Text

ff. 1b–360a · 718 folio sides

  1. 1b

    rgya gar skad du/ Ar+ya pany+tsa bing sha ti pradz+nyA pA ra mi tA mu kha nA ma ma hA yA na sU tra/ bod skad du/ 'phags pa shes rab kyi pha rol tu phyin pa sgo nyi shu rtsa lnga pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal

  2. 2a

    lo// 'di skad bdag gis thos pa dus gcig na/ bcom ldan 'das ri rab kyi choms la lha thams cad kyi mtshan mo'i gnas na/ byang chub sems dpa' bye ba khrag khrig 'bum phrag du ma dang thabs cig tu bzhugs te/ de nas bcom ldan 'das lha dang / lha'i bu dang / lha ma yin dang / rlung lA dang / nam mkha' lding dang / klu dang / gnod sprin dang / mi 'am ci dang / srin po dang /

  3. 2b

    rig sngags 'chang thams cad dang / 'byung po dang / log 'dren dang / sha za dang / snang ba dang / mi snang ba'i ma mo'i tshogs shin tu mang zhing rgya che ba dpag tshad lnga'i dkyil 'khor du 'dus pa sha stag dang / dge slong stong nyis brgya lnga/ bcus bskor cing mdun du bdar nas chos ston te/ de nas byang chub sems dpa' sems dpa' chen po lag na rdo rje// rdo rje'i rigs thams cad kyis yongs su bskor cing rig pa'i tshogs dang / phyag rgya'i tshogs de dag thams cad kyi rig sngags 'chang bye ba phrag du mas yongs su bskor nas/ bcom ldan 'das ga la ba der song ste phyin nas par

  4. 3a

    snang las babs nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug pa dang / de nas bcom ldan 'das kyis/ gsang ba'i bdag po lag nA rdo rje la bka' stsal pa/ gsang ba'i bdag po nyi shu rtsa lnga po 'di rnams ni/ nga'i shes rab kyi pha rol tu phyin pa'i sgo yin no// oM sangs rgyas dang byang chub sems dpa' thams cad la phyag 'tshal lo// oM byang chub kyi sems rdo rje shes rab kyi pha rol tu phyin pa'i sgo'o/ / oM kun tu bzang po spyod pa shes rab kyi pha rol tu phyin pa'i sgo'o// oM yid bzhin gyi nor bu shes rab kyi pha rol tu phyin pa'i sgo'o/ / oM 'gog pa med pa shes rab kyi pha rol tu phyin pa'i sgo'o// oM skye bar 'gyur ba shes rab kyi pha

  5. 3b

    rol tu phyin pa'i sgo'o/ / oM rnam par shes pa thams cad shes rab kyi pha rol tu phyin pa'i sgo'o// oM 'bar ba chen po'i chos nyid shes rab kyi pha rol tu phyin pa'i sgo'o// oM brtson 'grus shes rab kyi pha rol tu phyin pa'i sgo'o/ / oM thams cad du 'gro ba shes rab kyi pha rol tu phyin pa'i sgo'o// oM rdo rje thams cad brtan pa'i sems shes rab kyi pha rol tu phyin pa'i sgo'o// oM de bzhin gshegs pa thams cad shes rab kyi pha rol tu phyin pa'i sgo'o// oM rang bzhin rnam par dag pa'i chos nyid ye shes rnam par dag pa shes rab kyi pha rol tu phyin pa'i sgo'o// oM las rnam par sbyong ba shes rab kyi pha rol tu phyin pa'i sgo'o/ / oM nges par gnod mdzes rdo rje can phaT shes rab kyi pha rol tu phyin pa'i sgo'o// oM 'dod pa la 'dod chags rnam par dag pa shes rab kyi pha rol tu phyin pa'i sgo'o/ / oM mgyogs pa'i rdo rje can shes rab kyi pha rol tu phyin pa'i sgo'o// oM hUM thams cad du 'gro ba shes rab kyi pha rol tu phyin pa'i sgo'o// oM hriHshes rab kyi pha rol tu phyin pa'i sgo'o/ / oM a zhes bya ba'i sgo shes rab kyi pha rol tu phyin pa'i sgo'o// oM shes rab kyi pha rol tu phyin pa shes rab kyi pha rol tu phyin pa'i sgo'o// oM aM ba hUM shes rab kyi pha rol tu phyin pa'i sgo'o/ / oM oM shes rab kyi pha rol tu phyin pa'i sgo'o// oM de bzhin gshegs pa thams cad kyi sku'i mchog shes rab kyi pha rol tu phyin pa'i sgo'o// oM de bzhin gshegs pa thams cad

  6. 4a

    kyi gsung rnam par dag pa shes rab kyi pha rol tu phyin pa'i sgo'o/ / oM de bzhin gshegs pa thams cad kyi thugs kyi rdo rje shes rab kyi pha rol tu phyin pa'i sgo'o// bcom ldan 'das kyis de skad ces bka' stsal nas/ byang chub sems dpa' sems dpa' chen po lag na rdo rje dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa'i sgo nyi shu rtsa lnga pa zhes bya ba theg pa chen po'i mdo rdzogs so/ / / @rgya gar skad du/ sarba ta thA ga ta kA ya bA k+Shit+ta gu h+ya a lad+hA ra byA ho tan+na rA dza nA ma/ bod skad du/ de bzhin gshegs pa thams cad kyi sku dang / gsung dang / thugs kyi gsang ba rgyan gyi bkod pa zhes bya ba'i rgyud kyi rgyal po/ bla ma dang 'jam pa'i dbyangs kyi zhabs kyi pad+mo la gus par phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje ye shes rnal 'byor gyi dbang phyug chen po dang / de bzhin gshegs pa thams cad kyi sku dang / gsung dang / thugs rdo rje ye shes phyag rgya chen po'i dam tshig gi byin gyi rlabs kyi rdo rje'i sku chen po dang / de bzhin gshegs pa thams cad kyi sku dang / gsung dang / thugs

  7. 4b

    rdo rje ye shes rin po che chen po'i cod pan gyi rtse mo'i gtsug phud kyis dbang bskur ba brnyes pa dang / de bzhin gshegs pa thams cad kyi sku dang / gsung dang / thugs rdo rje ye shes kyi ting nge 'dzin chen po dang ldan pa dang / de bzhin gshegs pa thams cad kyi sku dang / gsung dang / thugs rdo rje ye shes kyi las sna tshogs pa chen po dang / de bzhin gshegs pa thams cad kyi sku dang / gsung dang / thugs rdo rje ye shes mchod pa chen po spro ba'i dam tshig gi gsang ba dang / de bzhin gshegs pa thams cad kyi sku dang / gsung dang / thugs rdo rje ye shes dkyil 'khor chen po dam tshig gi de kho na nyid dang / de bzhin gshegs pa thams cad kyi sku dang / gsung dang / thugs rdo rje ye shes gsang ba chen po'i snying po dang / de bzhin gshegs pa thams cad kyi sku dang / gsung dang / thugs rdo rje ye shes kyi mnga' bdag chen po dang / de bzhin gshegs pa thams cad kyi sku dang / gsung dang / thugs rdo rje ye shes kun tu bzang po dang / de bzhin gshegs pa thams cad kyi sku dang / gsung dang / thugs rdo rje ye shes dpe med cing mi mnyam pa dang mnyam pa nam mkha' lta bu dang / de bzhin gshegs pa thams cad kyi sku dang / gsung dang / thugs rdo rje rigs dang / snying po dang / phyag rgya dang / gsang sngags dang / rig pa gnyis su med par gyur pa dang / de bzhin gshegs pa thams cad kyi sku dang / gsung dang /

  8. 5a

    thugs rdo rje ye shes pha rol tu phyin pa'i snying po la dga' ba dang / de bzhin gshegs pa thams cad kyi sku dang / gsung dang / thugs rdo rje ye shes kyi lhag pa'i lha'i snying po mdzes pa dang / de bzhin gshegs pa thams cad kyi sku dang / gsung dang / thugs rdo rje ye shes rgyan chen po bkod pa'i dkyil 'khor chen po'i snying po la/ nam mkha'i khams thams cad kyi rdul phra rab kyi rdul dang mnyam pa'i rdo rje ye shes chen po 'ba' zhig dang thabs cig tu bzhugs so/ / de'ang 'di lta ste/ sgo mtha' yas pa zhes bya ba'i rdo rje yum chen mo dang / nam mkha'i sgo zhes bya ba'i rdo rje yum chen mo dang / a po dza'i sgo zhes bya ba'i rdo rje yum chen mo dang / 'gyur ba med pa'i sgo zhes bya ba'i rdo rje yum chen mo dang / shes rab kyi pha rol tu phyin ma zhes bya ba'i rdo rje yum chen mo dang / gzhan yang ma lus shing lus pa med pa'i 'jig rten gyi khams kyi rdul phra rab dang mnyam pa'i brtson 'grus dang ldan pa'i rdo rje btsun mo stong phrag brgya la'ang 'di lta ste/ mda'i mtshon cha'i lag ces bya ba'i rdo rje btsun mo dang / dbang phyug la lta ba'i rim pa zhes bya ba'i rdo rje btsun mo dang / nye bar zhi ba'i bzhin ras zhes bya ba'i rdo rje btsun mo dang / rkyen du lta ba'i bzhin ras zhes bya ba'i rdo rje btsun mo dang / 'dod pa'i zla mtshan rdo rje zhes bya ba'i rdo rje btsun mo dang / brda sprod pa ma zhes bya ba'i rdo rje btsun mo dang / 'bri ba'i sgo zhes bya ba'i rdo rje btsun mo dang / rol pa

  9. 5b

    dang ldan pa zhes bya ba'i rdo rje btsun mo dang / 'dod pa'i mchog ces bya ba'i rdo rje btsun mo dang / dbang phyug gis bde ba'i sgo zhes bya ba'i rdo rje btsun mo dang / dmigs pa'i sgo zhes bya ba'i rdo rje btsun mo dang / brang las skyes zhes bya ba'i rdo rje btsun mo ste/ de dag la sogs pa rdo rje btsun mo rnams kyis yongs su bskor cing mdun du bdar to// gzhan yang dpag tu med pa'i rdo rje pho nya ma chen mo rnams dang thabs cig tu bzhugs te/ de'ang 'di lta ste/ snying skul bar byed pa zhes bya ba'i rdo rje pho nya mo chen mo dang / gdug pa thams cad 'gugs pa zhes bya ba'i rdo rje pho nya mo chen mo dang / rjes su mnyes pa rdo rje zhes bya ba'i rdo rje pho nya mo chen mo dang / khrag 'gugs pa zhes bya ba'i rdo rje pho nya mo chen mo dang / thams cad 'phrog pa zhes bya ba'i rdo rje pho nya mo chen mo la sogs pa'o// gzhan yang 'jig rten gyi khams rgyas pa'i rdo rje sgo srungs ma chen mo rnams dang yang thabs cig ste/ de'ang 'di lta ste/ rdo rje 'bebs pa zhes bya ba'i rdo rje sgo srungs ma chen mo dang / dam tshig gsum ldan zhes bya ba'i rdo rje sgo srungs ma chen mo dang / 'jig pa'i yan lag can zhes bya ba'i rdo rje sgo srungs ma chen mo dang / thog ma pa zhes bya ba'i rdo rje sgo srungs ma chen mo dang / gdul dka' 'dul zhes bya ba'i rdo rje sgo srungs ma chen mo la sogs pa'o/ / gzhan yang mi mnyam pa dang mnyam pa'i rdo rje bran mo chen mo rnams dang yang thabs cig ste/ de'ang 'di lta ste/ sku gsung thugs thams cad rdo rjes 'ching ba ma zhes bya ba'i

  10. 6a

    rdo rje bran mo chen mo dang / 'jigs pa'i me'i gdong zhes bya ba'i rdo rje bran mo chen mo dang / gtsigs shing rnam par 'gyur ba'i gdong zhes bya ba'i rdo rje bran mo chen mo dang / 'jig rten gsum 'ching ba zhes bya ba'i rdo rje bran mo chen mo dang / bskal par gnas pa zhes bya ba la sogs pa'i rdo rje bran mo chen mo'o// gzhan yang dpe med pa'i rdo rje rol pa mo chen mo rnams dang yang thabs cig ste/ de'ang 'di lta ste/ de bzhin gshegs pa thams cad kyi sku gsung thugs rdo rje dgyes pa zhes bya ba'i rdo rje rol pa chen mo dang / kun nas 'bebs pa zhes bya ba'i rdo rje rol pa chen mo dang / 'jig rten gsum rab tu 'joms pa zhes bya ba'i rdo rje rol pa chen mo dang / rab tu dga' ba'i rjes su 'gro ba zhes bya ba'i rdo rje rol pa chen mo dang / thams cad dga' bar byed pa zhes bya ba'i rdo rje rol pa chen mo la sogs pa'o/ / gzhan yang nam mkha'i khams thams cad rgyas par gang ba'i rdo rje'i yab rnams dang yang thabs cig ste/ de'ang 'di lta ste/ 'dod pa'i dbang phyug ces bya ba'i rdo rje yab chen po dang / mkha' 'gro'i rdo rje dbang phyug dang / dri yi dbang phyug dang / stug po bkod pa dang / zla ba'i 'od dang / 'dun pa bsrel dang / skye bo yongs su dor ba dang / legs par sbyangs pa dang / 'dod pa'i rdo rje dang / gdung ba skyed pa dang / 'dul bar byed pa dang / gdug pa thams cad sel bar byed pa dang / de kho na nyid kyi mgon po dang / gnas pa po dang / brtse ba can dang /

  11. 6b

    chos 'chang dang / bskyod pa po dang / spro ba po dang / 'ching ba po dang / skor ba po dang / de dag la sogs pa rdo rje yab rnams so// gzhan yang mtha' yas pa'i rdo rje pho nya mo 'phrog pa'i rdo rje bran po rdo rje'i tshogs dang thabs cig ste/ de'ang 'di lta ste/ rdo rje rlung zhes bya ba dang / rdo rje me dang / rdo rje mi 'khrugs pa dang / rdo rje chu dang / gzhan yang rdo rje rgyal po chen po bzhi la/ 'di lta ste/ zhi bar byed pa dang / rgyas par byed pa dang / dbang du byed pa dang / mi shes pa thams cad zad par byed pa ste/ de dag la sogs pa'o// gzhan yang mchog tu rgya chen po sangs rgyas kyi ye shes rab tu gnas pa'i mchod pa dang ldan pa bcom ldan 'das ston pa rtag pa mchog gi mnga' bdag ste/ kun tu bzang po'i sku yis ni// 'jig rten gsum gyi dkyil 'khor spros// bcom ldan rdo rje 'dzin legs bzhugs/ / gsang ba rgyan gyi sbyor bas so// de nas de bzhin gshegs pa thams cad skyed par byed pa'i yum gsang ba'i rdo rje 'dus pa thob ste/ de bzhin gshegs pa thams cad kyi yab dang lhan cig tu dga' ba'i bde ba rjes su byung ste 'khor dang bcas pa rnams bcom ldan 'das kyi spyan sngar lhags te/ rdo rje'i glu 'dis mngon par bstod nas zhu ba zhus pa/ sangs rgyas kun don khyod phyag 'tshal/ / rdo rje 'byung ba khyod la 'dud// thugs kyi rin chen mchog khyod 'dud// chos kyi blo gros khyod la 'dud// chos rnams kun mchog khyod la 'dud// sna tshogs

  12. 7a

    dgongs pa khyod la 'dud/ / dam tshig mchog gi mchog khyod 'dud// rdo rje sems dpa' phyag 'tshal 'dud// grags pa chen po bdag cag ni// mgon po khyod la nubs/ sangs rgyas thams cad skyed byed yum// dkyil 'khor gyi ni dkyil 'khor mchog/ de nas bcom ldan 'das rdo rje sems dpa' des de bzhin gshegs pa thams cad kyi rdo rje'i yum rnams la 'di skad ces bka' stsal to/ / de bzhin gshegs pa thams cad kyi yum rnams de skad ma smra zhig/ 'jig rten thams cad la khyab pa'i dkyil 'khor gyi rgyal po chen po 'di la ma 'ongs pa'i sems can rnams dad par mi 'gyur zhing / rang gi sems yongs su sun 'byin la/ des ma mthong ba'i chos la ma dad pas rang gi sems yang dag par sun phyung ste/ mnar med pa rnams su skyes nas bskal pa stong phrag mang por mnar med pa'i sdug bsngal rjes su 'byung bar 'gyur ro/ / de brgya lam na mnar med pa'i sdug bsngal las grol te/ mi rnams su skyes par gyur kyang rnam par 'gyur ba bzhin du 'gyur ro/ / brjed ngas pa rnams dang / blo gros chung ba rnams dang / khyi dang / bya rog dang / byi la dang / phag dang / stag dang / glang po che dang / seng ge'i nga ro 'dra ba dag tu 'gyur ro// de dang 'gre bar mi bya zhing blta bar mi bya'o/ / de nas de bzhin gshegs pa thams cad bskyed pa'i yum de rnams kyis/ bcom ldan 'das la 'di skad ces gsol to// bcom ldan 'das ji ltar sems

  13. 7b

    can de rnams kyi mnar med pa'i sdug bsngal zad par 'gyur/ bcom ldan 'das kyis bka' stsal pa/ gang gis 'di'i ming bzung nas yongs su zad par 'gyur ro// bsod nams de'i rgyus de'i las kyi sgrib pa zad pa de bla na med pa yang dag par rdzogs pa'i byang chub kyi skal ba can du 'gyur ro/ / de nas de dag yid dga' skyes nas yang / bcom ldan 'das la 'di skad ces gsol to/ / bcom ldan 'das bstan du gsol/ bsod nams dang ye shes kyi tshogs kyi rgyus dkyil 'khor chen po'i rgyal po sems can thams cad la phan pa dang bde ba'i phyir/ gang ma 'ongs pa'i sems can rnams kyis dran pa tsam gyis sangs rgyas kyi byang chub thob par 'gyur ro/ / de nas bcom ldan 'das kyis kun tu bzang po chen po 'od 'phro ba gsal ba rdo rje zhes bya ba'i ting nge 'dzin la snyoms par zhugs so/ / rang gi sku dang / gsung dang / thugs rdo rje rnams las de bzhin gshegs pa thams cad kyi sku'i dam pa 'di bka' stsal pa/ dkyil 'khor kun gyi yum gyur pa/ / stong nyid ye shes nyid du bshad// ci zhig nga yis bstan par bya// rtog pa thams cad rnam par spangs// sems can rnams la phan bzhed pa// gang zhig cung zad bstan par bya// de kun sgyu mas sgyu ma'o// 'gro ba sgyu ma lta bur shes// des na sgyu ma lta bu yis// sgyu ma lta bu'i dkyil 'khor bya// nam mkha'i khams kyis khyab pa yis// thams cad yum gyis yang dag

  14. 8a

    'khrugs/ / phyi rol yang ni brtag par bya// gsang ba'i dkyil 'khor lus rnams kyis// dben zhing dga' ba'i gnas su ni// yid kyis legs par 'dus byas pa/ nam mkha' la ni thig gis gdab// thog mar de yis dam pas so// de nas rnal 'byor chen pos thig/ gsang ba'i yum gyi dkyil 'khor ro// su khyud dag gi rnam bdun du// kun nas yongs su bskor bar bya/ / dbus kyi cha ru dkyil 'khor ni// 'khor lo lta bur bri bar bya// kun nas brgyad gnyis mdzes pa ni// dkyil 'khor bzhi yi dbus su'o// 'khor lo'i lte ba'i dbus su ni// pad+ma ze 'bru ldan pa bri/ / mtshams dang mtshams su 'dab ma ni// ji lta ba bzhin bsnyems bcas pas// srang bu lnga yis yang dag 'khrugs// srad bu bzhi yis nye bar spras// sgo bzhi dang ni yang dag ldan/ / rtabapas seng ge dag gis brgyan// gdugs dang rgyal mtshan pa dan sogs// bla res steng du bres pa dang // rin chen rdo rje pad ldan sngon// dpag bsam shing gi lkug mas khyab// bum bzang rin chen ldan pa'i mchog/ rgyan 'phreng glang po ldan pa ni// phyi rol gnas te legs par bri// rtog dang mi rtog rnam spangs te// dkyil 'khor chen po'i dbus su ni// gsang ba rgyan gyi rdo rje bya// mnyam par gzhag cing spro ba yis/ / sems kyis bri ba nyid du bya// de nas lha mo zhal bzhim// shes rab pha rol phrin dge ba// phyag bzhi pa la spyan yangs ma// phyag gnyis kyis ni chos 'chad cing /

  15. 8b

    zhi ba'i g.yas par rdo rje ste// g.yon pa pad+mas rnam par brgyan// dkar dang dmar po cher sngo ba// sngo bsangs rin chen mchog mdzes 'od// gtsug na rin chen gtsug tor che// gtsug rgyan cod pan dam pa can/ / skal ba chen po 'od ldan ma// rgyan rnams kun gyis rnam par klubs// gos kyis lto ni legs bsgribs pa// bzhin gyi dkyil 'khor 'dzum bcas shing // sna tshogs gos ni legs gyon pa// dbu ma'i zhal ras gser gyi 'od/ / zhabs gnyis dbus su 'khor lo ste// mdun na rin chen bdun gnas pa// pad+ma mchog ldan seng ge'i khri// zla ba rdo rje 'dzin pa'i gdan// nyi ma'i dkyil 'khor 'od 'phro ba// rgyab tu nyi ma'i dkyil 'khor ni/ / dpa' bo de yis bri bar bya// 'di yi mdun du bri bya ba// dpa' bo mtha' yas pa yi zhal// stong phrag du ma'i phyag ldan ma// mtshan nyid thams cad yang dag rdzogs// rgyan rnams kun gyis rnam par brgyan/ / phyag gi rdo rje pad+ma 'chang // sna tshogs phyag rgyas phyag gzhan dkrigs// btsug ldan dar gyi cod pan can// dbu rgyan pad+ma'i bzhin ras ma// zla ba'i dkyil 'khor dag la bzhum// de 'od nyi ma lta bu'i 'od// dpa' bo'i rnal 'byor ldan pa yi// dpa' bo des ni bri bar bya// rdo rje sems dpar ba dag bsgoms te// der ni snyems pas 'gro bar bya// dpa' bos lho ru bri bya ba// gshin rje'i 'dab ma mdzes pa la// mchog sbyin nam mkha' dge ma yang // rin chen khri la legs par bzhugs// bzhin ras sngo la spyan dkar ba// 'dzum bcas nor bu'i 'og pag can// mgul rgyan rin

  16. 9a

    chen 'phreng ba mchog/ rkang gdub gdu bu rin po che// yid bzhin nor bu'i lag pa can// sbyin pa'i pha rol phyin dgongs ma// de nas blo ldan rab song ste// nub tu yang ni de bzhin sa dpal dang ldan pas legs par bri/ / chu las skyes ma yid 'phrog ma// dmar po'i gos 'dzin dag pa ma// gtsug na cod pan gyis spras ma// sbrul rgyan sna tshogs lus can ma// dar dang rin chen gyis klubs ma/ / pad+ma 'byed pa'i sbyor ba yis// phyag gi lo 'dab dang ldan pas// zla ba'i gdan la yang dag bzhugs// nyi ma du ma'i snang ba can// ji ltar rigs pa bri bar bya// de nas byang du phyin nas su// song ste dpa' bos bri bya ba// mi g.yo bzhin ras grags chen ma// mar gad 'bar ba mtshungs pa mo// dkar po'i dar gyis yang dag klubs// gtsug na nor bu cod pan bzang // gtsug rgyan sna tshogs dag gis spras/ / rdo rje dril bu'i lag bkra ma// sna tshogs rgyan dang gos ldan pas// zla ba'i gdan la yang dag bzhugs// 'od kyis gtams pa'i dkyil 'khor mchog/ de nas mtshams kyi 'dab ma la// me tog 'dug pa dri ldan ma/ / rdo rje snang byed dag pa ma'i// mchod pa sngags rig pa yis bris// gzugs sgra dri dang ro dang reg/ rang gi bdag po'i phyogs su'o// 'dab ma 'dab mar thams cad du// gzhang dang sgeg dang dbyangs chen mo/ / gar gyi phyag rgya grags chen po// sngags pas 'bad de bri bar bya// pad+ma la skyes 'dab ma la// thams cad du ni 'grub pa bri// sgo rnams dag ni thams cad la// sgo skyong ba ni rnam bzhi dang //

  17. 9b

    phyi rol tu yang lha la sogs// ming ni yang dag bri bar bya// de nas khrus byas lus byugs la// me tog bdug sogs kyis bdugs te// sna tshogs gos ni rab gyon la// me tog 'phreng dang kos kyis brgyan// gtsug pud cod pan dang ldan zhing // mdzes pa'i dar gyis yang dag klubs// rdo rje dril bu lag par ldan// sbyor ba bzang ba'i rnam gzhag gis// de nas thams cad dgug par bya// rdo rje ma mo dka' thub che/ bzlog dang rnal ma'i phyag rgya yis// rdo rje sems dpa' bzlas nas su// rdo rje'i sbyor bas gar bya zhing // lan gsum du ni g.yas bskor bas// rdo rje ma mo'i dkyil 'khor rnams// dam tshig ldan pa thas cad byon/ / glu dbyangs kyi ni rgyal pos bskul// rang gi slob ma'i tshogs gar gyis// dregs pa yis ni g.yas dang g.yon// 'gying ba dang ni 'dud par bya// 'dir gshegs 'dir gshegs sems can don mdzad brtson pa po/ / ser sna mi mnga' sangs rgyas tshogs mchog mtha' dag dang // bde gshegs dam pa'i yum gyur srid pa'i bskyed pa po// pha rol don mdzad dus la de ring bab pa lags// shes so// de nas de dag rang nyid kyi/ / rdzu 'phrul rnam par 'phrul pas byon// mtshan ma dag ni bzang po rnams// dkyil 'khor dag tu blta bar bya// rang ngam gzhan la bab sogs pa'i// mtshan ma ji ltar mthong ba na/ / de tshe nges par ma mo ni// bde gshegs thugs kyi dgongs par byon// de nas mchod yon zhabs bsil cho ga ji bzhin rab brtags te// de tshe babs pa'i sems can bsod nams ldan la bri bar bya//

  18. 10a

    gal te de ni mi smra ba na hU~M gi yi ge dang // ldan pa'i glu dbyangs kyis ni yongs su bskul ba nyid du bya// de nas shes rab ldan ma gzhug/ slob ma'i gtso bo thal sbyar te// mig la mig dar gyis g.yogs la/ / rab dga' bdag yin yang dag dga'// ma mo thams cad la dmigs te// der ni me tog dor bar bya// me tog gang la lhung gyur pa// ma mo de ni de yis 'grub// de nas go rims ji bzhin du/ / sgo skyong ba nas brtsams nas su// shes rab pha rol phyin pa'i bar// slob ma la ni bshad par bya// dam tshig thob par gyur nas su// sdom pa dag ni gzung bar bya// ma mo'i sngags dang phyag rgya ni/ / mnyam par bzhag pas bstan par bya// gzhan du slob dpon blo ngan ni// nges par dmyal bar 'dong bar 'gyur// des kyang yang dag de 'grub cing // myur du dmyal bar 'gro bar 'gyur/ / bgegs dang log par 'dren pa 'am// rims dang gdon dang dug sogs kyis// gdungs te nad kyis rgyun du ni// 'chi ba ru yang 'gyur ba yin// rdo rje slob dpon smad pa na// rtag tu dmyal ba nyid du ni/ / rab tu rmongs pa'i slob ma 'gro// mkha' las rdo rje ji bzhin no// de na bu kye dam tshig ni// khyod kyis rtag tu srung bar byos// ma mo kun gyi sdom pa ni// theg pa chen po'i cho gas gnas// de nas yang bcom ldan 'das kyis ting nge 'dzin la bzhugs te/ / rdo rje 'dzin pa thams cad kyis yum rnams kyi dam tshig la bka' stsal pa/ rin chen sems kyi dam tshig gis// rnam pa gsum ni sbyang bar

  19. 10b

    bya/ / thog mtha' bar gyi sbyor ba yis// chung 'bring mchog gi dbye ba yis// de 'dra'i dam tshig yang dag pa// sangs rgyas kun gyis bka' stsal to// ji srid sems ni sbyangs kyi bar// 'bad pa yis ni bsgom par bya/ / bud med thams cad mthong ba ni// lan gsum du ni bskor nas kyang // spyi bos phyag ni byas nas su// lan gsum bar du gsol ba btab// bdag gi ma khyod bu yin te// ji srid byang chub thob bar du/ / byang chub yan lag nu ma las// byung ma rang gi 'o mas skyongs// de nas sbyor ldan rab dge ba'i// dbang bskur ba ni sbyin par bya// gser la sogs pa'i bum pa ru// dri yi chu yis yongs bkang la/ / dar dang ras sogs kyis g.yogs te// me tog chun pos mgul brgyan nas// rin chen sman kyis rab bkang ba'i// gcig lhag bcu drug bzang po la// ma mo'i snying po nyid kyis ni// brgya rtsa brgyad du bzlas pa yis/ / sngags shes pas ni dbang bskur ro// slob ma zhi ba bzang po yis// thog mar zhu ba byas nas kyang // zhabs gnyis la ni mgos btud nas// bdag ni che ge mo rdo rje// byang chub sems ni rnam sgom pa'o/ / slob dpon zhabs kyi chu skyes la// dbang bskur phyir ni zhu ba bskyed// skal ba chen po bdag la stsol// slob dpon mchog tu rmad byung ba// dbang bskur rgyal ba thams cad kyis/ / sangs rgyas byang chub rab sgrub pa// des ni bdag gis sems can rnams// don gyi dam pa bdag gis bgyi// sangs rgyas kun gyi don bgyid pa// brtul zhugs bzang po khyed kyi drin// de nas

  20. 11a

    dbang brga spyor ba stas/ / de ji sems dpa'i go'ang gnas// grogs legs rdo rdzuH// sgol bdu ma ni bshAg na smras// rnam pa bzung ba batshas thams/ @ bcu drug dag gas ni/ / lnga 'am yang na ban+d+ha yis ni// dkyil 'khor du ni dbang bskur ro// dkyil 'khor rgya ni mdun du ni// dkyil 'khor ba d+hA bri bar bya// pad+ma lo 'dab brgyad pa la// zhes ba ldan pa bri/ / de yi bus smra ri bra~M// sna tshogs rdo rje 'od zer 'jung // da yi mnanad+ha lan ma za// chen po rin chen bdun gyis bskor// sgo yi phyogs su rin pa che// nub tu ny-i sbyin te/ / byung ngu ral man pa s+ho/ 'angar ba'i phreng 'khrugs 'od zer rgyun/ yi phyogs ni thams cadas// me tog 'dus pa rdogs pa// 'od ldan pa ni ba che// sgo dang blo sa n yid do/ / phyi rol tu yang mi 'chi kun// gcig nas gcig tu rgyal sgrogs pa// bde byed gcer bu'i ma lugs te// ming thos pa dang ldan pa'o// dkyil 'khor ro dbus su nI/ slobs pasems dang bcas pa gan// chos nyid rang bzhin gtas brjod de// de ring khyod ni rigs su skyes// 'khor los sgyur ba'i rgyal po che// d+hA pa dam pa'i dbang phyug pa/ / thabs dang shes rab ldan pa'i dpal// dag pa'i dbang phyug kun gyi bdag/ rdo rje pad+ma la ga byin te// gnang ba'i 'ang po rab tu sbyin// bu ma

  21. 11b

    bya ba chen po gyis/ / sangs rgyas kun gyi go 'phang gnas// der ni sbyor ba 'ongs nas su// gsang ba'i sdom pa sbyin par bya// 'di ni mchog tu dga' ba ste// yum rnams rab tu rmad byung ba'o/ / dus su 'dod pa nyid du gyis// dam tshig mchog tu gyur pa'o// brtul zhugs bzang pos ci 'byor pas// de nas yon ni phul byas nas// slob dpon gyi ni zhabs la btud/ / ma dang chung ma bu mo dang // sring mo sring mo'i bu mo dang // bu rnams dang ni bdag nyid dang // rgyal po longs spyod gter dang ni// nor dang 'bru dang grong shing rta/ / glang po rta dang ba glang sogs// ma he dang ni ma he mo// gzhan dang gzhan yang ci 'dod pa// bla ma la ni chen pos dbul// bya dang mi bya rdzas kyi mchog/ thams cad kyang ni dbul bar bya/ / de nas bcom ldan ma rnams la// rgyan 'phreng rnams dang bzhad gang dang // sgeg dang rtse 'jo dga' ba dang // rab tu dga' ba'i bde chen dang // bza' btung bca' ba la sogs pa/ / rnam pa du ma thams cad kyis// mchod nas gshegs su gsol bar bya// sems can kun gyi don dang ni// bdag gi yang ni cher ches mdzad// bde gshegs gang du gshegs pa der// ma mo thams cad gshegs su gsol// shes rab ldan pas yon phul te// slob ma'i mchog dang bcas pa yis// gar byas lag

  22. 12a

    pa mgor gzhag ste/ / rim gyis 'gyed dang 'dud par bya// de nas bzang mo rnams mnyes te// thams cad sgrub par byed pa'i mchog/ bdag gi skal bzang stsal nas kyang / / rang gi sras kyi gnas su gshegs// de bzhin gshegs pa thams cad kyi sku dang / gsung dang / thugs rdo rje ye shes yum chen mo rnams kyi phyag rgya ye shes kyi dkyil 'khor yongs su rdzogs so/ / // de nas de bzhin gshegs pa thams cad kyi gsang ba'i yum bcom ldan 'das ma rnams kyis yang gsang ba 'dus pa las byung ba rang rang gi sgrub pa'i thabs rgyas pa bcom ldan 'das la 'di skad ces zhus so/ / shes rab ye shes mchog sgrub pa'o// sems dpa' chen pos gsung du gsol// thabs kyis sems can thams cad kun/ / sangs rgyas byang chub 'bras thob pa// rdo rje ye shes mchog gyur pa// rdo rje sgra ste rdo rje mchog/ dngos grub kun gyi bde ster ba// rdo rje chen pos gsung du gsol/ / thugs kyi rin chen ldan pa'i mchog/ gzi brjid rdo rje snang ba can// sems can rnams kyi rdzu 'phrul can// 'grub pa'i yon tan 'byung gnas gsungs/ sangs rgyas kun gyi rnal 'byor che// rnal 'byor chen po dbang phyug che// dpa' bo'i sbyor bas gar gnas pa'i// dpa' bo chen pos bshad du gsol// las kun gyis ni 'bras brnyes

  23. 12b

    pas/ / sna tshogs mkhyen pa dbang phyug che// sems can rnams kyi yab chen po// sna tshogs dam pas bshad du gsol// zhes bya bas so// de nas bcom ldan rtag pa'i rgyal// dam pa'i dbang phyug kun mkhyen pas// gsung mchog nam mkha' dang mtshungs pa'i// zab mo yi ni chos bka' stsal// 'di na sgrub po gang yang med// dngos grub ba ma ni sgrub thabs kyang / / thams cad rnam par rtog las byung // rnam rtog kyang ni dmigs ma yin// bdag med sangs rgyas rnams kyang med// chos rnams med cing chos nyid med// sbyor ba med cing sems can med// de bzhin pa dang ma yang med// byed pa med cing skyong ba med// 'bras bu med cing rgyu yod min// longs spyod med cing zab mo med// shes med shes pa po yang med/ / rnam shes med cing shes bya med// brdzun min bden pa'ang ma yin pa// des na snang ba thams cad ni// sgyu ma lta bu nyid las byung // de ltar chos rnams rnam rig na/ / grol nas gos par mi 'gyur te// dngos grub chen po 'grub par 'gyur// sangs rgyas byang chub bde chen po// zab mo'i chos ni thos pa na// mkhas pa gang zhig dang gyur na/ / snying po phyag rgya sngags rig rnams/ gdon mi za bar 'grub par 'gyur// sbyor ba 'di ni bcom ldan gsungs// thams cad dag par byed pa'i mchog/ gsang ba'i

  24. 13a

    rgyan la legs bzhugs nas/ / sems can rnams la bstan pa po// de nas yum rnams tshim gyur te// rang byung ba la zhu ba zhus// grub pa'i sgrub thabs rab sbyor ba/ / mnga' bdag rnal 'byor rnams kyis gsungs// de nas yang bcom ldan 'das kyis de bzhin gshegs pa thams cad kyi yum las kyi dam tshig 'byung ba rnams zhes bya ba'i ting nge 'dzin la snyoms par zhugs nas 'di skad ces bka' stsal to/ / nam mkha'i dkyil 'khor bsgom par bya// de yi steng du ma nyams pa// nam mkha'i mtha' klas khyab pa yi/ / phyogs kun tu ni rab 'phro ba'o// de yi steng du gzi brjid che// dus mtha'i me dang mtshungs 'dra ba// de yi steng du sa chen po// gser gyi ri bo dang mtshungs pa/ / de yi steng du chur shes bya// zla ba gang ba kha ba 'dra// sngags pas cho gu bzhin du bsam// rin chen bzhi yi rang bzhin bzang // stong phrag brgyad cu rtsa bzhi yi/ / dpag tshad kyi ni tshad tsam pa// gru bzhi pa la sgo bzhi pa// rta babs bzhi yi rtse mo can// ri bo chen po lcog brgyad pa// dbus su rdo rje'i ri bo mchog/ de yi steng du rdo rje che/ / kun tu phyogs pa yongs su bsgom// sngobasangs mar ga ta 'dra ba// sna tshogs 'od kyis yang dag 'khrugs// de yi steng du rdo rje che// rtse mo lnga pa rnam

  25. 13b

    par bsam/ / dkar po shel dang 'dra ba po// 'od zer lnga yis rnam par spras// de yi steng du rin po che// chu skyes sngon po'i 'dab 'dra ba// sna tshogs 'od zer stong gri 'phreng / / phyogs bcu nam mkha' khyab pa'o// de yi gtsug tu pad+ma che// nam mkha' khyab pa yi ni mchog/ lo ma stong phrag du ma can// lte ba dang ni ze 'brus dkrigs// de yi mdun du nyi ma che// 'od zer stong phrag du ma can// de yi steng du zla ba che// dkar po'i 'od zer 'bar bas dkrigs// nam mkha'i khams ni gang ba yi// gzi brjid dkar po 'phro ba'o/ / de yi dbus su ma mo bri// dus gsum bzhugs pa'i sangs rgyas kyang // yongs su dag pa mkha' 'dram// zla ba'i dkyil 'khor 'phro ba mo// phyag gnyis ma la thugs zhi ba/ / bsam gtan spyan ldan bsam gtan yid// bsam gtan mchog gi phyag rgya yi// ser mo gzhon nu rab bshad pa// dkar po'i gos 'dzin mdzes pa mo// dkar po yi ni rgyan gyis brgyan/ / ral pa'i thor tsugs cod pan bzang // gtsug gi nor bu 'od ldan pa// ye shes gdan la mnyam par bzhugs// ba spu rnams kyi bu ga nas// rgyal ba rab tu 'phros pa ste/ / byang chub pha rol son par mdzad// de yi thugs kar rnam bsam pa// yi ge mchog tu mi 'gyur ba// yi ge rnams kyis yang dag dkrigs// thams cad

  26. 14a

    du ni legs 'phro ba'o/ / sangs rgyas rnams ni mdun gnas pa// rab tu thal mo sbyor ba'o// de bzhin byang chub sems dpa' rnams// rig sngags khro ba'i tshogs rnams ni/ / chos nyan pa yi tshul du yang // dkyil 'khor du ni gzhag par bya// sgo yi phyogs ni thams cad du// sgo skyong ba ni bzhi rnams so// sbyin pa la sogs ci rigs par/ / bcu drug po yang gzhag par bya// me tog bdug pa mar me che// ji lta ba bzhin gzhag par bya// lha klu de bzhin gnod sbyin dang // dri za lha min dmyal las byung // 'di rnams thams cad lhun po la// kun nas yongs su gzhag par bya// de nas me tog 'phreng ldan 'jug/ dri dang me tog yang dag ldan// gos dkar 'dzin pa dpal dang ldan// rgyan rnams kun gyis rnam par brgyan/ / shes rab 'phro dang lhan cig tu// rdo rje sems dpa' rjes dran pas// bdag pas de ni dag par bya// shes rab sbyor bas gang gnas pas// sgro'i drung du legs 'khod la/ / gru 'di yis ni spyan drang bya// thugs rje mnga' ba chos kyi dbang phyug sangs rgyas yum// rang gi yab kyi tshogs dang sras dang bcas te byon// spyon cig skyon cig lha dang srin por bcas mchod pa'o/ / 'jig rten dbang phyug yang dag byang chub thugs mnga' ba// sbron cig spyon cig thugs rje'i bdag nyid 'jig rten gnyen// chos kyi yi ge bde bar gshegs

  27. 14b

    pas rjes bskos pa/ / mkha' ltar yongs dag dri med dam bca' dran par mdzod// ma mo rnams ni mchog glus bskul bas byon par 'gyur// de nas bcom ldan 'das ma byon par mthong nas rang gis me tog gi snyim pa dang / mchod yon dang // zhabs ba sa le dbul bar bya'o// oM ba dag gi mchod yon zhabs bsil 'di// ci bde ba ra ni bzhes su gsol// de nas de dang lhan cig tu/ / 'dres pa ru ni gyur par bsam// oM sarba ta thA ga ta pra dz+nyA dz+nyA na sa ma ye hUM sa ma ya s+t+waM/ de nas 'di yis brtan par bya ste/ oM sarba ta thA ga ta tsa la sa ma ye ma tsa la s+t+waM/ de nas 'dis mnyes par bya/ oM sarba ta thA ga ta ma na san+na sti sa ma ye hUM/ e h+ye hi dzaHde nas dpag tu med pa'i ngo mtshar chen po lta ba'i phyir/ oM sarba aM ga bud+d+ha ri ma hA b+ha ga bAn sa le sma ra sma ra s+pha ra sma ra sarba aM ga a bA yu biSh+Ta ma hA bu d+hA sa mu drAn hUM hUM aM/ 'di yi sa ma mo bskul nas su// sangs rgyas sprin ni 'od po che// dkyil 'khor pa la spro bar bya// de nas gsang sngags 'di yis ni/ / bsngags te me tog dor bar bya// oM sarba aM ga pud+d+ha ri pra tIr+yA d+h+r-i ku su ma aM dza li hUM aHde nas ji ltar bshad pa bzhin du dkyil 'khor gyi bum pa rnams la/ rig sngags 'dis ji ltar bshad pa ltar legs par byin gyis brlabs la/ rang gis dbang bskur rang gi snying po rang gis blang bar bya'o// de nas las thams cad kyi nus pa dang ldan pa dang /

  28. 15a

    dngos grub thams cad 'grub par 'gyur ro// de nas me tog la sogs dang // bza' dang btung dang ro dag gis// mchod la sngon gyi rim pa bzhin// slob ma'i rgyal po gzhug par bya/ / 'khor los sgyur ba'i rim pa yi// sbyor ba yis ni dbang bskur ro// rdo rje rin chen de bzhin pad// las kyi rdo rje de bzhin no// zhags pa lcags kyu dril bu dang / / lcags sgrog rnga yab dang ni gdugs// ral gri mig sman thur ma gnyis/ rgyal po'i nye bar spyod pa dang // de la rgyan rnams brtan nas su// dkyil 'khor der ni dbang bskur ro// rgyal ba'i yum gyis dbang bskur ba// las kun byed pa rab tu bshad// dam tshig gam ni sdom pa yang // rang gi slob ma mnyan du gzhug/ zhi ba dang ni rgyas pa'i las// dbang dang drag shul spyod pa ni/ / legs par rnam par dag sems kyis// ci 'dod par ni bya ba byos// las rnams kun gyi 'bras bu yang // sbyor ba 'di yis 'grub par 'gyur// de nas bcom ldan 'das rdo rje sems dpa' chen pos slar yang las dam pa rgyas par bkod pa zhes bya ba'i ting nge 'dzin la snyoms par zhugs nas 'di skad ces bka' stsal to/ / ji ltar gzugs kyi snod byas la/ / dkyil 'khor gyi ni dbus su gzhag/ zho dang mar gsar 'o ma ni// tsan dan dmar po dang bsres te// ga pur dang ni ldan byas la// yid la byed pas bzlas te sgrub/ u0f89u0fa4 ba

  29. 15b

    nyi ma gzas bzung tshe/ sbyor ba bzang po'i rnam gzhag bya// thog mar me ni spar byas nas// 'bad pa yis ni rlung gis bu// gser gyi snod du bsdu bar bya/ kha ra ru na yi khu bas sbyar/ / nyi ma dang ni zla ba la// slar yang rdzas de bskam par bya// de nas lho ru lha mo yi// khrag dang sa bon blugs par bya// de yis myur du rdzas dag ni// 'grub par 'gyur te the tsom med/ / grub nas thog mar lha mo la// cung zad tsam zhig dbul bar bya// de bzhin du ni slob dpon la// skal pa nyis 'gyur dbul bar bya// de nas grub pa gzhan rnams dang / / rang gi slob mar skal ba bzhin// de nas byin rlabs sbyor ba yis// phyag rgya dang ni lhan cig tu// rdo rje sems dpa'i ting 'dzin gyis// zas kyis sa bon dang / ni bza'// skad cig de la gzugs brjes te// rdo rje sems dpa' lta bur gyur// gang dang gang gi gzugs rnams su// sgrub par 'dod pa'i sngags pa yis// de dang de yi bsam gtan gyis/ / blo gros brtan pas bza' bar bya// de dang de yi gzugs su ni// gdon mi za bar brje bar 'gyur// gzhan pa yi ni rdzas dag kyang // 'di nyid kyis ni bsgrub par bya/ / mig sman gyis ni mig byugs pas// khor yug tu ni mi snang 'gro// snying la ldong ros kyis byugs na// yid kyi spyod yul nyid du 'gro// ba bla yis ni lus byugs

  30. 16a

    na/ / mkha' la nye bar 'gro bar 'gyur// mig sman nag po blangs nas su// nag po'i phyogs la bza' bar bya// de yi bshang ba'i mar khu las// dud pa mkhas pas bsgrub par bya/ / de yis mig la byugs na ni// sangs rgyas kyis kyang mi gzigs shing // stobs ni dpal ldan rdo rje'i mtshon// nyid 'gyur rga dang 'chi ba med// mig sman dang ni ba lang mar/ / ma he dang ni ra nyid dang // mi yi mig sman nyid dag ni// mkhas pa yis ni blangs nas su// sngags pas gzung ste btso bar bya// mig sman chen po mchog tu bzang / / 'di yis mig la byugs na ni// grub pa yid du 'ong bar 'gyur// mi snang 'grub pa thams cad kyis// blo gros chen po rgyal por 'gyur// sangs rgyas kun gyis chen po/ / nges par thob 'gyur gzhan du min// rdzas kyi gnas skabs le'u 'di// mtshungs med chen por nyer bshad do// gos dang gdugs sogs ral gri dang // mtshon cha ma ba bsgrub par bya/ / snying po snying khar byas nas ni// bsgoms na myur du 'grub par 'gyur// rdo rje sems dpa' rgyal po ches// pad+ma'i sems dpa' bzhin ras mchog/ de yi zhal du byas nas su/ / de dang ldan pas bsgom par bya// mnga' bdag gang gis dbang phyug ltar// skad cig de la de 'gyur ro// de nyid kyi ni spyi bor char// mchog gi dam

  31. 16b

    pa bsam gtan bya/ / skad cig de la mchod pa che'i// sangs rgyas su ni de 'gyur ro// de yi spyi gtsug nyid du ni// sna tshogs rdo rje bsgom par bya// de ni kun gyi rgyal dbang po/ las kun byed pa'i don grub 'gyur// rdo rje snying khar bsam par bya// de yi dbus su snying po blta// de nas rdo rje rig pa 'dzin// mnga' bdag rdo rje'i dbang po 'grub// rin chen chen po che brgyad pa/ / snying kha ru ni mkhas pas bsgoms// der ni snying po bsam pa yis// rin chen rig pa 'dzin par 'gyur// pad+ma chen po 'dab brgyad pa// yid la bsgoms pas skad cig la/ / pad+ma che ldan mnga' bdag gis// pad+ma'i rig pa 'dzin par 'gyur// de la sogs pa mtha' yas pa// ji lta'i sbyor ba'i cho ga yis// mchog dang dman pa 'bring po yi dngos grub dam pa bsgrub par bya/ / snying khar zla ba'i dkyil 'khor bsam// yi ge dam pa bsgom par bya// ji lta'i sbyor ba'i dkyil 'khor gyis// thams cad bdag tu bsgom par bya/ / de las langs te bdag zhi bas// zla 'od kha ba ltar bsil ba'i// 'od zer sprin gyis cher gtams pas// bsgrub bya'i spyi bor gzhag par bya// skad cig de la gdug pa dang / / gza' dang dug sogs rab 'phrogs shing // nyi ma gcig gam bdun nam ni// bsgrub bya zhi 'gyur gzhan du min// rin chen dkyil 'khor dbus gnas par// snying po'i

  32. 17a

    mchog ni bsgom par bya/ / 'od zer ser po'i 'phreng mdzes pa// bsgoms pas de ni rgyas par byed// pad+ma'i dkyil 'khor dbus gnas par// mnyam par bzhag pas lha mo bsam/ / dmar po'i rang bzhin 'bar dag pa// bsgrub bya'i sems la 'phro bar bya// slar yang sdud pa'i sbyor ba yis// rang gi lus la gzhug par bya// 'khor los sgyur ba lta bu yang // de ni ci nas dbang du 'gro// las kyi dkyil 'khor dbus gnas par// sna tshogs rdo rje bsgom par bya// de yi dbus su yi ge ni// mar gang 'od 'dra bsgom par bya/ / 'od zer sprin gyis yang dag 'khrugs// mkhas pa yis ni snying khar bsam// bsgrub bya la ni snying po'i 'od// bstim pa'i skad cig de la 'bab// rdo rje gar gyi gar byed cing / phyag rgya sbyor ba'i rnal 'byor dang // rdo rje rnal 'byor ma sbyor ba'i// phyag rgyas thams cad ston par 'gyur// 'das dang ma 'ongs ci 'dod pa/ lce brkyang bas ni smra bar byed// 'dod dang mi 'dod dge mi dge// rdo rje'i ngag gis smra bar 'gyur// yang na legs par sbyar ba 'am// grong gi'am tha ma la skad dag gis// 'dod dang mi 'dod dge mi dge/ / 'tsho ba 'am ni 'chi ba dang // nyams dang mi nyams rang gzhan gyi// de dag thams cad de yis smra// de las gzhan du de mi smra// 'di ni bcom ldan rdo

  33. 17b

    rje can/ / dbang bdag rdo rje'i dbyangs kyis gsungs// khros te lce rtser bsgoms nas su// lha mo yi ni snying po'i mchog/ lcags kyu'i rnam par spros nas su// phyag rgya dang ni phyag rgyu'i lan/ / rlung la bzhag ste skad cig la// khrag rnams thams cad dgug par bya// char rgyun 'bab pa'i sbyor ba yis// rang gi kha ru dbab par bya// de ni 'thungs pas sngags shes te/ / mnga' bdag rdo rje 'dzin par 'gyur// nam mkha' kun tu spyod dpal ldan// nyi ma'i snang ba lta bur 'gyur// 'di nyid kyi ni rnal 'byor gyis// 'o ma zho dang mar bzang po// mar khu chu dang me tog kun// rlung gis dgug pa nyid du bya// zhags pas mgrin pa bcing byas te// lcags kyu yis ni snying kha nas// rlung gis kun nas bteg nas su// lha mo de bzhin gnod sbyin mo/ / mi mo de bzhin lha min mo// brgyad brgya kho na bzlas pa yis// bud med tshul du dgug par bya// bsgrub bya sgrub byed ming spel nas// ka ba rtsig pa de bzhin khyim/ / dril bu rnams dang bum rnams la'ang // lha mo yi ni snying po yi// brgya bzlas pas ni 'bebs par 'gyur// shes rab pha rol phyin ma mchog/ khro ba dang ni yang dag ldan/ / gsal byed kyis ni gsal byas pas// las rnams dag ni thams cad bya// dur khrod ro ni ma nyams pa// mar ngo'i brgyad la bsdus nas su// byang du phyogs te gzhan

  34. 18a

    par bya/ / de yi khar ni mnyam bzhag pas// gsang sngags legs par bzlas nas su// rdzas kyi dam pa ci rigs pa// ba bla mig sman rdo chu dang // ldong ros dang yang yang na btsag/ dkar rtsi sol ba nyid dang ni// gur kum dang ni rgya spos sam// ru rta shu dag ga pur dang // tsan dan de bzhin a kA ru// sha dang khrag dang nyid dang ni// de bzhin sor mo'i gdu bu ni/ / rnal 'byor ldan pas gzhag nas kyang // de yi steng du bsdad la bzla// nyi ma shar nas de blangs pas// grub pa'i rig pa 'dzin par 'gyur// dman pas dngos grub dman pa ste/ / rab kyis rab tu rnam par bstan// bar mas par mar shes par bya// mtshan ma med na dbang du byed// ces so// skyes bu dag ni thams cad dang // bud med dag ni thams cad la/ / reg pa tsam gyis dbang byed cing // mig la byugs pa yis kyang ngo // tsan dan gyis ni yongs byugs te// grwar kum gyis ni thig le'o// la gu yis ni bdug par bya/ dkar rtsi sol ba btsag gis ni// ji ltar 'dod pa'i ming dang ni// yongs su spel te bris pa yis// dbang ma song ba dbang 'gro ste// rdo rje sems dpa'i bka' bzhin no// khams kyis ming ni bris pa ni/ / dbang du byed pa'i mchog yin no// sol bas yongs su 'gugs par byed// dkar rtsi yis ni dug 'joms so// li khris skad cig de nyid la// spro bar 'gyur bar

  35. 18b

    the tsom med/ / rur+ha a ka rus bdug pas// dbang du byed pa'i mchog yin no// sol bas yongs su 'gugs par byed// gnod sbyin mo ni nges par 'gugs// sha dang khrag gi bdug pa yis/ / srin po 'gugs par byed pa'i mchog/ tsan dan si h+la'i bdug pa yis// lha ni 'gugs par byed pa'i mchog/ ga pur tsan dan bdug pa yis// sangs rgyas mchog tu spyan 'dren pa'o/ / ga pur gang gis zos pa yis// gzhan du'ang de yi dbang du 'gyur// rig pa chen mo yi ge bzhi// mnyam par gzhag pa'i sbyor ba yis// 'khrugs pa dang ni spel ba'i dus// nges par shi ba bsgrub par bya// brtul zhugs can gyis gang bsgo ba'i// bka' lung de yis myur du byed// phrag par khur te bran po des// lhun po'i steng du skyel bar 'gyur// grub pa yi ni mchog rab kyi/ / rdzas ni blangs nas 'ong bar 'gyur// gtum po'i yi dag sa nyi ma yi// rgyal gyi mtshan mo sol ba gzung // gtum mo'i me tog khu ba yis// brtul zhugs bzang pos brtags nas su/ / pad+ma'i nang du gzhag par bya// de nyid mtshan mo gcig gam gsum// de las blangs te sbyor ba yis// mkhas pa yis ni mar zhu bya// de nas lha 'am grub pa 'am/ / sangs rgyas kyis kyang bsngags pa 'am// rig sngags grub pa'i grib ma 'am// gdon mi za bar mthong bar 'gyur// 'gro dang mi 'gro'i skye bo rnams// dbang ma grub

  36. 19a

    pa'ang dbang du byed/ / rang gi khrag gis ming bris la// de nyid kyi ni phye mas dkang // ji srid bskams par ma gyur par// de srid mi de 'ong bar 'gyur// gang dang gang gi lha dag gi/ rim pa 'di yis ming bris te// khro bo ldan pas bzlas par bya// de 'dis skad cig de la 'grub// de yi bka' bzhin byed pa dang // ngang gis de ni dbang du 'gyur/ / dkon mchog gsum la gnod byed pa// gsad pa'o don du sngags rig pas// 'bar ba'i 'phreng ba 'khrugs pa'i 'od// zhal bzhi pa la cher 'jigs pa// zhags pa lcags kyu thod pa can/ / bdag nyid myur du bsam par bya// gsang sngags dang ni spel ba yi// ming ni sol bas bris nas su// gdug pa de ni mnan nas kyang // rang gi gdug pa'i sems kyis bsnun// 'di nyid kyi ni ting 'dzin gyis/ / nges pa ru yang nges par byed// khams kyi sa bon dang spel ba'i// khams kyi ming ni bros nas su// khams de yang dag mnan nas ni// khang pa rwa ni rgyun du gzhag/ de ni myur / dunges 'gyur te// de srid du ni mi g.yor gnas// rma bya'i sgro 'am gtsug pud kyis// yongs su blangs la bsgrub par bya// rma bya zhes bya'i rtsa ba yi// mkhas pa yis ni yongs su gzung // dmag la sngags rig pas bskor bas/ / de nas dmag dpung 'jig pa dang // rmongs pa 'am ni rengs pa 'am// skad cig de la 'khor bar 'gyur// khyi dang phag dang bya rog gi/ mig ni yongs su blangs nas su//

  37. 19b

    mig sman dang ni mnyam por bya// lha mo'i sngags kyis bsngags pa yis// sgrub pa po yi gzugs rnams kun// 'jig par 'gyur bar the tsom med// tsaN+DI'i me tog bcud nyid kyis// lcags kyis g.yogs pa'i sbyor ba yis/ / de yi kha ru nges bcug pas// rga shi med par rnam par rgyu// rims gtong gzugs ni legs bris te// de yi kha ru gnod byed ni// sbyor ba yis ni bcug nas su/ / yongs su mnan la shin tu bzlas// rims gtong de yi gzugs kyis ni// rab tu 'dzin par gdon mi za// gza' 'am yang dag yi dgas sam// gnod sbyin dang ni srin po dang // gzhan pa yi ni nad rnams kyis/ / 'dzin pa la ni dpyad mi dgos// gshin rje bris te bskrad par bya// de yi zhal du dgra bo ste// rmongs pa'i bdag nyid mi 'gro na// de ni myur du nges par 'chi// gsad pa la yang 'di nyid kyis/ / yongs su mnan nas nges par bzla// gang du gter ni yod snyam gyur// der ni sngags rig pas song ste// lce yongs bzung la bzlas pa bya// de yis gsal po'i tshig gis smra/ / tshad dang yod dang med pa dang // bgegs dang bgegs ni ji ltar gnas// ji srid de ni dgyes smras na// de la gtor ma sbyin par bya// gal te bgegs ni mi smra na// der ni mchod yon rab tu brtag/ pus mo gnyis btsugs gus pa yis// nor 'dzin sangs rgyas yum las so// phyogs bzhi dag tu phur bus gdab// de nas gnas rnams bskrad par bya// de

  38. 20a

    nas mtshams ni bcing bar bya/ / mnyam par bzhag ste bskor bar bya// sbyor ba shes pas sngags 'di yis// de nas rdzas ni gdon par bya// oM ba su de sar+b+ba ar+thas d+ha ni sA d+ha ya sA d+ha ya u d+ha ra u d+ha ra rak+Sha rak+Sha/ sarbA r+tha ni tsa yaM traM traM tsa tsa Ta Ta ha ha swA hA/ yang na rig pa 'di yis kyang // las rnams dag ni thams cad bya// phyogs bcing ba dang de bzhin srung / phur bus bslad pa de bzhin no// rin chen gsum ni thog mar sbyin// cha gcig dang ni nor 'dzin la'o// sdug bsngal can la cha gcig go// grogs po rnams la de dang mtshungs// lhag ma rnams ni rig pas dpyad/ / dkon mchog gsum ni legs mchod bya// gzhan du sdug bsngal thob 'gyur te// rgyal po chom rkun sogs 'jigs pas// gal te tha ma der bzhugs na/ skal ba bzang po gnyis dbul lo// gzhan pa yi ni spyan rnams la// rdo rje theg pa rtogs gyur pa'i// skal ba re ni sbyin par bya// gzhan du dam tshig gdung bar 'gyur// 'di ni bcom ldan rnal 'byor can/ / gsang ba rgyan gyi rdo rjes gsungs// de nas sangs rgyas thams cad kyis// yum rnams kyis ni der btud nas// dpa' bo che la zhu ba zhus// rgyas pa yi ni dkyil 'khor ni// gsungs shig gsungs shig dpa' bo che// yum rnams kun gyi dkyil 'khor ni// rgyal po'i dbang phyug rab gsol ba// sems can thams cad 'dir 'byung ba'o// de nas bcom ldan 'das de bzhin

  39. 20b

    gshegs pa thams cad kyi bdag po'i dbang phyug dpal zhes bya ba'i ting nge 'dzin la mnyam par bzhag nas/ nyid kyi sku dang / gsung dang / thugs rdo rje las byung ngo // dkyil 'khor ji ltar sngar gsungs pa/ / 'on kyang seng ge'i khri dang ldan// de yi steng du pad+ma che// der ni ri bong can dkyil 'khor// de yi steng du nyi ma che// nyi ma der ni dkyil 'khor mchog/ cha brgyad pa la dbus rin chen// de yi steng du rgyal po'i yum// ser dang sngo ba'o 'od chen po// gser gyi ri bo dang mtshungs pa// phyag gnyis kyis ni chos 'chad cing // g.yas pa yis ni mchog sbyin pa// g.yon gyis rin chen lan bu mchod/ / rgyan rnams kun gyis rnam par brgyan// gos ni 'phyang zhing sna tshogs pa// gtsug tor mu tig thor tsugs can// de yi mdun du rin chen bri// g.yon du bum pa bzang po mchog/ g.yas pa ru ni dpag bsam shing / / rgyab tu rin chen lan bu'o// mtshams rnams su ni bum pa brgyad// gser gyi rang bzhin gzhag par bya// rin chen lnga yis yang dag 'khrugs// dri lnga dang ni yang dag ldan// bza' la sogs pa'i ros gang ba'i// bum pa bcu drug phyi rol tu// ser po'i gos kyis yongs su dkris// me tog ser po sogs kyis brgyan// de mdun blo ldan bri bya ba// sbyin pa'i pha rol phyin dge ma/ / dmar dang ser dang ches dkar ba// rin chen ldan pa'i phyag sbyin pa// ser po'i 'od ldan 'phreng mdzes ma// rin chen bzang po kun gyi sras// nam mkha'i nyi zla skar ma yis// kun nas yongs

  40. 21a

    su bskor ba'o/ / gtsug pud cod pan gos la sogs// 'phreng ba dang ldan dges pa mo// de yi lho ru bri bya ba// tshul khrims pha rol phyin dge ma// cung zad ser ba'i rin chen lus/ / sna tshogs rgyan gyis rnam par brgyad// sna tshogs gos ni yongs su gyon// mdzes pa'i 'phreng ba'i chun po'i gtsug/ gos ldan gtsug na gtsug tor mchog/ yid bzhin rin chen dam pa'i phyag// g.yon pa'i skyil krung rin chen bzang / / cho ga ji bzhin rab tu bsam// rgyab tu bzod pa ma zhes bya// cung zad 'dzum zhing ser mdzes ma// dmar po'i gos ni legs par gyon// rin po che yi rgyan gyis brgyan// thams cad rin chen mchog 'dri zhing / / dmar po'i gos ni 'phyang ba ma// gtsug na rin chen mchog dang ldan// seng ge mchog gi khri la bzhugs// byang du brtson 'grus chen mo ni// rdo rje go chas brgyan pa la/ dpal mo rin chen dbyug gu'i phyag/ g.yas pa sbyin pa'i pha rol song // pri yang ku la sngo bsangs dkar// rdo rje seng ge'i khri la bzhugs// lhag ma rnams ni gzhag bya ba// dkyil 'khor byas te rin chen ldan/ / sgo dang sgo ru sgo ba ma// rin chen kun gyis rnam par brgyan// de nas phyi yi phyi nyid du// rin chen snyim pa'i lag pa mchog/ phyogs skyong ba ni thams cad ni// go rims bzhin du gzhag par bya/ de yi phyi rol thams cad du// mkhas pas klu dang gnod sbyin bri// rin chen bum pa bzang po dang // gdugs dang rgyal mtshan pa dan lag/ gtor ma rnam pa sna tshogs dang // lha bshos rab tu

  41. 21b

    bzang dge ba/ / bza' dang btung ba'i ro mchog dang // mar dang ka ra nyid dang ni// zho dang bu ram hwags dang bcas// 'o ma mar dang sbrang rtsi dang // rgyal po'i bza' ba dam pa'i mchog/ bza' ba la sogs rab mchog go/ de nas sngags pas 'jug par bya// rgyan rnams kun gyis brgyan nas su// ser po'i gos 'dzin dag pa dang // 'phreng ldan dri zhim ldan pa'i las// sgo yi char ni zhugs nas su/ / thog mar lha ni spyan drang bya// phyag rgya bcings te dbyangs snyan pas// rab tu dga' ba'i yid kyis su// lhar bcas 'jig rten dag la sman slad du// kun tu bzang po'i smon lam dran mdzod la// rin chen dam pa seng ge'i khror bzhugs te// 'khor bcas lha dang de bzhin gshegs pa spyon// de nas de dag legs byon te// sras bcas 'khor dang bcas rnams kyang / sems can rnams la dngos grub ster/ / sgrub pa po la khyad par du// de nas thal mo legs sbyar la// rin chen gyis bkang me tog bcas// gsang sngags brjod de gtor bar bya// ci bde bar ni bzhes su gsol// de nas rang gis dbang bskur bya/ / de yi sngags dang phyag rgya yis// sa la lag pas reg nas su// bsnyems pa yis ni 'thon par bya// de nas slob ma gzhug par bya// me tog dris ni yang dag sdud// ser po'i gos bzang yang dag gyon// lag na rin chen dri bzang po// dga' dang bcas te snyim pa de// snga ma'i sngags kyis dor bar bya// gang gi drung du lhung gyur pa// lha de re yis 'grub pa yin/

  42. 22a

    nas g.yas nas rnam bskor te// slob ma de ni 'byung bar bya// bzang po'i seng ge'i khrir gzhag ste// dbang bskur ba yi sbyor ba byas// gdugs dang rgyal mtshan ba dan dang // mdzes pa'i rnga yab g.yob pa yis// de bzhin du yang dbang bskur te// bum pa brgyad dang bcu drug la// de yi sngags dang phyag rgya yis// go rims ji lta ba bzhin no// de nas sbyor ba de 'ong ste// 'khor los sgyur ba'i rim pa yis/ / 'khor lo rin chen bzang po'i lag/ rgyal ba rgyal ba'i sgra dge bas// gsang ba'i sbyor ba'i rnal 'byor gyis// lte ba ru ni dbang bskur ro// 'di bdag gtor can rin chen 'dzin// rdo rje rin chen 'dzin par 'gyur// dam tshig gi ni dam pa yis// sangs rgyas kun gyi don rgyas pa// 'bad pas de ring blangs pa yis// 'phongs pa'i dri ma 'phrog par byed// de nas dpa' bo 'chi med 'dzin/ / rin chen tshogs kyis mchod par bya// gzhan pa yi yang du ma ni// rgyal po dbang phyug dam pas so// de bzhin dbang bskur lnga po yis/ skabs med kyang ni bdag med 'gyur// gling bzhi'i dbang phyug dpal ldan yang / / gnod pa med par thob par 'gyur// gsang ba las kyang ches shin tu// gsang ba yis ni mna' bsgags te// de yi sgom dang sgrub pa'i thabs// slob ma la ni de nas bslab/ / gur kum dang ni tsan dan dang // dri dang mar me bzang po la// dam tshig gi ni gsal byas pa// lan gsum du ni 'thung du gzhug/ bu kye 'thung zhig gsang ba che// dam tshig shin tu

  43. 22b

    'da' ba dka'/ / gal te 'di las 'das gyur na// myur ba nyid du 'chi bar 'gyur// shi nas kyang ni dmyal sdug bsngal// rab mang ngu 'bod nyid du gnas// gal te mi ru skye 'dod pa 'am// nam zhig dngos grub thob 'dod na/ / de bzhin 'phongs pa'i sdug bsngal las// ring du nges par khyod kyis skyobs// 'di dag legs thos slob ma la// gsang ba'i sgrub thabs bshad par bya// ji ltar rgyal rigs bu mo ni/ / gzung nas gsal ba'i rnal 'byor bya// nyi ma bdun na nges par 'grub// rgyal po'i phun tshogs thob par 'gyur// shes rab pha rol phyin pa'i mchog/ dkyil 'khor sbyor bas bsam gtan bya/ / rgyal mo cho ga bzhin bzung ste// sgrub pa pos ni myur du 'grub// nyi ma gsum gyi rgyal po mchog/ gdon mi za bar thob par 'gyur// bram ze'i bu mo skal chen mo// nor chen la ni bsgrub par bya// rje rigs sna tshogs sbyor ba yis// mtshungs pa nyid du bsgrub par bya// de yis dngos grub mchog rnyed de// rgyal po 'jig rten gsum gyi rjed// dmangs mo dpa' bo'i sbyor ba yis// bsgrubs na sngags kyi dngos grub 'gyur/ / gnod sbyin rgyal mchog grub pa dang // gnod sbyin rnams kyi dbang phyug mchog/ dman pa'i sems su bshad pa dang // mchog gis mchog ni chen po dang // bar mas bar ma'i dngos grub ni/ / skye ba 'di la thob par 'gyur// de nas las rnams bslab par bya// zhi ba dang ni rgyas pa'i las// de bzhin dbang dang mngon spyod dang // gzhan pa yi yang sna tshogs ni// sems can rnams la/

  44. 23a

    dga' ba'o// shes rab pha rol phyin dge ma// dkyil 'khor sbyor bas bsgom par bya// kun dkar po zla ba 'dra// 'od zer dkar pos mdzes pa mo// skye bo nad pa 'a ka ma/ / de yi lus la gzhug par bya// de nas de ni stobs ldan 'gyur// brgyad gnyis pa yi lang tshor ldan// nad rnams kun las rnam par grol// rga dang 'chi ba rnam par spangs// bstan bcos kun gyi don rig cing / / shes rab dran pa mchog dang ldan// de bzhin rang 'gyur rnal 'byor pa// nam mkha' la ni yang dag bsgom// mdzes pa'i rin chen sna tshogs pa'i// thams cad du ni char 'bab pa// 'di yis 'phongs pa rnam par sel// 'phongs pa rnams la rab tu brtag/ mthe bong gi ni tshad tsam pa'i// nor rgyun ma yi rnam pa bya// lha mo la ni mnyam par gzhag/ de yi mdun du gsang sngags bzlas// ji srid 'bum phrag kho na ste// de nas dngos grub bsgrub par bya// zla ba gang ba'am bcu bzhi 'am// brgyad pa'am gzas bzung nyin bar la// mchod pa chen po byas nas su// mkhas pas mtshan mo thog/ thag bzlas// de nas dga' bas gzugs brnyan de// gdon mi za bar 'bar bar 'gyur// de nas bzung ste mdor bsdu na// mi yi 'khor los sgyur bar 'gyur// bzlas pas mtshan ma bzang byung na// rnal 'byor pa ni nor chen 'gyur// bar mas gling ni thob par 'gyur// tha ma yis ni khor yug go// thams cad du ni bzlas tsam gyis// longs spyod zad par 'gyur ma yin// rgyal po thams cad dbang

  45. 23b

    'gyur zhing / / bud med thams cad dga' bar 'gyur// snying khar rnal 'byor byas nas su// nor bu lag par bcangs nas ni// nyi ma'i dkyil 'khor la gnas bsgom// myur du rin chen rgyal por 'gyur/ / phyag rgya 'di ni byas gyur pas// rtag tu sgom pas bsgom par bya// ji ltar 'dod pa'i grub rnyed de// rdo rje 'dzin pa ji bzhin no// zhes bcom ldan 'das rdo rje sems dpas bka' stsal te// de nas sbyor ba ji bzhin du// yum de rnams ni legs byon nas// las kyi dkyil 'khor legs gnas pa// ston pa la ni zhu ba zhus// gang du rgyal ba kun bzhugs nas// bla na med pa'i don mdzad pa// sems can kun la bde slad du// myur du las ni 'grub pa legs// de nas bcom ldan 'das las thams cad kyi dam pa'i dpal zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi yum gyi dam tshig gi dam pa de rnams la las kyi dkyil 'khor bka' stsal pa/ rlung gi dkyil 'khor bri bar bya// de yi dbus su gru gsum pa// de yi steng du lha mo gzhag/ 'bar ba'i me dang mtshungs pa la/ / zhal bzhi ma la cher 'jigs pa// mche ba rab tu gtsigs pa mo// thod pa'i 'breng ba'i cod pan can// rdo rje lcags kyu thod pa dang // zhags pa g.yas dang g.yon par 'dzin// pags pa chen po gos su gyon// khro mo mig 'bras rab phyung ba// mche bas mchu mnan zhal chen mo// de yi mdun du bri bya ba// mtha' ma'i zhal ni mdor bsdus pa// sna tshogs gtum dang drag pa'i

  46. 24a

    zhal/ / du ma'i phyag gis yang dka' khrugs// zhags pa lcags kyu thod sogs dang // rdo rje can gyi sog le 'dzin// thod pas lus la bres gyur cing // cod pan chen pos 'jigs byed mo/ / gshini rje dpa' bos bri bya ba// mtha' gdong dam pa yi ni mchog/ sngon po 'bar ba'i rang bzhin khros// mgo bo'i 'phreng bas rnam par brgyan// thod pa'i 'phreng ba'i cod pan can/ / stag gi pags pa'i sham thabs can// ral gri rin chen thod pa dang // rin chen dbyug gu 'dzin pa'i mchog/ de nas lha mo legs bri ba// pad+ma'i zhal ma 'jigs chen po// dmar mo phyag na nyizla 'dzin/ / bskal pa'i me dang mtshungs pa mo// g.yon pa ru ni khro mo che// ma sprom ma ni ska rags mgul// las kyi rdo rje dri ldan mchog/ mche ba rnam par gtsigs pa'i zhal// gtsug na thod pa 'jigs su rung // rab gtum stobs dang gsal ba mo// 'byor ldan cho ga rig pas bris// phyi rol tu ni legs bri ba// khro bcas 'jigs pa dang bcas pa// ral pa'i thor tsugs chen po can// khrag gis gang ba'i thod pa dang // phyag rgya bzang pos phyag mtshan pa'o// de yi phyi ru lha rnams ni// snyim pa rab sbyar yi dam pa// thams cad du ni yongs su gzhag/ 'jig rten skyong ba gzhag par bya// sgo rnams dag ni thams cad du// sgo skyong ba yang de bzhin du/ / de nas gtor ma'i cho ga ni// sha bcas btung ba ro dang ldan// de nas go cha bcings gyur pas// thod pa'i cod pan chen po dang // khrag gam chang gis bkang ba 'am// thod pa ldan pas 'jig par

  47. 24b

    bya/ / thams cad 'grub pa'i ma mo rnams// 'di yis spyan ni drang bar bya// dkon mchog gsum la gnod byed pa'i// gsad pa'i don dum mo rnams// de ring nyid du dkyil 'khor 'dir// 'jigs chen ma rnams thams cad gshegs/ / 'jigs pa'i sgra dang cher gtum dang // kha nas 'od zer stong phrag ni// mthong ba dang ni thos pa na// mtshan mar yang ni shes par bya// de nas de yis arga sbyin// bder ba zhes shig 'jigs mdzadas// gdug pa chen mo gsol bar mdzod// gdug gtus 'jigs par byed pa yis// de nas bdag la dbang bskur te// thod par gnas pa'i ro yis ni// srang tsam gyi nig rdos nas/ / ma mo thams cad bsgrub par bya// de nas mngon spyod las rnams kun// dam tshig bsrung ba yis ni bya// dkon mchog gsum la gnod byed dang // bla ma rnams la 'khyal smra ba// rtag tu gsod par lha mo rnams/ / bgyid par bdag ni rjes su zung // de nas cho ga de nyid kyis// slob ma'i dam pa gzhug par bya// khro bo'i lha la bskul nas su// me tog dmar po dor bar bya// bdag gi me tog dam pa 'di/ / ci bde bar ni bzhes su gsol// bdug pa 'di ni bzung nas su// gsol byed 'di ni gsol bar mdzod// lha mo gang la lhung gyur pa// de yis de la mchog gsol lo// de nas dbang bskur byin nas su/ / dkyil 'khor gyi ni mdun gzhag ste// thod pa ru ni gnas pa yis// khrag gis dbang ni bskur bar bya// de nas sgo ru bos nas su// dam tshig 'bad pas 'dzin du gzhug/ rab tu

  48. 25a

    gdug pa'i snying gi khrag/ bzang po 'di ni 'thung zhig bu// zo zhig zo zhig sha chen po// btung ba 'jigs pa chen po 'thung // gzhan du na ni 'chi 'gyur te// mkha' 'gro ma dang gza' rnams dang / / gnod sbyin srin po gtum po yis// ring por mi thogs rab tu za// de nas mngon spyod las rnams ni// stong phrag dag ni bslab par bya// de yi sbyor ba'i rnal 'byor gyis// rang nyid khro bor bzung gyur nas// gnod byed thams cad gsad par bya// dgra rnams thams cad bza' bar bya// gdug pa thams cad bca' bar bya// srin po thams cad gzhom par bya// mtha' yas zhal ma'i sbyor ba yis/ / gsad dang gzung ba de yis bya// zhal bzhi ma yi sbyor ba yis// thams cad 'gugs pa'i dam pa yin// mkha' gdong ma yis thams cad du// rin po che yi tshogs 'byung ngo // pad+ma'i zhal gyi sbyor ba yis// chang gi dam pa btung bar bya// ma sprom ma yi sbyor ba yis// sha ni 'gugs pa'i mchog yin no// nam mkhas rengs pa chen po ste// dmag dpung 'byor pa'i dam pa'o// rmugs dang rmongs pa thams cad du// dpyad pa ru ni mi bya'o// sngar bshad pa yi las rnams dang // ma bshad pa la ci 'dod pa// bzlas pa tsam gyis kun bya ste// thams cad du ni the tsom med// dur khrod kyi ni thal ba la/ / dgra bo'i gzugs ni 'bad pas bya// ming dang spel bar byas nas su// ma mo'i ral gris gtub par bya// de nas nyi ma bdun na ni// rlag par 'gyur bar gdon mi za// gang lus

  49. 25b

    ji ltar bcad gyur pa/ / de dang de yi yan lag 'chad// zhal bzhi ma yi sbyor ba yis// sngags pa mnyam par gzhag pas bcad// de yi mgrin par zhags pa ni// mkhas pas spros te bcing bar bya/ / lcags kyus snying khar phug nas su// rlung gis bskyod de drang bar bya// de nas de yi ming bskul nas// de ni shes rab ldan pas dgug/ dman dang mchog gi dbye ba yis// 'di yi 'bras bu nga yis bshad/ / mdor bsdus pas ni shes par bya// sngags pa'i rgyal po sbyor ba yis// shes so// de nas bcom ldan 'das ma de bzhin gshegs pa thams cad ni/ de yis dngos grub gsol mi 'gyur/ / nye bar 'tshe ba 'jigs rnams dang // gdon dang gnod sbyin srin po bcas// ma bzad nad kyis btab nas su// shi nas mnar med nyid du 'gyur// de nas de bzhin dbang bskur gyis// dkyil 'khor la gzhag yum rnams kyis// dbang bskur gsang ba'i dam tshig sbyin// gsang ba'i sgrub thabs nyan du gzhug/ rang yum ma mo'i sa bon gyis// rang gi rnam rtog bdag yum min// lha bus yab gyur bsgrubs na ni/ / nyi ma bdun na rab tu 'grub// sangs rgyas kun gyi yab ston pa// kun mkhyen ye shes spyod yul te// drag po kun dang bde chen po// ye shes kun gyi mchog gi mchog shes rab kyis ni thams cad bsgrub/ / las rgyas pa yi dam pa'i mchog/ bye brag tu ni bskul nas su// byang chub kyi ni yon tan gyi// thams cad du ni 'od gsal ba'i// dngos grub thams cad bsgrub

  50. 26a

    par bya/ / shes rab kyi ni las dbye bas// gzugs dang dbyibs nyid dag gis so// phyag rgya dang ni phyag rgya'i lan// de bzhin dkyil 'khor dam tshig dang // bza' ba dang ni nyer spyod pa/ / gtor ma lha bshos nyid dang ni// shin tu bde ba'i stan nyid dang // de dang de ni nges par sbyar// bzlas dang bsam gtan sa bon ni// rang gi lus khyab pa nyid do// gsang sngags dag ni thams cad las// / gsang sngags 'di ni rab tu bsngags// tshe 'dir dam pa'i rjes grub cing // gdon mi za bar thob par 'gyur// 'di ni bcom ldan kun rdo rje// ye shes 'byung gnas mnga' bdag gsungs// las kun gyi ni sbyor ba yis/ / 'di ni sgyu mas 'gro la bzhugs// de nas de bzhin gshegs pa thams cad kyi yum de rnams kyis/ bcom ldan 'das la 'di skad ces gsol to// phyag rgya'i ye shes mchog tu dge/ ye shes chen pos gsung du gsol/ / gang gis mngon par rgyas btab kun// mnga' bdag dus mi ring bar 'grub// de nas bcom ldan 'das kyis yang ting nge 'dzin rdo rje zhes bya ba'i ting nge 'dzin la snyoms par zhugs nas 'di skad ces bka' stsal to/ / phyag rgya rtags su yang dag bshad// tha snyad tsam du rnam par brtags// sangs rgyas kun gyi kri klo'i skad// phyag rgya thams cad yang dag bshad// 'on kyang mgon po mchog gis brtags/ / lag pa'i rnam dgod mtshan ma nyid// gang gis yid ches legs skye rnams// dam tshig shes pa'i lha rnams ni// sgrub po rnams kyis rab bskul na// grub pa'i dam pa rab tu

  51. 26b

    stsol/ / dus las thams cad byon nas su// slar yang gshegs pa nyid du 'gyur// lag pa zla banyis dbya// shes rab thabs su rab tu brtag/ de nas sngags pas yongs su sbyar// rang gis bon dag gis mtshan/ / oM pra dro pA ya sa mA yo ga/ de nas thal mo nges par sbyar// phan tshun rjes su rtogs chen po// khu chung shin tu gzhag par bya// khu tshur bsdams pa lta bur bcing // so so ru ni sbyor bar bya// snying gi dbus su nges par ba rung // g.yon pa'i steng du lag pa g.yas// bzhag ste sor mo so sor bya// lag g.yas bsgrengs nas phyogs kun tu// 'khor lo'i sbyor bas spro bar bya// rdo rje sgo lcags lta bur bskum/ / sor mo thams cad rtsibs su bya// oM sa d+harmA tsakra sa ma ye/ de bzhin g.yon pas yongs su spro// sor mo rtsibs kyi sbyor ba yis// shes rab steng du bsgreng bar bya// g.yas pa yang ni de bzhin no// rtse mo cung zad sbyar bar bya// chos kyi las na chen po byed// de nyid snyan du bskums pa ni// las kyi phyag rgya zhes su grags// de bzhin ming med byas nas su// lhag ma rnams ni gdong du sbyar// phyag rgya chen po shin tu ni/ / dngos grub thams cad rab tu gsol// phyag rgya 'di rnams bsdams na ni// rang nyid shes rab bdag por 'gyur// kun tu bzang po rgyal po che// lha dang lha min bcas pas mchod// ces so// de nas ma mo de rnams kun// slar yang gtso bo la bstod nas// shes rab chen po rnam bzhi yi// phyag rgya zhu ba rnam par byas// phyag rgya bzhi yi rab kyi mchog/ bcom ldan 'das kyis bka'

  52. 27a

    stsol cig/ gsang ba'i phyag rgya'i yal ga mchog/ shes rab thabs kyis lus bzang ba// gang zhig gsang ba'i rnal 'byor ni// gang gis rnal 'byor pa bde ba// rdzu 'phrul 'phel dang yang dag pa'i/ / rdzu 'phrul skye ba 'dir rnyed pa// bcom ldan ston pas bka' stsal pa// gsang ba'i phyag rgya rgyal ba'i gzhi// gang gis myur du sgrub po kun// rab tu bde bar gnas pas 'grub/ / de nas bcom ldan rdo rje can// mnyes te gsang ba'i dam pa gsungs// phyag rgya'i pha rol phyin pa rnams// bde ba chen po rab tu sgrub// rdo rje thal mo dam par bsdams// rdo rje dbus su gzhag par bya/ / gsang ba'i dam tshig ces su bsgrags// gsang ba'i rnal 'byor rab tu sgrub// de nyid rdo rje lta bur byas// bskyod pas bde ba skyed par byed// 'di ni chos 'dzin zhes bya ba'i// phyag rgya gsang ba sgrub pa'o// g.yon par thabs ni bskums nas su// bskyod pas bde ba 'gugs par byed// dag pa'i las zhes rab tu grags// bde ba thams cad rab stsol byed// de nyid kha dang rkan la ni/ / sbyar ba chen mo zhes su bshad// rdo rje phan tshun yang dag sbyar// lcags kyu'i kha ni bskyod par bya// kha ni phan tshun yongs sbyar ba// gsang ba'i zhags pa zhes su grags/ de bzhin bskum par byas nas su// dam du bsdams te bcing bar bya// 'odadi ni gsang ba sdems pa'i rgya// ye shes sdems pa rab tu 'grub// thams cad rdo rje ltar rdo rje// de bzhin bskyod cing

  53. 27b

    bskor bar bya/ / de 'di gsang ba rab tshim pa// tshim pa'i don ni ster bar byed// lhag ma phyag rgya chen po ru// shes bya phyag rgya mdor bsdus pa'o// de nyid las kyi phyag rgya mchog/ las kyi dbye bas sbyar bar bya/ / zhes so// de nas ma mo de rnams kun// yid ni tshim zhing mgu ba yis// rdo rje sems dpar mtshan yangs pa'i// legs so ba ni nges par phul// legs so legs so/ gsang chen po// legs so legs so mchod chen po// legs so legs so rnal 'byor che// legs so legs so rab tshim mdzad// de nas bcom ldan 'das ma rnams dang / de bzhin gshegs pa thams cad kyi rdo rje btsun mo rnams kyis dgyes pa'i dkyil 'khor zhu ba bcom ldan 'das la zhus pa/ sangs rgyas rang bzhin khyod la 'dud// spyod pa'i rin chen khyod la 'dud// dam pa'i rgyur gyur khyod la 'dud/ / sna tshogs mdzad pa khyod la 'dud// dpa' bo 'dul ba khyod la 'dud// gsang ba'i chos ldan khyod la 'dud// zhi ba'i thugs la phyag 'tshal 'dud// mgon po khyod la bdag cag zhu/ / bdag gi dkyil 'khor zhu ba'i phyir// mnga' bdag rgyal dang sems can rnams// de nas bcom ldan 'das de bzhin gshegs pa thams cad kyis rdo rje btsun mo'i dkyil 'khor bka' stsal pa/ de lta'i dkyil 'khor bris nas su// dbus su pha rol phyin ma dgod// d+hI zhes bya ba shes rab can// thabs dang ldan pas gsal byas pa// 'di yis sngags pa 'jigs med par// zla ba phyed kyis nges par

  54. 28a

    'gyur/ / rig pa 'di yis de yis ni// las rnams thams cad byed pa dang // dbang dang dgug dang dbye ba dang // tshim dang 'phrog dang 'bras chen po// zhi bas zhi ba zhes su bshad/ / brnyes ma zhes pas rgyas par bshad// dbang dang dgug dang dbye ba la// byed ma'o dbang la drag mo yin// sha yi mtha' ru bdud gsod ma// gsod pa dang ni spel bar bya// 'gro ba dang ni yang dag ldan/ / sor mo zhags pas dkri bar bya// thams cad du ni drag po dgug/ drag po drag po'i go 'phang gnas// 'di yi cho ga ldan pa yis// las kyi tshogs kyi mchog kun bya// sems la rnal 'byor legs bsams te/ / brgyad brgya kho na bzlas pa yis// dbang bcas nyid dam dbang chen po// stobs kyis mgo bo mnan nas su// ma mo'i tshogs kun de yis bzla// dus mi ring bar 'grub par 'gyur// gzi brjid chen pos bka' bzhin du// mgo bos nye bar phyag 'tshal te// 'di yis ma mo thams cad kun// gzi brjid kyis ni gzi ldan pa// sngags kyi rgyal po 'od ldan pas// go rims ji lta ba bzhin du/ / dpe zla med pa'i dngos grub byed// grub pa'i lam la rab tu gnas// sangs rgyas rdo rje 'dzin pa yi// 'phrul dang rnam par 'phrul pa yis// 'di ni ston pa chen pos gsungs// ma skyes skye ba med la bzhugs/ / rtag pa ston pa thams cad pa// nam mkha' nyi bla dri ma med// de dag thams cad rab dga' ste// dngos po spangs pa'i btsun mo yis// gar dang glu dang sil snyan mchog/

  55. 28b

    bzhad dang sgeg pa'i sbyor ba dang // bud med sgyu ma'i rnam 'phrul dang // gling bu pi wang rdza rnga sogs// ting ting shags dang dung sgra dang // ro dang reg pa dri chen po// gzugs dang skra sogs bde ldan pas/ dpa' chen la ni mchod byas nas// snyems dang bcas pas phyag 'tshal te// slar yang mgon po la gsol btab// rdo rje btsun mo'i dkyil 'khor rnams// mgon po ci yi phyir mi gsungs// yab rnams kyi ni thams cad dang / / yum rnams kyi ni mdor bsdus pa// mchod pa yang ni thams cad de// bran bcas pho nya pho nya mo// 'jig rten pa ni mtha' dag gi/ gtso bo chen pos gsung du gsol/ de nas bcom ldan 'das de bzhin gshegs pa thams cad kyi bdag pos yang de bzhin gshegs pa thams cad gnyis su med pa rnam par 'phrul pa zhes bya ba'i ting nge 'dzin la snyoms par zhugs nas/ de dag nyid kyis sku dang / gsung dang / thugs rdo rje la gzhug pa dang / dgug pa dang / bcing ba dang / mnyes par bya ste/ nyid kyi sku dang / gsung dang / thugs rdo rje gnyis su med pa bsgyings pa dang ldan pa la mnyam par bzhag ste bzhugs so/ / de nas yang bde ba yongs su skyes pa rab tu dgyes pa'i sangs rgyas thams cad lhan cig spyod pa dang bcas pa/ bran dang bcas pas de la 'di skad ces gsol to// mgon po dbang phyug rdo rje sems/ / rdo rje snang ba mdzes pa'i sku// gsang ba rgyan gyi dkyil 'khor ni// dpa' bo chen pos gsung du gsol// gang gis rgyal ba kun skyed pa// byang chub sems dpa' grags chen po/

  56. 29a

    de nas bcom ldan 'das de bzhin gshegs pa thams cad kyi gsang ba rgyan gyi bkod pa dkyil 'khor chen po'i mchog ces bya ba'i ting nge 'dzin la snyoms par zhugs nas 'di skad ces gsol to// e ma sangs rgyas thams cad kyis// zhu ba rab tu zhus pa ni// gang phyir de la dngos med kyang // zhu ba zhus pa thams cad thos// gsang ba chen po'i smon lam dang // de bzhin snying rje'i pha rol phyin// dran pa med las dran pa yang // dran 'gyur dran po bzhin gnas pa// sangs rgyas kun gyi gsang chen po// shes rab pha rol phyin dge ba// chos dang chos min rnam par spangs// brjod du med pa bshad par bya/ / de nas sangs rgyas bcom ldan 'das kyi bdag nyid de rnams de bzhin gshegs pa thams cad kyi gsang ba rgyan gyi bkod pa'i dkyil 'khor gyi rgyal po bka' stsal pa'i phyir/ slar yang glu'i dbyangs 'dis zhu ba zhus pa/ chos dbyings mi g.yo de la legs bzhugs dam pa'i thugs// phyogs bcu mtha' yas sangs rgyas kyis zhabs legs btud pa// bde mchog lha yi lha ste sa dbang 'jig rten bla/ dkyil 'khor bde ba mchog la bzhugs gsol bde chen gyis// sa gnyis gtsug gi phyag byas bde ldan pad+ma'i gtsug tor gyis// rnam pa kun tu gar mdzad sbyor ba'i dkyil 'khor dam pa gsungs shig kye/ 'gro kun phan dgongs rab tu gzhug gsol mchod pa chen po kye// cha lugs rnam pa du mas 'gro kun 'dul mdzad kun gyi dam pa kye// de nas bcom ldan 'das de bzhin gshegs pa thams cad kyis gsol ba

  57. 29b

    btab cing bskul ba'i tshig nyid kyis thugs la bzhag nas/ de bzhin gshegs pa thams cad kyi dkyil 'khor bsgyur ba chen po rab tu sim pa bde ba la longs spyod pa rnam par bsgyings pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad byin gyis brlabs te/ bde ba chen po 'khor los sgyur ba la rab tu gnas nas nyid kyi sku dang / gsung dang / thugs rdo rje rnams las rab tu phyung ngo // dkyil 'khor snga ma bzhin bris la// de yi lte bar 'di dgod do// rdo rje chen po bsam gtan pa// 'dod pa'i dbang phyug dag dang ldan// de bzhin gshegs pa kun gyi yab// kun gyi thog mtha' rab byung ba// de la sogs pa'i rim pa yis// thams cad kun tu brtag par bya// pad+ma'i lo ma rtsibs la ni// rang gi chos dang rab tu spel// ma mo rnams ni thams cad kyis// mchod pa la sogs rab tu brtag/ ru sgo ba yongs su brtag/ sgo yi phyi ru sgo skyong ba// btsun mo lhan cig spyod bcas pa// kun nas lha rnams gzhag par bya// de nas rang gi sa bon gyis// klu dang gnod sbyin 'phar ma gzhan// dri za rnams dang mi 'am ci/ / lha min nam mkha' lding de bzhin// 'jig rten skyong ba thams cad ni// sgo ru gnyis gnyis gzhag par bya// gdon dang dug dang rims dang nad// yi dgas sha za srin po dang / / dmyal ba brgyad po phyogs brgyad kyi// 'khor lo'i phyi ru gzhag par bya// de nas 'khor lo'i mu khyud bri// chen po rin chen bdun rang bzhin// de yi sgo ru bri bar bya/

  58. 30a

    shar du 'dod chags skyes gnas lag/ zhe sdang drag po lus gnag pa// byang du legs par bri bar bya// gti mug nub tu bri bar bya// lho ru nga rgyal nyid yin no// sog le dang ni gos nag po/ / de bzhin dbyug gu 'jigs chen po// 'di rnams phyag rgyar brtags pa'o// de nas ji lta ba bzhin 'jug/ de nas gsang ba rdo rje'i phyag rgya nges par bcings pa'i lag par gyur pas rang gi dam tshig rjes su dran pas/ phyag rgya de nyid kyis 'gugs pa'i rnam pa dang bcas rdo rje'i glu 'dis bskul te/ dkyil 'khor thams cad spyan drang bar bya'o// 'dir gshegs 'dir gshegs sangs rgyas zhal ras sangs rgyas dpal/ / bde bar gshegs pa yum dang bcas pa mtha' dag gis bskor te// 'dir gshegs 'dir gshegs pad+ma'i spyan ras pad las 'khrungs// dam tshig rnam dag rnams kyis dpa' bo dam pa'i phyag/ glu dbyangs rgyal po 'di yis ni// rdo rje'i blo gros nges par bskul// byon 'gyur byon 'gyur song zhig ces// 'khod cig 'khod cig 'khod par bya/ / tshim zhing tshim la rab tu tshim// zhugs shig zhugs shig 'jug par bya// kA kye zhes brjod bskul ba yis// sa la gnas kun rab tu 'bebs// de nas me tog dor bar bya// bcom ldan bde bar bzhes su gsol/ / lha dbang gang la lhung 'gyur bzung // de yi sgrub thabs brtsam par bya// yang na yid la gang 'dod pa'i// sgrub byed sgrub po dam pas byed// de nyid du ni dbang

  59. 30b

    bskur ba/ / rnal 'byor pa ni mkhas pas blangs// de nas slob ma gzhug par bya// rgyan rnams kun gyis rnam par brgyan// dar la sogs pas gdong g.yogs te// phyag rgya bcings pa'i lag bzang pos/ / de bzhin du ni me tog dor// sa ma ya s+t+waM bdag gis brjod// me tog gang la lhung gyur pa// de yis sbyor bas dbang bskur bya// yang na gang 'dod rnal 'byor gyi// sbyor ba bsgoms te dbang bskur bya/ / yang na bdag po'i rnal 'byor gyis// gal te de ni sbyor ldan 'gyur// gdugs dang rgyal mtshan bla bre sogs// b+h+ring g+ha ra yi bum pa dang // rnga yab rnam pa sna tshogs dang // seng ge'i khri ni bzang po dang // gser dang dngul gyi dbyug gu dang // rin chen dbyug gu du ma ni// dgyes pa'i dkyil 'khor nyid du gzhag/ dbang bskur spro ba chen po yis// de ni stan la bzhag nas su// rnal 'byor ldan pas dbang bskur ro// dbang bskur ji ltar rigs pa yis// gsang ba'i sbyor bas dbang bskur ro// thog mar sdom pa ldan pa yis// de ni dam tshig 'dzin du gzhug/ 'dir ni nga yis dam tshig zung / / phyi dang gsang ba rnam pa bzhi// sangs rgyas kun gyi sdom pa ni// sangs rgyas ye shes rab gsal byed// gdug pa thams cad gsad par bya// 'jungs pa rnams kyi nor dbrog bya/ / lta ba ngan la brdzun du smra// srog chags gsod la smra bar bya// gzhan gyi bud med mngon bgrod par// ci bde bar ni phrogs shig bu// gzhan rdzas 'phrog par byed rnams dang //

  60. 31a

    dkon mchog gsum la 'gal byed pa// bsad dang gzhom par bya ba dang // de bzhin khrag rnams btung ba ru// 'bad pa yis ni thams cad byos// dam tshig rnam pa gsum po yis/ / de nas yon ni phul nas su// bla ma la ni gus pa yis// zhabs la mgo bos nges gtugs te// rang lus rgyal po'i longs spyod dang // chung ma'am yang na bu mo dang // bu rnams dang ni bran nyid dang // sring mo sring mo'i bu mo dang // ma dang rang gi mna' ma dang // grong dang yul gyi longs spyod dang // shing rta 'gro dang glang po dang // rnam par bkra ba'i rta rnams dang // nor gyis gang ba'i grong rnams dang // ba glang ma he ra rnams dang // lug rgod rnams dang gzhan rnams dang // rnga mo mdzes pa'i rnga mo mo// gzhan yang gzhan yang gang 'dod pa// ji ltar rigs pas mchod par bya/ / rim bzhin rang gi slob ma'i tshogs// mgon po mchod nas gshegs su gsol// gang gzhan rdo rje spun la yang // de nas sgrub thabs dam pa bslab// srog dang thur sel sbyor ba yis/ / sems kyis brtan pa nyid du bya// zla ba nya ba lta bur dgang // cha shas dag ni bcu drug kyang // de yi dbus su rnam bsam pa// gtso chen 'dod pa'i dbang phyug go// mdor bsdus nas ni spro bar bya// brtul zhugs can gyis rang lus bsam// bdag nyid 'dod pa'i dbang phyug rgyal// 'dod pa'i zil gyis mnan nas su// rnal 'byor can bdag

  61. 31b

    dpal ldan 'grub/ / lha dbang bcas pas phyag 'tshal zhing // nad dang mya ngan 'jigs pa sel// rga dang 'chi ba rnam par spangs// zla ba gcig tsam bzlas pa yis// dpa' bos las kun byed par 'gyur/ / zhi dang rgyas dang de bzhin dbang // drag shul spyod pa'i rim pa yis// dgug dang dbab pa'i las rnams ni// skad cig tsam zhig bsgral ba yis// sngags pas thams cad byed par 'gyur/ / sngags kyi sbyor bas sngags zlos pas// 'di ni bcom ldan rnal 'byor gsungs// yan lag lnga las skyes pa gzung // 'byung po'i nyi ma mtshan mo gung // lcags gsum gyis ni dkris byas la/ / rang gi kha ru gzhug par bya// bdag nyid rnal 'byor ldan pas bzlas// de ni nang par mthong mi 'gyur// lhar bcas grub pa'i sems can gyis// thams cad rnam par kun tu'o/ / bskal par gnas shing shes rab che// bstan bcos thams cad rab tu mkhas// gzugs dang lang tsho phun sum tshogs// rig pa 'dzin pa'i mnga' bdag 'gyur// bcu bzhi'i nyin bar shi ba yi/ / gdol pa'i g.yon gyi rtsib logs ni// sbyor bas bzung ste 'phur 'gro mi// gzugs brnyan lag pa bzhi pa bya// zhags pa lcags kyu rtse gsum mtshan// g.yon par thod pa 'dzin pa'o// rlung gi dkyil 'khor la gnas pa// spyan gsum rnam par gtsigs pa po// thod pa'i 'phreng ba'i tshod pan can// gtum ldan snga zur chen po pa// 'jigs pa chen po'i dur khrod du// rnal 'byor ldan pas

  62. 32a

    de bzhag ste/ / cho ga ji bzhin mchod par bya// gsang sngags rgyal po bzlas par bya// thod pa'i 'phreng ba'i cod pan can// khrag dang sha dang mar khu yis// de nas lha mo 'grub bo/ / mtshan ma yang ni blta bar bya// mtshan ma yis ni dngos grub che// dus mi ring bar bzang po 'thob// dman pas dman pa'i dngos grub ste// bar ma yis ni bA ra ma'o// mtshan ma med na chung ngu ni// rab tu 'grub par dpyad mi dgos// lha min bzang po dgug par bya// mi dang mda' ni bskul ba yis// de yi skad cig nyid la byed// khrag nyid kyis ni bris pa yi// dbang du bya ba'ang 'di nyid kyis// de bzhin bud med thams cad dgug/ grub pa'i rdzas kyang ming nyid kyis// dgug pa'i sbyor bas dgug par bya// dmag dpung rnam par bzlog pa ni// rgyal mtshan rtse mor rnam gzhag go/ / rengs dang rmugs par bya ba dang // rmongs dang 'ching ba de bzhin du// gyi ba dang bsad pa thams cad ni// cho ga dag dang ldan pas byed// de nas de bzhin gshegs pa thams cad kyi yum rnams dang yab rnams kyis/ bcom ldan 'das la gsang ba rgyan gyi dkyil 'khor gyis dkyil 'khor gyi zhu ba chen po 'di zhus pa dang / gang la bzhugs nas rgyal ba kun// yum dang yab rnams de bzhin du/ / de yis sbyor bas sbyor bdag nyid// sems can rnams ni snod du mdzod// gsang ba rgyan gyi dkyil 'khor gyi// rnal 'byor chen po'i rnam dbye ba// gang gis ma 'ongs mi

  63. 32b

    rnams ni/ / bde bas sangs rgyas nyid la 'jog/ de nas bcom ldan rdo rje can// 'dzum dang bcas pa'i spyan rgyas pas// gsang ba rgyan gyi dkyil 'khor ni// gsang ba chen po bka' stsal pa/ gang phyir bdag nyid dkyil 'khor bshad// sems can dag pa'i rdo rje can// bdag nyid gsang ba'i rgyan ces bya// snying po phyag rgya sngags nyid de// bdag nyid rig sngags dam tshig kyang // gang phyir bdag nyid sdom pa ste/ / bdag nyid bshad dang 'chad pa'o// pha dang ma rnams de bzhin te// dngos grub sgrub po las kyi mchog/ bde dang sdug bsngal khams gsum pa// zhes so// de nas bcom ldan 'das la/ / de bzhin gshegs pa thams cad kyi yum dang yab rnams kyis 'di skad ces gsol lo// de phyir gsungs shig bcom ldan 'das// bde bar gshegs pas gsung du gsol// sangs rgyas byang chub sems kun gyis// phan dang bde ba thob pa'i phyir// zhes so// de nas bcom ldan 'das de bzhin gshegs pa thams cad kyi yum dang yab nye bar longs spyod pa rdo rje dpal zhes bya ba'i ting nge 'dzin la snyoms pa zhugs nas/ nyid kyi sku dang / gsung dang / thugs rdo rje las 'di byung ngo // sngon bshad cho ga'i rim pa yis// dkyil 'khor yang dag bris nas su// de yi dbus su bdag bsam bya/ / dkar dang dmar dang 'od chen po// sna tshogs rgyan gyis lus la spras// dmar po'i 'phreng ba gtsug tor can// sna tshogs gos ni legs mnabs pa// dmar po'i 'od kyi bla gos

  64. 33a

    can/ / phyag bzang g.yon na dril bu ste// bsnyems bcas 'dzum bag ldan pa'i zhal// phyag gzhan na ni rdo rje can// snying khar rab tu gsor mdzad pa// pad+ma rgyas 'dra'i spyan mnga' ba/ / zhal gyi dkyil 'khor nyi shar mtshungs// rdo rje seng ge'i khri la bzhugs// dmar po'i gos ni 'chang ba bo// mdor bsdus nas ni bri bar bya// g.yon du shes rab yongs su khro/ / sngon bshad pa yi gzugs can la// g.yas pa'i phyag ni 'phyang ba'o// lho du sbyin pa chen mo ni// phyag rab rin chen stsol ba'o// byang du bzod pa chen mon// byams pa'i ya lang 'dzin pa mo/ / mdun du brtson 'grus chen mo ni// rdo rje'i lag pa cher ba bang ba// shar dang lho yi mtshams su ni// bsam gtan pa rol phyin ma bri// bsam gtan phyag can spyan sangs ma// b+hU dza dkyil 'khor 'od babang ba'o/ / bden thal du ni 'phelam dz+raM// rin pa mal can gyis 'tshan// nod gyi chen na stong phrag gis// sems can mang po bde bar byed/ nI las nI nA na// mtshams su yang dag mtshon par bya// dbyangs snyan pa yi dag brjod pas// sems can thams cad skul bar byed/ blo gros ldan pas dbang ldan du// thabs kyi ye shes slob pa mo// lag gnyis kyis gar byed pa/ / sgeg dang dga' bas 'khrugs pa bri// dpa' bos gar skor bri bya bar// shes rab pha rol byin dgas// ye shes lpags su mdzes pa'i phyag/ dmar po'i dar kyis

  65. 33b

    mngon par mdzes/ / dbang chub kyi sgodu ni// 'ching ba'i bdag nyid bri bar bya// shin tu b+han dang mtshungs pa// rdo rje lcags srog 'dzin pa mo// byang gi so ru bri bab// stobs kyi pa ros gyi ma mchog/ rgyal ba thams cad mnyes byed pa// dril bu bzang po 'khrol ba'i bdag/ gshin rje cho 'phrul bri bar bya// 'bar ba'i sprin gyis yang dag 'khrugs// phyag na rdo rje zhags bkra ba// rdo rje'i glog 'phreng dang mtshungs ma'o// nga yi mdun du shes ldan gyis// 'dod pa'i dbang phyug brgyan pa bri// pad+ma rA ga'i 'od gsal ba// mda' dang gzhu ni 'dzin pa'i mchog/ de yi mdun du dkar po bri/ / zla ba'i 'od 'dra grags chen po// zla ba shar ka'i 'od mdzes pa// 'dzum bag can la gzhon nu'i gzugs// rdo rje 'dun pa cher dmar ba// mnga' lnga dang ni gzhu 'dzin pa// skye ba 'joms pa dpa' bo ni/ / lag na 'khor lo gzi brjid mchog/ de yi g.yon du bri bya ba// dkar dang dmar ba'i 'od chen po// rdo rje dzang sgrogs rgyal po ni// dril bu 'khrol ba dang ldan pa/ de yi rgyab tu bri bar bya// gser dang gur kum dang 'dra ba'o// lho yi phyogs su bri bya ba// mkha' 'gro'i dbang phyug dpal dang ldan// sngon po char sprin dang 'dra ba// lag na ral gri rin chen ldan/ / de mdun dpa' chen 'dod pa yi// rgyal po bdag nyid chen po bri// 'od zer dmar po lag na gzhu// rin chen 'bar bas rnam par brgyan// de yi lho ru bri bya ba// rdo rje rnam par spong

  66. 34a

    mchog/ nyi ma'i dkyil 'khor lag pa can// rab tu rno ba'i 'bar ba'i 'phreng // rdo rje dam pa 'dul mdzad dpal// rdo rje rin chen mchog gi tog/ kha dog dkar po cher spro ba/ gos sngon rnam par 'phyang ba po// rdo rje DA kI'i dbang phyug rigs// lag na rin chen shin tu mdzes// de yi rgyab tu bri bya ba// dgod dang bcas pa'i bzhin ras mchog/ nga yi rgyab tu bri bya ba// dri yi dbang phyug dbang phyug che/ / lag na pad+ma snying khar 'chang // ban d+hu'i me tog rnam pa 'dra// de la mngon par phyogs pa yi// rdo rje sgrol ma spyan mdzes bri// dkar ser bzang po sna tshogs pa// lag na ut+pal sngon po bzang / / de yi g.yon du dag pa yi// lag na 'khor lo ches dkar bri// sngon pos legs pa'i gnas thob pa// mchog tu 'dzum pa'i bzhin ras can// lo ma'i rtse mo rgyab tu bri// lag na yid bzhin nor bu mchog/ kha dog sngo bsangs dpa' chen po// sems dpa' ldan pa'i thugs chen po// de yi lho yi ma ru ni// chos 'chang mchog ni bri bar bya// rgyu mtshan phyag ldan rab dkar ba// ma shar ka'i snang ba 'dra// nga yi byang du bri bya ba// stug po bkod pa grags chen po// shin tu ldang ba'i margad mtshungs// las kyi rdo rje mchog 'dzin pa'o// de yi mdun du bri bya ba// rdo rje skyong ba yid 'phrog bkra/ / bzhad bcas rdo rje'i lag pa can// rgyan rnams kun gyis rnam par brgyan// de yi lho ru bri bya ba// 'gro ba'i rtse mo legs brgyan pa// lhang tsher nag po bung ba 'dra// rdo rje'i

  67. 34b

    gsal shing 'dzin pa po/ / rgyab tu rdo rje 'ching ba bri// lag pa yang dag sbyar bsdams pa// rin chen kun gyi 'od dag cing // 'dzum bcas mchog tu ngo mtshar ba// 'khor byed g.yon du bri bya ba// lag namagal me'i 'khor lo can/ / legs sngo dar la bab pa po// rab rgyas pad+ma lta bu'i zhal// de nas sgo yi cha dag tu// sgo ba rnam pa bzhi po bri// shar du rdo rje mi g.yo ba// lag na rdo rje lcags kyu che/ / lho yi sgo ru rdo rje me// lag na rdo rje zhags pa 'bar// nub tu rlung ni sngon po ste// rdo rje lugs sgrog 'dzin pa'o// lus ngan du ni chu bri ste// zhags pa ldan pa'i dril bu 'dzin// de nas sbyor ldan 'ongs nas su/ / dkyil 'khor gyi ni shar du bri// shar du mda' yi mtshon cha la ga/ rab dmar pad+ma ltar 'bar ba// lho ru chen po dbang phyug can// sngon mo dbang phyug rdo rje ma// lag na rin chen ste ma can/ / rin po che yi rgyan gyis brgyan// rdo rje nyer zhi dkar mdzes ma// rgyab tu rtag tu bri bar bya// lag na pad+ma bzang po 'dzin// pad+ma'i 'phreng bas rnam par brgyan// rdo rje steng zhal mdzes ma ni/ sngo bsangs kun gyi yon tan ldan// lus ngan du ni shes ldan gyi// g.yas su rdo rje rtse gcig bri// shar gyi mtshams su rdo rje ni// dus tshigs zhes bya bzang mo bri// dbyar gyi sprin ltar mdzes pa mo// lag na bdug spos grags chen mo// nub kyi mtshams su ri ri ta// lag na me tog 'phreng ba 'bar// cung zad dmar la dkar ba mo// sna tshogs rgyan gyis rnam par brgyan// nub byang du ni bri bya

  68. 35a

    ba/ / lag na yi ge sna tshogs ni// lag na smon me rab dmar ba// rlung bad sngo ba'i gos gyon pa// dri yi glang po ltar 'gying ba'i// rol pa ldan ma mkhas pas bri// sngo bsangs dmar po mthon mthing 'dra// rab tu dgod cing mig mdzes ma// rdo rje'i lag pa mig mdzes ma'o// de yi shar du bri bya ba// rdo rje mchog gi 'od ldan pa'i// rdo rje dbang phyug bde ba ma'o/ / de bzhin lho ru bri bya ba// gser sogs dang ni mthon mthing 'dra// rin chen sgron ma rin chen lag/ 'od mchog ldan pa'i lha mo ni// nub kyi dkyil 'khor dag la bri// 'od kyis snang zhing mdzes pa la/ / lag na 'od zer legs mdzes pa'o// rdo rje brang skyes cher bkra ba// sna tshogs rgyan gyis rnam par brgyan// lag na sna tshogs gos ldan pa// byang du rtag tu bri bar bya/ / de bzhin sbyor bas bris nas su// pho nya mo yang legs par bri// snying skul byed ma mdzes ma ni// shar du legs par bri bar bya// rdo rje myu gu mda' ldan dmar// mig gnyis dang ni gos sngon po'o/ / de dang nye bar dpa' mo ni// lag na lcags kyu zhags pa mchog/ gdug pa 'gugs pa'i lha mo bri// sngo bsangs dmar la legs brjod pa'o// rjes su mnyes ma'i pho nya che/ / nub tu rtag tu bri bar bya// rgyal ba thams cad mnyes byed ma// pags pa'i zhags pas lag pa mdzes// khrag 'gugs pa yi pho nya mo// byang du gnas pa bri bar bya// mdog gnag pa la cher

  69. 35b

    za ba/ / lag na thod pa legs mdzad pa'o// thams cad 'phrog pa'i pho nya mo// ma yi mtshams su bri bar bya// rdo rje lcags kyu zhags pa mchog/ dmar gnag dka' thub chen po ma'o// de b yang du dpa' bo yis/ / sgo skyong stobs chen bri bar bya// rdo rje 'bebs ma legs dmar ba// lag mthil dril bu dang ldan pa'o// dam tshig gsum ldan spyan gsum ma// rtse gsum rdo rje 'dzin pa mo// 'jigs pa'i lus can cher gsal ma// 'od zer dmar po 'bar bas 'khrugs// 'bar ba'i me lce'i lag pa can// me yi phyogs su yang dag brten// lha mo chen mo thog ma ma// lag na rdo rje'i gtsub shing can/ / dmar zhing sngo ba bri bya ste// ji lta ba yi rim pas so// gdul dka' 'dul ba'i lha mo ni// sgo skyong ba yi gnas na gnas// dpa' mo rdo rje dbyug gu'i lag/ byin za 'bar ba dang mtshungs ma'o/ / de nas bran mo bri bar bya// rang gi phyag rgyas lag pa mtshan// 'jig rten gsum 'ching bran mo ni// nub tu yang dag bri bar bya// 'ching ba chen mo'i lag pa can// rab dmar gur kum 'od zer can/ / bran mo 'jigs pa'i me gdong ma// sgron bcas lag pa'i rtse mo mchog/ rab gnag pa la lus chen mo// cho ga ji bzhin rtag tu bri// bran mo gtsigs shing rnam 'gyur gdong // 'khrug pa'i tshul la rab 'jigs ma/ / lag na thod pa rlon pa can// shin tu dmar zhing 'od chen mo// sku gsung thugs 'ching bran mo ni// shar du yang dag bri bar bya// dkar zhing dmar la lus che ba// zhags

  70. 36a

    pa lcags kyu'i lag pa mchog/ de nas rol pa mo bri bya// go rims ji lta ba bzhin no// de bzhin gshegs ma dgyes ma ni// mdzes shing rin chen gyis nyer brgyan// mda' gzhu'i lag can dmar ba mo/ / gos dang 'phreng ba dmar po 'dzin// byang du sngags pas bri bya ba// kun nas 'bebs mche ba'i mchog/ mdzes pa'i lag pa 'dzin pa mo// bde ba 'bebs la legs par gnas/ 'jig rten gsum 'joms khro mo ni// rdo rje rol pa mo zhes bya// drag shul chen pos bsdigs par byed// mnyam par bzhag pas shar du bri// rab tu dga' ba rjes rtog ma// sngags pa spro bas rgyab tu bri/ 'dod chags phyag rgya'i lag pa ma// 'gro ba'i gtso bo mnyes par mdzad// dga' byed ces bya bri bar bya// thams cad rdo rje rol pa mo// dga' ba'i rtse 'jo'i lag can bkra// rgyan rnams kun gyis brgyan pa ni/ / sngags pa cho ga shes pas bri// rdo rje hUM mdzad legs gnas pas// phyi rol rdo rje bri bar bya// rang gi rig ma g.yon du gnas// dbang por mig gsum bri bar bya// rdo rje can gyi rtse gsum 'dzin/ / g.yas pa yis ni phyag 'tshal zhing // rang gi chung ma sogs pas bskor// chu lhar tshangs pa chen po ni// gdong pa bzhi pa bri bar bya// sgo ru sgo ba chen po ni// rdo rje lcags kyu stobs po che// kun nas dmar zhing cher gtum pa// sangs rgyas mchog tu spyan 'dren pa'o// lho ru legs par gnas pa'i mchog/ lag na zhags pa dam pa bri// sems dpa' grags pa chen po dang // sangs rgyas

  71. 36b

    rnams ni 'jug par byed/ / 'ching byed drag po chen po ni// brtan pa'i rdo rje yang dag bri// bal po se'u'i me tog mtshungs// rags shing stan las mi g.yo ba'o// ne co khrag rta dang mtshungs pa'i/ mnyes byed mchog ni bri bar bya// sangs rgyas thams cad mnyes byed cing // rig sngags pha rol phyin rnams kyang // rdo rje dbyug gu'i lag pa mdzes// zhi ba sogs kyis yongs su bskor// gshin rje 'khor lo'i lag pa ni/ / shin tu mdzes pa'i rdo rjes mtshan// ser po'i gos 'dzin gnag pa po// mtshon cha sogs pas yongs su bskor// lus ngan du ni dbang po bri// rdo rje'i lag pa rab tu mdzes// de nas mchod pa rnam par bri// rdo rje me tog 'thor ba'i gzugs// lag na me tog snyim pa mdzes// me tog 'phreng bas rnam par brgyan// sngags pas rdo rje bdug pa bri// yid sim byed pa'i dam pa ni/ / lag na bdug pa mig yangs ma// mkhur tshos cung zad dkar ba ma'o// lha mo rdo rje snang byed ma// gser bsregs pa yi mdog 'dra la// lag na sgron ma mkhas pas bri// rgyan rnams kun gyis rnam par brgyan/ / dri zhim lus la cha lugs bzang // lag na dri yi snod mdzes ma// ut+pal sngon po'i lo ma mtshungs// mdzes pa'i gzugs la yid 'phrog ma'o// gzugs kyi rdo rje mdzes pa'i gzugs// rgyan rnams kun gyis rnam par brgyan// lag na rdo rje me long 'dzin// 'dzum bcas dgod pa'i dkyil 'khor can// sgra yi rdo rje sna tshogs lus// dkar dang sngo ba'i lus dang ldan// pi wang gling bu ting ting

  72. 37a

    sogs/ / sgrogs pa shes rab can gyis bri// ro yi rdo rje ska la chen mo// lag na ro yi snod 'dzin pa// rgyan rnams thams cad yang dag rdzogs// mtshan nyid kun dang yang dag ldan/ / rdo rje reg bya sngo bsangs che// chu skyes sngon po 'dab 'dra'i mig/ rnam par gsal zhing cher dgod pa// rang gi dpung pa bsdams pa mo// bzhad pa'i rdo rje bod bcas pa// rnal 'byor pas ni mdor bsdus te/ / bri bya sna tshogs gos 'dzin dkar// rgyan rnams thams cad 'dzin pa ma'o// rdo rje sgeg mo dkar mo che// sgeg dang bcas shing yid du 'ong // rked par khu tshur gnyis gzhag cing // mdzes pa'i 'phreng ba'i chun po btsugs/ / rdo rje gru mkhan legs dmar lus// glu len pa la rab tu brtson// chu skyes dmar po rgyas 'dra'i bzhin// glu len lag pa rab tu mdzes// rdo rje gar ma mkhas pas bri/ / gar dang bcas pa'i lag pa can// sngo bsangs dkar po cher dkar ba// mig che ba la 'dzum bcas mchog/ rdo rje sil snyan drag mo che// dur dur yi rnga mdzes rdung // rdo rje rnga chen lha mo che/ rje chen rdung ba bri bar bya// rdza rngam ni mkhas pas bri// rdza rnga rdung bar byed pa mo// lha mo su grar+d+ha rdung ma// mu guN+Da ma bzhin mdzes ma'o// pa Ta ka ni rdung byed ma// rdo rje paT ha zhes bya// rdza rnga chen po rdung byed ma/ / rdo rje rdza rnga mdzes ma bri// gun+da rdung byed dga' ba mo// dgod bcas pad+ma'i mig can ma// rdo rje gun+da dpa' bos bri// lus kun gyi ni dam pa 'grub// lag na rdo rje ting ting shags/

  73. 37b

    rdo rje ting ting shugs brib+ha// lag na rdo rje cang te rnam// khadog dkar mo 'od zer che// 'khar rnga rdung ba'i lag pa can// rdo rje 'khar rngas bribya// rgyud gcig pi wang sgreng ba bri// rdo rje pi wang snre ma'o/ / pi wang rgyud gsum sbreng ba'i rgyu// pi wang rgyud gsum sbreng ba bri// rdo rje 'khar khrol lha mo che// dmar po yi ni gos bgos pa'o// rdo rje gling bu rnal 'byor pas// gling bu 'bud pa ldan pa dri/ / rdo rje pi wang skal chen mo// pi wang sbreng la rab spro ba'o// rdo rje 'bud dung 'bad pas bri// dung dkar 'bud pa'i rang bzhin can// dung ma lag na zangs dung 'dzin// 'dod pa'i gzugs mchog 'dzin pa mo/ / rgyal ba'i dril bus lag pa mdzes// khrol ba yang dag bri bar bya// legs spro ba la ga zi brjid che// rnam par rgyal la spro byed ma'o// pad+ma kAr gyi dbang phyug dmar// pad+ma dmar po kha 'byed ma/ / gar gyi sgyums rab gnas pa'i// lag pa stong ldan bri bar bya// rin chen gar ma lha mo che// gar gyi bdag nyid legs par bri// lag na rin chen snyem can// lag mdu ma gdong brgya pa'o/ / rdo rje gar ma bsnyems bcas ma// lus 'chu ba dan dang ldan pa// rnal 'byor pas ni cho ga bzhin// rdo rje sbyor bas rab gnas bri// sna tshogs gar ma skal chen mo// rdo rje thal mo spyi bor 'jog/ 'dzum bcas pa la mig mdzes ma'o// sna tshogs sgyu ma legs sems ma// smin ma bsgyur ba'i mig mdzes ma// spos bcas gdong gi rnam 'gyur can// mthong na dga'

  74. 38a

    ma 'dzum pa'i bzhin/ / gdong gi dkyil 'khor sngo bsangs mchog/ rdo rje mthong ma skal chen mo// rab tu dgod cing mig rgyas ma'o// rnal 'byor chen pos bri bya ba// rnal 'byor mig gis lta ba mo/ / rab tu gsal bas 'khrugs pa can// 'khor lo bskor ba ltar byed ma// snying khar lag pa 'jog pa ni// sdig pa ma lus 'joms par byed// rdzi mar bcas pa'i mig gnyis ni/ / steng dang 'og tu 'phags pa yis// mthong ba 'gugs byed bde chen gyis// sangs rgyas thams cad dbang du byed// sgo ru sgo ba chen po ni// rdo rje lcags kyu stobs po che// thams cad srung zhing cher gtum pa// sangs rgyas mchog tu spyan 'dren pa'o// sgo ru legs par gnas pa'i mchog/ lag na zhags pa dam pa bri// sems dpa' grags pa chen po dang / sangs rgyas rnams ni 'jug par byed// 'ching byed drag po chen po ni// brtan pa'i rdo rje yang dag bri// bal po se'u'i me tog mtshungs// rags shing rnam par g.yo ba'i gdong // ne tso khug rta/ dang mtshungs pa'i// mnyes byed mchog ni bri bar bya// rig sngags pha rol phyin rnams dang // sangs rgyas thams cad mnyes par byed// dbang por gzhon nu bri bar bya// gshin rjer gshin rje/ nyid yin no// chu lhar chu lha bri bar bya// lus ngan po ni byang phyogs su// 'di dag bsdus te bri bar bya// 'khor gyis mdun du bdar ba'o// phyi ru dmyal ba brgyad po bri// yi dgas kyang ni

  75. 38b

    thams cad du/ / rdo rje hUM mdzad la gnas pa// sngags pas cho ga bzhin bris te// phyi yi rdo rje bri bar bya// rang gi rig ma g.yon du gnas// dang por mig gsum legs par bri// rdo rje can gyi rtse gsum 'dzin/ / g.yas pa yis ni phyag 'tshal zhing // rang gi chung ma sogs pas bskor// chu ltar tshangs pa chen po ni// gdong pa bzhi pa bri bar bya// rdo rje dbyug gu'i lag pa mchog zhi ba la sogs rnams kyis bskor/ / gshin rjer 'khor lo'i lag pa can// rdo rjes mtshan cing rab tu mdzes// ser po'i gos 'dzin gnag pa po// dpal mo la sogs rnams kyis bskor// lus ngan du ni dbang po bri// rdo rje'i lag pa rab tu mdzes// mig stong pa ni che ba'i lus// bde sogs sogs kyis mdun du bdar// dbang ldan du ni dbang ldan bri// me yi phyogs su me lha'o// bden bral du ni bden bral grags// rlung du rlung lha nyid yin no// shar gyi sgo ru dpung bzang bri// mur+t+ta d+ha Ta ni nub tu'o// lus ngan du ni grub pa bri// lho ru bdud rtsi 'khyil ba'o// cho ga 'dis ni sngags shes pas/ / dkyil 'khor bzang po bris nas su// sangs rgyas thams cad dgug par bya// yab yum gtso bo dam pa rnams// cho ga ji bzhin sngags pas gzhug dkyil 'khor la ni dkyil 'khor bdag/ rdo rje lcags kyu'i lag pa yis// cho ga ji bzhin bdag brgyan te// rdo rje sems dpar bsnyems byas nas// snyams dang bcas pas langs

  76. 39a

    nas su/ / gsang ba'i sems dpa' dbang bskur te// 'di yis spyan ni myur du drang // yab dang yum bcas sangs rgyas sras bcas pa// bran dang gnyen bcas nye du dang bcas shing / / dpal mchog rdo rje sems dpa' yongs mnyes pa'i// lha dang lha mos legs bskor 'dir gshegs shig/ glu 'di yis ni bskul ba yis// de bzhin gshegs pa thams cad byon/ / byon nas dngos grub chen po ni// sgrub pa po la stsol bar 'gyur// yang ni mtshan ma snang 'gyur te// 'bad pa'am snang ba blta bar bya// gal te bsod nams rab dman na/ / de yis ci yang mthong mi 'gyur// des ni slar yang gsol ba gdab// yang dang yang du bskul bar bya// lha yi rnal 'byor de nyid kyis// nga rgyal yang dang yang byas te// mchod pa shin tu chen po bya/ / de nas mchod yon zhabs bsil yang // gsang ba'i de nyid kyis bskul te// sngags kyi de nyid rig pas dbul// sangs rgyas kun bdag phyag na rdo rje ni// mdzes pa'i shes rab kyis 'khyud sbyor ldan pas/ / yab yum sras bcas 'khor bcas pho nya sogs// bran bcas skye bo'i tshogs kyis bskor nas byon// sems can kun la phan dgyes pa// khyod la bdag 'di zhu ba bgyid// 'di ni khyod kyi dus lags pas// sems can don mchog mdzad du gsol// gsol ba btab cing bskul bas kyang // gal te mtshan ma byung gyur na// rdo rje sems dpa'i rnal 'byor ni// de tshe slob

  77. 39b

    ma 'bad pas bsgom/ / rdo rje pad+ma'i yan lag bcing // sbyor bas dkyil 'khor nyid du gzhug/ de nas sgo ru mkhas pas gzhag/ dam tshig dam pa mnyan du gzhug/ ma dang sring mo nyid dang yang / de bzhin bu mo dag kyang ni// som nyi rnam par bral sems kyis// khyod kyis rtag tu bsten par bya// sems can thams cad gsad bya zhing // brtul zhugs spyod pa bskyang bar bya// 'jungs pa rnams kyi nor phrogs te/ / skye bo sdug bsngal can la sbyin// rdo rje rnal 'byor ma'i sbyor bas// yang na bdag nyid kyis kyang spyad// dkon mchog gsum la mchod bya zhing // bla ma la ni gus par bya// brdzun gyi tshig kyang smra mi bya/ / chang ni btung bar mi bya'o// dam tshig dus ni ma gtogs shing // byin gyis brlabs pa'i dam tshig dang // gzhan yang bde bar bya phyir dang // slob dpon mnyes par bya don dang // dkon mchog gsum la phan pa'i phyir// brdzun gyi tshig ni rtag tu smros// gzhan gyi bud med bgrod par bya// dam tshig don du sbyor ldan pas// gzhan pa yang ni thams cad kyang // sems can don la brtson pas bya/ / gsang ba'i dam tshig 'di dag ni// blo gros ldan pas bsgrag mi bya// dam tshig ldan pa ma gtogs pa// bla ma'i bka' gnang sngags pa yis// sangs rgyas kun gyi gsang chen po/ / lag na rdo rjes byin brlabs pa// gal te rmongs pa'i bdag nyid kyis// dam tshig dam pa 'di bzlas na// rdo rje rdo rje'i mnga' bdag che// rgyal po 'dis ni nges par gsod// kun nas 'bar

  78. 40a

    ba'i rdo rje yis/ / lus kyi spyi bo 'gems par 'gyur// de nas 'di yis me tog gi/ 'phreng ba bzang po dor bar bya// oM sar+b+ba ta thA ga ta mA tA pi traM pa ti ma hA su la sa man+ta b+ha pa tIts+tshe daM puSh+pa any+dza la~M spr-i dA dzaHhUM baM hoHb+ha ga wAn ma hA su kha sa man+ta b+ha dra sa mA yA s+t+waM sa ma yo sa ma ya ma haM/ 'di yis bzung ste myur ba ru// rdo rje sems dpa' snying rje che// de ni blangs te spyi gtsug tu/ blo gros bzang pos bcing bar bya// sngags pa'i rgyal pos sngags 'di yis// de nas mig ni rab tu dbye// oM badz+ra dz+nyA na ma hA ne tra ud g+ha Ta ya ti tsak+Shu ShiHmgon po chen po ltos shig bu// sangs rgyas kun gyi bdag po mchog/ ye shes chen po kun gyi mchog/ rdo rje sems dpa' bde chen po// rim pa ji bzhin legs bstan te// dbang bskur phyir ni gsol ba btab// dbang bskur ba ni yid 'ong ba/ / skal ba chen po bdag la gsol// gsang ba yi ni rgyan ces par// rgyal bas gang sngon bka' stsal pa// gsang ba'i sbyor de bdag la ni// rgyal ba kun dngos sul du gsol// de bzhin dkyil 'khor bum pa yis// de bzhin dbang bskur sbyin par bya// slob ma chen po rnam pa lnga// der ni sbyor bas bos nas su// gsang ba'i rgyan ces bya ba yi// dngos grub shes pas dbang bskur ro/ / gsang ba'i sbyor ba'i rnam 'phrul gyi// der ni mchu yis legs bzung ste// lce yi rtse mo mkhas pas sbyar// rdo rje'am yang na chu skyes kyis// phyag rgya dang ni phyag rgya'i lan//

  79. 40b

    de nas 'dzin ma rnam par sbyin// de nyid la yang mkhas pas sbyin// gsang brgyan gyi sbyor ba yis// gsang ba'i bde ba bsgrub par bya// zhes bcom ldan 'das kun tu bzang pos bka' stsal to// de nas yon ni dbul bar bya// bla mar phyag 'tshal mchod byas nas// ma dang bu mo nyid dang yang // sring mo yi ni bu mo dang // sring mo'am yang na chung ma dang // rgyal po longs spyod skye bo'i tshogs// grong dang yul 'khor grong khyer dang // nor dang rin chen la sogs dang // gzhan yang ci dang ci 'dod pa// ma kho ba'i longs spyod gus pa yis// bla ma'i zhabs la phyag 'tshal to// dngos grub kun gyi don gyi phyir/ / dkyil 'khor ba'ang legs par mchod// pha dang spun yang mchod par bya// de bzhin spun zla'i bu yang mchod// bza' btung yid du 'ong ba dang // gos dang rgyan dang me tog dang / / de bzhin dri dang bdug pa sogs// ji ltar bdog pa thams cad kyis// mchod pa byas te gtang bar bya// lha rnams dag ni thams cad la// de bzhin du ni mchod par bya// gsang sngags rgyal po gshegs su gsol/ / badz+ra muHzhes brjod pas gshegs// de nas sngags pa'i slob ma'i mchog de la// gsang ba rnam par 'dzin la gsang ba yi// rgyal pos gsal mdzad rgyal ba'i gsang bdag gis/ / gsang ba mtha' dag legs par bslab par bya// gsang ba'i phyag rgya mig yangs ma// blo gros brtan pas bsgrub par bya// rang byin brlabs pa'i rim pa yis// shes rab

  80. 41a

    kyis ni byin gyis brlab/ / bdag nyid sems dpar legs bsgoms te// gsang ba rgyan gyi sbyor ba yis// nyi ma bdun gyis legs 'grub par// 'gyur ba 'di la tha com med/ / lha mo shes rab che de yang // rang nyid rdo rje 'chang gtso ste// nam mkha' kun gyi mchog dpa' bo// rga dang 'chi ba med par 'gyur// 'dod pa'i dbang phyug rnal 'byor che// bdag nyid 'dod par dgongs pa yis// 'dod pa'i longs spyod 'grub par 'gyur// 'dod pa'i dbang phyug gtso bo ste// de yang 'dod pa'i dbang lha mor// 'grub 'gyur 'di la the tsom med// 'dod pa'i khams kyi dbang phyug kun// bran dang 'dra bar 'khod par 'gyur// nam mkha'i dkyil 'khor yid 'ong bar// mkha' 'gro'i sa bon bsgom par bya// de ni sbyor bas spros nas su// rang gi snying khar gzhug par bya// bcug nas rin chen chen po ni// srid pa 'joms par bsgom par bya// yid bzhin rang bzhin rin chen mdzes// nyi ma bdun na de 'gyur ro// 'dam skyes dmar po'i dbus su ni/ / 'bad pas kun nas dri yis dgang // dri yi dbang phyug rgyal po che// bdag nyid sems dpa' yid ches bsgom// de nas myur du blo ldan te// dri za'i bdag po'i bdag por 'gyur/ / dri yis myur ba nyid du ni// brtan dang g.yo ba'i dug 'gugs byed// don yod kyi ni dkyil 'khor du// snying po snying gi sbyor ba bsam// yid la bsams pa'i dngos

  81. 41b

    grub 'gyur/ / de yi phyag rgya'ang de dang mtshungs// rin chen gyi yang rin chen che// rin chen gyi ni mig 'od gsal// de bzhin dri dang ldan pa ni// sgrub pa po yis 'grub par 'gyur// de la sogs pa'i dbye ba yis/ / lha gzhan dag kyang rig par bya// dkyil 'khor ram ni dam tshig kyang // bsgoms pas myur du 'grub par 'gyur// snying po sngags dang phyag rgya dang // rig sngags kyi yang sbyor ba yis/ / de rnams kyis ni de nyid ni// bsgoms na myur du nges par 'grub// 'di ni bcom ldan rnal 'byor can// gsang ba rgyan bdag dam pas gsungs// phyag rgya bzhi yi mchog gi mchog phyag rgya thams cad 'grub par 'gyur/ / zhes so// de nas de bzhin gshegs pa thams cad kyi yab dang yum de rnams kyis gsol pa/ myur du sbyor ba mchog bsgrubs pas// sgrub pa pos ni ji ltar 'grub/ / de dag thams cad myur du gsungs// bcom ldan rdo rje 'chang bdag gis// snying po sngags dang phyag rgya dang // rig sngags kyang ni legs par 'grub// btsun mo mchog gi gnas dbang phyug/ dpa' bo chen pos gsung du gsol// de nas bcom ldan 'das kun tu bzang po chen pos de bzhin gshegs pa thams cad kyi gtsug tor rnam par rgyal ba rnam par bsgyings pa zhes bya ba'i ting nge 'dzin la snyoms par zhugs te/ de bzhin gshegs pa thams cad kyi yab dang yum rnams kyis zhu ba'i tshig rdo rje 'di/ nyid kyi sku dang / gsung dang / thugs rdo rje rnams las rnam

  82. 42a

    par phyung ngo / / lha rnams kyi ni snying po dang // sngags dang phyag rgya de bzhin du// dkyil 'khor du ni legs par bshad// ji ltar sngon du kha dog sogs// de nas de bzhin gshegs pa thams cad kyis slar yang 'di skad ces gsol to/ / bcom ldan 'das kyis gsung du gsol// sems can rnams la phan bde'i phyir// rnal 'byor ma yi phyag rgya dang // mtshan ma la sogs dam pa rnams/ / de nas bcom ldan kun tu bzang // rdo rje dam pa gsor mdzad nas// lag pa'i mtshan ma bka' stsal pa// gang gis lha rnams mtshon gyur pa'o// lag pa zla ba nyi ma ru/ / mkhas pa yis ni bsam par bya// shes rab thabs kyi sa bon ni// rnal 'byor can gyis rtag tu spro// slar yang sdud pa'i sbyor ba yi// rdo rje pad+mar rnam bsam bya// de nas shes rab pha rol phyin/ / sor mo'i rtse mo dgod par bya// de nyid sbyor bas bsdus nas su// phan tshun nges par sbyar bar bya// rdo rje pad+ma mnyam sbyar ba'i// bde ba myangs pas 'grub par 'gyur/ / 'ching ba chen pos bcings nas su// lha mo'i sa bon gyis mtshan pa'i// gsang sngags rgyal po sngags rig pas// yang dang yang du byin gyis brlabs// bcangs te 'od ldan rnam pa gnyis/ / brkyang nas rtse mo sbyar bar bya// de yi snying po zhes bya ba'o// gnyis pa grags pa ldan pa yin// snying po yis ni mtshan byas nas// rim gyis snying khar bskor bar

  83. 42b

    bya/ / rdo rje mnyam par sbyar byas te// der ni bcings pa gzhug par bya// 'di ni dam tshig ces bya ste// dam tshig ma lus sgrub par byed// 'di yis lha mo mtha' yas zhal// thams cad du ni nges par 'grub/ / de nyid bsdigs pa lta bur sbyar// las kun byed pa'i mchog tu 'gyur// rdo rje gnyis ni pad+ma yi// sbyor ba bstan pa mchog tu rmad// de las phyi rol bskums pa ni/ / gsum pa ru ni 'gyur ba yi// snying kha ru ni snying po bsam// snying dga' byed pa zhes byar brjod// rdo rje gnyis po de bzhin sbyar// dam tshig bdag nyid byed du 'gyur// de nyid kun gyi 'byung gnas gsal/ / chen po'i las ni byed par 'gyur// de nyid mdzod spur sbyar ba'i brjid// phyag rgya bdag nyid chen por 'gyur// de nyid chu skyes rnam pa ru// snying khar bzhag pa snying po mchog/ de bzhin rdo rje mnyam sbyar ba// dam tshig bdag nyid can du 'gyur// snying khar kun bsdigs sbyor ba yis// rab rgyas pa yi bzhin ras mchog/ bsnyems pa byed pa thams cad kyang / / 'dis ni las byed 'grub pa yin// de nyid kharu sbyar bas ni// phyag rgya chen po rab tu 'grub// de nyid 'od ldan rtse mo ni// thur du bstan te snying khar gzhag/ 'di ni 'gyur ba med pa yi/ / snying po'i chos sgrub byed pa'o// de nyid snying khar yongs su bskor// snying gi dkyil 'khor nyid du gzung // 'di ni dam tshig dngos grub che// bdag nyid chen pos

  84. 43a

    bslab par bya/ / las kyi rdo rje mnyes pa yis// las rnams thams cad rab sgrub byed// dbab dang 'khor ba nyid dang ni// gar byed chen po de bzhin du// de bzhin thal mo sbyar nas su/ / snying khar bzhag pa snying por bshad// spyi bor bskor ba byas pa ni// dam tshig ces bya bdag nyid che// steng du bsdigs pa las su 'gyur// mchod pa ma lus rab sgrub byed/ / snying po la sogs 'og tu gzung // chos la sogs par yongs su brtag/ de nyid brkyang ste snying khar gzhag/ snying po zhes su legs par bshad// bskor ba dam tshig ces bya ste/ / las thams cad ni de bzhin no// de las thal mo rdo rje gnyis// steng bsgrengs snying po la sogs bzhin// sngon bshad lha mo thams cad kyi// gsang sngags rig pas shes par bya// gnyis su byas la g.yas min pas// bsgrub bya'i mgrin pa bzung nas su// mngon par phyogs te gzhag par bya// gzugs kyi snying po ches che ba'o// de nyid la yi phyogs bzhag la/ sgra yi snying po yid 'phrog pa'o// de nyid cung zad bskums nas su// lce yi rnam pas kha ru gzhag/ ro myang ba yi sbyor ba yis// de nyid la yang rnam pa bzhi// phyag rgya sngags pas shes par bya/ / ro 'phrog pa yi las rnams so// de ni gnyis su byas nas su// g.yas pa 'am ni g.yon pa yis// snying khar legs sbyar sbyor bdag gis// reg pa'i phyag rgya ngo mtshar

  85. 43b

    che/ / 'di yis chos dang dam tshig dang // las kyang rab tu skye ba yin// cho ga shes pas rnal 'byor sbyar// reg pas 'bebs pa'i mchog yin no// de bzhin sbyar bas so sor bya// g.yon pa rked par gzhag par bya// g.yas pa kha yi phyogs su gzung // khro ba'i tshul gyis de bzhin du// 'di ni bzhad ldan zhes bya ba'i// phyag rgya mchog tu rmad byung ba'o// de 'am bkrol te snga ma bzhin/ / rked pa ru ni legs par gzhag/ de las langs te slar yang khar// mkhas pas dal gyis bskyed par bya// de gnyis snying khar yongs su sbyar// bsnyems pas sdud dang 'gyed par bya/ / ji srid spyi bor gtugs pa yis// chos dang la sogs kun tu 'gyur// snying po la sogs sngags rig pas// phyag rgya 'di yis rgyas btab na// dngos grub thams cad thob 'gyur te/ / rdo rje sems dpa'i bka' bzhin no// thal mo mnyam por legs par sbyar// g.yon pa'i steng du de bzhin gzhan// de dag snying khar bsgreng bar bya// de ni phan tshun shes rab yin/ sngags pa chen pos sbyar bar bya// gzhan ni sbyor bas rnam par spro// 'di ni chos kyi pha rol tu// 'gro ba'i chos kyi mchog tu bshad// de bzhin thal mo mnyam por sbyar// snying khar g.yon par gzhag par bya/ / 'od ldan rdo rje'i gdong pa dang // mdor bsdus nas ni sbyar nas su// g.yas pa thur du 'phyang bar bya// de bzhin steng bstan mchog sbyin no// me tog snyim pa yang dag sbyar//

  86. 44a

    rdo rje gnyis ni dbus su gzhag/ bzod pa gnyis po de la sbyar// sbyin pa dag ni phyi ru bskum// de ni steng du legs par gzhag/ 'di ni sangs rgyas thams cad kyi// yid bzhin rgyal po'i 'bras bu ster/ / de ni sbyor bas so sor bya// g.yon pa snying khar yongs su gzhag/ g.yas pa spro ba'i sbyor ba yis// yongs su bskor zhing bskor nas su// g.yas pa ru ni gzhag par bya/ / rdo rje thal mo brkyang nas su// rdo rje'i steng du 'od mdzes ma// phyi rol bskul ba'i sbyor ba yis// de yi steng du gdong pa gzhag/ phyag rgya 'di ni phyag rgya che// brtson 'grus pha rol phyin dge ma'o// de bzhin lag pa steng du sbyar// rtsibs mchog rin chen ma ru 'gyur// lhag ma'i bya ba de nyid kyis// de bzhin zhag gcig bsam par bya// sbyor ba de yis bcing ba ru// sngags shes gtso bo sngags pas bya/ / rdo rje thal mo mnyam par sbyar// khro mo'i rdo rje'i sbyor ba yis// snying khar blo gros ldan pas gzung // de ni lcags kyu'i rnam pa yis// bltas nas lus can 'gugs par byed// de las sor mo'i rtse mo rnams/ / cung zad bsnol te brkyang bar bya// rdo rje mche ba lta bur bsgrer // kha sbyar sgrol byed ngo mtshar che// rgya 'di rnams kyis rgyas btab na// las rnams thams cad byed par 'gyur/ / de las thal mo sbyar nas su// gzi brjid rdo rje de bzhin no// de ltar lcags kyus dgug pa ste// de yi mtha' gdong zhags pa'o// sog le'i thal mo nges par ni// 'dir ni thod

  87. 44b

    pa nyid du 'gyur/ / 'di ni gnyis pa nyid yin te// las kun gyi ni dam pa sgrub// de bzhin bcing ba legs bcings nas// rab tu sbyin pa brkyang bar bya// g.yas pa steng du byas nas su/ gsad pa lta bur bcing bar bya// 'di ni rdo rje mdung thung ste// srin po thams cad phye mar byed// 'dir ni de bzhin thod pa dang // zhags pa lcags kyu nyid dang yang // sog le dang ni gri thung ni// rdo rje thal mo'i cho gas bya/ / rdo rje thal mo so sor bya// lag pa g.yas pa steng du ni// rin chen lta bur byas la gzung // sor mo thams cad spro bar bya// g.yon pa'ang de bzhin spro bar bya// de dag nyi zlar shes par bya/ / thal mo bsgreng ste shes rab dang // las kyi rdo rje rtse mo sbyar// 'di ni las rnams thams cad kyi// sna tshogs las mchog sgrub par byed// de bzhin dgug dang zhags pa dang / / thod pa rdo rje nyid yin no// de las thal mo thod pa yis// phyag rgya'i dbus su bu ga ni// sgron ma can ces legs bshad de// 'di ni rdo rje ngo mtshar che// zhags pa lcags kyu de bzhin du/ / slob dpon blo gros ldan pas shes// gzungs rnams dang ni thams cad kyis// sngar bshad pa yi phyag rgya nyid// thod pa rdo rje'ang shes par bya// phan tshun gcig la gcig tu ni// thams cad gzungs kyi phyag rgya ru/ / dkyil 'khor du ni rab tu bsgrags// 'di rnams sbyor ba ji lte bar// dkyil 'khor bzhi ni rtag pa ru// rdo rje slob dpon gyis bya ste// phyag na rdo rje'i bka' bzhin no//

  88. 45a

    'di ni bcom ldan rnal 'byor gsung // kun bzang bdag nyid chen po pa// sems can kun mchog las kyi mchog/ sangs rgyas mchog gtso mnga' bdag che// zhes so// de nas bcom ldan 'das kun tu bzang po yang 'phags pa spyan ras gzigs dbang phyug ye shes rdo rje zhes bya ba'i ting nge 'dzin la snyoms par zhugs nas/ de dag thams cad la yang dang yang du gzigs te/ sems can thams cad brtson 'grus zhan pa spobs pa dman pa la mos par gzigs nas de rnams la bka' bsgo ba/ dbang po'i ma mo rnams kyis shod// rang rang gi ni sgrub sna tshogs// de nas de rnams legs tshim nas/ / rdo rje can la gsol ba ni// nyi ma'i dkyil 'khor dbus gnas par// rdo rje dkyil 'khor bsgom par bya// de yi steng du rdo rje che// rdo rje la ni dang po mchog/ nyim gser mdog dang mtshungs par/ / gsang sngags shes pas de bsgom bya// rang gi lus las spros nas su// rang gi rnam par bsam par bya// de nas sngags bdag 'grub par 'gyur// sngags kyi de nyid bdag po cher/ / kun tu 'gro ba sna tshogs che// rdo rje sems dpa' 'dra ba gzhan// gnyis pa'i de nyid bsgom pa ni// dkyil 'khor pad+ma las byung ba// dmar po'i gos la gzi brjid che/ / 'bar ba dag ni ma dang mtshungs// rang las spro bya thams cad du// 'jig rten dbang phyug lta bur 'gyur// dkyil 'khor dbang chen gzhag par bya// dkyil 'khor la ni cher dge ma// rang

  89. 45b

    po'i lha mo drod dang ldan/ / rang gi lus la nges par khyab// bsdus nas bdag dang 'dra ba'i bdag/ yid bzhin nor bu'i snang bar 'gyur// rlung gi dkyil 'khor dbus son par// 'gro ba'i sgo gtan lha mo ni/ / rang lus lus ldan thams cad du// ljang khu dang ni ljang ser ma// las kun sgrub pa'i dam pa yi// rdo rje 'dzin pa dpal ldan 'gyur// ma mo bzhi dang yang dag ldan// shes rab ye shes dam pa gnas/ / dkyil 'khor kun gyi dam pa ru// mkhas pa yis ni bsgom par bya// kun gyi bdag po dpal dang ldan// kun bzang mnga' bdag chen por 'gyur// bsam gtan dkyil 'khor sbyor ba yis/ / thams cad nyid ni bsgrub par bya// chos kyi yi ge yang dag sbyar// lha min bdag por bdag 'gyur ro// zhes bcom ldan 'das kun tu bzang pos bka' stsal to/ / gsang ba rgyan gyi bkod pa'i rgyud kyi rgyal po chen po las/ de bzhin gshegs pa thams cad kyi yum gyi phyag rgya'i ye shes mchog gi dkyil 'khor yongs su rdzogs so// / nas de bzhin gshegs pa thams cad dang de bzhin gshegs pa thams cad kyi yab 'khor dang bcas pa rnams slar yang 'dus par gyur te/ bcom ldan 'das kun tu bzang po chen po la glu dbyangs kyi rgyal po 'dis gsol ba btab pa/ thams cad khyab pa'i ye shes che// nam mkhar rlung ltar cher gshegs pa// yab kyi phyag rgya'i ye shes bzang // kun mchog dam pas bshad du gsol// de nas bcom

  90. 46a

    ldan 'das kun tu bzang pos de bzhin gshegs pa thams cad kyi rgyal po mchog rdo rje dpal zhes bya ba'i ting nge 'dzin la snyoms par zhugs nas/ ye shes chen po'i phyag rgya dang dkyil 'khor 'di/ nyid kyi sku dang / gsung dang / thugs rdo rje rgyas pa las nges par phyung ngo // dbus su nyi ma chen po ni// hUM yig sbyor bas bsam par bya// sor mo kun gyi rtse gnas su// sa bon lnga yis yab dgod bya/ / tshigs kyi nang ni thams cad du// yi ge thams cad rnam par bsam// nyi ma'i dkyil 'khor dag la ni// bzang po thams cad rnam bsam bya// 'khor lo chen po phyag rgya'i tshul/ / lag pa g.yon par bsam par bya// de yi dbus su shes rab che// de bzhin gzhan yang dgod par bya// de nas spro ba'i de nyid ni// gsang sngags 'di yis sbyar bar bya// oM pradz+nyo pA ya ma yo go hUM a/ de nas phan tshun sbyar byas nas// rdo rje thal mo rab tu gnas// rdo rje bsdams par byas nas su// rdo rje bsdams par rnam par bsam// de nas shes rab che bsgreng ste// rtse mo cung zad bskum par bya/ / 'dod pa'i dbang phyug snying por 'gyur// snying khar bzhag na snying po 'grub// de nyid bsdigs pa'i sbyor ba yis// las kyi mchog tu 'gyur ba yin// de nyid snying khar bsnams pa ni/ / phyag rgya chen po zhes su grags// thams cad kyis kyang mdor bsdus pa'i// las rnams thams cad rab sgrub byed// de bzhin legs par bcing bar bya// sbyin pa'i pha rol phyin pa gnyis/

  91. 46b

    phyi yi rgyab tu bskum par bya// mkha' 'gro'i dbang phyug snying dga' ba'o// shes rab dag ni de bzhin sbyar// dam tshig ces par rab tu grags// lhag ma rnam par spro bar bya// las kyi gnas 'khod chen por grags/ / shes rab dag ni zum tshul gyis// dri yi dbang phyug rab dgyes pa'o// bzod dang brtson 'grus gdong pa gnyis// lo ma'i tshul du brkyang bar bya// dam tshig grub pa ster bar bshad/ / 'di las rtse mo rnam phye ba// las kun byed pa zhes bshad de// re ba thams cad rdzogs par byed// de nyid rtse mor snying khar sbyar// bdag nyid chen po'i phyag rgya mchog/ rgyal po mchog lta'i rgyal po ru/ / 'di yis myur du 'grub par 'gyur// rdo rje bsdams pas shes rab mgo/ dril bu'i dam pa snying po mchog/ bzod dang brtson 'grus gdong sbyar ba// dam tshig mnyam pa nyid du gnas/ / cung zad gdong pa bskum par bya// las byed pa yi mchog tu 'gyur// gdong pa legs par brkyang nas su// steng du shes rab rtse mo gcig/ 'don chen por shes bya ste// dbang phyug thams cad byed pa'i mchog/ sna tshogs byed pa mchog gi mchog/ 'di yis myur du 'grub par 'gyur// rang gis bsdams las shes rab bsgreng // rdo rje sra ba'i chos dang ldan// gdong pa che ste rin po che/ / 'di ni dam tshig ldan pa'i mchog/ de gnyis de bzhin rnam par gzhag/ sbyin pa'i pha rol phyin dge dag/ rab brkyang bzhi yi sems dpa' yis// las rnams thams cad byed par

  92. 47a

    bshad/ / de bzhin tshul khrims pha rol phyin// 'di ni chen po dam pa'o// bsdams las bzod dang brtson 'grus dag/ legs par brkyang ste bstod pa ni// snying po'i zla ba ltar bcings pa/ / dam tshig 'od zer 'phro ba'o// phan tshun gyi ni gdong sbyar ba// 'di ni las byed dam pa ste// lhag ma khu tshur ltar byas pa// phyag rgya chen po zhes su 'grub// rdo rje bsdams pa legs par bcing / / rtse mo'i rnam par sbyar bar bya// shes rab 'ba' zhig rtse mor bya// lhag ma dag ni de bzhin no// lhag ma bsdams te gzhug par bya// snying po chos ni byed pa'i mchog/ khu tshur g.yon pa g.yon du gzung // rdo rje rdo rje can gyis brkyang // g.yas pa'i sbyin pa brkyang nas ni// rna ba'i rtsa bar dgug par bya// 'di ni las byed ces bya ste// sangs rgyas byang chub rab sgrub byed/ / rdo rje bsdams pa brkyang nas su// snying khar 'khor lo'i tshul du ni// g.yas pa'i rtse mo lcags kyur bya// sbyin pa sbyin pa'i pha rol son// de bzhin bcing ba legs bsdam bya// gnyis ka de bzhin lcags kyu ste// de ltar 'og ma bcug nas su// snying khar bzhag pa las rjes 'brang // de nyid dgug par sbyor ba ni// thams cad dgug par rab tu 'grub// de bzhin sbyin pa bskums nas su/ / yang dang yang du brkyang bar bya// snying khar bskor ba zhes su bshad// de nyid 'og tu bstan pa ni// dam tshig can zhes rab tu grags// rdo rje chos su bshad pa ste// kha rug mo/

  93. 47b

    bar byed pa'i mchog/ las las rnam par tshim zhes bya// las kun byed pa'i dam pa ster// lag pa bcings pa las bkrol te// shes rab mdzod du rab tu brtag/ 'di ni dam tshig cher mdzes pa/ / de phyir de ltar chos mdzad do// g.yas pas rab tu bsgrims pa ni// mi snang mdzod de des na las// rin chen pad+ma ldan pa'i gdong // snying khar bzhag pa snying por 'gyur// bsdams nas go char byas nas su/ / bskor ba dam tshig ces su 'dod// 'khyud pa chos ldan zhes su grags// bsnun pa las byed pa ru brjod// bsdams las nyi ma rnam par spro// bskor ba dam tshig mchog yin no/ / lag pa'i mtha' ma chos chen po// kun sdud las kun byed pa'o// bsdams pa sbyin pa bsgreng bar bya// rtse mo gsum bya gnas mdzes pa'o// de nyid steng du bskor nas su/ spros pas chos sgrub byed pa'o// rdo rje ba ru sbyar ba las// dbang bskur dam pa sgrub par byed// de nyid steng du spro ba ni// las kun byed pa'i mchog yin no// snying khar legs bzung snying po ste// mdzod spur bzhag pa dam tshig mchog/ khar bzhag pa ni chos shes bya// las rnams thams cad rab sgrub pa'o// 'di ni bcom ldan rdo rje can// re ba kun rdzogs mdzad pas gsungs// rdo rje bsdams pa rnam par bcings// pad+ma'i rnam pa mchog tu bya// ster byed pa ni mig ltar bya// snying khar bzhag pa kun mchog 'grub// de nyid mig bzhag las yin no// bzhad pas

  94. 48a

    chos de dam pa'i chos/ / dam tshig gsang ba'i mig yin te// pad+ma'i mdzod la rab tu gnas// thal mo yang dag sbyar ba ni// snying po mchog tu rmad byung ba'o// / kha ni cung zad phye ba ni// dam tshig mchog gi mchog yin no// snying khar shin tu gsal phye ba// ma lus las ni rab tu sgrub// rdo rje'i nang du pad+ma ni// chos steng mchog tu rmad byung pa'o/ / 'di rnams kyis ni myur 'grub ste// sngags pas sngags kyis bskul bas so// de bzhin 'ching ba legs bcings te// snying khar 'khor lo nyid du bya// 'khor lo gsum pa nyid du 'gyur/ / rtsibs bzhis legs brgyan chos su blta// bskor ba las kyi rdo rje'o// 'di rnams ji lta bzhin sbyar na// grub pa'i dam pa 'grub par 'gyur// rdo rje bsdams pa legs bsgreng ste/ / shes rab myu gu dag tu bya// sbyin pa rin chen ltar byas pa// sems dpa'i gnas su nges par sbyar// 'di ni sangs rgyas thams cad kyi// las rnams thams cad rab sgrub pa'o/ / snying khar chos kyi dam tshig dang // snying po rig sngags legs par sbyar// de bzhin shes rab gnyis po bsgreng // 'og gi 'khrug pa de bzhin no// mthe'u chung bzang po'i kha sbyar ba// kun gong rdo rje ldan par bya/ / gnas ni bzhi yi sbyor ba yis// phyag rgya bzhi ni rab tu 'grub// spyi bor las su bshad pa ste// snying khar snying po brtag par bya// bskor ba yis ni dam tshig ste// ngag gis kun

  95. 48b

    bskul chos yin te/ / bcom ldan rdo rje can gyis gsungs// bcings nas shes rab dag ni bsgreng // 'od ldan dag ni rtsa bar sbyar// 'di ni dang por shes par bya// thams cad nas ni thams cad 'gro/ / bcings las de bzhin shes rab gcig/ rtse mo mche ba gdug yid 'phrog/ de bzhin du ni 'di sbyar bas// las rnams thams cad rab sgrub pa'o// gsang ba'i bcing ba legs bcings te// rdo rje nang du de bzhin no// snying khar rnal 'byor pa yis sbyar// ji snyed las kyis ming bzang po// rdo rje rab brkyang mgrin par gzung // kun tu bskor bar rab tu bya// 'di yis las rnams thams cad ni/ / byed 'gyur srung sogs go 'phang bzang // lhag mchog bzhin rnal 'byor// rnal 'byor de nyid rab tu sbyar// phyag rgya rtags dang mi rnams ni// lha rnams kun la sbyar bar bya// 'di ni bcom ldan rnal 'byor che'i// dbang phyug dpal rdo rje sems gsungs// de nas de rnams legs tshim nas// phyag 'tshal nas ni thal sbyar te// zhu ba rdo rje bla na med// dpa' bo rdo rje can la zhus/ / yongs su rtog pa kun spangs pa'i// sangs rgyas rnams ni rang byung la// yab dang yum ni bla na med// ci phyir 'di dag brtag pa lags// 'khor ba las ni legs pa yi// sangs rgyas ji ltar 'byung ba lags/ / grong gi chos ni bsten pa las// ji ltar thar pa rab tu 'grub// gang du rnal 'byor pa grol 'gyur// gang na 'ching ba rab tu gnas// gang gis rnal 'byor pa rab 'grub//

  96. 49a

    gang las rnal 'byor pa zhes bgyi// gsang sngags ji ltar gsang sngags lags// snying po zhes bya'i snying po gang // phyag rgyas gang phyir phyag rgyar 'gyur// rig sngags rig pa ji ltar lags/ / ji ltar lha rnams dgug pa dang // gzhug pa rnal 'byor pa yis bgyid// rnam par grol rnams bcing ba dang // mnyes dang bskul ba de bzhin du// ji ltar gnyis su med 'gyur zhing // tsum pa 'khyud pa nyid dang yang // mthong nas rjes su chags pa dang // lag pa'i dgos pa ji snyed pas// phyag rgya ji ltar 'grub par 'gyur// gar dang glu dang cher dgod pa// sgeg dang smra ba ji ltar lags/ / gzugs dang sgra dang de bzhin dri// gtso bo ro dang reg par 'gyur// me tog bdug pa mchog dang dri// mar me gsal ba mchog gang la// mchod pa thams cad ji ltar 'grub// ji ltar mchod pas 'grub par 'gyur/ / rgyal bas zhu ba 'di dag gis// 'phreng ba rdo rje can la zhus// zhes so// de nas bcom ldan 'das kun tu bzang po chen pos zhu ba thams cad rnam par dpyod pa longs spyod pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi zhu ba zhus pa 'di dag phyung ngo // shes rab yum du legs bshad de// yab ni thabs la mkhas pa'o// 'di ni bstan pa nyid kyis ni/ / grong las thar pa rab tu 'grub// bag chags sbyor ba dang ldan pas// gnyis ka dag ni gdon yin te// grol dang ma grol zhes su bshad// de ni rnal 'byor pa ru brjod// gsang

  97. 49b

    sngags yid du bshad pa ste/ / snying po yang ni de bzhin no// yid la rnam par bzhag na ni// gsang sngags mkhas pas 'grub par 'gyur// thar pa chos kyi rgya mtsho yin// lha rnams gang la rgyas btab pa'i/ / phyag rgya 'di yis 'grub 'gyur te// dngos grub bde ba bla na med// rig sngags ye shes ma lus te// rig sngags pha rol phyin par bshad// de shes pas ni 'grub 'gyur te// grub nas bde ba rnam pa gsum/ / shes rab la ni shes rab ni// gzhug dang dgug pa de bzhin no// gshegs su gsol ba btang bar shes// bcings pa brtan par byed pa'o// mnyes pa yis ni legs tshom yin// bskul ba 'phro ba nyid du bshad// bsam pa gcig tu gyur pa ni// gnyis su med pa zhes su brtags// ro gcig de nyid bshad pa ni// 'jig rten pa yi lha ru brjod// tsum pa rdo rje rnal 'byor te// rdo rje ye shes zhes su bshad/ / shes dang mi shes mnyam sbyor bas// tsum pa na zhes nges par bshad// gnas pas rtags zhes bshad pa ste// rtags ni lus zhes brjod pa yin// de yi 'khyud pa reg par shes/ / chags pa mthong ba'i phyag rgya'o// lag pa'i 'od rnams lha mo ste// rdo rje pad+ma mnyam bgrod pa'o// phyag rgya 'di las phyag rgya ste// lag pa'i dgod pa'i sbyor bas so// gar dang gru sogs rnams kyis ni/ / lha rnams thams cad mnyes par 'gyur// 'di rnams kyis ni sangs rgyas rnams// mchod na dngos grub thams cad ster// zhes bcom ldan 'das kun tu bzang pos bka' stsal to//

  98. 50a

    gsang ba rgyan gyi bkod pa'i rgyud chen po las/ gsang ba rgyan gyi bkod pa zhes bya ba'i dkyil 'khor gyi rgyal po yongs su rdzogs so// / de nas de bzhin gshegs pa thams cad kyi yum rnams kyis/ bcom ldan 'das kun tu bzang po chen po la de bzhin gshegs pa thams cad kyi mchod pa dang / mchod pa'i lan dang / phyag rgya dang / phyag rgya'i lan dang / gar dang / gar gyi lan dang / glu dang / glu'i lan dang / sil snyan dang / sil snyan gyi lan dang / rnam 'gyur dang / rnam 'gyur gyi lan dang / dbrog pa dang / dgug pa'i lan dang / brda dang / brda'i lan dang / dri ba dang / dri ba'i lan dang / blta ba dang / blta ba'i lan dang / dam tshig dang / dam tshig gi lan dang / dkyil 'khor dang / dkyil 'khor gyi lan dang / gsang ba dang / gsang ba'i lan dang / gsang chen dang / gsang chen gyi lan dang / de kho na nyid dang / de kho na nyid kyi lan la sogs pa rnams dang / glu'i rgyal po 'dis gsol ba btab par gyur to// sangs rgyas sems can kun gyi don/ / ye shes kun don thams cad mdzad// thams cad khyab pa sems can don// gnyis dang gnyis med phyag 'tshal bstod// 'di dag thams cad gsung du gsol// sgrub pa po la phan dgyes pas/ / sgrub pa dngos grub dag dga' ba// gang gis dngos grub 'grub 'gyur ba// de nas bcom ldan 'das kun tu bzang pos thams cad mkhyen pa'i ye shes la blta ba rnam par bsgyings

  99. 50b

    pa zhes bya ba'i ting nge 'dzin la snyoms par zhugs nas 'di skad ces bka' stsal to/ / me tog bdug pa dri zhim dang / gos bzang rgyan dang bza' ba dang // btung dang ro dang sgron ma gsal// mal khri stan dag yid 'ong ba/ / 'di yis sangs rgyas thams cad mchod// yid ni bde bar gnas par byed// slob dpon rdo rje can dang ni// khyad par du ni sgrub pos bya// dgod dang sgeg dang de bzhin glu// sal snyan gar ni rab dga' ba// mchod pa'i lan te shin tu ni// sangs rgyas phyag rgyas 'grub par 'gyur// gzugs dang sgra dang de bzhin dri// ro dang reg pa yid 'ong ba// 'di ni mchod pa'i lan du 'grub/ / sangs rgyas byang chub bde ba che// phyag rgya skyes bu'i rnam pa ste// phyag rgya'i lan ni rang gzugs te// gnyis pa phyag rgya chen po ste// phyag rgya'i lan ni las bzang can// phyag rgya rang gi bdag por shes// phyag rgya'i lan ni sgrub pa po// ji srid dbye ba stong phrag ni// dbye ba'i gzhi ru brtag par bya// zhes so// gar ni gar gyi sbyor ba yis// gar gyi lan ni gar mkhan ma'o/ / ji srid dbye ba stong phrag kyang // dbye ba bzhi ru brtag par bya// kun tu bzang po la brten nas// ji srid las kyi rjes 'brang ba'o// las kyi sbyor la yang dag rten// ji srid bzang po'i rjes 'brang ba'o/ / bla 'og yang dag bskyod pa yis// gar dang steng gi gar bskor ba// rtog pa'i sbyor bas brtag par bya// rtog pa yis ni rab tu gsang // ji lta'i sil snyan rdung

  100. 51a

    spyad ni/ / rdung ba'i bdag nyid can gyis dkrol// de las byung ba'i sil snyan lan// gsil bas sil snyan nyid du brjod// sngags kyi yi ge'i cho ga sbyar// ji srid las mchog spyod yul ba/ / de nas sbyor bas 'thon nas su// kun tu bzang por 'gro bar bya// sgrogs pas gru zhes brjod pa ste// 'dren pa gsum las legs par 'byung // dbyangs rnams rnam drug shes par bya/ glu yi phyag rgya zhes su 'grub// de nas sbyor bas 'thon nas su// ji srid mgo dang snying khar son// mgrin pa swA yi sbyor ba dang // mgul pa g.yo ba nyid kyis so// 'gyur bas rnam par 'gyur ba ste/ / len dang gtong ba'i cho ga rim// chos rnams thams cad blang ba dang // gdon gyi tshogs rnams bzlog pa ste// rnam 'gyur las ni slar yang 'dir// sems kyi rnam par rtog pa'o// ji srid las ni/ rjes sbyor ba// sangs rgyas rnams kyi rjes su 'brang // sems dang lus kyi rnam bsgyings pas// gdug pa thams cad bzlog par bya// lag pa rkang pa'i rim pa kun// rnam 'gyur gyi ni lan yin no// dbrog pa dgug par shes bya ste// btang ba dag ni dbrog pa'i lan// dbrog pa mchog tu shes bya ba// bgegs kyi gnas ni rab gnon pa'o// dbrog pa'i lan ni rab bzlog ste// bsdigs pa'i rkang pa dgod par shes/ / brda ni dran pa'i don du ste// phan tshun yongs su brjod pa yis// 'grub dang ma 'grub sbyor ba rnams// slob dpon slob ma sogs pas bsgrub// brda lan lha mo rnams kyis ni// bskul dang so

  101. 51b

    sor bskul ba'o/ / dri ba sgra dang 'dri ba ste// mthong nas 'dri ba 'dri ba'i lan// legs pa'i gzugs mthong blta ba ste// lA yi ye shes spyod yul lo// blta ba'i lan ni de las slar// sbyor ba mchog gis sbyor ba'o/ / lha dang lha mo rnams kyis ni// g.yas g.yon blta ba blta ba ste// ji snyed blta ba'i sbyor ba yis// sgrub par byed pa lan yin no// dam tshig sangs rgyas thams cad kyi// bka' rtag byas pa nyid du 'dod/ / gang phyir thos pa 'dzin pa yi// sgrub po lan du shes par bya// dkyil 'khor lus su bshad pa ste// ye shes lnga yis byin brlabs pa'o// dkyil 'khor lan ni lha mo rnams// gcig tu byed pa'i dam pa'o// gsang ba sbas par bshad pa ste// gsang ba'i lan ni legs sbas pa'o// gsang chen sems kyi 'du shes te// bde ba'i rnam pa rab rtogs pa'o// so sor rtog pa lha mo dang / / lha yi bde ba bde chen po// sangs rgyas sras bcas thams cad kyi// gsang chen lan du brjod pa'o// zhes bcom ldan 'das kun tu bzang pos bka' stsal to// de nas de rnams slar yang 'dus par gyur te/ yang bcom ldan 'das la legs par bskul ba/ rdo rje sems dpa' bde rab mchog/ shes rab mchog rab grol ba'o// mchod pa'i ye shes legs 'grub pa'o// gsang ba chen/ po gsung du gsol// de nas bcom ldan 'das kun tu bzang pos slar yang gsang ba chen po mchod pa cher gsang ba zhes bya ba'i ting nge 'dzin la snyoms par zhugs nas 'di skad ces bka' stsal to// hUM hUM hUM

  102. 52a

    d+hur+m+mAn+mar+thAn+dan+tu/ gag rig ga ri/ ga ga ga/ ga rigar/ ra ra ra/ ga rigs/ te te te te/ he te te te ta te te/ na te te teSh+Thate te/ na te te dzA te te/ da t+te tata/ dza te/ r-i rA/ te ta te/ dzA te tri ri ri te/ ta ri ta ri/ te ta ridz+dzi/ ra ri dz+dza/ te dz+nyA te hUM/ zhes bcom ldan 'das kun tu bzang pos bka' stsal to// sangs rgyas kun gyi bdag po mchog/ rdo rje sems dpa' kun gyi rje/ / glu yi phyag rgya rab gsal ba'o// de nas rol mo'i phyag rgya yi// rnal 'byor chen po thugs rje'i bdag nyid can gyis gsungs pa/ lha dang lha mo rgyal bdag dang // gang gis sbyar du mtshungs 'gyur ba/ / oM hUM b+h+yo g+he Ta n+yAM/ oM hUM b+h+yo g+he Taru nAM/ g+he Ta TuM g+he Ta hUM/ ru lu ru lu/ g+he Tu g+he r+Ne/ g+he Tu g+heT+Ta/ g+he Ta g+he Ta/ d+hu Ta nA Ta yo/ hUM Ta nA Ta yo/ Ta ra dzA/ Ta ra NAM/ rA Na n+wA Na nAMH/ nAn+tu/ smra/ smra/ smras // // / dz +nyA dz+nyA dz+haiM/ sna yi sbubs su bkrol ba dang // lag pa'i mthil dang kha dag gis// sil snyan sbyor bas gsil bar bya// nges par myur du rab tu 'grub// g.yas dang g.yon gyi sbyor ba dang // chang gzungs blta ba'i rim pa yis/ / sgeg cing dpa' ba mi sdug pa// dgod dang drag shul 'jigs su rung / snying rje rnga ma dang zhi sogs kyi// nyams kyi ngo bo legs bslabs pa'i// gang gis rnal 'byor can

  103. 52b

    'grub 'gyur/ / gar gyi dbang phyug gtso bo che// bcud ni bla ba sogs mdzes pa// sha sogs bza' ba'i dkyil 'khor dang // tsan dan la sogs byug pa dang // me tog la sogs 'phreng mdzes pa/ / bud med bzang mo'i rigs rnams kyis// dam tshig byin rlabs sbyor ba las// rdzas rnams thams cad bsgrub par bya// phaT yig hUM dang bcas pa yis// zhes bcom ldan 'das kun tu bzang pos bka' stsal to/ / sbyor ldan kun la gnas nas su// g.yas pa yis kyang gar sbyor las// rdo rje bsdams pa'i sbyor ba yis// snying khar de bzhin bsgreng bar bya/ / yang na gnyis pa nyid kyang ste// shes rab gang yin rdo rjer bya// skar ma lcags kyu de bzhin 'dir// 'dir ni bsnyems bcas rjes su chags// de las rdo rje'i sbyor ba sbyar// yang dang yang du dgrol bar bya/ / 'di yis las rnams thams cad ni// byed 'gyur 'di la gdon mi za// de nyid snying khar khu tshur te// rdo rje gdong pa skar ma'i kha// rang gi gnas su gzhag pa ste// dbang bskur ba ni gnyis pa'o// de nyid bsnyems pas cher bstan te// yang dang yang du yongs su bskyod// de nyid 'od zer rnam pa ru// thams cad du ni spro bar bya// de nyid kha ru bstan pa ni// rdo rje/ bshad par rnam par bshad// 'di rnams kyis ni don rnams kun// mkhas pa yis ni bsgrub par bya// de nyid pad+ma'i sbyor ba dang // mig gi sbyor ba gnyis pa'o// shes rab skar ma de nas bsgreng //

  104. 53a

    bar byas pa 'khor lo can// rdo rje smra ba lce yi rtse// ro rnams ma lus 'phrog par byed// 'di dag gi ni las rnams kun// pad+ma'i 'od kyis rab tu bya// de bzhin khu tshur legs pabar sbyar/ / shes rab kyis ni snying khar bsnun// de las gnyis pa sna tshogs che// snying khar yongs su bskor bar bya// skar ma rdo rje'i rnam pa mchog/ bzod dang gzi brjid mche ba mdzes// de nyid dam du bsdams pa ni/ / 'ching ba'i las ni byed pa'i mchog/ 'di rnams kyis ni thams cad sgrub// phyag rgya dang ni phyag rgya'i lan// g.yas dang g.yon gyi sbyor ba yis// las kyi dam pa ma lus pa'o// zhes bcom ldan 'das kun tu bzang pos bka' stsal to/ / de nas bcom ldan sna tshogs che// pad+ma rin chen rdor mchog 'dzin// gsang ba rgyan gyi dkyil 'khor gyi// dpa' chen la ni zhu ba zhus// sangs rgyas dkyil 'khor don phyir dang / / ma mo rnams kyi don dam ni// yongs su rtog pa thams cad spangs// sangs rgyas kun mchog dam pa'i gsang // dkyil 'khor thams cad brgyan pa yi// mdzes pas bcom ldan gsung du gsol/ / de nas bcom ldan 'das kun tu bzang pos de dag gis gsol ba btab pa la 'di skad ces bka' stsal to// dang po dang ni gnyis pa dang // drug dang lnga dang de bzhin bcu/ mdor bsdus nas ni bsgom par bya// rdo rje rin chen chu skyes las// rang gi dkyil 'khor go rims kyis// gsang sngags 'dzin pas gnas lngar dgod// dkar dang ser po ches dmar ba// sngon po'i 'od zer

  105. 53b

    glog las byung / / tha ma kun gyi thog ma ru// 'od zer bzang po sbyar bar bya// rdo rje rnal 'byor cho ga la// gnas nas sgom dang bzlas pa sbyar// 'di ni dkyil 'khor ming yin te// dkyil 'khor rgyal ba rnams kyi rten/ / brten pas sgrub po shin tu yang // dus mi rung bar sa stengs 'grub// 'di ni bcom ldan rdo rje can// kun sbyor dri ma med pa'i gtso// sangs rgyas kun gyi rgyal po che// skye dang 'chi ba 'joms pas gsungs/ / de nas rgyal ba thams cad dang // sbyor ba'i ma dang yum rnams ni// legs tshig rdo rje sems dpa' ni// bde ba che la legs zhes gsol// rdo rje kun gyi bdag po gtso/ / sangs rgyas dbyangs kyis bstod par bya// rdo rje gru sogs sbyar ba yis// dbang bskur kun gyi mchog ldan gtso// dpal ldan sangs rgyas sangs rgyas bdag po tshul// sangs rgyas nas ni rgyal rnams chub mdzad rdzogs sangs rgyas/ / sangs rgyas sras po nges par mthu' dag sangs rgyas kyis// sbyor bas blo gros sprin rnams legs par tshim mdzad pa// dpal gyi rdo rje dri med rdo rje ye shes rdor/ / rdo rje'i snang bas 'jig rten rab tu gsal mdzad pa// bsdus pa'i rdo rje sbyor ba ldan pas legs bton te// rdo rje'i bdag nyid ngo bor mdzad pa'i mdzes rdo rje// dpal gyi rin chen rin chen 'byung gnas rin chen sprin/ / rin chen rnams la rin chen gyis dgyes rin chen mdzes// mdzes pa'i brjid ldan rin chen rgyal mtshan gyis// skye bo rnams kyi 'phongs dang sdig pa rnams bcom nas// dpal

  106. 54a

    gyi pad+ma pad+ma dam pa'i bla ma pad sems dpal/ / pad+mas rab dgyes pad+ma las 'khrungs pad+ma yi// dra bas pad+ma mtha' dag nges par rgyas mdzad de// pad+ma'i rigs la 'dzeg par mdzad pa'i pad bzang po/ / sna tshogs dpal ldan kun gyi bdag po sna tshogs mkhyen// sna tshogs dbang phyug sna tshogs yul gyis ma gos pa// sems can rnams ni 'dul legs 'jog pa sna tshogs pa/ / ci dga' 'dod la rig pa dam pa gnang du gsol// zhes so// de nas de rnams kyis slar yang sems can ma lus pa 'dul ba'i don du 'di skad ces bstod do// sangs rgyas tshul khyod phyag 'tshal lo/ / sangs rgyas 'byung ba khyod la 'dud// sangs rgyas ye shes khyod phyag 'tshal// sangs rgyas gzi brjid phyag 'tshal 'dud// sangs rgyas dpa' bo khyod la 'dud// rdo rje khro bo'i yid las 'khrungs/ / sdig pa bcom pa khyod phyag 'tshal// sdig pa bsal la phyag 'tshal 'dud// phyag na rin chen khyod phyag 'tshal// gtsug na rin chen gzi brjid can// sdug bsngal bcom pa khyod la 'dud/ / thams cad grub la phyag 'tshal 'dud// chos kyi dag pa khyod la 'dud// pad+ma dag pa rtogs pa'i phyir// 'dod chags chags pa khyod la 'dud// 'dod chags bral la phyag 'tshal 'dud// sna tshogs rdo rje khyod la 'dud// sna tshogs sbyor ba khyod phyag 'tshal// sna tshogs tshul can khyod la 'dud// sna tshogs bde ldan phyag 'tshal 'dud// bstod pa'i rgyal po 'di yis ni// chos dang ldan pa

  107. 54b

    thams cad du/ / nyin re zhing ni bstod byed na// bsams pa'i dngos grub thob par 'gyur// de nas bcom ldan 'das kun tu bzang pos slar yang de bzhin gshegs pa thams cad kyi chos shes rab dang ye shes rnam par bskyenges pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi rdo rje chos kyi dbang phyug rgyal po la 'di skad ces bka' stsal to// de bzhin gshegs pa kun gyi gsang / / gsang ba rgyan ces bya ba ni// sems dpa' chen po legs par zung // sems dpa' chen po ni dga' bas// de nas bcom ldan 'das de bzhin gshegs pa thams cad kyi rdo rje'i dbang phyug rgyal bos/ bcom ldan 'das la 'di skad ces gsol to// dpa' bo chen po ci gsungs pa// rang byung ye shes pha rol son// chos kun dbang phyug dpal dang ldan// 'jig rten gsum gyi sdig 'joms pas/ / ji skad gsungs bzhin snying la ni// legs bzung dri med ye shes bzang // rdo rje sems dpas bka' stsal pa// bde ba chen po bdag gis bzung // zhes so// bcom ldan 'das dgyes shing de skad ces bka' stsal pa dang / sangs rgyas dang byang chub sems dpa' yab dang yum gyi tshogs dang bcas pa 'khor dang bcas pa'i dkyil 'khor ji lta bu'i rdo rje la legs par gnas pa de dag thams cad rdo rje sems dpa'i gsang sngags rjes su dran par gyur ro/ / de bzhin gshegs pa thams cad kyi sku dang / gsung dang / thugs gsang ba rgyan gyi bkod pa zhes bya ba'i rgyud kyi rgyal po chen po

  108. 55a

    yongs su rdzogs so/ / / rgya gar gyi mkhan po brda sprong ba chen po bde bar gshegs pa'i dpal zhes bya ba dang / bsgyur byed kyi mkhas pa sla'i gzhung lugs la blo gros dkar ba kun dga' rgyal mtshan gyis dpal sa skya'i dben gnas dam par bsgyur/ mda' lnga'i gtsug ldan yid kyi srub shing gi/ dregs pa'i dra ba rnam par dral ba'i phyir// rgyud rgyal rgya mtsho'i rgyal po ltar zab 'di/ / bsgyur la 'gal gang 'di la 'phags rnams dgongs// rgya gar skad du/ Ar+ya gu h+ye ma Ni ti la ka nA ma sU tra/ bod skad du/ 'phags pa gsang ba nor bu thig le zhes bya ba'i mdo/ bla ma dang 'jam pa'i dbyangs kyi zhabs kyi rdul rnyog pa med pa la gus par phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje'i byin gyis brlabs pa'i dam tshig gi ye shes rnam pa sna tshogs pa khyad par du 'phags pa dang ldan pa/ de bzhin gshegs pa thams cad kyi rin po che'i cod pan khams gsum pa'i chos kyi rgyal por dbang bskur ba brnyes pa/ de bzhin gshegs pa thams cad legs par khong du chud pas las sna tshogs mdzad pa/ ma lus shing lus pa med pa'i sems can gyi khams kyi bsam pa thams cad yongs su rdzogs par mdzad pa/ thugs rje chen po rnam par snang mdzad rtag pa dus gsum gyi dam tshig la rnam par gnas pa'i sku/ de

  109. 55b

    bzhin gshegs pa thams cad kyi sku dang / gsung dang / thugs rdo rje de bzhin gshegs pa thams cad kyis bsten cing bstod pa'i nor bu rin po che chen po'i rtse mo khang pa brtsegs pa/ kha dog rnam par bkra ba'i dril bu dang ldan pa/ rlung gis bskyod pa'i dar gyi ba dan dang / me tog gi chun po dang / dra ba dang dra ba phyed pa dang / zla bas nye bar mdzes pa'i 'og min gyi lha'i rgyal po'i khang bzang na bzhugs so/ / byang chub sems dpa' bye ba phrag dgu bcu rtsa dgu dang thabs cig pa la/ 'di lta ste/ byang chub sems dpa' lag na rdo rje dang / spyan ras gzigs dbang phyug dang / nam mkha'i snying pa dang / rdo rje khu tshur dang / byang chub kyi sems bskyed pa dang ldan pas chos kyi 'khor lo rab tu bskor ba dang / nam mkha'i mdzod dang / bdud kyi stobs thams cad rab tu 'joms pa dang / 'jam dpal gzhon nur gyur pa dang / byang chub sems dpa' kun tu bzang po dang / de dag la sogs pa byang chub sems dpa' bye ba phrag dgu bcu rtsa dgu dang / gang+gA'i klung gi bye ma snyed kyi de bzhin gshegs pa gzhal du med cing bgrang ba las 'das pa'i de bzhin gshegs pa rnams kyis 'di lta ste/ dper na til gyi gang bu ltar 'dzam bu'i gling yongs su gang bar mthong ngo // de bzhin gshegs pa'i sku re re las kyang gzhal du med cing grangs las 'das pa'i de bzhin gshegs pa'i zhing mthong bar gyur cing / sangs rgyas kyi zhing de dag thams cad na'ang chos kyi tshul 'di nyid ston par mdzad do// de nas bcom ldan

  110. 56a

    'das rnam par snang mdzad nam mkha'i khams thams cad la sku dang / gsung dang / thugs rdo rje rtag tu zhugs pa/ de bzhin gshegs pa thams cad kyis yang dag par bgrod p a'i rdo rje'i dbyings thams cad thugs su chud pa'i ye shes sems dpa' nam mkha' dbyings thams cad kyi rdul rdo rjes byin gyis brlabs pa las byung ba'i ye shes kyi snying po nam mkha'i khams thams cad la 'phro ba'i rang bzhin gyis de bzhin gshegs pa thams cad kyi ye shes mngon par yongs su mkhyen pa/ de bzhin gshegs pa thams cad kyi bdag gi rang bzhin dag pas chos thams cad ngo bo nyid rnam par dag pa nam mkha' thams cad la khyab pa'i gzugs thams cad legs par gzigs pa'i ye shes kyis ma lus shing lus pa med pa'i sems can gyi khams 'dul ba'i spyod pa'i mchog tu gyur pa/ de bzhin gshegs pa thams cad kyi don yod pa'i ye shes mdzad pa dang ldan pas de bzhin gshegs pa thams cad kyi byang chub chen po'i thugs/ de bzhin gshegs pa thams cad 'gugs pa'i dam tshig/ de bzhin gshegs pa thams cad rjes su chags pa'i ye shes kyi dbang phyug dang / de bzhin gshegs pa thams cad kyi legs pa dang / de bzhin gshegs pa thams cad kyi rin po che chen pos dbang bskur ba'i rin po che dang / de bzhin gshegs pa thams cad kyi nyi ma'i 'od zer gyi dkyil 'khor dang / de bzhin gshegs pa thams cad kyi yid bzhin gyi nor bu chen po'i rin po che'i tog dang /

  111. 56b

    de bzhin gshegs pa thams cad kyi bzhad gang chen po dang / de bzhin gshegs pa thams cad kyi dag pa chen po'i chos dang / de bzhin gshegs pa thams cad kyi shes rab dang ye shes chen po dang / de bzhin gshegs pa thams cad kyi 'khor lo chen po dang / de bzhin gshegs pa thams cad kyi rdo rje'i gsung chen po dang / de bzhin gshegs pa thams cad kyi las sna tshogs pa dang / de bzhin gshegs pa thams cad kyi srung ba dang / de bzhin gshegs pa thams cad kyi yongs su skyong ba'i rdo rje gnod sbyin dang / de bzhin gshegs pa thams cad kyi sku dang / gsung dang / thugs rdo rje'i dgongs pa phyag rgya thams cad kyi ye shes dang ldan pa ste/ kun tu bzang po don yod pa// 'chi med rab tu dga' ba'i gtso// nam mkha'i snying po gzi brjid che// rin chen tog ste cher 'dzum pa// / spyan ras gzigs dang dbang phyug che// 'jam dpal kun gyi snying po dang // brjod bral sna tshogs pa yi las// dpa' bo gtum po dam por 'dzin// rdo rje lcags kyu mda' tshim pa// rin chen nyi ma rgyal mtshan 'dzum/ / chos mdzod mdzes pa'i 'khor lo gsung // las dang chos dang 'jigs byed 'dzin// thog ma tha ma med zhi ba// ma rungs khro dang bzod pa che// gnod sbyin srin po dam pa brtan// gzi chen dpa' bo khyab bdag che// u ma'i bdag po skye dgu'i mgon// 'jug sred rgyal 'dod thub pa che// 'jig rten skyong dang mkha' dang sa// 'jig rten gsum dang khams gsum pa// 'byung

  112. 57a

    chen sems can don rab mdzad/ / thams cad sems can pa chen po// 'khor ba mya ngan 'das dang brtag/ yang dag mtsho dang mchod chen po// sangs rgyas dag pa theg pa che/ srid pa gsum po'ang de bzhin no// de dag la sogs pa'i yon tan bye ba brgya stong du ma dang ldan pa'i byang chub sems dpa' bye ba brgya stong phrag du mas yongs su bskor te dkyil 'khor chen po de la bzhugs nas chos ston par mdzad do/ / de nas byang chub sems dpa' chen po phyag na rdo rjes de bzhin gshegs pa thams cad kyi bdag po bcom ldan 'das rnam par snang mdzad kyi spyan sngar zla ba'i dkyil 'khor la brten te 'khod nas/ thog ma dang tha ma med pa'i bcom ldan 'das la gsol pa/ bcom ldan 'das mchog tu gsang ba chen po'i thig le zhes bgyi ba'i ting nge 'dzin gyi khyad par bka' stsal du gsol/ gang gis sems can rnams la gsang ba'i de kho na nyid kyi dam tshig de bdag gis bshad par bgyi lags so// de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ gsang ba'i bdag po lag na rdo rje la 'di skad ces bka' stsal pa/ lag na rdo rje gsang ba'i dam pa gang gis sems can thams cad nges par bla na med pa yang dag par rdzogs pa'i byang chub thob par 'gyur ba de bshad par bya'o/ / de nas byang chub sems dpa' chen po lag na rdo rjes yang bcom ldan 'das la gsol pa/ bcom ldan 'das de bzhin gshegs pa thams cad

  113. 57b

    kyi bdag po gang gis bdag gsang ba'i bdag por 'gyur ba bka' stsal du gsol/ de nas de bzhin gshegs pa de dag thams cad bcom ldan 'das rnam par snang mdzad kyi thugs kar zhugs par gyur to// de nas bcom ldan 'das de bzhin gshegs pa thams cad kyi bdag pos de bzhin gshegs pa de dag thams cad mi phyed bar mdzad de/ de bzhin gshegs pa'i sku de dag thams cad dang mi phyed par gyur nas/ bcom ldan 'das rdo rje sems dpa' de nyid la ched du brjod pa 'dis ched du brjod pa/ e ma 'o bdag ni thabs chen po// rab tu gsang ba thig le yi// ting 'dzin gang phyir grub pa yang // gsang ba nyid ni zhu bar byed/ / de nas bcom ldan 'das kun tu bzang po chen po bcom ldan 'das kyi thugs ka nas 'thon nas phyag tu 'khod par gyur pas/ yang bcom ldan 'das la 'di skad ces gsol to// bcom ldan 'das rab tu gsang ba'i thig le zhes bgyi ba ci lags/ de nas bcom ldan 'das de bzhin gshegs pa thams cad kyi bdag pos/ byang chub sems dpa' chen po phyag na rdo rje la 'di skad ces bka' stsal to// lag na rdo rje rab tu gsang ba'i thig le 'di ni mchog tu gsang ba'o// ches shin tu gsang ba'o// de bzhin gshegs pa thams cad bskyed pa'o// de bzhin gshegs pa thams cad nyid sbyin pa'o// de bzhin gshegs pa thams cad brtan par byed pa'o/ / de bzhin gshegs pa thams cad kyi bde ba dang yid bde ba rjes su rig pa'i don du de bzhin gshegs pa thams cad kyi thugs su byon pa'o// de bzhin gshegs pa thams

  114. 58a

    cad kyi yab bo/ / de bzhin gshegs pa thams cad kyi yum mo// 'di ni gsang ba'i mdzod do// 'di nyid pad+ma'o// 'di nyid rdo rje'o// 'di nyid dam tshig ste/ de nyid kyis na lag na rdo rje dam tshig mi shes pa'i mdun du smra bar mi bya'o/ / de'i phyir lag na rdo rje ngas 'ga' la'ang ma bshad do// de nas byang chub sems dpa' chen po lag na rdo rjes slar yang / bcom ldan 'das la 'di skad ces gsol to/ / bcom ldan 'das ci'i phyir gang 'ga' zhig la smra bar bgyi/ de nas bcom ldan 'das rnam par snang mdzad kyis/ byang chub sems dpa' lag na rdo rje la legs so zhes bya ba gnang ste/ legs so rdo rje sems dpa' khyod// rdo rje rin chen khyod legs so// legs so rdo rje chos khyod kyis// rdo rje las khyod rab legs so// mdo sde 'di ni legs bshad pa// rdo rje theg pa bla na med// de bzhin gshegs pa kun gyi gsang / / theg pa chen po mdor bsdus pa// dag pas rnam par bsgrubs tsam gyis// bde blag tu ni sangs rgyas thob// bde ba zad med mi zad pa// skye ba 'di la 'grub par byed/ / ces so// lag na rdo rje des na shin tu gsang ba'i thig le las kyang mchog tu gsang ba zhes bya ba theg pa chen po'i mdo sde 'di legs par sba bar bya'o// sems can gang kha cig nye bar skrag pa dang bcas pa yod la/ gang kha cig dad pa dang ldan pas theg pa chen po glang po che'i phrag tu zhon pa dag yod de/ de dag las dang po la ni gsang sngags dang / phyag rgya dang / gsang ba thams cad bshad par mi bya

  115. 58b

    zhing gsang ba thams cad bstan par mi bya'o/ / dad pa can dkyil 'khor chen por dbang bskur ba thob pa dag la de dag thams cad bshad par bya'o// legs par gsang ba'i ting nge 'dzin gyi thig le 'di ni ches shin tu gsang ba rab tu gnas pa'i slob dpon la bshad par bya'o/ / gang zhig rgyud 'di bshad pa tsam na sems can dad pas rjes su 'brang ba dang / gang dag ches shin tu dga' ba skye ba de dag ni sngon gyi sangs rgyas rnams kyis lung bstan par shes par bya'o/ / de dag la 'bad pas gdams pa dang bcas pa bstan par bya'o// sems can gang kha cig nyan thos kyi theg pa dang ldan pa de dag la lo rgyus tsam yang // mi bya'o// de nas byang chub sems dpa' chen po lag na rdo rjes/ yang bcom ldan 'das la 'di skad ces gsol to// bcom ldan 'das ci'i phyir de dag la lo rgyus tsam yang mi bgyi/ de nas bcom ldan 'das/ de bzhin gshegs pa thams cad kyi bdag pos/ lag na rdo rje la 'di skad ces bka' stsal to// lag na rdo rje nyon cig/ sems can de dag gis lha'i ris ma mthong zhing / dam tshig la rab tu smod par byed pa de dag la gal te smras na/ lo rgyus tsam gyis kyang dmyal bar rab tu ltung bar 'gyur ro// de nas bcom ldan 'das la/ lag na rdo rjes 'di skad ces gsol to// bcom ldan 'das bdag gis kyang rdo rje kun nas 'bar rab tu 'bar zhing ma lce gcig tu gyur pa 'dis rigs thams cad sreg par byed do/ / bcom ldan 'das de dag ni tshul bzhin ma yin par 'chi ba'i dus bgyid par bgyi'o zhes so// de nas

  116. 59a

    yang byang chub sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das bdag gis nyan thos kyi theg pa pa de dag gi nang du bshad par mi bgyi lags na/ de'i phyir bcom ldan 'das kyis shin tu ches gsang ba'i thig le zhes bya ba theg pa chen po'i snying po dkyil 'khor chen po'i dam tshig ji srid bde ba dang / yid bde ba thams cad bskyed pa'i don du bka' stsal du gsol/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos spro ba'i sbyor ba'i dpa' bo'i ting nge 'dzin gyis de bzhin gshegs pa de dag thams cad gcig tu mdzad do/ / de nas bcom ldan 'das de bzhin gshegs pa thams cad kyi bdag pos ting nge 'dzin de las bzhengs nas/ de bzhin gshegs pa thams cad spyan 'dren pa dam tshig rdo rje zhes bya ba'i ting nge 'dzin gyi khyad par du ma la mnyam par bzhag nas/ de bzhin gshegs pa thams cad spyan 'dren pa'i dam tshig ma lus shing lus pa med pa/ sems can gyi khams thams cad 'gugs pa/ bde ba dang yid bde ba bskyed pa'i don du ji srid ting nge 'dzin dam pa 'grub pa'i don du/ byang chub sems dpa' sems dpa' chen po lag na rdo rje la bka' stsal pa/ so so'i sgrub pa'i thabs rgya che bas mdor bsdus te cho ga rgyas par 'gyur ba ni/ lag na rdo rje dang po re zhig sngags pas lag pa gnyis a'i rnam pa las zla ba'i dkyil 'khor du bsam par bya'o// a'i rnam pa de dri ma med pa'i gzugs la dkar ba bdud rtsi'i/

  117. 59b

    rang bzhin can te/ de nyid yongs su gyur pa las zla ba'i dkyil 'khor ro// de nas byang chub sems dpa' chen po lag na rdo rje lho phyogs kyi zla ba'i dkyil 'khor la 'khod par gyur nas/ bcom ldan 'das de bzhin gshegs pa thams cad kyi bdag po la gsol pa/ bcom ldan 'das ci'i phyir lag pa gnyis zla ba'i dkyil 'khor du blta bar bgyi/ de nas bcom ldan 'das de bzhin gshegs pa thams cad kyi bdag pos de bzhin gshegs pa thams cad kyi dam pa grub pa zhes bya ba'i ting nge 'dzin la snyoms par zhugs nas/ byang chub sems dpa' lag na rdo rje la bka' stsal pa/ 'dir lag pa gnyis zla ba la rdo rje phra mo nas kyi tshad tsam dkar po 'od zer dang ldan pa sngags 'dis bsgom par bya ste/ hUM/ de nas byang chub sems dpa' chen po lag na rdo rjes yang bcom ldan 'das la gsol pa/ bcom ldan 'das ji ltar 'tshal bar bgyi/ rdo rje des ci zhig bgyi/ de nas bcom ldan 'das rnam par snang mdzad chen pos/ lag na rdo rje la 'di skad ces bka' stsal to// lag na rdo rje nyon cig/ rdo rje thal mo dam du bcings nas gsang sngags 'dis rang gi spyi bor dgrol bar bya'o/ / oM swa b+hA ba bi shud+d+haHsar+b+ba d+har+m+maHswa b+hA ba bi shud+d+hohaM/ de nas bdag nyid shel dag pa'i rang bzhin dri ma med cing gsal ba'i gzugs su sngags pas bsgom par bya'o/ / de nas sdom pa gzung ste/ sangs rgyas dang byang chub sems dpa' thams cad bdag la dgongs su gsol/ bdag ming che ge mo zhes bgyi ba dus 'di nas bzung ste ji srid snying po

  118. 60a

    byang chub la thug gi bar du/ ji ltar dus gsum mgon po rnams// byang chub tu ni nges mdzad pa'i// byang chub sems ni bla na med// dam pa bdag gis bskyed par bgyi/ tshul khrims kyi ni bslab pa dang // dge ba'i chos ni sdud pa dang // sems can don byed tshul khrims gsum// so sor brtan par bdag gis gzung // sangs rgyas chos dang dge 'dun te// bla na med pa'i dkon mchog gsum/ / sangs rgyas rnal 'byor las skyes pa'i// sdom pa deng nas brtan por gzung // rdo rje dril bu phyag rgya yang // de nyid so sor gzung bar bgyi// slob dpon dag kyang gzung bar bgyi/ / rdo rje'i rigs mchog chen po la'o// sbyin pa rnam bzhi rtag tu sbyin// nyin re bzhin ni dus drug tu// rin chen rigs chen rnal 'byor gyi// dam tshig yid du 'ong ba'o// byang chub chen po las byung ba'i/ / pad+ma'i rigs chen dag pa la// phyi dang gsang ba theg pa gsum// dam chos so sor gsung bar bgyi// las kyi rigs mchog chen po la// sdom pa thams cad ldan par ni/ / de nyid so sor gzung bar bgyi// mchod pa'i las kyang ci nus pas// las kyi rigs mchog chen po yi// byang chub sems ni bla na med// dam pa rab tu bskyed pa dang // sems can kun gyi don gyi phyir/ / bdag gis sdom pa ma lus gzung // ma bskal ba rnams bdag gis bsgral// ma grol ba rnams bdag gis dkrol// dbugs ma phyin pa dbugs dbyung zhing // sems can tu

  119. 60b

    ngan 'das la dgod/ / de nas bcom ldan 'das rnam par snang mdzad de bzhin gshegs pa thams cad kyi bdag pos/ byang chub sems dpa' lag na rdo rje la 'di skad ces bka' stsal to// sdom pa bzung ste phyag rgya chen po la gnas nas sngags pas chos thams cad bdag med par bsgom par bya'o/ / 'di dag thams cad phyi rol dang nang du rtog pas brtags pa las gzhan 'ga' yang mi gnas so// zhes de ltar snying la bzhag ste 'di skad ces/ 'du byed thams cad ni mi rtag cing rang bzhin gyis 'od gsal la gdod ma nas ma skyes pa nyid do zhes brjod par bya'o// de nas yang byang chub sems dpa' chen po phyag na rdo rjes bcom ldan 'das kyi mdun du zla ba'i dkyil 'khor la 'khod de/ bcom ldan 'das la gsol pa/ bcom ldan 'das sems rang bzhin gyis 'od gsal ba ji ltar bsgom par bgyi ba cung zad bka' stsal du gsol/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos sems so sor rig pa'i rgyal po zhes bya ba'i ting nge 'dzin la snyoms par zhugs te/ byang / chub sems dpa' lag na rdo rje la 'di skad ces bka' stsal to// lag na rdo rje khyod kyis sems rang bzhin gyis 'od gsal ba de ni zla ba'i dkyil 'khor gyi rnam pa'i bdag nyid nam mkha'i dkyil ma lus pa khyab pa'i / 'od kyis mdzes pa/ dpag tshad brgya stong las lhag pa/ a la sogs pa'i rnam pa'i yi ge/ a A/ i I/ u U/ r-i r-I/ l-i l-I/ e ai/ o au/ aM aHzhes bya/ de dag yongs su

  120. 61a

    gyur pa las zla ba'i dkyil 'khor gyi rnam pa bsgom par bya'o/ / de nas byang chub sems dpa' chen po lag na rdo rjes bdag nyid zla ba'i dkyil 'khor gyi rnam par bsgoms pas bdag nyid zla ba'i dkyil 'khor gyi rnam par mthong ngo / / de nas bcom ldan 'das kyi g.yon gyi zla ba'i dkyil 'khor la 'khod de don yod grub pa'i gzugs su gnas so// yang bcom ldan 'das rnam par snang mdzad kyi thugs kar 'khod de ched du brjod pa 'dis ched du brjod pa/ e ma sangs rgyas thams cad kyis// thog med grub pa'i don yod bdag/ ji ltar zla ba'i dkyil 'khor te// bdag nyid zla ba'i dkyil 'khor gnas/ / de nas yang byang chub sems dpa' chen po lag na rdo rjes bcom ldan 'das kyi rgyab kyi zla ba'i dkyil 'khor la 'khod de/ bcom ldan 'das rnam par snang mdzad chen po la gsol ba btab pa/ zla ba'i dkyil 'khor de ji ltar blta bar bgyi/ de nas yang bcom ldan 'das de bzhin gshegs pa thams cad kyi bdag pos de bzhin gshegs pa thams cad kyi byang chub chen po'i zla ba zhes bya ba'i ting nge 'dzin la snyoms par zhugs nas/ ma lus shing lus pa med pa'i 'jig rten gyi khams rab tu rgyas pa'i tshad kyi de bzhin gshegs pa thams cad nyid kyi thugs kar zhugs par mdzad do// zhugs nas kyang gcig tu mi phyed par gyur te/ nam mkha'i khams thams cad rab tu rgyas pa'i tshul du rnam par gnas so// byang chub sems dpa' sems dpa' chen po lag na rdo rje byang chub kyi zla ba de bshad par bya'o//

  121. 61b

    zla ba de'i steng du bdag nyid byang chub kyi zla ba'i tshul du bsgom par bya ste/ shin tu dri ma med pa nam mkha' dang mtshungs pa'i gzugs rnam par rtog pa thams cad spangs pa'i mchog gnas ngan len thams cad las rnam par grol ba/ bde ba dang yid bde ba thams cad myong ba'i don dang / ji srid nam mkha' dang mnyam pa'i dri ma med pa sngon mthong ba'i zla ba lta bu ka la sogs pa'i gzugs kyis sangs rgyas kyi yon tan 'jug pa ste/ ka kha ga g+hA da/ tse tsha dza dz+ha nya/ Ta tra Da D+ha Na/ ta thA da d+ha na/ pa pha ba b+ha ma/ ya ra la wa/ sha Sha sa ha/ a laM k+ShaHka la sogs pa'i yi ge 'di dag skar ma la sogs pa'i gzugs su zhugs te/ gcig tu mi phyed par gyur pa las zla ba'i dkyil 'khor nyid du bsam par bya'o// yang lag na rdo rje zla ba'i dkyil 'khor de la nam mkha' thams cad rab tu rgyas pa'i tshad kyi rdo rje rtse mo lnga pa zhi ba/ 'od zer dang bcas pa bsgom par bya'o// de nas yang gsang ba'i bdag po lag na rdo rjes bcom ldan 'das la 'di skad ces gsol to// bcom ldan 'das rdo rje de ji ltar bsgom par bgyi/ de nas bcom ldan 'das de bzhin gshegs pa thams cad kyi bdag po rnam par snang mdzad kyis de bzhin gshegs pa thams cad kyi sems dpa' rdo rje zhes bya ba'i ting nge 'dzin la snyoms par zhugs te/ de bzhin gshegs pa thams cad dang gcig tu mdzad nas/ byang chub sems dpa' chen po lag na rdo rje la bka' stsal pa/ lag na rdo rje rdo rje de sems dpa'i rdo rje'i gzugs su bsgom par bya ste/ nam mkha'i

  122. 62a

    khams thams cad rab tu rgyas pa'i tshad kyis rdo rje 'bar bas rnam par brgyan pa/ rgyan thams cad kyis rnam par klubs pa/ lus thams cad sangs rgyas kyi gzugs brnyan gyi tshul gyis gang zhing dang ba/ lag pa g.yon pas dril bu 'dzin pa/ g.yas pa'i lag pas rdo rje snying khar brten pa/ zhal cung zad bzhad par sngags pas bsam par bya'o// de nas yang bcom ldan 'das kyis/ lag na rdo rje la 'di skad ces bka' stsal to/ / sngags ni 'di yin te/ oM badz+ra At+ma kohaM/ de nas yang bcom ldan 'das kyis/ lag na rdo rje la 'di skad ces bka' stsal to// de nas sems dpa' rdo rje'i gzugs de / bzhin gshegs pa'i skur bsngags pas sngags 'di bsgom par bya ste/ oM ya thA sar+b+ba ta thA ga tas+thA a haM/ de nas suM gi yi ge las sngags pas ri rab bsams la steng dang 'og gi sgor gsum gsum dgod par bya'o// de nas hUM gi yi ge las khang pa brtsegs pa bsam par bya ste/ gru bzhi pa la sgo bzhi pa// rdo rje 'bar ba yang dag ldan// kha dog sna tshogs dag dang bcas// sna tshogs ka bas nye bar mdzes// dra ba dra phyed pas spras// zla ba zla ba phyed pas spud// nor bu dang mu tig gi 'phreng bas nye bar mdzes pa/ rin po che'i rgyan du ma dang / dar dang / 'phan dang / me tog gi chun pos nye bar spyad pa dang / de dag la sogs pa'i yon tan gyis khyad par du 'phags pa'i khang pa brtsegs pa sngags pas bsam par bya'o/ / de nas bdag nyid rnam par snang mdzad du byas te/ slar yang bdag nyid rdo rje sems dpa'i gzugs su gzugs brnyan gyi sbyor bas

  123. 62b

    de bzhin gshegs pa thams cad kyis yongs su gang ba rdo rje'i 'phreng bas rnam par brgyan pa bsgoms te/ de nas hUM gi yi ge de nyid kyis rdo rje sems dpa'i lus kyi snying khar zla ba'i dkyil 'khor bsgoms la de nas rdo rje sems dpa'i yi ge bkod de/ rdo rje sems dpa' dang yi ge de dag yongs su son pa las rdo rje rtse mo lnga pa zhi zhing dkar bar bsgom par bya'o// de nas yang byang chub sems dpa' chen po lag na rdo rjes bcom ldan 'das la gsol pa/ bcom ldan 'das rdo rje de ji ltar bsgom par bgyi/ de nas bcom ldan 'das de bzhin gshegs pa thams cad kyi bdag pos/ lag na rdo rje la 'di skad ces bka' stsal pa/ rdo rje de yongs su gyur pa las sna tshogs rdo rje bsgom par bya'o// de nas byang chub sems dpa' chen po lag na rdo rjes bcom ldan 'das la 'di skad ces gsol to// bcom ldan 'das bdag gis sna tshogs rdo rje khum lags so/ / de nas bcom ldan 'das rnam par snang mdzad kyis de bzhin gshegs pa thams cad bskyed pa rdo rje zhes bya ba'i ting nge 'dzin la snyoms par zhugs nas/ lag na rdo rje la 'di skad ces bka' stsal pa/ lag na rdo rje nyon cig/ rdo rje de nyid 'od zer dang bcas bsnyems pa dang bcas pa'i rdo rje sems dpa' gzugs cung zad bzhad pa'i zhal ras dang phyag gnyis rdo rje gsor bar byed pa/ sangs rgyas lnga'i cod pan can/ steng na de bzhin gshegs pa thams cad kyi bdag po bzhugs pa/ dpral ba dang nye bar mi bskyod pa/ g.yas su rin chen 'byung ldan/ rgyab tu 'od dpag tu

  124. 63a

    med pa/ g.yon pa'i drung du don yod grub pa can/ de lta bu'i yon tan gyi khyad par dang ldan pa rdo rje sems dpa'i gzugs su bsgom par bya'o// de nas byang chub sems dpa' chen po lag na rdo rjes de lta bu'i rdo rje sems dpa'i gzugs su bskyed nas/ slar yang bcom ldan 'das kyi spyan sngar 'dug ste/ bcom ldan 'das la 'di skad ces gsol to// bcom ldan 'das bdag nyid rdo rje sems dpa'i gzugs su mthong lags so/ / de nas bcom ldan 'das de bzhin gshegs pa thams cad kyi bdag pos/ byang chub sems dpa' sems dpa' chen po lag na rdo rje la legs so zhes gnang ba/ legs so rdo rje sems dpa' bo/ / rdo rje rin chen khyod legs so// legs so rdo rje chos khyod kyis// rdo rje las ni khyod legs so// mdo sde 'di ni legs bshad pa// rdo rje theg pa bla na med// de bzhin gshegs pa kun gyi gsang / / theg pa chen po mngon bsdus pa'o// zhes so// de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ lag na rdo rje la 'di skad ces bka' stsal to/ / lag na rdo rje khyod la thams cad bgad par bya'o// de nas rdo rje thal mo sbyar nas brkyang de/ sngags 'dis lag na rdo rje dbab pa bskyed par bya'o// oM bad+d+hA swa be sha A re sha sa/ de nas rdorje dpa' pa bskyed nas sems dpa' rdo rje bcings la dam tshig bslab par bya ste/ sa ma ya s+t+wa~M/ de nas dam tshig byin la yi ge brgya pa brjod par byed/ oM tinI bad dri rnam b+ha ba/ a rur d+hom d+ha la/

  125. 63b

    satwa me b+ha wa/ hr-i da yaM me a d+hi tiSh+Tha/ sar+b+ba sid+d+him+me pra yats+tsha/ sar+b+ba kar+m+ma su tsa me tsit+ta shre ya/ ku ru hUM/ ha ha ha ha hoHb+ha ga we sar+b+ba ta thA ga to badz+ra mA me muny+tsa badz+rI b+ha wa badz+ra satwa AHde nas rdo rje khu tshur gyis rdo rje me tog spyi bor sngags 'dis gzhag par bya ste/ pra tIts+tsha badz+ra hoHsngags pas de me tog gi 'phreng bar bsam par byas la/ de nas 'phreng ba de blangs la sngags 'dis spyi bor bcing bar bya ste/ oM pra ti gr-ih+Na s+t+waM i maM satwa ma hA ba la/ de nas 'phreng ba de bzhin gshegs pa thams cad kyi ngo bor blta bar bya'o// de nas sngags 'dis gdong dbye bar bya ste/ oM badz+ra satwa/ sa yan+te ar+ya tsak+Shud g+ha Ta na ta ta pa ra ud g+ha Ta ya te sar+b+ba tsak+Shu badz+ra tsAk+Sha/ badz+ra tsak+Shu ra nut+ta ra he badz+ra pa sh+ya/ de nas nam mkha'i dkyil na bzhugs pa'i de bzhin gshegs pa thams cad dang / byang chub sems dpa' thams cad mthong na de nas grub par shes par bya'o/ / gal te snang ba tsam mthong na'ang des dngos grub la nye bar 'gyur ba yin no// de nas rdo rjes byin gyis brlabs pa'i dri'i chus sngags pas bdag la sngags 'dis dbang bskur bar bya ste/ badz+ra a b+hi Shiny+tsa/ de nas pheg rdob gsum dang se gol brdab par bya ste/ badz+ra tuSh+Ta hoHde nas sngags 'dis rdo rje blang ste/ oM Ar+ya a b+hi She ke ta s+t+waM/ si bud+d+he badz+ra a b+hi She ka ta i daM te sar+b+ba bud+d+ha tAM gr-ih+Na badz+rI su sid+d+ha ye/ nas rdo rje sems dpa' rang nyid dam de bzhin gshegs pa ston par mdzad do// gal te slob dpon du gyur na de nas dam tshig gi phyag rgya dang sngags 'das bdag nyid dbang bskur bar bya'o// oM badz+ra a d+hi pa ti s+t+waM

  126. 64a

    ti'i mi nyi rnams pan+d+ha/ denas pa gas byas cu 'di sngags 'dis dbang bcur/ nas ky-i kyi mi brnarnam sa ny-i/ ga bdunas/ sems dpa' gang nga g yur pa'i ming de la brjod par bya'o/ / de nas brtan par bya ba'i phyir brjod pa dang / 'di de sangs rgyas thams cad de// rdo rje sems dpa'i phyag na gnas// khyod kyis kyang ni rtag tu zung // byas na rdo rje'i btus zhugs brtan/ / de nas dngos grub thams cad kyi de kho na nyid dbab pa bskyed par bya / oM sar+b+ba ta thA ga ta sid+d+hi/ badz+ra ye Sha tA d+ha ra yA mi badz+ra satwa hi ni ni hU~M ho/ de nas bdag la rdo rje sems dpa'i dam tshig brjod par bya ste/ oM ma hA satwa sa ma ya s+t+waM sa ma ya satwan/ de nas de ltar byin gyis brlabs te/ slar yang yi ge brgya pa brjod par bya/ oM tiSh+Tha badz+ra sa sa ya s+t+waM sa ma ya satwa rba dr-i D+ho ma b+ha ba/ sra s+yo me b+ha ba/ a nu rak+to me d+ha ba/ sA satwa me b+ha ba/ hrid ya me a d+hi tiSh+Tha sar+b+ba sid+d+hi m+ba pra yats+tsha/ sar+b+ba kar+m+ma su tsa me tsit+ta shre yaHku ru tsu/ gaha tan no/ b+ha ga lan sar+b+ba ta thA ga ta badz+ra mA me muny+dza badz+ra b+ha ba bang satwa AHde nas yang de bzhin du rdo rje sems dpa'i tshul du lag pa g.yon par dril bu/ lag pa g.yas par rdo rje snying khar bzhag la thams cad sngon gyi ji lta ba bzhin bsgoms te/ sgom pa'i rim pa des rdo rje sems dpa' nyid dam de bzhin gshegs pa nyid thob par 'gyur ro/ / 'di yis ting nge 'dzin thams cad dang dga' ba zlos pa thams cad la sngags pas thog ma kho nar 'di ltar bsgoms te bya'o// gsang ba chen

  127. 64b

    po rtog pa'i rgyal po rdo rje thig le las/ sems so sor rig pa la sogs pa rgyas pa rdzogs so// / de nas bcom ldan 'das de bzhin gshegs pa thams cad kyi bdag pos zla ba'i dkyil 'khor de la bzhugs nas dpa' bo'i ting nge 'dzin la zhugs te/ de bzhin gshegs pa dang / rdo rje sems dpa' dang / lag na rdo rje la sogs pa de dag thams cad nyid kyi thugs ka nas phyung ste/ de nas de'i rjes su de bzhin gshegs pa de dag thams cad kyis bcom ldan 'das rnam par snang mdzad chen po thog ma dang tha ma med pa la mtshan brgya rtsa brgyad pa 'dis gsol ba btab par gyur to// rdo rje sems dpa' sems dpa' che/ / rdo rje de bzhin gshegs pa kun// rdo rje dang po kun tu bzang // phyag na rdo rje phyag 'tshal bstod// rdo rje rgyal po blo bzang mchog/ rdo rje lcags kyu de bzhin gshegs// don yod rgyal po rdo rje mchog/ rdo rje 'gugs la phyag 'tshal bstod// rdo rje chags pa bde ba che// rdo rje mda' ste dbang du byed// 'dod pa chen po rdo rje che// rdo rje gzhu la phyag 'tshal bstod rdo rje sems dpa' sems dpa' mchog/ rdo rje tshim par cher dgyes pa// rab dgyes rgyal po rdo rje mchog/ rdo rje dgyes par phyag 'tshal bstod// rdo rje rin chen don babang mchog/ rdo rje nam mkha' nor bu che/ / nam mkha'i snying po rdo rje phyag/ rdo rje snying por phyag 'tshal bstod// rdo rje gzi brjid cher 'bar ba// rdo rje nyi ma rgyal ba'i 'od/ rdo rje 'od zer gzi brjid che// rdo rje sgon

  128. 65a

    mar phyag 'tshal bstod/ / sems can don rab rdo rje tog/ rdo rje rgyal mtshan legs tshim pa// rdo rje tog ste rdo rje che// phyag 'tshal rdo rje sku khyod la// rdo rje gang mo gang rgyangs che/ / rdo rje 'dzum pa ngo mtshar che// dka' zhing rab dgyes rdo rje mchog/ phyag 'tshal rdo rje dgyes khyod la// sems can don rab rdo rje chos// rdo rje pad+ma legs dag pa// 'jig rten dbang phyuphyag rdo rje'i spyan/ / phyag 'tshal rdo rje spyan khyod la// rdo rje rnon po theg pa che// rdo rje mdzad de mtshon cha che// 'jam dpal rdo rje zab mo ste// rdo rje blo gros khyod phyag 'tshal// rdo rje rgyu ste snying che/ / rdo rje 'khor lo tshul chen po// rab bskor rdo rje las skyes pa// phyag 'tshal rdo rje rgyan khyod la// rdo rje smra ba rigs bzang mchog/ rdo rje bzlas pa legs grub gsol// mi smra rdo rje dngos grub mchog/ phyag 'tshal rdo rje gsung khyod la// rdo rje las rab rdo rjes mtshan// las kyi rdo rje kun 'gro mdzes// rdo rje don yod cher yangs pa// sna tshogs rdo rje khyod phyag 'tshal// rdo rje srung ba brtan pa che/ / rdo rje chos te cher sra ba// 'thab dka' shin tu dpa' ba'i mchog/ rdo rje brtson 'grus khyod phyag 'tshal// rdo rje gnod sbyin thabs chen po// rdo rje mche ba cher 'jigs pa/ bdud rab 'joms pa'i rdo rje drag/ phyag 'tshal rdo rje gtum khyod la// rdo rje mtshams te legs bsnyems pa// rdo rje 'ching ba rab 'grol ba// rdo rje khu tshur dam tshig mcheg/ rdo rje khu tshur khyod bya

  129. 65b

    'tshal/ / khyod kyi mtshan brgya rtsa brgyad pa// dge ba 'di ni gang 'dzin pa// rdo rje ming gi dbang la sogs// kun gyi dam pas dbang bskur ba'o// rdo rje 'dzin pa chen po yis// mtshan 'di rnams kyis yon tan tshogs/ / rtag tu dbyangs kyi bstod byed na// de yang rdo rje 'dzin pa mtshungs// mtshan brgya rtsa brgyad 'di dag gis// bdag can rnams kyis mngon bstod pa'i// theg pa chen po mngon rtogs pa'i/ / tshul chen po ni rnam par spros// mgon po khyod la zhu ba bgyid// cho ga dam pa gsung du gsol// sangs rgyas kun gyi 'khor lo che// dkyil 'khor chen po mchog gi ni/ / de nas bcom ldan 'das rdo rje 'dzin pa chen pos de bzhin gshegs pa thams cad kyis gsol ba btab pa'i tshig nye bar gsan nas/ de bzhin gshegs pa thams cad kyi dam tshig 'byung gnas rdo rje zhes bya ba'i ting nge 'dzin la snyoms par zhugs nas/ rdo rje dbyings zhes bya ba'i dkyil 'khor chen po'i mchog 'di bka' stsal pa/ 'di dag thams cad rgyud gzhan las bshad pas na 'dir mdor bsdus pa'i cho ga rgyas pa ni/ de nas bcom ldan 'das de bzhin gshegs pa thams cad kyi bdag po rnam par snang mdzad chen po/ rdo rje 'chang chen po de bzhin gshegs pa thams cad kyi yab/ de bzhin gshegs pa thams cad kyi yum gyis/ de bzhin gshegs pa de rnams dang byang chub sems dpa' de rnams nyid kyi thugs kar bcug nas gcig tu mi phyed par

  130. 66a

    gyur nas/ spro ba dang bsdu ba'i sbyor bas phyag na rdo rje'i mdun du bzhag nas/ de bzhin gshegs pa thams cad kyi dpa' bo'i ting nge 'dzin gyi tshul la bzhugs so// de nas bcom ldan 'das rdo rje 'dzin pa'i rgyal po chen po byang chub sems dpa' chen po de bzhin gshegs pa thams cad kyi ston pa de bzhin gshegs pa thams cad kyi chos kyi char 'bebs par byed pas/ bcom ldan 'das thog ma dang tha ma med pa de bzhin gshegs pa thams cad kyi bdag po rnam par snang mdzad chen po la gsol ba btab pa/ bcom ldan 'das sangs rgyas nyid sgrub pa'i thabs bka' stsal du gsol/ gang gi sems can thams cad kyi sangs rgyas nyid bdag gis sbyin par bya'o// de nas ci tshul gzhan nam theg pa chen po'i tshul gyis lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ lag na rdo rje la 'di skad ces bka' stsal to// lag na rdo rje theg pa chen po'i tshul gyis sangs rgyas nyid sgrub bo// de nas byang chub sems dpa' lag na rdo rjes bcom ldan 'das la 'di skad ces gsol te/ / ci dkyil 'khor gyi tshul gyis sangs rgyas nyid sgrub pam/ 'on te gsang ba'i tshul gyis lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ lag na rdo rje la 'di skad ces bka' stsal to// lag na rdo rje gsang ba'i tshul gyis sangs rgyas nyid bsgrub par bya ste/

  131. 66b

    lag na rdo rje ngas kyang gsang ba'i tshul des dbang bskur nas lag na rdo rje gsang ba'i tshul des nga'ang yang dag par rdzogs par sangs rgyas so// de nas byang chub sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das khyod slob dpon gang gis dbang bskur ba lags/ de nas bcom ldan 'das rnam par snang mdzad chen pos/ lag na rdo rje la 'di skad ces bka' stsal to// lag na rdo rje gsang ba zhes bya ba'i slob dpon des dbang bskur ro// gang gis gsang ba de thob nas sangs rgyas nyid brnyes par gyur to// de nas byang chub sems dpa' chen po lag na rdo rjes/ bcom ldan 'das la 'di skad ces gsol to/ / gsang ba de'i rang bzhin gang lags/ de chos gang gsung bar mdzad/ ci sbyor ba gzhan gsungs sam 'on te zab mo'i tshul khyod la bstan pa lags bcom ldan 'das gsang ba de'i rang bzhin yang ma 'tshal bas ci zhig lags/ de nas de bzhin gshegs pa thams cad kyi bdag po rnam par snang mdzad chen pos/ lag na rdo rje la 'di skad ces bka' stsal to// lag na rdo rje 'dis ches ma bstan cing cung zad kyang ma bshad do/ / 'on kyang lag na rdo rje rang gi shes rab kyi tshul dang shes rab kyi khyad par gyis bdag nyid gsang ba bsnyen par brtsam par bya'o// de nas gsang ba bsten pa las gang dga' 'o/ / ming thigs pa 'od zer dang bcas par gyur pa dang / de nas 'od zer gyi 'phreng ba las de bzhin gshegs pa thams cad kyi sku rnams rnam par byung ste/ de bzhin gshegs pa'i sku de rnams

  132. 67a

    las 'od zer mi 'phreng ba 'khrugs pa'i rdo rje'i gzugs dang / rba za'i gzugs rnams dbyung bar bya'o// de nas byang chub sems dpa' chen po lag na rdo rjes/ bcom ldan 'das la 'di skad ces gsol to/ / bcom ldan 'das de lta na'ang gsang ba de bsten pa nyid ji lta bu'i rnam pas 'grub pa lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ lag na rdo rje la 'di skad ces bka' stsal to// laka na rdo rje dang po re zhig ji ltar bya ba ngas khyod la bshad par bya yi nyon cig/ sngags pas re zhig bdag gi ting nge 'dzin sngon 'gro bar byeste/ bdag nyid bskyed nas de bzhin gshegs pa thams cad kyi rigs kyi lha mo chen mo dang / rig pa'i rgyal mo thams cad bsgrub par bya'o// de nas phyis gsang ba nyid bsnyen par bya'o// nas byang chub sems dpa' chen po la gan rdo rjes/ bcom ldan 'das thog ma dang tha ma med pa la 'dri skad ces gsol to// ji lta bu'i rnam pa so lnga mo de rnams bsgrub par bgyi/ bcom ldan 'das sa bka' sal ba/ sems can 'ga' cis dang pa dang ldan pa yod pa de dag ni ts+tsha gcig pa'i sems kyis bdas sgrub par 'dod la/ de das sbyor ba mi shes shing nus pa dang mi ldan pas/ de rnams kyi cha par byang kyang lha mo rnams kyis thubs rje'i thugs skye bar mo 'gyur ning sems kyi gas la pa'ang mi byed pa des na/ lagan rdo rje byang chub sems dpa' sems dpa' chen pos sbyor ba shes par bya'o// de 'i

  133. 67b

    kyiphyir lag na rdo rje phyag rgya dang sngags thams cad dang legs par ldan pas ji tsam zhig gis nyi ma'i nges pas 'grub par 'gyur ro/ / de'i phyir lag na rdo rje rgyud 'di ni lha thams cad dang / lha mo rnams dang rig pa'i rgyal mo rnams kyi sbyor ba legs par ldan pas sgrub par byed pa'o/ / de nas lag na rdo rje sngags pa gsang sngags kyi bdag po gsang ba'i bdag por bshad do// de nas byang chub sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das bdag sngags pa ma lags pa bdag gsang ba'i bdag po ma lags pas/ bcom ldan 'das ji ltar gsang ba dang sngags rnams kyi bdag por 'gyur ba de ltar mdzad du gsol/ de nas bcom ldan 'das rnam par snang mdzad chen pos/ lag na rdo rje la 'di skad ces bka' stsal to// lag na rdo rje des na sngags pas re zhig dngos grub gzhan bsgrub par bya'o/ / de bsgrubs na las thams cad byed do// bskrad pa dang / gsad pa dang / dbang du bya ba dang / rengs pa dang / dgug pa la sogs pa rnams bsgrub par bya'o/ / sangs rgyas nyid kyi dngos grub la sogs pa rnams kyang 'grub na dngos grub gzhan lta smos kyang ci dgos/ de nas byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das thog mar bsgrub par bgyi ba gang lags/ ci rig pa'i rgyal mo bsgrub par bgyi 'am/ 'on te dbang du bya ba la sogs pa bsgrub par bgyi 'am/ yang na ral gril

  134. 68a

    sogs pa bsgrub par bgyi/ bcom ldan 'das de'i phyir thog mar dngos grub gang sgrub pa bdag la bka' stsal du gsol/ de nas bcom ldan 'das de bzhin gshegs pa thams kyi bdag po rnam par snang mdzad chen pos/ byang chub sems dpa' chen po lag na rdo rje la legs so zhes gnang ba/ lag na rdo rje legs so legs so// de'i phyir rig pa'i rgyal mo thog mar bsgrub par bya ste/ gang gis sems can rnams la gsang ba ster bar 'gyur ro// de nas lag na rdo rjes/ bcom ldan 'das la 'di skad ces gsol to// bcom ldan 'das ji lta bu'i rnam pas lha mo de bsgrub par bgyi bka' stsal du gsol/ de nas bcom ldan 'das kyis/ lag na rdo rje la bka' stsal to// lag na rdo rje rnam pa gzhan las rnam pa gang bshad pa de khyod kyis bsgrub pa bzod par byos shig/ de nas lag na rdo rjes/ bcom ldan 'das la 'di skad ces gsol to// bcom ldan 'das rnam pa gzhan gang bdag gis bzod par bgyi/ de nas bcom ldan 'das kyis lag na rdo rje la 'di skad ces bka' stsal to/ / lag na rdo rje sems can kim pa ka'i 'bras bu lta bu dag yod de/ phyi rol gyi gzugs phun sum tshogs shing nang gi cha dri ma bro zhing bro ba nyams pa yongs su zhu nas 'chi ba la sogs par nus pa de lta bu'i sems can gang phyi rol gyi gsang ba bshad pa tsam gyis spro zhing nang du slar brtags pas dad pa dang mi ldan zhing / nyan thos kyi theg pa dag la rab tu gsal ba de dag la rgyud 'di bshad par mi bya'o//

  135. 68b

    lag na rdo rje de'i phyir lha mo thams cad kyi rang gi phyag rgya dang sngags rnams kyis mnyes pa'i sbyor bas de rnams bsgrub par bya'o// de nas byang chub sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das rnam pa gang gis mnyes pa'i gsang sngags shes par bgyi/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ lag na rdo rje la 'di skad ces bka' stsal pa/ lag na rdo rje 'di ni mnyes pa'i gsang sngags kyis ma yin te/ lag na rdo rje sbyor ba'i dbang gis de rnams bsgrub par bya'o// lag na rdo rje nyon cig/ rnam pa gang gis rig pa'i lha mo dang bcas pa'i lha rnams 'grub cing grub nas sangs rgyas nyid ster ba de khyod la go rims bzhin du bshad par bya'o// de nas byang chub sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das rnam pa ji lta bus ni lha mo de rnams kyis sangs rgyas nyid ster ba bka' stsal du gsol/ de nas bcom ldan 'das de bzhin gshegs pa thams cad kyi bdag pos/ lag na rdo rje la bka' stsal pa/ lag na rdo rje rnam pa gang gis lha mo de rnams 'grub pa dang / gsang ba'i de khon gang gis lha de rnams legs par 'grub par 'gyur ba ba gad par byas nyon cig/ de nas bcom ldan 'das rnam par snang mdzad chen pos/ lagan rdo rje la bka' stsal pa/ lagan rdo rje nyon cig// sngags

  136. 69a

    pa gang gis lha mo gang sgrub pa rig pa de des bsgrub par byaste/ rang gi phyag rgya dang sngags kyi sbyor bas lha mo de bkrag nas mdun du gzhag par bya'o// de nas bdag nyid mngon bshad pa rim pas rdo rje sems dpa'i sgrar bsgoms la/ rdo rje sems dpa'i sgra des lha mo de mnyes par bya'o// de nas mnyes te gdon mi za bar dngos grub gsol bar 'gyur ro// de nas byang chub sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das rnam pa gang gis mnyes par 'gyur/ de nas bcom ldan 'das rnam par snang mdzad chen pos/ lag na rdo rje la bka' stsal pa/ lag na rdo rje rdo rje sems dpa'i sku des lha mo de'i gsang ba'i b+ha gar nyid kyi rdo rjes bsten par bya'o// bsten pas bde ba nyid du 'gyur te/ de nas lha mo de dgyes te mchog gsol bar 'gyur ro// de ji ltar bud med rang nyid bdag po la dga' bar blta ba ltar de bzhin du lha mo de'ang gsang sngags 'dzin pa de la dga' ba'i dbang gang gis lta bar 'gyur ro/ / dga' ba'i dbang gis tshim par 'gyur ro// 'a bzhin du bud med gzhan bsten pas kyang mchog ster na lha mos lta smos kyang ci dgos/ lag na rdo rje dper na rdo rje rags pas bsnun pa'i bud med bdag po gzhan mi 'dod pa de bzhin du lha mo de'ang gsang bas bsnun pa na sngags pa gzhan 'dod pa ma yin no/ / de bzhin du gsang ba'i sbyor bas lha mo gang zhi ba'i tshul gyis zhi ba'i tshul 'grub par 'gyur ro// gang khro mo'i tshul gyis khro mo'i tshul 'grub par 'gyur ro// 'on

  137. 69b

    kyang khro bo rdo rje hUM mdzad kyi tshul bzung nas rdo rje stan d+ha ri la sogs pa'i lha mo sngags pas bsgrub par bya'o/ / 'jig rten dbang phyug gi tshul gyis sgrol ma la sogs pa bsgrub par bya'o// de nas la ka na rdo rjes bcom ldan 'das la gsol pa/ bcom ldan 'das de nas re zhig khro bo'i tshul ji ltar rnam par gzhag par bgyi/ de nas bcom ldan 'das rnam par snang mdzad chen pos/ lag na rdo rje la bka' stsal pa/ rdo rje hUM mdzad kyi sbyor ba de nyid kyis bcom ldan 'das ma rdo rje g+han d+ha ri zhes bya ba rig pa'i lha mo bsgrub par bya'o// de nas bcom ldan 'das rnam par snang mdzad chen pos de skad ces bka' stsal nas gcig tu 'dres par gyur te/ khams gsum rnam par rgyal ba'i ting nge 'dzin gyis rdo rje hUM mdzad de dang / rdo rje b+han d+ha ri lhan cig tu sems can gdug pa can thams cad gdul ba'i don du nges par phyung ngo // de nas rdo rje hUM mdzad lha mo de dang shin tu dga' ba'i mig gis blta zhing ched du brjod pa 'dis ched du brjod pa/ e ma khro bo thams cad kyis// rdo rje khro bo bla na med// mdzes ma 'di ni thob nas su// gdug pa thams cad gdul bar bya/ / de nas phyag na rdo rjes rdo rje hUM mdzad de la 'di skad ces smras so// legs so rdo rje hUM mdzad/ lha mo 'di thob nas sangs rgyas nyid byos shig/ de nas lag na rdo rjes bcom ldan 'das la 'di skad ces gsol to/ / bcom ldan 'das rnam pa gang gis lha mo 'di sgrub pa lags/ de nas bcom ldan 'das de bzhin gshegs pa thams cad kyi bdag po rnam par snang

  138. 70a

    mdzad chen pos lag na rdo rje la 'di skad ces bka' stsal to/ / lag na rdo rje nyon cig/ gang mnyes pas de rnams 'grub par 'gyur ba lha mo thams cad kyi sgrub pa'i thabs bshad par bya'o/ / de nas bcom ldan 'das kyis lag na rdo rje la bka' stsal pa/ lag na rdo rje nyon cig/ rdo rje glan d+ha ri 'di khro bo'i tshul gyis bsgrub par bya'o// lag na rdo rje sngags pa des rje hUM mdzad kyi tshul du gnas nas khams gsum rnam par rgyal ba'i phyag rgya bcings te/ rang gi lus byin gyis brlabs nas slar yang skyil krung byas la/ khams gsum rnam par rgyal ba'i sngags brjod par / bya'o// oM suM b+ha ni suM b+ha hUM hUM phaT/ gr-ih+Na gr-ih+Na hUM hUM phaT/ gr-ih+NA pa ya gr-ih+NA pa ya hUM hUM phaT/ oM A na ya hoHb+ha ga wAn bid+yA rA dza hUM hUM phaT/ ces lan gsum brjod la de nas bsgrub par bya'o// de nas lag na rdo rjes bcom ldan 'das la 'di skad ces gsol to// lha mo de yi snying po gang gis 'grub par 'gyur ba lags/ de nas bcom ldan 'das rnam par snang mdzad chen pos rdo rje chen po khro bo rje zhes bya ba'i ting nge 'dzin la snyoms par zhugs te/ de nas khams gsum dral ba'i ting nge 'dzin gyis rig pa bka' stsal pa/ gang gis lha la sogs pa'i gdon thams cad 'jigs shing sdug bsngal ba'i brgya byin gyis pha rol gnon pa lta bu'ang 'byer bar 'gyur ro/ / 'di bzlas pa tsam gyis skye bo thams cad dga' bar 'gyur ro// khro bo'i tshul gyis gdug pa thams cad 'joms par byed do// thams cad smod par

  139. 70b

    byed do/ / thams cad rengs par byed do// lag na rdo rje de'i phyir sngags pas tshul 'dis bzlas par bya/ bklag par bya'o// na ma sh+tsaN+Da badz+ra pA Na ye/ ma hA yak+Sha se nA pa ta ye/ na mo b+ha ka ba te badz+ra gan+d+ha ri/ a ne kA ra sI sha ta sa ha sra pra dzA la ti d+hiSh+Tha/ dzA yaM u ma b+hisA b+ha yA ni kA yaM/ yo gi n+ya/ b+hIs+sa b+ha gi n+ye/ kha Da mu ShA yai/ dA da sha ne tA yaM/ dA da sha b+hu dzA ye/ bi kIn+da ke shA ya~M a ne ka rU pi bi da bi shwa d+hA rid+b+h+yAM/ e h+ye hi b+ha ga wa ti ma hA badz+ra g+han+ta ri tra yA NA rat+na nAM/ sa t+ye na A kaD+D+h+ya A kaD+D+h+ya/ ba la de baM/ ma he shwa ra pra s+saH/ in+d+ra tsan+daM/ ya maM/ ba ru/ bA y+ra/ kra be ra/ d+h+waM ta rAn+ta/ bin+d+har+ha kaM/ bi r+yA pA k+ShaM/ shaM ku kaMH/ koH/ s+thu la kat+tAM/ ma hA kA laM/ nan dI ke sa ra/ b+ho ki ri ti/ nA yaH/ binA ya kaM/ bAny+tsiH ma ka/ lo tsakaM/ ShiSh+Ti/ di bi ko ta Ta gi ra koT/ au kA ri/ durbA/ ka tA ya ni/ tsaN+Da ka t+yA ya nI/ ma hA ka tA ya ni/ e Sha ni/ ne ri tAM/ kA li mo ma hA kA li/ b+ha dra kA li/ badz+ra kA tsut+ta kA li/ k+Shu tra kA li/ sha kaM/ sha li ka ba rti/ sha ta k+Shi/ in+da Ni pra ha maH/ kau ma nI me se shaH/ sud+da re/ ro dI/ tsa muHbA rA nI/ ko Ta rI/ ye tsas n+yes ma ye na ti A war+ha yi Sh+Tha mi shI hwA hraHoM la la la la/ hu lu hu lu/ tsu lu tsu lu/ mu lu mu lu/ d+ha ma hA ma/ raM ga ra~M ka/ raM gA pa ya ra~M gA pa ya/ pu ra pu ra/ pU ra ya pU ra ya/ A na ya swA

  140. 71a

    ma jig sa cig/ 'a be gA swA lA rA g+sa/ rnagal tes twa badz+ra gam d+hA ri oMt+ta / kha pA N+Din rU pa pa ta nA~M/ d+ha baH swAH/ lasan de'i phyir 'di bzlas pa tsam gyis dgug par mi nus pa'i ri bo la sogs pa rnams kyang 'gugs par byed do/ / de nas bcom ldan 'das kyis sgrub pa'i thabs kyi cho ga bka' stsal pa/ dkar po'i phyogs kyi tshes gcig nas brtsams te ji srid tshes brgyad kyi bar du stong phrag brgyad bzla'o/ / de nas 'grub par 'gyur ro// grub nas las thams cad byed do// gu gul mi bdugs pas bde pabar 'gugs par byed do/ / 'di dag thams cad phyi rol gyi lam la bshad do// gang zhig yang theg pa chen po glang po che'i phrag tu yang dag par zhon pa de rnams la nges pa gang zhig yod/ de nas rdo rje g+han d+ha ri'i sngags dang phyag rgyas bkug ste khams gsum rnam par rgyal ba bcings te gung mo phan tshun yongs su sbyar la/ mthe'u chung 'og tu bstan te nor bu'i rnam par byas pa'i phyag rgya 'di ni bcom ldan 'das kyi dam tshig sbyin pa'o/ / de nas rtsa ba'i phyag rgyar gyur pa ni/ rdo rje thal mo dam bcings nas// thal mo steng du dbye bar bya// gung mo dag ni rtse mor bya// ming med gdong ni legs par sbyar// @ bong gnyis po sbyar nas su/ / rtse mo'i steng du gzhag par bya// 'di ni bcom ldan rtsa ba'i rtsa// de nyid mthe bong skyil krung gdan gyi phyag rgya'o// de nyid yongs su btang ba'i sbyor bas btang ba'i phyag rgya'o//

  141. 71b

    de nas byang chub sems dpa' lag na rdo rjes bcom ldan 'das la 'di skad ces gsol to// bcom ldan 'das 'on kyang ji lta bu'i rnam pas sems can dbang du bgyid par 'gyur/ de nas bcom ldan 'das rnam par snang mdzad kyis/ lag na rdo rje la bka' stsal pa/ lag na rdo rje rdo rje hUM mdzad kyi ting nge 'dzin gyi sngags 'dis bcom ldan 'das ma bsgoms la brla gnyis su bzhag ste dam du 'khyung nas de'i rtsa ba'i gdong gi mchu sos bzung ste/ de'i b+ha gar rdo rje son par byas la/ de nas lha mo de 'di skad smra ste/ a ho su kha zhes de lta bu'i sbyor ba'i rnam pas lha mo de grub nas de nas las thams cad byed do/ / mar gyis btags pa'i tsan dan gyi shing gis sreg blugs byas na tshangs pa la sogs pa'i lha rnams dbang du 'gyur ro// gyur nas kyang ci bgyi bka' lung stsol cig ces smra bar 'gyur ro// mtshan gcig gis de dag thams cad byed do// de nas mi rnams dbang du bya bar 'dod pas lha mo de nyid ting nge 'dzin gyis yungs kar skya bo la cung zad cig byin gyis brlabs la/ des bram ze la bsnun pas/ de dbang du 'gyur ro// rgyal rigs la yang de nyid kyi che ga'o// de nyid kyi ting nge 'dzin gyis skyu ru ra la mngon par bsngags te/ rje'u rigs la byin na de dbang du 'gyur ro// de nyid kyi ting nge 'dzin gyis cung tog la mngon par bsngags te/ dmangs rigs la byin pas de dbang du 'gyur ro// 'di dag gi rim bzhin du rigs dang rjes su 'thun pa'i bud med rnams la byin pas kyang dbang du

  142. 72a

    'gyur ro/ / de nyid kyis dur khrod kyi thal ba la mngon par bsngags te/ gang gi khyim du bzhag pa de 'chi bar 'gyur ro// de nyid kyi ting nge 'dzin gyis drag po'i lta stangs kyis gang la bltas pa de 'chi bar 'gyur ro/ / khro bo'i lta stangs kyis gang la bltas pa de bskyod par 'gyur ro// lha thams cad dang / phyag na rdo rje la sogs pa'i byang chub sems dpa' rnams dang / nga lta bu'ang skyod par byed do// de nas byang chub sems dpa' chen po lag na rdo rjes bcom ldan 'das la 'di skad ces gsol to// bcom ldan 'das sbyor ba'i rgyal po chen po 'dis 'di ltar sangs rgyas rnams kyang spyong lags na gzhan lta smos kyang ci 'tshal/ de nas bcom ldan 'das kyis/ lag na rdo rje la bka' stsal pa/ lag na rdo rje theg pa chen po'i tshul 'dis gang cung zang bsgrubs pa de thams cad gdon mi la bar 'grub par 'gyur ro/ / de nas byang chub sems dpa' chen po lag na rdo rjes/ bcom ldan 'das la gsol pa/ bcom ldan 'das bzlas brjod kyi rim pa de gang gis so bras brgyad bzlas pas 'grub pa 'gyur ba lags/ bcom ldan 'das rnam par snang sa dang chen pos/ lagan rdo rje la bka' stsal pa/ lag tsa rdo rje na thos kyi theg pa rnams kyis bzlas pa'i thangs dang nyi ma'i grangs bshad pa yin te/ nyan thos kyi theg pa la dad pas rjes su 'brang ba de rnams kyis skye ba du mar sangs rgyas nyid thob par mi 'gyur te/ gal te rnams kyis grub kyang che 'dir rgyam

  143. 72b

    po'i longs spyod la sogs pa thob par 'gyur ro/ / gang dag theg pa chen po'i shing rta la yang dag par zhon pa de rnams kyis nyin gcig tsam gyis kyang 'di ltar sangs rgyas nyid kyang thob par 'gyur na nyi ma mang pos dngos grub gzhan lta smos kyang ci dgos/ lag na rdo rje shing rta la sogs pa'i theg pa glang po che dang / rta mchog dang ldan pa la ni nam du'ang chud zos pa med par mngon par 'ded pa'i yul du phyin pa de bzhin du theg pa chen po yang dag pa'i rjes su gdams pa dang legs par ldan pa gang du'ang mi gnas par 'gro bas ni rnam par snang mdzad nyid dam/ rdo rje 'dzin pa 'am/ gzhan nyid du phyin par rig par bya'o/ / lag na rdo rje de'i phyir theg pa chen po'i tshul la gnas pa la ni rnam par rtog pa cung zad dang mi ldan par 'gyur ro// des na chos thams cad rnam par mi rtog par yongs su gzung bar bya'o/ / de'i phyir lag na rdo rje byang chub sems dpa' sems dpa' chen pos lha mo thams cad kyi bdag po rang yin no// zhes bsgoms pas bsgom par bya'o// lag na rdo rje de bzhin du lha mo thams cad kyi rdo rje bsgoms pa'i khyad par gang gis las thams cad byas te sangs rgyas nyid sgrub par byed pa slar yang bshad par bya'o/ / lag na rdo rje nyon cig/ khro ba dang ldan pa'i sngags pa cung zad tsam byed pa na tshul 'dis bcom ldan 'das ma rdo rje g+han d+ha ri'i b+ha gar zhugs te/ phra mo'i sbyor bas rtsa brgyad gcig tu byas te/ rtsa gcig las 'dzag pa dang ldan par rnam par bsam par bya'o//

  144. 73a

    sngags pas gal te dbang du bya bar 'dod na des kha dog dmar por rnam par bsam mo// zhu ba dmar po de las bdag nyid rdo rje hUM mdzad kyi gzugs su rnam par bsam par bya'o// rdo rje hUM mdzad kyi gzugs des sems can thams cad dbang du byed do// thogs pa med par 'gro bar 'gyur ro// gal te gsod par 'dod na de nas de'i rtsa kha dog nag po sol ba'i rnam pa lta bur bsams la/ de'i zhu ba dmar po las bdag nyid rdo rje hUM mdzad kyi gzugs su sngags pas bsgom par byas te/ rdo rje mdzad kyis de las rdo rje dang / de las rtse gsum dang / de las ral gri dang / de las zhags pa dang / de las lcags kyu dang / de las mda' dang / de las mdung thung rnams kyis gang gsod par 'dod pa de gsad par bya'o// bskrad pa la'ang 'di nyid kyis bya'o/ / gal te sangs rgyas nyid sgrub par 'dod na rtsa de dag kha dog dkar por bsams la/ de'i zhu ba 'o ma dang mtshungs pa las bdag nyid rdo rje hUM mdzad kyi gzugs su bsgoms te/ de nas sangs rgyas nyid dam/ rnam par snang mdzad nyid dam/ rdo rje 'dzin pa nyid bsgrub par bya'o// yang na bcom ldan 'das rnam par snang mdzad gang yin pa de nyid sangs rgyas yin la/ rdo rje sems dpa' gang yin pa de nyid sangs rgyas yin pas/ de'i phyir lag na rdo rje gcig nyid bzlas pas las thams cad byed par 'gyur ro// rim pa 'di nyid kyis ri bo'ang rnam par snyil bar byed cing ji srid sa phyogs

  145. 73b

    kyang 'byed par byed do/ / rim pa 'di nyid kyis lha'i skur bskyed pas las thams cad byed do// yang na gsang ba'i lha'i skur bdag nyid bskyed na slob dpon des sangs rgyas nyid thob par 'gyur te/ de'i phyir slob dpon zhes brjod do// de gang gi tshe nyan thos kyi tshul gyi rjes su gdams pa la sogs pa ster na de'i tshe de slob dpon ma yin zhing dgra nyid du rig par bya'o// de nas gsang ba nyid ster na de bcom ldan 'das rdo rje sems dpa' ji lta ba bzhin du rig par bya'o/ / de gtam 'ba' zhig tsam smra na'ang de'i mdun du 'khod de/ 'di ltar rkang pa dag la phyag 'tshal te thal mo sbyar la mnyan par bya'o// mnyan pa tsam nas slob ma des nyan thos kyi theg pa can rnams kyi nang du 'khod par mi bya/ gnas par mi bya ste/ de ci'i phyir zhe na/ 'di ltar dad pas rjes su 'brang ba de la theg pa chen po sun 'byin pa'i phyir ro/ / de nas lag na rdo rjes bcom ldan 'das la 'di skad ces gsol to// bdag nyan thos kyi theg pa can gyi nang du gnas par mi bgyi la/ gal te gnas na'ang theg pa chen po'i tshul 'dis lags kyis phyi rol gyi tshul gyis ma lags so/ / de nas yang lag na rdo rjes bcom ldan 'das la 'di skad ces gsol to// bcom ldan 'das gang la la theg pa chen po'i gtam tsam bgyid pa de la'ang bdag phyag 'tshal lags so/ / rjed par bgyid do// bla mar bgyid do// mchod par bgyi'o// bcom ldan 'das de'i phyir 'di chos smra ba lags kyis/ gzhan ni chos smra ba ma

  146. 74a

    lags shing log par smra ba lags so/ / de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ lag na rdo rje la bka' stsal pa/ lag na rdo rje de'i phyir skyes bu chen po gang rgyud 'di thos nas 'dzin na de nga dang 'dra ba 'am khyod dang 'dra bar shes par bya zhing / nga'i snying la gnas nas des mnyan par de ltar rig par bya ste/ de'i phyir lag na rdo rje ngas kyang de la phyag 'tshal lo/ / de nas lag na rdo rje 'di ni chos smra ba yin gyi/ gzhan ni chos smra ba ma yin no// lag na rdo rje de'i phyir theg pa chen po'i slob dpon bshad pa'i tshul khyad par du 'phags pa 'am/ brjod pa tsam khyad par du 'phags pa dang mi ldan yang gang la lar 'ga' zhig gis 'gal bar yid kyis sems na'ang de rab tu myos par 'gyur ro// de nas byang chub sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das bdag gis kyang rdo rje kun nas 'bar zhing me lce gcig tu gyur pa 'dis de'i rigs rgyud dang bcas pa bsreg par bgyi/ dngos grub thams cad bsreg par bgyi'o// de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ lag na rdo rje la bka' stsal pa/ lag na rdorje des lha mo sgrol ma'i phyag rgya bcings te spyan drangs la mdun du bzhag ste/ de nas sngags pas b+ha gar zhugs he lus dang rtsa gcig tu byas nas 'o ma'i mdog tu bsams te/ de las 'jig rten dbang phyug

  147. 74b

    gzugs su bskyed do/ / yang lha mo sgrol ma sbyor ba 'dis 'jig rten dbang phyug gi ting nge 'dzin gyis bsten par bya'o// de nas lha mo dgyes nas mchog gsol bar 'gyur ro// de nas lha mo de rmi lam du 'ongs te 'byung nas rgyan thams cad kyis brgyan cing yid du 'ong ba rol cing dgod la rnam par blta ba mthong ste/ de nas des smras pa/ khyod kyis bde ba 'di zung la des sangs rgyas nyid du byos shig/ de nas zla ba drug na 'grub par shes par bya'o/ / yang na bud med gzhan mthong na'ang lha mo de nyid mthong ba yin par shes par bya'o// de lta na skye ba 'dir 'grub par 'gyur ro// de nas gsang ba shes par 'dod na des 'jig rten dbang phyug gi ting nge 'dzin gyis 'jig rten dbang phyug gi gzugs su byas te/ lag pa gnyis brkyang la lag pa g.yas ha'i yi ge las zla ba'i dkyil 'khor du sgom zhing / g.yon pa a'i yi ge las zla ba'i dkyil 'khor/ mdun du 'phags pa spyan ras gzigs dbang phyug gi sku bsams la/ de'i 'od zer gyis sngags pa bdag nyid bsam par bya'o// de nas gal te lag pa gnyis steng du bkrol na dge bar shes par bya'o/ / gal te 'og tu gnas na dge ba'ang ma yin/ mi dge ba'ang ma yin par shes par bya'o// gal te rgyab tu son par gyur na mi dge bar shes par bya'o// de nas bcom ldan 'das lha mo srul byed ma sgrub par 'dod na des de'i b+ha ga'i dbus su phyag na rdo rje'i skur bdag nyid bsgoms te/ de'i rtsa dang zhu ba'i sbyor ba dkar po las bdag nyid rdo rje sems dpa'i skur bskyed de lha mo de bsten pa

  148. 75a

    sbyor ba'i phyag rgya dang sngags kyis bsten par bya'o/ / de nas de'i kha dog gi dbye bas las byed de/ rgyas pa la kha dog ser po/ zhi ba la kha dog dkar po/ dbang la kha deg dmar po/ mngon spyod la kha dog nag po'o// 'di ltar bsgoms na go rims su las rnams byed do// 'di dag gi nang nas gang la la'i gzugs su lha mo de de'i rmi lam du 'khyud pa la sogs pa byed na nyi ma gcig kho na la 'grub par shes par bya'o/ / yang na lha mo de bud med gzhan gyi gzugs su ston par byed na/ de nas skye ba 'dir 'grub par shes par bya'o// de nas khro gnyer can sgrub par 'dod na des don yod pa'i zhags pa'i ting nge 'dzin gyis de'i b+ha ga'i dbus kyi rtsa'i gdong du sngags pa bdag nyid don yod zhags pa'i gzugs su bsgoms te/ de nas don yod zhags pa'i tshul gyis de'i pad+ma dang rdo rje'i sbyor bas lha mo de ji srid gtsug tor bde ba'i bar du bsten par bya'o/ / de nas mnyes te mchog gsol bar 'gyur ro// rdo rje dang pad+ma'i rim pa'i de nyid kyis gang 'dod pa de bsgrub par bya'o// de nas lag na rdo rjes bcom ldan 'das la 'di skad ces gsol to/ / rdo rje dang pad+ma'i sbyor ba gang lags/ bcom ldan 'das kyis bka' stsal pa/ rdo rje zhu ba zhes bshad pa/ ji ltar rdo rje 'bidra par byed pa ltar zhu ba'ang 'bogs par byed pa'o/ / pad+ma'i sbyor ba ni pad+ma'i ye shes ni de kho na nyid kyi ye shes so// ji ltar pad+ma kha bye ba nyid na skye bo thams cad kyi dga' bar 'gyur ba bzhin du b+ha ga'i

  149. 75b

    pad+ma'ang de bzhin no/ / yang na 'di ltar pad+ma 'das las skyes kyang 'dam des mgos pa de bzhin du b+ha ga 'di las skyes pa'ang sdig pa'i skyon gyis ma gos pa'i tshul 'dis pad+ma zhes bshad do// des na rdo rje dang pad+ma'i sbyor bas gzhal du med pa bye ba phrag brgya stong bgrang ba las 'das pa'i sangs rgyas nyid du 'gyur te/ rgyu des na slob dpon 'di sangs rgyas nyid du bshad do// yang na sngags pa 'ga' zhig bdag nyid b+ha ga'i dbus su sgom par mi nus na 'on kyang rtsa de rnams 'dzag pa dang ldan pa'i dmar po dang / dkar po dang / ser po dang / sngon po'i rnam par bsams pas/ de nas las thams cad kyi dngos grub ji ltar rigs par thob par 'gyur ro/ / yang na de'ang ma nus na 'on kyang rang gi tshul kho na'i rig pas bud med de rnams rang gi lha mo'i gzugs su bsams te/ bud med de dag gi zhu ba btung zhing 'thung ngu bcug pas de nas nges par sangs rgyas nyid byed par 'gyur ro/ / lag na rdo rje de'i phyir gsang ba'i sbyor ba dor nas gzhan pas sangs rgyas nyid ma yin no// lag na rdo rje de'i phyir rang gi ting nge 'dzin gyis tshul 'di nyid kyi sbyor bas rig pa'i lha mo thams cad kyang bsgrub par bya ste 'di la the tsom mi bya'o/ / yang na lag na rdo rje gal te rang gi bzang mo ma rnyed na gzhan gyi'ang mtha' gcig tu bzang ste zhu ba btung ba la sogs pa bya ste/ de nas de 'grub par 'gyur ro// yang na yul gyi gzugs 'tshong ma la bdag gis tshul 'dis bsten par bya'o// gal te de'ang

  150. 76a

    ma rnyed na de nas rang snying kha'i rig pa'i lha mo bsams te bsten pas/ gal te de bsams pa na sngags pa de'i zhu ba red par gyur na de nas dngos grub 'thob par shes par bya'o/ / gal te zhu ba brtan par gyur pa na'ang skyes bu des grub par shes par bya'o// brjod pa 'di phyi rol gyi tshul can la bshad par mi bya ste cher byol bar 'gyur ro// mchog tu gsang ba'i mdzod rtog pa'i rgyal po chen po las/ lha mo'i rgyud kyi cho ga rgyas pa yongs su rdzogs so// // de nas bcom ldan 'das rnam par snang mdzad chen pos de bzhin gshegs pa thams cad kyi bdag po/ de bzhin gshegs pa thams cad kyi yab/ de bzhin gshegs pa thams cad kyis bsten pa/ re ba thams cad yongs su rdzogs par byed pa/ sems can thams cad la phan pa rjes su mdzad pa/ de bzhin gshegs pa thams cad kyi mdzad pa chen po des phyogs bcu na rnam par bzhugs pa'i de bzhin gshegs pa thams cad kyi thugs kar bcug cing bcug nas gcig tu gyur te/ 'jig rten gsum las rnam par rgyal ba zhes bya ba'i dkyil 'khor bka' stsal pa/ de'i dkyil 'khor gru bzhi pa/ sgo bzhi pa/ ka ba brgyad kyis nye bar spras pa/ dra ba dang dra ba phyed pas mdzes pa/ zla ba dang zla ba phyed pas brgyan pa/ dar gyi ba dan dang / me tog gi chun pos nye bar spyad pa/ sgo bzhir dkyil 'khor bzhi dang ldan pa/ gser

  151. 76b

    la sogs pa'i phye ma'i rdul tshon gyis mdzes pa/ phyi rol gyi cha sgo bzhi pa la de nyid kyi rnam pas brgyan pa'i dkyil 'khor bri bar bya'o// de'i dbus su mi bskyod pa la sogs pa rnam par gzhag pa bya'o/ / dkyil 'khor bzhi po rnams su de bzhin gshegs pa rnams dang sgo bzhir sgo skyong ba rnams legs par gzhag par bya'o// rig pa'i lha mo de dag dkyil 'khor gyi slar yongs su gzhag par bya'o/ / phyi rol gyi dkyil 'khor du byang chub sems dpa' bcu drug dang / phyi'i dkyil 'khor gyi mtshams su rdo rje me tog ma la sogs pa gzhag par bya'o// de nas byang chub sems dpa' chen/ po lag na rdo rjes bcom ldan 'das kyi spyan sngar zla ba'i dkyil 'khor la rten par gyur pas/ bcom ldan 'das la gsol ba btab pa/ bcom ldan 'das 'jig rten gsum las rnam par rgyal ba zhes grags lags na/ ci'i phyir 'jig rten gsum zhes bgyi/ de nas yang bcom ldan 'das de bzhin gshegs pa thams cad kyi bdag pos/ lag na rdo rje la 'di skad ces bka' stsal to/ / lag na rdo rje 'jig rten gsum zhes bya ba ni mtho ris dang / mi yul dang / rkang 'og na gnas pa rnams su brjod do// 'di rnams kyi nang na gdug pa can gyi sems can gang la la dag sangs rgyas dang / chos dang / dge 'dun la skyabs su mi 'gro ba de rnams 'dul zhing rnam par rgyal bas/ de'i don du dkyil 'khor te/ de'ang ming tsam kho na ma yin no// de nas lag

  152. 77a

    na rdo rjes bcom ldan 'das la 'di skad ces gsol to/ / bcom ldan 'das rnam pa ji lta bus de rnams rnam par dul bar 'gyur/ de nas bcom ldan 'das rnam par snang mdzad chen pos de bzhin gshegs pa de rnams thams cad dang / sgo skyong ba dang / lha mo rnams dang / phyi'i dkyil 'khor gyi nang na rnam par gnas pa rnams nyid kyi thugs kar bcug ste/ bcug nas kyang gcig tu mdzad nas zla ba'i dkyil 'khor gyi steng du bzhugs te/ sangs rgyas lnga'i cod pan gyi rnam pa dang / rgyan thams cad kyis brgyan pa dang / bde ba dang yid bde ba thams cad rjes su myong ba'i don dang / nyon mongs pa thams cad sbyang ba'i don du zla ba'i dkyil 'khor gyi steng du gnas pa'i zla ba'i dkyil 'khor yongs su dri ma med cing sa'i phyogs mtha' dag khyab par brjod do/ / de nas yang byang chub sems dpa' chen po lag na rdo rjes bcom ldan 'das la 'di skad ces gsol to// bcom ldan 'das zla ba'i dkyil 'khor 'di sus sprul pa'ang bgyis pa lags/ de nas bcom ldan 'das kyis/ lag na rdo rje la bka' stsal pa/ lag na rdo rje nyon cig/ sus kyang ma byas shing sus kyang ma sprul pa'o// lag na rdo rje dang po re zhig sems so sor rtogs par bya ste/ stong pa nyid tshul du sgom pa'i don to// de nas a'i yi ge las nam mkha' dang mtshungs pa'i zla ba'i dkyil 'khor bsam par bya'o// ji ltar nam mkha' rtag pa'i tshul du gnas

  153. 77b

    pa de bzhin du zla ba'i dkyil 'khor 'di'ang yin no/ / de la a la sogs pa'i dbyangs kyi yi ge med pa'i tshul du rnam par gzhag go// yang ka la sogs pa'i yi ge bdud rtsi'i tshul du rnam par bzhag go// de dag thams cad yongs su gyur pa las nam mkha'i tshul du blta bar bya'o// de nas sems so sor rtogs par 'gyur ro// de nas yang bcom ldan 'das kyis/ byang chub zla ba gnyis pa lag na rdo rje la bka' stsal pa/ lag na rdo rje byang chub zla ba gnyis pa shin tu dri ma med cing rnam par rtog pa thams cad 'phrog pa ste/ rnam par rtog pa ma lus pa 'phrog par byed pas na rnam par rtog pa thams cad 'phrog pa ste phul du byung zhing bla na med pa'i don to/ / lag na rdo rje de'i phyir byang chub zla ba zhes bka' stsal to// gang zhig thob pas sems can thams cad bla na med pa yang dag par rdzogs pa'i sangs rgyas su gyur pa'o/ / zla ba de ka la sogs pa'i yi ge sangs rgyas kyi yon tan dang ldan pa'o// de nas byang chub sems dpa' chen po lag na rdo rjes bcom ldan 'das la 'di skad ces gsol to// bcom ldan 'das yi ge rnams kyi rang bzhin gang lags/ ji lta bu'i rnam pas sangs rgyas kyi yon tan rnams dang ldan pa lags/ de nas bcom ldan 'das rnam par snang mdzad chen pos/ lag na rdo rje la bka' stsal pa/ lag na rdo rje nyon cig/ ka la sogs pa'i yi ge 'di rnams gang las byung ba dang / ji lta bu'i rang bzhin dang / gang gis sprul pa nyon cig// ka sgrogs pa zhes bya ba'i

  154. 78a

    'jig rten gyi khams nas de 'ongs te sangs rgyas kyi yon tan blta ba ste/ de dag thams cad rnam par snang mdzad kyi rang bzhin de bzhin gshegs pa'i sku ste/ nam mkha' dang mnyam pa'i sku zhes bya ba'i don to/ / mi phyed pa'i rang bzhin dang / dngas pa'i rang bzhin zla ba'i dkyil 'khor gyi gzugs kyis gdugs su gyur pa/ sa phyogs mtha' dag khyab pa/ skye ba dang / rga ba dang / na ba dang / 'chi ba dang / sdug bsngal ba dang / yid mi bde ba dang / gdung ba la sogs pa 'gog par byed pa/ bdud rtsi'i rang bzhin 'dzag pa/ 'jig rten gsum gyi rnam par rtog pa 'phrog pa/ de la gnas shing tra Ta ma Ta'i rang bzhin te 'phro med ldan pa zhes bya ba'i don to// Tha'i yi ge dang ldan pa'i sbyor ba mang po'i don to// Ta'i yi ge dang ldan pas ri bo'i tshogs dang / Na'i yi ge dang ldan pas shin tu 'jam pa can skar ma la sogs pa'i gzugs kyis de la 'jug ste/ ji ltar skar ma dri ma med cing 'od dang ldan pa de bzhin du de'ang sangs rgyas kyi yon tan dri ma med pa zhes bya ba'i don to/ / sbyin pa dang tshul khrims dang ldan pa 'dzin pa'i rang bzhin te/ ji ltar sa 'dzin pa'i ri bos rnams 'dzin pa de bzhin du des kyang sems can rnams 'dzin pa'o// sems can med pa rnams kyi sdig pa'i grogs po dang ldan pa gzhom pa'i don gyi yum rnams kyis/ bcom ldan 'das de bzhin gshegs pa thams cad kyi bdag po la gsang ba bskul ba 'dis

  155. 78b

    bstod pa/ legs so dpal mchog rdo rje mchog/ sangs rgyas kun gyi yab chen po// legs pa'i rnal 'byor sbyor ba'i mchog/ legs pa'i mchog rab bstod phyag 'tshal// legs pa'i sngags mchog phyag rgya mchog/ ye shes mchog rab rab kyi mchog/ legs pa'i las chen grags pa'i mchog/ rdo rje mchog rab bstod phyag 'tshal// legs pa'i rin chen mchog chos mchog/ snying po rig sngags dam tshig mchog/ rdo rje ye shes gsal ba'i mchog/ dkyil 'khor mchog rab bstod phyag 'tshal// ye shes rnam dag kun gyi mchog/ stong nyid mchog la mnyam par gzhag/ brtson 'grus legs mchog sems dpa'i mchog/ shes rab rab mchog bstod phyag 'tshal// ye shes kyi ni yum rnams kyi// snying po bcom ldan 'das kyis gsungs/ / phyag rgya sngags dang rig pa dang // sdom dang dam tshig chen po dang // de nas bcom ldan 'das kyis rnal 'byor chen po gsang ba'i rgyan gyi dkyil 'khor zab mo'i chos yum rnams kyi dbyangs kyi dkyil 'khor bka' stsal pa/ snying po'i phyag rgya sngags rig rnams// tha snyad tsam du rnam par gnas// de las byung ba'i sngags bdag gis// dbye ba bzhin du brtag par bya// snying po phyag rgya sngags rig rnams// gzhan du tha snyad mthong ma yin// rigs pa 'ang ni tshor ba'i rnam pa yi// mtshan nyid du ni shes par bshad// gsal byed kyis ni legs gsal gnas//

  156. 79a

    snying po tha snyad tsam du bshad// yum rnams kun gyi shes bya ba// go rims ji lta ba bzhin du// dkyil 'khor gyi ni 'khor lor gzhag/ shes rab sa bon dbyangs yig bzhi// rtsibs la yum gyi sa bon no// yab kyi sa bon 'dab ma la// lhag ma phyi rol shes par bya// dpyod pa lte ba ru bshad do// de nas spyan drangs de nyid kyis// chos kyi dbyings ni brjod par bya/ dkyil 'khor snga ma bzhin bris la// slob dpon cho ga rig pa yis// de tshe ji lta'i chas zhugs te// dkyil 'khor dam par 'jug par bya// chos kyi rang bzhin ngag brjod de// 'gro ba 'di ni tha snyad tsam/ / chos kyi de nyid rjes dran pas// me tog snyim pas dor bar bya// de nas rang nyid dbang bskur te// rang nyid kyang ni tha snyad tsam// chos rnams kun gyi dbang phyug rgyal// dam pa'i dbang phyug 'grub par 'gyur/ / 'jig rten 'jig rten 'das pa yi// gsang sngags thams cad 'grub par 'gyur// sngags pa zhugs pa tsam gyis te// dbang bskur bas ni smos ci dgos// 'di 'a kyi ni sbyor ba yis/ / slob ma'i dam pa gzhug par bya// chos kyi de nyid bshad nas su// dkar po'i ras kyis gdong g.yogs te// de bzhin me tog dor bar bya// chos dbyings kyis ni bdag gis bo zhes/ / de ni dam tshig nyan du gzhug/ dam tshig shes pa'i slob ma ni// ma gtogs gzhan ni su la yang // khyod kyis ma mo bsgrags mi bya// gal te rmongs pas bsgrags spros pa/

  157. 79b

    dam pa rnams la phan gdags pa la sogs pa'i sbyor bas phan pa dang / theg pa chen po'i tshul gyis sems can thams cad kyi re ba thams cad rdzogs par byed do// gsang ba'i mchod pa thams dang ldan pas bla na med pa yang dag par rdzogs pa'i byang chub ster bar byed do/ / sems can thams cad kyi chags pa'i ngang tshul sgeg pa'i ro dang yang dag par ldan pa skyes pa dang bud med la sogs pa dbang du byed pa'i rang bzhin dang / dngos grub thams cad byed pa dung gi sgra dang ldan pas 'jig rten gsum gyi sgra'i 'dren pas sems can thams cad la phan pa rjes su mdzad pa hA hA'i rnam pa'i gang rgyangs dang ldan pa'i snying rje can bdud rtsi'i rgyun gyi yi ge'i sbyor bas/ bud med dang skyes pa rnams kyi bde ba'i mchog ster bar mdzad pa'o// lag na rdo rje 'dir byang chub sems dpa' sems dpa' chen po theg pa chen po dang rab tu ldan pa rnams kyis de dag thams cad bsgom par bya'o/ / de nas byang chub sems dpa' chen po lag na rdo rjes bcom ldan 'das kyi spyan sngar zla ba'i dkyil 'khor la brten par gyur pas/ bcom ldan 'das la 'di skad ces gsol to// bcom ldan 'das rnam pa gang gis sems can gang gdug pa'i sems dang ldan pa de rnams 'dul bar 'gyur ba lags/ de nas bcom ldan 'das rnam par snang mdzad chen pos rdo rje sems dpa'i dam tshig 'byung ba byin gyis rlob pa zhes bya ba'i ting nge 'dzin la snyoms par zhugs te/ rdo rje sems dpa' sku sems pa dang bcas

  158. 80a

    shing dkar ba/ rgyan thams cad kyis brgyan pa/ 'bar ba'i 'od zer gyi rnam pan+dan/ rdo rje gsor bar mdzad pa/ re ba thams cad yongs su spong ba/ rdorje sems dpa' nyid nges par ster ba po nges par phyung ngo / / rdo rje sems dpa'i sku des ri rab ri la gnas pa'i lha thams cad rdo rje lcags kyus bkug ste/ rdo rje zhags pas bcings nas/ rje 'bebs pas bcug ste/ rdo rje dril bus tshim par mdzad do// sgrub par mdzad do// dzaHhUM baM ho/ lag na rdo rje phyi nas lha rnams kyis gdug pa'i sems can rnams bsgrub par bya'o// de nas sems can de rnams theg pa chen po'i tshul gyi shing rta la yang dag par zhon pa dang / dkyil 'khor dang / dam tshig gi sbyor ba dang yang dag par ldan pa dang / dkyil 'khor chen po mthong ba tsam gyis dam tshig thams cad shes par 'gyur ro/ / de nas lag na rdo rjes/ bcom ldan 'das la 'di skad ces gsol to// bcom ldan 'das de lta na'ang rnam pa ji lta bus gdug pa can gyi sems can 'jug par bgyi/ de nas rnam par snang mdzad chen po de bzhin gshegs pa thams cad kyi bdag pos/ lag na rdo rje la bka' stsal pa/ nyon cig lagar rdo rje rdo rje hUM mdzad kyi tshul gyi tshul de nyid kyis sems can de rnams bkug ste gzhug par bya'o/ / de nas byang chub sems dpa' chen po lag na rdo rjes tshul de nyid kyis rdo rje hUM mdzad kyi gzugs 'dzin par gyur to// de

  159. 80b

    nas rdo rje hUM mdzad cher gtum zhing khro ba gnod sbyin gyi bdag po chen po mchu dang mche ba rnam par gtsigs shing zhal bzhi pa/ khro bo chen po'i sgra 'jig rten gsum po mtha' dga' bar ba'i 'od kyi rnam pa can/ rdo rje 'od kyi 'phreng ba du ma las rdo rje hUM mdzad kyi sku du ma phyung ba/ snang ba chen po dang ldan pa rdo rje 'bar ba chen po'i mtshon cha car byung ste 'di lta bus sku 'dzin pas/ bcom ldan 'das rnam par snang mdzad chen po'i spyan sngar zla ba'i dkyil 'khor la brten par gyur pas bkas gnang bar gsol pa/ bdag gis ci bgyi ba bkas gnang du gsol/ de nas bcom ldan 'das rnam par snang mdzad chen pos rdo rje hUM mdzad la bka' stsal pa/ gdug pa can gyi sems can 'di rnams khug la chug cig/ de nas byang chub sems dpa' chen po rdo rje hUM mdzad kyis bcom ldan 'das kyi bka' nye bar thos nas mi yul dang / bar snang dang / rkang 'og na gnas pa'i lha rnams dang / mkha' 'gro ma la sogs pa rnams dang / gza' thams cad de'i skad cig tsam la bkug nas/ kye grogs po dag kho bo'i dkyil 'khor du zhugs shig/ kho bo'i bka' stsal pa nyon cig/ de nas sems can phra mo de dag zhugs te/ bcom ldan 'das bdag cag gis bka' lung ji ltar bgyi/ de nas byang chub sems dpa' chen po phyag na rdo rjes/ de rnams la 'di skad ces bka' stsal to// srog chags gsod pa la sogs pa'i mi dge ba rnams ma byed cig/

  160. 81a

    sangs rgyas dang / chos dang / dge 'dun la skyabs su song zhig/ bcom ldan 'das bdag cag gis de ltar bgyi'o zhes gsol te phyir byung ngo // de nas lha la sogs pa de dag phan tshun mgrin gcig tu 'di skad ces smras te/ 'u bu cag dkyil 'khor 'dir 'jug pa 'di ko su zhig/ de nas lag na rdo rje rdo rje hUM mdzad des sems can de rnams la bka' bsgo ba/ kye gdug pa can gyi sems can dag kho bo'i bka' bzhin byos shig/ kho bo'i rkang pa la gtugs la/ kho bo'i dkyil 'khor du zhugs shig/ de nas lha la sogs pa de rnams de'i bka' nye bar thos nas 'di skad ces smra'o/ / khyod kyi ming ci/ ci'i phyir kho bo cag gis khyod kyi ngag mnyan par bya/ de nas khro bo chen po rdo rje hUM mdzad kyi byang chub sems dpa' chen po des/ rdo rje 'bar ba des lha la sogs pa de rnams lhan cig khros te rtsod pa chen po byas pas de dag thams cad 'gyel bar gyur to// de nas gdug pa can gyi sems can de rnams brgyal bar gyur te/ slar yang lag pas thal mo sbyar te/ byang chub sems dpa' chen po de la gsol ba/ bcom ldan 'das kyis ji ltar bka' stsal pa de ltar bdag cag gis bgyi'o// de nas byang chub sems dpa' chen po lag na rdo rjes lha la sogs pa de dag dkyil 'khor du bcug ste bstan to/ / dkyil 'khor mthong nas rnam par snang mdzad chen po'i zhabs gnyis la gtugs te rgyang du gnas nas

  161. 81b

    'di mnyam du sems kyis bsams pa/ bcom ldan 'das 'di ni 'di ltar bdag nyid che ba 'di lta bu'i bran yang stobs dang ldan pa'o// e ma'o chos kyi bdag nyid chen po gang gis bran gyi ngag tsam gyis kyang / lha la sogs pa 'di dag brgyal bar gyur te snyam du sems so// de nas rdo rje hUM mdzad kyis de dag thams cad la skyabs gsum dang / sdom pa dang / bslab pa byin te/ rdo rje'i chus gtor nas rdo rje spyi bor bzhag nas 'di skad ces bka' stsal to/ / kye lha dag chos 'di las 'da' bar ma byed cig/ de nas lha la sogs pa de rnams kyis/ phyag na rdo rje la 'di skad ces gsol to/ / phyag na rdo rje gang yang 'ga' zhig theg pa chen po la smod par 'gyur ba de'i srog bdag cag gis blang bar bgyi'o// gang dag theg pa chen po la gnas pa de'i gnas su ring du gnas te sgo bzhi dang / phyogs bcur yongs su bskyab pa la sogs pa bgyi lags so// de nas byang chub sems dpa' chen po phyag na rdo rjes bcom ldan 'das kyi spyan sngar zla ba'i dkyil 'khor la brten te/ bcom ldan 'das la 'di skad ces gsol to// bcom ldan 'das sems dpa' chen po lta bu nam mkha'i mthongs na nam mkha' ltar sngo ba/ lag na rtse gsum 'dzin pa/ tshad nam mkha'i khams thams cad dang mtshungs par khyab pa'i ral pa'i thor tshugs 'chang ba/ tshogs dmas yongs su bskor ba/ zla ba phyed pa 'dzin pa/ cung zad dgod pa'i rang bzhin can/ sems pa dang

  162. 82a

    pas 'jam par gnas pa 'di su zhig lags/ de nas bcom ldan 'das rnam par snang mdzad chen pos/ lag na rdo rje la bka' stsal pa/ lag na rdo rje 'di ni lha chen po zhes brjod pa snyems pa'o/ / nga 'jig rten gsum po thams cad kyi bdag po'o// gzhan gang yin pa 'gugs par byed pa'o zhes 'di lta bu'i snyoms pa'i rnam par 'phrul pa chen pos gnas pa'o/ / lag na rdo rjes gsol pa/ bcom ldan 'das gdug pa 'di ci 'jig rten gsum gyi bdag po nyid kyis gnas lags sam/ lag na rdo rje de de bzhin no// de nas byang chub sems dpa' lag na rdo rje khro ba dang bcas pa'i gdong pas rdo rje hUM mdzad kyi sku nyi ma bye ba stong phrag bcu gnyis kyi snang ba dang mtshungs pa/ chu gter chen po'i sgra sgrogs pa/ 'jig pa'i dus kyi rlung gis dkrugs pa lhur nam mkha'i khams thams cad khyab pa'i khro bo chen po'i skur gyur te/ bcom ldan 'das kyi spyan sngar gnas nas 'di skad ces gsol to// bcom ldan 'das gdug pa can gyi sems can 'jig rten gsum gyi bdag por gnas pa 'di rdo rje 'bar ba 'dis 'khor dang bcas pa'i lus thams cad bsreg par bya'o/ / de nas byang chub sems dpa' chen po rdo rje hUM mdzad kyis 'jig rten gsum gyi bdag po'i mdun du de lta bu'i skur gyur pas 'khod do/ / de nas 'jig rten gsum gyi bdag po bdag nyid kyi 'khor rnams kyis g.yul chen po 'gyed par brtsams so// de nas byang

  163. 82b

    chub sems dpa' chen po lag na rdo rjes 'khor dang bcas pa de rnams la rdo rje kun tu 'bar zhing me lce gcig tu gyur pas bsnun par gyur to/ / de nas 'jig rten gsum gyi bdag pos de dag thams cad bsad par mthong nas snying 'dar zhing chung ma dang bcas pa lugs gsum gyi bas bskor te gnas so/ / de nas byang chub sems dpa' chen po rdo rje hUM mdzad kyis rdo rje de dang mtshon cha de dag thams cad kyis lpags gsum gyi ba shin tu bsregs te/ 'jig rten gsum gyi bdag po lha chen chung ma dang bcas pa de la lcabs kyu de dang rdo rjes bsnun cing bkrug nas zhabs gnyis kyi drung du bsgyur ro// de nas bcom ldan 'das la/ byang chub sems dpa' chen po lag na rdo rjes 'di skad ces gsol to// gdug pa can gyi sems can bkrug pa 'di la de bdag gis ji ltar bgyi/ de skad ces gsol pa dang skabs de nyid du chung ma dang bcas te lha chen po langs nas slar bros par gyur to/ / song nas kyang der nam mkha'i tshad tsam gyi bshang ba dang gcib shin tu mnam pa'i dri du ma dang ldan pa mi gtsang ba'i ra bas bskor te gnas so/ / de nas rdo rje nu mdzad kyis rnam par bltas pa dang / gdug pa can gyi sems can de ma mthong ste/ bar snang du rnam par bltas pas tshul de lta bu mi gtsang ba'i ra bas bskor te gnas pa gzigs so/ / de nas kun nas 'bar rab tu 'bar ba'i rdo rje des ra ba de bshig ste/ lha chen po chung ma dang bcas bde bkug nas bsgyel te/ zhabs g.yon pa'i 'og tu de'i mgo mnan

  164. 83a

    nas/ g.yas pas lha mo u ma'i nu ma rgyas pa dag mnan te 'di skad ces bka' stsal to// kye sems can gdug pa can khyod la ji ltar bya/ de nas lha de rnams 'jig rten gsum gyi bdag po de 'di lta bu'i gnas skabs su gyur par mthong nas ngo mtshar du gyur cing skrag pa dang bcas pas 'di snyam du sems te/ kye ma'o 'jig rten gsum gyi bdag po'i gnas skabs bdag ni bzang gi/ de ni de lta ma yin no snyam mo// de nas lha chen pos lha de rnams mthong nas dpa' tshan bskyed de/ byang chub sems dpa' de la 'jig rten gsum 'jigs par byed pa'i 'jigs byed kyi ku co chen po pas 'jig rten gsum du cher bsgrags pas 'jigs pa bskyed par brtsams so/ / de nas byang chub sems dpa' chen po des lha chen po de zhabs g.yon pa ches shin tu brdzi ba mdzad kyang de lta na'ang de sgra gcog par ma gyur to/ / de nas byang chub sems dpa' sems dpa' chen pos cha gcig rdo rje hUM mdzad kyi gzugs su gnas nas/ gzhan phyag na rdo rje'i gzugs su bcom ldan 'das kyi thad du song ste/ bcom ldan 'das la 'di skad ces gsol to// bcom ldan 'das sems can gdug pa can 'di'i sgra chen po 'byin pa la bdag gis ji ltar bgyi/ de nas bcom ldan 'das rnam par snang mdzad chen pos bgegs thams cad rnam par 'joms pa rdo rje zhes bya ba'i ting nge 'dzin la snyoms par bzhugs nas/ nyid kyi thugs las snying po 'di phyung ngo // hUM

  165. 83b

    snying po 'dis rdo rje'i zhabs kyis spyi bor bsnun ne/ / de nas byang chub sems dpa' chen po phyag na rdo rjes bcom ldan 'das la 'di skad ces gsol to// bcom ldan 'das snying po de'i ming ci lags/ de nas bcom ldan 'das rnam par snang mdzad chen pos/ lag na rdo rje la bka' stsal pa/ lag na rdo rje snying po de ni sems can gdug pa thams cad kyi song 'dral bar byed pa'o// de nas rdo rje hUM mdzad kyis de skad thos nas cung zad 'dzum pa'i bzhin gyis 'jigs pa chen po'i rlung gi shugs kyis bdas pa'i rgya mtsho'i rba rlabs brdabs pa'i sgra lta bus nA/ sems can gdug pa can 'dug cig 'dug cig ces smra zhing zhabs g.yon pas spyi bor brgyab nas bsnun no/ / de nas lha mo des lag pa thal mo sbyar ba spyi bor bzhag nas 'di skad ces smra bar byed do// e ma'o gzi brjid chen po 'di gang gi phyir 'jig rten gsum las rnam par rgyal ba'i bdag gi bdag po'ang zhabs g.yon pas kun nas mnan nas 'di'i bran mo nyid mchog ste/ nga'ang 'di'i chung ma bya snyam zhes smra'o/ / bdag gang gi phyir 'di lta bu'i sdug bsngal myong bar bzod pa bas/ de nas yang des rjes su bsams pa/ bdag gi bdag po 'jig rten gsum gyi dbang phyug 'di gzugs bzang yang stobs dang ldan pa ma yin no snyam mo/ / de nas rdo rje hUM mdzad kyis de'i sems mkhyen te/ slar yang khro ba dang bcas pa'i lta stangs kyis gzigs te/ e ma'o bud med 'di ni shin tu

  166. 84a

    gzugs dang ldan la yid du 'ong ba'o zhes gsungs so/ / de nas lha chen po des slar yang yan lag dang nying lag bskyod cing sos mchu ba bar byed do// de nas bcom ldan 'das rdo rje hUM mdzad kyis de la gzigs te/ khro ba dang bcas pas rdo rje'i mtshon cha des kun nas bsnun te bsad par gyur to// de nas lha mo de 'di skad ces smra zhing ngu bar byed do// ji ltar bdag gi bdag po 'jig rten gsum gyi mnga' bdag de 'dis bsad na da bdag gis ji ltar bya zhes smra'o/ / de nas rdo rje hUM mdzad kyis yang lha mo de zhabs g.yon pas shin tu brdzis te gsad par brtsams so// de nas lha mo de 'dar ba'i yid kyis 'di skad ces smras so// bcom ldan 'das ci bdag 'gums par mdzad dam/ bdag khyod kyi bran mor mchi'o// de nas byang chub sems dpa' chen po rdo rje hUM mdzad slar yang ya mtshan dang bcas pa'i lta stangs kyis de la gzigs te/ bud med mdzes ma 'di bcom ldan 'das la bla ma'i yon du dbul bar bya'o snyam du dgongs so// de nas lha mo des/ phyag na rdo rje la gsol pa/ byang chub sems dpa' thugs rje chen po 'di'i srog yongs su bskyab tu gsol/ de nas bcom ldan 'das rnam par snang mdzad chen pos lha mo de'i tshig gsan nas thugs rje dang ldan pa'i thugs kyis/ lag na rdo rje la bka' stsal pa/ lag na rdo rje sems dpa' chen po 'di thong zhig/ skal ba dang ldan pa 'di sangs rgyas /

  167. 84b

    du 'gyur ro// de nas byang chub sems dpa' chen po des bcom ldan 'das la 'di skad ces gsol to// bcom ldan 'das 'di la gdug pa can gyi sems can 'di ji ltar skal ba dang ldan pa lags/ de nas bcom ldan 'das rnam par snang mdzad chen pos/ lag na rdo rje la bka' stsal pa/ lag na rdo rje 'di ni skal ba dang ldan pa yin gyis des na thong zhig/ de nas byang chub sems dpa' chen po lag na rdo rjes 'jig rten gsum gyi bdag po la 'chi ba yongs su 'tsho bar byed/ oM badz+ra satwa hUM/ rdo rje zhes bya ba'i sngags kyis 'tsho bar mdzad nas 'di skad ces bka' stsal to/ / bzang mo 'di gal te ster na de nas gtang bar bya'o// de nas lha chen po sdug bsngal mang po de las langs te shin tu stobs zhan pas de la 'di skad ces gsol to// bcom ldan 'das bdag gis ci bgyi ba bka' stsal du gsol/ chung ma 'di lta smos kyang ci 'tshal/ gzhan yang bla ma'i yon du dbul bar bgyi/ de nas phyag na rdo rjes lha chen po de bkrol lo// bkrol nas de la 'di skad ces gsol to// yang bcom ldan 'das sems dpa' chen po khyod kyi dkyil 'khor du zhugs la/ khyod kyi bka' bzhin du bgyi'o// de nas byang chub sems dpa' chen po rdo rje hUM mdzad kyis de la sdom pa gnang ba dang / 'di nas brtsams te srog chags gsod pa la sogs pa ma byed cig/ de nas gdong bcings pa bkrol te dkyil 'khor bstan to// de nas

  168. 85a

    lha chen pos dkyil 'khor de mthong nas ngo mtshar du gyur te/ e ma'o dkyil 'khor 'di ni shin tu mdzes so zhes smra'o// de nas byang chub sems dpa' chen po dbang phyug chen pos de bzhin gshegs pa thams cad kyi bdag po de mthong nas/ kye ma'o sdig can bdag ji ltar 'di'i bka' bzhin thog ma nyid du ma byas so zhes yid la byed de mya ngan du gyur to// de nas bcom ldan 'das rnam par snang mdzad chen pos lha chen po de la rdo rje des rdo rje'i chus dbang bskur ro/ / dbang bskur ba nyid na thal ba'i dbang phyug tu lung bstan te/ thal bas khebs pa'i 'jig rten gyi khams su thal ba'i dbang phyug ces bya ba'i de bzhin gshegs pa'o/ / zhes rdo rje'i ming 'di'i dbang gis dbang bskur ro// de nas de bzhin gshegs pa thal ba'i dbang phyug gis/ bcom ldan 'das rnam par snang mdzad la 'di skad ces gsol to/ / bcom ldan 'das bla ma la yon dbul ba'i red pa cung zad mchis na/ bcom ldan 'das de bzhes su gsol/ de nas bcom ldan 'das rnam par snang mdzad chen pos/ de bzhin gshegs pa thal ba'i dbang phyug la 'di skad ces bka' stsal to// gang bla ma la yon dbul ba ni khyod kyi tshul 'di las 'da' bar mi bya ba nyid dang / gzhan la'ang nam du'ang smra bar ma byed cig/ de nas yang lha chen pos bcom ldan 'das la 'di skad ces gsol to// de lta lags mod kyang ci nas kyang bla ma'i yon pazhes su

  169. 85b

    gsol/ de nas byang chub sems dpa' chen po phyag na rdo rjes/ sems dpa' chen po dri la 'di skad ces sgra'o// bla ma'i yon gyi 'bul ba dengs blang bar bya'o// de nas sems dpa chen po ngas/ phyag na rdo rje la 'di skad ces gsol to// bdag gi chung ma 'di dbul bar bgyi zhing rdzas la sogs pa'ang dbul bar bgyi'o// de nas phyag na rdo rjes bcom ldan 'das gsol pa/ bcom ldan 'das chung ma 'di blang bar bgyi 'am/ 'on te rdzas la sogs pa blang bar bgyi/ de nas bcom ldan 'das rnam par snang mdzad chen pos/ lag na rdo rje la bka' sustsal pa/ lag na rdo rje rdzas kyis ci zhig bya/ gal te chung ma 'di 'bul na khyod kyis zung zhig/ rnam par rtog pa ci'ang mi bya'o// de nas byang chub sems dpa' chen po phyag na rdo rjes/ byang chub sems dpa' chen po de la 'di skad ces bka' stsal pa/ sems dpa' chen po bdag la chung ma byin cig/ de nas byang chub sems dpa' chen po thal ba'i dbang phyug dga' zhing rangs te rab tu mgu ba'i yid kyis/ byang chub sems dpa' chen po phyag na rdo rje la chung ma de phul lo// de nas lha mo des phyag na rdo rje shin tu gnon pa mdzes pa'i bdag nyid can mthong nas dga' zhing rangs te/ bdag skal ba dang ldan no snyam bsams te/ de la gsol pa/ e ma'o bcom ldan 'das kyi chos ni sems can rnams kyi phyir 'di lta bu'i gzugs su bsgyur te 'jigs pa'i gzugs 'dzim

  170. 86a

    pa ni/ bdag gi bde ba dang yid bde ba bskyed pa'i don du dkyil 'khor du 'jug pa thob pa'i don du lags so// de nas de bzhin gshegs pa thal ba'i dbang phyug yid la 'di ltar sems par gyur te/ e ma'o 'di ni ngo mtshar che ste bdag gi chung ma 'dis bdag bgrang bar mi byed do snyam mo// de nas bcom ldan 'das de bzhin gshegs pa thams cad kyi bdag po rnam par snang mdzad chen pos/ de bzhin gshegs pa thal ba'i dbang phyug ces bya ba de la thal bas khebs pa'i 'jig rten gyi khams su dbang bskur ro// khyod 'jig rten gyi khams der song zhig/ de nas de bzhin gshegs pa thal ba'i dbang phyug de de bzhin gshegs pa thams cad dang / 'jig rten gyi khams der dbang bskur ba tsam gyis song ngo // de nas lha mo de de'i gzugs phun sum tshogs pa rang gis mthong nas slar yang smras pa/ 'di'i bran mo mchog tu 'gyur ram ma yin te de'i chung ma mchog tu 'gyur/ de nas byang chub sems dpa' chen po phyag na rdo rjes mdzes ma de blangs te bcom ldan 'das kyi spyan sngar gnas nas/ bcom ldan 'das la 'di skad ces gsol to// bdag gi bla ma'i yon bcom ldan 'das pazhes su gsol/ khyod la bdag gis mdzes ma 'di dbul bar bgyi'o/ / de nas bcom ldan 'das kyis/ lag na rdo rje la bka' stsal pa/ khyod nyid la zhog cig/ de nas lha mo de slar yang 'di snyam du sems par

  171. 86b

    gyur to/ / gal te de bzhin gshegs pa thams cad kyi bdag po 'di la bdag bla ma'i yon du 'dis phul ba de lta na 'di'i bran nyid du gyur kyang bdag skal ba dang ldan no snyam mo// de nas lagan rdo rjes bcom ldan 'das la 'di skad ces gsol to/ / bcom ldan 'das mdzes ma 'di bzhes su gsol/ de nas bcom ldan 'das kyis bka' stsal pa/ lag na rdo rje de ltar bya'o/ / de nas bcom ldan 'das kyis de bzung ste rnam par brtags nas rdo rje'i chus dbang bskur te brla zung gi steng du bzhag nas/ de la 'di skad ces bka' stsal to// de bzhin gshegs pa thams cad kyi rdo rje'i rigs kyi lha mo chen mo khyod yin no// de nas lha mo des 'di lta bu'i bka' nye bar thos nas dga' zhing rangs pa'i yid kyis gnas so// de nas yang lha la sogs pa dang gza' rnams kyis/ bcom ldan 'das lha mo chen mo dang bcas pa phyag na rdo rje dang thabs cig pa dkyil 'khor chen po la lan gsum du g.yas nas bskor te rgyang nas phyag byas te 'gro bar bka' nod cing gnas so/ / de nas bcom ldan 'das kyis de rnams la bka' stsal pa/ theg pa chen po 'di 'bad pas shin tu srung bar byos shig/ de nas lha de rnams kyis bcom ldan 'das la 'di skad ces gsol to/ / bcom ldan 'das gang la la dag theg pa chen po la smod cing theg pa chen po sun 'byin pa'i sems can dag byung na/ de bdag cag rnams kyis

  172. 87a

    tshar gcad par bgyi lags so/ / bcom ldan 'das kyis bka' stsal pa/ theg pa chen po sun 'byin pa rnams ji ltar nus pas tshar gcad par byos shig de nas lha'i bu de dag ca co'i sgras bcom ldan 'das la legs so zhes gsol te song ngo / / de nas bcom ldan 'das rnam par snang mdzad chen pos mdzes ma de ding sang nas brtsams te rdo rje gar ma zhes rdo rje'i ming gi dbang gis dbang bskur ro/ / g.yon gyi zla ba'i dkyil 'khor gyi grwar rnam par gzhag ste/ de dang lhan cig rtse ba'i sbyor bas gnas so// de nas lha mo de la sangs rgyas des bka' drin dam pa mdzes pa'i yon tan stong phrag dang ldan par gyur to/ / de nas bcom ldan 'das de dang thabs cig tu A li dang tsum pa'i sbyor bas shin tu bde bas dges shing gnas so/ / de nas yang lha'i dbang po brgya byin lha'i bu brgya stong du ma dang na chung stong phrag du mas yongs su bskor cing khri stan bzang po dang / glu dbyangs snyan pa sgrogs pa dang lhan cig lhags te rnam pa sna tshogs pa'i me tog gi char chen po phab par gyur to/ / de nas byang chub sems dpa' chen po lag na rdo rjes bcom ldan 'das la 'di skad ces gsol to// bcom ldan 'das rnam pa sna tshogs shing bkra ba'i me tog gi char sus phab pa lags khri stan brgya stong phrag du ma dang lhags pa 'di su zhig legs te/ de nas bcom ldan 'das de bzhin gshegs

  173. 87b

    pa thams cad kyi bdag po rnam par snang mdzad chen pos kun tu bzang po'i ting nge 'dzin la snyoms par zhugs te rnam par gzigs so/ / gzigs te de nas lag na rdo rje la bka' stsal pa lag na rdo rje lha rnams kyi dbang po brgya byin de bzhin gshegs pa thams cad kyi dam tshig la lhags pa yin no/ / de nas phyag na rdo rje snyems pa dang bcas pas rdo rje gsor zhing shin tu khros te bcom ldan 'das la 'di skad ces gsol to/ / bcom ldan 'das rdo rje kun tu 'bar rab tu 'bar ba 'dis de'i stobs gzhom par 'gyur ro// bcom ldan 'das kyis/ lag na rdo rje la bka' stsal pa/ lag na rdo rje 'di ni mi mthun par 'dzin pa'i sems kyis ma 'ongs kyis/ des na khyod de ltar ma byed cig/ de nas bcom ldan 'das rnam par snang mdzad chen pos phyi'i tshul gyis lha mo de nyid kyi sku la bcug ste bzhugs so/ / de nas lha rnams kyi dbang po brgya byin lhags te lan gsum du bskor ba byas nas/ bcom ldan 'das la 'di skad ces gsol to/ / bcom ldan 'das dkyil 'khor chen po 'dir gzhug tu gsol/ gang gis bla na med pa yang dag par rdzogs pa'i byang chub nyid bsgrub par bgyi'o// de nas bcom ldan 'das kyis lha rnams kyi dbang po brgya byin dkyil 'khor du bcug ste/ bcug nas 'khor dang bcas pa de la rdo rje'i chus dbang bskur te/ de nas byung nas lha rnams kyi dbang po brgya byin theg pa chen por

  174. 88a

    sems bskyed du bcug go/ / de nas lha rnams kyi dbang po brgya byin 'khor dang bcas pa dkyil 'khor chen por zhugs te/ stabs gsum bzung nas bcom ldan 'das la bla ma'i yon dbul bar sems nas/ bcom ldan 'das ci zhig dbul bar bgyi/ de nas lha rnams kyi dbang po brgya byin bcom ldan 'das rnam par snang mdzad kyi zhabs gnyis la gtugs te rang gi mdzes ma blangs nas phul lo/ / de nas bcom ldan 'das rnam par snang mdzad chen pos/ brgya byin la 'di skad ces bka' stsal to// bud med 'di khyod nyid la zhog cig/ de nas lha rnams kyi dbang po brgya byin gyis/ bcom ldan 'das la 'di skad ces gsol to// bcom ldan 'das bdag dga' ba'i slad du tsa nas kyang 'di bzhes su gsol/ gzhan du na bdag ji ltar slob mar mchi/ de nas bcom ldan 'das kyis de ltar mdzad de blangs so// de nas lha rnams kyi dbang po brgya byin tshim zhing rab tu dga' bas/ bcom ldan 'das rnam par snang mdzad dang phyag na rdo rje'i dkyil 'khor chen po la lan brgya stong phrag du mar bskor ba byas te 'khor dang bcas pa song ngo / / de nas bcom ldan 'das rnam par snang mdzad chen po de bzhin gshegs pa thams cad kyi bdag pos mdzes ma de rnam par brtags nas rdo rje'i chus dbang bskur te/ shin tu sgeg pa nyid du gzigs nas rdo rje sgeg mo zhes ming du btags so// de nas rdo rje gar ma phyung ste/

  175. 88b

    ngal ched du brjod pas ched du brjod pa/ e ma'o theg pa chen po'i tshul 'di ni ngo mtshar che ste/ gang gis de bzhin gshegs pa nyid thob nas mdzes ma shin tu gzugs dang ldan pa bde ba chen po ster ba rnyed par gyur to/ / de nas bcom ldan 'das kyis lha mo gzhan yang phyung ste dkyil 'khor de yongs su gang bar mdzad do// de nas lha rnams kyi dbang po brgya byin slar yang dpung gi tshogs yan lag bzhi pa dang bcas pa der lhags so/ / de nas byang chub sems dpa' chen po phyag na rdo rjes dpung gi tshogs yan lag bzhi pa dang bcas pa de gzigs te yid rab tu 'khrug par gyur nas/ bcom ldan 'das la 'di skad ces gsol to// bcom ldan 'das bdud sdig can dpung gi tshogs yan lag bzhi dang bcas te lhags pa 'di su ji lta bu zhig lags de nas bcos ldan 'das kyis dgongs te/ lag na rdo rje la bka' stsal pa/ lag na rdo rje 'di ni bdud sdig to can 'ongs pa ma yin gyi/ 'on kyang 'di ko'u shi ka yin no// de nas phyag na rdo rje rab tu khros te rdo rje gsor zhing / bcom ldan 'das ci phra sems kyis 'ongs na rdo rje 'dis de dag bsreg par bgyi'o// de nas bcom ldan 'das kyis/ lag na rdo rje la bka' stsal pa/ lag na rdo rje de ltar ma byed cig/ bla ma'i yon gzhan yang dbul ba'i phyir lhags pa yin no// de nas lha rnams kyi dbang po brgya byin der 'ongs te/ bcom ldan 'das la 'di skad ces

  176. 89a

    gsol to/ / bcom ldan 'das bla ma'i yon gzhan yang dbul bar 'tshal na bzhes su gsol/ bcom ldan 'das kyis bka' stsal pa/ gang nga la sbyin par 'dod pa de khyod nyid la zhog cig/ ko'u shi ka bla ma'i yon ni gang theg pa chen po'i tshul srung ba nyid yin no// brgya byin gyis gsol pa/ de lta lags mod kyang 'di dag bzhes su gsol zhes gsol te/ bla ma'i yon phul nas bcom ldan 'das la lan gsum du bskor ba byas te/ lha rnams kyi dbang po brgya byin 'khor dang bcas pa song ngo // de nas pad+mo'i lus can la sogs pa gzhan rnams kyang lhags te mchod nas song ngo / / nyan thos kyi theg pa can rnams kyang lhags te mchod nas song ngo // rgyas par rgyud gzhan rnams nas bshad pa'i phyir 'dir ma bshad do// de nas byang chub sems dpa' chen po phyag na rdo rjes bcom ldan 'das la 'di skad ces gsol to// ci bcom ldan 'das sgrub pa'i thabs rgyas pa mdor bsdus te mdzad lags/ bcom ldan 'das kyis bka' stsal pa/ lag na rdo rje gang gis nyan thos kyi theg pa'i lo rgyus ma bshad lags/ de'i ting nge 'dzin skom par bstan par 'gyur ro// lag na rdo rje sdig pa can gyi sems can theg pa chen por gzhug par mi bya'o/ / de dag dran pa tsam du'ang mi bya'o// lag na rdo rjes gsol pa/ bcom ldan 'das rgyu gang gis phyir dran pa tsam yang mi bgyi lags/

  177. 89b

    bka' stsal pa/ lag na rdo rje ji srid nyan thos kyi theg pa'i gtam byas pa de srid du dam tshig 'joms pas/ de'i phyir gsang ba'i theg pa la mngon par brten pas de dag ring du yongs su dor bar bya'o/ / de nas byang chub sems dpa' chen po lag na rdo rjes bcom ldan 'das la 'di skad ces gsol to// bcom ldan 'das nyan thos kyi theg pa pa rnams ji ltar sun dbyung bar bgyi/ de nas bcom ldan 'das kyis/ phyag na rdo rje la bka' stsal pa/ lag na rdo rje gang la la dag gsang ba'i theg pa chen por dbang bskur ba de rnams nyan thos kyi theg pa pa rnams kyi nang du gal te 'ga' zhig gi tshe zhugs na/ de la nyan thos kyi theg pa pa de dag ches bzhad gad byed de/ e ma'o theg pa 'di ni ngo mtshar rmad do zhes ca co'i sgra chen po byed par 'gyur ro// de nas de rnams la theg pa chen po pa sa nus pa'i mthu bstan par bya'o// de nas lag na rdo rjes/ bcom ldan 'das la 'di skad ces gsol pa/ bcom ldan 'das rnam pa ji lta bus nus pa bstan par bgyi/ bcom ldan 'das kyis bka' stsal pa/ lag na rdo rje sgyu 'phrul chen mo zhes bya ba'i rig pa yod de/ de rnyed nas gang 'dod pa de bya'o// lag na rdo rje de la 'di ni sgyu 'phrul chen mo zhes bya ba'i rig pa'o/ / na mo b+ha ba wa te/ ma hA mA ya/ trai lokya dAM ni ma hA bi dai A kaR+Sha ni mo ha ni/ ts+tshe da ni/ mA ra ni/ kar+t+ti na/ ma hA in+d+ra dzA la kA ri

  178. 90a

    Ni/ de wan A na ya/ a su rA nA ka d+ha ya/ yak+Sha rak+Shas ban+d+haH/ kin+da ra/ bid+yA dA raH/ A kaR+Sha ya/ A kaR+Sha daR+sha ya/ daR+sha ya/ gri/ daR+sha dAR+sha yA/ brah+ma Na na/ daR+sha ya daR+Sha ya/ trai lo kya darA ya/ daR+sha ya/ A nA ya/ A na ya/ man+ta mo he/ e h+ye hi b+ha gA te/ ma hA ma ye/ a ne ka ku ha ka sa ha srA ku la/ ma da ni/ dzI ba ni ha tA rA/ ba ba hUM le/ he he/ ru ru/ ha ra ha ra/ prA NA na/ khA hi khA hi/ g+h+rAt+t+ra g+h+nat+ta/ pA ta ni/ b+hU ma Ni mu rats+tsha ni hUM hUM/ haHhaHphaT hUM haHswA hA/ 'di ni bcom ldan 'das/ ma gsang ba bsrungs pas mchog gang du gsang ba 'grub pa'i rig pa sgyu 'phrul dra ba zhes bya ba'i rig pa'i dbang phyug don yod pa grub pa'i gzugs can/ bcom ldan 'das ma gsang ba'i 'jig rten gyi dbang phyug sems can thams cad kyi dbang phyug rjes su byed ma/ gdug pa thams cad 'dul ma 'di'i cho ga ni sngon du bsnyen pa stong bzlas pa de nas zla ba gzas bzung ba na nyin mtshan du sbyang bar gnas te/ gzas bzung ba ma mthong bar ji srid zla ba ma grol ba de srid du bzlas la snga dro khrus byas te bil ba'i yam shing mar la btags pa nyi shu rtsa gcig bsreg par bya'o// de nas bram ze la ston mo byas te/ de dag las rjes su blangs pas de nas de 'grub par 'gyur ro// de nas byang chub sems dpa' chen po lag na rdo rjes bcom ldan 'das la 'di skad ces gsol

  179. 90b

    to/ / 'di grub nas ci bgyid par 'gyur/ bcom ldan 'das kyis bka' stsal pa/ lag na rdo rje las thams cad byed par 'gyur ro// rma bya'i sgro yongs su bzung la rig sngags 'dis lan bdun mngon par bsngags pa'i sgo des ngo mtshar stong phrag byed par 'gyur ro/ / de nas lag na rdo rjes/ bcom ldan 'das la 'di skad ces gsol to// des ngo mtshar stong phrag ji lta bu bgyid par 'gyur/ de nas bcom ldan 'das kyis/ lag na rdo rje la bka' stsal pa/ lag na rdo rje gang la la theg pa chen po la smod par byed na/ de ni mngon sum du tshar gcad par bya/ nam mkha' la sgro bskor na de nas nam mkha' la gnas pa'i lha thams cad bstan par bya'o// sgro nam mkha' la steng du bzung na tshangs pa dang / khyab 'jug dang / dbang phyug chen po la sogs pa dang / brgya byin dang / zla ba dang / gnod sbyin dang / srin po dang / lA ma yin dang / nam mkha' lding dang / mi 'am ci la sogs pa khang bzang du mas gang ba nam mkhar bstan par bya'o/ / lag na rdo rje sgo de steng du bzung na sbyor ba de dag phyed par 'gyur ro// lag na rdo rje sbyor ba gzhan yang bshad par bya ste/ chu khyor ba gang la rig pa 'di yongs su bzlas te/ de nam mkha' la stor nas sprin 'bab pa bstan par bya'o// sgo steng du bskor na slar de dag thams cad med par 'gyur ro// gzhan yang bshad par bya ste/ thal

  180. 91a

    ba la cung zad bzlas te grong dang grong khyer la sogs pa'i dbus su gtor na grong la sogs pa sreg pa bstan par bya'o/ / sgo steng du bskor na slar zhi bar 'gyur ro// lag na rdo rje gzhan yang bshad par bya ste/ gang gi tshe sngags pa mtha' gcig tu song ste chom rkun la sogs pa mthong ba na/ de nas bye ma sbyar bar blangs la rig pa cung zad cig bzlas te phyogs bzhire gtor bar bya'o/ / dpung gi tshogs glang po dang rta la sogs pa stong phrag mthong bar 'gyur ro// de nas chom rkun la sogs pa'i sems can gdug pa can dogs pa dang bcas pas nye 'khor du 'ong bar mi 'gyur ro/ / sgro steng du bskor na de nas med par 'gyur ro// lag na rdo rje sgo de nyid kyis pha rol gyi bud med bkug la 'dod par bya'o// lag na rdo rje gal te gdug pa gsang par 'dod na sgo de nyid kyi sbyor bas khro ba dang bcas pas de'i ming nas brjod cing bskor bas 'chi bar 'gyur zhing slar yang 'chi bar 'gyur ro/ / sgro de nyid kyis ji ltar bsam pa'i rdzas 'ong bar 'gyur ro/ / de nyid kyis pha rol gyi sngags rengs par byed do// yang sgro de nyid steng du bskor bas grol bar 'gyur ro// 'di nyid kyis gang yid la 'dod pa'i bud med 'gugs par byed do/ / ltos 'gro chen pos zos pa'ang 'bebs par 'gyur zhing 'tsho bar byed do// sbrul nag pos zos pa'ang slong zhing mi bzad pa'i dug kyang med par byed do// rims dang nad thams

  181. 91b

    cad kyang smos zhi bar byed do/ / ji ltar ma bshad pa'i las rnams byed do// rtag tu bzlas na 'chi ba las rgyal bar 'gyur ro// lag na rdo rje 'di dag ni sgyu 'phrul chen mo zhes bya ba'i rig pa sgrub pa'i thabs dang bcas pa ste/ tshul 'di nyid kyis 'jig rten thams cad dbab par bya'o// 'di ni nyan thos kyi theg pa pa rnams skrag par byed pa'i rig pa ste/ sangs rgyas nyid sgrub par byed pa ma yin no/ / sngags kyi sgrub pa 'ba' zhig gis sangs rgyas nyid sgrub par byed pa cung zad kyang med la/ 'on kyang sgom pa'i rim pas yin no// gsang ba'i tshul dang ldan pa'i sgom pa'i rim pa des 'grub par 'gyur ro/ / lag na rdo rje des na 'jig rten pa dga' ba'i phyir dngos grub phra mo 'di sngags pas bsgrub par bya ste/ sangs rgyas kyi phyir ma yin no// de nas byang chub sems dpa' chen po lag na rdo rjes/ bcom ldan 'das la 'di skad ces gsol to// bcom ldan 'das gal te sngags kyi tshul gyis sangs rgyas nyid bgyid par mi nus na rnam pa ji lta bus sangs rgyas nyid bgyid par rtogs par 'tshal/ de nas bcom ldan 'das kyis/ lag na rdo rje la bka' stsal pa/ lag na rdo rje gsang ba'i tshul gyis sangs rgyas nyid bsgrubs nas bla na med pa yang dag par rdzogs pa'i byang chub thob par 'gyur ro/ / de nas bcom ldan 'das rnam par snang mdzad chen po de bzhin gshegs pa thams cad kyi bdag pos/

  182. 92a

    byang chub sems dpa' chen po phyag na rdo rje la bka' stsal pa/ lag na rdo rje nyon cig/ gsang ba mchog gi dbang phyug theg pa chen po dor nas tshul gzhan gyis bskal pa bye ba brgyar yang sangs rgyas nyid bya bar mi nus so/ / de nas byang chub sems dpa' chen po lag na rdo rjes/ bcom ldan 'das la gsol pa/ bcom ldan 'das theg pa chen po'i tshul bka' stsal du gsol/ gang gis sems can thams cad la sangs rgyas nyid sbyin pa'o// bcom ldan 'das kyis bka' stsal pa/ lag na rdo rje theg pa chen po zhes bya ba mchog tu gsang ba'i mdzod nyon cig/ de nas phyag na rdo rjes bcom ldan 'das la gsol pa/ bcom ldan 'das mdzod ces bgyi ba'i don gang lags/ bcom ldan 'das kyis bka' stsal pa lag na rdo rje 'di la mdzod ces bya ba ni b+ha ga'i gzhi'i gnas so/ / zhu ba can dang de'i mdzod gcig tu byas te rdo rje sems dpa'i gzugs su bdag nyid bsam par bya'o// de nas bcom ldan 'das rnam par snang mdzad chen po dang / lag na rdo rje dang / rdo rje gar ma dang / rdo rje sgeg mo dag dang thabs cig tu rnam pa du ma a ling ga dang tsu Sha na la sogs pa mdzad cing bsten nas btung bar mdzad do/ / de nas lag na rdo rje sngags pa'i tshul 'di ltar tsu Sha na dang / tsum pa na la sogs pas b+ha ba'i nang du song bar bya ste/ bdag nyid rdo rje sems dpa'i gzugs su

  183. 92b

    mngon par byang chub pa rnam pa lngas bskyed par bya'o/ / de nas byang chub sems dpa' chen po lag na rdo rjes bcom ldan 'das la gsol pa/ bcom ldan 'das ci lags/ rol tu gnas nas mngon par byang chub pa rnam pa lnga bgyi bar mi nus lags sam/ bcom ldan 'das kyis bka' stsal pa/ lag na rdo rje phyi rol tu gnas pa 'am/ phyi rol gyi tshul gyis sam/ b+ha ga bsten pa tsam gyis byang chub sgrub par nus pa ma yin te/ 'on kyang sbyor ba 'dis gal te b+ha ga bsten na de ni mngon par byang chub pa rnam pa lnga sgom pa por 'gyur ro// bcom ldan 'das ji ltar bsgom par bgyi/ lag na rdo rje des rtsa'i zhu bas bdag nyid zla ba'i dkyil 'khor gyi rnam par blta bar bya'o// yang byang chub zla ba'i tshul dang rtsa thams cad gcig tu byas te/ bdag nyid byang chub zla bar bsgom par bya'o/ / 'o ma de las bdag nyid rdo rje'i gzugs su bsams la/ de las yang rdo rje sems dpa'i skur rnam par bsgom par bya'o// yang thams cad lhan cig gcig tu gyur pa las de bzhin gshegs pa thams cad kyi skur bsgom par bya'o/ / de de bzhin gshegs pa thams cad kyi bdag po rnam par snang mdzad chen po dang mtshungs par 'gyur ro// de nas byang chub sems dpa' chen po phyag na rdo rjes bcom ldan 'das la gsol pa/ bcom ldan 'das ci lags/ rtsa'i sbyor ba 'di dag ma gtogs par tshul gzhan gyis mngon par byang

  184. 93a

    chub pa rnam pa lnga sgom par mi nus pa lags sam/ de nas bcom ldan 'das kyis/ byang chub sems dpa' sems dpa' chen po lag na rdo rje la bka' stsal pa/ lag na rdo rje rtsa'i sbyor ba 'di nyid kyis mngon par byang chub pa rnam pa lnga bsgom par bya'i/ gzhan gyis ma yin no// gsol pa/ ci'i phyir/ bka' stsal pa/ lag na rdo rje phyi rol gyi zla ba'i dkyil 'khor gyi rnam pas mngon par byang chub pa de mi nus te/ 'bad pa chen pos kyang cung zad tsam yang bya bar nus pa ma yin no// dper na nam mkha'i chu skyes rnam pa gang gis kyang sgrub par nus pa ma yin pa bzhin no/ / de'i phyir gsang ba zhes bshad do// gsang ba'i tshul 'dis ngal ba med par sangs rgyas nyid dam rdo rje 'dzin pa nyid bsgrub par bya ba dang / sbyor ba gzhan gyis ma yin no/ / de'i phyir bcom ldan 'das bde bar gshegs pa'i thig le'i nyi mas phyogs rnam par gsal ba des sems can thams cad la phan pa'i phyir/ gsang ba'i sbyor ba 'di nyid gsal pabar mdzad do/ / de nas byang chub sems dpa' chen po phyag na rdo rjes bcom ldan 'das la 'di skad ces gsol to// bcom ldan 'das de lta na'ang gsang ba'i tshul gyis rnam pa yang dag par bdag la ma gsungs lags so/ / de nas bcom ldan 'das rnam par snang mdzad chen pos/ phyag na rdo rje la bka' stsal pa/ lag na rdo rje mchog tu gsang ba'i mdzod kyi thig le zhes bya

  185. 93b

    ba sangs rgyas thams cad sbyin par byed pa/ de bzhin gshegs pa thams cad kyi bskyed pa po nyon cig/ ngas kyang tshul 'dis sangs rgyas nyid mdzad la/ khyod kyis kyang tshul 'dis sangs rgyas nyid bsgrub par bya'o/ / de nas bcom ldan 'das kyis bka' stsal pa/ lag na rdo rje ji srid pa spu'i bu ga yod pa de srid pa la rtsa rnams rdul phra rab kyi gzugs su bsgom par bya'o// de nas rdo rje gar ma'i gzugs su bsgoms nas/ de'i b+ha ga'i dbus su rdo rje gar ma'i gzugs rtsa'i rang bzhin las a la sogs pa'i yi ge 'bab pa'i ngo bor bsam par bya'o// de nas mi 'bab pa'i rtsa lnga ka la sogs pa'i gzugs su bsam par bya'o/ / de yongs su gyur pa las zla ba'i dkyil 'khor bsams la/ de'i 'o ma las bdag nyid b+ha ga'i dbus su rdo rje sems dpa'i skur bsgom par bya'o/ / de nas phyag na rdo rjes bcom ldan 'das la 'di skad ces gsol to// bcom ldan 'das rtsa de'i gzugs dang rang bzhin ji lta bu lags/ bcom ldan 'das kyis bka' stsal pa/ lag na rdo rje rtsa de rnams kyi nang nas gcig ni rtsa chen po gtso bor gyur pa ste/ rtsa gzhan thams cad ni de la rnam par gnas pa'o// de'i rang bzhin ni bsil ba'i rang bzhin te/ de rnyed nas rdo rje 'dzin pa nyid dam rnam par snang mdzad nyid thob par 'gyur ro/ / gang yang cung zad dro ba na de nas 'jig rten dbang phyug gi sku thob par 'gyur ro// gang yang shin tu dro ba dang ldan na de bsgoms na

  186. 94a

    rdo rje hUM mdzad kyi sgrar 'gyur ro/ / de nas khro bo'i gzugs su gyur nas ji srid khro bo'i gzugs su gyur pa de srid bsgom par bya ste/ zhi ba'i sku dang lhan cig gcig tu byas nas de nas nyi ma'i dkyil 'khor ro/ / de nas phyag na rdo rjes/ bcom ldan 'das la 'di skad ces gsol to// bcom ldan 'das ci lags/ bud med bsten pa tsam gyis sangs rgyas nyid thob pa lags sam/ 'on te gzhan pas kyang lags/ bcom ldan 'das kyis bka' stsal pa/ sbyor ba dang ldan pa'i bud med bsten pa de ma gtogs pa gzhan gyis sangs rgyas nyid thob par mi 'gyur te/ gzhan thams cad ni rnam par g.yeng ba yin no// lag na rdo rje de'i phyir sngags pas lha mo gang rnyed pa de brla zung gi steng du bzhag la/ tsum pa dang a ling ga la sogs pa byas te yongs su bsten pa de nas 'thungs te/ de'ang so sor 'jib tu gzhug go// de nas b+ha ga'i dbus su rtsa de'i 'o ma bdag nyid dang gcig tu byas la rang gi sngags kyi rgyal pos bdag nyid 'dod pa yin no zhes bsgoms te/ rdo rje sems dpa'i sku dkar po'i rnam pa dang bar bsgom par bya'o// lag na rdo rje de'i phyir rtsa gcig pu de ni sangs rgyas thams cad kyi yum ste/ phyi rol gyi tshul can la de nyid shes rab kyi pha rol tu phyin ma zhes bshad do// de las nges par 'byung ba ni sangs rgyas thams cad do// de'i phyir lag na rdo rje zhu ba'i rgyun 'thungs pa tsam gyis rdo rje

  187. 94b

    sems dpa'i sku yongs su thob par 'gyur ro/ / lag na rdo rje gzhan yang bshad par bya ste/ ba spu'i bu gar gnas pa'i rtsa rnams las 'dzag pa dang ldan pa'i thigs pa gnas gsum du khyad par du 'phags pas gnas te/ spyi bor bum pa'i gzugs la bcud rtsa'i tshul can bdud rtsi'i rang bzhin bdud rtsi 'dzag pa bsam par bya'o// gzhan yang snying kha'i gnas su pad+ma'i rnam pa kha dog dkar po mar gsar dang mtshungs shing / yongs su gzhon pa la bum pa'i bdud rtsi 'dzag pa tsam gyis pad+ma brtas par byed par bsam par bya'o// de nas gsang ba'i gnas su yi ge e'i rnam pa gru gsum pa kha dog rnam pa sna tshogs pas spras pa/ ka la sogs pa'i yi ge yongs su gyur pa las rtsa lnga'i sgo las byung ba'i bdud rtsi'i rgyun gcig 'bab par bsams te/ bdud rtsi'i rgyun de las bdag nyid rdo rje sems dpa'i sku bdud rtsi'i ngo bo mi phyed par bsgom par bya'o/ / lag na rdo rje de'i phyir rtsa thams cad kyi nang nas gcig pu de gtso bo yin te/ de nyid sangs rgyas nyid ster bar byed pa yin no/ / de'i phyir rnam pa 'di ltar du bsgoms na bdud rtsi'i ngo bo dang mi shigs par 'gyur ro// lus 'di nyid kyi sgra dkar dang gnyer ma dor nas bde bar gshegs pa'i sku rnams mthong bar bsgom par bya'o/ / bdag nyid kyang gzugs brnyan gyi tshul du mthong bar 'gyur ro// 'dir gnas nas kyang bskal pa'i las rnams kyang shes par 'gyur ro// lag na rdo rje de'i phyir 'di bsgom par bya'o//

  188. 95a

    lag na rdo rje des na tshul 'dis bud med sgom pa na gal te rmi lam du rdo rje sems dpas dbang bskur bar mdzad na/ de nas zla ba byed tshun chad du 'grub par shes par bya'o// gal te yang slob dpon du gyur pas ston par mdzad na/ de nas zla ba drug na 'grub par shes par bya'o// 'ga' zhig tu lha'i gzhal med khang du bcug nas de bzhin gshegs pa'i gzugs brnyan mthong na/ de nas lo gcig na 'grub par shes par bya'o// de nas lha'i gzhal med khang du bsdad nas tsU Sha na la sogs pa'i sbyor bas bdag nyid 'bar ba mthong na/ de nas myur du 'grub par 'gyur bar shes par bya'o/ / 'ga' zhig tu snang ba mthong na de nas skye ba 'dir 'grub par shes par bya'o// yang na rmi lam du b+ha gar a ling ga dang tsA Sha na mthong na/ de nas skyes bu de grub par shes par bya'o/ / 'bad mi dgos par 'grub par 'gyur ro// lag na rdo rje de'i phyir tsA Sha na la sogs pa dang ldan pa'i mngon par byang chub pa rnam pa lnga'i rim pas sngags pas rtsa'i sbyor ba la sbyang bar bya'o/ / gang gi phyir e'i yi ge rnam pa sna tshogs pa ste/ ji ltar kha dog dmar po rdo rje hUM mdzad kyi gzugs su bsgoms na/ de nas sems can thams cad dbang du byed do// de nas gsad par 'dod na de'i tshe rtsa nag po'i rnam pas rdo rje hUM mdzad kha dog nag por bdag nyid bsgoms la/ des gsad par bya'o// de nas bslad par 'dod na bdag nyid rdo rje hUM mdzad kyi gzugs su sngar bshad

  189. 95b

    pabapas bsgoms la/ bsgrub bya rnga mo la zhon par bltas na/ de nas bslad de yul gzhan du gtong bar byed do// lag na rdo rje de'i phyir las thams cad gsang ba la yongs su rten pa yin no// des na 'di gsang ba las kyang gsang ba nyid du rig par bya'o// rtsa'i sbyor ba 'di nyid kyis sangs rgyas nyid dam rdo rje 'dzin pa nyid bsgrub par bya'o// gang yang phyi rol gyi tshul la gnas pa de dag rnams ni bong bu dang mtshungs pa ste/ khur 'khur ba las 'bras bu med par shes par bya'o// lag na rdo rje de'i phyir khyod kyis 'di dag shes par byos la sems can gyi don gyis shig/ nga'ang tshul 'dis gnas pa yin no/ / lag na rdo rje de'i phyir sems can thams cad kyi bsam pa shes par byos la chos ston par gyis shig/ gzhan du na khyod kyang mi mthun pa spyod par 'gyur na// sems can gzhan lta smos kyang ci dgos/ rgyud gzhan du e'i yi ge 'di don du bshad do// 'dir phyi rol gyi tshul la rtsa bcu'i tshul gyis de kho na nyid bcur shes par bya'o// don dam par ni de kho na nyid bcu'ang ma yin la/ lnga'ang ma yin te/ gcig nyid don dam pa yin no// gang rtsa'i gtso bo ma lus shing lus pa med pa'i sangs rgyas nyid sbyin pa po ste/ gang zhig thob pas sangs rgyas nyid du song zhing 'gro la 'gro bar 'gyur ba yin no/ / rgyud gzhan du rgyas par ma bshad do// lag na rdo rje 'di ni rnal 'byor dang / shin tu rnal 'byor dang / gsang ba'i rtsa'i sbyor ba dang

  190. 96a

    bcas pa bya ba khyod la gsal bar byas kyis/ ngal bla ma'i yon byin cig/ theg pa chen po rab tu ston pa po 'phags pa ma yin pa gzhan la'ang ci nas kyang bla ma'i yon bdag nyid kyi bar du'ang dbul bar bya ba yin na/ gzhan lta smos kyang ci dgos/ lag na rdo rje sems gzhan du ma byed cig/ rab tu myos par 'gyur ro// de nas phyag na rdo rjes/ bcom ldan 'das la 'di skad ces gsol to/ / bcom ldan 'das ci zhig dbul bar bgyi/ khyod la yongs su ma rdzogs pa 'ga' zhig mchis lags sam/ bka' stsal pa/ lag na rdo rje thams cad yongs su rdzogs mod kyang dbul bar bya ba yin no/ / gsol pa/ ci zhig dbul bar bgyi/ bka' stsal pa/ 'di dag dbul bar bya ba ste skal ba dang mi ldan pa'i sems can rnams la 'di'i dgongs pa bshad par mi bya'o/ / nyan thos kyi theg pa can la rgyud 'di'i glegs bam tsam yang nam yang bstan par mi bya ste/ de'i mdun du ming tsam yang gsal bar mi bya'o/ / lag na rdo rjes gsol pa/ bcom ldan 'das bdag gis nyan thos kyi theg pa can rnams la bshad par mi bgyi zhing / de'i gnas su'ang 'jug par mi bgyi ste/ de'i gnas su 'jug pa dang bshad par bgyi bas bdag la ci zhig bgyi/ bcom ldan 'das ci'i slad du de dag la gsal bar mi bgyi/ bcom ldan 'das kyis bka' stsal pa/

  191. 96b

    lag na rdo rje theg pa chen po'i rang bzhin sngar bshad pa khyod brjed dam/ lag na rdo rje nyan thos kyi theg pa pa kho nar ma zad sems can gzhan yang sngags pa rnams dang / tha na de bzhin gshegs pa thams cad la'ang gsang ba 'di shes na/ de dus 'di nyid la rdo rje sgeg mo dang rdo rje gar ma las skyes pa ste/ nga ci 'dra ba dang khyod ci 'dra ba de 'drar shes par bya'o// de nas byang chub sems dpa' chen po phyag na rdo rjes/ bcom ldan 'das la 'di skad ces gsol to// bcom ldan 'das shin tu zab pa'i tshul gsang ba thams cad gnas pa/ rtsa'i sbyor ba de sems can rnams kyis ji ltar 'tshal bar 'gyur/ bdag gis de dag la bstan par bgyi 'am/ 'on te ma lags/ de nas bcom ldan 'das rnam par snang mdzad chen pos/ phyag na rdo rje la bka' stsal pa/ lag na rdo rje khyod kyis kyang slob ma rnams sam sngags pa rnams la rgyud 'di gsal bar mi bya'o// phyag na rdo rjes gsol pa/ bcom ldan 'das ci lags gsang ba'i dbang bskur ba'i sngags pa rnams la'ang gsal bar mi bgyi 'am/ bcom ldan 'das kyis bka' stsal pa/ lag na rdo rje sems can gang la la dad pa'i bsam pa phun sum tshogs pa dang ldan pa rgyud 'di shes par 'dod pa de dag la/ bud med mnyen pa tsA Shan la sogs pa'i sbyor bas gsang ba chen po'i mchod pa byas te/ rjes su gdams pa dang bcas pa

  192. 97a

    de dag thams cad 'bad pas bshad par bya'o/ / gang la la rgyud 'di la snang bar byed na/ de dag la de ltar rdo rje hUM mdzad kyi sgrar gnas te/ rdo rje hUM mdzad kyi tshul gyis yongs su khros te 'bar ba dang ldan par spros la de'i gnas 'bar bar bsam par bya'o/ / de nas de'i 'khor dang bcas pa rlag par 'gyur ro// gal te sngags pa gso bar 'dod na de'i gnas phyed tshig pa la bdud rtsi'i rang bzhin gyi rdo rje'i rigs rnams bsams na de 'tsho bar 'gyur ro/ / lag na rdo rje de'i phyir 'di gang su la'ang bshad par mi bya'o// mchog tu gsang ba thig le'i mdzod kyi rtog pa las/ gsang ba'i de kho na nyid sbas pa mtha' dag gi cho ga rgyas pa'o// de nas bcom ldan 'das rnam par snang mdzad chen pos de bzhin gshegs pa thams cad brtan par mdzad nas/ phyag na rdo rje'i lus de dag gcig tu gyur nas rgya mtsho de'i 'gram 'dzam bu'i gling gi byang gi mtshams su rdo rje sgeg mo dang / rdo rje gar ma dang thabs cig tu sngon bshad pa'i tsum pa na dang a ling ga la sogs pa'i sbyor ba'i rgyal po rol pas rdo rje sgeg mo dang / rdo rje gar ma'i go 'phang la gnas pa'i khri lnga brgya phrag lnga'i btsun mo stong phrag rgyan thams cad kyis rnam par brgyan cing yid du 'ong ba dang thabs cig tu bzhugs so/ / de nas phyag na rdo rjes gsol pa/ 'di dag gi ming ci lags/ bcom ldan 'das kyis bka' stsal pa/ 'di dag rnam pa bzhis gnas te/ 'di ltar

  193. 97b

    gzhon nu ma bzang mo zhes bya ba'i rnal 'byor ma'i dbang phyug kha dog dkar mo lo brgya phrag gnyis kyi rnam pa'i gzugs can rnal 'byor ma'i dbang phyug khri phrag gcig gis yongs su bskor nas/ dza lan d+ha ra'i zhing na ri bo zhes bya ba la gnas nas/ ji ltar bcom ldan 'das phyag na rdo rje bzhugs pa der rtag tu 'gro ba dang 'ong bar byed do// gzhan yang 'dod pas myos ma zhes bya ba'i rnal 'byor ma'i dbang phyug kha dog sngo bsangs mig rnam par rgyas pa/ rnal 'byor ma'i dbang phyug khri phrag phyed dang gsum dang thabs cig tu lho phyogs kyi rgyud ri bo ki kin d+ha ri 'jug pa'i sgor gnas nas/ gang gi tshe phyag na rdo rje gsang ba'i chos ston pa de'i tshe rtag tu 'gro ba dang 'ong bar byed do// gzhan yang gser gyi mig can zhes bya ba'i rnal 'byor ma'i dbang phyug de'ang kha dog dkar ba khri phrag gsum gyi 'khor dang lhan cig kA ma ru pa'i sgor gnas nas/ de bzhin du rgyun du 'gro ba dang 'ong bar byed do// gzhan yang bde ba thams cad la dga' ba zhes bya ba'i rnal 'byer m a'i dbang phyug thams cad du gnas pa thams cad kyi gzugs can thams cad la byams pa'i tshul du gnas pa khri phrag brgya stong phrag du ma'i 'khor dang lhan cig gi tshe sngags pa gsang ba ston pa na de'i mdun du de gnas so/ / de'i phyir bde ba thams cad la dga' ma zhes bya'o// de nas gzhon nu bzang mo zhes bya ba'i rnal 'byor ma'i dbang phyug de phyag na rdo rje'i tshul ji srid mngon sum du

  194. 98a

    sangs rgyas nyid ster bar gyur pa de srid du de yis bsten par bya'o/ / de nas gsad par 'dod na lha mo de nyid 'bar ba dang ldan pa mdog nag mo lag na mtshon cha thams cad 'dzin pa bsgoms na dpung gi tshogs yan lag bzhi dang bcas pa'ang gsod par byed do/ / gal te bskrad par 'dod na de nyid cung zad dmar zhing sngo ba'i kha dog can rlung dang lhan cig ma sbyor ba de nyid kyis rlung gi dkyil 'khor la kun tu brten par gyur pas skad cig de nyid la skrod par byed do/ / gal te dbang du bya bar 'dod na de nas kha dog dmar por bsams la de bkug ste skad cig/ de la rkang pa'i drung du 'ong bar 'gyur ro// de nas rengs par bya bar 'dod na lha mo kha dog ser mor bsams la/ des bsgrub bya lcags kyis ris brdzis par bsams la dpung gi tshogs yan lag bzhi'ang rengs par byed do/ / 'di dag thams cad yid kyis bsam par bya'o// lag na rdo rje gzhan yang bza' ba bshad par bya ste/ gang zos pa tsam gyis sla dkar dang gnyer ma sel bar 'gyur zhing lo brgya phrag stong du 'tsho bar 'gyur ro/ / 'di lta ste/ bya rog tshad bzang po snum pa bzung la pags pa dor te zhib tu byas la/ de'i sha lcags kyi snod du til mar dang btso bar bya'o/ / ka ra srang bcu dang 'o ma srang nyi shu dang lhan cig gcig tu byas la/ slar yang ji srid bya rog mi grag pa de srid du btso bar bya'o// de nas mar dang ka ra dang lhan cig

  195. 98b

    zhag bdun du bza' bar bya'o/ / lo brgya'i skra dkar dang lus kyang bung ba lta bu dang / stobs dang ldan zhing shin tu sra bar 'gyur ro// lo lnga brgyar 'tsho'o// slar yang bcud len gyi cho ga bshad par bya ste/ sngags pa mnyam par bzhag par gyur pas rdo rje sgeg mo'i 'o ma sbyor ba de nyid kyis bsams la/ bdag nyid tshim pa dang ldan par bsam par bya'o// de nas nyon mongs pa thams cad zhi bar 'gyur ro/ / 'ga' zhig tu rnal 'byor gyi dbang phyug tu bsams la de'i zhu ba btung bar bya'o// 'ga' zhig tu mngon sum du gyur pas bud med bsten te/ de nyid kyi ting nge 'dzin gyis de dang rang gi zhu ba lhan cig tu btung bar bya'o/ / de nas rdo rje'i lus dang mi phyed par 'gyur ro// bcud len gyi cho ga rgyas pa'o// de nas bcom ldan 'das rnam par snang mdzad chen po de bzhin gshegs pa thams cad kyi bdag po dang / rnal 'byor gyi dbang phyug de dag thams cad dang / phyag na rdo rje'i sku dang gcig tu mdzad nas phyag na rdo rje'i skur gyur to/ / de nas rgyal po chen po phyag na rdo rjes lha mo de dag thams cad la dgyes pa dang bcas pa'i spyan gyis gzigs so// de nas rnal 'byor ma'i dbang phyug de dag thams cad kyis/ phyag na rdo rje la bltas nas 'di skad ces smras so/ / bcom ldan 'das sems can gang gsang ba'i tshul la zhugs na/ de dag gis ji ltar bla na med pa yang dag par rdzogs pa'i byang chub thob par 'gyur

  196. 99a

    lags/ de nas byang chub sems dpa' chen po phyag na rdo rjes de dag la 'di skad ces bka' stsal to// sngon spyad pa'i gsang ba'i tshul gyis sangs rgyas nyid bsgrub par bya'o/ / de nas gzhon nu ma bzang mo zhes bya ba'i rnal 'byor ma'i dbang phyug gis/ thog ma dang tha ma med pa'i bcom ldan 'das la 'di skad ces gsol to// sems can de dag gis b+ha ga bsten pa tsam gyis sangs rgyas nyid bgyid dam/ yang na de'i gsang ba bsgoms pas lags/ de nas rgyal po chen po phyag na rdo rjes de dag la 'di skad ces bka' stsal to// sgom pa'i rim pas bsgrubs te phyi nas rnam par rtog pa med pa'i sems kyis bsten nas bdag nyid phyag na rdo rje'i sgra 'am/ rnam par snang mdzad kyi sku 'am/ 'jig rten dbang phyug gi sku 'am/ rdo rje hUM mdzad kyi sku 'am/ 'dod pa'i lha'i sku bsgrub par bya'o// rtsa de'i 'o ma las zla ba'i dkyil 'khor gyi rnam par bsgoms la/ zla ba'i dkyil 'khor de las bdag nyid rdo rje sems dpa'i sgra 'am rang gi lha'i skur bsgom par bya'o/ / rtsa de nyid kha dog nag por bsams nas/ de las bdag nyid rdo rje hUM mdzad kyi skur bsgom par bya'o// rtsa de nyid dmar skya'i rnam pa'i rim pa de nyid kyis bsgoms nas bdag nyid 'jig rten dbang phyug gi skur las kyi dbye bas bsgom par bya'o/ / rtsa de nyid kha dog sngo bsangs nam mkha' lta bur bsgoms nas rdo rje rnon po'i skur bsgoms na/

  197. 99b

    de nas las kyi dbye bas rtsa de dag gi sbyor bas bdag nyid bsgoms na/ des gdon mi za bar 'grub par 'gyur ro// de nas sngags pa des thun mtshams bzhir sems gzhan du ma yengs par bsgoms pa nyid kyis zla ba drug nyid na 'grub par 'gyur ro/ / de nas gzhon nu ma bzang mo zhes bya ba'i rnal 'byor ma'i dbang phyug des/ rgyal po chen po phyag na rdo rje la 'di skad ces gsol to// bcom ldan 'das ji ltar sems can de rnams kyis dgug pa la sogs pa'i las bgyid pa lags/ de nas byang chub sems dpa' chen po phyag na rdo rjes/ de la 'di skad ces bka' stsal to// gal te sngags pas skyes bu dgug par 'dod na/ de nas de'i b+ha ga'i dbus su bdag nyid cung zad dkar ba'i rnam pa khro ba dang bcas pa'i bzhin can phyag drug pa sbyor ba de nyid kyi phra mo'i sgras bsgom na/ rdo rje des bsgrub bya'i snying khar bsnun cing / zhags pas mgrin pa bcings te/ lcags kyus bkug la bcug nas bsgom par bya'o// de nas rgyal po'ang 'gugs par byed na skye dgu grong gi mi la sogs pa lta ci smos/ rig pa 'dzin pa 'gugs na rgyal po lta ci smos/ de nas bud med dbang du bya bar 'dod na/ de nas b+ha ka'i dbus su phra mo'i sgra'i sbyor ba de nyid kyis bdag nyid rta mgrin gyi gzugs kha dog dmar por bsgoms te/ rdo rje des lha mo chen mo de'i snying khar bsnun na/ de nas de rnam par myos pas dpag tshad brgya'i phyed na gnas pa rnams kyang 'ong bar 'gyur na/

  198. 100a

    grong gi mtha' dang khyim gyi mtha' na gnas pa lta smos kyang ci dgos de nyid kyis rig pa 'dzin pa'i chung ma 'am/ dri za'i chung ma 'am/ gnod sbyin gyi chung ma 'am/ 'jig rten gsum gyi bdag po'i chung ma 'am/ brgya byin gyi chung ma'ang 'gugs par byed na rgyal po'i lha mo chen mo 'am/ grong gi bu mo lta smos kyang ci dgos mchog gi sbyor bas dman pa la mi bya zhing / dman pa'i sbyor bas mchog la mi bya ste dam rig nyams par 'gyur ro// dman pa'i sbyor bas mchog sgrub par nus pa'ang ma yin te yan lag ma yin pa'i phyir ro// de nas phyogs 'ga' zhig tu gnas te nyin mtshan du gsang ba bsten par byas na zla ba drug kho na la 'grub par 'gyur zhing / bskal pa'i dngos po dag kyang mthong zhing / ring du gnas pa'i ngag dag kyang thos la/ ji srid sangs rgyas nyid kyang thob par 'gyur ba 'di la the tsom med do// ji ltar rdo rje sgeg mo'i rigs kyi lha mo chen mo'i sgrub thabs ltar rdo rje sgeg mo'ang de bzhin du thams cad sngon gyi rim pas bsgrub par bya'o/ / sbyor ba 'di nyid kyis rnal 'byor ma'i dbang phyug de rnams kyang bkug la bsten par bya'o// de nas rnal 'byor ma'i dbang phyug 'khor dang bcas pa de dag phyag na rdo/ rje'i zhabs la gtugs te/ phyag na rdo rje la 'di skad ces gsol to// bcom ldan 'das tshul 'di nyid kyis bdag cag kyang 'grub par 'gyur lags so// de nas 'dod pas myos

  199. 100b

    ma zhes bya ba'i rnal 'byor ma'i dbang phyug gis/ phyag na rdo rje la 'di skad ces gsol to// bcom ldan 'das gang gis bdag rdo rje'i zhu bas rtag tu sten par bgyid na/ de'i sdom du mchis te sngags pa des bdag po bgyis te bdag de'i rjes su mchi bar bgyi'o/ / de nas gser gyi mig chen zhes bya ba'i rnal 'byor ma'i dbang phyug gis/ de la 'di skad ces gsol to// bco ldan 'das gang gis bdag b+ha ga'i dbus su bdag nyid zhugs nas rtag tu sten par bgyid na/ bdag de'i bran mor gyur te rtag tu der gnas par bgyi zhing nam du'ang 'ong ba dang 'gro bar mi bgyi lags so// de nas skyes bu thams cad kyi yid du 'ong ba zhes bya ba'i rnal 'byor ma'i dbang phyug gis/ bcom ldan 'das thog ma dang tha ma med pa la 'di skad ces gsol to// bcom ldan 'das gang gis bdag rtag tu gsang ba'i tshul gyis sems shing dran par 'gyur ba 'am/ dran par bgyid na de la bdag gdon mi za bar ster bar gyur cig/ de nas phyag na rdo rjes/ rnal 'byor ma'i dbang phyug de rnams la 'di skad ces bka' stsal to/ / sems can gang theg pa chen po'i tshul 'di la zhugs par gyur pa de la bcud len gyi sbyor ba 'dis stobs dang ldan par bya'o// lcags kyi phye ma dang ti ba la ma hA ba la'i rtsa ba 'o ma dang lhan cig sbyar la ka ra dang ldan par byas te 'tsho bar bya'o/ / de nas tsho gas rnal 'byor pas bza' bar bya'o// sha dang mar gyi bza' ba bya'o// de nas stobs

  200. 101a

    chen po dang ldan par gyur nas sdig pas gos par mi 'gyur ro/ / da ni gzhan yang bshad par bya ste/ nam mkha'i yul lam yul gzhan du rdo rje'i 'khor lo rnga brgyad dang ldan pa bdud rtsi'i rang bzhin zla ba'i dkyil 'khor lta bur bdag nyid stobs dang ldan par bya ba'i don du bsgom par bya ste/ des stobs dang ldan par 'gyur ro// de nas gsad pa'i don du rdo rje'i 'khor lo de nyid 'bar zhing gsal ba'i rnam pa me stag 'phro ba can de'i khang pa yul lam grong khyer du bab par bsgom par bya'o/ / de nas de'i skad cig gcig la rigs dang bcas pa rlag par 'gyur ro/ / de nas dbang du bya ba'i don du 'khor lo de nyid kha dog dmar po ban d+hu ka 'am/ dza ba'i me tog gi kha dog lta bus sa phyogs thams cad khyab pa po 'dis bsgrub bya bkug par bsgoms pas de dbang du 'gyur ro/ / rdo rje 'khor lo'i sbyor ba 'di nyid kyis rgyal po dang / blon po dang / mdun na 'don pa la sogs pa rnams kyang dbang du 'gyur ro/ / de nas rgyal po'i lha mo chen me dgug par 'dod na rdo rje 'khor lo de nyid dmar por blta bar byas la/ de 'khor lo bzhag ste rlung gis bsnun pas rang gi rkang pa'i drung du sngas su gtugs par bsgom par byas pas/ de nas nyin mtshan de na de 'gugs par 'gyur ro// de nas byang chub sems dpa' chen po rgyal po phyag na rdo rjes slar yang 'dus par gyur te/

  201. 101b

    rdo rje sgeg mo la sogs pa de bzhin gshegs pa de dag thams cad la 'di skad ces bka' stsal to// sngags pa gang la la rgyud 'di'i don mi sgom pa de ldan yang glegs pam du gyur pa'ang khyim du bcang bar bya'o/ / gang yang tshul 'di la gnas par shes par bya'o// gang zhig yang gus pa sngon du 'gro bas sgom par byed na rdo rje sems dpa' ji lta ba bzhin du shes par bya'o// 'di gang su la'ang bshad par mi bya ste/ ci'i phyir zhe na/ gdug pa can gyi sems can 'ga' zhig yod pas/ de'i mdun du bshad par mi bya ba yin no// slob dpon gyis rdo rje 'dzin pa lta bu la'ang gsang ba'i dbang bskur ba sngon du song bas slob mar byas nas bshad par bya ste gzhan du ni ma yin no/ / slob ma des kyang tsan dan la zla ba'i dkyil 'khor byas te/ der slob dpon bzhugs su gsol la rgyan la sogs pa thams cad kyis brgyan par byas te/ bcom ldan 'das rnam par snang mdzad ji lta bu de ltar byas nas bstod pa la sogs pa dag bya'o// de nas nyan thos kyi theg pa can la sogs pa rnams la nam du'ang lo rgyus tsam yang mi bya zhing / glegs bam tsam yang bstan par mi bya'o// theg pa 'di pa dang lhan cig gcig tu longs spyad par bya zhing gcig tu gnas par bya ste/ rnam par rtog pa ci'ang mi bya'o// 'di ni bcom ldan 'das phyag na rdo rje la bka' stsal to// mchog tu gsang ba'i mdzod ces bya ba theg pa chen po'i mdo

  202. 102a

    las/ gsang ba'i de kho na nyid sbas pa'i mchog gi thig le zhes bya ba'i gsang ba'i 'byung gnas rdzogs so// dam pa'i rgyud 'di gangs can 'din sngon/ / rnam pa kun tu bsgyu bas rnyed nas// mkhas pa dade bar gshegs pa'i dpal dang ni// sgra rig sum dga' rgyal mtshan bdag gis bsgyur// dam pa'i bkas bskul nas mi pa yis/ / dpal ldan sa spyi'i gtsug lag khang du bsgyur// dge ba de yis sems can thams cad kyis// gsang don rtogs nas sangs rgyas sor 'gro shog/ rgya gar skad du/ ma hA be ro tsan a d+hi sa bo d+hi bi kurbi ta a d+hiSh+ThA na bai pu l+ya sU twen+d+ha rA dza nA ma d+harma R+sha ya/ bod skad du/ rnam par snang mdzad chen po mngon par rdzogs par byang chub pa rnam par sprul pa byin gyis rlob pa shin tu rgyas pa mdo sde dbang po'i rgyal po zhes bya ba'i chos kyi rnam grangs/ / // bam po dang po// bcom ldan 'das ngag gi dbang phyug la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa byin gyis rlob pa/ rdo rje chen po rgya che ba/ chos kyi dbyings kyi pho brang rdo rje 'dzin thams cad 'du ba/ de bzhin gshegs pa mos pas rnam par rol pa mtha' dang dbus med cing rtse mo mtho ba/ rin po che'i rgyal pos shin tu

  203. 102b

    legs par brgyan pa 'byung ba'i khang bzang chen po rin po che'i rgyal po'i nang na/ byang chub sems dpa'i lus kyi seng ge'i khri la bzhugs te/ 'di lta ste/ rdo rje 'dzin nam mkha' dri ma med pa dang / nam mkha' la rnam par 'gro ba dang / nam mkha' 'byung ba dang / gos sna tshogs gyon pa dang / sna tshogs su rgyu ba dang / chos thams cad mnyam pa nyid la gnas pa dang / sems can gyi khams mtha' yas pa yongs su skyob pa'i rdo rje dang / sred med kyi bu'i stobs can dang / sred med kyi bu chen po'i stobs can dang / rdo rje bzang dang / rdo rje mchog gi shugs can dang / dri ma med pa'i rdo rje dang / rdo rje mchog 'chang dang / de bzhin gshegs pa'i go cha dang / de bzhin gshegs pa'i go 'phang du 'byung ba dang / spros pa med pa la gnas pa dang / de bzhin gshegs pa'i stobs bcu las nges par skyes pa dang / dri ma med pa'i mig dang / gsang ba pa'i bdag po phyag na rdo rje dang / de dag la sogs te sangs rgyas kyi zhing bcu'i rdul phra rab kyi rdul snyed kyi rdo rje 'dzin rnams dang thabs cig tu bzhugs te/ byang chub sems dpa' sems dpa' chen po kun tu bzang po dang / byams pa dang / 'jam dpal dang / sgrib pa thams cad rnam par sel ba la sogs pa dag gis kyang bskor cing mdun gyis bltas pa la/ 'di lta ste/ de bzhin gshegs pa'i nyi ma

  204. 103a

    dus gsum las 'das par byin gyis brlabs nas/ sku dang / gsung dang / thugs mnyam pa nyid kyi gzhi zhes bya ba'i chos kyi sgo'i chos ston to// de nas byang chub sems dpa' kun tu bzang po la sogs pa de dag dang / gsang ba pa'i bdag po la sogs pa rdo rje 'dzin de dag bcom ldan 'das rnam par snang mdzad kyis byin gyis brlabs kyis sku mnyam pa nyid bkod pa mi zad pa'i mdzod rnam par bsgyings pa la zhugs so/ / de bzhin du gsung dang thugs mnyam pa nyid bkod pa mi zad pa'i mdzod rnam par bsgyings pa la zhugs te/ 'on kyang bcom ldan 'das rnam par snang mdzad kyi sku 'am/ gsung ngam/ thugs la ni 'jug pa 'am ldog pa'ang mi dmigs so// thams cad du'ang bcom ldan 'das rnam par snang mdzad kyi sku'i 'phrin las thams cad dang / gsung gi 'phrin las thams cad dang / thugs kyi 'phrin las thams cad sems can gyi khams thams cad la kun tu gsang sngags kyi tshul gyi tshig 'di ngag gis chos bstan pa mthong ba ni/ 'di lta ste/ sems can las kyi tshe rnam par bskyed pa'i rnams sems dang po bskyed pa nas bzung ste/ sa bcu pa'i bar la gnas pa 'di nyid la yongs su rdzogs par bya ba dang / las kyi tshe bkag pa rnams kyang srid pa'i myu gu mngon par 'grub par bya ba'i phyir rdo rje 'dzin pa'i lus dang 'dra ba dang / byang chub sems dpa' kun tu bzang

  205. 103b

    po dang / phyag na pad+ma'i lus 'dra ba phyogs bcu na gsang sngags kyi tshul gyi tshig rnam par dag pa'i tshig dag gis chos ston pa dag kyang mthong ngo // de nas yang bcom ldan 'das la/ gsang ba pa'i bdag po phyag na rdo rje 'khor 'dus pa de nyid na 'dug pa des 'di skad ces gsol to/ / bcom ldan 'das ji ltar de bzhin gshegs pa dgra bcom pa yang dag par rdzogs pa'i sangs rgyas rnams kyis thams cad mkhyen pa'i ye shes brnyes nas/ thams cad mkhyen pa'i ye shes de sems can rnams la rnam par phye ste/ tshul sna tshogs dang / bsam pa sna tshogs dang / thabs sna tshogs dag gis ston cing / kha cig la ni nyan thos kyi theg pa'i tshul/ kha cig la ni rang sangs rgyas kyi theg pa'i tshul/ kha cig la ni theg pa chen po'i tshul/ kha cig la ni mngon par shes pa lnga'i tshul/ kha cig la ni lhar skye bar bya ba dang / kha cig la ni mir skye bar bya ba nas/ lto 'phye chen po dang / klu dang / gnod sbyin dang / dri za dang / lha ma yin dang / nam mkha' lding dang / mi 'am cir skye bar bya ba'i bar du chos ston pa lags/ de la sems can la la sangs rgyas kyis 'dul bar bya ba dag gis ni sangs rgyas kyi gzugs su mthong / la las ni nyan thos kyi gzugs su/ la las ni rang sangs rgyas kyi gzugs su/ la las ni byang chub sems dpa'i gzugs su/ la las ni dbang phyug chen po'i gzugs su la las ni

  206. 104a

    tshangs pa'i gzugs su/ la las ni sred med kyi bu'i gzugs su/ la las ni rnam thos kyi bu'i gzugs nas/ la las ni lto 'phye chen po dang / mi dang / mi ma yin pa'i bar du mthong ste/ rang rang gi tshig brjod pa'i tshul dag dang / spyod lam sna tshogs su mthong la/ thams cad mkhyen pa'i ye shes de'ang 'di ltar de bzhin gshegs pa'i rnam par grol ba'i ror ro gcig pa lags so/ / bcom ldan 'das 'di lta ste/ dper bgyi na nam mkha'i khams ni rtog pa dang rnam par rtog pa thams cad dang bral ba ste/ mi rtog pa rnam par mi rtog pa lags so/ / bcom ldan 'das de bzhin du thams cad mkhyen pa'i ye shes kyang rtog pa thams cad dang bral ba ste/ mi rtog rnam par mi rtog pa lags so// bcom ldan 'das 'di lta ste/ dper bgyi na sa chen po 'di ni sems can thams cad kyi gsos su gyur pa lags so// bcom ldan 'das de bzhin du thams cad mkhyen pa'i ye shes kyang lha dang / mi dang / lha ma yin du bcas pa'i 'jig rten gyi gsos su gyur pa lags so/ / bcom ldan 'das 'di lta ste/ dper bgyi na me'i khams ni bud shing thams cad sreg pas nam yang yongs su bas par mi 'gyur lags so// de bzhin du thams cad mkhyen pa'i ye shes kyang mi shes pa'i bud shing thams cad sreg pas nam yang yongs su bas par mi 'gyur lags so/ / bcom ldan 'das 'di lta ste/ dper bgyi na rlung gi khams

  207. 104b

    ni rdul thams cad sel bar bgyid pa lags so/ / bcom ldan 'das de bzhin du thams cad mkhyen pa'i ye shes kyang mi shes pa'i rdul thams cad sel bar bgyid pa lags so// bcom ldan 'das 'di lta ste/ dper bgyi na chu'i khams ni sems can thams cad kyi lus sim par bgyid pa lags so// de bzhin du thams cad mkhyen pa'i ye shes kyang lha dang bcas pa'i 'jig rten rab tu sim par bgyid pa lags na/ bcom ldan 'das ye shes 'di'i rgyu ni gang lags/ rtsa ba ni gang lags/ mthar thug pa ni gang lags/ de skad ces gsol pa dang / bcom ldan 'das rnam par snang mdzad kyis/ phyag na rdo rje la 'di skad ces bka' stsal to// lag na rdo rje legs so legs so// lag na rdo rje gang khyod nga la don 'di 'dra ba ni yang legs so// de'i phyir nyon la legs par rab tu yid la zung zhig dang ngas khyod la bshad do// rgyu ni byang chub kyi sems so// rtsa ba ni snying rje chen po'o// mthar thug pa ni thabs so// gsang ba pa'i bdag po de la byang chub gang zhe na/ rang gi sems yang dag pa ji lta ba bzhin yongs su shes pa ste/ de'ang bla na med pa yang dag par rdzogs pa'i byang chub bo// gsang ba pa'i bdag po de la ni chos rdul tsam yang med cing mi dmigs so/ / de ci'i phyir zhe na/ byang chub de ni nam mkha'i mtshan nyid de/ de la byang chub par byed pa'ang med la/ byang chub par bya ba'ang 'ga' yang

  208. 105a

    med do/ / de ci'i phyir zhe na/ byang chub la mtshan nyid med pa'i phyir te/ gsang ba pa'i bdag po chos thams cad kyang mtshan nyid med pa ni/ 'di lta ste/ nam mkha'i mtshan nyid do// de nas yang bcom ldan 'das la/ phyag na rdo rjes 'di skad ces gsol to// bcom ldan 'das thams cad mkhyen pa nyid ni gang nas yongs su btsal bar bgyi/ gang gis ni byang chub mngon par rdzogs par 'tshang rgya bar bgyi lags/ bcom ldan 'das kyis bka' stsal pa/ gsang ba pa'i bdag po byang chub dang thams cad mkhyen pa nyid ni rang gi sems las yongs su btsal bar bya'o/ / de ci'i phyir zhe na/ sems de ni rang bzhin gyis yongs su dag pa yin te/ de ni nang na'ang med/ phyi rol na'ang med/ gnyis ka'i bar na'ang mi dmigs so/ / gsang ba pa'i bdag po sems ni de bzhin gshegs pa dgra bcom pa yang dag par rdzogs pa'i sangs rgyas rnams kyis ma gzigs/ mi gzigs/ gzigs par mi 'gyur te/ sngon por mya yin/ ser por mA yin/ dmar por ma yin/ dkar por ma yin/ kha dog le brgan du ma yin/ shel gyi kha dog tu ma yin/ thung ngur ma yin/ ring por ma yin/ zlum por ma yin/ gru bzhir ma yin/ snang bar ma yin/ mun par ma yin/ skyes par ma yin/ bud med du ma yin/ ma ning du ma yin no// gsang ba

  209. 105b

    pa'i bdag po sems de ni 'dod pa'i khams kyi rang bzhin ma yin/ gzugs kyi khams kyi rang bzhin ma yin/ gzugs med pa'i khams kyi rang bzhin ma yin no// lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i 'gro ba sems can ris mthun pa'i rang bzhin ma yin no/ / gsang ba pa'i bdag po sems de ni mig la mi gnas/ rna ba la mi gnas/ sna la ma yin/ lce la ma yin/ lus la ma yin/ yid la mi gnas so// de ci'i phyir zhe na/ sems de ni nam mkha'i mtshan nyid do// de'i phyir rtog pa dang rnam par rtog pa thams cad dang bral ba'o// de ci'i phyir zhe na/ nam mkha'i rang bzhin gang yin pa de ni sems kyi rang bzhin no/ / sems kyi rang bzhin gang yin pa de ni byang chub kyi rang bzhin te/ gsang ba pa'i bdag po de ltar na sems dang / nam mkha'i dbyings dang / byang chub 'di ni gnyis su med de gnyis su byar med do/ / de'ang snying rje'i rtsa ba can thabs kyi pha rol tu phyin pas yongs su bzung ba ste/ gsang ba pa'i bdag po de bas na rnam grangs 'dis kyang 'di ltar nga byang chub sems dpa'i 'khor gyi nang du chos gang dang gang ston pa de dag thams cad ni byang chub kyi sems yongs su dag par bya ba dang / sems yongs su shes par bya ba'i phyir yin par rig par bya'o// gsang ba pa'i

  210. 106a

    bdag po de lta bas na rigs kyi bu 'am/ rigs kyi bu mo byang chub yongs su shes par 'dod pas rang gi sems nyid yongs su shes par bya'o// gsang ba pa'i bdag po ji ltar rang gi sems yongs su shes par bya zhe na/ 'di lta ste/ rnam par ram/ kha dog tu 'am/ dbyibs su 'am/ yul du 'am/ gzugs su 'am/ tshor bar ram 'du shes su 'am/ 'du byed du 'am/ rnam par shes par ram/ bdag tu 'am/ bdag gir ram/ gzung bar ram/ 'dzin par ram/ dag par ram/ ma dag par ram/ khams su 'am/ skye mched du 'am/ rnam pa thams cad kyi bar du yongs su btsal yang mi dmigs pa yin no// gsang ba pa'i bdag po 'di ni byang chub sems dpa'i byang chub kyi sems rnam par dag pa'i sgo zhes bya ba chos snang ba'i sgo chos snang ba'i tshul dang po ste/ gang la gnas na byang chub sems dpa' rnams tshegs chung ngus sgrib pa thams cad spong ba'i ting nge 'dzin 'thob cing / de thob pas byang chub sems dpa' rnams sangs rgyas thams cad dang lhan cig 'grogs pa 'thob par 'gyur/ mngon par shes pa lnga dag kyang 'thob par 'gyur/ skad dang / sgra dang / dbyangs mtha' yas pa'i gzungs kyang 'thob par 'gyur/ sems can gyi bsam pa rjes su shes pa dang / de bzhin gshegs pa thams cad kyis byin gyis

  211. 106b

    brlabs shing 'khor ba na yongs su mi nyams pa'i chos can du 'gyur/ sems can gyi don bya ba dag la yongs su mi skyo bar 'gyur/ 'dus ma byas kyi tshul khrims la rab tu gnas pa dang / log par lta ba rnam par spangs pa dang / yang dag par lta ba rtogs par khong du chud par 'gyur ba yin no// gsang ba pa'i bdag po gzhan yang sgrib pa thams cad spob pa'i ting nge 'dzin 'di la gnas pa'i byang chub sems dpa' ni mos pa'i stobs bskyed pa'i tshegs chung ngus sangs rgyas kyi chos thams cad yongs su rdzogs par byed de/ gsang ba pa'i bdag po mdor na rigs kyi bu 'am/ rigs kyi bu mo de ni yon tan dpag tu med pa dang ldan par 'gyur ro// de nas yang bcom ldan 'das la// phyag na rdo rjes yongs su zhu ba/ bcom ldan ji ltar byang chub tu// sems skyes pa zhes bgyi ba lags// byang chub 'byung ba'i sems skyes pa'i// mtshan nyid ji ltar 'tshal bar bgyi// sems mkhyen pa 'di rnams kyi mchog/ dpa' chen ye shes las byung ba// ji snyed cig las 'das nas ni// skye bar 'gyur ba bstan du gsol// mgon po sems kyi mtshan nyid dang // dus kyang rgya cher bstan du gsol/ / de dag bsod nams ci 'dra dang // spyod pa ci 'drar 'gyur ba dang // sems la sems kyi khyad par yang // thub pa chen pos bstan du gsol// de skad gsol nas de yi

  212. 107a

    tshe/ / bcom ldan rnam par snang mdzad kyis// phyag na rdo rje cher 'byung la// legs so bu zhes 'di skad gsungs// theg pa chen po'i go 'phang mchog sems kyi rgyud kyi mtshan nyid ni/ / rdzogs sangs rgyas kyi gsang ba'i mchog/ rtog ge kun gyis mi shes pa// thams cad khyod la bshad par bya// yid gcig bsdus la mnyan par gyis/ / sems ni brgya rtsa drug cu las// 'das dang byang chub nyid kyi phyir// bsod nams ches 'byung snying po ste// byang chub 'byung ba skye bar 'gyur// nam mkha'i lta bur dpag med cing / / gos pa med de ji bzhin gnas// chos kun gyis ni mi bsgral te// gzod nas zhi zhing mtshan nyid med// dpag med ye shes kyis bsgrub pa// yang dag rdzogs sangs rgyas ston pa// mchod dang spyod pas bsgrubs pa'i phyir// byang chub phyir ni dang por 'dod// gsang ba pa'i bdag po de la 'khor ba thog ma med pa nas byis pa so so'i skye bo rnams ngar 'dzin pa dang / yir 'dzin pa la mngon par zhen pas bdag gi khyad par grangs med par rab tu brtags te/ gsang ba pa'i bdag po de la bdag gi ngo bo nyid la ma dpyad par bdag go zhes ngar 'dzin pa kun nas slong ngo / / gzhan dag ni dus las byung ba dang / 'dzin pa pos sprul pa dang / nges par byung ba dang / 'di lta ste/ dbang phyug dang / 'byin pa po dang / dus dang / gtso bo dang /

  213. 107b

    byed pa po dang / byed pa po ma yin pa dang / rnal 'byor dang / tshad ma dang / dag pa dang / ma dag pa dang / nang gi bdag dang / skyes bu dang / khyab bdag dang / srog dang / gang zag dang / dus rnam par shes pa dang / kun gzhi dang / shes pa po dang / mthong ba po dang / gzung ba dang / 'dzin pa dang / shes pa dang / shes bya dang / shes par bya ba dang / shed las skyes pa dang / shed bu dang / brjod par bya ba dang / brjod par bya ba ma yin par rtog ste/ gsang ba pa'i bdag po bdag gi khyad par 'di lta bu la sogs pa rnal 'byor 'dod pa'i rnal 'byor pa dag gis thar pa 'dod pas sngon brtags pa yin no/ / gsang ba pa'i bdag po gzhan yang byis pa so so'i skye bo phyugs dang mtshungs pa rnams las brgya lam na res 'ga' zhig chos kyi 'du shes 'byung ba ni/ 'di lta ste/ sbyang bar gnas pa la gnas par bya'o zhes bya ba des de tsam zhig sems la byas te mgu ba bskyed nas phyi phyir zhing de nyid la goms par byed de/ gsang ba pa'i bdag po de ni dge ba'i las skye ba'i sa bon lta bu ste sems dang po'o// de rgyu de nyid kyis mtshan ma dang bcas pa'i nyi ma de dang de dag la pha ma dang / bu dang / bu mo dang mdza' bshes dang / nye du dag la sbyin pa sbyin par byed de/ 'di ni myu gu lta bu ste gnyis pa'o// gzhan yang sbyin pa de nyid mi shes pa dag la'ang sbyin par byed de/ 'di ni sdong bu lta bu ste gsum

  214. 108a

    pa'o/ / gzhan yang sbyin pa de nyid snod du rung ba yongs su tshol zhing sbyin par byed de/ 'di ni lo ma lta bu ste bzhi pa'o// gzhan yang sbyin pa de nyid bla ma 'am rol mo mkhan dag la dga' bzhin du sbyin par byed de/ 'di ni me tog lta bu ste lnga pa'o// gzhan yang sbyin pa de nyid yid dga' ba dag la sbyin par byed de/ 'di ni 'bras bu lta bu ste drug pa'o// gsang ba pa'i bdag po gzhan yang mtho ris su skye bar bya ba'i phyir tshul khrims srung ste/ 'di ni gsos su gyur pa lta bu ste bdun pa'o// gsang ba pa'i bdag po gzhan yang sems de lta bu nyid kyis 'khor bar rgyu ba na dag pa'i bshes gnyen la la zhig las tshig 'di skad thos te/ lha 'di dag ni lha chen te// thams cad la ni bde ba ster// de la khyod kyis gus mchod dang // thams cad 'byor banyid du 'gyur/ / de dag kyang ni 'di lta ste// dbang phyug dang ni tshangs pa dang // de bzhin khyab 'jug bde byed dang // drag po skom byed de bzhin du// nyi ma zla ba chu lha nyid// lus ngan nor sbyin brgya byin dang / / mig mi bzang dang sna tshogs 'byung // gshin rje dus mtshan mya ngan 'das// 'jig rten gtso zhes bya ba dang // me dang rnam par 'dud pa'i bu// de bzhin lha mo dka' thub bzlog/ pad+ma dang ni 'jog po klu// nor ldan dang ni dung zhes bya// kar kau Ta ka pad+ma che// rigs can dang ni gdeng ka mang // rtag tu mtha' yas thog ma'i lha// de bzhin lha dang

  215. 108b

    drang srong mchog/ rig byed rig byed skyes bu yin// mkhas pas mchod pa gyis shig ces// de las de 'dra'i tshig thos nas// yid ni yang dag mgu gyur te// de tshe rab tu gus ldan pas// de dag la ni nan tan byed// gsang ba pa'i bdag po 'di ni byis pa so so'i skye bo 'khor ba na kun tu 'khyams pa rnams kyi dbugs 'byin pa'i mchog yin te/ 'di ni stobs su gyur pa ste/ sems brgyad par rgyal ba rnams kyis bshad do/ / gsang ba pa'i bdag po gzhan yang khyad par rtogs pa ji skad du yongs su bsgrags pa'i khyad par de dang de dag la khyad par du gnas pa rnams la 'ba' zhig pa nyid kyi don du blo skye zhing / de'ang yod do yod do zhes stong pa nyid kho na la dngos por sems te/ gsang ba pa'i bdag po de dag gis ni stong pa nyid rab tu mi shes so// stong pa nyid ni dngos po'ang ma yin/ dngos po med pa'ang ma yin/ yod pa'ang ma yin/ med pa'ang ma yin/ gnyis ka'ang ma yin te/ de la rtog pa 'am mi rtog pa'ang med na/ de la ji ltar stong pa zhes brtag par bya/ gang dag stong nyid mi shes pa// de dag mya ngan 'das mi shes// de phyir dngos dang dngos med pa'i// 'jigs pas stong nyid shes par bya// de nas yang bcom ldan 'das la/ phyag na rdo rjes gsol ba btab pa/ bcom ldan 'das sems kyi khyad par de dag bshad du gsol/ de skad ces gsol pa dang / bcom ldan 'das kyis/ gsang ba pa'i

  216. 109a

    bdag po phyag na rdo rje la 'di skad ces bka' stsal to/ / gsang ba pa'i bdag po sems kyi khyad par gyi mtshan nyid nyon cig/ gsang ba pa'i bdag po de la sems ni 'dod chags kyi sems dang / 'dod chags dang bral ba'i sems dang / zhe sdang gi sems dang / byams pa'i sems dang / gti mug gi sems dang / shes rab kyi sems dang / gtan la phab pa'i sems dang / the tsom gyi sems dang / mun par gyur pa'i sems dang / snang bar gyur pa'i sems dang / sdud pa'i sems dang / 'thab pa'i sems dang / rtsod pa'i sems dang / mi rtsod pa'i sems dang / lha'i sems dang / lha ma yin gyi sems dang / klu'i sems dang / ma'i sems dang / bud med kyi sems dang / dbang phyug gi sems dang / tshong pa'i sems dang / zhing pa'i sems dang / chu bo'i sems dang / lteng ka'i sems dang / khron pa'i sems dang / kun tu srung ba'i sems dang / ser sna'i sems dang / khyi'i sems dang / byi la'i sems dang / nam mkha' lding gi sems dang / byi ba'i sems dang / glu'i sems dang / gar gyi sems dang / sil snyan gyi sems dang / khyim gyi sems dang / seng ge'i sems dang / 'ug pa'o sems dang / bya rog gi sems dang / srin po'i sems dang / tsher ma'i

  217. 109b

    sems dang / sa 'og gi sems dang / rlung gi sems dang / chu'i sems dang / me'i sems dang / 'dam gyi sems dang / rnyog pa'i sems dang / tshon rtsi'i sems dang / shing leb kyi sems dang / nor pa'i sems dang / dug gi sems dang / zhags pa'i sems dang / lcags sgrog gi sems dang / sprin gyi sems dang / zhing gi sems dang / lan tshwa'i sems dang / spu gri'i sems dang / ri rab lta bu'i sems dang / rgya mtsho lta bu'i sems dang / phug lta bu'i sems dang / skye bar 'gyur ba'i sems so// gsang ba pa'i bdag po de la 'dod chags kyi sems gang zhe na/ chags pa can chos kun tu sten pa'o// 'dod chags dang bral ba'i sems gang zhe 'dod chags dang bral ba'i chos kun tu sten pa'o/ / zhe sdang gi sems gang zhe na/ sdang bas chos kun tu sten pa'o// byams pa'i sems gang zhe na/ byams pa dang ldan pas chos kun tu sten pa'o/ / gti mug gi sems gang zhe na/ gang mi dpyod par chos ston pa'o// shes rab kyi sems gang zhe na/ khyad par las khyad par gzhan rtogs par byas te chos sten pa'o/ / gtan la bab pa'i sems gang zhe na/ bka' dang bla ma'i tshig bzhin byed pa'o// the tshom gyi sems gang zhe na/ ji ltar yongs su bzung ba nges pa dag la som nyi sten pa

  218. 110a

    nyid do/ / mun par gyur pa'i sems gang zhe na/ som nyi med pa la som nyid shes pa'o// snang bar gyur pa'i sems gang zhe na/ som nyi med pa la som med par sten pa'o/ / sdud pa'i sems gang zhe na/ du ma gcig tu byed pa'o// 'thab pa'i sems gang zhe na/ phan tshun rtsod pa nyid do// rtsod pa'i sems gang zhe na/ gang dag bdag nyid dang bdag nyid du rtsod pa'o/ / mi rtsod pa'i sems gang zhe na/ mnyam pas mtshungs par lta ba'o// lha'i sems gang zhe na/ yid kyis bdag nyid la rlom sems su byed pa'o/ / lha ma yin gyi sems gang zhe na/ gang 'khor ba nyid la smod pa'o// klu'i sems gang zhe na/ gang longs spyod chen po nyid du bya ba'i phyir sems pa'o// mi'i sems gang zhe na/ de nyid kyi don du sems pa'o// bud med kyi sems gang zhe na/ 'dod pa kho na'i phyir chos sten pa'o// dbang phyug gi sems gang zhe na/ gang bdag gis thams cad bsams so snyam du rlom sems su byed pa'o/ / tshong pa'i sems gang zhe na/ gang bsdu ba byas te rnam par spel nas phyis sten pa'o// zhing pa'i sems gang zhe na/ gang thos pa rnam pa du ma tshol zhing phyis sten pa'o// chu bo'i sems gang zhe na/ gang mtha' gnyis la ltos shing sten pa'o// lteng ka'i sems gang zhe na/ gang sred pas sten pa'o//

  219. 110b

    khron pa'i sems gang zhe na/ gang mi zab pa la zab par sems pa'o// kun tu srung ba'i sems gang zhe na/ 'di nyid bden gyi gzhan ni gti mug go snyam du sems pa'o// ser sna'i sems gang zhe na/ bdag nyid sten cing gzhan la mi ster ba'o// byi la'i sems gang zhe na/ gang mchod pa la ltos te sten pa'o// khyi'i sems gang zhe na/ gang chung dus kyang mgu bar 'gyur ba'o/ / nam mkha' lding gi sems gang zhe na/ gang phyogs 'dzin pas chos la sten pa'o// byi ba'i sems gang zhe na/ bcing ba thams cad gcad pa'i phyir sems pa'o/ / glu'i sems gang zhe na/ bdag gis dbyangs sgra sna tshogs kyi glus sems can rnams gzung bar bya'o snyam pa'o// gar gyi sems gang zhe na/ bdag gis rdzu 'phrul sna tshogs kyis gzhan dag yang dag par 'dzin du gzhug go snyam du sems pa'o/ / sil snyan gyi sems gang zhe na/ bdag gis chos kyi rnga brdung ngo snyam pa'o// khyim gyi sem gang zhe na/ bdag gi lus kun tu srung ba'i phyir sten pa'o// seng ge'i sems gang zhe na/ gang thams cad zil gyis gnon pa sten pa'o// 'ug pa'i sems gang zhe na/ gang mtshan mo sems pa'o/ / bya rog gi sems gang zhe na/ gang thams cad skrag par sems pa'o// srin po'i sems gang zhe na/ dge bas mi dge ba rnams sgrub pa'o// tsher ma'i

  220. 111a

    sems gang zhe na/ gang thams cad du 'gyod pa sems pa'o// sa 'og gi sems gang zhe na/ gang sa 'og gi don du sems pa'o// rlung gi sems gang zhe na/ gang thams cad du thams cad sgrub pa'o// chu'i sems gang zhe na/ gang mi dge ba thams cad bkru ba'i phyir sten pa'o// me'i sems gang zhe na/ gang dka' thub nyid kyis gdung bar byed pa'o/ / 'dam gyi sems gang zhe na/ gang bdag gi nyes pas gzhan la skud pa'o// rnyog pa'i sems gang zhe na/ gang pha rol gyi nyes pa 'dzin pas sems la rnyog pa skyed pa'o/ / tshon rtsi'i sems gang zhe na/ gang de la chags pa nyid du sten pa'o// shing leb kyi sems gang zhe na/ gang dge ba gzhan spong bas sten pa'o// nor ba'i sems gang zhe na/ gzhan gzung zhing gzhan kho nar sems pa'o// dug gi sems gang zhe na/ gang shin tu dngos po med pa nyid sems pa'o// zhags pa'i sems gang zhe na/ gang thams cad du bdag nyid bcings shing 'dug pa'o// lcags sgrog gi sems gang zhe na/ gang rkang pa gnyis la 'dug ste sems pa'o// sprin gyi sems gang zhe na/ gang chu dag la sems pa'o// zhing gi sems gang zhe na/ rang gi lus nyid yongs su sbyong bar byed pa'o// lan tshwa'i sems gang zhe na/ gang zhig gang gis sems

  221. 111b

    par byed pa de la'ang sems pa'o/ / spu gri'i sems gang zhe na/ gang rab tu byung ba tsam la sten pa'o// ri rab lta bu'i sems gang zhe na/ gang mtho bar gyur nas sems pa'o/ / rgya mtsho lta bu'i sems gang zhe na/ gang rang gi lus nyid la mchog tu 'dzin cing 'dug pa'o// phug lta bu'i sems gang zhe na/ gang sngar nges par gyur la phyis de nyid kyi 'gyur ba sten pa'o/ / de la skye bar 'gyur ba'i sems gang zhe na/ gang rang gi sems 'du byed gang kho na dang skyes pa de kho na dang lhan cig 'gro ba'o// gsang ba pa'i bdag po de ltar na gcig/ gnyis/ gsum/ bzhi/ lnga/ gnyis su bsgyur ba byas na 'jig rten pa'i sems brgya drug cu bskal pa gsum gyis 'das nas 'jig rten las 'das pa'i sems skye ste/ 'di lta ste/ 'di ni phung po tsam nyid de// bdag ni nam yang yod ma yin// dbang po grong khyer khams rnams kyis// 'jig rten don med rnam par nyams// / yan lag bcu gnyis rten 'brel 'di// nyon mongs las kyis kun nas bslang // ma rig sa bon las byung ba// byed po la sogs rnam par spangs// de ltar zhi zhing shin tu zab/ / rtog ge kun gyis shes par dka'// nyes pa thams cad rnam spangs pa// sangs rgyas rnams kyis mngon bstan pa'o// gsang ba pa'i bdag po de la 'jig

  222. 112a

    rten las 'das pa'i sems la gnas pa rnams la'ang phung po dag la yod do snyam pa'i blo nye bar skye'o/ / nas phung po dag la 'dod chags dang bral ba bskyed pa de'i tshe/ lbu ba dang / chu'i chu bur dang / sgyu ma dang / smig rgyu dang mtshungs par 'jigs pas rnam par grol bar 'gyur te/ 'di lta ste/ phung po dang / khams dang / skye mched dang / gzung ba dang / 'dzin pa rnam par spangs pa/ chos nyid kyi rang gi ngo bo zhi ba'i dbyings rtogs par 'gyur ro// gsang ba pa'i bdag po 'jig rten las 'das pa'i sems phyin ci log dang / phyin ci ma log pa'i sems kyi khyad par brgyad dang 'brel pa las dang nyon mongs pa'i dra ba dang bral ba 'di ni rnal 'byor pa dag bskal pa gcig gis 'da' bar byed do/ / gsang ba pa'i bdag po gzhan yang theg pa chen pos bgrod pa gzhan gyi dring mi 'jog pa rnams la chos la bdag med pa'i sems skye'o// de ci'i phyir zhe na/ 'di ltar de dag sngon spyad pa spyod cing phung po'i gnas rnam par 'jig pa na/ ngo bo nyid yongs su shes pa'i phyir sgyu ma dang / smig rgyu dang / gzugs brnyan dang / brag cha dang / mgal me'i 'khor lo dri za'i grong khyer lta bu'i 'du shes skyes so/ / gsang ba pa'i bdag po de'i phyir de dag gi sems kyi dbang du byas pas chos la bdag med pa nyid kyang spang bar bya ste/ rang gi sems

  223. 112b

    ni gzod ma nas ma skyes pa'o/ / de ci'i phyir zhe na/ gsang ba pa'i bdag po ngo bo nyid yongs su shes pa'i phyir sems la sngon gyi mthu' dang phyi ma'i mtha' mi dmigs te/ rnal 'byor/ pa dag 'di'i nga bskal pa gnyis kyis 'da' bar byed do// gsang ba pa'i bdag po gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pa bskal pa bye ba khrag khrig brgya stong dpag tu med par/ bsod nams dang ye shes kyi tshogs dpag tu med pa bsags pa rnams la shes rab dang thabs dpag tu med pa yongs su bzung ba/ lha dang lha ma yin du bcas pa'i 'jig rten gyis phyag byas pa/ nyan thos dang rang sangs rgyas thams cad kyi sa las yang dag par 'das pa/ brgya byin dang / tshangs pa'i dbang po dang / nye dbang la sogs pas phyag byas pa/ 'di lta ste/ stong pa nyid kyi ngo bo nyid rdzas med pa/ mtshan nyid med pa/ mtshan ma med pa/ spros pa thams cad las 'das pa nam mkha' ltar dpag tu med pa/ chos thams cad kyi sgro skabs su gyur pa/ 'dus byas dang 'dus ma byas kyi khams dang bral ba/ las dang bya ba med pa/ mig dang rna ba dang / sna dang / lce dang / lus dang / yid dang bral ba shin tu ngo bo nyid med pa'i sems skye ste/ gsang ba pa'i bdag po 'di ni byang chub kyi sems dang po zhes rgyal ba rnams kyis

  224. 113a

    gsungs so/ / de dag nyon mongs la su las sgrol// las dang nyon mongs ldan pa'ang yin// de dag 'jig rten sbyin gnas te// de dag rtag mchod ri mo bya/ / gsang ba pa'i bdag po gzhan yang // mos pa yis ni spyod pa'i sa// sems gsum rnam par sgom pa ste// pha rol phyin rnams spyod pa dang // bsdu ba dag ni bzhi po yis// mos pa yis ni mtshungs pa med// dpag tu med cing bsam mi khyab// dpag med ye shes 'byung ba ni// sems bcu dag gis thob par 'gyur// ngas gang cung zad brjod pa ni// thams cad 'di yis thob par 'gyur// de phyir thams cad mkhyen pa yis// mos pa zhes ni bya bar bshad// blo ldan bskal pa gcig gis ni// sa las yang dag 'da' bar 'gyur// 'di yi yang ni bzhi che yis// mos pa las kyang 'da' bar 'gyur// de nas bcom ldan 'das la// phyag na rdo rjes 'di skad ces gsol to// mgon po khyab bdag khyod kyis ni// sems kyi mtshan nyid bstan lags na// dbugs 'byin rnam pa du thob nas// mchog skyes de dag dbugs phyin 'gyur// de skad gsol nas bcom ldan 'das// rnam par snang mdzad chen po yis/ / de tshe phyag na rdo rje la// yid bsdus 'di ni nyon zhes gsungs// gsang ba pa'i bdag po de la nam byis pa so so'i skye bo dag mi dge ba'i las spangs te dge ba'i las

  225. 113b

    byed pa de'i tshe dge bas dbugs phyin pa yin no/ / nam bdag gi de kho na nyid yang dag pa ji lta ba bzhin du rab tu shes pa de'i tshe bdag la brten nas dbugs phyin pa yin no// nam phung bo yongs su bzung ba byas te/ rang gi ngo bo la rnam par dpyad nas bdag la rten pa yongs su gtong ba de'i tshe bdag med pas dbugs phyin pa yin no// nam phung po rnams spangs nas chos kyi dmigs pa la gnas pa de'i tshe chos kyis dbugs phyin pa yin no/ / nam chos rnams spangs nas mi skye ba la gnas pa de'i tshe chos la bdag med pas dbugs phyin pa yin no// nam phung po dang / khams dang / skye mched thams cad dang / gzung ba dang / 'dzin pa dang / bdag dang / srog la sogs pa dang / chos dang / mi skye ba dag kyang stong pa nyid kyi ngo bo nyid du yang ngo bo nyid med do zhes stong pa'i ye shes skyes pa de'i tshe chos thams cad kyi ngo bo nyid mnyam pa nyid kyis dbugs phyin pa yin no/ / gsang ba pa'i bdag po de'i tshe byang chub sems dpa' gsang sngags kyi sgo nas byang chub sems dpa'i spyad pa spyod pa gzhi bcus rten cing 'brel par 'byung ba rnams bsgoms te/ gsang sngags kyi tshul rtogs par khong du chud par 'gyur ro/ / bcu gang zhe na/ 'di lta ste/ sgyu ma dang / smig rgyu dang / rmi lam dang / gzugs brnyan dang / dri za'i grong khyer dang / brag cha dang / chu zla dang

  226. 114a

    @chu'i chu bur dang / 'khrul pa dang / mgal me'i 'khor lo lta bur rnam par sgom mo// gsang ba pa'i bdag po de la byang chub sems dpa' gsang sngags kyi sgo nas byang chub sems dpa'i spyad pa spyod pas 'di ltar so sor brtag par bya ste/ de la sgyu ma gang zhe na/ 'di lta ste/ sman dang sngags kyi sbyor ba byed pa dag gi sbyor ba las dngos po rnam pa tha dad pa sna tshogs mig dang yid 'phrog pa sngon ma mthong ba dag kyang ston te/ de dag ni phan tshun phyogs bcur 'gro ba dang 'ong ba med do// de ci'i phyir zhe na/ sgyu ma ni rang bzhin gyis stong pa'i phyir te/ de bzhin du gsang sngags sbyor ba byed pa dag gi sbyor ba las thams cad 'byung ngo // gsang ba pa'i bdag po gzhan yang smig rgyu ni rang bzhin gyis stong pa ste/ de'ang 'du shes kyis tha snyad du 'dogs shing tha snyad kyang sgrub par byed do// de bzhin du 'du shes 'di'i nga gsang sngags so zhes tha snyad du 'dogs shing tha snyad kyang sgrub par byed do// gsang ba pa'i bdag po gzhan yang rmi lam na bdag nyid nyin gcig dang / thang cig dang / skad cig dang / yud tsam dang / lo la sogs par 'dug cing bde ba dang sdug bsngal rnam pa mang po myong bar mthong la/ sad na ci'ang mi mthong ba de bzhin du gsang sngags kyi tshul 'di'ang rmi lam lta bur khong du chud par bya'o// gsang ba pa'i bdag po gzhan yang gsang

  227. 114b

    sngags kyi dngos grub 'byung ba ni gzugs brnyan lta bur rig par bya ste/ dper na gdong dang me long la brten nas bzhin gyi gzugs brnyan 'byung ba ltar gsang sngags kyi dngos grub kyang de dang 'dra bar rig par bya'o/ / gsang ba pa'i bdag po gzhan yang grub pa'i grub gnas ni dri za'i grong khyer lta bur blta'o// gsang ba pa'i bdag po gzhan yang gsang sngags kyi sgra ni brag cha lta bur rig par bya ste/ dper na sgra la brten nas brag cha 'byung ba ltar gsang sngags kyi tshul 'di'ang de dang 'dra bar rig par bya'o// gsang ba pa'i bdag po gzhan yang zla ba shar ba na chu'i nang du gzugs brnyan mthong nas/ chu zla zhes brjod pa de bzhin du sngags pa de nyid chu zla bzhin du rig sngags 'chang zhes brjod do// gsang ba pa'i bdag po gzhan yang / ji ltar char pa bab pa na/ / chu yi chu bur rnams 'byung ba// de bzhin gsang sngags grub pa yi// sprul pa rnam pa sna tshogs 'dod// gsang ba pa'i bdag po gzhan yang / sems can med cing srog dang ni/ / byed pa po yang med pa ste// dngos po thams cad stong pa la// 'khrul pa kho na snang bar zad// gsang ba pa'i bdag po gzhan yang / ji ltar 'ga' zhig bdag nyid kyi/ / lag na mgal me thogs nas ni/ bskor na 'khor lo ltar snang ba// de bzhin stong pa dag las byung // gsang ba pa'i bdag po 'di ni theg pa chen po'i gzhi

  228. 115a

    mi mnyam pa dang mnyam pa'i gzhi/ nges pa'i gzhi/ yang dag par rdzogs par sangs rgyas pa'i gzhi/ mthar gyis theg pa chen po la 'jug pa'i gzhi ste/ ye shes sna tshogs cher 'byung ba// nor gyi dbyig 'di shes na ni// kun gyi sems kyi bye brag kyang // ji bzhin yang dag rab tu shes// bcom ldan 'das rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ sems kyi khyad par rim par phye ba'o// // de nas yang bcom 'das la/ gsang ba pa'i bdag po phyag na rdo rjes 'di skad ces gsol to/ / bcom ldan 'das nyid kyis mngon par rdzogs par sangs rgyas pa'i chos kyi dbyings bsam gyis mi khyab pa/ sems can gyi sa las yang dag par 'das pa/ bcom ldan 'das kyis thabs dang tshul sna tshogs dag gis bsam pa dang mos pa ji lta ba bzhin du sems can rnams la bstan pa ngo mtshar lags so// bcom ldan 'das yang gsang sngags spyod pa'i tshul snying rje chen po'i snying por 'byung ba dkyil 'khor gyi rgyal po chen po yongs su rdzogs par bgyi ba'i slad du bshad du gsol/ de ni ma 'ongs pa'i dus na sems can mang po dag gi don dang / phan pa dang / bde bar 'gyur lags so// de nas bcom ldan 'das rnam par snang mdzad kyis thams cad dang ldan pa'i 'khor gyi dkyil 'khor

  229. 115b

    la gzigs nas/ gsang ba pa'i bdag po phyag na rdo rje la 'di skad ces bka' stsal to// lag na rdo rje dkyil 'khor spyad pa'i tshul bstan pa'i chos kyi rnam grangs thams cad mkhyen pa'i ye shes yongs su rdzogs par byed pa nyon cig/ de nas bcom ldan 'das rnam par snang mdzad chos kyi dbyings kyi dgongs pa ma rdzogs shing sems can gyi khams ma lus pa bsgral bar dam bca' bar mdzad pas/ de bzhin gshegs pa thams cad dang thabs cig tu yang dag par mos nas snying rje chen po'i snying po 'byung ba zhes bya ba'i ting nge 'dzin la snyoms par zhugs so// bcom ldan 'das snyoms par zhugs ma thag tu sku'i yan lag thams cad nas de bzhin gshegs pa'i skus sems dang po bskyed pa nas bzung ste/ sa bcu pa'i bar du sems can la phan pa'i don mdzad pa rnams byung ngo / / byung nas kyang phyogs bcu kun tu bskor te slar log nas bcom ldan 'das kyi sku'i nang rang gi gnas rnams su zhugs so// de nas yang bcom ldan 'das kyis byang chub sems dpa' phyag na rdo rje la 'di skad ces bka' stsal to/ / lag na rdo rje dkyil 'khor rnam par dgod pa nyon cig/ re zhig dang por slob dpon yid byang chub kyi sems la zhugs pa shes rab dang ldan pa/ brtan pa/ snying rje can/ sgyu rtsal dag la mkhas pa/ shes rab kyi pha rol tu phyin pa'i tshul la rtag tu mkhas pa/ theg

  230. 116a

    pa gsum gyi khyad par shes pa/ gsang sngags kyi de kho na nyid kyi don la mkhas pa/ bsam pa shes pa/ sangs rgyas dang byang chub sems dpa' rnams la da pa/ dkyil 'khor bri ba'i las byed par gnang zhing dbang bskur ba/ rigs btsun gsang sngags spyad pa la// mngon par brtson zhing gtan la bab// sbyor la mkhas shing zungs thub la/ / byang chub sems la rnam par gnas// gsang ba pa'i bdag po slob dpon de lta bu ni rgyal ba'i sras yin te/ sangs rgyas dang byang chub sems dpa' rnams kyis rab tu bsngags so/ / gsang ba pa'i bdag po de la slob dpon la gzhan gyis gsol ba btab kyang rung // yang na bdag gis sems can dag/ snod du rung zhing nyes bral ba// mos mang brtan la dad pa can/ / gzhan la phan dga' mthong nas ni// de lta bu yi slob ma de// shes nas slob dpon bdag nyid kyis// ma gsol bar ni de bas te// phan 'dod phyir ni 'di skad bya/ / khyod ni tshul chen snod yin gyis// bu tshur theg pa chen po yi// gsang sngags spyod tshul cho ga ni// khyod la yang dag bstan par bya// rdzogs pa'i sangs rgyas gang 'das dang / / de bzhin gang dag ma byon dang // da ltar byung ba'i mgon po rnams// 'gro la phan phyir bzhugs pa dag/ de dag kun gyis gsang sngags kyi// cho ga mchog

  231. 116b

    bzang 'di mkhyen nas/ / dpa' bos byang chub shing drung du// thams cad mkhyen pa mtshan med brnyes// gsang sngags sbyor ba mnyam med des// shAkya seng ge skyob pa yis// bdud sde shin tu mi bzad pa// dpung chen dag kyang de yis bcom// de ba sa kun mkhyen 'thob bya'i byar// khu yis blo gros 'di gyis shig/ snying rjer gyur pa'i yid kyis ni// de ltar lan mang gzengs bstod de// slob ma de bstan shes nas ni// sa gzhi legs par yongs brtag bya// me tog 'bras bur ldan pa'i ri// gtsang zhing yid 'ong chu yi gnas// de dag dkyil 'khor bri ba yi// las la sangs rgyas kun gyis bsngags// gang 'bab chu ni mang po dag/ ngang pa bzhad kyis brgyan yod pa// der ni sngags pa blo can gyis// snying rje 'byung ba'i dkyil 'khor bri/ / sangs rgyas rnams dang rang mgon dang // de bzhin rgyal ba'i nyan thos kyis// sa phyogs gang dag bsnyen pa ni// de dag thub pas rtag tu bsngags// phyogs gzhan rnam pa sna tshogs pa// lha khang kun dga' bzang po dang // khyim dang yang thog nyams dga' dang // mtshe'u dang skyed mos tshal mdzes dang // mchod rten gra gang ba yang lhas/ / 'bab chu 'dus pa'i mdo dag dang // lha yi gnas rnams thams cad dang // de bzhin khang pa stong par yang // slob ma dag la phan 'dod phyir// nan tan du ni dkyil 'khor

  232. 117a

    bri/ / yang na yid du 'ong ba'is// gang yang rung bar bri bar bya// gsang ba'i bdag po de las gzhi yongs su sbyang bar dbya ba ni rdo dang / bong ba dang / gyo so dang / sems ma meng ci / swA dang / thugs dang / sol bdung / thal ba dang / cher ma dang / rngas pa dang / sdong dram dang / zub rdzobasal ba/ srog d+hA dang / zin nu dang / srog chags med cing nyes pa thams cad sbyangs pa'i gnas ni lha rnams la rab tu shis pa'o// de la chos mangs dang / rgyu skar dang / gapa' dang / byed pa dang / yud tsam pa po mtshan ma dang ldan pa'i nyi ma la snga dro'i dus kyi tshe ltas bzang pos mtshon pa la de bzhin gshegs pa thams cad la phyag byas te/ sa'i lha mo sbran pa'i tshigs su bcad pa gnyis bslag par bya'o/ / sangs rgyas skyob pa thams cad kyi// spyod pa'i tshul gyi khyad par dang // sa dang pha rol byin dag la// lha mo khyod ni dbang du gyur// shAkya se dge skyob pa sa/ / ji ltar bdud kyi ste bcom pa// de bzhin bdag gis bdud las nA~M// rgyal bar byas te dkyil 'khor gyi// sbrul lag pas reg byas shing // de ltar lan sman nas ni/ / pus mo gnyis ni sar btsugs nas// me tog spos kyi mchod pa bya// mchong nas sngags pas de nas ni// de bzhin gshegs la phyag 'tshal te/ dems

  233. 117b

    cho ga 'di dag gis/ / mkhas pas sa grazha sbyang bar bya// de nas phyag na rdo rjes bcom ldan 'das kyi zhabs la gtugs te/ bcom ldan 'das la 'di skad ces gsol to/ / sangs rgyas mtshan ma mi mnga' ste// chos kyi sku la rnam par bzhugs// mtshan med 'dus ma byas pa yi// mtshungs pa med pa'i chos ston na// dpa' bo chen po ci slad du// mtshan mar bcas pa'i cho ga 'di// gsang sngags spyad la bstan par mdzad// 'di ni chos nyid tshul ma lags// de skad gsol nas bcom ldan 'das/ / rnam par snang mdzad chen po yis// de tshe phyag na rdo rje la// chos kyi mtshan nyid 'di nyon gsungs// chos ni rtog dang bral ba ste// kun rtog thams cad spangs pa yin/ / de la sems dang sems 'byung gi/ rtog pa rab tu stong par 'gyur// nga yis chos mngon sangs rgyas pa// de ni mkha' las byung ba ste// log par rtog pa'i spyod yul ba/ / byis pa rnams kyis mi shes so// yul dus mtshan ma la sogs pa// mun gyis bsgribs pa rnams 'dod de// de dag gzung bar bya ba'i phyir// cho ga 'di yang brjod pa yin/ / yul med dus kyang med pa ste// bya ba med cing byed pa yang // chos rnams kun la yong med de// chos rnams nyi cha 'ba' zhig go// gsang ba ba'i bdag po 'on kyang /

  234. 118a

    sems can dag ni blo zhan cing // bya ba tsam gyis rmongs pa dag/ dngos po'i don la chags pa rnams// ma 'ongs dus na 'byung bar 'gyur// 'di lta'i tshul ni mi shes pas/ / yul dang dus dang bya ba las// dge dang mi dge'i mtshan ma yis// rmongs pa 'bras bu 'dod byed de// sems dpa' chen po de dag phyir// cho ga 'di ni brjod pa yin/ / gsang ba pa'i bdag po de la ji skad bstan pa'i gnas gang yang rung bar sa gzhi rab tu 'thas par bcags te/ ba'i lci ba sa la ma lhung ba dang ba'i gcin du bsres pas byugs / go/ de nas sngags 'dis bsang gtor byas te bsngags so// na maHsa man+ta bud+d+hA nAn/ a pra ti sa me/ ga ga na sa ma tA nu ga te pra kr-i ti/ bi shud+d+he d+harma d+hA tu bi sho d+ha ne sA hA/ de yi 'og tu sngags pa ni// langs nas de yi dbus srung // pad+ma dkar po'i stan la bzhugs// thor tshugs dang ni dbu rgyan 'chang // 'od zer kha dog sna tshogs pas// kun nas yongs su bskor bar bsam/ / de nas rdzogs pa'i sangs rgyas bzhi// blo dang ldan pas phyogs su bsam// de bzhin gshegs pa rin chen tog/ nyi ma 'char ka lta bur bsam// lho ru rgyal ba dpa' bo ni// me tog kun rgyas zhes bya ba// gser gyi kha dog 'bar dang bcas// nyes pa bcom pa ting 'dzin gnas// byang phyogs su ni mi 'khrugs pa// nad dang

  235. 118b

    bral ba ting 'dzin gnas/ / nub phyogs 'od dpag med pa ste// rgyal ba lnga po 'di rnams ni// bsams te de nas sngags pa yis// rgyal ba'i gnas dbus 'dug nas ni// mi g.yo bdag nyid chen po 'am// yang na 'jig rten gsum rgyal gyi// gsang sngags don kun sgrub pa yis// sa ni yongs su gzung bar bya// dbus kyi dkyil 'khor bzang po dag/ tsan dan dag gis bya ba ni// dang por gcig ni nga yi yin// gnyis pa skyob pa thams cad kyi'o// gsum pa de dag mnyam bya ba// the tsom med par yum gyi yin// bzhi pa lag na pad+ma'i ste/ / lnga pa lag na rdo rje'i phyir// drug pa mi g.yo mgon po ste// ma zad 'og tu legs par bya// de bzhin gshegs rnams rjes dran nas// me tog spos la sogs phul te/ / mnyam par bzhag nas gus pa ru// tshig tu 'di skad smra bar bya// mgon po thugs rje'i bdag nyid can// thams cad bdag la dgongs su gsol// sras bcas sang gi gdugs 'das nas/ / sa gzhi yongs su gzung ba mdzod// de skad kyi ni tshig smras nas// gsang sngags 'di ni brjod par bya// na maHsa man+ta bud+d+hA nAn/ sar+b+ba ta thA ga tA d+hiSh+ThA rA d+hiSh+Thi te/ a tsa le bi ma le s+pha ra Ne pra kr-i te pa ri shud+d+he swAH/ de nas sngags pa langs nas su// snying rjer gyur pa'i yid kyis ni// nub kyi phyogs su gnas nas

  236. 119a

    su/ / nang gi bdag nyid rnam dag pas// byang chub sems ni sems byed cing // de nyid du ni nyal bar byed// de nas sngags pas rmi lam blta// byang chub sems dpa' grags chen nam// yang na sangs rgyas bcom ldan 'das// sems can rnams la phan bya'i phyir// dkyil 'khor bri ba'i las rnams la// bdag nyid kun rtsol 'bad pa 'am/ / bdag nyid la ni 'di skad du// sems can chen po bu khyod legs// dkyil 'khor myur du bris shig ces// spro ba bskyed pa mthong ba'ang rung // de nas de yi phyi de nyin// slob ma dad cing rigs btsun pa// de bzhin dkon mchog gsum la dad// zab mo yi ni blo dang ldan// spro ba che zhing tshul khrims ldan// bzod dang ldan zhing ser sna med/ / dpa' la yi dam brtan pa ni// bcu'am brgyad dam bdun nam lnga// gcig gnyis bzhi las lhag kyang rung // dpyad mi dgos par gzung bar bya// de nas yang bcom ldan 'das la/ phyag na rdo rjes zhus pa/ bcom ldan 'das dkyil 'khor 'di'i ming ci lags/ ci'i slad du dkyil 'khor zhes bgyi/ bcom ldan 'das kyis bka' stsal pa/ gsang ba pa'i bdag po dkyil 'khor 'di ni sangs rgyas 'byung ba ste/ dkyil ni snying po zhes bya'o// 'khor ni rdzogs pa zhes bya ste/ de'i gong na

  237. 119b

    snying por gyur pa gzhan med pas/ de bas na dkyil 'khor zhes bya'o// gsang ba pa'i bdag po 'on kyang dkyil 'khor rgyas pa 'di ni sems can gyi khams ma nges pa yongs su bskyab pa'i phyir snying rje chen po 'byung ba zhes bya ba ste/ der ni de bzhin gshegs pa rnams kyis bskal pa grangs med par bla na med pa yang dag par rdzogs pa'i byang chub yang dag par bsgrubs pa byin gyis brlabs so/ / gsang ba pa'i bdag po de lta bas na rnam grangs 'dis kyang khyod kyis 'di lta ste/ de bzhin gshegs pa rnams ni sems can gcig gi phyir byang chub mngon par rdzogs par 'tshang rgya ba ma yin/ gnyis kyi phyir ma yin/ gsum gyi phyir ma yin/ 'on kyang thugs rje chen po'i dbang du gyur pa dag sems can gyi khams ma lus pa yongs su bskyab pa'i phyir byang chub mngon par rdzogs par 'tshang rgya ste/ de dag gis sems can gyi khams rnam pa du ma la bsam pa ji lta ba bzhin du sems can rnams la chos 'chad par rig par bya'o/ / gsang ba'i bdag po theg pa chen po la goms par ma byas pa rnams ni gsang sngags spyad pa'i tshul mthong ngam/ thos na sems dga' ba 'am/ dad pa cung zad kyang yang dag par mi skye'o/ / gsang ba'i bdag po gang dag gis sngon theg pa chen po gsang sngags spyad pa'i tshu la sgo mtha' yas pa sgrub pa la goms par byas pa de dag ni rdo rje sems

  238. 120a

    dpa' yin te/ de rnams nyid kyi don gyi phyir grangs kyi tshad 'di byas so// 'on kyang slob dpon snying rje chen po dang ldan pas sems can gyi khams ma lus bya bsgral bar yi dam bca' ba kho nar bya ste/ des byang chub kyi sems kyi rgyur 'gyur bar bya ba'i phyir sems can tshad med pa rnams yongs su gzung bar bya'o// de nas de dag pos la gsum la skyabs su gtang bar yang bya'o/ / sdig pa mi bya ba'i las rnams kyang bsgo bar bya'o// de nas de dag la spos dang me tog la sogs pa sbyin no// de dag dus gsum du sgrib pa med pa'i ye shes kyi sdom pa'ang 'dzin du gzhug go/ / 'dzin du bcug nas sngags pa yis// de nas so shing dag kyang sbyin// rtse gcig mnyam par bzhag pa dag/ shar ram byang du kha bstan te/ / u dum wa ra a shwad tha// shin tu bzang po bsrung byas shing // me tog dri la sogs bslus pa'o// so shing dag ni 'char gzhug go// sems can snod rung snod mi rung / / bor ba nyid las brtag par bya// de nas lag pa g.yon pa la// skud pa mdud pa gsum ldan pa// bdag nyid mnyam par bzhag pa yis// legs ba ru ni bcing bar bya/ / de ltar yongs su bzung ldan pa'i// slob ma nyes pa med rnams la// bsam pa brtan par bya ba'i phyir// 'di ltar spro ba bskyed par bya// bdag nyid

  239. 120b

    chen po khyed rnams kyis/ / rnyed pa mnyam med de ring rnyed// gang phyir rgyal ba sras bcas pa// bdag nyid chen po kun gyis ni// bstan pa 'di la khyed rnams kun// yongs su bzung ste skye bzhin pa/ / de phyir khyed rnams theg chen la// sang ni rab tu skye bar 'gyur// gal te rmi lam dag tu ni// gtsug lag khang dang kun dga' bzang // khang pa bzang po sna tshogs dang / / de bzhin du ni yang thog dang // ral gri yid bzhin nor bu dang // gdugs dang me tog sna tshogs dang // bud med bzang mo gos dkar can// sdug pa'i gnyen dang bu dag dang / / glegs bam de bzhin bram ze dang // sangs rgyas dang ni rang sangs rgyas// de bzhin rgyal ba'i nyan thos dang // byang chub sems dpa' bdag nyid che/ gal te 'bras bu thob pa dang // mtsho dang rgya mtsho las rgal mthong // de bzhin du ni nam mkha' las// bkra shis yid du 'ong ba'i tshig/ 'dod pa'i 'bras bu 'byung ba grags/ / de la sogs pa'i rmi lam ni// bzang po zhes ni bya bar brtag/ mkhas pas de las bzlog pa yi// rmi lam ngan par shes par bya// brtul zhugs bzang po khyed rnams kyis/ / nang par thams cad nga la zos// slob ma de dag rnams la ni// de skad bsgo nas chos kyang bshad// theg pa chen po cher 'byung ba'i// lam mchog

  240. 121a

    'di ni dpal dang ldan/ / khyed rnams der ni dong bas na// rang byung skal ba chen po pa// 'jig rten thams cad mkhyen pa yi// de bzhin gshegs pa rnams su 'gyur/ / yod dang med las rnam par 'das// nam mkha' bzhin du dri ma med// zab mo rtog ge thams cad kyis// rab tu mi rtogs gnas med pa// spros pa kun dang bral ba ste/ / spros pa rnams kyis rnam par spros// las dang bya ba la sogs bral// bden pa gnyis la gnas pa yis// theg pa rab kyi mchog 'di ni// tshul la gnas ma thob par 'gyur/ / de nas bcom ldan 'das la/ rdo rje 'dzin spros pa med par rnam par gnas pas 'di skad ces gsol to// bcom ldan 'das dus gsum du sgrib pa ma mchis pa'i ye shes kyi sdom pa gang la byang chub sems dpa' rnams gnas na/ sangs rgyas dang byang chub sems dpa' rnams mnyes par 'gyur ba bshad du gsol de skad ces gsol pa dang / bcom ldan 'das kyis/ rdo rje 'dzin spros pa med par gnas pa la 'di skad ces bku' stsal to// rigs kyi bu lus dang / ngag dang yid gcig tu 'jug cing / chos thams cad la rtsom pa med cing bya ba med pa'i sdom pa gang yin pa de rigs kyi bu nyon cig/ de'ang gang zhe na/ sangs rgyas dang byang chub sems

  241. 121b

    dpa' rnams la bdag gi rgyas yongs su gtong ba gang yin pa'o/ / de ci'i phyir zhen/ gang gis bdag gi lus yongs su btang ba rjes ni dngos po gsum yongs su btang ba te/ dngos po gsum yongs su btang ba de'ang gang yin zhe na/ 'di lta ste/ lus dang / ngag dang / yid do// rigs kyi bu de lta bas na byang chub sems dpas lus dang / ngag dang / yid gsum gyi sdom pas bsdam par bya'o// de ci'i phyir zhe na/ byang chub sems dpa' rnams ni lus dang / ngag dang / yid gsum yongs su ma btang bar bslab pa 'dzin par mi byed do/ / de nas phyi de nyin par bcom ldan 'das rnam par snang mdzad la phyag byas te/ bdag nyid rdo rje sems dpar byin gyis brlabs la/ bum pa spos chus bkang ba la 'jig rten gsum las rnam par rgyal bas mngon par bsngags te sgo dang por bzhag la/ mkhas pas skye bo kun la des bsang gtor bya'o// de nas sems sbyang ba'i phyir spos chu gtsang ma blung ngo / / de nas bcom ldan 'das la/ byug na rdo rjes 'di skad ces gsol to// dkyil 'khor gyi ni slob dpon dag/ gsang sngags sgrub la 'bud pa na/ / gang gis dus su dkyil 'khor du// sems dpa' chen po byin rlob pa'i// dus dang tshod ni kun mkhyen pa// smra ba'i mchog gis bka' stsol cig/ de skad gsol

  242. 122a

    nas bcom ldan gyis/ / rdo rje 'dzin la bka' stsal pa// dkyil 'khor don kun gnyer ba la// rtag tu mtshan mo bri bar bya/ / bam po gnyis pa// / lag na rdo rje de la slob dpon gyis sangs rgyas thams cad la phyag byas la tshon sna lnga'i srad bu thogs te/ bdag nyid bcom ldan 'das rnam par snang mdzad du byin gyis brlabs la/ shar du srad bu bre ba ni// lte ba'i thang kar bzung nas ni// bar snang la ni gzung bar bya// de nas lho phyogs song nas su// byang phyogs su ni bre bar bya/ / de nas srad bu gnyis pa ni// rang gis blangs nas de nyid du// de bzhin gshegs pa rjes dran zhing // shar phyogs bltas te bre bar bya// de nas lho phyogs song nas ni/ byang phyogs su ni bri bar bya// blo ldan de nas slar log nas// bden bral phyogs su gnas nas ni// byang phyogs su ni bre bar bya// de nas g.yas su bsgyur bar bya// bskur te de ru 'dug nas su/ / lho phyogs su ni bre bar bya// de nas gnas de btang nas su// me yi phyogs su gnas nas ni// sngags pa gsang sngags cho gar gnas// shar du srad bu bre bar bya/ / de nas de bzhin dbang ldan phyogs// song nas nub tu kha bltas te// rlung gi phyogs kyi bar du ni// byang phyogs su ni bre bar bya// sngags pa yis ni de lta bur/

  243. 122b

    kun nus gru bzhi lham par bya// de nas dbus su zhugs nas su// de la rtsa ni gsum du bajug/ rnam pa thams cad kun tu yang // cha gsum dag tu brtags na ni// cha rnams kyang ni re re la/ / cha gsum du ni rab tu brtags// cha gcig gis ni bskor ba yi// 'khor sar byas te lhag ma yi// cha gnyis po ni lha nyid kyi// gnas su nges par bya ba yin/ / blo dang ldan pas phyogs bzhi ru// so so'i phyogs char sgo khyud ni// sdom brtson can gyis nan tan du// lha rnams gtso bo'i gnas su bya// de ltar rim par legs phye ba// / 'di dag thams cad byas nas ni// dbus su pad+ma dkar po mchog/ de ni snying po zhes su bsgrags// dkyil 'khor snying po 'byung ba kun// des ni snying po can du byas// de yi tshad kyang sor bcu drug/ yan chad du ni bshad pa yin// 'dab ma brgyad pa legs par rdzogs// ze bar ldan pa shin tu bzang // 'dab ma'i bar ni thams cad du// kun nas rdo rje bri bar bya/ / de yi snying po'i dbus su ni// rgyal mchog gtso bo gser gyi mdog/ 'bar bcas thor tsugs dbu rgyan can// 'od zer dag gis kun nas bskor/ mgon po nad dang bral ba ni// ting nge 'dzin du gnas par bri// de yi shar du blo ldan gyis// sangs rgyas rnams kyi phyag rgya ni// gru gsum thams cad thal dkar nyid// pad+ma'i

  244. 123a

    steng gnas khor yug tu/ / 'od zer dkar pos yongs bskor ba// rab tu bsgrims te bri bar bya// de yi byang du mkhas rnams kyis// skyob pa dag ni kun gyi yum/ / gser gyi mdog can 'bar dang bcas// na bza' dag ni dkar po mnabs// kun tu rnam par snang mdzad pa// ting nge 'dzin du gnas par bri// mgon po de yi byang phyogs su/ / spyan ras gzigs dbang dpa' bo ni// pad+ma dkar po'i stan la 'dug/ dung dang kun da zla ba 'dra// dbu la 'od dpag med bzhugs pa// bzhin ni bag tsam 'dzum par bri/ / de yo g.yas su lha mo ni// sgrol ma grags pa chen mo de// dge zhing 'jigs pa sel ba ste// spro bsangs mo la sna tshogs gzugs// bud med dAr la bab pa'i tshad/ / thal sbyar me tog ut+pal thogs// 'od zer dag gis kun bskor cing // gos ni dkar po gyon par bri// g.yon du lha mo khro gnyer can// sngags de'i 'phreng ba lag na 'chang / / mig gsum pa la thor tsugs can// kha dog mdog ni dkar mo la// 'od zer dkar po ser po dang // dmar po rnams kyis bskor bar bri// khro gnyer can dang nye bar ni/ / mthu chen lag na pad+ma thogs// brtse ba chen po gos dkar gyon// 'od zer dag gis bskor ba yis// dpa' bo yang dag bri bar bya// de yi pad+ma

  245. 123b

    kham bye/ / de yi drung du blo can gyis// rig snga gas lnga mo grags ldan ma// gser gyi kha dog lta bu can// rgyan rnams kun gyis brgyan pa ste// lag pa g.yon pas yang klu'i/ / skye ma yid 'ong 'dzin par bri// sgrol ma yi ni nye 'khor du// blo dang ldan pas gos dkar mo// thor tshugs can la gos dkar gyon// lag na pad+ma thogs par bri/ / de yi 'og tu sngags pa yis// rig sngags rgyal po stobs po che// kha dog nyi ma 'char ka bzhin// pad+ma dkar blos rnam par brgyan// 'bar bya'i 'phreng can mi bzad cing / / spu dag seng ge ltar 'dug pa// spyan ras gzigs dbang blo ldan gyis// rta mgrin can zhes grags pa bri// sangs rgyas rnams kyi lho phyogs su// byang chub sems dpa' skyob rnams kyi// phyag rgya yid bzhin nor bu zhes// grags pa skal ba chen po can// re ba thams cad rdzogs byed pa// pad+ma dkar la 'dug par bri// mgon po rnam snang mdzad chen gyi// lho yo phyogs su rdo rje 'dzin// re ba thams cad skong byed pa// mdog ni bri yang ku lta bur// ljang ser ram ni margad ltar// sngo bsangs mgon po dbu rgyan can/ / sems dpa' chen po rgyan kun gyis// rnam par brgyan cing mtha' yas par// 'jug pa rgya chen rdo rjer bcas// 'od zer dag gis bskor bar bri// de

  246. 124a

    yi g.yas su lha mo'i ming / / mA ma kI zhes bya ba de// rdo rje'i rgyan gyis brgyan pa ste// lag na rdo rje thogs par bri// de yi 'og tu lha mo ni// rdo rje'i rtse ma stobs chen te/ / pho nya rnams kyis yongs bskor cing // bzhin ni bag tsam 'dzum par bri// g.yon rol du ni sngags pa yis// rdo rje lugu rgyud ces pa// lag na rdo rje lu kra rgyud/ / rang gi pho nya rnams kyis bskor// pri yang ku ltar ldang ser mdog/ rdo rje'i mtshan mas legs mtshan bri// lag na rdo rje'i 'og logs su// khro zla gtso bo zhes bya ba// bgegs chen dgra ni zhi byed pa// khro bo 'jig rten gsum du grags// mig gsum mche ba bzhi pa ste// kha dog dbyar gyi char sprin 'dra// rab tu rgod pa'i sgra yang 'byin// rdo rje'i rgyan gyis rnam par brgyan/ / 'khor ni mtha' yas khro bo yi// dbang phyug rnams kyis yongs bskor ba// lag pa stong phrag brgya dag ni// mtshon cha sna tshogs thogs shing gdengs// khro bo chen po 'di 'dra ba// pad+ma'i steng na 'dug par bri// de yi nub tu song nas ni// rdo rje 'dzin pa mang po dag/ lag na mtshon cha sna tshogs thogs// kha dog sna tshogs stobs po che/ / 'od zer dag gis yongs bskor ba// sems can kun don byed pa bri// gsang sngags mgon po'i 'og logs su// bden bral gyi ni phyogs kyi char// mi g.yo zhes

  247. 124b

    bya lagan ni/ / ral mi zhags pa legs par thogs// zur phung spyi'i g.yon du 'byangs// rab tu brgyan cing mig gcig so// rang gi 'od kyi nang na gnas// khro dang bcas pa brag la 'dug/ bzhin ni khro gnyer rab tu bskyed// byis pa'i gzugs can mkhrang bag can// bris nas blo ldan rlung phyogs su// song nas bcom ldan 'das kyi ni/ / khro bo 'jig rten gsum las rgyal// 'bar ba'i 'phreng can mi bzad pa// lag na rdo rje rtse bran rgyan// bka' lung nod pa ltar 'dug cing // zad pa'i dus dang 'drar gnas pa/ / nan tan nyid du bri bar bya// de ltar nang du bri ba ni// rgyan dang bcas par bshad pa yin// de nas sngags pa phyir byung nas// nges par gnyis pa'i cha dag la/ / shar gyi phyogs kyi nang du ni// cha ni gnyis su phye ba la// sgo khyud kyi ni nang rol du// sngags pas rgyal ba shAkya thub// gser gyi kha dog 'bar dang bcas// mtshan mchog sum cu rtsa gnyis ldan// mgon po na bza' ngur smrig mnabs// khyab bdag bstan pa'i don mdzad pa// pad+ma dkar po'i stan la bzhugs// chos 'chang tshul du bzhugs par bri/ / de yi g.yas su lha mo ni// sangs rgyas spyan zhes bya ba ste// lha mo cung zad 'dzum pa'i zhal// 'od kyi dkyil 'khor 'dom gang ba// mtshungs med

  248. 125a

    sku ni rab tu dngas/ / de ni shAkya thub pa'i yum// de yi g.yas su lA mo ni// rig sngags mdzad spu zhes grags pa// pad+ma'i steng na 'dug pa ste// dung zla kun da lta bu'i// mdog/ lag na yid bzhin nor bu thogs// re ba kun rdzogs byed pa bri// de nas sngags pas g.yon rol tu// shAkya seng ge skyob pa yi// gtsug tor gzi can brtson 'grus che/ gdugs dkar po dang rgyal ba'i gtsug/ gtsug tor rnam par rgyal nyid dang // gzi brjid phung po skal chen dang // rnam par 'thor zhes rnam grags pa// lnga po yang dag bri bar bya// shAkya thub ni mthu chen gyi// gtsug tor lnga po 'di dag ni// gnas ni lnga rnams nyid du ni// rab tu bsgrims te bri bar bya// de yi byang du song nas su// gnas gtsang rnams ni bri ba bya/ / dbang phyug kun tu me tog dang // 'od kyi 'phreng ba nyid dang ni// yid mgyogs dang ni rnams grags te// de dag thams cad legs par bri// mdzod spu yi ni g.yas logs su/ gtsug tor chen po cher 'byung ba// de bzhin gyen du 'byung nyid dang // sgra dbyangs mtha' yas pa yang ste// gtsug tor gsum po kho na ni// bsgrims te yang dag bri bar bya// gtsug tor lnga po stobs can rnams/ / dkar po ser skya ser bor bya// mthu chen gtsug tor lnga po yi// gsum po gzhan ni dkar po dang // ser po dang ni dmar por bya// kun kyang 'od zer mang

  249. 125b

    po can/ / rgyan rnams kun gyis brgyan pa yin// de dag smon lam stobs chen de// re ba thams cad rdzogs byed pa'o// de nas sngags pas me phyogs su// me ni drang srong che rnams dang / / bcas shing me yi nang na 'dug/ thal ba'i sol ras gsum gyis mtshan// dpa' bo thams cad rab tu dmar// snying kha sum mdo ris mtshan can// me lce 'bar ba'i dbus na 'dug/ bgrang 'phreng gun d+he thogs par bri// de yi lho yi phyogs kyi char// gshin rje gtso bo lag pa na// dbyug pa thogs shing ma he zhon// kha dog dbyar gyi char sprin 'dra/ ma mo rnams dang dus mtshan dang // 'chi bdag rnams kyis bskor bar bri// bden bral phyogs su bden bral ni// lag na ral gri 'dzin pa bri// de nas kyang ni blo ldan pa// myur du byang gi phyogs song ste/ / lha yi rgyal po ri rab la// 'dug cing lnga rnams kyis bskor ba// lag na rdo rje cod pan can// rgyan rnams kun gyis brgyan par bri// de nas de yi shar du ni// chu lha lag na zhags thogs bri/ / de yi yang ni shar phyogs su// nyi ma shing rta'i steng 'dug bri// de yi g.yas dang g.yon du ni// rgyal dang rnam par rgyal ba bri// de yi g.yas su tshangs pa ni/ / gdong bzhi pa la thor tsugs can// oM zhes bya ba lhur len pa// ngang pa pad+ma'i stan 'dug 'dri// de yi nub tu bri ba ni// sa yi lha dang dbyangs can dang // khyab 'jug skem

  250. 126a

    byed de bzhin rlung / / bde byed de bzhin zla ba ste// nub kyi phyogs su gnas nas ni// rab tu nan tan byas te bri// bris nas sngags pas de nas ni// yid la 'khrul pa med pa ru/ / gsang sngags mgon po'i 'og logs su// khro chen gzhan gyis mi thub ces// bya ba nyid dang lha mo ni// gzhan gyis mi thub ma dang ni// sa bdag lag na bum pa thogs/ / gus par yang dag gnas par bri// klu chen dga' bo bsnyen dga' dag/ shAkya seng ge skyob pa yi// sgo drung gnyis su mngon phyogs par// rab tu bsgrims te bri bar bya/ / gzhan yang shAkya thub pa yis// rgyud rnams kun las dkyil 'khor du// sngags dang phyag rgyas gang bshad pa// de dag kyang ni mkhas pas bri// sngags pa de nas phyir byung nas/ / cha gsum pa ni nges pa la// rdo rje dam sbyin pa ni// gur kum lta bu'i mdog can te// spyi bor zur bud lnga dang ldan// byis pa gzhon nu'i gzugs can la/ ut+pal sngon po rdo rje can// lag pa g.yon na thogs pa ste// pad+ma dkar po'i stan la 'dug/ rab tu 'dzum pa bzhin du gnas// 'od zer mtshan nyid bzang po yis// kun tu 'khor bar sngags pas bri/ / de yi byang du gzhon nu ni// dra ba'i 'od kyi lag pa na// rin chen dra ba thogs pa ste// sna tshogs pa yo rgyan gyis brgyan// pad+ma dmar po'i stan la la du/

  251. 126b

    rgyal ba'i sras la lta bar bri// rdo rje dam pa sbyin pa yi// g.yon du pho nya mo lnga bri// skra can dang ni nye sgra can// sna tshogs ma dang nor can ma// de bzhin 'gugs ma zhes bya ba/ 'di dag blo ldan pho nya mo// de dag gi ni pha zad du// phyag brnyan ma ni lnga rnams dang // gzhon nu dra ba'i 'od can gyi// 'khor gnyis po yang bri bar bya// de nas sngags pas lho phyogs su/ / byang chub sems dpa' grags chen po// sgrib pa thams cad rnam sel gtso// yid bzhin nor bu thogs par bri// de yi cha gnyis bor nas ni// dpa' bo ngo mtshar can dang ni/ / sems can kun la mi 'jigs sbyin// ngan song thams cad spong ba dang // de bzhin skyong sems blo gros dang // blo can snying rjes gdungs pa dang // byams pa sngon du 'byung ba dang // gdung ba thams cad zhi byed dang // de bzhin blo gros bsam yas te// mkhas pa brgyad po bri bar bya// byang gi phyogs su song nas ni// sa yi snying po 'bar dang bcas// bzod dang nges pa phun tshogs bri/ / de yi stan ni mkhas pa yis// 'byung khungs kun dang ldan pa yis// rin chen kun gyis nyer brgyan pa// de yi steng na rin chen bzhi'i// pad+ma yang dag gnas pa yi/ / yid du 'ong ba bsam bya ste// byang chub sems dpa' grags chen po// de yi steng na 'dug par bri// de yi 'khor ni yon tan sgo// mtha' yas shing ni grangs med de// de yi

  252. 127a

    nang nas byang chub sems/ / rin chen 'byung gnas rin chen lag/ sa 'dzin nyid dang lag dang ni// rin chen phyag rgya can dang ni// lhag pa'i bsam pa brtan pa nyid/ grags chen 'di dag bri bar bya// de bzhin sngags pas nub phyogs su// dpa' bo nam mkha'i snying po ni// gzi brjid chen po gos dkar gyon// lag na ral gri thogs bsam ste// rgyal sras pad+ma'i stan steng na// legs par 'dug pa bri bar bya// bdag nyid chen po de 'khor du// grags pa dag kyang bri bar bya// de 'khor dpa' bo chen po ni// nam mkha' dri med blo gros mkha'/ / blo gros rnam dag nyid dang ni// spyod pa yi ni blo gros dang // blo brtan pa zhes bya ba ste// de dag tu ni bsgrims bri zhing // rtag tu dpa' bo 'di rnams dang // ldan cog go rims bzhin du bsam/ / de nas gsang ba pa'i bdag po lag na rdo rjes thams cad dang ldan pa'i 'khor rnams la bltas nas/ bcom ldan 'das rnam par snang mdzad la ring zhig tu mig mi 'dzums par bltas te/ ched du gleng ba 'di phreng zhing tshig tu smras pa/ 'jig rten du ni kun mkhyen rnams// u dum wa ra'i me tog bzhin// brgya lam na ni res 'ba' zhig/ 'byung 'gyur yang ni mi 'byung ngo // gsang sngags spyod pa'i tshul 'byung ba// de bas kyang ni dkon pa ste// bskal pa bye ba du ma ru// sdig pa bgyid par gyur pa gang // de kun

  253. 127b

    dkyil 'khor 'di 'dra ba/ / mthong bas byang bar 'gyur lags na// grags pa mtha' yas sngags spyad pa'i// tshul la gnas na smos ci dgos// skyob pa'i gsang sngags bzlas nas ni/ / go 'phang bla na med par 'gyur// gang dag spyad pa mchog 'di la// blo gros shin tu mi g.yo ba// de dag gis ni ngan 'gro'i rgyun// sdug bsngal kun 'byung rab tu bcad// de'i tshe thams cad dang ldan pa'i 'khor de dag dang rdo rje 'dzin pa de dag gis mgrin gcig tu mthun pa'i tshig smras pa/ gsang sngags spyod pa'i dbang gyur pa// dpa' bo chen po legs so legs/ / khyod kyi yid la gang bsams pa// mnyam med thams cad mkhyen la zhus// sngags rgyud rtogs par shes pa yis// byang chub sems dpa' gzhan rnams dang // sngags spyad 'bras bu la gnas pa// bdag cag thams cad dbang du gyur// de nas bcom ldan 'das la/ phyag na rdo rjes 'di skad ces gsol to// tshon zhes bgyi ba de gang lags// ci slad 'dir ni tshon zhes bgyi// tshon ni ji ltar dbye bar bgyi// gang zhig thog mar gtang bar bgyi// rta babs rnams dang de bzhin du// sgo khyud rnams kyi tshad dang ni// sgo yi tshad kyang ci 'drar bgyi/ / mgon po yis ni bshad du gsol// lha bshos me tog bdug spos dang // bum pa rnams kyang rgyas par gsungs// slob ma ji ltar gzud pa dang // de ni ji ltar dbang

  254. 128a

    bskur dang / / bla ma la ni yon 'bul dang // sbyin sreg gnas kyang bdag la gsungs// gsang sngags mtshan nyid ci 'dra lags// ting nge 'dzin du bzhed pa gang / de skad gsol nas bcom ldan 'das// chos kun dbang phyug thub pa yis// rdo rje 'dzin la 'di skad gsungs// yid gcig tu ni tshur nyon cig/ theg chen 'bras bu 'byung ba yi// gsang sngags spyad pa'i tshul gyi mchog/ sems dpa' chen po khyod kyis ni// gang dag dris pa bshad par bya// sems can khams ni zhen byed cing // 'di ni chos dbyings ro yin par// sangs rgyas rnams kyis sngon gsungs te// de phyir 'di ni tshon zhes bya// tshon ni nang nas dgye bar bya// phyi rol nas ni tshon mi dgye// dkar po thog mar gtang bar bya// de yi 'og tu dmar po ste/ / de nas ser po gtang bar bya// de yi 'og tu ljang khu gtang // kun gyi nang rol nag po ste// tshon gyi che gA de ltar bshad// rta babs rnams kyi tshad kyang ni// dkyil 'khor dbu ma dang mnyam mo/ / sgo khyud dag kyang de dang mnyam// pad+ma sor bcu drug tu bshad// dang po'i sgo ni snying po yi// dkyil 'khor dang ni mnyam zhes bya// 'jigs med dag gis rim gyis ni/ / bskyed de de bas lhag shes bya// sgo rnams kyi ni bar bar du// sgo srungs rnams ni gzhag par bya// ting nge 'dzin ni mdor na sems// yang dag mgu ba yin par

  255. 128b

    bshad/ / sems dpa' chen po khyad par ni// yid gcig bsdus la mnyan par gyis// sangs rgyas kun gyi ting 'dzin ni// stong pa nyid ces rgyal bas gsungs// de nas sems yongs shes pa las/ / thob par 'gyur gyi gzhan las min// de dag nyid ni spangs pa ste// rdzogs sangs rgyas kyi yin par 'dod// stong pa chen po zhes bya ste// kun mkhyed ye shes rdzogs byed pa'o/ / de bas rnam pa thams cad du// stong nyid rtag tu dran par bya// de nas bcom ldan 'das rnam par snang mdzad sangs rgyas thams cad dang thabs cig tu yang dag par mol nas nyan thos dang / rang sangs rgyas rnams dang / byang chub sems dpa' rnams kyi ting nge 'dzin so so'i tshul gsungs so// de'i tshe yang sangs rgyas thams cad dang rgyud gcig pa'i stobs kyi shugs zhes bya ba'i ting nge 'dzin la snyoms par zhugs so/ / de nas yang bcom ldan 'das kyis byang chub sems dpa' phyag na rdo rje la bka' stsal pa/ byang chub snying por 'dug nas su/ / bdud ni rnam pa bzhi bcom pas// de nas dpa' bo chen po zhes// tshangs pa la sogs lha tshogs rnams// 'jigs pa thams cad med pa'i sgra// dga' bzhin du ni klog par byed// de phyin chad ning dpa' bo// dpa' bo chen po zhes su grags// skye ba med par ngas rtogs pa// tshig gi spyod yul rnam spangs shing // nyes pa

  256. 129a

    thams cad med pa ste/ / rgyu dang rkyen dang bral ba yin// stong pa'i ye shes mkha' 'dra ba// mun pa kun dang bral gyur cing // shin tu dri med de kho na// ji ltar 'byung ba nga la byung / / kun mkhyen tsam gyi tshul du gnas// kun mkhyen sangs rgyas mtshan nyid do// nga yi de nyid dam pa 'di// 'jig rten snang bar byed pa ste// byin gyi rlabs kyi stobs kyis ni/ / yig 'bru rnams su bstan nas su// sems can rnams la snying brtse'i phyir// ngas ni thams cad rab tu bshad// de nas dpal ldan rdo rje 'dzin// ngo mtshar gyur nas mig gdangs te/ / thams cad mkhyen la mgo bo yis// phyag 'tshal nas ni tshig 'di smras// sangs rgyas kun gyi thabs dang ni// shes rab bsam yas ngo mtshar che// spros pa kun dang bral ba yis// chos rtogs nas ni rang byung rnams// 'jig rten kun gyis re ba kun// yongs su rdzogs par byed pa ste// gsang sngags mtshan nyid de lta bu// gden pa gnyis la legs gnas pa// sems can kun gyis shes nas ni// 'jig rten gyi ni mchod gnas 'gyur// de nas gsang ba pa'i bdag po phyag na rdo rjes tshigs su bcad pa de ngag gsol nas/ bcom ldan 'das rnam par snang mdzad la mig mi 'dzums pa'i lta bas bltas nas cang mi smra bar 'dug go// de nas bcom ldan 'das kyis/ bsang ba pa'i

  257. 129b

    bdag po phyag na rdo rje la 'di skad ces bka' stsal to/ / gsang ba pa'i bdag po gzhan yang byang chub sems dpa' skye ba gcig gis thogs pa sangs rgyas kyi sa la gnas pa rnams kyis ting nge 'dzin gyi tshul ni/ / dgos pa dang ni bral ba ru// 'jig rten mtshan nyid shes nas ni// dgos pa'i sa la gnas de rnams// sangs rgyas sa la gnas pa yin// gsang ba ba'i bdag po gzhan yang byang chub sems dpa' sa brgyad pa'i dbang phyug rnams kyi ting nge 'dzin gyi tshul ni/ chos rnams thams cad mi dmigs shing // srid dang skye ba rnam spangs pa'i// / 'jig rten sgyu ma ltar shes nas// 'jig rten 'jig rten dbang du 'dod// gsang ba pa'i bdag po gzhan yang nyan thos dmigs pa dang bcas pa'i sa la gnas pa rnams skye ba dang 'jig par rtogs nas/ mtha' gnyis bshig pas rgyu mi dmigs pa'i phyir shin du dngos po med pa'i ye shes mi spong de/ 'di ni nyan thos rnams kyi ting nge 'dzin gyi tshul lo// gsang ba pa'i bdag po rang sangs rgyas rgyu dang 'bras bu rnam par bshig nas brjod du med pa'i chos kyi tshul la gnas pa rnams ni chos thams cad brjod du med do snyam pa'i ye shes 'jug ste/ ngag shin tu 'gog pa'i ting nge 'dzin la yang dag par reg par byed pa 'di ni rang sangs rgyas rnams kyi ting nge 'dzin gyi tshul lo/ / gsang ba pa'i bdag po gzhan yang 'jig rten pa rnams rgyu las 'bras bu dang /

  258. 130a

    las las 'byung ba 'am ldog par rtogs shing / gzhan gyi dbang gis stong pa nyid kyi ting nge 'dzin kun tu skye bar 'gyur te/ 'di ni 'jig rten pa rnams kyi ting nge 'dzin gyi tshul lo/ / gsang ba pa'i bdag po 'di na ting nge 'dzin gyi tshul yin te/ de la gnas pa'i sangs rgyas dang ni rang sangs rgyas// byang chub sems dpa' skyob rnams dang / / nyan thos nges pa sdig bcom par// grags pa gang dag yin pa dang // 'jig rten pa yi lha gang yin// gsang sngags spyad pa'i cho ga'i tshul// sems can rnams la phan 'dod pas/ / dpa' bo de tshe 'chad par byed// de nas yang bcom ldan 'das kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po gsang sngags rnams kyi gsang sngags kyi mtshan nyid nyon cig/ bcom ldan 'das de ltar 'tshal lo zhes gsol nas/ bcom ldan 'das la nyan pa dang / bcom ldan 'das kyis 'di skad ces bka' stsal to// gsang ba pa'i bdag po de la/ rdzogs sangs rgyas kyi gsang sngags ni// tshig dang ming dang brda yis mtshan// tshig de dbang du gyur pas na/ / gsang sngags don rnams thams cad sgrub// kha cig bskul ba'i tshig dang ldan// kha cig rang ming thog mar smos// hUM dang pharda dang ldan pa ni//

  259. 130b

    gtsug tor rnams kyi yin par bsgrags// zung zo tshoms shig ces pa dang // snun song drol cig zer ba ni// phyag brnyan rnams dang khro bo yi// gsang sngags yin par 'dren pas gsungs/ / na maHsA hA la sogs ldan// ting nge 'dzin ni rtogs pas mtshan// zhi ba'i yi ge rnam par dag/ re ba thams cad rdzogs byed pa'i// gsang sngags sangs rgyas thams cad dang / / byang chub sems dpa' skyob pa'i yin// nyan thos rnams kyi gsang sngags ni// gcig pu gzhi ni gcig la gnas// rang sangs rgyas kyi'ang de bzhin te// khyad par dag ni bshad bya na// ting nge 'dzin gyi khyad par las// las tshe rnam par sbyong zhes bya// gsang ba pa'i bdag po gzhan yang gsang sngags rnams kyi mtshan nyid ni sangs rgyas rnams kyis ma byas/ byed du ma bcug/ rjes su yi rang ba ma yin no// de ci'i phyir zhe na/ 'di ni chos rnams kyi chos nyid do// de ltar de bzhin gshegs pa rnams byung yang rung / sa byung yang rung / chos rnams kyi chos nyid de ni ye nas gnas pa ste/ de yang 'di ltar gsang sngags rnams kyi gsang sngags kyi chos nyid do// gsang ba pa'i bdag po de la gang gi tshe yang dag par rdzogs pa'i sangs rgyas thams cad mkhyen pa/ thams cad gzigs pa 'jig rten du byung ba de'i tshe/ chos nyid de tshul sna tshogs dang / dgongs

  260. 131a

    pa sna tshogs kyis sems can bsam pa sna tshogs pa rnams la tshig sna tshogs dang / yig 'bru sna tshogs dang / yul gyi nges pa'i tshig tu brjod pa sna tshogs dang / dbyangs sna tshogs su go ba rnams su byin gyis brlabs te gsang sngags kyi tshul 'chad do// ji ltar na de bzhin gshegs pa rnams gsang sngags kyi tshul yig 'bru dag tu byin gyis rlob ce na/ gsang ba pa'i bdag po de la de bzhin gshegs pa rnams kyis bskal pa bye ba khrag khrig brgya stong du mar yang dag par bsgrubs pa'i bden pa'i tshig gang yin pa dang / / 'phags pa'i bden pa bzhi dang / dran pa nye bar gzhag pa bzhi dang / rdzu 'phrul gyi rkang pa bzhi dang / de bzhin gshegs pa'i stobs bcu dang / pha rol tu phyin pa drug dang / byang chub kyi yan lag rin po che bdun dang / tshangs pa'i gnas pa bzhi dang / sangs rgyas kyi chos ma 'dres pa bco brgyad gang dag yin pa dang / gsang ba pa'i bdag po mdor na de bzhin gshegs pa rnams kyi thams cad mkhyen pa'i ye shes gang yin pa de thams cad de bzhin gshegs pa rnams nyid kyi bsod nams dang ye shes kyi stobs dang / sngon gyi smon lam mkhyen pa'i stobs dang / chos kyi dbyings kyi byin gyi rlabs kyi stobs kyis byin gyis brlabs nas/ sems can rnams la skal ba rda

  261. 131b

    lta ba bzhin du gsang sngags kyi cho ga yang dag par rab tu ston to/ / gsang sngags kyi cho ga de'ang gang zhe na/ gzod ma nas ma skyes pa'i phyir a ni chos thams cad kyi sgo'o// dgongs pa dang bral ba'i phyir ka ni chos thams cad kyi sgo'o// nam mkha' dang 'dra bar dmigs su med pa'i phyir kha ni chos thams cad kyi sgo'o// 'gro ba thams cad dmigs su med pa'i phyir ga ni chos thams cad kyi sgo'o/ / gcig tu 'phungs pa dmigs su med pa'i phyir g+ha ni chos thams cad kyi sgo'o// 'chi 'pho thams cad dang bral ba'i phyir tsa ni chos thams cad kyi sgo'o/ / sgrib ma thams cad dang mtshungs pa'i phyir tsha ni chos thams cad kyi sgo'o// skye ba dmigs su med pa'i phyir dza ni chos thams cad kyi sgo'o// dri ma dmigs su med pa'i phyir dz+nyA ni chos thams cad kyi sgo'o/ / nga rgyal dmigs su med pa'i phyir Ta ni chos thams cad kyi sgo'o// bskyed pa dmigs su med pa'i phyir tha ni chos thams cad kyi sgo'o// 'khrug pa dmigs su med pa'i phyir Ta ni chos thams cad kyi sgo'o/ / slu ba dang yongs su bral ba'i phyir rna ni chos thams cad kyi sgo'o// de bzhin nyid dmigs su med pa'i phyir ta ni chos thams cad kyi sgo'o/ / gnas dmigs su med pa'i phyir tha ni chos thams cad kyi sgo'o// 'dul ba dmigs su med pa'i phyir da ni chos thams cad kyi sgo'o// khams dmigs su med pa'i phyir d+ha ni chos

  262. 132a

    thams cad kyi sgo'o/ / don dam pa'i bden pa dmigs su med pa'i phyir ba ni chos thams cad kyi sgo'o// dbu ba dang 'dra bar snying po med pa'i phyir pha ni chos thams cad kyi sgo'o// ngag gi lam dang bral ba'i phyir ba ni chos thams cad kyi sgo'o// srid pa thams cad dmigs su med pa'i phyir b+ha ni chos thams cad kyi sgo'o// 'chi ba dmigs su med pa'i phyir ma ni chos thams cad kyi sgo'o/ / theg pa chen po thams cad dmigs su med pa'i phyir ya ni chos thams cad kyi sgo'o// rdul thams cad dang bral ba'i phyir ra ni chos thams cad kyi sgo'o// mtshan nyid dmigs su med pa'i phyir la ni chos thams cad kyi sgo'o/ / rang bzhin gyis zhi ba'i phyir sha ni chos thams cad kyi sgo'o// rang bzhin gyis bems pa'i phyir Sha ni chos thams cad kyi sgo'o// bden pa thams cad dmigs su med pa'i phyir sa ni chos thams cad kyi sgo'o/ / rgyu dmigs su med pa'i phyir ha ni chos thams cad kyi sgo'o// gsang ba pa'i bdag po nga dang / nya dang / Na dang na ni ting nge 'dzin thams cad la dbang sgyur ba ste/ mthu thams cad dang ldan pa rab tu myur bar dgos pa'i don rab tu sgrub par byed pa yin no// gsang ba pa'i bdag po gsang sngags kyi tshul ting nge 'dzin gyi sgo 'di ni re ba thams cad yongs su rdzogs par byed pa/ de bzhin gshegs pa thams cad kyi rnam par smin pa'i 'bras bu bsam gyis mi khyab pa/ rnam pa thams

  263. 132b

    cad kyi mchog dang ldan pa/ gsang sngags kyi de kho na nyid kyi don nges pa/ dus gsum las shin tu 'das pa/ nam mkha' ltar dri ma med pa ste/ 'asam pas sems kyis la gnas/ / las dang bya ba dag las byung // spyad pa'i sa ni rjes thob nas// bsam yas 'bras bu smin par byed// 'di ni de nyid dam pa ste// sangs rgyas kun gyis rab tu bstan// gsang sngags cho ga 'di shes na// sngags pa dngos grub thob par 'gyur// sgra zhes bya ba de nyid mchog/ gsang sngags rnams kyi gsang sngags mtshan// sngags pas yid la sems na ni/ / 'chi 'pho med pa'i gnas thob bo// de nas yang bcom ldan 'das la/ gsang ba pa'i bdag po phyag na rdo rjes 'di skad ces gsol to// bcom ldan 'das kyis gsang sngags kyi mtshan nyid kyi tshul bsam gyis mi khyab pa'i chos kyi rnam grangs bstan pa bcom ldan 'das ngo mtshar lags so/ / de ni nyan thos dang rang sangs rgyas thams cad dang thun mong du ma lags// bcom ldan 'das gang dag gsang sngags kyi tshul 'di la dad pa'i sems can de dag kyang thun mong ma lags pa'i yon tan dang ldan par 'gyur ro// bcom ldan 'das gzhan yang dkyil 'khor gyi yo byad kyi cho ga bshad du gsol/ de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to// de nas

  264. 133a

    sngags pa de yis su/ / me tog ser po dkar po dmar// yid du 'ong bas nan tan du// lha rnams la ni mchod pa bya// pad+ma 'am yang na ut+pa la// nag ge sar pu na ga/ tsam pa a sho ti la ka/ pa ta la dang sa la'ang rung // de la sogs pa'i me tog rnams// yid du 'ong zhing blta na sdug/ bkra shis pa la sngags pa yis// mkhas pas nan tan mchod pa bya/ / tsan dan ta kar spri ka dang // gur kum dang ni ru rta'ang rung // spos mchog rab tu bzang po ni// sna tshogs yid du 'ong ba dbul// a ka ru 'am sgron shing ngam/ / ga pur dang ni tsan dan dang // sa la'i thang chu bkra shis pa 'am// shri ro bai sa ka yang rung // gzhan yang bdug spos sna tshogs pa// bkra shis 'jig rten rnam par grags yid 'ong sngags pas cho ga bzhin/ / lha rnams la ni dbul bar bya// de nas gzhan yang sems dpa' che// lha bshos las kyi tshig nyon// 'o thug 'bras chan zhor sbyar dang // la du dang ni 'khur skya dang / / gor b+hod ka ra yid 'ong dang // khaN+Da'i bca' ba bzang po dang // pu ri ka dang ka ri ka/ de bzhin mthu shi ra dang // phe na a shog par ti dang // pa ra pa ta yang dbul bar bya/ / de la sogs pa'i bza' ba dang // shing thog rnams ni sna tshogs dang // hwags dang li khar rnams dang / bu ram sbrang rtsi mar dag dang // btung ba rnam pa sna tshogs dang /

  265. 133b

    zho dang 'o ma rgyas par dbul// myur me rnam pa sna tshogs pa// gtsang zhing shin tu bzang po yi// 'bru mar rab tu dri zhim pas// rab tu bkang ste dbul bar bya// phyogs su gdugs/ dang ba dan rnams// kha dog sna tshogs rab tu bsgrags// rta babs bzang po rnams kyang ni// dril bu dang bcas rab tu dbul// yang na yid kyi mchod pa ni// thams cad nan tan smras tham pa rkyed man/ / 6 sa nas rba/ san thA/ sa rgya nga / ldas pad brg yan te/ / de bzhin 'bras bus kha yang dgang // me tog spos la sogs pas brgyan// shin tu bzang po srung ba byas// mgrin pa ras kyis bcings pa rnams// mkhas pas na par dgod par bya/ / lA myi gtso bo rnams la ni// ras ni zung re zung de dbul// sems dpa' chen po phal rnams la// ya re dbul bar rab tu bsgrags// mchod pa de ltar byas na ni/ slob ma dkyil 'khor drung bkrug ste// sngags pas chu yis bsang gtor byas// dri dang me tog sbyin par bya// de bzhin gshegs padran byas nas// byang chub sems kyang 'dzin du gcug/ de nas rgyal ba'i rigs dgel// thams cad rab tu skyes par gyur/ chos kyi dbyings las zung ba 'o// phyag rgya de dag rnams la bcing // chos kyi 'khor lo'ang bcis

  266. 134a

    nas ni/ / rdo rje sems dpa' byin gyis brlab// de nas sangs rgyas kun gyi ni// dam tshig sdom brtson can gyis bcings// de tshe sngags kyis cho ga bzhin// ras la lan gsum gdab par bya// snying rjer gyur pa'i yid kyis su// de dag gi ni gdong yang dgab// dam tshig lan gsum bzlas nas ni// spyi bor yi ge ra zhes pa// klad kyi kor bcas brjid dang ldan/ / 'bar ba'i 'phreng bas rnam par 'phro// zla ba 'char ka lta bu yi// kha dog dkar po gzhag par bya// skyob pa kun gyi spyan sngar ni// de nas me tog 'dor du gzhug/ me tog gang la ba ba de ni// sngags pas de la sbyin par bya// dkyil 'khor dang po'i sgo yi drung // sgo khyud kyi ni dbus kyi cha// dkyil 'khor gyi ni sgo gnyis kyi/ / bar du slob ma gzung bar bya// der gnas pa la cho ga kun// rim pa bzhin du legs par bya// slob ma sdig dang bral ba kun// de ltar legs par bcug nas ni// de dag zhi bar bya ba'i phyir// sbyin sreg cho ga bzhin du bya// snying po'i dkyil 'khor gyi ni mdun// dkyil 'khor gnyis pa'i rgyab rol gyi// dkyil 'khor gyi ni dbus kyi char/ ma yengs pa yaM sems kyis bya// mtha' khru gang tsam gyi ni// tshad du rab tu bsgrags pa yin// kha ran sor bzhi'i tshad du bya// dbus su rdo rje rab tu brtag/ de nas sngags pa'i

  267. 134b

    g.yas logs su/ / sbyin sreg gi ni yo byad gzhag/ g.yon gyi phyogs su slob ma rnams// tsog tsog pur ni 'khor du gzhug/ sdom brtson bdag nyid sa steng du// ku sha bting pa'i stan la 'dug/ yang na tshon rtsi dkar po mchog/ rab tu bzang po blangs nas su// de yis me yi gnas rnams kun// sngags pas mdo ru bri bar bya// ku sha dag gis g.yas phyogs nas/ / thams cad khor yug dgram pa ni// mang pos bskor ba'i tshul du dgram// spos kyi chu yis bsang gtor byas// de nas sems can phan byed pa'i// me ni thab khung nang bsams nas/ / brtul zhugs bzang pos dgang blugs mchog/ gsang sngags 'di yis sbyin par bya// na maHsa man+ta bud+d+hA nAn ag+na ye swA hA/ de nas slob ma re re nas/ / mkhas pa'i lag pa g.yon pa yis// g.yas pa'i mthe bong bzung nas su// mnyam par bzhag pas sbyin sreg bya// yid ni mnyam par bzhag nas su// sreg blugs re re las kyang ni/ / gsang sngags cho ga bzhin zlos shing // nyi shu rtsa gcig sbyin sreg bya// na maHsa man+ta bud+d+hA nan/ oM ma hA shAn+tiM ga ta shAn+ti ka ra pra sha ma d+harma ni ra dzA ta/ a b+hA ba swa b+hA ba/ d+harma sa ma tA prap+ta swA hA/ sbyin sreg rjes la sngags pa yis// slob ma rnams la yon bslang ba// gser dang dngul dang rin chen dang // rta dang de bzhin glang po dang / rnga mo ba

  268. 135a

    dang ma he gos/ / gzhan yang dngos po ci yang rung // de tshe slob mas gus par ni// dad pa rab tu ldan pa yis// sems la dga' ba bskyed nas su// bla ma la ni yon dbul lo/ / yang na ci nas bla ma de// rab tu mgu bar 'gyur bar bya// de ltar byas nas bdag bsrungs te// slob ma de bos bsgo ba ni// 'di ni bsod nams zhing yin zhes// sems can kun gyi don gyi phyir// skyob pa rnams ni kun gyis gsungs// rnam dag yon tan rgyas pa yi// dge 'dun la ni kun gyis byin// dge 'dun la phul 'bras bu che// skyes bu mkhas pa gang dag gis// dge 'dun la ni yon phul na// longs spyod chen po mi zad pa// 'jig rten pa la skye bar 'gyur// de bas thams cad mthun par ni// sems dpa' dga' ba bskyed nas su/ / sangs rgyas bsngags pa'i dge 'dun la// ci nus par ni mchod ston bya// de nas bcom ldan 'das rnam par snang mdzad kyis byang chub sems dpa' sems dpa' chen po phyag na rdo rje la bka' stsal pa/ sems dpa' chen po dbang bskur ba// sngon gyi sangs rgyas kyis bshad pa// rgyas pa ru ni bshad par byas// yid gcig bsdus te legs par nyon/ / gsang ba pa'i bdag po de la slob dpon gyis rtsa ba'i dkyil 'khor gyi mdun du bar khru do bor nas phyi rol gyi sa la dkyil 'khor gnyis pagru bzhi pa la sgo gci

  269. 135b

    pa bri bar bya'o/ / sku bzhir rdo rje 'dzin pa bani dgod de/ bzhi gang zhe na/ 'di lta ste/ spros pa med par gnas pa dang / nam mkha' ni ma med pa dang / dri ma med pa'i mig dang / gos sna tshogs gyon pa rnams so// dbus su pad+ma chen po 'dab ma brgyad pa ze ba dang bcas pa bzhag ste/ 'dab ma bzhi la byang chub sems dpa' grogs su gyur pa/ sngon kyigyi smon lam gyi mthu can du gyur pa bzhi bri bar bya ste/ 'di lta ste/ gzungs kyi dbang phyug rgyal po dang / dran pa dang shes bzhin can dang / phan pa'i lhag pa'i bsam pa can dang snying rje can no/ / 'dab ma gzhan rnams la ni phyag brnyan bzhi bri ste/ bzhi gang zhe na/ 'di lta ste/ sems kyi khyad par la spyod pa dang / 'dod pa yongs su rdzogs byed dang ma chags pa dang / rnam par grol ba'o// dbus su ni chos kyi dbyings bsam gyis mi khyab pa'i gzugs gzhag go// de nas rin po che'i bum pa bzhi rin po che dang sman thams cad blugs pa kun tu bzang po dang / byams pa dang / sgrib pa thams cad rnam par sel ba dang / ngan song thams cad spong ba rnams kyis byin gyis brlabs pas spyi bo nas dbang bskur ro/ / pad+ma 'dab ma de la ni// sngags pa bdag gis de bzhag nas// spos dang me tog gis mchod de// mar me mchod yon sbyin par bya// gdugs dang rgyal mtshan ba dan dang //

  270. 136a

    rnga sgra yid du 'ong ba dang // bkra shis rgya chen snyan pa yis// tshig gis legs par mngon dgar bya// skyob pa rnams kyi spyan snga ru// de ni bsgrims te dbang bskur ro/ / spos dang me tog bzang po yis// de la yang ni mchod pa bya// de nas gser gyi thur ma ni// thogs te mdun du 'dug nas su// slob ma'i snying la dbab pa'i tshig 'di skad ces ni smra bar bya/ / sngon gyi mig mkhan rgyal po yis// 'jig rten ling tog bsal ba bzhin// bu khyod kyi ni mi shes pa'o// ling tog rgyal ba rnams kyis bsal/ de nas me long blangs nas su// chos kyi mtshan nyid bshad par bya// chos rnams gzugs brnyan lta bu ste// dang zhing dag la rnyog pa med// gzung du med cing brjod du med// rgyu dang las las byung ba ste// ngo bo nyid med gnas med pa// de ltar chos 'di shes nas su// sems can don ni mnyam med byos// 'on kyang sangs rgyas sras su skyes// nas rkang pa'i bar 'og tu// chos kyi 'khor lo gzhag par bya// de nas lag pa g.yas par yang // shin tu bzang po'i dung byin te// chos kyi dung ni bla med pa// kun tu rgyas par zhus nas su/ / de ring byin chad 'jig rten la// skyob pa rnams kyi 'khor lo bskor// som nyi yid gnyis mi bya zhing // dogs pa med pa'i sems kyis khyod/

  271. 136b

    gsang sngags spyad pa'i tshul gyi mchog/ 'jig rten 'di la rab tu shod// de ltar byas na sangs rgyas la// phan thogs byas pa gzo zhes bya// rdo rje 'dzin pa de kun yang // khyod la rnam pa kun tu srung // de nas slob ma de bslang la// sngags pa snying rjer ldan gyur pa'i// yid kyis nang du bcug nas ni// de la dam tshig bstan par bya// de ring phyin chad bu khyod kyis/ / dam pa'i chos dang byang chub sems// srog gi phyir yang da phyin chad// yongs su gtang bar mi bya'o// khyod kyis ser sna dang ni gang // sems can gnod pa mi bya'o/ / dam tshig 'di dag sangs rgyas kyis// brtul zhugs bzang po khyod la bshad// ji ltar rang gi srog srung ba// de ltar khyod kyis 'di dag srungs// slob mas bla ma'i rkang pa la/ / dad cing gus par phyag byas nas// shin tu nges pa'i yid kyis ni// de dag thams cad khas blang ngo // de nas bcom ldan 'das la/ gsang ba pa'i bdag po phyag na rdo rjes 'di skad ces gsol to/ / bcom ldan 'das rigs kyi bu 'am/ rigs kyi bu mo gang snying rje chen po'i snying po 'byung ba'i dkyil 'khor gyi rgyal po chen po 'di'i dam tshig la zhugs par gyur pa de'i bsod nams ji tsam zhig mngon par 'dus bgyis par rig par bgyi de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to//

  272. 137a

    sems dang po bskyed pa nas nye bar bzung ste/ de bzhin gshegs pa las byung ba'i bsod nams mngon par 'dus byas pa ji tsam pa rigs kyi bu 'am/ rigs kyi bu mo de dag gis bsod nams mngon par dus byas pa'ang de tsam du rig par bya'o/ / gsang ba pa'i bdag po rnam grangs 'dis kyang khyod kyis 'di ltar rig par bya ste/ rigs kyi bu dang / rigs kyi bu mo de dag ni de bzhin gshegs pa'i zhal dang thugs las skyes pa'i sras yin par rig par bya'o/ / rigs kyi bu dang / rigs kyi bu mo de dag phyogs gang na gnas pa der de bzhin gshegs pa des chen po dgongs mi dgos par 'gyur ro/ / gsang ba pa'i bdag po de lta bas na de bzhin gshegs pa la mchod par 'dod pa'i rigs kyi bu dang / rigs kyi bu mo rnams kyis de dag la mchod par bya'o/ / de bzhin gshegs pa la blta bar 'dod pa rnams kyis de dag la blta bar bya'o// de nas phyag na rdo rje la sogs pa rdo rje 'dzin de dag dang / kun tu bzang po la sogs pa byang chub sems dpa' sems dpa' chen po de rnams kyis mgrin gcig tu tshig smras pa/ bcom ldan 'das deng slan chad rigs kyi bu dang / rigs kyi bu mo de rnams la rim gror bgyi zhing mchod par bgyi'o/ / bcom ldan 'das de ci'i slad du zhe na/ rigs kyi bu dang / rigs kyi bu mo de dag nyid sangs rgyas bcom ldan 'das rnams su blta bar bgyi ba lags so// de nas yang bcom

  273. 137b

    ldan 'das rnam par snang mdzad kyis thams cad dang ldan pa'i 'khor de dag la gzigs nas/ gsang ba pa'i bdag po phyag na rdo rje dang / rdo rje 'dzin de rnams dang / thams cad dang ldan pa'i 'khor rnams la bka' stsal pa/ rigs kyi bu dag de bzhin gshegs pa rnams kyi gsang sngags kyi tshig gsung gi 'khor lo'i dkyil 'khor mtha' yas par 'jug pa rgya chen po las byung ba sna tshogs kyi gzugs kyi nor bu dang 'dra ba/ re ba thams cad yongs su rdzogs par byed pa/ bsod nams kyi tshogs dpag tu med pa bsags pa/ thogs pa med pa'i rtogs pa la gnas pa/ dus gsum du chags pa med pa'i stobs dang ldan pa'i gsang sngags kyi tshig 'di dag yod do// de skad ces bka' stsal pa dang / gsang ba pa'i bdag po phyag na rdo rje dang rdo rje 'dzin de rnams dang / thams cad dang ldan pa'i 'khor de dag gis mgrin gcig tu tshig tu smras pa/ bcom ldan 'das de'i dus la bab bo// bde bar gshegs pa de'i tshong la bab bo/ / de nas bcom ldan 'das kyis de'i tshe ljags kyi dbang po 'dod pa thams cad yongs su rdzogs par sprul pas thams cad dang ldan pa'i sangs rgyas kyi zhing kun tu g.yogs nas/ chos kyi rgyal mtshan gyi tog rgya chen po yongs su dag pa'i rtse mo la lta ba zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu/ de nas 'di ltar de bzhin

  274. 138a

    gshegs pa thams cad kyis chos kyi dbyings khyab pa/ sems can gyi khams ma lus pa rnams yongs su bskyab pa'i sgra 'byin pa/ rig sngags kyi rgyal mo stobs chen mo srung ba chen mo 'di gsungs so/ / na maHsar+b+ba ta thA gau te b+h+yaHsar+b+ba b+hA ya bi ga teb+h+yoHbi shwa su le b+h+yoHsar+b+ba thA khe rak+Sha ma hA ba le sar+b+ba ta thA ga te pu N+ya ni rdza te d+hu nAM/ tra ta trata a pra tita te swA hA/ sangs rgyas mkhas pa thams cad kyis// rig sngags 'di gsungs mod la ni// de tshe sangs rgyas zhing 'di dag/ rnam pa drug tu g.yos par gyur// byang chub sems dpa' de kun gyis/ / ngo mtshar gyur pa'i mig gdangs nas// sangs rgyas kun gyi spyan sngar ni// yid du 'ong ba'i tshig smras pa// e ma'o sangs rgyas thams cad kyis// srung ba rab tu stobs chen 'di// sems can thams cad bsrung ba dang // bskyab cing smra ba'i phyir gsungs te// gang gis snying la srung gnas pa// de dag la ni 'jigs pa med// gsang sngags mthu chen dran byas nas// bgegs dang log 'dren thams cad dang // srin po 'jigs pa'i gzugs can ni// de dag thams cad 'jigs par 'gyur// de nas yang bcom ldan 'das kyis chos kyi dbyings rgya chen por byin gyis brlabs nas/ de'i tshe chos kyi mdzod kyi snying po can zhes bya ba'i ting nge 'dzin la snyoms par zhugs so// bcom ldan 'das

  275. 138b

    ting nge 'dzin de la snyoms par zhugs ma thag tu dam tshig la 'jug pa'i rig sngags byung ngo / / na maHsa man+ta bud+d+hA nAM/ a sa me tri sa me sa ma ye swA hA/ de nas de ma thag tu sangs rgyas kya zhing khams thams cad dang / byang chub sems dpa'i 'khor gyi dkyil 'khor thams cad du dam tshig la 'jug pa'i rig sngags kyi sgra gang zhig thos na mkhas pa rnams chos thams cad las 'da' bar mi 'gyur ba'i sgra grag par gyur to/ / de nas yang bcom ldan 'das kyis chos kyi dbyings kun tu 'byung ba'i gsang sngags gsungs pa/ na maHsa man+ta bud+d+hA nAn/ d+harma d+hA tu swa b+hA ba AH koSh+yaha~M/ chos kyi dbyings su byin gyis brlabs pa'o// na maHsa man+ta badz+ra nAn/ badz+ra At+ma ko9/ rdo rje sems dpar byin gyis brlabs pa'o// na maHsa man+ta badz+ra nAn/ badz+ra ka ba tsa tsU/ rdo rje go cha'o// na maHsa man+ta bud+d+hA nAn/ ta thA ga ta tsak+Sha d+h+yA a ba lo ka ya swA hA/ de bzhin gshegs pa'i spyan no// na maHsa man+ta bud+d+hA nAn/ bi shud d+ha gan d+hod b+ha ba swAhA/ byug spos kyi sngags so// na maHsa man+ta bud+d+hA nAn/ ma hA me tri byAd ga te swA hA/ me tog gi sngags so// na maHsa man+ta bud+d+hA nAn/ d+harma d+hA tu a nu ga ta swAhA bdug spos kyi sngags so/ / na maHsa man+ta bud+d+hA nAn/ sarba ta thA ga ta ra tsi s+pha ra Na a ba b+hA sa ga ga not+ta re b+h+yaHswA hA/ mar me'i sngags so// na maHsa man+ta bud+d+hA nAn/ ga ga na sa ma sa ma

  276. 139a

    swAt+ma/ mchod yon gyi sngags so// na maHsa man+ta prad+d+hA nAn/ ga gan nan d+ha sA raH/ bi shud d+hA d+ham nir dza ta swAH/ gtsug tor gyi sngags so// nas sa man+ta bud+d+hA nAn/ pra tsaN+Da badzA dz+wa la bi s+phu ra hUM/ de bzhin gshegs pa'i go cha'o// na maHsa man+ta bud+d+hA nAn/ dzA la mA li na ta thA ga ta ra tsi swA hA/ kun tu 'bar ba'o// na ma sa man+ta bud+d+hA nAn/ ma hA ta thA ga ta dzi hA sad s+ya/ d+harma pra tiSh+Thi ti swAH/ de bzhin gshegs pa'i ljags kyi'o// dkyil 'khor du dgod pa'i gsang sngags kyi mdzod do// / bam po gsum pa// / de nas yang bcom ldan 'das rnam par snang mdzad la/ phyag na rdo rjes zhus pa/ bcom ldan 'das ji ltar na/ dkyil 'khor 'dri ba'i tshe na ni/ / bgegs rnams zhi bar 'gyur ba lags// gsang sngags sgrub pa'o tshe na yang // log 'dren rnams ni ma mchis 'gyur// gsang sngags rnams kyang ji ltar sgrub/ de yi 'bras bu ci 'drar 'gyur// de skad gsol nas de yi tshe// bcom ldan rnam snang mdzad chen gyis// 'di skad ces ni bka' stsal pa// sems dpa' chen po legs so legs// khyod kyis yongs su dris pa gang // thams cad khyod la bstan par bya// sngon chad ser sna bsten pa'i phyir// bgegs ni rang gi sems las byung // de yi rgyu ni gzhig pa'i phyir// gang

  277. 139b

    du sems dang sems byung ba'i/ / rtog pa thams cad spong ba dang // rnam par rtog pa las byung ba'i// spros pa thams cad 'gag 'gyur ba'i// byang chub sems zhes bshad pa yin/ / sngags pas byang chub sems dran zhing // mi g.yo ba ni yid la bzlas// de yi phyag rgya bcings na ni// bgegs rnams thams cad 'jig par 'gyur// gsang ba pa'i bdag po de la rlung bcing ba 'di nyon cig/ a zhes bya bar bdag bsgyur te// haM zhes bya ba yid la bzlas// rlung gi phyogs su gnas nas ni// sa la spos kyi thig le dag/ bdun nyid/ legs par byas nas su// kham phor gyis ni dgab par bya// kham phor ri rab chen po ru// yang dang yang du bsam par bya// de yi steng du a zhes pa// klad kor bcas pa rgyas par bsam/ / rlung bcing chen po de lta bu// sngon gyi rgyal ba rnams kyis bshad// sems dpa' chen po chu yis yang // yid gcig bsdus te mnyan par gyis// sngags pas ra zhes bya ba ni/ / thams cad dmar po stobs chen bsam// 'bar ba'i 'phreng can mi bzad pa// khro bo lag na ral gri thogs// sa la sprin gyi gzugs bris nas// ral gri phyag rgyas dbab par bya/ / phyogs kun nas ni langs pa'i sprin// de ma thag tu 'jig par 'gyur// yang na sngags pa mi g.yeng bas// de dag pur bus gdab bya ste// mkhas pa rdo rjer gyur nas su

  278. 140a

    thams cad rdo rje phur bus gdab/ yang na bgegs rnams thams cad ni// zhi bar bya ba yang bshad de// sngags pa dkyil 'khor dbus gnas nas// g.yo stobs chen gsang sngags ni// shin tu mi bzad bdag nyid kyi// dkyil 'khor dag la gnas par bsam// de yi gzugs brnyan byas nas ni// rkang pa g.yon pas spyi bor gzir/ / 'on tang de na zhir 'gyur ba'ang // dogs pa med par 'chi bar 'gyur// de yi gzugs brnyan byas nas su// ske tshe dug khrag bsreg pa yis// byugs pas sngags pas bskams na ni/ / gdon de myur du tshig par 'gyur// de ni me la bskams pa dang // dug gis bskus na nges par ni// tshangs pa'am 'on te brgya byin yang // de yi mod la myur du 'tshig/ de nas yang bcom ldan 'das la/ phyag na rdo rjes 'di skad ces gsol to// bcom ldan 'das kyis gsungs pa'i don bdag gis 'tshal ba ltar na bdag gis 'di ltar mjal to/ / bcom ldan 'das rang gi dkyil 'khor la gnas na lha rnams byin gyis rlob par bgyid do// de nyid du gnas na de bzhin gshegs pa'i bka' las kyang 'gal bar mi bgyid do/ / de ci'i slad du zhe na/ bcom ldan 'das 'di ltar rang gi rigs la gnas pa de ni gsang sngags thams cad kyi dam tshig lags so// byang chub sems dpa'

  279. 140b

    gsang sngags kyi sgo nas byang chub sems dpa'i spyad pa spyod pa rnams kyis kyang rang gi gnas la gnas nas don thams cad bsgrub par bya'o/ / bcom ldan 'das kyis bka' stsal pa/ gsang ba pa'i bdag po de de bzhin te/ ji skad smras pa de de bzhin no// gsang ba pa'i bdag po gzhan yang / gang gi kha deg gang gsungs pa// de nyid de yi dkyil 'khor te/ lha yi gzugs ni de lta bur// sngon gyi sangs rgyas rnams kyis bstan// de la gsang ba pa'i bdag po ma 'ongs pa'i dus na/ sems can blo zhan pa/ ma dad pa/ gang dag bstan pa 'di la dad par mi 'gyur zhing yid gnyis dang som nyi mang ba/ thos pa tsam snying por 'dzin pa/ sgrub pa la mi phyogs pa dag 'byung bar 'gyur te/ de dag ni bdag nyid kyang ma rung la gzhan yang phung bar byed pa yin no/ / 'di skad du 'di ni phyi rol pa rnams la yod de/ sangs rgyas kyis gsungs pa ni ma yin no zhes smra bar 'gyur gyi/ mi blun po de dag gis 'di ltar bcom ldan 'das thams cad mkhyen pa/ chos thams cad la mnga' brnyes pa/ sems can gyi don rtogs par thugs su chud pa des sngon sems can rnams la phan par bzhed nas 'di dag thams cad bshad do zhes bya bar ni mi shes so/ / chos rnams kyi ni chos kyi mtshan// blun po des ni de mi shes// chos rnams kun gyi mtshan nyid ni// stong pa nyid

  280. 141a

    du yang dag gsung / / sngags pa rtag tu der gnas nas// rab tu nges par las bya'o// bgegs zhi bar bya ba rim par phye ba ste rgyas pa'o// // de nas phyag na rdo rje la sogs pa rdo rje 'dzin de dag dang / kun tu bzang po la sogs pa byang chub sems dpa' de rnams kyis/ bcom ldan 'das rnam par snang mdzad la phyag 'tshal nas/ snying rje chen po 'byung ba'i dkyil 'khor chen po 'dir chos kyi dbyings rnam par dag pa'i sgo ji ltar rtogs pa rang rang gi tshig tu brjod pa'i tshig gis gsang sngags rnams smra bar 'dod nas/ bcom ldan 'das la gsol ba btab bo// de nas bcom ldan 'das rnam par snang mdzad kyis/ byang chub sems dpa' de dag dang / rdo rje 'dzin de dag la mi nyams pa'i chos nyid du byin gyis brlabs nas bka' stsal pa/ rigs kyi bu dag chos kyi dbyings ji ltar rtogs pa bzhin sems can gyi khams rnam par sbyong ba'i gsang sngags kyi tshig rnams smros shig/ de nas rdo'i tshe byang chub sems dpa' kun tu bzang pos sangs rgyas kyi rgyan gyi yul zhes bya ba'i ting nge 'dzin la snyoms par zhugs nas stobs thogs pa med pa'i gsang sngags smras / na maHsa man+ta bud+d+hA nAn/ sa man+t+ra nu ga ti bar dza rnam ni dza tra mahA mahA sAH/ kun tu bzang mo'i'o// de nas byang chub sems dpa' byams pas byams pa chen po gu

  281. 141b

    mngon par 'byung ba zhes bya ba'i ting nge 'dzin la snyoms par zhugs nas rang gi snying po smras pa/ na maHsa man+ta bud+d+hA nAn/ a dzi tan dza ya/ sar+b+ba sa twa ya sha yA nu ga ta sAhA/ byams pa'i 'o// de nas byang chub sems dpa' nam mkha'i snying po rnam par dag pa'i yul zhes bya ba'i ting nge 'dzin la snyoms par zhugs nas gsang sngags smras pa/ na maHsa man+ta bud+d+hA nAn/ A kA sha sa ma tA nu ga ta bi tsad+d+he ba ra d+ha ra swA hA/ nam mkha'i snying po'i 'o// de nas byang chub sems dpa' sgrib pa thams cad rnam par sel ba snying rje chen po'i stobs zhes bya ba'i ting nge 'dzin la snyoms par zhugs nas gsang sngags smras pa/ na maHsa man+ta bud+d+hA nAn/ A sAd ta rbaM ta/ a byung ga ta/ dz+nyA tAM r-I raM swAhA/ sgrib pa thams cad rnam par sel ba'i 'o/ / de nas byang chub sems dpa' kun tu spyan ras gzigs dbang phyug kun tu spyan ras gzigs zhes bya ba'i ting nge 'dzin la snyoms par zhugs nas rang gi snying po 'khor dang bcas par smras pa/ na maHsa man+ta bud+d+hA nAn/ sar+b+ba ta thA ga ta a ba lo ki ta/ ka ru NA mA yA ra ra ra hUM dzaHswA hA/ spyan ras gzigs dbang phyug gi'o// na maHsa man+ta bud+d+hA nAn/ dza dzang sa sA hA/ mthu chen thob pa'i 'o// na maHsa man+ta bud+d+hA nA na/ ka ru Nod b+ha be ta re ta ra Ni sA hA/ lha mo sgrol ma'i 'o// na maHsa man+ta

  282. 142a

    bud+d+hA nAnA/ sar+b+ba b+hA ya/ trA sa ni hUM s+pho Ta ya swAH/ khro gnyer can ma'i'o// nA maHsa man+ta bud+d+hA nAn/ ta thA ka ta bi shA ya/ sa~M b+hA be/ pad+mA nA li na/ swA hA/ gos dkar can gyi'o// na maHsa man+ta bud+d+hA nA na/ hUM kha da ban d+ha s+pho Ta ya swA hA/ rta mgrin gyi'o// de nas byang chub sems dpa' sa'i snying po rdo rje mi shigs pa rtogs pa'i yul zhes bya ba'i ting nge 'dzin la snyoms par zhugs nas gsang sngags smras pa/ na maHsa man+ta bud+d+hA nAn/ ha ha ha/ pu tA nu swA hA/ sa'i snying po'i'o// de nas byang chub sems dpa' 'jam dpal gzhon nur gyur pa sangs rgyas kyi byin gyi rlabs rnam par 'phrul pa zhes bya ba'i ting nge 'dzin la snyoms par zhugs nas rang gi snying po smras pa/ na maHsa man+ta bud+d+hA nAn/ de de he/ ku mA ra ka/ bi muk+ti/ sa thin+da ti/ s+pha ra sma ra/ pra ti ha na swAhA/ 'jam dpal gyi'o// de nas gsang ba pa'i bdag po phyag na rdo rje rdo rje mi 'pham pa zhes bya ba'i ting nge 'dzin la snyoms par zhugs nas rang gi snying po 'khor dang bcas pa smras pa/ na maHsa man+ta badz+ra NAn/ tsaN+Da ma hA ro Sha Nats+tsha/ phyag na rdo rje'i 'o// na maHman+ta bar+d+ha nAn/ dzidza dziH/ dza la na ti swAH/ nam ti'i'o// namangs man baSh+TA nA~M/ chu ban d+ha la bas mong ma modza la/ brjod thabs sarba/ a rba tig te saH

  283. 142b

    lugu rgyud kyi'o/ / na maHsa man+ta badz+rA nAn/ hi hUM phaT swAH/ khro na gtso ba'i 'o// na maHsa man+ta badz+rA nAn/ sar+b+ba d+harma nir d+he da ni/ badz+ra su chi ba ra de sAH/ rdo rje rtse mo'i la na maHsa man+ta badz+nyA nAn/ hUM hUM d+h+waM/ phaT phaT dza dza sAH/ rdo rje 'dzin pa kun gyi'o// na maHsa man+ta badz+rA nAn/ he he kiny+tsi ra yA si/ gr-ih+na thaMSh+Ta/ khA da khA da/ pa ri pU ra ya sa pra ti dz+nyA na swA hA/ phyag brnyan thams cad kyi'o// de nas de'i tshe bcom ldan 'das shAkya thub pa sa rin po che'i 'byung gnas zhes bya ba'i ting nge 'dzin la snyoms par zhugs nas nyid kyi snying po 'khor dang bcas pa gsungs pa/ na maHsa man+ta bud+d+hA nAn/ sar+b+ba kle sha ni shud d+hA na/ sarba d+ham ba shi ta prAp+ta ga ga na sa ma sa ma swA hA/ shAkya thub pa'i 'o// na maHsa man+ta byAd+d+hA nAn/ ba ra de bar brAb+hedz+dza/ mdzod bu'i'o// na meHsa san+ta bud+d+hA nAn/ daM be d+hu hU~M phaT swAH/ gtsug tor thams cad kyi'o// na maHsa man+ta bud+d+hA nAnA/ d+h+r-id+d+hi dzI rdzi swA hA/ khro bo gzhan gyis mi thub pa zhes bya ba'i'o// na maHsa man+ta bud+d+hA nAn/ a pa ra dzi ta/ dza lan ti/ da Di te swA hA/ gzhan gyis mi thub ma'i'o// na maHsa man+ta bud+d+hA nAn/ pri thi byai se swA hA/ sa'i'o// na maHsa man+ta bud+d+hA nAn/ biSh+Ta bi sAhA/ khyab 'jug gi'o// na maHsa man+ta bud+d+hA nAn/ ru drA ya swAhA/ drag po'i'o//

  284. 143a

    na maHsa man+ta bud+d+hA nAn/ bA ya be swAhA/ rlung lha'i 'o// na maHsa man+ta bud+d+hA nAn/ sA ra sA tA ye sAhA/ dbyangs can gyi'o// na maHsa man+ta bud+d+hA nAn rAk+Sha sA d+hi pa ta ye sA hA/ bden bral gyi'o// na maHsa man+ta bud+d+hA nAn/ bai ba satwa ya sA hA/ gshin rje'o// na maHsa man+ta bud+d+hA nAn/ mr-i ta ye swA hA/ 'chi bdag gi'o// na maHsa man+ta bud+d+hA nAn/ kA la rA tri ye sA hA/ dus mtshan gyi'o// na maHsa man+ta bud+d+hA nAn/ mA tri b+h+yaHsAhA/ ma mo rnams kyi'o// na maHsa man+ta bud+d+hA nAn/ sha krA ya sAhA/ brgya byin gyi'o// na maHsa man+ta bud+d+hA nAn/ a paM pa ta ye sA hA/ chu'i lha'i 'o// na maHsa man+ta bud+d+hA nAn/ A di t+yA ya swA hA/ nyi ma'i 'o// na maHsa man+ta bud+d+hA nAn/ pra dzAta ye swA hA/ tshangs pa'i'o// na maHsa man+ta bud+d+hA nAn/ tsan+d+rA ya swA hA/ zla ba'i'o// na maHsa man+ta bud+d+hA nAn/ maM g+ha sha ni ye swA hA/ dga' bo dang / bsnyen dga' bo'o'o// de nas yang bcom ldan 'das rnam par snang mdzad bstan pa don yod par grub par bzhed nas/ sangs rgyas dang byang chub sems dpa' thams cad kyi yum la rig sngags kyi rgyal mo gsungs pa/ na maHsa man+ta bud+d+hA nAn/ ga ga na ba ra la k+Sha Ne/ ga ga na sa ma sar+b+bo ga ta ti sa ra saM b+ha be dza la na mo a mo g+ha nA na swAhA/ sangs rgyas dang byang chub sems dpa' thams cad kyi yum nama?

  285. 143b

    mkha'i spyan gyi'o/ / de nas bcom ldan 'das rnam par snang mdzad bgegs thams cad zhi bar bya ba'i phyir gzi brjid 'byung ba zhes bya ba'i ting nge 'dzin la snyoms par zhugs nas/ bgegs / chen po 'joms pa'i gsang sngags 'di gsungs so// na maHsa man+ta badz+ra NAn tsaN+Da ma hA ro/ Sha na s+pho Ta ya/ hUM trag ha mA/ 'phags pa mi g.yo ba'i'o// na maHsa man+ta badz+rA NAn/ han ha/ bi sma ye/ sar+b+ba ta thA ga ta/ bi Sha ya saM b+ha ba trai lo kya bi dza ya hUM dzaHswA hA/ khams gsum rnam par rgyal ba'i'o// na maHsa man+ta bud+d+hA nAn/ he tu pra t+ya bi ga te d+ha ma ni rA dzadzar+tha/ nyan thos rnams kyi'o// na maHsa man+ta bud+d+hA nAn/ rang sangs rgyas rnams kyi'o// na maHsa san+ta bud+d+hA nAH/ sar+b+ba b+had+d+hAnAnA/ sar+b+be bud+d+ha bo d+hi satwA/ dza~Md ldan pag ni/ na maHsar+b+ba bid+yA swAHsangs rgyas dang byang chub sems dpa' thams cad kyi spro'i snying po'o// na maHsa man+ta bud+d+hi nAn/ lo ka lo ka ka nA ya/ sar+b+ba de ba/ nA ga yak+Sha/ @ b+h+yaHa s+saraka ru u0f7f/ kin+da nar/ mdo ra ga/ dza~M da yAn n+ya ka ri Sha ya bi tsa~M tra ga nyi swAH/ lha la sogs pa'i spyi'i snying po'o// nA maHsa man+ta bud+d+hA nAn/ sar+b+baH dIm ti/ ba~M ki raH/ nam hA tra ni ridzata/ saM saM swAHbyang chub sems dpa' thams cad kyi'o// na maHsa man+ta bud+d+hA nAn/ dur d+ha ri lam dA ro Sha dza~MkhA Na ya sa

  286. 144a

    ta thA ga ta/ A drA ku ru swAhA/ sgro srungs gdul dka' ba zhes bya ba'i 'o// na maHsa man+ta bud+d+hA nAn/ he ma hA pra tsaN+Da a b+hi mu kha gr-ih+Na khA da ya kiny+tsi rA ya si ma ma ya ma nu s+pha ra sAHsgo srungs mngon du phyogs pa zhes bya ba'i'o/ / na maHsa man+ta bud+d+hAn+tan/ sar+b+ba tra a nu ga te banad+ha// si man ma hA sa ma ya nir dza te s+pha ra Ne a pra tiha te/ d+ha kaH ka/ tsa ra tsa ra/ ban d+ha banad+ha/ dag di shan/ sar+b+ba ta thA ga ta a nu te/ prA brta d+harmA la d+ha bi dzI ye/ b+ha ga ba ti/ bi ku ri bi ku le le lu bu pi sAH/ mtshams chen po gcod pa'i 'o/ / na maHsa man+ta bud+d+hA nAn/ a/ byang chub kyi'o// a/ spyod pa'i'o// au/ rdzogs par sangs rgyas pa'i'o// a/ mya ngan las 'das pa'i 'o// na maHsa man+ta badz+ra NAn/ da/ 'jog rten gsum las rnam par rgyal ba'i 'o// na maHsa man+ta badz+rA NAn nA/ 'phags pa mi g.yo mgon gyi'o// na maHsa man+ta bud+d+hA nAn/ a/ sgrib pa thams cad rnam par sel ba'i'o/ / na maHsa man+ta bud+d+hA nAn/ sa/ spyan ras gzigs dbang phyug gi'o// na maHsa man+ta bud+d+hA nAn/ pa/ phyag na rdo rje'i'o// na maHsa man+ta bud+d+hA nAn/ maM 'jam dpal gyi'o// na maHsa pa prad+d+hAnAn/ ka/ nam mkha'i spyan gyi'o// namaHsa san bud+d+hAr+thare/ chos kyi dbyings kyi'o// namaHsa san

  287. 144b

    nAn/ dpa' blo chen po'i'o// na maHsa san+ta ban+danan/ chu'i dbang bya'i'o// na maHsa man+ta bud+d+hA nAn/ lha ma sgrol mchi'o// na maHsa san+ta bar+d+han hriH/ khro gnyer can ma'i 'o// na maHsa man+ta bud+d+hA nA na/ paM gos dkar can gyi'o// na maHsa man+ta bud+d+hA nAn/ sAM/ mthu chen thob pa'i 'o// na maHsa man+ta bud+d+hA nAn/ rta mgrin gyi'o// na maHsa man+ta bud+d+hA nAn/ yau grags 'dzin ma'i'o// na maHsa man+ta bud+d+hA nAn/ phyag na rin chen gyi'o// na maHsa man+ta bud+d+hA nAn/ dzIdra ba'i 'od kyi'o/ / na maHsa man+ta bud+d+hA nAn/ !shAkya thub pa'i'o// na maHsa man+ta bud+d+hA nAn/ haM t+yang ruM/ gtsug tor gsum gyi'o// na maHsa man+ta bud+d+hA nAn/ la gdugs dkar po'i'o/ / na maHsa man+ta bud+d+hA nAn/ shaMgatsug tor rgyal ba'i 'o// na maHsa man+ta bud+d+hA nAn/ saM gtsug tor rnam par rgyal ba'i'o// na maHsa man+ta bud+d+hA nAn trigazi brjid phung po'i'o/ / na maHsa man+ta bud+d+hA nAn/ d+h+waM rnam par 'thor ba'i'o// na maHsa man+ta bud+d+hA nAn/ hUM gzhan gyis mi thub pa'i'o// na maHsa man+ta bud+d+hA nAn/ bi sa'i'o// na maHsa man+ta bud+d+hA nAn/ ki li/ skra can ma'i'o// na maHsa man+ta bud+d+hA nAn/ di li/ nye sgra can gyi'o// na maHsa man+ta bud+d+hA nA na/ mi li/ sna tshogs ma

  288. 145a

    'o/ / na maHsa san+ta bud+d+hA nAn/ hU~M li~M/ nor ldan ma'i'o// na maHsa man+ta bud+d+hA nAn/ thA sa nAn/ ngo mtshar can gyi'o// na maHsa man+ta bud+d+hA nAn/ sa nAn/ sems can thams cad la mi 'jigs pa sbyin pa'i 'o// na maHsa man+ta bud+d+hA nA na/ d+h+waM sa nAn/ ngan song thams cad spong ba'i 'o// na maHsa man+ta bud+d+hA nA na/ ba hi sa nA na/ yongs su skyong sems blo gros kyi'o// na maHsa man+ta bud+d+hA nAn/ ShAM byams pa chen po mngon par 'byung ba'i'o// na maHsa man+ta bud+d+hA nAn/ yaM snying rjes gdungs pa'i'o/ / na maHsa man+ta bud+d+hA nAn/ i gdungs pa thams cad zhi bar byed pa'i 'o// na maHsa man+ta bud+d+hA nAn/ a bsam gyis mi khyab pa'i blo gros can gyi'o// na maHsa man+ta bud+d+hA nAn/ dzarin chen 'byung gnas kyi'o// na maHsa man+ta bud+d+hA nAn/ phyag na rin chen gyi'o// na maHsa man+ta bud+d+hA nAn!sa 'dzin gyi'o// nam sa man+ta bud+d+hA nAna.oM gzungs thob pa'i'o/ / na maHsa man+ta bud+d+hA nAn / phyag na rin chen phyag rgya'i'o// na maHsa man+ta bud+d+hA nAn bsam pa brtan po'i'o// na maHsa min bud+d+hA nAn/ nam mkha'i drim med pa'i'o// na miHsa man bud+d+hA nAn/ nam mkha'i tho mos kyi'o// namaHsa man bur+d+ha nAn/ ka tang / blo zos rnam par

  289. 145b

    dag pa'i 'o/ / na maHsa san+ta bud+d+hA nAn/ d+hIspyod pa'i blo gros kyi'o// na maHsa man+ta bud+d+hA nAn/ brtan pa'i blo gros kyi'o// na maHsa man+ta bud+d+hA nAnA/ d+hI mr-i u0f7f p hyag brnyan rnams kyi'o/ / na maHsa man+ta bud+d+hA nAn/ k+Sha da ta ra yaM kaM/ byang chub sems dpa'i ji skad gsungs pa rnams kyi'o// na maHsa man+ta bud+d+hA nAn/ na mo ma ye/ d+harmasaH be bi b+ha be/ ka thA ne/ saM sa ne/ gnas gtsang ma pa rnams kyi'o// na maHsa man+ta bud+d+hA nAn/ kr-i ke re/ srin po rnams kyi'o// nA maHsa man+ta bud+d+hA nAn/ hriH! mkha' 'gro rnams kyi'o/ / nA maHsa man+ta bud+d+hA nAn/ yak+Sha bAr+ya d+ha ri/ gnod sbyin rnams kyi'o// na maHsa man+ta bud+d+hA nAn/ mi tsi mi tsi/ sha za mo rnams kyi'o// na maHsa man+ta bud+d+hA nAn/ gu gra/ i ai/ 'byung po rnams kyi'o// na maHsa man+ta bud+d+hA nAn/ ra TaM ra TaM/ dr-iTarbaT/ lA ma yin rnams kyi'o// na maHsa man+ta bud+d+hA nAn/ ra lan bi ra lan/ lto 'phye chen po rnams kyi'o// na maHsa man+ta bud+d+hA nAn/ ha sa nAn bI a sa nAn/ mi 'am ci rnams kyi'o// na maHsa man+ta bud+d+hA nAnA/ a ti tsa lA na ma no me/ mi rnams kyi'o// gsang ba pa'i bdag po de la sogs pa thams cad kyi gsang sngags ngas bshad de/ de la gsang sngags thams cad kyi// snying po nges pas mnyan par

  290. 146a

    gyis/ / a zhes bya ba sngags kun gyi// snying po yin par yang bshad// de la gsang sngags kun gnas te// de ltar sngags rnams rnam par nges/ rnam par snang mdzad chen po mngon par rdzogs par byang chub pa rnam par sprul pa byin gyis brlabs pa las/ spyi'i gsang sngags kyi mdzod rim par phye ba rgyas pa'o// // de nas yang bcom ldan 'das kyis/ byang chub sems dpa' phyag na rdo rje la bka' stsal pa/ gsang ba pa'i bdag po/ gsang sngags ji ltar sgrub pa dang // sgrub pa'i 'bras bu gang yin nyon/ / yi ge dang ni yi ger sbyar// de bzhin gzhi las gzhir 'gyur ba// shin tu bsdams pa yid la ni// bzlas brjod 'bum phrag gcig bya'o// yi ge byang chub sems yin te// gnyis pa sla zhes bya ba yi// gzhi ni rang gi lhar gzhag pa// rang gi lus kyi gnas la bya// gzhi gnyis pa ni rdzogs sangs rgyas// rkang gnyis mchog tu shes par bya/ / zla ba'i dkyil 'khor rnam dag la// sngags pas de la gnas par bsam// yi ge rnams ni go rims bzhin// de yi dbus su legs par bkod/ / sngar sdud pa yi tshig gis non// srog dang rtsol ba rnam par sbyangs// srog ces bya ba rlung du bshad// rtsol ba dran pa zhes bya ste// de gnyis bsdams pa

  291. 146b

    byas nas su/ / sngon du bsnyen pa legs par bya// de nas sngags pa zla gcig tu// shin tu bsdams te bzlas pa byas// gsang sngags sngon du spyad pa ni// gzhi gcig/ nas ni gcig tu 'jug/ grags chen sangs rgyas thams cad kyi// sngar spyad pa zhes bshad pa yin// de phyin cad ni gang cung zad// me tog spos la sogs dbul zhing // sangs rgyas nyid du 'gyur bya'i phyir// de tshe byang chub tu yang bsngo// sngags pas 'jigs med de lta bur// zla gnyis pa la bzlas brjod bya// de nas zla ba nye ba'i tshe// mi de sgrub la 'jug par bya// ri rtse dang ni ba lang lhas// de bzhin 'bab chu'i mdo dag dang // lam gyi bzhi mdo mtshan gcig dang // ma mo'i gnas sam zhi gnas su// dkyil 'khor nan tan bri bar bya// thams cad rdo rje'i khang par byas// des ni der gnas bsrungs byas nas// sgrub pa la ni nan tan bya// der ni mtshan mo nam byed dam// yang na nyi ma 'char ba'i tshe// 'di lta'i ltas rnams 'byung 'gyur te// blo dang ldan pas de shes bya// hUM zhes pa dang rnga sgra dang // de bzhin sa ni g.yo ba dang // yid du 'ong ba'i tshig kyang rung / / de ni nam mkha' las grags na// mtshan ma dag ni de rnams kyis// yid bzhin rdzas grub shes bya ste// sangs rgyas rkang gnyis mchog rnams kyis//

  292. 147a

    de yi 'bras bur yang dag bshad// de ltar sngags kyi tshul gnas pa// de ni nges par sangs rgyas 'gyur// de bas rnam pa thams cad du// sngags nyid rtag tu dran par bya/ / sngon gyi sangs rgyas thams cad kyis// de ni dran par bya ba'ang bshad// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'jig rten pa'i dngos grub sgrub pa'i rim par phye ba'o// // de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ re ba thams cad yongs su rdzogs par byed pa/ dus gsum mtha' yas pa'i sgo nges pa'i ye shes yongs su rdzogs par byed pa'i chos kyi tshig rnams gsungs so/ / mkha' ltar dri med ngo bo nyid med pa// rnam mang ye shes sna tshogs sbyin par byed// ngo bo nyid kyis rtag tu stong pa nyid// rkyen la rag las zab cing blta bar dka'o/ / khyad par 'gro ba rnams la rtag pa ru// rnam par bsams pa'i 'bras bu mchog sbyin byed// ji ltar nam mkha' chags med spyod yul can// 'gro ba kun gyi gnas su gyur pa ltar/ / de bzhin rnam par dag pa'i chos nyid 'di// srid gsum ma lus 'byor par 'byung bar byed// mchog skyes mkhas pa gang zhig 'dir spyod na// rgyal ba kun

  293. 147b

    dang spyod yul gcig par 'gyur/ / rgyal bas ji skad gsungs pa'i chos nyid ni// shin tu rnam dag thams cad snang byed pa// de las go 'phang rnyed dka' gzhan med do// yangs pa'i chos ni za ba la 'grib med cing / / mnyam med 'jig rten phan byed de la ni// rnam rtog rnam par spangs te spyad par 'gyur// de nas bcom ldan 'das rnam par snang mdzad chen pos tshigs su bcad pa de dag gsungs nas/ thams cad dang ldan pa'i 'khor tshogs pa la gzigs nas/ phyag na rdo rje la sogs pa rdo rje 'dzin rnams la bka' stsal pa/ rigs kyi bu dag gang gis ni sems rnams mthong ba'i chos kho na la dga' ba dang mgu ba thob nas bde ba la reg par 'gyur ba rang rang gi chos kyi dbyings kyi mthu rlabs su gyur/ dngos grub sgrub pa'i tshig rnams ston cig/ de skad ces bka' stsal pa dang / rdo rje 'dzin rnams kyis bcom ldan 'das rnam par snang mdzad la phyag 'tshal nas/ chos kyi rjes bka' ji skad sprul pa bzhin 'tshal lo zhes gsol te/ bcom ldan 'das nyid la gsol ba btab pa/ bdag cag la thugs brtse ba'i slad du dngos grub sgrub pa'i tshig rnams bcom ldan 'das nyid kyis bstan du gsol/ de ci'i slad du zhe na/ bcom ldan 'das gang bdag cag rang gis rtogs pa bcom ldan 'das kyi spyan sngar bshad pa de ni rab tu dka' lags so// de lta

  294. 148a

    lags pas ma 'ongs pa'i 'gro ba rnams kyi don dang / phan pa dang / bde ba'i slad du bcom ldan 'das nyid kyis legs par rab tu bshad du gsol/ skad ces gsol pa dang / bcom ldan 'das rnam par snang mdzad kyis/ rdo rje 'dzin de dag thams cad la 'di skad ces bka' stsal to// rigs kyi bu dag legs so legs so// de bzhin gshegs pas bstan pa'i chos 'dul ba 'di la phan yon che ba'i chos gcig yod pa ni/ 'di lta ste/ ngo tsha shes pa'o// ngo tsha shes pa dang ldan pa'i rigs kyi bu dang / rigs kyi bu mo ni mthong ba'i chos 'di la chos gnyis rab tu myur bar 'byung ste/ gnyis gang zhe na/ mi bya ba'i las mi byed pa dang / dam pa rnams kyis bsngags pa'o// yang gnyis te/ khong du ma chud pa khong du chud pa dang / sangs rgyas dang byang chub sems dpa' rnams dang lhan cig 'grogs pa thob par 'gyur ba'o// yang gnyis te/ tshul khrims la rab tu gnas par 'gyur ba dang / lha dang mi rnams su skye ba thob par 'gyur ba'o// de bas na legs par rab tu yid la zung zhig dang / 'di lta ste/ sgrub par s byor ba'i tshig gang rnams kyi byang chub sems dpa' gsang sngags kyi sgo nas byang chub sems dpa'i spyad pa spyod pa rnams gsang sngags rnams las myur du gsang sngags kyi dngos grub thob

  295. 148b

    par 'gyur ba'i gsang sngags sgrub pa 'grub par sbyor ba'i tshig rnams bshad do/ / de la re zhig dang por dkyil 'khor mthong ba/ bla mas gsang sngags sgrub par gnang ba/ byang chub tu sems bskyed pa/ dad pa can/ ser sna med pa/ snying rje can/ dul ba/ rten cing 'brel par 'byung ba rnam par dbye ba la mkhas pa/ sdom pa bzung ba/ rang gi bslab pa la gnas pa/ / thabs la mkhas shing rab tu brtan// dus dang dus ma yin pa'ang shes// 'jigs pa med cing mkhas la gtong // bzod dang ldan zhing byams pa'i yid/ / gsang sngags spyod la rab tu brtson// gsang sngags de nyid don la mkhas// bsam gtan byed la dga' ba yi// sgrub pa po ni sgrub la shis// gsang ba pa'i bdag po de la 'dod pa'i khams kyi dbang phyug la myos par byed pa zhes bya ba'i rig sngags yod de/ des 'dod pa na spyod pa'i lha'i bu thams cad myos pas brgyal bar byed cing / me tog mang po sna tshogs dang ldan pa'i sa phyogs nyams dga' ba rnams kyang ston la/ yongs su spyad pa dang nye bar spyad pa rnam pa tha dad pa sna tshogs rnams kyang mngon par sprul nas/ gzhan 'phrul dbang byed kyi lha rnams la'ang sbyin la/ bdag nyid kyang yongs su spyod do// 'di lta ste/ lha'i bu dbang phyug chen po la yid mgyogs zhes bya ba'i rig sngags yod de/ des stong

  296. 149a

    gsum gyi stong chen po'i 'jig rten gyi khams su sems can gyi dgos pa byed cing / nye bar spyad pa dang yongs su spyad pa thams cad kyang mngon par sprul nas/ gnas gtsang ma'i ris kyi lha'i bu rnams la'ang sbyin la/ bdag nyid kyang kun tu spyod do// 'di lta ste/ dper na mig 'phrul mkhan ni gsang sngags rnams kyis kun dga'i ra ba dang / mtsho dang / 'bab chu dang / mi la sogs pa rnam pa tha dad pa sna tshogs ston to// 'di lta ste/ dper na lha ma yin rnams ni gsang sngags kyis sgyu ma rnams ston to// 'di lta ste/ dper na gsang sngags dag gis ni dug dang rims la sogs pa med par 'gyur ro// 'di lta ste/ ma mo zhes bya ba'i lha mo rnams ni gsang sngags kyis sems can rnams la nad 'gro ba gtong ngo / / 'di lta ste/ dper na gsang sngags kyis ni me'i tsha ba med par byas nas grang bar byed par 'gyur ro// rigs kyi bu dag dpe'i tshig 'di dag rnams kyis gsang sngags kyi mthu la mngon par dad par bya'o/ / gsang sngags kyi mthu de'ang gsang sngags rnams las byung ba'ang ma yin/ rdzas las 'jug pa'ang ma yin// sbyor ba po la sa dmigs pa'ang ma yin mod kyis/ rigs kyi bu dag 'on kyang gsang sngags kyi byin gyi rlabs kyis chos nyid 'byung ba las 'da' bar yang mi 'gyur te/ dus gsum las 'das pa'i phyir dang / rten cing 'brel

  297. 149b

    par 'byung ba bab mo bsam gyis mi khyab pa las mngon par grub pa'i phyir ro/ / rigs kyi bu dag de lta bas na chos nyid kyis bsam gyis mi khyab pa'i ngo bo nyid rtogs par khong du chud pas rtag tu rgyun mi 'chad par gsang sngags kyi tshul gyi rjes su 'jug par bya'o/ / de nas yang bcom ldan 'das dus gsum du chags pa med pa'i stobs kyi gzhi byin gyis rlob pa/ de bzhin gshegs pa'i gnas bsam gyis mi khyab pa'i rgyan rnam par dag pa'i snying po can zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu/ de nas chos kyi dbyings ma lus pa ji snyed yod pa de dag rnam par rig par byed pa'i sgra rnams las chos kyi dbyings kyi gnas kyi stobs/ mi mnyam pa dang mnyam pa'i stobs/ yang dag par rdzogs pa'i sangs rgyas kyi mos pa las byung ba/ gnas skabs bzhi dbyangs gcig las byung bas chos kyi dbyings thams cad khyab par byas te nam mkha' dang mnyam par gyur nas byung ba/ na maHsar+b+ba ta thA ga te b+h+yo/ bi shA mu khe b+h+yaHsarba thA a A aM a/ yang dag par rdzogs pa'i sangs rgyas kyi snying po de dag byung ma thag tu/ de nas yang chos kyi dbyings thams cad nges par sgrog pa'i sgo dag nas yang dag par rdzogs pa'i sangs rgyas kyi snying po tshig gis mtshan pa rnam par rig pa'i dbyangs kyi sgra gcig nas gcig tu mngon par grag go/ / byang chub

  298. 150a

    sems dpas de thos nas ngo mtshar du myur pa'i mig bye ste/ kun mkhyen bsun dang bral ba la// tshig snyan 'di skad ces gsol to// e ma'ogasang sngags spyad pa las/ / sangs rgyas rkang gnyis mchog rnams kyis// gang gis 'di kun khyab pa yi// ye shes yangs pa chen po 'byung // de bas rnam pa thams cad du// sangs rgyas bsngags pa'i snying po la/ / zhing gi bdag nyid rnam dag pas// rtag tu mngon par brtson par bya// de nas yang dag par rdzogs pa'i sangs rgyas kyi snying po 'di rnams kyi sgrub pa 'byung ste/ skyed mos tshal lam/ gtsug lag khang ngam/ phug gam/ yid gang du dben pa der byang chub kyi sems sgom zhing nam mtshan ma ma byung gi bar de srid du 'dug par bya'o/ / de nas snying po de dag las gang yang rung ba gcig bzung ste/ the tsom med par gyur gyi bar du gzhi bsgrub par bya'o// de nas snying po snying khar bzhag nas yid bsgrub par bya shin tu rnam par dag pa/ dri ma med pa/ brtan pa/ rab tu mi g.yo ba/ rnam par mi rtog pa/ me long lta bu rab tu phra ba la mngon du blta zhing / rtag tu goms pa'i sbyor bas rang gi lus rang gis lha'i lus su mthong gi bar du bya'o/ / gzhi gnyis pa ni yang dag par rdzogs pa'i sangs rgyas me long gi dkyil 'khor de nyid kyi nang nas pad+ma'i rgyal po chen po la bzhugs pa/

  299. 150b

    phug na bzhugs pa lta bu'i ting nge 'dzin la snyoms par zhugs pa/ thor tsugs dang dbu rgyan can 'od zer mtha' yas pas bskor ba/ rtog pa dang rnam par rtog pa thams cad dang bral ba/ nam mkha' bzhin gzod ma nas zhi ba ste/ de la sgra gnas par bsam zhing mnyam par bzhag pas bzlas brjod bya/ de nas sngon du bsnyen pa ni// 'bum phrag gcig tu bya bar bshad/ / de nas zla ba gnyis pa la// me tog dri la sogs pa dbul// sems can rnams la rnam mang po'i// phan pa nye bar grub byed cing // rnyed dang ma rnyed rnam spangs te/ / zla ba gzhan la bzlas brjod bya// de la de ru sbyor ba 'di// mnyam par bzhag pas bsam par bya// bdag gi bsod nams mthu yis ni// sems can thams cad bde gyur cig/ thams cad nad kyang med par shog/ yang na de bzhin gshegs bsngags pa'i// 'dod pa phun sum tshogs gyur cig/ yang na sems can thams cad kyang / / re ba thams cad yongs rdzogs par// sgrib pa med pa'i tshul gyis su// ma thogs par ni grub par shog/ dud 'gro gcig la gcig za ba'i// sdug bsngal nam yang 'byung mi 'gyur/ / yi dgas rnams la zas skom sogs// thogs pa med par 'byung bar shog/ sems can dmyal ba'i sdug bsngal gang // mi bzad rnam pa sna tshogs pa//

  300. 151a

    bdag gi bsod nams mthu yis ni// de dag myur du zhi bar gyur// sems can sdug bsngal thams cad la// snying rje chen po bskyed nas ni// bsgrubs pa de dang gzhan dag kyang / / des ni yang dang yang du bsam// ji ltar bsams pa 'grub bya'i phyir// byin gyi rlabs kyis gnas gsum gyis// de dag thams cad byin rlab cing // yid la sngags kyang bzlas brjod bya/ / bdag gi bsod nams stobs dang ni// de bzhin gshegs pa'i byin stobs dang // chos kyi dbyings kyi stobs kyis su// sems can rnams la phan 'dod pas/ / don rnams gang dag bsams pa kun// sems can khams ni ma lus 'dir// de dag thams cad ci rigs par// thogs pa med par 'byung gyur cig/ de nas bcom ldan 'das kyis de'i tshe rig sngags kyi rgyal mo stobs nam mkha' dang 'dra ba nam mkha'i mdzod 'byung ba gsungs so/ / na maHsarba ta thA ga te b+h+yoHbi shwa mu khe b+h+yaHsarba tang khaM ud ga te swa ra Na hi maM ga ga na khaM swA hA/ 'di lan gsum bzlas na ji ltar bsams pa'i don thams cad thogs pa med par 'byung bar 'gyur ro// de nas zla ba nya ba'i tshe// mi de sgrub la 'jug par bya// ri rtse dang ni ba lang lhas// chu mdo'am yang na dur khrod dam// lam gyi gzhi mdo'am shing gcig drung // ma mo'i gnas sam zhig gnas su// bgegs rnams thams cad myos 'gyur/

  301. 151b

    ba'o// dkyil 'khor nges pas mnyan par gyis// kun tu gru bzhi lham pa ste// sgo gcig pa la mu ran can// thams cad kha dog ser po la// rdo rje'i dkyil 'khor mchog bris nas/ / rdo rje sbrel ba'i tshul gyis su// rdo rjes phan tshun 'brel bar bya// sgor ni sgo srungs gnyis bri ba// gdul dka' dang ni mngon phyogs gnyis// mig dmar khro dang bcas pa la/ / khros shing bsdigs par byed pa bri// mdung rtse gsum pa grA rnams su// nan tan du ni bri bar bya// dbus su rdo rje'i gdan yid 'ong // kha ni kun tu lta bar bri// de'i steng pad+ma chen po ni// 'dab ma brgyad pa ze bar bcas// rgyal ba kun la phyag byas nas// smon lam nye bar sgrub byed cing // phyag na rdo rje blo can gyis// rdo rje'i phyag rgya bcings nas su/ / de ni bsrung byas der 'dug ste// sbyangs pa'i rdzas ni blangs nas su// nang gi bdag nyid rnam dag pas// mtshan gcig thal byung bzlas brjod bya// der ni nam gyi phyed dus sam/ / yang na nyi ma 'char ba'i tshe// rdzas de yongs su 'gyur ba ni// 'bar 'phreng can gyi gzi brjid bzhin// sngags pa rang gis de blangs na// nam mkha' la ni 'dra bar 'gyur/ / bskal par gnas shing gzi brjid che// rgyal sras de ni 'dod na 'chi// 'jig rten khams ni gzhan du'ang 'gro// gtso bo sna tshogs gzugs 'chang ba

  302. 152a

    rdzas las byung ba'i sngags bsgrubs pas/ / dpal ldan mchod pa rab tu byed// 'di ni nyams par mi 'gyur ba'i// rdzas kyi dngos grub yin par bshad/ gsang ba pa'i bdag po de la brtag pa 'di rgyu mtshan du mdzad nas/ 'jig rten gyi khams thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyi pha rol tu phyin pa rtogs par thugs su chud pa rnams kyis brtag pa de nyid rang bzhin gyis stong par mkhyen kyang / thabs kyi pha rol tu phyin pa'i stobs kyis 'dus ma byas pa gdags par brtags te/ yongs su bsgyur ba'i tshul du mthong ba'i chos la bde bar gnas par bya ba'i phyir// chos kyi dbyings kyi mthu rlabs po che sems can rnams la nges par ston to/ / des de rnams yid rab tu dga' zhing tshe ring po'ang rab tu thob nas 'dod pa'i yon tan lnga dag gis rtse dga' yongs su spyod la/ sangs rgyas bcom ldan 'das rnams la mchod pa byed cing / 'jig rten thams cad dang mi mthun pa'i lam 'di 'grub par 'gyur ro// de bzhin gshegs pa dang byang chub sems dpa' rnams kyis kyang don gyi dbapa 'di gzigs nas gsang sngags spyad pa'i tshal gyi cho ga thags dgyes bzhin du 'chang ngo / / de ci'i phyir zhe na/ gang bskal pa du mar rtsol zhing 'bad de bya dka' ba rnams

  303. 152b

    brtsams kyang thob par mi 'gyur ba de byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis tshe 'di gcig kho na la thob par 'gyur ro/ / gsang ba pa'i bdag po gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pas de bzhin du rgyal mtshan nam/ ral gri'am/ gdugs sam/ mchil lham mam/ yid bzhin gyi nor bu 'am/ lig bu mig gam/ gi'u wang blangs te bzlas brjod sum 'bum byas la/ de ltar bsgrubs na de bzhin du 'grub par 'gyur ro/ / gsang ba pa'i bdag po gzhan yang rigs kyi bu 'am/ rigs kyi bu mo thabs dang ldan pas yid la 'dod pa'i dngos po rnams bsgrubs na/ de dag rang gi sems kyi dbang tsam kho nas yongs su 'grub par 'gyur ro/ / gsang ba pa'i bdag po gang dag rgyu las 'bras bu mngon par 'dod pa'i mi blun po de dag ni gsang ba pa'i bdag po gsang sngags rnams kyi gsang sngags kyi mtshan nyid rab tu mi shes pa yin no/ / de ci'i phyir zhe na/ rgyu ni byed par ma gsungs te// 'bras bu'ang de la yod ma yin// rgyu ni rgyu yis stong pas na/ / de ni ji ltar rgyur yang 'gyur// de bas gsang sngags 'bras bu ni// rgyu dang las bral shes par bya// gang tshe mtshan ma med pa yi// ting 'dzin ji lta

  304. 153a

    bzhin reg pa/ / da tshe sngags pas dngos grub ni// yid las yang dag 'byung ba thob// de nas yang bcom ldan 'das la/ phyag na rdo rjes 'dra skad ces gsol to/ / bcom ldan 'das yang dag par rdzogs pa'i sangs rgyas kyi gzhi rnams dngos grub tu sgrub pa'i tshig gang gis rigs kyi bu 'am/ rigs kyi bu mo rnams mthong ba'i nyid la rab tu dga' zhing bde ba la reg par gnas la/ chos kyi dbyings las kyang 'gal bar mi 'gyur pa de yang bshad du gsol/ bcom ldan 'das de ci'i slad du zhe na/ chos kyi dbyings ni bsam gyis mi khyab pa'i dbyings lags te/ de'ang de bzhin gshegs pa dgra bcom pa yang dag par rdzogs pa'i sangs rgyas rnams kyis bstan to// bcom ldan 'das de lta lags pas byang chub sems dpa' gsang sngags kyi sgo nas byang chub sems dpa' spyad pa spyod pas na chos kyi dbyings dbyer med rtogs par khong du chud par bgyi 'tshal lo/ / de skad ces/ gsol ba dang / bcom ldan 'das kyis/ phyag na rdo rje la bka' stsal pa/ gsang ba pa'i bdag po legs so legs so// gsang ba pa'i bdag po gang khyod de bzhin gshegs pa la don 'di yongs su dri bar sems pa ni yang legs so/ / de'i phyir nyon la legs par rab tu yid la zung zhig dang ngas khyod la bshad do// bcom ldan 'das legs so zhes gsol

  305. 153b

    nas bsang ba pa'i bdag po phyag na rdo rjes bcom ldan 'das la mnyan pa dang / bcom ldan 'das kyis de la 'di skad ces bka' stsal to// gsang ba pa'i bdag po de la a zhes bya ba'i sgrub pa byung ste/ gtsug lag khang ngam/ phug gam/ gnas gang du'ang rung ste/ yan lag thams cad du a zhes bya ba bzhag la bzlas brjod sum 'bum bya'o/ / de nas zla ba nye ba'i tshe ci 'byor pas mchod pa byas la/ ji srid du byang chub sems dpa' kun tu bzang po 'am/ 'jam dpal lam/ rdo rje 'dzin chen po gang yang rung ba gcig 'ong ste/ mgo la nyug gam legs so zhes zer gyi bar du bzlas brjod bya'o// de nas phyag byas te mchod yon phul na byang chub kyi sems mi brjed pa'i ting nge 'dzin 'thob par 'gyur ro/ / de bzhin du sems yang ba dang / lus yang bar goms par bya zhing bzlas brjod byas na de'i lus rnam par dag pa dang / sems rnam par dag par 'gyur ro/ / a zhes bya ba rnam par bzhag ste bzlas brjod byas na rna ba rnam par dag par 'gyur ro// 'on te srog gzung bar 'dod na a zhes bya ba srog dang lhan cig tu byas la dus gsum du bsams pa byas na yun ring du gnas par 'gyur ro/ / de nyid kyi steng du klad kor bzhag na gnas pa dang 'gro ba'i dug thams cad 'byin to// de nas gzi can dbang du bya bar 'dod na/

  306. 154a

    a zhes bya ba bdag tu byas// ba las de bzhin mi dbang po// gcig pa pad+ma gzhag par bya// gzhan la yang ni dung bzhag ste// gcig la gcig ni gdong bltas na/ / de yi mod la dbang du 'gyur// de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ gsang ba pa'i bdag po phyag na rdo rje la bka' stsal pa/ lag na rdo rje de bzhin gshegs pa rnams kyi thugs las byung ba zhes bya ba las dang bya bas rnam par rol pas/ spyod pa'i rol mo rim par phye ba rgyas pa/ khams bzhi yang dag par bsdu bar bsdus pa/ sems kyi rgyal po la gnas pa/ nam mkha' ltar kun tu khyab pa/ mthong ba dang ma mthong ba'i 'bras bu mang ba/ nyan thos dang / rang sangs rgyas dang / byang chub sems dpa' thams cad kyi mngon sum pa/ gsang sngags kyi sgo nas byang chub sems dpa'i spyad pa spyod pa rnams kyi re ba thams cad yongs su rdzogs par byed pa/ las sna tshogs dang ldan pa/ sems can thams cad la phan 'dogs pa yod kyis/ de nyon la legs par rab tu yid la zung zhig dang ngas khyod la bshad do/ / lag na rdo rje de la spyod pa'i rol mo las dang bya bas mngon par 'grub pa'i 'bras bu phal che ba lus can kun gyi mngon sum pa gang zhe na/ cho ga shes

  307. 154b

    pas thob mar ni/ / bdag gi de nyid rim bzhin bya// sngags pa snga ma bzhin 'dug la// de bzhin gshegs pa dran byas te// bdag nyid a zhes bya ba ni// thang kor bcas dang / rgyas byas pa// thams cad shin tu ser zhing bzang // gru bzhi rdo rjes mtshan byas te// sngags pas der gnas rdzogs pa yi// sangs rgyas kun gyi gtso bo bsam// 'di ni sangs rgyas thams cad kyis/ / bdag gi de nyid yin par gsungs// nam zhig sngags pas bdag gi ni// de nyid dogs pa med 'gyur ba// de tshe 'jig rten thams cad la// phan pa byed pa nyid du 'gyur/ / ngo mtshar sna tshogs dag dang ldan// mig 'phrul can gyi gnas la 'dug/ sngags pa nam zhig mnyam bzhag na// srid pa rab tu dogs pa na// thogs med dus nas mi shes pas/ / bsags pa'i las de kun zad 'gyur// bla na med pa'i byang chub sems// sems de nam zhig sgom byed pa// de'i tshe'ang sngags pa rnal 'byor pa// chu yis pad+ma lta bur ni/ / dge dang mi dge'i 'bras 'byung ba'i// las kyis rtag par mi gos na// 'di bdag nyid ni rgyal mchog tu// bsgyur na smos kyang ci zhig dgos// de nas bcom ldan 'das rnam par snang mdzad bdud bzhi las rgyal ba rdo rje rnam par rol pa zhes bya ba'i ting nge 'dzin la snyoms par zhugs nas/ rdo rje'i yi ge'i tshig bdud bzhi las rgyal bar byed pa/ rgyud

  308. 155a

    drug las grol bar byed pa/ thams cad mkhyen pa'i ye shes yongs su rdzogs par byed pa 'di rnams gsungs so// na maHsa man+ta bud+d+hA nAn/ A bI ra d+hU khaM de nas yang gsang ba pa'i bdag po phyag na rdo rje dang / rdo rje 'dzin de dag dang / byang chub sems dpa' kun tu bzang po la sogs pa de dag dang / thams cad dang ldan pa'i 'khor 'dus pa de dag thams cad ngo mtshar du gyur nas/ mig mi 'dzums par thams cad mkhyen pa la spyi bos phyag 'tshal te tshig 'di skad ces brjod do// byang chub sems dpa' skyo ba rnams dang / / sangs rgyas kun gyi nor gyi dbyig/ 'dis ni gang dag sangs rgyas dang // byang chub sems dpa' skyo ba rnams dang // rang sangs rgyas dang nyan thos pa// mkhas pa de dag 'jig rten 'dir/ / sangs rgyas ye shes bla med pa// dpe med ye shes thob nas su// rdzu 'phrul sna tshogs rnam 'phrul pas// sa steng kun tu rnam par spyod// de bas 'di dag so so yi/ / cho ga rgyas pa dag dang las// sna tshogs dgod pa thams cad kyang // bstan pa 'di la bshad du gsol// des ni gsang sngags spyod pa yi// theg chen bla na med pa la/ / sems can rnams ni dga' bzhin du// mthong ba'i chos la gnas par 'gyur// de skad ces gsol nas/ bcom ldan 'das kyis 'jam pa'i gsung gis bka' stsal pa/

  309. 155b

    khyed rnams mthun par rtse gcig tu// mnyam par zhog la 'di nyon cig/ de'i tshe sa gzhi rdo rje chen por byin gyis brlabs te nyid kyi sku las byang chub kyi snying po can nye bar bstan par bzhed nas gsungs pa/ a ni mchog tu shes bya ba// dbang chen dkyil 'khor ldan pa ste// phyi rol dang ni nang du yang // rdo rje dkyil 'khor shes par bya// der 'dug nas ni thams cad bsam/ / rnal 'byor gnas shes bshad pa yin// a ni srog gi dam pa ste// 'gugs par byed pa'i mchog tu bshad// nam zhig klad kor gyis mnan na// lus can kun gyi sel bar 'gyur/ / sngags pas nam zhig zla gcig tu// rdo rje can gyis rgya bcings nas// dus gsum bzlas brjod byas na ni// mi shes grong khyer 'joms par 'gyur// lha dang lha min rnams kyis kyang // mi phyed shin tu brtan par 'gyur// bdag gi rnyed pa grub bya'i phyir// rgyas pa'i las ni gang cung zad// de kun rtag tu sngags pa yis// dkyil 'khor gyi ni dbus su bya/ / gser gyi kha dog 'bar dang bcas// thor tsugs dbu rgyan 'chang ba yi// rdzogs pa'i sangs rgyas ting 'dzin bzhugs// dbang chen gyi ni gzhi zhes bya/ / rdo rje pad+ma ral mi dang // de bzhin ngang par bshad pa dang // gser dag dang nis ngag dang // yang na yid bzhin nor bu'ang rung // de la sogs pa'i rdzas rnams ni/

  310. 156a

    dbang chen du ni bsgoms te sgrub// mnan pa dag kyang bshad par byas// 'di ni khyed kyis mnyam bzhag nyon// sngags pas mdor na ri rab ni// rtse ma brgyad pa bsam par bya/ / de'i steng bar du pad+ma gzhag/ de yi rjes la rdo rje'o// de'i steng rnal 'byor pa yis ni// yi ge dam pa gtso bo ste// de yis spyi bor mnan na na// de ni mi g.yo gnas par 'gyur/ / sman la yang ni lan brgya ru// bzlas brjod byas te mis 'thungs na// sngon gyi las las byung ba yi// de yi nang rnams 'byung bar 'gyur// de nas gzhan yang nges pa yis/ / ba zhes bya ba dam pa nyon// gangs dang 'o ma dung 'dra ba// lte ba'i dbus nas byung ba ste// pad+ma dkar por 'dab ma ni// de yi dbus na rab tu gnas/ mgon po dam pa rab tu zhi// ston ka'i zla ba'i 'od dang 'dra// de yi dkyil 'khor ngo mtshar can// rdzogs pa'i sangs rgyas rnams kyis bshad// kun tu dkar por bsams par bya/ / khyud khor rim pa dgus kyang bskor// gdungs pa thams cad zhi byed pa// smug zil 'dus pa'i nang na gnas// 'o ma mu tig 'phreng dkar dang // shel dang zla ba'i 'od 'dra ba'i// / chu rgyun rnams kyi khor yug tu// kun nas rab tu 'bar ba bzhin// sngags pas yid la bsams na ni// gdungs pa kun las thar par 'gyur// mnyam par bzhag pas dngos 'di

  311. 156b

    rnams/ / dkyil 'khor 'dir ni bsgrub par bya// mar gsar 'o ma mu tig 'phreng // de bzhin khyu mchog shel kyang rung // 'o ma 'am yang na chu yang rung // de la sogs ba'i rdzas rnams ni/ / dngos grub sna tshogs 'grub phyir sgrub// tshe ni ring bar 'gyur ba dang // gzugs ni ngo mtshar cher 'gyur dang // nad rnams kun las thar pa dang // skal ba bzang po mchog 'gyur dang // yid rno 'dzin par nus pa dang // shes rab shin tu dri med dang // bsgrub pa'i rdzas ni 'di rnams kyis// de dag thams cad myur du 'grub// dkyil 'khor dpal dang ldan pa 'dis// zhi bar byed par bshad pa yin// klad kyi 'khor dang bcas byas na// sel bar byed pa'i mchog tu 'gyur// ra zhes bya ba yang dag mchog/ 'od can rnams kyi 'od ces bya// des ni las rnams gang cung zad// mtshams med lnga las byung ba yang // rnal 'byor shin tu mnyam bzhag nas// bsams na de kun zad par 'gyur/ / yid 'ong thams cad rab tu dmar// gru gsum pa yi tshul du gnas// zhi ba 'bar ba'i 'greng bas 'khrigs// sum mdo'i ris mtshan snying khar bzhag rnal 'byor pa ni der 'dug nas/ / ra ni klad kor bcas par bsam// mi 'jigs pas ni ci rigs par// dngos po 'di dag der bsgrub bo// nyi ma dang ni gza' kun dang // de bzhin

  312. 157a

    bsgrims te me dang ni/ / dbang du bya ba'i rdzas rnams dang // yang na khon par 'gyur ba dang // bskam pa dang ni gsad pa dang // de bzhin dgar dang gnod pa dag/ me dang lhan cig 'di sbyar na// de dag thams cad byed par 'gyur// ha zhes bya ba dam pa'i mchog/ rlung ni thams cad yang dag 'byung // rgyu dang las dang 'bras bu dang / / gang gis sa bon rnams skye ba// 'di ni klad kor bcas sbyar na// de dag thams cad 'jigs par byed// de yi gzugs kyang bshad pa ni// kha dog gnag la 'od po che/ / mi bzad 'bar ba'i 'phreng bas 'khrigs// kun tu yang ni rnam par 'gro// mkhas pas smin ma'i mtshams su ni// dkyil 'khor la ni gnas par bsam// de ni mthing kha zla gam 'dra// tog dang bcas par ba dan g.yo// yi ge rab tu mi 'gyur ba// sngags pas der gnas bsam par bya// dkyil 'khor de yi dbus su ni// gang gis mthong ba kho na la/ / sems can rnams kyi don byed pa'o// dngos grub rnams ni de tshe sgrub// mkha' la 'gro ba nyid dang ni// yang na rdzu 'phrul rkang pa dang // lha yi mig dang rna ba dang / / sngags pas de bzhin 'thob pa dang // mi snang ba la sogs kun dang // dbye ba dag kyang gang gsungs pa// sngags pa mnyam par bzhag pa yis// dkyil 'khor

  313. 157b

    gnas na de kun byed/ / 'dis ni snying po byang chub 'dir// byang chub sems dpa' grags chen rnams// rgyu kun dmigs su med sgo nas// bdud las rnam par rgyal bar byed/ / rgyu med pas na 'bras bu'ang med// las kyang yod pa ma yin te// dngos po de gsum med pas na// stong pa'i ye shes thob par 'gyur// rdzogs pa'i sangs rgyas mthu chen gyis/ / de'i gzugs yang dag bshad pa ni// klang kor bcas par ldan pa ste// khams ni stong pa'i mchog ces bya// ral gri phyag rgyar ldan pa yis// bsgrub par bya ba nges par sgrub/ / ral gri zhags pa 'khor lo dang // lcags mda' de bzhin tho ba ste// rdzas de rnams dang ldan na ni// go 'phang dam pa sgrub par byed// de nas bcom ldan 'das rnam par snang mdzad kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po nam byang chub sems dpa' gsang sngags kyi sgo nas byang chub sems dpa'i spyad pa spyod pas bdag nyid a zhes bya ba'i rang gi ngo bor bsgyur nas/ phyi dang nang du bcas pa'i dngos po thams cad la mi lta bar gyur cing / bong ba dang / rdo ba dang / gser du mtshungs la/ 'dod chags dang zhe sdang la sogs pa'i nyes pa rnams dang sdig pa'i las rnam par spangs pa/ de tshe de ni dag 'gyur ba// thub pa rdzogs pa'i sangs rgyas

  314. 158a

    bzhin/ / des ni las rnams thams cad nus// nyes pa thams cad rnam par spangs// de nas gzhan sngags rnal 'byor la// gzhol zhing chog shes pa yis/ / sems can rnams la lan 'dod pas// ba zhes bya ba'i las bya'o// snying rje las byung sems kyis ni// 'jig rten sdug bsngal la dmigs nas// mgon po de yis bdag nyid kyi/ / lus ni thams cad nyid du yang // gangs dang ba yi 'o ma ltar// dkar ba'i rgyun gyis yongs su dgang // de tshe nges pa bskyed nas su// yan lag rnams ni thams cad kyi/ / ba spu'i bu ga kun nas kyang // shin tu dri med chu rgyun 'byung // chu yis sa ni ma lus pa// 'di dag yongs su dgang bar bya// gang gis chu de 'thungs pa 'am/ / lag pas kyang ni reg kyang rung // de kun nges par byang chub tu// 'gyur te 'di la dogs pa med// yan lag kun tu ra zhes pa// 'bar ba'i 'phreng ba zhi bas 'khrigs/ kun tu rnam par 'phro ba ni// shin tu mnyam par bzhag pas bsams// de tshe rnal 'byor pa yis phyir// 'bar ba kun tu snang byed pa// btang na ra yis rnam sprul pas// sngags pa 'dod pa bzhin du byed/ / ra zhes bya ba ro stong du// ba zhes bya ba lte ba khung // 'bar ba dang ni chu 'bab pa// de tshe cig car ston par 'gyur// dmyal ba grang ba'i sdug bsngal

  315. 158b

    rnams/ / ras ni shin tu zhi bar byed// sngags pa sngags kyi tshul gnas pas// bas kyang tsha la sogs pa bzhi// ha zhes bya ba ba dan bcas// ra zhes bya ba'i 'og tu gzhag/ sdig dang ldan pa'i mi rnams kyang // de yi sa las rnams myur du slub// sngags pa dbang chen la 'dug nas// chu yi las ni brtsam par bya// sel ba la sogs thams cad kyang / / byed 'gyur 'di la the tsom med// rlung ni kun tu 'gro bar gsungs// thams cad 'jigs par byed pa'ang de// rnam pa sna tshogs tha dad pa'i// las rnams dbye ba las byung ba'o// gzugs kyi dkyil 'khor dbus su ni// cho ga 'di yis rab tu bya// yid yongs su sbyong zhing bzlas brjod byas na yid rnam par dag par 'gyur ro/ / lus yang bar goms par byed cing 'chag bzhin du bzlas brjod byed na rdzu 'phrul gyi rkang pa thob par 'gyur ro// tsog pur 'dug la a zhes bya ba rna bar bzhag ste zla ba gcig tu bzlas brjod byas na lha'i rna ba thob par 'gyur ro/ / gsang ba pa'i bdag po dngos grub kyi go 'phang de lta bu la sogs pa dag ni yid las byung ba yin no// gsang ba pa'i bdag po rnam par bsams pa tsam kho nas dngos po gzugs can ma yin pa rnams kyi 'du byed rnam pa tha dad pa sna tshogs las thams cad pa'i sa bon gyi bya ba tshig tu brjod pa tsam las byung ba la ltos/ gsang

  316. 159a

    ba pa'i bdag po gzhan yang de bzhin gshegs pa ni thams cad dang rjes su mthun pa/ sems can thams cad kyi bsam pa dang mthun pa/ sems can thams cad la yang dag par mgu bar mdzad pa ste/ byang chub sems dpa' las thams cad dang / gsang sngags spyad pa spyod pa rnams kyi mdun na gzugs brnyan lta bur bzhugs so// de bzhin gshegs pa de ni rnam par mi rtog cing yid kyi spyod yul las yang dag par 'das pa/ dus dang / yul dang / bya ba dang / las dang / chos dang / chos ma yin pa rnams spangs kyang / / gsang sngags spyod pa las byung ba'i// thams cad mkhyen pa'i go 'phang stsol// de bas kun mkhyen dngos grub dang // go 'phang mchog kyang bsgrub par bya/ / de nas dpal ldan rdo rje 'dzin// ngo mtshar gyur nas mig bzad de// de tshe rdo rje 'od zer ni// me stag 'gro ba 'dra gsor zhing // sangs rgyas zhing ni 'di thams cad// kun tu snang bar byas nas su// chos kun dbang phyug thub pa la// tshig snyan 'di skad ces gsol lo// sngags kyi 'jug pa bshad lags na// 'jug pa de yang ma rtogs na/ gsang sngags gang nas 'ong ba dang // gang du 'gro ba gtso khyod kyis// de kun bdag la bshad du gsol// go 'phang dam pa khyod las med// khyod ni ji ltar chu rnams kyi/

  317. 159b

    mtsho bzhin du chos kun gnas// de skad ces gsol pa dang / bcom ldan 'das kyis/ byang chub sems dpa' phyag na rdo rje la 'di skad ces bka' stsal to// sems dpa' chen po dkyil 'khor gyi/ / gnas ni yid ces bshad pa yin// snying ni gsang sngags gnas yin par// shes na 'bras bu thob par 'gyur// dkar po ser po dmar po gang // yid kyis sems par byed pa ste// de la yongs su gcod pa gang // de ni sems kyis byed pa yin// sems ni mgu nas nges gyur pa// de ni snying zhes bshad pa yin// der gnas pa yi gsang sngags rnams/ / 'bras bu rgya chen ster bar 'gyur// de ru pad+ma bsam pa ni// 'dab ma brgyad pa ze bar bcas// a zhes bya ba 'bar 'phreng 'khrigs// bzang po de ru gnas pa ni/ / zhi ba kun tu rnam par g.yo// gtso bo sna tshogs gzugs mnga' ba// glog stong dag ni 'khyug pa bzhin// snang ba kun tu ston pa ni// me long phug na gnas pa bzhin/ / chu yi zla ba'i rnam pa bzhin// thams cad na yang mdun na gnas// sngags pa gsang sngags gnas 'dug pas// yid ni de ltar shes nas su// de nas sngags pas stong du yang / / klad pa'i rgyas kyi dbus su ni// klad kor bcas pa'i mtshan ma can// a zhes bya ba der bsams te// shel dang zla ba gangs 'dra ba// dri med dag pa

  318. 160a

    mthong ba ni/ / zhi ba chos kyi rang bzhin sku// thams cad kyi ni gzhi zhes bya// de las gsang sngags dngos grub ni// sna tshogs gzugs can rdzob par 'gyur/ / de bzhin gshegs pa'i gnas mthong na// mtho ris dang ni byang grol thob// ra zhes bya ba mar me bzhin// 'bar ba mig tu bzhag nas su// mgrin pa cung zad dgu bor byas/ / lce yang dkan la bcar nas ni// snying kha'i gnas su rnam blta zhing // mnyam par bzhag ste yid la blta// dri med shin tu rnam dag pa// rtag tu me long bzhin du gnas// de nyid yid kyi yang dag par// sngon gyi rgyal ba rnams kyis gsungs// yid kyis snang byas lam la ni// rnam par shes pa snang bar 'gyur/ / de nas sngags pas rdzogs sangs rgyas// rkang gnyis gtso bo mthong bar 'gyur// de mthong sngags pas dngos grub ni// rab tu rtag pa thob par 'gyur// de nas gong du bsgyur nas su// yi ge yongs su bsam pa ni// la zhes bya ba klad kor bcas// mig gi gnas su bsam par bya// 'di kun stong par mthong na ni// go 'phang mi nyams thob par 'gyur/ / ye shes rlabs po che 'am ni// yang na mngon shes lnga po dang // rig sngags 'chang 'gyur dngos grub dang // tshe ring gzhon nur 'gyur ba gang /

  319. 160b

    gal te thob par 'dod na ni// ji srid 'di ni ma bsnyen par// de srid thob par mi 'gyur ro// gsang sngags ye shes las byung ba// 'di ni de nyid ye shes mchog byang chub sems dpa' skyob pa dang / / sangs rgyas kun gyi nor gyi dbyig/ sangs rgyas byang chub sems dpa' dang // nyan thos nges pa dag dang ni// sangs rgyas ye shes mchog gyur pa/ / ye shes dpe med thob nas su// de yis sa steng thams cad du// gnas shing de ni gtam yang zer// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ dngos grub sgrub pa'i de kho na nyid rim par phye ba rgyas pa'o// // de nas yang bcom ldan 'das la/ gsang ba pa'i bdag po phyag na rdo rjes 'di skad ces gsol to/ / bcom ldan 'das lha'i gzugs gang gis byang chub sems dpa' gsang sngags kyi sgo nas byang chub sems dpa'i spyad pa spyod pa rnams lha'i gzugs la dmigs nas bdag nyid rang gi lha'i gzugs su bsgyur nas the tsom ma mchis par dngos grub thob par 'gyur ba'i lha'i gzugs byin gyis rlob pa bshad du gsol/ de skad ces gsol pa dang / bcom ldan 'das rnam par snang mdzad kyis/ gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po gang

  320. 161a

    khyod nga la don 'di yongs su 'dri ba ni legs so legs so/ / de'i phyir nyon la legs par rab tu yid la zung zhib dang ngas khyod la bshad do// bcom ldan 'das de ltar 'tshal lo zhes gsol nas/ gsang ba pa'i bdag po phyag na rdo rjes bcom ldan 'das la nyan pa dang / bcom ldan 'das kyis 'di skad ces bka' stsal to// gsang ba pa'i bdag po de la lha'i gzugs ni rnam pa gsum ste/ yi ge dang / phyag rgya dang / gzugs so// de la yi ge'ang rnam pa gnyis te/ sgra dang byang chub kyi sems so// phyag rgya'i gzugs la'ang rnam pa gnyis te/ gzugs dang bcas pa ma yin pa'i// gsang ba pa'i bdag po lha'i gzugs kyang rnam pa gnyis te/ yongs su dag pa dang / yongs su ma dag pa'o// de la yongs su dag pa ni rtogs pa'i ngo bo ste/ mtshan ma thams cad dang bral ba'o// yongs su ma dag pa ni mtshan ma dang bcas pa'i gzugs te/ kha dog dang dbyibs so// de la lha'i gzugs rnam pa gnyis kyis dgos pa rnam pa gnyis 'grub par 'gyur te/ mtshan ma dang bcas pas ni mtshan ma dang bcas pa'o// mtshan ma med pas ni mtshan ma dang bcas pa'i dngos grub kyang 'grub par 'gyur ro/ / mtshan mar bcas pas mtshan bcas kyi// dngos grub rgyal ba dam pa bzhed// mtshan ma med

  321. 161b

    la gnas pas ni/ / mtshan ma can yang sgrub tu rung // de bas rnam pa thams cad du// mtshan ma med pa bstan par bya// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ lha'i ting nge 'dzin gtan la dbab pa rim par phye ba'o// // de nas yang bcom ldan 'das kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po de la byang chub sems dpa' gsang sngags kyi sgo nas byang chub sems dpa'i spyad pa spyod pa mtshan ma med pa'i ting nge 'dzin sgrub par 'dod pas 'di ltar bsam par bya'o/ / mtshan ma rnams gang nas byung / ci bdag gi lus sam/ bdag gi sems sam/ bdag gi yid las byung de la lus ni las las skyes pa ste/ rtsa dang / shing dang / bong ba lta bur ngo bo nyid kyis bya ba med pa/ blun pa'am phyi rol gyi rnam pa lta bu la bzos byas pa'i gzugs lta bur brtag par bya'o/ / 'di ltar bzos byas pa'i gzugs de la mi zhig gis khros te me 'am/ dug gam/ mtshon tam/ chu'am/ rdo rjes bshi gam bsregs sam/ bcad kyang mi dga' ba cung zad kyang med la/ bza' ba 'am/ btung ba 'am/ bkra ba 'am/ byug pa 'am/ spos sam/ 'phreng ba 'am/

  322. 162a

    gos sam/ tsan dan nam/ ga pur la sogs pa lha dang mi'i yo byad rnam pa sna tshogs kyis mchod kyang mi de la dga' bar 'gyur ba'ang med do// de ci'i phyir zhe na/ gang ngo bo nyid kyis stong pa'i gzugs de la rang gi nga rgyal kun nas bslang ba'i phyin ci log gis yang dag pa ma yin pa'i rtog pa las byung ba'i mchod pa 'am/ gnod par byed pa'i ming gang yin pa de ni byis pa'i rang bzhin can yin no/ / gsang ba pa'i bdag po de ltar lus la lus kyi rjes su song ba'i dran pa ngo bo nyid kyis stong pa bsgom par bya'o// gsang ba pa'i bdag po gzhan yang sems ni ngo bo nyid med pa/ mtshan ma thams cad dang bral ba/ ngo bo nyid kyis stong par bsam par bya'o// gsang ba pa'i bdag po sems la ni dus gsum med do/ / dus gsum dang bral ba gang yin pa de ni ngo bo nyid kyis mtshan ma dang bral ba'o snyam du bsam par bya'o// gsang ba pa'i bdag po gzhan yang byis pa so so'i skye bo rnams yid mtshan ma dang bcas par rtog ste/ 'di ni yang dag pa ma yin pa'i kun tu rtog pa'i tshig bla dgas so// yang dag pa ma yin pa gang yin pa de ni ma skyes pa'o zhes bya bar ni rab tu mi shes so/ / gsang ba pa'i bdag po byang chub sems dpa' gsang sngags kyi sgo nas byang chub sems dpa'i spyad pa spyod pas de ltar bsams na mtshan ma med pa'i ting

  323. 162b

    nge 'dzin thob par 'gyur ro/ / gsang ba pa'i bdag po nam mtshan ma med pa'i ting nge 'dzin la gnas par gyur pa de'i tshe/ de la de bzhin gshegs pas gsungs pa'i gsang sngags rnams mngon du phyogs shing gzhol bar 'gyur ro/ / rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ mtshan ma med pa'i ting nge 'dzin rim par phye ba'o/ / / gsang ba pa'i bdag po gzhan yang bzlas brjod gsang ba bshad par bya'o// gcig pus gcig gam gcig gis gcig/ yid kyi bzlas brjod bya ba 'am// yang na shub du rnam gnyis pa// rnal 'byor mchog gis brtag par bya// sngags pa yan lag mnyam sbyar bar// bzlas brjod gzhan du mi bya'o/ / phyi dang nang gi sbyor ba yis// yan lag bzhi pas ngas bshad pa// de yang 'jig rten pa yi ste// dmigs pa can ni bla med pa// slar sdud pa yi tshig gis nom lha yi rjes su song ba'i yid/ / gshubs te bzlas brjod byed pa'i mchog/ dmigs pa can la bstan pa yin// yid kyi 'jig rten 'das shes bya// slar sdud la sogs rnam par spangs/ / lha dang gcig tu byed pa dang // tha dad ma yin 'dzin pa yis// yid kyis rang bzhin dbyer med bya// gzhan du bya ba ma yin no// bsang sngags grangs ni sum 'bum

  324. 163a

    du/ phal cher ngas ni bshad pa dag/ lus can sdig dang bral ba yi// sngags pa rnam par dag pa la// bzlas brjod zangs 'di bstan pa ste// gzhan/ du bya ba ma yin no// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'jig rten pa dang 'jig rten las 'das pa'i bzlas brjod kyi de kho na nyid rim par phye ba'o/ / // de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ byams pa dang snying rje chen po'i spyan gnyis kyis kyang sems can gyi khams thams cad la gzigs te/ bdud rtsi 'byung ba zhes bya ba'i ting nge 'dzin la snyoms par zhugs so// bcom ldan 'das snyoms par zhugs ma thag tu yan lag thams cad nas dus gsum du ma chags pa'i stobs can zhes bya ba'i rig sngags kyi rgyal mo byung ngo / / tad+ya thA/ ga ga na sa me/ a pra ti sa me/ sarba ta thA ga ta sa ma tA na ga ga te/ ga ga na ba ra lak+Sha Ne swAhA/ rigs kyi bu rig sngags kyi rgyal mo 'di ni de bzhin gshegs pa thams cad kyi sku dang gnyis su med pa'i spong yul can te/ 'di yis byin brlabs sangs rgyas dang // byang chub sems dpa' grags chen rnams// gang du sdug bsngal 'gag 'byung ba'i// chos nyid chags

  325. 163b

    med 'grub par 'gyur/ / de nas bcom ldan 'das rnam par snang mdzad kyis de bzhin gshegs pa thams cad rjes su dgongs nas/ bdag nyid dang phyag na rdo rje gnyis ka gzod ma nas ma skyes pa nyid du byin gyis brlabs te/ phyag na rdo rje la sogs pa rdo rje 'dzin rnams la bka' stsal pa/ rigs kyi bu dag byang chub sems dpa' gsang sngags kyi sgo nas byang chub sems dpa'i spyad pa spyod pa rnams la/ sangs rgyas kyi mdzad pa so sor nye bar gnas pa yi ge'i 'khor lo bskor ba zhes bya ba'i dkyil 'khor spyad pa rim par phye ba rgyas pa nyon cig/ de nas yong bcom ldan 'das rnam par snang mdzad la phyag na rdo rjes phyag 'tshal te/ rdo rje pad+ma'i stan de las rdo rje 'bab pa'i tshul gyis babs nas bcom ldan 'das la mngon par bstod pa/ phyag 'tshal byang chub sems khyod la// phyag 'tshal byang chub 'byung khyod la// spyod gzugs khyod dang sa dang ni// pha rol phyin pa phyag 'tshal lo// phyag 'tshal thog mar byed khyod la// stong pa nyid la 'dud phyag 'tshal// bcom ldan 'das la/ gsang ba pa'i bdag po phyag na rdo rjes de skad ces mngon par bstod nas/ bcom ldan 'das la 'di skad ces gsol to// bcom ldan 'das chos kyi rjes bdag cag la thugs brtse ba'i slad du gang dag dang ldan na/ bdag cag rnams sems can gyi don bgyid

  326. 164a

    par 'gyur ba dang / gsang sngags spyad pa ji skad gsungs pa bzhin yongs su rdzogs par 'gyur ba bshad du gsol/ de skad ces gsol pa dang / bcom ldan 'das rnam par snang mdzad kyis/ gsang ba pa'i bdag po phyag na rdo rje la 'di skad ces bka' stsal to// da ni 'jig rten dang po yi// 'jig rten mgon zhes bsgrags pa yin// bla med gzod nas zhi ba ni// mnyam pa med pa'i chos bshad do// de nas bcom ldan 'das kyis tshogs su bcad pa de dag gsungs nas/ byin gyi rlabs gang gis byin gyis brlabs na byang chub sems dpa' de rnams dang / rdo rje 'dzin de rnams kyis bcom ldan 'das byang chub kyi snying po mchog dam pa la bzhugs pa/ nam mkha' bzhin du spros pa med pa spyod pa la gnyis su med pa'i rnal 'byor gyi mtshan nyid las kyi rnam par smin pa bzhin du mthong bar 'gyur ba de lta bu'i byin gyis brlabs pa mdzad do/ / de'i tshe bcom ldan 'das kyi yan lag dang / de bzhin gshegs pa'i sku thams cad nas 'jig rten pa dang / 'jig rten las 'das pa rnams dang / nyan thos dang / rang sangs rgyas dang / bsam pa dang / bsam gtan du bya ba dang / dngos grub sgrub par mngon par brtson pa thams cad kyi srog dang 'dra ba/ yi ge thams cad kyi gtso bor gyur pa/ srog tu gyur pa/ skyabs su gyur pa/ dpung gnyen du

  327. 164b

    gyur pa 'di phyung ngo / / nA maHsa man+ta bud+d+hA nA/ a/ rigs kyi bu dag 'di ni de bzhin gshegs pa thams cad kyis byin gyis brlabs pa/ byang chub sems dpa' gsang sngags kyi nas byang chub sems dpa'i spyad pa spyod pa rnams la sangs rgyas kyi mdzad pa so sor nye bar gnas pa yin te/ chos thams cad ni a zhes bya ba'i sgo nas 'jug go// gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pa de bzhin gshegs pa rnams mthong bar 'dod pa dang mchod par 'dod pa/ byang chub kyi sems mngon sum du bya bar 'dod pa/ byang chub sems dpa' rnams dang 'grogs par 'dod pa/ sems can rnams kyi don bya bar 'dod pa/ dngos grub mngon par 'dod pa// rnam pa thams cad du thams cad mkhyen pa nyid thob par 'dod pas de bzhin gshegs pa rnams kyi snying po 'di la brtson par bya'o// de nas bcom ldan 'das rnam par snang mdzad kyis snying rje chen po'i snying po 'byung ba'i dkyil 'khor gyi rgyal po 'di'i cho ga dgod pa dang / lha'i gnas gtan la dbab pa dang / ting nge 'dzin rnam par sprul pa dang / gsang sngags spyad pa dang / bsam par bya ba gsungs pa de la slob dpon gyis thams cad mkhyen pa nyid kyi sgo a zhes bya ba la gnas te srad bu blangs la/ sangs rgyas thams cad la phyag 'tshal nas srad bu shar phyogs

  328. 165a

    @logs su bres te g.yas su bskor la/ byang phyogs su kha bltas nas srad bu bres te/ nub phyogs su kha bltas la bsgyur te thig gdab bo// de nas bdag nyid rdo rje sems dpa' lag na rdo rjer de'i phyag rgya 'am/ yi ge ba zhes bya bas byin gyis brlabs te nang du zhugs la snying po'i dkyil 'khor bri bar bya'o// de bzhin du dkyil 'khor gnyis pa la'ang 'di ltar bdag nyid gzod ma nas zhi ba/ gnyis su med pa'i rnal 'byor gyi gzugs/ de bzhin gshegs pa'i gzugs stong pa nyid kyi rang gi ngo bor byin gyis brlabs la/ de nas de bzhin gshegs pa'i gnas pa mngon du byed cing srad bu bres la/ phyi rol gyi dkyil 'khor de las sum gnyis lha'i gnas su bzhag ste/ sum cha khor sar bya'o/ / dkyil 'khor lhag ma gnyis kyang de bzhin du rnam par phye la lha'i gnas bsham par bya'o// de nas yang bdag nyid bcom ldan 'das rnam par snang mdzad du de'i phyag rgyas byin gyis brlabs pa/ chos kyi dbyings rgya chen por byin gyis brlabs te/ thog mar tshon rtsi dkar po blangs la 'di ltar byin gyis brlab par bya'o// 'di ni chos dbyings dag pa ste/ sems can khams ni rnam sbyong ba// 'dir ni bdag nyid de bzhin gshegs// nyes pa thams cad rnam par spangs// de ltar blo can gyis bsams nas// der ni ra zhes bya ba

  329. 165b

    yang / / zhi ba 'bar ba'i 'phreng can mdog/ dung zla kun da 'dra bar bsam// de nas tshon rtsi gnyis pa ni// dmar po blangs nas nan tan du// yi ge a zhes bya ba ni// 'bar bklad kor bcas par bsam/ / rgyal ba thub dka' dam pa ste// nyi ma dang po 'char ba bzhin// de nas sngags pas tshon gsum pa// kha dog ser po blang bar bya// mkhas pas de nas ka zhes pa/ / de tshe cho ga bzhin du bsam// de bzhini gser 'od thub pa ni// gser gyi kha dog 'bar dang bcas// ting 'dzin gnas shing sdig bcom pa// kun tu rnam par snang ba yin/ / de nas mar gang 'dra ba yi// tshon rtsi 'khor ba las sgrol ba// ba zhes bya ba de ru gzhag/ byang chub snying po'i thub chen de// dpa' bo kha dog 'ja' 'dra ba// kun tu 'jigs pa med par byed// de nas tshon rtsi nag po de// mkhas pa yis ni blangs nas su// der ni ha zhes bya ba bsam// 'bar ba'i 'phreng ba rnam par 'phro// dus mtha'i me ltar mi bzad pa/ / lag na rdo rje rtse bran brgyan// bdud sde sdang ba thams cad la// rnam pa kun tu bsdigs par byed// de nas bcom ldan 'das rnam par snang mdzad de'i tshe ting nge 'dzin de las bzhengs nas mtha' yas par rnam par rgyal ba zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu thams cad du thogs pa

  330. 166a

    med pa'i stobs zhes bya ba'i rig sngags kyi rgyal mo de bzhin gshegs pa thams cad kyi yul las byung ba 'di byung ngo / / na maHsar+b+ba ta thA ga te b+h+yaHsar+b+ba mu khe b+h+yaHa sa me pa ra me a tsa le/ ga ga ne sma ra Ne/ sar+b+ba trA nu ga te swA hA/ de nas tshon gyi cho ga byin gyis brlabs nas bcom ldan 'das ma shes rab kyi pha rol tu phyin pa bklags sam phyag byas te/ rig sngags kyi rgyal mo 'di lan brgyad du bzlas brjod bya'o// de nas langs te dkyil 'khor bskor la nang du zhugs nas byams pa chen po dang snying rje chen po'i stobs kyis sgrub pa po la dmigs te/ bdag nyid pa zhes bya bas las kyi rdo rje sems dpar byin gyis brlabs la rdo rje dam pa sbyin pa dang lhan cig tu snying rje chen po'i snying po 'byung ba 'di'i dkyil 'khor bri bar bya'o// de la nang gi dkyil 'khor gtan la dbab pa ni 'di yin te/ dbus su bcom ldan 'das rnam par snang mdzad chen po pad+ma dkar po la bzhugs pa/ dbu thor tsugs dang dbu rgyan can/ dar ram ras kyi smad g.yogs dang dar lA'i stod g.yogs mnabs pa/ gser gyi kha dog lta bu 'bar ba'i 'phreng bas 'khrigs pa phyag rgya'am/ gzugs sam/ yi ge'i 'brur bri'o/ / de la yi ge'i 'brur ni/ a shar phyogs su sangs rgyas thams cad kyi a zhes bya ba klad kor dang bcas pa'o// aM dbang ldan gyi phyogs su sangs rgyas thams

  331. 166b

    cad kyi yum bcom ldan 'das ma nam mkha'i spyan bri'o/ / yang na yi ge ga zhes bya ba bri'o// ga me'i phyogs su byang chub sems dpa' thams cad kyi phyag rgya yid bzhin gyi nor bu 'am yi ge ka zhes bya ba bri'o/ / ka byang phyogs su lag na pad+ma 'khor byang chub sems dpa' skye ba gcig gis thogs pa dag dang lhan cig tu pad+ma'i phyag rgya'am yi ge sa zhes bya ba bri'o// sa lho phyogs su cha gsum bor te gsang ba pa'i bdag po lag na rdo rje 'khor dang bcas pa rdo rje'i phyag rgya 'am yi ge ba zhes bya ba bri'o// ba de'i cha gsum bor ba la rdo rje 'chang thams cad kyi phyag na 'am yi ger bri'o/ / de la yi ge'i 'bru ni hUM/ de nas bden bral gyi phyogs su bcom ldan 'das rnam par snang mdzad kyi 'og logs su mi g.yo ba pha bong gi steng na 'dug pa/ lag na ral gri dang zhags pa thogs pa/ 'bar ba'i 'phreng ba 'khrigs pa/ bgegs thams cad bsdigs pa de'i phyag rgya 'am yi ger bri'o// de'i yi ge'i 'bru ni hAM/ rlung gi phyogs su 'jig rten gsum las rnam par rgyal ba zhes bya ba bgegs chen po 'joms pa/ gyen du 'bar ba'i 'phreng ba can/ rab tu 'jig pa chen po'i dus kyi me'i gzugs 'dra ba/ 'jigs pa'ang 'jigs par byed pa/ lag na rdo rje'i 'od 'phro ba can thogs pa de'i phyag rgya 'am yi ger bri'o// de la yi ge'i 'bru ni 'di'o// ha de nas phyogs bzhir srung ba chen po

  332. 167a

    bzhi dgod do/ / de la shar phyogs su mi 'jigs pa zhes bya ba'i srung ba chen mo gser gyi kha dog 'dra ba/ gos dkar po gyon pa/ yid tsam khro ba'i gdong / lag na dbyug pa thogs pa de'i phyag rgya 'am yi ger bri'o// de la yi ge'i 'bru ni 'di'o// tsa byang phyogs su 'jigs pa thams cad med par byed pa zhes bya ba'i srung ba kha dog dkar mo/ lag na ral gri thogs shing gos dkar po gyon pa/ 'bar ba dang bcas pa/ 'jigs pa thams cad med pa de'i phyag rgya 'am yi ger bri'o// de la yi ge'i 'bru ni 'di'o// pa nub phyogs su gdul dka' zhes bya ba'i srung ba a sho ka dmar po'i mdog 'dra ba/ gos dmar po gyon pa/ bzhin 'dzum pa/ thams cad dang ldan pa'i 'khor gyi dkyil 'khor la lta ba de'i phyag rgya 'am yi ger bri'o/ / de la yi ge ni 'di'o// sa lho phyogs su ma thul ba rdo rjes 'dul ba zhes bya ba'i srung ba chen mo kha dog nag mo/ bzhin khro gnyer bsnyer ba smad g.yogs nag po gyon pa/ thor tsugs dang cod pan can/ thams cad dang ldan pa'i 'jig rten gyi khams rang gi 'bar bas mngon par snang bar byed pa/ lag na dbyug pa thogs bgegs chen po med par byed pa de'i phyag rgya 'am yi ger bri'o/ / de la de'i yi ge'i 'bru ni 'di'o// k+Sha de dag thams cad kyang 'khor dang bcas pa phyag brnyan dang bcas par

  333. 167b

    pad+ma dkar po la 'dug par bri'o/ / de ltar blo can gyis bkod nas// sngags pa sngags la gzhol ba yis// cho ga bzhin du phyir byung nas// gnyis pa'i chan nges pa la// shAkya'i rigs ni dga' byed pa// thub pa'i rgyal po bri bar bya// mgon po na bza' ngur smrig mnabs// mtshan mchog sum cu rtsa gnyis ldan// bstan pa yi ni don mdzad lha// sems can kun la mi 'jigs sbyin// sngags pas phyag rgya dgod pa ni// lhung bzed chos gos la sogs pa 'am// yang na mkhas pas yi ger gzhag/ de'i cho ga dam pa 'di'o/ / b+ha/ de nas phyi rol gyi dkyil 'khor du bdag nyid chos kyi dbyings kyi ngo bo nyid du byin gyis brlabs la/ byang chub kyi sems su gyur pa'i yid kyis cha gsum bor te/ bcom ldan 'das rnam par snang mdzad lan gsum rjes su dran par byas nas/ tshon de nyid blangs te shar phyogs kyi cha gsum par rdo rje dam pa sbyin gzhon nu'i gzugs can lag pa g.yon pa na ut+pal mthing kha'i steng na rdo rje can thogs pa/ rgyan thams cad kyis brgyan pa/ dar ram ras kyi smad g.yogs gyon pa/ dar lha'i stod g.yogs can kha dog gur kum lta bu/ spyi bo zur phud lnga pa de'i phyag rgya 'am yi ger bri'o// de'i sngags ni 'di'o// na maHsa man+ta bud+d+hA nAn/ mAM de'i g.yas logs su dra ba can gyi 'od gzhon nu'i gzugs can rnam

  334. 168a

    pa thams cad kyi mchog dang ldan pa/ lag na rin po che'i dra ba 'am lcags kyu thogs pa de'i phyag rgya'am yi ge'i 'brur bri'o// de la yi ge'i 'bru ni 'di'o// tshade nas lho phyogs su byang chub sems dpa' slob pa thams cad rnam par sel ba zhes bya ba gser gyi kha dog 'dra ba thor tsugs dang cod pan can/ lag na yid bzhin gyi nor bu thogs pa de'i phyag rgya'am yi ger bri'o/ / de la yi ge ni 'di'o// a byang phyogs su byang chub sems dpa' sa'i snying po zhes bya ba kha dog ljang khu/ lag na pad+ma thogs pa/ rgyan thams cad kyis brgyan pa de'i phyag rgya'am yi ger bri'o// de la yi ge ni 'di'o// i nub phyogs su byang chub sems dpa' nam mkha'i snying po zhes bya ba rnam pa thams cad kyi mchog dang ldan pa/ gos dkar po gyon pa/ 'bar ba dang bcas pa/ lag na ral mo thogs pa de'i phyag rgya'am yi ger bri'o// de la yin ni 'di'o/ / I chos kyi dbyings la gzhol ba yi// sngags pa de nas 'dug nas su// chos kyi dbyings kyi rang bzhin gyi// byang chub sems su gyur pa'i yid// shar phyogs kha bltas gnas nas ni// rdo rje can gyi rgyabacings nas// de nas las kyi rdo rjer gyur// nan tan du ni mchod pa bya// kun tu khyab pa'i yid kyis su/

  335. 168b

    sangs rgyas skyob pa thams cad kyi// dam tshig ces bya'i rgyu bstan nas// gsang sngags lan gsum bzlas par bya// slob ma gtsang mchog bzhin// bos te dkyil 'khor mdun du ni/ / de dag gsum la skyabs su btang // de nas byang chub sems kyang bskyed// chos kyi dbyings kyi rang bzhin gyi// phyag rgya de dag kun la bcing // de nas chos kyi 'khor lo'i bcing / / yid kyis de yi gzugs bsgyur te// ras kyis gdong pa bkab nas ni// snying rjer gyur pa'i yid kyis su// byang chub tshogs ni rdzogs bya'i phyir// lag pa stong par mi bya'o/ / dam tshig gi ni gsang sngags 'di// de dag kun gyi rna bar bsgrags// sangs rgyas rnams kyi dam tshig ni// de nas de la bdag gis bcing // byang chub sems gyur yid kyis su/ / de nas me tog 'dor du gzhug/ me tog gang du bab gyur pa// de ni sngags pas de la sbyin// lus can kun la dam tshig phyir// cho ga de ltar rab tu bya// nas dpal ldan rdo rje 'dzin// gtso bo de la yang zhus pa// mgon po smra ba'i mchog gyur pas// dbang bskur ba yi cho ga gsungs// de skad gsol nas bcom ldan 'das// chos kyi dbyings la gzhol ba yis// rdo rje 'dzin la 'di skad gsungs// chos rnams kun la dbang ba'i phyir// cho ga'i mchog ni ngas bshad kyis// yid gcig bsdus te cho ga 'oH/

  336. 169a

    gsang ba pa'i bdag po de la slob dpon gyi bdag nyid de bzhin gshegs pa'i gzugs su de'i sngags sam phyag rgyas byin gyis brlab bo// de nas slob ma rnams bos la chos kyi dbyings ngo bo nyid kyi pad+ma'i rgyal po chen po la bzhag ste/ yan lag kun 'byung ba'i phyag rgya bcings la byang chub sems dpa' chen po bzhis byin gyis brlabs pa rin po che sna bzhi'i bum pa'i chus spra bo nas dbang bskur bar bya'o/ / a ni klad kor bcas pa ru// mkhas pas spyi bor bzhag nas ni// a zhes bya ba snying khar gzhag/ ra zhes bya ba brang du gzhag/ yang na a ni kun tu gzhag/ gser gyi kha dog 'bar dang bcas// thor tsugs dang ni dbu rgyan can// pad+ma dkar po'i gdan la bzhugs// rgyal ba'i mchog gi ting 'dzin gnas/ / yi ge'i 'khor lo rim par phye ba rgyas pa'o// // de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ byang chub sems dpa' gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po de bzhin gshegs pa rnams la de bzhin gshegs pa'i rgyan du gyur pa chos kyi dbyings rtogs pa'i mtshan mar gyur pa'i phyag rgya rim par phye ba rgyas pa gang gis brgyan na/ byang chub sems dpa' rnams 'khor ba na 'khor ba'i tshe 'gro ba thams cad du de bzhin gshegs

  337. 169b

    pa thams cad kyi byang chub chen po'i mtshan mas btab pas/ lha dang / klu dang / gnod sbyin dang / dri ba dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams 'byor par 'gyur zhing / de rnams kyang de dag gi ngag nyan par 'gyur ba yod kyis/ de nyon la legs par rab tu yid la zung zhig dang ngas khyod la bshad do/ / de skad ces bka' stsal pa dang / bcom ldan 'das la phyag na rdo rjes 'di skad ces gsol to// bcom ldan 'das de'i dus la bab bo// bde bar gshegs pa de'i tshod la bab bo/ / de nas bcom ldan 'das kyis de'i tshe stobs thogs pa med pa'i gnas byin gyis rlob pa zhes bya ba'i ting nge 'dzin la snyoms par zhugs so// bcom ldan 'das snyoms par zhugs ma thag tu rig sngags kyi rgyal mo thams cad du thogs pa med pa'i stobs can mi mnyam pa dang mnyam pa'i stobs can/ dam tshig la 'jug par byed pa stobs gsum dang ldan pa byung ngo / / na maHsa man+ta bud+d+hA nA~M/ a sa mai tri sa me sa ma ye swAH/ gsang ba pa'i bdag po rig sngags kyi rgyal mo 'di ni de bzhin gshegs pa thams cad kyis yang dag par ston par byed pa/ chos gsum gyi lam gyi mtshams las mi 'da' bar byed pa/ sa dang pha rol tu phyin pa yongs su rdzogs par byed pa de yin te/ de'i phyag rgya 'di yin no// lag

  338. 170a

    pa gnyis thal mo khong stong du sbyar la mthe bong gnyis bsgreng ngo / / rgya 'di phyag rgya chen po ste// sangs rgyas skyob pa kun gyi yin// sangs rgyas kun gyi dam tshig ni// phyag rgya 'di la rab tu gnas// lag pa dag ni gnyis ka yang // blo dang ldan pas khu tshur bcangs// mthe bong gnyis ni nang du gzhug/ mdzub mo gnyis ni bsgreng bar bya// rgya 'di phyag rgya chen po ste/ / chos dbyings rnam par sbyong ba'o// gsang sngags ni/ na maHsa man+ta bud+d+hA nAM/ d+harma d+hA tu swa b+hA ba At+ma kohaM/ de bzhin du lag pa gnyis kyi sor mo thams cad bzlog ste bsnol la mthe bong gnyis sprad do/ / phyag rgya dpal dang ldan pa 'di// chos kyi 'khor lo zhes su bsgrags// 'jig rten mgon po skyo ba rnams kyi// 'khor lo rab tu 'dis bskor ro/ / gsang sngags ni na maHsa man+ta badz+rAnA/ badz+ra At+ma konaM/ de bzhin du lag pa gnyis phyag 'tshal ba'i thal mo sbyar la/ mdzub mo gnyis mthe bong gnyis kyi steng du bzhag ste ral gri lta bur bya'o/ / sangs rgyas skyob pa thams cad kyi// phyag rgya chen po ral gri'i rgyu// 'dis ni lhan cig skyes pa yi// 'jig tshogs lta ba gcod par byed/ gsang sngags ni na maHsa man+ta bud+d+hA nAM/ ma hA Shan bi ra dza d+harma san d+ha ri sha ka sa ha dza sad ka ya d+h+r-iSh+Tits+tsha da ka/ ta thA ga tAd+hi muk+ti nir dza ti ba rA ga d+hArmA nir dza ta nU/ de bzhin du la

  339. 170b

    pa gnyis khong stong du sbyar te/ mdzub mo gnyis kyis mthe bong gnyis dkris la dung lta bur bya'o// phyag rgya dpal ldan dam pa 'di// chos kyi dung zhes rnam par bsgrags// 'dis ni 'jig rten 'di dag ni/ / sangs rgyas byang chub sems dpa' rnams// zhing mya ngan 'das 'gro ba// rdul dang bral ba'i chos 'chad do// gsang sngags ni na maHsa man+ta bud+d+hA nA/ sar+b+ba thA oM/ de bzhin du lag pa gnyis kyi sor mo kun thal mo sbyar ba las brkyang ste dril bu ltar byas la/ mthe bong gnyis dang mthe'u chung rtse gcig tu sprad de mdzub mo gnyis rang sring mo sprad do/ / pad+ma dam pa dpal ldan 'di// sangs rgyas skyob pa thams cad kyi// mi shig rdo rje'i gdan yin te// der ni 'dren pa 'tshang rgya zhing // rgyal ba'i sras ni thams cad ni/ / 'di las skyes dang byang chub 'gyur// gsang sngags ni/ na maHsa man+ta bud+d+hA nA~M/ a de bzhin du lag pa gnyis khu tshur bcangs la gung mo gnyis gshibs te bsgrengs la/ mdzub mo gnyis bkug ste ngos gnyis su bzhag la rdo rje ltar bya/ mthe bong gnyis dang mthe'u chung gnyis sgreng ste gzhag/ srin lag gnyis lag pa'i nang du gzhug go/ phyag rgya chen po rdo rje'i rgya// mi shes mong khyer 'jig pa ste// sangs rgyas rnams kyi ye shes 'di// nyid kyis byin gyis brlabs te bstan// gsang sngags ni/ namaHsa

  340. 171a

    man+ta badz+rA NA n+tu/ de bzhin du lag pa gnyis khu tshur bcangs la gung mo gnyis gshibs te bsgreng mdzub mo gnyis ngos nus bkug ste sbyar ro// gtsug tor phyag rgya rgya chen te/ / gtsug tor zhes ni bsgrags pa yin// 'di ni bcings pa tsam gyis kyang // rgyal ba mchog tu 'gyur ba yin// 'di'i sngags ni na maHsa man+ta bud+d+ha nAM hUM r+b+hu/ lag pa g.yas pa khu tshur bcangs la smin ma'i mtshams su gzhag go// rgyal ba dam pas phyag rgya 'di// mdzod spu zhes ni rab tu bsgrags// 'di na bcings pa tsam gyis su/ / rgyal ba'i mchog tu gyur pa yin// 'di'i sngags ni na maHsa man+ta bud+d+hA nA~M/ a na~M dza/ blo ldan rnal 'byor tshul gnas te// lag gnyis lte ba'i thad kar ni/ / lhung bzed 'dzin pa'i tshul du bya// lhung bzed phyag rgya zhes su bsgrags// rgya 'di shAkya thub pa'i ste// lhung bzed chen po zhes bya'o// de'i gsang sngags ni/ na maHsa man+ta bud+d+hA nA~M/ b+ha/ de bzhin du lag pa g.yas pa gyen du bsgrengs la mi 'jigs pa sbyin pa lta bur bya'o// sems can kun la mi 'jigs pa// de yis rab tu sbyin par 'gyur/ / gang gis rgya chen de bcings na// mi 'jigs phyag rgya zhes bsgrags so// 'di'i gsang sngags ni na maHsa man+ta bud+d+hA nAM/ sar+b+ba thA dzi na dzi na b+hi kA ya nA shAn swAH/

  341. 171b

    de bzhin du lag pa g.yas pa spad de dam pa sbyin pa ltar bya'o// 'di ni dam pa sbyin rgya zhes// 'jig rten mgon po rnams kyis bsgrags// 'di ni bcings pa tsam gyis su// rgyal mchog dam pa stsol bar 'gyur/ / 'di'i gsang sngags ni/ na maHsa man+ta bud+d+hA nA~M/ ba ra da badz+ra At+ma kohaM swAhA/ lag pa g.yas pa khu tshur bcangs te mdzub mo brkyang la dpral bar khro gnyer lta bur bya'o/ / phyag rgya chen po rgya chen 'di// sangs rgyas skyob pa thams cad kyi// bdud ni rnam par bsdigs shes bya// phung byed thams cad 'jigs par byed// 'di ni bcings pa tsam gyis su// bdud sde shin tu mi bzad dang // bgegs dang log 'dren gzhan dag kyang // the tsom med par rab tu 'byer// 'di'i gsang sngags ni/ na maHsa man+ta bud+d+hA nA~M/ ma hA ba la bi ti da sha ba la te dzod b+ha be mahA me t+ya b+h+yang ga te swAH/ de bzhin du lag pa g.yas pa khu tshur bcangs la gung mo dang srin lag gnyis brkyang ste mthe bong de'i drung du gzhag go/ 'di ni sangs rgyas mgon rnams kyi// thugs rje las byung sbyin yin te// mig gi steng du mkhas pas gzhag/ de las sangs rgyas spyan du 'gyur// 'di'i gsang sngags ni/ nam man+ta bud+d+hA nA~M/ ga ga na ba ra la k+Sha Na ka ru Na mA ya ta thA ga ta tsak+ShuHswAhA/ de bzhin du lag pa gnyis gcig tu sbyar la sor mo rnams phan tshun bsnol ba'i khu tshur bcangs te/ mdzub mo

  342. 172a

    gnyis bsgrengs la bkug ste sprad la zlum por bya/ / 'di ni zhags pa mchog ces grags// sdang ba thams cad 'jigs par byed// sngags pas 'di bcings de yi tshe/ / rtag tu sdang ba bcings par 'gyur// 'di'i gsang sngags ni/ na maHsa man+ta bud+d+hA nAM/ he he ma hA pA sha/ pra sa ro d+har+ya satwa d+hA tu bi mo tsa ka/ ta thA ga ta a d+hi muk+ti nir dza ta swA hA/ de bzhin du lag pa gnyis gcig tu sbyar te/ khu tshur bcangs la mdzub mo bsgrengs te tshigs gsum pa bkug la/ lhag ma rnams ni gdu bu'i tshul du gnas par bya'o/ / sangs rgyas skyob pa thams cad kyi// lcags kyu zhes ni 'di bshad do// byang chub sems dpa' bdag nyid che// sa bcu dag la gnas pa dang // sdang bar sems pa gzhan dag kyang / / thams cad rab tu 'gugs par byed// 'di'i gsang sngags ni/ nA maHsa man+ta bud+d+hA nA~M/ a sar+b+ba thA/ a pra tiha ta thA ga ta a~M ku sha bo d+hi tsAr+ya pa ring+ga ra ka swAhA/ lcags kyu'i phyag rgya las gung mo gnyis bkug ste de nyid du sbyar ro// 'di ni de bzhin gshegs pa'i thugs kyi phyag rgya ste/ gsang sngags la/ na maHsa man+ta bud+d+ha dz+nyA nod b+ha ba swA hA/ phyag rgya de nyid las srin lag gnyis bsgrengs la lhag ma rnams de bzhin du gzhag go// de bzhin gshegs pa'i lte ba'i phyag rgya ste/ gsang sngags la

  343. 172b

    na maHsa man+ta bud+d+hA nA~M/ a mr-i tong b+ha ba swAhA/ phyag rgya de nyid las mthe'u chung gnyis kyang bsgrengs la lhag ma rnams de bzhin du gzhag go// rked pa'i phyag rgya ste/ gsang sngags la na maHsa man+ta bud+d+hA nAM/ ta thA ga ta ti saM b+ha ba swA hA/ de bzhin du lag pa gnyis khong stong du sbyar la mdzub mo gnyis bkug ste nang du gzhug/ srin lag gnyis kyang de bzhin du bya/ mthe bong dang mthe'u chung gnyis cung zad bkug/ gung mo gnyis gshibs te bsgreng ngo // 'di ni de bzhin gshegs pa'i mdzod kyi phyag rgya ste/ 'di'i gsang sngags ni/ na maHsa man+ta bud+d+hA nAM/ raM raM raM swA hA/ phyag rgya de nyid las srin lag gnyis phyung la bsgrengs te gzhag go// mtshams chen po gcad pa'i phyag rgya ste/ 'di'i gsang sngags ni na ma sa man+ta bud+d+hA nA/ be lu pu ri/ bi ku ri bi ku le swAhA/ mtshams chen po gcad pa'o// de nyid las gung mo gnyis bkug la mthe bong gnyis bsgreng ngongo/ srung ba chen mo'i phyag rgya ste/ gsang sngags la/ na maHsa man+ta bud+d+hA nA~M/ ta thA ga te b+h+yo/ sar+b+ba b+hA ya bi ga te b+h+yo/ bi shwa mu khe b+h+yaHsar+b+ba thA haM khaM rak+Sha ma hA ba le sarba ta thA ga ta pu N+ya nir dza te hUM hUM tra Ta draT/ a pra ti ha te swAhA/ mi bzod pa zhes bya ba srung ba chen mo'o// de bzhin du mdzub mo gnyis brkyang la mthe bong gnyis nang du gzhug go/

  344. 173a

    kun tu 'bar bya zhes bya ba'i phyag rgya ste/ gsang sngags la/ na maHsa man+ta bud+d+hAn+tu/ dz+wA la mA l-i ni ta thA ga ta irtsi swAH/ kun tu 'bar ba'o// de bzhin du lag pa gnyis thal mo khong stong du sbyar la mdzub mo gnyis kyis ngos nas dkri'o// 'di ni de bzhin gshegs pa'i go cha'i phyag rgya ste/ gsang sngags la/ na maHsa man bud+d+hA nAM/ pra tsaN+Da badz+ra dza ya bi s+phu ra hUM/ de bzhin gshegs pa'i go cha'o// phyag rgya de nyid las srin lag gnyis dang mthe bong gnyis gcig tu sbyar ro// de bzhin gshegs pa'i ljags kyi phyag rgya ste/ gsang sngags la/ na maHsa man+ta bud+d+hA nAM/ ta thA ga te dzi hA sid d+hi d+har+m+ma pra tiSh+Thi te swAhA/ de bzhin gshegs pa'i ljags so// phyag rgya de nyid las mdzub mo gnyis dang srin lag gnyis bkug la nang du sbyar/ mthe bong gnyis bsgrengs la cung zad bkug ste/ rtse mo gung mo la phyogs par bya'o// mthe'u chung gnyis ni snga ma bzhin no 'di ni de bzhin gshegs pa'i zhal chen po'i phyag rgya ste/ gsang sngags la/ na maHsa man+ta bud+d+hA nAM/ ta thA ga ta ma hA bAk+She bi dz+nyA na ma ho da ya swA hA/ de bzhin gshegs pa'i zhal lo/ / phyag rgya de nyid las mdzub mo gnyis bkrol la nang du bcug ste/ dgu bor byas la bstod do gzung ngo // de bzhin gshegs pa'i mche ba'i phyag rgya ste/ gsang sngags la/

  345. 173b

    na maHsa man+ta bud+d+hA nAM/ ta thA ga ta ma hA daMSh+Ta sa ra sa ra sA gra sa ma pra b+hA ka sar+b+ba ta thA ga ta bai She ya saM b+ha ba swA hA/ de bzhin gshegs pa'i mche ba'o// phyag rgya de nyid las mdzub mo gnyis bsgreng ste bzung la tshigs gsum pa dgug go/ / de bzhin gshegs pa'i so so yang dag par rig pa'i phyag rgya ste/ gsang sngags la/ na maHsa man+ta bud+d+hA nAM/ a tsin t+ya ad b+hU ta rU pa pA ga saM pra ti bid+yA bi shud d+hA sA ra swAhA/ de bzhin gshegs pa'i so so yang dag par rig pa'o// de bzhin du lag pa gnyis gcig tu thal mo khong stong du sbyar te/ mthe bong gnyis dang mthe'u chung gnyis nang du bcug la gcig tu sprad do// 'di ni stobs bcu'i phyag rgya ste/ gsang sngags la/ na maHsa man+ta bud+d+hA nAM/ da sha ba la ga d+ha ra hUM saM dzaM swAhA/ stobs bcu'i phyag rgya dang gsang sngags so// phyag rgya de nyid las mthe bong gnyis kyi rtse mor mdzub mo gnyis bkug sbyar ro// dran pa nye bar gzhag pa'i phyag rgya ste/ gsang sngags la/ na maHsa man+ta bud+d+hA nA~M/ ta thA ga ta smr-i ti satwa hi ta ad b+hU ta ga ga na sa ma sa ma swA hA/ dran pa nye bar gzhag pa'i phyag rgya dang gsang sngags so// phyag rgya de nyid las srin lag gnyis mthe bo'i steng du gzung ngo / / gsang sngags la/ na maHsa man+ta bud+d+hA nA~M/ sar+b+ba d+har+m+ma sa ma hA prAb+ta ta thA ga ta a nu ka ta swAhA/ chos thams cad mnyam

  346. 174a

    pa nyid du rtogs par byed pa'i phyag rgya dang gsang sngags so/ / de bzhin du lag pa gnyis gcig tu sbyar te/ mdzub mo gnyis kyis gung mo dkris la lhag ma rnams ni de bzhin du gzhag go/ / kun tu bzang po'i yid bzhin gyi nor bu'i phyag rgya ste/ gsang sngags la/ na maHsa man+ta bud+d+hA nAM/ sa man+ta nu ga ta bi rA ga d+harma nir dza ta ma hA ma hA swA hA/ yid bzhin gyi nor bu'i gsang sngags so// phyag rgya de nyid las mdzub mo gnyis gung mo gnyis kyi nang du bkug la gzhag/ lhag ma rnams ni snga ma bzhin no// 'di'i gsang sngags la/ na maHsa man+ta bud+d+hA nAM/ a dzi tany+dza ya sar+b+ba tA sha yA nu ka ta swA hA/ byams pa'i phyag rgya dang gsang sngags so// phyag rgya de nyid las mthe bong gnyis nang du gzhug go/ / gsang sngags la/ na maHsa man+ta bud+d+hA nAM/ A kA sha sa ma tA nu ga ta bi tsi ta traM ba ra d+ha ra swA hA/ nam mkha'i snying po'i phyag rgya dang gsang sngags so// phyag rgya de nyid las srin lag gnyis par the'u chung gnyis nang du bcug la mdzub mo gnyis gung mo dang lhan cig tu sbyar ro/ / gsang sngags la/ na maHsa man+ta bud+d+hA nAM/ ad sa sa twa hi ta ya b+hud ga ta taM taM raM raM swA hA/ sgrib pa thams cad rnam par sel ba'i phyag rgya dang gsang sngags so// / bam po lnga pa// de bzhin du lag pa

  347. 174b

    gnyis gcig tu sbyar la sor mo thams cad dril bu 'dra bar kha dbye/ mthe bong gnyis dang mthe'u gnyis gcig tu sbyar la lhag ma rnams ni pad+ma lta bur bya'o// gsang sngags la/ na maHsa man+ta bud+d+hA nAM/ sar+b+ba ta thA ga ta a ba lo ki ti ka ru NA mA ya ra ra ra hUM dzaHswA hA/ spyan ras gzigs dbang phyug gi pad+ma'i phyag rgya dang gsang sngags so// de bzhin du lag pa gnyis thal mo khong stong du sbyar la/ pad+ma kha ma bye ba lta bur bya'o// pad+ma'i phyag rgya ste/ gsang sngags la/ na maHsa man+ta bud+d+hA nAM/ dze dzaM swAH/ mthu chen po thob pa'i pad+ma'i phyag rgya dang gsang sngags so/ / de bzhin du lag pa gnyis khu tshur bcangs la mdzub mo gnyis rtse mo can du bsgreng ste/ mthe bong gnyis kyang de'i drung du gzhag go// gsang sngags la na maHsa man+ta bud+d+hA nAM/ tA re tA ra Ni ka ru Nod b+ha be sAH/ lha mo sgrol ma'i'o// phyag rgya de nyid las mdzub mo gnyis bcus te bsgreng / lhag ma rnams ni snga ma bzhin no/ / gsang sngags la/ na maHsa man+ta bud+d+hA nAM/ sar+b+ba b+ha ba san trA sa ni hUM s+pho Ta ya swA hA/ khro gnyer ma'i'o// de bzhin du lag pa gnyis thal mo khong stong du sbyar la srin lag gnyis dang mthe bong gnyis nang du gzhug go/ / gsang sngags la/ na maHsa man+ta bud+d+hA nA~M/ ta thA ga ta bi Sha ya sa~M b+ha be pad+ma mA le ni swA hA/ gos dkar can gyi'o// phyag rgya

  348. 175a

    de nyid las mthe bong gnyis gyen du bsgrengs la mdzub mo gnyis kyi rtse mo de'i drung ngu bar nas gang tsam gyis chod pa gzhag go/ / gsang sngags la/ na maHsa man+ta bud+d+hA nAM/ khA da b+hany+dza s+pho Ta ya swA hA/ rta mgrin gyi phyag rgya dang gsang sngags so// phyag rgya de nyid las srin lag gnyis dang mthe'u chung gnyis kyang gyen du bsgrengs la lhag ma rnams de bzhin du khu tshur bcangs pa'i tshul du gzhag go/ / de'i gsang sngags ni/ na maHsa man+ta bud+d+hA nAM/ ha ha ha sun ta nu swA hA/ sa'i snying po'i phyag rgya dang gsang sngags so// de bzhin du lag pa gnyis thal mo khong stong du sbyar la gung mo gnyis kyis srin lag gnyis dkris te/ mdzub mo gnyis kyang mthe bong gnyis kyi steng du bkug ste gzhag/ lhag ma rnams ni snga ma bzhin no// gsang sngags la/ na maHsa man+ta bud+d+hA nAM/ he he ku mA ra ka bi muk+ti ba thA sti tha ta sma ra sma ra pra ti dz+nyA na swA hA/ 'jam dpal gyi phyag rgya dang gsang sngags so// lag pa g.yon pa khu tshur bcangs te mdzub mo dgug go/ / dra ba'i 'od kyi lcags kyu'i phyag rgya ste/ gsang sngags la/ na maHsa man+ta bud+d+hA nA/ he he ku mA ra ya ga ta swa b+hA ba s+thi ta swA hA/ dra ba'i 'od kyi phyag rgya dang gsang sngags so/ / phyag rgya de nyid las sor mo thams cad dgu bor bya'o// gzhon nu dri ma med pa'i 'od kyi ut+pa la'i phyag rgya ste/ gsang sngags la na maHsa man+ta bud+d+hA nA/

  349. 175b

    he ku mA ra bi tsi tra ga ti ku mA ra pra ti dz+nyA nA ma nu sma ra swAH/ dri ma med pa'i 'od kyi phyag rgya dang gsang sngags so// de bzhin du lag pa g.yas pa khu tshur bcangs la mdzub mo dang gung mo gnyis gshibs te gyen du bsgreng ngo / / skra can gyi phyag rgya ste/ gsang sngags la/ na maHsa man+ta bud+d+hA nAM he he ku mA ri kle sha ts+tshe da ya Adz+nyA nAM/ sma ra pra ti dz+nyA na swAhA/ skra can gyi phyag rgya dang gsang sngags so/ / de bzhin du lag pa g.yas pa khu tshur bcangs la gung mo gyen du bsgreng ste gdung rtsi gsum lta bur bya'o// nye ba'i skra can gyi mdung rtse'i phyag rgya ste/ gsang sngags la/ na maHsa man+ta bud+d+hA nAM/ bin d+hA ya A dzA he ku mA ri ke swA hA/ nye ba'i sgra can gyi mdung rtse'i phyag rgya dang gsang sngags so// lag pa gnyis khu tshur bcangs te/ gung mo gnyis brkyang la mdzub mo gnyis ngos su sbyar/ sna tshogs ma'i dbyug pa'i phyag rgya ste/ gsang sngags la/ na maHsa man+ta bud+d+hA nAM/ he ku mA ri ke A dz+nyA na pu ra bi d+yAn sa ni swAhA/ de bzhin du lag pa g.yon pa khu tshur bcangs la srin lag dang mthe'u chung gnyis bsgreng ngo / / nor can gyi rgyal mtshan gyi phyag rgya ste gsang sngags la/ na maHsa man+ta bud+d+hA nAM/ he s+phu ra dz+nyA na ke tu swAhA/ nor can gyi rgyal mtshan gyi phyag rgya dang gsang sngags so// lag pa g.yas pa khu tshur bcangs la mdzub mo bsgreng ste rtse mo dgug go// 'gugs me'i lcags kyu'i phyag

  350. 176a

    rgya ste/ gsang sngags la/ namaHsa man+ta bud+d+hA n+tu/ A kaR+Sha ya sadz+nyAnakra mA ra s+ya sAH/ 'gugs ma'i lcags kyu'i phyag rgya dang gsang sngags so// de bzhin du lag pa gnyis khu tshur bcangs la mdzub mo gnyis bsgreng ste tshigs gsum pa dgug go// gsang sngags la/ na maHsa man+ta bud+d+hA nAM/ a bi sma ya ni ye swA hA/ phyag brnyan ma rnams kyi phyag rgya dang gsang sngags so/ / de bzhin du lag pa g.yas pa khu tshur bcangs te gung mo bslangs la tshigs gsum pa dgug go// ngo mtshar can gyi rdo rje'i phyag rgya ste/ gsang sngags la/ na maHsa man+ta bud+d+hA nAM/ bi ma ti ts+tshe da ka swA hA/ ngo mtshar can gyi rdo rje'i phyag rgya dang gsang sngags so// de bzhin du lag pa g.yas pa'i dpung pa bstod la lag pa mi 'jigs pa sbyin pa lta bur bya/ mi 'jigs pa sbyin pa'i phyag rgya ste/ gsang sngags la/ na maHsa man+ta bud+d+hA nA~M/ a b+ha yan+da ta swA hA/ mi 'jigs pa sbyin pa'i phyag rgya dang gsang sngags so/ / lag pa de nyid mas yar gyen du 'dren pa'i tshul du bya'o// ngan song spong ba'i phyag rgya ste/ gsang sngags la/ na maHsa man+ta bud+d+hA nAM/ a b+hu d+har satwa da tu na swA hA/ ngan song spong ba'i phyag rgya dang gsang sngags so// lag pa de nyid brang du gzhag go// yongs su skyong sems blo gros kyi phyag rgya ste/ gsang sngags la namaH

  351. 176b

    sa man+ta bud+d+hA nA/ he ma hA ma hA s+pha ra pra ti dz+nyA na swAH/ yongs su skyong sems blo chos kyi phyag rgya dang gsang sngags so// lag pa gnyis me tog 'dzin pa'i tshul du bya'o// gsang sngags la/ na maHsa man+ta bud+d+hA nA~M/ sa twe badz+rod b+hA ba swAhA/ byams pa 'byung ba'i phyag rgya dang gsang sngags so// lag pa de nyid snying khar bzhag la gung mo nang du dgug go// gsang sngags la/ na maHsa man+ta bud+d+hA nAM/ ka ru Nod b+ha ba swAhA/ snying rjes brnyan pa'i phyag rgya dang gsang sngags so// de bzhin du lag pa g.yas pa mchog sbyin pa'i tshul du bya'o// gsang sngags la/ na maHsa man+ta bud+d+hA nA/ he he ba ra da ba ra prAp+ta sA hA/ gdung ba thams cad zhi bar byed pa'i 'o// lag pa de nyid yid bzhin gyi nor bu 'dzin pa'i tshul du bya'o// gsang sngags la/ na maHsa man+ta bud+d+hA nAM/ sar+b+ba shA pa ri pU ra ka swA hA/ blo gros bsam gyis mi khyab pa dang ldan pa'i phyag rgya dang gsang sngags so// de bzhin du lag pa gnyis khu tshur bcangs la gung mo'i sor mo gnyis phyung ste brkyang ngo / / sa'i snying po'i me tog gi phyag rgya ste/ gsang sngags la/ na maHsa man+ta bud+d+hA nAM/ ha ha ha bi sma ye swA hA/ sa'i snying po'i phyag rgya dang gsang sngags so/ / lag pa g.yas pa khu tshur bcangs la sor mo gsum brkyang ngo // rin chen 'byung ldan gyi phyag rgya ste/ gsang sngags la/ na maHsa man+ta d+d+ha

  352. 177a

    nAM he he mad+h+ya mA hA swAhA/ rin chen 'byung ldan gyi phyag rgya dang gsang sngags so// lag pa de nyid las srin lag brkyang ste gyen du bsgreng ngo // gsang sngags la na maHsa man+ta bud+d+hA nAM/ rat+nod b+ha ba swA hA/ phyag na rin chen gyi phyag rgya dang gsang sngags so// de bzhin du lag pa gnyis bsnol te rgyab sbyar la g.yon pa'i mthe'u chung gis g.yas pa'i mthe' chung 'khyud de/ de bzhin du lag pa g.yas pas kyang g.yon pa 'khyud la lhag ma rnams rdo rje lta bur bya'o// sa 'dzin gyi phyag rgya ste/ gsang sngags la/ nam sa man+ta bud+d+hA nA~M/ d+hA ra NI prAp+ta swA hA/ sa 'dzin gyi phyag rgya dang gsang sngags so// phyag na rin chen gyi phyag rgya ni rdo rje rtse lnga pa ste snga ma bzhin no// gsang sngags la/ na maHsa man+ta bud+d+hA nAM/ rat+na ni ra dza te swA hA/ phyag na rin chen gyi phyag rgya dang gsang sngags so// phyag rgya de nyid las sor mo rnams dgod par bya'o// bsam pa brtan pa'i phyag rgya ste/ gsang sngags la/ na maHsa man+ta bud+d+hA nAM/ badz+ra saM b+ha ba swA hA/ bsam pa brtan pa'i phyag rgya dang gsang sngags so// lag pa gnyis de bzhin du bya ba ni nam mkha' snying po'i ral gri'i phyag rma ste/ gsang sngags la/ ni maHsa man+ta bud+d+hA nAM/ ga ga na nAn+ta tsa ra swA hA/ 'phags pa nam mkha'i snying po'i phyag rgya dang gsang sngags so// 'khor lo'i phyag rgya snga ma bzhin du

  353. 177b

    byas pa ni nam mkha'i blo gros kyi phyag rgya ste/ gsang sngags la/ na maHsa man+ta bud+d+hA nA~M/ tsakra brti swAhA/ nam mkha'i blo gros kyi phyag rgya dang gsang sngags so// dung gi phyag rgya snga ma bzhin du byas pa ni rnam par dag pa'i blo gros kyi phyag rgya ste/ gsang sngags la/ na maHsa man+ta bud+d+hA nA~M/ d+har+m+mas b+ha ba swA hA/ rnam par dag pa'i blo gros kyi phyag rgyu dang gsung sngags so/ / pad+ma'i phyag rgya snga ma bzhin du byas pa ni spyod pa'i blo gros kyi phyag rgya ste/ gsang sngags la/ na maHsa man+ta bud+d+hA nAM/ pad+ma mA lA ya swA hA/ spyod pa'i blo gros kyi phyag rgya / dang gsang sngags so// ut+pa la'i phyag rgya snga ma bzhin las kha ma bye bar byas pa ni nam mkha' dri ma med pa'i phyag rgya ste/ gsang sngags la/ na maHsa man+ta bud+d+hA nAM/ dz+nyA nod b+ha ba swA hA nam mkha' dri ma med pa'i phyag rgya dang gsang sngags so/ / rdo rje snga ma bzhin du byas pa ni brtan pa'i blo gros kyi phyag rgya ste/ gsang sngags la/ na maHsa man+ta bud+d+hA nAM/ badz+ra kAr swA hA/ brtan pa'i blo gros kyi phyag rgya dang gsang sngags so// de bzhin du lag pa gnyis gcig tu sbyar te srin lag gnyis nang du bcug la/ gung mo dang / mthe bong gnyis dang // mthe'u chung gnyis bsgreng ste/ mdzub mo gnyis gung mo'i ngos su bkug la bar nas gang tsam gyis ma reg par gzhag go// phyag na rdo rje'i phyag rgya ste rdo rje'o// gsang sngags la

  354. 178a

    na maHsa man+ta prad+d+hAnA/ tsaN+Da maH ro/ Sha Nan+da/ rdo rje 'dzin gyi'o// phyag rgya de nyid las mthe bong gnyis dang mthe'u chung gnyis nang du gzhug go// k I'i phyag rgya ste/ gsang sngags la/ na maHsa man+ta badz+rA NAM/ Ti Ta Ti Ta yaNI swAhA/ mA ma kI'i 'o// de bzhin du lag pa gnyis rgyab sprad la sor mo rnams phan tshun bsnol te bcus la bsdams te/ g.yon pa'i mthe bong g.yas pa'i mthe bong mnan la bsdam mo// rdo rje lu gu rgyud kyi phyag rgya ste/ gsang sngags la/ namaHsa man+ta badz+rA NAM/ hU~M ban+d+ha ban+d+ha/ mo Ta ya mo Ta ya/ badz+rod b+ha be sarba tA pra tiha te swA hA/ rdo rje lu gu rgyud kyi phyag rgya dang gsang sngags so// rdo rje'i phyag rgya de nyid las mthe bong gnyis cung zad bkug la mdzub mo gnyis kyang de la phyogs par bya'o/ / rdo rje khro zla gtso bo'i phyag rgya ste/ gsang sngags la/ na maHsa man+ta badz+rA NA~M/ hrI hU~M phaT swAH/ khro za gtso bo'i'o// de bzhin du lag pa gnyis khu tshur bcangs la mdzub mo gnyis kashibs te bsgreng ngo // rdo rje rtse mo'i phyag rgya ste/ gsang sngags la/ na maHsa man+ta badz+rA NAM/ sar+b+ba d+har+m+ma nir be da ni badz+ra su tsi ba ra de sAH/ rdo rje rtse mo'i'o// de bzhin du lag pa gnyis khu tshur bcangs la snying khar gzhag go// rdo rje khu tshur gyi phyag rgya ste/ gsang sngags la

  355. 178b

    sa man+ta badz+rAHs+pho Ta ya badz+rA saM b+ha be swAhA/ rdo rje khu tshur m+b+hi'o// lag pa g.yon pa khu tshur bcangs te gyen du bsgrengs la/ lag pa g.yas pa khu tshur bcangs pa'i mdzub mo gyen du bsgreng ste/ khros pa bzhin du bsdigs par bya ba ni gdul dka'i phyag rgya ste/ gsang sngags la/ na maHsa man+ta badz+rA NAM/ dur d+ha ri Sha ma hA ro Sha Na khA da ya sar+b+ban ku ru ta thA ga ta A dz+nyA na swAhA/ gdul dka'i'o// lag pa g.yas pa khu tshur bcangs la brdab pa'i thabs su bya'o// mngon phyogs kyi tho ba'i phyag rgya ste/ gsang sngags la/ na maHsa man+ta badz+rA NAM/ de a b+hI mu kha ma hA tsaN+Da gr-ih+Na gr-ih+Na khA da ya ka ni tsi ra ya si sa ma ya ma nu smA ra swA hA/ mngon phyogs kyi'o// snga ma bzhin du lhung bzed 'dzin pa'i tshul du byas pa ni shAkya thub pa'i lhung bzed kyi phyag rgya ste gsang sngags la/ na maHsa man+ta bud+d+hA nAM/ sar+b+ba kle sha ni su dan sar+b+ba d+har+m+ma ba shI ta prA b+ha ga ga na sa ma sA hA shAkya thub pa'i 'o/ / mdzod spu'i phyag rgya ni snga ma bzhin du'o// lag pa g.yas pa'i sor mo'i rtse mo kun sbyar te spyi bo'i steng du gzhag go// gtsug tor thams cad kyi phyag rgya ste/ gsang sngags la/ na maHsa man+ta bud+d+hA nAM/ baM baM hUM hUM phaT swA hA/ gtsug tor thams cad kyi phyag rgya dang gsang sngags so// lag pa g.yon pa'i khu tshur bcangs la gung mo dang mdzub mo gnyis brkyang

  356. 179a

    ste srin lag dang mthe'u chung gi rtse mor mthe bong bzhag la/ g.yas pa'i mdzub mo dang gung mo gnyis g.yon pa'i mthil du gzhug/ mthe bong gnyis yang ma bzhin du bya'o/ / mi g.yo mgon gyi phyag rgya ral gri shugs su bcug pa'o// 'jig rten gsum las rnam par rgyal ba'i ni rdo rje ste snga ma bzhin no// de bzhin du lag pa gnyis gcig tu sbyar la srin lag dang mthe'u chung gnyis nang du bcug ste/ gung mo gnyis gshibs te bsgrengs la/ mdzub mo gnyis bkug ste gung mo'i tshogs gsum par gzhag/ mthe bong gnyis mig lta bur bya/ sangs rgyas dang byang chub sems dpa'i yum gyi phyag rgya ste gtsug tor ro// lag pa g.yon brkyang la khas phra ba ste lag pa g.yas pa khu tshur bcangs la mdzub mos gdugs lta bur kwa zung ngo / / gdugs dkar po'i phyag rgya ste gdugs so// maM gtsug tor rnam par rgyal ba'i ral gri ste snga ma bzhin no// rnam par rgyal ba'i ni 'khor lo ste snga ma bzhin no// sAM rnam par 'thor ba'i ni lcags kyu ste/ lag pa g.yas pa khu tshur bcangs la mdzub mo bkug ste gzhag go/ d+hU gzi brjid phung po'i ni gtsug tor snga ma bzhin no// tra~M cher byung ba yi phyag rgya ni/ / rdo rje phyag rgya zhes su grags// u gyen du 'byung ba'i phyag rgya ni// pad+ma bzang po snga ma bzhin// tuM mtha' yas pa yi dbyangs sgra ni// dung yin par

  357. 179b

    ni ngas bshad do/ / ru lag pa g.yas pa khu tshur bcangs la smin mtshams su gzhag pa ni mdzod spu'i phyag rgya yid bzhin gyi nor bu'o// spyan gyi ni gtsug tor snga ma bzhin te bye brag tu rje rjes mtshan pa'o/ / ga lag pa g.yas pa pad+ma 'dzin pa'i thabs su snying khar bzhag la/ lag pa g.yon pa thal mo bsnun pa'i thabs su brkyang ba ni gzhan gyis mi thub pa'i phyag rgya'o// gsang sngags ni/ dzI d+hi r-i r-i dzi ri dzi ri/ lag pa gnyis khu tshur bcangs la mthe bong gnyis gyen du bsgreng ba las dgug go// gzhan gyis mi thub pa zhes bya ba'i kha'i phyag rgya'o// a A re dzi te dza yan ti Ti te swA hA/ lag pa g.yas pa 'gram par bstan pa ni dbang phyug gi phyag rgya'o// phyag rgya de nyid las mdzub mo dang gung mo gnyis bcus pa lta bur gzung ngo // kun tu me tog gi phyag rgya'o/ / phyag rgya de nyid las mthe bong nang du gzhug go// 'od kyi 'phreng ba can gyi phyag rgya'o// phyag rgya de nyid las mdzub mo dang mthe bong gnyis me tog 'dzin pa lta bur bya'o// yid mgyogs kyi phyag rgya'o// lag pa g.yas pa'i srin lag gi steng du mthe bong bzhag la/ mdzub mo dang / gung mo dang / mthe'u chung gsum brkyang ste rna ba'i steng du gzhag go/ lag pa g.yon pa'ang de bzhin du bya'o// sgra rnam par sgrog pa'i phyag rgya'o// lag pa gnyis gcig tu sbyar la mthe bong gnyis rtse sprad de zlum por bya/ sor mo lhag ma rnams kyi rtse mo

  358. 180a

    dgug/ sa'i phyag rgya'o// de bzhin du lag pa g.yas pa mi 'jigs pa sbyin pa'i tshul du byas la/ mthe bong nang du bzhag pa ni mi gnyer ba'i phyag rgya'o// lag pa de nyid mi 'jigs pa sbyin pa lta bur byas la mthe bong mthe'u chung gi tshigs gnyis par gzhag go// drang srong rnams kyi spyi'i phyag rgya ste/ go rims ni ji ltar rigs par bya'o// de bzhin du lag pa gnyis gcig tu sbyar la mdzub mo dang mthe'u chung gnyis nang du bcug ste/ lhag ma rnams gcig tu bsdus la bstod de bzung ba ni gshin rje'i be con gyi phyag rgya'o// lag pa g.yas pa khas phub ste dril bu 'dra bar byas pa ni 'chi bdag gi phyag rgya ste dril bu'o/ / de bzhin du lag pa g.yon pa khu tshur bcangs la mdzub mo dang gung mo gnyis bsgreng ba ni dus mtshan mo'i phyag rgya'o/ / phyag rgya de nyid las gung mo gyen du bsgreng ba ni drag mo'i phyag rgya ste tri shU la'o// phyag rgya de nyid las pad+ma 'dzin pa'i tshul du byas pa ni tshangs pa'i phyag rgya'o// phyag rgya de nyid las mdzub mo gung mo'i rgyab kyi tshigs gsum par sprad pa ni gzhon nu ma'i mdung thung gi phyag rgya'o/ / phyag rgya de nyid las mdzub mo mthe bo'i rtse mor gzhag go// khyab 'jug ma'i 'khor lo'i phyag rgya'o/ / phyag rgya de nyid las mthe bong gyen du bsgreng ngo // phag mo'i phyag rgya ste tho ba'o// phyag rgya de nyid las lag pa snod lta bur bya'o// tsa muN+Di'i phyag rgya ste thod pa'o// bden thal

  359. 180b

    gyi phyag rgya ral gri ni snga ma bzhin no/ / khyab 'jug gi phyag rgya 'khor lo'ang snga ma bzhin no// de bzhin du lag pa gnyis g.yon phyogs nas bstod de bskor ba ni dga' bo dang nyer dga' bo'i sprin gyi phyag rgya'o/ / phyag rgya de nyid las sor mo gsum gyen du bsgreng ba ni bde byed kyi mdung rtse gsum pa'i phyag rgya'o// phyag rgya de nyid las sor mo de dag drang por byas pa ni u ma'i pa ti'i s+ya'i phag rgya'o/ / zla ba'i phyag rgya ni pad+ma snga ma bzhin te khyad par du dkar por bya'o// lag pa de nyid gnyis ka gshibs te bkan la mdzub mo dang srin lag gnyis ngos su dgug go// nyi ma'i phyag rgya ste shing rta'o/ / lag pa de gnyis ka gcig tu thal mo sbyar la gung mo dang srin lag gnyis gzhu 'dra bar bya'o// rgyal ba dang rnam par rgyal ba'i phyag rgya'o// ba dan gyi phyag rgya ni snga ma bzhon te rlung gi'o/ / de bzhin du lag pa g.yon pa lte ba'i phyogs su bkan la sor mo gnyis bsgreng ste gzung ngo // lag pa g.yas pa de la phyogs par byas te/ pi wang len pa lta bur byas pa ni dbyangs can gyi phyag rgya ste pi wang ngo / / chu lha'i phyag rgya ni zhags pa ste snga ma bzhin no// dbyangs can gyi phyag rgya de nyid las mdzub mo dgug go// lha ma yin rnams kyi phyag rgya ste/ gsang sngags la/ na maHsa man+ta bud+d+hA nAM/ ga ra la yaM swaH/ phyag rgya de nyid las srin lag brkyang ngo // dri za'i phyag rgya ste/ gsang sngags la/ bi shud d+ha swa ra ba na

  360. 181a

    ni swA hA/ phyag rgya de nyid las mdzub mo dgug go// gnod sbyin thams cad kyi phyag rgya ste/ gsang sngags la/ yak+She shwa ra swA hA/ phyag rgya de nyid las mthe bong dang mthe'u chung gnyis rtse sbyar ro/ / gnod sbyin rnams kyi phyag rgya ste/ gsang sngags la/ yak+Sha bi d+h+ya d+hA ri swAhA/ phyag rgya de nyid las gung mo brkyang ngo // sha ba rnams kyi phyag rgya ste/ gsang sngags la pi shA tse ka ti swAhA/ gung mo de nyid bkug la gzung ngo // sha za mo rnams kyi phyag rgya ste/ gsang sngags la/ mi tsi mi tsi swAhA/ de bzhin du lag pa gnyis gcig tu sbyar la mthe bong gnyis gyen du bsgreng ste gzung ngo / / gza' thams cad kyi phyag rgya ste/ gsang sngags la/ na maHsa man+ta bud+d+hA nAM/ gre he shAr+ya shAm zung mo Sh+tsa Sh+TA / rnam mams sa snrus nir na da ninI swAhA/ phyag rgya de nyid las srin lag gnyis bkug ste lag pa'i mthil du gzhag go// gsang sngags la/ na maHsa man+ta bud+d+hA nA~M/ rak+Sha sA d+hi pa ta ye swAhA/ srin po rnams kyi phyag rgya dang gsang sngags so/ / lag pa g.yas pa khar bzhag ste lce la reg par bya'o// mkha' 'gro ma rnams kyi phyag rgya ste/ gsang sngags la/ na maHsa man+ta bud+d+hAn+da/

  361. 181b

    hrIHhagasang ba pa'i bdag po de lta bu la sogs pa ni de bzhin gshegs pa rnams kyi de bzhin gshegs pa'i mos pa las byung ba/ byang chub sems dpa'i mtshan mar gyur pa'i phyag rgya rab 'byams rnams te/ gsang ba pa'i bdag po 'on kyang ji tsam du yan lag bskyod pa de dag kun phyag rgya rgyas par rig par bya'o// ji tsam du lce bskyod pa de tsam du de dag kun kyang gsang sngags bstan par rig par bya'o/ / gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis byang chub kyi sems dang ldan pa'i yid kyis de bzhin gshegs pa'i sa la gnas te dkyil 'khor bri bar bya'o/ / gzhan du byas na sangs rgyas dang / byang chub sems dpa' rnams dang / byang chub kyang bslus par 'gyur te/ nam dam tshig las 'das pas nges par ngan song du 'gro bar 'gyur ro// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las phyag rgya rim par phye ba rgyas pa'o/ / / de nas bcom ldan 'das kyis/ gsang ba pa'i bdag po phyag na rdo rje la bka' stsal pa/ gsang ba pa'o bdag po thams cad du 'jug pa'i chos kyi sgo'i chos kyi rnam grangs nyon cig/ gsang ba pa'i bdag po de la byang chub sems dpas a zhes bya ba la gnas te dgos pa thams cad bsgrub par bya'o// nam

  362. 182a

    sa man+ta bud+d+hAnA/ aHnamaHsa man+ta bud+d+hAn+da/ sa/ namaHsa man+ta badz+rAr+tha/ ba ka kha kaH/ tsatshang d+ha/ rbarbaNan+ta/ ta tha na/ pa pa brnam/ yar la shaSha sa ha/ nga nya Na na/ na maHsa man+ta bud+d+hA nAM/ AHna maHsa man+ta bud+d+hA nAM/ sA na maHsa man+ta badz+rA dz+dza/ bA/ kA khA kA g+hA/ tsArbA dzA r+N+Na/ nA nA rbAn+ta/ tA thA dA d+hA/ pA pA bA b+hU mA/ yAR+sha lAlpA/ shAR+Sha sAH/ dAu0f89u0fa4r+Nan+ta/ na maHsa man+ta bun+d+han+ta/ aM na maHsa man+ta bud+d+hA n+ta/ saMn maHsa man+ta badzAr+tha/ bkaM wa gaMH/ tse tshadzeH/ trir+ther+NaH/ taMd+da dzad+ha/ ba rbi rb ar+d+ha maM/ yaM raM la wa/ nidzas naM/ dzan Na na/ na ma sa man+ta bud+d+hAn+ta/ an maHsa man+ta prad+d+hA nAM/ san maHsa man+ta badzANA/ bA/ ka Sha kar+dz+dza/ tsa tshang d+ha/ rbaSh+Ta DaH/ dad+ha/ pa pa ba b+h+ram/ ya ra la wa/ shaSha sa na/ nga3Na/ oM swA~M/ u A/ e a~M/ oM mau/ gsang ba pa'i bdag po de ltar na 'din yi ge'i tshul la mkhas pa'i chos kyi rnam grangs te/ gsang sngags kyi tshul la rnam par dag pa gnas pa'i cho ga/ lU yongs su bzung ba'i cho ga/ de bzhin gshegs pa thams cad kyi byin gyi rlabs kyis byin du brlabs pa/ yang dag par rdzogs pa'i sangs rgyas kyi tshul la mkhas pa/ byang chub sems dpa'i spyad pa spyod pa'i rol mo ste/ 'das pa dang / da ltar dang / ma 'ongs pa'i sangs rgyas bcom ldan 'das rnams kyis

  363. 182b

    kyang bshad/ 'chang/ 'chad par 'gyur ro// gsang ba pa'i bdag po ngas ni sangs rgyas kyi zhing rab 'byams gang dag na de bzhin gshegs pa rnams thams cad du 'jug pa'i sgo/ chos kyi rnam grangs 'di mi 'chad pa ma mthong ngo / / gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pas gsang sngags kyi cho ga shes par 'dod na/ thams cad du 'jug pa'i sgo chos kyi rnam grangs la mngon par brtson par bya'o// ka dang / tsa dang / Ta dang / ta dang / pa rnams thog ma dang / tha ma dang / dbus dang ldan na ting nge 'dzin gyi tshogs la 'jug pas byang chub dang / spyod pa dang / yang dag par rdzogs pa'i sangs rgyas dang / mya ngan las 'das pa dang bcas pa thob par byed do// de bas na gsang sngags kyi cho ga la dang po la sogs pa'i tha snyad dang ldan par 'gyur ba de dag nyid thog ma dang / tha ma dang / dbus dang lhan cig tu gyur par shes par bya ste/ gsang sngags kyi tshig re re la ji ltar 'dod par nges par sbyar bar bya'o/ / blo yis rnam par rtogs na ni// de dag bla med gnas mchog ster// de ltar 'di ni 'khor lo gcig ste// 'khor lo bzhin du yongs su 'khor ba ni yi ge'i 'khor lo'o/ / sngags pas yi ge'i 'khor lo de shes na rtag tu ji ltar bcom ldan 'das rnam par snang mdzad 'khor lo bskor ba bzhin du rnam par mdzes par 'gyur ro//

  364. 183a

    rnam pa thams cad du 'jug pa'i sgo chos kyi yi ge'i tshul rim par phye ba'o// // de nas yang bcom ldan 'das kyis de bzhin gshegs pa'i spyan gyis sems can gyi khams thams cad la gzigs nas/ chos kyi dbyings mi zad pa'i bkod pa bstan pa dang / gsang sngags kyi spyod pa mngon par sgrub pa 'di nyid kyis sems can gyi khams ma lus pa gdon par thugs dam bcas pa yongs su rdzogs par bya ba'i phyir/ chos kyi dbyings kyi mdzod kyi mthu rlabs de bzhin gshegs pa'i mnyam pa nyid bkod pa'i snying po can zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu/ de nas de nyid kyi tshe sems can gyi khams ma lus pa nges par 'byung bar byed pa'i sgo ba spu'i bu ga thams cad nas bsam pa ji lta ba bzhin du las dang / tshe dang / rnam par smin pa'i 'bras bu za ba dang / zar 'jug pa'i gzugs dang / kha dog dang / dbyibs dang / nga ro dang / 'gro ba dang / spyod pa dang / nges pa'i tshig brjod pa/ sems can thams cad so sor yang dag par mgu bar byed pa/ chos kyi dbyings kyis rnam par bskyed pa'i sku rnams byung bar gyur to/ / byung nas kyang nam mkha' dang mnyam pa'i 'jig rten gyi khams rab 'byams rnams su sgra dbyangs gcig gis chos kyi dbyings rgya

  365. 183b

    par rnam par rig par byed pa/ de bzhin gshegs pa 'byung bar 'gyur ba'i tshigs su bcad pa 'di klog par gyur to// chos kyi mtshan nyid gang las ni// chos rnams ngag ni thams cad dang / / sangs rgyas rnams dang nyan thos dang // rang rgyal skyob pa rnams dang ni// byang chub sems dpa' dpa' bo dang // de bzhin rgyal ba mchog rnams dang / / sems can snod kyi 'jig rten dag/ btags pa rim pa bzhin 'byung zhing // chos rnams skye dang gnas pa dag/ gang las rtag tu 'byung 'gyur ba// shes rab thabs dang ldan gyur cing / / yid gnyis som nyi dang bral ba// rdzogs pa'i sangs rgyas kyis bshad pa'i// lam 'di khyod kyis sgo bar gyis// de nas de bzhin gshegs pa'i sku chos kyi dbyings las byung ba de dag gis chos kyi dbyings thams cad rang gi sku rnam par rig par byed pa sprul pa'i sprin gyis yongs su bkang nas/ bcom ldan 'das rnam par snang mdzad kyi thugs kyi dbang tsam gyis ba spu'i bu ga thams cad nas sangs rgyas 'byung ba gcig nas gcig tu brgyud nas byin gyis brlabs te/ rang rang gi chos kyi dbyings kyi gnas su zhugs par gyur to// de nas yang bcom ldan 'das kyis/ byang chub sems dpa' phyag na rdo rje la bka' stsal pa/ gsang ba pa'i bdag po gsang ba'i dkyil 'khor rnam par dgod pa lha rnams kyi gnas yang

  366. 184a

    dag par gnas par bsam pa sa bon dang bcas pas mtshan pa yod kyis/ de nyon la legs par rab tu yid la zung zhig dang ngas khyod la bshad do// de skad ces bka' sprul pa dang / gsang ba pa'i bdag po phyag na rdo rje bcom ldan 'das la nyan to// bcom ldan 'das kyis de la 'di skad ces bka' stsal to// dang por sngags pas dkyil 'khor de/ / rang gi lus la dgod bya ste// rkang pa nas ni chu so la// thug gi bar du sa yi bsam// de nas gong du snying kha'i bar// sdom brtson can gyi chu yi bsam// chu/ yi yan chad me yi ste// me yi yan chad rlung yin no// bsams nas de nas mkhas pa yis// sa la gzugs brnyan gzhag par bya// de nas phyag na rdo rjes bcom ldan 'das rnam par snang mdzad kyi sku dang / gsung dang / thugs kyi sa la zhugs nas chos mnyam pa nyid la bltas te/ ma 'ongs pa'i skye bo rnams la brtags nas rig sngags kyi rgyal po the tshom thams cad gcod par byed pa 'di smras so/ / na maHsa man+ta bud+d+hA nAM/ a sa ma ba ta/ d+harma d+hA tu kAr+ya gA ti ga tA nAM/ sar+b+ba thA/ aM khaM aM a/ saM sa/ hoha/ raM ra/ baM ba/ swA hA/ hUM ma hA swA hA/ raM ra swA hA/ gsang ba pa'i bdag po phyag na rdo rjes gsang sngags kyi rgyal po chen po 'di smras ma thag tu/ de nas phyogs bcu'i 'jig rten gyi khams na bzhugs pa'i de bzhin

  367. 184b

    gshegs pa thams cad kyis phyag g.yas pa brkyang ste/ phyag na rdo rje'i spyi bor bzhag nas legs so zhes bya ba byin te 'di skad ces gsungs so// rigs kyi bu gang khyod kyis bcom ldan 'das rnam par snang mdzad kyi sku dang / gsung dang / thugs kyi sa la zhugs nas thams cad du gsang sngags kyi tshul la mnyam pa nyid du gnas pa'i byang chub sems dpa' rnams la snang bar bya bar 'dod pa'i phyir/ gsang sngags kyi rgyal po 'di smras pa legs so legs so// de ci'i phyir zhe na/ bcom ldan 'das rnam par snang mdzad de bzhin gshegs pa dgra bcom pa yang dag par rdzogs pa'i sangs rgyas byang chub kyi snying po la bzhugs te/ tshig bcu gnyis po 'di dag gis chos kyi dbyings rnam par spyad cing bdud bzhi pham par byas nas chos kyi dbyings las byung ba 'di dag gnas gsum nas byung ste bdud sdig can rnams btul bar gyur to/ / de nas bcom ldan 'das kyi sku dang / gsung dang / thugs mnyam pa nyid brnyes nas nam mkha' tshad med pa'i phyir sku tshad med pa brnyes par gyur/ de bzhin du gsung dang thugs tshad med pa'ang brnyes par gyur to// de ltar ye shes tshad med pa dang ldan zhing / chos thams cad la dbang thob pas 'di ltar gsang sngags kyi rgyal po tshig bcu gnyis po 'di dag nyid las brtsams te chos 'chad do/ / rigs kyi bu khyod kyang bcom ldan 'das rnam par snang mdzad

  368. 185a

    kyi sku dang / gsung dang / thugs mnyam pa nyid la zhugs pas na rdzogs pa'i sangs rgyas bzhin du snang ngo // thams cad mkhyen pa rdzogs sangs rgyas// bcom ldan rnam par snang mdzad la// sngags spyad tshig mchog zhus shig dang // cho ga rgyas par bka' stsal to// nged kyang sngon ni 'di rnams kyis// bla med byang chub rtogs nas su/ / mya ngan 'das lam 'gro ba yi// mnyam pa med pa'i chos bshad pa// 'jig rten khams na bzhugs pa yi// rdzogs sangs rgyas rnams dbang du gyur// de nas dpal ldan rdo rje 'dzin/ / bsam pa mchog rab mgu gyur pa// rdzogs sangs rgyas kyis byin brlabs pas// 'di skad ces ni tshig tu smras// chos 'di rnams ni mtshan nyid med// ngo bo nyid med gnas med pa// las dang tshe las rnam par grol// rdzogs pa'i sangs rgyas 'dra bar 'dod// thugs rjes mnga' ni mdzad pa yi// mgon po rnams kyi thugs kyis ni// rnam par sprul nas chos kyi ni// mtshan nyid 'di dag rtogs par 'gyur// de nas gsang ba pa'i bdag po phyag na rdo rjes ched du brjod pa'i tshigs su bcad pa de smras nas/ ma 'ongs pa'i dus kyi 'gro ba rnams la bltas te/ snying rje chen po'i snying po 'byung ba'i dkyil 'khor chen po 'di the tsom gcad pa'i phyir/ bcom ldan 'das rnam par snang mdzad la zhus pa/ sems

  369. 185b

    can kun gyi don gyi phyir/ / kun mkhyen ba sun dang bral ba po// the tsom thams cad gcod mdzad pa// 'dren pa khyod la zhu ba ni// dkyil 'khor gyi ni sngon rol du// ci zhig bgyi ba 'dren pas gsung / / thub pa chen po slob dpon dang // slob ma'ang rnam pa du ru bshad// sa gzhi ci 'drar 'tshal bar bgyi// de yang ji ltar sbyang bar bgyi// ji ltar sa ni dag par 'gyur// ji ltar de ni brtan pa lags// slob ma'i dgos pa gang gis bgyi// sbyang ba'ang 'dren pas bka' stsol cig/ dag pa'i mtshan ma ci 'dra dang // gang gis de dag gsung bar bgyi// sa ni gang gis byin gyis brlab// der ni dang por gang gis brtag/ sa yi cha las thig gdab pa'i// srad du rnam dur 'tshal bar bgyi// mchod pa rnam pa dur 'tshal bgyi// me tog bdug spos ci 'dra dang / / me tog dang ni bdug spos dag/ ji ltar dbul ba 'dren pas gsungs// lha bshos sbyin sreg las rnams kyang // gang dag la ni ji ltar bgyi// lha rnams kyi ni gdun dag kyang / / gang la gang gis bgyi ba gsung // kha dog dbyibs dang gzugs rnams kyang // go rims bzhin du mgon pos gsungs// lha rnams dang ni phyag rgya dang / gdan gyi tshad kyang bshad du gsol// phyag rgya rnams ni gang nas byung // ci phyir phyag rgya zhes kyang bgyi// dbang bskur rnam pa dur 'tshal bgyi// dam tshig rnam pa du zhig mchis/

  370. 186a

    sngags spyad pa la brtson pa yi// sngags pa byang chub sems dpa' dang // thams cad mkhyen par ji ltar 'gyur// ji ltar bden pa mthong bar 'gyur/ dngos grub rnam pa ngur 'tshal bgyi// grub pa'i dus kyang bka' stsol cig/ grub nas nam mkhar 'gro ba dang // ji ltar mi snang 'gyur ba dang // gtso bo lus 'dim bor bar ji ltar lha yi lus 'thob 'gyur/ / sprul pa rnams ni sna tshogs pa// de la gang nas 'byung bar 'gyur// nyi zla ma dang phyogs rnams dang // rgyu skar gza' dang skar ma dang // yud tsam dang ni thang cig dang / / rga dang 'chi dang rgud pa dang // ltas ngan dag ni thams cad kyang // de la ji ltar 'byung mi 'gyur// rkang gnyis gtso bo sangs rgyas dang // sngags pa ji ltar 'bral mi 'gyur/ / sbyin sreg las dang me dag dang // tshim par bgyi ba dur 'tshal bgyi// lha rnams kyang ni so so yi// ngo bo nyid ni 'dren pas gsungs// 'jig rten pa yi sngags rnams dang / / de bzhin 'jig rten 'das pa yi// tshad dang 'bras bu grangs rnams dang // ting nge 'dzin gyi khyad par dang // las kyi rnam par gang du smin// ji ltar rnam par smin mi 'gyur/ / sngags pa rnams ni nam zhig na// las dang tshe las rnam zel 'gyur// de nas kun mkhyen rdzogs sangs rgyas// bcom ldan bsrun dang bral ba yis/

  371. 186b

    rdo rje 'dzin la 'di skad gsungs// snying rje chen po'i rtsa las byung // gsang ba'i dkyil 'khor rnam dgod pa// lha rnams kyi ni gnas nges pa// theg pa chen po'i go 'phang mchog/ rdzogs sangs rgyas kyi rab gsang ba// dpa' bo cher 'byung khyod kyis gang // yongs su dris pa de legs so// lag na rdo rje stobs chen la// mdor ni bsdus nas bshad par bya// dkyil 'khor gyi ni sngon rol du// bya ba rnams ni nges pas nyon// so so'i las rnams 'dod pa yis// tshul shes pas ni ci rigs par// rang gi ting 'dzin la gnas te// rig sngags rgyal po stobs po che/ / yan lag bcu gnyis tshig 'byung ba// go rims bzhin du bzlas brjod bya// gsang sngags phyag rgya rtogs shes pa'i// slob dpon rnam pa gnyis zhes bya/ / zab dang mi zab bye brag las// de yi mtshan nyid shes par bya// zab mo rgya cher shes par bya// lus can rnams ni yid mi rton// sangs rgyas rnams kyi sras mchog ste// mthong ba'i chos ni rnam par spangs// gnyis pa mthong ba'i chos rnams kyis// myos par gyur pa dmigs pa can// sangs rgyas rkang gnyis mchog rnams kyis// 'jig rten pa yis dkyil 'khor kun/ / de yis bri bar bya ba'i phyir// rjes su gnang zhing dbang yang bskur// dus dang dus min bye brag las// slob ma rnam bzhir shes bya ste// gcig ni nga

  372. 187a

    yi mod la sgrub/ / gnyis su sgrub dang gnyis kar min// mtshan nyid thams cad rdzogs pa yis// slob ma de ni rgyal ba'i mchog/ sa ni dang por shes par bya/ / sems kyis sar ni bshad pa yin// sbyang ba sngar ni bstan pa ste// de yis de ni yongs su sbyang // nam zhig nyes dang bral ba na// sems kyis ni mi 'jigs pa// de tshe de ni dag pa ste// nyes pa thams cad rnam par spangs// mngon par byang chub mthong bas na// de ltar de ni brtan zhes bya// de las gzhan dus sbyong ba// de ni dag par mi 'gyur ro/ / sngags pa rtog la gnas nas su// gang zhig sa sbyong byed pa ni// byang chub sems ni rnam spangs pas// gsang ba'i bdag po de mi 'dag/ de bas rtog pa rnam spangs nas/ / sa kun rnam par sbyang bar bya// nga yis dkyil 'khor rnams kyi ni// cho ga rgyas par gang bstan pa// de dag thog mar bstan pa ni// rmongs pa rnams kyis mi shes te/ / rtog pa sdug bsngal rgyur 'gyur ba// ji srid ma spangs bar du ni// 'jig rten 'di nas sangs rgyas min// kun mkhyen ces kyang mi bya'o// slob ma rnams la nan tan du/ / byang chub sems kyis sbyang bar bya// bsrung ba mi g.yo mgon po'am// khams gsum rnam par rgyal bas bya// slob ma nam zhig dmigs pa yis// nam yang

  373. 187b

    g.yos par mi 'gyur ba/ / de tshe dri med nam mkha' bzhin// yang dag par ni dag par 'gyur// sa byin rlab pa dang po ni// rdzogs sangs rgyas kyis bya bar bshad// gnyis pa sems kyi dbang gis te/ / 'dir ni gzhan du mi bya'o// srad bu rnam pa bzhir bshad de// dkar po ser po dmar po dang // nag po zhes ni bya bar brjod// lnga pa nam mkha' lta bur bshad/ / bar snang la ni bzung nas su// der ni dkyil 'khor brtag par bya// srad bu dag ni gnyis pa yis// sa la dkyil 'khor dgod par bya// sangs rgyas rnams ni thams cad dang / / de'i sras blo can rnams kyi gdan// pad+ma yid las byung ba'i mchog/ bkra shis 'jig rten rnams kyis bsngags// rang rgyal dang ni dgra bcom pa/ phyogs gcig shes par gang grags pa// de dag stan du shes bya ba// pad+ma las byung 'dab ma'o// 'jig rten gyi ni lha rnams gang // tshangs la sogs pa 'jig rten grags/ / de dag stan ni pad+ma dmar// rgyal po rnams kyir bsngags pa'o// phal pa rnams ni ci rigs par// sa yi bye brag dag las bsam// mchod pa rnam bzhir shes bya ste/ / phyag 'tshal thal mo sbyar ba dang // de bzhin byams dang snying rje dang // me tog 'dug spos 'jig rten pa'i// sor mo las byung me tog rnams// skyob pa

  374. 188a

    kun la dbul bar bya/ / yan lag kun 'byung phyag rgya ni// bcings nas byang chub sems bsgoms te// sor mo mgon po thams cad dang // de'i sras rnams la nan tan bya'o/ / 'di ni skyon med me tog ste// rab tu bsung zhim rnam pa mdzes// chos kyi dbyings kyi ljon shing rnams// rgyal ba mchod pa'i phyir byung ba// ting 'dzin dbang gis bsgyur ba yi// sngags kyis de dag byin brlabs na// chos kyi dbyings las byung ba yi// sprin mang rgya cher dam pa rnams// sangs rgyas rnams kyi spyan sngar ni/ / de tshe rtag tu char bzhin 'bab// lha rnams phal pa gzhan la ni// me tog 'di rnams bsgrags pa ste// rang gi sngags rgyud rgyas shes pas// ji ltar rigs par dbul bar bya/ / de bzhin me tog bdug spos rnams// ji ltar rigs par rnam par bsam// mthe bong srin lag sbyar ba ni// bkra shis pa zhes bshad pa ste// de yis me tog de blangs nas// rang gi spring kha'i phyogs nas dbul// 'jig rten pa yi lha rnams la// lte ba'i thang ka nas zhes bya// bdug spos rdo rje'i khu tshur ram// yang na pad+ma'i 'phreng ba yis/ / bar snang la ni bzung nas su// 'jig rten mgon skyobs rnams la dbul// de las gzhan pa'i 'jig rten pa'i// lha rnams la ni go rims bzhin//

  375. 188b

    phyi dang nang gi bye brag gis// sbyin sreg rnam pa gnyis zhes bya// las dang tshe las rnam par grol// slar yang sa bon 'byung ba ste// las 'dod pa yis sbyin sreg bya/ nang gi sbyin sreg ces su bshad// phyi rol gyi ni gsum ldan zhing // gnas gsum dang ni gsum la gnas// las gsum gyi ni las grub pa// 'jig rten pa yi sbyin sreg mchog/ sbyin sreg las ni mi shes pas// gang dag gzhan du byed pa ni// sngags kyi shes pa spangs pa ste// glen des 'bras bu mi thob bo// de bzhin gshegs pas gsang sngags dang / / de bzhin rdzogs sangs rgyas kyis gsungs// dkar dang ser du shes par bya// phyag na rdo rje'i thams cad pa// 'jig rten dbang phyug gsang sngags ni// las kyi bye brag dag las dkar/ / kun tu glu bzhi lham pa dang // go rims bzhin du zlum po dang // zla gsum dang ni zla gam 'dra// dbyibs ni legs par bshad pa yin// gzugs ni gnyis su shes bya ba/ / bud med dang ni skyes pa nyid// yang na kun tu thams cad kyi// kha dog dbyibs dang gzugs rnams te// bsam yas ye shes las byung bas// de bas de rnams bsam yas te/ / ye shes mkhyen gyi ye shes ni// sems can don phyir tha dad gyur// yid kyi rgya ni ji tsam pa// stan dang phyag rgya dag dang ni// lha yi tshad kyang go rims

  376. 189a

    bzhin/ / de tsam du ni shes par bya// sangs rgyas gang nas byung ba nas// phyag rgya rnams kyang de nas byung // chos las byung ba'i slob ma rnams// chos kyi phyag rgyas gdab par bya/ / de bas mdor na chos kyi dbyings// mtshan ma phyag rgya yin par bshad// dbang bskur gsum du shes bya ste// nges pas nan tan mnyan par gyis// phyag rgyas gang zhig dbang bskur ba// las dang bya ba spangs pa ste// skyob pa rnams kyi dbang bskur ba// de ni mchog ste dang po yin// gnyis pa las dang bya ba yis// kun nas bslang bar yang dag bshad/ / gsum pa yid kyis shes bya ste// yul dang dus ni spangs pa'o// bla ma legs par mgu byas nas// phan par byed pas gang smras pa'i// dbang bskur 'di ni mchog yin par/ / rdzogs pa'i sangs rgyas rnams kyis bsgrags// sangs rgyas rnams kyis mdor na ni// dam tshig can rnams sngar bshad de// dkyil 'khor 'di ni mthong ba las/ / dam tshig shes pa gcig ces bya// de la phyag rgya mi bstan cing // sngags kyang sbyin par mi bya'o// byang chub sems kyi bye brag las// sngags dang phyag rgya yongs su gzung / / dkyil 'khor mthong zhes bya ba 'di// dam tshig can gnyis shes par bya// dkyil 'khor dang ni phyag rgya mthong // las dang bya ba la yang sbyar// bla mas lung ni ma byin pa//

  377. 189b

    de yang dam tshig shes par bshad// phyag rgya dkyil 'khor bri ba rnams// de tshe cho ga bzhin du bstan// gsang ba'i ye shes 'byung ba yi// dbang bskur med pa'i sngags pa'ang yin// gsang ba'i dkyil 'khor dbus su ni// sngags pa cho gas dbang bskur ba// dam tshig shes pa sngar shes bya// dam tshig can zhes gzhan mi bya// brtul zhugs bzang po byang chub phyir// gang zhig sems ni sgom pa na// sngags pa gnas gsum mi dmigs pa// de ni byang chub sems dpa' yin// thabs kyi snying stobs bskyed nas su// sems can don la sbyor ba na/ dmigs su med pa'i spyod 'thob pa// rgyal ba'i mchog tu shes par bya// thog ma nas ni zhi ba'i chos// ngo bo nyid ni med pa la// gang gi sems ni ri rab bzhin// gnas pa de ni bden pa mthong / / 'di bden 'di ni yang dag pa// de bzhin du ni mi slub// ji ltar sangs rgyas bden gzigs pa// de bzhin sngon na nges mthong ba'i// byang chub sems thob gang yin de/ / dngos grub de las gzhan cing dgos// de las gzhan du'ang dngos grub ni// rnam pa dag ni lngar 'dod de// spyod pa'i rjes su 'jug pa dang // de bzhin sa ni gnon pa dang / / 'jig rten mngon shes lngar 'dod dang // sangs rgyas nyid dang gang gzhan no// rgyud las rgyud du gyur pa yi// las ni ji srid ma nyams shing // rnam smin rnam par ma smin te//

  378. 190a

    dngos grub dag gi dus su 'dod// mdor na gang tshe dus gcig tu// las dang skye ba 'phangs gyur pa// de tshe'ang sngags pas dngos grub ni// yid las yang dag byung ba 'thog/ bam po drug pa/ grub nas mtha' la 'grob no// ji ltar m+b+ha ma 'jigs med bzhin// sngags kyi rna bras rmongs byed pa/ / ji ltar mig 'phrul chen po bzhin// gang la lus dang ngag med pa// dri ba'i grong khyer ji bzhin te// de bzhin mo snang 'gyur zhes bya// de ni den gnas pa yin/ ji ltar nyal ba'i tshel ma na// sum cu rtsa gsum gnas su phyin// lus kyang spangs pa ma yin la// de nyid kyis kyang de ma spong // de bzhin rnal 'byor shing kyis kyang // sngags pa sngags la gnas pa dag/ bsod rnams byas pa'i las rnams kyis// 'ja' dang 'dra ba'i lus kyang thog/ lus dang ngag yid las byung ba'i// gsang sngags yid bzhin nor bu'adra/ di las rnam par bsams pa'i don// ma btags par yang 'byung bar 'gyur// ji ltar nam mkha' phyogs rnams sra// 'dus byas spyod yul thams cad gyis// mi go n+ya zhe sngags pa yang / / rtogs pa'i spyod yul kun gyis so// 'di kun 'du shes tsam du ni// nam zhig de ltar bsgoms gyur cing / rnam par bsgoms na sngags pa de// rdzogs

  379. 190b

    sangs rgyas dang lhan cig dga'/ / sangs rgyas rkang gnyis gtso bo yis// sbyin sreg gnyis su bshad pa ni// phyi rol gyi dang nang gi ste// de yang tshim par bya dang bcas// lha rnams kyang ni so so yi/ / rang bzhin yongs su mkhyen nas su// 'jig rten pa yi sngags rnams kyi// tshad dag legs par gsungs pa ni// dbang phyug la sogs mthu chen rnams// bkur ba'i lha rnams gang yin pa/ / de dag gis ni gang byas pa'i// sngags dang phyag rgya stobs chen rnams// 'bras bu phal cher 'phral du ster// tshad ni bshad pa de yin no// 'on kyang skye dang 'jig pa yi/ / chos can de dag brtan pa med// 'jig rten 'das pa'i sngags rnams ni// thog ma'i byed pa med pa'o// las dang skye ba kun bcad pa// nyes pa gsum bral rgyal ba dang / / rang rgyal bse ru lta bu dang // de bzhin rgyal ba'i nyan thos dang // byang chub sems dpa' rnams kyis kyang // gsang sngags tshad ni sngon bshad pa// dus gsum las ni shin tu 'das/ / rten cing 'brel pa las byung ba// mthong dang ma mthong 'bras bu tshad// ngag yid lus las 'byung ba'o// 'jig rten pa yi 'bras bu'i tshad// bskal pa gcig tu bshad pa yin/ / yang dag rdzogs pa'i sangs rgyas kyi// gsang sngags 'bras bu bskal pa 'das// sangs rgyas drang srong chen po dang // rgyal sras rnams kyi ting 'dzin ni//

  380. 191a

    mtshan ma med cing dag pa'o// 'jig rten pa yi mtshan mar bcas// rnam par smin pa 'di nyi la// las kyi 'bras bu smin 'byung ba// nam zhig dngos grub thob pa na/ / de tshe las kyang ldog par 'gyur// sems ni ngo bo nyid med phyir// rgyu dang 'bras bu rnams spangs shing // las dang tshe las rnam grol na// nam mkha' lta bur 'gyur ba yin/ / gsang ba pa'i bdag po gzhan yang phyag rgya'i gzugs su dgod pa rim par phye ba/ lha rnams gnas par byin gyis rlob pa/ ting nge 'dzin lnga rtogs pa/ byang chub sems dpa' gsang sngags kyi sgo nas byang chub sems dpa'i spyad pa spyod pa/ chos kyi dbyings rtogs pa'i spyod yul du gyur pa/ sems can gyi khams ma lus par bsgral bar yi dam bcas pa rnams kyi don dang / phan pa dang / bde ba'i phyir sngon gyi sangs rgyas rnams kyis mngon par rdzogs par sangs rgyas pa de nyon la legs par rab tu yod la zung zhig dang ngas khyod la bshad do/ / bcom ldan 'das de ltar 'tshal lo zhes gsol nas/ phyag na rdo rjes bcom ldan 'das la nyan pa dang / bcom ldan 'das kyis de la 'di skad ces bka' stsal to/ / gsang ba pa'i bdag po dang por yang dag par rdzogs pa'i sangs rgyas kyi dkyil 'khor dgod pa rim par phye ba gang las 'jig rten pa dang / 'jig rten las 'das pa'i dkyil 'khor

  381. 191b

    myangs med pa byung ba/ gsang babs kyang ches gsang ba/ snying rje chen po'i snying po 'byung ba zhes bya ba yod kyis/ de bri ba'i cho ga yon cig/ kun tu grub ni snyam pa la/ sgo gcig pa ni stegs bur bcas// bzang po rdo rje rnams kyis mtshan// dbus su rdo rje rtse brgya pa// de steng pad+ma bri ba ni// sa bon dang bcas rgyas par byas// de yi stang du'ang pad+ma che/ / phyag rgya klad kor gyis mdzes byas// 'dab ma brgyad rnams legs par rdzogs// ze bar bcas pa shin tu bzang // 'dab ma rnams ni thams cad la// yan lag bcu gnyis tshig bkod pa/ / de rnams dbus na mgon bzhugs pa// rdzogs pa'i sangs rgyas rkang gnyis gtso// dkyil 'khor brgyad kyi 'khor rnams kyis// kho ra khor yug yongs su bskor/ / snying rje las byung dkyil 'khor 'di// mchog tu shes par bya ba ste// lung bzhin dkyil 'khor rnams dang ni// las dang lus dang dngos grub dang // dgod pa rnams kyang nges pa yis/ / 'di las 'byung bar shes par bya// gsang ba pa'i bdag po gzhan yang de bzhin gshegs pa rnams kyi dkyil 'khor ni/ zla ba'i dkyil 'khor 'dra zhing mdog/ dung lta bu yi dbus na ni// sangs rgyas kun gyi gru gsum pa// pad+ma dkar po'i steng na gnas// klad kor bcas pa'i mtshan gyis btab// rdo rje'i mtshan mas mtshan pa ste/

  382. 192a

    dpyad mi dgos par kun nas ni// 'od zer dag ni gnyis byas pa// gsang sngags mgon las byung nas su// de ni phyogs bcu rnams su song // gsang ba pa'i bdag po gzhan yang / / spyan ras gzigs dbang dkyil 'khor ni// des pas nan tan mnyan par gyis// kun tu gru bzhi lham pa la// dbus su'ang dung 'dra gzhag par bya// de yi steng du'ang pad+ma ni/ / sa bon bcas byas rgyas par dri// de yi steng du'ang rdo rje che// rdo rje las kyang pad+ma che// thams cad sa bon rnams kyis mtshan// rang gi sa bon legs par sbyar/ / sgrol ma dang ni khro gnyer can// de bzhin gos dkar can dang ni// rig sngags longs spyod can ma dang // mthu chen thob pa'ang nan tan bya// dpal rnams kun dang phyag brnyan ma/ / dkyil 'khor 'di yi dbus su ni// phyag rgya'i mtshan ma dbang thob rnams// khyad par du ni bri bar bya// rta mgrin can gyi bya ba ni// gru gsum tshul du 'dug pa ste/ dkyil 'khor mtshan ma bzang pos btab// nyi ma 'char ba'i kha dog 'dra// rig sngags rgyal dang bcas par ni// mkhas pas rnam par dgod par bya// gsang ba pa'i bdag po gzhan yang khyod nyid kyi dkyil 'khor mdor bshad par bya'o/ / kun tu gru bzhi lham pa la// rdo rje'i mtshan ma rnams kyis mtshan// thams cad ser po yod du 'ong // dbus na pad+ma

  383. 192b

    rab tu gnas/ / de yi dbus su bya ba ni// bum pa zla ba'i 'od 'dra ba// 'di ni mtshan ma rnams kyis mtshan// klung kor gyis kyang rnam par brgyan// de yi steng durang rlung chen ni/ / dbyar gyi char sprin 'dra ba'i mdog/ ba dan g.yo bar sngags pas bya// klad kor gyis kyang rnam par brgyan// de yi steng du'ang gru gsum pa// rab tu 'jigs pa'i gzugs can de/ 'jigs par byed pa'i me 'dra ba// sum mdo ris mtshan mtshan gyis btab// 'bar 'phreng 'khrigs pa 'jigs 'jigs lta// nyi ma 'char ba'i gzugs 'dra ba'o// de yi dbus su pad+ma che/ / dus mtha'i me 'od 'dra ba'o// pad+ma'i steng du rdo rje ni// 'bar ba'i 'phreng ba 'phro ba can// hUM zhes bya ba'i sgra dang ldan// dam pa sa bon rnams kyis mtshan/ / dpa' bo khyod kyi dkyil 'khor 'di// rgyal ba'i gtso bo rnams kyis gsungs// mA ma kI ni lu gu rgyud// de bzhin rdo rje rigs las byung // rdo rje lcags kyu rdo rje rtse/ rig sngags rgyal mo mthu chen dag/ dkyil 'khor chen po'i nang du ni// kun kyang khongs su chud par bya// las rnams shin tu 'grub bya'i phyir// phyag rgya dkyil 'khor sa bon dang // kha dog khyad par go rims bzhin// de dag ji ltar rigs par bya'o// de nas gzhan yang rdo rje 'dzin// chen po gtsor bshad 'di rnams te// nam mkha' dri med rdo rje 'khor//

  384. 193a

    rdo rje mche ba nges pa dang // rnam par grags pa skal chen dag/ rdo rje mgon po mchog 'dzin dang // rdo rje ni brdo rje che// rdo rje mthing ka de bzhin gzhan rdo rje pad+ma yangs pa'i mig/ rdo rje bzang po rdo rje nyid// spros pa med par gnas pa dang // nam mkha' mtha' yas 'gro ba'o// de rnams dkyil 'khor bshang ba ni// dkar po ser po dmar po dang // nag po yin par yang dag bsgrags// de nas gzhan yang phyag rgya'i gzugs// rtse gsum pa dang rtse gcig dang // gzhan yang gnyis dang gnyis ma yin/ / 'phreng ba lta bu de bzhin gzhan// kha dog bye brag las shes bya// 'di rnams kun kyang mthu chen te// rnam par rgyal dang ldan pa'o// mi g.yo mgon gyi dkyil 'khor ni/ / rlung dang me yi yin par 'dod// ngo yi dung ni 'og logs su// bden bral gyi ni phyogs char bri// rang gi sa bon mtshan mar ldan// ram gri phyag rgya legs par sbyar/ / yang na zhags pa bya yang rung // blo ldan de yis bri bar bya// 'jig rten gsum las rnam rgyal gyi'ang // bye brag tu ni rlung gi dbus// rdo rje can gyi mtshan dang ldan/ / gnas gsum dag la 'dug pa'o// gsang ba pa'i bdag po gzhan yang byang chub sems dpa' rnams kyi yum gyi gzugs kyi dkyil 'khor dgod pa 'byung ste/

  385. 193b

    la re zhig dkyil 'khor ni// gser gyi kha dog gru bzhi pa// rdo rje'i mtshan mas mtshan pa ste// 'di ni dkyil 'khor dam pa yin// de nas gzhan yang lha mo'i gzugs// de yi dbus su pad+ma che// thams cad ser po 'bar dang bcas// der yang gtsug tor gzhag pa ni// cha gsum la ni gnas par bya// dbus ma'i cha ni bor nas ni// der yang spyan ni bri bar bya/ / rang gi 'od 'bar dbus na gnas// mdor ni sa bon ldan par bya// byang chub sems dpa' thams cad kyi// yid bzhin nor bu rgyal bas gsungs// deyi dkyil 'khor bshad pa ni// chu yi yin te thams cad sgo// shin tu dri med rab tu zhi// re ba thams cad rdzogs byed pa'o// de nas shAkya seng ge yang // nges pas dkyil 'khor mnyan par gyis/ / der ni dbang chen zhes bya ba// kha dog ser pos nye bar brgyan// kun tu gru bzhi lham pa la// dbus su rdo rje snga ma bzhin// de yi steng du pad+ma/ ni// kun tu kha dog ser po gzhag/ de steng lhung bzed chen po ste// rdo rje mtshan pa 'bar dang bcas// yang na chos gos 'khar gsil dag/ go rims bzhin du gzhag par bya/ / gtsug tor lnga po gang bsgrags pa// de rnams phyag rgya zhes bya ba// gdugs dkar po'i ni gdugs su bya// rgyal ba'i gtsug tor blo ldan pa// mtshan ma

  386. 194a

    rnal zi gzhag pa ni/ / 'od zer rnams ni 'gro bar bya// rnas par rgyal ba'i 'khor la yin// rnam par 'jor ba'i lugs kyur 'dod/ brjid phung po skal chen gyi// gtsug tor bzung ba yin par 'dod// cher 'byung ban dzA dzA yin+da// mngon par 'byung ba'i pad+mar 'dod// drung ni mtha' las skad byangs kyi/ kha dog bye brag las shes bya// mdzod spu'i yid bzhin nor bu yin// spyan gyi yong ni 'dri 'on cig/ gtsug tor thams cad ser po ste// rdo rje'i mtshan mas mtshan par bya/ gzhan gyis mi sgrib ma yin// lag pa ro mchar pa m+ba can// gzhan gyis mi zlab ces bya ba'i// kha chen brlag nag la gnas// gtsang mar gnas pa gang chags pa// btsang mar rtogs pa'i spyod yul can/ / de dag gi ni phyag rgya yi// mtshan nyid dgod pa nges pas nyon// sems dpa'i lag dang dge ba'i lag/ 'dzum pa'i lag kyang de bzhin gzhan/ / lag na me tog nam mkha'i lag/ cho ga rgyas par bri bar bya// sa yi lha mo bum pa ste// chu yi dkyil 'khor rdo rjes mtshan// gnyer ba'i lag pa me yi ste/ drang srong rnams dang bcas par bri// 'od srungs dang ni go'u tam// ma rgang da dang garga dang // ba si sta dang ang gi ras// me yi gnas kyi nang na 'khod// rig byed lag par

  387. 194b

    nan tan du/ / de dag go rims bzhin du bri// gshin rje'i be con bri ba ni// rlung gi dkyil 'khor nang na 'dug/ 'chi bdag gi ni dril bu yin// dus mtshan phyag rgya ba ngan no/ / drag po'i chung ma'i mdung rtse gsum// tshangs pa'i chung ma'i pad+ma dran// gzhon nu'i chung ma'i mdung thung yin// khyab 'jug chung ma'i 'khor lo nyid// gshin rje'i chung ma'i tho bar shes/ / 'jigs byed chung ma'i mi thong yin// de dag rlung gi dkyil 'khor gyi// nang du chud par bya ba ni// bya rog bya rgod de bzhin khyi// wa rnams kyis kyang yongs bskor bar/ / las rnams grub par 'dod pa yis// ji ltar rigs par bri bar bya// bden bral gyi ni ral gyir bri// khyab 'jug gi ni 'khor lor bya// skem byed kyi ni mdung thung yin// dga' bo nye dga' gnyis kyi sprin// gnyis ka'i glog dang bcas par te// gzugs ni mdog sngo chu dang bcas// shAkya seng ge'i dkyil 'khor gyi// sgo yi phyogs ni gnyis su dgod// bde byed kyi ni mdung rtse gsum// dka' bzlog rtse gsum gdengs par bshad// bum pa dkar po pad+mar bcas// zla ba'i phyag rgya yin par dran/ / nyi ma'i dbang chen dkyil 'khor la// gnas pa'i shing rta yin zhes bya// rgyal dang rnam par rgyal ba yin// dbang chen mtshan ma'i gzhu can no// rlung gi phyogs su

  388. 195a

    rlung rnams kyis/ / da dan phyag rgya bri bar bya// dbyangs can g+hi ni pi wang yin// chu yi zhags pa 'dzin par bri// bdag nyid chen po de'i dkyil 'khor// rgyu yi yin par shes par bya// sa bon rnams kyis btab pa dang // mtshan ma rnams kyis mtshan par bya'o// shAk+Sha tog gi dkyil 'khor du// de la sogs pa'i mtshan rnams kyis/ / dkyil 'khor rnams ni go rims bzhin// sa bon rnams dang bcas par bya// gzhan yang mchog sbyin rdo rje yi// dkyil 'khor nan tan mnyan par gyis// kun tu gru bzhi lham pa la/ / rdo rje'i mtshan mas mtshan pa ste// de yi dbus su bya ba ni// dkyil 'khor me las byung ba'o// de dbus phyag rgya gzhug pa ni// ut+pal zhes bya gzugs bzang ba/ / 'jam dbyangs tho dang ldan pa yi// rang gi sngags kyis gzi bskyed pa'o// de yi gnas ni tshi ga bzhin// rang gis bon nyid kyis btab// tha ma khor khor yug tu/ ut+pal rnams kyis khebs par bya// de yi dbus su bri ba ni// dpa' bo 'di rnams go rims bzhin// de la dra ba can gyi 'od kyi phyag rgya ni lcags kyu'o// gzhon nu rin chen cod pan gyi ni rin po che'o/ / gzhon nu dri med 'od kyi ni ut+pal kha ma phye bar bya'o// 'jam dbyangs blo dang ldan pa yi// mngag gzhug mar ni gang grags pa// de rnams kyi ni 'jigs

  389. 195b

    med pas/ / de ltar rigs par shes bya ba// sgra can gyi ni phyag rgya nI// ral gri yin par shes par bya// zhe skra n+dan gyi mdung rtse gsum// sna tshogs ma'i ni dbyum pa bshad/ / nor ldan ma'i ni rgyal mtshan gsungs// 'gugs ma yi ni lcags kyu yin// de dag thams cad ut+pa la'i// mtshan ma dag gis mtshan mar bya// ji skad gsungs pa'i phyag brnyan ma/ / de dag phyag rgya khang gi ni// lho yi phyogs su nan tan du// sgrib pa rnam sel brtson 'grus che'i// phyag rgya legs par bri ba ni// yid bzhin nor bu zhes bya ba/ / me yi dkyil 'khor nang na 'dug/ 'khor dang bcas pa go rims bzhin// 'khor rnams kyi ni rgyas pa ru// phyag rgya 'di rnams shes par bya// ngo mtshar can gyi phyag rgya ni/ / bum pa'i steng na rdo rje rtse gcig pa'o// mi 'jigs pa sbyin pa'i ni mi 'jigs pa sbyin pa'i lag pa'o// ngan song thams cad spong ba'i ni lag pa g.yas pa gyen du 'dren pa lta bur byas pa'o/ / rkyong sems blo gros kyi ni snying rje'i lag pa brang du gzhog pa'o// byams pa chen po gyen du 'byung ba'i ni me tog 'dzin pa'i lag pa'o// blo can snying rjes gdungs pa'i ni lag pa snying khar bzhag la gung mo nang du bkug pa'o/ / gdung ba thams cad zhi bar byed pa'i ni lag pa mchog sbyin pa'i sor mo rnams las chu'i rgyun 'dzag pa'o// blo gros

  390. 196a

    bsam gyis mi khyab pa dang ldan pa'i ni lag pa yid bzhin nor bu thogs pa'o/ / de dag thams cad kyang pad+ma la gnas shing dkyil 'khor gyi nang du chud par bya'o// byang phyogs su sa'i snying po'i phyag rgya ni// dbang chen dkyil 'khor nang gnas pa// stan ni snga ma bzhin du gzhag/ de'i steng pad+ma chen po ste// kha dog kun ldan 'bar bar bcas/ de steng ba dan chen po ste// rtse la rin chen chen po gzhag/ de ni gzugs kyi mchog yin te// phyag rgya'i gzugs su 'dir bshad do// de yi 'khor ni grangs med pa// gtso bo yon tan mtha' yas te/ / de la de rnams phyag rgya yang // nan tan bskyed de bri ba ni// rin chen 'byung gnas kyi phyag rgya ni rdo rje rtse gsum pa rin po che'i steng na 'dug pa'o// rin chen lag gi ni rdo rje rtse gcig pa rin po che'i steng na 'dug pa'o/ / sa 'dzin gyi ni rdo rje kha gnyis pa rin po che'i steng na 'dug pa'o// phyag na rin chen phyag rgya ni rdo rje rtse lnga pa rin po che'i steng na 'dug pa'o// bsam pa brtan pa'i ni rdo rje rgya gram rin po che'i steng na 'dug pa ste/ phyag rgya thams cad kyang dkyil 'khor gyi nang du chud par bya'o// nub phyogs su nam mkha' snying po'i phyag rgya ni// chu yi dkyil 'khor yid 'ong bar// pad+ma dkar po'i stan chen la// de'i dbus ral gri gzhag pa ni// so ni shin tu rno ba'i mchog/ rang gi sa bon rnams kyis btab// mkhas

  391. 196b

    pas der ni gzhag par bya/ / de yi 'khor rnams bri ba ni// phyag rgya'i gzugs rnams go rims bzhin// de la nam mkha' dri med kyi phyag rgya ni rlung gi dkyil 'khor gyi dbus su 'khor lo'i mtshan ma dang bcas pa'o/ / nam mkha' blo gros kyi phyag rgya ni rlung gi dkyil 'khor gyi dbus na dung ngo // rnam par dag pa'i blo gros kyi phyag rgya ni pad+ma dkar po rlung gi dkyil 'khor gyi dbus na 'dug pa'o/ / spyod pa'i blo gros kyi phyag rgya ni rlung gi dkyil 'khor gyi dbus na dung gi steng du ut+pa la gzhag pa'o// blo brtan gyi phyag rgya'ang rlung gi dkyil 'khor gyi dbus na rdo rje pad+ma'i steng na 'dug pa'o/ / rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ gsang ba'i dkyil 'khor rim par phye ba rgyas pa'o// / de nas yang bcom ldan 'das kyis gsang ba'i dkyil 'khor du 'jug pa'i cho ga gsungs pa/ kun tu bslabs pa'i sngags pa ni// gsang ba'i dkyil 'khor la mkhas pas/ / de tshe slob ma'i sdig pa kun// cho ga bzhin du bsreg par bya// ci nas slar yang mi skye ba// de yi 'tsho ba'ang bsreg par bya// bsregs te thal bar gyur nas kyang / de ni slar yang gso bar bya// yi ga yis ni mi 'gyur sreg/ 'tsho bas slar yang gso bar bya// 'tsho bas thams cad gsos nas ni// kun tu dag cing dri ma med// yan lag bcu

  392. 197a

    gnyis tshig rnams ni/ / de yi mod la dgod par bya// byang chub sems dpa' skyob pa rnams// sangs rgyas rnams kyi dam tshig 'di// sangs rgyas rnams dang nyan thos dang / / 'jig rten rnams kyis bkur ba yin// gsang ba'i dkyil 'khor dbus gnas pa'i// dam tshig 'di ni sus rig pa// rgyud rnams kun tu zhugs pa dang / / dkyil 'khor kun la dbang ba yin// sngags 'chang de ni nga dang 'dra// dam tshig ces ni gzhan mi bya// gsang ba'i dkyil 'khor du 'jug pa rim par phye ba'o/ / // de nas bcom ldan 'das rnam par snang mdzad kyis thams cad dang ldan pa'i 'khor gyi dkyil 'khor la gzigs nas/ byang chub sems dpa' phyag na rdo rje la bka' stsal pa/ gsang ba pa'i bdag po byang chub sems dpa' gsang sngags kyi sgo nas byang chub sems dpa'i spyad pa spyod pa rnams cho ga gang dag gis bdag nyid lha'i gzugs su brtan par gyur par shes pa dang / shes nas kyang rang gi lha'i tshul du gnas nas dngos grub thob par 'gyur ba gsang ba'i phyag rgya brgyad po gsang ba dang bcas pa/ lha'i gnas byin gyis rlob par 'gyur ba/ rang gi gsang sngags kyis mtshan pa/ dkyil 'khor dang ldan pa rang gi lha'i rnal 'byor du bya ba yod de/ phyag rgya brgyad po de'ang gang zhe na/ lag pa

  393. 197b

    gnyis khong stong du sbyar la mthe'u chung gnyis dang mdzub mo gnyis 'bar ba lta bur dgyed do/ / bcom ldan 'das nyid kyi gzi brjid 'byung ba'i phyag rgya na/ de'i dkyil 'khor ni zla gsum pa sum mdo'i ris mtshan can 'bar ba dang bcas pa'o/ / gsang sngags ni/ na maHsa man+ta bud+d+hA nAM/ ra ra swA hA/ phyag rgya de nyid las mdzub mo gnyis bkug ste mthe bo'i steng du ba dan lta bur gzung ngo / / bcom ldan 'das nyid kyi rdo rje mi shigs pa'i phyag rgya ste/ dkyil 'khor ni yi ge ba 'dra ba rdo rje 'bar ba dang bcas pa'o// gsang sngags na maHsa man+ta bud+d+hA nA~M/ baM ba swA hA/ phyag rgya de nyid las gung mo dang srin lag gnyis brkyang la lhag ma rnams snga ma bzhin du gzhag go// pad+ma'i sbubs kyi phyag rgya ste dkyil 'khor ni zla ba'i dkyil 'khor 'dra ba pad+ma'i mtshan mas mtshan pa can no/ / gsang sngags ni/ na maHsa man+ta bud+d+hA nA/ saM sa swA hA/ phyag rgya de nyid las mthe'u chung gnyis 'og tu gzhug go/ / sangs rgyas kyis gsungs dbyangs bkod pa'i rgyan gyi phyag rgya ste/ dkyil 'khor ni zla ba kham pa lta bu ba dan dang bcas pa gang kor te gnyis pas mtshas ba'o/ / gsang sngags ni na maHsa san bud+d+hAn+de/ gagasan/ de bzhin du lag pa gnyis thal mo khong stong du sbyar la mtho bong gnyis so sor phye ste lhag sa rnams chung bad cam

  394. 198a

    snyim pa lta bur bya'o/ / 'di ni bcom ldan 'das kyi yan lag thams cad 'byung ba'i phyag rgya ste/ dkyil 'khor ni bum pa zla ba dang 'dra ba rdo rjes mtshan pa'o// gsang sngags ni/ na maHsa man+ta bud+d+hA nA~M/ oM a swAhA/ phyag rgya de nyid las gung mo gnyis bkug la lhag ma rnams de bzhin du gzhag go// 'di ni bcom ldan 'das kyi gzugs kyi phyag rgya ste/ de'i dkyil 'khor ni 'ja' dang 'dra ba mtshan ma thams cad dang ldan pa rdo rje'i ba dan 'phyar ba'o// gsang sngags ni/ na maHsa man+ta bud+d+hA nA~M/ bud+d+ha d+hA ra Ni smi ti ba la d+ha ra NI ka ri d+ha ra d+ha ra/ d+hA ra ya d+hA ra ya/ sa ra ban b+ha ga ba te/ a kA rA bA ti/ a sa me sA hA/ phyag rgya de nyid las gung mo gnyis phyung ste/ mthe'u chung gnyis gung mo gnyis kyis bkug la spyi bor sbyar ro/ / 'di ni bcom ldan 'das kyi chos gnas pa'i phyag rgya ste/ dkyil 'khor ni nam mkha'i kha dog thams cad dang ldan pa klad kor gnyis kyis mtshan pa'o/ / gsang sngags ni/ na maHsa man+ta bud+d+hA nAnAM/ a be da ba di a swA hA/ phyag rgya de nyid las gung mo gnyis phan tshun bsnol mar gzung ngo // 'di ni bcom ldan 'das kyi rnal 'byor 'dzin pa'i phyag rgya ste/ de'i dkyil 'khor ni nam mkha' ste/ khyad par du sngol klad kor can snyems pa dang bcas pa'o// gsang sngags ni/ nam

  395. 198b

    smras badz+ran/ mtham nam gan mo ke shA re ga na nga gsam/ gsang ba pa'i bdag po 'di gni gsang ba'i byas rgyaste/ de banan gshegs pa rnams kyis rab tu gsang sa yin gyis/ dbang bskur ba dang / cho rigs btsun pa dang / spro ba can dang / yi dam la brtan pa dang / bla ma la gus pa dang / byas pa gzo ba dang / gtsang sbra che ba dang / bdag gi lus dang srog la'ang mi blta ba ma gtogs pa gzhan su la'ang ma sbyin cig/ rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ gsang ba'i phyag rgya brgyad rim par phye ba'o// // de nas yang bcom ldan 'das rnam par snang mdzad chen po de'i tshe ma 'ongs pa'i 'gro ba rnams la gzigs nas thams cad kyi rjes su 'jug pa zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu de nas 'di ltar sangs rgyas kyi zhing 'di lag mthil bzhin du mnyam par gnas shing / sgo khyud dang rta babs rin po che sna lngas rab tu rnam par spras pas brgyan pa/ ba dan kha dog du ma dang ldan pa bsgreng ba rgya che ba/ rin po che chen po'i bla re bres pa/ rin po che'i dril bu dang / rnga ma dkar po dang / dar dang / gos mang po sbyangs pa/ rin po che'i ka ba phyogs brgyad du btsugs pa/ pad+ma'i mtshe'u chung

  396. 199a

    zhim po yan lag brgyad dang ldan pas yongs su gang ba/ ngang pa dang / ngur pa dang / bzhad kyi sgra grags pa/ dus thams cad pa'i me tog sna tshogs kyi shing ljon pas phyogs brgyad du brgyan pa/ rin po che sna lnga'i 'phreng ba dang srad bus legs par bskor ba/ sa gzhi ka tsa lin da 'jam po ltar reg na bde zhing rab tu 'jam pa rnga sgra dang sil snyan gyi sgra yid du 'ong zhing snyan pa rnam pa du ma grags pa/ byang chub sems dpa' mang po'i bsod nams kyis bsags pa'i stan dang / khang pa dang / gzhal med khang yid las byung ba dang ldan par gyur to/ / pad+ma'i rgyal po chen po de bzhin gshegs pa'i mos pa las byung ba'i chos kyi dbyings rtogs pa'i mtshan mas mtshan pa'ang byung bar gyur to/ / de'i dbus na de bzhin gshegs pa'i sgra chos kyi dbyings la gzhol ba/ sems can gyi bsam pa dang mos pa ji lta ba bzhin du mgu bar mdzad pa bzhugs te/ de bzhin gshegs pa de'i yan lag thams cad nas skra cis kyang mi tshugs pa'i stobs dang ldan pa/ stobs bcu la mos pa las byung ba/ kha dog dang dbyibs rnam pa du mas bdag gi sku brgyan pa/ bskal pa bye ba khrag khrig brgya stong du mar sbyin pa dang / tshul khrims dang / bzod pa dang / brtson 'grus dang / bsam gtan dang / shes rab

  397. 199b

    kyi pha rol tu phyin pa'i bsod nams kyis rnam par bskyed pa dag byung bar gyur to/ / de dag byung nas thams cad dang ldan pa'i 'jig rten gyi khams rnams su sgra mngon par go bar mdzad cing ched du gleng ba 'di glengs so/ / e ma'o sangs rgyas thams cad kyi// shes rab thabs ni bsam mi khyab// gnas med pa ni rtogs gyur nas// gnas dang bcas pa'i chos kyang 'chad/ / gang dag gis ni chos rnams kyi// chos kyi mtshan nyid rnyed med pa// shes pa des ni 'dren kun gyis// gang brnyes rnyed pa thob par gyur// de dag gis ched du gleng ba ched du glengs nas/ de dag slar yang de bzhin gshegs pa'i chos kyi sku bsam gyis mi khyab pa la zhugs so// de nas bcom ldan 'das kyis// byang chub sems dpa' phyag na rdo rje la bka' stsal pa/ rigs kyi bu nang gi dkyil 'khor nyon cig/ gsang ba pa'i bdag po lus kyi sa gzhi gang yin pa de chos kyi dbyings kyi rang bzhin gyi sngags dang phyag rgya'i byin gyi rlabs kyis byin du brlab par bya ste/ rang bzhin gyis rnam par dag pa'i phyir ro// de nas bdag las kyi lha rdo rje sems dpar byin gyis brlabs te rdul thams cad dang bral ba/ bdag dang / sems can dang / srog dang / 'gro ba dang / shed can dang / shed las skyes pa dang / byed pa po la sogs pa'i zug rngu'i

  398. 200a

    skyon dang bral ba/ gru bzhi la sgo bzhi dang ldan pa/ rlung phyogs kyi sgo rtag tu phye ba/ sgo khyud dang stegs bus brgyan pa'i dbus na pad+ma'i rgyal po chen po yid las byung ba 'dab ma brgyad pa sdong bu dang bcas pa/ ze ba rgyas shing shin tu mdzes pa 'byung ba de'i dbus na'ang de bzhin gshegs pa'i sku dang / gsung dang / thugs 'jig rten thams cad las 'das pa/ sems kyi sa las yang dag par 'das pa/ sems kyis rjes su thob pa/ 'dod pa'i 'bras bu khyad par can stsol bar bsam mo// de'i shar phyogs su de bzhin gshegs pa rin po che'i tog go// lho'i phyogs su ni de bzhin gshegs pa me tog kun tu rgyas pa'i rgyal po'i dbang po'o// byang phyogs su ni de bzhin gshegs parda dbyangs can no/ / nub phyogs su ni de bzhin gshegs pa 'od dpag tu med pa'o// shar lho'i mtshams su ni byang chub sems dpa' kun tu bzang po'o// byang shar gyi mtshams su ni spyan ras gzigs kyi dbang phyug go/ / lho nub kyi mtshams su ni 'jam dpal gzhon nur gyur pa'o// nub byang gi mtshams su ni byams pa'o// ze ba kun la ni byang chub sems dpa'i yum dang / pha rol tu phyin pa drug dang / ting nge 'dzin rnams bri'o// de'i 'og tu ni rig sngags dang khro bo'i tshogs rnams bri'o// sdong bu la ni phyag na rdo rje'o// lhag

  399. 200b

    ma rnams ni rgya mtsho chen po'o/ / mar me me tog 'dug spos dang // bshos dang bdug pa yid las byung // lus can rnams kyi dam tshig phyir// thams cad sngags pas bsam par bya/ / 'og gis gzhi thams cad la// lha la sogs pa grangs med pa'ang // bdag nyid chen po'i dkyil 'khor 'dir// sngags pas nan tan bskyed de bri// rang gi lus ni dag nyid kyis/ / ra zhes bya bas rnam sbyangs nas// sngags pa rnal 'byor stan la 'dug/ de bzhin gshegs pa rjes dran zhing // slob ma rnams kyi spyi bor ni// klad kor bcas pa'i gzhag ste/ / 'jigs pa med pa'i bdag lus la// de nas me tog 'dor du gzhug/ brtags nas de la brtan par bya// yang na de la rig sngags sbyin// lus can rnams kyi dam tshig phyir/ / 'di ni dkyil 'khor gtso bor 'dod// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ gsang ba'i dkyil 'khor du gzud ba la 'jug pa rim par phye ba rgyas pa'o/ / // de nas bcom ldan 'das rnam par snang mdzad la/ phyag na rdo rjes gsang sngags kyi sgo nas byang chub sems dpa'i spyad pa spyod pa rnams kyi don du tshigs su bcad pa'i dbyangs kyis rig sngags kyi brtul zhugs zhus pa/ ji ltar brtul zhugs spyad pa lags// tshul khrims la gnas ji lta bu/

  400. 201a

    gang na ji ltar gnas kyang rung // ma chags par ni ji ltar spyod// dus ni ji srid lon gyur na// brtul zhugs yongs su rdzogs par 'gyur// de mthu ci lags 'tshal bar bgyi/ / gnas ni gang du bgyi ba lags// dus dang yul dang bya ba las// chos dang chos min rnam par spangs// de ni ji ltar myur du 'gyur// tshad kyang 'dren pas bka' stsol cig/ gang gis dngos grub thob 'gyur ba// sangs rgyas rnams kyis sngon bstan pa// ma 'ongs 'gro ba'i don gyi phyir// rdzogs pa'i sangs rgyas rkang gnyis gtso/ / thams cad mkhyen la bdag zhu ba// rgyal ba'i gtso bo dbang du bzhugs// de skad gsol nas bcom ldan 'das// rnam snang mdzad chen de yi tshe// sems can rnams la brtse ba'i phyir/ / 'di skad kyi ni tshig gsungs so// lag na rdo rje mthu bo che// sems dpa' chen po dpa' bo legs// sngon gyi sangs rgyas kyis gsungs pa'i// brtul zhugs dam pa bstan par bya'o/ / 'jig rten la ni phan byed pa'i// dngos grub gang gis thob 'gyur ba// rig pa'i brtul zhugs las byung ba'i// brtul zhugs sangs rgyas bzhin du gnas/ / bdag gis de nyid bskyed nas ni// rtag tu the tshom med pa'i yid// gang tshe rtag tu mnyam bzhag pa// de tshe brtul zhugs spyad pa yin// byang chub sems dang chos

  401. 201b

    rnams dang / / bslab dang las dang 'bras bu gang // mtshan nyid gcig tu ldan gyur cing // las dang bya ba rnams spangs pa'i// tshul khrims sangs rgyas bzhin shes bya// tshul khrims ldan zhes gzhan mi bya/ / chos rnams kun la dbang thob cing // sems can don rtogs khong du chud// gser dang bong rdo mnyam gyur na// de ni myur du ma chags spyod// gsang sngags kyi ni grangs dag las// 'bum grangs ji snyed bstan gyur pa// dus ni de srid lon gyur na// brtul zhugs yongs su rdzogs par 'gyur// dbang chen gyi ni dngos po yis/ / dbang chen dkyil 'khor la gnas te// rdo rje can gyi rgya bcings la// zas su rtag par 'o ma 'thung // srog dang rtsol ba rab bsdams nas// sngags pas zla ba gcig tu bzlas/ / de nas zla ba gnyis pa la// chu yi dkyil 'khor dang ldan par// pad+ma'i phyag rgya bcings nas su// de tshe zas su chu 'thung ngo // de nas zla ba gsum pa la// me yi ngos la gzhol bya ste// ma bslangs pa yi zas za zhing // ral gri phyag rgya dang ldan pas// lus dang ngag yid las byung ba'i// sdig pa thams cad bsreg par bya// bzhi la rlung dang ldan byas te/ / zas su rtag tu rlung baba' 'o// de nas 'khor lo'i rgyas bcings la// mnyam par bzhag ste gsang sngags bzlas// dbang chen dang ni chu'i dngos la//

  402. 202a

    rnal 'byor gzhol ba 'dug nas su// bla yar gyi ngo la ni// de nas zla ba lnga pa la// rnyed dang ma rnyed rnam spangs te// sngags pa kun tu chags med na// rdzogs pa'i sangs rgyas bzhin du 'gyur// rlung dang mer ni ldan byas nas// nyes pa kun dang rnam bral zhing // rnyed dang ma rnyed rnam spangs te// zla ba gzhan la bzlas brjod bya// brgya byin tshangase la sogs pa'i lha// sha za lto 'phye srin po rnams// rgyang ring nas ni phyag 'tshal zhing // thams cad srung ba'ang byed par 'gyur// de dag thams cad bka' nyan cing / / de yi bka' bzhin byed par 'gyur// sman dang mi dang lha rnams dang // rig sngags rnams dang gsang sngags kun// ci dag bgyi zhes tshig smra zhing // de yi drung na 'khod par 'gyur/ / bgegs dang log 'dren ma rungs dang // srin po dang ni ma mo rnams// gsang sngags 'dzin pa mthong ba'i tshe// rgyang ring nas ni phyag 'tshal 'gyur// rig pa'i brtul zhugs la gnas pa'i// sngags shes gang na 'dug pa yi// gnas de rab tu 'jigs pa yi// me ltar 'bar zhing 'jigs par 'gyur// dbang phyug go 'phang thams cad thob/ / nges pa rdzogs pa'i sangs rgyas bzhin// dpal ldan gdul dka' 'dul ba po// rdo rje 'dzin chen dka' thub can// sems can kun la phan byed pa/

  403. 202b

    snying rje 'jig rten dbang po bzhin// zla ba drug rnams 'das gyur nas// 'dod pa'i dngos grub 'bras bu thob// bdag nyid dang ni gzhan la yang // rtag par rjes su phan par byed/ / rnam par snang mdzad chen po mngon par rdzogs par byang chub pa rnam par sprul pa byin gyis rlob pa las rig sngags kyi brtul zhugs rim par phye ba rgyas pa'o// / de nas yang bcom ldan 'das la/ phyag na rdo rjes yang gsang sngags rnams dang / dkyil 'khor rnams kyi snying po zhus pa/ gsang sngags kun gyi snying po gang / / ci zhig 'tshal nas slob dpon 'gyur// de skad gsol nas bcom ldan 'das// de tshe rnam snang mdzad chen gyis// rdo rje 'dzin la bka' stsal pa// sems dpa' chen po legs so legs/ / ye shes gsang bas ches gsang zhing // gsang sngags ye shes cher 'byung ba// bu khyod la ni bshad par bya// ma yengs yid kyis mnyan par gyis/ / a ni gsang sngags thams cad kyi// snying po yin par yang dag bshad// 'di las byung ba'i gsang sngags ni// grangs med par ni 'byung bar 'gyur/ / spros pa thams cad zhi ba yi// ye shes mtha' dag skye bar 'gyur// gsang ba pa'i bdag po ji ltar na a zhes bya ba gsang sngags thams cad kyi snying po yin zhe na/

  404. 203a

    rdzogs pa'i sangs rgyas rkang gnyis gtsos// a ni gtso bo yin par gsungs// de bas 'di kun thams cad de// yan lag kun la rnam par gnas// yan lag rnams kyang ci rigs par// rtag par kun tu rigs par gyis// yi ge rnams kyis thams cad khyab// yi ge rnams kyang de yis khyab// yi ge rnams las sgra 'byung ba/ / cha dang cha las byung ba'o// de bas 'di kun thams cad de// lus ni sna tshogs las byung ba'o// de yi dgod pa yang dag bstan// snying po dag ni nges pas nyon// / snying khar snying po bzhag nas ni// yan lag rnams la yan lag 'god// blo ldan rnal 'byor stan 'dug ste// bdag lus rdzogs sangs rgyas kyi skur// byas nas de bzhin gshegs pa rnams/ / dran par byas te 'di kun byas// gang gis ye shes rgya chen de'i// cho ga bzhin du shes gyur na// de tshe sangs rgyas mthu chen gyis// de ni slob dpon yin par bshad/ / de bas de nyid de bzhin gshegs// de nyid rdzogs sangs rgyas zhes bya// sangs rgyas byang chub sems dpa' dang // tshangs dang khyab 'jug dbang phyug che// nyi ma zla ba chu lha dang // brgya byin nyid dang skye dgu'i bdag/ dus dang gshin rje'ang de nyid de// sa yi lha dang dbyangs can te// bram ze dang ni khrus byed nyid// tshangs par spyod pa

  405. 203b

    zhes kyang bya/ / dge slong dpal ldan zag pa zad// gsang ba thams cad 'dzin pa po// thams cad mkhyen dang thams cad gzigs// chos kun dang phyug gtso bo ste// gang zhig byang chub sems bstan zhing / / sgra shes pa ni lhur len gang // chos rnams kun la ma chags pa// rnam pa kun tu kun shes bya// yi ge'i 'khor lo thams cad ni// gang gi lus la rnam gnas pa/ / de ni sngags pa gsang sngags 'chang // dpal ldan sngags rgyal rdo rje 'dzin// smin mtshams dbus su yi ge hUM// rdo rje can gyi gzhi yin no// brang du yi ge sa zhes bya/ / phyag na pad+ma'i gzhi zhes bya// da ni snying kha'i gnas gzhag pa// kun gyi rje ste dbang phyug yin// rgyu dang mi rgyu sna tshogs pa// mtha' dag ngas ni rab tu khyab/ / a zhes bya ba srog gi mchog/ ba zhes bya ba tshig tu bshad// ra zhes bya ba me zhes brjod// hUM zhes bya ba khro bor bshad// kha ni nam mkhar shes par bya// klad kor stong pa'i mchog ces bya// gang shes slob dpon zhes bya ba// 'di ni yang dag dam pa yin// de bas rnam pa thams cad du// rdzogs sangs rgyas sngags shes 'di la/ rtag tu brtson par byas na ni// 'chi 'pho med pa'i go 'phang thob// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las//

  406. 204a

    slob dpon gyi de kho na nyid ces pa rim par phye ba'o// // yi ge ji ltar dgod pa dang // rdzogs sangs rgyas kyis legs bstan pa// des pas kun tu mnyan par gyis/ / kA ni lkog mar shes par bya// kha ni dkun la gzhag par bya// ga ni mgrin par shes par bya// s+thA ni mgul pa'i gnas su gzhag tsa ni lce la gzhag par bya/ / tsha ni lce yi dbus su gzhag/ dza ni lce yi rtse mo la// d+ha ni lce yi rtsa ba la// Ta ni byin par shes par bya// dza ni brla la gzhag par bya/ / Da ni rked par shes par bshad// D+ha ni rkang pa gnyis la gzhag/ ta ni chu sor gzhag par bya// tha ni lto bar shes par bya// da ni mchan khung gnyis su gzhag d+ha ni rtsibs logs gnyis su gzhag/ pa ni rgyab tu shes par bya// pa ni brang du shes par bya// ba ni dpung mgo gnyis su gzhag/ b+ha ni lag pa gnyis la'o// ma ni yid kyi gnas su ste// de tshe tshul bzhin shes par bya// ya ni pho mtshan yin zhes gsungs// ra ni nam tsong yin par bshad// la ni rgya chen shes bya ba// skyob pa de yi dpral ba yin// i IM mig gnyis yin shes bya// u U mchu gnyis yin par bshad// e ai rna ba gnyis shes bya// o au 'gram pa gnyis su 'dod

  407. 204b

    aM ni rdzogs sangs rgyas pa'i gnas/ / aHni mya ngan 'das pa yin// cho ga bzhin du kun shes nas// brtul zhugs mchog gis sangs rgyas byos// thams cad mkhyen pa'i nor gyi dbyig/ gang gi snying la rtag gnas pa// 'jig rten na ni de kun shes// nges pa thams cad mkhyen pa bzhin// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge dgod pa rim par phye ba rgyas pa'o// // de nas gzhan yang bcom ldan 'das la gsang ba pa'i bdag po phyag na rdo rjes 'di skad ces gsol to/ / bcom ldan 'das byang chub sems dpa' sems dpa' chen po rnams kyi bslab pa'i gzhi thabs dang shes rab kyis yongs su zin pa gang dang ldan na/ byang chub sems dpa' sems dpa' chen po rnams the tsom dang yid gnyis ma mchis shing 'khor ba na 'khor ba'i tshe nyams par mi 'gyur ba dag bshad du gsol/ de skad ces gsol pa dang / bcom ldan 'das rnam par snang mdzad kyis de bzhin gshegs pa'i spyan gyis chos kyi dbyings thams cad la gzigs nas/ gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po byang chub sems dpa'i spyod pa'i tshul la mkhas pa bstan pa gang la gnas na/ byang

  408. 205a

    chub sems dpa' sems dpa' chen po rnams theg pa chen po rtogs par khong du chud par 'gyur ba de nyon cig/ gsang ba pa'i bdag po de la byang chub sems dpa' srog gcod pa dang / ma byin par len pa dang / 'dod pas log par g.yem pa las slar ldog par bya'o// brdzun du smra ba dang / ngag rtsub po dang / phram zer ba dang tshig 'khyal pa smra ba las slar ldog par bya'o/ / brnab sems dang / gnod sems dang / log par lta ba las slar ldog par bya'o// gsang ba pa'i bdag po gang la bslabs na sangs rgyas bcom ldan 'das rnams dang / byang chub sems dpa' rnams dang spyod pa mtshungs par bslabs par 'gyur ba byang chub sems dpa'i bslab pa ni 'di dag yin no// de nas yang bcom ldan 'das la/ gsang ba pa'i bdag po phyag na rdo rjes 'di skad ces gsol to// bcom ldan 'das kyis nyan thos kyi theg pa la'ang dge ba bcu'i las kyi lam 'di rnams bshad/ bcom ldan 'das 'jig rten pa mu stegs byed rnams kyang dge ba bcu'i las kyi lam 'di rnams yang dag par blangs te 'dug na/ bcom ldan 'das 'di la khyad par ci zhig mchis/ tha dad du bgyi ba ni ci zhig mchis/ de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to//

  409. 205b

    gsang ba pa'i bdag po legs so legs so// gsang ba pa'i bdag po khyod kyis gang de bzhin gshegs pa la don 'di zhus pa ni gsang ba pa'i bdag po khyod yang legs so// gsang ba pa'i bdag po de'i phyir rab tu rnam par dbye ba'i tshul dang tshul gcig tu bstan pa'i chos kyi rnam grangs bstan gyis nyon cig/ gsang ba pa'i bdag po de la ngas gang nyan thos rnams la bslab pa bstan pa gang yin pa de ni thabs dang shes rab tu mi ldan pa/ bka' grub par byed pa/ phyogs gcig shes pa rtogs pa ste/ de bas na de dag dang dge ba bcu'i las kyi lam de dag mtshungs par mi 'gyur ro/ / 'jig rten pa rnams ni bdag gi dngos po la mngon par zhen pa dang / gzhan gyi rkyen gyis 'jug go// theg pa chen pos 'gro ba'i byang chub sems dpa' rnams ni chos thams cad kyi mnyam pa nyid la 'jug par bya ba'i phyir/ gzhan gyi dring mi 'jog cing thabs dang shes rab kyis yongs su zin par bdag dang gzhan dang gnyis ka'i don byed pa la 'jug go/ / de bas na gsang ba pa'i bdag po byang chub sems dpa' sems dpa' chen pos shes rab dang thabs kyis yongs su zin par chos thams cad la 'jug pa'i phyir brtson par bya'o/ / de nas bcom ldan 'das kyis byams pa chen po dang thugs rje chen po'i spyan gyis sems can gyi khams rnams la gzigs nas/ byang chub sems dpa' phyag na

  410. 206a

    rdo rje la bka' stsal pa/ de la byang chub sems dpas ched du bsams te srog gcod pa las slar ldog par bya'o// dbyug pa spangs shing khon du 'dzin pa spang bar bya'o/ / des bdag la ji lta ba bzhin du gzhan gyi srog kyang bsrung bar bya'o// gzhan du na gang zag de lta bu dang dngos po de lta bu la bdag gis sdig pa khas blangs la las de bya ba ni ma gtogs te/ de'ang khon du 'dzin pa med cing snying rjer gyur pa'i yid kyis bya'o// ma byin par len pa las slar ldog par bya ste/ des gzhan gyis yongs su bzung ba'i longs spyod la chags pa bskyed par yang mi bya na/ gzhan gyi longs spyod la ma byin par len pa lta smos kyang ci dgos/ gzhan du na sems can gang dag ser sna can 'jungs pa sbyin pa mi byed cing bsod nams mi byed pa de dag mthong na/ gang zag de lta bu dag ser sna spang ba'i phyir bya ba ni ma gtogs te/ bdag gis kyang de la chags pa'i sems med par de'i ched du sbyin pa sbyin par bya'o/ / dus dus su sbyin pa'i bsngags pa brjod par bya'o// gal te byang chub sems dpa' de la chags pa 'am 'dod pa'i sems bskyed par gyur na/ gsang ba pa'i bdag po de la byang chub sems dpa' byang chub kyi yan lag las nyam pas chos 'dul ba las bcos su med pa'i ltung bar gyur par rig par bya'o// 'dod pas log par

  411. 206b

    g.yem pa las slar ldog par bya ste/ des gzhan gyis yongs su bzung ba'i chung ma rigs dang / mtshan ma dang / chos kyis bsrungs pa rnams la chags sems kyang bskyed pa mi bya na/ yan lag ma yin par spyod pa 'am/ dbang po gnyis spyod pa lta smos kyang ci dgos/ gzhan du na dngos po de lta bu dag la bya ba ni ma gtogs so// brdzun du smra ba las slar ldog par bya ste/ des ched du bsams te gang gis sangs rgyas kyi byang chub bslus par 'gyur ba'i tshig srog gi phyir yang smra bar mi bya'o// 'di ltar sangs rgyas kyi byang chub las 'da' bar gyur pa de ni/ gsang ba pa'i bdag po byang chub sems dpa' theg pa chen po la gnas pa'i brdzun chen po yin no// gsang ba pa'i bdag po rnam grangs des kyang khyod kyis 'di ltar bden pa'i tshig yongs su mi gtang bar rig par bya'o/ / gsang ba pa'i bdag po gzhan yang tshig rtsub mo las slar ldog par bya ste/ des sems can rnams la mnyen pa dang / 'jam pa dang / yid la 'bab pa'i tshig de lta bu'i tshig smra bar bya'o// de ci'i phyir zhe na/ gsang ba pa'i bdag po 'di lta ste/ byang chub sems dpa' sems can thams cad kyi don bya ba'i thog mar 'gro ba ni tshig yin pa'i phyir ro/ / gzhan du ni sems can 'gro ba mi bzad pa'i rgyu can rnams la gnas de dang de dag tu byang chub sems

  412. 207a

    dba'i tshig rtsub por smra ba ni ma gtogs so/ / gsang ba pa'i bdag po gzhan yang phra mar smra ba las slar ldog par bya ste/ des na ci nas kyang dbyen du mi 'gyur/ ba dang / gnod par mi 'gyur ba de ltar bsgrub par bya'o// byang chub sems dpa' rnams ni sems can dbye ba la zhugs pa ma yin no// gzhan du na sems can rnams la lta ba'i gnas de lta de lta bu dag tu bying bar gyur pa mthong nas/ ci nas kyang sems can de dag 'di ltar thams cad mkhyen pa'i tshul gcig pa 'di la rab tu gnas par 'gyur ba de lta de lta bu'i rnam pas/ rab tu 'byed par byed pa ni ma gtogs so// gsang ba pa'i bdag po gzhan yang byang chub sems dpas tshig 'khyal par smra ba las slar ldog par bya ste/ des yul dang / dus dang / don du ldan pa/ don gyi rjes su 'jug pa/ sems can thams cad kyi yid du 'ong ba/ rna ba'i lam rnam par spyod pa de lta bu'i tshig smra bar bya'o// de ci'i phyir zhe na/ byang chub sems dpa' ni tshig sna tshogs dang ldan pa yin no/ / gzhan du na byang chub sems dpas srung gtam gleng ba sngon du bya ste/ sems can rnams mgu bar byas nas sangs rgyas kyi chos la rab tu dgod par 'dod pas don dang mi ldan pa'i tshig kyang smra bar bya ba ni ma gtogs te/ de ltar na byang chub sems dpas 'khor ba na rgyu'ang bar du gcod pa med par 'gyur ro//

  413. 207b

    gsang ba pa'i bdag po gzhan yang byang chub sems dpas brnab sems las slar ldog par bya ste/ des gzhan gyi longs spyod dang gzhan gyi nor la chags pa'i sems kyang bskyed par mi bya'o/ / de ci'i phyir zhe na/ byang chub sems dpa' ni sems zhum pa ma yin no// gal te byang chub sems dpa' bdag la sems chags par gyur na thams cad mkhyen pa nyid kyi sgo'i phyogs gcig las nyams par 'gyur ro/ / gsang ba pa'i bdag po byang chub sems dpas rab tu dga' ba skyed cing des 'di ltar bsam par bya'o// gang dag gis bya dgos pa de dag gis rab tu 'byor par gyur pa de legs so snyam nas/ sems can de dag gis longs spyod de dag chud mi za ba la yang dang yang du dga' ba bskyed par bya'o// gsang ba pa'i bdag po gzhan yang gnod sems las slar ldog par bya ste/ des thams cad du bzod pa mang ba dang / byams pa dang / khong khro ba med cing sems snyoms par bya'o/ / des mdza' bo la ji lta ba bzhin du dgra la'ang de bzhin du bya'o// de ci'i phyir zhe na/ byang chub sems dpa' ni yid kyi gnas ngan len dang ldan pa ma yin gyibyang chub sems dpa' ni rang bzhin gyis bsam pa yongs su dag pa yin no/ / gsang ba pa'i bdag po de lta bas na byang chub sems dpas gnod sems dang bral bar bya'o// /

  414. 208a

    gsang ba pa'i bdag po gzhan yang byang chub sems dpas log par lta ba med par bya'o/ des yang dag par lta ba dang / 'jig rten pha rol la 'chis par lta ba dang / g.yo med pa dang / rtswa rgyu med pa dang / sgyu med pa dang / rang ba dang / sangs rgyas dang / chos dang / dge 'dun la bsam pa nges par bya'o// de ci'i phyir zhe na/ gsang ba pa'i bdag po log par lta ba ni byang chub sems dpa'i kha na ma tho ba chen po ni/ dge ba'i rtsa ba thams cad gcod par 'gyur ba'o// 'di ni mi dge ba'i rtsa ba thams cad kyi phyi mo'o/ / gsang ba pa'i bdag po de lta bas na tha na bzhad gang tsam du'ang log par lta ba bskyed par mi bya'o// de nas yang bcom ldan 'das la/ gsang ba pa'i bdag po phyag na rdo rjes 'di skad ces gsol to/ / bcom ldan 'das byang chub sems dpa' rnams la dge ba bcu'i las kyi lam 'di rnams kyi sdom pa nyams pa dang / shin tu ba nas chad par 'gyur ba dang / bcom ldan 'das byang chub sems dpa' rgyal srid kyi dbang phyug gi khyim dang / chung ma dang / bu dang / bu mo dang / nye du dang / snag gi gnyen mtshams kyis yongs su bskor cing lha dang mi'i bde ba myong bar bgyid kyang ji ltar ltung bar mi 'gyur ba bshad du gsol/ de skad ces gsol pa dang / bcom ldan 'das kyis

  415. 208b

    gsang ba pa'i bdag po phyagan rdo rje la 'di skad ces bka' stsam to/ / gsangang pa'i bdag po legs so legs so// gsang ba pa'i bdag zer rgyar rgon la lems par rab yid la zung zhig dang / byang chub sems dpa' rnams kyi 'dul ba'i ltung ba rnam par nges pa la mkhas par bshad do// gsang ba pa'i bdag po de la byang chub sems dpa' ni rnam pa gnyis te/ gnyis gang zhe na/ 'di lta ste/ khyim pa dang / rab tu byung ba'o// de la byang chub sems dpa' khyim pa ni khyim na gnas shing bslab pa'i gzhi lnga bzung ste/ thabs dang tshul sna tshogs kyis rgyal srid la dbang byed do// gsang ba pa'i bdag po de la byang chub sems dpa' yul dang dus kyi dbang gis thams cad mkhyen pa nyid thob par 'dod pa ni 'di ltar thabs kyis yongs su zin par glu dang / rol mo dang / mig 'khrul la sogs pa bzo'i gnas rnam pa sna tshogs ston cing / thabs dang tshul de dang de dag gis bsdu ba'i dngos po bzhis sems can rnams yongs su sdud de/ de'ang bla na med pa yang dag par rdzogs pa'i byang chub 'dod pa'i phyir/ de la srog gcod pa dang ma byin par len pa dang / 'dod pas log par g.yem pa dang / brdzun du smra ba dang / log par lta ba rab tu spangs pa yin te/ byang chub sems dpa' khyim pas bslab

  416. 209a

    pa'i gzhi de lnga bzung nas bslab pa ji skad bstan pa rnams la slob cing / dad pas sngon gyi de bzhin gshegs pa rnams kyi rjes su bslab par bya'o// 'dus ma byas kyi tshul khrims kyi phung po bla na med pa de bzhin gshegs pas bsngags pa la gnas te/ 'dus byas kyi tshul khrims la thabs dang shes rab kyis yongs su zin par spyod cing ltung ba'i rtsa ba bzhi ni srog gi phyir yang yongs su nyams par mi bya'o/ / bzhi gang zhe na/ 'di lta ste/ dam pa'i chos spong ba dang / byang chub kyi sems gtong ba dang / ser sna byed pa dang / sems can la gnod par byed pa'o// de ci'i phyir zhe na/ 'di dag ni thabs dang shes rab tu mi ldan pa rang bzhin gyis nyon mongs pa can te/ slar gsor mi rung ba'o// de ci'i phyir zhe na/ gang dag 'das pa'i sangs rgyas dang // de bzhin gang dag ma byon dang // gang yang da lta'i mgon po rnams/ / thabs dang shes rab ldan pa la// bslabs nas bla med byang chub ni// 'dus ma byas pa des thob bo// thabs dang mi ldan ye shes dang // bslab pa ngag kyang bshad pa ni/ / dpa' bo chen po nyan thos rnams// de la gzung pa'i phyir bshad do// rnam par snang mdzad chen po mngon par rdzogs par byang chub pa rnam par

  417. 209b

    sprul pa'i byin gyis rlob pa las/ byang chub sems dpa'i bslab pa thams cad dang ldan pa rim par phye ba'o// // bam po bdun pa// / de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs te bstan pa don yod par grub par bzhed nas/ gsang sngags thams cad kyi dbang phyug/ gsang sngags kyi rgyal po// gsang sngags thams cad kyi mgon po gzi brjid chen po dam tshig gsum la gnas pa/ lam gsum yongs su rdzogs par byed pa bshad pa'i phyir/ phyag na rdo rje stobs chen la// 'jam pa'i gsung gise bka' stsal pa// gsang sngags rnams kyi gsang sngags mgon// dpa' bos ma yengs yid kyis nyon// de'i tshe ye shes dam pa zhes bya ba'i ting nge 'dzin la snyoms par zhugs nas/ ye shes sna tshogs 'byung ba'i 'od zer brgya 'phro ba'i gsung sngags 'di gsungs so/ / na maHsa man+ta bud+d+hA nAM aM a ba da/ lag na rdo rje 'di ni gsang sngags thams cad kyi gsang sngags kyi mgon po gzi brjid chen po ste/ 'di ni bdag nyid rdzogs sangs rgyas// chos kun dbang phyug thub pa yin// mi shes mun nag kun 'joms pa// nyi ma shar ba bzhin du snang // thub pa chen po bdag

  418. 210a

    nyid kyis/ / 'di lta bur ni byin brlabs te// sems can rnams la phan bzhed phyir// sprul pa rnams ni sprul par mdzad// 'di ni sems can rnams dag gis/ / sems can 'byung ba ji snyed pa// de snyed kyi ni sprul pa yi// go 'phang dam pa mdzad par 'gyur// de bas rnam pa thams cad du// rdzogs sangs rgyas kyi thabs 'dod pas/ / nang gi bdag nyid rnam dag pas// rtag tu mngon pa ra brtson par bya// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya 'byung ba bstan pa rim par phye ba rgyas pa'o// // de nas yang bcom ldan 'das rnam par snang mdzad kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po sangs rgyas bcom ldan 'das rnams gang gi tshe ye shes chen po mngon par shes par dbang bskur ba dang ldan pa'i sa thob par gyur pa de'i tshe/ sangs rgyas bcom ldan 'das de dag bdag nyid dam tshig gsum gyi lam la gnas par gzigs so// gsang ba pa'i bdag po de'i tshe yang bcom ldan 'das ye shes chen po mngon par shes par dbang bskur ba dang ldan pa gzungs kyi tshul du sangs rgyas kyi mdzad pa nye bar ston to/ / de nyid kyi tshe sangs rgyas bcom ldan 'das de dag

  419. 210b

    sems can thams cad la sangs rgyas kyi mdzad pas dam tshig gsum gyi lam ston par nye bar gnas par 'gyur ro/ / gsang ba pa'i bdag po nga'i gsung gi 'khor lo'i dkyil 'khor sprul pa rgya chen po 'jig rten gyi khams mtha' yas par khyab pa/ rnam par dag pa'i sgo sems can thams cad re ba ji lta ba bzhin du mgu bar byed pa/ chos kyi dbyings s o sor rnam par rig par byed pa'i sgo ni de lta 'di ltar bcom ldan 'das shAkya thub pa 'jig rten gyi khams nam mkha'i khams kyis klas pa ma lus par sangs rgyas kyi bya ba byed pa la zhugs kyang / gsang ba pa'i bdag po de la sems can rnams kyis 'di ni bcom ldan 'das kyi gsung gi 'khor lo'i dkyil 'khor 'byung ba ste/ sangs rgyas kyi gsung rnam par bkod pa'i rgyan kyi snying po 'byung ba'i sangs rgyas kyi sku sems can re ba ji lta ba bzhin du mgu bar mdzad pa byung ba yin no zhes bya bar rab tu mi shes pa la ltos/ 'on kyang byang chub sems dpa' 'jig rten gyi khams mtha' yas pa rgya mtsho snyed kyi sgor chos kyi dbyings mngon par rdzogs par byang chub par bya ba la brtson pa/ byang chub sems dpa' kun tu bzang po'i spyod pa las byung ba rnams 'jig rten gyi khams kyi ris rgya mtsho me tog gi gzhi'i snying po'i rgyan can 'dir ngas yongs su bzung bas/ bsam pa sna tshogs pa rnam par dag pa'i/

  420. 211a

    sgo rnams kyis sangs rgyas kyi zhing rnams ni yongs su sbyong / byang chub kyi snying po ni mngon par sgrub/ byang chub tu ni mngon par rdzogs par 'tshang rgya/ chos kyi 'khor lo ni bskor/ sangs rgyas kyi mdzad pa ni byin gyis rlob cing / de'i 'og tu yang dag par rdzogs pa'i sangs rgyas kyi go 'phang 'dod pas sems can tshad med pa'i phyir lus tshad med/ lus tshad med pa'i phyir ye shes tshad med/ ye shes tshad med pa'i phyir sems can tshad med/ sems can tshad med pa'i phyir nam mkha'i khams tshad med pa rab tu thob bo/ / gsang ba pa'i bdag po de ltar na sems can tshad med pas tshad med pa bzhi rab tu thob par 'gyur ro// thob nas kyang stobs bcu'i stobs dang ldan pa bdud bzhi las rgyal ba/ khyu mchog dang seng ge'i sgra sgrog pa yang dag par rdzogs pa'i sangs rgyas su 'gyur ro// rdzogs sangs rgyas kyis gsungs pa yi// snying po sgo brgya 'di bzlas na/ / go 'phang dam pa 'di dag kun// dpa' bo de dag rnams kyis rtogs// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'bras bu'i sbyor ba bstan pa rim par phye ba'o// // de nas yang bcom ldan 'das la/ gsang ba pa'i bdag po phyag na rdo rjes 'di skad ces

  421. 211b

    gsol to/ / sngags rnams kyi ni sngags byung ba'i// sngags kyi mgon po 'di bshad pa// ngo mtshar che'o bcom ldan 'das// thub pa chen po gnas gang du// kA gis ji ltar 'tshal bar bgyi/ / de la sngags rnams 'byung ba ni// gang gis ji ltar bdag la gsungs// mgon po smra ba rnams kyi mchog/ 'di kun bdag la bshad du gsol/ de skad gsol nas bcom ldan 'das// chos kyi dbang phyug thub pa che// kun mkhyen bcom ldan snang mdzad kyis// de tshe 'jig rten khams kun tu// yongs su khyab par gyur pa'i tshig/ 'jam pa'i gsung gis bka' stsal pa// lag na rdo rje mthu bo che// sems dpa' chen po legs so legs// sangs rgyas rnams kyi gsang ba'i mchog ngo mtshar chen po rab tu gsang / / rtog ge kun gyis mi shes pa// thams cad mkhyen la bshad par bya// gang dag theg chen dkyil 'khor 'di// snying rje 'byung bar dbang bskur cing / / gang dag drang zhing mnyan pa dang // rtag tu snying rje gang che dang // gang dag nam yang byang chub la// dmigs pa can du mi lta ba// de dag rnams kyi snying po ni// bdag nyid chen po shes par 'gyur/ / 'dren pa gang na bzhugs pa yi// de yi gnas ni snying kha ste// pad+ma yid las byung ba ni// 'dab ma brgyad pa rab mdzes la// dkyil 'khor

  422. 212a

    za balpA d+hA ni/ / dri med me long 'drab la// de la gsang sngags mgon po ni// mthu chen rtag tu gnas pa bzhugs// gser gyi kha dog 'bar bcas/ / sdig dang bral ba'i ting 'dzin gnas// nyi ma bzhin du brtag par dka'// de yis 'gro ba 'di dag kun// phyi rol dang ni nang du yang // kun tu khyab par byin gyis rlob/ / me long yid du shes par byos// shes rab mig kyang de nyid de// sngags pa shes rab mig gis su// me long la ni rnam bltas na// de ni rang gzugs rdzogs sangs/ rgyas// mtshan nyid rab tu zhi bar mthong // de tshe lus la lus kyi gzugs// yid la yid las byung ba ni// dag cing rnam par mdzes pa dag/ bdag gi las kyis byung bar gyur/ / de nas de yi 'od zer ni// gang gis sngags pa sangs rgyas kyis// spyod pa thams cad rab byed pa// kun nas rnam par snang bar 'gyur// de bzhin bdag nyid dag pa yis/ / bltas pa 'am ni smras pas kyang // yid la bsams pa'i dgos pa ni// thams cad byed par 'gyur ba nyid// gsang ba pa'i bdag po gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pas 'di ltar lus la lus kyi gzugs bskyed par bya'o/ / yang dag par rdzogs pa'i sangs rgyas las lhag pa ni

  423. 212b

    gang yang med de/ ji ltar bdag gi mig dang / rna ba dang / sna dang / lce dang / lus dang / yid la sogs pa 'byung ba chen po bzhi'i nang du gtogs pa yin la/ de dag/ kyang ngo bo nyid kyis stong pa ming tsam gyis bsdus pa/ nam mkha' dang mtshungs shing 'dra ba/ gzung du med pa/ rgyu dang las las byung ba ste/ gzugs brnyan dang 'dra ba de bzhin du de bzhin gshegs pa rnams kyis mngon par rdzogs par sangs rgyas so/ / de dag kyang phan tshun rten cing 'brel par 'byung ba'i rgyun ma chad par 'brel ba ste/ gang brten nas skyes pa de ni gzugs brnyan dang 'dra bar 'byung ngo / / de lta bas na phan tshun rten cing 'brel par 'byung ba'i phyir lha gang yin pa de bdag yin/ bdag gang yin pa de ni lha yin no zhes de ltar lus kyis lus kyi gzugs lha'i skur bskyed par bya'o/ / gsang ba pa'i bdag po chos la brten nas rtogs pa 'byung / rtogs pa la brten nas kyang chos 'byung ba la ltos/ de gnyis kyang rang bzhin gyis stong pa'i phyir phan tshun byed pa po dang las su rnam par 'jog par yang mi byed do/ / gsang ba pa'i bdag po ji ltar na yid las byung ba'i gzugs bskyed par bya zhe na/ gsang ba pa'i bdag po 'di lta ste/ dkar po 'am/ ser po 'am/ dmar po yid la byas na yid de'i rnam pa la zhen par 'gyur te/ den de lta bus dgos pa'ang de lta bu kho na mngon

  424. 213a

    par sgrub par byed do/ / gsang ba pa'i bdag po 'di lta ste/ yid la dkyil 'khor bsams nas su// rims nad can la bzhag na ni// de yi mod la skye bo ni/ / rims las thar 'gyur dogs pa med// yid med par yang dkyil 'khor yod pa ma yin la/ dkyil 'khor med par yang yid yod pa ma yin no// de ci'i phyir zhe na/ dkyil 'khor dang mtshan nyid gcig pa'i phyir ro// gsang ba pa'i bdag po 'di lta ste/ sgyu ma mkhan gyis sgyu ma'i mi gzhan zhig spru la na/ gsang ba pa'i bdag po de ji snyam du sems/ de la khyad par ci zhig yod/ de skad ces bka' stsal pa dang / bcom ldan 'das la/ gsang ba pa'i bdag po phyag na rdo rjes 'di skad ces gsol to/ / mi de gnyis ka la'ang khyad par ma mchis so// bcom ldan 'das de ci'i slad du zhe na/ mi de gnyis ka la'ang yang dag pa ma yin pa las byung ba dang sgyu ma'ang rang bzhin gyis stong pa'i slad du'o/ / gsang ba pa'i bdag po de bzhin du yid las byung ba'i dngos po dang / yid gang yin pa de gnyis ka'ang rnam par brtags pa yin pa'i phyir ngo bo nyid kyis stong pa'o/ / rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya pa rnam par dgod pa sgrub

  425. 213b

    pa rim par phye ba'o/ / // de nas yang bcom ldan 'das kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po gsang sngags kyi mgon po'i sku dang lus su dbyer med pa nyon cig/ yid las gyur pa las byung zhing // yid kyang shin tu rnam sbyangs na// mgon po de na bzhugs pa las// 'od zer sku las byung ba rnams/ / yan lag gi ni yan lag nas// rtag par kun tu rnam par 'phro// tshul 'di dag ni ma shes pas// rmongs pa rnams kyis yong mi shes// lus kyi bye brag ji snyed pa/ / brjod pa las ni mang du gyur// de bzhin sngags kyi mgon po yi// bye brag dag kyang grangs med gsungs// ji ltar yid bzhin nor bu ni// dpal ldan 'dod pa'i don sgrub pa/ / de bzhin 'jig rten sgron ma yi// sku yang don rnams thams cad sgrub// gsang ba pa'i bdag po chos kyi dbyings rnam par mi rtog pa ji ltar dgos pa thams cad mngon par sgrub ce na/ gsang ba pa'i bdag po 'di lta ste/ dper na nam mkha'i khams ni sems can yang ma yin/ srog kyang ma yin/ shed las skyes pa'/ ma yin/ byed pa po'ang ma yin/ tshor ba po'ang ma yin/ gzung ba po'ang ma yin/ 'dzin pa'ang ma yin zhing / rtog pa dang rnam par rtog pa thams cad dang bral mod

  426. 214a

    kyis 'on kyang sems can gyi khams ma lus pa rnams 'gro ba dang 'ong ba la sogs pa thams cad byed de 'di la mi rtog pa med do/ / de bzhin rnam par mi rtog pa'i/ / thams cad mkhyen pa'i gnas med 'di// 'gro ba rnams kyi phyi dang nang // thams cad nges pa nyid du sgrub// de nas yang bcom ldan 'das kyis sems can gyi khams ma lus pa rnam par sbyong ba'i tshig rnams kyis ting nge 'dzin sgrub pa'i tshig bsam gyis mi khyab pa'i tshig yongs su gyur pa'i sgo'i tshig gsungs pa/ gang gi tshe na thog ma nas/ cung zad skye ba'am 'jig med pa// de tshe rnal 'byor can dag gi/ stong pa'i ye shes ji ltar skye// gang tshe chos zhes bya ba de// ngo bo nyid kyis mi rnyed pa// de tshe nam mkha' 'dra ba'i sems/ / byang chub 'byung ba skye bar 'gyur// de tshe 'jig rten kun mthun pa'i// snying rje dag kyang skye bar 'gyur// ming tsam gyi ni tshul du gnas// sangs rgyas ming du 'di brjod do/ / de tshe stong dang mi stong zhes// yang dag tu ni ming du 'dogs// de la gcig gnyis gsum la sogs// grangs kyi dbye ba'ang 'byung bar 'gyur// de ltar dpa' bo stong pa de/ / rang byung rnams kyi byin rlabs las// a la sogs pa rim bzhin 'phel// a ba ka kha ka u0f88u0f90/ tsa tshadzad+ha/ Ta tra Dar+d+ha/ ta thad d+ha/ pa ba ba rnam ya

  427. 214b

    wa ra la/ sha Sha sa ha/ nga nya Na na/ rnams ni gsang ba pa'i bdag po a zhes bya ba'i mtshan mas byin gyis brlabs pa'i stong pa nyid kyi mthu rlabs ting nge 'dzin gyis tshul sgrub pa la ltos/ gsang ba pa'i bdag po a zhes bya ba nyid rnam pa sna tshogs su bkod pa'i bdag nyid du gnas so// de'ang chos thams cad ma skyes pa'o zhes rang gi ngo bo nyid mngon par ston to/ / kha cig tu ni brjod du med pa'i don du ba'i gzugs kyis ston to// kha cig tu ni chos thams cad dgos pa dang bral ba'i don du ka'i gzugs kyis ston to// kha cig tu ni chos thams cad nam mkha' dang 'dra'o zhes kha'i gzugs kyis ston to// kha cig tu ni chos thams cad 'gro ba med par ga'i gzugs kyis ston to// kha cig tu ni gcig tu 'phungs pa med par g+ha'i gzugs kyis ston to/ / kha cig tu ni chos thams cad 'chi 'pho med pa'o zhes tsa'i gzugs kyis ston to// kha cig tu ni chos thams cad ston ka'i sprin dang 'dra'o zhes tsha'i gzugs kyis ston to/ / kha cig tu ni chos thams cad skye ba med par dza'i gzugs kyis ston to// kha cig tu ni chos thams cad rnyog ma dang bral ba'o zhes dz+ha'i gzugs kyis ston to/ / kha cig tu ni chos thams cad nga rgyal dang bral ba'o zhes Ta'i gzugs kyis ston to// kha cig tu ni chos thams cad bskyed pa dang bral ba'o zhes ma'i

  428. 215a

    gzugs kyis ston to/ / kha cig tu ni chos thams cad 'khrug pa dang bral ba'o zhes Da'i gzugs kyis ston to// kha cig tu ni chos thams cad slu ba dang bral ba'o zhes rna'i gzugs kyis ston to/ / kha cig tu ni chos thams cad de bzhin nyid dang bral ba'o zhes te'i gzugs kyis ston to// kha cig tu ni chos thams cad gnas pa dang bral ba'o zhes tha'i gzugs kyis ston to/ / kha cig tu ni chos thams cad sbyin pa dang bral ba'o zhes de'i gzugs kyis ston to// kha cig tu ni chos thams cad khams dmigs su med pa'i phyir d+ha'i gzugs kyis ston to/ / kha cig tu ni chos thams cad la don dam pa'i bden pa dmigs su med pa'i phyir pa'i gzugs kyis ston to// kha cig tu ni chos thams cad dbu ba ltar snying po med pa'o zhes pa'i gzugs kyis ston to/ / kha cig tu ni chos thams cad la srid pa dmigs su med do zhes b+ha'i gzugs kyis ston to// kha cig tu ni chos thams cad la 'chi ba dmigs su med do zhes ma'i gzugs kyis ston to/ / kha cig tu ni chos thams cad la theg pa dmigs su med pa'o zhes ya'i gzugs kyis ston to// kha cig tu ni chos thams cad rdul dang bral lo zhes ra'i gzugs kyis ston to/ / kha cig tu ni chos thams cad mtshan nyid dmigs su med do zhes la'i gzugs kyis ston to// kha cig tu ni chos thams cad zhi ba dang

  429. 215b

    bral ba'o zhes sha'i gzugs kyis ston to/ / kha cig tu ni chos thams cad rang bzhin gyis bems po'o zhes Sha'i gzugs kyis ston to// kha cig tu ni chos thams cad la bden pa dmigs su med do zhes sa'i gzugs kyis ston to/ / kha cig tu ni chos thams cad rgyu dang bral ba'o zhes rga'i gzugs kyis ston to// gsang ba pa'i bdag po de ltar na ting nge 'dzin sgrub pa'i sgo re re la'ang / ting nge 'dzin sgrub pa'i sgo sum cu rtsa gnyis su rig par bya'o// gsang ba pa'i bdag po skyes bu chen po'i mtshan sum cu rtsa gnyis gang yin pa de dag kyang 'di dag nyid las byung ba la ltos/ nga dang / nya dang / Na dang / na rnams ni ting nge 'dzin thams cad la dbang byed pa ste/ de rnams las yang dag par rdzogs pa'i sangs rgyas kyi dpe byad bzang po rnams kyang mngon par 'grub par lta'o/ / gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pas/ 'di ltar sangs rgyas kyis dgongs pa mthar phyin pa sems bcu rnam pa bcur bsgyur ba'i tshad las yi ge brgya 'byung ba'i dam tshig bstan par shes par bya'o/ / rdzogs sangs rgyas kyis 'di dag kun// chub par byas shing rgyas par byas// nga la'ang thams cad yod pas na// nga ni rgyal mchog kun sangs rgyas// rnam par snang mdzad chen po mngon par rdzogs par byang chub pa rnam par sprul

  430. 216a

    pa byin gyis rlob pa las/ bdag nyid sgrub pa'i rim par phye ba'o// / gsang ba pa'i bdag po gzhan yang 'di dag thams cad ni/ ting nge 'dzin gyi tshul sgrub pa'i tshig rnams te/ stong pa nyid 'dis byin gyis brlabs na/ chos thams cad la dbang mdzad pa rdzogs pa'i sangs rgyas ji lta ba bzhin du 'gyur ro// de bas yi ge lha yin te/ a zhes bya ba go 'phang mchog/ yi ge rnams kyis yongs bskor cing // thams cad du yang rnam par snang // lha de mtshan nyid med pa ste// mtshan gzhi mtshan nyid spangs pa dang / / mtshan nyid med pa'i lha las ni// mtshan nyid 'di dag byung bar gyur// sgra las su ni yi ge 'byung // yi ge las ni gsang sngags 'byung // sngags las 'bras bu 'byung bar yang / / skyob pa rnams ni kun gyis gsungs// sgra ni stong par shes bya ste// des ni 'di kun stong pa yin// mi rtog bzhin du ji lta bar// des ni 'di kun stong par bya/ / stong min sgra yang yod ma yin// sbyor ba dag kyang kun tu bstan// sgra de rtogs par gyur pa ni// lha yi gnas dang ting nge 'dzin// yi ge dgod par sbyar ba dang // yi ge rnams kyis kun bstan pas/ / gsang sngags mang po zhes bya bar// tha snyad gdags pa'i gnas su 'gyur// rnam par snang mdzad chen po mngon par rdzogs par byang chub pa rnam par sprul

  431. 216b

    pa byin gyis rlob pa las/ yi ge brgya pa'i sngags kyi cho ga rim par phye ba'o// / ji ltar nam mkha'i phyogs rnams ni// kun la rtag par mi gnas pa// de bzhin chos rnams thams cad la/ / gsang sngags mgon po mi gnas so// ji ltar dngos rnams nam mkha' la// gnas shing rtag tu rnam snang yang // de ni gnas su mi 'gyur ba// gsang sngags mgon po'ang de bzhin no// nam mkha' dus gsum la sogs dang // ji ltar bral bar 'dod pa bzhin// de ltar gsang sngags mgon po yang // dus gsum med kyang rnam par snang / / ming tsam du ni gdags pa'i gnas// byed pa po la sogs dang bral// nam mkha' la ni tha snyad du// mkhas pa rnams ni 'dogs par byed// ming ma gtogs par cung zad kyang / / yod pa ma yin nam mkha' bzhin// de bzhin gsang sngags dbang phyug kyang // tha snyad tsam du snang bar zad// me dang chu dang rlung ma yin// sa dang nyi ma'ang ma yin zhing / / zla ba la sogs gza' kun min// nyin par dang ni mtshan mo'ang min// skye ba dang ni rga ba'ang min// 'chi ba dang ni rgud pa'ang min// skad cig ma yin yud tsam min/ / lo la sogs pa'ang ma yin zhing // 'jig pa dang ni chags pa'ang min// bskal pa'i zangs kyang yod ma yin// dge dang mi dge las byung ba'i// 'bras

  432. 217a

    bu'ang yod pa ma yin no/ / kun mkhyen go 'phang 'dod pa yin// rtog pa rnam pa sna tshogs pa// de kun gang la med gyur pa// de la rtag tu brtson par byed/ rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ rdzogs par byang chub pa'i ngo bo nyid bstan pa'i rim par phye ba'o// / de nas yang bcom ldan 'das la// gsang ba pa'i bdag po phyag na rdo rjes 'di skad ces gsol to// bcom ldan 'das dam tshig gsum zhes bgyi ba de chos gang gi tshig bla dgas lags/ de skad ces gsol pa dang / bcom ldan 'das rnam par snang mdzad kyis/ gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po khyod kyis nga la gang zhus pa de legs so legs so/ / de'i phyir nyon la legs par rab tu yid la zung zhig dang ngas khyod la bshad do// bcom ldan 'das de ltar 'tshal lo zhes gsol nas/ gsang ba pa'i bdag po phyag na rdo rjes bcom ldan 'das la nyan pa dang / bcom ldan 'das kyis de la 'di skad ces bka' stsal to// chos kyi khyad par gang las chos kyi khyad par rnam pa gsum sgrib pa med pa'i tshul gyis 'byung bar 'gyur ba de ni dam tshig gsum ste/ chos kyi khyad par de'ang gang zhe na/ chos shes bya ba ni dang po'i sems te rna

  433. 217b

    par ma bsgoms pa'i rang bzhin dang / de'i rjes la byung ba'i shes rab dang / des kyang yang dag par ji lta ba bzhin du yongs su shes nas rtogs pa'i dra ba ma lus pa dang bral ba'i sems bskyed pa ni byang chub kyi mtshan nyid do/ / gnyis pa ni rnam par mi rtog pa ste rdzogs pa'i sangs rgyas kyi go 'phang ngo // gsang ba pa'i bdag po yang dag pa ji lta ba bzhin du mthong nas kyang sems can gyi khams ma lus pa la bltas nas snying rje'i dbang du gyur par dmigs su med pa nyid du 'di lta ste/ spros pa thams cad dang bral ba mtshan nyid med pa'i byang chub la sems can rnams rab tu dgod par bya'o snyam pa'i byang chub kyi sems skye ba de ni dam tshig de gsum mo/ / gsang ba pa'i bdag po gzhan yang dam tshig gsum gang zhe na/ dang po'i sems ni sangs rgyas te/ / gnyis pa yang ni chos zhes bya// de dang lhan cig byung ba'i sems// dge 'dun zhes ni bshad pa yin// dpa' bo dam tshig de gsum ni// 'dren pa rnams kyis khyod la bshad/ / de tshe sna tshogs tshul gyi sgos// dpa' bo sems can phan 'dod pas// dam tshig gsum po 'di dag la// gnas nas byang chub spyad pa spyod// gsang ba pa'i bdag po gang gi tshe sku gsum la mnga' mdzad pa de dag rdzogs par sangs rgyas par gyur pa de'i tshe/ yang dag par rdzogs pa'i sangs rgyas de dag 'di ltar dang por sprul pa'i

  434. 218a

    sku gcig pur byin gyis brlabs nas bstan pa gzhag pa mdzad do/ / gsang ba pa'i bdag po gzhan yang sku gcig pu de nyid rnam pa gsum du 'jog pa ni 'di ltar sangs rgyas dang / chos dang / dge 'dun no// gsang ba pa'i bdag po gzhan yang de nyid theg pa gsum du 'jog pa ston to// de'i tshe sangs rgyas kyi bya ba mtha' dag byas nas yongs su mya ngan las 'da' ba ston cing sems can rnams yongs su smin par mdzad do/ / gsang ba pa'i bdag po mi dad pa dang / le lo can dang / 'du 'ji can dang / sngags la yid mi ches pa dang / yo byad mang po la sogs pa ma gtogs par gsang sngags kyi sgo nas byang chub sems dpa'i spyad pa spyod pa gang dag yin/ dam tshig gsum po yongs su shes pa dang ldan pa/ gsang sngags kyi cho ga sgrub pa de dag la rtogs pa las byung ba'i bgegs med pa la ltos/ chang btung ba dang / la nyal ba gnyis ni mi bya'o// rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ dam tshig gsum spyad pa rim par phye ba'o/ / // ji ltar de bzhin gshegs pa lags// ji ltar rgyal ba mchog tu 'gyur// ji ltar byang chub sems dpa' lags// ji ltar sangs rgyas zhes ni

  435. 218b

    bgyi/ / thub chen mgon pos bdag gis ni// the tsom 'di dag bsal du gsol// byang chub sems dpa' grags chen rnams// the tsom yid gnyis bsal nas su// sprad pa'i rgyal po bla med pa// theg chen la ni spyod par 'gyur// de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas gsang ba pa'i bdag po phyag na rdo rje la bka' stsal pa/ / lag na rdo rje gang khyod nga la zhu ba legs so legs so// de'i phyir theg pa chen po'i tshul bshad kyis nyon cig/ byang chub nam mkha'i mtshan nyid de/ / kun tu rtog pa thams cad spangs// gang zhig de rtogs 'dod pa de// byang chub sems dpa' zhes bya'o// gang gis sa bcu bsgrubs nas ni// dbang bcu legs rtogs khong du chud// stong pa sgyu ma 'dra ba'i chos// rnam pa thams cad mkhyen cing 'dir// 'jig rten kun gyi tshul mkhyen pa// sangs rgyas zhes ni bya ba yin/ / chos ni nam mkha'i mtshan nyid de// gnyis su med cing mtshan nyid gcig/ stobs bcus rdzogs par sangs rgyas pa// de ni rdzogs sangs rgyas zhes bya// 'du shes tsam yang spangs pa'i phyir/ / rang gi ngo bor bstan du med// ye shes rang rig bya ba ni// de ni de bzhin gshegs pas bshad// rnam par snang mdzad chen po mngon par rdzogs par

  436. 219a

    byang chub pa rnam par sprul pa byin gyis rlob pa las/ de bzhin gshegs pa bstan pa rim par phye ba'o// // lag na rdo rje gzhan yang dus gcig gi tshe na nga byang chub sems dpar gyur te/ byang chub sems dpa'i spyad pa spyod cing tshangs pa'i 'jig rten na 'dug pa na tshangs pas nga la/ kye tshangs pa chen po me la rnam pa du yod par shes par bya zhes dris pa dang / ngas de la 'di skad ces smras so// kye nga rgyal can gang yin pa de ni rang byung ba'o// de'i 'og tu tshangs pa'i bu ste de la skyes pa yin no// 'jig rten pa yi mes po ka/ tshangs pa'i bu ni dang po yin// de'i bu tshangs pa'i zas de yang // b+ha ra ta zhes bya bar bshad// de'i bu bai shA nar dang // ha ba na dang bsreg bya len// ngos bsrungs a ta ra ba na yi/ / bu yin par ni rgya mtshor grags// rlung zhes bya ba'i me de ni// mngal du 'dug pa'i cho gar bshad// de nas mi khrus bya ba la// de bzhin pa ba ma nar shes/ / bkra shis zhes bya mtshams kyi mthar// btsas pa'i las la bra gal pa'o// mi 'dogs me ni bar thi ba// de bzhin dkan dbab pa la gtsang // shad bi zhes bya gtsug pud la/ / brtul zhugs sbyin pa kun byung ngo // nyi ma zhes bya phyug sbyin la'o// bag ma len la sbyor byed bshad// ag+ne yas ni khyim kha bsro// nye bar dbul la me nyid do// pa

  437. 219b

    ka zhes bya ba'i me/ / sna tshogs lha la sbyar bar bshad// khyim bdag la ni tshangs pa'i me// de bzhin nor 'bru ba la zhi// de bzhin phyugs ni bcings pa la// a ba ni ka zhes bya'i me/ / ltung ba la ni bi tsi tsi// btsos sbyin la ni sA ha sa// dus kyi 'tshams la ha bir zhes// de bzhin zla ba gnas la gter// mi Ta zhes bya dgang thugs la// zhi la da ru nar 'dod do/ / byas mtha'i me ni gshin rje'o// de bzhin rgyas la stobs sbyin pa'o// drag shul spyad pa thams cad la// khro bo'i me ni rab tu bsgrags// 'dod las skyes zhes bya ba'i me/ / de ni dbang gi don du bshad// nags tshal sreg pa po nya'i me// khong pa'i me ni dzi tha ra// bza' bar bya ba sha zar bshad// rgod ma'i kha ni rgya mtsho na'o// zad tshe 'jig pa zhes bya ste/ / dus mtha'i me ni yang dag bsgrags// 'di ni me rnams mdor bsdus nas// nges pa khyod la bshad pa ste// rig byed thos pa spyod rnams kyis// tshangs pa'i bu dag brjod pa yin/ / bzhi bcu rtsa bzhi 'di dag ni// de yi tshe nangs bstan to// gsang ba pa'i bdag po de la// me rnams rang bzhin mi shes par// gang dag sbyin sreg byed pa de/ / sbyin sreg ma yin legs byas min// las kyi 'bras bu'ang yod mi 'gyur// ngas byang chub mngon par rdzogs par sangs rgyas nas ni ma rnam pa bcu gnyis bstan te/

  438. 220a

    de dag kyang gang zhe na/ ye shes me ni dang po ste// de ni dbang chen zhes su bsgrags// kha dog ser po'i mdog can la// mdog dang rgyas dang stobs rab ste// 'bar ba'i 'phreng can ting 'dzin gnas// ye shes rdzogs byed yin zhes bya// gnyis pa 'dzin byed ces bya ste// ston ka'i zla ba'i 'od dang 'dra// dpal ldan gos ni dkar po bgos/ / bgrang 'phreng ril pa spyi blugs thogs// gsum pa rlung zhes bya ba ste// mdog ni gnag la rtsub pa'o// bzhi pa dmar po zhes bya ste// nub ka'i mtshams kyi dmar thag 'dra/ / lnga pa mr-i Da zhes bya ba// spun la kha dog kham pa ste// mgrin pa ring zhing gzi brjid che// kun la phan ni 'dogs par bshad// drug pa khro bo zhes bya ba// mig yon dud pa'i kha dog 'dra/ / gyen du sla brdzes sgra chen 'byin// mche ba bzhi pa stobs po che// bdun pa lto ba zhes bya ste// rno la kha dog kun dang ldan// brgyad pa brang ba zhes bya ba/ / glog gi 'od zer 'gyur ba 'dra// dgu pa yid las skyes zhes bya// sna tshogs gzugs can stobs po che// bcu pa 'jig rten 'dzin pa yin// sha za'i me ni de las gzhan/ / rmugs byed ces pa bcu gnyis te// sems can thams cad rmugs byed pa'o// gsang ba'i bdag po de ltar du// me yi gzugs ni byin brlabs te// bdag gi

  439. 220b

    rang gi gzugs dang ni/ / rdzas kyang de yi ngo bor bya// 'di ni phyi yi sbyin sreg ste// dngos grub 'dod pas sbyin sreg bya// gsang ba pa'i bdag po nang gi ni rang bzhin gcig pa ste/ gnas gsum gcig tu bya ba'i tshul gyis gsum dang ldan pa ni nang gi sbyin sreg yin no// gsang ba pa'i bdag po byams pa chen po dang / snying rje chen po dang ldan pa ni zhi ba'o/ / dga' ba dang ldan pa ni rgyas pa'o// khro bo'i mes ni drag shul spyad par bya ste/ khro bo nyid brtsan par byas la/ Ta dang pha'i bar du ming bcug ste/ gzugs brnyan yang khro bo'i dkyil 'khor du bzhag la khro bo thul bas bya'o// dbus su ni rlung gi ma bzhag go// gsang ba pa'i bdag po de ltar ji skad bsgrags pa'i gnas de dang de ngag tu ji ltar rigs pa dang ji ltar ldan par sbyin sreg bya'o/ / de nas yang bcom ldan 'das la// phyag na rdo rjes 'di skad ces gsol to// bcom ldan 'das me'i thab khung ji ltar bgyi/ / bsang gtor dag kyang ji ltar bgyi// ku sha'i rtsa yang ji ltar dgram// ji ltar bsam pa bdag la gsungs// de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po/ de la me yi thab khung ni// kun tu khru gang tsam gyi tshad// kha khyer sor

  440. 221a

    bzhi'i tshad du bya/ / rdo rje'i mtshan ma dag gis mtshan// thab khung gi ni g.yas phyogs nas// ku sha'i rtswa ni rlon pa dgram// rtse mo dag kyang rtsa bas dkris/ / rtsa ba dag kyang rtse mos dkri// 'dir ni bsang gtor g.yas phyogs nas// ku sha bskor ba bzhin du bya// byug spos me tog bdug spos dang // mr-i Da'i ma la dbul bar bya/ / zhugs thub der ni mr-i Da'i me// me tog gcig gis rang gi gzugs// sngags pa sdom brtson can gyis gzhag/ bsang gtor dag kyang de nas byas// dgang blugs rang gi gsang sngags kyis/ / mkhas pas de la dbul bar bya// de nas zhi ba'i sbyin sreg gam// yang na rgyas pa'i sbyin sreg bya// 'jig rten pa yi sbyin sreg ni// phyi rol pa zhes gsungs pa yin/ / gzhan yang nang gi sbyin sreg ni// las dang tshe dag bkag pa ste// de ni yid kyir shes par bya// gzugs dang sgra la sogs pa spangs// mig dang / rna ba dang // sna dang / lce dang / lus rnams ni yid las skyes pa sems kyi rgyal po la gnas pa ste/ kun tu rtogs pas bskyed pa 'di dag dang / byang chub kyi sems dang / yul dang / mig la sogs pa dang / rlung gi mi'ang 'gro ba med pa'i shes rab kyis bkag ste/ yid kyi me la sbyin sreg bya'o// de ni nang gi sbyin sreg ces// nges pa khyod la bstan pa yin/

  441. 221b

    de nas bcom ldan 'das kyis/ thams cad dang ldan pa'i 'khor 'dus pa la bka' stsal pa/ khyed rnams kyis chos kyi rnam grangs 'di la bag yod par gnas pas spyad par bya'o// nga yi sras rnams ma gtogs par// gzhan su la yang ma sbyin cig/ de dag mtshan nyid bshad par bya// thams cad kyis kyang mnyan par gyis// nyi ma'i rigs las skyes pa dang // / nga rgyal can la blo yang zhib// byas pa gzo zhing chos kyang 'dod// chog kyang shes shing chos la 'bad// kha dog dag kyang sngo bsangs la// bzhin yang shin tu bzang ba dang / sna dbyibs mtho la rtse mo no// mgo dang dpral ba'i dbyes che ba// de kun nga yi sras yin te// bstan pa'i don la sems pa yin// de dag la ni nan tan du// 'di ni rtag tu sbyin par bya'o/ / de nas de dag thams cad yid rab tu dga' nas ston pas bka' stsal pa bzhin du bgyi'o zhes gsol to// de nas de'i tshe thams cad kyis de bzhin gshegs pa la phyag 'tshal te/ mchod pa dag kyang legs byas nas// spyan sngar 'khod nas thal sbyar te// 'di skad ces ni tshig tu smras// chos kyi tshul 'di 'jig rten na// ji ltar yun ring kun gnas par// mgon po byin gyis brlabs kyi tshig/ bstan pa 'di la bshad du gsol// de nas bcom ldan 'das kyis de'i tshe chos kyi rnam grangs 'di la byin gyis brlabs pa'i tshig gsungs pa/ na maHsa man+ta

  442. 222a

    bud+d+hA nAM/ sarba thA/ shi shi/ tra tra/ gr-i nr-i/ d+hA ra d+ha ra/ s+thA pa ya/ bud+d+ha satwa bAka/ rnam/ sat+ya/ bAka/ d+hun+tu/ be da bi de swAH/ bcom ldan 'das/ kyis de skad ces bka' stsal pa dang / rdo rje 'dzin de dag dang / byang chub sems dpa' kun tu bzang po la sogs pa de dag yi rangs nas/ bcom ldan 'das kyis gsungs pa la mngon par bstod do/ / rnam par snang mdzad chen po mngon par rdzogs par byang chub pa rnam par sprul pa byin gyis rlob pa shin tu rgyas pa chen po mdo sde'i dbang po'i rgyal po las/ gsang sngags kyi sgo nas byang chub sems dpa'i spyad pa spyod pa'i cho ga ji snyed par rim par phye ba nyi shu rtsa lnga pa rdzogs so/ / / rgya gar gyi mkhan po shI len+d+ra bo d+hi dang / zhu chen gyi lo tsa ba dge slong dpal brtsegs rak+Shi tas bsgyur cing zhus te gtan la phab pa'o/ / // mkhas pas rgyud rnams thams cad las// dngos grub ji snyed gsungs pa rnams// de dag thams cad mdor bsdu na/ / rnam pa bzhir ni ma lus 'dus// las kyi dang po zhi ba ste// de bzhin gzhan yang rgyas pa dang // dbang dang drag shul spyod pa'i las// rnam pa 'di bzhir rab tu bsgrags/ / de la thar pa la sogs pa'i dngos grub dang / gdon la sogs pa'i gnod pa zhi ba dang / tshe ring bar bya ba ni zhi ba'o// yid bzhin gyi nor bu dang / ral gri'i rig sngags

  443. 222b

    'chang dang / 'khor los sgyur ba'i rgyal srid la sogs pa dang / nor sgrub pa gang yang rung ste/ de dag thams cad ni rgyas pa'o zhes gsang sngags la mkhas pa rnams smra'o// skyes bu dang / bud med dang / khye'u dang / bu mo dang / rgyal po dang / blon po la sogs pa dang / lha dang / klu dang / gnod sbyin dang / gnod sbyin mo dang / lha ma yin mo dang / sha za mo la sogs pa dbang du bya zhing dgug pa ni dbang du bya ba'o zhes rig sngags 'chang rnams smra'o/ / bcing bar bya ba dang / gnod par bya ba dang / yan lag bcad pa dang / dgar ba dang sdang bar bya ba dang / gsad pa dang / bskam pa la sogs pa mdor na sems can rnams kyi lus la gnod par bya ba gang yang rung ste/ de dag thams cad ni drag shul spyad pa yin no/ zhes rig sngags 'chang rnams smra'o// sbyin sreg tshim byed las rnams kyis// gsang sngags dngos grub myur du ster// lha rnams thams cad byin rlob cing // dngos grub mchog kyang ster bar 'gyur/ / nyungs sam ma 'byor cho ga nyams// yi ge gug kyang lhag ma chad// mnan tam bgegs kyis brlams kyang rung // de dag thams cad sbyor bar byed// sbyin sreg med par las rnams las// dngos grub thob par yong mi 'gyur// sbyin sreg las rnams nges pa ni// de bas nan tan bskyed de bya// zhi ba dang / rgyas pa dang /

  444. 223a

    dbang du bya ba dang / drag shul spyod pa'i bye brag las sbyin sreg gi bye brag dbye bar bya'o// de la re zhig zhi ba'i las kyi sbyin sreg nges pa ni grong gi byang phyogs rgyang grags gcig tsam du song la/ sa gzhi legs par brtag pa ni chu bo ga'i ngogs sam/ pad+ma'i mtsho 'gram mam/ 'bab chu'i 'am ma mam/ mtsho'i gling du'ang rung ste/ sa gzhi kha dog dkar po la bdag nyid rdo rje sems dpar byin gyis brlabs te/ sa la bskul ba dang sbyang ba la sogs pa byas te/ yar gyi ngo'i tshes lnga 'am/ bzhi 'am/ bcu'am/ zla ba nya la dkyil 'khor brtsam pa 'di ltar bya'o// skar ma khrums smad dang / gre dang / skag dang / mchu ni zhi ba'i skar ma yin no// gza' zla ba 'am/ pawa sangs dbang ba la dang por las brtsam par bya'o// de nas bdag nyid spyan ras gzigs dbang phyug gi skur bsgyur la/ bcom ldan 'das rnam par snang mdzad ral gri'i phyag rgya 'am/ yi ge a'i 'brur pad+ma la gzhag go// a/ de nas byang phyogs su sangs rgyas rnams kyi phyag rgya gru gsum pa'am/ yig 'brur pad+ma'i steng du gzhag go// aM sangs rgyas rnams kyi nub phyogs su nam mkha'i snying po ral gri'i phyag rgya 'am/ yi ge'i 'brur gzhag go// I nam mkha'i snying po'i nub phyogs su 'jam dpal te/ de'ang

  445. 223b

    ut+pa la'i phyag rgya 'am/ yi ge'i 'brur gzhag go// mAM de'i nub phyogs su nam mkha'i spyan phyag rgya 'am/ yig 'brur gzhag go// bA sangs rgyas rnams kyi shar phyogs su shAkya thub pa lhung bzed kyi phyag rgya'am/ yig 'brur gzhag go// b+hA/ de'i drung du mdzod smra yid bzhin gyi nor bu'i phyag rgya 'am/ yig 'brur gzhag go// de nas byang chub sems dpa' rnams yid bzhin nor bu'i phyag rgya yig 'bru dang bcas par bri ste/ de la 'di ni yi ge'i 'bru'o// ka/ de nas rnam par snang mdzad chen po'i g.yas rol du spyan ras gzigs dbang phyug pad+ma'i phyag rgya 'am/ yig 'brur gzhag go/ sa spyan ras gzigs dbang phyug gi g.yon logs su mthu chen po thob pa pad+ma'i phyag rgya 'am/ yig 'brur gzhag go/ / ma mthu chen po thob pa'i drung du khro gnyer can kun da'i phyag rgya 'am/ yig 'brur gzhag go/ hrI pad+ma 'dzin gyi g.yas logs su lha mo sgrol ma u la'i phyag rgya 'am/ yi ge 'brur gzhag go// tAM de'i drung du gos dkar can pad+ma'i phyag rgya 'am yi ge 'brur gzhag go// po bcom ldan 'das kyi g.yon logs su rdo rje 'dzin rdo rje'i phyag rgya'am/ yi ge 'brur pad+ma'i steng du gzhag go// ba~M de'i g.yas logs su mA ma kI rdo rje'i phyag rgya 'am yi ge 'brur gzhag go// mA de'i drung du rig pa'i

  446. 224a

    rgyal po gnod mdzes rdo rje'i phyag rgya 'am/ yi ge 'brur gzhag go// sa rdo rje 'dzin gyi g.yon logs su bdud rtsi thab sbyor rdo rje'i phyag rgya 'am/ yi ge 'brur gzhag go/ / mri/ de'i drung du rdo rje 'dzin thams cad rdo rje'i phyag rgya 'am/ yi ge 'brur gzhag go// hUM bcom ldan 'das kyi 'og logs su me'i phyogs su mi g.yo ba ral gri'i phyag rgya 'am/ yi ge 'brur gzhag go// hUM bcom ldan 'das kyi 'og logs bden bral gyi phyogs su 'jig rten gsum las rnam par rgyal ba rdo rje be con gyi phyag rgya'am/ yi ge 'brur gzhag go// hA sgo drung gnyis su klu'i rgyal po dga' bo dang bsnyen dga' bo gnyis dga' bo dang bsnyen dga' bo zhes pa'i ming du gzhag go// sgo khyud rnams kyi nang du srung ba bzhi dgod/ shar phyogs su ral gri dang yi ge 'bru'o// tsabyang phyogs su ral mi dang yi ge 'bru'o// pa nub phyogs su be con dang yi ge 'bru'o// sa lho phyogs su be con dang yi ge 'bru'o/ / k+Sha/ de nas phyi rol gyi ri mo'i nang logs su gnas kyi dkyil 'khor chung ngu la gnas gtsang ma lnga rnams bri ba ni dkyil 'khor dang po la saM saM swA hA zhes bya'o// gnyis pa la ma no ma ya zhes bya'o// gsum pa la d+harma saM b+ha ba zhes bya'o// bzhi pa la bi b+ha ba zhes bya'o// lnga pa la ka tha na na zhes bya'o// yang na gnas kyi dkyil 'khor chung ngu la

  447. 224b

    saM saM swA hA zhes bya ba gzhag tu rung ngo / / bdag gi lha ni rigs gang du gtogs pa de'i rigs kyi bdag po'i gnas su bdag gi phyag rgya'am/ yi ge 'brur gzhag par bya'o// de nas phyi rol gyi ri mo'i nang thog thag tu pad+ma bri'o/ / de nas dkyil gyi sgo'i g.yas rol 'khor sa'i nang rol du me'i thab khung bya ba ni/ kho ra khor yug zlum po la// khru tshad kyi ni tshad du bya/ zabs su sor ni bcu gnyis tshad// de yi steng du kha ran ni// kun tu sor bzhi tsam du bya// de yi zhabs kyi dbus su ni// 'khor lo 'phang du sor gcig bya// de nas 'dug la dam tshig gi phyag rgya btsangs te/ dam tshig gi gsang sngags brjod la/ yi ge sa dang pad+ma'i phyag rgyas bdag spyan ras gzigs dbang phyug tu byin gyis brlabs te/ yi ge a rang gi dkyil 'khor la gnas pa las rnam par snang mdzad chen po'i sku ji lta ba bzhin du 'gyur bar bsams la nyid kyi phyag rgya'ang bstan to/ / de nas ral gri'i phyag rgya bcings la yi ge a las bdag nyid rnam par snang mdzad chen po'i skur byin gyis brlabs te/ dkyil 'khor gyi yi ge thams cad so so'i lha'i gnas su gyur par bsams la so so'i phyag rgya rnams kyang bstan to// de nas 'phags pa mi g.yo ba'i sngags zlos shing las kyi rdo rjes byas la/ lha rnams so so'i dkyil 'khor na ji snyed bzhugs pa la byug spos dang / me tog la sogs pa dbul lo// yi

  448. 225a

    s+yA rdu nga bral ba donam ra mas panal/ byas mos da ma thos sa sogam pa ma pa'i gas rnanas kyis ma sa/ sbyi ma ma songasapamam ma'i nga po'i gas sngags kyis kyang mngon par garnams la ma ma// zlus smos 'din nas te/ bdag la thugs da gamadzod cheg kyim mam pa bya'o/ / de bzhin du thams cad la sbyar ro// san 'an/ thangs mogasaHma ro la yongs d+hu d+hAnasa'aphags pa migamo pa'i sngags s+ho// na sa kyims byugs so// / sma khrisad+hA kA9/ ga gi nga ma / na 'dus min ma gyis smram ma/ nan/ gaganas sa mangs sul/ / mas sa na/ # i

  449. 225b

    daM me kA ts+ya ku ru swAH/ de bzhin du thams cad la'ang sbyar bar bya'o// zhi ba'i cho ga ni tsan dan dkar po ga pur dang sbyar la dbul/ ma 'byor na mkhas pas pu shel gyi dbul lo/ / de bzhin du me tog pad+ma dkar po dang / sna ma'i me tog dang / me tog man li ka dang / me tog yug ti ka la sogs pa me tog dkar po dri zhim pa bkra shis pa gang yin pa de dag dbul lo/ / zhi ba'i cho ga la bdug spos ni ga pur dang / tsan dan dang / yang na shri ba sa ka dbul lo// bshos kyang zho dang 'bras chan la sogs pa dkar po dbul lo/ / mar me'ang mar gyi mar me snod dkar po'i nang du blugs te dbul lo// dung la sogs pa snod dkar po'i nang du tsan dan dang / ga pur dang / me tog dkar por sbyar ba'i chu blugs pa'i mchod yon dbul lo/ / de ltar ji skad bshad pa'i mchod pa byas nas/ de nas phyir byung ste bdag nyid spyan ras gzigs kyi dbang phyug tu byin gyis brlabs la/ phyi rol tu phyogs kyi gtor ma sbyin pa ni 'bras yos dang / til dang / chu dang / 'bras chan dang / me tog dang / sran chan dang / kri sa rar bcas pa mngal snum bag can de lta bu'i gtor ma slob dpon gyis lag pas blangs te dga' bzhin du phyogs thams cad du gtor zhing bdug spos dang mchod yon yang dbul lo/ / thog mar

  450. 226a

    dbang ldan phyogs su ni/ / gzhu can tshogs dang bcas la dbul// de nas dbang po'i phyogs su yang // mkhas pas dbang po nyid la dbul// de nas sngags pa mi 'jigs pas/ / ma yi phyogs su dbul bar bya// de nas gshin rje'i phyogs su yang // dbul bar sngags la mkhas pas bshad// bden bral phyogs su bden bral ni/ / tshogs dang bcas la dbul bar bya// chu lha'i phyogs su klu rnams la// 'jigs byed gsang sngags zlos shing dbul// bdag por bcas la phul nas su// rlung gi phyogs su 'gro bar bya// sngags la mkhas pas der song nas// rlung lha tshogs dang bcas pa la// rang gi ming nas smos nas su// rang gi sngags kyis gtor ma dbul/ byang gi phyogs su song nas su// yi ni rab tu dang byas te// bdag gi dngos grub thob 'dod pas// gnod sbyin rnams la gtor ma dbul// srin po rnams dang sha za dang // 'byung po rjen sha can rnams dang / / sems can rnam pa sna tshogs la// mkhas pas gtor ma phyogs su gtor// sa phyogs de yi sems can ni// shing dang gel ba la gnas pa// blo la gang dang gang dran pa/ / de dang de la gtor ma sbyin// phyogs kyi gtor ma'i sngags rnams ni// dbang ldan gyi phyogs su ru drA ya swA hA/ dbang po'i phyogs su sha kA la swA hA/

  451. 226b

    me'i phyogs su a ga na me sAHga shin rje'i phyogs su be bstaH/ bden bral gyi phyogs sun k+Shas adz+nyA pa ta ye swAn+tu/ chu lha'i phyogs su me thA shA n+ti ye swAH/ rlung phyogs su bA ya be swAH/ ku be ra'i phyogs su yak+Sha bi D+yan ri swAhA/ thaM ke ri sAH/ srin po rnams kyi'o// ma~M tsi mi tsi sAhA/ sha za rnams kyi'o// gu i gra oM sA hA/ 'byung po rnams kyi'o// de ltar kun tu gtor ma gtor la lag pa bkrus te nye reg byas la/ de nas nang du zhugs te sangs rgyas thams cad la phyag 'tshal la/ bsreg par bya ba'i rdzas gang yang rung ste cung zad tsa yod pa de dag thams cad 'phags pa mi g.yo bas bsangs te g.yas rol du gzhag go/ / g.yon rol du ni mchod yon gyi snod gnyis rtswa ku sha dang spos chus sbyar te bzhag la/ gcig ni 'phags pa mi g.yo bas bzlas so// gcig ni rdo rje mchog gi bzlas so// zhugs thab kyi kho ra khor yug tu rtswa ku sha bskor ba'i thabs su dgram mo// bdag rang gar 'dug pa'i gzhir yang rtsa ku sha bskor ba'i thabs su gding ngo // shing u dum ba ra dang / a shwa tha'i dgang gzar dang / thugs gzar dang / mar bzhus pa'ang mdun du gzhag go/ / de nas me'i thab khung tsan dan gyis bskus te/ me tog dkar po dri zhim po'i sil ma'ang bkram la/ bram ze'i khyim nas me blangs pa khro bo'i rgyal pos bsang

  452. 227a

    gtor byas te/ shing p+lag sha dang / u dum ba ra'i shing rlung g.yab kyis me sbar ro// der kha byang phyogs su bltas te 'dug la lag pa gnyis byug spos kyis bskus te dam tshig gi phyag rgya la sogs pa bcings la/ bdag nyid rnam par snang mdzad chen po'i sku chu'i dkyil 'khor la gnas pa ji lta ba bzhin du phyag rgya dang gsang sngags kyis byin gyis brlab bo/ / de nas me'i thab khung gi zhabs su chu'i dkyil 'khor bsams la/ chu'i dbus su yi ge snga ma bzhin du bzhag pa las me'i gzugs su gyur pa dung dang / me tog kun da dang / zla ba'i mdog 'dra ba/ thor tsugs can/ mig gsum pa/ lag pa bzhi pa/ lag na bzang 'phreng dang / gun d+hi dang / be con thogs shing mi 'jigs pa sbyin pa/ gos dkar po bgos pa/ srad bu dkar pos se ral khar thogs pa/ snying kha'i sum mdo'i ris mtshan pa can/ yi ge ras mtshan pa/ me lce dkar po 'phro ba/ ye shes kyi rang bzhin can de lta bu'i me lha bsams la/ 'phags pa mi g.yo bas bsngags pa'i chu sngar bshams pas me la bskor ba'i thabs su bsang gtor bya'o// rdo rje mchog sbyin gyis kyang lan gsum du bya'o/ / na maHsa man+ta bud+d+hA nA~M/ maM sAH/ rdo rje mchog sbyin gyi'o// de nas me la rang gi gsang sngags kyi byug spos dang me tog la sogs pa dbul lo// de nas mngar

  453. 227b

    gsum las sreg blugs gsum byin te dkang gzar chad pas bzung la mar gyi dgang blugs gsum sbyin no/ / de nas shing u dum ba ra 'am/ a shwad+tha'i rtse mo'i yam shing rtse gnyis mar la bstsags pa bdun sreg go/ / de nas yang mar gyi dgang blugs gsum byin la bsang gtor yang snga ma bzhin du bya'o// oM ba ra dAg na ye shAn+tiM ku ru swA hA/ de bzhin du lha thams cad la'ang so sor sbyin sreg byas la bsang gtor bya'o/ / na maHsa man+ta bud+d+hA nAM/ hUM a ma hA shAn+ti ga ta/ shAn+ti ka ra pra shA ma d+harma nir dzata/ a b+hA ba swa b+hA ba d+harma sa man+ta prAp+ta/ a mu ka/ s+yaswasti shAn+ti/ baM ku ru swA hA/ zhi ba'i gsang sngags so// de nas sangs rgyas thams cad dran par byas la bdag nyid kyis nang rnam par dag pas ji lta ba bzhin du byang chub kyi sems bsgom mo/ / de nas zla ba'i dkyil 'khor la rang gis rig sngags bzhag ste rang gi lha'i phyag rgya bcings la rang gi lha'i gzugs su bsgom mo// de nas yang snga ma bzhin du dgang blugs gsum la sogs pa phul te bskor ba'i thabs su bsang gtor yang byas la/ bdag gis rgyud las byung ba'i rdzas rnams ji srid mi skyo'i bar du sbyin sreg bya'o// skyo bar gyur na rdzogs pa'i sangs rgyas kyi skur bltas te yang byang chub kyi sems bsgos so/ / de nas mchod yon phul la lha rnams la phyag byas te slar gshegs su gsol lo// lha rnams slar gshegs/

  454. 228a

    su gsol nas phyag rgya'i tshogs rnams gos gsar pas g.yogs la/ phyi de nyid yang snga ma bzhin du lha rnams so so'i dkyil 'khor la gnas par bsams te cho ga'i rim pa de nyid nam zhi bar gyur kyi bar du bya'o/ / gang zhig cho ga 'di yis su// cho ga shes pa'i sngags sgrub pas// le lo med par zhi byas na// zhi ba myur du thob par 'gyur// zla ba phyed kyi khams ris cig/ nges pa nyid du zhi bar 'gyur// rgyal po la ni zhag bcu gnyis// yul phyogs su ni zhag bcus so// de la zhi ba'i cho ga'i las byed pas cho ga 'di ltar spyad par bya'o/ / gos dkar bgos shing gtsang la zhi// byang chub sems la rab tu gzhol// ku sha bting ba'i stan la nyal// de las byas pa'i gsang byed thogs// nas chan btsos pa'ang 'o ma 'thung / / yid kyis sbyin sreg byed la 'jug/ dus gsum sbyin sreg bzlas brjod kyis// zhi ba'i cho ga spyad par bya'o// zhal bsil rdo rje mchog sbyin gyis/ / bsang gtor mi g.yo mgon gyis bya'o// rnam par snang mdzad chen po mngon par rdzogs par byang chub pa rnam par sprul pa'i byin gyis brlabs las/ zhi ba'i sbyin sreg gi cho ga rim par phye ba'o/ / // skal ba chen po de nas gzhan// shin tu rgyas byed sbyin sreg kyang // ma yengs yid kyis mnyan par gyis// sngon gyi sngags la mkhas pa

  455. 228b

    yis/ / sems can rnams la brtse ba'i phyir// phan par 'dod pas bshad par bya// de bas rnam pa thams cad du// rgyas pa'i che ga spyad par bya// zong dam yang na ljongs ngag gi/ shar gyi phyogs su gnas bcas nas// snga ma bzhin du nges pa yi// sa gzhi legs par brtag par bya// ri yi rtse 'am phyugs lhas sam// mchod rten ring bsrel can dag tu/ / rgyas pa'i las ni sgrub byed pa'i// dkyil 'khor shes rab can gyis bri// mkhas pas las kyi cho ga yis// sa ni legs par brkos nas su// dbus su rin chen gzhag pa ni/ / spun dang 'bru rnams bcas pa'o// der yang sa ni ser po yis// sa gzhi legs par dgang bar bya// mnyam zhing legs par bcags nas su// de yi 'og tu dkyil 'khor bri/ / 'dir yang sngags pa mkhas pas rdo rje mchog sbyin rang gi dkyil 'khor la gnas par de'i gsang sngags dang phyag rgyas bdag byin gyis brlabs la/ 'phags pa mi g.yo bas mtshams gcad pa dang yongs su gzung ba bya'o// zla ba yar ngo'i tshes gsum mam/ lnga 'am/ bdun nam/ yang na zla ba nya la'ang rung ste/ gza' slar bzang po gza' lag gam/ phur bu 'am/ rgyu skar mo bzhin dang / mon gru dang / snron dang / snar ma la bdag nyid rnam par snang mdzad chen por byin gyis brlabs te/

  456. 229a

    srad bu ser po blangs la tshad sngar bstan pa bzhin du dkyil 'khor thig gdab bo// de nas dkyil 'khor bskor te nang du zhugs la/ bcom ldan 'das ma shes rab kyi pha rol tu phyin pa bklags la phyag byas te/ yang rnam par snang mdzad du bdag byin gyis brlabs te/ tshon rtsi ser po blangs la der ni yi ge gzhag pa/ de tshe thub pa gser thub ni/ / gser gyi kha dog 'bar dang bcas// ting 'dzin gnas shing sdig bcom pa'o// de nas dkyil 'khor gru bzhi rta babs can du bris la nub phyogs kyi sgo rtag tu dbye'o/ / phyi rol du ri mo gru bzhi pa gsum gyis bskor la dkyil 'khor du lha rnams dgod pa snga ma bzhin du bya'o// de la khyad par ni 'di yod do// 'phags pa nam mkha'i snying po'i gnas su kun tu bzang po rin po che'i rgyal mtshan gyi phyag rgya yi ge sa dang bcas par gzhag go/ / sa mdzod spu'i gnas su ni 'phags pa dzam+b+ha la shing thog bI dza pU ra'i phyag rgya dang / yi ge dza bdud rtsi'i mtshan nyid can dang bcas par gzhag go// dzaH'phags ma khro gnyer can gyi gnas su grags ldan ma me tog prI yang ku'i phyag rgya yi ge ya dang bcas par gzhag go/ / ya 'phags ma gos dkar mo can gyi gnas su ni dpal chen mo 'phags ma dkar mo zhes bya ba pad+ma'i phyag rgya dang yi ge'i 'brur gzhag go// shrI

  457. 229b

    'phags pa gnod mdzes kyi gnas su ni dpung bzang rdo rje'i phyag rgya dang yi ge 'brur gzhag go/ / hUM/ bdud rtsi thab sbyor gyi gnas su ni rdo rje'i sde ste/ rdo rje'i phyag rgya dang yi ge 'brur gzhag go/ / sa gnas gtsang ma pa rnams kyi gnas su ni brgya byin dang 'jig rten skyong ba bzhi dgod do// de nas phyi rol gyi ri mo gnyis kyi nang logs kho ra khor yug dang gra thams cad du rdo rje bri'o/ / de nas dkyil 'khor gyi g.yas logs 'khor sa'i nang du me'i thab khung bya ba ni/ gru bzhi lham pa kha ran can// rgyar ni khru do'i tshad du bya// rdo rje'i mtshan ma rnams kyis bskor/ / zabs su khru gang tsam gyi tshad// kha ran mtho gang tshad du bya// 'jim pa ser po'i skyang nul bsku// pad+ma'i phyag rgya mdzub gang ba// 'phang du sor bzhi'i tshad du bya/ / dus gsum du ba glang gi lci ba sa la ma lhung bas bsku'o// de nas snga ma bzhin du dkyil 'khor gyi bdag po'i lha la sogs pa rnam pa dang mtshan ma ji lta ba bzhin du bsams te/ byug spos dang me tog la sogs pas mchod pa bya'o// de la khyad par ni 'di yod do// gang gi tshe bcom ldan 'das rnam par snang mdzad gnas su bzhugs su gsol ba dang / byug spos dang / me tog la sogs pas mchod pa de'i tshe bdag rdo rje mchod sbyin du byin gyis brlabs te bya'o// 'dir byug spos dang me tog la sogs pa'i

  458. 230a

    khyad par bshad par bya ste/ gur kum ga pur bsres pa ni// rgyas pa dag la byug spos mchog/ dri zhim kha dog ser po yang // de ma rnyed na sbyar bar bya/ / me tog tsam pa rab tu bzang // yu thi snam ser po dang // de las gzhan pa'ang dri zhim pa// ser po dag ni dbul bar bya// gur kum a ka ru dang sbyar// kha ra dang sbyar ba dag/ rgyas pa'i las rnams 'grub pa'i phyir// bdug spos mkhas pas dbul bar bya// gu gul dang ni tsan dan yang // mar dang sbyar la bdug spos mchog/ gAn d+ha ra sa gur kum bsres// bdug spos sngags la mkhas pas dbul// mar me'i snod ni gser gyi bzang // yang na kham pa ser po'ang rung // mkhas pas ras ni ser po yi/ / me mar snying po ser po dbul// spos kyi 'bru mar bzang po yis// de yi snum ni dri zhim bya// yang na til gyi 'bru mar gyis// mar me gtsang ma dbul bar bya/ / 'bras chan ser po sran tshong tsam// mar dang bcas pa shin tu bzang // tshod ma rnams kyang ser por bya// shing thog bag chos de bzhin no// spos chu me tog ser po dang / / de bzhin 'bras dang ngur ba'i rtsa// snod kyang ser por blugs pa dag/ rgyas pa ni mchod yon shis// de ltar mchod pa ji lta ba bzhin du byas te/ de nas

  459. 230b

    rdo rje mchog sbyin du bdag byin gyis brlabs la phyi rol du byung ste phyogs kyi gtor ma sbyin no/ / de nas nye reg byas te nang du zhugs la sangs rgyas thams cad la phyag byas te/ me'i thab khung gi drung du bsreg par bya ba la sogs pa sngags kyis bsangs pa rnams snga ma bzhin du bzhag la/ sa la rtswa ku sha bting ba'i steng du pad+ma'i skyil mo krung bcas te 'dug la/ bdag nyid rnam par snang mdzad chen po'i skur bsams te/ byug spos ser pos zhugs thab bskus te/ me tog ser po'i sil ma'ang bkram la rtswa ku sha bting ste rgyal rigs kyi khyim mam/ rgyal po'i pho brang nas me blangs la/ bsang gtor bya ste/ shing p+lag sha dang u dum pa ras me sbar la/ de nas me'i thab khung gi zhabs su dbang chen gyi dkyil 'khor bsams te/ de'ang yi ge ya klad kor dang bcas par pad+ma la gnas pa bsam mo// yaM yi ge ra las thab khung gi nang nas me byung bar bsam pa ni gser gyi kha dog lta bu'i thor tsugs can/ mig gsum pa/ gdong bzhi pa/ lag na bgrang 'phreng dang gun d+hi thogs shing mchog sbyin pa/ gos ser po bgos pa/ srang bu ser po se ral khar thogs pa/ sor ris gsum gyis byugs pa/ sum mdo'i ris mtshan can/ yi ge ras mtshan pa/ gser gyi kha dog 'dra ba/ me lce 'bar ba kun tu

  460. 231a

    'gro ba/ mthu chen po dang ldan pa/ gsang sngags kyi rgyal po'i 'od zer las byung ba de lta bu'i me bsams te/ de nas bsang gtor bya ba dang / kha bkru ba dang / mchod yon dbul ba byas la/ byug spos dang me tog la sogs pa rang gi sngags kyis sbyin no// na maHsa man+ta bud+d+hA nAM/ ag+na ye swA hA/ de nas 'o thug sbrang rtsi dang mar la sogs par sbyar ba 'am/ til nag po mar dang sbyar ba'i sreg blugs gsum byin te/ de nas shing bil ba'i dgang gzar dang thugs gzar gyis mar gyi dgang blugs bdun sbyin no/ / de nas shing p+lag sha 'am/ u dum ba ra'i dbus kyi cha las byung ba'i yam shing sreg shing sboms su chang pa gang la/ srid du khru gang ba mar la bsnyugs pa'i sbyin sreg gsum byin la/ yang dgang blugs gsum sbyin no// de nas snga ma bzhin du lha'i gzugs rnams bsams te/ snying po de dang des sreg blugs gsum dbul lo/ / de nas sangs rgyas thams cad bsams te/ byang chub kyi sems bsgoms la bdag gi lha'i gzugs su bsams te/ snga ma bzhin du sreg blugs gsum phul nas/ bdag gi dngos gru sgrub pa las bshad pa'i rdzas las sbyin sreg bya'o// thog mar oM zhes brjod la/ mjug tu grags pa dang / dpal dang / longs spyod dang / dge ba dang /

  461. 231b

    nor la swA hA zhes bya ba sbyar ro// yang na bdag gis ji ltar bsams pa'i dngos grub kyi rdzas la swA hA zhes bya zhing sreg blugs dbul lo// de ltar ji lta ba bzhin du sbyin sreg byas nas byang chub kyi sems la sogs pa'i rim pa de nyid snga ma bzhin du bya'o/ / 'dir yang sgrub pa pos cho ga spyad pa ni/ gos ni ser po bgo bar bya// gtsang byed ser po gtsang ma thogs// sems ni brtan zhing mthu yang che// shin tu mi smra ser sna med// byang chub sems la rtag tu dga'// dus gsum cho ga thog mar byed// nas chan btsos pa'am 'o ma btung // rgyas pa'i las ni brtsam par bya// gang gis de ltar rgyas pa yi// las ni legs par brtsams pa ni// de yis yid la gang bsams pa'i// rgyas pa myur du 'grub par 'gyur// ral gri 'khor lo rdo rje dang // ldong ros mig bsla gi'u wang dang // yid bzhin nor bu bum pa gos// nor gyi char 'bab lham dag dang // gdugs dang shing rta bzhon pa dang // de bzhin khang pa brtsegs pa dang // pad+ma bum pa mdung rtse gsum// bzang 'phreng be con kun d+hi dang // pi wang mdung thung mda' yang rung // lhung bzed dang ni gseg shang dang // yang na rdzas ni gang 'dod pa// dkyil 'khor 'dir ni bsgrub par bya// rnam par snang mdzad chen po mngon par rdzogs par byang chub pa rnam par sprul pa'i byin gyis brlabs pa las/

  462. 232a

    rgyas pa'i las kyi sbyin sreg gi cho ga rim par phye ba'o// // de nas gzhan yang sbyin sreg 'di// dbang gi las ni rab sgrub pa// 'jig rten sgron ma mdzad pa yis/ / brtse bar gyur pa'i thugs kyis gsungs// de nas ma lus bshad par byas// 'byor par 'dod pas nga la nyon// thog mar sa gzhi brtag pa ni// grong ngam yang na ljongs dag gi/ me yi phyogs su gnas bcas te// 'gro ba med pa'i khang stong ngam// shing gcig drung ngam dur khrod dam// yang na bde byed gnas su 'am// ma mo'i gnas sam phyugs kyang rung / / sngags pas dkyil 'khor bri ba ni// mar gyi ngo yi tshes dbul// dbang gi las ni brtsam par bya// gza' nyi ma 'am mig dmar la// rmya skar rgyal dang smin drug dang / / mchu dang sa gdag la ni// mkhas pas dkyil 'khor bri bar bya// de la dang por sngags pas bdag phyag na rdo rjer byin gyis brlabs la/ sa'i kha dog dmar po las sbyang ba dang yongs su gzung ba la sogs pa byas te/ de nas bdag rnam par snang mdzad chen por byin gyis brlabs la/ 'phags pa mi g.yo bas bzlas pa'i srad bu le brgan du btsos pa blangs te/ dkyil 'khor gyi thig gdab pa ni gru gsum pa la sgo shar phyogs su btod pa/ sgo khyud dang / rta babs dang / mu ran gyi cha legs par phye

  463. 232b

    ste de nas tshon rtsi blang ba ni/ / dmar po shin tu bzang po la// yi ge 'bar ba gzhag pa ni// ra yi yi ge klang dang bcas// nyi ma 'char ba 'dra ba ste// shin tu gdul dka' rgyal ba'i mchog/ de ltar tshon rtsi byin brlabs la// sangs rgyas thams cad dran byas te// dkyil 'khor kun tu bri ba ni// khru gang yang na khru lnga 'am// gsang sngags dngos grub rjes mthun pa/ / rnam pa gsum du dbye bar bya// lha rnams dgod pa snga ma bzhin// mkhas pas rigs kyi bdag pos byas// lhag ma rnams ni ci rigs par// mkhas pa yis ni dgod par bya// de la nam mkha'i snying po'i gnas su skra can dang nye skra can gnyis be con dang zhags pa'i phyag rgyar gzhag go// gnod mdzes kyi gnas su ni rdo rje lcags kyu ma de'i phyag rgyar gzhag go/ / spyi bo skyes kyang mda'i phyag rgyar gzhag go// phyi rol tu ni phyag brnyan ma bzhi zhags pa'i phyag rgyar bro'o// de nas snga ma bzhin du cho ga thams cad bya'o// byug spos dang me tog la sogs pa'ang dmar po dbul lo/ / me'i thab khung yang snga ma'i gnas su bya ste/ srid du sor nyi shu'i tshad la/ kha ran sor gnyis pa kha par blta bar bya'o// thabs su mtho chung ngu gang la dbus su rdo rje sor brgyad pa sa dmar pos bskus pa bya'o// me'i thab khung de ni gru gsum la zur gsum du bya'o// de nas bdag phyag na rdo rjer byin gyis

  464. 233a

    brlabs la phyi rol tu gtor ma sbyin no/ / de nas btso blag mkhan gyi khyim nas me blangs la snga ma bzhin du bsang gtor bya ste/ seng ldeng shing ngam/ a sho ka 'am/ shing ka ra wI ra'i me bus la/ de bzhin du bdag rnam par snang mdzad du byin gyis brlabs te/ me'i thab khung gi zhabs su me'i dkyil 'khor bsams la yi ge ra gzhag go/ / yi ge ra de'ang 'bar ba'i 'phreng ba 'phro ba las me'i gzugs su gyur par bsams pa ni nyi ma 'char ba 'dra ba/ gdul dka' ba/ mig gsum pa/ thor tsugs can// dbu skra kham pa/ lag pa bzhi pa/ lag na be con dang / zhags pa dang / bgrang 'phreng dang / kun d+hi thogs pa/ gos dmar po gyon zhing srad bu dmar po se ral khar thogs pa/ yi ge ras mtshan pa/ me lce 'bar ba dmar po'i 'od 'phro ba de lta bu'i mai bsams te/ bsang gtor byas la mchod yon phul te/ rang gi gsang sngags kyis byug spos dang me tog la sogs pa byin la/ de nas shing ka ra wI ra'i ya ma sreg shing yungs mar dang tsan dan dmar po la bsnyugs pa'i sbyin sreg bdun byin no// de nas dkyil 'khor du bkod pa'i lha rnams la sreg blugs bdun phul te snga ma bzhin du bdag gi lha'i gzugs bsams la gzhag ste/ de bzhin du sreg blugs phul la cho ga las byung ba'i rdzas rnams sbyin sreg bya'o//

  465. 233b

    mjug tu'ang byang chub kyi sems la sogs pa'i cho ga de bzhin du bya'o// cho ga 'di la'ang dkyil 'khor gyi yo byad thams cad kha dog dmar por bya'o// me'i gnas kyang dus gsum du tsan dan dmar pos byugs cing me tog dmar po'i sil ma dgram mo/ / dpal ldan gos ni dmar po bgos// byug spos 'phreng ba dmar pos brgyan// srad bu dmar po'i se ral thogs/ / byang chub sems kyi bye brag shes// zas su sran chung ci rtse za// yang na zas su shing thog za// dga' zhing 'dzum tshul mi smra thub// sems dang sems ni rjes su sbyor/ / rtag tu bzlas dang sbyin sreg byed// lha yi gzugs ni sems pa yi// mi yis dbang du bya ba yi// dngos grub ma lus brtsam par bya// gang zhig cho ga 'di yis su// cho ga shes pas las brtsams na// gzi brjid can nam de yi bu// zla ba gcig gis dbang du 'gyur// sbyin sreg zla ba gnyis byas na// phyag brnyan po mos gnod sbyin ma// de bzhin sa 'og bu mo dag/ sngags pas myur du khugs par 'gyur// 'di ni re zhig mdor bsdus te// dbang gi sbyin sreg bsgrags pa yin// rnam par snang mdzad chen po mngon par rdzogs par byang chub pa rnam par sprul pa'i byin gyis brlabs las/ dbang du bya ba'i sbyin sreg rim par phye ba'o// / da ni drag shul spyad pa yi// cho ga ma lus

  466. 234a

    bshad par bya/ / gnod sbyin lto 'phye yi dgas gtum// lha min dri za mi 'am ci// sems can rnams la gnod byed dang // de bzhin bgegs dang log 'dren dang / / 'byung po ma mo srin po dang // mkha' 'gro dang ni lus srul dang // mi yang rgyags dregs mthu ldan zhing // drag po'i las byed sdang ba'ang rung // de dag gdul phyir sngags shes pas/ / drag shul las ni brtsam par bya// nyes pa chung ngu dag la ni// drag po'i cho ga mi brtsam mo// grong gi lho yi phyogs su ni// brtul bas sa gzhi nas po la/ / dur khrod dben pa'am dgon pa 'am// skyed mos tshal rnying zhi gnas su// mar gyi ngo yi tshes brgyad dam// yang na tshes ni bcu bzhi la// gza' ni spen pa mig dmar dang / / rgyu skar rlung las byung ba dang // me bzhi dang ni nag pa dang // tha skar dang ni de bzhin da po// nub so dang ni sa ri dang // rgyu skar de dag drag po ste// de dag gang yang rung ba la/ / sngags pa khros pa gshin rje'i bzhin// dkyil 'khor 'jigs pa dri ba ni// dgra yi srog ni gcod byed pa'i// sngags pa bdag nyid rang gi rgyas// rdo rje sems dpar byin brlabs te/ / sngags la 'jigs pa med pa yis// sa gzhi snga ma bzhin du sbyang // de nas mi g.yo mthu chen gyis// yongs su gzung la sogs byas nas//

  467. 234b

    rang gi yi ge phyag rgya yis// de nas rnam snang mdzad du bya// bu mo gzhon nus bkal ba yi// srang bu sngon po der blangs nas// dkyil 'khor nan tan thig gdab pa// gru gsum phyi rol zlum por bya/ / khru bzhi khru lnga khru brgyad dam// de bzhin bcu gnyis bcu drug khru// ji ltar las kyi rjes mthun par// mkhas pas tshad ni brtag par bya// de nas dur khrod thal ba'am/ / mkhas pas tshon ni nag po la// yi ge ha ni der bzhag la// me lce 'bar ba'i 'phreng ba 'phro// dus mtha'i me ltar 'jigs pa'i gzugs// dbyar gyi char sprin 'dra ba'i mdog/ kha ni mche ba gtsigs pa la/ lag na rdo rje cod pan can// bdud kyi sde ni thams cad dang // sdang ba thams cad bsdigs byed pa// tshon las mkhas pas tshon de la/ / de 'dra'i yi ge bzhag nas ni// shes rab can gyis dkyil 'khor bri// ba dan mang po'i mtshan mas mtshan// rta babs dang ni sgo khyud bcas// sgo yi cha ni legs par phye/ / lha yi gtso bo gzhag pa ni// snga ma bzhin du brtag par bya// byang phyogs sgo ni phye nas su// lhag ma'i sgo rnams bcad par bya// de la 'phags pa nam mkhan snying po'i gnas su khro bo'i rgyal po gshin rje'i gshed gsal shing gi phyag rgyar bri'o/ / mdzod spu'i gnas su khro bo'i rgyal po 'phags pa gzhan gyis mi thub pa zhes bya ba rdo rje dang dgra sta'i phyag

  468. 235a

    rgya bri mthu chen thob dang 'phags ma khro gnyer can/ 'phags ma sgrol ma'i gnas rnams su don yod zhags pa dang / ral pa gcig ma dang / rta mchin rnams zhags pa dang / dam sta dang / rdo rje be con gyi phyag rgya rnams go rims bzhin du gzhag par bya'o// gnod mdzes kyi gnas su khro zla gtso bo rdo rje'i phyag rgya gzhag go// 'phags pa mi g.yo ba'ang be con gyi phyag rgyar gzhag go/ / sgo drung du ni gdul dka' ba dang mngon du phyogs pa gnyis be con gyi phyag rgyar gzhag go// gnas gtsang ma pa rnams kyi gnas su gshin rje'i 'chi bdag dang / dus mtshan mo dang lhan cig tu gzhag go// bden bral du'ang ral gri'i phyag rgya gzhag go// 'khor sa'i dbus su me'i thab khung sgo la phyogs par bya'o// dkyil 'khor gyi phyi rol kho ra khor yug tu ba dan rnams bri'o/ / me'i thab khung ni dbang gi las kyi me'i thab lung bzhin du bya ste/ bye brag tu ni phyi rol gyi mu ran zlum por byas la ba dan mang pos mtshan par bya'o/ / dkyil 'khor gyi lha rnams snga ma bzhin du so so'i gzugs bsams te mchod pa'i cho ga bya'o// de nas lha rnams ji lta ba bzhin du mchod nas/ de nas bdag phyag na rdo rjer byin gyis brlabs la phyi rol du phyogs kyi gtor ma snga ma bzhin du sbyin no/ / de la byug spos la sogs pa'i khyad par ni tsan dan dmar po dang / du ru ka dang / sol ba bsres

  469. 235b

    pa'i byug spos nag por dbul lo/ / me tog ut+pa la mthing kha dang / a pa rI dza ta mthing kha 'am/ gzhan yang me tog sngon po rnams dbul lo// bdug spos ni sra rtsi pog bu ram dang sbyar ba dbul lo/ / mar me ni yungs kar tsha ba snying po ston pa can mar me'i snod nag po'i nang du dbul lo// bshos ni kri sa ra dang / gzhan yang tsha ba dang / kha ba la sogs pa'i bza' ba dang / tshod ma kha dog nag po rnams dbul lo// sran chan dang / kri sa ra dang / sha dang / nya sha btsos pa dang / rjen pa rnams phyogs kyi gtor mar sbyin no/ / gtor ma'i cho ga ji lta ba bzhin du byas nas gdol pa'i khyim mam dur khrod nas me blangs te/ khro bo'i rgyal pos bsang gtor byas la dur khrod kyi shing ngam/ shing ba la ta ka 'am/ ba ru ra'i shing gis me bus la rnam par snang mdzad chen por bdag byin gyis brlabs te/ me'i thab khung gi zhabs su rlung gi dkyil 'khor bsams la der yaM gai hUM gzhag go yi ge hUM de las me'i gzugs su gyur par bsam pa ni kha dog nag po shin tu mi bzad pa/ mig gsum pa/ gdong bzhi pa/ mi g.yo ba dung kha'o// blta dka' ba kham pa thor tsugs dud kha can/ char sprin sngon po lta bu'i mdangs can/ gsus po che gos sngon po gyon pa/ srad bu sngon po'i se ral khar thogs pa/ kha nas mche ba bzhi gtsigs

  470. 236a

    pa khro ba dang bcas shing kha gdangs pa/ lag na ral mi dang / zhags pa dang / bcon dang / kun ni thogs pa/ snying kha nas sum mdo'i ris mtshan can/ yi ge ras mtshan pa/ gdong khro gnyer bsnyer ba/ hUM dang bcas pa 'bar ba gnag cing rtsub pa dang zangs lta bu'i 'od 'phro ba'i 'phreng ba can/ 'jigs pa'i dus mngon du byung ba bzhin du 'dug pa/ de lta bu'i me bsams nas bsang gtor byas te/ byug spos la sogs pa rang gi rig sngags kyis dbul lo// oM ag+na ye dzA hi tra tra hUM phaT/ de nas yungs ma ra tsha ba dang sbyar ba'i kr-i sa ra'i sreg blugs gsum byin la/ dug dang / khrag dang / ske tshe'i sreg blugs bdun sbyin no// yang na shing ba la ta ka dang ba ru ra'i shing gi ya ma sreg shing rtse mo rnon por gzhogs pa yungs mar tsha ba dang ske tshes byugs pa sbyin no/ / de nas dkyil 'khor gyi bdag po la sogs pa'i lha rnams snga ma bzhin du bsams te/ rdzas de dag nyid las rang gi rig pas sreg blugs dbul lo// de nas rang gi lha rnams snga ma bzhin du bsams te bzhag la/ rang gi rig pa las byung ba'i rdzas ji lta ba bzhin du mdzub mo dang mthe bos bzung ste/ khro bo dang bcas par gsang sngags zlos shing phaT dang bcas par ji srid 'dod pa de srid du sreg

  471. 236b

    blugs dbul lo/ / de nas snga ma bzhin du byang chub kyi sems sgom pa la sogs pas ngal bso bar bya'o// sngags pa gang zhig 'di lta bu'i// rab tu drag po'i las byed ba/ / de ni sum cu rtsa gsum gyi// gnas kyang rtswa mchog bzhin du sreg/ 'dir yang cho ga 'di ltar bya'o// dpal ldan gos ni sngon po bgos// byug spos 'phreng ba sngon pos brgyan/ / srad bu sngon po'i saM ral thogs// byang chub sems la rab tu gzhol// tsha dang kha dang bska ba dang // kri sa ra yi kha zas pa// lha rnams dgod pa'i don la mkhas/ / gtsang zhing mchog tu tshul khrims ldan// spro ba che zhing dpa' snying can// khros pa 'jig rten mthar byed bzhin// lho phyogs kha bltas mi smra zhing // 'dug pa'i thabs ni tsog pur 'dug/ sbyin sreg bzlas la rtag tu 'bad// bsrung dang bskyab pa dag la mkhas// mtshan mo sbyin sreg byed pa yis// drag shul spyad pa brtsam par bya// rnam par snang mdzad chen po mngon par rdzogs par byang chub pa rnam par sprul pa'i byin gyis brlabs las/ drag shul spyad pa'i sbyin sreg gi cho ga rim par phye ba'o// de nas yang bcom ldan 'das rnam par snang mdzad kyis byang chub sems dpa'i spyad pa spyod pa rnams la stong pa nyid gnyis su med pa'i spyod yul rten cing 'brel te 'byung ba'i snying po rnam

  472. 237a

    par mi rtog pa'i ye shes 'thob pa'i rgyu spros pa thams cad dang bral ba/ gsal zhing dag pa/ yid kyis bsgrubs pa/ yongs su rdzogs par byed pa/ chos kyi dbyings kyi ngo bo nyid kyi chos bshad do// de nas byang chub sems dpa' sems dpa' chen po snying rje chen po spyan ras gzigs kyi dbang phyug de'i tshe thams cad mkhyen pa'i ye shes kyi ting nge 'dzin la snyoms par zhugs nas/ gsang ba pa'i bdag po phyag na rdo rje la smras pa/ gsang ba pa'i bdag po thams cad mkhyen pa'i ye shes kyi spyod yul stong pa nyid kyi rjes su zhugs pa/ gsang sngags thams cad kyi dngos grub stsol pa/ gnas med pa/ mtshan nyid med pa/ ngo bo nyid med pa/ mtshan gyi gzhi dang / mtshan nyid las 'das pa/ theg pa chen po thob par byed pa/ bdud rtsi sbyin pa de sngags kyi tshul la rnam par gnas pa'i rjes su zhugs pa rnams kyis ji ltar thob par 'gyur/ de skad ces smras pa dang / gsang ba pa'i bdag po phyag na rdo rje de bzhin gshegs pa thams cad kyi gsang ba ston pas/ bcom ldan 'das rnam par snang mdzad kyi zhal du bltas nas bcom ldan 'das la 'di skad ces gsol to/ / bcom ldan 'das sems can thams cad kyi sems kyi rgyud la lta ba snying rje chen po byang chub sems dpa' spyan ras gzigs kyi dbang phyug de bdag la

  473. 237b

    'dri zhing mchis na/ bcom ldan 'das 'gro ba la phan par byed pa/ theg pa chen po thob par byed pa/ mtshan nyid med cing gnyis su med pa'i spyod yul/ gsang sngags thams cad kyi tshul gyi dngos grub stsol pa/ rten cing 'brel par 'byung ba'i snying po'i ngo bo nyid/ chos kyi dbyings kyi rjes su zhugs pa/ phyogs bcu'i 'jig rten gyi khams 'byung bar byed pa/ stong pa nyid kyi ngo bo nyid kyi spyod yul gyi chos bshad du gsol/ de skad ces gsol pa dang / bcom ldan 'das rnam par snang mdzad de bzhin gshegs pa dgra bcom pa yang dag par rdzogs pa'i sangs rgyas theg pa gsum yongs su rdzogs par mdzad pa/ thams cad mkhyen pa'i ye shes thob par mdzad pa/ rnam par rtog pa thams cad kyi rgya mtsho las sgrol ba/ sems can thams cad la dgongs pa/ gsang sngags thams cad kyi dngos grub stsol ba/ bgegs thams cad skrag par mdzad pa/ 'byung po thams cad 'gugs pa/ byang chub sems dpa' thams cad kyi snying po bsam gyis mi khyab pa/ gzugs med pa/ sgra med pa/ dri med pa/ ro med pa/ gnas med pa/ yid med pa/ rnam par shes pa med pa/ yi ge med pa/ spyod yul med pa/ brjod du med pa/ spros pa med pa/ ma 'dres pas/ gsang ba pa'i bdag po phyag na rdo rje la 'di skad ces bka' stsal to// chos

  474. 238a

    gang rgyu las byung ba rnams/ / de'i rgyu'ang de bzhin gshegs pas gsungs// de rnams kyi ni 'gog pa'ang gsungs// de skad gsungs pa dge sbyong mchog/ gzhan dbang yod pa ma yin zhing // yongs su grub pa'ang gzhan yin no// gnyis po'ang yod pa ma yin te// rnam shes brgyad po de nyid mtshan// de nas 'khor mang po 'dus pa de rnams so so'i ye shes mngon par 'dus byas pa'i rdzu 'phrul gyi mthus bsam pa tha dad pa dang / blo gros tha dad pas tshigs su bcad pa gnyis gsungs pa'i don ji ltar rjes su mthun par khong du chud nas byang chub sems dpa' de rnams kyis/ bcom ldan 'das la legs so legs so zhes gsol nas legs par phul lo// gsang sngags tshul la legs gnas pa// rdzogs sangs rgyas kyis bsngags pa yi/ / yang dag nyid ni sgom byed pa// de dag sangs rgyas nyid du 'gyur// de nas de'i tshe byang chub sems dpa' sems dpa' chen po 'phags pa spyan ras gzigs dbang phyug bcom ldan 'das rnam par snang mdzad kyis byin gyis brlabs kyis/ bcom ldan 'das la 'di skad ces gsol to// rnam par rtog pa las 'das pa'i// ma 'dres sems ni nyid kyis kyang / / bzlas pas dngos grub thob 'gyur na// chos kyis 'dus byas ci zhig smos// rta dang 'dra ba'i sems de ni// mnyam par bzhag pas brtul nas

  475. 238b

    su/ khyams dang snying rje bstan byas na// dngos grub brtan pa 'phral du 'thob// nam zhig chos rnams ma skyes pa// de yi sa bon a yi mchog/ rgyal ba dam pa rnams kyis gsungs/ / oM ni stong pa nyid ces bya// yi ge'i phyi mo phyi mo kun// de bzhin 'dren pa gnyis dang ldan// mi 'gyur yi ge dang yang ldan// de bas bsam par bya ba yin// a dang u zhes pa dang ni/ / ri dang r-I dang aM du ldan// a dang ldan pa snang ba'i mchog/ 'di las thar pa 'thob ces gsungs// ka yi ris dang tsa yi ris// Ta yi ris kyang de bzhin gzhan// ta yi ris dang pa yi ris// ma dang ldan pa lnga pa'o// ya ra la wa sha la sogs// thams cad rgyal mchog yongs su rdzogs// de dag rgya chen don gyi mchog/ rnam pa mang po'i don rnams byed/ / a ni byang chub thob par byed// ni ni de bzhin dgug par byed// u ni gsod pa 'grub par byed// ri ni dbang gi las byed pa'o// o ni srin po gsod par byed// bi ni 'chi ba yin par 'dod// oM ni klu yi snying po yin// kun kyang gzhan na ldan na mchog/ yi ge mthu can thams cad ni// ra dang klad kor bcas gyur cing // chos kyi dbyings dang rtag ldan par/ / bsam gtan bzlas byas dngos grub 'thob// de nas bcom ldan 'das rnam par snang mdzad kyis/ byang chub sems dpa' sems dpa' chen po 'phags pa spyan ras

  476. 239a

    gzigs dbang phyug la sems dpa' chen po legs so legs so/ / sa bcu rtogs par khong du chud// bde gshegs yang dag mi zad pa// de nyid thams cad khyod kyis bshad/ / lag na rdo rjes smras pa yi// rab tu gsang ba khyod kyis rtogs// zhes legs so zhes bya ba byin no// de nas bcom ldan 'das la gsang ba pa'i bdag po phyag na rdo rjes 'di skad ces gsol to/ / dpa' bo chos dbyings rang bzhin ni// 'khor los sgyur ba rgyal ba mchog/ 'jig rten dpa' bo'i phyag rgya dang // mi skye ba yi yi ge yis// de bzhin bdag nyid bsams nas su// byang chub sems kyis shin tu bsdams// stong pa gnyis su med sbyor bas// las rnams thams cad bsgrub par bya// chos dbyings rnam par dag pa'i bdag/ sa bon yi ge dang ldan par// dad cing bzlas brjod mnyam bzhag pas// bsams na dngos grub thob par 'gyur// khrus dang bshags la sogs pa dang // rab tu dben la sogs pa dang // phyag rgya bzang 'phreng sems dpa' yi// zlos pa'i dngos grub brtan pa 'thob// chos kyi dbyings dang ldan 'gyur bar// sngags 'di rnams kyis bsgrubs na ni/ / 'gro dang mi 'gro'i khams gsum na// 'grub par mi 'gyur dngos de med// gsang ba pa'i bdag po rang gi dkyil 'khor la gnas pa'i bzlas brjod byas la/ dbang

  477. 239b

    bskur ba'i cho ga 'di la 'khor los sgyur ba gzhag par bshad do/ / rnam par snang mdzad chen po mngon par rdzogs par byang chub pa rnam par sprul pa'i byin gyis brlabs las/ sgom pa'i yi ge dgod pa dbang bskur ba rim par bye ba'o/ / // de nas yang bcom ldan 'das la/ phyag na rdo rjes 'di skad ces gsol to// bcom ldan 'das chos kyi dbyings bsam g yis mi khyab pa sems kyi sa las 'das pa nyid kyis mngon par sangs rgyas pa de byang chub sems dpa' rnams la thabs sna tshogs kyi bsam pa dang mos pa ji lta ba bzhin du bshad lags kyis yang bshad du gsol/ de la thog mar cho ga 'dis sdig pa so sor bshags par bya'o// sangs rgyas dang byang chub sems dpa' thams cad kyis dus 'di nas bzung ste/ nam byang chub kyi snying po la mchis kyi bar du bdag la dgongs su gsol/ bdag ming 'di zhes bgyi bas skye ba thog ma ma mchis pa nas 'khor ba na 'khor ba'i tshe bdag gis sdig pa mi dge ba'i las bgyis pa dang / bgyid du stsal pa dang / bgyid pa la rjes su yi rang ba de dag thams cad sangs rgyas dang byang chub sems dpa' thams cad kyi spyan sngar so sor bshags so// de ltar lan gnyis lan gsum du bya'o/ / de nas sangs rgyas dang byang chub sems dpa' thams cad kyi spyan sngar gsum la skyabs su 'gro ba gzung bar bya'o// sangs rgyas dang byang chub sems dpa'

  478. 240a

    thams cad bdag la dgongs su gsol/ bdag ming 'di zhes bgyi ba dus 'di nas bzung ste/ nam byang chub kyi snying po la mchis kyi bar du sangs rgyas bcom ldan 'das la skyabs su mchi'o/ / de bzhin gshegs pa'i chos kyi sku zhi ba bla na med pa so sor rang gis rig pa la skyabs su mchi'o// phyogs bzhi'i byang chub sems dpa' chen po 'phags pa phyir mi ldog pa'i dge 'dun la skyabs su mchi'o/ / de ltar lan gnyis de ltar lan gsum du bya'o// de nas bdag gi lus dbul ba ni sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas bzung ste byang chub kyi snying po la mchis kyi bar du sangs rgyas dang byang chub sems dpa' thams cad la bdag nyid dus thams cad du yong ye 'bul gyis/ sangs rgyas dang byang chub sems dpa' thams cad kyis bdag la thugs brtse ba'i slad du bdag bzhes su gsol/ de ltar lan gnyis de ltar lan gsum du bya'o/ / de nas dam tshig gi phyag rgya bcings la gsang sngags brjod par bya'o// na maHsa man+ta bud+d+hA nA~M/ a sa me tri sa ma ye swA hA/ de nas chos kyi dbyings su byin gyis brlab bo/ / na maHsa man+ta bud+d+hA nAM/ d+harma d+hA nan/ d+harmA d+hA tu swa b+hA ba At+ma kona~M/ de nas rdo rje sems dpar byin gyis brlab bo// na maHsa man+ta bud+d+hA nAM/ badz+ra At+ma koH/

  479. 240b

    de nas byang chub kyi sems bskyed par bya'o// sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas bzung ste/ nam byang chub kyi snying po la mchis kyi bar du dngos po thams cad dang bral ba/ phung po dang / khams dang / skye mched dang / gzung ba dang 'dzin pa rnam par spangs pa/ chos bdag med pa mnyam pa'i phyir rang gi sems thog ma nas ma skyes pa/ stong pa nyid kyi ngo bo nyid du ji lta ji ltar sangs rgyas bcom ldan 'das rnams dang / byang chub sems dpa' de rnams kyis byang chub tu sems bskyed pa de bzhin du bdag gis kyang sems bskyed do/ / de ltar lan gnyis de ltar lan gsum du bya'o// de nas gang ba'i phyag rgya spyi bor bcings la de bzhin gshegs pa'i 'khor thams cad du spos dang me tog la sogs pa'i sprin bsams te/ rig sngags kyi rgyal mo 'di lan gsum brjod par bya'o// na maHsa man+ta bud+d+hA nAM/ a b+hi sma ra ye sA ra Na hi mAM ga ga kha~M/ d+harmA d+hA tu A kA sha sa ma tA ya/ sarba ta thA gA ta pa ri sho d+ha na maN+Da le ma ma pra Ni d+hi puN+Da dz+nyA na ba le na/ sarba ta thA ga ta a d+hiSh+ThA na ba len d+harmad+hA tu a d+hiSh+ThA na pa len tsa swA hA/ gang ba'i phyag rgya ni spyi bor pad+ma kha bye ba 'dra bar bya ba ga yin pa ste/ de ni gang ba'i phyag rgya'i mtshan nyid yin no// bzlas brjod kyi cho ga rim par bya ba'o//

  480. 241a

    nas bcom ldan 'das rnam par snang mdzad kyis chos kyi dbyings bsam gyis mi khyab pa rnam par rol pa bstan nas/ yang yul bsam gyis mi khyab par bstan par bzhed pas/ dbu'i gtsug nas chos kyi mdzod ces bya ba sems can gyi khams mtha' yas pa'i sems thibs po snang bar byed pa'i 'od zer gyi dra ba byung ngo // de nas 'od zer chen po'i dra ba bkod pa de/ de bzhin gshegs pa'i byin gyis brlabs rgya chen po rnam par rol pas nam mkha'i dbyings rgya chen po chos kyi dbyings kyi pho brang na bzhugs pa'i de bzhin gshegs pa rnams la bskor ba byas nas/ sems can thams cad kyi 'khor gyi dkyil 'khor thams cad du snang bar byas te/ sems can gyi khams ma lus pa yongs su bskyab pa la sbyar nas sems can dmyal ba dang / dud 'gro dang / yi dgas kyi 'gro bar skyes pa rnams kyang tshim par byas te/ lha dang mi'i gnas rnams kyang de bzhin gshegs pa'i snying po stug po bkod pa'i khongs su gtogs par byin gyis brlabs nas/ chos kyi dbyings bsam gyis mi khyab pa'ang de bzhin gshegs pa'i bsod nams kyi stobs bsam gyis mi khyab pa'i byin gyis brlabs pa rgyu mthun pas byin gyis brlabs so/ / chos kyi dbyings kyi dgos pa ma rdzogs pas snying rje chen po'i snying po 'byung ba'i mdzod

  481. 241b

    ces bya ba sems can gyi khams ma nges pa yongs su skyob pa'i snying po dkyil 'khor gyi rgyal po chen po'i ting nge 'dzin la snyoms par zhugs so/ / snyoms par zhugs nas kyang phyag na rdo rje la sogs pa'i rdo rje 'dzin sangs rgyas kyi zhing bcu'i rdul phra rab dang mnyam pa snyed la bka' stsal pa/ rigs kyi bu dag sems can gyi khams ma nges pa yongs su skyob pa'i snying po'i rgyal po de bzhin gshegs pa thams cad 'byung ba zhes bya ba'i dkyil 'khor rgyas pa gang la brten nas/ byang chub sems dpa' rnams tshegs chung ngus de bzhin gshegs pa'i sa thob par gyur cing / chos kyi dbyings bsam gyis mi khyab pa'ang mngon sum du byed par 'gyur ba yod do// de skad ces bka' stsal pa dang / phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab dang mnyam pa de dag gis mgrin gcig tu tshig smras pa/ bcom ldan 'das gang bcom ldan 'das kyis bdag cag la thugs brtse ba'i slad du dkyil 'khor chen po bkod pa'i byin gyis brlabs bshad pa de'i dus la bab cing / bde bar gshegs pa de'i tshod la bab ste legs so// bcom ldan 'das chos kyi rje/ chos kyi dbang phyug/ chos kyi bdag po mthar 'byed pa dang bral ba/ ye shes chen po la mnga' ba/ ston pa sa bcu'i dbang phyug gcig pu/ don grub pa/ tshig grub pa/ srid pa'i

  482. 242a

    mtha' las rgal ba dang de kho na nyid mkhyen pa/ sman pa'i rgyal po chen po/ 'gag pa med pa/ chad pa med pa/ mtha' gnyis rnam par spangs pa/ bzhin nyid dang yang dag pa'i mtha' spros pa med pa/ rtogs par khong du chud pa/ skyong ba ka nas gsum du gyur pa/ gling du gyur pa/ mya ngan las 'das pa/ zhi bar gyur pa grol ba thar pa/ rims nad med pa/ dag pa/ rdul dang bral ba/ rnyog pa dang bral ba dang / smra ba dang kun tu smra ba med pa/ dngos po thams cad rnam par 'dzin par mdzad pa bshad du gsol/ 'di ltar rdo rje 'dzin pa de dag thams cad rtag tu yi de la rab tu dga' bar gyur pa sa/ mtshan legs par bsgrags pa byas nas rnam par 'dren pa la gsol ba btab bo/ de dag gis gsol ba btab pa mkhyen nas dpa' bo chen po thams cad mkhyen pa/ rims nad dang bral bas snying rje chen po'i snying po 'byung ba'i dkyil 'khor yang bshad par bya'o/ zhes bka' stsal to// de nas gsang ba pa'i bdag po phyag na rdo rjes bcom ldan 'das kyi zhabs gnyis la phyag 'tshal nas/ bcom ldan 'das la 'di skad ces gsol to// bcom ldan 'das dkyil 'khor 'di'i ming ci lags/ de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la bka' stsal pa/ lag na rdo rje dkyil 'khor

  483. 242b

    'di'i ming ni sangs rgyas med pa'i 'jig rten gyi khams su sangs rgyas 'byung ba ston pa'o/ / de nas yang gsang ba pa'i bdag po phyag na rdo rjes bcom ldan 'das la 'di skad ces gsol to/ / bcom ldan 'das kyis de bzhin gshegs pa dgra bcom pa yang dag par rdzogs pa'i sangs rgyas rnams nam mkha'i dbyings khyab par gnas so zhes ma gsungs sam/ nam mkha' la ni skye ba'ang ma mchis/ 'gag pa'ang ma mchis so// bcom ldan 'das de bzhin du de bzhigs pa rnams la'ang skye ba'ang ma mchis/ 'gag pa'ang ma mchis na/ bcom ldan 'das de ci'i slad du 'di ni sangs rgyas med pa'i 'jig rten gyi khams rnams su sangs rgyas 'byung ba'o zhes gsungs/ bcom ldan 'das kyis bka' stsal pa/ gsang ba pa'i bdag po gang gi tshe sprul pa'i sangs rgyas yongs su mya ngan las 'das pa de'i tshe 'jig rten gyi khams de dag tu/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams dkyil 'khor chen po bkod pa'i byin gyis brlabs kyis sems can rnams yongs su smin par byed do/ / de skad ces bka' stsal pa dang / gsang ba pa'i bdag po phyag na rdo rjes bcom ldan 'das la 'di skad ces gsol to/ / bcom ldan 'das ngo mtshar che'o// gang na sems can 'dod chags dang / zhe sdang dang / gti mug dang /

  484. 243a

    g.yo dang / sgyu dang / the tsom gyi bsam pa can/ mos pa tha dad pa rnams kyi bsam pa ji lta ba bzhin du yongs su rdzogs par bgyid pa'i byang chub sems dpa' sems dpa' chen po de dag ni/ bcom ldan 'das shin tu dka' ba bgyid par rig par bgyi'o// bcom ldan 'das kyis bka' stsal pa/ lag na rdo rje rigs kyi bu de dag ni sangs rgyas gcig la bsnyen bkur byas pa ma yin gyi/ rigs kyi bu de dag gis ni sangs rgyas mang po la dge ba'i rtsa ba bskrun par rig par bya'o// chos snang ba'i sgo'i tshul gsum las kyang 'byung ste/ gsum gang zhe na/ 'di lta ste/ snying rje'i tshul gyi sgo snang ba'i tshul dang / chos zab mo'i tshul gyi sgo'i snang ba'i tshul dang / de bzhin gshegs pa la mchod pa dang bkur sti byed pa'i tshul gyi sgo 'di gsum dang ldan par rig par bya'o/ / de nas yang bcom ldan 'das kyis byams pa chen po dang thugs rje chen po'i spyan gnyis kyis chos kyi dbyings kyi pho brang chen po na gnas pa'i byang chub sems dpa' rnams la gzigs nas/ gsang ba pa'i bdag po lag na rdo rje la bka' stsal pa/ lag na rdo rje slob dpon gyi mtshan nyid nyon cig/ de la re zhig slob dpon byang chub tu sems bskyed pa/ byang chub sems dpa'i bslab pa la spyod pa/ byang chub sems dpa'i sdom pas bsdams pa/ snying rje can/ dad pa che ba/

  485. 243b

    chos zab mo la gnas pa/ shes rab kyi pha rol tu phyin pa'i tshul la mkhas pa/ sgyu rtsal rnams la mkhas shing nus pa/ gtsang zhing bag yod pa/ gsang sngags spyad pa dang phyag rgya dang / dkyil 'khor gyi las rnams bslabs pa/ dkyil 'khor bri ba'i las bya ba la bla ma las lung thob pa/ sangs rgyas chos dang dge 'dun la// gang zhig yid gnyis med gyur cing / / sems can khams ni ma lus pa/ yongs su bskyab pa'i phyir brtson pa// mkhas pa des ni sangs rgyas kyi// dkyil 'khor dag ni bri bar rigs// mtshan rnams thams cad yongs rdzogs brtan/ / shes rab rnol dpa' snying can// bdag gam slob ma rnams kyi'ang rung // bgegs ni zhi bar byed par nus// yang dag bden pa'i don rtogs la/ / gang gis mos pa rgya che zhing // bzod dang ldan la nga rgyal med// rlabs po che yi las byed cing // de ni rlabs po che la dang // byang chub sems dpa' skyob pa dang // sangs rgyas rnams kyis smon lam dag/ thos nas phyi phyir dga' ba dang // rtag tu mgu bar 'gyur ba dang // gsang sngags spyod la brtson pa dang // bzlas brjod byed la gang 'bad dang // gcam sgyu thams cad mi sems la// 'jig rten chos la mi lta zhing // sngags la gnol ba'i sngags pa ni// yon tand de la sogs ldan na// slob dpon ston pas bkur ba yin/

  486. 244a

    yang na chos rnams thams cad ni// rnam par dben la gang gnas pa// der yang sangs rgyas thams cad kyi// sangs rgyas 'byung ba ston par 'os// yang na rdzogs pa'i sangs rgyas kyis/ / sngags pa'i dam tshig gsum shes pas// nyes pa thams cad rnam spangs pa// de la gnas pa'i sngags pa ni// yon tan kun dang mi ldan yang // de la dkyil 'khor 'dri bar 'os/ / de ltar yon tan kun ldan na// 'jig rten pa yi dkyil 'khor dang // 'jig rten 'das pa thams cad kyang // las kyi cho ga mthong bas byas// de la slob dpon la gzhan gyis bskul na slob ma don du gnyer bshes shing de la dad par shes na/ de ltar shes nas slob dpon des// sa gzhi legs par brtag par bya// mtsho dang kun dga' skyed mos tshal/ / rdzing bu rnams kyis kun brgyan pa'am// 'bras bu me tog dang ldan pa'i// ljon shing sdong bu de bzhin te// gel ba dam pa nyams dga' ba// 'bras bu me tog ldan pa dang / / dang mo khrung khrung rma bya dang // sa ra ne tso sharari rnams// gang gi yul na yod pa yi// yul de nan tan bskyed de bsnyen// me tog 'bras bu ldan ri dang // gnas shing yid 'ong chu yi gnas/ / 'bab chu'i chu ni zhim pa dang // chu gling g.yas nas 'khor ba can// der ni sngags pa blo ldan gyis// dkyil 'khor longs spyod 'phel bar bri//

  487. 244b

    yul ni shin tu snum pa dang // gtsug lag khang dang khang pa dang // lha yi gnas dang phyugs lhas dang // shing gcig lam gyi bzhi mdor yang // zhi ba'i las la zhi ba yi// dkyil 'khor shes rab can gyis bri// khang pa stong pa'am dur khrod dam// snum byed rtsub pa'i las can dang // ngan cing gtum la 'jigs pa can// de bzhin thibs po 'jig 'jigs lta/ / de la sogs pa'i gnas rnams su// drag po'i las kyi dkyil 'khor bri// drag por drag po'i las rnams bya// zhi bar zhi ba'i las bya'o// rgyas par rgyas pa nyid yin te/ / cho ga de ni rgyas pa la'o// yang na yid ni gang dag tu// nges par dga' ba skye 'gyur ba// yul der dkyil 'khor bri ba yi// las ni legs par bya bar 'os// gang gi sems ni rnam dag cing // the tsom la sogs rnam spangs pa// de la las rnams thams cad ni// grub par 'gyur ba dogs pa med// rnam par rtog pa spangs pa yi// rnam par mi rtog byang chub yin// de yang rnam rtog spangs pa yis// thob par 'gyur gyis gzhan gyis min// de bas rnam pa thams cad du// blo ldan yid gnyis spangs nas su/ / 'jig rten kun la phan 'dod pas// shes rab can gyis dkyil 'khor bri// yul med dus kyang yod ma yin// bya ba med cing byed pa'ang med// chos rnams dag ni thams

  488. 245a

    cad la/ / chos nyid 'ba' zhig yod ma yin// byis pa mi shes pas bsgribs pa// rgyu dang rkyen gyis brgyal bas na// stong pa'i chos ni ma rtogs pas/ rtag tu bdud kyi dbang du gyur// de ltar ye shes dbang gyur pa// ston pa spros pa med rtogs pas// rnam rtog thams cad spangs pa yi// mnyam pa med pa'i chos bshad do// de nas yang bcom ldan 'das rnam par snang mdzad sangs rgyas thams cad kyi rgyan bkod pa'i rgyal po zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs pa dang smin mtshams nas sangs rgyas kyi zhing thams cad kyi rgyan ces bya'i 'od zer byung ngo / / byung nas kyang kun tu snang bar gyur to// sangs rgyas kyi zhing 'di snang bar byas nas kyang gang gi rnam pa dang yon tan gyi mtha' bskal pa bye ba khrag khrig brgya stong du'ang rtogs par mi nus pa lha'i sgo khyud kyis rab tu brgyan pa/ de bzhin gshegs pa'i rnam par smin pa las gyur pa me tog gi gzhi'i snying po bkod pa'i rgyan 'di thams cad lag mthil bzhin du mnyam par gyur to/ / de ltar de bzhin gshegs pa'i bkod pa bsam gyis mi khyab pa byin gyis brlabs nas/ 'od zer de dag gsang ba pa'i bdag po phyag na rdo rje'i spyi bor mi snang bar gyur to// 'od zer de dag mi snang bar gyur ma thag tu phyag na rdo rjes bcom ldan 'das kyi zhabs gnyis la phyag 'tshal

  489. 245b

    nas/ bcom ldan 'das la 'di skad ces gsol to// bcom ldan 'das dkyil 'khor chen po bkod pa'i byin gyis brlabs bshad du gsol/ de skad ces gsol pa dang / bcom ldan 'das kyis byang chub sems dpa' chen po phyag na rdo rje la bka' sprul pa/ lag na rdo rje dkyil 'khor chen po bkod pa'i byin gyis brlabs nyon cig/ bcom ldan 'das de ltar bgyi'o zhes gsol nas/ phyag na rdo rjes bcom ldan 'das la slar mnyan pa dang / bcom ldan 'das kyis de la 'di skad ces bka' stsal to// lag na rdo rje de la ji skad du bsgrags pa'i gnas rnams su dkyil 'khor gyi tshad khru gang yan chad dpag tshad gcig man chad du bya'o/ / dpag tshad gcig pas lhag par ni mi bya'o// de la sa gzhi mnyam la 'jam// byug spos dag gis legs par bskus/ / yang na 'jim pa gtsang ma yis// sngags pas nan tan bsku bar bya// de nas phur bu sor brgyad pa la las thams cad byed pa'i gsang sngags kyis brgya rtsa brgyad du btab ste grwa bzhir mnyam par btab na/ dkyil 'khor kun tu cis kyang mi tshugs par byin gyis brlabs par 'gyur ro// na maHsa man+ta badz+rA NAM taM ko Ta ya/ sa me ma hA/ tsaN+Da li hUM phaT/ de nas sta gon du gnas pa byas la/ phyi de nyin dkyil 'khor gyi yo byad rnams bsogs la las thams cad byed pa'i gsang sngags sam

  490. 246a

    'phags pa mi g.yo bas bsrung ba byas te/ dkyil 'khor gyi byang phyogs su gzhag go// yang na bdag gis byin gyis brlabs la gzhag go// de nas phyi de nyin slob ma dad pa che ba/ gtsang sbra che ba/ chos la 'bad pa/ cho rigs btsun pa/ mos pa rgya che ba gcig gam/ gnyis sam/ gsum mam ji skad 'dod pa rnams gzung ngo // las thams cad byed pa 'am/ 'phags pa mi g.yo ba 'am/ mi bzod pa'i gsang sngags kyis bu mos bkal ba'i skud pa 'am/ skud pa gzhan la btab pa dang / yang na rtsa ku sha la mdud pa gsum bor ba'ang rung ste/ de nas sngags kyis bsngags pa ni// brgya'am yang na lhag kyang rung / slob ma rnams kyis las 'grub phyir// dpung pa g.yon la bcing bar bya/ / u dum ba ra'i so shing ni// me tog dri la sogs pas bskul// shin tu bzang pos bsrung ba byas// sor brgyad pa la rtse gcig gshibs// dge ba'i yid du 'ong ba dag/ de nas mkhas pas sbyin par bya// shar ram byang du kha bltas te// so shing dag ni bca' bar bya// de nas blo ldan mi ltos shing // dpyad pa med par dor bar bya// gang du lhung bar gyur pa las// de bzhin der ni grub par 'gyur// shes rab pha rol phyin la sogs// mdo sde'i chos ni mnyan du gzhug/ slob ma skyo bar bya ba'i phyir// chos

  491. 246b

    kyi gtam ni bzang po bya/ / gal te rmi lam bzang po 'am// ngan pa dag ni mthong gyur na// bdag gi skal ba brtag pa'i phyir// bla ma la ni de dag bsnyad// mchod rten kun dga' gtsug lag khang / / glegs bam dang ni lha rnams dang // yid bzhin nor bu rin chen gos// yang na me tog 'bras bu rnyed// ral gri 'khor lo pi wang dang // grub pa'i rdzas ni sna tshogs rnams/ / gang gis rmi lam thob gyur na// de yis dngos grub yid bzhin 'gyur// nyi zla me dang tshod dag gam// de bzhin rgya mtsho rgal ba dang // glang po che dang rta yang rung / / de ni dngos grub thob mi dka'// de la sogs pa'i rmi lam ni// bzang pos dngos grub dam pa brtag/ rmi lam ngan pa mi bzad pa// 'jigs pa mthong na mi 'grub bo/ / bong bu rnga mo khyi dang bya// stag dang byi la wa rnams dang // mi ni 'bru mar lus bskus dang // gcer bu rtsub la mi sdug pa// de la sogs pa'i rmi na rnams// tho dang ldan pas spang bar bya// yang na dngos rnams rmi lam dang // dri ba'i grong khyer bzhin shes nas// blo dang ldan pas rmi lam rnams// snying po med par bshad par bya// de nas bcom ldan 'das la/ phyag na rdo rjes 'di skad ces gsol to// bcom ldan 'das byang chub sems dpa' gsang sngags kyi sgo nas byang chub sems dpa'i spyad pa spyod pa

  492. 247a

    rnams 'di lta bu'i chos rnams la dang po nas blo brtan par 'gyur ba 'di'i rgyu gang lags/ rkyen ni gang lags/ bcom ldan 'das kyis bka' stsal pa/ 'di ltar rigs kyi bu de dag ni snying rje chen po dang ldan pas chos thams cad shin tu mya ngan las 'das pa mthong zhing / so so'i skye bo'i tshogs rnams kyi mtshan nyid kyang phyin ci log tu shes nas mtshan nyid dang bral ba zhig tu shes te/ de bas na de dag chos thams cad la blo brtan zhing nges par gyur to// de nas yang bcom ldan 'das kyis chos kyi dbyings bsam gyis mi khyab pa rgya chen por byin gyis brlabs nas/ gsabab pa'i bdag po phyag na rdo rje la bka' stsal pa/ gsang ba pa'i bdag po dkyil 'khor chen po bkod pa'i byin gyis brlabs pa nyon cig/ de la dang por slob dpon gyis gtsang sbra byas te/ bden bral gyi phyogs su gnas la dkyil 'khor gyis rnam par dbye bar bya'o// sangs rgyas dang byang chub sems dpa' thams cad la phyag byas te chos kyi dbyings rnam par dag pa'ang dran par byas te mtha' yas pa/ rgya che ba/ rab 'byams bkod pa'i byin gyis brlabs la blta'o// bltas nas kyang bdag rdo rje sems dpar byin gyis brlabs la/ tshon sna lnga yi srad bu 'am// yang na mkhas pas blos kyang rung // lha yi gnas rnams nges pa ni// shes rab can

  493. 247b

    gyis rnam par dbye/ / kun tu gru bzhi lham pa la// sgo bzhi rta babs dang yang bcas// sgo khyud rab 'byams rgya chen ldan// rnam par dag pa sems kyis bris// rin chen lnga yi phye ma 'am/ / yang na sA lu'i phye ma'ang rung // yang na spos sam thal bas kyang // dkyil 'khor sngags pas bri bar bya// gru bzhi pa la sgo bzhi pa// nub kyi sgo ni dbye bar bya/ de nas rig sngags rgyal mo ni/ / mi bzod srung ba chen mo 'am// yang na mi g.yo dran par bya// rdzogs pa'i sangs rgyas dran byas nas// bden bral gyi ni phyogs su 'gro// de nas srad bu bres nas su/ / bskor ba byas te slar log na// de nas blo dang ldan pa ni// byang dang nub kyi phyogs su 'gro// der yang shar du kha bltas nas// shar gyi phyogs su srad bu bre// de ltar srad bu'i tshul shes pas// rtag par thog ma nyid du bya// de nas dbus su 'dug nas ni// mgon po ngan song kun spong dang // mi mchog 'od dpag med pa dang // de bzhin sgrib pa kun sel dang / / thub pa me tog kun rgyas dang // rgyal ba rnam par snang mdzad dang // thub chen bdud las rgyal ba dang // de bzhin mi 'khrugs zhes bya dang // sangs rgyas rnga yi sgra dbyangs can/ / de bzhin gshegs pa rjes dran nas// der yang dka' thub can gyis ni// nan tan bskyed de cha gsum brtag/ de ltar sa la mkhas pa yis// sa ni

  494. 248a

    legs par brtags nas su/ / byang chub sems dpa' blo can dang // sangs rgyas rnams kyi yum yang bklag/ yang na zab mo'i mdo sde gzhan// sa rnams gtan la 'bebs pa bklag/ bklags nas blo dang ldan pa yis// kun tu bdug spos bskor nas su// rgyal ba mchog gi sras rnams dang // sangs rgyas rnams la phyag byas nas// sangs rgyas rnams kyi sku gzugs sam// phyag rgya mkhas pas bri bar bya// yang na gzhan ni gang yang rung // de dag thams cad bri bar bya// de nas yang bcom ldan 'das rnam par snang mdzad kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po sbyor ba gang dang ldan na byang chub sems dpa' gsang sngags kyi sgo nas byang chub sems dpa'i spyad pa spyod pa rnams tshegs chung ngus sems can gyi khams mtha' yas pa'ang srid pa'i rgya mtsho las sgrol bar 'gyur ba/ chos kyi dbyings bsam gyis mi khyab pa'i tshul sgrub pa'i sbyor ba yod do/ / de skad ces bka' stsal pa dang / phyag na rdo rjes bcom ldan 'das la 'di skad ces gsol to// bcom ldan 'das sgrub pa'i tshig gang dang ldan na byang chub sems dpa' gsang sngags kyi sgo nas byang chub sems dpa'i spyad pa spyod pa rnams cho ga thams cad yongs su rdzogs par bgyid cing / de bzhin gshegs pa rnams kyang mnyes par bgyid

  495. 248b

    pa'i sgrub pa'i tshig de dag bshad du gsol/ de skad ces gsol pa dang / bcom ldan 'das rnam par snang mdzad kyis chos kyi dbyings kyi tshul rgya chen po byin gyis brlabs sgrub pa'i gzhi rgya chen pos byin gyis brlabs nas sbyor ba bzang po bshad do/ / gsang ba pa'i bdag po de la 'khor los sgyur ba'i dkyil 'khor gyi tshad dpag tshad gcig tsam bri bar bya ste/ gnas tsan dan bzang po sbrul gyi snying po dam pa las byas pa'i khang pa dril bu dang rin po che'i bla re chen po bres pa/ lha'i a ka ru'i bdug spos kyis bdugs pa/ 'dzam bu nA da'i gser gyi srad bus bskor ba/ rin po che sna tshogs kyi dril bu g.yer kha'i dra bas steng brgyan pa/ rnga sgra snyan pa sna tshogs kyi sgra grags pa/ phyogs bzhin rta babs bzang po mu tig gi 'phreng ba btags pa tshon sna tshogs kyi ras bting ba/ bkod pa dang rgyan sna tshogs kyis spras pa/ rin po che'i sgron ma sna tshogs kyis kyang rnam par gsal bar bya'o// de nas de bzhin gshegs pa 'dus pa'i nang na 'dug bzhin du bdag chos kyi dbyings rnam par dag par byin gyis brlabs la/ de'i rnam par dmigs pa 'am/ chos 'byung ba'i phyag rgya'am/ dam tshig gi phyag rgya bcings te/ stong pa'i ngo bo nyid kyi rjes su song ba rnams sangs rgyas dang byang chub sems dpa'i sdom pa dang byang chub kyi sems 'dzin du gzhug go// de nas bla na med pa'i ye shes kyi mig

  496. 249a

    rnam par dag dag par bya ba'i phyir dam tshig bstan par bya'o/ / de la nang gi dkyil 'khor gyi phyag rgya 'di rnams yin no// shar phyogs su sangs rgyas thams cad kyi phyag rgya gru gsum pa pad+ma'i steng na 'dug par bri'o/ / de'i gsang sngags ni 'di'o// na maHsarba man+ta bud+d+ha bo d+hi satwA nAM/ a sarba tra Na ka swA hA/ bcom ldan 'das kyi g.yas logs su sangs rgyas dang byang chub sems dpa' thams cad kyi phyag rgya yid bzhin gyi nor bu'i rgyal mtshan bri'o/ / de'i gsang sngags ni/ na maHsa man+ta bud+d+ha bo d+hi satwa nAM/ sa man+ta a mri te dzA la swA hA/ de'i 'og tu kun tu bzang po'i phyag rgya ral gri dang gnas kyi dkyil 'khor chung ngu bri'o// gsang sngags ni/ na maHsa man+ta bud+d+ha bo d+hi sa twA nAM/ badz+ra rA dza mA la swA hA/ sangs rgyas thams cad kyi phyag rgya'i g.yon logs su chos kyi 'khor lo'i phyag rgya bri'o// de'i 'og tu bcom ldan 'das shAkya thub pa'i phyag rgya lhung bzed dang chos gos bri'o// bcom ldan 'das kyi g.yas logs su nam mkha'i spyan gyi phyag rgya spyan gyi gtsug tor 'dra ba pad+ma'i steng na 'dug par bri'o/ / bcom ldan 'das ma'i 'og logs su rdo rje mchog sbyin gyi phyag rgya ut+pa la'i steng du rdo rje bzhag pa bri'o/ / 'phags pa kun tu bzang po'i byang phyogs su byams pa'i phyag rgya kun d+hi bri'o// bcom ldan 'das kyi nub phyogs su spyan ras gzigs kyi dbang phyug

  497. 249b

    gi phyag rgya pad+ma bri'o/ / bcom ldan 'das kyi byang phyogs su mtha' yas par 'phro ba rgya chen po mi g.yo rgyal po'i phyag rgya dri'o// byang chub sems dpa' rnams kyi lho phyogs su rdo rje 'dzin thams cad kyi phyag rgya bri'o/ / de nas phyi rol gyi dkyil 'khor cha gsum du byas pa la 'khor sa'i snam bu bor te/ shar phyogs su pho nya'i tshogs thams cad kyi phyag rgya bri'o// de dag gi shar lho'i mtshams su pho nya mo thams cad kyi phyag rgya bri ste/ pho nya mo rnams kyi phyag rgya ni lcags kyu'o// tshogs rnams kyi phyag rgya ni zhags pa'o// lho dang byang gi ngos gnyis su bran pho dang bran mo rnams kyi phyag rgya bri ste/ de la bran po rnams kyi phyag rgya ni ral gri'o// bran mo rnams kyi phyag rgya ni khang+ga ri dang rdo rje'i khab bri'o// de nas bcom ldan 'das ma shes rab kyi pha rol tu phyin pa bklag go/ / bklags nas langs la dkyil 'khor bskor bar byas te/ sangs rgyas bcom ldan 'das rnams la phyag byas la/ slob ma byang chub tu sems bskyed pa gtsang sbra can/ yi dam la brtan pa/ sdom pa bzung ba/ 'gro ba thams cad yongs su bskyab pa'i bsam pa rgyan/ snying rje che ba/ gdong ras kyis g.yogs pa lag pa mi gtong ba de la sems rtse gcig tu dmigs pa rnams dkyil 'khor bskor bar bya ste/ dkyil 'khor gnyis pa'i sgo khar 'greng la gang ba'i phyag rgya'am/ chos 'byung ba'i

  498. 250a

    phyag rgya 'am/ dam tshig gi phyag rgya bcings te/ dam tshig brjod la dkyil 'khor du gzud do// de nas me tog 'dor du gzhug go// me tog gar babs pa de de'i lha yin no/ / de ltar dam tshig brtan par bya ste/ slob dpon la ston pa'i 'du shes bskyed do// slob dpon gyis kyang bu'i 'du shes bskyed par bya'o// de nas sems kyi rgyud rab dang / 'bring dang / tha ma bltas nas gsang sngags spyad pa la 'jug pa'i rnal 'byor gyi cho ga sbyin no// de ltar byas na dkyil 'khor chen po bkod pa 'dir dam tshig mthong bar 'gyur ro/ / 'jig rten dang 'jig rten las 'das pa'i dkyil 'khor thams cad du zhugs kyang rung ma zhugs kyang rung ste/ dam tshig tu zhugs par 'gyur ro// de ltar dkyil 'khor chen por byin gyis brlabs shing sdig pa thams cad dang bral ba/ de bzhin gshegs pa'i rigs las byung ba/ sems can gyi khams mtha' yas pa yongs su bskyab pa'i yid la byed pa des gsang sngags spyad pa'i rnal 'byor gyi cho ga rjes su dran par bya'o/ / de nas yang bcom ldan 'das rnam par snang mdzad kyis chos kyi dbyings kyi gnas na 'khod pa'i byang chub sems dpa' sems dpa' chen po rnams la byams pa chen po dang thugs rje chen po'i spyan gnyis kyis gzigs nas/ zhal cung zad 'dzum zhing de bzhin gshegs pa'i so so yang dag par rig pa la 'jug

  499. 250b

    pa'i tshul gyis bla na med pa'i chos kyi dbyings shin tu rnam par dag par snyan par bzhed pas/ gtsug tor chen po'i dkyil nas srid pa'i rgya mtsho thams cad las bsgral bar yi dam bcas pa zhes bya ba'i bzhad pa chen po mdzad do/ / thams cad du'ang de bzhin gshegs pa thams cad kyi yul 'byung ba zhes bya ba'i 'od zer byung ngo // 'od zer de byung nas kyang phyogs bcu'i 'jig rten gyi khams rab 'byams nam mkha'i dbyings kyis klas pa na/ de bzhin gshegs pa thams cad kyi 'khor gyi dkyil 'khor na 'khod pa'i byang chub sems dpa' thams cad ni snang bar byas/ chos kyi dbyings bsam gyis mi khyab pa la 'jug pa'i yul ni bstan/ sems can thams cad kyi sems kyi spyod pa rnams la ni bltas/ chos kyi dbyings rnam par dag pa mtha' yas pa ni dmigs par byas/ nam mkha' dang mnyam par gyur pa'i chos mnyam pa nyid rnam par bstan pa/ chos kyi dbyings kyis rnam par rol pa'i sgos rnam par rol nas/ de bzhin gshegs pa'i dge ba'i rtsa ba rnam par smin pa bsam gyis mi khyab pa las mngon par grub pa/ de bzhin gshegs pa'i dgongs pa las mngon par grub pa/ mos pa'i rlung gi dkyil 'khor gyis sangs rgyas kyi zhing bkod pa rnam pa bcus rab tu brgyan nas/ nam mkha'i ngos la bkod pa chen po'i dkyil 'khor gyi byin gyis brlabs bsham par

  500. 251a

    bya ste gnas par gyur te/ 'od zer chen po de dag de ltar gnas par gyur ma thag tu gsang ba pa'i bdag po phyag na rdo rje'i sems la sems kyi rtog pa 'di lta bu byung bar gyur to/ / de bzhin gshegs pa'i dgongs pa las byung ba'i 'od zer rnam par bkod pa snang ba sngon ma byung ba 'di dag bkod pa rnam pa sna tshogs kyis nam mkha'i ngos ni khebs par byas/ de bzhin gshegs pa'i rnam par rol pa chen po rnams ni bstan nas/ de bzhin gshegs pa'i zhal du mi snang bar gyur pa de ngo mtshar che'o// de bas na nges par deng bcom ldan 'das so so yang dag par rig pa chen po mngon par sgrub pa'i tshul rnam par dag pas mnyam pa nyid la 'jug pa/ rnam par dag pa'i gzhi de bzhin gshegs pa'i thams cad rnam par rol pa'i chos kyi rnam grangs bshad par bzhed do/ / de'i phyir bcom ldan 'das la bdag zhu'o snyam mo// de nas phyag na rdo rjes bcom ldan 'das kyi zhabs gnyis la phyag 'tshal nas/ bcom ldan 'das la 'di skad ces gsol to// bcom ldan 'das bcom ldan 'das kyis dang po bla na med pa yang dag par rdzogs pa'i byang chub tu thugs bskyed pa nas/ bcom ldan 'das mngon par rdzogs par sangs rgyas kyi bar du bdag rtag tu zhabs 'bring na mchis mchis na/ bcom ldan 'das kyis 'di ltar bzhad pa chen po

  501. 251b

    sngar mdzad nas/ dbu'i gtsug tor gyi dkyil nas 'od zer ngo mtshar du gyur pa bdag gis sngon ma mthong ba sangs rgyas kyi zhing bcu'i rdul phra rab snyed byung nas/ 'od zer de rnams kyis kyang 'jig rten gyi khams nam mkha'i dbyings kyis mthas klas pa snang bar bgyis pa ngo mtshar che'o/ / de la bdag nyid 'di snyam du gyur te/ deng bcom ldan 'das bdag c ag la so so yang dag par rig pa chen po la 'jug pa'i tshul sgrub pa rnam par dag pa'i gzhi chos kyi rnam grangs de bzhin gshegs pa thams cad mngon par rdzogs par byang chub pa rnam par sprul pa bshad pa bzhed pa ni bdag cag gis rnyed pa legs par rnyed do snyam mo/ / bcom ldan 'das de bas na bdag cag la thugs brtse ba'i slad du/ so so yang dag par rig pa chen po la 'jug pa'i tshul sgrub pa'i rnam par dag pa'i gzhi de bzhin gshegs pa thams cad mngon par rdzogs par byang chub pa rnam par sprul pa'i chos kyi rnam grangs bshad na/ dus slad ma'i 'gro ba rnams la snang ba bgyis par 'gyur te legs kyis bshad du gsol/ de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to/ / gsang ba pa'i bdag po legs so legs so// khyod don 'di 'dri bar sems pa de'ang legs so// gsang ba pa'i bdag po de'i phyir legs

  502. 252a

    par rab tu nyon la zung zhig dang / ngas khyod la de bzhin gshegs pa thams cad kyi so so yang dag par rig pa la 'jug pa sgrub pa'i tshul rnam par dag pas/ mnyam pa nyid la 'jug pa rnam par dag pa'i gzhi chos kyi rnam grangs de bzhin gshegs pa thams cad mngon par rdzogs par byang chub pa bshad par bya'o// bcom ldan 'das de ltar bgyi'o zhes nas/ gsang ba pa'i bdag po phyag na rdo rjes bcom ldan 'das la nyan pa dang / bcom ldan 'das kyis de la 'di skad ces bka' stsal to// gsang ba pa'i bdag po stong pa nyid kyi gzhi ni mngon par rdzogs par byang chub pa'i gzhi'o/ / nam mkha' dang mnyam pa'i gzhi ni mngon par rdzogs par byang chub pa'i gzhi'o// mtshan nyid med pa'i gzhi ni/ mngon par rdzogs par byang chub pa'i gzhi'o// de bzhin gshegs pa'i gzhi ni mngon par rdzogs par byang chub pa'i gzhi'o// de ltar mngon par rdzogs par byang chub pa'i gzhi 'di dag byang chub sems dpas bsgom par bya'o/ / gsang ba pa'i bdag po 'di ni de bzhin gshegs pa thams cad kyi so so yang dag par rig pa la 'jug pa sgrub pa'i tshul rnam par dag pas mnyam pa nyid la 'jug pa'i gzhi chos kyi rnam grangs yin no/ / de nas bcom ldan 'das rnam par snang mdzad kyis chos kyi dbyings rgya chen po rab 'byams mtha' yas pa byin gyis brlabs nas/

  503. 252b

    nam mkha' dri ma med pa'i rgyal po rnam par smin pa nam mkha' ltar rgya che zhing mtha' yas pa zhes bya ba'i ting nge 'dzin la snyoms par zhugs so// bcom ldan 'das snyoms par zhugs ma thag tu de bzhin gshegs pa thams cad kyi yul snang ba/ yul bsam gyis mi khyab pa rab 'byams ston pa zhes bya ba'i 'od zer chen po dbu'i gtsug nas byung ngo // byung nas kyang de bzhin gshegs pa dang rjes su mthun par bstan te/ bcom ldan 'das rnam par snang mdzad la bskor ba lan brgya stong du ma byas nas/ 'jig rten gyi khams rnam pa bcur snang ba chen pos gsal bar byas te/ steng gi nam mkha' la gnas nas dam tshig chen po gsum gyi snang bas 'jig rten gyi khams nam mkha'i dbyings kyi mthas klas pa snang bar byas nas/ sems can gyi khams rnams la dam tshig chen po gsum gyi myu gu skye bar byin gyis brlabs te/ 'od zer de dag nam mkha' la lhags nas phyag na rdo rje'i spyi bor lhung ngo // 'od zer de dag phyag na rdo rje'i spyi bor lhung ma thag tu de nas de'i mod la gsang ba pa'i bdag po phyag na rdo rjes de bzhin gshegs pa'i yul 'byung ba zhes bya ba'i ting nge 'dzin chen po thob par gyur te/ de thob pas de bzhin gshegs pa'i sa la gnyis su med par gnas par gyur to/ / de nas gsang ba pa'i bdag po phyag na rdo rje de bzhin gshegs pa'i ye shes kyi dga' bas snying tshim par gyur nas/

  504. 253a

    mig gnyis mi 'dzums par bcom ldan 'das rnam par snang mdzad la yud tsam zhig bltas te bzhin cung zad 'dzum zhing / bcom ldan 'das la yid kyis zhus pa/ ji ltar de bzhin gshegs pa lags// ji ltar rgyal ba dam pa lags// ji ltar byang chub sems dpa' lags// ji ltar sangs rgyas zhes kyang bgyi// mgon po bdag gi the tsom 'di/ / thub pa chen pos bsal du gsol// byang chub sems dpa' grags chen rnams// the tsom yid gnyis spangs nas su// spyad pa'i rgyal po theg chen la// rgyal ba'i sras ni spyod par 'gyur/ / de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po khyod don 'di lta bu 'dra ba de legs so legs so/ / gsang ba pa'i bdag po chos kyi tshul sgrub pa gzhi 'di lta bu 'di thos nas skrag par mi 'gyur/ kun tu skrag par mi 'gyur ba'i sems can de dag ni dkon no/ / gsang ba pa'i bdag po rigs kyi bu de dag ni sangs rgyas gcig la bsnyen bkur byas pa ma yin gyi/ sangs rgyas brgya stong phrag du ma la dge ba'i rtsa ba bskrun pa yin par rig par bya'o/ / gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pas thog ma nyid du theg pa chen po rtogs par khong

  505. 253b

    du chud par bya'o/ / de ci'i phyir zhe na/ gsang ba pa'i bdag po theg pa chen po rtogs par khong du chud pa'i byang chub sems dpa' ni tshigs chung ngus gsang sngags kyi sgo nas byang chub sems dpa'i spyod pa sgrub par 'gyur ro/ / 'di ltar gsang sngags kyi sgo nas byang chub sems dpa'i spyad pa spyod pa 'di ni mngon par shes pa chen po yongs su sbyong ba yin no// de nas yang bcom ldan 'das rnam par snang mdzad kyis/ byang chub sems dpa' phyag na rdo rje la bka' stsal pa/ gsang ba pa'i bdag po de'i phyir rab tu legs par nyon la yid la zung zhig dang / ngas khyod la bshad par bya'o/ / de skad ces bka' sprul pa dang / gsang ba pa'i bdag po phyag na rdo rjes bcom ldan 'das la nyan to// de la bcom ldan 'das kyis 'di skad ces bka' stsal to/ / chos rnams nam mkha'i mtshan nyid de// gnyis su med cing mtshan nyid gcig/ gnas ni rnam pa bcus rtogs pa// de ni rdzogs sangs rgyas zhes bya// 'du shes tsam yang spangs gyur cing / / rang bzhin nyid kyang bstan du med// ye shes kyis ni rang rig pa// de ni de bzhin gshegs zhes gsungs// byang chub nam mkha'i mtshan nyid de// rtog pa thams cad rnam par spangs// gang zhig de ni rtogs 'dod pa// de ni byang chub sems dpa' yin// sa bcu yongs su rdzogs byas nas// dbang rnams rtogs par khong du chud//

  506. 254a

    chos rnams stong pa sgyu ma bzhin// gang gis 'dir ni kun rtogs shing // 'jig rten gyi ni rgyud shes pa// sangs rgyas zhes ni de la bya// gsang ba pa'i bdag po de ltar byang chub sems dpa'i sems kyi gnas skabs rnam par gzhag pa ni de dag yin no/ / gsang ba pa'i bdag po rnam grangs des kyang 'di ltar byang chub sems dpa' rnams kyis rang gi/ sems rnam par gzhag pa smrab pa na med par rig par bya'o// de nas gsang ba pa'i bdag po phyag na rdo rjes// bcom ldan 'das la 'di skad ches gsol to// bachom ldan 'das d e bzhin gshegs pa dgra bcom pa yang dag par rdzogs pa'i sangs rgyas byang chub sems dpa' sems dpa' chen po rnams la theg pa chen po mngon par rtogs pa'i chos kyi rnam grangs legs par bshad pa ni bcom ldan 'das ngo mtshar lags so/ / bde bar gshegs pa shin tu ngo mtshar lags so// bcom ldan 'das rigs kyi bu de dag 'gro ba lnga'i 'khor ba na 'khor ba'i tshe ngan 'gro ngan song gi 'jigs pa 'am/ bdud kyi las kyi 'jigs pa 'am/ mi khom par skye ba'i 'jigs pa ma mchis par bdag smra'o// de ci'i phyir zhe na/ byang chub sems dpa' chen po theg pa chen po'i mngon par rtogs pa la gnas pa ni 'jig rten dang lhan cig tu gnas kyang 'jig rten las 'das pa'i lam mi gtong zhing / sems can

  507. 254b

    yongs su smin par bya ba'i phyir thabs kyis 'jig rten gyi bya ba thams cad kyang ston to/ / theg pa chen po mngon par rtogs pa las yongs su nyams par yang mi 'gyur ro/ / de nas yang gsang ba pa'i bdag po lag na rdo rjes/ bcom ldan 'das la gsol ba btab pa/ bcom ldan 'das gsang ba chen po snying po'i dkyil 'khor bshar du gsol/ / de ni skye bo mang po la phan pa dang bde bar 'gyur lags so// de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to/ / gsang ba pa'i bdag po de'i phyir legs par rab tu nyon la yid la zung zhig dang / ngas khyod la gsang ba'i snying po'i dkyil 'khor bshad par bya'o/ / de'ang re zhig slob dpon dam tshig gsum rnam par dbye ba la mkhas shing bdag kyang dam tshig gsum la gnas pa yin no// gsang ba pa'i bdag po de la dam tshig gsum po de gang zhe na/ chos kyi khyad par gsum ste/ chos kyi khyad par gang la dus gsum du gtogs pa'i dus na sgrib pa med pa'i tshul gyis 'jug pa de ni dam tshig gsum zhes bya'o// gsang ba pa'i bdag po chos kyi khyad par de'ang gang zhe na/ gsang ba pa'i bdag po sems ni chos kyi khyad par te/ gsang ba pa'i bdag po de la sems kyi rnam par rtog pa thams cad med

  508. 255a

    pa yongs su shes pa gang yin pa de ni rdzogs pa'i sangs rgyas mthong ba'o/ / 'di la chos kyi dbyings rtogs pa'i rang rig pa'i rnam pa gang yin pa de ni de bzhin gshegs pa'i mtshan nyid yin no/ / gang lus dang / ngag dang / yid 'jug pa de ni rdzogs pa'i mtshan nyid yin no// gsang ba pa'i bdag po 'di ni dam tshig gsum yin te/ nyan thos dang rang sangs rgyas thams cad kyis kyang ma rtogs na/ mu stegs can gzhan dag gis lta ci smos/ de nas bcom ldan 'das kyis tshigs su bcad pa 'di dag gsungs so/ / byis pa mi shes pas bsgribs pa// tshul 'di shes par ma gyur rnams// sangs rgyas gzhan du tshol bar byed// 'di na gnas par yongs ma rtogs// 'jig rten khams gzhan gang nas kyang / / sangs rgyas rnyed par yong mi 'gyur// sems nyid rdzogs pa'i sangs rgyas te// sangs rgyas gzhan du ma bstan to// de lta bas na rnal 'byor pas/ / rtag tu yid gnyis spangs nas ni// sems kyi khyad par rnam gsum brtag/ de nas dam tshig gsum shes 'gyur// de nas yang bcom ldan 'das kyis tshigs su bcad pa de dag gsungs nas/ gsang ba pa'i bdag po phyag na rdo rje la bka' stsal pa/ gsang ba pa'i bdag po de nas slob dpon dam tshig gsum shes par bya ba la mkhas pas bdag nyid chos kyi

  509. 255b

    dbyings su mos par byas la/ de la dmigs pa'i spyod pas sa gzhi rnam par sbyang bar bya'o// de ltar des sa gzhi rnams sbyangs nas nam mkha'i dbyings lta bu la yang dag par gzhol bas bdag ni chos kyi dbyings sgrib pa med pa ye shes kyi yul yin no snyam du bdag nyid rnam par snang mdzad du byin gyis brlab bo/ / de ltar bdag nyid byin gyis brlabs la chos kyi dbyings rnam par dag pa'i phyir gnyis su med pa'i sbyor bas bdag gi lus la dkyil 'khor yin pa 'am/ dkyil 'khor bdag gi lus yin par byin gyis brlabs te/ rang gi sems kyis byas pa'i tshon sna lnga'i phye ma dang / gzhan yang rung ste cho ga snga mas rnam par dbye bar bya'o// gsang ba pa'i bdag po de ni sems can sdug bsngal ba rnams yongs su bskyab pa'i phyir gsang ba'i snying po'i dam tshig la 'jug pa'i cho ga bya'o/ / de nas yang bcom ldan 'das rnam par snang mdzad kyis byin gyis brlabs pa gang gis byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis de bzhin gshegs pa'i ye shes kyang tshe 'di nyid gcig pus thob par 'gyur ba de lta bu'i chos kyis byin gyis brlabs pa mdzad do/ / de nas bcom ldan 'das kyis byams pa chen po dang thugs rje chen po'i spyan gnyis kyis sems can gyi khams la gzigs nas/ gsang ba pa'i bdag po phyag na rdo rje la bka' stsal pa/ gsang ba pa'i bdag po

  510. 256a

    byin gyis brlabs bsgrubs pa'i gzhi gang dag gis/ de bzhin gshegs pa rnams thams cad mkhyen pa'i ye shes thob par dka' ba'ang bsod nams ma byas pa'i sems can rnams kyi pha rol gyi rgyud la'ang rab tu 'jog par 'gyur ba chos kyi dbyings kyis byin gyis brlabs kyi gzhi nyon cig/ bcom ldan 'das kyis de skad ces bka' stsal pa dang / phyag na rdo rjes thal mo sbyar te/ bcom ldan 'das la 'di skad ces gsol to// bcom ldan 'das sangs rgyas bcom ldan 'das stobs bcu'i stobs dang ldan pa/ mi 'jigs pa bzhi'i khyu mchog seng ge'i sgra sgrog pa rnams kyi ye shes la mnga' ba ngo mtshar to/ / bcom ldan 'das rigs kyi bu 'am/ rigs kyi bu mo mkhas pa'i rang bzhin can su zhig thams cad mkhyen pa'i ye shes 'di 'dra ba'i don du nam mkha'i dbyings kyi mthas klas pa'i bskal par yang sems can dmyal ba'i sdug bsngal mi bzad pa'ang bzod par mi bgyid/ bcom ldan 'das de lta bas na/ rigs kyi bu mkhas pa 'di la slob par 'tshal bas de bzhin gshegs pa'i rjes su bslab par bgyi'o// bcom ldan 'das de lta bas na legs lags kyis/ bdag cag la thugs brtse ba'i slad du chos kyi dbyings kyi byin gyis brlabs kyi gzhi de dag bshad du gsol/ de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di

  511. 256b

    skad ces bka' stsal to/ / gsang ba pa'i bdag po nam mkha'i mtshan nyid dang mtshungs pa'i phyir chos thams cad ni mtshan nyid gcig pa'o// chos kyi dbyings dmigs su med pa'i phyir chos thams cad ni stong pa nyid kyi byin gyis brlabs kyi mtshan nyid do/ / gsang ba pa'i bdag po gang dgangs sngon byang chub sems dpa'i spyad pa spyod pa na byang chub kyi snying po la 'dug gi bar du bsgoms shing / lan mang du byas pa'i chos kyi dbyings byin gyis brlabs kyi gzhi yin te/ gsang ba pa'i bdag po de lta bas na de bzhin gshegs pa rnams kyi bla na med pa yang dag par rdzogs pa'i byang chub ni de yin no/ / rigs kyi bu nga byang chub kyi snying po la 'dug pa na'ang 'di dag sems sems pa las rnam par rtog pa thams cad spangs pa zhes bya ba shes rab kyi pha rol tu phyin pa'i sgo thob par gyur to/ / sgra dbyangs mtha' yas pa sgrog pa zhes bya ba'i gzungs kyi sgo dang / bdud bzhi pham par byed pa'i dbyangs zhes bya ba'i rig sngags kyi rgyal mo gnas med pa/ nam mkha'i spyod yul mtshan nyid med pa/ 'gro ba med pa/ byed pa po dang tshor ba po med pa/ 'jig rten gyi 'gro ba thams cad las 'das pa'ang thob par 'gyur ro// gsang ba pa'i bdag po de la rig sngags kyi rgyal mo chen mo mtha' yas shing rab 'byams rgya che ba bstan pa'i bya ba de gang zhe na/ na ma s+t+rai ya d+h+wi kA nA bud+d+ha ga te pra tiSh+Thi te b+h+yoHa pra ti ha ta shA sa

  512. 257a

    ne b+h+yaHma hA kri be b+h+yaHga gA na a ma la rU pa d+hA ra Ni/ ta thA ga ta rU pa b+ha be na/ ba ra rU pa d+ha re ma hA kr-i pe bi ma le/ sarba ga te bi sho d+ha ni/ de la de ni rdo rje'i tshig mnyam pa med pa yin no/ / a ma hA bisma ye hUM / phyag na rdo rje 'di ni nam mkha' ltar dri ma med pa zhes bya ba'i rig sngags kyi rgyal mo ste/ de bzhin gshegs pa thams cad kyi byin gyi rlabs kyis byin gyis rlob pa sangs rgyas dang byang chub sems dpa' thams cad kyi yum yin no/ / rigs kyi bu de bzhin gshegs pa rnams gang na rig sngags kyi rgyal mo 'di mi 'chad cing mi brjod pa'i sangs rgyas kyi zhing de ngas ma mthong ngo / / gsang ba pa'i bdag po rnam grangs des kyang 'di ltar gsang ba'i snying po'i dkyil 'khor dang / phyag rgya dang / dam tshig 'di la 'jug par 'dod pa'i byang chub sems dpa' gsang sngags kyi sgo nas byang chub sems dpa'i spyad pa spyod pas/ gsang sngags kyi sgo nas byang chub sems dpa'i spyad pa spyod pa rgyal po 'di la mngon par brtson par bya'o/ / de la gsang ba pa'i bdag po phyag na rdo rjes bcom ldan 'das la 'di skad ces gsol to// bcom ldan 'das byang chub sems dpa' gsang sngags kyi sgo nas byang chub sems dpa'i spyad pa spyod pa rnams gsang sngags kyi rang bzhin ji ltar ston/ chos thams cad la thob pa'i bar du ji ltar 'gyur/ de skad ces gsol pa dang / bcom ldan 'das

  513. 257b

    kyis/ gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po 'di la byang chub sems dpa' gsang sngags kyi sgo nas byang chub sems dpa'i spyad pa spyod pas slob dpon la dbang nod par bya'o/ / 'di snyam du slob dpon 'di ni bdag gi ston pa ste/ bla na med pa yang dag par rdzogs pa'i sangs rgyas dang byang chub la bskul ba'o// de nas thal mo sbyar te nye bar song la gsol ba gdab bo/ / slob dpon gyis kyang de don du gnyer bar shes nas snying rje chen po mngon du byas te/ cho ga 'di skad ces smra bar bya'o// rigs kyi bu longs de bzhin gshegs pa'i spyan bla na med pa de khyod la bstan par bya'o/ / de nas sa kazhi yid du 'ong ba rtags la cho ga snga mas sa gzhi sbyangs te/ dkyil 'khor gru bzhi pa/ sgo gcig pa/ lha rnam par dbye ba'i gnas legs par brtags pa/ mchod pa'i gnas rnam pa sna tshogs bkod pa bsgrubs pa/ spos chu dri zhim pos bkang ba'i bum pa dbus su bzhag pa bris la/ slob ma pad+ma'i steng na 'dug pa rang gi lha'i gzugs bdag yin par dmigs pa la gnas pa/ yid byang chub kyi sems su gyur pa/ 'gro ba mtha' dag yongs su bsgrub pa'i bsam pa can de bzhin gshegs pa'i rigs su 'gyur bar 'dod pa dag bum pa des spyi bo nas dbang bskur ro/ / 'di skad du rigs kyi bu khyod de bzhin gshegs pa'i rigs su skyes so//

  514. 258a

    de bzhin gshegs pa'i spyan phye'o zhes smra bar bya'o// gsang ba pa'i bdag po de la byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyi lha'i gzugs ni de bzhin gshegs pa'i sku ji snyed pa 'am/ sems dpa' mtha' yas pa thams cad kyi cha lugs kyi bye brag kyang rung ste/ gsang sngags dang phyag rgyas byin gyis brlabs las gyur par rig par bya'o/ / gsang ba pa'i bdag po gsang sngags dang phyag rgyas byin gyis brlabs pa'ang ji lta bu yin zhe na/ gsang ba pa'i bdag po de la dbang bskur ba'i tshe slob dpon gyis pad+ma'i phyag rgyas gdan bkra zhing brtan pa/ bsam gyis mi khyab pa/ rdo rje ltar mi shigs pa/ yongs su brtag pa ni gser ram/ zangs sam 'jim pa las byas pa 'am/ ri mor bris pa bzhag ste bya'o// de'i steng du 'dug pa la chos thams cad la dbang thob par bya ba'i phyir spos chu dri zhim pos bkang ba'i bum pas spyi bo nas dbang bskur bar bya'o/ / slob dpon bdag nyid kyang ji ltar rjes su mthun par mos par bya ba 'am/ de'i phyag rgyas rjes su mthun pa'i bya ba bya'o// chos kyi dung gi phyag rgya dang / gsang sngags kyis kyang de bzhin gshegs pa'i gsung gi 'khor lo'i dkyil 'khor byin gyis brlab par bya'o// ral gri'i phyag rgya dang gsang sngags kyis ni 'jig tshogs la lta ba mtha'

  515. 258b

    ngag gzhom par byin gyis brlab par bya'o/ / de bzhin gshegs pa'i chos kyi 'khor lo'i phyag rgya dang gsang sngags kyis ni de bzhin gshegs pa'i chos kyi 'khor lo byin gyis brlab par bya'o/ / rdo rje'i phyag rgya dang gsang sngags kyis ni mi shes pa'i grong khyer gzhig par byin gyis brlab par bya'o// gtsug tor gyi phyag rgya dang gsang sngags kyis ni gtsug tor bltar mi mthong ba byin gyis brlab par bya'o/ / mdzod spu'i phyag rgya dang gsang sngags kyis ni mdzod spu dang ldan par byin gyis brlab par bya'o// yan lag thams cad 'byung ba'i phyag rgya dang gsang sngags kyis ni yan lag thams cad byin gyis brlab par bya'o/ / gsang ba pa'i bdag po de la pad+ma'i phyag rgya 'byung ste/ lag pa gnyis gcig tu sbyar la mkhrig ma nam bkyed de sor mo thams cad go mnyam par brkyang ngo / / phyag rgya 'di ni de bzhin gshegs pa thams cad kyi rdo rje gdan yin te dam pa mthu chen po'o// gsang sngags 'di ni ngo mtshar che ba thams cad kyi sgo ste/ na maHsa man+ta bud+d+hA nAM/ ga ga nA ma la pra thA badz+ra b+h+yod t+ya/ nA ma hA kri pAt+ma ka/ de la 'di dag ni rdo rje'i tshig mnyam pa med pa'o// a ti bi smA ya mtha kri pad+ma lag pa gnyis bsnol te rgyab sbyar la sor mo rnams phan tshun zas pa'i tshul du bsnol te/ g.yon pa'i mthe bong rgyab tu bzlog pa g.yas pa'i mthe bos san

  516. 259a

    mo la sbyar ro/ / rgya 'di phyag rgya chen po ste// chos kyi 'khor lo zhes su bsgrags// 'jig rten mgon po skyob rnams kyis// 'khor lo dam pa 'di bskor ro/ / na maHsa man+ta bud+d+hA nAM/ ta thA ga ta a mri te bi dza ya war+Na sarba dza ya ga tha d+ha ra tha/ kA ri ma hA kri pe hUM haM tra hi ma hAd b+hu te hUM/ gsang ba'i phyag rgya la sa mthe bong gnyis lag mthil du bcug la/ mdzub mo gnyis kyis rtsa ba dkris te lhag ma rnams so na bzhag la bsgreng ngo // 'jig rten mgon po skyob rnams kyis// phyag rgya sems can thams cad kyi/ don rnams rtag tu myur byed 'di// chos kyi dung zhes rnam par grags// na maHsa man+ta bud+d+hA nAM/ t+yad tA b+ha ga ba ti pra tiSh+Thi taM/ a nan ta ru sa ra bi nir g+ho ShaM/ sarba ta thA ga ta bA ka pra sa ra ra ba smi ya ka d+ha ra ma hA d+ha ra ma Sha ka sarba tA san to/ / sha nA rA ma hA ma hA hUM/ gang ba'i phyag rgya de nyid las mdzub mo gnyis bkug ste mthe bo'i sen mo'i steng du ral gri'i tshul du gzung ngo // phyag rgya rab tu mthu chen 'di/ / ral gri'i phyag rgyar rnam par grags// sems can kun gyi 'jig tshogs lta// lhan cig skyes pa'ang gcod pa yin// na maHsa man+ta bud+d+hA nA~M/ a ma hA Shan pradz+nyA te dzi ta sad kA ya driSh+Ta ts+tshin+da na kA ra/ ta thA ga ta a d+hi mu ka ti nir dza ta bi d+hu ta saM kalpa ma hA ma hA hUM dzaHphyag rgya de nyid las mdzub mo gnyis phyi rol du brkyang ste gung mo gnyis kyi tshigs gsum

  517. 259b

    bar nas gang tsam gyis ma reg par bzung la rdo rje lta bur byas te/ mthe bong dang / srin lag dang / mthe'u chung rnams nang du gzhug go// sangs rgyas 'jig rten mgon po yis/ phyag rgya rab tu bslags pa 'di// mi shes grong khyer 'jig pa yi// rdo rje'i phyag rgyar rnam par grags// de'i gsang sngags ni/ na maHsa man+ta bud+d+hA nAM/ ma hA bisma ya te dzod b+ha ba ma hA tsaN+Da dur dan tA tra b+hany+dzaH/ rdo rje'i phyag rgya de nyid las mdzub mo gnyis gung mo gnyis kyi ngos su gtsug tor lta bur gzung ngo // 'di ni gtsug tor phyag rgya ste// 'jig rten mgon po skyob pa yi/ / gang gis phyag rgya 'di bcings pa// de la 'di ni gtsug tor 'gyur// de yi gsang sngags ni/ na maHsa man+ta bud+d+hA nA/ sar b+ha dra a pra tI ha ta b+ha ba ti/ rnamahA ba li tsA/ sar+b+ba ta thA ga ta no du d+han+ya b+ha sha ya/ ma hA bud+d+ha sarba ta thA ga ta/ ar+d+hat+te na a dz+nyASh+TA~M ti/ sUr ma snga ma go k+Shi sAH/ lag pa g.yas pa khu tshur bcangs la smin mtshams su gzung ngo // 'di rgyal ba mchog rnams kyi// mdzod spu rtag tu rnam par bsgrags// de'i gsang sngags ni/ na maHsa man+ta bud+d+hA nA/ a shaM len du ba ma thaH sarba satwA/ kre sha san ta bza ma na ka ra ma hA tin ra/ sab ta thA ka ta oM lo ka ra ma dza pra ru Sha ru pa d+ha ra ka ko tig ta swAH/ gsang ba pa'i bdag po byang chub sems dpa' gsang sngags kyi sgo nas byang chub sems dpa

  518. 260a

    spyad pa spyod pa rnams sangs rgyas kyi bya ba la nye bar gnas pa de gang yin pa de dag ni gsang sngags dang phyag rgya 'di dag yin no/ / gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa' sngags dang phyag rgya 'di dag gis byin gyis brlabs pa rnams ni/ yid bzhin gyi nor bu gzugs sna tshogs dang 'dra ba'i lus rnams kyis sems can gyi khams rnams su sems can gdul ba'i dbang gis ji ltar rjes su mthun pa'i lus rnams ston to/ / de nas yang bcom ldan 'das rnam par snang mdzad kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po gsang ba'i snying po'i dkyil 'khor la sdom pa gang dang ldan na byang chub sems dpa' gsang sngags kyi sgo nas byang chub sems dpa'i spyad pa spyod pa rnams lus dang / ngag dang / yid bsdams shing spyod par 'gyur ba'i sdom pa dang byang chub kyi sems yod do// gsang ba pa'i bdag po de la sdom pa gang zhe na/ bsdam pa ni sdom pa ste/ lus dang / ngag dang / yid rnams bsdus shing yongs su bsdus pa'i phyi dang / nang gi sdug bsngal sel bar 'gyur ba de ni sdom pa yin no// de skad ces bka' stsal pa dang / phyag na rdo rjes bcom ldan 'das la 'di skad ces gsol to// bcom ldan 'das byang chub sems dpa' gsang sngags kyi sgo nas byang chub

  519. 260b

    sems dpa'i spyad pa spyod pa sdom pa ji ltar gzung bar bgyi/ de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to/ / gsang ba pa'i bdag po 'di la slob dpon gyis lha spyan drang ba byas la/ bcom ldan 'das ma shes rab kyi pha rol tu phyin pa bklags te/ dkyil 'khor la phyogs der 'dug la slob ma rnams la bos te/ 'di skad du bu dus gsum du smrabi pa med par gnas pas dam tshig chen po la 'jug pa'i sdom pa nos shig ces bsgo bar bya'o// des kyang thal mo sbyar/ pus mo btsugs te/ 'di skad du slob dpon dgongs su gsol/ bdag ming 'di zhes bgyi ba de dag gis dus 'di nas bzung ste byang chub kyi snying po la mchis kyi bar du/ slob dpon gyis bdag la dam tshig chen po la 'jug pa'i sdom pa bdag la stsal du gsol/ ston pa'i bka' spyi bos nod par 'tshal lo zhes smra bar bya'o// de nas slob dpon gyis kyang 'di skad ces rigs kyi bu dgongs shig/ bla na med pa yang dag par rdzogs pa'i byang chub 'dod pa khyod kyis byang chub kyi snying po la 'dug gi bar du/ lhag pa'i bsam pas bdag gi lus sangs rgyas dang byang chub sems dpa' rnams la dbul bar bya'o/ / gsang ba pa'i bdag po 'di ni dam tshig chen po la 'jug pa zhes bya ba'i sdom pa yin te/ sdom pa 'di la gnas pa'i byang chub sems

  520. 261a

    dpa' gsang sngags kyi sgo nas byang chub sems dpa'i spyad pa spyod pa rnams ni tshul khrims bla na med pa la rab tu gnas pa yin no/ / gsang ba pa'i bdag po de lta bas na gsang / sngags kyi sgo nas byang chub sems dpa'i spyad pa'i sgo 'di la slob par 'dod pa'i byang chub sems dpa' dam tshig chen po la 'jug pa 'di la mngon par brtson par bya'o// gsang ba pa'i bdag po byang chub sems dpa' sems gang dang ldan na/ de bzhin gshegs pa'i rigs su skyes shing 'das pa dang / ma byon pa dang / da ltar byung ba'i sangs rgyas bcom ldan 'das rnams kyi ye shes rab tu gnas par 'gyur ba'i byang chub kyi sems de'ang nyon cig/ de nas bcom ldan 'das la/ phyag na rdo rjes 'di skad ces gsol to// bcom ldan 'das bdag cag la thugs brtse ba'i slad du byang chub kyi sems de bshad du gsol/ de skad ces gsol pa dang / bcom ldan 'das kyis/ gsang ba pa'i bdag po phyag na rdo rje la 'di skad ces bka' stsal to// gsang ba pa'i bdag po de la byang chub gang zhe na/ byang chub ni nam mkha'i mtshan nyid do// nam mkha' la'ang gzugs med/ bstan du med/ gzung du med pa'o// byang chub kyi mtshan nyid gang yin pa sems kyi mtshan nyid kyang de yin no/ / gsang ba pa'i bdag po de lta bas na sems dang / nam mkha' dang / byang chub 'di dag ni gnyis su med do// de la chos

  521. 261b

    rnams mnyam pa nyid du rtogs pa chos kyi dbyings khong du chud pa gang yin pa de ni bla na med pa yang dag par rdzogs pa'i byang chub yin no/ / de la skye ba'i tshul dang dmigs pa'i tshul gyis sems skye ba gang yin pa de ni gsang ba pa'i bdag po byang chub kyi sems zhes bya'o/ / gsang ba pa'i bdag po gzhan yang byang chub sems dpa' gnas kyi gzhi lngas byang chub mngon par rtogs par 'gyur te/ lnga gang zhe na/ gsang ba pa'i bdag po 'di la byang chub sems dpa' rnams dngos po thams cad dang bral bar mngon par rtogs par 'gyur ro// kha cig ni phung po dang / khams dang / skye mched dang / gzung ba dang / 'dzin pa rnam par spangs pa stong pa sgyu ma lta bur mngon par rtogs par 'gyur ro// kha cig ni chos la dmigs pas so// gsang ba pa'i bdag po 'on kyang byang chub sems dpa' gsang sngags kyi sgo nas byang chub sems dpa'i spyad pa spyod pas 'di ltar dngos po thams cad dang bral ba/ phung po dang / khams dang / skye mched dang / gzung ba dang / 'dzin pa rnam par spangs pa/ chos bdag med pa mnyam pa nyid kyi rang gi sems thog ma nas ma skyes pa stong pa nyid kyi ngo bo nyid du rtogs par bya'o// gsang ba pa'i bdag po de la dngos po thams cad dang bral ba zhes bya ba 'di ni de bzhin gshegs pa 'di la bdag gam/ sems can nam/ skye ba'i shed las skyes pa yod pa ma yin gyi/ phung po dang / khams

  522. 262a

    dang / skye mched tsam du zang do zhes 'jig rten pa'i lam yongs su spang bar bstan pa yin no// phung po dang / khams dang / skye mched dang / gzung dang / 'dzin pa rnam par spangs pa zhes bya ba ni nyan thos kyi lam mngon par rtogs pa yongs su shes pa'i sgo nas byang chub sems dpa' rnams kyi theg pa chen po mngon par rtogs pa rnam pa ra gzhag pa yin no/ / chos bdag med pa mnyam pa nyid kyis ni byang chub sems dpa' gsang sngags kyi sgo nas byang chub sems dpa'i spyad pa spyod pa rnams rang gi sems thog ma nas ma skyes par mthong zhing / stong pa nyid kyi ngo bo nyid rdzas med pa mtshan nyid med par mngon par rtogs par 'gyur ro// gsang ba pa'i bdag po de lta bas na byang chub sems dpa' gnas med pa/ sgrib pa med pa/ spros pa thams cad dang bral ba'i sems bskyed par bya'o// gsang ba pa'i bdag po rnam grangs 'dis kyang 'di ltar theg pa chen po la yang dag par gnas pa'i byang chub sems dpa' rnams la gsang sngags spyad pa'i tshul sgrub pa rnam par thar pa'i sgo ma gtogs par/ bla na med pa yang dag par rdzogs pa'i byang chub la phan 'dogs pa med par rig par bya'o/ / de ci'i phyir zhe na/ byang chub sems dpa' rnams bskal pa du mar 'bad cing brtsal te gtang dka' ba rnams kyang byas pas byang chub mngon par rdzogs par 'tshang rgya bar

  523. 262b

    'gyur te/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis tshe 'di nyid la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de'ang de ci'i phyir zhe na/ gsang ba pa'i bdag po che zhes bya ba de ni de bzhin gshegs pas skye ba la 'du shes su bya bar zad de/ byang chub sems dpa' de rnams kyis 'du shes de'ang chos thams cad kyi ngo bo nyid khong du chud pa'i ting nge 'dzin thob pa'i sngon rol nyid du 'gags pa'i phyir ro/ / de nas yang bcom ldan 'das rnam par snang mdzad kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po dkyil 'khor dang phyag rgya'i dam tshig 'di la 'jug par 'dod pa'i byang chub sems dpa' chos 'di lnga ni rgyang ring du spang bar bya'o/ / lnga gang zhe na/ ser sna dang / sems can la gnod pa dang / the tshom dang / le lo dang / gsang sngags la sogs pa la ma gus pa ste/ gsang ba pa'i bdag po chos 'di lnga ni byang chub sems dpa' tshe 'di nyid la 'jig rten las 'das pa'i lam la 'jug par 'dod pa rnams kyis rgyang ring du spang bar bya'o// gsang ba pa'i bdag po chos 'di rnams la gnas pa'i byang chub sems dpa' de la byang chub kyi spyad pa cung zad kyang yongs su rdzogs par nga mi smra'o/ / gsang ba pa'i bdag po de ci'i phyir zhe na/

  524. 263a

    chos 'di rnams ni byang chub sems dpa' rnams kyi byang chub kyi sems kyi bar du gcod pa chen po'o// de nas gsang ba pa'i bdag po phyag na rdo rjes/ bcom ldan 'das la 'di skad ces gsol to/ / bcom ldan 'das rigs kyi bu 'am/ rigs kyi bu mo gang gsang ba'i snying po 'di'i dam tshig la gnas par gyur pa de'i bsod nams ci zhig 'phel bar 'gyur/ de skad ces gsol pa dang / bcom ldan 'das kyis/ byang chub sems dpa' phyag na rdo rje la 'di skad ces bka' stsal to// gsang ba pa'i bdag po nam mkha'i dbyangs kyi mtha' ni rtogs par nus sam/ gsol pa/ bcom ldan 'das nam mkha'i dbyings kyi tshad ma mchis pas de'i tshad gzung bar mi nus so// bcom ldan 'das kyis bka' stsal pa/ nam mkha'i dbyings kyi mtha' ni rtogs par nus kyang srid kyis/ gsang ba'i snying po'i dkyil 'khor du dam tshig mthong ba'i rigs kyi bu 'am/ rigs kyi bu mo bsod nams mngon par 'du byas pa gang yin pa'i bsod nams de'i tshad ni rtogs par mi nus so/ / de ci'i phyir zhe na/ gsang ba pa'i bdag po dkyil 'khor 'di ni sangs rgyas 'byung ba mthong ba'o// gsang ba pa'i bdag po dkyil 'khor zhes bya ba ni snying po gtso bo thams cad kyi mthar phyin pa ste/ de'i gong na de bzhin gshegs pa'i snying po med do// dge ba'i rtsa ba thams cad kyi snying por gyur pa

  525. 263b

    gnas su gyur pa/ skyabs su gyur pa'o// gsang ba pa'i bdag po de lta bas na rigs kyi bu 'am/ rigs kyi bu mo dkyil 'khor dang / phyag rgya dang / dam tshig 'di la 'jug par 'dod pas dkyil 'khor dang / phyag rgya dang / dam tshig la 'jug pa thob par 'gyur ba gang na ba der 'jig rten gyi khams me ma mur gyis yongs su gang ba la'ang rkang pa gnyis kyis 'bogs te 'gro bar bya'o/ / byang chub sems dpa' gsang sngags kyi sgo nas byang chub sems dpa'i spyad pa spyod pa de rnams la'ang rigs kyi bu 'am/ rigs kyi bu mo de dag gis dge ba'i bshes gnyen gyi 'du shes dang / pha'i 'du shes dang / ma'i 'du shes bskyed par bya'o// gsang ba pa'i bdag po gang la brten nas sems can dmyal ba rgyun chad par 'gyur zhing / dud 'gro'i skye gnas su 'gro ba dang / gshin rje'i 'jig rten pa'i phung po med par 'gyur ba'i byang chub sems dpa' gsang sngags kyi sgo nas byang chub sems dpa'i spyad pa spyod pa de dag la ji ltar lan lon par 'gyur/ byang chub sems dpa' de dag ni mi mnyam pa dang mnyam pa la gnas pa/ de bzhin gshegs pa thams cad kyis byin gyi rlabs kyis byin gyis brlabs pa/ nam mkha' ltar gnas pa med pa'i spyod yul can du rig par bya'o// gsang ba pa'i bdag po ngas khyod la bsgo bar bya'o// shes par bya'o//

  526. 264a

    ma 'ongs pa'i dus na mi blun po dmigs pa can la lta ba/ 'jigs tshogs la lta ba/ mngon par zhen pa/ blo phyin ci log tu gyur pa/ bdag gi sems kyi gnas gtan la ma phebs pa rnams rnam par 'khrul nas 'di skad du 'di ni sangs rgyas kyis gsungs pa ma yin gyis/ 'di dag ni rang bzo can gyis rang bzor byas pa yin no/ zhes zer ba dag 'byung bar 'gyur ro// gsang ba pa'i bdag po mi blun po de dag ni 'gro ba gnyis su 'gro bar rig par bya ste/ gnyis gang zhe na/ 'di lta ste/ sems can dmyal ba dang dud 'gro'o/ / gsang ba pa'i bdag po de dag la ni dge ba'i rtsa ba'i rgyu cung zad kyang yod par nga mi smra'o// de ci'i phyir zhe na/ de dag ni rtsa ba chad par byed pa la zhugs te/ sangs rgyas kyi byang chub la bar du gcod par byed pa/ bdud kyis zil gyis non pa/ shes rab 'chal pa'i rang bzhin can/ theg pa chen po la goms par ma byas pa/ nyan thos kyi theg pa la snying por 'du shes pa rnams 'byung bar 'gyur ro// rigs kyi bu 'am/ rigs kyi bu mo gang dag chos kyi rnam grangs 'di la mngon par brtson par gyur pa de dag tshul khrims 'chal pa sdig pa'i chos spyod pa de dag la sangs rgyas kyi byang chub ga la yod ces mi smra bar 'gyur te/ mi blun po de dag 'di ltar bcom ldan 'das

  527. 264b

    thams cad mkhyen pa des sems can rnams la phan gdags pa'i phyir 'di dag thams cad gsungs so/ / de dag la lta ba'i sems bskyed pas sdug bsngal gyi skal ba can du 'gyur ro// de ci'i phyir zhe na/ de dag ni de bzhin gshegs pa'i gsang ba 'dzin pa lha dang bcas pa'i 'jig rten gyis phyag bya bar 'os pa yin par rig par bya'o// de nas yang bcom ldan 'das rnam par snang mdzad kyis/ phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab snyed la bka' stsal pa/ rigs kyi bu de rnams bsrung ba dang / bskyab pa dang / sba ba'i phyir rigs kyi bu khyod kyi lag tu gtad kyis/ rigs kyi bu de rnams rtag tu rgyun mi 'chad par spang bar gyis shig/ yongs su sgrub par gyis shig/ gnod pa las zlog par gyis shig/ de skad ces bka' stsal pa dang / phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab snyed pa de dag gis mgrin gcig tu tshig 'di skad ces smras so/ / bcom ldan 'das de bzhin gshegs pa chos kyi rjes ji skad bka' stsal pa de bzhin du thams cad bgyi'o// rigs kyi bu de dag nam byang chub kyi snying po la mchis kyi bar du bsrung bar bgyi'o/ / bcom ldan 'das kyis bka' stsal pa/ rigs kyi bu dag legs so legs so// khyod kyis ci nas kyang ston pa'i bstan pa 'jig par mi 'gyur ba de ltar gyis

  528. 265a

    shig/ de nas gsang ba pa'i bdag po phyag na rdo rjes rdo rje 'dzin de dag thams cad la smras pa/ grogs po dag de bzhin gshegs pa dam bcom pa yang dag par rdzogs pa'i sangs rgyas rnams kyis bya dka' ba brgya stong du mar bsgrubs pa de ni bla na med pa yang dag par rdzogs pa'i byang chub 'di yin te/ de bas na khyed thams cad kyis nan tan bskyed la de dag srung ba gyis shig/ de ci'i phyir zhe na/ 'dis ni bdag cag de bzhin gshegs pa'i bka' bzhin byed pa'o zhes bya bar 'gyur ro// de bzhin gshegs pa'i bstan pa srung ba'o zhes bya bar 'gyur ro/ / mi mnyam pa dang mnyam pa'o zhes bya bar 'gyur ro// stobs bcu 'dzin pa'o zhes bya bar 'gyur ro// de bas na chos kyi rnam grangs 'di bsrung ba dang / bskyab pa dang / ba'i phyir bdag cag rnams kyis rtag tu brtson par bya'o// rigs kyi bu de dag kyang bsrung ba dang / bskyab pa dang / sba ba'i phyir brtson par bya'o// de skad ces smras pa dang / rdo rje 'dzin de dag gis mgrin gcig tu smras pa/ bdag gis ci nas kyang ston pa'i bstan pa yun ring du gnas par 'gyur ba dang / 'jig par mi 'gyur ba dang / 'jig par mi 'gyur bar bya ba 'di ni nges par bya dgos so zhes smras so/ / de nas bcom ldan 'das rnam par snang mdzad kyis ma 'ongs pa'i 'gro ba la gzigs nas/ chos kyi rnam grags 'di yun ring du gnas par bya ba'i

  529. 265b

    phyir thugs rje chen po thob mar byas nas gsang sngags kyi tshig 'di dag gsungs so/ / na ma s+t+rai ya d+h+wi kAnA/ sarba ta thA ga ta sa ma hA/ gtig te/ e ka d+harmA sa ma ba sar+b+ba sa ra Ne bi tsi tra rU pa d+hA ri Ni/ sar+b+ba sa ta tra/ a b+hi sra ya pa ri pU ra Ni/ sar+b+ba bid+hi sa ta tra ga ta mA na se/ dra hi ma sar+b+ba d+har+m+ma sa ma ma hA ma hA bai ro tsa na gar+b+ha saM bud+d+ha/ sar+b+ba ta thA ga ta/ a d+hiSh+Ti te tra hi te/ b+ha ga ba te hUM/ de nas phyag na rdo rje de bzhin gshegs pa thams cad kyis rjes su gnang ba bcom ldan 'das rnam par snang mdzad kyis byin gyis brlabs kyis snying rje chen po mngon du byas te 'di nyid kyi rgyud phyi ma smras pa/ dang po slob dpon gtsang sbra byas te/ chos kyi dbyings su gyur pa'i yid kyis/ bdag rnam par snang mdzad du phyag rgya dang gsang sngags kyis bsgyur te/ dkyil 'khor dri'o// sngags pa gsang sngags cho ga la// rtag par cho ga snga ma yis// phye ma dkar po blangs nas su// snying rjer gyur pa'i yid kyis ni// rtag tu mi g.yo dran byas te/ / dang por tshon rtsi dgye bar bya// de nas tshon rtsi gnyis pa ni// dmar po blangs nas dgye bar bya// tshon rtsi gsum pa ser po yang // shin tu nges par dgye bar bya// de nas margad 'dra bar dgye/ / de nas an d+ha rnyil 'dra dgye// gang gis kha dog ci 'drar gsungs// de yi dkyil 'khor de nyid do// lha yi kha dog de bzhin te// zhi dang rgyas dang drag spyod pa//

  530. 266a

    de yi gsang sngags de nyid 'dod// de ni gsang ba bstan pa yin// de bzhin gshegs pa'i gsang ba kang // de dag dbang chen yin par bsngags// phyag na/ pad+ma'i chu yi yin// rdo rje can gyi rlung gi yin// pho nya la sogs bran rnams dang // khro bo'i ming du gang rtogs pa// kun tu thogs med gang rtogs pa// kun tu thogs med spyod pa rnams// / kun gyi dkyil 'khor me dang rlung // yang na 'di dag thams cad kyang // nus pa'i mthu ni kun dang ldan// stong pa nyid kyi bdud rtsi ngogs// snying rje mig gis dri ma med// byams pa'i go cha legs par bgos/ / dga' ba dri ma med rtsal bral// srid pa'i rgya mtshor bying ba yi// sems can 'don par rab tu brtson// 'khor ba na yang mi gnas shing // mya ngan 'das pa'ang gnas ma yin/ / yang dag mtha' la nges byas shing // sems can rnams kyi don byed pa'o// de nas gsang ba pa'i bdag po phyag na rdo rjes thams cad dang ldan pa'i 'khor la bltas nas tshig smras pa/ thams cad mkhyen pa sdig bral ba// ston pa bcom par ldan pa 'dris// bgegs rnams 'byung bar 'gyur ba'i gnas// gtan la bab par bshad gyur pa/ / thogs po kun gyis mnyan par gyis// bgegs ni rnam pa du ma ste// lha dang lha min gnod sbyin mi// de la bgegs ni rnam gnyis te// phyi dang nang gi spyod yul lo// /

  531. 266b

    glo lung dbugs sna rims dang skyugs// sgyu zab nad dang yig 'chus// de la sogs pa'i rims nad ni// zang rlung tsha ba la sogs las// mi bzang ngo bo can byung ba// nang gi yin par shes par bya/ / phyi rol gyi ni bgegs chen rnams// mi dang de bzhin mi min te// ye shes tsher ma de dag ni// spyod pa rnam pa sna tshogs kyis// 'jig rten gzhig pa'i phyir 'byung ste/ / dka' thub gnas na rmongs par byed// las kyi cho ga mthong ba yis// de rnams slar ni bzlog par bya// tsha bar gyur nas 'ongs pa'i bgegs// bsil bas nye bar zhi bar bya/ / shes rab can gyi gnyen po yis// de dag so sor gso bar bya// yang na bgegs rnams thams cad la// sngags pas nges par mtshams bcad la// bgegs rnams kun la ye shes ni// zhi bar byed pa'i mchog tu bshad// 'phags pa rnam par snang mdzad chen po mngon par rdzogs par byang chub par sprul pa byin gyis rlob pa theg pa chen po mdo sde'i rgyal po gsang ba mchog gi rim par phye ba las/ de bzhin gshegs pa 'byung ba zhes bya ba'i dkyil 'khor chen po byin gyis rlob pa rdzogs so// / gar gyi mkhan po shI len+d+ra bo d+hi dang / zhu chen gyi lo tsa ba ban d+he dpal brtsegs kyis bsgyur cing zhus te gtan la phab pa'o// / !/ rgya gar skad du/

  532. 267a

    a tsa la ma hA kro d+ha rA dza s+ya sarba ta thA ga ta sta ta s+thA sa pa ri mi ta ba la pa ra kra ma s+ya be nasta b+ha Shi to nA ma kalpaHbod skad du/ de bzhin gshegs pa thams cad kyi khro bo'i rgyal po mi g.yo ba de'i stobs dpag tu med pa rtul phod pa 'dul bar gsungs pa zhes bya ba'i rtog pa/ rje btsun 'phags pa sman ras gzigs dbang phyug la phyag 'tshal lo// 'di skad bdag gis thos pa dus gcig na/ bcom ldan 'das rlung la bzhugs te/ rin po che sna tshogs bkod pa rin po che'i gzhal yas khang bye ba grangs med pa du mas bkod cing yongs su bskor babasam gyis mi khyab cing grangs med pa'i de bzhin gshegs pa'i bsod nams las 'khrungs pa'i byang chub sems dpa'i seng ge'i khri bshams pa rin po ches smras pa/ 'jig rten gyi khams grangs med pa rnam par snang bar byed pa/ rin po che sna tshogs kyi lcags ris yongs su bskor cing shin tu yid 'phrog pa/ steng du rin po che sna tshogs kyis spras pa'i rin po che'i bla bres nam mkha'i khams go 'byed par snang bar byed pa/ bsam gyis mi khyab pa'i pad+ma'i rgyal po rin po che sna bdun gyi rgyu las yang dag par byung ba/ sems can thams cad kyi bsam pa sna tshogs yongs su dga' bar byed pa/ 'od zer chen po phul du byung ba gsal bar byed cing mun nag thams cad rab tu dang bar byed pa/ byang chub sems

  533. 267b

    dpa' thams cad kyi ye shes las 'khrungs pa'i seng ge'i khri bsam gyis mi khyab pa bye ba du mas yongs su bskor ba/ byang chub sems dpa' grangs med pas yongs su bskor ba lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po la sogs pa du mas yongs su bskor ba der bcom ldan 'das bzhugs nas chos ston to/ / 'di lta ste/ 'phags pa spyan ras gzigs kyi dbang phyug dang / 'jam dpal dang / kun tu bzang po dang / byams pa dang / sgrib pa thams cad rnam par sel ba dang / zhi ba'i blo gros dang / sna tshogs bkod pa dang / nam mkha' me tog 'chang dang / nam mkha'i snying po dang shin tu rnam dag dang / phyag na rdo rje la sogs pa byang chub sems dpa' chen pos yongs su bskor ba/ nyan thos bye ba phrag du ma 'di lta ste/ shA ri'i bu dang / mo'u 'gal dang / rta thul dang / 'od srungs la sogs pas yongs su bskor ba/ grags chen snyan pa chen po brgya byin dang / tshangs pa dang / khyab 'jug dang / lus ngan po la sogs pas yongs su bskor zhing / bcom ldan 'das thugs rje chen po dang ldan pa'i thugs kyis chos ston pa 'di lta ste/ gsang sngags kyi tshul la 'jug pa la sogs pa'i chos

  534. 268a

    kyi rnam grangs gang thos par byed pa'i byang chub sems dpa' de dag dang / nyan thos de dag dang / thams cad dang ldan pa'i 'khor de dag dang / bsam gyis mi khyab pa'i sems can gyi khams kyi bsam pa sna tshogs la dgos pa sna tshogs kyi spyod lam gyis zhugs shing rdzu 'phrul gyi cho 'phrul rnams mdzad do/ / bsam gyis mi khyab pa'i sangs rgyas rnams bsnyen bkur dang yongs su mnyes par mdzad do/ / sangs rgyas kyi rdzu 'phrul gyi cho 'phrul du ma rnams kyang gzigs so// sangs rgyas kyi sprul pa du ma'ang mngon par sprul pa mdzad do// bkod pa chen po'ang bskyed par mdzad do// mdor na thabs gang dang gang gis sems can gyi don du gzigs pa de dag de mdzad do// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des 'khor chen po rnams la gzigs nas/ byang chub sems dpa' sems dpa' chen po phyag na rdo rje la bka' stsal pa/ lag na rdo rje bdag gis sna tshogs du ma'i gsung gi 'khor lo dkyil 'khor rnam par phyung ste/ tshig dang yi ge du ma bkod pa/ sems can sna tshogs mgu bar byed pa/ phyag rgya dang sngags sna tshogs kyis rnam par mtshan par gyur pa/ 'gro ba sna tshogs kyi khyad par brjod pa/ sdug bsngal sna tshogs rab tu zhi bar byed pa/ dbang phyug du ma dang ldan zhing yid 'phrog pa'i yi ge gcig

  535. 268b

    dang / brgya stong grangs med pa phyed dang / gsum dang / rjes 'jug dang / ring po dang / thung ngu dang / nga ro dang / gsal byed kyi mtshan mas mtshan// pa/ de bzhin gshegs pa'i chos kyi dbyings byang chub sems dpa'i sa bcu la sogs pa'i dbye ba dang / nyan thos dang / rang sangs rgyas dang / 'jig rten pa'i mngon par shes pa lnga dang / lha'i gnas la sogs pa'i dbye ba dang / mi'i 'gro ba dang / yi dgas dang / dud 'gro'i 'gro ba la thug par phye zhing bcad pa rnams gang bdag gis sems can rnams la phan pa'i lhag pa'i bsam pa bye ba phrag grangs med pa bdun cu rtsa bdun gyis sems can rnams kyi don du gsungs pa yin no/ / de'ang gzhi dang me tog gi snying pos brgyan pa'i 'jig rten gyi khams 'dir dar bar 'gyur ro/ / gsang ba pa'i bdag po bye ba phrag grangs med pa bdun cu rtsa bdun po de rnams kun gyi nang nas/ byang chub sems dpa' chen po 'phags pa spyan ras gzigs dbang phyug dang / phyag na rdo rje dang / 'jam dpal la sogs pa'i byang chub sems dpa' rnams la bdag gis thabs sna tshogs kyi cho ga'i sgo bstan to// gsang ba po'i bdag po de rnams la ni mngag gzhug dang / mngag gzhug ma dang / pho nya dang / pho nya ma la sogs pa de rnams kyi phyag rgya dang / sngags dang / rtogs pa'i cho ga'ang

  536. 269a

    rgyas par bstan to/ / las sna tshogs dang yang ldan pa'i sgrub pa'i thabs kyang bstan te/ sgrub thabs sna tshogs yang dag ldan// ras ris kyi cho ga rnam par bstan/ / yang na las kyi cho ga dbye// gang du stobs chen gsang ba'i las// sbyin sreg dag ni bdag gis bstan// lhag ma de bzhin yul gnas gzhan// de nas ma lus me thab dang / / de bzhin zhi ba rgyas pa dang // dbang du bya dang mngon spyod dang // de nas dus kyi khyad par dang // dkyil 'khor yang ni de bzhin bstan// phyag rgya dag kyang ma lus par/ / sa bon dang ni mtshan ma dang // gsang ba yi ni sngags nyid dang // rigs kyi mtshan ma de bzhin sku// ma lus pa yi dbyings dang yang // de lta bu la sogs pa'i las// de dag thams cad bdag gis bstan// mi g.yo zhes bya'i rtog pa ni// de nas slar yang bdag gis bshad// dag pa'i sems dpa' blo ldan gyis// sngags pas gang zhig bsgrub bya yi/ / bsam gyis mi khyab sna tshogs las// gsang sngags kyi ni sgrub thabs shog/ rtog pa 'di ru mdor bsdus nas// de yi cho ga yang dag bshad// yang dag rdzogs sangs rgyas bsnyen cing / / bsgrubs pas go 'phang thob par 'gyur// de bzhin gshegs pa'i sras kyi mchog/ chos zhes bya ba skye bar 'gyur// sangs rgyas zhing ni ma lus par//

  537. 269b

    de ni kun tu dag par 'gyur// rtag par rgyun du rnam rtog med// nam mkha' yi ni lam la gnas// gzugs can lus la brten nas su// sems can bye brag thugs su chud// sems can nI ba gdul dka' dang / / bgegs chen dang ni log par 'dren// de rnams gdul bar bya ba'i phyir// rdzogs sangs rgyas kyis rtag tu sprul// mtshan ni mi g.yo zhes bsgrags pa// khro bo 'phags pa stobs po che// dpal ldan gdul dka' 'dul mdzad pa// sangs rgyas rnams kyi sras kyi sras// de 'dir rgyal mchog rnams dang ni// de bzhin rgyal sras kyis rtag par/ / phyag 'tshal tshangs pa la sogs dang // lus can thams cad kun tu mchod// sangs rgyas rnams ni byas pa gzo// de bzhin du ni sangs rgyas sras// 'di kun smon lam yongs rdzogs shing / / bsam gyis mi khyab ye shes rdzogs// mi g.yo zhes bya'i sa thob pas// mi g.yo 'di yang de yi mtshan// bdud rnams kun gyis mi g.yo bas/ brtan pa'i ye shes dri med bzang // rtog pa'i rgyal po rdzu 'phrul che// bshad kyis bu khyod tshur nyon cig/ sangs rgyas kun gyis byin gyis brlabs// chos kyi dbyings su rab gzhol bas/ / rtag tu tshe dang nad med mchog/ dngos grub myur du gsol mdzad pa// rtag tu bgegs rnams sel byed cing // de bzhin bdud rnams rab tu 'joms// sems

  538. 270a

    can rnams ni bde ba'i phyir/ / rtog pa 'di ni rab tu bshad// de nas byang chub sems dpa' sems dpa' chen po de dag dang / thams cad dang ldan pa'i 'khor de dag mgrin gcig gi ngag gis gsol pa/ sems can thams cad kyi don dang bdag cag la thugs brtse ba bskyed de/ bcom ldan 'das bshad du gsol// bde bar gshegs pa bshad du gsol/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas gsol ba btab pa do mkhyen nas/ gzhi dang snying po me tog gis brgyan pa'i 'jig rten gyi khams 'di 'od zer chen pos snang bar byas nas/ dpal gyi be'u las byung ba zhes bya ba'i 'od zer phyung ste/ 'od zer bye ba khrag khrig brgya stong du ma grangs med pas yongs su bskor ba byas nas/ gzhi dang snying po me tog gis brgyan pa'i 'jig rten gyi khams 'di nas bzung ste/ ji srid brjod du med pa'i yang brjod du med pa'i sangs rgyas kyi zhing rdul phra rab dang mnyam pa'i 'jig rten gyi khams nas/ nam mkha'i khams kyi mtha' gtugs pa'i bar des khyab nas g.yas phyogs nas bskor te/ de bzhin du byang phyogs dang / nub dang / lho dang / shar gyi phyogs dang / phyogs bcu'i 'jig rten gyi khams kyi bar du khebs par byas so// 'jig rten gyi khams

  539. 270b

    de rnams na bzhugs pa'i byang chub sems dpa' de thams cad kyis tshigs su bcad pa 'di smras so/ / shAkya mgon po rdzogs sangs rgyas// gzi brjid chen po gang bzhugs pa/ chos kyi dbyings las byung ba yi// rgyal ba'i sras po thams cad gshegs// de ru dri med dam chos nyon// gsang sngags spyod pa'i tshul dge ba// gang thos 'jig rten mgon pos ni/ byang chub 'dus ma byas pa brnyes// de nas 'od chen po des tshigs su bcad pa 'di thos nas slar log ste/ bcom ldan 'das kyi dpal be'u nyid du zhugs par gyur to// de nas byang chub sems dpa' chen po de rnams rang rang gi 'jig rten gyi khams nas khro bo'i mthus/ bcom ldan 'das shAkya thub pa ga la ba der lhags so// de nas bcom ldan 'das shAkya thub pas thams cad dang ldan pa'i 'khor rnams kyi sems rtse gcig par mkhyen nas/ slar yang rdo rje bsgyings pa bsregs pa'i me lce kun tu 'byung ba zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu stong gsum gyi stong chen po'i 'jig rten gyi khams 'di rnam pa drug tu g.yos so// rab tu g.yos so// kun tu rab tu g.yos so/ / 'gul/ rab tu 'gul/ kun tu rab tu 'gul/ ldeg/ rab tu ldeg/ kun tu rab tu ldeg/ 'khrugs/ rab tu 'khrugs/ kun tu rab tu 'khrugs/ 'ur 'ur/

  540. 271a

    rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu ches chem/ 'jig rten du snang ba chen po byang bar gyur to// gzhan yang bsam gyis mi khyab pa'i cho 'phrul mthong ngo // snyoms par zhugs pa 'di ni de bzhin gshegs pa thams cad kyi bsam pa yongs su rdzogs par byed pa/ bdud thams cad rab tu 'joms par byed pa/ sems can thams cad kyi bsam pa yongs su rdzogs par byed pa/ chos kyi dbyings grangs med par sems can gyi khams rnam par grol bar byed pa de bzhin gshegs pa thams cad kyi stong pa nyid rang bzhin gyi ting nge 'dzin rnam par rtog pa med pa'i ye shes kyi me yang dag par 'byung ba/ byang chub sems dpa' thams cad kyi byang chub kyi snying po nye bar ston pa/ sna tshogs pa'i gsung gi 'khor lo'i dkyil 'khor rab tu bsgrub pa/ byang chub sems dpa' rnams kyi yab/ sems can nyon mongs pa'i mun nag tu lhung ba thams cad kyi snang bar gyur/ ngan song dang ngan 'gror lhung ba thams cad kyi ded dpon/ sdug bsngal bas nyam thag pa rnams kyi bde bar gyur pa/ mdor n a sems can rnams kyi sdug bsngal gang dang gang ldan pa de dang de rab tu zhi bar byed pa'i gsang sngags kyi rgyal po khro bo chen po'i rgyal po'i snying po 'di sems can thams cad la phan pa dang

  541. 271b

    bde ba'i phyir ro/ / na maHsar+b+ba shA pa ri pU ra ke b+h+yaHsarba ta thA ga te b+h+yaHsarba thA dz+dza/ bcom ldan 'das kyis khro bo'i rgyal po chen po'i snying po 'di gsungs ma thag tu gzhi dang snying po me tog gis brgyan pa'i 'jig rten gyi khams 'di'i bdud kyi gnas thams cad dang / bdud kyi ris kyi sems can gang yin pa de dag thams cad mog mog por byas te/ sems can sdug bsngal ba rnams ni bde ba thams cad dang ldan par byed pa'i snang ba mdzad de/ sems can thams cad kyi bsam pa yongs su rdzogs par byas nas ma lus pa'i srid pa'i bdag po'i sa gzhi rab tu 'gul bar gyur to/ / gzhan yang 'jig rten du bsam gyis mi khyab pa'i ngo mtshar rab tu byung bar gyur to// de nas bcom ldan 'das shAkya thub pas/ gsang ba pa'i bdag po phyag na rdo rje la 'di skad ces bka' stsal to/ / lag na rdo rje 'di ni khro bo'i rgyal po de bzhin gshegs pa'i snying po mchog gi de kho na nyid/ stong nyid 'di las gzhan ngag byung / / chos kyi dbyings kyi bdag nyid de// 'di las rgyal ba byung ba mthong // 'di ru rgyal ba thams cad bzhugs// srid pa'i khams ni 'di las sprul// 'das pa'i sangs rgyas thams cad dang / / ma byon pa de de bzhin gzhan// thams cad 'di las yang dag byung // nam mkha' lta bu dri ma med// spros pa thams cad rnam par bral//

  542. 272a

    ngag gi spyod yul rnam par spangs// rtag par spros pa med pa nyid// nam mkha' lta bur gnas pa yin// tha snyad mngon du byas nas ni// gsang sngags zhes su brjod pa yin// tha snyad kyang ni rtog pa ste// de nyid du ni brjod pa med// tha snyad la ni brten nas su// skyob pas de nyid gsungs pa yin// sems can med de sgyu ma bzhin/ / yid kyi bsgom par bya ba yin// la lar sgyu ma ji bzhin du// rang bzhin med par yang 'gyur te// stong nyid de yi rang bzhin du// tha snyad rnams ni rtogs par bya/ / de ltar gsang sngags mgon po 'di// rang bzhin med par mnyam par mdzes// 'dod pa'i don rnams rtsol ba yang // thams cad kyang ni rdzogs par byed// de nas byang chub sems dpa' sems dpa' chen po kun tu bzang po la sogs pa thams cad dang ldan pa'i 'khor de dang / tshangs pa dang / dbang po la sogs pa rnams shin tu ngo mtshar rmad du gyur cing snying po rnams spangs te/ de thams cad bcom ldan 'das shAkya thub pa la bltas nas tshig 'di dag mgrin gcig gi ngag gis gsol pa/ bcom ldan 'das bdag cag gis sngon chad ma thos pa'i chos kyi 'khor lo 'di bskor ba bcom ldan 'das ngo mtshar to/ / bde bar gshegs pa ngo mtshar to// bcom ldan 'das bdag cag mchog tu bde ba dang ldan par

  543. 272b

    'gyur ro/ / bcom ldan 'das 'di ni bsam gyis mi khyab pa lags so// bcom ldan 'das sa 'di ni nyan thos thams cad dang / rang sangs rgyas rnams kyi spyod yul ma lags so// bcom ldan 'das 'di ni bdud sdig can rnams dang / bgegs kyi gzugs can thams cad kyis 'gom par mi nus lags so// bcom ldan 'das 'di ni sems can thams cad kyi don yod pa'i yid bzhin gyi nor bu lags so/ / bcom ldan 'das 'di ni mngon par 'dod pa'i don skong ba lags so// bcom ldan 'das 'di ni de bzhin gshegs pa'i bstan pa dang sems can rnams kyi srung ma lags so/ / bcom ldan 'das 'di ni srin po dang / grul bum la sogs pa thams cad kyis 'da' bar mi nus pa lags so// de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ byang chub sems dpa' chen po de dag dang / lha la sogs pa'i 'khor de rnams la legs so zhes bya ba byin te/ gtsug lag legs so legs so// slar yang gtsug lag nges par legs so// de ltar gtsug lag 'di ni tshig brjod pa mdzes pa de ltar ji lta ba de bzhin du yin no/ / 'on kyang gtsug lag gi bstan pa srung bar byed pa'i khro bo'i rgyal po chen po'i snying po'i gzhung 'di bdag gis gti mug gi mun pas g.yogs pa'i sems can sdug bsngal

  544. 273a

    ba rnams la bltas nas gsungs te/ 'di ni nyan par ma nus pa'i// go 'phang rdzogs sangs rgyas kyis gsungs// de rnams the tsom phyir bdag gis// shes sgron me yang dag pa// byis pa sdug bsngal yang dag khengs// sa gzhi steng ni 'di na gnas// tshul 'di rab tu mi shes pas// khyim gyi bcing ba dam pos bcings// de nas bcom ldan 'das la/ gsang ba pa'i bdag po lag na rdo rjes mig gnyis 'bru tshugs su bltas nas 'di skad ces gsol to// bcom ldan 'das ngo mtshar to// bde bar gshegs pa ngo mtshar to/ / bcom ldan 'das 'di ni mthu che ba lags so// bcom ldan 'das khro bo'i rgyal po de'i snying po'i gzi brjid dang mthu ni bdag gis mi bzod lags so// bcom ldan 'das khro bo'i rgyal po'i snying po 'di ni gdul dka' ba lags so// bcom ldan 'das shAkya thub pas bka' stsal pa/ gsang ba'i bdag po 'di ni ji skad du smras pa de bzhin no/ / 'on kyang gsang ba'i bdag po bdag ni gsang sngags kyi rgyal po 'di'i mthus nyon mongs pa thams cad dang bdud ji snyed las rgyal lo// gsang ba'i bdag po gang yang bdag gis 'jig r ten gyi khams na 'dod pa tha dad pa sna tshogs kyis sems can rnams dga' bar byed pa'i gsung gi 'khor lo'i dkyil 'khor 'jig rten gyi khams sna tshogs pa'i bsam pa tha dad pa rnams la bstan

  545. 273b

    pa de rnams ni 'di'i byin gyi rlabs kyis bdag gis bstan to/ / gang yang gsang ba'i bdag po byang chub sems dpa' chen po dbang thang thams cad thob pa'i ye shes kyi stobs brtul phod pa bsnyes pa 'di'ang snying po'i byin gyi rlabs kyis yin no/ / gcig tu sems can don rab brtson// sa gzhi la ni rnam par bzhugs// sems can rnams la phan 'dod pas// sprul pa rnams kyang 'gyed par mdzad/ / mchod cing mnyes par rtag tu ni// rgyal ba zhing na yang dag bzhugs// ji srid phyogs rnams gnas kyi bar// rtag par rgyun du mchod 'gyur ba'i// sangs rgyas kun ni/ mnyam pa ru// byang chub ces bya 'di la bzhugs// rang bzhin med pa'i chos rnams ni// skye ba dang ni 'gag pa yin// tha snyad la ni brten nas su// gang zhig sgyu ma bzhin du gsungs// sgyu ma stong pa nyid yin ltar/ / chos rnams mtshan nyid de bzhin no// 'on kyang gsang ba'i bdag po bdag gis bskal pa grangs med pa bye ba khrag khrig brgya stong phrag grangs med kyi bskal pa snyed du sems can sna tshogs kyi lus blangs nas sdug bsngal spyad de mgo dang / lag pa dang / rkang pa dang / mig dang / yan lag gi mchog dang / chung ma dang / bu dang / bu mo nga/ glang po dang / rta dang / shing rta la sogs pa dang / gzhan yang phyi rol gyi dngos po rnams yongs su btang ste/ pha rol tu phyin pa drug yongs su rdzogs nas/ bsam gyis mi khyab pa'i 'jig rten gyi khams sna tshogs pa rnams kyi tshul gyis

  546. 274a

    bsam pa sna tshogs dang / 'dod pa sna tshogs pa la sma dbyangs dang / tshig dang / yi ge bstan cing spyod lam sna tshogs kyi mtshan ma'i cha byad dang / dbyibs kyi khyad par can gyis bdag gis sems can rnams kyi don byas shing / gang byang chub kyi snying por bdud bzhi bcom pa de thams cad gsang sngags kyi rgyal po 'di'i mthus byas so// 'di ni sangs rgyas rnams 'phel bar byed pa/ bdud las kyang rgyal bar byed pa/ bstan pa thams cad kyi don yod par byed pa/ gzhan yang sna tshogs ma lus pa'i bgegs las kyang rgyal bar byed pa ste/ 'di las gnyis pa gzhan yod min// sangs rgyas rnams kyis mi 'gyur sngags// de bas snying khar bzhag nas kyang // ji ltar bde bar rnam par gnas// sdang bar byed pa'i bgegs kyang med/ / glags tshol gzhan yang yod ma yin// rtag tu dgra yi 'jigs pa med// rkun la sogs pa'i 'jigs pa'ang med// 'jigs pa kun las rnam par grol// de yi snying khar gnas bsgoms pas/ / bdag ni yun rings bsgral ba ru// 'khor ba'i rgya mtsho 'jigs pa las// rdzogs sangs rgyas kyis bsngags pa'i gtso// go 'phang bdag gis ji ltar 'thob// bdag gis ci yang thob med par// tshul 'di las ni rnam spyod nas// de 'dir mi 'gyur thob par bya// sangs rgyas nyid kyis rgyas pa thob// rdzogs sangs rgyas kyis gsungs pa yi//

  547. 274b

    gsang sngags sgrub thabs brten par bya// de nas yid bzhin nor bu'i 'od// sku ni 'di ru thob par 'gyur// gang zhig tshul 'dir gnas pa yi// de rnams kyi ni dngos grub phyir// gang tshe// sngags pas mnyam bzhag pas// de bas ma mnyes pa'ang 'thob// 'dis ni mi phyed pa yang 'byed// mi rgyal ba las ma lus rgyal// stobs chen gsang sngags bzlas pa yis// rdzogs// sangs go 'phang sbyin par byed// dran dang rtog dang sems pa yi// sngags rig gang du song gyur pa// me ni 'bar ba ji lta bar// sngags pa gsal bar mthong bar 'gyur// gang tshe gsad sngags rgyal po bsten/ / de las 'bras med ci yang med// gsang sngags stobs chen dran pa ni// las ni 'dod pa byed par 'gyur// sngags kyi mgon po ma lus pa// 'di ni myur du 'grub par 'gyur/ / gang tshe gsang sngags 'bras 'dod pas// 'dir ni the tsom mi bya'o// de nas byang chub sems dpa' de dag dang / thams cad dang ldan pa'i 'khor de dag ngo mtshar ba'i snying po ma spangs par sgra skad gcig tu dungs pa'i dbyangs kyis gsol pa/ e ma'o sangs rgyas bsam mi khyab// sems can don rnams thugs su chud// rtog pa med pa'i rang bzhin yang / / bsam mi khyab pa'i go 'phang shod// gang zhig 'chang bar byed pa'i mi// de yi ngan 'gro rnam par bcad// gang gis lag tu chud pa ltar// de yi dngos grub lag

  548. 275a

    mthil gnas/ / 'jigs pa med cing nga yir med// dogs pa thams cad rnam par spangs// zad par sa la bzhugs nas su// sems can la ni ma bsam byed/ / gsang sngags rgyal po skyob pa yis// bdag cag thams cad skyob par byed// 'dod pa'i don ni byed 'dod pas// gsungs pa yid kyis sgom par byed// de nas thams cad dang ldan pa'i 'khor 'di dag tshig 'di brjod nas/ de ma thag tu cang mi smra bar gyur to// de nas thams cad ngo mtshar du gyur te/ spyan rgyas shing shAkya'i rigs dga' ba la gsol ba 'debs pa'i tshig gi nus pa med do/ / de nas nam mkhar gnas pa'i byang chub sems dpas ngo mtshar 'di thos nas/ bcom ldan 'das shAkya thub pa la steng gi nam mkha' la sna tshogs pa'i me tog gis snyim pa bkang ste/ bcom ldan 'das la tshigs su bcad pas mngon par bstod pa/ rtag tu dag cing dri med pa// rtag par rgyun du rtog pa med// rtag tu rtog pa med par bzhugs/ / dpa' bo chen po phyag 'tshal bstod// khyod kyis chos kun g.yo ba med// thams cad legs sbyar spyod yul bas// rtag tu g.yo ba med mkhyen pas// spos dang bral la phyag 'tshal bstod// sems can rnams la phan 'dod pas// spyod pa spyad pa gsungs pa ste// dag pa rnams ni yang dag 'byung // dag pa'i sems dpa' phyag 'tshal bstod//

  549. 275b

    ji ltar nam mkha' bzhin du dag/ rdul phran thams cad rnam par spangs// de ltar mgon khyod sku yang ni// kun tu rtog pa thams cad spangs// shel sgong bzhin du shin tu dag/ ma mkha' lta bur spros pa med/ / dngos po thams cad rnam dag pas// ye shes rgya mtsho phyag 'tshal bstod// nam mkha' la ni 'ja' tshon ltar// gtso bo khyod ni rtag tu mthong // de ltar dag pa'i sems can gyis/ / rtag tu gtso bo khyod mthong ngo // ngan 'gro thams cad rnam par grol// dpa' bo chen po khyod nyid 'khrungs// dbyings kyi snying po yang dag byung // yi ge gcig tu gzi brjid che/ / sa gzhi thams cad nges pa ru// sems can sdug bsngal kun tu gzigs// sdug bsngal 'di ni zad byas nas// bla med go 'phang 'dra bar 'gyur// gsang sngags rnams kyi gtso sngags 'di// chos rnams kyi ni blo 'phel bar// rgyal ba'i sras po thams cad bskyed// gtso bo khyod kyis gsungs pa yis// dngos po thams cad yang dag 'gyur/ / rgyal ba bdag nyid rgyu med 'khrungs// las dang skye bas rnam par grol// rgyal mchog gtso bor 'khrungs par 'gyur// ye shes me lce rang bzhin med// 'du byed thams cad rnam par spangs/ / chos kyi dbyings kyi rang bzhin gcig/ rgyal ba bla med phyag 'tshal 'dud// ces pas so// de nas gsang ba pa'i bdag po lag na rdo rjes/ bcom ldan

  550. 276a

    'das la tshigs su bcad pas sngags kyi tshig gi don zhus pa/ bcom ldan gsang sngags ji ltar bsgrub// sgrub pa'i thabs ni ji ltar lags// sgrub thabs rtsa ba ci zhes bya/ / ji ltar yang ni de bstan lags// ji ltar sems ni dag pa'i phyir// gtso bo 'di ni ci zhig bsgom// ji ltar de ni 'bras bu med// sngags pa yis ni brten par bya// de skad ces gsol pa dang / bcom ldan 'das kyis/ byang chub sems dpa' phyag na rdo rje la 'di skad ces bka' stsal to// byang chub sems ni brtan byas nas// sngags kyi dngos grub brjod par bya/ / sngags kyi dngos grub bya'i cho ga/ gzhan du thams cad 'bras bu med// ji ltar rtsa ba bsdus na ni// shing gi me tog 'bras bu med// de ltar byang chub sems kyi ni/ / gzhi las gsang sngags 'bras bu shes// byang chub sems ni bskyed nas su// bla na med pa'i go 'phang 'thob// 'di la gnas pa'i chos kun ni// skye dang gnas pas 'byung ba ste/ / dngos po thams cad mdor bsdus nas// rang bzhin med cing bsam du med// byang chub sems ni nges par 'thob// gzhan du 'ba' zhig par 'gyur ro/ / bu 'di seng ge'i sgra yin te// stong nyid 'dus byas sgom par byed// srid pa thams cad sgyu ma yin// gang zhig bsam pa'i 'bras bur gnas// mu stegs rnams

  551. 276b

    kyi 'dod bshad pa/ bdag dang srog dang gang zag bcas// gtso bo skyes bur bshad pa dang // gang du khyab par gnas pa dang // de ltar 'khod pa rnams brtags nas// 'khor ba'i dngos po 'ba' zhig ste// mngon pa'i nga rgyal gyis rmongs nas// byis pa sdug bsngal bden pa can// log pa'i zhags pas bcings pa yis// sdug bsngal ba de rnams bltas nas/ / de nas kun la brjod pa yin// 'di skad gsung ni bka' stsal to// srog med sems can kyang yod min// byed pa po med gtso bo'ang med// khyab pa/ med cing dngos po'ang med// rdzas la sogs pa'i rang bzhin med// log shes rang bzhin zhags pa ni// srid pa'i 'ching ba rnam par spangs// dngos po thams cad rnam par bral/ / sna tshogs ji bzhin rnam bsgoms pas// dngos po kun las rnam par grol// stong pa nyid kyi go 'phang 'thob// phyi rol nang gi khyad par gyis// de ltar thams cad rnam par bsgom/ / dbu ba chu bur dang sgyu ma// stong nyid 'ba' zhig las ldang ste// de ltar thams cad rnam bsgoms na// ye shes go 'phang ngo rnam rtog/ sdig pa'i ro cha las grol nas/ / 'chi med go 'phang du grol 'gyur/ phung po khams dang skye mched dang // gzhan yang gzung 'dzin rnams las 'das// kun mkhyen ye shes zhags pa ni/

  552. 277a

    'ching ba'i don du rab tu brtag/ gang du phung po khams med cing // skye mched rnams ni 'byung ba med// dngos po kun las rnam grol bar// rgyal ba mchog gis rtag tu gsungs/ / gang du kun gzhi rnam shes med// bdag med gang zag kyang yod min// sangs rgyas byang chub sa stengs 'di// gang du thams cad sgyu mar gsungs// nga ni kun mkhyen mnga' brnyes pa/ / sems can don rnams thugs su chud// cho ga bya ba la zhugs phyir// bu la ma lus par bshad do// gang zhig kun gzhi yod pa dang // gal te rnam shes kyang yod pa/ / de yi bdag nyid bdag gi bu// yod do zhes kyang bstan gyur pa// dngos po'i gdon gyis brlams pa yi// byis pas sdug bsngal rnams mthong nas// bdag gis gzhug par bya phyir bu/ / cho ga rgyas pa gsungs pa yin// sems can med cing srog kyang med// gang zag med cing byed po'ang med// rnam shes med cing kun gzhi med// gang la bdag med dbang phyug med// skyes bu med cing khyab pa'ang med// gtso bo med cing rgyu yang med// dngos po kun las rnam grol ba'i// dam chos dri ma med pa bshad// de nyid mchog gi gtso bo ste// rdzogs sangs rgyas kyi go 'phang bsten// rtag par rgyun du bsgom par bya// byang chub sems ni rnam par bsgom// gzung dang 'dzin pa rnam grol

  553. 277b

    ba dngos po thams cad rnam par bcad/ / phung po khams dang skye mched spangs// thams cad stong nyid sgyu ma ltar// byang chub sems ni bsdus pa nyid// byang chub sems dpa' blo ldan gyis/ / de ltar yid kyis bsgom par bya// phun sum tshogs pa thams cad nye// gang zhig sangs rgyas nyid kyi thugs// bag yod pas ni rtag bsten na/ byang chub sems kyi myu gu 'char// bsnyen par gyur na 'bras bu 'byung // gsang sngags spyod pas gang dag ste// yid bzhin nor bu lta bu'i sku// byang chub sems kyis 'thob par 'gyur/ / nam mkha' lta bur gos med pa'i// sku ni kun tu 'thob par 'gyur// byang chub sems ni bsgoms pa yi// bsod nams bsam gyis mi khyab bshad// sangs rgyas rdzu 'phrul che kun gyis// 'bras bu'ang bsam gyis mi khyab gsungs// de nas byang chub sems dpa' sems dpa' chen po phyag na rdo rje stan las langs te/ bcom ldan 'das la lan gsum bskor ba byas nas rdo rje'i skabs su rtol ba blangs te/ bcom ldan 'das la 'di skad ces gsol to// ye shes rgya mtsho las byung ba'i// khyod kyi sras po nga mnyes gshin/ / 'di dag shin tu som nyi za// bdag gis ji ltar rtog par bgyi// gang yang byams pa la sogs gzhan// sa bcu ma lus pa thams cad// 'di la the tsom 'tshal zhing

  554. 278a

    mchis/ / thub pa chen po bshad du gsol// gang zhig sems can don ma byas// bsod nams ye shes rnam par spangs// de rnams la ni thugs brtse'i phyir// bcom ldan 'das la 'di gsol 'debs// de ring bdag la ma lus par// sems can phan par brtson pas gsungs// 'di yi mthu stobs kyang ni ci// 'di yi pha rol gnon pa ci// mi g.yo zhes bya'i gtso khyod kyis// 'dir ni ji ltar yang dag gsungs// 'di las gzhan pa'i go 'phang med// 'di dag thams cad gsung du gsol// gang gis go 'phang de 'grub pa'i/ / dkyil 'khor yang ni bshad du gsol// gang gis sa stengs 'di thob pa'i// bsam mi khyab pa'i go 'phang gsungs// gsang sngags kyi ni tshad kyang gsungs// dkyil 'khor yang ni ji ltar lags/ / mgon po 'di la the tsom za// gang 'dir 'gro ba la phan phyir// sngags kyi dngos grub de bzhin gsungs// de nyid las kyi dbye ba yang // mngon spyod kyang ni rab tu bshad/ / zhi dang rgyas dang dbang dag gis// mgon pos ji ltar cher myur bar// sngags kyi bzlas pa'i 'bras bu mchis// mgon pos bzla ba'i mtshan nyid ni// sa stengs 'dir ni de ji ltar/ / me thab kyi ni cho ga dang // de yang tshim dang bsang gtor dang // khro bo'i rgyal po dang ldan pa// mgon pos de dag thams cad gsungs// nyi ma gcig gi nyin phyed nas// zla ba brgyad

  555. 278b

    pa'i skad cig tu/ / dngos grub dag ni yang dag gsungs// dug gi las kyi gso sbyong dang // rdzas kyi sbyor ba'i las sna tshogs// mngon par brjod pa yang dag 'byung // ma lus pa bshad du gsol/ / gang gis dngos grub thob pa yi// mgon po gzhan ni ma mchis te// gtso bo khyod spangs gzhan med do// byang chub sems dpa' dpa' bo rnams// nyan thos rang rgyal rdzu 'phrul che/ / gang yang 'jig rten par grags pa'i// tshangs sogs rdzu 'phrul cher bshad pa// de rnams kyi yang mgon skyabs ni// gtso bo khyod spangs gzhan ma mchis// de nas byams pa la sogs pa'i byang chub sems dpa' rnams dang / phyag na rdo rje la sogs pas/ slar yang bcom ldan 'das la gsol ba btab pa/ chos kyi rgyal po sngags kyi sgo// bcom ldan 'das kyis bshad du gsol// byang chub sems dpa'i spyad spyod pa'i// byang chub sems dpa'i don gyi phyir// gsang sngags spyod pa'i sgrub pa'i thabs// gang gis bcom ldan nyid kyis gzigs/ / chos kyi dga' bde thob pa ni// sa gzhi'i steng na rnam par gnas// gsang sngags mnyes par rab brtson zhing // mthong ba'i chos la bde thob pa'i// sems can sa stengs gnas pa yi/ / the tsom med par 'byung bar 'gyur// thams cad dbang phyug go 'phang 'thob// 'jigs pa thams cad rnam par spangs// gsang sngags rgyal po rdzu 'phrul

  556. 279a

    che/ / 'jig rten 'di ru 'byung bar 'gyur// sdang ba'i srin po thams cad dang // 'byung po gdon dang sha za dang // 'jigs su rung dang drag shul las// sems can rnams la gnod pa bshad// gsang sngags stobs chen dran pa yis// de dag thams cad 'byung mi 'gyur// sa stengs sems can ma rungs pa// rnam pa sna tshogs gzhan yang bshad/ / de rnams gdul bar bya ba'i phyir// rtog pa 'di ni rab tu gsungs// lha dang klu dang gnod sbyin dang // grul bum dang ni lus srul po// smyo byed rgyu skar thams cad dang / / ma rungs gza' sogs bshad pa dang // sems can sdig can de rnams la// khro bo 'di ni rab tu gsungs// tshangs sogs gdon gyi tshogs kun dang // de bzhin rgyal ba nyan thos dang / / sa bcu'i byang chub sems dpa' yis// gang zhig bshad par mi nus shing // de dag thams cad thal bar rlog/ gsang sngags bzlas pa rdzu 'phrul che// snying la gnas pa yang dag bsam/ / gsang sngags zhes bya mthong dga' zhing // ma lus pa ru thal bar brlag/ tshangs pa la sogs dkyil 'khor dang // byang chub sems dpa' bdag nyid che// dbang po'i gnas bcu bdag po yis/ / 'di ni bzod par mi nus te// khro bo'i rgyal po rol pa ni// sdang ba'i sems can ci nas kyang // ras bal 'da' ba mtshungs par brtag/ ming nas

  557. 279b

    bos pa tsam gyis ni/ / phyogs bcu rnams su 'byer bar 'gyur// de bas rnam pa thams cad kyis// gsang sngags 'di ru bzlas pa ni// rtag par rgyun du dran par bya// gsang sngags dngos grub 'dod pa yis/ / thams cad du ni 'jigs med par// sngags gnas sa stengs 'di ru bya// gsang sngags mgon po dran pa dang // 'chang ba dang ni rtag tu zlos// me yi nang du gnas pa na/ / mche ba gtsigs pa yi ni skus// 'byer te rtag tu 'jigs pa med// mtho ris them skas lta bur dga'// 'jigs shing skrag pas 'khrigs pa na// rgyal po chen pos 'jigs pa sel/ / chom rkun gseb tu chud pa na// seng ge rnam par bsgyings pa'i sku// khro bo'i rgyal po rdzu 'phrul che// de yis rtag tu dran par bya// rims dang so mig gzer zug dang / / rked pa'i rtsibs logs lus las byung // rnam pa sna tshogs kun 'byung ba'i// sa stengs lus can nad rnams ni// gsang sngags dran pa tsam nyid kyis// de dag thams cad zad par 'gyur/ / khro rgyal bsam gyis mi khyab pa'o// mthu dang stobs ni brtul phod pa'i// kun mkhyen las gzhan sa stengs na// rtag tu gzod nas su zhig yod// 'khor los sgyur ba'i mthu stobs ni/ / ji ltar smra bar mi nus pa// de bzhin khro rgyal bsgyings pa yis// brjod par yang ni mi nus so// ji ltar 'khor lo sgyur ba yi// yon tan mi yis bgrang mi nus// de bzhin

  558. 280a

    khro bo'i rgyal po yi/ / stobs ni brjod par mi nus so// rdo rje pad+ma'i rigs zhes pa'i// khro bo'i rgyal po thams cad kyang // khro bo'i mngag gzhug pho nya dang / bka' nyan po nya rdzu 'phrul che// de rnams kyi ni khro bo 'di// 'khor los sgyur zhes mngon par brjod// khro bo'i rgyal po blo ldan gyi// mthu stobs de ltar bshad pa ni// sangs rgyas kun gyi dpa' gcig 'di/ / de yi dpa' bo zhes su bshad// gang gsungs bden pa'i tshig gyur pas// mi slu ba ni nyid yin no// de phyir 'di ni mi g.yo bas// mi g.yo ba zhes mngon par brjod/ / mi g.yo ba yis thob pa// bsam gtan rtse gcig blo yi gnas// nyan thos sa la sogs pa yi// bdud rnams kun gyis mi g.yo ba// des na mgon pos mtshan gsol to// rdzogs pa'i sangs rgyas rkang gnyis mchog/ byang chub sems dpa' dpa' bo rnams// 'di ni don kun 'grub par byed// gang yang 'das pa'i sangs rgyas dang // gang yang de bzhin ma byon pa/ / mgon po da ltar bzhugs pa gang // 'gro la phan phyir cho ga ni// de dag kun gyis 'di gsungs pa// sangs rgyas spyan zhes bya bar bshad// sems can khams ni thams cad gyi/ / bstan pa gang yin srung bar mdzad// sangs rgyas kun gyi sprul pa dang // byang chub sems dpa' mthu chen gyis// gang yang gsang sngags grangs med pa// sems can phan 'dogs

  559. 280b

    bzhugs par gsungs/ / lag na rdo rje blo ldan pa// 'di dag thams cad yang dag bshad// mi gang sdig pas bslabs med kyi// sems can snang ba skyed par byed// mi byed pa/ yi zhags par bcings// bla na med pa'i go 'phang 'gyur// khro bo'i rgyal po blo dang ldan// sngags pas ma bsgrubs par yang 'grub// khro bo'i rgyal po'i byin rlabs kyis// 'dod pa ma lus 'grub par 'gyur/ / de nas thams cad dang ldan pa'i 'khor de dag ngo mtshar te/ dga' zhing mig rgyas pas mgrin gcig dang ngag gcig tu tshig snyan pos gsol pa/ e ma'o sangs rgyas thams cad ni/ / thabs dang shes rab bsam du med// thugs rjer gyur pa'i thugs kyis ni// mtshungs med dam tshig bshad du gsol// gang yang sems can 'jigs pas 'khrigs/ / sa stengs thams cad 'jigs med cing // gang gis gus chen rang bzhin gyis// de yi ngan 'gro stongs par 'gyur// de nas byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ / bcom ldan 'das khro bo'i rgyal po'i dkyil 'khor 'dir zhugs pa tsam gyis sems can thams cad rgyal po'i dbang phyug gi go 'phang thob par 'gyur ba/ bgegs dang log 'dren thams cad kyis 'tshe bar mi nus pa/ dngos grub myur du 'thob par byed pa/ dbang phyug thams cad yang

  560. 281a

    dag par ldan par byed pa bshad du gsol/ de skad ces gsol pa dang / bcom ldan 'das kyis/ byang chub sems dpa' chen po lag na rdo rje la bka' sprul pa/ lag na rdo rje legs so legs so// lag na rdo rje slar yang shin tu legs so// khyod kyis kho bo la gsol ba btab pa'i don 'di rigs kyi bu nyon cig/ khro bo'i rgyal po'i dkyil 'khor 'di gang gis thos pas sa stengs su thams cad ngo mtshar zhing mig rgyas te/ nus pa med pas bzod par mi nus te/ de nas sa stengs su 'gyel bar gyur to// de nas/ bcom ldan 'das kyis de'i tshe bdud thams cad sreg pa'i me lce yang dag par 'byung ba zhes bya ba'i ting nge 'dzin la snyoms par zhugs so// snyoms par zhugs nas gsang sngags kyi rgyal po 'di sems can thams cad kyi bsam pa yongs su rdzogs par mdzad pa/ dus gsum kun gyi byang chub sems dpa' ma lus pa skyed par byed pa/ sems can thams cad kyi don gsol bar byed cing yod pa/ de bzhin gshegs pa thams cad bsod nams bsam gyis mi khyab pa las 'khrungs pa/ sems can thams cad kyis shin tu mthong bar dka' ba/ mthong ba'i bgegs rnams rab tu 'joms pa/ ngan 'gro thams cad rnam par sbyong bar byed pa/ nad thams cad rab tu zhi bar byed pa/ bsam pa thams cad yongs su rdzogs par byed pa/

  561. 281b

    gdon ma rungs pa thams cad la gso sbyong mdzad pa/ bdud kyi dam thams cad rab tu zhi bar mdzad pa'i sngags bka' stsal pa/ na maHsar+b+ba ta thA ga te b+h+yaHsar+b+ba shA pa ri pU ra ke b+h+ya sarba thA/ tsaN+Da ma hA ro Sha Na s+pho Ta ya hU~M waT hUM sAM/ bcom ldan 'das kyis gsang sngags kyi rgyal po bka' stsal ma thag tu thams cad dang ldan pa'i 'khor de dag chu shing gi sdong bu lta bu dang / nags tshal chen po lta bur bab tshol du kha phub tu 'gyel bar gyur to// stong gsum gyi stong chen po'i 'jig rten gyi khams 'di thams cad rnam pa drug tu g.yos par gyur pa dang / ldeg pa dang / 'gul ba dang / rab tu 'gul ba dang / g.yos pa dang / rab tu g.yos pa dang / chem chem/ rab tu chem chem mo// shar phyogs mtho na nub phyogs dma'/ lho phyogs mtho na byang phyogs dma' bar gyur to// gzhan yang ngo mtshar zhing rmad du byung ba mthong ste/ ngo mtshar che bar gyur pa'i 'jig rten gyi khams rnams su sangs rgyas kyi zhing khams sna tshogs pa'ang mthong ngo / / gang yang gzhi dang snying po me tog gis brgyan pa'i 'jig rten gyi khams 'di'i bgegs sna tshogs dang / srin po dang / bdud kyi rigs sna tshogs dang // gzhan yang gdug pa'i sems dang ldan pa de dag thams cad thal bar brlag te/ kha cig kha sbub tu ni gnas// 'jigs pa'i bskal pa lta bur ni// dud pa dung sbyar kun tu gnas/

  562. 282a

    nyi ma zla ba rdzu 'phrul che// 'di yi snang ba'ang mun par 'gyur// mun nag smag ni shin tu 'jigs// glog 'gyu yul na 'jigs su rung // phyogs kun tu ni'o// dod 'bod// sa gzhi thams cad kun tu 'khrugs// gza' dang rgyu skar tshogs kun tu// gang yang lha yi gtso bo gzhan// de dag thams cad 'jigs spangs nas// sems med kha spub/ tu ni 'gyel// lha min mi 'am ci dang klu// gnod sbyin srin po lus srul po// 'di rnams lus kyis mi bzod pas// dug gis btab bzhin gnyid yur te// 'di dag thams cad gcig tu 'bar/ / bskal pa'i me las yang dag byung // 'di dag thams cad 'bar zhing mched// sangs rgyas zhing ni kun nas kyang // byang chub sems dpa' bdag nyid che// sa bcu gnas kyi dbang phyug rnams/ / de yang gnyid bro yur bar 'gyur// kha sbub tu ni sa la 'gyel// khro bo mngag gzhug bka' nyan pa// pho nya pho mo bran dang bcas// lus 'di'i tshugs ni mi thub par// sems stor kha sbub 'gyel bar gyur/ / gang yang nyan thos bse ru dang // 'jig rten rdzu 'phrul chen po gzhan// lcags ni shing phye thul ba ltar// de yang gnas su 'gyel bar gyur// tshangs pa brgya byin la sogs lnga/ / lha min gnod sbyin rdzu 'phrul che// de dag thams cad thal bar gyur// sdug bsngal 'khrigs par 'gyur na ni// cung zad slar yang phan tshun du// byer cing 'jigs pas

  563. 282b

    tshig smras te/ / bu gcig 'di ni ji ltar 'gyur// sa gzhi 'di dag shin tu 'jigs// bde gshegs go 'phang ma gtogs pa// zhi ba ci yang ma mthong ngo // bdud dang bgegs kyi gzugs rnams kyang / / rnam pa sna tshogs yang dag gnas// lus ni 'gyur ba lta bu ru// sa stengs na ni shing bzhin gnas// tshangs pa la sogs yul rnams ni// 'di/ ngag thams cad 'bar bar mthong // mnar med gyur pa'i lus kyang ni// dud kha dud sbyar kun tu gnas// sangs rgyas zhing ni ma lus pa// 'di dag thams cad sreg par byed// snying rje zhugs shing yang dag ldan/ / phyag na rdo rjes 'di skad gsol// sems can don du ma bsams pas// bcom ldan bkod pa bsdu ru gsol// byis pa sdug bsngal rten can gyis// 'di ni bzod par mi nus so/ / 'gro ba'i sems can kun gyi mgon// thugs rje rnams ni byung bar mdzad// thugs rje gcig pu'i ri las 'khrungs// sems can sdug bsngal grol mdzad pa'i// 'gro ba'i mgon po khyod gcig pu// gnyen du gyur pa'ang khyod kho na// 'khor ba'i rgya mtsho las sgrol ba'i// mnyan pa yang ni khyod gcig pu// nad rnams thams cad gso mdzad pa'i// khyod nyid gcig pu sman par 'gyur// dam pa'i lam ston pa yang khyod// khyod ni 'khor ba'i rgya mtshor ba// sa stengs nyid na khyod 'ba' zhig/ mgon po thugs rje bskyed nas ni// sa gzhi

  564. 283a

    thams cad yang dag 'phel/ / dpag bsam shing bzhin don gnyer ba'i// yang dag dpa' bo byang chub sems// sa bcu'i gnas kyi dbang phyug rnams// mgon/ po khyod nyid gcig pus 'phel// thugs rje pad+ma 'dam skyes bzhin// sems ni ngan par 'gyur ba yi// 'gro ba'i mgon pos sreg par mdzod// snying po med pa lta bur 'gyur// chu shing gi ni sdong po bzhin/ / phye ma leb bzhin skye bo rnams// drag tu 'bod pa'i lung pa thob// bsregs kyang zug rngu mi 'byung ste// de bzhin 'dir ni byis pa rnams// bgegs dang log 'dren thams cad dang / / grangs med bcu yi stobs kyi bdag/ gsang sngags rgyal po brjod pa yis// de dag thams cad thal bar brlag/ de bas rnam pa thams cad kyis// bcom ldan khyod la bdag gsol 'debs/ / khyod kyi sras po bdag mnyes gshin// bdag gi de ni gsan pa'i rigs// de nas bcom ldan 'das shAkya thub pa thugs rje dang ldan pa'i thugs mnga' bas/ phyag na rdo rjes sems can la phan pa'i phyir/ thub pa mchog gi gtso bo la// gsol ba btab pa'i tshig 'di ni// shin tu rgya che bu legs so// de nas bcom ldan 'das kyis de'i tshe sems can thams cad kyi srog 'byung zhing / ye shes 'khrungs pa zhes bya ba'i ting nge 'dzin la snyoms par zhugs so// snyoms par zhugs nas rig pa'i rgyal po 'di sems can thams cad la phan par byed pa

  565. 283b

    'dus byas thams cad rab tu 'gyur bar byed pa/ 'jigs pa thams cad rab tu 'jig par byed pa/ dgra thams cad dang / me dang / chu sel bar byed pa/ sems can thams cad kyi dpal phun sum tshogs shing skal ba bzang po thob par byed pa/ sangs rgyas dang / byang chub sems dpa' thams cad dang / nyan thos dang / rang rgyal skyed par byed pa/ 'jigs pa thams cad skrag par byed pa/ rnam par 'tshe ba thams cad 'joms par byed pa/ sangs rgyas dang byang chub sems dpa' thams cad kyis bzhed pa gsungs pa/ na maHsarba ta thA ga ta b+h+yaHsarbA sa pa ri pU ra ke b+h+yaHsarba thA/ oM sarba saM ska ra pa ri skA ra bi shud+d+ha d+harma te ma hA na ya pa ri bA re swA hA/ de nas 'di gsungs pa tsam gyis stong gsum gyi stong chen po'i 'jig rten gyi khams thams cad du bde ba thams cad gtad cing / kun nas rgyal ba dang ldan pa// dbang phyug go 'phang brnyes pa ni// rang gi lus la sems bcug pas// ngang tshul bzang por yang dag 'byung // sdig pa thams cad rab tu ni/ / bcom ldan 'das ni gzigs par 'gyur// rig par gyur pa'i sems dang ldan// thams cad rang gi srog dang ldan// rdzu 'phrul brtul phod par gyur pa// shin tu ngo mtshar go/ 'phang 'thob// de ni rgyal mchog spyan sngar gnas// rang gzhan brtul zhugs brtan 'gyur ba// rig pa 'di yi mthu stobs kyis// rang gi rdzu 'phrul g.yul las rgyal// sa stengs pa rol

  566. 284a

    gnon pa 'byung / / thams cad dbang phyug go 'phang 'thob// bdud kun gyi ni gtsor gyur pa// sa stengs gyur to cog kun ni// 'jigs pa thams cad rnam par bral/ / ngan 'gro zhes ni gang bshad par// shin tu sdug bsngal gting gnas te// ngan 'gro thams cad rnam bral nas// bde ba yi ni snod du 'gyur// dmyal ba'i me zhes bya ba yi// shin tu blta dka' 'jigs rung de// de tshe lhag par bsil bar gyur// ston ka'i zla ba'i cha ltar gnas// gang yang dmyal ba zhes bshad pa// shin tu grang ba'i mun nag 'khrigs// drag shul me chen 'bar ba bzhin// de dag thams cad dro bar 'gyur// yi dgas zhes bya'i sdug bsngal gang // shin tu mi bzad 'jigs su rung // rig pa 'di yi mthu stobs kyis/ / 'di dag thams cad bral bar 'gyur// gang yang 'khor de thams cad ni// sdug bsngal gyis ni sems gdungs pa// bde ba thams cad yang dag gtad// phan tshun du ni dga' gtam smra/ / bgegs chen log par 'dren pa dang // gzhan yang srog chags gyur pa gzhan// sa stengs 'byung po rang sems gnas// nges par gyur nas 'di rnams ni/ gcig la gcig ni lte bar 'gyur// byang chub sems dpa' dpa' bo dang // tshangs pa la sogs rdzu 'phrul che// rang sems mdzes par rnal mar ni// de rnams thams cad bde

  567. 284b

    'thob/ / pho nya mngag gzhug bka' nyan stsol// 'byung po gdon dang sha za dang // thams cad dbang phyug go 'phang 'thob// sa gzhi stangs na rnam par gnas// gang yang byang chub sems dpa' brtan/ / thams cad dang ni ldan pa yi// rdzu 'phrul chen po 'khor rnams kyis// 'gro la phan phyir tshig gsol pa// e ma'o kun mkhyen mtshungs pa med// thabs kyi ye shes bsam mi lang / / sa stengs khyod ma gtogs pa yi// 'byung 'gyur gzhan ni su zhig yod// mtha' yas bde ba'i snod du ni// 'di dag thams cad gang 'dzin mdzad// thams cad dbang phyug go 'phang brnyes/ / sa yi steng na rnam par gnas// srid pa'i sdug bsngal slar yang med// de ltar shin tu mi bzad 'jigs// thams cad sangs rgyas sras su gyur// sems can kun la phan dga' bas/ / sems ni rtse gcig gyur pa yis// snyan pa yi ni tshig gis gsol// kun gyi gnyen du gyur pa yis// sangs rgyas nyid las gzhan pa med// sems ni smad pa'i rgyur gyur pa'ang / / so so nas ni bde bar mdzad// skyes pas yang dag bstan pa ni// ji srid mya ngan ma 'das pa// de srid bar du 'khor bar zhugs// sangs rgyas theg pa tshul gyi mchog/ byang chub sems dpa' thams cad dang // tshangs pa la sogs 'khor rnams ni// thams cad stan las langs gyur te// gtso bo gang na bzhugs pa der// byang chub sems dpas yongs

  568. 285a

    su bskor/ / tshangs sogs rdzu 'phrul che ba'i lha// lhan cig yang dag par lhags te// bla med go 'phang gsol ba 'debs// sems can kun la phan bzhen pa rdzogs sangs rgyas la bskor bar byas/ / 'jig rten mgon la rab btud nas// 'di skad kyi ni tshig gsol to// e ma'o sangs rgyas che ba'i bdag/ sems can kun la sman par dgyes/ / 'jig rten mgon po skyob pa yi// thabs ni mtshungs med bsam mi khyab// gang gis 'di ni gnas par byas// sdug bsngal rgya mtsho rnam par sbyong // 'gro la sman pa khyod mthong na/ / bde ba yang dag 'byung bar 'gyur// de nas bcom ldan 'das shAkya thub pas thugs rje dang ldan pa'i thugs zab pas sgra dbyangs 'di skad kyi tshi ga bka' stsal pa byang chub sems dpa' rdzu 'phrul che/ / rdzu 'phrul ldan pa khyed ma 'jigs// rdzogs sangs rkang gnyis mchog gis ni// bsam gyis mi khyab 'di dag gsungs// de 'dra'i chos ni/ brten pa ni// sdug bsngal gang gis slar yang ni// 'khor bar de ltar 'ching 'gyur ba// bsnyen par 'gyur bas 'byung mi 'gyur// rdzogs sangs rkang gnyis mchog gis ni// theg pa chen po yang dag gsungs/ / lam ni yang dag bsdus nas ni// thams cad sdug bsngal las rab grol// de ni mchog gi de nyid zhi// sangs rgyas rnams kyi theg par brjod// theg

  569. 285b

    pa dam pa 'di bzung nas/ / sangs rgyas nges par gdon mi za// 'das pa'i sangs rgyas kun dang ni// de bzhin gang yang ma byon pa// mgon po da ltar bzhugs pa rnams// 'gro la pha pa'i tshul nyid las/ / de dag thams cad yang dag gzung // sdug bsngal zhi ba 'thob par 'gyur// de phyir rnam pa thams cad kyi// 'di lta bu yi dam chos bsten// gtso bo 'di ni bsnyen 'gyur na/ / sdug bsngal rnams ni sel bar byed// gang yang byang chub sems dpa' gzhan// tshangs pa la sogs rdzu 'phrul che// sems can phan par zhugs pa yi// spyan sngar snyan pa'i tshig 'di gsol/ / mgon po khyod kyis ci zhig gsungs// bdag gi yid kyang rten gzhan med// khyod nyid skyabs su gyur pa las// mchog gzhan zhig ni yod ma yin// kun gyis dbang phyug go 'phang brnyes/ / rang gi rdzu 'phrul snyems tshul gyur// 'jigs pa kun dang rnam par bral// sdug bsngal thams cad rnam par spangs// sangs rgyas chos dang dge 'dun la/ / rdzu 'phrul chen po gus par ldan// theg pa chen por yang dag gnas// byang chub mdzad pa la sogs 'thad// ces pa'o// de nas byang chub sems dpa' phyag na rdo rje la sogs pa thams cad dang ldan pa'i 'khor de dag gis bcom ldan 'das kyi zhabs gnyis la gtugs nas gsol ba btab pa/ bcom ldan 'das chos kyi rgyal po bdag cag la thugs brtse ba bskyed de/ sems

  570. 286a

    can thams cad dbang phyug gi go 'phang 'thob par byed pa/ nad thams cad gso sbyong mdzad pa/ dpal thams cad dang ldan pa/ dus ma yin pa'i 'chi ba dang / bgegs thams cad 'joms par byed pa/ dgra thams cad dang / nye bar 'tshe ba dang / chom rkun dang / mi rgod dang / rgyal po'i gnod pa dang / seng ge dang / stag la sogs pa dang / rims dang / skran dang / mtshan par rdol ba dang / sdig sbrul gyi gnod pa thams cad 'joms par byed pa/ gang gis khro bo'i rgyal po'i dkyil 'khor gyi chos nyid mthong bas/ sems can thams cad kyis dbang phyug gi go 'phang 'thob par 'gyur ba bshad du gsol/ de skad ces gsol bcom ldan 'das// shAkya'i mgon po rdzu 'phrul che// rdo rje byung ba che ba'i bdag snyan pa'i tshig gis bka' stsal pa/ / sa stengs kyi ni dkyil 'khor mchog/ bshad par bya phyir bu khyod nyon// skyob pa sangs rgyas thams cad dang // byang chub sems dpa'i gsang ba ni/ / khyod la yang dag bshad par bya// phan pa'i sems kyis tshur la nyon// khro bo'i rgyal po'i dkyil 'khor ni// 'di dag thams cad ma gsungs pa// ngan pas sems ni 'khrigs pa la/ / bu khyod kyis ni sbyin mi bya// re zhig slob dpon rab tu bshad// bu khyod mnyam par bzhag pas nyon// de ni kun tu rab gnas 'gyur// gang mang cung zad bdag gis

  571. 286b

    bshad/ / tshul khrims phun tshogs snying rjer ldan// babod dang brtson ldan legs par gnas// gtsang zhing cho ga phun sum tshogs// bla ma la yang smod mi byed// bdag nyid ji bzhin gzhan pa na lta/ / sbyin la dga' zhing ched du brtson// bden pa'i tshig dang yang dag ldan// gtong phod la dga' mnyes gshin pa// lus kun yon tan phun sum tshogs// sangs rgyas nyan thos rgyal sras rnams/ / rtag tu mchod par gyur pa dang // bla ma la gus nga rgyal med// 'gro la gcig tu phan zhing dge/ blo gros zab mo dang yang ldan// dus dang dus min shes dang ldan/ / dbang po don gyi cha rig pa// rtag tu sems can phan par dga'// gsang sngags mnyes par shin tu brtson// dkyil 'khor 'di ru rab tu bsngags// rdzu 'phrul chen po lha rnams dang / / sangs rgyas nyan thos chos rnams dang // skyob pa byang chub sems dpa'i yang // cha shas rig nas rtag par yang // zab mo'i don ni rab tu bstan// ser sna yang ni yod ma yin/ / khro bo gang yang brtse bar smra// bsdu ba bzhi yi ngang tshul shes// pha rol phyin pa drug gis brgyan// byang chub sems dpa'i go cha bgos// sgyu ma lta bu'i go 'phang gnas/ / nyan thos rnams kyis ji bzhin bshad// bden pa bzhi ni sgom byed pa// sngags pas de bzhin 'dir gsungs pa// byang chub sems kyi sgom pa'o//

  572. 287a

    sems dpa' blo ldan gyis// 'di ni yid kyis sgom byed pa// bsam pa'i ye shes thob par byed// theg pa chen po las byung ba// bsdu ba'i dngos po rnam bzhi dang / / pha rol phyin nyid drug tu 'dod// bsam mi khyab pa'i 'bras stsol ba// shes rab can de sgom par byed// ljang khu dkar dang ser ba dang // mdor na nag por gyur kyang rung / / ring dang thung yang mdangs bzang ba// phyag gis pus mor bslab pa nyid// rtag par rgyun du zhal ring zhing // mgo bo mnyam par rnam par rgyas// smin mtshams ma chad shangs mtho ba/ / rkang pa'i long bu cung zad dmar// yon tan thams cad yang dag brgyan// sdig pa'i rgya mtsho rnam par sbyong // chos rnams thams cad mchod par bya// de nyid kyang ni ston par byed/ / dkyil 'khor rnams kyi cha shes pa// sngags dang phyag rgya'i tshogs kyang ngo // rjes gnang dang ni dbang bskur 'thob// gang zhig yang dag ye shes 'gyur// bla ma la gus lha dang ni// sngags dang phyag rgya bsdus dang ldan// gsang sngags rgyal po'i gsang sngags shes// sems can mnyes shing brtse ba smras// bzlas dang sbyin sreg de nyid shes/ / zhi dang rgyas pa'i de nyid shes// mngon spyod dang ni dbang bya shes// sngags dang phyag rgya shin tu sbyor// bla ma yang dag bsten pa yang // ston pa bzhin du sems par byed//

  573. 287b

    'byung po thams cad mchod par byed// 'jig rten pa yang de nyid rig/ sems can snyoms med phun sum tshogs// spro ba dang ni brtan par gyur// gang gi dbang phyug shes rab sngags// thams cad dbang du byed pa yin// khro bo rnams ni rtag tu bzlas// lha mnyes pa la ched du byed// tshul khrims dang ldan phun sum tshogs// sku dang gsung las yang dag byung // brtul zhugs kyis ni yang dag brgyan// rtag par thams cad skyong bar byed// de ltar yon tan mdor bsdus pa'i// mtshan nyid bdag gis bstan pa yin// 'di rnams yang dag yongs shes pa/ / slob dpon du ni rab tu bsngags// sngags kyi bzlas pa'i cho ga ni// gzhan du na ni 'bras med bu// gsang sngags rang gi mi 'grub cing // gzhan la bstan yang grub pa med/ / dkyil 'khor 'bras bu bcas pa min// sngags kyi sgrub thabs dag kyang med// bsrung bar bya ba kun kyang min// sbyin sreg lha yang med pa ste// 'di ni sgom pa med gyur pa'i/ / mtshan nyid 'di ni rnam par spangs// de bas rnam pa thams cad kyi// slob dpon mtshan nyid bsngags pa yin// de bas gsang ba'i ye shes 'di// sangs rgyas thams cad 'byung bar ni/ / gsungs pa ru ni shes par bya// gzhan du na ni 'bras med 'gyur// slob dpon dang ni slob ma yis// rtag tu bag yod gyur pas kyang // rtag par rgyun du bsrung bar

  574. 288a

    bya/ / bdag nyid srog ni ji bzhin no// bsal pa bye ba brgyar yang ni// sangs rgyas 'byung ba shin tu dkon// de yang sa stengs gtso bo yis/ pa yis ni shin tu dkon// de phyir rnam pa thams cad kyi// yon tan kun gyis yang dag brgyan// slob dpon gyis ni rtag pa ru// gsang sngags yi ge bco lnga bzlas// 'bum phrag gcig ni bzlas gyur nas/ / sbyin sreg yang ni brtsam par bya// de ltar byas pa'i sngags shes pas// dkyil 'khor mchog ni bri bar bya// gdug pa med cing bgegs kyang med/ / gzhan yang 'byung tshogs la sogs med// mthu stobs kyis ni bgegs byed pa// go 'phang 'bras bu yod ma yin// thams cad dbang phyug go 'phang 'theb/ kun kyang bde bas yang dag brgyan// 'jigs pa thams cad rnam par bral// the tsom med par 'gyur ba yin// gzhan du thams cad 'bras bu med// bgegs kyis glags ni btsal nas su/ / sngags pa'i lus ni 'phrog par byed// cho ga'i 'bras bu bya ba med// de ltar byas na sngags pa bdag/ dkyil 'khor mchog ni bri bar bya// sangs rgyas cig shos go 'phang ni/ / de ni thams cad 'grub par 'gyur// dbu la sa gzhi yang dag bshad// mnyam par bzhag pa'i yid kyis nyon// dkyil 'khor mdzes mchog rmad du byung

  575. 288b

    'di ni gang du bri ba ni/ / chu klung mtsho bran yang dag bshad// ri bo me tog 'bras bus brgyan// skyed mos tshal du'ang bshad pa ste// spu sdug rma byas rnam par brgyan// kun dga' ra ba khang bzang dpa'/ / phyugs lhas bres dang bzhi mdo dang // gzhan yang phyi rol gang zhig tu// gtsug lag khang dang ri sul dang // khang pa brtsegs dang khyang pa dang // mtshan/ rnams gcig la ji bzhin du// chu klung kun dga' ra ba dang // de yi khong gseb khyad par du'o// gzhan yang rnam pa sna tshogs pa'o// gang du yid la 'dod par bya// de la sogs pa'i gnas rnams las/ / gang yang rung ba'i gnas bzung ste// lha ni spyan yang dang byas nas// yang dang yang du mchod par bya// yid nyid kyis ni gshegs su gsol// phyogs ni rab tu bcing bar bya// rang nyid go cha bgos nas gnas// lus la gtsug tor yang dag brgyan// lag tu rdo rje thogs nas ni// lha ni yid kyis byon par bsam// de ltar bdag nyid gnas nas su/ / skye bo bsrung ba dgod par bya// de ru bdag nyid byin brlabs te// sa gzhi gzhan la shin tu bsdad// pus mo gang tsam brkos nas ni// 'bru srin rnam par bsal bar bya/ / skyon ni du ma dang bral ba// 'bad pas slar yang gdul bar bya// ba yi rnam lngas byugs nas ni// me tog bdug pas dge bar mchod// sa gzhi yi ni phyogs

  576. 289a

    kun tu/ / gtor ma rab tu gtang bar bya// me tog sil ma gcal du dgram// dri dang bdug pa cho ga'i rim// sbyin sreg cho ga bzhin du bya// rnal 'byor dge bar 'dod pa yis/ / de ltar rab tu 'bad pa yis// gnas su nyi ma gcig tu bya// legs par sbyangs par gyur pa la// lha ni spyan yang drang bar bya// khyad par du ni gtor ma dang // dri dang me tog yang dag dbul// shes rab blo ldan mtshan ma bslab// dge dang mi dge'i 'bras bu byung // gal te rmi lam bzang mthong na// yid ni spro bar gyur pa yi// bdag dang gzhan ni bsgrub bya'i phyir/ / dkyil 'khor rgyal po bri bar bya// ngan na shes rab can gyis spang // 'jigs dang rtsub pa'i mi dge ste// bdag dang gzhan la dngos grub med// de la 'bras med 'bras bu byung // dkyil 'khor dngos grub 'dod pa yi// shes rab can gyis de dbus bri// de ni khru brgyad de bzhin du// bcu drug dag gi grangs kyang yod// rgyal ba mchog gis rtag tu ni/ / gtso bo lnga ni rab tu gsungs// de ru cha gnyis su bgos nas// khru tshad gang ni phyi rol yin// cha gcig yang dag bshad pa ni// dbus cha yin par rab tu brtag/ khru tshad gang du gnas pa der// dbus su sangs rgyas bstan pa yi// gnyis pa rgyal ba'i sras po ste// mdo ru bsdus nas bstan pa yin// gnyis pa'i phyi rol

  577. 289b

    gnas pa'i cha/ / der yang de bzhin rab tu brtag/ khru tshad gang du mdor bsdus na// cha ni thams cad rab tu brtag/ sgo bzhi rta babs dang bcas pa// bum pa yi ni rgyan gyis brgyan/ / sa gzhi thams cad 'bar ba ltar// sgo dang mtshams su rdo rje ste// mtshams rnams su ni gtso bo ru// bum pa thams cad nges par gnas// rdo rje rta babs bcings pa dang / / zhags pa bcings pas rnam par brgyan// 'di dag thams cad kun byas nas// dbus su pad+ma 'dab brgyad bcas// de yi snying po mdzes par ni// de la bum pa yang dag gnas/ / bum pa yi ni steng gi snod// pad+ma dkar po gnas pa der// de la zhugs pa 'gro ba'i mgon// gtso bo bstan pa'i don mdzad pa// skyob pa shAkya mgon po yi/ / lhung bzed phyag rgya rtag tu bri// de nas de yis kun tu khyab// dkyil 'khor phun sum tshogs pa byung // 'di ltar sor mo bcu drug ni// skyob pa de yi dkyil 'khor yin/ / de yis thams cad rab tu bshad// lhag ma snam bu g.yas bskor du// byang gi phyogs la brten nas ni// skyob pa 'jig rten dbang phyug bzhugs// pad+ma'i steng du rdo rje ni/ / kha dog dkar po gzi 'arjod che// byam pa yi ni go cha bgos// byams pa'i bdag nyid las byung ba'i// dbang ldan phyogs son phyag mtshan ni// de

  578. 290a

    blugs phyag rgya ste/ / ngo mtshar brtul phod bsam mi khyab// kun tu bzang po rtag tu bris// me ru mtshon nas bzhugs pa ni// gtso bo yid bzhin nor bu bsnams/ / ye shes rgya mtsho yongs su gang // zab mo'i don ni rnam par bsgoms// dbang po phyogs la brten nas ni// ye shes ut+pal bsnams pa bzhugs// gshin rje'i gnas su nyer mchis pa/ / kun gyi dgra yi gshed du 'byung // gnas der bzhugs pa'i mgon po ni// rdo rje rtse mo'i rigs su 'byung // bden bral phyogs su brten pas ni// rlung sogs de yi dbus su bzhugs// ye shes ral gri go cha bgos// khro bo'i rgyal po stobs chen bzhugs// khro bo mangs med pa yi mgon// kun tu 'khor gyis yongs su 'thob/ / dkyil 'khor yon tan rgya mtsho ni// kun nas gsal bar gyur pa yin// rlung gi phyogs la brten nas ni// rgyal ba kun bdag las byung bzhugs// thams cad ye shes nye bar mtshon/ / 'od kyi dkyil 'khor yongs su rdzogs// chu bdag phyogs su bstan nas su// rdo rje phyag rgya shin tu sbyor// pad+ma dmar po'i steng na bzhugs/ mdzes pas dus zad lta bur bzhugs// nub kyi phyogs la brten nas su// gang yang sa bcu'i gnas dbang phyug/ de yang ji bzhin bkod nas bzhugs// rang gi phyag rgya'i

  579. 290b

    mtshan mas mtshan/ / de la 'og gi char gnas dang // steng gi phyogs kyi cha nyid du// bdag nyid chen po skyon bral ba// de dag kun la dpa' bo bzhugs// dbus su gcig pu bzhugs par 'gyur/ / so sor byang chub la brten nas// shA ri'i bu ni bdag nyid che// de nas ye shes nam mkha' mkhyen// rdzu 'phrul yul ni mchog tu gyur// mo 'u 'gal ya nyid dang ni// 'od srungs bdag nyid chen po ni// rgyal mchog de nas sa stengs su// rta thul dang ni ba lang bdag/ drag shul dbang chen chang bu can// b+ha ra dA tsa nyid dang ni/ / kun dga' bo ni dka' zhes bshad// sgra gcan 'dzin yang rim ji bzhin// 'di ru ji bzhin bkod nas gzhag/ lhung bzed chu skyes rnam par brgyan// phyag na rdo rje sras po kun/ / dpung bzang la sogs de bzhin kun// phyag na rdo rje nye bar ni// de rnams ji bzhin bkod nas gzhag/ dam chos sras por bshad pa ni// gang yang 'jam dpal la sogs gzhan/ / 'jam pa'i dbyangs dang nye bar ni// de dag thams cad gzhag par bya// gang yang khro bo yang dag bshad// phyag na rdo rje'i rigs las byung // lho yi phyogs su brten nas su// 'di ni rim pa bzhin du gzhag/ rdo rje dgra sta yang dag ldan// rdo rje tho ba de bzhin no// shin tu drag shul yang dag bshad// 'bar ba'i 'brang

  580. 291a

    ba'i 'od kyis 'khrigs/ / khro bor yang dag bshad pa ni// rta mgrin shin tu mthong bar gnas// khro gnyer can dang yang dag rol// sgrol mar grags pa'ang rnyed par dka'/ / rang gi phyag rgya mtshan mar ldan// brtson pas der yang bri bar bya// sgrol ma khro gnyer can dag bri// rig ma bcom ldan ma de bzhin// mA ma ki dang lcags sgrog bshad/ / nam mkha' sangs rgyas spyan dang ni// rma bya 'od zer can nyid dang // dug sel ri khrod lo ma can// rang gi phyag rgya mtshan mar ldan// skal ba chen po de yang bri/ / byang gi phyogs la brten nas su// shin tu rdzu 'phrul che ba bzhugs// phyag rgya gang tshe gzugs can ma// sku la rgyan gyis rnam par brgyan// pho nya pho mo de bzhin du// mngag gzhug pho mo shin tu rtsub// rang gi phyag rgya mtshan mar ldan// nub kyi phyogs su bri bar bya// sa yi dkyil 'khor zhes bshad pa// rgyal ba'i bdag nyid las 'khrungs lha// 'jig rten skyong ba la sogs bri// sa stengs dam tshig gnas pa na// lha yi rgyal po lha min che// tshangs pa khyab 'jug dbang phyug che// rang gi phyag rgya'i mtshan mar bcas// shar gyi phyogs la brten nas bri// gang yang drang srong bshad pa ni// sna tshogs bshes gnyen 'gro sbyong dang / ngan spong gshin rje me dang mtshungs// gzhan yang shin tu mthong ba

  581. 291b

    dka'/ / rig byed bden pa yang dag ldan// de ni byang gi phyogs su bri// nyi ma zla ba chu bdag dang // me yang shin tu mthong bar dka'// gnod sbyin dbang po rtag tu ni// lho phyogs char bri bar bya/ / gang yang ma mor yang dag bshad// sa stengs shin tu drag pa ni// rang gi mchod pa'i phyag dang ldan// de yang nub kyi phyogs su bri// gang yang sring mor bshad pa ni/ / sna tshogs gzugs can 'phrul mo che// sems can phan pa shin tu brtson// de yang de yi phyogs brten bzhugs// shar gyi sgo na nag po bzhugs// rdzu 'phrul chen po skyong zhing srung / / dga' byed byang gi sgo srung zhing // de bzhin lho na ngan spong ngo // nub sgor yang dag bshad pa ni// bgegs chen rigs las yang dag byung // rang gi phyag rgya mtshan mar bcas/ / rdzu 'phrul chen po srung zhing bzhugs// bu gcig mdor na 'di dag ni// shin tu rgyas par bstan pa yin// sangs rgyas kun nor thams cad pa// sa stengs na ni gzhan ma mthong // rtag tu bag yod par gyur pas// bdag nyid srog ni ji bzhin pa// de ltar mdzes pa'i rang bzhin srung // sangs rgyas thams cad kyis ni srung // byis pa so so'i skye bo la// khyod kyis yid ches par mi bya// rmongs pa de ni rang rlag cing // gzhan yang rlag par byed par 'gyur// bdag gis dam chos bshad pa 'di// sdug

  582. 292a

    bsngal thams cad grol bar byed/ / de ni rlag par byed pa ni// mi shes bsgribs pas 'byung bar 'gyur// rdzogs pa'i sangs rgyas kyis gsungs pa'i// mchog 'di dad pa med pa dang // sdig can 'jigs shing rtsub pa yi// drag shul mchod par 'gyur ba la// bu yis cung zad mi sbyin par// khyod la rdzogs sangs rgyas kyis gsungs/ / rdzogs sangs rkang gnyis dam pa yis// shin tu gsang bar yang dag gsungs// khro bo'i rgyal po'i dkyil 'khor ni// 'di dag thams cad bshad mi bya// rtag tu bag yod par gyur pas// rgyal ba'i bstan pa bsrung bar bya// dkyil 'khor ma mthong ba la ni// 'di ni ston cing ster ba ni// skyob pa sangs rgyas thams cad dang // byang chub sems dpa' bslu bar bgyi// sdug bsngal kun gyi sder gyur pa// sdig pa can du nges par 'gro// sdig chen de yi gsang sngags kyi// dngos grub nges par 'byung mi 'gyur/ / bstan pa'i don ni mdzad pa yi// gtso bo dpal ldan rdo rje 'dzin// dkyil 'khor ma mthong ston byed kyi// mgo bo rdo rjes 'gems par byed// de yis gsang sngags mi 'grub cing / / bgegs rnams kyis kyang brlabs par 'gyur// sngags kyi sgrub pa 'bras bu med// de phyir sangs rgyas kyis gsungs pa'i// gsung 'di bu

  583. 292b

    khyod tshur nyon la/ / rna thos tsam du'ang mi sbyin te// dam tshig rdzogs sangs rgyas kyis gsungs// sangs rgyas kyis gsungs dam tshig ni// gang zhig shin tu 'dra' byed na// 'jig rten gsum bzhugs rdzogs sangs rgyas// dbang phyug bslus par gyur pa yin// de nas thams cad dang ldan pa'i 'khor de dag ngo mtshar du gyur nas mig bltas te/ shin tu ngo mtshar yid kyis su/ / 'di skad kyi ni tshig gsol to// e ma'o sangs rgyas bsam du med// thugs rje'i dbang gis sgyur ba yin// rgyu dang mi rgyu mi shes la// dam chos 'di ni rab tu gsungs/ / de rnams kyi ni ngan 'gro bcad// sdug bsngal thams cad 'jig par mdzad// gang gi lag na gnas pa de// bsam mi khyab par sangs rgyas gsungs/ / bgegs dang log par 'dren pa dang // sdig can shin tu drag pa gang // sngags pas dkyil 'khor mthong ba yis// de dag thams cad zhi bar 'gyur// 'di kun gang du gnas pa ni// dam pa'i chos ni gnas med do// sdig pa 'di dag thams cad dag/ de tshe 'jigs pa las grol 'gyur// thams cad dbang phyug go 'phang thob/ / sems can thams cad dbang byed pa// the tsom med par rab tu 'gyur// sems can sa 'og gnas pa dang // ji srid gdug pa'i sems can rnams// sa la

  584. 293a

    gnas pa'i bar du ni/ / de kun dbang du byas nas ni// mngag gzhug dag ni nyan par gnas// sa gzhi mthil gyi lha la sogs// lha 'am lto 'phye 'dis ni/ / cung zad gang du gnas pa der// bdag nyid chen po srung bar byed// thams cad bka' bsgo rab tu byed// lha gang gnod sbyin mi yi bdag/ sa gzhi steng gi rgyal po 'dir/ / ci bgyi zhes ni smra bar gnas// bgegs kyis nye bar 'tshe ba dang // nad kyis sdug bsngal gzir bar byed// rgyal po gdug pas spangs par byed// thams cad 'phrog par byed pa dang // ma mo gdug pas 'debs par byed// seng ge stag dang chu de bzhin// sa gzhi'i steng 'dir mkha' 'gro ma// srin po lto 'phye 'jigs pa dang / / yul 'khor du ni mu ges g.yogs// nad rnams kun gyis 'jigs par byed// rims dang blo nad dbugs mi bde// ldog pa dang ni mtshan par rdol// mdo dang mig gi zug gzer dang / / lto bar zug gzer 'debs pa dang // nad rnams kun gyis 'debs pa dang // nye bar 'tshe bar kun gyis gdungs// yun du bkren par gyur pa dang / / 'thab dang 'thab mo rtsod pa dang // rgyal po chom rkun po la sogs// tha snyad du ni gyur pa na'ang // srung chen 'di ni brang zhig par// rgyal ba mchog

  585. 293b

    gis rtag tu gsungs/ / gnod sbyin la sogs lha yi bdag/ 'byung po gnod sbyin mi 'am ci// gang yang sa stengs gnas pa yi// dam tshig la ni gnas pa kun// dam tshig dgur ni gsungs pa las// de rnams thams cad mi 'da' 'o// rdzogs sangs rkang gnyis mchog gis ni// gsungs pa'i bsam mi khyab pa kun// bsam mi khyab pa'i las gsungs pa/ / 'bras bu'ang bsam mi khyab pa 'byung // de nas bcom ldan 'das kyis de'i tshe 'khor de dag la legs so zhes bya ba byin te/ legs so legs so/ / bdud thams cad 'da' bar mi bya ba'i sems can thams cad kyi bsam pa yongs su rdzogs par byed pa'i tshig 'di shin tu ngo mtshar to// de nas bcom ldan shAkya thub/ / yid ni mgu bar gyur pa yis// snyan pa yi ni tshig gsungs pa// rdo rje'i bdag ni chen po byung // legs so dpa' bo ye shes che// slar yang rdo rje 'dzin khyed legs/ / bsam mi khyab pa'i las sna tshogs// rgyal sras khyed la bshad par bya// rgyal mchog gtso bos gsungs pa yi// bsam med ye shes brtul phod pa// gang gis nges pa 'grub pa yis// de dag thams cad bshad par bya// dkyil 'khor du ni 'jug pa dang // mchod pa'i las dang gtor ma dang // dri dang me tog la sogs dge

  586. 294a

    bshad kyis bu khyod tshur la nyon/ / gang gis yang dag bsam mi khyab// bla na med pa'i go 'bang thob// gang gis sangs rgyas rang bzhin gnas// rnyo bzhi ru ni khor yug tu/ / sku ni sna tshogs mnga' ba yi// byang chub sems dpas mdun 'dar te// ji snyed nam mkha'i mthas gtugs pa// de snyed sems kyi spyod yul yin// mngon sum bzhin du yang dag blta// yon chab dbul la mdun byas te// sangs rgyas thams cad snyan gsan dbab// byang chub sems dpa' nyan thos bcas// gzhan yang bya ba byas pa dang / / 'jig rten pa yi cho ga'i rim// mchod pa'i cho ga rgyas pa ru// yang dag cho ga shes par bya// ji srid sgra yi dkyil 'khor ni// yang ni phyir zhing bltas nas bsam mo khyab pa'i mchog stsol la/ / phyogs bcing ba ni rab tu bya// thugs rje'i thugs can gyur pa dang // bsam mi khyab pa'i 'bras stsol ba// thams cad sems kyis bzhugs par ni/ / 'jig rten mgon pos slar yang ni// de ltar sems kyis bsams nas kyang // dri dang me tog dbul bar bya// khyad par du yang gtor ma ni// cho ga bzhin du dbul bar bya/ / byin nas steng gi sangs rgyas rnams// thugs rjer gyur pa'i thugs mnga' ba// bltas nas 'khor ba'i sdug bsngal ni// gtso bo de ru blta bar bya//

  587. 294b

    de nas lag pas me tog dang // bdug pa blangs nas snying khar bzhag/ de la gsol ba gdab par bya// thugs rje'i ro gcig tu gyur pa// 'gro ba phan par mdzad pa yi// ji skad rdzogs sangs rgyas bzhugs pa/ / de snyed bdag gis 'dod pa yi// 'bras bu yang dag thob par mdzod// de ltar phyogs rnams thams cad du// rgyal ba'i gnas su gsol ba gdab/ / de nas yang dag bsams byas pa'i// rjes su rgyal ba'i sras po yang // yon chab la sogs cho ga yis// dri dang me tog sogs slar yang // mngon sum bzhin du skyob pa ni/ / mnyam bzhag gyur pas mchod par bya// rang gi skur gyur thams cad ni// de bzhin rang gi mtshon char ldan// rang gi tshe byad mtshan mar ldan// 'jigs pa mang par bsam par bya/ / 'di dag thams cad mchod sbyin phyag/ cod pan mgo bor gnas par bshad// bsam pa thams cad rdzogs mdzad pa// skal ba chen po bsam par bya/ / de ltar dkyil 'khor mgon po ni// mchod sbyin bdag nyid bsam par bya// gtso bo bstan la sman mdzad pa// rnam pa kun tu bsam par bya// de nas mkhas pas mar me dang / / mchod yon zhal bsil shin tu mdzes// dri dang me tog mar me dang // bdug pa gtor ma de bzhin du// zhal zas de la dbul bar bya// chan dang 'o thug de

  588. 295a

    bzhin no/ / ras kyis mgrin pa bcings pa yi// bum pa bcu drug gzhag par bya// gdugs dang rgyal mtshan pa dan dang // rta dang glang po bzhon pa'i mchog/ dril bu'i sgra ni rab tu snyan// rol mo rin chem khyad par du// bye ba grangs ni med pa yi// mchog nyid kyang ni dbul bar bya// khyad par du yang snyan pa'i sgra// dbyangs glu so dal yid 'phrog dang / / dung gi rol mos khyad par du// dkyil 'khor dge ba mchod par bya// de ltar cho ga bzhin mchod nas// sor mo bcu yi thal sbyar te// smon lam rab tu 'phel bya'i phyir/ / rgyal mchog la sogs rab tu 'dud// de nas de byung slob ma ni// blo ldan dkyil 'khor du bos te// de tshe gsum la skyabs 'gro sbyin// dkon mchog gsum la gus par ldan/ / byang chub sems ni rnam dpyad pa// ma lus par ni gzung bar bya// rtag tu bla ma la gus shing // blo gros zab mo yang dag ldan// spro chen blo gros phun sum tshogs/ / bzlas la dga' zhing ched du byed// sngags shes tshul khrims phun sum tshogs// gtong la dga' zhing shin tu brtson// dbang po drug ni kun tu ldan/ / sgyu rtsal cho ga rnam par mkhas// spro ba che dang sems dpar ldan// byas pa shes shing byas pa gzo// pha dang ma la shin tu gus// dkon mchog gsum la shin tu nges//

  589. 295b

    sangs rgyas nyan thos chos rnams dang // 'jig rten pa rnams mchod par byed// dad pa dang ni thugs rjer ldan// nad med dbang po ma tshang med// sems can phan par yang dag ldan/ / sdig pa'i dgra ni rab tu 'joms// log pa'i lta ba rnam par bral// yang dag lta ba yang dag brten// ser zhing ljang khru dkar ba dang // nag par gyur kyang mdangs bzang ba/ / gang yang lus ni rab tu dngas// mgo bo shin tu rgyas bcas pa// sna ldan smin mtshams bar ma chad// mig dang rdzi ma yang dag ldan// gang yang mnyam pa nyid du rgyas/ / de bzhin mgo bo gdugs lta bu// rkeng pa rgyas shing yang dag ldan// rkang pa shin tu gnas pa dang // de sogs yon tan yang dag ldan// de tshe bla mas brtags nas ni/ / lnga 'am brgyad ni gzung bar bya// grangs med yang dag 'dod tshad ni// de nas de la sbyin par bya// gsum la skyabs 'gro sdig pa bshags// bdag nyid dbul ba de dag la/ / sangs rgyas byang chub ched du sbyin// byang chub sems ni ma lus pa// blo zos ldan pa'i mi yis gzung // de dag ma lus yang dag bya// slar yang dam chos bshad par bya/ / bskal pa bye ba grangs med du// ngal 'byor shin tu rnyed par dka'// u dum wa ra'i me tog ltar// brgya lam na ni ris 'ba' zhig/ de bas

  590. 296a

    kyang ni 'jig rten mgon/ / skyod pa shin tu rnyed par dka'// gtso bo gsang sngags tshul yang ni// sa stengs su yang de bzhin no// shin tu sdug bsngal 'jigs pa yang / / 'khor ba'i rgya mtsho 'di ru bu// sa stengs gsang sngags ma gtogs pa// skyob pa su yang ma mthong ngo // de bas rnam pa thams cad kyis// 'khor ba'i skyon ni spong 'dod pas/ / rgas dang na dang 'jigs pa dang // 'chi ba'i 'jigs pa rtsub bltas nas// lam mchog 'di ni bsten pa na// sdug bsngal thams cad rgyun 'chad 'gyur// gdos chad pas bcings mtha' yas dang // gzhan yang sdug bsngal ba yi tshogs// lam mchog 'di ni bstan pa ni// gang du mi 'byung shin tu dkon// nye du mdza' bo sdug bsngal dang / / grogs po gnyen dang snag gnyen mtshams// longs spyod phran tshogs sdug bsngal dang // nad kyi sdug bsngal gyis gdungs dang // zas kyis 'jigs pa'i sdug bsngal dang / / gang yang sa stengs 'khor gnas pa'i// tshul 'di bsten par gyur pas na// 'byung ba ru ni mi 'gyur ro// bcu dang brgyad dang de nas lnga// gsum la skyabs 'gro 'am dus khrims ni/ / bslab pa byin te blang bar bya// sangs rgyas bstan pa shin tu dkon// sdom pa yang dag blangs nas su// lus can rnams kyi srog bzhin du// bsdams

  591. 296b

    par gyur pa bsrung bar bya/ / dal ba phun sum tshogs pa dkon// gsang sngags spyod pa las byung ba'i// dang po nyams gcig bsten par bya// yid bzhin nor bu lta bu'i sku// zhi ba'i sangs rgyas go 'phang 'thob// lam ni mchog ste dpal dang ldan// bsam gyis mi khyab 'bras bu stsol// mi g.yo ba ni brten gyur nas// bla na med pa'i go 'phang 'gyur// 'di ni mchog gi de nyid zhi// sdug bsngal thams cad rnam par spangs// shin tu gus pa dang ldan pa// theg pa chen po 'thob par 'gyur// de bas khyod kyis theg chen la// slu ba med par gus par gyis// gang gis khyod ni 'gro ba na// de bzhin gshegs pa 'byung bar 'gyur// sems can kun la phan pa'i yid// bsam pa thams cad rdzogs par byed/ / khyed ni theg pa gsum 'chad pa// tshul la gnas pa de nas 'byung // zab mo yi ni blo gros ldan// zab mo'i don ni ston byas pa// rgyal ba'i tshul ni ston pa na/ / de las the tsom med pa 'byung // gdod nas zhi la gnas med pa'i// dam pa'i chos ni de nas bshad// sems can sus thos thams cad kyang // rgyal ba'i sras bu skye bar 'gyur/ / 'di na bdag med srog kyang med// dbang phyug kyang med byed pa'ang med// 'jig rten byed po sems can med// skyes pa med cing ma ning med// gang zag kyang med gnas kyang med//

  592. 297a

    gang du tshor ba byed pa med// gtso bo yod min khyab pa'ang med// phra ba med cing gsal ba'ang med// rgyu 'am gzhan yang med pa ste// rang gi ngo bo rang bzhin med/ / bdag gi ba yi rang bzhin med// sa stengs na ni rtag pa med// thams cad sgyu ma'i las byung ltar// byed po la sogs rnam par spangs// 'di dag thams cad stong par blta// ye shes go 'phang du ni brtag/ bdag dang srog la sogs pa kun// byis pa 'ba' zhig gis ni brtags// 'di na bdag med sems can med// 'dod med 'ba' zhig las byung ba// sgyu ma dang ni smig rgyu dang // dri za'i grong khyer rmi lam ltar// dngos po thams cad stong pa nyid// chu shing lta bur yang dag gnas// gzung du med cing brjod du med// dbu ba chu bur lta bur gnas/ / sgyu ma skye ba skye ba med// nam mkha' lta bur stong pa nyid// nam mkha' lta bur gos pa med// dag par kun tu yang dag gnas// zhi ba'i mchog gi de nyid de// rgyal ba mchog gis rtag tu gsungs// de 'dir ye shes mchog thob pa'i// de bzhin gshegs pa 'byung 'gyur ro// de nas sngags pas gsol 'debs pa'i// slob ma sdig dang bral byed pa/ / ral gri'i phyag rgyas bsrung bar bya// de yi rjes su go cha bgo/ cho ga shes pas bsrung bar bya// slob ma la ni phan 'dogs pas// sngags kyis tshim par byed

  593. 297b

    pa yi/ / yi ge bco lnga sngags pa yis// thams cad du ni rab brjod do// yang dag sngags kyis bsang gtor bya// gdong ni ras kyis bcings nas su// mgo bo sa la btud par bya/ / dkon mchog gsum la sems phyogs te// snying rje dang ni ldan pa'i sems// skyob pa thams cad mngon sum du// gyur par bsams te gzhug par bya// kun kyang dbang phyug go 'phang 'thob/ / 'jigs pa thams cad rnam par spangs// ji bzhin 'dod pa'i sangs rgyas kyang // the tsom med par 'byung bar 'gyur// bla ma la ni yon phul nas// dbang bskur bar ni gsol ba gdab/ / gus par gyur pa'i rang srog gis// bla ma la ni 'dud par bya// bla ma la ni dbul ba'i yon// rang gi lus ni snyan mnan nas// bdag nyid dngos po dbul bar bya/ / gzhan du 'bras bu med par 'gyur// rin chen glang po rta dang phyugs// gzhan yang yid la gang bzhed pa// slob ma'i blo bdag gus pa yis// de dag thams cad dbul bar bya/ / de bzhin na bza' rab tu dbul// bla ma gang gis mnyes byas shing // bla ma la ni yon phul bas// bsam mi khyab pa'i 'bras bu gsungs// de bas rnam pa thams cad kyis/ / rgyal ba skyes mchog 'di mchod bya// rdzogs sangs rgyas su de 'dir bshad// sa bcu'i gnas kyi dbang phyug dang // 'jig rten skyong ba thams cad bshad//

  594. 298a

    brgya byin la sogs bdud tshogs bzhin// tshangs pa khyab 'jug drag po dang // klu mo dul ba'i sras po dang // gza' dang rgyu skar tshogs thams cad/ phung po yang ni rdzu 'phrul che// zag pa zad pa bshad pa dang // thams cad de nyid du brjod do// dpal ldan gdul dka' 'dul mdzad pa// phyag na rdo rje sa stengs 'di// dpal ldan bstan pa'i don mdzad pa/ / dam pa'i lam gyi gdams ngag can// rdzogs sangs rgyas kyi ji bzhin sku// yon tan kun gcig yang dag bshad// slob dpon gyi ni yon tan gzung / / skyon ni nam yang ma yin te// yon tan bzung bas dngos grub 'thob// skyon rnams kyis ni dngos grub rlag/ de yi grib ma 'gom pa ni// mchod rten bshig pa zhes su bshad/ / bsam mi khyab pa 'bras ster ba// 'di ni sangs rgyas lta bur blta// brtan dang g.yo ba yi gsang ba// mchog ni thams cad ston byed la// khyed kyis slob dpon smod pa dang / / rmi lam du yang smad mi bya// gang yang slob dpon smod pa de// bgegs dang log par 'dren pas 'dzin// sdig can sems can thag ring du// sa stengs su ni spang bar bya/ / mnar med la sogs 'jigs rung bas// dmyal bar yang dag bstan pa gang // slob dpon la ni smod pa gang // de ru yang dag 'tshed par 'gyur// de bas

  595. 298b

    rnam pa thams cad du/ / sangs rgyas 'bras bu 'dod pa yis// bsam gyis mi khyab 'bras ster ba// 'di ni rmang byung gus pas mchod// dbang bskur cho ga rgyas par ni// bshad par bya yis bu khyod nyon// gang du dbang bskur bar gyur na// 'jig rten sangs rgyas lta bur blta// de ru pad+ma 'dab brgyad pa// khru gang tshad du brjod pa yin// nang na gnas pa'i rdo rje ni/ / 'od zer gyis ni rnam par brgyan// bum pa brgyad ni yongs rdzogs par// gtsang ma'i chu yis rab tu bkang // mgrin pa ras yug bzang pos bcings// / lo 'dab bzang pos kha rgyan byas// khro bo'i rgyal pos bsngags nas ni// sman dang rin chen kun gyis bkang // gdugs dang rgyal mtshan ba dan dang // rol mo'i sgra sogs yid 'phrog pa/ / snyan cing rgya che ba yi tshogs// rab bsngags kun tu mngon dga' bas// sngags pas de tshe dbang bskur te// skyob pa mngon sum bzhin du byas// dbang bskur byas ma thag tu ni/ / dpal ldan byang chub rtogs phyir sbyin// de nas bzung ste bu khyod 'di// sa stengs sangs rgyas sras po ni// brtan dang g.yo bas mchod pa ru// byang chub sems dpas gzung bar bya// de ni ma mthong bar gyur pas// byang chub sems dpar brjod pa yin// bdud dang bgegs dang sprul dang ni// gzhan yang log

  596. 299a

    par 'dren pa yin/ / rgyal skyas byang chub sems dpa' ni// de phyir mthong bar mi 'gyur ro// ma bsgrubs pa yang myur du 'grub// badrang rnams thams cad 'joms par byed/ / dkyil 'khor 'dir ni dbang bskur ba// de ni nges par sangs rgyas nyid// 'dir ni sdug bsngal 'jigs rung ba'i// sdug bsngal slar yang 'byung mi 'gyur/ / thams cad dbang phyug go 'phang 'thob// 'jigs pa thams cad rnam par spangs// yon tan kun gyis de bzhin brgyan// slob ma la ni sman bya'i phyir/ / de nas sbyin sreg rab tu brtsam// thab khung dag kyang bya ba ste// de la kha ran dang bcas gnas// de yi dbus gnas rdo rje ni// zhi ba mchog tu rmad du byung // yi thab khung khor yug tu// dris kyang rjes su byugs par bya// me yi thab ni khru gang du// de bzhin gshegs pas yang dag gsungs// me ni kun tu 'byung ba'i shing // me thab 'di ru me sbar bya/ / de nas mchod yon zhabs bsal bya// bsang gtor sa stangs su ni brjod// ku sha rtse mo dgram par bya// slar yang rtsa bas bskor bar bya// de ltar 'di dag thams cad bya/ / mar dang sbrang rtsi byug pas mdzes// gang zhig yam shing las rnams kyis// rnam par mkhas pas sbyin sreg bya// sems ni snying rje dang ldan pa// slob ma re re brjod

  597. 299b

    nas su/ / dpal ldan sreg blugs bsreg par bya// nyi shu tham pa nyid kyang ngo // 'di dag thams cad byas nas su// sems ni snying rje dang ldan pa// rgyal mchog thams cad rab btud nas/ / de nas smon lam gdab par bya// bcom ldan bdag gis gang bsags pa'i// bsod nams grangs med gzhal mi lang // des ni 'gro ba ma lus pa// bla med go/ 'phang 'thob par shog/ sems can bye ba grangs med gang // gzhan yang ngan 'gror gyur pa gang // bdag gis bsod nams mthu yis ni// thams cad bde dang ldan gyur cig gang zhig yi dgas sdug bsngal dang / / gang yang ngan 'gror gyur pa rnams// bdag gi bsod nams mthu yis ni// de dag thams cad bral 'gyur shog/ ji snyed sems can thams cad kyang / / sdug bsngal sna tshogs nyid dag dang // de dag thams cad zhi gyur nas// 'ga' yang sdug bsngal ma gyur cig/ ji snyed sems can nyes spyad las// lus dang ngag dang yid las byung / / sems can thams cad de ma gyur// kun kyang bde dang ldan gyur cig/ de nas rgyal mchog kun btud nas// dri dang me tog sogs thogs te// steng dang 'og tu bltas gyur pas/ / de nas rab tu bsdu ba'i phyir// de nas slar yang brjod par bya// skyob pa thams cad mngon sum du// bdag la slar yang brtse ba'i phyir// bcom ldan sras dang bcas pa

  598. 300a

    yang / / ji srid bdag ni don grub par// bdag nyid chen po slar byon mdzad// de nas gtor ma me tog dang // dri dang bcas pa'i rdul tshon la// sngags pa dngos grub mchog 'dod pas/ / lag pas reg par mi bya'o// de nas rang gis byin brlabs te// sa la 'dug nas gos phud pas// 'bad par gyur pas bsdus nas ni// chu bo la ni bskur bar bya/ / de ltar rab tu 'bad pas kyang // nyi ma gnyis pa shar ba la// de tshe dngos grub kun byed pa'i// phyag rgya shes rab can gyis bstan// gang zhig bcings pa tsam gyis ni/ / de la lha ni nye bar 'gyur// sa stengs shin tu sdug bsngal gnas// sems can thams cad 'dul byed pa// 'jig pa brtan dang g.yo ba yi// 'jig rten kun gyis mi mthong ngo // sangs rgyas kun gyis byin gyis brlabs// phun sum tshogs pa yang dag ldan// phyag rgya rtag tu 'grub par ni// the tsom med par 'byung bar 'gyur// ral gri yi ni phyag rgya bshad de nas de yi 'og tu ni/ / go cha bshad par bya yis nyon// mgo bor yang ni tho bar bcas// spyi bor rdo ba dag dang ldan// bkar btags phyag rgya stong khar te// phyogs bcing bar na rab tu bya/ / de bzhin mar me dri phyag rgya// gtor ma'i phyag rgya bdug pa yang // me tog zhal zas phyag rgya dang // spyan drangs pa ni nyid dag dang // de bzhin gshegs pa rgyal sras

  599. 300b

    dang / / nyan thos dang yang pho nya sogs// 'jig rten pa ni thams cad dang // de bzhin drang srong tshogs rnams dang // sring mo yang dag bshad pa dang // ma mo yang ni bdun nyid dang // de dag rnams ni ma lus pa// sa stengs su ni rgyas par nyon// tsham rngam skad cig mi g.yo bar// phan pa'i don du bu tshur nyon// gang zhig brjod pa tsam gyis su// bgegs dang log par 'dren pa 'joms/ / mdzub mo dang ni gung mo dag/ blo dang ldan pas drang por brkyang // srin lag dang ni mthe'u chung nyid// mthe bong gis ni brtan par mnan// lag pa g.yas pas de ltar bya/ / ral gri yang dag ldan bcas te// ral gri shugs su bcug pa las// slar yang kun nas dbyung bar bya// 'bar ba lta bur 'jigs pa na// phyogs kun tu ni bskor bar bya/ / 'di ni dpal ldan ral gri 'chang // ye shes ral gri rgyal ba'i sras// gang zhig mi shes las byung ba// ye shes rang bzhin ral gris gcod// de phyir rnam pa thams cad du/ / bgegs kyi rgyal po kun 'joms la// rgyun du nyin re dus gsum du// phyag rgya rab tu bcing bar bya// g.yon pa'i khu tshur dam por bcing // mdzub mo mthe bong nang du ni/ / bcug pa sdigs mdzub bcums yin te// bcug pa de ni zhags par brjod// dpal ldan phyag rgya 'di 'chang ba// zhags pa'i phyag rgya zhes su grags// sa bcwa

  600. 301a

    gnas kyi dbang phyug rnams/ / kun nas rab tu 'gugs 'gyur na// gdug pa'i sems can dmyal ba ltar// gang las ci yi phyir mi lta// gung mo'i sor mo// yang dag sbyar// phan tshun du ni rtse sprad de// mdzub mo dang ni ming med dag/ kun nas lag pa'i nang du bcug/ mthe bong de la kha bstan mnan// mthe'u chung drang por bzhag pa ni// rdzogs sangs rkang gnyis mchog gis ni// 'di ni go cha'i phyag rgyar gsungs// ye shes ral gri snying kha dang // yan lag lnga la'ang rnam par dgod// de tshe phyag rgyas go cha bgo/ phyag rgya sems can sdom pa yin// de ltar rab tu 'bad par bya// slob ma sdig dang bral byed pa// phun sum tshogs kun 'grub bya'i phyir// de tshe dbang bskur sbyin par bya// bzlas pa'i tshe na gzhan rnams su// cho ga bzhin du bsrung bar bya// bgegs kyi rnam pa rnams dang ni// gzhan yang dgra bo byung ba la// bdag dang gzhan gnyis bsgrub bya'i phyir// 'di ni rtag tu sbyar bar bya// lag pa phan tshun bzung nas su// lag pa gnyis ni brtan por bya// mdzub mo gnyis ni gyen du bslang // mgo bo'i phyag rgya zhes su bshad// lag pa gnyis kyi bya ba ni/ / so sor khu tshur bcing bar bya// gsang ba pa yi lag pa yi// g.yon pa'i mthe bong nas bzung ste// g.yas pa'i mthe bong gyen du bsgreng // rdo rje lta bur

  601. 301b

    gzhom pa ni/ / me ni chen po lta bur 'bar// lag pa rdo rje lta bur gnas// sngags pa gang la khros gyur pa// lha dang klu mo 'khor dang ni// gnod sbyin lto 'bye srin po dang / grul bum dang ni lus srul po// lha min yi dgas mi 'am ci// gang yang bgegs ni byed pa gzhan// glang po rta dang shing rta dang // gang yang rgya mtsho snyems pa dang // gang yang rgyal po gdug pa dang / / 'dir ni bstan la gnod byed pa// gdug pa'i sems can de rnams ni// gdul ba'i phyir dang brlag pa'i phyir// de bzhin dngos grub myur ba'i phyir// phyag rgya chen po rab tu sbyar// sngags dang lhan cig dgod par bya// bdag nyid las byung lha rnams kyis// dkyil 'khor la ni rab tu gnas// rgyu dang 'bras bu sbyar bar bya// g.yas pa'i phyag rgya khu tshur dacing // gung mo gyen du rnam par bsgreng // rdzogs sangs rgyas kyi dbang phyug gis// 'di ni spyi gtsug dag tu gsungs// lag pa g.yon pa khu tshur bcing / / mdzub mo gung mo bsgrengs nas ni// de ni g.yon pa rtag tu bcing // 'di ni bka' rtags phyag rgyar grags// lag pa gnyis kyi khu tshur ni// bcings nas phan tshun btsir bar bya/ / gcig tu brtan par bcug pa ni// rdo ba lta bur yang dag bshad// g.yas pa khu tshur dam du bcing // mkhas pas snying khar gzhag par bya// rdzogs

  602. 302a

    sangs rkang gnyis dam pa yis/ / snying kha'i phyag rgya zhes su bshad// gung mo dang ni mdzub mo nyid// mthe bong so sor brkyang nas su// gnyis ka'ang 'di ltar gnas byas nas/ / phyogs bcur yongs su spro bar bya// 'dis ni phyogs bcur bcings byas nas// mkhas pas sngags kyi bzlas pa bya// lag pa gnyis ni mthil sbyar nas/ / gung mo nang du sbyar bar bya// rdzogs sangs rkang gnyis dam pa yis// dri yi phyag rgya zhes su bshad// lag pa phyi rol bsgril nas ni// mthe bong gung mo gyen du bsgreng / / mthe'u chung ni bsgrengs nas gzhag/ rgyal dang rgyal sras rnams kyis kyang // mar me'i phyag rgya zhes su bshad/ slar yang lag pa phyir bkrol nas/ phyin ci log byas gung mo dang // mdzub mo mthe bong snga ma bzhin// tshigs pa shin tu brtan par bya// sngags dang lhan cig bcas pa ni// gtor ma'i phyag rgya zhes su brjod// lag pa'i shugs kyi phyag rgya ni// shugs lta bur ni rab tu mdzes// bdug spos phyag rgya mdor bsdus na// rgyal ba skyes bu mchog gis gsungs// gung mo ming med sbyar bkug nas/ / mthe bong steng na rnam par gnas// de ltar g.yon pa yang byas na// me tog phyag rgya zhes su brjod// lag pa 'og tu thal sbyar nas// gung mo dang ni srin

  603. 302b

    lag dang / / mdzub mo yang ni bkug nas su// mthe'u chung phyi rol nyid du gnas// mthe bong der ni mngon phyogs pa// zhal zas kyi ni phyag rgyar brjod// par+ye kA shI na sngags shes pas/ / lag pa dag ni lhung bzed sbyar// mthe bong dag ni bkug byas nas// blo ldan de yi rtsa bar sbyar// gsang sngags shes pas spyan drangs bya// skyob pa shAkya seng ge yi/ / dpa' bo chos gos ngur smrig mnabs// gtso bo bstan pa'i don mdzad pa// mtha' yas 'jig rten rab 'byams khams// shin tu mnyam par gzhag pa yang // shes rab can gyis rtag bsams na// brnag pa'i 'bras bu thob par 'gyur// lag pa gnyis ni thal sbyar nas// mkhas pas mdzub mo bkug nas su// rtse mor mthe bong bzhag pa ni/ / rgyal sras rtag tu dgug par byed// lag pa pad+ma ltar byas nas// sor mo gung mo ming med tsam// 'di rnams thams cad 'gugs par byed// nyan thos rnams dang sa stengs bzhugs/ / gang yang pho nya ma sogs bshad// pho nya yang ni rdzu 'phrul che// de rnams phyag rgya bshad pa ni// sa stengs lcags kyus 'gugs par byed// g.yas pa khu tshur dam por bcing // brtan por rab tu ldan byas te// mdzub mo shes rab can gyis brkyang // tshigs pa gsum pa bcag par bya// lag pa g.yas pas g.yon

  604. 303a

    pa yis/ / mkhrig ma nas ni bzung ba yis// sa stengs pho nya mo la sogs// brtan par gyur pas dgug par bya// lag pa phyi rol dkyil nas su// gung mo gyen du rnam par bsgreng // mdzub mo drang por byas nas ni// de dang rab tu sprad par bya// nang gi cha ru dgug nas su// mthe bong mi mthun pa ru gzhag/ 'jig rten pa yi phyag rgya ste/ / dgug pa ru ni rab tu grags// phyag rgya 'di dag nyid la yang // g.yon pa rab tu phral ba yi// g.yas pa drang srong thams cad dang // brtul zhugs gnas pa dgug pa yin/ / lag pa g.yon pa drang byas nas// mkhas pas gung mo dgug par bya// mdzub mo sor mo yang bkug nas// dpal ldan phyag rgya 'di 'chang ba// sring mo rnams kyi rab tu zags/ / sring mo dngos grub mdzad pa can// dam par gyur pa spyan drang bya// g.yas pa drang por brkyang nas su// sor mo gsum ni drang por brkyang // de ru mdzub mo dgug pa yi/ / rtse mo mthe bos reg par bya// phyag rgya 'di yis nges pa ru// ma mo bdun nyid dgug par byed// rdzogs sangs rkang gnyis dam pa yis// phyag rgya 'di ni yang dag gsungs/ / rtag tu dag yod par gyur pas// sa gzhi dkyil 'khor bsrung bar bya// phyag rgya 'di ni 'chang ba dkon// rgyal ba mchog gis rab tu gsungs// phyag rgya

  605. 303b

    'di de la brten na/ / bsam gyis mi khyab 'bras bu 'thob// de bas rnam pa thams cad du// bsam mi khyab pa'i 'bras 'dod cing // dngos grub 'dod par gyur pa yis// sngags pas rtag tu bzung bas na// bgegs dang log par 'dren pa dang // klu dang srin po gdug pa kun// gnod sbyin grul bum mi 'am ci// yi dgas lus srul lto 'phye che// phyag rgya 'di yis bsrungs pa yis// glags lta'i go skabs mi rnyed de// gzhan yang gdug pa'i sems can dang // gang yang nad ni 'jigs rung ba// de dag thams cad mi 'byung ste/ / phyag rgya 'di yis shin tu bsrungs// 'jigs pa thams cad rnam par bral// kun kyang dbang phyug yang dag ldan// de dag thams cad mi 'byung ste// 'di ru dgos pa spyad mi bya/ / sems can gdug sems yod pa gang // shin tu drag shul las byed pa// zhi ba'i thugs kyis bde gshegs kyis// gdul ba ru ni mi nus pa// de rnams rab tu gdul ba'i phyir/ / khro bo 'di ni rnyed par dka'// bde bar gshegs pas mdzes par gsungs// bsam mi khyab pa'i 'bras ster ba// sna tshogs bsam mi khyab pa'i las/ / sa stengs phyag rgya rnyed par 'gyur// bsam mi khyab par bshad pa ni// de phyir 'di yis bsam mi khyab// dam tshig ye shes bshad pa 'di// brlag pa ru ni 'byung

  606. 304a

    bar 'gyur/ / sangs rgyas la ni bslus pas na// gsang sngags 'bras bu kun mi 'byung // byang chub tshogs ni 'grub bya'i phyir// dam tshig rtag tu bsrung bar bya/ / dam tshig bsrungs pas dngos grub kyi// 'bras bu yang ni 'byung bar 'gyur// rtag tu g.yo ba med 'gyur bas// lus can rnams kyis phyag rgya dgod// bu med pa yang bu rnyed 'gyur/ / ma grub pa yang thams cad 'grub// gang tshe bu ma chags pa yang // lus can 'dod pa mngal du 'chags// de tshe yang dag rab sbyar ba'i// phyag rgya don kun 'grub par byed// dkyil 'khor 'jug pa zhes bshad pa // phyag rgya bshad pa 'di yin no// gzhan du lus can thams cad kyis// cho ga nyams pas 'bras bu med/ / dbang phyug sogs rgyal gang su dag/ mi yi mchog dang mtshungs pa 'thob// 'di ni de yi cho ga'i lam// sa stengs na ni gzhan ma med// thams cad dbang phyug go 'phang 'thob/ / 'jigs pa thams cad rnam par spangs// phyag rgya 'chang bar gyur pa yis// sems can thams cad dbang thob 'gyur// tsham rngam mtshan nyid sa stengs su/ / rgyas par bshad kyis tshur la nyon// gang zhig bcings pa tsam gyis ni// bsam mi khyab pa'i go 'phang 'thob// gang yang sa stengs gdug pa can/ lha

  607. 304b

    dang klu dang gnod sbyin dang / / lto 'phye srin po mi 'am ci// 'byung po gdon dang sha za dang // gang yang bgegs gzhan log par 'dren// de rnams 'joms par bya ba tsham rnga ma 'dzin pa bslab pa nyid/ / gnas gsum du ni gnas rnams la// mnyam par gzhag par rab sbyar na// de ni rlag par 'gyur ba 'am// 'chi bar 'gyur bar the tsom med/ / dam tshig ster ba'i gnas gnas la// spyi bor me tog thal sbyar te// rgyal ba thams cad mchod byas nas// yang dang yang du phyag kyang bya// de nas mnyam/ par gzhag gyur pas// sa stengs phyag rgya 'ching bas 'ching // rkang pa ya gcig bteg nas su// ma rungs pa yi lta stangs dbab// khro dang bcas pas gzhag par bya// rkang pa'i 'og tu lta stangs dbab/ / lag pa g.yas pa bsgreng bar bya// g.yon pa snying khar yang dag gzhag/ rkang pa bgrad nas gzhag par bya// sku las hUM yig 'od zer 'bar// brtan dang g.yo ba'i bgegs sam gzhan// 'og tu bsnun par yang dag gnas// rkang pa mnan nas bsnun pa yis// lha dang lha min g.yo bar byed// sa gsum yang ni g.yo ba dang / / shin tu mi bzad sreg par byed// thams cad sreg par gyur pa na// de dang nye ba'i drung du 'khor// bdag rang khro bo lta bu yis// zhags pa'i phyag rgya thogs nas ni//

  608. 305a

    zhags pa'i phyag rgyas bcing bar bya// phyogs bcu kun na gnas pa yi// zhags pa'i phyag rgyas de bcings te// shin tu gdung bar byed pa'o// ha ha zhes sgrog rab tu 'phrul/ / la la thal bar rlag par 'gyur// bde gshegs che ba'i bdag nyid can// de dag thams cad snyan pa'i tshig/ skal ba chen po bka' bsgo stsol// bdag cag khyed kyi bka' ltar bgyid/ / bdag ni yid bzhin ma yin pas// bka' bsgo bcag par mi bgyid do// de nas de rnams dam tshig ni// bde bar gshegs pa chen pos gsungs// sangs rgyas chos dang dge 'dun yang // khyod kyis yid la bya bar 'os// bka' bsgo gyur pa thams cad kyis// khyod kyis bstan pa rnams kyang bsrungs// sngags pa bdag nyid chen po yis/ / bka' bsgo ba ni bcag mi bya// kun la gnod par mi bya ste// bgegs ni nam yang ma byed cig/ sangs rgyas chos dang yid ldan pa'i// bka' bsgo bcag par mi 'gyur ro/ / sngags pa yis ni bka' bsgo ba// nam yang bcag pa ma yin te// gal te gso ba don gnyer na// dam tshig 'di rtag 'bras bu ster// gal te khyod ni bka' bcog na// sngags pa che ba'i bdag nyid kyis// sngags pas kyang ni bruM brjod na// rtag tu thal bar rlog par 'gyur// 'di ni dpal ldan rdo rje 'chang // khro bo chen po stobs po che// rdo rjes

  609. 305b

    mgo bo ardza ka'i/ / dog pa bzhin du 'gems par byed// de dag thams cad myos nas su// 'jigs par gyur pas tshig smras pa// sngags pas ji ltar bka' stsal pa'i// bka' bsgo bcag par mi bgyid do// nyid la bkur sti ji bzhin bgyid// srung bar yang ni shin tu bgyid// rtag tu rjes su 'brel bar ni// gyur par sngags pa la bgyid do// bde bar gshegs pas gsungs pa'i gnas/ / dam pa'i chos ni srung bar bgyid// bstan pa yang ni srung ba ni// ji srid gnas kyi bar du bgyid// de ltar bde gshegs kyis bsgos te/ / dam tshig la ni nges par sbyar// bdag nyid chen po rdo rje can// bde bar gshegs pa tshim par mdzod// gal te bgegs kyis bstan pa la// gnod pa ru ni byed gyur dang // gal te sems can rnams la yang // 'ga' zhig gnod par byed pa yi// bde gshegs thu bo sras gcig pu// rdo rje khyod ni bdag nyid che// nga yi bka' yis rtag tu ni// khyod kyi mgo bo rdo rjes 'gems/ / de nas dpal ldan rdo rje 'chang // mgu bar gyur pa'i thugs kyis su// skra ni stan las bzhengs mdzad de// bde bar gshegs gsungs bka' bsgo ba/ / thal mo sbyar te pus mo btsugs// bka' stsal spyi bor 'jog par bgyid// mgon po khyod kyi chos kyi sras// bu ni bdag la bka' bsgo stsol// dus gsum par

  610. 306a

    gnas bka' bsgo ba/ / bdag ni de bzhin myong bar bgyid// de nas rdo rje rgyal chen bdag/ kun mkhyen dkyil 'khor spyan stA ru/ rnga sla rab mo yin dbyangs/ / snyan pa'i gsung ni bka' stsal pa// gang yang rdzu 'phrul che kun dang // gzhan yang bgegs dang srin po nyon// sngags pa bdag nyid chen po yi// bka' na bcag par mi bya'o/ / gal te bka' ni gcog byed cing // gal te sems can gnod pa dang // sa stengs kyi ni dkyil 'khor du// gal te bstan la gnod byed na// bdag gis rdo rje 'bar ba yis/ / sras dang dpung du bcas pa ni// gang yang lha dang lha min gyi// lha yi gzhon pa'am yang na gnas// bde gshegs bka' bsgo yang gnas pas thams cad thal bar rlog par byed/ / bdag nyid chen po rdor 'byung ba// de nas de ru tshig smras pa// dpa' bo khyod kyis ci bsgo ba// bdag cag bka' bsgo dbang du bgyid// de nas rkang pa g.yon brkyang nas// lag pa phan tshun bcings nas ni// bgegs yod pa yi gnas su bsnun// de nyid kyi ni g.yas kyis ni// 'khor lo'i phyag rgyas bsnur gyur na/ / thal ba'i rdul du rlog par 'gyur// gal te bgegs ni byed gyur na// sa bcu'i byang chub sems dpa' yis// gal te tshangs sogs gyur pa dang // lnga yang

  611. 306b

    ni rlag par 'gyur/ / lag pa g.yon pa gnas su gzhag/ g.yas pa mgo bor bzhag nas ni// 'byung por gyur pa'i bgegs la bsnun// slar yang g.yon pa bsnun nas ni// bskal pa'i me lce ltar byung ste// rdo rje'i thal mos bsnun par bya// sa gzhi phye ma ltar 'gyur na// gdug pa'i sems can lta ci smos// khro bo'i so yis ma mchu mnan// mig ni khro gnyer dang ldan pa'i// rdo rje thal mo legs sbyar bas// srid gsum thams cad 'joms par byed// lus kyi g.yon pa brkyang gyur pas// rdo rje yi ni phyag rgyas bsnun/ / srid gsum thal bar rlog 'gyur na// gdug pa'i sems can smos ci dgos// rkang pa mnyam par gnas nas ni// mdzub mo g.yon pa dpral bar sbyar// g.yas pa steng du bteg pa yi// mdzub mo rtse mo rab tu 'bar// bgegs yod pa yi gnas su bsnun// zhal ni yi ge hUM gis brgyan// rtsa ba'i phyag rgya yis bsnun pas// lus ni bskal pa'i me ltar blta// gal te rdo rje'i lus gyur kyang // de ni rlag par 'gyur ba yin// rkang pa mi mnyam gya tshom gzhag/ lag pa steng du dbyug pa bsgreng // g.yas kyis yongs su bskor nas ni// bgegs kyi gzugs la bsnun par byed// dbyug pa'i phyag rgya bsnun pa yis// 'bar ba lta bu lus las byung // the tsom med par

  612. 307a

    thal bar rlog/ gdon mi za bar 'chi bar 'gyur// g.yon brkyang ba yi rkang pa gnas// lag pa g.yas pa mgo bor bteg/ g.yon pa'i rkang pa bteg nas ni/ / mi sdug zhal nas hUM brjod pas// ri rgyal lhun po'ang 'gas par byed// rgya mtsho yang ni skam par 'gyur// dpal ldan phyag rgya 'di 'chang ba// 'di ni brtul zhugs legs par gnas/ / gang yang ri sogs bshad pa dang // 'gegs dang shin tu mi bzad rnams// de rnams 'joms par bya ba'i phyir// phyag rgya 'di ni rab tu sbyar/ / ras bal 'da' ba rlung khyer bzhin// de dag thams cad thal bar rlog/ yi ge hUM gi sgra dang ldan// tho ba mgo bor bteg par bya// g.yon pa snying khar yang ngag gzhag/ slar yang g.yas pas bteg byas nas// mkhas pas 'khor lor gyur pa yis// mnyam par sbyar bas bsnun byas na// bgegs kun rlag pa nyid du ni/ / mdor bsdus nas ni brjod par bya// phyag rgya mtshan ma gzhan gyis ni// gang gis bzlog par mi nus pa// gsungs pa'i phyag rgya 'di yis ni// 'dir ni 'joms par the tsom med/ / sa la rkang pa bzhag nas ni// rdo rje'i phyag rgya legs par sbyar// rdo rje'i me ni 'bar ba ltar// bltas na de ru bdag med kyang // khros

  613. 307b

    pas ya sos ma mchu mnan/ / gdug pa'i sems can rnams la bsnun// rdo rje'i phyag rgya bsnun pa yis// shin tu mi bzad sreg par 'gyur// shin tu mi bzang bsdus nas ni/ / bka' bsgo'i lam ni gnod par byed// sngags pa yid la ci 'dod pa// de tshe de la sbyin par byed// gzhan du 'gal tshabs can 'gyur te// sngags pa'i lus ni rlag par 'gyur/ / bskal pa'i me dang mtshungs gyur pas// hA hA zhes sgrog rnam brgyan pa// blo ldan zhags pa'i phyag rgya yis// kun nas 'gugs par byed pa yin// gal te rdo rje 'dzin rang yang // ral gri'i phyag rgya bsnams nas ni// sngags pa hUM gis sgrog pas kyang // de ni bskams nas rlag par ni// the tsom med par 'gyur ba ru// rgyal ba mchog gis rtag tu gsungs// rkang pa mnyam por bzhag nas gnas// mtshan khung dag tu lag pa gzhug/ slar yang lag pa dgab par bya// so yis mchu mnan de bzhin no/ / slar yang g.yon brkyang ba yis gnas// lag pa g.yas pa phyar nas ni// g.yon pa snying khar rnam par dgod// bskal pa'i me ni lta bur byung // bgegs kyi gnas su bsnun nas ni// de ma thag tu thal bar rlog/ rkang pa khyog por byas nas ni// lag pa g.yas dang g.yon pa nyid// brla la bzung nas bstod

  614. 308a

    par bya/ / khro bas la sos ma mchu mnan// 'og tu lta stangs dbab par bya// bgegs rnams thams cad bsdus nas ni// blo dang ldan pas mtshan khung gzhug/ thams cad gdung ba nyid du 'gyur// gang yang klu dang srin po dang // 'jigs pa chen po'i bgegs dang ni// gang yang skye bo rnams 'tshe ba// phyag rgya 'di ni sbyar ba yis/ / de dag thams cad rlag par 'gyur// lag pa rgyab tu btang nas ni// g.yas kyi rnam par bsgyur bar bya// yang na mi mthun gya tshom gnas// rdo rje tho ba brdeg par bya// bgegs kyi gnas su nyer song ste// khro bo'i lta stangs dbab par bya// gal te sa stengs rdo rje 'dzin// bgegs kyi gzugs la bsnun nas ni// de nas brlag par gyur nas ni// 'di ni the tsom med par 'chi// g.yon brkyang ba yi rkang pa yas// sngags pa shar du phyogs gyur pas// zhags pa'i phyag rgya go cha bzang // me yi 'od dang mtshungs par 'bar// sa bcu'i gnas kyi dbang phyug gis// bgegs rnams thams cad 'gugs par byed// kun nas 'gugs par byas nas ni// ral gri'i phyag rgyas gcod par byed/ / thams cad 'gugs par 'gyur ba na// shin tu mi bzang cho nges 'debs// de ring bdag cag rnams kyis dran// ma la bu dang bu mo rnams

  615. 308b

    yang ni sdug bsngal khyed 'di gzigs/ / 'di ni 'chi ba nyid du 'gyur// gal te gson par 'dod na ni// bgegs ni rab tu ma byed cig/ sngags pa bdag nyid chen po yi// bka' bsgo bcag par mi bya'o// bgegs kyi lag tu gson par gzhag/ slar yang g.yas kyis song ba yis// rkang pas myur du mnan par bya// bdag nyid ri rab tu gyur// par// bsams nas bdag nyid chen po 'di// khams gsum dag ni ma lus par// thams cad mnan pa nyid du 'gyur// gang yang bgegs dang log 'dren gzhan// sngags pa sa hUM sgra sgrog pa las// der ni slar yang glags mi tshol// gnas pa yang dag bshad pa 'di// gsang sngags kun gyi gsang ba yin// gal te sngags kyi 'bras 'dod na/ / 'di ni gang la'ang mi bshad do// rang gi bdag nyid lha yi sku// de ni phyag rgya dkyil 'khor ldan// rang gi mtshan ma sa bon dang // rang bzhin phyi ru bcos pa ni// rtag par rgyun du bsnun par bya// gzhan du na ni 'bras bu med// mdor bsdus nas ni 'di ru bu// bdag gis gsang ba gsungs pa yin// phyag rgya mtshan mcho ga ni// 'di ni kun tu ma 'chad cig/ gang yang sdig can sems can gzhan// bla ma la smod 'jigs su rung // pa dang ma ni mi shes shing // gang yang dkon mchog gsum la

  616. 309a

    smod/ / 'jigs pa'i gzugs can dad pa med// gang yang mtshams med lnga byed pa// sems dpa' med cing smom pa dang // spro ba med cing snyoms las ldan/ / ser sna'i dri ma'i 'dam 'dir bying // gang yang rtag tu gnas pa ni// sangs rgyas kyis gsungs gsang ba ni// de rnams la ni bshad mi bya// gang yang gdug pa'i sems can gzhan// rtag tu sdig pa'i las can de// khro bo'i rgyal po mi bzla zhing // dkyil 'khor yang ni bstan mi bya// gsang sngags mi shes phyag rgya med/ / gang yang bla ma sun 'byin pa// de rnams 'ga' yang rgyal ba yis// gsungs pa'i nus pa kun mi shes// gsang ba cung zad gang yod pa// khro bo'i ming can snying po 'di// sems can rnams la phan 'dod pas// de ni ma lus bdag gis bshad// gsang ba 'di la brten nas ni// gang yang 'das pa'i sangs rgyas dang / / 'gro la phan phyir 'byung 'gyur ba'i// gang yang mgon po ma byon pa// 'gro la phan pa'i tshul gyis ni// mgon po da ltar bzhugs pa gang // de kun mgon po bsam du med/ / ye shes brtul phod mtshungs pa med// rnam par spyad na bsam du med// rnyog pa med pa'i dam chos ni// zhing du bshad par gyur pa yang /

  617. 309b

    thams cad du ni bdud las rgyal// gzod nas zhi la gnas med pa// chos kyi 'khor lo bskor bar 'gyur// sbas gsang mnyam pa'i ye shes nas// bdag gis gang yang ma bstan pa/ / sa stengs dkyil 'khor gsang ba ste// ma lus par ni bdag gis gsungs// mgon po grangs med 'das pa dang // gang yang 'byung bar 'gyur ba gzhan// 'gro la phan phyir 'dir bzhugs pa'i// gang yang da ltar byung ba ni// kun tu gsang ba'i ye shes gang // bsam gyis mi khyab 'bras stsol ba// gsang ba'i ye shes pha rol gnon/ / de dag ma lus bdag gis gsungs// gang zhig rgyud kun tu gsungs pa// gsang ba mchog gi rmad du byung // de dag ma lus pa ru gsungs// bsam mi khyab pa'i 'bras/ stsol ba// thams cad dbang phyug go 'phang 'thob// bde ba thams cad yang dag gtad// 'jigs pa thams cad rnam bral ba// lus can thams cad 'byung bar 'gyur// 'di ni myur du dngos grub byed/ / bsam gyis mi khyab 'bras bu stsol// sems can thams cad srung ba yi// gsang ba pha rol gnon pa gsungs// de bas rnam pa thams cad du// gsang ba'i gsang ba yang dag byung // rtag tu bag yod par gyur pas// bsrung ba'i don du rgyal bas gsungs// sngags pa bdag nyid chen po yis// mchog tu yid 'ong yang dag

  618. 310a

    bshad/ / gsang ba'i ye shes brtul phod pa// sngags pas ma bsgrubs pa yang 'grub// gsang ba'i ye shes pha rol gnon// gang la'ang bshad par mi bya ste/ / rdzogs sangs rkang gnyis mchog gis ni// mgon pos bsam gyis mi khyab gsungs// rgyal po med cing gdug pa'ang med// bgegs dang log par 'dren pa med// srin po gnod spyani dbang po med/ / gdug pa'i gza' dang ma mo med// dus min 'chi dang 'jigs pa med// nad kyis kun tu 'khrug pa med// mkha' 'gro ma dang sha za'ang med// seng ge stag sogs 'jigs pa'ang med/ / chu yi 'jigs pa chen po'ang med// rims sogs 'jigs su rung ba'ang med// gnon po la sogs kun kyang med// de bzhin thog gi 'jigs pa med/ / mi rgod chom rkun la sogs med// gzhan yang de bzhin yams med cing // de ru mu ge'i 'jigs pa med// bdud kyi 'jigs pa'ang de bzhin med// yul 'khor gzhan gyis 'jigs pa med/ / de la 'go nad 'jigs pa med// ldog pa mtshan par rdol ba med// nad la sogs pa thams cad med// gzhan yang 'jigs par byed pa med// sa gzhi thams cad yod pa yi/ / sa gzhi stengs 'dir gnas pa yi// 'di ni gang gi lag na gnas// gang gi snying khar gnas pa de// 'jigs pa thams cad rnam bral bas// mi yi skyes bu thob par

  619. 310b

    'gyur/ / bdag gi dka' bas rab btsal te// de bzhin srog la ltos med par// mgon po zangs med rab mnyes pas// ko 'phang mchog 'di thob par 'gyur// ye shes shin tu rnyed dka' ba'i/ / yang dag 'di ni bdag gis 'thob// sems can don du bsam med par// grangs med bzhin du rnam par gnas// da ltar bdag gis sangs rgyas nyid// byang chub snying por yang dag bzhugs// phyag rgya 'di ni bstan pa yis// yang dag par na bdud las rgyal// srid gsum 'di ni 'jigs pa 'khrigs// sems can sdug bsngal yang dag khengs/ / 'jig rten gsum na 'bad pa yis// bdag gis ma lus par bsgral to// ma lus sangs rgyas che ba'i bdag/ sems can don du bstan pa yis// de dag thams cad bdag gis ni/ / phyag rgya 'di yi mthu yis byas// mtshungs med ye shes sa thob cing // sa stengs kun mkhyen sa thob pas// de bas bdag ni kun mkhyen brjod// nam mkha'i go 'phang bzod nas bzhugs// sna tshogs 'jig rten 'gro shes nas// dmyal ba la sogs 'jigs rung ba'o// sdug bsngal gyis gdungs mthong nas ni// thugs rjer ldan pa'i thugs kyis su// gsang sngags tshul gyis 'bras byung ba// bsam mi khyab pa'i dam chos bshad// ji bzhin gsungs pa'i 'jig rten gsum// yang

  620. 311a

    ngag ye shes rnam par bsgyings/ / gsang sngags cho ga rgyas par ni// de ni 'di ru bdag gis gsungs// de bas rnam pa thams cad kyis// bdag gis dam chos bshad pa 'di/ / rtag tu bag yod par gyur pas// cho ga rgyas par bshad par bya// gsang ba'i phyag rgya rab gsungs pa// dam tshig mi shes la mi bshad// sangs rgyas thams cad bslus gyur cing / / gsang sngags 'bras bu mi 'byung ngo // de rnams ngan 'gror lhung ba dang // 'bras bu gzhan du 'byung ba med// gal te sems can thams cad ni/ / dam tshig nyams par gyur na ni// 'bad pas bla ma mnyes byas nas// sa stengs dam tshig gzung bar bya// gsang ba sa stengs bshad pa yis// phyag rgya de nas bcing bar bya/ / de ltar byas pa'i cho ga shes// sngags dang phyag rgya shin tu sbyar// bsam mi khyab pa'i sku thob ste// gzhan du na ni 'bras med 'gyur// de nas bcom ldan shAkya thub/ / thugs rje dang ni ldan pa'i thugs// rdor byung bdag nyid chen po la// snyan pa'i tshig gis bka' stsal pa// gsang sngags sems can don sgrub pa// bshad bar bya yis tshur la nyon/ / bsam gyis mi khyab 'bras bu mang // yang ni bde bar gshegs pas gsungs// bsam gyis mi khyab las sna tshogs/ bsam gyis mi khyab

  621. 311b

    'bras bu gnon/ / gsang sngags 'chang ba 'di dag ldan// de phyir 'di yang bsam mi khyab// gang gis rdzogs sangs rgyas bsrungs pa// rdzu 'phrul chen po rgyal gyur pa/ srung ba'ang 'ga' zhig 'jig rten ni// thams cad chags pas gzir gyur pa// de ni bshad par bya yi bu// phan par gyur pa'i yid kyis nyon// mthong ba'i chos la 'bras bu ni/ / gzhan du 'bras bu med par 'gyur// de nas bcom ldan 'das shAkya thub pas de'i tshe sems can thams cad bsam pa yongs su rdzogs par rol pa zhes bya ba'i ting nge 'dzin la snyoms par zhugs so/ / snyoms par zhugs nas sems can thams cad kyi bsam pa yongs su rdzogs par byed pa/ ngan 'gro thams cad rnam par grol bar byed pa/ tshe dang nad med pa la sogs pa dang / nad thams cad rab tu zhi bar byed pa/ mchog tu sangs rgyas pa de bzhin gshegs pa thams cad kyi snying po gsang sngags kyi rgyal po 'di bka' sA la pa/ na maHsarba sA pa ri pU ra ke b+h+yaHsarba ta thA ga te b+h+yaHsarba thA/ a tsa lA k+ShA Na maT Ta na TaT/ mo Ta Ta moTaT/ marba Ta marbaT/ tarbaT+ra taTaT/ tiSh+Tha tiSh+Tha/ A u0f7f s ha a bi sha/ AHmata ta mA la ka/ d+ha Na d+haN/ tr-i Ni dz+r-iNi/ khA da khA da/ big+h+nAM mA ra mA ra dran+tAM/ rak+Sha rak+Sha/ sa tAM ku ru ku ru/ ki ri ki ri/ ma hA bidz+ri ya badz+ra phaT

  622. 312a

    nUn+mAn+tu/ tri ba li ta ra ka/ nar ta ka/ rganaH/ a tsa la tse Ta phaT phaT yaHhUM a sa maM ti ka thA/ ma hA ba la yA tA ya/ sa mA na ya/ dz+nyAnA shu d+ha tu logaHtu Sha tu badz+rI na mo s+thA pra ti ha ta ba le b+h+yaHdA la ya trA Ta/ a sa ha na maHswAhA/ bcom ldan 'das kyis mchog tu gsang ba chen po'i snying po 'di gsungs ma thag tu stong gsum gyi stong chen po'i 'jig rten gyi khams 'di rnam pa drug tu g.yos te/ 'gul/ rab tu 'gul/ kun tu rab tu 'gul/ chem chem/ rab tu chem chem/ kun tu rab tu chem chem/ g.yos/ rab tu g.yos/ kun tu rab tu g.yos/ ldeg/ rab tu ldeg/ kun tu rab tu ldeg/ 'khrugs/ rab tu 'khrugs kun tu rab tu 'khrugs/ 'ur 'ur/ rab tu 'ur 'ur/ kun tu rab tu'ur 'ur/ shar phyogs mtho na nub phyogs dma'/ lho phyogs mtho na byang phyogs dma' ste/ snang ba chen po 'jig rten du byung bar gyur to/ / gzhan yang ngo mtshar rmad du byung ba 'jig rten du mthong ngo // bgegs dang log 'dren thams cad dang // gang yang srin po 'jigs pa dang / sha za gdug pa'i sems can dang // gang yang bdud dang 'jigs su rung // gnod sbyin klu dang mi 'am ci// grul bum dang ni lus srul po// gang yang lA min tshogs

  623. 312b

    gang yang / / gang yang gza' dang ma so dang // ras bal 'dab ma chung khyer bzhin// de dag thams cad thal bar rlog/ zab mo yi ni dbyangs kyi rma// phyogs kun tu na// grags par 'gyur// 'jigs pa chen po'i skar mda' lhung // 'jigs su rung ba'i glog kyang 'khrugs// sa gzhi thams cad 'bar ba ltar// sa stengs kun na me phung ngo / / phyogs kun 'jigs pa chen por 'gyur// sa gzhi dkyil 'khor kun 'khrugs 'gyur// mun nag 'jigs pa chen po ru// sa gzhi dkyil 'khor mthong bar 'gyur/ / sangs rgyas nyan thos lha dang ni// byang chub sems dpa' rdzu 'phrul che// lam gol ba yi yid can la// de dag thams cad ngo mtshar gyur// kun mkhyen spyan sngar 'dug nas ni/ / snyan pa yi ni tshig 'di gsol// kun mkhyen bkod pa bsdu bar mdzod// sems can sdug bsngal kun tu 'khrugs// sa gzhi snying por gyur pa 'dir/ / tshul 'di bzod par mi nus so// de kun kun mkhyen bzhengs nas ni// ting nge 'dzin ni stong 'gyur bas// skyob pa byang chub sems dpa' yis// snyan pa'i tshig gis bka' stsal pa// byang chub sems dpa' ma 'jigs shig/ gang yang 'jigs pas gzir ba'i lha// gzhan yang gdug pa'i sems can ni// 'jig

  624. 313a

    rten pa dang rgyu mi rgyu/ / rdzogs sangs rkang gnyis dam pa yis// 'di ni bsam du med par bshad// de nas sems can thams cad kyis// bde ba thams cad yang dag 'thob/ / thams cad dbang phyug go 'phang 'thob// sdug bsngal thams cad rnam par spangs// bsam pa thams cad rdzogs nas ni// de ma thag tu sa stengs 'gyur/ / khro bo'i rgyal po'i snying po 'di// rgyal ba mchog gis rtag tu gsungs// stobs chen 'di ni mi mthong bas// khro bo'i rgyal po rang nyid gnas/ / gnas med pa la sbyar mi bya// gsang sngags gsang ba la rol gnon// rang nyid de bzhin gshegs pa ste// 'di ni khro bo'i gzugs kyis bzhugs// las rnams sna tshogs yang dag ldan/ / gsang sngags 'di ni bzlas pas 'grub// mtshams med lnga po byas pa yang // 'di yis myur du 'grub par 'gyur// tshes grangs med cing rgyu skar med/ / smyung gnas yang ni med par mdzad// khrus kyi bya ba thams cad med// dri sogs cho ga'i rim pa med// ras bris med cing gnas yod min// dus kyi cho ga'i rim pa med/ / sdig pa kun dang ldan pas kyang // gang du yang dag gnas sgrub pa// slar yang bcom ldan 'das kyis ni// thugs rje dang ni ldan pa'i thugs// rdor byung che ba'i bdag

  625. 313b

    nyid la/ / snyan pa'i tshig gis bka' stsal pa// gsang sngags rgyal po rdzu 'phrul che// khro rgyal nye ba'i snying po ni// dngos grub myur du stsol mdzad pa// bshad par bya yis bu rgyur nyon/ / yid la 'dod pa'i cho ga nyid// bsas kyis mi khyab las dang ldan// gsang sngags chen po 'di bsgrubs na// bsam gyis mi khyab 'bras bu ster// rdzogs sangs mchog tu gsang ba ni/ / brtan dang g.yo bas mi shes pa// bsam pa thams cad rdzogs mdzad na// rgyal ba mchog gis rtag tu gsungs// na maHsarba sA pa ri pU ra ke b+h+yaHsa tarmA ga te b+h+yaHsa bar+N+Nad+ha/ a mo kA tsaN+Da man rol tu s+phoT sa dz+dza/ thA ma ya r+tha/ traka d+ha ma/ byag na rdo rje 'dir 'di ni// khro bo chen po'i 'i snying ngo // las kun nus pa can 'di ni/ / sngags kyi rgyal po rdzu 'phrul che// yid 'dod bsam gyis mi khyab pa// ma bsgrubs pa yaM las kyang byed// rgyud rgyal gzhan pa rnams su ni// cho ga rgyas par gsungs pa kang / / 'di nyid kyi na cho ga yis// de yang mangs med bsgrub par bya// khro bo'i sang ga gtsug bka' zhan pa// gnyis mordzu 'phrul che// chog 'di marnam pa yin// de sang ltar rigs pas sgrub/ / gang yang 'jig rten pa yi wa// gang yang khyab 'jug la sogs sra// gapa' dang rgya sar sogs thams cad// sum bum dang ni lung tshul po// 'an tsun

  626. 314a

    lha min mi 'am ni/ / gnod sbyin mo dang ga bdang // gang yang srin po dang ni mi// drang srong mkha' 'gro sa de bzhin// ma mo dang ni ming mo nyid// gang gzhan 'jig rten par bshad pa/ / de yang cho ga 'di nyid kyis// the tsom med par bsgrub par bya// na maHsanA sA pa ri pU ra ke b+h+yaHsarba ta thA ga te b+h+yaHsarbA thA/ ha na ha na/ mA ra ya dz+nyA na khang+ga hUM phaT/ ral gri'i phyag rgya'i sngags so// na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ gri hA gri h+na/ bA se na/ ban+d+ha ban+d+ha/ ma hA ma t+ye d+harma te swAhA/ zhags pa'i phyag rgya'i sngags so/ / na maHsar+b+ba sA pa ri pU ra ke b+h+yaHsanA ta thA ga te b+h+yaHsarba thA/ rak+Sha rak+Sha/ ha na ha na/ kur+tha kun+da/ mA ra ya mA ra ya/ duSh+Ta bi nA ya kaM dz+dza dzaHko cha'i phya rgya'i sngags so/ / na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ d+ha ra d+ha ra/ badzA nI la khang+ga pA sha/ d+ha ra ya swAhA/ spyi gtsug gi phyag rgya'i sngags so// na maHsar+b+ba swa pa ri b+hu ra ke b+h+yaHsarba ta thA ga te b+h+yaHsarba thA/ b+hany+dzaHny+dza/ da ha pa tsad+hasmiM ku ru/ ha na ha na/ badz+ra gI nA hUM phaT/ tho ba'i phyag rgya'i sngags so// na maHsar+b+ba sA pa ri pU ra ke b+h+ya sarba ta thA ga te b+h+yaHsarba thA/ shI tam+bute/ da ha ha/ sA d+ha ya sAn ya/ dza yardza ya bidzi ya 'a dza ya kIrti swAH/ mgo bo'i phyag rgya'i sngags so// na maHsarbA sA pa raM pU raH

  627. 314b

    b+h+yaHsarba ta thA ka te b+h+yaHsarba thA/ b+hu ra d+ha ra a tsan+d+ra ba la bi kra ma/ oM b+hAn bu la ya/ rak+Sha rak+Sha sar+b+ba swAH/ rdo rje'i phyag rgya'i sngags so// na maHsa bA sA pa ri pU ra ke b+h+ya sarba ta thA ga te b+h+yaHsarba thA/ badz+ra hriH/ da ma da~M ma hUM/ badz+ra mA t+yai ga sAH/ snying kha'i phyag rgya'i sngags so// na maHsarbA sA pa ri pU ra ke b+h+yaHsarba ta thA ga te b+h+yaHsarba thA hUM da ha da ha/ kau tsi rA ya si/ a na ya shI g+h+r-i rak+Sha rak+Sha/ ba na d+ha ban d+ha/ duSh+TAMd ma da ma sA hA/ phyogs btsang ba'i phyag rgya'i sngags so// na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ oM d+hu na d+hu na/ ma hA pA shA khang+ga d+ha ra/ sarbA sA pa ri pU ra ke sA hA/ bka' rtags kyi phyag rgya'i sngags so// na maHsarbA sA pa ri pU ra ke b+h+yaHsarba ta thA ga teb+h+yaHsarba thA/ ga ga na gaM d+hod b+ha ba ma hA sa ma ya/ pa ri pU ra ke sA tha/ dri'i phyag rgya'i sngags so// na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ bi shud d+hi drA nA rtsi sa~M b+hA be ka ka nA na ta sAH/ mar me'i phyag rgya'i sngags so// na maHsar+b+ba sA pa ri b+hai ra ke b+h+yaHsarba ta thA ga te b+h+yaHsarba thA/ shud+d+ha d+ham te shu d+h+ya gr-ih+Na grih+Na/ sarbA swa pa ri pU ra ke sAH/ gtor ma'i phyag rgya'i sngags so// na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ bi shud+d+ha ma tra dz+nyA na saM b+ha be dAp+tiM dak+ti/ ma hA na ye swAhA/

  628. 315a

    bdug pa'i phyag rgya'i sngags so// na maHsarbA sA pa ri pU ra ke b+h+yaHsarba ta thA ka te b+h+yaHsarba thA/ ka ka na bi kAn+ta g+na mi ni maH shud+d+hA na ye swAH/ me tog gi phyag rgya'i sngags so/ / na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ ha na ha na/ pa ra mi bi shud+d+he/ d+harma na ye pa ri pU ra ke sAH/ zhal zas kyi phyag rgya'i sngags so/ / na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ AHsatwa hi to/ d+ya rkad ma da ma/ sarbA sA pa ri pU ra ke b+h+yaHswA hA/ dpa' bo chen po spyan drang ba'i sngags so/ / na maHsarbA sA pa ri pU ra ke b+h+yaHsarba ta thA ga te d+h+yaHsarba thA/ bi shud+d+ha bi shud+d+ha sa tra saM b+ha be A na ya a na na ma hA na ye sAH/ byang chub sems dpa' spyan drang ba'i sngags so/ / na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ bi shud d+ha swAH/ ha ha/ ha na ha na/ da ma da ma/ ma hA na ye sAH/ nyan thos spyan drang ba'i sngags so/ / na maHsarbA sA pa ri pU ra ke b+h+yaHsarba ta thA ga ti b+h+yaHsarba thA/ oM badz+ra A kaR+Sha ya/ shIm+ba/ daha dag/ pa tsa pa tsa ma hA na ya be ri bA re swAhA/ pho nya mo/ la sogs pa spyan drang ba'i sngags so// na maHsarbA sA ba ri pU ra ke b+h+yaHsarba ta thA ga te b+h+yaHsarba thA/ ma tha ma tha/ a na ya A na ya/ pra be ga ya pra be sha ya/ sarba d+hur+tha/

  629. 315b

    sarba de thAM/ ta ma ta ma ma hA ya na pa ri bA re tsA sAH/ 'jig rten pa rnams spyan drang ba'i sngags so// na maHsarbA sA pa ri pU ra ke b+h+yaHsarba ta thA ka te b+h+yaHsapa / sa sa t+ya/ ma hA sa t+ya/ da ma da ma/ ma hA da ma/ a kaR+Sha ya A kaR+Sha ya/ sa t+ya bA di/ ma hA na ya shud d+he sAH/ drang srong rnams spyan drang ba'i sngags so// na maHsar+b+ba sA pa ri pA ra ke b+haHsarba ta thA ga te b+hAHsarba thA/ dza ya dza ya/ bi dza ya bi dze ya/ ma hA sa t+ya bA da ni sarba hi te swA hA/ sr-ing mo rnams sprin drang ba'i sngags so// na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ hrIHha ha/ ma tha ma thA/ da ma da ma/ ha na ha na/ ma hA na ye/ ma ra ma ra ha/ sA hA/ ma mo rnams spyan drang ba'i sngags so/ / na maHsarbA sA pa ri pU ra ke b+h+yaHsarba ta thA ga te b+h+yaHsarba thA/ oM ha na ha na badz+ra hUM phaT/ sarba duSh+TAH tsA ma tha ma tha/ b+hany+dza b+hany+dza/ da ma da ma/ sarba duSh+TAn oM hUM phaT sUhA/ thun mong ki ni tsham rngam du// rig 'di 'jig rten gtso bos gsungs// phyag rgya rnams ni ma lus dang // sngags ni rgyas par gsungs pa yin// don kun grub par byed pa'i sngags/ / 'di ni myur du grub byed cing // bsam gyis mi khyab 'bras stsol ba// shin tu gsang ba yang dag gsungs// phyag rgya dang ni lhan cig sbyar// dri dang me

  630. 316a

    tog bdug pa dang / / gtor ma yang ni ma lus pa// sus kyang gzhom par mi nus so// phyogs bcing ba dang de nas bza'// gzhan yang yid la ci 'dod 'byung / / de kun sngags dang bcas pa yi// phyag rgyar sbyar bas 'grub par 'gyur// de nas bcom ldan 'das kyis ni// phyag na rdo rje bka' stsal pa// khro bo'i rgyal po rnam par shul/ / 'di ni khyed la rjes su sbyin// zhi ba dang ni rgyas pa dang // de bzhin mngon spyod dbang du bya// de bzhin sna tshogs gyur pa dang // khyod la rag lus mchog tu 'dod// bsod nams du ma las 'khrungs pa// mtshan dang dpe byad bzang pos 'bar// mtshan rnams thams cad yongs su rdzogs// phyag brkyang ba ni sngon grol bas// bdag gis rdzogs sangs rgyas dbang bskur/ / bde gshegs las 'khrungs rdo rje can// zab mo dbyangs kyi sgra yis ni// bde bar gshegs pas kun gsungs pa// khro bo'i rgyal po'i cho ka'i rim/ / rim pa ji bzhin gsungs pa nyid// khyod nyid gcig tu brtan g.yo ba'i// snyan pa dag ni srung bar gnas// dam pa'i chos ni sprul pa'i sku// sa stengs na ni zhi bar 'gyur/ / sangs rgyas kun gyi spyan sngar ni// sa stengs khyod nyid gcig pu gnas// 'das dang ma byon par gyur dang // 'gro la phan phyir bzhugs pa rnams// kha lo sgyur

  631. 316b

    ba khyod gcig pu/ / bla na med pa'i ko 'phang 'thob// rdo rje sems dpa' blo ldan pa// slar yang phyag tu bzhag pas kyang // dbang chen thams cad g.yos nas ni// swa ka na rnam pa drug tu bskyod/ / de dag thams cad mngon gyur te// sangs rgyas dam chos bsam med pas// bsam gyis mi khyab go 'phang 'thob// sa stengs rdo rje sems dpa'i bdag/ nam mkha' mdzod kyi 'od zer thob// 'phags pa chen po rmad byung che// 'jig rten yang dag byung gyur te// sa gzhi snying po 'di ru yin// de nas bcom ldan rgyal gyur pas// sa bcu'i byang chub sems dpa' la// brtan dang g.yo ba'i gsang ba rnams// snyan pa'i gsung gis bka' stsal pa// khyod ni bdag gis tshim par byas// bdag nyid chen po rdo rje 'chang / / rtag tu bag yod par gyur pas// bdag nyid chen pos de nyid bya// de nas bcom ldan 'das zhi ba// chos kyi dbyings la mchog tu gzhol// chos nyid gcig pu thugs chung nas/ / kun mkhyen cang mi gsung bar 'gyur// de nas 'khor rnams thams cad kyis// ngo mtshar ba yi tshig gsol pa// sangs rgyas che ba bsam mi khyab// 'jig rten mgon pos bstan pa nyid// deng nas bzung ste bdag cag kun// rtag pa gcig pu mthar phyin gyur// bdag nyid chen po'i rdo rje can// bde bar gshegs pas gtad par

  632. 317a

    gyur/ / 'khor rnams shin tu dga' ba yis// snyan pa yi ni tshig smras pa// skal ba chen po mchog tu gyur// ci gyi yi ni bka' bsgo stsol// de nas dpal ldan rdo rje 'chang / / me tog 'phreng bar gyur pa yis// thugs rjer ldan pa'i shugs kyis su// 'khor rnams la ni bka' stsal pa// khro rgyal ras ris cho ka ni// rdza 'phrul chen po de nyon cig/ gang zhig sngags kyi sgo nas ni// byang chub sems dpa'i spyad pa spyod// sngags kyi sgrub thabs las gsungs pa'i// don ni de nas thob par 'gyur// sngags pa 'chang bar gyur pa dkon// lus can rnams kyis bzod mi nus// gdug pa log par 'dren pa kun// 'jigs pa'i gzugs can srin po rnams// ring po nas ni rang mi mthong / / dpa' bo dregs pa bcom pa bzhin// nad rnams thams cad rnam par grol// 'jigs pa thams cad rnam par spangs// thams cad dbang phyug go 'phang ni// gang zhig lag pa'i nang du 'thob// rgyu skar med cing gza' sogs med// ma mo med cing lha yang med// 'jigs pa kun las rnam grol bar// sa gzhi'i dkyil 'khor 'di ru 'gyur/ / sems can thams cad dbang thob cing // sa stengs sngags shes rgyal po ni// 'khor bcas kyis mchod snyan par smra// ras bris mthong ba shin tu gsang //

  633. 317b

    skra dang bral ba nges brtags pa'i// dpa' bos btsos pa'i ras blangs te// dri dkar chu yis bkrus nas ni// kun da zla ba lta bur gtsang // ji srid drar smrig mdzes pa ru// slar yang byed du gzhug par bya// 'dug pa yis ni 'dug par mdzes// thams cad du ni gtsang sbra bya// de nas de ltar byas nas ni// sa gzhi rab tu byugs par bya// de la yang ni dri zhim spos// shin tu mdzes par byugs par bya// gdugs dang rgyal mtshan ba dan dang // rnga dang dril bu sgra snyan mchog/ rgyu skar nyi ma bzang po la// rtsa ba'i sngags ni rab bsngags pa/ / yid du 'ong ba'i bum pa ni// dri yi chu yis rab bkang nas// sngags pas cho ga bzhin du gzhag/ zhal zas gtor mcho ga bzhin// de ltar 'di kun byas pa yis/ / rgya che bar ni byas pa'i char// rol mo'i las ni legs bslabs pas// skal ba chen po de ru bod// de nas gso sbyong sbyin par bya// byang chub sems ni khyad du 'ong / / skal ba chen po de mchod bya// gos dang brgyan gyis brgyan pa yis// de ni yang dag par mchod nas// de nas shin tu dben pa ru// de nas blo ldan thig gdab bya/ / ras kyi kha nas g.yogs par bya// kha tshar dang bcas ring por gzhag/ blo ldan de dbus bri ba ni// khro bo shin tu mthong dka' ba// lto ba che la shin

  634. 318a

    tu khro/ / lag 'gro'i bdag po phyag bzhi pa// zhal ni rnam 'gyur zur gyis gzigs// ljags la rak+ta rnam par 'dzag/ mche ba gtsigs shing shin tu 'jigs/ / sprin spungs gtibs pa lta bu'i 'od// spyan dag nyi ma 'char ka 'dra// gsum pa du ba lta bu'o// gar mdzad d+hI sgrog par byung ba// klu yi 'od kyi tshogs rang bzhin/ / thod pa rlon pa'i 'phreng ba ni// tshar bzhi lta bur bltas pa yis// 'jigs pa chen po'i dbu la brgyan// g.yon ngos zur bud rnam par 'phyangs// me stag dang bcas me 'od kyis/ / rdo rje g.yas kyi phyag na'o// 'od zer 'bar ba lhag pa yi// ral gri gnyis pa na ni bsnams// g.yon pa yis ni zhags pa bsnams// gnyis pa yis ni sngags mdzub mdzad/ / sku la sbrul gyi rgyan gyis brgyan// nor rgyas bu yis ska rags byas// thod pa rlon pa'i 'phreng ba yis// mchod phyir thogs su smras pa yin/ / dpa' bo na bza' ngur smrig bsnams// rin chen rdo ba'i steng du ni// g.yas brkyang pa yi zhabs kyis bzhugs// 'og tu bgegs ni bri bar bya// bsregs pas 'bar bar 'gyur ba yi/ / myogs po ru ni gyur pa'o// rtsa dang rgyu ma rnam par 'byung // khrag 'dzag lta bur gnas pa yin// 'og tu zo ldan sgrub pa po// pus mo dag ni

  635. 318b

    sa la btsugs/ / spos kyi snod kyis brel ba'i bdag/ mchod yon snod ni 'dzin par brtson// 'di ni ras bris rab mchog tu// rdzogs sangs rgyas kyis rab tu gsungs// ras bris 'di yis de ma thag/ sngags pa'i ma grub pa yang 'grub// khro bo'i rgyal po ngo mtshar ba// thams cad gdung byed yang dag bri// shes rab chen pos ri mo mkhan// ston mo drangs te yon yang sbyin/ / pir ni gsar pa'i mtshan ma dang // rdza mkhan snod ni gsar pa ste// mtshan ma bye brag bye ba'o// yang na thams cad 'byung ba yin// de ltar thams cad gyur bltas nas/ / dri yi ras kyis dgab par bya// sa stengs shin tu gsang ba ste// su la'ang bstan par mi bya'o// gang gis khro bo 'di mthong ba// mi shes dran pa 'khrul par 'gyur/ / skye bo nad kyis 'khrigs nas ni// de ma thag tu rlag par 'gyur// sngags pa dngos grub 'dod pa yis// rtag tu bag yod par gyur pas// sngags pas rtag tu ras bris 'di/ / rtag par rgyan du bsrung bar bya// sngags kyi slob dpon dag gis bshad// rdzogs pa'i sangs rgyas dpa' bo rnams// 'di rnams bsam gyis mi khyab pa'i// yon tan rab tu sgrub par byed/ / sa stengs dkyil 'khor rtsa ba'i sngags// yon tan gnas su gyur pa yis// de dag thams cad bsgrub par bya// gsang sngags ma lus bsam mi khyab// bsam gyis mi khyab

  636. 319a

    'bras bu 'byung / / gsang sngags sku can khro bo 'di// bcom ldan thub pa zhes ni bya// khro bo'i rgyal po zo ldan gyis// gsang sngags 'di ni bklags pas 'grub/ / khro rgyal 'di ni bsam mi khyab// sngags kyang bsam gyis mi khyab 'dod// thams cad bsam med go 'phang 'thob// bklags pas 'grub par gsungs pa yis// sngags pa bdag gis mi nus so// sngags pa blo dang ldan pa ni// gal te mtshams med lnga byas kyang // skye bo de yis bsam pa ni// yongs su rdzogs par byed pa yin// de bas rnam/ pa thams cad du// sngags 'di 'bras bu bsam med 'byung // rtag tu mngon par sbyang gyur ni// sngags pa'i 'bras bu bsam med 'byung // ras ris gnyis par gyur pa ni// bshad kyis phan pa'i sems kyis nyon/ / yon tan rgya che bsam mi khyab// rdzogs sangs rgyas kyis yang dag gsungs// ngur smrig ras ni blangs nas su// dri yi chu yis yongs su dgang // chos grangs med cing rgyu skar med// gso sbyong spang ba la sogs med// ri mo mkhan bzang btsal nas su// mkhas pas ri mo bri bar bya// sangs rgyas mgon po rdzogs sangs rgyas/ ting nge 'dzin gnas rims bral ba// 'khor los sgyur bar gyur pa'i sku// 'od zer sna tshogs mnyam pa'i 'od// byang chub dpag bsam shing dang ni// gdugs dang rgyal mtshan

  637. 319b

    rnam par brgyan/ / logs su 'dab chags rgyal po ni// snyim pa me tog gis bkang bya// g.yas na bzhugs pa'i dpa' bo ni// thub pa chen po 'jig rten gtso// sna tshogs pa yi rgyan gyis brgyan/ / bla gos phrag pa gcig tu ga par// thal mo sbyar te 'dud pa ni// rtag tu bzhugs pa blta bar bya// g.yon gyi drung na bzhugs pa ni// skems tshul dang bcas zhal bzhad pa/ / g.yas kyi phyag gis spyi bor ni// rdo rje 'di ni rab 'bar bsnams// dpa' bo chen po cod pan can// rgyan rnams kun gyis rnam par brgyan// ras zis cha yi mtshan ma ni/ / bsam pa thams cad rdzogs par byed// 'og tu khro bo mi g.yo ba// ral gri zhags pas rnam par brgyan// rdo ba dmar po'i gdan stengs na// 'od zer tshogs kyi nang na bzhugs/ / 'bar ba'i 'od kyis khor yug bskor// mchu yis mchu mnan zur mig gzigs// bgegs kun sreg par gyur pa ni// dus zad me 'od lta bur 'byung // sgrub pa po ni dngos song lta/ / spos kyi khang bu lag na thogs// pus mo gnyis ni yang dag btsugs// rgyal ba'i sras la sems song ba// de yi 'og tu khro bo gtso// khams gsum brtan par rnam par gnon/ / bka' gnang ba yi lam gyur cing // de bzhin gshegs pa la gzigs pa// rin chen sna bdun rang bzhin dang // sdong bu rgyas la re bar bcas// 'dzin pa'i

  638. 320a

    klu yi bu mo ni/ / de bzhin gshegs pa lta bur 'gyur// pad+ma dkar po mgon po ni// 'jig rten gtso bo thugs rje'i bdag/ pad+ma dmar po yang dag bshad// bde gshegs las byung rdo rje can// de ltar 'di bdag kun byas pa'i// ras bris rgyal po rdzu 'phrul che// ras bris 'di ni mthong ba yis// sdig pa thams cad rnam par spangs// rmongs pa'i zhags pa 'jigs pas 'khrigs// ngan song rnams ni rgyun chad 'gyur// thams cad dbang phyug go 'phang 'thob// rgyal ba skyes mchog 'byung bar 'gyur// gza' rnams kun gyis bzung ba dang / / nad rnams kun gyis nyen pa dang // 'jigs pa kun gyis 'dir zin rnams// cho ga mthong bas grol bar 'gyur// sems can kun la brtse bar gyur/ / sems can thams cad dbang du byed// thams cad dbang phyug go 'phang 'thob// rtag tu ras bris blta bar bya// rtag tu bag yod par gyur nas// gtsang zhing tshul khrims rnam par brgyan/ / ras bris yang dag mchod byas nas// de yi tshe na sangs rgyas thob// de nas rdo rje 'chang chen bdag/ thugs ni rnal 'byor gcig pur bzhugs// sems can bde ba ster ba yis// 'dod par gyur pa'i rtog pa gsungs// zhi ba dang ni rgyas pa dang // dbang du bya dang mngon spyod des// las 'di mdo ru bsdus nas ni// sngags

  639. 320b

    pas sa stengs dkyil 'khor du/ / ras zis sgrub par 'dod pa ni// rdzu 'phrul che de rtag tu nyon// dpa' bo gcig gis bdag nyid che// gtso bo bstan pa'i don mdzad pa'i/ lus can kun la gsungs pa yi// de yi rtog pa yang dag bshad// mgon po 'phral du las mdzad pa// rtag tu gdul dka' 'dul mdzad pa// rgyal po ngan par bshad pa dang // bstan la gnod pa byed pa can// de rnams brlag par bya ba'i phyir// khro bo 'di ni rab tu sbyar// gang yang 'di ru gsungs pa gzhan// bstan pa la ni gnod byed pa// gnod sbyin srin po grul bum dang / / lha sogs mi 'am ci bcas pa// de rnams gzhom par bya ba'i phyir// khro bo'i rgyal po rab tu sbyar// nad rnams thams cad rnam par grol// rol yul 'khor rnam par 'joms// 'di na dmag dpung byed 'gyur ba// gdug pa'i sems can bdud rnams la// khro bo'i rgyal po rab sbyar na// bsam mi khyab pa'i stobs gnon to/ / bslang pa dang ni gsod pa nyid// 'jig rten gsum po rlag pa 'am// rtag tu spro bar byed pa la// 'di ni rtag tu sbyar bar bya// mgon po'i ras bris mchog gang gis/ lag tu chud par gyur pa na// de ni sa stengs snying po ru// lus can 'tsho ba 'bras bur bcas// de tshe dkyil 'khor rab tu zhugs// phyag rgya'i las ni rnam par sbyar// gus pas

  640. 321a

    'dzin pa'i sngags pa ni/ / gtsang zhing dang tshul rnam par 'gyur// tha ma mnyes pa yang dag byed// cho ga'i rim pa yon phul ba// gsang sngags kang yang rung bzung nas/ / phyag rgya sbyin pa yongs su gzung // bla ma la ni rjes gnang thob// sa stengs sgrub pa brtson par byed// dur khrod dang ni ri bo'i rtse// lam gyi bzhi mdo'am mtshan ma gcig/ gang du yid ni nyams dga' ba'i// gnas de nyid du brtsam par bya// slong mo gcig pu'i zas za 'am// yang na rtsa ba 'bras sogs za// dben zhing ca co med pa'i sar// de ru 'bum phrag gcig bzlas byas// 'bum phrag yongs su rdzogs nas ni// a pa mArga'i yam shing sogs// mngar gsum dang ni ldan par sreg/ 'bum phrag gcig tu tshang ba na/ / de nas zla ba nya yi ni// dus tshigs kyi ni sngon du bsdad// sgrub thabs 'di ni rtogs pa yis// srung ba'i cho ga tshul bzhin bya// ral gri la sogs mtshon cha gsungs// yang na gang yang rung ba gsungs// der gnas 'di ni rab tu zhugs// sgrub pa po yi gang zag bzhugs// nam phyed sgra ni byung ba na// ras bris mdun du bzhugs su gsol// gsang sngags bzlas te thun bzhag la// 'di ni nang gi rnam dag gnas// de nas de yi mtshan ma ni// de ni du ma 'byung bar 'gyur// snyan pa'i rnga yi sgra mang dang // yang na me

  641. 321b

    tog char du dbab/ / gnas su lha yi bu 'ongs te// sna tshogs rnga yi sgra dang yang // mi 'am cis ni rnam brgyan pa// glu ni snyan par len par byed// tshangs pa brgya byin la sogs lha/ / rdzu 'phrul chen po der 'ongs nas// me tog gi ni char yang 'bebs// gdud cing shin tu bka' tshul zhu// rig pa 'dzin pas me tog ni// char pas sa stengs khebs par phab/ / sna tshogs rnga yi sgra dang ni// rab tu bde zhing yid 'phrog pa// sa stengs de ru kun khengs par// glu snyan pa yi sgra yang len// byang chub sems dpa' chen po'i bdag/ sa bcu'i gnas kyi dbang phyug rnams// byang chub sems dpa' blo ldan pas// thugs rje can bdag bka' stsol te// dpa' bo chen po bu khyod legs// srid pa'i rgya mtsho rnam par rga la/ / bu khyod bla med go 'phang ni// brtul phod pa yi gnas thob pa'o// byang chub sems dpa' mnyam nyid 'gyur// 'gro la gcig pu phan par 'gyur// bu khyod sangs rgyas thams cad de/ / skyon rnams thams cad rnam par spangs// de nas shar gyi phyogs cha ru// grangs med du ma'i tshad gyur pa// lha yi bzhon pa'i me tog ldan// slar yang de la mdun na gnas/ / rin chen gdu bu'i dra ba ni// phyogs kun tu ni kun tu gtibs// mu tig gi ni chun 'phyang can// gdugs dang rgyal mtshan ba dan spras// rin chen sna tshogs rang

  642. 322a

    bzhin gdugs/ / nyi ma lta bur snang bar byed// smyung du rin chematha ze yis// ri mo'i phyogs dang mnyam par thub// bye ba du ma'i rig 'dzin ni// kun kyang lha ba lhub rgyan gyis spras/ / kun nas yongs su bskor nas ni// de yi mdun du mod la gnas// sngags pa dngos grub 'dod pa yis// phyag na rdo rje dpal dang ldan// de ni myur bar bzlas par bya/ / rdzu 'phrul chen po byon gyi bar// bdag nyid chen po der byon nas// mtshan ma 'di dag 'byung bar 'gyur// sa gzhi rnam pa drug tu g.yos// sa gzhi me tog kacal drang zam/ / che ba'i bdag nyid sna tshogs ji// sa stengs rab tu zhim por 'gyur// phyogs bzhi ru nau rnga yi sgra// rol mo la sogs bsdus pa 'byung // ha ha zhes sgrog smra chen po/ / sgra ni phyogs bcur thos par 'gyur// der byon bdag nyid chen po la// yid ni dad par gyur pa yis// mchod yon zhabs bsil brjod nas dbul// dri dang me tog rim ji bzhin/ / de nas myur bar brjod bya ba// legs par 'ongs so brjod par bya// sdig pa'i dgra yis zin pa na// dpa' bo chen po bdag sdug bsngal// mgon khyod bdag la brtse bar mdzod/ / de nas bdag nyid chen po 'di// phyag na rdo rje rdzu 'phrul che// sngags pa blo dang ldan pa la// snyan pa'i tshig gis bka' stsal pa// dpa' bo chen po bu

  643. 322b

    khyod legs/ / rnyed par dka' ba khyod kyis mthong // khro bo'i rgyal po rdzu 'phrul che// bu khyod kyis ni 'di bsgrubs pas// shin tu sdug bsngal rnga klong 'khrigs// 'khor ba'i rgya mtsho las khyod rgal/ / slar yang skye ba'i 'jigs pa med// 'chi ba'i 'jigs pa 'jigs rung med// rdzogs sangs sems can mnyes gshin pa// bdag nyid chen po rnams mthong ba/ / phyogs bcu dag na bzhugs pa'i mgon// rtag tu dam chos gsung bar 'gyur// de ltar rig nas 'di yi ni// bdag nyid lag pa nas bzung ste// bdag nyid chen po'i bzhon pa ni/ / bsam med yon tan kun 'byung ba// skyon de gnas par gyur nas ni// sngags shes ji tsam 'dod kyi bar// sangs rgyas zhing rnams ston par byed// sems dpa' bsod nams nyer 'tsho bas// de tsam tsham tshom med par 'gro// de nas de tshe che ba'i bdag/ lha yi bzhon pa mdzes pa la// de ru skyon par gyur nas ni// de nas rdo rje can gyur pa/ / mi g.yo rdzu 'phrul che ldan tshim// de nas lha yi bzhon pa bcibs// rig pa 'dzin pa'i tshogs kyis bskor// glu chen rnga ya sgra dang ni// rig pa 'dzin pa'i klu sgra sgrog/ bye ba du ma bsam med pa'i// rig pa 'dzin pa'i mkha' lding gis// de yi tshe na bskor nas 'gro// 'di ni sangs rgyas zhing rnams su// rig pa 'dzin pa

  644. 323a

    thams cad kyi/ / 'khor los sgyur ba'i mkha' lding yin// bsam gyis mi khyab yon tan brnyes// bskal pa grangs med pa ru 'tsho// nyi ma dang ni zla ba'i 'od/ / dpal ldan gdul dka' 'dul mdzad pa// blo bzang gis ni kun spyad na// sangs rgyas zhing ni grangs med na// mchod gnas 'di ni snang bar byed// bsam med pa yi/ dam chos nyan// blo ldan gang zhig thos gyur pas// sangs rgyas yon tan bsam med 'byung // khro bo'i rgyal po blo ldan pa'i// dngos grub 'di ni yang dag bshad// gzhan yang gzhan yang ci rigs par/ / mtshungs med bsrung bar bya de nyon// ras bris gnyis pa 'di yis ni// bsam gyis mi khyab grangs med la// rdzogs pa'i sangs rgyas khyed kyis mkhyen/ / shAkya zhes bya bas ni gsungs// zhi ba dang ni rgyas pa dang // dbang dang mngon spyod de bzhin du// ras bris gnyis par tshul bzhin du// ji ltar rig par bya/ ba yis// ras bris gnyis pa 'di yi ni// rgyal bas sgrub thabs gang gsungs pa// g.yo te sa stengs sgrub byed na// 'di ni nyid du tsho gas bsgrubs// sgrub thabs cho ga bsam mi khyab/ / 'di ni bsam mi khyab pas gsungs// 'bras bu bsam gyis mi khyab pa// rdzogs sangs rkang gnyis mchog gis gsungs// tshes grangs med cing rgyu skar

  645. 323b

    med/ / 'di la sbyang bar gnas pa med// lhag ma lhag ma min yang rung // slar yang 'bad pas bsgrub par bya// 'bum phrag gcig ni bzlas brjod na// mtshams med lnga byas sngags pas kyang / / las rnams thams cad kun nas su// bdag nyid rgyal ba'i skyes mchog 'gyur// gso dpyad la sogs ngur bas bya// yang na brjod de btab pas so/ / rims sogs nad kyis btab pa dang // gdug pa rnams gso byed pa dang // nad rnams kun gyis zin pa dang // gza' kun gyis ni rab gzir ba// / ras bris spyan sngar rab bzhag ste// khro bo'i sngags kyis bsngags pa'o// bum pa chu yis yongs bkang nas// nad kyis btab pa'i mi khrus bya// mchog tu bde ba sbyin pa na/ / de rnams rnal mar sos par 'gyur// sa stengs gdon gyis zin pa yi// sbyin sreg dag ni yang dag gsungs// dur ba mngar gsum gyis btags pa// gdon rnams zhi phyir sbyin sreg bya/ / srin po yang ni bshad pa dang // mkha' 'gro ma dang rdzu 'phrul che// sha za dang ni grul bum dang // ma mo rdzu 'phrul che gsungs pa// gzhan yang gdug pa byed pa yi/ / sa stengs sems can 'tshe byed gang // de rnams gzhom par bya ba'i phyir// khro bo'i rgyal po rab tu sbyar// nad rnams dang ni gdon dag la// sman gyi shing gi yam shing ni//

  646. 324a

    a ru sbyar la sogs pa// sbyin sreg 'di ni rab tu sbyar// rgyal srid thob par 'dod pa yis// sa gzhi steng na gnas pa gang // de yi cho ga 'di ni mchog/ pad+ma'i cho ga sbyin sreg rim/ / pad+ma chu la 'bum phrag gcig/ mngar gsum gyis btags 'dod pa yi// ras bris spyan sngar sbyin sreg bya// rgyal po 'dod par gyur pa yis// cho ga yang dag tshul bzhin bya/ / blon po thob par 'dod na ni// de yi cho ga 'di ni bshad// ku mu ni 'bum phrag gsum// 'bras bu 'dod pas sbyin sreg bya// de ni rgyal po'i blon po nyid// gang zhig 'dod pas 'grub par 'gyur/ / a pa mArga'i 'bras dag ni// mngar gsum gyis ni btags nas su// sbyin sreg 'bum phrag gcig byas na// yul gyi bdag po 'am grong khyer 'thob// dri zhim rdzas rnams 'bum phrag bdun/ / ras bris mdun du sbyin sreg bya// de nas sngags pa'i yid la ni// ci 'dod pa ni thob par 'gyur// gal te bud med bu med pas// bu ni don du gnyer byed na// / dur ba til dang 'bras sogs pas// sbyin sreg byas na bu rnyed 'gyur// khyo ni dbang du byed 'dod pas// de yi gzegs ma 'bum phrag sreg/ bdag po dbang du 'gyur ba yin// pad+ma'i ze ba bri yang ku/ / ka li ka bcas bsreg par bya// mi 'khrugs pa yi nor rnyed cing // shin tu yid gtsug 'byung ba yin// so ba'i 'bru yi sbyin sreg gis// yid 'dod mi zad pa ru bshad//

  647. 324b

    'bras kyi sbyin sreg byas pa yis// mi zad pa yi nor yang 'byung // pad+ma'i sa bon bal ba'i 'bras// ku mu da yi 'bras bsregs na// des ni mi zad longs spyod 'thob// 'bras bu thams cad sbyin sreg pas/ / sa gzhi rgyal srid 'thob par 'gyur// tshwa dang nim pa'i sbyin sreg gis// dgra bo de ma thag tu 'chi// dpa' bo gcig pa mthong dka' ba'i// ras bris legs par bkram nas su/ / de yi spyan sngar rab sbyar bya// bstan pa gnod byed mngon spyod ni// gnod sbyin che dang rgyal po che// sa stengs rang sems bsnyems tshul can// mngon pa'i nga rgyal nga rgyal che/ / gdug cing gdug pa'i las byed pa// dkon mchog gsum la gnod byed dang // chang rtag gsang sngags dam pa spangs// gsang sngags mchod par mi byed cing / der gus rten pa smod par byas// bzlas pas sun ni 'byin pa ste// de rnams pha rol gnon pas na// las kyi cho ga mthong ba yis// de rnams nyid la sbyar bar bya// sdig pa'i yul can chos med pa/ / 'byung po thams cad sreg par byed// de rnams la ni las sbyar na// de ma thag tu srog 'chad 'gyur// sbrul gyi shugs ni blangs nas su// dug dang lhan cig phye mar btab/ / de nas nim pa'i 'dab blangs la// dgra bo'i ming ni bri bar bya// dben pa'i sa phyogs su gnas te// dug gis rtag tu bri bar bya// thod pa lnga ni zangs nas su// yungs sar

  648. 325a

    gyis byugs bkang nas ni/ / rnam pa'i shing la blo ldan gyis// cho ga bzhini me sbar bar bya// gsum gyis skyed bu byas nas su// gcig ni steng du gzhag par bya/ bzhi pa yungs kar gyis bkang ba// de yi steng du gzhag par bya// sbrul gyi shugs ni blangs nas su// ming de nang du gzhug par bya// dum bu re rer gtubs nas su// thod pa re rer gzhug par bya/ / brgya rtsa brgyad ni mngon bsngags nas// ras bris byang du zhal gzigs te// sngags pa lho ru phyogs par bya// khros pas tsog tsog pur 'dug ste// skra grol ba yi khro bo nyid/ / sngags pas 'dug pa tsog pur bya// thal bar gyur kyi bar du ni// 'di ni nyin phyed na byas na// de ma thag tu srog 'chang 'gyur// 'chi ltas kyis ni 'dab ma blang // shun pa 'am ni rtsa bar bcas/ / rang gi khrag ni nyid dag dang // yungs mar dag ni yang dag ldan// tshwa dang rgya skyegs nyid dang ni// 'di dag thams cad gcig byas te// dben pa yi ni gnas dag tu/ / ras bris byang du zhal bstan te// sngags pa lho yi phyogs su phyogs// me yi thab khung byas nas su// tsha ba'i shing gis khyad par du// yam shing yang ni rab tu bya// tsha ba'i shing ni 'ba' zhig gis// de nyid kyis ni sbar bar bya// stobs chen me yi thab khung du// las kyi cho ga mthong ba yis// sreg blugs bdun du bsreg par bya// de ni khro dzaH/

  649. 325b

    gzugs can te// de ru ye shes me ni sbar// ral gri'i phyag rgya bcings nas ni// mkhas pa sngags kyi bzlas pa bya// khros pas sreg blugs stong phrag brgyad// me yi thab tu dbul bar bya/ / dang po bu ni 'chi bar 'gyur// gnyis pa la ni bzhon par bcas// gsum pa la ni yul 'khor kun// bzhi pa la ni rang srog go// bstan pa yi ni las 'di ni// nyi ma gcig gis 'byung bar 'gyur/ / yang na yul 'khor 'jigs pa'am// sa gzhi'i bdag po 'chi bar 'gyur// rlung nag char pa de bzhin bdud// me yis tshig par yang 'gyur te// char chen mi bzad pa yi rlung / / rdul tshub char par 'byung bar 'gyur// pha rol dmag tshogs khros pas 'tshe// stag dang seng ge'i mche bas 'debs// phyogs kun nas ni 'byung ba yi// gnod pa chen po 'byung bar 'gyur// gdug pa'i las ni byas pa yis// nyi ma de la 'byung bar 'gyur// sngags pa dang ba med pas na// des ni zhi bar ka la 'gyur// tshangs pa la sogs lha tshogs dang / / 'jig rten skyong dang rdzu 'phrul che// 'jig rten pa yi lha kun dang // gang yang ma mor bshad pa gzhan// byang chub sems dpa' bdag nyid che// sa bcu gnas kyi dbang phyug dang / / rdzu 'phrul chen po sangs rgyas dang // sngags pa sa stengs gnas pa dang // de ni srung bar mi nus te// rgyal po khros par gyur pa yis// de ni srung bar mi nus te/

  650. 326a

    rang gi khrag gis lan tshwa btags// tsha ba gsum yang khyad par du'o// bdag nyid lho phyogs su bltas te// ras bris byang du zhal phyogs la// me yi tha khung byas pa ru/ / tsher ma can gyi me sbar te// kun nas khros bcas gdug pa yis// de nas dgra bo'i ming bzung la// cog tsog pur 'dug yang dag sreg/ sreg zhugs 'dun phrag gsum gnyis sam/ / stong phrag brgyad du mngon bsngags nas// gdug pa'i las kyis sbyin sreg bya// dang po la ni bu yin te// gnyis pa la ni chung mar bshad// gsum pa la ni bdag nyid 'gro/ / bzhi pa la ni bzhon pa dpung // lnga pa la ni rang gi yul// drug pa la ni rigs brgyad gnyen// bdun pa the tsom med par ni// sa gzhi'i steng du thal bar rlog thun phyed dang ni dbyug gu 'am/ / nyi ma phyed nas khros pa yis// thags bzangs ris kyang 'chi 'gyur na// skye bo phra mo lta ci smos// gal te bde legs 'gyur 'dod na// rang gi yul 'khor pho brang 'dir/ / 'o ma'i sreg blugs stong phrag gis// de ma thag tu rnal mar 'gyur// gsang sngags 'chang bas sa stengs su// rtag tu yul med byed 'dod dam// dgra'o myos par byed pa 'am/ / yang na dbye bar 'dod pa na// mi rus phye mtshwa dang ni// ske tshe dang ni gnod sbyin khrigs// ras bris spyan sngar sreg thugs bya// sreg thugs bdun gsum yang na

  651. 326b

    lhag/ sreg blugs las ni zin pa nA// the tsom med par myos par 'gyur// de ni zhi bar 'dod pa na// dur ba'i 'dab ma 'o mas btags// stong phrag gcig tu sreg blugs byas/ gang tshe sngags pa 'dod pa na// de yi tshe na rnal mar 'gyur// dug nyid dang ni khrag dang ni// rus pa'i phye ma yang dag ldan// nim pa'i sa bon ldan pa ni// yungs mar gyis btags mnye bar bya/ / ras bris byang du zhal bltas la// myos byed shing gi me dag la// khros dang ldan pas sreg blugs ni// nyi shu rtsa gcig sbyin sreg bya// brgya rtsa brgyad ni bsngags byas nas// stan la tsog tsog pur 'dug cing // sreg blugs las ni rdzogs pa na// du ba me ni kun tu 'khrigs// bu dang phyugs dang gnyen bcas pa'i// dgra yi srog ni 'chad par 'gyur// mi yi rus pa'i phye ma blangs/ / de nas nim pa ldang bar blang // bdag nyid kyi ni khrag gam ni// yungs mar gyis ni btags byas la// ras bris byung du zhal phyogs te// sreg blugs bdun du sbyin sreg bya/ / bu dang phyugs dang nye dur bcas// dgra srog de ma thag tu skam// sems can gdug pa'i rgyal po dang // gzhan yang lha la sogs pa dang // ma mo rnams kyis sa stengs su/ / sngags pa la ni gnod byed pa// de rnams gzhom par bya ba'i phyir// sbyor ba 'di ni brtsam par bya// ske tshe dug gis de bzhin brtag/ nim pa'i 'bras bu yang de bzhin//

  652. 327a

    ci rigs sbyin sreg byas gyur na// de ma thag tu srog 'chang 'gyur// rtse gcig pa yi yid kyis su// de nyid tshogs rnams mnyan par gyis// gang gis 'ja du 'bras bu 'byung / / gsang ba'i sbyor bar bshad par bya// nam pa'i 'dab ma dug gis btags// de la khrag gis ming bri bya// tsha ba gsum gyis me sbar te// sngags pa rtag tu lho ru phyogs/ / ras bris byang du phyogs pas dgram// stan la tsog tsog pur 'dug ste// khros pa'i yid kyis bsreg par bya// sreg blugs bdun la nyi shu bsngags// rigs brgyud phyugs dang gnyen bcas pa'i/ / dgra bo de yi tshe na 'chi// dbyug gu phyed dam yud tsam zhig/ gang du la lar gnas na ni// sngags pa'i dgra bo gnod byed la// sbyor ba 'di ni brtsam byas nas/ / dgra bo ma thag tu 'chi// tshig 'di gzhan du ma yin no// rang gi khrag gis tsha gsum btags// dam po yi ni gzugs brnyan bya// blo ldan nim pa'i 'dab ma la/ / ming bris nang du gzhug par bya// sa stengs nim pa'i shing yang dag/ mkhas pas rnam par blangs nas su// yang dag cho ga shes pa yis// dug gis bsgos te byugs par bya/ / cho ga bzhin du dug byugs la// skad cig de la sbar bar bya// sngags pa lho ru phyogs pa dang // ras bris rtag tu byang du phyogs// cog tsog pur 'dug rgyud

  653. 327b

    khros pa/ / 'bar zhing mched pa'i me lta bur// dgra bo yi ni ming spos na// de nyid kyi yang bya bas ni// sreg thugs gsum du sbyin sreg na// dgra bo mod la 'chi bar 'gyur// bu dang rang gi rigs brgyud bcas// chung ma dang bcas bu gnyen dang // de bzhin gshegs pas bsrungs gyur kyang // de ma thag tu thal bar rlog/ gcig gis bdag nyid rlag 'gyur/ te// gnyis pa yis ni chung ma'o// gsum pas bu dang gnyen la sogs// 'dir ni 'chi bar the tsom med// nim pa bdag nyid chen po yi// yan lag lnga ni blangs nas ni// rang gi khrag dang dug ldan pa// nim pa lnga ni btags nas su// de yis gzugs brnyan byas pa dang // dgra bo'i ming ni bris pa dag/ de ni gtubs nas sreg blugs ni// brgyad nyid kyis ni bsreg par bya/ / bu dang phyugs dang gnyen du bcas// skye bo de yi mod la 'chi// gal te dgra bo skyob byed pa// bde byed de nas khyab 'jug dang // tshangs pas yang dag bsrungs gyur dang / / ma mos srung bar byed pa dang // gzhan yang snyan par grags pa yis// brgya byin la sogs lha dbang gis// sngags pas dang ba med pas na// de tshe srung bar mi nus so/ / thugs brtse ldan pa'i thugs kyis ni// sngags pa gang tshe dang ba na// ngur ba dang ni bsres pa yis// 'o ma'i sreg thugs de tshe sreg/ mchog tu bde ba

  654. 328a

    gtad pas na/ / de nas rnal mngag tu 'gyur// gos rlon pa ni blangs nas su// rgya skyegs khu bas rnam par btags// dung gi phye ma nyid dag dang / dug dang ske tshe yang dag ldan// dben pa'i gnas su 'dug nas ni// nim pa'i shing la me sbar te// gsang shes gang zhig khros pa dang // sngags shes gtum par gyur pa yis// nyi ma phyed kyi char gnas nas// sreg thugs bdun du bsregs pa na// sngags pa dogs med gsang bar gnas// de nas brjod pas sbyin sreg bya// dang po sreg blugs sbyar ba yis// dug dang phol mig rnam par ldan// gnyis pa la ni nyin bzhi pa// gsum pa la ni rims chen po// bzhi pa la ni lus bskams 'gyur// lnga pa la ni dran pa med// drug pa lhag ma cung zad tsam/ / bdun pa la ni srog 'gro ba'o// sngags pa'i las ni 'grub bya'i phyir// gsang ba 'di ni bshad pa yin// mdor bsdus nas ni bshad bya yis// rdzu 'phrul chen po rtag tu nyon/ / sngags pa dang ba med pas na// gzhan du na ni 'tsho mi nus// ji srid sngags pa dang med par// de ni gang las zhi bar 'gyur// ji srid sngags rgyal brnyes pa dang / / thugs brtses brlan pa de yi tshe// zhi ba ru ni 'gyur ba yin// dug dang nim pa sgog skya dang // dung gi phye ma nyid dang ni// ras bris nye ba'i drung

  655. 328b

    du ni/ / nyi shu zlum pa bsreg par bya// gnyen dang 'khor dang phyugs bcas pa'i// daza bo rtsang nas gcod par 'gyur// gsang sngags 'dzin pa ma gtogs pa/ de bzhin de tshe su yis nus// tsha ba gsum dang lan tshwa dang // dug dang rang sgyur bcas pa dang // yungs mar dang ni skra dang yang // sbrul gyi shugs ni nyid dag dang // nim pa'i 'dab ma 'bras bur bcas/ / mi yi rus pa'i phye ma dang // ske tshe dang ni dung phye dang // sgrog btsod dang ni sgog skye nyid// 'di rnams phyi mar byas nas su// tsher ma'i me la mnyam bzhag pa'o/ / sngags pas de ni sreg blugs bya// dgra bo'i ming ni myur smos nas// sreg zugs gcig ni bsregs gyur na// dgra bo de ni mong du rlag/ gsum dang bdun dang de nas gcig/ dgra bo sreg blugs sbyin sreg na// rang gi pha tshan yul 'khor bcas// nye du phyugs rnams rlag par 'gyur// gal te mkhas pas dgra bo ni// smyo bar bya bar 'dod pa yis/ / yan lag gzugs brnyan byas nas su// lnga ni 'bras bur bcas pa dang // da du ra yi sreg zugs bdun// de ma thag tu spyo bar 'gyur// tsha ba gsum dong lan cha nyid/ / rtag pa nyid du bsregs gyur na// nad chen pos ni zin gyur nas// shing bskams bzhin du bskams par 'gyur// dzaM ba'i ra yi rang sgyur bcas// rgyun du 'asregs pa nyid gyur na//

  656. 329a

    zang ba'i rims ni tshabs po ches// de ma thag tu 'joms par 'gyur// ni la 'o ma'i sbyin sreg gis// thams cad du ni brjod pa yin// khA yi sgo ni blangs nas su/ / e raN+Da yi mar khus btags// da du ra yi me la ni// sreg thugs nyi shu tham pa sreg/ khA ta bzhin du phyogs kun tu// de ma thag tu dgra bo 'khyam// lan tshwa dug dang kun tu ldan/ / mi yi rus pa ske tsher bcas// yungs kar kun tu ldan pa rnams// nim pa'i me ni mi bzad par// dgra bo'i sreg blugs byas gyur na// de ma thag tu thal bar rlog/ ba lang mkhris pa lan tshwar ldan/ / rgya skyegs khu bar bcas pa rnams// bsregs na dgra bo nyams nas ni// de ma thag tu 'chi bar 'gyur// sge'u gsher gyi khra bar ldan// de bzhin lan tsha tsha ba gsum/ / de yi gzugs brnyan byas nas su// dur khrod kyi ni mgal dum blangs// de nyid la ni me sbar te// ming ni gzugs brnyan nang du gzhug/ gang du cung zad ci yod pa// rkang pa'i rtse mo thug par sreg/ yul dang yul 'khor bcas pa dang // 'dir ni bu phyugs gnyen du bcas// bdag nyid dang ni chung mar bcas// 'dir ni mong du thal bar rlog/ mkhas pas sol ba'i thal ba yis/ / dgra bo'i gzugs brnyan bris nas su// rkang pas rab tu mnan nas su// kun nas khros pas bzlas pa brtsam// gzer zug tshabs po ches 'debs shing //

  657. 329b

    bol mig chen po 'byung bar 'gyur// sa gzhi kun tu myos 'gyur bar// de ma thag tu 'gyur ba yin// gsang sngags 'dzin pa ma gtogs pa// sa stengs gzhan ma mu yis nus// ma can shing yam shing dang // dkar gsum sbyin sreg byas pa yis// skye bo de ni rnal mar 'gyur// sngags pa'i bka' drin bzang pos song // spangs pa rab tu blangs nas su// mkhas pas khang pa stong par bya/ / nim pa'i 'dab mar dgra yi ming // thams cad dug gis byugs nas su// slar yang rab tu bskam par bya// nim pa'i 'dab mar dgra yi ming // rang gis khrag gis bris nas su// de yi nang du bcug nas su// rgyas pas rab tu bsgrim par bya// tsha ba gsum gyis me sbar te// sreg blugs gsum du sbyin sreg bya// sngags pas 'jig rten gsum rlag na/ / gdug pa'i sa bdag smos ci dgos// gal te zhi bar byed 'dod na// snying rje yis ni sems brlan cing // 'o ma can shing yam shing ni// 'o mas btags nas til dang 'bras/ / sreg blugs brgya rtsa bdun bsregs na// de ma thag tu zhi bar 'gyur// bya rgod sha dang de bzhin 'ug/ byi la yi ni sha rnams dang // me'u le'i spu ni blangs nas su/ / skrun pa'i me la bsreg gyur na// sreg blugs gsum tsam nyid kyis su// myur ba nyid du dbye bar 'gyur// bya rgod rus pa sbrul rus rnams// mi yi kha yi

  658. 330a

    rus pa rnams/ / 'di rnams ser rtsir btubs nas su// khyim gyi drung du sbas nas ni// gal te bde byed kyis bsrungs kyang // de ma thag tu dgra bo rlag dug dang bdag nyid khrag dang ni/ / lan tshwa tsha ba gsum de bzhin// 'di yis gzugs brnyan byas nas su// dgra bo'i mang ni rab tu gzhug/ rnam pa'i shing la me sbyar te// khro tsham me ni yang dag mchod/ / gang du cung zad ci yod pa// sreg blugs gsum ni bsreg par bya// sreg blugs gcig ni byas pa yis// bdag nyid bu dang chung ma'o// gnyis kyis / rang gi gnyen tshogs nyid// gsum pas yul 'khor bzhon dpung bcas// rang byung bas ni bsrungs gyur kyang // thal ba nyid du rlog par 'gyur// bdag nyid kyi ni stobs kyis su// ras ni rlon pa kun tu byas// bsgrub bya'i ming ni smos nas su// de 'og de bzhin gzugs brnyan bya// mgo bo rdog pas rab mnan te// khros pas ya sos ma mchu mnan// brgyad kyi cha ni bzlas pa na/ / nang ni chen pos 'debs par byed// rims dang brgyal bar 'gyur ba ste// mcher pa'i nang dang mtshan par rdol// nad rnams thams cad kun tu ldan// chu sri bas ni zin 'gyur zhing // rigs brgyud phyugs dang gnyen du bcas// dgra bo de ma thag tu 'gyur// gsang sngags 'chang ba ma gtogs pa// gzhan ma nus pa su zhig yod//

  659. 330b

    sma dang rkang pa'i sar gnas pa// dam bo de ni zang bar bya// de yi gzugs brnyan byas nas ni// dug dang ske tshe bcas pa rnams// tsher ma'i mal sbyin sreg bya// dgra bo mong dum par 'gyur/ / dgra bo'i rus pa'i phye ma ni// dug dang rang sbyar yang dag ldan// dgra bo'i gzugs ni byas nas su// nim pa'i shing ni mar bsregs na// gso bar mi nus nad kyis no/ / skye bo de ma thag tu 'debs// gsang sngags 'chang ba ma gtogs pa// gso nus gzhan ma su zhig yod// nim pa dug dang tsha ba gsum// da du ra yi 'bras bu rnams// 'di rnams gcig tu byas nas ni// gzugs brnyan rab tu bya ba yin// de yi lus po gtubs bsregs na// de ma thag tu srog 'chang 'gyur// khrag dang lan tshwa dug dang ni// de nyid gcig tu byas nas su/ / arka'i shing me de bzhin du// sreg blugs gsum ni bsreg par bya// dbyug gu gcig gam thun phyed na// de ma thag tu sa stengs 'chi// yungs mar gyis ni btags byas la/ / ras bris byang du phyogs byas te// lan tshwa nim pa'i 'dab ma dang // tshwa ba'i mar khu de bzhin du// sreg blugs lan bdun tsam nyid ni// sngags pas gang du gnas pas sreg/ sreg blugs lan bdun rdzogs pa na// sa stengs de ma thag tu 'tsho// rang gi khrag dang tsha ba gsum// yungs mar dang ni yang dag ldan// tsher ma'i me la

  660. 331a

    bsregs gyur na/ / de ma thag tu thal bar rlog/ arka nu ni 'o ma dang // de bzhin du ni bag pa'i blan// dur khrod me la bsregs pa na// de ma thag tu mod la rlag/ byi tsher ba yi spu de bzhin// sreg thugs lan gsum bsregs gyur na// 'phral du mod la rlag par 'gyur// nom pa'i lo ma na le sham// dug dang yungs ma nyid dag ni/ / lan bdun rab tu sreg blugs na// 'phral du srog ni 'chad par 'gyur// khA yi rus pa khyi rus dang // ne'u le yi rus pa nyid// phye mar btags nas zhib par byas/ / yungs mar yang dag ldan pa ru// nim pa'i shing gi mes bsregs na// zong dang grong khyer du bcas pa// dgra bo 'phral du rlag par 'gyur// 'ug pa'i rus pa stag gi smra/ / thod pa'i rus pa legs par sbyar// daza bo'i sgo ru brus nas snga// de ma thag tu slong par 'gyur// stag gi rus pa ne'u le'i spu// de bzhin du ni khI yi spu// tsher ma'i me la bsregs gyur na/ / de ma thag tu 'byed par 'gyur// sa ta'i me tog na le sham// nim pa'i lo ma de bzhin dug/ thams cad gcig tu byas nas ni// brgya rtsa brgyad du bsreg par bya/ / gang gis ming nas smos nas su// blo ldan mi yis bsregs pa na// sa stengs pa ni ma lus pa// 'jig rten du ni 'byed par 'gyur// da du ra yi sa bon

  661. 331b

    dang / / de bzhin nim pa'i 'bras bu dang // dug dang lan tshwa nyid dag ni// brgya rtsa brgyad du bsregs nas ni// bu dang phyugs dang nye dur bcas// the tsom med par thal bar rlog sbrul dang ne'u le nag po dang / / khwa yi rus pa yang dag ldan// rtsangs pa yi ni mgo bo rnams// cha ni mnyam por byas nas su// rang gi khrag dang btags nas su// sdong du gcig pu bya ba yin/ / brgya rtsa brgyad ni mngon bsngags nas// dgra bo'i sgo khar spas par bya// bu dang phyugs dang gnyen du bcas// dgra bo de yi tshe na 'chi// mi yi zhag ni nyid dag dang / / thal ba thod par blangs nas su// rgya skyegs khu ba yang dag ldan// bsdoms nas ril gcig rab tu byas// khwa yi rus pa'i nang du gzhug/ dgra bo'i sgo khar bzhag pa na/ / bdag nyid grong dang de bzhin bcas// dgra bo de yi tshe na rlag/ da du ra yi bdag nyid lnga// blangs nas dug dang tsha ba gsum// sreg blugs lan gsum bsregs nas ni/ / de ma thag tu dam 'chi 'gyur// ne'u le'i sha ni yang dag blangs// mkhas pas rab tu bskam par bya// dug dang tshwa ni yang dag ldan// sreg blugs lan gsum bsregs pa na/ / nad ni sna tshogs kun byung nas// 'phral du srog ni 'chad par 'gyur// las 'di rab tu sbyar byas na// de ma thag tu 'grub par 'gyur// sol ba

  662. 332a

    dang ni lan tshwa nyid/ / chu ba gsum ni mnyam por bskos// yungs mar rang ni yang dag ldan// de nas gzugs brnyan byas nas su// tsher ma yi ni ma skar te// ras bris byang du phyogs pa dang // sngags pa lho ru phyogs gyur cing // khros pas me ni rab 'bar 'gyur// sreg blugs lan gsum nyid du ni// dgra bo'i gzugs brnyan bsreg par bya/ / gcig gis bu ni 'chi bar 'gyur// gnyis pas chung ma phyugs dang gnyen// gsum pas bdag nyid yul 'khor dang // phyugs dang gnyen du bcas pa rnams// de ma thag tu thal bar rlog/ sngags pa'i bka' drin med par ni// slar yang zhi bar ga la nus// brgya rtsa brgyad las lhag pa yi// 'o ma'i sreg blugs de nas dbul// de tshe de ru rang gi ni// 'khor phyugs gnyen 'dab rnams dang ni// de bzhin du ni zhi bar 'gyur// da du ra yi 'bras blangs nas// khongs kun tu zla bar bya// nim pa zhes bya'i lo ma 'di// dgra bo'i ming ni bri bar bya/ / dug dang khrag ni yang dag ldan// de yis rtag tu dgra bo bri// tsha ba gsum dang lan tshwa nyid// khrag gis gang bar dgang bar bya// de ru ming ni bcug nas su/ / sba yis yongs su bri bar bya// nim pa'i me la yungs mar gyis// rlung zhig tsam du btso bar bya// rang gi yul 'khor phyugs kun 'joms// rang gi lha ru gyur pa gang //

  663. 332b

    khams gsum pa yi bdag po yis// the tsom med par thal bar rlog/ gdug pa'i sems can lta ci smos// rgyal po rdzu 'phrul chen po yang // rang byung bas ni bsrungs gyur/ kyang // de dag thams cad rlag par 'gyur// sbyor ba 'di la brten nas su// thugs rjer gyur pa'i yid kyis su// bstan pa yini don byed par// sa stengs 'dir ni c om med/ / yang dag bsam mi khyab pa 'di// khro bo'i rgyal pos rnam par 'phrul// rtag tu bag yod par gyur pas// thugs rje'i ro la gnas pa yis// bstan pa dag ni spang ba'i phyir/ / dam chos 'di ni sbyar bar bya// nim pa'i 'bras bu yang dag blangs// de nas tsha ba gsum gyis dgang // khyad par nim pa'i 'dab ma la// dgra bo'i ming ni bris nas su/ / lnga yi bdag nyid yang dag blangs// de tshe cho ga bzhin me sbar// yungs mar gyis ni bkang byas te// thod pa dang ni dug nyid kyang // gang du cung zad gnas nas ni/ / bcug ste sngags pas btso bar bya// dgra bo de yi mong du 'chi// yul 'khor phyugs bcas de bzhin no// nye bar 'tshe ba thams cad dang // dug dang rlung dang skye gnas nad/ / mu ge dang ni yul 'pho dang // rlung gi char dbab kun tu 'khrigs// srin po 'byung po'i tsho gas kun gyis// sa stengs kun tu khengs par 'gyur// gsang

  664. 333a

    sngags 'chang ba ma gtogs pa/ / cung zad skyob pa yod pa min// snying rje'i sems ni bskyed nas su// 'gro ba gzir pa la bltas te// nyi shu rtsa gcig 'o ma yi/ / dgang blugs de tshe dbul bar bya// sngags pa'i bka' drin bzang po yis// de yi tshe ni zhi bar 'gyur// sngags pa blo ldan ma mnyes na// gzhan du zhi bar ga la 'gyur/ / sngags kyi dngos grub bya ba'i phyir// yang dag sbyor ba 'di sbyar na// bstan pa srung ba'i don phyir dang // gdug pa rnams ni gzhom phyir dang / rgyal po 'am ni gdug pa can/ / bstan la gnod pa byed pa rnams// de rnams tshar gcad pa yi phyir// shin tu 'grub par byed pa yi// yang dag 'di ni rab sbyar na// de ma thag tu rlag par 'gyur/ / mi rus dug gi phye ma dang // khyi yi rus pa nyid dag dang // de bzhin ske tshe rgod rus dang // yungs mar sbrul gyi shugs de bzhin// nim pa yang dag lnga bdag nyid// rgya skyegs lan tshwa nyid dag ste// 'di dag thams cad gcig bsdus nas// tsher ma'i me ni mi bzad pa// bdag nyid khro bo mo lta bus// sreg blugs gsum ni bsreg par bya// de ru bdud ni 'tshe 'gyur zhing / / nad rnams mang pos kun tu 'khrigs// bu phyugs gnyen du bcas pa yi// rgyal po'ang rlag par 'gyur ba yin// rgyal po gdug pa'i sems

  665. 333b

    ldan pa/ / sngags pa la ni 'tshe ba ni// sbyor ba 'di ni rab brtsams na// sngags pa mong du yang dag 'gyur// tsha ba gsum dang lan tshwa dug/ ske tshe bsregs pa nyid dang ni/ / tshe ba tsha ba'i mar dang yang // rgya skyegs khu ba sbrul gyi shugs// 'di rnams gcig tu byas nas su// de yi tshe na gzugs brnyan bya// tsha ba yis ni kun tu dgang / / tsha ba'i me ni yang dag ldan// de nyid la ni ming bris nas// mi bzad me la bsregs gyur na// dgra bo de yi mod la 'chi// gang tshe sngags pa ltos med na// gzhan du dug gi mtshan ma dang // yang na mi bzang pho la mig dang // nad chen pos ni kun tu dkrigs// rims dang brgyal nad 'byung bar 'gyur// mes bsregs char pa chen po 'byab/ / de nas rdo rje thogs nas kyang // nad chen rtag pa'i rims kyis ni// bu dang phyugs dang gnyen du bcas// the tsom med par 'chi 'gyur te// sngags pa zhes pa gnas pas so/ / gang tshe slar yang mnyes nas su// thugs rje gtad pa'i sems gyur na// nad kun las ni rnam grol bar// sa stengs de ma thag tu 'gyur// gdug pa'i las ni mdor bsdus pa/ / ngo mtshar can 'di yang dag gsungs// sa stengs snying po 'di bsngags pa'i// myur ba'i las ni yang dag bshad// ting 'dzin yul ni bsam mi khyab// rdzu 'phrul yul yang

  666. 334a

    bsam mi khyab/ / pha rol gnon pa'ang bsam mi khyab// rdzogs sangs rkang gnyis dam pa yis// kun kyang bsam gyis mi khyab gsungs// yon tan 'di ni su yis nus/ / yon tan rmad du byung ba ste// ji srid sems ni spyod gyur pa// de srid las ni bsdus pa yin// byang chub sems dpa' rdzu 'phrul che// rdzogs sangs rgyas kyis kun tu gsungs/ / zhi ba dang ni rgyas pa dang // de bzhin dbang du bya ba'i las// rgyud gzhan las kyang gsungs pa yi// de dag thams cad 'di ru byed// ji srid de ru gsang sngags ni// sa stengs dkyil 'khor de gsungs pa/ / de kun rtog pa'i rgyal po ni// rdzu 'phrul chen po 'di bsgrub bya// zhi ba 'o mdur ba yi// 'dab ma bsregs pas sbyin sreg bya// dkar gsum mngar ram sbyin sreg gam/ / 'bras bu nyid kyang mnyam gzhag pa// gzhan yang 'bras bu'i tshul dang ni// yang na 'o ma can gyi shing // so ba 'bru ni de bzhin no// rin chen sna tshogs las byung ba/ / las kyi khyad par cho ga ni// zhi bar gang zhig rab bsgrags pa// me thab de bzhin bdag nyid dang // gang zhig gnas ni rab tu grags// zhi ba'i las rnams gsungs pa yi/ / phyogs ni gang zhig yang dag gsungs// gang zhig yam shing gsungs pa yi// tshad ni gang zhig rab tu grags// gzhan yang gang zhig rab grags pa// de dag

  667. 334b

    thams cad 'di ru bya/ / de la zhi ba nyid 'di ni// de dag thams cad 'di ru sbyar// gang zhig dbang gyur bshad pa ni// las ni dbye ba'ang de nas ni// me thab ji bzhin bdag nyid dang phyogs kyi cha'am yang na gnas/ / cho ga sna tshogs yang dag 'khrigs// gzhan du gang zhig gsungs pa yis// bdag nyid chen po dbang gi las// dngos grub 'dod pa'i sngags pa yis/ / de dag thams cad 'di ru sbyar// rdzogs sangs sems can mnyes gshin pas// rgyas pa yang ni yang dag gsungs// cho ga sna tshogs zas dang ni// sna tshogs las ni legs sbyar ba/ / phyogs kyi khyad par gsungs pa dang // de nas yang ni me yi thab// gzhan yang cung zad ci gsungs pa// byang chub snying po sogs gsungs pa// bdag nyid rnyed pa legs 'tsho ba/ / de dag thams cad rgyas par sbyar// 'di kun yang dag bshad pa ni// khro bo'i rgyal po'i rnam 'phrul yin// sa bcu gnas kyi dbang phyug dang // gang yang sus kyang mi nus pa/ / 'di kun mong la myur du ni// dran pa tsam gyis kyang bsgrub bya// khro bo che bdag bsam mi khyab// rdzogs sangs rgyas kyis rab tu gsungs// de yi 'bras bu bsam mi khyab/ / gang zhig lag tu chud gyur pa// de yi ngan song stongs par 'gyur// 'jigs pa thams cad 'khrigs pa dang // bgegs chen yang ni 'jigs par byed//

  668. 335a

    gang yang nad ni thams cad 'dod// 'jigs pa 'di ni thams cad dang // sdig pa thams cad kun tu 'khrigs// 'di ni dran pa 'ba' zhig gis// de dag thams cad med par 'gyur/ / 'jigs pa thams cad 'khrigs pa dang // thams cad ldan pa'i 'khor bltas na// sa stengs yid ni mchog tu bde// byang chub sems dpa' thams cad kyang / / ngo mtshar spyan rgyas pa phye nas// rdo rje 'dzin pa blo ldan gyis// snyan pa yi ni tshig gis gsol// dpa' bo sems dpa' chen po legs// rdo rje'i rigs las yang dngag 'byung / / byas shes khyod ni sangs rgyas kun// rdzu 'phrul chen po'i sras gcig khyod// bdag nyid chen po mi g.yo ba'i// rtog pa 'di ru gsungs pa gang // gang gi lag tu chud gyur pa/ / de yi lag na dngos grub gnas// yon tan bsam mi khyab ldan pa'i// bsam gyis mi khyab sgrub pa'i thabs// ngo mtshar du ma dang ldan pa// gsang sngags 'di ni 'chang ba po/ / bdag cag kyang ni de bka' nyan// lha dang lha min bcas pa'i klu// rgyab phyogs rjes su 'brang ba ni// sngags pa de la 'byung bar 'gyur// sems can thams cad skal bzangs su/ / mnyes dga' bar ni 'byung bar 'gyur// bgegs su gyur pa thams cad ni// sngags pa'i bka' bsgo byed par 'gyur// de nas bcom ldan 'das kyis bgegs thams

  669. 335b

    cad 'joms par byed pa'i rdo rje kun tu 'bar bar byed pa'i me lce 'byung ba zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu/ de nas re zhig sangs rgyas kyi zhing 'di nyid 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg/ rab tu ldeg/ kun tu rab tu ldeg/ 'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem mo// de nas re zhig sangs rgyas kyi zhing 'di nyid bgegs thams cad dang log par 'dren pa rnams dang / gang yang kha cig 'di ni gdug pa'i sems dang ldan pa/ gzhan gyi srog 'phrog cing glags tshol ba'i srin po dang / 'jigs pa'i gzugs can log par 'dren pa de rnams rdo rje gar gyi dbang phyug gi gzi brjid kyis sreg cing gnas pa yis/ gang yang sangs rgyas chos la ni// gus pa yis ni skyabs song bas// gang zhig skye bo de lus la// sdug bsngal ci yang yod ma yin// de nas bcom ldan 'das kyis/ byang chub sems dpa' phyag na rdo rje la bka' stsal pa/ sngar med pa yi bgegs kyi gzugs// bsgrub bya ba yi cho ga ni/ / phyag na rdo rje tshur la nyon// mi shes pa yis sems bsgribs pas// rgyud ni mi shes par 'gyur ba// de ni bgegs kyis zil mnan cing // 'dir ni sngags la dang ldan na/

  670. 336a

    sel ba ru ni gyur pa ste// yangs pa yi ni mchog tu 'gyur// las kyi rgyu dang 'bras bu ni// legs byas nyes byas de bzhin du// log pa'i rgyal po zil mnan cing / / de dag thams cad mnyes par byed// log pa'i kun rtog mang po yis// dmyal bar myur du skye bar 'gyur// ltas ngan las kyi 'bras bu kun// de nas gso dpyad yod ma yin/ / de nas gsang ba'i bdag po lag na rdo rjes bcom ldan 'das kyi zhabs gnyis la gtugs nas// bcom ldan 'das la 'di skad ces gsol to// bcom ldan 'das bshad du gsol/ bde bar gshegs pa bshad du gsol/ bgegs rnams kyi snga na med pa'i gzugs su gyur pa/ ma 'ongs pa'i byis pa'i sems can rnams shes rab chung bas bgegs rnams sngar med par 'byung ba'i rgyu mi 'tshal bas na/ de rnams bsal bar bya ba'i phyir gtso bos bshad du gsol/ de nas bcom ldan 'das kyis/ byang chub sems dpa' phyag na rdo rje la 'di skad ces bka' stsal pa/ bgegs rnams zhags pas bcings pas ni// sngon gyi las la rag las yin// ser sna goms pa'i sbyor ba yis// 'dod pa'i dngos po la gnod pas/ / sems kyi rtog pa'i skyon gyis ni// sngags pa la ni bgegs skye 'gyur// de rnams gzhom par bya ba'i phyir// sems ni byang chub gtad par bya// bgegs

  671. 336b

    rnams thams cad rnam par 'jig/ thog ma med pa'i 'khor ba'i zom// gang yang sdig pa cung zad pa// thog med srid pa'i 'khor lo ni// byang chub sems kyi mthu yis su/ / de dag thams cad zad par 'gyur// byang chub sems ni sems chen po// sems kyi nyes pa rnam par spangs// thog ma med pa'i sdig pa'i skyon// nags mtshams me yis sreg par 'gyur// sngags pas sems la mkhas pas na// las rnams thams cad sreg par 'gyur// 'di ltar byang chub sems 'dzin na// 'dod/ pa'i dngos grub thob par 'gyur// gang zhig byang chub sems bskyed pa// dogs med dri ma med cing bstan// the tsom med pa nyid du ni// de yi dngos grub lag na gnas// byang chub sems ni ma bskyed cing / / dad dang brtson 'grus rnam par spangs// skyes bu bka' bsgo byed pa ni// 'dis ni dngos grub yod ma yin// phyag na rdo rje byang chub tu sems bskyed pa la sogs pa dam tshig 'dis sngags pas sngags bsgrubs na/ bgegs rnams bgegs byed par mi 'gyur te/ de ci'i phyir zhe na/ phyag na rdo rje de ni lha dang bcas pa'i 'jig rten pa rnams kyis phyag bya ba'i 'os yin no/ / slar brjod cing dgongs te bgegs dang / log par 'dren pa dang / gnod sbyin dang / srin po dang / dri za dang / yi dgas dang / sha za

  672. 337a

    rnams shin tu rgyang ring po nas sa stengs su sngags 'chang ba mthong bas spro ba bskyed de phyag byed do/ / skyon rnams thams cad rnam par grol// bsod nams thams cad shin tu bsags/ / byang chub tshogs ni yang dag ldan// bla ma sangs rgyas kun dang mnyam// de nas phyag na rdo rjes bcom ldan 'das la 'di skad ces gsol to// bcom ldan 'das ji ltar na bgegs kyis sngar gyi gzugs rnams sgrub po la sbyor ba po la ji ltar 'gyur/ / bcom ldan 'das kyis bka' stsal pa/ gsang ba'i bdag po gang gi tshe sngags pa bgegs kyis zil gyis non pa de'i tshe rims dang / tshad pa'i nad dang / bkres skom du gyur cing snyoms las la dga' la/ nges pa log ste the tsom za bar 'gyur ro// nad dang / 'tshe ba dang / bdag nyid kyi lha kha phyir bltas shing lha rnams ni dmigs kyis sel bar byed pa de'i tshe/ gsang ba'i bdag po sngags pa bgegs kyis zil gyis mnan pa yin par rig par bya'o/ / gsang ba'i bdag po de'i tshe slob dpon gyis bgegs thams cad zlog par byed pa khro bo'i rgyal po mi g.yo mgon po'i dkyil 'khor bris te/ bgegs thams cad bcom nas dbang bskur bar bya'o/ / de la gsang ba'i bdag po dkyil 'khor ni 'di yin te/ khor yug tu ni khru bzhi ste// kha khyer kun nas khor yug tu'o// rdo rje bcing ba'i sbyor ba nyid// rdo rje phan tshun

  673. 337b

    bcings sbrel bya/ / khru brgyad dang ni bzhi dang lA// bcu dang bcu drug pa nyid dam// khru gang dam ni khru gnyis pa// ji ltar sbyor ba mdzes par bya// de ru sgo gcig pa yin te// rdo rje gur ni sbyar bar bya'o/ / rdo rje'i ra ba kun tu bskor// dkyil 'khor dam pa bri bar bya// de yi dbus su dpa' bo ni// pad+ma'i steng na yang dag bzhugs// de yi shar du sangs rgyas kyi// yum ni nam mkha'i spyan yin no// de yi g.yon du zi bya ba// nam mkha'i dri med rdo rje can// g.yas kyi phyogs su shugs chen po// 'phro ba rdo rje 'phreng ba can// dpa' bo chen po g.yon phyogs su/ / rdo rje phyag na rdo rje can// dpa' bo chen po g.yas ngos su// khro chen snyems tshul zhes bya ba// 'og gi ngos su mgon po ni// mi g.yo ba ni stobs chen po// khro bo chen po ral gri'i phyag/ khams gsum rnams ni gcod par byed// sgo yi phyogs su bri bya ba// mthong dga' mngon phyogs de bzhin no// de ltar 'di dag kun byas na// kha dog nag dang dmar po ru/ / khro bo'i gzugs ni bzhag nas su// bum pa rnams ni mngon par bsngags// kha ni pa la la sogs brgyan// kha nas sa bon gyis bkang ste// mgrin pa gos kyis yang dag bcings/ / me tog chun 'phyang nye bar spras// rin chen sna lnga 'bru sna lnga// sman chen po ni yang dag ldan// dri chu yis ni rab tu bkang // lha rnams thams cad dgod par bya//

  674. 338a

    dri dang me tog sogs dge bas// ji ltar rnyed pas mchod par bya// mi g.yo bdag nyid chen po yi// dbang bskur ba ni rab tu bya// de ru dkyil 'khor gnyis po ni/ / dkyil 'khor mngon par phyogs de nas// kun nas gru bzhi pa yin te// khru do pa 'am khru bzhi pa// dbus su pad+ma bri bar bya// bar du rdo rje rnams 'phro ba// rdo rje'i 'phreng bas khor yug tu/ / rdo rje bcings pas bskor bar bya// de yi dkyil du bzhag nas ni// 'dir ni 'bad pas dbang bskur bya// mi g.yo bdag nyid chen po yi// ral gri'i phyag rgya de nas bcing / / snying kha nas ni snying khar sbyin// kun nas 'bar ba'i 'phreng ba can// bgegs rnams kun las rnam grol nas// rdo rje 'dzin pa'i dngos grub thob// sdig pa thams cad rnam par grol/ / bgegs na thams cad rnam par spangs// chos kun yon tan gyis brgyan pa// ji bzhin 'dod pa'i dngos grub thob// de nas phyag na rdo rjes bcom ldan 'das la 'di skad ces gsol to/ / bcom ldan 'das bshad du gsol/ khro bo'i rgyal po de bzhin gshegs pa thams cad kyis bka' bsgo mdzad pa can mthu stobs chen pos gsang ba'i rtog pa gang gis sgrub pa po rnams la ma 'ongs pa'i dus na dngos grub 'byung bar 'gyur ba/ sems can mang po'i don dang / phan pa dang / bde ba byed par 'gyur ba/ bgegs thams

  675. 338b

    cad rnam par spangs pa/ sngags kyang 'grub par 'gyur ba de bcom ldan 'das bshad du gsol/ bde bar gshegs pa bshad du gsol/ bcom ldan 'das kyis/ byang chub sems dpa' phyag na rdo rje la 'di skad ces bka' stsal to/ / phyag na rdo rje legs so legs so// lag na rdo rje slar yang legs so// khyod kyis sems can thams cad la phan zhing bde ba'i phyir dang / ma 'ongs pa'i sems can gyi don gyi phyir/ khro bo'i rgyal po chen po thams cad du thogs pa med pa/ brtul phod pa/ de bzhin gshegs pa thams cad kyis rjes su gnang ba/ las thams cad byed par nus pa/ dngos grub sgrub par byed pa/ yongs su 'dri bar byed pa legs par nyon la yid la zung zhig dang / nga yis bshad do/ / de la lag na rdo rje slob dpon de bzhin gshegs pa'i go 'phang la gnas pas khro bo chen po'i dkyil 'khor chen po bri bar bya ste/ gru bzhi pa la sgo bzhi pa// rta babs bzhi yis rnam par brgyan/ / de la bcom ldan dpa' bo che// chos ni thams cad yang dag ldan// de yi g.yas dang g.yon ngos su// nam mkha' dri med shugs chen po// rdo rje 'dzin pa gnyis bri bya/ / 'og tu khro bo chen po ni// mi g.yo ba ni stobs po che// phyag na ral mi zur gyis gzigs// 'chi bdag mthar byed mngon sum bzhin// me yi dkyil 'khor la

  676. 339a

    bzhugs pa/ / rlung dang lhan cig sbyar bar bya// mkhas pas dri dang me tog sogs// snga ma bzhin du mchod nas su// ngo mtshar bkra shis thams cad kyis// sngags pas mngon par dbang bskur bya/ / phyag rgya de ni bdag nyid kyis// slob dpon blo dang ldan pa yi// bla ma la ni yon phul nas// sbyin sreg las ni yang dag brtsam// ri yi rtse mor gyur pa dang / / phyugs lhas chu 'gram bzhi mdo lam// me ni gnas pa nyid dag gam// dur khrod dang ni gzhi gnas su// slong mo'i zas ni za ba dang // yang na 'dab ma btsos pa nyid// dben pa'i gnas su mi smra bas/ / 'bum phrag gsum du bzlas brjod pa// mngon du bsnyen pa bshad pa yin// mtshan mcho ga bzhin shes nas// mkhas pas dngos grub sgrub par byed// ral gri'i cho ga bzhin bya ba// chag gas med pa sor bzhi pa// mthe'u chung sor gnyis dang bcas pa// grub pa'i rang bzhin shing las byas// lte bar rnam pa sna tshogs bri// yi rnam lngas bkrus nas su// dri dang me tog sogs kyis mchod// sngags pas dkyil 'khor bris nas su// snga ma de bzhin de bsgrub bya// sngags pas pad+ma'i stan gnas te/ / ral gri yu ba nas thogs pa// khro bo sgom par ldan pa yi// gsang sngags g.yeng ba med par bzla// mtshan mo phyed dam yang na de// nyi ma shar ba'i dus nyid du/

  677. 339b

    ral gri rab tu 'bar gyur nas// thams cad du ni snang bar byed// rig pa lus ni brjes nas su// nam mkha' spyod yul dag tu 'gyur// bar gyi bskal par kun tu gnas// rang 'dod dus na 'chi bar 'gyur// rig 'dzin rgyal po kun dang ni// rig pa 'dzin pa kun gyis mchod// lha yi bzhon pa sna tshogs pa// lha yi tshogs ni bsten pa yin// de nas nags pa sgrub par 'dod na sngar bzhin du 'bum phrag gsum bzlas nas/ de bzhin du gser ram/ dngul lam/ zangs kyi rang bzhin gyi zhags pa byas te/ mtshan ma shes nas dkyil 'khor bris te bsgrubs na de bzhin du rig pa 'dzin par 'gyur ro/ / rig pa 'dzin pa'i rgyal po thams cad kyi bskal par gnas so// de ltar ral gri dang / rgyal mtshan dang // nor bu dang / gi'u wang dang / gdugs dang / lcags kyu bsgrubs par gyur na de bzhin du 'grub bo// de nas rgyal po dbang du bya bar 'dod na ku sha'i rang bzhin la gzugs brnyan byas nas rkang pa g.yon pas mnan la/ ji srid rgyal po rang nyid 'ongs nas 'khor dang bcas pa dbang du gyur pa de srid du bzlas pa bya'o// de nas lha sgrub par 'dod na thang shing gi rang bzhin gyi gzugs brnyan byas la/ ji srid du lha 'ongs kyi bar de srid du bzlas pa bya'o// 'ongs nas smra ba sgrub par byed de sngags pa gang 'dod pa de gnang bar ster ro// de bzhin du klu sgrub par

  678. 340a

    'dod pas nA ga ge sar gyi shing las klu'i gzugs brnyan byas nas sngar gyi bzhin du 'bum phrag gsum bzlas te/ ji srid du klu thams cad dbang du gyur pa de srid du bzlas pa bya'o/ / de bzhin du gnod sbyin sgrub par 'dod pas gser las gnod sbyin gyi gzugs byas la sngar bzhin du 'bum phrag gsum bzlas te/ ji srid du gnod sbyin thams cad 'ongs te bka' bsgo sgrub par byed pa de srid kyi bar du bzlas par bya'o/ / de nas dri za sgrub par 'dod pas 'od ma'i rang bzhin las dri za'i gzugs brnyan byas la sngar bzhin du 'bum phrag gsum bzlas te/ ji srid du dri za 'ongs nas smra ba sgrub par 'gyur ba de srid kyi bar du bzlas par bya'o// de bzhin du nam mkha' lding sgrub par 'dod pas 'jim pa'i rang bzhin las nam mkha' lding byas la sngar bzhin du 'bum phrag gsum bzlas na nam mkha' lding thams cad bka' stsal pa bzhin byed do/ / de ltar srin po sgrub par 'dod pas dur khrod kyi sol bas srin po'i gzugs bris la rkang pa g.yon pas mnan te/ ji srid du srin po thams cad smra bar sgrub par byed pa de srid du bzlas pa bya'o// de ltar skyes pa dang bud med rnams kyang kun tu sbyar na de bzhin du sgrub bo// de ltar lag na rdo rje khro bo'i rgyal po 'di sbyar na de lta de ltar las thams cad byed do// thams cad du thogs pa med pa'i mthu chen po khro bo'i rgyal po chen po 'di sangs rgyas thams cad kyis rjes su

  679. 340b

    gnang bar gyur pa/ las thams cad yang dag par ldan pa bklags pa tsam gyis 'grub pa'i khro bo'i rgyal po chen pos 'di la rtog pa thams cad kyi cho ga sbyar bar bya'o// byang chub tu sems ma bskyed pa dang / ma dad pa dang / som nyi za ba rnams spangs nas gnang ba thod par gyur pas rtog pa thams cad kyi cho ga sbyar bar bya'o// dgug pa dang / dbang du bya ba dang / gsad pa dang / skems pa rnams la ji lta ji ltar kun tu sbyar ba de lta de ltar don yod pa thogs pa med pa 'di sbyar bar bya'o// de nas byang chub sems dpa' phyag na rdo rjes bcom ldan 'das la 'di skad ces gsol to/ / dkyil 'khor sgrub pa'i thabs dang ni// bgegs kyi sngon gyi gzugs brnyan rnams// bcom ldan 'das kyis bshad du gsol// bsgrub par bya ba po'i cho ga bgegs ni sna tshogs nyon cig/ rtag tu sems ni g.yeng 'gyur zhing // gsang sngags rnams ni kha phyir blta// bzlas pa bsam gtan dga' ba min// gnas dang lha yi las rnams dang / / sbyin sreg dbang bskur las dang ni// lha rnams kha ni phyi ru blta// sngags pa bgegs la mngon par 'tshe// yi dam med par gyur pa dang // yul gzhan gyi ni rnam par rtog/ rnam rtog mang po 'byung ba dang // dad pa med cing snyoms las che// de bzhin yan lag 'bigs par byed// dus kyi dbang gis rnam par bsgyings// khrob

  680. 341a

    can ni nyid du byung / / the tsom dag ni skye 'gyur zhing // slar yang de yi dngos grub med// de la sogs pa'i skyon rnams ni// bgegs kyi gzugs su bstan pa yin/ / rtsod dang brang 'gro klu dang ni// yams ni 'byung bar 'gyur ba dang // rims dang tsha nad bgegs kyis nyen// de bzhin du ni sgrub pa po// gza' yi dkyil 'khor dge ba ru/ / dbang ni rab tu bskur bar bya// de ltar spangs pa'i sngags pa yis// bgegs rnams thams cad 'jigs med par// slar yang rang gi yi dam lha// sbyin sreg dang bcas bsgom par bya/ / til rnams dang ni mar rnams ni// mnyam par bzhag pas stong phrag sreg/ gsang sngags kyis ni tshim bya zhing // sbyin sreg cho ga bzhin du bya// mngon par 'dod pa sgrub pa'i phyir/ / slar yang mnyes pa brtsam par bya// de nas yang ni rdo rje 'dzin// bcom ldan slar yang bka' stsal pa// bgegs rnams snga na med pa'i gzugs// phan pa'i yid kyis tshur la nyon/ / dkyil 'khor sgrub pa'i thabs la yang // cho ga'i las rnams sbyar bar bya// gang tshe ngo mtshar can gyi las// sngags pa mkhas pa yis ni bya// gang gis skyon dang ldan pa yi// bgegs dang log par 'dren pa rnams// sems can rnams la bgegs byed pa// mi bzang 'jigs pa 'jigs par byed// gnas sogs

  681. 341b

    cho ga nyams pa dang / / de bzhin lnga nyid gzing bdang // sngags rnams 'gom par byed pa'i don// bdag nyid chen po gzi brjid 'bar// gang du gtor ma'i cho ga las/ ga bzhin du gyur par bya// gang du mchod pa byas gyur dang // gang zhig brnyes pa zhi bar 'gyur// rlung char de bzhin sol ba dang // yi ge hUM ki sgra sgrog cing // gnas gcig lngar ni sgra 'byin dang / / glog 'khyug pa yi sma dang ni// me yis sreg tsang cher 'jigs pa'i// glang chen mi bzang sgra skad 'don// bong bu rnga mo spre'u 'dra ba// shin tu mi bzad ro langs rnams/ / ha ha'i sgra ni rab tu sgrog/ 'bar ba'i me yis dkrigs pa'i 'od// rlung gi dkyil 'khor gzugs can rnams// la lar ma chad nas 'bar zhing 'byung // seng ge'i sgra ni sgra chen po/ / sna tshogs gzugs can rnam par 'phrul// skrag pa yang ni skyed par byed// mi g.yo ba ni stobs po che// khro bo'i rgyal po rab tu sbyar// nus pas yang ni 'joms par byed/ / sngags kyis rmongs par byed 'gyur zhing // mi bzad pa rnams rengs par byed// yi ge ha yi gzugs can dbyibs// me yi tshul ltar rigs pa ste// brtson chen thams cad dmar po ste// khro dang bcas pa ral gri'i phyag/ gdug pa thams cad sdigs mdzub pa// g.yon pa'i phyag na zhags pa bsnams// 'bar ba'i 'phreng

  682. 342a

    ba'i dkyil na bzhugs/ / bskal pa'i me ni bzhin du gnas// bruM swa phaT kyi sgra dang bcas// mche ba gtsigs shing zur mig gzigs// gdug pa thams/ cad phyogs bcu ru// yi ge hUM ni khro bo bcu// phyogs kun tu ni rlag par 'gyur// hA hA rab tu klog par byed// rdo rje'i me yis bsregs pa dang // phan tshun du ni 'tshe 'gyur zhing / / phyogs kun tu ni rlag par 'gyur// bdag nyid rnal 'byor la gnas na// dpa' bo chen po'i go 'phang 'thob// khro bo'i rgyal po rab tu sbyar// bgegs dang log 'dren thams cad la/ / yi ge ha ni me yi tshul// mngon sum bzhin du 'joms par byed// yi ge hUM gi sla dang ldan// log par 'dren pa thams cad 'joms// yi ge hUM ni rlung gi tshul/ / sprin rum gtibs pa mnyam par 'od// sprin gyi yi ge hUM 'ur gyis// gdug pa thams cad 'thob par byed// yi ge ha ni me yi tshul// rab tu 'bar ba rdo rje'i phyag/ yi ge hUM gi sgra dang ldan// lta stangs thams cad bsdu bar bya// bdag nyid yi ge har byas nas// thams cad dmar zhing khros dang bcas// 'jigs pa sgra can cher 'jigs pa/ / phyag na zhags pa khros dang bcas// sngags 'chang zhags pa'i phyag rgya yis// bgegs rnams thams cad dgug par bya// bgegs rnams thams cad bkug nas

  683. 342b

    ni/ / bcings nas rab tu skrag par bya// yang na bgegs rnams thams cad la// shin tu gtum zhing khros pa yis// de rnams kyi ni gzugs byas te// zhags pa'i phyag rgyas bkug nas su/ / brdeg par bya zhing rtog par bya// gcad pa dang ni bsreg par bya// bgegs rnams thams cad rlag par 'gyur// tshangs pa mdun na gnas gyur kyang // de ma thag tu byer nas ni/ / the tsom med par 'chi bar 'gyur// yang na bgegs rnams thams cad ni// gdul ba slar yang bshad par bya// sa la bgegs ni bris nas su// mgo bo rkang pas mnan cing gzir/ / nyen nas rab tu 'dar gyur te// the tsom med par 'chi bar 'gyur// yang na bgegs rnams thams cad ni// tshar gcad pa ni slar yang bshad// 'jim pa yi ni rang bzhin las/ / de yi gzugs brnyan byas nas su// sngags pas de ni mes gdungs na// 'di ni myur du bsregs pas 'dzin// brgya byin dang mtshungs bgegs kyang ni/ / de yi mod la myur du 'gro// de bzhin nyid du bgegs gzhan rnams// thun mong du ni yang bshad bya// sngags pas khros dang bcas pa yis// de rnams gzugs ni yang dag bya/ / ske tshe dang ni dug gis bsku// lan tshas kyang ni byug par bya// me la yang ni bsregs pa yis// de yi mod la myur du 'tshig/ yang na bgegs rnams thams cad ni//

  684. 343a

    phur bus gdab pa slar yang bshad// de yi gzugs brnyan byas nas su// rdo rje phur bus gdab par bya// btab pas rab tu zhi 'gyur zhing // the tsom med par 'chi bar 'gyur// yang na bgegs rnams thams cad kyi// rengs pa yang ni bshad par bya// de yi gzugs brnyan byas nas su// lus la ri rab rnam par bsam/ / lcog brgyad dang ni ldan pa yi// rdo rjes yang dag mnan par bya// de nas rab tu zhi 'gyur zhing // 'chi bar 'gyur bar the tsom med// lha dang mtshungs pa'i bgegs rnams kyang / / myur du mi g.yo brtan par gnas// de nas kun gyis kun thams cad// spyi yi las ni khyad par bya// de yi gzugs brnyan byas nas su// sbyin sreg las ni yang dag brtsam/ / mtshon gyis gtub cing bcad nas su// rkang pa nas brtsams sbyin sreg bya// bcad par gyur pas de ma thag/ rlag par 'gyur bar the tsom med// ltar kun la kun tu ni// mkhas pas las ni bya bas na// kha cig gdug pa'i sems ldan pa'i// bgegs rnams thams cad rlag par 'gyur// brdeg cing gcod par phur bus 'debs/ / 'bigs shing de bzhin rtogs par byed// sreg dang gang yang tshar gcod gzhan// byang chub sems kyis brgyan pa yi// sngags pas de dag thams cad bya//

  685. 343b

    shin tu gdug pa'i sems rnams ni// pha rol srog ni gcod par byed// sems can rnams ni rnam par 'tshe// gang zhig phan pa nyid kyi gzhi// snying rje chen po bskyed nas su// sangs rgyas chos ni rjes dran par// sangs rgyas kun gyis ji bzhin brjod// gdug pa'i las ni bya ba yin// de nas dpal ldan rdo rje 'chang // ngo mtshar spyan phye rgyas pa yis// chos kyi dbang phyug thub pa la// snyan pa'i tshig gis bka' stsal pa// e ma ho sangs rgyas bsam mi khyab// sangs rgyas chos kyang bsam mi khyab// sems can mi phan byed pa yi/ / ji srid ming ni bgegs nas su// de srid blo ni ngan 'gro yi// phan dang mi phan rnam rtog rnams// mnar med sdug bsngal gzhol ba ru// rab tu zhugs nas 'gro bar 'gyur/ / de nas phyag na rdo rjes slar yang / bcom ldan 'das la 'di skad ces gsol to// bcom ldan 'das khro bo'i rgyal po chen po de bzhin gshegs pa thams cad kyis rjes su gnang bar gyur pa/ sngags dang / phyag rgya dang / sngags kyi rim par phye ba gang myur ba nyid du phyag rgya'i mtshan mas mtshan pa/ lha thams cad dang / klu dang / gnod sbyin dang / srin po rnams lhan cig sbyar bas las thams cad byed par 'gyur ba'i don yod cing thogs pa med par 'gyur ba bshad du gsol/ de nas bcom ldan 'das kyis/ byang chub sems

  686. 344a

    dpa' phyag na rdo rje la 'di skad ces bka' stsal to/ / legs so legs so// lag na rdo rje slar yang legs so// de legs par nyon la rab tu yid la rung zhig dang ngas khyod la bshad do/ / bcom ldan 'das la legs so zhes phyag na rdo rjes bcom ldan 'das la gsol to// slar yang bcom ldan 'das kyis 'di nyon cig ces bka' stsal te/ rkang pa mnyam par gzhag pas gnas// phyag 'tshal ba yi thal mo sbyar// mthe bong dag ni gnas byas nas// sangs rgyas thams cad gdud par bya// rdo rje bkod pa'i sbyor ba yis// thal mo steng du brkyang bar bya// slar yang mdun du bya ba yin// slar yang thal mo sbyar byas nas// rgyab nyid du ni gzhag par bya// thal mo bkod pa'i sbyor ba yis// slar yang mdun du bya ba yin/ / khros pas hUM ki sgra sgrog cing // bdud kyi rigs la bsdigs par bya// rkang pa bkod pa'i sbyor ba yis// lag pa dag ni gnyis ka yang // gnyis ka'i sdigs mdzub sbyor ba yin/ / bgegs dang log par 'dren pa rnams// gdug pa thams cad kun 'byung ba'i// sdigs mdzub kyis ni 'byed par 'gyur// slar yang rkang pa bgrang nas su/ / rdo rje'i sa gzhir gzhag par bya// sa 'og rim bdun bar du ni// thams cad du ni sbyar bar bya// lag pa sbyar ba'i sbyor ba yis// rkang pa ya gtsigs la

  687. 344b

    gnas/ / de bzhin dum bu phra mo ru// bgegs rnams thams cad 'joms par byed// ma bsgrubs pa la rab tu sbyar// dkon mchog gsum gyi ral mi 'byung // gang zhig bkod pa'i sbyor ba yis/ / klad la yongs su bskor bar bya// yi ge hUM gi sgra sgrog cing // ral gri'i phyag rgya bcing bar bya// gnyis pa shugs kyi rtse mo nas// bstan la gnod pa byed pa dang / / sngags pa bla ma ngan smra zer// gang dag sems can gzhan la 'tshe// gang yang lha la smod par byed// lha dang gsang ba pa dang sprul// lha min srin po 'jigs su rung / / de rnams thams cad gzhom par bya// gnod pa de yang lan gnyis gsum// khros pas gal te bzod gsol na// gsang sngags tshogs ni de mnyes nas// ji bzhin 'dod pa'i dngos grub thob/ / slar yang rdo rje rkang pa yis// rkang pa mnyam par bzhag nas gnas// lag pa phan tshun khu tshur bcings// mdzub mo sbyar ba'i sbyor ba yis// dpral ba'i stengs su bzlog la bzhag/ rkang pa bkod de sbyar ba dang // ya sos ma mchu mnan te khros// 'brug gi hUM ga sgra sgrog pa// bgegs rnams thams cad 'gas par ni/ / yi ge tsA gis the tsom med// rdo rje'i lta stangs 'bar ba che// gdug pa thams cad rnam par 'joms// thig le zhes ni bsgrags pa yis// phyag rgya don kun sgrub

  688. 345a

    par byed/ / sngags pa gang zhig sgrub pa yi// gang dang gang ni rab sbyar ba// de dang de ru don yod par// byed par 'gyur te the tsom med// rdo rje rkang pa'i sbyor ba yis/ / rkang pa steng du brdeg par bya// sangs rgyas kun la gus phyag byas// sor mo phan tshun khu tshur bcang // kha yi tshul du byas nas ni// kha yi thad kar sbyar bar bya/ / dkyil 'khor sgrub pa'i thabs dang ni// de bzhin du yang las rnams dang // phyogs kun las ni byung ba yi// sprin chen yang ni 'dus nas su// 'brug chen sgra ni rab tu ldir/ / der yang glog ni 'khyug pa dang // sku chen po ni ha ha sgrog/ char gyi rgyun ni yang dag 'bab// dus mtha' lta bur yang dag byung // 'di ni kha ru gzhug par bya// mi bzad pa yi sku chen gyis// kha yi phyag rgya'ang 'dzin par byed// bzung ba tsam gyis rlag pa ru// ma lus par ni 'gyur ba yin// de nas khro bo rab 'bar ba// ga'i brjid chen po zhal che ba/ / 'di ni bkug nas zos pa na// bgegs kyi rgyal po thams cad rlag/ khro bo mi g.yo ba yi sku// ji lta ji ltar rab sbyar na// 'jigs pa'i gzugs can bgegs srin po/ / de lta de ltar rlag par 'gyur// kha yi phyag rgya sbyor ldan pas// sngags pas kun tu sbyar bar bya// 'di ni don yod thogs pa med// sangs rgyas kun gyis rab tu mchod/

  689. 345b

    slar yang rdo rje'i rkang pa sbyar// phyag 'tshal thal mo spyi bor sbyar// mngon bzhin rkang pa mnyam byas nas// rkang pa bteg nas g.yeng bar bya// lag pa yang ni phan tshun du// g.yas pa dang ni g.yon pa na// zhags pa ral gri thogs nas su// rdo rje dor nas yang dag gnas// g.yon pa sa yi cha la gzhag/ g.yas pa mtshon cha dang bcas kyang // zhags pas bkug ste bzhag nas ni/ / ral gris gzugs brnyan bcad na ni// tshangs pa 'am ni brgya byin yang // de ma thag tu myur bar gcod// 'di dang dpal ldan zhags pa bsnams// ral gri'i phyag rgya sbyar ba yis// sngags pas sbyar ba tsam gyis ni// gdug pa thams cad bsgrub par bya// thal mo btab ste sbyar nas su// 'khor lo lta bu rab bskor nas// sngags pas bskor zhing drangs nas ni// rkang pa sngar bzhin sbyar bar bya// phyag 'tshal ba yi thal mo sbyar// phan tshun so sor khu tshur bcing // gnyis ka'i mdzub mo rtse sbyar te// rdo rje rtse bcig rnam par bya// gdug pa kun la gdab pa dang // 'bigs par yang dag brjod pa yin// bgegs rnams thams cad rlag byed pa'i// srung ba la sogs rab tu sbyar// lag pa gnyis ni mnyam byas nas// khu tshur sbyar te bcang bar bya// gung mo rtse mo sprad de sbyar// mdzub mo rdo rje'i rnam par bya// gung mo la sbyar rdo rje ni// phyag rgya chen po phyag rgya

  690. 346a

    ste/ / gdug pa thams cad rlag par byed// de nas byang chub sems dpa' phyag na rdo rjes bcom ldan 'das kyi zhabs gnyis la mgo bos phyag 'tshal nas/ bcom ldan 'das la 'di skad ces gsol to/ / bcom ldan 'das ngo mtshar to// bde bar gshegs pa ngo mtshar to// ji snyed pa'i don yod pa'i thogs pa med pa stobs gnon pa'i khro bo'i rgyal po mi bzad pa'i phyag rgya ji lta ji ltar sgrub pa pos sbyar ba de lta de ltar dngos grub ster bar byed pa/ bgegs thams cad 'joms par byed pa'i khro bo'i rgyal po chen po rtog pa'i sgrub pa'i thabs 'di sems can thams cad la phan pa dang bde bar bya ba'i phyir bdag kyang bshad par 'tshal lo/ / bcom ldan 'das kyis bka' stsal pa/ lag na rdo rje gang de'i dus la bab par sems na shod cig/ de nas byang chub sems dpa' sems dpa' chen po lag na rdo rjes/ bcom ldan 'das kyi gnang ba thob ste/ bsam pa thams cad la mnyes gshin pa'i rol pas de bzhin gshegs pa thams cad la phyag 'tshal nas/ dngos grub thams cad kyi mchog snang ba zhes bya ba'i ting nge 'dzin la snyoms par zhugs so// bcom ldan 'das snyoms par zhugs ma thag tu/ de nas re zhig 'jig rten gyi khams thams cad snang ba chen pos snang bar byas te/ sangs rgyas kyi zhing thams cad rdo rje 'chang gi skus gang bar byas nas phyogs bcur

  691. 346b

    bskor te/ slar yang bcom ldan 'das nyid kyi sku la zhugs par gyur/ khro bo'i rgyal po chen po'i sgrub thabs su gyur pa rdzu 'phrul chen po rnams nyon cig/ lo 'dab la sogs pa za zhing 'bum phrag gsum bzlas pa bya'o/ / de nas zhag gsum 'dug nas ras ris kyi mdun du mchod pa chen po byas te/ de'i mdun du nim pa'i yam shing gis me sbar te/ mar gyis btags pa'i yungs kar dkar po snying po'i sngags kyis stong phrag brgyad sbyin sreg byas te sngon du bsnyen pa byas pas so/ / de la khro bo'i rgyal po chen po'i sgrub thabs ni 'di yin te/ dkyil 'khor bris nas ral gri'i phyag rgya bcings te/ skyil krung bcas nas ji srid du rig pa 'dzin par gyur kyi bar du bzlas pa bya'o// rig pa 'dzin pa thams cad kyis mchod cing bskal par gnas la 'dod pa'i 'tshong ba'i dus med de/ sangs rgyas kyi zhing thams cad du spyod la/ de bzhin gshegs pa thams cad mchod cing sems can thams cad kyi don byed do// slar yang 'bum phrag gsum bzlas pa byas na gang 'dod pa'i las rnams thams cad byed do/ / tshig rnal mar babs so// shing skyel bar byed do// nam mkha' nas 'dab chags lhung bar byed do// mtshen skems par byed do/ / rlung gzhan du byed do// zla ba gzas zin pa'i nub mo 'dug nas pa lci sa la ma lhung bas dkyil 'khor byas la/ dri zhim po'i me tog sil ma bkram ste ras bris sam/

  692. 347a

    shes rab kyi pha rol tu phyin pa'i glegs bam gyi spyan sngar se'u dang rigs mthun pa'i mar srang gcig zangs ma'i snod du bcug ste/ seng ldeng gi me sbar te gdung zhing bzlas pas dngos grub gsum 'byung ngo / / de nas ri'i rtse mor gnas bcas te/ zas mi za bar bzlas pa 'bum byas na gter mthong bar 'gyur ro// phyugs ngas zhi bar 'dod na 'o ma'i sreg blugs stong phrag gcig bsregs pas zhi bar 'gyur ro/ / rtswa dur ba mngar gsum gyis btags nas sbyin sreg 'bum byas na phyugs ngas che sa chen po zhi bar 'gyur ro// pad+ma rnams zho dang / sbrang rtsi dang / mar gyis btags te/ sbyin sreg 'bum byas na mchog gsol ba gsum mthong bar 'gyur ro// rgya mtshor 'tsho ba na chu rlung gi chu'i nang du zhugs te 'bum phrag gsum bzlas na yul du phyin par 'gyur ro/ / ji lta ba'i kha dog gi me tog bsregs na de lta bu'i kha dog gi gos rnyed par 'gyur ro// so ba bsregs pas so bang mi zad par 'gyur ro// nas kyi sbyin sreg gis khyim bdag chen por 'gyur ro/ / pri yang kus dbang du byed do// spos shing gis 'khor g.yog mang bar 'gyur ro// mngar gsum gyis btags pa'i bil ba'i 'bras bus sbyin sreg 'bum byas na rgyal por 'gyur ro/ / ras ris kyi cho ga ji bzhin pa ni 'di yin te/ 'phags pa mi g.yo ba zhal gcig pa/ dpa' bo gcig pa/ na bza' ngur smrig mnabs pa/ zur mig gis

  693. 347b

    gzigs pa'i phyag na ral gri dang zhags pa bsnams pa/ khro gnyer rim par ldan pa'i zhal 'jig rten gsum 'jigs par mdzad pa/ ngur smrig mnabs pa bri bar bya'o// de nas rgya mtshor song ste ras bris bkram nas lus la gos gtsang ma bgos te/ dogs pa med cing lkug pa slong mo ba bas 'bum phrag lnga bzla'o// tha ma'i nyin zhag 'dug nas tsa na ka'i yam shing gis khri phrag gcig sbyin sreg byas na mi g.yo ba mthong zhing / de bzhin gshegs pa'ang nye bar spyod la ting nge 'dzin rnyed nas byang chub sems dpa'i ting nge 'dzin thob par 'gyur ro// yang na dur khrod kyi ras la 'phags pa mi g.yo mgon po bris la bdag nyid kyi khrag gis spyan phye ba bri bar bya'o/ / sgrub pa po shar du phyogs te phyi nas ras bris kha sprod du dgra ma ste dus gsum du khrus bya zhing gos rlon pa bgos te lkug pas 'bum phrag gsum bzlas par bya'o/ / mar ngo'i tshes brgyad kyi zhag 'dug ste 'byung po thams cad la gtor ma byin nas rin po che'i steng du khri phrag go cog bzlas pa bya'o/ / de nas ro de'i lus 'gul bar 'gyur te 'jigs par mi bya'o// de nas kha'i nang du pad+ma kha bye ba'i lte ba mthong bar 'gyur te/ blangs nas bzung bas rig pa 'dzin par 'gyur zhing lha'i gzugs kyis tshangs pa'i 'jig rten du spyod do/ / yang na ras bris kyi mdun du zla ba drug tu thun gsum du bzlas shing ji ltar 'byor pa'i mchod pa

  694. 348a

    byas shing a ka ru'i bdug pas bdugs na yul gyi bdag por 'gyur ro/ / rgyal mtshan la stong phrag gcig bsngags nas dmag gi sngon du bzung na pha rol gyi dmag tshogs g.yul nyes par 'gyur ro/ / dmag tshogs rengs par 'dod pas sku chen po sku mdog ser po zhal bzhi la phyag bzhi pa/ mdog mi sdug pa/ mche ba gtsigs shing 'jigs su rung ba/ 'bar ba'i 'phreng ba dkrigs pas pha rol gyi dpung bzung ba lta bur bsam pa 'am/ bris nas bstan na pha rol gyi dmag tshogs rengs par 'gyur ro// rtsod par 'dod pas khA dang 'ug pa'i sgros sbyin sreg byas na rtsod pa 'byung bar 'gyur ro/ / dgra bo myos par 'dod pas sreg blugs 'bum phrag sbyin sreg bya'o// sbyin sreg byas pas mi g.yo ba'i mngag gzhug pas mgul nas bcings te/ lho phyogs su khyer nas myos shing khrag tu skyug cing skrag par dgra'i lus bltas pas rigs brgyud dang bcas pa rlag par 'gyur ro/ / mi'i rus pa la lan brgya rtsa brgyad mngon par bsngags nas btags na gang gi ming nas smos pa de'i mod du rims kyis btab par 'gyur ro// nim pa'i 'bras bu dug dang mar khus btags nas sbyin sreg byas na nyi ma gsum gyis dgra bo rlag par 'gyur ro/ / tshwa dang 'jim pas dgra bo'i gzugs brnyan byas la/ myos byed kyi tsher mas btsugs te

  695. 348b

    gtubs shing bcad pa'i sbyin sreg byas na de ma thag tu rlag par 'gyur ro/ / dgra bo'i ming nas smos shing sa la ma ri zhes bya ba brgya rtsa brgyad bsregs pas dgra bo dbul por 'gyur ro/ / dbang du bya bar 'dod na lan tshwa'i rang bzhin gyi gzugs brnyan byas te bcad nas sbyin sreg byas na skyes bu chen po nyi ma bdun gyis dbang du 'gyur ro// dzA ti kha 'bus pa'i sbyin sreg 'bum byas na gnod sbyin mo dbang du 'gyur ro/ / 'khrul byed kyi 'dab mas sbyin sreg byas pas smyo bar 'gyur ro// lan tshwa'i sbyin sreg gis lha'i bu mo'ang 'gugs so// gu gul gyi sbyin sreg gis rgyal po 'thob par 'gyur ro/ / ras bris gzhan gyi cho ga 'di yin te/ dbus su bcom ldan 'das shAkya thub pa/ de'i g.yas su 'jam dpal rgyan thams cad kyis brgyan pa/ g.yon du rdo rje 'dzin pa zhal cung zad 'dzum pa phyag na rdo rje bsnams pa bri bar bya'o// de'i spyan sngar 'bum phrag lnga bzlas pas las thams cad byed nus par 'gyur te/ pha rol gyi dmag tshogs la nad 'byung bar 'gyur ro// spyan gyi phyag rgya bcings te khros pas yi ge hUM la sogs pa'i mtha' can gyi sngags bzlas pas dgra bo gdon chen pos 'dzin pa 'am nges par rlag par 'gyur ro/ / dur khrod kyi thal ba la lan 'bum bzlas nas gang la sbyin pa de bran du 'gyur ro// gi'u wang la lan bdun bzlas nas

  696. 349a

    thig le byas pas skye bo thams cad dga' bar 'gyur zhing mi mthong bar 'gyur ro/ / bgegs thams cad dang log par 'dren pa la sogs pa 'bar bapar 'grub par 'gyur ro/ / bdag nyid la bkod nas dpag tshad brgya nas kyang tshangs pa dang srin po grol bar byed do// sbrul nag pos zin pa zla ba drug nas mnan par 'dod na khros pas ral gri'i phyag rgya bris la lto 'phye chen po'i rigs ldan gyis bskor te/ de nas ral gri la stong phrag gcig mngon par bsngags nas dbus su de lta bur 'bar ba 'dra bar dgod par bya ste/ de nad pa la bstan na nges par 'jug go// 'phags pa mi g.yo ba spyan gcig pa'i snying po thun gsum du brgya rtsa brgyad bzlas na rtag tu 'brel bar 'gyur ro// dben pa'i sa phyogs su zan gyi chang bu byin na mchog chen po stsol bar 'gyur te/ snying po'i phyag rgya bcings te khros pas yi ge hUM bzlas na sprini bral bar byed do// tsher ma ske tshes btags pa'i sbyin sreg byas na rlung gi char pa gtun shing ltar 'jog go/ / sgrub pa po la srung ba chen po byed do// mi rnams rkang pa g.yon pa mnan pas bsgrubs na bka' nyan par 'gyur ro// lha dang mi rnams kyi gzugs brnyan byas nas bcad na 'chad par 'gyur ro/ / lha dang mi thams cad kyi gzugs brnyan byas na de lcags kyi phur dus btab na phur bus btab par 'gyur ro//

  697. 349b

    de nas 'ching bar 'dod par gyur na srung pa ser po la mngon par bsngags te gzugs de khas nas bcings par 'gyur ro// bcing bar 'dod na lnga la sogs pa'i gzugs brnyan bya nas steng du spang leb kyis mnan na btsir bar 'gyur ro/ / de nas brdeg par 'dod na mi la sogs pa'i gzugs brnyan byas te ri'u srud bus zabs na ngu zhing 'ongs nas bka' bsgo ba byed do// gnod par 'dod na lha dang mi thams cad kyi gzugs brnyan byas te spang leb la sogs pas mnan na gnon par 'gyur ro// de ltar khro bo'i rgyal po rdzu 'phrul chen po 'di ji lta ji ltar sbyar ba de lta de ltar las gzhan ngo mtshar che ba'ang stong phrag byed do/ / de nas byang chub sems dpa' sems dpa' chen po phyag na rdo rjes khro bo'i rgyal po chen po'i sngags bka' stsal pa/ nam sarba ta thA ga te b+h+yaHsar+b+ba bi shA mu khe b+h+yaHsarba thA/ oM tsaN+Da ma hA ro Sha Na hUM tAT mahA/ tsaN+Da a tsa la kA Na d+hU hUM hUM a pra ti ha ta ta thA ga tA dzA s+pha ra hUM phaT phaT swA hA/ de nas phyag na rdo rjes slar yang khro bo chen po thogs pa med pa'i mchog gi snying po dpa' bo gcig pa bka' stsal pa/ na maHs+t+rai yan+ti kanA~M/ ta thA ka tra nA~MH/ byang chub sems dpa' chen po phyag na rdo rjes bka' stsal ma thag tu/ de nas skad cig de la 'jig rten gyi khams thams cad snang ba chen pos snang bar byas nas/ de la 'jig rten gyi khams thams cad kyi gang 'dud dang bdud chen po 'jigs

  698. 350a

    su rung ba'i gzugs can dang / lha dang / klu dang / gnod sbyin la sogs pa de khro bo chen po'i gzi brjid kyis bsregs par gyur/ gang dang gang rang rang gi gnas der song ste/ bcom ldan 'das bskyab tu gsol/ bde bar gshegs pa bsreg pa las bskyab du gsol/ de nas de bzhin gshegs pa de rnams kyis rang rang gi zhing rnams kyi bgegs dang bgegs chen po de dag la 'di skad ces bka' stsal to/ / rigs kyi bu dag khro bo rgyal po chen po mi g.yo ba zhes bya ba de bzhin gshegs pa thams cad kyis bka' stsal pa mdzad pa/ gdug pa thams cad 'joms par byed pa dran par gyis shig/ gzhan du khyed rnams kyi mgo bo phyag na rdo rje'i rdo rjes tshal pa brgyar 'gems par 'gyur ro// gang zhig sgyu ma lta bur sems bskyed cing / sems can thams cad la phan pa dang bde ba'i sems skyed cig/ sems can sdig pa thams cad dang bral ba dran par gyis shig/ rigs kyi bu khro bo'i rgyal po chen po sdug bsngal thams cad dang bral ba dran par gyis shig/ de nas gdug pa de thams cad khro bo'i rgyal po chen po de nyid la skyabs su song ste/ bcom ldan 'das bdag ni sa'i phyogs su nye bar song ste/ gang na khro bo'i rgyal po chen po 'di nyid bzhugs pa de bsrung bar bgyi'o// nye bar dgos pa bskyed do// nye bar 'tshe ba thams cad kyang gzhom par bgyi'o zhes dam tshig byas nas

  699. 350b

    bcom ldan 'das kyi zhabs kyi drung du lhags nas 'dug go/ / de nas byang chub sems dpa' sems dpa' chen po lag na rdo rjes slar yang khro bo'i rgyal po chen po spyod pa'i cho ga yang sgrub pa po rnams la bka' stsal pa/ bo'i rgyal gyi chen po 'di kang lkugs byas mi 'azlog par lal gdung / rtsab dang / 'bras bu zla ba 'am/ chu ring chung ba bar zur ba'i zos dben pa'i gnas su bzlam pa bya'o/ / tshwa za'i rgyal po don yod cing thogs pa med pa 'di dkon mchog gsum la rgyab kyis phyogs pa'i sems dang ldan pa/ ngartsal cheb mtsha pa'i nga rgyal can gyi gdug pa'i srin po la sogs pa sbyar bar bya'o/ / phan pa'i sems kyis byang chub mchog tu sems bskyed par dad pas dkon mchog gsum la dang bar gyur par bsgrub par bya'o/ / rtog pa gzhan gyi tshogs kyang dman pa'o sems can sdug bsngal ba rnams ni sbyar bar mi bya'o// dkon mchog gsum la mos shing dad pa la khro bo'i rgyal po chen po sbyar bar bya'o/ / mtshams med pa lta byed pas kyang gdon mi babar chog ji ltar mngon par 'dod pa'i dngos grub thob bo zhes bcom ldan 'das rdo rje 'dzin pas gsungs so// de nas rapa lnga Sh+TA rdo rje 'chang / / thugs rje dang ni ldan pa'i thugs// sems can khams ni ma lus pa// 'di kun rnam par gzigs nas su// 'tsho ba lan pa mdzad pacan// snyan pa yin

  700. 351a

    tshig gis gsol/ / bcom ldan chos rnams thams cad kyi// khyod nyid gcig pu dbang phyug gtso// khyod nyid gcig pu kun mkhyen te// thams cad mkhyen/ pa'i nam mkha' can// khyod ni skyob med sems can gyi// skyob pa dpung gnyen thams cad yin// sems can kun gyi khyod gcig pu// mchog tu mnyes gshin pa yi pha// nyon mongs nad rnams gso mdzad pa/ / sman pa'i rgyal po khyod gcig pu// khyod ni sems can thams cad kyi// gtso bo mchog tu gzhol ba yin// bdag la 'dir ni khyod gcig pu// gtso bo bdag la gzhan ma mchis// sems can rnams la phan 'dod pas// gang zhig bdag nyid khyod la zhu// thugs rje dang ni ldan pa'i thugs// mgon po de ni bdag la gsungs/ / sems can ji ltar bde bar 'gyur// ji ltar sdug bsngal rten can du// gang gis 'dir ni gyur pa yin// de rnams bdag la gtso bos gsungs// rgyal po mi rgo chom rkun dang / / de bzhin du ni me dang chu// nad dang mu ge bdud rnams dang // de bzhin dus min 'chi bas 'jigs// char ches pa dang char mi 'bab// rtag tu yams kyis 'tshe ba ste/ / mgon po 'di ru ji ltar yang // brgya la mi 'gyur ba zhig yin// dpal gyis mdzes par brgyan pa yi// dbang du bya ba nyid dang ni// sems can thams

  701. 351b

    cad brtse bar ni/ / thams cad ji ltar 'byung bar 'gyur// ngan dog ngan pa de ji ltar// ji ltar lus po dman par 'gyur// du ba'i mdog can drung drung po// de nas g.yeng pa nyid dag ni/ / sngags pa dag la 'byung mi 'gyur// nye bar 'tshe ba rnam par spangs// 'di kun ji ltar brtse ba legs// longs spyod dang yang longs spyod 'phel// nyal ba dang ni 'dud pa dang / / 'gro ba 'am ni 'dug pa na// sngags pa ji ltar bde ba ru// de ni rtag tu 'gyur ba yin// de la lha ni mngon spyod cing // rjes su 'brel ba ji ltar 'gyur/ / las kyi dngos grub ji ltar ni// myur ba nyid du 'gyur ba yin// srin po lto 'phye grul bum dang // yi dgas gcan gzan sbrul de bzhin// gzhan yang rtag tu mche bas 'debs/ / ji ltar 'tshe bar mi 'gyur lags// zhi ba dang ni rgyas pa'am// de bzhin dbang dang mngon spyod kyi// las ni ji ltar myur grub nas// don yod par ni 'gyur/ ba lags// 'di kun skal ba chen po ni// da ltar yang ni gsung bar rigs// chos kyi dbang phyug thub pa yis// 'di skad kyi ni tshig gsan nas// phyag na rdo rje des chen la// snyan pa gsung gis bka' stsal pa// legs so bu gcig dpa' bo che// phyag na rdo rje stobs po che// rdzu 'phrul che nyid slar yang legs// nga yi bstan la khyod nyid de// khyod

  702. 352a

    nyid gcig pu bdag gi sras/ / rtag tu rjes su 'phel byed pa// nga yi bstan pa bsrung ba yang // khyod kyi yang dag lag na gnas// rgyal ba'i sras po khyod gcig pu/ / gtso bo dbang phyug kha lo sgyur// khyod nyid gcig pu la rag lags// byang chub thams cad lag mthil gnas// gang zhig khyod kyis zhus pa yis// bu gcig 'di ni ngo mtshar to// gsang ba mchog gi rmad du byung // ma lus pa ni bshad par bya// gang zhig bdag gi snying la gnas// de ni gzhan gyis byin gyis brlabs// chos rnams kyi ni gsang ba yang / / de nas gzhan du ma gsungs pa// dpa' bo khyod la ma lus par// bshad par bya yis tshur la nyon// gang gis dngos grub myur thob pa'i// gsang ba gang zhig gnas pa yang / / mchog gi gzugs can lhan cig tu// sa stengs 'dir ni rnam par gnas// gtsug lag khang ni sna tshogs mdog/ de bzhin sna tshogs gzugs 'chang ba/ / rdzu 'phrul chen po mthu che ba// de bzhin rgyal ba'i sras po 'chang // rgyal ba'i chos rnams yang dag ldan// dkon mchog gsum la mchog tu gzhol// 'di rnams mchod cing yang mchod la/ / gnod pa byed pa sreg par 'gyur// de ni rgyal ba'i bden pas bcings// sems can thams cad dbang du byed// 'khrig pas brten par gyur pa dang //

  703. 352b

    mi ni gang zhig sdig byed pa// tshangs spyod dang ni de bzhin gzhan// sa stengs skye bo gang cung zad// 'di kun 'dir ni rnam par 'tshe// lha rnams kyi yang de bzhin grong // gdug cing rnam par 'gyur ba'i las// gnod sems bdag nyid rnam par 'tshe// brtan dang g.yo ba phyag 'tshal nas// 'jig rten 'di ni rnam par spangs// sa stengs bstan pa ma gtogs par/ / de rnams bstan pa cung zad med// gang gis bde ba myong byed pa// khyod kyis kyang ni mnyan par rigs// sngags pas dang po kun byas nas// rdzogs sangs rgyas ni nyi ma'i 'od// kun mkhyen dbang phyug blo dang ldan// spros pa thams cad 'di las gzhan// shin tu rnam par dag pa'i chos// gdod nas zhi ba chen po'i gnas/ / skyon rnams thams cad rnam par grol// phun sum tshogs pa thams cad byed// 'di ni dkon mchog gsum gtsobo// bsam pa thams cad rdzogs par byed/ / gza' rnams gzugs dang mtshan ma dang // cha byad dang ni dbyibs nyid kyang // brtan dang g.yo bas mi shes pa// bshad par bya yis bu khyod nyon// bdag gis ye shes gnas pa 'di// mdzes pa'i tshul chen rmad du byung // sa yi dkyil 'khor kun tu ni// bu gcig kho bos ma gsungs so// gza' rnams kyi ni

  704. 353a

    mchog gi gzugs/ / mchog tu rmad byung bsam mi khyab// mchog tu mdzes par gyur pa ste// khros shing bzhin ma sdug pa yin// mdzes pa'i gzugs can la brten nas/ / rang nyid mdzes shing phan par gnas// gang tshe gzugs ni bsam mi khyab// mchog tu mdzes par gyur pa ste// de tshe 'di ni bsam mi khyab// drang srong bsam gtan spyod yul min// zhi ba sems can la 'phya zhing // khros pa nyid ni khros pa nyid// sems can la 'di zhi ba ru// de yi tshe na kun tu spyod// sangs rgyas chos dang de bzhin du/ / dge 'dun mkhas pas mchod byas na// de yi gzugs ni nyer mtshon te// de yi tshe na mchod par bya// zhi ba zhi ba shes par bya// rgyas pa yang ni rim ji bzhin/ / mngon spyod ces bya ba 'di dang // dbang du bya ba'i gzugs mtshan nyid// 'di dag thams cad mdor bsdus na// de ni rgyas par gsungs pa yin// shin tu mnyam par bzhag mchod pas/ / zhi ba la sogs 'di yang min// phun sum tshogs pa kun byed pa'i// dkon mchog gsum ni sngon du mchod// yid ni bsdams par gyur pa dang // dbang po lnga ni bsdams pa yis// dri ma dkar chen zhag tu lon// lus la bsgos nas khrus kyis brgyan// shin tu dben zhing phyugs med par// 'di ni 'ong bar song nas ni//

  705. 353b

    ba lci la sogs rtag tu byugs// dri yis nye bar byugs nas ni// kha dog ser dang dmar ba dang // dkar po 'am de bzhin ljang khu dang // nag po yang dag gsungs pa yin// kha dog yongs su bzung byas nas/ / mkhas pas ji ltar rig pa nyid// yid du song ba'i dkyil 'khor bya// sangs rgyas ser po bya ba ste// chos ni dkar po nyid du bya// dge 'dun ldang khur bya ba ste/ / gsang ba 'di yang yang dag bsgrags// gza' rnams kha dog dbye ba yis// dkyil 'khor dag ni nye bar mtshon// mkhas pas de yi 'og tu ni// sngags pa'i lus ni rtag tu bya/ / phyag rgya 'chang ba'i phyogs bris te// rang gi phyag rgya kha dog mtshan// dkyil 'khor gyi ni tshed dag ni// sor mo bcu drug rab tu grags// yang na gang ltar yid dga' ba// de ltar yang dag brtsam par bya// kha dog ji ltar nyer mtshon pa// dri dang me tog la sogs dbul// mnyam par bzhag pas so so ru// 'di rnams kyi ni gsang sngags bzla// sems ni rtse gcig gyur pa yis// bde gshegs bdag nyid bsgoms nas su// gza' rnams so sor mdun gnas nas// gsang sngags brjod par bya ba yin/ / de nas gsang sngags 'di yis ni// bsam pa thams cad yongs rdzogs byed// na maHsarba tA thA ga te b+h+yaHsarbA sA pa ri pU ra ke b+h+yaHsar+b+ba ta thA

  706. 354a

    b+hak+ti ra sAH/ sar+b+bA tra yaM AH/ A did+yA AHsu bi shud+d+haH/ nyi ma dang / zla ba dang / rnon po dang / mig dmar gyi'o// b+hi bud+d+ha pa ka/ gza' lhag gi'o/ / oM b+ho gA mya da yaHphur bu'i 'o// oM shud+d+ha d+hI ra ho/ pa wa sangs kyi'o// oM kriSh+Na bar+Na phuka/ spen pa'i'o// oM bi kr-i ta bak+Sha ru tsi sA hA/ sma gcan gyi'o// yang ni gsang sngags re re ni// bdun phra ga brgya rtsa bdun du bzlas// sna tshogs gzugs can gza' rnams ni// de ltar thams cad mchod par bya// skal bzang skye bar 'gyur ba dang / / longs spyod rgya chen stsol bar 'gyur// rgyal po mi rgod chom rkun sogs// srin po lto 'phye grul bum rnams// de rnams 'byung bar mi 'gyur te// de yis 'jig pa nam yang min// nad rnams kun las rnam par grol// sdug bsngal thams cad rnam par spangs// thams cad dbang phyug go 'phang thob// the tsom med par 'byung bar 'gyur/ / gang yang gzir ba nyid 'gyur ba// gzir ba'i rang bzhin 'byung ba gnas// cho ga bzhin du mchod pa yis// phan pa de la 'byung mi 'gyur// rtag tu bde/ bas gnas gyur cing // brtser ldan sems can mnyes gshin pa// sems ni dang zhing mnyen pa ste// sems can kun la phan par dga'// dngos grub las ni phan yon te// zhi ba'i

  707. 354b

    sems ni mnyam par gzhag/ de yi phyi rol btsun par brten// kun gyi gtso bo dbang phyug ste// rgyal po rdzu 'phrul chen po dang // gdug pa'i sems can 'dul byed par// the com med par 'byung 'gyur te/ / rgyal ba bden pa gsung bas gsungs// char ches pa dang char mi 'bab// mu ge byung dang rtsod par song // dkyil 'khor mchod par gyur pa na// de la de ni 'byung mi 'gyur/ / zhi ba dang ni rgyas pa dang // gal te las 'di rtsom pa na// dri ni cho ga bzhin gsungs pas// dang por 'dir ni mchod par bya// 'di ni sdig dang ldan pas kyang // de ni myur du 'grub par 'gyur// nad rnams kun las rnam par grol// nyes pa thams cad rnam par spangs// sdig pa thams cad rnam par grol// rtsod pa thams cad rnam par spangs// thams cad rtag tu bde bar ni// the tsom med par 'byung bar 'gyur// de ltar mchod pa'i cho ga yis// gang tshe bsod nams byas mchod na// lha yi tshogs rnams kun mnyes nas// dngos grub rgya chen stsol bar 'gyur// gdug pa'i log par 'dren pa kun// srin po 'jigs pa'i gzugs can rnams// sngags pa bzlas pa brtson pa la// de ni de la 'tshe mi byed/ / rtag tu sna tshogs nad med cing // longs spyod phun sum tshogs pa ru// de ni rtag tu gyur pa ste// cho ga bzhin du mchod pa yis// rgyal po yang ni dbang du 'gyur// gang

  708. 355a

    yang gdug pa stobs po che/ / 'jigs pa'i gza' tshogs thams cad dang // mkha' 'tsho ma yang stobs chen mo// de la kun tu phyag 'tshal bar// the tsom med par 'byung bar 'gyur/ / de ltar rnam pa thams cad kyis// thams cad du ni mchod nas su// bde ba nyid du kun tu shes// sdug bsngal rgya mtsho rnam par spangs// sna tshogs phun sum tshogs pas mdzes/ / de bzhin rtag tu rgyal por bcas// thams cad du ni snyan par smra// kun kyang dbang phyug rnam par brgyan// mchog tu skal ba bzang 'gyur ba// de ni kun tu the tsom med// de skad gsungs nas rnal 'byor che// thub pa chos kun dbang phyug ni// cang mi gsung ba nyid du gyur// de tshe 'khor rnams 'di skad gsol// dpa' bo chen po sems dpa' legs// thams cad mkhyen pa rims nad bral// sngags kyi de nyid don nges pa// thams cad ma lus pa ru gsungs// mgon po sems can shin tu med/ / spyan sngar du ni brjod pa'i tshul// gsang sngags rgya mtsho bshad pa las// snying po 'di ni btus nas bsdus// thob pas 'jigs med 'di mngon gyur// de kun the tsom med pa ru/ / sa 'og gnas pa kun byas nas// sdug bsngal kun las rnam par grol// bde ba thams cad yang dag ldan// de tshe thams cad 'byung 'gyur zhing //

  709. 355b

    nang rnams thams cad rnam par spangs// gdug pa 'jigs pa'i gzugs can dang // srin po gang yang mche ba can// gsang ba'i phyag rgya mthong ba yis// de dag thams cad rlag par 'gyur/ / gza' mchod pa rab 'byams kyi rim par phye ba'o// // mi g.yo mgon po zhes bya ba// sems can rjes su srung bar byed// 'jam pa'i dpal gyi dkyil 'khor nyon/ / de tshe dngos grub mdzes pa kun// rdo rje ral gri sogs de bzhin// phyis nas dkyil 'khor nang du ni// sngags pas cho ga bzhin sgrub la// las kyi/ cho ga mthong ba yis// sa gzhi dag par yang dag ltar// slob ma rnams la phan 'dod pas// 'bad pas dkyil 'khor kun tu bri// kun nas khru tshad lnga yin te// khyams kyis so sor rnam par brgyan/ / rta babs rnam par btsugs pa ni// nub kyi sgo ni bsgom par bya// sgro yi las ni 'jigs med par// byang phyogs kyi ni rab tu bya// gzhan du gang zhig rab byed na/ / ring por mi thogs nges par brlag/ sngar gyi bzhin du cho ga yis// gru bzhi ru ni thig gang ba bya// sgo khyung dang ni khyams dang ldan// snam bus kyang ni yang dag brgyan/ / de nas sngags pas dbus kyi char// ral gri phyag rgya gzugs bzang ldan// me yi dkyil 'khor dbus su ni// rin chen rdo bar legs par gnas// 'bar ba'i

  710. 356a

    'phreng ba gzi brjid 'khrigs/ / nyi ma 'char ka'i 'od dang mtshungs// rang gi sa bon sa bon gyis// rdzogs pa'i sangs rgyas bsgom bya bri// 'di ni byin gyis brlab pa'i sngags/ / na maHsarba ta thA ga te b+h+yaHsarba bi shA mu khe b+h+yaHhe he he A dz+nyA pa ri mArga Na A gats+tsha b+ha ga ban shI g+h+r-i sA hA/ de yi byang du bri ba ni// bum pa rdo rje mtshan ma can/ zhi ba 'bar ba'i 'phreng bas 'khrigs// 'jig rten gtso bo de rang bzhin// lho yi phyogs su mgon po yi// rdo rje 'bad pas bri bar bya// me yi dkyil 'khor dbus su ni// phyag na rdo rje blo ldan gnas// dbang ldan phyogs la brten nas ni// mdzes pa'i gzugs brnyan phyag rgya bris// rin chen rdo bar bzhugs shing 'bar// yid bzhin nor bu zhes su bshad/ / rgyal phyag rgya brtul phong rol// steng du pad+ma bris nas ni// sangs rgyas thams cad de ru bzhugs// me yi phyogs la brten nas ni// rab tu 'bad pa/ rdo rje bri// 'bar ba'i 'greng ba 'jigs su rung // pad+ma la ni rab tu bzhugs// blo dang ldan pas 'og tu ni// khro bo'i rgyal po mngag gzhug bri// rdo rje rdo ba'i steng du gnas// rdo rje 'bar bas yongs su bskor// rlung gi dkyil 'khor dbus son par// rtag tu 'bar bas 'khrigs pa yi// zhags pa'i phyag rgya de la bri// de nas gnyis pa'i cha la ni// pho nya mo

  711. 356b

    ni kun nas bri/ / brtan pa zhes bya'i pho nya mo// byang phyogs su ni yang dag gnas// chu yi dkyil 'khor la bzhugs par// mkha' gsod ma ni de la bri// lho yi phyogs su rnam 'jigs ma// nyi ma'i dkyil 'khor dbus na bzhugs// bgegs rnams kun nas 'jigs par byed// 'jig pa yi ni mi ltar 'bar// 'khor lo rdo ba'i steng du bri// de yi g.yog 'khor dag gi don// rab tu 'bad de bri bar bya/ / mkha' gsod ma ni snam bu la// gtun shing dang ni tho ba nyid// rab tu 'bad pas bri bar bya// slar yang nub phyogs su son par// bcom ldan ma ni 'jigs pa bri/ / mdzod spu zhes ni bshad pa yi// phyag rgya shar gyi cha la bri// lha mo pad dkar stengs na bzhugs// rin chen 'phreng bas rnam par brgyan// de ltar kun nas de la ni// sngags pas phyag rgya dge ba'i tshogs/ / rang gi sa bon nges sbyar bas// dkyil 'khor mchog gi rmad du byung // sngags pas 'di kun cho ga bzhin// dri dang me tog sogs dge mchod// de nas phyag na rdo rjes byin gyis brlabs pa'i sngags gsung pa/ lag pa thal mo sbyar nas ni// sor mo gung gi nang nyid du// dpal ldan phyag rgya 'di 'chang ba// pad+ma'i mdzod ces mngon par bshad// skyob pa thams cad mngon sum du/ / dkyil 'khor byin gyis brlab par bya// sngags ni 'di'o// na maHsarba ta thA ga te b+h+yaHsarba mu khe b+h+yaHhUM hUM baHbaHmaM maM swAhA/ sngags 'dis phyag rgya dang ldan par spyan drang ba

  712. 357a

    dang / gshegs su gsol ba la sogs pa dang / cho ga bzhin du bya'o// 'di ni 'jam dpal gyi dkyil 'khor gyi rgyal po chen po ste/ bstan pa srung ba'i phyir dang / dam pa'i chos gnas pa dang / sems can rnams srung ba'i phyir du mchog tu gsang ba'i mi g.yo mgon po sangs rgyas thams cad kyis gsungs so// gang 'dir zhugs nas phyogs na phyag rgya'i ye shes legs par bslabs na rgyud thams cad kyi gsang ba'i snying po'i dkyil 'khor mchog tu zhugs pa yin no/ / 'jam dpal gyi dkyil 'khor 'di su la'ang bshad par mi bya'o// de ci'i slad du zhe na/ dkyil 'khor 'di ni mchog tu gsang ba yin pas so// sngags pa gang zhig gzhan du byed// dkyil 'khor cho ga nyams pa yis// slob ma dang bcas gdon mi za// the com med par rlag par 'gyur/ / de nas 'jam dpal gyi dkyil 'khor 'dir zhugs pas mtshams bcing bar bya/ gzhan du ma yin no// slob dpon gyis dkyil 'khor bris te zhugs nas tsham rngam gyi las rnams la slob ma sbar bar bya'o/ / de nas phyag na rdo rjes slar yang / 'jam dpal gzhon nur gyur pa la 'di skad ces gsungs so// 'jam dpal nyon cig/ stobs dpag tu med pas pha rol gnon pa'i ras bris kyi cho ga ni rin lhag ma bcal ba'i ras sla la sogs pa dang bral ba blangs te/ khro bo'i rgyal po dpa' bo gcig pa lag pa g.yas pa bteg pa/

  713. 357b

    zhabs g.yas pa steng du bteg pa/ zhabs g.yon pa'ang gyen du bsgreng ba/ phyag g.yon pa sdigs mdzub kyis bsdigs par mdzad pa/ zhal rnam par mi sdug pa nang steng du 'bar bar gnas pa/ de bzhin gshegs pas sa stengs nas gnyis kyis dbugs 'byin par mdzad pa/ me tog rgyal ni byang du'o// g.yas su ni bcom ldan 'das rnam par snang mdzad/ 'og tu ni sgrub pa pos spos kyi snod kyi lag pa bsgrengs pa khro bo'i rgyal po la lta ba bri'o/ / 'jam dpal mi g.yo mgon po 'di'i ras bris kyi cho ga sems can rnams la phan par 'dod pas bdag gis bshad do/ / 'jam dpal mi g.yo mgon po'i sgrub thabs kyi cho ga gang thabs bla mo yis dngos grub chen po thob pa nyon cig/ 'dir dang por re zhig sngags kyi sgor byang chub sems dpa'i spyad pa spyod pa'i byang chub sems dpas ri la sogs pa yid dga' ba'i gnas rnams su gcig pu slong mo za zhing / ras bris 'di'i spyan sngar sngon du bsnyen pa 'bum phrag gcig bya'o// de nas ro rtse'i zom la gnas bcas te/ 'bum phrag gsum bzlas par bya'o// de nas nya la ji ltar 'byor pa'i mchod pa byas nas mtshan rangs par bzlas par bya'o// nang bar tho rangs sam nyi ma shar nas mtshan ma rnams 'byung ste nyi ma 'gyur ldog byed cing mun par yang 'gyur ro/ / phyogs bzhir hA hA zhes sgrog pa'i sgra chen po thos par 'gyur ro// khro bo'i rgyal po'i

  714. 358a

    me tog gi chun 'phyang g.yo bar 'gyur ba dang / sa gzhi g.yo zhing 'brug gi sgra chem chem klog pa dang / rig pa 'dzin pa rnams kyis me tog gi char 'bebs so// 'di'i drung du khro bo'i rgyal po chen po rang nyid lha thams cad dang klu la sogs pas bskor nas byon no// de'i dus su dmyal ba'i sdug bsngal rab tu zhi bar 'gyur ro// de nas yon chab phul te phyag byas nas gnas par bya'o/ / de nas khro bo'i rgyal po gsung bar 'gyur te/ bu gcig mchog sbyin par bya'o zhes pa dang / rig pa 'dzin pa 'am/ rgyal po 'am/ mi snang ba 'am gang 'dod pa de bslang bar bya'o/ / gal te rig 'dzin du gyur na brgyad gnyis lo lon pa'i cha byad phyag na ral gri thogs pa/ lha'i bzhon pa la bcibs pa/ rig pa 'dzin pa mang pos bskor ba/ rig pa 'dzin pa thams cad kyis bkur sti chen pos phyag byed pa/ sangs rgyas kyi zhing khams mang po bskor ba/ sangs rgyas bcom ldan 'das rnams kyis mchod pa byed par 'gyur te/ bskal par 'tsho bar 'gyur ro// yang na mig sman grub par 'dod na lig bu mig dang / ut+pa la sngon po dang / ru rta rnams gcig tu byas nas zangs kyi snod du bcug ste/ zla ba gzas zin pa na ji srid du ba byung ba de srid du bzlas par bya'o/ / de mig la bskus na 'dod pa'i khams su mi snang bar 'gyur ro// de nas ral gri sgrub par 'dod na ral gri chag gas med pa thogs te/ mar

  715. 358b

    ngo'i brgyad dam bcu bzhi la ras bris la mchod pa rgya chen po byas nas/ srung ba'i ral kri lag pa g.yas su thogs pa la ji srid du 'phro bar 'gyur ba de srid du bzlas pa bya'o// 'bar ba 'am 'phro ba na rang gcig pu rig pa 'dzin par 'gyur ro/ / 'bar bas ni rig pa 'dzin pa'i rgyal por 'gyur ro// thogs pa med pas pha rol gyi stobs gnon pa gang gi drung du mthong na mthong ba de dang ba thob par 'gyur ro/ / de nas rdo rje 'dzin pa sgrub par 'dod na khro chu'i lcags kyi rdo rje sor bcu drug pa ngos gnyis ka rtse gsum pa tsan dan dmar pos byugs la/ cho 'phrul gyi zla ba'i tshes gcig nas brtsams te ras bris la mchod pa rgya chen po byas la nyi ma re re bzlas pa bya'o/ / de nas nyal mchod pa rgya chen po byas nas mar gyi mar me brgya tham pa spar te/ ku sha'i chun po la nye bar 'dug la rdo rje lag pa gnyis kas bzung nas ji srid 'bar ba de srid du bzlas nas/ de bzung bas 'khor dang bcas pa rig pa 'dzin pa'i 'khor los sgyur ba thob par 'gyur ro// de ltar 'khor lo dang mdung la sogs pa'i mtshon cha rnams dang / gos dang / mchil lham dang / tshangs skud la sogs pa rtog pa gzhan gyi cho ga'ang bsgrub par bya'o// snga ma bzhin du dngos grub gsum 'byung ngo / / de nas nor sgrub par 'dod na seng ldeng gi yam shing rnams zho dang mar gyis sbags nas stong phrag brgyad sreg thugs byas na nor stsol bar 'gyur ro//

  716. 359a

    rgya mtshor 'bab pa'i 'gram du song nas tsan dan gyis spags pa'i pad+ma rnams stong phrag brgyad cu chu bo la bskur na pad+ma'i phung po dang mnyam pa'i nor thob par 'gyur ro// lha dbang du bya bar 'dod na a ka ru'i yam shing rnams zho dang / sbrang rtsi dang / mar gyis btags nas sreg blugs byas na dbang du 'gyur ro// gsum po des btags pa'i 'bras bsres na sngags mi zad par 'gyur ro/ / gnod sbyin dbang du bya bar 'dod na gsum gyis btags pa'i gu gul gyi ril bus sreg blugs bsregs pas dbang du 'gyur ro// mya ngan med kyi yam shing gis ni gnod sbyin mo dbang du 'gyur ro/ / rgyal po la yungs kar gyi sreg blugs byas na rgyal po dbang du 'gyur ro// rgya mtshor 'bab pa'i chu klung gi 'gram du song nas pad+ma 'bum phrag gcig sbyin sreg byas na dpal 'dus nas nor stsol ba 'am yul phyogs gcig pa'i rgyal sring ster ro/ / de nas 'bum phrag gsum byas nas byin nas steng kun gyi bdag por 'gyur ro// 'bum phrag lnga byin na 'dzam bu gling gi bdag por 'gyur ro/ / lha ma yin gyi bu ga'i sgor ras ris bzhag nas 'bum phrag gsum bzlas na sngags thams cad 'byung ste/ dogs pa med par zhugs na bcud kyis len la sogs 'byung bar 'gyur ro/ / de nas de nyid du gnas na khyab 'jug gi 'khor los 'jigs pa 'byung ngo // yar ngo'i tshes gcig nas brtsams te dzA ti'i me tog stong phrag brgyad du bcom

  717. 359b

    ldan 'das kyi zhabs kyi mthe bor reg par bya'o/ / ji srid du zhabs kyi mthe bong las 'od zer byung gi bar du btags na sgrub pa po'i lus de ma thag tu mi snang zhing dbu spa lcang lo 'khyil bar 'gyur ro/ / 'khor dang bcas pa rig pa 'dzin pa'i rgyal po thob par 'gyur te bskal par gnas so// sa la pad+ma 'dab ma brgya pa gcig bris te/ de'i steng du 'dug nas stong phrag bzlas nas gzhi gar gnas pad+mar gnas te 'khor stong dang ldan pa bskal par gnas so/ / de nas gter blang bar 'dod na gang na gter yod pa de ru bum pa skud pa nag pos dkris la tsan dan gyis byugs la chus bkang ste/ / stong phrag brgyad du mngon par bsngags nas der gzhag par bya'o// sa de gas nas chu yis sa la gtor la khru gang tsam sa la brkos te blang bar bya'o/ / de nas seng ge sgrub na grog mkhar gyi sa la seng ge byas la gi'u wang gis byugs la dkyil 'khor du bzhag ste/ mchod pa chen po byas la ji srid du g.yo ba'i bar du bzlas na seng ger 'gyur te/ rgyab tu zhon pas sgra li ba 'khyil bar 'gyur zhing bdag nyid lnga ltas thob nas lo khri phrag gcig tu 'tsho'o// 'jam dpal 'phags pa mi g.yo ba'i rtog pa gsungs pa'i cho ga 'di bsgrubs na de ni myur bar 'gyur ro/ / bcom ldan 'das kyis de skad ces bka' stsal nas/ thams cad dang ldan pa'i 'khor de dag thams cad

  718. 360a

    bcom ldan 'das kyis gsungs pa la mngon par bstod de/ rjes su yi rang nas stan las langs nas song ngo // 'phags pa khro bo'i rgyal po chen po mi g.yo ba de bzhin gshegs pa thams cad kyi stobs dpag tu med pas pha rol gnon pas 'dul bar gsungs pa zhes bya ba'i rtog pa rdzogs so/ / // mi nyag rgyal po'i bka' lung gis rgya gar gyi mkhan po ush+ma rak+Shi ta'i zhal snga nas/ glan dge slong d+harma blo gros kyis bsgyur cing zhus te/ dge slong yon tan rdo rjes gsol ba btab pa'o/ / // phyis su'ang chos kyi rgyal po bkra shis rab brtan dpal bzang po'i bkas bskul ba bzhin/ lo tsa ba dge slong chos skyong bzang pos rgya'i dpe la legs par gtugs te gtan la phab pa dang / slar yang mi'i dbang po bkra shis rab brtan sog po 'phags kyi zhal snga nas kyi sku ring la/ dge slong A nan+da mad+gal gyis/ dpal 'khor bde chen gyi gtsug lag khang du/ bi ki ma la shI li'i gtsug gi rgya dpe la gtugs nas/ mi chos su mi rung ba