sangs rgyas thams cad dgod par bya// sangs rgyas kun gyi nye 'khor du// 'khor lo sgyur ba la sogs bri// phyi yi gnas ni thams cad du// sangs rgyas sras po rnam par dgod/ kha dog ser po gzi brjid che// dbang chen dkyil 'khor rab 'bar ba// thams cad rnam pa sna tshogs rkyen// brgyan pa de dag dgod par bya// rdo rje snying po rgyan gyi rgyud chen po las dbang chen gyi dkyil 'khor gyi cho ga'o/ / / de nas bcom ldan 'das rnam par snang mdzad kyis slar yang chu'i lha'i dkyil 'khor chen po bka' stsal pa/ de nas yang dag bshad bya ba/ / dkyil 'khor chen po mchog gyur pa// chos kyi 'khor lo 'dra bas na// chos kyi 'khor lo zhes su brjod// de yi phyi rol gnyis pa la// zlum po ru ni rtogs par bya// rim mang po sna tshogs pa/ / sgo dang sgo khyud brtag par bya// rta babs rnam pa sna tshogs pa// dar dang me tog 'phreng bas brgyan// de yi dbus su pad chen po/ go sar ldan zhing rab mdzes pa/

  664. 333a

    'dab ma brgyad kyi ka ba'i mdun// dkyil 'khor brgyad kyis brgyan pa'o// dkyil 'khor de yi dbus su ni// rgyal ba thams cad dkar por mchog/ kha ba ba zho ltar dkar gsal/ / shel dang zla ba lta bu'i 'od// kun da zla ba ltar dkar brtan// zla ba'i dkyil 'khor dbus son par// de yi nye 'khor thams cad du// sangs rgyas sras po rnam par dgod/ thams cad zla ba ltar dkar zhing // zla ba'i dkyil 'khor la gnas pa// mtshon cha sna tshogs zla ba 'dra// zla ba 'bar mtshungs mnyam med pa// chu yi ming zhes bya ba yi// dkyil 'khor dam pa nyid du 'dod/ / rdo rje snying po brgyan gyi rgyud chen po las/ chu lha'i dkyil 'khor gyi cho ga'o// / de nas bcom ldan 'das rdo rje rnal 'byor gyi dbang phyug chen pos me lha zhes bya ba'i dkyil 'khor chen po bka' stsal pa/ de nas yang dag bshad bya ba// dkyil 'khor chen po mchog gyur pa// rdo rje ye shes gzi brjid mtshungs// rdo rje gzi brjid ces su brjod// gru gsum rnam pa nyid du bya/ / sum mdo'i ris kyi rnam par mtshungs// 'bar ba'i 'phreng khrugs 'jigs pa'o// kha dog dmar po stobs po che// 'jig pa'i dus kyi me 'dra ba// rtag tu pad+ma rA ga mtshungs/ / de yi dbus su gzi brjid che// nyi ma'i kha dog stobs po che// rdo rje rtse gsum sna tshogs pa// sum mdo'i snying khar gzhag par bya// bal po se'u'i me tog mtshungs//

  665. 333b

    ya ba'i me tog dag dang 'dra// pad+ma pad+ma rA ga mtshungs// sangs rgyas dpa' bo yang dga'abar// bzang po mtshal dang mtshungs 'dra ba// rgya skyegs bcung dang 'dra bar gnas// de yinye 'khor thams cad du/ / de bzhin sangs rgyas sangs rgyas sras// khro bo dang ni mngag pa dag/ mkhas pa yis ni dgod par bya// de dag thams cad kha dog dmar// gzi brjid khams la 'od ldan pa/ / 'od zer dmar po rab 'phro ba// nyi ma'i dkyil 'khor dbus son par// thams cad dmar po'i mtshon cha can// dmar po'i rgyan gyis rnam par brgyan// dmar po'i gos kyis bkab pa'i lus/ / 'phreng ba dmar po mchog 'dzin pa// 'di ni gzi brjid gter zhes bya// dkyil 'khor mchog tu 'bar ba'o// rdo rje snying po rgyan gyi rgyud chen po las/ me lha zhes bya ba'i dkyil 'khor chen po rdzogs so/ / de nas bcom ldan 'das rnam par snang mdzad kyis slar yang rlung lha'i dkyil 'khor bka' stsal pa/ de nas yang dag bshad bya ba/ dkyil 'khor chen po mchog gyur pa// rlung gi khams dang 'dra bas na// rlung gi dkyil 'khor zhes su bshad// zla ba phyeng pa'i rnam pa 'dra// dbyar gyi sprin gyi 'od dang mtshungs// Atra si yi me tog 'dra/ / in+d+ra ni la'i 'od dang mtshungs// de yi dbus su pad chen po// bai DUR+Ya yi 'od dang 'dra// shin tu gnag pa'i mig sman mtshungs// sngon dmar gyi ni rnam par

  666. 334a

    gnas/ / de yi lte ba'i dbus su ni// sangs rgyas dpa' bo rab 'bar ba// rgyal po 'khyil pa 'bar ba'i gzi// mtshan mo nag mo lta bur gnas// ut+pal sngon po 'das ma'i tshul/ / stong pa nam mkha' lta bur gnas// de yi nye 'khor thams cad du// rgyal dang rgyal ba'i sras rnams bri// khro bo rnams dang mngag pa dang // de bzhin po nya pho nya mo// thams cad sna tshogs brgyan gyis brgyan/ / de bzhin nag po'i gos gyon pa// kha dog nag po thams cad du// ba dan rnam pa sna tshogs bsnams// gdugs ni rnam pa du ma'i dbyibs// kha dog sna tshogs legs 'bar ba/ / bla ra rgyas pa mnyam pa ni// kha dog nag po sna tshogs pa// dngos po kun gyi rang bzhin gyis// mdor bsdus nas ni bsgom par bya// dkyil 'khor chen po 'di lta bu/ sangs rgyas kun gyis rjes skyob pa// bris nas shes rab can gyis bsgoms// gal te dngos grub rang 'dod na// rdo rje snyi po rgyan gyi rgyud chen po las/ rlung lha'i dkyil 'khor gyi cho ga'o/ / // de nas bcom ldan 'das rnams de bzhin gshegs pa thams cad kyis slar yang bsdu bas byon pa'i ting nge 'dzin la snyoms par zhugs te/ bcom ldan 'das rdo rje rnal 'byor gyi dbang phyug chen po la gsol ba btab pa/ bcom ldan 'das de bzhin gshegs pa thams cad kyi de kho na nyid kyi sgrub pa'i thabs bskyed du gsol/ de nas bcom ldan 'das rdo rje rnam

  667. 334b

    'byor gyi dbang phyug chen de rnams kyis gsol ba btab pa'i tshig nye bar gsan nas/ sgrub pa'i thabs kyi cho ga mchog tu gsang ba chen po bka' stsal pa/ sgeg mo sogs pas mchod pa kun/ / yang dag mdor bsdus byas nas ni// sangs rgyas kun gyi sku chen por// bdag gis rtag tu bsgom par bya// sngags kyi yi ge yang dag ldan// 'dod pa sbyar ba'i sku ru bya/ sgra dang gzugs dang de bzhin sbyor// yi ge'i 'phreng ba de bzhin te// zla ba'i dkyil 'khor dbus gnas pa// sngags pas thams cad rnam par bsam// hUM/ sngags pas snying khar son pa bsgom/ / gsang sngags dge ba brjod nas su// de bzhin gshegs pa'i rigs dag pa// dung gi sgra ru rab tu brjod// dril bu'i sgra ni rab gsal ba// pad+mo rna la 'byor dbang phyug go/ dus min sprin gyi hUM gi sgra// tsa Ta tsa Ta'i sgra 'phro ba// rdo rje rin chen dbang phyug gi/ sgra ru de bzhin gshegs rnams gsungs// nor bu las kyi rigs kyi yang // rnga chen zla ru rab tu bshad/ / pi wang gling bu de bzhin gru// gar gyi rgyan gyi sgra dang ni// rdza rnga'i ngar sgra hU~M gi sgra// spyi yi nyid du rab tu bshad// rtog pa kun la rnam par sbyar// sgrub pa'i thabs kyi las rnams dang / / de nas gzugs kyi bzlas pa mchog/ go rims ji bzhin rab tu bshad// dgug dang gzhug dang bcing ba dang // lha rnams dbang du bya ba ste// de la rang gi tshul rab sbyar//

  668. 335a

    sngags dang phyag rgya rab tu sbyar// de rjes rnam pa kun gyi mchog/ rtag tu lus chen bsam bya bsam/ lha yi sku gzugs bsgom par bya// lag pa'i phyag rgya rab nges pa'i/ phyag rgya'ang snying khar son zhes bya// rang gi rigs rims cho ga yis// de yi lus ni 'od gsal zhing // sgron ma'i 'od ltar gsal ba'i khyim// de ltar kun nas thams cad du// kun nas baspu'i rtse dag nas// 'od zer 'bar ba'i 'phreng dge bas// gzugs kyi bzlas pa zhes su bshad// de nas sbyor ba'i bzlas pa ni// gsang sngags sgrub pos brtsam par bya// mcho dang byin brlabs dbang bskur mchog/ spro la sogs rims thams cad du// sbyor ba'i bzlas pa gtso bo 'di// 'bad pa yis ni rab tu bshad// snying kha mgrin pa mchu lce min// rkan dang spyi bo nyid ma yin/ / nang min phyi dang gnyis par min// chos ni 'ba' zhig kho na la// bzlas pa'i sgra yang 'byung ma yin// 'di ni bcom ldan rnal 'byor che// shes rab pha rol phyin gsal ba/ / sgom pa'i sngags pa de nyid ni// rnal 'byor pa yi gnas su bshad// de nas steng du mdor bsdus te// snying pa'i dkyil 'khor rab zlum pa// zla ba gang ba ltar bsam bya// dri ma med cing legs par gnas/ / de la yi ge rnam par dgod// tshig gi 'phreng ba ma chad pa// mu tig 'phreng ba ltar brgyus pa// char sprin gyi ni me 'dra'i 'od// de tshe thams cad gsal bar byed//

  669. 335b

    lha yi lus ni snang byed cing // dzi lta ji ltar yi ge'i 'phreng // mchog gi lus la rab 'jug pa// de lta de ltar sngags kyi lus// lha yi bdag nyid nyid du 'gyur// mthu stobs lha dbang / thams cad ni// tshungs pa khyab 'jug las cher lhag/ bzlas pa de nyid mchog 'di ni// sangs rgyas kun gyis bsngags pa'o// ji ltar sems ni bsgom pa yis// de ltar dngos grub mchog tu 'gyur/ / rdo rje snying po rgyan gyi rgyud chen po las/ bzlas pa'i de kho na nyid kyi le'u'o// // de nas bcom ldan 'das rdo rje rnal 'byor gyi dbang phyug chen pos de bzhi gshegs pa thams cad kyi bstod pa rin po che bka' stsal pa/ mnyam med mi g.yo mnyam med mchog gi chos nyid can// thugs rje'i bdag nyid 'gro ba'i sdug bsngal sel bar mdzad// yon tan mtha' yas dngos grub thams cad sbyin mdzad pa// dri med mi g.yo mnyam med dam pa'i mchog chos can// yon tan shin tu phra ba'i cha la'ang tshad med de// dpe ni nam mkha' dang yang bskrun du yod ma yin/ / dngos grub mtha' yas mnyam med dpe dang bral ba rnams// sems can khams la dngos grub mchog rnams nges par stsol// rtag tu dri ma med pa thugs rje'i shugs las byung / / smon lam grub pa 'gag pa med pa'i chos nyid can// 'gro ba'i don sgrub rab tu brtson pa mtha' yas pa// thugs rje chen po'i bdag nyid rtag tu rnam par snang // tshad med tshad

  670. 336a

    dang bral ba shin tu rdzogs pa yi/ / bde bar gshegs pa'i gnas su gshegs kyang e ma chos nyid bzang // bde bar gshegs pa go 'phang dam pa brnyes gyur kyang / / khams gsum rnams la dngos grub mchog stsol mdzad pa yi// thugs rje'i spyod pa mi g.yo 'gag par yong mi 'gyur// e ma'o shin tu bzang po'i chos nyid mchog dang ldan/ mchog sbyin rnams kyi nang na go 'phang mchog brnyes pa// khams gsum kun la rtag tu dngos grub mchog stsol mdzad// mgon po dus gsum sgrib pa med pa rab mkhyen pas/ dam tshig mchog gsum dngos grub dam pa bdag la gsol// 'di de sangs rgyas thams cad kyi// yang dag yon tan rgyas pa ste// lan cig tsam zhig brjod pas kyang // gsang sngags thams cad 'grub par 'gyur/ / bstod pa'i rgyal po 'di yis ni// de bzhin gshegs de kun bstod na// rab yangs dngos grub stsol 'gyur te// bskal par gnas shing bskal par bskul/ / lus ni g.yo ba med pa ru// bdag nyid brtan par byas pa yis// mgon po chen po rnam snang mdzad// mi bskyod rin chen 'byung gnas dang // rgyal ba dag pa 'od dpag med// don grub rgyal po thams cad du// dngul chu bcud len de nyid dang // mchog kyang rab tu gsol bar byed// dngos grub yid 'ong ma lus pa// rgyas pa'i don dang phun sum tshogs// rab

  671. 336b

    thams cad yongs rdzogs pa/ / yid la 'dod pa ster bar byed// ye shes tshe dang stobs dang shugs/ mchog tu dge ba gsol bar mdzad// de bzhin gshegs pa thams cad kyi bstod pa'i rgyal po zhes bya ba rdzogs so/ / // de nas bcom ldan 'das rdo rje rnal 'byor gyi dbang phyug chen pos de bzhin gshegs pa thams cad kyi dngos grub kyi cho ga rgyas pa bka' stsal pa/ tshes grangs med cing rgyu skar med// smyung bar gnas pa'i cho ga med// ji ltar bshad pa cho gas bslab pa'i gnas nye bar bzung ste/ gang yang rung ba'i yang dga' bar ji ltar rung ba'i dkyil 'khor byas te/ me tog sil ma bkram la/ bdug spos kyis bdugs te/ de bzhin gshegs pa thams cad la ji ltar nus pa'i me tog la sogs pa'i mchod pa rnams kyis mchod pa byas te/ sngags 'dis yid kyis kyang sdig pa bshags te/ oM sarba pA pU ta kA yi ka bA ka tsit+ta ma na song b+hU tA na rA ga/ dwe Sha mo ha ma da mA na biSh+Te Na yang kri taM tan traM kA li kaM hUM hUM hUM phaT phaT/ phaT/ sarba pA pa s+pho Ta yA mi swA hA/ oM sarba pAn pra ti de sha yA mi swA hA/ de'i rjes thogs la bdag nyid kyi dngos po dbul bar bya ste/ oM sarba ta thA ga ta nAn Ad ma b+hA ba ni ra yA ta yA mi/ sarba ta thA ga taHpra ti gr-ih+Nan tu mAM swA hA/ de bzhin gshegs pa thams cad kyi bsod nams la rjes su yi rang ba ni/ oM sarba ta thA ga ta puN+ya dz+nyA na saM b+ha rAn a nu mo di yA mi swA hA/ yang dang yang du byang

  672. 337a

    chub kyi sems bskyed pa rang bzhin gyis grub pa'i sngags kyis bya ste/ oM sarba ta thA ga ta sa man+ta b+ha dra ma hA badz+ra sa ma ya ma hA bo d+hi tsit+ta uta pA da ya mi swA hA/ de nas byang chub/ kyi sems bskyed pa'i rjes thogs la zla ba'i kha dog can zla ba'i dkyil 'khor la bzhugs pa'i bsod nams dang ye shes kyi tshogs yongs su rdzogs pa/ sa bcu'i dbang phyug ner bu rin po che / chen po'i pad+ma'i snying po seng ge'i khri'i stang du bdag nyid bsam par bya'o// oM bud d+hohaM/ sngags 'dis bdag yongs su dag par byas te/ oM swa b+hA ba shud+d+haHsarba ta thA ga tAHswa b+hA ba shu d+hohaM/ sngags 'dis bdag nyid chos kyi dbyings yangs pa/ 'od gsal ba'i snang ba shin tu gnas par byas te/ oM d+harma d+hA tu swa b+hA ba At+ma kohaM/ de nas skyes bu chen po'i mtshan sum du rtsa gnyis kyis brgyan par bdag nyid byin gyis brlabs te/ 'jig rten thams cad las shin tu 'das pa'i de bzhin gshegs pa thams cad kyi chos kyi skur bdag nyid sngags 'dis gnas par bya ste/ oM pra b+hA swa rohaM/ de bzhin du rim pa 'dis chos kyi dbyings rgya chen por spros nas/ bdag nyid sangs rgyas nyid do zhes nga rgyal bskyed la/ bdag skye dgu ma lus pa'i dpung gnyen du byas la/ chos kyi dbyings yangs pa 'od gsal bar lhan cig gnas par bya ste/ nye bar rgyas par thun mtshams bzhir bzlas pa brtsam par bya ste/ thun mtshams gsum

  673. 337b

    du dus ji lta bar yi ge la rjes su gzhol ba'i yid kyis 'bum phrag nyi shu bzlas par bya zhing / nyi ma re rer stong phrag brgyad dam stong phrag re bzlas te/ ji srid mtshan ma thob pa de srid du'o// tsan dan dang / ga bur dang / gur kum la sogs pa rnams kyis dkyil 'khor byas te/ nye bar mkho ba thams cad kyis mchod pa byas nas cho 'phrul gyi zla ba 'am/ sa ga'i nyagang ba la mar gyi mar me stong phrag brgyad sbar la/ rdo rje skyil krung gis gnas te/ sna ma'i me tog gam/ me tog pad+mas de bzhin gshegs pa thams cad dang mchod rten la mchod de/ ji srid 'brug gi sgra sgrog pa ma thos pa de srid du bzlas par bya'o/ / de nas de bzhin gshegs pa'i sku bdag la gsal bar 'gyur bar shes par bya'o// de nas sreg blugs 'bum phrag gcig dgang bar byas pas mtshan ma thams cad gsal bar 'gyur ro/ / bye ba phrag bzhi bzlas pas dbang phyug chen po la sogs pa'i sems can thams cad dbang pur gyur ro// de nas sgrubs pa chen po byed par 'dod pas/ de bzhin gshegs pa'i mtho gang ba'i tshad kyis de bzhin gshegs pa'i mchod rten byas la/ mchod rten re re'i mdun du stong phrag re re bzlas pa'am/ yang na dri'i mchod rten gyi drung du 'bum lhag pa'i bye ba phrag bdun bzlas so/ / bde bar gshegs pa'i mtho gang ba'i tshad kyi mchod rten nyi ma re re la rar ji srid bye ba phrag bdun bzlas pa rdzogs pa de srid du bya'o// tha ma'ang mchod

  674. 338a

    rten 'bar ba'i 'od des sgrub pa'i lus la zhugs pas brgya byin dang / tshangs pa dang / 'jig rten skyong ba la sogs nas/ ji srid dag pa'i gnas kyi dbang phyug chen po la sogs pa lha rnams me tog gi char 'bebs par 'ong bar 'gyur ro/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci la sogs pa 'ongs nas kyang bstod par byed cing / ji srid A bI tsi mnar med pa'i bar gyi sems can dmyal ba thams cad bsil bar 'gyur ro// yi dgas rnams kyang yi dgas kyi sdug bsngal las rnam par grol bar 'gyur ro/ / sdug bsngal ba rnams kyis sems can rnams la gdung bar mi 'gyur ro// de nas de bzhin gshegs pa thams cad kyis mngon par gzigs par 'gyur ro// de'i rjes la lus dang ba gser gyi mdog lta bu dang / lo brgyad gnyis kyi rnam pa can dang / ting nge 'dzin dang / ye shes thob pa dang / kha dog dang / tshe dang / stobs dang / shugs dang / dbang phyug la sogs pa'i yon tan dang ldan pa dang / 'jig rten gyi khams su rgyu ba dang / 'khor lo sgyur ba ltar che ba dang / sangs rgyas thams cad kyis mngon par bstod cing steng du 'gro ba dang / rig pa 'dzin pa'i rgyal por 'gyur ba dang / stong gsum gyi stong chen po'i 'jig rten gyi khams kyi rig pa 'dzin pa'i rgyal po rig pa 'dzin pa bye ba phrag brgya stong du mas yongs su bskor ba dang / lha'i bu mo bye ba phrag

  675. 338b

    du mas yongs su bskor ba dang / phyogs bcu mtha' yas pa'i 'jig rten gyi khams su rdzu 'phrul gyis 'gro ba dang / de bzhin gshegs pa thams cad la mchod pa chen po'i sprin gyis legs par mchod cing grub pa thams cad 'od kyis lhung bar 'gyur ro/ / brgya byin dang / tshangs pa dang / 'jig rten skyong ba'i stan phyeng ster bar 'gyur ro// gzi brjid dang / gzugs dang / dpa bas rig pa 'dzin pa thams cad zil gyis gnon par 'gyur ro/ / byang chub sems dpa'i sa'ang so sor thob par 'gyur ro// sems can thams cad 'dul ba la mkhas par 'gyur ro// phyi ma'i mthar tshe byir gyis brlabs te/ sangs rgyas thams cad bskyed pa mthong bar 'gyur ro// byang chub sems dpa' thams cad kyi bya ba nges par ston par 'gyur ro// mchod pa'i sprin thams cad 'byung bar 'gyur ro/ / byang chub sems dpa chen po kun tu bzang po dang / byams pa dang / 'jam dpal dang mtshungs par 'gyur ro// de bzhin gshegs pa thams cad kyi sku'i sgrub pa'i thabs zhes bya ba ste dang po'o/ / sgrub pa'i thabs gnyis pa ni de bzhin gshegs pa thams cad mchod par bya ste/ gi'u wang dam ldong ros pad+ma'i snod du bzhag la/ ji srid dngos grub rnam pa gsum byung ba de srid du bzlas par bya'o/ / sems can thams cad dbang du 'gyur ba dang / mi snang ba dang / rig pa thams cad 'dzin pa nyid do// rig pa 'dzin par gyur nas nyi ma spong

  676. 339a

    shar ba'i kha dog dang / lo brgyad gnyis kyi rnam par sgra li zhing 'khyil ba dang / gdu bu dang ldan zhing lha'i bu mo bye ba phrag du mas yongs su bskor cing / rig pa 'dzin pa'i grub pa thams cad kyis yongs su bskor ba dang / bskal pa chen po'i mthar gnas pa dang / rig pa 'dzin pa thams cad kyi dbang phyug tu 'gyur ro// rim pa 'dis rtse gsum bsgrubs nan dbang phyug chen por 'gyur ro/ / mchod phyir thogs bsgrubs na tshangs par 'gyur ro// 'khor los khyab 'jug tu 'gyur ro// grog mkhar gyi rtse mo'i sa bzung ste sa srungs kyi bu byas la/ de la zhon te bzlas na dbang por 'gyur ro/ / nyi ma'i dkyil 'khor byas te/ de'i steng du bstang na nyi ma dang mtshungs par 'gyur ro// zla ba'i dkyil 'khor gyi zla ba'i ste/ 'di nyid kyis lha'i bye brag kya gi mtshan ma bzung ste/ des de'i longs spyod la spyod par 'gyur ro// de bzhin du rim pa 'das dngul chu 'am bcud len gang bsgrubs pa de 'grub par 'gyur ro// gal te ma grub na de'i tshe sgrub pa lan bdun bya'o/ / bdun byas pas ci nas kyang 'grub par 'gyur ro zhes de bzhin gshegs pa thams cad kyi 'khor lo sgyur bas bka' stsal pa/ 'bum phrag gsum bzlas pas ri bo lhun po'i tshad tsam gyi ri bo'ang hUM zhes brjod pas ltung ba dang / rgya mtsho skems pa dang / ljon pa drung nas 'byin pa dang / bum pa nam mkha' la 'phen pa dang / glang po che rengs par byed pa dang /

  677. 339b

    pha rol gyi sde mngon par 'jom par byed pa dang / bar snang na gnas pa thams cad ltung bar byed do// sems can thams cad 'bebs par byed do// sgrub pa po las gang dang gang sgrub par 'dod pa de dang de thams cad byed do/ / yang zla ba gcig tsam mi smra bar de bzhin gshegs pa thams cad kyi skur bdag nyid bsgoms na sangs rgyas thams cad mthong bar 'gyur ro// sgyu 'phrul dra ba thams cad ston par 'gyur ro/ / nam mkha' la gnas shing 'chag par byed do// me 'bar ba dang glog 'gyu ba la sogs pa ston par byed do// gcig tu gyur nas mang por 'gyur ro// 'jig rten gyi khams stong phrag kyang g.yo bar byed do/ / sgrub pa pos bye ba bdun bzlas nas 'di dag thams cad bsgrub par bya'o// rim pa 'dis lhung bzed dang / chos gos dang / snam sbyar dang 'khar gsil las gang yang rung ba bzung nas/ ji srid rig pa 'dzin par gyur pa de srid du bzlas par bya'o// sangs rgyas kyi zhing thams cad du 'gro ba dang / sprul pa du ma byed pa dang / 'dod na 'chi ba dang skad cig tsam gyis 'jig rten gyi khams thams cad du 'gro zhing / de bzhin gshegs pa thams cad kyi nye bar gnas par byed do// sangs rgyas kyi gzugs kyis sangs rgyas kyi bya ba thams cad kyang byed do/ / sgrub pa'i thabs gzhan yang bde bar gshegs pa'i mtho'i tshad kyis mchod rten 'bum phrag gcig byas te/ rma med pa'i ral gri blangs te cho 'phrul gyi zla ba byed la nye bar spyod pa thams cad

  678. 340a

    kyis mchod de/ brgyad pa 'am/ bcu bzhi pa 'am/ nya gang ba la skyil krung bcas te ji srid du ral gri 'bar ba de srid du bzla bar bya'o// de'i rjes thogs nyid la rnga bo che rnams kyi sgra grag go/ / steng nas me tog gi char 'bab par 'gyur ro// ldan cig pa ji snyed pa dang bcas pa steng du 'gro'o// rig pa 'dzin pa thams cad kyis mchod par 'gyur ro// rig pa 'dzin pa'i rgyal po chen por 'gyur ro/ / ral gri'i rig pa 'dzin pa chen po'i 'khor lo sgyur ba rnam pa sna tshogs pa'i cha lugs dang rgyan 'chang ba 'dod dgur rgyu ba dang / skad cig tsam gyis 'jig cen kyi khams thams cad du rnam par dpyod pa dang / rga shi med pa dang / nyi ma re re zhing sangs rgyas kyi bdag nyid che ba mthong ba dang / mchod pa'i sprin thams cad kyis sangs rgyas kyi zhing thams cad du mchod pa'i char 'bebs pa dang / bskal pa chen po stong phrag tu 'tsho bar 'gyur ro// de nas sgrub pa'i thabs gzhan yang 'khor lo 'am pa Ti sa blangs te/ 'bum phrag nyi shu bzlas pa yongs su rdzogs pa dang dpal gyi sgor song ste/ nim pa'i lo mtsha ba'i mar khu la btags pa 'bum thag gcig sreg blugs bya'o// lha ma yin gyi 'khrul 'khor thams cad 'byed par 'gyur ro// ma yin gyi bu mo thams cad 'ong bar 'gyur ro// gal te ma grub na 'bum phrag gnyis sam gsum du sreg blugs bya'o// lha ma yin gyi bu mo thams cad bsregs bzhin du 'ong bar 'gyur ro//

  679. 340b

    'ongs nas kyang sgrub pa po la zhu bar byed de/ kye skyes bu dba' bo 'jug tu gsol zhes smra'o// de nas grogs dang bcas pas 'jug par bya'o// ral gri'am 'khor lo de bzung nas sgyu ma yin gyi rig pa 'dzin pa'i rgyal por 'gyur ro/ / sa 'og gi rdzas rnams kyi mnga' bdag lha ma yin gyi bu mo thams cad kyi bdag po gsang sngags grub pa gzhan thams cad dang / lha ma yin gyi rig pa 'dzin pa rnams kyi dbang phyug/ sa 'og thams cad kyi bdag po/ lha ma yin chen po'i sprul pa byed pa po bskal pa chen por gnas pa/ khyab 'jug gi 'khor lo hUM zhes bya ba brjod pa tsam gyis lhag par byed pa/ khyab 'jug kyang hUM zhes brjod pa tsam gyis rlag par byed na/ gzhan lha smos kyang ci dgos sgrub pa'i thabs gzhan yang bde bar gshegs pa'i mchod rten 'bum phrag sum cu byas te/ mchod rten re re'i mdun du stong phrag brgyad brgyad bzla bar bya'o// thams cad la nye bar spyod pa thams cad kyis mchod la/ tha mar me tog can gyi lcags las byung ba'i 'khor lo rtsibs drug pa mtho gang tsam pa bzung nas cho 'phrul gyi zla ba phyed pa skyil mo krung bcings te/ ji srid 'bar ba de srid du bzlas par bya'o// de blangs pas rig pa 'dzin pa'i 'kho lo rgyur bar 'gyur ro// rig pa'adzin pa'i rgyal po thams cad kyi mnga' bdag dbang phyug chen po la sogs pa'i lha thams cad 'dul bar byed pa/ bskal pa bye ba brgya stong phrag dgu bcu rtsa dgur 'tsho ba dang / 'jig rten gyi

  680. 341a

    khams skyong rdzu 'phrul gyis 'dul ba dang / mchod pa'i sprin brgya stong phrag gis mchod par byed pa dang / sangs rgyas stong phrag mthong bar 'gyur ro// de rnam la nyi ma re re zhing mchod pa chen po'i sprin gyis mchod par byed do/ / sgrub pa'i thabs rgyas pa gzhan yang mchod rten 'bum phrag drug cu byas te/ sngon du bsnyen pa byas la bye ba bzlas pa'o// de ras mtshan nyid thams cad dang ldan pa'i rol khrus byas nas/ nye bar mkho ba thams cad kyis mchod de/ ji srid ma langs pa de ji srid du bzla bar bya'o// langs nas dngul chu dang / bcud len dang / mi snang ba la sogs pa thams cad de la ster bar byed do// gal te mi ster na ji srid kha las lce ma byung ba de srid du bzla bar bya'o// de nas mtshon rnon pos de gcad par bya'o// de bzung bas nyi ma stong gi gzi brjid can/ rig pa 'dzin pa thams cad kyi rgyal po/ rig pa 'dzin pa bye ba stong phrag drug cu'i 'khor can/ tshe bskal pa bye ba brgya stong phrag drug cu 'tsho ba/ sangs rgyas kyi zhing thams cad du rdzu 'phrul gyis 'gro ba dang / ri bo lhun po bye ba phrag stong sprul pa dang / gling stong phrag 'phen pa dang / rgya mtsho stong phrag skems pa dang / lha'i 'jig rten brgya stong phrag bsdigs pa dang tshangs pa dang / khyab 'jug dang / dbang phyug chen po la sogs pa rnams lhung ba dang / sgra li zhing 'khyil ba dang / lo brgyad gnyis pa'i rnam pa dang / rgyan thams cad kyis rnam par brgyan

  681. 341b

    bsre/ sreg pa'i bskal pa na 'jig rten gyi khams gzhan du 'gro zhing / rga ba dang 'chi ba med par 'gyur zhes bcom ldan 'das rdo rje rnal 'byor gyi dbang phyug chen pos de skad ces dka' stsal to/ / de bzhin du yid bzhin gyi nor bu dang / dpag bsam gyi shing dang / bum pa bzang po dang / nor gyi char pa dang / nam mkha'i mdzod kyi ting nge 'dzin chen po dang / rin po che chen po'i lag pa dang / nor rgyun gyi rtog pa chen po dang / sems can gyi re ba thams cad rjes su 'gengs pa dang / 'khor lo sgyur ba'i rgyal srid dang / rin po che thams cad kyang bsgrub par bya'o// de la 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bsnyen bkur ba rin po che'o/ / de nas sgrub pa'i thabs gzhan yang tsan dan dkar po las pad+ma sor drug pa'i tshad byas la/ pad+ma de lag par bzung nas zla ba drug tu skyil krung bcings te/ nye bar spyod pa thams cad kyis mchod nas thun mtshams gsum mam bzhir grangs mi gzung bar bzlas par bya'o/ / zla ba drug yongs su rdzogs pa dang / pad+ma 'bum phrag bdun sreg blugs bya'o// zla ba nya nas sgrub pa brtsam par bya ste/ nye bar spyod pa thams cad kyis mchod la skyil krung bcas nas mtshan thog thag bzlas par bya'o// tho rangs kyi tshe rig pa 'dzin par 'gyur ro// ska li zhing 'khyil ba dang / lo brgyad gnyis

  682. 342a

    kyi rnam par rgyan gyi tshogs thams cad kyis brgyan pa/ nyi ma stong phrag shar ba'i 'od dang mtshungs pa/ rig pa 'dzin pa bye ba phrag du ma'i 'khor car/ lha'i bu mo bye ba khrag khrig brgya stong du mas yongs su bskor ba/ tshangs pa la sogs pa'i lha rnams mngag gzhug par 'gyur ro// sangs rgyas kyi zhing thams cad du skad cig tsam gyis rnam par rgyu ba dang mchod pa'i sprin du mas de bzhin gshegs pa rnams rnam par mchod par 'gyur ro/ / de bzhin du ut+pa la'i sgrub pa dang / tsan dan dmar po'i pad+ma'i sgrub pa'ang ngo // sgrub pa gzhan yang 'byung ste/ shel dang / pad+ma rA ga 'am/ mu tig gi 'bras bu 'am/ rin po che yongs su rtog par byed pa pos yongs su brtags pa la/ bde bar gshegs pa'i mtho'i tshad tsam pa'i mchod rten 'bum tsam byas te/ gang yang rung bar grangs mi gzung bar ji srid bdag yongs su dag par mthong ba de srid du bzlas par bya'o// de'i rjes su mngar gsum gyis skrag pa'i pad+ma 'bum dang / sna ma'i me tog 'bum phrag gsum dang / a ka ru'i yam shing 'bum dang / tsan dan gyi yam shing 'bum phrag gsum dang / til dang 'bras 'bum phrag bzhi dang / zho zan 'bum dang / mar gyi sreg blugs stong phrag gsum dang / sman thams cad pa'i sreg blugs 'bum phrag gcig byas la sbyin sreg yongs su rdzogs pa dang / dkar po'i tshes bco lnga la bsgrub par bya'o// skyil mo krung bcas te nye bar spyod pa thams cad kyis mchodas

  683. 342b

    ji srid nor bu rin po che 'bar ba de srid du bzlas par bya'o/ / 'bar nas kyang rig pa 'dzin pa gzhon nu gdong du 'gro bar 'gyur ro// skra li zhing 'khyil pa dang / lo brgyad gnyis kyi rnam pa rgyan thams cad kyis brgyan pa/ phyogs bcu mu med pa'i 'jig rten gyi khams rgyas par gsal bar byed pa/ rig pa 'dzin pa thams cad kyi slar 'khor lo sgyur ba chen por 'gyur ro// yid bzhin nor bu'i dngos grub byang chub sems dpa' chen po'i rig pa 'dzin pa zhes brjod do/ / sangs rgyas thams cad mchod cing bsnyen bkur bar byed do// skad cig tsam la 'jig rten gyi khams tham cad kyi sems can bskor na slar de nyid du 'ong bar 'gyur ro/ / gal te 'dod na byang chub sems dpa'i tshogs mngon par rdzogs par byas te/ lus de nyid kyis bla na med pa yang dag par rdzogs pa'i byang chub par mngon par rdzog par 'tshang rgya bar 'gyur ro/ / de bzhin du sgrub thabs kyi le'u la bris sku dang / shing lham dang / mu tig gi 'phreng ba'ang yid bzhin gyi nor bu'i cho gas bsgrub par bya'o// thams cad du 'grub par 'gyur ro// sgrub pa'i thabs gzhan yang mchod rten bye ba phrag stong byas te 'bum phrag bdun bzla bar bya'o// yongs su rdzogs pa dang / me tog can gyi ljags sam/ lcags lnga'i rang bzhin gyi rdo rje rtse lnga pa sor bcu'i tshang ngam/ bde bar gshegs pa'i mtho'i tshad tsam tsho 'phrul gyi zla ba phyed la mtshan thog thag lag pas rdo rje de bzung nas mdun du khwa'i steng du lag pa bkab la/ ji srid 'bar bar gyur pa de srid du

  684. 343a

    bzlas par bya'o/ / de nas bzung nas rdo rje'i rig pa 'dzin pa 'khor lo sgyur ba chen po nyi ma bye ba brgya phrag dang rjes su 'tsham pa rdo rje 'chang ba ltar gzi brjid dang ldan zhing 'ong gsal bar 'jig rten gyi khams thams cad du rnam par rgyu zhing / dbang phyug chen po la sogs pa'i lha rnams la ci bsgo ba nyan par 'gyur/ lha ma yin rnams skrag pa dang / srin po rnams 'joms pa dang / sems can thams cad de'i ci bsgo ba byed par 'gyur bar bcom ldan 'das de bzhin gshegs pa thams cad kyi 'khor lo sgyur ba chen pos de skad ces bka' stsal to// rdo rje snying po rgyan gyi rgyud chen po las/ de bzhin gshegs pa thams cad kyi rdzas kyi bya ba bsgrub pa zhes bya ba'i sgrub thabs kyi le'u yongs su rdzogs so// // de nas bcom ldan 'das de bzhin gshegs pa rnams thams cad slar yang ting nge 'dzin la mnyam par bzhag ste/ bcom ldan 'das thog pa dang tha ma med pa rdo rje rnal 'byor gyi dbang phyug chen po la gsol ba btab pa bcom ldan 'das de bzhin gshegs pa thams cad kyi gsang ba chen po ka kA sbyar ba ste/ mtha' yas pa la sbyar bzhi bya ba bka' stsal du gsol/ de nas bcom ldan 'das kyis de bzhin gsheg pa thams cad kyi gsang ba chen po gsang sngags kyi ka k+Sha pu tra bka' stsal pa/ de nas yang dag bshad bya ba// sangs rgyas kun gyis rjes su skyob// gsang sngags ka k+Sha byar zhes bya// gsang

  685. 343b

    chen mchog tu rmad du byung / / glu bzhi pa la tshad mdzes pa// kun nas yongs su bzang zhing dag/ re mig bzhi bcu zhe dgu pa// mdor bsdus nas ni sngags pas bya// dang po'i 'phreng bzang gnyis la ni/ a sogs blo gros ldan pas dgod// ka sogs lhag ma'i re mig la// sngags pas mdo ru bsdus te bri// sbyor ba ji bzhin yi ge kun// go rims bzhin du dgod par bya/ rerimig stong pa dag la ni// k+Sha yig dang ni rdo rje bri// rim pa 'di dag bkod nas ni// rang sde'i 'og tu 'bar ba mchog/ dang po dbyangs la de'i rjes su// yi ge phyag rgya mdor bsdus pa// ka tsa Ta ta pa ya shA// dag cing chu yi dkyil 'khor ldan// 'di rnams myur du 'grub par byed// pad+ma'i rigs kyi lha nyid do// don kun grub par yang dag ldan// me yi dkyil 'khor zhes su bshad/ / 'bar ba'i me dang mtshungs pa'i 'od// kha tsha' tha pa ra ShA// dbang chen gyi ni dkyil 'khor ldan// ga dza Da da ba la sA// dngos grub kur byed rlung gzugs ldan// dbyar gyi sprin lhur shin tu 'jigs/ / g+ha dz+ha D+ha d+ha b+ha wa ha// steng 'gros dngos grub byed por brjod// slar yang nga nya Na na ma// chos kun dbang du byed pa mchog/ thog mi'i dbyangs yig gang yin pa/ deni de bzhin gshegs stobs bcu// khyad par yan lag bcu gnyis bshad// de bzhin gshegs pa'i sa bcu gnyis// ma ning yi ge bzhi po spong // r-i r-I l-i l-I zhes bya ba// dbyangs dang sa

  686. 344a

    bon de bzhin sngags/ / de dag yi ge ru yang bshad// dbang du byed pa'i sde tshan kun// thig le sgra gtsug zla phyed ces// rjes dbyangs kyi ni 'phreng zhes bshad// sangs rgyas de bzhin byang sems kyis// yi ger brjod pa de bzhin zhing // gsal byed ces kyis gsal ba'o// de bzhin ya ra la wa rlung // me dang dbang tshon chu dag ste// 'byung ba chen po khams rnams so/ / rlung me bdud rtsi'i bcud ces bshad// mnyam dang mi mnyam cha dbye bas// thams cad nyid kyi lam shes bya// phyag rgya dang ni dkyil 'khor sngags// ting 'dzin mdor bsdus bshad pa'o/ / mi rtag sdug bsngal stong bdag med// chos rnams kun gyi sdom du brjod// stong pa mtshan med smon med pa// rnam par thar pa gsum du bshad// phung po khams dang skye mched rnams/ / mkhas pa yis ni shes par bya// da ni sngags kyi ka kA'i sbyor ba la rab tu btus pa sbyar ba dang phral ba bshad par bya'o// yi ge rnams kyis byang chub spyod// sangs rgyas nyid kyang mya ngan 'das/ / lhan cig nyid du sbyar bar bya// dbyangs rnams yig rnams bsdus par bshad// mtshan nyid kyang ni rab bshad bya// dbyangs ni byang chub gzugs nyid de// gnan dang lhan cig sbyar bar bya/ / de la nges par sangs rgyas nyid// ster ba nyid du legs par bshad// thog mar sangs rgyas thams cad kyi// gsang sngags dri ma med pa 'byung // thog mar dbyangs

  687. 344b

    nithig le ldan/ / rdo rje'i steng du yang dag gnas// 'bar ba'i 'phreng can rab zhi pa/ rnam par 'phro ba nyid du gnas// zla ba'i dbus su bsgom bya ba// kun gyi ye shes 'od chen po// kunaH 'gro ba rab tu thob/ / thams cad du yang rnyed par dka'// de nyid bral ba rtag pa ste// yi ge med cing dbyer med pa// byang chub sems zhes rab tu bshad// ngung dang kun da zla ltar dag/ gnyis pa'i sgra dang yang dag ldan/ / de ni shin tu ring por shes// sangs rgyas kun gyi spyod pa ste// sa dang pha rol phyin pa rnams// dro ba'i bzhi pa sbyar ba ni// mya ngan 'das pa zhes su bsgrags// dbyangs dang yi ge khyad par can// mtshan nyid rab tu sbyar bar bya// rang gi phyag rgya sogs ldan pa// sangs rgyas byang chub ba gsol byed// da ni sangs rgyas thams cad kyi// sngags kyi de nyid 'dir bshad bya/ / thog mar spyod pa byas nas ni// gnyis pa smra ba po ru bshad// bzhi pa'i dbyangs kyis kun nas mnan// gsum pa me yi ming cad ro// rgyu med pas te cung zad pa/ bzhi pa yis ni gsal bar byas// drug pa'i sgra dang tha dad med// de yi sbyang du thig le gnas// chos kun nam mkha' dang mtshungs par// yang dang yang du bshad pa yin// de ni lnga par shes par bya/ / yi ge lnga pa stobs po che// yi ge lnga yi stobs lnga'i bdag nyid las skyes gtso// mthu stobs chen po khyab bdag srid pa'i bdag nyid skyes// mthu stobs chen po srid gsum las

  688. 345a

    rab grol byed pa/ / yi ge lnga ni 'gro ba drug las grol ba'i bdag/ mngon shes drug kyang rab tu ster byed dri ma med// de nyid bcom ldan spyod pa ste// mi bskyod pa zhes rab tu grags/ / byang sems rdo rje sems dpa' ste// brtan pa'i sems dpa' rang byung ba// chos kun gyis ni de bzhin nyid// gang bsgrags de nyid thams cad du// 'bar ba me yi sa bon ldan// spyod pa yi ni steng du gnas// de nyid bcom ldan rnal 'byor ni// rin chen 'byung ldan zhes su bshad// chos rnams kun gyi byed pa ni// med pa nyid du'ang bshad pa'o// me yi sa bon yang dag ldan// bzhi pa'i dbyangs kyi spyi bo ru// mnan pa rgyal ba 'od dpag med// de nyid bcom ldan rnal 'byor ni// sna tshogs de bzhin gshegs pa kun// drug pa'i dbyangs dang yang dag ldan// don yod pa yi snying por grags/ / sde lnga pa yi bzhi pa ni// dngos dang dngos med rab rtogs byed// 'bar ba me yi sa bon gyi// 'khor lo'i dbus su rab tu gnas// drug pa'i dbyangs dang yang dag ldan// thig le sgra yis rnam par spras// 'khor lo sgyur ba ye shes che// rnam par rgyas pa'i nor ster byed// gang zhig sde lnga pa yi mtha'// sgyu ma'i chos la rab tu gnas// de nyid bcom ldan rnal 'byor ni/ gdugs dkar zhes su bshad pa'o// brgyad pa'i dbyangs dang yang dag ldan// byams pa zhes ni grags pa ste// de nyid bcom ldan rnal 'byor ni// spyi bor thig le mnan pa'o// 'jams pa'i dbyangs

  689. 345b

    dang ye shes che/ / mA ma kI ru de bsgrags so// lnga pa'i dbyangs dang yang dag ldan// 'jam pa'i dpal zhes rab tu grags// spyod pa'i gar mkhan rab rtogs ming // sdig pa thams cad rengs byed de/ / sdig kun rnam par sbyong byed pa// rnam par sel ba rnam shes bya// sde mtshan lnga pa'i gsum pa ni// phyag na rdo rje stobs chen dang / gshin rje mthar byed khro bo che// yi ge gsum ni stobs chen po/ / thog mar dgu pa yi ni dbyangs// de yi dbus spyod pa gzhag/ tha mar sna tshogs zhes bya sbyar// sku gsum du ni rnam par sgom// tha ma'i sde tshad gsum pa ni// gang yin kun tu bzang por bshad// sde tshan dang po'i gsum pa ni// sangs rgyas spyan zhes bya ba'o// de nyid bcom ldan mgon po ni// nam mkha'i mdzod ces rab tu grags// rdo rje khro bo stobs po che/ de nyid rab tu grags pa'o// 'di kun thams cad stong pa ste// rgyu ni rab tu spangs pa'o// dbyangs lnga dang ni yang dag ldan// rdo rje hUM mdzad hUM mdzad de// gang zhig bzhi pa'i sde dang po/ me yis rab tu gsal bar byas// bzhi pa'i dbyangs dang yang dag ldan// gzi brjid phung po stobs po che// de nyid gang dang ma sbyar ba// sgrol ma zhes su rab tu grags// bzhi pa yi ni gnyis pa gang / shes rab pha rol phyin par nges// thig le lhan cig yang dag ldan// sgra dang ldan pa'i mchog tu gyur// sde tshan gnyis pa'i gsum pa gang // me nyid dang ni yang dag ldan// bzhi pa'i dbyangs kyis

  690. 346a

    yang dag mnan/ / khams gsum rnam par rgyal ba'i mchog/ de nyid bcom ldan zhes bya ba// spyod pa'i gar ma khan zhes bya'i mtshan// de mi rjes nyid la ni med// da dbyangs dang yang dag ldan/ / me dang dbang chen du brjod bya// gsum pa'i dbyangs kyis mnan pa yi// sde tshan dang po'i dang po'i yig/ de nyid bcom ldan mgon po ni// 'jig rten mgon po thub pa che/ / ye shes rgya che bsgrub par bya// sangs rgyas byang chub rab gsol byed// sde tshan lnga pa rin chen mchog/ bzhi pa'i sa bon dam pa de// 'og tu me yi yan laga' bar/ gnyer can zhes rab tu grags// dbang chen yi ge dag pa las// thig le sgra yis rnam par brgyan// sangs rgyas spyan zhes rnam grags pa// sdig pa thams cad 'phrog par byed// sde tshan dang po'i gsum pa ni/ / nam mkha'i spyan zhes brjod pa'o// sgyu ma'i chos la rab gnas nas// gsod pa'i don du rab gsol byed// mA ma kI zhes bya ba'i ming // rig pa mchog tu gsang ba ste/ rgyu mi dmigs pa'i chos rnams kyi// dri ma med po stsol bar byed// gnyis pa'i dbyangs dang yang dag ldan// 'phags pa mi g.yo ba zhes bya// dbang chen sa bon yang dag ldan/ 'gro ba'i rdo rje rangs byed na/ gdug sems gzhan kun lta ci smos/ rlung gi dkyil 'khor sbyar byas pa// rang gi sa bon gnas shing 'phro// 'gro ba thams cad spong byed na// gdugs sems

  691. 346b

    can gzhan spos ci dgos/ / de nyid me dang ldan pas ni// dbang dang dgug pa'i las rnams dang // bgegs dang dgra rnams ni ba ni// khyad par mi g.yo ba yis byed// don dam bden pa'i byin gyis brlabs/ / nam snang mdzad bya gnas las byung // gzhan gyi dmag dpung 'jom pa ni// rgyu ni ma yis gsal byas pa// drug pa'i dbyangs dang yang dag ldan// thig sa sgra yis rnam par brgyan/ / 'gro ba thams cad 'gugs par byed// rlung gi dkyil 'khor gyis grangs pa'i// ti sa mnadar la sogs// de yis phye mar rnyog par nges// rdo rje la gnas 'khor lo so// dbus gnas 'gro kun rengs par byed// gnas nas skyod par byed pa yis// 'byung po rnams ni dbang du byed// rtag pa'i gzugs su gnas nas ni// mi g.yo ba yi snying khar son// chos kyi dbyings mtshungs thob nas ni/ / bdag gi bdag nyid bsgom par bya// rlung gis bon rin po che// spyod pa'i steng du yang dag ldan// me las byung ba me la gnas// 'gro ba thams cad 'bebs par byed/ / sde tshan dang po'i dang po gang // sa yi yi ge steng du gnas// sde tshan lnga pa'i tha ma ni// drug pa'i sgra yi steng du gnas// 'og sum yis bon ldan// nyi ma'i dkyil 'khor dbus su ste/ / sa gsum thams cad 'bar bar byed// me yi phyogs su gnas nas ni// phyag rgya'i bdag nyid thams cad sgom// rlung lha me lha yang dag sbyor// rgyu ni byed pa mtshungs pa'o// rnam

  692. 347a

    bsgyu / 'byu pon bsgrub pad+d+haH/ dbang nam ra ba las/ mtsha sa byu ba'i go sa can ba nga/ sum tshugs pa'i don// rig pa'i dzin dang sangs rgyas nyid// rna'i 'byor sa shes can sum chogs/ rtse ba 'di la 'grub gyur te/ 'dil ma chom mi bya'o// dbyangs dang mi gi thams ca sa/ myong ba'i dbye bas rnam par dbye// tshig dang ngag gi tshad rnams dang / ting nge 'dzin dang sngags 'byung ba// slob dpon man ngag las shes bya// gnan du bya ba ma yin no// rdo rje snying po rgyan ces bya ba'i rgyung chen po las/ rdo rjeka kwa'i sbyor ba mdor bsdus te bstan pa ste rgyas par slob dpon gyis mngon par spyad par bya'o// de nas bcom ldan 'das rnams slar yang 'dus pa gyur bas/ bcom ldan 'das rdo rje rnal 'byor gyi dbang phyug chen po la gsung ngag gi dkyil 'khor gsol ba btab bo// de nas bcom ldan 'das rnam par snang mdzad kyis gsol pa btab pa'i tshig garjes nyid sa/ 'brug gi sgra mtha' yas pa legs par bsgrags pa nam mkha'i mdzod kun nas rdo rje rgya che ba tshangs pa chen po'i sgra yongs su rdzogs pa'i don dang / de bzhin gshegs pa thams cad kyi gsung gi 'khor lo'i dkyil 'khor so sor yongs su rtogs pa'i don du/ / de bzhin gshegs pa thams cad kyi gsung grub pa zhes bya ba'i dkyil 'khor chen po bka' stsal pa/

  693. 347b

    nas yang dag bshad bya ba// gsung gi 'khor lo'i dkyil 'khor che// zlum po kun nas bzang po ste// zla ba'i dkyil 'khor lta bur gnas// de yi steng du padad+ma chen po// 'dab ma brgyad la ge sar can/ / de yi lte ba'i dbus su ni// yi ge mchog gi go 'phang nyid// bdag gis dngos grub bsgom par bya// ngag gi dbang phyug 'od chen po// snying khar zla ba der pad+ma// de yi steng du dung brtag bya/ / dung gi dbus su lce yin te// rdo rje'i rang bzhin dge ba'o// de yi steng du rin chen pad// yang na sangs rgyas gzugs brnyan yang // 'bar zhing rkan gyi mthar khyab pa/ / bdud rtsi'i rgyun ni rab 'bab pa// pa yi yi ge spyi tshugs pa// sangs rgyas kyi ni steng du gnas// bdud rtsi'i thigs pa 'dzag pa na// go rims bzhin du bsam par bya/ zla ba phyed dang zla ba gsum// zla ba bzhi 'am zla ba nyid// zla ba brgyad du rab mchog bsgoms// dkyil 'khor bzang po bsgrub par bya// skyil krung gis ni nyer gnas te// dang po'i sbyor ba'i dbang phyug skyes/ / chos kyi dbyings ni mtha' dag tu// thams cad du ni yongs su gang // sangs rgyas gzugs brnyan bsgom par bya// chos dbyings mnyam dang mi mnyam pa/ sangs rgyas kun gyi rjes skyob pa'i// ji snyed rig pa thams cad ni// lus dang ngag dang yid rnams kyi// phyag rgya de rnams bdag nyid mchog/ de rnams thams cad bdag nyid kyi// lus kyi

  694. 348a

    dkyil 'khor la 'jug bsam/ / dung gi sgra ni gsal ba bsam// pad+ma'i khams la yang dag brten// pad+ma'i ge sar thig le las// sgra yi rang bzhin rdul phran rnams/ mgrin par son nas sgra gyur te// sgra ni dbyangs nyid lhag pa'o// slar yang lce ru son pa dang // yi ge mchog tu dge ba'o// lce yi yi ge cher 'bar ba// gcig nas gcig tu rdo rje'i tshul// kun nas rab tu 'od gsal ba/ / rdo rje'i ngag ni dam pa'i don// sgra yis nam mkha' kun gang bar// sgrub pos mdo ru bsdus te bzla// de bzhin du ni snying khar sgra'am// lce la 'od zer nges 'phros nas/ mchu 'am so la rab bkra ba'i// gal te 'od zer mthong na ni// de tshe grub par rnam par shes// grub pa'i ngag ni dam pa'i don// yang na lha ni gzhan pa yi// ngag gi sgrub thabs chen po mchog/ rang lce rdo rje'i rang bzhin bsam// bdag nyid rdo rje sems dpa'ang // 'bar ba'i sgron ma dang mtshungs pa// rang gi snying gi dbus kyi cha// yi ge mchog tu phra ba yi// a mi yi ge mnga' bdag mchog/ rnam par bkra ba nyi ma bzhin// rang gi lte ba'i mthar thug mtshungs// yi ge yi ger yongs su gzhol// phra mo mnyam pa'i mthar thug ni// 'bar zhing thig le dang mtshungs shing / snying gi dkyil 'khor gsal byed pa// de yi 'bar ba rab phra ba// ji srid kan gyi bar du so// slar yang yi ge thams cad ni// yang dang yang dugasal byed cing // lce la rdo rje

  695. 348b

    'bar ba ni/ / rdul phran lta bur byed bzhin pa'i// rdo rje 'bar ba stong phrag dag/ yang dang yang du rnam par 'don// 'jig rten kun tu de song ste// chos dbyings mnyam dang mi mnyam pa// mi ge'i rang bzhin rnam bkra ba/ / rang gis 'gro ba snang byas te// slar yang 'ong nas rang gnas su// 'jug pa ru ni yongs su brtag/ ji srid phyogs kun song ba yi// yi ge kha ru rab tu 'jug lus la lus can gyi gzugs brnyan/ / sems kyis phyag rgya legs par bsam// de nas sgra dang yi ge ni// lte bar song ste yongs su gnas// lte ba ru ni pad+ma mchog/ pad+mar rdo rje dri med mdzes/ / de yi steng du dung chen po// rab tu 'phro ba nyid du gnas// de las 'bar ba'i rnam pa'i sgra// brang gi gnas nas yongs su byung // slar yang mgrin par son nas su// rdo rje lce la yang dag reg/ 'gram pa sbyar ba'i dbus su ni// sangs rgyas gzugs brnyan dri ma med// kha ba bzho ltar dkar 'od// bcud len bdud rtsi'i thigs pa 'dra// rdo rje'i lce ni mtha' dag rnams// yang dang yang du gsal bar byed// ting nge 'dzin gyi rtsar song ste// slar yang snying pa nyid du song // thig le las ni gug kyang gyur// gug kyang ri mo ring po can// cha shAs rnam bzhi 'dus pa las da ni yi ger rnam pa shes/ / yi ge las ni gla skye zhing // sgra las nad de las dbyangs// dbyangs las ngag tu rnam par 'gyur// yi ga las ni cha shas tshogs/ tshig rkang dang ni dag ga rgyas

  696. 349a

    tshig rkang las ni tshigs bcad dang / / de bzhin du ni gA za dang // 'phreng 'dzin rgyan chags de bzhin te// 'di ltar sngags dang rig sngags dang // rang gi snying por rab 'jug 'gyur/ de nas bzlas pa'i rnal 'byor che// blo gros ldan pas brtan byas te// dgug dang gzhug dang bcing ba dang // dbang du byas te bsgrub par bya// bzlas pa 'di yi sbyor ba yis// thams cad du ni brtan par bya/ / yid bzhin gyi ni dag 'grub bo// rmad byung mchog tu rnyed dka' ba'i// yang na lha ni gzhan pa yi// ngag 'grub thams cad skyob rnams kyis// yi ge gcig pa gsang chen po/ ngag gi sgrub thabs mchog tu dge/ sangs rgyas kun gyi bdag nyid ni// legs par mnyam par bzhag pas bsgom// rang nyid zla bar rdo rje che// 'bar ba'i 'phreng ba 'khrugs pa'i 'od// de la bstan bcos thams cad ni// nges pa gdon pa nyid du bya// ngag grub pa yi ye shes 'dis// thams cad mkhyen pa thob par byed// bstan bcos thams cad rab 'don cing // de nyid kyang ni 'chang bar byed/ / sems can kun gyis thams cad du// dngos po cung zad gang bsam pa// de dag thams cad rnam shes te// skad cig tsam la smra bar byed// rdo rje snying po rgyan ces bya ba las/ ngag gi sgrub pa'i thabs rdzogs so/ / / de nas bcom ldan 'das de bzhin gshegs pa rnams thams cad slar yang 'dus nas/ bcom ldan 'das de bzhin gshegs pa tham

  697. 349b

    cad kyi thams cad kyi thugs chen po mchog gi dbang phyug la gsol ba btab pa/ bcom ldan 'das de bzhin gshegs pa thams cad kyi gsang sngags kyi mdzod kyi cho ga rgyas pa'i sgrub pa'i thabs bka' stsal du gsol/ de nas bcom ldan 'das chos thams cad kyi dbang phyug gis gsol ba btab pa'i tshig nye bar gsan nas/ de de bzhin no zhes bka' stsal nas/ de nas bcom ldan 'das kun nas 'khor lo'i dbang phyug gi rgyal po chen pos/ de bzhin gshegs pa thams cad kyi gsang sngags kyi mdzod kyi sgrub pa'i thabs kyi rim par phye ba'i cho ga rgyas pa bka' stsal pa/ de nas yang dag bshad bya ba/ / 'khor lo sgyur ba'i sgrub pa'i thabs// 'khor lo rtsibs brgyad pa'am yang na// rtsibs bcu drug pa rnam par bri// lte bar de bzhin gshegs pa dgod// 'khor lo'i 'phreng bas rnam par brgyan/ / mtha' ru rin chen rnam pa bdun// mkhas pa yis ni spel bar bya// de yi lte bar bdag nyid ni// 'khor lo sgyur ba stobs po che// sangs rgyas kun gyi sku chen po chos kyi dbyings dang mtshungs pa'i mchog/ de yi phyag rgya bgrangs las 'das// skad cig ma ni nyid la 'thon// 'gro ba thams cad snang byas nas// sngags kyi dbang phyug nyid la gzhug/ 'khor lo'i dngos grub gzi brjid che// 'khor lo sgyur ba bdag nyid 'gyur// chung dang tshe dang dbang phyug dang // rang dbang 'dod dgur spyod pa dang // kun tu 'gro ba nyid dang ni/

  698. 350a

    kun gyi dbang phyug phun tshogs 'bras// rga dang 'chi ba med thob cing // nges par 'khor lo sgyur dang mtshungs// gser gyi 'khor lo rin po che// de bzhin dngul dang shul nyid dang / / me tog can gyi lcags kyang rung // rang gi lag gis bzung nas su// dbang chen dkyil 'khor dbus su ni// sangs rgyas thams cad bsgom par bya// 'khor lo sgyur ba gzi brjid cha mtshan rnams kyis ni rnam par brgyan/ / de ltar bdag nyid bsgoms nas ni// 'khor los sgyur ba nyid du 'gyur// de la de yi sngags kyi tshig tu gyur pa ni/ oM sarba ta thA ga toSh+NI Sha a ba lo ki ti/ mur+t+ti tsakra la Ni dz+wa la dz+wa la d+hu na bi d+hu nA trA sa ya mA ra ya/ uts+tshu Ta ya ha na b+hany+dza pro khi nI kAN+Ta li ni a ba rI dzi tA stA d+hA ri Ni hUM hUM phaT phaT swA hA/ rtsa ba'i sngags so// oM i a pa na dzid+hid+ha ka swA hA/ sIng po'o/ / na maHsar+b+ba bud+d+hA nA~M/ a pro ti ha ta shA sa nA nAM a pa rA dze tA d+ha ki swA hA/ cho ga'i sbyang pa'o// 'khor lo sgyur ba rang grub ste// sangs rgyas nyid kun thob nas ni// ye shes tshe dang stobs dang dang shugs/ / yang na dbang phyug dam pa kun// dpa' bo thams cad ster byed na// dngos grub gzhan lta smos ci dgos// 'khor lo sgyur ba'i sgrub pa'i thabs so// nyi ma'i dkyil 'khor bri bar bya/ / nam mkha' la ni yongs su sgom// gzi brjid phung po ye shes che// sangs rgyas thams cad thob par 'gyur// gnyis su med 'byung sems kyi mchog/ dkyil 'khor mog

  699. 350b

    tu rmad byung ba/ / de ni me mir shes par bya// sangs rgyas byang chub rab sgrub byed// de yang 'khor lo 'dzin rgyal po// 'khor lo sgyur ba legs 'bar ba// de la de bzhin rin chen bdun 'khor lo'i 'phang bas rnam par brgyan/ / 'khor lo'i dkyil 'khor dbus gnas par// nyi ma re rang bkra shis sgom// gzi brjid phung po sku chen po// sum cu rtsa gnyis mtshan 'chang ba 'bar ba'i 'phre 'khrugs dpa' ba ni/ / sdang ba shar ba lta bur gnas// de yi phyag rgya rtag tu bsam// nam mkha'i rnam par legs par gnas// chos kyi dbyings kyi mtha' klas pa// 'od zer 'phreng bas rnam par khyab/ / de dang bdag nyid rdo rjer sgom// sangs rgyas byang chub rab sgrub byed// kun tu kun nas thams cad du// dngos po kun las 'byung bar 'gyur// ye shes tshe dang stobs dang shugs/ / kun tu 'gro ba nyid dang ni// sangs rgyas thams cad nyid dag dang // rdo rje can kun nyid dang ni// gzi brjid mchog kun thob gyur nas// gzi brjid phung po 'dra bar 'gyur/ / de la sngags kyi tshig tu gyur pa ni/ oM ta thA ga toSh+NI Sha a ba lo ki ta sun+d+ha tidz+re rA shi dz+wa lA dz+wa la/ d+ha ka d+hu ka/ dA ra dAr/ bin+d+ha ban+ti/ hUM hUM phaT phaT swA hA/ rtsa ba'i sngags so// oM ta~M dzi rA si swA hA/ snying po'o// oM dz+wa la te dzo ra si hUM phaT/ nye ba'i snying po'o// dag pa'i sngags tshig 'di rnams kyis// nyi ma'i ye shes rab tu gsal// kun tu 'gro ba bsgrub par bya/

  700. 351a

    rig pa 'dzin pa nyid thob 'gyur// gzi brjid daphung po'i gsang sngags kyi sgrub pa'i thabs so// kun nas snang ba zhes bya mchog/ yi ge gsum pa stobs bo che/ gser gyi kha dog legs 'bar zhing // gtsug tor steng son 'od gsal ba// sngags pa rang bdag gis bsgom bya// kun nas snang ba lta bur 'gyur// oM AHhUM/ gsang sngags rtse mo dam pa ni/ / bsgoms pa tsam gyis thams cad du// brtan pa dang ni g.yo ba yi// 'gro kun kun nas snang bar 'gyur// kun nas snang ba'i gtsug tor gyi sgrub pa'i thabs so/ / chos kyi 'khor lo phyag rgya che// legs par mnyam par bzhag pas bsgom// sangs rgyas kun nyid kun gyi mchog/ chos kyi 'khor lo rab skor byed// 'khor lo 'di ni rtsibs bcu gnyis/ / rtsibs bcu gnyis pa yongs su gnas// rnam gsum gsum ni yongs bskor ba// bya ba'i don du dag pa ste// sangs rgyas rang bzhin sku chen po// nam mkha'i khrugs na gnas pa ste/ / chos kyi dbyings ni khyab pa ni// legs par mnyam parabazhags pas bsgom// 'gro ba brtan dang g.yo ba ni// 'di kun can cing 'brel 'byung ba// 'di ni chos kyi phyag rgya che/ / sangs rgyas byang chub rab sgrub byed// de yi sngags su gyur pa ni/ oM d+hu na pa ta ya tsin+da tsakre Na badz+ri Ni hUM/ gsang sngags 'di ni dpal ldan mchog/ chos kyi 'khor lo gnyis med

  701. 351b

    'char/ / skad cig tsam gyis thams cad du// dam pa'i chos ni rab sbyor byed// chos kyi 'khor lo sgrub pa'i thabs so// pad+ma rA ga'i rnam pa 'dra// sangs rgyas sku gzugs leg 'bar ba/ / rnal 'byor sbyor ba'i mchog bsgrubs na// nyon mongs rdo rje 'dra bar 'gyur// snying nas rdo rje gzugs brnyan 'dra// 'bar ba'i 'phreng ba 'khrugs pa'i 'od// de yi snying la rdo rje ma/ dri ma med pa skyes par 'gyur// nyon mongs rtag tu yongs zad cing // dgra rnams kun las rgyal bar byed// bden pa bzhi ni rtogs pas na// bden pa'i ye shes thob par 'gyur// sngags ni/ oM k+She sha a sha ni hU~M phaT/ 'di ni nyon mongs rdo rje'i sngags// drag cing drag pos gzhan gnon pa'o// sangs rgyas nyid kyang sbyar byed na// dngos grub gzhan lta smos ci dgos// nyon mongs rdo rje sgrub pa'i thabs so/ / / dbang chen dkyil 'khor la gnas pa'i// sangs rgyas rang bzhin stobs po che// bdud bzhi las ni rnam rgyal ba// legs par mnyam par bzhag pas bsgom// bden pa bzhi yi khu tshur rje/ / sras dang ngag dang de bzhin yid// bu tshur sangs rgyas thams cad kyi// gnyis med skye ba'i mtshan nyid de// rdo rje'i dbus su bsgom par bya// rang nyid sangs rgyas yin no zhes/ brtan dang g.yo ba'i 'gro ba ni// 'di dag thams cad ma skyes pa// rdo rje khu tshur bsgoms na ni// rdo rje khu tshur 'dra bar 'gyur// de la sngags su gyur pa ni// oM bi dza ya haH/ de bzhin gshegs

  702. 352a

    pa'i khu tshur che/ / shes rab pha rol phyin gsal ba// sngags pas rtag tu bsgoms na ni// shes rab pha rol phyin pa 'thob// de bzhin gshegs pa thams cad kyi khu tshur gyi sgrub pa'i thabs so/ / / dngos po thams cad gyen 'phags pa// gdod nas zhi zhing mtshan nyid med// sangs rgyas rang bzhin sku chen po// dkyil 'khor chen po'i dbus su'o// rdo rje rdo rje'i bdag nyid sgom// 'bar ba lta bu'i gzi brjid kyis// 'di yis 'jig rten thams cad kyi// 'khor los sgyur ba nyid du ni// 'jig rten kun gyis thams cad du// kun nas phun sum tshogs pa kun/ / bkug nas gus par sbyin par bya// sngags ni/ oM dz+wa la dz+wa la dI pyA di pyA ut+ma NoSh+NI / Sha d+hu na d+hu na hUM/ steng 'gro'i gtsug tor zhes bya ba// sangs rgyas dpa' bo kun gyis gsungs/ 'di ni bsgrubs pa tsam gyis ni// sangs rgyas nyid kyang rnyed dka' min// de bzhin gshegs pa thams cad kyi gtsug tor gyi sgrub pa'i thabs so// / sangs rgyas rang bzhin phyag rgya che/ legs par mnyam par bzhag pas bsgom// tshad skyob gdugs dkar chen po ni// chos dbyings mnyam dang mi mnyam pa// zla ba'i dkyil 'khor dbus gnas par// zla ba'i kha dog cher 'bar zhing / / chu yi dkyil 'khor rnam dag pa// dri med puN+Da ri kar gnas// ri mo bdun gyis yongs su gang // bcud kyis len gyi mchog lta bur// sangs rgyas kun bdag bsgom par bya//

  703. 352b

    dngos grub 'di yi sbyor ba yis// sems can rnams la thams cad du// re ba thams cad yongs rdzogs pa// 'di ni gtsug tor gdugs dkar che// sngags ni/ oM ma ma ma ma hA ni/ ni bsgrubs pa tsam gyis ni// ye shes tshe dang stobs mgyogs 'gro// dpa' bo thams cad thob 'gyur zhing // sangs rgyas nyid kyang rnyed dka' min// gdugs dkar po'i sbubs pa'i thabs so// zla ba'i dkyil 'khor dbus su ni// 'bar ba'i 'phreng 'khrugs ral gri ni// sngags pas snying khar bsgom par bya// rang gi bdag nyid sangs rgyas zhes// sangs rgyas rang bzhin sprin chen pos/ / nam mkha'i mthongs rnams yongs gang ba// bdag nyid gnyis med ngo bo yis// rnal 'byor gcig tu bsgom par bya// sngags kyi yi ge 'khor lo che// 'bar ba'i 'phreng ba 'khrugs pa'i 'od/ / sngags pa snying khar bsgom par bya// rgyal ba dam pa nyid du 'gyur// sngags ni/ oM dz+wa la dz+wa loSh+NI Sha dz+wa la dz+wa la ban+d+ha ban+d+ha/ dam dam/ drum dru ma/ da ha da ha na hUM phaT/ rgyal ba'i gtsug tor ral gri che/ / shes rab ye shes dri ma med// sngags pas kun nas bsgoms nas ni// rgyal ba'i gtsug tor 'dra bar 'gyur// rgyal ba'i gtsug tor gyi sgrub pa'i thabs so// sangs rgyas kun gyi rang bzhin sku// 'bar ba'i 'phreng ba 'khrugs pa'i 'od// seng ge'i khri yi steng du bsam// yang na rdo rje'i gdan la gnas// kun tu gtsug tor tshe 'bar ba// snying khar yongs

  704. 353a

    su bsgom par bya/ / sangs rgyas kun gyi bdag nyid ni// yi ge dam pa yi ni gnas/ thog ma tha ma med zhig// chos kyi sku ni mchog tu che// de ni bsgrubs pa tsam gyis ni/ kun tu gtsug tor stobs po che// skad cig de la 'grub 'gyur te// rdo rje sangs rgyas kun gyi bka' bzhin no// sngags ni/ oM badz+ra ban+d+ha hUMHgsang sngags 'di ni dam pa gtso// sangs rgyas thams cad dbang bskur byed/ / rtag tu rnal 'byor pas bsgoms na// de ni kun gyis dbang bskur ro// kun gyi gtsug tor gyi sgrub pa'i thabs so// rdo rje snying po rgyan ces bya ba'i rgyud chen po las/ de bzhin gshegs pa thams cad kyi gtsug tor gyi sgrub thabs kyi cho ga rgyas pa'i rim par phye ba yongs su rdzogs so// / de nas bcom ldan 'das de bzhin gshegs pa rnams thams cad slar yang 'dus par gyur te/ bcom ldan 'das rdo rje rnal 'byor gyi dbang phyug la gsol ba btab pa/ bcom ldan 'das byang chub sems dpa' rnams thams cad kyi gsang sngags kyi sgrub pa'i cho ga rgyas par bka' stsal du gsol/ de nas bcom ldan 'das rdo rje rnal 'byor gyi dbang phyug chun pos de dag gis gsol ba btab pa'i tshogags na nas/ de ma thag pa kho nar de bzhin gshegs pa thams cad du bdag nyid byin gyis brlabs nas/ byang chub sems dpa' thams cad kyi gsang sngags kyi rim par phye ba bka' stsal pa/ shes rab ye shes rdo rje che// snying khar yongs su bsgoms nas

  705. 353b

    su/ ral gri sngon po phyag na bsnams// dbang chen dang ni me las 'khrungs// ye shes chen po gzi brjid che// 'khrul pa med ci yi ge bral// sangs rgyas kun bdag shes rab mchog/ nyon mongs thams cad zad par byed/ / rdo rje kun bdag bkod pa po// kun tu 'gro ba'i dam pa'i don// dbyer med mchog tu gsang ba po// rim pa mchog gi bdag nyid 'di// zhal drug pa la phyag drug mchog/ mngon shes drug ldan yi ge drug/ rjes dran drug gi sbyor ba yis// phyag drug dam pa stobs po che// gzi brjid yang na stobs kyis kyang // kun nas yongs su gsal ba bo// gzugs che lus kyang che ba ste/ / nam mkha'i khrugs na rnam par gnas// yang na phyag gnyis shes par bya// ting nge 'dzin gnas sdig pa bcom// dpa' bo pad+ma la gnas pa// zla ba'i mdog can 'od po che// rnam 'byor pa yI ye shes phra/ / shes rab pha rol phyin pa 'bar// gdod nas ma skyes pa zhes bsam// sangs rgyas byang chub rab gsol byed// sangs rgyas rnams kyi ye shes mchog/ 'jam pa'i dbyangs zhes rab tu grags// de'i sngags ni// oM bAkya daM na maH/ gsang sngags 'di ni mchog tu gsang // gsang chen gyi ni dam par bzhed// rnam thar gsum gyi sgol gnas/ / pha rol phyin drug btu gsal// rang nyid shes rab yin no zhes// sngags pas rtag tu bsgom par bya// dbang po drug ni rab bsgyur te// sangs rgyas nyid ni rnal 'byor las/

  706. 354a

    pad+ma rA ga lta bu'i mdog/ ston zla lta bur cher gsal ba// sems dpa' chen po gser gyi mdog/ stobs po che ni bsgom par bya// 'di ni bsgrubs pa tsam gyis ni/ shes rab dri ma med par 'gyur// bstan bcos thams cad rab smra zhing // dbang phyug thams cad mdun na gnas// kun gyi rgyal po sngags pa nyid// rang nyid kun gyi rgyal mo mtshungs// rig pa 'dzin pa thams cad dang // byang chub kun gyi pha rol son// dbang phyug kun dang bde ba che// chos rnams kun gyi yon tan mchog/ rdo rje 'dzin pa thams cad dang // yang na sangs rgyas thams cad kyi/ / kun tu 'gro ba thob 'gyur ba// dngos grub gzhan lta smos ci dgos// dngul chu bcud len de nyid dang // rkang pas spyod pa dri med mchog/ ril bu dang ni mi snang ba// thams cad du ni sbyar bar 'gyur/ / dpal ldan 'jam pa'i mchog 'di ni// chos kyi gsung gi mchog las 'khrungs// sangs rgyas rnams kyi tshangs pa'i dbyangs// 'jam pa'i dbyangs zhes rab tu grags// 'di ni bsgrubs pa tsam gyis ni/ / bsam pa'i phun sum tshogs kun gyi// sangs rgyas kun tu brtan 'gro na// gzhan pa'i lha lta smos ni dgos// 'jam pa'i dbyangs kyi sgrub pa'i thabs so// / snying khar pad+ma chen po la// zla ba'i dkyil 'khor yongs su gnas// 'jig rten dbang phyug dpa' bo che// thugs rje chen po'i thugs ldan pa// phyag bzhi pa la zhal bzhi pa/

  707. 354b

    drung dang kun da zla ltar dag/ chos kyi dbyings las yang dag byung // chu yi dkyil 'khor chen po la// bdag nyid 'jig rten dbang phyug ches// de la gnas pa dge bsgom// rang bzhin gyis ni 'di dag kun/ / gdod nas ma skyes ma byung ba// gsang sngags chen po 'di yis ni// snying khar yongs su bsgom par bya// 'jig rten dbang phyug 'khor lo tsha// kun tu rnam par 'phros pa yis/ / 'bar ba'i 'phreng bas 'khrigs shing zhi// ral pa'i thor tshugs 'dzin pa po// ral pa'i dbus su dpa' bo che// 'od dpag meng po ldan pa'i bdag/ ston ka'i zla ba ltar bur gsal/ / kun tu nam mkha' yongs gang ba// gsang sngags sbyor ba dag bsgom par bya// rang nyid 'jig rten gsum rnam rgyal// chos kyi dbyings kyi mtha' klas pa// pad+ma'i lus kyi yang dag gang / / kun tu pad+ma rnams la ni// zla ba'i dkyil 'khor yang dag gnas// khams gsum rnam par rgyal ba'i sku// khyad par du bdag dgang bar bya// 'gro ba brtan dang g.yo ba kun snang dang mi snang dngos po ni/ / yang dang yang du blta bar bya// gdul bya ma lus sems la ni// stobs po ches ni dgang bar bya// kha dog dbyibs ni 'di bzhin du// sna tshogs gzugs la cher 'bar ba/ / kun nas yongs su bsdus nas ni// sngags pa'i mdun du gzhag par bya// de nas sngags pas de ma thag/ slar yang rtse gcig sems kyis ni// dgug dang gzhug dang

  708. 355a

    bcing ba las/ / dbang du bya ba bsgrub par bya// 'jig rten dbang phyug thub chen po// bcom ldan rnal 'byor can grub na// dpa' bo thams cad stsol 'gyur zhing / rang gi dngos grub mchog rnams dang // rnal 'byor thams cad 'dzin nyid dang // rnam par rgyas pa'i nor ster 'gyur// rig pa 'dzin dang 'khor lo can// sa dang pha rol phyin sogs dang / sangs rgyas rnams kyang stsol 'gyur na// dngos grub gzhan lha spos ci dgos// de'i sngags ni/ oM A ro li ka/ gsang sngags dpal ldan mchog 'di ni// rang nyid khams gsum rnam par rgyal longs spyod thams cad bkug nas ni/ / skad cig tsam gyis rnam par sbyar// pad+ma'i sgrub pa'i sbyor ba yis// bdag nyid 'jig rten dbang phyug sgrub// 'jig rten gsum gyi rgyal srid ni// sring par bkug nas rnam par ste/ / 'jig rten dbang phyug gi sgrub pa'i thabs so// / thams cad rdo rje'i rang bzhin gzugs// ma yi dkyil 'khor dge ba ste// de yi dbus su bya ba dkyil 'khor rlung dang rab mtshungs pa/ / de yi dbus su de 'dra bsam// nyi ma yi ni dkyil 'khor ro// de yi dbus su gzi brjid che// 'char ba lta bu'i gzi brjid can// rdo rje'i lag pa gzi brjid can/ / rgyan rnams kun gyis rnam par brgyan// tshangs pa'i yul sa thams cad du// kun nas yongs su gsal bar byed// hUM gi yi ge sgra zab mo// drabar gyi sprin dang mtshungs

  709. 355b

    pa'i 'od/ / rgyal po 'khyil ba dang mtshungs pa// zar ma yi ni me tog 'dra// 'byur ba dmar pos 'khrigs shing 'jigs// bskal pa'i me dang 'dra bar gnas// zhal bzhi pa la mches bzhi/ 'jig pa'i dus kyi thal ba 'dra// sprin gyi sgra dang mtshungs pa yi// hUM gi yi ge bzhi dang ldan// rdo rje hUM mdzad ces bya ba// rnal 'byor pas ni rtag tu sgom// sngags kyi tshig ni/ oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ a na ya ho b+ha ga bAn bid+d+ha rA dza hUM phaT/ rdo rje 'dzin pa'i rgyal po 'di// kun mchog srid pa'i dbang phyug gis// 'jig rten gsum yang 'gugs byed na/ / bud med gzhan lta smos ci dgos// tshangs pa khyab 'jug dbang chen sogs// chung ma dang bcas phyag rgyar bcas// de dag thams cad 'gugs byed na sdug bsngal can gzhan smos ci dgos/ / nyi ma'i dkyil 'khor dbus gnas par// rdo rje'i gzugs brnyan snying khar son// dbang po gnyis ni mnyam sbyor bas// rdo rje can gyis sngon du sgrub/ bsam pa thams cad rdzogs byed pa// bcom ldan rdo rje can 'grub 'gyur// rgyal po thams cad sbyin gyur na// dngos grub gzhan lha smos ci dgos// sngags ni 'dir/ oM tsa/ hUM dzaHgsang sngags 'di yi sbyor ba yis// dam pa'i don du bsgrub par bya// longs spyod ji snyed thams cad rnams// de skad thams cad rnam par ste// rdo rje 'dzin pa sgrub pa'o//

  710. 356a

    dbang chen dkyil 'khor la gnas pa'i// byams pa chen po'i bdag nyid sku// snying khar zla ba'i gzugs brnyan 'od// rdo rje 'bar ba'i 'phreng ba ldan// 'jig rten khams ni 'byam klas pa/ / rang bzhin gcig tu byas nas ni// rdo rje yis ni spro ba dang // dbang bskur ba yi rang bzhin dge/ gser gyi kha dog legs 'bar ba// ral pa'i thor tsugs 'dzin pa po// ral pa'i dbus su mchod rten che// dung dang kun da zla 'od bzang // bsgoms nas sems can thams cad la// brten pa'i don du dbang bskur bya// yang na sems can thams cad la// bu gcig/ lta bur rnam par spro// sgom pa'i sbyor bas bsgoms na ni// gnyis meng ma rgyal ba las rgyal// spro ba dang ni bsdu ba dang / thim sogs phyogs dbyes rnam par dbye// byams pa kun tu rnam par spro/ chos dbyings mnyam dang mi mnyam pa// thams cad bdag dang bdag gi bar// 'das shing shin tu dri ma med// ri rab lta bur brtan pa'i sems// 'khrul pa med cing yi ge bral// de ltar sems ni brtan byas nas/ mnyam med sems can kun dang mnyam// bdag nyid byams pa yin no zhes// dga' ldan gnas pa'i tshul 'dzin pa// cung zad li zhing 'khril pa'i sgra// pad+ma rA ga mtshungs pa'i 'od rin chen sems ni rnam dag pas/ / rang bdag nyi ni bsgom par bya// 'di'i gsang sngags rang bzhin gyis grub pa ni/ oM i dzi tany+dza sarba satwa sa ma ya ma nu ga ta swA hA/ gsang sngags

  711. 356b

    bdag nyid rgyal po 'di/ / byams pa zhes ni grags pa ste// chos kyi dbyings dang mtshungs par khyab// byams pa'i thugs ni yid du 'ong // dang po'i sbyor ba'i rnal 'byor gyi// sgrub pa'i thabs mchog bsgom par bya/ / oM mai tre ya tI/ 'di ni bsgrubs pa tsam gyis kyang // dga' ldan du ni gan+da par 'gyur// sgrib pa kun dang bral ba'i bdag/ rang nyid lha yi bu dang mtshungs/ byams pa'i sbyor bas bsgoms na ni// 'di ni byams pa lte byar 'gyur// byams pa'i sangs rgyas zhing du ni// rang bzhin gyis ni skye bar 'gyur// de mdun chos ni legs mnyan nas// sa dang rol phyin pa dang / / dbang dang ting 'dzin thob nas ni// de ni byang chub sems dpar 'gyur// mthar yang sangs rgyas thams cad ni// byams pa'i yid kyis thob par 'gyur// byams pa'i sgrub pa'i thabs so/ / rang gi lus ni thams cad ni// nam mkha' mtshungs pa nyid du sgom// chos bdag med pa bskyed nas kyang // rang nyid nam mkha'i snying por 'gyur// gsang sngags 'di yi sbyor ba yis/ / mkha' mtshungs dpe las rnam par 'das// nam mkha'i 'od zer gyur pa yis// sems can rang gi sems las spro// thams cad sems las spros nas ni// slar yang rim kyis bsngo bar bya/ nam mkhar mnyam par 'gro ba blta// rang gi de nyid kyis sbyar bya// rin chen dkyil 'khor dbus gnas par// rin chem kha dog 'od chen po// rgyan rnams kun gyis lus brgyartan

  712. 357a

    pa/ lag na rin chen stobs po che// rin chen sbyor ba bsgom pa yis// nam mkha'i dam pa 'grub pa yin// sngags ni/ oM A kA sha gan+d+ha ya swAhA/ nam mkha'i snying po stob po che/ bcom ldan rnal 'byor 'grub par 'gyur/ / rang gi dngos grub thams cad ni// ster bar 'gyur te dpyad mi dgos// dpa' bo sangs rgyas thams cad kyi// dngos grub ji snyed bka' stsal pa// nam mkha'i snying po bsgrubs pa yis/ / de dag thams cad myur du ster// nam mkha'i snying po sgrub pa'i thabs so// sangs rgyas kun gyi rang bzhin sku// rgyan rnams kun gyis brgyan pa yis// kun tu bzang po 'od bzang po/ / zla ba'i dkyil 'khor dbus su ni// sngags pas rtag tu bsgom par bya// dngos grub mchog ni thob par 'gyur// rang gi lus ni ji snyed pa'i// rang gi phra rab rdul rnam kyis/ de dag thams cad mtshungs par bya// sangs rgyas sku yi sku nyid du// yang na ba spu'i khung rnams su// rang gi 'khor los yongs bskor nas// sangs rgyas kun dang mtshungs byas te// bdag ni kun tu bzang po zhes// yi ge lnga pa zhes su bshad// 'di yi sngags chen bzlas par bya// yang na 'dir ni lha gzhan gyi// rtag tu sngags su gyur pa'o// oM swA hrIHkA ya swA hA/ gsang sngags rgyal po che gsang zhing // gdong nas dag cing rang byung ba// 'di ni bsgrubs pa tsam gyis ni// shes rab dri ma med par 'gyur// de yi ye shes dri med cing // gzugs mdzes

  713. 357b

    pa ni de dang mtshungs/ / bstan bcos thams cad rab smra ba// kun bzang mchog tu bdag 'gyur ro// kun tu bzang po'i sgrub pa'i thabs so// / zla ba'i dkyil 'khor dbus gnas par/ / rgyan rnams kun gyis brgyan pa yi// sgrib pa thams cad rnam sel ba// dam pa'i don du bsgom par bya// gsang sngags 'di yi sbyor ba dang // bcud kyis len gyis bde blag tu/ / ring po nyid du mi thogs par// sgrib pa rnam sal mtshungs par 'gyur// sngags 'byung ba ni/ oM sarba ni war Na biSh+kam+b+hi swA hA/ oM ni sa rA ya swA hA/ gtso bo gsang sngags 'di 'dzin la/ / rnam par sel ba grags pa ste// thams cad sgom pa'i sbyor ba yis// phyag rgya kun gyis thams cad du// gdod nas skyi mang rang bzhin gyis// gdod nas dag cing 'gyur ba med// de ltar chos 'di shes nas ni// lha nyid dang ni mnyam byas nas// rnyog pa med cing zag med pa'i// rjes su rnal 'byor gyis bsgrub bya// ut+pal sngon po'i 'dab ma ltar// gsal ba'i rnam par gnas pa'o/ / dbang chen dkyil 'khor la bzhugs pa'i// me yis yongs su bskor ba yi// phyag na ral gri gzi brjid che// yang nas yang du sems byed cing // dngos grub 'di ni gzi brjid che// rnam sel mchog gi dbang phyug ni// mtha' las 'das pa'i dngos grub mchog/ thams cad nas ni stsol ba nyid// rnam par sel ba sgrub pa'i thabs so// / dbang chen dkyil 'khor

  714. 358a

    steng du ni/ / rdo rje yi ni dbus na bzhugs// gser gyi mdog can sku chen po// 'bar ba lta bu'i gzi brjid can// snying khar rdo rje'i phyag rgya gnas// sa snying zhes byar bdag nyid sgom/ / rang gi lhag pa'i lha sbyor bas// rang gi gsang snga ga brjod par bya// sa snying zhes byar bdag bsgoms nas// sngags kyi yi ge mchog bde 'di// oM k+Shi haHrA dzaHswA hA/ bsam yas sngags mchog 'di yis ni// dngos grub thams cad rab gsol mdzad// sa yi snying po zhes grags pa// dam pa'i don du rnal 'byor pas// sa'i snying po'i sgrub pa'i thabs zad pa med cing 'khrul pa med/ / zag med mchog gi shes rab can// zla ba'i dkyil 'khor dbus su ni// shes rab rdo rje'i bdag nyid dge/ blo gros mi zad rnyed dka' ba/ 'bad pa yis ni bsgom par bya// ma yi dkyil 'khor dbus su ni// gser gyi mdog dang ldan pa'i gzugs// rgyal po chen po zla ba'i 'od// 'od kyi dkyil 'khor rab tu gsal// sngags ni// oM a k+Sha ya ma ti swA hUM/ sngags kyi yi ge gsang ba 'di// thams cad blo gros gsal bar byed// ye shes mi zad 'dod pa yis// 'bad pa yis ni bsgrub bya ste// dngos grub kun gyi mchog shes bya/ / shes rab ye shes dri me mdzes// sangs rgyas nyid kyang thob gyur na// dngos grub gzhan lta ci zhig smos// blo gros mi zad pa'i sgrub thabs so// / kun nas shes rab

  715. 358b

    chen po can/ / zla ba'i dkyil 'khor la brten par// gser gyi kha dog gzi brjid che// rgyan rnams thams cad kyis brgyan pa'i// gzhon nu'i gzugs can rtag bsam bya// re ba thams cad rdzogs par mdzad/ / rang gi lhag pa'i lhar sbyor ba// nam mkha'i bdag po bdag yin no// lus ngag yid kyis thams cad du// thams cad rig pas brtan par bya// shin tu dri med byang chub sems// rang snying me long lta bur bsam/ / de nas yi ge'i tshig bkod de// mkha' mdzod bdag ces bdag nyid kyis// bsgoms nas rdo rje rdo rje'i bdag/ mkha' la rin chen 'byung gnas dang // yid bzhin nor/ bu dpag bsam shing // de bzhin bum pa bzang po sogs// 'jig rten kun gyi dbang phyug gis// nye bar mkho ba thams cad 'bab// 'jig rten kun gyi rdzas thams cad// ji snyed yod pa de dag kun/ / 'dir ni skad cig tsam nyid la// dngos grub dam pa stsol bar 'gyur// / oM ga gA na gany+dza gaM swA hA/ nam mkha' mdzod kyi dngos grub che// nor gyi rgyun gyi rab 'bebs pa// nam mkha'i mdzod ni stobs po che/ / skad cig tsam gyis byed par 'gyur// nam mkha' mdzod kyi sgrub pa'i thabs so// rin chen dkyil 'khor las byung ba/ rin chen phung po char rab 'bebs/ / rin chen gzi brjid mchog tu rol// lag na rin che dang bsgrub bya// lag na rin tshon phyag rgya che// zla ba'i dkyil 'khor dbus gnas par// rdorje sbyor bas bsgom par bya// bdag nyid

  716. 359a

    rin chen zhes bya dang / / rin chen thams cad sgrol bar mdzad// thams cad rdo rje bzhin bdag nyid// pri yang ku mdog sngo bsangs 'od// dbang chen dang ni me las byung // phyag na rin chen cher gsal ba/ / rab tu 'bad de bsgom par bya// oM rat+na pA Ni ra mu swA hA/ gsang sngags 'di ni brtson 'grus che// rab tu 'bad de bsgrubs na ni// 'gro ba kun gyi lag tu ni/ rin chen thams cad rab stsol byed// lag na rin po che'i sgrub pa'i thabs so// / chos kyi dbyings dang mtshungs pa'i sems// bdud rtsi'i chu yis rab gang ba// stong gsum zhes ni bsam par bya/ / pad+ma gcig gi steng na gnas// de yi steng du gzi brjid che// chu lha yi ni gzugs kyi mchog/ de skang du yang gsang chen po// me yi dkyil 'khor dam pa ste// de yi steng du brtson 'grus che/ / rtse mo brgya pa'i rdo rje byung // de yi steng du pad chen po// 'dab ma brgya pa 'od gsal ba// de steng rtag tu bsam pa ni// byang chub sems dpa' stobs po che/ rgya mtsho'i blo gros zhes grags pa// 'bar ba'i 'phreng ba 'khrigs pa'i 'od// dung dang kun da zla ba'i mdog/ rgyan rnams kun gyis rnam par brgyan// de yi lag na phyag rgya che// rdo rje dung du rab tu grags/ / rang gi lhag pa'i lha sbyor bas// rang nyid rdo rje yin no zhes// rgya mtsho'i blo gros shes rab che// slar yang gsang sngags bzla bar bya// sngags ni/ oM sA ga ra ma ti sar

  717. 359b

    swAhA/ sngags 'di mchog dang gtso bo ste// shes rab ye shes dri med mdzes// rdo rje'i sbyor bas myangs na ni// shes rab rgya mtsho'i blo gros mtshungs// rang nyid sangs rgyas 'jam pa'i / dbyings// thugs rje 'jig rten dbang phyug rgyal// dngos grub gzhan lta smos ci dgos// rgya mtsho'i blo gros kyi sgrub pa'i thabs so// dbang chen dkyil 'khor lnga gnas pa'i ut+pal sngon po 'dab 'dra'i 'od/ / rdo rje snying po brtson 'grus che// zla ba'i dkyil 'khor dbus su ni// ji snyedas stengs mtha' dag tu// khyab la sdug cing mtho ba yi// sra zhing snying po rnam dag pa'i// mchog gi yi ge 'gyur med pa// sa bcu'i dbang phyug mgon po ni// chos kyi sprin la spyod mdzad pa// bsam yas sA ni yang dag brnyes// in+d+ra nI la mtshungs pa'i 'od/ / de yi sngags gyur mdzes pa ni// yi ge mchog ni steng du 'baro// thugs kar rdo rje cher gsal ba// rang nyid rnam par 'phro ba bzhin// sngags ni/ oM badz+ra gar+b+ha hUM/ 'di ni sngags mchog gtso bo ste// sangs rgyas byang chub rab sgrub byed// ye shes yangs pa stsol mdzad cing // rnam pa kun tu phun tshogs kun// sangs rgyas nyid kun snol mdzad na/ dngos grub gzhan lta smos ci dgos// dgug dang gzhug dang bcing ba dang // dbang du bya ba sgrub par byed// bdag nyid rdo rje yin no zhes// nga rgyal rab tu bskyed nas ni// rdo rje snying po

  718. 360a

    bzhin du gzhan/ / bdag gi rnal 'byor bsgom par bya// thugs kyi rdo rje nyid gyur nas// chos kyi dbyings dang mnyam pa thob// des na rnam pa thams cad kyi// rdo rje snying yang dag byung / / rdo rje snying po mkha' rdo rje// sbyin byed rtse mo drug pas bsgrub// rdo rje snying po sgrub pa'i thabs so// dbang chen med las yang dag byung // nor bu rin chen 'dra ba'i lus/ zla ba'i dkyil 'khor la gnas pa'i// nyi ma'i dkyil 'khor mtshungs pa'i 'od// rin chen 'byung ba sems chen po// 'gro ba snang bar byed de gnas// pad+ma mkha' 'dra'i rnam pa can// phyag rgya de yi snying khar gnas// rin chen sbyor bas bsgom par bya// rin chen char pa 'bab par 'gyur// sngags ni/ oM rat+na kaHhrI rat+na da da swA hA/ rin chen 'byung gnas rgyal po 'di/ mchog rnams kyi ni sa'i dbang phyug/ sbyor ba kun gyis bsgrub par bya// rgya che'i nor rnams stsol bar 'gyur// rin chen 'byung ba'i sgrub pa'i thabs so// de bzhin gshegs pa thams cad kyi snying po rdo rje'i rgyan gyi rgyud chen po las/ sangs rgyas dang byang chub sems dpa' thams cad kyi sgrub pa'i thabs so// // de nas bcom ldan 'das de bzhin gshegs pa thams cad slar yang 'dus te gshegs nas/ / bcom ldan 'das thog ma dang tha ma med pa'i dam pa'i chos kyi 'khor lo bskor ba chen po la gsol ba btab pa/ de bzhin gshegs pa thams cad kyis khro bo

  719. 360b

    bcom ldan 'das skyed du gsol/ de nas bcom ldan 'das khro bo 'khor lo sgyur ba chen pos de skad ces gsol ba btab ma thag kho nar// rdo rje khro bo'i dkyil 'khor gsang ba las ches gsang ba bka' stsal pa/ de nas yang dag bshad bya ba// khro bo yi ni dkyil 'khor mchog/ rlung khams rab tu gsal ba la// me ni dbus nas dbus su'o// de yi dbus su rdo rje che/ 'od zer lnga yi 'phreng bas mdzes// de yi mdun du bya ba yang // mdung rtse 'bar ba chen po yi// de yi g.yas kyi cha ru ni// rdo rje chen po 'bar 'phreng can// g.yon nyid du ni btson che// rig pa'i 'phreng bas rnam par spras// rgyab tu ral gri'i phyag rgya ni// rin chen 'bar bas rnam par brgyan// phyi ngos rnams su rnam khros pa'i// khro bo thams cad dgod par bya// de yi sngags kyi yi ge gsang / / gsang chen mchog tu 'bar ba'o// gzhal du med cing grangs med mchog/ chos dbyings mnyam dang mi mnyam pa// yi ge gcig pa gsang chen po// rgyu yi don du rtogs par byed/ / dbyangs lnga dang ni yang dag ldan// thig le sgra yis rnam par brgyan// de nyid gsang ba'i mgon po ni// dbyangs bdun par ni bshad pa yin// he ru ka dpal rdo rje ma// 'jigs pa'i thal ba mchog tu 'bar// sems dpa' sngon po 'bar ba'i bdag/ 'bar ba'i me yi dkyil 'khor bzhin// 'jig pa chen po'i dus can gyi// char sprin dang ni 'dra ba'i 'od//

  720. 361a

    pad+ma rA ga'i rnam pa 'dra// 'bar ba kun gyis rnam par brgyan// dur khrod me bzhin shin tu yang // gsal ba'i sgra ldan stobs po che// rno ba'i rdo rje cher 'bar ba/ thod pa'i cod pan steng du 'bar// 'jig pa chen po'i dus can gyi// rgod ma kha yi me ltar gnas// smin 'khyog rnam par 'khrug pa can// g.yon brkyang ba yi zhabs kyis bzhugs// khro bo la sogs nyams dang ldan/ / rnam pa sna tshogs 'khrugs pa'i gdong // gar dang sdud par yang dag ldan// 'jig rten snang ba gar mdzad pa// phyag ni brgya phrag stong dang ldan// gcig tu 'gyur zhing rnam pa mang / / rnam snang zhal ldan de dag gi/ sngo ser la sogs tha dad ldan// zhabs kyang rnam pa dum ldan// sna tshogs mdog ldan rnam par 'khrug/ de nyid bcom ldan rnal 'byor te/ / khro bo'i rgyal po stobs po che// shin tu gdug cing drag rnams la// sgyu 'phrul dra ba zhes byar gnas// phyag drug zhal drug snang ba can// zhabs drug pa ste gsus pa che// char hrIn mdog 'dra cher gnag pa/ / dus mtha'i ma dang 'dra bar gnas// mdog chen rgyal po 'khyil pa 'dra// zar ma yi ni me tog mtshungs// khro bo thod pa'i 'phreng ba 'chang // gla shin rje mthar byed stobs po che/ / de la sngags kyang / oM AHhUM phaT/ oM ya ma mtha na hUM phaT/ oM hrIHSh+ThAHbi kri tAn na hUM sarba sha trun na sha ya stAm+b+ha ya hU~M phaT/ sngags kyi rgyal po bdag nyid 'di// khyab bdag

  721. 361b

    gdul dka' 'dul ba po/ / gshin rje mthar mdzad khro bo che// sangs rgyas kun gyi bdag nyid gtso// sangs rgyas thams cad spyan 'dren cing // dbang du yang ni mdzad par gnas// rtag tu gdul dka' 'dul mdzad cing / / rdo rje snang mdzad legs par 'dul// shin tu gdug pa drag rnams la// zhi ba nye bar mi sbyar te// shes rab thabs kyi bdag nyid kyis// de bzhin gshegs rnams khro bor mdzad/ / thugs rje khro bo'i ngang tshul can// 'jig rten gsum yang nges sreg mdzad// de bas 'bad pa thams cad kyis// shes rab thabs kyi bdag nyid sku// thugs rdzas khro bo ma lus mchog/ gdug pa 'dul ba mdzad pa bskyed// gshin rje mthar mdzad kyi sgrub pa'i thabs so// de nyid bcom ldan rnal 'byor te// khro bo gzegs ma zhes su grags/ / dmar po 'bar ba'i khro bo che// 'jig pa chen po'i dus dang 'dra// ut+pal sngon po'i 'dab ma bzhin// de yi kha dog rnam par bsam// drag po chen po zhal bzhi pa// 'bar ba'i 'phreng ba 'khrig pa'i 'od/ / spyan gsum pa la khro gnyer bsnyer// phyag drug pa la mchog tu 'bar// me yi khams dang 'dra ba'i mdog/ li khri'i mdog ltar shin tu 'bar// de yi khro gnyer bsnyer ba yis/ / gdug pa 'dul mdzad 'byin par byed// khro bo'i rgyal po gnyis pa ni// yang dang yang du bsam par bya// ma lus sa rnams thams cad du// son pa'i bdag nyid chen po

  722. 362a

    des 'gugs pa dang ni dbang byed na/ / skye bo gzhan lta spros ci dgos// sngags ni/ oM ka Ni d+ha ni hUM phaT/ khro bo 'di yi sngags 'dzin pa// 'jig rten gsum mchog stobs po che/ / sa rnams thams cad sreg byed na// skye bo gzhan lnga smos ci dgos// khro bo gzegs ma sgrub pa'i thabs so// de nyid bcom ldan nal 'byor te// rdorje sems dpa' de bzhin gshegs/ / pad+ma gar gyi dbang phyug gyur// rta mgrin zhes su bshad pa yin// rtag tu 'char ka'i mdog 'dra ba// rgya skyegs mdog ltar dmar ba po// chu dang gzi brjid can rig pa/ / me yi dkyil 'khor dag dang ldan// 'dod ldan rnams la 'dod pa 'byung // gdug pa can rnams gdugs pa 'byung // zhi ba la yang zhi ba 'byung // stobs ldan rnams la stobs kyis sbyor/ / zhal bzhi pa la zhabs bzhi pa// bsam gtan bzhi dang mnyam por ldan// phyag bzhi pa la brtson 'grus che// seng ge ltar gnas mche ba bzhi// rta mgrin rgyal po chen po ni/ / ngom pa'i dbang phyug bsgrub par bya// skad cig nyid la bslangs nas ni// thams cad slong ba bsgrub par bya// sngags ni/ oM a mri tod+b+ha bod b+ha ba hUM phaT/ oM a mi tong b+ha ba hUM phaT/ g.yas dang g.yon gyi sbyor ba yis// g.yon brkyang ba ni rab tu smra// khro ba'i skyil mo krung byas nas// 'jig rten thams cad rab nyid bya// pad+ma'i dbang phyug rgyal

  723. 362b

    dzakun mchogs yi dbang phyug ste/ / rta yi mgrin pa stobs po che// stobs kyi sbyor bas bsgrub par bya// dbang phyug chen po la sogasaH// tshogs kyi bdag po gzhan dag dang / mi dang gdugs pa'i bsam pa can// sa rnams thams cad dgug par bya// rta mgrin sgrub pa'i thabs so// de nyid bcom ldan rnal 'byor te// gcig pu nyid ni lhag pa'i lha/ shes rab thabs kyi bdag nyid gyur// khro bo mchog tu mi 'gyur ba// kun sbyor bdag gi rnal 'byor gyis// thugs rjes khro bo'i dbang du song // de nas sangs rgyas thams cad kyi// sna yi rtsa mor yid kyis ni/ / g.yo ba med par bsam par bya// slob dpon mi g.yo khro bo che// de bzhin gshegs pa thams cad brtan// ral gri zhags pa 'dzin pa gang // thog ma tha ma med pa'i mchog/ pri yang ku ltar ldang ba'i gzugs// 'khrigs shing byis pa lta bur gnas// ma lus pa yi sa rnams kun// chos dbyings mnyam dang mi mnyam pa// khro bo mngag pa bran dang ni/ po nyas kyang ni rnam par brgyan// skye bo kun gyis yongs su gang // sangs rgyas kun gyi spyan snga na// bka' lung yang ni yongs su sgrol// zad pa'i dus dang 'drar gnas so// sngags ni ramaHsa maN+Da badz+ra NA tsaN+Da ma hA ro/ dam mr-i Ta ya hU~M/ tra ka rbA ma~M/ khro ba'i gzi brjid chen po 'od// gzugs mang mnga' ba stobs po che// 'gro ba thams cad 'grags par byed// dbang duya

  724. 363a

    ni mdzad par gnas/ / rlung dang me las yang dag byung // 'bar ba lta bu'i gzi brjid can// sngags dang phyag rgya sogs kun mchog/ lus dang ngag yid de bzhin no/ / dgug dang gzhug dang bcing ba dang // dbang du byas nas bsgrub par bya// de la sogs pa mtha' yas mchog/ nam mkha'i khams kyi mtha' klas mchog/ khro bo phyag rgya rang 'byung ba/ drag po thog ma tha ma med// rnam par 'phro ba bzhin du gnas// de bzhin gshegs pa thams cad kyi rdo rje snying po rgyan gyi rgyud las/ khro bo'i dkyil 'khor 'di yongs su rdzogs so// de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das la de bzhin gshegs pa thams cad kyi gzungs thams cad kyi dbang phyug gi rgyal po bcom ldan 'das la gsol ba btab pa/ bcom ldan 'das gzungs rnams thams cad kyi dkyil 'khor bskyed par mdzad du gsol// de nas bcom ldan 'das kyis gzungs kyi dkyil 'khor bka' stsal pa/ de nas yang dag bshad bya ba// gzungs rnams kyi ni dkyil 'khor dag/ gru bzhi pa la sgo bzhi pa// rta babs kyis ni rnam par mdzes// thig bzhi dang ni yang ngag ldan/ / dkyil 'khor dam pa rab tu bshad// de yi dbus su pad chen po// lo ma kun gyis shin tu mdzes// nyi shu rtsa lnga'i 'dab pa ldan// rdo rje rin chen legs par brgyan// de yi

  725. 363b

    dbus su rtag bri ba/ / dpag med shes rab pha rol phyin// de yi nye 'khor thams cad du// sna tshogs las ni 'bar rnams la// nyi shu rtsa lnga'i dbye ba yis// shes rab pha rol phyin ma bri// shar gyi 'dab ma nas brtsams te// thog mtha' nyid kyang brtag par bya// phyag rgya'i yi ge ci rigs par// go rims bzhin du rnam par dgod// phyogs cha'i dbye ba tha dad kyis// kha dog dbye ba thams cad du/ / rnam dbye mchog tu sna tshogs pa// chos dbyings mnyam dang mi mnyam pa// de las 'od zer bsam mi khyab// sngo ser la sogs dbye ba yis// shes rab snang ba'i dkyil 'khor gyis/ / 'gro ba thams cad gsal bar bya// 'dus par gyur nas de dag kun// lha nyid kyi ni gzugs ji bzhin// shes rab chen po gzugs chen po// 'bar bcas mdzes pa'i gzi brjid can/ / de yi lte ba'i dkyil du ni// sngags kyi dkyil 'khor kun nas brten// sku ni gser gyi mdog dang 'dra// rgyan rnams kun gyis rnam par brgyan// rang gi ting 'dzin la zhugs/ / du ma'i gzugs kyi gzugs ldan pa// shes rab pha rol phyin ma ni// sems can khams ni rnam sbyong mdzad// kun nas sems can rnams kyi yum// sems can kun gyi thams cad du/ / thams cad lus la mnyam par khyab// sems kyi rgyun bzhin legs par zhugs// zag pa med cing bosam mi khyab// dri ma med cing ngang gis stong // nam mkha' dang ni

  726. 364a

    mtshungs 'dra ba/ / dngos dang dngos med rnam par spangs// thog ma tha ma med cing zhi// chos rnams kun gyi dbang phyug sku// sdig pa kun las rnam par grol// bden pa gnyis la rnam par gnas/ / dam pa dang ni dam pa'i don// chos kyi sku ru de bshad do// dbang po kun kyang rnam par shes// sems can thams cad thams cad du// yid kyi rnam shes zhes su bshad/ / shes rab blo dang blo gros ldan// lhag mthong dang ni ye shes kun// kun nas nyon mongs rnam par byang// rtag dang chad pa'i mtha' dang ldan// mtha' gnyis po ni rnam par spangs/ / kun rdzob dang ni dam pa'i don// rnam pa gnyis su de rab brtags// ji ltar bud shing la brten nas// me yi sa bon gnas pa dang // til la til mar ji bzhin no// bur shing ro bzhin rab tu brtag/ me tog dri ni ji bzhin nam// zhol mar gsar ji bzhin du// rnal 'byor pa yis ye shes srub// bdud rtsi lta bu'i snying po 'byung // gtsub shing dang ni gtsub stan la/ / ji bzhin gtsub pas me 'byung ste// de bzhin ye shes rnal 'byor pas// bsrubs pas yongs su brtag par bya// shes bya'i dkyil 'khor thams cad la// yang nas yang du srub par byed/ / mun pa thams cad rnam sel ba'i// nyi ma'i 'od zer ji bzhin bdag/ nam mkha'i dri ma med brten nas// nyi ma zla ba bzhin du gnas// 'char ba yi ni gsal byed pa// 'bar

  727. 364b

    ba stong phrag gi ni snod/ / mun pa kun 'joms skar ma la// kun nas kyang ni mdzes pa yin// rnal 'byor pas ni ji ltar sems// mkha' bzhin shin tu dri ma med// gzung 'dzin las/ ni nges par grol// mnyam dang mi mnyam dngos po kun// de nas rnal 'byor pa rnams kyis// ye shes nyi zla mtshungs pa'i 'od// shes rab pha rol phyin bsgoms te// gsang sngags 'dis ni bsam par bya/ / rang bzhin gyi ni dag pa'i dngos// rang bzhin med par rnam par gnas// rang bzhin gyis ni 'od gsal kun// gdod nas ma skyes rnyog pa med// yi ge de nyid de lta/ bu/ gnas dang mi gnas rnam par spangs// sde tshan bzhi pa'i gnyis pa la// thig le sgra yi rnam par brgyan// de nyid bcom ldan mgon po ste// shes rab pha rol phyin mar bshad// oM prany+dza swA hA/ oM shru tI smr-i ti bi dza ye swAhA/ sangs rgyas rnams kyi shes rab 'dis// bsam pa thams cad rdzogs par byed// oM yaM/ 'di ni sangs rgyas kun gyi yum// 'di ni 'khor lo rnam par sbyar/ / 'di ni dngos grub thams cad dang // grub pa 'di ni byed par gnas// bstan bcos rab tu 'chad byed dang // shes bya thams cad khyad par du// thams cad mkhyen pa'i chos rnams kun/ / dbang phyug dam pas shes par 'gyur// shes rab kyi pha rol tu phyin ma'i sgrub pa'i thabs so// / shes rab pha rol phyin gnyis pa// rdzu 'phrul chen po mkha'

  728. 365a

    dang mnyam/ / gser gyi mdog can 'bar ba can// zla ba'i gdan la legs par bzhugs// brtson 'grus chen po bsam gtan bya// sngags kyi yi ge rnam par brgyan/ / mchog tu rnal 'byor ma rnams kyis// sangs rgyas spyan zhes btags pa yi// de yi gsang sngags rab bshad bya// nyon cig sa rnams 'dod pa rnams// sngags ni/ oM ru ru / sU ru dz+wa la tiSh+Tha sid+d+ha lo tsa ni sarba ar+tha sA d+ha ni swAhA/ 'di de mchog tu gsang ba ni// rnal 'byor ma la mchog tu bshad// dbang chen yi ge'i mthar thug pa// bsgoms pas dge ba rab tu ster// chos kyi phyag rgya 'di shin tu// sems can thams cad dbang du byed// dpung dang bcas pa myur bkug ste// bran du gyur nas nye bar gnas// phyag rgya gcig pa'i lha mo che// rol cing g.yo ba'i zhal mnga' ba/ / sgeg pa la sogs nyams dang ldan// rol cing snang ba'i gar mdzad pa// sangs rgyas spyan ni 'grub par 'gyur// mig gi phyag rgya rab tu sbyar// mig gi phyag rgya 'di shin tu/ / 'jig rten gsum yang gar byed do// sangs rgyas spyan gyi phyag rgya'i sgrub pa'i thabs so// // chu yi dkyil 'khor dgyes pa na// bcud kyis len dang mtshungs pa'i mchog/ mtha' yas rgyas shing yangs pa yi// dri ma med pa'i mkha' la gnas// dkyil 'khor de yi dbus su ni// lha mo mchog tu mdzes pa mo// 'dam bu mnga' rgyu'i mdog ltar

  729. 365b

    dkar/ / grub ma ral pa'i cod pan 'chang // 'gro ba mtha' dag snang mdzad ma// rtag tu nam mkha' bzhin du gnas// sngags ni/ oM ka Te bi ka Te ka T+wA~M kaT+Te swAhA/ gos dkar mo yi phyag rgya ni/ / dung dang kun da zla ba 'dra// sngags kyi yi ge 'phreng ba che// pad+ma'i rgyal po rab tu gnas// 'gro ba mtha' dag sdang mdzad na// sgrub pa pos ni bsgrub par bya// dam pa'i lha mo 'grub par 'gyur// pad+ma'i dkyil 'khor sgrub pa'i thabs// zhi ba'i ro dang yang dag ldan// zhi ba'i yi ge mnyam par ldan/ zhi bar mdzad cing 'jig rten gyi// sa gsum sgrub par byed pa'i thabs/ gos dkar mo'i sgrub pa'i thabs so// sngo bsangs dkar mo sna tshogs gzugs// rnam pa sna tshogs rgyan gyis brgyan// zla ba'i dkyil 'khor dbus gnas pa// sgeg pa'i nyams kyis yongs gang ba/ / 'gro ba mtha' dag skyob mdzad ma// thugs rje'i thugs dang ldan pa can// rab tu 'bad de bsgrub par bya// rol pa yi ni yi ge mchod// sngags ni/ oM tA re tut+tA re tu re swA hA/ chos kyi phyag rgya mtha' yas mchog/ sgrol mas legs par rab tu gnas// gsang chen bzhin du thams cad la// bcud kyis len dang 'dra ba'i mchog/ kun tu kun tshe thams cad du/ / dngos grub thams cad stsol bar mdzad// sgrol ma'i sgrub pa'i thabs so// / dkyil 'khor chen po'i dbus su ni// rnal 'byor dbang phyug chen mo mchog

  730. 366a

    phyag bzhi spyan ni gsum pa dang / / ral pa'i cod pan ngag gis gnas// 'dam bu mda' rgyu'i mdog ltar dkar// dpa' ba la sogs nyams kyis brgyan// brtson 'grus chen mo 'jigs sel ma/ / zla ba'i dkyil 'khor dbus gnas par// rab tu 'bar ba'i me bzhin du// shin tu gsal ba'i gzi brjid can// hUM gi yi ge zab mo'i sgra// sa gsum po ni 'khrug par mdzad/ / khro gnyer can zhes legs par grags// sngags kyi 'phreng bas rnam par brgyan// sngags ni/ oM b+ha ya nA sa ni trA sa ni trA se/ tra sa ya/ b+h+r-i ku Ti ta DI twe tA Di be ra shwa te sheH dzadziTi ni/ oM Tak+ki hUM dzaHswA hA/ gsang sngags 'di ni brtson 'grus che// gsang sngags kun gyi ba gnyid mchog/ 'gro ba kun kyang 'gugs byed na// gdug pa'i sems lta smos ci dgos// khro gnyer can gyi sgrub pa'i thabs so// nyi ma'i dkyil 'khor dbus gnas par// zla ba'i dkyil 'khor rdo rje ldan// rdo rje'i 'phreng bas yongs su bskor// gzi brjid dkyil 'khor kun nas dkris/ / der gnas rtag tu lha mo ni// stobs chen pri yang ku ltar ldang // phyag bzhi par de bsam par bya// rgyan rnams kun gyis rnam par brgyan// rnal 'byor ma rnams cher zhig/ dngos grub thams cad rab stsol ba// sngags kyi yi ge 'phreng ba che// rdo rje'i dbus song rab tu gnas// khro bo hUM mdzad gang ba'i mtha'// dpa' ba'i nyams la sogs par ldan// lha mo

  731. 366b

    'jig rten gsum rmongs byed/ / dngos grub chen po rab stsol ma// skad cig tsam gyis 'gro ba kun// nges par dbang du byed par 'gyur// rdo rje'i rlung gi 'phreng ba che// rdo rje'i 'khor lo rab tuganas/ / 'jig pa chen po'i me ltar drag/ snang ba chen mo stobs mo che// pad+ma rA ga'i rnam pa 'dra// rdo rje 'bar bas rnam par brgyan// mtshan ni mA ma kI zhes bya// lha mo 'jig rten gsum gyis mchod/ / sngags ni/ oM kA la d+hA tri ya na ma/ shaM ka rA/ shAn+tiM ka re/ g+hun+da g+hun+na g+hun+da ni/ g+hA ta ya g+hu Ti ni swAhA/ oM ku lan d+hA ri/ ban d+ha ban d+ha hU~M phaT/ gsang sngags 'di ni don gyi mchog/ sangs rgyas kun gyis gsungs pa yin// sa gsum po ni 'gugs byed cing // tshangs pa la sogs lha rnams kun// 'gro ba thams cad 'gugs byed la// rang gi dbang du gnas pa'ang yin/ mA ma kI'i sgrub pa'i thabs so// rlung gi dkyil 'khor drag po la// rdo rje lu gu rgyud kyis bskor// de yi dbus su snang ba che// zla ba'i gzugs kyis rnam par brgyan// des spros pa las bdag nyid ni// rdo rje lu gu rgyud kyi sku// phyag bzhi ma la lha mo de// rdo rje yi ni rgyun gyis brgyan// dmar po 'bar ba de yis ni// sa gsum po ni 'ching bar mdzad// tshangs pa khyab 'jug dbang phyug che/ / bkug nas dbang du mdzad par gnas// dngos grub thams cad 'dzin pa dang // de yi thugs kar rdo rje che// 'bar ba'i 'phreng ba 'khrigs pa'i 'od//

  732. 367a

    'bar ba lcags sgrog gi/ rnam pa rdo rje'i mtshan mas mtshan// nges par phyung nas de dag kun// chos dbyings mnyam dang mi mnyam pa'i// 'jig rten khams ni mtha' dag tu/ / kun nas rnam par bkang nas kyang // bsgom bya rdo rje thams cad du// khro bo dang ldan spro ba'i zhal// lto ba 'phyang zhing sku che ba// mche ba bzhi yis rnam par brgyan// 'bar ba / yi ni 'phreng ba gsal// gzugs mdzes drag po'i gzugs dang ldan// sngags ni/ oM badz+ra shri kha lA ya d+hi pa ta ye/ ma hA ba lA ya/ ma hA bi tA rA dzA ya tA pra dz+wa li tA/ ha s+thu ya na mo nI la kar+N+Na ya ki rA ta rU pa lam+bo da rA ya/ b+h+r-i ku TI mu khA ya/ mA dzA ra mu khA ya/ mA dzA ra mu khA ya/ tsa tu daMSh+Ti kA rA lA yA/ e t+ye he a s+ya sha rA ri/ ma nu pra ba sh+tsa/ shi r-i gr-ih+Na grI bA gr-ih+NA ha staM pa daM gr-ih+na bi Sha/ A be sha yA/ ka pa ya/ kaM pa ya/ b+h+ra ma ya b+hU ma ya/ maN+Da la ma d+h+ya/ bi rgurba bi rgurba/ tsur+t+ta tsUr+d+ha kuT+Ta kun+da/ s+pho Ta ya s+pho Ta ya/ maR+YArtA/ ni krim+b+haH hr-i da ya/ ts+tshin+da/ ba lA ba la/ kiny+tsa rA ya si/ de ba/ nA ga/ yAMk+Sha/ rAk+Sha sa pi shA tsAn sA d+ha ya/ sa ma ya ya ma nu smA rau/ dzA ti ma nu smai ra hA hA/ ni d+h+r-i nid+d+hi/ ni shi ni shi/ badz+ra shri ba la/ A dz+nyA pa ya ti swAhA/ oM badz+re re Ni hUM phaT/ oM badz+re Ni hU~M phaT/ oM badz+ra kA li hU~M phaT swA hA/ gsang sngags 'onga'i myor ba yis// bcud kyis len ni bde ba dang // 'gro ba

  733. 367b

    thams cad 'bas pa dang / / gdug pa rnams ni 'ching ba dang // tshangs pa la sogs lha rnams dang // lha dang lha min lto 'phye che// 'jig rten skyong dang klu rnams kyang // rang gi gnas nas bskyod nas ni/ / grub pa kun gyi dngos grub ni// dngos grub 'gugs par 'dod pa yis// thams cad gus pas sbyin par byed// bud med gzugs kyis bsgrub par bya// rdo rjel gu rgyud mo'i sgrub pa'i thabs so/ / / zla ba'i dkyil 'khor dbus gnas par// pad+ma dmar po rab tu garas// phyag bzhi pa la du ma'i gzugs// dung dang kun zla ba 'dra/ thugs kyi rdo rje'i de nyid yin// rdo rje'i dkyil 'khor dbus su ni// zhi ba la sogs nyams dang ldan// chos rnams kun gyi bdag skyes mchog/ rnal 'byor pas ni rtag tu sgom// sangs rgyas bye ba yang dag 'byung / / dar bdag yang dag sgo ba ni// skul byed ma zhes yongs su grags// sngags kyi 'phreng ba'i yi ge ldan// kun nas rnam par 'phro byed pa// nam mkha'i khams ni yongs gang bya/ / ji srid de yi spyod yul yang // de srid de yi 'od zer bsgoms// rnal 'byor ye shes kyis rab sprul// sngags ni/ oM tsa le tsu le tsun+de swA hA/ 'di yi sngags kyi mchog gtso bo/ / sangs rgyas kun gyis mchod pa po// mtshungs pa med pa'i dngos grub ster// lnga dang lha min bcas pas mchod// 'di yis sdig kun 'dzad byed cing // phur sum tshogs

  734. 368a

    kun rab stsol mdzad/ / pad+ma'i phyag rgya yang dag ldan// sangs rgyas nyid kyang ster byed pa'o// skul byed ma'i sgrub pa'i thabs so// / gsang ba mchog gi dgyes pa na/ / thams cad bdag nyid rtag tu bzhugs// sangs rgyas kun bdag dgyes pa ni// rdo rje sems dpa' bde ba'i mchog/ 'di ni rang byung bcom ldan 'das// gcig pu nyid ni lhag pa'i lha/ / sangs rgyas kun dang mnyam sbyor ba// mkha' gro ma yi dra ba'i sdom// 'dod chags med cing chags bral med// dbu mar dmigs par mi 'gyur ro// bud med kun gyi sgyu ma'i rgya/ / 'di ni gnyis med theg pa'i mchog/ sgyu ma dag ni thams cad las// bud med sgyu ma khyad par 'phags// nus pa yi ni rang bzhin gyis// rang bzhin nyid kyis de grub bo 'jig rten gsum gyi bud med 'dis/ / bskur bar bya ba 'os pa yis// ngan spyod rnams kyis kyang 'grub ste// rnyed pa kun dang bde dang spro// thams cad bud med sgyu mas 'grub// rang gi ngo bo yongs bsgyur ba// sna tshogs sgyu ma'i phyag rgya 'dis// shes rab pha rol phyin mar bshad// kun la sna tshogs phyag rgya ni// kun la sna tshogs sdom pa yis// sangs rgyas kun dang mnyam par sbyor/ / stong pa nyid kyi de nyid bskul// kun la kun nas thams cad du// rnam kun kun tshe rang nyid kyi// sangs rgyas thams cad brtan dang g.yo// thams cad dngos

  735. 368b

    po rang nyid 'gyur/ / sems dang sems can ting 'dzin dang // byang chub spyod pa sna tshogs nyid// sa dang pha rol phyin spyod pa// dbang nyid du yang de bshad do// bdud dang bdud lhas rgyal ba nyid/ / sangs rgyas rdo rje de bzhin gshegs// thog mA tha ma med zhi ba// byang chub sangs rgyas bcom ldan de'o// rdo rje rdo rje 'dzin pa nyid// pad+ma de bzhin pad+ma 'dzin/ / nor bu nor bu 'dzin pa nyid// sna tshogs de bzhin sna tshogs 'dzin// ral gri ral gri 'dzin rgyal po// 'khor lo de bzhin 'khor lo 'dzin// 'jig rten gsum rgyal nyid dang ni/ 'di rnams kyi yang rigs nyid 'gyur// de nyid chags dang chags bral ba// 'dod dang thar pa ru yang 'gyur// dus gsum dang ni srid gsum mchog/ 'jig rten gsum dang khams gsum pa/ / brtan pa thams cad de nyid de// rnam pa sna tshogs nyid du 'gyur// g.yo ba kun nas sna tshogs pa// thams cad du ni de 'gyur ro// de la sogs pa mchog gi mchog chos dbyings mnyam dang mi mnyam pa/ / nam mkha'i khams kyi mtha' klas pa// dngos po kun tu de 'gyur ro// de nyid bcom ldan rnal 'byor te// gcig pu nyid ni lhag pa'i lha// nam mkha kun gyi skabs na dpal/ / rdo rje sems dpa' de bzhin gshegs// dpal ldan sgyu ma chen po 'chang // rnam snang rtag pa thams cad du// rnal 'byor dbang phyug gtso chen khyab// sangs rgyas

  736. 369a

    'khor lo can mi bskyod/ / tshe dang rin chen 'byung stobs che// tshe dpag med pa kun nas mchog/ don yod sna tshogs mdzad pa dang // rdo rje sems dpa' blta na sdug dgug pa mchog gi sbyor ba dang / / logs par mdzad pa de nyid yin// rin chen sgrol ma de bzhin tog/ rdo rje bzhad pa snang ba che// rdo rje chos dang rno ba che// sgyu dang smra mchog bdud rtsi dang / las dang go cha gnod sbyin che// khu tshur de bzhin gshegs pa kun// de nyid bcom ldan rnal 'byor 'di// rdo rje sems dpa' stobs po che// rdo rje hUM mdzad hU~M mdzad dang / rta mgrin zhes ni rnam par grags// he ru ka dpal rdo rje che// mchog gi dbang phyug gshin rje gshed// khro bo gzegs ma snang ba che// rdo rje ma ni 'od chen po// gzungs rnams kyi ni mchog gcig pu/ / ting nge 'dzin las dbang sgyur ma// shes rab pha rol phyin mchog gtso// sa dang pha rol phyin pa stobs// tshangs pa'i gnas pa chen po bzhi// dbang ni mchog tu 'bar ba dang / / dran pa nye bar gzhag pa bzhi// dbang po rnam dang stobs rnams dang // rjes dran drug por gyur pa gang // bsgom par bya bar rab tu gnas// de nyid bcom ldan gcig pu nyid// byang chub yan lag bdun btags pa// mtha' gcig yongs su rdzogs par 'gyur// sum cu rtsa gnyis mchog gi mtshan// 'jig rten 'das pa'i lam po che// 'phags lam yan lag

  737. 369b

    brgyad btags pa/ / stobs bcu yi ni bcu pa nyid// sangs rgyas chos kyi bdag nyid gnas// byang chub phyogs kyi chos chen po// rnam par dbye ba sum cu bdun// mthar gyis gnas pa'i snyoms 'jug ni/ / dgu la gnas par gyur pa dang // bsdu ba'i dngos po chen po bzhis// sems can bsdu bas bsdus pa dang // so so yang dag rig pa bzhi// de bzhin srung ba mi mnga' ba/ / skal pa chen po'i mi 'jigs pa// mchog tu gyur pa nyid dang ni// bsam gtan gzugs med bzhi phrag gnyis// tshad med pa yang de bzhin no// byang chub sems kyi spyod pa dang / / bden pa bzhi ni ston pa po// kun nas nyon mongs rnam par byang // zag bcas zag pa med pa'i mchog/ de nyid bcom ldan rnal 'byor te// dbang phyug mchog gi dbang phyug dang / / skye dgu'i bdag po skye dgu'i mgon// mchog gi bdag nyid ces su brjod// kun rdzob brjod pa thams cad dang // sgra rnams kyi ni spyod yul 'gyur// brjod du med cing spros pa bral/ / stong pa mkha' mnyam mtshungs pa med// tshig mtha' sgra yis rnam dgod pa// 'jig rten tha snyad tshul du rtogs// de tshe lus sogs dbye ba yis// sa rnams kyis ni yongs su brtags/ / sku ni sprul pa nyid du 'gyur// longs spyod rdzogs pa yang dag brnyes// rdo rje'i sku dang de bzhin du// ye shes sku sogs yongs su brtags// mtha' yas sku dang chu

  738. 370a

    chen po/ / rin chen su ni 'od byed pa// pad+ma'i sku ni snang ba che// thams cad spya ni las bzang byed// rtogs par bya ba las kyi sku// rnam pa gsum du'ang b ar bya/ / de nyid bcom ldan rnal 'byor te// byang chub sems ni 'od gsal ba// kun tu 'od kyi sa chen po// nyi ma'i dkyil 'khor gzi brjid ldan// gnyis pa bdud rtsi'i 'od ces bya/ zla ba'i 'od ni 'od gsal ba// gsum pa nam mkha'i 'od ces bya// mkha' bzhir legs par rab tu gnas// rdo rje 'od mtha' gang zhigs// bzhi pa de ni yid 'ong ba/ bsam pa brtan pa'i sbyor ba yis// rdo rje zhes ni yongs su bsgrags// lnga pa rin chen 'od ces bya// dbang bskur bar ni rab tu gnas// drug pa pad+mo 'chang zhes bya// pad bzhin rab tu rnam par snang / / rang bzhin gyis ni chos nyid dag/ bdag po med cing yongs bzung med// bdun pa las kyi 'od ces bya// sangs rgyas 'phrin las mdzad pa che// brgyad pa dpe med pa zhes bya/ / dpe ni de la yod ma yin// dgu pa dpe dang bral zhes bya// dpe rnams thams cad rab 'jug pa// bcu pa shes rab 'od ces bya// sangs rgyas sa ni bla ma med// bcu gcig kun mkhyen nyid ces bya// sa chen po ni 'od gsal ba// bcu gnyis so sor bdag rig pa// rnal 'byor ye shes yongs rdzogs nyid// sa chen po ni 'di dag rnams/

  739. 370b

    sangs rgyas rnams kyis don dam du// sangs rgyas dang ni sangs rgyas chos// rnal 'byor ye shes gang brjod pa// thams cad nyid ni mtha' yas mchog/ chos dbyings mnyam dang / mi mnyam pa// de bzhin gshegs pa thams cad kyi rdo rje snying po rgyan gyi rgyud chen po las/ sngags kyi de kho na nyid do// / de nas bcom ldan 'das de bzhin gshegs pa thams cad kyis/ bcom ldan 'das thog ma dang tha ma med pa chos kyi 'khor lo chen po bskor ba rnal 'byor gyi dbang phyug chen po la gsol ba btab pa// de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig gi de ma thag nyid du/ de bzhin gshegs pa thams cad mnyam pa nyid du dmigs pa rdo rje zhes bya ba'i ting nge 'dzin la mnyam par bzhag nas/ / mnyam par bzhag pa'i de ma thag tu yang bcom ldan 'das de bzhin gshegs pa thams cad kyi thugs rdo rje la rjes su bcug nas/ bcom ldan 'das rnam par snang mdzad kyi lus dang / ngag dang / yid mnyam pa nyid du byin gyis brlabs nas rnam par bzhugs so// de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi skur bdag nyid rtogs nas ting nge 'dzin las bzhengs te/ 'jam dpal gzhon nur gyur pa la 'di skad ces bka' stsal to// 'jam dpal de bzhin gshegs

  740. 371a

    pa thams cad kyi theg pa chen po mngon par rtogs pa zhes bya ba'i dkyil 'khor chen po yod do zhes gsungs nas cang mi gsung bar bzhugs par gyur to/ / de nas 'jam dpal gzhon nur gyur pa de bzhin gshegs pa thams cad kyi byin gyi rlabs kyis stan las langs te/ bla gos phrag pa gcig tu gzar nas/ bcom ldan 'das kyi spyan sngar pus mo g.yas pa'i lha nga sa la btsugs te/ thal mo sbyar nas btud de 'di skad ces gsol to// bcom ldan 'das bstan du gsol/ shes rab kyi pha rol tu phyin pa dang / thabs kyi theg pa chen po mngon par rtogs pa zhes bya ba'i dkyil 'khor chen po gang du zhugs pas/ sems can thams cad thabs chung ngus de bzhin gshegs pa thams cad kyi mchog gi dngos grub thob par 'gyur ba bka' stsal du gsol/ de nas bcom ldan 'das rdo rje rnal 'byor gyi dbang phyug chen pos/ 'jam dpal gzhon nur gyur pa la bka' stsal pa/ 'jam dpal legs so legs so// 'jam dpal khyod gang slar yang de bzhin gshegs pa thams cad kyi dam tshig la rjes su zhugs pa ni 'jam dpal khyod legs so legs so/ / de legs par rab tu nyon la yid la zung zhig dang theg pa chen po mngon par rtogs pa zhes bya ba'i dkyil 'khor chen po bshad par bya'o/ / de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi rdo rjes byin

  741. 371b

    kyis chu pa zhes b+hA ba ting nga 'dzin la snyoms pasgrugs nas/ dam tshig nan pod+harnam m+b+ha bya tshol theg pa chen po mngon par rtogs pa nas bya ba'i dkyi 'khor 'di bka' stsam pa/ denas dkyil 'khor chen po mchog/ yang dag rab tu bshad bya ba// dam tshig chen po rdo rje mchog/ snying po chen po'i rgyan ces bya// gru bzhi pa la sgro bzhi pa// rta babs bzhis ni mdzes par byas/ / thig bzhi dang ni mnyam par ldan// 'od zer 'bar bas 'khrigs pa'i 'od// rdo rje snying po yongs bskor ba// byang chub shing gis nye bar mdzes/ dkyil 'khor grwa rnams dang // sgo dang sgo khyud mtshams rnams su// rdo rje rir chen rnams kyis sbas// rdo rje pad+ma thams cad la// las kyi rdo rje thams cad du// 'bar ba'i 'phreng ba 'khrigs pa'i 'od/ / dril bcas sna tshogs mchog dang ldan// rgyal mtshar bsgreng ba rlung bskyod pa'i// gos dang me tog chun pos spras// zla ba phyed pas nye bar mdzes// ral gri rdo rje ut+pa la// lcags kyu la sogs sna tshogs brgyan// chu yis dkyil 'khor yongs bskor ba// khor yug bzhin du rnam par gnas// de la'ang sgo dang sgo khrung sogs mkhas pa yis ni spo bar bya/ / de yi nang du bri bar bya// 'khor lo chen po rab tu gnas// cha brgyad kyis ni yongs su bskor// dkyil 'khor legs par rnam par spras//

  742. 372a

    rdo rje'i thig gis yongs su bskor// rdo rje'i 'khor lo cher 'ab ba// de yi dbus su snying po che/ rdo rje'i snying po zhes sra bshA // de yi steng du rdo dzaH/ rdo rje pad+ma rab tu gnas// pad+ma'i steng du rdo rje che// 'khor lo'i dkyil 'khor dag gis brgyan// dung dang kun da zla ba dkar// sangs rgyas kun gyi gdan du bshad// de yi sted du legs bzhugs bya/ / khyab bdag rnam par snang mdzad che// zla ba'i mdog ldan 'dzum bcas pa// ting 'dzin ldan gnas sdig pa bcom// rdo rje'i 'brang bas rnam par spras/ sna tshogs 'bar bas 'khrigs pa'i 'od// rin chen chen po'i 'phreng ba ches// smras pa rnam par dgod par bya// de sngags rtag tu shes bya ba// yi ge yi ni mchog gtso bo// sha sa'i sde pa gsal byed ni/ / mchog gi dbang phyug rgyu gcig pu// drug pa'i dbyangs kyis legs gsal ba// thig le nA das legs par brgyan// rten cing 'brel 'byung 'khor lo yi// don can rab tu bskyang bar bya/ / de nyid bcom ldan rnal 'byor can// gcig pu nyid ni lhag pa'i lha// chos kyi sku ni ye shes che// rdo rje rnal 'byor dbang phyug bshad// de nas yang de bzhin gshegs pa mi bskyod pa dang / ye shes kyi 'od zer dang // de bzhin gshegs pa spyan ras gzigs dbang phyug gi rgyal po dang / de bzhin gshegs pa rdo rje rnam par gnon pa dang

  743. 372b

    debazhin gshegs pa thams cad kyi sku dang / gsung dang / thugs rdo rje nyid du rang gis bdag nyid byin gyis brlabs te/ bcom ldan 'das de bzhin gshegs pa shAkya thub pa'i phyogs thams cad mnyam pa nyid du dmigs nas phyogs bzhir 'khod do/ / dbang chen dkyil 'khor mi bskyod pa// me yi dkyil 'khor ye shes 'od// chu yi dkyil 'khor 'od dpag med/ / rdo rjes rnam gnon rlung dkyil 'khor// de nas bcom ldan 'das byang chub sems dpa' chen po kun tu bzang po'i dam tshig las 'byung ba sems dpa' byin gyis rlob pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi theg pa chen po mngon par rtogs pa zhes bya ba/ de bzhin gshegs pa thams cad kyi rdo rje'i snying po rgyan gyi snying po 'di nyid kyi thugs ka nas phyung ba'o/ / oM badz+ra satwa/ de nas 'di rnam par phyung ba tsam gyis de bzhin gshegs pa thams cad kyi thugs ka nas rdo rje'i 'od zer rnams phyung ste/ rdo rje'i 'od zer de rnams kyis 'jig rten gyi khams thams cad snang bar byas te gsal bar gyur nas/ de nas rdo rje'i 'od zer de rnams kyis 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyi skus 'jig rten gyi khams rnams su gshegs nas/ 'jig rten gyi khams thams cad snang bar mdzad de/ sems can thams

  744. 373a

    cad kyi don bya ba mngon par rdzogs nas/ slar yang gcig tu 'dus te byang chub sems dpa' chen po kun tu bzang po'i skur gyur nas/ bcom ldan 'das rdo rje rnal 'byor gyi dbang phyug chen po'i rdo rje snying po'i thugs kar gnas te ched du brjod pa 'dis ched du brjod pa/ e ma'o rdo rje snying po bdag/ sangs rgyas ye shes bla na med// snying po ye shes rnam dag pa/ / rdo rje sems dpa' nyid gyur nas// byang chub sems dpa' brtan bskyed de// sangs rgyas ye shes bla na med// gang zhig brtan phyir lus min yang // sangs rgyas sku nyid du 'gyur ro/ / de nas rdo rje'i sku byang chub sems dpa' chen po bcom ldan 'das kyi thugs ka nas 'thon te/ bcom ldan 'das mi bskyod pa'i nye 'khor thams cad rnam pa bzhis phye ste dkar po/ / ser po/ dmar po/ ljang khu'i mdog tu mngon par sprul nas rang gi sngags kyi yi ges zla ba'i dkyil 'khor la brten te gnas par gyur to// dgug pa'i ting nge 'dzir ri/ oM badz+ra rA dzaH/ rjes su chags pa'i ting nge 'dzin ni/ oM badz+ra rA ga/ de bzhin gshegs pa thams cad la legs par mdzad pa'i ting nge 'dzin ni/ oM badz+ra sa d+d+ha/ de bzhin du rin chen 'byung ldan gyi dkyil 'khor la dbang bskur ba'i ting nge 'dzin ni/ oM badz+ra rat+na/ nyi ma'i dkyil 'khor gyi ting nge 'dzin ni/ oM badz+ra te dza/ de bzhin gshegs pa thams cad kyi nam mkha' mdzad

  745. 373b

    kyi ting nge 'dzin ni/ oM badz+ra ke tu/ de bzhin gshegs pa thams cad kyi bzhad pa chen po'i ting nge 'dzin ni// oM badz+ra hA sa/ de bzhin du 'od dpag med pa'i dkyil 'khor yang thugs rje'i nga nge 'dzin ni/ oM badz+ra d+harmA/ shes rab kyi pha rol tu phyin pa'i ting nge 'dzin ri// oM badz+ra trAk+Shi/ dam pa'i chos kyi 'khor lo'i ting nge 'dzin ni/ oM badz+ra ha tu/ de bzhin gshegs pa thams cad kyi sems dpa' smra ba'i tIng nge 'dzin ni/ oM badz+ra b+hA Sha/ de bzhin du rdo rje don yod pa'i dkyil 'khor la/ las sna tshogs pa'i ting nge 'dzin ni/ oM badz+ra karma/ brtson 'grus kyi pha rol tu phyin pa'i ting nge 'dzin ni/ oM badz+ra rak+Sha/ de bzhin gshegs pa thams cad kyi khro bo'i ting nge 'dzin ni// oM badz+ra yak+Sha/ de bzhin gshegs pa thams cad kyi sku dang gsung dang / thugs khu tshur bcings pa'i ting nge 'dzin ni/ oM badz+ra san+ni/ de ras bcom ldan 'das rnam par snang mdzad de bzhin gshegs pa thams cad kyi ye shes kyi phyag rgya'i dam rig rdo rje dbyings kyis byin gyis brlabs pa zhes pa'i ting nge 'dzin la snyoms par zhugs te/ nyid kyi thugs ka nas 'di phyung ngo // oM badz+ra d+hA tu hUM/ rang gi rig pa mchog ni/ oM badz+ra d+hU tI shwa ri hUM badz+riH/ de nas de bzhin gshegs pa mi bskyod pas de bzhin gshegs pa thams cad kyi rdo rje sems dpa'i dam tshig ye shes kyi phyag rgya'i dkyil 'khor byin gyis brlabs pa zhes

  746. 374a

    ba'i ting nge 'dzin la snyoms par zhugs te/ nyid kyi thug kA nas rang gi rig pa mchog 'di phyung ba/ oM a ko b+h+yaHaM/ oM dz+nyA na muSh+Ti tsid+d+ha badz+re badz+ra Ni hUM/ de nas d e bzhin gshegs pa'i 'od zer gyis de bzhin gshegs pa thams cad kyi rdo rje rin po che'i dam tshig gi ye shes kyi phyag rgya'i dkyil 'khor gyis byin gyis brlabs pa zhes bya ba'i ting nge 'dzin la snyoms par zhugs nas/ nyid kyi thugs ka nas rang gi rig pa mchog 'di ba ka stsal pa/ oM rat+na saM b+hA ba tAM/ oM badz+ra dz+nyA na gar+b+ha ti hUM/ de nas de bzhin gshegs pa 'od dpag tu med pa de bzhin gshegs pa thams cad kyi rdo rje chos kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ nyid kyi thugs ka ras rang gi rig pa mchog 'di bka' stsal pa/ oM a mi tA b+h+ya hrIHoM badz+ra d+ha ri Ni hUM/ de nas de bzhin gshegs pa rnam par gnon pas de bzhin gshegs pa thams cad kyi rdo rje las kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ / rang gi rig pa mchog 'di bka' stsal pa/ oM a mo g+ha sid+d+hi aM/ oM badz+ra ma hA ba le hUM/ de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyi yul la rnam par gzigs shing / de bzhin gsheg

  747. 374b

    pa thams cad mnyam pa nyid rnam par spros pa'i snying po 'di bka' stsal pa/ oM sarba ta thA ga ta sa ma twa dz+nyA na badz+ra hUM/ de nas de bzhin gshegs pa thams cad kyi snying po 'di dag bshad pa tsam gyis de bzhin gshegs pa thams cad kyi dkyil 'khor thams cad mthong bar gyur to/ / de nas phyag ni rdo rjes de bzhin gshegs pa thams cad kyi snying po'i bdag nyid rtog na rdo rje mnyam pa nyid spros pa'i snying po bka' stsal pa/ oM badz+ra sa ma tA dz+nyA na bud+d+ha hUM/ de nas 'di bshad pa tsam gyis de bzhin gshegs pa thams cad kyi snying po rnams phyag na rdo rjer mthong bar gyur to/ de nas phyag na rdo rje'i thugs ka nas chos thams cad mnyam pa nyid spros pa'i snying po 'di phyung ngo // oM sarba d+harma sa ma tA dz+nyA na badz+ra hUM/ de nas 'di rnam par phyung ba tsam gyis kyang slar yang phyag ni rdo rje'i thugs kar de bzhin gshegs pa thams cad kyis dkyil 'khor thams cad byin gyis brlabs pa mdzad nas/ dkyil 'khor thams cad du 'khod pa mthong ngo // de nas de bzhin gshegs pa de dag thams cad kyi thugs ka nas de bzhin gsheg pa thams cad mnyam pa nyid spros pa'i snying po 'di phyung ngo / / oM sarba satwa sa ma hA pra pany+tsa bud+d+ha hUM/ de nas 'di phyung ba tsam gyis de bzhin gshegs pa thams cad kyi thugs ka nas phyag na rdo rje rnam par byung ste/ slar yang de bzhin gshegs pa thams cad kyi spyan sngar gnas nas bka' nod cing 'khod do// @#

  748. 375a

    ldan de bzhin gshegs pa kun/ / bdag gis ji ltar bsgrub par bgyi// de bzhin gshegs pa thams cad kyis bka' stsal pa/ de bzhin gshegs pa thams cad kyi dkyil 'khor rnams la byin gyis rlob par byos shig/ de de bzhin no zhes gsol nas/ bcom ldan 'das rdo rje sems dpa' de bzhin gshegs pa thams cad kyi thugs ka nas dkyil 'khor thams cad byin gyis brlabs te brtan par gyur nas/ rdo rje sgeg mo la sogs pa'i lha rnams phyung ste/ lha mo de rnams dkyil 'khor thams cad kyi grwa rnams su de bzhin du rnam par gnas so/ / sgo rnams su sgo skyong ma rnams dang / mtshams rnams su gzugs dang / sgra dang / dri dang / ro dang / reg bya rnams bshad do// de dag gi sngags su gyur pa ni/ au badz+ra me g+he TaM TaM/ 'khor lo'i mtshams su gzhag par bya'o// oM sne ha badz+ri Ni haM/ oM sha rang badz+ra aM aM/ oM badz+ri Ni kI li kI li hUM/ de bzhin gshegs pa thams cad dgyes pa chen po'i mchod pa/ phyi'i dkyil 'khor grwa dang mtshams rnams dri rdo rje la sogs pa'i lha mo rnams/ de bzhin gshegs pa'i nye bar gnas par dgod par bya'o// oM badz+ra gan+d+he hUM/ oM ma d+hu bidziH/ b+h+rUM g+h+raM/ oM ma rod b+ha ba badz+ri Ni hUM/ oM badz+ra sha~M shi ra ho ho/ de bzhin gshegs pa thams cad kyi rol pa chen po'i lha mo'i sgo'i mtshams rnams su gzugs la sogs pa'i

  749. 375b

    oM badz+ra rU pa/ oM badz+ra ga/ oM byAd+d+hA rA s+yai/ oM badz+ra saR+YA/ nyes par byed pa'o// de bzhin gshegs pa thams cad kyi shin tu dga' ba rdo rje'i snying po na/ oM sam ho/ su ra ta s+t+waM/ dga' bde chen po'i rdo rje snying po 'dis de bzhin gshegs pa thams cad kun nas mnyes pas/ dkyil 'khor thams cad la brtan par gyur nas/ dngos grub thams cad stsol bar mdzod/ dgug dang legs par rab gnas dang // ji bzhin gnas su sbyar ba nyid// kun nas dgyes mdzad sangs rgyas kun// dngos grub thams cad rab sbyin dag/ sngags kyi tshig rnams kyang / oM e h+ye hi b+hA gA wAR+sha badz+ra aM ku sha dzaH/ oM pra be sha ya hUM/ sarba ta thA ga ta/ oM sa ma ya b+har+N+Na tiSh+Tha p+la ga wan/ oM tuSh+ya ho b+ha ga wAn badz+ra a bi sha aH'di dag ni dkyil 'khor thams cad kyi sgo'i 'phrin las so/ / de lta bu'i dkyil 'khor 'dri ba la byams pa dang / 'jam dpal dang / kun tu bzang po dang / spyan ras gzig dbang phyug la sogs pa'i byang chub sems dpa' chen po rnams dgod par bya'o/ / sngon du bshad pa'i dkyil 'khor gyi cho gas slob ma bcug ste/ dbang bskur ba la sogs pa byas nas/ slob pa dang bcas pas thabs cig tu de bzhin gshegs pa thams cad la nye bar mkho ba thams cad kyis mchod par bya'o/ / de la dang po kho nar re zhig dkyil 'khor thams cad kyi slob dpon ni dam tshig thams

  750. 376a

    cad shes pa/ bcom ldan 'das rdo rje rnal 'byor gyi dbang phyug chen pos dngos grub thams cad kyis byin gyis brlabs pa/ dbang bskur ba thams cad thob pa/ rdo rje rnam 'byor gyi dbang phyug lta bu/ thams cad mkhyen pa'i ye shes kyis de bzhin gshegs pa thams cad kyi dam tshig gi phyag rgya la bslab par bya'o// de nas 'dir dam tshig gi phyag rgya bcings par 'gyur pa ri/ skyil krung bcings nas dri la sogs pa rnams kyis lag pa gnyis byugs nas phyag rgya bcings pa rab tu bsgrub par bya'o// lag pa gnyis rdo rje bsdams pa byas te/ sor mo phan tshun bcings nas skyil krung gi dbus su rdo rje bsdams par bzhag pa ni de bzhin gshegs pa thams cad kyi phyag rgya'o// rdo rje sems dpa' la sogs pa ni gar gyi tshogs kyi/ sbyor bas so// rdo rje bsdams pa de nyid rkeng pa'i phyogs su bzung ba ni rdo rje sems dpa'i phyag rgya'o// rdo rje bsnams pa las mdzub mo lcags kyu lhur bzung ba ni rdo rje rgyal po'i phyag rgya'o// denyid mnga' 'phen pa lta bu'i sbyor ba ni rdo rje mda'i phyag rgya'o// de nyid la legs so ba sbyin pas rgyab tu 'jog pa ni rdo rje legs pa'i'o// byang chub kyi sems kyi phyag rgya rnams so// rdo rje bsdams pa de nyid dpral bar 'jog pa ni rdo rje nin gyi phyag rgya'o/ / rdo rje bsdams pa la 'od kyi dkyil 'khor gyis sbyor ba ni rdo rje nyi ma'i 'od kyi dkyil 'khor gyi phyag rgya'o// rdo rje bsdams pa

  751. 376b

    spyi bor sbyar ba ni tog gi phyag rgya'o/ / kha'i thad du bskor ba ni rdo rje bzhad pa'i phyag rgya'o// rdo rje bsdams pa de nyid khar byas pa ni rdo rje chos kyi phyag rgya'o// de nyid snying khar byas pa ni rdo rje ral gri'i phyag rgya'o/ / de nyid 'khor lo ltar yongs su bskor ba ni rdo rje rgyu'i phyag rgya'o// de nyid snying khar bsgreng ba ni rdo rje smra ba'i phyag rgya'o// chos kyi phyag rgya rnams so// rdo rje bsdams pa de nyid gar nyid du ston pa ni las sna tshogs pa'i phyag rgya'o/ / lag pa gnyis spyi bo dang / snying kha dang / mgrin par 'jog pa ni rdo rje srung ba'i phyag rgya'o// rdo rje bsdams pa las 'gram pa gnyis su 'jog pa ni rdo rje gnod sbyin gyi phyag rgya'o/ / rdo rje bsdams pa de nyid snying khar btsir ba ni rdo rje khu tshur gyi phyag rgya'o// de bzhin du sgeg mo dang bdug pa ma la sogs pa'i sbyor bas lha mo thams cad kyi phyag rgya thams cad la rab tu sbyar bar bya'o/ / rol cing rnams 'khor dgod pa dang // sgeg dang snying rje'i bdag nyid dang // dpa' dang khro sogs chos bdag nyid// rang nyid zhi ba'i nyid nyams/ / phyag rgya thams cad rab sogs pa// gal te dngos grub mchog 'dod na// rang nyid rdo rje'i gar byed dam// skyob pa sangs rgyas thams cad kyi// phyag rgya bcing ba rab tu sbyar/ thams cad grub par 'dod sogs kyis// skyil krung sangs rgyas thams cad kyi// de phyir gnyis med rdo rje can// sangs rgyas rnams kyi drang po'i sku// sgeg pa'i sbyor bas rdo

  752. 377a

    can/ sangs rgyas rnams kyis zhi ba'i spyan// bsnyems bcas rdo rje nan gyis dgongs// sangs rgyas rnams dang rdo rje can// ting 'dzin dbye ba las shes bya// 'khrugs pa'i lha stangs khro rnams kyis// btsun mo rnams kyis rol pa nyid// 'jig rten pa yi lha rnams dang // sdig spyod rnams kyi lha stangs steng // chos rnams kun gyi rjes 'jug pa'i/ / shugs kyi lha stangs phyag rgya'o// tshogs dang pho nya pho nya mo'i// lta stangs rnam pa sna tshogs nyid// mchu yi phyag rgya yongs ldan pa// g.yo ba med cing mi 'gul ba/ / sangs rgyas rnams kyi phyag rgya mchog/ sangs rgyas byang chub rab sbyin byed// mtshams sbyor cung zad yang dag ldan// rnam 'gyur med cing mtshungs meng gnas// rol pa'i yi ge yang dag ldan// mchu yi phyag rgya rdo rje can// rnam 'gyur can dang 'khor ba can// khro bas so ni yongs su bsdam// 'di ni khro ba'i phyag rgyar bshad// mchu yi phyag rgya gzugs mdzes can/ / 'jig rten pa rnams mchu'i phyag rgya// rnam 'gyur 'jig cing gzugs dang bral// shin tu gnag dka'i 'dod chags dang // sdang dang rmongs las thams cad du// rol cing rnam 'khor dang ldan pa// g.yo bcas rab tu 'phro ba yang // mchu yi phyag rgyar shes par bya// lha mo po nyi'i tshogs kyi yang // de la sogs pa mtha' yas mchog/ lha stangs mchu

  753. 377b

    la sogs pa'i ming / / phyag rgya thams cad mdor bsdus pa/ skyob pa rnams kyis kun shes bya// ji srid sku yi dbye ba dang // dbang po la sogs rab dbye dang // de dag phyag rgya mtha yas mchog/ sangs rgyas kun gyis brtags pa nyid// sna tshogs sku ni gzi brjid che// tshad meng yon tan 'byung ba'i gnas// sangs rgyas rnams kyi phyag rgya mchog/ sangs rgyas byang chub rab spyir byed/ / rdo rje snying po rgyan gyi rgyud chen po las/ dam tshig chen po'i de kho na nyid gsang ba zhes bya ba'i dkyil 'khor chen po yongs su rdzogs so// // de nas bcom ldan 'das rnam par snang mdzad kyis/ slar yang de bzhin gshegs pa thams cad mnyam pa nyid mngon par dbang bskur ba zhes bya ba'i dkyil 'khor chen po 'di bka' stsal pa/ de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas/ sna tshogs khams ni bsam yas mchog/ dar dang me tog rgan pos brgyan/ / rdo rje rin chen rnams kyis spras// sna tshogs pad+mo de bzhin gzhan// dkyil 'khor de yi dbus su ni// sangs rgyas sku gzugs yid 'ong ba// mgon po sum cu rtsa gnyis mtshan/ / 'bar ba mchog gis brgyan pa po// de sngags rtags su shes bya ba// dang po'i dbyangs dang gnyis pa'o// de yi nye 'khor thams cad du// 'khor lo can brgyad bri

  754. 378a

    bar bya/ / dkyil 'khor de yi dbus su ni// 'khor lo kun tu 'bar ba gzhag/ 'khor lo'i lte ba'i dbus su ni// pad+ma'i rgyal po rab tu gnas/ sgeg sogs sangs rgyas thams cad ni/ / ji ltar sngon bzhin bri bar bya// nye bar mkho ba'i mchod kun gyis// de bzhin gshegs pa mchod par bya// dgug sogs cho ga'i sbyor ba ni// dkyil 'khor snga ma ji bzhin no/ / dkyil 'khor nye bar spyod pa kun// cho ga 'dir ni 'byung bar 'gyur// dkyil 'khor chen po'i rtog pa'o// // de nas dkyil 'khor chen po mchog yang dag rab tu bshad bya ba/ / 'jig rten gsum las rnam rgyal zhes// bya ba rdo rje hUM mdzad grags// gru bzhi pa la sgo bzhi pa// rta babs bzhis ni mdzes par byas// de yi nang du 'khor lo ni/ / dkyil 'khor brgyad pa lta bu'o// de yi dbus su khro bo che// 'jig rten gsum las rnam rgyal yang // khro gnyer ldan zhing smin ma 'khyog/ spyan gsal 'bar ba chen po pa/ / cung zad mche ba gtsigs pa'i zhal// rnam par dgod cing slar khro ba// g.yon brkyang ba yi zhabs kyis ni// dka' bzlog dbang phyug chen po gnon// sangs rgyas 'phreng ba sogs pas spras/ / in+d+ra ni la mtshungs pa'i 'od// phyag bzhi pa la spyan gsum pa// zhal bzhi pa la thub par dka'// be con dang ni zhags par brjod// dang po na ni rdo rje

  755. 378b

    bshad/ / gnyis pa zhugs pa sdigs mdzu ba can// phyag gnyis khu tshur dam pa mchog/ khu tshur gnyis ni rab tu brtag/ mthe'u chung gnyis ni mnyam sbyor ba// lu gra rgyang / kyis rnam par spel// snying khar phyag rgya legs bzhag nas// sdigs mdzub gnyis kyis bsdigs par mdzad// 'jig rten gsum rgyal zhes bya ba'i// phyag rgya mchog tu thub pa dka'/ / sngags ni ming gi de nyid ldan// 'bar ba'i 'phreng ba mnyam par 'khrigs// dkyil 'khor de yi gnas rnams su// cha rnams kun tu thams cad nas// phyag rgya thams cad mnyam par bri/ / zla ba'i dkyil 'khor mnyam gnas par// ral gri 'khor lo gzhu dang mda'// de bzhin du ni dgra sta nyid// de la sogs pa'i mtha' yas mchog/ mdor bsdus nas ni phyag rgya dgod/ / de ltar khro bo'i dkyil 'khor thams cad rnam par bkod nas nye bar mkho ba'i mchod pa thams cad kyis mchod par bya'o// 'jig rten gsum las rnam par rgyal ba'i dkyil 'khor ro/ / / de nas dkyil 'khor chen po mchog/ yang dag rab tu bshad bya ba// sangs rgyas dpa' bo thams cad kyis// 'gro ba 'dul ba zhes su bshad// gru bzhi pa la sgo bzhi pa/ / dar dang me tog chun pos brgyan// de dbus kyil 'khor chen po ni// chu zhes bya ba'i ming car no// de yi dbus su pad chen po// 'dab ma brgyad pa yid 'ong ba/

  756. 379a

    de yi lte ba'i dbus su ni// 'gro ba 'dul ba zhes bya ba// zla ba'i 'od can zla ba'i mdog/ ral pa'i cod pan 'dzin pa can// phyag bzhi pa la zhal bzhi pa rgyun rnams kun gyis brgyan pa po/ / sangs rgyas 'phreng ba sogs pas spras// sku rnams thams cad kun nas sgo// mtha' yas rab 'byam rgya che ba'i// chos dbyings mnyam dang mnyam la/ / de yi sngags su yongs grags pa// shaSha 'i sde yi mthar dge ba// k+Sha yig don ldan sngon byung ba// rgyu yi don du rab sgrub byed// bzhi pa'i dbyangs kyis spyi bor mnan// me yis sa bon gsal bar byed// thig le sgra ni mchog tu sbyin// 'jig rten dbang phyug ces bya'i mtshan// de yi phyag rgya yang dag bshad// pad+mo'i thal mo rab tu brkyang // bris pa'i phyag rgyar yang dag bshad/ / dbyug gu ril ba spyi blugs bri// mdun du bgrang 'a phreng pad+ma yi// rgyal po zla ba'i dkyil 'khor gzhag/ de la sogs pa mtha' yas mchog phyag rgya mchog tu 'bar de dag/ 'gro ba 'dul ba'i dkyil 'khor du// ji lta rigs par dgod par bya// 'gro ba 'dul ba zhes bya ba'i dkyil 'khor gyi rgyal po'o// / / de nas dkyil 'khor chen po'i mchog/ gzhan ni rab tu bshad par bya// dpa' bo rin chen snying po yi// rdo rje rin chen zhes su bshad// gru bzhi pa la sgo bzhi pa// rta babs bzhis

  757. 379b

    mdzes par bya/ / de yi dbus su rin chen ni// yan lag brgyad pa mchog tu 'bar// de dbus rin chen pad+ma ni// rin chen 'phreng bas rnam par mdzes// deng bus pad+ma rA ga 'am rin chen rdo rje cher 'bar ba/ / sangs rgyas lnga yi cod pan can// rin cher 'phreng bas rnam par mdzes// mdun gyi kun gyi dbang bskur gtso// rin chen de yi gtso bo mchog/ g.yas su pad+ma rA ga ste/ / rgyab tu in+d+ra nI la'o// yid bzhin nor bu rin cher g.yon// phyag rgya rnam pa sna tshogs mchog/ sna tshogs rin ched rnam par brgyan// dkyil 'khor kun gyi grwa ni gnas rnams su ni gzhag par bya/ / sangs rgyas dpa' bo thams cad kyi// de yi sngags su yongs grags pa// bzhi pa'i sde yi dang po gang // me yi sa bon gyis gsal byas/ dbyangs kyi gnyis pas kun nas mnan// dbang sgyur ba ni stang du gnas// de yi phyag rgya yang dag bshad// rin chen snyim pa rgyab bskums te// rin chen rnam pa legs byung ba/ / de ni rdo rje rin chen ro// rdo rje ring po che'i dkyil 'khor ro// de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa rta babs bzhis ni mdzes par byas/ / thig bzhi dang ni yang dag ldan// rdo rje 'phreng bas rnam par mdzes// de yi dbus su zhal bzhi pa// 'khor lo bzhin du yongs bskor ba'o//

  758. 380a

    de yi dbus su pad chen po// kha dog sna tshogs yongs 'bar ba// de yi dbus su brtson chen po// rdo rje sna tshogs yongs su bri// rdo rje khu tshur 'dzin mdzes pa/ rgyan rnams kun gyis brgyan pa'o// kha dog sna tshogs gzi brjid che// sangs rgyas 'phreng bas rnam par mdzes// de yi sngags ni yang dag bshad// bcu gnyis pa yi dbyangs kyi mtha'/ / mya ngan 'das don legs gsal byas// sgeg sogs rig ma thams cad kyis// de bzhin rang gi phyag rgya yis// rdo rje'i thig le yongs su ldan// sna tshogs bkra ba mchog tu 'bar/ / de yi dbang bskur phyag rgya yis// mchod pa kur gyis thams cad nas// kun nas yongs su bskor ba yis// las kyi dkyil 'khor bri bar bya// las kyi dkyil 'khor ro/ / / de nas dkyil 'khor chen po mchog/ yang dag rab tu bshad bya ba// shes rab ye shes kyi 'khor lo// sngags kyi yi ges rnam par brgyan// de yi dbus su pang chen po/ / 'dab ma brgyad pa shin tu mdzes// de yi lte ba'i dkyil du ni// gzhon nu sna tshogs gzugs ldan pa// sku mdog dmar zhing 'dzum bcas pa// sna tshogs gzugs can ral gri can/ / phyag bzhi pa la zhal bzhi pa// ral gri'i 'phreng bas rnam par brgyan// gsang sngags chen po'i yi ge lnga// de yi drung du legs par gnas// dbyings kyi bcu

  759. 380b

    gnyis gsang sngags ni/ / thugs kA ru ni yang dag gnas// phyi rol nyid ni gru bzhi mdzes// thig bzhi dang ni yang dag ldan// rtababs bzhi dang mnyam par sbyor// sgo bzhi yis ni shin tu mdzes/ / shes rab pha rol phyin pa nyid// de la dkyil 'khor dbus su ni// gal te dngos grub mchog 'dod na// 'bad pa yis ni bri bar bya// sngon du bshad pa'i cho ga yis// mchod sogs cho ga rgyas pa nyid// bzhugs pa'i cho ga de bzhin du// ji ltar dkyil 'khor 'dir mthong bzhin// shes rab ye shes kyi dkyil 'khor ro// / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// phyi yi dkyil 'khor bri bar bya/ de yi nang du bri bya ba// chos kyi 'khor lo bla na med// rten cing 'brel 'byung 'phreng ba ni// 'bad pa yis ni bri bar bya// 'khor lo'i dbus su brtson chen po// rdo rje'i rgyu ri stobs po che/ phyag bzhi pa la zhal bzhi pa// rgyan rnams kun gyis brgyan pa po// kha dog nag po gzi brjid che// chos kyi 'khor lo rab bskor mdzad// de yi sngags gyur mdzes pa ni// rgyu yi don du so sor bskyed// dbyangs drug dang ni yang dag ldan// thig le phyi mos rnam par brgyan// rang gi yi ge'i 'phreng ba che// 'khor lo gnyis kyi rnam par brgyar// de yi mthu

  760. 381a

    du drung yin la/ / rgyab tu zhags par brjod par bya// rdo rje'i thal mo phyag rgya che// 'khor lo bzhin du rab tu gnas// mchod pa thams cad rab tu brtag/ staltar dkyil 'khor snga ma bzhin// de lha'i dkyil 'khor bris nas ni// chos kyi dkyil 'khor bla na med// thog mar chos kyi 'khor lo bskor// dngos grub thams cad yang dag 'bar/ / chos kyi 'khor lo'i dkyil 'khor ro// // de nas dkyil 'khor chen po mchog/ yang dag rab tu bshad bya ba// thog ma'i dkyil 'khor sbyor ba yis// dkyil 'khor kun gyi thig gdab bo/ / de yi dkyil du snang ba che// mkha' bzhin shin tu 'od gsal ba// sems dpa' chen po nam mkha'i mdzod// dam pa'i rgyal po rab tu bzhugs// zla ba'i mdog can gzi brjid che// sna tshogs mtshon cha 'dzin pa'i mchog/ gzhon nus rab tu brjid pa'i zhal// nam mkha'i mdzod ces rab tu grags// sangs rgyas 'phreng ba sogs pas spras/ / rdo rje dkyil 'khor brgyan par mdzad// 'di yi gsang sngags gzi brjid che// dbyangs dgu pa la thig le dang // nA da yis ni rnam par brgyan// sde tshan dang po'i gsum pa la/ thig le nA das rnam par brgyan// de yang gtso bo'i gsang sngags 'gyur// nam mkha'i mdzod ni rab bgor mdzad// de lta'i dkyil 'khor bris nas ni// sngags kyi 'phreng ba

  761. 381b

    mchog ldan pa/ / ma lus pa yis rnams kun// thams cad nas ni nam mkha'i mtshungs// tog ni phyag rgya gyur pa de'i// de bzhin du ni nges par bcing // de lha'i dkyil 'khor bris nas ni/ / nam mkha' yi ni mdzod de la// gal te bdag ni grub 'dod na// mchod pa kun gyis rnam par mchod// nam mkha'i mdzod kyi dkyil 'khor ro// / de nas dkyil 'khor chen po mchog/ yang dag rab tu bshad bya ba// dkyil 'khor snga ma'i sbyor ba yis// dkyil 'khor thams cad thig gdab bo// dkyil 'khor de yi dbus su ni// khro bo'i dkyil 'khor gru bzhi pa/ / der yang rdo rje ma yi mchog/ dkyil 'khor gyi ni mchog tu 'dod// de yi dbus su gzi brjid che// rdo rje gnod sbyin bla na med// phyag bzhi pa la zhal bzhig pad+ma'i rgyal po la rab gnas/ / rgyan rnams kun gyis brgyan pa'i lus// bdud rnams thams rlab 'joms mdzad// de sngags yi ger gyur pa ni// sha Sha'i sde tshan mthar dge ba/ rgyu yi don du legs gsal bya// zo bo'i dkyil 'khor chen po bskor// sngags kyi yi ge 'phreng ba che// 'bad pa yis ni bri bar bya// de lha'i dkyil 'khor bris nas ni// rdo rje gnod sbyin de yis ni/ / gal te grub pa mchog 'dod na// sgyu ma thams cad gzhom par bya// rdo rje gnod sbyin gyi dkyil 'khor chen po'o// / de nas dkyil 'khor chen po mchog

  762. 382a

    yang dag rab tu bshad bya ba/ / gru bzhi pa la sgo bzhi pa/ Na babs bzhis ni mdzes par byas// de yi dbus su 'khor mo che// lcags kyu mis ni rnam par mdzes/ dbus su bcom ldan rdo rje rgyal// lcags kyu la ni rab tu bzhugs// phyag bzhi pa la sbrul bzhi pa// rgyan rnams thams cad rab tu 'bar// rdo rje lcags kyu khu tshur che// 'bar 'phro bas rnam par brgyan/ / 'gro ba thams cad 'gugs par mdzad// sngags kyi yi ges legs par sbyar// sha Sha'i lnga yi drung gnas pa// bying ba'i rgyu ru legs par gnas/ dbyangs drug pa yis legs par bya// zla byed thig les legs par brgyan// lcags kyu'i phyag rgya legs par sbyar// 'gugs par byed la don yod pa'o// de ltar dkyil 'khor bris nas ni/ / rdo rje lcags kyu mchog tu dge/ dgug pa la sogs thams cad la// 'gro ba 'dul ba yongs su bsdu// don mong rgyal po'i dkyil 'khor ro// de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// dngos grub dkyil 'khor bri bar bya/ / dkyil 'khor de yi dbus su ni// dkyil 'khor lcags kyu'i rnam pa can// de yi dbus su gru gsum grags// lcags kyu mchog tu dge ba'o// de yi dbus su sems dpa'

  763. 382b

    rdo rje rgyal po stobs po che/ / phyag bzhi pa la zhal bzhi pa// rgyan rnams kun gyis brgyan pa po// gzi brjid chen po dkar dang dmar// nags pa lcags kyu 'dzin dge ba/ yi gsang sngags yang dag bshad// don yod 'bras bu stsol ba po// sde tshan gnyis pa'i gsum pa ni// nyis 'gyur nyid du rnam par gnas// de yi thig le mya ngan 'das// sngags kyi 'phreng ba gzhan gyis bskor/ / sgeg mo la sogs mchod pa che// 'bad pa yis ni bri bar bya// sgo skyong ba dang mchod pa yang // sbyor ba ji bzhin rnam par dgod// de lha'i dkyil 'khor bris nas ni/ / mchod pa thams cad yongs su sgrub// rdo rje rgyal po'i dkyil 'khor ro// / de nas kyil 'khor chen po mchog/ yang dag rab tu bshad bya ba/ sangs rgyas dpa' bo thams cad kyis// rdo rje chags pa zhes su bshad// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// chags pa'i dkyil 'khor bri bar bya/ / thams cad dmar pos rab dregs pa// dbang du byed pa'i dam pa yin// de yi dbus su pad chen po// 'dab ma brgyad pa ge sar bcas// de yi lte ba'i dbus su ni/ / rdo rje chags pa bri bar bya// pad+ma rA ga mtshungs pa'i 'od// phyag bzhi pa la zhal bzhi pa// spyan gsum 'od kyi 'phreng ba can// de yi phyag rgya mchog tu ni// mdzes

  764. 383a

    pa yi ni mda' gzhur 'gyur/ / rgyan rnams kun gyis mdzes pa'i lus// 'gro ba kun la ches mchog gyur// de yis gsang sngags mdzes gyur pa// rdorje rjes chags mchog gi bde/ / sha Sha'i sde yi mthar gyur pa// k+Sha yi yi ge'i sngon du gnas// dbyangs dgu pa dang yang dag ldan// sngags kyi 'phreng bas yang dag brgyan// me tog mnga' ni yongs su 'phen/ / re ba thams cad yongs rdzogs mdzad// de lha'i dkyil 'khor bris nas ni// sangs rgyas thams cad rab mchod byed// rdo rje chags pa'i dkyil 'khor ro/ / // de nas dkyil 'khor chen po mchog/ yang dag rab tu bshad bya ba// rdo rje legs pa zhes grags pa// gnyis su med pa'i dga' ba'ang 'phel// gru bzhi pa la sgo bzhi pa/ / rta babs bzhis ni mdzes par byas// de yi dbus su cher mdzes pa'i// dkyil 'khor dam pa gru bzhi pa// de yi dbus su pad chen po// ze 'bru yis ni nye bar mdzes/ / de yi lte ba'i dkyil du ni// zla ba'i gzugs brnyan yang dag 'bar// der gnas dpa' bo bsam par bya// rdo rje legs pa stobs po che// dung dang kun da zla ba dkar/ kha ba bzho'i 'od ltar mdzes// legs so stsol ba tshim par mdzad// ting nge 'dzin dbang mang po sgyur// rdo rje sgeg mo sogs mchod pa// de bzhin me togs dug pa sogs// sgo ni

  765. 383b

    skyong ba nyid kyang ni/ / rab tu 'bad de bri bar bya// de yi sngags gyur mdzes pa ni// gsang ba chen po mchog tu 'bar// ha yi yi ge sngon gang de// sems can don ni rab sgrub byed// thig le gnyis dang yongs su ldan// legs stsol bas ni rnam par gnas// de lha'i dkyil 'khor bris nas ni// mchod pa thams cad rab tu bskor// bdag nyid dag pas bzhugs pa sogs/ / thams cad yongs su spyad par bya// rdo rje legs pa'i dkyil 'khor ro// / de nas dkyil 'khor chen po mchog/ yang dag rab tu bshad bya ba// rdo rje gzi brjid ces su grags/ / rdo rje nyi mas blo gros ldan// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// dkyil 'khor dam pa bri bar bya// de yi nang du bri bya ba/ / rdo rje nyi ma 'od chen po// rdo rje nyi ma'i steng du ni// gru gsum rnam pa las byung ba// de yi dbus su gzi brjid che// 'bar ba yi ni me lta bu// pad+ma chen po 'dab brgyad pa/ ze 'bru yis ni shin tu mdzes// de yi lte ba'i dkyil du ni// rdo rje gzi brjid stobs po che// bzang po'i mtshal dang mtshungs pa'i 'od// rgyu skyegs khu ba mtshungs pa'i mdog/ phyag bzhi pa la zhal bzhi pa/ / rgyan rnams kun gyis brgyan pa'o// de yi sngags su yongs grags pa// kun nas sangs rgyas mtshungs pa'o// dbyangs yig bcu gcig pa yi mtha'// nyi ma'i dkyil 'khor

  766. 384a

    dbus su ni/ / sngags kyi 'phreng bas yongs su bskor// rang gi phyag rgya'i mtshan ma ldan// de ltar dkyil 'khor bris nas ni// sangs rgyas thams cad rab mchod bya/ rdo rje gzi brjid dkyil 'khor ro// de nas dkyil 'khor chen po mchog/ yang dag rab tu bshad bya ba// yid bzhin nor bu'i rgyal mtshan ming // bdag nyid chen po rdo rje'i tog/ gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// zla ba'i dkyil 'khor bri bar bya// dkyil 'khor de yi dbus su ni/ mchog tu 'bar ba yi ni rlung // zla ba phyed pa'i rnam pa 'dra// rin chen rgyal mtshan yongs bsgreng ba// de yi dbus su sems dpa' che// rgyan rnams kun gyis brgyan pa'o// zhal bzhi pa la gzi brjid che/ / in+d+ra nI la mtshungs pa'i 'od// rin chen char pa rab tu 'bebs// phyag bzhi pa la snang ba che// de yi gsang sngags gzi brjid che// sde tshan bzhi pa'i dang po la// me yis rab tu gsal byas pa// tog gi phyag rgyas yongs su bskor// sngags kyi 'phreng bas rnam par brgyan// de lha'i dkyil 'khor bris nas ni// sangs rgyas thams cad rab mchod bya// rdo rje tog gi dkyil 'khor ro// de nas dkyil 'khor chen po mchog/ yang dag rab tu bshad bya ba// rdo rje bzhad pa zhes grags pa// rdo rje bzhad pa mtshungs pa'i 'od/

  767. 384b

    / gru bani pa la sgo ba'ig/ rgyu babs banyis ni mdzes par byas// dag pa ni dang ni yang dag zan// dkyil chen po zla bAr bya// dkyil 'khor dang rgyas rnam pan/ i ni mtshungs pa'i 'od/ / de bzhin nu ni gzi brjid can// phyog rgya 'khor los rnam par mdzes// dkyil 'khor de mi dbus su ni// skyon ka'i zla ba 'dra ba'i 'od// 'gro ba mtha' dag snang mdzad pa/ / rgyan rnams kun gyis brgyan pa bo// phyag bzhi pa la zhal bzhi pa// dbang phyug thams cad yang dag ldan// de yi gsang sngags sngags chen po// rgyu yi don du grub par bya/ / stong pa mngon brjod bsam mi khyab// rang ming rtogs pas mtshan pa'o// de lha'i dkyil 'khor bris nas ni// sangs rgyas thams cad rab mchod bya// rdo rje bzhad pa'i dkyil 'khor ro/ / / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang ngag ldan/ / dngos grub dkyil 'khor yang dag bri// de yi steng du'ang pad+ma che// pad+ma mA las yang dag byung / glu gsum mchog tu mdzes pa po// um mdo'i ris kyis rnam par brgyan/ chos dbyings yi ge'i de khon// thams cad gzi brjid bdag nyid dge/ de yi bdag gi de nyid ni// 'gro ba'i mar ka ta'adra// phyag bzhi pa la zhal bzhi pa// rgyam/

  768. 385a

    kun gyis brgyan pa po// gnyis pa'i mdog tu gyur pa ni// bad+ma rA gA mtshungs pa'i 'od// ji srid ngag gi 'khor ma na// smra ba'i dbye bas rab tu gnas/ thams cad so sor gsal bar byed// sprin gyi dkyil 'khor mchog rmang byung // de lha'i dkyil 'khor bris nas ni// sangs rgyas thams cad rab mchod bya// rdo rje smra ba'i dkyil 'khor ro// / de nas dkyil 'khor chen po mchog/ yang dag rab tu bshad bya ba// dkyil 'khor snga ma'i sbyor ba yis// dkyil 'khor thams cad bri bar bya// de yi dbus su go cha che/ / rin chen kun gyis rnam par brgyan// de yi dbus su brtson chen po// rdo rje srung ba yang dag bri// phyag bzhi pa la zhal bzhi pa// rgyan rnams kun gyis brgyan pa po// kha dog sna tshogs gzi brjid che/ / thams cad srung ba mchog tu dge/ phyag rgya sngags dang yang dag ldan// gsang ba chen po'i go 'phang mchog/ de yi gsang sngags gzi brjid che// sha 'i sde yi mthar gnas mchog/ mgon po'i rgyur ni mngon par brjod// steng du nA das brgyan par bya// kun nas kha dog bu ma yis// yongs su bskor bar bsgom par bya// sngags kyi 'phreng ba yongs su ldan/ / glog gi 'phreng bas rnam par brgyan// de lha'i dkyil 'khor bris nas ni/ mchod pa thams cad rab bsgrub bya// rdo rje srung ba'i dkyil 'khor ro//

  769. 385b

    dkyil 'khor chen po mcho/ yang dag rab tu bshang byug/ gru bzhi pa la sgo byini pa// rta babs bzhis ni mdzes par byas/ thig pa'i dang ni yang dag ldan/ kha tshur dkyil 'khor zhi ba bya/ dkyil 'khor de yi dbus su ri// rdo rje pad+ma yid 'ong ba// gzi brjid chen po gser gyi mdog/ 'dab ma brgyad pa yid 'ong ba// de yi steng du gzi brjid che// rdo rje khu tshur stobs po che/ phyag bzhi pa la zhal bzhi pa// sna tshogs rgyan gyis brtan pa po// kun dadung dang zla ba dkar// khu tshur de bzhin gshegs kun gyi// sku dang gsung dang thugs khu tshur// rdo rje nyid du mnyam nyid mchog/ gnyis su med pa mchog gsang ba// khu tshur gyis ni sdud par bshad// de sngags mchog tu dga' ba ni// brjod du med nyid stsol mdzad pa// sde tshan lnga pa'i gsum pa ni// 'bar ba'i 'od kyi dkyil 'khor can/ / sangs rgyas rnams kyi rdo rje'i sku// 'di yi sngags la rnam par gnas// de lha'i dkyil 'khor bris nas ni// rdo rje khu tshur mchod par bya// rdo rje khu tshur gyi dkyil 'khor so// de la sogs pa mtha' yas mchog/ dkyil 'khor mchog tu 'bar ba ni// chos kyi dbyings kyi mtha' klas pa'i// sangs rgyas byang chub stsol bar mdzad// de nas yang dag bshad bya ba/ / 'jig rten pa yi dkyil 'khor mchog/ de bzhin gru bzhi bris nas ni// sgo khyud la sogs rnam par spangs/ rtse gsum paT+Ti sa dang ni// dung dang pad+ma sogs

  770. 386a

    pas brgyan/ / thog mar dbang phyug chen po dgod// rtse gsum pa yi phyag rgyar ldan// khyu mchog la zhon mig gsum pa// stag gi pags gyon phyag bzhi pa// thal bas byugs shing mgo bo la/ / ral pa'i tshogs ni rab 'phyang ba// chu yi dkyil 'khor dbus su ni// de bzhin gshegs pa thams cad la// phyag 'tshal ba ni 'di bri'o// de yi sngags ni/ oM tri sa suM hUM phaT/ gsang sngags 'di ni cher gsang ba// bdag nyid chen po dbang phyug che'i// dbang phyug chen po'i dkyil 'khor ro// / dkyil 'khor chen po de nyid la dbang phyug chen po'i gnas su nag po chen po gzhag par bya'o/ / lag pa stong gis gar byed pa dang ldan pa'i dga' byed dbang phyug dang lhan cig phyag bzhi pa/ spyan gsum pa'o// lag pa stong gis gnas ba'o/ / rang gi sngags ni/ oM ma hA kA la hUM b+h+yoH/ oM nan di ke shwa ra hUM b+h+yo/ 'di bzlas ra dngos grub thams cad byengo// dga' byed dbang phyug dang nag po chen po'i dkyil 'khor ro// de nyid kyi ni cho ga yis// dkyil 'khor gri bzhi thig gang ba bya/ dor ni pad+ma yang dag bri// pad+ma'i dbus su sbrang cir byed// la sogs ming po gsum bri'o// gzhu yi phyag rgya yongs su 'dzin/ / sbrang rtsir byed dang rgyal bar byed// de bzhin nyid du'ang sgrub byed do// me tog mda' dang yongs su ldan// rang gi ming gtogs mtshan ma can// sngags ni/ ma d+h+ya

  771. 386b

    oM sA/ d+ha na swa/ gsang sngags 'di ni 'dod gzugs can// dbang du byed pa thams cad sgrub// sbrang rtsi rdo rje la sogs pa'i dkyil 'khor ro// dkyil 'khor gru bzhi pa bris nas dbus su thig bzhi gdab bo/ / dbus su tum pu ru'o// shar gyi 'dab mar rgyal ba'o// lho ru rnam par rgyal ba'o// nub tu mi thub pa'o// byang du gzhan gyis mi thub pa'o// de lha bu'i dkyil 'khor bris nas go rims ji lta ba bzhin du gsang sngags dgod par bya'o// oM tum bu ru hUM/ oM dza ya hUM/ oM bi dza ye hUM/ oM a dzi te hUM/ oM a pa rA dzi te hUM/ dga' ba 'di dag lag g.yon du// khu tshur g.yon pas rab grub stsol// 'di yi phyag rgya nyid gyur pa// sangs rgyas kun gyis rab tu brtags// lag par dgod pa rab bshad/ bya/ go rims ji lta ba bzhin du// tum bu ru ni mthe bor dgod// sdigs mdzub la ni rgyal ba gnas// rnam rgyal gung mo nyid la'o// mi thub de bzhin ming med la// gzhan gyis mi thub mthe'u chung la/ / lag pa'i dbus su yi ge oM// dgod bya de nyid lag pa'i rgyab// rdo rje 'brang ba'i mthar thug tu// dgod par bya ba mchog tu bshad// sbyor dang rnam par dbye ba yang / / phyag rgya kun spyod yongs su bsdu// so sor brtan par bya ba nyid// sor mo rnams la khyad par du// dbang dang dgug dang rmongs la sogs// rengs byed la

  772. 387a

    sogs go rims bzhin/ / las rnams ngag ni thams cad du// sngags pas mnyam par bzhag ste bya// de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das rdo rje rnal 'byor gyi dbang phyug chen po la// de bzhin gshegs pa thams cad kyis gsang ba'i mtshan rnams kyis legs par bstod pa mdzad de/ bcom ldan 'das mnyes par mdzad pa/ byang chub sems ni rdo rje tshe// sangs rgyas de bzhin gshegs pa kun// dgra bcom 'dod chags bral ba dang // legs pa chos kyi 'byung gnas mchog blo gros dag pa ye shes che/ / thams cad mkhyen pa kun rig mchog/ mchog gi dbang phyug dpa' bo che// thog ma tha ma med khyab bdag/ ma 'dres ma 'dres pa yi don/ / shin tu phra ba mchog sbyin rgyal// rdo rje can chen rnal 'byor che// rdo rje rnal 'byor dbang phyug mchog/ mi bskyod pa dang mi zad mgon// chos dbyings gzhan dang gzhan min pa/ rin chen 'byung gnas rdo rje mchog/ dbang bskur kun gyi bla ma'i bla// theg chen che ba'i mchog gi mchog/ dpa' bo mchog tu dpa' ba'i mchog/ zab cing yangs la phra ba dang // thams cad thams cad de bzhin gshegs/ / 'khor los sgyur ba'i rgyal po che// tshad skyob dkar po stobs po che// gzi brjid phung po gzi brjid che// phul byung phul las phul du byung // rgyu med

  773. 387b

    mchog gi mchog dpa' mchog/ gzi mchog gzi brjid byed mtshungs pa// rgyal ba rgyal ba mchog nyid dang // legs pa'i rgyal po bdag nyid che// rdo rje sems dpa' sems cher po// rdo rje rgyal po lcags kyu che// rdo rje chags pa mnga' chen po// rdo rje legs pa legs grub mdzad// rdo rje rin chen che mchog mchog/ rdo rje gzi brjid legs brjid mdzad// rgyal mtshan chen po rin chen tog/ rdo rje bzhad pa legs bzhad mdzad// 'jig rten dbang phyug pad+ma che// shes rab ye shes legs rno mdzad// chos kyi 'khor lo chos chen po// sems dpa' sla pa legs bzhad mdzad/ / sna tshogs las ni rgyal po che// rdo rje srung ba legs srung mdzad// khro bo chen po gnod sbyin che// rdo rje mtshams sbyor mtshams sbyor sel// phyag 'tshal sangs rgyas kun khyod la/ / dang po'i rnal 'byor dbang phyug mchog/ legs so rdor can rnal 'byor che// de bzhin gshegs pa thams cad dag/ snying po'i rgyan ces mtshan gsol ba// 'di dag thams cad legs par gsungs/ / sangs rgyas rnams kyi byang chub sems// ye shes snying po shin tu mdzes// gsang ba chen po mchog tu gsang // swa bya shin tu rnyed dka' ba// shes rab pha rol phyin pa'i mdo/ / brjod du med cing yi ge bral// rdo rje snying po rgyan gyi rgyud chen po las/ shes rab kyi pha rol tu phyin pa dkyil 'khor 'byung ba zhes bya ba'i rtog pa rgyas pa 'di

  774. 388a

    yongs su rdzogs so/ / / de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das thog ma dang ma med pa'i rdo rje rnal 'byor gyi dbang phyug chen po la gsol ba btab bo/ / de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig nye bar gsan nas/ sangs rgyas thams cad kyi yul 'jug pa ye shes rdo rje zhes bya ba'i ting nge 'dzin la snyoms par zhugs so// de ma thag tu bcom ldan 'das ma'ang snyoms par zhugs so// de nas bcom ldan 'das rdo rje rnal 'byor gyi dbang phyug chen po 'di skad cig nyid la 'jam dpal gzhon nur gyur pa de bzhin gshegs pa thams cad kyi shes rab kyi ye shes rdo rje la zhugs par gyur to/ / zhugs nas kyang de bzhin gshegs pa thams cad kyi snying po shes rab ye shes kyi ting nge 'dzin gsel bar mdzad cing brtan par gyur nas/ de bzhin gshegs pa thams cad kyi thugs de las 'thon te/ sangs rgyas thams cad kyi yul chos kyi dbyings kyi mthas klas pa ma lus shing lus pa med pa'i sems can gyi khams thams cad snang bar mdzad nas/ sems can gyi khams thams cad kyi'ang shes rab dang ye she rnam par sbyangs te/ byang chub kyi sems bskyed nas bkug cing rjes su mnyes par byas nas legs par mdzad nas rnam par gnas te/ rdo rje sems dpa'i ting nge 'dzin legs par

  775. 388b

    yongs su rdzogs par mdzad nas/ mngon par dbang bskur te gzi brjid dang / tog dang / bzhad pa dang / de dag la nges par sbyar te mchog gi dbang phyug chen po las rdo rje sems dpa'i ting nge 'dzin gyis chos rtogs pa la'ang rab tu gnas nas/ rnon po dang / rgyu dang / smra ba'i sems dpa' rnams la'ang thugs brtan par mdzad de yongs su dag nas/ yang pad+ma'i sems dpa'i ting nge la rang bzhin gyis dag pa'i dbang phyug chos nyid gzhi med pa la sbyar nas sna tshogs pa'i las kyi bdag po dang / sems can yongs su smin par byed pa bsrung ba dang / khro bo dang / de bzhin gshegs pa thams cad kyi sku dang / gsung dang / thugs rdo rje mtshams sbyor ba rnam sems can gyi khams mtha' dag yongs su smin pa dang / byin gyis brlabs te slar log nas bcom ldan 'das kyi thugs kar rjes su zhugs te/ de bzhin gshegs pa thams cad kyi shes rab kyi ye shes la bzhugs nas ched du brjod pa 'di tshad du brjod do// e ma'o zag med shes rab bdag/ sangs rgyas skyob pa thams cad kyi/ / shes rab shin tu dri med sems// sems dpa'i lus su bdag gyur to// dri med sangs rgyas thams cad kyi// dngos dang dngos med rnams dpyad na// e ma'o chos ni bsam med nyid/ / bdag gi dbang du rnam par gnas// de nas byang chub sems dpa' sems dpa' chen po 'jam dpal bcom 'das kyi thugs ka nas 'thon nas/ byang chub sems dpa' bcu

  776. 389a

    drug gi lus su mngon par sprul te/ bcom ldan 'das rnam par snang mdzad la yongs su bskor ba'i de bzhin gshegs pa thams cad kyi nye 'khor kun tu nyi ma'i dkyil 'khor dang / 'od kyi dkyil 'khor dang / byin gyis brlabs pa zla ba'i dkyil 'khor la 'khod par gyur nas/ bcom ldan 'das rdo rje rnal 'byor gyi dbang phyug chen po la 'di skad ces gsol to/ / bcom ldan 'das rdo rje snying po rgyan gyi rgyud las/ shes rab kyi pha rol tu phyin pa mdor bstan pa'i chos kyi tshig bka' stsal du gsol/ de nas bcom ldan 'das rnam par snang mdzad kyis/ 'jam dpal gzhon nur gyur pa la bka' stsal pa/ 'jam dpal khyod de bzhin gshegs pa la don de yongs su zhu bar sems pa ni legs so legs so// legs par rab tu nyon la yid la zung zhig dang ngas bshad do/ / de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad du bdag nyid byin gyis brlabs nas sngags kyi tshig 'di dag bka' stsal pa/ dran pa nye bar gzhag pa bzhi ni nang gi lus dang / phyi'i lus dang / phyi nang gi lus la lus kyi rjes su lta zhing brtson 'grus can shes bzhin dang ldan pa dran pa dang ldan pas 'jig rten gyi chags sems dang yid mi bde ba rnam par bsal cing rnam par spyod do/ / lus la kun 'byung ba'i rjes su lta zhing rnam par spyod do// lus la zad pa'i rjes su

  777. 389b

    lta zhing rnam par spyod do/ / lus la mi gnas pa'i rnam par spyod cing 'jig rten du gang yang nye bar len pa med do// nang gi tshor ba dang / phyi'i tshor ba dang / phyi nang gi tshor ba dang / nang gi sems// / dang phyi'i sems dang / phyi nang gi sems dang / nang gi chos dang / phyi'i chos dang / phyi nang gi chos la chos kyi rjes su lta zhing brtson 'grus can shes bzhir dang ldan pa/ dran pa dang ldan pas 'jig rten gyi chags sems dang yid mi bde ba rnam par bsal cing rnam par spyod do/ / chos la kun 'byung ba'i rjes su lta zhing rnam par spyod do// chos la zad pa'i rjes su lta zhing rnam par spyod do/ / chos la mi gnas pa'i rnam par spyod cing 'jig rten du'ang nye bar len pa med do// rtag tu shes rab kyi pha rol tu phyin pa lus dang / ngag dang / sems dang / chos mnyam pa nyid kyis gnas so/ / oM kAM/ oM tsa tA ri smi d+hu bas+tha nA nA hUM/ yang dag par spong ba bzhi ni sdig to mi dge ba'i chos ma skyes pa rnams mi bskyed pa'i phyir de mi dmigs pa'i tshul gyis 'dun pa skyed cing rtsol lo/ / brtson 'grus rtsom mo// sems kyis rab tu 'dzin to// smon lam yang dag par 'debs so// sdig to mi dge ba'i chos skyes pa rnams spangs pa'i phyir 'dun pa la sogs pa dang / dge ba'i chos ma skyes rnams bskyed pa'i phyir 'dun pa skyed do// 'bad do// brtson 'grus rtsom mo// sems kyis rab tu 'dzin to// smon lam yang dag par 'debs so//

  778. 390a

    dge ba'i chos skyes pa rnams 'phel zhing shin tu rgyas par bya ba dang / yangs par bya ba'i phyir dang / skom pa yongs rdzogs par bya ba'i phyir 'dun pa skyed do// dbang po brtson 'grus rtsom mo/ / sems rab tu 'dzin to// sngon lam yang dag par 'debs so// chos rnams thams cad don dam par mi spong ba dang / mi spong ba ma yin pa'i ched du rtogs par bya'o zhes bcom ldan 'das rdo rje rnal 'byor gyi dbang phyug chen pos 'di bka' stsal to/ / oM samya ka pra hA Na sarba ta thA ga tA sa mA tA a d+hiSh+Tha aHra hUM/ yang dag par spong ba brjod pa zhes bya ba shes rab kyi pha rol tu phyin pa'i sgo'o/ / rdzu 'phrul gyi rkang pa bzhi ni 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya'o// brtson 'grus dang / sems dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed de/ shes rab kyi pha rol tu phyin pa don dam pa dang / kun rdzob kyi sgo'i chos thams cad sgyu ma sgyu ma'i mtshan nyid du 'jug go/ / zhes bcom ldan 'das chos tham cad kyi 'khor lo sgyur bas bka' stsal to// oM rid+d+hi prA da pA ra mi ta la pA pa ra hUM hUM/ rdzu 'phrul gyi rkang pa'i pha rol tu phyin ba mnyam pa nyid kyi ye shes zhes bya ba shes rab kyi pha rol tu phyin pa'o/ / dbang po lnga ni dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po

  779. 390b

    dang / shes rab kyi dbang po'o// bcom ldan 'das chos thams cad mnyam pa nyid la dbang bskur ba spros pa med pa'i dbang po 'di dag bka' stsal to// oM in+d+ri yA ba bod+d+ha prA dz+nye i She dz+nyA nA nA ma n+ta nA pa ga tA ya AHhUM/ dbang po mnyam pa nyid ces bya ba shes rab kyi pha rol tu phyin pa'o// stobs lnga ni dad pa'i stobs dang / brtson 'grus kyi stobs dang / dran pa'i stobs dang / nge 'dzin gyi stobs dang / shes rab kyi stobs so zhes bka' stsal to// bcom ldan 'das chos thams cad mnyam pa nyid la gnas pa/ stobs thams cad rtogs pa/ spros pa thams cad bral bgadod ma nas dag pas 'di bka' stsal pa/ oM sarba ta thA ga tA ba la aHhUM hUMHsa/ stobs 'phel ba zhes bya ba shes rab kyi pha rol tu phyin pa'o// tshangs pa'i gnas pa bzhi ni/ byams pa dang / snying rje dang / dga' ba dang / btang snyoms so// oM brah+ma bI hA ra d+hiSh+Tha nA kaM maM druk+ShaM hUM hUM/ chos thams cad mnyam pa nyid ces bya ba shes rab kyi pha rol tu phyin pa 'di bka' stsal to/ / tshangs pa'i gnas pa byin gyis rlob pa'o// so so yang dag par rig pa bzhi ni spobs pa so so yang dag par rig pa dang / nges pa'i tshig so so yang dag par rig pa dang dongon so so yang dag par rig pa dang / chos so so yang dag par rig pa'o zhes bcom ldan 'das chos thams cad sgyu ma'i mtshan nyid du so so yang dag par rig pa'i phyir shes rab kyi pha rol tu phyin pa'o/

  780. 391a

    zhes bka' stsal to// oM pra ti sam+bi daHsa n+tu/ shes rab kyi pha rol tu phyin pa mnyam pa nyid do// rjes su dran pa drug gang zhe na/ sangs rgyas rjes su dran pa dang chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa'o// chos thams cad gcig tu rjes su dran pa ni chos thams cad don dam pa stong pa nyid ces bya'o/ / mtshan nyid dang mtshan nyid med pa rnam par spyod pas mnyam pa nyid kyi sgo zhes bya ba 'di ting nge 'dzin la dbang sgyur bas bka' stsal to// oM sarba a nu smi ti bud+d+he saM pa dA di shi hUM hUM hUM/ rjes su dran pa drug gi shes rab bo// byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chu kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ byang chub kyi yan lag mnyam pa nyid skye ba med pa'i mtshan nyid ces bya ba shA rab kyi pha / rol tu phyin pa bka' stsal to// oM sarba tA bo d+h+yaM ga sa ma tA su pra tiSh+Tha te druM paM/ 'phags pa'i lam yan lag brgyad gang zhe na/ yang dag pa'i lta ba dang / yang dag pa'i rtog pa dang /

  781. 391b

    yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i stsol ba dang / yang dag pa'i dran pa dang / yang dag pa'i ting nge 'dzin to// lam zang mi shes pa'i byang chub kyi sems chen po la 'jug pa legs par so sor rig par thams cad mkhyen pa'i ye shes so/ / oM Ar+ya thAM ga mArga maT/ 'phags pa'i lam yan lag brgyad pa mnyam pa nyid ces bya ba shes rab kyi pha rol tu phyin pa'o/ / ting nge 'dzin gsum ni/ stong pa nyid dang / mtshan ma med pa dang / smon pa med pa'o// de la stong pa nyid kyi ting nge 'dzin gang zhe na/ stong pa'i rnam pa dang / gsog dang / gsob kyi rnam pa dang / rang bzhin med pa'i rnam pas chos thams cad mtshan nyid gcig tu rtogs pa sems rtse gcig pa ste/ 'di ni stong pa nyid kyi ting nge 'dzin ces brjod do/ / de la mtshan ma med pa'i ting nge 'dzin gang zhe na/ gang la mtshan mar mi byed pa dang / 'dod pa med pa dang / shes pa med pa dang / zhi ba'i rnam pa dang / rnam par bral ba'i rnam par sems rtse gcig pa ste/ 'di ni mtshan ma med pa'i ting nge 'dzin ces bya'o// de la smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam pa sems rtse gcig pa ste/ de ni smon pa med pa'i ting nge 'dzin ces bya'o// chos thams cad rtogs nas smon par mi byed de/ lha 'am lha las gzhan gang yang rung ba don du mi gnyer zhing

  782. 392a

    gsol ba 'debs par yang mi 'dod pa ste/ dngos po thams cad la ting nge 'dzin thams cad kyi sgo yis kyang ngo // shes rab kyi pha rol tu phyin pa 'di nyid kyis ting 'dzin gyi sgo gsum nye bar rtogs par bya'o/ / oM kha sa maHsarba d+hArma/ khaM/ de la stobs bcu ni gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang / mos pa sna tshogs mkhyen pa'i stobs dang / sdug bsngal 'gog pa so sor mkhyen pa'i stobs dang / kun nas nyon mongs pa dang rnam par byang ba mkhyen pa'i stobs dang / sngon gyi gnas rjes su dran pa mkhyen pa'i stobs dang / mngon par shes pa lnga mkhyen pa'i stobs so/ / zag pa zad pa mkhyen pa'i stobs so// de bzhin gshegs pa thams cad kyi mnyam pa nyid so sor rtogs pa'i phyir shes rab kyi pha rol tu phyin pa'o// oM da sha ba la sa ma te thaM/ stobs bcu mnyam pa nyid ces bya ba shes rab kyi pha rol tu phyin pa'o// rnam par thar pa brgyad gang zhe na/ gzugs can gyis gzugs rnam mthong ba de ni rnam par thar pa dang po'o/ / nang gzugs med pa'i 'du shes dang ldan pas phyi rol gyi gzugs rnams mthong ba 'di ni rnam par thar pa gnyis pa'o// bzang bar mos pa 'di ni rnam par thar pa gsum pa'o//

  783. 392b

    gzugs kyi 'du shes las yang dag par 'das kyithogs pa'i 'du shes rnams nab par b+hU cing / sna tshogs kyi 'du shes rnams yid la mi byed pas rnam mkha' mtha' las so zhes te/ mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o// de rnam pa thams cad du nam mkha' mtha' yas skye mched las yang dag par 'das te rnam par shes pa mtha' yas so zhes rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o/ / de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas pa 'di ni rnam par thar pa drug pa'o// de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o// de rnam pa thams cad 'du shes med 'du shes med min skye mched las yang dag par 'das te/ 'du shes dang tshor ba 'gog pa'i snyoms par 'jug pa la nye bar bsgrubs te gnas pa 'di ni rnam par thar pa brgyad pa'o// chos thams cad spros pa med pa'i mtshan nyid kun nas nyon mongs pa med cing rnam par byang ba med pa/ bsam gtan med cing bsam gtan med pa ma yin pa/ snyoms par 'jug pa med cing snyoms par

  784. 393a

    'jug pa med pa ma yin pa 'di bka' stsal to/ / oM sa man+ta b+ha dre sarba b+ha ba bi shud d+he d+hA Sha kha~M/ gnas dang gnas ma yin pa dang bral ba zhes bya ba shes rab kyi pha rol tu phyin pa'o/ / mi 'jigs pa bzhi gang zhe na/ bdag gis yang dag par rdzogs par sangs rgyas so zhes dam bcas na/ chos 'di rnams mngon par rdzogs par sa ma rgyas so zhes bya bar bdag la dge sbyong ngam/ bram ze 'am/ lha 'am/ bdud dam/ tshangs pa'am/ skye dgu'i tshogs gzhan ci'ang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su ma mthong ste/ rgyu yang dag par rjes su ma mthong bas de la bdag med pa thob pa dang / ngag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca' 'o/ / 'khor gyi nang du seng ge'i sgra bsgrag go// tshangs pa'i 'khor lo 'jig rten dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste// chos dang ldan pa bskor bar mi nus pa bdag gis rab tu bskor bar bya'o// bdag zag pa zad do zhes dam bcas nas/ de la zag pa 'di rnams yongs su zad par ma gyur to zhes bya bar bdag la dge sbyong ngam/ bram me 'am/ lha 'am/ bdud dam/ tshangs pa 'am/ skye dgu'i tshogs gzhan su'ang rung ste/ 'jig rten na chos dang 'thun par zhes bya ba'i bar du'o//

  785. 393b

    gang yang bdag gis bar chad kyi chos su bstan pa de dag la bstan na bar chad kyi chos su mi 'gyur ro zhes bya ba rgyas par sbyar ro// gang yang bdag gis lam 'phags pa'i nges par 'byung ba'i lam du bshad pa de yis nges par 'byung bar mi 'gyur te/ yang dag par sdug bsngal zad pa dang / yang dag par sdug bsngal mthar bya bar ga la 'gyur zhes dge sbyong ngam/ bram ze'am/ lha 'am/ bdud dam/ tshangs pa 'am/ skye dgu'i tshogs su'ang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ba la sogs pa ji ltar gyur pa thams cad yongs su spros te brjod par bya'o/ / mi 'jigs pa ni chos thams cad mnyam pa nyid sgyu ma'i mtshan nyid de ngar 'dzin pa dang / nga yir 'dzin pa dang bral ba'i phyir ro// / oM bai shA ra d+ya sa ma tA thA pa twA a AH/ aM AH/ mthar gyis gnas pa'i mnyam pa nyid kyi snyoms par 'jug pa dgu gang zhe na/ 'dod pas dben pa/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs te gnas so// de rnam par rtog pa dang rnam par dpyod pa nye bar zhi nas nang yongs su dngas te sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa

  786. 394a

    la nye bar bsgrubs te gnas so/ / de dga' ba'i 'dod chags dang bral bas btang snyoms su gnas te/ dran pa dang ldan zhing shes bzhin can lus kyis bde ba myong la 'phags pa rnams kyis de la dran pa ldan pa'i bde ba la rnam par dpyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so// de bde ba'ang spangs/ sdug bsngal ba'ang spangs shing / yid bde ba dang / yid mi bde ba snga nas kyang nub pas/ bde ba'ang med/ sdug bsngal ba'ang med/ btang snyoms pa dang dran pa yongs su dag pa/ bsam gtan bzhi pa la nye bar bsgrubs te gnas so// de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so// de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yos skye mched la nye bar bsgrubs te gnas so// de rnam pa thams cad du rnam shes mtha' sos skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so// de rnam pa thams cad du cung zad med pa'i skye mched

  787. 394b

    las yang dag par 'das te/ 'du shes med 'du shes med min skye mched la nye bar bsgrubs te gnas so// de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa'i snyoms par 'jug po la nye bar bsgrubs te gnas so// rnam par thar pa brgyad po dang mnyam pa nyid rjes su thob nas dngos por rtog par mi byed/ dngos po med par rtog par mi byed/ chos thams cad gnyis su med par rtogs so// 'di ni mthar gyis gnas pa'i snyoms par 'jug pa dgu mnyam pa nyid do// oM a nan+ta/ bi mo k+Sha mu khe shum/ dngos po thams cad mthar gyis gnas pa'i rnam par thar pa mnyam pa nyid ces bya ba shes rab kyi pha rol tu phyin pa'o// de la pha rol tu phyin pa bcu gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang shes rab kyi pha rol tu phyin pa dang / smon lam gyi pha rol tu phyin pa dang / ye shes kyi pha rol tu phyin pa dang / stobs kyi pha rol tu phyin pa dang / thabs kyi pha rol tu phyin pa dang / thams cad kyi pha rol tu phyin pa dang / mi mnyam pa dang mnyam pa'i pha rol tu phyin pa dang / spros pa med pa'i pha rol tu phyin pa dang / yang dag pa'i don gyi pha rol tu phyin pa dang / chos thams cad

  788. 395a

    kyi de kho na nyid kyi don gyi pha rol tu phyin pa dang / rdo rje'i pha rol tu phyin pa dang / rin po che'i pha rol tu phyin pa dang / pad+ma'i pha rol tu phyin pa dang / las kyi pha rol tu phyin pa dang / chos thams cad mnyam pa nyid kyi pha rol tu phyin pa ste/ brtan pa'i rjes su rtogs pa'i sbyor bas so// oM sarba pA ra mi tA ar+tha pa ri pU ra Ni/ oM praM hUM taM/ thams cad kyi pha rol tu phyin pa zhes bya ba shes rab kyi pha rol tu phyin pa'o/ / de la sa bcu po gang zhe na/ rab tu dga' ba zhes bya ba'i sa dang / dri ma med pa zhes bya ba dang / 'od byed pa zhes bya ba dang / bong 'phro ba zhes bya ba dang / sbyang dka' ba zhes bya ba dang / mngon du gyur pa zhes bya ba dang / ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin zhes bya ba dang / sa thams cad don gcig ste/ 'di ltar ye shes kyi don to// ye shes kyang ci'ang med pa/ nyon mongs pa med pa yi ge med pa/ don yod pa/ gdod ma nus dag pa/ dri ma med pa/ 'od gsal ba/ brjod pa dang bral ba zhes bya ba'i don to// oM b+hu ma bi sho d+ha ni sarbA nA pa ri pU ra Ni baM bruM/ sa yod su sbyong ba zhes bya ba shes rab kyi pha rol tu phyin pa'o/ / byang chub sems dpa'i gnas pa bcu gang zhe na/ byang chub sems dpa' sems dang po bskyed pa dang / gzhon nur gyur pa dang / las

  789. 395b

    dang po pa dang / rnal 'byor spyod pa dang / skye ba nas skye bar sbyor ba dang ldan pa dang / bsam pa dang ldan pa dang / phyir mi ldog pa dang / dbang bskur ba thob pa dang / skye ba gcig gis thogs pa dang / byang chub sems dpa' rnams kyi rnam par gnas pa dang mi gnas pa dor ba ste/ don dam par gnas pa gcig yin pa'i phyir te/ 'di ltar gnas pa med pa'o// oM sarba bya ba swa na bi ga te hUM/ rnam par gnas pa med pa zhes bya ba'i shes rab kyi pha rol tu phyin pa'o// byang chub chub sems dpa' rnams kyi dbang bcu gang zhe na/ tshe la dbang ba dang / las la dbang ba dang yo byad la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / skye ba la dbang ba dang / ye shes la dbang ba dang / chos la dbang ba dang / sems la dbang ba'o// dbang ba dang mi dbang ba rang bzhin gyis rnam par grol ba thams cad la dbang ba/ dbang phyug thams cad la dbang rjesu thob pa/ chos thams cad legs par so sor rtogs pa nyid kyi phyir ro/ / oM sarba ba shi te trA trAM hUM/ thams cad la dbang ba zhes bya ba shes rab kyi pha rol tu phyin pa'o// de la sangs rgyas kyi chos ma 'dres pa bco brgyad gang zhe na/ de bzhin gshegs pa la 'khrul pa mi mnga' 'o// ca co ma mnga' 'o// dgongs pa nyams pa mi mnga' 'o// thugs mnyam par ma gzhag pa mi mnga' 'o//

  790. 396a

    'du shes sna tshogs mi mnga' 'o// sa brtags pa'i btang snyoms mi mnga' 'o// 'dun pa yongs su nyams pa mi mnga' 'o// brtson 'grus yongs su nyams parmi mnga' 'o/ / dran pa yongs su nyams pa mi mnga'a'o// ting nge 'dzin yongs su nyams pa mi mnga' 'o// shes rab yongs su nyams pa mi mnga'a'o// rnam par grol ba yongs su nyams pa mi mnga'a'o/ / rnam par grol ba'i ye shes gzigs pa yongs su nyams pa mI mnga' 'o// 'das pa'i dus la ma chags ma thogs pa'i ye shes gzigs pa 'jug go/ ma 'ongs dus la ma chags ma thogs pa'i ye shes gzigs pa 'jug go/ / da ltar byung ba'i dus la ma chags ma thogs pa'i ye shes gzigs pa 'jug go// sku'i 'phrin las thams cad ye shes sngon du 'gro ba ste ye shes kyi rjes su 'brang ngo / / gsung gyi 'phrin las thams cad ye shes sngon du 'gro ba ste ye shes kyi rjes su 'brang ngo // thugs kyi 'phrin las thams cad ye shes sngon du 'gro ba ste ye shes kyi rje su 'brang ngo / / 'di chos rjes smra ba'i bsgyur 'phro lags// rgya dpal gtugs shing slob dpon rab bzhi bshes gnyen gyi 'grel pa dang yang bstun nas zhus dag byas shing / mi bcos su mi rung bai re re tsam 'grel pa dang bstun nas bcos shing / zhu thug g.yar khral du blangs nas/ bu sngon gyis bgyis pa'o//

  791. 396b

    dpal rdo rje sems dpa' la phyag 'tshal lo// de la sa bcu rnams ci zhe na/ rab tu dga' ba zhes bya ba'i sa dang / dri ma med pa zhes bya ba dang / 'od 'phro ba zhes bya ba dang / thub par dka' ba zhi bya ba dang / mngon du gyur pa zhes bya ba dang / ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin zhes bya ba'o// sa rnams thams cad don gcig pa ste/ 'di lta ste/ ye shes kyi don no// ye shes kyang don dam par ci'ang med pa/ nyon mongs pa med pa/ 'gyur ba med pa/ don yod pa/ gdod ma nas dag pa/ dri ma med pa/ 'od gsal ba/ brjod du med pa'o zhes pa'i don gang yin pa'o// oM b+hU mi bi sho d+ha ni sarbAr+tha pa ri pU ra Ni bi b+h+yAM/ sa yongs su sbyong ba zhes bya ba'i shes rab kyi pha rol tu phyin pa'o// byang chub sems dpa' rnams kyi rnam par gzhag pa bcu rnams ci zhe na/ byang chub sems dpa' sems dang po bskyed pa dang / byis par gyur pa dang / las dang po pa dang / rnal 'byor spyod pa dang / skye ba bskyed pa dang / sbyor ba phun su tshogs pa dang / bsam pa phun sum tshogs pa dang / phyir mi ldog pa dang / dbang bskur ba thob pa dang / skye ba gcig gis thogs pa ste/ byang chub sems dpa' rnams kyi rnam par gzhag pa ni don dam

  792. 397a

    pa thunas par gnas pa dang thAs / rnam pa gags pa ga nyid kyi phyir ma / tshul gzhag pa ma bag/ mosas pa bstan pag gzhag pa med pa zhes bya ba'i shes rab kyi pha rol tu phyin pa'o/ / byang chub sems dpa' rnams kyi dbang bcu rnams ci zhe na/ tshal dbang ba dang / las la dbang ba dang / yo byad la dpa bdang / mos pa la dbang ba dang / smon lam la dbang ba dang / rdzu 'phrul la dbang ba dang / skye ba la dbang ba dang / stobs la dbang ba dang / chos la dbang ba dang / sems la dbang ba'o/ / dbang rnams thams cad kyang don dam par dbang med pa/ rang bzhin rnam par dben pa/ kun rdzob tu dbang phyug thams cad la dbang rjes su thob pa ste/ chos legs par so sor rtogs pa nyid kyi phyir ro/ / oM sarba ba shi he d+b+ha b+h+rUM hUM/ dbang thams cad ces bya ba'i shes rab kyi pha rol tu phyin pa'o// de la sangs rgyas kyi chos ma 'dres ba bco brgyad rnams ci zhe na/ de bzhin gshegs pa la 'khrul pa med pa dang / ca co med pa dang / dkod pa nyams pa med pa dang / thugs mnyam par ma gzhag pa med pa dang / tha dad pa nyid kyi 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med

  793. 397b

    pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med cing rnam par grol ba'i ye shes gzigs pa nyams pa med pa dang 'das pa'i dus la ma chags ma thogs pa'i ye shes gzigs pa 'jug pa dang / ma 'ongs pa'i dus la ma chags ma thogs pa'i ye shes gzigs pa 'jug pa dang / da ltar gyi dus la ma chags ma thogs pa'i ye shes gzigs pa 'jug pa dang / sku'i 'phrin las thams cad ye shes sdod du 'gro zhing ye shes kyi rjes su 'brang ba dang / gsung gi 'phrin las thams cad ye shes sngon du 'gro zhing ye shes kyi rjes su 'brang ba'o/ / thugs kyi 'phrin las thams cad ye shes sngon du 'gro zhing ye shes kyi rjes su 'brang ba'o// de bzhin gshegs pa thams cad ni yul thams cad du dus thams cad kyi tshe thams cad mnyam pa nyid la legs par rab tu gnas pa ste/ stong pa nyid la yang dag par rjes su rtogs pa nyid kyi phyir na shes rab yongs su dag pa'o/ / oM A ma Ni ka bud+d+ha d+harma sa ma tre aHbI ra hUM khaM/ ma 'dzes pa mnyam pa nyid ces bya ba'i shes rab kyi pha rol tu phyin pa'o// / de la skyes bu chen po'i mtshan sum cu rtsa gnyis rnams ci zhe na/ phyag dang zhabs kyi mthil 'khor los mtshan pa nyid de/ 'di'i phyag dang zhabs kyi mthil dag la 'khor lo rtsibs stong can lte ba dang bcas pa mu khyud dang bcas pa

  794. 398a

    rnam pa thams cad yongs su rdzogs pa'o/ / phyag dang zhabs kyi mthil legs par gnas pa ste/ zhabs kyi mthil thams cad kyis sa gzhi la reg cing / de'ang 'di'i mtho ba ni dma' ba dang / dma' ba ni mtho ba'o// phyag dang zhabs kyi sor mo dang pa'i rgyal po lta bur dra bas 'bral ba ste/ de bzhin gshegs pa rnams kyi phyag dag dang / zhabs de dag gser gyi mdog can gyi ri bo'i 'phreng ba rnams kyis rkang pa brgyad pa bzhin du mdzes pa'o/ / phyag dang zhabs 'jam zhing gzhon sha chags pa nyid de/ bcom ldan 'das 'di'i phyag dang zhabs dag ras bal 'jam po bzhin dang / skyes nas zla ba lon pa'i byis pa bzhi/ du gzhon shA can dang / kA tsa lin dA ltar 'jam pa/ reg na bde ba'o// bdun mtho bar gyur to// phyag gnyis dag dang / zhabs gnyis dag dang / phrag gong dag dang / mgrin pa'i phyogs gcig dag gis so// sor mo ring ba ste/ 'di'i zhabs kyi sor mo rnams rim gyis ring ba nyid do// cing pa yangs pa ste/ 'di'i rting pa che zhing zhabs kyi rjes su 'tshams par yangs par 'gyur ro// sku che zhing drang ba nyid de/ 'phye bo ma yin zhing zhom pa ma yin/ ma tshang ba ma yin/ 'thas pa ma yin/ legs par skyes pa rnam pa thams cad pa bdun dang ldan pa'i sku ste/ mtho ba 'di'i srid dang rjes su 'tsham pa'i zheng du 'gyur ro// zhabs 'bur mi mngon pa nyid de/ 'di'i pus mo dang long bu mtho ba

  795. 398b

    'gyur ro/ / ba spu'i rtse mo gyen du phyogs pa ste/ 'di'i baspu rnams rtse mo gyen du phyogs par 'gyur zhing / ba spu rnams g.yas phyog su 'khyil la 'khor ba mig sman gyi mdog can rnams te// de rnams kyi gser gyi mdog can gyi sku mdog gsal bar byed do// byin pa ri dgas a n+ya ya'i lta bu ste/ bcom ldan 'das kyi byin pa dag zlum pa ri dgas e n+ya ya rnams lta bu'o// phyag ring bzhin mdzes pa ste/ rgyas shing ma btung ba nyid du phyag mthil dag gis rang gi pus mo'i lha nga la rag pa'o// mdoms kyi sba ba sbubs su nub ste/ sbubs kyis rab tu g.yogs pa glang po che'i gsang gnas lta bur 'gyur ro/ / sku mdog gser 'dra ba ste/ 'di'i kha dog gser lta bur 'gyur ro// pags pa srab pa ste/ shin tu 'jam pa gser shog ltar 'jam pa'i pags pa can du 'gyur zhing / rdul med pa'i na bza' 'dzin pa'o// s+phu re re nas skyes pa ste/ 'di'i ba spre'i khung bur spu rnams re rer 'gyur ro// smin ma'i dbus na mdzod spu can te/ 'dig smin ma dag gi dbus na ras skud legs pa lta bu dung bcag pa'i kha dog can g.yas phyogs su 'khyil bar 'gyur te/ mdzod spu nyid kyis zhal gser gyi kha dog lta bu shin tu gsal bar byed do// sku stong se ga lta bu ste/ 'di'i sku steng du yangs pa seng ge lta bur 'gyur ro// dpung mgo zlum pa ste/ yongs su zlum pa'i mgrin pa can du 'gyur ro// thal gong rgyas pa ste/ 'di'i che bar rgyas

  796. 399a

    par 'gyur zhing gser shog bzhin du rnam par gsal ba'i mgrin pa can no/ / yan lag so so rnams su ro rnams myong bar byed do zhes pas na/ ro bro ba'i mchog dang ldan pa nyid de/ rtsa rnams yin pa de rnams kyi mchog tu rlung dang / mkhris pa dang / bad dkan la sogs pa rnams kyis ma dkrugs pa nyid kyi phyir yang dag par gsal ba'o// shing n+ya gro d+ha ltar chu zheng gab pa ste/ skyes bu chen po'i chu dang zheng dag mnyam pa'o/ / dbu gtsug tor dang ldan pa ste/ dbu zlum par 'gyur zhing gtsug tor gdugs lta bus yas bkab pa gtsug tor yang shin tu mtho ba'o// ljags ring ba ste/ snyan gyi mtha'i bar du ljags kyi rtse mos reg par byed cing dbu skra'i mthar thug par yang / dpral ba'i mthar ljags kyis khebs pa'o// tshangs pa'i dbyangs te/ 'khor stong phrag du mar dbyangs nang du ji lta ba de ltar phyi rol du'ang thos shing / bya ka la bing ka'i bzhin du snyan pa nyid du 'gyur ro// 'gram pa seng ge'i lta bu ste/ 'gram pa dag seng ge'i bzhin du zlum par 'gyur ro// tshems dkar ba ste/ dung dang / kun dadang / zla ba'i kha dog can gyi tshems rnams so// tshems mnyam pa ste/ ha cang dma' ba ma yin/ mtho ba ma yin/ mi mnyam pa ma yin pa'i rtse mo can gyi tshems rnams su 'gyur ro// tshems thags bzang ba ste/ choms rnams par med pa'o// tshems bzhi bcu mnga' ba ste/ tshems 'og tu nyi shu dang / steng du tshems nyi shu'o// spyan mthon mthing ste/ spyan dag gi sngon po gang yin pa de shin

  797. 399b

    tu rnam par dag par 'gyur te/ ri mo dmar po rnams sa dang ma 'dres pa nyid du phyir la/ gang dkar po yin pa de dkar po kho na shin tu rnam par dag par 'gyur ro// rdzi ma pa'i lta bu ste/ spyan gyi rdzi ma rnams khyu mchog gi bzhin du 'og ma yin pa de rnams 'og kho na dang / gang steng ma yin pa de rnams steng kho nar gnas pa/ ma 'dzings pa/ legs par gzhol ba'o// sems can 'ga' zhig rnams kyis de bzhin gshegs pa gser gyi mdog can du mthong ba/ 'ga' zhig rnams kyis shel gyi mdog can du mthong ba/ 'ga' zhig rnams kyis pad+ma rA ga'i mdog dang / 'ga' zhig rnams kyis in+d+ra nI la'i kha dog dang 'ga' zhig rnams kyis mu tig dmar po'i kha dog can dang / 'ga' zhig rnams kyis dung dang / kun da dang / zla ba ltar dkar ba dang / 'ga' zhig gis kha dog sna tshogs pa dang / 'ga' zhig gis nam mkha'i kha dog dang / 'ga' zhig gis khru phyed dang bcu gsum pa'i tshad dang / ji srid du dpag tshad 'bum gyi tshad dam dpag tshad bya ba'i tshad dang / ji srid du 'jig rten gyi khams rab 'byam rgya mtsho'i sprin mtha' yas pa rnams su sdang bar mdzad pa'i 'od kyi dkyil 'khor can dang / stong gsum gyi stong chen po'i 'jig rten gyi khams snang bas yongs su rgyas par mdzad pa dang / ji srid du me tog gi gzhi'i snying po'i rgyan bkod pa'i rgya mtsho rnam par snang bar byed cing / chos kyi dbyings kyi mthar thug pa'i bar du ste/ sangs rgyas thams cad kyi yul gdul bya'i dbang las thams cad snang bar byed cing / 'jig rten gyi khams thams cad dbyangs kyis rnam par rig par mdzad

  798. 400a

    pa dang / stong gnyis dang / gsum dang / ji srid nam mapa'i mthar thug pa'i bar thams cad kyi 'od dang dbyangs kyis snang bar byas nas/ rnam par rig par mdzad pa da cos dang thang ci rang / don 'thun pa dang / don bya ba'i bsdu ba'i dngos po bzhi rnams kyis sems can rnams la phan 'dogs shing / phan btags nas byang chub chen po la rab tu dgod par mdzad do// skyes bu chen po'i mtshan sum cu rtsa gnyis mnyam pa nyid kyis chos rnams thams cad mnyam zhing mnyam pa ste/ de bzhin gshegs pa rnams kyi mtshan mngon par 'grub par blta bar bya'i// mtshan ma yin pa mngon par 'grub pa ni ma yin no// byang chub mtshan nyid med pa nyid kyi phyir chos rnams thams cad mtshan nyid meng pa ste/ 'di lta ste/ stong pa nyid kyi mtshan nyid can no// de bzhin gshegs pa thams cad kyang stong pa nyid du mnyam pa'o// de bzhin gshegs pa thams cad dang / byang chub dang / chos rnams thams cad kyang mtshan nyid gcig pa ste/ 'di lta ste/ nam mkha'i mtshan nyid can/ stong nyid kyi mtshan nyid can/ zhi ba'i mtshan nyid can rnams so zhes pa'o// oM sarba ta thA ga ta par lak+Sha Na sa ma ta d+harma te oM/ mtshan thams cad mnyam pa nyid ces bya ba'i shes rab kyi pha rol tu phyin pa'o// dpe byad brgyad cu rnams ci zhe na/ sangs rgyas bcom ldan 'das rnams kyi sen mo zangs kyi mdog lta bur 'gyur te/ sen mo snum pa dang / sen mo mtho ba dang / sen mo rnams zlum par gyur pa dang / sor mo rnams rim gyis phra ba dang / sor mo rnams rgyas pa dag rtsa mi mngon pa dang / rtsa rnams mdud pa med pa

  799. 400b

    dang long bu mi mngon pa dang / zhabs mi mnyam pa med par mtshungs pa dang / glang po che'i stabs su gshegs pa dang / seng ge'i stabs su gshegs pa dang / g.yas phyogs su ldog cing gshegs pa das drang po gshegs pa dang / mdzes par gshegs pa dang / rim gyis gsheg pa dang / che zhing yangs la yongs su gyur pa'i pus mo'i lha nga can dang / mtshan yongs su rdzogs pa dang / gom pa snyoms pa dang / sku rnam par dag pa dang / skra 'jam pa dang / skra rnam par dngas pa dang / skra zhum pa med pa dang / ska dgu pa med pa dang / kun tu spyod pa gtsang ba dang / khyu mchog ltar kun nas rab tu dang ba can dang / gzigs pa yongs su dag cing mngon par 'dod pa la mnyam pa'i 'od can dang / dku zlum pa dang / dku skabs phyin pa dang / dku ma rnyongs pa dang / sku rkang gzhu'i lag bcangs lta bu dang / lte ba zab pa dang / lte ba mi g.yo ba dang / lte ba g.yas phyogs su 'khyil ba dang / lte ba thogs pa med pa dang / yan lag dang nying lag shin tu rnam par dbyes pa dang / pag pa skyon dang bral ba dang / gnag bag dang sme ba med pa dang / sku brtan pa dang / phyag shing bal lta bu dang / phyag yangs pa dang / phyag gi ri mo snum pa dang / phyag gi ri mo mi yo ba dang / mchu bim pa lta bu dang / zhal ha cang mi ring ba dang / mnyen zhing srab la dmar ba'i ljags dang / glang po che'i nga ro can dang / snyan cing mnyen pa'i dbyangs dang / sgra phun sum tshogs pa dang / dbyangs 'jam pa dang / shangs mtho ba dang / mche ba zlum pa dang / mche ba dkar ba dang / mche ba byin gyis phra ba dang / spyan gtsang ba dang / spyan yang

  800. 401a

    pa dang / spyan mthon mthing dang / rdzi ma gnag pa dang / smin ma stug pa dang / srin ma 'jam pa dang / spyan dkar nag 'byes shing pad+ma'i 'dub ma lta bu dang / smin tshugs ring ba dang smin ma'i sgra nag pa dang / smin ma'i sgra phra ba dang / smin ma rjes su 'thun pa dang / kha dog ma nyams pa dang / snyan mi mnyam pa med pa dang / snyar skyon dang bral ba dang / dbang po thams cad ma nyams shing skyon dang bral ba dang / sku yongs su rdzogs shing mtho la mchog tu gnas pa'i zhal gdong dang dpral ba can dang / dbu shin tu rgyas pa dang / dbu skra gnag pa dang / dbu skra skyug pa dang / dbu skra 'jam pa dang / dbu skra dri zhim pa dang / dbu skra mnyam pa dang / dbu skra snum pa dang / dbu ska ma 'khums pa dang / dbu skra ma 'khrugs pa dang / dpal be'u dang / bkra shis dang / g.yung drung 'khyil bas brgyan pa dang / rgyal mtshan yang dag par gnas pa dang / dpral ba dung lta bu dang / dbu mchog tu mtho ba dang / gtsug tor yar 'phags pa dang / dbu gdugs kyi rnam pa can dang / kun nas mdzes pa ste/ de bzhin gshegs pa rnams ni tshad med pa'i dpe byad can/ mnyam pa nyid la legs par rab tu gnas pa/ gsal byed dang gsal byed ma yin pa mnyam pa nyid la legs par rab tu gnas pa/ chos thams cad gsal byed med par mnyam pa nyid la legs par rab tu gnas pa/ mtshan dang dpe byad thams cad sgyu ma'i chos dang ldan pa la

  801. 401b

    legs par rab tu gnas pa/ dus gsum gyi dpe byad mnyam pa nyid rdo rje lta bu mnyam pa nyid thob pa/ stong pa nyid kyi chos thams cad dang dpe byud mnyam pa nyid thob pa/ gnyis su med pa'i/ don la gnas par yang dag par zhugs pa rnams so zhes pa'o// oM a nu bany+dza na sa ma tA su pra tiSh+Thi ta badz+ra dz+nyA na hUM dz+dza a~M/ dpe byang mnyam pa nyid ces bya ba'i shes rab kyi pha rol tu phyin pa'o// de nas bcom ldan 'das de bzhin gshegs pa thams cad 'dus par gyur nas/ bcom ldan 'das rdo rje rnal 'byor gyi dbang phyug chen po can la legs so zhes bya ba rnams kyis mnyes par mdzad do/ / oM byang chub sems chen khyod legs so// sangs rgyas kun gyi bdag nyid mchog/ sangs rgyas chen po khyod legs so// ting 'dzin dbang du 'jug pa yi// rdorje ye shes khyod legs so/ / rdo rje sems dpa' khyod legs so// tshad med ched du khyod legs so// shes rab dam pa'i cheng du yang // mdo sde 'di ni legs par bshad// sangs rgyas snga mas ma gsungs pa'o/ / de nas bcom ldan 'das rdo rje rnal 'byor can gyi dbang phyug chen pos/ de bzhin gshegs pa rnams thams cad la phyag 'tshal ba bzhi'i mngon par dgos par mdzad do/ / sangs rgyas khyod la phyag 'tshal lo// chos kyi sku yi mchog gi mchog/ gdod ma'i sngags kyi don nyid la// rdo rje ye shes stobs chen la// shin tu sgrib

  802. 402a

    med zhi ba la/ / rdo rje chos rnams legs gnas pa// theg pa chen po'i go 'phang thog/ thugs rje'i bdag nyid can gyi lha// gdod nas dag bya dpa' bo na/ / dbang phyug dam pa mchog gi mchog/ dan+d+ha sa mchog tu 'gyur ba med// bde gshegs de rnams la phyag 'tshal// zhes pa'o// lo sku ste aM maM hUM hUM na mo stu staM swA hA/ 'di ni brjod pa tsam zhig gis// sangs rgyas thams cad rab mchod pa'o// zhes pa'o// de nas bcom ldan 'das rnam par snang mdzad chen pos/ / de bzhin gshegs pa thams cad bos nas 'di skad ces gsungs so// bcom ldan 'das de bzhin gshegs pa rnams thams cad dngos grub thams cad kyi dkyil 'khor bskyed par mdzad du gsol/ de nas bcom ldan 'das de bzhin gshegs pa rnams tham cad slar yang 'dus pa mdzad nas/ bcom ldan 'das rdo rje rnal 'byor can gyi dbang phyug chen po la gsol ba btab pa/ bcom ldan 'das khyod nyid kyis rigs thams cad 'khor lor bskyed par mdzad du gsol/ dan bcom ldan 'das rdo rje rnal 'byor gyi dbang phyug chen pos gsol ba btab pa'i gsung gi de ma thag kho nar/ 'jam dpal gzhon nur gyur pa la bos te bka' stsal pa/ 'jam

  803. 402b

    dpal de bzhin gsheg pa rnams thams cad kyi byang chub kyi snying po nyod cig ces te/ de nas 'di las yang dag bshad// byang chub dkyil 'khor bla na med// rdo rje ye shes gsang ba mchog/ sangs rgyas skyob pa thams cad kyi'o// dben pa'i sa gzhi nyams dga' ba/ me tog 'phreng bas rnam brgyan pa/ kun tu sna tshogs cha bzang ba/ kun tu sna tshogs sdom pa ni/ / kun nas sna tshogs bya ba rnams// dam pa'i don du bsgrub par bya// ri yi mchog gam grong khyer ni/ me tog 'bras bus rnam brgyan rer gnas sngags pas dngos grub mchog/ gal te 'dod na yang dag bri// gtsug lag khang dang dgon pa'i gnas// ri stangs rnams su kun nas sangs rgyas kun gyi bya ba rnams/ / dam pa'i don du bsgrub par bya/ ma mo gnas dang zhi ba'i gnas/ dur khrod lha yi gnas su ni/ rdo 'dzin dpal bya ba rnams/ don dam par ni bsgrub par bya// pad+ma'i skyang mos tshal kun dang / chu bo 'dus pa rnams su yang / phyag na pad+ma dpal dam pa'i doran du bsgrub par bya/ / rgyal po'i pho brang nyams dga' dang // rgyal po'i skyed tshal rnams su ni/ rdo rje ri cher de yis ni/ rin chen

  804. 403a

    bya ba rnams bsgrub bya/ / rtags gcig pa dang ba lang lhas// chu klung 'dus pa rnams su yang // sna tshogs bya ba thams cad rnams// dam pa'i don du bsgrub par bya/ / dpal ldan rdo rje sems dpa' dang // lha rnams gnas mchog kun tu'o// nam mkha' 'am ni phyogs gzhan du// gang du mnyam par bzhag pa der/ rtag par bsod nams mchog gyur pa// bya ba thams cad bsgrub par bya// phyogs kun mnyam nyid gnas dkyil 'khor// shes rab can gyis thig gdab bya// shar lho rub dang byang rnams kyi/ / phyogs su dkyil 'khor thig brgyad po// de yi phyi ru 'khor lo ri// kha dog lnga pa cher 'bar ba'o// gru bzhi pa la sgo bzhi pa// u0f7fbabs bzhi yis mdzes pa ste/ sna tshog gos dang me tog 'phreng // rnga yab sogs kyis rnam brgyan pa// dkyil 'khor kun la gnas pa yi// sgo dang sgo khyud mtshams rnams su// rdo rje rin chen rnams kyis spras// dkyil 'khor thams cad bri bar bya/ / dkyil 'khor de yi dbus ni// gal te dngos gru mchog 'dod na// zla ba'i dkyil 'khor la gnas pa// sangs rgyas gzugs brnyar bri bar bya// shar du bcom ldan 'khor lo can/ / rdo rje sems dpa' yang dag ldan// 'khor lo sgyur ba thams cad ni// sgeg par bcas pa kun bri bya// lho ru gtsug tor dkar po ni// rin chen 'bar ba yang dag lnga/

  805. 403b

    gtsug tor dkar po'i dbus su ri// rdo rje gzi brjid la sogs bri// byang du brtson 'grus chen po ni// gzi brjid phung po stobs po che// sna chog rdo rje sogs bcas pa// rim pa kun nas bri bar bya/ / rdo rje rnal 'byor can gyi ni// dbang phyug mgon po'i nub phyogs su// gtsug tor rgyal ba brtson 'grus che// rdo rje chos sogs dam bcas pa// thams cad sngags pas bri bar bya/ gal te dngos grub mchog 'dod na// dpal ldan phyogs su 'phags pa gnas// me mtshams su ni mer 'phags so// bden bral du ni rnam rgyal nyid// rlung du de bzhin rnam 'phro ba'o// rdo rje sems dpa' sems dpa' che/ / sems dpa' kun gyi mdun du ni// zla ba'i dkyil 'khor dbus gnas pa// gsal zhing 'bar 'khrigs 'od zer can// mkhas pas dkyil 'khor rnams su ni// mchod pa rnams ni bzhag byas te/ / sgeg mo la sogs mchod pa che// de bzhin gzugs sgra la sogs dang // bdug pa la sogs gsang chen no// sgo skyong ba ni bzhi yin no// phyi yi dkyil 'khor gnas rnams// kun tu bzang po la sogs bri// de ltar dkyil 'khor bri bya ste// mchod pa byas nas snga ma bzhin// de bzhin 'jug pa sogs byas la// sgrub pa'i thabs ni brtsam par bya// rdo rje rnal 'byor dbang byug sogs/ / dkyil 'khor mngon sum mthong ba las// snga pa rtag pa ji bzhin du// phyi nas de bzhin bri bar bya// bsod nams ldan pas dkyil 'khor rnams// thams cad tshon gyis rab brtag pa/

  806. 404a

    rang gi lhag pa'i lha ngo bos// dkyil 'khor thams cad bri byar 'gyur// rang lha'i bdag nyid rnal 'byor gyis// dkyil 'khor thams cad rab tu grub// cho ga dman dang lhag pas kyang / / 'grub par 'gyur te sgron ma yin// kun tu sna tshogs skal bzang ba// kun nas sna tshogs 'khor lo can// 'khor lo sgyur ba bdag nyid che// rin chen bdun gyis ma rod pa che// yongs su rdzogs pa'i zla ba ltar/ / dkyil 'khor bdud rtsi 'byung zhes bya// sangs rgyas rdo rje 'dzin sogs kyis// dkyil 'khor 'di ni bshad byas pa'o// phyag na pad+ma bdag nyid tshe'i// pad+ma'i rnam par shes par bya// rin po che yi rin chen rnams/ / dkyil 'khor sna tshogs rnam pa'o// dkyil 'khor dman zhing dam tshig rnams// dor ba byas pa de nyid ni// gsang ba shes pa ma yin na// sgrub pa'i thabs ni 'grub mi 'gyur// de phyir 'bad pa thams cad kyis/ / dkyil 'khor thams cad lta ba ni// gal te dngos grub mchog 'dod na// gdon mi za bar rtag tu bya// bla ma la ni yon phul nas// rjes su rim pas bsgrub par bya// brtan pa 'am ni g.yo ba yi/ / rdzas rnams ji snyed thams cad de// rtsa ba me tog 'bras bu sogs// bu mo legs par brgyan byas dang // 'dod pa'i chung ma phul byas nas// slar yang rin gyis bsla bar bya/ / grong dang de bzhin gtsug lag khang // kun dga' ra sogs rgyal srid mchog/ gang la sbyin bya cung zad yod// 'tsho ba de ni sbyin par bya// bdag gi dngango po yongs gtong pa// sangs

  807. 404b

    rgyas thams cad rab mchod pa'o/ / tha ma la ni yon phul nas// gsang ba dam pa rmad byung ba/ mngon par dbang bskur de nas bya// 'dab ma brgyad pa yid 'ong la// slob ma bzhag nas yan lag kum phyag rgya kun nas bcings byas nas khams kun rang bzhin rtsa ba dang / / sa bon 'bras bu dud pa yi// bum pa rnams kyis dbang bskur te// sangs rgyas 'phreng ba'i dbang bskur las// spyi bo dang ni dpral ba dang / / gzhogs dang de bzhin rgyab tu yang // sangs rgyas rin chen chen po kun// cod pan mchog tu mi 'gyur ro// dpal ldan sangs rgyas gtsug nor bu// gdugs dkar steng na gnas pa'o// rgyal srid kun gyi dbang bskur gyis/ / yang dang yang du dbang bskur bya// dpal kun gyis ni mngon mtho ba// zhes bya'i dbang bskur bshad pa'o// khams kun rang bzhin glang po dang // rta ni mchog tu 'bar ba 'am// seng ge'i gdan gnas dbang bskur ba/ / dpal gyi sngags ni rjod byed cing // dpal gyis mngon mtho zhes bya 'am// dam pa'i don gyis dbang bskur ba// bkra shis sam ni dpal be'u// gang yang bris nas dbang bskur bya/ / sangs rgyas dpa' bo thams cad kyis// rnam rgyal dbang bskur zhes bshad do// tsan dan nu dang bung ba che// gzhan gyis mi thub sman blugs la// kun nas dbang bskur ched du ni// rtag tu shes rab can gyis btab/ / gzhan gyis mi thub dbang bskur mchog/ dkyil 'khor gang gang bris byas nas// phyag rgya gang dang gang bkod pa// der ni de dang de brtag bya// de rnams phyag rgyangam par bsha/ dang /

  808. 405a

    @##/ bskur ched du sangs rgyas rnams// lha de rnams ni yid du 'ong // sman gyi dam pa mchog gyur pa// sangs rgyas kun gyis rab bshad/ tsan dan dang ni rgya spos dang / ga pur de bzhin gur kum dang / sa ka ru dang lha yi shing / / tsan dan dmar po nyid dang ni// saM ha byA g+h+ri de bzhin mchog/ kun nas hAs de ba dang // gi ri kaN+Tha tshangs mchod sbyin// sman gyi dam pa rnams su bshad// lha gnas kun gyi sbyor ba yis// sangs rgyas mchod pa rab 'jug cing / / dang po rdo rje dbang bskur ba// shes rab thams cad rab 'jug byed// rin chen dam pa'i dam pa ni// gser la sogs kyis thams cad nas// sman kun dang ni sa bon kun// 'bru rnams thams cad bzang po ni/ / sangs rgyas byin brlabs rnal 'byor las// dbang bskur don du rab bcag bya// sangs rgyas kun gyi rnal 'byor che// dbang bskur dam pa 'od 'bar ba'o// sangs rgyas kun nas sangs rgyas 'gyu zhes pa'o/ / dpal rdo rje snying po rgyan gyi rgyud du ji ltar rnyed pa yongs su rdzogs so// / rigs gzugs skal bzang mang thos blo 'byor sogs// phun tshogs ldan pa dpal ldan chos rje yis/ / rgyud 'di bsgyur las cung zad ma rdzogs pa// dpal ldan blo gros brtan pas rdzogs par bsgyur// 'di lo tsa ba bu ston kha ches 'gyur bcos pa der snang bas sngar gyi 'gyur