Text
ff. 1a–462a · 923 folio sides
- 1a
slob dpon 'phags pa klu sgrub kyis mdzad pa'i rim pa lnga'i dka' 'grel slob dpon chen po b+ha bya kIrtis mdzad pa bzhugs/
- 1b
rgya gar skad du/ pany+tsa kra ma pany+tsi kA nA ma/ bod skad du/ rim pa lnga pa'i dka' 'grel zhes bya ba/ sangs rgyas thams cad la phyag 'tshal lo/ /de la dang por ni slob dpon chen po klu sgrub kyi zhal snga nas mdzad pa'i rim pa dag las mdor bsdus pa'i sgrub thabs ji lta bar bsgom pa rim pa bzhin du cung zhig bshad do/ /de la dang po kho nar stan 'bol po la sems dpa' i skyil mo krung du bcas pas 'dug ste/ rang gi snying ga'i padmo'i nyi ma la gnas pa'i hUM dkar po'i 'od zer gyis/
- 2a
nam mkha' la bzhugs pa'i sangs rgyas la sogs pa rnams spyan drangs la mchod pa dang phyag 'tshal ba la sogs pa byas nas/ stong pa nyid dang mtshan ma med pa dang smon pa med pa rnams rims kyi bsgoms te/ oM swa b+hA wa shud+d+ha sarba d+harmA swa b+hA wa shud+d+honyahaM/ zhes brjod cing stong pa nyid du dmigs pas tha mal pa'i nga bdag bsal zhing/ bdag nyid rdo rje sems dpa' i skur skad cig tsam gyis rdzogs par byas nas/ badzra d+h+rika ces bya ba'i sngags brjod do/ /des mi bskyod pa bton te bdag nyid la bcug pa'i
- 2b
rim bas bdag nyid zhe sdang rdo rje'i ting nge 'dzin la gnas nas/ gnas bsrung ba ni brtsam par bya'o/ /de nas dang por khro bo bcu po rnams spros te gnas gnas su dgod do/ /gnyis par gnod mdzes rang gi sngags kyis bka' bsgo ba dang sngags kyis bka' bsgos nas yang sngags de nyid kyis gnyis par bgegs rnams gnod mdzes kyi phur pa thob cig par bsgo'o/ /de nas TAk+ki hUM dza(rgyud 'grel): zhes pa'i sngags 'di brjod pas/ lcags dang me 'bar ba dang rlung rnams kyi ngo bos su phur pa btab pa dang/ phyi rol tu bsam par bya'o/ /de'i nang du yi ge hUM las skyes pa'i rdo rje'i dra ba mchod rten lta bur byas nas/ yi ge gsum gyi go char bya'o/ /sa gzhi ni yi ge hUM las skyes pa'i sna tshogs rdo rjer kun tu bltas la/ dngos po med pa zhes bya ba la sogs pa'i tshig gi
- 3a
don gyis stong pa nyid du bsam par bya'o/ /de nas yaM las skyes pa'i rlung gi dkyil 'khor gzhu'i dbyibs can gyi mchog ma dag la/ hUM las byung ba'i rdo rjes mtshan ma'o/ /de bzhin du me dang chu dang dbang chen gyi dkyil 'khor yang ngo/ /de'i steng du yi ge b+h+ruM las skyes pa'i gzhal yas khang brtsegs pa sna tshogs pad+ma la zla ba dang nyi ma'i gdan rnams dang ldan pa'o/ /de nas lha sum cu rtsa gnyis kyi rang bzhin dang/ bdag po rdo rje 'dzin chen po dang dkyil 'khor pa 'khor lo rnam par sprul lo/ /de nas dkyil 'khor pa rnams phung po la sogs pa'i rang bzhin gyis/ bdag po'i phung po la sogs pa la thim pas/ don dam pa'i dkyil 'khor la zhugs par blta zhing/ oM shU n+ya tA dz+nyA na badzra swa b+hA ba At+ma konyahaM zhes brjod do/ /de nas yi ge hUM oM A(rgyud 'grel): dag gis nyi ma dang zla ba dang pad+ma 'dab ma brgyad
- 3b
ba dag steng nas steng du rtseg mar byas te/ pad+ma'i steng du yi ge gsum po'o/ /de nas thams cad bsdus pa las rang gi sems tsam gyi zla ba bsams la/ sems can thams cad zla ba der bcug la/ oM d+harma d+hA tu swa b+hA ba At+ma konyahaM zhes pa'i sngags brjod do/ /de nas yang zla ba la yi ge gsum mo/ /de las rdo rje'o/ /rdo rje las rdo rje 'chang chen po dang po'i mgon po chen po bsams la mi bskyod pa la sogs pa bcug nas dgod par bya'o zhes bya ba la sogs pa ni/ de la oM A(rgyud 'grel): hUM swAhA zhes pa'i yi ge dag ni mgo bo la sogs pa la rnam par dgod do/ /gti mug dga' ma la sogs pa'i sngags rnams sa la sogs pa la dgod par bya'o/ /mig la sogs pa ni/ thliM oM oM oM hUM maM saM aM rnams dgod do/ /lag pa la sogs pa dag la gshin rje gshed la sogs pa bdag nyid yi ge hUM dag dgod do// de la g.yas g.yon gnyis kyi lag ngar la gshin rje gshed dang gzhan gyis mi thub pa'o/ /kha la rta mgrin no/ /gsang bar bdud rtsi 'khyil ba'o/ /dpung pa g.yas g.yon la mi g.yo ba dang 'dod pa'i rgyal po'o/ /pus mo g.yas g.yon la dbyug pa sngon po dang stobs po che'o/ /mgo bor gtsug tor 'khor los sgyur ba'o/ /rkang pa dag la gnod mdzes so/ /de bzhin du sku dang gsung dang
- 4a
thugs kyang byin gyis brlab par bya ba dang/ dam tshig sems dpa' i snying gar ye shes sems dpa' phyag gnyis pa mdog dmar po rdo rje dang dril bu 'dzin pa'i snyoms par 'jug pa'o/ /de'i thugs kar yang yi ge hUM ting nge 'dzin sems dpar brtags pa dgod do/ /de nas phyi'i lus can nam/ ye shes kyi phyag rgya'i phung po la sogs pa sbyang ba dang/ rdo rje dang pad+ma 'dus byas la des snyoms par 'jug par bya'o/ /de la yi ge hUM las rdo rje rtse lnga par byas la/ dbus kyi rtse mo la oM mo/ /yi ge a yis chos 'byung gi nang du pad+ma dmar po 'dab ma brgyad pa bsam mo/ /de ltar rdo rje dang pad+ma 'dus byas nas 'o dang 'khyud pa la sogs pa'i rim pa dang/ rin chen 'byung ldan gyi nga rgyal gyis rjes su chags par byas la/ byang chub kyi sems kyi gnas skabs su don yod grub pa'i nga rgyal du bya'o/ /de nas srid pa skye ba'i rim pas dkyil 'khor gyi 'khor lo spros te/ gzhan gyi don phun sum tshogs pa bya'o/ /de yang rdo rje 'dzin pa mi bskyod pa'i nga rgyal dang ldan pa'i pad+ma'i dbus su mi bskyod pa rdzogs par byas la/ badzra d+h+rika ces bya bas bton te/ bdag nyid la de bzhin du bsdu'o/ /de bzhin du gzugs kyi phung po la sogs pa yang rnam par snang mdzad la sogs pa'i nga rgyal gyis rnam par snang mdzad la sogs pa rnams bton te so sor dgod do/ /
- 4b
phyi rol gyi rim pa gnyis pa'i me'i mtshams la sogs pa la gzugs kyi rdo rje la sogs pa rnams/ oM A(rgyud 'grel): swA swAhA'i sngags kyis dgod do/ /dang po nyid kyi ngos dag tu chos kyi dbyings dang reg gi rdo rje pa'i yi ge hUM gis bton la dgod do/ /yi ge me la sogs pa ni byams pa la sogs pa'o/ /yi ge hUM gis phyogs mtshams dang steng dang 'og gi khro bo rnams so/ /de nas ye shes kyi 'khor lo bcug la dbang bskur te/ de'i rjes la mnyes par bya ba la sogs pa skad cig tsam gyis bsam mo/ /de nas rdo rje bzlas pa la sogs pa byas nas/ bskul pa dang mchod pa dang bstod pa la sogs pa sngon du byas nas/ ting nge 'dzin sems dpa' i bdag nyid yi ge hUM brjod pas yi ge hUM la sems can rnams gzhug cing dkyil 'khor ba rnams kyang bsdus te/ rdo rje sems dpa' de nyid du 'gro ba sna tshogs pa 'di rnams skyes par blta zhing spyod lam la 'jug par bya'o/ /mdor bsdus pa'i sgrub thabs kyi rim pa gsal bar byas pa ste dang po'o// //sngags kyi de kho na nyid ces bya ba ni sngags btu ba'i rim pas dus gsum gyi bdag nyid yi ge gsum 'byung ba dang 'jug pa dang gnas pa'i rlung gi rang bzhin du sems gnas par khong du chud par bya'o/ /sngags la dmigs pa'i sems de nyid ni de bzhin 'byung ba dang/ 'jug pa dang gnas par bya'o/ /rlung rgyu ba rnams mi shigs par byas pas ni phyag 'tshal ba yin la/ phra mo'i sbyor bas thams cad rang bzhin med par go ba na rdo rje bzlas pa bya ba'o/ /de nas sems la dmigs pa thob nas sems de stong pa nyid du byas la/ sgyu ma lta bu'i ting nge 'dzin du gnas par bya ba yin no/ /de nas 'od gsal ba'i ye shes kyis nyon mongs pa'i phung po thams cad zad par bya'o/ /de nas kun rdzob dang don dam pa dag gcig tu gyur pa zung du 'jug pa'i ting nge 'dzin la rnal 'byor pa gnas pa yin no/ /sna rtser zhes bya ba ni phyi'i rig ma'i pad+ma'i ste ba'i rtse mor mtshan ma yungs kar tsam mam/ thig le dag sna'i nang du bkod la/ sems
- 5a
can bskyed pa'i gzhi po sna rtse dang/ rang gi rdo rje'i rtse mor thig le 'am mtshan ma yungs kar tsam po la rgyu ba dang mi rgyu ba'i rdo rje sems dpa' 'am/ rtags pa'i lha'i sbyor ba bskyed pa'i rim pa'o/ /sna rtse ni sna'i rtse mo'i sgo'o/ /yungs kar ni rlung lnga po ste/ /de la rgyu ba dang mi rgyu ba'i yi ge gsum por sems ye shes rig pa la dmigs pa'o/ /yang na yungs kar ni khams phra mo'i ye shes gsum po rten dang brten can rgyu ba dang mi rgyu ba ni ye shes kyi de kho na nyid shes par bya'o/ /gsang ba ni rnam par rtog pa dang bral ba nyid do/ /ye shes kyi brtags pa ni shin tu rnam par dag pa'i ye shes nyid kyis so/ /ye shes kyi gnas ni rnam par shes pa rlung dang ldan pa'i ye shes kyi sku'o/ /mchog ni rnam par dag pa nyid do/ /kha dog sna lnga zhes bya ba ni sngon du brjod pa'i sna'i rtse mo'i ser po la sogs pa'o/ /rin chen ni rdo rje nor bu'i thig le'o/ /sna'i rtse mor ni snying ga'i pad+ma la'o/ /ye shes lnga'i ngo bo nyid ces bya ba ni me long lta bu'i ye shes la sogs pa'i ngo bo nyid do/ /gong du'i gzugs kyis zhes bya ba ni mi gshigs pa'i gzugs kyis so/ / 'ad lnga'i rlung rnams mgrin pa dang/ snying ga dang/ lte ba dang gsang ba'i pad+ma dang/ lus thams cad khyab par gnas pa las 'byung zhing 'jug pa'o/ /thun phyed ni 'pho ba re re'o/ /go rim ni de lta bur rgyu ba'o/ /g.yas pa nas ni 'gyur ba'i khams zhes bya ba ni/ me'i dkyil 'khor mi shigs pa las rab tu langs nas/ g.yas ngos nas 'byung ba de nyid/ yi ge oM gyis ni 'jug par byed pa yin la/ yi ge a(rgyud 'grel): sa ni gnas par byed par bsam mo/ /de dag gi steng du gnas pa ni yi ge hUM ldang ba'i bdag nyid can du rnam par brtag par bya ba ste/ de lha? rung? thog ma rgyu ba nas tha ma rdzogs kyi bar du dmigs pa ni snang ba mdza' yas kyis bzlas pa'o/ /de kho na bzhin du mi shigs pa las chu'i dkyil 'khor byung ba la yi ge oM bskyon te zhugs pas/ yi ge oM yongs su zhu bas
- 5b
yi ge a(rgyud 'grel): 'a gyur pa la yi ge hUM ldang bar gnas pa ni rdo rje mgon po'i bzlas pa'o/ /de bzhin du mi shigs pa las langs pa'i dbang chen gyi dkyil 'khor gyi steng du yi ge gsum po spro ba dang bsdus pas bstim pa'i bdag nyid can du mtshon pa ni rin po che'i bzlas pa'o/ /de bzhin du mi shigs pa las langs pa'i rlung gi dkyil 'khor 'byung ba de'i steng yi ge oM bskyon te bzhugs pa dang/ mthar A(rgyud 'grel): gnas pa dang/ yi ge hUM 'phro ba ni don yod pa'i bzlas pa'o/ /sngags kyi de kho na nyid ni rtsa ba'i rgyud las gsungs pa'i oM A(rgyud 'grel): hUM ngo/ /don rtogs pa'i bzlas pa ni rlung rgyu ba rang bzhin med pa'i mi shigs pas sems kyi rtog pa la bya'o/ /bzang po zhes pa ni spro ba'i gzugs kyis so/ /dus gsum sangs rgyas su btags pa zhes bya ba ni yi ge gsum po'o/ /slong mo ni yi ger phye ba ste de 'don pa'o/ /da lta bu ni sngags pa'i bzlas par mi 'dod pas mi byed pa la'ang chags par mi bya'o/ /dang po gcig ces bya ba ni sde tshan kun gyi thog ma'i a thung du'o/ /dgu ni sde tshan dgu po'o/ /bcu yis ma bcings pa ni sde tshan dgu las med do/ /dgu po yang dbyangs dang gsal byed kyi sde tshan brgyad po la/ ma ning gi sde tshan gyis bsnan pas grangs dgu'o/ /grangs dgu po de'i rjes su 'jug pa ni as grangs dgu char la khyad par 'jug pa'o/ /'byung ba'i mdza' ni mi shigs pa'i yi ge ha'o/ /lhag ma ni gsal lo/ /bzhi ni ya ra la wa'o/ /gsum ni sha Sha sa'o/ /thung du zhes bya ba ni yi ge a thung du ste/ de ni dag go cog gi ngo bor 'gyur ro/ /de nyid gcig dang du ma dang bral ba'o/ /yi ge gang zhig rjes bshad ces bya ba ni yi ge kha dang tsha la sogs pa'o/ /mngon par phyogs pa zhes bya ba ni yi ge ka da tsa la sogs pa ste rjod byed de dag kyang yi ge gsum gyi gzugs su blta'o/ /des na de ni yongs su gyur pa'i gzugs zhes pas bstan to/ /de dag kyang blos mi shigs par sbyar te/ de'i rgyu nyid kyi phyir ro/ /sangs rgyas ni rnam par snang mdzad la sogs pa'o/ /de rnams kyi sku ni yi ge gsum po ste/ de brjod cing
- 6a
rab tu brjod pa'o/ /de nyid nang gi bzlas pa rlung gi de kho na nyid spyi'i rnam pa mi shigs pa ste/ chos kyi sku'i rgyu'i phyir na spro zhing bsdu ba la sogs tsam bya'o/ /sbyor ba bzhi zhes bya ba ni dus tshod bzhi po de nyid la brjod pa yin te/ dus tshod bzhi po thun mtshams brgyad dang bcas pa la/ /gos dkar mo la sogs pa so so la stong phrag lnga lnga dang bzhi brgya bzhi brgya ste/ thun tshod bzhi por dbugs dbyung ba grangs pa'o/ /so sor 'byung ba bsres pa'i grangs ni go sla'o/ /yan lag ma nyams la ni yi ge'i rang bzhin gyis mtshon par byas pa'o/ /grangs 'bum zhes bya ba ni 'chi ba med pa'i rang bzhin gyi bzlas pa tsam la brjod kyi grangs la mi bya'o/ /de lta bu'i rdo rje rnal 'byor pa ni glang po sngon du rnyed pa dang 'dra ba yin na de go glang po de'i rjes jig? tshol/ spyan drangs te zhes bya ba ni yi ge oM mo/ /myur ba yi ni zhes bya ba ni yi ge hUM ngo/ /gnyi ga min pas zhes bzhugs su gsol ba ni yi ge A(rgyud 'grel): 'o/ /de nas zhes bya ba la sogs pas ni 'dod pa'i dbang gis sgyur ba'i rnal 'byor gzhan ston te de la dang po'i yi ge ni/ tshan rnams kyi dang po a ste/ yi ge oM dang gcig tu sbyar bas 'byin par byed do/ /brgyad pa'i zhes bya ba la sogs pas ni hUM gis rdub par byed par bston pa ste/ rnal 'byor pa'i ci dgar bzlas pa byed par bstan to/ /ya'i don gyi zhes bya ba la sogs pas ni rlung gi dkyil 'khor la sad pa dang/ bskrad pa dang/ me'i dkyil 'khor la ni dgug pa la sogs pa bya'o/ /chu la zhi ba la sogs pa bya'o/ /dbang chen la rgyas pa la sogs pa bya'o/ /thun ni phyed phyed ces bya ba ni/ 'pho ba re re dang bsres pa'i rlung gnyis gnyis so/ /ye shes gsum zhes bya ba ni snang ba la sogs pa'o/ /rdo rje bzlas pa'i le'u dang po'i 'grel pa'o// //ye shes gsum po gsal bar bya ba'i phyir gnyis pa brjod de/ de la phyag 'tshal ba
- 6b
bzhi pos ni stong pa bzhi la phyag 'tshal bar brjod de/ rang gi ngo bo'i dbang du byas na ni bstod pa bya ba dang bstod par byed pa med pas/ ji ltar chu la chu bzhag pa'i thim pa nyid bzhin du rang gi sems nyid snang ba la sogs pa'i rim par mthong ba ni phyag 'tshal bar brjod do/ ye shes de rnams ni bla ma mnyes par byas pa las nges par 'thob pa yin no/ /rgyu'i rim pa rnam dag ces bya ba ni/ khyad par can gyi rgyu la 'bras bur 'gyur ba'o/ /snang ba zhes bya ba la sogs pa ni ji skad du gsungs pa'i stong pa rnams dang/ mig 'phrul la sogs pa'i rang bzhin du brjod do/ /nyer len ni gzungs bar bya ba'o/ /tshor ba ni ji skad du brjod pa'i rang bzhin rnams tshor zhing rig pa tsam mo/ /ye shes de la skye ba po'i dgongs pas rab tu phye ste brjod do/ /gang tshe snang ba ldan gyur ces bya ba ni snang ba la sogs pa gsum car dang ngo/ /gang dang gang gnas pa zhes bya ba ni snang ba gsum gyi bdag nyid gzhan dang gzhan gyi dngos po gang yang rung ba rlung dang ldan na de dang de'i rang bzhin du 'gyur ro/ /de la shes rab dang thabs kyi dngos por rnam par brtag go /gnyi ga'i yan lag ces bya ba ni thabs dang shes rab gnyis po gcig gi dngos po ste/ snang ba thob pa'i ye shes so/ /bud med sgyu ma ni bud med nyid de'i thabs yin pa la bya'o/ /de yang nu ma la sogs pa'i dbyibs kyi bdag nyid can te/ de nyid khyad par du 'phags pa yin no/ /snang ba la sogs pa ye shes gsum po ni/ des mtshon pa yin par shes pa bstan pa de nyid kyi phyir/ /ye shes gsum po zhes bya ba la sogs pa smos pas go bar bya'o/ /gnyis par zhes bya ba ni 'dres pa'o/ /ye shes gnyis ni snang ba dang snang ba mched pa gnyis so/ /mnyam par sbyor ba ni ji skad bshad pa'i rnam pas shes rab la mnyam par sbyor ba'o/ /gang zhig ces bya ba ni rnal 'byor pa ste/ des phyi rol gyi rdo rje dang chu skyes su sbyor ba'o/ /kun rdzob tu yang med pa yin na/ de kho na nyid la gang zhig ji ltar yod/ de bas na phyi rol gyi snyoms par 'jug pa
- 7a
las lan cig tsam zhig myong ba yin no/ /dbye ba ji bzhin zhes bya ba la sogs pas ni/ phyi'i shes pa rab las snang ba la sogs pa rab tu dbye ba ni/ rang bzhin rnams kyi rgyu ru shes par byed pa dang 'dod chags dang/ chags bral dang/ chags pa bar ma do la 'jug pa'i ye shes su gnas pa thob pa'o/ /de'i nang gi bdag nyid ni phyi'i shes rab kyis thob pa'i rang bzhin de rnams nyid la yang nas yang du mtshon par bya ba yin pa des na rang bzhin de nyid slar yang ni zhes bya bas bstan te/ nam mkha' lta bu la longs spyad pas nam mkha' lta bu'i lus las sgyu ma la sogs pa'i mtshan ma rnams thob pa na chags pa med pa la sogs pa 'di rnams shes rab dang ldan pas nang gi snang ba la sogs pa'i ye shes me long lta bu'o/ /ye shes kyi mtshan nyid kyi dkyil 'khor 'khor lo ston par byed do/ /rdo rje'i mtshan ma ni rang gi sems nyi ma'i gzugs can no/ /sogs pa'i sgra ni gsal ba la sogs pa'i dkyil 'khor te/ sems dang snang ba dang sems las byung ba dang snang ba mched pa'o/ /de dag mnyam par 'dus pa ni snang ba nye bar thob pa'o// lha'i gzugs zhes bya ba ni stong pa dang shin tu stong pa dang/ chen po stong pa nyid kyi gzugs so/ /de phyag rgya bzhi dang ldan par 'phro ba'i bdag nyid can du byed na/ sa bcu'i dbang phyug tu rnal 'byor pa skye'o/ /phyag rgya bzhi ni sku dang gsung dang thugs dang ye shes sems dpa' i bdag nyid do/ /ye shes dag ni ye shes gsum po 'od gsal ba'i gnas su thim par byas pa'i de kho na nyid do/ /de bas 'od gsal dag pa las zhes bya ba ni/ ye shes gsum po mngon du byas nas gang gi tshe 'od gsal ba la dmigs te/ 'od gsal ba las yang ye shes gsum po byung nas/ rdo rje lta bu'i ting nge 'dzin gyi gnas pa de'i tshe rnal 'byor pa/ thams cad mkhyen par de nas 'gyur zhes gsungs pa ltar 'gyur ro/ /rdo rje lta bu ni sgyu ma lta bu'i ting nge 'dzin gyis yid bzhin gyi nor bu ltar sems can gyi
- 7b
don spyod par byed pa la bya'o/ /da ji lta ba bzhin du spyod na mtshams med pa lnga byed pa'i rnal 'byor pa yang sems can gyi don du rnal 'byor bskyed pa dang/ ldan par spyod na de bzhin gshegs par byed par 'gyur ba ni/ mtshams med lnga zhes bya ba la sogs pa'i don yin no/ chags min zhes bya ba la sogs pa rgyud rnams kyi tshig gis 'od gsal ba'i ye shes kyis mtshan nyid brjod pa yin no/ /chos 'byung mngon par byang chub pa'i chags sogs rol mo rgya chen po/ zhes bya ba ni phyi'i shes rab ma la bya'o/ /chos dbyings mngon par byang chub can/ /ji ltar rnyed pa dag la spyod/ ces bya ba ni ji ltar rnyed pa'i 'dod pa thams cad la nye bar longs spyod pa'o/ /bla med ces bya ba ni nang gi shes rab kyis so/ /a bzod nas dag pa'i zhes bya ba la sogs pas ni/ ye shes la bslab dgos pa'i ngo bo brjod do de la a zhes bya ba ni thabs dang shes rab kyi rang bzhin 'am/ pad+ma'i gnas sam/ ye shes kyis bskul ba'o/ /de lta bu la sogs pa gdod nas dag na mi dgos so/ /zhes phyogs snga ma'o/ /gang zhig de ltar zhes bya ba la sogs pas ni/ snang ba la sogs pa'i dbye bas kun tu bsgom dgos par bstan pa yin no/ /'phags pa rdo rje ni bla ma ste/ de rab tu mnyes par byas pa las de bla na med pa'i ye shes sa bcu pa'o/ /rgyud thos pa ni de'i drin no/ /byang chub lam ni 'od gsal mngon du bya ba'o/ /rim pa gnyis pa'i bshad pa'o// //bdag la byin gyis brlab pa'i rim pa ni/ bdag nyid byin gyis brlabs te/ shes rab kyis bdag la ye shes skye bar byed pa'i don to/ /bskyed pa'i rim pas gsang ba'i dbang bskur ba'i mthar thug pa'i dbang bskur ba thob par byas pa'i slob ma bla ma mnyes par byas pa des kun rdzob dang don dam pa la mos par byas na/ rang byin gyis brlabs pa'i rkyen las sa brgyad pa thob cing/ 'gro ba thams cad kyang byang chub sems dpa' i mthar thug pa mthong bar 'gyur ro/ /de'i rgyu ni zhes bya ba ni/
- 8a
kun rdzob kyi bden pa'i rgyu ni 'od gsal ba yin la/ kun rdzob kyi bden pa yang 'od gsal ba'i rgyu yin pa la bya ste/ sems can rnams kyis bcings pa dang 'gro ba'i rang bzhin de lta bur gnas par brjod do/ /de yang 'od gsal ba'i rjes las rim pa bzhin du snang ba la sogs pa gsum gyi rang bzhin no/ /de rnams las rlung ngo/ /de bzhin du me dang de nas chu dang de bzhin du sa dang/ de nas phung po lnga la sogs pa ste/ 'di dag bcings pa'i mtshan nyid du gnas pa'o/ /de lta bu'i phung po la sogs pa'i sgrub thabs kyi rim pas sbyangs nas 'od gsal bar ro/ /'od gsal ba las sgyu ma lta bur zung du 'jug pa ste/ des grol ba'i rang bzhin du gsungs so/ /'dis ni grol bar 'dod pa rnams sgyu ma lta bu'i ting nge 'dzin gyis bdag la byin gyis brlabs pa'i rnal 'byor bsgom par bya'o/ /de nas de nyid 'od gsal bar bstan pa'i phyir/ sems gang gis ni zhes bya ba la sogs pa smos te/ de ni nang gi bdag nyid me long lta bu la sogs pa dang/ phyi rol gyi gzugs la sogs pa'i phung po lnga po 'di dag la sgyu ma lta bus mi phyed par blta'o/ /rdo rje sems dpa' zhes bya ba ni rdo rje sems dpa' i nga rgyal gyis mtshan par byas na bsgrub bya 'grub par 'gyur ba'o/ /phyag rgya zhes bya ba ni dam tshig la sogs pa'i phyag rgya kun dang/ myur ba la sogs pa rlung gi rang bzhin no/ /nyon mongs pa ni 'od chags la sogs pa'o/ /las lam ni dge ba bcu po'o/ /lus ni rten cing 'brel bar 'byung ba'i mtshan nyid do/ /phyir ldog gyur pa zhes bya ba ni slar yang 'khor bar ldog par gyur pa la bya'o// rang byin gyis brlab pa'i rim pa'i bshad pa'o// //thams cad stong pa zhes bya ba ni rang bzhin gyis 'od gsal ba'o/ /de nyid ni bzhi pa mngon par byang chub pa zhes bya ba ste/ dang po'i sangs rgyas rgyu'i rdo rje 'dzin pa'o/ /tshogs kyi
- 8b
dkyil 'khor rdo rje spun grogs la sogs pa ste/ de rnams dang bcas pas bla ma mnyes par bya'o/ /snang bdag ni bskyed par bya zhes bya ba ni zla ba shar ba'i dus la bya ste/ srod dang por zhes bya ba'i don to/ /cho ga yi zhes bya ba ni sngags kyi sku la sogs pa dang rang byin gyis brlab ba'i rnal 'byor gyis so/ /byang chub sems ni khu ba ste/ kun tu chags pas phyung ba'o/ /nyin par zhes bya ba ni gzi mdangs so/ /rgyu dang mi rgyu zhes bya ba ni sems can gyi 'jig rten dang snod kyi 'jig rten no/ /rim pa ni gong bu ste/ mig la sogs pa bsdus pa'i lus por rab tu byung ba tsam de nyid 'od gsal bar len par byed pa ni ril por 'dzin pa'o/ /rgyu ba dang zhes bya ba ni 'dus byas dang 'dus ma byas su 'dod pa'i lus dang/ gzugs kyi rdul phra rab rnams la steng dang 'og gi tshas phye na/ phyi dang nang gi dngos po gang yang med pa'i rim pas dbu mang gnas pa'i sems rang bzhin gyis 'od gsal ba ni rjes su gzhig pa'o/ /dbugs kyi zhes bya ba ni ji lar dbugs kyi rlung me long la kha chu'i zil pa drong dang rlangs par bcas pa thim par 'gyur ba yin gyi/ shing la sogs pa gzhan la ni ma yin no/ /de bzhin du yang dag pa'i mdza' la rab tu 'jug par byed kyi gzugs la sogs pa la ni ma yin no/ /gzugs bcas 'od zer de dang de zhes bya la sogs pa ni/ zhi ba la sogs pa'i rlung gis 'gro ba rnams la zhi ba la sogs pa'i las rnams la bya ba yin no/ /sgyu 'phrul dra ba ni rnal 'byor pas 'od gsal ba las rang byin gyis brlab pa'i rnal 'byor du bya ba'o/ /rigs lnga ni sangs rgyas lnga'i rang bzhin rlung lnga po rnams te/ phyag rgya chen po la sogs par brtags pas so/ /rim pa bzhi pa'i bshad pa'o// //mgon po rgyu dang 'bras bdag nyid ces bya ba ni/ rang byin gyis brlab pa'i ngo bo dang/ 'od gsal ba'i ngo bo'i bdag nyid gcig gi ngo bor gnas pa'i mgon po'o/ /dngos po
- 9a
rnams bcas kun rtog dang/ zhes bya ba ni nang gi shes pas phyi rol gyi gzugs rnams su kun rtog pa'o/ /dngos po med par rtog pa dag ces bya ba ni/ nang gi bde ba bden pa phyi rol gyi dngos pos stong par rtog pa'o/ /yang dag par na de lta bu gnyi ga yang brtags pa yin pas na/ gnyi ga'i rang bzhin ro gcig par 'dug pa ni ma bcos shing ma brtags pa ste/ mthar thug pa'o/ /gzung ba ni phyi rol gyi gzugs la sogs pa'o/ /'dzin pa ni mig gi rnam par shes pa la sogs pa'o/ /lhag mar bcas pa ni phung po lnga tsam las gzhan stong pa'o/ /lhag ma med pa ni thams cad stong pa nyid du mya ngan las 'das pa'o/ /de bzhin du gang zag ni phung po lnga la sogs pa'o/ /bdag med pa ni brtag pas dben pa nyid do/ /dran dang dran min zhes bya ba la sogs pas ni zung du 'jug pa mngon du byas pa'i phan yon brjod do/ /bya ba dang ni byed pa dag ces bya ba la sogs pas ni yang zung du 'jug pa'i mnyam pa nyid bstan to/ /sgyu 'phrul dra ba zhes bya ba la sogs pas ni/ tshig re res zung du 'jug pa ston pa yin no/ /sgra gang skye med la sogs pa zhes bya ba la sogs pa la/ 'di zhes bya ba ni zung du 'jug pa 'di ston par byed pa'i tshig skye ba med pa dang/ 'gag pa med pa dang/ yod pa ma yin pa dang/ med pa ma yin pa zhes bya ba la sogs pa'o/ /sogs pa'i sgras ni de 'ba' zhig ston pa yin gyi/ de las gzhan dag la yang ston pa ma yin par dgongs pa yin no/ /slob bzhin pa'i zhes bya ba la sogs pas ni zung du 'jug pa bsgom pa'i rnal 'byor pa'i spyod pa gsungs pa yin no/ /sbas pa'i btul zhugs ni thams cad mnyam pa'i rang bzhin du gnas pa la bya'o/ /rim pa lnga pa'i bka' ba btus pa'i bshad pa'o/ /slob dpon chen po 'phags pa klu sgrub kyis mdzad pa'i rim pa lnga ba'i bka' 'grel/ slob dpon chen po b+habya kIrtas mdzad pa rdzogs
- 9b
so// //rgya gar gyi mkhan po chen po rgyal ba mchog gi zhal snga nas dang/ bod kyi lo tsA ba dge slong shAkya brtson 'grus kyis zhus shing bsgyur te gtan la phab pa'o// //rim pa lnga'i bshad pa nor bu'i phreng ba bzhugs so// /rgya gar skad du/ pany+tsa kra ma TI ka ma Ni mA lA nA ma/ bod skad du/ rim pa lnga pa'i bshad pa nor bu'i phreng ba zhes bya ba/ dpal rdo rje sems dpa' la phyag 'tshal lo/ /rtag tu dgos pa'i rang bzhin bdag nyid 'gro ba gsum po thar bar rab brtson pa/ /dag cing gsal ba'i 'od kyi 'khor lo'i tshogs kyis nam mkha' kun tu 'gengs mdzad pa/ sgeg pa la sogs ro dang ldan pa'i lha mo rnams kyis rtag tu kun nas 'khyud/ /kun rdzob de nyid gnyis med dpal ldan rdo rje sems dpa' gang yin de la bstod/ /dpal ldan tshangs pa'i gnas sgom pa la dges shing de bzhin khams kyi rang bzhin can/ /rgyu ma rmi lam smig rgyu chu zla lta bu'i 'gro ba dag ni gsal mdzad pa/ /'dod chags thabs kyis dbang gis khams gsum ma lus pa dag 'dul phyir gzho nu ma'i/ /rnam pa shin tu mdzes pa 'dzin mdzad dpal ldan sangs rgyas spyan la sogs la bstod/ /gdul bar dka' ba'i gzugs sogs yul gyis nyams byas shing/ /longs spyod shin tu chags byed 'jig rten la gzigs nas/ /ngo bo nyid ni kun tu brten nas sbyong mdzad pa/ /gzugs rdo rje sogs rnal 'byor ma mchog la phyag 'tshal/ /bdag sogs lta ba'i tshogs kyis de nyid ngo bo bsgribs/ /khams gsum thugs rjes nam mkha' i khams mtshungs dri med pa'i/ /de nyid rin chen rnams kyis cig car spyod mdzad pa/ /byang chub sems tshogs de la rtag par bdag phyag 'tshal/ /dpag med sems can khams ni 'joms par byed 'dod dang/ /dgra bo mi mdza' mtshungs pa'i phung sogs bdud kyi tshogs/ /'gro bgegs thugs rjes skad cig gcig 'joms khro bcas pa'i/ /gshin rje mthar byed sogs gang de la phyag 'tshal lo/ /gang gi drin gyis mthar mdzad cing/ /bstan bcos ma
- 10a
lus rgya mtsho yi/ /pha rol phyin pa bla ma che'i/ /zhabs kyi pad+ma la phyag 'tshal/ /dang por thal mo sbyar byas nas/ /khyed la bdag ni gsol ba 'debs/ /mkhas rnams rtse gcig sems kyis ni/ /bdag nyid mnyam par bzhag min gson/ /gsang 'dus rgya mtsho chen po yi/ /snying po bkra shis rin chen mtshungs/ /rim pa lnga ni bdag gi tshig /cung zad sbyangs ldan spyod yul min/ /bdag ni 'jim gong la 'dzags nas/ /zla ba 'dzin par 'dod pa ste/ /mkhas pa blo gros cha rnams kyi/ /bzhad gang nyid du 'gyur mod kyi/ /'on kyang bla ma'i zhabs kyi ni/ /sku drin shin tu dam pa dang/ /lung gi man ngag cung zad kyis/ /rim don bdag gis dbye bar bya/ /rnal 'byor mchog dang rnal 'byor bla na med/ /thams cad bshad pa rnam bzhir gnas pa ste/ /sgra bzhin don du ston par byed pa yi/ /rmongs rnams bshad pas rgyud ni nyams par 'gyur/ /de phyir mdza' drug dang bshad pa/ /rnam pa bzhi la bsten byas nas/ /dpal ldan rim pa lnga pa ni/ /yang dag ji bzhin bdag gis bshad/ /dpal langkar gshegs pa'i mdo las lung bstan pa gsang sngags kyi tshul chen po thugs su chud pa bdag dang/ gzhan gyi don phun sum tshogs pa bsgrub pa la 'bad pa bskyed pa dpal 'phags pa klu sgrub kyi zhal snga nas kyi/ rim pa gnyis kyi rin po che'i mdzes pas rnam par spras pa'i dpal gsang ba 'dus pa'i rgya mtsho shin tu zab mo las bskyed pa'i rim pa ni sgrub thabs mdor bsdus pa la sogs pa rnams su bsdus so/ /shin tu dga' ba'i phyir gzhan dang thun mong ma yin pa rdzogs pa'i rim pa gtso bor gyur pa/ mdo sna tshogs dang rgyud kyi rgyal po'i snying por gyur pa dang rigs pa dang bcas pa'i rim pa lnga pa ni tshe dang brtson 'grus dang shes rab chung ba'i sems
- 10b
can rnams kyi don du mdor bsdus nas btus so/ /'di ltar rtsod pa'i dus su bcom ldan 'das kyis gsungs pa'i gsung rab lan lag dgu'i don rgyas pa da ltar gyi sems can rnams kyis thos pa dang bsam pa dang bsgom pa'i rim gyis gzung bar mi nus so/ / ci'i phyir zhe na/ sems can kha cig ni gzhan gyi dbang du gyur pa'i phyir te/ 'di ltar sems kyi rgyud 'dod chags la sogs pa'i nyes pa'i dbang du gyur pa/ /kha cig ni bud med kyi dbang po'i chu sgor nyam nga bar lhung nas nyin re zhing skye ba dang/ rga ba dang/ 'chi ba'i mtshan nyid kyi 'khor ba'i sdug bsngal la brten nas 'khyam zhing 'di ltar 'gro ba nas 'gro ba gzhan du kun tu 'khyam ste/ dmyal ba'i gnas nas yi dags gnas te de nas lha'i gnas su/ /dge ba zad nas lha'i srid pa la ni dud 'gro'i skye gnas su/ /slar yang dud 'gro'i skye gnas nas ni shi 'phos mi 'gro bar/ /dbang med las bskul 'gro ba shing rta'i 'khor lo bzhin du 'khor/ zhes gang gsungs pa'o/ /de bzhin du sdig pa'i grogs pos yongs su zin pa kha cig ni yul skad cig ma rnams la chags shing gzhan gyi dbang du gyur nas chos nyan pa'i skabs med pa ste/ byis pa dang ni lhan cig spyod/ /nges par ngan 'gror 'gro bar 'gyur/ /zhes gang gsungs pa'o/ /de bzhin du kha cig ni bza' ba dang btud ba la sogs pa tshol bar byed pa la brtsom par 'gyur ba phyogs bcur 'khyam zhing 'brel par gyur pas nor gyi don du sdug bsngal chen po myong bar gyur pa dag ste/ bsgrub dang bsrung dang bral ba'i sdug bsngal gyis/ /nor ni nor min mdza' yas shes par bya/ /nor chags blo can rnams ni brel ba yis/ /srid pa'i sdug bsngal grol skabs med do zhes gsungs so/ /de bzhin du rgyal po mnyes par byed pa la sogs pa la dga' ba'i blo can kha cig ni
- 11a
nyin mtshan du gnyid mi log par dus mda' bar byed pa dag ste/ rmongs pa 'dod pas bslus pa ni/ /nga rgyal don du bran nyid 'gro /du dang chung ma'i mched yin yang/ /lor yang mthong bar mi 'gyur ro/ /zhes bya ba la sogs pa gsungs pa'o/ /de lta bu gzhan gyi dbang bzhis zin par gyur cing 'dod pa ngan pa can dag ni/ rigs yongs su zin kyang bdag dang gzhan gyi don sgrub par byed nus pa ma yin te/ 'phags pa mdo sde brgyan las/ nyon mongs goms dang grogs ngan dang/ phongs dang gzhan gyi dbang nyid dang/ /rnam bzhi'i rigs la gnod byed par/ /mdor na shes par bya ba yin zhes bya ba la sogs pa gang gsungs pa'o/ /de nyid las 'di skad du/ kha cig gcig tu nyes par spyod pa yod/ /kha cig dkar po'i chos rnams spangs pa dang/ /kha cig thar min cha mthun dga' bar spyod/ /dge ba dman zhing rgyu dman pa yang yod ces gsungs te/ de lta bu'i mi khom pa'i sems can gyi khams la gzigs nas rab tu byed pa mdzad pa thugs rjes rim pa lnga pa la 'bad pa yin no/ /de yang rdzogs pa'i rim pa 'ba' zhig gtso bor byas nas bsdus pa yin no/ /'o na bsdus pa zhes bya ba ji lta bu zhe na/ smras ba mdo dang bshad pa dag tu don/ /rgyas par nye bar bstan pa dang/ /mdor bsdus gcig tu byas pa gang/ de bsdus mkhas pas shes par bya/ /bsdu ba de yang tshig gi don dang dag gi dang bsdus pa'i don gyi dbye bas rnam pa gsum du 'gyur ro/ /de la tshig rnams kyi don ni tshig gi don te/ rim pa lnga pa zhes bya ba la/ lnga zhes bya ba ni grangs brjod pa'o/ /rim pa zhes bya ba ni gong nas gong du khyad par du 'phags pa'i gnas skabs thob pa'i mtshan nyid do/ /ngag gi don ni rim pa lnga
- 11b
pa'i tshig gi brjod par bya ba'i rdo rje bzlas pa la sogs pa rnams te/ 'dir yang rdo rje ltar mi shigs shing so dang mchu la sogs pa'i g.yo ba spangs pa rnam par rtog pa mang cing rlung tsam gyis bzlas pa ni rdo rje bzlas pa'o zhes pa ni dag gi don to/ / sems kyi rnam par dag pa ni sems rnam par dag pa ste/ rnam par shes pa gsum dang rang bzhin gyi tshogs yongs su dag pa zhes bya ba ni sems rnam par dag pa'i dag gi don to/ /bdag gi ste 'dod pa'i lha'i rnam par sgyu ma lta bu'i ting nge 'dzin gyis de'i rang bzhin du bya zhing byin gyis brlab pa zhes bya ba ni bdag byin gyis brlab pa'o/ /yang na rang las te chos thams cad kyi rang bzhin 'od gsal ba las rnam par spro zhing byin gyis brlab pa ni bdag /byin gyis brlab pa zhes bya ste/ lnga pa de'i skyes bu'i tshigs bsdu ba byas nas bdag byin gyis brlab pa'i rim pa'i dag gi don to/ /mngon du phyogs par te/ mngon sum du thob par bya ba'i byang chub de kho na nyid bzhi pa gang las thob pa de ni mngon par byang chub pa'o/ /yang na mngon du ste dpa' i lhan cig skyes pa las dus phyis bla ma'i man ngag las thob par bya ba'i byang chub ste/ gang las dpe las byung ba'i lhan cig skyes pa thob pa de ni mngon par byang chub pa zhes bya ste/ mngon par byang chub pa'i dag gi don to/ /kun rdzob dang don dam pa la sogs pa'i mtshan nyid can gyi zung ste/ gnyis tha mi dad par 'jug pa'i zung du 'jug pa zhes bya ste/ zung du 'jug pa rim pa'i dag gi don to/ /dag ces bya ba ni ji lta bu zhe na/ smras pa/ des tshig dang lhan 'dres bcas dang/ /rgyan bcas yid du 'ong ba yi/ /tshig gi tshogs kyis brtsam pa gang/ /dag ces bya bar brjod par bya/ /brda sprod pa dag ni bya ba'i tshig gcig dang ldan pa'i tshig gi tshogs ni dag yin no zhes zer te/ de lta bu'i
- 12a
rnam pa can gyi dag gi don gang yin pa da ni gang gi don zhes bya'o/ /bsdus pa yang yin la don yang yin pas na bsdus pa'i don to/ /de la don bcu gcig gis rdo rje bzlas pa'i rim pa'i don bsdus te/ 'di lta ste rdo rje 'chang chen po'i bzlas pa dang/ sku'i bzlas pa dang/ gsung gi bzlas pa dang/ thugs kyi bzlas pa dang/ rin po che'i bzlas pa dang/ don yod pa'i bzlas pa dang/ khro bo'i bzlas pa dang/ 'dod chags kyi bzlas pa dang/ zhe sdang gi bzlas pa dang/ gti mug gi bzlas pa dang/ ma ning gi bzlas pa ste/ /nga rnams kyang 'og nas skabs su bshad par bya'o/ /sems rnam par dag pa'i rim pa'i ngan ni gsum gyis bsdus te/ 'di lta ste/ snang ba rnam par dag pa dang/ snang ba gsal pa rnam par dag pa dang/ snang ba nye bar thob pa rnam par dag pa'o/ /bdag byin gyis brlab pa ni gsum kho na te/ chos kyi sku'i bdag byin gyis brlab pa dang/ longs spyod rdzogs pa'i sku'i byin gyis brlab pa dang/ sprul pa'i sku'i bdag byin gyis brlab pa'o/ /mngon par byang chub pa'i rim pa'i don ni gsum gyi bsdus te/ 'dod chags rnam par dag pa dang/ 'dod chags dang bral ba rnam par dag pa dang/ 'dod chags bar ma rnam par dag pa'o/ /zung du 'jug pa'i rim pa'i don ni rgyu dang 'bras bu dag gis bsdus te/ rgyu ni nyan thos dang rang sangs rgyas dang byang chub sems dpa' dang/ gsang sngags kyi tshul gyis dbye ba rnam pa bzhi'o/ /de dag gi dbye ba mang po yang de nyid du bshad par bya'o/ /'bras bu yang rigs dang yon tan dang bya ba dang rdzas kyi dbye bas rnam pa bzhi ste/ mdor na 'jig rten gyi chos brgyad kyi dbye bas zhes bya ba'i tha tshig go /rgyas par ni de nyid du brjod par bya'o/ /da ni 'di
- 12b
dpyad par bya ste/ rim pa 'di rnams kyi so so'i thabs du zhe na/ brjod par bya ste/ rdo rje bzlas pa'i rim pa'i thabs ni rlung gi de kho na nyid dang/ sngags kyi de kho na nyid do/ /de la rlung rnams kyi de kho na nyid ni don dam pa'i rang bzhin te/ rlung gi de kho na nyid ces bya'o re gang zhe na yungs kar gyi 'bru phra mo'i tshad tsam gyi thig le'i gzugs te/ 'di ltar srog la sogs pa'i rlung lnga dang nye bar rgyu ba la sogs pa'i rlung lnga bde ba chen po'i dbang gis byang chub kyi sems kyi thig ler gyur pa rnams gsang ba'i snar 'dod chags kyi rigs can gyi sems can la bltos nas srog dang rtsol ba'i rim gyis steng dang 'og tu spro ba dang bsdu bas brtan par byed pa'i bsgom pa gang yin pa de ni 'dod chags kyi rigs can gyi rnal 'byor pa'i thig le'i rnal 'byor te dang po'o/ /de kho na bzhin du zhe sdang gi rigs can gyi sems can la bltos nas snying ga'i pad+ma'i lte bar thugs rdo rje'i sa bon gyi thig le la gsung gi sa bon dang sku'i sa bon gyis rim gyis thim par bya ste/ de nyid du rlung gi dkyil 'khor ma lus pa bkag nas spro ba dang bsdu ba'i rim gyis gzung ba ni zhe sdang gi rigs can gyis rnal 'byor pa'i thig le'i rnal 'byor ro/ /yang de bzhin du dkyil 'khor bzhi'i rim pa bzhin du 'od zer gyi 'khor lo dmar po la sogs pa spros nas/ g.yas dang g.yon dang gnyis ka dang/ dal bar rgyu ba'i bye brag gis sna'i rtse mor thun byed phyed kyi bar du thig le gzung ba ni gti mug gi rigs can gyi rnal 'byor pa'i thig le'i rnal 'byor ro/ /de bzhin du smin ma'i dbus dang lte ba'i dbus dag tu rin chen 'byung ldan dang don yod grub par grub pa'i rnal 'byor pa'i yang shes par bya'o/ /de dag thams cad gcig tu byas nas rlung gi de kho na nyid ces bya ste/ rdo rje bzlas pa'i rim pa'i thabs dang po yin no/ /sngags kyi de kho na nyid ces bya ba ni gnyis pa yin zhing de yang yi ge gsum ste/
- 13a
oM A(rgyud 'grel): hUM ngo/ /'di ltar khams gsum pa 'di dag thams cad sgra med na tha snyad dang bral ba'i phyir long ba dang lkug pa lta bur 'gyur te/ gal te sgra zhes bya ba'i 'od/ /'khor ba'i bar du gsal mi 'gyur/ /ma lus srid pa gsum po 'di/ /mun pa stug po bzhin du 'gyur/ /sngon gyi rgyal po snyan pa'i gzugs tshig gi rang bzhin me long thob/ /de dag nye bar mi gnas kyang/ /rang nyid nyams pa med la ltos/ /de'i phyir spyod lam thams cad kyi 'jug pa'i rgyu'i gtso bo ni sgra kho na yin no/ /sgra de yang yi ge phyi mo bzhi bcu rtsa dgu'i rang bzhin can gyi bcom ldan 'das ma yin no/ /de yang lte ba'i gnas na srog ces bya ba'i rlung gi bskul bar 'byung ste/ nam mkha' i rlung las rab byung lus las ni/ /'byung zhing kha ru nye bar phyin pa'i sgra/ /gnas gzhan dag tu rab tu phye ba na/ /yi ge nyid 'gyu gang yin de'i sgra'o/ /de ni mi 'gyur tshangs pa mchog dang gtsang/ /phug na gnas par bram ze yang dag 'dod/ /de rab sbyor bas nges pa legs pa dang/ /mngon par thos pas skyes bus sbyor bar byed ces gang bshad pa'o/ /de lta bu'i yi ge'i phyi mo bcom ldan 'das ma zla ba dang nyi ma'i rang bzhin can 'od g.yas dang g.yon nas rgyu ba dang/ gnas brgyad du thugs nas dbyangs dang gsal bya'i dbye bas 'byung ste/ de skad du yang yi ge rnams kyi gnas brgyad de/ drang dang lkog ma mgo bo dang/ /lce yi rtsa ba so dang ni/ /sna dang rkan dang mchu'i gnyis so zhes 'byung ngo/ /'di ltar gnas brgyad las byung ba'i sde tshan brgyad ni rnam par shes pa brgyad pa'i rang bzhin dang/ rigs kyi yum bzhi dang/ rnam par snang mdzad la sogs pa bzhi'i rang bzhin yin zhing/ yi ge k+Sha ni mi bskyod pa'i rang bzhin yin no/ /sde tshan brgyad po de rnams kyang yi ge a la sogs pa dang po'i yi ge brgyad kyis bsdus pa yin no/ /de dag
- 13b
kyang bsdu na khams bzhi'i rang bzhin can gyi a dang ka dang ya dang sha dang bzhis bsdus pa yin no/ /de rnams kyang gsum du 'dus par 'gyur te/ a dang ka dang ya'o/ /de la yi ge a la sogs pa'i sde tshan ni bud med kyi rang bzhin te shes rab po/ /yi ge ka la sogs pa'i ma'i mthar thug pa'i sde tshan ni skyes pa'i rang bzhin te thabs so/ /ya la sogs pa'i yi ge ha'i mthar thug pa'i sde tshan ni ma ning gi rang bzhin te gnyis po 'dus pa'o/ /de nas 'dir 'di dpyad par bya ste/ / bud med dang skyes pa dang ma nings zhes bya ba ji lta bu zhig ce na/ de la kha cig ni nu ma skrar ldan bud med yin/ /kha spur ldan pa skyes bur brjod/ /de dag med pa gnyis pos bar/ /gang yin pa ni ma ning ngo zhes zer ba de ni mthad pa ma yin te/ gal te nu ma dang skra dang ldan pa nyid mo'i rtags yin na/ de'i tshe khri dang phreng ba la sogs pa rnams mo nyid ma yin par 'gyur to/ /de rnams la de med pa'i phyir ro/ /skra bregs pa'i tshogs dang ldan pa'i phyir sa yang bud med nyid du 'gyur te de ni 'dod do/ /bcos pa'i skra dang nu ma dang ldan pa'i cha byad 'dzin pa'i gar mkhan mo nyid du yin par thal bar 'gyur/ kha spu dang ldan pa skyes pa nyid yin na ni ri sgog la sogs pa yang de dang 'dra ba'i phyir skyes pa nyid du 'gyur ro/ / gnyis po spangs pa ma ning yin na sa yang ma ning nyid du thal bar 'gyur na mi 'dod de/ de ni mo'i rtags yin pa'i phyir ro/ /de bas na phyogs 'di legs pa ma yin/ kha cig ni chung ba dang che ba dang bar ma dag pho dang mo dang ma ning zhes bya ste/ de la chung ba ni stobs chung pa'o/ /de la che ba ni stobs che ba'o/ /stobs 'bring dang ldan pa ni bar ma ste/ de dag go rim bzhin rtags gsum gyi mtshan nyid yin no zhes zer ba de yang bden pa ma yin pa ste/ /gal te de lta bu'i
- 14a
mtshan nyid yin par gyur na/ de'i tshe bu mo gzhon nu ma'i skye bar gyur la de'i stobs skyes pa na pa nyid du 'gyur te/ 'dod pa ni ma yin no/ /de bzhin du rgud par gyur pa'i skyes bu rgas par gyur pa'i stobs zad pa ni bud med nyid du 'gyur te/ de ni bud med nyid du mi 'dod do/ /stobs 'bring dang ldan pa'i skyes pa 'am bud med nyid kyang ma ning nyid du 'gyur bas mtshan nyid 'di ni rigs pa ma yin no/ /kha cig ni skad phra ba la sogs pa ni bud med kyi rtags yin la/ skad sbom pa la sogs pa ni pho'i rtags yin zhing/ de gnyis ka spangs pa ni ma ning nyid kyi rtags yin no zhes zer na de yang 'dod pa ma yin te/ skyes bu mdze can gang yin pa de dag skad phra bar 'gyur bas de dag bud med nyid du thal bar 'gyur ro/ /de bzhin du bud med gzhan skad sbom pa gang yin pa de dag skyes pa nyid du 'gyur ro/ skad bar dang ldan pa ma ning nyid yin na/ rgyud mangs la sogs pa ma ning nyid du 'gyur te/ rgyud mangs la sogs pa ni rtags gsum car yin pa'i phyir mi 'dod do/ /sgrum ma dang bu gtsa' ba bud med kyi rtags yin no/ /zhes bya ba yang rigs pa ma yin te bud med mo gsham gang yin pa de skyes ba nyid du 'gyur ro/ /kha spur ldan pa skyes pa nyid kyi rtags yin no zhes bya ba ni 'khrul pa yin te/ bod kyi rigs kha cig la kha spu med pas de'i phyir/ de dag bud med nyid du 'gyur ro/ /gnas pa la sogs pa gnas pa'i rnal 'byor ma rnams kha spu dang byas pa'i phyir skyes pa nyid du 'gyur ro/ /de bas na bud med la sogs pa'i rtags kyi mtshan ma nyid la nges pa med do/ /kha cig ni rtags la khyad par med de/ rtags ni 'jig rten la brten pa'i phyir ro/ /zhes bya zer ba de yang rigs pa ma yin te gal te 'jig rten la brten pa nyid yin par khas len pa de'i tshe ci ste rtags rnams kyi rtags so sor nges pa yin te/ chu dogs dang khang ba la sogs pa'i sgra dag rtags su mtshan nyid yin pa bzhin du ci'i phyir 'dres par mi 'gyur/ de'i phyir mtshan nyid 'di thams cad ni 'khrul pa yin no/
- 14b
de bas na/ 'dir rang gi grub pa'i mdza' 'di brjod par bya ste/ khyab par byed pa dang/ khyab par bya ba dang/ de gnyi ga'i rang bzhin can dag ni pho dang mo dang ma ning gi rang bzhin yin no/ /de bzhin du yang lhan cig skyes pa'i bde ba'i rang bzhin gyi sems kyi rgyud khyab par byed pa'i chos nyid kyi ngo bo nyid kyi dngos po thams cad la khyab par byed pa'i shes rab ni mo'i rtags nyid du tha snyad gdags so/ /lhan cig skyes pa de yi khyab par bya ba'i chos can nam/ skyes bu gang yin pa'i khyab par bya ba de ni skyes bu zhes brjod par bya'o/ /'di ni chos can dang chos nyid kyi tha snyad kyis sems can gyi 'jig rten la pho dang mo'i rtags kyi bye brag gzhag pa'o/ /de gnyis ka spangs pa'i bems po'i rnam pa can gyi snod kyi 'jig rten ni ma ning gi ngo bo yin no/ /dngos po bems po rnams kyi mo dang po'i sgra'i tha snyad gang yin pa de ni thog ma med dus kyi bag chags kyi dbang du byas pa'i rnam par rtog pa can gyi rnam par shes pas byas pa'i yin gyi don dam pa ni ma yin no/ /de ltar na shes rab dang thabs dang de gnyis spangs pa dag ni mo dang po dang ma ning dag yin no/ /de'i phyir shes rab kyi pha rol tu phyin pa'i rang bzhin can gyi dang po'i yi ges bsdus pa'i dbyangs kyi sde tshan bcu drug pa'i ngo bo ni bud med kyis rang bzhin gyis yi ge a'i nang du 'dus pa yin te/ khyab par byed pa yin pa'i phyir ro/ /gsal bya'i sde tshan ni khyab par bya ba nyid dang thabs kyi ngo bo yin pa'i phyir pho nyid yin te/ de nyid dbyangs med par brjod par mi nus pa'i phyir ro/ /de bas na yi ge hUM ni de dag sdud par byed pa'i ngo bo yin no/ /ya la sogs pa'i sde tshan thabs dang shes rab 'dus pas skyes pa nyid yin pa'i phyir de dag gis sdud bar byed pa ni yi ge oM yin no/ /'di ltar de la tshad phyed dang gsum yod de a dang u dang ma'o/ de la yi ge a ni shes rab kyi cha'o/ /yi ge ma ni thabs kyi cha'o/ /de gnyis 'brel par byed pa'i bdag nyid yi ge u ste de'i phyir yon tan byas nas oM du 'gyur ro/ /yi ge gsum po de dag ni sku gsung thugs dang
- 15a
khams gsum dang/ de bzhin gshegs pa gsum dang/ rtsa gsum dang/ sku gsum dang/ rtags gsum dang/ 'jig rten gsum dang/ khams gsum gyi rang bzhin yin zhing 'jug pa dang gnas pa dang 'byung ba'i bdag nyid can yin par shes par bya ste/ de lta bu'i sngags kyi de kho na nyid ces bya'o/ /'di ltar bcom ldan 'das rdo rje 'chang chen pos mos pa sna tshogs pa can gyi sems can gyi khams kyi bsam pa dang bag la nyal ba dang khams dang bag chags kyi dbye bas sngags bye ba stong phrag bdun bcu rtsa gnyis / gsungs pa de dag thams cad kyi rtsa ba ni dbyangs dang gsal bya'i bdag nyid can gyi yi ge phyi mo yin zhing/ de yang sngar bshad pa'i rim pas yi ge gsum gyi bdag nyid can kho na yin pas de'i phyir sngags kyi de kho na nyid ni yi ge gsum po kho na yin par brjod par bya'o/ /de yang 'jug pa la sogs pa'i rlung gsum du 'dus pa rgyu las 'bras bu nye bar brtags pa'i sgo nas 'jug pa la sogs pa rnams kyang sngags kyi de kho na nyid du brjod do/ /de yang rnam pa bzhi ste/ sngags btu ba dang/ sngags kyi brda dang/ don dang sngags kyi de kho na nyid do/ /de la sngags thams cad ni A li dang kA lis skyed pa yin te/ de bzhin du yang rlung gi gzhon pa dang ldan pa'i rnam par shes pa las rnam par rtogs pa 'byung zhing de las rlung rlung gnas rnams su thug pa las yi ge rnams 'byung ngo/ /yi ge rnams kyi tshig /tshig rnams kyi ngag ngag? rnams kyi ngag chen po la snyom? pa'i rim gyi rig pa'i gnas lnga la sogs pa'i rim pas chos gsung rab yan lag bcu gnyis kyi dbye bas chos kyi phung po brgyad khri bzhi stong 'byung ngo zhes bya ba ni sngags btu ba'o/ /sbrul dang mgo med dang btu ba dang/ mdza' med pa la sogs pa rnams kyi brda ste/ sngags rnams kyi brda 'di rnams las kyi bye brag las yin no/ /gzhan yang snying po dang/ nye ba'i snying po dang/ snying po skul bar byed pa dang/ sa bon dang/ phreng ba'i sngags dang/ rigs sngags dang gzungs la sogs pa rnams ni bzlas par
- 15b
bya ba la sogs pa bye brag kho na las sngags kyi brda yin par shes par bya'o/ /sngags kyi don ni bcom ldan 'das rdo rje 'chang ste spyi'i mtshan nyid yin no/ /yi ge oM gyis rnam pa snang mdzad/ yi ge A(rgyud 'grel): ni 'od dpag tu med pa yi ge hUM ni mi bskyod pa'o/ /de bzhin du yi ge swA hA dag ni don ni rin chen 'byung ldan dang don yod grub pa dag yin to/ gzhan rnams kyi don gyi dbye ba yang de bzhin du shes par bya'o/ /sngags kyi de kho na nyid ni de bzhin nyid dang/ stong pa nyid dang/ yang dag pa'i mdza' dang/ chos nyid dang dbu ma'i lam dang don dam pa zhes bya ba ste sngags kyi de kho na nyid do/ /'di ltar thams cad 'od gsal ba'i gnas las 'byung zhing de nyid du thim par 'gyur te/ bu ram gyi ni mngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa'i rang bzhin yin par 'dod/ /ces gsungs so/ /de nyid kyi phyir de kho na yongs su shes pa zhes bya ba ni sngags kyi mthu zhes bya ba ste/ de med na sngags rnams dang/ de las byung ba'i zhi ba la sogs pa rnams rtsa bzhin du cung zad kyang byed pa ma yin pa'i phyir ro/ /de skad du yang/ de nyid phyir na sngags rnams ni rtsa dag gis ni 'gugs pa'i rgyu/ /byed par yang ni mi nus pa'i/ /yi ge gzugs can mi 'dod do/ /zhes gsungs so/ /de skad du gzhan las kyang thub pa chen po chos rnams kyi/ /phung po brgyad khri bzhi stong dag /gang gi de nyid mi shes pa'i/ /de dag thams cad don med 'gyur zhes gsungs so/ /de bzhin du de kho na nyid khong du chud nas ni dngos grub 'grub bo zhes bya ba'i tshul 'dis sngags kyi de kho na nyid ni rnal 'byor pa rnams kyis blang bar bya ba yin no/ /'dir sbyor ba ni me gang zhig bud shing shin tu skam po'i rgyu las byung ba de dag ni bsreg pa dang 'tshod pa la sogs pa'i bya ba byed nus par mthong ba ltar 'od gsal ba'i de kho na nyid yang dag par khong du chud pa las byung ba'i sngags rnams ni zhi ba la sogs pa'i las byed pa yin no/ /zhes bya ba'i rang bzhin gyi gtan tshigs te/ sngags rnams
- 16a
kyi zhi ba la sogs pa'i las rnams ni 'od gsal ba'i de kho na nyid khong du chud pa tsam la rag lus pa yin pa'i phyir ro/ /me gang zhig bud shing shin tu skam po las byung ba ma yin pa de dag ni bsreg pa la sogs par nus pa ma yin pa de kho na bzhin du 'od gsal ba de kho na nyid du chud pa dang bral ba'i sngags rnams ni zhi ba la sogs pa'i las byed pa ma yin no/ /zhes bya ba ni chos mi mthun pa'i dpe'o de ni rdo rje bzlas pa'i rim pa'i thabs kyi rim pa'i bye brag yin no/ /sems rnam par dag pa'i rim pa'i thabs kyang gnyis te/ sngags kyi rim pa dang/ phyag rgya'i rim pa'o/ /de la sngags kyi rim pa zhes bya ba ni re zhig dang por chos kyi dbyings kyi 'khor lo rtsibs brgyad pa'i lte ba la gnas par dbyangs yig dang po bsgoms te de las byung ba'i 'od zer gyi 'khor lo dkar pos lus thams cad shin tu gsal byas nas de yongs su gyur pa'i oM kha dog dkar po mgo bo la bkod de/ de'i rjes la pad+ma dang zla ba'i dkyil 'khor gyi steng na gnas pa'i yi ge a thig les mtshan pa der de las byung ba'i 'od zer gyi 'khor lo bskug la bzhug par bya'o/ /de'i tshe 'jug pa'i rnam par shes pa gnas gyur nas snang ba'i ye shes zla ba'i 'od zer lta bu'i skye bar 'gyur ro/ /de'i rjes la chos kyi dbyings kyi 'khor lo de nyid la nyi ma'i dkyil 'khor gyi steng du rdo rje bsgoms te/ de'i steng du yi ge dang po'i thig le gnyis kyi rnam par brgyan pa bkod nas/ de las byung ba'i 'od zer gyi 'khor lo kha dog dmar pos lus thams cad kun tu snang bar byas te/ de nyid kyis lkog ma'i phyogs su yi ge A(rgyud 'grel): rnam par spros nas bkod de/ de yang bkug nas chog drag dang ldan pa der gzhug par bya ste de'i tshe nyon mongs pa can gyi yid kyi rnam par shes pa yongs su gyur nas snang ba gsal ba'i ye shes nyi ma'i 'od zer rab tu gsal ba dang mtshungs pa skye bar 'gyur ro/ /de'i rjes la chos kyi dbyings kyi gnas 'khor lo dang/
- 16b
sa bon dang mtshan pa bor ba spros pa med pa'i nam mkha' dang mtshungs pa de nyid du snying ga'i pad+ma'i lte ba'i steng du 'brug gi sgra dang ldan pa bkod la 'od zer gyi 'khor lo mtshams kyi sprin dang mtshungs pa bkug la/ de nyid du thim par bsam par bya ste/ de'i tshe thig le dang sa bon spangs pa nam mkha' sprin med pa lta bu mtshams kyi snang ba 'byung bar 'gyur zhing de'i tshe kun gzhi rnam par shes pa yongs su gyur nas snang ba nye bar thob pa'i ye shes skye'o/ /de'i rjes la mtshams kyi snang ba 'od zer log pa nam mkha' dri ma med pa dang mtshungs pa'i lhan cig skyes pa'i dga' ba'i rang bzhin gyi snang ba skye zhing de'i tshe snang ba gsum thob nas 'od gsal ba'i de kho na nyid skye bar 'gyur zhing/ de'i tshe sgrub pa po 'grub par 'gyur ro/ /zhes bya ba ni sngags kyi rim pa'o/ /phyag rgya'i rim pa zhes bya ba ni/ rang gi rigs dang rjes su mthun pa'i rigs lnga dang bsras shing legs par bslabs pa thas pa dang/ bsam pa dang bsgoms pa'i rim gyis phul du byung ba'i shes rab yang dag pa'i thob pa snying rje chen pos sems yang dag par bstan pa'i dam tshig gis phyag rgya blangs te/ skye bo med pa'i gnas su rang gi 'dod pa'i lha'i nga rgyal dang ldan pa'i rnal 'byor dang rjes su rnal 'byor dang shin tu rnal 'byor dang rnal 'byor chen po byas pa'i rnal 'byor pas nang gi rim pa bzhin du bsnyen pa la sogs pa'i thabs kyi snyoms par 'jug pa sngon du 'gro ba'i pad+mar gzhug pa dang bskyod pa de bzhin gshegs pa rin chen 'byung ldan dang don yod par grub pa gnyis kyi sngags dag gis bya ste/ hUM dang phaT la sogs pa rnams kyis bskyed pa'i rim pa dang byin gyis brlabs pa byas nas/ srogs la sogs pa dgag pa 'am/ sngags dgod par char gzung bar bya ste/ de bzhin gshegs pa thams cad gzhug pa sngon du 'gro ba can gyi thig le tsam rdo rje'i rtse mor nges par gzungs la/ 'dod chags dang 'dod chags bral ba dang 'dod chags par ma spangs te/ lhan cig skyes pa'i dga' ba'i
- 17a
rnam grangs bde ba chen po dang/ 'od gsal ba dang/ zhi ba dang/ de kho na nyid la gnas nas ye shes dang rnam par shes pa thams cad yongs su zad par gyur pas de las byung ba'i rang bzhin brgya drug cu thim par gyur pa na/ ji srid rnal 'byor pas rnam par dag pa'i dga' ba rab tu gsal ba'i bdag nyid can gyis chos kyi sku'i rang bzhin dri ma med cing mdza' yas pa'i nam mkha' 'ba' zhig dang mtshungs ba'i lhan cig skyes pa'i bde ba nyams su myong ba'i bar du gnas par bya'o/ /de ni phyag rgya'i rim pa'o// gal te brgya la de lta bu'i phyag rgya ma rnyed na/ de'i tshe rang gi snying ga nas spros pa'i ye shes kyi phyag rgya shes rab kyi pha rol tu phyin pa'i rang bzhin can gyi bcom ldan 'das ma dang snyoms par zhugs te/ rim pa de nyid kyis sems rnam par dag pa goms par bya'o/ /phyag rgya med na rnal 'byor pas ji ltar de kho na nyid nye bar mtshon par 'gyur ba ma yin nam zhe na/ smras pa re zhig dbang gi dus su bde ba chen po nyams su myong nas/ de'i 'og tu mos pa de nyid sems la bzhag ste/ de dang 'dra ba'i phyag rgya bsgoms pa las de kho na nyid nyams su myong bar 'gyur ro zhes brjod par bya'o/ /mkhas pa dag ni rang rigs ba'i mngon sum gyis nyams su myong ba gang yin pa de ni tshad ma nyid yin pa'i phyir de kho na nyid grang ba/ ye shes kyi phyag rgya dang lhan cig skyes pa'i de kho na ni sngar nyams su myong ba'i rjes su dran pa yin pas dran pa ni don dam pa'i yul can yin pa'i phyir tshad ma ma yin pa ma yin nam/ don med pa'i yul can tshad mar khas len na ni/ ri bong dang rwa la sogs pa'i shes pa dang rnam par rtogs pa can gyi rnam par shes pa rnams kyang tshad ma yin par thal bar 'gyur ro/ /de nyid 'di yin no mnyam du do shes pa na bye brag med pa'i phyir tshad ma ma yin par rigs pa ma yin no/ /'o na de lta na ngo shes pa zhes bya na ji lta bu zhe na/ bdag gi ma ga d+har mthong ba'i ba lang gang yin pa de nyid ba lang
- 17b
yin no/ /snyam pa dang ma ga d+ha na gna pa'i 'bras sA lu de nyid 'di yin no/ /snyam pa'i ngo shes pa de ni mthad pa ma yin te/ sgra dang don dag 'gal ba'i phyir ro/ /'di ltar de zhes bya ba thams cad kyi sgra 'das pa'i dus brjod par byed par/ 'di zhes bya ba ni thab kyi nang gi tshogs mngon sum pa'i dngos po brjod pa'o/ /de'i phyir 'das pa'i dus dang da ltar gyi dus 'gal ba'i phyir khyad par gyi gzhi'i dngos po mi thad pas de nyid 'di yin no zhes brjod du mi 'dod pa nyid do/ /don dang 'gal ba yang ji ltar ma ga d+ha la sogs par zos pa'o mthong ba'i 'bras sA lu la sogs pa rnams kyi ro dang nus pa dang bye brag du smin pa gzhan yin zhing 'di na gnas pa rnams kyi yang gzhan kho na nyid yin no/ /'bras sA lu la sogs pa rnams la gzugs mtshungs pa tsam yod du zin kyang/ 'on kyang shin tu phra ba'i blo can gyi rtogs par byed pa pos dpyad pa na zhag drug cu'i 'bras la sogs pa dang/ 'bras dri zhim po la sogs pa'i bye brag bzhin du de rnams kyi khyad par 'ga' zhig gdon mi za bar nye bar dmigs par 'gyur pa kho na ste/ yul la sogs pa'i khyad par las/ /rdzas la nus pa tha dang snang/ /gcig mthong gzhan na de yod ces/ /nges par bya ba rung ma yin zhes bshad pa'o/ /gzhan yang rtogs pa po'i mngon sum na gnas pa'i dngos po gcig kyang skad cig ma yin pa'i phyir skad cig re re zhing rang bzhin gzhan dang gzhan 'dzin pa yin pa na/ yul dang dus la sogs pas bskal ba gzhan rnams lta ci smos de bas na dbang gi dus na thob ba'i de kho na nyid gzhan kho na yin zhing ye shes kyi phyag rgya dang snyoms par 'jug pa'i dus kyi de kho na nyid yin no/ /snyam pa'i des pa ma yin te/ ched ma ma yin pa'i de kho na nyid ma yin no zhes zer ro/ /de ni bden mod kyi dpe'i dus su nyams su myong ba de kho na nyid bla ma'i zhal sa nas kyi sku drin dang bsgom pa'i stobs kyis brtan par gyur pa de ni bsgom pa gom par gyur ba las bskal ba nas bskal pa stong gi bar du gnas par 'gyur te/ 'jig par mi 'gyur ro/ /ye shes kyi phyag rgya dang snyoms
- 18a
bar 'jug pa ni de'i lhan cig byed pa tsam yin gyi skyed par byed pa ma yin te/ de ni sngar thob pa kho na yin pa'i phyir ro/ /bsgom pa goms par byas pas las de 'phel bar 'gyur te/ dngos po bden pa ma yin pa rnams kyang mngon sum bzhin du mdun na gsal bar 'gyur na/ bden pa rnams ni smos kyang ci dgos/ byis pa rnams ni yang dang yang/ /'dir ni gang dang gang bsgom pa/ /bsgom pa'i stobs dang 'brel ba las/ /de dang de nyid mdun na snang/ /sbal pa ral ba ldan pa dang/ /'od bcas thal bar bskul ba dang/ /tshangs skud dkar po ldan pa dang/ /phrag pa spyi blugs bzhag pa bzhin/ /'dir mang brjod pas ci zhig bya/ /'ga' zhig gis ni bsgom byas na/ /khyi dang ri bong rta dag gis/ /mgo nas ra yang mthong bar 'gyur zhes gang bshad pa'o/ /de skad du gzhan las kyang/ 'dod dang mya ngan 'jigs dang myos/ /gnyid dang kun mas bslus gyur ba/ /mdun na kun tu gnas pa bzhin/ /rdzun pa dag kyang mthong bar 'gyur/ /zhes gang bshad pa'o/ /de'i phyir bsgom pa goms pa las de kho na nyid gsal bar rgyan chags su 'jug pa'i yon tan gyi khyad par dang 'brel ba'i phyir de ni mi brtan pa nyid ma yin no/ /yang na rnal 'byor gyi mngon sum gyi tshad ma bzhi pas nyams su myong bas gang yin pa de ni rab kyi mdza' las byung ba yin pa'i phyir dam tshig dang ye shes kyi phyag rgya gnyi ga dang snyoms par 'jug pa'i dus na yang shin tu gsal bar snang zhing rnam par rtog pa med pa yang yin pas nyes pa med do/ /ha cang thal ches pas chog go/ sems rnam par dag pa'i rim pa'i thabs kyi dbye ba bshad zin to/ /bdag byin gyis brlabs pa'i rim pa'i thabs ni gnyis te/ skad cig pa'i rnal 'byor dang/ snang ba nye bar thob pa la sogs pa'i dbye ba'i rnal 'byor ro/ /'di ltar yang sems rnam par dag pa'i rim pas thob pa'i don dam pa'i bden pa 'ba' zhig gis rang bzhin can gyi de
- 18b
kho na nyid gang yin pa de la gnas pa'i rnal 'byor bas gang gi tshe gzhan gyi don bya bar mi nus pa de'i tshe sngon gyi bskyed pa'i smon lam gyi dbang gis rmi lam bzhin du snying rje chen pos sems can gyi khams skyangs med pa rnams la dmigs te/ 'od gsal ba las skad cig gis dbang po'i gzhu lta bu'i rnam pas mtshan dang dpe byad kyis brgyan pa'i dkyil 'khor pa rnam pa sna tshogs pa'i tshogs kyis yongs su bskor cing dkyil 'khor gyi bdag po gyur pas rnam par gnas par spro ste/ de las kyang dkyil 'khor gyi 'khor lo gzhan dang gzhan spros pas sdug bsngal gsum yi sdug bsngal bar gyur ba'i sems can gyi khams rnam par sbyangs nas bde ba can la sogs pa'i sangs rgyas kyi zhing rnams su rab tu bkod de slar bsdus nas/ rgyu ma dang smig rgyu la sogs pa rgyu ma'i dpe bcu gnyis dang mtshungs par rang dang gzhan la bltas la/ ji srid du bskal pa 'am bskal pa stong du sems can gyi don rgyun mi 'chad par byed pa de srid du gnyis su med pa'i chos nyid la gnas par bya ste/ de lta bu ni skad cig gi rnam pa'i rnal 'byor pa'i thabs te dang po'o/ /gnyis pas ni sngar ji lta ba bzhin du sems rnam par dag pa'i rim pas 'od gsal brtogs par byas te/ de'i rjes la snga ma bzhin snang ba nye bar thob pa'i ye shes mtshams kyi snang ba lta bu'o/ /de'i 'og tu nyi ma'i 'od zer rab tu gsal ba dang mtshungs pa'i snang ba gsal ba'i ye shes nyi ma'i dkyil 'khor lo gnas pa'i rdo rje'i steng du tsheg drag dang ldan pa'i dbyangs dang po blta'o/ /de'i rjes la pad+ma'i gdan la gnas pa'i zla ba'i dkyil 'khor la rjes su 'jug pa'i dbyangs dang bcas pa'i dbyangs yig dang po blta ste/ de'i 'og tu zla ba dang rdo rje la sogs pa'i thabs dang shes rab 'dus pa ye shes kyi sku phyag rgya bzhis rgyas btab pa bskyed par bya ste/ 'di ni thabs gnyis pa'o phyogs 'di la sgyu ma dang smig rgyu la sogs pa'i sgyu ma'i dpe bcu gnyis dang mtshungs pa'i lta ba ni khyad par yin te
- 19a
gzhan du na zla ba dang rdo rje la sogs pa'i rim pa bzhin du bskyed pa'i rim par thal bar 'gyur ro/ /gal te de ltar yin na rim pa 'di gnyis la khyad par ci yod ce na brjod par bya ste/ /bskyed pa'i rim pa'i rnal 'byor pas ni dang po'i sbyor ba la sogs pa'i ting nge 'dzin gyi rim pa dang/ rdo rje bzhi pos lha'i sku bskyed pa ni spros pas bsgrub par bya'o/ /rdzogs pa'i rnal 'byor pas ni zla ba la sogs pa bsgom du zin kyang/ 'on kyang sgyu ma lta bu'i ting nge 'dzin gyi zin par gyur pas spros pa phal cher ldog par 'gyur ro/ /zhes bya ba ni khyad par yin no/ /gal te yang de nyid la zhen par gyur na de'i tshe rdzogs pa'i rim pa las nyams par gyur nas/ bskyed pa'i rim pa'i rnal 'byor par gyur te/ de yang 'di nyid du bshad par bya'o/ /de ni bdag byin gyis brlab pa'i rim pa'i thabs kyi dbye ba'o// //mngon par byang chub pa'i rim pa'i thabs ni gnyis te/ phyag rgya'i rim pa dang/ ting nge 'dzin gyi rim pa'o/ /phyag rgya'i rim pa ni rnam pa gnyis te/ phyi'i mngon par byang chub pa'i rim pa dang/ nang gi mngon par byang chub pa'i rim pa'o/ /ting nge 'dzin gyi rim pa la yang rnam pa gnyis te/ ril por 'dzin pa'i ting nge 'dzin bsgom pa'i rim pa dang rjes su gzhig pa'i ting nge 'dzin bsgom pa'i rim pa'o/ /de la phyag rgya'i rim pa zhes bya ba ni/ chu dang cod pan dang/ rdo rje dang dril bu dang/ ming dang rjes su gnang ba dang/ lung bstan pa dang/ dbugs dbyung ba dang/ phyir mi ldog pa dang/ gsang ba'i dbang bskur ba thob par gyur nas/ slob ma thal mo sbyar gyur par/ dam tshig gi phyag rgya'i rigs dang/ rjes su mthun pa'i legs par bslabs shing legs par 'dus byas pa nas gzhom zhing sdom pa dang dam tshig gi pha rol tu phyin pa/ srod kyi dus su bla ma la yon du phul nas/ de la phyag 'tshal phyag 'tshal zhes/ bya ba la sogs pas tshigs su
- 19b
bcad pa dag gis mngon par bstod de/ de'i 'og tu khong stong khyod kyis sku la med ces bya ba la sogs pa tshigs su bcad pa rnams kyis gsol ba gdab par bya'o/ /de'i rjes la bla mas kyang de la snying rje chen pos bskyed nas de la sngags dang phyag rgya dang ting nge 'dzin gyis rim pas te/ sbyin par bya zhing des kyang de blangs la 'dod chags dam pa'i ting nge 'dzin gyi snyoms par 'jug pa'i bde ba nyams su myong bar byas te/ ldang bar bya'o/ /de'i 'og tu rdo rje slob dpon gyis kyang de la man ngag bzhi pa gsal bar bstan par bya ste/ skyes bu khyod kyis bsgrub par bya ba dang sgrub par byed pa 'dus pa'i dus su phyir rol gyi byed pa sna tshogs pa'i byed pa dang 'khyud pa la sogs pa'i bya ba'i tshogs kyis dbang po 'khrug pa la sogs pa'i mtshan nyid can gyi bde ba nyams su myong ba de ni rnam pa sna tshogs pa'i skad cig ma'i bdag nyid yin zhing/ rnam grangs gzhan yang dga' ba dang snang ba'i ye shes zhes bya ba dang/ mtshan mo'i ngo bo dang/ shes rab kyi rang bzhin yin par shes par bya'o/ /de'i 'og tu khyod kyi rdo rje dang pad+ma 'dus pa las bskyod pa rtsom pa na dbang po'i rnam par rtog pa rnam zad par gyur nas rang rig pa tsam 'ba' zhig yid kyi rnam par shes pas rtog par bya ba'i bde ba nyams su myong ba gang yin pa de ni rnam par smin pa'i skad cig ma'i bdag nyid yin zhing mchog tu dga' ba'i bdag nyid dang/ snang ba gsal ba'i ye shes kyi rang bzhin dang/ thabs kyi ngo bo dang 'dod chags bar ma'i ngo bo yin par shes par bya'o/ /de nas yi ge phaT kyis sgras pad+ma'i sbubs kyi nang du byang chub kyi sems kyi thig le rgyun dag gis mchod pa byas pa gang yin pa de ni yid mi bde ba'i rang bzhin dang rnam par nye ba'i skad cig ma'i bdag nyid yin zhing/ rnam grangs gzhan yang dga' bral dang 'dod chags dang bral ba'i bdag nyid dang/ snang ba nye bar
- 20a
thob pa'i ye shes dang mtshams kyi rang bzhin yin par shes par bya'o/ /de'i 'og tu dbang po dang yul dang rnam par shes pa de rnams thams cad zad par 'gyur nas/ sgo dgu 'gag par gyur pa na/ srog la sogs pa rlung gi dkyil 'khor gcig tu gyur nas sems dang sems las byung ba dang bag chags phra mo'i dri ma thams cad rab tu zhi ba'i gnas su ro gcig pa'i dngos por gyur pa dang/ 'dod chags bral ba dang 'dod chags bar ma nus bar gyur nas/ so so rang rang gi rig par bya ba'i chos kyi sku'i rang bzhin thog ma dang tha ma med pa'i chos nyid kyi de kho na nyid thab par byed pa rnam pa sna tshogs la sogs pa'i skad gcig gi tshogs dang bral ba rdo rje rtse mor byang chub kyi sems kyi thig le 'ba' zhig tsam bzung ba la/ khyab par byed pa'i don dam pa'i byang chub kyi sems kyi de kho na nyid yongs su shes pa'i mtshan nyid can gyi lhan cig skyes pa'i bde ba nyams su myong ba gang yin pa de ni bde ba chen po dang/ de kho na nyid bzhi pa dang/ blang bar bya ba dang/ 'od gsal ba dang/ 'bras bur gyur pa nyid yin pa shes par bya'o/ /skyes bu de la ni yod pa dang med pa dang dngos po dang dngos po med pa dang/ bcings pa dang/ thar ba dang/ rtag pa dang chad pa dang/ rnam pa dang bcas pa dang/ rnam pa med pa dang/ stong pa dang stong pa ma yin pa dang/ 'khor ba dang mya ngan las 'das pa dang/ srid pa dang zhi ba dang/ kun rdzob dang don dam pa dang/ rgyu dang 'bras bu dang/ spro ba dang bsdu ba dang/ 'gro ba dang 'ong ba la sogs pa'i mtshan nyid kyi bye brag yod pa ma yin te/ de nyid khyad kyis shes par bya'o/ /'di ni phyi'i mngon bar byang chub pa'i rim pa'o/ /de'i 'og tu de kho na nyid thob pa'i sngon rol tu khyod kyi dang po smig rgyu'i rnam pa can gyis 'od zer kha dog sna lnga pa'i tshogs dbang po'i gzhu lta bu sna
- 20b
tshogs 'bad pa med par mthong bar 'gyur te/ de'i tshe khyod kyis 'di ltar shes par bya ste/ du ba las me shes pa bzhin du bdag gis gdon mi za bar de kho na nyid mngon sum du 'gyur ro snyam du shes par bya'o/ /de'i rjes la gnyis pa zla ba'i 'od zer lta bu 'od kyi 'khor lo mthong ba gang yin pa de ni snang ba'i ye shes kyi bdag nyid yin par rig par bya'o/ /de'i rjes la gsum pa nyi ma'i 'od zer gyi 'khor lo lta bu ni snang ba gsal ba'i bdag nyid yin par shes par bya'o/ /de'i rjes la mtshams kyi snang ba lta bur snang ba ni snang ba nye bar thob pa'i rang gi ngo rtogs par bya'o/ /de'i rjes la snang ba rnams nub bar gyur nas/ sprin med pa'i nam mkha' dang mtshungs shing rnam par rtog pa med par rab tu gsal ba'i dga' ba'i rang bzhin du snang ba de ni thams cad stong pa'i bdag nyid kyi 'od gsal ba yin par shes par bya'o/ /de ni nang gi mngon par byang chub pa'i rim pa de/ 'di ni phyag rgya'i rim pa'o// //da ni ting nge 'dzin gyi rim pa brjod par bya ste/ re zhig dang po rnal 'byor pas lte ba'i dkyil 'khor la gnas pa'i chos kyi dbyings kyi 'khor la rtsa bas brgyad pa'i lte ba la gnas pa'i yi ger 'bar ba las byung ba'i 'od kyis 'khor lo me 'phro bas mgo bo nas brtsams te/ rkang pa'i bar du snang ba med par byas la slar yang rkang pa gnas brtsams te mgo bo'i bar ram snying ga la thug pa bsregs nas thams cad stong pa nyid la 'jug pa gang yin pa de ni ril por 'dzin pa'i ting nge 'dzin to/ /dang por ba spu'i bu ga thams cad nas byung ba'i 'od kyi 'khor lo de nyid kyi g.yo ba dang brtan pa mi snang bar bya zhing de nas bdag nyid kyang de bzhin du bya ste/ de lta bu ni rjes su gzhig pa zhes bya ba'i ting nge 'dzin te gnyis pa'o/ /ting nge 'dzin gnyis kyi dpe ni ji ltar ston ka'i dus su rnyog ma med pa'i chu la zla ba'i gzugs brnyan byung ba de ni rnam pa shin tu gsal
- 21a
bar snang ba mthong ba de bzhin du ting nge 'dzin la thams cad stong pa'i de kho na nyid gsal bar 'gyur ro/ /rang bzhin gyi dri ma med pa 'khar ba'i me long chen po til mar dang thal bas phyis pa la/ ji ltar dbugs kyi rlung thim pa na/ de las tha dad par me dmigs pa bzhin du/ ting nge 'dzin gnyis pa la de kho na nyid dang tha mi dad par 'jug par snang bar 'gyur ro/ /de ni ting nge 'dzin gyi rim pa ste/ 'di ni mngon par byang chub pa'i rim pa thabs kyi dbye ba'o phyag rgya dang ting nge 'dzin gyi rim pa'i thabs kyis thob par bya ba'i de kho na nyid bstan par bya ba'i don du byang chub kyi sems zhes bya ba'i sngags brjod par bya ste/ 'di ltar sngags rnams la rang bzhin gyis grub pa'i nus pa dag yod de/ dug la sogs pa sel ba'i sngags bzhin no/ /gal te yang 'od gsal ba mngon du ma gyur pa de'i tshe/ bcom ldan 'das kyis gsungs pa'i grub pa'i sngags brjod pa'i mthus skad cig gis rang dbang med par de kho na nyid gsal bar 'gyur te/ ji ltar shing las breng ba'i mis/ /mi 'dod kyang ni ltung ba nyid/ /de bzhin bcom ldan 'das gsungs pa'i/ /sngags kyi stobs kyi de nyid thob/ /a la sogs pa'i sngags rnams bskyed pa'i rim pa la yod pa ni rim pa ma yin nam/ rdzogs pa'i rim pa la ci'i phyir sngags gzung bar bya zhe na/ de skad du brjod par mi nus te/ sngags ni thabs tsam yin pa nyid kyi phyir ro/ /sngags kyi bzlas pa 'am sku skyed pa 'am/ zhi ba la sogs pa las kyi tshogs sgrub pa ni ma yin te/ dam tshig gi phyag rgya dang snyoms par 'jug pa bzhin du sngags kyi rjes su dran pa tsam ni 'thad pa kho na'o/ /de kho na nyid thob na sngags dang phyag rgya dang ting nge 'dzin med de/ thabs las byung ba thob nas gang/ /spang bya de nyid thob ces bya zhes bshad do/ /ji ltar 'ga' zhig mar me thogs/ /lam mthong nas ni mdor ba ltar/ /shes pas
- 21b
shes bya mthong nas ni/ /de bzhin shes pa mdor bar 'gyur zhes gang bshad pa'o/ /bskyed pa'i rim pa la ni thabs rnams mdor bar rigs pa ma yin te/ gal te mdor na de'i tshe las dang po pa nyid yin pa dang/ goms par ma byas pa nyid yin pa'i phyir so so skye bo'i sa thob par 'gyur ro/ /de bas na shin tu thal ches pas mchog go /des ni mngon par byang chub pa'i rim pa'i thabs kyi dbye ba bstan pa'o/ /zung du 'jug pa'i rim pa'i thabs ni gnyis te/ rgyu'i rin pa dang 'bras bu'i rim pa'o/ /de la rgyu'i rim pa zhes bya ba ni bye brag tu smra ba la sogs pa'i phyi rol gyi don la mngon par zhen pa rnams dang/ rnal 'byor spyod pa rnams dang/ byang chub sems dpa' rnams dang/ rim pa gnyis la zhugs pa'i rnal 'byor pa rnams kyi chos dang gang zag la bdag med pa dang/ yod pa dang med pa dang/ rnam pa dang bcas pa dang/ rnam pa med pa'i rnam par rig pa snang ba dang/ kun rdzob dang don dam par snang ba dang/ brtags pa dang brtags pa ma yin pa'i lha'i rnal 'byor du snang ba la sogs pa rnams kyis gnyis gnyis po tha dad pa med par ro gcig tu byed cing/ rnam par rtog pa med par rnal 'byor gyi mngon sum gyi tshad nas yang dag par rtogs par bya ba'i de kho na nyid rab tu gsal ba gang yin pa de ni rgyu'i zung du 'jug pa'i rim pa'o/ /de kho na nyid thob pa'i rnal 'byor pas bya ba dang/ yon tan dang/ rdzas dang rigs kyi bye brag gis bye ba bdag dang gzhan gyi rgyud la yod pa'i dngos po rnams tha dad med par yongs su shes pa gang yin pa de ni 'bras bu'i zung du 'jug pa'i rim pa'o/ /rnam par mi rtog pa'i ye shes kyi gnas skabs ji ltar rgyu dang 'bras bu'i bye brag bzhag pa ma yin nam/ brjod par bya ba ste bdag lta bu'i tha snyad 'dogs?
- 22a
bar byed pa po de snyam du sems kyi rtogs pa po ni yin no/ /rang rig pa 'ba' zhig gis rtogs par bya ba'i ye shes la zhugs pa de dag gis ni rgyu dang 'bras bu'i bye brag la tha mi dad par mthong ste/ de dag la rnam par rtog pa med pa'i phyir ro/ / sngon gyi smon lam gyi mthu las sems can gyi don dang spyod par 'byung ste/ yid bzhin nor bu lta yi mi/ /de ni nye ba tsam gyis ni/ /rtsig pa la sogs pa las kyang/ /bstan pa ji ltar 'dod zhing 'byung zhes gang bshad pa'o/ /de ni zung du 'jug pa'i rim pa'i thabs kyi dbye ba'o/ /de nas 'dir 'di spyad par bya ste/ rim pa lnga ba'o rnam par dag pa'i rang bzhin ji lta bu dang ldan zhe na/ 'dir brjod par bya ste/ phung po lnga dang ye shes lnga dang/ 'byung ba chen po lnga dang/ dbang bskur ba lnga dang/ de bzhin gshegs pa lnga dang/ lam lnga dang/ rnam par shes pa lnga'i rang bzhin no/ /de la gzugs kyi phung po rnam par dag pa ni rdo rje bzlas pa'i rim pa ste/ gang gi phyir rlung gi 'khor lo rnam pa bcu'o/ /khu ba dang khrag gi thig le'i gzugs su gyur pas kha dog dang dbyibs kyi bdag nyid can gyi gzugs bskyed pa dang gzugs rags pa la mngon par zhen pa spangs pa'i phyir rlung gi rim pa phra mo kho na goms par bya ba yin pa'i phyir ro/ /tshor ba'i phung po rnam par dag pa ni sems rnam par dag pa'i rim pa ste/ sems ni bde ba la sogs pa'i rnam pa can kho nar shin tu gsal ba nye bar dmigs te/ phal cher de'i rnam pa can yin pa'i phyir ro/ /de bas na de rnam par dag pa ni rim pa gnyis pa'o/ /'du shes kyi phung po rnam par dag pa'i rang bzhin bdag byin gyis brlab pa'i rang bzhin can te/ 'du shes ni yul la mtshan mang 'dzin pa'i bdag nyid can yin zhing 'di yang rang dang gzhan gyi rgyud la yod pa'i dngos po'i tshogs kyi yul sgyu ma'i dpe bcu gnyis kyi rim par thob pa ni 'du shes so/ /'du byed ni dge ba la sogs pa rnams te/ de dag kyang
- 22b
'dod chags la sogs pa dag pa yin pa'i phyir de rnam par dag pa ni mngon par byang chub pa'i rim pa'o/ /rnam par shes pa ni dngos po thams cad kyi rang bzhin yin te/ de rnam par dag pa'i ngo bo ni zung du 'jug pa'i rim pa'o/ /me long lta bu'i ye shes kyi ngo bo ni rdo rje bzlas pa'i rim pa ste/ 'jug pa la sogs pa'i rim pa spangs pa'i ma ning gi bzlas pa thob pa na rnal 'byor pas gzugs brnyan bzhin du chos kyi dbyings kyi ye shes mthong bar 'gyur ro/ /sems rnam par dag pa'i rim pa ni mnyam pa nyid kyi ye shes kyi rang bzhin te/ der sems dang sems las byung ba'i ngo bo rnams dang/ ye shes dang/ rnam par shes pa rnams dang/ rang bzhin rnams 'od gsal bar mnyam pa nyid thob pa'i phyir ro/ /bdag byin gyis brlab pa'i rim pa ni/ so sor rtog pa'i ye shes kyi rang bzhin te/ de la sems can dang snod kyi 'jig rten la sgyu ma lta bu nyid du so sor rtog pa'i phyir ro/ /mngon par byang chub pa'i rim pa ni bya ba nan tan grub pa'i ye shes kyi rang bzhin yin te/ de kho na nyid la zhugs pas 'bad pa med par kho nar sems can gyi don ma lus par 'grub pa'i phyir ro/ /zung du 'jug pa'i rim pa ni shin tu rnam par dag pa'i chos kyi dbyings kyi ye shes kyi ngo bo yin te/ dri ma med cing mdza' yas pa'i nam mkha' lta bu'i ye shes 'ba' zhig de la snang ba'i phyir ro/ /rdo rje bzlas pa'i rim pa ni sa'i ngo bo yin te/ rnam par rtog pa rags pa rnams rab tu zhi ba'i phyir ro/ /chu rnam par dag pa ni sems rnam par dag pa'i rim pa te/ ye shes dang rnam par shes pa dang/ rang bzhin rnams 'gags nas sems chu'i rgyun gyi tshul du 'jug pa'i phyir ro/ /bdag byin gyis brlab pa'i rim pa ni mi rnam par dag pa'i rang bzhin yin te/ /sgyu ma lta bu'i ting nge 'dzin gyi mes dmigs pa'i rnam par rtog pa bsregs pa'i phyir ro/ /rlung rnam par dag pa ni mngon par byang chub pa'i rim pa ste/ 'od gsal ba las 'dod chags dang bral ba dang
- 23a
'dod chags bar ma la sogs pa rnams rtswa bzhin du khyer ba'i phyir ro/ /zung du 'jug pa'i rim pa ni nam mkha' rnam par dag pa'i ngo bo yin te/ chos kyi dbyings kyi ye shes kyi nam mkha' i ngo bo yin pa'i phyir ro/ /rdo rje bzlas pa'i rim pa ni rig pa'i dbang bskur ba'i ngo bo yin te/ kun gzhi la sogs pa rnam par shes pa yongs su gyur pas rgyud rnam par dag pa'i phyir ro/ /sems rnam par dag pa'i rim pa ni phyir mi ldog pa'i dbang bskur ba'i ngo bo yin te/ sems rnam par dag pa thob pa na slar mi ldog pa'i phyir ro/ /bdag byin gyis brlab pa'i rim pa ni gsang ba'i dbang bskur ba'i ngo bo yin te/ ye shes kyi sku thob pa'i phyir ro/ /dus de nas brtsams de ni rtog pa med/ bya ba byas shing tshogs bsags de las ni/ /de yi dbyibs dang sku mdog phyag mtshan ni/ /'dod bzhin bsam gyis mi khyab pa yi sku/ /bsam bya zhes gang bshad pa'o/ /mngon par byang chub pa'i rim pa ni shes rab kyi dbang bskur ba'i ngo bo yin te/ de ni phyi dang nang gi bdag nyid can gyi shes rab kyi rim pas thob pa'i phyir ro/ /zung du 'jug pa'i rim pa ni shes rab ye shes kyi dbang gi ngo bo yin te/ de ni 'bras bur gyur pa dang dus phyis bya ba med pa dang/ mi slob pa nyid yin pa'i phyir ro/ /rdo rje bzlas pa ni rnam par snang mdzad kyi ngo bo yin te/ des snga ma bzhin du me long lta bu'i ye shes thob pa'i phyir ro/ /sems rnam par dag pa'i rim pa ni rin chen 'byung ldan gyi ngo bo yin te/ de thob pas ni nam mkha' mdzod kyi ting nge 'dzin gyi bsam pa thams cad yongs su rdzogs par byed pa'i phyir ram nga rgyal gyi rtsa ba can gyi ye shes pa dang/ rnam par shes pa dang rang bzhin gyi tshogs 'od gsal bar thim pa'i phyir ro/ /bdag byin gyis brlab pa'i rim pa ni snang ba mdza' yas kyi ngo bo yin te/ sgyu ma lta bu'i ting nge 'dzin gyis
- 23b
dngos po thams cad la yang dag par dpyod pa'i phyir ro/ /mngon par byang chub pa'i rim pa ni mi bskyod pa'i ngo bo yin te/ de kho na nyid bzhi pa dang chos kyi dbyings tha mi dad pa med pa'i phyir ro/ /zung du 'jug pa'i rim pa ni don yod grub pa'i ngo bo yin te/ sems can gyi khams ma lus pa smin pa dang grol ba la sogs pa'i bya ba ma lus pa bsgrub pa'i phyir ro/ /rdo rje bzlas pa'i rim pa ni sbyor ba lam gyi ngo bo yin te/ 'jig rten dang 'jig rten las 'das pa'i lam gyi rang bzhin gyi byang chub kyi phyogs kyi chos? sum cu rtsa bdun po dag sngags kyi don la rnam par dpyod pa na de bzhin du gyur par mthong ba'i phyir ro/ /sems rnam par dag pa'i rim pa ni mthong ba'i lam gyi ngo bo yin te/ snang ba la sogs pa'i ye shes re re zhing rjes su shes pa la thug pa'i bar skad cig bco lngar mthong ba'i phyir ro/ /bdag byin gyis brlabs pa'i rim pa ni bsgom pa'i lam gyi ngo bo yin te/ sgyu ma lta bu'i ting nge 'dzin gyi rang bzhin can gyi skad cig gcig mngon sum du byed pa'i phyir ro/ /mngon par byang chub pa'i rim pa ni khyad par gyi lam gyi ngo bo yin te/ bar chad med pa dang rnam par grol ba'i lam gyi rang gi ngo bo nyid yin pa'i phyir ro/ /zung du 'jug pa'i rim pa ni mi slob pa'i lam gyi ngo bo yin te/ nges par 'byed pa'i shes rab kyi rang gi ngo bo nyid yin pas de las gong na bya ba med pa'i phyir dang bslab par bya ba med pa'i phyir ro/ /rnam par shes pa lnga'i ngo bo ni 'di lta ste/ sems can dang snod kyi 'jig rten gyi rang bzhin can gyi gzugs la sogs pa dag ni don gyi rnam par shes pa ste/ de rnam par dag pa'i ngo bo ni rdo rje bzlas pa'i rim pa yin te/ de rags pa'i rnam par rtog pa bzlog pa'i phyir ro/ /bdag gzhan gyi rgyud du rtogs pa'i dbang po rnams kyi sems can yin zhing de rnam par dag pa'i ngo bo ni sems rnam par dag pa'i rim pa yin te/ dbang po
- 24a
thams cad kyi bdag nyid can rang bzhin gyi tshogs zad pa'i phyir ro/ /nyon mongs pa can gyi yid ni bdag gi rnam par shes pa yin zhing de rnam par dag pa'i ngo bo ni bdag byin gyis brlab pa'i rim pa ste sgyu ma lta bu'i ting nge 'dzin gyi bdag tu blta ba la sogs pa rnams 'gog pa'i phyir ro/ /mig la sogs pa'i rnam par shes pa dag ni rig pa'i rnam par shes pa yin zhing de rnam par dag pa'i ngo bo ni mngon par byang chub pa'i rim pa ste/ de ni 'jug pa'i rnam par shes pa rnams 'gog par byed pa nyid yin pa'i phyir ro/ / kun gzhi rnam par shes pa ni rkyen gyi rnam par shes pa yin zhing de rnam par dag pa'i ngo bo ni zung du 'jug pa'i ngo bo ste bag chags dang bcas shing nyon mongs pa dang bcas pa'i sa bon thams cad 'joms pa'i phyir ro/ /'phags pa byams pas/ don dang sems can bdag rnams rig /snang ba'i rnam par shes pa ni/ /rab tu skye bo de don med/ /de med pas na de yang med/ /de bzhin du/ gcig ni rkyen gyi rnam pa shes/ /gnyis pa nye bar spyod pa can/ /nye bar spyod dang yongs spyod dang/ /de yi 'jug byed sems las byung/ zhes gsungs so/ /de bzhin du gti mug dang zhe sdang dang nga rgyal dang 'dod chags dang phrag dog rnam par dag pa'i rim pa lnga pa'o/ /de la gti mug rnam par dag pa ni rdo rje bzlas pa ste/ sngags la mngon par zhen pa rnams kyi gti mug rnam par spyod pa'i phyir ro/ /zhe sdang rnam par dag pa ni sems rnam par dag pa'i rim pa ste thams cad nye bar sdud par byed pa nyid yin pa'i phyir ro/ /nga rgyal rnam par dag pa'i rim pa ni bdag byin gyis brlab pa'i rim pa ste/ tha mal pa'i nga rgyal rnam par sbyangs nas ye shes kyi sku khyad par du 'phags pa'i nga rgyal 'dzin pa'i ngo bo nyid yin pa'i phyir ro/ /'dod chags rnam par dag pa ni mngon par byang chub pa'i rim pa ste 'dod chags dang bral ba dang 'dod chags par ma'i rim gyi dag par byed pa ni ngo bo nyid yin pa'i phyir ro/ /zung du
- 24b
'jug pa'i rim pa ni phrag dog rnam par dag pa'i ngo bo yin te/ kun nas nyon mongs pa dang rnam par byang ba'i bag chags thams cad nye bar 'joms pa nyid yin pa'i phyir ro/ /de bzhin du dag rnam par dag pa ni rdo rje bzlas pa'i rim pa yin te/ yi ge gsum ni dag gi rang bzhin thams cad kyi rgyud nyid yin pa'i phyir ro/ /sems rnam par dag pa'i rim pa ni sems kyi ngo bo yin te/ sems dang sems las byung ba'i bag chags thams cad 'gog par byed pa yin pa'i phyir ro/ /bdag byin gyis brlab pa ni lus rnam par dag pa'i ngo bo yin te/ ye shes kyi sku tha mal pa'i phung po la sogs pa thams cad 'gog pa'i phyir ro/ /'di ni kun rdzob kyi bden pa rnam par dag pa'i ngo bo mngon par byang chub pa'i rim pa ni don dam pa'i bden pa rnam par dag pa'i ngo bo yin te/ de'i rang bzhin yin pa'i phyir ro/ /zung du 'jug pa'i rim pa ni gnyis ka rnam par dag pa'i ngo bo yin te/ /kun rdzob dang don dam gnyis su med par byed pa'i phyir ro/ /de kho na bzhin du nye ba'i nyon mongs pa'i rnam par dag pa'i ngo bo yang rnam par bshad par bya ste/ de bzhin du yang gti mug gis bsdus pa'i nye ba'i nyon mongs pa gang dag yin pa de rnams ni rdo rje bzlas pa'o/ /zhe sdang gi bsdus pa'i gang dag yin pa de rnams kyi sems rnam par dag pa'i rim pa'o/ /nga rgyal gyi bsdus pa gang dag yin pa de rnams ni bdag byin gyis brlab pa'i rim pa'o/ /'dod chags kyis bsdus pa gang dag yin pa de rnams ni mngon par byang chub pa'i rim pa'o/ /phrag dog gis bsdus pa gang dag yin pa de rnams ni zung du 'jug pa'i rim pa'o/ /de nas 'dir rim dpyad par bya ste/ grangs las log par rtogs pa kha cig ni ci'i phyir 'di rnams rim pa lnga kho na yin gyi mang ba yang ma yin nyung ba yang ma yin zhes zer te/ de'i phyir 'dir brjod par bya ste/ 'dir dang po bskyed pa'i rnal 'byor pas rigs brgya'i dbye bas lus rnam par dben pa byed pa na/ tha
- 25a
mal pa'i lus ngag sbyangs nas khyad par du 'phags pa'i lha'i rnam pa thob pas bdag dang gzhan gyi don bsgrubs nas/ gang gi tshe de yang rnam par rtogs pa dang bcas pa nyid yin pa'i phyir spang par bya'o snyam du sems pa de'i tshe/ rdzogs pa'i rim pa'i ting 'dzin goms par byed de dge ba 'am mi dge ba 'ang rung/ rnam rtog bye brag 'ga' yang med/ /me ni sreg par byed pa la/ /rten gyi dbye bas bye brag med? 'di ni tsan dan las byung yang/ /sreg na bsreg par byed pa nyid/ /rnam par rtog pa chung du yang/ / thams cad spang bar bya ba nyid/ /'khrul ba'i rang bzhin rtogs pas ni/ /sems ni zlogs par byed pa nyid/ /rnam par rtog pa'i gdon chen gyis/ /'khor ba'i rgya mtshor ltung bar byed/ /ces byed pa la sogs pa gang bshad pa'o/ /de nas dang por rdo rje bzlas pa'i rim pas rnam pa sna tshogs pa'i tshig rnam par dag par byed do/ /de'i rjes la sems rnam par dag pa'i rim pas rnam par shes pa brgyad po bsdud par byed pa'i rang bzhin can ye shes gsum dang rang bzhin rnams kyi ngo bo'i sems dag par byed do/ /de nas gzhan gyi don med pa dang/ sngon gyi smon lam mngon par 'gyur ba dang/ snying rje chen po dang ldan pa rnams 'di lta bu'i rang bzhin du gnas par ma rigs pa dang/ don dam pa'i bden pa 'ba' zhig gis rang bzhin yin pa dang/ rang gi lta ba nyams par 'gyur bas de phyir nyes pa 'di rnams bsal ba'i phyir dang 'gro ba'i don bya ba'i phyir/ /skad cig gis sam snang ba nye bar thob pa la sogs pa'i rim gyi rnam pa thams cad kyi mchog dang ldan pa'i ye shes kyi sku dkyil 'khor pas yongs su bskor bar 'dzin par byed do ? nas? rgyal de nyid la mngon par zhen pa 'byung bar 'gyur bas/ /nyes pa spangs pa'i phyir slar yang 'od gsal ba la zhugs nas kun rdzob kyi bden pa dag par byed do/ /de nas kun rdzob dang don dam pa'i bden pa gnyis 'dres pa'i rnam pa can thog ma dang tha
- 25b
ma med pa'i chos kyi sku'i rang bzhin can/ mi gnas pa'i mya ngan las 'das pa'i ngo bo skad cig tsam gyis 'gro ba rjes su 'dzin par mdzad pa'i sku thob nas bskal pa 'am/ bskal pa stong du gnas par 'gyur te/ de ni zung du 'jug pa'i ting nge 'dzin gyi rim pa'o/ /de la pha rol na bya ba med pa'i phyir rim pa gzhan med de/ de ni grangs lhag pa bsal ba yin no/ /nyung bas kyang ma yin te/ de tsam kho nas rnal 'byor pas dngos grub thob pas 'gyur bas nyung ba bsal ba yin no/ /de nas 'dir 'di spyad par bya ste/ sems rnam par dag pa'i rim pa dang mngon par byang chub pa dag la bye brag ci yod/ 'di ltar sems rnam par dag pa'i rim pas ni 'od gsal ba thob cing mngon par byang chub pa'i rim pas kyang de nyid thob ce na/ brjod par bya ste sems rnam par dag pa'i rim pas snang ba gsum mthong nas/ 'od gsal pa thob du zin kyang/ 'on kyang ye shes la dbang du gyur pa tsam yin pa'i phyir/ /rnal 'byor pa sa bcu pa la gnas par 'gyur ro/ /mngon par byang chub pa'i rim pas ni man ngag bzhi pas mngon du byas nas/ rdo rje lta bu'i ting nge 'dzin gyis bcu gnyis kun tu 'od kyis ste sangs rgyas kyi sa thob par 'gyur ro/ /yang na dam tshig gis phyag rgya'i rim gyis dpe'i lhan cig skyes pa'i 'od gsal ba thob pa'i mtshan nyid ni sems rnam par dag pa'i rim pa'o/ /de la dus phyis bla ma'i man ngag las dpe las byung ba'i de kho na nyid mngon du byed de'i? mtshan nyid ni mngon par byang chub pa'i rim pa yin khyad par yod pa kho na'o/ /'o na bdag byin gyis brlabs pa dang zung du 'jug pa'i rim pa dag la tha dad du dbye ba ci zhig yod de/ ye shes kyi skur mtshungs pa dang 'gro ba'i don gyi bya ba mtshungs pa'i phyir ro zhe na/ brjod par bya ste bdag byin gyis brlab pa'i rim pa la sgyu ma la sogs pa'i dpe bcu gnyis la brten nas phyag rgya dang dkyil 'khor dang sngags la sogs pa thams cad bya'o/ /'di ltar ji srid du 'di de rnams la brten par mi byed pa de srid du/ de ni bskyed
- 26a
pa'i rim pa'i rnal 'byor pa bzhin du rnam par rtog pa dang bcas par 'gyur ro/ /zung du 'jug pa'i rim pa la gnas pa'i rnal 'byor pa ni sgyu ma la sogs pa'i rnam pa 'am/ /de spang ba yang rung ste/ kun rdzob dang don dam pa dag ro gcig tu byas te/ lhun gyis grub pa nyid du 'jug pa dang/ 'khor ba ji srid kyi bar du sems can gyi don byed de de ni khyad par yin no/ /'di ltar ji srid kyi bar du rnam par rtog pa mtshan ma yod pa de srid kyi bar du slob ma'i sa yin zhing/ rnam par rtog pa'i mtshan ma thams cad spangs nas rnam par mi rtog pa'i dbyings mngon sum du rtogs par byed de/ rnam par mi rtog pa la 'jug pa'i gzungs las/ de ltar rnam par mi rtog pa'i dbyings la gnas pa'i byang chub sems dpa' sems dpa' chen pos gzugs zhes bya ba mngon du gyur pa na 'di ltar rnam par brtag par bya ste/ bdag gi gzugs zhes spyod pa gang yin pa de ni rnam par rtog pa la spyod pa'o/ /gzhan dag gi gzugs zhes bya ba ni rnam par rtog pa la spyod pa'o/ /gzugs skye'o 'gag go kun nas nyon mongs so// zhes rnam par rtog pa la spyod pa'o/ /gzugs mod do zhes spyod pa na rnam par rtog pa la spyod do/ /gzugs ni rang bzhin du yang med rgyud yang med 'bras bur yang med las su yang med ldan par yod med 'jug par yang med ces spyod na rnam par rtog pa la spyod do/ /zhes bya ba nas brtsams te rnam pa thams cad mkhyen pa nyid ces spyod na rnam par rtog pa la spyod do zhes bya ba la thug pa'i bar gyi rnam par rtog pa'i mtshan ma thams cad spangs nas byang chub sems dpa' rnam par mi rtog pa'i dbyings la 'jug par byed do zhes ? bshad pa'o/ /de nyid ni zung du 'jug pa'i rim pa'i ting nge 'dzin to/ /'o na gang gi phyir de kho na nyid zhi ba la khyad par med pas de ? rtog pa gzhan mi dmigs pa'i phyir mngon par byang chub pa dang/ zung du 'jug pa'i rim pa
- 26b
dag la tha dad du bya ba ci zhig yod ce na/ brjod par bya ste mngon par byang chub pa'i rim pa la gnas pa'i rnal 'byor pas ni kun rdzob kyi bden pa spangs pa'i don dam pa'i bden pa 'ba' zhig thob par 'gyur te/ 'on kyang de la rtse gcig tu gnas pa'i 'gro ba'i don byed par nus pa ma yin no/ /de bas na bsgrub pa'i phyir de las langs te 'gro ba la rmi lam bzhin tu bltas nas yid bzhin gyi nor bu dang bum pa bzang po ltar mi 'dod bzhin du sems can thams cad kyi bsam pa kun yongs su rdzogs par byed de/ sangs rgyas kyi zhing nas sangs rgyas kyi zhing du 'gro zhing rdzu 'phrul gyi chos 'phrul dag ston te/ rnam pa thams cad kyi mchog dang ldan pa'i de bzhin gshegs pa'i gzugs kyis byin gyis brlabs pa'i gzhal yas khang gis rnams par spras pa'i dkyil 'khor gyi 'khor lo sna tshogs pa rnams spres nas/ gang gA'i bye ma dang mnyam pa'i 'jig rten gyi khams rnams de bzhin gshegs pa'i rang bzhin du sgrub par byed do/ /de'i phyir zung du 'jug pa'i rim pa 'di ni thabs la mkhas pa sna tshogs pa dang ldan zhing rim pa thams cad kyi 'bras bur gyur pa yin pas khyad par gsal ba yod pa kho na'o/ /de kho na nyid thob pa'i rnal 'byor pa gang gi tshe ldang bar byed pa de'i tshe ji ltar de 'bras bu zhes brjod par bya ba ma yin nam/ 'on te mi ldang na ni de'i tshe rim pa gnyis kyi don gcig pa yin pas bye brag med pa'i phyir de dag la khyad par ci yod ce na brjod par bya ste/ rim pa bzhi pa gcig tu mtshungs pa nyid yin pa kho na'o/ /zhes bya ba ni bden mod kyi 'on kyang rnal 'byor pa ldang ba zhes bya ba de kho na nyid la gnas bzhin du sems can gyi don byed pa ste/ nyan thos kyi byang chub pa bzhin du de kho na nyid las nyams pa ni ma yin no/ /bdag cag gi rnam par rtog pa dang bcas pa'i phyir rnal 'byor pa spyod pa byed do/ zhes de ltar mthong gi /de ni de kho na nyid de nyid las nyams pa ni med de/ rtag tu mnyam
- 27a
par bzhag pa nyid yin pa'i phyir ro/ /'di ltar gnas pa ni bzhi ste/ ston pa'i gnas pa dang/ spyod lam gyi gnas pa dang/ ting nge 'dzin gyi gnas pa dang/ nang du yang dag par 'jog la gnas pa'o/ /sangs rgyas rnams kyi sku'i 'phrin las gang yin pa de ni spyod lam gyi gnas pa'o/ /gsung gi 'phrin las gang yin pa de ni ston pa'i gnas pa'o/ /thugs kyi phrin las gang yin pa de ni ting nge 'dzin gyi gnas pa'o/ /lha la sogs pa nye bar 'gro bar bya ba'i ched kyi thugs kyi 'phrin las gang yin pa de ni nang du yang dag 'jog la gnas pa yin pa'i phyir sangs rgyas bcom ldan 'das ni bzhengs pa dang bzhugs pa dang gzims pa dang 'chag pa'i mtshan nyid kyi spyod lam thams cad du mnyam par bzhag ba kho na yin pa de bzhin du zung du 'jug pa'i rim pa thob pa'i rnal 'byor pa yang de dang 'dra ba kho na yin pas 'gal ba med do/ /sngon gzung ba'i snying rje dang smon lam dag las sems can gyi don bya ba'i phyir de rnams kyi bstan pa dang smin par bya ba la sogs pa'i bya ba gang yin pa'i de rdza mkhan gyi 'khor lo bzhin du 'bad ba med par 'jug ste/ rdza mkhan gyi lag pa'i bya ba bshol zhing de'i 'bras bu bum pa la sogs pa'i mtshan nyid thob tu zin kyang 'dus byas pa'i dbang gis 'khor lo 'khor ba nyid do/ /de bzhin nyon mongs ba dang shes bya'i sgrib pa la sogs ba zang cing de kho na nyid thob tu zin kyang sngon gyi smon lam gyi mthus sgyu mas sprul pa'i skyes bu bzhin du sangs rgyas kyi mdzad pa rnam pa sna tshogs pa mdzad de/ ji skad du nyes pa thams cad skyed byed 'jig tshogs lta bu'i bud shing dag ni bsregs gyur cig /bdag gzhan bye brag yul rnams drung phyung gang yin de la nyes pa 'byung ba min/ nyes pa med kyang blo bzang sgyu ma'i mi ni rig sngags lta bu'i snying rje dang/ sngon gyi smon lam dbang gi 'khor lo'i rnam
- 27b
pa bzhin du las la bskul bar byed ces bshad pa'o/ /de nas 'dir 'di dbang bar bya ste rim pa lnga pa bsgom pa 'dir ni rnal 'byor pa lnga'i dbang du byas sam/ 'o na te gcig gi yin/ 'di ltar rim pa de'i? zhing 'od gsal ba'i 'bras bu bshad pas don? byas zin pa'i yin pa'i phyir rnal 'byor pa lnga yin pa'i dogs pa yod pa kho na'o/ /'on te gcig yin na de'i tshe rim pa gcig gis de kho na nyid thob pa'i phyir rim pa gzhan gyi dgos pa ci yod ce na/ 'dir ni rnal 'byor pa gcig kho na'i dbang du byas pa'o/ zhes brjod par bya ste/ 'di ltar dag dang sems dang lus dang kun rdzob dang don dam pa dag par byed pa 'am rdo rje bzlas pa la sogs pa'i rim pa lnga pa'i gnas skabs na shin tu rdzogs par 'gyur gyi gcig la ni ma yin/ de nyid kyi phyir rim pa zhes bya ba'i sgra ni don dang bcas pa yin te/ rim pa phyi ma phyi mas khyad par du 'phags pa'i go 'phang thob pa'i phyir ro/ /gzhan du na lcags kyi dbyig pa lta bu ni rdo rje bzlas pa'i rim pa 'am gzhan yang rung gcig pu la rim pa nyid ji ltar rung bar 'gyur/ 'on te rang gi rigs la bltas nas de'i rim pa nyid brjod pa yin na ni/ de'i tshe rim pa ma yin la dbye ba brjod par bya ste/ ji skad du rdzob bzlas pa sku'i bzlas pa la sogs pa'i dbye bas rnam pa bcu gcig yin pa de bzhin du gzhan rnams kyang zhes bya ba la sogs pa sngar bshad pa bzhin no/ /de'i phyir rnal 'byor pa gcig kho na rim gyis rim gyis goms par byed pas na rdo rje 'chang chen po'i go 'phang thob pa mngon du byed par 'gyur te/ rtsa ba'i rgyud le'u bco brgyad pa'i brjod par bya ba'i bsgom pa lhur len pa'i sgrub pa po'i gcig yin pa bzhin no/ /de la ni le'u so so bsgom par byed pa ma yin te/ gcig kho na'i dbang du byas pa'i phyir ro/ /sems can gyi khams ni rgyud sna tshogs pa'i phyir tsan dan lta bu la sogs pa'i dbye bas gang zag gi dbye ba ni rigs shing de'i dbye bas
- 28a
bshad pa'i dbye ba ni rigs te/ rim pas thob par bya ba'i de kho na nyid kyi dbye ba ni rung ba ma yin no/ /yang rim pa ror zhing 'od gsal ba'i de kho na nyid bstan to/ /zhes gang smra ba de ni kho na nyid kyi khyab par byed pa nyid bstan par bya ba'i don du yin gyi mngon du bya ba ni zung du 'jug pa'i kho na yin pas nyes pa med do/ /rdzogs nas da ni rab tu byad brtsom pa'i rjod par byed pa la sogs pa rnams brjod par bya ste/ 'di ltar bstan bcos dag ni thams cad dam/ bya ba cung zad 'ga' zhig la/ /rjod byed med na 'jig rten dag /dmus long lkug pa bzhin du 'gyur/ /zhes gang bshad pa'o/ /brjod par bya ba med pa'i bstan bcos ni bya rog gi sgra la sogs pa bzhin du don med par 'gyur te/ 'brel ba dang ni rjes mthun thabs/ /skyes bu'i don ni sgrub byed pa yongs brtags dbang du byas pa'i tshigs/ /de las gzhan pa dbang byas min/ /zhes kyang bshad do/ /'brel pa med pa'i tshig dag ni se'u bcu zhes bya ba la sogs pa'i tshig bzhin du don med par 'gyur te/ 'brel pa brjod par bya ste/ gang phyir 'brel pa bsnyad pa las/ /nyan pa po ni 'jug par 'grub/ /de phyir bstan bcos thams cad kyi/ /thog mar 'brel pa brjod par bya/ /zhes kyang bshad do/ /de bzhin du dgos pa med pa'i bstan bcos ni bya rog gi so brtag pa dang 'dra bar blang bar bya ba ma yin par 'gyur te/ bstan bcos dag ni thams cad dam/ /las ni cung zad 'ga' zhig gi /ji srid dgos pa ma brjod pa/ /de srid su zhig len par 'gyur/ zhes kyang bshad do/ /gzhan gyi don bsgrub pa'i don du dgos pa'i dgos pa gdon mi za bar brjod par bya'o/ 'di ltar tshad ni rnam pa gnyis te 'jug par byed par snang ba dang/ don byed par snang ba'o/ /de la 'jug par byed par snang ba ni rnam par rtog pa med pa ste/ mig la sogs pa'i dbang po la sngon po la sogs par snang ngo/ /de las dus phyis nges
- 28b
pa'i shes pa 'byung zhing de las dran pa dran pa las mngon par 'dod pa de las tha snyad de las don thob pa nas sreg pa dang 'tshed pa la sogs pa'i bya ba'i bdag nyid can gyi dngos po dngos su don yod par 'gyur te/ de ni don byed par snang ba'i tshad ma'o/ /de kho na bzhin du rab tu byed pa'i thos pa dang/ bsam pa dang/ bsgom pa'i rim gyis rnam par dbyang pas rang gi don byas te/ 'jug par byed par snang ba'i dgos pa thob par 'gyur ro/ /de nas gzhan dag kyang rjes su gzung bar bya ba yin pas don byed par snang ba'i dgos pa'i dgos pa thob bo/ /me dang phrad pa na grang ba sel ba bzhin du don byed par snang ba rang gi don kho na ci'i phyir mi 'gyur ba yin nam zhe na/ de ni rigs pa ma yin te/ /de rnams kyi gzhan gyi don gtso bor bsgrub pa yin pa'i phyir/ byang chub sems dpa' rnams ni rang gi don ces bya ba gtso bo nyid du mi 'dod do/ /rang gi don ni yan lag tsam yin pas sems can gcig tsam gyi ched du yang byang chub sems dpa' rnams ni bskal par yang dmyal ba'i sdug bsngal myong bar byed de/ gal te bskal pa dpag tu med pa ru/ /dmyal ba'i sdug bsngal myong bar 'gyur ba yis/ /sems can gcig tsam yongs su smin bgyid kyang/ /'on kyang skyo ba dag ni med par shog /ces gang gsungs pa'o/ /rim pa lnga pa/ zhes bya ba'i rab tu byed pa 'di ni rjod par byed pa yin no/ /brjod par bya ba ni rdo rje bzlas pa la sogs pa'i sgom pa'i rim pa rnams yin no/ /'brel pa ni rjod pa dang/ brjod par bya ba'i mtshan nyid ngam/ tshig dang don gyi mtshan nyid dam/ thabs dang thabs las byung ba'i mtshan nyid dam/ rgyu dang 'bras bu'i dngos po'i mtshan nyid yin no/ /'brel pa de yang rnam pa drug tu 'gyur te/ de bzhin gshegs pa dang/ lha mo dang byang chub sems dpa' dang/ lha dang/ lha ma yin dang/ mi'o/ /de la rlabs med pa'i rgya mtsho lta bu rnam par rtog pa'i dri ma thams cad spangs pa'i bcom ldan 'das rdo rje 'chang chen po nya mi 'gul ba'i mtsho ltar mi g.yo ba'i 'od
- 29a
gsal ba'i de kho na nyid kyi rdo rje lta bu'i ting nge 'dzin la zhugs par gyur te/ sngon gyi smon lam dang thugs rje chen po dag gis bskul bar gyur pa des 'od gsal ba las skad cig gis rang bdag nyid 'ja' tshon spros so/ /de nas 'dod chags dang zhe sdang dang gti mug gi rigs can gyi sems can rnams sbyang ba'i phyir de'i chos dang mtshungs pa'i chos can gyi de bzhin gshegs pa lnga po rnam par spros nas/ de rnams kyi dbus su dkyil 'khor gyi gtso bo nyid kyi tshul du bzhugs te/ ma 'ongs pa'i sems can rnams rjes su bzung ba'i phyir de kho na nyid gsungs pa de ni de bzhin gshegs pa'i 'brel pa'o/ /de'i rjes la 'dod chags kyi rigs kyi sems can 'ba' zhig rjes su gzung ba'i don du lha mo bzhi rnams spros te/ chos kyi dbyings zhus pa la sogs par de kho na nyid gsungs pa gang yin pa de ni lha mo'i 'brel ba'o/ /de'i rjes la byang chub sems dpa' rnams spros te/ de kho na nyid gsungs pa gang yin pa de ni byang chub sems dpa' i 'brel pa'o/ /brgya byin gyis zhus pa la sogs par gsungs pa ni lha'i 'brel pa'o/ /lha dang klu dang drang srong gi gtso bor byas nas gsungs pa ni lha dang lha ma yin pa'o/ /gsal rgyal la sogs pa rnams la chos ston pa ni mi'i 'o/ /de bzhin du kha cig ni bcom ldan 'das kyis de bzhin gshegs pa rnams la gsungs shing de rnams kyis kyang lha mo rnams la zhes bya ba la sogs pa brgyud pa yin zhes zer ro/ /'dir ni de bzhin gshegs pa'i 'brel pa yin te/ dpal gsang ba 'dus pa'i rgyud kyi zhu ba po ni de bzhin gshegs pa rnams yin pa'i phyir la/ de las btus pa'i rab tu byed pa yang de'i rang bzhin yin pa'i phyir sgra dang don dag las dngos su 'brel pa med du zin kyang/ 'on kyang rnam par rtog pa can gyi rnam par shes las byas pa ni yod pa kho na'o/ /zhes thams cad du mkhas pa rnams kyis spyad zin to/ /de bzhin du 'dir yang bems
- 29b
po bems min rten sgo nas/ /'brel pa rnam pa gnyis su 'dod/ /sgra dang don 'brel bems po ste/ /nyan dang 'chad pa de las gzhan/ /brgyud pa'i rim pa 'ong ba las/ /de bzhin gshegs sogs dbye ba yis/ /gnyis pa rnam pa drug yin par/ /blo dang ldan pa rnams kyis bshad/ /ces bya ba ni bsdu ba'i tshigs su bcad pa dag go /dgos pa ni rim pa lnga thob pa nyid dang/ bsam pa nyid dang/ bsgom pa nyid byas la rdo rje bzlas pa la sogs pa'i rim pas bdag nyid dpal rdo rje 'chang chen po'i rnam par bya ba ni gang yin pa'o/ /dgos pa'i dgos pa ni sems can gyi sems thams cad rim pa de rnams bstan pa'i sgo nas sam/ 'od zer spro ba'i rnal 'byor gyis rdo rje 'chang chen po'i byed pa ste/ nges ni rjod par byed pa la sogs pa lnga po bshad pa yin no/ /kha cig ni stan bcos kyi thog mar brjod par bya ba dang/ dgos pa dang gnyis kho na rjod par byed/ de bzhin du yang re zhig rjod par byed pa zhes bya ba ni logs zhig tu brjod par bya ba ma yin te/ sgra med na bstan bcos nyid kyang med par 'gyur ro/ /brjod par bya ba yang 'brel ba dang rjes su mthun pa'i thabs dang ldan pa kho na brjod par bya'o/ /sgra'i dgos pa ni brjod par bya ba ston pa kho na yin te/ gzhan du na de nyid ma yin par 'gyur ro/ /dgos pa'i dgos pa ni snga ma bzhin no/ /sgra dang don dag gi 'brel pa ni ma brjod kyang don gyis go bar shes par bya'o/ /de ji ltar shes par 'gyur ba ma yin nam/ 'di ltar tshig tshad ma yin pa las ji ltar 'brel pa la sogs pa yin/ nges pa med pa la blo sngon du 'gro ba 'jug par rigs par ma yin te/ ha cang thal bar 'gyur ro zhe na/ bden te rig tshigs the tshom skye'o/ /the tshom yang rnam pa gsum ste/ don gyi the tshom dang/ don ma yin pa'i the tshom dang/ don dang don ma yin pa'i the tshom mo/ /de la don gyi the tshom ni dper na sa 'og na yod pa'i gter brko ba lta bu'o/ /don ma yin pa'i the tshom ni chu klung drag po la lag pas brgal ba'o/ /don
- 30a
dang don ma yin pa'i the tshom ni dper na ro langs bsgrub pa lta bu'o/ /de la don la the tshom za ba ni 'jug pa'i yan lag yin no/ /don ma yin pa la the tshom za ba ni ldog pa'i yan lag yin no/ /don dang don ma yin pa la the tshom za ba yang ldog pa'i yan lag yin pas de'i phyir the tshom la 'jug par rigs pa yin zhing/ de la dus phyis zhugs par gyur pa na thar pa'i lam bsgrubs nas de kho na nyid mngon sum du byed pas nyes pa cung zad kyang med do/ /da ni gang zag dpyad par bya ste/ rab tu byed pa 'di la dbang byed pa'i gang zag du zhe na/ lnga ste/ lnga po de yang gang zhe na/ brjod par bya ste/ rin po che lta bu dang/ tsan dan lta bu dang/ pad+ma lta bu dang/ utpa la lta bu dang/ pad+ma dkar po lta bu rnams so/ /de la rmongs pa'i rigs can ni/ /tsan dan lta bu'o/ /dbang po brtul po ni utpa la lta bu'o/ /dbang po 'bring po pad+ma dkar po lta bu'o/ /dbang po'i rnon po ni pad+ma lta bu'o/ /dbang po rnon po'i yang rnon po ni rin po che lta bu ste/ de'i gang zag bzhi ni tshogs kyi bshad pa'i snod yin zhing/ gcig ni slob ma la bshad pa'i snod yin no/ /kha cig ni nyan pa po rnam pa bzhi yod de/ 'di lta ste/ mi shes pa dang/ the tshom za ba dang/ log par rtogs pa dang/ nges pa'i blo can dag go zhes zer ro/ /mi shes pa ni rnam pa gnyis te/ rngo ba lta bu'i blo can dang/ shes par 'dod pa'o/ /de la rdo ba lta bu'i blo can ni don du gnyer ba ni yid ches par mi 'dod pas ni dor bar bya ba yin no/ /shes par 'dod pa'i mi shes pa ni pha rol pos nye bar bstan pa la nyan pa gang yin pa ste de ni blang bar bya ba kho na yin no/ /de'i rmongs pa'i dngos po ni bstan bcos kyi rim gyis ldog par 'gyur ro/ /the tshom za ba rnam pa gnyis te/ don du ma gnyer ba dang/ don du mi gnyer ba'o/ /de la don du mi gnyer ba'i the tshom za bar bdag nyid can ni thabs gang gis kyang gzung bar nus pa ma yin pas/ de ni dor bar bya ba kho na yin no/ /don du
- 30b
gnyer ba'i the tshom za ba ni tshad ma nye bar dgod pa sngon du song bas the tshom bzlog ste/ yang dag pa'i tshad ma dang ldan pa'i bstan bcos la rnam par dgod par bya'o/ /log par rtogs pa ni phyin ci log gi lta ba can yin la/ de yang rnam pa gsum ste/ mi shes pa dang shes par 'dod pa dang/ shes pa'o/ /de la mi shes pa'i blo'i bye brag ma skyes pa'i rmongs pa yin la/ rigs pa dang lung dag gis yid ches par mi 'dod pa de ni rdo ba lta bu las bye brag med par dor bar bya ba yin te/ las la chags pa'i mi shes pa'i/ /blo yi bye brag bskyed bya min/ /zhes gang bshad pa'o/ /shes par 'dod pa ni rnam pa gnyis te/ the tshom za ba dang/ de kho na nyid don du gnyer ba'o/ /de la the tshom za ba gal te yid ches par mi byed na/ de lta na dor bar bya ba yin te/ the tshom bdag nyid nyams par 'gyur zhes gang bshad pa'o/ /de kho na nyid 'dod pa yang rnam pa gnyis te/ tshad ma dang mi ldan pa dang/ tshad ma dang ldan pa'o/ /de la tshad ma dang mi ldan pa gang zhe na gang zhig rigs pa la mi bltos par gzhan gyi nye bar bstan pa tsam las de kho na khas len pa ste/ 'on kyang yod par smra ba rnams kyi nang nas mchog tu gyur pa de ni brtsad pa'i gnas ma yin zhing/ 'di ltar de'i the tshom ni myur du gsal bar nus so/ /gal te tshad ma dang ldan pa yin na de ni gsum pa shes par zhes bya bar bgrang ngo/ /re zhig de ni 'jig rten rgyang pan pa dang/ zhi ba pa dang/ grangs can pa dang/ rigs pa dang/ bye brag pa dang/ mchod 'os pa dang/ spyod pa pa la sogs pa rnams las gang yang rung ba zhig yin no/ /de las 'jig rten rgyang pan pa chad ma dang ldan pa nyid kyis med par smra ba kho na yin te/ gang la mngon sum las ma gtogs par tshad ma gzhan med pa de ni sun dbyung bar bya ba'i gnas su gyur pa yin no/ /'di ltar rjes su dpag pa la sogs pa'i tshad ma mi 'dod cing 'jig rten pha rol med par sems dpa' thar pa las phyir phyogs
- 31a
pa'i rang gi nges pa'i rjes su 'brang ba na 'di skad du rus pa thal ba bzhin song nas/ slar 'tsho ba ni ga la 'gyur zhes zer ro/ /de skad du smra ba'i rgol ba de la shin tu mngon par brtson pa'i mkhas pa gzhan rnams kyis mngon par zhen pas gnod pa brjod zin mod kyi/ 'on kyang bshad pa'i rim pa kho na bzhin du rnam pa 'ga' zhig gi sgo nas tshig cung zad gcig brjod par bya ste/ de bzhin du sngags dang/ rgyud bstan bcos la spyod pa'i yid can de ni chu gtsang ma shin tu dri ma med pa blangs nas nang par gdengs? ? ba dang/ zas za ba'i sngon dang phyis kyi dus su lag pa bkru ba la sogs pa'i cho ga byed pa kho na'o/ /ci ste gal te dri ma'i 'dam gyis nyes pa nye bar bsal ba'i phyir byed do zhe na/ gdong dang lag pa'i dri ma/ byugs pa dang skra la phyis pas bsal bar mi nus sam/ gal te de kho na bzhin yin zhe na/ skye bo ma lus pa'i bzhad gad kyi rgyur gyur pa rigs pa ma yin pa'i bya ba byed pa skyes bu chen pos smad par gyur pa mi 'dod pa'i spyod pa'i dbang du gyur pa smod pa khyod las nges par dad par bya ba gzhan su zhig yod de nas gal te kho na'i 'jig rten dang mthun par bya ba'i phyir gtsang sbra spyod do zhe na/ rigs te 'jig rten ni bstan bcos pa dang bstan bcos ma yin pa rnam pa gnyis so/ /de la bstan bcos pa ni bstan bcos la 'jug cing/ bstan bcos ma yin pa ni rjes su 'brang ba kho nas snang ste/ skyes bu chen po gang nas song de las zhes gang smra ba'o/ /de nas gal te yid bde ba bskyed pa'i phyir de ltar 'bad pa byed do zhe na/ 'brel pa ci zhig yod de/ gdong dang lag pa rkang pa la sogs pa dag legs par byas pa ji ltar yid bde ba skyed par byed pa yin/ de las gal te phyi rol gyi dngos po'i rgyu can gyi 'du ba lus kyi dbang po la sogs pa la nye bar gnas pa dang/ sems 'phel ba'i khyad par ni rgyu yin zhe na/ 'o na 'di ni bzhad gad du mi bya ste/ khyod ni kho bo'i grub pa'i mdza' i phyogs
- 31b
la brten par 'gyur ro/ /de nas gal te yid khas len na nyes par 'gyur ba zhig na kho bo cag la ni 'byung ba las ma gtogs pa'i yid ni med pa kho na'o/ /zhe na de lta na ni 'byung ba rnams bems po nyid yin pa'i phyir bum pa dang snam bu dag gcig la gcig bzhin tshor bar bya ba dang tshor ba po dang/ tshor ba med par 'gyur ro/ /'on te lus kyi rang bzhin gyi 'byung ba rnams la tshor ba yod do/ /zhes zer na/ de lta na ni ming gzhan gyis khas blangs pa yin no/ /'on te kho bo ni lus kyi 'byung ba'i las ma rtogs pa'i rigs pa khas mi len te/ 'on kyang de dag rig pa'i rang bzhin yin la/ shi ba'i lus ni tshogs pa ma tshang ba'i phyir rlung dang med dag med pas de lta bu ma yin no zhes zer na lus la yod pa'i gzugs la sogs pa bzhin du sems ni dbang pos 'di'o snyam du nyams su myong bar mi rung ngo/ /de ni rang rig pas gzung bar bya ba ste/ yin no zhes brjod par mi nus so/ /dngos po gcig ni tshang ma tha dad pas rig par bya ba nyid du rig pa ma yin te/ thams cad du 'di'o zhes snang ba'i phyir bum pa ni cha 'ga' zhig gis rang rig pa nyid ma yin la de dang mi mthun par nga smra'o snyam du snang ba ni rang rig pa'o/ /dngos po nyid dang skad cig ma nyid dag de'i bdag nyid can yin yang tshad ma tha dad pa'i yul nyid du khyed kyis khas blangs pa ma yin nam/ 'di yang de bzhin du 'gyur ro zhe na/ de ni bden pa yin te/ de dag ni mngon sum gyi tshad ma'i yul du gcig pa nyid yin no/ /'dra ba gzhan dang gzhan 'byung ba'i mthong ba'i 'khrul pas dngos po rnams la brtan pa yin par sems pa na tha dad par ma rtogs pa'i dngos por brtan par smra ba rnams rjes su dpag pas yid ches par byed pa 'ba' zhig tu zad do/ /'di la ni gang gis yul tha dad pa med pa la rtogs pa tha dad par 'gyur ba'i 'khrul pa 'ga' yang med do/ /sngon gyi 'jig rten rgyang pan pa dag 'bru nges pa dang phabs la sogs pa'i rgyu can gyi chang la dus kyi 'gyur ba myos
- 32a
par byed pa'i nus pa 'byung bzhin du/ khu ba dang khrag la sogs pa'i dngos po dang 'dres par gyur pa'i 'byung ba la sems kyi nus pa 'byung ngo/ /zhes smra ba gang yin pa de dag la 'di skad brjod par bya ste/ de rnams nus pa de tha dad dam 'on te tha mi dad/ /tha dad pa yin na ni de rnams kyi de zhes bya ba'i 'brel pa ci yod gal te 'du ba'o zhe na/ mi rung ste de kho na bzhin du de yang 'di'o zhes dmigs par 'gyur ro zhe na/ sngar brjod zin to/ chang gi nus pa bzhin no/ /zhes bya ba'i dpe yang mthun pa ma yin te/ chang gi nus pa zhes bya ba ni cig car mi dmigs pa'i phyir brtags pa tsam yin no/ /gang gi chang gi rdzas ma myangs par mthong ba tsam de'i tshe myos pa'i nus pa nyams su myong bar mi 'gyur ro/ /gang gi tshe nyams su myong bar de'i tshe chang gi rdzas lus kyi nang du zhu ba'i phyir mi dmigs so/ /de ma zhu na ni lus kyi nang du myos pa'i nus pa ma yin no/ /de lta na de dag gi phyogs la ni lus kyi 'byung ba dmigs pa'i tshe na sems mi dmigs shing sems dmigs pa'i tshe na de mi dmigs par 'gyur te/ de dag dmigs par yang 'dod do/ /gang dag gang kho na las lus 'byung ba de kho na las sems 'byung bas rgyu mtshungs pa'i phyir rten dang brten pa'i dngos por gnas pa'i lus dang sems dag 'jig rten pha rol las ma byung ba nyid du khas len pa de dag gis kyang rnam pa gzhan gyis rnam par shes pa khas blangs pa kho na yin no/ /lus 'jig pa na de yang 'jig par ni mi rung ste/ 'khor gzhong 'jig pa na rgya shug gi 'bras bu 'jig par ma mthong ba'i phyir rten 'jig pa na brten pa de bzhin du 'gyur ba ni ma yin zhing lus can dang lus can ma yin pa dag rten dang brten pa po'i dngos por yang mi rung ngo// sa lu'i myu gu dang nas kyi myu gu dag rang bzhin du rang bzhin tha dad pa dag gi rgyu yang gcig par rigs pa ma yin no/ /gal te 'jig rten na lus 'jig pa na de 'jig par mthong zhe na ma yin te/ de 'dzin par byed pa'i dngos po'i dbang gi byas ba'i mthu las
- 32b
srog dang lus yongs su g.yo ba 'byung ngo/ /'jig pa'i tshe na ni gang gi tshe de gzung bar bya ba de dag 'dor bar byed pa na de'i rgyu mtshan can gyi lus la sogs pa'i bya ba ma mthong bas las 'jig rten na shi'o zhes bya bar shes shing/ des zin pas srog yongs su g.yo ba'i yongs su g.yo ba las lus kyang de bzhin du 'gyur bar dmigs pa las 'jig rten dag 'di ni gson no/ /zhes tha snyad 'dogs par byed pa bas 'byung ba las ma gtogs pa'i rigs pa'i rang bzhin can gyi rnam par shes pa drug gi tshogs yod/ /gal te de lta na/ ci'i phyir srog la sogs pa 'dor bar byed ce na/ brjod par bya ste/ thog ma med pa'i dus can gyi srid pa'i kun 'byung gi bden pa'i rgyu can gyi longs spyod kyi bag chags kyis dbang du byas shing 'dod chags dang zhe sdang la sogs pa nyon mongs pa dang nye ba'i nyon mongs pa dang dbang du byas pa dang legs par byas pa dang nyes par byas pa'i rnam grangs gzhan chos dang chos ma yin pa'i mthus bde 'gro dang dmyal ba la sogs pa'i mthus skye bar thob par 'gyur ba dang/ bde ba dang sdug bsngal gyi mtshan nyid kyi 'bras bu la chags pa'i dri ma can du gyur pa bltos pa med cing dang la/ rgyun mi 'chad pa'i de gnyug ma nub par gyur pa phra ba'i gzugs can dbang po'i tshogs ma lus pa dang ldan pa'i dri ba zhes bya ba'i ming ocan srid pa bar ma'i yid kyi skye gnas nas skye gnas gzhan dag tu kun tu 'khyam pa 'di nyid 'khor ba yin te/ 'dod chags la sogs dri bcas sems/ /'khor ba yin te des dpen pa/ /rgyal ba sgrib pa spangs pa yis/ /mdor na thar pa yin par gsungs/ zhes gang bshad pa'o/ /de nyid kyi phyir phra ba'i bdag nyid kyis dngos pos 'gro zhing lus snga ma snga ma ba de nas rgyun mi 'chad par 'gro ba'i bdag ni rnam par shes pa nyid yin par brjod par bya'o/ /lus yongs su 'dzin pa'i srog yongs su 'dzin pa'i gso ba yin no/ /nges par mthong bas phyugs yin no/ /lus dang lus su 'dzag pas gang zag ste/ lung dag las de
- 33a
lta bu la sogs par brjod par dag gi gsungs so/ /'di ltar skye ba gzhan nyid du nying mtshams sbyor ba'i rtags mthong ste/ de ltar yang byis pa khye'u skyes ma thag pa skye bo thams cad kyi bkres pa zlog par byed par snang ba'i zas mi 'dod cing mar dang sbrang rtsi dang chu la sogs pa tshim par byed pa dag kyang myang bar byed pa skye ba gzhan med pos goms par byas pa'i ma'i nu ma'i ro myang ba tsam gyi bkres pas lto zhum pa nyes kyi sems 'khrugs pa yun ring por rgyun mi 'chad par du bar byed pa dang bral bar 'gyur ba dang/ de nyid kyi mig g.ya' bar gyur pa lus la gnod pa'i 'jigs pas rang gi lag pa'i rgyab kyis 'khrug par gsal bar mthong ba dang la ba 'jam po bting ba'i khri la lus bzhag pa na bde ba'i nga rgyal dang ldan par mthong ba dang/ de bzhin du spun rnams kyi pha gcig tu zin kyang sngon gyi las kyi bag la nyal gyi stobs kyis dge ba dang mi dge ba'i byed pa nyid 'gro ba'i sna tshogs pa la snyon par nus pa ma yin no/ /gzhan yang brjod pa na gzhung mangs par 'gyur bas re zhig chog go /de ltar na 'jig rten pha rol grub pas tshad ma dang ldan zhing shes pa'i 'jig rten rgyang pan pa sun brton pa yin no/ /zhi ba pa dag ni 'di skad du smra ste/ thams cad mkhyen pa thams cad pa byed pa dbang phyug dam pa 'dod pa dang/ shes pa dang/ bya ba'i nus pa gsum gsal bar byed byas pa'i dbang phyug dam pa dang ldan pa rig pa'i ngo bo'i dbang phyug de nyid 'dod pa'i nus pa la sogs pa rnams kyis 'gro ba spro zhing sdud par byed pa'o tshad ma'i gnas su gyur pa de ni rtag pa nyid yin pa'i phyir gal te des sprul pa'i dngos po gzhan rnams rtag pa nyid du mi dmigs kyang/ 'on kyang byed pa po'i rten pa nyid ni nyams par mi 'gyur te/ gang+gA'i rgyun gyi chu'i rgyun bzhin no/ /dug gi shing gi sa bon dang/ myu gu dang sdong bu dang lo ma dang me tog dang 'bras bu la sogs pa rnams ni yang nas yang
- 33b
gzhan dang gzhan dag 'byung zhing dug gi sa bon gzhan nyid du mi snang ngo/ /sbyor ba ni gang dang gang 'bras bu'i rang bzhin can gyi dngos po de dang de ni rang bzhin gzhan dang gzhan byung nas 'jig pa can yin te/ khyab par byed pa rtag pa gcig pu'i rang bzhin gyis rgyu can yin pa'i phyir myu gu la sogs pa bzhin no/ /zhes bya ba'i rang bzhin gyi gtan tshigs so zhe na 'dir brjod par bya ste/ re shig dbang phyug ni byed pa po dang rtag pa yin par tha dad pa ma yin no/ /'di ltar byed pa'i skad cig la gdon mi za bar bye brag yod de/ bye brag gang yin pa de kho na mi rtag pa yin no/ /de bzhin du yang 'gal te mi byed pa'i skad cig na byed pa po yin na/ de'i tshe ci'i phyir bskyed par mi byed/ de'i tshe nus pa med pa'i phyir ro/ /byed pa'i tshe ni skyed par byed de/ nus pa dang ldan pa'i phyir ro/ /de bas na nus pa la bltos nas/ /skyed par byed pa gang yin pa de ni mi rtag pa yin te/ nus pa dang ldan pa ni nam mkha' bzhin gzhan la mi bltos pa'i phyir ro/ /'on te nus pa de las tha mi dad pas bltos pa med do zhe na/ 'o na sngar ci'i phyir/ /skyed par byed pa kho nar ni ma yin/ byed pa'i nus pa las bltos nas skyed par byed pa nyid du khas len na/ 'o na ni nus pa kho na skyed par byed pa yin te/ dbang phyug gis ci zhig bya/ gal te nus pa de de'i yin no zhes bya ba 'brel pa gang yin de'i bdag nyid yin na sngar gyi nyes pa kho nar 'gyur ro de las byung ba yin na nus pa 'bras bu nyid yin pas dbang phyug mi rtag pa nyid du thal bar 'gyur te/ 'bras bu 'byung ba na rgyu 'gags par mthong ba'i phyir ro/ /ci ste nyes pa bsal ba'i phyir 'brel pa la brten nas ni/ de'i tshe tha dad par snang ba med pa'i phyir nus pa dang dbang phyug bdag las byed pa po gang yin zhes bya ba'i nges pa med do/ /gal te snal ma dang ras yug bzhin du snang ba yod do zhe na/ 'di ni brtags pa tsam ste snal ma las ma rtogs par ras yug ces bya ba ni cung zad kyang dmigs pa ma yin te/ gal
- 34a
te 'gebs pa la sogs pa'i bya ba byed pa nyid yin pa'i phyir dmigs so zhe na/ 'o na snal ma rnams gang la gnas pa yin gal te de'i bdag nyid du gnas pa nyid yin pa'i phyir mi dmigs pa yin no zhe na/ 'o na de lta na ni rigs pas snal ma 'ba' zhig kho na khas blangs kyi ras yug ni ma yin no/ /ras yug ces bya ba'i tha snyad gang yin pa de ni gnas skabs khyad par can du gyur pa'i snal ma rnams kyi 'bras bu gzhan yin zhing dngos po gzhan kho na yin pas 'du ba'i 'drel ba med pa yin no/ /de'i phyir byed pa po dang rtag pa zhes bya ba 'di ni 'gal ba yin no/ /byed pa po yin du chug na byas nas ci'i phyir sdud par byed gal te de ni dbang phyug gi rang dbang nyid yin no zhe na/ de ni smon pa nyid du brjod par bya ba'i rang dbang nyid ma yin pa ma yin nam smon pa ni sa la sogs pa'i rang bzhin gyi bum pa la sogs pa byas nas skad cig de nyid la 'jig par byed do/ /yang na rang dbang can yin du chug na ci dus gcig tu skyed par byed pa'am 'jigs par byed pa ma yin/ cig car skyed par byed pa dang 'jig par byed pa nyid ma yin pa'i phyir/ de ni skad cig gi dbye bas mi rtag pa nyid pas kho na'o/ /'dis ni de dag thams cad mkhyen pa nyid yin pa yang bzlog pa yin te/ de bzhin du thams cad mkhyen pas na thams cad mkhyen pa zhes bya ba yin la/ 'dir ci thams cad zhes bya ba'i sgra 'das pa la sogs pa dus gsum yin par brjod par 'dod dam/ 'on te 'jig rten thams cad kyi sems kyi spyod pa dag yin/ gal te dus gsum yin na/ de'i tshe 'khyu mchog dang 'phel byed kyis byas pa'i skar ma'i bstan bcos shes pa las skyes bu tha mal pa rnams kyang thams cad mkhyen par 'gyur ro/ /ci ste sems kyi spyod pa dag yin na ci ste sems tsam 'am/ rang bzhin yin/ gal te sems tsam nyid yin no/ de'i kho bo cag gis kyang/ rtsis la sogs pas gzhan gyi sems
- 34b
shes par gyur ro/ /des sems kyi rang bzhin ni shes pa ma yin no/ /gal te dbang phyug nyid yin pa'i phyir shes so zhe na/ bshad zin pa'i rnam pas dbang phyug med pa'i phyir med pa ni rang bzhin nyid yin par rigs pa ma yin te ri bong rdza? bzhin no/ /de lta na shin tu thal ches pas chog go /grangs can ni 'bigs byed la sogs pa'i drag phug gi nang du gnas te brtul zhugs khyad par can la gnas pa'i dbang kho nas rang bzhin dang skyes bu tha dad par bsgoms pa'i stobs kyis yon tan gsum gyi zhags pa 'ching bar zhi zhing grub pa thob par grags pa nyid 'bigs byed na gnas pa la sogs pa grangs med pa yod de/ de rnams kyis dbang phyug 'ba' zhig khas blangs pa ni ma yin gyi bdag kyang mang po nyid yod par rjod par byed do/ /de rnams ni 'di ltar sun dbyung bar bya ste/ de bzhin du yang skyes bu byed pa med cing 'dod pa med la skul bar byed pa ma yin pas/ de'i longs spyod grub pa'i don du gtso bo de kho na nyid bems po'i rang nyid 'bras bu la 'jug pa ni 'thad pa ma yin no/ /gal te ji ltar be'u bskyed phyir 'o ma shes pa med par rang nyid 'dzag par mthong ba bzhin no zhes gang bshad pa smra ba de yang ma grub pa kho na yin te/ de yang shes pa yod pa'i ba kho na de 'dzag par byed par nus pa yin no/ /gzhan du na ba 'dod pa med pa kha cig rang gi be'u la yang mi ster bar mthong ba'i phyir rnam par shes pa kho na thams cad 'jug par byed pa yin te/ de ni de lta bu'i rang bzhin pa'i phyir ro/ /de'i phyir skyes bu med pa yin no/ /rigs pas dang bye brag rnams kyang bdag rtag par smra ba la brten pa yin la/ de rnams sun dbyung ba ni ma yin te/ bdag ces bya ba ni yod pa ma yin te/ mi dmigs pa'i phyir sa phyogs stong pa na bum pa mi gnas pa bzhin no/ /zhes bya ba ni rang bzhin mi dmigs pa yin no/ /ci ste de skad du khyed phung po yin par 'dod pa gang yin pa de kho na bdag yin no zer zhe na/ de'i phung po rnams
- 35a
ni skye ba dang 'chi ba dang mi rtag pa ste/ mtshan nyid gsum dang ldan pa nyid yin pa'i phyir dang bdag kyang de dang 'dra ba'i phyir mi rtag pa nyid du 'gyur na khyed 'dod pa yang ma yin no/ /bdag la phung po la sogs par yod par 'thad pa yang ma yin te/ rtag pa dang mi rtag pa dag la rten dang brtan pa'i dngos po mi 'thad pa'i phyir ro/ /de rnams la bdag yod do zhes bya ba yang mi rung ste/ snga ma bzhin no/ /rten dang brten pa'i dngos po ni rgyu dang 'bras bu'i dngos po kho na yin no/ /de'i phyir phyogs dang po la ni gang gi tshe bdag brten pa de'i tshe rgyu nyid yin pa'i phyir mi rtag pa nyid yin la/ phyogs gnyis pa la ni bdag 'bras bu nyid yin pa'i phyir mi rtag pa nyid du 'gyur ro/ /rgyu rnams kyang gdon mi za bar 'bras bu dang ldan pa ma yin pas res 'ga' bdag med par yang 'gyur ro/ /phung po la ma gtogs pa yang mi dmigs te/ phung po la ma rtogs pa yang ri bong gi rwa bzhin no/ /gal te de ni me dang bud shing bzhin du tha mi dad pa yin no zhe na/ de lta na ni khyed shin tu mi rtag pa nyid yin par 'dod pa de bud shing rang gi ngo bo nyams nas sol ba'i rang bzhin du gyur pa rnams ni me zhes brjod par bya'o bdag phung po'i rang bzhin nyid du gyur pa yang de dang mtshungs par sngar bshad pa kho na'i nyes par 'gyur pa'i phyir bdag yod pa ma yin no/ /de bzhin du zad byed pa rnams kyis ni smra 'bal ba dang/ ras dkar po gyon pa dang/ nam mkha' i gos nyid la sogs pa'i brtul zhugs dang lha'i khyad par dang de ston par byed pa'i bstan bcos dang thar par nga 'jig rten dang pha rol khas blangs pa kho na yin mod kyi/ 'on kyang de dag gis ltar na dngos po rnams ni dus gsum pa ste/ de bzhin du zho yang yin zhing rnga mo yang zhor 'gyur ro zhes bya ba la sogs par yin no/ /de rnams ni 'di ltar dbyung bar bya ste/ gal te dngos po rnams tha dad pa yin na/ de rnams ji ltar cig pa yin na/ cig pa yin na ni tha
- 35b
dad pa mi 'thad la tha dad pa yang yin la cig pa yang yin pa ni 'gal ba yin no/ /de'i phyir tha dad pa yang yin la cig pa yin par smra ba rnams kyi ltar na phan tshun 'gal ba la brten pa yin pas gang zag la sogs par 'dod pa/ gang yin pa de ni snga ma bzhin du mi rtag pa nyid du 'gyur ro/ /gser la sogs pa rnams rna rgyan la sogs pa'i dngos por gyur kyang gser ni nyams pa med la de ni yongs su gyur pa tsam yin te/ de bzhin du dngos po thams cad yongs su gyur pa yin gyi 'jig pa ni ma yin no zhe na/ brjod par bya ste/ yongs su 'gyur pa zhes bya ba ni rang gi ngo bo ni spangs nas dngos po gzhan du gyur pa yin la de kho na mi rtag pa nyid yin no/ /sngar gyi gser gang yin pa de kho na yin no zhes bya ba yang 'thad pa ma yin te/ de ni gzhan nyid yin pa'i phyir ro/ /rtog pa dang ldan pa'i mkhas pa rnams kyis zad pa dang kha dog nyid la sogs pa rtogs pas de'i phyir tha dad pa yang yin la gcig pa yang yin par smra ba'i phyogs ni rigs pa ma yin no/ /rig byed kyi mthar smra ba rnams ni shes pa dang bya ba dag las gang yang rung ba zhig gtso bor byed pa'i sgo nas rnam pa gnyis so/ /de la shes pa gtso bor gyur pa'i rigs byed kyi cha 'dzin pa gang yin pa de rnams ni las dang 'bras bu spong ba sngon du 'gro ba can gyi thig le gsum dang/ chos gos gsum dang/ dbyu gu gsum thogs pa dang/ yul nas yul gzhan du 'gro ba la sogs pa'i brtul zhugs thams cad dka' thub nyid du khas len pa dang/ bya ba gtso bor byed pa'i sgo nas me la bstod pa la sogs pa'i mchod pa rnams kyis mchod sbyin byed pa de rnams dang skra 'breg pa dang/ dbyu gu thogs pa la sogs brtul zhugs 'dzin par byed pas gzhad gang bya bar 'os pa yin te/ de rnams kyi thar pa sun dbyung ba ni sngar brjod pa kho na yin pas 'dir spro bar mi bya'o/ /de ltar na rgol ba de rnams thams cad de ltar sun dbyung
- 36a
bar bya ba yin no/ /thar pa 'di thams cad ni lta ba sna tshogs pa'i nyes pa'i 'dam dang 'dres pa'i phyir mi gtsang ba yin te/ bcom ldan 'das kyi 'dus pa chen po'i mdo las rnal 'byor mkhas pa'i grangs can gyis/ /rmongs pas phyogs ni gang bzung dang/ /rig byed shes pas grub pa rnams/ /rig byed phyogs ni 'dod pa dang/ /gang dag dus lnga dga' ba dang/ /dbang phyug chen po'i rnal 'byor pa/ /me la tshad mar byed pa dang/ /dri med ral pa 'chang ba dang/ /grub pa chen por smra ba dang/ /gzhan yang thar par smra ba dang/ /de kun 'og tu 'gro zhes bya/ /rgyal bas gsungs pa de steng nas/ zhes gang bshad pa dang/ zhi ba dri med don lngar smra/ /byed smra khyab 'jug bram ze dang/ /'jig rten rgyang pan mchod 'os pa/ /mi rnams spyod pa can gang yin/ /de rnams rdo rje'i theg chen ni/ /mchog tu spyad na phyugs yin no/ /de phyir ngas ni 'bad pa yis/ /de rnams dang ni 'brel pa spangs/ /'brel pas dam tshig nyams 'gyur te/ /dngos grub nyams pas thar snod min/ /bcu dang bco brgyad bdag nyid kyis/ /grub pa'i mdza' la dbang byed pa'i/ /'jigs byed dbang dang ldan pa ni/ /drug cu rtsa bzhir bshad pa gang/ /rdo rje theg pa ma gtogs par/ /de kun phyugs su shes par bya/ zhes bshad de/ de'i phyir rdo rje theg pa'i bstan pa ni/ kha na ma tho ba med pa kho na yin no/ /rang gi sde pa yod par smra ba ni nges pa'i blo can yin la/ de yang nyan thos dang/ rnal 'byor spyod pa dang/ byang chub sems dpa' dang/ gsang sngags kyi tshul can zhes bya ba rnam pa bzhi'o/ /de la nyan thos ni gang zhig gang zag la bdag med par khong du chud pa tsam gyis ni bdag ni bya ba byas shing byed pa byas pa'o/ /snyam du sems pa na rang gi don tsam la gnas pas gzhan gyi don spangs nas 'di skad du/ sems can mos pa sna tshogs pa/ /rgyal bas kyang ni mi mgu bas/ /
- 36b
mi shes bdag 'dra smos ci dgos/ /de bas 'jig rten bsam pa gtang/ /bdag nyid kyi ni rigs pa 'am/ /rigs pa min la brtag bya ste/ /pha rol po yi nyes pa dang/ /byas dang ma byas dag las min/ /zhes smra zhing phyi rol gyi don la mngon par zhen pa'i lta ba can de ni gsang sngags bshad pa'i snod ma yin te/ gang zhig dge slong dngos nas dang/ /mi gang rtog la dka' ba dang/ /rgan po nyid 'gyur gang yin pa/ /de la de nyid bstan mi bya/ /zhes gang bshad pa dang/ nyan thos rnams kyi nang du zhag bdun gnas pa la rtsa ba'i ltung ba 'byung ngo zhes kyang gsungs so/ /rnal 'byor spyod pa ba rnams kyang rnam par rig pa ma gtogs par sna tshogs 'di dag mi dmigs te/ 'khor ba thog ma med pa nas nang na gnas pa'i bag chags kyi nyes pas don gyi bdag nyid can gyi gzung ba dang 'dzin pa'i rang bzhin du snang ba 'ba' zhig tu zad cing/ de ni ngo bo nyid gsum yongs su brtag cing bsgom pas sems tsam nyid khong du chud nas phyi rol gyi don spangs pas chos kyi sku nyid yin pa sems na/ de yang rigs pa ma yin te/ gzung ba dang 'dzin pa'i dngos po tsam nyid du mi 'thad pa'i rnam par rig pa tsam nyid ni grub pa'i phyir ro/ /de bas na de dag gis btags pa'i thar pa ni shin tu dag pa ma yin no/ /byang chub sems dpa' rnams ni gzung ba dang 'dzin pa med pa'i phyir gcig dang du ma dang bral bas dngos po rnams kyi rang bzhin dpyod pa na stong pa nyid la sogs pa'i rnam par thar pa bzhi bsgom pas stong pa nyid kyi de kho na nyid kyi chos kyi sku'i mtshan nyid kyi sangs rgyas nyid yin par sems te/ 'di ni rigs pa yin no/ /ci'i phyir zhe na/ 'di ltar de rnams dang rdo rje theg pa ba bdag cag la de kho na nyid la log par rtog pa ni med de de kho na nyid ni gcig kho na yin no/ /thabs tha dad pa dang dus tha dad pa zhes bya ba ni khyad par yin te/ dga' ba zad pa med dang
- 37a
gsal rtags min sna tshogs gzugs can te/ snying rje chen po'i ros khyab pa/ chos dbyings bdag nyid 'bras bu yin/ /don gcig yin yang ma rmongs dang/ /thabs mang dka' spyod ma yin pa dang/ /dbang po rnon pa'i dbang byas phyir/ /sngags kyi bstan bcos khyad par 'phags/ zhes gang gsungs pa'o/ /de'i phyir pha rol tu byin pa'i rnal 'byor pa de kho na nyid thob pa yin mod kyi 'on kyang de dag de thabs la sogs pa ma tshad pas dus shin tu yun ring pos byang chub thob pa dag yin no/ /gang gi tshe gsum po de rnams thams cad kyang sangs rgyas bcom ldan 'das kyis 'od zer gyi 'khor lo spros pa'i sku drin gyi thabs kyi bye brag gis bskul ba de'i tshe/ gsang sngags kyi gzhung gi snod du rung bar 'gyur te/ nyan thos dang ni rang rgyal dag /snying rje chen po med pa'i phyir/ /rang gi don la brtson pa ste/ /theg chen la ni smod pa'o/ /theg pa chen po rab bstan pa'i/ /rgyal ba'i yon tan dpag med dang/ /byang chub sems dpa' i mthu thos kyang/ /de yi snod min gyur ba ste/ rang gi lam gyi theg chen nor/ /ma lus bsregs pa de rnams ni/ /byang chub sems dpa' dag dbus na/ /skyes bu phongs pa bzhin du gnas/ /srid la skrag pa'i yid can rnams/ /tshe zad pa las dgar 'gyur zhing/ /mya ngan 'das thob 'du shes can/ /byang chub 'di dag thob pa yin/ /de la mya ngan 'das pa med/ /'on kyang srid pa gsum po ru/ /de dag skye bar mi 'gyur te/ /de rnams zag med dbyings la gnas/ /nyon mongs can min mi shes pa/ /spangs phyir sangs rgyas kyis bskul nas/ /bsod nams kyis ni tshogs bsags te/ /de yang 'jig rten 'dren par 'gyur zhes gang gsungs pa'o/ /de ltar na phyag rgya chen po la 'jug pa'i rim gyis de rnams sangs rgyas nyid du byed do zhes bya ba
- 37b
ni mdor bsdus pa'o/ /'di ni shin tu bsdus nas brjod pa yin te/ sngar nye bar bkod pa gang yin pa/ de rnams thams cad kyang rdo rje theg pa bas sun dbyung bar mi bya zhing/ 'on kyang gzung bar bya ba ste/ /rtags kyi dbye bas gnas pa yi/ /pha rol rgol ba gang yang rung/ /de dag kyang 'dir smad mi bya/ rdo rje sems dpa' i rnams 'phrul yin zhes bshad pa'o/ /re zhig lung dang rigs pa dag gis yid ches par 'gyur ba'i pha rol rgol ba po de dag lta zhog gi/ shin tu drag po'i las can gyi gdol ba la sogs pa de rnams kyang rdo rje'i theg pa la zhugs par gyur na/ byang chub thob par 'gyur te/ ji skad du rtsa ba'i rgyud las/ rigs ngan smin ma mkhan la sogs/ /gsod don don gnyer sems dpa' rnams// theg chen bla na med pa yi/ /theg mchog 'di la 'grub par 'gyur/ /sems can mtshams med la sogs pa'i/ /sdig pa chen po byed pa yang/ /rdo rje theg pa rgya mtsho'i de/ /theg pa mchog ni 'di la 'grub/ /ces bya ba la sogs pa gang bcad pa'o/ /gsang sngags kyi tshul can ni bya ba rnal 'byor pa dang/ spyod pa'i rnal 'byor ba dang/ rnal 'byor rgyud kyi rnal 'byor ba dang/ rnal 'byor mchog gi rgyud kyi rnal 'byor pa dang/ rnal 'byor ma'i rgyud kyi rnal 'byor ba zhes bya ba rnam pa lnga'o/ /de la bya ba'i rgyud kyi rnal 'byor pa ni mchod rten la bskor ba byed pa dang/ bzlas pa dang sbyin sreg dang khrus lan gsum byed pa dang/ gos lan gsum brje ba la sogs pa'i bya ba'i dbang gi gti mug chen po dang bar ma'i rigs can yin no/ /spyod pa'i rnal 'byor ba ni dngos grub dang ting nge 'dzin dang cho 'phrul la sogs pa thob par mngon par 'dod pa'i dbang gis gti mug chung ngu'i rigs can yin no/ /rnal 'byor gyi rgyud kyi rnal 'byor pa ni phyag rgya dang dkyil 'khor dang ting nge 'dzin gtso bor gyur pa'i phyir
- 38a
'dod chags la sogs pa cung zhig chung du dang 'bring gi rigs can yin no/ /rnal 'byor mchog gi rgyud kyi rnal 'byor ba ni 'dod chags dang zhe sdang chen po'i rigs can yin no/ /rnal 'byor ma'i rgyud kyi rnal 'byor ba ni 'dod chags chen po'i chen po 'ba' zhig gi rigs can yin te/ de bas na de dag par bya ba'i phyir/ bcom ldan 'das kyis gsang sngags bstan pa rnam pa lnga gsungs so/ /rnal 'byor pa de dag thams cad ni bskyed pa'i rim pa dang/ rdzogs pa'i rim pa zhes bya ba rnams gnyis su 'gyur ro/ /de la bya ba'i rgyud la sogs pa rnams kyi bskyed pa'i rim pa ni sa bon tsam las yin no/ /rnal 'byor rgyud la sogs pa rnams kyi bskyed pa'i rim pa ni mngon par byang chub pa rnam pa lnga'i rim pas yin no/ /bya ba'i rgyud la sogs pa rnams kyi rdzogs pa'i rim pa ni rdo rje phra mo la sogs pa bsgom pa'o/ /rnal 'byor mchog gi rgyud la sogs pa rnams kyi rdzogs pa'i rim pa ni phra mo'i rnal 'byor dang thig le'i rnal 'byor la sogs pa bsgom pa'o zhes bya ba ni khyad par yin no/ /de la rdzogs pa'i rim pa'i dbye ba ni mang du yod de/ /phra mo'i rnal 'byor ni 'od zer gsal ba 'ba' zhig gi rnal 'byor pa yin no/ /thig le'i rnal 'byor ni srog rtsol ba'i rim pas yin te/ de bzhin du rtsa ba'i rim pas sam/ byang chub kyi sems gzung ba'i sgo nas sam/ pad+ma'i nang du dam tshig gi dkyil 'khor spro ba la sogs pa'i rim pas sam/ de myang ba'i sgo nas sam/ yan lag thams cad kyi tshigs la khyab pa'i sgo nas sam/ rlung gi sbyor bas byang chub kyi sems steng du 'dren pa'i bde ba chen po nyams su myong ba'i sgo nas sam/ bsnyen po mchog la sogs pa'i rim pas thabs dang shes rab snyoms par zhugs nas lhan cig skyes pa'i bde bas nyams su myong ba'i sgo nas yin no/ /yan lag drug pa'i rnal
- 38b
'byor gyi rim pas kyang yin te/ yul dang dbang po'i longs spyod dang/ de dag gi rnam par dag pa dang/ thig le spro ba dang/ thig le gzung ba dang/ /slar spro ba dang/ dkyil 'khor gyi 'khor lo'i bdag po rnam pa thams cad kyi mchog ldan pa'i rdo rje 'chang chen po'i skur dmigs pa'i dbye bas so/ /rdo rje bzlas pa ni rlung gi rim pa'i sgo nas so/ /ye shes dang rnam par shes pa'i rim pas ni sems rnam par dag pa'i rim pa yin no/ /sgyu ma la sogs pa'i dpe bcu gnyis kyis rim pas ni bdag byin gyis brlabs pa'i rim pa yin no/ /'dod chags dang 'dod chags bral ba dang 'dod chags par ma'i rim pas mngon par byang chub ba'i rim pa yin no/ /mi gnas pa'i mya ngan las 'das pa'i rim pas ni zung du 'jug pa'i rim pa yin no// de ltar na rnal 'byor pa dpyad pa dang/ yul gyi rnam par dbye ba bstan pa yin no/ /de la rdzogs pa'i rim pa 'di ni 'phags pa klu sgrub kyi zhal snga nas kyi don lnga yis bsdus pa yin pa'i phyir de'i slad du dang po 'dod pa'i lha la phyag 'tshal ba mdzad de/ ji ltar mngon par 'dod pa'i lha la phyag 'tshal ba sngon du 'gro ba can gyi 'jug pa'i dam pa rnams kyi spyod pa yin no/ /'di ltar phyag 'tshal ba ni rnam pa gsum du 'gyur te/ rigs pa dang mthun pa dang gnyi ga dang rjes su mthun pa zhes bya'o/ /de la rigs pa ni dper na rang gi 'dod pa'i lha gang yin pa de nyid la bstan bcos byed pa de la phyag 'tshal bar byed pa ste/ /ji ltar dpal ldan zhes bya ba la sogs pas 'jam dpa' i rdo rje la phyag 'tshal ba bzhin te/ de ni sangs rgyas ye shes kyi zhal snga nas kyi 'dod pa'i lha nyid yin pa'i phyir ro/ /mthun pa ni dper na so sor thar pa'i sdom pa'i dang por bcom ldan 'das 'dod chags dang bral ba la/ dpal 'byor gnas dang zhes bya ba la sogs pas phyag 'tshal ba bzhin no/ /gnyi ga dang rjes su mthun
- 39a
pa'i dper na rtsom pa po'i lha de nyid yin zhing/ bstan bcos kyi yang de kho na yin te/ ji ltar klu sgrub kyi zhal snga nas kyi sgrub thabs mdor bsdus par bcom ldan 'das dpal rdo rje sems dpa' la khams gsum spyod pa las grol zhes bya ba la sogs pas phyag 'tshal ba bzhin no/ /'dir yang de kho na bzhin du gnyi ga dang rjes su mthun pa kho na yin te/ rdo rje sems dpa' ni 'dod pa'i lha yin pa'i phyir rab tu byed pa'i yang gtso bo'i ni de 'di kho na nyid yin pa'i phyir ro/ /de bzhin du gzhan yang phyag 'tshal ba ni lus kyi dang ngag gi dang yid kyi dang bla na med pa'i zhes bya ba'i rnam pa bzhi kho nar 'gyur te/ lus kyi ni yan lag lngas phyag 'tshal ba la sogs pa'o/ /ngag gi bstod pa'i mtshan nyid can no/ / yid kyi ni bsam gtan la sogs pa'i mtshan nyid can yin no/ /de bzhin du bla na med pa'i phyag 'tshal ba ni de'i bdag nyid du rjes su 'jug pa'i mtshan nyid can te/ de nyid las/ ji ltar chu la chu bzhag dang/ /ji ltar mar la mar nyid bzhin/ / rang gis rang gi ye shes ni/ /legs mthong gang der 'dir phyag yin/ /zhes bya ba la sogs pa 'chad par 'gyur ro/ /yang phyag 'tshal bar byed pa 'di la dgos pa ci yod ce na/ dgos pa ni bgegs nye bar zhi ba ste/ phyag 'tshal ba byas nas skyes bu chen po la bstod pas bsod nams thob pa na bsod nams ma yin pa ldog pa'i phyir bsod nams ma yin pa las byung ba'i phyi dang nang gi bgegs rnams nye bar zhi bar 'gyur ba'i phyir la/ zhi bas ni bstan bcos mthar phyin par 'gyur ba'i phyir bgegs nye bar zhi ba ni phyag 'tshal ba'i 'bras bu yin no/ /de la phyi rol gyi bems po ma yin pa la brten pa'i bgegs rnams so/ /sa la sogs pa 'byung ba chen po lngas byas pa'i bgegs rnams ni bems po la brten pa
- 39b
rnams so/ /phyugs dang ri dags dang bya dang sbrul dang brtan pa la sogs pa'i rgyu can gyi bgegs rnams ni bems po ma yin pa la brten pa rnams so/ /nang gi ni lus kyi dang ngag gi dang yid kyi zhes bya ba rnam pa gsum yin no/ /de la lus kyi rlung dang mkhris pa dang bad kan la sogs pa'i rgyu mtshan rnams so/ /ngag gi tshig rtsub mo la sogs pa'i rgyu mtshan can rnams so/ /yid kyi ni 'dod chags la sogs pa'i rgyu mtshan can rnams so zhes bya ba de dag thams cad ni bcom ldan 'das rjes su dran pa las nye bar zhi bar 'gyur ro/ /phyag 'tshal ba 'dir 'khrul pa mthong ba ma yin nam/ gang du phyag 'tshal ba der bgegs nye bar zhi ba ma mthong ste/ bshad pa'i rgyud dgongs pa lung bstan pa'i 'grel pa phyed byas pa na 'grel ba byed pa shi ba'i phyir ro/ / gang du phyag 'tshal ba ma byas pa der yang bgegs nye bar zhi bar mthong ste/ nag po'i zhal snga nas kyi sgron ma zhi la sogs par ro zhe na/ /bden te/ bstan bcos byed pa ni grags pa'i mtshan nyid can gyis 'bras bu la bsams nas 'jug ste/ 'bras bu de dang 'brel pa'i rgyu mtshan yod pa kho na bgegs nye bar zhi ba yin no/ /gang du phyag 'tshal ba ma byas par der yang bkra shis brjod par byed pa'i sgra gzhan rgyu mtshan yin te/ dper na 'di skad ces bya ba don du ma dang ldan pa'i tshig gis phrad yin pas 'di skad ces bya ba'i sgra ni bkra shis pa'i don can no/ /yang na gal te der tshig gis sgo nas phyag 'tshal ba ma byas kyang lus sam yid kyi sgo nas byas pa'i phyir thams cad nyes pa med pa yin no/ /shin tu thal ces pas chog ste/ skabs su bab pa dpyad par bya'o/ /mgon po sems can kun bdag nyid/ /dpal ldan bde chen la btud de/ /rnal 'byor rgyud kyi rjes 'brangs nas/ /rdo rje bzlas pa'i rim bshad bya/ /mgon po ste bcom ldan 'das dpal rdo rje sems
- 40a
dpa' de bzhin gshegs pa thams cad kyi bdag po la btung cing phyag 'tshal nas rdo rje bzlas pa'i rim pa ste mi phyed mi shigs pa'i rdo rje bzlas pa'i rim pa ji lta ba bzhin du bshad cing snyad par bya'o/ /mgon po ni ji lta bu zhe na/ sems can kun bdag nyid de/ bstan pa dang g.yo ba'i 'gro ba la khyab par byed pa'o/ /dpal ni bsod nams dang ye shes kyi tshogs dag ste/ gang la de dag yod pa ni dpal ldan no/ /bde chen ni thar pa ste/ de'i rgyu yin pa'i phyir bde ba chen po de la'o/ /rnal 'byor rgyud kyi rjes 'brangs nas zhes bya ba las/ rnal 'byor rgyud kyi ni dpal gsang ba 'dus pa zhes bya ba'i ming can no/ /de'i rjes 'brangs nas zhes bya ba ni de las btus zhes bya ba'i don te/ yi ge'i don to/ /yang na mgon po ni blang bar bya ba nyid yin pa'i phyir ro/ /thams cad stong pa'i chos nyid ni 'gro ba ma lus pa'i rang bzhin nyid yin pa'i phyir sems can kun bdag nyid do/ /dpal ni chos kyi sku ste de dang ldan pa'i phyir dpal ldan no/ /nyan thos la sogs pa'i byang chub chen po rnams kyi nang nas mchog gi byang chub kyi ngo bo bde ba yin no/ /de la btung nas rdo rje bzlas pa'i rim pa ste/ rang bzhin gyi dag pa'i ma ning gi bzlas pa'i mtshan nyid bshad par bya'o/ /rnal 'byor rgyud kyi rjes 'brangs nas zhes bya ba ni snga ma bzhin te spyi'i don to/ /yang na de bzhin du mgon po ni phung po la sogs pa thams cad kyi gtso bor gyur pa yin/ yod pa'i dngos po ni sems can zhes bya ste/ byang chub kyi sems so/ /kun ni rtsa stong phrag bdun cu rtsa gnyis so/ /de'i bdag nyid ces bya ba ni rtsa las byung ba'i byang chub sems kyi 'gro ba ma lus pa bskyed par byed pa'o/ /dpal ni shes rab ste de dang ldan pa ni dpal ldan no/ /bde chen ni lhan cig skyed pa'i de kho na nyid rang gi ngo bo nyid do/
- 40b
btung nas rnal 'byor rgyud kyi rjes su 'brangs nas rdo rje bzlas pa ste rnam par shes pa dang rlung gi de kho na nyid kyi rang bzhin bzlas pa bshad par bya'o/ /zhes bya ba yang spyi'i don to/ /yang na mgon po ni man ngag bzhi pa'i rang gi ngo bo'o/ /kun ni dga' ba la sogs pa 'dod chags dang 'dod chags dang bral ba dang 'dod chags par ma rnams so/ /sems can ni smig rgyu la sogs pa'i rtags lnga'o/ /de'i bdag nyid ni de rnams dang/ ro gcig pa'i rang bzhin nyid kyis rang gis rigs par bya'o/ /dpal ni dam tshig phyag rgya ste de dang 'brel pas thob par bya ba nyid yin pa'i phyir dpal ldan no/ /bde chen ni dpe las byung ba'i lhan cig skyes pa'i de kho na nyid kyi ngo bo'o/ /btud pa ni rjes su 'jug pa'o/ /rdo rje bzlas pa zhes bya ba ni snga ma bzhin te/ sbas pa'o/ /yang na mgon po ni mja' mtshon gyi rnam par snang ba'o sems can ni rgyu ma'i dpe bcu gnyis so/ /de'i bdag nyid ni de'i rang bzhin no/ /dpal ni longs spyod rdzogs pa dang sprul pa'i sku dag ste/ de dang ldan pa'i phyir dpal ldan no/ /bde chen ni chos kyi sku ste/ de las byung ba'i phyir bde chen no/ /de la btus nas rdo rje bzlas pa'i rim bshad bya zhes bya ba ni snga ma bzhin te sbas pa yin no/ /mgon po ni rang bzhin rnams te/ de dag sdud par byed pa'o nyid yin pa'i phyir mgon po'o/ /sems can thams cad kyi rgyur gyur pa nyid yin pa'i phyir sems can kun ni rnam par shes pa gsum yin te/ de rnams sngags dang phyag rgya'i rim pas 'od gsal bar 'jug pa'i phyir sems can kun bdag nyid do/ /dpal ni stong pa dang shin tu stong pa dang chen po stong pa rnams te/ de dag sdud pa dang ldan pa'i phyir dpal ldan no/ /thams cad stong pa'i ngo bo nyid yin pa'i phyir bde chen te/ /de la btung nas rdo rje bzlas pa'i rim bshad bya zhes bya ba ni snga ma
- 41a
bzhin te/ yang sbas pa yin no/ /rtags pa nyid yin pa'i phyir mgon po'o/ /sems can gyi rgyud la yod pa nyid yin pa'i phyir sems can kun ni 'dod chags dang 'dod chags dang bral ba dang 'dod chags par ma rnams te/ de dag bzhi pa dang lhan cig 'dres pa'i phyir sems can kun bdag nyid do/ /dpal ni ye shes kyi phyag rgya ste de dang snyoms par zhugs pa nyid yin pa'i phyir dpal ldan no/ /rnal 'byor pa'i mngon sum gyi tshad mas yang dag par khong du chud par bya ba nyid yin pa'i phyir bde chen no/ /de la btud nas rdo rje bzlas pa'i rim bshad bya/ /zhes bya ba ni snga ma bzhin te/ mthar thug pa'o/ /rdo rje'i sku nyid yin pa'i phyir mgon po'o/ /sems can ni don dam pa'i bden pa'o/ /kun ni kun rdzob kyi bden pa'o/ /de dag tha mi dad pa'i ngo bo nyid yin pa'i phyir sems can kun bdag nyid do/ /dpal ni mi gnas pa'i mya ngan las 'das pa ste/ de dang ldan pa'i phyir dpal ldan no/ /chen po ni sems can gyi khams rnams so/ /bde ba ni smin pa dang grol ba la sogs pas bde ba chen po'i go 'phang thob par byed pa yin pas bde chen te/ de la btud nas bshad par bya zhes bya ba ni mthar thug pa kho na yin no/ /dkyil 'khor gyi gtso bo yin pa'i phyir mgon po'o/ /sems can kun ni sems can gyi rigs rnam pa bzhi ste/ de dag 'od zer gyi sbyor bas bkug ste bdag nyid la 'jug par byed pa'i phyir sems can kun bdag nyid de/ /dpal ni spro ba ste de dang ldan pa'i phyir dpal ldan no/ /chen po ste dkyil 'khor ba rnams bde ba ste bde ba chen po'i ting nge 'dzin skyed par byed pa de la btung nas bshad par bya zhes pa ni drang ba'i don to/ /ye shes lnga'i ngo bo nyid yin pa'i phyir mgon po'o/ /sems can thams cad kyi gnas kyi gtso bo ni sna'i rtse mo ste/ de rnams su thig
- 41b
le'i gzugs kyis gnas pa'i phyir sems can kun bdag nyid do/ /spro ba bsdu ba ldan pa'i phyir dpal ldan no/ /byang chub kyi sems kyi ngo bo nyid yin pa'i phyir bde chen no/ /de la gtud nas te/ dran par byas pas bshad par bya zhes bya ba ni nges pa'i don to/ /mgon po ni sa la sogs pa'i khams rnams te/ de dag gi rang bzhin nyid yin pa'i phyir mgon po'o/ /sems can kun ni dkyil 'khor bzhi ste de rnams la de bzhin gshegs pa rnams byin gyis rlob par byed pa nyid yin pas khyab par byed pa nyid yin pa'i phyir sems can kun bdag nyid do/ /dpal ni 'od zer dmar po la sogs pa ste/ de spro ba dang ldan pa'i phyir dpal ldan no/ /chen po ste g.yas la sogs pa'i dbye bas sgyu ma de rnams bde ba ste/ sna'i rtse mor thun phyed phyed kyi dus su 'dzin pa de ni bde chen no/ /de la btud nas te/ phyag 'tshal nas bshad par bya zhes bya ba ni snga ma bzhin te/ dgongs pas bshad pa'o/ /thams cad la khyad par du 'phags pa nyid yin pa'i phyir mgon po ste drug pa'o// sems can thams cad la khyab par byed pa ni chos kyi dbyings kyi ye shes te/ de'i ngo bo nyid yin pa'i phyir sems can kun bdag nyid do/ /dpal ni ye shes lnga ste/ de rnams sdud par byed pa yin pa'i phyir dpal ldan no/ /chen po ste rnam par shes pa lnga'i bde ba ni 'od gsal ba'i chos nyid kyi rang bzhin du gyur pa'o/ /de la btud nas te phyag 'tshal nas bshad par bya zhes bya ba ni snga ma bzhin te dgongs pa ma yin pa'o/ /mgon po ni byang chub rnam pa gsum ste/ de thob pa nyid yin pa'i phyir mgon po'o/ sems can kun ni spros pa dang bcas pa dang spros pa med pa dang/ shin tu spros pa med pa'i spyod pa rnams te/ de dag nyams su len pa'i phyir sems can kun bdag nyid do/ /dpal ni bsod nams kyi tshogs so/ /bde chen ni ye shes kyi tshogs so/ /de dag
- 42a
dang ldan pa ni dpal ldan bde chen te de la btud nas bshad par bya zhes bya ba ni sgra ji bzhin pa'o/ /kun ni srog ces bya ba'i rlung ngo/ /sems can ni thur du sel ba zhes bya ba'i rlung ngo/ /bdag nyid ni me dang mnyam pa'i rlung ngo// mgon po ni gyen du rgyu ba'i rlung ngo/ /dpal ni khyab byed kyi rlung ngo/ /de rnams kyi de kho na nyid yongs su shes pa'i phyir bde chen no/ /de la btud nas te phyag 'tshal nas bshad par bya zhes pa ni sgra ji bzhin pa ma yin pa'o/ /'o na rdo rje bzlas pa zhes bya ba'i don ci zhe na/ rdo rje tshigs ni sgra spangs pa'o/ /zhes 'byung ba'i phyir/ rlung tsam gyi bzlas pa ste/ yang dang yang du 'jug pa la sogs pa'i rim gyi sems dbang du byas pa'o/ /rnal 'byor rgyud ces bya ba'i don ci zhe na/ 'dus pa'i rgyud phyi ma las/ thabs dang shes rab snyoms 'jug pa/ /rnal 'byor zhes ni mngon par brjod/ ces 'byung ba'i phyir/ de gtso bor gyur pa'i rgyud ni rnal 'byor rgyud de/ dpal gsang ba 'dus pa la sogs pa'o/ /rgyud ni rgyun te/ de yang rgyu'i rgyud dang 'bras bu'i rgyud dang/ thabs kyi rgyud ces bya ba rnam pa gsum mo/ /de la rgyu'i rgyud ni tshangs pa'i gnas pa la sogs pa dang/ rnam par thar pa'i sgo ston par byed pa'o/ /'bras bu'i rgyud ni de bzhin gshegs pa rnams kyi dkyil 'khor la sogs pa ston par byed pa'o/ /thabs kyi rgyud ni sngags dang phyag rgya la sogs pa ston par byed pa de lta bu'i rnam pa can gyi rnal 'byor rgyud kyi rjes su 'brangs te yang dag par rtogs nas bshad par bya zhes bya ba 'dis ni lung tshad ma yin par bstan pa'i phyir/ rang gi 'dod pa tsam yin pa 'gog cing bdag nyid kyang mang du thos pa nyid yin par ston par byed do/ /da ni gang gi dbang du byas pa dpyad pa'i phyir/ bskyed pa'i rim la legs gnas shing/ /rdzogs pa'i rim pa
- 42b
'dod rnams kyi/ /thabs 'di rdzogs pa'i sangs rgyas kyis/ /skas kyi rim pa lta bur gsungs zhes bya ba gsungs te re zhig sgrub pa pos dang por dang po'i rnal 'byor la sogs pa'i ting nge 'dzin gsum gyi rim pas sam/ rdo rje bzhi pa'i rim pas lha'i rnam par bskyed nas/ rigs brgya'i rab tu dbye bas lus rnam par dben pa la 'jug par byed do/ /de'i rjes la phul du byung ba thob par gyur nas lha'i sku shin tu gsal ba 'bad pa med pa kho nar mthong zhing/ 'gro ba yang de'i rnam pa kho nar mthong ba gang yin pa de rnams ni bskyed pa'i rim la legs gnas te/ bskyed pa'i rim pa'i pha rol tu phyin pa'i zhes bya ba'i don/ don gang gi phyir bskyed pa'i rim pa la legs par gnas par 'gyur ba'i phyir 'das pa'i dus las gyur pa'i rkyen sbyar te/ des na don ni 'di yin te/ bskyed pa'i rim pa mthar phyin par gyur pa ni bskyed pa'i rim pa la legs par gnas pa rnams so/ /de lta bu'i rnal 'byor pa rnams gal te rdzogs pa'i rim pa ste/ spros pa med pa'i rnam par mi rtog pa'i ngo bo'i rim pa 'dod cing mngon par 'dod pa de'i tshe/ rnal 'byor pa de rnams kyi thabs 'di lta ste/ bsgom pa'i rim pa rdzogs pa'i sangs rgyas kyis te/ de bzhin gshegs pa rnams kyis gsungs pa ni bstan pa'o/ /skas kyi rim pa lta bu ni 'jog pa'i lam lta bu ste/ ji ltar skas kyi rim pa'i lam nas 'jog pa'i skyes bu ni rim gyis khang bzangs la sogs pa'i rtse mo mthon por phyin par 'gyur ba de bzhin du/ rdo rje bzlas pa la sogs pa'i rim pa bsgoms pas rim gyi bdag la sogs pa rnam par dag pa'i rim gyis rtag tu dgos pa'i rang bzhin gyi rdo rje 'chang chen po'i go 'phang mi slob pa'i lam gyi rang bzhin gyi chos kyi sku'i ngo bo thob po zhes bya ba'i tha tshig go /rdzogs pa'i sangs rgyas smos
- 43a
pa ni lung tshad ma yin par bstan pa'i phyir te/ sgra ji bzhin pa'o/ /de ni rdo rje bzlas pa'i rim pa'i rten rlung gi tshogs gang yin pa de bstan pa'i phyir/ sems can rnams kyi srog gyur pa/ /rlung zhes bya ba las kun byed// de ni rnam shes bzhon pa ste/ /lnga yi bdag nyid bcu yang yin/ /zhes bya ba gsungs pa'i don ni 'di yin te snying ga na gnas pa'i srog ces bya ba'i rlung gcig du kha dang sna bdag las phyi rol tu byung ba'i dang tshul can 'dzag mig gi srin bu nas brtsams te/ srid pa'i rtse mo'i bar gyi 'jig rten gyi khams thams cad la khyab par byed pa ni srog yin no/ /de ji lta bu zhe na sems can rnams kyi ste sems can gyi rigs rnam pa bzhi'i srog gyur pa ni srog gi dbang po dang 'dra'o/ ci 'di 'byung ba chen po rnams kyi nang nas gcig yin nam 'on te thams cad kyi bdag nyid yin zhe na/ rlung zhes bya ba smos te/ rlung gi 'byung ba chen po'i ngo bo 'gro ba dang 'ong ba dang brkyang ba dang bskum pa'i mtshan nyid kyi las can yin no/ /gal te de ltar na phyi rol gyi rlung yang de lta bu kho na yin te/ de yang de dang mtshungs pa yin pas ci'i phyir gzung bar mi bya snyam pa'i dogs pa bsdus nas rnam shes bzhon pa ste zhen bya ba smos te/ rnam par shes pa ni don mthong ba'i mtshan nyid can yin zhing/ de ni rnam pa brgyad de/ kun gzhi rnam par shes pa dang/ nyon mongs pa can gyi yid kyis rnam par shes pa dang/ 'jug pa'i rnam par shes pa drug go /de rnams kyi gzhon pa ni skul bar byed pa ste/ rta dang rta la zhon pa bzhin no/ /'di ltar 'byung ba chen po lnga'i bdag nyid can gyi lus kyi nang na gnas pa'i rnam par shes pa brgyad po gang yin pa de las ma gtogs pa bya ba gzhan mi dmigs te/ de la don mthong rnam par shes/ /
- 43b
de yi khyad par sems las byung/ /zhes gang bshad pa'o/ /chos mngon pa las/ rnam shes par sems bdag nyid can/ /zhes 'byung ba'i phyir ro/ /de bas na rtog pa 'ba' zhig gi rang bzhin can de ni ji srid rlung gi khams bskul bar ma byas pa de srid du de la don 'dzin pa'i nus pa med de/ grub pos rta med par yul gzhan du phyin pa med pa bzhin no/ /de'i phyir 'di ni rlung gis bskul nas/ don 'dzin par byed do/ /gal te rlung gis bskul nas rnam par shes pa don 'dzin gyi rang nyid kyis ma yin na/ ji ltar mdo dang mgal ba ma yin/ bcom ldan 'das kyis bzang skyong gis zhus pa'i mdo las/ bcom ldan 'das kyis bka' stsal pa/ bzang skyong ji ltar bya ba'i mthus 'khrul 'khor 'khor ba de bzhin las dang rjes su mthun pa'i dbang gis lus kyi 'khrul 'khor g.yo bo/ /rnam par shes pa'i khams 'di ni rten dang 'jug pa sna tshogs pa can yin no/ /rnam par shes pa'i khams 'di ni lus skyed pa'i byed pa nyid yin pa'i phyir byed pa po yin no/ /rnam par shes pa'i khams 'di ni chos kyi dbyings la rten pa'i phyir mi zad pa yin no/ /sngon gyi rten gyi lus rjes su dran pa nyid yin pa'i phyir rnam par shes pa'i khams 'di ni blo phun sum tshogs pa yin no/ /rnam par shes pa'i khams 'di ni nyi ma'i 'od zer dang mtshungs par blta bar bya ste/ dper na nyi ma'i 'od zer gyi phyi sa dang ro rul pa ste dri mi zhim pa rnams dang/ pad+ma la sogs pa'i dri zhim po rnams la yang 'char te/ de rnams la 'di ni dri zhim pa'o snyam pa'i 'du shes kyang mi 'byung zhing/ dri mi zhim pa bor nas nyi ma'i gam du 'gro ba yang ma yin no/ /de bzhin du rnam par shes pa'i khams 'di ni phag la sogs pa mi gtsang ba'i tshogs za ba'i skyes gnas su skye ba len te/ rnam
- 44a
par shes pa'i khams nyes pa de rnams kyis gos pa yang ma yin no/ /zhes bya ba la sogs pa gang bshad pa'o zhe na bden te/ de ni mdo dang 'gal bar mi 'gyur ro/ /ci'i phyir zhe na/ 'di ltar rnam par shes pas lus g.yo bar byed pa yin te/ de yang rlung gi bzhon pa gyur pas yin no zhes bya ba'i khyad par gyi rjes su 'grang bar bya'o/ /'on te 'chi ba'i dus kyi tshe ji ltar 'byung ba chen po lnga dang bral ba de gnas gzhan du 'khyam par gyur te/ de'i tshe rlung med pa'o phyir zhes zer na/ de skad du brjod par mi bya ste/ dri za ni dbang po'i tshogs phra mo dang ldan pa kho na yin te 'ba' zhig ma yin la/ dbang po'i tshogs phra mo'i nang du 'dus pa'i lus kyi dbang po'i khams bzhi'i rang bzhin can nyid yin pas rlung yod pa de'i phyir des bskul bar byed do/ /yang na 'dod chags dang zhe sdang gi bag chags dag gis rig sngags kyi chu mig la sbrul bzhin du skul bar byed do/ /dbyig gnyen gyi zhal snga nas kyi de'i tshe dri za rjes su chags pa'i khong khro ba dang lhan cig par gyur pa'i sems gnyis po dag las gang yang rung ba zhig mngon du gyur pa yin no/ /zhes gang bshad pa'o/ /yang las kyi rlung gis bskul ba na 'gro ba drug tu 'khyam par 'gyur ba las 'gal ba med do/ /de'i phyir srog ces bya ba'i rlung 'di ni rnam par shes pa'i bzhon par yin no/ /de ni phung po'i dbye bas lnga'i bdag nyid de srog dang/ thur du sel ba dang/ me dang mnyam du gnas pa dang/ gyen du rgyu ba dang/ khyab byed ces bya ba rnam pa lnga yin no// de la srog ni snying ga'i phyogs na gnas pa'o/ /thur du sel ba ni bshad sgo na gnas pa'o/ /gyen du rgyu ba ni lkog ma na gnas pa yin no/ /me dang mnyam du gnas pa ni lte ba'i phyogs na gnas pa'o/ /khyab byed ni yan lag gi tshigs
- 44b
thams cad la gnas pa ste/ de ni gnas kyi dbye bas yin no/ /mi bskyod pa dang rin chen 'byung ldan dang/ 'od dpag tu med pa dang don yod par grub pa dang/ rnam par snang mdzad kyi ngo bo zhes bya ba ni lha nyid yin no/ /dbang po'i sgo yi rgyun las ni// srog dang rtsol bar rgyu ba dang/ /rtag pa'i dus su rgyu ba ni/ /srog ces bya ba yin par bshad/ /rlung dang gcin dang phyi sa dang/ /de bzhin du ni khu ba sogs/ /'og 'dren 'di ni mthur sel bar/ /rtag tu rnal 'byor pas shes bya/ /rgod dang za dang lhag pa dang kun tu mthung dang 'jib par ni/ /gang zhig rtag tu mnyam gnas pa/ /mnyam du gnas shes bya ba yin/ /gyen du 'gro zhing sdud pa dang/ /bza' ba dang sogs za ba ni/ /shes dang lhan cig rnal 'byor rig /gyen rgyu'i las su shes par bya/ /khyab dang 'dzin pa nyid dang ni/ /'gro ba de bzhin ldog pa dang/ /tshigs rnams kun tu khyab pas na/ khyab byed ces ni bya bar bshad/ ces bya ba ni las kyi dbye ba'o/ /srog ni sngon po de bzhin du/ /thur sel kha dog ser por bsgrags/ /me dang mnyam nas dmar po ste/ /de bzhin gyen rgyu ljang khung brjod/ /khyab byed rlung ni dkar po 'am/ /zla ba bzhin du ser skyar brjod/ /srog ni kun gzhi rnams shes te/ /nyon mongs can yid thur sel yin/ /me mnyam yid kyi rnam par shes/ /gyen rgyu'i yid kyi dbang po ste/ /'jug pa'i rnam shes rang bzhin ni/ /khyab byed rlung zhes bya ba yin/ /srog ni rnam shes phung po ste/ /thur sel tshor ba yin par brjod/ /me dang mnyam nas 'du shes te/ /'du byed gyen rgyur rnam par bshad/ / gzugs kyi phung po dag pas ni/ /khyab byed kun tu brjod pa yin/ /nyin dang mtshan du lus rnams ni/ /g.yon dang g.yas dang gnyi ga dang/ /dal dang gnyig dag tu ni/ /de rnams rgyu bar yang dag brjod/ /'chi ba'i dus su lnga pa ni/ /shi ba'i
- 45a
lus las 'byung bar 'gyur/ /chu yi khams ni srog rlung ste/ /sa ni thur du sel bar 'dod/ /me yi khams ni gyen rgyu yin/ /me dang mnyam gnas rlung zhes brjod/ /nam mkha' i khams ni dag pa yis/ /khyab byed yan lag tshogs kun gnas/ /de rnams zhi ba dang rgyas pa dang dbang dang dgug pa dang las thams cad pa ste/ des ni rang bzhin pa dang dus dang bya ba bshad do/ /srog ces bya ba'i rlung de nyid rnam pa bcur 'gyur te/ sngar bshad pa rnam pa lnga dang/ dbang po'i dbye bas rgyu ba dang/ rnam par rgyu ba dang/ yang dag par rgyu ba dang/ rab tu rgyu ba dang/ nges par rgyu ba zhes bya ba gzhan lnga'o/ /de la rgyu ba zhes bya ba'i rlung ni mig gi dbang po la brten nas gzugs kyi bya ba rdzogs par byed do/ /rnam par rgyu ba ni rna ba la brten nas sgra'i bya ba byed do/ /yang dag par rgyu ba ni sna'i dbang po la brten nas dri'i bya ba byed do/ /rab tu rgyu ba ni lce'i dbang po la brten nas ro'i bya ba byed do/ /nges par rgyu ba zhes bya ba'i rlung ni lus kyi dbang po la brten nas reg bya'i bya ba byed do/ /yang de rnams thams cad ni mig dang rna ba dang yid la byed pa dang/ gzugs rnams kyi tshogs la brten nas mig la sogs pa'i rnam par shes pa rnams skyed par byed do/ /de ltar na rlung gcig kho na lnga dang bcu nyid du 'gyur/ rnam par shes pa skul bar byed pas ni gar byed pa'i gnas kyi 'khor ba las rnam pa sna tshogs pa'i brgyan blangs 'khor ba na gnas pa'i gar mkhan rnams gar byed du bcug ste/ gtsang ma'i gnas ni ma gtogs par/ /sna tshogs las ni brgyan ldan pas/ /gang du gar ni ma byas pa'i/ /gang gyi gnas ni 'ga' yang med ces gang brjod pa'o/ /de ltar rdo rje bzlas pa'i rten bstan nas/ da ni go rim bstan pa'i phyir/ /rlung gi de nyid rim gyis ni/ /sngags kyi de nyid yang dag 'jug /sngags kyi rdzogs pa rtogs nas ni/ /rdo rje bzlas
- 45b
pa rnams la slob/ /ces gsungs pa'i don ni 'di yin te/ rlung lnga dang nye ba'i rlung 'di de kho na nyid gang yin pa de ni don dam pa'o/ /de'i rim gyis te go rim gyi sngags dang/ A li dang kA lis bskyed pa'i yi ge gsum gyi rang bzhin can rnams kyi de nyid du/ de bzhin nyid la yang dag par 'jug pa'o/ /de nas yi ge gsum gyi rang bzhin du gcig pa'i sngags rnams kyi rdzogs pa'i ni yongs su rdzogs pa'i ngo bo nyid do/ /de rtogs nas de mngon du byas nas rnal 'byor pa rdo rje bzlas pa rnams la te/ rgyud las gsungs pa'i bcu gcig po rnams la slob pa ni legs par bslob pa yin no/ /zhes bya ba'i don to/ /'dir bsam pa ni 'di yin te/ re zhig rlung rnams ni phung po dang khams dang skye mched kyi rang bzhin du gyur nas sems can dang snod kyi 'jig rten gnyis gnyis kyi bye brag du snang ba rnam par rig pa brgyad kyis bsdus par rnam par shes pa'i rten du gyur pas 'khor ba'i 'khor lo skyed par byed do/ /de'i phyir ji srid de rnams pham par ma byas pa de srid du sems rtse gcig par mi 'gyur ba de rtse gcig pa nyid ni de kho na nyid bsgom pa'i stobs las 'thob par 'gyur te/ thub pa chen po'i chos phung po/ /brgyad khri dag dang bzhi stong gi/ gang gi de nyid mi shes pa/ /de yi thams cad 'bras bu med/ ces gang bshad pa dang/ de bzhin du gzhung mdzad pas kyang/ gnyis med mthong ba grol bar 'gyur/ /zhes kyang gsungs so/ /de'i de kho na nyid ni yungs kar phra mo'i tshad tsam gyis thig le'i rnal 'byor yin te/ de bzhin du yang re zhig 'gro ba dang 'ong ba la sogs pa'i bya ba'i rang bzhin can gyi bya ba thams cad 'jug par byed pa'i rlung de rnams ni rtsol ba'i dbang gi 'byung ngo/ /rtsol ba yang rnam par dpyad na kun tu rtsol bar byed pa'i rang bzhin gyi don 'dod pa las 'byung ste/ de yang sems
- 46a
dang ldan pa'i 'du byed kyi bye brag gis rang bzhin yin pas rnam par shes pa las 'byung ngo/ /de ltar na rgyud las 'brel pas 'brel ba'i phyir rlung dang rnam par shes pa dag ni gcig nyid yin te/ de bzhin pa nyid yin pa'i phyir ro/ /rnam par shes pa yang don dam par dpyad na byang chub kyi sems kyi rang bzhin yin te/ de bzhin du yang thabs dang shes rab snyoms par zhugs pas dbang po dang yul dang rnam par shes pa thams cad ro gcig tu gyur pa'i byang chub kyi sems kun rdzob dang don dam pa'i ngo bor nyams su myong bar 'gyur ro/ /de la kun rdzob kyi rten gyi de kho na nyid yin zhing don dam pa ni don dam pa'i de kho na yin no/ /rten dang brten pa dag tha mi dad pa'i phyir rnam par shes pa'i de kho na nyid gang yin pa de kho na rlung gi de kho na nyid yin te/ 'byung ba gang las 'byung zhe na/ /las las shes na mi rung ste/ /de dang 'byung ba ma 'grel zhing/ /las kyi bag chags sems la gnas/ /rlung las shes na rlung gang las/ /rtsol ba las byung gang las te/ /'dod las she na khyed kyis ni/ /lam de khas blangs ma yin nam/ zhes gang bshad pa'o/ /thig le'i gzugs can gyi de nyid rlung gi de kho na nyid de'i rim pa ni rigs dang nyon mongs pa'i dbye bas gnas khyad par can du dgod pa sngon du 'gro ba'i bsgom pa ste/ gnas de rnams dang/ gdong dang snying ga dang gsang ba'i gnas gsum mo/ /kha cig ni smin pa'i dbus dang lte ba'i dbus dag kyang yin no/ /zhes kyang brjod par byed do/ /rim pa 'dis ni rlung gi de kho na nyid khong du chud nas/ sngags kyi de kho na nyid la rab tu 'jug ste/ de yang ji lta bu zhe na sngags thams cad ni A li kA las skyed pa yin te/ /dbyangs dang gsal byed dbye bas yi ge phyi mo bzhi bcu rtsa dgu'o/ /de rnams ni sde tshan brgyad kyi ngo bo nyid la brten nas yi ge dang tshigs la sogs pa'i rim pas chos kyi
- 46b
phung po brgyad khri bzhi stong skyed par byed cing/ phyi rol gyi rig pa'i gnas bcu bzhi dang/ rang gi gzhung lugs kyi rim pas rig pa'i gnas lnga skyed par byed de/ de skad du yang/ bslab dang rtog pa brda sprod dang/ /nges tshig skar ma'i gnas shes dang// sdeb sbyor bsdu ba drug pa ste/ /rigs byed yan lag drug par 'dod/ /nges brjod mchod sbyin snyan tshig dang/ /de bzhin srid bsrungs bzhi pa ste/ /rig pa'i gnas ni thams cad du/ /rig byed bzhir ni brjod pa yin/ /rigs byed yul la dpyod byed pa'i// bdag nyid can ni spyod pa yin/ /rig pa'i bstan bcos rtog pa yin/ /de yang lha drug rim pa las/ /grangs can mchod 'os rigs pa pa/ /'jig rten rgyang phan bde gshegs pa/ /de bzhin du ni dpyod pa can/ /de rnams yan lag bzhi ru bsgrags/ / sngon 'byung gtam ni ston byed pa'i/ /mtshan nyid can ni sngon rabs yin/ /'jig rten 'dod chags bral ba'i phyir/ /bstan pa chos kyi bstan bcos so/ /de rnams ni rig pa'i gnas bcu bzhi ste/ /yan lag rnams dang rig byed bzhi/ /spyod can rig pa rgyas pa dang/ /sngon rabs chos kyi bstan bcos te/ /de rnams rig pa bcu bzhi yin/ /zhes gang bshad pa'o/ /rang gi gzhung lugs kyi rim pas ni lnga ste/ 'di ltar sgra rig pa dang/ gtan tshigs rig pa dang/ gso ba rig pa dang/ nang rig pa dang/ bzo'i las kyi gnas rig pa'o/ /de rnams kyi bye brag ni 'phags pa byams pas gsungs pas 'dir rgyas par mi bya'o/ /de lta na yi ge phyi mo ni dag gi rang bzhin ma lus pa'i rgyur 'gyur ba yin zhing de yang yi ge a las byung ba kho na yin te/ a ni yig 'bru kun gyi mchog /don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste/ /zhes gang gsungs pa'o/ /de nyid thung du lnga'i ngo bo nyid kyis phung po dang rnam par shes pa lnga'i ngo bo yin zhing/ de nyid ma ning
- 47a
bzhi po ma gtogs pa bcu gnyis kyis phyi dang nang gi yul dang dbang po'i rang bzhin nyid yin pas skye mched bcu gnyis kyi ngo bo yin no/ /dbyangs bcu drug gi ngo bo nyid kyi zla ba'i cha bcu drug gi rang bzhin dang/ chos grangs kyi rang bzhin yin no/ /de nyid nyis 'gyur du gyur pas skyes bu chen po'i mtshan sum cu rtsa gnyis kyi ngo bo yin no/ /yi ge a'i dbye bas khams bco brgyad kyi rang bzhin yin te/ thung du ring po 'phar ba dang/ dbyangs rnams gsum dang sprel ba dang/ /sna las rjes 'byung dbye ba yis/ /grangs las bco brgyad bdag nyid ste/ /dbye ba ni thung du dang ring po dang/ gong du bskyed pa dang/ bteg pa dang/ smad pa dang/ dbyangs can dang/ sna las rjes su byung ba dang bcas pa dang/ sna las rjes su byung ba med pa zhes bya ba yin no/ /de bzhin du de nyid gsal ba'i ngo bo thabs kyi rang bzhin no/ /rjes su 'jug pa'i dbyangs dang bcas pa'i mthar gnas gsum dang 'brel pa med par mi 'byung ba rnams dang ldan pa las thabs dang shes rab kyi ngo bo nyid bzhi bcu gnyis 'gyur du byas pa las yi ge a nyid dpe byang bzang po brgyad cu'i rang bzhin yin no/ /gang gi phyir de med na yi ge thams cad brjod par nus pa ma yin te/ rnam par shes pa med pa'i lus bzhin du don gyi bya ba cung zad kyang mi byed pa de'i phyir/ yi ge phyi mo ni a las byung ba yin zhing/ de ni bud med dang skyes pa dang ma ning gi dbye bas yi ge gsum gyi rang bzhin du gyur nas/ spro bar byed pa dang gang bar byed pa dang/ bum pa lta bu'i bye brag gis nyin dang mtshan du rlung nyi khri chig stong drug brgya rgyu ba'i dbye bas sems can gyi khams thams cad la khyab ste gnas so/ /de nyid zhi ba la sogs pa'i dbye ba las mi shigs pa'i yi ger zhugs te/ las kyi tshigs sgrub par byed do/ /de nyid sgra'i bye brag rnam pa bcu la brten nas sngags kyi
- 47b
'khor lo rnam pa sna tshogs pa skyed de/ rnal 'byor chen po'i rgyud dpal rdo rje sa 'og las/ yi ge dang ni dbyangs dang sgra/ /nga ro ku co sgra skad dang/ /'ur sgra brtsegs dang gsal ba dang/ /gcod de sgra yis mtshan nyid bcu/ /lkog ma mchu rkan so la sogs/ / dbye ba dag gis dmigs 'gyur zhing/ /yi ge tshig gsal rten du 'gyur/ /de ni yi ge yin par brjod/ /tshangs pa'i 'jig rten sogs rnams su/ /drug skyes sogs dbyangs dbye ba yis/ /tshangs pas smra rnams glur len pa'i/ /dbyangs ni rnam pa bdun du gnas/ /skad dbyings rtags dang tshig la sogs/ /'byung po ming gi rang bzhin du/ /'dir gnas sgra yi bstan bcos gang/ /sgra de kun nas gnas pa yin/ /sgra yi mthar ni snyan pa ru/ /gang zhig thos par 'gyur ba dang/ /yid ni bde bar byed pa ni/ /nga ro zhes ni mngon par brjod/ /bya dang sil snyan skye bo rnams/ /'dus pa las ni 'byung 'gyur zhing/ /bye brag med cing gsal ba gang/ /de kun ku co zhes byar sgrags/ /rgyud mangs dril bu sogs brdungs pa/ /de las byung ba'i skra grags pa/ /yid ni bde bar byed pa gang/ /sgra skad ces ni mngon par brjod/ /ji ltar me ni 'bar ba dang/ /rlung dang chu yi tshogs dag gis/ /sgra ni grags par 'gyur pa de/ /'ur sgra yin par rab tu brjod/ /klu me 'char gyi sgra mtshungs pa/ /nang nang gnas par gyur pa'i sgra/ /rna ba bkab nas thos gyur pa/ /de ni brtsegs dang gsal zhes bya/ /dper na rlung gi bskyod pa yi/ /rgyud mangs las ni phyung ba'i sgra/ /de 'dra'i sgra yi gnas byung ba/ /shes rab can gyi thos pa na/ /lte ba'i phyogs nas yang dag 'byung/ /de nyid nye bar dmigs pa na/ /bum pa'i nang gi bung ba bzhin/ /de ni zab cing snyan pa dang/ /shin tu phra bar 'jug pa yi/ /sgrar ni nye bar thos 'gyur zhing/ /sems nyid kyis ni shes bya ba/ /de ni gcod ces bya ba ste/ /til mar
- 48a
gyis ni til sogs bzhin/ /de yi 'di dag thams cad khyab/ /the tshom med cing brjod du med/ /dbyangs dang yi ge rnam spangs pa/ /de ni phyi nang rtag pa yin/ /de ni tshangs pa dam par brjod/ /de ni sus kyang brjod pa dang/ /bzhig par nus pa nyid ma yin/ /'di ltar rang nyid 'byung ba ste/ /de ni khyab bdag lus la gnas/ /da ni yul dang 'khor ba dang/ /za byed lus dang rmongs byed du/ /ji srid du ni mi shes pa/ /de srid kho nar phyugs shes bya/ /thams cad na ni gnas pa ste/ /tshangs pa dam par brjod pa ste/ /sngags kyi de nyid shes nas ni/ /'khor ba'i gzebs las grol bar 'gyur/ /zhes bya ba la sogs pa gang gsungs pa'i rim pas sngags kyi de kho na nyid gsal bar byas pa yin te/ sngags kyi de kho na nyid las sngags kyi rdzogs pa 'byung ngo/ /de yang ji lta bu zhe na/ 'dir rnal 'byor pas lte ba'i dkyil 'khor la gnas pa'i chos kyi dbyings kyi 'khor lo rtsibs brgyad pa'i lte ba la yi ge a 'bar bar gyur pa bsams te/ mgo bo la sogs pa rnams su yang yi ge gsum bkod nas de 'jug pa la sogs pa'i rim gyi bzlas pa bya ste/ cha shas dang cha shas kyi dbye bas de bsdus nas der bcug ste/ de yang chos kyi dbyings kyi 'khor lor thim par byas shing de yang 'od gsal ba'i ngo bor shes par bya ste/ gnas pa zhes bya ba 'di ni sngags kyi rdzogs pa ste/ shin tu mthar thug pa yin pas de nyid kyi phyir 'di ni mi nang gi bzlas pa zhes bya'o/ /de lta bu'i rnam pa can gyi rnal 'byor pa ni rdo rje bzlas pa la legs par bslab pa yin no/ /zhes bya ba'i don to/ /dgongs pas ma yin pa'o/ /da ni rim pa bzhi'i go rim rdo rje bzlas nas rnal 'byor pa/ /sems la dmigs pa thob par 'gyur/ /sems la dmigs pa rtogs nas ni/ /ye shes sku ni thob par 'gyur/ /sgyu ma lta bu'i ting nge 'dzin gnas/ /gnyis med ye shes
- 48b
thob par 'gyur/ /zung 'jug ting 'dzin la gnas nas/ /slar zhing ga la 'ang mi slob bo/ /zhes bya ba la sogs pa gsungs pa'i don ni 'di yin te/ rdo rje bzlas pa'i rim pas dag rnam par byed pa byas ba na rnal 'byor pa sems shes pa gsum gyi bdag nyid can la dmigs pa ste/ rnam par dag pa thob par 'gyur ro/ /kun gzhi dang nyon mongs pa can dang 'jug pa'i rnam par shes pa'i rang bzhin brgya drug cu'i tshogs dang bcas pa'i rnam par shes pa gsum gyi ni 'gro ba rnams la nyin dang mtshan du zo chun gyi 'khrul 'khor bzhin du 'khor bar byed do/ /rtsa ba med cing gnas pa med pa kha dog med cing rtags med la dbyibs med par gyur pa gang yin pa'i rnam par shes pa gsum po ni glo bur ba'i nyon mongs pa'i bag chags kyi ral gri rnon po thogs nas 'khor ba'i 'brog dkon pa'i gnas su 'gro ba'i 'gron po rnams kyi dge ba'i rtsa ba'i nor 'phrogs nas bsad cing skye gnas gzhan du 'phen par byed do/ /ji skad du/ thal mtshan gyi chu bo'i mdo las/ 'brog dgon pa na gnas pa'i dge slong lag pa gyen du brkyang ste nyin bar/ bdag ni nor 'phrog byed pa'i choms rkun rnams la 'jigs pa med/ /de rnams nor tsam 'ba' zhig 'phrog par byed de de yang med/ /yid la yang du bsags pa'i dge ba'i nor/ /tha ma rnam rtog dag gis dbang med par ni 'phrog par byed/ ces 'bod do zhes gsungs so/ /de'i phyir rnam par shes pa gsum yongs su mi shes pas kho na 'khor ba yin te/ 'phags pa byams pas/ yang dag ma yin kun rtog ni/ /sems dang sems byung khams gsum pa zhes bya ba la sogs pa gang gsungs pa'o/ /rnam par shes pa gsum gyi rang bzhin gyi sems de la 'chad par 'gyur pa'i sngags dang phyag rgya'i rim pas dmigs shing rnam par sbyong bar byed pa de'i tshe sems rnam
- 49a
par dag par 'gyur te/ sbas pa'o/ /de nas sems rnam par dag pa ste thob nas don dam pa'i bden pa las gcig par langs te/ sngon gyi smon lam 'bras bu dang bcas par bya ba'i don dang/ dbang phyug chen pos lta ba dang mtshungs pa'i chad lam spang pa'i phyir/ rnal 'byor pa dbang po'i gzhu lta bu'i dkyil 'khor pas yongs su bskor cing rnam pa thams cad kyi mchog dang ldan pa nyi ma dang zla ba dang me'i 'od las lhag pa'i gzi brjid dang ldan pa'i dpal rdo rje 'chang chen po'i sku rnam grangs gzhan yang ye shes kyi sku zhes bya ba 'gro ba ma lus pa skad cig tsam gyis rang gi sku dang mtshungs par sgrub par byed pa/ dkyil 'khor gyi 'khor lo gzhan dang gzhan spros pas khams gsum pa rnam par sbyong bar byed pa 'thob par snang ba nye bar 'thob pa la sogs pa phyag rgya bzhis rgyas btab pa'i ye shes kyi sku thob par 'gyur zhes bya ba ni sbas pa yin no/ /de'i rjes la sgyu ma lta bu'i ting nge 'dzin gnas te/ rnam grangs gzhan dag byin gyi brlab pa'i rim pa zhes bya ba 'thob nas gnyis med ye shes 'od gsal ba'i de kho na nyid 'thob par 'gyur ro/ /de bzhin du 'dod chags dang 'dod chags par ma gcig 'dod chags dang bral ba gcig ste/ gnyis po de dag spangs pa yin pa'i phyir gnyis med do/ /mtshan mo dang mtshams gcig nyin mo gcig ste de dag spangs pa nyid yin pa'i phyir gnyis med do/ /dga' ba dang mchog dga' gcig /dga' bral gcig ste/ de dag spangs pa nyid yin pa'i phyir gnyis med do/ /ye shes ni man ngag bzhi pa yin no/ /lhan cig skyes pa'i bde ba chen po yang ye shes yin te/ 'jig rten las 'das pa'i chos nyid rtogs pa'i phyir ro/ /dz+nyA ni ye shes te rtags pa'o/ /na ni 'gag pa ste/ des na 'dod chags la sogs shes pa rnams med pa'i ye shes so/ /de bas na gnyis su med
- 49b
ba yang yin la ye shes kyang yin pas gnyis su med pa'i ye shes so zhes las 'dzin pa'i bsdu ba bya zhing mngon par byang chub pa'i rim pa thob par 'gyur ro/ /zhes bya ba'i don te/ mthar thug pa yin no/ /des de nas gnyid sang pa bzhin du rnal 'byor pa langs te/ thog ma med pa'i smon lam gyi sems nyid bag chags kyi stobs dang/ de'i ro kho nas kun rdzob dang don dam pa tha mi dad pa'i zung 'jug ting 'dzin la bya ste/ rnam pa dang bcas pa dang rnam pa med pa la sogs pa'i zung du 'jug pa ste /bcings shing 'dres par gyur pa ni zung du 'jug pa'o/ /ting nge 'dzin de las langs kyang de la rtse gcig pa'i rang bzhin tsan de la gnas nas 'khor ba ji srid kyi bar du cho 'phrul ston pa dang/ chos rnam pa sna tshogs ston pa'i rim pa dang/ ting 'dzin gyi khyad par gyi sems can gyi don byed pa'i rnal 'byor pa ni bya ba byas pa dang/ byed pa byas pa dang/ bya ba med pa dang/ spros pa med cing 'bras bur gyur pa'i nges par byed pa'i chos kyi dbyings kyi ye shes thob pa nyid yin pa'i phyir gang la yang mi slob po zhes bya ba ni mthar thug pa'o// //da ni de nyid kyi phan yon ni/ de ni rdzogs pa'i rnal 'byor brjod/ /rdo rje 'dzin pa chen po'ang de/ /rnam pa kun gyi mchog ldan pa'i/ /thams cad mkhyen par de nas 'gyur zhes bya ba gsungs te de zhes bya ba'i thams cad kyi ming gis ni rim pa lnga'i 'bras bur gyur pa rim pa lnga pa gzung ngo/ /de ni rdzogs pa yin te rang bzhin gyis grub pa'i chos nyid kyi rang bzhin nyid yin pa dang/ mi slob pa nyid yin pa'i phyir ro/ /ting nge 'dzin gyi rim pas gong nas gong du thob par bya ba nyid yin pa'i phyir /rnal 'byor pa yang yin no/ /de nyid rdo rje 'dzin pa chen po ste/ rdo rje sems dpa' rang gi ngo bo sku gsum gyi bdag nyid can gyi lha'i rnam pa'o/ de yang rnam pa kun gyi mchog ni mtshan dang dpe byad de
- 50a
dag dang ldan pa ste/ brgyan pa'i thams cad mkhyen pa mngon par shes pa drug thob cing stobs bcu dang mi 'jigs pa la sogs pa'i yon tan dang ldan pa rnal 'byor par 'gyur zhing yang dag par 'grub po/ zhes bya ba ni sgra ji bzhin pa'o/ /zhar las byung ba'i 'bras bu ni/ /'das pa dang ni ma 'ongs dang/ /da ltar byung ba'i srid gsum gnas/ /'od gsal ba ni rnam dag pas/ /skad cig de la ma lus mthong/ zhes bya ba gsungs te 'das pa la sogs pa'i dus dang/ yul gyi sems can gyi khams gyi sems kyi spyod pa rnams dang 'chi 'pho ba dang skye ba la sogs pa rnams dang thag ring po na gnas pa yul dang rus dang rang bzhin gyis skal pa'i dngos po rnams mthong ba dang/ thos pa la sogs pa'i srid gsum gnas te khams gsum na gnas pa 'od gsal ba ni rnam dag pas te zung du 'jug pa'i rim pa'i ting nge 'dzin thob pas skad cig de la zhes bya ba skad cig gcig la ma lus pa ste/ sems can gyi khams rnam pa bzhi'i bye brag mthong zhing shes par 'gyur ro/ /zhes bya ba'i tha tshig ste dang pa'i don to/ /'di ltar de kho na nyid rtogs pa las 'bad pa med pa kho na rnal 'byor pa'i dngos grub rnams 'byung bar 'gyur te/ don gcig dam pa'i don du mthong 'gyur na/ /'gro kun don gcig tu ni mthong ba yin/ /'gram gyi phyogs gcig tu ni chu ma thungs na /rgya mtsho ma lus par ni shes par 'gyur/ /zhes bya ba la sogs pa yang bshad do/ /'das pa ni 'dod chags kyi skad cig go /ma 'ongs pa ni 'byung bar 'gyur ba'i rang bzhin gyi 'dod chags dang bral ba'i skad cig go / da ltar 'byung ba ni 'dod chags par ma'i skad cig /de rnams kho na rnam par rtog pa dang bcas pa nyid yin pa'i phyir srid pa gsum gyi rang bzhin yin no/ /ni zhes bya ba ni rgyu mtshan gyi bdun pa yin no/ /des na don 'di yin te/ de rnams shes nas
- 50b
'od gsal ba ni rnam par dag pas zhes bya ba 'od gsal ba'i de kho na nyid lhan cig skyes pa'i dga' ba'i mtshan nyid bzhi pa skad cig de la te/ skad cig tsam gyi rang gi ngo bor mthong zhing mngon du byed do/ /zhes bya ba ni mthar thug pa'o/ /yang na 'das pa ni 'byung ba'i rlung gi rang bzhin yi ge hUM ngo/ /ma 'ongs pa ni 'jug pa'i rlung gi rang bzhin yi ge oM mo/ /da ltar byung ba ni gnas pa'i rlung gi rang bzhin a(rgyud 'grel): 'o/ /yi ge gsum po de rnams srid pa ste/ dkyil 'khor bzhi ru gsum gnas te/ de bzhin du 'jug pa la sogs pa'i rim gyis 'od zer dmar po la sogs pa rnams g.yas la sogs pa'i dbye bas sna'i rtse mor 'dzin pa na/ 'od gsal ba rnam par dag pa'i de kho na nyid la mthong zhing thob par 'gyur te spyi'i don to/ /yang na 'das pa ni kun gzhi rnam par shes pa'o/ /ma 'ongs pa ni nyon mongs pa can gyi yid kyi rnam par shes pa'o/ /da ltar byung ba ni 'jug pa'i rnam par shes pa'o/ /srid pa gsum ni thabs dang shes rab dang ma rig pa'i rang bzhin can gyi rang bzhin rnams so/ /de thams cad skad cig de de la ste/ skad cig dang thab cig dang yud tsam dang/ mig 'dzum dang lag brdabs kyis 'jug pa dang sngags dang phyag rgya'i rim pas gal te 'od gsal ba rnam par dag par byas pa de'i tshe rnal 'byor pa ma lus pa ste 'gro ba ma lus pa'i rang gi ngo bo 'od gsal bar mthong zhing nyams su myong bar 'gyur ro zhes bya ba ni sbas pa'o/ /yang na 'das pa ni chos kyi sku'o/ /ma 'ongs pa ni sprul pa'i sku'o/ /da ltar byung ba ni longs spyod rdzogs pa'i sku'o/ /srid pa na te khams gsum na rnal 'byor pas 'od gsal ba rnam par dag pa ste/ sgyu ma lta bu'i ting nge 'dzin gyis mthong ba ste/ goms par byed cing ma lus par ste gzhan nyid du gnas par gyur pa gang yin pa de dag kyang de skad cig do la de dang 'dra ba nyid du mthong ngo zhes bya ba ni sbas pa'o/ /da ni lung tshang ma yin pa dang bla ma'i zhal la ltos pa'i phyir/
- 51a
dpal ldan 'dus pa'i rgyud du ni/ /de nyid 'di dag rgyas btab gnas/ /bshad pa'i rgyud kyis rjes 'brangs nas/ /bla ma'i zhal las rtogs par bya/ zhes gang gsungs te/ de nyid 'di dag ces bya ba snga ma dang phyi ma'i bye brag gi mtshan nyid can rdo rje 'chang gi go 'phang thob par byed pa'i rgyu'i rim pa lngar bshad pa gang yin pa ni dpal ldan 'dus pa'i rgyud du shin tu legs par rgyas btab gnas te rgyal pos rang gi mdzod bzhin du bcings nas gnas so/ /de'i phyir shin tu gsang ba nyid yin pas khong du chud par mi nus te/ bshad pa'i rgyud rtsa ba'i rgyud kyi 'brel ba lta bu de rnams kyi rjes su 'brangs nas te/ de dag shes par byas nas rtogs pa bya zhing shes par bya'o/ /gal te de lta na 'grel pa la 'bad pas ci dgos she na/ bla ma'i zhal las shes bya ba gsungs te/ bla ma'i zhal las brten nas shes par bya ba'i gzhan du glegs bam klags pa tsam las ni skye ba lnga brgyar yang de kho na nyid thob bar mi 'gyur te/ 'khrul pa bskyed par byed pa nyid dang bcom ldan 'das kyi gsungs pa'i tshig ni shin tu zab pa'i phyir ro/ /gal to shes rab dang ldan pa nyid yin pa'i phyir sdug bsngal chen pos sngags dang rgyud kyi don ci zhig ltar rtogs pa yin yang/ 'on kyang bla ma'i zhal med par sngags kyi dngos grub 'jig rten pa dang 'jig rten las 'das pa grub par mi 'gyur bas de'i phyir rje btsun bla ma rdo rje 'chang gi zhal snga nas dad pa dang 'bad pas mnyes par bya ba yin te/ de'i zhal las de kho na nyid thob par 'gyur ro snyam du dgongs pa yin te sgra ji bzhin pa'o/ /da ni dpal gsang ba 'dus pa las gnas pa'i de kho na nyid gang yin pa mdor bstan pa'i sgo nas bstan pa'i phyir/ de la dang po kho na rlung gi de kho na nyid mdor bstan pa'i tshig rtsa ba'i rgyud la 'jug par bya ste
- 51b
zhes bya ba gsungs te/ rlung gi de kho na nyid ni sngar bshad pa'o/ /mdor bstan pa'i tshig ni gleng slong ba'i tshig gi/ rtsa ba'i rgyud las te dpal ldan gsang ba 'dus pa'i rgyud la gzhug par bya zhing brjod par bya'o zhes bya ba ni sgra ji bzhin pa'o/ /sna yi rtse mong yungs kar bsam/ /'gro dang mi 'gro yungs kar la/ /ye shes gnas mi nyams dga' ba/ /gsang ba'i ye shes kyis brtags bsgom/ /rin chen kho dog sna lnga pa/ /yungs kar gyi ni 'bru tshad tsam/ /sna yi rtsa mong nan tan du/ /rnal 'byor rig pas rtag tu bsgom/ zhes bya ba la/ dang por rdo rje 'chang chen po la sogs pa'i rnal 'byor pa rnams las gang yang rung bas sna'i rtse mor te gsang ba dang snying ga dang gdong gi sna'i rtse mo rnams su yungs kar te byang chub kyi sems kyi thig le tho rangs kyi skar chen gyi rnam pa can rtsa 'khor lo thams cad kyi nang nas byung ba'i byang chub kyi sems kyi snying po sdud pa'i ngo bo bsams te/ de'i rjes la phyi rol gyi mngon par zhen pa spang pa'i phyir yungs kar de la 'gro dang mi 'gro ste brtan pa dang g.yo ba'i bdag nyid can gyi khams gsum pa de las byung ba'i 'od zer gyi 'khor los nang du bcug nas thams cad kyi bdag nyid du bsam par bya ste/ de ltar na bdag dang gzhan gyi rnam par 'byed pa'i rnam par rtogs pa spangs pa'i rnal 'byor pa de tsam la gnas par 'gyur ro/ /de'i rjes su ye shes te rlung bcu po rnams so/ /gnas ni yi ge gsum mo/ /nyams dga' ba ni de bzhin gshegs pa lnga'o/ /gsang ba ni lha mo rnams so/ /ye shes ni byang chub sems dpa' rnams so/ /rtags pa ni khro bo rnams so/ /de'i bdag nyid du bsgom zhing bsam par bya'o/ /de nyid kyi phyir kha dog sna lnga pa ste/ de bzhin gshegs pa'i rigs kyi rab tu dbye bas 'od zer gyi tshogs 'phro bar byed pa yin no/ /sems can gyi khams chen po spro ba'i
- 52a
rnal 'byor gyis bsam pa thams cad yongs su rdzogs par byed pa yin pa'i phyir rin po che dang 'dra ba'i rin chen te rin po che chen po'o/ /yungs kar gyi 'dru tshod tsam ste yungs kar phra mo'i 'bru tshad tsam/ sna'i rtse mor te rdo rje dang pad+ma dag las gang yang rung ba de'i rtse mor bsgom par bya'o/ /rnal 'byor rigs pas zhes bya ba ni yan lag drug pa'i phyogs gcig srog dang rtsol ba mngon par shes pa'i rnal 'byor pas so/ /rtag tu ni nyin mtshan kun tu ste/ /ji srid rtse gcig par gyur pa'i bar du zhes bya ba'i don to/ /'di skad du brjod par bya ste/ 'dod chags la sogs pa'i rigs can gyi rnal 'byor pa'i bye brag gis sna'i rtse mo gsum dang smin ma'i dbus dang lte bar rang dang gzhan du rnam par 'byed pa spangs pa'i thig le tsam rnam par bkod de ji srid du sems rtse gcig pa nyid thob pa de srid du goms par bya'o/ /thig le ji lta bu zhig ces bya ba'i khyad par brjod par bya dgos so zhe na/ brjod par bya ste/ gsang ba'i snar ni thabs dang shes rab snyoms par zhugs pa'i sgo nas byang chub kyi sems 'dus par gyur pa'i thig le'i gzugs su bsgom mo/ /snying ga'i snar ni oM dang ngag gi dbang phyug gis sa bon bsdus shing sems kyi sa bon yang bsdus nas sngags kyi thig le'i gzugs su bsgom mo/ /gdong gi snar ni dkyil 'khor bzhi'i rim gyis spros pa'i 'od zer gyi 'khor lo kha dog dmar po la sogs bsdus pa'i 'od kyi thig le'i gzugs su bsgom mo/ /kha cig ni gsang ba'i sna'i thig le nyid thur du sel ba'i rlung gis/ drangs nas gnyis por gzung bar bya ste/ de ni bde ba chen po'i rang bzhin nyid yin pa'i phyir ro/ /de bzhin du gzhan dag gi yang smin ma dang lte ba'i dbus dag tu brtag par bya'o zhes zer ro/ /'di ni dgongs pas bshad pa'o/ zhes bya ba la/ dgongs pas bshad pa zhes bya ba ni gang zag dbang po rnon po'i don du 'gal ba'i tshigs gis de
- 52b
kho na nyid 'ba' zhig ston par byed de/ ji skad du pha dang ma ni bsang bya zhing/ /rgyal po gtsang ma can gnyis dang/ /yul 'khor rjes mjug bcas bsad na/ /mi ni dag pa rjes su brjod/ /ces bya ba la sogs pa gsungs pa bzhin no/ /da ni bshad pa/ rdo rje tshig 'di'i bshad pa'i lha mo bzhis zhus pa'i bya ba bshad pa'i rgyud las zhes bya ba gsungs te rdo rje ltar mi shigs shing zab mo'i don can gyi tshig ni te chig gis brtsams pa'i dag go/ 'di zhes bya ba sngar bshad pa'i rdo rje'i tshig gis bshad pa ste/ rnam par dbye ba lha mo bzhi ste sangs rgyas spyan la sogs pa rnams kyis zhus pa zhes bya ba'i bshad pa'i rgyud las gsungs te/ sgra ji bzhin pa'o/ /snying po las ni snying po mchog /sangs rgyas kun gyi gsang ba ni/ /gang de thams cad bdag nyid gnas/ /de nyid lha mo bshad par bya/ /ye shes lnga yi rang bzhin dbugs/ /yungs kar gyi ni 'bru tshod tsam/ /de yi dbus su gnas pa'i lha/ /mi gsal gsal ba'i bdag nyid can/ /zhes gsungs pa'i don ni 'di yin te/ de nyid ni don dam pa ste/ kye lha mo sangs rgyas can la sogs pa'i rigs kyi yum khyed rnams la bshad par bya zhing rab tu phye nas bshad par bya'o/ /de nyid ji lta bu zhe na/ snying po ste spyod pa'i rgyud la sogs pa la bltos nas mngon par byang chub pa lnga'i rim gyis bskyed pa'i lha'i rnam pa'o/ /de dag las kyang snying po ni yan lag drug pa la sogs pa'i mtshan nyid kyi rdzogs pa'i rim pa'o/ /de las kyang khyad par du 'phags pa nyid yin pa'i phyir shin tu ste/ /rdo rje bzlas pa'i rnam grangs gzhan rlung gi de kho na nyid ces bya ba'o/ /de nyid kyi phyir ting nge 'dzin thams cad la khyad par du 'phags pa nyid yin pas mchog te dam pa'o/ /sangs rgyas kun gyi ste/ dang po lnga'i sa bsdus pa'i rang bzhin nyid yin pas gsang ba'o/ /yang na ra dang ha ste rdo rje dang pad+ma dag sbyor ba las
- 53a
byung ba'i gsang ba'o/ /yang na skyed pa'i rim pa'i rnal 'byor pa rnams la gsang bar bya ba nyid yin pa'i phyir gsang ba'o/ /thams cad bdag nyid de sku dang gsung dang thugs dag gcig pa'i dngos por gnas pa'i bsdus pa'i gnas skabs su gyur pa'o/ /yang na thams cad bdag nyid te cha drug pa'i lus la gtso bor gyur pa'i khams kyi gzugs kyi gzugs kyis gnas pa'o/ /de bzhin du ye shes lnga ni me long lta bu la sogs pa'i ye shes rnams so/ /de'i rang bzhin ni de'i ngo bo'o/ /de bzhin du yang de'i me long gsal po dang zla ba'i 'od zer dkar po lta bu'i rnam pa'i gzugs can gang yin pa de ni me long lta bu'i ye shes so/ /khams kyi rdzas nyi shu rtsa bzhi ro gcig pa'i dngos por gnas pa gang yin pa de ni mnyam pa nyid kyi ye shes so/ / de'i 'gro ba dang mi 'gro ba gcig pa'i rang bzhin nyid du dpyod pa gang yin pa de ni so sor rtog pa'i ye shes so/ /de las 'od zer gyi 'khor lo spros pas 'gro ba'i don byed pa gang yin pa de ni bya ba nan tan grub pa'i ye shes so/ /de'i nang du shin tu gsal ba'i rang bzhin gyis ye shes bde ba chen po'i rang gi ngo bor nyams su myong ba gang yin pa de ni chos kyi dbyings kyi ye shes so/ zhes brjod par bya'o/ /de nyid kyi phyir yungs kar gyi 'bru tshod tsam zhes bya ba 'di ni de'i tshad bshad pa yin te de lta bu snga ma bzhin sna'i rtse mor gnas par bsams nas/ thig le tsam de'i dbus na gnas pa ste/ yang dag par gnas pa lha rdo rje 'chang chen po bsgom par bya'o/ /de ji lta bu zhig ce na/ mi gsal ba zhes bya ba khyab par byed pa'i rang bzhin nyid yin pas zhal dang phyag dang sku mdog dang dbyibs med pa'o/ /gsal ba'i bdag nyid can zhes bya ba ni de nyid gangs dang zla ba dang/ me tog kunda lta bu'i gzugs kyis gnas pa ste/ zla gsang thig le las kyang rin chen ltar 'bar byang chub
- 53b
sems spros pas/ /rgyal ba kun gyi yongs su dag pa'i sku zhes bya ba la sogs pa 'byung ba'i phyir ro/ /da ni so sor bshad pa 'dus pa'i rgyud phyi ma las kyang don nyid gsal bar bya ba'i phyir zhes bya ba gsungs te/ 'dus pa'i rgyud phyi ma ni dpal gsang ba 'dus pa'i rdo rje'i tshig dka' ba bshad pa'i mtshan nyid le'u bco brgyad pa'o// //de las kyang don 'di nyid nges par bstan te/ rgyud phyi ma ni rdo rje tshig gi the tshom sel bar byed pa'i rang bzhin nyid yin pa'i phyir ro/ /yi ge'i don to/ /ye shes lnga yi rang bzhin dbugs /'byung ba lnga yi ngo bo can/ /pad+ma'i sna rtser phyung nas ni/ /gong bu'i gzugs su brtags par bya/ /rin chen kha dog sna lnga pa/ /srog dang rtsol ba zhes byar bshad/ /rang sngags snying gar bsams nas ni/ /sems ni thig ler gyur par bzhag ces bya ba'i don ni 'di yin te 'dir ni yan lag drug ba'i rnal 'byor gyis rim pas bsnyen pa bshad pa'i skabs su yan lag gsum pa srog dang brtsol ba rnam par bshad par bya ba'i phyir/ de bzhin gshegs pa rnams kyi tshigs su bcad pa gnyis gsungs so/ /ye shes lnga'i rang bzhin ni bshad zin to/ /rlung bcu po sdud par byed pa nyid yin pa'i phyir dbugs so /'byung ba lnga ni sa la sogs pa nam mkha' la thug pa rnams te/ de'i ngo bo can ni rang bzhin no de bzhin du yang de'i ska ba dang sra ba nyid gang yin pa de ni sa'i 'byung ba chen po'o/ /zhu ba nyid dang tshim par byed pa nyid ni chu'i 'byung ba chen po nyid do/ /reg bya dro ba khyad par du 'phags pa dang gsal ba nyid ni me'i 'byung pa chen po'o/ /'gro ba dang 'ong ba dang g.yo ba'i ngo bo nyid ni rlung gi 'byung ba chen po'o/ /de nang na khyad par byed pa'i lhan cig skyes pa'i bde ba dang dmigs pa med pa'i ngo bo nyid ni nam mkha' i 'byung ba chen po ste/ de'i phyir 'byung ba lnga'i ngo bo can yin no/ /de
- 54a
lta bu'i byang chub kyi sems thig le'i gzugs can pad+ma'i sna rtser zhes bya ba nye bar mtshon pa ste/ rdo rje'i rtse mor yan lag thams cad kyi tshigs las bkug nas byung ste de dag gis rtse mor gzur nas/ gong bu'i 'gyur te rdul phra rab kyi gzugs su brtag par bya zhing/ de bzhin gshegs pa ma lus pa'i rang bzhin du gzung bar bya'o/ /kun rdzob dang don dam pa dag gi gcig cig pa'i rang bzhin nyid yin pa'i phyir rin chen no/ /de bzhin gshegs pa'i ngo bo nyid yin pa'i phyir kha dog sna lnga pa'o/ /srog ste bcu'i bdag nyid can gyi rtsol ba ste/ steng dang 'og tu spro ba ni srog dang rtsol ba zhes bya bar bshad do/ /rang sngags ni bcom ldan 'das rdo rje 'chang chen po'o/ /de'i snying gar te thig le'i dbus su bsams nas ni/ /snga ma bzhin du gsal ba dang mi gsal ba'i gzugs can gyi bcom ldan 'das bsams nas so/ /de nas sems rnam par shes pa thig ler chud par te yungs kar phra mo'i tshad tsam gyis dbus su bzhag cing dmigs pa de'i tshe sems dbang du byas bas 'gyur ro/ /sems dbang du byed pa'i rdul phra rabs kyi mthar thug pa dang/ che ba'i rab kyi mthar thug pa yin no zhes gang bshad pa'o/ /dgongs pa ma yin pa'o/ /da ni so sor bshad pa/ yang 'di nyid kyi bshad pa rdo rje phreng ba zhes bya ba bshad pa'i rgyud las gsungs te zhes bya ba ston te/ bsam pa ni gal te gang gi tshe rdo rje phreng ba'i rgyud las so sor bshad pas bshad pa de'i tshe gsal ba nyid yin pa'i phyir bde blag tu rtogs par 'gyur ro/ /zhes bya ba 'di yin te/ yi ge'i don to/ /sna rtsa yungs kar zhes bya ba srog dang rtsol ba'i brtag pa ste/ srog dang rtsol ba la gnas pa'i/ /'od lnga sangs rgyas rnams su bsgom/ /steng gi sna la nges byung ba/ /g.yas dang g.yon dang gnyi ga dang/ /dal bar rgyu dang
- 54b
rnam bzhir 'gyur/ /nang gi dus ni yin par bshad/ /lkog ma snying ga lte ba dang/ /gsang ba'i pad+mar 'gro 'ong ston/ /thun phyed kyi ni dus dag tu/ /go rims ji bzhin gnas par 'gyur/ /don ni 'di yin to/ re zhig dang por rnal 'byor pa thams cad shes rab snyoms par 'jug pas gnas par gyur nas yan lag thams cad kyi tshigs las bsdus pa'i byang chub kyi thig le tsam sna rtser yungs gar mtshungs pa'i tshad tsam snga ma bzhin du srog dang rtsol bar ji ltar 'dod pa bzhin du brtags shing rnam par bsgoms nas/ de'i rjes su la srog dang rtsol ba de la gnas pa'i 'od zer lnga sangs rgyas lnga'i ngo bor bsgom par bya ste/ de rnams kyang rlung lnga'i ngo bo yin no/ /zhes bya ba ni sngar bshad pa kho na yin no/ /de'i rjes la lkog ma la sogs pa bzhi ngo rnams su 'byung ba chen po bzhi'i rang bzhin can gyi dkyil 'khor bzhi'i rang bzhin gyis grub pa 'am/ ya ra la wa rjes su 'jug pa'i dbyangs dang bcas pa'i sa bon gyis bskyed pa'i gru bzhi dang zlum po dang gzhu lta bu dang gru gsum gyis rnam pa can/ ser ba dang dkar po dang ljang gu dang dmar po/ rdo rje chu srin dang dril bu dang rgyal mtshan gyi gos dang ma'i 'od kyi phreng bas mtshan pa rnams bsams te/ dkyil 'khor re re las yi ge gsum 'jug pa la sogs pa'i rim gyis 'od zer gyi 'khor lo spro bar bya'o/ /de yang steng gi sna las te/ gdong gi phyogs las nges par 'byung bar bsgom par bya'o/ /sna'i bu ga g.yon pa nas rlung gi dkyil 'khor las 'od zer spro bar bya'o/ /g.yas pa la ni me'i dkyil 'khor las so/ /gnyi ga las ni sa'i dkyil 'khor las so/ /gnyi ga kho na las chu'i dkyil 'khor las te/ 'on kyang dal zhing rgyu ba dman pa'o/ /de nyid kho na nang gi dus te/ nang gi dus tshod kyi bye brag yin par bshad cing brjod do/ /ji srid 'od zer gyi 'khor lo spro bar bya zhe na/ thun ni phyed phyed dus dag tu/ /zhes
- 55a
bya ba gsungs te/ de ci zhig yin par brjod par bya zhe na/ 'dir nyin dang mtshan la chu tshod drug cu rtsa bzhi yod de/ nyin mo la sum cu rtsa gnyis yod do/ /nyin mtshan la thun brgyad yod do/ /chu tshod brgyad ni thun gyi tshod yin no/ /thun dang thun tshod dang mtshams zhes bya ba rnam grangs yin te/ thun de'i phyed ni chu tshod bzhi'o/ /de'i yang phyed ni chu tshod gnyis te/ de'i tshad kyi dus su 'od zer sna'i rtse mor gzung bar bya'o/ /go rim ni dkyil 'khor gyi rim pas so/ /ji bzhin ni g.yas la sogs pa'i rim gyis shes bya ba'i don to/ /bsam pa ni 'di yin te/ chu tshod brgyad pa'i thun las dbugs 'byung rdub sum cu'i tshad kyi chu tshod phyed ni 'od gsal ba'i skad cig gi dus so/ /nyin mo thun gsum las chu tshod phyed dang gnyis su 'gyur te/ de'i phyir nyin mo la chu tshod gnyis yod do/ /mtshan mo'i thun bzhi la yang chu tshod gnyis yod pa'i phyir chu tshod bzhi ni 'od gsal nyams su myong ba'i dus te/ nang gi dus zhes bya'o/ /lhag ma chu tshod drug cu ni 'jig rten la grags pa'i nyin zhag yin no/ /zhes bya bar gnas te/ dgongs pa ma yin pa'o/ /da ni dkyil 'khor bzhi'i bdag po de bzhin gshegs pa dang kha dog gi dbye ba dang rgyu ba bstan pa'i phyir/ g.yas pa na ni 'byung ba'i 'od/ /de ni me yi dkyil 'khor te/ /'di ni kha dog dmar zhing gsal/ /'di ni pad+ma mgon po'i lha/ /g.yon pa las ni 'byung ba'i 'od/ /rlung gi dkyil 'khor zhes bya ba/ /ljang ser du ni snang ba ste/ /'dir ni las kyi mgon po'i lha/ /gnyi ga las ni 'byung ba'i 'od/ kha dog ser por snang ba che/ /de ni dbang chen dkyil 'khor te/ /'dir ni rin chen mgon po lha/ /dal zhing rgyu ba dman pa ste/ /kunda zla ba bzhin du dkar/ /de ni chu yi dkyil 'khor te/ /'dir ni rdo rje mgon po'i lha/ /zhes bya ba gsungs
- 55b
pa 'dir ni don 'di yin te/ sna bug g.yas pa las byung ba'i 'od zer gang yin pa de ni dbang gi las ni las nus pa dang ldan pa nyid yin pa'i phyir kha dog dmar po ste me'i dkyil 'khor las spro zhing de ni me'i khams kyi rang bzhin gyi 'od dpag tu med pas byin gyis brlabs par shes par bya'o/ /de bzhin du sna bug g.yon pa las byung ba gang yin pa dgug pa'i las la nus pa dang ldan pa nyid yin pa'i phyir kha dog ljang gu ste rlung gi dkyil 'khor las spro zhing de ni rlung gi khams kyi rang bzhin don yod par grub pas byin gyis brlab par shes par bya'o/ /me las dbang du byed pa'i nus pa mthong ste/ bum pa la sogs pa rnams kyi tshos pa dang dmar po'i dngos po bzhin no/ /rlung la yang 'gugs pa'i nus pa yod de/ de'i rang bzhin nyid yin pa'i phyir/ rtsa la sogs pa rnams khyer te 'ong ba bzhin no/ /de bzhin du sna bug gnyis ka nas byung 'od zer gang yin pa de ni 'dir rgyas pa'i las la nus pa dang ldan pa nyid yin pa'i phyir kha dog ser po ste/ sa'i dkyil 'khor las spro bar bya zhing/ de ni sa'i rang bzhin gyi rang bzhin rin chen 'byung ldan gyis byin gyis brlabs par shes par bya'o/ /sa ni lo tog dang rin po che la sogs pa'i ngo bo nyid kyis rgyas par byed par nus pa'i phyir ro/ /de bzhin du sna bug gnyi ga las byung ba'i 'od zer gang yin pa de ni zhi ba'i las la nus pa dang ldan pa nyid yin pa'i phyir kha dog dkar po ste chu'i dkyil 'khor las spro bar bya zhing/ de ni chu'i rang bzhin gyis mi bskyod pas byin gyis brlabs par shes par bya'o/ /'dir ni 'di dpyad par bya ste/ g.yas la sogs pa'i dbye bas spros pa'i rnam par dag pa gang yin zhe na/ rtsa dang khams kyi dbye bas byas pa yin no/ /zhes smra ste/ g.yas kyi rtsan byang chub kyi sems gnas pa de'i phyir/ de'i rang bzhin gyi 'od dpag tu med par spro'o/ /g.yon? na khrag gi
- 56a
khams gnas te/ de'i phyir phrag dog dang nga rgyal dag rigs gcig pa nyid yin pa'i phyir rin chen 'byung ldan don yod pa dag gcig pas don yod par grub pa'i rang bzhin gyi g.yon pa nas spro'o/ /bshad pa'i rgyud dang 'gal ba'i phyir/ /de ji ltar rung ba ma yin nam/ de skad du yang kha sbyor las/ /skye gnas dbus na rtsa gnyis te/ /g.yas dang g.yon dang gnyi ga'o/ /g.yon na khu ba gnas zhes bya/ /g.yas na khrag gi gnas pa nyid do/ /de dag 'dres byed gcig yin te/ chos kyi dbyings ni sdud pa yin/ zhes gsungs pa ste/ de phyir tshad ma 'dis 'gal ba yin no/ /zhe na 'gal ba med de/ g.yon dang g.yas kyi rtsa gnyis las lkog ma nas brtsams nas lte ba'i bar du khu ba dang khrag 'bab cing lte ba las 'og tu ni de dag nyid ni 'phro ba'i dbang gis khu ba dang khrag 'bab pa yin no zhes rdo rje 'phreng ba la sogs pa las bstan pa'i phyir ro/ /bu ga gnyis nas 'phro ba'i rtsa dbus ma 'dod pa'i gdugs zhes bya ba de ni nam mkha' bzhin du dri ma med pa nyid yin pa dang/ de bzhin du gcig 'bab pa nyid yin pa'i phyir rin chen dang mi bskyod pa'i rang bzhin du spro'o/ /zhes pa la nyes pa cung zad kyang med do/ /dgongs pa ma yin pa'o/ /khyab byed rlung gi rang bzhin ni/ /lus kun la ni khyab pa'i rlung/ /bya ba kun la 'jug pa'o/ /de ni rnam snang ngo bo ste/ /'chi ba'i lus las 'byung bar 'gyur/ zhes bya ba gsungs te/ thams cad kyi rten snod kyi 'jig rten rnam par dag par gnas pa rnam par snang mdzad kyi ngo bo khyab byed kyi rlung la dkyil 'khor gyi rim pa spro ba bsdu ba med de/ 'on kyang lus la ni khyab ba ste/ tshogs 'dus ma lus pa la khyab pa'o/ /bya ba kun la te 'gro ba dang 'ong ba dang la sogs pa'i bya ba rnams la 'jug pa la ni 'jug par byed pa'o/ /'chi ba ste srog gi dbang po dang/ rnam
- 56b
par shes pa dag 'gags par 'gyur ba'i lus las te/ shi ba'i phung po las 'byung bar 'gyur zhing 'gro bar 'gyur te/ sa'i bu ga las sbrul bzhin du zhes bya ba ni tshig lhag ma'o/ /de nyid kyi phyir srog 'gags pa'i skad cig de la reg bya'i bye brag 'ga' zhig dmigs pa kho na yin no/ /mjug bsdu ba ni/ rlung gi de nyid gsal ba 'di/ /ye shes lnga yi rang bzhin can/ /rtog ge pa yis ma shes shing/ /rnal 'byor byis pa'i yul min no/ /zhes bya ba gsungs te/ rlung gi de nyid 'di lta bu gsal ba ste/ gsal bar byas pa'o/ /ye shes lnga'i rang bzhin can ni sngar bshad pa'i rim pas dgongs pa dang bcas pa nyid du ston pa'o/ /de ni gsang ba nyid yin pa'i phyir/ bla ma'i zhal las rtogs par bya ba yin gyi rang gi 'dod pas ni shes par bya ba ma yin te/ de'i phyir rtog ge pa yis shes bya ba gsungs te/ phyogs dang gtan tshigs dang dpe la sogs pa'i sgo dang/ rnam par rtog pa rnam pa sna tshogs pa'i dra ba dang/ sor mo bskyod ba'i rnam par bshad pas med pa sgrub par byed cing/ yod pa sun 'don par byed pa gang yin pa lta ba la shin tu mngon par zhen pa rnams la ni de kho na nyid bstan par bya ba ma yin no/ /zhes re zhig bcom ldan 'das kyis thams cad du gsungs so/ /de'i phyir de rnams kyi mi shes rang gi 'dod pas mi rtogs shing de dag la bslab par bya ba yang ma yin no/ /'o na ci nyan thos kyi rigs can rnams snod yin nam zhe na rnal 'byor byis pa zhes bya ba gsungs te/ de rnams ni 'phags pa'i bden pa bzhi'i lam la brten nas ting nge 'dzin la snyoms par zhugs pa nyid yin pa'i phyir/ rnal 'byor pa yang yin la/ brtul zhugs dang sbyangs pa'i yon tan la sogs pas lus sdug bsngal bar byed pa yin pa'i phyir byis pa yang yin pas rnal 'byor byis pa ste/ nyan thos rnams yin no/ /de rnams
- 57a
kyi yul min pa ni yongs su shes par bya ba ma yin pa dang bshad par bya ba ma yin pa'o/ /yang rtog ge pa ni nyan thos pa rnams so/ /rnal 'byor byis pa ni bya ba la sogs pa'i tshul gyi rnal 'byor ba rnams so/ /de rnams kyi yul min zhes bya ba snga ma bzhin te sgra ji bzhin pa'o/ /de ltar zhes bya ba la sogs pas ni sngags kyi de nyid mdor bstan pa gsungs te/ rtsa ba'i rgyud las zhes bya ba ni dpal gsang ba 'dus pa las so/ /de bzhin gshegs pa thams cad kyi sku dang gsung dang thugs kyi gsang ba/ sngags thams cad kyi snying po kun tu skul bar byed pa zhes bya ba mchog tu gsang ba nyid kyi sku dang gsung dang thugs rdo rje las tshig gi lam nges par brjod pas sngags bsdus pa 'di lta bu gsungs so/ /don ni 'di yin te/ sngags kyi de kho na nyid ston pa'i skabs su ji srid sngags kyi de kho na nyid brjod par bya'o/ /de'i phyir sngags kyi bskyed pa gsungs so/ /de bzhin gshegs pa thams cad kyi ste sku rdo rje la sogs pa rnams kyi sku dang gsung dang thugs dang re re zhing sku la sogs pa gang dag yin pa'o/ /de rnams kyi sa bon nyid dang snying po nyid yin pa'i phyir gsang ba'o/ /de bzhin du sngags thams cad kyi ste/ de bzhin gshegs pa thams cad kyi'o/ /snying po ni thugs kyi nus pa'o/ /kun tu skul bar byed pa ni 'gugs par byed pa'o/ /yang na sngags thams cad kyi ste phyi rol gyi gzhung lugs la gugs pa'i sngags drag po rnams kyi snying po skul bar byed pa ni mthu nyams par byed pa'o/ /mchog ni sngags thams cad kyi mchog go / gsang ba ni bya ba la sogs pa'i tshul la brten pa rnams la gsang bar bya'o/ /de nyid kyi sku la yi ge oM mo/ /gsung la yi ge A(rgyud 'grel): 'o/ /thugs la yi ge hUM ngo/ /'on kyang sku la sogs pa rnams tha mi dad pa'i phyir ro/ /tshig gi lam
- 57b
nges par brjod pas te gsung gi lam gyis so/ /yang na tshig las te gsung las so/ /lam las te sku las so/ /nges par brjod pa las te thugs so/ /sngags ni A li kA lis bsdus pa'i snying po la sogs pa'o/ /bsdus pa ni bud med la sogs pa'i bye brag gis sdud par byed pa'o/ /gsung ba ni bcom ldan 'das rdo rje 'chang chen pos gsungs pa'o zhes bya ba ni ngag gi don to/ /de ni dgongs pa ma yin pa dang dgongs pas bshad pa'o/ /dpe brjod pa ni/ oM A(rgyud 'grel): hUM ste a ba zhes bya ba'i skad kyi dbyings gsungs pa la sogs pa rnams la 'jug ste/ srung bar byed cing 'jug pa'i ngo bo nyid kyis gang bar byed pas na oM mo/ /a ba'i mdza' ma yang dbyi zhing man yang sbyar ro zhes bya ba wa dbyi zhing man gyi rkyen sbyar te an phyis nas a ur byas te yon tan byas pas o zhes bya bar 'gyur ro/ /des na 'jug pa'i bdag nyid can yin no/ /zhes bya ba'i don to/ /a sa zhes bya skad kyi byings ni gnas pa la 'jug ste/ sa'i a phyis nas an dang as kyi mdza' can dag ring por 'gyur ro// zhes bya bas a ring por bya zhing sa tshig drag tu byas pas A(rgyud 'grel): zhes bya bar 'gyur ro/ /des na gnas pa'i ngo bo yin no/ /zhes bya ba'i don to/ /hUM zhes bya ba'i skad kyi byings ni 'byung ba la 'jug ste/ de la man gyi rkyen sbyar nas an phyi zhing ring por byas hUM du 'gyur te/ des na 'byung ba'i bdag nyid can yin no/ /zhes bya ba'i don to/ yi ge'i don to/ /oM ni rnam par snang mdzad do/ /A(rgyud 'grel): ni 'od dpag tu med pa'o/ /hUM ni mi bskyod pa'o zhes bya ba ni dgongs pas bshad pa'o/ /a dang u dang ma 'dus pa las yon tan byas pas oM mo/ /a dang a dang thig le gnyis po rnams las ring por byas pas A(rgyud 'grel): 'o/ /mgo dang ha dang a'u dang zla tshes dang thig le te lnga po de rnams 'dus pa las hUM ste/ de bzhin gshegs pa gsum
- 58a
dang/ de bzhin gshegs pa lnga'i rang bzhin gyi yan lag rnams kyi skyed pa yin no/ /zhes bya ba ni spyi'i don to/ /yi ge oM ni 'dod chags dang 'dod chags de 'bral ba'o/ /yi ge A(rgyud 'grel): ni 'dod chags bar ma'o/ /de rnams sdud par byed pa'i rnam pa can gyi man ngag bzhi pa'o mtshan nyid ni yi ge hUM ngo zhes bya ba ni sbas pa'o/ /oM ni kun rdzob po/ /hUM don dam pa'o/ /de dag tha mi dad par byed pa ni yi ge A(rgyud 'grel): ste mthar thug pa'o/ /da ni sngags kyi bzlas pa/ don rtags pa yi bzlas pa ni/ /ngo bo nyid med bzang po ru/ /dus gsum sangs rgyas kyis brtags pa/ /rdo rje bzlas par de bshad do/ /zhes bya ba gsungs pa 'di'i don ni 'di yin no/ /re zhig dang por rnal 'byor pas mgo la sogs pa rnams su yi ge gsum bkod de/ spro bar bya ba byed pa dang gang par byed pa dang bum pa lta bu'i bya bas 'jug pa la sogs pa'i rim gyis sems rtse gcig pa nyid du byas nas don rtogs pa ste de bzhin gshegs pa rnams kyi ye shes kyi mtshan nyid khong du chud pa'i bzlas pa ni yang dang yang du goms par byas pa gang yin pa'o/ /de ni ngo bo nyid med de/ 'od gsal ba'i ngo bo yin zhing bzang po ru ste rtog pa'i dra ba ma lus pa rab tu zhi ba'i phyir yid du 'ong bar dus gsum sangs rgyas kyi rang bzhin du lhag par mos par brtag pa ni rdo rje bzlas pa te mi shigs pa'i bzlas par bshad do dgongs pa ma yin pa'o/ /yang na don 'jig rten gyi lus kyi tshogs rnams rtogs pa ste rang gi lus dang bcas par lus zhes bya ba gcig kyang ma yin du ma yang ma yin zhes bya ba'i bzlas pa ni brtags pa gang yin pa'o/ /ngo bo nyid med de lus rjes su dran pa'i bdag nyid yin zhing bzang po ste/ 'jig rten las 'das pa'i shes rab kyis yang dag par rtogs par bya bar dus gsum sangs rgyas te dus gsum sems can rnams
- 58b
dang 'brel pa'i lus brtag pa gang yin pa de ni rdo rje ste sku'i bzlas par bshad do/ /zhes bya ba'i sku'i bzlas pa ste dgongs pas bshad pa'o/ /de bzhin du gang gi don rtogs shing shes pa de rnams ni don rtogs pa ste tshig go /'jig rten gyi tshig de rnams rang gi tshig dang bcas pas sgra dang sgra ma yin par spyod pa'i bzlas pa'o/ /de ni ngo bo nyid med de rang bzhin gyis stong pa yin zhing bzang po ru ste so sor rtog pa'i ye shes kyi rang bzhin can gyi 'od dpag tu med pa'i ngo bor dus gsum sangs rgyas te yi ge gsum gyi bdag nyid kyi sngags thams cad brtag pa ni 'od gsal ba rtogs pa gang yin pa'o/ /de ni rdo rje ste gsung rnams kyi bzlas par bshad do/ /zhes bya ba ni gsung gi bzlas pa ste/ dgongs pas bshad pa'o/ /de bzhin du don rtogs shing zhes pas na dan rtogs pa ste sems so/ /khams gsum pa'i sems can gyi rgyud la gnas pa de rang gi sems dang lhan cig yod pa dang med pa spangs pa nyid du rtogs pa zhes bya ba gang yin pa ni bzlas pa'o/ /de ni ngo bo nyid med de/ sems dran pa nye bar bzhag pa'i rang bzhin dang bzang po ru ste/ 'jig rten las 'das pa'i rjes las thob pa'i ye shes kyi bdag nyid dus gsum ste 'dod chags la sogs pa brgya drug cu'i dbye bas gnas pa'i sangs rgyas te rang bzhin rnams brtag pa ni 'od gsal ba'i rang gi ngo bor gyur par bya ba nyid gang yin pa'o/ /de ni rdo rje ste thugs kyi bzlas par bshad do/ /zhes bya ba ni thugs kyi bzlas pa ste dgongs pas bshad pa'o/ /de bzhin du don te 'dod chags dang zhe sdang dang gti mug rnams rtogs pa ste/ 'dod chags la sogs pa rnams 'dod chags dang 'dod chags ma yin pa la sogs pa nyid du dpyad pa byas nas bzlas pa ni sems can rnams 'dod chags dang zhe sdang dang gti mug rnam par dag
- 59a
pa la dgod par bya'o snyam du dpyod pa gang yin pa'o/ /de nyid ni 'dod chags la sogs pa rnam par dag pa'i ngo bo nyid yin pa'i phyir ngo bo nyid do/ /rtag tu dri dang bral zhing zag pa med pa'i bde ba'i ngo bo nyid yin pa'i phyir bzang po'o/ /dus gsum sangs rgyas te khams gsum na gnas pa'i sems can rnams so/ /rtag pa ni de rnams rnam par dag pa'i ngo bo nyid du dpyad pa gang yin pa'o/ /de ni rdo rje ste 'dod chags la sogs pa rnams kyis bzlas par bshad do/ / zhes bya ba ni 'dod chags kyi bzlas pa dang zhe sdang gi bzlas pa dang gti mug gi bzlas pa ste dgongs pas bshad pa'o/ /don rtogs pa ni lha dang sngags dag gcig pa nyid do/ /des bzlas pa ni yang dang yang du goms par byed pa'o/ /des ngo bo nyid med de/ mngon par zhen pa spangs pa dang bzang po ste/ spro ba'i rim gyis sems can gyi don byed pas dus gsum sangs rgyas te/ 'gro ba rnams brtag pa ni bsam pa thams cad yongs su skod ba'o/ /de ni rdo rje ltar mi phyed pa'i nam mkha' mdzod kyi rang bzhin gyi rin chen 'byung ldan gyi bzlas par brjod do/ /zhes bya ba ni rin chen bzlas pa ste dgongs pas bshad pa'o/ /don rtogs pa ni 'gro ba ma lus pa rjes su 'dzin par byed pa'i bya ba nan tan bsgrub pa'i ye shes so/ /de bzlas pa ste de la brten nas smin pa dang grol ba la sogs pa'i mtshan nyid kyi bya ba ste/ de ni ngo bo nyid med de/ 'khor gsum rnam par dag pa'i ngo bo dang/ bzang po'i ste yongs su 'dzin par byed par dus gsum sangs rgyas te/ lus dang ngag dang sems rnams brtags pa ni de'i rang bzhin nyid du brtags pa gang yin pa'o/ /de ni bzlas pa ste don yod pa'i bzlas pa zhes bya bar brjod do/ /don yod pa'i bzlas pa ste/ dgongs pas bshad pa'o/ /don rtogs pa ni dngos po thams cad
- 59b
'khyen pa'i sangs rgyas dang byang chub sems dpa' rnams te/ de rnams kyis ci nas kyang thos par bya'o snyam pa'i dad pas sngags kyi tshig rnams shin tu gsal bar 'don pas bzlas pa gang yin pa ni don rtogs pa'i bzlas pa'o/ /ngo bo nyid med pa ste rnam par rtogs pa pa'i bzang po yis te sems kyis dus gsum sangs rgyas brtags pa ste/ de rnams la dmigs nas bzlas pa gang yin pa'o/ /de ni rdo rje ltar bstan pa'i khro bo rnams kyis bzlas pa ste/ rdo rje bzlas pa yin zhing khro bo'i bzlas pa zhes brjod do/ /zhes bya ba ni khro bo'i bzlas pa ste/ dgongs pas bshad pa'o/ /don rtogs pa ni srog dang rtsol ba dag ste/ de dag phyogs dang yul dang dus dang kha dog dang dbyings spangs nas bzlas pa'i don rtogs pa'i bzlas pa'o/ /de nyid kyi phyir rnam pa thams cad dang bral ba nyid yin pas ngo bo nyid med do/ /zhi ba nyid yin pa'i phyir bzang po'o/ /dus gsum ni 'jug pa dang gnas pa dang 'byung ba'o/ /sangs rgyas ni rlung rnams so/ /de rnams brtag pa ste thams cad stong pa'i de kho na nyid du khong du chud pa gang yin pa ni rdo rje bzlas pa ste ma ning gi bzlas pa zhes bya bar bshad do/ /zhes bya ba ni ma ning gi bzlas pa ste dgongs pas bshad pa'o/ /de ltar na rdo rje bzlas pa rnam pa bcu gcig yin zhes bshad do/ /da ni de nyid kyi dbye ba gzhan slong mo za zhing mi zla ste/ slong la dga' bar mi bya'o/ /'dod pa kun la longs spyod cing/ /sngags kyi yan lag mnyams bzlas/ /zhes bya ba gsungs te/ don ni 'di yin no/ /slong mo za zhing ste dman pa'i sems su bya ba ma yin pa'o/ /slong la dga' bar mi bya ba ni zas gang yang rung ba zhig rnyed pas chog shes par bya ba'i zas pa mngon par chags par bya ba ni ma yin pa'o/ /sngags kyi yan lag ma nyams bzlas te/ zhes bya ba gsungs te/ don 'di yin no/ /lha'i rnal 'byor tha dad pa med pa'i de'i tshe rnal 'byor pa 'dod pa
- 60a
kun la longs spyod par 'gyur te/ drang ba'i don to/ /yang na slong mo ni tha dad pa'i rnam pa can gyi yi ge rnams so/ /de za ba ste de brjod par byed pas bzlas par mi bya'o/ /slong la ste phyi rol gyi zas la dga' bar mi bya'i bon kyang bsam gtan gyi zas kyis gnas par bya'o/ /zhes pa'i tha tshig go /sngags kyi yan lag ma nyams pa ste/ yi ge gsum tha dad pa'i rnam par rtog pa spangs pa'i sngags 'dod pa kun la longs spyod cing ste 'dod pa'i yon tan lnga la nye bar longs spyod pa bzhin du bzlas par bya'o zhes bya ba ni nges pa'i don to/ /zhes bya ba ni mdor bstan pa'i tshig yin zhes bya ba ni rtsa ba'i rgyud las sngags kyi de kho na nyid gleng slad pa'i tshig go/ de ltar mdor bstan pa byas nas/ dgongs pa lung bstan pa'i rgyud las bshad pa/ de las dpal ldan snang mdzad che/ /khyab bdag la ni slar sgrol ba/ /sems can thams cad bskyed pa po/ /sna tshogs gzugs can sems 'di ni/ /rang bzhin med kyang skye bar 'gyur/ /dngos po zhes byar rab tu grags/ /byang chub sems ni mkha' mnyam pa/ /nyams su myong bar bgyi ba'i phyir/ /'gro ba'i ngan ni mdzad slad du/ /skye bo mchog la de bstan gsol/ /bsgrub pa yi ni thabs tsam zhig /shes nas rgyud la rgyab mi mkhas/ /'di ltar bdag ni slob dpon zhes/ /lung las mkhas pa rnams la smra/ /bdag gi tshig ni bdag nyid shes/ /de skad smras nas byas pa 'jig /des ni dgongs pa'i byang chub sems/ /ji bzhin don du mi shes so/ /zhes bya ba gsungs pa 'di'i don ni/ 'di yin te / sngags kyi de kho na nyid gsal bar bya ba dang/ ma 'ong pa'i sems can rnams kyi snod ma yin pa nyid gsan par bya ba dang/ yang dag pa'i bstan pa la bskul bar bya ba'i phyir bcom ldan 'das rdo rje 'chang la gsol ba 'debs te/ de gnas te le'u'i
- 60b
rjes thogs su'o/ /dpal ldan ni phyag na rdo rje'o/ /snang mdzad che ni rdo rje 'chang chen po'o/ /khyab bdag ni de bzhin gshegs pa thams cad kyi bdag po'o/ /slar gsol ni lan du dri ba zhus pa'o/ /zhes bya ba ni sgra ji bzhin pa'o/ /kye bcom ldan 'das rdo rje 'chang chen po sems rnam par shes pa 'di ni re zhig sna tshogs gzugs can te dngos po thams cad kyi rang bzhin du gnas pa'o/ /sems can thams cad ni brtan pa dang g.yo ba la sogs pa'i dngos po rnams so/ /skyed pa po zhes bya ba ni/ skyed par byed pa po'i rang bzhin no 'on kyang rnam par dpyad na rang bzhin med pa ste chos thams cad bdag med par skye zhing de'i rang bzhin kho na yin yang/ 'on kyang mi shes pa'i bag chags kyi dbang gi dngos po zhes bya ste/ yul dang dbang po dang brtan pa dang g.yo ba'i dngos po'i ngo bor rab tu grags bya ba ni so sor rtog pa'o/ /de lta bu sems kyi rang bzhin rnal 'byor gyi mngon sum mam/ rang rig pa'i mngon sum gyi tshang mas nyams su myong bar bgyi zhing mngon du bgyi ba'i phyir te/ bdag cag gi sems kyi rgyud bstan par bgyi ba'i slad du bcom ldan 'das rdo rje 'chang gis bstan du gsol zhing bshad du gsol/ su la zhe na skye'o mchog la ste dad pa la sogs pa'i yon tan sngon du song ba'i nyan pa po snod du bsdu ba la'o/ /sems kyi rang gi ngo bo de yang byang chub kyi sems te/ don dam pa'i de kho na nyid kyi ngo bo'o/ /mkha' mnyam pa ni nam mkha' bzhin du gos pa med pa'o/ /ci'i phyir bstan par bya zhe na/ 'gro ba'i don te sems kyi don mdzad pa'i slad du'o/ /'di ltar da ltar gyi dus kyi nyan pa po 'di dag ni nga rgyal can yin te/ 'di lta ste gang du sa bon la sogs pa 'ba' zhig dang bzlas ba tsam gtso bor gyur pa'i lha'i bskyed pa tsam thabs gang gis bsgrub pa ni sgrub pa'i thabs tsam mo/ /de shes shing thos nas rgyud la ste/ rtsa ba'i rgyud la yang mi mkhas shing mi shes na re zhig rgyud gzhan rnams lta zhog snyam du dgongs
- 61a
pa'o/ /de'i phyir de tsam kho nas don byas pa nyid yin par sems so/ /gal te de lta yin yang de'i tshe nyes pa med na/ bdag ni slob dpon te rdo rje slob dpon gyi zhal snga nas yin zhes bya ba'i bar du smra zhing rang gi kha nas sam/ gzhan gyi kha nas grams pa sgrogs par byed do/ /gal te byis pa rnams kyi nang smra ba de'i tshe 'thad pa yin no/ /ji srid lung la mkhas pa rnams la ste bstan bcos mang po shes pa de rnams la yang smra bar byed do/ /bstan bcos la mkhas pa ste rnams ni de dag la 'di skad smras pa de ni rigs so/ /zhe 'am mi rigs so zhes smra bar mi byed do/ /gang gi phyir cung zad tsam shes pa nyid yin pa'i phyir mgu bar dka' ba dag yin te/ bde bas mgu bar bya bar mi shes pa/ /shin tu bde bas mgu ba mkhas pa ste/ /shes pa'i cha yi blo ngan gyur pa'i mi/ /tshangs pas kyang ni mgu bar nus pa min/ zhes gang bshad pa'o/ de bzhin du de skad smras nas byis pa'i blo can rnams 'jig cing lam ngan pa la skul bar byed do/ /ji skad du zhe na bdag gi tshig de kho na nyid gtso bor gyur pa gang yin pa 'di ni gzhan gang gis kyang shes pa ma yin gyi 'on kyang man ngag mang po yod pa nyid yin pa'i phyir bdag nyid kyi mi shes pa yin te/ ji srid du bdag gnas pa de srid du bcom ldan 'das rdo rje 'chang gi bstan pa 'dzam bu'i gling du rgyas shing sdong la gnas par 'gyur ro/ /zhes bya ba'i don to/ /de lta bu'i rnam pa can gyi nyan pa po/ bstan pa 'jigs par byed pa'i bdag nyid ngan pa'i bdud nyid 'byung ste/ des ni dgongs pa'i byang chub sems te don zab mo smon? par byed pa'i sgras bstan par bya ba ji bzhin du ste de kho na nyid du mi shes shing mi rtogs so/ /de'i phyir bcom ldan 'das la rin po che lta bu'i gang zag gi ched du mdzad nas tsan dan lta bu la sogs pa'i gang zag rnams rjes su
- 61b
gzung ba'i phyir de kho na nyid bstan du gsol zhes gsol ba 'debs te yi ge'i don to/ /gsol ba btab pa'i rjes thogs la bcom ldan 'das kyis/ /de nas bdag po bcom ldan 'das/ /rnam par snang mdzad thub chen gyis/ /legs zhes lan gsum gsungs mdzad nas/ /lag na rdo rje la 'di gsungs/ /mi rtog don gyi de nyid ni/ /rab tu phye nas bshad par bya/ zhes bya ba gsungs te/ bdag po ni drug pa'o/ /'dod chags la sogs pa'i nyon mongs pa 'joms par byed pa'i bcom ldan 'das te yi ge'i don to/ /d+ha ga dang 'brel pas 'gro ba skyed par byed pa nyid yin pa'i phyir bcom ldan 'das te phyi'i don to/ /b+ha gar byang chub kyi sems kyi gzugs su gnas par byed na bcom ldan 'das te sbas pa'o/ /gnyis su med pa'i ye shes ni bcom pa ste de dang ldan pa'i phyir bcom ldan 'das so/ /zhes bya ba ni mthar thug pa'o/ /rdo rje 'chang chen po rjes su zhugs pas rnam par snang mdzad ni rnam par snang mdzad chen po'o/ /ye shes gsum shes shing rtogs pa'i phyir thub pa ste sbas pa'o/ /lag na rdo rje la legs so zhes bya ba byin nas 'di gsungs so/ /dri ba mchog nyid yin pa'i phyir lan gsum mdzad do/ /mi rtogs don gyi ste sngags rnams kyi de nyid don dam pa sngags kyi de kho na bshad par bya zhing brjod par bya'o/ / rab tu phye nas zhes bya ba ni sngags kyi de kho na nyid 'ba' zhig ma yin gyi/ 'on kyang sngags btu ba dang sngags kyi don dang sngags kyi brda rnams kyang bshad par bya'o zhes pa'i don te/ yi ge'i don to/ /de la dang po mdor bstan te/ brjod dang dmigs pa zhes bya ba brdar brtags dang ni don dam mo/ /brjod cing yi ge phyi mo las btu bar bya ba yin pas brjod pa ste sngags btu ba'o/ /rjod par byed pa'i sngags brjod pa'i sgo nas brjod par bya ba'i ngo bo nyid du rtogs par bya zhing dmigs par bya ba yin pas na dmigs
- 62a
pa ni sngags kyi don to/ /brdar brtags pa ni ming ngo/ /don dam pa ni de kho na nyid de/ sgra ji bzhin pa'o/ /bshad pa ni tshig gi brjod pa thun mong ste/ dmigs pa sangs rgyas nyid de yin/ /brda zhes bya ba sngags yin te/ don dam de bzhin nyid yin no/ /zhes bya ba gsungs te/ thun mong zhes bya ba ni snying po dang nye ba'i snying po la sogs pa rnams dang/ 'jig rten dang 'jig rten las 'das pa la sogs pa'i bstan bcos thams cad la nor bu'i phreng ba'i nang gi skud pa bzhin khyab par byed pa'i yi ge phyi mo ste/ de las sngags btu bar bya ba'o/ /de ni tshig tu brjod pa ste sngags btu ba'o/ /sgra ji bzhin pa'o/ /dmigs pa zhes bya ba ni rnam par snang mdzad la sogs pa'i sangs rgyas rnams kyi de nyid de rang gi ngo bo'o/ oM la sogs pa rnams kyi don ni go rim bzhin du sku rdo rje la sogs pa rnams yin te/ de kho na bzhin du yi ge phyi mo'i don yang dbyangs dang gsal bya'i dbye bas thabs dang shes rab dag yin na/ /de bzhin du gzhan dag la yang shes par bya ste spyi'i don to/ /brda zhes bya ba sngags yin te/ zhes bya ba ni sngags kyi ming ste/ sprul dang mgo ? dang mdza' med dang btus pa la sogs pa rnams so/ /'di rnams kyi rab tu dbye ba ni las kyi bye brag las shes par bya ste sgra ji bzhin pa'o/ /don dam zhes bya ba ni kho na nyid de spros pa thams cad bral ba'i 'od gsal ba yin par shes par bya'o/ /zhes bya ba ni mthar thug pa'o/ /de ni so sor bshad pa/ dang po gcig ni dgu dbus na/ /gang zhig bcu yis ma bcings pa/ /de ni bcings med zhes bya ste/ /da ni mchog gi gnas shes pa/ /zhes bya ba gsungs te gcig ni re zhig yi ge A(rgyud 'grel): 'o/ /de nyid ni dang po ste yi ge phyi mo thams cad 'byung ba'i rgyur gyur pa'o/ /mtshan yang dag par brjod
- 62b
pa las/ a ni yig 'bru kun gyi mchog /ces gsungs pa'i phyir ro/ /dgu ste yi ge phyi mo'i sde tshan rnams kyi dbus na khyab par byed pa'i ngo bo nyid du gnas pa/ de med na brjod par mi nus te dbyangs med pa'i phyir zhes bya ba la sogs pa bzhin no/ / de la dbyangs kyi sde tshan ni rnam pa gnyis te// //a i u ri li e o aM ni/ thung ngu'i sde tshan no/ /A a'i a'u rI lI i aau A(rgyud 'grel): ni ring po'i sde tshan no/ /ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa ha te de ltar dgu'o/ /sde tshan dgu'o/ /de rnams kyi dbus na gnas pa gang zhe na/ bcu yis te dgu po de rnams dang bdag nyid kyis so/ /bcings pa ni de rnams kyis ma khyab cing 'on kyang des ni de rnams la khyab pa'o/ /de rnal 'byor pa gang gis shes pa de ni ma bcings pa ste/ yi ge a yis bcings pa'i sngags kyi tshogs thams cad shes shing rtogs pa'o/ /rnal 'byor pa de ni mchog gi gnas te/ de las byung ba'i yi ge gsum gyi de kho na nyid shes pa yin no/ /zhes bya ba'i don te/ yi ge'i don to/ /re zhig gcig ni thams cad la nyid kyi rang bzhin gyi chos sku'o/ /dgu ste phung po lnga dang 'byung ba chen po bzhi'i dbus na gnas kyang bcu yis te dbang po dang yul gyi rnam par rtogs pa rnams kyis ma bcings shing ma bsgribs pa ste chos kyi sku'i rang bzhin dag pa nyid yin pa'i phyir ro/ /de ni bcings med de nyon mongs dang shes bya'i sgrib pa'i rnam par rtogs pa rnams kyis zil gyis mi non pa shes pa gang yin pa'i rnal 'byor ba de ni mchog gi gnas te/ chos kyi sku'i rang bzhin gyis sangs rgyas nyid do/ /shes pa ni rtogs shing thob pa'o/ zhes bya ba'i don te spyi'i don to/ /yang na re zhig gcig ni bcom ldan 'das 'brug gi sgra ste/ thugs rdo rje 'dzin gyi sa bon no/ /de ni dgu ste sa dang chu dang me dang rlung gi rang bzhin can gyi
- 63a
dkyil 'khor bzhi dang/ de bzhin du gru bzhi dang zlum po dang gru gsum dang gzhu lta bu'i lkog ma dang snying ga dang? lte ba dang gsang ba'i gnas te/ brgyad na dgu pa ni mgo bo la sogs par gnas pa'i hUM gang yin pa'o/ /bcu yis te de rnams dang bdag nyid kyis so/ /ma bcings pa ni rlung gi rim gyis rnam par brtog pa'i lam la mi 'jug pa'o/ /de lta bu 'di ni bcings med de rang bzhin gyis dag pa'i bzlas pa gang gis shes pa de ni mchog gis gnas te/ 'jug pa la sogs pa spangs pa'i de kho na nyid do/ /shes pa ni mngon du byed do/ /zhes bya ba'i don te spyi'i don to/ /chos kyi dbyings kyi zhus pa las kyang/ mgo med snying gi padmor gnas/ /kha yis pad+mar mgo bo gnas/ /sgra ni gsang ba'i pad+mar gnas/ /sgra mdza' lte ba'i pad+mar gnas/ zhes gsungs so/ /yang na gcig ni re zhig 'dod pa'i gdugs zhes bya ba'i rtsa'o/ /de nyid dang po ste tshangs pa'i sgo nas brtsams te/ gsang ba'i gnas kyi khyad par du khyab par byed pa nyid yin pa'i phyir ro/ /dgu ste pad+ma 'dab ma brgyad pa lte ba dang bcas pa'i dbus na khyab par byed pa'o/ /bcu yis te rtsa dgu po de rnams dang rang nyid kyis ma bcings pa ni lhan cig skyes pa'i rang bzhin nyid yin pa'i phyir 'dod chags la sogs pa'i nyes pa rnams kyi dri ma can du bya ba ma yin pa'o/ /de'i phyir de ni bcings med do/ /'dod chags la sogs pa rnams dang ma 'dres pa'o/ /shes pa ni thabs dang shes rab snyoms par 'jug pas de la rjes su 'jug pa bde ba chen po nyams su myang ba'i rnal 'byor pa gang yin pa'o/ /de ni mchog gnas te rdo rje sems dpa' i go 'phang shes shing thob pa zhes bya ba ni sbas pa'o/ /gcig ni re zhig 'od gsal ba ste/ de nyid mchog yin pa'i phyir dang po'o/ /'dod pa'i khams dang bsam gtan bzhi dang gzugs med pa bzhi zhes pa sa dgu pa'i 'khor ba de'i
- 63b
dbus na chos nyid kyis gnas kyang de kho na nyid la brten nas skad cig gis de las langs par gyur pa na bcu yis te phung po dang/ 'byung ba'i rnam par rtags pa rnams kyis ma bcings pa ni sgyu ma'i dpe bcu gnyis su mthong ba'i phyir kun rdzob kyi phyogs su ma lhung ba'o/ /de ni bcings med de thogs pa med pa'i ting nge 'dzin dang ldan pa'i rim pa gang yin pa de ni mchog gnas te/ ye shes kyi sku shes shing thob pa po zhes bya ba ni sbas pa'o/ /gcig ni re zhig srog ces bya ba'i rlung ngo/ /dgu ste rlung dang nye ba'i rlung rnams kyis dbus na gtso bo nyid yin pa'i phyir dang po'o/ /bcu po de'i rnams kyis 'od gsal ba gang zhig ma bcings pa ni rnam par shes pa dang rang bzhin rnams kyi dri ma can du ma byas pa'o/ /de ni bcings med de thams cad stong pa'o/ /shes pa ni 'jug pa gang yin pa'o/ /de ni mchog gi gnas te sa bcu pa shes shing thob pa'o/ /zhes bya ba ni sbas pa'o/ /gcig ni pad+ma'o/ /dang po ni rdo rje'o/ /gnyis po de dag dgu dbus na te/ sgo dgu'i bdag nyid kyi dbus na gnas par gyur ba na/ de dag 'dus pa las nang gi bdag nyid kyi bsnyen pa la sogs pa'i rim pas man ngag bzhi pa thob par gyur pas sa dang pha rol tu phyin pa dang stobs dang shes pa dang de kho na la sogs pa'i rnam par rtogs pa bcu yis ma bcings pa ni ma bsgribs pa'o/ /de ni bcings med de rnam par mi rtog pa'i de kho na nyid do/ /gang gi shes pa de ni mchog gi gnas te/ snang ba bzhi pa shes shing mthong ba'o/ /zhes bya ba ni mthar thug pa'o/ /gcig ni re zhig sangs rgyas kyi sa te bcu gnyis pa'o/ /de khams gsum pa dang srid pa gsum dang dri ma gsum dag par byed pa nyid yin pa'i phyir dgu'i dbus na gtso bo nyid yin pas dang po'o/ /de ni bcu yis te 'jig rten gyi chos brgyad dang kun rdzob dang don dam pa'i dag gis so/ /ma bcings pa ni tha dad par shes par bya ba yin pa'o//
- 64a
de ni bcings med de mi gnas pa'i mya las 'das pa'i dbyings la gnas pa'o/ /zhes pa ni rtogs pa gang yin pa'o/ /de ni mchog gi gnas te zung du 'jug pa'i bdag nyid kyi mi slob pa'i lam gyi ngo bo shes shing rtogs pa'o// zhes bya ba'i don to/ /mthar thug pa'o/ /de nyid rgyas par dbyangs dang gsal bya'i yi ge de/ /grangs dgu yi ni rjes 'jug pa/ /as bcings phan tshun yang dag sbyor/ /gang gi shes te 'gro ba'i bla/ zhes bya ba gsungs te/ dbyangs ni re zhig thung du dang ring po'i dbye bas rnam pa gnyis so/ /gsal bya ni sde tshan lnga'o/ /yi ge ni mthar gnas dang drod kyi dbye bas rnam gnyis te/ de ltar na sgo dgu'i bdag nyid kyis lus dang sa dgu pa'i 'khor ba dang phung po dang khams dang skye mchad kyi rang bzhin gyi khams gsum pa'i rnam par dag pa yin pa'i phyir grangs dgu'i rjes 'jug pa'o/ /de thams cad as bcings te yi ge es bcings pa'o/ /phan tshun yang dag ste/ phan tshun brjod par bya ba dang/ rjod par byed pa'i dngos po 'am/ rang gi ngo bo nyid du gang gis shes pa de ni rtogs pa'o/ /de ni 'gro ba ste khams gsum pa'i bla ma'i ston pa'o/ /chos kyi yi ge rang gi ngo bo dag gi rang bzhin thams cad yongs su shes pa'i phyir grol ba yin zhing gzhan dag grol bar byed do zhes bya ba'i don te dgongs pa ma yin pa'o/ /sgro ba'i rim gyi sngags bsdu ba gsungs te/ bsdu ba'i rim gyis/ 'byung ba'i mdza' dang yang dag ldan/ /bcu drug cha yi dang po gnas/ /lnga pa lnga dang yang dag ldan/ /bzhi ni gsum du nges par sbyor/ zhes bya ba gsungs te/ 'byung ba'i mdza' ste 'byung ba chen po bzhi'i sa bon ya la sogs pa rnams kyi mdza' ni yi ge sha'o/ /yang dag ldan ni de rnams kyi dang po yi ge ya'o/ /bcu drug cha ni dbyangs te/ de rnams kyi dang po ni yi ge A'o/ /lnga pa lnga ni ka la sogs pa'i gsal bya rnams
- 64b
te/ de rnams kyi dang po ni gtso bo yin pa'i phyir yi ge ka'o/ /de ltar a ka ya sha ste 'byung ba chen po bzhi dang lha mo bzhi dang zhi ba la sogs pa'i las bzhi dang dga' ba'i rang bzhin can ni gsum du ste/ yi ge gsum du nges par sbyar ro/ /shes pa? ni rang bzhin gyi yi ge a'i sde tshan ni yi ge A(rgyud 'grel): 'o/ /babs kyi rang bzhin ni ka la sogs pa'i sde tshan hUM ngo/ /gnyis ka'i rang bzhin gyi ya dang sha dag ni yi ge oM ste/ de ltar oM A hUM ngo/ /rdo rje phreng ba las kyang cha gnyis pa dang dgu pa nyid du bshad sum cu bcu pa lnga pa'i sa bon nyid/ /cha gnyis pa dang lnga pa drug par ldan/ /rnam byung de ni thig le yin par brjod/ /ces gsungs te/ sgra ji bzhin pa'o/ /da ni yi ge gsum gyi bdag bsdu ba/ /yi ge oM bcas ring po bcas/ /yon tan sbyor sogs phyis dang ldan/ thung ngu ma lus dag tu 'gyur/ /gcig min du ma ma yin no/ /zhes bya ba gsungs te don 'di yin no/ /a u bya ba 'dus pa las oM mo/ /a dang a zhes bya ba 'dus pa las A(rgyud 'grel): 'o/ /yi ge ha dang u 'dus pa las hUM ngo/ /de rnams kyi phyis pa zhes bya ba ni gcig gi cha la thim pa ste snang ba'o/ /phyis pa ni mi snang ba'o/ /zhes gang bshad pa'o/ /sbyor ba la yon tan byas nas ring par 'gyur ba rnams ni gcig la gcig 'dus pa las thig le tsam du 'dus par 'gyur zhing/ thig le de yang yi ge a la zhugs nas yi ge a thung ngu 'ba' zhig tu 'gyur ro/ /'dir bsam pa ni 'di yin te/ re zhig oM gyi yi ge a ni yi ge u la de yang thig le la thig le ni tsheg drag la tsheg drag ni ring po la ring po ni yi ge hUM gi thig le la zhugs nas cho bzhi pa'i yi ge hUM gi yi ge ha ni yi ge mu la yi ge u ni yi ge u'i nang na gnas pa'i yi ge a la/ yi ge a de thig le la zhugs nas yi ge a thung du 'ba' zhig lus par 'gyur/ de yang ji lta bu zhe na/ ma lus dgra ste/
- 65a
ngag ma lus pa'i rgyu nyid yin pa'i phyir ngag gi rang bzhin gyi ngo bo nyid yin pa'i phyir gcig min pa'o/ /gsal ba tsam 'ba' zhig nyid yin pa'i phyir du ma ma yin te/ dpal rdo rje dkyil 'khor rgyan las/ mar me lta bur 'bar ba ste/ /snying gi dbus na mi shigs pa/ /mi 'gyur mchog tu phra ba yi/ /a ni gtso bo dam pa yin/ /zhes gsungs so/ /de sgra ji bzhin pa dang/ dgongs pa ma yin pa dang mthar thug pa rnams so/ /da ni yi ge phyi mo'i rang bzhin/ / yi ge gang zhig sngar bshad dang/ /gang yang mngon par phyogs pa rnams/ /bud med skyes pa ma ning ste/ /khams la sogs par yongs su brtag ces bya bas gsungs te/ yi ge ni dbyangs dang gsal bya rnams te sngar gong du bshad pa rnams so// de bzhin du mngon par phyogs pa ni zhi ba la sogs pa'i las kyi tshogs rnams la nus pa dang ldan pa'i mthar gnas dang drod kyi yi ger bshad pa gang yin pa'o/ /de rnams ni bud med dang skyes pa dang/ ma ning gi ngo bo'i yin par shes par bya ste/ dbyangs kyi sde tshan ni bud med kyi ngo bo'o/ /gsal bya'i sde tshan ni skyes pa'i ngo bo'o/ /mthar gnas dang drod kyi sde tshan ni ma ning gi ngo bo'o/ /de ltar yang rgyas par sngar dpyad zin to/ /de rnams kyang khams la sogs par de skad kyi dbyings dang rkyen dang rtags dang rnam par dbye ba'i tshigs dang byed pa dang de la phan pa dang bsdu ba dang byed pa dang/ skyes bu dang bdag gi tshig can dang gzhan gyi tshig dang bya ba dang dus dang 'brel pa dang yi ge dang tshig dang dag dang dag chen po la sogs pa'i bye brag tu yongs su brtags te tha snyad du byas so/ /zhes bya ba'i don to/ /'og dang steng dang ldan par ni/ /shes nas blo yis nges par sbyor/ /'di ni sngags kyi brjod pa ste/ /dngos po med pa'i rang bzhin can/ /'og ni 'jug pa'o/ /steng ni 'byung ba'o//
- 65b
ldan pa ni gnas pa'o/ /rim pa de lta bur shes nas te bzlas nas so/ /blo yis te shes kyi nges par sbyar zhing 'jug pa la sogs pa'i rim gyis goms par byas pas 'jig rten las 'das pa'i dngos grub thob par byed do/ zhes bya ba ni dag gi don to/ /'di ni sngags rnams kyi brjod pa ste btu ba'i ming can du brjod/ de yang ji lta bu zhe na/ dngos po med pa'i rang bzhin can te/ rnam par rtog pa med pa'i rang bzhin can no/ /zhes bya ba'i don to/ /sgra ji bzhin pa dang/ dgongs pa ma yin pa'o/ /sngags btu ba bshad nas sngags kyi don ni de las yongs su gyur pa'i gzugs/ lha ru nye bar shes pa gang/ zhes bya ba gsungs te/ sngags de las yongs su gyur pa'i lha gang yin pa ni gang gi lha ci 'dra ba yin pa'o/ /de'i rang bzhin ni de'i don can gyi rang bzhin du shes par bya ba ni yi ge oM la sogs pa rnams kyi don ni rnam par snang mdzad la sogs pa yin no/ /zhes bya ba'i tha tshig ste spyi'i don to/ /ngag 'di nyid kyis brda gsungs te/ de las te sngags de rnams las yongs su gyur pa'i oM la sogs pa dang swa? hA? la sogs pa phyis? pa dang/ sbyar ba las gzugs te sbrul la sogs pa'i gzugs su 'gyur ba gang yin pa 'di nyid rang rang gi lha la brten nas las kyi tshogs la nus pa dang ldan par 'gyur ro/ /zhes bya ba'i don dgongs pas bshad pa'o/ /da ni sngags kyi de kho na nyid bstan par bya ste/ a la brten nas ye shes ni/ /sangs rgyas ni ni snying por 'gyur/ /don ni 'di yin te/ sngags btu ba'i gnas skabs su cha shas dang cha shas kyi dbye bas yi ge gsum btus chos kyi dbyings kyi 'khor lo'i gnas su gsal pa tsam gyi yi ge a 'ba' zhig la brten nas te de la dmigs nas so/ /ye shes ni rnal 'byor pa bsgom par bya ba'i chos kyi dbyings kyi ye shes gang yin pa'o/ /de nyid sangs rgyas dpal rdo rje 'chang chen po'i snying po ste de kho na nyid du
- 66a
brjod par bya'o/ /de ni sngags kyi de kho na nyid du brjod do/ /zhes bya ba'i don te dgongs pa ma yin pa'o/ /da ni yi ge gsum gyi bya ba/ /hUM gi sems can yang dag sngo?/ /sangs rgyas skur ni rab tu brtag /oM gyi sems can yang dag bsdud/ /a ni gnas par byed pa'o/ /zhes bya ba gsungs te/ bcom ldan 'das thugs rdo rje 'chang gi rang bzhin du gyur pa'i yi ge hUM srog gi rang bzhin gyi sems can sangs rgyas kyi sku nyid du brtag pa ste de'i rnam pa can du spro zhing skyed par byed de sgro bar byed do zhes bya ba'i don to/ /de bzhin du bcom ldan 'das sku rdo rje 'chang gi rang bzhin du gyur pa'i yi ge oM ni 'jug pa'i rang bzhin gyi sems rnams snga ma bzhin du yang dag par sdud cing 'jug par byed do/ /gsung rdo rje 'chang gi rang bzhin yi ge a ni mnyam pa'i rang bzhin gyis gnas par byed pa ste/ bum pa lta bu'i gnas skabs su sems gnas par byed pa'o/ /spro bar byed pa dang gang bar byed pa dang bum pa lta bu'i rang bzhin gyi gsum po kho nas sems rtse gcig pa nyid du 'gyur ro/ /zhes bya ba ni dgongs pa ma yin pa'o/ /rdo rje bzlas pa'i rim pa'i go rim/ 'jug pa dang ni gnas pa dang/ /ldang ba nyid kyi rim gyis kyang/ /shes rab thabs kyi gzhir gnas te/ /sngags kyi yan lag ma nyams bzlas/ /zhes bya ba gsungs te/ rnal 'byor pa 'jug pa la sogs pa'i rim gyis ldog pa na rnal 'byor pas shes rab thabs kyi gzhir te kun rdzob dang don dam pas tha mi dad pa'i ngo bo nyid la gnas nas sngags yi ge gsum yan lag ma nyams pa ste/ sngags dang lha dang tha mi dad pa'i phyir rang bzhin gcig pa bzlas par bya'o/ /zhes bya ba'i don te drang ba'i don to/ /yang na shes rab thabs kyi gzhir te ye shes kyi phyag rgya dang snyoms par 'jug pa'i rdo rje pad+ma sbyor ba la gnas nas 'jug pa la sogs pa'i rim gyis to/ 'dod chags dang 'dod chags dang bral ba dang
- 66b
'dod chags bar ma'i rim gyis sngags te 'ong gsal ba yan lag ma nyams pa ste/ kun rdzob dang don dam pa tha mi dad par bzlas shing nyams su myong bar bya'o/ /zhes bya ba ni nges pa'i don to/ /da ni rlung gi grangs kyi sgo nas bzlas pa'i grangs/ /gos dkar la sogs bzlas bshad pa/ /brgya phrag gnyis dang nyi shu lnga/ /bzhi po legs par bsgres nas ni/ /sbyor bzhi bsdus pas brgya phrag dgu/ dgu brgya dag tu gang bstan pa/ /nyi shu rtsa bzhi rim gyis ni/ /de ni so sor 'byung ba las/ /nyi khri chig stong drug brgya 'o/ /zhes bya ba gsungs te/ 'dir rnal 'byor pa lkog ma la sogs pa'i gnas bzhi ru me'i dkyil 'khor la sogs po gos dkar la sogs pa lha mo bzhi'i rang bzhin can bzhi bsgom par bya'o/ /dkyil 'khor de dag kyang re re zhing 'byung ba chen po bzhi'i rang bzhin can yin te/ 'byung ba chen po gcig kyang bzhi'i rang gi ngo bo nyid yin pa'i phyir ro/ /de'i phyir dkyil 'khor re re cha shas kyis nyis brgya nyi shu'i rtsa lnga'i grangs kyis dkyil 'khor gcig la dgu brgya yod do// de rnams 'jug pa la sogs pa'i rim gyi dkyil 'khor bzhi la nyin mo bcu gnyis su 'gyur te rim pa nyi khri chig stong drug brgyar 'gyur ro/ /bsam pa ni 'di yin te nyin zhag ni chu tshod drug cu'o/ /nyin la thun bzhi mtshan mo la thun bzhi yod de/ de'i phyir chu tshod byed dang brgyad kyi tshad kyi thun gcig gi nang du dkyil 'khor bzhi la rdo rje bzlas pa nyi stong bdun brgya yod do/ /thun gsum la yang de bzhin du 'gyur te/ nyin mo la bsdus nas khri brgyad brgya yod cing mtshan mo khri brgyad yod do/ /de ltar rdo rje bzlas pa ni nyi khri chig stong drug brgyar te/ sgra ji bzhin pa'o/ /da ni don 'di nyid tshad ma yin par bya ba'i phyir bshad pa'i rgyud kyi rjes su 'brangs nas lung gi tshad ma nang gi dus 'di nyid gsal bar bya ba'i phyir 'dus pa'i
- 67a
rgyud phyi ma las shes bya ba gsungs te nang gi dus ni dkyil 'khor gyi rim pa bzlas pa'i grangs so/ /rig pa'i tshul gyi cho ga yis/ /thun mtshams bzhi ru? rab sbyor la/ /mtshon bya mtshon byed grangs kyis ni/ /sngags kyi yan lag ma nyams bzlas/ /rig pa ni sangs rgyas spyan la sogs rnams te de rnams kyi tshul ni de dag gis byin gyi brlab pa'i dkyil 'khor bzhi po rnams so/ /de rnams kyi cho ga ni 'jug pa la sogs pa'i rim gyis dkyil 'khor re re dgu brgya la sogs pa'i dbye bas bzlas pa'o/ /thun mtshams bzhi ru rab sbyor la zhes bya ba ni nyin mo dang mtshan mo la'o/ /sngags ni yi ge gsum mo/ /yan lag ma nyams pa ni snga ma bzhin du lha'i rnal 'byor dang tha mi dad pa'o/ /mtshon cha ni dkyil 'khor rnams so/ /mtshon byed ni rlung rnams te/ de'i grangs kyi bgrangs pas bzlas par bya'o/ zhes bya ba ni sgra ji bzhin pa'o/ /da ni rdo rje bzlas pa blang bar bya ba nyid yin par/ bsgom par ni par chad can/ rnal 'byor phyi rol bzlas pa spang/ / sngags don bcom ldan 'das rdo rje can/ /rdo rje'i bdag nyid ji ltar bzlas/ /zhes bya ba gsungs te/ phyi rol bzlas pa zhes bya ba ni phreng ba'i bye brag la bsten nas re zhig dbye bas 'bum la sogs pa'i grangs kyis lus dang ngag dang sems sdug bsngal bar byed pa'o/ /de rdzogs pa'i rnal 'byor pa ste/ rdo rje bzlas pa goms par byed pa 'am/ de'i pha rol tu phyin pas spangs zhing dor bar bya'o/ /las dang po pa 'am bskyed pa'i rim pa'i rnal 'byor pas ni dor bar bya ba ma yin te/ de dag gi de ni blang bar bya ba nyid yin pa'i phyir ro/ /phyi rol gyi bzlas pa ji lta bu zhe na bsgom pa'i ste 'od gsal ba'i mtshan nyid kyi bar chad pa ni gegs byed pa'o/ /rtog pa dang bcas pa dang rtog pa med pa 'gal ba'i phyir mnyam par bzhag pa dang lang
- 67b
pa bzhin no/ /gtan tshigs gsungs te/ sngags kyi rang gi ngo bo brjod par bya ba'i don yongs su shes par bya ba'i phyir sngags bzlas par bya'o zhes grags na/ gang gi tshe rdzogs pa'i rnal 'byor rdo rje bzlas pa'i rim pas rdo rje can te rdo rje 'chang nyid du 'gyur ba de'i tshe de kho na sngags kyi don yin pas de la thob par bya ba gzhan ci zhig yod/ de nyid kyi phyir rdo rje'i bdag nyid de/ rdo rje 'chang dngos yin na ji lta zlos shing zlos par mi rung ngo/ /'bras bu thob pa na thabs dgos pa mer phyir te/ 'bras bu tho nas der bya ba/ /gang de thabs su rab tu brjod ces 'byung ba'i phyir ro/ /dpe ni glang po sngon du rnyed gyur nas/ /glang po'i rjes ni tshol byed ltar/ /sngags lus rang nyid mngon gyur nas/ /gzhan dag ci zhig tshol bar byed ces bya ba gsungs te/ glang po don du gnyer bar gyur pa'i skyes bu 'ga' zhig lam du zhugs par gyur pa na glang po rnyed pa de sdug bsngal pa'i don du lo ma dang rtsa dang rngo pas g.yogs pa'i gnas su glang po'i rjes te rkang rjes ci'i phyir tshol bar byed/ tshal bar byed pa ni ma yin te de rnyed pa nyid kyi phyir ro/ /de bzhin du rnal 'byor po gang dag gis sngags lus te de bzhin gshegs pa thams cad kyi rang bzhin rdo rje 'chang chen po'i rnam par gyur pa na rang nyid de dag gis so/ /sngon du gyur nas te 'di nyid la mngon sum du gyur nas so/ /gzhan dag ste tshig gi bzlas pa la sogs pa'i dra ba ci ste tshol bar byed cing 'dod par byed ces bya ba'i dam tshig go /sgra ji bzhin pa'o/ /'dir bskyed pa'i rim pa'i rnal 'byor pa dam tshig dang ye shes dang ting nge 'dzin sems dpa' bdag nyid can gyi skur byin gyis brlabs nas spyan 'dren pa la sogs pa'i sngags kyi mchod pa'am rab gnas sam las kyi tshogs la tshogs pa gzhan gang yang rung ba byed pa ma yin nam/ de ji ltar rdzogs pa'i rnal 'byor pa la rung bar 'gyur snyam dgos pa ni/ gzhan yang rdo rje 'dzin gang zhig/ sbyor pa gsum dang ldan pa yis/ /spyan drangs
- 68a
gshegs su gsol ba dang/ /de bzhin bzhugs su gsol ba nyid/ /ces bya ba gsungs te/ tshigs bcad 'dis ni phyogs snga ma bzhin no/ /rdo rje 'dzin ces bya ba ni zla ba dang rdo rje la sogs pa'i rim gyis bskyed pa'i lha'i sku'o/ /mi gang zhig ni bskyed pa'i rim pa'i rnal 'byor pa'i gang gi tshe sbyor ba gsum dang ste/ dam tshig dang ye shes dang/ ting nge 'dzin sems dpa' i rnal 'byor dang ldan pa yin pa de ji ltar ye shes sems dpa' la 'jug par byed ce na/ de'i phyir spyan drangs zhes gsungs te/ yi ge dza ye shes sems dpa' dgug pa'o/ /de'i rjes la hUM baM ho(rgyud 'grel): yi sa bon rnams kyis gzhug pa dang bcing ba dang dbang du bya ba ni bzhugs su gsol ba'o/ /de'i rjes la bskyed ba'i rim pa bsgom pa thams cad rdzogs nas yi ge mu(rgyud 'grel): yis gshegs su gsol ba ste/ nam mkha' i khams su gshegs su gsol pa'o/ /dkyil 'khor gyi cho ga dang mchod pa dang rab gnas kyi skabs su yang de bzhin du bya'o/ /de'i tshe bdag dang gzhan gyi don nges par 'grub par 'gyur te/ sgra ji bzhin pa'o/ /rdzogs pa'i rnal 'byor pa ji ltar de rnams byed par 'gyur zhes dri ba'i lan du/ 'jug pa yi ni spyan drangs te/ /myur ba yis ni gshegs su gsol/ gnyi ga min pas bzhugs su gsol/ /dbugs med dngos grub dam pa'o/ /zhes bya ba gsungs te/ rdo rje bzlas pa'i rim pa'i rnal 'byor pa gang gi tshe/ oM gyi dbyangs kyi rang bzhin gyi rlung gis 'jug par byed pa de'i tshe rnam par snang mdzad kyi rigs dang 'brel pa'i lha'i 'khor lo spyan drang ba byas par 'gyur te/ oM ni de'i rang bzhin nyid yin pa'i phyir ro/ /gang gi tshe yi ge hUM gi rang bzhin gyi srog gi rlung myur ba zhes bya ba'i ming can gyis 'byung bar byed pa de'i tshe mi bskyod pa'i rigs dang 'drel pa'i lha'i 'khor lo gshegs su gsol ba
- 68b
byas par 'gyur te/ yi ge hUM ni de'i rang bzhin nyid yin pa'i phyir ro/ /gang gi tshe yi ge a'i rang bzhin gyi mnyam pa'i rlung gnyis min pa la brten nas gnas pa de'i tshe 'od dpag tu med pa'i rigs rjes su 'brel pa'i lha'i 'khor lo bzhugs su gsol ba ste/ gzhug pa dang bcing ba dang dbang du bya ba'i mtshan nyid kyis las byas par 'gyur ba ste/ yi ge a ni rang? ? bzhin nyid yin pa'i phyir ro/ /gang gi tshe de dag thams cad rnam par g.yeng ba dang mtshungs pa yin par sems dpa' de'i tshe 'jug pa la sogs pa bkag pas dbugs med de dbugs rgyu ba dang/ bral ba'i ma ning gi bzlas pa goms par byed pa de'i tshe/ dngos grub dam pa rnal 'byor pas gang gi skad cig tsam gyis khams gsum pa dang de'i rang bzhin du byed pa'i rdo rje 'chang chen po'i dngos grub thob par 'gyur ro// zhes bya pa'i don to/ /de'i phyir bskyed pa'i rim pa'i sgom pa pos sdug bsngal gyis grub pa gang yin pa de rnal 'byor pa 'dis 'bad pa med par 'grub po zhes bya ba ni ngag gi don te/ dgongs pa ma yin pa'o/ /da ni 'di nyid gsang bar bya ba nyid yin par bstan pa'i phyir/ myur ba dang ni rnal 'dug dang/ /dal ba can dang sngags sbyor ba/ /bla mas slob ma'i sna drung du/ /rab tu 'bad de bshad par bya zhes bya ba gsungs te/ de lta bu'i bya ba'i rim pas myur ba la sogs pa'i rim pas sngags te yi ge gsum du sbyor ba ni gcig tu byed pa gang yin pa'o/ /de'i sgo nas sngags sbyar ba spyan drang ba la sogs pa byed pa ni de ni slob ma la bla mas te/ rdo rje slob dpon gyis rna drung du bshad par bya'o/ zhes bya ba 'dis ni ches shin tu gsang ba nyid yin par bshad pa yin te/ dgongs pas bshad pa'o/ /yang na myur ba ni bral ba'o/ /rnal 'dug na mchog go/ dal ba can ni dga' ba'o/ /de rnams dang sngags te bzhi pa dbugs med pa lhan cig sbyor ba ni mar la mar bzhin du gcig nyid du gyur pa'o/ /de lta bu'i man ngag gi dbang bskur ba ni
- 69a
slob dpon gyi slob ma'i rna drung du brjod par bya ste/ sbas pa'o/ /da ni rdo rje bzlas pa'i bye brag gzhan/ /de nas rnal 'byor dbang phyug gis/ /thabs kyi dam pa rab ston cing/ /rnal 'byor 'bras bur rab ster ba'i/ /gsang ba'i yi ge bstan par bya/ /gang zhig bsams pa tsam gyis ni/ /rnal 'byor ba ni mchog ster 'gyur/ zhes bya ba gsungs te/ de nas te rjes thogs su gsang ba'i yi ge gsum gyi nang nas thugs kyi ngo bo nyid yin pa'i phyir gsang ba'o/ / chos kyi dbyings mi g.yo ba'i rang bzhin nyid yin pa'i phyir yi ge'o/ /dam pa ni nang gi bdag nyid can no/ /thabs ni dkyil 'khor bzhi'i rim gyi cha shas dang cha shas kyi dbye bas dgod pa'o/ /de ston pa ni thob par byed pa'o/ /rnal 'byor dbang phyug ste rdzogs pa'i rim pa'i rnal 'byor pa rnams kyi bya ba'i don du bshad par bya zhing rnam par phye nas bshad par bya'o/ /rnal 'byor ni ting nge 'dzin to/ /de'i 'bras bu ni rdo rje 'chang chen po'i go 'phang thob pa ste de rab tu ster ba ni thob par byed pa'o/ / phul du byung ba gsungs pa ni re zhig bsgom pa lta zhog gi gang zhig bsams pa ste/ dran pa tsam gyis kyang rnal 'byor pa sngags pa mchog ster bar 'gyur zhing 'jig rten la phan 'dogs par byed par 'gyur ro/ /zhes bya ba ni dgongs pa ma yin pa'o/ /de nyid ni dang po'i yi ge sbyor ba yis/ /rtag tu dbugs ni dbyung bar bya/ /brgyad pa'i mdza' dang ldan pa yis/ /yi ge u ni thig le bcas/ /rnal 'byor pa ni dbugs gtong byed/ /'dir ni 'dod pa'i bzlas par bshad/ /ces bya ba gsungs te don ni 'di yin no/ /re zhig dang por rdo rje bzlas pa'i rnal 'byor pas lte ba'i dkyil 'khor la chos kyi dbyings kyi 'khor lo rtsibs brgyad pa'i dbus su yi ge a bsgoms te/ de las skad cig gi 'od zer gyi sgo nas yi ge gsum
- 69b
rnam par spro nas gnas ji lta ba bzhin du bkod de/ de nas snga ma bzhin du bsdus nas yi ge hUM 'ba' zhig bsam par bya'o/ /de bstan pa ste dang po'i yi ge a'o/ /de'i sbyor ba yis dbugs dbyung ba ni yi ge gsum spro bar bya'o/ /de'i rjes la gnas ji lta ba bzhin du gnas par bltas la bsdus nas brgyad pa'i mdza' ste/ yi ge ha yi ge u thig ler yang dag par sbyar ba'i yi ge hUM bsam ste/ dkyil 'khor bzhir cha shas rnams rnam par bsgoms nas de nyid la brten te/ dbugs gtong ba ni rdub pa la sogs pa gsum bya ba'o/ /de ni 'dod pa'i bzlas pa ste/ /'dod pa yongs su rdzogs par byed cing thugs rdo rje 'chang gi ngo bo sku dang gsung gcig tu byed pa'i rang bzhin gyi bzlas par bshad do/ /zhes bya ba dgongs pa ma yin pa'o/ /de ni snga ma bzhin du bzlas pa'i grangs kyang/ khri khrag gnyis dang stong phrag dang/ /de bzhin kho nar brgya phrag drug /rnal 'byor dbang pos nyin mtshan du/ /bzlas pa'i grangs ni nges par byed ces bya ba gsungs te/ bsam pa ni 'di yin no/ /rdo rje bzlas pa/ 'dir ni sngags 'ba' zhig tha dad kyi dkyil 'khor dang rlung dang thun mtshams kyi rim pa rnams kyi ni mtshungs pa kho na yin te/ rlung gi rgyu ba rang bzhin gyis grub pa rnams kyis grangs ni nyung ba 'am mang du bya bar su zhig gis nus par 'gyur/ gzhan du bcom ldan 'das kyis ci'i phyir grangs nyi khri tshig stong drug brgya gsungs par 'gyur sgra ji bzhin pa'o/ /da ni lung gi tshad ma nyid bstan pa'i phyir/ de 'od gsang ba dgongs pa las/ /phra mo'i rnal 'byor rab tu bshad/ /klog dang bsam gtan med mod kyi/ /'on kyang bzlas par bshad pa yin/ zhes bya ba gsungs te/ gsang ba dgongs pa las zhes bya ba ni 'dus pa'i bshad pa'i rgyud dgongs pa lung bstan pa las de 'dod de mngon par 'dod pa rnams las bcom ldan 'das kyis phra mo'i rnal 'byor te/ sngags kyi de kho na nyid
- 70a
kyi rang bzhin gyi rdo rje bzlas pa 'di bshad pa yin no/ /'di ni klog dang ste sngags kyi bzlas pa 'bum la sogs pa nyams su blang ba dang/ bsam gtan te de zhal dang phyag la sogs pa dang ldan pa'i lha'i sku bsgom pa med mod kyi ste spangs mod kyi 'on kyang rnal 'byor pa'i bzlas par bshad pa yin te bzlas pa 'di ni rang bzhin gyis grub pa nyid yin pa'i phyir ro/ zhes bya ba ni ngag gi don to klog dang bsam gtan med pa yang/ mi mkhas rdo rje bzlas pas bzlos/ /zhes 'byung ba'i phyir te/ dgongs pa ma yin pa'o/ /nga ni rdo rje bzlas pa las thams cad bsgrub pa'i mthu dang ldan pa yin par/ rdo rje bzlas pa 'di yis ni/ /cho ga bzhin du bsnyen byas na/ /sgyu ma lta bu'i ting 'dzin gyis/ /las rnams thams cad bsgrub par bya/ zhes bya bas gsungs te/ 'di yis ni zhes bya ba sngar bshad pa'i rdo rje bzlas pa'i rim pas cho ga ji bzhin du zhes bya ba dkyil 'khor bzhi'i rim pas bsnyen pas te sna'i bu ga g.yas pa la sogs pa'i rim gyis thun phyed phyed kyi dus su gnas gnas par byas nas zhi ba dang rgyas pa dang dbang dang dgug pa'i las rnams thams cad bsgrub par bya ste/ 'bad pa med par bya'o/ /gal te de lta na 'o na bskyed pa'i rim pa'i rnal 'byor pa dang/ 'di la khyad par ci yod ces na/ sgyu ma lta bu'i ting nge 'dzin gyis zhes bya ba gsungs te/ bdag byin gyis brlabs pa'i rim pa'i dbang po'i gzhu lta bu'i rdo rje 'chang gi sku 'dzin pa dang phyi rol gyi dngos po thams cad kyang sgyu ma'i dpe bcu gnyis kyi tshul du mthong bas las thams cad bya ba yin pa'i phyir rim pa ni bskyed pa'i rnal 'byor ba la med de zhes bya ba'i don to/ /spyi'i don dang sbas pa'i bshad pa dag yin no/ /da ni dus kyis rnam par dbye bas 'grub pa de bas na gnyis su med pa rnam par rgyal ba zhes bya ba'i rnal 'byor chen po'i rgyud las gsungs pa/ mnyam med sngags
- 70b
ni bzlas nas su/ /bsgrub pa'i bdag nyid can gyi bsgrub/ /de yis zla ba gcig gis ni/ /khams gsum 'grub par gdon mi za/ /rnam shes las ni 'byung ba'i sngags/ /'bum phrag drug ni bzlas bya ste/ /rdo rje sems dpa' phyag byas nas/ /zla ba nyal la de 'grub 'gyur zhes bya ba gsungs te/ mnyam med ni 'jug pa la sogs pa'i rim gyis bzlas pa bya'o/ /sngags ni yi ge gsum mo/ /sgrub pa'i bdag nyid can ni sgyu ma lta bu'i ting nge 'dzin la snyoms par zhugs pa'i sgrub pa po'o/ /sgrub pa ni re zhig bdag nyid rnam par mi rtog pa'i gnas skabs la 'jug par bya'o/ /zla ba gcig gis khams gsum ste khams gsum na gnas pa'i sems can gyi khams 'grub cing zhi ba la sogs pa'i las rnams 'grub pa'i bar du 'gyur ba 'dir the tshom mi bya ste dgongs pa ma yin pa'o/ /zla ba gcig gi ji ltar 'grub ce na/ zla ba gcig gis 'bum phrag drug ni bzlas bya ste/ /zhes bya ba smos te/ 'di ltar nyin zhag gcig la grangs nyi khri chig stong drug brgya yod pas zhag lnga la bzlas pa 'bum rtsa brgyad du 'gyur zhing 'bum rtsa brgyad ni 'bum zhes bgrang bar bya'o/ /de ltar na zla ba gcig la bzlas pa 'bum phrag drug yod do/ /de gsungs pa sngags yi ge gsum/ rnam shes las byung ba ste/ rlung gi bzhon pa dang ldan pa'i rnam par shes pa'i dbang gis bzlos pa na de bzhin gshegs pa lnga dang drug pa rdo rje sems dpa' i bzlas pa byas par 'gyur ro/ /de gsungs pa rdo rje sems dpa' phyag byas te rab tu btung nas so/ /zla ba nya la te zla ba'i mdza' ma'i zhag la 'grub par 'gyur ba ni rnal 'byor pas rang gi don gyi phyogs la phyag rgya chen po'i dngos grub dang gzhan gyi don gyi phyogs la zhi ba la sogs pa'i las 'grub pa thob po zhes bya ba'i don te dgongs pa ma yin pa'o/ /da ni rdzogs pa'i rnal 'byor pa ni rdo rje bzlas pa 'ba' zhig las 'grub par 'gyur te/ brtul zhugs la sogs pa ni dgos pa med pa'i
- 71a
phyir/ de la brtul zhugs bshad pa med/ /phreng ba mi dgos bgrang mi dgos/ /gzung dang sbyin sregs las rnams dag /gzhan dang gzhan yang dgos pa med/ ces bya ba gsungs te/ de la brtul zhugs zhes bya ba ni nges par sngon du song ba can gyi rtags 'dzin pa ste/ de ni rdo rje bzlas pa'i rnal 'byor pa la bcom ldan 'das kyis bshad pa med de bstan pa med do/ /de bzhin du yang de ni rigs pa dang lung ngag gis dpyad par bya ste/ brtul zhugs zhes bya ba 'di ci yin zhe na/ 'on te ral pa thogs pa dang/ chos gos gyon pa dang/ thig le gsum pa dang/ dbyu gu gsum thogs pa dang/ thal bas byug pa dang/ tshogs chen po dang/ zla ba'i rjes su 'brang ba la sogs pa dang/ mgo reg pa nyid dang/ dus pa'i phreng ba thogs pa dang/ slong mo byed pa dang/ sa la nyal ba nyid dang/ yul nas yul gzhan du 'gro ba la sogs pa lta ba'i bye brag gis rab tu grags pa'i nyams blang bar bya ba'i brtul zhugs kyi bye brag mang po mthong ngo zhes zer na mthong ba ni bden te/ 'on kyang gzhan yang kham pa'i snod zhabs med pa dang rtswa'i chun po dang gyo mo la sogs pa ske dang lag pa dang rkang pa la sogs pa la gdags pa byas nas lus kyi khur dang sems skyo ba dang 'jig rten gyi bzhad gang kyi rgyu nyid du 'gyur ba de rnams ci'i phyir mi bya zhe na/ ci ste lus la sogs pa sdug bsngal ba dang 'jig rten gyi bzhad gang kyi 'bras bu can ni mi bya ba kho na'o/ /'o na ci zhe na/ longs spyod dang thar ba'i 'bras bu can bstan bcos las bshad pa'i nges pa'i bdag nyid can gyi cho ga kho na'i zhes zer na bstan bcos zhes bya ba ni ci zhig ji ltar na/ de tshad ma nyid yin zhing de nges pa'i ngo bo nyid ji lta bu yin zhe na/ gal te 'dis nges par byed pa na nges pa yin no zhe na/ de ci zhig nges par byed de/ ci brtul zhugs can gyi lus sam 'on te sems yin grang na/ re zhig sems ni ma yin te/ khyab
- 71b
par byed cing lus med pa'i sems la ni re zhig nges pa 'thad pa ma yin no/ /chos 'di ni lus can dang khyab pa ma yin pa dag go /gal te ji skad bshad pa'i chos dang 'brel ba'i phyir lus kyi yin no zhe na/ 'o na rtswa chun la sogs pa tshigs chud dus? 'grub par bya pa'i zhag nas tshogs chen pos bsgrub par bya ba'i rus gong dang ral pa dang dbyu gu dang kha TwAM la sogs pa blangs pas ci zhig bya/ blangs pa de rnams kyis gzhan rang dbang can dag bzhin du brtul zhugs can de rnams rang dbang med par byed pa yang ma mthong bas ji ltar rang dbang can de rnams rang dbang yod par lus kyi bya ba brten pa dang/ bde bar nyal ba dang bde bar gnas pa ltar brtul zhugs can rnams kyang de kho na bzhin du byed do/ /yan lag bshad ma thag pa tsam gyis grub pa'i longs spyod kyang brtul zhugs can ma yin pa rnams kyis ji ltar 'bad pa gzhan gyis 'grub par mi nus sam/ ci ste gong na med pa'i rgyal po nyid thob pa la sogs pa'o zhe na/ de yang brtul zhugs blangs pa nas brtsams te/ shi ba'i mthar thug par yang brtul zhugs can 'ga' la yang ma mthong ngo/ /ci ste chos shin du brtan zhing rnam pa sna tshogs pa mdza' yas pa'i longs spyod rgya chen po'i sa bon po'i bya ba la byin gyis rlob par byed pa nyid kyi 'dod pa'i lha dang nye ba nyid du gyur nas bsgrub par bya ba rtag tu bde ba phun sum tshogs pas kun tu khyab pas rtag tu chim pa'i bdag nyid can mtshan nyid gzhan dang mi mthun pa dus gzhan lus gzhan gyis thob par bya ba'i longs spyod ces zer na/ e ma'o 'dod pa ngan pa'i zhags ba rgyas bcings pa'i bsam pa'i dbang gis lus gzhig par 'dod cing rmongs pas dbang du byas pa'i rnam pa ni mya ngan bya bar 'os pa yin no/ /gang gi phyir sprin las byung ba'i dri ma med pa'i chu don du gnyer ba'i rma bya rnams dud 'gro yin yang sems kyi bde ba la rnam par dbyad na lus de nyid kyis don byas pa nyid yin pa'i phyir
- 72a
smad par 'os pa ma yin no/ /brtul zhugs can dag kha nad dang bu ram yid kyis longs spyad pas bder 'gyur lus las gzhan du 'byung/ /de ni nam mkha' i me tog bzhin/ /gang phyir 'di dag dang btsam/ /yin pa de phyir kha dog sdod/ / rigs pa 'dis rdzogs pa'i rnal 'byor pa'i brtul zhugs bkag pa yin no/ /lung gi ni ji skad du/ dka' thub kyis ni lus gdungs pa/ /'ba' zhig las ni bsod nams min/ /pha rol gnod pa spong ba min/ /gzhan la phan pa byed mi 'gyur/ /sbyin pa'i tshul khrims bzod gsal ba'i/ /dam pa'i chos kyi lam chen la/ /ma gus byas nas dgon pa yi/ /lam log lus kyi sdug bsngal 'gro /yan lag sdug bsngal sbrul bkris nas/ /'khor ba'i dgon pa 'jigs rung zhing/ /skye ba mdza' yas nags ldan pa/ /shin tu ring ba thob par 'gyur/ /zhes gang bshad pa'o/ /lha thams cad yang dag par 'dus pa zhes bya ba'i rgyud las rnal 'byor pa rnams kyis brtul zhugs ji lta bu zhe na/ gang tsho las rnams thams cad ni/ /thabs bcas the tshom med pa ru/ /rtog pa med pa'i sems kyi spyod/ /brtul zhugs rnams las mchog gi mchog /dka' thub ces bya ci zhe na/ rnam par rtog pa med pa yis/ /rtog pa med pa'i rang bzhin du/ /rtag tu las rnams kun spyod pa/ /dka' thub rnams las dka' thub mchog /rtog pa med pa'i sems kyis ni/ /yul rnams rten par byed pas na/ /smad pas rdul tsam mi gnod pa/ /brgal bar dka' ba'i dka' thub yin/ /gang zhig las rnams thams cad la/ /shes rab kyis ni nges sbyor zhing/ /de yang stong pa'i gnas sbyor ba/ /bdag nyid chen po dka' thub yin/ /shes rab rab tu zhugs gyur pa'i/ /rtog pa med pa'i sems kyis ni/ /the tshom med par spyad par spyod/ /bdag nyid chen po'i dka' thub yin/ /gal te shes rab thob med par/ /sems ni gzhan du mi
- 72b
spyod pa/ /byang chub chen por rab ster ba'i/ /nges pa yin par yang dag bshad/ /mi rtog pa la rjes zhugs shing/ /brtson dang ldan pa'i rnal 'byor pa/ /de rnams kyis ni 'byung ba kun/ /bya ba'i don du spros pa yin/ /shes rab me long nang zhugs pa/ / 'dus byas de yis rnam gang yin/ /mi rtog bdag nyid de rnams kyis/ /dran pa shes rab rag lus shing/ /me long gi ni gzugs brnyan dang/ /rmi lam sgyu ma chu bur dang/ /mig 'phrul mtshungs par gang zhig gis/ /mthong ba de ni gtso bor brjod/ /ces bya ba la sogs pa gsungs pa dang/ /de nyid kyi phyir dpal mkha' 'gro ma dra ba sdom pa'i rgyud las/ bdag nyid sangs rgyas thams cad nyid/ /byang chub sems dpa' kun nyid de/ /lhag pa'i lha yi rnal 'byor yin/ /de phyir bdag nyid mchod par bya/ /bcos ma'i gzugs brnyan rnams la ni/ /rnal 'byor skye ba ma yin te/ /byang chub sems la rab brtson na/ /des na rnal 'byor pa nyid lha/ /rang gi bdag nyid spangs nas ni/ /dka' thub kyis ni gdung mi bya/ /ci bde bar ni bde ba gzung/ /'di ni ma 'ongs rdzogs sangs rgyas/ /'dir ni gtsang sbra brtul zhugs med/ /dka' thub dka' spyad mi gos te/ /sdom dang dka' spyad med pa ru/ /dga' dang bde bar 'grub par 'gyur/ /zhes gsungs so/ /de ltar na lung tshad mar byas nas/ rdzogs pa'i rnal 'byor pa'i brtul zhugs bkag pa yin no/ /bcom ldan 'das kyis las dang po pa rnams dang bskyed pa'i rim pa'i rnal 'byor pa rnams la ni 'di thams cad bkag pa ma yin no/ /zhes shes par bya'o/ /de bzhin du de la phreng ba 'ang mi dgos te las kyi tshogs bsgrub pa'i don du shel la sogs pa'i bye brag de la dgongs pa ma yin no/ /'jug pa la sogs pa'i rim pas rdo rje bzlas pa goms par byed na rlung tsam 'ba' zhig phreng ba yin pa'i phyir ro/ /de la bgrang ba'ang mi dgos shing chos brgyad la sogs pa la rnam pa bcu 'am bsnyen
- 73a
gnas yan lag brgyad blang bar bya mi dgos te/ sems dpang du byed pa'i brtul zhugs rtag tu nye bar gnas pa nyid yin pa'i phyir ro/ /gzung ba zhes bya ba bslab pa kun las btus pa la sogs par gsungs pa'i lus dang ngag dang yid bslab pa'i gzhi gzung ba 'di la mi dgos te/ lhan cig skyes pa'i bde ba chen po de kho na nyid kyi rin po che bzung bas gzhan dgos pa med pa nyid yin pa'i phyir ro/ /sbyin sreg las rnams te zhi ba la sogs pa'i don du dkyil 'khor gru bzhi la sogs par mar dang til la sogs pa sreg pa de lta bu yang rnal 'byor pa la mi dgos te/ ma ning gi bzlas pa'i dus su phung po dang khams dang skye mched ma lus par skad cig tsam la ye shes kyi mes sreg pa'i phyir ro/ /gzhan yang gzhan te dkyil 'khor gyi cho ga dang mchod pa'i bya ba la sogs pa gang yin pa de dag kyang de bya mi dgos so/ /de rnams ni ye shes kyi rim pa kho nas grub pa nyid yin pa'i phyir bya ba'i rim pa dgos pa ci chig yod/ ces bya ba'i tha tshig ste dgongs pa ma yin pa'o/ /da ni rdzogs pa'i rnal 'byor pa zhi ba la sogs pa rnams ji ltar bya ba ste bstan pa'i phyir/ ya yi don gyi gang ci'ang rung/ /dngos grub 'dod pas bya ba ni/ /ral sogs pa gsum nyid kyis/ /'gro ba'i don la rab tu 'jug /me dang rlung dang dbang chen dang/ /chu ste dkyil 'khor so sor ru/ /thun ni byed byed dus su ni/ /las ni gnyis gnyis gnas par 'gyur/ /zhes bya ba gsungs pa'i don ni 'di yin te/ yi ge ya'i sa bon gyis nye bar mtshon pa'i rlung gi dkyil 'khor de'i don te 'od zer spro bas dgug pa la sogs pa gang ci yang rung pa dngos grub ste/ dngos grub de nyid mngon 'dod pas bya ba ni bsgrub par bya ba'o/ /de bzhin du ra la sogs pa gsum nyid kyis te/ ra dang la dang wa yis nye bar mtshon pa'i me dang sa dang chu yi dkyil 'khor gsum dang/ de las byung ba'i
- 73b
'od zer gyi 'khor lo spro bas 'gro ba'i don la ste/ dbang dang rgyas pa dang zhi ba la rab tu 'jug pa ni bsgrub par byed pa'o/ /dkyil 'khor rnams kyi ming gsungs pa/ /me dang rlung dang dbang chen dang/ /chu ste dkyil 'khor so so ru ste dkyil 'khor re re las 'od zer spros nas sngar bshad pa'i rim pas thun phyed phyed kyi dus su gzung ste/ las gnyis gnyis shes bya ba ni zhi ba la sogs pa'i las bzhi po rnams 'grub par 'gyur te/ sgra ji bzhin ma yin pa'i bshad pa'o/ /rdzogs pa'i rnal 'byor pas thar pa thob pa dpe'i sgo nas bstan pa'i phyir/ mchod la brtson par mchod par 'gyur/ /bzlas la brtson pas rnam dag 'gyur/ /me la sbyin sreg brtson pas 'byor/ /bsam gtan brtson pas thar pa thob ces bya ba gsungs te/ ji ltar mchod pa la brtson pa ste mchod pa rnam pa lngas bcom ldan 'das la mchod par byed cing bdag dang gzhan rnams mnyes par byed pa'i rnal 'byor pa gang yin pa de ni ji ltar skye ba 'di dang skye ba gzhan dag du las dge ba'i mthus mchod byar 'gyur te/ mchod par 'os par 'gyur ro/ /de bzhin du ji ltar bzlas la brtson pa ste/ /ngag gi bzlas pa lhur len pa'i rnal 'byor pa ni rnam par dag par 'gyur te/ bzlas pa ni sdig pa nye bar 'thag par byed pa'i rang bzhin nyid yin pa'i phyir ro/ /de bzhin du ji ltar me la sbyin sreg brtson pa ste/ me la mchod pa byed par brtson pa dang ldan pa'i rnal 'byor pa ni 'byor pa phun sum tshogs pa thob par 'gyur ba'o/ /de bzhin du bsam gtan brtson pa ste rdo rje bzlas pa mthar phyin pa'i rnal 'byor pas thar pa thob pa ni rdo rje 'chang chen po'i go 'phang thob par ro/ /zhes bya ba'i don te/ sgra ji bzhin pa'i don to/ /rnam par mi rtog pa'i ting nge 'dzin la gnas pas ni gsang sngags kyi dngos grub thob par 'gyur ro zhes bstan pa'i phyir/ sngags pas de ltar shes nas ni/ /'gro na byis pa bzhin du spyod/ /de nas mi rtog chos nyid kyis/ /gsang sngags
- 74a
rnams ni 'grub par 'gyur/ /zhes gsungs te/ sngags pas rnal 'byor pa de ltar sngar bshad pa'i tshul du rdo rje bzlas pa'i rim pa la sogs pas sngags btu ba dang sngags kyi brda dang/ sngags kyi don dang sngags kyi de kho na nyid shes shing rtogs nas 'gro ba kham gsum par byis pa chung ngu bzhin du sbyor pa ni ji nas kyang skyes pa dang bud med dang byis pa la sogs pa 'jig rten pa thams cad 'di ni smon pa'o/ /zhes rnal 'byor pa la bzhad gang byed par 'gyur ba'i sbyod pa bya ba ste/ ji skad du pad+ma rdo rje'i zhal snga nas kyi rigs kun mtshungs par spyod pa dang/ cung zhig smyon pa'i spyod pa dang/ pheg rdob sgrang bcas byis pa yis/ /kun nas yongs su bskor ba dang/ /rdo rje gar gyi 'gros ldan pa'i/ /rim gyis chung zad gang byed cing/ /gru yi sgra yang sgrogs pa dang/ /mi gsal rdo rje glu yang lan/ /des na khams gsum grags pa yis/ /glu dag gsal bar blang bar bya/ /sna tshogs sgra ldan glu blang zhing/ /yi dags bzhin du gad mos bsres/ /skye bo'i las rnams ma zad pa /gang dang gang gi bcir gyur pa/ /de nyid thabs dang bcas pa yis/ srid pa'i 'ching ba las grol 'gyur/ /zhes bya ba la sogs gsungs pa bzhin no/ /spros pa med pa'i spyad pa sbyod pa'i rnal 'byor pa de lta bus sbrul la sogs pa'i gsang sngags rnams 'grub par 'gyur pa'i 'bad pa med pa'i zhi ba la sogs pa'i las rnams byed par 'gyur ro/ /zhes bya ba'i don te/ dgongs pa ma yin pa'o/ /mjug bsdu ba/ gsung gi rdo rje sgrub byed pa'i/ /sngags kyi de nyid gsal ba 'di/ /ye shes gsum gyi dbye ba yis/ /sems can la ni sbyar bar bya/ /zhes pa gsungs te/ sngar bshad pa'i sngags kyi de kho na nyid/ rdo rje bzlas pa'i rim pas sngags rnams kyi de bzhin nyid kyi ngo bo/ yongs su shes pa 'di ni
- 74b
gsung gi rdo rje ste/ rnam par rtog pa dang bcas pa'i ngag rnam par sbyangs nas 'od gsal ba'i de kho na nyid kyi rdo rje sgrub par byed cing yang dag par byed pa ste/ bshad zin pa'i tshul gyis zhes bya ba'i lhag ma'o/ /rnam par rtog pa dang bcas pa'i tshig rnam pa bzhi yod do/ /'di lta ste mtshan nyid kyi tshig dang/ rmi lam gyi tshig dang/ gnas ngan len la mngon pa bzhin pa'i tshig dang/ thog ma med pa'i dus can gyi rnam par rtog pa'i tshig ces bya ba'o/ /blo gros chen po de la mtshan nyid kyi tshig ni rang gi rnam rtog las byung ba'i gzugs kyi mtshan ma la mngon par zhen pa las 'byung pa'o/ /blo gros chen po rmi lam gyi tshig ni sngon nyams su myong ba'i yul rjes su dran pa dang yul nye bar snang ba las 'byung ngo/ /blo gros chen po gnas ngan len la mngon par zhen pa'i tshig ni sems kyis sngon byas pa'i las rjes su dran pa las 'byung ngo/ /blo gros chen po thog ma med pa'i dus can gyi rnam par rtog pa'i tshig ni spros pa la mngon par zhen pa'i gnas ngan len gyi rang go sa bon gyi bag chags las 'byung ste/ blo gros chen po de ni dag gis rnam par rtog pa'i mtshan nyid rnam pa bzhi zhes bya'o/ /de bzhin du gzhan las kyang/ tshig ni mchog dang lta bar byed pa dang bar ma gsal bar byed pa zhes bya ba rnam pa bzhi'o/ /de la mchog gi kun gzhi rnam par shes pa'i nang na gnas pa'i ngag chags kyi rnam pa'o/ /blta bar byed pa ni yid kyi rnam par shes pa'i rtan can gyi rnam par rtog pa'i rang bzhin no/ /bar ni rlung byung nas gnas su thug pa las sgra mi gsal ba'i rang bzhin can gyi yi ge'i bdag nyid kyi yi ge phyi mo'i ngo bo/ gsal ba ni tshig dang ngag la sogs pa'i rang bzhin gyis brjod par bya ba dang/ rjod par byed pa'i ngo bo yin pa'i phyir/ shin tu gsal ba'i sgra'i ngo bo nyid yin pas rna ba'i dbang pos gzung bar bya ba ni tshig gsal ba zhes bya'o/ /zhes gsungs so/ /de lta bu'i tha mal ba'i
- 75a
ngag gi rnam par rtog pa log par gyur nas 'od gsal ba'i ngo bo nyid thob par byed pa'i sngags kyi de kho na nyid do/ /zhes bya ba'i don to/ /ji skad du tshul gcig bstan pa'i mdo las/ chos 'di rnams ni sgra'i brda yis bstan/ /'dir ni chos dang sgra dag mi snang ste/ /chos nyid tshul gcig dngos la zhus nas ni/ /bzod spyod bla na med la reg par 'gyur/ /zhes bya ba la sogs pa gsungs pa bzhin no/ /ye shes gsum gyi dbye ba ni 'og nas 'chad par 'gyur ro/ /des sems tsam la te/ 'od gsal ba'i chos nyid la sbyar bar bya ba'i 'bad par bya ba'i don rdo rje bzlas pa'i rim pas ngag rnam par dben pa'i pha rol tu phyin nas de'i rjes la rang bzhin dang snang ba dang/ rlung gi bzhon pa dang ldan pa'i rnam par shes pa'i sgo nas/ sems rnam par dag pa'i rim pa goms par byed pa/ /zhes bya ba'i don ni 'di yin te/ dgongs pa ma yin pas bshad pa'o/ /da ni slob ma rnams kyi snod dang snod ma yin pa rtag pa/ bla ma la brnyas rgyu can dad pa med/ /sngags kyis rlom zhing glegs bam mthong bas khengs// dad pa med cing dbang bskur dman pa la/ /rim pa'i gtam yang gtan par mi bya'o/ /zhes bya ba gsungs te/ slob ma ji lta bu zhe na/ bla ma ste dbang bskur ba'i bla ma'i zhal snga nas la brnyas ni sla chos dang bcas pa'o/ /gal te bsam bdag par gyur na de'i tshe nyes pa ci zhig yod ce na/ sgyu can te g.yo dang ldan pa'o/ /de bzhin du dad pa med pa ni khro ba dang ldan pa'o/ /de bzhin du sngags tsam shes nas rlom pa ni nga rgyal can no/ /tshogs pa'i nang du nga rgyal gyi dbang gis thob pa mi phyed cing rang gi khyim du glegs bam bltas nas bdag gi thams cad shes so/ /mnyam nas khengs pa ni ste mngon pa'i nga rgyal dang bcas pa'o/ /gal te brgya la zhig thos pa la 'jug na de'i tshe dad pa med par 'dir bdag la the tshom yod do/ /zhes thabs kyi nyan par byed do/ /
- 75b
de'i rjes la dbang bskur ba dman pa ste/ bla ma las dbang bskur ba yang dag par ma thob pa de lta bu'i rnam pa can gang yin pa'i slob ma de la rim pa ste rdo rje bzlas pa'i rim pa'i gtam glengs langs tsam yang bstan par mi bya'o/ /slob ma dam pa ni gang zhig bla ma la gus dad pa ldan/ /gus par nyan la rtag tu mngon par brtson/ /thos pa 'dzin nus bla ma dam pa yis/ /bla ma'i drin sbyin de la rtag mi dgos/ /zhes bya ba gsungs te/ slob ma gan zhi chos la dad pa dang ldan zhing de ston par byed pa'i bla ma la gus pa dang bcas pa/ mnyan par 'dod pa la gus par nyan cing de'i don du mngon par brtson pa ste brtson 'grus dang ldan pa thob pa 'dzin pa ste/ thos pas chog mi shes shing yang dang yang du thos pa goms par byed pa de la bla ma dam pa yis bla ma mchog go /bla ma'i drin sbyin pa ni rjes su gzung bar bya ba yin pa'o/ /brtag mi dgos pa ni dpyad par bya mi dgos pa ste/ de ni cig car rjes su gzung bar bya'o/ /zhes bya ba'i don to/ /zhes bya ba ni dgongs pa ma yin pas bshad pa'o/ /de ni bla ma'i zhal snga nas kyi sna? drin gyi che ba'i bdag nyid gsal bar bya ba'i phyir/ ri dbang rtse las 'ga' zhig lhung 'gyur na/ /ltung bar mi 'dod kyang ni de ltar 'gyur/ /bla ma'i drin gyis phan pa'i lung thob pa/ /grol bar mi 'dod kyang ni de grol 'gyur/ /zhes bya ba gsungs te/ ji ltar 'ga' zhig sems gzhan du yengs nas rkang pa 'dred nas ri dbang rtse nas te ri mthon po'i kha nas lhung bar gyur na te/ 'dred bar gyur na'o/ /skyes bu de ltung bar te 'dred bar 'chi ba'i rgyu nyid yin pa'i phyir mi 'dod kyang ri 'thon po nyid yin pas na ltung bar 'gyur ba kho na'o/ /de bzhin bla mi 'drin gyis te rdo rje slob dpon gyis phan gtags pa ste/ yang dag pa'i lam dang nye bar 'bral pa dang slob dpon dpe mkhyud dang bral ba'i lung ste man ngag gis thob pa de ni grol bar mi 'dod kyang zhes bya ba srid du zin
- 76a
kyang 'on kyang grol bar 'gyur de des thar ba thob par 'gyur ro/ /de lta bu 'di ni dngos po'i chos nyid yin par thos te/ rjes su gzung ba'i skyes bu ni dus de nyid du grol ba nyid yin pas de las dus phyis de'i lus tsam gnas pa'i phyir rdza mkhan gyi 'khor lo bzhin te/ gang gi dus su bla ma yis/ /rnam par mi rtog rab bstan pa/ /dus te kho nar grol ba ste/ /lus cam 'ba' zhig gnas pa yis/ /zhes bya ba la sogs pa yang gsungs so /sgra ji bzhin pa'o/ /rim pa la'i bshad pa'i nor bu'i phreng ba las rdo rje bzlas pa'i rim pa ste dang po'o// //da ni sems rnam par dag pa'i rim pa bstan pa'i phyir/ dang por phyag 'tshal ba/ khyod la phyag 'tshal khyod la 'dud/ /khyod la phyag 'tshal phyag 'tshal 'dud/ /ji ltar bstod cing khyod phyag 'tshal/ /gang gis bstod cing gang la bstod/ /ces bya ba gsungs te/ bod pa'i tshig kye bcom ldan 'das rdo rje 'chang chen po zhes bya ba 'dir khong nas dbyang bar bya ste/ 'di ltar thos pa dang rjes su dpag pa dang khong nas dbyung ba ste gsum gyi mdo'i don bstan par bya'o/ /de la thos pa ni mngon sum gyis dmigs pa ste/ dper na mgon po sems can kun bdag nyid/ /dpal ldan bde chen la btung nas zhes bya ba da rdo rje 'chang rjod par byed pa'i tshig bde ba chen po zhes bya ba thos pa bzhin no/ /rjes su dpag pa ni rjes su dpag par byed pa'i rtags kyi rtog par byed pa ste/ khyad par gyi tshig gi rjes su dpag pas rtogs par bya ba ni yod pa ma yin pa yang rtogs par 'gyur te/ dper na zung du 'jug pa'i rim par mgon po rgyu dang 'bras bdag nyid ces bya pa'i rgyu dang 'bras bu'i rang bzhin gyis khyad par gyi tshig gzhan du mi 'thad pas rdo rje 'chang chen po kho na yin par rjes su dpag pa bzhin no/ /rgyu dang 'bras bu'i bdag nyid ces bya ba'i tshig gi dngos su ston pa ni ma yin te/ rdo rje sems
- 76b
dpa' zhes bya ba la sogs pa'i tshig bzhin no/ /'dir ni rdo rje 'chang zhes bya ba'i tshig thos pa med cing de'i khyad par du gyur pa'i sgra'i stobs kyis rjes su dpag pa yang ma yin no/ /'on kyang phyag bya ba'i tshig yong de de'i phyir bstod par bya ba'i rdo rje 'chang zhes bya ba'i tshig khong nas dbyung ste/ khong nas dbyung ba zhes bya ba ni gang du med pa'i sgra brtag par bya ba'o/ /khyod la phyag 'tshal te lus dang ngag dang sems kyi rab tu 'dud pa'o/ /phyag 'tshal zhes bya ba'i sgra bzhi sbyar ba ni dad pa'i phul du byung phar bstan pa'i phyir te/ dga' dang 'jigs sogs dbang bcas yid can gyi /smra ba po rnam de bzhin bstod dang smod/ /tshig ni lan cig min par smra ba gang/ /de la blos pa'i nyes pa yod ma yin/ /zhes bya ba dad de bzhin du/ ngo mtshar gyur bar? rtsod? pa dang khro dang zhum dang nges bzung dang/ /dad dang rjes su yi rang la/ /tshig gcig lan gnyis brjod par bya/ /zhes bshad do/ /ji ltar khyod la phyag 'tshal zhe na/ ji ltar bstod pa ste bstod pa ji lta ba bzhin du bstod par byed pa dang bstod pa dang bstod par bya ba rnams mi dmigs pa'i 'khor gsum yongs su dag pa ji lta ba bzhin du bstod pa yin te/ gang gi phyir byang chub sems dpa' i lus ngag dang sems kyi bya ba dmigs pa dang bcas pa thams cad ni bsod nams tsam du 'gyur ba yin zhing/ dmigs pa med pa ni bsod nams dang ye shes kyi tshogs su 'gyur ba yin pa'i phyir ro/ /de nyid gsungs pa/ gang gis bstod cing gang la bstod pa ste/ dmigs pa med pas phyag 'tshal pa yin pas bstod par byed pa'i gang zag gang la bstod pa ste/ bstod par 'os pa 'ga' yang mi dmigs so/ /dmigs pa med par bstod pa las/ /de ltar bstod na bstod 'gyur gyi/ /gzhan du cung zad stong pa min/ /chos rnams thams cad stong pa la/ /gang la bstod cing gang gis bstod/ /skye 'jig spangs pa khyod la yang/ /bdag gi bstod pa nus sa
- 77a
ci/ /bde 'gro ngan 'gro rnams spangs shing/ /'gro 'ong med pa bstod mi rung/ /zhes bya ba la sogs pa gsungs te/ drang ba'i don to/ /yang na khyod la phyag 'tshal te rnam par snang mdzad kyi ngo bo la'o/ /yang na phyag 'tshal ba bzhi ni rin chen 'byung ldan dang 'od dpag tu med pa dang mi bskyod pa dang don yod par grub pa'i ngo bo la'o/ /de bzhin du ji ltar bstod cing khyod phyag 'tshal zhes bya ba 'dis ni/ drug pa rdo rje 'chang chen po'i ngo bo la phyag 'tshal ba'o/ /'dir ni de'i bdag nyid du rjes su 'jug pa'i mtshan nyid kyi phyag 'tshal ba yin te/ de'i phyir de bzhin gshegs pa lnga'i bdag nyid gcig tu gyur pa'i rdo rje 'chang chen po la de'i bdag nyid du 'jug go /zhes bya ba'i don to/ /de'i phyir tha dad pa med pas gang gis bstod cing gang las bstod ces bya ba ni chu dang 'o ma bzhin du gyur pa yin pa'i phyir ro/ /zhes bya ba'i tha tshig ste/ nges pa'i don to/ /da ni de'i bdag nyid du 'jug pa'i phyag 'tshal pa'i rang gi ngo bo dpe'i sgo nas bstan pa'i phyir/ ji ltar chu la chu bzhag dang/ /ji ltar mar la mar nyid bzhin/ /rang gis rang gi ye shes ni/ /legs mthong gang de 'dir phyag nyid ces bya ba gsungs te/ de'i bdag nyid du rjes su 'jug pa'i mtshan nyid kyi phyag 'tshal ba ji lta bu zhe na dper na klung gnyis ka nas brug pa'i chu rgyun gcig tu 'dus nas 'dres pa dag la khyad par cung zad kyang ma dmigs te/ chur bye brag mi phyed pa'i phyir ro/ /de bzhin du brgya la yul grang ba dang dro ba dang 'ongs pa'i chu gnyis kyi bye brag reg bya la mkhas pa rnams kyi 'dom pa'i gnas su dmigs par 'gyur ro zhe na/ de'i tshe dpe gnyis pa ji ltar mar la mar nyid bzhin te mar gnyis bsres na snum pa dang kha dog gcig pa nyid yin pa'i phyir tha dad pa med do/ /de bzhin du rang ste phung po dang khams dang skye mched la sogs pa'i mtshan nyid kyi shes
- 77b
pa rang gi ye shes te thams cad stong pa nyid kyi rang bzhin gyi 'od gsal ba la bkod cing legs par mthong ba gang yin pa de phyag 'tshal ba ste de kho na phyag 'tshal ba'i 'bras bu nyid yin pa'i phyir phyag 'tshal pa yin no/ /de bzhin las dang po la dkon mchog gsum la skyabs su 'gro ba'i tshe sangs rgyas 'grub par shog ces de'i don du phyag 'tshal bar byed do/ /'dir ni phyag 'tshal ba kho nas/ sangs rgyas nyid yin pas rgyu dang 'bras bu dag la tha dad pa med de/ dgongs pa 'dis bcom ldan 'das kyis rtsa ba'i rgyud la rdo rje gsum mchog phyag bya min/ /zhes gsungs so/ /'dir ni phyag 'tshal ba bkag pa ma yin te/ 'on kyang de'i bdag nyid du rjes su 'jug pa'i mtshan nyid kyis phyag 'tshal ba brten par bzhed pa yin no/ /zhes bya ba ni dgongs pa ma yin pa'o/ /gal te de ltar na phyag 'tshal ba tsam kho nas de kho na nyid khong du chud pa'i phyir bsgom pas ci zhig bya snyam du dogs pa gsum nas/ 'on kyang kun mkhyen rtogs med par/ /de nyid nye bar dmigs mi 'gyur/ /mun nag rab rib kyis khebs pa/ /drin gyi snang ba 'thob par 'gyur/ /zhes bya ba gsungs pa'i don ni 'di yin te phyag 'tshal ba tsam gyis rtogs par 'gyur ba yin mod kyi 'on kyang ji srid du bla ma'i las phyag 'tshal ba de'i rang bzhin ma shes pa de srid du rtogs par bya'o snyam du dgongs pa'o/ /de'i phyir kun mkhyen ni 'dir rdo rje slob dpon yin par bzhed de/ bla ma rdo rje 'chang bye brag med pa'i phyir ro/ /de las rtogs pa ste ye shes khong du chud pa gang yin pa de med par de kho na nyid nye bar dmigs par mi 'gyur te/ rgyal ba skyed pa las dge ba'i bshes gnyen la nye bar bsten nas/ sangs rgyas kyi byang chub 'thob bo/ /zhes gang gsungs pa dang/ de bzhin du log pa'i nga rgyal can gyi rang skyon la/ skyon du mi shes yon tan min/ dge ba'i bshes rnams brnyas par
- 78a
byed pa ste/ /de nyid bdud rtsi ji ltar 'thung bar 'gyur/ /zhes bya ba la sogs pa gsungs pa bzhin no/ /dpe gsungs pa/ ji ltar mun nag rab rib kyis te mun nag thibs pos khebs pa'o/ bum pa dang snam bu la sogs pa mi gsal ba mar me'i snang ba dang phrad nas de dag nyid ming dang gzugs la sogs pa'i bye brag gsal bar 'gyur ro/ /de bzhin du thog ma med pa'i 'dod chags la sogs pa'i nyon mongs pa'i bag chags kyi mun pa'i tshogs kyis dri ma can du byas pa'i sems kyi rgyud la de kho na nyid yod du zin kyang mi gsal te bla ma'i zhal snga nas kyi bka' drin thob nas de kho na nyid de skad cig tsam gyis gsal bar 'gyur ro/ /zhes pa'i tha tshig go /de'i phyir bla ma'i zhal gyi man ngag lhur blang bar bya ba'o/ /zhes bya ba'i bsdus pa'i don te/ sgra ji bzhin pa'o/ /da ni sems rnam par dag pa'i rim pa'i rgyu dang 'bras bu'i bye brag bstan pa'i phyir/ stong nyid shin tu stong pa dang/ /gsum pa stong pa chen po dang/ /bzhi pa thams cad stong pa ni/ /rgyu dang 'bras bu'i bye brag go /zhes bya bas gsungs te/ sems rnam par dag pa'i skabs 'dir/ sems dang sems las byung ba'i rnam par rtog pa ma rtogs par gzhan mi dmigs te/ 'phags pa byams pas/ yang dag ma yin kun rtog ni/ /sems dang sems byung khams gsum pa/ /zhes gang gsungs pa'o/ /de'i phyir mi mthun pa dang/ gnyen po'i dbye bas de rnam par dag par de la mi mthun pa'i phyogs ni rnam par shes pa gsum dang/ de las byung ba'i rang bzhin rnam pa gsum yin la/ gnyen po'i phyogs ni stong pa gsum yin zhing/ de nyid kyi grangs ni ye shes gsum zhes bya ba yin no/ /rnam par shes pa gsum dang de dang 'brel pa'i rang bzhin rnams gang yin pa de rnams kyang gnyen por gyur pa'i snang ba la sogs pa'i ye shes gsum gyi rnam par dag par bya ba nyid yin pa'i phyir de rnams kyis
- 78b
ming gi bstan te/ char gyi byas pa'i mu ge ni char med par byas pa'i mu ge'o/ /zhes bya ba'i don to/ /de bzhin du rnam par shes pa kho na snang ba'i ye shes dang/ stong pa nyid ces brjod par bya ste/ de ni de rnams kyi spang bar bya ba yin pa de ni yan lag gi don to// tshig gi don ni nang stong pa nyid la sogs pa stong pa bcu drug po de rnams las bzhi bzhi zhing re res bsdus pas stong pa nyid la sogs pa bzhir 'gyur ro/ /'di ltar stong pa nyid ces bya ba'i snang ba'i ye shes skyes par 'gyur ba na 'jug pa'i rnam par shes pa spong pa'i phyir gnyen po yin no/ /de bzhin du shin tu stong pa ni snang ba gsal ba'i ye shes skye bar 'gyur ba na/ nyon mongs pa can gyi yid kyi rnam par shes pa spong ba'i phyir gnyen po yin no/ /de bzhin du chen po stong pa ni snang ba nye bar thob pa'i ye shes skye bar 'gyur ba na kun gzhi'i rnam par shes pa spong ba'i phyir gnyen po yin no/ /bzhi pa thams cad stong pa ni 'od gsal ba'i skyes bar gyur pa na/ ye shes gsum dang rnam grangs gzhan stong pa nyid gsum spong ba'i phyir 'bras bu zhes brjod do/ /de nyid kyi phyir rgyu dang 'bras bu'i bye brag go /zhes bya ba rgyu'i bye brag ni stong pa nyid la sogs pa'i dbye ba yin zhing 'bras bu'i bye brag 'od gsal ba yin no/ /da ni de kho na nyid bshad pa/ shes rab thabs su sbyor ba las/ /rdzogs pa nye bar thob par 'gyur/ /nye bar thob pa rdzogs pa las// thams cad stong pa 'od gsal ba/ /zhes bya ba gsungs te/ de la shes rab ces bya ba'i sgras ni yul 'dzin pa la khyad par du shes pa'i ngo bo nyid yin pa'i phyir 'jug pa'i rnam par shes pa la shes rab yin par bstan to/ /de bzhin du yang bdag tu lta ba la sogs pa bzhi'i sgo nas 'khor ba'i 'khor lo ma lus pa'i rgyu nyid yin pa'i phyir thabs ni nyon mongs pa can gyi yid rnam par shes pa yin no/ /de dag sbyor ba la ste nye bar 'dus pa rdzogs pa ni gcig tu gyur pa'o/ /nye bar thob pa ni nye bar dmigs pa ste/
- 79a
srid pa bar ma'i gnas skabs na gsal ba yin pas kun gzhi'i rnam par shes pa ni nye bar thob pa yin no/ /kun gzhi'i rnam par shes pa de rdzogs pa las te/ chen po stong pas spang bar gyur pa las rnal 'byor pa rnams kyis thams cad stong pa'i bdag nyid kyi 'od gsal ba'i de kho na nyid nye bar thob par 'gyur ro zhes bya ba'i don to/ /de'i yang so sor bshad pa/ rgyu yi rim pa rnam dag dang/ /rnam shes gsum po sbyor ba dang/ /stong pa gsum ni mnyam sbyor las/ /bla med go 'phang thob par 'gyur/ /zhes bya ba gsungs te/ rgyu'i rim gyi ste sngags dang phyag rgya'i rim gyi gang gis tshe rnam shes gsum ste 'jug pa'i rnam par shes pa la sogs pa gsum dang sbyor ba zhes bya ba de dang 'brel ba'i rang bzhin rnams rnam par dag par bya ste/ de ni stong pa gsum ni mnyam sbyod las te stong pa gsum ro gcig du gyur pa'i thams cad stong pa las bla med go 'phang ste 'od gsal ba'i de kho na 'thob par 'gyur zhing rnyed par 'gyur ro/ /zhes bya ba'i don to/ /'dir bsdus pa'i don 'di yin te/ rnam par shes pa brgyad rnam par shes pa gsum du bsdus nas/ de sngags kyi rim gyis 'di ltar spang bar bya'o/ /dang por lte ba'i gnas su chos kyi dbyings kyi 'khor lo rtsibs brgyad pa la pad ma dang zla ba'i steng du dbyangs dang po'i thig les mtshan pa bkod de mgo bo la sogs pa rnams su yi ge gsum bkod nas/ de las 'byung ba'i 'od zer gyis mgo bo nas yi ge oM 'jug pa'i rnam par shes pa'i bdag nyid bkug ste/ de nyid du gzhug par bya'o/ /de'i tshe ston ka'i dus kyi zla ba'i 'od zer lta bu'i snang ba 'byung ste/ de'i tshe snang ba'i ye shes skyes pa na/ stong pa nyid kyi de kho na nyid thob pas 'jug pa'i rnam par shes pa'i rang bzhin sum cu rtsa gsum dang ldan pa nub par 'gyur ro/ /de'i rjes la de nyid du nyi ma'i
- 79b
dkyil 'khor gyi steng du rdo rje la gnas pa'i tsheg drag dang ldan pa bkod de/ de las byung ba'i 'od zer gyis lkog ma nas yi ge a bkug nas de nyid du gzhug par bya'o/ /de'i tshe nyi ma'i 'od dang mtshungs pa'i snang ba 'byung ste/ de'i tshe snang ba gsal ba'i ye shes skyes pa na shin tu stong pa'i de kho na nyid thob pas nyon mongs pa can gyi yid kyi rnam par shes pa rang bzhin bzhi bcu dang ldan pa nub par 'gyur ro/ /de'i rjes la 'khor lo dang sa bon dang zla ba dang nyi ma la sogs pa bsgom pa rnams spangs nas yi ge hUM lte ba'i dbus su gzhug par bya'o/ /de'i tshe mtshams kyi rab tu gsal ba dang mtshungs pa'i snang ba 'byung ste/ de'i tshe kun gzhi'i rnam par shes pa rang bzhin mdun dang ldan pa thub par 'gyur ro/ /de'i rjes la rim pas mtshan ma lnga byung ba na rab tu gsal ba de rnams kyang med par gyur nas sprin med pa'i nam mkha' i snang ba dang mtshungs pa'i rab tu gsal ba 'byung ste/ de'i tshe ye shes gsum 'gags nas rang bzhin gyi 'od gsal ba'i de kho na nyid bzhi pa skye bar gyur pa yin no/ / zhes pa ni sngags kyi rim pa'o/ /phyag rgya'i rim pa ni dam tshig dang ye shes kyi phyag rgya dag las gang yang rung ba dang snyoms par 'jug pa na rnam par tshogs pa'i skad cig la 'jug pa'i rnam par shes pa 'gags nas snang ba'i ye shes kyi rang bzhin gyi dga' ba skye bar 'gyur ro/ /rnam par smin pa'i skad cig la nyon mongs pa can gyi yid kyi rnam par shes pa 'gags nas snang ba gsal ba'i ye shes kyi rang bzhin gyi mchog tu dga' ba skye bar 'gyur ro/ /rnam par nye ba'i skad cig la kun gzhi'i rnam par shes pa 'gags nas snang ba nye bar thob pa'i ye shes kyi rang bzhin dag 'bral skye bar 'gyur ro/ /bral ba'i rang bzhin ji ltar snang ba nye bar thob pa yin pa bla ma'i zhal las rtogs par bya'o/ /de'i rjes la mtshan nyid dang bral ba'i skad cig la ye shes gsum 'gags/ 'od gsal
- 80a
pa'i rang bzhin gyi lhan cig skyes pa'i dga' ba skye bar 'gyur ro/ /zhes bya ba ni phyag rgya'i rnam par bye ba'o/ /phyag rgya med na dpe'i dus su nye bar mtshon pa'i de kho na nyid rjes su dran par byas nas de'i tshul du bsgom par bya'o/ /zhes bya bya ba'i rim pa ste dgongs pa ma yin pa'o/ /da ni 'jug pa'i rnam par shes pa'i mi mthun pa'i phyogs dang/ gnyen po'i phyogs dang de dag gi thabs kyi dbye bas kun rdzob kyi rang bzhin gyi ming rnams snang ba stong pa shes rab dang/ sems dang gzhan gyi dbang dag ste/ /de'i rang bzhin gsal 'phro ba/ /de ni rab tu bshad par bya/ /zhes bya ba gsungs te/ de la 'jug pa'i rnam par shes pa gang yin pa de nyid sngar bshad pa'i sgom pas spangs par gyur par gyur pa na/ snang ba'i ye shes kyi ming du tha snyad gtags te/ zla ba'i snang ba dang mtshungs par mthong ba'i phyir ro/ /rang bzhin sum cu rtsa gsum spangs pa'i phyir stong pa'o/ /'jug pa'i rnam par shes pa drug gi ngo bo nyid yin pa'i ste/ sems de bgags pas na sems shes bya'o/ /de nyid du yul drug 'dzin pa la 'byung ba'i phyir te gzhan gyi dbang ste phyi rol gyi bzung bar bya ba gzhan rnams kyi dbang byas shing rgyas par byas pas na gzhan gyi dbang ngo/ /de ni sems kyi rang gi ngo bo 'jug pa'i rnam par shes pa'i ming can snang ba de'i rang bzhin ni sems las byung ba'i chos kyi rang gi ngo bo ste/ gsal ba ni rang rig pa'i mngon sum gyis gsal bar rtogs par bya ba rnams so/ /'phro ba ni 'byung ba'o/ /rab tu bshad par bya ba ni grangs dang rnam par dbye ba'i khyad par gyis bshad par bya ba'o/ /zhes bya ba'i tha tshig ste/ dgongs pa ma yin pa'o/ /de rnams chag bral dang ni bar ma nyid/ /de bzhin du ni chen po dang/ /yid kyi 'gro zhing 'ong ba dang/ /de bzhin mya ngan la sogs gsum/ /zhi ba'i rnam rtog 'jigs pa dang//
- 80b
'jigs pa bar ma shin tu 'jigs/ /sred dang sred pa bar ma dang/ /shin tu sred dang len pa dang/ /mi dge bkres bskom dag nyid dang/ /tshor dang tshor ba mnyam pa dang/ /shin tu tshor ba'i skad cig nyid/ /rig pa po dang rig 'dzin gnas/ /so sor rtog dang ngo tsha shes/ /snying rje dang ni brtse ba gsum/ /dogs dang the tshom nyid dang ni/ /phrag dog ces ni bya bar grags/ /rang bzhin sum cu rtsa gsum gang/ /lus can rnams kyi rang rig ste/ /zhes bya ba gsungs te/ rang bzhin sum cu rtsa gsum po 'di rnams ni dang rig pa'i mngon sum gyis nges par bya'o/ /'jug pa'i rnam par shes pa ni reg pa la sogs lnga dang bdun pa la sogs pa lnga dang bcu gcig dge ba dang nyon mongs pa drug dang nye ba'i nyon mongs pa nyi shu dang mtshungs par ldan pa ma yin nam/ de'i phyir chos bzhi bcu rtsa bdun dang ldan pa de ji ltar rang bzhin sum cu rtsa gsum dang ldan par brjod par bya zhe na bden te ji ltar rtsa ba'i nyon mongs pa drug las nye ba'i nyon mongs pa nyi shur phye ba de rnams kyi rang gi ngo bo nyid yin pa de bzhin du 'di rnams kyang nye ba'i nyon mongs pa la sogs pa rnams kyi dbye ba las bag chags phra mo'i rang bzhin yin par shes par bya'o/ /de bzhin du yang chags bral la sogs pa gsum ni nye ba'i nyon mongs pa 'gyod pa'i nang du 'dus te/ sems kyi yid la gcags pa'i rang bzhin nyid yin pa'i phyir ro/ /yid kyi 'gro ba dang 'ong ba dag ni rtog pa dang spyod pa'i bdag nyid yin te/ phra ba dang rags pa'i rang bzhin nyid yin pa'i phyir ro/ /zhi ba'i rnam par rtog pa ni rnam par mi tshe ba snying rje yin no/ /'jigs pa la sogs pa gsum ni ma chags la sogs pa dge ba gsum du 'dus te/ 'jigs pa yod na ma chags pa la sogs pa rjes su bsgrub po/ /srid pa la sogs pa gsum dang len pa ni nyon mongs pa 'dod chags kyis bsdus kyis/ 'dod chags dang ldan pa la sred pa 'byung ba'i phyir ro/ /mi dge ba ni nyon
- 81a
mongs pa zhe sdang dang nye ba'i nyon mongs pa 'chab pa dang 'tshig pa dang phrag dog la sogs pa rnams su'o/ /tshor ba la sogs pa rnam pa gsum ni/ kun tu 'gro ba'i tshor ba rnam pa gsum du'o/ /bkres pa dang skom pa dag ni rig par ro/ /rig pa po la sogs pa gsum ni yid la byed par ro/ /so sor dpyod pa ni rtog par ro/ /ngo tshar shes pa ni dge ba'i ngo tsha shes par ro/ /snying rje ni rnam par mi 'tshe bar ro/ /brtse ba gsum ni 'dod chags su'o/ /dogs pa dang the tshom dag ni rtsa ba'i nyon mongs pa drug par ro/ /ser sna ni ser sna 'am phrag dog du'o/ /de'i phyir de rnams ni dge ba dang mi dge ba dang lung du ma bstan pa'i phyir rang bzhin gyi sems las byung ba rnams kho na yin te/ sgra ji bzhin pa'o/ /da ni don dang bcas pa'i ming rnams kun rdzob gsal ba'i ngo bo dang/ /mtshan ma'i ming du rab tu grags/ /de bzhin bud med ming du brjod/ /'jam po'i rnam pa'ang dang de bzhin no/ /g.yon pa yi ni ming nyid dang/ /zla ba'i dkyil 'khor pad+ma can/ /bstan par bya ba'i rgyu nyid phyir/ / dbyangs yig dang po'i thig ler bcas/ /zla ba'i 'ong ltar snang ba yi/ /snang ba'i ye shes yang dag 'byung/ /zhes bya bas gsungs te/ kun rdzob yul dang dbang po dang/ /rnam par shes pa 'dus pa las gang gi tshe 'jug pa'i rnam par shes pa'i rang bzhin rnams nyams su myong ba de'i tshe gsal ba'i ngo bo zhes brjod par bya'o/ /zla ba'i 'od zer lta bu'i snang ba mthong ba'i phyir ram cung zhig gsal ba'i snang ba 'byung ba'i phyir mtshan ma'o/ /shes rab kyi rang bzhin yin pa'i phyir bud med kyi ming ste/ de yang sngar bshad zin to/ /'jug pa'i rnam par shes pa'i rang bzhin rnams ni rtsa g.yon pa las byung ba'i rlung dang ldan pa'i rnam par shes pa'i ngo bo nyid yin pa'i phyir g.yon pa ste/ rlung ni gang dang gar gnas pa/ /rang bzhin de dang de 'byung ngo/ zhes
- 81b
'chad par 'gyur ro/ /chos kyi dbyings kyi 'khor lor pad+ma'i gdan la gnas pa'i zla ba'i dkyil 'khor pad+ma can no/ /yi ge a thig les mtshan par de'i rang bzhin gyi/ yi ge oM gsungs pa'i phyir bstan par bya ba'i rgyu nyid phyir zhes bya ba snang ba'i ye shes bstan pa nyid du skye ba'i phyir ngag gi lam la brten pa'i sa bon rjes su 'jug pa'i dbyangs te oM mo/ /de nyid kyi phyir de'i tshe zla ba'i 'od zer snang ba ste/ zla ba'i gsal ba dang mtshungs pa'i snang ba 'byung ba'i phyir/ snang ba'i ye shes yang dag 'byung ngo/ / 'di ni stong pa nyid kyi bdag nyid kyi ting nge 'dzin yin par khong du chud par bya ste/ dgongs pa ma yin pas bshad pa'o/ /da ni nyon mongs pa can gyi yid kyi rnam par shes pa'i rnam par dag pa bstan pa'i phyir/ snang ba gsal ba zhes brjod cing shin tu stong pa thabs nyid dang/ de bzhin kun tu brtags par brjod/ /de bzhin sems las byung bar bshad/ /ces bya ba gsungs te/ nyon mongs pa can gyi yid kyi rnam par shes pa zhes bya ba gang yin pa de sngar bshad pa'i sgom pas spangs par gyur pa na snang ba gsal ba zhes brjod par bya ste/ nyi ma ltar rab tu gsal bar snang ba'i phyir/ snang ba'i 'phel bar gyur pa ni snang ba gsal ba zhes bshad do/ /rang bzhin bzhi bcu spangs pa'i phyir shin tu stong pa'o/ /rtsa g.yas pa nas byung ba nyid yin pa'i phyir thabs kyi rang bzhin no/ /bdag tu lta ba la sogs pa bzhi dang reg pa la sogs pa las yongs su brtags pa nyid yin pa'i phyir kun tu brtags pa'o/ /sems dang sems las byung ba dag tha dad pa med pa'i phyir sems las 'byung ba ste/ sgra ji bzhin pa'o/ /da ni de dang 'brel pa'i rang bzhin rnams kyi grangs bstan pa'i phyir/ chags dang zhen dang de dga' ba/ /dga' ba bar ma shin tu dga' / /rangs dang rab tu mgu ba dang/ /ngo mtshar de bzhin dgod pa dang/ /tshim dang 'khyud pa nyid dang ni/
- 82a
'o byed de bzhan 'jib pa dang/ /brtan dang brtson dang nga rgyal dang/ /las dang chos dang stobs dang ni/ /spro ba dang ni gya tsom nyid/ /de bzhin gya tshom chen po dang/ /gya tshom par ma drag po dang/ /rnam par sgeg dang zhe 'gras nyid/ /dge dang tshig bsal bden pa dang/ /mi bden pa dang de bzhin ngas/ /nyer len min dang spyan pa po/ /skul dang de bzhin dpa' bo dang/ /ngo tsha med dang spyang dang gdug /g.yo dang gya gyu nyid dag dang/ /rang bzhin dag ni bzhi bcu ste/ /shin tu stong pa'i skad cig go /zhes bya ba gsungs te/ mdo snga ma la rus sbal gyi 'gro stangs kyi tshul gyi rang rig ces bya ba'i tshig ces su sbyar bar bya'o/ /des na rang bzhin bzhi bcu bo de rnams skad cig ste skad cig re rer 'byung ba rnams ni rang rigs pa'i mtshan mas yang dag par khong du chud par bya ba kho na yin la/ de rnams dang sngar bshad pa'i rim pas nyon mongs pa can gyi rnam par shes pa yog pa ni shin tu stong pas spang bar bya ba'o/ /nyon mongs pa can gyi yid kyi rnam par shes pa ni bdag tu lta ba dang/ bdag tu rmongs pa dang bdag tu nga rgyal ba dang bdag la chags par zhes bya ba/ nyon mongs pa bzhi dang/ rig pa dang yid la byed pa dang/ tshor ba dang 'du shes dang sems pa ste/ lnga kun tu 'gro ba dang ldan zhing/ gzhan dang mi ldan pa ma yin nam/ de'i phyir ji ltar rang bzhin bzhi bcu dang ldan pa 'thad par 'gyur ba de bden te 'on kyang nyon mongs pa bzhi'i nang du rang bzhin bzhi bcu 'dus par 'gyur te/ chags pa nas brtsams nas tshim pa'i bar ni bdag tu lta bar ro/ /'khyud pa nas brtsams nas spro ba'i bar ni bdag tu rmongs par ro/ /gya tshom nas brtsams te mi bden pa'i bar ni bdag tu rgyal bar ro/ /nges pa nas brtsams te gya rgyu'i bar ni bdag la chags par 'dus te/ 'du byed lnga bcu rtsa gcig bzhin no/ /de rnams sems las byung ba yin pa bzhin du yang rtsa ba'i
- 82b
nyon mongs pa rnams su 'dus par 'gyur te sgra ji bzhin ba'o/ /da ni don dang mthun pa'i ming rnams/ /nyin mo skyes pa'i zhes bya ba dang/ /rtsub mo'i rnam par bstan pa yin/ /nyi ma'i dkyil 'khor zhes bya dang/ /de bzhin rdo rje nyid ces bya/ /thig le gnyis kyis brgyan pa yis/ /chu ru de nyid shes par bya/ /nyi ma'i 'od zer lta bu yi/ /snang ba gsal ba ye shes 'byung/ /zhes bya ba gsungs te/ de la snang ba 'phel ba'i rab tu gsal ba ni nyi ma lta bur snang ba'i phyir/ nyin mo zhes bya'o/ /thabs kyi rang bzhin yin pa'i phyir skyes pa zhes bya'o/ /nyi ma'i dkyil 'khor lta bu'i snang ba ldan pa'i phyir rtsub mo nyid do/ /nyi ma'i dkyil 'khor gyi steng du rdo rje'i gdan la dbyangs yig dang be'i thig le gnyis kyis rnam par brgyan pa bkod de dag gi sa bon bsdus pas nyi ma dang mtshungs pa'i snang ba'i tshogs 'byung ba na snang ba gsal ba'i ye shes nyon mongs pa can yid kyi rnam par shes par gyur pa'i mtshan nyid can 'byung bar 'gyur ro zhes bya ba'i don to/ /dgongs pa ma yin pa'o/ /da ni kun gzhi rnam par shes pa'i rnam par dag pa/ snang ba nye bar thob pa dang/ /de bzhin nye bar thob pa nyid/ /yongs su grub pa nyid dang ni/ /ma rig pa zhes bya ba nyid/ /stong pa chen po tshig dang ni/ /rnam grangs 'di dag rgyal bas gsungs/ /zhes pas gsungs te/ snang ba nye bar thob pa zhes bya la zla ba dang nyi ma dang 'brel ba'i snang ba gnyis nye bar thob pa ste de dag tu snang ba dang bral nas mtshams kyi rab tu gsal ba lta bu'i snang ba nye bar thob pa zhes bya'o/ /de bzhin du nye bar thob pa zhes bya ba ni de lta bu'i rang bzhin kho nar nye bar thob pa yin gyi nyi ma dang zla ba la sogs pa gzhan du ni ma yin no/ /zhes gzhan dang ldan pa rnam par gcod pa yin te/ srid sgrub 'phong skyon zhes bya ba bzhin no/ /kun gzhi rnam par shes pa gyur ba'i rang bzhin yin pas dgra bcom pa nyid kyi mtshan nyid kyi ni
- 83a
yongs su grub pa ste/ de gyur pa ni dgra bcom pa nyid yin no/ /zhes 'byung ba'i phyir ro/ /rnam par shes pa thams cad kyi 'byung ba'i sa bon thams cad pa nyid ma rig pa zhes bya'o/ /yang na lung du ma bstan pa nyid yin pa'i phyir ming dang gzugs la sogs pa rnams dang reg pa dang yid la byed pa dang/ tshor ba dang 'du shes dang sems pa rnams rig par mi byed cing ma shes pas ma rig pa ste kun gzhi rnam par shes pa ste/ tshor ba btang snyoms kyi rang bzhin dang ldan pa yin no/ /zhes bya ba'i don to/ /gnyen po stong pa chen pos spang par bya ba nyid yin pa'i stong pa chen po snang ba nye bar thob pa'i ye shes so/ /de'i rnam grangs 'di rnams rgyal bas gsungs shing bstan to zhes pas rang gi 'dod pa yin pa 'gog par byed do/ /sgra ji bzhin pa'o/ /de'i rang bzhin ni chags pa bar ma'i skad cig dang/ brjed nges pa dang 'khrul ba nyid/ /mi smrar gyur dang skyo ba dang/ /le lo de bzhin rmugs pa ste/ /ma rig skad cig bdun po ni/ /phra mo'i rnal 'byor pas shes bya/ zhes bya bas gsungs te/ kun gzhi rnam par shes pa ni reg pa dang yid la byed pa dang tshor ba dang 'du shes dang sems pa rnams dang rtag tu ldan pa yin mod kyi/ 'on kyang snga ma bzhin du bdun po rnams de rnams kho nar 'dus pa rnam par bshad par bya'o/ /de rnams ni phra mo'i rnal 'byor pa zhes bya ba shes rab phra zhing shin tu rno ba dang ldan pa'i rnal 'byor pa rnams kyis shes par bya ste kun gzhi rnam par shes de kho na nyid kyi blo gros rno ba rnams kyi shes par bya ba yin pa'i phyir ro/ /da ni don dang mthun pa'i ming/ /sa bon thig ler ldan pa min/ /rlung gi sgo nas 'byung ba med/ /snang ba thob pa gang yin te/ /yongs su grub pa'i mtshan nyid do/ /zhes bya ba gsungs te/ sa bon yi ge a la sogs pa thig ler ldan pa ste/ rjes su 'jug pa'i dbyangs dang tsheg? drag
- 83b
dang yang dag par ldan pa yod pa ma yin no/ /sna'i bu ga'i sgo dag nas rlung 'byung ba ste 'gro ba dang 'ong ba'i 'brel pa yang med do/ /mtshams med kyi snang ba tsam 'bar zhig tu snang ba'i phyir snang ba nye bar thob pa'i ye shes de nyid yongs su grub pa ste/ kun gzhi rnam par shes pa gyur nas/ yongs su ste kun nas grub pa nyid yin par brjod do/ zhes bya ba ni dgongs pa ma yin pa'o/ /da ni mjug bsdu ba rang bzhin phra ba brgya dang ni/ /drug cu tham pa 'di rnams ni/ /rlung gi bzhon pa can gyi rgyus/ /nyin dang mtshan du 'byung ba yin/ /zhes bya ba gsungs te/ thabs dang shes rab dang ma rig pa'i ngo bo'i rang bzhin brgya drug cu 'di rnams nyin dang mtshan du brgya drug cu 'byung ngo/ /de nyid kyi phyir de rnams ni phra ba yin te/ /rang gi rig par bya ba nyid yin pa'i phyir ro/ /rlung gi bzhon pa can te rnam par shes pa ste/ byed rgyu'i rgyu des 'byung ba ni skye zhing 'gag pa'o/ /dbang phyug la sogs rgyu can nam rgyu med pa can dag ma yin te/ sngar bkag pa nyid kho na yin pa'i phyir ro/ /rgyu med pa nyid yin te/ thams cad rtag tu 'byung ba 'am res 'ga' yang mi 'byung ste/ rgyu med gzhan la mi bltos phyir/ /rtag tu yod pa'am med par 'gyur/ /dngos po rnams ni res 'ga' zhig /'byung ba ltos pa las yin no/ /zhes gang bshad pa'o/ /de lta na rnam par shes pa gsum ni sems yin la rang bzhin rnams ni sems las byung ba yin pa'i phyir 'khor ba'i 'khor lo ma lus pa ni de'i rang bzhin kho na yin te yang dang yang du skye zhing 'jig par 'gyur bas/ de dgag pa'i phyir stong pa nyid la sogs pa'i rim pas lam bsgom par bya'o/ zhes bya ba ni dgongs pa ma yin pa'o/ /da ni dus kyi dbye ba'i sgo nas 'byung ba'i rim pa skad cig thab? cig yud tsam dang/ mig 'dzums de bzhin thal mo ru/ /zhes bya bas gsungs te/ rang bzhin de rnams skad cig re re dang thang cig re re dang
- 84a
yud tsam la sogs pa rnams su yul de dang de nyams su myong ba 'am/ sngar 'bas pa'i yul rjes su dran pa'i sgo nas 'byung bar 'gyur ro/ /de nas rnal 'byor pa phra mo'i lta ba can gyis de rnams skad cig la sogs pa'i dbye ba la rten nas ngo shes par bya ste/ gzhan du na sems las byung ba rnams kyi rnam par dbye ba ma shes pa'i phyir ro/ /skad cig gang la rang bzhin dge ba 'am/ mi dge ba 'am bar ma gang byung zhes rnam par dpyad par byed pa na/ rab tu dbye ba shes par byas nas/ de lta bu'i ting nge 'dzin mngon du bya'o/ /gzhan du na ting nge 'dzin rnams 'dres par 'gyur te/ de'i phyir rang bzhin rnams dgag par mi 'gyur ro/ /shin tu phra ba'i blo can gyi yul du gyur pa'i spyod pas gang gi tshe rang bzhin dang rnam par shes pa'i bye brag shes pa de'i tshe myur du sems rnam par dag pa thob par 'gyur ro/ /zhes bya ba ni bsdus pa'i don te/ dgongs pa ma yin pa'o/ /da ni skad cig la sogs pa rnams kyi mtshan nyid/ skad cig se gol gtogs par bshad/ /thang cig yungs kar bskor ba tsam/ /yud tsam dbugs dbyung rdub pa yin/ /mig 'dzums mig ni 'dzums pa yin/ /thal mo lag gnyis brdabs pa ste/ skad cig la sogs mtshan nyid do/ /zhes bya bas gsungs te/ se gol gyi sgra dus ji srid gcig tu 'byung ba de ni skad cig gi /yungs kar gyi 'bras bu dus ji srid cig tu bskor ba ste lag pa la sogs par bskor ba de ni thad cig go/ srog ces bya ba'i rlung snying ga nas gdong gi sna'i bu ga ji srid cig tu 'byung ba de ni yud tsam mo/ /dus ji srid cig mig dag 'dzums bar 'gyur ba de ni mig 'dzums so/ /dus ji srid du lag pa gnyis brdabs pa de ni thal mo brdabs pa ste de rnams skad cig la sogs pa rnams kyi mtshan nyid du shes par bya'o/ /dus kyi mtshan nyid ni rang bzhin rnams kyi 'byung ba'i mtshan nyid
- 84b
yongs su shes par bya ba'i don tu bshad do/ /'di skad du bshad pa yin te/ dus de tsam las yun thung ba 'am/ ring bar rang bzhin rnams 'byung bar mi 'gyur te/ de rnams ni shin tu phra ba nyid yin pa'i phyir ro/ /de'i phyir rnal 'byor bas skad cig la sogs pa'i dus kyi dbye bas rang bzhin rnams ngo shes par bya zhing/ shes nas de dang rjes su mthun pa'i gnyen po brten par bya ste/ sgra ji bzhin pa'o/ /da ni ji ltar 'khor ba'i 'khor lo rlung dang ldan pa'i rnam par shes pa'i dbang gi 'byung ba dang de rnams dgag pa ste gnyi ga bstan pa'i phyir/ rang rig tsam gyi ye shes ni/ /nam mkha' lta bur mtshan nyid med/ /'on kyang de'i dbye yod do/ /mtshan mo nyin mo mtshams bdag nyid/ /ces bya ba gsungs te/ re zhig dang por shes pa ni/ gzung ba dang 'dzin pa'i rnam pa dang bral ba'i rang bzhin gyi stong pa rnal 'byor gyi mngon sum gyi tshad mas rtogs par bya ba rang rig tsam ste chos kyi sku'i rang bzhin yin yang rnam par shes pa ni thog ma med pa'i ma rig pa'i bag chags goms pa'i dbang gis nam mkha' lta bu ste nam mkha' dang mtshungs par skye ba dang rga ba dang 'chi ba'i mtshan nyid dag dang bral ba yin yang/ gzung ba dang 'dzin pa'i ngo bo nyid du gyur nas rags pa'i rang bzhin nyid du gyur te/ mi shes pa'i mun pa'i dbang gis rang gi ngo bo brjed par gyur nas bdag tu 'dzin pa dang bdag gir 'dzin pa la brten te/ rnam par shes pa brgyad kyi rang bzhin du 'byung ngo/ /de yang 'jug pa'i rnam par shes pa dang nyon mongs pa can gyi yid kyi rnam par shes pa dang kun gzhi'i rnam par shes pa'i dbang gi dbye ba gsum la brten nas 'byung ba na 'khor bar 'khor bar 'gyur ro/ /de la ji ltar dbye ba yod ce na mtshan mo ni 'jug pa'i rnam par shes pa'o/ /nyin mo ni nyon mongs pa can gyi yid kyi rnam par shes pa'o/ /mtshams ni kun gzhi
- 85a
rnam par shes pa ste/ de nyid la rnam par dag pa'i sgo nas snang ba la sogs pa rnams kyi ming btags so/ /sems 'di ni rnam pa gsum du bcom ldan 'das kyi mdo dang rgyud kyi rgyal po de dang de rnams su bshad cing bstan to/ / 'dis ni rang gi 'dod pa tsam yin pa 'gog par byed do/ /sems de'i sgrub pa ste skye ba sgrub pa'i rgyu bshad par bya ste/ rlung rnams stong pa'i gzugs kyis ni/ /shes dang yang dag 'dres gyur nas/ /dbang po'i lam las byung nas ni/ /yul rnams la ni dmigs par byed/ /'dir skye ba dang las kyi bag chags kyis nyes pas bskul ba'i dri za'i sems can dbang po kun dang ldan pa'i srid pa bar ma'i gnas skabs na gnas pa'i 'dod chags dang zhe sdang gi bag chags dag gis bskul nas de'i tshe skyes pa dang bud med kyi dbang po sbyor ba'i skabs su mngal gyi nang du 'jug ste/ de dag gi khu ba dang khrag dag gis btums nas mer mer po dang gor gor po dang rkang lag 'byung pa dang/ rus pa dang lpags pa dang spu la sogs pa'i dngos pos zla ba dgu dang bcu'i rim gyis srog chags kyi dngos po nyid du gyur nas ma'i lte ba nas byung ste/ dngos po rnams mthong ba dang thos pa dang snom pa dang za ba dang reg pa dang shes par byed do/ /de nas 'dod chags dang zhe sdang la sogs pa'i nyon mongs pa dang nye ba'i nyon mongs pa rnams kyis 'khyam pa dang/ yang dang yang du 'chi zhing de kho na bzhin du skye bar 'gyur te/ de ltar 'khor ba'i brtson ra'i sdug bsngal mdza' yas pa dang ldan pa'i 'gro ba drug tu zo chun gyi 'khrul 'khor bzhin du skye ba ni sems can rnams kyi skye ba'i lam yin no/ /de nyid ston te/ rlung de srog la sogs pa'i rlung gi tshogs stong pa'i gzugs rang bzhin gyis stong pas shes pa ste/ rig pa tsam gyi rnam par shes pa dang ldan pa'i dri za'i sems can ma'i mngal du khu ba khrag gi thig le
- 85b
yang dag par 'dres par gyur nas so/ /phyis byung nas te mngal nas byung nas te/ dbang po'i lam nas te mig la sogs pa'i sgo nas gzugs la sogs pa'i yul rnams la dmigs shing 'dzin par byed do/ /de'i tshe mig gzugs snang ba dang/ yid la byed pa'i gthus? mig la sogs pa'i rnam par shes pa rnams skye bar 'gyur ro/ /zhes bya ba ni sems kyi skye ba'i tshul yin te/ dgongs pa ma yin pa'o/ /da ni sems las byung ba'i rang bzhin rnams kyi skye ba'i tshul rlung ni bzhon pa nyid gyur nas/ / gang tshe snang ba ldan gyur pa/ /de tshe rang bzhin de dag kun/ /cig car ram ni rim gyis 'byung/ /zhes bya ba gsungs te/ bsam pa ni 'di yin no/ /rlung de nyid rnam par shes pa'i bzhon pa nyid du gyur nas snang ba ste bde ba dang sdug bsngal dang btang snyoms kyi bdag nyid du gyur yul ji lta ji ltar snang ba dang ldan zhing gzugs brnyan shar bar gyur pa de'i tshe rang bzhin de lta bu'i sems la byung ba'i chos rnams 'byung zhing skye bar 'gyur ro/ /ji ltar zhe na cig car ram ni rim gyis te/ dus cig tu 'am rim gyis so/ /sems las byung ba rnams ni rim gyis 'byung bar gyur pa ma yin nam/ ji ltar cig car 'byung bar 'gyur zhe na/ gtso bo dang gtso bo ma yin pa'i sgo nas yin no zhes smra ste/ rol cha mang po tshogs pa'i sgra ji bzhin no/ /de bzhin du kha nang la sogs pa dngos po rnam pa sna tshogs pa myang bar byed pa'i tshe/ bdag nyid kyi so sor rig par bya ba'i ro'i bye brag khyad par du 'phags pa kho na nyams su myong bar 'gyur ba de bzhin du don nyams su myong ba'i tshe yang sems las byung ba'i skad cig khyad par can rnams kho na 'byung bar 'gyur ro/ /de'i phyir cig car yang 'byung bar 'gyur ro/ /zhes bya ba ni sems las byung ba rnams skye ba'i tshul yin te/ spyi'i don to/ /da ni rlung g.yo ba'i sgo nas rang bzhin gyi dbye ba/ /rlung ni gang dang gar gnas pa//
- 86a
rang bzhin de dang de skyed byed/ /ji srid rlung gi ma bskyod pa'i/ /snang ba mi g.yor ma gyur pa zhes bya bas gsungs te/ don ni 'di yin no/ /re zhig rlung ni rnam pa lnga dang rnam pa bcu yin par sngar bshad cing de'i gnas snying ga la sogs pa'i gnas rnams dang las kyi bye brag kyang bstan mod kyi 'on kyang rang gi ngo bo dpyad na chos kyi dbyings kyi 'khor lo 'od gsal ba las rlung byung ste/ de'i phyir g.yon dang g.yas dang bar ma'i rtsa gsum ni lam yin no/ /de bas na gang dang gang du ste g.yon nam g.yas sam dbus su rlung gnas pa ni rang bzhin de dang de ste sems las byung ba'i chos de lta bu dang de lta bu skyed par byed cing 'byung bar byed do/ de bzhin du yang rtsa g.yon pa'i lam nas byung ba'i rlung gi shes rab kyi ngo bo rang bzhin rnams skyed par byed do/ /g.yas na gnas pas ni thabs kyi ngo bo rnams so/ /dbus na gnas pa ni ma rig pa'i ngo bo rnams skyed par byed mod kyi 'on kyang dmigs pa la bltos dgos te/ de'i phyir gsungs pa/ ji srid snang ba ste yul 'dzin pa las 'dra ba'i rnam pa can du gyur pa'i rnam par shes pa de mi g.yo zhing brtan par ma gyur pa'i srid du rlung gi bskyod pa ste gzhon pa'i ngo bo nyid kyis bskul bar bya ba yin pas na rlung gi bskyed pa'i ni rnam par shes pa rgyu ba ste mi 'byung mi skye'o/ /de ltar rtsa'i bye brag dang rjes su mthun pa'i yul 'dzin pa las rang bzhin rnams 'byung ngo/ /zhes bya bas ni bshad zin to/ /spyi'i don to/ /da ni 'gog pa snang ba gnyis kyi rgyu can te/ bdag gi dngos po rnam par brtag /gnyi ga'i yan lag can nyid kyi/ /snang ba nye bar thob par 'gyur/ /zhes bya ba gsungs te/ snang ba gnyis te/ rang bzhin rnams dang/ rnam par shes pa dgag pa'i don du/ oM dang a gnyis rjes su 'jug pa'i dbyangs dang tsheg drag la gzhug pa sngon du 'gro ba
- 86b
can gyi zla ba dang nyi ma'i 'od zer dang mtshungs pa'i snang ba mthong ba de'i rgyu can ngag gi dngos po ste 'jug pa'i rnam par shes pa dang nyon mongs pa can gyi yid kyi rnam par shes pa rnam par brtag pa ni 'gog pa bsgom par bya'o/ /de'i rjes la gnyi ga'i yan lag can te snang ba gnyis su mthong ba dang bral nas ro gcig tu gyur pa mtshams kyi snang ba lta bur mthong ba'i snang ba nye bar thob pa kun gzhi rnam par shes pa gyur pa'i mtshan nyid kyi ye shes rnal 'byor ba la skye bar 'gyur ro/ /zhes bya ba ni 'gog pa'i rim pa ste sbas pa'o/ /de ltar sngags kyi rim pa bstan nas phyag rgya'i rim pa ni/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba 'di/ /gsal bar de las mtshon par 'gyur/ /zhes bya ba gsungs te/ sgyu ma dag ni thams cad las te/ mig 'phrul mkhan dang sman dang nor bu dang/ sngags la sogs pa las byung ba rnams kyi nang nas bud med sgyu ma ste phyag rgya byas pa'i sgyu ma khyad par 'phags pa ni khyad par can gyi gnas skabs su gyur pa'o/ /ci'i phyir zhe na/ 'di ltar phyag rgya de la brten nas snang ba la sogs pa'i mtshan nyid kyis dga' ba dang mchog dang bral ba'i bdag nyid kyi ye shes gsum gyi dbye ba gsal bar byas nas mtshon par 'gyur zhing nyams su myong bar 'gyur ro/ /de bzhin du yang rnam pa sna tshogs pa'i skad cig gi dus su ni snang ba gsal ba'i rang bzhin gyi mchog go /rnam par nyid pa'i skad cig gis dus su ni snang ba nye bar thob pa'i rang bzhin gyi bral ba ste sbas pa'o/ /da ni de nyid rgyas par byed de/ 'dod chags nyid dang chags bral dang/ /de dag par na gnas pa ni/ /dbang po gnyis ni mnyam sbyor ba'i/ /rdo rje pad+ma 'dus las so/ /'dod chags ni snang ba ste dga' ba'o/ /'dod chags dang bral ba ni snang ba nye bar thob pa ste bral ba'o/ /de dag bar ste dbus na gnas
- 87a
pa'i gsum pa gang yin pa de ni snang ba gsal ba ste mchog go /de rnams kyang ji ltar nyams su myong bar 'gyur zhe na rdo rje pad+ma 'dus las so/ /dbang po gnyis te thabs dang shes rab dag mnyam par sbyor zhing snyoms par 'jug pa zhes bya ba'i don to/ /de nas 'jug pa'i rnam par shes la sogs pa gsum 'gag par 'gyur ro/ /zhes bya ba'i tha tshig ste sbas pa'o/ /nang gi bdag nyid can gyi thabs dang shes rab kyi snyoms par 'jug pa ni/ ye shes gnyis ni mnyam sbyor pa/ /snyoms par 'jug pa rab tu bshad/ /ye shes gnyis ni mnyam sbyor dang/ /ji skad bshad pa'i bya ba yis/ /'bad pas ye shes gang thob pa/ /de ni snang ba thob pa'o/ /zhes bya bas gsungs te/ dang por phyi rol gyi phyag rgya'i rim pas ye shes gnyis te snang ba dang gsal ba gnyis kyi rang bzhin thob pa gang yin pa de dag mnyam par sbyor ba ni snyoms par 'jug par rab tu bshad cing bstan to/ /'di ltar snang ba'i ye shes ni shes rab kyi rang bzhin la snang ba gsal ba'i ye shes ni thabs kyi rang bzhin yin te/ de dag mnyam sbyor ba ni thabs dang shes rab snyoms par 'jug pa'o/ /de'i rjes la ye shes gnyis ni mnyam sbyar te/ de dag nye bar bsdus pa dang/ /ji skad bshad pa'i bya ba ste/ /sngags kyi rim pas sa bon la sogs pa'i spang ba nyid dang/ phyag rgya'i rim pas dga' ba gnyis spangs pa'i skad cig gi ye shes gang thob pa de ni snang ba nye bar thob pa zhes bya ba ni sbas pa'o/ /phyag rgya med na thabs gang la/ /gang la chu skyes rdo rje sbyor/ /kun rdzob tu yang med gyur na/ /lan cig tsam zhig myong nas kyang/ /rnal 'byor stobs kyi 'grub par 'gyur zhes bya ba gsungs te/ rnal 'byor pa gang la rigs dang rjes su mthun pa'i phyag rgya khyad par can dang lhan cig rdo rje dang pad+ma dang mnyam par sbyor ba kun rdzob tu ste grags par med par gyur cing yod pa ma yin na/ de la
- 87b
thabs ci yod ce na/ rnal 'byor stobs kyis zhes bya ba rnal 'byor te/ ting nge 'dzin nges bskyed pa'i ye shes kyi phyag rgya dang lhan cig snyoms par 'jug par bya zhing/ de'i stobs kyis te mthus snang ba la sogs pa'i ye shes gsum mtshon par bya'o/ /gal te rang dga' i rnam par rtog pa bzhin du tshad ma ma yin par gyur pa'i rang gi rnam par rtog pas brtag pa ste/ kho na nyid yin par ji ltar 'gyur ba ma yin nam zhe na/ de ni ma yin te/ ji ltar lan cig ste 'od zer gcig shes rab ye shes kyi dbang gi dus su myong zhing dpe'i sgo nas mtshon pa'i bde ba chen po gang yin pa de nyid rnal 'byor pas ye shes kyi phyag rgya dang snyoms par 'jug pas kyang dpe las byung ba'i rang bzhin du mtshon par bya'o/ /sngon nyams su myong ba'i yul dran pa las don med pa'i yul can yin pa'i phyir tshad ma ma yin par dogs par bya ba yang yin te/ rang gi ngang gis 'jug pa'i de kho na nyid ni de kho na'i tshul du mthong ba'i phyir chu'i rgyun gyi rgyun chags pa bzhin no/ /yang na dpe dang dpe las byung ba 'gag la bye brag med pa'i phyir ro/ /zhes bya ba ni sbas pa'o/ /da ni rang bzhin rnams kyi rang gi ngo bo yongs su shes par bya ba'i don du/ ye shes 'jug pa'i ngo bo yis/ /dbye ba ji bzhin shes bya la/ /rang bzhin nyid ni slar yang ni/ /rtag tu rnal 'byor pas mtshon bya/ /zhes bya bas gsungs te/ ye shes 'jug pa'i ngo bo zhes bya ba shes pa rnams dang 'jug pa ste/ rang bzhin rnams kyi rang gi ngo bo dbye ba ji bzhin te/ dbye ba'i rim pa shes par byas shing/ rtogs par byas la thabs dang shes rab dang ma rig pa'i bdag nyid du gnas pa'i rang bzhin de dag nyid mtshon par bya zhing bsgom par bya ste sbas pa'o/ /de ltar rang bzhin rnams kyi rnam par dbye ba shes par byas nas/ 'od gsal ba'i rang gi ngo bo nyid yin par yang mtshon par bya ba'i phyir/ ji ltar sprin ni sna tshogs shing/ /mdog dang dbyibs
- 88a
ni tha dad pa/ /nam mkha' i dbyings nas byung nas ni/ /de nyid du ni thim par 'gyur/ /de bzhin rang bzhin thams cad ni/ /snang ba gsum gyi rgyu can te/ ma lus yul rnams spyad nas ni/ /'od gsal bar ni 'jug par 'gyur/ /zhes bya ba gsungs te/ ji ltar sngon po dang ser po la sogs pa'i mdog dang phra ba dang/ rags pa la sogs pa'i dbyibs kyi rnam pa dang ldan pa'i sprin te/ cher 'dzin pa rnams nam mkha' i dbyings nas te/ nam mkha' i dkyil nas 'byung zhing langs nas slar nam mkha' de nyid du thim zhing zhi bar 'gyur te/ de rnams gang nas 'ongs pa 'am gang du song ba mi shes pa de ltar 'jig rten gyi rtogs par 'gyur ro/ /de bzhin tu rang bzhin thams cad rnam par shes pa gsum las byung nas rang rang gi 'dod pa'i yul dpyad nas chos kyi sku'i rang bzhin gyi de kho na nyid bzhi pa 'od gsal bar 'jug par 'gyur ro/ /'di ltar gang zhig gi rang bzhin gang yin pa de ni phyis de'i ngo bo nyid du 'gyur ro/ /byang chub kyi sems kyi 'grel pa las/ bu ram gyi ni mngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa rang bzhin yin par 'dod/ /ces bya ba gsungs pa dang/ de bzhin du gzhan las kyang/ e ma ho/ ri mo sna tshogs yang dag don gyi rnam par shes pa bzhin duAng/ mnyam dang mi mnyam mtho dman rtog pa'i blo yi 'khrul pa skyed par byed/ /'khor ba thog ma med nas sems kyi nam mkha' i dbyings la bris pa yi/ /rdzun ma'i kun tu rtog pa dag gis srid gsum 'di ni bslus pa yin/ /zhes gsungs te mthar thug pa'o/ /rang gi ngo bo rnams yongs su ma shes pa'i rnam par rmongs pa ni/ de'i rang bzhin ma shes pas/ /mi shes mun pas khebs pa rnams/ /dge dang mi dge'i las byas nas/ /'gro ba lnga ni 'khor bar 'gyur/ /zhes bya bas gsungs te/ de'i zhes bya ba rnam par shes pa dang rang
- 88b
bzhin gyi tshogs rnams kyi rang bzhin yongs su ma shes nas mi shes mun pa ste gti mug la sogs pa'i nyon mongs pa'i dra bas khebs shing non pa'i rmongs pa rnams sbyin pa la sogs pa'i dge ba byas nas bde 'gro nyid thob par 'gyur zhing de bzhin du mtshams med pa la sogs pa'i mi dge ba byas nas dmyal bar 'gro bar 'gyur ro/ /de'i phyir 'gro ba lnga'i bdag nyid kyi srid pa'i 'khor lor 'khor bar 'gyur ro/ /de nyid khyad par du mtshams med la sogs byas nas ni/ dmyal la sogs pa 'tshed par 'gyur/ /sbyin pa la sogs dge ba byas nas ni/ /mtho rigs la sogs dag tu mchod/ /skye ba dpag med stong phrag ni/ /yang dang yang du 'thob pa nyid/ /'di ni sngon las rnam smin zhes/ /rmongs pa dag ni mya ngan byed/ /ces bya bas gsungs te las dge ba dang mi dge ba byas pas bde 'gro dang ngan 'gro dag tu bde ba dang/ sdug bsngal nyams su myong nas/ yang de nas 'chi 'phos te/ skye ba stong phrag dpag tu med par yang dang yang du srid pa nying mtshams sbyor ba thob nas shin tu sdug bsngal ba'i dbang gis rmongs pa rnams 'di skad du e ma'o/ /'di ni sngon gyi las kyi rnam par smin pa'i 'gyur ba'o/ /zhes sgra bar byed do/ /rang bzhin gyi tshogs ma gtogs par sngon gyi las zhes bya ba don dam pa rnam par dpyad na yod pa ma yin zhing/ rang bzhin rnams kho na 'gro ba dang 'ong ba'i dngos pos srid pa gsum du 'khor bar byed la/ sngon ma byung ba'i sngon gyi las ni yod pa ma yin no snyam du dgongs pa ste sgra ji bzhin pa'o/ /da ni rang bzhin rnams kyi rang gi ngo bo yongs su shes pa kho na 'thad pa yin par/ rang bzhin snang ba dang ldan pas/ /gang gis skye bo nyon mongs pa/ /de nyid shes nas ye shes can/ /srid pa'i gzab las grol bar 'gyur/ /zhes bya bas gsungs te/ rang bzhin rnam pa gsum dang ldan
- 89a
pa ste/ rnam par shes pa de rnams dang ldan pas te de rnams dang 'brel pas so/ /gang gis skye bo so so'i skye bo rnams 'khor ba'i dgon par nyon mongs pa ni 'gro ba drug gi dbye bas 'gro dang 'od bar byed pa'o/ /de nyid shes nas sngar bshad pa'i rim pas shes nas ye shes can gyi rnal 'byor ba srid pa'i gzeb ste 'khor ba las grol bar 'gyur zhing 'byung bar 'gyur ro/ /'dod chags la sogs dri bcas sems/ /'khor ba yin par des dben pa/ /mdor na thar pa yin par ni/ / rgyal ba sgrib pa spangs pas gsungs/ /de bzhin du rig pa drug cu pa las kyang/ /las rnams 'bras bcas nyid dang ni/ /'gro ba rnams kyang yang dag gsungs/ /de yi rang bzhin yongs shes phyir/ /skye ba med pa'ang bstan pa yin/ /zhes bya ba la sogs pa gang gsungs pa de mthar thug pa'o/ /da ni ye shes gsum gyi rnal 'byor gyis sems rnam par dag pa la 'jug par mi nus shing/ 'on kyang de nyid zla ba dang rdo rje la sogs pa'i lha'i gzugs su bsgyur bar byed pa gang yin pa de ni brtags pa'i rnal 'byor ba yin gyi/ rdzogs pa'i rim pa'i rnal 'byor pa ni ma yin no/ /zhes bstan pa'i phyir shes rab ngo bo 'di nyid ni/ /zla ba'i dkyil 'khor dag tu brtag /sems nyid rang gis mthong 'gyur te/ /rang nyid zla ba'i gzugs bzhin no/ zhes bya bas gsungs te/ chos kyi dbyings kyi 'khor lor rjes su 'jug pa'i dbyangs yi ge oM dang ldan par byas nas de'i rten du gyur pa'i zla ba'i dkyil 'khor shes rab kyi rang bzhin nyid du rnam par bsams nas zla ba'i dkyil 'khor de nyid rang bzhin gyis dag pa nyid yin pa'i phyir/ rang gi sems nyid du mthong bar 'gyur te/ ji skad du dpal de kho na nyid bsdus pa las rigs kyi bu khyod kyi sems la so sor rtog pa'i ting nge 'dzin la dmigs par gyis shig ces gsungs
- 89b
pa bzhin no/ /de'i 'og tu ci zhig bya zhe na/ de'i phyir de nas zla ba la dmigs nas/ rdo rje mtshan mar rab tu brtag /rdo rje sems 'di bskyed pa yi/ /rnal 'byor pa yi thabs ston byed/ /ces bya bas gsungs te/ de nas zla ba'i dkyil 'khor 'od gsal ba la ltas nas snang ba skyed pa'i dus su/ nyi ma'i dkyil 'khor la gnas pa'i rdo rje'i steng gi tsheg drag gi gzugs dang gcig tu gyur pa'i rdo rje mtshan ma rab tu brtag par bya ste de'i tshe ye shes lnga'i rang bzhin yin pa'i phyir rdo rje de ni bskyed pa'i rim pa'i rnal 'byor pa rnams kyi thabs ston par byed pa yin te/ lha'i rnam pa'i rgyur gyur pa nyid yin pa'i phyir de nas ci zhig bya zhe na/ de phyir zla ba rdo rje sogs sbyor ba/ /sems dang sems byung 'dus pa ste/ /shes rab thabs ni 'dus pa las/ /lha yi gzugs ni 'byung bar 'gyur zhes bya bas gsungs te/ de nas zla ba dang rdo rje la sogs pa bsgom pa spangs nas gang gi snang ba nye bar thob pa la 'jug pa de'i tshe rdzogs pa'i rnal 'byor ba yin no/ /gang gi tshe 'jug par mi byed cing 'on kyang de yongs su gyur pa'i lha'i skur skad cig gis bskyed nas sgom par byed pa de'i tshe ni/ brdag pa'i lha'i rnal 'byor pa yin ni/ /zhes bya ba'i don to/ /de nyid gsungs pa zla ba rdo rje la sogs sbyor ba ste de dag ro gcig tu gyur pa/ sems dang sems byung thabs dang shes rab kyi rang bzhin gyi ye shes dag 'dus pa las lha'i gzugs te rdo rje 'chang chen po la sogs pa'i lha'i rnam pa 'byung zhing skye bar 'gyur ro/ /de'i tsho ci zhig bya zhe na/ de'i phyir phyag rgya bzhis ni rgyas btan nas/ /lha yi nga rgyal ? byed de/ /bskyed pa'i rim dang ldan par ni/ /sngags pa rtag tu spyod par 'gyur/ /zhes bya bas gsungs te/ de'i rjes la sku rdzogs pa dgug pa dang gzhug pa dang bcing ba dang dbang du bya ba ste/ phyag rgya bzhis ye shes sems dpa'
- 90a
gzhug pa la sogs pa'i don du rgyas btab nas sam/ yang na sangs rgyas spyan dang mA ma kI dang/ gos dkar mo dang sgrol ma ste/ phyag rgya bzhis rgyas btab nas te/ 'khor nyid kyis bskor nas sam yang na las dang dam tshig dang chos dang phyag rgya chen po rnams kyi rgyas btabs nas te byin gyis brlabs nas lha'i nga rgyal te khyad par du 'phags pa'i 'dod pa'i lha'i nga rgyal 'chang bar byed cing 'dzin par byed pa'i rnal 'byor pa ni de'i tshe bskyed pa'i rim pa'i rnal 'byor dang ldan pa yin zhes brjod par bya'i rdzogs pa'i rnal 'byor dang ldan pa ni ma yin no/ /rnal 'byor pa rnams kyis lha'i rnal 'byor ni rnam pa gnyis te/ sngags kyi sku'i rnal 'byor dang/ ye shes kyi sku'i rnal 'byor ro/ /sngags kyi sku ni bskyed pa'i rim pas so/ /ye shes kyi sku ni bdag byin gyis brlabs pa'i rim pas yin no/ /gang gi tshe yang snang ba nye bar thob pa la sogs pa'i rim pas sam 'od gsal ba las skad cig gis lha'i rnam par 'dzin pa de'i tshe yang rdzogs pa'i rim pa kho na yin no/ /zhes bya ba ni khyad par yin no/ /'o na las kyi phyag rgya la sogs pa rnams gang yin zhe na/ bcom ldan 'das kyi thams cad mkhyen pa 'jig byed ces bya ba rnal 'byor chen po'i rgyud las de nas yang dag bshad bya ste/ /rnal 'byor mchog tu gsang ba nyid/ /dang por ye shes sems bsgoms nas/ /phyag rgya chen po'i kun tu gzung/ /zla ba'i dkyil 'khor lta bu yi/ /byang chub sems ni thugs kar gnas/ /yi ge'i phyi mo dang ldan zhing/ /cung zad nyi zla ltar snang bar/ /rnal 'byor chen pos mthong ba ni/ /dam tshig zhes bya gzung bar bya/ /sna tshogs rdo rje snying gnas pa'i/ /las kyi phyag rgya bcing bar ni/ /nges pa nyid du shes bya ste/ /de lta na ni nges 'grub 'gyur/
- 90b
lce la rdo rje rnam bsgom nas/ /chos kyi phyag rgya gzung bya ste/ /ji ltar 'dod pa'i las rnams ni/ /myur du 'grub par the tshom med/ /de lta'i phyag rgya rnam pa bzhi/ /blo ldan gang gis mi shes pa/ /de rnams kyis ni rnal 'byor dang/ /sdom mchog nges par 'grub mi 'gyur/ /gsang zhing bde ba'i thabs ldan pa/ /sangs rgyas rol pa rnyed dka' ba'i/ /byang chub sems dpa' shes bya ba'i/ /rtag tu shes rab rgya mtshor gnas/ zhes bya ba la sogs pa gsungs te/ sgra ji bzhin bkrod ni don 'di nyid kyi lung gi tshad ma/ dpal ldan 'dus sogs de dang der/ /rab rgyas ji skad gsungs pa ni/ /ji srid bsgom dang ldan gyur pa/ /de srid dang po'i las can yin/ /zhes bya bas gsungs te/ dpal gsang ba 'dus pa la sogs rnal 'byor mchog gi rgyud dang rnal 'byor chen po'i rgyud de dang der zhes bya ba le'u re rer bcom ldan 'das kyis gsungs shing bstan te/ rab rgyas shes bya ba ni rab tu spros nas gsungs pa'o/ /ci dang ji srid du bsgom pa dang ldan pa ste/ rnal 'byor pa brtags pa'i lha'i rnam pa bsgom pa gsgom par byed pa de dang de srid du ni dang po'i las can zhes bya ste/ rtog pa dang bcas pa nyid dang slob ma nyid yin pa'i phyir/ dge ba dang mi dge ba la rnam par rtog pa dag la don dam par byed brag cung zad kyang mi dmigs te/ rnam par rtog pa'i bag chags yang 'khor ba'i rgya mtshor lhung bar byed pa nyid yin pa'i phyir ro/ /dge ba 'am mi dge ba yang rung/ /rnam rtog bye brag ci zhig yod/ /me ni sreg par byed pa la/ /rten gyi dbye bas bye brag med/ /de ni can dan las byung yang/ /reg na sreg par byed pa nyid/ /rnam par rtog pa chung du yang/ /thams cad spang bar bya ba nyid 'khrul pa'i dar bzhin rtogs pas ni/ /sems ni glod par byed pa nyid/ /ces bya ba la sogs pa gang bshad pa ste/ sgra ji bzhin pa'o/ /gal te de lta yin na 'o na rdzogs pa'i rim pa bshad dgos so zhe na/ /de phyir da ni rdzogs pa'i rnal 'byor nyid/ /gsal ba ru ni bshad bya
- 91a
ste/ zhes bya ba gsungs te/ da ni yongs su rdzogs pa'i rnal 'byor te/ rdzogs pa'i rim pa gsal ba ru bshad par bya ba bstan cing brnyad par bya'o zhes bya ba'i tha tshig ste sgra ji bzhin pa'o/ /de nyid stong pa gsung gi rnam dag dang/ /'od gsal ba ni 'dir bshad do/ /de ni thams cad stong pa ste/ /ye shes gsum ni rnam dag pa/ /zhes bya bas gsungs te/ stong pa gsum ste nyin mo dang mtshan mo dang mtshams kyi rang bzhin gyi stong pa dang shin tu stong pa dang stong pa chen po ni 'jug pa'i rnam par shes pa dang/ nyon mongs pa can gyi yid kyi rnam par shes pa dang/ kun gzhi'i rnam par shes pa rnams dang/ snang ba dang snang ba gsal ba dang snang ba nye bar thob pa rnams dang/ de rnams kyi rang bzhin dang shes rab dang thabs dang ma rig pa'i rang bzhin gyi ngo bo rnam pa gsum zla ba dang nyi ma dang mtshams kyi rab tu gsal ba dang mtshungs pa'i snang ba rnams kyi sa bon dang bcas pa dang sa bon med par bsgom pa'i rim pas rnam par dag par byed pa yin no/ /zhes brjod par bya'o// stong pa gsum po de yang gang gi tshe ye shes la dbang ba tsam thob pa nyid yin pa'i phyir/ sangs rgyas kyi sa thob par byed pa yin pa de'i tshes bcu gnyis pa thob par byed pa'i phyir/ yang spangs nas bzhi pa thams cad stong pa 'od gsal ba'i gnas goms par byed do/ /de yang sngags kyi rim pas sngar bshad pa'i snang ba gsum dang bral ba'i phyir chos kyi dbyings kyi 'khor lo yang nub par gyur nas nam mkha' sprin med pa dang mtshungs par rtag tu rab tu gsal ba'i snang ba nyams su myong bar 'gyur ro/ /gang du mtshan ma'i rnam par brtog pa dang nyin mo dang mtshams kyi rnam par rtog pa mi 'byung ba der bsam gtan gyi zas 'ba' zhig dang ldan pa'i rnal 'byor pa kun nas nyon mongs pa dang/ rnam par byang ba'i rnam par rtog pa spangs
- 91b
nas gnas te 'khor ba ji srid kyi bar du bdag dang gzhan gyi don byed cing gnas par byed do zhes bya ba ni dgongs pa ma yin pa'o/ /de nyid kyi khyad par ni/ ye shes dag gnas de nyid dang/ /thams cad mkhyen pa bla med pa/ /'gyur ba med cing snang ba med/ /gnyis med mchog tu zhi ba ste/ /zhes bya bas gsungs te/ 'od gsal ba de ji lta bu zhe na/ snang ba la sogs pa'i ye shes rnams kyi dag pa'i gnas ni dag pa'i gzhi'o/ /de nyid ni don dam pa'i bden pa'i rang gi ngo bo'o/ /thams cad mkhyen pa ni rdo rje 'chang nyid des bcu gnyis pa'i rdo rje lta bu'i ting nge 'dzin gyi ngo bo'o/ /gang las gang na med pas bla na med pa ste bzhi pa'o/ /'gyur ba ni dga' ba la sogs pa'i gsum ste/ de dang bral ba nyid yin pa'i phyir 'gyur pa med pa'o/ /snang ba ni shes pa dang ye shes dang rnam par shes pa dang rang bzhin rnams te de dag spangs pa'i phyir snang ba med pa'o/ /gnyis ni kun rdzob dang don dam pa'i bden pa rnam par rtog pa dag ste/ de dag med pa'i phyir gnyis med do/ /mchog ni rdo rje 'chang gi go 'phang thob pa'i phyir dam pa'o/ /zhi ba ni rnam par rtog pa spros pa dang bcas pa thams cad dang bral ba'o/ /de lta bu thams cad stong pa'i gnas ni 'od gsal ba zhes bya bar brjod de spras pa'o/ /'od gsal ba kho na las thams cad mkhyen pa nyid 'byung gi gzhan las ni ma yin no/ /zhes bstan pa'i phyir/ yod ces pa dang med ces par/ de ni tshig gi brjod mi rung/ /de phyir 'od gsal dag pa las/ /ye shes gsum ni yang dag 'byung/ /sum cu rtsa gnyis mtshan 'chang zhing/ /dpe byad bzang po brgyad cur ldan/ /rnam pa kun gyi mchog ldan pa'i/ /thams cad mkhyen pa de nas 'byung zhes bya bas gsungs te/ 'od gsal ba'i de ni yod do/ /zhes bya ba rnam par rtog pas bstan pa ma yin te/ kun rdzob
- 92a
kyi rang gi ngo bo'i rnam par shes pa rnams med pa'i phyir ro/ /med pa yang ma yin te/ rab tu gsal ba'i rang bzhin gyi rnal 'byor gyi mngon sum gyi tshad mas nyam su myong bar bya ba nyid du yod pa'i phyir ro/ /de ni ji lta bu zhig ce na/ tshig gi brjod par mi rung ste/ /rang gis rig par bya ba nyid yin pa'i phyir gzhon nu ma'i rab tu dga' ba dang lkugs pas rmi lam mthong ba bzhin no/ /kun rdzob tu brtags nas bstan par mi rung gi /rang gi ngo bo'i sgo nas ma yin te lha dang dmyal ba'i bde ba dang/ sdug bsngal nyams su myong ba ston pa bzhin no/ /de'i phyir tshig gi spyod yul ma yin no/ /de'i phyir 'od gsal rtag tu gsal ba'i bdag nyid kyi de kho na nyid dag cing rnyog ma med pa de las ye shes gsum 'byung bar 'gyur zhing de nyid du thim par 'gyur te/ de skad du sngar bstan pa 'di kho na'i phyir ro/ /'ba' zhig ma yin te/ thams cad mkhyen pa ste rdo rje 'chang chen po'i bar du yang de nyid las 'byung bar 'gyur ro/ /ji lta bu zhig ce na/ skyes bu chen po'i mtshan sum cu rtsa gnyis dang/ dpe byad bzang po brgyad cu dang ldan zhing 'brel pa rnam pa kun gyi mchog ste stobs bcu dang mi 'jigs pa dang mngon par shes pa drug dang gzungs dang sa dang pha rol tu phyin pa dang byang chub kyi phyogs dang ma 'dres pa la sogs pa dang thugs rje chen po sangs rgyas kyi yon tan de rnams dang ldan par 'gyur zhing 'grub par 'gyur ro/ /'di skad du bstan pa yin te/ 'od gsal ba yang dag par rtogs nas bdag byin gyi brlab pa'i rim pa de las cig car 'ja' tshon lta bu'i sku la brten te/ dkyil 'khor ma lus pas yongs su bskor bar 'gyur bar 'khor ba ji srid kyi bar du sems can gyi don byed par nus pa'i rdo rje 'chang chen por 'gyur ro/ /zhes bya ba'i don te sbas pa'o/ /de nyid lung gi tshad mas bstan
- 92b
par bya ba'i phyir/ /'di skad rgya che rol pa'i theg pa chen po'i mdo sde las/ shAkya seng+ge de bzhin gshegs/ /mngon par byang chub bzhed pa ste/ /stong pa chen po sangs rgyas nyid/ /'thob par bya zhes mngon par dgongs/ /nai rany+dza na'i chu 'gram ru/ /bzhugs nas mi g.yo ba la bzhugs/ /zhes bya bas gsungs te/ gang las 'khrungs pa dang byang chub pa dang chos kyi 'khor lo dang khab nas byung ba dang rab tu gshegs pa dang dka' ba spyod pa dang/ lha rnams kyi nang du gshegs pa dang bdud bcom pa dang yongs su mya ngan las 'da' ba la sogs bcom ldan 'das shAkya thub pa'i gtam rgyud bstan pa'i rgya cher rol pa zhes bya ba'i theg pa chen po'i mdo las gsungs so/ /shAkya seng ge ni shAkya'i rigs kyi rab mchog go/ 'gyur ba las gyur pa bzhin du nye bar brtags pa'i phyir/ de bzhin gshegs pa ste de bzhin nyid rtogs pas na de bzhin gshegs pa'o/ /bzhi pa 'od gsal ba'i de kho na nyid mngon par byang chub pa de bzhed cing thob par bzhed pas na/ mngon par byang chub pa bzhed pa ste/ de kho na nyid bzhi pa mngon du bya bar bzhed pa ni 'di snyam dgongs par 'gyur te/ de kho na nyid bzhis gang zhig yin zhe na/ stong pa chen po zhes bya ba yin te/ 'di ltar 'di ni stong pa yang yin la chen po yang yin pas stong pa chen po ste/ de las pha rol na sdod pa med do/ /de'i phyir de nyid blang bar bya ba yin pas bdag gis ting nge 'dzin de nyid kyis sangs rgyas nyid thob par bya zhing rnyed par bya'o/ /zhes mngon par dgongs pa la brten nas/ skye bo'i tshogs dang bral ba'i ting nge 'dzin gyi gnas dben pa tshol bar 'gyur ba na/ mdza' mar nai rany+dza na zhes bya ba'i chu bo'i rgyun rab tu zhi bar 'bab pa sems rtse gcig pa'i rgyur gyur pa gzigs nas de'i 'gram ste dogs
- 93a
su byon zhing/ der bzhugs nas te shing a shat+tha'i shing drung gi rtsar nye bar bzhugs nas sems rnam par dag pa'i rim gyis gnas gyur pa'i mtshan nyid kyi de kho na nyid gsum bstod pa chen po zhes bya ba'i mi g.yo ba'i ting nge 'dzin la zhugs shing snyoms par bzhugs so/ /kun nas mi g.yo zhings thams cad 'brel pa'i bag chags sbyong bar byed pas na mi g.yo ba ste/ stong pa chen po zhes brjod par bya'o/ /shAkya'i seng ge ni de tsam kho nas yongs su mnyes bar gyur to/ /zhes bya ba ni ngag gi don te sbas pa'o/ /de'i rjes la 'di ni de kho na nyid ma yin no/ /zhes de la de bzhin gshegs pa rnams kyis nye bar bstan pa ni/ de tshe til gang bzhin gang ba'i/ /mkha' dbyings gnas pa'i rgyal ba yis/ /rgyal ba yis ni sras de la/ /g.yo med gsung gcig gis gsungs pa/ /zhes bya bas gsungs te mi g.yo ba'i ting nge 'dzin la snyoms par zhugs pa'i bcom ldan 'das shAkya thub pa la gzigs nas thos pa la sogs pa'i rim gyis yang dag bar rdzogs pa'i byang chub thob cing sems can gyi don bya ba lhur len pa mngon par shes pa drug dang ldan zhing sangs rgyas kyi sa thob par gyur pa'i bcom ldan 'das sngon grub pa gang yin pa de rnams nam mkha' i dbyings til gyi gang bu bzhin gcig la gcig 'dres par khyab par bzhugs te/ de'i rjes su bzung ba'i don du nyid kyi sku rnams las 'od zer gyi 'khor lo rnam par spros nas des de la dbang bskur te/ snod du rung ba nyid du byas nas/ ting nge 'dzin gsum pa spangs pa'i phyir man ngag bzhi pa bstan pa'i sgo nas mngon par byang chub pa mngon sum du bya ba'i don du skal pa bzang po 'di nyid chos kyi rgyal por gyur nas/ 'gro ba 'dul bar byed par 'gyur snyam du dgongs nas
- 93b
rgyal ba rnams kyi de'i tshe byang chub sems dpa' i sa la gnas shing stong pa chen po'i gnas goms par byas pa las sangs rgyas kyi sa ma thob pa'i rgyal ba'i sras de la g.yo med pa ste sgyu med pa'i sems rab tu dang ba'i blo dang dbyings gcig ste/ tshig gcig gis 'di skad du gsungs shing bstan te/ sgra ji bzhin pa'o/ /de bzhin gshegs pa rnams kyi gsungs pa de nyid ni/ bsam gtan de ni rnam dag min/ /'di ni mthar thug sangs rgyas min/ /nam mkha' i ngos ltar mchog gyur pa/ /'od gsal ba ni de dmigs bya/ /zhes bya bas gsungs te/ kye byang chub sems dpa' shAkya seng ge khyod kyi sems rnam par dag pa bya ba'i phyir du stong pa chen po'i mtshan nyid kyi bsam gtan la dmigs pa'i nga yin pa de ni rnam par dag pa ma yin te/ thams cad stong pa nyid kyi de kho na nyid thob par bya ba ma yin pa dang 'dod chags la sogs pa rnams rnam par dag tu zin kyang rab tu gsal zhing dag pa'i rang bzhin gyi de kho na nyid lhan cig skyes pa thob par byed pa ma yin pa'i phyir ro/ /de bas na bsam gtan 'di ni mthar thug thob byed min te rdzogs pa'i rim pa'i pha rol tu phyin pa nyid du byed pa ma yin no/ /de'i phyir ni dor bar bya'o/ /'on kyang 'dod chags dang 'dod chags dang bral ba dang/ 'dod chags par ma rim gyis spangs pa'i thams cad stong pa 'od gsal de nyid la khyod kyis dmigs par bya ba ste/ blang bar bya zhing rten par bya'o/ /de yang ji lta bu zhe na/ nam mkha' i ngos ltar te/ nam mkha' i dbyings bzhin du glo bur ba'i dri ma rnams kyis ma gos shing khyab par byed pa 'di ni 'di na'o che ge mo zhig na'o/ /zhes bstan du med cing thogs pa med pa'o/ /mchog ni stong pa nyid thams cad kyi gong na gnas pa nyid yod pa'i phyir mchog ste de nyid kho na yin no/ zhes shes par bya'o/ /de bzhin gshegs pa de rnams kyis de lta bu'i man ngag nye bar bstan pa'i 'dis shAkya seng ge rab tu
- 94a
bskul bar 'gyur te mthar thug pa'o/ /de nyid kyi 'bras bu ni 'od gsal ba'i gnas thob na/ rang dga' i gzugs su skye bar 'gyur ro/ /kun gyi dbang phyug thob 'gyur te/ /rdo rje'i skus ni dga' bar 'gyur zhes bya bas gsungs te gang gi tshe 'dod chags la sogs pa'i rnam par dag pa'i rim gyis snang ba la sogs pa gsum mthong ba'i sgo nas 'od gsal ba'i gnas te bzhi pa thams cad stong pa/ rnam grangs gzhan yang lhan cig skyes pa'i bde ba chen po thob pa de'i tshe thob pa na rang dga' i gzugs te rang dbang can gyi gzugs 'ja' tshon dang mtshungs pa'i gzugs brnyan skur skye bar 'gyur ba ni bdag byin gyis brlab pa'i rim pas ye shes kyi skur gyur nas/ sems can thams cad kyi don byed par nus par 'gyur ro/ /zhes bya ba'i don to/ /de'i rjes kun gyi dbang phyug ste khyab 'jug dang drag po dang tshangs pa la sogs pa dang nyan thos rang sangs rgyas dang byang chub sems dpa' thams cad kyi nang nas 'jig rten las 'das pa'i ye shes thob pa ni dbang phyug ste de'i 'thob par 'gyur ro/ /yang na lus dang ngag gi dbang phyug dang/ de bzhin sems kyi dbang phyug ste/ /rdzu 'phrul yon tan kun dbang phyug/ smra byed byed po yon tan brgyad/ /ces bya ba'i dbang phyug de dag thams cad thob pa na rdo rje sku ste 'jigs pa med pa'i ye shes kyi skur gyur nas dga' bar 'gyur ba ni sangs rgyas kyi zhing nas sangs rgyas kyi zhing du 'gro zhing 'khor ba ji srid kyi bar du bskal pa bzang po la khyad par du sems can gyi don byas te/ dga' zhing mgu bar gyur to/ /zhes bya ba'i don te sbas pa'o/ /de bzhin gshegs pa rnams kyi gsung thos ma thag tu shAkya seng ge'i ting nge 'dzin la snyoms par zhugs pa nyid bstan pa'i phyir de ltar sgra de de gsan nas ni/ de nas mi g.yo btang byas na/ /mtshan phyed kyi ni dus dag tu/ /rgyal ba'i sras kyi de nyid dmigs/ /sku ni drang po nyid
- 94b
min zhing/ /mi drang ba nyid ma yin la/ /dbugs gtong ba dang rdub pa nyid/ /gsung ba nyid min mi gsung min/ /nyid kyi spyan phye ma yin zhing/ /spyan btsums pa yang ma yin pas/ /dang zhing gsal ba'i ye shes che/ /thams cad stong pa smad po che bla ma'i zhal snga'i drin gyis ni/ /de nas de ni gsal mthong 'gyur/ /zhes bya bas gsungs te/ de kho na nyid nye bar ston pa'i tshig de lta bu'i rnam pa can/ de bzhin gshegs pa rnams la gsan nas/ 'di ni de kho na nyid rnam par dag pa'i gnas ma yin no snyam du dgongs te ston pa chen po'i ting nge 'dzin mi g.yo ba btang zhing por nas mtshan phyed kyi dus ste nam gyi gung gi dus su rgyal ba'i sras byang chub sems dpa' shAkya thub pas man ngag bzhi pa'i de kho na nyid la dmigs par gyur to/ /'dir don ni 'di yin te/ nam mkha' dbyings na gnas pa'i de bzhin gshegs pa thams cad kyis dang por 'od zer gyi 'khor lo spros pa de'i rgyud snod du rung bar byas te/ de nas ye shes kyi phyag rgya spros nas de ni gnas su btang ste/ de dag lhan cig snyoms par zhugs pas mtshams dang mtshan mo dang nyin mo'i rim gyis lhan cig skyes pa'i de kho na nyid mngon du byas nas mi g.yo ba spangs te/ shes rab kyi dbang bskur ba gsang ba nyid yin pa'i phyir mtshan phyed na de kho na nyid bzhi pa dmigs par 'gyur zhing thob par 'gyur ro/ /zhes bya ba'i don to/ /de nyid kyi phyir nga sang yang slob ma la mtshan phyed kyi dus su shes rab kyi dbang bskur ba gang yin la bla ma'i rgyud pa de nyid gnas pa yin te/ mthar thug pa'o/ /de kho na nyid ji ltar mthong bar 'gyur te/ de'i phyir gsungs pa bya ba la sogs pa'i rnal 'byor pa kha cig ni lus drang por bsgom bar byed do/ /kha cig ni 'dug nas pad+ma'i mdug stangs la sogs pa drang po ma yin pas bsgom pa la dmigs par
- 95a
byed do/ /kha cig ni mig phye bas ras ris la sogs pa'i gzugs la bltas nas bsam gtan byed do/ /kha cig ni dang po'i sbyor ba la sogs pa rnams kyis mig btsums nas bsam gtan byed do/ /shAkya'i seng ge ni de rnams gang yang mdzad de/ de kho na nyid khyab par byed pa thob pas lus g.yo ba la sogs pa'i spyod lam gzhan rnams mi dgos pa'i phyir ro/ /phyi rol gyi lus kyi sdom pa la sogs pa rnams dang phyag rgya la sogs pa rnams ni de kho na nyid thob par bya ba dang/ sems dbang du bya ba'i phyir bsten par bya'o/ /zhes grag na gal te bla ma'i sku drin gyis de thob par 'gyur ba de'i tshe lus dang ngag dang sems sdug bsngal bar byed pa dang ting nge 'dzin rnam par g.yeng byed pa'i log pa'i spros pa rnams kyis ci zhig bya/ 'di skad du sngar glang po mod la rnyed gyur na/ /glang po rjes ni tshol lam ci zhes bya ba la sogs gsungs pa nyid de dgongs pa ma yin pa'o/ /shAkya'i seng ge des ni lhan cig skyes pa zhes bya ba thams cad stong pa'i 'od gsal ba'i de kho na nyid mthong zhing mngon du byas par 'gyur ro/ /ji lta bu zhe na dang ba ste 'dod chags la sogs pa'i rnam par rtog pa'i nyes pa rnams spangs pa nyid yin pa'i phyir nor bu chu dangs kyis dri ma med par byas pa'i chu bzhin du dag cing dri ma med pa'o/ /gsal ba ni rnal 'byor gyi mngon sum gyi tshad mas yang dag par khong du chud par bya ba ste rnam par rtog pa med pa dang gsal bar snang ba'o/ /rnam par rtog pa'i dri ma rnams ni mun pa'i rang bzhin nyid yin pa'i phyir rnam par rtog pa dang bcas pa thams cad ni gsal bar snang ba ma yin te/ 'jig tshogs dus bzhin bsgom stobs kyis/ /gsal ba nyid du snang 'gyur zhing/ /shes rab slu ba med gang yin/ /de ni mi rtog mngon sum yin/ /rnam rtog rjes su 'brel ba la/ /'od gsal snang ba ma yin te/ /rmi lam na yang dran mod kyi/ /dran 'byung de bzhin don ldan min
- 95b
zhes bshad do/ /ye shes chen po ni snang ba la sogs pa'i ye shes rnams kyi nang nas mchog nyid yin pa'i phyir ro/ /mchog nyid ni blang bar bya ba nyid yin pa dang/ de las gzhan pa rnams ni spang bar bya ba nyid yin pa'i phyir ro/ /stong pa gsum rnam par dag par byed pa nyid yin pa'i phyir thams cad stong pa'o/ /rang bzhin brgya drug cu 'gog bar byed pa nyid yin pa dang/ 'jig rten gyi khams ma lus pa na gnas pa'i sems can thams cad kyi bsam pa thams cad rdzogs par byed pa nyid yin pa'i phyir rmad chen no/ /de lta bu'i bla ma'i zhal snga nas kyi ste/ de bzhin gshegs pa rnams kyis sku drin gyi dbang gis gzigs par gyur to/ /'dir bla ma'i zhal snga nas ni nam mkha' na gnas pa'i de bzhin gshegs pa rnams dang de dag gis bskyed pa'i ye shes kyi phyag rgya dang rnam pa gnyis te/ de gnyi ga'i sku drin gyi shAkya'i seng ges de kho na nyid brnyes par gyur to/ /zhes bya ba'i tha tshig go /de kho na nyid kyi phyir deng sang yang de bzhin gshegs pa rnams dang/ bla ma'i zhal snga nas kyi las tha dad du ni mi bya'o/ /zhes bya ba'i tha tshig go /mthar thug pa'o/ /'bras bu ni 'od gsal ba ni rnam dag pas/ /skad cig de la srid gsum gyis/ /'das pa dang ni ma 'ongs dang/ /da ltar byung ba ma lus gzigs/ /zhes bya bas gsungs te/ shAkya'i seng ge nges 'od gsal bas ni rnam dag pas te de kho na nyid kyis man ngag mngon du byas pa'i stobs kyis gnas skabs de'i skad cig de nyid la sems can thams cad kyi sems kyi spyod pa dang/ ma 'ongs pa dang da ltar byung ba rnams dang/ yul dang dus dang rang bzhin gyis bskal pa'i dngos po rnams gzigs te/ gsan cing mkhyen par gyur to/ /zhes bya ba ni tshig lhag ma'o/ /don cig dam pa'i nyid du mthong gyur na/ /zhes bya ba'i tshul gyis 'dis ni mngon par shes pa thob pa nyid du bstan pa yin no/ /zhes bya ba'i don te sgra ji
- 96a
bzhin pa'o/ /yang na 'das pa la sogs pa rnams te 'dod chags dang 'dod chags bral ba dang 'dod chags bar ma gsum srid gsum ste rtsa gsum gyi bdag nyid can chos 'byung gi phyag rgya'i pad+ma'i nang du 'od gsal bas rnam par sbyangs te/ de kho na nyid bzhi pa thob nas skad cig ste lhan cig skyes pa'i skad cig nyid gzigs zhes bya ba ni rang gi ngo bo mkhyen nas/ ro gcig pa'i dngos por mdzad par gyur pa ste mthar thug pa'o/ /'bras bu'i khyad par ni/ chu zla dang ni smig rgyu sogs/ /sgyu ma'i yon tan rnams kyis brgyan/ /byang chub shing drung bzhugs nas ni/ /skya rengs 'char ba'i dus su ni/ /rdo rje lta bu'i ting 'dzin gyis/ /des ni bdud rnams 'joms par mdzad/ ces bya bas gsungs te/ shAkya'i seng ge ste byang chub shing drung ste/ nai rany+dza na'i 'gram na gnas pa'i byang chub kyi shing a shwat+tha'i rtsar bzhugs shing nye bar bzhugs nas/ /brgya byin gyis bskul ba'i bdud dpung gi tshogs yan lag bzhi dang ldan pa'i mtshon bya sna tshogs dang 'jigs su rung ba'i cha byad 'dzin pa lha'i 'khor gyis bgegs rnams bcom zhing pham par mdzad do/ /de ji lta bu zhe na chu zla la sogs pa'i sgyu ma'i dpe bcu gnyis kyis brgyan cing rnam par spras so/ /gang gi sgyu ma lta bu'i ting 'dzin gyi dngos po thams cad 'od gsal ba'i rang gi ngo bor shes pa la rnam par rtog pa med pa'i phyir bdud rnams ga las 'byung bar 'gyur/ bdud la sogs pa rnams ni rnam par rtog pa las byung ba yin te gzhung mdzad pas/ ji srid yid ni g.yo gyur par/ /de srid bdud kyi go skabs yod/ /de phyir 'di ni skyon med par/ /ci'i phyir na mi 'thad 'gyur/ zhes gsungs pa dang/ de bzhin du rang gi sems kyi kun tu rtog pa ni bdud yin no zhes 'byung ba'i phyir ro/ /skya rengs ni nyi ma'i shing rta 'dren pa'o/ /de 'char ka'i dus te tho rangs kyi dus su mngon par rdzogs par sangs rgyas nas/ rdo rje lta
- 96b
bu'i ting nge 'dzin te sa bcu gnyis pa'i mi phyed pa'i ting nge 'dzin gyi bdud bcom par 'gyur to/ /zhes bya ba ni dag gi don ni drang ba'i don to/ /yang na byang chub kyi shing drung ste ye shes kyi phyag rgya'i chos dbyung du bzhugs shing brten nas lhan cig skye ba nyams su myong ba'i bsam gtan rdo rje lta bu'i ting nge 'dzin gyi 'dod chags dang bral pa dang 'dod chags bar ma sems g.yeng bar byed pa'i bdud rnams bcom zhing zlog par mdzad do/ /dus nam zhe na/ skya reng zhes bya ba rtsa'i 'khor lo stong phrag bdun cu rtsa gnyis las byung ba'i byang chub kyi sems de 'char ba ni 'byung ba ste/ rdo rje'i rtse mor 'dzin pa'o/ /de'i dus su ste lhan cig skyes pa'i dga' ba'i dus dang 'od gsal ba'i dus dang/ nyin mo dang mtshan mo dang mtshams dag dang bral ba'i skad cig la zhes pa'i tha tshig go /chu zla la sogs pa'i sgyu ma'i dpe rnams ni smig rgyu lta bu la sogs pa'i rtags rnam pa lnga nye bar mtshon par byed pa'i don byed pa'i don can yin te/ de'i rjes thogs kho nar de kho na thob pa'i phyir ro/ /nges pa'i don to/ /da ni de kho na nyid grub gyur pa'i rang gi don gyi rjes thogs su gzhan gyi don/ /shAkya'i mgon pos yang dag pa'i/ /ye shes bla med legs brnyes nas/ /'gro ba gsum la phan bya'i phyir/ /de nyid 'dir ni bstan pa yin zhes bya bas gsungs te/ de ni bcom ldan 'das shAkya mgon po ste de bzhin gshegs pa zhes bya ba'i sgra brjod par bya ba yin te des gsal zhing rtog pa med pa la ma 'khrul ba'i yang dag pa'i ye shes kyi de kho na nyid bzhi pa bla na med pa ste de las pha rol na bya ba med pa'i phyir mchog tu gyur legs par ? shing mngon du mdzad nas/ de'i tshe sngon gyi smon lam gyi bag chags kyis bskul ba des 'gro ba gsum la phan bya'i phyir de nas te thob par bya ba'i phyir rgyud la sogs pa'i rigs pa rnam pa bzhi'i rim gyis bskal pa ji lta
- 97a
bu bzhin du rnal 'byor mchog gi rgyud rnams su bstan cing gsal bar mdzad pa yin no/ /zhes bya bas ni gzhan gyi don phun sum tshogs pa bstan pa yin no/ /de nyid kyi phyir bcom ldan 'das la skyab pa zhes bya ba yin te nyid ltar rang gis mthong ba'i lam ston par byed pa ni skyab pa'o/ /zhes 'byung ba'i phyir ro/ /rang gis mthong ba'i don gzhan rnams la ston par byed pa gang yin pa de ni skyob pa'i yin no/ /dgongs pa ma yin pa'o/ /mjug bsdu pa ni mngon par byang chub gzigs pa ni/ /de nyid ye shes zhes bshad do/ /zhes bya bas gsungs te/ mngon par byang chub pa ni bla na med pa'i mngon par byang chub pa ste/ de gzigs pa ni mngon du mdzad pa'o/ /zhes bya ba'i don to/ /de nyid ye shes 'di ni bzhi pa nyid yin pa'i phyir de nyid kyang yin la ye shes rnam par dag pa'i byed pa nyid yin pa'i phyir ye shes kyang yin pas de nyid ye shes te thams cad stong pa yin par bshad do/ /mthar thug pa'o/ /da ni bla ma'i sku drin gyis sdig pa can rnams kyis kyang dngos grub thob po zhes bstan pa'i phyir/ mtshams med lnga yi las can dang/ /mi gang bsod nams dman pas kyang/ yid bzhin nor dang 'dra ba gzhan/ /bla ma'i drin gyis 'thob par 'gyur/ /spyod pa ci dgar spyod byed cing/ /'di ni ma 'ongs rdzogs sangs rgyas zhes bya ba gsungs te/ mtshams med lnga'i las te ma gsod pa la sogs pa rnams dang de bzhin du mtshams med pa dang nye ba ste/ ji ltar byang chub sems dpa' rnams kyi nyon mongs pa ni rnam par rtog pa yin no/ /zhes bya ba de lta bu'i mtshams med pa lnga'i las can yin no/ /de bzhin du bsod nams dman pa zhes bya ba ni gang la tshe rab snga ma bsags pa'i dge ba med pa 'am/ rigs chad pa ste/ ji skad du bcom ldan 'das byams pas kha cig gcig tu nyes
- 97b
bar spyad pa yin/ kha cig dge ba'i chos rnams spangs pa yod/ /kha cig thar min cha thun dge ba yod/ /dge bar dman zhing rgyu dman pa yang yod/ /ces gsungs pa de lta bu la sogs pa rnams ni bsod nams dman pa zhes bya'o/ /de rnams kyis kyang bla ma'i drin te rdo rje slob dpon gyis kyang yang dag pa'i man ngag thob nas yid bzhin gyi nor bu dang mtshungs par mngon par 'dod pa ster bar byed par 'gyur ro/ /zhes bya ba des ni 'di skad du re zhig rang gi don lta zhog de rnams ni gzhan gyi don yang bsgrub par byed do/ /zhes bstan pa yin no/ /de nyid kyi ci dga' ste ji ltar 'dod par 'gyur ba ste kho na bzhin du gal te 'greng ba dang nyal ba'i mtshan nyid kyi bya ba spyod pa byed pa de'i tshe/ de ni rdzogs pa'i sangs rgyas zhes brjod par bya'o/ /ji lta bu zhe na/ ma 'ongs zhes bya ba ma 'ongs pa'i sems can rnams la phan 'dogs par byed pa nyid yin pa'i phyir ro/ /de yang gong du 'ga' zhig ri dbang rtse las lhung gyur na/ /zhes bya ba la sogs pa bshad pa kho na yin no/ /de'i phyir bla ma'i zhal snga nas mnyes par bya ba la 'bad pa dang ldan par bya'o/ /zhes bya ba ni bsdus pa'i don te/ sgra ji bzhin pa'o/ /da ni man ngag bzhi'i rgyud sna tshogs kyi mtshan ma/ chags min chags dang bral ba min/ /dbu mar yang ni mi dmigs so/ /stong pa ma yin mi stong min/ /dbu mar yang ni mi dmigs so/ /sangs rgyas thams cad mnyam sbyor las/ /ye shes gsum bral de nyid gang/ /de ni dgongs pas gsungs pa yin zhes bya bas gsungs te/ dpal sangs rgyas thams cad dang mnyam par sbyor ba'i rgyud kyi rgyal po'i rtog pa dang po las bcom ldan 'das kyis de kho na nyid bzhi pa 'gal ba'i tshig gi sbyor bas de kho na nyid ston pa'i dgongs pas bshad pa nga yis gsungs shing bstan to/ /ji lta zhe na/ chags pa ste snang ba'i ye shes min pa'o/ /chags bral te snang ba nye bar thob pa'i ye
- 98a
shes min pa'o/ /dbu ma ste snang ba gsal ba'i ye shes min pa'o/ /de bzhin du stong pa ste/ 'jug pa'i rnam par shes pa'i gnyen por gyur pa ma yin pa'o/ /mi stong pa ste nyon mongs pa can gyi yid kyi rnam par shes pa'i gnyen por gyur pa shin tu stong pa ma yin pa'o/ /dbu mar yang ni mi dmigs pa ste/ kun gzhi rnam par shes pa'i gnyen por gyur pa'i stong pa chen po gang du mi dmigs pa de ni ye shes gsum dang bral ba'i de kho na nyid bzhi pa yin par bcom ldan 'das kyis gsungs pa kho na'o/ /zhes bya ba'i tha tshig ste sbas pa'o/ /de bzhin du dpal gsang ba 'dus pa'i tshad ma/ dpal gsang ba 'dus pa yi/ /byang chub sems kyi le'u las kyang dngos med la sogs tshig bshad kyi/ mngon par byang chub mtshan nyid gsungs te/ /zhes bya ba gsungs te/ dpal gsang ba 'dus pa'i rgyud kyi byang chub kyi sems kyi le'u ste gnyis pa las kyang/ /dngos po med pas bsgom pa med/ /bsgom par bya ba bsgom pa min/ /zhes bya ba la sogs pa'i tshigs su bcad pa lngas gang gi tshe skye ba med pa'i mtshan nyid kyi de kho na nyid bstan pa gang yin pa de ni/ bcom ldan 'das rdo rje 'chang gis mngon par byang chub pa'i mtshan nyid kyi 'od gsal ba'i bzhi pa kho na yin par bshad pa'o/ /zhes bya ba'i tha tshig ste/ mthar thug pa'o/ /dpal mchog dang po'i rgyud kyi tshad ma/ dpal mchog las ni gsungs pa yis/ /'dod chags la sogs rnam dag gang/ /de yang thams cad stong pa la/ /rten nas de bzhin gshegs pas gsungs zhes bya bas gsungs te/ de bzhin du dpal mchog dang po'i rgyud las 'dod chags la sogs pa rnams kyis rnam par dag par bstan pa gang yin pa de yang thams cad stong pa de kho na nyid dmigs shing brten nas de bzhin gshegs pa ste de bzhin gshegs pa thams cad kyi rang bzhin gyi rdo rje 'chang
- 98b
chen pos gsungs shing bshad de/ ji skad du dpal mchog dang po las 'dod chags zhe sdang gti mug ste/ gsum po 'di rnams dug chen yin/ dug nyid kyis ni bsten byas na/ /dug tu nye bar 'gro ba nyid/ /bdud rtsi nyid kyi bsten byas na/ /bdud rtsi nyid du 'gro bar 'gyur zhes gsungs so/ /'dir ni don 'di yin te/ 'dod chags ni dga' ba'i rnam grangs dang ldan pa'i snang pa'o/ /zhe sdang ni bral ba'i rnam pa dang ldan pa'i snang ba nye bar thob pa'o/ /gti mug ni snang ba gsal ba'i rnam grangs dang ldan pa'i mchog ste/ de rnams ni 'od gsal ba'i de kho na nyid bzhi pa ma thob pa'i 'jig rten gyi dug dang mtshungs pa'i dug yin te/ dug bzhin du gsod par byed cing 'khor ba'i rgya mtshor lhung bar byed pa yin no/ /dus nam zhen gang gi tshe de rnams du gnyid dug nyid kyi ste rnam par rtog pa nyid kyis brten cing nyams su myong bar byas pa de'i tshe dug nyid du nye bar 'gro zhing 'gyur ro/ /yang gang gi tshe bdud rtsi nyid kyis te de kho na nyid pa'i skad cig du shes pas brten cing ro gcig par byas pa de'i tshe dpal rdo rje 'chang gi go 'phang thob pa'i rgyur gyur pa'i bdud rtsi nyid du 'gyur ro zhes bya ba'i don te sbas pa'o/ /lung thams cad kyi tshad ma ni/ /sna tshogs mdo dang rgyud dag las/ /de nyid nye bar bstan pa gang/ /de ni thams cad stong pa'i gnas/ /der ni gzhan dag ma gsungs so/ /zhes bya bas gsungs te/ theg pa chen po'i mdo sde bcom ldan 'das ma stong phrag brgya pa la sogs mdo sna tshogs dang/ de bzhin du bya ba dang spyod pa dang rnal 'byor dang rnal 'byor mchog gi rgyud sna tshogs de rnams las rang bzhin med pa dang de bzhin nyid dang yang dag pa'i mdza' dang stong pa nyid dang brtags pa tsam nyid la sogs pa'i sgra rnams kyis bstan pa'i de kho na nyid gang yin pa de ni man ngag bzhi pa'i 'od gsal ba thams cad stong pa'i gnas kyis dbang du mdzad
- 99a
nas gsungs pa yin te/ mdo dang rgyud kyi rgyal po de rnams su de kho na nyid las ma gtogs pa gzhan ma gsungs so/ /theg pa chen po'i mdo sde kha cig las ni de kho na nyid rnam pa dang bcas pa'i rnam par shes pa min pa dang/ kha cig las ni de kho na nyid rnam pa med pa'i rnam par shes pa yin pa dang/ kha cig las ni de kho na nyid gzung ba dang 'dzin pa spang ba'i rang bzhin med pa yin par bstan to/ /bya ba'i rgyud rnams las ni de kho na nyid lha'i rnam pa bsgom pa nyid yin pa dang/ rnal 'byor gyi rgyud rnams las ni de kho na nyid rdo rje phra mo'i bsgom pa nyid yin pa dang/ rnal 'byor mchog las ni de kho na nyid rim pa gnyis kyis bstan par bya ba'i kun tu brtags pa dang yongs su grub pa'i rnal 'byor yin par gsungs so/ /de las kyang kha cig tu ni phra mo'i rnal 'byor gyi de kho na nyid dang/ kha cig tu ni thig le'i rnal 'byor gyi de kho na nyid dang/ yan lag drug gi rnal 'byor gyi de kho na nyid dang/ rtsa'i de kho na nyid dang/ phyag rgya'i de kho na nyid dang/ rlung dang sngags kyi de kho na nyid ces bya ba de lta bu la sogs pa de kho na nyid kyi dbye ba bstan pa ma yin nam/ de'i phyir thams cad stong pa'i gnas gcig pu kho na yin no/ zhes ji ltar brjod par bya zhe na/ de skad du smra bar mi bya ste/ de kho na nyid ces bya ba la tha dad pa med do/ /de dang ldan pa nyid yin pa de ni kun rdzob kyi ngo bo nyid yin pas rtog pa bcas pa nyid yin pa'i phyir de bas de kho na nyid ma yin pa kho na'o/ /dbye bas bstan pa gang yin pa de rnams ni thabs kyi dbye ba bstan pa yin zhing thabs kyi dbye ba yang rnal 'byor ba'i dbye ba la brten nas bcom ldan 'das kyi gsungs so/ /de bzhin du yang khams dang bag chags dang bag la nyal gyi bye brag las rten nas sman pa bzhin du de
- 99b
dang de dag dang mthun pa'i bstan pa mdzad de/ de rnams kyi thabs la brten nas de kho na nyid gcig 'thob par 'gyur ro/ /bstan bcos thams cad kyi de kho na nyid ni gcig kho na yin te/ rten gyi dbye bas tha dad pa yin gyi chu bzhin du rang gi ngo bos ni ma yin no/ /de bzhin du yang dbyar gyi dus su chu'i char ba 'bab pa ni bu ram gyi shing gi zhing la sogs par bdud rtsi'i dngos por gyur cing snul la sogs par de nyid dug nyid du 'gyur ro/ /de bzhin du thams cad stong pa'i gnas gcig kho na nyan thos kyi rigs can rnams ni 'gog pa'i snyoms par 'jug pa'i rang gi ngo bor 'dzin to/ /mdo sde pa dang rnal 'byor spyod pa pa rnams kyi rnam pa dang bcas pa dang/ rnam pa med pa'i rnam par rig pa tsam gyi sgo nas 'dzin to/ /byang chub sems dpa' rnams ni gzung ba dang 'dzin pa dang bral ba'i rang bzhin med pa'i de kho na nyid kyi sgo nas 'dzin to/ /bya ba la sogs pa'i gzhung la brten pa rnams ni lha la sogs pa'i rnam pa'i sgo nas 'dzin par byed pa'i phyir de kho na nyid ni gcig yin par grub pa kho na'o/ / gang gi tshe de bzhin gshegs pa'i 'od zer gyi 'khor los bskul ba'am sngon nye bar bsags pa'i bsod nams dang ye shes kyi tshogs shin tu brtan pa'i bag chags kyi stobs gzung ba 'am/ dge ba'i bshes gnyen dang phrad pa 'am/ bla ma'i zhal snga nas kyi sku drin thob par gyur pa de'i tshe de rnams thams cad 'od gsal ba yang mngon du byed par 'gyur ba kho na yin pas ha cang thal ces pas mchog ste mthar thug pa'o/ /mjug bsdu ba ni thub pa chen po'i chos phung po/ /brgyad khri bzhi stong dag las ni/ /mngon par byang chub mtshan nyid ni/ /snying por las ni snying por gsungs/ /zhes bya bas gsungs te/ thub pa chen po'i chos kyi phung po ni dam pa'i chos kyi tshogs brgyad khri bzhi stong gi tshad bzhugs pa'o/ /
- 100a
de las snying po ste skyed pa'i rim pa'i ting nge 'dzin las kyang snying po mchog ste blang bar bya ba nyid du gyur pa'i mngon par byang chub pa'i mtshan nyid ni thams cad stong pa nyid kyi mtshan nyid du gsungs so snyam du dgongs pa'o/ /de ni nye bar mtshon pa yin te/ nyan thos kyi sde snod ni brgyad khri bzhi stong yod do/ /theg pa chen po'i sde snod ni stong phrag dgu bcu yod do/ /theg pa chen po gsang sngags sde snod stong phrag brgyad yod de/ 'o na chos kyi phung po'i tshad ci tsam yin zhe na/ brjod par bya ste/ lha'i gos lta bu'i gro ga 'am ta la la sogs pa skyad ba rnams la skra'i rtse mo'i tshad tsam gyi yi ge bris pa'i glegs bam ci tsam gyi glang po che dar ma smon pa'i rgyab khal longs pa de ni chos kyi phung po gcig ste/ de stong phrag cig tu grangs pa de lta bu stong phrag brgyad cu rtsa bzhi dang stong phrag dgu bcu dang stong phrag brgya yod do/ /zhes bya ba ni mthar thug pa'o/ /brtul zhugs kyi bye brag gis de kho na nyid don du gnyer ba/ ral pa gcer bu mgo reg gam/ /cod pan 'dus pa spong 'jug ste/ /sna tshogs rtags can de dang des/ /mngon par byang chub 'dod pa rnams/ /zhes bya bas gsungs te/ ral pa can zhes bya ba ni bskyed pa'i rim pas lha dang mtshungs pa'i rnam par byas nas shing la sogs la byas pa'i gcos ma'i gdong dang lag pa dang ral pa'i tshogs brtags shing yul nas yul gzhan du spyod pa byed cing 'khyam pa gang dag yin pa'o/ /gcer bu'i ni ma chags pa'i brtul zhugs blangs nas smyon pa'i cha byad kyis nam mkha' i gos gyon zhing spyod pa gang dag yin pa'o/ /mgo reg ces bya ba ni mgo sku phregs nas dge slong dge tshul la sogs pa'i brtul zhugs dang ldan pa dag gtsug lag khang la sogs par slab pa'i gnas srung bar byed pa gang dag yin pa ste/ dgon par gnas pa'i skra dang kha spu ni/ /sor gnyis las ni
- 100b
'da' bar bzhag mi bya/ zhes bya ba ni de rnams kyi skra breg pa ni nges pa yin no/ /cod pan zhes bya ba ni gtsug phung tsam gzung nas dge ba'i brtul zhugs la brten nas bslangs pa'i gnas srung bar byed pa gang dag yin pa'o/ /'dus pa spong 'jug ni sbyangs pa'i yon tan blangs pas 'jig rten gyi 'dus pa spang nas/ mi sdug pa bsgom pas 'dod chags la sogs pa rnams spang bar bya ba'i phyir rab tu 'bad par byed pa gang dag yin pa'o/ /rnal 'byor spyod pa'i nyan thos kyis las kyang ji ltar sbyangs pa'i yon tan dang ldan pa yin zhe na/ bsod snyoms pa dang/ bsod snyoms lhur len pa dang/ stan gcig pa dang/ zas phyis mi len pa dang/ chos gos gsum pa dang/ phyid pa pa dang/ phyag dar khrod pa dang/ dgon pa pa dang/ shing drung ba dang/ bla gab med pa dang/ dur khrod pa dang/ tsog pu pa dang/ gzhi ji bzhin pa ste/ de rnams ni bsod snyoms dang/ chos gos dang gnas mal brten nas sbyang ba'i yon tan bcu gnyis sam/ bcu gsum du 'gyur ro/ /de la bsod snyoms pa nyid dbye na/ rnam pa gnyis su 'gyur ro/ /rnyed pa len pa'i bsod snyoms pa dang/ bsod snyoms lhur len pa'o/ /de la rnyed pa len pa'i bsod snyoms pa ni/ ci nas kyang dge ba 'phel bar bya ba'i phyir ji ltar 'thob cing ji ltar rnyed pa za ba'o// bsod snyoms lhur len pa ni khyim nas khyim du song ste skye bo'i tshogs rnams la bslangs nas ji ltar rnyed cing ji ltar 'os pa'i bsod snyoms za zhing bdag gis 'di las bza' ba dang bca' ba gya nom pa dang yid du 'ong ba'i bar dag thob par bya'o snyam nas byin zhes zer zhing skye bo'i tshogs su nye bar mi 'gro'o/ /de la bsod snyoms la dbye ba ma byas na ni/ bcu gnyis su 'gyur zhing dbye ba la brten na bcu gsum du 'gyur ro/ /de bstan cig pa nyid gang zhe na/ stan cig la
- 101a
'dug nas ji srid tshim pa de srid du za zhing stan de las langs nas yang mi za ba de ni stan gcig pa zhes bya'o/ /zas phyis mi len pa nyid gang zhe na/ 'dug nas ji srid za ba thams cad ma blangs pa de srid zas mi za zhing/ ji tsam gyi tshim par nus par shes shing 'di ltar bdag la 'di las lhag pa'i dpa' bas bya ba med do/ /snyam du shes par bya ste/ de nas thams cad blangs nas za par rtsom pa de zas phyis mi len pa yin no/ /ji ltar chos gos gsum pa yin zhe na/ chos gos gsum gyon pa dang/ snam sbyar dang bla gos dang/ thang gos dang chos gos gsum las ma rtogs pa 'og tu chos gos ma gyon pa de lta bu ni chos gos gsum pa yin no/ /ji ltar na phying ba pa yin zhe na/ chos gos gsum 'am chos gos gsum las lhag pa'i gos 'chang ba gang ci yang rung ba de thams cad pa la las byas pa 'chang gi gzhan ni ma yin pa de lta bu ni phying ba pa yin no/ /ji ltar na phyag dar khrod pa yin zhe na/ gzhan gyi byin pa 'am bor ba 'am lam po che 'am bzhi mdo 'am/ sum mdo 'am lam log par bor zhing bskur ba'i gos bshad bcis 'bags pa 'am bshad pa dang gci ba dang rnag dang khrag dang/ mchil mas 'bags pa gang yin pa de las mi gtsang ba bzhag ste/ snying po blangs nas bkrus te/ btsems nas kha dog bsgyur te 'chang ba de lta bu ni/ phyag dar khrod pa yin no/ /ji ltar na dgon pa pa yin zhe na/ nags dgon pa'i gnas kyi tha ma'i gnas mal grong dang grong khyer dang grong rdal rnams las thag ring por gyur pa gang yin par brtag par gnas par byed pa de lta bu ni dgon pa pa yin no/ /ji ltar na shing drung pa yin zhe na/ shing drung la brten nas shing gi rtsa bar gnas par byed pa de lta bu ni shing drung ba yin no/
- 101b
ji ltar na bla gab med pa yin zhe na/ thog ma g.yogs shing ma bkab pa bla gab med par byed pa de lta bu bla gab med pa yin no/ /ji ltar na dur khrod pa yin zhe na/ gang du skye bo'i tshogs shi ba'i ro bsag pa pa'i dur khrod du gnas par byed pa de lta bu'i dur khrod pa yin no/ /ji ltar na tsog pu pa yin zhe na/ khri 'am steg bu 'am rtswa'i steng la tsog pur 'dug ste dus ji srid kyi bar du 'da' bar byed cing khri'am rtsig pa 'am shing ngam rtswa'i stan la brten nas/ rgya ba bam glos 'bebs par mi byed pa de lta bu ni tsog pu pa yin no/ /ji ltar na gzhi ji bzhin pa yin zhe na/ rtswa'i stan nam lo ma'i stan gang la nyal ba'i rtswa stan nam lo ma'i stan ji ltar lan cig legs par bting ba'i de kho na bzhin du nyal bar byed cing/ yang na ba spro ba dang bcos par mi byed pa de lta bu ni gzhi ji bzhin pa yin no/ /ci'i phyir de rnams sbyangs pa'i yon tan zhes bya zhe na/ dper na bal lam ras bal gang gi tshe/ ma smel bar gyur pa de'i tshe 'jam pa dang yang ba dang las su rung ba ma yin te/ / dper na snal mar bkal ba 'am be'u phrug tu brtags pa'o/ /gang gi tshe rmel ba dang brdabs pa dang sprug pa rdzogs par gyur pa de'i tshe/ 'jam pa dang yang ba dang las su rung bar 'gyur te/ dper na snal mar bkal ba 'am be'u phrug tu rung ba bzhin no/ /de bzhin du kha cig bsod snyoms la chags pas bsod snyoms la sems chags shing kun tu chags par 'gyur ba dang/ gos la chags pas gos dang gnas mal la chags pas gnas mal sems shing kun tu chags par 'gyur ba de/ 'di la ste tshangs par spyod pa la gnas par bya ba'i phyir spyangs pa'i yon tan 'di rnams kyis/ sbyod par byed pa ste las su rung ba dang zag pa med pa dang dag par byed pa yin pa de'i phyir sbyangs pa'i yon tan zhes bya'o/ /de la bsod
- 102a
snyoms la zas gya nom pa la chags pa dang/ zas mang po la chags pa ni bar chad byed pa yin pas/ de'i phyir zas gya nom pa la chags pa spang ba'i phyir ni bsod snyoms pa yin no/ /zas mang po la chags pa spangs bar bya ba'i phyir stan gcig pa dang zas phyis mi len pa yin no/ /de la gos la chags pa'i bar chad byed pa ni rnam pa gsum ste/ gos mang po la chags pa dang/ reg bya 'jam po la chags pa dang/ gya nom pa la chags pa'o/ /de la gos mang po la chags pa spang ba'i phyir chos gos gsum pa yin no/ /gos kyi reg bya 'jam po la chags pa spang bar bya ba'i phyir/ phying ba pa yin no/ /gos gya nom pa la chags pa spang bar bya ba'i phyir ni phyag dar khrod pa yin no/ /gnas mal la chags pa bzhi ni 'di lta ste/ 'du 'dzi la chags pa dang/ gnas la chags pa dang/ gnyes pa dang nyal ba'i bde ba la chags pa dang/ bsdu ba dang rkyang ba dang sbrugs pa la chags pa'o/ /de la 'du 'dzi la chags pa spang ba'i phyir ni dgon pa ba yin no/ /gnas la chags pa spang bar bya ba'i phyir shing drung pa dang bla gab med pa dang dur khrod pa yin te/ gzhan yang 'khrig pa la chags pa spang bar bya ba'i phyir yang dur khrod pa yin no/ /gnyis pa'i bde ba dang nyal ba'i bde ba la chags pa spang bar bya ba'i phyir tsog pu pa yin no/ / bsdu pa dang rkyang pa dang sbrugs pa la chags pa spang ba'i phyir gzhi ji bzhin pa'o/ /de ltar na sbyangs pa'i yon tan dang ldan par gyur pa'i de rnams ni 'dus pa spong ba la 'jug pa ste nyan thos shes bya'o/ /de dang de rnams dang bcom ldan 'das kyis gsungs pa'i rdo rje'i brtul zhugs la sogs pa gzhan dang gzhan rnams kyi sdug bsngal gyi khur khyer ba gang yin pa de rnams ni smyon pa ma yin zhing 'on kyang de kho na nyid don du gnyer ba dang brtul zhugs len par
- 102b
byed do/ /sems ni de kho na nyid kyang sngar bshad pa'i rig pas dpyad na/ mngon par byang chub pa'i rim pa kho na yin no/ /de'i phyir mngon par byang chub pa'i 'dod pa de rnams brtul zhugs tha dad pa'i tshogs la brten pa yin no/ /zhes bya ba'i tha tshig ste mi shes pa ni spang ba la/ /kun kyang blo gros mtshungs pa'i phyir/ /sems ni kun tu 'jug pa la/ /dpyad pa 'jug pa ma yin no/ /zhes gsungs so/ /dgongs pa ma yin pa'o/ /da ni de kho na nyid med na de rnams 'bras bu med pa yin no// zhes bstan pa'i phyir/ de nyid dman pa de rnams kyis/ /brtul zhugs spyod pa la sogs rim/ /de nyid ye shes dman pa'i phyir/ /des ni grol bar rnyed mi 'gyur/ /zhes bya bas gsungs te/ de nyid dman pa ste de kho na nyid dang bral ba'i brtul zhugs can de rnams kyi brtul zhugs la sogs pa dang spyod pa la sogs pa'i rim pa'i lam gang yin pa des ni grol ba mi 'thob cing thar pa thob par mi 'gyur ro/ /de nyid ye shes te zhi ba nyid yin pa'i phyir/ de kho na nyid kyang yin la ye shes rnam par dag par byed pa nyid pa'i phyir ye shes kyang yin pas de nyid la ye shes so/ /de dman zhing de dang bral ba nyid yin pa'i phyir ro zhes bya ba'i don to/ /re zhig de kho na nyid yongs su shes pa ni thar pa'i rgyu'i gtso bo yin zhing/ brtul zhugs ni mos pa'i bye brag gis yan lag yin gyi gtso bo ni ma yin no/ /brtul zhugs med par yang de kho na nyid shes pa rnams kyis thar pa thob pa'i phyir/ de kho na nyid med na brtul zhugs kyi thar pa mi thob po snyam du dgongs pa yin no// 'di ltar rgyu 'dra ba las 'bras bu 'dra ba 'byung ste/ thar pa ni rnam par rtog pa'i nyes pa thams cad spang pa yin la/ de kho na nyid kyang spros pa med pa'i ye shes yin pa de'i phyir thar pa'i rgyu de kho na nyid par rigs so/ /brtul zhugs
- 103a
ni ma yin ste/ de ni spros ba mang po dang ldan pa'i phyir ro/ /rab tu byed pa mdzad pas kyang/ /gzhan la shes min zhi ba dang/ /spros pa rnams kyis ma spros pa/ /rnam rtog med don tha dad min/ /de nyid kho na mtshan nyid do/ /zhes gsungs te/ dgongs pa ma yin pa'o/ /da ni sa'i dbye ba/ dang po las kyi rnal 'byor gyis/ /sa brgyad pa ni 'thob par 'gyur/ /snang ba gsum po mthong bas ni/ /sa bcu la ni rab tu gnas/ /zhes bya ba gsungs te/ dang po'i rnal 'byor zhes bya ba bskyed pa'i rim pa'i ting nge 'dzin dang snang ba la sogs pa'i ye shes gsum gyis rim gyis stong pa chen po'i gnas thob pa des ni sangs rgyas pa mi g.yo bar 'thob par 'gyur ro/ /'di ltar bskyed pa'i rim pas lha'i rnam par bskyed nas phyir mi ldog pa'i dbang thob pa dang dbang bskur lnga'i ni rig pa'i dbang nyid yin pa'i phyir kun gzhi la sogs pa'i rnam par shes pa log par gyur pas sa mi g.yo ba thob pa'i phyir ro/ /de bzhin du snang ba la sogs pa'i ye shes gsum gyi rim gyis kun gzhi rnam par shes pa gyur pa thob pa ni mi g.yo ba thob pa kho na yin te/ 'di ltar bag chags med par gyur nas ni/ /sa brgyad pa ni nye bar 'gro/ zhes gsungs so/ /de'i rjes la snang ba gsum po mthong ba ste 'od gsal ba rang bzhin dang rnam par shes pa 'gog pa'i phyir man ngag thob pas ni sa bcu pa chos kyi sprin la rab tu gnas par gyur te/ der ni ye shes la dbang thob pa'i phyir sa bcu pa yang de'i rang bzhin nyid yang yin pa'i phyir/ de'i rjes thogs la dpe las byung ba'i de kho na nyid brtan par gyur pa na rdo rje lta bu'i ting nge 'dzin gyis kun tu 'od thob ste/ de yang mngon par byang chub pa'i rim pa las 'chad par 'gyur ro/ /de
- 103b
nyid sa bcu gcig pa yin zhing mos pa spyod pa'i sa la bltos nas sa bcu gnyis pa sangs rgyas kyi sa zhes bya ba yin te dgongs pa ma yin pa'o/ /da ni sngar bshad pa'i shAkya seng ge'i gtam rgyud gsal bar byed de/ mngon par byang chub legs thob nas/ /gtsang ma'i gnas su nye bar 'gro /sangs rgyas zhing las mi ldog cing/ /tshe 'di nyid la thams cad mkhyen/ /bcom ldan 'das des mngon par byang chub thob nas te/ man ngag bzhi pa mngon du byas nas sems can gyi don bya ba'i phyir/ /gzugs kyi khams kyi phyogs gcig gnas gtsang mar song bar gyur to/ /de nas rin po che sna bdun mchog tu 'bar ba'i rang bzhin can bsam gtan gyi zas dang ldan pa'i rnal 'byor dang ldan pa'i sangs rgyas kyi zhing rnams su bzhugs nas mi ldog pa ste/ byang chub kyi de kho na nyid las slar ma nyams pa'i chos can dang mthong ba'i chos kyi tshe 'di nyid la nyon mongs bag chags dang bcas par rtsa nas bton cing sems can gyi khams ma lus pa'i sems kyi spyod pa'i mngon par shes pa thams cad mkhyen par 'gyur ro/ /yang na rnal 'byor pa gang yang rung ba gcig gis ye shes kyi rim pas mngon par byang chub pa thob pa de yang gnas gtsang mar 'dug ste/ thams cad mkhyen pa bzhin du sangs rgyas kyi zhing nas sangs rgyas kyi zhing du song nas chos bstan pas sems can rnams 'dul bar byed do/ /zhes bya ba'i tha tshig ste/ dgongs pa ma yin pa'o/ /re zhig sngags dang phyag rgya'i rim pas sems rnam par dag pa la goms par byed pa gang yin pa de rnams bshad zin to/ /spyod pa rnam pa gsum spyod pa gang yin pa de rnams kyis kyang mngon par byang chub pa go rim bzhin du goms par bya'o/ /de'i phyir thabs kyi bye brag gis mngon par
- 104a
byang chub pa rnam pa gsum thob par bya'o/ /zhes bstan pa'i phyir chags sogs rol mo rgya chen po/ /chos 'byung mngon par byang chub pa'i/ /ji ltar spyod pa'i spyod pa ni/ /chos dbyings mngon par byang chub pa'i/ bla med mngon par byang chub pa/ /mngon par byang chub rnal 'byor gyis/ /spros byas la sogs spyod pa yis/ /rnal 'byor pas ni 'dir goms bya/ /zhes gsungs pa'i don ni 'di yin te/ mngon par byang chub pa ni chos 'byung gis mngon par byang chub pa dang/ chos kyi dbyings kyi mngon par byang chub pa dang/ bla na med pa'i mngon par byang chub pa zhes bya ba rnam pa gsum mo/ /de chos 'byung gi la mngon par byang chub pa zhes bya ba ni 'dod pa'i yon tan lnga nye bar longs spyod pa'i lam/ 'dod chags la sogs pa'i rol mo rgya chen po rnams kyis thob par 'gyur ro/ /de bzhin du chos kyi dbyings kyi mngon par byang chub pa zhes bya ba ni bza' ba dang btung pa la sogs pa ji ltar rnyed pas lus gnas par bya ste bsgrub par bya'o/ /bla na med pa'i mngon par byang chub pa zhes bya ba ni ye shes kyi phyag rgya dang lhan cig sngags kyi rim pas 'dod chags la sogs pa'i dbye bas yongs su shes pa'i mngon par byang chub pa'i rnal 'byor gyis bsgrub par bya'o/ /de rnams nyid spyod pa rnam pa gsum ste/ spros pa dang bcas pa'i spyod pa dang/ spros pa med pa'i spyod pa ni dam tshig gi phyag rgya dang/ bcom ldan 'das kyis lung bstan pa'i phyag rgya dang/ lha'i bu mo la sogs pa dgug pa dang lhan cig tu bya'o shin tu spros pa med pa'i spyod pa ni ye shes phyag rgya dang lhan cig bya'o/ /zas ni 'dod pa lnga la nye bar longs spyod pa dang/ ji ltar rnyed pa'i bsam gtan gyi zas so/ /spros pa dang bcas pa
- 104b
la sogs pa'i spyod pa rnam pa gsum po 'di rnams kyi rnal 'byor pas goms par bya zhing mngon par byang chub pa'i rim pa bsgom par bya'o/ /zhes bya ba ni sgra ji bzhin pa'o/ /'di ltar bsdus pa'i don ni 'di yin te/ spros pa dang bcas pa'i spyod pa dang ldan pa'i rnal 'byor pas ni bsam gtan gyi khang pa sum rtseg tu bza' ba dang bca' ba la sogs pa 'og khang du bzhag ste/ rol cha'i bye brag brdung ba rnams par khang du bzhag nas yang thog tu khri steng du dbus kyi gtso bor gyur pas nye bar 'dug ste/ sangs rgyas spyan la sogs pa'i lha mo'i rang bzhin gyi phyag rgya rnams mtshams la sogs pa rnams kyi ni/ /gzugs la sogs pa'i rang bzhin can gyi lha mo rgyan dang ldan pa lngas yongs su bskor bas de thams cad lha'i skur bsgom pa sngon du 'gro ba can gyi rigs lnga dang bsre ba byas nas/ rdo rje'i glu snyan pa rnam pa sna tshogs pa len pa de rnams kyis dga' bar byas shing 'dod pa rnam pa sna tshogs pa'i longs spyod kyi tshim par byas pa'i rnal 'byor pas rnam pa sna tshogs pa'i bya ba'i tshogs kyi snyoms par 'jug par bya zhing/ ji srid bde ba chen po'i de kho na nyid nyams su myong ba de srid du gnas par bya'o/ /zhes bya ba ni spros pa dang bcas pa'i spyod pa dang chos 'byung gi mngon par byang chub pa'o/ /spros pa med pa'i spyod pa dang ldan pa'i rnal 'byor pas rmi lam gyi mtshan mar mthong ba'i de bzhin gshegs pa'i rnams kyi phyag rgya che ge mo zhig gzung la spyod pa gyis shig ces lung bstan pa de la yod ches par byas nas legs par bslabs shing rigs dang rjes su mthun pa'i phyag rgya blangs te/ 'dod pa'i lha rjes su mthun par shing la sogs pa la byas pa'i bcos ma'i ral pa la sogs pa byas nas ji ltar rnyed pa'i zas kyis chog shes pa dang bdag dang bdag gi med pas yul nas yul gzhan du 'gro zhing/
- 105a
sus kyang shes par mi 'gyur ba de ltar ji srid du mngon par byang chub pa gsal bar gyur gyi bar de lhan cig bsgom pa'i lam la goms par bya ste/ spros pa med pa'i spyod pa dang/ chos kyi dbyings kyi mngon par byang chub pa'o/ /shin tu spros pa med pa'i spyod pa dang ldan pa'i rnal 'byor pas ni phyi rol gyi brtags pa'i yul spangs nas ye shes kyi phyag rgya blangs te/ brtul zhugs dang bcas pa 'am brtul zhugs med pas gang yang rung bar 'dug cing yongs su 'dzin pa 'di ni smyon pa'o zhes 'jig rten pa rnams kyis bzhad gang du byed pa sdong bu dang rtsa ba dang 'bras bu'i zas dang bsam gtan gyi zas dang ldan pas ji srid mngon par byang chub 'thob pas 'grub par 'gyur ba de srid du de dang snyoms par 'jug pas bsam gtan la snyoms par bya ste/ shin tu spros pa med pa'i spyod pa dang bla na med pa'i mngon par byang chub pa zhes bya ba ni sgra ji bzhin pa'o/ /da ni rang bzhin gyis grub pa'i de kho na nyid la brten nas goms par byas pas ci bzhig bya snyam du sems dpa' gang yin pa de rnams kyi phyogs snga ma'i sgo nas tshigs su bcad pa/ bzod nas grub pa'i rang bzhin can/ /de ni rang bzhin gyis grub cing/ /rtog las de nyid mi skye na/ /bslab pa'i sbyor bas ci zhig bya/ /zhes bya bas gsungs te/ 'di skad rnam par shes pa'i rim pa rnam par dag pa 'am spyod pa'i rim gyis de kho na nyid thob par bya'o/ zhes bshad pa gang yin pa de ni rigs pa ma yin no/ /'di ltar de kho na nyid ces bya ba ni de bzhin nyid kyi rang gi ngo bo ste/ de bzhin nyid de yang thams cad kyi nang na gnas pa nyid yin pa'i phyir chos nyid dang rtag pa dang rang bzhin gyi grub pa yin no/ /de'i phyir rang bzhin te ngo bo nyid kyi grub pa yin zhing rtog pa las mi skye ste/ ye shes dang rnam
- 105b
par shes pa dag pa'i rim pa'i rnam par rtog pa las mi skye zhing 'byung bar mi 'gyur ro/ /de lta yin na de ni mi rtag pa nyid du 'gyur te/ rnam par rtog pa'i ngo bo yin pa'i phyir la/ 'bras bu ni rgyu dang rjes su mthun pa nyid yin pa'i phyir ro/ /de bas na gzod ma nas grub pa'i de bzhin nyid la slob pa'i sbyor ba ste rim par bsgom pas ci zhig bya zhing rnam pa thams cad du goms par bya bar mi rigs so/ /zhes bya ba'i don te sgra ji bzhin pa'o/ /lan du ye shes rim pa spangs nas ni/ /gang zhig de ltar 'dir rtogs pa/ /de yi dbye ba mi shes pa/ /de rnams slar yang slob par 'gyur/ /zhes bya bas gsungs te/ brgol ba gang zhig rang bzhin gyis grub pa'i phyogs la brten nas ye shes rim pa ste rnam par shes pa dang ye shes kyi rim/ pa rgyu dang 'bras bu'i dngos por mi mthun pa dang gnyen po'i phyogs kyi rim pa'i dbye ba spangs shing bor nas goms par bya ba mi rigs so/ /zhes de ltar rtogs par byed cing smra bar byed pa ste de rnams kyi ni ye shes la sogs pa rnams kyis dbye ba mi shes shing ye shes gang gi rang bzhin ji lta bu dang gang las rang bzhin gang zhig 'byung ba dang/ de rnams kyang ji ltar spang bar bya ba yin par mi shes te de la goms par ma byas pa'i phyir ro/ /de bas na dbye ba mi shes shing bla ma rmongs pa gang yang rung ba zhig gis dbang bskur te/ khyod kyi de kho na nyid thob po zhes yid ches par ma byas pa de rnams kyis de kho na nyid ma thob pa'i phyir slar yang slob par 'gyur ba yin te/ slar yang thob par bya ba'i don du de'i thabs la de rnams kyis gdon mi za bar bya dgos pa kho na'o zhes bya ba'i tha tshig go /gang gi re zhig de bzhin nyid ni grub pa yin mod kyi 'on kyang blo bur ba'i dri mas bsgribs pa mi gsal ba de'i phyir rnal 'byor goms par byas pas dri ma
- 106a
rnams spang nas/ de ni rang nyid kyis gsal bar gyur to/ /de tsam gyis de mi rtag pa nyid du 'gyur ba yang ma yin te/ dri ma bsal ba ni de'i rgyu nyid bzhi pa la/ /dri ma bsal pa ni gsal bar byed pa tsam gyi ngo bo nyid yin pa'i phyir mar me bzhin no/ /de bas na goms par bya ba kho na rigs pa yin te/ sgra ji bzhin pa'o/ /de nyid la goms par bya ba'i rim pa ni/ rang bzhin snang ba'i dbye shes shing/ /de nyid bzhi pa la brten pa/ /gang zhig rnam gsum bslab byed pa/ /des ni 'bras bu myur thob 'gyur/ /zhes bya ba gsungs te/ rnal 'byor gang zhig gis sngar bshad pa'i rim pas rang bzhin rnams dang ye shes kyi snang ba rnams kyi dbye ba shes shing/ des shes nas de kho na nyid bzhi pa thams cad stong pa la brten cing len par byed do/ /sngags dang phyag rgya'i rim pas rang bzhin dang shes pa'i tshogs la rnam gsum ste/ rnam pa gsum po de rnams kyis slab par byed pa gang yin pa des ni rdo rje 'chang chen po'i go 'phang thob pa'i mtshan nyid kyi 'od gsal ba 'bras bu myur du ste/ de rnams 'gags pa dang dus mnyam pa kho na thob cing rnyed par 'gyur ro/ /zhes bya ba'i tha tshig ste sbas pa dang mthar thug pa dag gis bshad pa dag go / da ni rang bzhin gyis grub pa yin yang goms pa med na 'thob par mi 'gyur ro/ /zhes bya ba'i dpe bstan pa'i phyir ji ltar shing la mi gnas pa/ /ma gtsugs par ni 'byung mi 'gyur/ /de bzhin goms med byang chub ni/ /tshe 'di nyid la 'byung mi 'gyur/ zhes bya bas gsungs te/ de bzhin nyid rang bzhin gyis grub pa'i kho na yin mod kyi/ 'on kyang goms par bya ba gtso bo yin te/ ji ltar shing gi nang na gnas pa'i me ji srid gtsubs shing dang gtsubs stan gyi
- 106b
sbyor bas gtsubs pas ma byas pa de srid du yod du zin kyang de ni 'byung bar mi 'gyur ro/ /de bzhin du goms pa med par byang chub mi 'byung na/ khyad par du tshe 'dir lta ci smos pha rol tu phyin pa'i rnal 'byor pa ni mthong ba dang bsgoms pa'i lam gyi rim gyis goms par byed du zin kyang bskal pa grangs med pa gsum gyis byang chub thob po/ /sngags kyi gzhung la gnas pa'i goms par byed na tshe 'di nyid la thob po zhes bya ba ni khyad par yin te sgra ji bzhin pa'o/ /da ni sems rnam par dag pa'i rim pa'i man ngag gi chos sbyin par bya ba'i slob ma rnams kyi snod dang snod ma yin pa brtag pa'i phyir/ gang zhig g.yo ba le lo dang ldan bla ma dmod/ /dbang bskur thob ces rlom pa'i sems dang ldan gyur pa/ /kun mkhyen rnyed par dka' snyam zhum pa'i sems ldan zhing/ /bla ma'i skyon rnams mthong byed yon tan mi 'dod pa/ /zhes bya bas gsungs te/ 'dir nyan pa po gang zag lnga yod do/ /de las 'di ni tsan dan lta bu'i gang zag go /g.yo'i blo dang ldan pa g.yon la sogs pa la sgyu byed pa'o/ /le lo dang ldan pa ni thos pa le lo byed pa'o/ /gang la thos pa dang ldan par gyur pa'i bla ma de la dmod pa ni/ /bdag la de ni cung zad kyang bstan pa med kyi/ bdag nyid rang gis dang gis shes rab kyis ldan pa kho na'o zhes zer ba'o/ / bdag gis dbang bskur ba thob po snyam nas nga rgyal dang bcas pa dang/ de nas gal te mkhas pa 'ga' zhig gis lam la goms par gyis shig ces bskul ba de'i tshe thams cad mkhyen pa ni rnyed par slab ma yin no snyam pa'i zhum pa'i sems ldan zhing mos pa chung ba dang/ de bzhin du bla ma ste slob dpon gyi skyon rnams mthong bar byed kyi yon tan rnams ni mthong bar mi byed pa de ni tsan dan lta bu'i gang zag kho na yin no/ /de nyid slar yang brjod par bya ste/ gus nyan med par de nyid
- 107a
thab 'dod cing/ /tshig rnams 'jam pos min zhes smra na khro bcas 'gro /tshogs nang bla ma mthong na de la rgyab kyi phyogs/ /de la dben par song na de phyag byed par 'gyur/ /gus par nyan par 'dod pa dang de'i don du bsnyen bkur byed pa yang gus par nyan pa yin no/ /de spangs shing med par myur du ste thabs bde bas the tshom gyi sgo nas thabs kyi de kho na nyid 'dod cing/ gal te bla mas 'di ni g.yo can no/ /zhes shes nas de'i the tshom bsal bar tshig 'jam pos de ltar ma yin no/ zhes brjod cing smras pa na khro bcas te khros par gyur nas 'gro ba ni bros pa'o/ /rang gi bla ma tshogs nang mthong na te/ skye bo'i tshogs kyi dbus su mthong na rgyab kyi phyogs par byed pa ni mgo bkab nas yib par byed pa'o/ /gal te dben par sngo zhing lkog na gcig po gnas par mthong na de la phyag byed cing 'dud par 'gyur ro/ /de la drin mi sbyin pa'i phyir/ de ltar rang bzhin ngan gyur slob ma dman pa ni/ /rang la skyes pa'i bu dang 'phags pa'i gzung ba yi/ /rgyal rigs rjes rigs mchog las skyes pa'ang rung/ /bstan par nam yang drung du bzhag par mi bya'o/ /zhes bya ba gsungs/ tsan dan zhes bya ba slob ma ngan pa de lta bu ni gal te rang gi bu yin te/ de yang gzhan gyis byin pa dang bcos pa ma yin gyi 'on kyang las skyes shing bdag nyid las skyes pa yin na yang/ 'on kyang sngar bshad pa'i skyon gyi tshogs dang ldan pa'i rang bzhin ngan pa de ni drung du bzhag par mi bya ste/ nye bar bzhag par mi bya zhing chos bstan par mi bya'o/ /de bzhin du rje'u rigs la sogs pa gsum ni mchog nyid yin pa'i snod du rung ba yin zhing/ de rnams kyang 'phags pas gzung ba ste/ 'phags pa rnams kyi phyogs mdzad
- 107b
pa yin yang gal te sngar bshad pa'i nyes pa dang ldan pa yin pa de'i drung du bzhag par mi bya'o/ /zhes bya ba ni sgra ji bzhin pa'o/ /rin po che lta bu'i gang zag ni/ yon tan bzang ldan bcas shing brtson 'grus dang ldan pa/ /de nas bla ma 'khor la gus shing sangs rgyas mtshungs par lta/ /rgyal ba'i chos rnams khong du chud cing bstan la shin tu dang/ de 'dir snod gyur yin te de la drin dag sbyin par bya/ /zhes gsungs te/ yon tan bzang po ni tshul khrims la sogs ba rnams te de dag dang ldan pa'o/ /ye shes ni thos pa la sogs pa'i rim gyis rtogs pa ste de dang ldan pa nyid yin pa'i phyir ye shes dang bcas pa'o/ /dge ba'i chos la spro ba na brtson 'grus dang ldan pa'o/ /de bzhin du gus pa'i bla ma'i 'khor te rdo rje slob dpon dang de'i 'khor la sangs rgyas dang mtshungs par blta bar byed pa dang/ de bzhin du rgyal ba'i chos sde snod gsum shes pa dang/ bcom ldan 'das kyis bstan pa'i lam la shin tu dang zhing dad pa de ni man ngag gi snod du rung ba yin te/ de la drin sbyin par bya ba kho na'o/ /zhes bya ba ni sgra ji bzhin pa'o/ /da ni utpa la lta bu'i mtshan nyid/ rgyud ni shin tu mang po thos shing lung la mkhas gyur kyang/ /bla ma'i zhal sngar bsnyen bkur dman zhing man ngag ma thob pa/ /de ni bdag la'ang phan par mi nus bstan bcos grags/ /de yi bstan bcos skyo ba'i 'ba' zhig gyur pa yin/ /zhes bya ba gsungs te/ dang po mdo sde dang 'dul ba dang chos mngon thos pas theg pa chen po'i mdo sde'i lung rnams la mkhas shing byad pa dang/ de nas bya ba la sogs pa'i rgyud kyi rim pas rgyud mang po la thos pa byas par gyur kyang 'on kyang man ngag dang ldan pa'i bla ma'i zhal snga nas las bsnyen bkur te bkur sti dman zhing mi phyed pa de'i
- 108a
phyir man ngag ma thos shing yang dag pa'i man ngag mi shes pa gang yin pa de ni bstan bcos 'ba' zhig gi grags pas na bstan bcos grags pa'o/ /des ni bdag la phan pa byed pa 'am mi nus te/ man ngag gi nor gyis 'phongs pa nyid yin pa'i phyir nus pa ma yin no/ /de'i bstan bcos mang du thos pa de ni skyo ba'i rgyu tsam 'ba' zhig ste sdug bsngal gyi rgyur gyur pa yin te/ nyin re zhing gzhan dang lhan cig rtsod pa byed pa dang/ bsgom pa'i ro shin tu zhi ba 'ang ma rnyed pa'i phyir ro/ /de bas na de yang rim pa'i man ngag gi snod du rung ba ma yin no/ /zhes bya ba ni sgra ji bzhin pa'o/ /de ni pad+ma dkar po lta bu/ de nas ldan gyur cing de nyid man ngag thob gyur kyang/ /gang zhig blo gros blun zhing don rnams sdud par mi nus pa/ /gzhan la phan par byed pa'i blo ldan bstan la rab 'jug cing/ /tshig gi yon tan dman pa de yang brnyas par 'gyur pa yin/ /zhes bya ba gsungs so/ /slob ma gang zhig bsod nams kyi tshogs dang ldan pa nyid yin pa'i phyir skal ba dang ldan par gyur pas ye shes kyi tshogs ni bsod nams kyi tshogs kyi sngon du 'gro ba can nyid yin pa'i phyir ye shes kyi man ngag thob par gyur pa yin du zin kyang 'on kyang de la bdag nyid kyi nyes pa 'ga' zhig yod de/ 'di ltar skye bas thob pa'i shes rab dang/ bral ba nyid yin pa'i phyir blo gros blun pa yin no/ /de'i phyir shes rab med pas gang cung zad cig thob pa de'i don ni rig pa bzhi'i rim gyis sdud par mi nus so/ /mi nus su zad mod ce na/ gal te de la gzhan la phan par bya ba'i blo 'byung ba de'i tshe chos bstan pa la rab tu 'jug cing brtson par gyur te/ de'i tshe phyogs dang gtan tshigs dang dpe nye bar dgongs pa'i mtshan nyid dang/ drang ba dang nges pa'i don la sogs pa'i bye
- 108b
brag 'byed ba mtshan nyid dang ldan pa'i tshig gi yon tan dman pa nyid yin pa'i phyir brnyas shing bzhad gad du 'gro bar 'gyur zhes bya ba'i don to/ /des ni gzhan gyi don dang rang gi don yang bya bar mi nus te yang dag pa'i gdams ngag mi shes pa'i phyir la mi shes pa ni shes rab med pa'i phyir ro/ /de ni skye ba gzhan du de kho na nyid shes par 'gyur ba 'ba' zhig ste/ sngon gyi dad pa dang rtog pas 'dus byas pa sa bon yod pa'i phyir ro/ /zhes bya ba ni sgra ji bzhin pa'o/ /da ni thams cad las mchog tu gyur par ni ngo che lta bu'i gang zag /rgyud mang po thos shing shes ldan drug gis tshig don shes pa dang/ dran dang blo gros 'dzin nus yid gzhungs brtson pa phun sum ldan/ /bla ma'i zhal snga nas la mchod pa de nyid man ngag thob/ /rgyud kyi rgyal po man ngag de la bstan par 'os pa yin/ /zhes bya bas gsungs te/ gang zhig rgyud shin tu mang po thos pa las shes pa dang/ ldan shing blo gros phul du byung ba skyes pa dang/ de bzhin du grangs pa dang nges pa la sogs pa'i don drug gis tshig de rgyud kyi tshig rnams kyi don shes pa dang/ dran pa ste thob pa phyis kyang dran pa dad blo gros bye brag tu rtogs pa dang 'dzin nus pa ste chos kyi don bla ma'i zhal las/ ji skad thos pa de kho na bzhin ji srid mtsho'i bar du 'dzin pa dang yid gzhungs te/ rang bzhin gyis rno ba'i shes rab kyis 'dzin pa dang/ brtson pa ste nyan pa la sogs pa'i dge ba'i las la spro ba'i yon tan de rnams phun sum tshogs pa ste tshogs pa dang ldan zhing/ 'brel par gyur pa dang de'i rjes la nyin re bzhin mngon pa'i nga rgyal med pa nyid kyis bla ma'i zhal snga nas la bsnyen bkur byas pa'i dbang gi de kho na nyid kyi man ngag thob pa'i slob ma de lta bu ni rgyud kyi rgyal po'i man ngag ste/ dpal gsang ba 'dus pa'i snying por
- 109a
gyur pa'i rim pa lnga'i man ngag bstan cing rnam par bshad par 'os pa yin zhing snod du rung ba yin te/ de la bla mas man ngag bstan par bya'o/ /yang na de ni gzhan rnams la rgyud kyi rgyal po rnam par 'chad par 'os pa yin te/ rigs pa dang ldan pa nyid dang mi slu ba nyid yin pa'i phyir ro/ /de bas na de ni rang dang gzhan gyi don bsgrub par nus pa yin par shes par bya ste/ sgra ji bzhin pa'o/ /da ni rim pa'i mdza' mar yongs su bsngo ba/ 'phags pa rdo rje dril gyi rgyud rnams rab tu mang thos pa/ gsal bar rnam par bkod pa'i tshig gis byang chub lam ni rnam phye ba/ /shAkya'i bshes gnyen gyi ni dge ba bsags pa gang yin des/ /gsal la myur du rnam par smin nas byang chub snod gyur shog /ces pas gsungs te/ 'phags pa rdo rje sgra gcan 'dzin bzang po'i zhal snga nas kyis sku drin gyis rgyud shin tu mang po thos pa'i shAkya bshes gnyen bdag gis gsal zhing the tshom med par byas tshig gis phreng bas rnam par bkod pa'i sems rnam par dag pa'i rim pa'i byang chub kyi lam de mi mthun pa'i phyogs dan gnyen po'i phyogs kyi ngo bo nyid kyis gsal bar byas shing rnam par phye ba las dge ba mthong zhing bsod nams thob pa gang yin pa'i dge ba des gsal ba ste the tshom med cing dus myur bar thob par 'gyur ba'i rnam par smin pa'i 'bras bu gang yin pa'o/ /'bras bu de las sems can rnams byang chub snod de sems rnam par dag pa'i rim pas thob par bya ba'i mngon par byang chub pa thob par gyur cig ces bya ba'i don to/ /de ni sgra ji bzhin pa'o/ /'dir shAkya bshes gnyen zhes bya ba ni klu sgrub kyi zhal snga nas kyi rab tu byung ba'i mtshan yin la/ grags pa'i mtshan ni 'phags pa klu sgrub ces bya ba yin no/ /yang slob dpon shAkya bshes gnyen ni de'i slob ma yin pa'i phyir de
- 109b
la brtse ba'i sgo nas rab tu byed pa'i nang du de'i ming bcug pa kho na yin te 'di ltar bla ma brtse ba dang ldan pa rnams ni bcos bdag nyid kyis byas kyang slob mas byas so zhes smra ba ni lugs yin no/ /bsod nams sngo ba ni zhabs su bya ba yin mod kyi/ 'dir bya ba ni rim pa dka' ba yin pa'i phyir ro/ /dka' ba nyid ni sems las spyang dka' ba gzhan med pa'i phyir ro/ /rim pa lnga'i bshad pa'i nor bu'i phreng ba las sems rnam par dag pa'i rim pa ste gnyis pa'o// //da ni bdag phyin gyis brlab pa'i rim pa brtsom pa phyag 'tshal ba/ rdo rje kun gyi dang po gtso/ /rdo rje che la phyag 'tshal nas/ /bdag byin brlab pa'i rim pa 'di/ /brtse bas bdag gi bshad par bya/ /zhes bya bas gsungs te/ rdo rje ni ye shes lnga yin te/ de dag gcig nyid du gyur pa'i ngo bo nyid yin pa'i phyir rdo rje che ste drug pa'o/ /de nyid kyi phyir rdo rje kun gyi ste/ /de bzhin gshegs pa lnga'i skyed par byed pa nyid yin pa'i phyir/ dang po yin la bdag po nyid yin pa'i phyir gtso bo yang yin pas rdo rje kun gyi dang po gtso bo ste rdo rje 'chang chen po'o/ /phyag 'tshal na te phyag byas nas sngar don rnam par phye ba'i bdag byin gyis brlab pa'i rim pa ste sgyu ma lta bu'i ting nge 'dzin gyis rim pa bdag gis te slob ma rjes su gzung ba'i blo yis bshad par bya'o/ /zhes bya ba ni yi ge'i don don yang na rdo rje zhes bya ba ni/ chos kyi dbyings kyi dbang phyug ma zhes bya ba'i rtsa ste b+ha ga'i dbus na rab tu gnas pa'o/ /de yang ji lta bu zhe na/ de nyid las thams cad 'byung ba'i phyir rdo rje kun gyi ste rtsa sum cu rtsa gnyis kyi dang por gyur pa yang yin la/ bde ba chen po'i ngo bo nyid yin pa'i phyir gtso bo yang yin la/ de'i rang bzhin gyi byang chub kyi sems rdo rje 'chang la phyag 'tshal na bdag brlab pa'i rim pa bshad par bya'o/ /zhes bya ba ni spyi'i don to/ /rdo rje bdud rtsi las kyang/ b+ha ga yi ni dbus gnas pa/ /myos byed 'dzag pa'i rtsa gang
- 110a
yin/ /de ni rtsa gzhan sum cu gnyis/ /de rnams nang nas gtso bo'i yin/ /zhes kyang gsungs so/ /rdo rje che ni 'dod chags dang bral ba dang 'dod chags bar ma zhes bya ba gsum po ste/ de rnams kyi rdo rje kun ni thams cad stong pa'i rang bzhin gyi 'od gsal ba'i de kho na nyid do/ /de nyid thams cad kyi gcig tu gyur pa'i ngo bo nyid yin pa'i phyir dang po yin zhing 'jig pa med pa'i lhan cig skyes pa'i phyir ngo bo nyid yin pa'i phyir gtso bo'o/ /de la phyag 'tshal nas te nyams su myong bar byas nas snga ma bzhin du bshad par bya'o/ /zhes bya ba ni sbas pa'o/ /de bzhin du rdo rje che ni mi phyed nyid yin pa'i phyir 'od gsal ba'o/ /de las langs nas dkyil 'khor pa rdo rje kun gyi dang po ste/ sgyu ma lta bu dang gtso bo ste dkyil 'khor gyi bdag po ye shes kyi sku de la phyag 'tshal nas te brten nas bshad par bya'o zhes bya ba yang sbas pa bzhin no/ /yang na thams cad la khyab par byed pa nyid yin pa'i phyir chen po yin la/ gzhig par mi nus pa nyid yin pa'i phyir rdo rje yin pas rnam par shes pa gsung ni rdo rje che'o/ /rdo rje kun ni rang bzhin rnams so/ /de rnams spong ba'i phyir dang po yin zhing/ blang bar bya ba nyid yin pa'i phyir gtso bo ste/ 'od gsal ba de la phyag 'tshal zhing de'i bdag nyid du zhugs nas bshad par bya'o/ /zhes bya ba yang sbas pa'o/ /de bzhin du rdo rje che ni bzhi pa ste/ lhan cig skyes pa'o/ /rdo rje kun te smig rgyu lta bu la sogs pa mtshan ma lnga'i dang po ni mtshon par bya'o/ /gtso bo ste 'jig rten las 'das pa'i go 'phang thob pa'i rgyur gyur pa la phyag 'tshal nas te thob nas bshad par bya'o/ /zhes bya ba ni mthar thug pa'o/ /yang na rdo rje che ni mi gnas pa'i mya ngan las 'das pa'i ngo bo'o/ /rdo rje kun te kun rdzob dang don dam pa dag tha mi dad par dbye ba'i phyir dang po yin
- 110b
zhing/ gtso bo ste mi slob pa'i lam gyi thob par bya ba'i rdo rje 'chang gi sku la phyag 'tshal nas te mngon du byas nas brtse bas sems can gyi don bya ba'i phyir bdag byin gyis brlab pa'i rim pa bshad par bya'o/ /zhes bya ba yang mthar thug pa'o/ /da ni bdag byin gyis brlab pa'i snod du rung ba'i slob ma'i mtshan nyid dang/ de thob par bya ba'i phyed du bla ma la mchod pa bstan par bya ba'i phyir dang por re zhig skyed pa'i rim pa'i rjes su 'brangs pas dbang bskur ba thob cing/ rgyud rnam pa bzhi'i dgongs pa shes pa shes rab dang ldan zhing lus dang ngag dang yid rnam par dben pa'i thos pa 'dzin pa bden pa gnyis la lhag par mos pas rdo rje slob dpon yang dag par mnyes par bya ste/ de nas mnyes par gyur pa'i bla ma la tshogs kyi mchod pa chen po byas nas/ lo bcu drug pa rdo rje slob dpon chen po la phul te de'i 'og tu bla ma'i zhal nas bdag byin gyis brlab pa'i rim pa'i man ngag thos pas phreng ba dang chu dang rdzogs pa'i sangs rgyas dang rdo rje dang dril bu sbyin pa dang/ me long dang ming dang slob dpon dang rjes su gnang ba rnams dang bcas par gsang ba'i dbang bskur ba thob nas/ bstod pa 'di rnams kyis bstod par bya'o/ zhes bya ba gsungs te/ dang por zhes bya ba ni dag yin gyis brlabs pa gsol ba 'debs pa'i tshe'o/ /bskyed pa'i rjes su 'brangs pas te mngon par byang chub pa rnam pa lnga'i rim pas so/ /dbang bskur ba thob pa zhes bya ba ni slob dpon gyi dbang bskur ba thob pa'o/ /rgyud rnam pa bzhi ste bya ba dang spyod pa dang rnal 'byor dang rnal 'byor mchog gi rgyud rnams kyis dgongs pa mdza' drug gi bshad pa'i rim pa dang ldan pa'i lam dang lung dang rigs pa dag gis shes pa ni don gyi bye brag tu rtogs pa'o/ /lus la sogs pa rnams kyi rnam par dben pa 'dzin pa ni ting nge
- 111a
'dzin gyi dbye ba shes pa'o/ /thos pa 'dzin pa ni mang du 'dzin pa'o/ /bden pa gnyis te zung du 'jug pa'i rim pa tha dad pa'i rim pa med pa'i de kho na nyid yongs su shes par bya ba'i don du lhag par mos pa dang ldan pa'i phyir lhag par mos pa ste/ 'bras bu thob par bya ba'i phyir 'bad par byed pa'o/ /zhes bya ba'i tha tshig go /de lta bu'i slob mas rdo rje slob dpon te rdo rje bla mas sgyu med cing dad pas yang dag par mnyes par byas shing lan gnyis sam gsum du gsol ba btab nas so/ /de'i rjes la des gsol ba btab pas/ mnyes par gyur cing slob ma la brtse ba dang bcas pa'i bla ma la 'dod pa'i longs spyod lnga gtso bor gyur pa'i tshogs kyi mchod pa chen po byas nas/ de'i rdzas la gsang ba'i mchod pa bya ba'i phyir lo bcu drug pa rigs dang rjes su mthun zhing gzugs bzang ba rgyan dang bcas shing lus dri zhim pa legs par bslab pa'i phyag rgya phul te/ de'i 'og tu zhes bya ba ni phyag rgya phul ba'i 'og rol gyi dus su'o/ /bdag byin gyis brlab pa'i rim pa thob pa zhes bya ba ni rdo rje slob dpon des de dang snyoms par 'jug pa las byung ba'i byang chub kyi sems kyi gsang ba'i dbang bskur ba thob par byas nas/ de'i rjes de la byin nas phyag rgya bzhi bsgom pa'i sgo nas shes rab kyi dbang bskur bas dbang bskur te/ 'od gsal ba shes par byas nas/ de las langs par gyur pa na/ bdag byin gyi brlab pa'i rim pa'i man ngag thob pa yin no/ /zhes brjod par bya'o/ /phreng ba zhes bya ba ni dang po dkyil 'khor du zhugs pa'i mgo la lha'i dkyil 'khor gyis byin gyis brlab par bya ba'i phyir bum pa las blangs te bzhag par bya'o/ /chu la sogs pa rjes su gnang ba la thug pa'i slob dpon gyi dbang ni lus rnam
- 111b
par dag par bya ba'i phyir yin no/ /gsang ba ni ngag rnam par dag par bya ba'i phyir yin no/ /de rnams dang bcas par thob na zhes bya ba ni shes rab kyi dbang bskur thob nas so/ /de'i rjes la shes rab ye shes kyi man ngag thob par bya ba'i phyir du bdag byin gyis brlabs pa'i rim pa'i man nag gi de khon nyid thob par bya ba'i phyir 'chad par 'gyur ba'i bstod pa'i tshig rnams kyi bla ma ste rdo rje slob dpon la bstod par bya'o/ /zhes bya ba ni spyi'i don dang sbas pa'o/ /da ni bstod pa/ khong stong khyod kyi sku la med/ /sha dang rus pa khrag med kyang/ /nam mkha' la ni 'ja' tshon ltar/ /khyod kyi sku ni ston par mdzad/ /ces gsung pa'i don ni 'di yin te/ /kye'i bcom ldan 'das rdo rje slob dpon khyod kyi sku la khong stong ste sgo la sogs pa'i rim gyis stong pa nyid med do/ /de bzhin du sha dang rus pa khrag ste khams kyi rtsa rnams nye bar mtshon par byed pa de dag kyang med de/ dngos po thams cad kyi gzugs brnyan gyi rnam pa can gyi me long lta bu'i ye shes kyi rang bzhin nyid yin pa'i phyir ro/ /gal te de ltar na gang la cung zad kyang med la de ji ltar sku nyid du snang bar 'gyur zhe na/ nam mkha' la ni 'ja' tshon te/ ji ltar dbang po'i gzhu kha dog lnga'i rang bzhin du 'phro ba dang gzhu lta bu'i dbyibs su med bzhin du yang snang ba de kho na bzhin du nyon mongs pa'i gti mug la sogs pa rnam par byang ba'i phyir du zhi ba la sogs pa'i las bya ba'i phyir khyod kyi sku ston par mdzad cing brten par mdzad ces bya ba'i tha tshig go /da ni rnam pa snang mdzad kyi sgo nas bstod pa yin te/ dgongs pa ma yin pa'o/ /sku la snyun med mi gtsang med/ /bkres dang skyon pa 'byung med kyang/ /khyod ni 'jig rten mthun pa'i phyir/ /'jig rten bya ba ston par mdzad/ /khyod kyi sku la nyon mongs pa 'dod chag sdang 'brel pa'i nyon mongs pa'i bsnyun med cing de bzhin du lus kyi chos reg bya'i bye brag bkres pa dang skom pa la sogs pa de
- 112a
rnams kyang yod pa ma yin te/ so sor rtog pa'i ye shes kyis 'dod chags la sogs pa thams cad rnam par spyod pa'i phyir ro/ /'on kyang 'jig rten mthun bya'i phyir te/ sems can rjes su gzung bar bya ba'i phyir khyod kyi dbang du bya ba la sogs pa'i 'jig rten gyi bya ba dag rnam par sbyang ba dang/ 'dod chags spang bya'i phyir ston par mdzad cing gsal bar mdzad do/ /zhes bya ba ni 'od dpag tu med pa'i sgo nas bstod pa yin te/ dgongs pa ma yin no/ / chu zla bzhin du bzung du med/ /chos rnams kun la gnas pa med/ /nga rgyal med cing rmongs mi mnga' / /dmigs med khyod la phyag 'tshal lo/ /chu zla gzugs brnyan du ltung ba'i zla ba ni chu zla ste/ de bzhin du gzung du med pa'o/ /chu zla ni snang ba bzhin du yang gzung bar nus pa ma yin pa de bzhin du nam mkha' i khams kyi rang bzhin nyid yin pa'i phyir khyod kyang gzung bar nus pa ma yin no/ /phung po la sogs pa'i chos rnam kun la so sor nges pa nyid du mi gnas shing thams cad la khyab pa nyid du gnas pa yin te/ mnyam pa nyid kyi ye shes kyi ngo bo nyid yin pa'i phyir ro/ /nyon mongs pa nga rgyal rnam par dag pas nga rgyal med pa'o/ /nor gyis rgyags pa'i sgo nas khengs pa rnams kyis mi shes pa ni rmongs pa ste/ de spong ba'i phyir rmongs pa mi mnga' ba'o/ /dngos po la mngon par zhen pa ni dmigs pa ste/ de med pa nyid yin pa'i phyir dmigs med khyod la phyag 'tshal lo/ /zhe bya ba ni rin chen 'byung ldan gyi sgo nas bstod pa yin te dgongs pa ma yin pa'o/ /gshegs dang bzhugs dang de bzhin gzigs/ /spyod lam dag ni kun la'ang/ /khyod ni rtag tu mnyam par bzhag /dmigs med khyod la phyag 'tshal lo/ /gshegs pa la sogs pa'i spyod lam bzhi po de rnams su bya ba nan tan sgrub pas sems can
- 112b
thams cad kyi don bya ba'i phyir mnyam par bzhag pa zhes bya ba ni gcig tu rnam par mi rtog pa'i rang bzhin yin pa'o/ /dmigs med ces bya ba ni sems can rnams kyi bya ba la spro ba dang bsdu ba'i rnam par rtog pa med pa khyod la phyag 'tshal lo/ / zhes bya ba ni don yod par grub pa'i sgo nas bstod pa yin te dgongs pa ma yin pa'o/ /sgyu ma lta bu'i ting 'dzin gyis/ /cho 'phrul chen po rnam 'phrul zhing/ /tha dad med la snyoms 'jug pa/ /dmigs med khyod la phyag 'tshal lo/ /rdzu 'phrul chen po ste lus kyi 'phar ba dang snang ba la sogs pa rnams dang gsung dbyang yan lag drug cu dang ldan pa'i bstan pa rnams dang thug kyi sgyu ma lta bu'i ting nge 'dzin te/ chos kyi dbyings kyi ye shes rdo rje lta bus rnam par 'phrul pa ni 'dod chags la sogs pa'i nyon mongs pa dang nye ba'i nyon mongs pa spangs ba'i phyir 'bad pa byed pa'o/ /de nyid kyi phyir chos kyi dbyings shin tu rnam par dag pa'i ye shes chos thams cad kyi chos nyid kyi rang bzhin yin pa'i phyir tha dad min te/ dbye ba med pa nyid du snyoms par zhugs pa dang ldan pa'o/ /de nyid kyi phyir chu'i khams la dmigs pa'i rnam par rtog pa dag par byed pa nyid yin pas dmigs med do/ /khyed la phyag 'tshal lo zhes bya ba ni mi bskyod ba'i sgo nas bstod pa dgongs pa ma yin ba'o/ /bstod pa byas nas gsol ba gdab pa'o/ /de ltar rdo rje slob dpon la bden par gyur pa'i yon tan gyi tshogs kyi sgo nas yang dag par bstod nas/ mnyam pa'i phyir tshags su bcas pa 'dis gsol ba gdab par bya'o/ /zhes bya ba gsungs te/ de ltar sngar tshigs su bcad pa lngas bden par gyur pa'i yon tan gyi tshogs kyi sgo ste/ de bzhin gshegs pa lnga dang 'brel ba'i 'khrul pa med pa'i yon tan gyi tshogs bsgrags pa'i sgo nas bstod pa byas nas mnyam pa'i phyir
- 113a
zhes bya ba bdag byin gyis brlab pa'i rim pa'i man ngag mnyan par bya ba'i phyir 'chad par 'gyur pa'i tshigs su bcad pa gcig pa 'dis gsol ba gdab par bya'o/ /de nyid ni thams cad mkhyen pa'i ye shes tshogs/ srid pa'i 'khor lo rnam spyod pa/ /de ring bshad pa'i rin chen gyis/ /gtso bos bdag la bka' drin stsol/ /zhes bya bas gsungs te/ thams cad mkhyen pa'i ye shes lnga sdud par byed pa'i rdo rje 'chang chen po'i ye shes so/ /de'i phyir tshogs ni rang gi rig par bya ba'i ye shes chen po'i rang bzhin no/ /de nyid kyi phyir rten cing 'brel par 'byung ba'i yan lag bcu gnyis kyi rang bzhin gyi srid pa'i 'khor lo nyon mongs pa dang las dang sdug bsngal rnams kyi nyin re zhing/ zo chun gyi 'khrul 'khor bzhin du 'khor ba rnam par mi rtog pa'i ye shes kyi rnam par spyod pa ni rang gi ngo bo yongs su shes par byed pa'o/ /'khor ba'i 'khor lo dag par byed pa ni rang gi ngo bo yongs su shes pa kho na yin gyi gzhan ni ma yin te/ yod pas rnam par mi grol te/ /med pas srid pa 'di las min/ /dngos dang dngos med yongs shes pas/ /bdag nyid chen po rnam par grol/ /gang zhig rten nas dngos po rnams/ /chu yi zla ba lta bur ni/ /yang dag ma yin log min par/ /'dod pa de dag ltas mi phrogs/ /zhes bya ba la sogs pa gsungs so/ /de lta bu'i bcom ldan 'das rdo rje slob dpon gyis de ring bshad pa'i rin chen te/ bdag byin gyis brlab pa'i rim pa'i man ngag ston par byed pa bsam pa thams cad yongs su rdzogs par byed pa nyid yin pa'i phyir/ rin chen gyi bdag la bka' drin te rjes su gzung bar mdzad du gsol ces bya ba ni dgongs pa ma yin pa'i 'o/ /skyabs gzhan med pa nyid bsten pa'i phyir/ khyod zhabs pad+ma spangs nas ni/ /gtso bo gzhan na skyabs ma
- 113b
mchis/ /de bas thub chen sangs rgyas gtso/ /'gro ba'i dpa' bo sku drin stsol zhes bya ba gsungs te/ khyod zhabs pad+ma ste zhabs pad+ma gnyis spangs nas skyabs gzhan ma mchis te/ khyod kho na skyabs yin no/ /zhes bya ba'i don to/ /de'i phyir sku drin stsol cig pa ste brtse bar mdzod cig pa'o/ /thub chen ni sku rdo rje'i rang bzhin no/ /sangs rgyas gtso ni mi bskyod pa'i rang bzhin no/ /'gro ba la chos bstan pa'i sgo nas 'dul bar mdzad pa'i phyir 'gro ba'i dpa' bo ni 'od dpag tu med pa'i rang bzhin te/ de ni de bzhin gshegs pa gsum gyi rang bzhin yin no/ /zhes bod ba ste dgongs pa ma yin pa'o/ /da ni bla ma'i zhal snga nas kyi man ngag /de ltar 'jigs med gsol 'debs pa'i/ /tshig de thos par gyur nas ni/ /snying rje slob ma la bskyed de/ de nas bdag la byin gyis brlabs/ /ces bya ba gsungs te/ gsol ba 'debs pa la shin tu mkhas pa'i 'jigs pa med par gsol ba 'debs pa'i tshig de thos shing gnas nas slob ma la snying brtse bskyed la/ bdag byin gyis brlab pa'i rim pa bshad cing bstan par bya ste/ sgra ji bzhin pa'o/ /de nyid ni/ bdag brlab pa'i rim zhes pa/ /kun rdzob bden pa mthong ba ste/ /de ni bla ma'i drin bdag gis/ /'thob par 'gyur gyi gzhan du min/ /zhes bya ba gsungs pa'i don ni 'di yin te/ kye rigs kyi bu sems rnam par dag pa'i rim gyis thob pa'i don gsal ba gang yin pa de la ni lha'i sku yod pa ma yin te/ sems can ni gcig dang du mas cha shas shin tu phra bar dpyad na med pa dang/ don dam pa 'ba' zhig gi ngo bo nyid yin pa'i phyir ro/ /ngag rnam par dben pa'i rdo rje bzlas pa la yang lha'i sku nye bar mi dmigs te/ 'jug pa la sogs pa'i rang bzhin gyis rlung la gzugs med pa nyid kyi phyir ro/ /lus rnam par dben pas lus la gcig dang du ma med pa'i phyir lha'i sku
- 114a
bsgom pa med do/ /'dir ni skad cig gis sam shes rab dang thabs dang nye bar thob pa'i rim gyis 'od gsal ba las langs te/ sgyu ma'i dpe bcu gnyis kyi rim pas bskyed pa yod kyi rang bzhin can nyid ye shes kyi skur mthong nas phyi rol na gnas pa'i dngos po rnams la yang de kho na bzhin du blta bar bya'o/ /zhes bya ba 'di ni bdag byin gyis brlab pa'i rim pa'o/ /kun rdzob ste sku bsgom pa'i bdag nyid dang gzugs la sogs pa rnams dang/ sems can dang snod kyi 'jig rten dang zhi ba la sogs pa rnams dang sngags dang phyag rgya la sogs pa'i bya ba'i tshogs thams cad kyi bden pa mthong ba ste sgyu ma lta bu smig rgyu dang/ gzugs brnyan dang chu zla dang dri za'i grong khyer dang/ sgra brnyan dang/ 'ja' tshon la sogs pa sgyu ma'i dpe rnams dang mtshungs par mthong zhing ji lta bu bzhin du mthong ba de ni bdag byin gyis brlabs pa'i rim pa yin no/ /zhes brjod par bya'o/ /de yang bla ma'i zhal snga nas kyi sku drin kho nas thob par 'gyur gyi gzhan du ni ma yin no/ /zhes bya ba ni gsang ba nyid yin par bstan par yin te sbas pa'o/ /de nyid blang bar bya ba nyid yin par/ bdag byin brlab rim bsgrub pa'o/ /gang gi rnyed par ma gyur pa/ /mdo sde rgyud dang rtog pa la/ /de yi ral ba don med 'gyur/ /zhes bya bas gsungs te/ rnal 'byor pa gang gis bdag byin gyis brlab pa'i rim pa'i man ngag bla ma'i zhal nas ma thob pa de'i mdo sde ste/ theg pa chen po'i mdo sde rnams dang/ bya ba la sogs pa'i rang bzhin gyi rgyud la sogs pa gang yin pa de rnams la thos pa dang bsam pa dang bsgom pa'i rim pas ngal ba sde 'bad pa don med pa kho na yin te/ de rnams kyi blang bar bya ba'i de kho na nyid ma thob pa'i phyir ro/ /zhes bya ba'i tha tshig go /de bas na de kho na nyid thams cad blang bar bya ba yin no/ /'bras bu ni/ bdag byin brlab rim thob nas ni/ /
- 114b
sangs rgyas kun gyi rang bzhin gtso/ /tshe 'di nyid la sangs rgyas nyid/ /'thob par 'gyur ba the tshom med/ /ces bya ba gsungs te/ sngar bshad pa'i bdag byin gyis brlab pa'i rim pa thob nas/ sangs rgyas kun gyi rang bzhin te de bzhin gshegs pa thams cad kyi rang bzhin gyi gtso bo rdo rje 'chang du gyur te/ sgyu ma lta bu nyid kyis de bzhin gshegs pa thams cad kyi rang bzhin gyi sku thob pa'i phyir ro/ /de ltar yang tshe 'di nyid du sangs rgyas nyid de/ rdo rje 'chang nyid thob par 'gyur zhing rnyed par 'gyur bar the tshom med ces bya ba ni 'dir the tshom yod pa ma yin no/ /'dir bsam pa ni 'di yin te/ bskyed pa'i rim pas gang gi tshe rnal 'byor pa lha'i rnam par sgom par byed pa de'i tshe/ sgyu ma lta bu'i ting nge 'dzin med pas ma dag pa'i sangs rgyas nyid yin te/ de nyid kyi phyir de ni brtags pa'i rnal 'byor dang sngags kyi sku zhes bya'o/ /'dir ni sgyu ma lta bu nyid gtso bo yin pas brtags pa nyid ma yin pa'i phyir lha'i rnam pa'i bsgom pa ni nges pa'i kho nar sangs rgyas nyid yin te/ de'i phyir ye shes kyi sku zhes brjod par bya'o/ /zhes bya ba ni sgra ji bzhin pa'o/ /da ni rgyu dang 'bras bu'i bye brag /bdag byin gyis brlab pa'i ting nge 'dzin dang/ de bzhin 'od gsal ba yi gnas/ /bden pa gnyis kyi bstan pa ni/ /rgyu dang 'bras bu'i dbye ba'o/ /zhes bya bas gsungs pa'i dgongs pa ni 'di yin te/ bdag byin gyis brlabs pa'i ting nge 'dzin te rim pa gsum pas sgyu ma'i sku 'dzin pa dang 'od gsal ba'i gnas te/ rim pa gnyis pas rang bzhin dang snang ba dag par bya ba'i phyir 'od gsal ba'i de kho na nyid rtogs pa'i mtshan nyid ni de'i bden pa gnyis te/ kun rdzob dang don dam pa gnyis kyi bdag nyid rgyu dang 'bras bu'i bye brag du shes par bya'o/ /'od gsal
- 115a
ba ni rgyu yin te/ de las sku 'byung ba'i phyir ro/ /bdag byin gyis brlab pa ni 'bras bu yin te/ de ni de las 'byung ba'i phyir ro/ /rgyu dang 'bras bu'i bye brag gzhan yang/ bdag byin brlab pa'i rim gyis ni/ /'od gsal ba ni thob par 'gyur/ /de bas rdo rje slob dpon gyis/ /dang por bdag byin brlab pa bstan ces bya bas gsungs te/ de nas bdag byin gyis brlab pa'i rim pa'i sgyu ma lta bu'i ting nge 'dzin la brten nas kun rdzob dag par bya ba'i phyir rim pa bzhi pas 'dod chags la sogs pa dag par byas pas mngon par byang chub pa'i mtshan nyid kyis 'od gsal ba 'thob par 'gyur ro/ /de'i phyir bdag byin gyis brlab pa'i rim pa ni rgyu yin la/ 'od gsal ba ni 'bras bu yin no/ /zhes bya ba ni dbye ba'o/ /de bas na rdo rje slob dpon gyis dang por gang gis 'od gsal ba khong du chud par 'gyur ba'i bdag byin gyis brlab pa'i rim pa bstan par bya'o zhes bya ba'i don to/ /de lta na rim pa gnyis pa dang bzhi pa'i rigs gcig pa yin te/ thabs kyi bye brag dang sa'i bye brag las de dag tha dad pa yin no/ /de'i phyir 'od gsal ba ni rgyu yang yin 'bras bu yang yin par gyur cing bdag byin gyis brlab pa yang rgyu yang yin 'bras bu yang yin par ro/ /'on kyang rim pa bzhi pa la bstod nas ni rim pa gsum pa rgyu yin zhing/ rim pa gnyis pa la bltos nas ni gsum pa 'bras bu yin no/ /rim pa gsum pa la bltos nas ni gnyis rgyu yin zhing/ rim pa gsum pa la bltos nas ni bzhi pa 'bras bu yin no/ /zhes bya ba ni sbas pa'o/ /da ni bdag byin gyis brlab pa'i rim pa'i rang gi ngo bo rgyu dang bcas pa 'gro kun rang dbang med pa ste/ rang dbang du ni 'byung ma yin/ /de'i rgyu ni 'od gsal ba/ /'od gsal thams cad stong pa'o/ /zhes bya bas gsungs te/ 'gro ba 'di ni las
- 115b
dang nyon mongs pa'i bag chags kyis bcings pa nyid yin pa'i phyir/ rang dbang med pa ste gzhan gyi dbang yin zhing/ bskyed pa'i rim pa'i rnal 'byor pa'i lha'i sku gang yin pa de yang rang dbang med pa de yang/ zla ba rdo rje la sogs pa'i rim gyis bskyed pa yin pa'i phyir ro/ /de bas na rang dbang ste rang gis mthus 'byung ba ma yin zhing/ skyo ba ma yin pa kho na'o/ /de'i phyir yid kyi rang bzhin gyis lha'i skur rang dbang can de'i 'grub pa'i rgyu ni 'od gsal ba kho na yin te gzhan ni ma yin no/ /bskyed pa'i rim pa'i rnal 'byor pa'i sku yang stong pa nyid du mthong ba las 'byung ba kho na ma yin nam/ de'i phyir mtshungs par thal bar 'gyur ro zhe na/ mtshungs par mi 'gyur te/ de ni stong pa nyid tsam yin gyi 'od gsal ba ni ma yin no/ /'di ltar 'di ni sngags kyi bstan par bya ba yin pa de ltar na de ni gsal ba ma yin te/ gzhan du sngags brjod pa la 'brel ba ci zhig yod 'dir ni sngags la sogs pa dgos pa med do/ /thams cad stong pa 'od gsal ba ni rgyu'i dngos por blang bar bya'o/ /de'i phyir 'od gsal ba'i rgyu las yid kyi rang bzhin gyis lha'i sku rang dbang can 'byung bar 'gyur ro zhes bya ba ni spas pa'o/ /'od gsal ba ni gcig nyid yin te/ rang dbang can dang rang dbang can ma yin pas byas pa'i tha dad pa yod na 'o na ni de kho na nyid ma yin par/ 'gyur ro zhes bya ba ni nyes pa de bsal ba'i phyir/ sems gang gis ni byis pa rnams/ /'khor bar 'ching bar 'gyur pa yis/ /sems de nyid kyis rnal 'byor ba/ /bde gshegs gnas su 'gro bar 'gyur zhes bya ba gsungs te/ las dang nyon mongs pa'i bag chags kyis nyams par byas pa'i gang gis byas pa rnams 'khor bar 'ching bar 'gyur te/ bcings pa'i sems de nyid kyis rang bzhin dang snang ba'i dbye ba yongs su shes pa'i sgo nas rnal 'byor pa rnams bde gshegs
- 116a
sangs rgyas rnams kyi gnas de'i go 'phang thob par 'gyur ro/ /de'i phyir 'od gsal ba gcig kho na yin la/ bcings pa dang thar pa dag ni de yongs su ma shes pas byas pa yin te/ de kho na rang dbang can dang rang dbang can ma yin pa'i phyir de kho na nyid kyis khyab par byed pa nyid ni nyams par byed pa med do/ /don dam par bcings ba dang thar pa dag pa dang skye ba dang 'jig pa med do/ /zhes thugs la bsngogs nas 'ga' yang skye ba med/ /'ga' yang 'chi ba yang ma yin/ /sems kyi rang bzhin rnams gnas pa/ /'khor ba nyid de shes par bya/ /zhes bya ba gsungs te/ don dam par dpyad na 'gro ba la skye ba 'am 'chi ba cung zad kyang yod pa ma yin te khams gsum pa ni gzod ma nas ma skyes pa'i de nyid yin pa'i phyir ro/ /skye ba dang 'jig pa 'di dag ni brtags pa yin gyis yongs su grub pa ni ma yin te/ de'i rang bzhin med pa'i phyir/ /'khrul par ni yod de de skad du yang/ ma rig rkyen las byung ba la/ /yang dag ye shes kyis bltas na/ /skye ba dang ni 'gag pa dag /'ga' yang dmigs par mi 'gyur ro/ /zhes bya ba la sogs pa gsungs so/ /gal te de ltar yin na 'khor ba yod par 'gyur zhes zer na/ sems dag gi rang bzhin ni sems kyi rang bzhin te/ gzung ba dang 'dzin pa'i rnam par snang ba de'i rnam pa 'khor ba yin te 'dir don dam par ni 'khor ba zhes bya ba 'ga' yang med do/ /zhes bya ba ni dgongs pa ma yin pa'o/ /da ni las kyi lus skye ba/ /rlung gi sbyor ba med par ni/ /sems kyi rang bzhin gzung du med/ /rang bzhin rgyur gyur sems las ni/ /las dang skye ba kun tu 'byung/ /zhes bya bas gsungs te/ re zhig dang por khu
- 116b
ba dang khrag 'dres pa'i nang du dri za'i sems zhugs pa na de'i nang du srog ces bya ba'i rlung dang 'dres pas sems kyi rang bzhin gyi rang bzhin shes pa brgyad kyi ngo bor gyur te/ de'i rjes la mngal nas byung nas/ /sems las rang bzhin sems las rang 'byung ba rnams 'byung bar 'gyur ro/ /de'i 'og tu yul 'dra ba gzung nas dge ba dang mi dge ba'i las bya ste/ de'i rjes la shi 'phos na skye ba gzhan du nyid mtshams sbyor ba 'brel par 'byung bar 'gyur te/ de lta bu'i 'khor ba pa'i las kyi lus kun tu 'byung bar 'gyur ro/ /zhes bya ba ni sgra ji bzhin pa'o/ /ye shes kyi lus ni rlung dang ldan pa'i rnam par shes/ /gsum pa de nyid slar yang ni/ /rnal 'byor pa yi lus su 'byung/ sgyu ma'i lus zhes de la bya/ /zhes bya ba gsungs te/ rlung dang ldan pa'i rnam par shes pa gsum pa de nyid 'od gsal bar zhugs te/ slar yang snang ba nye bar thob pa la sogs pa'i rim pas yid kyis rang bzhin gyi ngo bo lha'i skur gyur nas rnal 'byor pa rnams kyi lus te/ ye shes kyi lus su 'byung bar 'gyur ro/ /de nyid kho na sgyu ma'i lus dang sgyu ma'i rang bzhin gyi phung po dang rnam grangs gzhan yang yid kyi rang bzhin gyi ye shes kyi sku yin no/ /zhes bya ba'i don te sbas pa'o/ /ting nge 'dzin 'di yis thams cad kyang de dang 'dra ba kho nar blta bar bya ste/ de'i phyi'i sgyu ma lta bu'i ting nge 'dzin gnas/ /thams cad de dang 'dra bar blta/ /zhes bya ba gsungs te/ sgyu ma lta bu'i ting nge 'dzin la gnas pa'i rnal 'byor pas phung po dang skye mched la sogs pa thams cad de dang 'dra bar sgyu ma'i rang bzhin kho nar blta bar bya'o/ /de nyid gzugs dang tshor ba nyid dang ni/ /'du shes dang ni 'du byed nyid/ /lnga pa rnams par shes pa dang/ /de bzhin khams ni bzhi po dang/ /dbang po rnams dang yul rnams
- 117a
dang/ /ye shes lnga po nyid dang ni/ /phyi dang nang gi bye brag ste/ /thams cad sgyu ma gzhan du min/ /zhes bya bas gsungs te/ gzugs la sogs pa'i phung po/ lnga rnam par snang mdzad la sogs pa de bzhin gshegs pa rnams dang/ de bzhin du khams bzhi'i rang bzhin gyi lha mo bzhi dang yul dang dbang po'i rang bzhin gyi gzugs rdo rje ma la sogs pa dang/ byang chub sems dpa' ste/ de dag thams cad dang de bzhin du phyi nang gi bye brag khrag dang khu ba la sogs pa dang chos la sogs pa'i khams rdo rje 'chang la sogs pa'i rang bzhin gang yin pa de dag thams cad sgyu ma ste snang tsam gyis rang bzhin gang yin pa kho na'o/ /zhes bsgom par bya ste sbas pa'o/ /de bzhin du tha mal pa'i phung po lnga rnam par dag par gnas pa ye shes lnga po de yang sgyu ma lta bur shes par bya'o/ /zhes bya ba ni drang ba'i don to /ye shes lnga po zhes bya ba ye shes lnga rnam par dag pa'i rang bzhin gyi rdo rje 'chang chen po'i sku yang de kho na bzhin blta bar bya'o/ /zhes bya ba ni nges pa'i don to/ /sgyu ma lta bu'i lus sgyu ma'i dpe rnams dang mtshungs par shes par bya ba nyid/ me long gi ni gzugs brnyan bzhin/ /sgyu ma'i lus ni shes par bya/ / kha dog rnams ni 'ja' lta bu/ /khyab nyid chu yi zla ba bzhin/ /zhes bya bas gsungs te/ rnal 'byor pa sgyu ma'i lus ngag yin pa de'i kha dog ni 'ja' lta bu ste sgyu ma lta bu'i rang bzhin du shes par bya'o/ /rang gi ngo bo ni me long gi gzugs brnyan bzhin du yod pa dang med pa spangs pas shes par bya'o/ /khyab pa nyid ni chu'i zla ba ste/ de yang chu'i bum pa gcig tu mthong ba de bzhin du chu'i bum pa stong du yang mthong bar 'gyur ro/ /de bzhin du ji
- 117b
ltar bdag nyid sgyu ma lta bu'i rnam pa mthong ba ltar khams gsum pa thams cad kyang de kho na bzhin du sgyu ma'i rang bzhin du gcig par blta bar bya ste spas pa'o/ /sgyu ma lta bu'i lus kyi mjug bsdu ba ni/ me long dri ma med pa la/ /dngos dang dngos med spang ba yis/ /gzugs brnyan gsal bar snang ba bzhin/ /rdo rje sems dpa' rab spros pa/ /rnam pa kun gyi mchog ldan zhing/ /sku ni blta bas mi ngoms pa/ /slob ma bzang la de bstan pa/ /de ni bdag byin brlab ces bya / zhes bya bas gsungs te/ ji ltar me long dri ma med par 'byung ba'i dngos dang dngos de yod pa dang med pa rnam par spangs pa'i gzugs brnyan snang ba de bzhin du/ rdo rje sems dpa' i sku mtshan dang dpe byad kyi rab tu spras pa ste/ de bzhin du stobs bcu dang mi 'jigs pa la sogs pa rnam pa thams cad kyi mchog rnams dang ldan zhing sku lta bas mi ngoms pa ste/ gang zhig mthong nas chog shes par mi 'gyur ba de lta bu'i ye shes kyi sku rdo rje slob dpon gyi slob ma la bstan pa gang yin pa de ni bdag byin gyis brlab pa'o/ /zhes brjod par bya'o/ /zhes bya ba ni sbas pa'o/ /sku thob pa las sgyu ma lta bu'i ting nge 'dzin gzhan ma yin no/ /zhes bstan par bya ba'i phyir/ bstan pa'i mtshan ldan sgyu ma ni/ /'di nyid yin par shes bya ste kun rdzob bden pa sgyu ma nyid/ /longs spyod rdzogs pa'i sku yang ste/ /zhes bya ba gsungs te/ sgyu ma ni snang ba nye bar thob pa la sogs pa'i rim gyis spros pa'i ye shes kyi sku zhes bya ba gang yin pa 'di nyid yin gyi sgyu ma zhes bya ba de las tha dad pa ma yin te/ shing nyid dang shing sha ba bzhin du ye shes kyi sku dang sgyu ma dag la tha dad pa med do/ /gzhan du na sku dang sgyu ma dag tha dad pa yin na sgyu ma lta bu'i ting nge 'dzin ma yin par 'gyur te/ tha dad pa'i rnam par rtog pa
- 118a
dang ldan pa nyid yin pa'i phyir ro/ /sgyu ma ji lta bu zhe na/ bstan pa'i mtshan nyid de bshad zin pa'i mtshan nyid dang ldan pa'o/ /kun rdzob ste phung po dang khams dang skye mched kyi bdag nyid dam/ lha'i sku'i bden pa ste don dam pa ni sgyu ma nyid yin no/ /de kho na bcom ldan 'das kyi longs spyod rdzogs pa'i sku yin par shes pa bya zhing yang zhes bya ba'i sgras sprul pa'i sku yang sgyu ma nyid yin no/ /zhes bya ba ni sbas pa'o/ /da ni sgyu ma'i lus rdo rje 'chang gi rang bzhin nyid yin pa'i phyir mchod par bya ba nyid yin par/ de nyid dri za'i sems can yin/ /rdo rje sku yang de nyid de/ /bdag nyid rdo rje sems dpa' yin/ /de bas bdag nyid mchod la mjug /ces bya ba gsungs te dri za'i sems can zhes bya ba ni lus kyi za ma tog por te dbang po kun dang ldan pas lus gzhan len par byed pa'o/ /'dir ni sgyu ma lta bu'i lus la phung po'i rnam par rtog pa mi dmigs pa'i phyir dri za'i sems can kho na yin te/ dri za'i sems can dang sgyu ma'i lus la khyad par 'ga' yang med do/ /rdo rje'i sku ste mi phyed pa'i sku yang de nyid yin no/ /zhes bya ba 'dis ni chos kyi sku nyid du bstan pa yin te/ ji skad du/ sra zhing bstan la khong stong med/ /bcad cing gzhig par mi nus te/ bsreg cing bzhom par mi nus pa'i/ /stong nyid rdo rje zhes bshad do/ /zhes gsungs te/ rdo rje'i rab bzhin sku ni rdo rje zhes bya ste/ chos kyi sku yin no zhes bya ba'i don to/ /rdo rje sems dpa' bdag nyid ting nge 'dzin 'di yin te/ /ye shes kyi sku de ni thams cad stong pa nyid kyi de kho na nyid las byung ba yin no/ /'dir yan lag gi don ni 'di yin te/ rdo rje ni stong pa nyid yin zhing/ sems dpa' i ni snying rje yin la/ de'i bdag nyid ni rdo rje sems dpa' nyid yin no zhes bya ba'i don ni de'i phyir ting nge 'dzin
- 118b
de lta bus gang zag cung zad za ba 'am/ reg pa 'am gzhan rnams la mchod pa byed pa de thams cad rang bdag nyid la mchod par bya ste ting nge 'dzin 'dis rang dang gzhan la tha dad pa med pa'i phyir gzhan la mchod pa gang yin pa de kho na bdag la mchod pa 'am/ bdag la mchod pa gang yin pa/ /de gzhan la mchod pa byas pa yin no/ /snyam du dgongs te dgongs pa ma yin pa'o/ /da ni lung gi tshad mas bdag nyid sangs rgyas yin no/ /zhes bstan par bya ba'i phyir/ bdag nyid sangs rgyas thams cad dang/ /byang chub sems dpa' thams cad nyid/ /de bas 'bad pa thams cad kyis/ /bdag nyid rtag tu mchod par bya zhes bya ba gsungs te/ sangs rgyas thams cad ni phung po lnga'o/ /byang chub sems dpa' thams cad ni dbang po'i rang bzhin gyi byang chub sems dpa' rnams so/ /de'i rang bzhin nyid yin pa'i bdag nyid kho na la 'bad pa thams cad kyi mchod par bya ste drang ba'i don to/ /sangs rgyas dang byang chub sems dpa' thams cad kyi rang bzhin gyi 'dra gsal ba las byung ba yin pa'i phyir bdag nyid la mchod par bya ba ni nges pa'i don to/ /de ni rang gi don to/ /gzhan gyi don bya ba'i phyir bya ba ji snyed yod pa de dag de kho na bzhin du bya'o/ /zhes bstan par bya ba'i phyir/ sngags dang phyag rgya'i sbyor ba dang/ dkyil 'khor la sogs rnam rtog dang/ /sbyin sreg gtor ma'i bya ba kun/ /rtag tu sgyu ma bzhin du bya/ /zhes bya ba gsungs te/ bzlas pa'i dus su snying po dang nye ba'i snying po la sogs pa'i sngags rnams dang bcing ba'i dus su zhi ba dang drag po bar ma'i phyag rgya rnams kyi sbyor ba ste las kyi bye brag gis nges par sbyor ba gang yin pa dang de bzhin du dkyil 'khor te sku la sogs pa'i dkyil 'khor dang/ sogs pa'i sgras dbang
- 119a
bskur ba dang/ slob ma lhag par gnas pa dang/ sa yongs su bzung ba dang/ khrus bya ba dang/ lhag par gnas pa'i cho ga dang/ spyan drang ba dang bzhugs su gsol ba dang/ gshegs su gsol ba la sogs pa de rnams kyis rnam par rtog pa ste ji lta ba bzhin du bsgrub pa dang/ de bzhin du dam tshig gi me lha'i sgo nas ye shes kyi me lha tshim par byed pa'i mtshan nyid kyi sbyin sreg gi bya ba dang/ 'byung bo thams cad tshim par byed pa'i gtor ma'i bya ba dang/ bdag dang gzhan la phan pa grub par byed pa'i bya ba gzhan gang ci yang rung ba de thams cad sgyu ma ste bdag byin gyi brlab pa'i rim pa bzhin du bya zhing/ bsgrub bar bya'o/ /zhes bya ba ni sgra ji bzhin pa'o/ /de dag nyid las kyi bye brag gi sgo nas/ zhi ba dang ni rgyas pa dang/ /de bzhin dbang dang mngon spyod dang/ dgug sogs gang yin thams cad ni/ /dbang po'i gzhu dang mtshungs par bya/ /zhes bya ba gsungs te/ nad pa rnams zhi bar bya ba dang dbul po rnams rgyas par bya ba dang/ rgyal po la sogs pa rnams dbang du bya ba dang/ dkon mchog gsum la gnod pa byed pa rnams la mngon spyod dang/ lha dang lha ma yin gyi bu mo la sogs pa rnams dgug pa dang/ sogs pa smongs pas sman bzang po dang dngul chu dang bcud kyi len dang/ gser 'gyur rtsi dang/ dbang du bya ba dang/ nam mkha' lding dang/ sa gter dang ro langs dang ral gri dang ril bu dang mig sman dang/ rkang mgyogs dang/ khung gi sgo dbye ba dang/ khung du 'jug pa dang/ sngags dbab pa dang dbab pa dang snod du rung ba dbab pa dang/ pra brtag pa dang/ chu rengs par bya ba dang/ dmag rengs par bya ba dang/ phra men ma dbang du bya ba dang/ mi snang ba la sogs pa dang/ 'jig rten dang 'jig rten las
- 119b
'das pa'i dngos grub rnam pa tha dad pa la sogs pa gang ji snyed de rnams dbang po'i gzhu dang mtshungs zhing snang tsam gyis sgyu ma'i ting nge 'dzin gyis bya ste/ drang ba'i don to/ /de bzhin du dkyil 'khor bzhi'i rim pas 'od zer gyi 'khor lo kha dog dmar po la sogs pa spros pa'i sbyor ba nang gi dus la brten nas gang gi tshe zhi ba la sogs pa rnams byed pa de'i tshe/ dbang po'i gzhu gzhin du yod pa dang med pa dang bral ba'i 'od zer gyi 'khor lo brtag par bya'o/ /zhes bya ba ni nges pa'i don te bya ba gzhan sgeg sogs nye bar longs spyod dang/ glu dang rol mo sogs brten dang/ /sgyu rtsal rnams la 'jug pa ni/ /chu yi zla ba bzhin du bya zhes bya ba gsungs te/ sgeg pa la sogs pa ni gar gyi ro dgu ste/ sgeg dang dpa' dang 'jigs rung dang/ /rgod dang grag pos 'jigs byed dang/ /snying rje ngo 'tshar zhi ba ni/ /gar gyi ro dgu yin par bshad/ /ces bstan to/ /de la sgeg pa'i ro'i spyod pa ni/ /dam tshig gi phyag rgya dgu po rnams dang lhan du dbus kyi gtso bor gyur pa 'khyud pa dang 'o byed pa dang/ 'jig pa dang sen mo 'debs pa dang/ so 'debs pa'i mtshan nyid dang/ de rnams dang lhan cig 'dod pa lnga nye bar longs spyod pa'i mtshan nyid dang/ phyag rgya dang phyag rgya'i lan gyi rim gyi lus dang ngag gi brda bstan pa'i sgo nas bde ba chen po nye bar longs spyod pa'i rang bzhin no/ /dpa' bo'i spyod pa ni mtshan mo'i ro langs bsgrubs pa dang/ 'byung po dbang du bya ba'i mtshan nyid do/ /'jigs su rung ba'i spyod pa ni rgo ku ra ha na za ba'i mtshan nyid de rtsog pa'i sems dang 'jigs pa skyed pa ni 'jigs su rung ba yin no/ /zhes zer ro/ /rgod pa'i spyod pa ni ro langs sgrub pa'i dus su gang rgyangs sam/ sgeg pa'i ro'i bye brag go /drag po'i spyod pa ni rdo rje hUM mdzad la sogs pa'i khro bo'i dkyil
- 120a
'khor bsgom pa'o/ /'jigs par byed pa'i spyod pa spyod pa ni de'i gzugs nyid kyis bgegs skrod pa'o/ /snying rje'i spyod pa ni sems can rnams la phan 'dogs pa'i mtshan nyid de sangs rgyas rnams ni de'i rang bzhin can nyid yin pa'i phyir ro/ /ngo mtshar gyi spyod pa ni zhi ba la sogs pa byed pa'i sgo nas 'gro ba rnams 'dul bar byed pa'i mtshan nyid dam/ dkyil 'khor gyi 'khor lo gzhan dang gzhan spro bas nam mkha' i khams yongs su 'gengs pa'i mtshan nyid do/ /zhi ba'i sbyong ba ni lhan cig skyes pa'i dga' ba'i mtshan nyid de ni sgeg pa la sogs pa la nye bar longs spyod pa'o/ /de bzhin du glu zhes bya ba ni dkyil 'khor gyi mchod pa'i skabs su glu dbyangs bdun gyis glu len pa'o/ /de rnams kyang drug las skyes pa dang/ drang srong ba dang/ sa 'dzin pa dang/ bar ma pa dang/ blo gsal ba dang/ lnga pa dang/ 'khor nyan rnams te/ rgyur gyur pa de rnams la chags pa'i glu drug cu rtsa bzhi 'am/ sum cu rtsa gnyis 'byung ngo/ /glu dbyangs bdun dang chags glu gsum/ /rim gyis bskyed pa nyi shu gcig /rgyas pa nyid du rtsa dgu ste/ /de rnams glu dbyangs dkyil 'khor ro/ /zhes gang bshad pa'o/ /de lta bu ni glu'i bya ba ste/ glu nyung zad kyang bzlas pa stong dang mnyam mo zhes bya ba la sogs pa gang bshad pa'o/ /rol mo ni de bzhin gshegs pa lnga'i rigs kyi gtso bor byas pa'i sgo nas rim gyi brdung ba la sogs pa ste de rnams kyang dpal sangs rgyas thams cad mnyam par sbyor ba'i rgyud las gsungs pa de nyid las nges par gzung bar bya'o/ /sgyu rtsal zhes bya ba ni gar dang ri mo dang/ 'dod pa'i bstan bcos dang/ gso ba la sogs pa rnams dang/ gar zhes bya ba ni rkang pa mnyam pa dang/ rkang pa mi
- 120b
mnyam pa dang/ g.yas brkyang ba dang/ g.yon rkyang ba dang/ lag pa dang rkang pa dang/ rked pa dang/ mgrin pa bskyod pa la sogs pas dbang phyug dam pa rjes su dran pa'i sgo nas gar byed do/ /ri mo zhes bya ba ni bcom ldan 'das la dmigs nas de'i phyag rgya 'dri ba'o/ 'dod pa'i rgyu rtsal ni pad+ma dang/ kha sbyar dang/ rab sngags la sogs pa'i bya ba'i khyad par rnams kyi bud med kyi yan lag mchog la reg pa'o/ /gsol ba'i rtsal zhes bya ni rlung la sogs pa'i nad rnams mthun pa'i sman gyis bzlog pa ste/ de lta bu la sogs pa'i bya ba'i tshogs ni chu zla lta bu bzhin du ste/ yod pa dang med pa'i rnam par rtog pa'i snang ba med par bya'o/ /zhes bya ba ni sgra ji bzhin pa'o/ /gzhan yang gzugs dang sgra dang de bzhin dri/ /ro dang reg bya nyid dag la/ /mig la sogs pa 'jug pa yang/ /sgyu ma lta bur shes par bya/ /'dir rnam par shes pa sgyu gnyis las 'byung ste/ gcig ni rtog pa med pa'i gnas skabs las so/ /gnyis pa ni nges pa'i shes pa'i bdag nyid las te/ shes pa gnyis po dag ni don byed pa la rab tu 'jug pa'i snang ba'i shes pa dang/ don byed pa'i snang ba'i shes pa'o/ /gzugs la sogs pa'i yul lnga po rnams la 'jug pa ste byis pa dang lkugs pa la sogs pa'i rnam par shes pa bzhin du dang po dbang po 'jug pa dang/ de rnams kyi rnam pa 'dzin pa'i rnam par shes pa skye shing nges pa'i shes pa skyes pa 'byung ba gang yin pa de yang sgyu ma bzhin du lta bar bya ste/ mthar thug pa'o/ /de bzhin du 'dir mang brjod pas ci zhig bya/ /rdo rje theg pas yang dag tu/ /rnal 'byor pas ni gang gang dmigs/ /de de sgyu ma bzhin du brteg /mang du brjod pa ma dgos pa ci zhig yod/ /rdo rje theg pa ste gsang sngags
- 121a
kyi gzhung gi lam chen por rang dang gzhan gyi don gang dang gang cung zad bya ba de thams cad sgyu ma bzhin du shes par bya zhing bsam par bya'o/ /zhes bya ba ni mthar thug pa'o/ /'phags pa byams pas spyod nas brtse ba'i bdag nyid sna tshogs spyod yul la/ ji lta ji ltar mngon du 'jug par 'gyur ba/ de lta de ltar rigs shing mtshungs pa'i tshigs dag gis/ /sems can rnams la phan phyir mngon par byed ces bya ba la sogs pa gsungs so/ /mig la sogs pa rnam par shes pa lnga'i snang ba ni me long gi ni gzugs brnyan dang/ rmi lam sgyu ma chu bur dang/ /mig 'phrul mtshungs par gang gis mthong/ /de ni gtso bo yin par bshad/ /ces bya bas gsungs te/ mig ni rnam par shes pa me long gi gzugs brnyan dang mtshungs pa dang/ rna ba'i rnam par shes pa rmi lam dang mtshungs pa dang/ sna'i rnam par shes pa sgyu ma dang mtshungs pa dang/ lce'i rnam par shes pa chu bur dang mtshungs pa dang/ lus kyi rnam par shes pa mig 'phrul dang mtshungs par gang gis mthong ba de ni gtso bo rdo rje 'chang chen po yin no/ /zhes bya bar bshad de sbas pa'o/ /don byed pa snang ba'i shes pa'i rnam par dag pa ni/ mthong ba dang ni reg pa nyid/ 'gro ba sgyu ma ji bzhin te/ /kun rdzob tu yang dmigs par byed/ / sgyu ma lta bur rab tu bshad/ ces bya bas rab tu gsungs te/ mthong ba dmig gi rnam par shes pas 'di ni sngon pa'o/ /zhes bya ba la sogs par nges par byas pa nas/ reg pa ste lus kyi rnam par shes pas 'di ni 'jam pa 'am rtsub pa zhes bya ba la sogs pa'i bar de dag ni/ sgyu ma lta bur lta bar bya zhing/ de las dus phyis sngon po la sogs pa dang/ phrad pa ni dmigs pa ste sreg pa dang 'tshed pa la sogs pa'i bya ba byed nus pa'i dngos po dang phrad pa'i mtshan nyid kun rdzob tu rnam par rtog pa
- 121b
can gyi blos nyams su myong bar bya ba gang yin pa de sgyu ma lta bur rab tu bshad pa ni dmigs pa med pa'i blos nyams su myong bar bya'o/ /zhes bya ba'i don te sbas pa'o/ /rnam par dag pa de nyid khyad par du bstan par bya ba'i phyir/ gang gang dbang po'i lam can 'di/ /'byung ba de der rang bzhin du/ /mnyam bzhag min pa'i rnal 'byor gyis/ /thams cad sangs rgyas rang bzhin blta/ /zhes bya ba gsungs te/ gang la dbang po'i lam yod pa de ni dbang po'i lam can te/ mig gi rnam par shes pa la sogs pa drug go /'byung ba zhes bya ba ni yul la nye bar longs spyod pa'i phyir rgyug pa'o/ /de dang de'i rang bzhin du ste sgyu ma lta bu'i ting nge 'dzin du rnam par bsgom par bya'o/ /mnyam gzhag min pa'i rnal 'byor te/ /yul dang dbang po'i 'dus pa las so sor sdud pa'i rnal 'byor gyi khams gsum pa thams cad sangs rgyas kyi rang bzhin te/ bsam gtan gyis rnal 'byor gyis de bzhin gshegs pa'i rang bzhin du blta bar bya ste mthar thug pa'o/ /phyogs dang yul dang dus la sogs pa la bltos nas/ sgyu ma lta bu'i ting nge 'dzin/ /kun tu kun nas thams cad dang/ /bdag gi thams cad rtag tu ni/ /dngos su grub pa'i bdag nyid ni/ /sangs rgyas kun gyi rang bzhin mthong/ /zhes bya ba gsungs te/ kun te yul thams cad du'o/ /kun nas te phyogs thams cad nas so/ /thams cad ces bya ba ni dngos po gya nom pa dang dman pa'o/ /bdag gi thams cad byed ces bya ba ni bdag gi phung po dang khams dang skye mched la sogs pa'o/ /rtag tu ste dus thams cad du'o/ /dngos su zhes bya ba mngon sum 'am rjes su dpag pa'i tshad mas gnas skabs de rnams su rang gi bdag nyid sangs rgyas kun gyi rang bzhin te de bzhin gshegs pa thams cad kyi rang bzhin du mthong ngo/ /zhes bya ba'i don te
- 122a
mthar thug pa'o/ /da ni spyod lam rnam par dag pa/ gtso bo bde ba kun rang bzhin sems dpa' chen po gshegs dang bzhugs/ /gnas dang zas dang bzhon la sogs/ /skad cig dag gis mkha' ru dmigs zhes bya bas gsungs te/ ting nge 'dzin la phan 'dogs par mdzad pa yin pa'i phyir gtso bo'o/ /bde ba kun ni 'dod chags dang 'dod chags dang bral ba dang 'dod chags bar ma'i bdag nyid de/ de'i rang bzhin zhes bya ba ni/ de dag bsdus pa yin pa'i phyir/ /lhan cig skyes pa'i rang bzhin no/ /sems dpa' chen po ni gang la sgyu ma lta bu'i ting nge 'dzin chen po la sems dpa' yod pa ni sems dpa' chen po ste/ des gshegs pa la sogs pa'i spyod lam bzhi po de rnams mkha' ru dmigs bya ba ni nam mkha' i rang bzhin du shes pa'o/ /da ni bdag byin gyis brlab pa'i rim pa'i 'bras bu ni/ /srid pa gcod par 'gyur pa dang/ ston pa 'gron mchog 'gyur zhing/ /lha dang bcas pa thams cad kyis/ /yang dang yang du phyag byas mchod/ /ces bya bas gsungs te rnal 'byor ba de srid pa gcod pa ste 'khor ba'i 'jigs pa gcod par byed pa ste/ 'jig rten rnams kyi ston pa byed pa'i phyir ston pa dang/ 'gro ba na nyan thos la sogs pa'i rnal 'byor ba rnams las mchog ste dam pa dang/ de bzhin du lha dang bcas pa kun gyis te dbang po la sogs pa rnams kyis lus mi snang bar byas nas yang dang yang du phyag byas shing btud nas mchod par 'gyur ro/ /zhes bya ba ni phyag rgya chen po 'grub pa'i mtshan nyid sgra ji bzhin pa'o/ /de bzhin du ji ltar ston pa rdzogs sangs rgyas/ /'jig rten phan par bzhed pas gshegs/ /de bzhin rnal 'byor chen po ni/ /rang gi shes rab skye ba'i phyir/ /ji ltar ston pa yang dag par rdzogs pa'i sangs rgyas bcom ldan 'das khams gsum na gnas pa'i
- 122b
sems can gyi 'jig rten la phan par bzhed pa ste/ 'jig rten 'di dang 'jig rten pha rol tu phan par mdzad par gshegs shing gyur ba'o/ /de bzhin de de kho na bzhin du'o/ /rnal 'byor chen po ste 'di ni phyag rgya chen po grub pa yang yin la/ rnal 'byor ba yang yin pas rnal 'byor chen po 'jig rten gyi khams la phan par byed par 'gyur ro/ /ci'i phyir zhe na/ rang de bdag byin gyis brlab pa'i rim pa'i rang bzhin gyi shes pa ste/ 'jig rten las 'das pa'i ye shes kyi rang bzhin rab ste rnam par mi rtog pa skye zhing 'byung ba'i phyir de bzhin gshegs pa bzhin du sems can thams cad kyi don byed par 'gyur te sgra ji bzhin pa'o/ /thams cad kyi dbang phyug yin par bsgrub par mi bya cung zad med/ rdo rje sems dpas dmigs pas na/ /bde chen phyag rgya thams cad ni/ /rang nyid kyis ni 'grub par 'gyur/ /zhes bya bas gsungs te/ bdag byin gyis brlab pa'i rim pa'i pha rol tu phyin pa'i rnal 'byor pas ni bsgrub par mi bya ste/ bsgrub par bya ba ma yin pa cung zad kyang med cing/ de thams cad bsgrub par bya ba kho na yin no/ /gang gi phyir des rdo rje sems dpa' ste sgyu ma lta bu'i ting 'dzin gyis dngos po thams cad la dmigs pa de'i phyir des ni 'bad pa med pa kho nar bde ba chen po'i rgyu yin pa'i phyir bde chen phyag rgya thams cad las kyi phyag rgya la sogs pa'i lha dang lha ma yin la sogs pa'i bu mo'i phyag rgya rnams rang nyid kyi ste rang gi 'dod pas 'grub par 'gyur zhing/ dbang du 'gyur te drang ba'i don te/ yang na 'dod chags la sogs pa'i phyag rgya thams cad lhan cig skyes pa'i rang bzhin gyi bde ba chen por gyur pa rnams rang nyid kyis 'grub par 'gyur zhing rang rig pa'i tshed mas shes par bya ba yin par 'gyur ro/ /zhes bya ba ni nges pa'i don te/ rtsa ba'i rgyud las kyang/ /ri rab sum cu rtsa drug gi/ phra rab brdul ni ji snyed pa/ /yon tan gnas gyur bud med
- 123a
rnams/ /de snyed dag ni de yi 'gyur/ /zhes bya ba la sogs pa gsungs so/ /mjug bsdu ba/ nyon mongs las lam lus dang ni/ /byed pa po dang 'bras bu nyid/ /smig rgyu rmi lam lta bu dang/ /dri za'i grong khyer dag dang mtshungs/ /zhes bya ba gsungs pa yin te/ de la nyon mongs pa yang ni 'dod chags la sogs pa drug dang nye ba'i nyon mongs pa nyi shu'o/ /las lam ni lus dang ngag dang yid kyi srog gcod pa rnams so/ /lus ni sems can gyi skye gnas rnam pa bzhi'i bye brag gi lus so/ /byed pa po ni rgyu ste rgyu dang rkyen gyi rang bzhin rnam pa drug dang rnam pa bzhi'o/ /'bras bu ni bde 'gro dang 'gro ba'i mtshan nyid can te/ de rnams smig rgyu la sogs pa'i dang mtshungs par shes par bya'o/ /de nyid ni bdag byin gyis brlabs pa'i rim pa ste/ drang ba'i don to/ /nyon mongs pa ni 'dod chags la sogs pa'i rang bzhin gyi de bzhin gshegs pa rnams so/ /las kyi lam ni dbang po rnam par dag pa'i rang bzhin gyi byang chub sems dpa' rnams so/ / lus ni khams kyi rang bzhin gyi lha mo rnams so/ /byed pa po ni shes pa bskyed pa'i bya ba ldan pa'i yul gyi rang bzhin gyi gzugs rdo rje ma la sogs pa rnams so/ /'bras bu ni de rnams nye bar longs spyod pa las byung ba'i dga' ba la sogs pa rnams sam/ thams cad la khyad par du 'phags pa'i lhan cig skyes pa'i dga' ba ste/ de rnams thams cad smig rgyu la sogs pa dang mtshungs par shes par bya'o/ /zhes bya ba ni nges pa'i don to/ /chos dang chos min dka' thub gtong// legs sdom nyes sdom 'dul ba dang/ /dmyal ba yi dags dud 'gro dang/ /lha dang bcas pa'i mi rnams dang/ /'byung dang 'byung 'gyur phung po dang/ /khams dang thub pa'i bstan pa dang/ /ston pa dang ni nyan thos te/ /thams cad kun rdzob nyid du
- 123b
bstan/ /dang po'i las can 'jig rten dag /dam pa'i don la 'jug pa'i phyir/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /de kun tha mar 'jig pa ste/ /de ni byis pa bring pa yin/ /brtag bya brjod par bya ba min/ / gzhan 'ga' zhig ni gsal bar 'gyur/ /zhes bya ba la sogs pa gsungs so/ /ting nge 'dzin med na nyon mongs pa'i dbang gis so so'i skye bo nyid du 'gyur ba ni/ /ting nge 'dzin ni mi shes pas/ /kun rdzob tu ni nyer dmigs pas/ /nad rnams sna tshogs 'byung 'gyur te/ de dag sgyu ma'i rnam 'phrul lo/ /zhes bya bas gsungs te/ bsgrub pa po gang zhig bdag byin gyis brlabs pa'i man ngag gis mtshan nyid kyis ting nge 'dzin 'di shes shing/ 'on kyang rnal 'byor pa'i mngon pa'i nga rgyal gyis gnas pa de rnams ni kun rdzob tu nya bar dmigs pa ste rnam par rtog par nye bar dmigs pas sam/ brtags pa'i lha'i rnal 'byor gyi gnas so/ /de rnams la nad sna tshogs te/ nad bzhin du btung bar byed pa'i 'dod chags la sogs pa'i rnam par rtogs pa rnams skye zhing 'byung bar 'gyur ro/ /de rnams kyi de dag nyid ni sgyu ma'i rnam 'phrul te/ sgyu ma zhes bya ba ni 'khor ba'i 'khor lor kun tu 'khor bar byed pa'i sred pa yin zhing de'i rnam par 'phrul pa yin zhing rol pa dang mthu yin no/ /zhes bya ba'i tha tshig go /de nyid gsal bar bya ba'i phyir/ bdag byin brlab pa'i man ngag ni/ /gang gi bla ma las ma bsgrubs/ rtags dang chad pa la dmigs gnas/ /mi de phyir ldog 'gyur ba yin/ /zhes bya bas gsungs te/ sgrub pa po gang gis bla ma'i zhal las bdag byin gyis brlab pa'i rim pa'i man ngag ma thob pa de ni rtags pa dang chad pa'i phyogs la brten nas phyir ldog par 'gyur zhing/ /de kho na nyid las nyams gyur nas/ /so so'i skye bo'i sa thob par 'gyur ro/ /de ltar yang sngags kyi gzhung la rim pa gnyis te/
- 124a
bskyed pa'i rim pa dang rdzogs pa'i rim pa'o/ /rdzogs pa'i rim pa ni rnam pa gnyis te/ 'od gsal ba'i rim pa dang/ ye shes kyi sku'i rim pa'o/ /de la gal te rtag tu bskyed pa'i rim pa la brten nas bsgom pa de'i tshe/ rtag pa'i lha'i rnam par mngon par zhen pa'i phyir rtag pa'i phyogs yin no/ /ci ste rim pa gnyis pa dang bzhi pa'i 'od gsal ba la brten nas 'jug pa de'i tshe ni tshad pa'i phyogs yin te/ don dam pa'i bden pa 'ba' zhig gi rang bzhin nyid yin pa dang gzhan gyi don med pas sngon gyi smon lam don med par gyur pa dang/ dbang phyug chen po bzhin du chad pa'i lta bar 'gyur ba'i phyir ro/ /de bas na bdag byin gyis brlab pa'i rim pa ni ye shes kyi sku nyid yin pa'i phyir/ rtag pa'i phyogs ma yin zhing/ don dam pa las byung ba'i lha'i rnam pa nyid yin pa'i phyir chad pa'i phyogs ma yin no/ /de'i phyir dus gsum gyi 'khor ba'i sdug bsngal yang dag par dran par bya ste thar pa'i 'dod pas 'bad pa yis rdo rje slob dpon mnyes par byas nas bdag byin gyis brlab pa'i rim pa'i man ngag thob ste/ de rnam par dag par bya ba'i thabs btsal bar bya'o/ /zhes bya ba ni dgongs pa ma yin pa'o/ /gang gi sku drin gyis grol bar gyur pa'i bla ma de la mchod pa ni mchod pa thams cad yongs spangs nas/ bla mi'i mchod pa yang dag brtsam /de mnyes pas ni kun mkhyen pa'i/ /ye shes mchog ste thob par 'gyur/ /zhes bya bas gsungs te/ mchod pa thams cad de rang dang gzhan la mchod pa yongs su spangs pa/ rdo rje slob dpon bla ma la mchod ba rtsam zhing bya'o/ /gang gi phyir gzhan la mchod pa byas pas/ bde 'gro tsam thob par byed la/ bla ma de mnyes pas ni kun mkhyen pa'i ye shes te rim pa lnga yis bstan par bya ba de kho na nyid kyi rin po che bskyed pa'i rim pa la bltos nas mchog tu gyur pa
- 124b
thob par 'gyur ba'i phyir ro/ /mtho ris dang thar pa dag ni khyad par che'o zhes bya ba'i tha tshig ste/ sgra ji bzhin pa'o/ /mchod pa'i 'bras bu ni bla na med pa'i slob dpon ni/ rdo rje sems dpa' mchod byas pas/ /de yi bsod nams ma byas ci/ /dka' thub ma brten ci zhig yod ces bya bas gsungs te/ bla na med pa ste shes rab dang snying rje gtso bor gyur pa'i rdo rje slob dpon bla ma'i rdo rje sems dpa' dang mtshungs pa gang yin pa la gang gis mchod pa byas pa'i sgrub pa po des ni bsod nams byas pa'i ste dge ba ma bsags pa ci zhig yod cing/ tshangs pa'i gnas la sogs pa bsgom pa mtshan nyid kyis dka' thub ma brten pa ci zhig yod do/ /byas pa kho na'o/ /rtsa ba'i rgyud las kyang bdag cag sangs rgyas thams cad kyi pha yin no/ /bdag cag sangs rgyas thams cad kyi ma yin no/ /zhes de skad dus gsum du brjod cing mchod pa mdzad nas gshegs so/ /zhes gsungs so/ /de'i phyir rdo rje sems dpa' dang/ rdo rje slob dpon la khyad par 'ga' yang med de sgra ji bzhin pa'o/ /mchod pa de nyid kyi bye brag ni/ de nyid mi zad 'dod pa yis/ /shin tu gces pa gang dang gang/ /shin tu khyad par can nyid dag /de dang de ni bla ma 'bul/ /zhes bya bas gsungs te/ shin tu gces pa gang dang gang/ /zhes bya ba ni/ phyi rol gyi nor bu dang mu tig la sogs pa'o/ /shin tu khyad par can ni srog pas kyang lhag pa'i rang gi chud pa la sogs ba ste/ de dag de bla ma rdo rje slob dpon la dbul bar bya'o/ /ci'i phyir zhe na/ gal te re zhig thar ba don du gnyer ba de'i tshe ni phyi rol rnams kyi ci zhig bya/ ci zhig mi 'dod pa de'i tshe yang zhing dag pa la phul bas nor de mi zad par 'gyur ba yin pa'i phyir bdog pa thams cad sbyin pa dang/ khyad par can gyi sbyin pa dang/ sbyin pa chen po rnams de la dbul bar bya ste/ dud 'gro rnams la sbyin na brgya 'gyur thob/ /sdig pa can la byin na stong 'gyur thob/ /tshul khrims ldan pas 'bum 'gyur
- 125a
thob pa yin/ /'dod chags bral las bye ba brgya 'gyur te/ /gang zhig mi slob pa la sbyin byed pa/ /des ni longs spyod shin tu khyad 'phags 'thob/ /skyes bu gang gis sangs rgyas la phul nas/ /de yi longs spyod phun tshogs zad mi 'gyur/ /zhes kyang gsungs so/ /slob dpon gyi mtshan nyid ni/ slob dpon gyis ni sdig pa 'phrog /slob dpon gyis ni 'jigs pa sel/ /slob dpon gyis ni sdug bsngal gyis/ /rgya mtsho 'jigs pa pha rol sgrol/ /zhes bya bas gsungs te/ slob dpon gyis ni rig pa'i dbang bskur ba'i sgo nas sdig pa 'phrog ste/ rnam par shes pa gyur pa'i phyir ro/ /gsang ba'i dbang bskur bas ni 'jigs pa sel ste/ rnam par rtog pa'i 'jigs pa spangs pa'i phyir ro/ /shes rab ye shes kyi dbang bskur ba'i sgo nas sdug bsngal gyi rgya mtsho 'jigs chen te nyon mongs dang shes bya'i sgrib pa'i rang bzhin gyi 'khor ba las sgrol zhing pha rol tu phyin bar byed pa ste/ mthur thug pa'o/ /slob ma'i snod dang snod ma yin pa brtag pa/ gang zhig nga rgyal gyis sbags shing/ bden min rim pa ston byed dang/ /de nyid chos la brnyas bcas pa/ /de la de nyid bstan mi bya/ /zhes bya bas gsungs te/ slob ma gang zhig nga rgyal dang ldan pa/ /de bzhin du gal te de kho na nyid yang dag par ston par byed pa na/ nyes pa ci zhig yod de/ 'on kyang bden pa yin te/ yang dag pa ma yin pa'i de kho na nyid kyi rim pa ston pa dang/ de bzhin du de nyid chos te bla ma'i man ngag gis tshig rnams la brnyas pa dang bcas shing bla chos dang bcas pa'i slob ma de la don dam pa'i de kho na nyid bstan cing bshad par mi bya ste/ sgra ji bzhin pa'o/ /slob ma dam pa'i mtshan nyid ni/ /bla ma la gus bden par smra/ /rnam par dben zhing rgyud cig la /dam tshig spyod pa srung byed pa/ /de la rim pa bstan par bya zhes bya bas gsungs te/ 'chang pa po'i bla
- 125b
ma la gus shing zhe sa dang bcas pa dang/ de bzhin du sgyu ma la sogs pa dang bral ba'i phyir bden par smra ba dang/ yul la nye bar longs spyod pa la sogs pa phyi rol rnams la chags pa med pa nyid yin pa'i phyir/ rnam par dben zhing dbang po thul ba dang/ de bzhin du chos la nges par rtog pa las byung ba'i shes rab dang ldan pa nyid yin pa'i phyir lhan cig bshad pa'i gzhal bya thams cad kyi don dang/ tshig 'dzin pas rgyud gcig pa dang/ bstan bcos kyi 'bras bu dam tshig nyams blang ba gang yin pa de byed ba'i phyir/ dam tshig gi spyod pa bsrung ba dang/ dang gis sgras sems can gyi bya ba la brtson 'grus dang ldan pa'i slob ma de lta bu gang yin pa de la rim pa ste/ bdag byin gyis brlab pa'i rim pa bstan cing/ bla mas man ngag sbyin par bya'o/ /zhes bya ba ni sgra ji bzhin pa'o/ /rim pa lnga'i bshad pa'i nor bu'i phreng ba las/ bdag byin gyis brlab pa'i rim pa ste gsum pa'o// //mngon par byang chub pa'i rim pa'i skabs su dang por phyag 'tshal ba ni/ /thams cad stong nyid ston pa po/ /rdo rje sems dpa' phyag 'tshal te/ /bzhi pa mngon par byang chub pa'i/ /rim 'di bdag gi bshad par bya/ zhes bya bas gsungs te/ stong pa bco brgyad kyi de kho na nyid thams cad stong pa ston par mdzad pa nyid yin pa'i phyir/ thams cad stong nyid ston pa'o/ /gang la rdo rje ste rdo rje rtse lnga pa de la sems shing phyag na bsnams pa yod pa de ni rdo rje sems dpa' ste bcom ldan 'das sems dpa' o/ /de la phyag 'tshal te bzhi pa mngon par byang chub pa'i rim pa bdag gi bshad cing bstan par bya'o/ /zhes pa ni drang ba'i don to/ /de bzhin du thams cad stong pa nyid stong pa nyid gsum sdud par byed pa'i de kho na nyid de de ston par mdzad pa nyid yin pa'i phyir thams cad stong pa nyid ston pa po'o/ /rdo rje ni sgrib pa med pa'i ye shes so/ /gang zhig de la sems shing gnas pa de ni rdo rje sems dpa' ste de las phyag 'tshal nas so/ /bzhi pa
- 126a
zhes bya ba ni 'dod chags la sogs pa gsum po sdud par byed pa yin pa'i phyir bzhi pa ste/ de nyid mngon du byang chub nyid thob par byed pa nyid yin pa'i phyir/ mngon par byang chub pa'o/ /de'i rim pa ni phyag rgya dang ting nge 'dzin gyi rim pa ste/ de bdag gis bshad par bya'o/ /zhes bya ba ni nges pa'i don to/ /yang na rdo rje 'dod chags dang 'dod chags dang bral ba dag yin zhing sems dpa' ni 'dod chags bar ma ste/ de rnams kyi thams cad stong pa ni lhan cig skyes pa'o/ /de ston pa de la phyag 'tshal te bdag gis bshad par bya'o/ /zhes bya ba ni dgongs pas bshad pa'o/ /rdo rje ni gsang ba'i rdo rje yin zhing/ sems dpa' ni pad+ma ste de dag 'dus pa las thob pa'i bde ba chen po ni thams cad stong pa yin zhing de ston pa po la phyag 'tshal te bshad par bya'o/ /zhes bya ba ni dgongs pa ma yin pa'o/ /rdo rje sems dpa' ni drug pa rdo rje 'chang ngo/ /rtag tu thams cad nas thams cad du thams cad thams cad stong zhing gang zag dang chos la bdag med pa de kho na nyid nye bar ston pas na thams cad stong pa ston pa'o/ /de la phyag 'tshal te bdag gis bshad par bya'o/ /zhes bya ba ni sgra ji bzhin pa'o/ /rdo ni sa'o/ /rje ni chu'i khams so/ /sems ni me'i khams so/ /dpa' ni rlung gi khams so/ /thams ni gzugs so/ /cad ni sgra'o/ /stong ni dri'o/ /pa ni ro ste khams dang yul de rnams kyi 'od gsal ba'i de kho na nyid ston cing 'chad pa po la phyag 'tshal te bdag gis bshad par bya'o/ /zhes bya ba ni sgra ji bzhin pa'o/ /gang la ye shes lnga'i bdag nyid kyi de kho na nyid kyi rdo rje'i sems shing gtong pa yod pa de ni rdo rje sems dpa' o/ /brtan dang g.yo ba'i dngos po thams cad stong pa ni gnyis su med pa'i ye shes te de nye bar ston par mdzad pa nyid yin pa'i phyir/ thams cad stong pa ston pa po'o/ /de la phyag 'tshal te bshad par bya'o
- 126b
zhes bya ba ni yi ge'i don to/ /rdo rje ni 'dzin par byed pa'i shes pa rnams so/ /sems dpa' ni gzung bar bya ba'i yul dang dbang po rnams te/ de dag thams cad gcig dang du ma nyid dang bral ba'i sgo nas stong pa nyid du ston cing rang bzhin med pa'i gnas su ston pa po la phyag 'tshal te bshad par bya'o/ /zhes bya ba ni spyi'i don to/ /rdo rje ni rtsa bdun khri nyi stong yin no/ /sems dpa' ni de las byung ba'i byang chub kyi sems kyis 'gro ba sprul pa'o/ /de yang ngo bo nyid kyi bde ba chen po'i rang bzhin nyid yin pa'i phyir thams cad stong pa yin zhing de ston par mdzad pa nyid yin pa'i phyir thams cad stong pa ston pa po/ /de la phyag 'tshal te bshad par bya'o/ /zhes bya ba ni spyi'i don to/ /rdo rje ni dga' ba'o/ /sems dpa' ni mchog go /thams cad ni bral ba ste de rnams kyi stong pa ni lhan cig skyes pa yin zhing de ston pa de la phyag 'tshal te zhes bya ba ni sbas pa'o/ /rdo rje ni 'od gsal ba'o/ /sems dpa' ni de las langs pa'i lha'i sku'o/ /thams cad stong pa ni sgyu ma'i dpe bcu gnyis te de rnams ston pa po la phyag 'tshal te/ bshad par bya'o/ /zhes bya ba ni sbas pa'o/ /rdo rje ni rdo rje ltar mi phyed pa'i rnam par shes pa gsum mo/ sems dpa' ni de dang 'brel pa de'i rang bzhin rnams so/ /de rnams thams cad kyi stong pa nyid ni 'od gsal ba'o/ /de snon cing thob par mdzad pa la phyag 'tshal te bshad par bya'o/ /zhes bya ba ni sbas pa'o/ /rdo rje ni ril por 'dzin pa'i ting nge 'dzin to/ /sems dpa' ni rjes su bzhig pa'i ting nge 'dzin te de dag las byung ba'i thams cad stong pa 'od gsal ba de ston par mdzad cing de la dmigs par mdzad pa la phyag 'tshal te bdag gis bshad par bya'o/ zhes bya ba ni mthar thug pa'o/ /rdo rje ni don dam pa'i bden pa'o/ /sems pa ni kun rdzob kyi bden pa ste de dag la mi gnas pa'i mya ngan las 'das pa nyid yin pa'i phyir tha dad pa med pa'i thams cad stong pa'o/ /de ston pa po
- 127a
phyag 'tshal te bdag gis bshad par bya'o/ /zhes bya ba ni mthar thug pa'o/ /da ni phyag bya bar 'os pa'i rdo rje sems dpa' dang/ rdo rje slob dpon tha mi dad par bshad par bya'o/ snyam du thugs la bzhag nas/ de yi rang 'byung bcom ldan 'das/ /gcig nyid bdag nyid che ba'i lha/ /man ngag rnams ni rab ster bas/ /rdo rje sems dpa' de bas lhag /ces bya bas gsungs te/ kun nas nyon mongs pa dang/ rnam par byad pa'i bag chags rnams bcom pas na bcom ldan 'das sam b+ha ga la bzhugs pa nyid yin pa'i phyir bcom ldan 'das so/ /ji lta bu zhe na rang 'byung ste/ chos thams cad la khyab par byed pa'i rang bzhin gyi chos nyid kyi ngo bo'o/ /de bzhin nyid kyi chos nyid rgyu 'ga' zhig gis so sor des pa'i tshogs pa la brten nas thob par bya ba 'am bskyed par bya ba yin te/ 'on kyang de ni nam mkha' bzhin du rang nyid 'byung ba kho na yin pa'i phyir rang 'byung ngo/ /mthong ba dang bsgom pa'i lam la sogs pa 'am sngags dang phyag rgya dang ting nge 'dzin la sogs pas ni blo bur ba'i dri ma bcos pa rnams spang bar bya ba yin pa'i kho na nyid bskyed par bya ba ni ma yin no/ /rang bzhin du zhan du bya bar nus pa ma yin te/ nam mkha' bstan du yod pa nyid la sogs par mi nus pa bzhin no// bur ma gyi ni mngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa rang bzhin yin par 'dod/ /ces kyang gsungs so/ /de yang gcig nyid yin zhing/ nyid kyi sgras ni nges par gzung ba'i don to/ /chos nyid la tha dad pa med pa'i phyir ro/ /de dang ldan pa nyid yin na ni/ kun rdzob bzhin du khyab par byed pa nyid ma yin pa'i phyir ro/ /de ni bdag nyid che ba'i lha ste/ ye shes lnga'i bdag nyid kyi de bzhin gshegs pa rnams sdud par byed pa nyid yin
- 127b
pa'i phyir ro/ /drug pa de bzhin gshegs pa rnams kyi bdag po yang yin no/ /de lta bu'i rnam pa can gyi bcom ldan 'das rdo rje 'chang bas kyang rdo rje slob dpon lhag cing khyad par du 'phags par shes par bya'o/ /ci'i phyir zhe na/ rdo rje 'chang chen po'i go 'phangs thob par byed pa'i man ngag rab ster ba ste khyad par du ster bar byed pa'i phyir ro/ /dgongs pa ni re zhig bcom ldan 'das rdo rje 'chang chen po'i mngon sum du mthong ba 'am/ lung 'bogs par byed pa ma yin te/ 'on kyang bsgom pa'i stobs kyis de'i kho na nyid 'di khong du chud par 'chad pa/ bsgom pa de yang bla ma'i sku drin kho nas rnyed par 'gyur ba yin pa'i phyir/ ngo bo gang zhig sngon ma shes pa shes par byed pa gang yin pa de ni de bas tshes lhag pa yin par khong du chud par bya'o zhes bya ba yin te dgongs pa ma yin pa'o/ /de mnyes par bya ba ni zla ba phyed dam zla ba ru/ /de ni yang dag mnyes bya ste/ /mnyes par 'gyur ba'i bla ma la/ /ci nus pas ni mchod par bya/ /zhes bya bas gsungs te/ dang por re zhig mngon par byang chub pa'i rim pa'i man ngag don du gnyer ba'i slob mas zla ba phyed dam/ zla ba 'am/ dang gis sgras lo la sogs par yang dag par gus pa'i bsnyen bkur gyis mnyes shing thugs dgos par bya ste ci nus pa 'dod pa lnga la nye bar longs spyod pa'i mtshan nyid kyi mchod pa yang bya'o/ /de'i rjes la bsnyen bkur dang mchod pa'i rim gyis mnyes par gyur pa de la ci zhig bya zhe na/ de'i phyir de la phyag rgya legs par bslabs/ ci 'byor ba ni dbul byas nas/ /tshogs kyi dkyil 'khor dbus su ni/ cho ga ji bzhin mchod par bya zhes bya bas gsungs te/ de'i rjes la de la phyag rgya ste dam tshig phyag rgya legs par bslabs shing thos pa la sogs pa'i rim gyis dam tshig dang sdom pa'i pha rol tu phyin pa ci 'byor pa zhes bya ba gang zhig
- 128a
gdol pa dang/ gtso blag mkhan gyi rigs su skyes pa dang de med na kha dog gam 'dod pa'i lha mnyes par byed pa'i sgo nas rang gi rigs dang mthun par dbul bar byas te phul nas so/ /de'i rjes la bla ma de la tshogs 'khor dbul te tshogs kyi 'khor lo'i dbus su mchod pa bya zhing rjed par bya'o/ /cho ga bzhin zhes bya ba ni cho ga las ma 'das par ro/ /de la mchog ni 'di yin te/ re zhig dang por nyan thos kyi rigs can ma gtogs dge bsnyen dang dge slong dang/ rdo rje slob dpon dang rnal 'byor pa rnams bsogs te/ de rnams la rim pa bzhin du gdan gding bar bya'o/ /de la gral gcig tu brlab pa ji lta bu bzhin du dge slong gi dge 'dun bzhugs su gsol cing de'i 'og tu dge bsnyen gyi tshogs rim pa bzhin du 'dug tu gzhug go /de'i rjes la rdo rje slob dpon gyi tshogs dge slong gi tshogs kyi mdun gyi gral la bzhugs su gsol/ rnal 'byor pa'i tshogs ni thams cad kyi gong du bzhugs su gsol ba kho na ste/ rnal 'byor pa dge bsnyen nam dge slong dam dge tshul ji lta bu yin yang rung ste/ gong du bzhag pa'i rigs so/ /zhes bcom ldan 'das kyi gsungs so/ /de'i rjes thogs la sgrub pa po mdun du 'ongs nas phyag byas te/ go rim bzhin du thams cad kyi rkang pa bkru bar bya'o/ /de las rdo rje las kyi ngo bo bsnyen bkur ba gcig bsko bar bya ste/ der de rnams kyi mdun du bdud rtsi lnga'i chos 'byung gi phyag rgya gru gsum du bya zhing/ de'i nang du thig le'i gzugs zlum po bya ste/ de'i nang du me long gi gzugs brnyan dang mtshungs pa'i dkyil 'khor gyi 'khor lo dad pa blta bar bya'o/ /de'i 'og tu thod pa dum bu gcig pa de bzhin gshegs pa lnga'i sa bon gyis brlabs pa'i bdud rtsi lngas gang ba bzhag par bya zhing/ me tog dgram par bya'o/ /thod pa'i phyogs gnyis su thod pa gzhan gnyis bzhag ste/
- 128b
gcig ni rgun chang gis gdab/ cig shes ni 'bru'i chang gis gang ba thabs dang shes rab kyi rang bzhin hUM dang h+riM yi ge sa bon gyis byin gyis brlabs pa dang/ me tog dgram pas mdzes par byas te pad+ma'i snod gsum po dbus ma nas brtsams te/ g.yas pa dang g.yon pa dag gos sngon po dang dkar po dang dmar po rnams kyis dgab par bya'o/ /de nas rdo rje las kyi phyag 'tshal ba sngon du 'gro ba can gyis rdzas dri zhim pa la sogs pa mchod pa rnam pa lngas mchod par bya'o/ /de'i rjes la snod dbus ma las bdud rtsi blangs te/ snod gnyis po la gtor bar bya'o/ /de'i rjes la snod cig blangs gos bshus nas rnal 'byor ba'i gral la go rim bzhin du drang bar bya'o/ /de nas dge slong dang dge tshul dang dge bsnyen dang/ rdo rje slob dpon gyi gral la ste/ drang ba'i 'og tu re re zhing phyag bya'o/ /'dren pa gang nas brtsams pa de la phyis kyang drang bar bya'o/ /de'i rjes la sha'i tshod ma rnam pa tha dad pa 'bras dri zhim po 'bras chan dang 'bras kyi rgyal po'i 'bras chan ro drug dang ldan pa bslab pa'i gral rim bzhin du snod rnams su drang bar bya zhing oM A di phya a naM sa mA d+hA d+hya na pri na ne swA hA/ zhes bya ba'i sngags brjod par bya'o/ /byed zos pa na snod chen po gcig blangs nas thams cad gcig tu bsres te/ kun gyi dus gcig tu bza' bar bya'o/ /btung ba'i rdzas rnams kyang de kho na bzhin du gcig tu bsres te/ myos par bya'o/ /de'i rjes la rdo rje las kyi cang te'u la mchod pa bya ste/ yi ge gsum bzlas nas hUM dang phaT kyi rang bzhin gyi rol mo'i sgra bsgrags par bya zhing rdo rje rnal 'byor pa rnams kyis kyang rdo rje'i gar sna tshogs pa bya ste/ rgyu med dngos la phyag 'tshal lo/ /zhes bya ba la sogs pa'i rdo rje'i glu dbyangs blangs par bya'o/ /kha cig ni thams cad kyis kyang gar bya'o zhes zer ro/ /kha cig na re 'khor lo'i
- 129a
gtso bos ni gar bya zhing gzhan rnams kyis ni glu dang rol mo bya'o/ /zhes mchog tu dga' ba thob pa gar bzhag par bya'o/ /phyi rol gyi bskyed mos tshal na dad pa dang bung ba dang ce sbyang rnams sgra bsgrogs pa ni bcom ldan 'das kyis byin gyis brlabs pa'i brtags so/ /gal te de'i nang du rgyu 'tshang 'ga' zhig gzhad gang byed dam/ rtsod pa byed pa de ni skad cig de nyid la bskrad par bya zhing/ gus pas 'bul mchod pa'i las byed du gzhug go /de nas thams cad la 'bras bu gsum dang lo ma dang bsres pa'i go la drangs te/ yon tan rnam pa bzhi phul nas zas kyi lhag ma gcig tu bsdus te sngags 'dis dur khrod du gtor bar bya'o/ /oM ku ru ku ru wa ta tA li mahA wa ta tA li/ sid+d+ha mu hi shma sha na wa si ni/ pre ta wa d+ha ni/ tsaN+Di ka ra li/ ru d+hir pri ti yi/ sa ma yaM/ rak+Shu ti/ yo ga d+ha ri/ kI li kI li rwa wa/ badzra baM tri wan ma d+hye/ b+huny+dza ti/ b+hak+Sha kha hi/ gu ha na rU hi/ d+hU mAM gA ri/ tsaN+Di ka ra li/ tiSh+Tha tiSh+Tha/ i mA mu tsa tshiSh+Tha pa li/ grih+Na sarba duSh+TaM/ b+hak+Sha ya b+hak+Sha ya/ he phreM phro phaT swAhA/ zhes bya ba 'dis byin gyis brlabs nas dur khrod du gtong bar bya'o/ /de nas thams cad ni bde bar gnas par bya'o/ /de ni cho ga bzhin du zhes bya ba'i sgras bstan pa yin te/ sgra ji bzhin ba'o/ /mchod par byas nas ci zhig bya zhe na/ de'i phyir de nas 'dod yon lnga spyad pas/ rnal 'byor chen po mnyes gyur pas/ /cho ga bzhin du snyoms 'jug bya/ /snang ba bdag ni 'byung ba na zhes bya bas gsungs te/ rnal 'byor chen po te rdo rje slob dpon tshogs kyi 'khor lo'i mchod pa dang 'dod pa lnga la longs spyod pa'i sgo nas mnyes par gyur pas na snang ba dag ni 'byung ba dag drod kyi dus snyoms par 'jug ste sa bon lnga byin gyis brlabs
- 129b
dam tshig gis phyag rgya dang lhan cig slob ma rjes su gzung ba'i don du sbyor bar bya'o/ /cho ga bzhin du zhes bya ba ni rgyud las gsungs pa'i cho ga bzhin du bya'o/ /de la cho ga bsdus pa ni 'di yin te/ dang po stong pa nyid rnam par bsams te/ de nas byin gyis brlabs pa'i rim pas ye shes kyi sku skad cig gis spros nas/ lha mo yang de kho na bzhin du rnam par bsgoms nas/ sku gsung thugs byin gyis brlab pa byas nas de bzhin gshegs pa lnga'i sa bon rnams kyis mgo bo la sogs pa rnams su go cha bkod de/ sangs rgyas spyan la sogs pa phyag rgya bzhis nu ma dang mchu dang pad+ma dang/ pad+ma'i nang rnam par dag par bsgoms na/ gzugs rdo rje ma la sogs pa rnams kyis yul rnam par dag par byas nas de kho na bzhin du bdag nyid kyi mig la sogs pa yang sa'i snying po la sogs pa rnams kyis byin gyis brlabs nas de'i pad+ma yang yi ge a/ yongs su gyur pa'i pad+ma 'dab ma brgyad pa yi ge oM gyis byin gyis brlabs pa'i lte ba dang ldan par bsams te/ rdo rje yang yi ge hUM las byung ba'i rtse mo lnga pa oM gyis byin gyis brlabs pa'i nor bu'i cha dang ldan par byas nas/ de dag gi rtse mor yi ge hUM dang phaT go rim bzhin du char dgag pa'i don du bkod de/ rang gi lha'i 'dod pa'i nga rgyal gyis bde ba chen po nyams su myong nas de bzhin gshegs pa thams cad mchog tu rjes su chags pa'i sgras bcug ste/ lam dbu ma gnas rdo rje rtse mor byang chub kyi sems thig le'i gzugs can bzung nas de'i nang gi khyab par byed pa'i lhan cig skyes pa'i de kho na nyid nyams su myong ste/ de bzhin gshegs pa thams cad kyi rang bzhin gyi byang chub kyi sems pad+ma'i nang du 'byung bar bya ste/ sbas pa'o/ /de las langs nas ci zhig bya zhen/ de'i phyir byang chub
- 130a
sems ni rab 'bad pas/ /bum pa la sogs dag ni bzhag /slob ma bzad la bla ma yis/ /brtse bas nam phyed dus dbang bskur/ /zhes bya bas gsungs te/ de'i rjes la ting nge 'dzin snyoms par 'jug pa las byung ba'i byang chub kyi sems pad+ma'i sgo nas lag pas ma reg par blangs nas bum pa la sogs pa ste dung chos dang nya phyis dang/ pad+ma'i snod la sogs pa de dag nyid du bzhag nas/ de nyid kyi bar? gis slob ma rnam par snang mdzad rdo rjer bsam ste/ de la snying rje bskyed nas mtshan phyed kyi dus su/ dbang bskur ba sbyin par bya'o/ /des kyang de bzhin gshegs pa thams cad 'dus pa'i bdag nyid kyis blos btung par bya'o/ /zhes bya ba ni gsang ba'i dbang bskur ba ste sbas pa'o/ /shes rab ye shes dbang bskur ba ni/ dbang bskur yang dag thob nas ni/ /tho rangs dus su yang mchod la/ /slob ma thal mo sbyar ba yis/ /bstod pas bla ma mnyes par bya zhes bya bas gsungs te dgongs pa 'di yin no/ /gsang ba'i dbang bskur ba thob pa'i rjes thogs su shes rab de bla mas de la sbyin par byed/ bcom ldan 'das ma nges kyang skra grol zhing gos med par gyur par/ de la tshig 'di skad du brjod par bya ste/ byin dang mu tra sogs za dang/ /rak+ta shukra de bzhin sha/ de bzhin bud med rnams la gus// b+ha ga'i pad+mar tsum pa na/ /rdo rje khyod kyi nus sam ci/ /rdo rje ci bde bar ni smros/ /byin dang mu tra sogs za dang/ /rak+ta shu kra de bzhin sha /de bzhin bud med rnams la gus/ /b+ha ga'i pad+mar tsumpa na/ /lha mo dag gis ci mi nus/ /thams cad bdag gis nus pa nyid/ /ces bya bas brjod par bya'o/ /de nas lha mo des rang gi lag pa dag gis pad+ma'i ngos gnyis nas bzung ste pad+ma brgyad nas rtsa'i 'khor lo bstan par bya'o/ /de la pad+ma'i nang du rtsa'i 'khor lo 'di ltar bstan par bya ste/ kye'i rigs
- 130b
kyi bu dbus na gnas pa'i mi sna lta bu'i rtsar mas g.yogs par gyur pas skyes bu'i ling+ga dang mtshungs pa'i rtsa de ni rtsa dbu ma chos kyi dbyings kyi dbang phyug ma zhes bya ste/ rnam grangs gzhan yang kun tu bzang mo yin zhing/ dpal rdo rje bdud rtsi las gsungs pa'i rtsa sum cu rtsa gnyis kyi nang nas gtso bor gyur pa rak+ta dang shu kra dag sdud par gyur pa ste/ de nyid las khams gsum pa skye bar 'gyur zhing de nyid du thim par 'gyur ro/ /de nyid ni de bzhin gshegs pa mi bskyod pa'i ngo bo yin pa'i phyir/ shes rab kyi pha rol tu phyin pa dang/ chos kyi dbyings kyi ye shes dang rang bzhin dang/ sems can thams cad skyed par byed pa dang sdud par byed pa yin no/ /rtsa g.yon pa 'di ni byang chub kyi sems 'bab cing bcom ldan 'das de bzhin gshegs pa 'od dpag tu med pa'i rang bzhin zla ba zhes bya ba yin par shes par bya zhing de nyid thur du sel ba'i rlung gi rang bzhin dang 'gro ba thams cad skyed par byed pa yin par khong du chud par bya'o/ /g.yas phyogs na gnas pa'i rtsa rus sbal zhes bya ba rak+ta 'bab pa gang yin pa de ni thabs kyi rang bzhin yin par shes par bya'o/ /de'i rjes la mdun gyi cha na gnas pa'i rtsa byis 'byung ba gang yin pa de ni rnam par snang mdzad kyi rang bzhin yin par shes par bya'o/ /de'i rjes la rgyab kyi cha na gnas pa'i rtsa gzhu las rgyal ma zhes bya ba sha 'byung ba gang yin pa de ni bcom ldan 'das don yod par grub pa'i rang bzhin yin par bya'o/ /de nas phyi rol nas pad+ma 'dab ma brgyad pa lta bu snang ba gang yin pa de ni rnam par shes pa brgyad rnam par dag pa'i rang bzhin gyi rtsa brgyad du shes par bya ste/ rigs kyi bu b+ha ga'i dbus na nam mkha' gang/ /nam mkha' lnga yis brgyan pa ste/ /lte ba ge sar rnams dang ldan/ /'dab ma brgyad kyis rnam spras pa/ /de nas bdud rtsi'i thig le yi/ /gzugs su rtag tu 'dzag pa yin zhes bya ba la sogs pa dang rigs kyi bu de skad du yang/ b+ha ga yi ni dbus
- 131a
gnas pa/ /myos byed 'dzag pa'i rtsa gang yin/ /de ni rtsa gang sum cu gnyis/ /de rnams nang nas gtso bo yin/ zhes kyang gsungs so/ /de'i phyir kye ma'o bdag gi pad+ma 'di/ /bde ba kun dang yang dag ldan/ /gang zhig cho ga bzhin brtan pa/ /de yi mdun na bdag gnas shing/ /'di ni chos dbyings dag pa ste/ /sems can khams ni rab grol byed/ /bde ba chen po rab nyid ni/ /dngos po kun gyi 'di la gnas zhes bya ba 'di ni/ /spyi'i mtshan nyid yin par shes par gyis shig ces bya ba'i phyag rgya'i tshig de lta bu thos te/ de nas des mig dang lcags kyu dang ba dan dang sdig mdzub zung gcig gis de'i nang du ji srid reg bya dro ba'i bar du bskyod de/ de nas lce'i rtse mos kyang a sarba da nam byas nas a liM ga na dang tsub pa na la sogs pa bya zhing shes rab dang de'i rdo rje ste ba dan u pa re 'dug nas sang gar sha bya'o/ /de'i rjes la shes sam phyag rgya dang snyoms par zhugs pa mthong ste/ rdo rje slob dpon gyi thugs ka nas gti mug dga' ma la sogs pa bzhi pa rnam par spros nas slob ma'i khar bcug ste/ gti mug dang 'dod chags dang zhe sdang dang phrag dog gi rgyun rnams kyis dbang bskur nas dbang gi rim gyis dpe lhan cig skyes pa shes su gzhug go /de'i rjes la lhan cig skyes pa nyams su myong ba'i yi ge hUM dang phaT kyi sgras byang chub kyi sems yan lag mchog gi nang du phyung ste/ de yang de las ma lhung bar ra sa ya nas myang bar bya'o/ /zhes bya ba ni shes rab kyi dbang bskur ba'o/ /de lta bu'i shes rab kyi dbang nam gyi dus su yang dag par mthong nas/ tho rangs kyi dus te skya rengs 'char ka'i dus su ste/ mchod pa rnam pa lnga yang mchod de/ shes rab ye shes kyi dbang thob par bya ba'i phyir/ slob mas thal mo sbyar ba byas pa yis 'chad par 'gyur
- 131b
ba'i bstod pa rnams kyis rdo rje slob dpon bla ma mnyes par bya zhing gsol ba gdab par bya'o/ /zhes bya ba ni sbas pa'o/ /de nyid ni khams gsum las ni rnam grol zhing/ /nam mkha' dang ni mnyam par gyur/ /'dod pa rnams kyis ma gos ba/ /dmigs med khyod la phyag 'tshal lo/ /zhes bya bas gsungs te/ kye bcom ldan 'das slob dpon dam pa khams gsum pa'i rang bzhin gyi sems las byung ba'i rnam par rtog pa rnams las rnam par grol ba ste bral ba'o/ /de bzhin du nam mkha' dang mnyam pa ni me long lta bu'i ye shes te/ de gyur ba ni thob pa yi/ /'dod pa ste nyon mongs pa gti mug de dang 'brel pa'i nye ba'i nyon mongs pa rnams kyis ma gos pa ni ma bsgribs pa'o/ /de nyid kyi phyir sa'i khams kyi dmigs pa rnam par dag par byed pa nyid yin pas dmigs med khyod la phyag 'tshal lo/ /zhes bya ba ni rnam par snang mdzad kyi sgo nas bstan pa'o/ /phung po rnams dang khams rnams dang/ /skye mched rnams la mi brten cing/ /phyin ci log las rnam grol ba/ /dmigs med khyod la phyag 'tshal lo/ / phung po khams dang skye mched rnams la so sor rtog pa'i ye shes kyis gzung ba dang 'dzin pa'i rnam par rtog pa spangs pa'i phyir mi brten cing ma chags pa dang/ de bzhin du phyin ci log ste 'dod chags kyi rnam par rtog pa dang 'brel pa'i nye ba'i nyon mongs pa'i rnam par rtog pa rnams las rnam par grol zhing bral ba dang/ me'i khams kyi rnam par rtog pa sbyong bar byed pa nyid yin pa'i phyir dmigs med de/ de lta bur gyur pa khyod la phyag 'tshal lo/ /zhes bya ba ni 'od dpag tu med pa'i sgo nas bstod pa'o/ / nam mkha' bzhin du gnas med cing/ spros med gos pa med pa ste/ mkha' mnyam pa yi thugs mnga' ba/ /dmigs med khyod la phyag 'tshal lo/ /ji ltar nam mkha' gnas med cing/ /rten dang brten pa'i dngos po dang bral ba de bzhin du khyod kyang chos
- 132a
kyi dbyings kyi ye shes yin pa'i phyir gnas med pa dang/ rtog pa dang dpyad pa thams cad dang bral ba'i phyir/ spros pa med pa dang/ nyon mongs pa'i bag chags dang 'brel pa med pa nyid yin pa'i phyir gos pa med pa dang zhe sdang dang chu'i khams kyi rnam par rtog pa sbyong bar byed pa nyid yin pa'i phyir nam mkha' dang mnyam pa'i thugs mnga' ba de lta bu khyod la phyag 'tshal lo/ /zhes bya ba mi bskyod pa'i sgo nas bstod pa ste dgongs pa ma yin pa'o/ /bstod pa'i rjes thogs la gsol ba gdab pa/ /thams cad stong pa'i rang bzhin can/ /mngon par byang chub mthong 'dod pas/ /bstod nas slar yang bla ma yis/ /bla ma la ni bskul bar bya zhes bya bas gsungs te/ thams cad stong pa'i rang bzhin can// zhes bya ba 'di ni gcig tu 'od gsal ba'i rang bzhin can no/ /mngon par byang chub pa'i dpe las byung ba'i lhan cig skyes pa'i man ngag kun tu bstan pa'o/ /mthong 'dod pa ni shes par 'dod pa'o/ /bstod nas rdo rje sku la sogs pa'i rang bzhin gyi sgo nas bstod pa byas nas so/ /thal mo sbyar nas spyi bor bzhag pa'i slob ma ni sgrub pa po'o/ /bla ma ni rdo rje slob dpon no/ /bskul bar bya ba ni gsol ba gdab par bya ba'o/ /zhes bya ba ni sgra ji bzhin pa'o/ /las dang skye las rnam grol zhing/ /snang ba gsum po spangs pa yis/ /mngon par byang chub bstan pa ni/ mgon po chen po bdag la stsol/ /kye thugs rdo rje 'chang dang tha mi dad pa'i rang bzhin gyi mgon po chen po/ /de kho na nyid bzhi pa'i mngon par byang chub pa bstan cing bshad pa bdag la sogs pa ni dpe nyid kyi sgo nas mthong gi dpe las byung ba nyid kyi sgo nas ni ma yin no/ /zhes bya ba'i tha tshig go /ji lta bu zhe na/ las ni dge ba dang mi dge ba'i rang bzhin gyis mthu las byung ba'i/ /lus dang ngag gi
- 132b
las so/ /de yi dbang gis 'khor bar yang/ /skye zhing nying mtshams sbyor ba ste/ /de las rnam par grol ba'o/ /ci'i phyir zhe na/ 'di ltar snang ba gsum po ste rnam par shes pa dang ye shes gsum po spangs pa ni bor ba'o/ /rang bzhin gyi tshogs rnams ni rnam par shes pa'i rtsa ba can yin la/ de'i mthu las byung zhing de'i dbang gis skye ba 'byung ba'i phyir rgyu zad pa las 'bras bu mi 'byung ste/ sa bon tshig pa las myu gu dang/ shing rtsa ba nas bton pa las sdong bu lo ma dang me tog dang 'bras bu rnams bzhin no/ /de ni mi bskyod pa'i sgo nas gsol ba 'debs pa yin no/ /sangs rgyas kun gyi ye shes che/ /de bzhin gshegs pa kun gyi gnas/ /rdo rje ye shes bla na med/ /slob dpon chen po bdag la stsol/ /sems can gyi khams chen po'i tshig gi sgo nas dag par byed pa nyid yin pa'i phyir/ 'od dpag tu med pa'i rang bzhin gyis slob dpon chen pos rdo rje ye shes bdag la stsol ba ste ston gcig pa'o/ /rdo rje ltar mi shigs shing mi g.yo ba'i ye shes ni de kho na nyid bzhi pa'o/ /gang las bla mar gyur pa gzhan med pa de ni bla na med pa ste bzhi pa las de kho na nyid gzhan med pa'i phyir ro/ /sangs rgyas kyi kun gyi ste stong pa la sogs pa rnams kyi ye shes chen po ni thams cad stong pa'o/ /de bzhin gshegs pa kun te/ ye shes lnga'i rang bzhin gyi phung po la sogs pa rnams kyi gnas ni ro gcig pa'i dngos pos gnas pa'o/ /zhes bya ba ni 'od dpag tu med pa'i sgo nas gsol ba 'debs pa'o/ /thog mdza' med cing zhi ba dang/ /nyon mongs thams cad rnam sbyong zhing/ /lus dang ngag sems dag byed pa/ /rdo rje chen pos bdag la stsol/ /kye sku rdo rje 'chang gang gis rang bzhin rdo rje chen po/ lus la sogs pa rnams dag par byed pa'i de kho na nyid bzhi pa bdag la stsol te
- 133a
bdag la ston cig pa'o/ /thog ma ni dga' ba dang mchog dag go /mdza' ma ni bral ba ste/ de de dang bral ba nyid yin pa'i phyir thog mdza' med pa'o/ /nyon mongs pa thams cad ni rang bzhin rnams dang de'i rtsa ba rnam par shes pa rnams te/ de rnam pa sbyod pa ni 'od gsal bar byed pa'o/ /zhes bya ba ni sku rdo rje'i sgo nas gsol ba 'debs pa yin te/ dgongs pa ma yin pa'o/ /gsol ba btab pa'i rjes thogs su bla ma'i bshad pa ni/ de ltar yon tan yang dag pa// brjod pas mnyes pa'i rnal 'byor pas/ /snying rje slob ma la bskyed de/ /de nas rim pa 'di skad bshad/ /ces bya bas gsungs te/ de ltar de tshul de ltar/ yon tan yang dag par brjod cing ji lta ba bzhin du gnas pa'i spyod pa dam pa rnams la/ bstod pas rnal 'byor pa ste rdo rje slob dpon gyi slob ma sgrub pa po la snying rje ste/ snying brtse ba bskyed nas/ 'di skad de 'chad par 'gyur ba'i rim pas bshad cing man ngag bstan par bya ste sgra ji bzhin pa'o/ /de nyid ni mtshan mo snang ba'i cha ste gsal ba'i nyi ma'i 'od zer snang ba gsal ba yin/ mtshams nas snang ba thob pa rang gi rang bzhin rnams dang lhan cig min par ldan/ /mtshan min nyin par ma yin mtshams min gang zhig rang bzhin rnams dang rnam bral ba/ /de ni byang chub skad cig yin te bla ma mchog bshad rnal 'byor ba nyid yum/ /zhes bya ba gsungs te/ kye bu khyod kyis thabs dang shes rab snyoms par 'jug pa'i dus su dang por 'dod chags kyi skad cig dga' ba'i rang bzhin can nyams su myong ba gang yin pa de ni snang ba zhes bya ba yin par shes par bya ste/ cung zhig gsal ba'i bde ba 'byung ba'i phyir ro/ /bde ba de nyid kyi mtshan mo'i cha zhes bya ste/ mtshan mo zla ba'i snang ba yod kyang dngos po rnams gsal bar mi mthong ba'i phyir ro/ /khyod kyi mchog tu dga' ba'i skad cig
- 133b
'dod chags par ma'i rang bzhin nyams su myong ba gang yin pa de ni snang ba gsal ba'i mtshan mo la bltos nas snang ba 'phel bar 'gyur ba dga' ba khyad par can du rab tu gsal ba'i phyir nyi ma'i 'od zer gsal ba ste/ nyi ma'i 'od zer rab tu gsal ba dang mtshungs pa yin par shes par bya'o/ /bral ba'i rang bzhin gyi 'dod chags dang bral ba gang yin pa de ni zla ba dang nyi ma'i snang ba med pa yid mi bde ba'i mtshan nyid kyi snang ba nye bar thob pa snang ba yongs su rdzogs pa'i mtshan nyid can yin par khong du chud par bya'o/ /rigs kyi bu gsum po 'di ni de kho na yin no/ /ci'i phyir zhe na/ 'di ltar skad cig de rnams ni rang gi bdag nyid kyi rang bzhin rnams te sems las byung ba'i chos rnams kyang ldan zhing 'brel ba yin no/ /yang rigs kyi bu mtshan min dga' ba dang snang ba'i rang bzhin ma yin pa dang/ nyin par ma yin pa dang mchog dang snang ba gsal ba'i rang bzhin ma yin pa dang/ mtshams min te 'dod chags bral ba dang/ snang ba nye bar thob pa'i rang gi ngo bo ma yin zhing/ de nyid kyi phyir rang bzhin rnams te tha mal pa rnams dang bral zhing/ dri ma med pa gang yin pa de ni byang chub kyi skad cig ste 'od gsal ba'i rang bzhin rtogs par dka' ba'i skad cig yin par shes par bya'o gal te de lta yin na ci'i phyir thams cad kyis de mi shes she na gsungs pa bla ma mchog bshad de rdo rje slob dpon zhal las shes par bya'o/ /gzhan du na yod du zin kyang ma rig pa'i dbang gis shes par mi 'gyur ro/ /de ni glog gi skad cig bzhin du shes par dka' ba yin pa'i phyir/ bla ma mnyes pa las thob par 'gyur ro/ /de nyid kyi phyir rnal 'byor pa ste rang rig pa'i mngon sum gyi tshad ma dang ldan pa'i sgrub pa po rnams kyis yul yin zhing nges par bya ba dang thob par bya ba yin no/ /zhes bya ba'i don te sbas pa'o/ /de nyid shes
- 134a
pa'i thabs ni/ mtshan mo'i mun pa ma lus pa dang mtshams kyi snang ba gang du nub pa dang/ ji srid nyi ma ma shar skad cig dri med der ni yang dag mdza' bstan bya/ /slob dpon mchog ni rab rib spangs pas slob ma la mi phyi rol byang chub bstan/ /nang gi bde ba gnas mchog sangs rgyas byang chub 'ga' zhig skad cig gis 'thob 'gyur/ /zhes bya bas gsungs te/ mtshan mo'i ni 'dod chags kyi skad cig yin zhing de las byung ba'i mun pa ste yid mi bde ba'i skad cig gang yin pa nub ste ma byung zhing zhig pa dang/ de bzhin du mtshams ni 'dod chags dang bral ba'i skad cig ste yid mi bde ba'i rang bzhin yin zhing/ de'i snang ba ste rab tu gsal ba yang nub cing ma byung ba dang/ de bzhin du nyi ma'i mchog gi skad cig ste bar ma dang snang ba gsal ba'i rang bzhin ma shar ba ste ma byung zhing ma thos pa'i skad cig dri med de/ 'dod chags la sogs pa'i dri ma dang bral ba der yang dag mdza' ste/ 'od gsal dpe'i de bzhin nyid kyi rang bzhin gyi man ngag bzhi pa'i gtam bstan zhing gsal bar bya'o/ /su la zhen slob ma ste sgrub pa po la'o/ /slob dpon mchog ni bla ma mchog tu gyur pa'o/ /gang gis rab rib ste 'dod chags dang 'dod chags dang bral ba dang 'dod chags par ma'i nyes pa dpe'i sge nas spangs shing gsal ba de ni rab rib spangs pa ste bla ma'o/ /ji ltar zhe na/ phyi rol byang chub ces bya ba ni tho rangs kyi mtshams kyi dus su thams cad stong pa dang/ nyi ma shar dus su snang ba gsal ba dang nub pa'i mtshams kyi dus su snang ba nye bar thob ba dang/ mtshan mo byung ba'i dus su snang ba ste/ de bstan cing bshad pa'i sgo nas nang gi bde ba ste nang gi mngon par byang chub pa de ni dang po 'od zer kha dog lnga po'i tshogs su snang ba dang gnyis pa smig rgyu lta bur snang ba dang/ gsum pa srin bu me khyer
- 134b
lta bur snang ba ste/ srin bu me khyer zhes bya ba ni srog chags kyi bye brag rgyu ba 'ga' zhig go /bzhi pa mar me lta bur snang ba dang/ lnga pa sprin med pa'i nam mkha' lta bur snang ba zhes bya ba zla ba dang nyi ma dang mtshams kyi mun pa dang de las ma gtogs pa'i snang ba bzhi po dang bcas pa yin par shes par bya'o/ /zhes snang gi mngon par byang chub pa'i rim pa bstan par bya'o/ /yang na phyi'i mngon par byang chub pa ni dam tshig gi phyag rgya'i sgo nas nyams su myong ba'i dpe'i lhan cig skyes pa'o/ /nang gi mngon par byang chub pa ni dpe las byung ba'i lhan cig skyes pa ste de'i phyir phyi'i mngon par byang chub pa'i thabs kyis nang gi mngon par byang chub pa thob par 'gyur ro/ /de yang rnam par rtog pa ma lus pa rab tu zhi bar byed pa nyid yin pa'i phyir bde ba'o/ sangs rgyas byang chub ces bya ba ni yang dag par rdzogs pa'i byang chub bo/ /'ga' zhig ces bya ba ni rang rig pa'i tshad mas rtogs par bya ba yin gyi yul ma yin pa'o/ /shes rab kyi pha rol tu phyin pa'i rnal 'byor pas kyang byang chub thob mod kyi 'on kyang bskal pa grangs med pa gsum gyis so/ /'dir ni skad cig gis de kho na nyid bzhi pa nyams su myong ba'i skad cig gis so/ /zhes bya ba'i don to/ /sbas pa'o/ /de nyid kyi mtshan nyid ni/ thog ma ni gyur dang de bzhin thog mar gyur/ /dbus min gyur dang de bzhin dbus gyur dang/ /mdza' min gyur dang de bzhin mthar gyur pa/ /de ni thams cad stong par sangs rgyas gsungs/ /zhes bya bas gsungs te/ de kho na nyid bzhi pa gang yin pa de ni thog ma ste dga' ba dang de dang bral ba nyid yin pa'i phyir thog min gyur pa'o/ /de bzhin du thog ma med pa la khyab par byed pa nyid yin pa'i phyir thog mar gyur pa 'am/ thams cad skyed par gyur pa nyid yin pa'i phyir thog mar gyur pa'o/ /dbus ma ni mchog ste de dang bral ba nyid yin pa'i dbus
- 135a
min gyur pa'o/ /de la khyab par byed pa nyid yin pa'i phyir dbus su gyur pa'o/ /mdza' ni bral ba ste de dang bral ba nyid yin pa'i mdza' min gyur pa'o/ /de la khyab par byed pa nyid yin pa'i mthar gyur pa ste/ de lta bu'i mtshan nyid can de ni thams cad stong pa kho na nyid bzhi pa yin par sangs rgyas kyis gsungs shing bka' stsal to/ /zhes bya ba'i don te mthar thug pa'o/ /rang gi ngo bo ni/ gang la 'gro ba dang ni 'ong med cing/ /zad dang 'phel med dngos dang dngos min med shin tu ngo mtshar gzugs can ngo mtshar min/ /gnas par 'gyur min myur du 'gro ba min/ /zhes bya bas gsungs te/ 'di dang 'di lta bu med cing yod pa ma yin pa'i thams cad stong pa gang la 'gro ba ste 'byung ba'i rim gyis spro ba dang/ 'ong ba ste 'jug pa'i rim gyis bsdu ba dang/ ngang gis sgras gnas pa ste/ de dang gang la med pa zhes bya bas ni rdo rje bzlas pa'i rim pa ma yin par bstan to/ /zad pa ni rnam par shes pa gsum mo/ /'phel ba ni snang ba gsum mo/ /dngos po ni 'od gsal ba'o/ /dngos po min ni rang bzhin rnams te de dag med pas shes bya bas ni sems rnam par dag pa'i rim pa ma yin par bstan to/ /ngo mtshar gzugs can ni dkyil 'khor gyi 'khor lo gzhan dang gzhan spro ba'i sgo nas skad cig tsam gyis 'gro ba'i don byed pa'o/ /ngo mtshar byed pa ni rgyu ma'i dpe bcu gnyis kyis rang bzhin ngag 'od gsal bar shes pa ste/ de dag kyang med pa zhes bya bas ni/ bdag byin gyis brlab pa'i rim pa ma yin par bstan to/ /gnas par gyur min zhes bya ba ni 'khor ba dang mya ngan las 'das pa dag la mi gnas pa nyid yin pa'i phyir ro/ /myur du 'gro ba min pa ni g.yo ba med pa'i rdo rje lta bu'i ting nge 'dzin la gnas pa'o/ /zhes bya ba ni 'dis ni zung du 'jug pa'i rim pa ma yin par bstan pa yin no/
- 135b
thams cad stong pa'i rang gi ngo bo ni de lta bu yin par shes par bya ste mthar thug pa'o/ /de nyid ni gang zhig yod med tha snyad las grol zhing/ /bsod nams dngos min sdig pa dngos ma yin/ /bsod nams sdig gis bdag min mchog gyur pa/ /de ni thams cad stong par rgyal bas gsungs zhes bya bas gsungs te/ bye brag tu smra ba dag ni phung po dang khams dang skye mched rnams tshad mas grub pa nyid yin pa'i phyir yod do zhes zer ro/ /rnal 'byor spyod pa rnams ni chos thams cad rnam par rig pa'i rnam pa yod do phyi rol na cung zad kyang med do/ /zhes zer ro/ /mdo sde pa rnams ni phyi rol rjes su dpag par yod kyis mngon sum du ni med do zhes zer/ /dbu ma pa rnams ni gzung ba dang 'dzin pa dag gcig dang du ma nyid du med pa'i phyir stong pa tsam 'ba' zhig yong ngo 'jig rten rgyad pan pa rnams ni 'byung ba rnams kho na sems dpa' i rang bzhin nyid yin pa'i phyir 'jig rten pha rol med do zhes zer to/ /de lta bu'i yod pa dang med pa'i tha snyad rnams las grol zhing spangs pa'o/ /de bzhin du bsod nams kyi 'du byed ni dang? pa la sogs pa rnams so/ /bsod nams ma yin pa'i 'du byed ni srog bcod pa la sogs pa rnams te de dag dang bral ba nyid yin pa'i phyir/ bsod nams dngos min sdig pa dngos min pa'o/ /bsod nams dang bsod nams ma yin pa 'dres ma'i 'du byed kyi rang bzhin yang ma yin te/ cha gnyis ka yang med pa'i phyir ro/ /de nyid kyi phyir spros pa thams cad dang bral ba nyid yin pas mchog tu gyur pa ste dam pa ste/ de lta bu ni thams cad stong pa ste snang ba bzhi pa yin par sangs rgyas rnams kyis gsungs so/ /zhes bya bas ni rang 'ga' yin pa 'gog par byed do/ /dgongs pa ni 'di yin te/ de zhig bsod nams dang bsod nams ma yin pa dang/ de'i 'bras bu ni yong mod kyi/ 'on kyang
- 136a
de dag la rnam par dpyad pa byas nas don dam par yod pa ma yin te/ de kho na nyid shes pa la bde 'gro dang ngan 'gro dag med pa'i phyir ro/ /lus rnams 'bras bcas nyid dang ni/ /'gro ba rnams kyang yang dag bshad/ /de yi rang bzhin yongs shes pas/ /skye med pa yang bstan pa yin/ /dgongs pa'i dbang gis rgyal ba rnams/ /nga dang bdag ces gsungs pa ltar/ /de bzhin dgongs pa'i dbang gis ni/ /phung po khams dang skye mched gsungs 'byung ba che la sogs bshad pa/ /rnam par shes su yang dag 'du/ /de shes nas ni bral gyur na/ /log par rnam brtags ma yin nam/ /gang tshe rgyal bas mya ngan 'das/ /gcig pu kho na bden par gsungs/ /de tshe lhag ma log min par/ /mkhas pa su zhig rtog par byed/ /ces bya ba la sogs pa gsungs te mthar thug pa'o/ /de kho na nyid thob pa'i rnal 'byor pa'i spyod pa ni/ /de lta'i de nyid thob pa'i rnal 'byor pa/ /rgyu dang mi rgyu bdag nyid 'gro gnyen gcig /ye shes rang bzhin mi yi seng ge rgyu/ /'gro kun gnas nas mi zad dus thob yin/ /zhes bya bas gsungs te/ sngar bshad pa'i de kho na de lta bu nyid thob cing rnyed pa'i rnal 'byor pa ni rgyu dang mi rgyu'i bdag nyid nges/ brtan pa dang g.yo ba'i dngos po'i rang bzhin thams cad la khyab par gnas so/ /'gro ba rnams kyi gnyen gcig yin pa ni gzhan la phan pa byed par lhur len pa'i phyir ro/ /rgyu ba ni spros pa med pa dang/ shin tu spros pa med pa'i spyod pas gnas pa'o/ /ji lta bu zhig ce na/ ye shes kyi rang bzhin zhes pa ni don dam pa yin la byed pa las rnam par mi g.yo ba'o/ /de bzhin du mi rnams kyi nang nas shes rab kyi sdong mo'i rtse mo rnams kyis srid pa'i glang po che'i 'tshogs ma'i klang 'gems pa'i phyir seng ge dang 'dra
- 136b
bas na seng ge ste/ de'i phyir mi'i seng ge 'am/ seng ge rnam par grol ba'i ting nge 'dzin la snyoms par 'jug pa nyid yin pa'i phyir mi'i seng ge'o/ /seng ge glang po che'i thog tu mchongs nas bsad de rang gnas su 'ongs nas 'dug go zhes grag ste de bzhin du gang zhig rang gi ye shes kyi seng ges gzhan gyis shes pa 'dzin pas rol pa de ni ye shes kyi ri dags kyi rgyal pos rol pa'i rnal 'byor ba dang ldan pa ste/ ye shes gnyis ni rab 'dres pa/ /seng ge rnam rol phyag rgya yin/ /zhes kyang gsungs te de bzhin du 'gro ba ste sems can dang snod kyi 'jig rten gyi bdag nyid kun nad nas/ rnal 'byor pa de ni mi zad pa'i dus dang/ dpyid kyi dus dang lhan cig skyes pa'i dus shes bya ba'i tha tshig go /de thob pa ni thob par byed pa po yin no zhes bya ba'i tha tshig ste sgra ji bzhin pa'o/ /da ni spyod lam gyi bya ba/ de ni yon po'i lus kyang lus drang yin/ /de ni bstan med gyur kyang stan gnas brtan/ /de ni mig btsums gyur kyang mig gdangs yin/ /de ni mnyam bzhag min yang mnyam gzhag 'gyur/ /zhes bya bas gsungs te/ rnal 'byor pa de na gal te res 'ga' yon po'i lus te lus drang po ma yin pas mal na nyal du zin kyang/ 'on kyang lus drang po yin te/ lus drang por gnas pa bzhin ting nge 'dzin mngon du 'gyur ro/ / gal te mnyam par 'jog pa'i tshe stan med par gyur kyang 'on kyang man ngag gi mtshan nyid stan la gnas pas brtan zhing mi g.yo ba yin no/ /de ni gal te mig gdangs pa ste mig rab tu phye ba yin du zin kyang/ 'on kyang phyi rol dang nang dang gnyis ka thams cad du thams cad de kho na nyid kyi rang bzhin kho nar mthong ba'i phyir mig btsums pa yin te kha nang du bltas pa yin no/ /de bzhin du mnyam bzhag min yang ste spyod lam bzhi la gnas pa bzhin du yang mnyam par bzhag cing sems rtse
- 137a
gcig pa yin te/ de kho na nyid mthong ba bstan par gyur pa yin pa'i phyir ro/ /de kho na nyid mthong ba'i rnal 'byor pa de lta bu ni spros pa med pa dang shin tu spros pa med pa'i spyod pa byed pa yin no/ /zhes brjod par bya ste sgren mo 'am gal te sgren mo min pas gang du ji ltar gnas pa der/ rang gi lha ru dmigs bya ste/ de nyid gcig tu rnam bsams bya/ /zhes kyang gsungs so/ /de bzhin du gzhan yang ji lta bu zhig snyam pa'i dgongs pa bsdus nas/ de ni tshig dang ldan yang dgra bsdams yin/ /de ni longs spyod ldan yang dmigs bral yin/ /de ni 'jig rten mgon yang gzhan bran gyur/ /gang zhig de nyid rtogs shing nyes kun zad ces bya bas gsungs te/ de bzhin du rnal 'byor pa de ni tshig dang ldan yang ste tshig dang ngag dang glu dang brkyang pa la sogs pa'i tshig rnam pa sna tshogs pa dang ldan du zin kyang ngag bsdams shing dag kun tu thul bar yin par brjod pa ste/ ngag gi rnam par rtog pa sgra rnams mi dmigs pa'i phyir ro/ /de mi dmigs pa ni 'od gsal ba khong du chud pa'i phyir ro/ /de bzhin du longs spyod de 'dod pa'i yon tan lnga po rnams dang ldan zhing 'brel du zin kyang dmigs bral zhes bya ba gzugs la sogs pa'i yul rnams la nye bar dmigs pa med pa yin te/ de rnams sgyu ma lta bu'i ting nge 'dzin gyis rang bzhin gyis dag pa nyid du mthong ba nyid yin pa'i phyir ro/ /de ltar yang bcom ldan 'das kyis dmigs pa dang bcas pa'i lta ba can gyi nyan thos kyi rigs can gyi dge slong lnga brgya sgyu ma lta bu'i ting nge 'dzin gyis 'od gsal ba'i de kho na nyid skad cig gcig la bcug par gyur to/ /zhes theg pa chen po'i mdo sde rnams las thos te/ dper na thugs rje chen po'i bdud rtsis thugs brnyan pa'i yang dag par rdzogs pa'i sangs rgyas bcom ldan 'das kyis dgon
- 137b
pa'i gnas su dge slong gi dngos por gnas pa'i nyan thos lnga brgya gzigs nas 'od zer gyi sbyor bas dge slong gi cha byad can gyi skyes bu 'ga' zhig sprul te spros so/ /de nas de 'chag cing song ba dang/ lam gyi dbus dgon par dge slong lnga brgya pa de dag dang phrad par gyur to/ /de rnams kyis smras pa btsun pa zhes bya ba 'ga' yang med do/ de rnams kyis smras pa sdom pas rgan nam gzhon nam 'on te ma yin/ de rnams la smras pa brtul zhugs zhes bya ba ci zhig gang gi brtul zhugs yin rgan pa ni gang zhig gzhon pa ni gang zhig yin /de rnams kyis smras pa khyod gang nas 'ongs gang du 'gro/ des smras pa/ gang nas ma 'ongs gang du yang mi 'gro ste/ 'gro ba ni su zhig gang du 'gro bar bya/ de rnams kyis smras pa khyed gang na gnas ming dang rus ci yin/ des smras pa gang na mi gnas shing nga'i ming dang rus la sogs pa ni cung zad kyang med do/ /de rnams kyis smras pa/ khyod kyi ting nge 'dzin gang zhig nga la ting nge 'dzin 'ga' yang med de/ da ni 'di lta bu dang 'di lta bu nyid yin no zhe'o/ /de nas dge slong de rnams kyis sangs rgyas kyi byin gyis brlabs kyis mthus skad cig gcig la 'gro ba dang/ 'ong ba dang bral ba'i sgyu ma lta bu'i ting nge 'dzin la snyoms par zhugs nas yang dag pa'i tshul gyi bdag nyid de kho na nyid mngon du byas par 'gyur ro/ /de bzhin du 'jig rten la phan 'dogs par byed pa nyid yin pa'i phyir 'jig rten gyi mngon du gyur pa yin yang sems can gzhan rnams kyi bran du gyur cing khol dang mtshungs pa yin te/ nga rgyal med pa nyid yin pa'i phyir ro/ / 'gro ba rnams la gdol pa ? gu bzhin/ /rgyags dang nga rgyal dregs pa sprangs nas ni/ /zhes bya ba la sogs pa gsungs so/ /gnyis su med pa'i de kho na nyid shes pas na de nyid rtogs pa'o/ /de nyid kyi phyir gang la 'dod chags la sogs
- 138a
pa'i nyes pa kun zad pa yod pa 'di skad ces bya'o/ /zhes bya ba ni mthar thug pa'o/ /da ni ting nge 'dzin gnyis kyi sgo nas mngon par byang chub pa/ man ngag thob pa'i slob ma yis/ /de nas rnal 'byor rnam gnyis brlobs/ / ril por 'dzin pa'i rim pa dang/ /de bzhin rjes su gzhig pas so/ /zhes bya bas gsungs te/ bla ma'i zhal nas man ngag ste mngon par byang chub pa'i rim pa'i man ngag thob nas de bstan par bya ba'i phyir rnal 'byor rnam gnyis te/ bye brag gnyis kyis ting nge 'dzin goms par bya'o/ /gcig ni ril por 'dzin pa'i rim pa yin zhing/ gnyis pa ni rjes su gzhigs pa'i rim pa yin/ /zhes bya ba ni bstan pa ste/ sgra ji bzhin pa'o/ /bshad pa ni/ mgo bo rkang pa'i bar dag gam/ /ji srid snying gar phyin pa'i bar/ /rnal 'byor yang dag mdza' 'jug pa/ /ril po 'dzin pa zhes bshad do/ /zhes bya bas gsungs te/ lte ba chos kyi 'khor lo rtsibs brgyad pa la yi ger bkod nas chos thams cad bdag med pa'i blos de las spros te de'i steng du song nas mgo bo nas brtsams te/ rkang pa'i bar du bsregs nas slar snying kar sang ste yang de kho na nyid na byas nas rnal 'byor pa yang dag mdza' ste/ don dam pa la 'jug pa'i de ni ril por 'dzin pa'i ting nge 'dzin yin par brjod par bya'o/ /cha drug pa'i gong du mi dmigs par 'dzin na ril por 'dzin pa'o/ /bshad do zhes bya ba 'dis ni lung tshad yin par bstan te/ zhes bya ba ni mthar thug pa'o/ /rgyu ba dang ni mi rgyu nyid/ /dngos po 'od gsal bar bya ste/ /phyi nas de bzhin bdag nyid bya/ /de ni rjes gzhig rim pa yin/ /rim pa 'di nyid kyis ba spu'i bu ga'i gseb thams cad nas byung ba'i 'od zer gyi 'khor los sgyur ba'i bdag gi 'gro ba snang ba med par bya ste/ de bzhin du bdag nyid kyang snang ba
- 138b
med par bya'o/ /zhes bya ba 'di ni rdul bzhin rdul phra rab re re phye nas 'gro ba mi dmigs pa'i phyir rjes su gzhig pa zhes bya ste mthar thug pa'o/ /'dir dpe gnyis te/ ji ltar chu bo 'am lteng ka'i chu ni dri med dag la zla ba gnas pa ltar de bzhin rim pa 'di yis rjes gzhig ces bya ba rnal 'byor pas rtag tu bsam/ me long la ni rlung dag rim gyis zad par 'gyur ba bzhin duAng blta bar bya ste/ ril por 'dzin pa la ni bya ba'i rim pa 'di ni de bzhin yang dag brtag ces bya ba bzhin no/ /'od gsal ba la yang dang yang du goms par bya ba'i phyir/ dbugs kyi rlung ni me long la/ /ji ltar kun du thim 'gyur ba/ /de bzhin rnal 'byor yang dag mdza' / /yang dang yang du 'jug par bya/ /zhes bya bas gsungs te/ ji ltar me long dri ma med pa la dbugs kyi rlung ste kha'i rlung bzhag pa na skad cig nyid kyis thim zhing zhi bar 'gyur ba de bzhin du rnal 'byor pas skad cig re re zhing yang dag mdza' ste 'od gsal ba la 'jug par bya'o/ /zhes bya ba ni goms bar bstan par bya ba nyid du bstan pa yin no/ / gzhan du na glog bzhin du shin du g.yo ba'i don dam pa'i skad cig la gnas par mi 'gyur ro/ /zhes bya ba ni mthar thug pa'o/ /spyod lam thams cad du 'od gsal ba la 'jug pa ni/ 'gro dang 'dug dang nyal dang za/ /mig 'byed 'dzum dang gong pa dang/ /bsam gtan sbyor ba 'di yis ni/ /de nyid rig pa rtag tu gnas shes bya bas gsungs te/ 'gro ba la sogs pa rnams ni spyod lam rnams pa bzhi 'o/ /za ba la sogs pa rnams kyis ni dbang po'i bya ba rnams nye bar mtshon par bya ste/ de na las thams cad la 'jug pa na rnal 'byor pa ting nge 'dzin 'di nyid la brten par byed do/ /de nyid reg pa zhes bya ba ni don dam pa ji lta ba bzhin du mngon par shes pa'o/ /rtag tu zhes bya ba ni nyin dang mtshan du'o zhes bya ba ni mthar thug pa'o/ /'od gsal
- 139a
pa zhugs pa'i sems can gyi don ni/ brgya la sems can don byed na/ /de dang de mthun 'od zer dang/ /rnam shes rlung dang ldan pa ni/ /bdag byin gyis brlabs pa'i rim pas bya/ /zhes bya bas gsungs te/ gang gi tshe rnal 'byor bas sems can gyi don bya bar 'dod pa de'i tshe de bzhin gshegs pa lnga'i rigs kyi gtso bor byas pa'i sgo nas de dang de mthun pa'i 'od zer spros la rnam shes rlung dang ldan pa ste yid kyi rang bzhin gyi lha'i sku rnam grangs gzhan yang bdag byin gyis brlabs pa'i rim pa'i zhes bya ba gang yin pa des gzhan 'ja' mtshon lta bu'i skur bskyed nas sku ste sku de dang 'od zer gyis sbyor bas bshad pa dang/ smin pa la sogs pa'i rnam pas 'gro ba'i don bya'o/ /zhes bya ba ni sbas pa'o/ / 'od gsal ba ni thams cad 'byung ba'i rgyu nyid yin par/ ji ltar dang ba'i chu rlung las/ /nya dag myur bar 'phar ba ltar/ /de bzhin thams cad stong gsal las/ /sgyu 'phrul dra ba 'byung bar 'gyur/ /zhes bya ba gsungs te/ ji ltar dang zhing 'dam gyi nyes pa'i rnyog pa med pa'i chu rlung ste chu bo'i chu las glo bur du zas don du gnyer ba'i nya de nya rnams myur du skad cig tsam gyis 'phar zhing 'byung ste chu na spyod pa nyid yin pas de'i nang du myur du 'gro bar nus pa nyid yin ba'i phyir ro/ /de kho na bzhin du thams cad stong pa ste/ 'od gsal ba'i de kho nyid 'dod chags la sogs pa nyon mongs pa'i 'dam gyi dri ma dang bral zhing gsal ba las sgyu ma'i rang bzhin gyis lha'i sku 'di 'gro ba'i don bya ba'i phyir/ skad cig gis 'byung zhing skye ba 'am 'gro bar 'gyur ro/ /dra ba ste 'khor ba'i 'khor lo ma lus pa yang de kho nas 'byung ba nyid yin no/ /rnal 'byor pa dang po so so'i skye bo dag la yongs su shes pa dang yongs su ma shes pas byas ba dang rang dbang can dang dbang can
- 139b
ma yin pas byas pa'i khyad par yod par shes par bya'o/ /de nyid bcings pa dang thar par rnam par bzhag pa yin te/ kun nas nyon mongs pa dang rnam par byang ba'i dngos po rnams kyi rgyu ni gcig pa nyid yin zhing de nyid du thim par yang 'gyur ro/ / zhes bya ba de ni rim pa gsum par bshad zin pas 'dir mi spro ste sbas pa'o/ /de las byung ba'i sku'i rang bzhin ni/ rigs lnga'i sangs rgyas la bltos pa'o/ /phyag rgya chen por brtag pa ni/ /'od zer lnga ni 'byung ba ste/ /nam mkha' 'ja' tshon mtshungs pa yin/ /zhes bya bas gsungs te/ rnal 'byor pas 'od gsal ba de las sku spros pas gang yin pa de ni phyag rgya chen po'o/ /de'i rnam pa thams cad kyi mchog dang ldan pa'i phyag dang zhal dang sku mdog dang dbyibs dang ldan pa nyid yin pa'i phyir phyag rgya yang yin la 'od gsal ba las 'byung ba nyid yin pa'i phyir chen po yang yin pas phyag rgya chen po'o/ /brtag pa ni shes par bya'o/ /ji lta bu zhig ce na mos pa'i bye brag gis sgo nas sems can rnams rjes su bzung ba'i don du 'am zhi ba la sogs pa'i don du rigs lnga'i sangs rgyas la bltos pa ste/ rigs lnga'i de bzhin gshegs pa'i rang bzhin no/ /de nyid kyi phyir 'od zer lnga 'byung ba na zhes bya ba 'od zer kha dog sna lnga pa'i 'od zer rim pa 'am cig car du 'byung ba'i rgyur gyur pa yin no/ /bskyed pa'i rim pa'i rnal 'byor las khyad par du gsungs pa ni/ ji ltar nam mkha' ste nam mkha' i 'ja' tshon 'od zer kha dog sna lnga pa'i tshogs 'phro bar byed pa snang ba de bzhin du de yang yod pa yang ma yin med pa yang ma yin no/ /zhes sgyu ma bzhin shes par bya'o/ /zhes bya ba'i don te sbas pa'o/ /sku bskyed nas phyag rgya bcing ba la sogs pa ni/ de kho na nyid la gnas pa kho nas bya ba yin no/ /mnyam du thugs la bzhag nas/ phyag rgya 'ching bar byed pa 'am/ gal te gsang sngags bzlos
- 140a
pa 'am/ /gzhan dag thams cad byed pa na/ /thams cad stong pa'i gzhi la gnas/ /zhes bya bas gsungs te/ phyag rgya'i bcings pa ste phyi rol gyi lag pa'i phyag rgya la sogs pa 'am/ nang gi dgug pa la sogs pa'am las kyi phyag rgya la sogs pa dang snyoms par 'jug pa'i mtshan nyid kyi byed pa'am gal te gsang sngags dag gi bzlas pa'i sgo nas gsal ba 'am/ rdo rje bzlas pa'i sgo nas mi gsal bar bzlos shing 'don pa 'am de bzhin du gzhan gyi dkyil 'khor dang ting nge 'dzin dang phyag rgya dang sngags dang bya ba dang gnas thabs dang bzlas pa dang sbyin sreg la sogs pa byed pa gang ji snyed pa de thams cad ni thams cad stong pa'i gzhi ste/ 'od gsal ba'i gnas la gnas shing 'dug pas bya'o/ /de lta na ni de'i de dag 'bras bu dang bcas bar 'gyur ba dang/ bsod nams dang ye shes kyi tshogs su 'gyur ba yin no/ /gzhan du bskyed pa'i rim pa'i rnal 'byor pa dang mtshungs par bsod nams kyi tshogs tsam du 'gyur ba'i phyir ro/ /zhes bya ba ni mthar thug pa'o/ /bya ba thams cad la de kho na nyid du gnas pa ni thams cad za dang thams cad 'thung/ /kun la phyag byed kun tu 'gro/ thams cad byed dang mtshan ma kun/ /thams cad stong pas 'grub par 'gyur zhes bya bas gsungs te/ rdzogs pa'i rim pa'i rnal 'byor ba gang yin pa des thams cad stong pa de kho na nyid bzhi pa la brten nas/ 'grub pa 'am 'grub par 'gyur ba 'am 'grub 'gyur ro/ /de ji lta bu zhig ce na/ thams cad za zhes bya ba ni dus thams cad du yul thams cad dang/ phyogs thams cad na 'gal ba 'am mi 'gal ba thams cad za ba na nyes par mi 'gyur ro/ /de bzhin du thams cad mthung na yang nyes par mi 'gyur ro/ /kun la ste byis
- 140b
pa dang so so'i skye bo rnams sam 'phags pa rnams la phyag byed pa na nyes par mi 'gyur ro/ /de kho na bzhin du gal te 'gal ba dang mi 'gal ba'i yul la sogs pa thams cad la 'gro bas na kun tu 'gro ba yan pa de'i tshe yang nyes pa med de/ de kho na nyid shes pa yid la byed pa khyad par can gyis zin pa'i 'dod chags la sogs pa rnams ni/ bla na med pa'i 'bras bu thob par byed pa yin no/ /zhes bya ba'i don to/ /ji skad du rnal 'byor chen po'i rgyud dpal mchog dang po las 'dod chags zhe sdang gti mug ste/ gsum po 'di dag dug chen yin/ /dug nyid kyis ni brten byas nas/ /dug tu nye bar 'gro ba nyid/ /bdud rtsi nyid kyi brten byas nas/ /bdud rtsi nyid du 'gro bar 'gyur zhes gsungs pa dang/ mdo sde dkon mchog brtsegs pa las kyang 'od bsrungs 'di lta ste bu ram gyi zhing dang/ 'bras kyi zhing dang ldum ra rnams la lud kyi phung po phan par byed par 'gyur ba yin de bzhin du byang chub sems dpa' la nyon mongs pa phan par 'gyur ba yin no/ /'od bsrungs 'di lta ste sngags dang sman gyis zin pa'i dug gi gsod par byed pa ma yin te/ de bzhin du thabs dang shes rab dang ldan pa'i byang chub sems dpa' ni nyon mongs pa rnams kyis ltung bar mi 'gyur ro/ /zhes gsungs pa dang/ de dag nyid kyi don yod par grub pa'i rgyud las gang gis rmongs par 'gyur ba dang/ de yis mkhas pa grol 'gyur te/ /de ltar byang chub bsgoms pa yis/ /'di dag ma lus bzlog pa yin zhes gsungs pa dang/ gzhan las kyang/ las ni drag po gang gang gis/ /skye ba rnams ni 'ching 'gyur ba/ / thabs dang bcas na de nyid kyis/ /srid pa 'ching ba las grol bar 'gyur/ zhes bya ba la sogs pa gsungs te/ mthar thug pa'o/ /da ni man ngag thob pa'i slob ma yis/ phyir mi ldog pa'i don du bcom ldan 'das kyis gsungs pa'i byang chub kyi sems
- 141a
kyi sngags bla mas byin pa gdon pa'i phyir de la mchod par bya'o snyam du thugs la bzhag nas skal bzang slor ma bzang po man ngag thob/ thal mo sbyar nas me tog 'dzin pa yis/ /byang chub sems sngags don dam zhes bya ba/ /bla ma la ni slar yang blang bar bya/ /zhes bya bas gsungs te/ man ngag thob pas bya ba ni mngon par byang chub pa'i rim pa thob pa'o/ /skal bzang zhes bya ba ni de kho na nyid mngon du byas pa'i phyir de bzhin gshegs pa lnga'i rang bzhin gyi sku 'dzin pa ste/ de skad du yang dpal sangs rgyas thams cad mnyam par sbyor ba'i rgyud las/ kun tu sna tshogs skal bzang las/ /rang bdag sgrub pa skal bzang yin/ /chos la bdag med dang ldan zhing/ /dam tshig sdang ba skal ngan yin/ /srid pa shin tu sgrub pa'i phyir/ /sangs rgyas bcom ldan 'das bzang yin/ /shin tu mya ngan 'das pa yi/ /'jig rten nyan thos skal ngan yin/ /rtog pa thams cad bsgrub pa'i phyir/ /phyag na rdo rje skal bzang yin/ /stong nyid shin tu sbyor ba yi/ /rang rgyal rnams ni skal ngan yin/ /'dod chags thams cad sbyong ba'i phyir/ /spyan ras gzigs dbang skal bzang ste/ /log par lta ba dang ldan pa'i/ /'jig rten mu stegs skal ngan yin/ /don dam mchog ni sdud pa'i phyir/ /rdo rje nyi ma skal bzang ste/ /rang gi lus la'ang chags med pa'i/ /dka' thub can kun skal ngan yin/ /rgyal srid mchog tu sdud pa'i phyir/ /dpal ldan rta mchog skal bzang ste/ /bdag gi med cing 'dzin med pa'i/ /sdom brtson thams cad skal ngan yin/ /bde kun bdag nyid bsgrub pa'i phyir/ /slob dpon thams cad skal bzang yin/ /ltas ngan dam tshig la sdang ba'i/ /slob ma thams cad skal ngan yin/ /de nyid gsang ba 'di yis ni/ /rnam par shes pa don gsal 'gyur/ /zhes bya ba
- 141b
la sogs pa gsungs so/ /de nyid kyi phyir rin po che lta bu'i gang zag nyid yin pas slob ma bzang po ste khyad par can no/ /thal mo sbyar zhes bya ba ni spyi bor lag pa'i thal mo sbyar ba'o/ /gang gi lag pa na me tog ste me tog gi phreng ba rnams 'dzin pa ste bla ma'i zhal sta nas/ byang chub kyi sems ston par byed pa nyid yin pa'i phyir byang chub kyi sngags zhes bya ba ni brjod pa'o/ /brjod par bya ba'i gtso bo don dam pa mchod pa'i phyir ro/ /zhes bya ba'i tha tshig go /nyid yin pa'i phyir don dam pa zhes bya ba ni brjod par bya ba'o/ /de bla ma ste rdo rje slob dpon gyi zhal pad+ma las blang zhing gzung bar bya ste/ sgra ji bzhin pa'o/ /da ni byang chub kyi sems kyi sngags/ oM dngos po kun dang rnam bral zhing/ /phung po khams dang skye mched dang/ /gzung dang 'dzin pa rnam spangs pa/ /chos kun bdag med mnyam nyid las/ rang sems gzod nas mi skyes pa/ /stong pa nyid kyi rang bzhin no/ /zhes bya bas gsungs pa/ 'di'i don ni 'di yin te/ re zhig dngos po kun ni bdag dang skyes bu dang/ gang zag dang/ dbang phyug dang/ srog dang/ dus dang/ nges pa dang/ rang bzhin dang/ bza' dang/ las dang/ lha dang skal ba dang/ bsod nams te/ gzhan dag gis brtags pa gang dag yin pa'o/ /de la bdag ces bya ba ni rnam par dpyad na phung po la sogs pa la sogs pa logs shig tu mi dmigs te/ tshad ma med pa dang 'jig tshogs la blta ba'o/ /ri bo mtho ba nyi shu las byung ba'i bdag la rnam par dpyad na/ yod pa ma yin pa nyid kyi phyir ro/ /rgyu dang 'bras bu ma yin pa'i skyes bu yang yod pa ma yin te/ gtan med pa'i phyir ri bong gi rwa bzhin no/ /gang zhig rgyu ma yin zhing 'bras bu ma yin pa zhes bya ba de lta bu'i dngos po ni dmigs par mi 'gyur ro/ /gang zag kyang brtag pa yang yin la yang skye bar 'gyur ro/ /zhes bya ba ni 'gal ba yin no/ /dbang phyug kyang byed pa po'i nus pa dang ldan pa yang yin zhing/ rtag pa yang yin par rigs pa ma yin te/ byed pa po nyid yin pas 'bras bu 'byung ba na rgyu
- 142a
'gag par mthong ba'i phyir ro/ /de bas na rtags pa ma yin par 'gyur ro/ /srog ces bya ba khyab par byed pa'i rang bzhin yin par rigs pa ma yin te/ rnam par shes pa dang dbang po dang tshe 'gag pa'i phyir ro/ /dus ni skad cig gzhan dang gzhan gyi bdag nyid yin pa'i phyir rang nyid yod pa ma yin pas 'byung rnams dus kyis smin par byed pa dang/ skyed par byed pa yin no/ /zhes ci'i phyir brjod par bya/ nges pa zhes bya ba ni 'chi ba ste/ de ji ltar 'dod pa bzhin du 'byung ba rnams skyed bar byed pa dang/ sdud par byed pa yin no zhes bya ba yang 'thad pa ma yin te/ de rgyu yin na de'i brtag pa nyid nyams par 'gyur ba'i phyir ro/ /rang bzhin du smra ba la dngos po rnam pa sna tshogs pa yin par mi 'thad de rang bzhin ni gcig pu yin pa dang/ thams cad cig car skye ba dang 'jig par mthong bar 'gyur ba'i phyir ro/ /las dang smra ba po la yang rmongs pa rnams kyis brtags pa'i dbang du byas nas bzhag pa yin gyis don dam par ni las yod pa ma yin te/ de ni sems dang 'bral ba nyid dang/ skad cig pa nyid yin pa'i phyir las kyi nus pa yod par ga la 'gyur/ de bzhin du yang las ni byed pa po la bltos pa yin te/ byed pa po dang las logs shig na las med cing/ las logs shig na yang byed pa po med pa de la de dag phan tshun bltos pa nyid yin pa'i phyir gnyi ga ma grub pa yin no/ /gal te thams cad lha yi byed do zhe na/ thams cad bzang ba 'am ngan par ci'i phyir mi phyed/ gal te rnam pa sna tshogs pa byed pa'i nus pa yod do zhe na/ 'o na ni nus pa kho na byed pa po yin gyi lha ni ma yin te de dag gi 'brel pa ni sngar bsal zin pa kho na'o/ /de'i rnam grangs kyi skal ba dang bsod nams dag kyang snga ma bzhin du shes par bya ste/ de lta bu la sogs pa tshad mas gnod par 'gyur ba'i dngos po kun dang rnam par
- 142b
bral zhing spangs pa yin no/ /nyan thos rnams gal te de lta yin du zin kyang 'gro ba'i phung po la sogs pa'i rang bzhin yin te/ bcom ldan 'das kyis kyang rab 'byor thams cad ces bya ba ni phung po lnga dang skye mchod bcu gnyis dang khams bco brgyad yin no/ /zhes gsungs so/ /zhes zer na de yang 'thad pa ma yin te/ rnam par rig pa kho na de rnams kyis rnam par snang ba yin te/ don dam par ni phyi rol gyi don med pa'i phyir ro/ /de bzhin du yang gang gsal ba de ni yod pa ma yin la/ gang mi gsal ba de ni med pa yin te/ gzugs la sogs pa rnams kyang rang nyid gsal ba med pa'i phyis med pa nyid yin no/ /ngo bo gang gis gsal ba ni rnam par rig pa yin pa'i phyir 'gro ba ni de'i rang bzhin can kho na yin no/ /gal te phyi rol gyi don bden pa'i dngos po mod na/ bud med shi ba'i ro gcig la blo'i snang ba tha dad par mi 'gyur te/ bud med lus ni gcig po la/ /ro dang 'dod bya bza' ba shes/ /kun rgyu 'dod can khyi rnams kyis/ /rnam par rtog pa rnam gsum mo/ /de'i phyir phung po la sogs pa rnams ni yod pa ma yin te/ bcom ldan 'das kyi nyan thos rnams bzhugs pa'i don du gsungs so/ /de bas na phung po khams dang skye mched spangs shing de dang bral ba yin no/ /rnal 'byor spyod pa pa rnams gal te/ da lta yin du chug kyang rgyu ba thams cad snang ba'i rnam par rig pa 'ba' zhig kho na yod pa yin zhing/ thams cad de'i rang bzhin can no/ /zhes zer na de yang 'thad pa ma yin te/ rnam par rig pa zhes pa ci zhig yin par brjod par bya/ rnam par shes par byed pas na rnam par rig pa yin no zhe na/ ci zhig shes par byed/ rang gi rnam pa kho na bzung ba'i don no zhe na/ de'i phyir gcig dang du ma dang bral bas de med pa ni 'dzin pa yang med pa yin no/ /gzhan yang don 'das pa 'am ma 'ongs pa 'am da ltar 'byung ba zhig gis rnam par rig pa bskyed grang na re zhig 'das pa ni
- 143a
ma yin te/ de ni zhig zin pa nyid yin pa'i phyir ro/ /ma 'ongs pa yang ma yin te/ ma thob pas ni snang ba'i phyir ro/ /da ltar byung pas kyang skyed par nus pa ma yin te/ skad cig ma nyid dang gnyi ga'i cha yis zin pa nyid yin pa'i phyir ro/ /skyed par nus pa yin du chug na yang cig car skyed par byed dam 'on te rim gyis yin/ rim gyis bskyed na na don skad cig ma nyid yin pa'i phyir zhig pa na rnam par rig pa ji ltar brten nas skye bar 'gyur/ cig car skye ma ni gang zhig gang dang 'brel pa yin/ rnam par rig pa ci'i phyir don skyed par mi byed de/ de'i phyir gzung ba dang 'dzin pa spangs pa yin no/ /gal te de lta yin na byang chub kyi sems de ji lta bu zhig ce na gsungs pa phung po la sogs pa'i chos kun gyi bdag med pa ni bdag yod pa ma yin pa gang yin pa'o/ /de dang mnyam pa ni thams cad la khyab pa ste de yis so/ /sems dang sems las byung ba dang/ ma rig pa'i ngo bo'i rnam par shes pa gsum gyi rang bzhin rang gi sems gzod ma nas ma skyes pa ni rang bzhin med pa ste/ skye ba dang 'jig pa dang gnas pa spangs shing rtag pa dang chad par lta ba dang bral ba yin no/ /de'i phyir stong pa nyid de thams cad stong pa yin zhing de kho na nyid bzhi pa yin te/ de'i rang bzhin gyi byang chub kyi sems bdag gis bsgom par bya'o/ /zhes bya ba ni tshig lhag ma'o/ /slob mas byang chub kyi sems kyi sngags de brjod nas slob dpon gyi zhabs kyi rtsar snyim pas me tog dbul bar bya ste mthar thug pa'o/ /de'i rjes la yul dbul bar bya'o snyam du thugs bzhag nas/ de nas rjes su mthun pa'i yon/ bla ma la ni dbul bya ste/ /rin chen khyim dang glang po dang/ /yul dang rta dang mal stan bcas zhes bya bas gsungs te/ de'i rjes la rjes su mthun pa ste/ rang gi nus pa dang mthun pa'i yon rin po che la sogs
- 143b
pa'i rin po che sna bdun bla ma la dbul bar bya'o/ /zhes bya ba ni sbyin pa'i de bzhin du bran dang bran mo chung ma sdug /bu mo shin tu gces pa dang/ /bdag nyid kyang ni dbul bya na/ /lhag ma gzhan lta smos ci dgos/ /bran la sogs pa rnams ni sbyin pa chen po'o/ /bdag nyid dbul ba ni/ khyad par can gyi sbyin pa yin pas lhag ma gzhan lta ci smos te/ dbul bar 'os pa ma yin pa gzhan ci zhig yod ces bya ba'i tha tshig ste/ sgra ji bzhin pa'o/ /de ltar man ngag thob pas de kho na nyid bsgom pa'i sgo nas 'bras bur gyur ba'i phyag rgya chen po'i dngos grub thob par bstan pa'i phyir/ slob dpon las ni drin thob dri med bstan pa blo ldan dngos kun rang bzhin can/ /gsal dag shin tu phra ba mchog gi rang bzhin sangs rgyas mya ngan 'das pa'i khams/ gnyis med rtog bral mchog tu bde ba'i rang bzhin de nyid bsgom pa'i rnal 'byor pa/ /bsod nams bsod nams ma ni grol rang nyid 'dir ni bcom ldan rdo rje sems dpar 'gyur/ /zhes bya bas gsungs te/ de kho na nyid bzhi pa'i man ngag ste de lta bu bsgom pa'i rnal 'byor pa gang yin pa de ni bsod nams ma yin pa'i rnam par rtog pa dang bral bar gyur nas/ bcom ldan rdo rje sems dpa' ste rdo rje 'chang chen por 'gyur zhing 'grub par 'gyur ro/ /rnal 'byor pa ji lta bu zhig ce na/ gang gi slob dpon las drin te bla ma'i zhal snga nas las lung thob pa de la de skad ces bya'o/ /de bzhin du rang bzhin gyi dri ma med pa'i 'dod chags la sogs pa'i nyon mongs pa'i 'dam dang bral ba'o/ /gang la brtan pa ste/ bsgom pa la shin tu brtan pa'i blo yod pa de la de skad ces bya'o/ /dngos kun ni brtan pa dang g.yo ba'i rang bzhin can te/ de rnams kyi rang bzhin ni don dam par yongs su shes pa'i phyir dngos kun rang bzhin can no/ /de kho na nyid ji lta bu zhe na/ gsal ba'i ste me long lta bu'i ye
- 144a
shes dag par byed pa'i rang bzhin no/ /dag pa ni mnyam pa nyid kyi ye shes dag par byed pa'i bdag nyid kyi yin na/ /shin tu phra ba ni so sor rtogs pa'i ye shes kyi rang bzhin no/ /mchog ni sems can gyi don bsgrub par nus pa yin zhing zhi ba'i rang bzhin no/ /rnam par mi rtog pa'i ye shes kyi rang bzhin yin te mchog tu zhi ba'i rang bzhin ni bya ba bsgrub pa'i ye shes kyi bdag nyid yin no/ /sangs rgyas te de bzhin gshegs pa rnams kyi mya ngan las 'das pa'i khams ni/ chos kyi dbyings shin tu rnam par dag pa'i ye shes kyi bdag nyid yin no/ /de bzhin du gnyis med de gnyis ni 'dod chags dang 'dod chags dang bral ba yin la de med pa'i phyir gnyis med de/ /brtags pa nyid yin pa'i phyir/ mchog tu dag pa ni rtog pa yin la/ de dang bral ba nyid yin pa'i phyir rtog pa dang bral ba'o/ /de nyid kyi phyir mchog tu bde ba ni lhan cig skyes pa'i dga' ba'i bde ba chen po yin zhing de'i rang bzhin de de'i ngo bo kho na nyid bsgom pa'i rnal 'byor pa gang yin pa de ni rdo rje sems dpar 'gyur/ /zhes bya ba ni ngag gi don te mthar thug pa'o/ /rim pa lnga'i bshad pa'i nor bu'i phreng ba las/ mngon par byang chub pa'i rim pa ste bzhi pa'o// //de nas zung du 'jug pa'i rim pa brtson pa na phyag 'tshal ba/ mgon po rgyu dang 'bras bdag nyid/ /gnyis pa thams cad rnams spangs la/ /phyag 'tshal nas ni zung 'jug pa'i/ /rim pa tha ma bdag gi bri/ zhes bya bas gsungs te/ mgon po ni de bzhin gshegs pa thams cad kyi mchog go/ rgyu ni byang chub tu sems bskyed pa'i dbye ba nyi shu rtsa gnyis yin zhing/ 'bras du yang dag par rdzogs pa'i byang chub ste de dag gi bdag nyid do/ /gnyis po thams cad de 'dod chags la sogs
- 144b
pa'i nyes pa rnams dang bral ba ni spangs pa'o/ /bcom ldan 'das de la phyag 'tshal nas zung du 'jug pa'i rim pa ste/ mi gnas pa'i mya ngan las 'das pa'i dbyings kyi rang bzhin gyi rim pa tha ma ste/ phyi ma dri zhing bshad/ sgra ji bzhin pa'o/ /yang na mgon po ni thams cad kyi mchog go /rgyu ni bskyed pa'i rim pas lha'i sku bsgom pa yin zhing/ 'bras bu ni rdo rje 'chang chen po'i go 'phang thob pa ste/ de dag gi bdag nyid ni de'i rang bzhin no/ /gnyis pa thams cad de phung po la sogs pa'i rnam par rtog pa'i spros pa thams cad dang bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni dgongs pa ma yin pa'o/ /mgon po ni bde ba chen po'o/ /'bras bu ni byang chub kyi sems so/ /de'i rgyu ni thabs dang shes rab snyoms par 'jug pa'o/ /de'i bdag nyid ni thabs des thob par bya ba'o/ /gnyis de dga' ba dang mchog dang bral ba thams cad dang bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni dgongs pas bshad pa'o/ / mgon po ni nyon mongs pa las rgyal ba'o/ /'bras bu ni mya ngan 'das ba'o/ /rgyu ni chos dang gang zag la bdag med pa'o/ /de'i bdag nyid ni de'i lam gnyis ston par mdzad pa'o/ /gnyis pa thams cad de chags pa zhe sdang la sogs pa dang bral zhing spangs pa la phyag 'tshal nas zung du 'jug pa'i rim pa bshad par bya'o/ /zhes bya ba ni drang ba'i don to/ /'bras bu ni dkyil 'khor bzhi ru cha shas dang chas kyi bye brag gis gnas pa'i yi ge hUM ngo/ /rgyu ni 'jug pa la sogs pa'i rim gyis de nyid kyi bzlas pa'o/ /de'i bdag nyid ni de'i 'dod pa'i bzlas pa'i rang bzhin no/ /mgon po ni rdo rje 'chang gi sa bon no/ /gnyis pa thams cad de oM dang gsung gi sa bon gyi yan lag rnam par spangs pa la phyag 'tshal nas rjes su dran nas zung du 'jug pa'i rim pa bri bar
- 145a
bya'o zhes bya ba ni nges pa'i don to/ /'bras bu ni srog ces bya ba'i rlung ngo/ /rgyu ni thur du sel ba'i rlung ngo/ /bdag nyid ni me dang rlung ste de rnams sdud par byed pa nyid yin pa'i phyir mgon po na 'od gsal ba'o/ /gnyis pa thams cad ni kha dog dmar po la sogs pa rnams te/ de dag dang bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni sgra ji bzhin pa ma yin pa'o/ /rgyu dang 'bras bu ni rgyu dang 'bras bu dag ste byed pa dang bya ba dag yin zhing pa ngang ma las byung ba'i 'gro ba'i rang bzhin gyi khams drug yin no/ /de gyur pa'i lus 'byung ba la gnyis pa thams cad de byed rgyu dang lhan cig 'byung ba dang skal pa mnyam pa dang mtshungs par ldan pa dang kun tu 'gro ba dang rnam par smin pa zhes bya ba'i rgyu'i bye brag yod de/ de rnams dag par byed pa nyid yin pa'i phyir mgon po ste/ de la phyag 'tshal nas zung du 'jug pa'i rim pa bri bar bya'o/ /zhes bya ba ni yi ge'i don to/ /yang na mgon po ni stong pa nyid do/ /rgyu dang 'bras bu'i bdag nyid rnam par thar pa'i sgo bzhi thob par bya'o/ /gnyis pa thams cad de gzung ba dang 'dzin pa'i rnam par rtog pa rnams spangs pa la phyag 'tshal te rjes su zhugs nas zung du 'jug pa'i rim pa bri bar bya'o// zhes bya ba ni spyi'i don to/ /rgyu ni de bzhin nyid dang zla ba dang rdo rje dang sa bon gyi rim pa'o/ /'bras bu ni lha'i sku bskyed pa'o/ /de'i bdag nyid kyi mgon po ni de bzhin gshegs pa lnga'i sku 'dzin pa'o/ /gnyis pa thams cad ni bdag dang gzhan du 'byed pa'i rnam par rtog pa ste/ de rnams bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni spyi'i don to/ /yang na rgyu ni ting nge 'dzin 'bras bu ni pad+ma ste de dag dang yang dag par sbyor ba'i sgo nas
- 145b
rnam par dag pa'i gnas thob par byed pa ni rgyu dang 'bras bu'i bdag nyid do/ /mgon po ni bde ba chen po'o/ /gnyis pa thams cad ni 'dod chags dang bral ba dang 'dod chags bar ma rnams so/ /de dag spangs pa'i lhan cig skyes pa la phyag 'tshal nas te/ rab tu zhugs nas zung du 'jug pa'i rim pa bri bar bya'o/ /zhes bya ba ni sbas pa'o/ /rgyu dang 'bras bu ni bdag byin gyis brlab pa dang/ 'od gsal ba'i rim pa dag sto de'i bdag nyid ni de dang tha mi dad pa'i rang bzhin no/ /mgon po ni sgyu ma lta bu'i ting nge 'dzin la snyoms par zhugs pa'o/ /gnyis pa thams cad ni sgyu ma la sogs pa'i sgyu ma'i dpe bcu gnyis kyi mi mthun pa'i phyogs dmigs pa'i rnam par rtog pa rnams yin la de dang bral zhing spangs nas te/ sgyu ma'i dpe dang ldan pa'i zhes bya ba'i tha tshig go /de la phyag 'tshal nas te gsal ba las spros nas zung du 'jug pa'i rim pa bri bar bya'o/ /zhes bya ba ni sbas pa'o/ /mgon po ni bzhi pa'o/ /rgyu ni rnam par shes pa gsum mo/ /'bras bu ni rang bzhin rnams te/ de dag dag par byed pa nyid yin pa'i phyir rgyu dang 'bras bu'i bdag nyid do/ /gnyis pa thams cad de stong pa dang shin tu stong pa dang stong pa chen po rnams spangs shing bor ba'i thams cad stong pa'i gzhi ste kho na nyid la phyag 'tshal nas te mngon du byas nas zung du 'jug pa'i rim pa bri bar bya'o/ /zhes bya ba ni sbas pa'o/ /mgon po ni man ngag bzhi pa'o/ /rgyu ni rjes su gzhig pa'i ting nge 'dzin no/ /'bras bu'i ril por 'dzin pa'i ting nge 'dzin te de dag gis thob pa'i bdag nyid ni/ dngos po thams cad kyi rang bzhin no/ /gnyis pa thams cad ni kun gzhi la sogs pa'i rnam par shes pa'i bag chags kyi tshogs rnams spangs shing rab tu gsal ba'i dga' ba'i rang bzhin de kho na nyid la phyag 'tshal nas te rang rig pa'i mngon sum gyis rtog
- 146a
par bya ba thob nas zung du 'jug pa'i rim pa bri bar bya'o/ /zhes bya ba ni mthar thug pa'o/ /rgyu ni kun rdzob kyi bden pa'o/ /'bras bu ni don dam pa'i bden pa ste/ de dag tha mi dad par byed pa'i phyir rgyu dang 'bras bu'i bdag nyid mi gnas pa'i mya ngan 'das pa'i dbyings kyi ngo bo nyid yin pa'i phyir mgon po'o/ /gnyis pa thams cad de rnams rnam pa dang bcas pa dang/ rnam pa med pa la sogs pa rnams dang gtsang ba dang mi gtsang ba la sogs pa rnams spangs shing bor ba la phyag 'tshal nas zung du 'jug pa'i bdag nyid kyis mi slob pa'i byang chub kyi ngo bo de thob nas zung du 'jug pa'i rim pa zhes bya ba las/ sa la sogs zung ni gnyis te kun rdzob dang don dam pa la sogs pa'i ngo bo yin zhing/ rim pa gang gis de dag 'jug pa ste 'ching zhing gcig tu byed pa dang tha mi dad par byed pa de ni zung du 'jug pa'i rim pa ste/ mi gnas pa'i mya ngan 'das pa'i dbyings kyi rang bzhin yin no/ /mi slob pa nyid dang 'di la phyi rol na bya ba gzhan med pa'i mdza' ma ste/ de dag gi bri bar bya zhing phreng bar rgyu par bya'o/ /zhes bya ba ni mthar thug pa'o/ /da ni de nyid kyi bye brag re re nas bshad par bya ste/ 'khor ba dang ni mya ngan 'das/ /rtog pa gnyis po spangs pa na/ /gang du dngos po gcig gyur pa/ /de ni zung 'jug ces byar bshad/ /de ni rim pa lnga pa'i spyi'i mtshan nyid yin no/ /de bzhin du rang gi sde ba dang gzhan gyi sde ba thams cad lta ba'i bye brag gi sgo nas 'khor ba dang mya ngan las 'das pa dag khas len to/ /de la grangs can pa rnams kyis ji ltar 'khor ba ni gsal ba dang mi gsal ba'i rang bzhin yin te/ gsal ba de ni de kho na nyid nyi shu rtsa gsum gyi rang bzhin yin la/ mi gsal ba ni yon tan gsum gyi bdag nyid do/ /de rnams kyi rnam par
- 146b
dbye ba yongs su ma shes pas nyi shu rtsa lnga pa'i skyes bu 'ching par 'gyur ro/ /zhes bya ba ni 'khor ba'o/ /de dag tha dad par 'gyur ba ni thar pa ste/ ji ltar kho na sems med pa/ /be'u bskyed phyir 'jug pa ltar/ /de bzhin skyes bu thar ba'i phyir// gtso bo rab tu 'jug pa'i yin/ /rig pa pa rnams kyis thar pa ni bdag gi yon tan dgu yongs su shes pa tsam gyis bdag gis dngos po bsam pa yongs su shes pa yin la/ de yongs su ma shes pa 'khor ba'o/ /zhi ba pa rnams kyi thar pa ni de kho na nyid sum cu rtsa drug bcad pa'i sgo nas yin zhing/ de yongs su ma bcad pa ni 'khor ba yin no/ /spyod pa pa rnams kyis ltar na/ bya ba'i phyogs la me'i mchod sbyin la sogs pa nyams su len pa med pas ni 'khor ba yin la de dag nyams su len pas ni thar pa yin no/ /ye shes kyi phyogs la ni/ me'i mchod sbyin la sogs pa nyams su len pa 'khor ba yin la/ rab tu zhi ba'i tshangs pa'i de kho na nyid la blta ba ni thar pa yin no/ /mchod 'os pa rnams kyis ltar na/ 'khor ba ni 'dod chags la sogs pa'i blo 'gyur ba yin la/ /thar pa ni dus gsum bar duAng dngos po thams cad 'gyur bar shes pas dag pa'i bdag gi de kho na nyid mthong ba'o/ /'jig rten rgyang pan pa rnams kyi ltar na med par lta ba can nyid yin pa'i phyir 'jig rten pha rol med pa'o/ / zhes bya ba ni bcings pa dang thar pa rnam par bzhag pa yin par 'dod de/ de rnams ni gzhan gyi bde ba rnams kyi 'khor ba dang mya ngan las 'das pa dag yin no/ /re zhig rang gi sde ba rnams kyi brjod par bya ste/ bye brag tu smra ba ltar na nyon mongs pa dang nye ba'i nyon mongs pa rnams khams dang rnam pa'i bye brag gi dbye ba'i sgo nas grangs dgu bcu rtsa brgyad yod pas khams gsum pa bcings pa ni 'khor ba yin la/ de rnams nyid mthong ba dang/ bsgom pa'i lam gyi sa'i rim pa rnam par sbyangs nas
- 147a
'gog pa'i snyoms par 'jug pa dang/ 'du shes med pa'i snyoms par 'jug pa dang/ nyan thos kyi byang chub thob pa ni mya ngan las 'das pa'o/ /mdo sde ba rnams kyi ltar na rjes su dpag pas grub pa nyid kyi phyir phyi? rol? gyi dngos po sems kyi rang gi ngo bor yongs su ma shes pa ni 'khor ba yin la/ de nyid sems kyi rang gi ngo bor yongs su shes pa ni mya ngan 'das pa'o/ /rnal 'byor spyod pa pa rnams kyi ltar na gcig dang du ma nyid du med pa'i phyir phyi rol gyi don med de/ de bas na gzung ba dang 'dzin pa'i rnam pa can gyi 'khrul pa ni 'khor ba'o/ /dri ma med cing mdza' yas pa nam mkha' lta bu chos kyi sku'i rang bzhin gyi rnam par rig pa 'ba' zhig kho na mya ngan las 'das pa'o/ /rnam pa med pa'i rnam par rig pa tsam du smra ba'i rnal 'byor spyod pa pa rnams kyi ltar na rnam pa dang bcas pa'i rnam par rig pa ni 'khor ba yin la/ gzugs brnyan bral ba'i rnam par rig pa tsam nyid ni mya ngan las 'das pa'o/ /dbu ma pa rnams kyi ltar na gzung ba dang 'dzin par brtag pa'i 'khrul ba tsam gyi rang bzhin gyi sems can dang snod kyi 'jig rten gyi rang gi ngo bo khams gsum pa 'di ni 'khor ba yin la/ stong pa nyid brgyad kyis rim gyis thob par bya ba'i thams cad stong pa nyid ni mya ngan las 'das pa yin no/ /bya ba la sogs pa'i rnal 'byor pa rnams kyi 'khor ba ni tha mal pa'i rang gi lus su mngon par zhen pa yin la mya ngan las 'das pa ni lha'i sku sgrub pa yin no/ /bskyed pa'i rim pa'i rnal 'byor pa rnams kyi 'khor ba ni lha'i sku bsgom pa yin la mya ngan las 'das pa ni ye shes kyi sku yongs su 'dzin pa'o/ /rdzogs pa'i rim pa'i rnal 'byor pa rnams kyi 'khor ba ni dmigs pa'i rnam par rtog pa gang ci yang rung ba de yin la/ mya ngan las 'das pa ni 'od
- 147b
gsal ba 'jug pa tsam yin no/ /de'i phyir 'dir bsdus pa ni dmigs pa'i bdag nyid can gyi rnam par rtog pa'i bye brag phra ba 'am rags pa gang rung ba de ni 'khor ba'i phyogs kho na yin no/ /de dag dang bral ba'i de kho na nyid sems kyi 'ga' ba nyid ni mya ngan las 'das pa yin no/ /zhes bya ba ni 'di yin no/ /'phags pa kaM pa la'i zhal snga nas kyis kyang 'dod chags la sogs dri bcas sems/ 'khor ba yin te des dben pa/ /mdor na thar pa yin par ni/ /rgyal ba sgrib pa spangs pas gsungs// zhes gsungs so/ /'khor ba dang mya ngan las 'das pa'i rnam par rtog pa de dag spangs shing bcom pas na ting nge 'dzin gang du dngos po gcig ste tha mi dad par 'gyur zhing/ 'grub pa de ni zung du 'jug pa ste mi gnas pa'i mya ngan las 'das pa'i ting nge 'dzin ces brjod par bya'o/ /de bzhin du yang 'od gsal ba'i ting nge 'dzin las mi g.yo ba nyid yin pa'i phyir 'khor ba las mi gnas pa yin pa la/ 'ja' tshon lta bu'i ye shes la sku 'dzin pas sems can thams cad kyi don bsgrub par nus pa yin pa'i phyir mya ngan las 'das pa la mi gnas pa yin no/ /zhes bya ba ni dngos su zung du 'jug pa'i rim pa'i don dang mthun pa'i ming bstan pa yin no/ /de ni spyi'i mtshan nyid yin te/ dgongs pa ma yin pa'o/ /khyad par gyi mtshan nyid ni kun nas nyon mongs rnam par byar/ /don dam nyid du shes nas ni/ /gang gi gcig pa nyid shes pa/ /de yi zung du 'jug pa shes/ /zhes bya bas gsungs te/ kun nas nyon mongs pa zhes bya ba ni sems dang sems las byung bas bsdus pa'i khams pa'o/ /rnam par byang ba ni de'i gnyen por gyur pa'i dge ba'i chos rnams so/ /de bzhin du yang sdug bsngal 'phags pa'i bden pa dang/ kun 'byung 'phags pa'i bden pa dang/ 'gog pa 'phags pa'i bden pa dang/ lam 'phags pa'i bden pa dang
- 148a
zhes bya ba 'phags pa'i bden pa bzhi ste/ rje btsun dkon mchog sgrol ma las/ /gnyis ni 'phags pa nyan thos rnams kyi bden pa dag yin la/ yang gnyis ni 'phags pa'i bden pa'o/ /zhes 'byung ba'i phyir/ de la 'phags pa rnams kyi bden pa gang dang gang yin zhe na/ sdug bsngal dang kun 'byung ste gang gi phyir de rnams ni 'khor ba spongs par 'dod pa'i 'phags pa'i gang zag rnams kyi rgyu dang 'bras bu'i dngos por bden pa nyid du brtag pa'i phyir ro/ /de dag gi gnyen por gyur pa'i 'gog pa dang/ lam dag ni 'dus ma byas nyid dang rang nyid nyon mongs pa dang bral ba nyid yin pa'i phyir 'phags pa yin zhing/ yang dag pa'i shes pa kun 'gro ba can nyid dang tshad mas 'thad pa nyid yin pa'i phyir bden pa'o/ /de ni rnam par byang ba ste/ kun nas nyon mongs pa khyad par du bya bar byed cing nyams par byed pas na rnam par byang ba yin zhing dge ba'i phyogs kyi bsdus pa'i lam mo/ /de'i phyir mthong ba dang sgom pa'i lam gyis rim pas khams gsum pa'i yul can gyis nyon mongs pa nye bar zhi bar 'gyur ro/ /pha rol tu phyin pa'i rnal 'byor pa rnams kyi ni skad cig bzhi bzhi dbye bas nges par 'byed pa'i cha dang mthun pa'i chos rnams khong du chud pas chos kyi sku'o/ /rtogs pa'i dus de srid du mi mthun pa'i phyogs dang gnyen po'i phyogs kyi rnam par rtog pa 'byung ngo/ /'od gsal ba'i de kho na nyid mngon du byas pa'i phyir ting nge 'dzin gang la mi mthun pa'i phyogs dang/ gnyen po'i phyogs su gyur pa'i kun nas nyon mongs pa dang rnam par byang ba'i rnam par rtogs pa de 'di yin no/ /snyam du snang ba med cing 'on kyang rnal 'byor pa gang gis gcig pa nyid du ste gnyis su med pa'i ngo bo nyid du shes shing rtog pa des ni zung du 'jug pa'i rim pa shes pa'o/ zhes bya ba'i don te dgongs
- 148b
pa ma yin pa'o/ /rnam par shes pa smra ba'i phyogs snga mar bskod pa'i sgo nas tha mi dad pa'i ting nge 'dzin/ dngos po rnams bcas kun rtog dang/ /rnam pa med pa'i rtog pa dang/ /gcig bcas spyod pa'i rnal 'byor pa/ /de ni zung du 'jug shes pa'o/ /zhes bya bas gsungs te/ rnam par rig pa tsam du smra ba tsam kha cig gi phyogs ni 'di yin no/ /'di lta ste/ bum pa dang snam bu la sogs pa dngos po phyi rol na snang ba gang ci yang rung ba de rnams ni rang gi ngo bos yod pa ma yin te/ rang gsal ba nyid yin pa'i phyir ro/ /dngos po gang dang gang rang gsal ba'i ngo bo de ni yod de rnam par rig pa bzhin no/ /gang zhig gzhan gyis gsal ba de ni yod pa ma yin te/ gzhan gyi dbang nyid yin pa'i phyir ro/ /gzhan la rag lus pa ni rnam par rig pa kho nas gsal bar bya ba nyid yin pa'i phyir ro/ /de bas na sngon po dang ser po la sogs pa'i rnam pa gang yin pa de rnams ni rnam par rig pa tsam la rag lus pa kho na ste/ me long du byung ba'i gzugs brnyan bzhin no/ /zhes bya ba de ni rnam par shes pa rnams dang bcas par smra ba rnams kyi dngos por kun tu rtog pa ste phyi rol gyi tshogs su snang ba'i rtog pa 'byung ba'o/ /rnam par rig pa tsam du smra ba gzhan dag ni 'di snyam du sems te/ dri ma med cing mdza' yas pa'i nam mkha' dang mtshungs pa/ kun nas nyon mongs pa dang rnam par byang ba thams cad spangs shing rnam pa med pa'i rnam par rig pa 'ba' zhig de la don las 'byung ba'am/ der snang ba'i rnam pa dag gos par rung ba yin te/ rang bzhin gyis dag pa nyid yin pa'i phyir nam mkha' bzhin no/ /blo bur ba'i dri ma rnams snang ba ni snang ba med pa kho na yin te/ bcom ldan 'das ma nyid yin pa'i phyir ro/ /snang ba lta bur nyams su myong ba gang ba de rnams ni sgyu ma dang zla ba gnyis la sogs
- 149a
pa bzhin du med pa yin pas na rnam pa med pa'i rnam par rig pa 'ba' zhig yin no/ /zhes bya ba ni rnal 'byor spyod pa pa rnams kyi rnam pa med pa nyid du rtog pa'o/ /de lta bu'i phyogs gnyis 'od gsal ba'i de kho na nyid khong du chud pas gcig tu byas nas te ro gcig tu byas nas/ spyod cing shes pa'i rnal 'byor pa yongs su grub pa'i de kho na nyid la gnas pa gang yin pa de ni zung du 'jug pa ste mi gnas pa'i mya ngan las 'das pa'i dbyings kyi rang bzhin gyi de kho na nyid shes pa ste mthong ba 'am thos pa yin no/ /zhes bya ba ni dgongs pa ma yin pa'o/ /dbu ma'i phyogs ni gzung ba dang 'dzin pa yis/ /blo rnams gnyis ni yod min gyi/ /gang du mi phyed yod gyur pa/ /de zung du 'jug par bshad ces bya bas gsungs te/ dbu ma pa rnams ni phyi rol gyi gzung ba gcig dang/ du ma dang bral ba'i phyir med par 'dod do/ /de'i phyir gzung ba med pas 'dzin pa yang med pa'i phyir 'dzin pa med ces zer ro/ /de ltar de rnams kyi ltar na blos te shes pa gzung ba dang 'dzin pa'i rang bzhin gyi rnam pa gnyis su gyur pa yod pa ma yin no/ /de bzhin du yang de rnams ni 'di skad du dngos po 'di dag thams cad rang bzhin med de/ gcig dang du ma dang bral ba'i phyir gzugs brnyan bzhin no/ /dngos po gang zhig gcig dang du ma nyid la sogs pa dang ldan pa ni gzhan gyis yongs su brtags pa'i de kho na nyid nyi shu rtsa lnga la sogs pa lta bu yin pa mi mthun pa'i phyogs dang tshad ma med pas kho na yin zhes sma ba/ /de ltar na dbu ma pa rnams la gnyis su snang ba med de de ni don dam pa 'ba' zhig gi phyogs yin pas de gsal ba'i phyir gsungs pa/ zung du 'jug pa'i bdag nyid kyi ting nge 'dzin gang du mi phyed pa ni gcig pa ste/ kun rdzob dang don dam pa dag gnyis su med pa'i dngos por yod rnal 'byor pa rnams kyis dmigs
- 149b
pa'i ting nge 'dzin de ni zung du 'jug pa'i zhes bya ba yin par bcom ldan 'das kyis gsungs so/ /zhes bya bas ni bcom ldan 'das kyi gsung tshad ma yin par bstan te/ dgongs pa ma yin pa'o/ /rgol ba thams cad kyi phyogs dgag pa'i phyir/ rtag dang chad pa'i blo dag ni/ /gang gis spangs nas rab gnas pa'i/ /zung 'jug rim pa shes bya ba/ /gang gi de shes mkhas pa yin/ /zhes bya bas gsungs te/ de bzhin du yang bdag du lta bas zin pa pha rol rgol ba gang du yang rung ba de thams cad ni 'khor ba'i dug gi ljon shing gi rgyur gyur pa rnam grangs gzhan ther zug nyid ces bya ba ni rtag pa'i phyogs kyi lam la gnas pa yin zhing/ de rnams ni 'khor ba'i zhags pa'i mdud pa las grol ba ma yin te/ thar pa'i lam yongs su mi shes pa'i phyir ro/ /bye brag tu smra ba la sogs pa kha cig rang gi phung po la sogs pa 'gag pa las/ til mar zad pas mar me shi ba bzhin du mar me lta bu'i mya ngan las 'das pa 'dod pa yin te/ de rnams ni sems can gyi don bya ba'i bde ba dang yid bde ba med pa'i phyir tshad ma gnyis las 'das shing/ tshad ma'i mtshan nyid nyid kyi thar pa 'dod pa yin no/ /de rnams kyang grol bar mi 'gyur te/ thar pa yongs su ma dag pa'i rang bzhin nyid yin pa'i phyir ro/ /'od gsal ba'i de kho na nyid khong du chud pa'i dbang gis/ dngos po thams cad ro gcig tu byas pa'i ting nge 'dzin gang la brtag pa dang tshad pa'i blo spangs shing/ mi gnas pa'i de lta bu'i zung du 'jug pa'i rim pa gang gis shes shing rig pa de ni mkhas pa ste/ dngos po ji lta ba bzhin du mthong ba'i rnal 'byor pa yin no/ /zhes brjod par bya'o/ /rgyal po rin po che'i phreng ba las kyang bdag gzhan phan pa yongs shes nas/ /rtag tu lus ngag yid kyi las/ /thams cad yongs su brtags nas su//
- 150a
byed pa de ni mkhas pa yin/ /bdag med yod par mi 'gyur zhing/ /bdag gi med cing yod mi 'gyur/ /zhes bya ba byas pa skrag par 'gyur/ mkhas pa srid pa zad par 'gyur/ /zhes bya ba la sogs pa gsungs te/ dgongs pa ma yin pa'o/ /de nyid ni shes rab snying rje gcig par ni/ /shes nas rab tu 'jug 'gyur ba/ /zung 'jug ces byar bshad pa ste/ /rim 'dis sangs rgyas spyod yul lo/ /zhes bya bas gsungs te/ de la shes rab ces bya ba ni thos pa las byung ba dang bsam pa las byung ba dang/ bsgom pa las byung ba zhes bya ba rnam pa gsum mo/ /de la thos pa la sogs pa las byung ba ni dmigs pa dang bcas pa yin la de'i rjes la thob pa ni dmigs pa med pa yin no// snying rje ni sems las dmigs pa dang/ chos la dmigs pa dang/ dmigs pa med pa zhes bya ba rnam pa gsum mo/ /gnyis ni dmigs pa dang bcas pa yin la/ mdza' ma ni dmigs pa med pa yin te/ de nyid snying rje chen po yin no/ / shes rab snying rje dag gcig par te tha dad pa med par shes shing rtogs nas rnal 'byor pa rab tu 'jug cing sems can gyi don byed pa de ni sangs rgyas spyod yul te/ de bzhin gshegs pa'i yul zung du 'jug pa'i rim pa zhes bya bar bshad do/ /zhes bya ba ni drang ba'i don to/ /yang na shes rab kyi ye shes kyi phyag rgya'o/ /snying rje ni dpal rdo rje 'chang ste/ phyag rgya chen po yin zhing de dag snyoms par 'jug pa'i gcig pa shes shing mngon du byas nas rnal 'byor pa gang zhig rab tu 'jug pa ste/ spros pa'i rim pas dkyil 'khor gyi 'khor lo mi 'dra ba gzhan dang gzhan sprul pa'i sgo nas/ 'gro ba'i don byed pa de ni zung du 'jug pa'i rim pa ste mi gnas pa'i mya ngan las 'das pa'i sangs rgyas kyis
- 150b
spyod yul sa bcu gnyis pa thob par bya ba yin no/ /zhes bshad par bya ste/ nges pa'i don to/ /yang na shes rab ni don dam pa'i byang chub kyi sems so/ /snying rje ni kun rdzob kyi byang chub kyi sems yin zhing/ de dag gcig par te/ rdo rje'i rtse mor 'dzin pa'i yan lag gis ro gcig par shes shing nyams su myong nas rnal 'byor pa gang zhig rab tu 'jug pa ste/ lhan cig skyes pa'i bde ba chen po'i de kho na nyid la gnas pa de ni/ sangs rgyas kyi spyod yul te/ rang rig pa'i mngon sum gyis tshad mas yang dag par khong du chud par bya ba'i rang gi ngo bo zung du 'jug pa zhes bshad par bya ste dgongs pa ma yin pa'o/ /yang na shes rab ni shes rab kyi pha rol tu phyin pa'o/ /snying rje ni pha rol tu phyin pa lnga ste/ de dag gcig pa ni 'khor gsum rnam par dag pa'i sgo nas bsgrub pas te/ de lta bu shes shing bsgrubs nas rnal 'byor pa gang zhig rab tu 'jug pa ste/ sbyin pa la sogs pa la rab tu 'jug par byed pa'i rnal 'byor pa des ni zung du 'jug pa'i rim pa ste gnyis su med pa'i rim pa mngon par shes shing sangs rgyas kyi spyod yul te de bzhin gshegs pa'i sa la gnas pa yin no/ /zhes bshad par bya'o/ /zhes bya ba ni spyi'i don to/ /da ni phyogs gzhan gyi sgo nas/ thabs dang shes rab snyoms par 'jug pas thabs dang rang bzhin shes nas ni/ /rnal 'byor chen po'i gang du gnas/ /de ni zung du 'jug par 'gyur/ /zhes bya bas gsungs te/ shes rab ni ye shes kyi rgyu'o/ /thabs ni rdo rje 'chang gi sku ste/ de dag snyoms par 'jug pa'i sbyong bas 'dod chags la sogs pa thams cad lhan cig skyes pa'i rang bzhin du shes shing rtogs nas rnal 'byor pa lhan cig skyes pa gang du gnas shing 'jug pa de ni zung du 'jug pa zhes bya bar brjod par bya ste/ drang ba'i don to/
- 151a
yang na shes rab ni sems rnam par dag pa'i rim pa'o/ /thabs ni bdag byin gyis brlabs pa'i rim pa ste/ de dag gi rgyu dang 'bras bu'i dngos por spro ba dang bsdu ba dag ni snyoms par 'jug pa'o/ /des khams gsum pa thams cad rang bzhin de bsdus nas shes shing sgyu ma'i dpe bcu gnyis dang mtshungs par nye bar rtogs nas rdzogs pa'i rim pa'i mngon par shes pa'i rnal 'byor pa chen po gang du ste/ rdo rje lta bu'i ting nge 'dzin gang du gnas pa de ni zung du 'jug pa'i rim pa zhes bya ba'i de kho na nyid yin par brjod par bya'o/ /zhes bya ba ni nges pa'i don to/ /nyan thos phyogs snga mar bzhag pa'i sgo nas/ gang du phung po lhag bcas dang/ /de bzhin phung po lhag med bcas/ /de lta'i rtog pa med gyur pa// de shes zung du 'jug pa'o/ /zhes bya bas gsungs te/ nyan thos kyi rnams kyi mya ngan las 'das pa ni rnam pa gnyis te/ phung po lhag ma dang bcas pa dang/ phung po lhag ma med pa'o/ /de nyon mongs pa dang nye ba'i nyon mongs pa'i bag chags kyis bcings pa'i phung po la sogs pa ni phung po ste/ de dang lhan cig gnas pa ni phung po lhag ma dang bcas pa'o/ /gang gi tshe mthong ba dang bsgom pa'i lam gyis nyon mongs pa spangs su zin kyang sngon gyi bag chags kyi dbang gis lus ma zad pa de'i tshe nyan thos kyi rigs can rnams grol yang ma grol snyam du sems so/ /gang gi tshe nyon mongs pa rnams zad cing phung po rnams nub pas de'i tshe til mar zad pas mar me bzhin du nub par gyur pa ni phung po lhag ma med ba'i mya ngan las 'das pa yin no/ /zhes brjod par bya'o/ /de'i phyir rnam par rtog pa de gnyis gang la med pa de ni zung du 'jug pa'i mtshan nyid kyi ting nge 'dzin yin par shes shing rtog par bya'o/ /zhes bya ba ni dgongs pa ma yin pa'o//
- 151b
phyogs de nyid gang du gang zag bdag med dang/ chos bdag med ces bya ba yi/ /rtogs pa yis ni dben gyur pa/ /zung du 'jug pa'i mtshan nyid do/ /zhes bya bas gsungs te/ bcom ldan 'das kyi phung po bstan pa'i sgo nas gang zag la bdag med pa dang/ rnam par rig pa tsam du bstan pa'i sgo nas phung po la sogs pa med pa'i chos la bdag med pa gsungs so/ /de yang bye brag tu smra ba pa dang/ rnal 'byor spyod pa pa rnams kyi phyogs gnyis te rnam par rtog pa de gnyis su snang ba ting nge 'dzin gang la med pa da ni zung du 'jug pa'i rim pa'i mtshan nyid yin zhing chos nyid yin no/ /zhes bya ba'i tha tshig ste spyi'i don to/ /yang na gang zag la bdag med pa zhes bya ba stong pa nyid la sogs pa'i rnam par thar pa'i bsgom pa'i lam gyis stong pa nyid kyi de kho na mngon du byed pa'o/ /chos la bdag med pas ni skur bsgrub pa lus dang ngag dang yid dag mi dmigs pa'i sgo nas lha'i 'khor lo'i dbus na gnas pa ste/ de'i bskyed pa'i rim pa'i rnal 'byor pa rnams kyi de kho na nyid dam pa yin no/ /rdzogs pa'i rim pa'i rnal 'byor pa'i ting nge 'dzin gang la rtogs pa de gnyis med pa ni mi slob pa nyid yin pa'i phyir zung du 'jug pa'i rim pa'i mtshan nyid yin zhing rang bzhin yin te/ spyi'i don to/ /rdzogs pa'i rim pa'i phyogs ni/ bdag byin brlab dang 'od gsal dang/ /de nyid rigs pas rim shes nas/ de dag 'dus pa gang yin pa/ /de ni zung 'jug rim pa yin/ /zhes bya bas gsungs te/ bdag byin gyis brlab pa las cig car lha'i rnam par spro ba ste/ kun rdzob kyi bden pa'i rang bzhin no/ /'od gsal ba zhes bya ba ni da yang de nyid du rim pa gnyis pa dang bzhi pa dag gis bzhugs pa'o/ /de dag rim te rjes su mthun pa dang mi mthun pa'i rgyu dang 'bras bur shes shing mngon du byas
- 152a
nas phyis rim pa lnga pas gnyis po de dag 'dus pa ste/ gcig tu gyur cing tha mi dad par byas pa gang yin pa de ni zung du 'jug pa'i rim pa zhes brjod do/ /zhes bya ba ni sbas pa'o/ /mngon par byang chub pa'i rim pa'i thabs kyis phyogs ni/ ril por 'dzin dang rjes gzhig gis/ /de bzhin nyid kyis gzhir 'jug dang/ /de la mnyam du ldang ba dang/ /de ni zung du 'jug pa yin/ /zhes bya bas gsungs so/ /mngon par byang chub pa'i rim pa ni rnal 'byor rnams kyi thabs ni gnyis te/ phyag rgya'i rim pa dang ting nge 'dzin gyi rim pa'o/ /de la ting nge 'dzin gyi rim pa ni rnam pa gnyis te/ ril por 'dzin pa dang rjes su gzhig pa'o/ /ril por 'dzin pa zhes bya ba ni mgo nas rkang pa'i bar dang/ de nas yang mgo bo'i bar du 'od zer gyi 'khor lo las rang bdag nyid snang ba med par bya'o/ /de'i 'og tu rjes gzhig ni rim pa de nyid kyis dang por khams gsum pa snang ba med par bya zhing de nas bdag nyid snang ba med par bya ba'o/ / zhes bya bas te/ de dag ni ril por 'dzin pa dang/ rjes su gzhig pa'i ting nge 'dzin ces bya'o/ /ting nge 'dzin de dag gis de bzhin nyid kyi gzhi ste thams cad stong pa nyid kyi rang bzhin gyis mngon par byang chub pa la 'jug cing rnal 'byor pa de'i bdag nyid du rjes su 'jug par bya ba dang/ de'i rjes la 'di ni don dam pa'i phyogs yin gyi kun rdzob ni ma yin no/ /zhes rmi lam bzhin du shes nas/ 'gro ba'i don bya ba'i phyir de las te 'od gsal ba de kho na nyid de las mnyam zhing dus mtshungs par skad cig gis ting nge 'dzin gnyis kyi rnam par rtog pa dang bral ba'i sems kyis cig car ldang ba ste/ sku spro ba gang yin pa de ni zung du 'jug pa ste ting nge 'dzin gnyis kyi rgyu las byung ba'i lha'i
- 152b
sku yin par brjod par bya'o/ /zhes bya ba ni tshig lhag ma ste mthar thug pa'o/ rim pa gzhan gyi sgo nas/ kun rdzob dang ni don dam dag /tha dad bye brag med shes nas/ /gang du yang dag 'dres gyur pa/ /de ni zung 'jug yin par brjod/ / ces bya bas gsungs te/ kun rdzob ces bya ba ni rnam par rtog pa can gyi shes pa la snang ba'i bum pa la sogs pa'i rnam par rtog pa'o/ /don dam ni lam khyad par can la brten nas gzung ba dang 'dzin pa'i rnam par rtog pa log pa gang yin pa ste/ ki pa la'i zhal snga nas kyis kyang/ rnam par rtog pa gzhan med pa'i/ /rnam rtog kun rdzob ces bya ste/ /rnam par rtog pa de nyid ni/ /log par byed pa'i kun rdzob yin/ /zhes gsungs so/ /de dag 'khor ba dang mya ngan las 'das pa'i bye brag gis tha dad par rnam par gnas pa yin mod kyi 'on kyang don dam par bye brag med par gnas so/ /kun rdzob las logs shig tu don dam pa ni de kho na'i chos nyid yin pa'i phyir ro/ /de yang don dam pa las tha dad pa ma yin te/ chos nyid las logs shig tu chos can mi dmigs pa'i phyir ro/ /byang chub kyi sems kyi 'grel pas kyang/ /bu ram gyis ni dngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa rang bzhin yin par 'dod/ /byas pa nyid dang mi rtag bzhin/ /med na mi 'byung nges pa yin/ zhes gsungs pa dang/ shes rab kyi pha rol tu phyin pa las kyang/ gzugs ni rang bzhin stong pa'o/ /gzugs nyid stong pa'o/ /stong pa nyid las kyang gzugs gzhan ma yin no/ / gzugs las kyang stong pa nyid gzhan ma yin no/ /zhes bya ba la sogs pa gsungs te/ de ltar kun rdzob dang don dam dag bye brag med par shes nas ting nge 'dzin gang du yang dag 'dres te gcig tu gyur cing tha dad pa med par gyur pa de
- 153a
ni zung 'jug pa zhes bya ba yin par brjod par bya ste spyi'i don to/ /yang na kun rdzob dang don dam pa dag ni bskyed pa dang rdzogs pa'i rim pa dag ste/ de dag bye brag med par shes nas ting nge 'dzin gang du rnal 'byor pas yang dag par 'dres par byed pa ni de'i zung du 'jug pa yin no/ /zhes brjod par bya'o/ /yang na kun rdzob kyi rdo rje bzlas pa la sogs pa'i rim pa bzhi ste/ 'di nyid las ji srid bsgom pa dang ldan pa/ /de srid dang ba'i las can yin// zhes gang gsungs pa'o/ /don dam pa ni rim pa lnga ste/ de dag bye brag med cing tha dad pa med par shes nas yang dag par 'dres par byed cing ro gcig par byed pa gang yin pa de ni zung du 'jug pa yin no zhes bya brjod par bya ste/ mthar thug pa'o/ /rdzogs pa'i rim pa'i sgo nas de bzhin nyid la dmigs pa dang/ gang du ldang ba nyid med pa/ /der ni zung du 'jug par 'gyur/ /rnal 'byor pa ni mi zad gnas/ /zhes bya ba gsungs te/ de bzhin nyid ni kun nas nyon mongs pa dang rnam par byang ba'i rnam par rtog pa'i nyes pa thams cad bral ba'i ting nge 'dzin gyi khyad par yin zhing/ /rnam grangs gzhan 'od gsal ba zhes bya'o/ /de la bzhugs su zin kyang de bzhin nyid la dmigs pa ste/ de 'di yin no zhe 'am bdag gi de kho na nyid thob bo snyam du so sor kun tu rtog pa'i 'dzin pa med pa dang/ de bzhin du sems can gyi don bya ba'i bdag byin gyis brlabs pa'i rim pas ldang ba ni spro bas te/ de la dmigs pa'i rnam par rtog pa mi bskyed pa ni rdzogs pa'i rim pa bsgrub par byed pa'i rnal 'byor pa rnams kyi mi zad cing zad pa med pa'i rdo rje 'chang chen po'i nyid mngon du byed pa'i gnas te/ de bzhin gshegs pa'i gnas yin no/ /zhes brjod par bya'o/ /zhes bya ba ni
- 153b
sbas pa dang mthar thug pa'o/ /de nyid ni gnyid log sad pa zhes bya ba'i/ /gnas skabs de nyid spangs pa'i phyir/ /gnyid log sad pa dang bral ba'i/ /ston pa zung du 'jug pa yin/ /zhes bya ba gsungs te/ gnyid log ces bya ba ni dngos po'i rang bzhin yongs su ma shes pas ma rig pa'i nyes pa'i mtshan mo'i dus su sems kyi gnyid log pa ste mi shes pa nyid do/ /sad pa ni mtshan mas yongs su spyad pa'i sgo nas dngos po'i rang rang gi ngo bo yongs su shes pa'o/ /gnas skabs de gnyis te sems kyi 'jug pa'i skad cig gis bye brag nyid spangs shing gsal ba'i phyir gnyid log sad pa dang bral ba ste/ shes pa dang mi shes pa spangs pa'i ston pa sangs rgyas ting nge 'dzin gang la gnas pa'i ting nge 'dzin de ni rnal 'byor pas zung du 'jug pa zhes bya ba yin par rig par bya'o/ /zhes bya ba ni spyi'i don to/ /yang na gnyid log ces bya ba ni rtsa bdun khri nyis stong gi nang du thim pa'i byang chub kyi sems so/ /sad pa zhes bya ba ni thabs dang shes rab snyoms par 'jug pa'i sgo nas de nyid de rnams nas 'dzags nas rdo rje'i rtse mor gnas pa'o/ /gnas skabs de lta bu gnyis spangs pa las gnyid log pa dang sad pa ste/ 'jug pa dang ldang ba dag spangs shing zung du 'jug pa'i rim pa la gnas shing ston pa thams cad mkhyen par 'gyur ro/ /zhes pa ni mthar thug pa'o/ /de nyid ni mnyam par gzhag dang ma gzhag pa/ /gang la rnam pa kun tu med/ /dngos dang dngos med rnams spangs pa'i/ /rnal 'byor ba ni zung 'jug nas/ /zhes bya bas gsungs te/ bskyed pa'i rim pa'i rnal 'byor pa'i mnyam par gzhag pa'i dang po'i sbyor ba la sogs pa'i rim gyis lha'i sku bsgrub pa'o/ /mnyam par ma bzhag pa ni de dag thams cad byas nas thun mtshams su spyod lam bzhis
- 154a
gnas pa'o/ /de bzhin du rdzogs pa'i rnal 'byor pa ni mnyam par bzhag pa ni/ rdo rje bzlas pa la sogs pa bsgom pa la mngon par dga' ba'o/ /mnyam par bzhag pa ni snang ba nyid kyis de las ldang ba'o/ / gnyis po de ting nge 'dzin gang la rnam pa kun tu gsum du yang med pa'o/ /rnal 'byor pa de ni dngos dang dngos min te ting nge 'dzin dang rnam par g.yeng ba dag rnam par spangs shing por nas zung du 'jug pa la gnas pa yin par shes par bya'o/ /zhes pa ni tshig lhag ma ste mthar thug pa'o/ /yang na mnyam par bzhag pa ni 'jug pa dang gnas pa'o/ /mnyam par ma bzhag pa ni 'byung ba'o/ /de rnams ni ting nge 'dzin gang la rnam pa kun tu ste/ rlung gi dus gsum char du yang med pa'i rnal 'byor pa de ni dngos dang dngos med de srog dang rtsol ba'i rlung dag gis 'byung ba dang 'jug pa'i sbyor ba spangs shing zung du 'jug pa la gnas pa yin par shes par bya'o/ /zhes bya ba ni dgongs pa ma yin pa'o/ / sems rnam par dag pa'i rim pa'i phyogs ni/ dran dang mi dran las grol zhing/ /rtag tu rgyun tu gnas pa ste/ /rnal 'byor pa ni 'don bzhin spyod/ /zung 'jug rim pa la gnas pa'o/ /zhes bya bas gsungs te/ dran pa ni thams cad stong pa nyid kyis 'od gsal ba khong du chud pa'o/ /mi dran pa zhes bya ba ni rnam par shes pa dang gsum dang rang bzhin rnams 'gags pas rnams mi rtog pa'i gnas thob pa ste/ de dag las grol ba ni spangs pa'o/ /de nyid kyi phyir rtag tu rgyun tu ste 'khor ba'i rgyun ji srid kyi bar du gnas pa ni sems can gyi don bya ba'i phyir sdod pas na rtag tu rgyun tu gnas pa'o/ /de lta bu ni rnal 'byor pa ni 'dod bzhin te/ rang dbang du spyod lam bzhi rten cing spyod pa'o/ /de ni zung du
- 154b
'jug pa'i rim pa la gnas pa yin par shes par bya'o/ /zhes bya ba ni sbas pa'o/ /bdag byin gyis brlabs pa dang/ mngon par byang chub pa'i rim pa dag ni/ chags dang chags min las grol zhing/ /mchog tu dga' ba'i lus dang ldan/ / zung 'jug rnam par sgom byed pa/ /'khor ba srid du gnas byed pa/ /zhes bya ba gsungs te/ chags pa ni dga' ba dang mchog tu dga' ba dag go /chags min ni dga' bral te/ rnam pa sna tshogs pa dang rnam par smin pa dang rnam par nyed pa'i rang bzhin can de dag las grol zhing spangs pa'o/ /de nyid kyi phyir mchog tu dga' ba ni mtshan nyid dang bral ba'i skad cig gis rang bzhin gyi lhan cig skyes pa'i bde ba yin zhing/ gang la de'i rang bzhin gyis lus te ngo bo yod pa de ni mchog tu dga' ba'i lus dang ldan pa'o/ /mchog ste khyad par du 'phags pa'i dga' ba ni lhan cig pa'i dga' ba yin zhing mchog tu dga' ba ni bzhi pa yin no/ /zhes brjod par bya'o/ /yang na mchog las pha rol gyi dga' ba ni mchog tu dga' ba zhes pas 'dzin pa'i tshig bsdu ba la lo ma'i rgyal po la sogs pa bzhin du bar gyi tshig mi mngon pas byas pa yin pas/ mchog tu dga' ba bzhi pa nyid yin par brjod par bya'o/ /yang nam mkha' 'gro zhes bya ba la sogs pa'i sgra bzhin du yan lag gi don bshad du med pa'i mchog tu dga' ba zhes bya ba'i sgra ni bsgrags pa'i phyir bzhi brjod par byed pa yin la sbyor bas grags pa'i sgra nyid yin pa'i phyir ni gnyis pa las 'dug pa nyes pa 'ga' yang med do/ /zhes bya ba ni mthar thug pa'o/ /dI rjes la sems can gyi don bya ba'i phyir de las skad cig gis langs te lha'i skur dmigs nas/ /'khor ba srid du ste 'khor ba'i mthar thug pa'o gnas par byed cing gang gi tshe dkyil 'khor gyi 'khor lo mi 'dra ba
- 155a
gzhan dang gzhan spro ba'i sgo nas gnas pa ste de'i tshe rnal 'byor pa de ni zung du 'jug pa'i rim pa gnas pa yin par shes par bya'o/ /zhes bya ba ni sbas pa'o/ /rang gi mtshan nyid kyi sgo nas rim pa lnga pa/ rgyu dang 'bras bu nyid dang ni/ /rang bzhin mi phyed byas nas su/ /rnal 'byor pa ni gang zhig gnas/ /de ni zung 'jug sangs rgyas gsungs/ /zhes bya bas gsungs te/ rgyu zhes bya ba ni kun gzhi rnam par shes pa dang 'brel pa'i bag chags kyi tshogs so/ /'bras bu zhes bya ba ni khu ba dang khrag gi thig le las byung ba'i lus so/ rgyu dang 'bras bu de dag mi phyed pa'i rang bzhin te/ yang mi skye ba'i chos can du byas nas/ rnal 'byor pa gang zhig gnas pa de ni zung du 'jug pa'i rim pa yin par sangs rgyas rnams kyis gsungs so/ /zhes bya ba ni sgra ji bzhin pa'o/ /yang na rgyu dang 'bras bu dag ni lhan cig skyes pa dang shes rab kyi pad+ma dag go /de dag mi phyed par byas nas rnal 'byor pa gnas pa gang yin pa de nyid rnal 'byor pa'i zung du 'jug pa'i rim pa yin par sangs rgyas rnams gsungs te/ drang ba'i don to/ /rgyu ni rdo rje bzlas pa la sogs pa'i rim pa bzhi'o/ /'bras bu ni rim pa lnga pa ste/ de rnams mi phyed par byas shing ro gcig par byas nas rnal 'byor pa gang zhig gnas pa de ni zung du 'jug pa'i rim pa yin par sangs rgyas rnams gsungs ngo/ /zhes bya ba ni nges pa'i don to/ /da ni rim pa gnyis kyi sgo nas bskyed pa'i rim pa 'di gcig dang/ rdzogs pa'i rim pa zhes bya ba/ gnyis po gang du gcig gyur pa/ /de ni zung du 'jug par gsungs zhes bya bas gsungs te thun mong gi bsnyen pa ni rdo rje bzhi po ste/ rim pa des lha'i rnam pa grub pa gang yin pa de ni bskyed pa'i rim pa'o/ /
- 155b
yan lag drug gi rnal 'byor dang/ rtsa'i rgyu ba'i rnal 'byor dang/ phra mo'i rnal 'byor dang thig le rnal 'byor dang/ thabs dang shes rab snyoms par 'jug pa'i dang/ de'i yan lag bsnyen pa la sogs pa rnams dang/ rdo rje bzlas pa la sogs pa'i rim pa lnga dang/ gzhan yang de lta bu dang/ rigs mthun pa spros pa med pa'i chos nyid kyi mtshan nyid can gyi bsgom pa'i lam ni rdzogs pa'i rim pa'o/ /rim pa de dag ting nge 'dzin gang du gcig ste/ tha dad pa'i blo med pa de nyid du gyur pa de ni zung du 'jug pa yin no/ /zhes bcom ldan 'das kyis gsungs so/ /de bzhin du yang ting nge 'dzin de la 'od gsal ba mngon du byed pa dang/ 'ja' tshon lta bu'i sku dang/ dkyil 'khor ba rnams te 'di yin no/ /zhes snang ba med de/ mi gnas pa'i mya ngan las 'das pa'i dbyings kyi rang bzhin nyid dang rnam par rtog pa'i dri ma thams cad nub pa yin pa'i phyir ro/ /'on kyang sems can thams cad kyi don sgrub pa po zhes bya ba ni dgongs pa ma yin pa'o/ /bskyed pa'i rim pa'i lha'i sku'i dbye ba gnyis kyi phyogs kyi sgo nas/ 'di ni yongs su dag pa'i lha/ /'di ni ma dag par gyur ces/ /rtog pa gang du gcig pa nyid/ /de ni zung du 'jug pa'o/ /zhes bya ba gsungs te/ bdag byin gyis brlab pa'i rim pas 'od gsal pa las skad cig gi sku bskyed pa ni yongs su dag pa'i lha'i sku ste/ ye shes kyi sku'o/ /zhes bya ba'i don to/ /zla ba dang rdo rje la sogs pa'i rim gyis dang po'i sbyor ba la sogs pa'i ting nge 'dzin gsum la brten nas sku 'byung ba gang yin pa de ni yongs su ma dag pa'i lha'i sku ste/ rnam par rtog pa spro ba mang ba'i phyir ro/ /de nyid kyi phyir sngags kyi sku zhes brjod par bya'o/ /sku de dag ting nge 'dzin gang du tha dad med par gyur pa de ni zung du 'jug pa yin no/ /zhes brjod par bya ste dgongs pa
- 156a
ma yin pa'o/ /rdzogs pa'i dbye ba gnyis ni/ gzugs can dang ni gzugs med ces/ /rtog pa gnyis pa spangs pa'i phyir/ /zhi ba'i rnal 'byor dbang po shes/ /de ni zung 'jug thob pa'o/ /zhes bya bas gsungs te/ de la re zhig gzugs can ni/ rnam par shes pa ma rtogs pa'i/ /phung po khams dang skye mched rnams so/ /gzugs med ni nam mkha' dang rnam par shes pa zhes bya ba gnyis so/ /de lta bu'i rnam par rtog pa gnyis ting ne 'dzin gang la snang ba med pa de nyid kyi phyir zhi ba ste rnam par rtog pa'i spros pa thams cad dang bral ba gang gi tshe rnal 'byor dbang po ste rdzogs pa'i rnal 'byor pas shes pa de'i tshe ni zung du 'jug pa'i rim pa thob pa yin no/ /zhes brjod par bya ste drang ba'i don to/ /yang na gzugs can ni 'od gsal ba las byung ba'i 'ja' tshon lta bu'i sku'o/ /gzugs med ni 'od gsal ba'i de kho na nyid do/ /de kho na nyid du snang ba de gnyis spangs pa'i rnal 'byor pa'i dbang po ni mi gnas pa'i dbyings kyi rang bzhin gyis zung du 'jug pa'i rim pa zhi ba thob pa yin no/ /zhes brjod par bya ste nges pa'i don to/ /rdzogs pa'i rnal 'byor pa'i 'bras bu ni/ de ltar gnas pa'i rnal 'byor pa/ /zung 'jug rim la gnas pa ste/ /de ni kun mkhyen de nyid mthong/ /sna tshogs 'dzin pa zhes brjod do/ /zhes bya bas gsungs te/ de ltar bshad ma thag pa'i ting nge 'dzin gyi rim pas gnas pa'i rnal 'byor pa gang yin pa de ni zung du 'jug pa'i rim pa la gnas shing mi gnas pa'i mya ngan las 'das pa'i dbyings thob pa yin par rig par bya'o/ /de nyid kyi phyir de ni kun mkhyen te dngos po thams cad kyi rang gi ngo mkhyen pa dang/ de nyid kho na ste/ thams cad stong pa'i
- 156b
bdag gi zung du 'jug pa de kho na nyid mthong bas de kho na nyid mthong ba dang/ de nyid kyi phyir khams gsum pa sna tshogs dkyil 'khor gyi 'khor lo mi 'dra ba gzhan dang gzhan spro ba'i sgo nas rdo rje 'chang gi go 'phang 'dzin par byed cing thob par byed pa yin pas na sna tshogs 'dzin pa yin no/ /des ni bdag dang gzhan gyi don phun sum tshogs pa dang de'i thabs phun sum tshogs pa bsal bas byas pa yin te/ dgongs pa ma yin pa'o/ /mi slob pa nyid ni/ sgyu 'phrul dra ba mngon sangs rgyas/ /'khor ba'i rgya mtsho pha rol son/ /bya ba byas pa'i rnal 'byor pa/ /bde ba gnyis ni tshul la gnas/ /zhes bya bas gsungs te/ bde ba gnyis kyi tshul te kun rdzob dang don dam pa tha dad pa med pa'i rang bzhin gyis zung du 'jug pa'i rim pa la gnas par gyur pa'i rnal 'byor pa de ni/ 'di lta bu'i rnam pa can yin no/ /ji lta bu zhe na/ sgyu 'phrul dra ba zhes bya ba ni nyon mongs pa dang nye ba'i nyon mongs pa'i bag chags kyis bskor ba'i 'khor ba'i 'khor lo ste/ der mngon par rdzogs par sangs rgyas par ni/ de'i rang gi ngo bo yongs su shes pas de kho na nyid rtogs pa yin no/ /de bzhin du 'khor ba ni sems dang sems las byung ba'i chos rnams te/ de dag nyid brgal par dka' ba nyid yin pa'i phyir rgya mtsho dang 'dra bas rgya mtsho yin la/ sngar bshad pa'i rim pa rnams dang 'di yis de'i pha rol tu phyin pa'i phyir phyi rol son pa'o/ de nyid kyi phyir mi slob pa'i lam la gnas pa nyid yin pas bya ba byas pa ste bdag dang gzhan gyis don phun sum tshogs pa nyid yin pa'i phyir de las pha rol na bya ba gzhan med do/ /zhes bya ba ni drang ba'i don to/ /yang na sgyu 'phrul dra ba ni sgyu ma'i dpe bcu gnyis dang mtshungs par mthong ba ste/ nges mngon par rdzogs par sangs rgyas pa ni/ sgyu ma lta bu'i
- 157a
ting nge 'dzin la gnas ba'o/ /de nyid kyi phyir 'khor ba'i rgya mtsho ste rtogs pa'i rnal 'byor gyi pha rol tu son pa nyid yin pas bya ba byas pa'i rdzogs pa'i rnal 'byor pa ni bden pa gnyis kyi tshul la ste/ zung du 'jug pa'i bdag nyid kyi rim pa la gnas pa yin par rig par bya'o/ /zhes bya ba ni nges pa'i don to/ /da ni ming la mngon par zhen pa rnams la tshigs su bcad pa gnyis kyis zung du 'jug pa'i rim pa'i rnam grangs brjod par bya ste/ de nyid gnyis med ye shes te/ /mi gnas mya ngan 'das pa yin/ /sangs rgyas rdo rje sems dpa' nyid/ /de bzhin kun gyi dbang phyug nyid/ /rdo rje lta bu'i ting 'dzin dang/ /rdzogs pa'i rim pa nyid dang ni/ /sgyu ma lta bu'i ting 'dzin dang/ /gnyis su med par de bshad do/ /gzung ba ni 'dzin pa yis/ /rnam par rtog pa gnyis med pa'i/ /phyir gnyis med de spyi'i don to/ /kun rdzob dang don dam pa'i rnam par rtog pa gnyis med pa'i phyir gnyis med de mthar thug pa'o/ /'jig rten las 'das shing khyad par 'phags pa'i rang gi ngo bo yin pa'i phyir ye shes de spyi'i don to/ /ye shes lnga sdud par byed pa nyid yin pa'i phyir ye shes te mthar thug pa'o/ /'khor ba dang mya ngan las 'das pa dag las mi gnas pa nyid yin pa'i phyir mi gnas pa'i mya ngan las 'das pa'i ste mthar thug pa'o/ /sa bcu gnyis pa thob pa nyid yin pa'i phyir sangs rgyas te/ dgongs ba ma yin pa'o/ /de bzhin gshegs pa lnga sdud par byed pa dang/ dbang phyug gi yon tan thams cad kyi rten nyid yin pa'i phyir/ rdo rje sems dpa' nyid de mthar thug pa'o/ /chung ngu dang chen po dang gar yang phyin pa dang 'dod rgur ldan pa dang/ yang ba dang/ bdag por gyur pa dang/ dbang du gyur pa dang/ dga' mgur gnas pa ste/ rdzu 'phrul brgyad ni
- 157b
kun gyi dbang phyug ste/ /de thob pa nyid yin pa'i phyir kun gyi dbang phyug go/ yang na sku'i dbang phyug gsung gi dbang phyug dang/ /de bzhin kun gyi thabs kyi dbang phyug dang/ /rdzu 'phrul yon tan kun dbang phyug /byed pa zad byed yon tan brgyad/ / ces bya ba rnams khong du chud par bya/ kun gyi dbang phyug yin te/ sgra ji bzhin pa'o/ /kun gzhi la sogs pa'i rnam par shes pa gnas gyur nas/ chos kyi dbyings kyi ye shes mngon du byas pa dang/ phung po'i bdud la sogs pa rnams kyis bskyod par bya ba nyid ma yin pa'i phyir/ rdo rje lta bu'i ting nge 'dzin te mthar thug pa'o/ /spros pa thams cad dang bral ba dang/ rang bzhin gyis grub pa nyid yin pa'i rdo rje lta bu'i ting nge 'dzin nyid rdzogs pa'i rim pa yin te/ dgongs pa ma yin pa'o/ /sgyu ma'i dpe rnam pa bcu gnyis nye bar mtshon pa'i sku ni sgyu ma lta bu'i ting nge 'dzin yin no/ /rim pa gsum ba las 'di la bye brag ci zhig yod pa ma yin rnam zhe na/ brjod par bya ste rim pa gsum pa ni ji srid du rim pa bzhi pas dag par ma byas pa de srid du yongs su dag par mi 'gyur ro/ /rim pa 'di ni rang bzhin gyis dag pa yin pas de las dag par byed pa gzhan mi dgos te/ mi slob pa nyid yin pa'i phyir ro/ /der ni sgyu ma lta bu nyid lta bar byed pa yin la/ 'dir ni lhun gyis grub pa kho na yin no/ /zhes bya ba ni khyad par te sbas pa'o/ /sngar bshad pa'i rim pas 'khor ba dang mya ngan las 'das pa la sogs pa rnams tha dad pa med pa'i phyir gnyis su med pa yin no/ /zhes brjod par bya ste/ mthar thug pa'o/ /rgyud thams cad 'di nyid kyi tshad ma yin par/ skye ba med la sogs pa'i sgra/ /gnyis med ye shes ston pa rnams/ /thams cad 'di yis rjod byed de/ /der ni gzhan dag ma stan to/ /zhes bya bas gsungs te/ bcom ldan
- 158a
'das kyis mdo sde dang rgyud kyi rnam pa tha dad pa rnams las gsungs pa dang/ skye ba med pa dang/ de bzhin nyid dag yang dag pa'i mdza' dang/ mnyam pa nyid dang stong pa nyid dang/ rnam par mi rtog pa'i ye shes dang/ dag pa 'jig rten pa dang/ 'jig rten las 'das pa dang/ rnam par thar pa dang/ grol ba dang/ rnam par rig pa tsam nyid dang/ dbu ma'i lam zhes bya ba de lta bu la sogs pa'i sgra gnyis med ye shes te mi gnas pa'i dbyings kyi rang bzhin gyi de kho na nyid ston cing brjod par byed pa yin par gyur pa gang yin pa de rnams ni zung du 'jug pa'i rim pa 'di nyid kyi rjod byed de/ ston par byed pa yin no/ /mdo sde la sogs pa der gzhan bstan te/ rim pa 'di ma gtogs par brjod par bya ba gzhan med do/ /zhes bya ba'i tha tshig go/ de ni bya ba la sogs pa'i gzhung tha dad du zin kyang/ de kho na nyid ni gcig pa nyid bshad pa yin no/ /lam tha dad pa ni de kho na nyid tha dad par sgrub par byed pa ni ma yin te rtag pa nyid dang gcig pa nyid dang/ /chos nyid kyi ngo bo nyid yin pa'i phyir ro/ /tshul bzhin du rten gyi bye brag gis tha dad par gyur pa ni 'phags pa byams pas chos kyi dbyings la dbyer med phyir/ rigs 'di tha dad rung ma yin// brten pas chos kyi bye brag gis/ /de yi dbye ba yongs su brjod/ /ces gsungs te/ sgra ji bzhin pa'o/ /rim pa 'di ni dus gsum gyi sangs rgyas grub par byed pa yin par/ gaM gA yi ni bye snyed kyi/ /sangs rgyas rnams kyi 'di nyid kyi// yod dang med pas phyogs spangs pa'i/ /phyag rgya chen po'i bdag nyid 'grub/ /ces bya bas gsung ste/ re shig gaM gA'i klung gi bye ma snyed kyi sangs rgyas snyed de dus gsum gyi de bzhin gshegs pa gang yin pa de rnams kyi
- 158b
zung du 'jug pa'i bdag nyid kyi rim pa 'di nyid kyi sgo nas phyag rgya chen por 'grub cing rdo rje 'chang chen po'i go 'phang thob po/ /ji lta bu zhe na/ yod dang med pa'i phyogs te/ yod pa dang med pa'i phyogs dang bral zhing spangs pa zung du 'jug pa'i ting nge 'dzin gyi ngo bo yin no/ /zhes bya ba'i tha tshig go /de nyid kyi phyir rim pa gnyis pa las de bzhin gshegs pa thams cad kyis bskul nas shAkya seng ges sangs rgyas nyid thob po/ /zhes gsungs pa'i rigs pa ste mthar thug pa'i rgyu'i rim pa bshad nas 'bras bu'i rim pa'i sgo nas spyod pa/ zung 'jug go 'phang la gnas pa'i/ /rnal 'byor chen po spyod pa na/ zung du 'jug pa'i bsgom pa bzhin/ /spyod pa'ang de dang gnyis med bya/ /zhes bya bas gsungs te/ zung du 'jug pa'i ting nge 'dzin la gnas pa'i sngar bshad pa'i rnal 'byor pa gang yin pa de dag gi tshe spyod pa na te ting nge 'dzin las langs nas spyod pa kun tu spyod pa de'i tshe/ zung du 'jug pa ji ltar bsgom pa de bzhin du spyod pa 'ang 'di dang gnyis su med par goms par bya zhing spyad par bya ste/ sgra ji bzhin pa'o/ /de nyid ni ji ltar bdag nyid de bzhin dgra/ ji ltar chung ma de bzhin pha/ /ji ltar smad 'tshong de bzhin ma/ /ji ltar bram ze de bzhin gdol/ /zhes bya bas gsungs te/ bdag nyid gzhan du pha rol po dag po la thug pa'i bar du yang blta bar bya'o/ /bskyed par bya ba dang skyed par byed pa'i chung ma dang pha dag la mtshungs par blta bar bya ste/ skyes pa dang bud med kyi mtshan ma tha dad pa'i rna bar rtog pa med pa'i phyir ro/ ma dang smad 'tshong ma dag la yang tha dad par bsam par mi bya ste/ don dam pa'i 'dod par bya ba dang/ 'dod par bya ba ma yin pa med pa'i phyir ro/ /khams mtshungs pa nyid kyis tha dad par mi dmigs pa'i phyir bram ze gdol pa dag la yang
- 159a
mtshungs par blta bar bya'o zhes bya ba ni/ rigs kyi bye brag mtshungs pa nyid de sgra ji bzhin pa'o/ /yon tan gyi bye brag ni ji ltar pags pa de bzhin gos/ /ji ltar khrag nyid de bzhin dug /ji ltar gci ba de bzhin chang/ /ji ltar bza' ba de bzhin bshad/ /zhes bya bas gsungs te/ gos gang ci yang rung ba bgo bar bya ba yin pas gos dang pags pa dag la tha dad par blta bar mi bya'o/ /sems dga' bar byed pas na khrag ste lus la phan pa'i bcud kyi len la sogs pa'o/ /de bas na gnod par byed pa dang/ phan par byed pa dag la tha dad pa med pa'i phyir khrag dang dug dang mtshungs par shes par bya'o/ /btung ba'i gnas skabs dang bza' pa'i gnas skabs la bab pa na chang dang gci ba dag dang bza' dang bshad pa dag la bye brag ci yod de/ rigs pa dang lung dag gis dngos po rnams la rnam par dpyad na gtsang ba dang mi gtsang ba la sogs pa rdzas kyi yon tan rnams la tha dad par mi dmigs pa'i phyir rnal 'byor pa gang yin pa la ni khyad par du thams cad mkhyen pa'i ye shes kyi mthus thams cad rang bzhin gcig pa kho na yin no/ /zhes bya ba ni sgra ji bzhin pa'o/ /rdzas dang bya ba dag la tha dad pa med pa ni/ ji ltar dri za ga bur dang/ /de bzhin bshad ba las byung dri/ /ji ltar bstod pa byed pa'i tshig /de bzhin du ni smod pa'i tshig /ces bya bas gsungs te/ dri mchog dang dri mchog ma yin pa dang ldan pas yid bde ba dang mi bde bar byed pa'i rdzas kyi bye brag ga bur dang bshad ba la sogs pa de rnams la rnal 'byor pas snga ma bzhin du mtshungs par blta par bya'o/ /bstod pa dang smod pa dang gtso bor gyur pa'i tshig rnams thos nas dag rnam par dben pa'i rjes su dran par rab tu dga' ba'i mi dga' ba mi bya ste/ tshig gi spros pa rang bzhin
- 159b
med pa nyid du bsams nas/ 'od gsal ba'i rang bzhin nyid yin pa'i phyir ro/ /dgongs pa ma yin pa'o/ /khyab par byed pa nyid ni drag po ji bzhin rdo rje can/ /ji ltar mtshan mo de bzhin nyin/ /ji lta rmi lam de bzhin sad/ /ji ltar gzhig pa bzhin du gnas/ /zhes bya ba gsungs te/ gzhan gyi sde pa drag po la sogs pa gang su yang rung ba rnams dang/ rang gi lugs kyi 'dod pa'i lha rdo rje 'chang la sogs pa de dag tha dad par shes par mi bya'o/ /rtags kyi bya bas gnas pa yis/ /pha rol rgol ba gang yang rung/ /de dag kyang 'dir smad mi bya/ /rdo rje sems dpa' i rnam 'phrul yin zhes kyang gsungs so/ /mtshan mo dang ni nyin mo dag kyang thabs dang shes rab kyi rang bzhin nyid yin pa'i phyir gcig nyid du shes par bya'o/ /rmi lam dang sad pa'i gnas skabs dag ni/ /dngos po rnams sgyu ma bzhin du mthong ba'i sgo nas gcig pa nyid du rtogs par bya'o/ /gnas pa dang zhig pa dang/ dngos po thar bar lta bar mi bya ste/ chos rnams stong pa kho na las/ / stong pa'i chos rnams rab tu 'byung/ /zhes bya ba'i rigs pas/ chos thams cad ni gzod ma nas ma skyes pa nyid dang/ skye ba dang gnas pa dang 'jigs pa med pa'i phyir ro/ /dgongs pa ma yin pa'o/ /'jig rten chos rnams med pa ni/ / ji ltar bde ba de bzhin sdug /ji ltar sdang ba de bzhin bu/ /mnar med de bzhin mtho ris te/ /de bzhin bsod nams sdig pa nyid/ /ces bya ba gsungs te/ yid du 'ong ba'i dang yid du mi 'ong ba'i yul dang phrad pa na bde ba dang sdug bsngal dgra mtshungs par shes par bya ste sems rnam par dag pa'i rim pas 'od gsal ba'i rang bzhin du gcig pa nyid yin pa'i phyir ro/ /de ni nye bar mtshon pa yin te/ rnyed pa dang ma rnyed pa la sogs pa rnams kyang de kho na
- 160a
bzhin du shes par bya'o/ /bu dang gzhan sdang ba la mtshungs par blta bar bya ste/ nye ba'i nyon mongs pa khro ba dang rjes su chags pa dag ni rang bzhin rnams su 'dus pas 'od gsal ba'i rang bzhin nyid yin pa'i phyir ro/ /mtho ris dang mnar med pa dag ni 'bras bu'o/ /bsod nams dang sdig pa dag ni rgyu ste/ de dag kyang 'dus pas rtha dad pa'i phyir mtshungs pa nyid du shes par bya'o/ /zhes bya ba ni dgongs pa ma yin pa'o/ /mjug bsdu ba de ltar shes nas ye shes can/ /dogs med thams cad byed spyod cing/ /sbas pa'i brtul zhugs kun bsgrubs nas/ /phun sum tshogs pa thams cad 'grub ces bya ba gsungs te/ de ltar zhe na bya ba sngar bshad pa'i tshul bzhin du shes shing sems la yang dag par bzung nas ye shes can gang zhig dogs med de/ spros pa dang bral ba'i thams cad byed pa ste/ sems can thams cad kyi don byed ba 'am/ gtsang ba la sogs pa'i rnam par rtog pa'i dri ma spangs nas bza' ba dang btung ba la sogs pa byed cing spyod pa byed pa'o/ /ji ltar zhe na sbas pa'i btul zhugs te phyi rol gyi ral pa dang spyi bo sogs pa'i brtul zhugs spangs nas thabs dang shes rab snyoms par 'jug pa'i mtshan nyid kyi brtul zhugs kun tu bsgrubs shing blangs na gang gi tshe kun tu spyod pa de'i tshe/ des phun sum tshogs pa thams cad de rdo rje 'chang chen po nyid dang 'brel pa'i 'jig rten las 'das pa'i dngos grub 'grub cing rdzogs par 'gyur ro zhes bya ba ni sgra ji bzhin pa'o/ /bsod nams yongs su bsngo ba ni/ /rim pa lnga yi mchog gi don/ /bshad pas bsod nams gang thob pa/ /de yis 'jig rten zung 'jug gis/ /ting nge 'dzin gyis rol por shog ces bya ba /
- 160b
gsungs te/ rim pa lnga'i mchog gi don te rdzogs pa'i rim pa gtso bor gyur pa bshad cing gsal bar byas pa las/ bdag gis bsod nams te dge ba gang thob cing bsgrub pa'i bsod nams gang yin pa de yis 'jig rten ? chun gyi 'khrul 'khor bzhin du 'gro ba drug tu 'khor ba/ sems can gyi skye gnas rnam pa bzhi'i rang bzhin gyi skye bo rnams zung du 'jug pa'i ting nge 'dzin gyis mi gnas pa'i mya ngan las 'das pa'i dbyings thob nas/ rang gi don byas te/ gzhan gyi don bya ba'i phyir dkyil 'khor ma lus pas yongs su bskor te/ lha mo rnams dang lhan cig 'dod pa lnga la nye bar longs spyod par byed cing bde ba chen po'i ting nge 'dzin gyis sangs rgyas kyi zhing nas sangs rgyas kyi zhing du rol cing rnam par 'phrul par shog cig ces yongs su bsngo bar mdzad do/ /grags pa'i 'od kyis sa sdengs ma lus par ni khyab gyur cing/ /bde gshegs gsung gi rgya mtsho'i rin chen snying pos brnyes gyur pa /gzhan la phan dgos bdag nyid dpal ldan 'phags pa klu sgrub ni/ /glang chen smyon mtshungs rgol tshogs kun las seng ge bzhin du rgyal/ /de yi man ngag 'ga' zhig legs theb nas/ /bcom ldan rgyud kyi gtso bo'i rjes 'brangs te/ don bcus rim pa'i don gyi tshul 'di ni/ /rgyas bar gsal bar byas pa kho na yin/ /sprin gyi tshigs dang bral ba'i nam mkha' i zla ba nya ba dang/ mtshungs pa'i bsod nams sa bon bdag gis thob pa gang yin pa/ /des ni tshogs ldan skye bo rnams kyi sdug bsngal kun bral ba'i/ /byang chub rgyal srid skad cig de ni nges par thob par shog /rim pa lnga pa'i bshad pa nor bu'i phreng ba las zung du 'jug pa'i rim pa ste lnga pa'o/ /rim pa lnga pa'i bshad pa nor bu'i phreng ba zhes bya ba slob dpon klu'i
- 161a
byang chub kyi zhal snga nas kyis mdzad ba rdzogs so// //rgya gar gyi mkhan po rdo rje slob dpon chen po karma badzra'i zhal snga nas dang/ dge slong gzhon nu tshul khrims kyi bsgyur cing zhus te gtan la phab pa'o// //rim pa lnga'i dka' 'grel bzhugs// //rgya gar skad du/ pany+tsa kra ma pany+tsi kA/ bod skad du/ rim pa lnga'i dka' 'grel/ 'jam dpal gzhon nur gyur ba la phyag 'tshal lo/ /rdo rje sems dpa' la phyag 'tshal lo /gang zhig brtson 'grus phul byung lhag pa'i ro ldan 'gyur bas dbu yang bcad nas sbyin mdzad cing/ /rab tu dar pa'i 'od ces bya bar ye shes 'byung gnas shes bya'i bde bar gshegs 'gyur ba/ /mdza' drug don ldan gsang ba 'dus pa'i rgyud kyi snying por gyur pa'i rim pa lnga pa gang/ /mdzad pa'i dpal ldan klu sgrub zhabs zhes sgra yis gang zhig brjod pa de la phyag 'tshal lo /bla ma nyid kyis man ngag gis/ /bdag nyid ngan par bya ba'i phyir/ /rim pa lnga yi tshig rnams bshad/ /dpa' bo rnams kyis bzod par rigs/ /'dir slob dpon snying rje mchog dang ldan pas sems can gyi don thugs la bzhag nas mdor bsdus pa la sogs pa'i chos kyi sku'i ngo bo rdo rje 'chang gi yon tan gcig tu brjod pa'i sgo nas bstod pa sngon du 'gro ba'i phyag 'tshal ba bstan pa ni/ khams gsum spyod pa las sgrol zhes bya ba la sogs pa ste/ rgyal ba'i sku la phyag 'tshal lo zhes sbyar te khyad par ji lta bu dang ldan ba zhig ce na/ 'jig rten gsum ste lus dang ngag dang yid de nga'i tha snyad las grol pa'o/ /mkha' dang mnyam par gyur ba ni sgrib pa dang bral ba'i ngo bo yin pa'i phyir ro/ /dngos kun ngo bo ni chos rnams don dam par na yang dag pa'i mdza' i ngo bo yin
- 161b
pa'i phyir ro/ /dag pa ni rnam par rtog pa'i rnyog ma dang bral ba'i phyir ro/ /zhi ba ni nyon mongs pa'i me ma lus ba zhi pa'i phyir/ /rnam dben ni brtags na stong pa nyid kyi phyir ro/ /mchog zhi ba ni sems can ma lus pa la phan pa'i rgyu'i ngo bo yin pa'i phyir ro/ /rnal 'byor pa nyid yul zhes bya ba ni sangs rgyas rnams kyi so sor rang gis rig par bya ba yin pa'i phyir ro/ /rtogs dka' ni de las gzhan pa'i spyod yul ma yin pa'i phyir ro/ /brtags par bka' ba ni lus dang ngag dang yid kyi spyod yul ma yin pa'i phyir ro/ /bdag gzhan rab phan ni bdag dang gzhan gyi don phun sum tshogs pa'i rten gyi ngo bo yin pa'i phyir ro/ /khyab pa ni dngos po thams cad kyi ngo bo yin pa'i phyir ro/ /mtshan ma med pa ni ma skyes pa'i ngo bo yin pa'i phyir ro/ / bde ba ni sdug bsngal thams cad dang bral ba'i phyir ro/ /mnyam med ni de las gzhan pa'i bde ba so/ /mnyam zhes bya ba ni bde ba tsam gyi rigs su byung ba'o/ /de'i phyir mi rtog tshul gcig la zhes bya'o/ /dpal ldan mnyam 'dus rgyud kyi ni zhes bya ba la sogs pa mdor bsdus bdag gis bshad par bya zhes sbyar te/ bshad pa'i rgyud dang gsang ba 'dus pa'i rgyud du bstan pa'i lha rnams yang dag par mdor bsdus pa ste gcig tu byas pa'i rim pa gang yin pa'i rim pa'o/ /mdza' drug rtogs pa'i phyir zhes bya ba la/ dgongs pas bshad pa dgongs min dang/ /nges don drang don 'byed pa dang/ /ji bzhin sgra dang sgra mon te/ /mdza' drug ces ni grags pa yin/ /zhes bya ba rtogs pa'i phyir ro/ /dngos grub thams cad mdor bsdus pa zhes bya ba/ ni 'jig rten dang 'jig rten las 'das pa'i dngos grub kun gyi rgyur gyur pa'o/ /da ni nyan thos la sogs pa'i lus ngag bas gsang sngags kyi theg pa ni sgrub pa'i thabs bde ba nyid yin no zhes 'dul ba'i skye bo rnams spro ba bskyed pa'i phyir/ rnam
- 162a
rtog bag chags nyes pa'i sa zhes bya ba la sogs pa smos te/ rnam par rtog pa snga ma snga ma'i bag chags las yang dag par 'byung ba'i gzugs la sogs pa nyid ni rang gi sems las ma gtogs pa'i gzugs don dam par yod par ma yin gyi bzung ba dang 'dzin pa'i ngo bo 'ba' zhig gis 'gro ba gsum po rnam par rmongs par gyur pa yin no/ /de'i phyir de dag la legs par bltas la rnal 'byor gyi rgyud kyi rjes su 'brangs nas sbyar bar bya'o/ / de lta bas na 'dod pa lnga'i longs spyod yongs su spangs nas dka' thub ste/ dka' thub kyi spyod pa la sogs pas gdung bar mi bya'o/ /de nas 'dir ni sdom nas 'di zhes bya ba la sogs pa ni/ sdom nas zhes bya ba ni dbang bskur ba thob pa'o/ /mi phyed ces bya ba ni dam tshig nyams pa med pa'o/ /brtul zhugs ni sgrub pa po'o/ /sku gsung thugs kyi rdo rje zhes bya ba ni rdo rje 'chang ngo/ /dgon pa chen po'i sa phyogs zhes bya ba la sogs pa ni lha mnyes par bya ba'i skabs yin pas sgra ji bzhin bshad pa ste go bla'o/ /'jam pa'i stan la 'dug nas ni zhes bya ba la sogs pa la zhe sdang rdo rje ting nge 'dzin zhes bya ba ni rdo rje hUM mdzad kyi ting nge 'dzin la gnas pa'o/ /de la ting nge 'di yin te/ yi ge hUM las gsal por yang dag par 'byung ba zhal gsum pa/ phyag drug pa/ sku mdog sngon po/ /g.yas dkar ba/ g.yon dmar ba/ nyi ma'i dkyil 'khor gyi steng du 'jig byed dang/ mtshan mo nag mo g.yon brkyang bas mnan pa phyag dang po gnyis kyi 'jig rten gsum las rnam par rgyal ba'i phyag rgya dang rdo rje dang dril bu thugs kar 'dzin pa gzhan dag gi 'khor lo dang/ pad+ma dang rin po che dang/ ral gri 'dzin pa'i thugs ka'i sa bon las rim pa ji lta ba bzhin du khro bo
- 162b
bcu gnas ji lta ba bzhin du spro bar bya'o/ /bgegs kun rnam par gzhig pa'i phyir gnod mdzes rgyal po spro ba'i rnal 'byor gyis yang bka' nod par bsgoms nas/ rdo rje tho ba dang ldan pa'i phyag gis bka' bsgo bar byed do/ /khro bo'i gzugs can 'di yis ni zhes bya ba ni gnod mdzes rgyal po'o/ /bgegs kyi bdag po ni 'jig rten skyong ba brgyad 'khor dang bcas pa dang steng 'og na gnas pa'i bgegs rnams so/ /cho ga bzhin du zhes bya ba ni yang dag par bkug nas khron pa'i nang du chud par byas pa'o/ /sbyor ba yis zhes bya ba ni rdo rje bdud rtsi 'khyil ba'i phur bu ste/ lte ba man chad smad kyi cha phur bu'i gzugs can gyis phyogs brgyad kyi khron pa'i nang du bdud rtsi 'khyil pa phur bu'i rnam pa 'dra ba rnam par bkod la/ b+ha ga zhes bya ba la sogs pa'i stags dang/ rdo rje phur bu tho bas brdung bar bya zhing bstan par bya'o/ /rdo rje me ni kun tu yang zhes bya ba la sogs pa la/ yang zhes bya ba'i sgra ni rdo rje'i rang bzhin gyi sa gzhi dang/ rdo rje'i ra ba dang/ steng du rdo rje'i bla re dang/ phyi rol kun na rdo rje'i ra ba dang/ me ris bskor ba rnam par bsams par bya'o/ /steng 'og yang dag byin gyis brlabs zhes bya ba ni gnod mdzes rgyal po dang/ gtsug tor 'khor los bsgyur ba dag gis so/ / dngos po med pa bsgom pa'i dngos zhes bya ba la sogs pa la/ brtan pa dang g.yo ba'i dngos po don ma lus pa dngos po med par gyur pas bsgom pa yod pa ma yin te/ bsgom par bya ba med pa'i phyir ro/ /bsgom par bya ba bsgom pa med ces bya ba ni gang yod pa de ni bsgom par bya ba ma yin te/ ma bsgoms su zin kyang yod pa'i phyir ro/ /de ltar na dngos po med pa dang ldan pa de yang yod pa ma yin no/ /de bas na sgom pa po dang bsgom par bya ba dang/ sgom pa dmigs su yod pa ma
- 163a
yin te yi ge'i don to/ /'dus byas dang 'dus ma byas dang/ sa la sogs pa'i chos thams cad stong pa'o/ /zhes gang bsgom pa de ni yod pa ma yin te/ stong pa nyid la mngon par zhen pa'i lta ba yin pa'i phyir ro/ / mtshan ma spangs par bya ba'i phyir/ bsgom par bya ba bsgom pa min zhes smras te/ gang rgyu dang 'bras bu'i rnam par mngon par zhen pas bsgom pa de yang rigs pa ma yin te/ rgyu dang 'bras bu gnyis su med pa'i phyir ro/ /smon pa dgog pa'i phyir/ de bas dngos po dngos med par zhes bya ba smos te/ de bas de ltar ni phyi rol gyi rnam pa'i smon lam gang yin pa'i 'bras bu de yang yod pa ma yin te/ smon lam gyis dmigs pa gang yod pa ma yin pa'i phyir ro/ /de'i phyi rol gyi rdzas kyi rnam pa bsgom pa dmigs su med pa zhes bya ba ni yod pa ma yin te/ sems kyi rang bzhin yin pa'i phyir ro/ /spyi'i don to/ /dngos po med pa bsgom pa'i dngos zhes bya ba la/ phung po la sogs pa de dag dngos po med pas gang bsgom par bya ba sems tsam nyid kyang med pas de'i phyir rnam par dag pa ma yin te/ rtag tu yod pa ma yin pa'i phyir ro/ /kun rdzob kyi bden pa gsal bar 'dod pas bsgom par bya ba bsgom pa min zhes bya ba smras te/ gang kun rdzob kyi bden pa'i bdag nyid can sgyu ma lta bu'i lha'i gzugs bsgom pa de yang rigs pa ma yin te 'od gsal bas rnam par dag par byas pa'i phyir ro/ /de ltar na kun rdzob kyi bden pa'i rang bzhin gyi dngos po ni yod pa ma yin te/ bden pa gnyis gnyis su med pa'i phyir ro/ /de'i phyir bsgom pa ste bden pa gnyis su med pa'i rnam pa can dmigs su med pa yin te/ dka' bas dmigs par 'gyur zhes bya ba'i bar du'o/ /sbas pa'o/ /don dam pa'i bden pa'i
- 163b
dngos po med pas bsgom par bya ba bsgom pa ma yin te/ gdod ma nas dag pa'i phyir ro/ /gang kun rdzob kyi bden pa'i bdag nyid can gyi bsgom pa de yang bsgom pa ma yin te bden pa'i phyir ro/ /rnam pa 'di dag gis ni bden pa gnyis kyi bdag nyid can gyi bsgom pa gang yin pa de yang bsgom par bya ba ma yin te/ bden pa gnyis gnyis su med par mthong ba tsam gyi thar pa yin pa'i phyir ro/ /des ni sgom pa po dang/ sgom pa dang bsgom par bya ba de dag tu mngon par zhen pa ni zung du 'jug pa'i ting nge 'dzin du rtogs par dmigs su med pa'o/ /zhes bya ba yod pa ma yin par rdo rje 'chang gi gsungs pa yin no/ /mthar thug pa'o/ /tshigs bcad 'di yis zhes bya ba la sogs pa la rgyu mi rgyu'i bdag nyid can ni sgom pa po'o/ /ye shes kyi byin gyis brlab pa'i phyir/ hUM gnyis sa bon yaM las 'byung ba zhes bya ba la/ gzhu yi rnam pa lta bu mdog sngo ba'o/ /me yi dkyil 'khor ni gru gsum mdog dmar po'o/ /chu'i dkyil 'khor ni zlum po kha dog dkar po'o/ /sa'i dkyil 'khor ni gru bzhi mdog ser po'o/ /de'i steng du yi ge hUM dkar po bsgom la dkyil 'khor bzhi dang/ b+h+ruM ma bsdus pa las gzhal yas khang bsgom par bya ba yin pas zur bzhi dang ni sgo bzhi dang zhes bya ba la sogs pa smras te/ thig bzhi dag dang yang dag ldan zhes bya ba ni zur bzhi mnyam par bya ba'o/ /rdo rje nor bu zla phyed rgyan ces bya ba ni rdo rje dang nor bu dang zla ba dang/ zla ba phyed pa dang/ dra ba dang/ dra ba phyed pas brgyan ba sgo dang sgo 'khyud mtshams rnams su zhes bya ba ni sgo'i mtshams kyi zur ro/ /bum pa dang ka bas nye bar mdzes par byas pa'o/ /rdo rje zhes bya ba ni sna tshogs rdo rje'i steng du gzhal yas khang ngo/ /bre'i phreng ni bya yis mdzes zhes bya ba ni
- 164a
bya yis tshogs kyis mdzes par byas pa'o/ /de lta bu'i tshogs gzhal yas khang rnam par bsams la/ yul tsam gyi bdag nyid can du 'chad par 'gyur pa'i brten pa'i dkyil 'khor gyi 'khor lo ma lus pa dang bcas par zhal gsum dang phyag drug par min dra nI la'i 'od dang mnyam pa nyid dang mtshungs pa'i shes rab kyi 'khyud pa bsgom par bya'o/ /de ltar lhag par mos par bsams nas zhes bya ba ni lhag par mos pa tsam gyis yin gyi/ phyag mtshan dang sa bon la sogs pa yongs su gyur pa las ni ma yin no/ /de lta bu'i lhag par mos pa'i dkyil 'khor yin no/ /cho ga ji bzhin zhes bya ba ni phyag dang mdog dang phyag mtshan la sogs pas mdzes pa'o/ /slar yang kha sbyor sbyor ba yis zhes bya ba ni snyoms par 'jug pa'i bde ba'i ros so/ /rim pa ji bzhin zhes bya ba ni gang dang gang gi bdag nyid can yin pa'i rigs kyi gnas de rer nye bar bzhugs par bsam par bya'o/ /don dam pa'i 'khor lo yis zhes bya ba ni bde ba chen po'i bdag nyid du 'jug par bya'o/ /bsad nas zhes bya ba ni mi dmigs par byas pa ni bsad pa'i don no/ /de ltar byas pa la yon tan ci yod ce na/ sgrub pa pos dngos grub rab mchog ste/ shin tu myur bar dngos grub 'thob par 'gyur ba'o/ /gzugs phung po rtogs pa me long zhes bya ba la rnam par snang mdzad dang sangs rgyas spyan la sogs pa'o/ /me long zhes bya ba ni me long lta bu'i ye shes so/ /sa'i khams ni sa'i khams so/ /mig gi dbang po ni mig go /gzugs kyang zhes bya ba ni mig gis bzung bar bya ba'i tshogs so/ /khro bo zhes bya ba ni gshin rje gshed dang 'dod pa'i rgyal po'o/ /byams par zhes bya ba ni sa'i snying po dang bcas pa'o/ /tshor ba'i phung po rin chen 'byung ldan no/ /mnyam pa nyid kyi ye shes so/ /
- 164b
khro bo gnyis zhes bya ba ni gzhan gyis mi thub pa dang dbyug sngon can no/ /'du shes kyi phung po ni 'od dpag tu med pa'o/ /so sor rtog pa ni so sor rtog pa'i ye shes so/ /byin sa ni me'o/ /khro bo gnyis ni pad+ma mthar byed dang/ stobs po che'o/ /'du byed ni don yod grub pa'o/ /bya ba grub pa ni bya ba grub pa'i ye shes so/ /khro bo gnyis ni bdud rtsi 'khyil pa dang mi g.yo ba'o/ /steng 'og khro bo gnyis dang bcas zhes bya ba ni gtsug tor 'khor los sgyur ba dang/ gnod mdzes rgyal po dang yang dag par ldan pa'o/ /rang bzhin gyis ni snang ba nyid ces bya ba ni rnam par shes pa gsum dang 'brel pa'i rang bzhin brgyad cu'o/ /rnam par shes pa'i phung po ni mi bskyod pa'o/ /de yang 'od gsal bar gzhug par bya'o/ /mya ngan 'das bcas kun stong dang zhes bya ba la sogs pa la/ chos kyi sku ni chos rnams kyi rang bzhin no/ /da ni sku'i dkyil 'khor rdzogs par bya ba'i phyir ldang ba bstan pa ni/ sngags kyi zhes bya ba la sogs pa la bstan te/ sngags la yongs su rdzogs pa ni sngags kyi sku'o/ /sbyor ba yis zhes bya ba la/ nam mkha' i khams kyi dbus gnas par zhes bya ba la sogs pa la/ gzhal yas khang gi nang gi nam mkha' i khams kyi dbus so/ /dbyangs kyi yi ge a las gyur pa'i nyi ma'i dkyil 'khor thabs kyi ye shes kyi ngo bo dang/ oM gyi yi ge las byung ba zla ba'i dkyil 'khor shes rab kyi ye shes kyi rang bzhin bsgom par bya'o/ /pad+ma 'dab ma brgyad ces bya ba ni ma las byung ba nyid do// yi ge gsum zhes bya ba ni oM A(rgyud 'grel): hUM ngo/ /byang chub sems zhes bya ba ni gsum pa'i don gyi dang po'o/ /de'i 'od kyi bkug pa ni rgyu dang mi rgyu thams cad kyang zhes bya ba la sogs pa ste/ gsang sngags 'di ni brjod par bya zhes bya ba
- 165a
ste/ 'di ni dang po'i rnal 'byor gyis cho ga'i ting nge 'dzin no/ /rjes su sbyor ba brtsam par bya zhes bya ba la sogs pa brtsams par bya ste/ rnal 'byor pa'i yi ge gsum yang zhes bya ba la sogs pa la/ las byung zhes bya ba ni yi ge gsum yongs su gyur pa las skyes pa'o/ /kunda zla ba dkar dang mtshungs zhes bya ba ni mdog dkar ba phyag gnyis pa zhal gcig pa 'od kyi dkyil 'khor dkar po can rdo rje dang dril bu yang dag par ldan pa'o/ /dang po'i mgon po nas bya ba ni rdo rje 'chang ngo/ /rjes su rnal 'byor gyi ting nge 'dzin no/ /mi bskyod pa'i rjes zhugs pas zhes bya ba la sogs pa la/ de la rim pa ni 'di yin te/ thugs ka'i yi ge gsum gyi sa bon las 'chang bar 'gyur ba'i mtshan nyid can gyi mi bskyod la phyung la/ 'gro ba rnams kyi don byas nas slar yang bkug nas/ yi ge gsum po de nyid du zhugs par bya'o/ /zhugs pa tsam gyi zhal gsum phyag drug 'bar ba dang bcas pa'i rdo rje sems dpa' i bdag nyid bsgom par bya'o/ /de nas phung po la sogs pa zhes bya ba la sogs pa la phung po zhes bya ba ni de bzhin gshegs pa rnams so/ /dbye ba shes pa zhes bya ba ni dbye ba la mkhas pa'o/ /snang mdzad sogs shes zhes bya ba ni rnam par snang mdzad nas brtsams nas/ gnod mdzes kyi bar du'o/ /kha la zhes bya ba ni kha yi phugs su ste mgrin pa'i bar du'o/ /rab tu gzang po'i mthing shing mdog ces bya ba ni mdog sngon po'o/ /sngags pas gti mug dga' sogs ni zhes bya ba ni spyan dang mA ma kI dang/ gos dkar mo dang/ sgrol ma la sogs pa sa'i khams la sogs pa sbyong bar byed de/ de'i phyir/ sa la sogs pa rab tu gzhug ces bya ba ste/ zhugs par byas nas so/ /mig gi 'bras bu'i nang du thig le gi yi
- 165b
ge las yongs su rdzogs pa'i 'chad par 'gyur ba'i sa'i snying po'i gzugs rnam par bsgom par bya'o/ /de bzhin du rna ba la phyag na rdo rje'o/ /yi ge me ni rtsar bkod de zhes bya ba la sogs pa la/ lus thams cad la gnas pa'i rtsa la yongs su brtag par bya'o/ /kun tu bzang po zhes bya ba ni kun tu bzang po'o/ /dgod byas de nas zhes pa la sogs pa'o/ /cho ga bzhin zhes bya ba de ni de bzhin gshegs pa rnams ni yi ge'i gzugs kyis so/ /spyan la sogs pa ni khams la bzhugs pas so/ /byang chub sems dpa' rnams dang khro bo rnams ni sngags las nges par bskyed pa'i gzugs kyis so/ /sku'i dkyil 'khor rdzogs gyur nas zhes bya ba la sogs pa ni shin tu rnal 'byor gyi ting nge 'dzin no/ /spyi bo'i dbus su gnas par bsams zhes bya ba la/ dpral ba'i dbus su oM yongs su gyur pa las byung ba'i zla ba'i dkyil 'khor ro/ /bdag po dang ni bcas pa ru zhes bya ba la/ bdag po rnam par snang mdzad do/ /de dang lhan cig pa'i mthar thug par sbyor dang ldan pa ni bdag po dang ni bcas pa ru zhes bya ba ste/ de'i phyir de la de skad ces bya'o/ /de dbus bdag po zhes bya ba la gtso bor gyur pa gcig la'o/ /gsol ba gdab ces bya ba la sogs pa la/ tshigs bcad dang pos ni gtso bo la'o/ /gnyis pas ni 'khor rnams la'o/ /spyan dang lhan cig ldan pa'i zhe bya ba la sogs pa la spros pa'i gzugs ma lus pa dang lhan cig tu zhugs par bsgom par bya'o/ /gnyis brjod pas ni gsol ba gdab ces bya ba ni thams cad snga ma bzhin du bya'o/ /rang gi gtso bor yang dag ldan zhes bya ba ni snga ma bzhin no/ /de ltar rigs gsum dbye ba yis zhes bya ba la sogs pa la rigs gsum dbye ba yis zhes bya ba ni
- 166a
rnam par snang mdzad dang 'khor ba las 'das pa dang/ mi bskyod pa'i gzugs nyid do/ /slar yang zhes bya ba la sogs pa la thams cad bdag nyid ces bya ba ni de bzhin gshegs pa lnga'i ngo bo'o/ /zla ba'i dkyil 'khor dbus gnas pa'i zhes bya ba ni ri bong can la nye bar gzhug pa'o/ /dam tshig sems dpa' zhes bya ba dam tshig sems dpa' zhes bya'i ming can no/ snying ga'i dbus na gnas phra mo'i zhes bya ba ni ye shes sems dpa' i zhes bya ba tshad chung ba'i rnam par bsgom par bya'o/ /de'i thugs kar zla ba'i dkyil 'khor la ting nge 'dzin sems dpa' zhes bya ba yi ge hUM dgod par bya'o/ /rnal 'byor chen po rdzogs par bskyed pa'o/ /de ltar sbyor ba chen po bskyed nas zhes bya ba la sogs pa la cho ga zhes bya ba ni 'chad par 'gyur ba'i mtshan nyid can no/ /sbyor ba yis zhe bya ba ni ting nge 'dzin las bskyed pas so/ /sgrub pa chen po brtsam par bya zhes bya ba ni 'khor dang bcas pa'i dkyil 'khor ba'i 'khor lo'i bdag nyid thams cad bskyed par brtsam pa'o/ /rnyed nas ni zhes bya ba la sogs pa la/ bu mo zhes bya ba ni gzugs dang lang tsho dang ldan pa gang la mig yangs pa yod pa de la de skad ces bya'o/ /khrus mkhan gyi ni bu mo zhes bya ba ni nye bar mtshon pa tsam ste rigs gzhan dag kyang yin no/ /lha mo rdo rje gzugs la sogs zhes bya ba ni gzugs rdo rje la sogs pa rnams dang sa'i snying po la sogs pa'i byang chub sems dpa' rnams ji ltar rigs pa snyoms par zhugs pa'o/ /de nyid la ni rnam bsams la zhes bya ba ni de nyid kyi mig la sogs pa'i skye mched snga ma bzhin du sngags kyi yi ge las rdzogs pa rnam par bsgom par bya'o/ /'jig rten dbang phyug la
- 166b
sogs pa dag kyang sngar bstan pa'i sngags las rdzogs pa nyid dang mtshungs pa'i 'khyud pa lce la sogs pa'i gnas rnams su dgod par bya'o/ /zhes bsams pas so/ /lag g.yas zhes bya ba la/ rdo rje ro langs ma ni gshin rje gshed dang snyom spar zhugs pa'o/ /gzhan gyis mi thub pa ni shes rab mthar byed dang snyoms par zhugs pa'o/ /khro gnyer ma zhes pa ni rta mgrin dang snyoms par zhugs pa'o/ /ral pa gcig pa zhes bya ba ni bdud rtsi 'khyil pa dang snyoms par zhugs pa'o/ /gzhan yang dpung pa g.yas pa la zhes bya ba la sogs pa la/ sna sogs rdo rje la mi g.yo ba dang snyoms par zhugs pa'o/ /g.yas pa'i phyag gi lhag ma la ni sna tshogs rin chen ma 'dod pa'i rgyal po dang snyoms par zhugs pa'o/ /pus mo g.yas pa gnas pa yang zhes bya ba la yang zhes bya ba ni phyag rgya yi'o/ /sna tshogs pad+ma ni dbyug pa sngon po dang snyoms par zhugs pa'o/ /sna tshogs las ma ni stobs po che dang snyoms par zhugs pa'o/ /nam mkha' i rdo rje ma zhes bya ba ni gtsug tor 'khor los sgyur ba dang snyoms par zhus pa'o/ /so 'dzin lha mo ni gnod mdzes rgyal po dang snyoms par zhugs pa'o/ /de ltar zhes bya ba la sogs pa la/ sku dang gsung dang thugs byin gyis brlab pa la sogs pa thams cad cho ga bzhin byin gyis brlabs na rjes thogs su rdo rje dang pad+ma sbyar ba brtsam par bya'o/ /hUM gi sngags kyi zhes bya ba ni yi ge hUM yongs su gyur pa las rang gi rdo rje rdo rje rtse lnga pa'i rnam pa lta bur bsgom par bya'o/ /oM zhes bya ba ni yongs su gyur pa las byung ba'o/ /de bzhin zhes bya ba la sogs pa la pad+ma'i zhes bya ba ni shes rab kyi ste yi ge h+rI(rgyud 'grel): las rnam par bsgoms la yi ge a las ni de'i lde ba bsgom par bya'o/ /'od zer lnga yis khyab bsams la zhes bya ba ni de bzhin gshegs
- 167a
pa lnga'i rang gi 'od zer spro ba ste/ rdo rje 'chang chen po'i rang bzhin dang/ thar pa chen po'i grong khyer chen po dang/ shes rab kyi pha rol tu phyin pa'i ngo bor mos par byas nas de'i 'og tu rdo rje 'chang gi bsgrub pa brtsam par bya'o/ /rang gi byang chub sems zhes bya ba la sogs pa la/ byang chub sems nyid 'byung ba ni phyir pa'o/ /de'i tshe phaT ces bya ba'i sngags brjod par bya ste/ nor bu'i rtse mo'i bu gar pra phaT kha dog ser po rnam par bsgoms la phyir 'byung bas byung nas brjod par bya'o/ /des zhes bya ba ni bsgrub pa po'o/ /rnal 'byor rab kyi mdza' thob par gyur pa ni byang chub kyi sems 'tshor bar mi 'gyur te/ 'di ltar bde ba chen po'i rnal 'byor yang dang yang goms par byed par ring du 'jug pa 'phel bar 'gyur ro/ /gal te goms par ma gyur pa shor bar gyur na de'i phyir/ byung nas sngags pas slar yang ni zhes bya ba la sogs pa smras te/ byang chub sems zhes bya ba ni rang gi khams kyi thig le pad+ma'i nang na gnas pa'i g.yon pa'i srin lag dang mthe bong gnyis kyis blangs la bya'o/ /phyogs bcu'i zhes bya ba ni dkyil 'khor gyi 'khor lo'i ma lus pa rang rang gi sngags brjod pa sngon du 'gro bas so// de'i rjes thogs su 'di ni brjod par zhes bya ba 'di ni gdon par bya ba'o/ /rang sngags kyi yi ge las byung ba zhes bya ba ni hUM las bskyed pa'o/ /rdo rje gsum byin gyis brlabs bdag ces bya ba ni sku dang gsung dang thugs byin gyis brlab nas pad+ma'i nang du sprul te/ slar yang zhe sdang rdo rjer sprul te/ mi bskyod rdo rje can zhes bya ba ni sngags kyi spro zhing blta bar bya'o/ /mi bskyod pas ni dbu rgyan zhes bya ba ni rdo rje sems dpa' dbu rgyan byas pa'o/ /mthing shun bzang
- 167b
po zhes bya ba ni in+d+ra nI la'i mdog can no/ /'di ni thugs ka las byung na zhes bya ba ni shes rab kyi thugs ka nas so/ /byung nas des 'dul ba'i sems can phyogs bcu na gnas pa rnams la gzigs par mdzad de/ /sbyangs nas zhes bya ba ni nyon mongs pa med par byas pa'o/ /zhe sdang rdo rje'i gnas 'jog ces bya ba ni mi bskyod pa'i rigs can rnams rigs de la'o/ /rdo rje mgon po zhes bya ba ni rdo rje chang ngo/ /spyan snga ru zhes bya ba ni sngon du'o/ /rjes zhugs zhes bya ba ni kha'i sgo nas so/ /sa snying ga zhes bya ba ni snying ga'i sa bon du'o/ /bdag nyid mi bskyed pa'i rnam par ro/ /rang gis phyag rgyas 'khyud ces bya ba ni reg rdo rjes 'khyud pa'o/ /zhe sdang rdo rje'i ting nge 'dzin gnas zhes bya ba ni/ thugs rdo rje nyid dkyil 'khor sprul pa'i byed pa po yin pa'i phyir ro/ /dzi na dzi ka ces bya ba dang/ 'byung zhes bya ba la/ shes rab kyi pad+ma'i nang du'o/ /ston ka'i zla ba'i zhes bya ba la sogs pa ni mdog dkar po'o/ /de bzhin du thugs ka las byung ste zhes bya ba ni shes ra kyi thugs ka las so/ /gti mug spyod gnas zhes bya ba ni de bzhin gshegs pa'i rigs can rnams de'i rigs la'o/ /shar phyogs kyi zhes bya ba ni mdun du'o/ /'khor lo ni rten gyi dkyil 'khor ro/ /bzhugs zhes bya ba ni gnas par 'gyur ces bya ba'i bar du'o/ /rin chen rtog ni rin chen 'byung ldan der dbyung bar bya'o/ /zhi ba zhes bya ba ni zhi ba dang sgeg pa'i ro dang ldan pa'o/ / g.yas su zhes bya ba ni phyag g.yas su'o/ /nga rgyal gnas la gnas pa rnams zhes bya ba ni nga rgyal la gnas pa'o/ /lho'i char zhes bya ba ni dkyil 'khor gyi gtso bo'i ngo bo'o/ /rin chen dbus su zhes bya ba ni rin po che'i
- 168a
gdan la'o/ /rdo rje mdza' yas 'od 'byung ste/ /zhes bya ba ni snang ba mdza' yas so/ /sngon bzhin 'dod chags can sbyangs nas zhes bya ba ni de'i rigs can rnams so/ /rgyab kyi pad+mar zhes bya ba ni dkyil 'khor gtso bo/ /sngags pas don yod rdo rje can zhes bya ba la sogs pa la/ 'od zer rnam par 'phro zhes bya ba ni 'od zer gyi tshogs so/ /log pa'i ngag can zhes bya ba ni sems can no/ /byang gi phyogs su zhes bya ba gtso bo yi'o/ /zhe sdang zhes bya ba la sogs pa la/ zhe sdang ni mi bskyod pa'o/ /gti mug ni rnam par snang mdzad do/ /chags pa ni snang ba mdza' yas so/ /yid bzhin gyi nor bu ni rin chen 'byung ldan ni/ /dam tshig ni don yod grub pa'o/ / rigs ni lnga po 'di dag ces bya ba ni rigs rnams kyi gtso bo'o/ /'od dang thar ba zhes bya ba la sogs pa la/ 'dod par bya bas na 'dod pa ste 'jig rten pa'i dngos grub sgrub pa la sogs pa'o/ /'dod chags la sogs pa'i 'ching ba las grol ba thar pa ste/ nges par legs pa'i mtshan nyid can no/ /mo ha ra ti'i sngags las byung zhes bya ba la sogs pa la/ utpa la dkar po zhes bya ba ni chu skyes dkar po'o/ / dwe Sha rA ti'i sngags la skyes zhes bya ba la sogs pa la/ utpa la sngon dmar zhes bya ba ni mdog sngo dmar du 'dug pa'o/ /byung zhes bya ba ni shes rab kyi thugs ka nas so/ /rA gA ta'i sngags las skyes zhes bya ba la sogs pa la pad+ma rA ga'i nor bu'i 'od ces bya ba ni mdog dmar po'o/ /gang gi ral pa'i tshogs la 'od dpag med dang bcas pa de la de skad ces bya'o/ /'byed par mdzad ces bya ba ni rnam
- 168b
par rgyas par mdzad pa'o/ /gdon ni gnod pa chen po'o/ /badzra ra ti'i sngags las skyes zhes bya ba la sogs pa la/ yid 'ong zhes pa ni yid dang 'tsham pa'o/ /dur ba'i lo ma'i 'od gyi mnyam zhes bya ba ni mdog ljang khu'o/ /don yod pas ni zhes bya ba ni don yod par grub pas so/ /utpa la sngon po zhes bya ba ni utpa la sngon po'o/ /byung nas shes pa ni snga ma bzhin no/ /rnal 'byor pas ni rim gnyis par zhes bya ba ni bsgom pa pos so/ /dbyung zhes bya ba ni de bzhin gshegs pa dgod par bya'o/ /me'i phyogs su zhes bya ba la sog pa la/ me long 'dzin mdzad de zhes bya ba ni me long 'dzin par mdzad pa'o/ /gnyis zhes bya ba ni g.yas g.yon dang po gnyis kyis so/ /lhag mas gti mug dga' dang mtshungs zhes bya ba ni sangs rgyas spyan gyi phyag mtshan dang kha dog 'dzin pa'o/ /bden brel phyogs su zhes bya ba la sogs pa la ser mo zhes bya ba ni ser zhing rtsa dmar ba'o/ /zhal gsum zhes bya ba ni ser po dang dmar po dang dkar po ste zhal gsum dang ldan pa'o phyag gnyis ni zhes bya ba ni phyag dang po gnyis na'o/ /rlung gi phyogs dgod ces bya ba la/ zhal gsum sku mdog dmar mo zhes bya ba ni dmar po dang sngon po dang dkar po'i zhal can no/ /phyag gnyis kyi ni dung bsnams te zhes bya ba ni g.yas g.yon gnyis kyi dang po gnyis na'o/ /lhag gos dkar can dang mtshungs zhes bya ba ni de'i phyag mtshan 'dzin pa'o/ /dbang ldan phyogs zhes bya ba la/ zhal gsum zhes bya ba ni ljang khu dang nag po dang dkar po'o/ /rnga sgra ni don yod par grub pa'o/ /phyag gnyis na ni ro yi snod ces bya ba ni g.yas g.yon gyi phyag dang po gnyis na'o/ /rdo rje sems dpa' zhes bya ba la sogs pa la mi bskyod pa legs par 'khyud nas gnas par bsam par bya ste/ zhes pa bsgom par
- 169a
bya ba'o/ /bdag po lta bu zhes bya ba ni 'khor lo'i bdag po gang yin de dang 'dra bar gyur pa'o/ /rigs gsum zhes bya ba la sogs pa la/ 'byung ba ni zhes bya ba ni sprul nas dgod par bya'o/ /mi thliM sa bon las byung ba zhes bya ba la sogs pa la phyag mtshan dang dbyibs la sogs pa ni rnam par snang mdzad dang mtshungs pa'o/ /oM gyi sa bon zhes bya ba la sogs pa la yi ge oM gyi sa bon las byung ba rin chen 'byung ldan dang mtshungs pa'o/ /go rim bzhin du zhes bya ba ni go rim ma 'chol bar ji ltar 'byung ba bzhin du zhes bya ba'i don no/ /oM dang hUM las yang dag 'byung zhes bya ba ni/ yi ge oM las 'jig rten dbang phyug yi ge hUM las ni 'jam pa'i dbyangs so/ /nub tu zhes bya ba ni nub phyogs kyi snam bu la ste snang ba mdza' yas dang 'dra'o/ /de lta bas na lha zhes bya ste/ nor bu pad+ma rA ga'i 'od ltar gsal bar byed pa byas nas so/ /byang phyogs su yang 'byung ba ni zhes bya ba dgongs par bya'o/ /oM dang sam gyi sa bon skyes shes pa la sogs pa la/ sgrib sel ces bya ba ni sgrib pa thams cad rnam par sel ba'o/ /kun tu bzang po zhes bya ba ni kun tu bzang po ste rim pa bzhin no/ /'di dag ces bya ba la sogs pa la/ dbu rgyan rang gi mgon zhes bya ba ni rang gi phyogs na rnam par gnas pa'i bdag pos dbu rgyan byas pa'o/ /byams pa 'ba' zhig ces bya ba la sogs pa la/ de 'ba' zhig klu shing gi me tog rnams kyi gzhan dag la ni rang rang gi phyag mtshan med do/ /'di dag skye mched rnam sbyong zhing/ /zhes bya ba la sogs pa la/ skye mched kyi sgo nas dag dang mi dge ba'i las kyi mtshan nyid can rgyas pas na de'i phyir skye mched ces bya ste mig dang rna ba dang sna dang lce dang lus dang yid
- 169b
ces bya ba'o/ /'di dag ces bya ba ni byang chub sems dpa' rnams so/ /lha'i mig sogs sol ba'o/ zhes bya ba ni zag pa med pa'i mig la sogs pa skye bar byed pa'o/ /slar byon zhes pa ni thugs ka las byung nas sems can rnams kyi skye mched dag par byas te/ slar yang byon nas rang rang gi gdan la ci rigs par bzhugs so zhes bya ba ni lhag ma'o/ /ya mAn+ta krita sngags las byung zhes bya ba la sogs pa la/ sngags las byung zhes bya ba ni yi ge hUM las bskyed pa'o/ /byung zhes bya ba ni bshad ma thag pa'i sngags kyis so/ /'bar ba'i tshogs kyis rnam par 'khrigs zhes bya ba ni 'bar ba'i phreng ba'i rnam par bskor ba'o/ /pradz+nyAn+ta krita sngags las byung zhes bya ba la sogs pa la sngags las byung zhes bya ba ni sngags bzhin no/ /gzhan gyis mi thub pa zhes bya ba ni shes rab mthar byed do/ /sku mdog dkar zhes bya ba ni mdog dkar po'o/ /sprul gyis brgyan zhes bya ba ni khro bo thams cad la sbyar bar bya'o/ /gsus khyim che ba'i mi thung gi gzugs can spyan gsum ba zhes bya ba yang thams cad la sbyar bar bya'o/ /lha'i phyogs su zhes bya ba ni gshin rje'i phyogs su'o/ /bzhugs par gyur ces bya ba ni bzhugs par gyur pa'o/ /padmAn+ta krita ces bya ba la sogs pa la/ rta mgrin zhes bya ba ni pad+ma mthar byed do/ /spyan gsum zhes bya ba ni spyan gsum dang ldan pa'o/ /zhal gdangs zhes bya ba ni zhal rnam par 'gyur ba'o/ /dpa' bo zhes bya ba ni bla na med pa'i brtson 'grus dang ldan pa'i phyir ro/ /bsnyems dang bcas pas zhes bya ba ni dgra rtse la rten dang bcas pa'o/ /g.yon zhes bya ba ni g.yas pa ma yin pa'o/ /nub kyi phyogs su zhes bya ba chu dbang gi phyogs su'o/ /bi? ta krita sngags las byung/ /utpa la sngon po'i 'dab ltar ljang/ /zhes bya ba ni in+d+ra nI la'i mdog can no/ /byang
- 170a
gi phyogs su zhes bya ba ni ku be ra'i phyogs su'o/ /rang gi gsang sngags las byung ba zhes bya ba la sogs pa la/ byung ba zhes bya ba ni sprul nas dgod pa'o/ /mi zad ha ha zhes bya ba'i sgra dang ldan pa'o/ / shar lho mtshams su zhes bya ba me'i phyogs su'o/ /rang gi gsang sngags zhes bya ba la sogs pa la/ 'dod rgyal ni khro bo chen po'o/ /phyag rgya dag gi 'ching ba mdzad ces bya ba ni lag pa g.yas g.yon gnyis kyi rgyab spyang la mthe'u chung gnyis dang mdzub mo gnyis sbrel ba snying gar 'dzin pa'o/ /bden bral bgegs ni 'dzin pa'o/ /zhes bya ba ni bgegs 'jigs par byed pa'o/ /dbyug sngon zhes bya ba ni khro bo'i rgyal po'o/ /brtul bzhugs can ni stobs po che ste/ 'od dpag tu med pa'i dbu rgyan can no/ /gsal bas ni zhes bya ba la sogs pa la/ yams zhes bya ba ni gnod pa ltar des byas pa'i sems can nyams par byed pa ni 'jig pa ste bsal ba'o/ /rang sngags kyi yi ge las byung ba zhes bya ba la sogs pa la/ don yod grub pa'i dbu rgyan can no/ /stobs po che ni sngags pa dbyung zhes bya ba ni snga ma bzhin no/ /'jigs pa'i sgra ni gang rgyangs ha ha zhes sogs pa'o/ /yan lag thams cad sbrul gyis brgyan ces bya ba ni mgo bo dang mgrin pa dang/ rna ba gnyis dang lag pa gnyis dang rkang ba dag la'o/ /dgra sta zhes bya ba ni sta re'o/ /mkha' 'gro zhes bya ba ni grong gi mkha' 'gro ma'o/ /sogs kyi sgras ni srin po la sogs pa bsdu'o/ /gnas zhes bya ba ni stobs po che'o/ /rang sngags kyi yi ge las byung ba la sogs pa la mkha' ltar sngo bsangs zhes bya ba ni sngo bskya'o/ /gsus pa 'phyang ba ni gsus khyim che ba'o/ /gzhan na zhes bya ba ni g.yon na'o/ /gtum po g.yon
- 170b
brkyang gnas pa yis/ /zhes bya ba ni drag po'i gzi brjid can no/ /tshangs pa'i gnas zhes bya ba ni dkyil 'khor gyi bdag po'i steng gi cha'o/ /rang sngags yi ge zhes bya ba la sogs pa la nam mkha' bzang po'i mdog ces bya ba ni zar ma'i me tog gi mdog 'dra ba'o/ /sa'i 'og tu zhes bya ba ni rten gyi dkyil 'khor gyi 'og tu'o/ /zhes bya ba ni gnod mdzes rgyal po'o/ /bskyed nas ni zhes bya ba la sogs pa la/ dkyil 'khor zhes bya ba ni sprul pa'i dkyil 'khor ro/ / 'khor lo'i zhes bya ba la sogs pa la/ dbus su gnas pa'i dkyil 'khor gyi bdag po'o/ /pad+ma'i rnal 'byor zhes bya ba la rnal 'byor ni ting nge 'dzin no/ /yang 'di'i phra ba ni rgyas pa la bltos nas 'byung bar 'gyur te/ de ni brtan pa nyid yin no/ /rang gi sems brtan par bya ba'i phyir bstan pa'i ting nge 'dzin gyi rjes thogs su de brtan par brtsom pa ni sna'i rtse mor zhes bya ba la sogs pa ste/ shes rab kyi chu skyes kyi sna'i rtser ro/ /yungs kar zhes bya ba ni yungs kar gyi 'bras bu'i tshad tsam gyis rang gi lha'i phyag mtshan no/ /bsams zhes bya ba ni bsgom pa'o/ /'gro dang mi 'gro yungs kar la zhes bya ba ni 'gro ba dang mi 'gro ba 'jug par gyur pas 'gro dang mi 'gro ni dkyil 'khor gyi 'khor lo zhes bya ba'i bar du ste/ dkyil 'khor pa ni rgyu ba'o/ /mi rgyu ba ni rten gyi dkyil 'khor ro/ /bsgom mo zhes bya ba ni brtan par bya ba'o/ /ye shes zhes bya ba ni bla na med pa'i ye shes so/ /de'i gnas ni rab tu gnas pa ste/ ye shes 'char ba'i sa'o/ /de nyid kyi phyir nyams dga' ste/ yang dag par dga' bar bya ba ste bsgom par bya ba yin no/ /zhes bya ba'i bar du ste/ gsang ba ni shin tu sbas pa ste/ /bskyed pa'i rim pa'i rnal 'byor pa la'o/ /brtags
- 171a
zhes bya ba ni bla na med pa'i 'bras bu 'byung bar byed pa'i ye shes te thig le gzugs su brtags pa'o/ /rin chen kha dog sna lnga pa zhes bya ba la sogs pa la/ de bzhin gshegs pa lnga'i ngo bo yin pa'i phyir ro/ /rin chen ni mu stegs la sogs pa bsod nams dang ldan pa rnams kyis rnyed dka' ba'i phyir ro/ /yungs kar gyi 'bru chod tsam zhes bya ba ni de tsam gyis tshad dang ldan pa'o/ /sna'i rtse mor nan tan du zhes bya bas ni rnal 'byor gnyis pa ston par byed pa'o/ /sna'i rtse mo ste smin mtshams su der 'bad pas zhes bya ba ni man ngag ste/ des shes bya ba'i don to/ /bsgom zhes bya ba ni brtan par bya ba'o/ /rnal 'byor zhes bya ba ni yang dag par sbyor ba/ 'byung ba dang 'jug pa shes so/ /de lta bas na rtag tu ste dus thams cad du'o/ /brtan par gyur nas zhes bya ba la sogs pa la/ spro ba ni de bzhin gshegs pa lnga'i 'od zer gyis tshogs so/ /rin chen zhes bya ba ni bdun pa'i don gyi gnyis pa'o/ /rin chen brtan par gyur nas spro bar bya'o/ /zhes bya ba'i don no/ /brtan par ma gyur zhes bya ba ni de la sems mi brtan pa'o/ /de mi spro zhes bya ba ni 'bras bu med pa'i dgag par bya ba'o/ /rab mchog sprin ni spro bar bya zhes bya ba la sogs pa la/ sangs rgyas ni de bzhin gshegs pa rigs lnga'i bdag po'o/ /de rnams 'bar ba ni 'od zer te/ de dang 'od mnyam pa'o/ /sus she na 'khor gyi ste/ de dag gi rigs kyi lha rnams kyis so// sprin zhes bya ba ni tshogs so/ /phra mo'i rnal 'byor rnam pa gnyis brtan nas/ bzlas pa rnam pa gnyis smra bar 'dod nas slong mo za zhing zhes bya ba la sogs pa smras te/ slong bar byed pas na slongs mo ste/ de za ba ni slongs mo za ba'o//
- 171b
des sangs rgyas bsgrub pa'i phyir gsang sngags bzla bar mi bya'o/ /gal te gzar med na ci zhig bza' ba yin zhe na/ ma slangs pa la chags mi bya zhes bya ba smras te/ chags pa ni dga' ba ste nges par bya zhes dam bca' ba'o/ /yan lag gnyis med ces bya ba ni/ lha'i gzugs dang gnyis su med pa'o/ /'dod pa kun la longs spyod cing zhes bya ba ni 'bad pa med par rnyed pa'o/ /rdo rje bzlas nas spro bar bya zhes bya ba la sogs pa la yi ge gsum bzlas nas dam tshig sems dpa' spro bar bya'o/ /rdo rje zhes bya ba ni de bzhin gshegs pa'i bkod pa'o/ /rdzogs par gyur nas zhes bya ba ni sngags bzla ba rdzogs nas so/ /bsdu bar bya ba ni de ltar yang dang yang du bsdu bar bya'o/ /yang na tha dad yi ge slong mo ste/ de brdog pa'i ngang tshul can ni slong mo za ba'o/ /de lta bu'i ngo bos bzlas par mi bya ba'o/ /ma blangs pa la chags mi bya zhes bya ba ni tha dad pa'i yi ge la mos par mi bya'o/ /zhes bya ba'i don te lha'i rnal 'byor dang 'gal ba'i phyir bzlas nas zhes bya ba la sogs pa ni rlung phyir byung nas bya ba'i don to/ /rdo rje spro bar bya zhes bya ba ni yi ge hUM ngo/ /rdzogs nas zhes bya ba ni sngags rdzogs nas so/ /bsdu bar bya zhes bya ba ni sngags kyi dang po brjod nas bsdu bar bya ba'o/ /'di ni zhes bya ba la sogs pa la/ don dam pa'i bzlas par bshad ces bya ba phra mo'i rnal 'byor bzlas pa yang zhes bya ba la sogs pa ste/ ci 'dod pa zhes bya ba ni gzhan dag kyang bya ba'o/ /bdag nyid bya ba ni dkyil 'khor gyi gtso bo'o/ /slar yang zhes bya ba ni snga ma bzhin du snang ba med par bya ba'o/ /de nas dkyil 'khor gnas pa'i lha mo zhes bya ba ni sangs rgyas can mA ma ki dang gos dkar mo dang sgrol ma'o/ /bdag po zhes bya ba ni dkyil 'khor gyi gtso bo'o/ /tshigs su bcad pa
- 172a
'di zhes bya ba la sogs pa la 'di zhes bya ba ni 'chad par 'gyur ba'o/ /skul bar byed ces bya ba ni stong pa nyid kyi ting nge 'dzin las slong bar byed pa'o/ /khyod ni rdo rje thugs zhes bya ba la sogs pa la/ mdun na gnas pa lta bur rnam par bsams nas smra ba ste/ thugs la dbang mnyes pa thob par gyur pa'i phyir dang/ khams gsum gyi chos kyi rgyal srid brnyes par gyur ba'i phyir ro/ /gnas pa'i dbang phyug ces bya ba ni bskul bar byed pa'o/ /sems can khams shes bya ba ni thams cad kyi bdag nyid yin pa'i phyir ro/ /dga' ba ni rtsed mo'o/ /de'i yid du 'ong ba gang yin pa de la de skad ces bya'o/ /don chen po mchog tu dga' ba'o/ /de ni 'dod par bya ba yin zhing bsgrub par bya ba yin pas na don byed 'dod pa ste/ de ni 'khyud pa la sogs pa'i rtsed mos bdag la skyab tu gsol cig pa'o/ /sems can thams cad skye bo'i rgyur gyur pas na yab ces bya'o/ /mchog tu thugs rje can nyid kyi phyir sems can rnams kyi gnyen mchog go/ bdag ni zhes bya ba ni bdag nyid do/ /gson pa ni srog dang ldan pa'o/ /mgon po bdag po'o/ /gal te bzhed na bdag la bstod pa'i rol pa mdzad du gsol zhes bya ba'o/ /gzhan yang mA ma kIs bskul bar bstan pa'i phyir/ rdo rje sku khyod ces bya ba/ la sogs pa smras te/ nyams pa med pa'i sku yin pa'i phyir ro/ /bka' i 'khor lo sems can kun la phan zhes bya ba ni bka' i 'khor la gang la sems can kun la'i don yod pa nyid kyi phyir ro/ /sangs rgyas ni phung po lnga'o/ /de dag gi don ni kun rdzob kyi bden pa'o/ /byang chub ni don dam pa'i bden pa'o/ /de dag sbyar ba las byung ba'i gzugs ni mchog ces bya'o/ /de sems can la phan pa'i bsam pa nyid kyis rab tu
- 172b
ston pa ni rab tu phan par gzigs so/ /'dod chags zhes bya ba ni 'dod chags rnam par sbyang bar bya ba'i phyir ro/ /dam tshig chags pa ni 'dod chags kyi spyod pa'i ngo bo nyid do/ /bdag la dgyes pas zhes bya ba bdag la rol mo mdzod cig pa'o/ / khyod ni rdo rje gsung ste zhes bya ba la sogs pa ni gsung gi dbang phyug nyid thob pa'i phyir ro/ /phan zhing thugs brtse ba ni sems can gyi khams ma lus pa la'o/ sems can gyi dgongs pa nyid don mdzad pa'o/ /rtag tu dus thams cad du 'jug pa'o/ /bdag la dgyes par mdzod cig ces bya ba ni 'dod pa'i spyod pa'o/ /kun ni sems can gyi khams so/ /bzang po ni dge ba'o/ /de byed pas ni kun tu bzang po'o/ /khyod ni rdo rje'i sku ste zhes bya ba la sogs pa la rdo rje zhes bya ba ni mi phyed pa'i sku'o/ /las kyi rigs kyi bdag po yin pa'i phyir/ dam tshig mchog ces bya'o/ /sems can thams cad la phan pa'i rgyur gyur pa'i phyir phan don che'o/ /shAkya'i rigs su 'byung ba'i rnams kyi mchog tu gyur pa'i phyir/ yang dag rdzogs sangs rgyas kyi gdung mchog ces bya'o/ /bdag dang gzhan gyi cha la dmigs pa dang 'bral ba nyid yin na yang sems can rnams la mnyam pa nyid du gzigs pa nyid do/ /yon tan rin chen mang po'i gter gyur bdag ces bya ba ni/ chags pa dang chags pa dang bral ba dang/ chags pa bar ma dang 'od gsal ba skyed par byed pa'o/ /de ltar yang dag yon tan ni zhes bya ba la sogs pa la/ mgon po zhes bya ba ni dkyil 'khor gyi gtso bo'o/ /yang dag yon tan ni brjod pas zhes bya ba ni sngar bstan pa'o/ /de bzhin gshegs pa zhes bya ba ni dkyil 'khor ba'o/ /mi bskyod la sogs zhes bya ba la/ nyon mongs pa'i bkod pa thams cad kyis mi g.yo bas na mi bskyod pa'o/ /gang gi thugs rdo rje
- 173a
yin pa de la de skad ces bya'o/ /stong pa bzhi'i bdag nyid yin pa'i phyir ye shes che'o/ /rdo rje ni de bzhin gshegs pa thams cad dang bde 'dzin par mdzad pas na rdo rje dbyings so/ /bden pa gnyis rnam par dbye ba yongs su shes pas mkhan chen po'o/ /don dam pa'i dkyil 'khor dang/ sku'i dkyil 'khor dang/ 'byin pa'i dkyil 'khor gyi rang bzhin yin pa'i phyir dkyil 'khor gsum mo/ /sku dang gsung dang thugs rdo rje rnams kyi mchog tu gyur pa'i phyir/ rdo rje mchog go /gsang ba'i dbyangs zhes bya ba ni dam tshig gi de kho na nyid bdag la rab tu ston cig pa'o/ /rnam par snang mdzad ces bya ba la sogs pa la/ 'od gsal ba'i mes gsal bar gyur pas na rnam par snang mdzad do/ /de nyid kyi phyir rab tu dga' ba'o/ /rdo rje ni de bzhin gshegs pa rnams so/ /de rnams ni dag pa'i ngo bo nyid yin pa'i phyir zhi ba zhes bya'o/ /mchog tu dga' ba'i bdag nyid yin pa'i phyir dga' ba ma zhes bya'o/ /rang bzhin gyis 'od gsal ba yin zhing dag pa'i chos ston pa ste rab tu ston pa'o/ /rdo rje zhes bya ba ni bod pa'o/ /rin chen ni rin po che'i rigs so/ /de dag gi rgyal por gyur cing gsal bar byed pa yin pas na rin chen rgyal po'o/ /mnyam pa nyid kyi ye shes kyis rang bzhin yin pa'i phyir rab tu zab ces bya'o/ /de nyid kyi phyir rdo rje nam mkha' dri med ces bya'o/ /gdod ma nas dag pa'i phyir dngos nyid dag pa'o/ /chos thams cad dri ma med pa'i phyir gos pa med pa'o/ /gsang ba ni gsung ni de ston par byed pa'o/ rdo rje mi 'chi 'dod chags che zhes bya ba la sogs pa la/ rdo rje mi 'chi ba ni pad+ma'i rigs can rnams so/ /de rnams kyi bdag por gyur pa ni rgyal po che'o/ /so sor rtog pa'i ye shes kyi ngo bo yin pa'i phyir mi rtog ces bya'o/ /
- 173b
'dod chags ni 'khor ba la chags pa'i mtshan nyid can no/ /de'i pha rol tu phyin pa'i blo gang la yod pa de ni brnyes pa de ni/ rdo rje dag pa gdon mi za zhes bya ba la sogs pa la/ gdon mi za ni don yod grub pa'i rigs can rnams so/ /de rnams yang dag par rdzogs pas sangs rgyas pa ni rdo rje'o/ /zhi ba la sogs pa'i las bsams pa rnams rdzogs par byed par byas pas na/ bsam pa thams cad yongs su rdzogs pa zhes bya'o/ /'od gsal ba las yang dag par byung ba'i phyir dag pa'i nyid las 'byung zhes pa ste/ kye'i rdo rje sems dpa' khyod la phyag 'tshal lo/ zhes bya ba'o/ /de nas 'khor lo sangs rgyas kyis bstod gsol ces bya ba la sogs pa la/ de bzhin gshegs pa lnga'i ngo bos phyag byas pas rjes thogs su lha mo'i 'khor lo 'phro ba yis rjes su chags par gyur pas gsang ba'i don bshad ces pa ni dkyil 'khor ba la'o/ /ji bzhin mchog tu zhes bya ba ni kun kyang 'od gsal ba'i ngo bo yin pa'i phyir ro/ /rang gi sku'i 'khor lo gzhug ces bya ba la sogs pa la/ sku'i dkyil 'khor la snga ma bzhin du gzhug pa'o/ /bden pa chen po zhes bya ba ni rdo rje 'chang ngo/ /de ltar zhes bya ba la sogs pa la/ rnal 'byor bzhi med ces pa ni rnal 'byor dang rjes kyi rnal 'byor dang shin tu rnal 'byor dang rnal 'byor chen po byed ces bya ba ste/ legs par bslabs pa nyid do/ /hUM gi snying por zhes bya ba ni yi ge hUM snying gar bsam pa'o/ /de byung rdo rje sems dpa' zhes bya ba ni de yongs su gyur pa las byung ba'i rdo rje sems dpa' i gzugs su'o/ /de nas zhes bya ba ni 'gro ba rnams la rdo rje sems dpa' i blo bskyed pa'o/ /sngags pas ting nge 'dzin ces bya ba la sogs pa la dmigs pa'i tshe zhes bya ba rgyun mi 'chad par byed pa'i dus su'o/ /lus ni
- 174a
bskam par 'gyur zhes bya ba lus yongs su skams par gyur nas so/ /sbyor ba zhes bya ba'i ting nge 'dzin no/ /tshim byed pa zhes bya ba ni rgyas par byed ba'o/ /mtho gang tsam zhes bya ba la sogs pa la dkyil 'khor brtag par bya zhes bya ba ste/ a las byung ba'i zla ba'i dkyil 'khor brtag par bya ba ste bsgoms pa'o/ /oM ni de ru brtag par bya zhes bya ba ni yi ge oM kha dog dkar po de'i dbus su kha thur du bltas pa las kha ba ltar bsil ba'i bdud rtsi rnam pa lnga'i rgyun 'bebs pa'i de'i rim gyis bdag gi lus tshim par gyur par bsgom par bya'o/ /rdo rje sbyor ba de yis ni zhes bya ba la sogs pa la/ rdo rje yis sbyor ba ni sangs rgyas kyi ting nge 'dzin no/ /gzi can zhes bya ba ni stobs dang kha dog dang ldan pas bkris pa dang skom pa dang bral ba'o/ /skad cig gis ni zhes yud tsam goms par byas pa'o/ /yang gang gi tshe nyin re yi dam du goms par byed na de'i tshe tshe ring bar 'gyur gnyer ma dang skra dkar med par 'gyur ro/ /de'i phyir lus ngag yid ni bde ba bdag ces bya ba la sogs pas bstan pa yin no/ /de ltar zhes bya ba la sogs pas ni sngags pas goms par bya ba'i rnam pa gzhan bstan pa'o/ /sbyang dang de bzhin rtogs par bya zhes bya ba ni bza' bar bya ba'i rdzas dang/ snying ga dang lkog ma la sogs pa la rim pa bzhin du sbyar ro/ /de bzhin zhes bya ba ni 'chad par gyur pa'i rim gyis so/ /de nyid bstan pa'i phyir/ hUM gis legs par zhes bya ba la sogs pa smras te/ yi ge hUM las rdo rje dkar po rnam par bsams la de'i 'og gi phyogs su a las pad+ma'i snod do/ /der rdzas rnams ni yi ge oM gyis byin gyis brlabs pa rnam par bsams la/ snod kyi 'og gi phyogs
- 174b
su rlung dang me'i dkyil 'khor ro/ /dang por hUM gis zhes bya ba hUM las byung ba'i rdo rje'i rdul phra rab kyis rdzas rnams sbyangs la a yis zhes bya ba ni a yongs su gyur pa las byung ba'i thod pa'i steng du'o/ /rtogs byas zhes bya ba ni rang gi sems kyis sems rtogs par bya ba'o/ /phyi nas oM gyis mnan nas 'og gi phyogs nas gnas pa'i rlung gi me sbar bar bya'o/ /'di skad bstan par 'gyur te/ rdzas de dag thod pa'i nang du zhu bar gyur nas dkar por snang bar byas nas 'od zer gyis de bzhin gshegs pa thams cad kyi thugs ka nas bdud rtsi'i mchog drangs nas/ der chud par byas nas yi ge gsum gyis lan bdun gyi bar du byin gyis brlabs par bya'o/ /'di ni zas sbyang ba'o/ /zhes bya ba ni de lta bu'o/ /mgrin pa sbyang ba'i phyir dang po'i mgrin mtshams gtso mkha' bsam zhes bya ba la sogs pa la/ mgrin pa'i gtso bo ni snang ba mdza' yas so/ /mkha' ni nam mkha' i phyogs su rnam par bsam pa'o/ /dang po zhes bya ba ni dang po nyid du'o/ /h+rI(rgyud 'grel): las byung ba'i pad+ma 'dab ma brgyad pa mgrin pa'i dkyil du bsam la der snang ba mdza' yas gzhug par bya'o/ /sprin gyi sgra ni zhes bya ba la sogs pa la snying gar sna tshogs pad+ma dang nyi ma'i dkyil 'khor gyi steng du sprin gyi sgra zhes bya ba'i yi ge hUM bsgom pa la/ der ni bza' ba zhes bya ba ni sngar sbyangs pa rnams so/ /rlung gi zhes bya ba ni dbugs rgyu ba bkag la me sbar bar byed do/ /chu zhes bya ba ni lhor phyin pa dang/ de 'tshed par byed pa yin pas 'tshed par byed ces bya'o/ /de zhes bya ba ni bza' ba'o/ /dbang chen zhes bya ba ni lta ba'i 'og tu'o/ /gnas su zhes bya ba ni rtsa'i sgo nas zhugs nas phyi nas gnas par 'gyur ro/ /gang du phyi ni rgyu ba dag ces bya ba ni gang yang phyir 'byung bar gyur pa'o/ /bza' ba dang zhes bya ba la sogs pa la/
- 175a
chu ste lte bar phyin pa dang/ yongs su zhu bar 'gyur ro/ /bza' ba zhes bya ba la sogs pa la/ kha'i pad+ma zhes bya ba ni sbyangs pa'i mgrin pa'o/ /snying ga'i pad+ma zhes bya bar ni lte ba'i pad+mar phyi na 'og? tu zhes bya ba ni zhu ba dang ma zhu ba'i gnas skabs so/ /kha sbyor bya ba'i sbyor ba yis zhes bya ba ni man ngag go /gsang ba'i pad+ma zhes bya ba la sogs pa la/ thal ba'i mthar zhes bya ba la/ nang gi bdag nyid can gyi me'o/ /rnal 'byor gyi che ba'i bdag nyid bstan pa'i phyir/ rims rnams zhes bya ba la sogs pa la smras pa yin no/ /rdo rje phreng ba zhes pa la sogs pa ni bshad pa'i rgyud kyi ming yin no/ /de nyid ni bsrubs shing ste/ gsang 'dus sbas chu'i rgya mtsho bsrubs pa las so/ /sbas shes bya ba ni gsang ba'o/ /gang zhes bya ba ni de ltar gang bstan pa dag go /sgrub pa'i thabs kyi yan lag nyid ni bdud rtsi yin no/ /thob de shes bya ba ni thob par gyur pa ste/ de shes bya ba sgrub pa'i thabs kyi bdud rtsi nges 'jig rten ngoms par gyur cig pa'o/ /'chi med ni nyams pa med pa ste/ longs spyod rdzogs pa'i sku thob par gyur pa'o/ /sgrub pa'i thabs mdor byas pa'i dka' 'grel lo// //rnal 'byor rgyud kyi rjes 'brangs nas/ /rdzogs pa'i rim pa shes bya'i phyir/ /dpal ldan klu sgrub phyag 'tshal nas/ /bla mas bstan bya dran bya'i phyir/ /rdo rje bzlas pa'i rim dga' zhig /tshig la gnas pa 'dir dgrol bya/ /gang 'dir rig pa de gzung zhing/ /gzhan dag spang bar mkhas pas bya/ /sems can kun gyi bdag nyid mgon zhes bya ba la sogs pa ni dngos po kun gyi ngo bo nyid yin pa'i phyir ro/ /mgon zhes bya ba ni 'gro ba'i skyabs gcig pur gyur pa'i phyir ro/ /
- 175b
dpal ldan zhes bya ba ni bsod nams dang ye shes kyi tshogs kyi rang bzhin gyi bde ba chen po'i ngo bo nyid yin pa'i phyir ro/ /de lta bu'i thugs rje chen po'i can gyi rdo rje 'chang chen po rje btsun la phyag 'tshal nas ci zhig bya? zhe na/ rdo rje bzlas pa'i rim bshad bya zhes bya ba la sogs pa smras te/ rdo rje ni dbyer med pa'i ye shes te don dam pa'o/ /don dam gyi mchog kyang yin la dgongs pa yang yin pas shes byas nas so/ /don de bzlas pa ni rdo rje bzlas pa ste yid kyi rnam pa'o/ /de yang bzlas pa'i yid kyi rnam pa shes bya ba'i skad kyi dbyings kyi sbyor bas bzlas pa zhes bya ba'i brjod pa ni bzlas pa ma yin te/ rdzogs pa'i rim pa'i phyogs 'dir de'i skabs ma yin pa'i phyir ro/ /rim zhes bya ba ni go rim ste/ de bshad bya zhes bya ba'o/ /bskyed pa'i rim pa legs gnas shing zhes bya ba la sogs pa la mdor bsdus pa'i/ rim par bstan pa'i lha'i rnal 'byor la gnas pa rnams so/ /rdzogs pa zhes bya ba ni rdo rje bzlas pa la sogs pa'i rim par 'dod pa'o/ /'di zhes bya ba ni 'chad par 'gyur ba rnams so/ /skas kyi rim pa zhes bya ba ni mdzeg pa dang/ 'babs pa'i gnas dang 'dra ba'o/ /skas kyi rim pa lta bu de nyid kyang bstan par bya ba'i phyir sems can rnams kyi srog gyur pa/ zhes bya ba la sogs pa smras te/ rlung zhes bya ba zhes pa ni rlung zhes ming du brtags pa'o/ /las kun byed ces bya ba ni zhi ba la sogs pa'i las thams cad byed pa'o/ /rnam shes bzhon pa bya ba ni rnam par shes pa'i bzhon par gyur pa'o/ /lnga'i bdag nyid ces bya ba ni rnam pa lnga ste yang phye ba ni rnam pa bcu'o/ /de yang 'di lta ste/ srog dang thur sel dang gyen rgyu dang/ mnyam par gnas pa dang/ khyab pa dang rgyu ba dang/ rnam par rgyu ba dang/ mnyam par rgyu ba dang/ rab tu rgyu ba dang/
- 176a
nges par rgyu ba zhes bya ba'o/ /de lta bu'i srog la sogs pa'i rlung bcu po de dag sems can rnams kyis lus la ji ltar nges par gnas nas ci zhig byed/ ci thams cad rdo rje bzlas pa'i skabs su smra bar bya ba yin nam zhes phyogs snga ma dogs pas de'i phyir 'di dag gi las gzhan nas drangs nas dri bar bya'o/ /de la rlung lnga ni lus kyi cha la gnas nas lus kyi bya ba rnams byed do/ /rlung lnga ni mig la sogs pa'i skye mched la gnas nas dbang po rnams kyi bya ba byed do/ /srog ni snying ga na gnas te/ mi bskyod pa'i ngo bo nyid do/ /thur du sel ba ni 'doms na gnas pa ste/ rin chen 'byung ldan gyi ngo bo nyid do/ /gyen du rgyu ba ni mgrin pa la gnas pa ste/ snang ba mdza' yas kyi ngo bo nyid do/ /mnyam par gnas pa ni lte ba na gnas pa ste/ don yod grub pa'i ngo bo nyid do/ /khyab par gnas pa ni lus kun gyi tshigs la gnas pa ste/ rnam par snang mdzad kyi ngo bo nyid do/ /rgyu ba ni gzugs so/ /rnam par rgyu ba ni sgra'o/ /mnyam par rgyu ba ni dri'o/ /rab tu rgyu ba ni ro'o/ /nges par rgyu ba ni reg go /rlung bcu po de dag yang dbugs dbyung ba dang rdub par gyur nas/ rlung la sogs pa'i dkyil 'khor bzhi dang/ lha mo bzhi'i ngo bor yang 'gyur ro/ /de bzhin du 'byung ba lnga'i ngo bos sangs rgyas lnga'i bdag nyid du yang 'gyur ro/ /yang yi ge gsum gyi ngo bor gyur nas 'jug pa dang gnas pa dang ldang ba'i rim gyis rdo rje bzlas pa'i byed par yang 'gyur ro// yang de dag yi ge a bzhi'i ngo bor gyur nas ngag gi brjod pa ma lus par 'byung bar byed do/ /yang de dag mi shigs pa thob nas dngos po med par yang 'gyur ro/ /rgyu de'i phyir rlung gi de kho na nyid rim gyis ni zhes bya ba la sogs pa
- 176b
smras te/ rlung gi de nyid dang por bstan pas na rim gyis ni zhes bya ba ste/ rlung gi de nyid la goms pa sngon du song ba nyid kyis sngags kyi de nyid ces bya ba dag rnam par dag pa'i tshig go /yang dag 'jug ces bya ba rab tu 'jug par 'gyur ro/ /sngags kyi zhes bya ba la sogs pa la/ sngags kyi don gyi mthar thug pa ni sngags kyi nges pa'o/ /de rtogs nas rdo rje bzlas pa la legs par slob par 'gyur ro/ /rdo rje bzlas nas zhes bya ba la sogs pa la/ ting nge 'dzin de la gnas par gyur nas/ sems la dmigs pa zhes bya ba mthar thug pa phyin pa ste/ de'i rang gi ngo bo rig par 'gyur ro/ /de ni bdag byin gyis brlabs pa'i ting nge 'dzin no/ /'thob par 'gyur zhes bya ba ni rnyed par 'gyur zhes bya ba'i don no/ /sgyu ma lta bu'i ting nge 'dzin de la gnas nas/ yang dag mdza' zhes bya ba chos thams cad 'byung bar 'gyur bas na yang dag mdza' zhes bya'o/ /de rnams kyi mdza' ni rtse mo ste mthar thug pa'i zhes bya ba'i bar du'o/ /'od gsal ba'i ngo bor gyur pa des sgyu ma lta bu'i ting nge 'dzin rnam par sbyong bar byed do/ /de las langs nas gnyis med ye shes zhes bya ba rdo rje 'chang chen po'i go 'phang thob par 'gyur ro/ /zung du 'jug pa'i ting nge 'dzin la gnas nas/ slar zhing gang la 'ang mi slob po/ /zhes bya ba ni bdag nyid kyis bsgrub par bya ba gang ci yang rung ba ma yin no/ /zhes bya ba'i bar du'o/ /'di ni zhes bya ba la sogs pa la rdzogs pa'i rnal 'byor pa zhes bya ba ni don dam pa'o/ /rdo rje bzlas pa la sogs pa ni brtags pa nyid do/ /de nas zhes bya ba ni 'od gsal las langs nas so/ / 'das pa dang ni ma 'ongs la zhes bya ba la sogs pa la sogs pa la srid gsum zhes bya ba ni 'dod pa dang gzugs dang gzugs med pa'i mtshan nyid can no/ /skad cig de la zhes bya ba ni skad cig gcig nyid la'o/ /ji ltar zhe na 'od gsal
- 177a
bas rnam par dag pas zhes bya ba la sogs pa smras te/ 'di dag ces bya ba ni bstan ma thag pa rnams so/ /de nyid ces bya ba man ngag go /rgyas btab ces bya ba ni shin tu sbas pa'o/ /'o na ji ltar shes she na/ bshad pa'i rgyud kyi rjes 'brangs nas zhes bya ba la sogs pa smras te/ de ltar na yang ji ltar shes par 'gyur zhe na/ bla ma'i kha las shes bya ba la sogs pa smras te/ bcom ldan 'das kyis dgongs pas bshad pa'i rdzogs pa'i rim pa'i phyogs kyi bshad pa'i rnam pa gzhan yod pas de cung zhig 'dir brjod par 'dod nas/ sna'i rtse mor zhes bya ba la sogs pa smras te/ kun rdzob kyi sna'i rtse mo'o/ /yungs kar zhes bya ba ni rlung la chos kyi brdar brtags pa'o/ /bsam zhes bya ba ni sems nges par gtad par bya ba'o/ /ci'i phyir zhe na/ gang gi phyir yungs kar zhes bya ba rlung ngo/ /'gro dang mi 'gro zhes bya ba ni 'gro ba dang mi 'gro ba 'jug par byed pas na 'gro ba dang mi 'gro ba ste yid nyid yin no/ /gang gi phyir rlung med par yid kyi 'gro ba dang 'ong ba la sogs pa'i bya ba thams cad du yod pa ma yin pa'i phyir ro/ /de'i phyir yungs kar te/ rlung de'i gnas skabs su bsgom par bya ba'o/ /ye shes gnas ni nyams dga' ba ni ye shes kyi gsang ba ste rab tu gnas pa dang bzhon pa zhes bya ba'i bar du'o/ /gsang ba ni bskyed pa'i rim la gnas pa'i rnal 'byor ba la sba bar bya ba'o/ /ye shes zhes bya ba ni de kho na nyid kyi sgras btags pa'o/ /kha dog sna lnga pa zhes bya ba la sogs pa ni de bzhin gshegs pa lnga'i ngo bo nyid yin pa'i phyir ro/ /rin chen zhes bya ba ni legs par sbyang ba dang ldan pa rnams kyi spyod yul nyid yin pa'i phyir ro/ /yungs kar gyi ni 'bru chod tsam zhes bya ba ni yungs kar gyi 'bru
- 177b
tsam phra ba'o/ /gang la yungs kar gyi 'bru tshod tsam yod pa de la yungs kar gyi 'bru tshod tsam zhes bya ste/ khams phra ba'i gzugs can rlung zhes bya ba'i don no/ /sna'i rtse mos shes bya ba la sogs pa la rnal 'byor zhes bya ba ni lha'i rnal 'byor te bshad pa gcig yin no/ /sna'i rtse mor yungs kar zhes bya ba ni A li dang kA li'i dbus su'o/ /yungs kar zhes bya ba ni phra ba'i gzugs can nyid kyi yid do/ /bsam shes bya ba ni dran par bya/ gtad par bya/ brtan par bya zhes bya bar dgongs pa'o/ /gang gi phyir yungs kar zhes bya ba yid kyi 'gro ba dang mi 'gro ba ste rten dang rten par gyur pa'i dkyil 'khor gyi 'khor lo'i gzugs su sgom par byed pa'i phyir ro/ /de lta bas na 'ba' zhig bsgom pas so/ /rdo rje 'chang gi dkyil 'khor dang/ dkyil 'khor pa dang bcas pa bsgom par byas par 'gyur ro/ /ci'i phyir de ltar 'gyur zhe na/ ye shes kyi gnas dang/ rab tu gnas pa dang/ gnyug ma'i gnas shes bya ba'i bar du yin no/ /nyams dga' ba ni mchog tu gyur pa'o/ /gsang ba ni sba bar bya ba ste/ bla ma'i zhal nas thob par bya ba ste sngar bstan pa bzhin du rtogs par bya'o/ /ye shes kyi brtags zhes bya ba ni ye shes gsum gyi ngo bo rlung zhes bya bar brtags pa yin no/ /zhes bya ba'i don no/ /rigs lnga'i ngo bo nyid yin pa'i phyir kha dog rnam lnga pa zhes bya'o/ /rin chen lta bu'i gang zag las/ gzhan gyi spyod yul ma yin pa'i phyir rin chen zhes bya'o/ /yungs kar gyi 'bru tshod tsam zhes bya ba ni shin tu phra ba'o/ /sna'i rtse mor zhes bya ba ni sdig pa spangs par ro/ /nan tan du zhes bya ba mnyam par bzhag pa'i yid kyis so/ /rnal 'byor zhes bya ba ni ro ma dang rkyang ma dag yang dag par 'byor
- 178a
pa'o/ /rtag tu zhes bya ba ni nyin dang mtshan du'o/ /de'i phyir slob dpon gyis kyang 'di ni dgongs pas bshad pa'o/ /zhes bstan pa yin te bla ma gcig nas gcig tu rgyud pa las shes par bya ba yin kyi gzhan du ni ma yin no/ /zhes bya ba'i bar du'o/ /rdo rje'i tshig 'di zhes bya ba la/ rdo rje mi phyed pa'i ye shes so/ /de gsal bar byed pa'i bshad pa snga ma bzhin pa'i don ston pa'i phyir bshad pa zhes bya ba smos te/ ma lus par ston cing rab tu gsal bar byed pa gang yin pa de bcom ldan 'das kyis dpal gsang ba 'dus pa zhes bya ba'i tshig bshad pa'i rgyud las gsungs te/ de ni zhes bya ba ni sna'i rtse mor zhes bya ba la sogs pas gang bsgrubs pa'o/ / snying po zhes bya ba ni bskyed pa'i rim par bstan pa'i phra mo'i rnal 'byor ro/ /de bas na snying por gyur cing snying por 'jug pa'o/ /mchog tu zhes bya ba ni phul du byung ba ste/ rnal 'byor byis pa'i spyod yul ma yin pa'i phyir ro/ /gsang ba zhes bya ba ni brtan par bya ba ma yin pa'o/ /sangs rgyas kun zhes bya ba 'dis ni rnal 'byor 'di la shin tu gus par bya ba bstan te/ sangs rgyas rnams la yang bsad par bya ba yin na/ de las gzhan dag la lta smos kyang ci dgos zhes bstan pa yin no/ /gang de zhes bya ba ni sngar bstan pa'o/ /ci zhig ce na thams cad bdag nyid ces bya ba ste/ 'gro ba'i lus la mngon par khyab pa'o/ /ye shes lnga'i dngos zhes bya ba ni me long lta bu'i ye shes la sogs pa lnga'i rang bzhin no/ /de nyid ces bya ba ni rdzogs pa'i rim pa'i 'dod pa rnams la de nyid thob pa'i rgyu mtshan nyid du 'gyur ba yin pa'i phyir de nyid do/ /yungs kar gyi ni zhes bya ba la sogs pa ni don sngar bstan pa nyid dran
- 178b
par bya'o/ /de'i dbus na zhes bya ba la sogs pa la/ lha rdzas yin pas na rnam par shes pa'i khams la lha zhes bya ste/ lha la sogs pa'i 'gro ba rnam par rol par byed pa'i phyir ro/ /mi gsal zhes bya ba ni shes par mi nus pa'i phyir ro/ /gzugs dang ldan zhes bya ba ni de nyid rnam pa sna tshogs kyis rnam par snang ba'i phyir ro/ /don 'di nyid ces bya ba ni bstan ma thag pa'i don no/ /ye shes lnga yis zhes bya ba la sogs pa la 'byung ba zhes bya ba dang pad+ma'i sna'i rtse mor zhes bya ba ni gdong gi pad+ma'i sna'i rtse mor ro/ /gong bu'i gzugs kyi shes bya ba ni srog la sogs pa'i rlung bcu bsdus pa'i gzugs kyis so/ /de nyid kyi phyir/ rin chen kha dog rnam lnga pa zhes bya ba la sogs pa smras so/ /rang sngags zhes bya ba la sogs pa la/ snying gar zhes bya ba ni ye shes sems dpa' i thugs kar ro/ /sems ni zhes bya ba ni yid do/ /thig ler gnas par zhes bya ba ni thig le de'o/ /gang yin zhe na/ srog ni thig ler gtogs par dgod/ /rang dbang rin chen 'gog pa las/ /gzung ba 'dzin par yin par dran/ /sems ni 'gog pa'i rdo rjer 'gyur/ /mtshan mar snang ba 'byung bar 'gyur/ /mtshan ma de yang rnam pa lngar/ /byang chub rdo rjes gsungs pa yin/ /dang po smig rgyu lta bu ste/ /gnyis pa du ba lta bu yin/ /gsum pa me khyed rnam pa 'dra/ /mar me ltar 'bar bzhi pa'o/ /nam mkha' sprin med lta bur ni/ /rtag tu snang ba lnga pa'o/ /brtan 'gyur rdo rje'i lam nas ni/ /nam mkha' i khams su spro bar bya/ /rjes su dran pa gang bsgom pa/ /de yis rnam par spro byed pa/ /rjes dran zhes byang dran par bya/ /so sor snang bar de las bskyed/ /shes rab thabs dag snyoms 'jug pas/ /dngos po thams cad
- 179a
mdor bsdus nas/ /ril por bsdus pa'i rnal 'byor gyis/ /gzugs brnyan dbus su bsgom par bya/ yud kyis ye shes bskyed pa ni/ /ting nge 'dzin gyi ming can te/ /zhes gsungs pa dang/ de nyid slar bshed pa zhes bya ba dang/ sna rtse mo zhes bya ba la sogs pa la/ srog dang rtsol ba'i brtag pa ste/ zhes bya ba ni ming gi rnam pa'o/ /steng du srog las zhes bya ba ni sna'i nyid du'o/ /dal bar zhes bya ba ni rgyu ba gzhan pa'o/ / rnam bzhir zhes bya ba ni rnam bzhi nyid do/ /dus shes bya ba ni thun phyed kyi dus te/ thun phyed pa re rer 'byung bar 'gyur zhes bya ba'i bar du'o/ /lhag ma zhes bya ba la sogs pa la/ 'gro 'ong zhes pa ni phyir 'byung pa dang nang du 'jug pa'o/ /bstan zhes bya ba ni slob ma rnams la bstan par bya zhes bya ba'i don no/ /gnas pa zhes bya ba ni rab tu 'jug pa'o/ /go rim zhes bya ba ni 'chad par 'gyur ba'i rim gyis so/ /ji bzhin zhes bya ba ni gang gang gi bdag nyid yin pa'i gnas de nas so/ /g.yas pa nas zhes bya ba ni sna'i bu ga g.yas pa nas so/ /me'i dkyil 'khor zhes bya ba ni byin za'i dkyil 'khor ro/ /pad+ma mgon po zhes bya ba ni snang ba mdza' yas so/ /g.yon pa nas zhes bya ba ni sna'i bu ga g.yon par gnas so/ /rlung gi dkyil 'khor zhes bya ba de ljang ser bya ba zhes bya ba ni shin tu yang sngo bsangs so/ /las kyi mgon po zhes bya ba ni don yod grub pa'o/ /gnyis ka las ni zhes bya ba la ni g.yon dang g.yas pa dag go /mdangs chen zhes bya ba ni gzi brjid dang ldan pa'o/ /rin chen mgon po zhes bya ba ni rin chen 'byung ldan no/ /dal zhing zhes bya ba ni nang du gtogs pa'o/ /rgyu ba gzhan pa zhes bya ba ni 'byung ba dang
- 179b
'jug pa mtshon par mi nus pa'o/ /lus kun la ni gnas pa yis zhes bya ba ni lus thams cad kyi tshogs la gnas pa'o/ /bya ba kun la zhes bya ba ni lus kyi las thams cad la 'jug pa'o/ /'chi ba'i dus las zhes bya ba ni 'chi ba'i lus las phyir 'byung bar 'gyur gyi gzhan du ni ma yin no/ /zhes bya ba'i don no/ /rlung gi de nyid ces bya ba la sogs pa la/ gsal ba zhes bya ba ni bshad pa'i rgyud kyi rjes su 'brangs nas gsal por byas pa'o/ /rtog ge pa zhes bya ba ni pha rol tu phyin pa'i theg pa'i rnal 'byor pa'o/ /yul ming zhes bya ba la sogs pa la/ rnal 'byor byis pa zhes bya ba ni bskyed pa'i rim pa la gnas pa'i rnal 'byor pa'o/ /de ltar zhes bya ba ni ji ltar bstan pa'i rim pas so// da ni zhes bya ba ni da ltar ro/ /sngags kyi de nyid ces bya ba ni brjod pa dang dmigs pa'i sngags kyi mtshan nyid can no/ /'jug par zhes bya ba ni drang nas bstan par bya ba'o/ /de bzhin gshegs pa thams cad ces bya ba la sogs pa la/ sku dang gsung dang thugs kyi ngo bo nyid yin pa'i phyir/ gsang ba ste sbas par bya'o/ /sngags thams cad kyi snying po kun tu bskul ba zhes bya ba ni thugs 'gug pa'o/ /gsungs so zhes bya ba ni gsungs pa dang ldan pa'o/ /gang nas 'byung bar 'gyur zhe na/ nyid kyi sku dang zhes bya ba la sogs pa gsungs te/ tshig gi lam nges par brjod pas zhes bya ba ni ngag du brjod pa dang ldan pas so/ /don rtog pa'i bzlas pa zhes bya ba ni 'jug pa gnas pa dang ldan pa'i don rtogs pa'o/ /ngo bo nyid med ces bya ba ni rnam pa gnyis par bstan pa'o/ /de'i phyir bzang po ste mdzes pa zhes bya bar bsam pa'o/ /brtags pa zhes bya ba la/ rnam pa sna tshogs par spyod cing spro bar byed pa ni rdo rje
- 180a
bzlas pa'o/ /de zhes bya ba ni rnam pa gnyis so/ /bzlas zhes bya ba ni rim pa 'di bzhin no/ /dbyer med ces bya ba ni lha'i gzugs dang gnyis su med par ro/ /'dod par bya ba yin zhing/ mos par bya ba yin pas na/ 'dod pa ste gzugs la sogs pa'o/ /skyes gyur pas zhes bya ba ni gzugs su byung ba longs spyod ni de rnams bstan pa'o/ /bstan pa 'di nyid ces bya ba la sogs pa la slar bshad pa ces bya ba ni gtam dris pa'i rjes thogs su'o/ /don dam pa mkhyen pas na thub pa'o/ /sna tshogs gzugs zhes bya ba la sogs pa la/ skyes gyur pas zhes bya ba ni gzugs su byung bar gyur pas so/ /ji ltar zhe na/ rab tu grags pa zhes bya ba ste/ de lta bas na ma lus pa 'di dag rang bzhin gyis dngos po med pa nyid yin no/ /'dis ni byang chub kyi sems nyams su myong bar bya bar mi nus par 'dod pa bkag pa yin no/ /de'i phyir/ legs par rjes su myong mdzad pa/ /zhes bya ba la sogs pa gsungs te/ mkha' mnyam pa zhes bya ba ni nam mkha' i ngo bo nyid do/ /de lta bas na 'gro ba'i don ni byed pa po zhes bya ba smras te/ langs pa'i tshe na'o/ /de zhes bya ba ni byang chub kyi sems de 'thob pa'i thabs so/ / mchog ces bya ba ni rin po che lta bu'i gang zag la sogs pa'o/ /sgrub pa'i ni thabs tsam zhes bya ba ni lha'i rnal 'byor tsam mo/ /rgyud rnams 'chad par byed ces bya ba ni gsal bar byas pa'o/ /lus can zhes bya ba ni sngags kyi theg pa pa'o/ gtso bo zhes bya ba ni rdo rje 'chang gis so/ /bdag gi tshig 'di nyid dag ces bya ba la sogs pa la/ 'jig ces bya ba ni rab tu spong bar byed pa'o/ /bus pa zhes bya ba ni mi shes pa'o/ /dgongs pa zhes bya ba ni dgongs pas bstan pa'o/
- 180b
byang chub sems zhes bya ba ni/ gnyis su med pa'i ye shes so/ /ji bzhin don zhes bya ba ni man ngag nyid kyis so/ /de nas zhes bya ba la sogs pa la/ 'dis zhes bya ba ni sngar bstan pa'i tshig go /nyon mongs pa ma lus par bcom bas na/ bcom ldan 'das so/ /bdag po ni rdo rje 'dzin pa'o/ /rnam pa sna tshogs pa'i 'od zer gyis gsal bar mdzad pa 'di la yod pas na rnam par snang mdzad do/ /'di zhes bya ba ni 'chad par 'gyur ba'o/ /rab tu phye nas zhes bya ba ni yi ge gsum gyi dbya bas so/ /mi rtog don zhes bya ba ni byang chub kyi sems so/ /de nyid ni zhes bya ba ni kun rdzob dang don dam pa'i de nyid do/ /de nyid brjod dang zhes bya ba la sogs pas gsungs pa la/ thun mong zhes bya ba ni sems can ma lus pa'i thun mong gi gzugs so/ /thun mong gi gzugs gang yin pa de ni yi ge gsum gyi gzugs so/ /de nyid ni thun mong gi sngags kyi de nyid du brjed pa'o/ /gang de bzhin nyid kyi ngo bo yin pa'i de ni dmigs pa zhes bya bar bshad pa don dam pa'i gzugs su so/ /de nyid ni dang po gcig ni zhes bya ba la sogs pa bstan te/ gcig ces bya ba ni mi nyams pa'i gzugs can yi ge a'o/ /sogs pa zhes bya ba'i sgras ni gnyis pa gzung ngo/ /dgu dbus zhes bya ba ni yi ge ya la sogs pa dgu'o/ /dbus zhes bya ba ni gtso bor gyur pa'i yi ge ha'o/ /dgu pa'i dang po zhes kha cig nas 'byung ba der ni dgu pa'i k+Sha yin la de'i dang po ni ha nyid yin no/ /bcu yis zhes bya ba ni de dag las gzhan pa'i dbyangs kyi yi ge rnams kyis so/ /ma bcings pa zhes bya ba ni de dag dang yang dag par ma 'brel pa'o/ /de la bsam pa ni 'di yin te dbyangs kyi yi ge thams cad ni
- 181a
as bcings pa yin la des ma bcings pas na ma bcings pa'o/ /'di ma bcings pa zhes bya ba la yon tan ci zhig yod ce na/ de shes pa ni mchog gi gnas shes bya ba dang/ gang gis shes te zhes bya ba la sogs par sbyar ro/ /dbyangs shes bya ba ni a la sogs pa bcu bzhi pa'o/ /gsal byed ni sum cu rtsa bzhi'o/ /yi ge ni de dag sbyar ba'i gzugs so/ /grangs dgu'i rjes 'jug pa zhes bya ba ni dbyangs yig rnams te/ tshan gcig go/ ka tsa Ta ta pa ya sha ni bdun no/ /sbyor ba'i yi ge rnams ni gcig ste/ de ltar dgu'o/ /as bcings shes bya ba ni yi ge as rab tu bcings pa ste so sor tha dad du byas pa'o/ ci ltar shes par bya zhe na/ phan tshun yang dag sbyor zhes bya ba smras te/ gang gi phyir yi ge as bcings par ma gyur na/ yi ge thams cad gcig nyid du 'gyur pas brjod par bya ba'i ngo bor mi 'gyur ro/ /sus da ltar shes she na/ gang gis shes te zhes bya ba la sogs pa smras te/ 'byung ba'i mdza' dang zhes bya ba la sogs pa la/ 'byung ba zhes bya ba'i sgra ni grangs bzhi nye bar mtshon par byed pa'i tshig go /de'i phyir bzhi'i tha ma ni lnga pa dang drug pa ste/ u a'u zhes bya ba'i yi ge thung ngu dang ring po'o/ /de dag dang yang dag par ldan pa ni a dang ha'o/ /cha la sogs pa bcu drug ces bya ba ni a ste/ gsum pa'i don gyi bdun pa'o/ /gnas shes bya ba ni dbus na gnas pa'i yi ge a ste/ de dang yang dag par ldan pa'o/ /lnga pa'i lnga pas shes bya ba ni dbyangs yig dang bral ba'i ma'o/ /bzhi ni zhes bya ba ni so sor bzhi bzhi yod pas so/ /gsum du nges par sbyar zhes bya ba ni/ yi ge gsum du bya'o/ /ji ltar zhe na/ oM
- 181b
bcas shes bya ba ni la sogs pa smras te/ ji ltar rigs par bya'o/ /dang po a'i gnas su oM nyid sbyar la de la ma thung du sbyar ba ni yon tan no/ /dkyil gyi mA ni ring po nyid do/ /u ha sbyar ba las der yang ma thung ngu nyid yin no/ /gzhan dag phyin par 'dra ba yin no/ /thung ngu ma lus shes bya ba ni dbyangs yig dang po a'o/ /ma lus dag tu 'gyur zhes bya ba ni brjod par bya ba'i ngag ma lus pa'i ngo bo nyid do/ /de yang mtshan yang dag par brjod pa las/ a ni yig 'bru kun gyi mchog /don chen yi ge dam pa yin zhes gsungs pa'i phyir ro/ /gcig min du ma min no/ /zhes bya ba ni zhes gcig dang du ma'i rang bzhin dang bral bas mi shigs pa'i ngo bo nyid yin pa'i phyir ro/ /yi ge gang zhig zhes bya ba la sogs pa la/ dgongs pa lung bstan pa las/ bcom ldan 'das rdo rje 'chang gi sku la dgod pa'i chog las so/ /khams la sogs par zhes bya ba ni ngag gis brjod par bya ba'i ngo bo ma lus pa'o/ /'og dang steng du zhes bya ba ni phyogs su yi ge gsum gyi ngo bo ru rtsal dang/ dregs pa'i gdugs dang dung zhes bya ba'i rtsa gsum shes pa'o/ /steng gi ni 'jug pa dang gnas pa dang/ 'byung ba'i rim gyis yi ge gsum shes par byas nas blos sbyar bar bya'o/ /brjod pa'i ni zhes bya ba la sogs pa la 'di dag ces bya ba ni yi ge gsum mo/ /dngos med ces bya ba ni don dam pa'o/ /ngo bo las byung ba'i yi ge'i gzugs nyid do/ /'di ni zhes bya ba ni yi ge gsum mo/ yongs su gyur pa zhes bya ba ni yi ge gsum yongs su gyur pa las lha'i rnam par gang gyur pa de ni nye bar dmigs pa ste/ nye bar dmigs pa zhes grags pa'o/ /a'i bshad pa zhes bya ba ni a'i nye bar bstan pa ste/ sdig spangs ma
- 182a
zhes bya bar gang grags pa'i ye shes ni sangs rgyas rnams kyi snang ba med pa'i thugs so/ /oM gyi zhes bya ba la sogs pa la/ sdud ces bya ba ni bdag la sdud par byed pa'o/ /hUM gi zhes bya ba la sogs pa la/ yang dag spros shes bya ba ni sangs rgyas kyi gzugs su nye bar spro bar byed pa ste/ sangs rgyas kyi rang bzhin rang bzhin du byed pa'o/ /a ni gnas par gyur pa'o/ zhes bya ba ni rang gi lus la gnas par byed pa'o/ /'jug pa dang ni zhes bya ba la sogs pa la/ rlung nyid oM gyis ni 'jug par byed do/ /as ni gnas par byed do/ /hUM gis ni spro bar byed pa nyid du rig par bya'o/ /sngags kyi yan lag ces bya ba ni dran pa gcig pa'i ting nge 'dzin gyis rlung 'jug pa dang/ gnas pa dang ldan pa'i rim gyis gnas pa'o/ /shes rab thabs kyi gzhir gnas te zhes bya ba ni thabs dang shes rab gnyis su med pa'i ye shes kyi rang bzhin gyi rtsa gsum yi ge gsum gyi ngo bor yang dag par sbyor ba'i gzhir gnas pa'o/ /da ni bzlas pa'i grangs bstan pa'i phyir gos dkar la sogs shes bya ba la sogs pas bstan pa ste/ bzlas shes bya ba ni rlung gi 'gro ba dang 'ong ba'o/ /brgya phrag gnyis dang nyi shu lnga ni me la sogs pa'i dkyil 'khor so so la nyi shu rtsa lnga lhag pa'i nyis brgya 'byung ba'o/ /bzhi po legs par bsgres nas ni zhes bya ba ni bzhi 'gyur du brtsis pa'o/ /des na sbyor ba bzhi bsdus nas brgya phrag dgur 'gyur pa yin pas/ sbyor bzhi bsdus pas brgya phrag dgu zhes bya ba la sogs pa smras pa yin te/ dkyil 'khor ba ni nyi shu rtsa bzhir rim gyis 'byung ba'o/ /rim gyis zhes bya ba ni go rim bzhin du'o/ /so so 'byung ba las zhes bya ba ni bsgres na'o/ /nyi khri zhes bya ba la sogs pa ni stong phrag nyi shu dang brgya phrag drug lhag pa'o/ /nang gi dus 'di zhes bya ba la sogs pa la thun
- 182b
mtshams bzhir ni rab sbyor la zhes bya ba ni nyin zhag gcig la'o/ /'bru zhes bya ba ni mtshon par bya ba ni ngo bo nyid do/ /yi ge grangs zhes bya ba ni 'jug pa dang gnas pa dang/ 'byung ba'i grangs kyis so/ /rdo rje can zhes bya ba ni rdo rje 'chang ngo/ /ji ltar bzlas zhes bya ba ni ngag gi spyod yul ma yin pa'i phyir ro/ /brjod pas bzlas pa mi nus pa yin zhes bsams pa'o/ /glang po sngon du zhes bya ba la sogs pa la/ rdo rje 'chang gi ngo phra zhing shin tu phra ba'i mtshan nyid can rdo rje bzlas pa rnam pa gnyis brnyed nas rgyu gang gi de'i rjes lta bu yi ge gsum po dag gi bzlas pa tsam gyi mtshan nyid tshol bar byed/ lag ste yi ge gsum yongs su gyur pa'i gzugs la gnas nas yi ge bzlas pa byed pa de nyid rdo rje bzlas pa zhes bstan pa yin no zhe na/ sngags lus rang nyid mngon gyur nas zhes bya ba smras te/ bdag nyid yi ge gsum gyi ngo bo rtsa gsum gyis bskyed pa'i lus su gnas pa yin na/ gzhan brtags pa'i yi ge gsum gyi ngo bo nyid la 'dod par byed ces bya bar bsams pa'o/ /gzhan yang zhes bya ba ni phyogs gzhan ston pa'o/ /rdo rje 'dzin zhes bya ba ni rdo rje slob dpon no/ /sbyor ba gsum dang ldan pa zhes bya ba ni 'jug pa la sogs pa'i rim gyis so/ /spyan drangs zhes bya ba ni dgug pa'o/ /myur ba zhes bya ba ni phyir 'byung ba'i rlung ngo/ /gshegs su gsol zhes bya ba ni khyad par can gyi gshegs su gsol ba'o/ /gnyi ga min par zhes bya ba ni rlung gnas pa'i ngo bo ste des bzhugs su gsol ba'o/ /sna tshogs zhes bya ba ni sna tshogs yongs su bskyod pa'i mtshan nyid can no/ /sngags sbyor ba zhes bya ba ni yi ge gsum dang sbyor ba'o// de nas zhes bya ba la sogs pa la rnal 'byor dbang phyug ces bya ba ni rnal 'byor pa'o/ /gsang ba'i yi ge zhes bya ba ni gsang ba'i sna la gnas pa'i mi shigs pa'i de nyid ni 'gyur ba med pa'i yin pas ni/ yi ge'o/ /rnal 'byor zhes bya ba ni shes rab
- 183a
dang thabs kyi rnal 'byor ro/ /des na dngos grub ni phyag rgya chen po'i mtshan nyid can no/ /de nyid ni 'bras bu'o/ /gang zhig ces bya ba ni rtsa gsum gyi rnal 'byor ro/ /bsams pa zhes bya ba ni bsgoms pa tsam gyis so/ /rnal 'byor can ni sangs rgyas dang rdo rje 'chang la sogs pa'o/ /rnal 'byor gnyis pa bstan pa'i phyir/ dang po yi ge zhes bya ba/ la sogs pa smras te/ yi ge oM gyi ngo bos so/ /brgyad pa'i mdza' dang zhes bya ba ni yi ge hUM gi zhes bya ba'i don no/ /ci dga' ba'i bzlas pa zhes bya ba ni rang gi ngag gis bzlos pa'o/ /khri phrag gnyis zhes bya ba la sogs pa la/ gsang ba'i dgos pa zhes bya ba ni/ dgongs pa lung ston pa/ zhes bya ba rnal 'byor gyi rgyud do/ /bsam gtan kha thon zhes bya ba ni lha'i sku bsgom pa dang sngags bzlos pa med kyang ngo/ /'di yis ni zhes bya bas ni bstan pa'i rnam pa dang ldan pas so/ /cho ga bzhin zhes bya ba ni go rim bzhin no/ /bsgrub par bya zhes bya ba ni 'jig rten pa dang 'jig rten las 'das pa'o/ /sgyu ma lta bu zhes bya ba ni bdag byin gyis brlabs pa'i ting nge 'dzin gyis zhes bya ba'i bar du'o/ /de bas na zhes bya ba la sogs pa ci zhig smra zhe na/ mnyam med sngags 'di nyid bzlas nas su zhes bya ba la sogs pa smras te/ sngags zhes bya ba ni yid nyid skyob par byed pas na sngags te/ stong pa nyid dang snying rje gnyis su med pa'i ngo bo nyid mi shigs pa'o/ /yang na yi ge gsum gyi ngo bo nyid do/ /mnyam med ces bya ba ni mtshungs pa med pa'o/ /bsgrub pa'i bdag nyid can ni rnal 'byor pa'o/ / khams zhes bya ba ni 'jig rten gsum mnyam par bsdus pa'i ni khams gsum ste/ sku dang gsung dang thugs so/ 'bum phrag drug ces bya ba la sogs pa ni zla ba gcig bzlas pa'i brjod pa'o/ /rnam shes las ni 'byung ba zhes bya ba ni mi shigs pa
- 183b
las byung ba'i yi ge gsum gyi ngo bo 'jug pa dang gnas pa dang/ 'byung ba'i mtshan nyid can no/ /rdo rje sems dpa' phyag byas nas zhes bya ba ni mchod pa byas nas so/ /de zhes bya ba ni 'dod pa'i don grub pa'o/ /sgrub pa ji bde ba bstan pa'i phyir brel brtul zhugs shes bya ba la sogs pa smras te/ sngags mi dgos bya ba ni sngags brjod pa mi dgos pa'o/ /gzungs zhes bya ba ni dbugs dbyung ba dang rdub pa 'gog pa'o/ /pha rol pha rol mi ldog 'gyur/ /zhes bya ba ni rdul tshon gyi dkyil 'khor dang phyag rgya la sogs pa'i/ /de ni las rab 'byams bstan pa'i phyir/ ya'i don gyis zhes bya ba la sogs pa smras te/ ya'i don ni rlung gi dkyil 'khor ro/ /gang ci yang rung ba zhes bya ba ni las drag po'i rnam pa'o/ / bya ba ni zhes bya ba ni 'di nyid kyis yin gyis gzhan gyis ni ma yin no/ /zhes bya ba'i don no/ /ra la sogs pa gsum nyid kyis zhes bya ba ni/ me dang dbang chen dang chu'i dkyil 'khor gyis so gang ci yang rung ba zhes bya ba yang 'dir lta bar bya phyi rol gyi zhi ba dang rgyas pa la sogs pa 'gro ba'i don la 'jug par bya ba ste rab tu sgrub par bya ba'o zhes bya ba'i don no/ /thun ni phyed byed? ces bya ba ni thun gyi dus su'o/ /gnyis gnyis zhes bya ba ni dkyil 'khor re re la yang ste rlung gi dkyil 'khor gyis ni 'gugs pa'o/ /me yi dkyil 'khor gyis ni mngon spyod kyang ngo/ /dbang chen gyi dkyil 'khor gyis ni zhi ba yang ngo/ /chu'i dkyil 'khor gyis kyang rgyas pa bya'o/ /gnas par 'gyur zhes bya ba ni bya'o/ /zhes bya ba'i don no/ /da ni rdo rje bzlas pa'i rim pa yongs su rdzogs nas/ nang gi bdag nyid can dang phyi'i mchod pa dang bzlas pa dang/ sbyin bsreg dang/ bsam gtan la sogs pa'i phan yon bstan pa'i phyir/ mchod pa la brtson pa zhes bya ba la sogs pa bstan te/ brtson pa zhes
- 184a
bya ba'i sgra ni 'dir gtsor byed pa'i tshig go /rnam par dag ces bya ba ni las kyi sgrib pa thams cad rnam par dag par 'gyur ba'o/ /me la sbyin sreg brtson pa zhes bya ba ni de phyed du byed pa'o/ /'byor ces bya ba ni phun sum tshogs par 'gyur ba'o/ /ma rig pa la sogs pa'i 'ching ba las grol bas na thar pa'o/ /de ni bsam gtan brtson pas 'thob ces pa ste/ bsam gtan la gcig du chags pas 'thob bo/ /shes nas ni zhes bya la sogs pa la/ de ltar zhes bya ba ni bshad pa'i rim gyis so/ /'gro ba zhes bya ba ni sna tshogs kyi rang bzhin no/ /des cir 'gyur zhe na byis pa bzhin du zhes bya ba smras te/ ji bzhin pa rnams 'dod pa'i yon tan lnga la sogs pa la 'jug pa de bzhin du bya'o/ /byis pa bzhin du spyod pa la dgos pa ci yod ce na/ de 'grub 'gyur zhes bya ba la sogs pa smras te/ de rnams ni zhes bya ba ni 'jig rten las 'das pa'i dngos grub rnams 'grub pa'o/ /mi rtog ces bya ba ni rnam par rtog pa dang bral ba nyid ces bya ba ni chos kyi mchog yin pas de la bya'o/ /gsal zhes bya ba ni gsal ba nyid do/ /gsung gi rdo rje ni snang ba mdza' yas so/ /ye shes gsum zhes bya ba ni snang ba dang/ snang ba mched pa dang/ snang ba thob pa'i mtshan nyid can no/ /dbye ba yis zhes bya ba ni 'chad par 'gyur ba'i mtshan nyid can ni/ /de'i phyir sems tsam zhes bya ba ni bdag byin gyis brlab pa'i ting nge 'dzin la'o/ /da ni rdzogs pa'i rim pa'i skal pa dang mi ldan pa'i slob ma'i mtshan nyid bstan pa'i phyir/ bla ma la brnyas zhes bya ba la sogs pa smras te sgyu zhes bya ba ni g.yo sgyu dang ldan pa'o/ /dad pa med ces bya ba ni bla ma la sems dang ba med pa'o/ /sngags kyis glong zhing zhes bya ba ni sngags la sogs pa'i nus
- 184b
pa'i stobs kyis 'bying ba'o/ /glegs bam mthong bas khengs zhes bya ba ni glegs bam mthong ba tsam gyis bdag gis shes so snyam du nga rgyal bar byed pa'o/ /dad pa med cing zhes bya ba ni dad pa dang bral ba'o/ /dbang bskur dman pa la zhes bya ba ni dbang bskur ba ma thob pa'o/ /gtam gyis rim pa zhes bya ba la sogs pa la/ gtam gyi rim pa tsam yang brjod par mi bya'o/ /zhes bcom ldan 'das rdo rje 'chang gis gsungs so/ /'o na gang gi phyed du bstan par bya zhe na/ dad pa dang ldan zhe na bya ba ste dad pa can no/ /bsnyen bkur ni yongs su spyod pa'o/ /thos pa 'dzin gang zhes bya ba ni thos pa 'dzin par byed pa'o/ nor mi rtag ces bya ba ni bltos pa med pa'o/ /bla mas drin zhes bya ba bla ma gtsor gyur pa'o/ /bla ma'i drin zhes bya ba ni rdzogs pa'i rim pa'i bka' drin no/ /bla mas rdzogs pa'i bka' drin gsal ba la yon tan ci zhig yod ce na/ ri dbang rtse las zhes bya ba la sogs pa smras te/ ji ltar skyes bu 'ga' zhig ri'i rtse mo nas lhung bar gyur la ri'i phyed du lhung bar mi bya'o/ /snyam du yang lhung bar 'gyur ba dang 'dra bar bla ma'i drin gyis phan pa'i man ngag thob par 'gyur na/ gal te srid pa'i 'ching ba las grol bar mi 'dod du zin kyang grol bar 'gyur ba yin te/ ri'i rtse nas lhung ba'i skyes bu dang 'dra'o/ /rdo rje bzlas pa'i rim pa'i dga' 'grel lo// //klu sgrub las skyes yon tan mtsho/ /shAkya bshes gnyen zhes bya bas/ /rim pa lnga yis bsdus pa'i don/ /slar yang gcig tu byas nas bstan/ /'dir 'di ltar shAkya bshes gnyen gyis mnyam par bzhag pa'i yid kyis gzhung rtsom pa'i dus su bcom ldan 'das rdo rje 'chang yid la yang dag par brtags nas ngo mtshar dang bcas pas bstod pa byed pa ni/ phyag 'tshal 'dud cing ces bya ba la sogs pas bstan pa yin te/ mthar
- 185a
phyag 'tshal 'dud ces bya ba'i bar du bstan pa ni ngo mtshar dang ldan pas yang dang yang byas pa yin no/ /tshig 'di dag ni rang gi ngo bo ston par byed pa yin no/ /zhes bsgrub par bya ba'i phyir/ de ltar zhes bya ba la sogs pa phyag 'tshal ba nyid kyis bstod pa'i/ bstod cing phyag 'tshal ba'i zhes bya ba'i sgras ni kye bcom ldan 'das zhes spyan drangs pa yin gyi gzhan du smra bar nus pa ma yin no/ /gang la bstod cing gang gis bstod ces bya ba ni bcom ldan 'das khyod kyi mkhyen grangs zhes pa'o/ /da ni phyag 'tshal ba dang/ phyag bya ba'i gnas ngag dbyer med par bstan pa'i phyir/ ji ltar chu la chu bzhag dang zhes bya ba la sogs pa smras te/ bzhag ces bya ba ni der blugs pa'o/ /rang gi zhes bya ba ni bdag nyid kyis so/ /legs mthong zhes bya ba ni yid kyi yin mig gis ni ma yin no/ /ye shes zhes bya ba ni gnyis su med pa'i ye shes so/ /'dir zhes bya ba gzhung brtsom pa'i skabs su'o/ /gal te 'ga' zhig 'di skad du gzhung thams cad du phyag 'tshal ba dang phyag bya ba dag dbye ba nyid dmigs pa yin pa las khyod kyi gzhung 'dir de med pas phyag 'tshal ba nyid kyang med par 'gyur ro zhe na/ de'i phyir 'on kyang zhes bya ba la sogs pa smras te/ kun mkhyen ni sangs rgyas so/ /ma thob par zhes bya ba ni de dag gi lam mo/ /de med par nye bar dmigs par mi 'gyur ro/ /de ni zhes bya ba ni gang bdag phyag 'tshal ba dang phyag bya ba'o/ /de ji ltar na 'thob par 'gyur zhe na/ drin gyi zhes bya ba smras te/ drin ni bla ma'i 'o/ /mun nag rab rib kyis khebs pa zhes bya ba ni ma rig pa'i rab rib kyis khebs pa'o/ /de gsal bar byed pas na sgron ma ste man ngag dam pa'o/ /don ni 'di yin te/ bla ma'i
- 185b
drin med par de dmigs par mi 'gyur ro zhes bya ba'o/ /de ci zhig ce na/ stong nyid shin tu stong pa dar zhes bya ba smras te/ rgyu dang 'bras bu'i zhes bya ba la sogs pa la 'bras bu bsgrub par bya ba'i ngo bo ste thams cad stong pa'o/ /sgyu ni sgrub pa'i thabs te/ stong pa dang shin tu stong pa'i mtshan nyid do/ /de dag gi bye brag ni 'chang bar 'gyur ba'i mtshan nyid can te/ de'i phyir shes rab dang thabs su zhes bya ba la sogs pa la smras te/ shes rab stong pa dang/ snang ba dang sems so/ /thabs shes bya ba ni shin tu stong pa dang/ snang ba mched pa dang/ sems las byung ba ste/ shes rab dang thabs dang zhes bya ba gzhan dbang dang kun brtags zhes bya ba'i ming can no/ /de dag yang dag sbyor ba las ni rdzogs pa zhes bya ba yongs su gang pa'i shes pa'i ngo bo bdag byin gyis brlabs pa'i rim pa'i mtshan nyid can nye bar 'byung bar 'gyur ro/ /nye bar thob par rdzogs gyur nas/ /zhes bya ba ni bdag byin gyis brlabs pa rdzogs nas ni thams cad stong pa thob par 'gyur ro/ / sgyu'i rim pa zhes bya ba ni bsgrub pa'i rim pa'o/ /rnam shes gsum pa 'byor ba las zhes bya ba ni sngar bstan pa'i bya ba ni rang gi las kyis bsgrubs pa'i yul du'o/ /rang bzhin ni ngo bo nyid do/ /rlung ni rgyu ba dag ces bya ba ni rlung 'gro ba dang 'ong ba'o// snang pa gnyis kyis rgyur gyur pa las zhes bya ba ni snang ba dang snang ba mched pa'i mtshan nyid can thabs dang shes rab kyi rgyu'o/ /bdag gi dngos por zhes bya ba ni lus yongs su gzung ba la rnam par rtog pa'o/ /gnyi ga zhes bya ba ni thabs dang shes rab bo/ /yan lag ni cha shas so/ /'gyur zhes bya ba ni ji srid kyi bar du 'gyur ro/ /zhes bya ba'o/ /don ni 'di yin te/ ji srid du thabs dang shes rab nye bar thob pa'i mtshan nyid can rtsa gsum gyi rnal 'byor gyis rlung gi rgyu ba mi g.yo
- 186a
bar ma gyur pa de srid du 'khor ba rnam par shes par gsum bdag gi dngos por 'byung bar 'gyur ba nyid yin no/ /rnam par shes pa gsum gyi ngo bo nyid thabs gang gis shes par nus pa ste bstan pa'i phyir/ sgyu ma ngag ni thams cad 'dus las zhes bya ba la sogs pa smras te/ ye shes gsum gyi dbye ba zhes bya ba la sogs pa la/ 'dod chags zhes bya ba ni mchog tu dga' ba zhes brjod pa'i snang ba'o/ /chags bral zhes bya ba ni dga' bral thon par byed pa'i snang ba mched pa'o/ /de'i bar te zhes bya ba ni gnyi ga'i bar te/ chags pa bar ma lhan cig skyes pa zhes brjod pa snang ba nye bar thob pa'o/ /dbang po gnyis zhes bya ba ni skyes pa dang bud med kyi'o/ /mnyam sbyor ba zhes bya ba ni yang dag par spyod pa'o/ /gsal por mtshon par 'gyur ba nyid do snyam du bsams pa'o/ /rdo rje pad+ma zhes bya ba la sogs pa la/ rdo rje zhes bya ba ni thabs kyi rtsa'o/ /pad+ma zhes bya ba ni shes rab kyi rtsa'o/ ye shes gnyis ni mnyam sbyor ba'o/ /zhes bya ba ni de'i ngo bo nyid kyi rtsa gnyis so/ /bshad pa yin zhes bya ba ni nges par bstan pa'o/ /ye shes gnyis zhes bya ba ni phyi dang nang gi bdag nyid can gyi gzugs can nyid do/ /ji skad bshad ces bya ba ni phyi rol gyi phyogs la ni 'dod pa'i bstan bcos las bstan pa nyid kyis so/ /nang gi bdag nyid kyi phyogs la ni bla mas bstan pa nyid kyis so/ /bya ba yis zhes bya ba ni ting nge 'dzin gyis so/ /'bad pas ye shes gang thob pa zhes bya ba la sogs pa la/ dmigs pa gzhan thams cad nub par gyur pa gnyis med par snang ba gang yin pa de ni snang ba nye bar thob pa yin par rig par bya'o/ /nang gi bdag nyid can gyi mthar thug pa'i rnal 'byor gzhan yang bstan pa'i phyir gang gis chu skyes zhes bya ba la sogs
- 186b
pa la smras te/ rnal 'byor stobs kyis zhes bya ba ni nang gi thabs dang shes rab kyi rnal 'byor gyi stobs kyis so/ /lan cig ces bya ba ni dbang bskur ba'i dus su lan cig go /dbye ba ji bzhin zhes bya ba ni phyi dang nang gi bdag nyid can gyi ngo bo nyid do/ /ye shes tsam du gyur pa'i gzugs ni ye shes gzugs te/ bdag byin gyis brlabs pa'i ting nge 'dzin no/ /de nyid ces bya ba ni sngar bstan pa'o/ /ji ltar sprin ni sna tshogs zhes bya ba la sogs pa la/ 'od gsal bar zhes bya ba ni yang dag pa'i mdza' o/ /de 'dra'i zhes bya ba ni 'di 'dra ba'i'o/ /rang bzhin ma shes pa zhes bya ba ni rang gi ngo bo ma shes pas so/ /byas nas shes bya ba la sogs pa la/ 'gro ba lnga'i 'khor bar 'khor bar gyur pa'o/ /mtshams med pa la sogs zhes bya ba la sogs pa la/ 'thob pa zhes bya ba ni legs par byas pa dang nyes par byas pa dang nye bar spyod pa'o/ /rmongs pa zhes bya ba ni gsal por ma bstan pa'o/ /rang bzhin goms pa'i tshul gyis ni zhes bya ba la sogs pa la/ chags pa dang chags pa dang bral ba dang chags pa bar ma dag la goms pa'i sbyor bas so/ /shes nas zhes bya ba la sogs pa la/ ye shes can zhes bya ba ni bdag byin gyis brlab pa'i ting nge 'dzin thob pa de grol bar byed par 'gyur ro/ /da ni bskyed pa'i rim pa'i phyogs kyis kyang ye shes gsum gyi phyag rgya bsgom par bya'o/ /zhes bya ba bstan pa'i phyir de bsgrub par bya ba'i phyir/ shes rab ngo bo 'di nyid ni zhes bya ba la sogs pa smras te/ thabs su bshad ces bya ba ni thabs kyi ye shes mtshon par byed pa'o/ /phyag rgya bzhis ni zhes bya ba la sogs pa la stong pa bzhi'i phyag rgyas mngon par rgyas btab pa'o/ /lha'i nga rgyal zhes bya ba ni mngon pa'i nga rgyal lo/ /ji ltar zhes bya ba la sogs pa nas/ yongs rdzogs rnal
- 187a
'byor zhes bya ba la sogs pa ni 'od gsal ba'o/ /zhes bya ba'i don no/ /de nyid ye shes rnam dag gnas zhes bya ba ni de kho na nyid do/ /'gyur ba med ces bya ba ni rnam par mi 'gyur ba'o/ /'di la snang ba'i rnam pa yod pa ma yin pas snang ba med pa'o/ /chad pa dang rtag pa'i mdza' gnyis dang bral ba'i phyir gnyis med do/ /thams cad kyi dam par gyur pas na mchog go /'gro ba rnams kyi mngon par mtho ba dang nges par legs pa'i rgyu dang bcas pas na zhi ba'o/ /de ni tshig gi spyod yul min zhes bya ba ni brjod du med pa'o/ /de nas zhes bya ba la sogs pa la ye shes gsum zhes bya ba ni zag pa med pa'i ye shes gsum mo/ /de nas zhes bya ba ni don 'di nyid gsal bar bstan pa'i phyir/ de skad rgya cher rol pa las bstan pa yin no/ /'di zhes bya bas ni de bzhin gshegs pa'o/ /shAkya thub pas bstan pa yin no/ /stong pa chen po zhes bya ba ni chags pa bar ma'i mtshan nyid can snang ba nye bar thob pa'o/ /bzhugs zhes bya ba ni nye bar bzhugs pa'o/ /mi g.yo zhes bya ba ni stong pa chen po 'di nyid kyi ming yin no/ /til gyi gang bu zhes bya ba ni til gyi gang bu dang 'dra bar de bzhin gshegs pa rnams kyis shin tu yang dag par gyur par bstan to/ / dbyangs gcig gi zhes bya ba ni gsung cig gis so/ /rnam dag min zhes bya ba la sogs pa la/ mthar thug mi thob ces bya ba ni yang dag par rdzogs pa'i byang chub po/ /'od gsal ba ni de dmigs shig ces bya ba la sogs pa'o// kun gyi dbang phyug ces bya ba ni rdo rje 'chang nyid do/ /'di ltar sgra de gsan pa dang zhes bya ba la sogs pa la/ nam phyed dus su zhes bya ba ni nam phyed 'das pa'i tshe'o/ /de nyid ces bya ba ni man ngag rnyed pa'o/ /'od gsal ba'i ting nge 'dzin ji
- 187b
ltar 'dod par bstan pa'i phyir sku ni drang por ma yin zhing zhes bya ba la sogs pa smras te/ dang ba ni rnyog ma med pa ste/ dri ma dang bral ba nyid kyi phyir ro/ /bla ma nyid kyi zhes bya ba ni de bzhin gshegs pas nye bar bstan pa nyid do/ /'das pa dang ma 'ongs pa dang zhes bya ba la sogs pa la/ chu zla dang zhes bya ba ni chu zla dang 'dra ba'o/ /skya rengs 'char ba zhes bya ba ni snang ba dang/ snang ba mched pa dang snang ba thob pa'i mtshan nyid bral ba'i skad cig la dus shes bya'o/ /thabs dang shes rab ting 'dzin gyis zhes bya ba ni gnyis su med pa'i rnal 'byor ro/ /byang chub snying po zhes bya ba ni byang chub kyi shing drung du'o/ /yang na byang chub snying por zhes bya ba ni shes rab dang thabs gnyis su med pa'i ting nge 'dzin te de nyid rtsa ba yin te/ byang chub 'thob pa'i byed pa po yin pa'i phyir ro/ /legs thob nas zhes bya ba la sogs pa la/ ye shes gsum ni bstan pa'i mtshan nyid can no/ /'gro ba gsum zhes bya ba ni 'dod pa dang gzugs dang gzugs med pa na spyod pa'o/ /ston par mtshan pa ni skad sna tshogs kyis so/ /de nyid ye shes zhes bya ba la sogs pa la/ mngon par byang chub ston pa ni 'od gsal ba'i go 'phang ngo/ /de kho na nyid kyi 'bras bu bstan pa'i phyir/ mtshams med lnga ni zhes bya ba la sogs pa smras te/ 'thob par 'gyur zhes bya ba ni sangs rgyas nyid do/ /de kho na nyid thob pa tsam gyis ci zhig byed tsa na/ spyod pa ci dga' bar spyod de/ /zhes bya ba la sogs pa smras te/ da ni de kho na nyid kyi rang gi ngo bo bstan pa'i phyir ro/ /chags med ces bya ba la sogs pa smras te/ sangs rgyas kun dang mnyam sbyor ba zhes bya ba ni chos kyi sku'i ngo bo nyid yin pa'i phyir sangs rgyas rnams tha dad pa nyid du mi rigs so/ /ye shes gsum bral zhes bya ba ni bstan pa'i mtshan nyid can gyis mi g.yo ba'i ting nge 'dzin
- 188a
dngos med la sogs pa zhes bya ba la sogs pa la/ dpal ldan gsang 'dus zhes bya ba ni dpal gsang ba 'dus pa nyid do/ /'dod chags la sogs zhes bya ba la sogs pa dang/ sna tshogs zhes bya ba la sogs la/ gzhan dag ces bya ba ni gzhan gang yang rung ngo/ /chos phung brgyad khri bzhi stong zhes bya ba la sogs pa la/ ral pa zhes bya ba ni ral ba can no/ /gcer bu zhes bya ba ni phyogs kyi gos can no/ /mgo reg ces bya ba ni breg pa'i phyir mgo reg ste rab tu byung ba'o/ /cod pan ni cod pan 'chang ba'o/ /'dus pa spongs 'jug ces bya ba ni khyim gyi gnas yongs su btang ba'o/ /'dod pa zhes bya ba ni 'dod pa ldan pa'o/ /de nyid ye shes zhes bya ba ni 'od gsal ba'o/ /de nyid zhes bya ba ni rtags kyi brtul zhugs can de'o/ /dang po'i las sbyor ba zhes bya ba ni bskyed pa'i rim pa tsam gyis ting nge 'dzin gyis so/ /snang ba gsum po mthong ba dag ces bya ba ni bdag byin gyis brlab pa'i ting nge 'dzin tsam yongs su thob pa'o/ /gtsang ma'i gnas su zhes bya ba ni longs spyod rdzogs pa'i skus so/ /chos 'byung zhes bya ba la sogs pa la/ de ni mngon par byang chub pa'i mtshan nyid can thob nas 'dod chags la sogs pa'i rtsed mo rgya chen pos spros pa dang bcas pa'i spyod pas byang chub pa'o/ /chos dbyings mngon par byang chub pa ni ji ltar rnyed pa dang/ 'dod chags la sogs pa'i rtsed mos byang chub par 'dod pa ni chos dbyings mngon par byang chub pa'o/ /bla med mngon par byang chub ni mngon par rtogs pa ste/ gcig pu gnyis su med par bsam gtan gyi zas dang gnas pas spros pa med pa la sbyor ba nyid do/ /de nyid spros bcas la sogs pas bstan te/ spros bcas dang/
- 188b
spros med dang/ shin tu spros med kyi spyod pas so/ /rnal 'byor pa zhes bya ba ni sgrub pa po'o/ /yang gang zhig 'di skad du mi dgos gzod nas dag pa'i zhes bya ba la sogs pa smras na/ lan ni gang zhig de ltar zhes bya ba la sogs pa ste/ gang zhig ces bya ba ni med par smra ba'o/ /ye shes rim pa zhes bya ba ni thabs las byung ba'i ngo bo nyid kun rdzob dang don dam pa'i ngo bo nyid do/ /de'i dbye ba zhes bya ba ni ye shes gsum gyi dbye ba'o/ /slar yang slob par ni slob par 'gyur ba'o/ /bzhi pa zhes bya ba ni 'od gsal ba'o/ /rnam gsum slob pa zhes bya ba ni spros bcas la sogs pa'i spyod pa'o/ /ji ltar shing la zhes bya ba la sogs pa ma gtsubs zhes bya ba ni ma bsrubs pa'o/ /de ni mngon par byang chub pa'i rim pa'i snod dang/ snod ma yin pa bstan pa'i phyir ro/ /gang zhig g.yo sgyu'i zhes bya ba la sogs pa smras te/ g.yo sgyu'i blo ni sems nyon mongs pa can no/ /blo dman sems ldan zhes bya ba ni yid mi ches pa'i sems dang ldan pa'o/ /de'i phyir skyon rnams mthong gi zhes bya ba smras te/ nyon mongs zhes bya ba ni chung bar brtsi ba'o/ bsnyen bkur med par zhes bya ba la sogs pa la/ myur du zhes bya ba ni mnyes par ma byas par ro/ /g.yo bar 'gyur zhes bya ba ni bla ma'i thad nas so/ /tshogs nang zhes bya ba ni skye bo 'dus pa'i nang du'o/ /'di la zhes bya ba ni bla ma'o/ /de ltar zhes bya ba ni de lta bur gyur pa'o/ /bstan pas zhes bya ba ni bla ma'o/ /skal ba dang ldan pa'i phyir/ yon tan mchog ldan zhes bya ba la sogs pa smras te/ bcas pa zhes bya ba ni shin tu yang dag par ldan pa'o/ /rgyud mangs rab tu thos shing zhes bya ba la sogs pa la/ dbang med ces bya ba ni nus pa med pa'o/ /bstan bcos mchu zhes bya ba ni bstan bcos tsam thos pa la ngal ba byas pa'o//
- 189a
yang na zhes bya ba la sogs pa la/ sbyor mi nus zhes bya ba ni tshig rnams sbyor ba dang/ bsdu bar mi nus pa'o/ /gzhan don zhes bya ba la sogs pa ni gzhan la phan pa bya ba'i blo dang ldan pa'o/ /rgyud mangs thos shing zhes bya ba la sogs pa la/ tshig don shes zhes bya ba ni mdza' drug gi don shes pa'o/ /rgyud rgyal zhes bya ba ni gsang ba 'dus pa'o/ /rgyud rnams mang po thos shes bya ba la sogs pa la 'phags pa rdo rje yi zhes bya ba ni klu sgrub kyi zhal snga nas so/ /bla na med pa'i dgongs pa'i dka' 'grel lo// //gus pas thal mo sbyar nas ni/ /mchog tu mgo bos rab btud nas/ /bdag gi byang chub bsgrub pa'i phyir/ /klu sgrub la ni phyag 'tshal lo/ /phyag 'tshal te zhes bya ba la sogs pa la/ rdo rje che zhes bya ba ni chos kyi sku'o/ /rdo rje sems dpa' la sogs pa dkyil 'khor gyi gtso bo'i gzugs ni longs spyod rdzogs pa'i sku'o/ /de la dang por zhes bya ba la sogs pa la/ rgyud rnam pa bzhi zhes bya ba ni bya ba dang/ spyod pa dang rnal 'byor dang/ rnal 'byor bla na med pa'i dbye ba'o/ /thob par bya ba'i phyir du zhes bya ba la sogs pa la/ slob dpon dang gsang ba dang shes rab kyi dbang bskur ba'o/ /lo bcu drug lon pa'i zhes bya ba ni nye bar mtshon pa ste rgyud las gsungs pa dag go/ de'i 'og tu zhes bya ba ni dbang bskur ba'i rjes thogs so/ /khong stong zhes bya ba la sogs pa ni sbubs stong pa'o/ /bsnyun med ces bya ba ni skyon med pa'o/ /'jig rten rjes 'jug phyir zhes bya ba ni 'jig rten rjes su brkyang ba'i ched du'o/ /chos rnams kun la zhes bya ba la sogs pa la gnas pa med ces bya ba ni phyi rol tu ma gyur pa'o/ /rtag tu mnyam 'jog pa zhes bya ba la sogs pa la/ spyod la
- 189b
dag ni zhes bya ba ni langs pa dang 'dug pa dang 'chag pa dang nyal ba la sogs pa thams cad du'o/ /rnam 'phrul zhing zhes bya ba la sogs pa la/ rdzu 'phrul spros pa'o/ /sgyu ma lta bu zhes bya ba ni bdag byin gyis brlabs pa'i ting nge 'dzin no// sna tshogs min la zhes bya ni 'gro ba rnams kyis dngos po gcig nyid du'o/ /de ltar zhes bya ba la sogs pa la kun mkhyen ye shes zhes bya ba la sogs pa dang/ de ltar 'jigs med gsol 'debs zhes bya ba la sogs pa la/ thos pas ni gsol ba 'debs pa'i tshig go/ bdag nyid byin gyis brlabs pa zhes bya ba la sogs pa la/ rang gi rang bzhin byin gyis brlabs pa ni bdag byin gyis brlabs pa ste/ rang gi sems tsam so sor snang ba'i lus so/ /de'i rim pa ni rlung dang rnam par shes pa gsum yang dag par ldan pa ste/ de nyid la bdag byin gyis brlabs pa zhes bya'o/ /kun rdzob bden pa zhes bya ba ni de kun rdzob kyi bden pa mthong ba zhes bya ba brjod par bya ba'o/ /de ni bla ma'i drin dag gis zhes bya ba la sogs pa la/ kun bdag nyid ces bya ba ni thams cad mkhyen pa'i rang bzhin can no/ /gtso bo zhes bya ba ni 'gro ba rnams so/ /tshe 'di nyid du zhes bya ba ni tshe 'di nyid la'o/ /bdag byin brlabs pa zhes bya ba la sogs pa la/ 'od gsal ba'i gnas zhes bya ba ni chos thams cad stong pa nyid do/ /bden pa gnyis su bya ba ni kun rdzob dang don dam pa'i dbye ba'o/ /'bras bu'i gong na med pa'i 'bras bu yin pa'i phyir ro/ /rgyu ni thabs kyi khyad par ro/ /gang yang 'di rnal 'byor pa'i kun rdzob kyi gzugs so/ /kun rdzob gzhan gcig gnas gcig tu brgyud pa'i rgyur gyur pa'i ngo bo yang yod pa de dag ni bdag byin gyis brlabs pa'i sgras brjod par bya ba zhes
- 190a
bya ba ma yin no/ /ci'i phyir zhe na/ bdag byin gyis brlab pa'i rim gyis ni zhes bya ba la sogs pa smras te/ gyis ni zhes bya ba ni gang gi phyir zhes bya ba'i don te/ rgyu gang gis rim bzhin du rjes thogs la/ 'od gsal ban 'thob par 'gyur zhes bya ba chos kyi sku 'thob pa'o/ /rdo rje slob dpon zhes bya ba ni bla na med pa'i bla ma'o/ /dang por zhes bya ba ni mchog tu gsang ba mngon par byang chub pa'i rim pa'o/ /rang dbang med pa zhes bya ba ni gtso bo ma yin pa ste/ brdzun pa dang sgyu ma'i rang bzhin zhes bya ba'i bar du'o/ /gang gi phyir zhe na/ rang rgyud ni zhes bya ba smras te/ rang gi rang bzhin dang rang gi ngo bor 'byung ba ma yin zhing skye bar mi 'gyur ro/ /zhes bya ba'i don te/ rang gi ngo bor skye ba dang bral ba'i phyir dang thug pa med pa'i skyon du thal bar gyur pa'i phyir ro/ /gal te 'gro ba'i sgyu ma'i rang yin yin na 'byung ba'i rgyu ci zhig yin zhe na/ de'i rgyu ni 'od gsal zhes bya ba smras so/ /de ltar na 'od gsal ba dngos po zhig tu 'gyur ro zhe na/ 'od gsal thams cad stong pa'o/ /zhes bya ba la sogs pa smras te/ de'i phyir khams gsum pa 'di dag ni thams cad stong pa las byung ba sems tsam yin gyi yang gtso bo dang dbang phyug la sogs pa ni med do/ /sems gang gis ni zhes bya ba la sogs pa la/ byis pa zhes byis pa ni mu stegs can dang rnam par shes par smras pa ste/ rang gi ngo bor sgro 'dogs pa'i phyir ro/ /bcings zhes bya ba ni bcings pa thob par 'gyur pa'o/ /rnal 'byor pa zhes bya ba ni rdzogs pa'i rim pa la gnas pa'i rnal 'byor pa'o/ /bde gshegs gnas ni lam ste thob par 'gyur ba'o/ /'dir ni zhes bya ba ni 'khor bar ro/ /skye ba zhes bya ba ni bden pa'i dngos po 'ga' zhig ste/ bdag dang dbang phyug la sogs pa'o/ /'chi ba ni nyams par 'gyur ba'o/ /de ltar na ci zhig mthong bar 'gyur zhe na/ sems nyid
- 190b
ces bya ba la sogs pa smras te/ gzugs la sogs pa'i rnal 'byor 'dzin cing sgyu ma'i rang bzhin rnam pa sna tshogs su rnam par gnas pa'o/ /de'i gzugs la sogs pa'i rnam pa 'dzin pa'i rang sems thabs gang gis rtogs par 'gyur ba de bstan pa'i phyir/ rlung gi sbyor ba med par ni zhes bya ba la sogs pa smras te/ sems kyi rang bzhin zhes bya ba la sogs pa la sems kyi rang bzhin rgyur gyur pas shes bya ba ni rang bzhin brgya drug cu rgyur gyur pa las/ las dang skye ba kun tu 'byung ba ste/ kun nas 'byung bar 'gyur ba'o/ /de nyid ces bya ba rnam par shes pa gsum mo/ /rlung dang yang dag par ldan pa las 'byung zhing skye bar 'gyur ro/ /rnal 'byor pa zhes bya ba ni rdzogs pa'i rnal 'byor pa'o/ /lus su zhes bya ba ni lha la sogs pa'i gzugs can gyi gzugs brnyan dang 'dra ba'i lus so/ /sgyu ma'i lus zhes bya ba'i smras kyang/ de la brjod pa yin no/ /de bas 'di ltar zhes bya ba rlung dang rnam shes ldan pa nyid kyis so/ /'gro ba zhes bya ba ni khams gsum pa'i 'gro ba dang snod kyis smras brjod pa'o/ /rgyu de'i phyir sgyu ma lta bur 'dir bshad do/ /'dir zhe bya ba ni sangs rgyas kyi bstan pa 'dir te/ mthun pa'i rgyu las mthun pa'i 'bras bu 'byung bar 'gyur ro zhes bya ba'i rigs pas so/ /sgyu ma lta bu'i ting nge 'dzin gnas zhes bya ba ni bdag byin gyis brlabs pa'i ting nge 'dzin gnas pa'i rnal 'byor pa'o/ /thams cad ces bya ba ni snod kyi 'jig rten thams cad do/ /de dang 'dra bar zhes bya ba ni/ /sgyu ma'i rnam par ro/ /de nyid ni gzugs dang zhes bya ba la/ sogs pas gsungs te/ /bams ni zhes bya ba ni sa dang chu dang me dang rlung ngo/ /mig la sogs dang zhes bya ba ni mig dang rna ba dang sna dang lce dang/ lus dang yid do/ /yul rnams ni gzugs dang sgra dang dri dang ro dang reg bya dang chos shes bya
- 191a
bar grags pa'o/ /ye shes lnga po zhes bya ba ni me long lta bu dang/ mnyam pa nyid dang so sor rtog pa dang/ chos kyi dbyings shin tu rnam par dag pa zhes bya ba'o/ /nang du zhes bya ba ni khams gsum rgyad do/ /phyi dang zhes bya ba ni bstan pa dang g.yo ba'o/ /thams cad ces bya ba ni sgyu ma nyid do/ /zhes bya ba'i don no/ /da ni rnal 'byor pa'i rang gi sems kyi gzugs brnyan gyi ngo bo sgyu ma'i lus bdag byin gyis rlabs pa'i zhes bya ba'i ming can gyi rang gi ngo bo dang kha dog dang khyab pa bsgrub par bya ba'i phyir me long nang gi gzugs brnyan lta bu zhes bya ba smras te/ gzugs brnyan dang 'dra ba'o/ /mtshon par bya ba zhes bya ba ni mdun na 'dug pa'i gzugs rnyan mthong bas so/ /'ja' lta bu zhes bya ba ni ji ltar dbang po'i gzhu 'od zer kha dog rnam lnga dang ldan par 'byung ba de bzhin du de'i kha dog mtshon par bya ba'o/ /khyab pa nyid ni chu'i zla bas mtshon par bya ba'i don no/ /da ni rnal 'byor la ma ltos par yang de gsal bar rtog par byed pa bstan par bya ba'i phyir/ me long dri ma med pa la zhes bya ba la sogs pa smras te/ dngos dang dngos med las grol bas zhes bya ba ni bdon pa yang ma yin/ brdzun pa yang ma yin no/ /rdo rje sems dpa' zhes bya ba ni rdo rje sems dpa' i ngo bo'o/ /legs bris pa zhes bya ba ni kha dog dang dbyibs sna tshogs pa'o/ /de nyid bsrungs ba sku ni bltas pas mi ngoms pa zhes bya ba ste/ nyams pa med pa'i ngo bo nyid do/ /bstan zhes bya ba ni phyi rol gyi dper gyur pas nang gi dpes bstan par bya ba rab tu bstan pa yin no/ /slob ma bzang po zhes bya ba ni rin po che lta bu'i gang zag go /'di nyid ces bya ba ni gzhan ni ma yin no/ /zhes bya ba'i don no/ /nges par mtshon pa ste/ zhes bya ba ni yang dag par mtshon par bya ba'o/ /skyon med mtshan nyid kyis zhes bya ba ni/ bsgrib pa thams cad
- 191b
zad pa'i mtshan nyid do/ /sku zhes bya ba ni longs spyod rdzogs pa'i mtshan nyid can no/ /de nyid kho na zhes bya ba'i don no/ /dri za'i sems can zhes bya ba ni srid pa bar ma'i lus so/ /rdo rje'i sku zhes bya ba ni mi tshig mi mchod mi phyed mi 'bangs pa'i gzugs yin pa'i phyir ro/ /rdo rje sems dpa' i zhes bya ba dang/ de bas zhes bya ba ni bdag byin gyis brlabs pa'i ting nge 'dzin thob pa'o/ /bdag nyid ces bya ba ni rang nyid do/ /mchod ces bya ba ni de bzhin gshegs pa'i mchod pa'o/ /gang gi phyir zhe na/ bdag nyid sangs rgyas zhes bya ba la sogs pa smras te/ bdag byin gyis brlabs pa'i ting nge 'dzin thob pa ni sangs rgyas thams cad nyid do/ /lha rnams ni lha nyid do/ /de rnams kyi ngo bo nyid lha nyid do/ /de bas zhes bya ba ni rgyu des so/ /sngags dang phyag rgyas shes bya ba la sogs pa la/ dkyil 'khor la sogs zhes bya ba ni bzlas pa dang/ bsam gtan dang mchod pa la sogs pa'o/ /dbang po'i gzhu zhes bya ba ni sgyu ma'i dpe nyid du nye par bstan pa yin no/ /sgeg pa dang zhes bya ba la sogs pa la/ sgyu rtsal zhes bya ba ni sgyu rtsal drug cu rtsa bzhi ste/ b+ha ra ta'i bstan bcos las bstan pa'o/ /mang du bshad ci dgos zhes bya ba la sogs pa la/ rdo rje theg pa zhes bya ba ni gsang sngags kyi theg pa chen po'o/ /da ni sgyu ma'i dpe nyid kyi dmigs pa bstan pa'i phyir me long gi ni zhes bya ba la sogs pa smras te/ sgyu ma ni sprul pa'o/ /chu ngur zhes bya ba ni chu'i chu bur ro/ /mig 'phrul zhes bya ba ni sngags dang sman la sogs pa dang ldan pa'o/ /mtshungs par zhes bya ba ni khams gsum po 'di dag gi ngo bo 'dra ba nyid du mthong ba'o/ /de ni gtso bo zhes bya ba ni rdo rje 'chang ngo/ /mtho ba dang ni zhes bya ba ni sogs pa la dmigs med ces bya ba la sogs pa la/ dmigs par bya bas na dmigs pa ste/ mig la sogs pas gzung bar bya ba'i yul lo/ /kun rdzob ces bya ba ni tha snyad tsam du
- 192a
rdo rje theg pa las sgyu ma zhes brjod pas sgyu ma dang 'dra bar yongs su brtags pa'o/ /'on kyang thams cad kyang ting nge 'dzin gyi stobs kyis sgyu ma lta bur mthong ba yin no/ /de nyid kyi phyir dbang po gang dang gang la ma 'gyur/ /zhes bya ba la sogs ba smras te/ dbang po'i lam nyid du gyur pa ste/ dbang po'i spyod yul nyid do/ /gyur zhes bya ba ni der song ba'o/ /de dang zhes bya ba ni dngos po de'o/ /de'i ngo bor bya zhes bya ba ni bdag byin gyis brlabs pa'i ting nge 'dzin de'i ngo bo nyid de ji srid sgyu ma lta bur mthong gi bar du'o/ /sgyu de'i phyir mnyam par ma bzhag sbyor ba yis zhes bya ba smras te/ ting nge 'dzin las langs pa'i gnas skabs su'o/ /'chags pa la sogs pa'i dus su dngos po thams cad sangs rgyas kun dang mnyam par sbyor ba ste/ yang dag par mnyam pa nyid du blta bar bya'o/ /'di nyid ni sangs rgyas rnams kyi gang kun rdzob sgyu ma lta bu zhes bya ba nyid do/ /nges cir 'gyur zhe na/ kun la zhes bya ba ni thams cad la'o/ /kun nas zhes bya ba ni thams cad nas so/ /thams cad du zhes bya ba ni bstan pa dang g.yo ba'o/ /kun gyis zhes bya ba ni rnam pa thams cad kyis so/ /rnam pa kun zhes bya ba mnyam par bzhag pa dang ma gzhag pa'i gnas skabs so/ /bdag nyid ces bya ba ni rang nyid do/ /sangs rgyas rang bzhin kun zhes bya ba ni sangs rgyas thams cad kyi byin gyis brlabs kyis byin gyis brlabs pa'o/ /grub pas zhes bya ba ni gdong ma nas grub pa'o/ /rang nyid kyis zhes bya ba ni bdag nyid kyi lus so/ /de zhes bya ba ni bsgom pa po'o/ /bsam gtan 'dis gnas pa'i rnal 'byor pa'i da ltar gyi 'bras bu bstan pa'i phyir/ sems dpa' chen po 'gro dang zhes bya ba la sogs pa smras te/ gnas zhes bya ba ni rnal 'byor pa'i 'dug nas so/ /'gyur ba dang zhes bya ba la sogs pa la/ 'gro ba
- 192b
zhes bya ba ni 'gro ba gtso bo rnams kyi'o/ /lha dang bcas pa kun gyis mchod ces bya ba ni lha rnams kyis so/ /ting nge 'dzin la gnas nas 'gro ba skyob pa bstan pa'i phyir/ ji ltar zhes bya ba la sogs pa smas pa yin te/ de bzhin gshegs pa ni de lta bu de nyid du'o/ /sna tshogs ye shes bya ba ni 'gro ba rnams kyi rang gi ngo bo yongs su shes pa ste/ sems can gyi ye shes sgyu ma lta bu'i ting nge 'dzin no/ /rjes su sdud ces bya ba ni de goms par byed pa'o/ /ji yang med ces bya ba la sogs pa la/ bsgrub par mi bya ba ste/ 'jig rten dang 'jig rten las 'das pa'i dngos grub kyi ngo bo'o/ /rdo rje sems dpa' zhes bya ba ni sangs rgyas so/ /brgyan pas zhes bya ba ni byin gyis brlabs pa'o/ /de nyid kyi phyir rang nyid ces bya ba smras te dka' ba spyod pa med bar yang ngo/ /bde chen phyag rgya zhes bya ba ni las dang dam tshig dang chos dang phyag rgya chen pa'o/ /bde chen zhes bya ba ni bde ba chen po'i 'bras bu gter ba'o/ /de ni sgrib pa thams cad rnam par dag par byed pa bstan pa'i phyir nyon mongs pa las kyi las can zhes bya ba la sogs pa smras te/ nyon mongs pa ni 'dod chags la sogs pa'o/ /las can ni bde 'gro dang ngan 'gro'i rgyu'o/ /lus ni gzugs phung ngo/ /byed pa po zhes bya ba ni bdag dang dbang phyug la sogs pa'o/ /'bras bu ni legs par byas pa dang nyes par byas pa'i las las skyes pa'o/ /smig rgyu rmi lam lta bu de zhes bya ba la sogs pa dang/ 'di 'dra'i zhes bya ba la sogs pa la/ kun rdzob la zhes bya ba ni yongs su gsal bar gyur pa'i rdzas so/ /nye bar dmigs nas zhes bya ba ni rang gi ngo bor mngon par brtags pa nyid do/ /skye ba ni 'byung ba'o/ /de dag ces bya ba ni nang de dag go/ sman zhes bya ba ni rtsi'o/ /rgyal ba ni rgyal ba'i ngang tshul dang
- 193a
ldan pa'o/ /ting nge 'dzin gyi che ba'i bdag nyid bstan pa ni bdag byin gyis brlabs pa'i zhes bya ba la sogs pa ste/ rtag dang chad pa'i mdza' la dmigs par gyur pas de'i phyir mchod pa thams cad spangs nas ni? zhes bya ba'o/ /de zhes bya ba ni bla ma de'o/ /de zhes bya ba ni bdag byin gyis brlabs pa'i ting nge 'dzin no/ /gal te ji ltar na bsod nams kyi rgyu gzhan dag la mchod pa la sogs pa spangs nas bla ma kho na la mchod pa bya ba yin zhe na/ de yi bsod nams ma byas ci zhes bya ba la sogs pa smras te/ bla med ces byed pa zhes bya ba ni lam bla na med pa ster pa'o/ /slob dpon nyid ni rdo rje sems dpa' o/ /ji lta bu'i mchod pa bya zhe na shin tu dga' ba gang dang gang zhes bya ba la sogs pa smras te/ de ltar byas pa la yon tan ci zhig yod ce na/ slob dpon gyis ni sdig pa'i 'phrog ces bya la sogs pa smras te/ slob dpon gyis ni sdug bsngal gyi rgya mtsho 'jigs las zhes bya ba ni 'khor ba'i rgya mtsho'o/ /de ni slob ma ngan pa la bstan par bya ba ma yin zhes dgag pa'i phyir gang zhig nga rgyal gyis brtsams shing/ zhes bya ba la sogs pa smras te/ yang dag rim pa sun 'byin pa zhes bya ba ni rim pa lnga sun 'byin pa'o/ /slob ma bzang po'i mtshan nyid bstan pa ni/ bla ma la gus zhes bya ba la sogs pa ste/ bden par smra zhes bya ba ni bden ba'i tshig dang ldan pa'o/ /rnam par dben zhing zhes bya ba ni gcig pu dga' ba'i ngang tshul can no/ /bdag byin gyis brlab pa'i rim pa'i dka' 'grel lo// //rim pa bzhi pa rig gyur gnas/ /'gro ba'i mun pa 'phrog mdzad cing/ /sna tshogs don mdzad klu sgrub la/ /phyag 'tshal 'dud cing phyag 'tshal lo/
- 193b
slob dpon gyi rim pa bzhi pa'i don rab tu bsgrub par 'dod nas/ dang po nyid du rje btsun rdo rje 'chang la phyag 'tshal ba ni/ rdo rje sems dpa' zhes bya ba la sogs pa ste thams cad stong pa nyid ni 'od gsal ba ste/ de ston par mdzad? pa'o/ mngon par byang chub pa zhes bya ba ni mngon par rdzogs par sangs rgyas nas gang gis sangs rgyas nyid thob pa'o/ /'di zhes bya ba ni mngon par byang chub pa'i mtshan nyid can 'od gsal ba'o/ /rang nyid 'byung bar gyur pa na rang 'byung ste/ rgyu gang gis kyang ma bskyed ces bya ba'i bar du'o/ /de'i phyir blo'i spyod yul min phyir ngag gis brjod du med/ /bla mas bstan pas dngos po rtogs par bya ba las ring gyur/ /snying rje la sogs yon tan dkar po'i de nyid ma yin pas/ /dad dang ldan pa'i snying gi gnas su rang nyid 'byung ba yin/ /zhes bstan pa yin no/ /bcom ldan zhes bya ba ni/ dbang phyug dang ni gzugs bzang dang/ /dpal dang grags dang ye shes dang/ /brtson 'grus phun sum tshogs pa ste/ /drug po de la ldan zhes bya zhes 'byung bas de gang la yod pa de la de skad ces bya'o/ /gcig pu zhes bya ba ni gnyis su med pa'o/ /sangs rgyas thams cad kyi chos sku'i ngo bo nyid yin pa'i phyir dang/ sna tshogs dang mi ldan pa'i phyir ro/ /bdag nyid che ba'i lha zhes bya ba ni gtso bor gyur pa'o/ /man ngag ces bya ba la sogs pa la/ de bas lhag ces bya ba ni mchog tu phan pa mdzad pa nyid yin pa'i phyir ro/ /de bas zhes bya ba ni zhes gsal ba bas kyang ngo/ /de ni zhes bya ba ni bla ma'o/ /ci nus pa zhes bya ba ni bdag nyid kyi nus pas so/ /ci 'byor ba zhes bya ba ni bcu drug lon pa'am gzhan dag kyang ngo/ /dga' ba dang mgu ba bskyed pas na/ phyag rgya'o/ /tshogs kyi dkyil 'khor dbus su zhes bya ba la sogs pa ni tshogs kyi 'khor lo'i dbus
- 194a
su'o/ /mchod par bya ba ni rdo rje slob dpon la'o/ /mchod pa ni nang gi bdag nyid can gyi mtshan nyid do/ /de nas zhes bya ba la sogs pa la rnal 'byor chen po ni rdo rje slob dpon no/ /snang ba zhes bya ba ni skad cig ma bzhi nye bar mtshon par byed pa'o/ /snyoms par 'jug pa zhes bya ba ni phyi rol gyi phyag rgya dang ngo/ /cho ga yi zhes bya ba ni mdor bsdus pa'i rim par bstan pa'i cho gas so/ /ka la sha sogs zhes bya ba ni bum pa'i steng du dung chos sam/ nya phyis kha sbyor du byas pa bzhag par bya'o/ /nam phyed ces bya ba ni nam phyed kyi dus su'o/ /dbang bskur yang dag thob nas zhes bya ba ni gsang ba'i dbang bskur ba'i cho ga dang shes rab ye shes kyi dbang bskur ba'i tshogs dbang bskur ba rnam pa gnyis thob pa'o/ /yang zhes bya ba ni zhag gzhan la'o/ /bstod pas zhes bya bas ni 'chad par 'gyur bas so/ /khams gsum zhes bya ba la sogs pas ni 'od gsal ba'i yon tan brjod pa'i sgo nas bla ma la mnyes par byed do/ /mi brten zhes bya ba ni phyi rol tu ma gyur pa zhes bya ba ste/ phung po dang khams dang skye mched du ma gyur pa'o/ /de ltar na gang la bstod pa dang khyad ci yod ce na/ phyin ci log las rnam grol ba/ /zhes bya ba la sogs pa smras te/ rnam rtog med cing zhes bya ba ni phyed du bsam pa med pa'o/ /kun rtog med pa med gang la 'jug pa'i kun tu rtogs pa med pa ni/ kun rtog med ces bya'o/ /de nyid kyi phyir yid ni rab tu mi gnas pa zhes bya ste/ gang la bsam pa yod pa ma yin pa de la de skad bya ste/ yid ni yid kyi rnam rtog go /de nyid kyi phyir dmigs med do/ /gnas med ces bya ba la sogs pa la gos pa ni 'dod chags so/ /gos pa dang bral ba ni gos pa med pa'o/ /lta bar 'tshal zhes
- 194b
bya ba ni bskul nas yang gsol ba gdab bo/ /bdag 'tshal lo zhes bya ba la sogs pa la/ mthong bar ni zhes bya ba ni 'dis mthong bar byed pas na mthong ba ste thabs so/ /snang ba gsum po zhes bya ba ni rnam par shes pa gsum po spangs pa'o/ /rdo rje ye shes zhes bya ba ni 'od gsal ba'i ye shes so/ /sangs rgyas kun gyi ye shes zhes bya ba ni de bzhin gshegs pa thams cad kyi chos kyi sku'i ngo bo'o/ /de nyid kyi phyir de bzhin gshegs pa kun gyi gnas zhes bya ba gsungs te/ de bzhin gshegs pa thams cad kyi longs spyod rdzogs pa dang/ sprul ba'i sku'i gnas kyi ngo bo yin pa'i phyir ro/ /thog mdza' med pa'i skye ba dang 'jigs pa dang bral ba'o/ / nyon mongs pa dang nye ba'i nyon mongs pa dang bral ba'i phyir zhi ba'o/ /de ltar zhes bya ba la sogs pa la/ rim pa ni mngon par byang chub pa'i rim pa'o/ /mtshan mo snang ba'i cha zhes bya ba la sogs pa la ni phyi rol gyi sgo nas nang gi bdag nyid can ston par byed pa yin no/ /mtshan mo'i cha zhes bya ba ni mtshan mo'i dus su'o/ /gsal ba'i nyi ma'i zer 'gyed ces bya ba ni nyi ma'i 'char ba nas brtsams nas so/ /yin zhes bya ba ni snang ba mched pa 'byung ba'o/ /mtshams zhes bya ba ni mtshams kyi mun pa'i dus kyi/ snang ba nye bar thob pa'i mtshan nyid can no/ /rang gi rang bzhin brgya drug cu'o/ /lan cig min pa zhes bya ba ni skad cig ma so sor ro/ /rang gi zhes bya ba ni bdag nyid kyi'o/ /de nyid kyi phyir de ni yang dag par rdzogs pa'i byang chub 'den par byed pa ma yin no/ /'o na yang dag par rdzogs pa'i byang chub 'dren par byed pa gang yin zhen mtshan min zhes bya ba la sogs pa smras te/ gang
- 195a
zhig ces bya ba ni bzhi pa'o/ /de ni yin zhes bya ba ni de yin par 'gyur ba'o/ /bla ma mchog bshad ces bya ba ni rdo rje slob dpon rje btsun rdo rje 'chang gis bstan pa'o/ /rnal 'byor pa zhes bya ba ni bdag byin gyis brlab pa'i rnal 'byor pa'o/ /skad cig ma bzhi pa gsal bar bya ba'i phyir/ mun pa'i mdza' ni zad dang zhes bya ba ni mtshan mo zad par gyur cing mun pa zad par gyur pa'o/ /'das pa'i bral par gyur pa'o/ /mtshams kyi snang ba ni mtshams kyi mun pa'o/ /nyi ma ni nyi ma nyid do/ /ji srid ces bya ba ni dang por nyi ma 'char ba'i gnas skabs so/ /skad cig 'dir ni zhes bya ba ni 'di skad cig la'o/ /bshad ces bya ba ni bstan pa'o/ /slob dpon mchog ces bya ba ni slob dpon thams cad kyi nang na gtso bor gyur pa'o/ /phyi rol byang chub bstan pa ni dpe ste/ bcom ldan 'das shAkya thub pas kyang skad cig ma 'di la rdo rje lta bu'i ting nge 'dzin mngon du mdzad do/ /zhes bya ba 'dis ni phyi'i rdzogs par byang chub pa'i dpes bstan pa'o/ /nang gi bde ba rnyog bral 'thob bar 'gyur zhes bya ba ni nang gi 'od gsal ba'i mtshan nyid can no/ /de nyid ni sgyu la 'bras bu brtags nas sangs rgyas byang chub ces bya ste/ skad cig de la zhes bya ba'i don no/ /skad cig de'i rang gi ngo bo bstan par bya ba'i phyir/ thog mar 'byung min zhes bya ba smras te/ ma skyes pa'i phyir ro/ /yang chos thams cad kyi thog mar 'byung ba ni rgyur gyur pa ste/ chos thams cad de las byung ba'i phyir ro/ /dbus su 'byung min zhes bya ba ni chos thams cad kyi mtshan nyid dang bral ba nyid yin pa'i phyir ro/ /dbus su 'byung ba yang yin te/ chos thams cad las 'das pa'i phyir ro/ /gang las mthar
- 195b
ma byung ba yod pa ma yin pa de ni mthar ni mi 'byung ngo/ /yang na chos thams cad kyi mdza' zhes bya ba zad par gyur pa ste/ /chos thams cad kyi mdza' 'od gsal ba'i mthar thug par 'gro ba'i phyir ro/ /de dag ces bya ba ni de lta bum gyur ba'o/ /'gro ba dang ni 'od med ces bya ba la sogs pa la/ ngo mtshar zhes bya ba ni shin tu rmad du byung ba'o/ /yang na 'dir ngo mtshar ci zhig yod ces bya ba ste/ brtags pa thams cad dang bral ba'i mtshan nyid can stong pa nyid la zhes bya ba'o/ gnas par 'gyur min zhes bya ba ni gar yang gnas pa med ba'o/ /myur du 'gro ba min zhes bya ba ni gar yang 'gro ba'i ngang tshul can ma yin pa'o/ /mchog gyur pa ni gtso bor gyur pa'o/ /de lta bu 'di nyid ces bya ba la sogs pa la rgyu dang mi rgyu'i zhes bya ba ni brtan pa dang g.yo ba'i ngo bo nyid do/ /kun rgyu zhes bya ba ni sa steng ma lus pa 'khor ba'o/ /rnal 'byor pa de ni mi zad pa zhes bya ba chos kyi sku thob pa'o/ /yon po'i lus ni dman pa'i 'gro ba'o/ /bstan pa la gnas med ces bya ba ni stan la mi 'dug na yang ngo/ /mig btsums zhes bya ba ni mig ma phye ba yang ngo/ /rnam rgyas mig ni rnam par gsal bar gyur ba'i mig can no/ /mnyam par ma gzhag kyang zhes bya ba ni/ mnyam par ma bzhag tu zin kyang mnyam par gzhag pa yin no/ /de ni tshig dang ldan yang brjod bral yin no/ /de ni gzugs ngan par gyur kyang longs spyod chen po dang ldan pa yin no/ /gzhan gyi bran du gyur pa yin yang 'jig rten rnams kyi mgon po yin no/ /gang zhig de nyid rig ces bya ba ni skad cig ma bzhi pa shes pa'o/ /da ni rnal 'byor pa'i don de nyid gsal bar bya ba'i sbyor ba bstan pa'i phyir/ man ngag thob pa'i zhes bya ba la sogs
- 196a
pa gsungs te/ rnam gnyis ni rnam pa gnyis so/ /de nas zhes bya ba ni man ngag bstan pa'i rjes thogs su'o/ /bslab ces bya ba ni goms par bya ba'o/ /ril por 'dzin pa zhes bya ba la sogs pa la/ de bzhin zhes bya ba ni de ltar rjes su gzhig par bya ba nyid de/ rdul phra rab kyi dbye ba nyid kyis so/ /mgo bo nas ni zhes bya ba la sogs pa la mgo bo nas brtsams nas rkang pa'i bar du dang rkang pa nas brtsams nas ni ji srid snying gar zhes bya ba'i snying ga'i sa bon la'o/ /yang dag pa'i mdza' zhes bya ba ni stong pa nyid la 'jug pa'o/ /'dir bsdus pa'i don ni 'di yin te rim gyis rim gyis yang dag pa'i mdza' la 'jug par bya ste/ sa bon gyi mthar thug par zhugs la/ sa bon /yang thig ler ro/ /de yang stong pa nyid du'o/ /zhes bya ba 'di lta bu ni ril por 'dzin pa'i ting nge 'dzin no/ /rgyu ba dang ni zhes bya ba la sogs pa ni snod dang bcud kyi 'jig rten no/ /dang por zhes bya ba ni thog ma nyid du'o/ /phyi nas zhes bya ba ni de'i rjes thogs su ste/ ril por 'dzin pa'i bdag nyid can gyi'o/ /da ni bstan ma thag pa'i rnam pa gnyis mdor bsdus nas 'od gsal du 'jug pa'i tshul bstan pa'i phyir/ dbugs kyi rlung ni zhes bya ba la sogs pa smas te/ me long la zhes bya ba ni/ brlangs kyi gzugs so/ /ji ltar kun tu thim pa'i ni kun la khyab pa'o/ /de ltar zhes bya ba ni de ltar ro/ /yang dang yang zhes bya ba ni skad cig skad cig la goms par byed pa'o/ /'gro dang 'dug dang zhes bya ba la sogs par yang slob par byed pa'o/ /rtag tu gnas zhes bya ba ni gnas pa nyid do/ /sems can don du 'ang zhes bya ba la sogs pa la/ lan 'ga' byed par 'dod pa'o/ /de dang de zhes bya ba ni 'od
- 196b
gsal ba'i ngo bo nyid yin pa'i phyir ro/ /yang na rnam shes rlung dang ldan pa'i zhes bya bas kyang ngo/ /gal te 'od gsal ba tsam gyis ting nge 'dzin 'dis sangs rgyas par gyur nas kyang sems can gyi don ji ltar byed par 'gyur te/ gzugs kyi sku med par ni sems can gyi don yod ba ma yin pa'i phyir ro/ /zhe na de'i phyir ji ltar dang ba'i chu klung las zhes bya ba la sogs pa smras te/ nya dag myur bar ldang ba ltar thams cad stong pa las kyang de dang 'dra'o/ /sgyu 'phrul dra ba zhes bya ba ni dkyil 'khor gyi 'khor lo la sogs pa'i rnam sbas? so/ /'byung bar bshad ces bya ba ni bstan pa 'jug par 'gyur ba'o/ /de nyid gsal bar bya ba'i phyir/ rigs lnga'i sangs rgyas zhes bya ba la sogs pa smras te/ phyag rgya chen po zhes bya ba ni lha la sogs pa'i rnam par brtags pa'o/ /'byung ba'i zhes bya ba ni kun nas 'byung ba ste/ nam mkha' la brgya byin gyi gzhu 'byung ba ji lta bu'o/ /da ni spyod pa bstan pa'i phyir/ phyag rgya 'ching bar byed pa 'am zhes bya ba smras te/ phyag rgya ma bcings pa 'am yang na brtsing bar byed pa na'o/ /gang gzhan thams cad ces bya ba gang cung zhig byed par 'dod pa de dag thams cad thams cad stong pa'i ga zhes la zhes bya ba stong pa nyid la gnas pas so/ /thams cad za zhes bya ba ni bza' ba dang mi za ba'o/ /kun za ba'o/ /kun la phyag byed ces bya ba ni thams cad la phyag 'tshal ba'o/ /kun tu 'gro zhes bya ba ni bgrod par bya ba dang bgrod par bya ba ma yin pa'i mi spyod pa'o/ /thams cad byed ces bya ba ni bsod nams dang bsod nams ma yin pa'o/ /rtags kun 'chang zhes bya ba ni bdag dang gzhan gyi lta ba can gyi rtags kun 'chang ba'o/ /'di ltar gnas par gyur pa'i rnam par dag par 'gyur ba yang ji lta bu zhe na/ thams cad stong pas zhes
- 197a
bya ba smras so/ /man ngag thob pa'i zhes bya ba la sogs pa la spyod pa'i dus su/ gnang ba thob nas yang byang chub sems blang ba'i tshigs su bcad pa las skal bzang zhes bya ba ni skal ba dang ldan pa'o/ byang chub sems zhes bya ba ni don dam pa'i byang chub kyi sems so/ /slar yang zhes bya ba ni spyod pa byed pa'i dus so/ /khyad par ji lta bu dang ldan pa zhig ce na/ dngos po kun dang rnam bral zhing zhes bya ba smras te nam mkha' dang mnyam pa'i phyir ro/ /rnam spangs pa'i ni phung po la sogs pa'i ngo bo dang bral ba'o/ /chos bdag med pa dang zhes bya ba ni ngo bo nyid med pa ste/ de dang mnyam pa'o/ /rang sems nyid ni byang chub kyi sems so/ /ci ste yod dam zhe na gzod ma gnas ma skyes pa zhes bya ba smras so/ /de nas rjes su mthun pa'i yon zhes bya ba la sogs pas ni bla ma la yon dbul ba bstan te/ rjes su mthun pa ni rang gi rjes su mthun pa'o/ /bu mo ni bu mo nyid do/ /lhag ma rnams lta mos kyang ci dgos zhes bya ba ni/ mi sbyin pa yod pa ma yin no/ /slob dpon las ni dri ma thob ces bya ba ni spyod pa byed pa'i dus su'o/ /gang la dri ma med cing bstan pa'i blo ste/ mi g.yo ba gang la yod pa de la de skad ces bya'o/ /'od gsal ba'i ngo bo nyid yin pa'i phyir dngos kun ngo bo nyid do/ /gsal ba ni dri ma med pa nyid kyi phyir ro/ /dag pa ni 'dod chags la sogs pa rnam par dag pa'i ngo bo nyid yin pa'i phyir ro/ /shin tu phra ba ni bdag byin gyis brlab pa'i rnal 'byor ba'i spyod yul yin pa'i phyir ro/ /mchog gi rang bzhin ni 'gro ba'i mngon par mtho ba dang/ nges par legs pa'i rgyur gyur pa'i phyir ro/ /sangs rgyas mya ngan las 'das pa'i khams ni sangs rgyas rnams kyi chos kyi sku'i ngo bo nyid yin pa'i phyir ro/ /gnyis med ni dngos po dang dngos po med pa'i
- 197b
mdza' gnyis spangs pa'i phyir ro/ /rtog bral ni rnam par rtog pa las 'das pa'i phyir ro/ /rtag tu bde ba'i rang bzhin ni rgyun mi 'chad pa'i bde ba'i ngo bo nyid yin pa'i phyir te/ 'di lta bu'i 'od gsal ba'i ngo bo nyid yin pa'i phyir bsgom par bya'o/ /de nyid rnal 'byor pas zhes bya ba ni bdag byin gyis brlab pa'i ting nge 'dzin thob pa'o/ /de nyid kyi phyir bsod nams bsod nams min las grol zhes bya'o/ /rdo rje sems dpa' 'gyur zhes bya ba ni rdo rje sems dpar 'gyur zhes bya ba'i don no/ /mchog tu gsang ba'i mngon par byang chub pa'i rim pa'i dka' 'grel lo// //dpal ldan rdo rje 'dzin gtso dang/ /klu sgrub bla ma la gus pas/ /phyag 'tshal nas ni zung 'jug pa'i/ /dga' 'grel cung zhig bri bar bya/ /mgon po rgyu dang 'bras bdag nyid ces bya ba la sogs pa ni kun rdzob dang don dam pa'i bden pa gnyis su med pa'i mtshan nyid can no/ /chad pa dang rtag pa'i mdza' gnyis spangs pa'i phyir gnyis pa thams cad rnam par spangs pa'o// yang bdag ces bya ba ni don ji lta ba'o/ /zung zhes bya ba ni zung du gzhi bas pa ste/ dngos po dang dngos po med pa dang/ rtag pa dang mi rtag pa dang/ kun rdzob dang don dam pa'i bden pa la sogs pa'o/ /'jug ces bya ba ni ro gcig par gyur pa'o/ /de'i rim pa ni rdo rje 'chang chen po'i ngo bo rdzogs pa'i rim pa la gnas pa'i ngo bo nyid yin pa'i phyir mchog go /'khor ba dang ni zhes bya ba la sogs pa la/ gcig gyur pa ni ro gcig par gyur pa'o/ /gang du zhes bya ba ni rdo rje 'chang gi go 'phang ngo// kun nas nyon mongs zhes bya ba ni gti mug dang 'dod chags la sogs pa'i 'ching ba'o/ /rnam par byang ba ni thar pa ste gang gi don dam pa gnyis shes pa'o/ /rnam bcas zhes pa ni gang rnam pa dang ldan zhing 'jug par 'gyur ba'o/
- 198a
rnam med ces bya ba ni gang la rnam pa yod pa ma yin pa ste/ rtog pa gnyis po de dag spangs pa nyid do/ /bzung ba dang ni zhes pa la sogs pa la/ yod min zhes bya ba ni don dam par 'o/ /gang du zhes bya ba ni ting nge 'dzin gang du'o/ /spangs nas zhes bya ba ni yongs su btang ba'o/ /kun shes bya ba ni brtan pa dang g.yo ba la sogs pa la/ mkhas pa zhes bya ba spyod pa dang ldan pa'o/ /shes rab ces bya ba ni 'od gsal ba'i ye shes so/ /thabs shes bya ba ni sems tsam gyi ting nge 'dzin no/ /de dag snyoms par 'jug pa'i 'dus pa'o/ /thams cad ces bya ba ni brtan pa dang g.yo ba'o/ /gang du zhes bya ba ni de las langs pa'i rdo rje 'chang gi go 'phang ngo/ /lhag mar bcas zhes bya ba ni phung po tsam gyi lhag ma dang bcas pa'o/ /phung po lhag ma med pa zhes bya ba ni phung po la sogs pa dang bral ba'o/ /gang zag bdag med ces bya ba ni bdag gi bdag mod pa'o/ /chos la bya ba ni chos thams cad la'o/ /de bzhin nyid gnas zhes bya ba ni yang dag pa'i mthar ro/ /ldang 'gyur zhes bya ba ni 'od gsal ba las so/ /de bzhin nyid la dmigs nyid ces bya ba la sogs pa la rnal 'byor ba zhes bya ba ni sangs rgyas so/ /gnyid log ces bya ba la sogs pa dang/ dran dang dran min zhes bya ba la sogs pa la/ las grol zhes bya ba ni rnam par spangs pa'o/ /rtag tu mnyam par bzhag pa'i ngo bo'o/ /bskyed pa'i rim pa zhes bya ba la sogs pa dang/ yongs su dag pa'i lha dang ni zhes bya ba la sogs pa la/ de ltar zhes bya ba ni brtan pa'i rim pa nyid kyis so/ /brjod pa yin zhes bya ba ni bstan pa yin pa'o/ /sna tshogs 'dzin zhes bya ba ni sna tshogs 'jug par byed pa'o/ /sgyu 'phrul dra bas zhes bya ba la sogs
- 198b
pas ni de'i ming gi rnam grangs gzhan ston pa yin no/ /'di'i tshig ces bya ba la sogs pa ni gnas brjod pa ma yin pa ste gsung rab gang yang rung ba nas so/ /'di nyid dag ces bya ba la sogs pa la/ ji snyed ces bya ba ni bye ma dang mnyam pa'o/ /slob bzhin pa zhes bya ba ni 'od gsal ba'i ting nge 'dzin la gnas pa'o/ /zung du 'jug pa'i sgom gnas pa zhes bya ba ni bstan pa'i rim pa la rnam par gnas pa'o/ /de dang gnyis su med ces bya ba ni mngon par byang chub pa'i rim pa'i nye bar bstan pa dang 'dir nye bar bstan pa dag go /de nyid bstan par bya ba'i phyir/ ji ltar bdag nyid ces bya ba la sogs pa smras te/ de bzhin sgra la yang de lta bu bskyed pa'o/ /gram pa ni rdo'i dum bu'o/ /bshad zhes bya ba ni mi gtsang ba'o/ /bshang las byung ba ni zhes bya ba ni mi gtsang ba las byung ba'i dri'o/ /drag po zhes bya ba la sogs pa la/ rdo rje can de bzhin zhes bya ba ni rgyas so/ /ji ltar rmi lam zhes bya ba ni gnyid log pa'i gnas skabs kyi'o/ /mthong zhes bya ba ni sang pa'i gnas skabs su'o/ /sdang ba zhes bya ba ni rab tu sdang ba ste bu dang 'dra bar bya ba'o/ /de ltar zhes bya ba la sogs pa la shes na zhes bya ba ni zung du 'jug pa zhes grags pa'o/ /spyod ces bya ba ni spod pa bya ba'o/ /spras pa'i brtul zhugs zhes bya ba ni smyon pa'i gzugs 'dzin pa ste/ rtags ma lus pa dang bral ba ste/ phun sum tshogs pa thams cad ces bya ba ni khams gsum gyi 'khor los sgyur ba'i bde ba phun sum tshogs pa'o/ /'phags pa'i thugs gyur rim pa lnga'i/ /de nyid su yis rig par 'gyur/ /de lta na yang bla ma yis/ /zhabs gsungs dran nas bdag gis bris/ /rim pa lnga pa rnam bye bas/ /'dir ni bsod nams gang bsgrubs pa/ /des ni 'gro ba thams cad kyang/ /zung 'jug go
- 199a
'phangs gnas gyur cig /zung du 'jug pa'i rim pa'i dka' 'grel slob dpon mkhas pa chen po dam tshig rdo rje'i zhal snga nas mdzad pa rdzogs so// //rgya gar gyi mkhan po kriSh+Na paN+Ti ta dang/ lo tsA ba dge slong tshul khrims rgyal bas bsgyur cing zhus te gtan la phab pa'o// //rim pa lnga pa'i dga' 'grel don gsal bzhugs// //rgya gar skad du/ pany+tsa kram pany+dzi kA pra b+ha sa artha nA ma/ bod skad du/ rim pa lnga pa'i dka' 'grel don gsal ba zhes bya ba/ dpal rdo rje sems dpa' la phyag 'tshal lo/ /dpal ldan rgyal ba kun gyi gtso/ /rdo rje sems dpa' mgos btud de/ /rim pa lnga yi dka' 'grel ni/ /don gsal ba 'di bdag gis dbye/ /'phags pa yis ni mdzad pa'i gzhung/ /zab mo'i don la bdag blo yis/ /go skabs dag ni med mod kyi/ /'dir ni gzhan gyi gsol btab byas/ /nyan pa'i dbye ba rnam gnyis te/ /mgo smos spros pas go ba'o/ /phyi ma rjes su gzung ba'i phyir/ /bdag gis dka' 'grel brtsam par bya/ /bla ma'i man ngag ma thob par/ /gang zhig chad par 'dod pa ni/ /bstan bcos mang la blo sbyangs kyang/ /de 'dir yang ni rmongs 'gyur te/ /de bas gsang ba la mkhas pa'i/ /bla ma'i man ngag thob bya ste/ /gang zag gzhan la phan bya'i phyir/ /'dir ni ci bzhin nus pas bya/ /'dir 'jig rten dang 'jig rten las 'das pa'i bstan bcos mdza' dag thugs su chud pas legs par sbyangs pa/ /ku sha'i rtse mo lta bu'i blo mnga' ba'i slob dpon phyogs gnyis nges par spangs pas don dam pa ji lta ba bzhin mkhyen pa'i yul du gyur pa/ bde bar gshegs
- 199b
pa'i bstan pa bsrung bar mdzad pa'i thugs kyi rgyud mnga' ba/ /snying rje bla na med pas pha rol la phan par mdzad pa'i dgongs pa can/ snyigs ma lngas 'phangs pa'i nyon mongs pa du ma 'dod chags dang/ zhe sdang dang/ gti mug dang/ phrag dog dang/ ser sna la sogs pa'i nyes pas yid bcom pa'i 'jig rten gyi 'gro ba la gzigs nas/ gdul bya de dag gi don du rang dang pa'i lha la phyag 'tshal ba sngon du song bas/ mdor bsdus pa'i rim pa lnga gsungs pa yin te/ 'dir yang brjod par bya ba la sogs pa gsum med na/ chos kyi rjes su 'brang ba'i gang zag rnams 'jug par mi 'gyur te/ 'di ltar re zhig de nyid bstan par bya na/ 'dir rdzogs pa'i rim pa ni brjod par bya'o/ /sems can thams cad lam dam pa la dgongs pa ni dgos pa'o/ /phyag rgya chen po grub cing sems can gyi don la 'khor ba'i srid du gnas pa ni dgos pa'i yang dgos pa'o/ /de ltar brjod par bya ba la sogs pa bsnyad nas/ bstan bcos kyi lus dang/ bshad pa'i rim pa yang rnam par bzhag par bya ste/ gsang sngags sku ni rab sgrub pa/ /bskyed pa'i rim pa dang po yin/ /sems la dmigs pa tsam zhig ni/ /rim pa gnyis pa zhes bya'o/ /kun rdzob bden pa mthong ba yin yid 'ong rim pa gsum pa'o/ /kun rdzob bden pa dag pa ni/ /rim par bzhi par brjod pa yin/ /gang zhig bden gnyis sbyor ba ni/ /zung 'jug ces bya rim pa lnga/ /sgrub pa'i lus ni phul du byung/ /bstan bcos kun gyi don bsdus pa'o// gzhan yang dpal gsang ba 'dus pa'i yan lag nyid yin pas na/ mdza' drug gi rjes su 'brangs shing/ bshad pa bzhi'i rim pas kyang/ /gzhung rnam par bshad par bya ste/ 'di dag gi mtshan nyid ni ma brjod de gzhung mangs
- 200a
kyi dogs pa'i phyir ro/ /de ltar bstan bcos kyi lus rnam par bkod nas/ da ni phyag 'tshal ba'i tshigs su bcad pa nas brtsams te/ tshig re re nas rnam par bshad par bya'o/ /sangs rgyas kun bdag cis bya ba la sogs pa la /dpal ldan bde chen la btud nas/ rdo rje bzlas pa'i rim bshad bya/ /zhes bya bar sbyor ro/ /dpal ldan bde chen ni rdo rje 'chang chen po ste/ dus thams cad pa bar chad med pa/ mnyam pa med pa'i bde ba sku nyams su bstar pa'i phyir ro// gang gi phyir 'dir bcom ldan 'das kyi sku yang rnam pa gnyis te/ ye shes kyi mtshan nyid can dang longs spyod rdzogs pa'i mtshan nyid can no/ /de la ye shes kyi mtshan nyid can ni ye shes rnam pa lnga'i skus sangs rgyas thams cad de/ mi bskyod pa la sogs pa de bzhin gshegs pa rnams bskyed par byed mdzad pas na/ yid kun la khyab pa ste/ sangs rgyas kun gyi bdag nyid do/ /longs spyod rdzogs pa'i mtshan nyid ni/ /gang skyes bu chen po'i mtshan bzang po sum cu rtsa gnyis dang/ dpe byad bzang po brgyad cus brgyan cing sems can thams cad lam la rab tu dgod par mdzad pa'i phyir ro/ /mgon po skyob par gyur pa ste/ skyabs su 'os zhes bya'i bar du'o/ /de ltar tshigs rnam pa gnyis kyis go rim ci lta ba bzhin zab pa dang/ rgya che ba'i bdag nyid can bcom ldan 'das kyi sku la phyag byas nas ci zhig bya zhe na/ rdo rje bzlas pa'i rim bshad bya zhes bya ba gsungs te/ rdo rje bzlas pa ni 'og nas 'chad pa'i rim pa'i mtshan nyid kyi tshul te/ rdo rje bzlas pa'i rim pa de bshad par bya zhes bya ba'i tha tshig go /gang las she na rnal 'byor rgyud kyi zhes bya ba la sogs pa la rnal 'byor ces bya ba ni sems kyi ting nge 'dzin te/ de
- 200b
gtso bor gyur pa'i rgyud ni rnal 'byor gyi rgyud do/ /de'i rjes su 'brangs nas zhes bya ba ni bsten nas zhes bya ba'i don to/ /de'i phyir rnal 'byor gyi rgyud kyi rjes su 'brangs nas/ 'di ltar yon tan thams cad phun sum tshogs pa dang ldan pa'i bcom ldan 'das la phyag byas nas/ de ma thag tu tshigs su bcad pa gnyis kyis rim pa la 'jug pa'i bslab pa dang/ rin po che'i skud pa ltar khyab pa'i rim pa ji lta ba bstan pa gsungs te/ bskyed pa'i rim pa zhes bya ba la sogs pa la/ gang 'di las dang po pa'i ste/ bskyed pa'i rim pas slob bzhin pa/ rdzogs pa'i rim pa mngon par 'dod pa de rnams la bcom ldan 'das thugs rje'i pha rol tu phyin bas rim pa lnga pa'i mtshan nyid/ thabs de thob par byed pa'i rgyu skas kyi rim pa lta bu gsal bar byas te/ ji ltar khang bzang la 'dzeg pa'i phyir skas kyi rim pa'i rgyur gyur ba de bzhin du/ mngon par 'dod pa'i go 'phang thob pa'i don du rim pa 'di mkhas pas shes par bya'o/ /srog ces bya ba la sogs pa la/ srog tu gyur pa ni 'dzin cing 'tsho zhes bya ba'i don to/ /gang zhe na rlung zhes bya ba ste kun tu g.yo ba'o/ /sems can ni lus dang ldan pa ste/ rlung med na 'gro ba dang 'ong ba dag med pa'i phyir ro/ /de gnyis kyi bskyod pa dang kun tu g.yo ba la sogs pa'i bya ba thams cad byed pas na las kun byed ces bya ba'o/ /rnam shes zhes bya ba la sogs pa la/ rnam par shes pa ni yid de de'i gzhon pa ni shing rta dang/ rta la skyes bu zhon pa lta bu'o/ /'di skad gsungs te rlung zhes bya ba'i bzhon pa la/ rnam par shes pa zhan nas las kun byed ces bya ba'i don to/ /'di ltar ston par 'gyur te rlung ni stong pa'i ngo bo dang/ shes rab kun tu 'dris gyur nas/ /dbang po'i lam nas 'byung 'gyur te/ /yul la dmigs pa zhes bya'o/ /'dir
- 201a
yang mdo dang rgyas pa'i dbye bas rnam pa lnga dang bcur 'gyur te/ srog ces bya ba'i rlung dang thur du 'byin pa'i rlung dang/ me dang mnyam pa'i rlung dang/ gyen du rgyu ba'i rlung dang/ khyab byed kyi rlung zhes bya ba rnam pa lnga'o/ gsal bar rgyu ba dang/ rnam par rgyu ba dang/ yang dag par rgyu ba dang/ rab tu rgyu ba dang/ nges par rgyu ba zhes bya ba dang/ rnam pa lnga ste/ dang po lnga ni lus kyi bya ba la rnam par zhen pa'o/ /phyi mar gyur pa ni dbang po lnga la brten nas yul 'dzin pa'o/ /de la srog ces bya ba'i rlung ni snying gar gnas pa mi bskyod pa'i rang bzhin te/ srog ces bya ba'i dbugs so/ /thur du 'byin pa'i rlung ni smad kyi bu ga na gnas pa ste/ rin po che 'byung ba'i rang bzhin dri ma la sogs pa 'byin par byed pa'o/ /gyen du rgyu ba'i rlung ni mgrin pa na gnas pa ste/ 'od dpag tu med pa'i rang bzhin gyen du rgyu zhes ro la sogs pa yang len par byed pa'o/ /mnyam pa'i rlung ni lte ba na gnas pa ste/ don yod grub pa'i rang bzhin ro la sogs pa mnyam par byed pa'o/ /khyab byed kyi rlung ni tshigs thams cad la gnas pa ste/ rnam par snang mdzad kyi rang bzhin ro la sogs pa tshigs thams cad du khyab par byed pa'o/ /gsal bar rgyu ba ni gzugs la gnas pa ste/ thob pa gsal ba'o/ /rnam par rgyu ba ni sgra la gnas pa ste/ khyad par ma thob pa'o/ /yang dag par rgyu ba ni dri la gnas pa ste/ yang dag par 'thob pa'o/ /rab tu rgyu ba ni ro la gnas pa ste/ rab tu 'thob pa'o/ /nges par rgyu ba ni reg bya la gnas pa ste/ lus pa med par 'thob pa'o/ /rlung gi mtshan nyid kyi dbye ba mdo dang rgyas pa bstan pa ste/ khyab par bstan pas rnal ma 'gog par mi 'gyur zhes
- 201b
bya ba nas/ mdor bstan pa'i rjes su 'brangs nas/ bskyed pa'i rim pa sngags kyi de kho na nyid kyi rang bzhin ston pa ste/ rlung gi de nyid ces bya ba la sogs pa la/ sngags kyi de nyid yang dag 'jug ces bya bar sbyar ro/ /dag rnam par spyod pa ni sngags kyi de kho na nyid de/ de yang rlung gi de kho na nyid med na 'grub par mi 'gyur ro/ /rlung gi de kho na nyid kyang lus rnam par spyod pa med na med pa ste/ de bas na rim pa la 'jug par bslab par bya'o/ /gang 'dir dang po'i rim pa slob par 'dod pa bde bar gshegs pa'i theg pa la mos pas slob pa ste sangs rgyas kyi bstan pa zhes bya ba 'dis/ yon tan thams cad phun sum tshogs pa dang ldan pa kho na'o/ /zhes sangs rgyas kyi bstan pa la dmigs nas/ ting nge 'dzin dran pa rtse gcig pa'o/ /de'i tshe las dang po pa'i ting nge 'dzin thob pa ste/ de nas rigs kyi dbye bas lus rnam par spyod pa can no/ /de las yang lus rdo rje'i ting nge 'dzin las kyang/ A li dang kA li'i sgo nas ngag gi rnam par dpyod pa can no/ /ngag rnam par spyod pa pa can las dbugs dbyung rdub bsgoms pas ngag rdo rje'i ting nge 'dzin thob pa zhes bya ba'i rim pa 'dis sngags kyi de kho na nyid la 'jug pa'i rnal 'byor du bstan to/ /gzhan yang lus rnam par dpyad pa ni/ rdzas sum cu rtsa drug gi bdag nyid kyi lus rdul phra rab kyi bye brag rnam par dpyod pa ste/ lus spyod pa can no/ /rlung gi de kho na nyid ni yang rtsa ba'i rgyud las 'chad par yang 'gyur te/ sngags kyi bskyed pa zhes bya ba la sogs pa la sngags ni dag rnam par dpyod pa'i mtshan nyid ci lta ba bzhin bskyed pa khong du chud pa ste/ bla ma'i zhal nas nges par bzung nas/ sngags rang gi sems la gtong bar byed pa zhes bya ba'i bar du'o/ /gang gi phyir
- 202a
gzhan du sngags las ma byung ba rdo rje'i bzlas pa ni ngag gi yin par 'gyur te/ de bas sngon du sngags nges par gzung bar bya'o/ /de nas bskyed pa la zhugs nas rdo rje bzlas pa'i rgyu mtshan nyid bslob ba ste/ der gnas pa ni sems kyi ting nge 'dzin la 'jug pa las dang po pa'i rnal 'byor zhes bya'o/ /rim pa dang po'i bshad pa'o// //gnyis pa ston te sems kyi dmigs pa zhes bya ba la sogs pa la sems kyi dmigs zhes bya ba ni sems dmigs pa ste ji ltar rigs pa yongs su shes nas bdag med pa mthong ba'o/ /de yang dag rnam par dpyod pa la gnas nas gang gi tshe rang bzhin snang ba'i rim pas 'byung ba bzhi'i dkyil 'khor la rlung kun tu rgyu ba'i dbye ba la/ slob pa de'i tshe sems kyi ting nge 'dzin thob pa ni rim pa gnyis pa zhes bya'o/ /gsum po ston te sgyu ma lta bu zhes bya ba la sogs pa la/ gang gi tshe sgyu ma'i dpe rnam pa bcu gnyis kyi kun rdzob don bden pa la 'jug pa de'i tshe der gnas pas rang gi sems ji ltar rig pa yongs su shes pas sgyu ma lta bu'i ting nge 'dzin mngon sum du byas nas sangs rgyas kyi dbang bskur ba thob pa'o/ /sgyu ma dang smig rgyu dang/ chu zla dang/ 'ja' tshon dang/ me long gi gzugs brnyan dang/ rmi lam dang/ mig 'phrul dang/ chu'i chu bur dang/ mig la me bskor ba dang/ /nam mkha' i me tog dang ri bong gi rwa dang mo gsham gyi bu zhes bya ba 'khrul pa bskyed pa'i dpe bcu gnyis te/ sgyu ma dang mtshungs pa'i dpe ni sgyu ma lta bu'i dpe'o/ /yab ring dag la khyad par ni cung zad kyang med de/ 'on kyang nam zhig su dag 'khrul pa'i gnas skabs na gang yang rung ba'i gnyen po bsgom pa la sbyor ba ste/ rang gi sems kyi
- 202b
sgrib pa dang bral zhing phun sum tshogs par byed pas na/ rnam pa bcu gnyis su bstan to/ /rim pa gsum pa bshad pa'o// //bzhi pa ston te/ yang dag mdza' ni zhes zhes bya ba la sogs pa la sgyu ma lta bu'i ting nge 'dzin thob nas/ stong pa bco brgyad kyi rim pas don dam pa'i bden pa la 'jug pa ste/ de nas ril po 'dzin pa la rdul phra rab kyi bye brag gi ting nge 'dzin gyis yang dag pa'i mdza' rab tu 'jug pa'o/ /rnam par sbyangs zhes bya ba yang dag pa'i mdza' de nyid kyi sems dang sems las byung ba'i phung po thams cad rnam par sbyangs zhes bya ba'i tha tshig go /rim pa bzhi pa'i bshad pa'o// //lnga pa ston te/ yang dag mdza' las langs na ni/ /zhes bya ba la sogs pa la/ de nas stong pa nyid kyi ting nge 'dzin las langs nas rang bzhin 'od gsal ba'i bden pa gnyis dbyer med pa'i bdag nyid du khong du chud nas/ rdzogs pa'i rim pa'i ting nge 'dzin la rab tu 'jug ste 'di skad du gnyis med ye shes zhes bya ba la sogs pa gsungs so/ /gnyis su med pa'i ye shes ni gang du bzung ba dang/ 'dzin par rtog pa gnyis kyi mtshan nyid dam yod pa'am med par rtog pa'i mtshan nyid dag yod pa ma yin pa de ni gnyis su med pa'i ye shes so/ /de thob ces bya ba ni tha snyad ces bya ba'i don ste de khyad par du byed pa'o/ /zung 'jug ces bya ba la sogs pa la/ gang gi tshe'i zung du 'jug pa'i ting nge 'dzin de kho nar gnyis su med pa'i ye shes gnas pa de'i tshe/ gang la yang mi slob ste/ yongs su rdzogs pas na bslab pa'i chos ci yang med ces bya ba'i don te/ 'phong gi slob dpon dgra la rdeg pa lta bu'o/ /de ltar bskyed pa'i rim pa rtogs par gyur na legs par sbyangs pa dang legs par ma sbyangs pa'i slob ma rjes su gzung ba'i phyir sngags dang lta dang/
- 203a
bdag dang/ phyag rgya'i de kho nas rim pa lnga gsal bar ston te/ de la ngag rnam par spyod pa ni sngags kyi de kho na nyid de rang gi de kho na nyid dang lha'i de kho na nyid ni rim pa gcig go /sems la dmigs pa ni bdag gi de kho na nyid gnyis pa'o/ /bdag byin gyis brlabs pa'i rim pa ni phyag rgya'i de kho na nyid de gsum pa'o/ /mngon par rdzogs par byang chub pa dang/ zung du 'jug pa zhes bya ba gnyis ni 'bras bu'i ngo bo'o/ /de bas na lus rnam par dpyod pa med na/ dgra rnam par dpyod pa'i ting nge 'dzin med pa'o/ /de med na sems rnam par dpyod pa khong du chud pa med do/ /de med na kun rdzob kyi bden pa la 'jug pa med do/ /de med na don dam pa'i bden pa sngon du bya ba med do/ /de yang med na zung du 'jug pa'i rim pa sngon sum du rtogs par byed mi nus pa'o/ /'di ltar rim pa 'dis brlab par bya'o/ /rim pa lnga pa'i bshad pa mdor bstan pa'o// //da ni tshig le'ur byas pa gnyis kyi zung du 'jug pa'i ting nge 'dzin gyi phan yon ston te/ 'di ni zhes bya ba la sogs pa la/ 'di zhes bya ba ni bshad ma thag pa'i zung du 'jug pa'i ting nge 'dzin te/ rdzogs pa'i rnal 'byor ces bya bshad do/ /gong du 'gro ba'i mthar thug pas na/ de nyid rdo rje 'chang chen po'o/ /de dag dbyer med pa'i phyir de nyid kyi na/ zung du 'jug pa'i ting nge 'dzin gyi rim pa la 'jug pas slob bzhin pa'i so so'i skye bo la yang thams cad mkhyen pa 'byung ste/ sangs rgyas nyid rab tu 'thob pa'o/ /ci lta bu zhe na rnam pa kun gyi mchog ces bya ba la sogs pa gsungs te/ rnam pa kun gyi mchog dang ldan pas rnam pa kun gyi mchog ldan no/ /shes bya'i phung po thams cad khyab par mdzad pas na/ thams cad mkhyen pas de nas 'gyur zhes bya'o
- 203b
'dis ni shin tu phra pa'i shes bya'i sgrib pa yang 'joms par stan to/ /da ni 'di yi dus gsum yongs su shes pa ston te/ 'das pa zhes bya ba la sogs pa la/ gang cung zad 'jig rten gsum na gnas pa/ da ltar dang/ 'das pa dang/ ma 'ongs pa de dag thams cad de'i skad cig na ye shes kyis mngon du byed pa ni mthong ba ste/ shes bya'i don to/ /gang gis shes na/ 'od gsal bas na zhes bya ba la sogs pa 'byung ste/ 'od gsal ba'i ye shes rnam par dag cing dri ma med pa de yis so/ /gang gi phyir 'od gsal ba'i ye shes la glo bur gyi dri ma'i sgrib pa dang bcas pa de bas na de rnam par dag pa'i phyir ro/ /ji skad du/ rang bzhin 'od gsal sems 'di la/ /glo bur ba yi dri ma ste/ /chu khams gser dang nam mkha' ltar/ /dag pa bzhin du dag par 'dod ces gsungs so/ /de nyid 'di dag ces bya ba la sogs pa la gang gong du bstan pa ste/ de kho na nyid phyin ci ma log pa rtogs pa'i mtshan nyid kyi ye shes so/ /de dpal 'dus pa'i rgyud rgyas btab pa ste/ shin tu gsang bar gnas pas so/ /byis pa so so'i skye bo la bstan par bya ba ma yin pas rgyas btab pa lta bu'o/ /bshad pa'i rgyud gyi rjes 'brangs nas zhes bya ba ni/ dgongs pa lung bstan pa la sogs pas khong du chud par bya zhing shes par bya zhes bya ba'i tha tshig go /de yang rang nyid kyis ma yin te/ ji ltar zhe na/ bla ma'i kha las bya ba smos te/ slob dpon gyi man ngag brgyud pa las te/ rang nyid 'ba' zhig gi dbang du bya ba ma yin pa'i phyir ro/ ji skad du ji bzhin sgra'i don ni yongs su brtags gyur na/ rang nyid yid ches nyams pa 'thob ces ston pas gsungs zhes 'byung ba'o/ /da ni rlung gi de kho na nyid kyi srog dang rtsol ba bsgom pa ston te/ rlung rnam par rgyal bar bya ba'i
- 204a
phyir dang/ sems bstan par bya ba'i phyir de la zhes bya ba la sogs pa la/ de la zhes bya ba nges par gzung ba'o/ /mdor bstan pa'i tshig don mdor byas pa yin pa'o/ /'jug pa ni 'dir dang gnas bshad par bya ste/ lhag ma ni go sla'o/ /sna'i rtse mor zhes bya ba la sogs pa la rdo rje'i tshig 'dis so so'i skye bo'i sems can rnams skye ba dang brtags pa'i lha la dmigs pa rlung gi de kho na nyid dang/ yongs su dag pa'i lha'i de kho na nyid kyang rgyas par ston te/ thog ma sems can bskyed pa'i rgyu bstan par bya na/ steng na gnas pa'i srog dang rtsol ba dbang po gnyis mnyam par sbyor ba'i dga' bas bskyod nas yan lag thams cad du chags pa chen po'i mes zhu bar byas nas/ byang chub kyi sems thig le'i ngo bos pad+ma'i ge sar du lhung ba ste/ 'di'i bskyed pa'i rim pa bsgom pa rnams la/ de bzhin gshegs pas yungs kar gyi sgras brdar bstan te/ yungs kar gyi zhes bya ba de la/ de la yungs kar ni byang chub sems kyi thig le ste/ de'i nang du 'jig rten thams cad skye bar 'gyur zhes rnam par bsam par bya'o/ /shu kra bdud rtsi zhes byar bshad/ /de las 'gro ba gsum po bskyed/ zhes 'byung ste nges pa'i don to/ /'di brtog pa'i rnal 'byor ba nyid g.yo ba dang mi g.yo ba thams cad rdo rje sems dpa' i byang chub kyi bdag nyid ye shes gsum du rnam par bsam zhes bya ba ni drang ba'i don to/ /bsgom mo zhes bya ba la/ ye shes kyi gnas ni rlung dang rnam par shes pa zhes bya ba ste/ ye shes kyi sku'o/ /yid du 'ong ba ni 'ja' tshon ltar dkar po la sogs pa'i kha dog dang ldan pa'i phyir ro/ /gsang chen ni rtog pa'i rnal 'byor pa'i yul ma
- 204b
yin pa'o/ /ye shes kyi rtag pa ni 'od gsal ba'i ye shes las byung bas so/ /don 'di nyid dgongs pas bshad pa ston te/ rin chen kha dog sna lnga pa zhes bya ba la sogs pa la rin chen zhes bya ba ni thig le ste/ ye shes lnga'i rang bzhin yin pas na/ kha dog sna lnga pa'o/ /yungs kar zhes bya ba ni yungs kar gyi 'bru tshod tsam ste/ sna'i rtse mo zhes bya ba sna'i steng gi bu ga'i nang du'o/ /kha cig ni sna'i rtse mo'i zhes bya ba'i sgras snying ga'i pad+ma'i ze 'bru yin par 'chang de/ de la yang nyes pa med do/ /de bas na snying gar de ltar bsgom par bya zhes bya ba'i tha tshig go /nan tan du zhes bya ba ni/ rnam par g.yeng ba yongs su spangs te/ ji srid sems mnyam par bzhag pas so/ /bsgom zhes bya ba ni goms par bya ba'o/ /rnal 'byor rig pa zhes bya ba ni don dam pa shes pas so/ /rtag tu zhes bya ba ni zo chun brgyud pa ltar rgyun mi 'chad pa ste/ de dag ni dgongs pas bshad pa'o/ /de nyid rdo rje'i tshig gis slar bshad pa lha mo bzhis zhus pa zhes bya ba bshad pa'i rgyud las/ rdo rje 'chang zhes bya ba ni tshig gi lhag ma'o/ /de 'dir drang bar bya ste/ de ni lha mo bshad par bya zhes bya ba'i tshig le'ur byas pa gnyis ni go sla'o/ /'on kyang de kho na nyid ni thig le'i ngo bo ste/ de'i dbus na gnas pa'i lha ni rang rig pa'i rang bzhin 'byung ba chen po bzhi'i ngo bo bde ba chen po'i ngang ste/ de yang mi gsal bar ni rtog pa'i rnal 'byor gyi gnas skabs so/ /gsal ba'i bdag nyid ni rdzogs pa'i gnas skabs so/ /don de nyid 'dus pa'i rgyud phyi ma'i le'u bco brgyad par yan lag drug bsgom pa'i gnas skabs su srog dang/ rtsol ba dang 'dzin pa'i bdag nyid kyi yan lag gnyis rtshig le'ur byas pa gnyis kyi ston
- 205a
te/ ye shes lnga zhes bya ba la/ me long lta bu'i ye shes la sogs pa'i rang bzhin nyid pas na ye shes lnga'i rang bzhin no/ /dbugs zhes bya ba ni gyen du rgyu ba'i rlung gi rnam pa'i sems te/ mgrin pa dang rkan dang/ mchu gnyis kyi bar du khyab pa'o/ /lnga zhes bya ba ni spyan la sogs pa lha mo'i rang bzhin nyid pas na 'byung ba bzhi'i ngo bos te nam mkha' zhes bya ba ni lnga pa'o/ /byung nas ni zhes bya ba ni/ rdo rje'i lam nas so sor snang zhing dmigs par byas pa'o/ /pad+ma zhes bya ba ni lha mo'i pad+ma'i ze'u 'brur bsgom par bya ba ste/ phra mo'i rnal 'byor bsgom pa na/ skyo 'am 'jug pa'i don du bsgom par zhes kha cig 'chad do/ /gzhan dag ni phra mo'i dkyil 'khor gyi gzhi nyid pas na/ mtshan ma'i dbus na gnas par byas nas de bsgom par bya'o/ /kha dog sna lnga pa zhes bya ba la sogs pas ni tshig gi mjug bsdu ba ste go sla'o/ /thig le'i rnal 'byor gyi dbang du byas ni srog dang rtsol ba bsgom pa ston te/ phra mo'i rnal 'byor gyi dbang du byas nas ni 'dzin pa'i don ston te/ rang sngags zhes bya ba la sogs pa la/ snying ga'i ye shes sems dpa' i snying ga'i zla ba la rang gi lha'i sa bon gyi yi ge ji lta ba bzhin thig le'i gzugs su byas shing srog gi rlung dang kun tu ldan par bsgom pa ste sems kyi dmigs pa'o/ /sems ni yid de thig ler gyur pa'i thig le la bsgom zhing bkod nas de nyid yang dang yang du 'dris par bya ba'i don to/ / gzhan dag ni phra mo'i rnal 'byor rang gi ye shes sems dpa' i thugs ka'i mtshan ma'i dbus su sa bon dmigs nas yid kyis byin du gyur par bya zhes 'chad do/ /'dzin pa ston te 'di yang rdo rje phreng ba zhes bya ba'i rgyud las slar
- 205b
bshad pa zhes bya ba 'di yang/ /slar bshad pa ni rnam par bshad pa'o/ /sna'i rtse mor zhes bya ba la sogs pa la yungs kar zhes bya ba ni thig le'i ming du gyur pa'o/ /de la yang srog dang rtsol ba dang rlung gi de kho na rtag cing bsgoms par bya zhes bya ba'i don to/ /de la yang 'od lnga sangs rgyas rnams su bsgom zhes bya ba ye shes lnga rnam par dag pas/ mgrin pa dang snying ga dang lte ba dang/ gsang ba dang/ lus thams cad du khyab par gnas pa'o/ /'dir 'di skad gsungs te/ me long lta bu'i ye shes la sogs pa'i lnga'i rang bzhin srog dang rtsol bar gyur nas/ sna'i rtse mo ba spu'i bu ga nas/ 'byung ba chen po bzhis bskor zhing rim par sbyar te/ nges par 'byung ba'o/ /'gro ba dang 'ong ba'i ri bo nges ni dbugs 'byung ba dang/ rdub pa'i mtshan nyid kyi rjes su dran nas de yang rnal 'byor pas gnas skabs ji lta ba bzhin bsam par bya zhes bya ba'i don to/ /rlung bsgom pa de yang rnam pa drug ste/ chos mngon pa'i mdzod las 'di skad du/ grangs dang rjes 'gro 'jog pa dang/ /mtshan nyid dang ni rnam bsgyur dang/ /yongs su dag dang drug po 'di/ /dbugs rdub dbugs dbyung dran par 'dod/ /ces gsungs pa'o/ /dbugs rdub pa ni nang du 'jug pa'i rlung ngo/ /dbugs dbyungs pa ni phyir rgyu ba'i rlung ngo/ /de la dmigs pa'i shes pa ni dbugs 'byung ba dang rdub pa dran pa ste/ dran pa'i rgyud nyid pas dran pa zhes bshad do/ /de la grangs zhes bya ba ni lus sems dag goms par bla na ste/ dbugs 'byung ba dang rdub pa tsam la gtang nas grangs gcig dang gnyis nas bcu'i bar du de ltar yang dang yang du bya'o/ /'di'i skyon ni rnam pa gsum ste
- 206a
ma tshang ba'i grangs zhes bya ba gal te gnyis la gcig tu 'dzin pa'o/ /lhag pa'i grangs zhes bya ba gcig la gnyis su sbyor ba'o/ /log pa'i grangs ni gang dbugs rdub pa la dbugs 'byung bar 'dod pa 'am/ dbugs 'byung ba la rdub par 'dzin pa'o/ /de las gzhan pa ni yang dag pa'i grangs so/ /bar du g.yeng ba na slar yang dang po'i grangs nas brtsams nas bya ba ste/ ji srid ting nge 'dzin thob pa de srid du'o/ /rjes su 'gro ba zhes bya ba ni lhun gyis grub pa 'jug pa'i rlung ste/ mgrin pa'i dang/ snying ga dang/ lte ba dang/ rked pa dang/ brla dang rje ngar dang/ rkang pa'i bar du rim gyis 'jug cing 'gro ba'o/ /'byung ba ni mtho gang ngam do 'am/ 'dom gang gi bar du'o/ /'jog pa zhes bya ba ni/ sna'i rtse mo nas rkang pa'i mthe bo'i bar du rin po che'i 'phreng ba ltar gnas par blta ste/ 'di rjes su 'dzin par byed pa zhig gam/ gnod par byed pa 'am/ grang ba 'am dro ba gcig ces bya ba 'di ni rlung/ mtshan nyid ces bya ba 'di ni rlung 'ba' zhig kho na yin te/ 'byung ba chen po bzhi rnams dang/ de la rten pa'i 'byung ba las gyur pa rnams dang/ sems dang sems las byung ba zhes bya ba phung po lnga nye bar mtshon pa'o/ /rnam par bsgyur ba zhes bya ba ni/ rlung gi rnam pa blos bsgyur nas gong nas gong du dge ba'i rtsa ba kun tu skyed pa ste/ ji srid chos kyi mchog dang po'i rnal 'byor la sogs pa'o/ /yongs su dag pa ni gang mthong ba'i lam la sogs par dkyil 'khor gyi mchog gi ting nge 'dzin kun tu sbyor bar byed pa'o/ /gang gi che sna'i rtse mo nas nges par 'byung ba de'i tshe/ g.yon nas g.yas zhes bya ba la sogs pa smos te/ kha cig tu g.yon pa'i sna'i rtse mo las/ kha cig tu g.yas pa'i sna'i
- 206b
rtse mo las/ kha cig tu gnyis ka'i las/ ngal bar rgyu ba ni gnyi ga kho na'o/ /rim gyis rim gyis 'jug pa'o/ /yang na ma yin pa'o/ /rnam bzhir 'gyur zhes bya ba la/ rim pa 'dis dus rnam pa bzhir 'gyur te/ des ni rgyu ba'o/ / de yang nang gir bshad do/ /rlung de kho na 'byung ba chen po bzhi'i dkyil 'khor la khyab pas na/ gnas pa zhes bya'o/ /de ni dus de rgyu ba ni rlung ngo/ /thun phyed phyed rlung kun tu rgyu zhing gnas zhes bya ba'i don to/ /go rim ji bzhin zhes bya ba ni de dkyil 'khor so so'i lha gnas pa las ma 'das pa ste/ 'dir don mdor bstan pa la ni 'di'o/ /mgrin pa nas brtsams nas lte ba'i bar du g.yon pa'i phyogs su thur du bltas pa'i rtsa de zla ba dang/ A li ste byang chub kyi sems gnas pa'o/ / gang lte ba nas mgrin pa'i mthar thug par la gyen du ltas shing g.yas phyogs na gnas pa'i rtsa de nyi ma dang kA li ste/ khrag gnas pa nyid do/ /de la rtsa g.yon pa ni 'jug pa'i lam du bya'o/ /rtsa g.yas pa ni 'byung ba'i lam mo/ /gnyis ka ni sna'i bu ga gnyis nas rgyu ba'o/ /de dag ni sna'i bu ga gnyis nas thun phyed phyed du kun tu rgyu ba ste/ nyin mtshan gnyis na cha bcu drug du 'gyur ro/ /don? 'byung ba bzhi'i dkyil 'khor rang gi lus thams cad la yang 'od zer kun tu rgyu bas tshig le'ur byas pa drug gis lha nyid byin gyis brlab par bshad do/ /g.yas pa nas zhes bya ba la sogs pa la/ gang gi tshe sna'i bu ga g.yas pa nas 'od zer 'byung ba de'i tshe/ me'i dkyil 'khor gnas pa zhes bya bar shes par bya'o/ /dkyil 'khor dang 'od zer gnyis su med par nye bar brtags pas na/ kha dog dmar ba dang/ bye brag med pa ste/ 'di dag ni 'od zer gyi khyad par du khong du chud par bya'o/ /gzhan du
- 207a
bshad par gyur na rtags 'khrul pa'i skyon du 'gyur ro/ /de ltar 'og ma la yang bshad par bya'o/ /'dir yang gnas pa po nyid ni pad+ma'i mgon po ste/ 'od dpag tu med pa'i lha nyid du rig par bya'o/ /de ltar gang gi tshe g.yon pa las 'od zer kha dog ljang ser 'byung ba de'i tshe/ rlung gi dkyil 'khor las byung ba zhes bya bar shes par bya'o/ /las kyi mgon po ni 'dir don yod grub pa ste de 'dir gnas pa po'o/ /gang gi tshe yang gnyi ga las kha dog ser po 'byung ba de'i tshe dbang chen gyi dkyil 'khor las byung bar khong du chung bar bya'o/ /rin chen mgon po ni rin chen 'byung ba ste/ de 'dir lha nyid do/ /gang gi tshe dal zhing dman par rgyu ba me tog ku mu ta dang/ zla ba ltar dkar ba'i mdog tu 'byung ba po'i tshe chu'i dkyil 'khor las byung bar shes par bya'o/ /rdo rje mgon po ni mi bskyod pa ste/ de 'dir gnas pa po nyid do/ /ji skad du/ kha sbyar gyi gzhung las/ me nyid dang ni rlung dang ni/ /de nyid chu dang dbang chen du/ /steng logs thad kar 'og tu ni/ /dkyil 'khor der ni kun 'gro'o/ /dbang chen gyi ni rgyal srid 'byung/ /chu yis nor ni kun tu 'phel/ /me yi 'chi bar 'gyur ba dang/ /rlung gi nor ni zad par 'gyur/ /zhes 'byung ba'o/ /de ltar 'byung ba chen po bzhi po de yang kun tu rgyu bar rig par bya ste/ gang zhig slar yang lus thams cad la khyab pa'i rlung bya ba thams cad la 'jug pa po de rnam par snang mdzad kyi rang bzhin te/ de yang skyes bu 'chi ba srog gtong ba'i lus las byung ba ste/ gzhan du 'gro ba zhes bya ba'i don to/ /'di ni rlung gi de kho na nyid kyi mtshan nyid gsal bar bstan pa ste/ 'dis thig le'i rnal 'byor dang/ phra mo'i rnal 'byor dang/ rlung gi de kho na nyid dang/ lha'i de kho na nyid ces bya ba bzhi'i don gsal bar byas
- 207b
ba'o/ /'di dag kyang rtog ge pas mi shes te/ khong du chud par mi 'gyur ba'o/ /rnal 'byor byis pa ni las dang po ba ste/ des ni khong du chud par mi 'gyur ba'o/ /rlung gi de kho na nyid yan lag dang bcas pa bshad zin to/ /de bas na sngags kyi de kho na nyid kyi rgyu de rab tu bstan pa'i phyir mdor bstan pa'i tshig rtsa ba'i rgyud las gsungs te/ de nas zhes bya ba la sogs pa la/ de nas zhes bya ba ni de ma thag pa'o/ /bcom ldan 'das zhes bya ba ni dbang phyug la sogs pa dang ldan pas na bcom ldan 'das te/ ji skad du/ dbang phyug phun sum tshogs pa dang/ /dpal dang grags dang ye shes dang/ /brtson 'grus dang ni gzugs bzang po/ /drug la ldan pa zhes grags so/ /yang na nyon mongs pa dang phung po dang/ 'chi bdag dang/ lhib bu zhes bya ba'i bdud rnam pa bzhi bcom pas na bcom ldan 'das te/ gsang sngags kun tu 'dus pa gsungs so/ /zhes bya bar sbyar ro/ /su zhig gis she na/ de bzhin gshegs pa thams cad ces bya ba la sogs pa smos te/ de bzhin gshegs pa thams cad ni lnga ste/ de rnams kyi rigs thams cad la khyab pa'i phyir ro/ /de dag gi sku gsung thugs gsang ba chen po gsang ba'i yi ge gsum mo/ / de yang sngags thams cad kyi snying po kun tu skul bar byed pa zhes bya ba ste/ de bzhin gshegs pa thams cad kyi gsang sngags ni sngags thams cad de/ badzra d+h+rika ces bya ba la sogs pa ni/ de rnams kyi snying po de kho na nyid do/ /kun tu skul bar byed pa ni/ brtson 'grus dang bcas shing bskul ba zhes bya ste/ de nyid kyi ming gang la yod pa de la/ /de skad ces bya'o/ /de nyid mchog tu gsang ba ni/ skal ba dman pa
- 208a
kha? la bstan par bya ba ma yin pas so/ /gang las shen/ rang gi sku dang gsung dang thugs las te/ sku gsung thugs mnyam par bzhag nas zhes bya ba'i don to/ /ji ltar zhe na/ tshig lam nges par brjod pa zhes bya ba ste/ tshig gi lam ni tshig gi sgra'o/ /de'i nges pa brjod pa ni yang dang yang du brjod pa'o/ /ci'i phyir yang dang yang du nges brjod ce na/ smas pa 'khor du ma'i bsam pa'i phyir te/ gang gi bcom ldan 'das chos ston pa de'i tshe/ lha dang klu dang lha ma yin dang/ gnod sbyin la sogs pa 'khor du ma kun tu 'dus par gyur pa'o/ /de bas na de dag la phan pa'i phyir gsung du mas nges par brjod pa la skyon med do/ /gsung zhes bya ba ni bshad par gyur pa'o/ /oM A(rgyud 'grel): hUM 'di'i rab gi ngo bo bstan la dbab pa ni 'og nas gshad par bya'o/ /da ni rdo rje bzlas pa nges par brjod par ston te/ don rtogs pa'i zhes bya ba la sogs pa la/ don rtogs pa ni khong du chud pa ste/ des na gang du don rtog pa dang ldan pa'i bzlas pa zhes bya bar tshig rnam par sbyar ro/ /ji lta bus zhe na/ ngo bo nyid med ces bya ste/ dmigs pa spangs pas so/ /ji srid du dmigs pa kho na ni las dang po pa'i gnas skabs te/ de yang grol bar 'dod pas spangs pa'o/ /yang na ngo bo nyid med ces bya ba ni/ yi ge rnams brjod pa na zhig par 'gyur bas 'dzin pa med pa'o/ /bzang ba zhes bya ba ni yid du 'ong ba ste/ gnas ji lta ba bzhin dang nyid lha nyid bsgom pa sngon du 'gro ba brjod ces bya ba'i don to/ /de ltar khyad par du gyur pa'i bzlas pas dus gsum du bzhugs pa'i sangs rgyas mngon sum du
- 208b
gyur pas ni brtags pa ste bsgom pa'o/ /de mdor bsdus pa ni rdo rje bzlas par bstan te/ 'di skad du gsungs pa yin te/ sangs rgyas su byin gyis brlabs na/ sems 'dod chags dang bral bar 'jug go /de nas lus rnam par dpyod de/ de nas yang dag par dpyod pa'i ting nge 'dzin khong du chud do/ /de'i phyir yang rlung gi de kho na nyid kyis rim gyis sngags kyi de kho na nyid rtogs pa'o/ /de nyid nas bzlas pa'i mtshan nyid mdor bstan pa ste/ ji skad du/ rdo rje dag ni dbyangs su sbyar zhes gsungs pa'o/ /de ni lus gdung ba la sogs pa'i sgo nas sngags mi 'grub par bshad pa ston te/ slong mo za zhing zhes bya ba la sogs pa la/ slong ba'i tshogs ni slong ba pa ste/ slong mo'i ngang tshul gyis zas bza' zhing/ bzla bar mi bya ba ste/ bzlas brjod gdon par mi bya ba zhes bya ba'o/ /slong mo'i zas zhes bya ba ni nye bar mtshon pa'i don te/ des na yongs su tshol ba la sogs pa gzhan rnams dang ldan pas bza' bar mi bya bar dgongs so ma bslangs pa 'ang zhes bya ba la sogs pa la/ gang bslangs pa las gzhan 'bad pa med par brnyed pa'i bza' ba ni ma bslangs pa'o/ /de la yang chags shing zhen par mi bya ba ste/ ji srid du lus gnas par 'gyur pa de tsam gyis cho ga shes shing/ mchog tu spros pa med pa'i spyod pa sbyad par bya'o/ /ji ltar bzla bar bya zhen/ ma nyams bzlas zhes bya ba ste/ sngags ni yi ge gsum mam/ gzhan pa ste/ ma nyams zhes bya ba lha nyid dang dbyer med pa 'am dbyangs dman pa ma yin pa ste/ yi ge nyams pa yang bzla bar mi bya zhes gsungs pa'i phyir ro/ /gang gi bzla zhe na/ 'dod pa kun la longs spyod byed cing ces bya ba ste/ 'dod pa kun ni gzugs dang sgra la sogs pa rnams so/ /byed
- 209a
ces bya ba ni 'dod pa de thams cad la longs spyod par byed pa'i sngags pa ste/ sems bde ba'i ting nge 'dzin la gnas par gyur nas/ sems mnyam par bzhag cing yang dag pa ji lta ba bzhin rab tu zhes so/ /zhes bstan pa'o/ /yang na 'dod pa thams cad ni 'dod pa'i rtog pa'i ngo bo'o/ /'di rnams la longs spyod ces bya ba ni/ 'joms par byed pa ste/ byed ces bya ba ni sngags pa 'dod pa kun la longs spyod ces bya ba ste/ rnal 'byor pa des rnam par rtog pa thams cad spangs nas bzla bar bya zhes bya ba'i don to// //da ni sngags kyi mtshan nyid 'di kho na mdor bstan pa bshad pa'i rgyud dgongs pa lung bstan pa las rgyas par gsungs pas de la 'jug par bya ste/ slar gsol zhes bya ba la sogs pa la/ chos bstan pa de ma thag tu bcom ldan 'das la lag na rdo rjes slar gsol ba ste/ 'dri ba zhus pa'o/ /gang la gsol zhe na/ dpal rnam par snang mdzad ces bya ba ste/ dpal ni bsod nams dang ye shes kyi tshogs kyi mtshan nyid rnam pa gnyis so/ /de yang lhan cig skyes pa dang/ bsgrubs pas las byung ba'o/ /de lhan cig skyes pa ni gang rang bzhin gyis 'od gsal ba'i sems so bsgrubs pa las byung ba ni bsgom pa'i stobs kyis bskyed pa ste/ de lta bu'i dpal gang la yod pa de ni dpal dang ldan pa'o/ /dpal dang ldan pa yang yin la/ rnam par snang mdzad kyang yin pas na dpal ldan rnam par snang mdzad che zhes bya ste/ khyad par gyi bsdu ba'o/ /khyab bdag ces bya ba ni thams cad kyi gtso bor gyur pa'o/ /de la gsol zhes bya ba ni tshig gi don to/ /ces gsol ce na/ gsol ces bya ba ni las gnyis
- 209b
pa ste/ /sngags kyi de kho na nyid yi ge gsum gyi mtshan nyid bskyed pa zhes bya ba'i tshig gi lhag ma'o/ /sna tshogs gzugs can zhes bya ba la sogs pa'i tshig /le'ur byas pa bzhis gsol ba gdab po/ /sna tshogs gzugs can ni rnam pa sna tshogs pa ste/ yul dang/ skad dang/ cha byad la sogs pa'i bye brag gis tha dad pa'i phyir ro/ /gang zhig ce na/ sems can thams cad ces bya ba la sogs pa smos te/ sems can thams cad skyed pa de bas na/ lha dang lha ma yin dang/ mi la sogs pa'i bar du de las skyes zhes bya ba'i don to/ /de ni rgyu'i lnga pa'o/ /ji ltar de skye bar khas blangs par bya zhe na/ /de bas dngos po med gyur kyang zhes bya ba ste/ dngos po med pa ni rnam par med pa'i sems te/ de las skyes shing byung bar gyur ces bya ba'i don to/ /gang gi phyir zhe na/ 'jig rten gyi tha snyad kyi grub pa'i phyir srid pa'i zhes bya ba'i dngos por brjod de/ de'i rang gi ngo bo ni cung zad kyang yod pa ma yin te/ lan mang du bkag pa'i phyir ro/ / rjes su myong mdzad pa zhes bya ba la sogs pa la legs par rjes su myong ba zhes bya ba ni rang rig pa'i shes pas nyams su myong ba ste nyams su myong ba dang bcas pa'i shes pas mnyam par bzhag nas zhes bya ba'i tha tshig go /de ji lta bu zhe na/ byang chub sems ni zhes bya ba la sogs pa smos te/ dbyer med par nye bar gdags pa'i yi ge gsum ni bskyed pa po yid do/ /mkha' dang mnyam pa nyid ni mkha' mnyam ste/ nam mkha' i rang bzhin lta bur bsgrub pa med ces bya ba'i don to/ /skye ba'i mchog gi yul du yang dag pa phyin ci ma log par bcom ldan 'das kyis bstan du gsol ces bya bar sbyar ro/ /de ci'i phyir zhe na/ 'gro ba'i don mdzad pa'i phyir te/ snod du gyur pa'i skye bo thams
- 210a
cad kyi longs spyod du gyur pa'i phyir ro/ /da ltar brtsod pa'i dus su sems can dag 'di 'di ltar byed ces bya'o/ /sgrub pa'i ni zhes bya ba la sogs pa la/ sgrub pa'i thabs tsam na/ rang dad pa'i lha nyid/ mnyes par bya ba'i yan lag bstan bcos kyi cha shas tsam nyid du khong du chud nas/ rgyud kyi don mi shes shing/ rgyab kyis phyogs pa ste/ bdag nyid bla ma dang slob dpon zhes brjod pa na/ /da ni bla ma ma yin zhing brgyal 'ba' zhig kho na rtogs par byed pa'o/ /ma 'ongs pa zhes bya ba ni dus phyi ma'i skye ba'o/ /gzhan yang bdag gi tshig 'di dag nyid ces bya ba la sogs pa la bstan bcos 'di dag gis rnam par phye ba'o/ zhes ston cing byis pa'i blo gros kyis shed ma bye ba 'jig pa ste/ lam log pa la 'dzud par 'gyur zhes bya ba'i don to/ /gzhan yang de yis dgongs pa'i zhes bya ba la sogs pa la/ gang dgongs pa bshad pa/ sangs rgyas kyis byang chub kyi sems rgyud de dang de rnams su de yang rnam grangs dang tha snyad bye brag du gsungs pa don dam par dbyer med pa'i ngo bo de yis mi shes pa de/ khong du mi chud cing des ci lta ba bzhin du rtogs par mi 'gyur zhes bya ba'i don to/ /kha cig ni rigs pa dang bcas ba zhes 'chad de/ de la don 'di yang rigs pa dang ldan pas rigs par 'jug pa ni rig pa dang bcas pa ste/ de 'thad pa zhes bya ba'i don to/ /de nas zhes bya ba la sogs pas zhu ba po la lan gsungs pa ste/ de nas zhes bya ba ni dri ba yongs su rdzogs nas de ma thag pa ste/ /'di 'og nas 'chad par 'gyur ba'o/ /bcom ldan 'das zhes bya ba ni sngar bshad pa bzhi'o/ /rigs kyi gtso bor gyur bas na/ bdag po zhes bya'o/ /gang zhig ce na/
- 210b
rnam par snang mdzad ces bya ba gsungs te/ rnam par snang zhing 'bar bas na rnam par snang mdzad ces bya'o/ /chen po yang yin la/ rnam par snang mdzad kyang yin pas rnam par snang mdzad chen po ste/ khyad par ni bsdu ba'o/ / chen po zhes bya ba ni thabs kyi gtso bor gyur pa'i phyir ro/ sku gsung thugs thub pas na thub pa zhes bya'o/ /zhu ba po byang chub sems dpa' phyag na rdo rje la gsungs zhes bya ba ni/ gsungs par gyur zhes bya ba'i tha tshig go / ci zhig mdzad nas she na/ legs so zhes gsungs par mdzad nas so/ /lan gsum mdzad nas te/ gsungs zhes bya ba'i tha tshig go /bshad par bya zhes bya ba la/ tshigs su bcad pa phyed dang gnyis kyi sngags kyi bye brag rnam pa bzhi ston te/ rab tu phye ba nas zhes bya ba ni rnam pa bzhi gsal bar phyed nas zhes bya ba'i don to/ /nyon mongs pa'i rnam par rtog pa spangs pa'i don gang yin pa de ni rnam par mi rtog pa'i don to/ /de'i de kho na nyid ni ji lta ba bzhin khong du chud pa'o/ /de'i phyir 'di ltar sngags kyi don yi ge bsgrubs pa'i bdag nyid can thog ma gsungs pa'o/ /brjod pa'o ston pa ste/ de yang yi ge re re la brten nas btu ba zhes bya ba'o/ /sbyor ba 'di dag ldan bas dmigs pa thob pa gang yin pa de na dmigs pa zhes bya'o/ /brjod pa yang yin la/ dmigs pa yang yin pas na brjod pa dmigs pa ste/ khyad par gyi bsdu ba'o sangs rgyas nyid ces bya ba la/ de yang sangs rgyas ni rdo rje 'chang gi go 'phang thob pa'o/ /nye bar dmigs pa thob par byed pa'i rgyu'o/ /'dis sngags btu ba ste/ gnyis pa ston to/ /brda zhes bya ba la/ sbrul la sogs pa'i ming dang ldan pa ste/ sogs pa'i sgras thog mdza'
- 211a
med pa'i sngags dang/ btu ba'i sngags dang/ mdza' med kyi sngags rnams shes par bya'o/ /de la oM zhes bya ba dang po dang/ swAhA mthar gnas pa'i sprul lta bu'i sngags te thog mdza' gnyis dang ldan pa'i phyir ro/ / oM dang swAhA med pa'i sngags badzra d+h+rik ces bya ba la sogs pa ni mgo med kyi sngags te/ thog mdza' gnyis dang mi ldan pa'i phyir ro/ /btu pa'i sngags ni dbyangs dang gsal byed thod lo ker gyis rnam par phye bas te/ phreng ba lta bu'i sngags la sogs pa 'am/ gzhan yang btus nas rnam par byas pa'i phyir ro/ /mdza' med kyi sngags ni oM dang ni ldan la swAhA ni med pa ste mdza' dang mi ldan pa'i phyir ro/ /'di dag ni sngags kyi brda brjod pa ste/ gsum pa'o// // sngags kyi de kho na nyid ces bya ba ni ma nyams pa las byung bas na sngags kyi de kho na nyid ces bya ste/ bzhi pa'o/ /de ni don dam pa nyid yin no/ /zhes bya ba la/ de zhes bya ba la bshad ma thag pa rnam pa bzhi yang don dam pa nyid ces bya ba'o/ /don dam pa'i rgyu zhes bya ba'i tha tshig ste/ rgyu la 'bras bu brtags pa'i phyir ro/ /sngags kyi dbye ba rnam pa bzhi yang bstan to/ /da ni yi ge'i don gyi snal ma ston te/ gcig ces bya ba la sogs pa la/ gcig ni mi 'gyur ba'i rang gi ngo bo dang po'i yi ge oM ste/ don dam pa'i nyid do/ /dgu dbus zhes bya ba yi ge sde tshan dgu'i grangs nges par bcad pa gang yin pa de'i dbus na ste gang gi phyir 'dir brjod pa'i don to/ /de bas na de med na ka dang ha'i bar du yi ge rnams brjod par mi nus pa ste/ dbyangs med pa'i phyir ro/ /na'i sgra ni thams cad du yang gi don to/ /gang zhig bcu yis ma bcings pa zhes bya ba la/ dbyangs yi ge bcu drug gi nang nas snga ma'i yi ge brgyad ni thung ngu'i sde tshan no/ /phyi ma brgyad ni
- 211b
ring po'i sde tshan no/ /ka la sogs pa lnga'i sde tshan lnga dang/ ya la sogs pa 'byung ba bzhi'i sde tshan dang/ gzhan yang sha la sogs pa sde tshan brgyad pa'i tha ma dang/ bcu pa mi 'gyur ba'i yi ge a'o/ /de yang kha cig ni a dang gzhan tha dad pa'i sde tshan kho nar 'dod do/ /gang dag gi rnam par rtog pa'i ngo bo bcu po 'di rnams kyis rnal 'byor pa'i dag ma bcings pa'o/ /de ni bcings med ces bya ba la/ ma bcings pa ni 'khor ba'i brtson ra las thar ba'o/ /shes par bya zhes bya ba ni/ khong du chud par bya ba'o/ /de shes bya ba ni rnal 'byor pa'o/ /shes pa mchog gi gnas zhes bya ba ni ngag gi rnam par rtog pa spangs pa'i phyir mi 'gyur ba'i gnas zhes bya ba ste/ yi ge'i don no/ /bsdus pa'i ci'i don ston te/ gcig ces bya ba la sogs pa la/ gcig gnyis ni chos kyi phyag rgya'i mtshan nyid kyi yi ge ste/ shes rab kyi rang gi ngo bo'o/ /dang po zhes bya ba ni sems can thams cad skye ba'i 'byung gnas so/ /dgu dbus na zhes bya ba ni yi ge de nyid phung po lnga dang/ 'byung ba bzhi zhes bya ba'i dgu'i dbus na rang rig pa'i mtshan nyid gnas pa'o/ /phung po dang 'byung ba dgu po rang bzhin 'di rnams dang bcas pas es kyang gang zhig bcings pa med pa zhes bya ste/ 'khor ba'i zhags pas ma bcings pa zhes bya ba ste/ yi ge gsum gyi ngo bo nyid pas na/ lus ngag yid gsum mo/ /de ni bcings med ces bya ba 'khor ba'i zhags pas las grol zhes bya ba'i tha tshig go /shes par bya ba ni snga ma bzhin no/ /de zhes bya ba ni rnal 'byor pa ste/ rig na zhes bya ba ni nyams su myong ba'i don to/ /mchog gi gnas zhes bya ba ni bde ba chen po'i rang gi ngo bo yi ge gsum gyi bdag nyid ces bya'o/ /spyi'i don de 'gyod pa med pa'i phyir ro/ /slar yang spyi'i don ston te/ gcig ces bya ba la sogs pa la
- 212a
gcig dang po gang yin pa de ni gcig dang po ste/ A li'i rim pa'o/ /gzhan yang gcig dang po gang yin pa de ni gcig dang po ste kA li'o/ /dgu zhes bya ba ni sde tshan dgu'i mtshan nyid do/ /gcig dang po yang yin la/ sde tshan dgung bcas pa yang yin pas na/ sde tshan dgu'i dang po ste/ khyad par gyi bsdu ba'o/ /dbus zhes bya ba ni lus kyi lte ba ste/ gnas zhes bya ba ni tshig gi lhag ma'o/ /bcu yis zhes bya ba ni yi ge'i phyi mo sde tshan dgu dang/ dang po'i yi ge 'di rnams kyis so/ /gang zhig ces bya ba ni bsgom pa goms pa dang ldan pa'o/ /ma bcings pa zhes bya ba ni ma bsdams pa ste/ sde tshan de rnams/ sgyu ma'i rang gi ngo bo nyid do/ brjod ma thag tu 'jigs pas gcod? de ni bcing med ces bya ba ni dag gi rang bzhin yi ge rnams la ma zhen bya ba'i tha tshig go /gzhan ni snga ma bzhin no/ /de zhes bya ba ni yi ge'i phyi mo bsgom pa dang ldan pa'o/ /rig ces bya ba ni shes pa'i don to/ /mchog ces bya ba ni sgyu ma lta bu'i yi ge phyi mo brjod pa'i gnas kyi khyad par ro/ /bskyed pa'i rim pa la sogs pa goms pa spyi'i don bshad pa ston to/ /da ni sbas pa'i bshad pa ston te/ gcig ces bya ba la sogs pa la gcig ni srog gi ngo bo rlung byang chub sems kyi bdag nyid can no/ /dang po zhes bya ba ni mchog go /dgu dbus na zhes bya ba ni rlung dgu po rnams kyi dbus te/ snying po zhes bya ba'i bar du'o/ /rlung dgu po rnams ni sngar bshad pa'o/ /bcu yes zhes bya ba ni rlung dgu dang/ dang po'i rlung srog gi ngo bo dang bcus so/ /gang zhig ces bya ba ni mngon par brjod pa'i sngags kyi bdag nyid can no/ /ma bcings pa zhes bya ba ni ma zhen pa ste/ zhi ba la sogs pa'i las
- 212b
kyi tshogs rnams la zhes bya ba tshig gi lhag ma'o/ /de ni bcings med ces bya ba ni/ 'dod pa ji lta ba bzhin bya ba byed pa'o/ /lhag ma ni snga ma bzhin no/ /des zhes bya ba ni rlung gi de kho na nyid goms pa dang ldan pa'o/ /rig ces bya ba ni rlung gi de kho na nyid ji lta ba bzhin rtsal rgyu ba'i rim pas shes pa'o/ /'dod chags kyi chos ston pas na sbas pa'o/ /yang de nyid ston te/ gcig ces bya ba la sogs pa la/ gcig ni mi rgyu ba brjod du med pa nam mkha' i rang bzhin thar zug pa'i yi ge'o/ /dang po zhes bya ba ni chos thams cad 'byung ba'i gnas so/ /dgu dbus na zhes bya ba ni dbang po lnga dang 'byung ba bzhi mthar thug pa yin la/ gnas de la gnas pa zhes bya ba ni tshig gi lhag ma'o/ /bcu yis zhes bya ba ni dbang po lnga dang yul lnga'o/ /'di rnams kyis so/ /gang zhig ces bya ba ni yid kyi rnam par shes pa spangs pa'i rnal 'byor pa'o/ /ma bcings pa zhes bya ba ni rnam par g.yeng ba bsten par mi 'gyur ba'o/ /de ni bcings med ces bya ba ni mi g.yo ba'i sems so/ /shes byas nas zhes bya ba ni khong du chud par bya'o/ /de zhes bya ba ni ye shes la mngon par brtson pa'o/ /shes zhes bya ba ni nyams su myong ba'i don to/ /mchog ces bya ba ni chos kyi dbyings mi shigs pa'i mtshan nyid ces bya ba ste/ rang rig pa'i ngo bo de nyams su myong ba zhes bya ba'i don to/ /kun rdzob kyi don khong du chud pas na sbas pa nyid do/ /yang de nyid ston te gcig ces bya ba ni gang gi phyir rtogs par dka' ba/ rtag par snang ba 'od gsal ba'i ngo bo thig le yang mi shig pa zhes pa chos kyi 'khor lo rtsibs brgyad pa rten cing a la gnas pa 'byung ba bzhi yang dag par rig pa'i rang bzhin no/ /
- 213a
dang po zhes bya ba ni dang po'i ye shes te/ man ngag gi dus su thog mar de nyams su myong ba'o/ /dgu dbus na zhes bya ba ni pad+ma 'dab ma brgyad pa'i 'dab ma la/ a ka tsa Ta ta pa a sha zhes bya ba brgyad dang/ dgu pa thig le'i ngo bo nyams su myong ba yin te/ gnas pa zhes bya ba ni tshig gi don to/ /bcu yis shes bya ba ni sems kyi rnam par rtog pa'i g.yang ba rnams kyis so/ /ji skad du yod med dang ni sgro 'dogs skur 'debs rtog pa dang/ /gcig dang du ma nyid dang khyad par med rtog pa/ /don la ji bzhin ming ni mngon par zhen rtog pa/ /rgyal ba sras dang bcas pas yang dag spang bar bya zhes gsungs so/ /gang zhig ces bya ba ni rnam par mi rtog pa la lhag par gnas pa'i rnal 'byor ba'o ma bcings pa zhes bya ba ni zhen pa mi brten pa'o/ /slob dpon phyogs kyi glang po'i zhal snga nas kyis/ ji skad du rnam par g.yeng ba bcu po yis/ /sems ni gzhan du g.yengs pas na/ /gnyis med ye shes sgrib pa yis/ /snod du byis pa 'gyur ma yin/ /de ni spangs phyir phan tshun du/ /mi mthun pa dang gnyen po dag /shes rab pha rol phyin pa yi/ /gzhung du yang dag bsdus te bstan/ /ces gsungs pa'o/ /de ni zhes bya ba ni rnam pa de lta bu dang ldan pa'i rnal 'byor pa'o/ /as bcings shes bya ba ni as bcings pas na as bcings te/ ar brdar brtags pa'i 'od gsal ba'i yi ges bcings shes dgar ba'i don to/ /gang yang sngar bshad pa ni/ a la yongs su gnas pa'i thig le zhes bshad la/ 'dir as bcings pa zhes bya ba de ji lta bu zhe na/ smras pa/ de dag ni gcig pa ste/ des bas na de med na thig le yang brjod par mi nus pa nyid kyi phyir ro/ /de shes pa zhes bya ba ni de'i mi zad pa'i ye shes rang rig pa'i ngo bo nyams su myong zhes bya ba'i don to/ /ye shes
- 213b
gsum rnam par dbye ba ston pa sbas pa'i bshad pa rnam pa gsum mo/ /mthar thug pas bshad pa ston te/ gcig ces bya ba la sogs pa la/ gcig ni mi 'gyur bas yi ge a'o/ /dang zhes bya ba ni dang por gyur pa'i ye shes kyi ngo bo ste hUM ngo/ /dgu dbus na zhes bya ba ni lus kyi gnas dgu'i nad na ste/ gnas zhes bya ba ni tshig gi lhag ma'o/ /ji skad du/ mgrin snying lte ba gsang ba yis/ /pad+ma la gnas hUM du grags/ me chu de bzhin rlung dang ni/ /sa'i dkyil 'khor rnam dag pa'o/ /zhes gsungs pa'i bar skabs kyis tshigs su bcad pa 'di nyid bshad pa bstan te/ mgrin pa'i me'i dkyil 'khor dang pad+ma la/ snying ga'i chu'i dkyil 'khor dang pad+ma la/ lte ba'i rlung gi dkyil 'khor dang pad+ma la/ gsang ba'i sa'i dkyil 'khor dang pad+ma la/ 'di ltar brgyad dang yid dang dgu /nam mkha' ldan pas 'byung ba nyid kyi gnas pa ste hUM ngo/ /bcu yis zhes bya ba dgu po de rnams dang/ nam mkha' dang bcus so/ /gang zhig ces bya ba ni rnam par mi rtog pa'i rnal 'byor pa'o/ /ma bcings pa zhes bya ba ni ma gos pa'i don to/ /mi dmigs pa'i phyir dang/ de srog gi ngo bo yin pas na'o/ /de ni zhes bya ba ni yon tan gyi tshogs dang/ ldan pa'i dang po'i yi ge ste/ rdo rje sems dpa' i rang gi ngo bo'o/ /bcings med ces bya ba ni bsdams pa med pa'o/ /shes bya zhes bya ba ni rtogs par bya ba'o/ /de zhes bya ba ni rnal 'byor pa'o/ /shes zhes bya ba ni nges pa'i don to/ /mchog ces bya ba ni ye shes lnga'i rang gi ngo bo thob pa zhes bya ba ste/ 'od gsal ba gsal bar bstan pa na/ mthar thug pa'o/ /slar yang de nyid ston te/ gcig ces bya ba la sogs pa la/ gcig ni phra ba'i khams 'gyur ba med pa/ sems dang lhan cig gnyis su med
- 214a
pa'i ye shes su gnas pa/ thabs dang shes rab snyoms par 'jug pas nyi ma dang zla ba dang/ me ltar 'dres par gyur pa/ stong pa nyid gsum dang/ snang ba mched pa rang gi ngo bo'o/ /dang po zhes bya ba la sogs pa la dang po ni mi shigs pa'i yi ge a'o/ /de las yang dag par byung bas dus gsum pa/ yi ge gsum brjod pa spangs pa zhes bya ba'i don to/ /dgu zhes bya ba'i de yang sgra mthar phyin pa'i sde tshan dgu'i nang na gnas pa'o/ /gzhan yang dbugs 'byung ba dang/ dbugs rdub pa dang po'i rnal 'byor pa ste/ myur ba dang/ gnyi ga ma yin pa dang/ dal ba can te/ rnam par ldang ba dang/ 'jug pa dang/ gnas pa'i mtshan nyid do/ /bcu yis zhes bya ba ni dbang po dang/ yul rnams kyis so/ /gang zhig ces bya ba ni phra ba'i khams so/ /ma bcings pa zhes bya ba ni rjes su zhen pa dang bcas par mi bya'o/ /'di skad gsungs te/ lte ba'i dbus mi shigs pa las byung ba'i yi ge gsum dang/ de las A li dang kA li'o/ /de dag las dbugs dbyung ba dang rdub pa ste/ nyi ma dang zla ba thabs dang shes rab de dag nges par sbyangs pas 'jug pa dang/ gnas pa dang/ ldang ba'i mtshan nyid can des bde ba chen por gnas par rtogs nas/ stong pa gsum gyi gsal ba nyams par byung na 'od gsal ba mngon du byed pas na/ dbang po dang shes pas med na rnam par rtog pas zan ma bcings pa'o/ /yi ge gsum nyin mtshan phye mar rgyun tu gyur ces bya ba de'i mthar thug pa'i don te/ de ni yon tan gyi tshogs kyi gnas shes bya ba'i tha tshig go/ /as bcings zhes bya ba ni shes rab kyi pha rol tu phyin pas rnal 'byor ces bya ba'i bar du'o/ /de zhes bya ba ni ye shes mthar phyin pa'i rnal 'byor pa'o/ /shes pa ni nyams su myong ba'o/ /mchog /ces bya ba ni lhun
- 214b
gyis grub pa mthar thug pa'i ye shes kyi rgyun nyin re re bzhin nyams su myong ba zhes bya ba'i zung du 'jug pa gsal bar byed pas na mthar thug pas/ shes pa'i don gyi tshigs su bcad pa'o/ /'dis mdza' drug rnam la dbye ba rab tu ston te/ gang gi phyir rtsa ba ni dgongs pas bshad pa'o/ /yi ge'i don gyis ni dgongs pa ma yin pas bshad pa'o/ /si'i don gyis ni drangs pa dang nges pa'i don to/ /spas pa'i don gyi ni sgra ji bzhin pa ma yin pa'o/ /mthar thug pas ni sgra ji bzhin pa'o/ /de nyid brtag par mdza' drug gi rjes su 'brangs nas/ bshad pa rnam bzhi'i rim pa tshigs su bcad pa dang po don brgyad kyis bshad nas/ yang don de nyid gsal bar bstan te/ dbyangs dang gsal byed yi ge ste/ /zhes bya ba la sogs pa la/ dbyangs dang gsal byed dang/ yi ge ni dbyangs dang gsal byed dang yi ge'o/ /dbyangs ni a la sogs pa bcu drug go gsal byed ni ka la sogs pa nyi shu rtsa lnga'o/ /yi ge ni ya la sogs pa brgyad do/ /grangs dgu'i zhes bya ba la/ dbyangs rnams la thung ngu dang/ ring po'i bye brag gis sde tshan gnyis so/ /gsal byed lnga lnga pa rnams kyi sde tshan lnga'o/ /yi ge la sde tshan rnam pa gnyis te/ 'di ltar grangs dgu'o/ /de'i rjes su 'jug pa'i ngang tshul can gang yin pa de rnams ni grangs dgu'i rjes su 'jug pa'o/ /as bcings zhes bya ba ni ma nyams pa'i sgor gnas zhes bya ba'i don to/ /gang zhig ces bya ba ni thabs dang shes rab snyoms par 'jug pas mnyam pa'i ro myong ba la mngon par brtson pa'i rnal 'byor pa'o/ /dgod ces bya ba ni snying ga'i pad+ma'i lte ba'i dbus su gnas pa'i nyi ma dang zla ba'i 'od zer 'khrigs pa'i nang du bsgom par bya zhes bya ba'i don to/ /nye bar sgrub pa dang bcas pa'i skad kyis dbyings ni don du ma nyid pas na dgod ces bya ba ni bsgom pa'i don du 'jug pa'o/ /sbyor bas ni bsgom pa gsal bar ston par 'gyur ba'i
- 215a
phyir ro/ /gang gi sgra rnam pa gnyis su bzlas pa'i don la skyon med pa'o/ /de nas gang dang gang su zhig goms pa de 'gro ba'i bla zhes bya bar sbyar ro/ /phan tshun dag sbyor zhes kha cig 'chad de/ bshad pa de ni sbyor nyes su mthong bas/ kho bo cag yid mgu bar byed pa ma yin te/ dor bar bya'o/ /gang gis zhes bya ba ni rnal 'byor ba'o/ /shes zhes bya ba ni gang cung zad rang dga' bar byed pa nges nyams su myong ba ste/ de snying ga'i pad+ma'i lte ba'i dbus su sngar bshad pa'i yi ge'i phyi mo nyid ces bya ba'i don to/ /'gro ba'i bla zhes bya ba ni 'gro ba gsum po'i yang bdag por de gyur to zhes bya ba ste/ tshig gi lhag ma'o/ /'byung ba'i mdza' dang zhes bya ba la sogs pa la/ 'byung ba'i sgras ni ya la sogs pa'i sde tshan/ mngon par 'dod do/ /'byung ba bzhi'i sa bon gyi rang bzhin nyid pas na zhes bya ba ni dang po'o/ /mdza' i sgras ni sha la sogs pa'i sde tshan te de bas na yang dag ldan/ bya ba ni 'dres par 'gyur/ /ces bya ba ste gnyis pa'o/ /cha la sogs pa zhes bya ba la/ a la sogs pa bcu drug ste/ der gnas zhes bya ba ni gsum pa'o/ /lnga pa zhes bya ba la sogs pa la ka la sogs pa lnga lnga pa'i sde tshan no/ /yang dag ldan zhes bya ba ni sbyar ba zhes bya ba ni ste bzhi pa'o/ /bzhi ni zhes bya ba ni yi ge bzhi ste/ yang dang sha dang a dang ka'o/ /gsum zhes bya ba ni yi ge gsum gyi nges par sbyar ba ste/ yongs su gyur ces bya'o/ /ji ltar zhe na/ mo dang pho dang ma ning gi ngo bos so/ /mo dang pho dang ma ning de rnams la yang 'og gi tshig le'ur bya ba'i phyogs gcig gis 'chad par 'gyur du zin kyang/ 'dir dgongs pa ni de bshad par 'gyur ba'o/ /de la a la sogs pa'i yi ge shes rab kyi pha rol tu phyin pa'i rang bzhin ni mo'i ngo bo'o/ /de bas na de yongs su gyur pa ni pad+ma'i rigs dang
- 215b
ngag rdo rje'i sa bon a'o/ /ka la sogs pa nas so so'i mthar thug pa ni skyes bu chen po'i mtshan sum cu rtsa gnyis pas na/ thugs kyi sa bon bskyed pa'i mtshan nyid hUM ste pho'i ngo bo'o/ /a dang ka'i ngo bo phyogs gnyi ga la brten pa thabs dang shes rab gcig pa'i ngo bo ni dbyangs kyi yi ge dang pos sbyar bas na/ sku rdo rje'i sa bon ma ning gi ngo bo ste/ oM zhes bya ba yi ge gsum gyis rigs pa 'dis nges par sbyar ba ni/ rab tu spras shing bya ba'i tha tshig go /sngar bshad pa bsdus nas ston te/ rjes 'jug dbyangs bcas zhes bya ba la sogs pa la thung ngu ma lus ngag tu 'gyur zhes bya bar ste/ ngag thams cad bskyed pa'i rgyu/ /zhes bya ba'i don to/ /rjes su 'jug pa'i dbyangs ni thig le te/ lhan cig par 'jug pas na rjes su 'jug pa'i dbyangs zhes bya'o/ /ring por bcas zhes bya ba ni a ring po yang de bzhin no/ /yon tan sbyor ba zhes bya ba la/ yon tan dang sbyor ba de dag ni yon tan sbyor ba'o/ /yon tan gyis sgras ni yi ge ha'o/ /sbyor ba'i sgras ni yi ge u'o/ /hUM zhes bya ba ni bsdus pa yin no/ /phyis dang ldan zhes bya ba ni/ gang la byis pa yod pa de la phyis ba dang ldan pa ste/ thung ngu nyid do/ /de bas na don ci lta bu zhe na/ sbyor ba dbyi ba byas nas/ gang lus pa'i gzugs yod pa tsam gyi mtshan nyid ni dag thams cad skyed pa'i rgyu mtshan zhes bya ba'i don to/ 'di lta ste oM A(rgyud 'grel): hUM ni yi ge bsdus pa gnas pa ste/ thog ma'i oM dang ma phyis nas ci zhig lus bar 'gyur zhe na/ yi ge a nyid tsam mo/ /de bzhin du gnyis pa'i tsheg drag dang/ ring ba nyid phyis nas ci zhig tu 'gyur zhe na/ de nyid ces bya ba'i don to/ /gsum pa yang yi ge'i mgo dang/ ha dang u dang zla tshes dang/ thig le'i gzugs rnam pa bzhi las gsum phyis nas/ a de nyid ma lus pa'o/ /de 'di ltar gyur pa yin na byed pa dang/ rnam par 'byed pa dang/ bsdu ba dang/ rtags dang/
- 216a
skyes bu dang/ bya ba dang/ tshig dang mtshams sbyar ba dang dus dang/ gzhan gyi tshig dang/ bdag gi tshig dang/ dbye ba dang/ phan pa la sogs pa 'jig rten gyi bstan bcos rnams dang/ 'jig rten las 'das pa shes rab kyi pha rol tu phyin pa la sogs pa'i rgyu'i gtso bor yang nges 'gyur ba'i don to/ /de nyid kyi ye shes kyi ngo bo de ston te/ /gcig min zhes bya ba la sogs pa la/ de nyid 'od gsal ba rgyun mi 'chad par snang ba des na/ rdo rje 'chang gi sa'i mtshan nyid kho nas cig dad du ma'i rtog pa spangs pa zhes bya ba'i don to/ /ji skad du rdo rje'i dkyil 'khor gyis rgyan las snying ga'i dbus nas mi shigs pa/ mar me lta bur 'bar ba yi/ /mchog tu phra ba'i yi ge ni/ /yi ge dam pa ar shes bya/ /zhes gsungs pa'o/ /da ni tshigs su bcad pa phyed dang gnyis kyi ye shes gsum gyi mo dang/ pho dang ma ning bshad pa ston te/ yi ge gang zhig byams pa la sogs pa la yi ge ni gang zhig sngar bshad pa rnams te/ 'dir dbyangs dang gsal byed ces bya ba la sogs pa'o/ /gang zhig sngon du phyogs pa ni gtso bor gyur pa des/ de'i dbus na gnas pa'i yi ge'i sgras bstan pa ni/ ya ra wa ste/ las la nye bar sbyor ba gnyis so/ / de thams cad khams la sogs pa yongs su brtags par gyur na/ mo dang pho dang/ ma ning gi bye brag gis dbye ba yin te/ /'gyur zhes bya ba'i don to/ /sogs zhes bya ba'i sgras rkyen dang/ rnam par dbye ba dang/ byed pa la sogs pa bzung ste/ 'di skad du/ a'i rjes su 'gro bas na rlung gis bskyod pa'i sgras A li kA li'i rang bzhin du 'byung bar 'gyur te/ de las byung bar gyur pa ni/ 'jig rten dang 'jig rten las 'das pa'i bstan bcos zhes bya ba'i don to/
- 216b
zhes gsungs so/ /rlung dang nam mkha' las byung lus las ni/ /kun tu byung nas ngag gi sgrar gyur te/ /gnas gzhan rnams su bye brag gyur nas ni/ /yi ge nyid gyur gang yin de sgra'o/ /yang na mo dang/ pho dang/ ma ning gi bye brag gis gang mi'i lus su gnas pa ste/ /de thams cad byang chub kyi sems las kun tu 'byung ba nyid kyis so/ /khams la sogs par rab tu brtag ces bya ba ni shes par bya zhes bya ba'i don to/ /khams kyi sgras ni 'dir sa dang chu dang/ me dang rlung dag la mngon par 'thad do/ /sogs pa'i sgras phung po dang skye mched rnams so/ /'og nas steng du zhes bya ba la/ 'og dang steng gi sgras yi ge gsum brjod par bya ste/ gang gi tshe rlung lus kyi nang rgyud kyi gnas su 'jug pa de'i tshe sku rdo rje'i sa bon oM mo/ /gzhan yang ldan pa las mi shigs pa/ thugs rdo rje'i sa bon hUM ngo/ /de gnyis la brten pa'i ngo bos gsung gi rdo rje'i sa bon yi ge A(rgyud 'grel): ste/ gnas pa'i rang bzhin can no/ /zhes bya ba'o/ /'di ltar mo dang pho dang/ ma ning gi bye brag gis 'og nas steng du yang dag par ldang ba ste/ /'jug pa dang/ gnas pa dang/ ldang ba'i sbyor bas rnam phye bas na yi ge gsum zhes bya ba ni bsdus pa'i don to/ /'di ltar rlung gi gzhon pa dang yang dag par ldan pas nyin mtshan byed pa de bsgoms nas te/ shes nas zhes bya ba khong du chud nas shes bya ba'o/ /'od gsal ba rnam par dag ba'i shes rab kyis kyang khong du chud nas nges par sbyar zhes bya ba ni nges par ldan par 'gyur zhes bya ba'i don to/ /rdo rje bzlas pa'i rgyu'i yi ge gsum zhes bya ba'i don to/ /brjod pa yi ni zhes bya ba la sogs pa la/ gang zhig 'dir yang yi ge sngar bshad pa gsum gyi bdag nyid can gyi sngags de brjod par bya ba ste/ ngag thams cad kyi rang bzhin gyi sngags rnams 'jug par byed pa zhes bya ba'i don to/ /de yang
- 217a
dngos po med par gcig pa'i ngo bo mi shigs las byung ba zhes bya ba'i bar du'o/ /de nas yongs su gyur pa zhes bya ba la sogs pa la/ de nas yi ge gsum yongs su gyur pa de las byung ba ni/ ji lta bu'i gzugs she na zhal gsum phyag drug pa lta bu'i rdo rje 'chang zhes bya ba ni tshig gi lhag ma'o/ /yongs su gyur ces bya ba ni 'o ma ltar ro ji skad du gzhan du sngar gyi chos nyams nas/ gang tshe gang zhig nyer len cing/ /chos can de nyid mi 'jig pa/ /yongs su gyur par de brjod de/ /zhes 'byung ba'o/ /gang zhig lhar ni zhes bya ba la/ lha'i ngo bo nye bar mtshon pa ni thog ces bya bar rnam par sbyar ro/ /a yis zhes bya ba la sogs pa la/ a ni ston par byed pa ste/ gang gi bstan pa'i ye shes de ni as bstan ye shes so/ /de yang sangs rgyas bcom ldan 'das kyi snying po gtso bor gyur pa yin zhes bya ba'i tha tshig ste/ a ni yig 'bru kun gyi mchog /ces gsungs pa'i phyir ro/ /da ni yi ge gsum po nyid kyi 'byung ba dang/ gnas pa dang/ bsdu ba'i bya ba ston te/ hUM gi zhes bya ba la sogs pa la/ yi ge hUM ni thugs kyi sa bon byang chub kyi sems kyi ngo bo de nyid rnam par shes pa ste/ rnam par shes pa nyid mtshams sbyor bar rung ba nyid kyi phyir ro/ /ji skad du srid pa bar ma'i rgyun gyi ni/ mar me bzhin du mngal du 'gro zhes gsungs te/ sems can skyed pa'i rgyu sems kyi sa bon yi ge hUM ste sems can skyed par byed pa'i don to/ /ji lta bur zhe na/ sangs rgyas skur ni zhes bya ba la sogs pa la/ sems can thams cad de bzhin gshegs pa'i ye shes kyi snying po can zhes bya ba'i rigs pa 'dis sems can sangs rgyas kyi ngo bor rab tu brtag par bya ste/ ji skad du 'di na/ /
- 217b
skal min yod min pas/ /sangs rgyas su ni thams cad 'gyur zhes gsungs pa'o/ /oM zhes bya ba la sogs pa la/ oM ni brtag pa chen po'i sa bon te/ de yang sems can thams cad sdud par byed pa'o/ /rtag ba chen po ?? yongs su gyur nas stong pa nyid kyi ye shes kyi rjes su rab tu 'jug cing phun sum tshogs par byed ces bya ba'i bar du'o/ /a ni zhes bya ba la sogs pa la/ a ni 'od dpag tu med pa'i sa bon te/ de yang sems can thams cad gnas par byed pa/ dag brjod pa'i bdag nyid can yin pa'i phyir ro/ /rnam pa gzhan du ngag rjod par byed pa ma yin na lus shing rtsig pa lta bur gnas par shes par bya'o/ /gnas pa'i ngo bo nyid kyi 'gro ba 'jug pa la sogs pa'i rim pas bzlas pa dang/ bsgom pa'i don la brtson pa dang ldan pa zhes bya ba bshad pa ston te/ 'jug pa la sogs pa'i mtshan nyid ni 'og nas ston to/ /rim gyis zhes bya ba ni gsum gyi bdag nyid can gyi rim pas so/ /sngags kyi yan lag mnyams bzlas zhes bya ba la sngags zhes bya ba man+ta'i spras/ ma ni yid la byed pa yin la/ /tra ni skyob ba yin pas/ yid la byed pa skyob pa'o/ /ma nyams zhes bya ba ni lha dang mi phyed par spor ba'o/ /gang zhig zlas zhe na/ shes rab ces bya ba la sogs pa gsungs te/ shes rab ni chos thams cad bdag med par rab tu rnam par 'byed pa'i mtshan nyid can no/ /grags ni snying rje chen po'o/ /de dag gi gnas mi 'gyur ba'i ngo bo bsgom pas na/ de la gnas pa'i rnal 'byor pas gsang sngags bzlos par byed ces bya ba'i don to/ /da ni bzlas pa'i grangs ston to/ /gos dkar mo zhes bya ba la sogs pa la/ 'byung ba bzhi'i dkyil 'khor byin gyis rlob pa'i lha mo yin ste/ ji skad du/ sa ni spyan du shes par bya/ /chu khams mA ma kIr bshad de/ /me yi dkyil 'khor gos dkar mo/ /rlung ni sgrol mar rab tu grags
- 218a
zhes gsungs pa'o/ /de nye bar mtshon pa'i bzlas pa bya zhes bya ba'i don to/ /ji lta bu zhe na/ lnga pa zhes bya ba la sogs pa la brgya phrag gnyis dang nyi shu lnga ni/ lha so so'i bzlas ba ste/ 'di skad du grangs kyi tshad dgu brgyar 'gyur ba'i phyir/ lha mo re re la brgya phrag gnyis dang/ nyi shu lngar gsungs so/ /rnam pa gzhan du na bdag po'i bzlas pa ma rtogs par lha mo'i bzlas pa ci ltar 'byung zhe na/ de nyid bstan par bya ste/ bzhi pa zhes bya ba la sogs pa la/ brgya phrag gnyis ni nyi shu lngas lhag pa'i grangs lha mo bzhi nye bar mtshon par dkyil 'khor gyi grangs kyis dgu brgyar 'gyur te/ lags par zhes bya ba ni blo ma yengs pas so/ /sbyor ba bzhi zhes bya ba la/ lha bzhi'i sbyor ba'i dbang du byas nas bya ba'i don to/ /dgu brgya dag tu gang bstan pa zhes bya ba la/ bstan pa ni dmigs pa ste/ de nyi shu rtsa bzhi 'grengs su bsgres pas khri phrag gnyis dang chig stong drug brgyar 'gyur ro/ /ji ltar zhe na/ so sor 'byung ba las zhes bya ba ste/ so so zhes bya ba'i sgra ni 'dir zlas pa'i don du shes par bya'o/ /de bas na so sor 'byung bas 'phel zhing sgre zhes bya ba'i bar du'o/ /khri ni stong phrag bcu'o/ /de ni so sor 'byung ba ste/ grangs kyi sbyor ba 'dis nyin dang mtshan la khri chig stong drug brgya ste/ bzlas pa'i grangs gsungs pa'o/ /nang gi dus kyi skad cig 'di 'dus kyi skad cig 'di nyid 'dus pa'i rgyud phyi ma las rig pa'i cho ga zhes bya ba la sogs pa ston te/ rig pa dang cho ga ni rig pa'i cho ga ste/ zlas dbye ba'o/ /rig pa ni shes rab/ cho ga ni thabs te/ /de dag gi thabs kyi bya ba bsgom zhing goms pa de yis so/ /gzhan yang thun mtshams bzhi zhes bya ba la sogs pa la/ nang gi bdag nyid can gyi dus ni
- 218b
thun mtshams bzhi ste/ so so'i dkyil 'khor ro/ /rab tu sbyor ba ni rab tu 'brel ba ste/ bsal zhing bsgom zhes pa'i don to/ /de la thun mtshams bzhi ni tho rangs dang nyi ma phyed dang/ na ma sros pa dang/ mtshan phyed de/ de rab tu sbyor ba'o/ /mnyams bzlas zhes bya ba ni snga ma bzhin no/ /tshan bzhi zhes bya ba la sogs pa la/ tshan ni nang gi brda'i gnas te rlung la sogs pa'i dkyil 'khor gang zhig gi dbang du byas nas bsgom pa la rab tu 'jug pa'o/ /mtshan nyid ni mnyam par bzhag pa'i sems te/ rnam par mi g.yeng ba'i yid gang gis de la nyin mtshan du dmigs shing sems pa'i mtshan nyid ces brjod do/ /de dag gi grangs ni rgyun ma chad pa'i rtsis so/ /'di skad du gzhan du rnam par g.yeng pa thams cad yongs su spangs nas/ sems nang du 'jog cing bsgom pas nyin re bzhin du bsam gtan bya/ /zhes dgongs pa'o/ /de'i mi mthun pa'i chos ston te/ phyi rol zhes bya ba la sogs pa la snang bar gyur pa de nyid kyis na/ bsgom pa la ma zhen pa'i rnal 'byor pa phyi rol gyi bzlas pa spangs pa na/ 'dar ro zhes bya ba'i don to/ /sngags kyi phreng ba zlos pa ni phyi rol gyi bzlas pa'o/ /bar chad ni rnam par g.yeng ba'o/ /bsgom pa'i ni zhes bya ba phyi rol gyi bzlas pa yin na/ nad du dmigs shing sgom pa la yid dga' bar mi 'gyur zhes bya ba'i don to/ /de nyid la phan pa'i rgyu ston te/ sngags don zhes bya ba la sogs pa la/ sngags kyi don ni sngags don no/ /bsgrub par bya ba'i ngo bo ni 'bras bu ste/ lha nyid rdzogs pa zhes bya ba'i bar du'o/ /ji lta bu zhe na/ bcom ldan 'das rdo rje can zhes bya ba ste/ rdo rje 'chang nyid do/ /gal te de'i bdag nyid kyi rnal 'byor ci lta bar bzlas pa zlos par byed pa ste/ 'bras bu'i dus su rgyu yongs su gyur ba'i phyir ro/ /dpe
- 219a
ston te glang po'i sngon du zhes bya ba kha cig tu 'di ltar grags te glangs po bskyod pa'i gdags shing glang po ches mtshan mo phyung ste bros par gyur to/ /glang rdzi de yang nang bar tho rangs kyis 'di ltar shin tu sems shing sems par gyur to/ /skye ma'o kyi hud kho bo cag gi jo bo ni mgu bar dka' ba ste/ glang po bzang skyong dregs pa'i dbang gis gang du song/ 'di ji ltar rnyed par bya zhes yun ring du yang dang yang sems shing de'i skad cig na 'di lta bu'i dran pa rnyed re zhig sems shing car mi smra bar gnas so/ /kho bos ni thabs rnyed de/ gang 'di'i rjes ni shin tu che bas mtshon te/ rnyed par 'gyur ro zhes so/ /de'i rjes su 'jug pa rtsom par byed do/ /bzang skyod de yang yun ring du 'phyan nas dregs pa dang bral ba nyid kyis bslab pa rjes su dran nas rang nyid gdags shing gi drung du phyin te/ gnas so/ /'di ltar dgos pa rnyed nas de'i rkang rjes tshe la ba yang dgos pa ci yang med de/ gal te de'i skad cig ni glang po che de rnyed nas ji zhig de'i rjes su tshol bar byed ces bya ba ni bcus te/ glang po che'i rkang rjes mtshon par mi dgos zhes bya ba'i don to/ /gal te yang kha cig tshol bar byed pa ni spas stong pa'i glang nyid du blta bar bya'o/ /don bshad pa ston te/ sngags lus zhes bya ba la sogs pa la/ gal te rang nyid sngags kyi sku'i rnal 'byor pa/ 'bras bu la sbyar bas de ltar slar yang/ gzhan gyi rang gi ngo bo'i dngos po rjes su 'gro zhing tshol bar byed ces bya ba'i don to/ /yongs su rdzogs pa nyid pas na/ zhi ba pa la mthag pa ji lta ba bzhin no/ /'jug la sogs pa'i mtshan nyid 'og gnas 'chad par 'gyur zhes bya bstan pa gang yin pa de bshad pa'i phyir ro/ /tshig le'ur byas pa gsum ston te/ gzhan yang zhes
- 219b
bya ba'i don gzhan pa'o/ /rdo rje 'dzin zhes bya ba ni skyes bu'i ming nges par bstan pa'o/ /gsum sbyor ba zhes bya ba ni 'jug pa la sogs pa gsum gyi rjes su sbyor zhing ldan pa ste/ de'i dngos grub bla na med par 'gyur zhes bya bar sbyar ro/ sbyor ba ni rang gi gnas su so sor legs par sbyar ba'o/ /spyan drang pa ni dgug pa ste/ de yang gzhug pa'i sgrar brjod do/ /gshegs su gsol pa ni myur ba ste/ gtod pa zhes bya ba'i don to/ /gnyi ga ma yin pa'i sgras ni gnas pa ste gnas par byed pa'o/ /lung gzhan las yongs su mthong ba'i sgra gzhan pa 'dis 'jug pa dang/ gnas pa dang/ ldang ba nyid du rab tu bstan pa ste/ 'dir sngar ma byung ba ni cung zad kyang med pa'o/ /'on kyang gnyis ka ma yin pa'i sgras gang zhig gnyis las gzhan pa gsum par de brjod de bar na gnas pa'i phyir ro/ /gnyis ka ma yin pa lta bu ni gnyi ga mir pa'o/ /ci ltar grang ba las 'das pa'i dus sa las rlangs pa byung ba de bzhin du 'dir yang sngags kyi yi ge rnams gnas ji lta ba bzhin du nges par sbyor bas bsgom par rab tu gsal bar gyur pa'i rnal 'byor pa rnams la yang drod rab tu 'byung ba zhes bya ba ni tshig gi don to/ /grub pa ni mngon par 'dod pa'i 'bras bu 'thob pa ste/ ji lta bu zhe na sna tshogs gnas pa ni sna tshogs gnas te/ las thams cad byed pa bya ba'i tha tshig go /de nyid kyis na med pa ste/ sems can gyi 'dod pa'i bsam pa sna tshogs pa yongs su skor ba'i phyir ro/ /dro ba thob nas rang gi sems la thog mar sngags nges par sbyor bar byed pa zhes bya ba ston te/ myur ba zhes bya ba la sogs pa la/ myur ba ni ldang ba'o/ /rnam par sdud pa ni rab tu 'jug pa'o/ /ral ba can ni gnas pa'o/ /sngags kyi yi ge gsum nges par ni/ /sbyar ba sgom
- 220a
par byed pa'o/ /ldang pa ni sngags kyi kun tu spyod pa'o/ /de yang bsgom pas sbyor ba 'gyur te de ma thag tu slob ma'i rna drung du bla mas gang zhig 'di ltar bstan par gyur nas 'bras bu 'byung bar 'gyur ro/ /rab tu 'bad pas zhes bya ba ni slob mas gsol ba gang bas pa'o/ /'di bla ma dang slob ma gnyis kyis bsad pa gnyis byed pa'i tshig ni med par blta bar bya'o/ /da ni tshig le'ur byas pa drug gi phan yon dang sngags btu ba dang/ bzlas pa'i grangs kyang ston te/ de nas zhes bya ba la sogs pa la/ de nas zhes bya ba'i sgra ni sngags btu ba ston pa'i don to/ /rnal 'byor gyi dbang phyug ni rnal 'byor gyi spyi gtsug gi nor bu'o/ /de rnams dang 'brel ba gang ba'i yi ge rab tu bshad pa zhes bya bar sbyar ro/ /mi bstan pa nyid kyis na gsang ba'o/ /yang na 'dis lha'i de kho na nyid gsang bas na gsang ba'o/ /gsang ba yang yin la yi ge yang yin pas na gsang ba'i yi ge'o/ /de 'gro ba dam pa la brten nas rab tu bshad pa ste/ bstan par bya ba'o/ /zhes rdo rje 'chang gis gsungs so/ /ji lta bu zhe na/ thabs kyi dam pa zhes bya ba la sogs pa gsungs te/ 'jig rten las 'das pa'i rigs pas so/ /rab tu bstan pa'i phyir zhes bya ba ni/ rab tu gsal bar bya ba'o/ /gzhan yang ji lta bu zhe na/ rnal 'byor ces bya ba ni lha nyid kyi ting nge 'dzin te/ de'i dngos grub mthar phyin pa'o/ /'bras bu ni nyid rdzogs pa ste/ phyag rgya chen po'i dngos grub po/ /rnam pa de gnyis rab tu bstan pas ster zhes bya bas rnal 'byor gyi dngos grub kyi 'bras bu ster ba'o/ /gang gi bsam pa tsam gyis shes bya ba rnal 'byor gyi dngos grub ma gtogs pa bzlas pa tsam gyi shes bya ba'i don to/ /rnal
- 220b
'byor pas mchog ster bar nus par 'gyur ba'o/ /mchog ni mngon par 'dod pa ste/ rigs sngags 'chang la sogs pa nyid do/ dang po zhes bya ba la sogs pa la/ 'dir dang po'i yi ge ni oM mo/ /de sngags du ma'i thog mar mthong bas na/ de'i sbyor bas rim gyis rjod par byed pa'i rnal 'byor pa zhes sbyor ro/ /de ci zhig byed ce na/ dbugs rdub par byed pa ste/ rlung gyen du rgyu ba'o/ /rtag tu zhes bya ba ni bsgom pa'i gnas skabs na'o/ /brgyad pa'i mdza' zhes bya ba'i yi ge ha'o/ /ldan pa ni yi ge u ste 'dres par gyur ces bya ba'i don to/ /ha'i steng gi thig le dang bcas par ji ltar 'gyur ba de bzhin du bya ba'o/ /hUM zhes bya ba ni bsdus pa'i don to/ /dbugs dbyung ba ni rlung phyir rgyu ba'o/ /'dir oM gyi tshad ni thal mo brdabs pa phyed dang gnyis so/ /thugs kyi sa bon gyi tshad ni thal mo brdabs pa phyed dang bzhi'o/ /'dir ni man ngag go /oM gyi don ni ye shes tsam mo/ /yi ge oM ni ye shes kyi snying po zhes rtsa ba'i rgyud las bstan pas so/ /snang ba med pa gnyis kyis sku gsum thugs mnyam pa nyid hUM gi don to/ /yi ge hUM ni sku gsung thugs rdo rje ltar dbyer mi phyed pas 'thad pa zhes de nyid las bstan to/ /de bas na yi ge oM bstan pas na de bugs dpyung ba'o/ /yi ge hUM bstan pas ni dbugs rdub pa ste sems tsam du bstan par bya zhes bya ba ni bsdus pa'i don to/ /'dir yi ge gsum bsgom pa rab tu brtsom pa ma yin nam/ ci ltar rnam pa gnyis pa ste/ btung zhing gsum pa ma yin zhe na/ smras pa dbugs dbyung ba dang/ rdub pa gnyis yongs su ma brtogs pa gzhan phyogs gsum pa ni yod pa ma yin pa ste/ gang zhig gsum pa bsgrub pa'i phyir/ yi ge A(rgyud 'grel): rab tu sbyor bar 'gyur ro/ /de bas na
- 221a
oM dang hUM gnyis po ngag dgod pas no/ de dag nyid btu bar bya ba ste/ de dag ni gtso bo'i ngo bo nyid du bstan pa'o/ /gsum pa yi ge a ni ma yin pa ste/ dgos pa med pa'i phyir ro/ /yi ge a yang gnas par 'gyur ba la 'jug par bsam par bya'o/ /de yang thal mo brdabs ba phye dang gnyis kyi tshad do/ /ci dga' ba'i bzlas pa zhes bya ba yang de nyid la bya ste/ rang mos pa'i rjes su 'brangs pa'i bzlas pa ste/ khri phrag gnyis zhes bya ba la sogs pa la/ stong phrag nyi shu la ni khri khrag gnyis so/ /yang stong phrag gcig dang/ brgya phrag drug go/ gcig tu bgrangs nas stong phrag/ nyi shu gcig dang brgya phrag drug tu 'gyur ro/ /nyin mtshan zhes bya ba ni nyin dang mtshan du bzlas pa'i grangs byed pa ste/ rnal 'byor gyi dbang phyug ni sems mnyam par bzhag pa'o/ /de 'dod ces bu ba la sogs pa la/ sems can skal ba can gad su zhig ste/ gsang ba'i dgongs pa ni dgongs pa lung bstan pa la sogs par gnas pa'i phra mo'i sbyor ba bdag nyid la gsal bar shes bar bya ba'i phyir mngon par 'dod pa'o/ /de'i rdo rje bzlas pa de nyid dang por bstan par bya ba ste/ de nyid kyi rim pas pha mo'i sbyor ba thob ces bya ba yang tshig gi don to// ci lta bu zhe na/ bsam gtan zhes bya ba la sogs pa ste/ yid nang du bsdus pas na bsam gtan no/ /klog pa ni des skyob na de'i rjes su mthun pa'i mdo klog pa ste de dag dang ldan pa'o/ /de yis zhes bya ba ni phan yon no/ /las rnams shes bya ba ni zhi ba la sogs pa'i las kyi tshogs shes bya ba'i don to/ /sgyu ma lta bu'i ting nge 'dzin ces bya ba ni yang dag pa ji lta ba bzhin mthong ba ste/ dngos po med pa'i ngo bo nyid mthong ba'o/ /de bas na tshig le'ur byas brgyad kyis sngar
- 221b
bshad cing bsgrub pa'i don lung gzhan gyi gsal bar ston te/ gnyis su med par zhes bya ba mnyam pa nyid kyi ye shes rnam par rgyal bar 'phel bar byed pa gang yin pa ste/ ji skad du/ de nyid kyis rnal 'byor chen po'i rgyud de/ der bcom ldan 'das rdo rje 'chang gis gsungs so/ /zhes bya ba ni tshig gi lhag ma'o/ /bzlas nas su zhes bya ba la sogs pa la/ bsgrub pa'i bdag nyid can ni bsgrub pa'i mthar thug pa'i rnal 'byor pa'o/ /gsang sngags bzlas nas zhes bya ba ni gsang sngags pa bzlas pa byas pa'o/ /mnyam med ces bya ba ni brtson pa dang bcas shing nus pa bcas zhes bya ba'i tha tshig go /ci zhig bsgrub par bya zhe na/ khams gsum ste/ sa gsum dbang du bya ba nyid ni der gnas pa'i 'gro ba dbang du bya ba'o/ /de yang 'dir gsang sngags bsgrub par som nyid med pa ste/ de la gzhol ba nyid kyis so/ /zla ba gcig gis zhes bya ba ni nye bar mtshon pa ste de bas na gnyis sam gsum mam/ drug gam lo gcig gis zhes bya ba'i bar du'o/ /yang na khams gsum dang sku gsung thugs ni dbyer med par nye bar gdags par bya ste/ de dag gang gi dbang du 'gyur zhes bya ba ni drang ba'i don to/ /'bum phrag drug ldan zhes bya ba ni stong phrag bcu la khri phrag gcig / khri phrag bcu la 'bum phrag gcig ste/ de tsam grangs 'bum phrag drug tu bcad pa'i tshad du sngags pas/ gsang sngags bzlas na zla ba yar gyi ngo'i nya la 'grub par 'gyur zhes bya ba'i tshig gi don to/ /ci zhig byas nas zhe na/ bcom ldan 'das rdo rje sems dpa' la dang por phyag byas shing mnyes par byas nas zhes bya ba'i don to/ /gsang ci lte bu zhe na/ gang rnam par shes pa las byung zhing skyes pa de la de skad du bstan te/ sems las kun tu byung
- 222a
ba'i sngags rnams shes bya ba'i don to/ /de la zhes bya ba la sogs pa la/ de la zhes bya ba ni sngags la bzhon pa'i sngags pa ste/ brtul zhugs ni mi smra ba dang/ langs te gnas pa dang slong ba la sogs pa la sngon pa'o/ /phreng ba ni grangs 'dzin par byed pa'i phreng ba'o/ /dgag pa dang gzung ba ni srag gi rlung dag ste sbyin sreg ni me'i mchod sbyin no/ /las rnams ni zhi ba la sogs pa'o/ /de dag thams cad la ldog pa ni nye bar zhi bar 'gyur ba'o/ / gcig nas gcig tu zhes bya ba ni phyi rol gyi las de dag kyang ldog pa ste/ gang gi phyir rnam par g.yeng ba skyed par byed pa nyid kyis na mi 'thad pa'o/ /gang nam zhig gi tshe mi 'thad pa de 'dir 'dul ba'i skye bo'i don du bya ba 'byung ba de'i tshe snying rje chen pos dmigs nas bya zhes ston te/ ya'i don gyi zhes bya ba la sogs pa la/ ya'i don ni ya yongs su gyur pa'i ngo bo rlung gi dkyil 'khor te de yid la rnam par bsam par bya zhing/ sa bon bzhi'i bsgom pa sngon du 'gro ba can gyi gang cung zad zhi ba la sogs pa'i las rgyas par bya ba'i don to/ /gang gis zhe na dngos grub 'dod pas zhes bya ba ste/ mngon par 'dod pa'i 'bras bu bsgrub pa'i sgrub pa po zhes bya ba'i tha tshig go /ra la sogs pa gsum ni/ ra dang la dang/ wa'i mtshan nyid can no/ /ji ltar gyur pa yin na 'gro ba'i don bya ba rgya cher rab tu 'jug ces bya ba'i tha tshig go/ de dag ji ltar bsgom par bya zhe na/ me dang rlung dang zhes bya ba la sogs pa gsum ste/ me la sogs pa'i dkyil 'khor bzhi der mthun phyed phyed kyi dus su gnas pa ste/ gnas pa thob pa'o/ de ji ltar zhe na/ las ni zhes bya ba ni zhi ba la sogs pa'i las su sgrub pa ste/ ji skad du/ gang tshe sngags pa yid zhi ba la sogs pa'i las
- 222b
sgrub pa la gzhol bar gyur ba de'i tshe/ /de'i sems mnyam par gzhag pas rlung la sogs pa'i dkyil 'khor re re thun phyed phyed du rlung gi rgyu ba nye bar dmigs zhes bya ba ni bsdus pa'i don to/ /gnyis gnyis zhes bya ba ni lan gnyis gnyis te/ so so'i dkyil 'khor du nyin mtshan phyed par kun tu rgyu bar shes bya bar bya'o/ /slar yang ldog pas de ltar rlung gi rgyu ba nyin mtshan gnyis nas bcu drug du gyur pa'o/ /yang na gnyis gnyis zhes bya ba ni zlas pa'i tshig ste/ las rnam pa bzhi'o/ /de'i dbang du byas nas bsgom par bya zhes bya ba'i don to/ /de nyid kyi las bzhi la rab tu sbyar bar bya zhes kha cig smra ste/ de yang skyon med pa'o/ /mchod la zhes bya ba ni rnal 'byor pa gang zhig mchod pa la brtson pa de gzhan gyis mchod par 'gyur te/ gang dang gang du 'gro ba de dang der mchod par 'gyur zhes bya ba'i tha tshig go /bzlas la zhes bya ba ni bzlas pa la sogs pas lus ngag yid gsum gyi sgrib pa dang bral zhing rnam par dag pa'o/ /me la zhes bya ba ni me lha mchod pa la brtson pas 'byor bar 'gyur ba'o/ /bsam gtan zhes pa'i bsam gtan la lhag par gnas pas kyang mya ngan las 'das par 'gyur zhes bya ba ni tshig gi don to/ /de ltar shes nas zhes bya ba ni de ltar rnam pa ? rang gi ngo bo thob pa'i rnal 'byor pa 'gro ba ni 'jig rten gsum gyi khongs su gtogs pa'i 'gro ba'i tshogs byis pa bzhin du mthong ba ste/ dge ba dang mi dge ba'i bag chags kyi dbang gis 'gro ba ltar srid pa'i 'khor lor yongs su 'khyam par 'gyur ba'o/ /de bas re'i mod la sngags pas 'dis gsang sngags 'grub ste/ 'bras bu ster bar nus par 'gyur ba'o/ /ji lta bus zhe na/ mi rtog chos can zhes bya ba rnam par mi rtag pa'i chos nyid
- 223a
'thob pa ste/ de yang sngags gyi de kho na nyid gsal ba ni gsung rdo rje bcom ldan 'das 'od dpag med sgrub cing rdzogs par byed pa'i rgyu'o/ /sngags kyi de kho na nyid de/ yang sems tsam langs par sbyar zhes bya ba sbyar te/ rnam par rtog pa'i dra ba thams cad spangs sems 'ba' zhig ni sems tsam mo/ /ji lta bu zhe na/ ye shes gsum gyis shes bya ba ste/ snang ba la sogs pa'i ye shes gsum gyi bye brag gis rigs pas so/ /da ni snod dang snod min ma yin pa'i tshigs bcad gnyis kyi ston te/ bla ma brnyes zhes bya ba la sogs pa la/ bla ma dge ba'i bshes gnyen brnyes shing/ smod pa'i tshig gang la yod pa de la de skad du brjod do/ /g.yon can ni drang po ma yin pa'o/ /dad pa med pa ni ma dad pa'o/ /gsang sngags klags pa tsam gyis kyang rlom pa ste/ glegs bam mthong bas khengs shing mngon par nga rgyal ba ni glegs bam mthong bas khengs pa'o/ /gzhan gyis cung zad legs par bshad cing bstan pa de la yang dang cing nyams su len par mi byed pa de ni dad pa med pa'o/ /dbang bskur ba ma thob bar dbang bskur 'thob po zhes brjod pa ni dbang bskur dman pa'o/ /sems de lta bu'i skyon du mas ges pa'i slob ma dman pa 'di la sngags kyi de kho na nyid kyi mtshan nyid kyi gtam yang mi brjod pa ste/ gtam tsam yang brnyan par mi bya zhes bya bar dgongs pa'o/ /gang zhig dad pa dang ldan pa ni shin tu nyung ba'i chos shig bstan pa na yang de bzhin du 'dzin te/ bla ma la gus pa dang yid bsnyen bkur la brtson pa'o/ /nyan 'dod pa ni nyan pa la gus pa ste/ de la rtag tu mngon par brtson zhing 'bad pa'o/ /thos pa 'dzin par byed cing 'dis mi btong bas na thos pa 'dzin pa ste/ bla mas bshad
- 223b
pa'i tshig zur tsam gyis rtogs shing khong du chud pa ste/ phyag 'tshal ba sngon du 'gro bas 'dzin ces bya ba'i don to/ /de lta bu de bla ma dam pas brtag mi dgos pa'o/ /de nyid ces bya ba ni nges par gzung ba ste/ rnam pa thams cad du 'di ni brtag pa'i gnas ma yin zhes bya ba'i tha tshig go/ gang gi phyir 'di bla ma chen po'i bka' drin ni rjes su bzung ba'i gnas bzhi 'am/ yang na 'dir bla ma la dad pa'o/ /dpe bshad cing bstan te/ ri dbang rtse nas zhes bya ba la sogs pa la/ 'di ltar kha cig ri rab kyi rtse mor bag med par spyod pas ltung ba ltung bar mi bya'o snyam sems na yang ltung ba re nyid de/ 'dir ni 'dzin par byed pa ma mthong ba'o/ /gal te yang kha cig ri rab kyi rked du chags par 'gyur ba yang srid do zhes smra ba na/ de lta mod kyis ltung ba ni 'bras bu'o/ /'dir som nyid med pa'i dpe zhes bya ba'o/ /'dir don bstan te/ bla ma'i drin gyis zhes bya ba bla ma'i drin gyis man ngag thob pa'i mtshan nyid can de la de skad du bstan to/ / gang zhig grol ba ni thar pa'i lam ste/ grol bar mi 'dod kyang 'dir bla ma'i drin gyi stobs kyis grol ba'i gnas su 'gyur ba'o/ /rim pa lnga pa'i dka' 'grel don gsal ba zhes bya ba las rdo rje bzlas pa ste/ rim pa dang po'i 'grel pa'o// //de ltar rdo rje bzlas pa'i rim pa yan lag thams cad rab tu bstan nas nga ni gnyis pa sems la dmigs pa tsam gyis mtshan nyid ston te/ phyag 'tshal zhes bya ba la sogs pa la/ 'dir phyag 'tshal ba rnam pa drug gis sgras de bzhin gshegs pa lnga'i bdag nyid kyi phyir dang/ rigs drug pa gtso bo nyid yin pas bcom ldan 'das rdo rje 'chang nyid la stong pa'o/ /ci ltar bstod cing zhes bya ba bstod par
- 224a
'os pa spyan drang ba'o/ /sgra'i dngos po'i bdag nyid kyis cis bstod pa dang/ gang la gang gis bstod par 'gyur te/ gang gis kyang gsum po rjes su mi dmigs zhes bya ba'i tha tshig go /rjes su mi dmigs pa de nyid bstan pa'i phyir/ ji ltar ces bya ba la sogs pa smos te/ ji ltar chu la chu dang mar la mar bzhag pa ni 'dres shing bye brag med par gyur pa ste/ bye brag du shes pa ma yin pa'o/ /de bzhin du rang gi ye shes rang nyid kyis mthong ba ni 'dir phyag 'tshal ba'i sgra'i don to/ /gsum rjes su dmigs pas ye shes kyang med par 'gyur ro/ /zhes kha cig dogs par 'gyur ba de bsal ba'i phyir/ 'on kyang zhes bya ba la sogs pa la smos te/ 'on kyang zhes bya ba'i sgra ni dri ba dang sdud pa'i don te/ phyogs gnyis pa la 'jug pa'o/ /thams cad ces bya ba ni thams cad blo'i yul du gyur pa'o/ /thams cad mkhyen pa'i rjes su mthun pa tshad mar gyur pa gang yin pa de ni thams cad mkhyen pa thob pa ste/ tshad ma'i skyes bu sngon gyi slob dpon no/ /de med par ye shes de mi 'thob pa ste/ gang gis zhe na/ mun na gces bya ba la sogs pa la/ ma rig pa'i rab rib kyis blo'i mig nyams par byas pa'o/ /de bas na rin po che lta bu'i bsam pa bzang po gang zag kha cig la drin gyis bya ba bla ma la bsnyen bkur bya ba las byung ba'o/ /snang ba ni ye shes kyi snang ba thob par gyur ces bya ba'i don to/ /de 'dis rab tu ston te/ 'od gsal ba'i las byung ba'i rnam par shes pa ni de nyid sems dang yid ces bya ba ste/ rnam grangs so de ni kun nas nyon mongs pa dang/ rnam par byang ba'i bdag nyid can chos thams cad kyi rtsa ba ste/ de bas na der rlung la brten pa'i rnam par shes pa yod na rnam par rtog pa gnyis rab tu skye bar 'gyur ro/ /ji skad du
- 224b
bdag dang gzhan zhes bya ba yod pa na/ rang dang gzhan gyi dbye bas yongs 'dzin skyon/ /de dag gis ni kun tu bcings pa na/ /nyes pa thams cad rab tu skye bar 'gyur zhes gsungs pa'o/ /de bas na rlung las me/ me las chu/ chu las sa ste/ de rnams la phung po lnga dang/ skye mched dang/ yul rnams so/ /de'i mod la rnam par shes pa gsum gyi rang bzhin snang ba'i rgyu ba gsal bar nyams su myong ba'o/ /snang ba'i rgyu las kyang rang bzhin thams cad kyi kun 'byung ba zhes bya ba ni man ngag go /rnam par shes pa gsum yang thabs dang shes rab dang gsal ba dang mi gsal ba ste/ rnam grangs so/ /de la snang ba dang snang ba mched pa ni thabs dang shes rab kyi ngo bo gsal ba'i phyogs so/ /dgos pa'i brda'i tshig gi ma ning gi tshig dang/ snang ba thob pa ni mi gsal ba'i phyogs so/ /gzhan yang sems dang yid dang/ rnam par shes pa dang/ gzhan dbang dang/ yongs su grub pa dang/ 'dod chags dang/ zhe sdang dang/ gti mug ches bya ba ni rnam grangs te/ thams cad 'khor ba'i thun mong gi chos so/ de'i bsnyen po ngo bo rnam par byang ba'i chos te/ des na theg pa chen po pa rnams kyis thun mong ma yin pa'i rnam grangs stan te/ snang ba zhes bya ba la stong pa dang shin tu stong pa dang/ stong pa chen po dang/ snang ba dang/ snang ba mched pa dang/ snang ba thob pa dang/ sems dang/ sems las byung ba dang/ 'dod chags dang bral ba dang/ 'dod chags bar ma zhes bya ba'o/ /bzhi pa yang thams cad stong pa'i mtshan nyid de/ rgyu dang 'bras bu'i bye brag gis shes par bya'o/ /de nyid gsal bar ston te/ shes rab ces bya ba la sogs pa la/ shes rab ni bdag med par mthong ba ni/ thabs ni snying rje chen po'o/ /de dag yang dag par sbyor ba ni gnyis su med pa ste/ rdzogs pa'i nye bar thob pa'i ye shes skyed pa'o/ /de dag las kyang 'od gsal ba'i
- 225a
mtshan nyid thams cad stong pa'i ye shes skye bar 'gyur te/ 'di ltar rgyu'i rim pa rnam par dag cing dri ma med pa bla na med pa'i gnas 'thob ces bya bar sbyar ro/ /gzhan yang rnam par shes pa gsum rnam par dag pas stong pa gsum rnam par sbyor ba zhes bya ba rgyu dang 'bras bu'i ngo bo rab tu ston te/ de nyid snang ba dang/ stong pa dang/ shes rab dang/ ye shes dang/ gzhan dbang gi ngo bo dang/ sems zhes bya ba rnam grangs su brjod pa'o/ /rang bzhin gyi sems de'i mtshan nyid gsal bar ston taM/ de yin zhes bya ba la sogs pa la tshigs su bcad pa phyed dang brgyad ni brjod mi dgos te go sla'o/ /chags bral zhes bya ba la sogs pa la/ 'dir 'dod chags dang bral ba'i sems ni yid du 'ong ba mthong bas ma chags pa'o/ /de yang sman pa dang/ bar ma dang/ chen po'i bye brag gi rnam pa gsum mo/ /yid 'gro zhing 'ong ba ni sems rnam par g.yo ba ni/ mya ngan la sogs pa gsum zhes bya ba ni sdug pa dang bral bar gyur na yid la sems shing gdung ba'o de yang dman pa dang bar ma dang/ chen po'i bye brag gis rnam pa gsum mo/ /zhi ba la zhes bya ba la ni sems zhi bar gnas pa'o/ /rnam par rtog pa ni rgod par gnas pa'o/ /'jigs pa zhes bya ba ni yid du mi 'ong ba dang phrad par gyur na sems skrag par gyur pa'o/ /de yang rnam pa gsum ni snga ma bzhin no/ /srid pa ni yul la zhen pa ste/ de yang yul gyi bye brag gis rnam pa gsum ni snga ma bzhin no nye bar len pa ni gzhan gyi nor yid kyis len par byed pa 'am/ yul rnams la kun tu 'dzin pa'o/ /mi dge ba ni dge ba'i las la yid gnyis za ba'o/ /bkres pa dang bskom pa ni rang gi rgyun tu nyams su myong zhing 'jug pa'i mtshan nyid do/ /tshor ba ni bde ba dang sdug bsngal ba dang/ gnyi ga ma yin pa'i rnam pa nyams su
- 225b
myong ba ste/ de yang yul gyi bye brag gis rnam pa gsum mo/ /rig dang rig 'dzin ces bya ba la/ rig pa ni rig pa'o/ /rig 'dzin ni rang gi rig pa'i shes pa'o/ /de dag gi gzhi ni gnas te/ dmigs pa'i dngos po zhes bya ba'i don to/ /so sor rtog pa ni rigs dang mi rigs par dpyod pa'o/ /ngo tsha shes pa ni kha na ma tho ba la 'dzem pa'o/ /snying rje ni sdug bsngal dang bral bar 'dod pa'i sems so/ /rtse ba ni dmigs bya yongs su srung ba'am sdug pa dang phra bar 'dod pa'o/ /de yang lus kyi bye brag gi rnam pa gsum mo/ /dogs pa ni sems nges par mi gnas pa'o/ /bsags pa ni yo byad yongs su sdud pa'o/ /ser sna'i blos mi gtong ba'o/ /rang bzhin sum cu rtsa gsum po de dag mi rnams kyis rang rig pa'o/ /de yang kun rdzob gsal ba'i ngo bos mtshan mo zhes bya bar bstan te/ de nyid kyis bud med dang 'jam po lta bu zhes bya'o/ /g.yon pa zhes bya ba dang/ zla ba'i dkyil 'khor dang/ pad+ma zhes bya ba yang bstan te/ 'dir 'jam po lta bu dang/ g.yon pa zhes bya ba zla ba'i snang ba mched pas / g.yon pa la brten pa nyid kyis so/ /'jam po ni shin tu gzhon pa'o/ /g.yon pa zhes bya bas kyang 'dir byang phyogs su 'gro ba'i ming du brjod do/ /'di nyid dang po'i las can brtan par byed pa'i rgyu dang po'i dbyangs yig thig le dang bcas pa rab tu bstan pa oM ste/ de bsgom pa 'phel bar gyur pas kyang/ zla ba'i 'od zer snang ba lta bu snang ba'i ye shes yang dag par 'byung ba ste/ skye zhes bya bar gsungs so/ /rang bzhin sum cu rtsa gnyis shes rab dang snying rje la dmigs pa gsungs te stong pa'i khongs su gtogs pa snang ba'i mtshan nyid do/ /da ni thabs kyi ye shes la gcod dmigs pa shin tu stong pa'i khongs su rdzogs pa/ rang bzhin tshig le'ur byas pa bdun gyis ston te/ snang ba mched pa dang/ shin tu stong pa dang/
- 226a
thabs kyi ye shes dngos yongs su brtags ba dang/ sems las byung ba zhes bya ba ni phyogs gcig ste/ rnam grangs kyi bya bar bstan to/ /chags pa zhes bya ba na ma thob ba'i yul la yid kun tu chags pa'o/ /rnon? ba ni thob pa'i yul 'chags pa'o/ /dga' ba ni yid du 'ong ba'i dngos po mthong bas sems dga' ba'i /de yang dman pa dang/ /ra ma dang/ chen por bye brag gis rnam pa gsum mo/ /rangs ba'i sems kyi mngon par 'dod pa'i dngos po'i grub pas bde ba'i gnas skabs so/ /rab tu mgu ba ni de'i rnam pa'i sems kyis yang dang yang du nyams su myong ba'o/ /ngo mtshar zhes bya bas ni gtam sna tshogs pas ci 'di yin nam ma yin snyam du the tshom za ba'o/ /dgod ba ni yid du 'ong bas mthong bas dgod par byed ba'o/ /tshim pa ni bde ba'i rnam pa nyams su myong ba'o/ /'khyad ba ni yid du 'ong ba'i dngos po dang lhan cig du 'dres pa'o/ /'o byed de bzhin 'jib ces bya ba ni go sla ba nyid do/ /bstan pa ni mi g.yo ba'o/ /brtson 'grus ni dge ba la mchog tu gzhol ba'o/ /nga rgyal ni mthong bar sems pa'o/ /las ni rtag tu spyod pa'i bya ba rdzogs pa'o/ /'phrog pa ni gzhan gyi nor phrog par 'dod pa'o/ /stobs ni gsum 'gyed par 'dod pa'o/ /spro ba ni dge ba'i las la goms par byed pa'o/ tsham tshom med pa ni dregs pa'i dbang gis mi dge ba'i las la sbyor ba'o/ /de yang dman pa dang/ bar ma dang/ chen po'i bye brag gis rnam pa gsum mo/ /drag po ni sgyu med par yang dam pa rnams dang rtsod par sems pa'o/ /sgog pa ni yid du 'ong ba mthong bas 'gyid pa'i sems sam/ rtse bar 'dod pa'o/ /zhe 'gras ba ni yid du mi 'ong ba spong bar 'dod pa'o/ dge ba ni dge ba'i las la rtsom par 'dod pa'o/ /tshig gsal ba ni thogs pa
- 226b
med par chag brjod pa'o/ /bden pa ni 'grug? pa med pa'i dag pa/ /mi bden pa ni de las 'dogs pa'o/ /des pa ni shin tu brtan pa'i yid dam mo/ /nye bar mi len ba ni dngos po thams cad yongs su 'dzin par mi 'dod pa'o/ /sbyin pa po ni rang gi bdog pa yongs su gtong bar byed pa'i yid do/ /skul ba ni le lo can gyi sems 'dzud par byed pa'o/ /dpa' bo ni nyon mongs pa'i ngag las rgyal bar 'dod pa'o/ /ngo tsha med pa ni kha na ma thob pa dang bcas pa'i las rtsom pa'o/ sgyu ni bcos sam gzhan slu ba'o/ /'dug pa ni lta ba ngan pa la byed pa'o/ /g.yang ni rang gi skyon 'chab ba la rtson pa'o/ /gya rgya ni drang po ma yin pa'o/ /rang bzhin bzhi cu de ngag ni shin tu stong pa'i khongs su gtogs par rig par bya'o/ /de yang skad cig ma ste/ mi gnas pa nyid kyi phyir ro/ /rtsub ba'i rnam pa ni 'jam pa ma yin pa ste/ rang rod ces bya ba'i bar du'o/ /g.yas bzhes bya ba ni g.yas su 'gro bar shes bya bar bya ste/ nyi ma'i snang ba mched pa'i g.yas pa'i phyogs su brten pa nyid kyis kyang 'dis nyin mo dang/ skyes pa pa dang/ nyi ma'i dkyil 'khor dang/ rdo rje zhes bya bar rab tu bstan te/ rdo rje'i ming ni 'dir nyi ma'i dkyil 'khor gyi steng du bsgom zhes bya ba'i don to/ /rnam pa gzhan du na skad cig ma nyid brtan pas skyon du 'gyur ba'o/ /'dir dang ba'i las can bstan bar bya ba'i phyir sa bon bsgom pa ston te/ cha zhes bya ba de nyid thabs kyi rang bzhin cha ste thog ma'i dbyangs thig le gnyis kyis brgyan ces bya bar shes par bya'o/ a de dag bsgom pa la sogs goms par gyur pas 'od zer stong gis gsal ba dang 'dra ba'i snang ba mchod pa'i ye shes kun tu 'byung ba ste/ rab tu skye bar shes bar bya'o/ /kha cig ni snang ba mchod pa'i sbyor ba las byung zhes brjod de/ de ni
- 227a
don dang mi ldan pas dor bar bya'o/ /da ni tshig le'ur byas pa bzhis rnam grangs dang bcas pa'i snang ba mched pa'i rang bzhin spros pa ston te/ snang ba zhes bya ba la sogs pa la/ snang ba ni thog mar snang ba'i ye shes kyi drod 'byung ba'o/ /nye bar thob pa ni de nyid kyi 'phel bas thob pa ste/ ma rig ba rnam par nyams pas thob pa yongs su grub pa'i ye shes 'byung ba'o/ /'dis snang ba dang/ snang pa mched pa dang/ snang ba thob pa'i mtshan nyid gsum po dang/ yongs su gyur pa dang/ ma rig pa zhes bya ba ni ming gi rnam grangs so/ /de bzhin gshegs pas rgyud de dang der stong pa chen po gnas nyid du gsungs pa ste/ sngar ma byung ba ni cung zad kyang min pa'o/ /chags pa par ma zhes bya ba ni chags pa bar ma'i skad cig gi gnas skabs kyi sems blong ba'o/ /brjed ngas pa ni sngar nyams su myong bar gyur pa'i don la yongs su 'khrul pa'o/ /'khrul pa ni g.yeng ba'i sems te/ sge'u lta bu'o/ /mi smra bar gyur pa ni lkugs pa lta bu'o/ /skyo ba ni yid la sems pas sems dub pa'o/ /le lo ni snyom las so/ /the tshom ni ma nges pa'i sems byung ba'o/ /rang bzhin bdun po de dag ni phra mo'i rnal 'byor la goms shing gzhol bar shes par bya'o/ /de nyid kyis ni de las zlog pa'i mtshan nyid kyi snang ba thob pa'i mtshan nyid ston te/ sa bon thig ler ldan min la zhes bya ba la sogs pa la/ sa bon ni sngags kyi yi ge bsgom pa ste/ steng du thig le dang bcas pa'i yi ge'o/ /de bsgom pa la sbyar bar mi bya ba dang/ sna'i bu ga'i rlung gi sgo nas kyang kun tu mi rgyu ba'o/ /de nyid kyis ni snad ba yod pa na/ ma rig pa rnam par bcom ste/ gang zhig ye shes kyi skad cig nye bar dmigs shing thob pa de snang ba thob pa'o/ /'di skad du
- 227b
snang ba thob pa'i gnas skabs kyi rnal 'byor pa rnams sa bon bsgom par bya ba la sbyar bar mi bya zhing srog dang rtsol ba bsgom par yang mi bya'o/ /de nyid sems mi g.yo ba'i ting nge 'dzin gyi mtshan nyid do/ /de dag ni rang bzhin zhes bya ba la sogs pas mjug bsdu ba ste/ rang bzhin sngar bshad pa de dag gi dbye ba rnam pa gsum gyis na grangs brgyad cur 'gyur ba'o/ /phra mo zhes bya ba ni brtag par dka' ba'o/ /de yang nyin mtshan gyi dbye bas gnyis 'gyur du rtsis na/ rang bzhin brgya drug cur 'gyur ba ste/ sgo nga las skyes pa la sogs pa las yang 'byung ba'o/ /ji lta bu zhe na/ rlung zhes bya ba la sogs pa la gang gi tshe rlung bzhon pa'i ngo bo 'dzin pa de'i tshe/ de dag rang bzhin yang nas yang du 'jug par 'gyur ro zhes bya ba'i don to/ /rlung med na rnam par shes pa med la/ de med na rang bzhin rnams kyang med par 'gyur/ zhes ston to/ /rnam par shes pa ni gnas med pa/ gnas pa med pa/ rtags med pa/ kha dog dang dbyibs med cing/ dbang po'i yul las 'das pa/ yan lag dang nyid lag med cing/ dbang po ma yin pas sngo bsangs shes bya ba la sogs pa'i lhag par yang kha dog ma yin pa ma yin nam/ rang bzhin de ci ltar nyams su myang bar 'gyur zhe na/ smras pa ji ltar rlung gi khams gzugs ma yin pa la g.yo ba dang bskyod ba la sogs pa'i bya ba snang ba las rjes su dpag pas nyams su myong ste/ de bzhin du rnam par shes pa'i khams ni 'di rlung lhan cig tu 'dod chags dang/ 'dod chags bar ma dang/ 'dod chags bral ba la sogs pa'i rang bzhin rjes su dpag pas nyams su myong bar 'gyur te/ 'dir gang du yang 'gal ba med do/ /gal te rnal 'byor pas ji ltar nyams su myong
- 228a
zhe na/ skad cig ces bya ba la sogs pa smos te/ skad cig ni mthe bo dang gung mo sbyar nas gtogs pa'i sgra de la skad cig ces bya'o/ /thang cig ni gzugs la sogs pa yid du 'ong ba mthong bas reg pa 'jug pa'o/ /yud tsam ni dbugs rdub pa tsam gyis tshad do/ /mig 'dzum pa ni phye ba la bltos pa tsam mo/ /thal mo ni lag pa dang lag pa brdabs pa'o/ /phra ba'i khams 'jug pas skad cig la sogs pa phan tshun gang de nyams su myong ba grub pa zhes bya bar dgongs te/ skad cig la sogs pa'i mtshan nyid bstan pa'o/ /da ni sngar bshad pa'i don lung gzhan dgongs pa bla na med pa'i mdo sde tshig le'ur byas pa sngar bsgrub cing ston te/ rang rig ces bya ba ni nyams su myong ba'o/ re zhig tsam gyi mtshan nyid ni gang gi ye shes kyi ngo bo de rang rig pa tsam mo/ /gzhan yang ji lta bu zhe na/ nam mkha' lta bur sgrib pa med pa'i mtshan nyid do/ /'on kyang zhes bya ba ni phyogs gzhan pa'o/ /de'i ye shes kyi rnam pa spangs pa'i dbye ba gsum gyi bdag nyid de dang ldan pa ste/ 'di ji ltar bya zhe na/ mtshan mo zhes bya ba ni snang ba'o/ /nyin mo zhes bya ba ni snang ba mched pa'o/ /mtshams zhes bya ba ni snang ba thob pa ste/ gsum gyi bdag nyid can gyi rang gi ngo bo rab tu bstan to de nyid gsal bar bstan pa'i phyir/ snang ba zhes bya ba la sogs pa smas te/ de la shes rab ye shes kyi rang gi zla ba lta bu'o/ /stong pa tsam zhes bya ba ni snang ba'i ye shes kyi mtshan nyid do/ /de yang dri ma dang bcas pa snang ba ste/ shin tu srab pa'i dar seng bas g.yogs pa'i mig lta bu'o/ /thabs ye shes kyi rang gi ngo bo nyi ma'i snang ba lta bur shin tu stong pa ni gsal bar snang ba ste/ sgrib g.yogs dang bral ba'i mig gis lag mthil gyi skyu ru ra mthong
- 228b
ba lta bu'i snang ba mched pa'i mtshan nyid do/ /shes pa gnyis spangs pa'i mtshan mo dang/ mtshams lta bu ni stong pa chen po'i mtshan nyid rab rib kyis nyams pa'i mig lta bu 'di ni snang ba thob pa'i mtshan nyid do/ /de nyid kyis na snang ba mched pa thob pa la snang ba thob pa zhes bya ste/ sems kyi dbye ba rnam pa gsum du gsungs so/ /de'i bzhi ni brjod par bya zhes bya ba la/ gzhon pa ni gzhon pa ste/ skyes bu'i gzhon pa lta bu'o/ de'i zhes bya ba ni rnam par shes pa'i 'o/ /rlung rnams phra/ ba'i gzugs kyi zhes bya ba la/ rlung ni tha mal pa'i g.yo bar gnas pa'o/ /phra ba ni brtag dka' ba'i dngos pos shes pa ste/ shes pa rnam pa gsum po de dang yang 'dres par gyur cing mig la sogs pa'i sga nas byung nas gzugs dang sgra la sogs pa'i yul la dmigs shing 'dzin pa'o/ /snang ba zhes bya ba la sogs pa la/ snang ba ni dang por snang ba'i drod 'byung ba ste/ de bas na gang gi tshe dang ldan par gyur ba'i rlung gi bzhon pa dang brad par gyur pa de'i tshe/ ngo bo mdza' dag gi rang bzhin la 'jug par byed cing nges 'thad pa ma yin par bzung bar byed pa 'am/ bsdus pa dang mdza' dag des so so re re phye ba ste/ 'dis nges pa med pa'o/ /gang dang gang du zhes bya ba la sogs pa la/ gang du srog chags skyes shing gnas pa'i gzugs te/ rlung gnas pa ste/ de dang der rang bzhin gyi rnam pa 'byung zhing 'dzin ces bya ba ni tshig gi don to/ /dus ji srid cig la ni tsa srid ces bya ba ste/ ci srid dang po'i ye shes kyi skad cig brtan par ma byung ba de srid du de'i khyar par g.yo pa zhes bya ba g.yo zhing bskyod pa ste/ gang la 'jug pa la de skad ces bya'o/ /da ni yi ge gsum gyi rgyu dang/ 'bras bu'i ngo bo gsal bar ston te/ snang zhes bya ba la sogs pa la bdag gi dngos po ni
- 229a
rang gi yid kyis gang zhig nyon mongs pa spangs shing rnam par rtog pa'i ngo bo dang bral ba'i gnas skabs so/ /de nyid rgyu rkyen 'bras bu ni snang ba gnyis pa'o/ /gnas skabs gang du snang ba thob pa 'bras bur gyur pa der gnyi ga yang rgyu ste snang ba dang/ snang ba mched pa gang gi rgyu yin pa de la de skad ces brjod do/ /ye shes gsum po yang gang du nyams su myong ba zhes bya ba ston te/ sgyu ma thams cad ces bya ba la sogs pa la/ gang gi phyir sgyu ma'i rigs rnam pa thams cad kyi nang nas/ bud med kyi sgyu ma shin tu khyad par du gsungs te/ des na de nyid la ye shes gsum gyi rang bzhin rig pa'i ngo bo des/ gsal bar yang dang yang du nyams su myong bar gyur pa'o/ /ji ltar zhe na/ 'dod chags zhes bya ba la sogs pa la/ 'dod chags ni dang po'i skad cig ste/ dga' ba zhes bya'o/ /'dod chags bral ba zhes bya ba ni mchog tu dga' ba zhes bya ba'o/ /de dag gi bar ni gnyis kyi bar ma ste/ 'dres par gyur pa'o/ /ci zhe na/ gsum zhes bya ba ste/ ye shes kyi skad cig gi bar ma'o/ /da 'dir gsal bar ma bstan te/ nyams su myong ba'i dus su rang rig pa gnyis kyis so/ /de nyid rlung gi bshad pa ste/ dbang po gnyis ni zhes bya ba la sogs pa la/ dbang po gnyis ni ?nga mnyam par sbyor ba de/ rdo rje pad+ma mnyam sbyor ba zhes bshad do/ /'dis rab tu bshad cing bstan pas na/ dang po'i snang ba'i ye shes skye ba zhes gsungs so/ /ye shes gnyis ni zhes bya ba la/ shes rab kyi ye shes dang/ thabs kyi ye shes gang zhig mnyam bar sbyor ba ste/ mngon du gyur cing snyoms par 'jug pa zhes ston to/ /'dis gnyis pa snang ba mchod pa'i ye shes rab tu ston te/ de nyid ye shes gnyis gang zhig snyoms par 'jug cing mngon du gyur pa'o/ /ji skad bshad
- 229b
pa zhes bya ba ni/ sngar bshad pa'i don nam/ bla ma'i zhal nas gsungs pa'o/ /bya ba ni grub pa'o/ /gang zhig ye shes gsum pa skye bar 'gyur ba de'i tshe/ snang ba thob pa zhes bshad do/ /de dag gi mi mthun pa'i chos ston te/ gang zhig ces bya ba la sogs pa la/ rnal 'byor pa gang zhig bslab pa 'dzin par mos pa'am/ mi nang dag la kun rdzob tu yang rdo rje dang pad+ma mnyam par sbyor ba med par de'i mnyam par bzhag pa'i gsal ba las gyur ba yid bskyed pa'i ye shes gsum zhes bya ba ni 'dir yid gnyis med par 'byung ba'o/ /ci lta zhe na/ lan cig ces bya ba la sogs pa smos te/ lan cig ces bya ba ni du ma ma yin pa'o/ /nyams su myong ba lta bu ni nyams su myong ba nyid do/ /ci ltar gang gi gang du rig sngags 'chad ni/ mchog dang phrad nas bla na med pa'i bde ba nyams su myong ba de/ dus gzhan zhig nam nyams par gyur kyang/ bde ba'i longs spyod kyi mtshan nyid dran pas nyams su myong ba ste/ de'i lus kyi ba spu ldang bar 'gyur ba'o/ /de bzhin du yid yang bde ba lan cig nyams su myong ba dran pas shes pa cung zad kyang nyams pa med pa'o/ /de ltar ye shes rnam pa gsum gyi ji lta ba'i dbye ba'i mtshan nyid phyin ci log par shes nas de nyid dmigs shes bya bar sbyar ro/ /gang gis zhe na/ ye shes zhes bya ba ste/ ye shes 'jug pa ni ye shes 'jug pa'o/ /de'i rang bzhin ni rang gi ngo bo yod pa'o/ /de'i phyir de nyid rang bzhin gyi ngo bo yod pa ni rtag tu mnyam par bzhag pa'i rnal 'byor bas yang dang yang du bsams par bya zhes bya ba ste/ de'i mthar thug pa'i don to/ /de'i dgongs pa bla na med pa'i mdo sde la sogs pa tshig le'ur byas pa drug gis bsgrub pa ston te/ ji ltar chu 'dzin byed ces bya ba la sogs pa la/ chu 'dzin ni sprin no/ /nam mkha' i dbyings ni nam mkha' i dkyil lo/ /snang ba gsum ni rnam par shes pa gsum mo/
- 230a
ma lus pa'i yul ni nye bar longs spyod pa ste/ yul la nye bar bsgyur ba gong du sbyar ba ni longs spyod kyi don nyid do/ /'di 'dra'i zhes bya ba ni ye shes rnam pa gsum ste/ rang gi ngo bo khongs su ma chud pa de nyid kyis na/ mi shes pa'i rab rib kyis khebs pa ste/ dge ba dang mi dge ba'i las yongs su bsags nas 'gro ba lnga'i sems can yongs su 'khyam pa ste/ de yang mtshams med pa mi dge ba'i las kyi gcig nas gcig tu dmyal bar rnam par smin cing sbyin pa la sogs pa yongs su bsags pas mtho ris su rnam par smin pa'o/ /de ltar yang dang yang du skye ba phrag du mar skyes shing gcig nas gcig tu thob nas sngon gyi las kyi rnam par smin pa shes te/ dmyal ba la sogs pa la ni sems can rnams mya ngan byed pa dang/ mtho ris la sogs pa la ni dga' ba byed pa'o/ /rang bzhin rnams kyi snang ba ni rang bzhin snang ba'o/ /de'i tshul gyis sems can rnams 'khor ba sdug bsngal nyams su myong ba ste/ de yongs su shes pa med pas so/ /slar yang rnal 'byor pas de nyid yongs su shes pas 'khor ba'i gzeb las grol ba thob par 'gyur zhes bya ba'i don to/ /shes rab kyi ces bya ba ni 'dir sngar bshad pa'i shes rab ye shes kyi rang bzhin te shes par bya ba'o/ /da bstan pa'i phyir yang zla ba'i dkyil 'khor zhes bya ba ste/ rang gi sems nyid rnal 'byor pa rang gi zla ba'i gzugs brnyan lta bu gnyis su med pa'i ngo bor bsam par bya'o/ /de nas zhes bya ba'i sgra ni rim pa tha dad pa'o/ /zla ba'i dkyil 'khor bsgom pa'i rjes su rnam par bsam par bya ste/ gang zhig de rdo rje la sogs pa'i mtshan ma de dag bsgom pa ni bskyed pa'i rim pa sgom pa po'i thabs kyi ye shes gsal bar byed pa ston to/ /de nyid
- 230b
kyis na zla ba'i dkyil 'khor dang rdo rje sngon du bsgoms pas ni/ sems dang sems las byung ba yongs su shes shing thabs dang shes rab bsgoms pas kyang lha nyid kyi rnam par rdzogs pa'o/ /de nyid gsal bar ston te/ phyag rgya bzhis ni zhes bya ba la sogs pa la chos dang las dang dam tshig dang/ ye shes kyi mtshan nyid rnam pa bzhi phyag rgyas bdag nyid shin tu bsrung ba byas nas lha de nyid kyi gzugs kyis gnas pa'o/ /'di rnams yang las dang po pa'i gnas skabs so/ /ji skad du/ zhes bya ba la/ sogs pa la ni gsal bas go sla ba nyid do/ /da ni rdzogs pa'i rim pa sgom pa ston te/ yongs rdzogs zhes bya ba la sogs pa la/ gang zhig stong pa gsum gyi rnam par dag pa de 'od gsal ba'i ye shes su brjod de/ de yang ye shes gsum rnam par dag bya'o/ /thams cad stong gnas zhes bya ba ni/ de nyid de kho na thams cad rnam par dag pa'i gnas so/ /de nyid bla na med pa'i thams cad mkhyen pa'i ye shes nyid ces bya ba ste/ rnam grangs so/ /'di nyid ni dpe ste/ 'gyur ba med cing bya ba pa sogs pa la/ 'gyur ba med pa ni rnam par rtog pa'i rgyu ba spangs pa'o/ /snang ba med pa ni snang ba spangs pa ste/ rang bzhin rnams mnyam pa nyid kyis so/ /gnyis med ces bya ba ni 'dod chags la sogs pa'i dri ma dang bral ba nyid kyis so/ / mthar phyin pa nyid kyis na mchog go /legs par byed pa nyid kyis na zhi ba'o/ /de yang 'di na'o/ /zhes tshig gis brjod par nus pa ma yin pa ste/ yod pa dang med pa'i tha snyad las 'das pa'i phyir ro/ /de bas na rgyu 'od gsal ba las ye shes gsum rab tu skye ba ste/ sgom pa 'dis kyang mtshan dang dpe byad kyis rnam par mdzes pa'i sku rdzogs par 'gyur ba'o/ /'di nyid tshigs su bcad pa bcu gnyis kyis rgyas par ston te/ 'di skad du zhes bya ba la sogs pa la/ gang
- 231a
gi phyir byang chub sems dpa' i gnas skabs su de bzhin gshegs pa'i sgrar brjod par mi 'gyur ba zhig na/ 'on kyang nges pa brnyes pas na/ de bzhin gshegs pa'o/ /stong pa chen po zhes bya ba ni mi g.yo ba'i ting nge 'dzin to/ /til gyis gang ba ni til gyi gang bu'o/ /nam mkha' rdo rje zhes bya ba ni/ nam mkha' i dbyings na gnas pa'o/ /g.yo ba med pas zhes bya ba ni yid kyi rtog pa'i dri ma spangs pas so/ /rgyal ba'i sras zhes bya ba ni/ rgyal ba'i sras gzhon nu don thams cad grub pa'o/ /'di ni rnam dag min zhes bya ba ni sangs rgyas nyid thob par byed pa ma yin pa'o/ /de bas na dri ma med pa nam mkha' i rang bzhin 'od gsal ba nyid la dmigs par gyis shig ces bya ba ste/ der rang nyid 'dod pa'i ngo bo khyed la skye bar 'gyur ba ste/ kun gyi dbang phyug gi mtshan nyid rdo rje sku yang thob nas 'jig rten gyi khams thams cad du dang pa'i rgyal po ltar rol bar 'gyur ro zhes gsungs so/ /sgra de gnas nas mi g.yo ba'i ting nge 'dzin btang ste/ nam phyed kyi dus su byang chub kyi shing drung du bdud las rgyal bar 'gyur te/ de nyid kyang 'gro ba la phan par gzhed pas brnyes pa'o/ /de 'dir de nyid ye shes zhes bya ba la sogs pas gsal bar ston te/ mtshams med pa lnga ni gang gi tshe las spyad pa de ma thag tu dmyal bar skye ba de'i tshe/ mtshams med pa'i las shes bya'o/ /de yang rnam pa lnga ste/ dgra bcom pa dang/ pha ma gsod pa dang/ dge 'dun gyi dbyen dang/ de bzhin gshegs pa la ngan sems kyi khrag 'byin pa'o// bsam pa'i don rab tu ster ba'i nor bu ni yid bzhin gyi nor bu'o/ /ma 'ongs pa ni 'byung bar 'gyur ba'o/ /'dod chags la sogs pa ni go sla'o/ /ye shes gsum dang brel ba ni gzhan de kho na nyid bzhi pa'o/ /de yang bla ma'i zhal
- 231b
nas rtogs par bya ba'o/ /dpal gsang ba 'dus pa'i le'u gnyis pa las bstan pa de nyid las nges par gzung bar bya'o/ /dpal mchog ces bya ba ni rgyud do/ /ral pa ni gcig dang gnyis dang gsum 'chang ba'o/ /de ltar gang gis rtags sna tshogs pas mngon par byang chub par 'dod pa ste/ de dang bral na de kho na nyid thob par mi 'gyur zhes pa'o/ /dang po'i las can gyi rnal 'byor pas gong nas gong du 'phel bar byas pas mthar phyin pa'i 'bras bus brgyad pa jo bo? ste/ ye shes gsum bsgom pa las sa bcu thob pa'o/ /rim pa de lta bus sangs rgyas kyis yang lhag par rtogs te/ thog ma gtsang ma'i lha'i gnas su chos kyi 'khor lo bskor na/ de'i rjes su sangs rgyas kyi zhing rnams su bskor bar 'gyur zhes bya ba ni bsdus pa'i don to/ /chos 'byung ba zhes bya ba la sogs pa tshigs su bcad pa gnyis kyi spyod pa gsum la goms par bya ba ston te/ spros pa dang bcas pa dang/ spros pa med pa dang/ shin tu spros pa med pa'i bye brag gis/ spyod pa rnam pa gsum mo/ /spyod pa rnam pa gsum po de nyid la spyod pas chos 'byung ba dang/ chos kyi dbyings dang/ bla na med pa mngon par rdzogs par byang chub pa rnam pa gsum yang go rim ji lta ba bzhin 'dod chags la sogs pa rol mo dang/ rnam par 'phrul pa ci ltar 'dod pa dang/ nam mkha' i mdzod la sogs pa'i ting nge 'dzin gyi khyad par gyis kyang goms pa ci lta ba bzhin du goms par bya zhes bya ba ni bsdus pa'i don to/ /'dir 'dri ba po kha cig na re/ bslab pa'i sbyor bas ci zhig bya zhes bya ba la sogs pa smos te/ gang gi phyir de bzhin nyid rang bzhin gyis grub pas rnam par rtog pa las kyang skye ba ma yin pa de bas na/ 'di ltar ci zhig goms par bya zhig rtog pas 'dzin pa de la nges par bslab pa
- 232a
nyid 'byung ba ste/ gang zhig rang bzhin rnams kyis bye brag rtogs pas bzhi po de kho na nyid kyang rtogs pa ste/ spyod pa rnam pa gsum gyi bye brag gis goms pa de'i 'bras bu thob cing/ de lta bu la goms pas byang chub skye'o/ /ji ltar shing las me zhes bya ba la sogs pa'i dpe ni go sla'o/ /da ni slob ma yongs su brtag pa ston te/ gang zhig g.yo rgyu blo ldan zhes bya ba la sogs pa la/ g.yo ni rang gi skyon 'chab pa la rab tu gzhol ba'o/ / le lo ni brtson pa dman pa'o/ /bla ma la 'phyas 'dogs pa'o/ /blo dman pa ni byang chub la bskal pa grangs med pa gsum gyis thob par dka' ba 'dis ci zhig bya zhes blo zhum pa'o/ /bla ma'i yon tan yongs su dor zhing skyon yang dang yang du rtog pa de nyid kyis na nyon mongs shes bya ba ni spyod par mi nus pa'o/ /de kho na nyid myur du yang thob par 'dod pa ste/ ston pa'i tshig yang dag pa'i tshig ma yin zhes khro ba dang bcas shing g.yo ba'o/ /'khor gyi nang du gnas pa na 'byor zhing slar yang gcig pu dben pa na gnas pa'i 'dus pa ste/ de lta bu'i rang bzhin ngan pas khyab pa'i bsam pa can gyi slong ma ngan pa de rang gi bu yin zhing byams pa'i gnas yin yang drung du bzhag par mi bya zhes bya bar sbyar ro/ /gang gis zhe na/ bla mas zin pas zhes bya ba ste/ bla ma'i gzhan dbang dam 'phags pa la phyogs pa ste/ bla ma bla na med pa'o/ /rje'u'i rigs zhes bya ba la sogs pa la/ rje'u rigs rje'u las skyes pa'o/ /rgyal rigs ni rgyal po'i rgyud do/ /mchog ni bram ze'i rigs so/ /zhes bya ba ni mi'i rigs rnam pa bzhi'o/ /gang zhig dge ba'i yon tan dang ldan pa dang/ yongs su shes pa dang/ brtson 'grus dang ldan
- 232b
pa bla ma sangs rgyas dang mtshungs par blta ba/ rgyal ba'i chos rnams gang blos rtogs shing dad pa dang ldan pa de la de skad du brjod do/ /de ni drin sbyin pa'i gnas so/ /'dus pa la sogs pa'i rgyud gang gis mang du thos shing mthong ba de la de skad du brjod de/ lung sbyor ba rtogs pa la mkhas pa de lta bu yang bla ma'i bsnyen bkur dman pa yin na/ lung thob par mi 'gyur te/ de ni rang la phan pa tsam yang byed par mi nus na/ ji ltar gzhan la phan par 'gyur te/ bstan bcos smra zhing bstan bcos sgra sgrogs pa tsam ni bstan bcos kyi mchu'o/ /skyo ba'i rgyu ni skyo bar byed pa'o/ /yang na zhes bya ba ni phyogs gzhan no/ /skal pa dang ldan pa ni bsod nams can no/ /lung las yongs su 'thob pa yin la/ don la phan tshun sbyor bar mi nus pa ni blo gros blun pa ste/ de yang tshig gi yon tan med na brnyas par 'os pa'o/ /gnas drug cis bya ba ni mdza' drug gi rnam par dbye ba shes pa ste/ dran pa ni thob pa mi rjed pa'o/ /blo gros ni don 'dzin la myur ba'o/ /brtan ba ni don mi gtong ba'o/ /blo ni rab tu ston pa la mkhas pa'o/ /de rnams su brton 'grus kyis yang dag par 'byor zhing de dang ldan pa ste/ bla ma la bsnyen bkur byas pas lung thob pa'o/ /de lta bu'i rgyud ston pa dang/ lus dbog pa'i gnas su rung bar gyur pa'o/ /rim pa lnga'i dka' 'grel don gsal ba zhes bya ba las sems can dmigs pa 'am/ bla na med pa'i dgongs pa ste/ rim pa gnyis pa'i 'grel ba'o// //rim pa gnyis pa rab tu bstan rim pa gsum pa ston te/ rdo rje can zhes bya ba la sogs pa la/ rdo rje can rnams ni de bzhin gshegs pa lnga rnams so/ /de rnams kyi dang po gtso bo skyed pa po drug pa zhes bya ba'i don to/ /rdo rje che ge zhes bya ba la sogs pa 'chad nyid do//
- 233a
phyag 'tshal te zhes bya ba de la ni phyag 'tshal nas bdag nyid byin gyis brlab pa'i rim pa bshad par bya zhes bya ba sbyar ro/ /de la dang por zhes bya ba ni go sla'o/ /rgyud rnam pa bzhi'i ni bya ba'i rgyud dang/ rnal 'byor gyi rgyud dang/ rnal 'byor gong ma'i rgyud dang/ gnyi ga'i rgyud de/ rgyud kyi bye brag gis rnam pa bzhi'o/ /de la dgongs pa zhes bya ba ni dgongs pa rig pa'o/ /de nyid kyis na shes rab ste/ rtog cing dpyod nus pa'o/ /lus dang ngag dang yid kyi don rnam par dpyod pa ni thos pa 'dzin pa'o/ /thos pa ni rdo rje 'chang gi gsung ngo/ /bden pa rnam pa gnyis ni kun rdzob dang don dam pa'i mtshan nyid dam/ thabs dang shes rab kyi rang bzhin no/ /de la lhag par mos shing tshigs gyis mchod pa ste/ rnam pa lngas mchod pa'o/ /bdag la byin gyis brlab pa'i rim pa ni kun rdzob kyi bden pa khong du chud pa'o/ /phreng ba ni rim par sbrengs pa'o/ /de dang ldan pa'i chu ni phreng ba dang ldan pa'i chu'o/ /rdzogs pa'i sangs rgyas zhes bya ba ni cod pan tu bstan to/ /me long ni me long lta bu'i ye shes rnam par dag pa'o/ /khong stong zhes bya ba la sogs pa gsol ba gdab pa'i tshigs su bcad pa bdun ni go sla ba nyid do/ /de'i tshig ces bya ba ni slob ma'i tshig go /gsol ba btab pa zhes bya ba ni 'dod pa gsol ba'o/ /de la goms pa zhes bya ba ni mkhas pa'o/ /rang byin gyis brlab pa ni go sla ba nyid kyis ma bshad pa'o/ /bdag nyid byin gyis brlab pa'i rim pa 'od gsal ba yang bden pa rnam pa gnyis te/ rgyu dang 'bras bu'i ngo bor gnas pa'o/ /rdo rje slob dpon ni bla ma'o/ /rang dbang med pa ni nyon mongs pa'i las gzhan la rag las pa ste/ rang dbang med pa yin zhing/ gang zhig rang dbang du skye bar 'gyur
- 233b
ba der rgyu ni 'od gsal ba nyid do/ /rang gi sems 'od gsal ba la mi 'jug pa'i byis pa rnams blang ba dang dor ba yongs su shes par mi nus pa'o/ /'ching ba zhes bya ba ni 'khor ba'i brtson ra te 'ching ba'o/ /'od gsal ba yongs su shes pa 'dis slar yang rnal 'byor pa bde bar gshegs pa'i go 'phang thob pa'o/ /de ltar yongs su shes pa yod na gang zhig skyes ba dang/ su yang 'chi bar 'gyur ba yang med pa'o/ /'khor ba nyid ni sems las logs shig na med par shes par bya ste/ ji skad du/ 'khor ba yongs su shes pa nyid mya ngan 'das zhes brjod pa yin gsungs so/ /rlung bsgom pa dang bral na sems kyi rang gi ngo bo go bar mi nus te/ sems kyi rang bzhin skye ba'i rgyu rang bzhin las las 'byung pa'o/ /las las skyes pa'o// de'i phyir 'di phyi ma'i dus na/ rlung dang ldan pa'i rnam par shes pa gsum bsgom pas/ rnal 'byor pa'i lus sgyu ma lta bur grub pa'o/ /'dir gnas pa yang thams cad de lta bu'i lus su mthong ba ste/ gzugs dang zhes bya ba la sogs pa ni go bla'o/ /gang zhig nang dang phyi rol gyi dbye bas bye brag tu mthong ba de thams cad ni sgyu ma nyid do/ /de dag kyang phyin ci ma log par sgyu ma lta bu'i lus dang me long gi gzugs brnyan ni dpe'o/ /kha dog ni sngon po dang ser po la sogs pa'o/ /mja' tshon zhes bya ba ni dbang po'i gzhu'o/ /ji ltar me long g.ya' med pa la gzugs brnyan snang ba de bzhin du 'od gsal ba don du bas pas lha'i rnam pa 'byung ba'o/ /dngos po ni gzung ba dang 'dzin pa la mngon par zhen pa'o/ /dngos po med pa ni de spangs pa'o/ /de dag las rnam par grol ba rnam par bral ba'o/ /gang zhig ce na/ rdo rje sems dpa' o/ /dbyer med pa nyid kyis na rdo rje'o/ /gzhan du mi 'gyur ba nyid kyis na sems dpa' o/ /legs par bris pa ni mtshan gyis brgyan pa'o//
- 234a
rnam pa'i mchog ni dpe byad bzang po ste/ de dang ldan pa'o/ /sku lta bas mi ngoms pa'i sku ni shin tu tshim pa skyed pa'i phyir ro/ /'di lta bu'i skus ni slob ma bzang po la gang zhig lung dpogs pa'i dus su bstan par bya ba ni bdag nyid byin gyis brlab pa zhes bshad do/ /gang gi phyir de lta bu'i rnam pas gzhan rjes su gzung bar nus par 'gyur zhes bya ba dgongs pa'o/ /nges par mtshon ces bya ba ni bsgom par bya ba'o/ /khyab pa nyid kyis ni bstan pa'o/ /sgyu ma yongs su shes pa ni kun rdzob kyi bden pa khong du chud pa'o/ /de nyid longs spyod rdzogs pa'i skur shes par bya ste/ ji skad du/ sum cu rtsa gnyis mtshan dang ni/ /thub pa dpe byad ldan pa ni/ /theg pa che la longs spyod pas/ /longs spyod rdzogs pa'i skur bshad do// de nyid dri za zhes bya ba ni 'jig rten gyi khams thams cad la khyab pas na dri za'i sems can no/ /rdo rje'i sku ni stobs thams cad kyis mi shigs pa'i phyir ro/ /'dis sprul pa'i sku yang ston te/ ji skad du/ gang gi 'gro ba la phan pa ni/ sna tshogs snyoms par mdzad pa ste/ ji srid 'khor ba rgyun mi chad/ /thub pa sprul pa'i skur bshad do/ /rdo rje sems dpa' i bdag nyid de/ /zhes bya ba la sogs pas ni chos kyi sku ston te/ ji skad du gang zhig rnam dag zag med pa/ /rnam pa thams cad brnyes pa ste/ /thub pa'i ngo bo nyid kyi sku/ /de rnams rang bzhin mtshan nyid do/ /zhes gsungs so/ /bdag nyid ces bya ba ni gzhan ma yin pa'i tshig go /gang gi phyir rdo rje 'chang snang bar bsgom pas/ /bdag nyid sangs rgyas thams cad dang/ byang chub sems dpa' i rang bzhin no/ sngags dang phyag rgya zhes bya ba la sogs pa ni go sla ba nyid do/ /dmigs pa med ces bya ba ni dmigs pa'i dngos po la mngon par zhen pa med pa'o/ /de kun rdzob tu rang gi ngo bo
- 234b
med pa ste/ de yang sgyu ma lta bu shes bar bya zhes bya ba'i don to/ /de dag dngos po gang dang gang dbang po'i spyod yul du gyur pa de dang de/ mnyam par ma bzhag pa'i gnas skabs na yang/ sangs rgyas kyi rang bzhin du shes par bya'o/ /kun tu kun nas zhes bya ba la sogs pa ni rigs drug gi rang bzhin du bdag nyid ston pa'o/ /mkha' las zhes bya ba ni nam mkha' mdzod kyi ting nge 'dzin las so/ /ston par 'gyur zhes bya ba la sogs pa la/ ston pa ni bla na med par 'gyur ba yin zhes bya ba'i don to/ /rnal 'byor pa khyad par du 'phags pas srid pa bcod ces bya ba ste/ sangs rgyas ni mdzad pa phun sum tshogs pa rgyun mi 'chad pa'i phyir ro/ /'gro bar zhes bya ba ni sems can gyi khams zhes bya ba'i don to/ /rdzogs sangs rgyas zhes bya ba ni de nyid ston te/ ji ltar sangs rgyas bcom ldan 'das sems can thams cad la phan par bzhed pas 'jig rten du gshegs pa ste/ sems can gyi don la dmigs nas 'jig rten gyi khams gzhan nas gzhan du gshegs pa'o/ /de bzhin gyi rnal 'byor gyi dbang phyug ye shes sna tshogs kyi rjes su 'jug pas sems can thams cad lam dam pa la 'dzud par mdzad ces bya ba ni tshig gi lhag ma'o/ /bsgom pa 'dis rnal 'byor pa'i sgrub pa mi 'grub pa cung zad kyang med pa'o/ /gsang sngags grub pa'i rnal 'byor pa ni phyag rgya chen po ste/ mkha' spyod la sogs pa'o/ /de rnams rang nyid 'grub par 'gyur ba ste/ bdag gir 'gyur zhes bya ba'i tha tshig go /ji skad du ye shes gsal ba mchog mthong nas rnal 'byor ma ni des rten byed/ pad+ma'i rdzing bu ngang pa'i tshogs/ /rol par byed pa ji bzhin no/ /zhes gsungs pa'o/ /nyon mongs pa ni 'dod chags la sogs pa'o/ /las kyi lam ni rnam pa bcu'o/ /lus ni phung po'o/ /byed pa po ni las sgrub pa'o/ /'bras bu
- 235a
ni de'i rnam par smin pa ste/ de dag thams cad smig rgyu lta bur shes par bya'o/ /'di zhes bya ba la sogs pa la/ 'di ni sgyu ma la sogs pa'i ting nge 'dzin khong du ma chud bas bsdus pa la nye bar dmigs shing mngon par zhen pas nyams pa ste/ 'gro ba gang gi blo nyams las de rnams la nad dang gnod pa sna tshogs skye bar 'gyur ba'o/ /de ni sgyu ma'i sprul pa ste/ de nyid kyis na blo gros blon po bla ma dam pa las bdag nyid byin gyis brlab pa'i man ngag ma thob pa de/ lam dam pa nam zhig nyams par 'gyur zhes bya bar sbyar ro/ /ci zhig byas she na/ rtag dang chad pa zhes bya ba la sogs pa smos te/ rtag pa zhes bya ba ni ther zug par smras pa'o/ /chad par lta ba ni 'jig rten rgyang pan pa'o/ /de dag gcig las phyogs gcig la brten pa zhes bya ba'i bar du ste/ de lta bu thams cad yongs su spangs nas bla ma mchod pa la yid rtson par bya'o/ /gang gi phyir de mnyes pas thams cad mkhyen pa'i ye shes rab tu 'byung pa'o/ /de yis gsod nams ma byas ci zhes bya ba la/ slob dpon la cung zad kyang bsnyen bkur ma byas pa med pa'o/ /gzhan yang legs par spyod pa thams cad kun tu sbyang pa nyid do/ /bsod nams ni dge ba'i las so/ /dka' thub ni lus la sogs pa'i sdom pa'o/ /gang gi slob dpon dang/ rdo rje 'chang dbyer med par blos brtags nas mchod pa byed pa'o/ /shin tu dga' ba gang dang gang zhes bya ba la sogs pa tshig le'ur byas pa gnyis ni go sla ba nyid do/ /gang zhig ces bya ba la sogs pas ni sman pa'i slob ma ston te/ nga rgyal dang mngon pa'i nga rgyal gyis spags pa'i bsam pa can no/ /yang dag rig pa zhes bya ba ni rdo rje 'chang gis gsungs pa'i lam ste/ theg pa chen po'o/ /de sun 'byin pa la de kho na nyid bstan par mi
- 235b
bya'o/ /bla ma la gus bden par smra zhes bya ba la sogs pa ni/ rin po che lta bu'i gang zag de nyid de de la de kho na nyid bshad par bya ba ston to/ /rim pa lnga pa'i dka' 'grel don gsal ba zhes bya ba las bdag nyid byin gyis brlab pa zhes bya ba ste/ rim pa gsum pa'i 'grel pa'o// //rim pa gsum pa bshad nas bzhi pa ston te/ rdo rje sems dpa' zhes bya ba la sogs pa la/ rdo rje sems dpa' ni rdo rje 'chang chen po'o/ /thams cad stong pa ni sngar bshad pa'i mtshan nyid can te 'od gsal pa'o/ /de ston pa gang yin pa de la phyag 'tshal nas/ mngon par byang chub pa'i rim pa bdag gis bshad par bya zhes bya bar sbyar ro/ /'di ni zhes bya ba la sogs pa la/ 'di ni zhes bya ba ni mchog tu bde ba chen po'i rang bzhin no/ /rang byung zhes bya ba ni mthar thug par dga' ba'o/ /de yang 'byung ba chen po'i rjes su dpag pa'i ngo bo nyid pas na/ rang rig pa'o/ /bcom ldan 'das zhes bya ba la ni sgrib pa rnam pa gnyis spangs pa'o/ /gcig pu zhes bya ba ni zla med pa'o/ /lhag pa zhes bya ba ni khyad par du gyur pa'o/ /lha kho na ni lta nyid de/ spyan ma la sogs pa'i lha mo bzhi'o/ /de'i bdag po'i 'khor lo'i gtso bo'i zhes bya ba'i don to/ /'on kyang rdo rje slob dpon ni man ngag ster bar byed pa'i phyir/ rdo rje 'chang bas kyang lhag par lta bar bya'o/ /gang phyir de ma nyes pas thams cad 'grub pa'o/ /de ni mnyes par bya ba'i phyir zhes bya ba la sogs pa nas de rim pa 'di ltar bsam zhes bya ba'i bar du tshigs su bcad pa bcu gsum ni go sla ba nyid do/ / 'on kyang 'dir bla ma mnyes par bya ba dang/ de la mchod pa dang/ phyag rgya btab pa dang/ tshogs kyi mchod pa dang/ snyoms par 'jug pa'i cho ga dang/ byang chub kyi sems blad pa dang/ dbang bskur ba'i rim pa dang/ bstod
- 236a
pa dang/ lung dbog par gsol ba gdab pa zhes bya ba tshig gi don rnam pa bcur shes par bya'o/ /de dag thams cad ni kho bos byas pa'i bar du gnas pa'i cho gar gsal bas na der lta bar bya'o/ /de ni lung dpog pa bla na med par gyur pa'i rim pa ston te/ snang ba'i mtshan mo'i cha zhes bya ba la sogs pa la/ mtshan mo'i cha ni zla smad de/ ma rig pa'i mun pas gos pa'o/ /mtshan mo'i cha ni mtshan mo'i bzhi cha 'am/ mtshan mo thams cad do/ /de'i gnyen po'i ngo bo dang po'i snang ba'i ye shes zla ba'i 'od zer lta bur gyur pa 'byung ste/ yin zhes bya ba ni thams cad du 'gyur zhes bya bar sbyar ro/ /nyi ma'i cha ni zla stong 'am/ nyin mo thams cad do/ /der snang ba mched pa gnyis pa shin tu gsal ba'i ye shes 'od zer stong dang ldan par 'khrigs shing gsal ba rab tu skye ba'o/ /mtshams ni phyogs gnyis kyi bar ro/ /mtshan mo yongs su zad nas nyi ma 'char ba'i dus de mtshams kyi skad cig go/ der snang ba thob pa zhes bya ba'i ye shes gsum pa kun tu 'byung ba'o/ /nyon mongs pa thams cad zad pa dang/ ye shes cig car thob pa ni/ dper na sdong bu tshig pa dang/ mar me gsal ba bzhin no/ /de dag kyang lan cig min pa ni lan grangs du mar rang gi rang bzhin bdun gyis nyon mongs pa rtsad gcod pa dus su sbyor ba ste/ kun tu sbyor bar 'gyur ba'o/ /dus gzhan zhig na de dang bral ba ni rnam par sbyor bar yang mi 'gyur ba'o/ /'di ni ye shes gsum phyin ci ma log pa'i mtshan nyid ston to/ mtshan min zhes bya ba la sogs pa 'dis/ bzhi pa thams cad stong pa'i mtshan nyid ston par byed do/ /gnas skabs gang dang gang du mtshams kyi bya ba log cing/ mtshan mo dang nyin par gyi cha dang bral ba'o/ /gang yang rang bzhin
- 236b
mdza' dag dang bral ba ni rnam par spangs pa'o/ /de nyid bla ma dam pas yang dag par phyin ci ma log par bstan cing lung dpog pa'i dus su byang chub kyi skad cig shes par bya'o/ /de yang nyin mtshan phyed par mnyam par bzhag pa'i rnal 'byor nyid kyis khong du tshud par 'gyur gyi/ blo rnam par g.yeng ba gzhan dag gis ma yin no/ /de nyid gsal bar ston te/ mtshams kyi mdza' ni zhes bya ba la sogs pa la/ mtshams kyi gsal ba rnam par nyams pa dang/ mun nag gi mun pa'i tshogs te/ rnam par nyams shing zad par gyur nas nyi ma'i 'od zer stong dang ldan pa ji srid ri las ma shar ba de srid du/ rnam par rtog pa'i g.yeng ba thams cad skad cig la spangs pa'o/ /slob ma la bla ma la rab tu mnyes pas yang dag pa'i mdza' i 'od gsal ba'i lung phog pa'o/ /phyi rol ces bya ba ni mngon par byang chub pa lnga'i rim pa bstan pa'o/ /de yang nang gi bde ba ni yid nang du bsdus pa ste/ de'i byin gyis brlabs kyi stabs kyis thob par 'gyur ba nyid do// ci zhig ce na tshig gi brjod pa yin zhing/ gang gis nyams su myong ba'i mtshan nyid do/ /de nyid bla na med pa'i gnas te/ nyon mongs pa thams cad zad nas dag pa'i rgyun 'byung ba'o/ /de nyid 'das pa dang/ ma byon pa dang/ da ltar byung ba'i sangs rgyas kyi byang chub ste/ spros pa thams cad las rnam par 'das shing chos kyi dbyings thams cad du 'gro ba mnyam par rtog pa'i phyir ro/ /'di dag gis bzhi pa thams cad stong pa'i ye shes kyi mtshan nyid rig pa ste/ 'dir de dag nyid bla ma gcig nas gcig tu rgyud pa'i gsang ba'o/ /'dir gang zhig mngon pa'i nga rgyal gyis sems khengs pas mgo bskyod cing mig bgrang nas sngon 'jug pa'i mtshan nyid kyi las su gyur pa de lta bu'i las de dag gis
- 237a
chos bdag med pa rab tu 'byed pa'i mtshan ma byung ba cung zad ni yod pa ste/ bla ma nyid kyi rtog par 'gyur ba'o/ /zhes smra ba'o/ /de dag ni bden pa ma yin/ mngon pa'i nga rgyal gyis blo gros nyams pas bdag dang gzhan rnam par 'khrul pa 'ba' zhig tsam mo/ /'dir gzhan ma gtogs pa bla ma nyid kyis sngon ma byung ba cung zad kyang yod pa ma yin te/ de bas na 'di ltar brjod par 'gyur pa'o/ /gal te 'dir sngon ma byung ba'i tshig gis brjod par nus pa ma yin na/ 'di dag ni sngon ma byung ba'i tshig can te/ gang gi phyir de rnams dang yang mtshungs pa'i phyir ro/ /de dag ni klu'i rgyal po nor rgyas ltar lce stong yod pas kyang brjod par nus pa ma yin te/ ji skad du/ gcig tu bde ba'i rgyal po rgyal ba ste/ 'gro ba rtags 'byung rgyu rnams spangs pa'o/ /gang zhig brjod par bya ba'i dus su ni/ kun mkhyen gyis kyang brjod min pa'o/ /zhes gsungs so/ /de bas na 'brel pa med pa'i gtam gyi tshig ste/ gos pa med do/ /'di nyid ni legs pa ste/ rim pa gang gi goms shing dang pa'i tshig gi bsod nams kyi tshogs kyi rgyun dang/ sangs rgyas dang byang chub sems dpa' dang/ dad pa'i lhas byin gyis brlabs pas kyang snying rje la sogs pa'i yon tan rang gi ye shes skye ba yin no/ /ji skad du/ bla ma'i spyod yul min pas tshig gi yul min te/ bla ma'i bstan pa'i dngos po tshig gi 'jug pa ring/ de ni rim gyi snying rje la sogs yon tan rnam byang ba/ dad ldan sems la go 'phang 'byung ba'o/ /thog pa med par 'byung zhes bya ba la sogs pas bshad ma thag pa'i don gyi phan yon ston te/ thog ma dang/ dbus dang tha ma'i skad cig ma gsum shin tu 'jug pa gang yin pa de nyid skad cig ma bzhi
- 237b
la thams cad stong pa'i sgrar brjod do/ /gang du 'gro ba dang 'od? ba med pa dang/ zad pa dang 'phel ba med pa dang/ dngos po dang dngos po med pa ma yin pa dang/ shin tu ngo mtshar ba'i gzugs can yang ngo mtshar ba ma yin pa dang gnas par gyur pa ma yin zhing/ g.yo ba'i ngo bo yang ma yin pa'o/ /gang zhig yod pa dang med pa'i tha snyad las rnam par 'das pa/ bsod nams kyi gzugs can ma yin zhing sdig pa'i gzugs can yang ma yin pa la gnyi ga'i bdag nyid kyang ma yin pa'o rnam par rtog pa thams cad spangs pas gtso bo yin pa'i phyir/ de mchog tu gyur pa zhes sangs rgyas rnams kyis gsungs so/ /de lta bu'i de kho na nyid thob nas rnal 'byor pa 'jig rten gsum du yang spyad pa spyod pa ste/ zag pa med pa'i dus thob par 'gyur zhes bya ba'i tshig ni lhag ma'o/ /rgyu dang mi rgyu'i bdag nyid ces bya ba ni/ brtan pa dang g.yo ba'i mnyam par byed pa'i phyir ro/ /de ni yon po'i lus kyang shes par bya'o/ /zhes thams cad du khong du tshud par bya'o/ /de ni brtan pa med pa yang brtan pa dang bcas pa yin la mig btsums kyang rnam par rgyas pa'i shes rab kyi mig can yin no/ /de ni rnam par g.yeng ba yin yang sems mnyam par bzhag pa'o/ /tshig dang ldan pa yin yang brjod pa bral ba'o// tshig gi brjod pa dang bral ba ni brjod bral lo/ /de ni longs spyod man yang longs spyod dang bcas pa'o/ /gzhan gyi rjes su 'brang yang skyob pa'o/ /'di ltar de kho na nyid thob pa'i rnal 'byor pa des ril po 'dzin pa'i rim pa dang/ rjes su gzhig pa'i rim pa ste/ rim pa rnam pa gnyis la bslab par bya'o/ /de dag gi mtshan nyid ston te/ mgo bo nas zhes bya ba la sogs pa la/ mgo bo nas rkang pa'i mthar thug pa dang/ ji srid snying ga'i bar du rin po che'i 'phreng ba ltar rnal 'byor ba grang
- 238a
zhig stong pa nyid bsgom pa ni/ ril bor 'dzin pa ste/ ril po ni lus so/ /de 'dzin par byed pas na ril por 'dzin pa'o/ /de bzhin du bstan pa dang g.yo ba'i dngos po ma rig pa'i mun pa gsal nas/ dang po 'od gsal bar bya ste/ de ltar bsgom pa'i stobs kyis slar yang bdag nyid de lta ba nyid do/ /goms par byed pa 'di ni rjes su gzhig pa'i rim pa'o/ /dbugs kyi rdub pa ni zhes bya ba la sogs pa 'dis yang dag pa'i mdza' la 'jug pa'i rim pa ston te/ rlung dang rnam par shes pa dang ldan pas bdag byin gyis brlab pa nyid do/ /thams cad stong pa las sgyu 'phrul dra ba 'byung zhes bya ba ni nya'i dpes bstan to/ /yang yang phyag rgya chen po'i dngos grub ni/ ye shes lnga'i rang bzhin te/ de yang mja' tshon lta bur brtags pa'i ngo bo nyid de/ gang phyag rgya gzhan bcing ba la sogs pa de thams cad stong pa nyid kyis 'grub kyi gzhan gyis ni ma min no/ /thams cad za zhing zhes bya ba ni rnam par rtog pa thams cad spangs pa'o/ /thams cad stong pa nyid ces bya ba ni 'khor gsum yongs su dag pa'i phyir ro/ /mtshan ma kun zhes bya ba ni brtul zhugs thams cad 'dzin pa'o/ /man ngag thob ces bya ba 'dis chos gang sngon du 'gro ba'i don dam pa byang chub kyi sems blang ba ston te/ dngos po kun ces bya ba la sogs pa la/ gzhir gyur pas na dngos po'o/ /dngos po thams cad dang bral zhing phung po dang khams dang skye mched la sogs pa gzung ba dang/ 'dzin pa rnam par spangs pa chos bdag med pa ni 'od gsal ba'o/ /de bas na mnyam pa nyid gnyis su med par gyur pa des/ /rang gi sems gdong ma nas ma skyes pa/ rdo rje ltar dbyer med pa gsum lus stong pa nyid kyi rang bzhin no/ /de ltar byang chub kyi sems
- 238b
blangs nas/ de ma thag tu ji bzhin nus pas bla ma la yon phul te/ drin thob pa'i rim pas bcom ldan 'das mya ngan las 'das pa'i dbyings bsgom pa na rang nyid de'i ngo bo thob par 'gyur ba'o/ /khyad par gzhan ni go bla ba nyid do/ /rim pa lnga'i dka' 'grel don gsal ba zhes bya ba las mngon par rdzogs par byang chub pa ste/ rim pa bzhi pa'i 'grel pa'o// bzhi pa'i rjes thogs su rim pa lnga pa bstan pa'i phyir rgyu dang 'bras bu zhes bya ba la sogs pa smos te/ rgyu ni bcom ldan 'das skyed pa bo'o/ /'bras bu ni de bzhin gshegs pa'o/ /de'i bdag nyid rdo rje 'chang ni rgyu dang 'bras bu'i rang bzhin nyid do/ /de nyid kyis na mgon po ste/ 'jig rten gsum gyi yongs su skyob pa'o/ /de la phyag 'tshal nas zung du 'jug pa zhes bya ba rim pa tha ma bdag gis bshad par bya zhes bya bar sbyar ro/ /srid pa dang thar pa la mngon par zhen pa'i rtog pa gnyis spangs nas/ sems can gcig tu gyur pa de ni zung du 'jug pa zhes bshad do/ /zung ni gnyis mtshungs pa'o/ /des 'jug pas na zung du 'jug pa zhes bya'o/ /kun nas nyon mongs pa dang/ rnam par byang ba bdag gis rang gi ngo bo don dam pa'i rnam par rtogs nas/ gang 'di dag gcig tu gyur pa de yang zung du 'jug pa'o/ /srid pa kun tu rtog cing mngon par zhen pa de yang rnam pa dang bcas pa'i gzugs te/ gang gi phyir de'i stobs kyi nyon mongs pa thams cad rab tu skye ba'o/ /de las zlog pa ni rnam par rtog pa med pa'o/ /rnam par rtog pa de spangs nas/ gcig tu spyod pa de nyid ni zung du 'jug pa'i nyams su myong ba'o/ /gang du bzung ba dang 'dzin pa'i rnam par rtog pa gnyis kyi blo'i kun tu spyod pa med cing/ gang du mi phyed pa yod pa de yang zung du 'jug pa zhes bshad do/ /rtag pa zhes bya ba ni ther zug pa'i phyogs so/ /chad pa zhes bya ba ni 'jig rten rgyang pan pa'i phyogs so/ /de gnyi ga'i blo spangs
- 239a
nas gang gis de kho na mnyam pa nyid rig pa de nyid ni mkhas pa ste/ gzhan ni ma yin pa'o/ /ji skad du/ bdag nyid chen mo rtsod med pa/ /de la phyogs ni yod ma yin/ /gang phyir de la gzhan phyogs dang/ /bdag phyogs yod pa min phyir ro/ /zhes gsungs so/ /gzhan yang 'gro ba'i dngos po thams cad nyid/ /ma brtags pa ni nyams dga' ba/ /rnam par brtags shing 'jig pa na/ /dngos po yod pa min pa'o/ /zhes gsungs so/ /chos thams cad rang bzhin med par dpyod pa ni shes rab ste/ 'gro ba thams cad sdug bsngal gyi rnam pa dang bral bar sems dpa' ni snying rje'o/ /yang nam zhig sems can gyi don la nyid kyis dbyer med par shes rab kyi brtags nas gang du 'jug pa'i rim pa ste/ bcom ldan 'das kyis blo gros shin tu zab mo'i yul lo/ /thabs dang shes rab kyi rang bzhin brtan pa dang g.yo ba'i bdag nyid thams cad khong du chud nas/ phyogs gcig la rten cing gnas pa de yang zung du 'jug pa zhes bya'o/ /ji skad du gang gis shes rab de nyid rten cing snying rjes kun rdzob brten pa de bas na/ 'gro la sems can med cing ji bzhin don du rnam par dgongs/ /gang gi tshe ni stobs bcu skyed byed snying rje zin pa po'i tshe/ /khyed ni 'gro la bu gcig pa yi pha bzhin dgongs par gyur pa'o/ /zhes gsungs pa'o/ /lhag ma zhes bya ba ni nyon mongs pa'i phung po ste/ de dang bcas par gnas pa ni/ lhag ma dang bcas par gnas pa'o/ /de las zlog pa ni lhag ma med pa'o/ /de las zlog pa ni rnam par rtog pa med pa'o/ gang du rtog pa de nyid kyi ngo bo yod pa ma yin pa de ni zung du 'jug pa'o/ /gang du gang zag la bdag med pa dang/ chos la bdag med pa'i bye brag rnams gnyis su rtog pa spangs pa de yang zung du 'jug pa'o/ /bdag byin gyis brlab pa dang/ 'od gsal ba la 'jug pa'i rim pa rtogs nas
- 239b
de dag nyid dbu ma'i gnas skabs su 'dres par gyur pa de zung du 'jug pa'o/ /thams cad stong pa'i gnas su ril por 'dzin pa dang/ rjes su 'jug pa'i rim pas 'jug cing/ dgongs pa'i dbang gis gang zhig de las ldang bar gyur ba dang/ zung du 'jug pa'o/ /thog mar kun rdzob dang don dam pa'i bden pa rang gi ngo bo bye brag shes nas de dus gzhan zhig ni phyogs gnyi ga 'dres bar gyur pa gang yin pa de zung du 'jug pa'o/ /gang du stong ba nyid la dmigs pa med cing de las ldang ba yang med pa de zung du 'jug pa'o/ /de nyid ni rnal 'byor pa rnams kyi dbu ma'i gnas skabs kyi lam ma/ /gnyid log pa dang sang pa'i rnam par rtogs pa gnyis spangs pa ni zung du 'jug pa'i ngo bor bstan pas gsungs pa yin te/ sems can thams cad la rjes su ston pa'i phyir ro/ /gnyid log pa zhes bya ba ni sems can gyi don la mi 'jug pa'o/ /sad pa zhes bya ba ni sems can gyi don la 'jug pa'o/ /de dag rnam par spangs nas rang nyams su lhun gyis grub par sems can gyi don rdzogs par mdzad pa/ zhes bya ba'i don to/ /ji skad du/ yid bzhin nor bu ji bzhin du/ ma lus 'gro ba'i bsam rdzogs mdzad/ /sems can bsod nams dbang gis na/ /de nas rgyal ba'i gzugs mthong 'gyur/ /zhes gsungs so/ /mnyam par bzhag pa ni sems zhi ba'i gnas skabs so/ /mnyam par ma bzhag pa ni sems rnam par g.yeng ba'o/ /rnal 'byor ba gang la de gnyis med par gyur pa de nyid ni zung du 'jug pa la gnas par shes par bya'o/ /dngos po ni gzung ba'i phyogs la mngon par zhen pa'o/ /dngos po med pa ni lag par lta ba yongs su byang ba'o/ /de dag rnam par spangs pa ni zung du 'jug pa'o/ /dran pa ma yin pa ni thos pa'i don brjod pa'o/ /dran pa ni de las bzlog pa'o/ /rgyun tu lhun gyis grub pas na de dag las nges par grol ba'o/ /de nyid kyis na rtag tu 'byung ba'i rang bzhin te/ de ltar 'dod pa bzhin thams cad du gnas pa zhes bya ba'i don to/ /chags pa ni srid pa'i longs spyod rnams la zhen pa'o/ /de la
- 240a
ma chags pa ni zhen pa med pa'o/ phyogs de gnyi ga yongs su spangs nas/ dbu ma'i lam la dmigs te/ 'khor ba ji srid du gnas pa ni brten pa'o/ /ji srid du gang zhig snying rje chen pos ni/ gzhan gyi dbang gis gnas pa'o/ /zhes gsungs so/ / mchog tu dka' ba'i lus ni rtag tu rab tu dga' ba'i gnas skabs so/ /gang la de lta bu yod pa de ni de dang ldan pa'o/ /ji skad du/ 'jig rten khams ni mdza' yas par/ /snying rje chen po rnam dpyod cing/ /sems can rnams la rtag dga' bas/ /rim gyis rim gyis ? par mdzad ces gsungs pa'o/ /gzhan yang sems can rnams ni grol gyur na/ /gang zhig dga' ba'i rgya mtsho ste/ de nyid kyis ni nges par rdzogs/ /cung med gral bas ci zhig dgos/ /zhes gsungs pa'o/ /rgyu ni 'bras bu rab tu bskyed pa ste/ 'bras bu skyed par nus pa ni rgya'o/ /'bras bu ni rgyu las byung ba'o/ /de gnyis g.yang dbyer med par rtogs nas/ dbyer med pa'i ngo bor byas te/ rnal 'byor pa gang du gnas pa de nyid zung du 'jug pa'o/ /gang du rim pa gnyis gcig cing dbyer med par rtogs pa de yang zung du 'jug pa'o/ /yongs su dag pa'i lha dang/ yongs su ma dag pa'i lha zhes/ rnam par rtog pa gnyis sdangs nas/ gang du dbyer med par rtogs pa de ni zung du 'jug pa'o/ /gzugs can zhes bya ba ni gzugs kyi phung po'o/ /gzhan pa bzhi ni gzugs med pa'o/ /zhes kun tu rtogs pa de gnyi ga yongs su spangs nas/ gang zhig mnyam pa'i gnas rig pa de nyid zung du 'jug pa'i go 'phang thob pa'o/ /'di ltar gang zhig de kho na nyid rig cing/ ji lta ba bzhin mthong ba de dag thams cad mkhyen pa zhes bshad pa'o/ /sna tshogs 'dzin ces bya ba ni sprul pa sna tshogs pas sems can gyi don phun sum tshogs par mdzad pa'i phyir ro/ /sgyu ma ni gzhan bslu ba la mngon par brtson pa ste/ de nyid dra ba yin zhing 'ching ba yang de'o/ /de rtsad gtsang
- 240b
pa ni mngon par sangs rgyas so/ /yang na sgyu 'phrul dra ba'i rim pas mngon par rdzogs par byang chub pa'o/ /'khor ba ni las dang nyon mongs pas rang dbang med pa ste/ gzhan dbang gi sems kyi ngo bo'o/ /de nyid ni rgya mtsho ste rdzings so/ /de'i mthar phyin pas pha rol tu son pa ste/ de nyid kyis na bden pa gzhan gyi rim pa la gnas pa'o/ /bya ba byas pa des rnam par gnas pa ste/ de nyid rnam par rtogs pa gnyis kyis ma bsgribs pa'i ye shes su bshad do/ /ji skad du/ gang zhig ji srid rnam brtags pa/ de srid thams cad brdzun pa ste/ de nyid bden zhing yang dag mthar/ gang zhig de nyid brtag mi bya zhes gsungs pa'o/ /mi gnas pa ni phyogs gnyi ga mi dmigs pa'i phyir ro/ /de dag nyid sangs rgyas zhes bya ba la sogs pa tshig rkang pa bdun gyi khyad par sngon to/ sgra gang skye med ces bya ba la sogs pa de nyid ni zung du 'jug pa'i ting nge 'dzin ston par byed pa'o/ /der mngon par 'dod pa gzhan ni med de/ lam 'dis bcom ldan 'das kyi phyag rgya chen po'i dngos grub brnyes par gyur pa'o/ /ji lta bu zhe na/ yod pa zhes bya ba la sogs pa smos te/ yod pa'i phyogs ni dngos por 'dzin pa'o/ /med pa'i phyogs ni skur ba 'debs pa ste/ de dag rnam par spang bas so/ /gang yang rnal 'byor ba 'di ni brtson bzhin pa yin na zung du 'jug pa'i go 'phang thob pa'i phyir/ spyod pa rnam pa gsum spyod pa/ de yang gnyis su med pa'i ye shes the tshom med par thob par 'gyur ba'o/ /ji ltar bdag nyid ces bya ba la sogs pas/ sems nyid med pa'i rnal 'byor ba'i spyod pa'i nan tan ston te/ de thams cad ni go sla'o/ /de ltar nyin mtshan du ye shes la mngon par brtson pa yid kyis sbas pa'i brtul zhugs 'dzin pa de/ phun sum tshogs pa thams cad rdo rje 'chang gi go 'phang thob pa'i mtshan nyid kyi 'grub pa zhes bya ba ni shin tu dge ba'o/ /bshad nas zhes bya ba la sogs pas ni dge ba'i rtsa ba yongs su sngo ba'i don gsal bar ston pa'o/ /rim
- 241a
pa lnga pa'i dka' 'grel don gsal ba zhes bya ba las zung du 'jug pa ste/ rim pa lnga pa'i 'grel pa'o// //thos pa rdzogs par byed pa shes rab ste/ /bsam pa dang ni gnyis pa yong gyur na/ /sgom pa la ni rab tu sbyor ba yin /de la dngos grub bla na med pa'o/ /blo dang ldan pas 'di ltar bsams nas ni/ /thog ma thos pa'i don la 'bad pa yis/ /rtag tu brtson par byed pa gang yin pa/ /de yis lag du dngos grub legs par thob/ /gang zhig tshig la the tshom za gyur pa/ /de yis don ni ci ltar rtogs par 'gyur/ /de rnams rmongs pa rnam par bzlog pa'i phyir/ /'di la bdag gis rnam par brtson par byas/ /rnam pa kun tu brjod par nus pa ni/ /de bzhin gshegs pa nyid kyi spyod pa'o/ 'on kyang blo glos sman pa rnams la ni/ /rnam par dbye ba tsam zhig bdag gis byas/ /'jig rten gang du nyi ma'i snang ba rgya/ /chen po mchod pas 'gro kun gsal gyur pa/ /srin bu me khyer lus kyi snang ba tsam gyis bya ba ci zhig byed par 'gyur/ /de lta na yang blo dang ldan pa gzhan dag gis ni gsol btab dka' 'brel 'dis/ rim pa lnga yi don ni gtan la phab cing rnam phyed 'phags rnams bzod pa bzhes/ /thams cad mkhyen pa'i gsungs rab blo dman rnams kyis bshad par nus pa min pa dang/ mkhas pa rnams kyis gzhung 'di rnam phye mthong min phyogs tsam bdag gis mthong bas na/ /ser sna dang ni mchog tu bral ba'i blo yis rnam bshad gang yin de yis ni/ /dam pa 'gro don yang dag brtson pa blo spyan rgyas pa rnams ni dbyes par mdzod/ /'di ltar man ngag gcig nas gcig tu yongs brgyud rim pa lnga po rnam bshad pas/ /gang zhig bsod nams ston ka'i zla ba dri med lta bu bdag gis thob gyur pa/ /de yi srid pa'i 'khor lor lhung gyur 'gro rnams rdzogs pa'i byang chub gyi/ /rtse mor rim lngas myur du phyin nas gsal zhing
- 241b
yid 'ong mdzes par bder gyur cig /ji srid mkha' la zla ba'i zer dang skar ma'i tshogs kyis mdzes par gyur pa dang/ ji srid mun pa'i tshogs ni rab tu myur 'joms nyi ma'i dkyil 'khor gsal ba dang/ /ji srid sa 'di rmad du byung ba'i gnas gcig ri rab gnas pa de srid du/ /de srid bde gshegs bstan pa dang ni dka' 'grel mchog 'di yun ring gnas gyur cig /rim pa lnga'i dka' 'grel don gsal ba zhes bya ba/ slob dpon chen po brtson 'grus bzang po'i zhal snga nas kyis mdzad pa rdzogs so// // rgya gar gyi mkhan po paN+Di ta birya b+ha drA nyid dang/ zhus chen gyi lo tsA ba 'bro dge bsnyen chen po shes rab brtson 'grus kyis bsgyur cing zhus te gtan la phab pa// //rim pa lnga'i dgongs 'grel zhes bya ba bzhugs/ !/ /rgya gar skad du/ /pany+tsa kra ma ma ta TI kA tsan+d+ra pra b+hA nA mA/ bod skad du/ rim pa lnga'i dgongs 'grel zla ba'i 'od zer zhes bya ba/ dpal rdo rje sems dpa' la phyag 'tshal lo/ /dgrol dka' snying gi mdung gdung bcad bya'i phyir/ /thub dbang sras de'i gnyis med bdud rtsi'i mchog /gsung gi thigs pas 'gro rnams reg bya'i phyir/ /skal ldan 'jigs med bdag gis 'bad par bya/ /'dir dpal ldan 'phags pa klu sgrub kyis dpal gsang ba 'dus pa la sogs pa'i rgyud kyi rjes su 'brangs nas go rim ji lta ba bzhin du zung du 'jug pa'i ting nge 'dzin rtogs te/ thugs rtse bas de nyid bstan par bzhed pas rim pa lnga'i don ji lta bar grub pas bsgrub par bya ba'i bcom ldan 'das rdo rje sems dpa' la phyag 'tshal ba ni khams gsum zhes bya ba la sogs pa'o/ /'dir rim pa dang po'i lus rnam par dben pa bstan nas gnyis pas ngag gi dben pa ste/ sems dben tsam gyi don du'o/ /sems kyi dben pa tsam nyid ni rim pa gnyis pa zhes bya bar brjod do/ /zhes gsungs
- 242a
pa'i phyir ro/ /gsum pa dang bzhi pa'i kun rdzob dang don dam pa'i rang bzhin dag gis ni sems dben pa'o/ /lnga pas bden pas gnyis tha mi dad pa'i phyir mthar thug sems rnam par dben pa nyid do/ /de'i nang du gtogs pa lus dang ngag rnam par dben pa yang ngo/ /gang gi phyir lus mthar thug pa la longs spyod rdzogs pa dang sbrul pa'i sku gnyis so/ /dag ni longs spyod rdzogs pa'i sku ste/ gsang sngags kyi thig bar longs sku ni dag gi ngo bor rnam par bzhag pa'i phyir ro/ / lus dang ngag 'di dag kyang sems kyi snang ba tsam ste/ sems lus lta bu dang/ sems tshig tu brjod pa lta bur skyed cig ces gsungs pa'i phyir ro/ /sems kyang bde ba chen po'i bdag nyid can mngon par shes pa dang stobs dang ma 'dres pa la sogs pa'i yon tan gyi rang bzhin kun rdzob kyang yin la/ rang bzhin med pa don dam pa yang yin te/ zung du 'jug pa'o/ /'di nyid sgrub pa po dbang po rab kyis bsgom pa yin no/ /chud du ni rim pa dang pos ji lta bar lha'i skur bsgom pa'i bdag nyid rim gyis sam/ cig car du 'od gsal du rab tu 'jug cing ldang ba dang/ rdo rje'i bzlas pa dang chung du'i chung du yis dag gi bzlas pa yang goms par bya'o/ /'di gnyi ga'i dbang du byas nas gsungs pa'i rdo rje'i bzlas pa ni rim pa gnyis pas rgyas par bstan to/ /blo gros 'bring gis ni skad cig ye shes rdzogs pa'i rnal 'byor rdzogs pa zhes brjod do/ /zhes gsungs pa'i phyir ro/ /skad cig gis sgyu ma'i rang bzhin lha'i skur bshad pa'i bdag nyid rim mam/ cig car du 'od gsal du 'jug cing ldang ba'o/ /de ni dang por bdag byin gyis brlab pa'i ming can kun rdzob kyi bden pa'i longs spyod rdzogs pa'i sku gnyis pa gsum pa bsgom pa'i phyir 'jug pa yin no/ /de'i rjes su kun rdzob kyi bden pa dang tha mi dad bsgom mi
- 242b
nus pas tha dad ltar rnam par bzhag pa'i rang bzhin med par rab tu 'jug pa dang/ bden pa gnyis tha mi dad pa'i tshul gyis ldang ba'i phyir slob pa'o/ /kun rdzob kyi ngo bo nyid rang bzhin med pa ni don dam pa ste rang bzhin gyis rnam par dag par 'od gsal du brjod pa yin gyi/ de tha dad par yod pa ma yin pas tha mi dad par bsgom par bya'o/ /'on kyang de kho na nyid bsgom pa kho nas sgrib pa glo bur ba'i tshogs ma lus pa zad par 'gyur bas 'od gsal gyi cha 'bad par bsgom par bya bar shes nas rim pa bzhi pa rang rim pa dang po la slob pa'o/ /de nyid kyi phyir dbang po rab kyis lha rnams bsgom pa dang/ rab tu 'jug cing ldang ba dang/ bzlas pa bzhag nas stong pa nyid kyi cha la 'bad de bsgoms pas/ ci zhig rdzogs pa'i lha'i sku zung du 'jug pa rgyud ma chad par bsgom pa'o/ de ltar 'di rnams gang zag tha dad kyi rim pa lnga yin no/ /kha cig ni gang zag gcig kho na dang po chung du yin pas bskyod pa'i rim pa bsgom pa sngon du 'gro bas 'od gsal la rab tu 'jug cing ldang ba dang/ bzlas pa'i rim pa dang po gnyis kyis goms par byas nas de blo gros 'bring du gyur te/ skad cig gis lha'i skur 'char ba de rim pa gsum pa dang/ bzhi pas rab tu 'jug cing ldang ba'o/ /de goms par rab tu gyur pa las zung du 'jug pa lha'i skur ldang ba nyid rim pa lnga pas so/ /zhes pa ni rnam par gzhag pa gnyis ba'o/ /gnyis ka la yang zung du 'jug pa'i bdag nyid kyis bcom ldan 'das rdo rje 'dzin pa gsang sngags kyi theg par sku bzhi'i bdag nyid du bsgrub par bya ste/ de nyid kyi phyir de la phyag 'tshal te/ de la khams gsum pa'i spyod pa las grol zhes pa mi 'dod pa dang/ gzugs dang gzugs med pa'i sems can rnams ni khams gsum pa ste/ de dag gi spyod pa ni gzung ba dang 'dzin par sgro gtags shing rab tu 'jug pa la sogs pa ste/ kun nas nyon mongs pa gsum gyi khongs su bsdu ba'o
- 243a
de las grol ba ni rten yongs su gyur pas rnam par byad pa mtshan ma med pa chos kyi sku'o/ /mkha' dang mnyam gyur ni 'dra bar rtogs pa ste/ 'dus ma byas pa dang rtags pa dang 'gyur ba med pa dang dbye bas dang kha dog la sogs pa dang bral ba dang/ rang bzhin gyis yongs su dag pa dang/ ro gcig pa nyid la sogs pa dang 'dra ba'o/ /phung po la sogs pa'i dngos po thams cad rten cing 'brel par 'byung bar dus byas pa kun rdzob kyi bden pa rnams kyi ngo bo ni don dam pa rang bzhin med pa'o/ /de bas na 'di rtag tu kun la khyab pa nyid du bstan to/ /dag cing ni nyon mongs pa'i sgrib pa dang bral ba'o/ /zhi ba ni shes bya'i sgrib pa spangs pa'o/ /dben pa ni de gnyi ga'i bag la nyal bcom pa'o/ /de ltar nyon mongs pa la sogs pa mi mthun pa'i phyogs thams cad zad pa'i rnam par byad pa la sogs pa'i yon tan gyi tshogs kyi mthar thug pa'i phyir mchog tu dge ba'i rang bzhin no/ /de ni nyan thos dang/ rang sangs rgyas dang/ byang chub sems dpa' i rtog pa lam rtogs pa 'dis bla na med par bstan to/ /de nyid kyi phyir rnal 'byor ba nyid yul te/ yang dag par rdzogs pa'i sangs rgyas rnams kho na'i 'o/ /ji ltar na sa bcu'i dbang phyug rnams kyi yul ma yin zhe na/ gsungs pa rtogs dka' ste/ rnam pa thams cad du mngon du ma gyur pa'i phyir ro/ /rtag par dka' ba ni bag la nyal dang bcas pa'i sgom pa lhun gyis grub pa'i yang yul ma yin no/ /rtag par dka' ba'i rang bzhin zhes bstod pa'i phyir ro/ /bdag gzhan rab phan zhes pa ni chos kyi sku nyid de/ dben pa las ni tha mi dad/ dben pa gang phyir 'dod pa yin/ /zhes bshad pa'i phyir longs sku'i rang bzhin dang gzhan gyi bla na med pa chos kyi bdud rtsi'i rol dga' bas longs spyod pa'i phyir ro/ /bdag dang gzhan la phan pa phun sum tshogs pa chen po'i rten gyur ces kyang
- 243b
bstod pa'i phyir ro/ /khyab cing de nyid de kho na bzhin du sbrul pa'i sku'i ngo bo ste/ mthar thug pa med par khams gsum gyi sems can re re la sbrul pa'i skus khyab pa'o/ /'phrin las khyab pa nyid kyi phyir sangs rgyas khyab pa nyid du brjod ces mngon par rtogs ba'i brgyan las gsungs so/ /mtshan ma med ni yod med dang/ gzung 'dzin dang rtag chad dang/ tha dad pa dang/ gcig la sogs pa skro btags pa'i bye brag ni mtshan ma ste/ de dang bral ba rang bzhin med cing spros pa dang bral ba'o/ /rgyal ba'i bde ba ni chos sku nyid lhan cig skyes pa'i bde ba dang tha dad med pa bde ba chen po'i sku'o/ /de bas na bde ba chen po'i tshul gyis mnyam med kyang yin la stong pa nyid du mnyam pa yang yin no/ /yod pa la sogs rtog pa rnams nyams pas mi rtog pa dang bden pa gnyis dang ro gcig pa zung du 'jug pa'i sku yin pas mi rtog sku gcig yin no/ /rdo rje'i theg pa 'dir bde ba chen po dang ro gcig pa'i longs sku yang bsod nams dang ye shes kyi tshogs kyi sprul pas sprul pa'i sku zhes rnam par bzhag go /sku gsum po de yang kun rdzob kyi bden pa ste/ de rang bzhin med pa ni 'od gsal chos kyi sku don dam pa'i bden pa'o/ /de ltar bcom ldan 'das kyis gsungs pa'i don sgron? gsal du bris pa ni/ sku gsum dag ni tha dad par/ /skyob pa yin ni yang dag bstan/ /rdzogs ba'i rim pa'i sbyor ba yis/ /rnam gcig tu ni gyur pa'ang yin/ /gang zhig sangs rgyas sku mtshan nyid/ /kun rdzob bden pa gsungs pa yin/ /de nyid rdzogs par sbyor gyur pas/ /'od gsal bas ni rnam dag 'gyur/ /tshig gi lam gyi yul 'di nyid/ /gtso bo ye shes sku rang bzhin/ /sems can kun la phan pa'i phyir/ /'ja' tshon bzhin du snang ba yin zhes so/ /de lta bas na bden pa gnyis ni bdag gcig pa nyid do/ ldog pa'i dbye bas sku bzhir rnam par bzhag go /la lar ni sku lnga ste/ gdul
- 244a
bya'i khyad par rjes su gzung ba'i phyir ro/ /zung du 'jug pa'i sku yongs su btags nas so/ /gang 'dis sprul bas sprul pa'i sku de yang stong pa nyid dang snying rje tha mi dad pa bde ba chen po dang ldan pa'i sems kyi rnam pa tsam yin pas longs sku ma gtogs pa sku gsum gyi bdag nyid du rnam par bzhag go /la lar ni gdul bya 'ba' zhig la sprul pa'i sku don dam pa'i sku gcig pur bstan to/ /de lta bu'i rang bzhin gyi bstod pa sngon du 'gro bas phyag byas nas/ 'jug pa'i yan lag yin pas brjod pas bya ba la sogs pa bshad par brtsams te/ dpal ldan zhes bya ba la sogs pa'o/ /drang ba dang nges pa'i don dang/ dgongs pas bshad pa dang/ dgongs pa ma yin pa dang/ sgra ji bzhin pa dang/ ji bzhin ma yin pa ste/ mdza' rnam pa drug go /snying po'i don can gyi gzhung rnams bsdus pa na paN+Di ta ste de nyung ba yin pas paN+Di ta'o/ /byang chub sems dpa' rnams kyi nyon mongs pa ni rnam par rtog pa yin pas/ rnam par rtog pa rnams dang rnam par rtogs pa'i bag chags rnams ni rnam rtog bag chags yin la/ sems nyon mongs par byed pas nyis pa ste/ nyon mongs pa dang shes bya'i sgrib pa'i rang bzhin 'dod chags la sogs pa'o/ /rnal 'byor ni thabs dang shes rab snyoms par zhugs ba ste/ rgyud ni bstan par bya ba yin pas rgyud thams cad 'bras bu'i bdag nyid can no/ /'dis ni snying po bsdus pa'i dngos grub thams cad bsdus pa'i rnal 'byor gyi rgyud 'di'i brjod bya dang/ de nyid bstan pa'i dgos pa dang/ dgos pa'i dgos pa ni sgrib pa gnyis byang ba dang/ de'i 'bras bu'i rgyud rtogs par bstan pa'o/ /des ni byang bar bya ba'i phyir rnal 'byor gyi rgyud spros pa dang bcas pa dang spros pa med pa dang/ shin tu spros pa med pa'i spyod pa rnams
- 244b
spyod cing bde bas bsgom par bya'o/ /zhes gsungs te/ 'dod pa lnga ni zhes bya ba la sogs pa'o/ /rdo rje'i theg pa 'dir sdom pa ni rdo rje sems dpa' i sdom pa'i mi phyed pa ni bsgom pa las mi dge ba'i bshes gnyen dag gis so/ /stong pa dang ro gcig pa'i phyir 'di'i sku gsung thugs rdo rje yin pas sku gsung thugs kyi rdo rje ste rdo rje 'dzin pa'o/ /zhe sdang zhes bya ba la sogs pa ni 'dir sgrub pa pos dang por snying gar nyi mal gnas pa'i sa bon hUM gi 'od zer de dag gis 'og min nas dkyil 'khor sa bon dang bcas pa'i rdo rje 'chang spyan drangs la mdun gyi nam mkha' la bltas te/ sa bon las byung ba'i me tog la sogs pa dang/ gzugs rdo rje ma la sogs pas yang dag par mchod de/ sdigs pa bshags pa la sogs pa nas stong pa nyid kyi bar du bsgoms la sems las byung ba'i sna tshogs pad+ma la gnas pa'i yi ge A(rgyud 'grel): las byung ba'i nyi ma la b+hUM ser po las byung ba'i 'khor lo ser po rtsibs bcu pa g.yas bskor du 'khor bar bsams te/ de'i lte bar bdag nyid skad cig gis rdo rje sems dpa' sku mdog dkar po zhal gsum phyag drug pa rang snang gi shes rab ma dang ldan pa/ dang po'i mgon po 'og nas 'chad pa'i phyag mtshan can du mos nas/ rang gi snying ga'i sa bon gyi 'od kyis 'chad par 'gyur ba'i dkyil 'khor spyan drangs la/ kha 'om dag pa'i sgo nas rab tu zhugs te/ rdo rje'i lam nas 'thon nas/ lha mo'i pad+mar badzra d+h+rig dang/ hUM bcu'i tshul du spros te/ thugs kyi rdo rjes gtso mdzad pa'i khra bo gzhug par bya'o/ /de bzhin gshegs pa la sogs dang lha mo rnams la gsol ba btab pa ste spyan drangs nas dbang bskur la rgyas btab par bsam par bya'o/ /'dir stong pa dang snying rje'i rang bzhin rdo rje sems dpa' dang mi bskyod pa gnyis tha mi dad kyang gzhan don byed pa'i gtso bo snying rje yin pas 'dir dkyil 'khor gyi gtso bo ni mi bskyod pa'o/ /de yang stong pa
- 245a
nyid la dbang nyid kyis gzhan don byed pa'i phyir rdo rje sems dpas rgyas btab pa'o/ /gang gi tshe rdo rje sems dpa' gtso bor gyur pa de'i tshe mi bskyod pas rgyas btab pa'o/ /de bzhin gshegs pa rnam par snang mdzad la sogs pa gang yang rung ba gtso bo yin na yang ngo/ /de bzhin gshegs pa lnga'i ral pa'i thor tshugs la rdo rje 'dzin pa bdag por bsgom zhes bya ba ni sgron gsal du lugs gzhan gsungs pa'o/ /lha rnams la rang rang gi rigs kyi rgyas btab pa ni rdzogs pa'i rnal 'byor gyi phreng ba la gsal lo/ /'dir dkyil 'khor gyi gtso bo nyid yum dang bcas pa nyid 'di tsam gyis dkyil 'khor rgyal po mchog ces bya ba'i ting nge 'dzin ni gnyis pa'o/ /sna'i rtse mor ni mi'i sna ste/ de la yud 'bru ni byang chub kyi sems de g.yo ba'i phyir dang/ yud 'bru'i tshad tsam yin pa'i phyir ro/ /g.yo ba ni lha'i 'khor lo'o/ /mi g.yo ba ni gzhal yas khang ngo/ /'jig rten las 'das pa'i ye shes kyi gnas ni rgyu'o/ /mchog ni mja' tshon lta bu yin pas so/ /gsang ba ni phyi rol gyis brtags pa'i rnal 'byor la zhen pa rnams la bstan par mi rung ba'o/ /shes pas brtags pa ni shes pa nyid du bsam pa ste/ yid kyi rang bzhin zhes bya ba'i don to/ /gnyis pa phra ba'i rnal 'byor bshad par bya ste/ lnga pa lhan cig skyes pa ni rigs lnga'i kha dog gang yang rung ba'o/ /rin chen zhes pa ni yid bzhin gyi nor bu rin po che lta bu dgos 'dod 'byung ba'i phyir te/ rang gi lha'i gtso bo phyag mtshan g.yas pa'i dang por bshad pas so/ /sna ni sna'i dbang po ste rin chen zhes bya ba ste mes bstan par gyur na phyag mtshan dang des nye bar mtshon pa'i brtan pa dang g.yo ba las sangs rgyas kyi tshogs gzhan du spro bar bya'o/ /zhes bya ba'i tha tshig go rang gi 'od zer 'bar ba dang mnyam pa'i
- 245b
'od zer gang yin pa de sangs rgyas gang la yod pa'o/ /de ni rdo rje'i bzlas ba bshad par bya ste/ slong mo zhes bya ba'i drang don ni go sla'o/ /nges pa'i don ni gang la yi ge tha dad par yod pa de ni b+hik+Sha ste/ brjod par bya ba'i sngags kyi bdag nyid can no/ /de la mngon du phyogs ba'i bzlas par mi bya'o/ /gal te bzlas na de'i tshe de la chags par mi bya'o/ /sngags ni yi ge gsum ste/ 'chad bar 'gyur ba'i rim pas bzlas so/ /yan lag nyams pa ni thabs dang shes rab tha mi dad pa'o/ /dag gi bzlas pa bshad pa ni brjod nas zhes bya'o/ /rdo rje ni yi ge gsum la sogs pa'i sngags te/ lhag pa'i lha spro zhing dag tu bzlas so/ /bzlas pa'i rjes la spros pa'i lha rnams rang la bsdu'o/ /don dam ni mchog gi zhi ba la sogs pa ste/ de'i ched du'o/ /sgron ma gsal bar gzhan du bshad pa'i de ni tshigs su bcad pa gzhan gyi ste/ 'phags pas gsungs pa'i ngag gi bzlas pa'i tshig le'ur byas pa'i ma yin no/ /gzhug par bya zhes pa ni rim mam cig char gyis so/ /drod gsher las skyes pa'i rnam par dag pas zhu ba'i thig le'i tshul de bzhag go /zhes zer ba ni dbugs rlung bzhin du kun tu mi dmigs pa'i ming can yang dag pa'i mdza' rab tu bzhag go /zhes bya ba'i don mi shes pa kho na'o/ /khyod ces pa ni mdun du bzhugs pa lta bur bsams la spyan mas bskul bar ro/ /rdo rje'i thugs ni sems la dbang thob pa'i phyir ro/ /gnas kyi dbang phyug ni dus gsum du chos kyi rgyal por 'gyur ba'i phyir ro/ /sems can gyi khams ni 'byung po thams cad kyi rang bzhin yin pas so/ /dga' ba ni rol pa ste/ de la spro ba bskyed pa'o/ /don chen ni lhan cig skyes pa'i dga' ba ste/ 'dod pa ni bskyed pa ste/ 'khyud pa la sogs pa'o/ /'dir rten gsol zhes pa ni dga' bar gyis pa'o/ /yab gcig ces pa ni sems can thams cad skye ba'i rgyu yin pa'i phyir ro/ /
- 246a
gnyen mchog chen po ni sems can thams cad la phan par mdzad pa'i phyir ro/ /mA ma kIs bskul ba ni nyams pa med pa'i rdo rje'i sku'o/ /sku ni sems can kun la phan pa'i rjes su bstan pa gang yin pa'o/ /ma ni phung po lnga ste/ de dag don ni kun rdzob kyi bden pa'o/ /byang chub ni don dam pa'i bden pa'o/ /mchog tu ni de bden pa gnyis kyi sbyor ba las byung ba'i bde ba chen po'i snying po'o/ /sems can rnams la bstan pas phan par ston pa'o/ /chags pas ni chags pa rnam par sbyangs pa'i rnam pa'o/ /chags pa'i dam tshig ni chags pa la spyod pa'o/ /gos dkar mos bskul ba sems can gyi khams kun la dga' ba'i spyod pas sems can gyi khams kun tu bzang po ni dge ba gang las so/ /sgron mas rdo rje'i 'dod pa'i ni sems can thams cad dga' bar byas pa'i phyir ro/ /dam tshig ni las kyi rigs can rnams te/ de'i mchog yin no/ /gdung mchog ni bya ba grub pa'i ye shes nyid kyis 'gro ba'i don mdzad pa'o/ /yon tan gang gis phyir dga' ba dang dga' bral dang dga' ba bar ma 'od gsal gyi ye shes bdag gis bskyed pa yin no/ /de ltar tshangs pa'i gnas bzhi'i rang bzhin gyi lha mo rnams kyis bskul ba dang/ sngon gyi smon lam gyis stong pa nyid kyi sbyor ba las bzhengs pa'o// nyon mongs pa rnams kyis 'di'i rdo rje'i thugs bskyod mi nus pas mi bskyod rdo rje'o/ /ye shes chen po ni stong pa bzhi'i bdag nyid yin pas so/ /mi bskyod pa la sogs pa'i rdo rje 'dzin pa rdo rje dbyings so/ /bden pa gnyis mkhyen pas mkhas pa chen po'o/ /sku dang spros pa dang don dam gyi rang bzhin pas dkyil 'khor gsum mo/ /sku gsung thugs rdo rje'i mchog yin no/ /gsang ba gsungs shig pa'o/ /rnam par snang mdzad ni 'od gsal gyi mes snang bar mdzad pa'o/ /de nyid kyi phyir dag pa chen po'o//
- 246b
rdo rje ni de bzhin gshegs pa rnams te de rnam bar dag pa'i tshul gyis zhi ba ni drug pa'o/ /dges chen zhes pa ni mchog tu dga' ba'i rang bzhin yin pas so/ /rang bzhin gyis rnam par dag pa'i chos kyi mchog rnams ston cig kye'i rdo rje zhes pa'o/ / rin chen rgyal po ni rin chen gyi rigs can rnams la dga' ba bskyed pa'o/ /rab tu zab pa ni mnyam nyid kyi ye shes ngo bo yin pa'i phyir ro/ /de nyid kyi phyir rdo rje nam mkha' dri ma med de/ gdong nas dag pa'i phyir rang bzhin gyis yongs su dag pa'o/ /chos thams cad kyi ma rig pas gos pa med pa'o/ /dpag med rdo rje rgyal po che zhes pa ni rigs lnga'i rigs rnams la dbang chen por gyur pas so/ /'dod chags ni zhen pa ste/ de'i pha rol tu byin pa'o/ /don yod rdo rje rdzogs sangs rgyas ni don yod grub pa'i rigs can rnams kyis bskur ba'i phyir ro/ /dag pa'i ngo bo nyid ni 'od gsal te de las byung ba'i phyir ro/ /bstod nas ni bdag nyid bstod du bcug pa dang/ lha mo rnams kyis mchod du bcug nas so/ /rjes chags shes pa ni spros nas lha mo'i 'khor la 'khyud de bde ba chen po dang ldan par byas nas dkyil 'khor gyi 'khor lo'i de kho na nyid kyi mchog 'od gsal dang ro gcig pa bde ba chen po'i rang bzhin ni dkyil 'khor ba rnams yongs su dag pa'i phung po la sogs pa'i rang bzhin la bstan nas so/ /'khor lo ni rnam par snang mdzad la sogs pa'i dkyil 'khor ba rnams te/ de rang gi lus la rab tu gzhug pa'o/ kha cig pu ni de dang bcas pa'o/ /rang gi snying ga na gnas pa'i yi ge hUM spros te/ yongs su gyur pa las sems can rnams rdo rje 'dzin pa'i rang bzhin du bsams la/ de'i yid dang ldan pas spyad do zhes thams cad gyi don bsdus pa yin no/ /hUM nyid snying po bskyed pa'i rgyu yin pas hUM gi snying po'o/ /da ltar 'dir drod gsher las skyes pa'i rnam par dag pa bstan pa'o/ /ting 'dzin ni mgo steng gi nam
- 247a
mkha' la oM las byung ba mgo thur du bstan pa'i yi ge oM gyis brlabs pa'i zla ba'i dkyil 'khor la bdud rtsi'i rgyun gyis bdag nyid gsos gdab par bya'o/ /zan la sogs pa bdud rtsi lnga dang sgron ma lnga'i rang bzhin yi ge oM gyis mtshan pa'i thod pa'i nang du bsams pa ste/ steng du hUM las byung ba'i mes bzhu zhing bskol ba dang/ A(rgyud 'grel): yig gis dri ma med par byas nas ye shes kyi bdud rtsi'i rang bzhin du mos pa ni kha zas spyad ba'o/ /dung zhes pa ni dung dmar po'i rnam pa can gyi mgrin pa bsams nas de'i steng du pad+ma'o/ /sprin gyi sgra ni yi ge hUM ngo/ /bsreg pa ni bdud rtsi myang ba'o/ /de nas rlung gi mi bskyod pas chu bskol te des kyang kha zas bzhu nas zas de yang steng 'og gi rlung kha sbyor gyis yongs su bsgyur ro/ /de'i snyigs ma ni thal ba bzhin 'thon pa de tsam gyis las kyi rgyal po mchog ces bya ba ting nge 'dzin gsum bstan to/ /da ltar bskyed pa'i rim pas grub pa'i rdo rje 'chang gi skur lhag par mos pa tsam ni lus kyi dpon dang gsungs so/ /'di ltar skabs dang por yang rang bzhin gyis yongs su dag pa'i de bzhin nyid kyi bdag nyid du mos par bstan par nus kyang/ sgrib pa rnam par dag pa'i de bzhin nyid kyi bdag nyid du mos pa ni mi nus so zhes dgongs nas spyod bsdus kyi lus rnam par dben pa'i le'ur bdag rang bzhin gyis yongs su dag go zhes rang nyid bstan par bskyed nas/ rdo rje gsum mi phyed pa'i bdag nyid can gyi rdo rje 'chang chen por lhag par mos pa ni byin gyis brlab pa'i 'byor bas brjod do/ /zhes gsungs so/ /gang gi phyir skabs 'dir phal cher lus la bems po'i rdul phra rab kyi phung po'i rang bzhin du 'khrul pa ni rang ga'i 'byung la/ rang bzhin gyis rnam par dag pa'i de kho na nyid kyi bdag nyid yid kyi skur lhag par mos pas shin tu 'bad kyang brgya lam tsam
- 247b
las mi 'byung bas chung ngu yin la/ mi brtan pa'i rang byin gyis brlabs pa'i rnal 'byor du brjod do/ /de bas na 'di med pa dang mtshungs pas spyod pa bsdus pa'i le'u drug pa las gsungs pa/ lus kyi dben pa la lha'i sku med de zhes pa ste/ rdo rje gsum mi phyed pa yid kyi sku'o/ /zhes bya ba mdor bsdus pa'i dgongs 'grel lo// //rdo rje bzlas pa'i zhes pa ni ngag tu brjod par bya ba ni ma yin pa dang/ gzhan gyis mi phyed cing stong pa nyid dang ro gcig pa'i phyir rdo rje'i bzlas pa ni yid kho nas bsams par bya ba'i phyir ro/ /de la goms pa'i rim pa ni bskyed pa'i rim pas mdor bsdus pa'i rim pas spros pa dang bcas pa'i bsgom pa las byung ba'i lha'i sku 'khor dang bcas pa ste/ rdo rje bzlas pa'ang de ltar bsgoms pa goms shing dang por de'i yan lag tu bshad pas bskyed pa'i rim pa rnam par bzhag go /'di ltar spyod pa bsdus pa'i ngag dben gyi mthar nye bar bzhed pa de ltar gsung gi rdo rje'i ting nge 'dzin la gnas pa'i bskyed pa'i rim pa las 'das nas sems kyi dben pa rjes su tshol lo zhes bya ba'o/ /skad cig gis yongs su rdzogs pa lha'i skur skad cig gis dmigs pa ni rdzogs pa'i rim pa ste/ de la bltos pa nyid kyis spyod bsdus las/ ngag gi rnam par dben pa ni bskyed rim la spyod pa rnams kyi spyod yul ma yin no/ / zhes gsungs so/ /rnam pa thams cad kyi rdzogs pa'i rim pa ni zung du 'jug pa'i sku nyid do/ /de bsgom pa'i thabs yin pa dang/ skad cig gis rdzogs pa'i tshul du bsgom pa'i phyir rdo rje'i bzlas pa dang/ sgyu ma lta bu'i lha'i sku dang/ 'od gsal ba rab tu 'jug ba ni rdzogs pa'i rim pa'o/ /'di ltar skad cig gi lha'i bdag nyid du sgyur bas dang po bya ba dang/ smra ba la sogs pa dang/ zhi ba la sogs pa'i las kun byed pa'i snying dang/ gshang lam dang/ lte ba dang mgrin pa dang/ lus thams cad la gnas
- 248a
ba'i srog rlung dang thur sel dang mnyam gnas dang/ gyen rgyu dang khyab byed kyi bdag nyid can dang/ mig gi dbang po la sogs par gnas pa'i ni klu dang/ rus sbal dang rtsangs ba dang/ lha sbyin dang/ nor las rgyal dang/ rnam pa bcur 'gyur ba'i rnam shes rlung gi de nyid blta bar bya ste/ de yang kun rdzob dang don dam par ro gcig tu gyur pa'i yid kyi rang bzhin byang chub sems de nyid dgongs pa lung ston du gsungs pa/ rlung ni byang chub sems yin te/ /nam mkha' las ni rnam gnas pa/ /zhes so/ /yang 'di ni byang chub sems kyi ngo bor 'di/ /phung po la sogs gnyis su med dang mnyam/ /shes rab thabs gcig sbyor ba yis/ /'gro rnams byang chub sems su 'gyur/ /zhes pa'i ji ltar phung po la sogs pa'i gnyis su med pa'i sems yin pa de ltar rlung yin no/ /de'i rjes su ji srid 'jig rten brda rnams ni/ /de bzhin sna tshogs rtag pa rnams/ /byang chub sems la byung ba de/ /rtag tu rnam rtog rlung la sogs/ /zhes dgongs pa lung ston du gsungs pa'i phyir ro/ /rnam par rtog pa'i rgyu rlung yin pas nang du rtog pa'i bdag nyid can ni rdo rje'i bzlas pa yin no/ /de ni oM A(rgyud 'grel): hUM zhes pa yi ge gsum dbugs rdub pa dang gnas pa dang 'byung ba'i rang bzhin du yongs su shes pa sngags kyi dmigs pa gang yin pa de la slob pa yin no/ /de la brtan pa thob nas sems kyi dmigs pa ji lta ba bzhin du yongs su shes pa ste/ des lus dang ngag dang sems kyi mtshan nyid rnams su shes rab dang thabs dang dmigs pa'i shes pa rnams ro gcig pa'i tshul du yid kyi rang bzhin lha'i sku sgyu ma lta bu'i ting nge 'dzin kun rdzob kyi bden pa lus ngag yid kyi dmigs par nges par spyod do/ /thob pa'o/ /de bag chags dang bcas pa rnam par sbyad ba ni 'od gsal
- 248b
don dam pa la 'jug pa'o/ /de nas kun rdzob kyi bden pa dang don dam pa'i bden pa gcig tu byas bar rgyu med pa'i ye shes kyi rang bzhin rdo rje lta bu'i ting nge 'dzin zung du 'jug pa'i rgyun gyi rim pa ni rdzogs pa'i sbyor ba'o/ /de yang mthar thug pa'i 'khrul pa'i bdag nyid can ni/ /rdo rje 'dzin pa'i sa la'o/ /dang por rgyu'i skabs su ni de'i mos pas sgom pa'i phyir rdzogs pa'i rnal 'byor du brjod ces bya ba ni rgyud pa dang bcas pa'i bsdus don yin no/ /sna'i rtse mor ni sna'i dbang po'i bu khar ro/ /'gro ba yin pas na yungs 'bru tsam yin pas yungs kar phra bar 'dra bas rlung yin no/ /'gro ba ni yi ge A(rgyud 'grel): yin no/ /ye shes gnas ni snang ba dang/ gnang ba mched pa dang/ snang ba thob pa'i shes pa gsum gyis sbyor bas so/ /mchog ni dkar po la sogs pa'i kha dog dang ldan pa'i phyir ro/ /gsang ba ni lnga'i bskyed pa'i rim pa tsam bsgom pa rnams kyi yul ma yin pas so/ /ye shes brtags ba ni 'od gsal gyi ye shes kyi rang bzhin yin pa'i phyir ro/ /kha dog lnga ni rnam par snang mdzad la sogs pa de bzhin gshegs pa'i rang bzhin me long lta bu'i ye shes la sogs pa lnga'i rang bzhin yin pa'i phyir ro/ /rin po che zhes pa ni rlung brtan par 'gyur bas na yid bzhin gyi nor bu lta bur dgos 'dod 'byung ba'i phyir dang/ de bzhin gshegs pa lnga'i rang bzhin yin pa'i phyir ro/ /snying po las shes pa ni lus rnam par dben pa las so/ /ye shes lnga'i ngo bo ni rlung brtan par gyur na rim pa phyi ma phyi ma la goms pas me long lta bu'i ye shes la sogs pa skye bar 'os pa'i phyir ro/ /skyes na ni de'i ngo bo nyid du 'gyur ro/ /nyid ces pa ni rlung gi ngo bos so/ /dbus na ni de dang bdag gcig pos lha ni ye shes gsum ste/ /sngags dang lha tha mi dad par mos pa'i phyir ro/ /mi gsal ba ni don dam par rang bzhin med pa'o/ /gsal ba ni kun rdzob du'o/ /gso bar byed pa ni dbugs te/ steng du gnas pa'i rlung yin no/ /de dbang po gnyis sprad pa'i sbyor bas 'dod chags
- 249a
chen po'i mes zhu nas rdo rje'i lam nas 'thon te/ shes rab ma'i pad+ma'i rtse mor byang chub kyi sems thig le'i tshul du ltung ste/ gang bskyed pa'i rim pa bsgom pa pos rdo rje sems dpa' i tshul du bsgom pa'o/ /rlung de nyid steng ni sna'i bu ga nas dkyil 'khor bzhi'i rim las 'byung ba ni srog rtsol zhes brjod de/ /'tsho bar byed pas srog kyang yin la/ snang ba gsum gang yang rung ba'i rang bzhin gyi bye brag spro ba sems kun nas sdud pa ni rtsol ba yin pa srog rtsol te/ rlung yin no/ de nyid gsungs pa/ rlung gi gang dang gang du gnas/ /rang bzhin de dang der 'gyur ro/ /zhes so/ /srog ni tshe ste rtsol ba ni de ring du gang gis gtong ba de ni srog rtsol gyi rlung zhes sgron gsal du gsungs so/ /de la srog dang sems dang 'tsho ba rnams ni rnam grang ste/ gang gi phyir srog ni sems su 'dod ces rgyud las gsungs pa'i phyir ro/ /dbugs de nyid bstan par bya ba'i phyir/ snying gar rang gi sngags ting nge 'dzin sems dpa' bsams la/ de'i thig le'i steng du nA dA'i rnam pa'i rang bzhin gyi sems ni yid gyi ngo bor bsam par bya'o/ /'di srog rtsol gyi yan lag bshad zin to/ yan lag drug kyang 'chad par 'gyur ro/ /nges par 'byung ba ni srog rtsol lo/ /lkog ma dang lte ba dang gsang ba'i pad+mar 'gro ba dang 'ong ba ni phal cher shas che ba'i me dang chu dang rlung dang sa'i dkyil 'khor gyis dbye bas rim pa nye bar na tshon pa gnas pa yang ngo/ /'od ni 'od kyi bdag nyid can gyi rlung yin no/ /sna'i bu ga g.yas pa'i ngos kyi steng du rgyu ba'i rlung ni me'i dkyil 'khor gyi rang bzhin no/ /g.yon gyi ngos su thad kar rgyu ba ni rlung gi 'khor lo'o/ /drang po gnyis ka las rgyu ba ni sa'i 'khor lo'o/ /'og tu rgyu ba ni chu'i 'khor lo'i rang bzhin lus thams cad la khyab par byed pa'i rlung gang yin pa de ni bde ba skyed pa'i 'os su gyur pas bde ba'i tshul du nam mkha' i rang bzhin te/ de'i cha re re'i 'od zer dkar po'i ngo bo ni mngal nas phyir 'byung ba nas brtsams nas sa la
- 249b
sogs pa'i 'khor lo bzhi'i gang yang rung ba'i sna'i bu ga gnas byung ba dang lhan cig 'gro'o/ /spyod pa bsdus bar 'di kho na bzhin du gsungs te/ de bzhin gshegs pa lnga'i kha dog can gyi 'od zer rnams 'byung ste/ nam mkha' i khams kyi dkyil 'khor phyis la sogs pa'i khams bzhi la khyab pa'o/ /rlung bcu po ni 'byung ba dang rdub bar 'gyur zhing 'khor lo bzhi'i bdag nyid can 'byung ba lnga'i ngo bo nyid ces bya'o/ /shi ba'i lus la ni khyab byed thams cad nges par 'thon la/ nam mkha' i dkyil 'khor ni sa la sogs pa'i dkyil 'khor bzhin du rang dbang gis tha dad du 'byung ba ni ma yin no/ /gzhung gzhan du byung nas tha dad du nam mkha' i dkyil 'khor bstan pa ni mu stegs rnams gdul ba'i don du drang don te/ dper na snod kyi 'jig rten gyi tshad bstan pa lta bu'o/ /'di yang rgyas par brgyud pa'i snye mar nges par dpyad zin to/ /rtog ge rnams ni snying rlung can no/ /rnal 'byor byis pa ni bskyed pa'i rim pa'i lha tsam sgom pa rnams so/ /bdag nyid ni rdo rje 'dzin ba chen po ste/ de'i sku las yi ge oM dang/ gsung las yi ge A(rgyud 'grel): dang/ thugs las yi ge hUM ngo// tshig gi lam ni zhal te nges par brjod pa ni gsungs pa'o/ /sngags ni pho mo 'am ma ning gi rang bzhin gyi yi ge rnams te/ de gang du btus par gyur pa rnams ni sngags btus pa'o/ /de ni yi ge oM la sogs pa rnams kyi sku'i rdo rje la sogs pa ste/ de rtogs pa ni stong pa nyid dang ro gcig pas rgyun mchad par spro ba'i dus gsum du bzhugs pa'i de bzhin gshegs pa rnams brtags pa ni rang bzhin med par rtogs pa rdo rje'i bzlas pa ste/ 'dis rang bzhin med pa'i bsgom pa kho na la 'bad pa'i phyir ro/ / tshig 'dis don rtogs pa ste 'dir ngag yin no/ /dpal ldan ni phyag na rdo rje'o/ /sems can thams cad ni khams gcig rigs dang skye gnas kyi dbye bas dpag tu med de de'i tshul gyis 'byung ba'i tshul ni kun rdzob pa ste/ don dam par
- 250a
rang bzhin med pa'o/ /de bas thabs dang shes rab tha mi dad pa'i byang chub kyi sems dang/ de kho na nyid zung du 'jug pa'i bdag nyid can rdo rje 'dzin pa chen pos de rtogs pa yin pas de bstan par gsol lo/ /rgyud gzhan du bstan zin mod ces pa la lan gsungs pa/ sgrub pa zhes bya ba la sogs pa ste/ dgongs pa ma rig par khyab bdag gi gsung ngag gang yin pa de ni bdag nyid kyi ste dbang du byas nas 'di gsungs pa yin la/ bdag kho nas gsang ba'i don 'di rig pa yin gyi gzhan gyis ma yin no/ /zhes pa'i tshig ni de bzhin gshegs pa'i gsung 'jig par byed do/ /'di ltar mthar thug pa'i zung du 'jug pa ni de bzhin du lhag par mos pa dang de rtogs pa'i thabs brjod pa la sogs pa byang chub kyi sems su yang gsungs te/ de las gzhan ni ma yin no zhes pa ni dgongs pa'o/ /de nyid gsal bar byed pa ni mi rtogs zhes bya ba la sogs pa ste/ som nyid med pa'i tshul gyis so/ /thun mong ni gzhan dag gis kyang thos pa'i phyir ro/ /rgyas par bshad cing yi ge gsum bsdus te dang po zhes bya ba'o/ /dang po yang yin la gcig kyang yin pas a'o/ /'chad par 'gyur ba'i sde tshan dgu yi ge bzhi bcu zhe dgu'i bdag nyid can gyi bcu tshan bzhi dang yi ge brgyad kyi dbus ma byas pa ni yi ge ha'o/ /dang po'i gcig po de dang yi ge ha ni bcings med ces par bya'o/ /dbyangs yig bcu drug ni sde tshan dang po'o/ /da nya Na na ma zhes lnga'i lnga pa ni yi ge ma'o/ /de ltar byas pas bzhi dang gsum ni gsum ste de dag sbyar ba ni 'brel par bya'o/ de la dang por a ur ma yi ge rnams so/ /dbus su yi ge a gnyis dang tsheg drag dang ma ste bzhi'o/ /tha mar ha u ma rnams so/ /dbus su a tsheg drag gcig byas nas re re la gsum gsum ste/ sku gsung thugs bstan pa'o/ /sku gsung thugs ro gcig tu gyur
- 250b
pa ni thig le la sogs pa dang bcas par byed pa'o ring po ni dbus su a yig go/ yon tan ni dang po'i a la o yig go /sbyor ba ni ha dang a'u'o/ /bsrub pa ni yi ge u dang dbus su a gnyis dang klad kor ro/ /des phan tshun du ma 'brel par bstan to/ /ji ltar zhe na/ gsungs pa/ thung ngu zhes pa ste/ gang gi phyir a'i sbyor ba'i yi ge rnams phan tshun tha dad du brjod par nus kyi gzhan du ni ma yin no/ /de'i phyir a yig gi khyab pa'i phyir du ma yin rang gi mtshan nyid tha dad pas gcig kyang ma yin to/ /yi ge don dam par skye ba med cing rang bzhin med pa'o/ /des khyab pa'i ngag gi rang bzhin thams cad kyang stong pa nyid kyi ngo bo ni dgos pa'o/ /stong pa nyid las byung ba'i spros pa med pa'i sngags btu ba yang bstan to/ /sngar bshad pa'i gsal byed rnams kyi dbyangs yig rnams te mo rigs so/ /mngon par phyogs pa ni ka la sogs pa'i pho'i ming rnams so/ nga nya Na na ma/ ri rI lI lI rnams ni ma ning du rnam par bzhag go /sgra'i bstan bcos las ni rnam par gzhan du bshad do/ /de ltar btus pa'i yi ge gsum 'og ti tha mar hUM dang/ steng gi thog mar oM dang/ bar du A(rgyud 'grel): zhes pa rim pa bzhin du brjod par bya'o/ /de ltar brjod pa'i sngags kyi yid kyi bzhon par 'gyur ba'i nA da don dam pa rang bzhin med pa las byung ste/ byang chub sems kyi bdag nyid can no/ /des rgyu bzhin du sngags thams cad kyang bden pa gnyis tha mi dad par rtogs shing zlos te gzhan du 'dod pa'i don mi 'grub po zhes dgongs pa yin no/ /de nas ni sngags bzlas te/ bskyed rims bsgoms nas gzugs ni sku'o/ /lha'i sku gang du nye bar dmigs pa'i ming can te/ bden pa gnyis las tha ma dad pa'i byang chub sems dpa' o/ /de nyid gsum ni yi ge gsum las te/ bdag gcig pa'i tshul du gnas pa ste sngags kyi de kho na byang chub sems so//
- 251a
a ni gzhom du med pa'i nA da ste/ de'i tshul gyis gnyis su med yi ge snying khar gsal bar bsgom pa na thugs su 'gyur ro/ /rdo rje snying po'i brgyan las kyang/ /mar me lta bar 'bar ba yi/ /snying ga'i dbus su gzhom du med/ / yi ge mchog tu phra pa ste/ a yig mchog tu gtso bo yin/ /zhes gsungs so/ /chos thams cad kyi sgo ni yi ge a ste/ gdod nas ma skyes pa'i phyir zhes gsungs so/ /zhes bya ba 'dis bsam gtan thams cad kyi sgo sa bon gyi gnas su bcom ldan 'das kyi a yig gsungs so/ /gzhon du med ni dngos po dang dngos po med pa la sogs par sgro 'dogs pa'i spros pas gzhan du med pa'o/ /yi ge ni nyams pa med pa ste/ don dam par skye ba dang 'gag par med pa'i phyir ro thabs dang shes rab kyi bzhi ni bden pa gnyis dbyer med pa'i phyir gnas so/ /lan lag ma nyams pa ni rlung dang tha mi dad par ro/ /des rdo rje 'dzin pa'i rnal 'byor dang ldan pas snying ka'i a yig na de'i steng du yi ge a gnas la yi ge oM gyis sems can rnams sangs rgyas par byas la/ sna bug las nA da de nyid la rab tu 'jug ste/ sangs rgyas par gyur pa'i sems can de nyid la spro ba'i yi ge hUM gis stong par byed do/ /de la 'jug pa gnas pa ldang ba'i byang chub kyi sems kyi bdag nyid can oM A(rgyud 'grel): hUM zhes bya ba rim pas bsgoms par bya'o/ /gos dkar la sogs pa ni gos dkar mo dang/ sgrol ma dang/ spyan ma dang/ mA ma kI dang/ me rlung sa chu'i dkyil 'khor gyi rang bzhin rnams so/ /so sor byung ba las ni 'byung ba rnams kyi grangs byed pa'o/ /'dir sa chu me rlung gi dkyil 'khor bzhi'i grangs sor gnyis brgya lnga bcu ste/ thun phyed la dbugs dgu brgya rgyu'o/ /khar yang 'pho ste thun phyed la bzhi'o/ /de ltar thun phyed nyi shu tsa bzhi
- 251b
la dkyil 'khor bzhi'i 'pho ba ni nyi shu rtsa bzhi ste/ nyin zhag gcig la nyi khri gcig stong drug brgyar 'gyur ba ni bzlas ba'i grangs so/ /'dir la la na re sna bug gcig las bar ma chad par rlung 'pho ba gnyis rgyu la/ de'i rjes su 'pho ba gcig tu bshad pa ni mgrin pa'i rtsa 'dab bcu drug la bshad do/ /gzhan dag na re sna bug gcig la 'pho pa phyed dang gnyis/ /de'i rjes su sna bug gzhan du 'pho ba phyed dang gnyis rgyu bas nyi ma zhag ci la 'pho ba gcig nyid du 'gyur te/ lte ba'i pad+ma'i rim pa gsum pa'i rtsa 'dab bzhi bar te 'pho ba gcig gnyis su rnam par bzhag pas phyi rol gyi 'pho ba dang mthun par bya'o/ /yang na phyi dang nang thams cad du mthun par bzhag pa ni mi dgos te/ /phyogs gnyis ka la phyi dang nang du 'pho ba phyed dang gnyis gnyis kyi thun phyed rnam par bzhag pa yin no/ /rdo rje phreng ba la sogs pa las ni 'pho ba re res nang gi thun phyed du bzhag pa tsam la 'gal ba med do/ /'di lta bu'i rgyas par bshad pa ni rgyud pa'i snye ma las shes par bya'o/ /rig pa ni shes rab ste/ de gtso bor byas pa'i theg pa ni rdo rje'i theg pa'o/ /yi ge'i grangs kyis ni 'bum tsho gsum mo/ /phyi rol bzlas pa ni ngag tu bzlas pa'o/ /sngags kyi don i 'grub par bya ste/ de yongs su gyur pa'i rdo re can gyi bdag nyid dngos po yin pas de bsgom pa'i bar chad byed pa mtshon pa'i yig 'bru dag tu ma bzlas so/ /rdo rje'i bzlas pa ni zhi gnas kyi rgyu yin pas bzlas so/ /gzhan ni des mtshon pa'o/ /sbyor ba gsum ni rdo rje gsum dang ldan pa'o/ /myur ba ni 'byung ba'i rlung dang/ /gnyis ka min pa ni gnas pa'o/ /brtan pa ni mi g.yo bar gyur pa'i rlung las so/ /gsang zhing dgongs pa ni nang gi rlung ste/ kha cig na re dgongs pa lung bstan zer ro/ /klog pa ni ngag tu brjod pa'o/ /bsam
- 252a
gtan ni sems can khyad par du 'phags pa'o/ /bsnyen pa ni zhag gsum pas stong pa bzhi bcu zhes brgyad bcas pa 'bru ma phrag drug gi bsnyen pa'o/ /phyag byas ni rdo rje sems dpa' bsgom pa sngon du 'gro ba'i don no// sngags ni dag tu brjod pa'o/ /gzung ba ni btsan thabs su rlung gzung ba'o/ /gzhan dang gzhan ni mchod pa la sogs pa'o/ /ngag tu brjod pa'i sngags dang sbyin bsreg la sogs pas bsgrub par bya ba ni sems bzlas pa kho nas 'grub po zhes ya yig la sogs pas bshad de/ ya'i don ni rlung gi dkyi 'khor las gnyis ni dngos dang shugs gnyis te/ dper na chu'i dkyil 'khor rgyu ba la zhi ba'i las dngos grub la gang na cig yod pa'i sar ba zhig yod de sa la sogs pa yod pas rgyas pa dang dbang du byed pa dang mngon spyod rnams ni shugs las byung ngo/ /'bras bu chung pa'i phyir ngag tu bzlas pa dang sbyin sreg la sogs pa ni mchod pa la sogs pa spangs par bya ba bstan te/ rnam par dag pa ni sdig pa zad pas so/ /'byor pa ni 'jig rten gsum gyi phun sum tshogs pa'o/ /bsam gtan ni 'dir rdo rje'i bzlas pa dang/ sgyu lus dang 'od gsal gyi rim pa zung du 'jug pa'i sku bsgom pa'o/ /thar pa ni sgrib pa gnyis spong ba ste/ /gang gi phyir nyon mongs pa dang shes bya'i sgrib pa gnyis kyi 'khor ba dang mya ngan las 'das pa gnyis kyi chags pas 'ching ba'i phyir ro/ /thabs ni dngos po'i mtshan nyid can/ /de dngos med pa shes rab nyid/ /ces gsungs pa'i phyir ro/ /thabs dang shes rab kyi rang bzhin snying rje dang stong pa tha mi dad pa de bzhin nyid don dam pa byang chub kyi sems bstan te de nyid bsgoms pas byis pa bzhin du yul rnams la zhen pa med pa'i spyod pa'i
- 252b
'dod pa'i don phun sum tshogs pa lhun gyis grub par 'gyur ro/ /gsang sngags ni man+t+ra te/ man ni gong du bstan pa'i yod do/ /ratra ni skyob pa yin pas don dam pa'i byang chub sems sngags yin no/ /de goms pa yang lhun grub tu 'gyur ro brjod pa dang nye bar dmigs pa dang brdar gyur ni kun rdzob pa'i sngags so/ /nye bar dmigs pa ni brjod pa las byung ba'i phyir nye bar brtags pas las sngags yin no/ /sngags bzhi'o/ /'di 'khor dang bcas pa ston par byed pas gsang ba 'dus pa la sogs pa ni gsang sngags kyi theg pa yin no/ /rim pa 'dir brdar gyur gyi sngags ni gtsor bstan pa ste/ ngag dben yin pa'i phyir ro/ /'di ltar spyod bsdus las/ lus ngag dben gyi mthar thug ni rdo rje'i bzlas pa tsam/ yongs su shes pa ste/ de lta'i rnam pa med do/ /zhes gsungs so/ /de nyid kyi phyir gsung rdo rje zhes bya ba la sogs pa gsungs te/ gsung nyid rdo rje stong pa nyid de gsung gi rdo rje rang dbang du byas la byang chub sems kyi rang bzhin du rtogs pas gsungs gi rdo rje sgrub pa'o/ /sems tsam la ni bdag byin brlabs pa'i rim pa las te nges par sbyar ro/ /de nas bdag byin gyis brlabs pa'i rim pa dang 'brel bar bstan to/ /sngags kyi rlom pa ni ngag tu bzlas pa la zhen pas so/ / gzung bar bya zhes pa ni rdo rje bzlas pa'i rim pa nas zung du 'jug gi byang chub sems kyi gdams ngag gi rjes su gzung bar bya ste/ ji ltar slob pas byang chub sems de la yod pa dang/ yon tan dang ldan ba dang bsgrub par nus pa'i nges par shin tu dad par 'gyur ro/ /gang las de rgyun mi 'chad par yun ring por dad pa dang bcas pas bsgoms shing grol bar 'gyur ro/ /de lta goms pa mi byed na yang ri dbang rtse la sogs pa ste/ grol bar 'gyur zhes pa ni thar par 'os pa nyi dang
- 253a
thar pa'i rgyu byang chub sems bstan par gzung ba'i phyir ro/ /rdo rje bzlas pa'i rim pa'i dgongs 'grel lo// //'dir rtogs par dka' ba'i thugs dang ldan pa 'phags pa chen po'i mchog gis gsungs pa/ ye shes gsum gyi dbye ba yis/ /sems tsam la ni nges par sbyar zhes bshad par 'dod pas de'i thugs kyi sras 'phags pa shAkya bshes gnyen gyis rim pas bsgrub par bya ba'i rdo rje sems dpa' la phyag bya ste/ khyod la phyag 'tshal zhes bya ba la sogs pa'o/ /phyag 'tshal ba bzhi rim pa bzhin du zung du 'jug pa'i bcom ldan 'das la ste/ stong pa dang shin tu stong pa dang stong pa chen po'i rang bzhin gyi dbang du byas pa'o/ /phyag 'tshal ba lan gnyis su brjod pa ni stong pa gnyis la khyab par shin tu dad par gyur pa'o/ /rgyu tha dad pa khyod la bstong nas rdo rje 'dzin pa'i rang bzhin dang mnyam pas rang gi rgyud kyi rang bzhin khyed la phyag 'tshal lo/ /gang gi phyir phyag 'tshal ba ni dges pa'i phyir te/ /de yang gzhan don don du gnyer ba'i bcom ldan 'das la phyag byed pa po rang gi rgyud las byung ba'i 'bras bu rdo rje 'dzin pa dang/ rgyu'i gnas skabs su rang bzhin gyis yongs su dag pa'i de bzhin gshegs pa'i snying por yongs su dgos nas mos pa bstan pas phyag bya ba ni mchog yin no/ phyag 'tshal ba yang phyag bya bar 'os pa la yid chim pas mchog tu gyur pas de nyid bstod pa'i ngag gi rgyud yin pa'i phyir ro/ /de ltar rang la phyag byas pa gang la zhes bya ba la sogs pa ste/ don dam par dbye ba thams cad med pa'i phyir ro/ kun rdzob tu ni ji ltar zhes bya ba la sogs pa'o/ /rang gi ye shes zung du 'jug pa'i tha mi dad par rang gis rigs pa ni phyag yin zhes bya ba'i don to//
- 253b
de yang/ /so so'i skye bo'i gnas skabs su lhag par mos pa dang/ lam gyi gnas skabs su rnam pa 'ga' zhig gis rig la rnam pa thams cad du ma yin no zhes bshad de/ 'on kyang zhes bya ba la sogs pa'i kun mkhyen ni rnam pa thams cad du chos thams cad kyi de kho na nyid rtogs pa'o/ /rang bzhin gyi yongs su dag pa ni rtag tu yod pas ji ltar mi dmigs zhe na/ glo bur gyi ma rigs ba'i mun pas khebs pa'i phyir ro/ /mun pa de spong pa'i rnams ni rab tu dga' ba la sogs gsal ba'i rim pas mar me bzhin du snang bar byed pa'i ye shes stong ba nyid bzhi dang tha mi dad par rtogs pa'o/ /de bas na gsal ba'i rim pa dang rtogs pa'i rim pa bstan par bya ste/ stong nyid ces bya ba la sogs pa la/ gzung bar brtags pa 'ga' zhig dang bral bas stong pa ste/ /dga' ba dang snang ba'i bdag nyid can no/ /gzung bar brtags pa ma lus pa dang 'dzin par brtag pa 'ga' zhig spangs pa shin tu stong pa de mchog tu dga' ba dang snang ba mched pa'i rang bzhin no/ /'dzin par brtags pa ma lus pa dang bral bas stong pa nyid chen po ste/ dga' bral dang snang ba thob pa'i nges pa'o/ /de ltar bshad pa'i gzung 'dzin dang bral ba bde ba'i sems don dam par yod pa sgro btags pa dang ma bral bas/ chos thams cad stong ste/ chos thams cad rang bzhin med pa dang ro gcig pa'i kun rdzob lhan cig skyes pa'i dga' ba'i rang bzhin no/ /de lta bu'i stong pa nyid la sogs pas des dga' ba la sogs pas bde blag tu rtogs par bya ba'i phyir 'chad par 'gyur ro/ /'dir stong pa nyid la sogs pa ni skad cig gcig la mthong lam gyi bdag nyid rab tu dga' ba'i sa'i rang bzhin lhan cig skyes pa'i dga' ba rtogs dang tha mi dad pa ste/ bltos sa tha dad pas tha dad pa ltar rnam par bzhag go /ji ltar skad cig gcig gis bden pa mthong ba la
- 254a
skad cig bcu drug bzhin no/ /de ltar 'dir ni stong pa nyid bzhi dang ro gcig pa'i snying rje chen po'i rang bzhin sgyu ma'i skur snang ba zung du 'jug pa'i bde ba chen po 'od gsal gyi mthar thug sngon du lhag par mos te/ bsgom pa'i 'bras bu mthong ba'i lam gyi bdag nyid can no/ /de ltar mthong ba'i lam gnas skabs phyi ma de dang der bsgom pas sa bcu rgyun gyi tha mar sgro btags pa thams cad kyi bag chags zad pa'i thar 'od gsal gyi rang bzhin 'byung ngo zhes bshad de shes rab ces bya'o/ /mthong lam nas bag chags kyi phyogs spangs pas khyad par du 'gyur ba'i ye shes ni shes rab ste snang ba'o/ /rtogs pa phyi ma'i rgyu yin pas thabs te snang ba mched pa'o/ /de gnyis tha mi dad pa snang ba thob pa ste rgyu'o/ de nas de dang ro gcig pa'i 'bras bu ni 'od gsal te/ rnam rtog gi mun pa thams cad ma lus par spangs pa'o/ /de ltar rgyu'i rim pas rnam par dag pa bar chad med pa'i lam gyi rang bzhin de las stong pa bzhi dang/ rang bzhin gcig pa rnam pa gsum gyi bdag nyid bde ba chen po'i rang bzhin stobs dang mngon par shes pa la sogs pa rnam pa thams cad dang ldan pa mtshan dang dpe byad kyis gsal ba long sku'i rang bzhin zung du 'jug pa rdo rje 'dzin pa chen po'i go 'phang cig car skye bar 'gyur ro/ /de ltar na yongs su dag pa'i skabs su yang ci rigs par/ sems kyi gnas skabs kyi bye brag las/ rang bzhin skye bas snang ba la sogs pa'i rnam grangs dang/ de'i rang bzhin rnams rnam par bzhag pa'i phyir bshad de snang ba zhes bya ba la sogs pa'o/ /zhi ba ni zhi ba'o/ /nyer len ni 'dod pas yongs su bzung ba'o/ /'dzin pa'i gzhin rgyun tu gnas pa'i tshor ba'i kun tu rtogs pa'i kun rdzob tu snang ba'i rang bzhin gsal ba ni mtshan mo la sogs pa'o/ /dgongs pa mi shes shing mos pa chung bas zla ba'i dkyil 'khor pad+ma'am yi ge a
- 254b
'am bud med kyi gzugs snang ba'i rang bzhin du mos par bya'o/ /nye bar me len pa ni yongs su ma bzung ba'o/ /skad cig thang cig la sogs pa ni nye bar mtshon par bya'o/ /kun rdzob tu snang mched pa'i rang bzhin gsal ba ni nyon mongs pa la sogs pa'o/ /sngar bzhin du nyi ma'i dkyil 'khor la sogs pa snang ba mchod pa'i rang bzhin du mos par bya'o/ /phra mo'i rnal 'byor ni rdo rje bzlas pa'i rnal 'byor pa'o/ /sa bon ni a'i sna bug g.yas g.yon las ma byung zhing rtsa dbu ma'i nang du gnas pa'o/ /rlung mi g.yo ba'i bdag nyid can ni dbu ma'i mtshams su shes par bya'o/ /sngar bzhin du a la sogs pa snang ba thob par mos par bya'o/ /rang bzhin 'di dag phal cher nges pa can yin te/ la la ni ma nges pa yin no/ /dper na spyod bsdus su snang ba la yang chags pa'o/ /snang ba mched pa la yang chags pa dang bral bar bshad do/ /snang ba gsum po 'di dang rang bzhin rnams ni sems kyi gnas skabs kyi byed pa rnams te/ de yang nang ni tshor ba tsam kun rdzob pa yin la/ don dam par rang bzhin med pa nam mkha' dang 'dra'o/ /de bshad pa rang rig tsam mo zhes bya ba la sogs pa'o/ / ma lus lus pa med pa ni rim gyis sam cig car ro/ /bar dol sogs pa'i skabs su ji srid du snang ba ni sems te brtan par mi 'gyur pa'o/ /g.yo ba ni dbug 'byung ba dang rdub pa dag gis so/ /sgron gsal las/ snang ba'i dbye bas 'di dag las/ /mtshams dang mtshan mo nyin mo zhes/ /'jig rten du ni tha snyad byas/ /ye shes gsum gyi dpe yin no/ /skye dang gnas dang 'jig pa'o/ /bar do'i srid par gnas pa dang/ /'jig rten gyis ni ji srid gtugs/ /sems dang rlung gi rnam 'gyur ro zhes so/ /'di nam brten par 'gyur zhe na/ gang gi tshe mtshan dang dpe byad kyis 'bar ba zung 'jug gi sku snang ba la sogs pa'i mtshan nyid can gyi dga' ba bzhi'o/ /rang bzhin goms pa las 'char bar 'gyur ro/ /'on kyang dang por goms pa'i phyir dga' ba la sogs pa'i dbye bas ni shes rab ma la nye bar shes par bya'o
- 255a
zhes bshad de sgyu ma zhes bya ba la sogs pa'o/ /rtog pa mdza' dag nus pa'i phyir bzhi pa 'od gsal lhan cig skyes pa mtshon par 'gyur ro/ /'di ltar brtag gnyis las/ mtshan nyid bral ba gsum las gzhan/ /chags dang chags bral rnam par spangs/ zhes gsungs so/ /de bas na sngar 'dir zhib pa bstan la 'og tu yang 'chad do/ /rgyud gzhan las kyang/ lhan skyes bzhi par dran pa yin zhes bya ba la sogs pa gsungs so/ /'dod chags ni dga' bzla ba'i 'od dang 'dra ba ste/ spro ba skyed pa'i phyir dang khyad par nyid kyi phyir 'khyud pa dang tsum pa na la sogs pa bde ba'i rang bzhin du 'jug pa dang/ dad pa nyid kyi phyir sdug bsngal dang btang snyoms dang zhe sdang la sogs pa'i rnyog pa dang 'byung bar sgro btags pa 'ga' zhig mi 'jug pa'i phyir 'khyud pa la sogs pa'i bde ba'i rang bzhin du shes pas shes rab kyi rang bzhin du snang ba'o/ /bar mi na mchog tu dga' ba mched pa pa nyi ma'i 'od zer dang 'dra ba ste/ gsal bar snang ba dang 'khyud pa la sogs pa khyab pa nyid kyi phyir gsal zhing mchog tu gyur pa bde ba'i rang bzhin du rtogs pa'i phyir dang/ gzung bar sgro btags pa ma lus pa dang/ 'dzin par sgro btags pa 'ga' zhig mi 'jug pa'i phyir thabs yin te/ thabs las byung ba lhan cig skyes pa'i dga' ba'o/ /shes rab dang thabs 'di gnyis snyoms par zhugs pa ro gcig tu gyur pa'i tshul gyis chags bral gyi dga' ba snang ba thob pa khyad par du 'phags pa'i bde ba myong ba mtshan nyid kyi mun pa dang 'dra ba ste/ gzung ba dang 'dzin par sgro btags pa gzhan ma lus pa med kyang bdag gi bde ba spyod ces bde ba myong ba'i rnam par rtog pa phrad de kho na nyid mthong ba la bgegs byed ba dang 'brel ba'i phyir ro/ /lhan cig skyes pa'i don dam par chos thams cad rang bzhin med pa'o/ /lhan cig skyes pa'i cha dang 'dra bas lhan cig skyes pa kun rdzob ni bde ba chen po'o/ /gnyis ka yang lhan cig
- 255b
bdag nyid can dga' ba ni lhan cig skyes pa'i dga' ba/ 'od gsal la zung 'jug 'dzin pa dang bral bar don dam par bde ba dam pa'i sems tsam yod pa la sogs pa sgro btags pa'i rtog pa thams cad kyi mun pa dang bral bde ba chen po myong ba'i phyir rang gis rigs te/ de'i bdag nyid du 'od gsal gyi rnam par 'gyur ba'i phyir ro/ /dga' ba la sogs pa 'di dag ji ltar skye zhe na/ gsungs pa/ dbang po gnyis shes so/ /phyi'i shes rab dang thabs kyi pad+ma dang rdo rje sbyor ba'o/ /tshangs par spyod pa la de med na sngar dbang bskur ba la sogs pa'i dus su myong ba'i bde ba mos shing ye shes kyi phyag rgya'i sbyor bas so/ /dper gyur ba dga' ba la sogs pa 'di dag sngar bshad pa'i stong pa dang/ stong pa chen po dang thams cad stong pa'i rang bzhin du rtogs la/ ci rigs par de'i rang bzhin rnams kyang de bzhin du rtogs par bya'o zhes bshad de/ ye shes la sogs pa'o/ /zhugs nas ni rtogs nas so/ /'dir 'od gsal ba ni sems kyi rang bzhin yang ba dang dang bar rnam par bzhag ste/ skad cig ma de rab tu bcu gcig 'dra ba'i rgyun ldog par tha snyad du byed do/ de nyid shes pa ni rang gi snang ba skyed pa'i tshul dang rdzogs pa'i bdag nyid can du shes nas so/ /shes rab thabs su ni zla ba dang rdo rje ro gcig tu gyur pa las byung ba'i lha'i sku stong pa nyid ro gcig pa'o/ /de bas gsungs pa/ phyag rgya bzhis shes te/ stong nyid bzhis so/ /rnam bzhag gi rim pas klu'i blos bcom ldan 'das ni phyag rgya chen po dang yum ni dam tshig gi phyag rgya dang/ sngags kyi ye shes ni chos kyi phyag rgya dang/ gzugs sna tshogs pas sems can gyi don phun sum tshogs pa ni las kyi phyag rgya'o zhes so// de ltar skyed pa'i rim pa bsgom pa'i rnal 'byor pa yin no/ /stong pa gsum ni sgyu lus kyis te/ rnam rtog gi bag chags dang bcas pa'i sgrib pa spangs pa'o/ /de nyid ni shes pa gsum rang bzhin med pa'i chos kyi sku'o/ /thams cad mkhyen pa ni ji ltar dgongs
- 256a
pa'o/ /'gyur ba med pa ni 'khor ba med pa'i phyir ro/ /snang ba med pa ni rang bzhin med pa ste/ snang ba dang rang bzhin ni sgra ni don gcig pa'i phyir ro/ /gnyis med ni mi mthun phyogs zad pas so/ /yod pa la sogs pa dang bral ba ni ci yang ma yin pa'i phyir/ 'byung 'gyur zhes pa ni kun rdzob du'o/ /des ni sgyu ma'i lus dang/ 'od gsal dang/ zung 'jug gi sku yongs su rdzogs par bstan to/ /mi g.yo'i ting nge 'dzin ni rlung 'gog pa mtshams kyi bdag nyid snang ba thob pa dag ba ste/ de kho na ma rtogs pa'i phyir ro/ /de nyid ni gsal ba ste spros pa med pa'i phyir ro/ /rmad chen po ni rang bzhin gyis kyang so sor snang ba'i phyir ro/ /ye shes ni bde ba chen po'o/ /byang chub shing drung du bzhugs te mtshan phyed dus rgyal ba'i gsung las/ rgyal ba de dag gis bka' stsal pa'i shes rab ma las skya reng 'char ba'i dus su rgyal ba'i gsung la dmigs te/ lhan cig skyes pa'i dga' ba'i bdag nyid can de kho na nyid 'od gsal ba dang/ rang rig tu gsal ba rdo rje lta bu'i zung du 'jug pa'i ting nge 'dzin gzigs par 'gyur ro/ /de ni nyon mongs pa dang phung pa dang 'chi bdag gi bdud 'dzoms par mdzad do/ /srod la ni lha'i bu'i bdud btul lo/ /'dir gsang sngags kyi theg par ro/ /de nyid ni 'od gsal ba rang bzhin med pa ste/ des bdag gcig pa'i tshul de'i rnam par bstan pa'i phyir ro/ /ye shes dga' ba bzhi'i rang bzhin zung du 'jug pa ni 'bras bu'o/ /rgyu'i gnas skabs su dga' ba bzhi dang ro gcig par myong ba dang/ rang bzhin med pa ni tha mi dad pa kho na'o/ /chags pa dang chags pa bar ma dang chags bral gyi dga' ba dang/ mchog tu dga' ba dang dga' bral gyi bdag nyid de bzhin nyid kyi ye shes dang gcig tu gyur pas tha dad du mi dmigs so/ /ye shes bzhi pa de yang stong pa min te/ kun rdzob tu bde ba chen po'i tshul gyis yod pa'i phyir ro/ /mi stong min ni don dam par rang
- 256b
bzhin med pa'i phyir ro/ /stobs dang stobs ma yin pa las gzhan dbu mar gnas pa ni 'ga' yang med do/ /ye shes gsum ni lhan cig skyes pa'i dga' ba dang ro gcig pa'i ye shes gsum gyi rim pa gang yin pa de dang sbyor ro/ /de bas na de nyid kyi ye shes kho na las grol ba yin te/ de yang bskyed rdzogs rim pa gnyis la goms pas las dang po pa'i sbyor bas rtsol ba dang bcas pa mtshan ma med pa'i sgom gyis brgyad pa mi g.yo ba'i sa rtogs nas/ de nas brtsams te rtsol ba med par rgyu ba snang ba gsum dang gnyis su med pa'i bde ba chen po'i rang bzhin sgyu ma'i sku gzigs shing 'od gsal lhag par rtogs la/ zung du 'jug pa'i longs spyod rdzogs pa'i 'og min du bzhugs pa/ skye ba 'di 'am 'ga' zhig la thams cad mkhyen par 'gyur ro/ /goms pa de yang spyod pa gsum gang rung gi bya'o zhes gsungs pa ste chos 'byung la sogs pa'i chos 'byung rtags tu brten pas mngon par 'byung ba la slob par byed do zhes pa dang 'brel lo/ /chos kyi dbyings ni chos 'byung ste/ de snyed la ji lta bar dus 'ga' zhig tu brten pas mngon par byang chub pa kho na la spyod pa yin gyi/ phyi'i chos 'byung gis ni ma yin no/ /de ltar go rim bzhin du spros pa dang bcas pa dang/ spros pa med pa dang/ spros pa med pa'i spyod pa rnams kyis shing tA la dang ras pas tshig pa bzhin du yun ring ba dang thung ba dang shin tu thung par dngos grub sgrub byed rnams gyi goms par byed do/ /de'i dbye ba ni snang ba la sogs pa'i ye shes rnams kyi dbye ba khyad par can no/ /bstan bcos mchu ni bstan bcos la ngal bar byas pa tsam mo/ /gnas drug ni mdza' drug go /sgrib pa rnams las ring du song bas 'phags pa 'ang yin la/ rdo rje'ang yin pas rdo rje 'dzin pa dpal ldan klu sgrub po/ /rim pa 'dis phal cher ye shes gsum gyi rang bzhin gyi dbye bas sems kyi dben pa gsal
- 257a
par mdzad do/ /'di ltar spyod bsdus las/ rang bzhin gyi snang ba tsam shes pa ni sems dben gyi mthar thug go /de yang snang ba thams cad dang bcas shing mtshan ma dang ldan pa lha'i gzugs ni mi dmigs te/ sems snang ba tsam yin pa'i phyir ro/ /zhes gsungs so/ /'dir dgongs pa bla na med pa bstan pa yin pas bla na med pa'i dgongs pa zhes bya'o/ /de'i dgongs 'grel lo/ rdzogs so// //bdag byin gyis brlabs pa'i bdag nyid kun gyi bdag po bsgom pa'i nus thob sa pas de nyid kyi don dam pa'i bdag nyid can rang bzhin 'od gsal sgom pa la nges par sbyar ba'i phyir bshad de/ thams cad ces pa la sogs pa'o/ /mngon par byang chub pa'i rtogs pa'o/ /bla ma'i gsung gis spyod yul du ma gyur pa so so rang gis rigs par bya'i de kho na nyid rtogs pa las byung ba ni rang byung ngo/ /lhag pa'i lha ni rnam par shes pa'i phung po la sogs pa'i rang bzhin mi bskyod pa la sogs pa'i gtso bo'o/ /snyoms par 'jug pa'i cho ga ni 'khyud pa la sogs pa'o/ /snang ba ni stong pa bzhi myong zhing dga' ba la sogs pa'i rang bzhin no/ /byang chub sems bdud rtsi yin pas de'i snod ka la sha ni rdo rje nor bu ste/ des rtse mor shin tu brtan par bzhag nas gsang ba bskur bar bya'o/ /gang zag chung du yin na spyod bsdus las gsungs pa/ bum pa 'am yang na dung dkar la/ byang chub sems ni bzhag nas su/ /de la dam tshig sbyin bya ste/ gnyug ma'i phyag rgyar yang dag ldan/ /zhes pa 'dir gnyug ma'i phyag rgya ni slob mas mngon sum rdo rje sems ngo bor mos nas sngar gang phul ba'o/ /khams gsum gyi sgra btags pa rnams dang/ khyed bral ba yin pas 'dod pa rnams kyis mgos pa'o/ /nam mkha' dang mnyam gyur ni spros pa med pa ste/ de nyid kyi phyir ci yang mi dmigs so/ /mi rton pa
- 257b
ni rten dang brten pa la sogs pa dang rang bzhin med pa'i phyir ro/ /ma bsams pa'i kun rtog ni smon lam ste de'i 'bras bu'i gnas skabs su ma bsams pa kho na los smon lam gyi don phun sum tshogs pa 'byung ngo/ /bsam gyis mi khyab pa'i ting nge 'dzin gyi tshul gyis de'i thugs so/ /gos pa ni bag chags so/ /byang chub ni shes rab ye shes kyi dbang gis bde ba chen po mngon par 'byung ba ni snang ba la sogs pa'i rim pas so/ /las dang skye ba'i bag chags dang bcas pa'i 'o/ /snang ba gsum spangs pa ni rang bzhin gyis yongs su dag pa dang/ 'jig rten las 'das pa'i rtogs pa'i gnas skabs su glo bur gyi dri ma dag pa'i rdo rje ye shes ni theg pa chen po'o/ ye shes chen po ni zung 'jug go /de ji lta zhe na/ sangs rgyas thams cad de goms pa las byung ba'i phyir de dang bdag gcig pa'i tshul du de la gnas pa'i phyir ro/ /de bas gsungs pa/ de bzhin gshegs pa kun gyis gnas shes so/ /thog mdza' med pa ni skye ba dang 'jig pa med pa'i phyir ro/ /zhi ba ni shes bya'i sgrib pa med pa'o/ /rim pa ni snang ba la sogs pa'o/ /brtsams pa ni brtan par bya ba'i mched du'o/ /zla ba'i 'od dang bcas pa'i mtshan mo'i cha ltar spro ba skyed pa dang mi gsal bar snang ba'i phyir mtshan mo'i cha ste/ dga' ba ste snang ba'o/ /nyi ma'i 'od dang ldan pa'i nyin mo bzhin du gsal bar snang ba'i nyin mo ste/ mchog tu dga' ba snang ba mched pa'o/ /mtshams ni shin tu dmar ba bzhin du nyin mtshan dang ro gcig pa'i tshul gyis shin tu yid du 'ong bar snang bas mtshams te/ dga' bral snang ba thob pa'o/ /'gyur ba la sogs pa'i rnam par rtogs pa phra bar gyur pa bde bas khyad par du 'phags pa'i rnam rtogs gi rang bzhin dag ni rim pa bzhin du snang ba gsum dang sbyar ro/ /kun rtog gsum pa nges stong pa bde ba chen po'i snang ba dang ro gcig pa'i snang ba gsum dang lhan cig
- 258a
pa'i dga' ba byang chub kyi skad cig ste 'od gsal ba'o/ /gang gi phyir don dam pa 'od gsal ba chos thams cad rang bzhin med pa'i byang chub ni kun rdzob lhan cig skyes pa'i bde ba myong bas so sor lhag par rtog pa ste/ de dang bdag gcig tu 'od gsal ba'i phyir rnam par 'gyur ba'i phyir ro/ /la lar ni ldog pa tha dad par 'dod nas don tha dad par btags pa tsam yin no/ /dper na lhan cig skyes pa'i bde ba ni de bzhin gshegs pa'i dbugs 'byung yin la/ de rang bzhin med pa ni rdo rje 'dzin pa'i dbugs 'byung zhes bshad pa yin no/ /la lar ni de tha mi dad par smra bar 'dod pas tha mi dad par gzhag ste dper na/ 'bras bus rgyu la rgyas btab ste/ rgyu yis 'bras bu rgyas btab bsgom zhes pa bzhin no/ /bstan pa ni kun rdzob tu brjod pa'i tshig gis so/ /don dam par ro/ /rnam par rtog pa dang/ ngag tu brjod pa'i spyod yul ma yin no/ /de nyid spyir gsungs pa/ rnal 'byor pa nyid yul de rang gi rig par bya'o/ /'jig rten las 'das pa 'od gsal ba dang ro gcig pa bde ba chen po byang chub mtshon par bya ba'i phyir na/ gang gi dpe 'di nges par mi nus pa la gsungs te/ ngag du zhes bya ba la sogs pa'o/ /dri med ni yod pa dang med pa la sogs par sgra brtags pa thams cad kyi rnyogs mas ma gos pa'o/ /yang dag mdza' ni stong pa nyid bshad par bya'o/ /slob mas kyang skad cig de la phyi'i byang chub kyi dper gyur pa mthong ba'i nges pas thob ste/ rtogs par 'gyur ro/ /nang gi bde ba de yang kun rdzob kyi rang bzhin bde ba chen po dang don dam pa'i rang bzhin thams cad stong pa'o/ /de ldog pa tha dad par yang yongs su brtags te/ dang po na skye ba dang gnas pa dang nyams pa'i chos dang ldan par rnam par bzhag go /gnyis pa ni de dang bral ba'o/ /ji ltar de bzhin gshegs pa rnams byung yang rung/ ma byung yang rung
- 258b
chos rnams kyi chos nyid ni gnas pa nyid de/ dper na de bzhin nyid ces bya ba la sogs pa bzhin no/ /bag chags la sogs pa dang bral ba yin to/ 'di ltar 'gro ba ni mya ngan 'das pa dang/ 'ong ba ni snying rje chen pos 'khor ba ste/ de gnyis 'di la med do// gang gi phyir gsungs pa rigs kyi bu de bzhin nyid ni gang nas kyang 'od ba med cing 'gro ba med de/ de bzhin nyid gang yin de ni de bzhin gshegs pa'o/ /zhes so/ /zad pa ni sgrib pa dang bcas pa rnams so/ /'phel ba ni mngon par shes pa la sogs pa yon tan gyi rang bzhin no/ /gang gi phyir gsungs pa dngos po brjod du med pa la/ nyams pa dang ni 'phel mi rung zhes so/ /dngos med ni yod pa la sogs par sgro gtags pa'i spros pa las 'das pa'i phyir ro/ /de nyid kyi phyir spros pa med pa'i chos sku yin yang kun rdzob kyi tshul gyis 'gro ba la sogs pa dang ldan pas ngo mtshar ba'o/ /ngo mtshar min pa ni sems rtag tu bden pa gnyis kyi rang bzhin yin pas so/ /de nyid kyi phyir 'gro ba la sogs pa'i sbyor bas gnas pa min te/ 'gro ba la sogs pa med pa'i phyir ro/ /kun rdzob gyi tshul du ci rigs par yang pa la sogs pa'i tha snyad 'byung ngo/ /de nyid ni bden zhing mi bslu ba bden pa gnyis tha mi dad pa'i mtshan nyid can zung du 'jug pa'i rim pa yang dag pa'i ting nge 'dzin to/ /dmigs pa thams cad zhi ba de kho na nyid do zhes spyod bsdus su gsungs so/ /rgyu dang mi rgyu 'di'i ngo bo yin pas rgyu dang mi rgyu'i bdag nyid can no/ /'di ltar sngar gsungs pa/ rnal 'byor gang dang gang dmigs pa/ /de ni bdag nyid bzhin du rtog ces so/ /gang gi bdag nyid du nye bar brtags nas bems po dang gzhan sems med pas ji ltar snying rje chen po la sogs pas 'gro ba'i gnyen gcig bu la sogs par 'grub pa'o/ /ye shes ni bde ba chen po mi zad pa ni chos kyi sku stong pa nyid do/ /don gnyis kyi bdag nyid can no/ /rtag tu mnyam par bzhag pas
- 259a
zhi ba'i sku'o/ /zhi ba min na mchog tu gyur pa'i brtson 'grus dang ldan pa'o/ /rdo rje 'dzin pa'i rang bzhin yin pas gnas pa kho na'o/ /rnam rgyal min ni shes rab kyi spyan phye bas so/ /lus la sogs pas bya ba byed kyang de bzhin nyid la sems brtan pas g.yo ba med pa'i phyir sems mnyam par bzhag pas so/ /de nyid kyi phyir dag gi brjod pa dang bral ba'o/ /de lta bus lha dang mi'i yid du 'ong ba phun sum tshogs pa brten pa'i phyir longs spyod ldan te/ bla na med pa'i chos kyi bdud rtsi la longs spyod bas kyang ngo/ /snying rje chen pos 'gro ba 'dren pa la brtson pas 'jig rten mgon po'o/ /de ltar shes rab tu gyur pa 'dis ni stong nyid snying rje tha mi dad pa dag /rdo rje 'dzin pa'i sku rang nyid dad pa dang bsam pa rgyun mi 'chad par goms par byed do/ /shes rab 'bring bos rdo rje 'dzin pa'i rang bzhin yang nas yang du stong par byas shing/ dngos por 'dzin pa'i mdud pa grol ba dang ldan par bya zhing/ med par 'dzin par grol zhes bya ste man ngag ces bya ba la sogs pa'i 'o/ /ril po ni lus de stong pa nyid stong pa nyid kyis 'dzin pa ni ril por 'dzin no/ /'gro ba thams cad 'od gsal du byas nas de'i rjes su rang 'dzin pa ni stong par byed pa ni rjes su bzhig pa'o/ /stong pa nyid du rab tu zhugs pas ji ltar gzhan don byed ce na gsungs pa de dang de gzugs shes bya ba la sogs pa ste/ de ni rnam pa snang mdzad la sogs pa'i kha dog dkar po la sogs pa'i kha dog dang ldan pa de dang de'i mdog dang mtshungs pa'i 'od zer rnams ni de dang de'i gzugs 'od zer de dang yid kyi rang bzhin bdag byin brlab pa'i rang bzhin gyis kyang ngo/ /gnas skabs 'dir skye ba snga ma'i dri ma bkru ba'i phyir ro/ /'od gsal du 'jug pa'i kho na la char 'babs pas lan 'ga' 'gyur zhes gsungs so/ /'o na ni sems tsam gyi don la sogs pa ni ldang ba yod na 'byung ste/ de yang gang zhe na/ gsungs pa/ ji ltar zhes bya ba la sogs pa'o/ /rung ba las ni rang bzhin
- 259b
gyis yongs su dag pa las so/ /sgyu 'phrul dra ba ji lta bu zhe na/ gsungs pa rigs shes pa ste/ sangs rgyas lnga'i rigs rnams ni rnam par snang mdzad la sogs pa ste/ rdo rje sems dpa' gang la bltos ba yin la de de bzhin no/ /phyag rgya chen po ni rdo rje 'dzin pa'i sku rang nyid ldan par bya ste/ spros pa'i de bzhin gshegs pa rnams dang 'od zer dag gis sems can gyi don mdzad par bsgom par bya'o/ /de lta bur gyur pa'i bdag nyid dang ro gcig pa'i tshul du rang bzhin med par bsgom pa la khyad par du spyad pa'i phyir bshad de/ thams cad stong pa'i gzhi la gnas shes pa ste/ gang gi phyir thams cad stong pa nyid rang bzhin med par bsgom pas bag chags dang bcas pa'i sgrib pa ma lus par spangs pa'i rang bzhin glo bur gyi dri ma yongs su dag par 'gyur ro/ /de ltar bla mas gsung pa las nges par byas pa'i snang ba la sogs pa rang rig tu rtogs par bya ba'i phyir/ slob ma la dngos po thams cad dang bral ba zhes pa nas stong pa nyid kyi ngo bo nyid kyi bar du brjod cing gnyis su med par dmigs la shes rab ye shes kyi dbang bskur ro/ /rim pa 'di gnyis kyis bcom ldan 'das shAkya seng ge byang chub kyi shing drung du zhugs te/ mtshon byed kyi bar du 'od gsal mngon du mdzad la/ sgyu ma lta bu'i ting 'dzin gyis bzhengs so zhes spyod pa bsdus pa las gsungs te/ de ni 'dir rigs par bya'o/ /gang gi phyir 'di nyid nges bshad do/ /de la 'di nyid kyis ni dga' ba la sogs pa'i rim pa'i rim pas so/ /'od gsal ni lhan cig skyes pa'i dga' ba dang/ sgyu ma lta bu ni zung 'jug dang/ de bshad pa'i bcom ldan 'das dbang bskur bzhi po rang bzhin du bstan te/ gang 'dir dngos po thams cad ces bya ba la sogs pas bstan pa'o/ /'dis ni dbang bskur gnyis bstan te/ 'di ltar de la dngos po thams cad kyi ni 'od gsal ba yin la/ de dang mnyam pa ni gnyis su med nges rang sems ma skyes
- 260a
pa rdo rje gsum mi phyed pa'i lus so/ /stong pa nyid kyi ngo bo nyid ni rdo rje gsum mi phyed pa'i sku'o/ /rang sems bde ba chen po myong ba kun rdzob dang don dam pa rang bzhin med pa de bas na kun rdzob don dam gnyis su med par rtogs pa ni shes rab ye shes so/ /de nyid goms pa'i khyad par gyi mthar thug pa las byung/ sgrib pa med pa mchog dang mtshan dang dpe byad kyis 'bar ba'i longs spyod rdzogs pa'i sku la sogs pa'i rang bzhin ni dbang bzhi ste/ bde ba chen po'i lus sems khyad par du 'khrud par byed de/ kun tu rtogs pa'i dri ma thams cad spangs pa'i 'gal ba med do/ /bdag byin gyis brlabs pa'i le'u las shes rab ye shes kyi dbang bshad pa gang yin pa de ni der bde ba chen po'i tshul bsgom la gtso bo yin pas so/ /'dir ni de rang bzhin med pa'i bsgom pa gtso bor bstan to/ /rab tu gyur pa las su gnyi ga'i bdag nyid bsgom pa nyid dbang bzhi pa yongs su rdzogs pa'i rgyu'o/ /de bas na shes rab tu gyur pa'i dbang du byas pa nas gsungs pa/ slob dpon las ni zhes bya ba la sogs pa'o/ /phyin ci log dang bral bas dri ma med cing bden pa'i don nges par bstan pa'i blo gang gi yin pa'o/ /brtan pa dang g.yo ba'i dngos po kun gyi rang bzhin ni rang bzhin med pa ste/ gang gi yin pa de mnyam pa med pa'i ting nge 'dzin dang ldan pa zhes bya ba'i don to/ /dang ba ni 'dod chags la sogs pa'i snyigs ma zad pa'o/ /dga' ba ni shes bya'i sgrib pa zad pa'o/ /shin tu phra ba ni don dam pa yin pas rags pa rigs pa rnams kyi spyod yul ma yin pa'o/ /mchog bzhi'i rang bzhin ni rang bzhin la phan pa'o/ /'dis ma 'di la sgrib pa rnams spangs pa'i phyir mya ngan las 'das pa'o/ /khams ni rang bzhin te de bzhin gshegs pa rnams kyi sku'o/ /gnyis med ni dngos po dang dngos med la sogs pa spros pa'i bag chags bral bas so/ /de nyid kyi phyir rtog bral lo/ /rtag tu bde ba'i rang bzhin mi mdzad
- 260b
pa med cing khyad par du 'phags pa bar ma chad pa/ lhan cig skyes pa'i bde ba chen po dang ro gcig pa'o/ /bsod nams bsod nams min las ni/ /bde 'gro ngan 'gro 'khor ba'i rgyu las so/ /de ltar kun rdzob kyi rang bzhin snying rje chen po'i bdag nyid can/ bde ba chen po'i yid rang bzhin/ /longs spyod rdzogs pa'i sku don dam pa rang bzhin med pa las tha mi dad par bsgom pa na de'i rang bzhin khyad par gyis mthar thug pa chos kyi sprin longs spyod pa'i skad cig tha ma bar chad med pa'i lam sgrub pa med pa'i phyir 'od gsal ba las bag chags dang bcas pa'i rten ldog pas de ma thag tu rdo rje sems dpa' shin tu gsal bar skye bar 'gyur ro/ /'od gsal ba rang bzhin med pa las skye'o/ /zhes gang rnam par bzhag pa de ni bsgoms pa las 'bad par bya ba'i phyir/ de nyid kyi phyir mchog ces bya ba la sogs pa'o/ /mchog ni 'jig rten las 'das pa'i sgrib pa med pa dang/ gsang ba ni de rang bzhin med pa dang/ bde na lhan cig skyes ba'i dga' ba sde/ mchog tu gsang zhing bde ba'o/ /de nyid gnyis su med pa'i rnam pa thams cad rtogs pa'i rim pa na mngon par 'byung ba'i rim pa ste/ de'i dgongs 'grel lo/ /ji ltar sems la nges par sbyar ba ni bshad la/ rang sems nges par sbyar yang ji lta ba bzhin du yongs su shes pa ste/ shes pa tsam gyi mtshan nyid thams cad ldan pa lha'i bskur bzung ba'o/ /de nyid yang dag par rdzogs pa'i sangs rgyas rnams kyi sgyu ma la sogs pa'i bdag nyid yid kyi rang bzhin gyi sku ni bdag byin gyis brlabs pa'o/ /ji ltar 'phags pa lha'i zhabs kyis/ gang gi kun rdzob bden par bshad/ /rdzogs sangs rgyas kyi sku can no/ /de ni sgyu mar yang dag bshad/ /bdag byin brlabs shes brjod pa yin/ zhes gsungs so/ /de'i rim pa bshad pa/ /rdo rje can la sogs pa ste/ khyad par can gyi mthar thug pas chen po'o/ /stong pa dang snying rje ro gcig tu gyur
- 261a
pas rdo rje mi phyed pa'i ye shes 'di la yod pas rdo rje ni rdo rje sems dpa' o/ rdo rje sems dpa' dang por skyed pa po gang gi yin pa de ni dkyil 'khor rnams so/ /de dag gtso bor ni rdo rje sems dpa' o/ /rgyud rnam pa bzhi ni bya ba dang/ sbyong ba dang/ rnal 'byor dang/ rnal 'byor bla na med pa'i rgyud kyi dbye bas so/ /de dag gi nang na 'ga' zhig shes pa'o/ /man ngag ni rang nyid stong pa dang snying rje tha mi dad pa'i longs sku'i tshul du bskyed pa ni bdag byin gyis brlab pa'o zhes thun mong du bstan par bya'o/ / gsad pa'i dbang ni nye bar mtshon pa yin pas shes rab ye shes kyi yang thob pas so/ /de len pa yang dag byin gyis brlabs pa lhan cig skyes pa'i bde ba chen po rang bzhin du rtogs pa'i phyir ro/ /lus ni longs sku'o/ /chos thams cad la mi brten par ni don dam par rten dang brten pa med pa'i phyir ro/ /dmigs med ni sgro 'dogs thams cad spangs pa'o/ /sna tshogs min pa ni spros pa dang bral ba'i phyir ro/ /'jigs med ni rigs yin la grol zhing g.yo ba med pa ste/ bdag byin gyis brlabs par khyad par gyi bshad pa'i zhes pa dang sbyar ro/ /kun rdzob ni phung po la sogs pa'i bdag nyid can rang yin te/ de'i bden pa bstan pa ni sgyu ma nyid bar do'i srid pa 'dra ba nyid/ longs sku nyid dang lhan cig skyes pa'i bde ba'i rang bzhin nyid du bla ma dam pa'i gsung las rtogs pa nyid do/ /'di'i rang bzhin med pa ni kun rdzob pa ste/ 'od gsal kun rdzob dang don dam bden pa 'di gnyis kho na don dam par bdag gcig tu bzhag pas na zung du 'jug pa'o/ /'di dag tha dad par btags pa ni kun rdzob pa ste/ sgrub pa po'i mos pa'i bye brag gis so/ /gang gis phyir sgrub pa po la la ni/ dang po kun rdzob nyid bsgom par nus la/ de'i rjes su don dam pa de nas/ zung du 'jug par nus pas bsgoms pas 'od gsal ba'i de nyid rab tu dga' ba'i sa la gtogs pa'i
- 261b
phyir ro/ /kun rdzob kyi bden pa bdag byin gyis brlabs pa'i rigs pa gong nas gong du rtogs pa yin pas rgyur rnam par bzhag ste/ 'od gsal ni shin tu phra ba'i rgyu mthong lam du rtogs pas 'bras bu'o/ /de nyid phyi ma dang phyi mas bsgoms pas dri ma med pa'i sa la sogs pa dgu'i rang bzhin bdag byin gyis brlab pa'i rgyu yin zhes bshad de/ bdag byin gyis brlab pa zhes bya ba la sogs pa'o/ /'dis bden pa gnyis bdag gcig pa yin yang 'od gsal kho na 'bad pas bsgoms na rnam par byang ba'i rgyur 'gyur to/ bdag byin gyis brlab pa'i rgyur rnam par bzhag go /la lar ni sems kun rdzob pa skyod pa por bshad de/ ji ltar 'phags pa klu sgrub kyis/ 'di ni thams cad sems tsam ste/ /sgyu ma mkhan las byung ba yin/ /de las dge dang mi dge'i las/ /de las skye dang dge mi dge zhes gsungs so/ /yang ji ltar sems gang yin pa de ni/ sems kyi nying mtshams sbyor te/ zhes bya ba la sogs pa bzhin no/ /la lar ni gnyi ga rgyur bzhag ste/ ji ltar 'phags pas/ stong pa'i chos rnams kho na las/ stong pa'i chos rnams skye ba yin zhes gsungs te/ kun nas nyon mongs gnas skabs su yang ngo/ /'od gsal las ni stong nyid che zhes bya ba nas sems can rnams ni 'byung ba yin no zhes bya ba'i rang bzhin no/ /rnam pa thams cad du rgyu 'bras kyi 'brel pa don dam par med pas kun rdzob pa dag kho na 'dul bya'i bsam pa sna tshogs pa'i rjes su 'jug pa'i rigs bzhag par rig par bya'o/ /bdag byin gyis brlabs pa'i ting nge 'dzin 'di ma shes pa rnams bcings par gyur la/ shes pa rnams ni grol ba ste/ gang gi phyir de dag ni rgyu'i gnas skabs su yang skye ba dang/ gnas pa dang 'jig pa la sogs pa dang 'khor ba ni don dam ma yin zhes bdag byin gyis brlabs pas kun rdzob pa'i sems kyi rnam pa can yin no zhes gsungs pa las nges par byed do/ /'di ltar khyed rnams sems ni lus lta bu dang/ lus ni sems lta bu dang/ sems ngag tu brjod pa lta bur skyed cig
- 262a
ces gsungs so/ /sgron gsal nas 'di ni bshad pa ni 'od kyi rang bzhin gyi lus bskyed de/ ci ltar zhe na/ sems gsum phra ba'i khams dang lhan cig tu longs spyod kyi sku'i rnam pas gang skur skyed pa de ni sems kho na'o/ /lus sems lta bu ni gang gi phyir sems las gzhan gang yang med do/ /ngag tu brjod pa gang yin pa de'i rang bzhin gyis sems kho na skyed cig /de ltar lus ngag yid stong pa nyid kyi rang bzhin 'od gsal dang gcig tu byas nas rdo rje 'dzin pa chen por bdag nyid bskyed par bya'o zhes so/ /'o na ji ltar byis pa rnams kyis rang gi sems kyi rang bzhin ma nges she na/ gsungs pa/ rlung zhes bya ba la sogs pa'i rdo rje bzlas pa'i rim pas rlung bstan par gyur na sems kyi rang bzhin nges pa yin gyis gzhan du ma yin no/ /sems ni bar do'i rang bzhin phyin ci log pa las so/ /'di ltar skal ba dang mnyam pa'i sems kyi rgyun gyi mdza' ma'i skad cig kun rdzob pa don dam par 'od gsal dang ro gcig pa 'gags pa na skal ba dang mi mnyam par bar ma de'i sems dang de dang der sgro btags pa bzlog pas skyed par byed de/ sgro btags pa thams cad bzlog pas ni rang bzhin gyis stong pa zhi ba'i bdag nyid can no/ /de ltar yin kyang de'i gnas skabs kyi bye brag la rang bzhin gyi bye brag skye bas snang ba la sogs par rnam par bzhag go/ de la tha ma'i skad cig gi rang bzhin 'od gsal las rnam shes dang po skad cig gis rdzogs pa'i phyir yongs su rdzogs pa snang ba thob ste/ sems kyi de nyid kyi bye brag ma rtogs pa 'di ni zhes mngon par zhen cing bar snang ba thob pa'o/ /bden pa'i don mthong ba la sogs pa la gegs byed pas ma rig pa'i mun pa dang bcas pa'i kun nas nyon mongs pa'i bdag nyid can no/ /de la 'dod chags dang/ zhe sdang dang/ ma rig pa dang/ srid pa dang/ nyer len ni nyon mongs pa'i kun nas nyon mongs pa'o/ /bsod
- 262b
nams dang bsod nams ma yin pa'i bdag nyid 'du byed rnams dang/ de'i rjes la bag chags kyi bdag nyid srid pa ni las kyi kun nas nyon mongs pa'o/ /nying mtshams sbyor ba'i rnam shes la sogs pa'i yan lag bdun ni skye ba'i kun nyon mongs pa'o// de nas bar do'i rnam pa can gyi sems de nyid nyi ma'i snang ba dang 'dra ste/ ston ka'i nyi ma'i snang ba bzhin du dri ma med pas mig gi dbang po la sogs pas 'jig rten gyi khams gzhan du yang phra ba la sogs pa'i dngos po thams cad snang ba dang/ / mtshungs pa'i phyir ro/ /de nyid kyi phyir shin tu cher snang ba mched pa dang/ bdag dang gzhan du btags pas rtog pa dang pha dang ma dang ci rigs par 'dod chags dang zhe sdang gi sbyor bas sems las byung ba dang dge ba dang mi dge ba'i las mngon par phyogs pas skye ba'i rgyu yin pas thabs te las kyis kun nas nyon mongs pa'i bar do'i rnam pa'i sems de nyid las las kyi dpa' rlabs kyis ma'i mngal du khrag dang khu ba 'dres pa las nying mtshams sbyor ba'i rnam shes skye bar 'gyur te/ las la rag las pas ? dang nye bar bsags pa'i las kyi bag chags kyis bsags pa yin pas sems dang/ 'dod chags dang bcas pa yin pas chags pa dang/ rig pa'i bdag nyid can pas shes rab dang zla ba'i rnam pa dang 'dra ste/ dper na ston ka'i zla ba'i 'od zer bzhin no/ /sdug bsngal dang/ btang snyoms kyi rnyog pa med pas dangs pa'i phyir dang/ spro ba med pa'i phyir khrag khu ba'i rang bzhin la sogs pa'i dngos po rnams yid kyi dmigs pa dang mtshungs pas snang ba'o/ /rnam par shes pa ni rlung gi bzhon pa dang/ las dang nyon mongs pa'i rkyen gyis mtshams sbyor ba'i skad cig tu de ltar nus pa dang ldan par skyed de/ gang gi gnyis la gzugs dang ming gi skad cig la sogs pa'i gnas skabs su rlung dang me dang chu dang sa dang snang ba dang snang ba mched pa dang snang ba thob pa rnams
- 263a
tshogs pa gcig la rag las pa'i tshul gyis phan tshun skyed de/ 'di ltar ngo bo ni skyed pa'i rim pa ste/ 'od gsal ba nas ni stong pa ste/ stong pa las kyang de las shes pa 'byung ba ste/ de las rlung gnyis skye ba yin/ /rlung las me ni yang dag 'byung/ /chu yang me las skye ba yin/ /sa ni chu las skye ba ste/ /'di ltar sems can 'byung ba yin zhes bya ba 'dis bstan to/ /de'i rjes su tha ma'i skabs nye bar gyur nas lus kyi sa'i khams dri ste/ de nas chu khams dang/ de nas me dang/ de nas rlung/ de'i rjes su rang bzhin dang bcas pa'i snang ba dang/ de nas snang ba mched pa dang/ de nas snang ba thob pa 'gags te/ de'i skad cig tha ma ni skal ba dang mnyam pa'i sems kyi skad cig gzhan skye mi nus shing 'gag pa ni kun rdzob tu 'chi ba zhes brjod do/ /'di ni don dam par ni 'od gsal gyi rang bzhin kho na yin no/ /rim pa 'di yang/ sa'i khams ni chu la thim/ /chu khams me la thim pa yin/ /me yang phra ba'i khams las te/ /rlung gi khams la rnam par thim/ /sems ni sems byung kho na la/ /sems byung ma rig pa las te/ /de las 'od gsal nyid du 'gro /'di ni srid gsum 'gog pa yin/ /zhes bya bas bstan to/ /de'i rjes su de kho na bzhin du bskal pa dang/ mi mnyam par de'i sems byung ngo/ /de ltar 'di na thog mdza' dang/ /bar ma med pa'i 'khor ba yi/ /'khor lo mgal me 'khor ba bzhin/ /phan tshun brgyud de 'khor ba yin de ni bdag byin gyis brlabs kyi rang bzhin du mi shes pa'i ro/ /shes pa na ni de nyid ces bya ba la sogs pa ste/ me long la sogs pa ni mdor bstan pa'o/ /khyab pa ni sprul pa'i sku sna tshogs kyis so/ /me long zhes bya ba la sogs pa ni rgyas par bshad pa'o/ /longs spyod rdzogs pa ni rnam par byed pa'i gnas skabs su'o/ /dri ba'i sems ni mtshan dpe 'bar ba mchog mi shes pa'i lus kyi rnam pa can te kun nas nyon mongs pa'i gnas skabs su'o/ /stong pa dang
- 263b
snying rje tha mi dad pa'i rdo rje'i sku ste rdo rje 'dzin pa'o/ /mchod pa ni rnyed pa bzhin du 'dod pa'i yon tan rnams dang sgrub pa'o/ /bdag nyid sangs rgyas thams cad ni rnam par snang mdzad la sogs pa'i rang bzhin no/ /rdo rje sems dpa' ni rdo rje 'dzin pa chen po ste/ da ston ba'o/ /sgyu ma ni skyes pa dang bud med dang/ rta dang glang po la sogs pa'i tshul can no/ /dmigs pa ni 'gro ba mthong ba la sogs pa ste/ don dam du med la 'on kyang kun rdzob tu'o/ /sgyu ma de ni 'khrul pa rnams kyi don dam par btags pa'o/ /gang gi phyir de lta yin pa de'i phyir dbang po la sogs pa ste/ gzugs dang sgyu ma la sogs pa gang gang ngo bor ni don dam par ro/ /mnyam par ma bzhag sbyor ba ni a sa ma bas hi ta yo ga te/ nga la aM sa ma ni mnyam pa med pa nyid de ting nge 'dzin to/ /bas hi ta yo go zhes pa gnyis ro gcig pa sgyu ma'i rang bzhin no/ /kun la sogs pa ni yul kun tu dang/ thag nye ring kun nas dang/ brtan pa dang g.yo ba thams cad dang/ rnam pa kun ni rnam pa sna tshogs pa'o/ /rtag tu mnyam par bzhag pa dang ma bzhag pa'i gnas skabs su'o/ /sna tshogs ye shes ni bdag byin gyis brlab pa ste/ /de la goms pas rdo rje sems dpa' ni rang nyid kyis te mtshan mo ni mngon par 'dod par byas pa'o/ /phyag rgya thams cad ni lha dang mi la sogs pa'i bud med do/ /yang nyon mongs pa la sogs pa ste/ 'di 'dra ni smig rgyu la sogs pa dang 'dra bar bdag byin gyis brlabs kyis ting nge 'dzin to/ /nye bar dmigs pa ni bden par sgro btags pa'o/ /sgyu ma ni bdag byin gyis brlabs kyi ting nge 'dzin to/ /rnam par mkhas na ni spangs bya dang blang bya'i dbye ba shes pa'o/ /bdag byin gyis brlab pa'i dgongs 'grel rdzogs so// //ji skad bshad pa'i bcom ldan 'das rdo rje sems dpa' i khyad par gnyis su med pa'i gzugs bstan par bya ste/ mgon po la sogs pa'o/ /rgyu dang
- 264a
'bras bu ni bdag byin gyis brlab pa'i 'od gsal gyi bdag nyid gang gi yin pa ni gnyis su med pa'o/ /gang gi phyir bya ba dang byed pa dag /ces bya ba la sogs pa 'chad par 'gyur ro/ /gnyis pa ni snang ba thob pa la sogs pa rim pa skye bas rtogs pa ste/ de'i yul ma yin pas na/ spyod bsdus las/ 'od gsal las 'od gsal dang tha mi dad pa sgrib pa dang bral bas shin tu rnam par dag pa'i chos kyi dbyings kyi ye shes ni snang ba thob pa dga' bral gyi bdag nyid can skye'o/ /de la snang ba mched pa nyi ma chen po'i snang ba bzhin du 'jig rten gyi khams mdza' yas pa snang bar byas pa'i me long lta bu'i ye shes mchog tu dga' ba'o/ /de las snang ba ste dga' ba zla ba snang ba bzhin du snang ba spro ba skyed pa'i phyir te/ mnyam pa nyid dang so sor rtog pa dang/ bya ba grub pa rnams kyis ci rigs par rang dang gzhan gyi 'khor ba'i gdung bzhi bar byed pa'i phyir don gyis rim par 'byung bar bzhag pa gang yin pa de ni ye shes lnga tha dad du bzhag pa bzhin tu ldog pa tha dad pa'i phyir te/ gdul bya'i bsam pa dang bstan pas rang don yin no/ /gang gi phyir ji skad bshad pa'i 'od gsal ba las 'od gsal ni cig car nyid du skye'o/ /'di ltar de nyid du rims pas skye bar bshad pa'i 'jug thogs de la stong pa bzhi dang gcig tu gyur pa snang ba'i phung po ltar 'jig rten gyi las thams cad snang bar byed pa'i mchog tu dga' ba'i rang bzhin gzugs sku skyes te/ gzugs dang ming gi bdag nyid can rdo rje 'dzin pa chen po zhes bya ba dang/ skad cig ye shes las byung ba'i/ /spros pa dang ni sdud mdzad pa/ /spros pa'i ye shes rlabs phra bas/ /rnam par sna tshogs du ma'i sku/ /zhes bya ba'i nges don du bshad pa'i ming ni tshor ba dang/ 'du shes dang/ 'du byed dang/ rnam par shes pa'i phung po rnams dang/ gzugs ni gzugs kyi phung po ste/ phung po lnga'i bdag nyid can zhes pa'i don to/ /dngos
- 264b
po gcig bsgyur ba ni gang gi phyir srid pa yongs su shes pa kho na las 'das pa yin pa'i phyir shes rab kyi rang bzhin yin pas 'khor ba ma yin pas snying rje chen po'i bdag nyid yin pas mya ngan las 'das pa ma yin te/ rab tu mi gnas pa'i mya ngan las 'das pa zung du 'jug pa'o/ /'di ltar dpal sam pu Ti las/ kun rtog mang po'i mun pas bsgribs gyur pa/ /rlung ni myo zhing mi brtan glog ltar ga-yo/ /chags sogs dgag dka' dri mas gos gyur pa'i/ /sems ni rdo rje can gyis 'khor bar gsungs zhes so/ /de bas kun nas nyon mongs pa dang/ rnam par byang bar dbye ba med do/ /don dam par de bzhin nyid ni kun nas nyon mongs shing rnam par byang bar yang mi 'gyur ro/ /rang bzhin gyis yongs su dag pa'i phyir ro/ /glo bur ba'i nyon mongs pa la sogs pa dang/ de dang bral ba la sogs pa'i kun rdzob tu kun nas nyon mongs pa dang/ rnam par byang bar bzhag go/ kun rdzob tu dngos po'i rang bzhin can te/ de nyid don dam par rang bzhin med pa ste tha mi dad do/ /gzung 'dzin ni de kho na nyid du rang bzhin med de/ de nyid tha mi dad du zhes rang don no/ /gzung ba ni rang bzhin med par shes pa ste/ mngon sum du byed pa'i shes pa ni de'i rnam par 'dzin pa ste/ de gnyis tha mi dad do zhes don no/ /rtag pa ni yod pa nyid dang/ chad pa ni med pa nyid de don dam par med do/ /kun rdzob dang de'i rang bzhin med pa yod de tha mi dad do/ /stong pa nyid kyi ye shes ni shes rab ste/ de nyid sems can gyi don byed pas snying rje ste/ rtog pa med pa'i gnas skabs su dang po'i snying rje 'am kun rtog las byung ba'i 'du byed sad bas na rang gi don du rab tu 'jug pa'i phyir ro/ /de ltar sam pu Ti las/ sems can don byed snying po'o zhes gsungs so/ /rang bzhin med gang shes rab ste/ /thabs ni dngos po'i mtshan nyid can zhes gsungs te/ /de gnyis tha mi dad do/ /phung po lnga ni sgrib pa dang bral bas lhag ma ste/ /de dang bcas pa'i mya ngan las 'das pa dang/ phung po lhag ma
- 265a
gang la med pa de ni phung po lhag ma med pa ste/ de la dbyer med do/ /rnam par dag pa'i phung po rnams kho na rang bzhin med cing mya ngan las 'das pa ste/ gnyis su med pa'i gang zag gi bdag med ni bdag byin gyis brlabs kyi lus dang/ chos kyi bdag med ni rang bzhin med pa ste gang gi phyir de gnyis tha mi dad de bsdus ba ni dbye ba med pa'o/ 'od gsal ni spros pa thams cad med pas gnyid log pa bzhin te/ de las langs na bden pa ji lta ba bzhin du rtogs par bya'o/ /de gnyis med 'od gsal las tha mi dad par brtag tu gnas pa'i phyir ro/ /mnyam par bzhag pa la sogs pa rgyas par bstan pa ni dran pa la sogs pa ste/ dran pa ni gzhan don byed pa la sogs pa mnyam par ma gzhag pa'i skabs su yang de kho na nyid bsam par bya'o/ /dran ming ni bsam pa thams cad dang bral ba'i ting nge 'dzin to/ /de gnyis 'di la med do/ /gang gi phyir 'di gnyis rtag tu 'chang zhing yid bzhin nor bu ltar rnam rtog mod kyang gzhan don mdzad pa'o/ /chags pa ni dga' ba'o/ /chags bral ni mchog dang dga' bral lo/ /rim gyis 'byung ba de dag dang bral ba ni gang gi phyir bdag nyid ro gcig tu gyur pas mchog ni bla na med pa lhan cig skyes pa'i dga' ba nyid kyi sku longs spyod rdzogs pa dang/ sprul pa'i sku ste sku gsum mo/ /gzugs med ni rang bzhin med cing 'od gsal chos kyi sku ste/ gzugs dang gzugs can de gnyis tha mi dad do/ /bden pa gnyis ni kun rdzob dang don dam pa'i bdag nyid can no/ /tshul ni mthar thug la dbye ba 'gog pa tsam mo/ /bdag gcig pa 'am de bzhin no/ /zung du 'jug pa'i sgra don gyi mthar thug kyang de yin te/ /gang gi phyir don dam pa rang bzhin med pa dang/ kun rdzob ni gcig kyang ma yin pa bzhin du gnyis ka'i yang ma yin no/ /de dang de las gzhan du brjod par bya ba ma yin pa nyid do/ /dngos po yod na de dang de las
- 265b
gzhan gyi rtog pa 'byung la/ dngos po rang bzhin med pa rnams la don med pa nyid do/ /phyag rgya chen po ni rdo rje 'dzin pa'i sku'i rnal 'byor chen po ni shes rab tu gyur pa'i bsgom par bya'o/ /zhes pa ni spyod bsdus las/ kun rdzob dang don dam gnyis rang bzhin med par 'dir yongs su shes pa bsgom pa'o/ /zhes gsungs so/ /so sor sdud la sogs pa'i yan lag drug gis bsgom par gang bshad pa de nyid du bsdus te tha dad du ma bshad do/ /de la mdor bsdus gyi rim pas so sor sdud dang bsam gtan te/ rdo rje bzlas pa'i rim pas srog rtsol gyi yan lag go /bdag byin rlabs dang 'od gsal gyi rim pa dag gis ji ltar dang/ ngag tu 'dzin ba de 'dzin pa'i yan lag bstan to/ /zung du 'jug pa'i rim pas rjes su dran pa dang ting nge 'dzin gyi yan lag go /gang gi phyir so sor sdud pa ni lha rnams sgom ba ste/ de dag kun rdzob dang don dam pa'i tshul gyis nges par brtags la rnam par rtog pa dang rnam par dpyod pa'o/ /de nas de kho na nyid la 'jug pa la mngon par phyogs pas dga' ba dang bde ba'o/ /de nas stong pa nyid gcig pa la sems gtang ba ni sems rtse gcig pa ste/ bsam gtan yan lag lnga pa'o/ /gzhom du med pa la bsdus pa'i rlung ni srog rtsol lo/ /sgyu ma'i rang bzhin rdo rje 'dzin pa'i sku 'od gsal gyis bdag nyid ni 'dzin pa'o/ /'od gsal gyi rjes su dran pa ni skad cig gis rdo rje 'dzin pa'i skur rdzogs pa ste/ rjes su dran pa'o/ /rdo rje 'dzin pa de nyid zung du 'jug pa'i bdag nyid can du bsgom pa ni ting nge 'dzin to/ /sgron gsal gyi rjes su 'brangs pa bsdus shing snying por gyur pa'i bshad pa 'di nyid do/ /khyad par du yan lag drug ni brgyud pa'i snyem las gsal ba'i phyir 'dir ma bshad do/ /spyod pa ni spros bcas dang/ spros med dang/ shin tu spros med kyi spyod pa gang rung ste/ gang gi phyir dbang du byas nas spyod pa bsdus las/ don gyi de ltar 'dod pa la spyod pa rnams kyis phyi'i shes rab ma dang snyoms
- 266a
par 'jug ste/ mchog tu dga' ba'i bde ba skad cig re re myong ba dang/ yongs su rdzogs pa'i skabs su 'khor bar rtag tu dga' ba'i tshul du 'gyur ro zhes gsungs so/ /'dir dang por zung du 'jug pa bsgom pa dang/ de'i khyad par mthar thug pa'i 'bras bu la lhan cig skyes pa'i rang bzhin nyid dang/ de sad par byed pa'i phyir phyag rgya bsten pa yang bstan to/ /tha ma shin tu spros med kyi spyod pa ni dang por ye shes kyi phyag rgya la sogs par byed la/ bsad par byed pa ni phyi'i phyag rgya nyid kyis so/ /de nyid kyi phyir/ 'di la 'dod kun bde ba'i dga' ston kun/ /'bad pa med bzhin 'grub par 'gyur/ zhes gsungs so/ /de dang mtshungs pa'i zung du 'jug pa'i rjes su 'gro ba ste/ tha dad du 'dzin pa yongs su spong bar byed do/ /de nyid bshad pa ji ltar zhes bya ba la sogs pa'o/ /de ltar na bdag nyid sgra la sogs pa re re kun rdzob dang/ don dam zung du 'jug pa nyid shes nas spyod pa la 'bad pa med pa nyid kyang phun sum tshogs pa thams cad lhun grub tu 'byung ngo/ /de ltar spyod bsdus las/ kun las the tshom des spangs nas/ /rnal 'byor byis pa bzhin du spyod/ /gang tshe rnal 'byor 'bad med 'gyur/ /de tshe phun sum tshogs pa 'byung/ zhes gsungs so/ /sgron gsal las kyang/ rdo rje pad+ma mnyam sbyor bas/ /ye shes gsum gyi dbye ba shes/ /gos dang ma gos bla gos der/ /rtag tu bde bas spyod pa yin/ / bkag pa yang ni byas nas su/ /bya dang bya min rnam spangs la/ /pad+ma chu yis ma gos bzhin/ /rang bzhin shes pas gos ni 'gyur/ /sgyu ma lta bu'i ting 'dzin gyis/ /dngos po kun gyi bdag nyid 'phel/ /dam tshig bzhi nyid la gnas shing/ /sangs rgyas 'phrin las byed par 'gyur/ /dbang phyug yon tan brgyad dang ldan/ /rang nyid thams cad mkhyen par 'gyur/ /ma lus 'jig rten khams kun don/ /ye shes sku yis rnam par spyod/ /de yi khams ni nam mkha' ste/ /gtso bo gang la kun spyod pa/ /sgyu ma
- 266b
lta bu'i ting nge 'dzin gyis/ /de nyid du ni rtsi bar 'gyur/ /zhes bshad do/ /zung du 'jug pa'i dgongs 'grel rdzogs so// //gsang 'dus bshad pa 'phags pa'i gsung dang mthun pa mdza' drug gsum gnad gsal ba'i 'grel pa 'di/ mtshan mo phyogs bcu'i zla 'od bzhin/ /ye shes bdud rtsi'i rgya mtsho 'phel bar 'gyur/ /de steng gling 'dir dpag bsam shing 'khrungs 'gro rnams skye dang yongs su smin pa'i gzhi/ /bdag kyang yun ring gnyis med gnas ni 'gro la nyer bstan cing/ /dga' bcas tshogs la sku tshen ril pas thub pa'i dbang phyug gyur/ /rim lnga'i dgongs 'grel zla ba'i 'od zer zhes bya ba/ paN+Di ta chen po 'jigs med 'byung gnas sbas pas mdzad pa rdzogs so// // shar phyogs dza ga ta la'i paN+Di ta bi b+hu ti tsan+d+ras bsgyur ba'o// //sgrub thabs mdor byas kyi dka' 'grel bzhugs/ /!/ /rgya gar skad du/ piN+Ti kri ta sA d+ha na pany+tsi kA/ bod skad du/ sgrub thabs mdor byas kyi dka' 'grel/ dpal rdo rje sems dpa' la phyag 'tshal lo/ /'jig rten gsum gyi spyod pa zhes bya ba la sogs pa'i tshigs su bcad pa la/ dpal ldan tsind+ha kA ya yi zhabs kyi man ngag bri bar bya ste/ mdor byas can gyi rim pa'i sgrub par bya ba la/ 'dir phyag byas so/ /de bzhin du yang rdo rje bzlas pa la/ dang por rdo rje bzlas pa'i sgrub par bya ba la phyag byed pa gsal bar gsungs so/ /de bzhin du rang byin gyis brlab par rang byin gyis brlab pa'i sgrub par bya ba yi'o/ /de bzhin du 'od gsal dang zung du 'jug la yang/ de dang de yi bsgrub par bya ba yi'o/ /de la phyag 'tshal ba ni 'dud par byed pa'o/ /ci la zhen sku la ste/ mdor byas kyi rim pa sgom par byed pa rnams kyi bsgrub par bya ba ste sbrul pa'i sku'o/ /rgyal ba rnams kyi ni mi bskyod pa la sogs
- 267a
ba rnams kyi'o/ /de ci lta bu zhe na/ 'jig rten gsum gyi spyod pa las grol te/ 'jig rten gsum gyi spyod pa 'jig rten gyi chos brgyad rnams te de rnams las grol ba'o/ /slar nam mkha' mnyam par gyur pa ste/ nam mkha' ni 'od gsal /des mnyam par gyur pa ni ye shes gang yin pa de'o/ /de ltar yang/ shU n+ya tA dz+nyA nA badzra swa b+hA ba At+ma konyahaM/ zhes bya ba la sogs pa 'dir gsungs pa'i phyir ro/ /phung po dang khams dang skye mched la sogs pa'i rang bzhin ni nyid kyi phyir dngos po kun gyi ngo bo nyid do/ /de ltar yod/ phung pa rnams dang khams rnams dang/ zhes bya ba la sogs pa spyod bsdus su gsungs so/ /'dod pa'i yon tan lnga dag pa'i sbyor ba dang arsha la sogs pa'i nyid la las dag pa'o/ /zhi ba la sogs pa'i las kyi sbyor ba las zhi ba la stong ba nyid kyi bdag nyid can /nyid kyi yongs su byang ba nyid kyi phyir rnam par dben pa yang dag par rdzogs pa'i byang chub bskyed pa po nyid kyi phyir mchog tu zhi ba'i rang bzhin no/ /mchog tu gyur pa'i bskyed pa'i rim pa bsgom pa po rnams kho na'i rtogs pa nyid kyi phyir rnal 'byor ba nyid kyis rtogs bya'o/ /byis ba'i rnal 'byor brtog ge ba la sogs ba rnams kyis rtogs bya ma yin pa nyid kyi phyir rtogs par dka' ba'o/ /gcig dang gcig ma yin rang bzhin gyis de bzhin gshegs pa thams cad kyi rdul phra rab las yongs su bsgrubs pa'i gzugs rnam par dpyad pa'i phyir brtags par dka' ba'o/ /rang bzhin rdzogs pa'i byang chub thob par byed pa'o/ /nyid kyi phyir rang dang gzhan la phan pa'i mchog go /bya ba'i dbye bas sna tshogs pa'i skul ba byed pa nyid kyi phyir khyab pa'o/ /rnal 'byor bzhi la sogs pa sgom par byed pa la the tshom gyi mtshan ma med pa nyid kyi phyir mtshan ma med pa'o/ /bde ba chen po'i rgyu nyid kyi phyir bde ba'o/ /snga ma bzhin du 'di kun mod ma yin pa'i ngo
- 267b
bo nyid du mtshungs pa'i phyir mnyam med mnyam pa'o/ /skye ba la sogs pa'i rnam par rtog pa dang ldan ba'i sku rnam par rtog pa dang rnam par mi rtog pa gcig pa'i sku'o/ /de lta bu'i rang bzhin gyi bstod pa sngon du 'gro bas phyag 'tshal nas/ 'jug pa'i yan lag gi ? brjod par bya ba la sogs pa bshad pa nye bar rtsom pa ni/ dpal ldan zhes bya ba la sogs pas so/ /zhe sdang zhes pa ni/ sgra gcan bzang pos slob dpon gyi mchog tu bris pa brjod par bya ste/ sngags kyi nges ba dang po ste zhes bya ba la sogs pa'i rim pas/ sgrub pa'i/ thabs thos shing bla ma las gnang ba thob nas dgon pa la sogs par shad du phyogs te sems dpa' i skyil krung can gyi snying rje bskyed de mdun du sangs rgyas la sogs pa rnams bltas nas/ /de la gsungs pa'i cho gas mchod pa rnam pa bdun dang bdag dngul ba dang/ dam pa bdag gis bskyed par bgyi zhes bya ba la sogs pa yang byas nas/ stong pa nyid du lhag par mos pas tha mal pa nyid bsam la skad cig gis bdag nyid rdo rje 'chang chen po'i gzugs kha dog dkar po phyag gnyis pa zhal gcig pa/ sna tshogs pad+ma'i gdan la bzhugs pa/ 'od kyi dkyil 'khor rnam par mdzes pa/ skyes bu chen po'i mtshan sum cu rtsa gnyis 'chang ba/ dpe byad bzang po brgyad cus brgyan ba rdo rje dbyings kyi dbang phyug mas 'khyud pa/ sgyu ma lta bu'i lus su bsam par bya'o/ /de nas ye shes sgron ma rdo rje'i ting nge 'dzin gyis tshul gyis badzra d+h+rika ces pa'i sngags kyis phyung ba des mi bskyod pa'i gzugs/ kha dog nag po zhal gsum pa phyag drug pa bdag gi mdun du bltas nas/ slar yang de rang gi lus su chu dang 'o ma'i tshul gyis zhugs pas bdag in+d+ra nI la'i kha dog lta bu mchi ba gtsigs shing 'jigs pa la/ rang snang gi reg bya rdo rje mas 'khyud pa sgyu ma'i lus nyi ma'i gdan la g.yas su rdo rje dang 'khor lo dang pad+ma 'dzin la g.yon dril bu dang yid bzhin gyi nor bu dang ral gri 'chang ba zhe sdang rdo rje'i gzugs sems dpa' gsum gyi bdug
- 268a
nyid can du bsam par bya'o/ /de'i ting nge 'dzin la gnas pas/ hUM yig ring po dbyung ste/ de las skyes pa'i gshin rje mthar byed la sogs pa'i khro bo bcu zhal gsum phyag drug pa rnams so/ /shAkya thub pa thams cad mdzad nas dga' ldan las babs te/ 'dod chags dang bral ba nyid kyis nyan thos rnams de'i lam la so sor bzhag nas theg pa chen po pa rnams la rnam shes brgyad la sogs pa/ chos la bdag med par rtogs pa/ sa dang pha rol tu phyin pa'i lam spyad pa las/ zab mo la lhag pa mos pa rnams kyis bden pa gnyis rtogs par bya'i phyir/ 'dod chags kyis byang chub pa rab tu ston pa'i phyed du/ dpal gsang ba 'dus bar le'u dang po las gsungs pa 'dod chags chen po'i tshul zhes bya ba'i ting nge 'dzin la snyoms par zhugs so/ /de bzhin du bskyed bzhin pa'i rnal 'byor pas kyang dang po sbyor ba byas nas de'i 'og tu 'dod pa la spyod pa rnams kyi thar pa rab tu ston pa'i ched du le'u bcu bdun pa las gsungs pa'i 'dod pa thams cad la nye bar longs spyod pa'i ting nge 'dzin gyis gnas par bya ste/ bu mo rnyed nas zhes bya ba la sogs pa rnams kyis so/ /de la zhi ba'i las ni chu'i dkyil 'khor bsgoms nas ting nge 'dzin gsum rdzogs pa'i rnam par snang mdzad kyi rnal 'byor pa rang gi ye shes sems dpa' i thugs ka'i dbus su son pa'i 'khor lo la gnas pa'i oM yig bsgoms nas de'i 'od zer gyi tshogs kyi bkug pa'i nad pa de nyid du gzhag par bya'o/ /de'i rjes su oM yig las 'phros pa'i spyan ma dang snyoms par 'jug pa'i rnam par snang mdzad kyi tshogs kyis nam mkha' i khongs khyab par bsgom par bya'o/ /de nas thams cad snyoms par zhugs pas gcig pa can du byas nas 'od kyi gong bu bdud rtsi'i tshogs de nang pa'i spyi bor phab nas sdig pa thams cad gzhom par bya'o/ /de nas rang gi thugs ka nas phyung ba'i nad pa sdig pa dang bral bar gyur pa mdun du zla ba'i dkyil 'khor la
- 268b
gzhags nas rnam par snang mdzad kyi sprin las sngar gyi 'od zer gyi gzugs kyis rnal 'byor pa rang gi spyi bo'i bu ga nas rab tu bcug ste/ rang gi rdo rje bu ga nas dbyung bar bya'o/ /ci ltar byas nas she na rnam par snang mdzad kyi tshogs de rnams kyis/ slar yang nam mkha' khebs shing g.yog par bya'o/ /de la de'i dus su de'i mdun na 'dug pa la/ sngar bzhin rang gi phyag rgya dang snyoms par zhugs pa'i sangs rgyas kyi sprin byang chub kyi sems kyi rgyun rnams kyis/ mngon par dbang bskur ba sbyin par bya'o/ /'di yis nad pa ring por mi thogs par dge ba'i yan lag lus rgyas pa skye bar 'gyur ro/ /de bzhin du rnam par snang mdzad kyi rnal 'byor pa/ grong khyer la sogs pa rnams su bdud la sogs pa'i nye bar 'tsho ba rnams zhi bar byed pa brtsams par bya ste/ dang por sgrub pa pos sems can rnams thams cad la snying rje chen po bskyed nas grong khyer la sogs pa'i steng bar snang gi phyogs su/ shing tA la'i sdong po'i tshad kyi rdo rje chen po 'od zer lnga dang ldan pa rang gi gnas su bsgom par bya'o/ /de'i 'og tu de las byung ba'i 'od zer gyi tshogs dus kyi mdza' i me lta bu sems can rnams kyi sdig pa thams cad sreg pa por bsam nas/ sems can de rnams rdo rje chen por rab tu gzhug par bya'o/ /de las dbyung bar bya'o/ /ji ltar na pad+ma rA ga dang/ yid bzhin gyi nor bu dang rdo rjer snang ba dang/ nor bu shel ltar dang ba'i lus kyi kha dog dang mtshungs pa'i sems can rnams rang gi gnas gnas su gzhug par bya'o/ /phyis nam mkha' i steng du rnam par snang mdzad kyi tshogs rang gi phyag rgya dang snyoms par 'jug pa bsams nas/ de las byung ba'i byang chub kyi sems kyi rgyun rab tu 'bab pa rnams kyis bshad ma thag pa'i rim pas sbyangs pa'i sems can rnams la dbang bskur bar bya'o/ /zhes pa ni man ngag go /de bzhin du rnam par snang mdzad kyi rnal 'byor pa rims la sogs pa zhi ba'i don du/ spyan ma'i cho ga yang bya ste/ 'dir
- 269a
sngags kyi yi ge rnams dang me tog dang dril sogs pa kha dog dkar po nyid du bsam par bya'o/ /de la 'di ni spyan ma'i sngags te/ oM ru ru sa phu ru dzwa la tiSh+Tha sid+ha la tsa ni sarba yartha sA b+ha ni swAhA/ 'dir zhi ba gzi bskyed pa'i don du sngags dpe la bar bya ste/ ji ltar byas nas she na/ swAhA de'i mngon du che ge mo shAn+tiM ku ru swa te zhes so/ /de bzhin du dbang chen gyi dkyil 'khor rnam par bsgoms nas rin chen 'byung ldan gyi rnal 'byor pa/ rang gi ye shes sems dpa' i thugs kar rin po che'i steng du ting nge 'dzin zhes brjod ba/ swA yig rnam par bsams nas/ de la 'od zer ser po lcags kyu'o rnam pa'i tshogs kyis bsgrub bya bkug la de nyid du gzhags par bya ste/ de'i rjes su ting nge 'dzin sems dpa' las byung ba'i mA ma kI dang snyoms par 'jug pa'i rin chen 'byung ldan gyi tshogs kyis nam mkha' khebs shing khyab par bsgom par bya'o/ /de nas thams cad snyoms par zhugs pas 'od zer ser po snying por gyur pas gcig pa can du byas nas yang dag par bsdus pa'i byang chub kyi sems 'di bsgrub par bya ba'i lus la dbab par bya'o// de nas ting 'dzin sems dpa' las phyung ba'i bsgrub par bya ba sdig pa dang bral ba mdun du rin po che'i dkyil 'khor la bzhag nas rin chen 'byung ldan gyi sprin rnams sngar gyi 'od zer gyi gzugs kyi rnal 'byor ba rang gi spyi bo'i bu gar rab tu bcug nas rang gi rdo rje bu ga nas 'byung bar bya'o/ /ji ltar zhe na rin chen 'byung ldan gyi tshogs de rnams kyis slar yang nam mkha' g.yog par bya'o/ /de'i dus su de'i mdun du 'dug ba la rang gi phyag rgya dang snyoms par zhugs pa'i rin po che'i sprin byang chub kyi sems kyi rgyun rnams kyis sngar bzhin du dbang bskur ba sbyin par bya'o/ /'dis dgang dka' ba rgyas par 'gyur ro/ /de bzhin du me'i dkyil 'khor la snang ba mdza' yas su lhag par mos pa'i rnal 'byor ba rang gi ye shes sems dpa' i thugs kar pad+ma dmar po'i steng du ting nge 'dzin
- 269b
sems dpa' a(rgyud 'grel): yig bsgoms te/ de las lcags kyu dmar po'i rnam pa'i 'od zer gyi tshogs rnams kyis bsgrub par bya ba bkug nas de nyid du gzhag par bya ste/ de'i rjes su ting nge 'dzin sems dpa' las byung ba'i gos dkar mo dang snyoms par 'jug pa'i snang ba mdza' yas kyi tshogs rnams kyi nam mkha' khebs shing khyab ba bsgom par bya'o/ /de nas thams cad snyams par zhugs pa las 'od zer dmar po'i snying por gyur bas gcig pa can du byas nas yang dag par bsdus pa'i byang chub kyi sems 'di bsgrub par bya ba'i lus la dbab par bya'o/ /de nas ting 'dzin sems dpa' las phyung ba'i bsgrub bya sdig pa med pa mdun du pad+ma'i dkyil 'khor la gzhag nas snang ba mdza' yas kyi sprin rnams sngar gyi 'od zer gyi gzugs kyi rnal 'byor ba rang gi spyi bor rab tu bcug nas rang gi rdo rje'i bu ga nas dbyung bar bya'o/ /snang ba mdza' yas kyis tshogs kyis nam mkha' khyab par g.yog par bya'o/ /de'i dus su de'i mdun du 'dug pa la/ rang gi phyag rgya dang snyoms par bzhugs pa'i snang ba mdza' yas kyi byang chub kyi sems kyi rgyun gyis sngar bzhin du dbang bskur ba sbyin par bya'o/ /dbang du bya ba'i don gyi tshig go/ de bzhin du don yod grub pa'i phyag rgya chen po bsams nas de'i thugs kar ye shes sems dpa' de'i thugs kar ting nge 'dzin sems dpa' rnam par bsam zhing/ de las byung ba'i 'od zer gyi tshogs kyi nor dang dbang du bya bar 'dod pa'i skye bo thams cad bkug nas de nyid du gzhug par bya'o/ /de'i rjes su ting nge 'dzin sems dpa' las 'phros pa'i rnam par snang mdzad la sogs pa rnams dang byams pa la sogs pa rnams kyis/ rang gi phyag rgya dang lhan cig pa rnams kyis nam mkha' bkang bar bsams nas de bzhin gshegs pa lnga po de rnams kha dog gi dbye bas rnam pa lnga'i byang chub kyi sems kyi rgyun zhugs pa rnams bsgrub par bya ba'i lus la dbab bar bya'o/ /sngar bzhin du mdun na 'dug pa la dga' ba'i thugs
- 270a
can gyi sangs rgyas lnga dang byang chub sems dpa' rnams rang gi phyag rgya dang snyoms par zhugs pas dbang bskur ba rab tu rtsel bar byed do/ /rnam pa de lta bus bsgrub par bya ba ring por mi thogs pa nyid du de bzhin gshegs pa thams cad kyi yid du 'ong zhing 'jam dpal dang mtshungs par 'gyur ro/ /de nas cir 'gyur zhe na/ 'gro ba thams cad bltas pa dang/ skyed pa rab thob pa ste bltas tsam nyid kyis dbang du byed par 'gyur ro/ /'di ni skye bo thams cad dbang du bya ba'i don gyi tshig go /'dir ni gzhung rgyas pas 'jigs pa'i phyir dang/ byed dka' ba nyid kyi phyir rgyud las phyung nas ma brjod do/ /mngon spyod kyi las la sogs pa can ni/ zhi bar byed la sogs pa de nyid kyi dbang du byas pa'o/ /phyir bzlog gi de nyid brjod par bya ste gtsug tor 'khor los sgyur ba'i rnal 'byor dang ldan pas/ gnod mdzes la bka' bsgo bar byas pas 'khrul 'khor dang gsang sngags la sogs pa rab tu sbyor bar byed pa rnams bkug nas phur bus gdab par bya'o/ /zhes pa bsgoms pas phyir bzlog pa'o/ / 'khor lo bskor ba ni phreng ba'i sngags thun gsum du lan bdun rnams bzlas par bya'o/ /khro bo ldan zhes pa bzlas te phyir bzlog pa'o/ /gzhan yang de'i phreng ba'i sngags skyes kyi 'dab ma la sogs pa la/ gi ha gis yang dag par bris te/ lus la bcangs par bya'o/ /zhes pa bris te phyir bzlog pa'o/ /de la 'di ni gtsug tor 'khor los sgyur ba'i phreng ba'i sngags so/ /oM uShiNI ShA tsakra wirta b+h+ruM b+h+ruM b+h+ruM sarba lo ki ka lo kot+ta rA Ni yan+ta man+ta/ tan+ta/ bitsurnNa pra yo ga A dI nI/ ye na ke na/ cin ma ma kri te krI tA ni/ kA ri tA me wA swa yi me wa/ b+hu tA nI bA/ wa ta to/ wa pit+ta ta? wa/ shlaSh+ma to/ /wa sin+na pa ta to bA ta ni/ sarba Ni/ ts+tshinda ts+tshinda/ b+hinda b+hinda/ kampa kampa/ d+hu na d+hu na/ ha na ha na/ da ha da ha/ pa tsa pa tsa/ ma tha ma tha/ bid+hwaM sa a bi d+hwaM sa ya/ sarbba
- 270b
duSh+TaM ne ka sha ta sa ha sra d+he/ bi tsUr+N+NA ya bi tsUN+NA ya/ b+h+ruM b+h+ruM b+h+ruM/ oM uSh+NI Sha tsakra/ warti hUM hUM hUM phaT swAhA/ de lta bu ni byas pa de'i 'bras bu phyin ci log kho nar 'gyur ro/ /don phyir log pa can no zhes pas phyir bzlog gi de kho na nyid kyi dbang du byas pa'o/ /de nas 'di dag de kho na nyid dang bral bas bsgrub par bya ba ma yin pas/ de'i 'og tu de la 'jug par bya ste/ de kho na nyid ni byang chub kyi sems gdod ma nas ma skyes pa'i zhi ba ste/ gsang ba 'dus pa'i rgyud phyi mar yang gsungs pa/ thag ma tha ma med zhi ba/ /dngos dang dngos ming zad ba'i gtso/ /stong nyid snying rje dbyer med pa/ /byang chub sems zhes bya bar dran/ /'di rnams kyang lus la sogs pa rnams par dben pa dang bral bas bsgrub par bya ba ma yin no/ /zhes pas de gsungs pa/ sgrub pa po stong pa nyid du lhag par mos pas tha mal pa bsal nas bdag nyid rdo rje 'chang chen po'i gzugs dkar po phyag gnyis pa zhes bya ba la sogs pa rnams nas de ltar rnal 'byor bzhi byed rnal 'byor pa/ hUM yig snying por 'jig rten rab tu bsgom/ /de byung 'gro kun rdo rje sems dpar bsam/ /langs nas gang gnyis ji bzhin spyod par bya/ zhes pa'i mthar thug pas so/ /sngags kyi bdag nyid kyi rdo rje 'chang gi sku ni gang zhig rang bzhin med pa'i rang bzhin nyid kyis yongs su shes pa las brdzun pa nyid du nye bar dmigs pa de lus rnam par dben pa'o/ /gzhan yang gang zhig lus ni rigs brgya'i rab tu dbye bas brdzun pa nyid de/ rigs ni rnam par rgyar gsungs pa/ zhes rtogs shing kun tu bltas nas tha snyad byed pa nyid kyi sa dang gzhon nu dang/ lang tsho dang/ rgan pa'i gnas skabs kyi rang bzhin nye bar dmigs pa med pa de'i phyir brdzun pa nyid du rtogs pa dang lhag par rtogs pa dag las khams gsum du gnas pa'i lus ni brdzun pa nyid de lus rnam par dben pa'o/ /chu'i mthil gyi nang du song ba'i lus ji lta ba bzhin no/ /zhes so/ /hUM yig snying por zhes pa ni yi ge gsum las yang dag par byung ba nyid kyi
- 271a
phyir ro/ /lus ni brdzun pa nyid du shes nas de'i rgyu'i yi ge gsum yang brdzun pa nyid du brjod do/ /de yang rlung gi de nyid sngon du song ba dang bral bas ma yin no/ /zhes pas de dag gsungs pa/ rlung gi de nyid ni srog ste/ de ni sna'i bu ga dag nas dkyil 'khor bzhi'i rim gyis 'jug pa dang gnas pa dang ldang ba rnams kyi khri phrag gnyis dang/ brgya phrag bcu drug tu 'gyur te/ 'jug pa la sogs pa de rnams su oM A:hUM zhes pa'i brdar 'gyur ba can gyi bzlas pa'o/ /de bsgom par byed pas sna'i rtse mor yungs kar bsam/ 'gro dang mi 'gro yungs kar la/ zhes bya ba la sogs pas mchog tu mthar thug par gyur pas/ rlung thams cad 'gag ste brdzun pa nyid du gyur ba'i ngag ni ngag rnam par dben pa ste/ sgra brnyan ji lta ba bzhin no/ /'di rim pa nyid kyis rlung 'gags pa las gzung bya dang 'dzin pa po dang/ 'dzin pa'i rang bzhin gyi sems dang de'i bya ba drug cu lhag pa'i brgya'i rang bzhin yang 'dod chags dang bral ba dang/ 'dod chags dang 'dod chags par ma la sogs pa brdzun pa nyid ni sems rnam par dben pa ste/ ji ltar rmi lam gyi sems bzhin no/ de bzhin du gnyis pa rdo rje'i bzlas pa'i rim pas ngag dang sems dngos po med pa'i rang bzhin yongs su shes nas lta ba drug cu rtsa gnyis dang nyon mongs pa dgu bcu rtsa brgyad kyang de kho na'i rang bzhin du 'gyur ro/ /'od gsal du rab tu zhugs nas cis slong bar byed ce na/ zung 'jug gi rim pas 'khor ba ma yin pa'i dam pa'i bde ba nyams su myong ste phyir ldog pa med par 'gyur ro/ /thar pa'i don ci grol bar ga la 'gyur zhes dris pa/ rdo rje theg pa 'dir bskyed pa'i rim pa mngon du byas pas sa brgyad pa thob nas ji srid rdzogs pa'i rim pa thob pa de srid du bshes gnyen la brten par bya'o/ /lus dang ngag dang sems rnam par dben pa thob pas kyang sa bcu thob cing/ sgyu ma lta bu thob ste de lhag par rtogs shing 'od gsal bas rnam par dag go /snang ba med pa las ldang ba'i don du zung du 'jug pa'i rim pas sangs rgyas kyi sku mngon du byas nas/ rdo rje lta bu'i ting nge
- 271b
'dzin gyis/ yon tan thams cad kyis brgyan par bzhugs so/ /sgrub thabs mdor byas kyi dka' 'grel/ /paN+Di ta bi b+hu ti tsan+d+ras mdzad pa rdzogs so// //shAkya'i dge slong rin chen grub kyis/ dpa' bo'i lo mgo can gyi zla ba'i tshes bcu dgu la rgya dpe la bltas nas/ dpal ri phug gi dben gnas su bsgyur ba'o// //rim pa lnga'i don gsal bar byed pa bzhugs// //rgya gar skad du/ pany+tsa kra ma artha b+hA skar Na nA ma/ bod skad du/ rim pa lnga'i don gsal bar byed pa zhes bya ba/ byang chub sems dpa' sems dpa' chen po gsung gi mnga' bdag 'jam dpal ye shes sems dpa' la phyag 'tshal lo/ /dpal ldan rdo rje 'chang chen gyis ni legs par gsungs pa yi/ /rgyud rgyal gsang ba 'dus dang rnal 'byor 'o ma'i rgyud 'dra las/ /mar gyi snying po legs phyung nges par bzung ba lnga/ /'phags ba klu yi dgongs bzhin blo dman don du bshad par bya/ /'jig rten khams 'dir ring gnas bya phyir byang chub klus/ /legs dang bde ba'i don thob gzhan gyi dgongs pa shes/ /be da'i yul nas legs byung dge slong dpal ldan te/ /de ming klu sgrub ces bya de'i dgongs pa shes/ /legs don mi mthun kun 'joms legs pa'i don ster ba/ /dpal 'gro gling gi dge slong shAkya'i bshes gnyen la/ /dngos dang yid kyis rin chen bdun gyis mnyes par byas/ /de yi stobs kyis gsang don ma rmongs blo la snang/ /yun ring spyod pa dus dang bya ba bsam pa'i dbang/ /rnam dgus legs brgyan yang dag lta ba rab rdzogs shing/ /legs bsgrubs de yi stobs kyis 'phags pa'i 'od zer phog /thugs rje'i stobs can nyi ma'i 'od 'dras sems can don la gzigs/ /nyon mongs tha ba rlog pa'i ye shes ral gri yis/ legs par bcad pa de'i don 'phags pa'i dgongs pa ji bzhin dgrol/ /ku sha'i grong khyer dag na legs bzhugs pa'i/ /dge slong chos kyi blo gros zhes bya bas/ /rim gnyis bslab gzhi dang bcas dbye ba bshad/ /des byas byas pa med mthong sems can rnams/ /gsang
- 272a
ba de nyid don la rmongs par gyur/ /mun 'dra'i sgron ma bya phyir bdag gis dga' ba skyes/ /sems can gang dag rtag tu de nyid don la rmongs/ /'dod rgyal zhags pas zin cing gzhung gzhan dang/ /de yis nus pa ma mthong bskal dang 'dra/ /de la de nyid don 'di rgyal ba rnams kyis gsungs/ /gsang sngags sku la sogs pa yi/ /bskyed dang rdzogs pa'i rim pa ni/ /tshogs dang slob ma'i dbang du gsungs/ /bskyed pa yi ni rim pa yis/ /rags pa'i rtogs pa rab spangs nas/ /phyis ni rdzogs pa'i rim pa yis/ /phra ba'i rtog pa sbyong bar byed/ /sngags dang sems dang sgyu ma dang/ /rnam dag dang ni gnyis su med/ /ting 'dzin 'di la rab gnas na/ /zhi ba mchog la reg par 'gyur/ /grangs ni sa dang mnyam pa dang/ /dngos kyi dbang du go rim ni/ /rgyu 'bras rags dang spong ba dang/ /khyab dang mtho dman sa yi dbang/ /bsam gtan byed pa'i rnal 'byor pas/ /rtag tu don 'di shes bya ste/ /bsgom byed rnal 'byor snod can dang/ /rnal 'byor de yi bsam pa dang/ /bsgom pa'i thabs dang goms pa'i rtags/ /dgos pa skyon dang bcas pa'o/ /de la rnal 'byor snod can ni/ /lta ba dang ni spyod pa dang/ /dbang thob dam tshig ldan pa'o/ /bsam pa gzhan gyi don la dmigs/ /thabs ni sems bzung 'bras skye ba'i/ /bsam gtan rnam pa gnyis su gsungs/ /rtags ni smig rgyu du ba dang/ /srin bu'i me dang mar me dang/ /nam mkha' lta bur 'byung ba dang/ /gzhan yang 'phar dang ldeg sogs dang/ /me 'bar chu 'byung la sogs pa'o/ /bsgoms pa'i dgos pa 'di lta ste/ /rags dang phra ba'i rtog pa spongs/ /dngos grub kun 'brel ngan song gi /gnas kun bcom mo zhing du skye/ /rtag tu sangs rgyas lung sten 'byung/ /bdag dang gzhan la sogs la phan/ /phyogs mtshams kun tu snyan par grags/ /de la sogs pa bsam mi khyab/ /skyon ni de las bzlog pa'o/ /phyag na rdo rje'i zhal snga nas/ /bsgom bya sgom byed sgom pa'i thabs/ /dgos pa skyon dang bcas par
- 272b
'dod/ /bsgom bya ting 'dzin dmigs pa ste/ /'od dang 'od kyi kha dog dang/ /sku dang ba thag thig le dang/ /nyi zla rdo rje pad+ma dang/ /rnal 'byor yul du byed phyir ro/ /lha mo mdzes ldan zhal snga nas/ /rten gyi gang zag de mtshan nyid/ /dmigs dang snyoms 'jug 'bras bu skye/ /spyod lam dus dang rtags su 'dod/ /'jam dpal gzhon nu'i zhal snga nas/ /bsgom pa dang ni sems nyams dang/ /bdud rtag pa dang spong ba dang/ /sa thob pa yi rim pa'o/ /de lta'i man ngag ji snyed cig /rdo rje 'chang la sogs pas gsungs/ /bdag gis dka' 'grel gzhan dag tu/ /don 'di legs byed snod ma yin/ /'chad pas nyan par 'dod pa la/ /bshad pa rnam pa gnyis yin te/ /nus dang 'gro ba'i dbang du gsungs/ /lha mo sgrol ma'i zhal snga nas/ /sgrub dang de don bshad pa bzhi/ /'di yi brjod par bya ba gang/ /dgos dang 'grel ba ji lta bu/ /dgos pa'i dgos pa ji lta bu/ /de dris lan du 'di skad brjod/ /rgyu dang bsgrub par bya ba yi/ /don ni brjod par bya ba'o/ /de la gnyis te lam 'bras bcas/ /lam ni bskyed dang rdzogs pa ste/ /mthar phyir zung 'jug 'bras bu'o/ /dgos pa shes rab rnam gsum gyis/ /rtogs dang bsgoms pas dgos grub pa'o/ /thabs dang thabs las byung ba'i tshul/ /sa bon myu gu ji bzhin du/ /'gyur ba gang yin 'brel pa ste/ /de la rag las de phyir ro/ /dgos pa'i dgos pa zhes bya ba/ /rtogs nas gzhan la ston pa dang/ /mthar phyin sa la don byed pa'o/ /de phyir de ni sgrol mas bshad/ rgyal ba rnams kyi dam tshig yin/ /grub pa'i blo gros zhal snga nas/ /mnyam gzhag de nyid ting 'dzin dang/ /de yi grogs su bcas pa'o/ /mnyam gzhag ting 'dzin rnam gnyis te/ /bskyed pa dang ni rdzogs pa'o/ /dang po bcom ldan rdo rje can/ /skye gnas bzhi dang leg mthun par/ de bstan gong ma 'og ma ni/ /chos rnams yongs su dag pa ste/ /skye ba med dang 'gag pa med/ /gang du ma grub shes pa yin/ /ji ltar brtags pa gang yin pa/ /yang dang yang du ci yang med/ /de thob nye ba'i rgyur gyur pa/ /gang yin de la de skad do/ /grogs ni sngags pa'i rgyan nyid/ /gsang
- 273a
sngags thams cad ni rim pa gnyis grogs dang bcas pa ste slob dpon gyis kyang dang por de rtsom pa la bar chad du mi 'gyur bar bya ba'i phyir phyag btsal ba bstan pa'o/ /gang gi phyir rang dad pa'i lha la phyag 'tshal brtsom par 'dod pa de'i phyir// mgon po sangs rgyas kun bdag ces bya ba la sogs pa smos te/ de la dang por rim pa gnyis kyis sangs rgyas pa'i tshul bstan nas sems can gyi snang ba la thugs rje chen po'i stobs kyis rdo rje 'chang chen po'i sku phyung ba de ni mgon po ste/ gang la skyob par byed pa yod pa de la de skad ces bya'o/ /de ni sangs rgyas thams cad kyi bsdus pa'i sku dang sangs rgyas thams cad kyi gtso bo yin pa'i phyir/ sangs rgyas kun bdag nyid ces bya'o/ /dpal ldan zhes ba ni bsod nams dang ye shes kyi tshogs kyi bdag por gyur nas sems can rnams smin cing grol bar byed pa'i phyir ro/ /dpal ldan gyis ni rdo rje 'chang chen po gang mtshon par byed do/ /de nyid ni bde chen te/ gang gi phyir mi bde ba'i sdug bsngal dang bral te bde ba chen po'i ngo bor bzhugs pa de'i phyir bde ba'o/ /bde ba yang yin la chen po yang yin pas 'di ni bde chen no/ /de lta bu'i don dang ldan pa de la phyag 'tshal zhes sbyar ro/ /des cir 'gyur zhe na/ sgrib pa sbyang ba dang tshogs bsags te bar chad kyi sbyor bzlog par 'gyur ro/ /'phags pa dga' bos zhus ba'i mod las kyang/ tshe dang ldan pa de bzhin gshegs pa dang de bzhin gshegs pa'i bstan pa'i gzugs brnyan la phyag 'tshal ba'i gang zag de ni sgrib pa dang nyon mongs pa thams cad spangs pa yin no/ /'khor ba'i chu bo las rgal ba'o/ /sbrul dang rkun po dang rgyal po'i chad pa thams cad spangs pa'o/ /zhes 'byung ba'i phyir ro/ /yang na snying gar thabs dang shes rab kyi bar du srog gi sa bon gnas pa ni mgon po ste/ 'byung 'jug rgyun bcad nas rtag tu ngan song las ldog pa'i phyir de la de skad ces bya'o/ /mgon po yang yin la sangs rgyas
- 273b
kun gyi bdag nyid kyang yin pas mgon po sangs rgyas kun bdag nyid do/ /de nyid dpal ldan te/ gang la smin cing grol ba yod pa de la de skad ces bya'o/ /de lta bu'i ded la brten par gyur pa dang dga' ba la sogs pa rim gyis skyes pa gang yin pa de ni bde chen te/ gang la mi bde ba dang sdug bsngal spong ba'i thabs yod pa de la de skad ces bya'o/ /mthar thug pa'i dbang du mgon po sangs rgyas kun bdag nyid ces smos te/ gang dag rnam par rtog pa'i dra bar chud pa de dag gi gnyen por gyur pa de ni sangs rgyas kun bdag nyid de/ /sangs rgyas thams cad kyi ngo bo bdag po yin pa'i phyir ro/ /de ci'i phyir zhe na/ /sangs rgyas thams cad ni dngos su chos kyi sku yin pa'i phyir ro/ /gzhan las kyang dus gsum sangs rgyas thams cad ni/ /chos kyi dbyings kyi ngang la gnas/ /thugs rje dang ni las 'phro yis/ /sems can ngo do la so sor snang/ / zhes 'byung ba'i phyir ro/ /'di ni dpal ldan te dper na nam mkha' bzhin yongs la khyab pa'i phyir ro/ /'od srung kyi mdo las kyang/ /don dam pa'i sems can thams cad kyi dpal du gyur pa yin te/ rnam par rtog pa'i 'ching bzlog pa'i phyir ro/ /zhes 'byung ba'i phyir ro/ /de bas na de ni dpal ldan yang yin la bde ba chen po/ /yang yin pas dpal ldan bde chen no/ /btud de zhes pa ni phyag 'tshal te zhes pa ste/ gang la mnyes par byed pa yod par de la phyag 'tshal ba'o/ /des ci byed ce na/ bshad ces sbyar ro/ /gang bshad par 'dod pa de na bstan par 'dod pa de'i phyir/ rdo rje bzlas pa'i rim bshad bya zhes smos te/ de la rdo rje bzlas pa yin pas rdo rje bzlas pa ste/ sna'i rtse mor rdo rje bdams las bzlas she'o/ /yang na rdo rje bzlas pa ste rdo rje 'chang chen pos bzlas pa yin pas de bzlas she'o/ /yang rdo rje bzlas pa yin pas rdo rjer zlas pa ste rdo rje 'chang gi rnal 'byor gyis bzlas she'o/ /gang gi phyir bsgom par bya ba'i yon tan dang dmigs pa dang sgom par byed pa po ston par 'dod pa de'i phyir de la de skad ces bya'o/ /gal te yon dang dmigs pa dang byed po po ma bstan na /med pa dang ma yin pa la sogs
- 274a
pa'i skyon du 'gyur ro/ /gang gi rjes su 'brangs nas bshad ce na de nyid ston par 'dod pa de'i phyir rnal 'byor rgyud kyi rjes 'brangs nas shes smos te/ rnal 'byor ni ting nge 'dzin te gang la de gtsor ston pa de la de skad ces bya'o/ /rnal 'byor gyi rgyud ni rnal 'byor gyi rgyud do/ /lha mo bzhi sa zhus ba la sogs pa'o/ /de'i rjes su 'brangs pa ni de'i rjes su 'brangs pa ste/ de dag mi 'gal bar byas te bshad ces sbyar ro/ /kha cig na re rjes su 'brangs ba ni nges gtan la phab ces 'chang ngo/ /gang gang la gang gis ci lta bur gsungs she na thabs 'di zhes smos te/ rdo rje bzlas pa 'di zhes sbyar te/ dang po bstan pa'o/ /'og ma ston par 'dod pa de'i phyir bskyed pa'i rim la legs gnas shing zhes smos te/ bskyed pa'i rim pa ni bskyed pa'i rim pa ste/ sa bon dang phyag mtshan las bskyed pa gang yin pa de la de skad ces bya'o/ /de la legs par gnas pa ni de sgom par byed pa ste mthar phyin pa'o/ /de'i don ni dang por srid skye bzhin tshul du sa bon la sogs pa las rigs brgya'i dbye ba la sogs pa bsgom pa'o/ /de ni bzhi ste bsgom pa dang/ goms pa'i tshang dang mthar phyin pa'i tshang dang/ de'i dgos pa'o/ /bsgom pa ni de la sems yang dang yang du gtong ba'o/ /goms pa'i tshad sku gsungs thugs che chung mang nyung gang gi rnam pa la thogs pa med pa'o/ /mthar phyin pa'i tshang ni thams cad lha'i dkyil 'khor du snang ba'o/ /de'i dgos pa ni rags pa'i rnam par rtog pa spangs te rdzogs pa'i rim pa bsgoms na gsal bar 'gyur ba'i phyir ro/ /rdzogs pa ni rim pa ni rdzogs pa'i rim pa ste chos kyi sku dang shin tu nye ba'i rgyur gyur pa'i phyir de la de skad ces bya'o/ /de 'dzad pa ni 'dod pa ste/ rdzogs pa'i rim pa sgom par 'dod pa'i rnal 'byor pa la gsungs she'o/ /gsum pa bstan pa'i phyir/ rdzogs pa'i sangs rgyas kyis zhes gsungs te/ yon tan thams cad rdzogs pa gang yin pa de la de skad ces bya'o/ /de ni
- 274b
sangs rgyas te rnam par rtog pa thams cad spangs pa ste yon tan thams cad kyis rgyas ba'i phyir ro/ /dngos su na 'dir rdzogs pa'i sangs rgyas ni rdo rje 'chang chen po ste des gsungs she'o/ /bzhi ba bstan pa'i phyir/ /skas kyis rim pa lta bur gsungs zhes smos te/ skas dang 'dra bas na skas te dper na skas lta bu zhes sbyar ro/ /de la skal la ni rim gyis 'jog cing car ni ma yin no/ /de bzhin du rim pa lnga la'ang rim gyis 'jug gi cig car ni ma yin no/ /skas ni sa la brten pa ste/ de bzhin du rdzogs pa'i rim pa bsgom pa'i tshe bskyed pa'i rim pa dpyod pa dang bcas pa la brten par byed do/ /skas la ni rtser mor phyin nas bya ba gzhan byed do/ /de bzhin du rim pa lnga'i ting nge 'dzin mthar phyin nas sems can gyi don byed do/ /gang gi phyir sems can thams cad ni rlung gis 'tsho bar byed pa de'i phyir de la de bstan to/ /sems can thams cad kyi srog gyur pa zhes pa ni sems can thams cad 'tsho bar byed pa ste/ de gang yin zhe na/ rlung zhes bya ba ste/ yang dag g.yo ba'i bdag nyid can no/ /des ni 'tsho bar byed pa 'ba' zhig tu ma zad kyi las gzhan yang byed do/ /zhes bstan pa'i phyir las kun byed ces smos te/ de la las kun zhes bya ba ni 'di ltar las thams cad de 'jig rten gyi las ma lus pa rlung gis byed do/ /gsang ba de kho na nyid kyi rgyud las kyang/ 'jig rten las rnams thams cad ni/ /rlung dang rlung bcas kun gyis byed/ /rtag tu rlung dang bral nga ni/ /'jig rten las rnams rgyun char 'gyur/ /zhes 'byung ba lta bu'o/ /gang gi phyir shes pa dang bral ba'i rlung gis/ yul gyi rnam par rig bar mi rung ngo zhes rgol ba de'i lan bstan pa'i phyir/ 'di ni rnam shes bzhon pa ste zhes smos te 'di zhes pa ni rlung ste dngos su na rlung la rang gi rnam bar shes pa zhan nas yul gyi rnam par rig par byed ce'o/ /de'i dbye ba bstan pa'i phyir/ lnga'i bdag nyid bcu yang yin zhes smos te/ de la lnga ni lnga ste/ srog 'dzin pa nas khyab byed kyi bar du'o/ /bcu na dbang po la gnas pa'i rlung lnga ste bcu'o/ /rlung
- 275a
bcu po 'di dag ni rnam par shes ba'i bzhon pa'o/ zhes 'khor lo rol pa'i rgyud las kyang gsungs so/ /rlung gi de nyid rim gyis ni zhes bya ba ni rlung la rim gyis brlabs nas zhes par ro/ /ci byed ce na/ sngags kyi de nyid yang dag 'jug ces smras te/ 'dir nus pa khyad par can mngon du byed pa ni sngags so/ /gzhan las ma ni yid ces bya ba ste/ tra ni skyob par byed pa'o zhes kyang 'byung ngo/ /yang dag 'jug ces pa ni sngags kyi de kho na nyid la nges par 'jug ce 'o/ /des ci byed cen/ rdo rje bzlas pa rnams la slob ste/ rdo rje bzlas pa ni khong du bshad do/ /de la slob pa ni de yul du byas te sems yang dang yang gtad pa'o/ /rdo rje bzlas gnas rnal 'byor pas shes pa ni/ rdo rje bzlas ba ting nge 'dzin dang ldan pas she'o/ /des cir 'gyur zhe na/ sems la dmigs pa thob par 'gyur zhes te/ 'dir sems la dmigs pas sems la dmigs pa ste/ phyi rol gyi yul la dmigs pa ni ma yin no/ /thams cad sems kyi snang bar lta ba ni sems la dmigs pa'o/ /des thob ces pa sems kyi mtshan nyid rtogs par 'gyur zhes pa'o/ /sems la dmigs pa thob nas ci byed ce na/ sgyu ma lta bu sgom par byed pa de'i phyir sgyu ma lta bu'i ting nge 'dzin gnas shes te/ gang la sgyu ma'i dpe bcu gnyis nye bar mtshon pa'i sku ni sgyu ma lta bu'i sku ste/ de la sems rtse gcig pa ni sgyu ma lta bu'i ting nge 'dzin la gnas pa'o/ /yang dag mdza' ni rnam par sbyangs zhes pa ni sgyu ma lta bu'i sku nyid 'od gsal ba'i bsam gtan gyis rang bzhin med par byed ce'o/ /yang dag mdza' yas langs zhes pa ni/ 'od gsal ba'i ngang las langs pa'o/ /de ci byed ce na/ gnyis med ye shes thob par 'gyur zhes smos te gnyis su med ba ni gnyis su med pa ste/ 'khor ba dang mya ngan las 'das pa la sogs pa gnyis thams cad mi dmigs pa ste zung du 'jug pa'i ting nge 'dzin to/ /de thob pa ni mngon du byed pa'o/ /zung 'jug ting 'dzin la gnas nas ces pa ni mthar phyin pa'i ting nge 'dzin
- 275b
thob nas zhes pa'o/ /slar zhing gang yang mi slob po zhes pa ni brlab pa dang bral ba'i phyir ro/ /de la zung du 'jug pa ni gnyis te slob pa dang mi slob pa'o/ /mi slob pa ni mi slob pa ste/ bslab pa thams cad mthar phyin pa'i phyir ro/ /gzhan las gang du slob pa'i zung 'jug kyang// slob pa zhes rab tu grags/ /rdo rje bzlas dang sems la dmigs/ /'og ma dag las 'das pa'i phyir/ zhes 'byung ba lta bu ste/ 'di ni zung du 'jug pa'o/ /'di zhes pa ni mthar phyin pa'i zung du 'jug pa'o/ /gzhan las mthar phyin zung 'jug ces bya ba/ /yod med rtag chad don dam dang/ /kun rdzob bces bya gnyis su med/ /gcig tu bsre ba yang mi dmigs shes 'byung ba lta bu'o/ /de lta bu 'di ni rdzogs pa'i rnal 'byor pa ste/ 'dir rdzogs pa ni gnyis su med pa'o /gang la gnyis su med pa'i ting nge 'dzin yod pa de ni rdzogs pa'i rnal 'byor pa'o/ /rdo rje 'dzin pa chen po yang de zhes pa ni rdo rje 'chang chen po 'ang dang de nyid yin zhes pa'o/ /rnam pa kun gyi mchog ldan pa'i/ /thams cad mkhyen par de nas 'byung /zhes pa ni gang la gnyis su med pa'i ting nge 'dzin yod pa de ni thams cad mkhyen pa'i gnas su gyur pa'o/ /'das pa dang ni ma 'ongs dang zhes pa la sogs pa ni go sla'o/ /dpal ldan 'dus pa'i rgyud ces pa ni dpal dang rdo rje 'chang chen pos gsungs pa'i gsang ba 'dus pa'i rgyud do/ /rgyud der de nyid de de kho na nyid rnam pa lnga'i sgrub pa'i thabs 'di dag rgyas btab ces pa'o/ /bshad pa'i rgyud kyi rjes 'brangs nas zhes pa ni gong du bshad do/ /bla ma'i kha las rtogs par bya zhes pa ni bla ma'i man ngag las khong du chud par bya'o/ /de ni mdor bsdus pa'o/ /de nas rlung gi de kho na nyid rgyas par bshad pa'i phyir/ de la dang po kho na zhes pa la sogs pa smos te/ rlung gi de kho na nyid ni rlung gi de kho na nyid do/ /de ston pa ni gzhung gi tshogs so/ /rtsa ba yang yin la rgyud kyang yin pas rtsa ba'i rgyud do/ /de la
- 276a
'jug pa ni de la 'jug pa ste de'i rjes su 'brangs pa'o/ /de nyid ston pa/ sna'i rtse mor yungs kar bsam zhes pa ni rang gi sna'i rtse mor byang chub kyi sems kyi thig le yungs kar tsam pa'o/ /'gro dang mi 'gro zhes pa ni 'byung ba dang 'jug par zhes? so/ /yungs kar la zhes pa ni thig le yungs kar gyi rnam pa tsam la blo gtad de bsgom pa'o/ /gsang ba'i sngags kyis zhes ni yi ge gsum gyis she'o/ /ci byed ce na/ ye shes mchog gi gnas bsgom mo zhes pa ste/ ye shes mchog ni ye shes mchog ste/ de las skyes pa'i ye shes so/ /ye shes ni mchog ste sems can tha mal pa las khyad par du gyur pa'o/ /yang na ye shes mchog ste sa dang pha rol tu phyin pa las khyad par du byas pa'o/ /yang na ye shes kyis mchog ste de la dmigs pa las skyes pa'i ye shes kyis mchog 'grub pa'o/ /gnas zhes pa ni rgyu'i don te/ rgyu des 'bras bu mchog thob par 'gyur te/ yang na gnas ni brten par bya ba ste de la brten te 'grub pa'i phyir ro/ /yang na gnas kyis ni skyob par byed ste/ gang la blo gtad pa des rnam par rtogs pa las ring du gyur pa'o/ /yang na sna rtse dang 'dra bas sna rtse ste/ rtsa rnam pa bzhi'i rtse mo pad+ma 'bye ba'i tshul can no/ /yungs kar ni thig le yungs kar tsam bsam pa'o/ /gzhan gong dang 'dra ba/ yang na sna'i rtsa mo ni rna bar byed pa ste/ de la gnas pa'i rtsa shin tu rno bar byed pa'o/ /rnam par rtog pa'i bra ba gcod pa'i phyir ye shes ni de dang 'dra bar gyur ba'o/ /de'i don ni shes pa thams cad skye ba'i sten snying ga'i dbus su byang chub kyi sems kyi thig le bsam mo/ /'gro dang mi 'gro zhes pa ni snod dang bcud kyi 'jig rten te thams cad de'i snang bar bsam pa'o/ /gzhan las dngos dang 'dra bar byed pa'i dbang/ /sna rtse dag ni rnam pa gsum/ /phyi rol sna'i rtse mo dang/ /snying gar thig le bsam par bya/ /'byung dang 'jug dang gnas pa yi/ /yi ge gsum gyi sbyor ba yis/ /sems ni thig ler
- 276b
bzhag par bya/ /zhes 'byung ba lta bu'o/ /rin chen kha dog sna lnga pa zhes pa ni rin po che yin pas rin po che ste/ rin po che 'bar ba'i 'od zer kha dog sna lnga pa'o/ /tshad ji tsam zhe na/ yungs kar gyi 'bru tsam zhes pa ste/ che chung yungs kar tsam pa'o/ /gnas gang du zhe na/ sna'i rtse mor te rang gi sna'i rtse mor sor brgyad dang bcu drug tshun chad du'o/ /gang gis she na/ rnal 'byor rig pa ste/ thams cad la bsgom zhes sbyar ro/ /rnal 'byor ni ting nge 'dzin gang la yod pa de ni rnal 'byor ro/ /dus ji tsam zhe na/ /rtag tu bsgom zhes smos te/ ji srid du mthar phyin pa'i lam ma thob pa de srid kyi bar du bsgom zhe'o/ /de'i don ni dang por mtshan nyid thams cad ldan pa'i rnal 'byor gyi yid dang mthun pa'i gnas su nye bar song ste/ sems can gyi don yid la dran pa dang/ bskyed pa'i rim pa rigs brgya la sogs pa'i dbye bas mthar phyin par byas la/ sngags kyi bsnyen pa'i dus su snying gar ye shes sems dpa' sku gsungs thugs kyi ngo bor gnas pa bsam te/ rang gi sna'i rtse mor rin po che 'bar ba kha dog lnga dang ldan pa bsams te/ rtse gcig pa'i bzlas pa bya'o/ /yang na rin po che ni rdo rje rtse lnga pa rtse mo la 'od zer kha dog lnga dang ldan pa ste/ des sems rin po cher bsgyur bas rin po che'o/ /gzhan gang dang 'dra/ yang na gang la 'dod pa'i don 'byung ba de ni rin po che ste/ byang chub sems kyi khu ba 'byung bas bde ba chen po'i 'khor lo'i sbyor ba gsum gyi rtsa ba'o/ /kha dog lnga ni 'di ltar mngon du bya ba dang mdzes pa'o/ /lnga ni lnga ste sbas pa'i 'khor lo'i thig le lnga'o/ /thig le'ang ji tsam zhe na/ yungs kar gyi 'bru tsam zhi'o/ /gang du zhe na/ sta'i? rtse mo ste/ sna'ang yin la/ rtse mo'ang yin pas sna'i rtse mo ste/ a ba d+hu ti'i sna'i rtse mor rnal 'byor pas bsgom pa'o/ /yang na rin po che ni sems rin po cher gyur pas na rin po che ste srog 'dzin pa'i rlung la sogs pa'o/ /kha dog lnga ni kha dog lnga ste dkar po la sogs pa'o/ /sna ni dngos so/ /de dag gi dor
- 277a
yang bskyed pa'i rim pa mthar phyin pa'i rnal 'byor pas rang gi spyi bor bde ba chen po rtsa bdun cu rtsa gnyis la sogs pa'o/ /de'i dbus kyi sbas pa'i 'khor lo'i mdab ma bzhi la thig le bzhid rus dang lngar bsams te/ 'byung ba rlung gis dus su 'gro ba dang 'jug pa'i rlung gi dus su 'ong ba gnas pa la bslab pa ni gong ma'i dbang du byas pa'o/ /'og ma'i dbang du byas pa ni dkyil 'khor bzhi'i 'od zer so so las kha dog lnga byung ba'i dus dus su 'od zer la shes pa'i ngo bo yi ge hUM gis phreng bar gyur ta spro ba dang/ 'jug pa'i dus su oM gyis phreng bas 'jug pa dag gnas pa la brtan par bya ba'o/ /yang na rin po che ni 'dod ba 'byung bar byed pa'i phyir te shes pa thams cad skye ba'i rten snying gar ro/ /der byang chub sems kyi thig le bsam pa rin po che ste/ gang la dgos pa 'byung ba de ni rin po che'o/ /kha dog lnga ni 'byung ba lnga mtshon par byed pa ste/ 'di ltar sa la sogs pa'i rnam pa ltar snang ba'o/ /de ni yungs kar tsam sna rtse ste snying gar bsam pa'o/ /chags pa la dga' ba'i rnal 'byor gyi dbang du byas te bshad pa/ rin po che kha dog sna lnga pa ni byang chub sems kyi thig la lnga mdud pa lnga'i nang na gnas pa'o/ /tshad gong dang 'dra/ gang du zhe na/ sna'i rtse mor te/ thabs kyi nor bu la gnas pa'i rtsa'i nang du'o/ /gang gi she na rnal 'byor ba yin te/ rnal 'byor ba ting nge 'dzin dang ldan pas bsgom pa'o/ /de'i don yang bskyed pa'i rim pa mthar phyin pa'i rnal 'byor pas byang chub sems kyi rtsa'i mdud par thig le lnga bsams te/ phyag rgya mo dang snyoms par 'jug pas dga' ba la sogs pa skye ba ni zab pa'i dbang du byas pa'o/ /yang na lha'i sku 'byung bas rin po che ste/ rang gi rdo rje'i khar byang chub kyi sems kyi khu ba phab ste/ yum gyi khal la bton pa rim gyis lha'i skur byas te bton pa ni bskyed pa'i rim pa'i dbang du byas pa'o/ /dgongs pas bshad pa ni dgongs pas bshad pa ste/ sgra ji
- 277b
bzhin pa ma yin zhing 'dod pa 'byung ba la sogs pa la dgongs te smras pa'o/ /rdo rje'i tshig ces pa ni chos nyid rdo rje yin pas rdo rje'i tshig ste rtogs par dka' ba'i phyir ro/ /yang na rdo rje 'chang gi tshig yin pas na rdo rje'i tshig gi bshad pa'o/ /lha mo yang yin la bzhi mang yin pas lha mo bzhi'o/ /des zhus pa ni lha mo bzhes zhus pa'o/ /rtsa ba'i rgyud ma yin pas bshad pa'i rgyud do/ /de las rdo rje'i tshig bshad ce'o/ /snying po las ni snying po mchog ces pa ni snying po rtsa ba'i thig le'o/ /de las byung ba ni snying po mchog gi thig le'o yang na rtsa ba dang yan lag gi rlung ngo/ /sangs rgyas kun gyi gsang ba ni sangs rgyas kun gyi gsang ba ste/ sangs rgyas thams cad kyis gsang bar bya'o/ /yon tan thams cad 'byung ba'i gnas ces pa ni yon tan thams cad 'byung ba'i rgyur gyur pa'o/ /de ni lha mo zhes pa ni bod pa'o/ /bshad par bya zhes pa ni dam bca' pa'o/ /ye shes lnga yi dngos de nyid ces pa ni ye shes lnga'i ngo bo rin po che dang rdo rje la sogs pa'o/ /yungs kar gyis ni 'bru tshod tsam zhes pa ni gong du bshad do/ /de yi dbus na gnas pa'i lha zhes pa ni rin po che la sogs pa'i dbus su chud pa'i lha mo/ /mi gsal ba'i bdag nyid can zhes pa ni gzhan pa'i yul du ma gyur cing rnal 'byor ba'i yul du gyur pa'o/ /gsang ba 'dus pa la sogs pa ni gong du bshad pas so gsal bar gsungs zhes pa ni rgyas par gsungs zhes sbyar ro/ /ye shes lnga ni chos kyi dbyings dang/ me long lta bu dang/ mnyam pa nyid dang/ so sor rtogs pa dang/ bya ba nan tan gyi ye shes so/ /de'i rang bzhin ni de'i ngo bo ste/ dbugs lnga'o/ /de nyid 'byung ba sa la sogs pa'i ngo bo'o/ /gong bu'i gzugs kyis phyung zhes pa ni thig le'i gzugs kyis phyung zhes pa'o/ /yang na rags pa'i rnam pa'i gong bu'i gzugs te/ 'di ltar rdo rje dang rin po che dang kha dog lnga'o/ /sna'i rtse mor rab tu bsgom zhes pa ni go sla'o/ /rin chen kha dog sna lnga ni gong du bshad pa'o/ /srog dang rtsol ba ni rtsa ba'i rlung yan lag
- 278a
gi rlung ngo/ /yang na gnyis ste 'byung ba dang 'jug pa yin zhes so/ /rang sngags snying gar bsams nas ni zhes pa ni yi ge a bsam pa'o/ /srog ni thig ler gnas par bzhag ces pa ni rlung gnas pa la bslab par bya'o/ /don de nyid shin tu rgyas par bshad pa la bslar bshad pa zhes pa'o/ /rdo rje yang yin la phreng ba yang yin pas rdo rje phreng ba'i rgyud do/ /rdo rje phreng ba yang yin la bshad pa'i rgyud kyang yin pas rdo rje phreng ba'i bshad pa'i rgyud do/ /de las bshad ces sbyar ro/ /sna rtser yungs kar zhes bya ba zhes pa ni gong du bstan pa de'o/ /srog dang rtsol ba'i brtags pa ste zhes pa ni sna'i rtse mor yungs kar bsgoms pas srog dang rtsol ba'i rlung zlos par byed ce'o/ /ji ltar zhe na/ 'od lnga sangs rgyas rnams su bsgoms zhes pa ste/ sangs rgyas lnga'i ngo bo 'od zer lngar bsgom zhes pa'o/ /de'i don yang gnas bzhi po gang rung ba nas 'od zer kha dog lnga 'phro ba dang gsal ba bsam mo/ /steng gi sna nas nges 'byung ba zhes pa ni 'og gi sna ma yin pas steng gi sna'i bu ga nas 'byung ba'o/ /gang dang gang nas 'byung zhe na/ g.yon dang g.yas dang gnyi ga dang/ dal bar rgyu dang zhes pa 'og nas ston to/ /gang nas gang zhe na/ lkog ma snying ga lte ba dang/ gsang ba'i pad+mar zhes pa'o/ /ci byed ce na 'gro 'ong ston zhes pa'o/ /de dag gi don yang lkog man gnas pa'i rlung de'i dkyil 'khor du gnas te g.yas nas 'gyur ba'o/ /gzhan la yang de bzhin du sbyar ro/ /g.yas pa nas ni 'byung ba yi zhes pa ni lkog ma'i rlung sna bug g.yas pa nas 'byung ba'o/ /gang gi dkyil 'khor yin zhe na/ me'i dkyil 'khor nyid yin te zhes pa ni smin par byed pa'i phyir te/ de ni me'i dkyil 'khor ro/ /kha dog dmar zhing gsal bas dmar zhing gsal ba'o/ /gang 'gyur zhe na/ pad+ma mgon po ste tshe dpag med 'gyur zhe'o/ /de ni tshe dpag med dang 'dra bas tshe dpag med ce'o/ /yang na sa bon byed pa'i phyir ro/ /de'i dbyings ni gru gsum du gnas pa ste/ dbugs 'byung 'jug
- 278b
dang zas za ba dang stong du dangs snyigs 'byed pa'i las can no/ /des ni lta bas thag gcad pa'o/ /man ngag nyams su len pa'i rnal 'byor pas slob pa de ni rnam pa gnyis te/ 'di ltar spyir slob pa dang bye brag slob pa'o/ /bye brag tu slob pa la gnyis te rten can dang rten med pa'o/ /de la rten can gyi dbang du ni dri tshor bar byed pa'i rtsa rnam pa gnyis sna'i la gnas te/ rtse mo me tog kha bye ba'i rnam par thig le phra mo bsams la snying gar byang chub sems kyi thig le bsam mo/ /gang gi tshe rlung 'byung ba'i dus kyi tshe ba thag gi rnam par byung nas rtse mo'i thig le la thim pa ni 'byung ba la slob pa'o/ /de nyid blo gtad pa ni 'byung ba'i cha la brten pa'i gnas pa la slob pa'o/ /de nas de'i rnam pa de la thim pa ni 'jug pa la slob pa'o/ /snying ga'i thig le la blo gtod pa ni 'jug pa'i cha la rten pa'i gnas pa la bslob pa ste slob ma la bshad pa'o/ /rten med mgrin par yi ge a bsams te/ de las sna bug g.yas su 'od zer kha dog dmar por gyur nas gnas pa la slob pa ni man ngag go gzhan go sla'o/ /sngags kyi de kho na nyid ston pa'i rtsa ba'i rgyud la 'jug par bya zhes pa ni gsang ba 'dus pa'i rgyud kyi rjes su 'brangs zhes pa'o/ /gang zhe na sngags te/ de bzhin gshegs pa zhes pa ni 'das pa'i sangs rgyas la sogs pa ma lus pa'o/ /sku'i gsang ba ni sku gcig bstan pa sna tshogs par snang ba'o/ /gsung gi gsang ba ni gsung gcig gis thams cad go bar byed pa'o/ de'i snying po ni yi ge gsum mo/ /de ni sngags thams cad kyi snying po yin pas sngags thams cad kyi snying po'o/ /kun tu sku la ba ni sangs rgyas thams cad sad par byed pa'o/ /sba bar bya bas na mchog tu gsang ba'o/ /de lta bu 'di rdo rje 'chang chen pos gsungs zhes sbyar ro yang na de bzhin gshegs pa thams cad ni rtsa ba dang yan lag gi rlung ngo/ /sku dang gsung dang thugs kyi gsang ba ni 'byung ba dang 'jug pa dang gnas pa'o/ /sngags thams cad kyi snying po na gnas pa la dbang thob pa'o/ /skul ba ni 'ong bas byed pa ste dngos grub thams
- 279a
cad 'brel pa'o/ /yang na de bzhin gshegs pa thams cad ni rtsa stong phrag bdun cu rtsa gnyis so/ sku gsung thugs kyi gsang ba ni khrag dang khu ba dang chu'i rtsa ba'o/ /snying po ni rtsa dbus kyi byang chub sems so/ /skul ba ni 'ong bar byed pa'o/ /gzhan las/ stong phrag bdun cu rtsa gnyis kyi/ rtsa ni dus gsum sangs rgyas te/ /sku gsung thugs zhes grags pa yi/ /khu ba khrag dang mchu yi rtsa/ /snying po byang chub sems zhes bya/ /rlung bskyod ma ni 'bar byas pa/ /rtsa nas khu ba 'og tu 'phro/ /zhes 'byung ba lta bu'o/ /don rtogs pa'i bzlas ba ni zhes pa yang dag pa'i don rtogs pa'i bzlas pa ni ngo bo nyid med ces sbyar ro/ /de la don ni don te brjod par bya ba'o/ /de gang gis rtogs pa'i bzlas pa de ni bzang po yin zhe'o/ /yang na dbugs kyi phreng ba 'bras bu dang bcas pa ni don te de rtogs pa ni bzlas pa bzang ba'o/ /dus gsum sangs rgyas kyis brtags pa zhes pa ni dus kyang yin la gsum yang yin pas dus gsum mo/ /der gshegs pas dus gsum gyi sangs rgyas te/ des brtags pa ni gtan la phab pa'o/ /de ni rdo rje bzlas pa ste/ rdo rje ni de bzhin gshegs pa rnams te/ des gtan la phab pa'i bzlas pa ni rdo rje bzlas pa'o/ /yang na 'byung ba dang 'jug pa dang gnas pa ni dus gsum sangs rgyas te/ kyi zhes pa ni la zhes pa'o/ /brtags shes pa ni de la goms par byed pa'o/ /de lta bu de ni rdo rje bzlas pa ste/ 'dir rdo rje ni mi phyed pa'i phyir te/ gang gi phyir mi phyed pa'i bzlas pa ni rdo rje bzlas pa'o/ /de'i don yang dang por snying gar yi ge a bsams la/ de las 'od zer kha dog lnga byung bas sor bcu drug tshun chad byung na yi ge gsum gyi sbyor bas bslab par bya'o/ /yang na dus gsum sangs rgyas ni khrag dang chu dang byang chub sems kyi rtsa ste bsgom pa'o/ /de'i dbus kyi phyogs su thig le 'pho 'jug dang bcas pa ni rdo rje bzlas pa'o/ /ji lta bur bzlas she na/ slong ma za zhing mi bzlas te zhes pa ni gzugs la sogs pa
- 279b
gzhan la bslang bar mi bya'o/ /ma bslangs pa la chags mi bya zhes pa ni rang gi rdzas rnams la'ang chags par mi bya'o/ /gzhan las sems dpa' chen po sems can la la dag rang gi rdzas dang gzhan gyi rdzas la chags par byed pa ni rtag tu sdug bsngal gyi brtson? ngan gnas pa'o/ /zhes 'byung ba lta bu'o/ /'dod pa kun la longs spyod cing zhes pa ni 'dod par byas pas 'dod pa ste gzugs la sogs pa'o/ /de la longs spyod pa ni de la longs spyod pa'o/ /de'i don yang bskyed pa'i rim pa'i phyag rgya chen po'i skus/ gzugs kyi lha mo nas reg bya'i lha mo'i bar gyis nyes par byed par bsam mo/ /yang na 'dod pa'i don thob par byed pas 'dod pa'o/ /de la longs spyod ni ting nge 'dzin gyi yul du byas te bsgom pa ste de'i don ni 'byung ba dang 'jug pa dang gnas pa yi ge gsum gyi sbyor bas bslab par bya ba'o/ /yang na 'dod pa'i zhen pa bzlog par 'dod pa ste/ gang gi tshe dmigs pa la sogs pa la gnas pa'i rtsa kha bye ba'i steng du zla ba dang thig le gnas te rlung 'byung 'jug tshar bcad pa de'i tshe yul gyi rtog pa ldog par 'gyur ro/ /sngags kyi yan lag ma nyams bzlas shes pa ni sngags kyi yan lag gi grogs te/ 'di ltar dam tshig dang shes rab dang ting nge 'dzin dang byang chub sems la sogs dang ldan par bzlas she'o/ /slar bshad pa ni sngags kyi de kho na nyid slar bshad pa'o/ /gang pas she na dgongs pa lung du bstan pa las she'o/ /de nas dang ldan snang mdzad che zhes pa ni dpal ldan yang yin la snang mdzad kyang yin pas dpal ldan snang mdzad do/ /rigs thams cad kyi gtso bor gyur pas chen po'o/ /khyab bdag ni khyab bdag ste dngos po dag pa'i ngo bo ni khyab pa ste gang la de yod pa de ni khyab bdag go/ yang na thams cad la khyab par byed pa'i snying rje chen po dang ldan pa ni khyab bdag go /de la gsol ba btab pa ni slar gsol ba'o/ /gsol ba ni gang zhe na/ de bstan pa'i phyir sems can thams cad bskyed
- 280a
ba'o/ /sna tshogs gzugs can zhes smos te/ gang gi phyir sems kyi ni sems can thams cad bskyed pa por gyur pa'o/ /sna tshogs gzugs can ni lus sna tshogs ston pa'i phyir de la de skad ces bya'o/ /gang zhe na sems 'di zhes pa ste/ ? pa dang don la sems pa'i phyir ro/ /shA ri'i bus zhus pa'i mdo las kyang/ rigs kyi bu sems can 'dis ni thams cad bskyed pa'o/ /lus 'di ni sems kyis blangs pa'o/ /de ci'i phyir zhe na/ dngos po thams cad ni sems nyid kyi ngo bo yin pa'i phyir ro/ /zhes 'byung ba lta bu'o/ /sems rnam par dag pa nyid yin pa de'i phyir/ dngos po med par gyur kyang zhe'o/ /srid pa gsum na rab tu grags shes pa ni 'dod pa dang gzugs la sogs pa'i srid pa gsum na sems yod par grags so/ /byang chub sems ni mkha' mnyam pa/ zhes pa ni don dam pa'i byang chub kyi sems nam mkha' dang mnyam pa'o/ /legs par rjes su myong mdzad pa zhes pa ni de thob par byed pa'i thabs so/ /'gro ba'i don ni mdzad pa'o/ /zhes pa ni sems can gyi don thogs pa med par byed pa'o/ /zhes pos pa'o/ /ci byed ce na/ bstan du gsol zhes pa ste/ skye bo mchog la thabs de bstan du gsol zhes sbyar ro/ /ma bstan na skyon ci yod ce na/ de'i phyir bskyed pa'i rim pa dag shes nas zhes pa ste/ bskyed pa'i rim pa'i phyogs tsam shes nas de la mchog tu 'dzin pa'o/ /rgyud la rgyab kyis phyogs shes pa ni rgyud thos pa dang du mi len pa'o/ /'di ltar bdag ni slob dpon zhes/ /ma 'ongs na smra bar 'gyur/ zhes pa ni bdag ni bskyed pa'i rim pa goms pa'i phyir sems can gyi slob dpon du gyur pa'o zhes brjod pa'o/ /bdag gi tshig ni 'di dag nyid/ yin zhes pa ni bdag gis smras pa'i tshig 'di ni yang dag pa'i lta ba ston pa'i tshig go zhes smra zhing byis pa 'jig pa'o/ /des ni dgongs pa'i byang chub sems/ /ji bzhin don ces mi shes so/ /zhes pa ni gang zag de lta bus dgongs pas bshad pa ma yin pa mi shes pa'o/ /
- 280b
gang gi tshe dgongs pa bzhi dang bcas pa ma shes pa de'i tshe sgra ji bzhin par bzung ste log pa la 'jug go /gang gi tshe log pa la zhugs pa de'i tshe des rkyen bya ba te mnar med pa'i dmyal bar rtag tu gnas par 'gyur ro/ /des na bdag po bcom dan 'das/ zhes pa ni skal pa bcu sum tshogs pa dang bdud bzhi bcoms pa'i phyir bcom ldan no/ /snang mdzad gong du bshad par bas so/ /thub chen ni thub chen te/ sdom pa thams cad rang bzhin gyis thub pa'o/ /legs zhes lan gsungs shes pa ni go sla'o/ /sngags kyi dbye ba bstan pa'i phyir/ brjod dang zhes pa la sogs pa smos so/ /de la tshig gi brjod pa thun mong ste zhes pa ni tshig du brjod pa ni ngag tu brjod pa ste/ gang la brjod par byed pa'i sngags yod pa de la de skad ces bya'o/ /'dis ni nyan thos la sogs pa thun mong du byas pas thun mong ngo/ /gang gi phyir dmigs pa'i sngags rgyas par 'dod pa de'i phyir dmigs par bcas pa sangs rgyas nyid ces smos te/ de la dmigs pa ni yul du gyur pa'o/ /sangs rgyas nyid ces pa ni sangs rgyas kyi sku nyid ces pa ste/ de yul du byed pa'i ting nge 'dzin gang yin pa de la de skad ces bya'o/ /sngags kyi de nyid brda ru bshad ces pa ni sngags ni yi ge gsum ste/ rlung dang 'dres pa 'di ni brda ru bshad ce'o/ /don dam pa'i sngags bstan pa ni/ don dam de bzhin nyid yin no zhes pa ste/ don dam pa'i sngags ni de bzhin nyid de chos bdag med pa nyid do/ /lung gzhan las kyang/ ? gi de bzhin nyid rtogs na/ de bzhin nyid gzhan shugs kyis rtogs/ gang du de bzhin nyid rtogs pa'i/ /rnal 'byor des ni chos sku mthong zhe'o/ /de nas sngags btu ba bstan pa'i phyir/ dang po gcig ni dgu dbus nas zhes bya ba la sogs pa smos te/ de la dang po yang yin la gcig kyang yin pas yi ge a'o/ /de ni thabs kyi yi ge sde tshan bdun dang/ ring po dang thung ngu'i sde tshan gyis shes rab kyi yi ge sde tshan gnyis te dgu'i dbus na zhe'o/ /bcu yis ma bcings shes pa ni sde tshan bcu zhes pa'i dag ni med do/ /la la dag
- 281a
yi ges es ma bcings shes 'chad de/ 'di la ni spang bya dang blang bya gang yang med do/ /bcings med ni gong ma nyid do/ /de shes pa ni mchog gi gnas shes pa ni mchog grub pa'i rgyu'o/ /dbyangs dang gsal byed yi ge ste zhes pa ni A li dang kA li'o/ grangs dgu ni sde tshan dgu'o/ /de'i rjes su 'jug pa ni de'i sgo nas dpog par byed pa'o/ /as bcings zhes pa ni a las byung ba'o/ /gzhan las kyang a ni yig 'bru kun gyi mchog /don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste/ /brjod pa kun gyi rgyu yig chog/ tshig kun rab tu gsal bar byed/ /ces 'byung ba lta bu'o/ /gang gis shes pa 'gro ba'i bla zhes pa ni/ gang gis a'i don shes pa ni 'gro ba mdza' dag gi bla mar gyur ba'o/ /yang na dang po zhes pa ni sngon du ste/ gcig ni byang chub sems kyi thig le'o/ /dgu dbus na zhes pa ni 'di ltar rlung dgu ste/ de'i dbus su snying gar bsam pa'o/ /bcus ma bcings zhes pa ni khyab byed kyi rlung rgyu ba dang bral ba'i phyir ro/ /bcings med ni khyab byed 'gyur ba med ce'o/ /de shes pa ni de bsgom pa'o/ /mchog gi gnas ni rgyu zhes bya ba'i don to/ /grangs dgu ni rlung dgu'o/ /as bcings pa ni srog 'dzin pa'i rlung gis bskyed ce'o/ /yang na dang po'i yi ge a ni dang po gcig ste de bsgom pa'o/ /gang du zhe na/ bu ga dgu'i dbus na snying ga'i nyi zla'i steng du'o/ /bcu yis ma bcings te bu ga bcu ni med do/ /de shes pa ni mchog gi gnas shes pa ni/ /bsgom na mchog 'grub pa'i rgyur 'gyur zhes pa'o/ /dbyangs dang gsal byed yi ge zhes pa ni/ nyi ma dang zla ba la A li gnyis bskor dang kA li nyis skor ba'o/ /gzhan ni go sla'o/ 'byung ba'i mdza' dang yang dag ldan zhes pa ni wa ste thig le'o/ /cha la sogs pa bcu drug gnas shes pa/ a la sogs pa bcu drug la brten pa'o/ /lnga pa lnga dang yang dag ldan/ zhes pa yi ge nyi shu lnga ste dbugs nyi shu rtsa lnga dang sbyar ro/ /bzhi ni gsum du
- 281b
yang dag sbyar/ /g.yas 'gyur ba la sogs pa 'byung ba dang 'jug pa dang gnas par 'gyur ba'o/ /thung ngu ma lus ngag tu 'gyur/ zhes pa a thung ngu ngag tu 'gyur ba'o/ /yi ge oM bcas ring por bcas zhes pa nas ring por 'gyur nyid dang/ ring po sgra dang bcas pa nyid do/ /yon tan sbyor sogs phyis dang mtshungs/ /shes pa gzhan 'gyur gyi yi ge phyis pa ste/ gang zhig gang med na der 'gyur ba'o/ /yi ge gang zhig sngar bshad pa ni gong du bshad pa de kho na'o/ /gang yang mngon par phyogs pa ni 'og nas ston pa'o bud med skyes pa ma ning zhes pa nus pa che chung gis bye brag gis 'dra ba'i phyir ro/ /'byung ba dang 'jug pa dang gnas pa ni nus pa dang gsum du 'dra ba'i phyir de skad ces bya'o/ /'og dang steng du bcas pa ni zhes pa/ gang la 'og dang steng yod pa ni steng dang 'og ste/ thabs dang shes rab kyi bdag nyid can no/ /'dir gsungs pa/ 'byung ba dang ni 'jug pa'i bdag /thabs dang shes rab ngo bo ste/ /gnas pa gnyis su med pa'o/ /rlung ni steng gnas thabs yin te/ /'og tu gnas pa shes rab yin/ /dus gcig steng du 'byung ba yin/ /gnyis su med par grags pa'o/ /gang du 'gro dang 'ong ba yi/ /rlung ni bzhon bya shes rab ste/ de la sems kyi ngo bo yi/ /yi ge zhon byed thabs su bshad/ /gang du rtse ba shes rab ste/ /yan lag de las byung ba thabs/ /gcig tu sdud pa gnyis med pa/ /'jig rten grags dang rjes mthun par/ /steng dang 'og ces rab tu brjod ce'o/ /yang na steng dang 'og tu stong dang 'og ste/ 'dir sna'i rtse mo la 'dzin pa ni steng du bshad do/ /rdo rje'i rtse mo la 'dzin pa ni 'og tu bshad do/ /shes pa ni shes pa ste de shes pa'i rnal 'byor pa'o/ blo ni nges par sbyar/ zhes pa ni de la gtad de bsgom zhes pa'o/ /brjod pa'i ni sngags 'di dag ces pa ni tshig tu brjod pa'i sngags 'di dag go /dngos med ngo bo las byung ba'o zhes pa ni chos thams cad yongs su dag pa las byung zhe'o/ /de'i don yang ji
- 282a
skad du rnal 'byor bla na med pa las/ brjod pa yi ni sngags rnams kun/ /thabs dang shes rab yi ge las/ /de yang rang bzhin med pa ste/ /kun gyi rgyud ni de bzhin med/ /ces 'byung ba lta bu'o/ /de ni yongs su gyur pa'i gzugs/ /shes ba ni dmigs pa'i sngags de ni hUM dang rdo rje la sogs pa yongs su gyur pa'i gzugs lha'i skur nye bar mtshon pa'o/ /brda ni brda'i sngags so/ /gang zhe na/ de nyid de yi ge gsum mo/ /gnas pa ni sems can la gnas pa ste/ bcos ma ma yin pas sems can la rang bzhin gyis gnas pa'i mtshan nyid do zhe'o/ /de nyid rgyas par bshad pa'i phyir/ /a yis bshad pa'i ye shes ni/ /sangs rgyas kyi ni snying por 'gyur/ /zhes pa ni/ a ni gnas pa ste de ni sangs rgyas thob pa'i rgyur gyur pa'o/ /a ni a ste de las byung ba'i yi ge ni sangs rgyas so/ /de 'byung ba'i rgyur gyur pas na snying po'o/ /h+ri da ste thabs dang shes rab kyi bdag nyid can no/ /a ni byang chub sems kyi thig le'o/ /de ni sangs rgyas snying po ste sangs rgyas kyi mchog thob pa'i rgyur gyur ces pa'o/ /a ni mi g.yo ba'i phyir te chos kyi sku'o/ /sangs rgyas snying po ni sangs rgyas kyi yang dag pa'i thugs yin pa'i phyir ro/ /yang na 'di ni thugs las byung ba'i phyir snying po'o/ /hUM gis sems can yang dag spro zhes pa ni/ 'og gis dbang du byas pa ste gang las byang chub sems 'phro bas sems bskyed ce'o/ /steng gi dbang du sems dang ldan pas sems can te sems kyi ngo bo yi ge phreng ba ldan pa'i 'od zer 'byung ba'o/ /sangs rgyas sku ni rab tu bsgom zhes pa'ang de nyid de/ byang chub sems las gsang ba'i gzhal yas khang du lha'i 'khor lo bskyed pa dang/ steng gi sna rtse las lha'i 'khor lo bskyed pa yang de nyid de 'byung ba'i rlung gi dbang du byas pa'o/ /oM gyi sems can yang dag sdud ces pa ni dbugs kyi phreng ba sdud par byed pa'o/ /sangs rgyas sdud par byed pa ni shugs kyis shes par bya'o/
- 282b
a ni gnas par gyur pa'o/ /zhes pa ni gnyis te 'byung ba'i cha la brten pa'i gnas pa dang/ 'jug pa'i cha la brten pa'i gnas pa'o/ /gzhan go sla'o/ /gos dkar la sogs bzlas bshad pa zhes pa ni thun phyed kyi dus su chu dang me dang rlung gi dbang du byas pa'i bzlas pa'o brgya phrag gnyis dang nyi shu lnga zhes pa ni snga dros dus kyis thun phyed kyi dbang du byas te me dang mnyam du gnas pa'i rlung nyis brgya nyi shu rtsa lnga me dang mnyam du gnas pa'i bar du nyis brgya nyi shu rtsa lnga ste dgu brgya'o/ /de lta bu'i dbang du byas pa nyi khri chig stong drug brgya'o zhe'o/ /nang gi dus ni nang gi dus so/ /'di nyid gsal bar bya ba'i phyir/ zhes pa ni khong du chud par bya ba'i phyir zhes pa'o/ /gsang ba 'dus pa'i rgyud kyang yin la phyi ma'ang yin pas gsang ba 'dus pa'i rgyud phyi ma ste/ de las bshad ces sbyar ro/ /gang gi phyir zhe na/ gong ma nyid do/ /dngos po'i sa de nyid rgyas par bstan pa'i phyir/ rig pa'i cho ga 'di yis ni zhes pa la sogs pa smos te/ rig pa'i cho ga ni rdo rje bzlas pa'o/ /thun mtshams bzhi ru rab sbyor la zhes pa ni snga dro la sogs pa'i sbyor bas so/ /grangs 'bum ni grangs 'bum ste de'i mtshan nyid can no/ /sngags kyi yan lag ma nyams bzlas zhes pa ni gong du bshad pa bas so/ /de nyid kyis spangs par bya ba bstan pa'i phyir/ bsgom pa'i ni bar chad ces smos te spang zhes sbyar ro/ /gang zhe na bar chad do/ /de yang gang gi zhe na/ bsgom pa'i ste bsam gtan gyi bar chad spang ba'o/ /gang gis she na rnal 'byor te ting nge 'dzin dang ldan pas so/ /bar chad dngos bstan pa'i phyir/ rnal 'byor phyi rol bzlas pa spang zhe'o/ /de ci'i phyir zhe na/ phyi rol gyi bzlas pa la dga' ba ni bar du gcod pa'i rgyu yin pa'i phyir ro/ /bzlas pa'i thabs bstan pa'i phyir sngags don bcom ldan rdo rje can/ /rdo rje bdag nyid ji ltar zlos shes smos te de la sngags kyi don bcom ldan 'das rdo rje can zlos ba bzhin bzlas she'o/ /phyi rol gyi bzlas pa'i skyon dpe dang bcas pa bstan pa'i phyir/ dper na glang po rnyed gyur nas/ /zhes
- 283a
ba la sogs pa smos te go sla'o/ /de nas ye shes kyi 'khor lo bsgrub pa bstan pa'i phyir/ gzhan yang rdo rje 'dzin zhes bya ba la sogs pa smos te de la rdo rje 'dzin rdo rje 'dzin pa ste rdo rje 'chang chen po'o/ /gang zhig sbyor ba gsum dang ldan pa yis/ shes ba ni sbyor ba gsum yi ge gsum gyis sbyor ba dang ldan pa'i rnal 'byor pa gang yang rung ba zhig gis she'o/ /spyan drangs shes pa la sogs pa ni 'og nas ston te/ 'di ltar 'jug pa yis ni spyan drangs te/ zhes pa ni rlung 'jug pa lcags kyu'i sbyor bas spyan drangs pa'o/ /myur ba yis ni gshegs su gsol/ zhes pa ni 'byung ba'i rlung gis lha gshegs su gsol ba'o/ /gnyi ga min pas bzhugs su gsol zhes pa ni gnas pa'i rlung gis bzhugs su gsol ba'o/ /yang na rdo rje 'chang ni rang gi sems te/ sna sgo la 'gro ldog byed pa ni gshegs pa bzhugs pa'i sbyor ba'o/ /yang na lte ba'i phyogs nas 'bar ba ni 'byung ba'i dbang du byas pa ste bde ba chen po'i gnas nas khu ba 'gugs pa ni 'jug pa'i dbang du byas pa'o/ /snying ga dang rang gi gnas su rten pa ni der bzhugs pa ste gnas pa'o/ /sna tshogs bla med gnas grub pa'o/ /zhes pa ni dngos grub rnam pa gnyis thob pa'o/ /myur ba can la sogs pa ni go sla'o/ /gang zhig bsam pa tsam gyis ni zhes pa rdo rje bzlas pa byas ba tsam gyis so/ /des cir 'gyur zhe na/ rnal 'byor can la mchog der 'gyur// zhes pa ste ting nge 'dzin khyad par can dang ldan pa'i rnal 'byor pa la ni mchog gi dngos grub 'byung zhe'o/ /dang po'i yi ge ni oM ste de'i sbyor ba ni bsam pa'o/ /des cir 'gyur zhe na/ rtag tu dbugs ni rdub par byed/ ces smos te/ oM gyi sbyor ba la gnas pa de srid du dbugs rdub par 'gyur ro/ /brgyad pa'i mdza' ni ha ste/ u ni dngos so/ /thig le ni thig le ste hUM zhes pa'o/ /des ci byed ce na/ dbugs stong par byed do/ /'di ni ci dga' i bzlas par bshad ces pa ni 'byung ba dang 'jug pa gang la dga' ba'o/ /yang na nus pa'i sgo nas
- 283b
bsdus pa dang rgyas pa la sogs pa'i man ngag gang la 'phrod pa bsam pa'o/ /grangs gong du bshad pa bas/ de'i rnam grangs bstan pa'i phyir/ de 'dir gsang zhes pa ni bzlas pa de 'dir gsang bya yin pas na gsang ba'i bzlas pa'o/ /phra mo ni dbang po la sogs pa'i yul du gyur pa'i phyir ro/ /klog gam kha ton byed mod kyi zhes pa ni klog pa dang kha ton byed pa'o/ /'on kyang zhes pa ni klog pa dang kha ton byed pa med kyang bzlas pa yin zhe'o/ /gang gis gsungs she na/ de bzhin gshegs pa drug pas de skad ces gsungs pa de'i phyir de la de skad ces bya'o/ /de nyid kyi yon tan bstan pa'i phyir/ rdo rje bzlas pa'i bsam gtan 'di yis she'o/ /ci byed ce na bsgrub par bya zhes sbyar ro/ /cho ga ji bzhin bsten bya zhing zhes pa cho ga bzhin du bsgrub ces pa ni zhi ba la sogs pa'i las 'grub ces so/ /gang la de lta bu'i nus pa yod pa de ni yon tan no/ /de bas na zhes bya ba ni de'i phyir te/ gang gi phyir rdo rje bzlas pas zhi ba la sogs pa 'grub pa de'i phyir/ gnyis su med par mnyam par rnam par rgyal ba'i rgyud las kyang de nyid kyi sbyor ba gsungs zhes sbyar ro/ /gang gsungs she na/ de nyid bstan pa'i phyir mnyam med sngags ni rab bzlas nas sgrub ces sbyar ro/ /de yang mnyam pa med pa ni mnyam med de gang la de lta bu'i chos yod pa de ni mnyam med do/ /de'i sngags bzlas nas 'grub ces sbyar ro/ /gang gis she na/ bsgrub pa'i bdag nyid can gyis te/ zhi ba la sogs pa'i sbyor ba dang ldan pa'i rnal 'byor pa yis bsgrub ce'o/ /dus ji tsam gyis she na/ zla ba gcig gis 'grub ce'o/ /gang 'grub ce na/ khams gsum 'grub par gdon mi za zhes pa ste/ khams gsum thams cad bdag gi dbang du 'gyur zhe'o/ /yang na zla ba ni byang chub sems kyi thig le'o/ / gcig ni byang chub sems kyi thig le gcig zla ba sna la thug gi bar du gzung ngo/ /des cir 'gyur zhe na/ lus ngag yid gsum yongs su dag par 'gyur ba'o/ /gzhan las/ zla ba'i sbyor ba thig le byang chub sems/ /rlung gi 'pho bas thig le sna rtser phyin/ /sdud par byed pas
- 284a
rang gi sna rtser bzhag /gnas la brten na lus ngag gsum sdig sbyong zhes pa lta bu'o/ /yang na zla ba ni zla ba ste lte bar zla ba bsam pa'o/ /gcig ni byang chub sems kyi thig le'o/ /'byung 'jug gis mgrin pa la thug gi bar du 'gro 'ong byas pas lus ngag yid gsum gyi sdig pa sbyong ba de la de skad ces bya'o/ /rnam shes las ni byung ba'i sngags zhes pa ni rdo rje bzlas pa'o/ /mtshan nyid drug ldan zhes pa ni yon tan drug dang ldan pas bzlas nas kyang 'grub ce'o/ /ji ltar byas na 'grub ce na/ rdo rje sems la phyag byas nas zhes pa ni rdo rje sems dpa' mnyes par byas nas zhes pa'o/ /cir 'gyur zhe na/ zla ba nya la rdo rje sems dpa' nyid 'grub pa'o/ /yang na mtshan nyid grub ni kha dog gsal ba dang dbyibs gsal ba dang grangs gsal ba dang gnas gzhan gnas gzhan du 'gro ba dang brtag pa dang yun thub pa'o/ /rdo rje sems la phyag byas nas zhes pa ni sa bon la rlung 'dus pa'o/ /zla ba nya ni zla ba rgyas pa ste/ zag pa med pa'i sa bon rgyas te de'i tshe 'grub ce'o/ /de la brtul zhugs bshad pa med ces pa ni spyod pa ma bstan pa'o/ /phreng ba mi dgos shes pa ni go sla'o/ /bzung dang zhes pas sa bzung ba dang rig ma gzung ba'o/ /sbyin sreg ni zhi ba la sogs pa'o/ cig nas cig tu ldog ces pa ni gang sbyin sreg gtsor byed pa de'i tshe sa bslang ba la sogs pa grogs su 'gyur ro/ /gang gi tshe sa bslang ba byed ba de'i tshe sbyin sreg la sogs pa grogs su 'gyur ro/ gang gi tshe bsam gtan la gnas pa de'i tshe tshogs la sogs pa thams cad grogs su 'gyur ro/ /gang tshe spyod pa la gnas pa de'i bsam gtan grogs su 'gyur ro/ /la la dag 'gal ba bsgrub pa la tshad ma med do/ /ya yi don gyis ci yang rung/ zhes pa ni rlung gis thams cad 'grub par 'gyur ro/ /ra la sogs pa gsum nyid kyis zhes pa ni me dang sa dang chu'i dkyil 'khor gyis bzlas pa bya'o/ /gang gi don du zhe na/ gzhan gyi don ste/ gzhan smin pa dang grol bar bya ba'i phyir las rnams la 'jug par byed ce'o/ /gzhan go sla'o 'gro na byis pa
- 284b
bzhin du spyod ces pa ni rtog med par spyod pa'o/ /des na mi rtog chos can gyis zhes pa ni gzung ba dang 'dzin pa la mi rtogs pa'i rnal 'byor gyi 'grub par 'gyur zhes sbyar ro/ /gang 'grub ce na/ gsang sngags rnams ni 'grub par 'gyur zhes pa ste rdo rje bzlas pa 'grub ce'o/ /de nas bsgrub pa'i ming bstan pa'i phyir gsung gi rdo rje bsgrub pa ste zhes smos te gsung gi sngags so/ /des nyon mongs pa'i rig cod pas rdo rje'o/ /de ston pa'i gzhung gi tshogs la'ang de skad ces bya'o/ /de nas go rim bstan pa'i phyir/ sngags kyi de nyid rab gsal nas/ /zhes pa ni rdo rjes bzlas pa mthar phyin nas sbyar zhe'o/ /gang zhe na/ sems tsam la ni sbyar zhes pa ste sems tsam la dmigs pa bsgom zhe'o/ /gang gi sgo nas bsgom zhe na/ ye shes gsum gyi dbye ba yis/ zhes pa ste snang ba'i ye shes la sogs pa bsgom zhe'o/ /rdo rje bzlas pa'i snod ma yin ba bstan pa'i phyir/ bla ma la brnyas zhes bya ba la sogs pa smos te bla ma ni gnyis te 'dra ba dang mi 'dra ba'o/ /gang la man ngag ston pa ste ni rdo rje sems dpa' dang 'dra bas 'dra ba'o/ /gang la dbang bskur ba'i slob dpon de ni rdo rje sems dpa' bas kyang khyad par du gyur ba'o/ /'di lta ste/ slob dpon dang mnyam pa ni yul dang dus dang byed pa dang las kyis lci ba yang ba'o/ /bsnyam pa byed pa ni lus ngag yid gsum gyis bsnyam pa byed pa'o/ /der yang ma zad sgyu can te/ sgyu dang g.yo'i dbang du gyur pa'o/ /de yang dad pa med de gsang ba la ma dad pa'o/ /de yang sngags kyis rlom ste zlos pa pa dang thos pas sems khengs pa'o/ /de yang glegs bam mthong bas khengs pa ste nga rgyal gyi dbang du gyur pa'o/ /dbang bskur dman pa ni dbang ma thob pa'o/ /de lta bu'i gang zag la dbang dang bzlas pa gtan gyi rim pa'ang brjod par mi bya zhe'o/ /gang gis bla ma la gus zhes pa la sogs pa ni go sla'o/ /rim pa lnga'i dka' 'grel don gsal ba zhes bya ba slob dpon klu'i byang chub kyi mdzad pa las rim pa dang po'i bshad pa'o/ /gang gi phyir chos thams cad ni sems tsam mo zhes 'byung ba de'i phyir de la de bstan to/ /phyag 'tshal 'dud cing phyag 'tshal 'dud ces pa
- 285a
ni snang ba dang snang ba mched pa rtogs pa'o/ /phyag 'tshal phyag 'tshal phyag 'tshal 'dud ces pa ni sems gsum gyi rim pas phyag 'tshal zhe'o/ /ji ltar bstod cing phyag 'tshal ba zhes pa ni ji ltar bstod ce na/ rtogs pa'i tshul gyis so/ ji ltar chu la chu bzhag ces pa ni dpe brjod pa'o/ /mar la mar gzhag gi rnam pa 'ang de bzhin te de ni dpe bkod pa'o/ /rang gi ye shes rang gis ni/ /legs mthong zhes pa ni rang gi ye shes ni rang gi ye shes so/ /rang gis mthong ba ni rang gis mthong ba ste rang gis ye shes kyis rang gis ye shes lta ba bzhin rtogs zhes pa ste des ni sems dang sems las byung ba'i rang rig pa bstan to/ /'dir phyag rgya yin zhes pa ni mthong ba de nyid 'dir phyag 'tshal ba yin zhe'o/ /'on kyang kun mkhyen ma thob par zhes pa ni thams cad mkhyen pa'i don ma thob kyi bar du'o/ /cir 'gyur zhe na/ rig pa de ni nye bar dmigs mi 'gyur te rtogs pa 'am khong du chud par mi 'gyur zhe'o/ /mun nag ni mun nag ste rab rib kyis khebs pa ni yul mi gsal ba'i rnam par gyur pa ste/ des ni dpe bstan to/ /de'i drin gyis cir 'gyur zhe na/ snang ba thob par 'gyur te/ snang ba 'dis ni yul du gyur pa'o/ /de la dbang thob pa ni snang ba thob pa'o/ /stong pa nyid ni snang ba'i ye shes so/ /shin tu stong pa nyid snang ba mched pa'i ye shes so/ /stong pa chen po ni snang ba thob pa'i ye shes te/ de la ci'i phyir zhe na/ rang bzhin de dang de dag gi rnam pa dang bral ba'i phyir ro/ /bzhi pa thams cad stong pa ni 'od gsal ba'i ye shes so/ /rgyu dang 'bras bu'i bye brag go zhes pa ni gang gi tshe snang ba rgyur gyur pa de'i tshe snang ba mched ba ni de las byung bas 'bras bu'o/ /de bzhin du gzhan la yang shes par bya'o/ /de nyid kyi don gzhan yang ston pa'i phyir shes rab dang zhes bya ba la sogs pa gsungs te/ de la shes rab ni snang ba ste 'byed par byed pa'i chos dang ldan pa'i phyir ro/ /thabs ni snang ba mched pa'i ye shes te yul gyi rnam par rtog pa ldog pa'i thabs mkhas pa'i phyir ro/ /rdzogs pa ni rdzogs pa ste
- 285b
snang ba thob pa'i ye shes so/ /de ci'i phyir zhe na/ rdzogs pa chen po dang shin tu nye ba'i phyir rdzogs pa snang ba thob pa'i ye shes skyes nas cir 'gyur zhe na/ thams cad stong pa 'od gsal ba thob ces sbyar ro/ /thams cad stong pa ni snang ba thob pa la sogs pa rang bzhin gyis rnam par dge ba'i phyir ro/ /gzhan go sla'o/ /de'i rnam grangs bstan pa'i phyir snang ba stong pa zhes pa la sogs pa smos te snang ba dang stong pa ni go sla'o/ /de ni sems te bsags pa'i phyir ro/ /rgyu rkyen gyis bskyed pa'i phyir gzhan dbang ngo/ /yang na snying gar byang chub sems kyi thig le bsam pa ni yul du gyur pas snang ba'o/ /de la dmigs pas de'i rang bzhin dang bral ba ni snang ba mched pa'o/ /des 'byed pa'i phyir shes rab po des ni shes pa rang gi ngo bo ste dge ba la sogs pa'i bag chags bsags pa dang lus sna tshogs pa'i phyir sems so/ /snang ba'i ye shes ni rgyu rkyen gyis bskyed pa'i phyir gzhan dbang ngo/ /des cir 'gyur zhe na/ de'i rang bzhin dang brel bar 'gyur ro/ /rang bzhin yang gang dang 'bral bar 'gyur zhe na/ de bstan pa'i phyir chags bral zhes bya ba la sogs pa gsungs te/ de la chags pa dang bral ba ni chags bral te chags pa med ci'o/ /bar ma ni bar ma ste chags pa dang bral ba'ang ma yin/ chags pa chen po 'ang ma yin pa'o/ /chen po ni chags pa chen po ste yul thams cad la lhag par chags pa'o/ /yid la 'gro dang 'ong ba ni 'gro ba dang 'ong par 'dod pa'o/ /mya ngan la sogs gsum zhe'o/ /pa ni mya ngan chen po la sogs pa'o/ /zhi ba ni zhi ba ste des pa'o/ /rnam par rtogs pa ni gzung ba dang 'dzin par rtog pa'o/ /yang phyi rol gyi yul la rtog pa gang yin pa de la de skad bya'o/ /'jig pa gsum ni go sla'o/ /sred pa ni sred pa ste sgom pa'o/ /nye bar len pa ni las dang 'bras bu len pa'o/ /mi dge ba ni dge ba ma yin pa'o/ /bkres pa ni zas 'dod pa'o/ /skom pa ni skom 'dod pa'o/ /tshor ba ni myong ba'o/ /de ni gsum ste tshor ba ni myong ba tsam mo/ /tshor ba bar ma ni myong ba bar ma ste 'og ma cher myong ba'o/ /shin tu tshor ba ni tshor ba chen po'o/ /skad cig ni skad cig go/
- 286a
rig pa po ni bdag gis shes snyam pa'o/ /so sor rtogs pa ni so sor 'byed pa'o/ /ngo tsha shes pa ni bdag gam chos kyi dbang du byas te kha na ma tho ba la 'joms pa'o/ /snying rje ni snying rje'o/ /snying rtse ba ni snying brtse ba'o/ /dogs pa ni dogs pa ste/ mi 'jug pa'i bsam pa'o/ /phrag dog ni gzhan gyi yon tan phun sum tshogs pa la sems khong nas 'khrug pa'o/ /de lta ba de gang gis ldog ce na gong bzhin bsgoms pas so/ /rang bzhin sum cu rtsa gsum ni rgyu'i sgo nas dbye ba ste/ rten gyi sgo nas ni rang bzhin bsams gyis mi khyab ce'o/ /lus can ni lus can te lus dang ldan pa'i phyir lus can no/ /rang rig pa ni rang rig pa ste rang gi don rig pa'o/ /kun rdzob ni rgyu rkyen gyis bskyed pa'i phyir ro/ /mtshan mo ni ldog pa gsum las log pa'o/ /'jam po dang g.yon pa yang de bzhin te zla ba'i dbang du byas pa'o/ /de'i man ngag ni 'di yin te/ zla ba'i dkyil 'khor pad+ma can zhes pa ni zla ba'i dkyil 'khor gyi steng du pad+ma 'dab ma brgyad pa bsams pa'o/ /dang po'i yi ge ni a ste thig le dang bcas pa ni i bsam pa'o/ /gang du zhe na snying gar bsam pa'o/ / yang na dkar po'i ngo bo ni zla ba'o/ /dngos su par ste rtsa pad+ma bzhi pa'o/ /de'i dbus su a ni gnas pa ste/ gnas pa'i thig le'o/ /de bsgom pa'o/ /yang na dbus su a bsams te phyi rol tu thig le bsams pa de la de skad ces bya'o/ /des cir 'gyur zhe na/ /zla ba'i 'od zer ltar snang ste zla ba dang 'dra bas gsal bar gyur pa'o/ /de ni rang bzhin sum cu rtsa gsum gyi sgrib pa dang bral ba'o/ /de nas snang ba mched pa bstan pa'i phyir shin tu ston pa thabs ldan pa zhes smos te de ni go sla'o/ /chags pa ni gong dang 'dra/ zhen pa ni yul la dbral dka' pa'o/ /dga' ba la sogs pa ni go sla'o/ /rags pa ni rags pa'o/ /gzhan go sla'o/ /rgyu'i sgo nas ni 'di la rang bzhin bzhi bcu ste rten gyi sgo nas ni bsam gyis mi khyab pa'o/ /de bsgom pa'i thabs ni nyi ma'i dkyil 'khor zhes pa ni snying gar nyi ma'i dkyil
- 286b
'khor bsams te de'i steng du rdo rje bsams pa ni rdo rje'i ming ngo/ /thig le gnyis kyis rdo rje'i dbus su a la thig le gnyis kyis brgyan pa'o/ /yang na nyi ma dang 'dra bas nyi ma ste shin tu gsal ba'i phyir ro/ /rdo rje ni rdo rje ste byang chub sems dpa' ba' i lam du gyur pa dang bde ba skye ba'i rkyen du gyur pa ste/ snying ga la sogs pa'i rtsa rnams so/ /de'i dbus su thig le byang chub sems su bsam pa ni thig le'o/ /gnyis ni thig le dngos dang nA da'i thig le'o/ /yang na nyi ma ni nyi ma ste 'ju bar byed pa'i phyir ro/ /de'i don ni snying ga'i thig le'o/ / des bdag dang khams gsum thams cad 'od du zhu ba'o/ /de ni snang ba mched pa ste de las de'i rnam par gyur pa'i phyir ro/ /de ni 'joms par byed pa'i phyir rdo rje'o/ /thig le gnyis ni thig le gnyis te bdag dang bdag las gzhan pa'o/ /yang na nyi ma ni nyi ma ste gang du nyi ma'i 'od kyis pad+ma kha 'byed pa bzhin du thabs kyis rdo rjes pad+ma kha phye nas rdo rje 'jug pa ni rdo rje'o/ /thig le gnyis kyis brgyan pa ni rdo rje'i rtse mo dang pad+ma'i nang gi bye'u mgo la bsam pa'o/ /de dag gis cir 'gyur zhe na/ nyi ma'i 'od zer 'dra bar 'byung zhes pa'o/ /de nas snang ba thob pa bstan pa'i phyir/ snang ba thob pa zhes bya ba la sogs pa gsungs te/ de la snang ba thob pa'i rang bzhin ni chags pa bar ma la sogs pa'o/ /rten gyis ni bdun gyi bdag nyid do/ /de'i man ngag ston pa'i phyir sa bon thig ler ldan min la zhes smos te sa bon ni thig le ste sa bon yang min la thig le yang yin pas na sa bon thig le ste/ nyi ma dang zla ba dang rdo rje la sogs pa 'dus te thig ler gyur pa ni de'o/ /yang na sa bon dang thig le ni sa bon dang thig le ste snying ga'i sa bon la thams cad 'dus pa'o/ /yang na byang chub sems ni skyed par byed pas na sa bon te rtsa rnams kyis smad kyi char byung nas bu pho dang bu mo dang ye shes skyed par byed pa'i phyir ro/ /de ni thob pa ste bdag gi dbang du 'dus pa'o/ /yang na snang ba snying gar zla ba'i steng/ /snang ba mched pa mgrin par pad+ma thob pa skye bo'i dbus su bsam/ /gang gang gang du bsam
- 287a
pa de'i/ /rang bzhin rnams dang bral bar 'gyur zhe'o/ /rang bzhin phra ba ni re re la gsum gsum gyi dbye bas so/ /cir 'gyur zhe na/ brgya dang drug cus so/ /'khrul ba skye ba'i tshul rgyu bstan pa'i phyir/ rlung gis bzhon pa'i rgyu yis ni zhes smos te rlung la rnam par shes pa bzhon nas nyin dang mtshan du yul la dmigs par 'gyur zhe'o/ /dus ji tsam du zhe na/ skad cig dang skad cig brgya nyi shu la thang cig de las yud tsam de'i bar du skye zhe'o/ /de nas sems tsam gyi mtshan nyid bstan pa'i phyir rang rig tsam gyi ye shes zhes bya ba la sogs pa smos te rang rig pa ni rang gi sems kyis don rig pa ni rang rig pa'o/ /de ji lta bu zhe na/ nam mkha' lta bu ste nam mkha' dang 'dra bar rang bzhin med pa'o/ /dpal nam mkha' dang mnyam pa'i rgyud las kyang/ rigs kyi bu/ gzugs dang sgra dang dri dang ro/ /de bzhin reg dang chos la sogs/ /thams cad sems kyi snang ba ste/ /sems las gzhan na ci yang med/ /yod med gang duAng ma grub par/ /shes pa de ni rang rig ste/ /gang du nam mkha' 'drar shes pa'i/ /rnal 'byor de yis sems nyid mthong/ /ji ltar nam mkha' dang pa la/ /kha dog med cing dbyibs med cing/ /blo bur sprin gyi snang ba bzhin/ /nam mkha' dang 'dra'i sems nyid la/ /nyon mongs dri mas gos par 'gyur/ /ji ltar gnas bzhi med bzhin du/ /mkha' la mja' mtshon rlung 'byung ltar/ /sems las sems byung de las ni/ /de rnams 'byung ngo de yi tshe/ /skye gnas bzhi la sogs par snang/ /zhes 'byung ba lta bu'o/ /de ltar lta bas thag bcad nas da ni de'i man ngag bsgom pa bstan pa'i phyir de'i sgrub pa brjod par bya/ zhes pa la sogs pa smos te de zhes pa ni sems la dmigs pa'o/ /sgrub pa ni sgrub pa'i thabs te bsgom pa'i man ngag go /de brjod pa ni bshad pa'o/ /rlung rnams phra ba'i gzugs kyis ni zhes pa ni srog 'dzin pa'i rlung la sogs pa'o/ /shes dang yang dag 'dres 'gyur nas shes pa rlung dang 'dres par 'gyur zhes pa'o/ /dbang po'i lam nas byung nas ni zhes pa ni dbang po'i
- 287b
lam gyi rtsa rgyud nas zhes pa'o/ /ci byed ce na/ yul rnams la ni dmigs par byed ces pas gzugs la sogs pa la dmigs pa'o/ /rlung phra ba ni rlung phra ba ste/ bdag tu 'byung ba'o/ /shes pa dang 'dres pa ni shes pa dang 'dres pa ste gnyid la sogs pa'i dus so/ / shes pa dang 'dres pas ni shes pa dang 'dres pa ste mnyam par bzhag pa'i dus su bdag la A li kA li'i phreng bar gyur pa'o/ /des ci byed ce na/ dmigs par byed ces sbyar ro/ /gang nas 'byung ba ni gong dang 'dra/ yul la dmigs pa ni yul la dmigs pa ste/ dbang po lnga'i rtsa ba bye ba'i thig le la ting nge 'dzin gtod ces sbyar ro/ /yang na rlung phra ba ni rlung phra ba ste khams phra ba'i rlung ljang gu'i mdog can no/ /shes pa dang 'dres pa ni de'i bsam gtan gsal nas she'o/ /ci byed ce na/ dbang po'i lam nas byung nas yul la dmigs te byang chub sems kyi rtsa na yar 'phang te byang chub sems kyi bde ba skye ba'o/ /gang tshe snang ba ldan 'gyur zhing zhes pa ni thig le la sogs pa gang dang gang du gsal ba'o/ /rlung gi bzhon pa nyid gyur pa zhes pa ni zhes pa'i bzhon par gyur pa'o/ /de'i tshe rang bzhin de dag kun/ /ma lus lus pa med par 'jug/ ces pa ni gang gi tshe rlung dang shes pa 'dres par gyur pa'i bsam gtan mthar phyin pa de'i tshe rang bzhin de dang de dag kun dgag par 'gyur zhe'o/ /rlung ni gang dang gar gnas par zhes pa ni rlung mig dang rna ba la sogs pa la gnas nas yul la dmigs pa'i dus na'o/ /ci 'byung zhe na/ rang bzhin gzugs dang sgra la sogs pa brten te 'byung zhe'o/ /ji srid rlung ni rgyu ba zhes pa ni 'byung ba dang 'jug pa'o/ /snang ba mi g.yo ba gyur pa zhes pa ni thig le brten par 'gyur ba'o/ /snang ba gnyis kyi rgyur gyur pa zhes pa ni snang ba mched pa dang thob pa gnyis kyi rgyur gyur pa zhes pa ni bdag gi dngos por rnam par brtags zhes pa mi gnyis te phyogs snga ma dang de'i las phyogs phyi ma bstan pa'o/ /snga ma ltar na bdag rtag pa zhes bya ba
- 288a
dang 'brel to/ /phyogs phyi ma ltar na thams cad sems kyi snang bar gyur pa'o/ /sgyu ma dag ni thams cad las/ /bud med sgyu ma khyad par 'phags/ /zhes pa ni gang gi tshe bud med la rten par gyur pa de'i tshe rnal 'byor gyi ye shes skye bar 'gyur ro/ /ye shes gsum gyi dbye ba ni zhes pa ni snang ba la sogs pa'i dbye ba'o/ /gsal bar 'di las mtshon par 'gyur zhes pa ni/ gsal bar bud med la brten pas rtog par 'gyur ba'o/ /'dod chags nyid dang chags bral dang/ de'i bar de zhes pa ni snang ba la sogs pa gsum po ni zhes pa'o// dbang po gnyis ni sbyor las 'byung zhes sbyar ro/ /de la dbang po ni dbang po ste byang chub sems kyi thig le'o/ /'di la gnyis yod pas na dbang po gnyis so/ /gang zhe na/ rdo rje dang pad+ma 'dus pa ste hUM dang phaT kyi sbyor bas so/ /de'i don ni bskyed pa'i rim pa mthar phyin pa'i rnal 'byor gyis rdo rje dang pad+ma la hUM dang phaT bsams la snyoms bar 'jug pa'i cho ga bya ba'o/ /yang na dbang po gnyis ni bde chen dang longs spyod do/ /de'i bde ba'i ro myong ba ni dbang po sbyor ba la sogs pa'o/ /ye shes gnyis ni mnyam sbyor bas zhes pa ni ye shes snang ba dang snang ba mched pa gnyis su med pa'o// yang na ye shes gnyis ni mnyam sbyor dang zhes pa ni thabs dang shes rab kyi rol pa'o/ /ji skad bshad pa'i bya ba yis zhes pa ni 'phyang ba dang 'khyud pa dang sen mo la sogs pa'o/ /'bad pas ye shes gang thob pa zhes pa ni snyoms par zhugs pas byang chub sems phab ste mgrin pa dang snying ga dang lte ba gsum du ye shes gsum skye ba ni snang ba thob pa gsum skye ba'o/ /sa te tha ma bstan pa'o/ /gang zhig chu skyes rdo rje sbyor zhes pa ni pad+ma la rdo rje 'jug pa'o/ /yang na snying ga'i pad+ma las shes rab kyi me 'bar te bde ba chen po'i byang chub sems 'gugs par byed ces pa ni chu skyes rdo rje sbyor zhes pa'o/ /yang na ye shes nyid ma chags rnam par rtog pa'i skyon gyis ma gos pas pad+ma'o/ /de nyid ni rdo rje ste rnam par rtog pa'i ngo bo 'joms par byed pa'i phyir ro/ /dga' ba nyams su myong ba ni dga' ba nyams su myong ba'o/ /lan cig
- 288b
tsam myong nas kyang zhes pa ni lan cig tsam phyag rgya ma la brten pa'i bde bas kyang zhe'o/ /rnal 'byor stobs kyis 'grub par 'gyur zhes pa ni phyis ting nge 'dzin gyis spyan drangs pa gshegs su gsol bas 'grub ce'o/ /ye shes 'jug pa'i ngo bo yis shes pa ni ye shes gsum gyi sbyor bas rang bzhin sdud par byed ce'o/ /dbye ba ji bzhin zhes bya ba la zhes pa ni snang ba la sogs pa dang de'i rang bzhin shes par bya ba la zhe'o/ /ci byed ce na/ rang bzhin de yang slar la ni/ /rtag tu rnal 'byor pas mtshon bya ste sgom pa pos lte pa'i sa bon la blo gtad pa'i 'di ltar dbus su byang chub sems kyi thig le bsams te de'i stobs kyis lte ba'i 'khor lo rgyas pa dang slar thig le la gnas par bya'o/ /ji ltar sprin sna tshogs shing zhes pa la sogs pa ni go sla'o/ /de bzhin rang bzhin thams cad ni zhes pa gong du smos pa'o/ /snang ba gsum gyi rgyu can de zhes pa ni thams cad snang ba gsum las 'byung zhe'o/ /ma lus yul la zhugs pa ni chags pa la sogs pa skye ba'o/ /'od gsal bar ni zhugs par gyur zhes pa ni 'od gsal ba'i dar du rnam par dag ces pa'o/ /des ni rang bzhin 'khrul pa dpe dang bcas pa bstan to/ /de nas rang bzhin ma shes pa'i skyon bstan pa'i phyir de 'dra'i rang bzhin ma shes pas zhes pa ni gong ma lta bu'i rang bzhin rgyu la sogs pa dang bcas pas ma shes pa dang zhes pa'o/ /ma shes mun pas khebs nas ni zhes pa ni gti mug gi mun pas khabs pa'o/ /cir 'gyur zhe na/ 'khor bar 'gyur zhes te/ gang du gang gis she na/ de nyid bstan pa'i phyir/ dge dang mi dge'i las byas nas/ 'gro ba stad ni 'khor zhe'o/ /de'i don yang dge ba bcu gcig la sogs pa'o/ /gang gi phyir mi dag pa'i las dang 'bras bu bstan pa'i phyir/ /mtshams med la sogs byang nas ni zhes bya ba la sogs pa smos te/ mtshams med pa ni mtshams med pa ste mtshams med pa'i las so/ /gang zhe na/ pha gsod pa la sogs pa'o/ /des cir 'gyur zhe na /
- 289a
dmyal la sogs par 'tshed par 'gyur zhes te mnar med pa nas yang sos kyi bar du skye zhes pa'o/ /gang gi phyir dge ba'i las dang las kyi rnam par smin pa bstan pa'i phyir/ sbyin pa la sogs zhes bya ba la sogs pa smos te/ gang gi chos sbyin pa yongs su btang bar gyur pa de'i tshe rtag tu phyug por 'gyur ro/ /de bzhin du tshul khrims dang bzod pa la sogs pas lha dang mi'i go 'phang gzugs bzang ba la sogs par 'gyur ro/ /gzhan las kyang/ pha gsod pa dang/ ma gsod dang/ /dgra bcom pho mo gsod pa ni/ /sems kyi byas pas ngan song rgyu/ /de bzhin sbyin la sogs pa rnams/ /sems yin de'i bskyed bla med 'gyur/ /dper na mkha' la 'dab gshog bzhin/ zhes pa lta bu'o/ /de nas sa bon du gyur pa bstan pa'i phyir skye ba dpag med stong phrag ni zhes pa skye ba dpag tu med cing grangs pa las 'das pa'o/ /'dis ni yang dang yang thob pa zhes pa ni sems kyis yang dang yang du thob ba'o/ /log par rtog pa bstan pa'i phyir 'di ni sngon las rnam smin te zhes pa ni lus kyi bde ba dang sdug bsngal 'di ni sngon las kyi rnam par smin pa'o/ /zhes sems la rmongs pa rnams mya ngan byed do/ /de nas yang dag pa'i rtogs pa yon tan dang bcas bstan pa'i phyir/ rang bzhin snang ba'i tshul gyis ni zhes bya ba la sogs pa smos te rang bzhin rgya drug cu la sogs pa snang ba gsum las skye ba'i tshul gyis zhes pa'o/ /nyon mongs pa de nyid shes na zhes bya ba ni gong dang 'grel pa'o/ /ci byed ce na/ grol bar 'gyur zhe'o/ /gang gi gang gang las she na/ gong ma dang ni dang po dang sbyar te/ ye shes can ni ye shes can te/ gang la rang gi gnas pa'i don shes pa de la de skad ces bya'o/ /srid pa'i gzeb las grol bar 'gyur zhes pa ni srid pa ni gsum ste 'dod pa'i srid pa la sogs pa las grol bar 'gyur zhes pa'o/ /shes rab ngo bo 'di nyid ni zhes pa ni snang ba'i ye shes so/ /zla ba'i dkyil
- 289b
'khor dag tu brtag ces pa ni snying gar zla ba'i dkyil 'khor bsam pa ni snang ba'o/ /sems nyid rang gis mthong 'gyur te zhes pa ni snang ba yang sems snang ba'o/ /rang nyid zla ba'i gzugs bzhin no zhes pa ni rang gi sems nyid zla ba ltar bsam pa'o/ /de nas zla ba la dmigs pas zhes pa ni zla ba'i dkyil 'khor gsal ba'i rnal 'byor pas she'o/ /rdo rje mtshan mar rab tu brtag ces pa ni de'i steng du rdo rje bsam pa'o/ /thabs ni snang ba mched pa'o/ /zla ba rdo rje mnyam sbyor bas zhes pa ni zla ba'i dkyil 'khor gsal ba'i rnal 'byor pa zhe'o/ /yang na ye shes kyi tshogs kyi yan lag gi rjes la zla ba dang rdo rje dang lha'i sku bsam pa'o/ /phyag rgya bzhis rgyas gdab pa ni chos dang las dang dam tshig dang phyag rgya chen pos thebs pa'o/ /yang na chos na longs spyod kyi 'khor lo'o/ /las ni lte ba'i 'khor lo'o/ /dam tshig ni snying ga'i 'khor lo'o/ /phyag rgya chen po ni bde ba chen po'o/ /yang na las kyi rlung ni las kyi phyag rgya'o/ /las kyi rlung ni las kyi phyag rgya ste nges de'i gnas nas phab pa'o/ /yang na chos kyi phyag rgya ni mgrin pa las 'byung ba'i lha mo'o/ /las kyi phyag rgya ni zhing skyes dang sngags skyes la sogs pa'o/ /dam tshig gi phyag rgya ni snying ga las byung ba'i lha mo'o/ /des dngos grub thob pa ni phyag rgya chen po'o/ /lha'i nga rgyal 'chang ba ni lha'i rnam pa bsgom pa'o/ /de ni yongs rdzogs rnal 'byor gyi zhes pa ni rdzogs pa'i ting nge 'dzin bstan te/ stong pa gsum ni rnam dag gang zhes pa ni stong pa dang rab tu stong pa la sogs pa'o/ /rnam par dag pa dbyer med pa'o/ /'od gsal ba ni 'od gsal ba ste rnam par rtog pa'i mun pa sel ba'o/ /thams cad stong pa'ang de nyid de rang bzhin thams cad dang bral ba'i phyir ro/ /ye shes gsum ni rnam dag pa zhes pa ni snang ba la sogs pa rnam par dag pa'o/ /thams cad mkhyen pa ni thams cad mkhyen pa ste gang la de yod pa de la de skad ces bya'o/ /'gyur ba med cing snang ba med ces pa ni kha dog
- 290a
la sogs par mi 'gyur ba'o/ /snang ba med pa ni snang ba dang bral ba'o/ /gnyis su med pa ni gnyis su dbyer med pa'o/ /mchog tu zhi ba'ang de nyid rnam par rtog pa dang nyon mongs pa'i rnam pa zhi ba'i phyir ro/ /yod pa ni yod ?/ /? pa ni med pa'o/ /gang la yod pa dang med pa mi dmigs pa de la de skad ces bya'o/ /tshig gi spyod yul min zhes pa ni brjod par bya ba'i yul du ma gyur pa'o/ /de bas zhes pa ni de'i phyir zhes pa'o/ /'od gsal dag pa las shes pa ni 'od gsal ba'i ngang las shes pa'o/ /ye shes gsum 'byung zhes pa ni zla ba dang rdo rje dang lha'i sku 'byung ngo/ /sum cu rtsa gnyis mtshan 'chang zhes pa ni mtshan sum cu rtsa gnyis kyis brgyan pa'o/ /yang na spyi bo'i 'khor lo'i rtsa sum cu rtsa gnyis la de skad ces bya'o/ /dpe byad bzang po brgyad cu ni gsang ba'i rtsa brgyad pa dang bcas pa'o/ /gzhan las drug cu rtsa bzhi bcu drug bcas she'o/ /gzhan go sla'o/ /de skad du zhes pa ni bskyed pa'i dbang du'o/ /rgya che ba yang yin la rol pa yin pas rgya cher rol pa'i mdo'o/ /shAkya thub pa de bzhin gshegs zhes pa/ de bzhin gshegs pa shAkya thub pa'o/ /de bzhin nyid du gshegs pas de bzhin gshegs pa'o/ /yang na de bzhin nyid las gshegs pas de bzhin gshegs pa'o/ /mngon par byang chub 'di bzhed na zhes pa ni mngon par byang chub pa rnam pa lnga'i sgo nas sangs rgyas par 'dod nas shes pa'o/ /gang gis ji ltar dgongs she na/ stong pa chen po sangs rgyas nyid/ /thob par bya zhes dgongs nas kyang/ zhes pa ste thams cad mkhyen pa'i ye shes kyi don dang ldan pas dang por byang chub mchog tu sems bskyed nas sems can gyi don gyi phyir sangs rgyas nyid thob par bya'o/ zhes dgongs nas snyoms par zhugs she'o/ /gang
- 290b
du gang la zhe na/ dngos po dang 'brel pa ste nai rany+dza na'i chu mgram du zhes pa ni chu bo ni rany+dza na'i 'gram du/ mi g.yo ting 'dzin snyoms pa'i zhes pa ni mi g.yo ba yang yin pa ting nge 'dzin kyang yin pas mi g.yo ba'i ting nge 'dzin te/ ting nge 'dzin gang la ming de skad ces bya ba yod pa'i ting nge 'dzin de la snyoms par zhugs nas she'o/ /de'i tshe zhes bya ba ni snyoms par zhugs pa de'i tshe bzhugs zhes sbyar ro/ /gang ji ltar zhe na rdo rje rgyal bas sangs rgyas thams cad do/ /nam mkha' i rdo rje ste chos kyi dbyings kyi pho brang nga'o/ /ji ltar zhe na/ til gyi gang bu bzhin du ste/ dper na til dang 'dra bas na til te til 'bru'i gang bu bzhin du gang nas bzhugs so zhes sbyar ro/ /de nas gleng bslang ba'i phyir rgyal ba'i sras la se gol dang zhes bya ba la sogs pas gsungs te/ rgyal ba'i sras dang byang chub sems dpa' rnams la bcom ldan 'das se gol dang dbyangs kyis gsungs pa/ bsam gtan 'di ni rnam dag min zhes pa ni kun rdzob kyi bsam gtan 'dis rnam par dag ba'ang thob par mi 'gyur zhe'o/ /'dis ni mthar thog mi thub ste zhes pa ni bsam gtan 'dis chos kyi sku mi thod ce'o/ /gong gis thob ce na/ nam mkha' i dngos ltar mchog gyur pa zhes pa ni nam mkha' dang 'dra bar dngos po med pa'o/ /gang yin ji ltar bya zhe na/ 'od gsal ba ni chos kyi sku'o/ /dmigs shig pa ni bsgoms shig pa'o/ /des cir 'gyur zhe na/ de nyid bstan pa'i phyir 'od gsal ba'i gnas thob nas zhes pa la sogs pa gsungs te/ de la 'od gsal ba ni chos kyi sku'o/ /de'i gnas thob pa ni chos kyi sku thob pa'o thob nas cir 'gyur zhe na/ rang dga' i gzugs su skye bar 'gyur te longs spyod rdzogs pa'i sku dang sprul pa'i sku sna tshogs kyi sems can gyi don thog pa med par 'gyur ro/ /de'i tshe zhes bya ba ni de'i tshe de'i dus na thob par 'gyur ro// zhes sbyar ro//
- 291a
gang zhe na/ rab dga' rdo rje'i sku/ kun gyi dbang phyug thob par 'gyur zhes sbyar ro/ /rab dga' rdo rje ni rab tu dga' ba'i rdo rje ste bde ba chen po'i sku'o/ /kun gyi dbang phyug kyang de nyid de thams cad kyi mchog tu gyur pa'i sku thob par 'gyur ro// zhes sbyar ro/ /'di lha'i sgra de gsan pa dang zhes bya ba ni go sla'o/ /'di ltar nam phyed dus su zhes pa la sogs pa ni 'od gsal ba bsgom pa bstan te/ de la 'di ltar nam phyed dus su ni zhes pa ni nam phar phyed tshur phyed du'o/ /yang na snying nyi zla kha sbyor du bsams pa de la de skad ces bya'o/ /rgyal ba'i sras ni sangs rgyas shAkya thub pa ste des de kho na nyid kyi don la bsgom pa'o/ /ji ltar zhe na/ sku ni drang po ma yin zhing zhes pa ni drang por mi 'dug pa'o/ /gzhan go sla'o/ /thams cad stong pa rmad chen po zhes pa ni 'od gsal ba'o/ /de ni rmed du byung ba ste/ ya mtshan du gyur pa'o/ /dangs zhing gsal ba'i ye shes che zhes pa ni rnam par rtog pa'i rnyog pa dang bral bas dangs pa'o/ /de gsal ba'i shes pa ni ye shes chen po yin pa'i phyir de la de skad ces bya'o/ /gang la brtan nas cir 'gyur zhe na de nyid bstan pa'i phyir/ bla ma nyid kyi bka' drin gyis/ das na de ni gsal mthong 'gyur zhes te/ bla ma rdo rje slob dpon gyi bka' drin gyis de ma thag tu de gsal bar 'gyur zhe'o/ /'das pa dang ni ma 'ongs dang/ /da ltar byung ba'i srid gsum ni/ /skad cig de la ma lus mthong zhes pa ni khams gsum dang dus gsum skad cig tsam gyis ma lus par mthong ba'o/ /'od gsal ba ni rnam dag 'chang zhes pa ni 'od gsal ba mi gtong ba 'am mnga' ba'o/ /rdo rje lta bu'i ting nge 'dzin kyis zhes pa ni rdo rje dang 'dra bas rdo rje'o/ /de bas na gang la 'joms par byed pa yod pa de la de skad ces bya'o/ /skya reng 'char ba'i dus su ni zhes pa tho rangs kyi dus
- 291b
su'o/ /chu zla dang ni zhes pa la sogs pa go sla'o/ /byang chub snying por zhugs nas ni zhes pa ni chos kyi sku'i ngang la gnas pa'o/ /de yi bdud rnams 'joms par mdzad ces pa ni 'dud dang bar du bcod pa ni de'i bdud de phung po'i bdud la sogs pa'o/ /shAkya'i mgon pos yang dag pa'i/ /ye shes bla med legs thob nas/ /zhes pa ni chos kyi sku mthong nas zhes pa'o/ /ci byed ce na/ ston par mdzad ces sbyar ro/ /gang gi phyir zhe na/ 'gro la skyob cing phan pa'i phyir te/ 'gro ba ngan song las skyab pa'i phyir/ /de nyid 'dir ni ston par mdzad ces pa ni 'od gsal ba de nyid 'dir ston pa'o/ /mngon par byang chub ston pa ni zhes pa/ zla ba dang rdo rje la sogs pa'o/ /de nyid ye shes zhes byar bshad ces ni mngon par byang chub pa lnga nyid ye shes kyi snang ba yin zhes so/ /gzhan go sla'o/ /spyod pa ci dga' spyod ces de zhes pa ni gzugs la sogs pa gang la dga' ba des de la spyod ces bya'o/ /'di ni ma 'ongs rdzogs sangs rgyas zhes pa ni ma 'ongs pa'i dus kyi gang zag rnams kyang sangs rgyas par 'gyur ba'o/ /chags min chags dang bral ba min zhes pa ni chags dang chags pa dang bral ba gnyi ga mi dmigs pa'o/ /stong pa ma yin mi stong mi stong min zhes pa ni stong pa zhes bya ba'i chos kyi tshul gang yang mi 'grub par bstan to// dbu ma yang ni mi dmigs so/ /zhes pa ni gnyis kyi ngo bo las 'das pa'i dbu ma zhes bya ba'i tshul gang yang ma grub par bstan to/ /sangs rgyas kun gyi mnyam sbyor ba zhes pa ni sangs rgyas kyis gnyis su med pa'i don to/ /ye shes gsum bral de nyid gang/ /dgongs pa yis ni gsungs pa yin zhes pa ni ye shes gsum dang bral ba gang yin pa des mchog thob bo zhes pa ni dgongs pas gsungs pa'o/ /'di ci la dogs she na/ 'od gsal ba la dgongs
- 292a
nas gsungs so/ /yang na snang ba'i 'khrul pa dang bral ba la dgongs nas de gsungs so/ /de bzhin dpal ldan gsang 'dus kyi/ /byang chub sems kyi le'u las gsungs zhes sbyar te/ de ni 'di ltar chos thams cad rnam par dag pa'i don gang yin pa sems nyid yin pa'i don de ni dpal gsang ba 'dus pa'i byang chub sems kyi le'u las gsungs she'o/ /gang gi tshe 'dod chags la sogs pa rnam par dag pa ni 'dod chags la sogs pa rnam dag gang zhes pa la sogs gsungs te/ gang gi tshe chos thams cad sems su 'dus la sems nyid yongs su dag par gyur pa ni sems mthong ba'o/ /de'i tshe 'dod chags la sogs pa mi dmigs de'i chos kyi tshul mi dmigs so/ /nyid de de bzhin gshegs pas kyang thams cad stong par gsungs zhes pa ste/ de lta bu de ni thams cad stong pa'o/ sna tshogs mdo dang rgyud las ni zhes pa mdo sna tshogs dang rgyud sna tshogs las gsungs she'o/ /de bzhin gang zhig nyer bstan pa zhes pa ni de bzhin gang bstan pa de ni thams cad stong pa'o/ /chos phung brgyad khri bzhi stong ni/ thub pa chen po gsungs pa las/ /zhes pa ni bcom ldan 'das kyis chos kyi phung po brgyad khri bzhi stong gsungs she'o/ /mngon par byang chub mtshan nyid ni zhes pa mngon par byang chub pa de nyid ni de ni bla na med pa'i mngon par byang chub pa'o/ /snying po las ni snying por gsungs zhes pa ni zab pa'i phyir ro/ /ral pa gcer bu mgo reg la sogs pa'i don ni gang la rnam par rtog pa dang ldan pa'i dus na ni ral ba dang gcer bu dang cod pan 'dus pa spong ba dang len pa'o/ /sna tshogs rtags can de dang de zhes pa ni de lta bu sna tshogs pa'i don to/ /mngon par byang chub 'dod pa rnams zhes pa ni mngon par byang chub 'dod
- 292b
pa'i rnal 'byor pas spang zhe'o/ /spangs nas ci byed ce na/ grol bar mi 'gyur zhes sbyar ro/ /lung gzhan las kyang/ sems nyid mthong ba'i rnal 'byor gyis/ /gtsang ba dang ni mi gtsang dang/ /ral pa dang ni mgo regs dang/ /de bzhin chos brgyad thams cad kun/ /gang la gnas kyang grol bar 'gyur/ /gang zhig sems nyid mi rtog cing/ /rnam par rtog la rab gnas pas/ /sbyin ba gtong zhing tshul khrims srung/ /bzod dang shes rab rab nas kyang/ /des kyang grol bar mi 'gyur ro/ /bsam gtan dang bral rnal 'byor pas/ /rtag tu spyod la 'jug byed kyang/ /spyod pa nyid kyi 'chad byed 'gyur/ /thabs med spyod pa lcags gzeb 'dra/ /dngos rnams sems kyi 'khrul pa ste/ /cir snang sems nyid rang bzhin no/ /gang tshe sems las tha dad par/ /snang ba dmigs kyi zla gnyis bzhin/ /tha dad med las tha dad pa/ don med pas na rmi lam bzhin/ /dang po de mthong de yi cha/ /chos kun sems kyi 'khrul par snang/ /don dam sems ni thog ma dang/ tha ma dbus la sogs pa med/ /sems la chos kyi tshul med par mthong ba de yis sems nyid mthong/ zhes 'byung ba lta bu'o/ /dang po las kyi sbyor ba yis zhes pa ni bskyed pa'i rim pa'i rnal 'byor dang rdo rje bzlas pa'o/ /sa brgyad pa ni thob par 'gyur zhes pa ni bzod pa 'bring po'i sa'o/ /gzhan las kyang/ bskyed pa dang ni bzlas pa yis/ /bzod pa 'bring po'i sa la gnas/ /zhes pa lta bu'o/ /snang ba gsum po mthong ba dag ces pa ni ye shes gsum bskyed pa'o/ /cir 'gyur zhe na/ sa bcu la ni gnas par 'gyur zhes pa lta bu'o/ /mngon par byang chub legs thob nas zhes pa ni 'od gsal thob nas she'o/ /ci byed ce na/ gtsang ma'i gnas su nye bar 'gro zhes pa ste chos kyi sku thob ce'o/ /sangs rgyas zhing nas mi ldog ces pa ni 'khor bar mi ldog pa'o/ /tshe 'di nyid kyis thams cad mkhyen zhes pa ni
- 293a
tshe 'di nyid kyis thams cad mkhyen pa'i bye brag dang ldan par 'gyur ro/ /chos dbyings mngon par byang chub pa zhes pa ni mngon par byang chub pa'i rgyu'o/ /chags sogs rol mo rgya chen po zhes pa ni 'dod chags kyi chos so/ /chos dbyings mngon par byang chub pa/ /ji ltar rnyed pa'i sbyor ba yis zhes pa 'di rnal 'byor gyi ye shes skye ba'i thabs zhes pa'o/ /mngon par rtog par gang 'gyur ba zhes pa ni thabs gang khong du chud pa'o/ /bla med mngon par byang chub pa zhes pa ni bla na med pa'i mngon par byang chub pa 'dod pa'o/ /de ji ltar bya zhe na/ spros byas la sogs pa spyod pa yis zhes pa ste/ spyod pa rnam pa gsum 'am dgu 'am bsam gyis mi khyab pa'o/ /spyod pa des ci byed ce na slob dpon zhes sbyar ro/ /gang gi slob ce na/ rnal 'byor pa yis te/ ting nge 'dzin dang ldan pas slob ces sbyar ro/ /'dod nas dag pa'i rang bzhin can zhes pa ni gang la rnam par rtog pa dang bral ba de la de skad ces bya'o/ /ngo bo nyid kyis de grub na zhes pa ni/ ngo bo nyid kyis dag par rtogs sam mngon du rgyur na zhe'o/ /bslab pa'i sbyor bas ci zhig bya zhes ni spyod pa spyad pa don med ce'o/ /rtog las de bzhin nyid mi skye shes pa ni rnam par rtog pa las de bzhin nyid mi 'byung zhe'o/ /gang zhig de ltar 'dir rtogs na zhes pa ni rnal 'byor pa gang yang rung ba zhig spyod pa don dam par rtogs na zhe'o/ /ye shes rim pa spangs pa yin zhes pa ni don dam pa spangs pa yin zhes pa'o/ /des ci byed ce na phyir zhe na/ spang ba'i 'gal ba yin pa'i phyir ro gzhan go sla'o rim pa lnga'i dka' 'grel don gsal ba zhes pa las/ rim pa gnyis kyi bshad pa'o// //de nas rim pa gsum pa bstan pa'i phyir rdo rje can rnams kun gyi gtso zhes bya ba la sogs pa smos te/ de rdo rje dang ldan pas rdo rje can
- 293b
de phyag na rdo rje la sogs pa'o/ /de'i gtso bo yin pas kun gyi gtso bo rdo rje 'chang chen po'o/ /de la phyag 'tshal te zhes pa ni gzhan gyi don sgrub pa'i bar du'o/ /phyag 'tshal te bshad ces sbyar ro/ /gang bshad ce na/ bdag la byin gyis brlab pa nyid ces pa lta bdag la byin gyis rlob pa ni sgyu ma'i dpe bcu gnyis kyis nye bar mtshon te rlob ce'o/ /de bshad pa yin pas de la de skad ces bya'o/ /gang gi sgo nas gang gis bshad ce na/ brtse bas bdag gis bshad ces pa smos te sems can rmongs pa rnams la snying rje chen po bskyed nas bdag gis bshad ce'o/ /de las dang po bskyed pa'i rim pa'i rjes su 'brangs nas shes pa ni bskyed pa'i rim pa'i lha'i sku la dmigs nas she'o/ /dbang bskur ba thob cing zhes pa ni bum pa'i dbang bskur ba thob cing zhes pa'o/ /rgyud rnam pa bzhi'i dgongs pa shes pa ni bya ba'i rgyud dang spyod pa'i rgyud dang gnyi ga'i rgyud dang rnal 'byor bla na med pa'i rgyud kyi dgongs pa shes shing zhes pa'o/ /yang na dgongs pa lung bstan dang lha mo bzhis zhus la sogs pa bzhi shes pa de la de skad ces bya'o/ /yang na 'brel ba'i phyir rgyud de dang mi dang mnyam du gnas pa la sogs pa 'bras bu dang bcas pa yod pa de la de skad ces bya'o/ /shes rab dang ldan pa ni shes rab yod pa'o/ /lus dang ngag dang yid thos pa 'dzin pa ni bzlas pa dang sems lnga'i sku'i rnam pa dang ldan pa'o/ /bden pa gnyis la mos pa ni lha'i sku sgyu ma lta bu dang 'od gsal bar gces su byed pa'o/ /de lta bu'i rnal 'byor pas slob dpon yang dag par mnyes par byas te zhes pa ni rab tu gces pa dang yid la 'thad pa la thug gi bar du sems dangs pas 'bul ba'o/ /mnyes nas ci byed ce na/ tshogs kyi mchod pa chen po byas la zhes pa ni tshogs kyi 'khor lo byas la zhe'o/ /chen po ni 'dir 'khor lor shes par bya'o/ /lung gzhan las/ spyod pa dgu yi dbang
- 294a
dag tu/ rnal 'byor pha dang rnal 'byor ma/ /brgya rtsa brgyad nas lnga yi bar/ /zas dang skom yang de bzhin te/ /de bzhin sa gnas par du mchod/ /ces pa'o/ /lo bcu drug pa rdo rje slob dpon la phul te zhes pa ni bu mo lo bcu drug pa phul te zhes pa'o/ /yang na skyed par byed pa'i phyir bu mo'o/ /dga' ba bcu drug ster bas lo bcu drug ma'o/ /slob dpon ni ting nge 'dzin de la phan par byed pa'o/ /phul te zhes pa ni yul du byas she'o/ /yang na bu mo gong dang 'dra/ /lo bcu drug pa ni pad+ma bcu drug kyi bar du'o/ /slob dpon ni spyi bo'i 'khor lo'o/ /de la phul te zhes pa ni mgrin pa nas rlung gis bzlog ste bde ba chen por gnas pa'o/ /yang na lo bcu drug pa ni 'dir bde ba chen po'i rtsa sum cu rtsa gnyis pa'i bde ba cher skyes pa bcu drug go /slob dpon la phul te zhes pa ni snying gar khu ba 'dzag pa'o/ /gzhan go sla'o/ /gzhan ni gzhan du shes par bya'o/ /khong stong khyod kyi lus la med ces pa ni lus kyi nang na stong pa med cing/ /sha dang rus pa khrag med kyang ston par mdzad ce'o/ /ji ltar zhes na/ nam mkha' la ni 'ja' tshon ltar ston zhe'o/ /dper na nam mkha' la ni kha dog sna lnga la sogs pa'i 'ja' tshon de'i rgyu med de ngo bo nyid kyis stod do/ /de bzhin sangs rgyas thams cad kyi/ /dbang phyug khyod kyi sku yang ston par mdzad ce'o/ /sku la snyun med mi gtsang med ces rlung la sogs pa'i nang dang/ bu ga las byung ba'i mi gtsang med ce'o/ /bkres dang skom zhes pa ni bkres pa dang skom pa'o/ /de lta bu 'byung ba med kyang ston par mdzad ces sbyar ro/ /gang gang gis phyir gang dang mthun par zhe na/ khyad ces pa ste gang du bshad do/ /'jig rten rjes 'jug phyir zhes pa ni 'jig rten gyi sems can kha drang ba'i phyir ro/ /'jig rten bya ba ston par mdzad ces
- 294b
pa ni sems can dang mthun pa'i las byed pa'o/ /chu zla dang 'dra bas chu zla ste snang ba na rang bzhin med pa'o/ /chos rnams kun la gnas pa med ces pa ni 'khor chos thams cad la mi gnas pa'o/ /nga rgyal med pa ni nga rgyal med pa ste/ sems khengs pa med par rmongs pa ni ma rig pa ste de dang bral ba gang yin pa de la de skad ces bya'o/ /dmigs pa med pa ni dmigs pa dang bral ba ste/ de ci'i phyir zhe na/ de lta bu'i rnam par rtog pa dang bral ba'i phyir ro/ /phyag 'tshal ba ni de lta bu'i don dang ldan pa khyod la phyag 'tshal lo zhes pa'o/ /gshegs dang zhes pa la sogs pa'i don ni 'gro ba nas 'chi ba'i tshul gyis bar du rtag tu mnyam par 'jog pa gang yin pa de la de skad ces bya'o/ /sgyu ma lta bu'i ting nge 'dzin gyis zhes pa ni sgyu ma dang 'dra ba'i lha'i rnam pa la dmigs pa'i ting nge 'dzin gang yin pa de la de skad ces bya'o/ /rdzu 'phrul che la rnam 'phrul zhing zhes pa ni kun tu sku bsam gyis mi khyab pa nas thugs kyi bar du'o/ /sna tshogs pa la snyoms 'jug pa zhes pa ni sku sna tshogs pa la dmigs pa'i ting nge 'dzin gang yin pa de la de skad ces bya'o/ /gzhan go sla'o/ /kun mkhyen ye shes phung po can zhes pa ni thams cad mkhyen pa ni kun mkhyen no/ /sgyu ma'i dpes mtshon pa'i sku ni ye shes kyi phung po'o/ /spyir phung po ni gnyis te ye shes kyi phung po dang las kyi phung po'o/ /de la ting nge 'dzin las skyes pa ni ye shes kyi phung po'o/ /rkyen rnams bzhi las skyes pa ni las kyi phung po'o/ /srid pa'i 'khor lo ni srid pa'i 'khor lo'o/ /ci'i phyir zhe na/ las dang nyon mongs pas srid pa gsum du yang nas yang du 'khor ba'i phyir de la de skad ces bya'o/ /de ni rnam par sbyong ba ni zhi ba la sogs pa'i sbyar bas so/ /de ring zhes bya ba ni dus so/ /bshad pa ni bdag byin gyis rlob pa'i rim pa'o/ /de ni rin po che ste gang
- 295a
la dgos pa'i don 'byung ba de ni rin po che'o/ /gtso bo zhes pa ni bod pa'o/ /bdag la bka' drin stsol zhes bya ba ni bdag la chos bshad du gsol zhes pa'o/ /khyod zhabs pad+ma spangs nas ni zhes pa ni khyod kyi zhabs kyi pad+ma spangs nas skyabs gzhan med pa ste skyabs med pa'o/ /gzhan go sla'o/ /de nas de nyid kyi ming bstan pa'i phyir bdag byin gyis brlab pa'i rim pa ste gong du bshad do/ /gang du rtog pa bstan pa'i phyir/ /kun rdzob bden pa bsten pa ste/ /gang du rgyu rkyen gyis bskyed pa/ /yod pa de ni kun rdzob ste/ /de'i dbang du byas na dngos po yod par bden pa'o/ /rtogs pa dang de'i dus bstan pa'i phyir de ni bla ma'i drin dag gis thob ces pa ste/ bla ma'i drin gyis zhes pa ni 'byung khungs kyi dbang du byas pa'o/ thob pa'i dus de gong du bla ma la thos pa'i dus na thob ce'o/ /thob pa zhes bya ba'ang sa bon gyi tshul dang mngon du gyur pa'i tshul gnyis su 'gyur grang na/ sa bon ni ye shes yod pa'i phyir ma yin/ mngon du gyur pa yang ma yin te de la bstan pa med pa'i phyir ro/ /zhe na/ 'di ni bla ma'i man ngag sngon med pa las rtogs pa'i phyir ro/ /gang gi phyir gsum pa rnyed par dka' ba dang ma rnyed pa'i skyon bstan pa de'i phyir gang gis rnyed par ma gyur pa zhes pa ni rtog ge pa gang gi kyang rnyed par ma gyur pa kyang mdo sde rgyud pa sogs pa la/ /de ni ngal ba don med 'gyur/ zhes te mdo sde dang rgyud mang po brtags pa don med par 'gyur ro/ /gang gi tshe byin gyis brlab pa thob pa'i yon tan bstan pa'i phyir bdag la byin brlab rim thob pa zhes smos te bdag la byin gyis brlab pa gang gis thob pa ni 'gyur zhes sbyar ro/ /gang du zhe na/ de bstan pa'i phyir gtso bo
- 295b
sangs rgyas kun bdag nyid ces smos te sangs rgyas thams cad kyi gtso bo 'am bdag por 'gyur ba'o/ /dus ji tsam gyis she na tshe 'di nyid kyis so/ /gang du zhe na sangs rgyas te mchog 'grub par 'gyur ba'o/ /de nas go rim bstan pa'i phyir bdag byin gyis brlab pa'i dang zhes pa ni rgyu'i khyad par ro/ /'od gsal ba ni 'bras bu'o/ /gang gis phyir 'bras bu bas rgyu snga ba de'i phyir de la de bstan to/ /gzhan go sla'o/ /rnam par rtog pas 'ching bar 'gyur ba dang de'i grol ba po bstan pa'i phyir 'gro kun rang dbang med pa ste shes pa ni 'gro ba kun rgyu rnam par rtog pa ma spangs pas 'bras bu thob pa yin pa'o/ /rang dbang du ni 'byung ba yin zhes pa bdag la byin gyis brlab pa'i rim pas rang dbang du 'byung ba'o/ /de nas ldang ba'i rim pa bstan pa ni/ de yi rgyu ni 'od gsal bar/ 'od gsal thams cad stong pa yi zhes pa sems can thams cad ni rgyu rang bzhin med pa las 'byung ba'o/ zhes pa ni sems can gyi dbang du byas pa'o/ /yang na 'od gsal ba'i ngang las lha'i sku gcig dang du ma'i rang bzhin du 'byung ba ni slob pa'i dbang du byas pa'o/ /sems gang gis ni byas pa rnams 'khor ba'i 'ching bas bcings/ zhes pa ni rnam par rtog pa dang ldan pa'i sems gang yin pa des don la shed ma bye ba rnams bcings she'o/ /gang zhags pas bcings pa'i sems can de ni de nyid la gzhan du ni 'gro'o/ /de'i sdug bsngal nyams su myong ba'o/ /de bzhin du nyon mongs pa'i zhags pas bcings pa'i sems can de ni 'khor ba'i gnas de nyid las sangs rgyas kyi sar 'gro bar mi nus so/ /'khor ba'i sdug bsngal nyid nyams su myong ngo/ /de bas na/ sems de nyid kyi rnal 'byor ba/ /bde gshegs gnas su 'gro ba'o/ zhes pa ni sems rnam par rtog pa dang bral bas ni sangs rgyas kyi sar 'gro zhe'o/ /don dam pa'i dbang du byas te bshad pa/ rnam par rtog pa dang bral ba'i
- 296a
bden pa 'dir ni dngos po gang yang skye ba med ce'o/ /'chi ba med ce'o/ /sems ni rang bzhin rnam dag par/ /'khor ba nyid ni shes par bya zhes pa ni 'khor ba thams cad rang bzhin gyis rnam par dag par bsam pa'o/ /rlung gi sbyor ba med par ni zhes pa ni rdo rje bzlas pa med par zhe'o/ /sems kyi rang bzhin gzung du med ces pa ni sems la dmigs pa bsgom du med ce'o/ /sems kyi rang bzhin rgyur gyur pas shes pa ni chos rnams thams cad sems las byung bas shes pa ni de'i phyir zhes pa'o/ /las dang skye ba kun tu 'byung zhes pa ni las ni las rnam pa bzhi dang skye ba bzhi 'byung zhe'o/ /de nyid rlung dang yang dag ldan zhes pa ni shes pa dang rlung 'grogs te byed ce'o/ /rnam shes gsum po slar yang ni/ rnal 'byor pa yi lus su 'byung zhes pa ni sgyu ma lta bu'i sku 'byung ba'o/ /sgyu ma'i lus shes de las bshad ces pa la sogs pas ni rnal 'byor pa'i phung po la sogs pa thams cad sgyu ma'i dpe bcu gnyis kyis nye bar mtshon pa'i lha'i skur bsam pa'o/ /de nas sgyu ma lta bu'i sku la mchod pa'i cho ga bstan pa'i phyir de bas bdag nyid mchod la 'jug ces pa la sogs pa smos te thams cad bdag gis snang ba sgyu ma ci ma yin pa de'i phyir bdag mchod par bya zhe'o/ /bdag nyid sangs rgyas thams cad dang zhes pa ni sangs rgyas thams cad kyi ngo bo yang bdag nyid yin zhe'o/ /byang chub sems dpa' thams cad nyid ces pa ni byang chub sems dpa' thams cad kyi ngo bo 'ang bdag nyid yin zhe'o/ /de bas kun nas 'bad pa yis/ /bdag nyid rtag tu mchod par bya/ /zhes pa ni sangs rgyas dang byang chub sems dpa' i ngo bo yin pa de'i phyir thams cad 'bad pas mchod ce'o/ /des ni bdag mchod pa'i snod du rung bar bstan pa'o/ /gang gi phyir mchod pa'i rdzas dang thabs bstan pa de'i phyir sngags dang phyag
- 296b
rgya'i sbyor ba dang zhes pa la sogs pa smos te/ de la sngags ni mchod pa 'bul ba'i sngags so/ /phyag rgya'ang de'i phyag rgya'o/ /dkyil 'khor ni mchod pa'i dkyil 'khor ro/ /gzhan go sla'o/ /yang na sngags kyi yid skyob pa'i phyir te snying gar bsgom pa'i a'o/ /phyag rgya ni des rnam par rtog pa thams cad la 'debs pa'i phyir ro/ /de ni snying po len pa'i phyir dkyil 'khor ro/ /de nas klad pa'i gzhal yas khang na byang chub sems 'og gi me klong du 'bab pa ni sbyin sreg go /de thams cad sgyu mar bsam pa'o/ /zhi ba dang ni zhes pa la sogs pas ni sgyu ma lta bu'i las bstan to/ de la sgyu ma lta bu'i skur bsams te zhi ba ni gdug rdzub zhi bar byed pa'i sbyor ba ste snang mdzad kyi sbyor bas so/ /rgyas pa ni rin chen 'byung ldan gyi sbyor bas so/ /dbang la mdza' ya kyi sbyor ba'o/ /mngon spyod la ni don yod grub pa'i sbyor ba'o/ /dgug pa la sogs pa'i sbyor ba la ni rdo rje 'chang gi sbyar bas so/ /gang gis she na sngags la sogs pa'i sbyor bas so/ /ji ltar zhe na/ dbang po'i gzhu dang mtshungs pa bya zhes pa ni dbang po'i gzhu dang 'dra bas mtshungs pa ste/ dper na dbang po'i gzhu la mi kha dog la sogs pa dang ldan yang ngo bo nyid med do/ /de bzhin du las kyi tshogs kyi lha thams cad kyang de ltar bsam par bya'o/ /yang na zhi ba ni lte ba'i 'khor lo la byang chub sems kyi thig le bsam pa'o/ de la rgyas pa ni smad kyi rlung g.yos pas lus la byang chub sems kyi thig les gang ba'o/ /des rnam par rtog pa 'joms pas mngon spyod kyi las so/ /gang gis tshe byang chub sems dpa' la dbang thob pa de'i tshe dwang zhes sbyar ro/ /dgug pa ni bde ba chen po'i gnas nas byang chub sems dgug pa'o/ /sgeg dang nye bar long spyod dang zhes pa ni sgeg pa dang/ 'dod pa lnga la longs spyod pa'o/ /gzhan go sla'o/ /dbang po gang dang gang las gyur/ /de dang de yi ngo bor bya zhes pa ni gzugs la sogs pa lha mo
- 297a
dug sgyu mar bsam zhe'o/ /der cir 'gyur zhe na/ mnyam par ma bzhag sbyor ba yis/ /sangs rgyas kun dang mnyam par sbyor/ zhes pa ste mnyam par ma bzhag kyang sangs rgyas dang mnyam par mthong zhes pa'o/ /de nas de'i yon tan bstan pa'i phyir kun nas kun tu thams cad dang zhes pa la sogs pa smos te/ /de la dus kun dang rnam pa thams cad du sangs rgyas kun gyi bdag por 'gyur zhe'o/ /dngos grub ni gang thob ce na/ de'i phyir rang nyid kyis ni de mthong 'gyur zhes pa ste rnal 'byor pa rang gis zhing khams yongs su dag pa de mthong zhe'o/ /yon tan gzhan yang gtso bo ni bde ba gtso bo bde ba chen po'o/ /kun rang bzhin zhes pa ni sangs rgyas kun gyi rang bzhin no/ /sems dpa' chen po ni rdo rje 'chang chen po'o/ /'gro ba la sogs pa ni go sla'o/ /mkha' la skad cig dag gis rnyed ces pa ni nam mkha' dang 'dra ba'i chos kyi dbyings las 'byung zhes so/ /yang na lte ba'i chos kyi khu ba ni gtso bo bde ba'i rang bzhin no/ /sems dpa' chen po ni de la dmigs pa'i ting nge 'dzin// 'gro ba ni btsun mo'i b+ha ga'o/ /'ong ba ni rlung gi lcags kyus bkug pa'o/ /gnas pa ni lte ba'i phyogs na gsal ba'o/ /nges zas dang skom ni bkres pa dang skom pa'i gdung ba sel ba de la de skad ces bya'o/ /de gang la rten pas 'byung zhe na btsun mo'i b+ha ga la brten pas skad cig cig tsam gyis rnyed ce'o/ /des cir 'gyur zhe na/ srid pa gcod par 'gyur zhes smos te/ srid pa gsum po 'joms pa'o/ /'gro la rab mchog ston zhes pa ni 'gro ba la sku sna tshogs ston zhe'o gzhan go sla'o/ gang gi phyir byin gyis brlab ba ma shes pa'i skyon bstan pa de'i phyir bdag byin gyis brlab pa'i man ngag ces bya ba la sogs pa smos te de la bdag byin gyis brlab pa'i man ngag ni gzhung gi tshogs so/ /gang gi bla ma
- 297b
las ma bsgrubs ces pa ni sems can gang dang gang gis bla ma'i man ngag ma thob pa de dang des phyir ldog ces sbyar ro/ /de'i phyir mchod pa thams cad yongs su spangs nas shes pa ni mchod pa gzhan mi bya ba'o/ /bla ma mchod la yang dag brtsam zhes pa ni bla ma la thams cad kyis mnyes par bya ba'o/ /gzhan go sla'o/ /rim pa lnga'i don gsal bar bstan pa las rim pa gsum pa'i bshad pa'o// //de nas rim pa bzhi pa bstan pa'i phyir thams cad stong nyid ston pa'o/ /zhes pa la sogs pa smos te/ gang gis gang la ston ce na/ de bstan pa'i phyir ston pa po rdo rje sems dpa' zhes smos te/ de la don dam pa'i rdo rje sems dpa' rdo rje sems dpa' o/ /thams cad stong pa ni 'od gsal ba'o/ /de ston pa gang yin pa de la de skad ces bya'o/ /de la phyag 'tshal te bshad ces sbyar ro/ /gang gis gang gi phyir zhe na/ bzhi pa mngon par byang chub pa'i rim pa bdag gis bshad ce'o/ /de nas slob dpon gyis yon tan bstan te/ 'di ni lhag ces sbyar ro/ /gang bas lhag ce na/ rang byung bcom ldan 'das zhes pa ni rdo rje 'chang la sogs pa'o/ /gcig sdus bdag nyid che ba'i lha zhes pa ni gcig tu bsdus pa'i bdag can no/ /de bas lhag ces sbyar ro/ /gang bas lhag ce na/ rang byung bcom ldan 'das zhes smos te/ 'od gsal ba'i man ngag dngos su ston pa'i phyir ro/ /rdo rje slob dpon de bas lhag ces pa ni gong ma dang 'grel pa'o/ /de ni yang dag mnyes byas te zhes pa ni rdo rje slob dpon mnyes pa ni gong du bshad do/ /dus ji tsam zhe na/ lo 'am yang na zla ba la zhes pa la sogs pa ni go sla'o/ /tshogs kyi dkyil 'khor dbus su ni zhes pa ni 'dus pa'i dkyil 'khor gyi dbus su zhes pa'o/ /cho ga ji bzhin mchod par bya zhes pa ni phyi nang gi mchod pa mang po 'bul ba'o/ /de nas 'dod yon lnga spyod pas/ zhes pa ni gzugs la sogs pa'o/ /rnal 'byor chen
- 298a
po mnyes zhes pa ni rdo rje slob dpon mnyes pa'o/ /snyoms par 'jug pa'i cho ga ni sbyor ba byed pa'o/ /des cir 'gyur zhe na/ snang ba bskyed pa ni snang ba'i ye shes skye zhes pa'o/ /yang na tshogs kyi dkyil 'khor ni spyi bo'i 'khor lo'o/ /ci'i phyir zhe na/ yi ge bdun cu rtsa gnyis tshogs pa'i phyir ro/ /de'i dbus ni rtsi'i mdud pa'o/ /cho ga ji bzhin mchod pa ni der dbus kyi thig le la blo gtad de bsgom pa'o/ /'dod yon lnga spyod pas zhes pa ni spyi bo las byung ba'i rtsa'i rtse mor thig le la blo gtad pa'o/ /rnal 'byor chen po mnyes zhes pa ni byang chub sems 'bab pa'o/ /snyoms par 'jug pa ni dus der phyag rgya ma dang snyoms par 'jug pa'o/ /de ci byed ce na/ snang ba'i ye shes bskyed pa'o/ /byang chub sems ni rab 'bad pas zhes pa ni byang chub sems phyung ba'o/ /ka la sha sogs dag tu bzhag ces pa ni bum pa dang nya phyis sa la sogs par bzhag pa'o/ /gzhan go sla'o/ /de nas bla ma la bstod pa ni khams gsum las ni rnam grol zhing zhes pa ni khams gsum gyi rnam par rtog pa las grol zhe'o/ /nam mkha' dang ni mnyam gyur pa zhes pa nam mkha' dang 'dra bas nam mkha' ste de dang mnyam pa'o/ /'dod pa rnams kyis ma gos pa zhes pa ni gzugs la sogs pa 'dod par bya ba dang/ byed pa thams cad dang bral ba'i phyir ro/ /dmigs pa med pa ni dmigs pa med pa ste dmigs pa'i rnam pa ste/ dmigs pa'i rnam pa dang bral ba de la rtogs pa'i tshul gyis phyag 'tshal zhe'o/ /phung po rnams dang khams rnams dang zhes pa la sogs pa'i don ni rnam par rtog pa dang ldan pa'i phung po dang khams dang skye mched la sogs pa dang bral ba'o/ /rnam rtog med cing kun rtog med ces pa ni rnam par rtog
- 298b
pa dang kun tu rtog pa dang bral zhe'o/ /thugs ni rab tu mi gnas pa zhes pa ni thugs rnam par rtog pa la mi gnas pa'o/ /bsam gyis mi khyab pa'i thugs zhes pa ni dpag cing gzhal du med pa gang yin pa de la de skad ces bya'o/ /ci ltar nam mkha' i gnas med cing zhes pa ni/ nam mkha' la ni gnas dang gnas pa dang gnas pa byed pa po med do zhe'o/ /spros med gos pa med ces pa ni spros pa dang gos pa dang spros pa po dang gos pa po dang spros pa'i chos dang gos pa'i chos la sogs pa mi dmigs shing dmigs su med do/ /ltar zhes pa ni de bzhin du'o/ /mkha' dang mnyam pa ni nam mkha' dang 'dra ba'o/ /thams cad stong pa'i rang bzhin can zhes pa ni 'od gsal ba'o/ /mngon par byang chub blta bar 'tshal zhes pa ni 'od gsal ba rtog par 'tshal zhes pa ni 'od gsal ba rtog par 'tshal zhes pa'o/ /gzhan go sla'o/ /las dang 'bras bu las grol zhing zhes pa ni de kho na nyid las kyang/ /'di lta ste 'od gsal ba ni dge ba mi dmigs/ sdig pa mi dmigs dge ba po mi dmigs/ sdig pa po mi dmigs/ dge ba'i chos dang mtshan nyid mi dmigs/ sdig pa'i chos dang mtshan nyid mi dmigs/ dge ba'i 'bras bu mi dmigs so/ /sdig pa'i 'bras bu mi dmigs so/ /chos thams cad rang bzhin gyis rnam par dag pa'i phyir ro zhe'o/ /gzhan go sla'o/ /de nas bla ma'i man ngag sbyin pa bstan pa'i phyir mtshan mo snang ba'i cha ste zhes pa la sogs pa gsungs te/ de la mtshan mo ni snang ba'i cha'o/ /nyi ma shar dang 'dra bar gsal ba ni snang ba mched pa'o/ /mtshams ni nyin mo dang mtshan mo'i mtshams te de gang yin zhe na/ snang ba thob pa'o/ /de nas 'od gsal ba la sogs pa bstan pa'i phyir mtshan min zhes pa la sogs pa gsungs te/ de la don dam pa'i bden pa 'od gsal ba ni mtshan mo ste snang ba dang bral ba'o/ /nyin par snang ba mched pa dang bral ba'o/ /mtshams ma yin te snang ba thob pa dang bral ba'o/ /de gang yin zhe na byang chub ste mngon par byang chub pa 'od gsal ba'o/ /gang gi yul zhe na/
- 299a
rnal 'byor pa ste ting nge 'dzin dang ldan pa'i yul lo/ /lhag ma gong du bshad pa bas/ /slob dpon mchog ni rab rib bral bas/ shes pa ni rnam par rtog pa dang bral ba'i slob dpon gyis bstan zhe'o/ /gang la bstan zhen slob ma ste rin po che lta bu'i gang zag la'o/ /de la bstan pa ni bstan pa'o de la gang bstan ce na phyi rol byang chub bstan pa'o/ /phyi'i mngon par byang chub pa bstan pa'o/ /des ci byed ce na/ nang gi mngon par byang chub pa ston te nang gi bde ba rnyog bral zhes bya ba ni rnam par rtog pa dang bral ba'i bde ba'o/ /dngos gang yin zhe na sangs rgyas ye shes te sangs rgyas kyi mi rtog pa'i ye shes skad cig tsam gyis thob ce'o/ /mthar 'byung ba zhes pa la sogs pa ni stong pa zhes sbyar ro/ /de'i don ni mthar 'byung ba stong pa'o/ /mthar 'byung ba'i rgyu stong pa'o/ /mthar 'byung ba'i chos stong pa'o/ /de ci'i phyir zhe na/ don dam pa la ni mdza' dang mdza' i chos dmigs su med pa'o/ /zhes de kho na nyid kyi rgyan las 'byung ngo/ /gzhan yang de bzhin du shes par bya'o/ /de nas nyams su blang ba bstan pa'i phyir/ /man ngag thob pa'i slob ma yis zhes bya ba la sogs pa smos te/ de la man ngag ni 'od gsal ba'o/ /thob pa ni rtogs pa'o/ /gang gis gang rtogs pa de la de skad ces bya'o/ /ye shes pa ni brlabs ces pa dang sbyar ro/ /gang zhen rnal 'byor gnyis la brlab par bya'o/ /gnyis po de nyid bstan pa'i phyir ril po 'dzin pa dang zhes pa la sogs pa gsungs te de'i don 'og nas ston no/ /mgo bo nas ni rkang pa'i bar zhes pa ni mgo bo nas rkang pa'i bar ro/ /snying gar phyin pa'i bar zhes pa ni snying ga la thug gi bar du'o/ /rnal 'byor yang dag mdza' la 'jug ces pa ni don dam pa la 'jug pa'o/ /de'i don ni 'di ltar/ lus thams cad 'byung ba bzhir 'dus te/ dang po sa chu la thim pa 'am/ yang
- 299b
na rlung chu la thim/ chu sa la thim/ me yang sa'i ngang la thim pa ni snying ga'i dbang du byas pa'i man ngag go /yang na snying ga dang ldan pas snying ga ste/ mgrin par pad+ma 'dab ma bzhi dang ldan pa'i dbus su byang chub sems kyi thig le bsams te/ 'dab ma bzhi la yi ge bzhi ?? pa ni man ngag go /lung gzhan las kyang/ dang pos ni chu la thim/ chu 'ang me la thim 'gyur te/ me ni rlung la thim 'gyur nas/ rlung yang rang bzhin med par 'gyur/ /de tshe rtags lnga rim par skye zhe'o/ /yang na snying ga dang nye bas snying ga ste/ lte ba'i phyogs su 'dab ma bzhi dang brgyad dang bcu drug la sogs pa'i rnam par bsams te/ phyi nas nang du 'dus pas ni lte ba'i dbang du byas pa'o/ /yang na snying ga dang 'dra bas snying ga ste/ bde ba chen pos 'khor lor bsam pa ni man ngag go /de ni ril por 'dzin pa'i rnal 'byor gyis dbang du byas pa'o// rjes su gzhig pa'i dbang du byas pa ni/ rgyu ba dang ni mi rgyu nyid ces pa ni snod dang bcud kyi 'jig rten no/ /yang na rgyu ba ni rlung rgyu ba'i dbang du byas pa'o/ /mi rgyu ba ni khyab byed kyi rlung ngo/ /dang po 'od gsal bar byas te zhes pa ni don dam pa'i man ngag bsgom pa'o/ /de'i don yang dang por ste ba'i zla ba'i steng du thig le bsams te/ rlung gis bskyod pa nas tha ma lus kyi ba spu la thug gi bar du til gyi gang bu bzhin du gang nas bde bar gyur te/ de la dmigs nas sgyu ma lta bur gyur/ tha ma rang bzhin med par bsams pa'o/ /phyi nas de bzhin bdag nyid byed ces pa ni lha'i skur slar ldang pa'o/ /gzhan go sla'o/ /'od gsal ba'i dbang du byas pa ni dang por 'od gsal ba zhes bya ba ni don dam pa'i bden pa'o/ /de'i don yang lung gzhan las bshad par bya ste/ chos rnams rang bzhin rnam dag pas/ /ngo bo nyid med bzang po yin/ /stong pa nyid ni rang rtogs pa'i/ /don nyid 'od gsal ba ru bshad/ /sems ni yongs su dag pa ste/ /dus dang/ khams? la sogs mi dmigs/ /rtog dang rtog pa'i rgyu 'bras med/ /rnal 'byor de ni 'od gsal te/ rnam rtog mun pas sel phyir ro/ /de ni
- 300a
rnam pa gnyis su ste/ /slob pa dang ni mi slob pa'o/ /slob pa bsam gtan rnam pa gnyis/ /ril 'dzin dang ni rjes gzhig go /gnas bzhi so so 'am gcig tu ni/ /bsams te 'byung ba nam mkhar bsdud/ /de ni ril por 'dzin pa'o/ /lus rnams byang chub sems kyis ni/ /til gyi 'bru bzhin gang gyur nas/ /thams cad de yi ngo bor gyur/ /de nyid sgyu ma rang bzhin med/ /rjes su gzhig pa'i dbang du'o/ /de yi ye shes gang yin pa/ /de ni ye shes 'od gsal lo/ /de yi 'bras bu gang yin pa/ /sgyu 'phrul lha yi rnam pa'o/ /'od gsal gtan la dbab pa ni/ /sgyu 'dra'i dngos por gang 'dod pa/ /mthar phyin byed na tshad ma med/ /mnyam par bzhag pa'i rnal 'byor pa/ /de ni don dam shes bya ste/ /rjes la sangs rgyas sku 'byung ba'o/ /'di ni kun rdzob bden par 'dod/ /yang na bden gnyis so sor ru/ /yul du byed pa 'di yis dus/ /phyis ni gnyi ga gcig 'dus nas/ /yul du byed phyir de skad do/ /zhes 'byung ba lta bur/ /rim pa lnga'i dka' 'grel don gsal ba zhes bya ba las/ rim pa bzhi pa'i bshad pa'o// // de nas zung du 'jug pa'i rim pa bstan pa'i phyir/ mgon po rgyu dang 'bras bcas nyid ces bya ba la sogs pa smos te/ de la mgon po ni rdo rje 'chang chen po'o/ /rgyu dang 'bras bur bcas gang 'bras bu skyed par byed pa de ni rgyu'o/ /gang de las byung nas don byed nus pa de ni 'bras bu'o/ /rgyu dang 'bras bu gnyis su med pa thugs su chud pa ni/ gnyis pa thams cad rnams spangs lnga zhe'o/ /ci byed ce na/ phyag 'tshal nas bshad ces sbyar ro/ /gang zhe na/ zung du 'jug pa'i rim pa tha ma bshad ce'o/ /zung du 'jug pa'i rim pa bshad pa de nyid rgyas par bstan pa'i phyir/ 'khor ba dang ni mya ngan 'das zhes bya ba la sogs pa gsungs te/ de la 'khor ba ni ma rig pa nas rga shi'i bar du yang dang yang du 'khor ba'o/ /mya ngan las 'das
- 300b
pa ni 'khor ba'i sdug bsngal las thar ba'o/ /'di dag ni gnyis su snang ba'i phyir bzung ngo/ /gang la de gnyis gnyis su med par yod pa de ni zung du 'jug pa'o/ /gang du kun nas nyon mongs pa zhes pa la sogs pa'ang gong bzhin no/ /gang gi tshe dngos po'i chos rnam pa dang bcas pa ni rnam bcas so/ /ci'i phyir zhe na/ dmigs pa'i rnam pa dang bcas pa'i phyir ro/ /dngos po med pa ni rnam pa med pa'o/ /rnal 'byor pa ni gnyis med spyod ces pa ni rnal 'byor pas gnyis su gnyis med cing gnyis su dbyer med tha mi dad de gcig gi ngo bo yang mi dmigs pa 'di ni zung du 'jug pa'o/ /gzung du 'dzin pa ni gzung ba dang 'dzin pa ste yul dang yul can no/ /de gnyis su med cing gcig gi ngo bo yang mi dmigs pa ni zung du 'jug pa'o/ /rtag dang chad pa ni rtag pa dang chad pa ste de'i blo med pa ni zung du 'jug pa'o/ /gzhan las ci ste mchis zhes bgyis na ni rtag par 'gyur/ ma mchis zhes bgyis na ni chad par 'gyur te/ dbu ma'i lam ni dmigs su med do zhe'o/ /shes rab ni rab tu 'byed pa'i mtshan nyid can no/ /snying rje ni snying rje'o/ /de gnyis su med pa gang yin pa de la de skad ces bya'o/ /rim 'di sangs rgyas spyod yul lo zhes pa ni sangs rgyas kyi yul yin gyi gzhan gyi ma yin pa'i phyir ro/ /thabs dang shes rab snyoms 'jug par zhes pa ni thabs dang shes rab kyi pha rol pa byed pa'o/ /'dis ni spyod pa lam bslabs pa'ang shes par bya'o/ /lhag mar bcas pa ni phung po lhag ma dang bcas pa'o/ /lhag ma med pa ni lhag ma med pa'o/ /'di dag gnyis su med pa ni zung 'jug go /gang zag gi bdag ni gang zag bdag tu 'dzin pa'o/ /chos la 'dzin pa ni chos la bdag tu 'dzin pa'o/ /bdag tu 'dzin pa gnyis dang bral ba'i phyir ro/ /bdag byin brlabs pa ni kun rdzob kyi bden pa'o/ /'od gsal ba ni don dam pa'i bden pa'o/ /gnyis su med pa ni zung du 'jug pa'o/ /ril por 'dzin pa ni ril bor 'dzin pa'o//
- 301a
rjes su gzhig pa ni rjes su gzhig pa'o/ /gnyis su med pa ni zung du 'jug pa'o/ /'jug pa dang gnas pa dang/ ldang ba ni rlung gsum 'dus pa'o/ /de'i dbye ba med pa ni zung du 'jug pa'o/ /de bzhin nyid la dmigs pa ni mnyam pa la bzhag ba'i dus so/ /gang du ldang ba ni rjes las thob pa'o/ /mnyam pa la bzhag pa dang rjes las thob pa gnyi ga yongs su dag cing dbyer med pa ni zung du 'jug pa'o/ /gnyid log pa ni gnyid log pa'o/ /sad pa ni sad pa'o/ /gang la gnyid log pa dang sad pa gnyis med pa ni zung du 'jug ba'o/ /gzhan go sla'o/ /chags dang chags med las grol zhing zhes pa chags dang chags pa med pa las grol zhing gnyis su med ba'o/ /mchog tu dga' ba'i lus dang ldan zhes pa ni gang ltar 'dod pa'i skur 'byung ba'o/ /'khor ba srid dang gnas byed pa zhes pa ni 'khor ba ji srid du sangs rgyas gnas par byed pa'o/ /de lta bu'i ting nge 'dzin gang yin pa de la de skad ces bya'o/ /gzhan go sla'o/ /sgyu 'phrul dra bar mngon sangs rgyas zhes pa ni gnyis su med pa'i dbang du sangs rgyas pa'o/ /lung gzhan las kyang/ /gang tshe bcom ldan rdo rje can/ /sangs rgyas thams cad 'dus ba'i sku/ /mchog tu brjod pa'i bdag nyid can/ /'di yi thugs kyi ye shes las dag pa dang ni ma dag med/ /'di la sgrib dang mi sgrib med/ /'khor ba mya ngan 'das pa med/ /mnyam bzhag dang ni rjes thob med/ /'di la don dam kun rdzob med/ /snang ba dang ni mun pa dang/ /pho dang mo dang ma ning med/ /'jig rten 'jig rten 'das ba med/ /'di la gnyis sogs dbye ba kun/ /rang bzhin gyis ni rnam par dag /'di la gnyis kyi dngos po rnams/ /rdzas su yod pa ma yin te/ /tshul med gnyis kyi sa bon med/ /gcig tu yang ni gyur pa med/ /de thob 'dod pa'i rnal
- 301b
'byor gyis/ /don dam pa yi ngang la gnas/ /langs nas khams gsum thams cad lta/ /sgyu ma dang 'dra'i bdag nyid can/ /'dus pa lnga'i bar du'o/ /tha ma gcig ni rnam pa ste/ /de yi snying gar thig le bsam/ /rjes kyi rtog pa bzlog pa'i phyir/ /thig le phra mo ?? bar/ /slar 'dus gcig gi rnam par blta/ /de 'od 'dus pas rang bzhin med/ /ces de kho na ni nyid kyi rgyud las gsungs so/ /zung 'jug go 'phang ma gnas pa/ /slob bzhin pa yi rnal 'byor che/ zhes pa ni zung 'jug slob pa'i dbang du byas pa'o/ /gzhan dag las kyang gnyis med ye shes 'dod pa yis/ /spyod pa gsum dang thig le bsam/ /de nyid ting nge 'dzin mthar phyin pas/ /phyis ni gang la'ang mi slob bo/ /zhes 'byung ba lta bu'o/ /ji ltar bdag nyid de bzhin dgra zhes pa ni bdag dang dgra gnyis su med pa'o/ /gzhan yang de bzhin du shes par bya'o/ /sbas pa'i brtul zhugs kun bsgrubs na/ /phun sum tshogs pa thams cad 'grub ces pa ni spros bcas la sogs pa'i spyod pa dang/ /zung du 'jug pa'i ting nge 'dzin la gnas na mchog gi dngos grub thob ces sbyar ro/ /gzhan las kyang/ gnyis su med pa'i ting 'dzin dang ma chags pa'i spyod pa la brten pa'i rnal 'byor pa de ni sangs rgyas thams cad dang mnyam par 'gyur ro/ /lha dang klu dang gnod sbyin la sogs pa thams cad kyis phyag bya ba dang mchod pa'i gnas su 'gyur ro zhes rgya cher gsungs so/ /dpal ldan gnod sel gsang ba de nyid legs bsdus pa/ yon tan kun 'dzin rgyal sras zab mo'i don la dpog par mi nus kyang/ /gang zag bdag bas dman la phan phyir 'di ni bdag gis brtsams/ /'di la nyes gyur ci mchis khas dang 'phags la bzod par gsol/ /'dod rgyal zhag pas zin pa kun las gsang phyir gsal ma byas/ /de ni gang zag dman pa'i don du 'di la de dag ni dga' ba skyes/ /dge ba'i rtsa ba 'di yis khams 'dir don gsal ring gnas shing/ /'di la brten nas gang dag dngos grub rnam gnyis thob par shog /rim pa lnga'i dka' 'grel don gsal ba zhes bya ba slob dpon klu'i byang chub kyis mdzad ba rdzogs so// //
- 302a
spyod pa bsdus pa'i sgrol ma zhes bya ba rgya cher bzhugs/ /rgya gar skad du/ tsarya me la pa na pra dI pi nA ma ti kA /bod skad du/ spyod pa bsdus pa'i sgron ma zhes bya ba rgya cher bshad pa/ byang chub sems dpa' sems dpa' chen po 'jam pa'i dbyangs la phyag 'tshal lo/ /skye bo ma rig mun pas khebs shing rtag tu mig ldongs dge la 'dun pa med/ /de dag rjes su bzung phyir rgyal ba rnams kyi dam pa bstod/ /gsang mchog bla med don nyid rtag tu bde ba dam pa skyes/ /rgyal ba yis ni gsang ba bshad pa bzhi la dgongs/ /don dam rigs min rigs gzhan rnams la nyan thos la sogs gsungs/ /theg chen rigs can dman dang mchog la sogs pa la/ bya ba'i rgyud dang spyod dang gnyi ga'i rgyud dang rnal 'byor bla ma'i rgyud/ /gsungs par gang 'gyur dam pa de la sgo gsum dang pas phyag 'tshal te/ mdza' drug la sogs bshad pa'i tshig la rab brten nas/ /kun tu bzang po rjes dran de la phan par bya ba'i phyir/ /rgyal ba'i 'dus pa bshad pa'i rgyud bcas la brten nas/ /de nyid sgrub pa'i rim la rtag tu dga' ba skyes/ /mi g.yo gsang ba mchog gi don rtogs shing/ /rdzogs pa'i don la mnga' rnyes ston pa yis/ /rim pa lnga dang de yi spyod pa brtsams bden la mkhas gyur rnal 'byor gang zhig gis/ /ma phyed gyur pa gang yin de phyas pas/ /de ni dam pa'i lung bstan mchog tu gyur/ /bshad dang mdza' drug la sogs rnam mang po/ /gzhi dang 'bras bu rang bzhin legs par phye/ / rgyal po stobs can snying po yis/ /sngon 'gro 'brel pa kun brjod de/ /don ni rnam pa gsum du 'dus/ /rgyu dang thabs dang 'bras bu'o/ /rgyu ni theg chen rigs can te/ /dge ba'i chos kyis rnam par brgyan/ /thabs ni rnam pa gnyis
- 302b
yin te/ /dbang bskur de nyid spyod dang bcas/ /'bras bu sku gsum thun mong grub/ /yang na spongs dang byed dang bcas/ /de nyid don rnams legs bsdus pa/ /mar me bzhin du dgrol bar bya/ /gang zhig bla ma dam pa la/ /mi 'dus de yi phyir ma byas/ /de kho na nyid kyi bsgrub pa'i thabs 'di ci'i phyir rtsom zhe na/ 'di ltar theg pa chen po'i rigs can gyi gang zag gis 'bras bu mchog thob par bya ba'i phyir ro/ /'o na gsang ba 'dus par zhes bya ba la sogs pa rnal 'byor chen po'i rgyud rnams su gsungs pa ci'i phyir ma yin zhe na/ rtsod pa'i dus su sems can tshe thung ba dang/ longs spyod zhan pa dang/ shes rab chung ba rnams kyis rtogs par bya ba'i phyir ro/ /yang na de'i dus su rgyud khyad par can rnams la 'jug par yang mi 'gyur ro/ /gsang ba de kho na la 'jug pa las kyang/ dus bzhi rtsod pa rgyas pa'i tshe/ /tshe thung shes rab chung ba dang/ /longs spyod shin tu zhan pa yis/ /gsang la 'jug pa'i skal med la/ /byang chub sems dpa' rnams kyis ni/ /sems can lugs kyi bstan bcos byed/ /rtsod pa'i dus kyi phan 'dogs 'gyur/ zhes 'byung ba lta bu'o/ /'o na rim pa re res sam/ /'on te thams cad kyi phan 'dogs par 'gyur/ de la phyogs dang po ltar na ni skas kyi rim pa ma yin par 'gyur ro/ /phyi ma ltar na/ rim pa gcig gis sngon sangs rgyas zhes pa ma yin par 'gyur ro/ zhes na ma yin te/ 'di ltar de nyid kyi rnam pa can gyi gang zag gi dbang du byas te rim pa re res kyang phan 'dogs par 'gyur ro/ /gzhan la dag las pa ni gang zag gi dbang du byas te rim pa lnga pa sogs pa'o/ /gzhan yang rim pa gcig la yang skas kyi rim pa zhes bya ste/ thos pa la sogs pas 'jug ste skas bzhin no/ /bsgom pa'i dbang du byas pa yang dang po ni skad cig ma'i rnal 'byor la 'jug go /de nas skad cig ma
- 303a
bcu la sogs pa ste/ skas kyi rim pa bzhin no/ /da ni yan lag la 'jug par bya ste/ de la dngos med rnam dag nam mkha' mnyam zhes pa la sogs pas dang por slob dpon gyis rang dad ba'i lha la phyag 'tshal ba'o/ /de la dngos po med pa ni/ dngos po med ste/ gang la gzung ba dang 'dzin pa'i rnam pa dang bral ba de la de skad ces bya'o/ /yang na snying gar byang chub sems kyi thig le gsal ba de la yang de skad ces bya ste/ 'od gsal ba dang shin tu nye ba'i phyir ro/ /ma lus tshig med yi ge bral zhes pa ni dngos po dang dngos po med pa thams cad sgra'i brjod byar ma gyur te/ ci'i phyir zhe na/ thams cad rang bzhin gyis dag pa'i phyir ro/ /yang na tshig dang yi ge las 'das pa ste/ rdo rje bzlas pa'o/ /'das dang ma 'ongs kun tu son ba ni sgyu ma lta bu ste/ 'das pa la sogs pa'i dus thams cad du ji lta ba de ltar don byed do/ /yang na 'das pa la sogs pa ni sprul pa la sogs pa'o/ /der son pa ni khyab pa ste bde ba chen po'i khu ba'o/ /kun tu ma lus thams cad stong zhes pa ni 'od gsal ba'i ye shes so/ /de la phyag 'tshal ba ni rtog pa'i sgo nas so/ /yang na de'i 'khor lo bzhi dang sbyar te/ dngos med rnam dag ni bde ba chen po'o/ /tshig med yi ge bral zhes pa ni longs spyod do/ /ma 'ongs kun tu son zhes pa ni chos kyi 'khor lo'o/ /ma lus thams cad stong zhes pa ni sprul pa'o/ /de la dmigs pa ni phyag 'tshal ba'o/ /da ni bsgrub pa'i thabs 'di rtsom pa gang la dgongs she na/ rdo rje'i theg pa 'di la sngags kyi sgong spyod pa ni rnam pa gnyis te zhes gsungs te/ gang la shes rab dang ting nge 'dzin khyad par can yod pa de ni rdo rje theg pa'o/ /de'i sngags kyi sgor spyod pa ni de nyams su len pa'o/ /'di la
- 303b
gnyis yod pas gnyis te/ bskyed pa rdzogs pa'i dbang dag tu/ /gang zag gnyis ni thub pas gsungs she'o/ /gang yin zhe na/ gsang sngags la mchog tu gzhol ba dang/ nang la mchog tu gzhol ba ste/ sngags zlos pa la brtson pa dang/ bsgom pa la brtson pa'o/ /yang na bskyed pa'i rim pa dang/ /rdzogs pa'i rim pa'i rigs can gang yin pa de la de skad ces bya'o/ /de'i dbang du zhes bya ba ni tshig lhag ma'o/ /yang na thos pa'i pha rol tu phyin pa ni thos pa sngon du song ba'o/ /gang gis thos pa sngon du song zhing ma rmongs la yang dag pa'i shes rab dang ldan pa nges brtsams she'o/ /gang gi phyir zhe na/ sems can thams cad rjes su gzung par bya ba'i phyed du'o/ /sems can thams cad ni tshogs dang/ /slob ma thams cad ni tshogs de rjes su gzung ba ni de dag theg pa chen po'i chos la rab tu gzhug pa'i phyed du'o/ /de ni rgyud chen po las kyang de la dgongs pas don med do zhe na/ ma yin te/ mdo dang rgyud las gsungs pa'i tshigs yang dag par gsal bar bya ba'i phyir te/ mdo sde dang rgyud sde thams cad na dmigs gsal ba tshig gsal ba dang/ zur 'dzin pas don legs par dgod par bya ba'i phyir ro/ /mi gsal ba yang gang zag gnyis kyis rtog par byed pa ma yin nam/ de 'dir ci'i phyir bstan pa la de'i phyir byis pa so so'i skye bo rnams kyis khong du chud par bya ba'i phyir zhes smos te/ rgyud kyi don dgongs pa can la sogs pa blo ma byang ba'i gang zag gis rtogs par bya bar mi nus te/ des rtogs par bya ba'i phyir yang 'di brtsams zhes so/ /gang la brten te brtsams she na/ tshig snyan cing zhes pa nas btus te zhes pa'i bar te go sla'o/ /sgrub pa'i thabs 'di yang dus gang la dgongs she na/ rtsod pa'i dus su'o/ /dus gzhan la ma
- 304a
dgongs pa ci'i phyir zhe na/ mngon byung bar gyur ba ni mi rigs so/ zhe'o/ /de la sgrub pa'i yan lag ni sgrub pa'i rim pa'o/ /mar me ni dpe ste/ gang gis gang la gsal bar byed pa yod pa de la de skad ces bya'o/ /sngon byung bar gyur pa ni mi rigs shes pa ni dus gsum du 'byung ba mi 'thad do/ /de zhes pa ni gong ma dang 'brel ba'o/ /ci'i phyir zhes pa ni 'dri ba'o/ /lan du rdzogs ldan zhes pa ni sbyin pa la sogs pa rab dang ldan pa dang/ tshe dang bsod nams dang shes rab la sogs pa rab dang ldan pa ni rdzogs ldan no/ /'bring dang/ tha ma dang/ tha ma'i yang tha ma ci rigs su sbyar ro/ /de bshad pa 'jig rten pa rnams tshe dang/ nad med pa phun sum tshogs pa ni tshe khyad par can dang ldan pa ste/ skye dgu'i tshe lo brgyad khri pa la sogs pa'o/ /sbyin pa dang tshul khrims la sogs pa ni/ byang chub kyi phyogs kyis chos bsdu'o/ /de dag dang ldan pa ni de dag mnga' ba'o/ /des cir 'gyur zhe na/ bstan bcos la gnas shing yongs su tshol ba ste/ phyi'i mdo la sogs pa yongs su tshol ba'o/ /de kho na nyid shes pa la zhugs pa ni rdzogs pa'i rim pa chos kyi dbyings la zhugs pa ste/ rdo rje 'chang chen po'o/ /zab cing rgya che ba ni de'i zhal nas gsungs pa'i chos te/ rtogs par dka' ba dang/ don rgya chen po ston pa'o/ /ji ltar ston zhe na/ sbas pa'i sgra'i sgo nas te/ ma byin par len pas sangs rgyas zhes bstan pas kyang go bar 'gyur de ci'i phyir zhe na/ shes rab mchog dang ldan pa'i phyir ro/ /lung gzhan las kyang/ gang tshe stong gsum dum bu la/ /sems can tshe dang bsod nams dang/ /las dang shes rab la sogs pa/ /rab tu gyur pa rdzogs ldan dus/ 'bring ni gsum
- 304b
ldan dus yin te/ tha ma gnyis ldan dus su 'dod/ /tha ma'i tha ma zhes bya ba/ /bskal pa rtsod pa'i dus su sbyor/ /gsum po'i bstan pa 'di dag la/ /rgyal ba'i bka' la yid ches 'gyur ro/ /phyis ni de las bzlog pa'o/ /zhes 'byung ba lta bu'o/ /'o na gzhan las/ rdzogs ldan dang ni gnyis ldan dang/ rtsod pa'i dus te bzhi po la/ /rgyal ba'i bka' la rmongs gyur pas/ /bstan pa rjes 'jug rnams kyi byed ces pa 'di ci'i phyir zhe na/ lan du rdzogs ldan ni bskal pa dang po'i mi phan no// 'o na gang yin zhe na/ rtsod pa'i dus la rtsod pa'i rdzogs ldan gyi dus la sogs pa ste/ dang po ni slob dpon gyis brtsams pa mthong bas shes par 'gyur ro/ /de nas brdar rtogs pas shes par 'gyur ro/ /de nas legs par bshad pas shes par 'gyur ro/ /de nas yang dang yang du bshad pas shes par 'gyur ro/ /de dag ni rtsod pa'i dus bzhi dang sbyar ro/ /de bstan pa'i phyir/ da ltar ni rtsod pa'i dus te zhes pa la sogs pa ni go sla'o/ /don la ston par bya zhing chos kyi rjes su 'brang zhes pa ni don la tshad mar zhes pa'o/ /don gyi dbang 'di mthong nas zhes pa ni don dngos su rtogs nas shes pa'o/ /bskyed pa'i go rims shes pa la sogs pa ni 'og nas ston to/ /sngags kyi de kho na nyid ni sngags ma nor ba'o/ /yang na sngags kyi de kho na nyid ni rdo rje bzlas pa'o/ /phyag rgya'i de kho na nyid bskyed pa'i rim pa dang/ sgyu ma lta bu'o/ /bdag gi de kho na nyid ni sems la dmigs pa'o/ /chos kyi de kho na nyid ni 'di gsal ba'o/ /lha'i de kho na nyid ni zung du 'jug pa'i sku'o/ /de bshad pa'am de gsal bar bya ba'i phyir slob dpon gyi mdo dang rgyud dang rtog pa'i rjes su 'brang zhe'o/ /de kho na nyid mi shes pa'i nyes pa lung gis bsgrub pa'i phyir ro/ /bcom ldan 'das nkyis zhes bya ba la sogs pa gsungs te/ bskal ba bye ba ni bskal pa
- 305a
chen po bye ba'i bar du'o/ /bsgrub kyang zhes pa ni tshig gi lhag ma'o/ /de nyid bral na 'grub mi 'gyur zhes pa ni de kho na nyid kyi man ngag lnga dang bral na 'grub par mi 'gyur te/ bya rog gi so rtog pa bzhin no/ /zhes bya bar dgongs so/ /lung gzhan yang bshad pa'i phyir lha mo bzhis zhus zhes bya ba la sogs pa smos te/ thub pa chen po ni dus gsum gyi sangs rgyas te/ rdo rje 'chang chen po'o/ /des gsungs pa'i chos ni thub pa chen pos gsungs pa'i chos te/ du zhe na/ brgyad khri bzhi stong ni 'dod chags la sogs pa'i gnyen por ro/ /gang gis de nyid mi shes pa zhes pa ni gang gi de kho na nyid bzlas pa la sogs pa mi shes na'o/ /thams cad 'bras bu med pa ni gang bsgoms pa 'bras bu med pa'o/ /de ci'i phyir zhe na/ sgra tsam gyis ni dngos po'i rtog pa gang yang spong bar mi byed kyi/ rdo rje bzlas pa la sogs pas ni dngos po'i rtogs pa spong bar byed pa'i phyir ro/ /kyang zhes pa ni mi mthun pa'i brgyan no/ /rdo rje slob dpon ma ni rdo rje 'chang gi slob ma dang 'dra ba'i phyir te/ des gsol ba btab pa/ de kho na nyid mi shes par 'tshang rgya bar mi 'gyur zhes pa ni gang gis de kho na nyid mi shes na bsgom par mi 'gyur la/ ma bsgoms na nyon mongs pa rnam par rtog pa spong bar mi 'gyur ro/ zhes pa'o/ /de bas na gsung rab kyi sgo nas nyan par 'tshal lo/ zhes pa ni lung gis sgo nas thos par 'dod pa'o/ /gang gi phyir zhes pa ni gong dang 'brel pa ste/ theg pa chen po pa ni phyi pa dang nang pa'o/ /rtog ge pa ni rigs pa'i sgor zhugs pa'o/ gzhan go sla'o/ /lan du yang dag pa gang yin pa de ni de kho na nyid do/ zhes pa ni rdo rje bzlas pa la sogs pa 'di ni yang dag pa dang 'dra ba'i phyir de skad ces bya'o/ /yang na yang dag pa'i don dam pa'o zhe'o/ /mi bslu ba yang dngos po dang
- 305b
mthun pa ste/ dung la ser por shes pa ma yin gyi dung la dkar por shes pa bzhin no/ /mi bslu ba gang yin zhe na/ yang dag pa'i tshul can gyi bdag nyid can gyi ting nge 'dzin te/ don dam pa thob pa'i thabs su gyur pa'o/ /de nyid dris pa dang/ lan du/ gang bden pa gnyis gnyis su med pa'i mtshan nyid can te/ bskyed pa nas sgyu ma lta bu'i bar te kun rdzob kyi bden pa'o/ /'od gsal ba ni don dam pa'i bden pa'o/ /gnyis su med pa ni rtog pa dang mi rtog pa dbyer med pa'i rang bzhin zung du 'jug pa'o/ /de la slob pa thams cad ni ting nge 'dzin dang 'brel to/ /mi slob pa ni 'bras bu'o/ /'bras bu zhes pa yang gnyis te/ rdo rje bzlas pa la brten pa dang/ de dang 'brel ba'i dngos grub ni 'bras bu gnas skabs pa'o/ /chos kyi sku ni mthar thug pa'o/ zhes bya bar dgongs so/ /bden pa gnyis ni dris pa'i lan du dang po kun rdzob dang gnyis pa don dam ni gong du bshad do/ /bden pa gnyis kyi mtshan nyid ji lta bu lags shes pa ni bden pa gnyis kyi rang bzhin gang zhes pa dang/ lan du bcom ldan 'das kyis rdo rje gtsug tor gyi rgyud las gsungs te/ zhes pa la rdo rje gtsug tor kho na zhes pa mdzes pa ma yin no zhe na/ 'di ni rdo rje gtsug tor kho na'i rjes su zhugs pa'i gang zag gi dbang du byas pa'o/ /de las dris pa'i lan du gsang ba'i bdag po zhes pa ni bos pa ste/ chos thams cad ni chos thams cad do/ /gang yang zhe na phung po dang zhes pa la sogs pa ste go sla'o/ /yang dris pa bdag cag lta bu zhes pa la sogs pa smos te/ bdag cag lta bu ni bdag dang 'dra ba zhes bya ba'i tha tshig go /thog ma med pa nas phyi rol gyi dngos po rnam pa sna tshogs su mngon par zhen pas shes pa ni tshe rabs thog ma med pa nas ma rig pa'i stobs kyis yul la 'dod chags dang zhe sdang la sogs pa bskyed
- 306a
nas de'i bag chags kun gzhi la zhen par chags pa'o/ /des cis 'gyur zhe na/ yod pa dang zhes bya ba la sogs pa smos pa ste/ phyi dang nang gi gzugs la sogs pa yod pa dang/ rtag pa dang ther zug par gyur te/ de spangs pa'i phyir ro/ /med pa ni chad par lta'o/ /gcig ni gcig ste mu stegs kyis brtags pa'i bdag lta bu'o/ /du ma ni rdul phra rab sil bu'o/ /de dag tu gyur pa spang ba'i phyir/ rdzogs pa'i rim pa'i go rim gyi ting nge 'dzin la slob ces pa ni tha mal pa'i rtogs pa spangs pa'i phyir bskyed pa'i rim la slob par byed do/ /rim pa gzhan la yang de bzhin te/ go rim ji lta ba bzhin du slob ces pa ni rim gyis slab pa 'am/ cig car gyis bslab pa 'am/ 'on te rim pa ci rigs sam go rims gang zhe'o/ /lan du rim gyis 'jug par bya'i/ cig car ni ma yin no zhes pa ni rim pa lnga dang gcig gi dbang gi de ni gnyis so/ /de ci'i phyir zhe na/ 'di ltar 'jig rten na gang zag rigs ni gnyis te/ de gnyis kyi rnam pa can dang/ gzhan la rag las pa'o/ /dang po'i dbang du lam lnga'o/ /phyi ma ltar na ni lam gcig ste/ rim pa lngas 'jug par byed pa'i phyir ro/ /'o na rdo rje bzlas pa kho na rim gyis 'jug par ji ltar bya zhe na/ 'di ltar dang po ni thos pa'i shes rab kyis 'jug go /de nas bsam pa dang bsgom pa rim pa bzhin no/ /'o na bsgom pa'i rim pa yis ji ltar 'jug ce na/ 'jug pa rdo rje'i bzlas pa ni cig car 'jug pa 'bras bu med pa'i don ni dang po rjes su dran pa'i rnal 'byor la 'jug go /de nas skad cig ma'i rnal 'byor la 'jug go /de nas kha dog la dmigs so/ /de nas kha dog dang dbyibs gnyis ka la dmigs so/ /de nas sdud pa dang gnas par byed do/ /de nas rdo rje bzlas pa byed do/ /de bas na rdo rje bzlas pa bsgom pa yang rim pa bzhin no/ /gzhan la yang de dag shes par bya'o/ /de yang gang
- 306b
las shes she na/ de'i lung bstan pa'i phyir bcom ldan 'das nyid kyis zhes bya ba la sogs pa gsungs te/ bcom ldan 'das kho nas lang kar gshegs pa las gsungs kyi/ gzhan gyis gsungs pa ni ma yin no/ /gang la gang gis zhus te gsungs she na/ de nas bcom ldan 'das zhes bya ba la sogs pa smos te/ thub pa chen po bcom ldan 'das nyid la blo gros chen pos zhus te gsungs so/ /sdud pa po yang yon tan ji lta bu dang ldan zhe na/ byang chub sems dpa' sems dpa' chen po ste/ rang byang chub par bya ba dang/ gzhan byang chub la dgod pa'i bsam pa dang ldan pa de la de skad ces bya'o/ /chen po ni 'dir chos dang dus dang bsam pa la sogs pa rgya che ba'i phyir ro/ /ci'i phyir zhus she na/ rang gi sems snang ba'i rgyud rnam par dag par bya ba'i phyir te/ rang gi rgyud dang gzhan gyi rgyud la 'khor ba'i sa bon yod pa de sbyang ba'i thabs yod par bya ba'i phyir zhus she'o/ /de nyid ni go sla'o/ /lan du blo gros chen po zhes pa ni bos pa ste/ yang dag pa'i don dang ldan zhing spobs pa khyad par can dang ldan pa'i blo gros chen po zhu ba zhus pa legs so/ /sems rtse gcig tu bsdus la gus par nyon la yid la zung zhig dang ngas bshad do zhes pa lhag ma'o/ /gang zhe na rang gi sems snang ba'i rgyud ni snang bas 'jug pas bdag gi cig car ni ma yin no/ zhes pa ni gong du bshad zin to/ /dang po'i dpe dgod pa shing a mra'i 'bras bu ni rim gyis smin par 'gyur gyi cig car ma yin no/ zhes pa ni yul gang zhig na shing a mra zhes bya ba yod pa de la dpe dgod pa ste/ shing a mra yang dang po sa bon 'byung bar byed do/ /gang gi tshe sa bon rkyen gzhan dang ldan pa de'i tshe myu gu 'byung bar 'gyur ro/ /gang gi tshe myu gu rkyen gzhan dang ldan pa de'i tshe sdong po 'byung bar 'gyur ro/ /gang gi tshe sdong bu rkyen gzhan dang ldan pa
- 307a
de'i tshe/ yal ga dang lo ma dang/ me tog dang/ 'bras bu rim gyi 'byung bar 'gyur ro/ /don ni go sla'o/ /dpe gnyis pa dgod pa/ rdza mkhan gyi snod rnams kyang rim gyis byed kyis shes pa ni rdza mkhan grags pa'i yul pa la dpe dgod pa ste/ dper na rdza mkhan mkhas pa rdza ma'i las dang bya ba'i goms pa kha dog ni dang por 'jim pa brdung pa dang/ bsre ba dang g.yog pa dang/ sreg pa'i bar du byad kyi cig car ma yin no/ /de ci'i phyir zhe na/ 'jig rten pa'i rdza ma de ni rim gyis 'byung ba'i mtshan nyid yin pa'i phyir ro/ /gzhan go sla'o/ /dam grags pa'i gang zag kha cig ni lung gi rjes su mi 'jug la/ rgyas pa la dga' ba kha cig ni lung de'i rjes su yang mi 'jug pas de'i phyir dpa' bar 'gro ba'i ting nge 'dzin zhes pa la sogs pa gsungs te/ bcom ldan 'das zhes pa ni bdud bzhi bcom pa dang yon tan thams cad dang ldan pa'i ston pa la bas pa'o/ /byang chub sems dpa' ni byang chub sems dpa' ba ste/ des bslab thams cad la rlom sems ma mchis pa ste/ lhag pa'i shes rab kyi bslab pa la sogs pa la thod rgal ma yin par 'jug pa gang yin pa de ji ltar bslab ces pa'i lan du/ blo gros brtan pa zhes bya ba ni bos pa'o/ /dper na zhes pa ni dpe dgod pa ste/ bslab pa la rim gyis 'jug pa ni 'phong slob pa dang 'dra zhes pa'i tha tshig go /ji ltar 'dra zhes na/ de'i phyir 'phang gi slob dpon nam/ 'phong gi slob ma zhes pa la sogs pa smos te/ thog mar ba lang gi ko ba la phog par byed do/ zhes pa ni 'phong slob pa gang zhig gis shing ring po la ba lang gi ko ba 'then te/ de la dang por ni 'don bdun la slob po/ /de nas 'od ma dgu dang nyi shu dang/ lnga bcu la sogs pa la slob po/ /de la phog par ma gyur pa de srid du slob par byed do/ /phyis
- 307b
mig btsums la sogs par byas par yang 'phog par ni de'i mthar phyin pa'i tshad do/ /skyes bu de dang por ba lang gi ko ba la slob pa ci'i phyir zhe na/ de ni nus pa zhen pa'i phyir te/ ba lang gi ko ba dang ko ba tsam las chud pa ni phog par mi 'gyur ro/ /?? na dang por ba lang gi ko ba la phog par byed do/ /gzhan go sla'o/ /de'i don bstan pa'i phyir/ blo gros brtan pa zhes bya ba la sogs pa smos te/ dpa' bar 'gro ba ni thogs pa med par 'gro ba ste/ ting nge 'dzin gang gis mi mthun pa'i tshogs 'joms pa de la de skad ces bya'o/ /de la gnas pa ni de mthar phyin pa'o/ /phyis chos gang la yang mi slob pa ste 'og ma la mi slob pa ste gnas skabs pa'o/ /gang na bslab bya thams cad bral bas mi slob pa ste/ mthar thug par bshad pa'o/ /de ci'i phyir zhe na/ zhes pa ni gong dang 'brel pa'o/ /ting nge 'dzin de la legs par bslabs pa'i phyir zhes pa ni skyon thams cad dang bral bas bslabs pa'o/ /skyon med de yang gang zhe na 'di ltar lta ba dang ldan pa/ spyod pa dang ldan pa/ dbang thob pa/ dam tshig dang ldan pa gsang thub pa/ tshod rig pa gtor ma dang/ sbyin sreg dang ldan pa/ bdud kyi bslu ba dang bral ba khams dang/ dus dang zas dang skom gyi tshed shes pa phyin ci log gi chos spangs pa/ sa'i tshad shes pa la sogs pa dang ldan pa'o/ /des cir 'gyur zhe na/ byang chub sems dpa' i yon tan gyi chos thams cad mngon gsum du 'gyur te/ stobs dang mi 'jigs pa dang gzungs dang ting nge 'dzin la sogs pa dam pa rnams kyis dam pa dang khyad par du byas pa thams cad thob par 'gyur te/ gang gis skyon spangs pa des yon tan gyi tshogs thams cad thob ste/ dper na rta rang ba blang lta bu'o/ /bzhan go sla'o/ /thog ma nyid du ni sangs rgyas kyi theg pa'i bsam pa la slob bo zhes pa la sogs pas ni don gyi go rim ji lta ba bzhin du ste/ 'di ni rnam pa gnyis te/ spyi'i
- 308a
dbang du byas te/ bshad pa la sangs rgyas kyi theg pa'i bsam pa ni rjes su dran pa'i rnal 'byor ro/ /theg pas la? dran pa gcig pa ni skad cig ma'i ting nge 'dzin no/ /rtog pa'i rnal 'byor ni bskyed pa la skad cig ma mang po bsgom pa'o/ /las dang po pa'i ting nge 'dzin la gnas pa ni bskyed pa la brtan par gyur pa'o/ /rig brgya'i dbye ba la sogs pa ni bogs dbyung ba'o/ /sku rdo rje'i ting nge 'dzin la gnas pa ni rten gyi sku gsal ba'o/ /A li ni A li bcu drug go /kA li ni gsal byed sum cu rtsa gnyis te/ des dag rnam par dben pa ni tha mal pa'i bzlas pa'o/ /rdo rje bzlas pa ni rdo rje dang 'dra ba la sogs pa'i bzlas pa'o/ /des cir 'gyur zhe na/ gsungs rdo rje'i ting nge 'dzin la gnas pa'o/ zhes pa ni gsung gang gis nyon mongs pa 'jom par byed pa gang yin pa de la de skad ces bya'o/ /de nas ci byed ce na/ rang bzhin snang ba'i rim gyis shes pa ni lam gyi dbang du byas te snang ba dang/ snang ba mched pa dang/ snang ba thob pa la 'jug pa'o/ /des cir 'gyur zhe na/ sems kyi ting nge 'dzin la snyoms par 'jug par gyur te/ sems la dmigs pa mthar phyin par 'gyur ba'o/ /de nas ci byed ce na/ sgyu ma'i dpe bcu gnyis kyis 'jug ste/ thig le'i dang las byung ba'i lha'i sku mang ba 'am nyung ba gang rung zhig la dmigs pa'o/ /de nas de nyid sgyu ma dang/ smig rgyu dang/ sprul pa dang/ chu zla dang/ brag cha dang/ mig yor la sogs pa'i skur byed pa'o/ /des cir 'gyur zhe na/ sangs rgyas kyi dbang bskur ba thob ste/ phyogs bcu'i sangs rgyas thams cad kyi bdag la chos kyi rgyal po lta bu'i dbang bskur bar 'gyur ro/ /des cis bya zhe na/ stong pa chen po bco brgyad rim gyis don dam pa'i bden pa la 'jug ste/ phyi stong pa nyid nas dngos pa med pa'i ngo bo nyid kyi bar gyis chos thams cad rnam par dag cing
- 308b
rang bzhin gyis 'od gsal ba chos kyi dbyings rtogs par byed do/ /'o na ye shes 'od gsal ba de gang la brten nas skye zhe na/ ril por 'dzin pa ste/ spyi bo nas rkang pa'i bar du bsdus pa las skye zhe'o/ /des cir 'gyur zhe na/ nyon mongs pa thams cad rnam par dag par 'gyur te/ 'dod chags dang khong khro dang nga rgyal la sogs pa dang bral bar 'gyur ro/ /de dang bral bas sangs rgyas kyi dngos grub thams cad thob par 'gyur ro/ /de las ci 'byung zhe na/ 'bras bu'i snang ba gsum ste ye shes kyis rim gyis dang po snang ba'o/ /de nas snang ba mched pa dang thob pa 'byung ngo/ /de nyid rang bzhin med pa 'am gnyi ga'i rnam pa la dmigs pa de'i tshe zung 'jug gi ye shes skye bar 'gyur ba ni gnyis su med pa'i snang ba'o/ /gzhan go sla'o/ /khyad par gyis dbang du byas pa ni rdo rje bzlas pa nyid la yang de dag yongs su tshad bar byed do/ /'o na dang po'i dus su sems la dmigs pa'i ci'i phyir zhe na/ rdo rje bzlas pa la yang de dag rim gyis tshad ste/ rdo rje bzlas pa la sogs re re la yang lnga lnga ste/ nyi shu rtsa lnga'i bdag nyid can gang zag lnga yis 'grub pa yin zhe'o/ /de bshad pa gang zhig yi ge gsum la dmigs/ /dang po yis ni dus yin te/ /de nyid sems kyi snang ba dang/ /rgyu 'ang stong zhing gnyis su med/ /gnyis pa'i dbang du bshad bya ba/ /thig le 'gro ldog rgyu 'dra dang/ /rang bzhin med cing gnyis su med/ /sems la dmigs pa rnam pa lnga'o/ /gsum pa'i dbang du bshad bya ba/ /sgyu 'dra'i sku nyid sems snang ste/ /spro dang bsdu dang rang bzhin med/ /gnyis med gnyis kyi tshul yang med/ /bzhi pa ri 'dzin man ngag ni/ /zhu ba 'gro 'ong sems snang zhing/ /sgyu ma'i lus nyid rnam par dag /de nyid gnyis su med pa'o/ /lnga pa yi ni sbyor ba yang/ /spro sdu 'byung 'jug dang po ste/ /ye shes snang ba sgyu 'dra zhing/ /rang bzhin kun bral gnyis su med ces 'byung bas khyad par gyi re re la yang go rim rgyas
- 309a
pa ste/ slob dpon klu sgrub kyi zhal snga nas kyis kyang/ /gang tshe 'ben la slob pa bzhin/ /bskyed pa lnga dag rim bzhin te/ gang zag rnam pa kha cig la /re re yang ni 'ben slob zhing zhes gsungs pa'i phyir de la dang po'i dbang du byas te bslab pa/ sangs rgyas kyi theg pa'i bsam pa ni rdo rje bzlas pa dang/ de'i dge ba'i chos dran pa'o/ /de las theg pa sar la dran pa gcig pa ni rdo rje bzlas pa rjes su bsgrub pa skad cig ma'o/ /rtog pa'i rnal 'byor ni rlung dang sngags la sems yang dang yang du gtong pa'o/ /las dang po pa'i ting nge 'dzin la gnas pa ni rdo rje bzlas pa'i gsal ba'o/ /rigs brgya'i dbye ba ni rlung thams cad kyi gnas dang kha dog dang dus kyi bye brag go /sku rdo rje'i ting nge 'dzin thob pas de la gnas te rdo rje bzlas pa'i rten na/ /dag rnam par dben pa ni ngag gis dben pa 'am ngag kho na dben pa'o/ /gsung rdo rje'i ting nge 'dzin la gnas pa ni rdo rje'i gsung dang 'dra ba'o/ /sems sa rnam par dben pa la 'jug ba ni rlung nyid sems kyi snang bar 'dod pa'o/ /sgyu ma'i ngo bo ni rlung de nyid sgyu ma la sogs pa dang 'dra bar gyur ba'o/ /de'i dus su sangs rgyas kyi dbang bskur ba thob ste/ sangs rgyas thams cad kyi lung ston par gyur to/ /stong pa bco brgyad la sogs pa ni bshad zin te/ de nyid rang bzhin yod par 'dod pa'o/ /de las gnyis su med pa ni dang po'i dbang du byas pa'i zung 'jug go/ rdo rje bzlas pa la ji lta ba de ltar dmigs pa la yang shes par bya ste/ sgyu ma lta bu dang 'od gsal ba dang/ zung du 'jug pa yang ngo/ /slob dpon gyi gsungs pa/ sangs rgyas kyi theg pa la sogs pa/ rim pa du ma bkod po yang/ /dngos su lnga po ston pa ste/ /re re rim 'jug sbyor ba la'ang/ /ngas ni bsams te smras pa yin/ /'di la the tshom bya ba med ces
- 309b
ba dang/ /tog dkar po brtsegs pa las kyang/ rigs kyi bu rim gyis 'jug pa'i go rim ni cig car 'jug par shes par bya ste/ cig car 'jug pas ni rim gyis 'jug pa la de lta ma yin no/ /de ci'i phyir zhe na/ rim gyi 'jug pa'i go rim ni gang zag gnyis la bsams pa'i phyir ro/ zhes lta bu'o/ /sngon gyi 'phen shugs kyi stobs kyis sngon du gyur zhes pa ni zung du 'jug pa gnyis su med pa/ bslab pa thams cad dang bral ba/ gzung ba mi dmigs/ /'dzin pa mi dmigs/ rgyu dang rkyen mi dmigs/ rgyu dang rkyen gyis 'bras bu mi dmigs/ bdag dang sems can dan srog la sogs pa mi dmigs pa'o/ /'on sprul pa'i sku la sogs pa ji ltar 'gyur zhe na/ sngon gyi smon lam la sogs pa dang las kyis ji ltar yang snang ste/ zla ba dang chu zla bzhin no/ /'o na dngos su 'am/ dngos su ma yin yang snang zhe na/ dang po ltar na ni longs spyod rdzogs pa la sogs pa tha dad pa dang dmigs pa med pa la sogs pa nyams par 'gyur ro/ /phyi ma ltar na ni ri bor la sogs pa'i rwa yang ngo zhe na ma yin te/ thugs rje'i stobs kyis ji ltar yang snang ste/ sgyu ma bzhin no zhes bya bar dgongs so/ /gzhan go sla'o/ /las dang po ba la sogs pa sngon du ma song na cir 'gyur zhen lus rnam par dben pa med par dag rnam par dben pa la 'jug mi nus te/ ci'i phyir zhe na/ tha mal pa'i lus la spangs pa'i phyir ro/ gang gi phyir dang po sha mal pa'i lus ma spangs par bya ba gzhan la 'jug par mi nus pa de'i phyir dang po lus rnam par dben pa la 'jug ste/ ba lang gi ko ba bzhin no/ /gzhan las nad kyis zin pa'i lus la ni/ /las rnams kun la mthu med pa/ /de bzhin nyon mongs pas zin pa'o/ /las rnams kun la mthu med do/ zhes pa dang/ gzhan yang bskyed pa yi ni sbyong med par/ /rdzogs pa pa la dngos
- 310a
grub med ces 'byung ba'i phyir ro/ /rim pa gzhan la yang de ltar shes par bya'o/ /bcom ldan 'das kyis go rim des pa 'di ci'i phyir mdzad ce na lan du bcom ldan 'das kyi don gyi dbang 'di gzigs nas shes pa ni/ med na mi 'byung ba 'di la gcig nas she'o/ /gang med na gang mi 'byung zhe na/ rdo rje bzlas pa med na sems la dmigs pa mi 'byung ste/ sa bon dang myu gu la sogs pa lta bu'o/ /gang yod na de 'byung ste/ de la dag las pa'i phyir ro/ /de'i phyir go rim gsungs she'o/ /'o na don gyi 'bras bu yang rim pa zhig gi/ de las gzhan pa zhig can/ de'i phyir rim gyis 'jug pas rdzogs pa'i rim pa la bslabs pas shes pa gong bzhin du bslab pa'o/ /des cir 'gyur zhe na/ 'bras bu cig car pa thob ste/ don dam pa'i bden pa thob pa'i phyir ro/ /'o na gsal ba dang thob pa yang gang zhe na/ rnam par rtogs pa ni gsal bar bya ba ste/ sgrib par byed pa'i rang bzhin yin pa'i phyir ro/ /gang 'od gsal ba ni thob par bya ba ste/ 'bras bu bde ba chen po dang/ skyob pa dang phan 'dogs pa'i phyir ro/ /de'i phyir bsal bya ni rim gis sel te skad lta bu'o/ /thob bya ni gnyis te gong ma dang gong ma thob pa dang/ de dang bral ba thob pa ni 'bras bu gnas skabs pa ste/ skas lta bu'o/ /'od gsal ba thob pa mthar thug pa ste/ pha rol gyi 'gram bzhin no/ zhes bya bar dgongs so/ /gang las shes she na lung las shes pa'i phyir ro/ /bcom ldan 'das kyis shes bya ba la sogs pa gsungs te/ blo gros chen po zhes pa ni bos pa'o/ /me long gis zhes pa'i dpe dgod pa'o/ /dper na me long gi g.ya' sel ba'i dus su ni rim gyis sel te/ bzhin mthong ba ni cig car ro/ /de'i gsal ba de yang gsal ba phyung ba ni ma yin te/ g.ya'
- 310b
bsal ba rim bzhin pas gsal ba thob par byad do/ /de bzhin du zhes pa ni dpe dang 'brel pa ste/ me long gi gzugs dang 'dra bar zhe'o/ /don bshad pa sems can thams cad kyi rang bzhin gyis sems snang ba'i zhes bya ba la sogs pa ni bshad zin to/ /gzhan go sla'o/ /'dir bshad pa zhes pa ni gnas skabs 'dir lung gzhan gyis bshad pa'o/ /sems can dang po'i las can ni las dang po pa'i rnal 'byor ro/ /dam pa'i don la 'jug pa ni chos kyi sku thob par bya ba'i phyir zhe'o/ /thabs 'di zhes pa ni rim pa drug pa'o/ /rdzogs pa'i sangs rgyas kyis shes pa ni rdo rje 'chang la sogs pas so/ /skas kyi rim pa lta bur zhes pa ni skas kyi rim pa dang 'dra bar te/ 'dis ni 'jig rten gyi gang zag dang/ de'i khyad par dang dgos pa dang/ thabs dang/ gsung ba po dang/ dpes nyan pa po rtog pa sbyon du gtong ba tshim par 'gyur ro/ /gzhan go sla'o/ /spyod pa bsdus pa ni sbyod pa nyung du byas pa ste/ gzhung rgyas pas 'jigs pa'o/ /the tshom yongs su gcod pa ni ngo bo la the tshom za ba dang/ thams cad kyi go rim dang/ gcig gi go rim dang/ dgos pa dang skyon dang/ lung dang mi 'gal ba dang/ med dang rigs pa dang dpe dang dus dang grangs la sogs pa la the tshom za ba thams cad gsal ba ste/ le'u gang la the tshom yongs su gcod pa yod pa'i le'u de la de skad nyes? bya'o/ /glu sgrub kyis gsungs pa/ gang zag blo la ngo bo dang/ mdza' dag phyogs gcig go rim dang/ dgos pa dang ni skyon dag dang/ rgyud mdo dogs pa dpe dang dus/ grangs la sogs pa'i rang bzhin la/ /ma grub ma nges 'gal bar 'dzin/ / de yis som nyi bzlog pa'i phyir/ /ngo bo la sogs rnam par bshad ces pa dang/ slob dpon gyi zhal nas/ /gang zhig klu yi dgongs med par/ /'dod rgyal 'ba' zhig bshad pa la/ /sdug bsngal 'ba' zhig dge rtsa med/ ces 'byung bas bla
- 311a
ma'i dgongs pa bcal bar bya'o/ /spyod pa bsdus pa'i sgrol ma'i 'grel pa las le'u dang po'i bshad pa'o// //de nas le'u gnyis pa bshad par bya ste/ dang po rang gi lus rnam par dben pa la ji ltar bslab par bgyi zhes pa ni thabs gang gi sgro nas zhes dris pa dang/ lan du khams bzhi pos lus mngon par bskyed pa las shes pa 'dis ni lus kyi rgyu ston te/ tshe'i khams dang/ chu dang me dang rlung ste/ gyen du rgyu ba la sogs pas bskyed pa'o/ /spungs pa bzhin du gnas zhes pa ni dpe dgod pa ste/ 'bras kyi phung po bzhin no/ /gang spungs she na sha'i kham tshang ces pa la sogs pa smos te/ sha'i kham tshang mang po spungs pas lus 'di shes phung po'o/ /lung bstan pa las gcig tu 'dzin pa'i phung po 'di phyogs la sogs pa'i chas phye na sha'i kham tshang 'dus pa ste/ dper na g.yag lnga dang ne'u sing gi tshul zhe'o/ /gzhan go sla'o/ /yang na phung po snga ni gzugs la sogs pa'o/ /de bas na lus 'di ni phung po lnga la sogs pa bsdus pa'i phyir phung po ste 'bru'i phung po bzhin no/ /dper na zhes bya ba ni dpe dgod pa'o/ /gzhan go sla'o/ /de nyid gang las shes she na bzang skyong gis zhus pa las shes bya ba la sogs pa smos te/ lus 'di la rnam par shes pa gang na yang mi gnas shes pa ni mi gnas yid la thug pa la lus 'di ma grub bo/ /'on te grub na ni sems gzugs can du 'gyur ro/ /ma grub na ni rnam par shes pa med na lus skye bar mi 'gyur te/ nam mkha' bzhin no/ zhes bya bar dgongs so/ /de'i phyir nyon cig ces bya ba ni gong dang 'brel ba'o/ /bden pa ma mthong bas ni rnam par shes pa mi shes mi mthong ste/ zhes pa ni sems mthong ba'i dus bstan te/ gang gi tshe don dam pa'i bden pa mthong ba de'i tshe/
- 311b
rnam par shes pa mthong zhe'o/ /ji ltar mthong zhe na/ lag mthil zhes pa'i dpes bstan te/ bden pa mthong ba'i dus su dngos po thams cad sems kyi snang ba la sems nyid gang du yang mi snang ngo/ zhes pa dang/ sems nyid gang du yang mi mthong ba'o/ / zhe'i don dam par gang du yang ma grub na kun rdzob du ji ltar grub can/ de'i phyir phung po zhes bya ba la sogs pa smos te/ phung po dang khams dang skye mched ni phung po dang/ khams dang skye mched de/ thog ma med pa na tha mal? pa'i rang bzhin du gnas pa ni nyon mongs pa'i ngo bor gnas pa'o/ /de ltar zhes pa ni nyon mongs pa'i phung po spangs nas shes pa'o/ /cir 'gyur zhe na/ de bzhin gshegs pa thams cad kyang rdul phra rab las bsgrub pa'i ngo bo nyid do/ /snang ste zhes pa phung po la sogs ba'i zhen pa bzlog nas phyag rgya chen po'i sku'i tshogs su byed do/ /de nyid gang las shes she na/ gsang ba 'dus pa zhes bya ba rnal 'byor chen po'i rgyud las shes bya ba la sogs pa smos te/ de nyid 'og nas rgyas par 'chad do/ /de yang dang po nyid du rigs brgya'i bar dbye ba bstan pa ni thog ma nyid du phung po gcig tu 'dzin pa dang/ rigs gcig pa ldar 'dzin pa la sogs pa'i gnyen por rigs brgya'i dbye ba bstan par bya'o zhe'o/ /de la gzugs kyi phung po'i tshogs ni rnam par snang mdzad ces pa la sogs pa la/ gzugs dang 'dra ba'i phyir te/ gang gis mtshan dang dpe byad rags bas 'dzin pa dang de dag pas der 'gyur ba'o/ /de yang rnam par dbye ba zhes pa ni gzugs la dbye ba yang pas rigs la yang dbye ba bshad par bya'o/ /gzhan ni gzhung rkyas pas 'jigs pa dang/ go sla ba nyid kyi phyir ma bshad do/ /de dag gi don ni 'di skad du ston te/ dang bor bskyed pa'i rim pa sngon du 'gro ba dang bcas pa bsgoms nas de'i grogs su 'gyur ba bzlas brjod dang /
- 312a
tshogs dang gtor ma dang sbyin sreg dang/ dam tshig nyams pa bshags pa dang/ 'byung po dang bzlog pa'i cho ga dang/ bgegs brtag pa la sogs pa rdzogs par byas nas gsal zhing yun thung ba dang sku gcig tu bya'o/ /de la ni gsum dang/ lnga dang brgyar 'gyur te/ lugs su 'byung ba'o/ /de la legs pa'i goms pa dang/ sku lnga dang/ gsum dang/ gcig tu 'gyur te/ sku la bslab pa'o/ /de nas bdag nyid thugs ka'i rtags la bsdu te/ de las 'khor lo dang/ rdo rje dang pad+ma la bslab par bya'o/ /de las ni lnga dang brgya la bslabs te/ lugs su 'byung ba'o/ /de las lnga dang gsum dang gcig tu bya ste/ lugs la ldog pa'o/ /de ltar thugs kyi rtags la bslabs nas yi ge la bsdus te/ dang po gcig dang de nas brgya'i bar dang/ de las bzlog pa ni bslab pa la yang gong bzhin te 'dis ni tha mal pa'i rtog pa ldog par byed do/ /de bas na dang por kha dog la bslab par bya'o/ /de nas dbyibs la bslab par bya'o/ /de nas rtags la bslab par bya'o/ /des thogs pa med pa'i rnal 'byor thob par 'gyur ro zhes bya bar dgongs so/ /rdzogs ba la gnas pa rnams kyis ni de la skur byas te/ rten dang brten pa'i tshul du bdag nyid kyis bsgoms par bya'o/ /rigs brgya'i dbye ba bshad zin kyang rigs lngar 'gyur ba mi shes nas dris pa/ ji ltar na mdor bsdus na rnam pa lngar 'gyur ba lags zhes pa ni brgya'i rigs dag dang rten gyi ngos nas 'gyur na ji ltar lngar 'gyur zhes dgongs so/ /de'i lan du khams bzhi po dag las gzugs kyi phung po mngon par 'grub par 'gyur te/ de yang phung po 'di sha'i gzugs can dang/ de la brten pa ni sas byas te rdzas thams cad gcig tu bsdus pa ni chus byas so/ /
- 312b
smin par byed ba ni mes byas so/ /yang zhing zo mdog bde ba ni rlung gis byas so/ /ji srid 'phel ba ni nam mkhas byas so/ /de bas na de nyid rigs lnga'i ngo bo'o/ /gzugs kyi phung po la sogs pa 'byung ba lnga las gyur pa ni gzugs dang tshor ba dang 'du shes dang 'du byed dang rnam par shes pa'i phung po lnga po 'di ni 'byung ba bzhi rgyur gyur ba dang/ kha cig ni dngos su rgyu ba'o/ /kha cig ni rgyud nos/ /de dag rnam par dag pa ni sangs rgyas lnga ste/ go sla'o/ /de yang gang las shes she na/ de'i phyir gsang ba 'dus pa las shes pa la sogs pa smos te/ nam mkha' dbyings kyi dbus gnas par shes pa ni gru gsum chos kyi 'byung gnas so/ /dkyil 'khor rdo rje kun las skyes shes pa ni hUM la sogs pa las skyes pa'i de bzhin gshegs pa rnams so/ /zhi ba rdo rje 'dzin 'dod na zhes pa ni rdzogs pa'i rim pa bsgom par 'dod pa'o/ /bsdu ba dag kyang rab tu bya zhes pa ni rigs gcig tu gyur pa'o/ /lung gzhan gyi dbye ba ni go sla bas ma bshad do/ /lus rnam par dben pa bsdus pa'i the tshom gcod pa ni gcig tu 'dzin pa dang/ gsum du 'dzin pa dang/ lngar 'dzin pa dang/ brgyar 'dzin pa dang/ de nyid bdag tu 'dzin pa dang/ phung po lngar mi shes pa dang/ lha yang rigs brgya dang gcig dang lugs su 'byung ba dang/ lugs las ldog pa dang/ de dag sngon du 'gro ba dang/ lus dang rigs pa la the tshom za ba sel pa ste/ gang gis gang gi the tshom za ba yongs su gcod pa'i le'u ngo la de skad ces bya'o/ /spyod pa bsdus pa sgron ma zhes bya ba'i 'grel pa las le'u gnyis pa'i bshad pa'o// //da ni le'u gsum pa rdo rje bzlas pa bshad par bya ste/ de yang ji lta bu yin pa mi shes nas dris pa/ bcom ldan 'das dag rnam par dben pa la ji ltar bslab par gyi zhes pa ni dag rnam par dben pa/ thabs gang gi sgo
- 313a
nas shes par bya zhes dris pa dang/ lan du dang po'i go rim bstan par bya ste/ phung po dang khams dang skye mched la sogs pa bshad ma thag pa ni lus rnam par dben pa ste/ zhes pa ste lus gcig tu 'dzin pa ldog pa'i phyir ro/ /de la lha rnam par dgod pa ni phung po dang/ khams dang skye mched la lha dgod pa'o/ /thams cad kyi thun mong ni thun mong gi dngos grub dang/ mchog gi dngos grub thams cad la phan 'dogs pa'o/ /rags pa'i rnal 'byor zhes bya ba na rigs pa'i rtog pa dang bzlog pa dang/ rags pa la dmigs pa'i phyir ro/ /bskyed pa'i rim pa la mthar phyin nas ci byed ce na/ dag rnam par dben pa la slob ste/ rlung dang sngags dang rdo rje bzlas pa la dmigs pa'i ting nge 'dzin du 'gyur ba'o/ /dag gi spyod yul yin zhe na/ rdo rje la sogs pa'i rigs can gyi yul yin te/ gzhan gang gi yul ma yin no/ /gang gi ma yin zhe na/ theg ba chen po pa rnams kyi yul ma yin te/ rnam par rig pa po dang/ bya ba dang spyod pa dang/ gnyi ga'i rgyud la gnas pa rnams kyi yul ma yin no/ /rdo rje theg pa nang pa yang kun gyi yul ma yin te/ bskyed pa'i rim pa la yang rags pa la dmigs pa'i phyir ro/ /de dag gi yul ma yin pa yang ci'i phyir zhe na/ shin tu phra ba'i phyir te rtog ge pa'i yul ma yin zhing/ lung dang zhe 'gras pa'i yang ma yin to/ /de bas na de bshad par bya'o/ /zhes pa'i don to/ /ngag rnam par dben pa yang thabs gang dang gang gis byed ce na sngags kyi de kho na nyid de/ ma nor ba'i bzlas pa'o/ /de yang gang gis grogs su 'gyur zhe na/ rlung gi de kho na nyid kyi rim pa dang bral bas ni ma shes te/ de bas na rlung nye ba'i grogs su 'gyur ro/ /rlung zhes bya ba yang gang yin zhe na/ srog dang rtsol ba ste/ gnas pa ni srog go /
- 313b
'byung ba dang 'jug pa ni rtsol ba'o/ /yang na 'byung ba ni rtsol ba'o/ /'jug pa ni srog go /yang na rtsa ba'i rlung lnga ni srog ste/ yan lag gi rlung ni rtsol ba'o/ /yang na rlung dngos ni srog ste/ de'i las ni rtsol ba'o/ /de yang gang las shes she na/ gsang ba 'dus pa las te/ rin chen kha dog sna lnga pa ni rdo rje rtse lnga pa'o/ /tshad ji tsam zhe na/ yungs kar tsam ste/ yungs kar dang 'dra ba'i tshad do/ /gar bsgoms she na/ rang gi sna'i rtse mo'i sor bzhi tsam du bsgoms la de la rlung bsdu'o/ /gang gis zhe na/ rnal 'byor rig pas te/ ting nge 'dzin gyis yang dang yang du gtang de bsgom pa'o/ /dus ji tsam du zhe na/ rtag tu ste ji srid du 'bras bu ma thob pa de srid kyi bar du bsgom zhe'o/ /yang na rin po che dang 'dra bas rin po che ste/ rang gi sna'i rtse mo la thig le yungs kar tsam bsams la/ rang gi snying gar yang de bzhin te/ 'dis ye shes lnga skye bar gyur pas kha dog lnga'o/ /yungs kar la sogs pa ni gong bzhin no/ /yang na rin chen kha dog sna lnga pa ni byang chub sems kyi thig le yungs kar tsam pa'o/ /gnas gar bsgom zhe na sna'i rtse mo ste/ mig la sogs pa la ye shes kyi rtsa kha bye ba la bsgom par bya'o zhe'o/ /yang na rang gi rdo rje rtse mo lnga pa'i nor bu'i cha la bde ba chen po'i 'khor lo'i dbus kyi mdud pa'i nang du byang chub kyi sems kyi thig le yungs kar tsam pa zhig bsams la rang gi lte ba'i phyogs su yang de bzhin te/ de la 'byung ba dang 'jug pa la bslab par bya'o/ /yang na rin chen kha dog sna lnga pa zhes pa ni sku gsung thugs kyi sna rtse re re la gnas pa ste/ 'dis 'bras bu rin thang med pa thob pa'i phyir rin po che'o/ /yungs kar gyi 'bru tshod tsam pa ni tshad 'dzin pa ste/ gang gi gzugs yungs kar dang mnyam pa de la yungs kar tsam zhe'o/ /rdo rje'i tshig ni rtogs par dka' ba'i phyir te/ dgongs pas
- 314a
bshad pa'o/ /yang na rdo rjes gzhan 'joms par byed pa bzhin du tshig 'di bstan pa'i don la gnas na gzhan nyon mongs pa 'joms par byed do/ /yang na rdo rje ni rdo rje sems dpa' ste/ de'i ngag gi tshogs 'di la rdo rje'i tshig gi /nges pa'i don dang drang ba'i don gyi dbye bas shes pa ni nges pa'i don du phra mo'i rnal 'byor la/ drang pa'i don du bskyed pa'i rim pa'o/ zhes bya ba dgongs so/ /bskyed pa'i rnal 'byor yang gang zhe na/ de'i phyir bskyed pa'i rim pa sgom par byed pas zhes bya ba smos te/ gang gi sems can skye ba dang mthun par byas pas bskyed pa'i rim pa ste/ kha cig ni sgo nga las skyes pa mthun pa'o/ /kha cig ni rdzus ste skyes pa dang mthun pa'o/ /kha cig ni drod gsher las skyes pa dang mthun pa'o/ /kha cig ni mngal las skyes pa dang mthun par byas pa'o/ /de'i dbang du byas pa bshad pa/ sna'i rtse mor yungs kar gyi 'bru tshod tsam pa'i rang gi lha'i mtshan ma rdo rje la sogs pa kha dog dang dbyibs dang tshul dang ldan par bsgom par bya'o/ /cig shos bshad pa/ A li dang kA li ni thabs dang shes rab kyi yi ge'o/ /de nyid las btus nas gsum du 'dod pa ni oM A(rgyud 'grel): hUM ngo/ /bud med dang skyes pa dang ma ning ni gzhung 'di nyid kyi dpe dgod do/ / 'jug pa dang gnas pa dang ldang ba ni dbugs kyis dbang du byas pa ste/ oM 'jug pa'o/ /hUM ni ldang ba'o/ /A(rgyud 'grel): ni gnas pa'o/ /gang gis gang gang las 'byung ba gnas par byed ce na/ dkyil 'khor bzhi ste 'og nas bshad par bya'o// ye shes lnga'i rang bzhin dbugs shes pa ni kha dog lnga dang ldan pa'i rlung ngo/ /'byung ba lnga'i ngo bo nyid ces pa ni sa dang chu dang me dang rlung dang nam mkha' i ngo bo gyen du rgyu ba'i la sogs pa'o/ /gong bu'i gzugs kyis phyung nas ni zhes pa
- 314b
ni thig le 'am/ yi ge 'am/ sku dang mtshan ma dang kha dog rigs pa'i ngo bor ro/ /gnas gang du zhe na/ steng gi sna'i rtse mor rab tu brtag ste/ sna'i rtse mo la sems gzung par bya zhing yang dang yang du de la gtang par bya'o/ /zhes bya bar dgongs so/ de bka' dgongs pa can gzhan ston pa yin no zhe na ma yin te/ de'i phyir dgongs pa lung ston pa las bshad de zhes bya ba la sogs pa smos te de nas bcom ldan 'das rdo rje can zhes pa ni rigs drug pa rdo rje 'chang chen po'o/ /rdo rje snying po mchog 'dzin pa zhes pa ni don dam pa spros pa dang bral ba thugs su chud pa'o/ /'gro ba'i don mdzad gcig pu zhes pa ni sems can gyi don mdza' dag byed pa'i bdag po rdo rje 'chang nyid do/ /'o na thub pa sangs rgyas gzhan ma yin zhe na/ de nyid kyang rdo rje 'chang chen po'i sku nyid yin pa'i phyir ro/ /gal te de lta na ni de ltar snang bar mi rigs zhe na/ ma yin te bcom ldan 'das kyi thugs rje chen pos ji ltar yang snang ngo/ /de la gang gis phyag 'tshal zhe na/ sdud pa po thugs rje chen po'i snang ba las byung ba des phyag 'tshal zhe'o/ /gsol ba btab pa ni go sla'o/ /lan du khyod gsang dgongs pa ma rtogs pa zhes pa ni lag na rdo rje khyod kyis gsang ba chen po'i dgongs pa can ma rtogs pa slar 'dri bar byed pa legs zhes pa'o/ /byang chub sems ni rlung gyur cing zhes pa ni rang gi khu ba byang chub sems nyid rlung du gyur pa'o/ /de yang gnyis te de nyid rlung du gyur pa dang/ de las rlung du gyur pa las de nyid ni ma yin te/ g.yo pa dang brtan pa gcig gis gcig spangs pa dang/ don dam par yang 'gyur ro/ /'dir ni de las byung bar brtags par bya ste/ 'dir dang po byang chub sems las srog 'dzin pa'i rlung la sogs par gyur to/ /nam mkha' la ni rnam gnas pa zhes pa ni don dam pa'i bden pa la gnas pa'o/ /de la yang
- 315a
gnyis te/ ngo bor gnas pa dang thob pa'i rgyur gyur pa'o/ /ngo bor gnas pa ni byang chub sems dang rlung gnyis ye nas rang bzhin gyis rnam par dag pa'o/ /thob pa'i rgyur gyur pa ni byang chub sems dang rlung las bde ba skye bar 'gyur ro/ /gang gi tshe bde ba skyes pa de'i tshe rnam par rtog pa 'gags par 'gyur ro/ /gang gi tshe rnam par rtog pa 'gag pa de'i tshe mi rtog pa'i ye shes skye bar 'gyur ro/ /gang gi tshe mi rtog pa'i ye shes skyes pa de'i tshe chos kyi sku thob par 'gyur bar dgongs so/ /yang na steng gi don gyi nam mkha' ni bde ba chen po'o/ /de la gnas pa ni mchog gi hoM ngo/ /yang na go 'byed pa'i don shong pas nam mkha' ste/ gang du snying gi dbus su shes pa'i brten byas nas bag chags la sogs pa shod bar byed do/ /de'i dbus na gnas pa ni byang chub sems te/ rlung mi shigs pa'o/ /yang na nam mkha' la ni sprin 'byung/ de las char pa 'bab ste/ de'i gnas su gyur pa'o/ /de bzhin du mgrin par gyen du rgyu ba gnas pas zas kyi ro myong ba'i char pa 'bab pa'o/ /ji srid du nam mkha' nyi ma dang/ zla ba dang/ skar ma dang/ sprin dang/ na bun dang/ ri'i rgyal po stong la sogs pa mang po'i rten du gyur pa ste/ de bzhin du lte ba'i 'khor lo las/ A li dang kA li dang/ oM dang/ me 'bar ba la sogs pa'o/ /sems can rnams kyi srog gyur pa zhes pa 'di ltar srog ni 'phel ba dang 'grib pa dang gnas pa dang/ ngar ba la sogs pa byed de/ de yang rlung gis byed do zhe'o/ /rlung de nyid kyang du zhe na/ lnga'i bdag nyid bcu ming can zhes pa ni rtsa ba'i dbang du ni lnga dang/ dbang po las brten pa'i yan lag gi dbang du ni lnga ste bcu'o/ /rlung bcu po 'di yang tshul lam mo/ rdzas kyis tha dad du gnas she na/ rdzas kyis tha dad de/ gnas dang
- 315b
dus dang las dang dkyil 'khor so so ba nyid kyi phyir ro/ zhes 'dod do/ /yang na tshul gyis tha dad pa yang yin te/ rlung gcig yin yang rgyu dang dus la sogs pas tha dad pa nyid kyi yang phyir ro/ /yang na tshul 'di ni gtso bo dang grogs kyi rnam pa'o/ / zhes pa la la dag 'dod do/ /rten 'brel bcu gnyis grags pa zhes pa ni srog 'dzin pa dang/ thur du sel ba la sogs pa blun pa nyid kyi phyir yang ngo/ /de bzhin du rlung dang shes pa dang yul la sogs pa la bltos nas rten 'brel bcu gnyis su bzhag go /de ci'i phyir zhe na/ thams cad rlung dang 'dres pa las byung ba'i phyir ro/ /ngo bo nyid ni rnam pa gsum zhes pa ni gzugs can dang/ gzugs med dang/ shin tu med pa'i bye brag gis rnam pa gsum mo/ /yang na go 'byed par byed pas nam mkha' o/ /'dis 'tsho ba dang shin tu gces pa'i phyir srog go /yang ba dang g.yo ba'i bya ba byed pa'i phyir yang zhing g.yo ba ste 'dir gsum mo/ /yang na 'byung ba dang/ 'jug pa dang/ gnas pa'i bye brag gi gsum mo/ /yang na bud med dang skyes pa dang/ ma ning gi rten can gyis gsum mo/ /rlung zhes bya ba'i byang chub sems/ /dbang po kun gyi gtso bo yin zhes pa ni dad pa'i dbang po la sogs pa mchog tu gyur pa 'dis bskyed pas na dbang po'i gtso bo'o/ /yang na dbang po thams cad la khyab pa nyid dang/ skyed pa nyid dang dbang sgyur ba nyid dang/ yongs su sgrub pa nyid dang/ rgyu ba zlog pa nyid kyi phyir yang gtso bo'o/ /yang na dbang po rnams 'phel ba nyid dang/ 'grib pa nyid dang/ gnas pa nyid kyi phyir yang gtso bo'o/ /'di ltar mi mngon phra pa las/ rtag tu gsal ba brjod pa yin zhes pa ni so so'i skye bo'i yul ma yin zhing rnal 'byor gyi mngon sum gyis gsal bar gyur pa nyid kyi phyir de la de skad ces bya'o/ /'gro ba yul sogs las byed pa/ 'di na de la brten pa yin zhes pa ni
- 316a
'gro ba gang dag 'gro ba dang/ 'dug pa dang nyal pa dang/ 'greng pa dang/ 'chag pa dang/ sdud pa dang/ steg pa dang/ 'khyud pa dang/ dgod pa dang/ lta ba dang/ nyan pa dang/ snom pa dang/ sgra pa dang/ re ba dang khro ba dang/ nga rgyal la sogs pa dge pa dang/ mi dge ba dang/ lung du ma bstan pa thams cad rlung gis byed pa'o/ /zhi ba dang ni zhes pa la sogs pa'i don ni zhi ba dang rgyas pa la sogs pa'i bye brag thams cad rlung gis byed par 'gyur ro// de yang kha cig ni rlung gcig gis byed/ kha cig ni gnyis 'dus pa la sogs pas byed do/ /de bas ni rlung gi las ni bsam las 'das/ /bsdu ba rnam pa gnyis su 'gyur/ /gang zhig nyon mongs dbang gyur dang/ de bzhin ting 'dzin las byung ba'o/ zhes 'byung ba'i phyir ro/ glog dang bsam gtan rnam par spangs zhes pa ni klog pa ma yin/ kha ton byed ba ma yin/ lta ba ma yin/ sems pa'i bar du ma yin/ de las gzhan la rtse gcig pa ma yin no/ /de ci'i phyir zhe na/ de las gzhan pa dang de ni mi thun par gyur te/ gang mi mthun pa de ni gcig la gcig bsgrib par 'gyur ro/ /gcig la gcig sgrib pa de ni gcig gis gcig spong bar 'gyur ro/ /gcig gis gcig spangs pa de ni gang spangs pa de ni 'bras bu mngon du bya bar mi nus so/ /de bas na rigs kyi bu gang zhig gis 'byung ba dang 'jug pa dang/ gnas pa'i bzlas pa'i dus su klog pa la sogs pa spang ngo/ /rdo rje bzlas pa'i dus su sems la dmigs pa la sogs pa'i bsam gtan spang bar bya'o/ /'byung ba'i dus su 'jug pa spong 'jug pa'i dus su ni 'byung ba yang spang ngo/ /gnas pa'i dus su ni 'byung ba dang 'jug pa spang ngo/ /'byung ba dang 'jug pa'i dus su gnas pa spang ngo/ /zhes
- 316b
bya bar dgongs so/ /bdag po rang nyid zlos pa ste zhes pa ni gtso bor bya ba ste/ gang gi tshe ni sems la dmigs pa dang/ bskyed pa'i rim pa dang/ tshogs la sogs pa ste/ de dag thams cad kyang rdo rje bzlas pa'o/ /ci'i phyir zhe na/ rdo rje bzlas pa la phan par byed pa'i phyir te/ dper na lha sbyin gyi dpung la lha sbyin gyi tshogs bzhin no/ /nyin dang mtshan mo bye brag gis/ nyi zla rab tu sbyor ba yin zhes pa ni 'di ltar nyin mo ni thabs kyi bzlas pa'o/ /mtshan mo ni shes rab kyi bzlas pa'o/ /des ci byed ce na/ dngos po med 'gro khyab pa ste/ gang gi chos kyi sku thob pa'i thabs su gyur pa de la de skad ces bya'o/ de ni rnam pa gnyis te/ dngos su dang brgyud nas rgyur gyur pa'o/ /de la de nyid kyi rnam pa can gyis gang zag gi dbang du byas nas rlung gnas pa la bzlas pa ni dngos su rgyur gyur pa'o/ /gzhan la rag las pa'i gang zag gi dbang du byas te/ rdo rje bzlas pa la sogs pa 'brel pa dang go rim nges pa'i tshul can gyis phyag rgya chen po'i mchog thob pa ni brgyud nas rgyur gyur pa'i phyir ro/ /de rnam pa can gyi dbang du byas nas gang gi tshe thob ce na/ byang chub sems kyi rlung gcig pu zhes pa ni gnas pa la brten pa'i rlung ngo/ /gnyis pa la sogs pa ni ma yin te/ bslab par bya ba ma yin pa'i phyir ro/ /dge ba ni 'jug pa'o/ /mi dge ba ni 'byung ba ste/ 'di ni yul la chags pa nyid dang/ zhen pa nyid dang/ rang pa nyid dang/ khro ba nyid dang/ rtog pa rags pa la 'jug pa nyid kyang rtog pa'i sa bon len pa nyid kyi phyir mi dge ba'o/ /de las zlog pa ni dge ba'o/ /gnyi ga spangs ba ni gnas pa'o/ /des na nam mkha' dang 'dra bar 'dus ma byas pa nyid dang/ kha dog med pa nyid dang/ dbyibs med pa nyid dang/ rnam par rig byed med pa nyid dang/ dge ba med pa nyid dang/ mi dge ba med pa nyid
- 317a
dang/ lung du ma bstan pa nyid dang/ sgra med pa nyid dang/ sgras brjod pa med pa nyid dang/ brjod pa'i yul med pa nyid dang/ snang ba med pa nyid la sogs pa thob bo zhe'o/ /'di dag gis ci bstan ce na/ klu sgrub kyi zhal nas ngo bo dang ni rnam dbye gsum/ /gtso dang shes pa'i khyad par dang/ /gang gis rang bzhin rgyur gyur dang/ /dag pa'i las dang ma dag las/ /spang bya dang ni spong byed dang/ /dus dang spong ba'i khyad par dang/ /bstan pa'i dus dang 'bras bu'i dus/ /dgongs pa lung bstan rjes 'brang nas/ /skye bo mchog la bstan pa yin zhes gsungs so/ /de nyid mi shes nas rgyas par 'dod nas dris pa ni go sla'o/ /lan du de nas de bzhin gshegs pa kun dang zhes bya ba la sogs pa smos te/ 'dis ni rgyud 'di nyid las rtsa ba dang yan lag gi rlung gi dbye ba zhig rgyas par bstan te/ lung dang man ngag gis shin tu rgyas par ni 'og nas ston to/ /ko Ta khya zhes pa la sogs pas ni rlung bcu po 'di brdas bshad de/ 'og nas srog dang zhes bya ba la sogs pa go rim bzhin no/ /brda'i don sngags dang 'dra ba'i brda can ni rlung bcu po yin te/ brda bshad pa la dgos pa ci zhig yod ce na/ 'di ltar 'dis ni dam pa la brten nas rtog pa dang/ dam pa ma yin pa'i yul ma yin par bstan to/ /de nyid ci'i phyir zhe na/ 'di ltar brda la ma goms shing brda yod par mi shes pa theg pa chen po'i rigs can ma yin pa/ log pa'i bla ma la bsten pa/ yang dag pa'i bla ma la 'jug par mi 'gyur ba lta ba log pa la zhen pa/ yang dag pa'i lta ba la rtog pa sngon du mi gtong ba gang dag dang por ni bla ma dam pa spong par 'gyur ro/ /bla ma dam pa spangs pa de'i tshe bka' dgongs pa can la 'jug par 'gyur ro/ /gang gi tsha bka'
- 317b
dgongs pa can la zhugs pa de'i tshe de la sgra ji bzhin par 'dzin par 'gyur ro/ /gang gi tshe sgra ji bzhin par gzung ba de'i tshe log pa'i lta ba dang spyod pa la 'jug par 'gyur ro/ /gang gi tshe log pa'i lta ba dang spyod pa la zhugs pa de'i tshe gang zag de ni 'jig rten 'di ru tshe thung ba dang/ nad mad pa dang longs spyod zhan pa la sogs pa sdug bsngal thams cad skyed par 'gyur ro/ /'di nas shi 'phos nas kyang ngan 'gro ngan song log par ltung bar 'gyur ro/ /de ci'i phyir zhe na/ las ngan pa'i 'bras bu mi bslu ba'i phyir ro/ /de bas na sangs rgyas kyi brda sgra ji bzhin pa ma yin pa ni rdo rje'i tshig ces bya ste/ 'di la ni su la yang rtog pa sngon du gtong bar mi byed do/ /gang gi tshe rtog pa dang bral ba de'i tshe yang dag pa'i bla ma la 'jug par 'gyur ro/ /yang dag pa'i bla ma la zhugs pa de'i tshe ni yang dag pa'i gdams ngag thob par 'gyur ro/ /yang dag pa'i gdams ngag thob pa de'i tshe yang dag pa'i sgrub pa la gnas par 'gyur ro/ /yang dag pa'i sgrub pa la gnas pas 'bras bu thob par 'gyur te/ 'jig rten gyi yon tan dang/ 'jig rten las 'das pa'i yon tan dpag tu med pa thob par 'gyur ro/ /brda can gyi dbye ba de nyid mi shes nas bris pa dang/ lan du rlung lnga ni lus kyi cha la gnas nas lus kyi bya ba rnams byed do zhes pa la/ rlung lnga ni rlung lnga ste rtsa ba'i rlung ngo/ /lus kyi cha ni lus kyi cha ste/ de la gnas pa ni lus kyi cha la gnas pa'o/ /des ci byed ce na/ lus kyi bya ba rnams byed de/ lus kho na'i bya ba byed pas lus kyi bya ba byed do/ /rlung lnga ni yan lag dag gi rlung ste/ mig la sogs pa nas lus kyi bar du'o/ /gnas pa ni der bzhugs par mdzad pa'o/ /de nyid bshad par 'dod nas gsungs pa/ srog ces bya ba'i rlung ni 'dis 'tsho bar byed pa'i phyir ro/ /gnas gang na gnas
- 318a
she na/ snying ga na gnas pa ste/ de la brten nas gnas pa'o/ /gang gi rigs yin zhe na/ mi bskyod pa ste g.yo bar mi byed pa'i phyir mthun pa'o/ /des ci byed ce na/ 'phel ba nyid dang 'grib pa nyid dang / gnas pa nyid la sogs pa byed do/ /thur du sel ba ni thur du sel ba ste/ 'dis thur sel gyi bya ba byed pas thur du sel ba'o/ /'di yang yang ba nyid dang/ g.yo ba nyid dang/ go 'byed pa nyid dang/ bshad ba dang gcib sel ba dang/ smin pa nyid dang/ byang chub kyi sems 'bab pa nyid dang/ zlog pa nyid dang/ sa bon len pa nyid dang/ dbugs 'byung ba nyid dang/ lam bsgrub ba nyid kyi phyir ro/ /gyen du rgyu ba ni gyen du rgyu ba ste/ 'di yang dbugs 'byung ba nyid dang/ 'jug pa nyid dang/ smra ba nyid dang/ mgrin pa 'dor ba nyid dang/ mchu sbrul ba nyid dang/ 'o byed pa nyid dang/ za ba nyid dang/ 'thung ba nyid dang/ za ba dang 'thung ba'i ro myong ba nyid dang/ dangs snyig 'byed pa nyid dang/ stong kyi rtsa 'byed pa nyid dang/ 'gog pa nyid dang/ lus bstan pa nyid kyi phyir ro/ /me dang mnyam du gnas pa ni drod dang mnyam du gnas pa ste/ 'di yang pho ba 'gul ba nyid dang/ phung po drod snyoms pa nyid/ phung po chags par byed pa nyid dang/ phung po'i bya ba la phan 'dogs pa nyid dang/ zas dang skom lhag pa gnas su 'gro ba nyid dang/ zas dang skom gyis tshad snyoms par byed pa nyid kyi phyir ro/ /khyab byed ni khyab byed do/ /'dis phung po thams cad la khyab par byed bas khyab byed do/ /'di yang 'gro ba nyid dang 'dug pa nyid la sogs pa'i bya ba yang zo mdog bde ba thams cad byed do/ /de dag gis ni rtsa ba'i rlung lnga bshad do/ /yan lag gi rlung bshad par 'dod nas gsungs pa/ rgyu ba'i rlung ni
- 318b
gzugs so/ zhes ba ni gzugs kyi yul ma yin pas 'di ni gzugs so/ /bshad pa rdzi ma 'gul ba dang/ mig gi tho yul gyi tshor ba nyid dang/ mig zlog pa nyid dang/ 'gul ba nyid dang/ dang ba nyid dang/ lta ba nyid dang/ sdud pa nyid dang/ mi 'bral ba nyid dang/ yul la chags par byed pa nyid dang/ mig gi rnam par shes pa go 'byed pa nyid dang/ gzugs kyi 'dod pa 'byung ba nyid dang/ zlog pa nyid kyi yang phyir ro/ /mig la ji lta bar rna ba la sogs par yang de de bzhin no/ /dkyil 'khor bzhi ni sa dang/ chu dang/ me dang/ rlung dag go /lha mo bzhi ni gos dkar mo la sogs pa ste/ 'di dag ci rigs su sbyar bar bya'o/ /de dag kyang steng gi sgo las 'byung ba'i dus su kha dog gang du 'byung ba dang/ gnas gang du 'byung ba dang/ rigs gang gi ngo bor 'byung ba dang dus ji tsam nas 'byung ba dang grangs dur 'gyur ba mi shes nas dris pa dang/ lan du/ dpal de kho na nyid bsdus pa zhes bya ba la sogs pa gsungs te/ sangs rgyas lnga yi rigs gnas par zhes pa ni 'byung zhes sbyar te/ sangs rgyas lnga'i rigs dang mthun par 'byung zhe'o/ /gnas gang nas 'byung zhe na/ sna rtsa'i bu ga las te/ rang gi sna'i bu ga nas 'byung zhe'o/ /du 'byung zhe na/ rlung lnga ste/ srog 'dzin pa la sogs pa'o/ /de nyid rgyas par bshad do/ g.yas pa gnas ni 'byung ba'i khams zhes pa ni sne bu ga g.yas pa nas 'byung ba'i rlung ste/ byed pa med cing rang gi mtshan nyid 'dzin pa'i phyir 'di ni khams so/ /gang yin zhe na/ me'i dkyil 'khor te/ smin par byed pa'i bye brag yod pa nyid kyi phyir ro/ /kha dog ji ltar du yod ce na/ dmar po ste dmar po tshar gyur pa'i phyir ro/ /chung ba ni gzhi de la gnas pa dkar po dang/ ser po dang/ ljang khu dang/ mthing ga'i bye brag nyid dang yang ldan pa'i phyir ro/ rigs gang yin zhe na/ pad+ma mgon po ste/ ma chags shing skyob pa'i phyir ro/ /yang
- 319a
na ma chags pa'i sems dang ldan pa la skyob pa'i phyir de la de skad ces bya'o/ /yang na pad+ma mgon po ni tshe dpag tu med pa ste/ dmar ba nyid dang smin par byed pa nyid du mthun pa nyid kyi phyir de la de skad ces bya'o/ /gzhan la yang de ltar shes par bya'o/ /de ltar rlung gi de kho na nyid bstan nas/ da ni sngags kyi de kho na nyid bstan par bya ba'i phyir/ rdo rje slob mas gsol ba zhes bya ba la sogs pa ste/ de kho na nyid bsdus pa la sogs pa rtsa ba'i rgyud ni rtsa ba kho na'i rgyud do/ / rgyud phyi ma ni don phyi ma rgyas par ston pa'o/ /de las ci gsungs she na/ sngags tsam gsungs zhes pa ni gzhan ma gsungs te/ lhag ma 'gog pa'o/ /'o na gang las gsungs she na/ bshad pa'i rgyud las te/ 'di bshad pa'i rgyud yin pas bshad pa'i rgyud do/ /de las ci gsungs she na/ sngags btu ba zhes pa la sogs pa gsungs so/ /zhes bya bar sbyar ro/ /de nas bshad pa'i rgyud ma rtogs pa'i skyon bshad pa ni de na bshad pa'i rgyud ma rtogs shing zhes pa ni bshad pa'i rgyud kyi khong du ma chud pa'o/ /phyi rol gyi sngags ni bsam gtan dang bral ba'i sngags te/ de la mngon par zhen pa ni de la chags pa ste/ ra dkar gyi mar bzhin no/ /des ci mi rtogs she na/ de kho na nyid kyi don mi rtogs pa'o/ /de bas na gang du bshad ba'i rgyud ma rtogs pas ni phyi rol gyi sngags tsam la 'jug par 'gyur ro/ /phyi rol gyi sngags tsam la zhugs pas ni nang gi sngags la 'jug par mi nus so/ /nang gi sngags la zhugs par ma gyur pa de'i tshe nang gi bsam gtan dang bral bar 'gyur ro/ /nang gi bsam gtan la zhugs par ma gyur pa de'i tshe rnam par rtog pa spong bar mi 'gyur ro/ /rnam par rtog pa ma spangs pa de'i tshe bdud kyi slu ba 'byung zhing mi rtog pa'i shes pa mi skye bar 'gyur ro/ /
- 319b
de bas na dang por sngags kyi de kho na nyid shes par bya'o/ /de yang gang las 'byung zhe na/ sprul la sogs pa'i sngags rnams ni A li dang kA li las 'byung zhes pa ni sprul pa la sogs pa'i mdza' can dang/ mdza' med pa dang/ /btus pa dang/ sbrul lta bu ste/ de dag ni A li dang/ kA li 'dus pa las yang dag par 'byung ste/ dper na ri las gser 'byung zhes pa bzhin no/ /'o na yi ge gsum brda dang bcas pa gang las 'byung zhe na/ 'di ltar mi shig pa ste/ rlung mi shig pa las byung ba'o/ / de yang lte ba'i dbus gnas rgyal po yis/ /snying ga'i rlung ni bskyod byas te/ /'bad ba mar me'i rtse lta bus/ /brda yi sngags kyis skyed par byed ces pa lta bu'o/ /sngags kyi rgyu bshad nas/ /sngags btu ba bshad par bya ste/ sngags pa thams cad ni sprul la sogs pa ste/ de yang gsum du 'gyur ro/ /dpe bstan pa 'jig rten na yang skyes pa dang/ bud med dang ma ning ste gsum yod pa bzhin du sngags kyang rnam pa gsum mo/ /de ci'i phyir zhe na/ yi ge gsum ni sngags thams cad kyi bdag po ste/ 'di ltar rigs brgyad dang lnga dang rigs gsum dang/ de yang bdag po yin bzhin du'o/ /de ji ltar 'gyur zhe na/ re re zhing mi shig pa dang/ lhan cig ces pa ste/ 'byung ba dang/ 'jug pa dang gnas pa mi shigs pa'i rjes su 'jug cing de dang lhan cig tu 'gyur ro/ /de nas sngags kyi las bshad pa'i phyir/ da ni zhes bya ba la sogs pa smos te/ de la bya ba ni las te gang gi phyir rlung gi lus kyi bya ba la sogs pa byed pa bzhin du sngags kyis kyang byed do/ /de ci'i phyir zhe na/ sngags ni nus pa'i bdag nyid yin te/ nus pa dang ldan pa des bya ba gzhan la 'jug par byed do/ /de yang bskyed pa'i byed pa dang ldan pa ni yi ge gsum las lha'i skur 'byung ste/ 'di las oM la sogs pa 'dus pa dang ma 'dus pa las lha'i sku gcig dang du ma
- 320a
la sogs pa 'byung bar 'gyur ro/ /'dzin pa'i las ni lus kyi mtshan nyid 'dzin pa ste/ 'phel ba dang 'grib pa dang gnas par byed do/ /sems can bskyed lam ni dbang po gnyis ni rdo rje dang pad+ma snyoms par 'jug pa'i dus su'o/ /thur du bltas pa ni 'dod chags kyi mes zhu bar gyur pa'o/ /gsang ba'i sna'i bu ga ni rdo rje'i spu gu nas 'byung ba'o/ /ci byed ce na/ sems can rnams bskyed de/ mer mer po la sogs pa rim gyis skye ba'o/ /de nyid kyis mchog 'grub pa'i las ni srog dang rtsol ba stod du song ste/ steng gi sna'i bu ga las byung nas dbang po'i sgo sad pa ni dbang po la gnas pa'i rtsa kha bye ba'o/ /g.yon dang g.yas la sogs pa'i rim pas shes pa ni thun phyed pa dang po la sogs pa'i bye brag gi grangs nyi khri chig stong drug brgya 'thon ba'o/ /lhun gyis grub pa ni rdo rje bzlas pa ste/ rdo rje dang 'dra bar byed pa'i phyir ro/ /des ni mchog gi dngos grub 'grub par 'gyur ro/ /thun mong gi dngos grub sgrub pa'ang bstan par bya ste/ lce rtse shin tu mi bskyod zhing zhes pa ni g.yo bar mi 'gyur ba'o/ /zhi ba ni lte ba'i rlung brten pa'i bzlas pas ni zhi ba dang bsrung ba 'grub par 'gyur ro/ /snying ga'i rlung la brten pa'i bzlas pas ni rgyas pa ste/ lo tog sgrub pa dang/ bu tsha bskyed pa dang nor phyugs 'phel ba dang/ bcud dgug pa dang/ tshe sring ba la sogs pa 'grub par 'gyur ro/ /mgrin pa'i rlung la brten pas ni dbang ste/ lha'i bu mo dgug pa la sogs pa dang/ rgyal po la sogs pa dbang du bya ba dang/ /bugs su gzhug pa yang ngo/ / gsang ba'i rlung la brten pas ni drag po ste/ rmongs pa dang/ rengs pa dang/ lkugs pa dang/ smyo 'bros pa dang/ bsad pa dang/ bskrad pa dang/ dbye ba dang/ 'thab pa dang/ dbral ba dang/ g.yul bzlog pa dang/ ri rab bshig pa la sogs pa
- 320b
'grub par 'gyur ro/ /zas sbyong ba la sogs pa'i las bstan pa'i phyir/ yi ge gsum pa zhes bya ba la sogs pa gsungs te/ yi ge gsum po 'dis zas sbyong ste /A(rgyud 'grel): ni rtogs par byed pa nyid do/ /oM gyis ni 'bar bar bya ba nyid do/ / hUM gis ni sbyong bar byed pa'o/ /yang na de las bzlog ba ste ci rigs so/ /kha zas ni rtog pa med ba'i dbang du byas te/ sha lnga la sogs pa'o/ /yang na ni spyi po dang/ mgrin pa dang/ snying ga sbyong ba ste/ /nges su byed pa'i las can no/ /gzhan go sla'o/ /de nas yi ge btu ba ston to/ /de la yi ge btu ba 'di yang gang las shes she na/ dgongs pa lung ston pa zhes bya ba la sogs pa smos te/ de yang tshogs kyi 'khor lo'i dbang du byas te/ rnal 'byor pa lha'i dkyil 'khor du byas pa dgu ni gtso bo'o/ /de'i dbus na rigs dang po'i ngo bo gcig po pa ni rdo rje 'chang chen po'o/ /'di yang bcur gyur pa ni med do/ /yang na sha dang bdud rtsi bcu la spyod kyang nges ma bcings pa ni de'i rtog pa dang bral ba'o/ /de ni bcings med ces bya ste zhes pa ni chags ba med pa ste/ yi ge las byung ba'i dbang du byas pa'o/ /yang na dang po ni yi ge drug ste/ de'i gcig ni yi ge a'o/ /dgu'i dbus na zhes pa ni shes rab kyi sde tshan ring po dang thung ngu'i bye brag gis dgu'i dbus na'o/ /gang zhig bcu yis ma bcings pa ni 'di la sde tshan bcu pa ni med do zhe'o/ /de shes pa ni mchog gi gnas shes pa ni mchog thob pa'i rgyu'o/ /yang na dang po gcig ni byang chub kyi sems kyi sa bon yi ge a'i gzugs can no/ /'di ni bu ga dgu'i dbus snying gi nang na gnas pa'o 'di la drug bcu'i bar gyur pa ni gang yang med do/ /de ni mchog gi gnas te snying ga'i 'khor lo'o/ /as bcings ba ni a dang rjes su 'jug pa'o/ /de shes ba'i khyad par bstan pa gang gis de shes 'gro ba'i bla zhes pa ni yi ge'i don de gang gis gang
- 321a
gi sgo nas shes rab gsum mthar phyin pa bslabs pa de ni 'gro ba thams cad kyi mchog tu 'gyur ba'o/ /'jig rten las 'das pa'i yon tan bstan pa'i phyir ro/ /gang gis shes nas shes pa la sogs pa smos te/ gang gis yi ge shes pa de ni nyon mongs pa dang/ shes bya'i sgrib pa la sogs pa rnam par grol zhe'o/ /'byung ba'i mdza' ni k+Sha ste/ 'dis rnal 'byor pa'i gsang ba'i gzhal yas khang du bzhugs nas las thams cad byed do/ /gzhan go sla'o/ / cha la sogs pa bcu drug gnas zhes pa ni ha'o/ /lnga pa lnga ni mi ste haM ngo/ /bzhi ni gsum du nges par sbyar zhes pa ni haM dang k+Sha la sogs pa la brten nas 'dir rnal 'byor bas dbugs dbyung ba dang 'jug pa dang gnas pa la bslab par bya'o/ /zhe'o/ / yi ge gsum po gang zhe na/ AM ni AM ste gnas pa'o/ /ring po ni hUM zhes pa'o/ /yon tan sbyor ba ni tsha bsring ba la sogs pa ste aM ngo/ /thung ngu ni a thung ngu ste/ ngag ma lus pa'i rgyur gyur zhing lhan cig tu gnas shes pa'o/ /don dam par na yi ge zhes bya ba ji lta bu yin zhe na/ gcig min du ma ma yin te/ gcig dang du ma'i rnam dang bral she'o/ /ya'i don gyis ci yang rlung zhes pa ni ya ni rlung ste/ gsang ba'i rlung la brten pas ni drag po'i las thams cad 'grub par 'gyur ba'o/ / gzhan gang du bshad bar bas so/ /sngags kyi de kho na nyid ni sngags ma nor ba ston pas sngags kyi de kho na nyid do/ /de la gong du rlung du zhes bya ba de nyid mi shes nas dris pa dang/ lan du 'di na gsung rab 'chad pa dag ni zhes bya ba la sogs pa smos te/ 'jig rten gyi khams 'di ni de bzhin gshegs pa'i gsung rab 'chad pa dang/ nyan pa dang klog pa dang/ kha ton byed pa la sogs pa'o/ /byA ka ra Na'i tshig sngon du byas nas zhes pa ni byA ka ra Na'i sgra dngos po dang las
- 321b
kyi sa la sogs pa sngon du btang ba'i sgra'i don 'ba' zhig gi rjes su 'brang gi zhes pa ni sgra gang la 'jug pa'i don la ma yin no/ zhe'o/ /yi ge'i don la gang du 'jug na skabs 'dir don la thos pa la sogs pas mdzub mos zla ba bstan pa ltar ni ma yin zhe'o/ /de ci'i phyir zhe na/ sangs rgyas rnams kyi spyod yul te/ shugs kyis dam pa ma yin pa rnams kyi yul ma yin par bstan to zhe'o/ /'o na sgra yang gang gi rang bzhin yin zhe na/ de'i phyir sgra ni A li dang kA la'i rnams kyi rang bzhin zhes pa ste/ rjod par byed pa thams cad ni A li dang kA la'i ngo bo nyid do zhe'o/ /A li dang kA li zhes pa yang gang yin du zhig ce na de'i phyir/ A li ni a la sogs pa ste/ 'di la bcu drug yod pas na 'di ni bcu drug go /kA li ni ka la sogs pa ste/ sde tshan bdun no/ 'di la sum cu rtsa gsum yod pas na 'di ni sum cu rtsa gsum mo gzhan go sla'o/ /ka'i don dang de ston pa'i sgra la sogs pa a las 'byung ngo/ zhes pa de yang gang las shes she na/ de'i phyir bcom ldan 'das kyis langkar gshegs pa'i mdo las gsungs zhes pa la sogs pa smos te/ 'dir langkar gshegs pa kho na las gsungs zhes pa ni ma yin te/ gsung ba kho na zhes sbyar ro/ /dpe dgod pa'i phyir/ skyes bu la la zhig ces pa la sogs pa ni go sla'o/ /tshig dang dag la sogs pa ni ming dang yi ge dang bstan bcos te/ de'i bye brag gam khyad par rnam par shes pa ni gang yin zhe na/ lan du a zhes bya ba 'di yin te/ zhes bya ba la sogs pa smos te/ de la a zhes bya ba ni mi shigs pa'i thig le ste/ sgra thams cad kyi rgyur gyur pa'o/ /de nyid dgongs pa can yin no zhe na/ ma yin pa'i lung gzhan yod pa'i phyir/ mtshan yang dag par rjod pa las kyang zhes bya ba la sogs pa smos te go sla'o/ /gang gis
- 322a
gang gi mtshan dang dpe byad nges par brjod pa de la de skad ces bya'o/ /a ni yig 'bru kun gyi mchog ces pa ni yi ge gang las mchog tu gyur pa de ni yig 'bru kun gyi mchog ste/ yi ge thams cad skyed pa dang khyab pa nyid do/ /de nyid bstan pa/ don chen yi ge dam pa yin zhes pa ni don khyad par can ston pa nyid dang/ 'byung ba nyid dang/ 'thob pa nyid la sogs pa dang ldan pa nyid kyi phyir ro/ /khong nas 'byung ba skye ba med ces pa ni gang kho nas 'byung ba de ni khong nas 'byung ba ste/ skyes bu rnams kyi snying gi nang nas 'byung ba'o/ /tshig du brjod pa spangs pa ste/ zhes pa ni dag gi brjod pa las 'das zhes pa'i tha tshig go /brjod pa kun gyi rgyu yi mchog ces pa ni A li dang kA li thams cad 'byung ba gang yin pa de la de skad ces bya'o/ /tshig kun rab tu gsal bar byed ces pa ni sgra thams cad gsal zhing zur phyin par byed ce'o/ /de skad gsungs pa ni thub pa chen pos bka' stsal pa'o/ /lung gzhan las kyang gsal bar ston pa yod pas de'i phyir smras pa/ de bas na zhes bya ba la sogs pa gsungs te/ bsam gtan ma lus pa'i sgo ni thabs te/ gang gis chos thams cad kyi chos nyid thob pa'i thabs su gyur pa gang yin pa de la de skad ces bya'o/ /de'i tshig ni de ston pa'i sgra'i tshogs so/ /de'i rgyur gyur pa dang khyab pa la sogs pa gang yin zhe na/ a'o/ de'i rang gi mtshan nyid ci lta bu zhe na/ skye ba med pa ste/ gang la skye ba dang bral ba de ni skye ba med pa'o/ /skye ba med pa zhes bya ba yang yod pa'i tha snyad 'gog pa 'ba' zhig tu zad kyis med pa'i tha snyad bsgrub pa ni ma yin no zhe'o/ /de ci'i phyir zhe na/ med par 'gag pa yin pa nyid kyi phyir ro/ /lhan cig skyes pa'i yi ge yin par yang gsungs te zhes pa ni gang skye ba mer mer
- 322b
po la sogs pa'i dus na skye ba ste/ de yang gang las shes she na de'i phyir/ rdo rje dkyil 'khor brgyan ces bya ba'i rgyud las shes bya ba la sogs pa smos te/ rdo rje'i dkyil 'khor ni rdo rje'i dkyil 'khor te/ rdo rje sems dpas gtso bo byas pa'o/ / de la mdzes pa 'am des mdzes par brgyan te/ de'i gzhung gi tshogs gang yin pa de la de skad ces bya'o/ /de las ci bstan ce na/ de'i phyir snying gi dbus na mi shigs pa zhes pa ni gnas bstan pa ste/ gang na gnas na snying gi dbus te snying gi dbus na rtsa pad+ma 'dab brgyad pa'i tshul can gyi dbus su'o/ /gang gnas she na/ mi shigs pa ste rlung mi shigs pa rgyal po a'i ngo bor gnas so/ /ji ltar gnas she na/ 'bar zhing zhes pa'o/ /dpe nyid bshad pa/ mar me dag kyang mtshungs zhes pa ni gang las gsal zhing mi g.yo ba yod pa de la de skad ces bya'o/ /de'i don nyid bshad pa mi 'gyur mchog tu phra ba ste zhes pa ni dngos po dang mtshan ma gzhan du mi 'gyur zhing rtog ge pas mi shes pas de'i phyir de la de skad ces bya'o/ /de bas na zhes bya ba ni de'i phyir te/ gang gis gang du bshad pa de'i phyir zhe'o/ /de bzhin gshegs pa thams cad a'i rigs su gyur pa ni mi g.yo bar gyur pa ste/ gang rnam par rtogs pa thams cad g.yo ba med pa de la de skad ces bya'o/ /a rgyur gyur pa ni as lus skyed par byed pa dang/ a las nges par byung ba ni yi ge 'byung bar byed pa gang yin pa de la de skad ces bya'o/ /brjod bzhin pa ni 'gag pa'i ngo bo nyid ces pa ni ngag gi tshogs thams cad skad cig ma ste/ gang phyis brjod par 'byung ba na sngar brjod pa 'gags te dper na chu bo bzhin no/ /rnam par rtog pa'i mtshan nyid can zhes pa ni yid kyi rnam par shes pa rtog bcas kyi gzung
- 323a
ba'i cho ga'o/ /de yang dag pa ji lta ba bzhin shes nas zhes pa ni dngos po dang mthun pa ste/ yid kyi rnam par shes pa'i gzung ba'i cha yin pa dang/ a las byung bar shes pa'o/ /sgra dang sgra ma yin pa la bltos pa med pa yang a las byung bar shes pa'o/ /sems can gyis bsam pa'i dbye bas shes pa ni sems can gyi bsam pa'i tshogs dpag tu med pa dang/ mthun par sgra sna tshogs kyis chos ston pa'o/ /de'i ci'i phyir zhe na/ gang gis ngag gcig pas ni gang yang 'dul bar mi 'gyur bar dgongs so/ /yi ge yang don dam par yongs su dag pa yin no zhe'o/ /de yang gang las shes she na/ de nas bcom ldan 'das kyis zhes bya ba la sogs pa gsungs te/ don la rton pa ni don la brtag pa ste/ rgyud dang lam dang 'bras bu la dpyad cing de sngon du bya'o/ /yi ge la rton par mi bya ba ni yi ge la dpyad pa dang/ yi ge mngon du mi bya'o/ /'o na yi ge la mi rton pa ci'i phyir zhe na/ de'i lan du yi ge'i rjes su 'jug pa ni yi ge la gzhol ba'o/ /des cir 'gyur zhe na/ don nyams par byed cing gzhan yang khong du chud par mi byed do/ zhes pa ni don brjod pa las 'das te/ yi ge la rtog na ni chos thams cad rang bzhin med pa mi rtogs pa'o/ /de ci'i phyir zhe na/ brjod pa dang bral ba ni gcig gis gcig spangs pa ste/ rta dang ba glang bzhin no/ /yi ge las gzhan pa ni don dam pa ste/ yi ge brten pas shes par mi 'gyur ba ni gong bzhin no/ /de bas ni yi ge ni don dam yin no/ /'o na yi ges don mi brjod pa ma yin nam/ yi ge zhes bya ba 'dis ci zhig byed ce na ma yin te/ yang dag pa'i don brjod pa'i brdar gyur pa'i phyir ro/ /'o na des brjod par 'gyur ro zhe na 'ang ma yin te/ brjod par bya ba mi 'grub pa'i phyir ro/ /
- 323b
'o na des ci zhig byed ce na/ brda byed pa'i phyir ro/ /brda zhes bya ba ni ci zhig bstan bya'o/ /yod pa ma yin pas mi rung ngo zhe na ma yin te/ dngos po med pa nyid bstan bya'o/ /bstan bya zhes bya ba yang ci rdzas su yod pa ma yin nam zhe na ma yin te / rdzas su med pa la yang de ltar snang ba'i blo skye ste/ gang la ci ltar snang ba de ni bstan bya'o/ /'o na de nyid brjod par bya ba ma yin no zhe na/ ma yin te/ brjod par bya ba yang ma grub pa'i phyir ro/ /'o na yi ger snang ba nyid yod pa ma yin nam/ ci'i phyir de la med ces bya zhe na/ ma yin te/ yi ge yang snang ba tsam nyid na rang bzhin gyis rnam par dag pa ste/ me long gi gzugs brnyan yin no/ /'on kyang kun rdzob tu ni don byed pa'i ngo bor rnam par gnas so/ /brda zhes bya ba yang ji lta bu zhig ce na/ la las sor mo'i rtse mo gcig la dngos po gcig ces bya ba la sogs pa smros te/ sor mo'i rtse mos bstan pa ni byis pa la sor mo bsgrengs te des zla ba bstan na don la rtog pa ni nam mkha' i zla ba rtog pa bzhin no/ /sgra la rtog pa ni sor mo zla bar rtog pa bzhin no/ /sor mo 'dis zla ba ston pa ni gzhan la shes pa bskyed pa'i don du brda phrad sla bar byed do/ /dngos po la ni de lta ma yin no/ /gzhan yang sgra la ni don med kyi sor mo bzhin no/ /don la ni don yod par 'gyur te nam mkha' i zla ba bzhin no/ / don med pa'i snyas? kyang de ston par mi nus te/ mdzub mos zla ba ston pa bzhin no/ /gzhan go sla'o/ /tshig la yang dbye ba du zhig ce na/ rnam pa bzhi yod de zhes pa ni 'di la bzhi yod pas na rnam pa bzhi'o/ /de yang gang zhe na/ mtshan nyid kyi tshig dang zhes pa la sogs pa'o/ /de nyid mi shes nas dris pa/ mtshan nyid kyi tshig kyang gang yin zhe na/ rang gi rnam par rtog pa gzugs la mtshan mar mngon par zhen pa las byung ngo zhes pa ni gzugs kyi shes pa rkyen bzhi las skyes pas te/ de
- 324a
las yi ge'i gzugs snang ngo/ /de las sgrar 'byung ngo/ /de bas na gang la yod pa de la de skad ces bya'o/ /de la rmi lam gyi tshig gang zhe na/ mngon myong ba'i yul rjes su dran pa ni rmi lam yin pa'i dus na myong ba'i yul gyi bag chags shes pa la yod pa'o/ /de'i bag chags rmi lam ni myong ste/ de las byung ba'i tshig dang/ rtog pa'i yul med pa las byung ba ni sngon ma mthong ba'i yul rmi lam na mthong ste/ de las byung ba'i tshig go de la rmi lam gyi tshig ces ci'i phyir zhe na/ rmi lam na brdar btags kyang rung/ sang nas brdar btags kyang rung ste/ rmi lam gyi yul las byung ba'i phyir rmi lam gyi tshig ces bya'o/ /gnas ngan len gyi rnam par rtog pa la mngon par zhen pa'i tshig gang zhe na/ sems can rnams kyi mngon byas pa'i las ni thog ma med pa'i lus nas bsags pa'i dge pa dang/ mi dge ba dang/ lung du ma bstan pa'i las rnams te/ de dag rang gi rnam par rtog pa'i bag chags kyis yongs su bsgos shing rjes su dran pa las byung ba'o/ /thog ma med pa'i dus kyi tshig gang zhe na/ lan du thog ma med pa'i dus nas spros pa la mngon par zhen pa ni nam mkha' nam yod pa'i dus nas rang gis gzugs la sogs pa la btags shing yul du byas te de la zhen cing chags pa'o/ /de'i bag chags rang gi shes pa la bzhag ste/ de'i sa bon langs nas phyi ma yul dran zhing rang gi tshig 'byung ba'o/ /rigs pa 'dis na zhes pa ni gtan tshigs de'i phyir zhes pa ste/ 'di ni lung gi gtan tshigs so/ /sgra rnams ni sgra rnam pa bzhi'o/ /gang las byung zhe na/ yi ge a las byung ba ste/ mi shigs pa las skye zhes pa'i tha tshig go /a de yang rtag pa 'am mi rtag pa zhig ce na/ mi
- 324b
'gyur ba ni mi 'jig pa ste zhes pa ste/ de nyid gzung ba dang 'dzin pa gzhan du mi 'gyur ba'i tshul gyis rtag pa ste/ btags pa'o/ /don dam par ni rtag pa dang/ mi rtag pa zhes bya ba gang du yang ma grub bo/ /sgra mi bden pa ni mi rtag pa ste/ sgra skad cig pa yin pa'i phyir mi rtag pa nyid do/ /des bstan pa'i don ni rtag pa dang mi rtag pa gang du yang ma grub po/ /de ci'i phyir zhe na/ ma bcos pa thog ma tha ma med pa ste/ de dag gis dmigs pa la sogs pa dang bral zhes pa ni lhag ma'o /de yang gang las shes she na/ tshul gcig par bstan pa'i mdo las gsungs zhes sbyar te/ chos 'di sgra skad dag gis lung bstan te zhes pa ni rgyu dang 'bras bu dang lam dang spang bar bya ba thams cad sgra'i tshogs kyis bstan cing bshad ces pa'o/ /sgra dang don zhes bya ba yang ci rdzas su yod pa zhig yin nam/ 'on te ma yin zhe na/ ma yin te/ chos dang sgra dag 'dir ni snang mi 'gyur zhes pa ni don dam par brjod par bya ba dang rjod par byed pa gnyis su med cing dbyer med pa'o/ /'o na gnyis su med par shes pa des ci zhig bya zhe na/ chos nyid tshul gcig ni gnyis su med pa ste/ shes bar bya ba'i yul lo/ /de la 'jug par byed pa ni de rten par byed pa'i rnal 'byor pa'o/ /des cir 'gyur zhe na/ bzod pa'o/ /bla na med la sogs par 'gyur zhes pa ni bzod pa gsum dang/ chos kyi mchog gsum dang/ rab tu dga' ba nas bcu pa ni bltos nas bla na med pa'o /kun tu 'od kyis ni dngos su bla na med pa sten de la reg pa ni de thob par 'gyur ba'o/ /de dgongs pa can ma yin nam zhe na ma yin pa'i phyir lung gzhan bshad 'dod nas gsungs pa/ rnam par snang mdzad mngon par byang chub pa zhes bya ba spyod pa'i byung las shes pa la sogs pa gsungs te/ gsang ba'i bdag po zhes pa ni bod pa ste /
- 325a
gang gis zhus pa de'i lan gdab pa'i phyir ro/ /gsang sngags kyi mtshan nyid ni rnam par mi rtog pa'i ye shes rgyu ba dang bcas pa'o/ /ye shes de nyid gang yin zhe na/ de bzhin gshegs pa thams cad kyis ma byas pa ni ma bcings pa ste/ bya ba dang byed pa la sogs pa dang bral/ zhe'o/ /rjes su yi rang ba ma yin pa ni yid rang ba'i yul med pa'i phyir ro/ /gzhan go sla'o/ /de ltar nga gi dbye ba dang rgyu dang nus pa la sogs pa bshad nas/ de nas/ gsung rdo rje bstan te/ de'i phyir rdzogs pa dang ma rdzogs pa zhes bya ba la sogs pa smos te/ 'dis ni skabs 'di nyid kyi dgongs pa bstan to/ /de nyid bshad pa lung gang las bshad she na/ de'i phyir mi 'am ci'i rgyal pos zhus pa'i mdo las zhes bya ba la sogs pa smos te/ mi 'am ci'i bdag po zhes pa ni bod pa'o/ /sems can thams cad kyi sgra skad gang las byung zhes pa ni sgra gang las byung ba mi shes nas dris pa'o/ /de'i lan du/ sems can thams cad kyi sgra skad ni nam mkha' las byung ngo zhes pa ste/ sgra thams cad ni rang bzhin med cing 'dus ma byas pa las byung bar dgongs so/ /de'i bzhi las the tshom du gyur nas bris pa/ sgra skad khod pa'i nang nas mi 'byung ngam zhes pa ni lus dang/ sems 'dus pa'i sgra khong ba nas mi 'byung ngam zhes dris pa'o/ /lan du/ khong pa nas 'byung ngam/ sems las 'byung zhes dris pa ni lus sems gnyis kyi brtag pa 'dri ba'o/ /de'i lan du/ lus las kyang ma yin/ sems las kyang ma yin no/ /zhes pa ni lus dang sems gnyi ga las mi 'byung ba'o/ /de gnyi ga las mi 'byung ba de'i phyir na zhes dris pa dang/ lus las mi 'byung ba'i lan gdab pa lus ni bems po ste /rig pa'i re ba ma yin pa'o/
- 325b
sems dpa' ma yin pa'i phyir g.yo ba med pa'o/ /rgyu dang rkyen ma yin pas byed pa med pa'o/ /dpe bstan pa rtsa la sogs pa dang 'dra'o/ /'o na sems ni de las bzlog par 'gyur ro zhe na/ /ma yin te gang la 'phel 'grib dang/ yul bstan pa dang/ reg ba la sogs pa ma yin pa gzugs med pa'o/ /'di na'o zhes med pas bstan du med pa'o/ /go gcod pa dang sgrib pa med pas thogs pa med pa'o/ /dge ba dang mi dge ba med bas rnam par rig pa med pa'o/ /de'i phyir sgra'i rgyu ma yin no/ /de ltar lus sems gnyi ga rgyu ma yin na gang las 'byung snyam nas dris pa dang/ lan du sems can rnams kyi sgra ni nam mkha' las byung bar rtogs so/ /zhes pa ni sems can gyi ngag gi tshogs kyi sgra ni stong pa las byung zhe'o/ /gzhan yang rgyu yod snyam nas nam mkha' med na sgra gang las 'byung zhes dris pa dang/ rgyu gzhan med pa'i phyir nam mkha' ma gtogs par gzhan las sgra 'byung bar 'gyur te mi 'gyur ro zhes pa ni go sla'o/ /nam mkha' las sgra 'byung pa nyid kyang ci'i phyir snyam pa la/ nam mkha' i ngo bo nyid ni sgra ste/ nam mkha' i rang bzhin ni sgra'i rang bzhin zhe'o/ /de nyid ci'i phyir snyam pa la/ rnam par rig pa ma thag tu 'gag ste mi rtag cing gzung du med pa'i phyir ro/ /'gags nas cir 'gyur zhe na/ nam mkha' i ngo bo nyid du yang dag par gnas te/ stong par 'gyur zhe'o/ /'o na yi ge nam mkha' i ngo bo nyid yin yang gzhan ma yin no snyam pa la/ chos thams cad ni nam mkha' dang mnyam ste nam mkha' ltar rang bzhin med pa'o/ /rnam par rig pa med pa ni rnam par rig pa dang bral ba'o/ /rnam par shes par bya ba ma yin pa ni gnyis su med pa'i phyir ro/ /'o na sgra yang mi 'byung ba nyid do zhe na/ rang bzhin med pa yang sgra'i brdas brjod pa nyid de/ gang gis gang brjod pa des ni sgra brjod pa nyid do/ /'o na de nam mkha'
- 326a
dang 'dra ba ma yin no zhe na/ brjod pa de yang tha snyad de/ sgyu ma tsam nyid do/ /des cir 'gyur zhe na/ brjod pa 'di 'dra bar rab tu shes pa ni sgra nyid nam mkha' dang 'dra bar shes pa'o/ /chos gang la yang mngon par mi chags pa ni yul dang yul can du ma grub cing de'i rnam pa dang bral ba'i phyir ro/ /ma chags pas cir 'gyur zhe na/ rnam par mi 'gro ste/ yul thams cad la mi 'dzin pa'o/ /mi 'phro bas cir 'gyur zhe na mi 'khor te/ skye rgan 'chi'i sdug bsngal las grol zhe'o/ /mi 'khor bas cir 'gyur zhe na/ mi phyed pa ste/ mya ngan las 'das pa dang dbyer med pa'o/ /gzhan go sla'o/ /stong pa dang gang zag tu yang bzod ces pa ni stong pa dang gang zag gi rnam pa dang bral ba'o// 'o na gang zag nyid dam de las gzhan gnas med pa zhes bya ba nyid tsam na stong pa'i phyir ro/ /de ci'i phyir zhe na/ mtshan ma'i ngo bo nyid mtshan ma med pa ste/ gdod ma nas stong pa'i phyir ro/ /rmi lam gyi ngo bo nyid kyis smon pa med pa'o// zhes pa ni rmi lam gyi gzugs la sogs pa dang bral ba med par ye nas bral ba nyid dang 'dra ba'i phyir ro/ /gzhan go sla'o/ /'o na chos thams cad rab tu 'byung ba rnam par dag pa nyid yin na/ de lta na ni chos kyi sku thob nas sems can thams cad kyi don byed pa dang/ bdag la bsnyen bkur byed pa med par 'gyur ro zhe na/ chos thams cad ni rang bzhin gyis dag pa ston pa nyid yin yang don byed pa dang/ bkur sti la sogs pa ni yod par 'gyur te/ de yang gang las shes she na/ chos thams cad du 'jug pa bstan pa'i mdo las gsungs zhes sbyar ro/ /lha'i bu zhes pa ni yon tan brjod pa sngon du 'gro bas bos pa'o/ /sgra grags pa la 'jug pas zhugs pa ni byang chub sems dpa' i spyod pa la zhugs pa'o/ /
- 326b
gzhan go sla'o/ /ngag rnam par dben pa bsdus pa la the tshom gcod pa ni rlung dang sngags dang de'i rang bzhin dang/ 'bras bu dang/ gang zag gi khyad par dang/ nus ba dang/ las dang/ yon tan dang/ de nyid kyi lung rgyud dang mdo dang/ rig pa la sogs pa ma grub pa dang/ the tshom za bar gyur pa de rnam par bcad pa'i phyir ro /gang la de yod pa de la de skad ces bya'o/ /spyod pa bsdus pa'i sgron ma'i 'grel pa las le'u gsum pa shad pa'o// //de nas sems rnam par dben pa la bslab par bya ste/ de'i phyir rdo rje slob mas gsol ba la sogs pa smos te/ sems rnam par dben pa la slob par 'tshal na zhes pa ni sems yongs su dag pa dang/ dngos po sems tsam du byed par 'dod pa'o/ /zab mo la lhag par mos pa ni bsgom pa la mchog tu gzhol ba'o/ /de la gnyis te/ de kho na nyid la gzhol ba dang/ mngon par gtogs pa la gzhol ba las 'dir ni dang po'i dbang du byas pa'o/ /de la phan par bya ba ni des mchog gi dngos grub thob par bya ba'i phyir zhe'o/ /rdo rje slob dpon ston pas bshad du gsol zhes pa ni bdag cag gi sems kyi som nyi bsal du gsol zhe'o/ /de skad ces dris pa dang/ lan btab pa/ de bzhin gshegs pa thams cad kyi man nga ni nus pa khyad par can gang la yod pa de la de skad ces bya'o/ /de nyid gang zag thams cad kyi thun mong gi spyod yul yin nam snyam pa la/ kha phyir bltas pa rnams kyi spyod yul ma yin pa zhes pa ni kha phyir bltas pa ni gnyis te/ spyi'i dbang du byas pa dang/ bye bra gi dbang du byas pa'o/ /de la spyi'i dbang du byas pa ni phyi rol mu stegs pa sangs rgyas kyi bstan pa dang zhe bkras pa/ log pa'i bdud kyis bslus pa/ dam pa ma yin pa bsten pa/ dam pa yang dag par spong ba ste/ de'i yang yul ma yin no/ /bye bra gi
- 327a
dbang du byas pa ni 'phags pa nyan thos dang/ rang rgyal ba dang/ sa dang pha rol tu phyin pa la gnas pa'i yang ma yin no/ /de bas na gsang ba 'dus pa spangs pa'i bya ba'i rgyud dang/ spyod pa'i rgyud dang/ gnyi ga'i rgyud dang/ bla na med pa'i rgyud gzhan la gnas pa'i yang ma yin no/ /de ci'i phyir zhe na/ de dag ni 'di'i rigs can ma yin te/ gang rigs can ma yin pa de ni 'di la 'jug par mi byed do/ /gang ma zhugs pa des ni nyon mongs pa spyod bar mi 'gyur ro/ /gang gis nyon mongs pa ma spangs pa des ni 'bras bu rnam pa gnyis thob par mi byed do/ /de bas na de dag kyang phyir bltas pa yin no/ /'o na dge slong dag pa gang zhig gis/ gsang ba mchog gi spyad par bya zhes bya ba ci zhig ce na/ de ni dge slong gi bslab pa dang bral bas ma yin gyi dge slong gi bslab pa la gnas pa des 'grub par 'gyur ro/ /de ci'i phyir zhe na/ de ni gzhi dang ma bral ba'i phyir ro/ /'o na dge slong gi bslab pa la mi gnas pa'i gang zag gis mchog 'grub bar 'gyur gyi/ dge slong gi bslab pa la gnas pas ni ma yin no/ /zhes 'byung ngo zhe na ma yin te/ mi gnas pa zhes bya ba ni gnyis te/ spangs nas mi gnas pa dang skyes nas mi gnas pa'o/ /de la spangs nas mi gnas pa ni dper na lha sbyin grong khyer dang bral na grong khyer na mi gnas pas te/ de lta bu ni ma yin no/ /'di ni skyes nas mi gnas pa ste skyes bu bong tshad khru gang la gnas pa ma yin zhes pa lta bu'o/ /de bas na 'di ni bogs phyung ba'o/ /mi gnas zhes bya ba ba 'di yang sgra bye brag med pa yin te/ bcom ldan 'das kyis bka' stsal ba rigs kyi bu mo mi gnas pa zhes bya ba ni sgra bye brag med pa ste/ gnas skabs kyis shes par bya'o/ /gnas skabs kyang gang du shes par bya zhe na/ 'di ltar
- 327b
dge ba'i gnas skabs su mi dge ba spangs nas mi gnas /dge ba bogs phyung ste mi gnas so/ /mi dge ba'i gnas skabs su de las bzlog ba'o/ /gang de la phan pa ni theg pa chen po gsang ba 'dus pa rnal 'byor ro/ /yul ma yin pa ni de las gzhan pa'i rigs so/ /de bas na gsang ba 'dus pas ni thams cad grol na thabs gzhan yang don med par 'gyur ro/ /shin tu zab pa ni rtogs par dka' ba'o/ /sangs rgyas rnams kyi spyod yul ni sangs rgyas kyis mkhyen pa yul du gyur pa'o/ /de gang yin zhe na sems te/ don la sems pa dang/ sna tshogs pa'i phyir ro/ /sems de yang mtshan nyid ji lta bu zhe na/ gnas med pa zhes bya ba la sogs pa gsungs te/ go sla'o/ /de nyid gang las gsungs she na/ rgyud thams cad bstan pa zhes bya bas bstan to/ /'o na sems kyi mtshan nyid de'ang gang la brten nas shes par bya zhe na/ rdo rje theg pa la gnas nas sangs rgyas nyid thob par 'dod pa zhes pa la rdo rje theg pa ni shes rab dang snying rje khyad par can nyid lam du bshad do/ /de la gnas pa ni sgrub pa po nyid do/ des thob par bya ba gang yin zhe na/ 'bras bu sangs rgyas nyid de/ zag bcas dang zag med kyi sa bon spangs pa dang/ rgyas pa'i sangs rgyas/ /thob par 'dod pa ni rag las pa ni rag las pa'i tshul gyis 'brel pa'o/ /des gang la brten zhe na/ dge ba'i bshes gnyen pa bla ma dam pa la brten cing bla ma mnyes par bya'o/ /bla ma las kyang ci btsal zhe na/ rang gi sems kyi ngo bo nyid des/ sems kyi rang bzhin bla ma la brten nas shes par bya'o/ /zhe'o/ /bla mas kyang gang la brten zhe na/ de bzhin gshegs pa'i rgyud la brten nas shes par bya'o/ zhes bstan pa'i phyir ji skad du bcom ldan 'das kyis zhes bya ba la sogs pa gsungs te/ rigs kyi bu zhes pa ni bod pa'o/ /mnyam par bzhag pas rang gi sems so sor rtogs shig ces pa ni legs
- 328a
par lung bstan pa ste/ mnyam par bzhag pa ni bsgoms pa'o/ /des rang gis sems so sor rtogs shig ces pa ni sems ji lta bu yin pa shes par gyis shig pa'o/ /de nyid gang la brten nas rtag snyam pa la/ dpal rnam par snang mdzad ces bya ba la sogs pa smos te/ byang chub kyi don dam pa'i bden pa'o/ /de nyid gang yin snyam pa la/ rang gi sems yang dag pa ji lta ba bzhin du yongs su shes pa ste/ rgyu dang 'bras bu mi dmigs pa la sogs pa'o/ /'o na sems de yang gcig gam du ma zhe na/ gcig pa ste de yang las shes she na/ sde snod gsum gyi tshul las shes pa la sogs pa smos te/ gcig pu 'gro zhing ring du rgyu zhes pa ni sems ni gcig pu yin te/ bgrang ba'i rdzas dang bral pa'i phyir ro/ /de skad cig kyang gnas par mi byed pas 'gro ba'o/ /gang du zhe na ring du ste/ nyi ma bdun gyi las yang skad cig tsam gyis phyin par byed pa ste/ de'i phyir de la de skad ces bya'o/ /gang na gnas she na/ lus kyi phug ni snying gi dbus su'o/ /lus med dbang po ni rang gi sems te/ thams cad la dbang byed pa nyid dang/ bstan du med pa nyid dang/ thogs pa med pa nyid kyi phyir yang ngo/ /gdul bar dka' ba'i sems kyang de nyid de/ ri gzar po'i chu bzhin no/ /de gang gis 'du ba zhe na/ yang dag pa'i chos dge ba'i phyogs su gtogs pas 'dul bar byed de/ gtul nas ces 'gyur zhe na/ bdud kyi bcings las grol bar 'gyur te/ phung po'i bdud dang 'chi bdag gi bdud la sogs pa las grol zhing chos kyi sku yang myur du thob par 'gyur ro zhes bya bar dgongs so/ /de bas na zhes bya ba ni de'i phyir ro/ /gong ma dang 'brel to/ /sgyu ma lta bu'i ting nge 'dzin mngon sum du byed par 'dod pa shes pa ni chos kyi sku thob par 'dod pas shes sbyar ro/ /
- 328b
ci byed ce na g.yeng ba dang sgrib pa thams cad spangs te zhes pa ni 'du 'dzi dang/ rtog pa dang/ nyon mongs pa dang shes bya'i sgrib pa thams cad spangs pa ste zhe'o/ /des kyang chog pa mi 'gyur ba'i phyir/ rdo rje slob dpon mnyes par byas te/ zhes pa ni rdo rje sems dpa' dang 'dra ba'i slob dpon yin pa'i phyir ram/ yang na rdo rje dang 'dra bar slob pa'i phyir ro/ /de mchod pa ci'i phyir zhe na/ shin tu drin che ba'i phyir ro/ /drin yang gang zhig yod ce na/ de bzhin gshegs pa thams cad kyi man ngag yang ngag pa thob pa ste/ de bzhin gshegs pa'i man ngag ni de bzhin gshegs pa thob pa'i thabs kyi man ngag go /de thob par byed pa ni rdo rje slob dpon no/ /rdo rje slob dpon gyis kyang gang gi rjes su 'brangs nas rtogs par byed ce na/ dpal ye shes rdo rje kun las btus pa zhes bya ba la sogs pa spros te/ bshad pa'i rgyud ni bshad pa'i rgyud ces rtsa ba'i rgyud ni ma yin no/ /de'i rjes su 'brangs pa ni de las rtogs par byed pa'o/ /gang rtogs par byed ce na/ rnam par shes pa gsum gyi rang bzhin te/ snang ba'i rang bzhin la sogs pa rtogs par byed ce'o/ /de yang rgyas par mi langkar gshegs pa las bstan pas de las 'jug par bya ste/ blo gros chen po zhes pa ni bod pa'o/ /sems la rtogs pa po gang zhig snyan pa la/ byang chub sems dpa' zhes smos so des kyang su'i sems la brtag par bya snyam pa la/ rang gi sems zhes bya ste/ rang gi ji lta ba bzhin la yang de ltar ro/ /ji ltar brtags nas shes par 'dod ce na/ gzung ba'i yul lo/ /'dzin pa'i sems so/ /dkar po la sogs pa rtogs pa 'di yang sems kyi las so/ /nga shes par 'dod pa ni khong du chud par 'dod pa'o/ /ji ltar bya zhe na/ spang bar bya ba spangs pas mthon bar 'gyur ro/ /spang bar bya ba 'ang gang zhig yin zhe na/ 'du 'dzi'i tshogs ni phyi rol gyi g.yeng ba'o/ /
- 329a
gnyid ni 'jug pa rang dbang med par sems sdud pa'o/ /sgrib pa ni nyon mongs pa dang shes bya'i sgrib pa ste/ thar pa mya ngan las 'das pa la sgrib pa'o/ /de med bar bya ba ni spang bar bya/ sems zhes bya ba nang du zhig ce na/ rnam par shes pa gsum ste/ snang ba la sogs pa'o/ /de yang rgyu 'am 'bras bu'i de nyid gang yin pa mi shes so zhe na/ mtho ris zhes bya ba la sogs pa smos te/ sa 'og dang sa steng la sogs pa yang sems kyi snang ba yin pas rgyur gyur pa'o/ /sems de yang dge ba dang mtshungs par ldan pa'i dus na mya ngan las 'das par yang snang ngo/ /mi dge ba dang mtshungs par ldan pa'i dus na 'khor bar yang snang ste/ dper na me long gi gzugs bzhin no/ /rgyu ba ni bcud kyi 'jig rten no/ /mi rgyu ba ni snod kyi 'jig rten no/ /gzung ba ni yul te/ gzugs la sogs pa'o/ /de la 'dzin pa ni sems te mig gi rnam shes la sogs pa'o/ /rten cing 'brel bar 'byung ba'i yan lag bcu gnyis ni ma rig pa nas rga shi'i bar te/ shing rta'i 'khor lo bzhin 'khor ba'i phyir ro/ /dge ba ni dad pa la sogs pa ste/ bde ba'i rgyur gyur ba'i phyir ro/ /mi dge ba ni 'dod chags la sogs pa ste/ sdug bsngal gyi rgyur gyur pa'i phyir ro/ /gzhan go sla'o// de dag kyang sems las byung bas sems rgyur gyur pa'o/ /de yang sems las tha dad pa 'am gcig pa yin zhe na/ gnyi ga'i rnam pa ma yin pa'i phyir/ bzang skyong zhes bya ba la sogs pa smos te/ 'khor ni ma rig pa nas rga shi'i bar du ste/ 'khrul pa'i stobs kyis 'khor ba'i phyir ro/ /las de las gzugs can ma yin pa ni bstan du med pa'i phyir ro/ /'o na sa bon gang las byung zhe na/ rnam par shes pa las mngon par grub pa ste/ de las gzhan ba'i rgyu ni med do/ /de ni spyir
- 329b
bstan pa ste/ khyad par gyi dbang du byas ste bshad pa/ lus kyi 'khrul 'khor ni lus kyi skye ba'o/ /rnam par shes pa'i khams ni dmigs pa rnam par rig pa dang/ byed pa med pa'i phyir ro/ /lus sna tshogs la 'jug pa ni lus thams cad skyed pa la byed pa'o/ /'o na de nyid byed pa por 'gyur ro/ /zhes ma yin te/ rnam par shes pa'i khams 'di ni lus skyed par byed pa'i phyir byed pa po yang yin no/ /zhes pa ni lus bskyed pa'i gtan tshigs 'dis byed pa po yin te/ bdag dang 'dra ba ni med do/ /ci'i phyir zhe na/ gzugs can ma yin pa nyid dang/ mi rtag pa nyid dang ther zug ba ma yin pa nyid dang gcig ma yin pa nyid dang/ du ma ma yin pa nyid kyi 'ang phyir ro/ /'o na rnam par shes pa 'di gang la brten ce na rnam par shes pa'i khams 'di ni chos kyi dbyings la rten te/ gang rnam par dag cing mi gnas pa'i phyir dang/ de las 'byung ba dang/ de la 'jug pa nyid gyi phyir ro/ /de'i phyir mi zad pa ni khams gzhan las khyad par du gyur pa'i phyir ro/ /rnam par shes pa yang blo ji lta bu zhig yin zhe na/ blo phun sum tshogs pa ste/ blo mchog dang ldan pa'o/ /de ci'i phyir zhe na/ sngon gyi lus kyi gnas rjes su dran pa'i phyir te/ sngon gyi gnas rjes su dran pa'i shes pa yin pa'i phyir ro/ /de'i dpe bstan pa rnam par shes pa'i khams 'di ni zhes bya ba la sogs pa ste/ go sla'o/ /de nas rnam par shes pas lus ji ltar len pa mi shes nas dris pa/ rnam par shes pa lus las 'pho ba de'i rang bzhin ji lta bu lags shes pa ni rnam par shes pa lus yang dang yang du len pa ji ltar len zhes bya ba'i tha tshig go / de'i lan du ma rig pa dang mtshungs par ldan pas dman pa'i lus len te/ /shes rab mchog dang mtshungs par ldan pas mchog gi lus len to/ zhes bya ba ni lhag ma'o/ /'o na rnam par shes pa de sus bstan par nus she na/ de bzhin gshegs pas
- 330a
bstan par bya ba yin te/ zhes pa ni rnam par shes pa 'di ni shes rab mchog dang ldan pa'i phyir de bzhin gshegs pas bstan pa'o zhes pa dang/ rnam par shes pa 'di ni gzhan gyi yul ma yin pa'i phyir de bzhin gshegs pas bstan pa'o zhe'o/ /de bzhin gshegs pas bstan pa dgos pa ci'i phyir snyam pa la/ de bzhin gshegs pa ma gtogs pa gzhan med do zhes pa ni de bzhin gshegs pa ma gtogs par rnam par shes pa ston pa gzhan gyis ni mi nus so/ /gang gi tshe rnam par shes pa ma bstan pa de'i tshe ni rnam par shes pa shes par mi 'gyur ro/ /rnam par shes pa ma shes pa de'i tshe ni chos thams cad mi shes par 'gyur ro/ /chos thams cad mi shes pa de'i tshe ni bsgom pa yang med/ spong ba yang med/ 'bras bu thob pa yang med do/ /gzhan go sla'o/ /rgyal po'i bu gzhon nu sman chen ni skabs 'dir sdud pa'o/ /tshe rabs lnga brgya'i zhes bya ba 'dis ni log par rtog pa bo dang/ log par rtog pa'i dus dang/ gang la log par rtog pa spong ba dang/ ji ltar rtog pa dang/ spong ba'i dus la sogs pa bstan to/ /de la rnam par shes pa zhes bya ba yang mi shes nas dris pa dang/ lan du sa bon gyi zhes bya ba la sogs pa smos te/ sems kyi sa bon gyi myu gu skyed pa ni go sla'o/ /ci'i phyir rnam par shes pa zhes bya snyam pa la/ dge ba'i las kyang rab tu shes so zhes bya ba la sogs pa smos so/ /gzhan go sla'o/ /de nas rnam par shes pa'i dbye ba rgyas par mi shes nas dris pa dang/ lan du rnam par shes pa ni 'od gsal ba las byung ba'o zhes pa ni don dam pa rgyu yin par bstan to/ /de nyid ni sems dang yid ces bya ste zhes pa ni sems 'di'i rnam grangs bstan to/ /kun nas nyon mongs pa ni 'khor ba'i chos so rnam par byang ba ni mya ngan las 'das pa'i chos so/
- 330b
de'i rtsa ba can ni de'i rgyu can te/ 'dis ni sa bon thams cad la bstan to/ /de bas na rnam par shes pa 'dis gzhan thams cad skyed do zhe'o/ /de las bdag dang gzhan du rtog pa rnam pa gnyis 'byung zhes pa ni sa bon bslang ba'i stobs kyis bdag dang bdag gi ba phra mo zhes rtog par 'gyur ro/ /rnam par shes pa de zhes pa ni zhon byed de/ gang la zhon zhe na/ rlung la zhon te dbang po'i lam du zhugs par byed do/ /rlung las cir 'gyur zhe na/ me di drod du 'bar ba'o/ /de 'dus pa las cir 'gyur zhe na/ 'du ba'i bdag nyid chu'o/ de las cir 'gyur zhe na/ rten par bya ba'i bdag nyid sa'o/ /de las cir 'gyur zhe na/ phung po lnga dang zhes bya ba la sogs pa smos te/ de nas sems las byung ba ni rnam par shes pa gsum zhes pa ni snang ba la sogs pa'o/ / yongs su gsal bar nyams su myong ba ni gzugs la sogs pa'o/ /des cir 'gyur zhe na/ rang bzhin rnams 'byung zhes pa ni 'dod chags dang bral ba la sogs pa 'byung bar 'gyur ro/ /de nyid gang yin pa dang/ dang por rnam grangs mi shes pas de'i log par rtog pa bsal ba'i phyir dris pa dang/ lan du/ bcom ldan 'das kyis zhes bya ba 'dis ni gsung ba po bstan to/ /shes rab dang thabs ni skyes pa dang bud med de shugs kyis ma ning yang nye bar mtshon pa 'am bstan pa yin la/ nye bar thob pa ni gsal ba ma yin no/ /gzhan go sla'o/ /de la snang ba la sogs pa rnam grangs bstan nas de nyid kyi mtshan nyid gang dang gang zhes dris pa dang/ lan du/ bcom ldan 'das kyis zhes bya ba gsungs te/ sems ni snang ba gsum mo/ kha dog dang dbyibs dang bral ba ni kha dog dang dbyibs med pa'o/ /nam mkha' i mtshan nyid can ni dpe 'god pa'o/ /nam mkha' bzhin du rnam par rtog pa dang bral ba'o/ zhes pa dang/ yang zhes bya ba ni bsnan pa'o/ /snang ba'i mtshan nyid ni sems gsum
- 331a
gyis mtshan nyid do/ /rjes su myong ba ni phyis myong ba ste/ rang bzhin zhe'o/ /so sor brtag par bya'o zhes pa ni ma 'dres par brtag pa'o/ /'di lta ste zhes pa ni 'di lta bu yin te zhe'o/ /dang po kun tu snang ba ni snang ba gsum mo/ /phyi nas rang bzhin zhes ba ni 'khrul pa'i rang bzhin te de las 'byung ba'o/ /snang ba zhes bya ba la sogs pas ni rnam pa'i dbye ba bstan to/ /de la snang ba'i mtshan nyid gang zhe na zhes pa ni snang ba'i mtshan nyid mi shes nas 'dri ba ste/ mtshan nyid ni ci dpe gang dang 'dra zhes bya ba'i tha tshig go /rnam pa med pa'i rang bzhin zhes pa ni dkar po la sogs pa'i rnam pa dang bral ba'o/ /lus dang ngag med pa ni lus dang ngag mi dmigs pa'o/ /ji ltar zhes pa ni dper na zhes sbyar te/ ston gyi dus kyi nam mkha' ni ston gyi dus kyi nam mkha' bar snang ngo/ /dri ma med pa ni sprin med pa'o/ /de la zla ba shar ba ni mi gsal ba'i rnam par shes pa'o/ /de'i don yang gang yin zhe na rang bzhin gyi gsal ba'i rnam pa ste/ 'di la byed pa po ni med do/ / dngos po ma lus ba thams cad la dmigs pa ni rnam pa gnyis te/ dngos po'i dngos la dmigs pa dang/ dngos po'i chos nyid la dmigs pa'o/ /dngos po'i dngos la dmigs pa ni 'dir dpe snang ba'i dbang du byas pa'o/ /dngos po'i chos nyid la dmigs pa ni rnam pa gnyis te/ thob pa'i rgyu la dmigs pa dang/ chos nyid dngos la dmigs pa'o/ /thob pa'i rgyu la dmigs pa ni 'dir lam gyi snang ba'o/ /chos nyid dngos la dmigs pa ni 'bras bu'i snang ba'o/ /'di ni don dam pa'i byang chub sems shes pa ni 'bras bu'i snang ba'o/ /aM zhes bya ba ni brdar btags pa 'ba' zhig tu zad de/ 'di dag thams cad kyang lam gyi snang ba'i dbang du byas pa'o/ /de nas snang ba mched pa'i mtshan nyid bshad par bya ste/ gzung ba dang 'dzin
- 331b
pa'i rnam pa med pa ni yul dang yul can gyi rnam pa dang bral ba'o/ /lus dang ngag med pa ni gong du bshad do/ /ston gyi dus kyis nyi ma'i 'od zer gyis ni thams cad 'ju zhing gsal ba'o/ /de dang 'dra bar shin tu gsal ba ni dang po'i ngo bo nyid du gsal ba'o/ /dri ma med pa ni glo bur gyi dri ma dang bral ba'o/ /kun tu bzang po gnyis pa ni kun tu bzang po dang 'dra ba'o/ /rim pa gnyis pa ni kun rdzob ste/ gzhan go sla'o/ /snang ba thob pa gang zhe na zhes pa ni snang ba thob pa'i dngos po mi shes nas 'dri ba'o/ /nam mkha' i mtshan nyid ni nam mkha' i ngo bo nyid do/ /nam mkha' ltar rtog pa dang bral zhe'o/ /mtshams kyi smag la bab pa ni nam phyed kyi dus su'o/ /gzhan go sla'o/ /de ltar sangs rgyas thams cad kyi man ngag stong pa gsum gyis mtshan nyid bstan ces pa ni snang ba dang/ snang ba mched pa dang/ snang ba thob pa'i mtshan nyid 'khrul pa ni snang ba rang bzhin dang bcas pa 'byung ba'o/ /lam ni sku dang thig le la sogs pa la gnas pa'o/ /'bras bu ni don dam pa dang kun rdzob gnyi ga la dmigs pa khugs las ldog pa'o/ /dpe'i snang ba ni zla ba dang nyi ma dang/ mun pa lta bu'o/ /de la 'khrul pa'i snang ba gsum bshad par bya ste/ de la yang rnam pa gsum ste/ dus la bltos pa dang/ pho dang mo'i rten la bltos pa dang/ dbang po'i rten la bltos pa'o/ /de la dus la bltos pa ni mer mer po la sogs pa'i rim gyis 'khrul pa yang rim gyis 'byung ngo/ /pho dang mo'i rten la bltos pa ni brgya drug cu'o/ /mig la sogs pa'i dbang po la bltos pa ni brgyad cu phrag lnga dang drug tu 'gyur ro/ /gzhan go sla'o/ /de yang lung gang las shes zhes som nyir gyur nas dris pa dang/ lan du gsang ba 'dus pa'i rgyud phyi ma las gsungs te zhes bya ba la sogs pa smos te/ rkyen las byung ba gang dang gang zhes pa ni yul dang rnam par rtog pa de dang de zhes bya
- 332a
ba'o/ /dbang po ni dbang po lnga'o/ /yul ni gzugs la sogs pa'o/ /dbang po dang yul gnyis las skyes pa ni rnam par shes pa'i tshogs drug go /skyob pa ni ngan 'gro srid pa las skyob pa'o/ /gzhan yang rang bzhin gang las nyon mongs pa gang 'byung/ 'on te mi 'byung na ni ci'i phyir 'khrul pa zhes bya zhe na/ rang bzhin rnam pa brgyad cu las zhes bya ba la sogs pa smos te/ de la rang bzhin brgyad cu ni rtsa ba ste sa bon lta bu'o/ /nyon mongs pa dgu bcu rtsa brgyad ni khong khro ba la sogs pa ste/ 'di ni de las byung bas 'bras bu lta bu'o/ /de las gzhan 'byung bas lta ba drug cu rtsa gnyis ni 'jig tshogs kyi lta ba'i dbye ba ste/ 'di bsdus na ni 'jig tshogs su lta bar 'du bar 'gyur ro/ /des cir 'gyur zhe na/ log par spyang pa'i stobs kyis ngan song gsum du skye bar 'gyur ro/ /de nas dpe'i snang ba don dang bcas pa bstan pa'i phyir/ shes rab dang stong pa'i ye shes ni snang ba'i ye shes te/ de nyid kyi dpe bstan pa'i phyir zla ba lta bu ste/ gang gis snying ka'i thig le la blo gtod pa gang yin pa de la de skad ces bya'o/ /thabs kyi ye shes ni snang ba mched pa'i ye shes so/ /de'i dpe ni nyi ma'i snang ba lta bu ste/ gang gi 'od kyis gang la khyab pa de la de skad ces bya'o/ /snang ba nye bar thob pa'i ye shes ni yul dang sems la dbang thob pa ste/ mtshams kyi mun nag gi dpe 'god pa ste/ 'dir thams cad thig le gcig gi rnam par gyur pa gang yin pa de la de skad ces bya'o/ /de nas 'od gsal ba'i ye shes bshad pa rnam par shes pa gsum ni gong du bshad pa nyid do/ /ji lta bu'i rnam pa yin zhe na/ nam mkha' i mtshan nyid can ni nam mkha' dang 'dra ba'o/ /rnam pa med pa ni dmigs pa'i rnam pa dang bral ba'o/ /'gro ba dang 'ong ba dang bral ba
- 332b
ni 'gro ba dang 'ong ba med pa ste/ gang la dmigs pa dang bcas pa dang/ dmigs pa dang bral ba dang rnam pa dang bral ba gang yin pa de la de skad ces bya'o/ /de lta bu'i sems de ni sems nyid 'od gsal ba ste/ de ltar sems don dam par skye ba med pa/ 'gag pa med pa'i ngo bo yin na ji ltar don byed par 'gyur zhes 'dri ba bstan pa'i phyir ji ltar na nyin dang mtshan du lus la spro zhing sdud par byed ces pa ni ci'i phyir nyin dang mtshan du yul la spro zhing slar sdud ces pa'i tha tshig go /gang zhig 'dir mel tshe byed ces pa ni sems gang zhig rnam par rtog pa la sogs pa'i 'jigs pa sel bar byed pa mi rigs shes pa'i don to/ /ci'i phyir zhe na/ sems gzung 'dzin dang bral ba'i phyir ro/ /su zhig nam sems dpa' med par byed ces pa ni don la sems par byed pa po yang su zhig yin zhes pa ste/ de'i rnam pa dang bral ba'i phyir ro/ /'dod chags dang 'dod chags dang bral ba zhes bya ba la sogs pa 'dis ni 'dir sems rang bzhin med pa yin na ji ltar de las rang bzhin dang/ nyon mongs pa rnams dang/ lta ba rnams 'byung bar 'gyur zhes dris pa dang/ de dag thams cad sems rang bzhin med pa yin yang 'byung ba'i phyir/ rdo rje slob dpon gyis smras pa zhes pa ni lan 'debs pa'o/ /rnam par shes pa zhes bya ba la sogs pa ni bshad zin to/ /kyang zhes pa ni mi mthun pa'i rgyan no/ snang ba dang bcas pa ni yul dang bcas pa ste/ 'di ni kun rdzob tu bshad do/ /rlung gi khams dang lhan cig mel tshe byed ces pa ni/ rlung la shes pa zhon nas de mel tshe byed pa'o/ /rlung gi mtshan nyid kyang ji lta bu zhe na/ gzugs med pa ste gzugs rags pa'i rnam pa dang bral pa'o/ /de'i las bstan pa'i phyir g.yo zhing bskyod pa la sogs pa zhes bya ba la sogs pa ston pa ni yang ba nyid dang g.yo ba nyid dang/ rang la yod pa ni mtshan nyid do/ /des
- 333a
gzhan la de lta bu byed pa ni las so/ /de gang las shes she na/ rjes su dpag pa las te gang gi rtags la brten nas gang shes par byed pa de la de skad ces bya'o/ /rnam par shes pa zhes bya ba la sogs pa'i go sla'o/ /de skad ces bya ba de nyid kyang gang la brten nas shes par bya ba de nyid mi shes so zhe na/ de'i phyir rnam par shes pa 'pho ba'i mdo las zhes bya ba la sogs pa smos te/ rlung gi khams gzugs can ma yin yang zhes pa ni thogs pa dang bcas pa'i gzugs med kyang zhes pa'i don to/ /bstan du yod cing bzung du yod par snang ngo/ /zhes pa ni kun rdzob tu snang ba'o/ /gzhan go sla'o/ /rang rig tsam gyi ye shes ni zhes pa ni rang snang ba tsam gyi ye shes so/ /ji lta bu yin zhe na/ nam mkha' 'dra bar mtshan nyid med ces pa ni nam mkha' bzhin du dngos po'i rnam pa dang bral zhe'o/ /'o na dbye ba med dam zhe na/ 'on kyang de la dbye ba yod de zhes pa ni bzung 'dzin dang bral ba yin yang dbye ba yod do zhe'o/ /du zhen/ 'di la dbye ba ni rnam pa gsum mo/ / ci'i phyir zhe na/ nyin mo dang/ mtshan mo dang/ mtshams kyi bye brag gis zhes bstan pa'i phyir bar mtshams nyin dang mtshan mo'i bdag ces pa'o/ /don gang zhe na/ snang ba la sogs pa ste bshad zin to/ /de'i gzhi yang gang yin zhe na bshad pa'i phyir/ de'i gzhi yang bshad par bya zhes pa ni rnam par shes pa'i gzhi bye brag dang bcas te bshad do zhe'o/ /gang yin zhe na/ phra ba'i gzugs can ni rnam par shes pa'o/ /rlung dang ni zhes pa ni rlung nyid do/ /ye shes dag ni 'dres gyur pa zhes pa ni rlung dang shes pa 'grogs pa'o/ /dbang po'i lam nas byung nas ni zhes pa ni dbang po la brten pa'i rtsa las byung ba'o/ /yul rnams la ni dmigs par byed ces pa ni gzugs la sogs pa la dmigs pa'o/ /gang tshe snang ba
- 333b
ldan gyur ba zhes pa ni yul gyi rnam pa dang bcas pas so/ /nges cir 'gyur zhe na/ rlung gi bzhon pa ste/ shes pa rlung la zhon te nges de ltar 'gyur ro zhe'o/ /de las ci 'byung zhe na de tshe rang bzhin de thams cad 'byung ste/ 'khrul pa'i rang bzhin dang/ nyon mongs pa dang lta ba thams cad 'byung zhe'o/ /rang bzhin yang gang dang gang du 'byung zhe na rlung ni gang dang gnas pa/ rang bzhin de dang de 'byung 'gyur zhes pa ni rlung dang shes pa 'grogs te yul la dmigs pa las 'byung zhes bya ba'i tha tshig go /don 'di nyid gsal bar bya ba'i phyir zhes pa ni 'di kho na ste snang ba gsum mo/ /ye shes de yang ji lta bur 'byung ba yin zhe na/ ye shes skad cig ma ste/ rgyun ni ma yin no zhe'o/ /phyogs bcur rab tu khyab pa ni phyogs bcur rab tu khyab pa'o/ /de gang las gsungs she na/ dgongs pas bshad pa las gsungs she'o/ /de nyid mi shes nas dris pa/ ji ltar na ye shes skad cig mar 'byung ba yin zhe na zhes pa ni ye shes skad cig ma yin pa ci'i phyir zhes pa snye/ lan du/ skad cig ces bya ba'i bar du ste go sla'o/ /nam mkha' snang byed ces bya ba yang gang yin/ gang las log pa yin zhe na/ nam mkha' ni zhes bya ba la sogs pa smos te/ go 'byed pa'i don gyis ni nam mkha' ste gsal bar byed pa ni mthong bar byed pa ste/ gang gis sgrib par mi byed pa de la de skad ces bya'o/ /de dang 'dra ba yang gang yin zhe na/ shin tu gsal ba'i ye shes rtog pa dang bral ba'o/ /srin bu mo khyer ni ma yin no/ /zhes pa ni ldog pa ste mar me lta bu dang/ du ba yang ma yin zhes sbyar ro/ /snang ba g.yo ba yang gang yin zhe na/ khams phra ba ni rlung ste/ de dang shes pa stan cig tu 'jug pa'o/ /gzhan go sla'o/ /sems pa med pa gang yin zhe na zhes pa ni sems pa med pa'i rang gi mtshan nyid mi shes nas dris pa'o/ /ma rig pa ste zhes pa ni
- 334a
lan te/ gang gis gang gi rnam pa mi shes pa de ni ma rig pa'o/ /de las kyang ci 'byung zhe na/ de rnams ma lus par 'byung ste/ rlung las rang bzhin rnams 'byung bar 'gyur zhes pa'i don to/ /gzhan go sla'o/ /mi 'am ci'i rgyal po ljon pas zhus pa'i mdo las zhes pa ni mdo dang mi 'gal bar bya ba'i phyir ro/ /yang dag par rdzogs pa'i sangs rgyas ni mar me mdzad la sogs pa'o/ /thogs pa med pa'i ye shes mthong ba dang ldan pa ni mngon du gyur pa mchog gi ye shes dang ldan pa'o/ /de ci'i phyir zhes pa ni de nyid la the tshom du gyur nas dris pa'o/ /de'i lan du sems can thams cad kyi 'das pa'i sems rgyun zad ba ni log pa'i sems dang bral ba'o/ /gzhan go sla'o/ /sems dang sems las byung ba dang/ sems dang mi ldan pa la sogs de dag kyang gang gis rab tu shes she na/ de bzhin gshegs pas shes te thams cad mkhyen pa nyid gsum dang ldan pa'i phyir ro/ /de ltar shes pa'i phyir thogs pa med pa'i ye shes dang ldan zhes sbyar ro/ /thogs pa med pa'i ye shes bya ba yang sems can thams cad kyi sems dang de nyid sgyu ma tsam dang/ rang bzhin med pa dang chos kyi sku la sogs pa skad cig dang/ thang cig dang yul tsam dang/ mig btsums pa la sogs pa tsam gyis shes pa'i phyir ro/ /rigs pa 'dis na zhes pa ni gtan tshigs de'i phyir zhes pa'i tha tshig go /thugs kyi ting 'dzin la gnas pa ni sems la dmigs pa nyid do/ /smon pa po ni bdag go /smon lam ni smon lam nyid do/ /smon par bya ba ni 'bras bu mchog dang thun mong gi dngos grub pa'o/ /de spong ba ni de thams cad sems kyi snang ba tsam yin pa'i phyir ro/ /de ltar sems la dmigs pa cir 'gyur zhe na/ bdag la byin gyis brlab pa la mngon par phyogs pa ste/ sgyu ma lta
- 334b
bu thob pa 'am mngon du bya ba 'am/ bsgom par 'dod pa'o/ /rtsa ba'i rgyud las shes pa ni bshad pa'i rgyud ma yin pa'i nges par gzung ba dang bcas pa'i/ /mnyam par bzhag pas zhes bya ba ni ting nge 'dzin la snyoms par 'jug pas so/ /rang gi sems la so sor rtogs shig ces pa ni rang gi sems la nan tan du gyis shig ba ste/ rang gi sems dge ba 'am mi dge ba 'am lung du ma bstan pa 'am/ 'khor ba 'am mya ngan las 'das pa 'am/ blang bar bya ba'am dor bar bya ba 'am/ btang snyoms su bya ba 'am rdzas su yod pa 'am rdzas su med pa 'am zhes brtag par bya'o/ /de ltar bshad pa'i rgyud la brtan pa ni bshad pa'i rgyud dang mi 'gal bar byed pa'o/ /snang ba'i rjes su 'brangs pa ni snang ba la mngon par zhen pa'o/ /des cir 'gyur zhe na/ rang gi sems ji lta ba bzhin du ma rtogs pa ni sems kyi chos nyid mi shes pa'o/ /las su smra ba ni las dang las kyi 'bras bu yod par smra ba'i sems can dag go /'khor ba thog ma med pa'i rang gi rtog pa las byung ba ni thog ma med pa nas bsags pa'i bag chags kyis bsgribs pa'o/ /cing 'gyur zhe na/ dar gyi srin bu bzhin du ste/ rang gi 'ching bas bcings pa ni bar gyi srin bu lta bu'o/ /rang nyid kyi sdug bsngal gyis ni 'dir gzhan las byung ba ma yin par bstan to/ /sems la dmigs pas ni spong bar byed pa ste go sla'o/ /'di dag gis ni sems la dmigs pa spros pa dang bcas pa ste bshad do/ /'di dag kyang de nyid kyi rnam pa can gyi gang zag gi dbang du byas nas zla ba'i man ngag bshad do/ /gzhan la rag las pa'i dbang du byas te/ 'dir kun rdzob kyi bden pa la slegs par byed do/ /spyod pa bsdus pa'i spro na ma'i don 'di nyid du sems la dmigs pa'i the tshom yongs su gcod pa ni 'dir sems kyi ngo bo dang rgyu dang las dang 'khrul pa la sogs pa'i 'o/ /spyod pa bsdus pa'i 'grel ba las le'u bzhi pa'i bshad pa'o// //rdo rje slob mas
- 335a
gsol ba zhes bya ba la sogs pa 'dis ni sems dang sems las byung ba mdza' dag gi gdon shes par 'dod pa ste/ rnam par shes pa sna tshogs ni rnam par shes pa mdza' dag ces bya ba'i tha tshig go /rnam par shes pa gsum gyi rang bzhin snang ba ni gzugs med pa zhes pa ni rnam par shes pa gsum bstan du med cing thogs pa med pa'o/ /'o na rlung gzugs can yin no snyam pa la/ rlung gi khams kyang gzugs med pa zhes pa ste/ rlung yang kha dog dang dbyibs dang rnam par rig byed med pa'i phyir ro/ /'o na las gzugs can yin no snyam pa la las kyang gzugs med pa ste/ zhes pa ni dge ba dang sdig pa'i las la gzugs med do/ /gang gzugs med pa de la rnam par rig pa med gang la rnam par rig pa med pa de la bstan du med cing thogs pa med do zhe'o/ /phan tshun shes pa med pa ni tha dad pa ma yin pa'i phyir ro/ /lung gi tshig las stong pa nyid du gsungs shes pa ni bka' las rang bzhin med par yang bshad ces pa'i don to/ /gzhan go sla'o// de la dang po kho nar zhes pa ni thog ma nyid du'o/ /dge ba dang mi dge bar ni spong ba dang 'jug pa ste/ ma byin par len pa dang 'dod par lta ba thug gi bar du'o/ /de'i rang gi mtshan nyid ni de'i rang bzhin rnam par bzhag par bya ba'o/ /de nyid kyang rgyas par bshad pa dge ba bcu ni nyon mongs pas bskyed pa'i mi dge ba spong ba bcu'o/ /de las bzlog pa ni spong ba ma yin pa ste/ dang du len par byed ces pa'i tha tshig go /'di dag kyang gang las 'byung zhe'o/ /lus dang ngag yid las kun tu 'byung ba'o/ zhes pa ste/ 'di ltar lus las ma byin par len pa 'byung ba la sogs pa 'og nas snyon par 'gyur ro/ /de yang gang las 'byung zhe na lus las 'byung ba'i phyir/ bcom ldan 'das kyi zhes bya ba la sogs pa gsungs te/ de la
- 335b
lus kyi nyes par spyod pa ni gsum mo/ /zhes pa ni ma byin par len pa dang/ srog gcod pa dang/ mi tshangs par spyod pa'o/ /ngag gi nyis par spyod pa bzhi ni tshig 'khyal pa dang/ ngag rtsub mo dang/ phra ma dang/ brdzun no/ /yid kyi gsum ni chags sems dang/ gnod sems dang/ log par lta ba'o/ /bdag la yang ci'i phyir mi dge ba zhes bya zhe na/ 'bras bu sdug bsngal bskyed pa nyid dang/ dam pas smad pa nyid dang/ g.yeng ba sna tshogs bskyed pa nyid dang/ bde ba'i skabs mi phyed pa nyid kyi phyir ro/ /de bas na 'dis mnar med pa'i sdug bsngal la sogs pa bskyed pa de yang mi dge ba las byung la de yang rab 'bring gi bye brag gis sdug bsngal gyi bye brag yod pa'i phyir ro/ /de bas na 'dis ni bde ba'i skyabs su dbye ba med cing sdug bsngal myong ba'i rnam pa gang yin pa de la de skad ces bya'o/ /de dag gi dbye ba yang du zhig ce na nyes par spyod pa ni gnyis te/ gang zhe na/ tha mal pa ni thams cad kyi thams cad du dge ba dang bral ba'o/ /lcib ni gang gis tshogs pa'i nyon mongs pa byed pa'o/ /lcib zhes bya ba de yang gang zhe na/ pha ma ni rang gi lus bskyed pa'o/ /bla ma ni dbang bskur zhing man ngag ston pa ste/ bla ma khyad par can no/ /de gsod pa ni mtshams med pa'o/ /rdeg pa ni nye ba'i las so/ /de las gzhan pa'i srog gcod pa dang/ ma byin par len pa la sogs pa ni sdug bsngal gyi rgyur gyur pa dang/ dam pa ma yin pa'i phyir tha mal pa'o/ /gzhan go sla'o/ /de ltar nyon mongs pa dbye ba dang bcas pa bshad nas nyon mongs pa'i rten gyi gang zag kyang gang yin zhen/ pha rol tu phyin pa drug rnam par 'dor ba ni pha rol tu phyin pa drug dang du mi len cing mi sbyor ba'o/ /yid shin tu rmongs pa ni rgyu dang 'bras bu dang de kho na nyid mi shes pa'o/ /de dang gang ldan pa de las nyon mongs pa 'byung bas 'di ni nyon mongs pa'i rten gyi gang zag go /nyon mongs pa'i 'bras bu yang gang zhig yin zhen/ ngan 'gror
- 336a
mchog tu gzhol pa ni ngan 'gro la dga' ba ste nges 'bras bu mnar med pa la sogs pa thob pa'o/ /de bas na 'dis ni 'khor ba'i chos dang rgyu dang thabs dang 'bras bu bstan te/ nyon mongs pa sa bon dang bcas pa'i gang zag ni rgyu'o/ /ma byin par len pa la sogs pa ni thabs so/ /des ngan song gsum por skye ba 'di ni 'bras bu'o/ /des dge ba'i chos spong ba 'di ni las su dgongs te/ de ltar sems ma rtogs pas 'khor ba'i chos su 'gyur ba bstan nas/ da ni sems dben pa shes mya ngan las 'das par shes par bya ba'i phyir/ rang bzhin snang ba'i rim gyi zhes bya ba la sogs pa smos te/ rang bzhin ni 'khrul pa'i rang bzhin no/ /'khrul pa'i rang bzhin dang bral ba ni snang ba ste/ rim gyis zhes bya ba ni snang ba thob pa la thug pa'o/ /des cir 'gyur zhe na/ sems rnam par dben pa ni sems rtog pa dang bral ba ste/ gang gis nyon mongs pa rnams dang bral ba'i sems gang yin pa de la de skad ces bya'o/ /sems dben pa zhes bya ba yang ji lta bu yin/ ci dge ba 'am mi dge ba la dmigs pa 'am/ de'i rnam pa can zhig yin nam zhe na/ ma yin pa'i phyir lus dang ngag dang yid kyi legs par spyod pa ni dge ba bcu po ste/ ma byin par len pa spong ba la sogs pa'o/ /de la yang mi dmigs shing de'i rnam pa dang bral zhe'o/ /'o na nyes par spyod pa la rtog gam zhe na/ nyes par spyod pa ni mi dge ba bcu ste/ ma byin par len pa dang/ srog gcod pa la sogs pa la mi sems mi rtog go /gang gi phyir zhe na zhes pa ni sems rnam par dben pa dge ba dang mi dge ba la mi rtog pa de nyid ci'i phyir zhes pa'o/ /de'i lan du dge ba dang mi dge ba'i rang bzhin ni de'i mtshan nyid do/ /de gang las 'byung zhe na stong pa gsum las byung ste snang ba dang snang
- 336b
ba mched pa dang/ snang ba thob pa gsum las byung ba'o/ /gang gi stobs kyi ji ltar byung zhe na/ rlung gis bzhon pa'i dbang gis te/ shes pa rlung la zhon zhing rlung dang lhan cig tu 'byung bar byed pa'o/ /de yang dus ci tsam du 'byung zhe na skad cig sdang? cig la ste/ mig btsums pa la sogs pa'i bar du'o/ /byung nas kyang ci byed ce na/ yul rnams rjes su myong nas te gzugs la sogs pa dmigs shing tsho ba nyams su myong bar 'gyur ro/ /de nas gar 'gro zhe na/ yang dang yang du 'od gsal bar 'jug par 'gyur te/ dus thams cad du 'od gsal ba rang bzhin gyis dag pa'o/ /zhes pa 'dis shes pa rang bzhin gyi 'od gsal bar bstan to/ /de ltar shes nas lam gyi snang ba gsum la blo gtad pas dri ma dang bral ba'i 'od gsal ba thob par 'gyur ro/ /de bas na dge ba'i rten can gyis ni rgyu bstan to/ /de nyid lam gyi snang bas ni thabs bstan to/ /snang ba god pa dang 'od gsal bas ni 'bras bu bstan to/ /rang bzhin dang 'khor ba'i chos kyis ni 'di'i spang bar bya ba'i mi mthun pa'i phyogs bstan to/ /de nyid kyang gang las shes snyam pa la/ dgongs pa bla na med pa las shes bya ba la sogs pa smos te/ 'dir ji skad du bshad pa de skad du/ dgongs pa bla na med pa las bshad ce'o/ /ji ltar sprin ni sna tshogs shing zhes pa ni dus dang khyad par gyi sgo nas sprin sna tshogs pa ste mang po'o/ /de dag kyang gang zhig gi dang du gcig pa 'am tha dad ce na/ kun rdzob tu tha dad pa'o/ /gang gi tha dad ce na/ mdog dang dbyibs kyis tha dad pa ste/ dkar po dang ljang gu'i bar dang/ gru bzhi dang zlum po la sogs pas tha dad pa'o/ /tha dad pa de yang dus rnam pa thams cad du tha dad pa 'am 'on te ma yin zhe na ma yin te/ nam mkha' i dbyings su byung nas ni zhes pa ni med pa las byung ba'o/ /de nyid du ni thim par 'gyur
- 337a
zhes pa ni nam mkha' nyid kyi ngang du gnyis dang gsum gyi dbye ba med par 'gyur ro zhes bya bar dgongs so/ /des ni dpe bstan te/ de nyid kyi don bstan pa'i phyir/ de bzhin rang bzhin thams cad ni rang bzhin brgyad cu ngo ma lus pa'o/ /snang ba gsum gyi rgyu can ni snang ba gsum po las byung bas te/ 'di ni srid pa skye bzhin pa'i snang ba thob pa dang/ mched pa dang snang ba 'am/ yang na de las bzlog pa'o/ /ma lus yul la zhugs nas ni zhes pa ni rang bzhin ma lus pa gzugs dang sgra la sogs pa la zhugs pa'o/ /des cir 'gyur zhe na/ yul nyams su myong ste/ nyon mongs pa dang lta ba thams cad 'byung ste bshad zin to/ /de nas gang du 'gro zhe na/ 'od gsal bar yang 'jug par 'gyur te/ rang bzhin thams cad kyang rnam par dag cing spros pa dang bral bar 'gyur ro/ zhes bya bar dgongs so/ de lta bu'i don ma shes pa'i skyon bstan pa'i phyir/ de 'dra'i rang bzhin ma shes pas zhes pa ni gong dang 'brel te/ 'di ni rmongs pa'i phyir 'di ni gti mug gi rnam grangs so/ /mi shes mun pas khebs pa rnams ni sems dang sems las byung ba dang/ ma rig pa'i don mi shes pas she'o/ /de'i stobs kyi ci byas she na/ dge dang mi dge'i las byas nas zhes pa ni dge ba bcu dang mi dge ba bcu la spyad pa'o/ /des cir 'gyur zhe na/ 'gro ba lngar ni 'khor bar 'gyur te/ dge bas ni lha dang mir 'gyur ro/ /mi dge ba ni ngan song gsum du 'gyur ro/ /'o na sems can gang gis 'gro zhe na/ mtshams med la sogs byas nas / ni/ zhes pa ni pha ma dang dgra bcom pa la sogs pa gsod pa'o/ /gang du skye zhe na/ dmyal ba la sogs par 'tshed par 'gyur te/ dmyal ba yang yang sos dang/ thig nag nas mnar med pa'i bar du 'gyur ro/ /mtho ris kyang gang gi 'grub ce na/
- 337b
sbyin sogs dge ba byas nas ni zhes pa ni sbyin pa dang/ snyan par smra ba dang/ don spyod pa dang/ don mthun pa'am/ yang na pha rol tu phyin pa drug la sogs pa byas pas so/ /cir 'gyur zhe na/ mtho ris la sogs dag tu mchod de/ mi yul bzhi po dang/ rgyal chen bzhi'i ris dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed dang/ bsam gtan dang po la sogs par 'gyur ro/ /skye ba ji tsam gyi bar du 'grub ce na/ skye ba dpag med stong phrag ni skel pa dpag tu med pa stong phrag gcig dang/ gnyis dang gsum la sogs par skye ba len par 'gyur ro/ /de bas na skye ba de srid du lus de srid kyi sdug bsngal myong bar 'gyur ro/ /de ma rtogs pa'i gang zag la sogs pa'i mya ngan yod pa ni/ 'di ni zhes pa lus 'di dang sdug bsngal/ /'di'o/ /sngon las rnam smin ni dang po'i las kyi 'bras bu yin no zhes mya ngan byed do/ /su mya ngan byed ce na/ rmongs pa rnams ni mya ngan byed ces pa ni sems dben pa la rmongs pa ni 'dir rmongs pa'o/ /mya ngan byed ba ni sdug bsngal byed pa'o/ /'o na de gang gis shes pa de cir 'gyur zhe na/ shes pa'i yon tan bstan pa rang bzhin snang ba'i tshul can dag ces pa ni rang bzhin dang rgyu dang 'bras bu'o/ /de las cir 'gyur zhe na/ nyon mongs lta ba de bzhin skye ste rang bzhin dang/ nyon mongs pa dang/ lta ba la sogs pa snang ba gsum las skye bar shes pa'o/ /de'i ming ci zhe na/ gang zag de ni ye shes can zhes pa ni ye shes gsum dang ldan pa de la de skad ces bya'o/ /des cir 'gyur zhe na/ srid pa'i gzab las grol bar 'gyur zhes pa ni khams gsum gyi nyon mongs pa las grol bar zhes pa'o/ /de nyid kyang mdor bsdus pa yin pas/ de rgyas par gang las bshad ce na/ mi 'am ci'i rgyal po ljon pas zhus pa'i mdo las zhes pa la sogs pa smos te/ kha cig mdo dang 'gal ba'i rtog pa
- 338a
bsal ba'i phyir de skad ces bya'o/ /sems kyi spyod pa ni sems kyi snang ba'o/ /'dus ma byas pa ni rgyu rkyen dang bral ba'o/ /gzugs can ma yin pa ni gang la sgrib pa med pa de la de skad ces bya'o/ /de'i bzhon pa rlung dang gzugs can ma yin te/ chags pa dang thogs pa gnyis dang bral ba'i phyir ro/ /sems gcig de dang 'dra ba yang ma yin te/ 'jig rten thams cad kyi sems kyi rang bzhin shes pa de ni 'jig rten thams cad kyi sems kyang 'dus ma byas su shes pa'o/ /des cir 'gyur zhe na/ nyon mongs pa 'byung bar mi 'gyur te/ nyon mongs pa dang bral zhing mya ngan las 'das pa thob par 'gyur bar dgongs so/ /rigs pa'i don ni gtan tshigs kyi don to/ /'di ni nye bar byed par ste rigs pa 'am gtam tshigs 'di'i stobs kyis zhes bya ba'i tha tshig go /cir 'gyur zhe na/ thar pa la mngon par phyogs par 'gyur ro/ zhes sbyar ro/ /gzhan go sla'o/ /de bas na dge ba bcu yang 'dir ni spang bar bya'o/ /de yang gang las shes she na/ rdo rje gcod pa las shes bya ba la sogs pa smos te/ chos kyang spang bar bya na zhes pa ni dge ba bcu yang spang bar bya na zhes bya ba'i tha tshig go /chos ma yin pa ci smos te shes pa ni sdig pa byed pa lta ci smos shes pa'o/ /de'i lung de yang gzhung 'di dag mi mthun nam snyam pa la/ gsang ba 'dus pa zhes bya ba la sogs pa smos te/ dge ba bcu'i las kyi lam ni gzhi mthun pa nyid de ma byin par len pa spong bar byed pa bsam pa dang bcas pa ste/ bdag ni ma byin par len pa spong ba'o/ /thabs ni 'di yis spong ngo/ /spangs pa'i 'bras bu ni 'di lta bu zhig thob bo zhes bya ba'o/ /de ma spangs pas cir 'gyur zhe na/ ye shes spangs te mi rtog pa'i ye shes spangs ba'o/ /ci'i
- 338b
phyir zhe na/ gnyis la sogs pa la dmigs pa ni rtog bcas kyi shes pa ste/ rtog pa dang bcas pa dang/ rtog pa med pa'i shes pa ni gcig gis gcig spangs pa dang/ lhan cig par 'gal ba'i phyir ro/ /sems de yang gang yin zhe na/ dge ba'i bshad gnyen te/ 'bras bu mchog gang gis ster ba de la de skad ces bya'o/ /gzhan go sla'o/ /lung gzhan yang bshad pa/ sems dge ba'i bshes gnyen yin pa nyid kyang/ gang gis shes she na/ de'i phyir rab 'byor gyis gsol pa zhes pa ni sems dge ba'i bshad gnyen yin par shes par 'dod nas dris pa'o/ /chos thams cad dben pa dang stong pa la gsal na zhes pa ni chos thams cad rang bzhin med pa dang stong pa nyid lags na zhes pa'o/ /ji ltar sems can rnams la kun nas nyon mongs pa 'byung bar 'gyur/ zhes pa ni sems can yang rang bzhin med pa yin na kun nas nyon mongs pa lta ci smos zhes bya bar dgongs so/ /gal te kun nas nyon mongs pa'i ngo bo nyid yin na ji ltar rnam par byang bar 'gyur te/ gcig gis gcig spangs pa yin pa'i phyir ro/ /mi 'gyur ba nyid kyang ci'i phyir snyam pa la/ dben pa ni kun nas nyon mongs par mi 'gyur rnam par byang bar mi 'gyur te/ dben pa ni rnam par rtog pa thams cad kyis dben pa'o/ /kun nas nyon mongs pa dang rnam par byang ba ni rnam par rtog pa yin te/ rigs kyi bu gnyis su rtog pa 'di ni rnam par rtog pa'o/ /gnyis po 'di ni res 'jog tu rtog kyang rnam par rtog pa'o zhe'o/ /'o na dben pa dang stong pa nyid de yis gang dag sangs rgya 'am/ de las gzhan zhig gis sangs rgyas she na/ dben pa 'am spong ba nyid kyis sangs mi rgya zhes pa ste de nyid kyi rnam pa dang bral ba'i phyir ro/ /'og ma ltar na yang mi 'gyur te/ sangs rgyas nyid kyang yod pa ma yin la/ rgyu dang rkyen yod pa ma yin no/ zhes dris pa dang lan du rab 'byor de ji snyam du sems shes pa ni bsam pa?
- 339a
ci zhig yod ces pa ste/ bsam pa ni shin tu rig par dka' ba'i phyir ro/ /sems can rnams yun ring po nas ngar 'dzin pa dang nga yir 'dzin pa la spyod dam zhes pa ni thog ma med pa nas ngar 'dzin pa ni bdag tu 'dzin pa'o/ nga yir 'dzin pa ni bdag gi pha'o/ /bdag gi ma'o zhes 'dzin pa'o/ /de bzhin no zhes pa ni de lta bu yin no zhes pa'o/ /ngar 'dzin pa dang nga yir 'dzin pa de nyid 'o na yod pa zhig yin nam zhe na/ 'on kyang ngar 'dzin pa dang nga yir 'dzin pa stong pa yin mod ces pa ste/ don dam par ni chos thams cad bdag tu 'dzin pa dang bdag gir 'dzin pas stong pa nyid do zhe'o/ /'o na 'khor ba'i rgyu yang gang yin zhe na ngar 'dzin pa dang nga yir 'dzin pas sems can rnams 'khor ba na 'khor ram zhes pa ni bdag dang bdag gir 'dzin pas sems can rnams bcings te 'khor bar 'khyam pa ni 'khor ro zhes pa'o/ /'o na mya ngan las 'das pa zhes bya ba 'di gang zhig yin snyam pa dang/ gang las shes snyam pa la las kyi sgrib pa thams cad rnam par dag pa'i mdo las zhes bya ba la sogs pa smos te/ ci skye ba med pa/ skye ba 'am zhes pa ni sems nyid skye ba med par gnas pa di ci skye ba gzhan du skye ba 'am zhes pa'i don to/ /de ni ma lags so/ /zhes pa ni skye ba med pa skye ba la sogs par mi 'gyur ba'o/ /mi 'gyur kyang sems can dmyal bar gal te na 'gyur ro zhe na/ skye ba ma mchis pa nyid kyang ma mchis na zhes pa ni skye ba med pa nyid kyang rnam par dag na zhe'o/ /ngan 'gror mchi bar 'gyur ba lta ga la mchis zhes pa ni ngan 'gro dang ngan 'gror 'gro ba po yang mi dmigs zhes pa'i tha tshig go gzhan go sla'o/ /chos thams cad dge bar gyur na ngan 'gror 'gro bar mi 'gyur ram zhe na/ mi 'gyur te/ de yang gang las shes she na/ de
- 339b
bzhin gshegs pa'i mdzod kyi mdo las zhes bya ba la sogs pa smos te/ chos thams cad la ma dad pa med pas mngon bar dad cing lhag par mos na zhes pa ni dge ba'i chos thams cad dang/ sangs rgyas dang chos dang dge mdun la ma dad pa med cing/ le lo dang khong khro ba la sogs pa med pa'o/ /de ngan 'gror 'gro bar mi 'gyur ram zhe na/ sems can de yang ngan 'gror 'gro bar mi 'gyur te/ ngan 'gro thams cad kyi sa bon gtan nas spangs pa'i phyir ro/ /sa bon spangs pa nyid kyang ci'i phyir zhe na / dge ba'i chos dang ldan pa'i phyir te/ 'di ltar dge ba gang na yod pa de na nyon mongs pa mi 'byung la gang la nyon mongs pa med na de la ngan 'gro med de snang ba dang mun pa bzhin no/ /dge bas kyang nyon mongs pa spong ba nyid ci'i phyir zhe na/ nyon mongs pa rnams la phung po med de/ gang la phung po med pa de ni mi 'gro ba'i chos can yin pa'i phyir ro/ /'o na chos kyi sku nyid kyang gang gis thob par 'gyur zhe na/ nyon mongs pa thams cad rnam par dben pa ni nyon mongs pa dang bral ba'o/ /bral ba de nyid ni chos kyi sku'o/ /'o na 'khor bar ji ltar skye zhe na/ rgyu dang rkyen tshogs pa dang phrad pa las skye zhes pa ni rgyu dang rkyen tshogs pa dang phrad pa las shes pa skye zhes pa ste/ mig dang gzugs la sogs pa go rim bzhin no/ /skye ba de yang skad cig ma yin pa'i phyir 'gag par 'gyur te/ skad cig las mi gnas pa'i phyir ro/ /de bas na nyon mongs pa rnams 'jig pa'i chos can yin pas 'di ni 'jig pa'i chos can no/ /de ltar yang sngon gyi slob dpon rnams kyis ma gsungs so zhe na ma yin te/ slob dpon klu sgrub kyi zhal snga nas kyis gsungs zhes sbyar ro/ /klu sgrub nyid tshad ma ma yin no zhe na de bzhin gshegs pas de ltar lung bstan pa'i phyir ro/ /de'i don ni go sla'o/ /de ltar las kyi mdza' rnam par 'byed pa 'di bston pas ci byed ce na/
- 340a
sems can sdug bsngal gyi rgya mtsho la gnas pa rnams sgrol bar byed do/ /lung dang rigs pa dag gis zhes pa ni rgyu dang mdo dang mi 'gal ba dang/ mngon sum dang/ rjes su dpag pa dang/ grags pa dang/ rang gi tshig dang mi 'gal ba 'di nyid kyis mi 'gal bar byas pa'o zhe'o/ /lung gi gsung ba po yang gang zhig yin zhe na/ thugs rje chen po'i bdag nyid de/ de bzhin nyid las thugs rje'i stobs kyis gshegs pa gang yin pa des gsungs she'o/ /de yang gang la gzigs she na/ sems can sdug bsngal dpa' klong du lhung ba ni sdug bsngal gyi chu bos ded cing g.yengs pa'o/ /skyabs dang dpung chen po'i bdag nyid de/ de bzhin nyid las thugs rje'i stobs kyis gshegs pa gang yin pa des gsungs she'o/ /de yang gang la gzigs she na/ sems can sdug bsngal gyi dpa' klong du lhung ba ni sdug bsngal gyi chu bos ded cing g.yengs pa'o/ /skyabs dang dpung gnyen med pa ni mgon dang skyob par byed pa ma mthong ba la gzigs pa'o/ /gzigs nas ci byed ce na/ kun rdzob kyi bden pa'i tshul gyis shes pa ni sgyu ma lta bu'i sku yis so/ /nyon mongs pa'i ngo bo nyid yongs su shes pas zhes pa ni 'dod chags la sogs pa'i rnam pa yongs su shes pa'o/ /'dis ni gzhan gyi sems shes pa nyid du spang ba bstan to/ /shes nas kyang ci zhig mdzad ce na nyon mongs pa rnam par dag par mdzad pa ni nyon mongs pa spong ba'i thabs dpag tu med pa bka' stsal zhe'o/ /kun rdzob kyi bden pa de nyid la gnas pa yin nam zhe na/ don dam pa'i bden pas rnam par sbyangs nas 'od gsal ba'i ngang la snyom par zhugs zhes sbyar ro/ /las kyi mdza' ni las kyi mdza' te las kyi 'bras bu'o/ /de rnam par 'byed pa ni gsal bar byed pa'o/ /the tshom yang du skye zhe na/ las dge ba ma yin
- 340b
snyan pa dang dge ba med pa dang/ dge ba yang du yod snyam dang/ dge ba gang las 'byung snyam pa dang/ dge ba'i 'bras bu med snyam pa dang/ ma yin snyam pa dang/ 'bras bu du zhig yod pa dang/ lung dang 'gal ba dang/ mdo dang man ngag dang/ rigs pa dang 'gal? ba dang/ skyon la sogs pa la the tshom za ba de nges par gzung ba mdza' la gnas pa 'dis gcod pa de la de skad ces bya'o/ /dge ba la ji lta bar mi dge ba la yang de ltar te/ mi dge ba ma yin snyam pa nas mang du byas pa'i skyon la thug pa'i bar du de ltar nges bar gzung ba dang/ sems nyid rang bzhin med pa la the tshom za ba dang/ med na dge ba dang mi dge ba gang las 'byung snyam du the tshom za pa dang/ 'byung na dag pa ma yin snyam pa la sogs pa'i the tshom yang 'dis yongs su gcod par byed do/ /spyod pa bsdus pa'i sgron ma zhes bya ba'i bshad pa las le'u lnga pa rgyas par bshad pa'o/ /de nas sgyu ma lta bu'i ting nge 'dzin gang zag gang gi yin pa dang/ dngos po ji lta bu yin pa dang/ 'bras bu gang thob pa la sogs pa mi shes nas dris pa dang/ lan du lha'i de kho na nyid ni lha'i de kho na nyid do/ /bsam gyis mi khyab pa ni gzhung dang de'i rnam pa'o/ /sus gsungs she na/ sangs rgyas thams cad kyis bshad de/ 'gas bshad pa ni ma yin no/ /bla ma brgyud pa'i rim pa las 'ongs pa ni sangs rgyas kyi bka' de nyid bla ma las 'ongs pa yin gyi gzhan ni ma yin no/ /su'i yul yin zhe na/ sa bcu'i dbang phyug ni sa bcu'i byang chub sems dpa' ste/ de'i yang yul ma yin pa ni shin tu zab pa'i phyir ro/ /sa bcu zhes bya ba yang gang zhig yin zhe na/ chos kyi sprin spyi'i sa bcu ste/ des ni zung du 'jug pa slob pa la gnas zin pas ma yin no/ /'o na gang zhig yin zhe na chos kyi mchog chung du pa ste/ de la ma sbyangs pa'i phyir de'i yul ma yin no/ /'di la yang ci'i phyir sa zhes bya zhe na/ brten par
- 341a
bya ba'i phyir te/ 'di la brten nas gong mar bgrod pa'i phyir ro/ /bgrod pa dang longs spyod pa'i phyir yang sa zhes bshad do/ /de bas khong du chud bar bya'o zhes pa ni ngas khong du chud ba ji lta ba de ltar khyod kyis kyang khong du chud par bya'o zhes bya ba'i don to/ /rang gi sems ni rang gi shes pa ste/ don dang mthun pa ni yang dag pa'o/ /ji lta ba bzhin zhes pa ni ji ltar gnas pa'o/ /de yongs su shes pa ni rnam par ma rig pa ma yin pa'o/ /phung po khams dang skye mched rnams la yang med pa ni rang bzhin stong pa nyid kyi phyir ro/ /rang bzhin gyis stong pas ni bshig nas stong pa la sogs pa bsal ba yang yin no/ /sems tsam du snang ba ni dgag pa smos pa ste/ ma yin par dgag pa'o/ /sems de yang cir snang zhe na/ mtshan thams cad dang ldan pa'i lha'i skur snang ste/ thig le la sogs pa'i rnam pa las dran pa tsam mam/ rim gyis mtshan sum cu rtsa gnyis dang dpe byad brgyad cus brgyan pa'i lha'i skur langs pa gang yin pa de la de skad ces bya'o/ /de'i dpe gang zhig yin snyam pa la rmi lam la sogs pa ste/ sgyu ma dang rmig rgyu dang/ chu zla dang/ mig yor la sogs pa'i rnam pa 'dra bar lta bar bya'o/ /de yang gang gi sku yin zhe na/ sangs rgyas kyi yid kyi rang bzhin gyi sku ste/ 'di la gzung ba dang 'dzin pa'i rnam pa gzhan ni med de chu zla bzhin no/ /yang dris pa rten pa'i lus ni gzugs kyi phung po ste/ de med pa ni rnam par dag pa nyid do/ /de bas na sems kyang med de nam mkha' i me tog bzhin no/ /sems med na lus kyang med der sa bon dang myu gu bzhin no zhes lung gi tshig las gsungs pa ni bka' las bshad pa'o/ /sems gcig pus lha'i sku ji ltar rdzogs par 'gyur zhes pa ni sems rdzas su med pa las lha'i rdzas rnam pa gzugs can ji ltar 'byung bar/
- 341b
'gyur te/ mi 'gyur ro/ /'o na te lung de tshad ma ma yin na dmigs pa'i lta ba can rnams ni yod par lta ba'o/ /lung dang rtogs pa ni lung dang rig pa'o/ /de med pa ni de dang bral ba'o/ /des cir 'gyur zhe na/ yid ches par mi 'gyur ro ste/ nges pa'i shes pa mi skye'o/ /de bas na zhes pa ni de'i phyir bshad du gsol zhes sbyar ro/ /de'i lan btab pa/ mdo sde la sogs pa'i tshul la zhugs pa ni mdo sde dang rgyud dang rtog pa'i gzhung la gnas pa'o/ /bskyed pa'i rim pa la gnas pa'i sgom pa po ni las dang po ba'i gang zag go /des kyang shes par mi 'gyur ro zhes sbyar ro/ /gang shes par mi 'gyur zhe na/ yid kyi rang bzhin gyi lha'i sku ni gong du bshad pa nyid do/ /gang la rten nas mi 'gyur zhe na/ sgyu ma lta bu zhes bya ba la sogs pa'o/ /de bas na zhes bya ba ni de'i phyir te gong dang 'brel to/ /khong du chud par bya'o zhes bya ba gong dang sbyar ro/ /gang gi rjes su 'brang zhe na/ rnal 'byor gyi rgyud kyi rjes su 'brangs nas shes pa ni gang la ting nge 'dzin gtsor ston pa de la de skad ces bya'o/ /de'i rjes su 'brangs pa ni de la brten pa'o/ /ci byed ce na rdo rje sems dpa' rdzogs par 'gyur ba ni mtshan dang dpe byad du ldan pa'i sku rdzogs par 'gyur ba'o/ /de bskyed pa'i rgyu dang de la phan pa'i rkyen ni rgyu dang rkyen no/ /de khong du chud par bya ba ni de shes par bya yis shes pa'o/ /de la sgyu ma lta bu'i sku rgyu dang rkyen du bcas pa 'di yang ci don dam par yod pa kho na 'am zhe na/ ma yin te yang dag par na zhes pa ni don dam par zhes pa'o/ /sems ni snang ba'o/ /kha dog dang dbyibs dang bral ba ni kha dog dang dbyibs med pa'o/ /nam mkha' dang mnyam pa ni nam mkha' dang 'dra ba'o/ /'o na snang ba tsam du yang med pa ma yin nam zhe na ma yin te/ de lta mod kyi zhes pa ni de ltar rang bzhin med kyang zhes pa'o/ /snang ba tsam ni kun rdzob du'o/ /snang ba gsum po rlung la brten
- 342a
pa ni shes pa rlung dang lhan cig tu gyur pa'o/ /des na rlung gi rnam par shes pa bcings zhes pa ni don phyir te gong dang 'brel ba'o/ /rlung gis bcings zhes pa ni rlung gis 'khyam du bcug pa nyid do/ /gzhan ni bshad zin to/ /sman chen gyis dris pa'i lan gsungs pa/ rnam par shes pa'i rang bzhin ci lags zhes pa ni rnam par shes pa'i sku'i mtshan nyid ci 'dra zhe'o/ /de'i lan du sman chen zhes pa ni bod pa'o/ /sgyu ma mkhan gyi mi'i rang bzhin ni bdag gis ni sgyu ma byas pa'o/ /'di ni sgyu ma'i gzugs nyid de/ 'di la ni rta dang ba lang med do/ /'di la dbung bu chung gi tshogs dang/ stag dang/ seng ge la sogs pa med do/ /zhes rtog gi 'di ni ba lang ngo/ /zhes bya ba la sogs bar mi rtog go /mi'i grib ma chu'i nang du byung ba yang byis pa shed ma bye ba dag ni 'di ni mi yin te/ rkang lag dang mgo la sogs pa dang ldan pa'i phyir ma yin no snyam du sems kyi/ mkhas pa shes rab can ni de ltar mi sems so/ /mig dang nam mkha' i rang bzhin yang mig 'khrul pas rnam pa sna tshogs su snang ba dang/ nam mkha' 'o ji? las sbrul du snang ba lta bu'o/ /de bas na de ci 'dra ba de ltar srid pa'i rang bzhin yang 'khrul nas snang ba nyid do/ /skye ba med pa nyid kyis zhes bya ba ni skye ba dang bral ba'i rang bzhin kho nas thog mar 'chi bas byas pa'i gzugs blta bar bya'o/ /zhes bya ba ni gzugs rang bzhin med cing sgyu ma'i rnam pa ltar blta bar bya'o/ /gzhan go sla'o/ /rnam bar shes pa'i rang bzhin gyi gzugs kyi khyad par gyi dpe yang gang zhig yin zhe na/ rtsig pa'i ri mo me long gi nang du snang ba dang 'dra ste/ dper na skyes bu zhig gis rtsig pa'i ras sam/ 'jag ma la snang mdzad dam/ mi bskyod pa la sogs pa kha dog dang dbyibs su ldan pa byas te/ de'i gzugs brnyan me long gi nang du bstan na
- 342b
me long gi nang du bstan pa'i gzugs de la ni kha dog med dbyibs med ras dang rtsig pa dang 'jag ma med/ ma dang tshon gyi kha dog med/ sha dang khrag dang rus pa med de/ 'on kyang gzugs dang me long gi stobs kyis ji ltar yang snang ngo/ /de bzhin du zhes pa ni me long gi gzugs de dang 'dra bar zhe'o/ /rdo rje sku'i ngo bo nyid du bdag nyid sprul te/ zhes pa ni rim gyis sam cig car gyis rdo rje sems dpa' i sku'i rang bzhin du bdag nyid bskyed pa'o/ /ji lta bu zhe na/ rnam pa thams cad kyi mchog dang ldan pa ni rgyan cha dang kha dog la sogs pa thams cad dang ldan pa'o/ /sku lta bas chog mi shes pa skyes bu chen po'i sku blta bas mi ngoms pa'o/ /mtshan sum cu rtsa gnyis ni lces gdong khebs pa la sogs pa'o/ /de bzhin du dpe byad bzang po brgyad cus kyang brgyan pa ste/ bshad zin to/ /de dag kyang gang las shes she na/ rnam par snang mdzad mngon par byang chub pa'i rgyud las shes bya ba la sogs pa smos te/ 'ja' tshan lta bu'i lus ngag ni zhes pa ni 'ja' tshon la kha dog dang dbyibs la sogs pa dang ldan yang de nyid snang ba tsam na rnam par rtog pa dang bral ba bzhin du lha'i sku de yang snang ba tsam na rnam par rtog pa dang bral zhe'o/ /de yang gang gi sgo nas thob par 'gyur zhe na/ de nyid bsgoms pas thob par 'gyur te/ sgyu ma'i sku nyid bsgoms pas thob par 'gyur ro// zhes bya bar dgongs so/ /de'i rigs pa ni go sla bas ma bshad do/ /yang dris pa/ som nyi gyur pa gzhan 'ga' zhig kyang bdag la mchis shes pa ni yid ma ches par 'gyur ba gzhan dag kyang yod ces pa'o/ /gang yin zhe na yun ring por gnyid log pa ni skad cig ma bgrang ba las 'das pa'i bar du lus sems kyis bor ba'o/ /rmi lam du sum cu rtsa gsum gyi gnas su phyen ba rmis pa yin gyi snang ba ni ma yin no/ /sum cu rtsa gsum gyi gnas ni ri rab kyi steng gi lha'i khang pa dang rdzing bu dal
- 343a
gyis 'bab pa la sogs par phyin par rmis pa'o/ /yul phyogs gzhan ni sum cu rtsa gsum gyi gnas ma yin pa ste/ gling gzhan dang yul khams gzhan du phyin par rmis pa'o/ /'dod pa'i yon tan lnga nyams su myong ba ni gzugs la sogs pa'i bde ba dang sdug bsngal nyams su myong ste zhes pa'i tha tshig go /yang yul 'dir 'ongs nas zhes pa ni da ltar gyi gnas 'di nyid du 'ongs pa'o/ /ci'i phyir rmi lam dge ba dang mi dge ba'i 'bras bu thob par 'gyur zhes pa ni rmi lam bzang po rmis pas ni dge la/ ngan par rmis pas mi dge ba ci'i phyir zhes dris pa'o/ /gzhan go sla'o/ /de'i lan smras pa/ thog ma med pa'i dus nas yul la dngos por bltas pas shes pa ni sems dran pa dang po pa'i dus nas yul la bdag dang dngos po dang rtag pa la sogs par btags par bya'o/ /de'i the tshom bsal ba'i phyir zhes pa ni gzhung 'di nyid kyi dgongs pa bshad pa'o/ /gzhan go sla'o/ /rmi lam zhes pa ni nyon cig ces pa'i bar du ni lung bstan par dam 'cha' ba' o/ /phung po khams dang skye mched dbang la sogs pa zhes pa ni phung po lnga dang/ khams bco brgyad dang/ skye mched bcu gnyis dang/ dbang po lnga po 'di dag ni 'du shes sbyar ro/ /gar 'du shes na shes pa gnyis po ni gnyid log pa dang/ ma log pa'i shes pa 'di gnyis su 'du she'o/ /stong chen gyur pas gang zhig gnyid log ba zhes pa ni snang ba thob pa'i ngang du'o/ /rlung gi shugs kyis rmi lam mthong bar 'gyur zhes pa ni shes pa rlung la zhon nas gnas su phyin te rmi lam mthong zhe'o/ / rmi lam sad nas bye brag gzhan med pa zhes pa ni rmi lam sad nas gnyid log pa dang bye brag med do zhe'o/ /gzhan go sla'o/ /de nyid kyang lung gzhan las rgyas par bshad pa gang yod ce na/ las kyi sgrib pa thams cad rnam par dag pa'i
- 343b
mdo las zhes bya ba la sogs pa gsungs te/ dge slong zhes pa ni bod pa'o/ /ji snyam du sems zhes pa ni dri ba'o/ /gnyid log pa rmi lam na kun tu rtag pa'i tshe zhes pa ni sad pa'i dus bzhin no/ /'dod chags spyod pa myong ngam zhes pa ni yul dang rdzas dang chung ma la 'dod chags spyod pa myong ngam zhes dris pa dang/ myong lags so zhes pa ni lan btab pa'o/ /yang dris pa ni/ yang dris pa/ sems kyi 'dod chags spyad pa de khyod kyis ma shes sam zhes pa la/ 'di lus kyis spyod pa ni ma yin te/ yul gzhan dang ma phrad pa'i phyir ro/ /de bas na de ni sems kyis myong ba ste/ 'dod chags de ni sems tsam zhes 'byung ngo/ /myong la gso zhes pa ni de nyid kyi don rig pa'i sgo nas lan btab pa'o/ /rmi lam gyi sems dang gnyid ma log pa'i sems la tha dad pa mthong ngam zhes pa ni rmi lam dang gnyid ma log pa'i sems la tha dad pa ma yin par thugs la bzhag nas dris pa'o/ /lan du thugs kyis dgongs pa mkhyen nas tha dad du bgyi ba cung zad kyang ma mthong lags so zhes pa ni gnyis su med do zhes pa'i don to/ /yang dris pa/ chos thams cad ni rmi lam lta bu zhes pas ma bstan nam zhes pa ni ngas sngon de lhar bshad do zhes pa'o/ /de ltar lags so zhes pa ni rjes su dran pa'i sgo nas khas blangs pa'o/ /rmi lam dang 'dra ba zhes bya ba yang gang zhig yin de nyid mi shes so zhe na/ rmi lam dang 'dra ba ni rmi lam dang dbyer med pa'o/ /dbyer med pa yang gang yin zhe na/ gnyis su med pa'o/ /gnyis su med la gnyis su dbyer med so so ma yin tha mi dad do/ /dbyer med pa ni shin tu gcig pa nyid do/ /gcig pa zhes bya ba rtogs pa la gcig gam/ 'khrul pa'i shes pa la gcig ce na/ 'khrul pa la ni gcig pa ma yin te/ gnyis su brtags pa'i phyir dang ma 'brel ba'i phyir ro/ /rtogs pa la ji
- 344a
ltar gcig ce na/ 'di ltar gnyi ga sems kyi snang ba yin pa'i phyir dang/ 'khrul pa yin pa'i phyir ro/ /de nyid kyang gzhung 'di pa ma yin no snyam pa la yin no zhes bstan pa'i phyir/ gsang ba 'dus pa zhes bya ba la sogs pa smos te/ kye bcom ldan 'das zhes pa ni bod pa'o/ /'di lta ste zhes bya ba ni nye bar smra pa'o/ /dper na zhes pa ni dpe dgod pa'o/ /byang chub kyi sems ni gsang ba byang chub kyi sems so/ /de ci byed ce na/ de bzhin gshegs pa thams cad kyi ye shes 'byung bar byed pa zhes pa ni ye shes thams cad 'di la brten nas skye zhe'o/ /yang na byang chub kyi sems ni sems can la phan par 'dod pa ste/ smon pa dang 'jug pa'o/ /lus la mi gnas ngag la mi gnas sems la mi gnas so zhes pa ni gnas par bya ba dang gnas par byed pa ma yin pa'i phyir ro/ /'o na khams gzhan na gnas sam zhe na/ khams gsum mi gnas te 'dod pa'i khams dang gzugs dang/ gzugs med pa'i khams na mi gnas so/ / mi gnas kyang skye ba yod do zhe na/ skye ba med de gang 'phel ba med pa de la de skad ces bya'o/ /gzhan go sla'o/ /lung de dgongs pa can yin no zhe na/ ma yin te/ ye shes rdo rje kun las btus pa zhes bya ba rnal 'byor chen po'i rgyud las kyang gsal bar gsungs so zhes bya bar sbyar ro/ /sems ni snang ba'o/ /sems las byung ba ni snang ba mchad pa'o/ /de'i rnal 'byor chen po ni snang ba thob pa'o/ /bde ba chen po'i ting nge 'dzin ni sgyu ma lta bu'i sku'o/ /de yang ci'i phyir zhe na/ sgyu ma'i dpes nye bar mtshon pa'i phyir sgyu ma lta bu'i sku'o/ /sangs rgyas kyi zhing gang ga'i klung gi bye ma snyed ni sgyu ma lta bu'i sku 'di nyid kyi grangs bstan to/ /sgyu ma lta bu zhes bya ba la sogs pa'i de dag gis ni nges pa'i tshig 'di
- 344b
nyid rgyas par bshad do/ /gzhan go sla'o/ /kun rdzob ni rgyu rkyen dang ldan pa'o/ /de'i dbang du bden pas kun rdzob kyi bden pa'o/ /the tshom gcod pa ni ngo bo dang/ des tshig dang/ dbye ba dang/ rgyu dang/ rnam grangs dang/ bsgom pa'i dus dang/ dpe dang/ las dang/ mtshan nyid dang/ khyad par dang/ dbang dang mthar phyin pa'i tshad dang/ gang la phyogs pa dang/ mdo dang/ rgyud 'di pa dang/ 'di nyid rgyas pa dang/ rgyud dang/ rtog pa gzhan dang/ rigs pa la the tshom za ba 'dis gcod par byed pas de skad ces bya'o/ /spyod pa bsdus pa'i sgron ma'i 'grel pa las le'u drug pa'i bshad pa'o// //de nas 'od gsal ba don dam pa'i bden pa la gang zhig the tshom du gyur nas 'dri ba kun rdzob kyi bden pa la ni som nyi ma mchis na zhes pa ni gong du bshad zin to/ /da ni zhes pa ni skabs su bab pa'i tha tshig go /rnam par dag pa ni gzung 'dzin dang bral ba'o/ /don dam par bden pas don dam pa'i bden pa ste ma nor ba'i bden pa'o/ /bla ma'i zhal snga nas kyi drin gyis shes par 'tshal lo/ /zhes pa ni bla ma la ma brten par ni gang yang shes par mi 'gyur ro/ zhes bya ba'i tha tshig go /de'i lan du kun rdzob ni gong du bshad do/ /don dam pa'i bden pa yang gang yin zhe na/ lus med pa ni lus dang bral ba ste/ lus nyid kyang rnam par dag pa'o/ /dpe med pa ni dpe dang bral ba'o/ /gang la tshad yod pa de la ni dpe yang yod na 'di la ni tshad med pas dpe yang med do/ /rtsom pa thams cad dang bral ba ni rtsom pa'i bya ba las 'das pa'o/ /rang gis rigs pa ni gzhan gyis rig par bya ba ni ma yin no/ /de yang gang las shes she na/ bla ma'i kha las shes she'o/ /gzhan las shes par mi 'gyur ram snyam pa la bla ma'i kha las bstan pa med par shes par mi 'gyur te go sla'o/ /de yang dpe las shes pa'i phyir/ ji ltar mar me zhes pa la sogs pa ste go
- 345a
sla'o/ /rigs pa 'dis shes pa ni gtan tshigs 'dis shes pa ste/ gang gtan tshigs dang bral ba des ni nam yang dngos po gtan la phebs par mi 'gyur ro/ /de bas na gang zhig gang gis gtan la phebs pa de ni de'i gtan tshigs yin no/ /sgra'i rnam pa las byung ba yin pas shes pa ni gang gis don dam pa rtogs par 'dod pa des ni sgra las shes par bya'o/ /de ci'i phyir zhe na/ sgra ni don brjod par byed pa'i bdag nyid yin pa'i phyir ro/ /'o na de lta na ni sgra'i brjod byar 'gyur ro zhe na ma yin te/ brda tsam gyis don shes par byed kyi/ 'di la don la brjod pa ni cung zad kyang med do/ /de bas na sgra dang don rang gi mtshan nyid la 'brel pa yang cung zad kyang med do/ /'on kyang 'dis don ston pa'i brda byed pa las dang po pas nyams su blang bar bya'o zhe'o/ /de bas na sgra yang bla ma'i kha la rag lus pas dang por bla ma mnyes par bya'o/ /sgras kyang gang ston zhe na/ thog ma dang tha ma med cing zhes pa ni thog ma dang tha ma dang bral ba ste/ thog ma ma grub tha ma ma grub ce'o/ /dngos po med pa'i zhes pa ni dngos po ni gzung ba dang 'dzin pa ste/ de dang bral ba ni dngos po med pa'o/ /de bas ni gang la dngos po dang mtshan ma med pa de ni dngos po dang bral ba ste/ stong pa nyid kyi rang bzhin no/ /de gang gi sgo nas gang gis ston ce na/ kun rdzob kyi bden pa'i mtshan nyid can gyi sgra gang yin pa'i ston te/ gang rgyu rkyen gyis bskyed pa'i sgra de la brten cing de'i sgo nas ston la de nyid kyang sgyu ma lta bu'o zhe na/ /don dam pa'i bden pa de yang ji lta bu'i rnam pa yin zhe na/ nam mkha' dang mnyam pa ni nam mkha' dang 'dra ba'o/ /ma bcos pa ni rgyu rkyen dang bral zhing byed pa po med pa'o/ /dri ma med pa ni rtog pa'i dri ma dang bral ba'o/ /de lta bu 'di yang gang las shes she na/ tshul gcig par bstan pa'i mdo las shes bya ba la sogs pa smos te/ don ni gong du bshad zin
- 345b
to/ de yang dbang gang dang 'brel pa de nyid bstan bar bya ste/ rgyu dang 'bras bu gnyis su med pa ni rgyu dang 'bras bu gnyis dang bral ba'o/ /de khong du chud pa'i slob mas yang ji ltar bya zhe na/ bla mas bstan pa'i lung thob nas shes pa ni 'di nyid kyi dus bstan to/ /rgyus las bshad pa'i cho ga ni yo byad dang rdzas dang 'khor lo sogs pas so/ /des ci byed ce na/ tshogs kyi dkyil 'khor byas la zhes pa ni tshogs kyi 'khor lo'i bya zhe'o/ /de nas nam phyed ni dus khyad par can no/ /legs par bslabs pa'i phyag rgya ma ni sngags skyes la sogs pa'o/ /lus dri zhim pos byugs pa ste/ spros la sogs pas byugs pa'o/ /rgyan gang gis brgyan ce na/ rgyan thams cad kyis te/ rkang gdub la sogs pa'o/ /de gang la dbul zhe na/ bla ma la phul te zhes pa ni rang gi slob dpon la dbul ba'o/ /gsang ba ni gsang ba'i mchod pa'o/ /de las gzhan pa'i mchod pa ni spos dang me tog la sogs pa'i mchod pas mchod pa'o/ /slob mas kyang lus kyi bya ba ji ltar bya zhe na/ pus mo gams pa'i lha nga sa la btsugs pa ni go sla'o/ /bsam pa yang ji ltar bya zhe na/ 'khor ba las skyob pa'i yid kyis shes pa ni 'di la brten nas dang dang gzhan thams cad ngan 'gro dang srid pa las grol bar bya'o snyam du bsams pa'o/ /mos pa'am bsam gtan ji ltar bya zhe na/ slob dpon la de bzhin gshegs pa mngon sum bzhin du bsam pa ni de'i gzugs kyi phung po la/ de bzhin gshegs pa rnam snang bzhugs shes pa la sogs pas bstan to/ /de'i dus su ngag gis kyang ji skad du brjod par bya zhe na/ mchog sbyin rdo rje mchog khyod 'dud ces bya ba la sogs bstan te/ de la mchog sbyin rdo rje ni gang gis byang chub kyi sems bdud rtsi bla na med pa ster ba de la de skad ces bya'o/ /yang dag pa'i mdza' ni 'od gsal ba ste/ de'i ngang du gyur pa de la de skad ces bya'o/ /stong nyid las byung zhes pa ni sprul pa'i sku'i rang bzhin dang/ longs spyod rdzogs
- 346a
pa'i sku'i rang bzhin du gyur pa'o/ /sangs rgyas byang chub ni sangs rgyas dang byang chub sems dpa' ste/ 'dir tshogs dang slob ma'o/ /de 'dud pa ni phyag 'tshal ba ste/ des ni kun gyis bkur bar bstan to/ /de ltar ? nas kyang ci byed ce na/ mngon par byang chub mthong ba ni 'od gsal ba ste/ de thob par 'dod pa'o/ /sangs rgyas kun gyis ye shes zhes pa ni sangs rgyas kyi ye shes la na med pa'o/ /de yang gang yin zhe na/ thams cad stong pa ste gzung ba dang 'dzin pa thams cad las grol ba'o zhe'o/ /rang bzhin mtshan nyid gcig pa nyid ces pa ni stong pa nyid kyi rang bzhin du dngos po thams cad kyi mtshan nyid gcig pa'o/ /sems dpa' chen po zhes pa ni slob dpon la bod pa'o/ /stsal du gsol ba zhes pa ni de bdag gis thob par mdzad du gsol zhes pa'o/ /'o na des ci byed/ yon tan ci zhig yod ce na/ las dang skye ba las rnam grol ba'i zhes pa ni las kyi sgrib pa las grol ba'o/ /de yang yun ring mo zhig na ma yin nam zhe na/ tshe 'dir byang chub thob pa zhes pa ni mthong ba'i chos 'di la thob pa'o/ /de yang nyan thos la sogs pa'i gnas su yang rnyed par mi 'gyur ram zhe na/ khyod zhabs pad+ma spangs nas ni/ gtso bo gzhan na skyabs ma mchis shes pa ni nyan thos la sogs pa'i gnas nas su yang bdag gi skyabs mi byed ce'o/ /de bas na 'gro ba'i dbang po thob chen po zhes pa ni sems can gyi don legs par spyod pa'o/ /de bas slob dpon gnang bar mdzod ces pa ni gnyis te/ bdag smin par 'dod pa dang/ gzhan smin par 'dod pa'o/ /bdag smin par 'dod pa'i skabs su khyod kyis bdag gi slob dpon gyis la bdag smin par gyis shig ce'o/ /gzhan smin par 'dod pa'i skabs su gzhan gyi slob dpon du rung bar mdzad du gsol/ dus dang nas bzang nas bdag sems can rnams kyi don byed par 'gyur ro/
- 346b
de ci'i phyir zhe na/ gsang sngags kyi spyod pa rmad du byung ba mi gnas pa'i mya ngan las 'das pa myur du thob par bya ba'i thabs 'di ni bdag gzhan thams cad kyi bya ba rdzogs par byed kyi bdag gcig pu'i ni ma yin no/ /'o na gzhan kho nas 'byu ro ang chen yang ma yin te/ dang por bdag gi cho ga yongs su rdzogs par ma byas par gzhan gyi don rdzogs par mi 'gyur ro/ /de ltar gsol ba ni gsol ba btab pa'o/ /dam par des ni zhes pa ni gsol ba btab pa de gsan pa'o/ /bla ma dbang ldan yon tan tshe zhes pa ni slob dpon yon tan mang po dang ldan pa'o/ /snying rje slob ma la bskyed de zhes pa ni slob ma snying rjes nye bar gzung ba'o/ /de bzhin rab tu dang ba ni bzhin mdzes pa'o/ /rang gi rtse bas rang dga' ba ni rang bu mo la lugs kyi bstan bcos kyi sbyor ba rtsom pa'o/ /dam tshig bzang po bstan pa ni sdom pa dpog pa'o/ /yang na gnyis su med pa'i sbyor ba byed pa'o/ /mnyam par bzhag pa yang de'i dus su ye shes kyi de bzhin gshegs pa thams cad snyoms par 'jug pa'i sbras bskul nas/ de'i byang chub kyi sems kyang 'bebs par byed do/ /de nas byang chub kyi sems gnas gang du dbab ce na/ bum pa 'am yang na dung chos su zhes bya ba la sogs pas bstan to/ /'di dag rgyas pa ni 'dir mi bri ste yongs su rdzogs pa gzhan du shes par bya'o/ /de'i man ngag bstan pa/ mngon par byang chub pa ni gong du bshad do/ /'di la gnyis yod pas na 'di ni rnam pa gnyis so/ /gang zhe na/ phyi dang nang gi ste/ gang ba bstan du yod pa de yi phyi'o/ /gang bstan du med pa de ni nang ngo/ /de la dang por phyi bstan par bya ste/ rtogs par zla ba nyid kyi phyir ro/ /tho rang gi zhes sa la sogs pa ni go sla'o/ /nang gi mngon par byang chub pa ni gang dang gang yin zhe na/ so sor rang gi dgos pa ni sems nyid 'od gsal ba'o/ /de'i rtag bstan pa dang po smig rgyu lta bu ni smig rgyu ba ni bzhin te de dang 'dra ba'o/ /de dang 'dra ba mthong ba yang de'i rtags te de'i
- 347a
rnam pa can gyi shes pa'o/ /'di dag gis ni slob pa'i dbang du byas pa'i 'od gsal ba bstan to/ /skad cig la 'od gsal ba ni skad cig gam thang cig la sogs pas 'od gsal ba mngon du 'gyur te/ dus ji srid mnyam par bzhag gi bar du chos thams cad rang bzhin med pa mngon sum du 'gyur ro/ zhe'o/ /de yang gan gis mthong zhe na/ ye shes kyi mig gis mthong ngo zhe'o/ /de nyid thob pa'i thabs rgyas par bshad pa/ bsam gtan rnam pa gnyis la dmigs par byed do/ /zhes pa ni 'og nas bstan to/ /de'i dpe bstan pa/ chu bo 'am lteng ka'i chu ni zhes bya ba la sogs pa smos te/ 'di dag gi don yang 'dus te/ rang bzhin med par byed pa nyid do/ /de'i ming ci zhe na/ ril por 'dzin pa zhes bya ba'o/ /ming gi rnam grangs ni gzhung rgyas pas 'jig pa nyid kyi phyir ma bshad do/ /de yang rang bzhin med pa gang las shes snyam pa la/ gsang ba 'dus pa zhes byang la sogs pa smos so/ /de yang dgongs pa can yin snyam pa la rnal 'byor chen po'i rgyud gzhan dag las zhes bya ba la sogs pa smos so/ /yan lag kun las rnam 'das shing zhes pa ni gang gis lus kyi yan lag dag cho ga'i yan lag thams cad dang bral ba'o/ /rtog pa'i tshogs rnams spangs nas kyang zhes pa ni gzung ba dang 'dzin pa'i rtog pa spangs pa'o/ /gug skyed thig le las 'das pa zhes pa ni de dag gi rnam pa dang bral ba'o/ /'di ni dkyil 'khor mchog yin no/ /zhes pa ni dkyil 'khor gyi rgyal po yin no zhe'o/ /gzugs dang gzugs med dri med la zhes pa ni bshad zin to/ /gzhan go sla'o/ /e ma ho sangs rgyas zhes bya ba la sogs pa ni shes rab ye shes kyi dbang gi don du gsol ba 'debs shing bstod ba'o/ /des gsol ba btab pas slob dpon gyi shes rab ye shes kyi dbang bskur ro/ /gzhan go sla'o/ /'od gsal ba 'di yang gang gi ngo bo ni rtog pa thams cad dang bral ba'o/ /rang bzhin gyis 'od gsal ba'i phyir dang rtog pa'i dri ma sel ba 'di ni gtan tshigs so/ /slob pa dang mi slob pa dang/ sems nyid dang dngos po'i
- 347b
'od gsal ba ni dbye ba'o/ /rnam grangs ni 'dir smos pa ste/ de la sogs pa'i rim pa 'dir smos pa rnams kyi the tshom za ba yongs su gcod pa gang yin pa 'di ni the tshom yongs su gcod pa'o/ /spyod pa'i bsdus pa'i sgron ma zhes bya ba'i 'grel pa las le'u bdun pa'i bshad pa'o// //de ltar le'u bdun par don dam pa'i bden pa rgyas par bstan nas/ da ni zung du 'jug pa'i rim pa bshad par bya ste/ de shes par 'dod nas dris pa/ don dam pa'i bden pa rtogs pa la ni som nyi ma mchis na zhes pa ni de'i don khong du chud pa'o/ / don dam pa'i bden pa la zhugs nas zhes pa ni de don dam pa'i bden pa'i ting nge 'dzin la rab tu gnas pa 'am/ de la sems rtse gcig pa'o/ /de las ldang bar bgyid ces pa ni gang gi stobs kyis stong pa nyid las lha'i sku sdang zhes pa'o/ /'dir mngon du phyogs pa ni gang zhig lags zhes pa la sogs pas rang gi the tshom du gyur pa thams cad dris pa dang/ de'i lan du 'od gsal ba las ldang ba'i rim pa ni lha'i sku 'byung ba rtogs par bya yis shes pa'i don to/ /gang la rten ce na/ gsang ba 'dus pa zhes bya ba la sogs pa smos te / bskyed pa'i rim pa ni dang po ma yin no/ /de ci'i phyir zhe na/ rdzogs pa'i rim pa yin pa'i phyir ro/ /'on dang po zhes bya ba 'di gang zhig yin zhe na/ rdo rje bzlas pa ste/ rten dang bskyed pa dang bcas pa'o/ /des sa gang thob ce na/ sa brgyad pa ste bzod pa 'bring po'i sa'o/ /rdo rje don ces bya ba las kyang/ rdo rje bzlas pa'i sar gnas nas/ bzod pa 'bring po thob par byed ces gsungs pa lta bu'o/ /sku gsung thugs mngon par rtog pa ni sku gsung thugs sems nyid kyi ngo bor shes pa'o/ /des sa gang thob ces na sa bcu ste/ sems la dmigs 'dis ni chos kyi mchog chung du 'am yang na 'bring po la reg pa'o/ /sgyu ma lta bu'i ting nge 'dzin gyis ni chos kyi mchog chen po la gnas par 'gyur te/ gzhan las bzod chen po nas chos mchog par gang des sems la dmigs pa dang/ sgyu ma lta bus thob par 'gyur/ /'og gi sa la
- 348a
rmongs pa yis/ /rab tu dga' sogs sa la 'dzeg /'grub par mi 'gyur dud 'gro bzhin zhes ba lta bu'o/ /'o na 'od gsal bas sa gang thob ce na/ rab tu dga' ba ste sa bcu'i dang po'o/ /'o na 'od gsal ba'i sbyor ba yis/ /bcu gsum sa la yang dag gnas zhes 'byung ba dang mi 'gal lam zhe na 'gal ba ma yin te/ de ni drod la sogs pa'i dbang du byas pa ste/ gang tshe tha ma'i drod gyur nas/ bzod pa chos mchog dbang du ni/ rab 'bring sbyor bas bcu gnyis te/ rab tu dga' ba bcu gsum mo zhe'o/ /zung du 'jug pa zhes bya ba 'dis sa'i khyad par du thob ce na/ rab tu dga' nas chos kyi sprin/ /gang gi rjes la thob pa rnams/ /zung 'jug gi ni sbyor bar byed/ /gzhan pa'i yul du 'gyur ma yin/ /zhes 'byung ba lta bu'o/ /de yang gang las gsungs zhe na/ langkar gshegs pa'i mdo las kyang zhes bya ba la sogs pa smos te/ snying rje ni sems can sdug bsngal dang bral bar 'dod pa'o/ /thabs mkhas pa ni byang chub kyi sems so/ /sems can gyi khams thams cad sgyu mar snang ba la sogs pa 'di ni go sla ba nyid kyi nyi ma bshad do/ /sgyu ma lta bu'i ting nge 'dzin la snyoms par zhugs pa ni de la gnas par mdzad pa'o/ /don dam pa'i bden pa ni 'od gsal ba'o/ /de ma thob pa ni mngon du ma gyur pa'o/ /des cir 'gyur zhe na/ phyin ci log yin te yang dag pa ma yin pa'o/ /de ci'i phyir zhe na/ zhes pa ni de nyid la the tshom du gyur nas 'dri ba'o/ /de'i lan du snang ba gsum rnam par dag par ma gyur pa ni de'i rtog pa ma spangs pa'o/ /des cir 'gyur zhe na/ rnam par shes pa'i kun tu rtog pa ni shes pa 'khor ba la sogs par rtog pa'o/ /nyon mongs pa zhes bya pa la sogs pa go sla'o/ /don ni 'di yin te/ gang du dngos po'i rtog pa dang ma bral ba de srid kyi bar du sdug bsngal gyi rgyu la zhugs shing de'i 'bras bu dang ldan pa yin no/ /zhes bya bar dgongs so/ /de yang gang las gsungs she na/ dpal mchog dang po zhes
- 348b
bya ba la sogs pa smos te/ 'dod chags rnam par dag pa ni 'dod chags sa bon dang bcas pa spangs pa'o/ /byang chub sems dpa' i gnas so zhes pa ni byang chub sems dpa' i sems bzhugs par bya ba ste/ gtso bo gang na 'dug 'gyur ba/ /de yi khyim ni nam mkha' nyid ces pa lta bu'o/ /slob dpon gzhan dag 'di mi 'dod do snyam pa la/ slob dpon kam pa la zhes bya ba la sogs pa smos te/ nang gi bdag nyid kyi/ sgrubs thabs ni zhes pa 'di ni nang la mchog tu gzhol ba'i gang zag gi dbang du byas pa'o/ sgra ji bzhin ni spom por bshad ces pa ni rags pa'i rnam par bshad pa'o/ /sems kyi rang bzhin ni phra pa ste/ zhes pa ni gting dpag dka' ba'i phyir ro/ /rnal 'byor pa rnams kyi mchog gi gnas so/ /zhes pa ni mchog sgrub pa'i rgyu'o/ /gzhan go sla'o/ /'di dag kyang rgyas par ni bsdus pa la dga' ba'i phyir ma spros so/ /'o na gnyis su med pa'i don de nyid kyang gang zhig yin zhe na/ rnam par shes pa gsum rnam par dag pa ni 'od gsal ba'o/ /de yang shes rab kyi pha rol tu phyin pa yang de nyid do/ /'dis 'khor pa'i chu bo las sgrol bar byed pa'i phyir ro/ /de yang mtshan nyid ji lta bu zhe na/ sems dpa' med pa ni bsam par bya ba dang byed ba med pa'i phyir ro/ /mi smra ba ni brjod pa las 'das pa'o/ /de'i ming ci zhe na/ mi gnas pa'i mya ngan las 'das pa khams shes te/ gang shes pas srid pa la mi gnas pa dang snying rjes zhi ba la mi gnas pa gang yin pa de la de skad ces bya'o/ /gzugs med pa ni gzugs yongs su dag pa'o/ /regs par dka' ba ni mthong bar dka' ba'o/ /las dang skye ba las grol pa ni sgrib pa gnyis spangs pa'o/ /de dag gis ni rtog pa la mi gnas pa'i stong pa nyid 'od gsal ba'i rim pa bstan nas/ da ni ldangs pa'i rim pa dpe dang bcas pa bstan par byas te/ nyi ma dang zla ba'i tshul ni snang ba mched pa dang snang ba'i dpe'o/ /de shin tu snang ba ni rtog pa med la snang bas snang ba thob par 'byung ste gang
- 349a
gis bdag gis 'od gsal la mngon du byas so snyam pa'i shes pa rags pa'i rtog pa dang bral ba 'byung ngo/ /de la nyi ma'i 'od kyis gsal ba ni don dam pa shes pa dang bral nas kun rdzob kyi dmigs pa'i snang ba mched pa 'byung bar 'gyur ro/ / de las bsal ba ni gong ma bas gsal ba ste zla ba'i 'od zer lta bu bsil ba ni zla ba'i 'od dang 'dra bar gang zhig rigs pa'o/ /yang na 'di dag ni don dam pa'i shes pa gsum po dag rim gyis ste/ ro myong ba'i rnam pa dang/ gzhan spong ba dang/ de rig pa'i ngo bo nyid do zhes pa la ngag 'dod do/ /de yang gang las 'byung zhe na/ dpal mchog dang po zhes bya ba la sogs pa smos te/ nam mkha' las ni nam mkha' 'byung zhes pa ni don chos kyi dbyings nam mkha' dang 'dra ba las ye shes nam mkha' dang 'dra ba 'byung zhe'o/ /de nyid kyis ji ltar rtog ce na/ thams cad stong pa nyid 'dus byas dang 'dus ma byas thams cad stong pa nyid du rtog pa'o/ /gzhan go sla'o/ /'di dag gi don ni 'od gsal ba'i rjes las skyes pa'i rtog pa thams cad slob pa'i dbang du byas pa'i zung du 'jug pas bslabs te/ de nyid gnyis su med pa'i ye shes kun tu 'od kyis la sangs rgyas nas thugs rje chen po dang smon lam gyi shugs kyis sku sna tshogs pa 'byung bar 'gyur ro/ /de ltar 'byung yang sku de la rnam par rtog pa ni gang yang yod pa ma yin no snyam du dgongs so/ /de lta bu'i don 'di nyid gsal bar bya ba'i phyir zhes pa ni de khong du legs par chud par bya ba'i phyir ro zhe'o/ /dpal gsang ba grub pa ni mtshan bstan pa'o/ /rang gis rigs pa ni rang gi ye shes so/ /gzhan gyi brjod las mi 'byung ste zhes pa ni gzhan gyi tshogs las mi 'byung ba'o/ /'o na gang las 'byung zhe na/ mos dang bsgoms pas rtogs 'gyur te/ zhes pa la mos pa ni nyan pa dang bsams pa'o/ /gang ting nge 'dzin rtse gcig pa 'di ni bsgom pa'o/ /des rtogs par 'gyur
- 349b
pa ni nges shes par 'gyur bar dgongs pa'o/ /'dis mi 'da' bar thob pas dam tshig go /de yang 'di las ma gtogs pa thabs gzhan ni med do/ /de nyid de nyid min spangs te zhes pa ni tha mal pa'i spyod pa sna tshogs pa spangs pa'o/ /mos pa'i bsam pas nyid mtshan du zhes pa ni gang gis gces spras su byed pa'i bsam pas nyin dang mtshan du de kho na nyid bsgom zhes/ des cir 'gyur zhe na/ zhi ba'i go 'phang bla na med ces pa ni rtog pa thams cad dang bral ba'i chos kyi sku thob pa'o/ /mchog tu mya ngan las 'das pa zhes pa ni khyad par du 'khor ba'i sdug bsngal dang bral ba'o/ /de yang longs spyod rdzogs pa dang sprul pa'i sku 'byung ba rkyen gang gis byas she na/ de dang de las smon lam mthus zhes pa ni chos kyi sku de las smon lam dang snying rje'i stobs kyis longs spyod rdzogs pa la sogs pa sna tshogs su snang zhe'o/ /gzhan go sla'o/ /dus ji tsam gyis 'byung zhe na/ skad cig thang cig tsam gyis byung ba ste zhes pa ni skad cig thang cig tsam gyis 'byung ngo/ /byung nas ci byed ce na/ spro dang sdud par byed pa ste zhes pa ni sku'i 'od zer la sogs pa'i stobs kyis so/ /gang la snang zhe na/ khams gsum 'di dag thams cad la snang zhe'o/ /'di dag gi don bshad zin to/ /gzhan go sla'o/ /de lta bu de yang gzhung 'di pa ma yin nam snyam pa la/ gsang ba 'dus zhes bya ba la sogs pa gsungs te/ e ma'o rdo rje ni chos kyi sku'o/ /e ma'o rdo rje ni longs spyod rdzogs pa'o/ /e ma'o rdo rje bstan pa sprul pa'i sku'o/ /gang du lus ngag sems med pa zhes pa ni gang la ji ltar snang ba de la lus mi dmigs ngag mi dmigs sems mi dmigs so zhe'o/ /sprul pa dang longs spyod rdzogs pa ston pa'i bka' de dgongs pa can yin no zhe'o/ /ma yin pa'i phyir rje btsun gyi zhal snga nas kyang zhes bya ba la sogs pa smos te/ khong stong khyod kyi lus la med ces bya ba la sogs pa'i don ni sprul pa'i sku ni chu'i zla ba dang 'dra bar dgongs pa'o/ /
- 350a
dga' ba'i sems ni bzung gyur nas zhes pa ni sems can gyi don la dga' ba'o/ /rdo rje'i lus ni rdo rje'i sku'o/ /de bsgoms pa rtse gcig par byed ce'o/ /des cir 'gyur zhe na/ brtan lus khong stong ma yin pa zhes pa ni gzhan gyis mi shigs pa'i sku thob pa'o/ /gzhan yang nam mkha' 'dra zhing zhes bya ba la sogs pa'i don ni gong dang 'dra'o/ /gzhan go sla'o/ /dpa' bar 'gro pa'i mod ni dpa' bar 'gro ba'i don ston pa'i mdo ste/ de las kyang rgyas par gsungs so/ /gang gis dpa' bar 'gro pa'i ting nge 'dzin 'di thob pa ni skyes bu gang zhig gis chos kyi sku thob pa nyid do/ /de'i yon tan gyi khyad par yang ji lta bu zhig dang ldan zhe na/ sangs rgyas thams cad kyi yul du mchis pa lags so/ /zhes pa ni mar me mdzad la sogs pa ni sangs rgyas thams cad de/ de'i yul ni chos kyi sku'o/ /ci'i phyir zhe na/ gshegs par bya ba yin pa nyid kyi phyir ro/ /rang dbang gi ye shes ni mi rtog pa'i ye shes te/ de la dbang bgyid pa ni de la spyod pa'o/ /gzhan go sla'o/ /mi gnas pa'i mya ngan las 'das pa ni bshad zin to/ /the tshom gcod pa ni ngo bo dang dus la sogs pa la the tshom zad yongs su gcod pa gang yin pa de la de skad ces bya'o/ /spyod pa bsdus pa'i sgron ma zhes bya ba'i 'grel pa las le'u brgyad pa'i bshad pa'o// //de ltar gnyis su med pa'i rim pa la sogs pa brgyas par bstan nas/ de nas spyod pa rnam pa gsum la sogs pa ni go sla ba nyid dang/ gzhung rgyas pas 'jigs pa dang/ slob dpon gzhan gyis kyang rgyas par bshad pa nyid kyi phyir bdag gis ni ma bshad do/ /gang du nyi ma'i 'od zer mun pa bzhin/ /shes rab kyis ni gti mug rang bsal nas/ /dga' ba'i stobs si dka' 'grel rim pa brtsams/ /'di la nyes gyur ci mchis bzod par gsol/ /'dod rgyal zhags pa kun bkrol gzhung 'di las/ gang gis dge ba'i rtsa
- 350b
ba ci thob pa/ /des na khams gsum sems can bdag dang bcas/ /rdo rje 'chang gi zhing du skye bar shog /spyod pa bsdus pa'i sgron ma'i bshad pa shes rab mchog dang ldan pa'i slob dpon shAkya bshes gnyen gyis mdzad pa rdzogs so// // rdo rje sems dpa' i sgrub thabs bzhugs/ /rgya gar skad du/ badzras twa sA d+ha noM b+hA Sh+yA/ bod skad du/ rdo rje sems dpa' i sgrub pa'i thabs kyi bshad pa/ bcom ldan 'das rdo rje sems dpa' la phyag 'tshal lo/ /mdun gnas rgyal dang rgyal sras klu sgrub dag la ni/ /dang zhing gus pa chen po'i spyi bos phyag 'tshal nas/ /dpal ldan zla ba grags pas med ni bsdus mdzad pa'i/ /rtogs dka' i tshig ni 'bad pas rnam par bshad par bya/ /sangs rgyas kyi theg pa mngon par rtogs pa'i rigs can zhes bya ba la/ sangs rgyas kyi thig pa ni pha rol tu phyin pa'i theg pa ste/ de'i mngon par rtogs pa sgrub pa rigs kyi bsam pa'i bye brag gang la yod pa de dag la de skad ces bya'o/ /gsung rab pa zhes bya ba ni gsung rab ni lung ngo/ /des spyod pas ni gsung rab pa'o/ /rtog pa'i rnal 'byor gyi ting nge 'dzin la snyoms bar 'jug cing/ zhes bya ba ni 'od gsal ba bsgom pa'i rim pa dang bral bas bskyed pa'i rim pa lha'i rnal 'byor gyi mtshan nyid bsgom pa la mkhas pa'o/ /mdza' drug gi bshad pa las kha phyir bltas pa zhes bya ba ni nges pa'i don dang drang ba'i don la sogs pa'i bshad pa las kha phyir bltas pa'o/ /sgra ji bzhin pa'i don gyi sgo nas/ /zhes bya ba ni zab mo'i don/ yongs su mi shes pas ji ltar rab tu grags pa'i sgo nas/ /zhes bya bar dgongs so/ /zla ba dang rdo rje dag gis bskyed pa'i sgo nas so/ /srid pa skye ba'i rim pas zhes bya ba ni mngal nas skyes pa'i rim pas so/ /mngon par byang chub pa lnga'i rim pas zhes bya ba ni zla ba dang nyi ma dang sa bon spro ba dang sdud pa'i rim pas so/ /skad cig bzhi zhes pa
- 351a
ni/ /sa bon dang phyag mtshan la mi bltos pas so/ /bcu gsum du 'dod do/ /zhes pa ni snying po'i dkyil 'khor du spyan ma la sogs pa'i lha mo bzhi dang bcas pa'i mi skyong pa la sogs pa de bzhin gshegs pa la ste/ gyur? 'gyur la/ phyi rol gyi sgo bzhi'i gshin rje mthar byed la sogs pa khro bo bzhi dang bcu gsum mo/ /bcu dgur 'dod do zhes bya ba ni sgyu 'phrul dra ba las 'byung ba la sogs pa'i rim pas so/ lha nyi shu rtsa lngar 'dod do zhes bya ba ni snga ma bzhin du snying po'i dkyil 'khor la dgu dang/ gzugs rdo rje ma la sogs pa'i phyi rol tu rnal 'byor ma drug dang/ de'i phyi rol tu phyogs mtshams su khro bo gshin rje mthar byed la sogs pa bcu dang nyi shu rtsa lnga yin no zhes bya'o/ /rim pa gnyis rtogs nas zhes bya ba ni thos pa'i sgo nas rim pa gnyis kyi don rab tu shes nas so/ /sngags kyi nges pa dang po ste zhes bya ba ni lhag par mos pa'i dkyil 'khor dang/ lus kyi dkyil 'khor dang/ 'od gsal bar 'jug pa dag gi de ma thag tu skyes pa'i sngags kyi ngo bo nyid kyi rdo rje sems dpa' i rang bzhin du nges pa'o/ /dgod pa bstan pa zhes bya ba ni rdo rje sems dpa' i sku la oM la sogs pa'i sa bon mnyam par bkod la gsal bar byed pa'o/ /rnam par bzhag la zhes bya ba ni 'di'i 'og tu 'di bsgom par bya'o/ /zhes rnam par bzhag pa'i dgongs pa nges pa'o/ /de nyid bstan pa zhes bya ba ni gnas skabs ji ltar 'od gsal la 'jug pa'o/ /sems can thams cad la snying rje chen po'i sems bskyed la zhes bya ba ni dang po gdams ngag ji lta ba bzhin du bcom ldan 'das la mngon par mchod nas/ de'i mdun du sdig pa bshags pa la sogs pa byas te/ sdug bsngal ba'i sems can thams cad la snying rje bsgom
- 351b
par bya'o/ /zhes bya ba'i don to/ /dgon pa chen po'i sa phyogs zhes bya ba ni phyogs rnams las dgon pa chen po'i khyad par du 'phags pa yid du 'ong ba'i ri'i phyogs gcig dben pa dang/ dben pa la gzhan la yang ngo/ /dngos grub thams cad bsdus pa bsgrub ces bya ba ni dngos grub thams cad ni 'jig rten dang 'jig rten las 'das pa ste/ de dag bsdus pa ni gang la yang dag bsdus pa de rdo rje sems dpa' i sku'o/ /kha dog dkar por lhag par mos pa zhes bya pa ni 'di la 'khor lo rtsibs bcu pa'i lte ba'i dbus su gnas la zhes bya ba ni lhag ma'o/ /nam mkha' i khams kyi dbus gnas par zhes bya ba la sogs pa la nam mkha' i khams kyi dbus gnas zhes bya ba ni skad cig gis 'od gsal ba las langs nas de'i dbus su gnas pa'o/ /sangs rgyas dkyil 'khor ni rdo rje sems dpa' o/ /'od zer sprin gyi tshogs ni 'od kyi phung po'o/ /sangs rgyas 'bar ba'i 'od mnyam pa zhes bya ba ni 'ja' tshon lta bu lngas brgyan pa'o/ /le'u dang po las gsungs pa'i ye shes rdo rje'i ting nge 'dzin zhes bya ba ni ye shes sgron ma mi bskyod pa de nyid dbyer mi phyed bas rdo rje ste/ de la dmigs pa'i ting nge 'dzin sems ni rtse gcig pa mngon du byed pa'i don to/ /de bzhin gshegs pa thams cad kyi sku dang gsung dang thugs rig pa'i skyes bu zhes bya ba la/ de bzhin gshegs pa thams cad sku gsung thugs kyi bdag po nyid rdo rje 'chang chen po ste/ rig pa'i skyes bu ni gnyis su med pa'i bdag nyid do/ /mi bskyod pa'i phyag rgya chen po'i sbyor ba'i go 'phangs zhes bya ba ni mi bskyod pa'i sku'i rnam pas so/ /de bzhin gshegs pa thams cad kyi sku gsung thugs rdo rje la zhes bya ba ni rdo rje 'dzin pa chen po la'o/ /
- 352a
hUM ring po brjod par bya zhes bya ba ni rig pa'i pad+mar lhung ba'i byang chub kyi sems gyur pa lam hUM bcur ma migs nas so/ /phyogs bcur rnam par gnas pa zhes bya ba ni phyogs bcur rnam par gnas pa'i rtse mo la gnas so zhes bya ba'i don to/ /khro bo zhes bya ba la sogs pa la zhe sdang gnas las skye zhes bya ba ni zhe sdang ni mi bskyod pa de'i gnas ni bskyed pa'i sa bon yi ge hUM ngo/ /de las skyes pa ni da nas skyes pa'o/ /gsod don gnyer ba zhes bya ba ni de rnams gsod pa'i ngo bo nyid dgos pa ste/ bsgom pa'i sgo nas so/ /rdo rje khro bo bdud rtsi che zhes bya ba ni bdud rtsi 'khyil ba'o/ /rdo rje phur bu zhes bya ba ni phur bu bcu'i rnam par ro/ /phyogs bcu'i rtse mor zhes bya ba ni phyogs bcu la'o/ /shin tu 'bar zhing legs pa'i 'od ces bya ba ni 'od 'bar pa rnams kyis gsal bzhin pa'o/ /de nas 'dod pa'i rgyal po'i sngags kyis zhes bya ba ni phyogs bzhir gnas pa'o/ /bsam gtan gang gis zhes bya ba la sogs pa ni bsam gtan gang gis gdugs pa can rnams phur bus gdab pas so/ /yi dam ni dus bzhir byin gyis brlabs pa'o/ /gnas gang du ni mnyam spyod pa zhes bya ba ni gang der yang dag par brtsam mo// bsam gtan sbyor ba 'di yis ni zhes bya ba ni bsrung ba'i cho ga 'di'i bsgom pas so/ /gnas nas sangs rgyas byin gyis brlab ces bya ba ni rdo rje sems dpa' i rnal 'byor goms pas sangs rgyas te rang gi lha rnams kyis byin gyis brlabs te mnyam pa nyid du sgrub pa'o/ /dngos po med pa bsgom du med ces bya ba la sogs pa 'di ni mo dang byas pa'i dka' 'grel legs par byas so/ /nam mkha' i rdo rje dbus gnas pa zhes bya ba ni nam mkha' i rdo rje ni de'i dbus
- 352b
su gnas pa ni de'i nang du gtogs pa'o/ /dkyil 'khor rdo rje kun las skyes zhes bya ba ni rlung la sogs pa'i dkyil 'khor thams cad gyur ba'o/ /der ni b+h+ruM yig bsgom par bya zhes bya ba ni de la sa'i cha'i steng du yi ge b+h+ruM gzhal yas khang bskyed pa'i rgyur gyur pa'o/ /rdo rje sprin ni mnyam pa zhes bya ba ni phyogs bcur spros ba'i de bzhin gshegs pa skyed par byed pa'o/ /dpag tshad brgya'i khyon tshad du zhes bya ba la sogs pa ni dpag tshad brgya'i khyon tsam ni phyogs re re la dpag tshad nyi shu'i tshad tsam yin no/ /gru bzhi ni mtshams bzhi dang ldan pa'i phyir ro/ /rab brgyan pa ni lha dang mi la sogs pa las 'phags pa'o/ /rin chen bzhi'i rang bzhin ni kha dog bzhi dang ldan pa'i phyir ro/ /mchod rten ni mchod rten ltar mchod par bya ba yin pa'i phyir ro/ /gsal ba ni shel lta bu'o/ /rang bzhin dri ma med pa ni skyon ma lus pa dang bral ba'i phyir ro/ /gsal ba de'i ngo bo nyid ces bya ba la sogs pa la/ gsal ba de'i ngo bo nyid ces bya ba ni gsal ba ni shel te/ de'i rang gi ngo bo gzhal yas khang yin te/ phyi rol na gnas pa rnams kyis kyang dkyil 'khor pa'i lha rnams kyi gzugs mthong ba'i phyir ro/ kun nas sna tshogs gzugs ldan zhes bya ba ni in+d+ra nI la sogs pa'i kha dog dang ldan pa'i phyir ro/ /sangs rgyas sprin dang yang dag ldan zhes bya ba ni spros pa'i dkyil 'khor gyi lha rnams kyis mngon par khyab pa'o/ /'od zer 'bar zhing 'khrugs pa zhes bya ba ni phyogs bcu nam mkha' i dkyil 'khor du khro bo'i 'od 'bar ba'o/ /gsal ba la sogs dkyil 'khor ldan zhes bya ba ni zla ba dang nyi ma'i gdan dang ldan pa'o/ /de bzhin gshegs pa kun gyi gnas zhes bya ba ni de bzhin gshegs pa thams cad kyi gnas gzhal yas khang zhes bya ba'i don to/ /khams kyi rang bzhin rig pa'i lha mo rnams dang zhes bya ba ni de'i rjes su yul gzugs la sogs pa'i rang
- 353a
bzhin gzugs rdo rje ma la sogs pa zhes bya bar rig par bya'o/ /lugs ma la sogs pa zhes bya ba ni shing la sogs pas spras shing byas pa'o/ /dam tshig las byung khu ba ni zhes bya ba la sogs pa la dam tshig las byung khu ba ni zhes bya ba ni thabs dang shes rab snyoms par 'jug pas bskyed pa'i rang bzhin gyi dkyil 'khor gyi lha rnams skad cig gis gnas ji lta bar dgod par bya'o/ /'bras bu 'dod pas cho ga bzhin/ btung zhes bya ba ni gzugs phung gtogs la me long dang zhes bya ba la sogs pa'i cho gas sangs rgyas kyi 'bras bu don du gnyer bas de rnams rang gi lus la gnas ji lta bar nang du gzhug par bya'o/ /de bzhin gshegs pa'i tshogs bsad nas zhes bya ba ni rang gi lus la de bzhin gshegs pas yongs su zhugs pa'i ngo bo rim gyis stong pa nyid du zhugs par bya'o/ zhes bya ba'i don to/ /don dam pa'i bden pa zhes bya ba la sogs pa ni yi ge hUM yongs su gyur pa las nyi ma'i dkyil 'khor dang/ yi ge oM las skyes pa'i zla ba'i dkyil 'khor dang yi ge A(rgyud 'grel): yongs su gyur pa las padmo zhes bya ba'i don to/ /ye shes tsam la snyoms par 'jug pa zhes bya ba ni ye shes tsam na sems tsam mo/ /snyoms par 'jug pa ni brtan pa dang g.yo ba nang du gzhug par bya ba'i don to/ /rdo rje gsum yig sngags mchog gi zhes bya ba ni sngags thams cad kyi gtso bor gyur pa'i yi ge gsum gyis so/ /phyag rgya chen po bsgom pa ni zhes bya ba ni rdo rje sems dpa' i sku bsgom pa'o/ /srid pa tha ma pa'i sems can gyi don gyi phyir zhes bya ba ni srid pa gang gi de ma thag tu byang chub thob par 'gyur bas na de mthar gyur pas na tha ma zhes brjod do/ /de la gnas pa'i sa bcu'i dbang phyug rnams la nye ba'i gnas skabs byang chub sems dpa' 'am
- 353b
so so skye bo gang rung sngags kyi tshul gyi bsgoms pas bdag nyid chen po thob pa gang yin pa de srid pa tha ma ste/ de rnams kyi rgyu mtshan zhes bya ba'i don to/ /phung po dang khams dang skye mched rjes su zhugs pa zhes bya ba ni ye shes kyi rang bzhin lus bsgyur nas 'byung bar 'gyur ba'i lus 'dzin pa'o/ /g.yo ba nyid rab tu bsam par bya zhes bya ba ni 'di'i de ma thag tu dza(rgyud 'grel): hUM baM ho(rgyud 'grel): zhes bya ba'i sa bon rnam pa bzhi gzugs rdo rje ma la sogs pa'i lha mo'i ngo bo nyid rang gi lus la gnas pa'i gzugs la sogs pa'i yul rnams su 'god do/ /zhes bya bar rtogs par bya'o/ /rig pa'i skyes bu chen po zhes bya ba la sogs pa la/ rig pa'i skyes bu chen po ni rdo rje 'dzin pa'o/ /de bzhin gshegs pa thams cad kyis byin gyis brlabs pa zhes bya ba ni bdag nyid de bzhin gshegs pa la sogs pa'i sa bon dgod par byas pa dang ldan pa'o/ /de bzhin gshegs pa thams cad ces bya ba ni de bzhin gshegs pa thams cad dang mnyam pa ste/ rin po che'i rigs gang zhes bya ba'i don to/ /dpal ldan rdo rje sku 'chang pa zhes bya ba la sogs pa la/ sangs rgyas de bzhin gshegs pa rnams kyi sku de'i bdag nyid du 'dzin par byed pa zhes bya ba ni sangs rgyas sku 'chang ba'o/ /dpal ldan zhes bya ba ni spyan ma dang bcas pa'o/ /rdo rje mi phyed gsum bsgom pas zhes bya ba ni rdo rje 'chang chen po ste/ de dang dbyer med par bsgoms pa'o/ /deng bdag byin gyis brlabs nas su/ /rdo rje skur ni mdzad du gsol/ ces bya ba la/ deng bdag ni bdag nyid kyi lus so/ /byin gyis brlabs nas ni rab tu gnas pa'i gnas su gyis shig pa'o/ /rdo rje sku rnams kyi zhes bya ba ni rdo rje sku yis zhes gcig gi tshig du 'thob po/ /de ltar bdag po la
- 354a
gsol ba btab nas de'i 'khor la gsol ba 'debs pa ni phyogs bcu zhes bya ba la sogs pa ni go sla'o/ /sku gang yin zhes bya ba la sogs pa la sku gang yin zhes bya ba ni lus gang yin pa'o/ /phung po lnga ni rab tu dag ces bya ba ni phung po lnga'i bdag nyid do/ /de dang 'dra ba zhes bya ba ni de'i ngo bo nyid kyi skur gyur cig pa'o/ /chos zhes bya ba la sogs pa la/ /chos 'od dpag tu med pa la'o/ /gsung lam ni ngag gi rang bzhin nyid yin pas so/ /dpal ldan zhes bya ba ni gos dkar mo dang ldan pa'o/ /rdo rje mi phyed gsum la sogs pa ni snga ma bzhin no/ /'dod chags chen po'i mer tshogs gnyis zhu ba las zhes bya ba ni 'dod chags chen po'i tshul dang ldan pa'i 'od dpag med dang gos dkar mo'i tshogs gnyis so/ /gang zhig ces bya ba la sogs pa ni gang dag kho na'o/ /nges pa'i tshig ni phun sum tshogs zhes bya ba ni sgra ma lus pa brjod pa phun sum tshogs pa dang ldan pa zhes bya ba'i don to/ /chos 'dzin pa dang 'dra bar shog ces bya ba ni 'od dpag med dang 'dra bar gyur cig ces dgongs pa'o/ /dpal ldan rdo rje thugs 'chang ba zhes bya ba la sogs pa la/ rdo rje thugs 'chang ba zhes bya ba rdo rje'i ngo bo nyid kyi thugs 'chang ba'o/ /mA ma kI dang ldan pas dpal dang ldan no/ /rdo rje gsum zhes bya ba la sogs pa ni snga ma bzhin no/ /kun tu bzang po zhes bya ba ni sems can kun la bzang zhing phan par byed pa'i phyir kun tu bzang po ste/ mi skyod pa'o/ /gsang ba'i dpa' bo zhes bya ba ni gsang ba ni sbas pa'o/ /ston par byed pas gsang ba'o/ /rang gi rigs kyi bu byang chub sems dpa' yin la de dag gi dpa' bo ni gtso bo'o/ /de'i blo ldan pa zhes bya ba ni mA ma kI dang bcas pa'o/ /rdo rje 'dzin dang 'dra bar shog ces bya ba la/ rdo rje 'dzin dang 'dra ba ni mi bskyod pa 'dra ba zhes bya ba'i don to/ /le'u dang po las gsungs pa'i dam tshig las byung ba rdo rje
- 354b
ting nge 'dzin gyi tshul gyis zhes bya ba la/ dam tshig ni yi ge gsum mo/ /de las skye ba'i phyir dam tshig las byung ba ni rdo rje 'chang chen po yin te/ ting nge 'dzin gyis dmigs pas zhes bya ba'i don to/ /rang gi cod pan la bdag po/? dam pa zhes bya ba ni dbang bskur nas spyi bor mi bskyod pa bsam par bya'o/ /ye shes dam tshig ni ye shes sems pa'o/ /yi ge hUM zhes bya ba ni kha dog nag po'o/ /sangs rgyas dkyil 'khor dbus gnas pa zhes bya ba la sogs pa la/ de'i dbus gnas pa ni de'i snying gar gnas pa'o/ /mi bskyod pa ni rdo rje sems dpa' o/ /hUM yig ces bya ba ni ting nge 'dzin sems dpa' zhes brjod pa'o/ /thams cad mdzad ces bya ba ni dang po 'og min gyi gnas su chos kyi sku mngon du mdzad nas de la sprul pa'i sku byon te/ dga' ldan na gnas pa rnams kyi don du bsam pa ji ltar bzhin du chos bstan par mdzad do/ /dga' ldan gyi gnas mchog nas byon te/ thams cad mdzad nas zhes bya ba ni de las kyang byon te/ sa'i dkyil 'khor du skye ba dang byang chub la sogs pa thabs la bstan to zhes bya ba'i tha tshig go /'dod chags las skyes pa'i byang chub bstan pa'i don du zhes bya ba ni 'di shes rab dang thabs kyi bdag nyid rdo rje sems dpar sprul pa'o/ /zhes bya bar dgongs pa'o/ /'dod chags chen po'i tshul gyi ting nge 'dzin la snyoms par 'jug pa zhes bya ba la/ 'dod chags chen po ni 'dod chags cha'i sems can rnams smin cing grol ba'i yul la chags pa'o/ /de nyid kyi tshul ni lugs te rnam par bzhag pa'i ting nge 'dzin gang yin pa de mngon du byed pa'o/ /dang po rnal 'byor byas nas zhes bya ba ni bdag nyid sems dpa' gsum gyi bdag nyid du skyed pa'o/ /gnas par bya zhes pa ni spyod pa byed pa la bstan pa yin no/ /gang yang spyod pa byed par ma gyur pa de la phyogs gzhan bstan pa ni yang zhes bya ba la sogs pa la/ sngags gcig sprul pas
- 355a
sems can gyi don du bya'o/ /zhes bya ba ni byang chub sems rang gi snying ga na gnas pa'i sngags las dkyil 'khor sprul nas sems can gyi don bya zhing gnas ji lta bar dgod do zhes bya ba'i don to/ /byin rlabs go 'phang gsum gyis ni zhes bya ba yul la byin gyis brlabs pa yin pa'i phyir 'dod chags la sogs pa'i rang bzhin gsum byin gyis brlabs pa'o/ /de'i go 'phang zhes bya ba ni yid du 'ong ba la sogs pa'i yul yin la/ byin rlabs go 'phang de gsum dang lugs gzhan gyi zhes bya ba'i don to/ /mig la sogs pa'i skye mched kyi rang bzhin gzugs rdo rje ma la sogs pa dgod do zhes bya ba'i rnal 'byor ma gzugs rdo rje ma la sogs pa bzhi dang/ sa'i snying po la sogs pa bzhi yis snyoms par 'jug pa bkod la/ gzhan yang byang chub sems dpa' bzhi gnas ji lta ba bzhin du dgod bar bya zhes bya ba'i don to/ /nu ma gnyis kyi bar zhes bya ba la sogs pa la/ nu ma gnyis kyi bar ni thugs ka ste/ de la yi ge hUM/ spyi po'i par ni zhes bya ba de ni spyi bor yi ge oM mo/ /bar du zhes pa ni mgrin pa'i phyogs de la a'o/ /rkang par thug pa'i bar du zhes bya ba ni rkang pa gnyis la yi ge hA'o/ /rked pa lte ba gsang bar zhes bya ba ni lte ba dang rked pa dang gsang ba'i phyogs su ste/ brla gnyis la yi ge sA'o/ /rgyal ba'i sras po ni rigs lnga rnams ni dgod par rab tu bya zhes bya ba ni gzhan dag kyang rigs lngar bsdus pa'i byang chub sems dpa' gnas ji lta bar dgod par bya zhes bya ba ni bsdus pa'i don to/ /yi ge ni phaT rnams brtags te zhes bya ba ni rdo rje dang pad ma gnyis kyi khar yi ge phaT bsgom par bya'o/ /ting nge 'dzin dang dbang bskur ba zhes bya ba ni ye shes sems dpa' rab tu bcug pa'i ting nge 'dzin gyi de ma thog tu dbang bskur ba ni ting nge 'dzin dang
- 355b
dbang bskur ba'o/ /mchod pa'i mthar thug ba zhes bya ba ni gzugs rdo rje ma la sogs pa'i mchod pa byas nas so/ /snying po'i las thams cad ces bya ba ni de la mi bskyod pa'i ting nge 'dzin la sogs pa 'og nas 'chad par 'gyur ba'i rim pas sems can rnams kyis zhe sdang rnam par dag pa la sogs pa'i dgos pa byas nas zhes bya ba'i tha tshig go /phyi dang nang gi bdag nyid can gyi bzlas pa zhes bya ba ni ngag gi bzlas ba dang rdo rje'i bzlas pa'o/ /sngar bzhin du rang gi lus kyi dkyil 'khor la bcug nas zhes bya ba ni mnyam par bzhag pa'i rnal 'byor gyi don du rim pas bdag nyid la gnas ji lta ba bzhin du bzhugs par bya ba'o/ /nam mkha' i khams kyi dbus gnas par/ bkod pa'i dkyil 'khor bsgom par bya zhes bya ba ni 'jig rten gsum gyi dbus su gnas pa'i bdag nyid lha'i tshogs dang ldan par bsgom par bya'o/ /de byas nas ni ci zhig bya zhes zer ba la hUM ni de'i dbus su gnas par/ rang gi gzugs brnyan ngag tu rtags/ ces bya ba'i ni yi ge hUM snying gar gnas par bltas nas des kyang brtan pa dang g.yo ba thams cad rdo rje sems dpa' i gzugs brnyan gyi rnam par blta bar byas zhes bya ba'i tha tshig go /phyi dang nang gi bdag nyid can gyi sbyin sreg ces bya ba ni phyi rol gyi me la mar la sogs pa dang/ gis sbyin sreg byed pa'o/ /nang gi bdag nyid ni lha rnams la bza' la sogs pas tshim par byas te/ zhi ba la sogs pa la bltos nas byas pas so/ /yi ge gsum gyi zhes pa ni rdo rje bzlas pa'i sgo nas so/ /'phreng ba'i sngags sam zhes bya ba ni rgyud nas gsungs pa'i khro bo la sogs pa'i sngags rgyas pas so/ /sngags dang sman gyi sbyor bas kyang zhes bya ba ni mngon par bsngags pa'i sman byin pas so/ /rdo rje dang pad ma mnyam par sbyar ba zhes bya ba ni yongs su rdzogs pa la gnas te kha sbyar ba la gnas pa sgyu
- 356a
ma'i lus mngon du bya'o/ /dran pa'i don du 'grel byas gang/ /bsod nams yang dag gang bsags pa/ /de yis myur du skye 'gro kun/ /yang dag byang chub don gnyer shog /rdo rje sems dpa' i bsgrub thabs kyi bshad pa/ slob dpon ta thA ga ta rak+Shi tas mdzad pa rdzogs so// //tho ling dpal dpe med lhun gyis grub pa'i gtsug lag khang du rgya gar gyi mkhan po mkhas pa chen po dI paM ka ra rak+Shi ta dang khams pa ri lo tsA bas bsgyur ba'o// rim? pa lnga'i 'grel pa don gsal ba bzhugs so// //rgyan ni bdun dang 'brel gyur pa'i/ /'chad pa spangs te 'phags pa'i gsung/ /phye bar nus pa ma yin te/ /de phyir de nyid sdun 'gro ba/ /rgya che zab pas rgyud kyi don/ /mdo sde man ngag gis brgyan pa/ /rim pa'i don ni gsal byed pa/ /'grel pa bdag gis bya ba yin/ /'dir ni bcom ldan 'das shAkya thub pas snyigs ma lnga dang ldan pa'i sems can gyi khams gzigs te/ 'di pha rol tu phyin pa'i theg pas grol bar mi 'gyur ro zhes dgongs nas/ de nyid la shin tu myur ba dang/ shin tu bde bar rdo rje sems dpa' i go 'phang thob par bya ba'i phyir/ dga' ldan gyi gnas su rin po che sna bdun gyi gzhal yas khang la bzhugs te/ rang gi thugs ka las de bzhin gshegs pa lnga spros te/ de rnams kyis gsol ba btab pas chags pa dang bral ba'i gzugs spangs te/ shin tu sgeg pa la sogs pa'i nyams dang ldan pa'i sku blangs nas 'dod chags kyi 'dod chags spangs par bya ba'i phyir/ dpal gsang ba 'dus pa'i rgyud nyi khri lnga stong pa gsungs so/ de'i rjes la rtsod pa'i dus 'di la tshe dang/ brtson 'grus dang/ shes rab dman pa'i sems can gyi khams kyis 'di nyid don dang gzhung du gzung bar nus pa ma yin te/ slar yang de rnams kyis gsol ba btab pas/ le'u bco brgyad
- 356b
kyi tshad ma mdor bsdus pa'i rgyud kyi rgyal po bcom ldan 'das kyis gsungs so/ /de'i sdud pa po ni 'phags pa dpal phyag na rdo rje ste/ de yis rgyud kyi rim pas mi yul du thob par mdzad do/ /shin tu rtogs par dka' ba'i phyir dang/ de bzhin gshegs pa thams cad kyis rgyas btab pa'i bskyed pa'i rim pa dang/ rdzogs pa'i rim pa rgyud de nyid kyis go bar dka' o zhes thugs la gzhag nas/ langkar gshegs pa'i mdo las bcom ldan 'das nyid kyis lung bstan pa thugs rje mchog dang ldan pa'i 'phags pa klu sgrub kyi zhal snga nas kyis bskyed pa'i rim pa mdor byas kyi sgrub thabs la yang dag par bsdus te/ rdzogs pa'i rim pa 'ba' zhig pa gtso bor gyur pa'i rim pa lnga pa zhes bya ba'i rab tu byed pa de 'di de nyid las bsdus pa'o/ /bsdus pa 'di yang rnam pa gsum yin te/ tshig gi don dang/ ngag gi don dang/ mdor bsdus pa'i don gyi dbye bas so/ /de la tshig gi don ni rim pa lnga zhes bya ba ni/ lnga'i sgra ni grangs rjod par byed pa dang/ rim pa'i sgra ni gong nas gong du khyad par gyi kho na nyid so sor rtogs par byed pa'o/ /ngag gi don zhes bya ba ni rnam pa lnga ste/ rdo rje bzlas pa'i rim pa dang/ sems la dmigs pa'i rim pa dang/ bdag byin gyis brlab pa'i rim pa dang/ mngon par byang chub pa'i rim pa dang/ zung 'jug gi rim pa ste/ de la rdo rje bzhin du mi phyed pa'i rlung gi 'khor lo tsam gyis bsgrub par bya ba'i bzlas pa ni/ yid kyis spros pa rdo rje bzlas pa ste/ rdo rje bzlas pa'i rim pa'i ngag gi don to/ /sems ni rnam par shes pa gsum ste/ de nyid rnam par dag pa ni brgya drug cu'i rang bzhin 'gogs pas/ rang rig tsam thob pa ste/ sems la dmigs pa'i dag gi don to/ /de bzhin du bdag ni dngos po thams cad kyi rang bzhin gyi 'od gsal ba las byin gyis brlab pa ni sgyu ma'i bdag nyid kyi sku gang du 'dzin pa de ni bdag la byin gyis
- 357a
brlab ba ste/ bdag la byin gyis brlab pa'i rim pa'i ngag gi don to/ /yang na bdag ni rdo rje 'chang la sogs pa'i sku ste/ de nyid byin gyis brlabs pa ni sgyu ma la sogs pa'i dpe dang sbyar ba ste/ bdag la byin gyis brlab pa'i rim pa'i dag gi don to/ /mngon du ni mngon sum gyi chos mthong ba la/ byang chub ni sangs rgyas nyid gang las thob par 'gyur ba de ni/ mngon par byang chub pa'i rim pa ste/ de nyid kyi dag gi don to/ /zung ni kun rdzob dang don dam pa'i bden pa gnyis kyi bdag nyid/ 'jug pa ni ro gcig par gyur pa gang las thob pa de ni zung 'jug gi rim pa ste/ de nyid kyi dag gi don to/ /'o na dag ces bya ba gang zhe na/ smras pa/ ti ngan tag gcig gi tshig gi tshogs dag go zhes bya ba'i tshig gi bya ba dang byed pa po dang 'gel pa'i tshig gi tshogs ni dag yin no/ /mdor bsdus pa'i don zhes bya ba ni mang ba dang nyung ba'i grangs sel ba'i mtshan nyid can yin no/ /dper na ci'i don du 'di rim pa lnga zhes bya ba'i nges pa ste/ de rnams bzhi 'am drug ji ltar bstan pa yin no/ /zhes log par rtog pa dang ldan pa la brten te bshad par bya ste/ 'dir ni dang po'i sbyor ba la sogs pa'i ting nge 'dzin gsum gtso bor gyur pa'i bskyed pa'i rim bas rigs brgya'i dbye ba sgom pa'i bar du/ lus rnam par dben pa bcom ldan 'das kyis gsungs pa dang/ rdo rje bzlas pa'i rim pas dag rnam par dben pa dang/ sems la dmigs pa'i rim pas yid rnam par dben pa dang/ bdag la byin gyis brlab pa'i rim pas kun rdzob kyi bden pa rnam par dben pa dang / mngon par byang chub pa'i rim pas don dam pa'i bden pa rnam par dben pa dang/ zung? 'jug gi rim pas gnyis ro gcig par gyur pa'i de kho na nyid thob pa ste/ de ni rdo rje 'chang chen po'i sa'o/ /ji skad du/ gang gi sangs rgyas kun gyi rten/ /sa ni
- 357b
de nyid bcu gsum pa/ /de nyid btsun mo zhes grags te/ /de yi rang bzhin b+ha gar bshad/ /ces bya ba 'dus pa'i bshad pa'i rgyud dgongs pa lung bstan las gsungs pa'i phyir ro/ /de nyid kyi phyir 'di las gong du mi slob pa'i phyir/ rim pa drug pa yod pa ma yin to/ 'di tsam gyis 'dod pa'i don 'grub pa ste/ rim pa bzhi ma yin no/ /zhes nyung ba'i grangs kyang sel ba yin no/ /'di ni mdor bsdus pa'i don bshad pa yin te/ rim pa lnga kho nar mdor bsdus pa'i phyir ro/ /ji skad du/ sngags dang sems dang lus dang ni/ /rnam dag dang ni zung 'jug las/ /rim pa lnga yi bsdus pa'i don/ /shes nas mdza' drug la 'jug go /zhes 'byung ba'i phyir ro/ /rim pa 'di rnams la sa'i rim pa ji ltar bzhag par bya/ des ci bya zhe na/ theg pa chen po? po'i tshul med pas dam pa'i chos ltar snang bar 'gyur ro/ /de bskyed pa'i rim pa la pha rol tu phyin pas sa brgyad pa thob pa dang/ sems la dmigs ba'i rim pas sa bcu pa thob pa dang/ zung 'jug gi rim pas rdo rje 'chang chen po'i sa thob bo/ / ji skad du/ dang po'i las kyi sbyor ba yis/ /sa brgyad pa ni thob par 'gyur/ /snang ba gsum po thob pa dag /sa bcu pa la rab tu gnas/ /zung 'jug ting 'dzin la gnas pa/ /slar ni gang la'ang mi slob bo/ /'di ni rdzogs pa'i rnal 'byor grags/ / rdo rje 'chang chen de nyid yin/ /rnam pa thams cad mchog ldan pa'i/ /thams cad mkhyen pa de las 'byung/ /zhes bya ba gsungs pa'i phyir ro/ /'dis ni/ ji ltar bshad par 'gyur te/ rdo rje bzlas pa'i rim pas sa dgu ba thob pa dang/ bdag la byin gyis brlab pa'i rim pa la dmigs pa'i rim pa rgyu yin pa'i phyir/ de yis sa bcu pa kho na thob pa yin no/ /gal te de dag la rnam pa dang bcas pa dang/ rnam pa med pas byas pa'i dbye ba yod kyang/ sa yis byas pa'i dbye ba yod pa ma yin no/ /mngon par
- 358a
byang chub pa'i rim pas sangs rgyas kyis kun tu 'od bcu gcig pa thob pa'o/ /so so'i skye bo'i sa la bltas na de nyid bcu gnyis pa yin te/ sa'i dbye ba bstan to/ /'o na rim pa 'di rnams las rim pa re re la thabs du du zhe na/ smras pa /rdo rje bzlas pa'i rim pa la ni thabs gnyis te/ rlung gi de kho na nyid dang/ sngags kyi de kho na nyid do/ /de la rlung gi de kho na nyid ni/ srog dang rtsol ba bde ba chen po'i dbang gis thig le'i gzugs su gyur te/ de nyid gsang ba dang/ snying ga dang/ kun rdzob kyi sna'i rtse mor 'dzin pas rnam pa gsum du 'gyur te/ byang chub kyi sems dang/ sngags dang/ 'od zer gyi rang bzhin gyi phyir dang/ 'dod chags dang/ zhe sdang dang/ gti mug gi rigs kyi rnal 'byor pa rjes su gzung ba'i phyir ro/ /de la rtsa bdun khri nyis stong gi nang gi khong stong las 'dod chags kyi mes bzhus pa'i byang chub kyi sems kyi thig le gsang ba'i gnas la'o/ /yi ge gsum cha shas kyi dbye bas yongs su gyur te/ sngags kyi thig le snying ga la'o/ /dkyil 'khor bzhir shar bas g.yas la sogs pa nas 'byung ba'i 'od zer gyis thig les kun rdzob kyi sna la bsgom par bya'o/ /smin ma'i dbus dang lte ba'i dbus su gsang ba'i thig les gyen du 'gro ba'i rim pas bkug la bsgom par bya ste/ rin chen dang/ don yod grub pa'i sgrub pa po rjes su bzung bar bya ba'i phyir ro/ /zhes in+d+ra b+hU ti'i zhal snga nas gsungs pa/ de la dgongs pa ni sems dbang du gyur pa ste/ rdul phra rab dang shin tu rgya che ba sgom pa ni sems dbang du 'gyur ro zhes 'byung ba'i phyir ro/ /sngags kyi de kho na nyid ni gang 'di rnams snying po la sogs pa'i sngags kyi tshogs bcom ldan 'das kyis gsungs pa/ de rnams
- 358b
A li dang kA li kho na las byung ste/ bcom ldan 'das ma yi ge'i ma mo yi ge bzhi bcu rtsa bzhi'i bdag nyid ma lus pa'i dag gi spros pa'i rgyu yin no/ /zhes thams cad kyi spyi'i grub pa'i mdza' o/ /bcom ldan ma de yang dang po'i yi ge brgyad la 'dus par 'gyur te/ gtso bo yin pa'i phyir ro/ /a ka tsa ta Ta pa ya sha yi ge brgyad po de rnams kyang yi ge bzhi a ka ya sha la bsdu ba dang/ bzhi po de rnams kyang yi ge gsum la bsdu ba dang/ yi ge gsum po yang e la bsdu dang/ a yig de yang 'od gsal ba la bsdu ba ste/ bsdu ba'i rim pas sngags kyi de kho na nyid bstan to/ /spro ba'i rim pas kyang de nyid bstan par bya ste/ 'dir ni lta ba'i phyogs 'od gsal ba'i phyogs gnas la mar me 'bar ba'i 'od zer/ dang 'dra ba'i yi ge'i rgyal po rang bzhin gyis gnas ba ste/ des bskul ba'i srog gi rlung gyen du 'gro ba'i rim pas/ mgrin pa la sogs pa'i gnas reg nas/ A li dang/ kA li skyed par byed de/ de dag gi kyang tshig dang/ tshig rnams kyis kyang dag dang/ dag rnams kyis kyang dag chen po la sogs pa skyed par byed pa'i rim pas tshig dang byed pa po dang/ byed pa dang/ de la phan pa dang/ bsdu ba dang/ bdag gi tshig dang/ gzhan gyi tshig dang/ skyes bu dang/ dus dang/ rang bzhin dang/ rkyen la sogs pa dang/ rol mo dang/ tshig lhug pa dang/ tshigs su bcad pa dang/ rab tu phyed pa dang/ skad drug la sogs pa skyed par byed pa ste/ ji srid chos kyi phung po brgyad khri bzhi stong de nyid las 'byung ngo/ /sngags kyi de kho na nyid de yang/ rnam pa bzhir 'gyur te/ sngags kyi don dang/ sngags kyi brda dang/ sngags btu ba dang/ sngags kyi de kho na nyid do/ /de la sngags kyi don ni phyag 'tshal ba la sogs pa'i rnam par snang mdzad la sogs pa'i don yin no/ /sngags kyi brda ni sprul dang/ mgo bo med pa dang
- 359a
mdza' med pa dang/ gnyis ka med pa'o/ /brda ni ming yin te/ de nyid tha snyad kyi don du 'dogs pa ste/ dper na/ bum pa lta bu'o/ /de nyid kyang sbel ba dang/ ma spel ba dang/ thog ma dang/ tha ma dang/ ber mar spel ba la sogs pa dang/ snying po dang/ nye ba'i snying po dang/ snying po bskul ba dang/ rtsa ba'i sngags dang/ phreng ba'i sngags dang/ gzungs sngags dang/ rig sngags dang/ sa bon gyi yi ge dang/ rang gi chos kyi yi ge dang/ go ldog pa dang/ go ma ldog pa la sogs pa'i dbye bas rnam pa sna tshogs pa'i sngags kyi gsar ste/ las kyi tshogs de dang de sgrub pa'i phyir/ rgyud kyi rgyal po de dang de rnams su bcom ldan 'das kyis bka' stsal pa yin no/ /sngags btu ba ni A li dang kA li kho na las sngags rnams btu ba yin te/ de yang/ dang po gcig dang/ dgu dbus na zhes bya ba la sogs pa'o gnas bshad par bya'o/ /sngags kyi de kho na nyid ni de bzhin nyid de/ 'od gsal ba kho na'o/ /gang phyir sngags ni de'i srog dang ldan par gyur bas rang rang gi las la nus pa dang ldan pa ste/ gzhan du na de rnams srog med pas rtsa bzhin du rang gi las la nus pa med par 'gyur ro/ /ji skad du/ de phyir yi ge'i rang bzhin ni/ sngags rnams 'dod pa ma yin te/ de rnam rtsa rnams g.yon ma la/ /nus pa ldan ba ma yin no/ /zhes 'byung ba'i phyir te/ sngags kyi de kho na nyid bstan to// //sems la dmigs pa'i rim pa la thabs gnyis te/ sngags kyi rim pa pa dang/ phyag rgya'i rim pa'o/ /de la sngags kyi rim pa ji? lte bar rtsibs brgyad ba'i chos kyi dbyings kyi 'khor lo la dbyangs kyi dang po thig le dang bcas pa rang bzhin gyis grub pa dmigs te/ de las me stag dang 'dra ba'i phyag 'tshal ba la sogs pa'i yi ge gsum po rnam par spros te/ de rnams
- 359b
spyi bo la sogs pa la mos nas zla ba'i snang ba dang/ 'dra ba'i rjes su 'byung ba'i dbyangs kyi 'od zer gyi gyen du 'gro bas/ phyag 'tshal ba bkug ste/ de nyid la 'jug par byas na/ de'i tshe zla ba'i snang ba dang 'dra ba'i ye shes 'char bar 'gyur te/ rang bzhin sum cu rtsa gsum dang ldan pa'i 'jug pa'i rnam par shes pa zad par 'gyur ro/ /de'i rjes la de nyid du/ kha dog dmar po tsheg drag dmigs te/ de las byung ba'i 'od zer gyi lcags kyus dag gi dbang phyug gi sa bon bkug la/ de nyid du 'thug ste nyi ma dang 'dra ba'i snang ba mched pa'i ye shes 'char bar 'gyur te/ rang bzhin bzhi bcu dang ldan pa'i nyon mongs pa can gyi yid kyi rnam par shes pa zad par 'gyur ro/ /de nas rjes su 'byung ba'i dbyangs dang/ cheg drag dang bral ba'i rtags pa'i chos kyi dbyings kyi 'khor lo tsam las/ mtshams kyi snang ba dang 'dra ba'i 'od zer rnam par spros la/ de yi sprin gyi sgra 'gugs te/ de nyid du 'jug la/ de'i snang ba dang 'dra ba'i snang ba nye bar thob pa'i ye shes 'char bar 'gyur te/ rang bzhin bdun dang ldan pa'i kun gzhi rnam par shes pa zad par 'gyur ro/ /de nas chos kyi dbyings kyi 'khor lo yang 'od gsal ba la thim ste/ 'ba' zhig pa dri ma med pa nam mkha' dang mtshungs pa'i de kho na nyid 'char bar 'gyur te/ sngags kyi rim pa'o/ ji skad du/ brtan par bya ba'i rgyur gyur pa/ /dang po yi ge'i thig le bcas/ /zla ba'i 'od zer ltar snang zhing/ /snang ba'i ye shes ltar snang 'byung/ /thig le gnyis kyis brgyan pa yi/ /cha ru de nyid shes par bya/ /nyi ma'i 'od dang 'dra ba yi/ /snang ba mched ba'i sbyor las 'byung/ /sa bon thig ler ldan min la/ /rlung gi sgo nas 'byung ba min/ /gang zhig snang ba thob pa ni/ /yongs su rdzogs pa'i mtshan nyid do/ zhes bya ba 'og nas gsungs pa'i phyir dang /de bzhin du
- 360a
stong pa shin tu stong pa dang/ /stong pa chen po gsum pa dang/ /thams cad stong pa bzhi pa ste/ /rgyu dang 'bras bu'i dbye bas so/ /zhes bya ba gsungs pa'i phyir ro/ /phyag rgya'i rim pa ni thabs dang shes rab gnyis su med pa'i sbyor ba'i dus su tshangs pa'i bu ga las/ byang chub kyi sems 'dzag na snang ba'i ye shes 'char bar 'gyur te/ snga ma bzhin du 'khor dang bcas pa'i 'jug pa'i rnam par shes pa 'gag par 'gyur ro/ /yan lag thams cad kyi tshigs khyab pa'i dus su/ snang ba mched pa'i ye shes 'char bar 'gyur te/ 'khor dang bcas pa'i nyon mongs pa can gyi yid kyi rnam par shes pa 'gag bar 'gyur ro/ /rdo rje rtse mo las/ thig le gcig spros pas snang ba nye bar thob pa'i ye shes 'char bar 'gyur te/ 'khor dang bcas pa'i kun gzhi rnam par shes pa 'gag par 'gyur ro/ /rdo rje rtse mo de nyid du bstan par gyur pas chu skyes gang bar ma gyur te/ 'od gsal ba'i ye shes shar bar gyur na ye shes gsum 'gag pa yin te/ phyag rgya'i rim pa'o/ /ji skad du/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba ni/ /gsal bar 'di las mtshon par 'gyur/ / zhes bya ba 'og nas gsungs pa'i phyir ro/ /bdag la byin gyis rlab pa'i rim pa la thabs gnyis te/ cig car gyi rim pa dang/ snang ba nye bar thob pa la sogs pa'i rim pa'o/ /de la cig char gyi rim pa ni sems can gyi don mdzad pa'i phyir/ chu las nya bzhin du 'od gsal ba las cig car ldang ste/ sgyu ma dang mtshungs pa'i rdo rje 'chang ba'i sku yis gdul bya rnams la chos bstan pa'i bdag nyid can no/ /gnyis pa'i ni dang po nam mkha' dang 'dra ba'i 'od gsal ba'i ye
- 360b
shes mthong nas/ de'i rjes la mtshams dang 'dra ba'i snang ba la dmigs nas/ de nas kyang nyi ma dang 'dra ba dang/ zla ba dang 'dra ba'i snang ba mthong la/ thams cad gcig tu gyur pas rdo rje 'chang chen po la sogs pa'i gzugs la dmigs pa gang yin pa de ni/ snang ba nye bar thob pa la sogs pa'i rim ps te/ sgyu ma la sogs pa'i dpe dang sbyar ba dang po bzhin du 'di la yang rtogs par ba'o/ /mngon par byang chub pa'i rim pa la thabs gnyis te/ phyag rgya'i rim pa dang/ ting nge 'dzin gyi rim pa'o/ /phyag rgya'i rim pa la ni rnam pa gnyis te/ phyi'i mngon bar byang chub pa'i rim pa dang/ nang gi mngon par byang chub pa'i rim pa'o/ /ting nge 'dzin gyi rim pa la yang rnam pa gnyis te/ ril por 'dzin pa'i ting nge 'dzin gyi rim pa dang/ rjes su gzhi ka pa'i ting nge 'dzin gyi rim pa'o/ /de la phyi'i mngon par byang chub pa ni dam tshig gi tshig gi phyag rgya'i sgo nas so/ /nang gi mngon par byang chub pa ni ye shes kyi phyag rgya'i sgo nas so/ /yang na mtshan mo ni snang ba'i ye shes dang/ nyin mo snang ba mched ba'i ye shes dang/ phyi dro'i mtshams snang ba nye bar thob pa'i ye shes dang/ snga dro'i mtshams 'od gsal ba'i ye shes so/ /yang na phyi'i mngon par byang chub pa ni/ mtshan ma lnga nye bar mtshon pa'i mtshan nyid can no/ /de rnams ni smig rgyu dang/ du ba dang/ srin bu me khyer dang/ mar me dang/ sprin med pa'i nam mkha' dang 'dra ba ste/ mngon sum gyis rtogs par 'gyur ba'o/ /ril por 'dzin pa ni lte ba'i dbus na gnas pa'i yi ge dang po'i 'od zer gyis ji srid mgo bo'i bar du khyab cing/ de las kyang snying ga dang/ de las rkang pa'i bar dang/ de las kyang snang bar byas te dang po'o/ /gnyis pa ni rim pa de nyid kyis khams gsum pa mi snang bar byas la phyi nas bdag nyid kyang mi snang bar bya ba'o/ //
- 361a
'dir ni 'dod chags kyi rigs la brten te/ phyag rgya'i rim pa dang/ zhe sdang gi rigs la ting nge 'dzin gyi rim pa bcom ldan 'das rdo rje 'chang chen pos gsungs te dgongs pa'o/ /'dod chags dang zhe sdang 'phreng ba'i rigs can la re mos thabs gnyis po gsungs so/ /de'i bar gyis rim pa bzhi po'i thabs rnams bstan to/ /de la dang po thabs las byung ba'i rdo rje bzlas pa la slob pa ste/ de la rnam pa bcu gcig ste/ rdo rje 'chang chen po dang/ sku gsung thugs dang/ rin chen dang/ don yod grub pa dang/ 'dod chags dang/ zhe sdang dang/ gti mug dang/ khro bo dang/ ma ning gi bzlas pa'o/ /de rnams kyang/ don rtogs pa'i bzlas pa yis/ /zhes bya ba la sogs pa 'og nas bshad par bya'o/ /sems la dmigs pa'i rim pa'i thabs las byung ba ni mi g.yo ba'i ting nge 'dzin spang pa'i mtshan nyid can gyi sems kyi 'od gsal ba'o/ /de yang/ 'od gsal go 'phang thob nas so/ /zhes bya ba la sogs pa 'og nas bshad par bya'o/ /bdag la byin gyis brlab pa'i rim pa'i thabs las byung ba rnam pa gsum ste/ chos dang/ longs spyod rdzogs pa dang/ sprul pa'i sku'i bdag la byin gyis brlab pa'i dbye bas so/ /de yangs 'dir ni mang du bshad mi dgos/ zhes bya ba la sogs pa 'og nas bshad par bya'o/ /mngon par byang chub pa'i rim pa'i thabs las byung ba ni 'dod chags dang/ 'dod chags bral ba dang/ 'dod chags bar ma yongs su spangs pa'i rang bzhin gyi 'od gsal ba'o/ /de yang mtshan mo snang ba'i cha ste gsal ba nyi ma'i 'od gzer 'gyed snang ba mched pa yin/ zhes bya ba la sogs pa 'og nas bshad par bya'o/ /zung 'jug gi rim pa la ni dbye ba gnyis te/ rgyu'i zung 'jug gi rim pa dang/ 'bras
- 361b
bu'i zung 'jug gi rim pa'o/ /de la rgyu'i zung 'jug gi rim pa ni rnam pa bzhi ste/ nyan thos dang/ rnal 'byor spyod pa pa dang/ dbu ma pa dang/ sngags gyi theg pa'i dbye bas so/ /rgyu'i phyogs de la ni lhag ma dang bcas pa dang/ lhag ma med pa'i mya ngan las 'das pa gnyis dang/ rnam pa dang bcas pa dang/ rnam pa med pa nyid dang/ kun rdzob dang/ don dam pa gnyis dang/ bskyed pa rdzogs pa'i rim pa gnyis la sogs pa'i dbye bas so/ /'bras bu'i zung 'jug gi rim pa yang rnam pa bzhi ste/ rigs dang/ yon tan dang/ bya ba dang/ rdzas kyi dbye bas so/ /'bras bu'i phyogs su yang bram ze dang sme sha can gnyis dang/ dri bzang dang/ dri ngan gnyis dang/ ma dang chung ma gnyis la 'gro dang/ ga pur dang/ bshad ba gnyis la spyod pa'i dbye bas so/ /de yang/ gang du lhag ma dang bcas pa zhes bya ba la sogs pa dang/ de bzhin du ji ltar DoM ba bram ze dang/ zhes bya ba la sogs pa'o gnas bshad par bya'o/ /'on rdo rje bzlas pa la sogs pa'i rim pa bzhi po ni thabs te/ 'bras bu ni zung 'jug gi rim pa yin pas de la yang/ rgyu'i dbye ba yin par bshad ce na/ smras pa/ de ni 'bras bur gyur pa yin na pha rol pa rnams kyi 'dod pa'i lta ba rnams tha mi dad par bzhag par bya ba'i phyir/ yon tan gyi sgo nas rgyu nyid bshad pa yin te/ gtso bo yi sgo nas ni ma yin no/ /'di la gtso bo ni 'od gsal ba las ldang ba 'bras bu nyid kho na yin no/ /'o na ldang ba dang mnyam par bzhag pa phan tshun 'gal ba'i phyir/ zung 'jug gi rim pa sangs rgyas kyis thob par mi 'gyur ro zhe na/ smras pa/ sangs rgyas bcom ldan 'das rnams ni gtan du mnyam par bzhag pa ste/ 'phrin las gang dang gang mdzad pa de dang ting nge 'dzin la bzhugs pa de rnams la g.yeng ba'i rgyur mi 'gyur ro/ /gang gi phyir sangs rgyas
- 362a
rnams kyi bzhugs pa ni rnam pa bzhi ste/ spyod lam gyi bzhugs pa dang/ bstan par bzhugs pa dang/ snyoms par bzhugs pa dang/ nang du yang dag 'jog pa'i bzhugs pa'o/ /bzhugs pa ni mnyam par bzhag pa'i spyod pa spyod pa spyod pa ste/ de la gang zhig sangs rgyas rnams kyi sku'i spyod pa mnyam par bzhag pa de ni spyod lam gyi bzhugs pa'o/ /gang zhig de rnams kyi chos bstan pa la sogs pa'i gsung gi 'phrin las de ni bstan pa'i bzhugs pa'o/ /gang zhig de rnams kyi ting nge 'dzin la snyoms par 'jug pas thugs kyi 'phrin las de ni snyoms par 'jug pa'i bzhugs pa'o/ /gang zhig de rnams kyi lha la sogs pa'i gam du 'ong ba la thugs kyi 'phrin las de ni nang du yang dag 'jog gi bzhugs pa'o/ /de bas na ldang ba dang mnyam par dag la bcom ldan 'das rnams ni 'dra ba yin te/ gang zhig de rnams kyis sems can gyi don du sna tshogs pa'i spros pa dang bcas pa'i 'phrin las mdzad pa de'i sa de rnams cung zad g.yengs par mi 'gyur te/ dper na sprin dang kha ba la sogs pa rnams kyis nam mkha' i khams la gnod pa med pa lta bu'o/ /sngon gyi smon lam stobs kyis sems gyi don mdzad kyang rang bzhin gyis nyams par mi 'gyur ro/ /de rnams la rdza mkhan gyi 'khor lo 'khor ba bzhin du mdzad pa thams cad 'byung ba yin no/ /ji skad du/ gang zhig ma lus skyon rgyu brtags pa'i lta ba bud shing sreg par mdzad/ /rang dang gzhan gyi dbye ba'i yul ni rtsa med skyon rnams skyon med la/ /skyon med thugs rje'i rigs pas sgyu ma'i skyes bu las la blo ldan pa/ /sngon gyi smon lam dbang gis 'khor lo bskor bzhin du las la 'jug ces 'byung ba'i phyir ro/ /ting nge 'dzin
- 362b
la 'jug pa tsam gyis de'i gnas pa tsam gyis sems can rnams kyi 'dod pa'i don grub pa yin te/ nges pa kho na yin no/ /ji skad du/ skyes bu gnas pa tsam gyis ni/ /de nyid yid bzhin nor bu ltar/ /rtsig pa sogs las bstan pa rnams/ / ci 'dod pa ni 'byung ba yin/ /zhes bya ba 'byung ba dang/ de bzhin du/ mnyam par bzhag dang ma bzhag pa/ /gang du de dag dmigs mi 'gyur/ /rnal 'byor go 'phang mi zad pa/ /de ni zung 'jug gyur pa yin/ zhes bya ba 'og nas gsungs pa'i phyir ro/ / da ni 'di rnam par dpyad par bya ste/ /rim pa lnga po di rnams rnal 'byor pa gcig gis bsgom pa yin no/ /yang na rnal 'byor pa lngas te/ gal te gcig gis sgom na de'i tshe rdo rje bzlas pa'i mdza' ru des 'bras bu thob par 'gyur te /rim pa gnyis pa la sogs pa rnams ni don med pa yin te/ ma ning gi bzlas pa ni 'od gsal ba nyid yin pa'i phyir ro/ /gal te gang zag lngas bsgom na/ /de'i tshe 'od gsal ba tha dad par 'gyur te/ de yang 'od pa ma yin te/ gnyis su med pa'i phyir ro/ /thabs kyi dbye ba ni de kho na nyid kyi dbye ba sgrub par byed pa ma yin te/ bya ba la sogs pa'i rgyud bstan pa zhes ce na/ de yang yang dag pa ma yin te/ bya ba la sogs pa'i rgyud rnams la ni de kho na nyid gtso bo nyid du bstan pa ma yin pa'i phyir ro/ /gal te de rnams gtso bo nyid du de kho na nyid dang ldan par gyur na/ de tshe gong nas gong du rgyud bstan pa rigs pa ma yin no/ /bya ba la sogs pa'i rgyud kyi bstan pa 'di ni/ las dang po pa 'jug pa'i phyir te/ de ni drang ba'i don du bshad pa ste/ nges pa'i don du ni ma yin no zhes dgongs pa'o/ /de bas na 'dir ji ltar gnas par bya'o/ /smras pa/ 'dir ni rim pa lnga po gang zag gcig gi spyod yul yin te/ lnga po ni ma yin no/ /byang chub yang gcig yin te/ thabs du
- 363a
ma yod kyang de tha dad par mi rigs te/ char pa lta bu'o/ /dper na dbyar gyi dus su sprin gyi tshogs kyis bkag pa'i nam mkha' i dkyil nas char 'bab pa gang yin pa de ni gcig pa yin yang bu ram gyi shing la ? na mngar bar gyur pa dang/ de nyid tig ta la sogs pa la bab na kha bar 'gyur ba dang/ sprul gyis 'thungs na dug nyid du 'gyur ba ste/ de ltar 'od gsal ba gcig pu yin na'ang/ bya ba'i rgyud la gnas pa rnams kyis lha'i rnam pa tsam du bzung ba dang/ spyod pa'i rgyud la gnas pa rnams kyi sna tshogs pa'i spros pa'i spyod pa'i sgo nas gzung ba dang/ rnal 'byor gyi rgyud la gnas pa rnams kyis sngags dang/ phyag rgya dang/ ting nge 'dzin gyi dbye bas bzung ba'o/ /rnal 'byor chen po'i rgyud la gnas pa rnams kyis bskyed pa'i rim pa dang/ rdzogs pa'i rim pa'i dbye bas de kho na nyid bzung bar 'gyur te/ de la yang kha cig gis ting nge 'dzin gsum gyis dbye ba dang/ kha cig gis lus rnam par dben pa dang/ kha cig gis ngag rnam par dben pa dang/ kha cig gis yid rnam par dben pa dang/ kha cig gis kun rdzob kyi bden pa rnam par dben pa dang/ kha cig gis don dam pa'i bden pa rnam par dben pa dang/ kha cig gis mi gnas pa'i mya ngan las 'das pa la rag lus pa'i sgo nas dang/ kha cig gis so sor sdud pa la sogs pa'i yan lag drug gi rnal 'byor gyi sgo nas dang/ kha cig gis phra ma'i rnal 'byor dang thig le bsgom pa'i sgo na de kho na nyid bzung bar 'gyur ro/ /spros pa'o/ /ji skad du/ chos ni 'di rnams sgra nyid brjod pas lung du bstan/ /chos dang sgra dag 'dir ni gang yang mtshon mi bya/ /tshul ni gcig gyur yang dag de la zhugs nas su/ /bla med bzod spyod de la reg par gyis zhes bya ba la sogs pa 'byung ba'i phyir ro/ /
- 363b
de'i phyir na 'dir grub pa'i mdza' 'di nyid yin te/ las dang po pa'i gnas skabs la gnas pa'i rnal 'byor pa dpal gsang ba 'dus pa'i cho gas dkyil 'khor 'dri ba'i rdo rje slob dpon gyis/ thub pa rdo rje la sogs pa'i dkyil 'khor rnams la ?? yang rung ba'i dkyil 'khor la rab tu zhugs te/ de nyid la dam tshig dang sdom pa gsol ba sngon du 'gro ba'i rim pa dang/ phyir mi ldog pa dang/ gsang ba dang/ shes rab dang/ shes rab ye shes kyi dbang rnams kyis dbang bskur la/ rang 'dod pa'i lha'i sgom pa sbyin bar bya'o/ /de nas slob ma des skye bo med par phyin la/ dang po lus rnam par dben pa'i phyir/ ting nge 'dzin gsum gtso bor gyur pa'i bskyed pa'i rim pa rnam par bsgoms la/ slar yang de la mthar thug pas mtshan ma bltas te/ ngag rnam par dag par bya ba'i phyir/ rdo rje bzlas pa'i rim pa bsgoms la/ de nas sems rnam par dben pa'i phyir sems la dmigs pa'i rim pa la bsgoms nas bdag la byin gyis brlab pa'i rim pas sgyu ma lta bu'i ting nge 'dzin la gnas so/ / 'dod chags dang/ 'dod chags dang bral ba dang/ 'dod chags bar ma'i rim pas mngon par byang chub pa la zhugs te/ zung 'jug gi rim pas mi gnas pa'i mya ngan las 'das pa mngon du byas te/ sangs rgyas shing sems can ma lus pa'i don mdzad pa'i phyir/ sangs rgyas kyi zhing nas sangs rgyas kyi zhing du gshegs par 'gyur te/ sgom pa po gang zag lnga ma yin no/ /gcig kho na yin no/ /dper na dpal gsang ba 'dus pa'i le'u bcu bdun pa las gsungs pa'i de kho na nyid sgom par byed pa'i gang zag gcig lta bu'o/ /gang gi phyir der le'u re re la ni sgom pa po tha dad pa ma yin te/ le'u bcu bdun las bstan pa'i rim pa gnyis sgom par byed pa'i gang zag gcig pu kho na yin pa'i phyir ro/ /gang zhig rdo rje bzlas pa la sogs
- 364a
pa rnams la bar bar du 'od gsal ba bstan pa de yang/ de nyid la khyab par byed pa nyid bstan pa'i phyir te/ de tsam gyis rim pa gzhan med par mi 'gyur bas rim pa mdza' ma kho na las bya ba rdzogs pa'i phyir ro/ / de yang spyod pa bsdus pa'i sgron ma las 'phags pa lha'i zhal snga nas kyi mda' la goms pa'i dpe'i sgo nas rab tu bstan pa ste/ de nyid las shes par bya'o/ /da ni 'di rnams bshad par bya ste/ 'dir gang zag du dbang dang ldan pa yin zhe na / smras pa /chos la rjes su 'brang ba rin po che lta bu'i gang zag rnams so/ /gang gi phyir gang zag ni rnam pa gnyis te/ dad pa la rjes su 'brang ba dang/ chos la rjes su 'brang ba'o/ /de la dad pa la rjes su 'brang ba la ni bzhi ste/ tsan dan lta bu la sogs pa'o/ /de la tsan dan ni dbang po dman pa dang/ utpa la ni dbang po 'bring dang/ pad+ma dkar po ni dbang po rab dang/ pad+ma ni de bzhin no/ /chos la rjes su 'brang ba ni rin po che lta bu'i gang zag gcig kho na yin no/ /de rnams kyi mtshan nyid ni sgron gsal las gsungs te/ de nyid las shes par bya'o/ /de la rin po che bzhin du sems can kun la 'dod pa thams cad rdzogs byed pa ni rin po che lta bu'i gang zag go /yang na tshul khrims la sogs pa'i yon tan kho na rin thang med pa'i phyir rin po che ste/ de rnams gan la yod pa de la de skad ces bya'o/ /ji skad du/ tshul khrims ldan zhing dri med rtsol/ /shes rab dang ldan tshar gcig ba/ /thos nas yang dag rab bstan pa/ /rin chen gang zag rab tu grags/ /zhes 'byung ngo/ /de'i phyir/ dad pa la rjes su 'brang ba ni/ bskyed pa'i rim pa bshad pa'i snod yin no/ /chos la rjes su 'brang ba rnams ni rdzogs pa'i rim pa'i snod du gyur pa yin no/ /da ni nyan pa po rnams 'jug par bya ba'i phyir/
- 364b
rjod pa la sogs pa lnga po bshad par bya'o/ /de med na de rnams 'jug par mi 'gyur pas/ rab tu byed pa rtsom pa don med par 'gyur ba'i phyir ro/ /de la rim pa lnga pa zhes bya ba ni rab tu byed pa'i rjod pa'o/ /bsgrub bya nyid du mngon par 'dod pa'i rdo rje bzlas pa la sogs pa ni brjod par bya ba'o/ /de dag la thabs dang thabs las byung ba'i mtshan nyid can gyi 'brel ba'o/ /dgos pa ni ngag rnam par dben pa nas mi gnas pa'i mya ngan las 'das pa'i go 'phangs thob pa'o/ /de'i yang dgongs pa ni 'gro ba thams cad de'i rang bzhin bya ba ste/ rim pa lnga pa'i mdor bsdus pa'i don to// //de la re zhig dang po rab tu byed pa mdzad pa'i slob dpon gyis 'dod pa'i lha la bgegs bskrad pa'i phyir/ phyag 'tshal ba rtsom pa yin te/ gang gi phyir phyag 'tshal ba ni bcom ldan 'das rdo rje 'chang chen po'i rang bzhin rjes su dran pa'i mtshan nyid de/ phyir ldog pa dang/ phyir mi ldog pa'i dbye bas dbang po dang/ stobs kyi yang dag par bsdus pa'i sems las byung ba'i dge ba'i chos yin no/ /bgegs rnams ni mi dge ba bcu'i sa yang dag par bsdus te/ rnam par 'tshe ba la sogs pa yin no/ /dge ba dang/ mi dge ba 'di dag la ni lhan cig mi gnas pa'i mtshan nyid kyis 'gal ba'i phyir 'gal ba yod pa ste / dge ba'i phyogs phul du gyur na mi dge ba'i phyogs kyi rang bzhin gyi bgegs rnams rang bzhin du zhi bar 'gyur te/ 'gal ba dmigs pa'i gtan tshigs so/ /dper na 'dir grang ba'i reg pa med pa ste/ me'i khyad par nyid gnas pa'i phyir ro/ /phyag 'tshal ba 'di yang rnam pa gsum yin te/ mthun pa dang/ mngon par 'dod pa dang/ gnyis ka'i bdag nyid can no/ /de la mthun pa ni gang zhig gzhung mdzad pas 'dod pa ma yin te/ gzhung la rigs pa kho na'o/ /dper na so sor thar pa'i sdom pa la rjes su mthun pa
- 365a
ni dge slong gi kA ri kA rnams kyi dang po phyag 'tshal ba ste/ dpal gyi phun sum tshogs pa'i sa dang zhes bya ba la sogs pa ste/ chags pa dang bral ba'i bcom ldan 'das la phyag 'tshal lo/ /de la slob dpon shAkya 'od la yi dam gyi lha 'jam dpal la sogs pa'o/ /mngon par 'dod pa ni gang zhig gzhung mdzad pa yis mngon par 'dod pa ste/ bstan bcos dang rjes su mthun pa ni ma yin no/ /dper na/ 'jig rten dbang phyug mgon po la/ /zhes bya ba la sogs pa ste/ snang ba'i 'phreng ba'i 'brel pa'i phyag 'tshal ba'o/ /da ni bstan bcos mdzad pa'i yi dam gyi lha yin te/ rnam par rigs pa tsam grub pa la ni ma yin no/ /gnyis ka'i bdag nyid can ni bstan bcos dang/ de mdzad pa dag gnyis ka la rjes su mthun pa ste/ dper na kun tu bzang po'i sgrub thabs las 'jam pa'i rdo rje la phyag 'tshal lo/ /de ni 'jam dpal bsgrub par bya ba'i phyir/ sgrub thabs dang rjes su mthun pa dang/ bstan bcos mdzad pa la yang/ de nyid yi dam gyi lha yin pa'i phyir ro/ /'dir yang gnyis ka'i bdag nyid can yin te/ 'phags pa klu sgrub kyis ni rdo rje 'chang chen po kho na grub pa'i phyir dang/ rab tu byed las kyang de nyid grub par bya ba'i phyir ro/ /de nyid bshad par bya ba'i phyir ro/ /mgon po sems can kun bdag nyid/ /dpal ldan bde chen la btung de/ /rnal 'byor rgyud kyi rjes 'brangs nas/ /rdo rje bzlas pa'i rim bshad bya/ zhes bya ba gsungs te/ rdo rje bzlas pa'i rim bshad bya/ zhes pa ni rim par rnam par bye zhing so sor bstan par bya zhes pa'i don to/ /ci byas nas ce na/ bcom ldan 'das bde chen ni rdo rje 'chang la btung de/ zhes bya ba ni lus ngag yid rnams kyis phyag 'tshal nas so/ /bcom ldan 'das ji lta bu yin
- 365b
zhes na/ mgon po zhes bya ba ni de bzhin gshegs pa lnga'i bdag po'o/ /gzhan yang dpal ldan zhes bya ba ni/ dpal ni tshogs gnyis te/ de gang la yod pa de ni dpal ldan no/ /des na gzhi mthun pa'i bsdu ba'o/ /yang ji lta bu yin zhe na/ sems can kun bdag nyid ces bya ba ni/ sems can kun ni rnam pa bzhi'i sems can kyi rigs kyi dbye ba ste/ de rnams kyi bdag nyid ni chos nyid kyi rang bzhin gang yin pa de na de bzhin no/ /rdo rje bzlas pa'i rim pa ni rnam pa bcu gcig pa ste/ 'og nas bshad par bya'o/ /rnal 'byor rgyud kyi rjes 'brangs nas/ zhes bya ba'i 'dir ni chen po'i sgra phyi ba mthong bar bya ste/ de bas na don 'di yin te/ rnal 'byor chen po'i rgyud ni dpal gsang ba 'dus pa zhes bya ba ste/ de'i rjes su 'brangs nas so/ /'dir ni rang bzo bkag pa yin te/ yi ge'i don to/ /de bzhin du bde chen ni bde ba chen po'i go 'phang la rdo rje dang pad+ma snyoms par zhugs pas/ dkyil 'khor gyi dbus 'dod chags kyi rigs kyi sems can rjes su bzung ba'i phyir/ gang bzhugs pa de la de skad ces bya'o/ /ji lta bu zhes na/ mgo bo zhes bya ba ni dkyil 'khor ba'i tshogs kyis gsol ba gdab cing mchod par 'gyur ba'o/ /gzhan yang dpal ldan zhes bya ba ni dpal ni spyan la sogs pa ste/ rnams gang la yod pa de dpal ldan te/ de yis rdo rje 'chang chen po'i gsang ba lnga'i dkyil 'khor rab tu bstan to/ /yang ji lta bu zhe na/ sems can kun bdag nyid ces bya ba ni sems can kun ni dam tshig sems dpa' dang/ ye shes sems dpa' dang/ ting nge 'dzin sems dpa' gsum ste/ de rnams kyi bdag nyid ni rang gi sku gang la mnga' ba de ni sems can kun bdag nyid de/ de la phyag 'tshal nas bshad par bya ba la sogs pa snga ma bzhin te/ spyi'i don to/ /de bzhin du sems can kun bdag nyid ces bya ba ni/ ma lus pa'i sems can dang/ snod kyi 'jig rten gyi rnam pa'o/ /mgon po zhes bya ba ni thar pa
- 366a
'dod pa rnams kyis gsol ba gdab par bya ba'o/ /dpal ldan zhes bya ba ni chos kyi sku dang/ rnam par grol ba'i sku'i mtshan nyid bde ba chen po rtag pa/ zag pa med pa'i bde ba rang bzhin gyis rtag pa/ dri ma med pa'i nam mkha' dang mtshungs pa/ rang rig pa tsam gang yin pa de la phyag 'tshal ba ni de'i rang bzhin du rtogs nas/ rdo rje bzlas pa'i rim pa bshad par bya zhes bya ba snga ma bzhin te/ yang spyi'i don du/ de bzhin du sems can kun ni snang ba la sogs pa'i ye shes gsum gyi snang ba ste/ sems can kun gyi nyams su myong bas yod pa'i phyir ro/ /de'i bdag nyid ni de'i rang bzhin no/ /mgon po ni 'od gsal ba nyid yin pa'i phyir ro/ /dpal ldan zhes bya ba ni sngags kyi rim pas thob par bya pa'i phyir dang/ bde chen zhes bya ba ni phyag rgya'i rim pa thob par bya ba'i phyir te/ de la bdud de zhes bya ba ni nyams su myong nas rdo rje bzlas pa zhes bya ba la sogs pa snga ma bzhin te/ sbas pa'i don to/ /de bzhin du sems can kun ni sgyu ma'i dpe bcu gnyis te/ de'i bdag nyid ni sgyu ma dang 'dra ba'o/ /de bzhin du mgon po dang 'dra ba'i dkyil 'khor ba'i nang na dbang phyug go /dpal ni kha dog lnga dang ldan pa'i brgya byin gyi gzhu dang 'dra ba'i 'od zer te/ yod pa dang med pa'i phyogs gnyis las 'das pa gang la mnga' bde la de skad ces bya'o/ /de bzhin du bde chen ni 'od gsal ba ste/ de las cig car ram/ stong pa chen po la sogs pa'i rim pas 'byung ba'i phyir bde chen te/ de la btud de zhes bya ba ni ye shes kyi sku la dmigs te/ rdo rje bzlas pa zhes bya ba la sogs pa ni snga ma bzhin te/ yang sbas pa'i don du/ sems can kun ni 'jig rten pa thams cad kyi gzhir gyur pa'i rtsa bdun khri nyi stong ste/ de rnams las lhung ba'i phyir/ sems kun gyi bdag nyid ni byang chub kyi sems te/ de nyid khams
- 366b
thams cad kyi gtso bo yin pa'i phyir mgon po'o/ /kun dang 'dra ba'i phyir dpal ldan no/ /mtshan ma gnyis yang dag par sbyar bas bde ba chen po gsal ba'i phyir bde chen te/ de la btud de zhes bya ba ni rdo rje 'chang dang tha mi dad par shes nas rdo rje bzlas pa zhes bya ba la sogs pa snga ma bzhin te/ yang sbas pa'i don to/ /sems can kun ni 'dod chags dang bral ba la sogs pa'i rang bzhin brgya drug cu ste/ de rnams yang khyab par byed pa nyid du gnas pa'i phyir/ sems can kun gyi bdag nyid do/ / mgon po ni zla ba dang nyi ma dang mtshams kyi snang ba gsum dang bral ba'o/ /dpal ldan zhes bya ba ni smig rgyu la sogs pa'i mtshan ma lngas mdzes pa'o/ /bde chen zhes bya ba ni rnam par mi rtog pa'i ye shes te/ yang dag pa'i mdza' i bdag nyid do/ /de la btung de zhes bya ba'i de'i bdag nyid du rjes su zhugs nas/ rdo rje bzlas pa zhes bya ba la sogs pa'i ni snga ma bzhin te/ mthar thug gi don to/ /de bzhin du kun ni kun rdzob kyi bden pa ste/ de ni sna tshogs su so sor snang ba'i phyir ro/ /sems can ni don dam pa'i bden pa ste/ yod pa'i dngos po rnams kyi de kho na nyid yin pa'i phyir ro/ /kun rdzob dang don dam pa'i bden pa gnyis sems can thams cad de/ sgyu ma dang 'dra ba'i ye shes kyi sku dang 'od gsal ba'o/ /de dag bdag nyid ni rang bzhin gang la yod pa de ni sems can kun bdag nyid do/ /mgon po zhes bya ba ni ji srid bskal pa grangs med pa'i bar du/ sa bcu'i dbang phyug byang chub sems dpa' rnams kyis bsnyen par gyur pa ste/ longs spyod rdzogs pa'i sku ni mi 'jig pa'i rtag pas bzhugs pa'i phyir ro/ /rnam pa'i mchog thams cad dang ldan pa'i dpal gang la yod pa de la de skad ces bya'o/ /shin tu mdzes pa'i rin po che sna bdun gyi rang bzhin gyi sna tshogs pa'i sangs rgyas kyi zhing spros pas phyogs bcu khyab par byed pa'i
- 367a
gzhal yas khang la bzhugs te/ zag pa med pa'i sangs rgyas dang byang chub sems dpa' rnams la dpe med pa'i chos kyi bdud rtsi'i char bab pas mchog gi dga' ba gsol ba'i phyir/ bde chen te/ de la bdud de zhes bya ba ni sangs rgyas rjes su dran pas de'i yon tan gyi tshogs la dmigs te/ phyin ci ma log pa'i de'i rang bzhin bsam nas/ rdo rje bzlas pa'i rim bshad bya/ /zhes pa la sogs pa snga ma bzhin te/ yang mthar thug pa'i don to/ /rnal 'byor rgyud ces bya ba ni/ thabs dang shes rab snyoms 'jug pa/ /rnal 'byor zhes ni bshad pa ste/ /rang bzhin med pa gang shes rab/ /thabs ni dngos po'i mtshan nyid do/ /zhes bya ba gsungs pa'i phyir/ shes rab dang thabs kyi rang bzhin stong pa nyid dang snying rje ste/ des nye bar mtshon pa'i rdo rje dang pad+ma rgyud gang la tha mi dad par so sor bstan pa de ni rnal 'byor gyi rgyud dang/ dpal gsang ba 'dus pa la sogs pa'o/ /gal te de ltar yin na/ de kho na nyid bsdus pa la sogs pa la rnal 'byor gyi rgyud kyi ming ji ltar yin/ smras pa/ don gyi dbye ba'i sgo nas so/ /gang gi phyir de ni stong pa nyid la rnal 'byor gyi ming bstan pa'i phyir ro/ /ji skad du/ ye shes tsam la snyoms par 'jug pa/ /rnal 'byor zhes ni bshad pa yin/ /zhes bya ba 'byung ba'i phyir ro/ /de bas na brjod pa 'dra ba yin yang rgyud 'di ni khyad par gyi rnal 'byor gyi rgyud yin te/ brgya byin dang bkra mi shis pa'i bya dag la kau shi ka'i sgra brjod pa lta bu'o/ /'o na rgyud shes bya ba ni gang yin zhe na/ rgyun ni rgyud de/ rdo rje 'chang chen po las rgyud kyis par ma chad pa'i man ngag gi sgo nas rab tu 'jug pa na rgyud do/ /de yang rnam gsum ste/ rgyu'i rgyud dang/ 'bras bu'i rgyud dang/ thabs kyi rgyud do/ /de la rgyu'i rgyud ni thog ma dang
- 367b
tha ma med pa'i chos kyi dbyings so/ /'bras bu'i rgyud ni rdo rje 'chang chen po'i dkyil 'khor mngon du gyur pa'o/ /thabs kyi rgyud ni rim pa gnyis kyi yan lag rnams so/ /ji skad du/ rgyud ni rgyun zhes bshad pa ste/ rgyun de yang ni rnam pa gsum/ gzhi dang de bzhin rang bzhin dang/ /'du ba med pa'i 'bras bu'o/ /zhes bya ba 'byung ba'i phyir ro/ /rnal 'byor gtso bor gyur pa'i rgyud ni rnal 'byor gyi rgyud de/ bar gyi tshig phyi bar gyur pa'i gzhi mthun pa'o/ /de ltar dang po'i dag gis ma lus pa'i rim lnga po'i don bstan nas/ rnal 'byor pa gang gis rim pa'i don bsgom par bya ba de rnams la brten te/ go rim bshad par bya ba'i phyir/ bskyed pa'i rim la legs gnas shing/ /rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /zhes bya ba gsungs te/ rim pa lnga pa zhes bya ba'i rab tu byed pa 'di thabs te/ 'bras bu sgrub pa la khyad par can gyi thabs 'di nyid sangs rgyas rnams kyi gsungs so/ /gang la zhe na/ rdzogs pa'i rim pa 'dod rnams la/ zhes bya ba ni rang bzhin gyis grub pa'i rim pa rdzogs pa'i rim pa ste/ /rdo rje bzlas pa la sogs pa ste/ de rnams 'dod pa'i ni rdzogs pa'i rim pa 'dod pa ste/ bla na med pa'i de kho na nyid 'dod pa'o/ /de rnams kyi don du'o zhes bya ba ni dag gi lhag ma'o/ /bskyed pa'i rim pa ma bsgoms pa dang/ rigs brgya'i dbye ba rgyur gyur pa'i lus rnam par dben pa ma thob pa'i rnal 'byor pa rnams la gsungs sam zhe na/ de ltar ma yin zhes bshad par bya ba'i phyir/ bskyed pa'i rim pa legs gnas shing/ /zhes bya ba gsungs te/ bskyed pa'i rim ni zla ba dang rdo rje la sogs pa'i rim pas/ tha mal ba'i lus po spang ba'i don du rdo rje 'chang la sogs pa'i lha'i sku rdzogs pa'o/ /de yang rnam pa gsum ste/ dang po
- 368a
sbyor ba dang dkyil 'khor rgyal po mchog dang/ las kyi rgyal po mchog go /de la yang dang po sbyor ba ni rnam pa bzhi ste/ rnal 'byor dang/ rjes su rnal 'byor dang/ shin tu rnal 'byor dang/ rnal 'byor chen po'o/ / de la rnal 'byor ni rnam pa bcu ste/ khyad par can gyi gnas gzung ba dang/ bgegs bskrad pa dang/ stong pa nyid bsgom pa dang/ ye shes kyis sa byin gyis brlab dang/ gzhal yas khang bsgom pa dang/ lhag par mos pa'i dkyil 'khor dang/ don dam pa'i dkyil 'khor dang/ gdon gyi dbye ba dang/ srid pa bar ma de'i rnam par dag pa dang/ chos kyi dbyings kyi de kho na nyid bsgom pa'o/ /rjes su rnal 'byor la rnam pa gnyis te/ dam tshig sems dpa' dang/ ye shes sems dpa' i dbye ba'o/ /shin tu rnal 'byor la ni rnam pa gsum ste/ phung po dang/ khams dang/ skye mched byin gyis brlab pa'i dbye ba'o/ /rnal 'byor chen po ni rnam pa gsum ste/ sku gsung thugs byin gyis brlab pa'i dbye ba'o/ / kun bsdus na dang po'i sbyor ba'i dbye ba bco brgyad do/ /dkyil 'khor rgyal po mchog gi dbye ba brgyad de/ phyag rgya'i dbye ba dang/ phyag rgya 'dus byas pa dang/ rdo rje dang/ pad+ma snyoms par 'jug pa dang/ de bzhin gshegs pa thams cad rab tu bzhugs pa dang/ pad+ma'i nang du dam tshig gi dkyil 'khor spro ba dang/ phyi rol tu spro dang/ phyir mi ldog pa'i dbang bskur ba dang/ rgyas btab pa'o/ /las kyi rgyal po mchog ni rnam pa bcu gnyis te/ phra mo'i rnal 'byor dang/ bzlas pa'i chog dang/ bya ba byas pa 'od du zhu ba dang/ lha mos bskur ba dang/ slar yang ldad pa dang/ langs nas de bzhin gshegs pa lnga'i bstod pa dang/ tshim par bya ba'i cho ga dang/ nang gi bdag nyid kyi sbyin sreg gi cho ga dang/ dkyil 'khor gyi 'khor lo nye bar
- 368b
bsdus pa dang/ mchod pa sngon du 'gro ba'i gtor ma'i cho ga dang/ gshegs su gsol ba'i cho ga'o/ /de ltar kun bsdus na bskyed pa'i rim pa ni dbye ba sum cu rtsa brgyad pa'o/ /de'i rjes la rigs brgya'i dbye bas lus rnam par dpen pa 'di yin te/ phung po lnga ni re re bzhin gshegs pa lnga'i rang bzhin yin pas nyi shu rtsa lnga'o/ /khams bzhi ni re re dbye ba lnga yis nyi shu'o/ /dbang po dang yul bcu po yang re re dbye ba lnga yis lnga bcu yin no/ /de la me long la sogs pa'i ye shes lnga snang bas rigs brgya'i dbye ba'o/ de lta bu'i bskyed pa'i rim pa la gnas pa ni bskyed pa'i rigs la pha rol tu phyin pa'o zhes bya ba'i don to/ /des ni gang zhig gis rgyun ma chad par rtog pa'i rnal 'byor bskur sti bcas par bsgoms pa dang/ gang zhig grang ba dang tsha ba la sogs pa'i 'jig rten gyi 'gal ba'i chos rnams kyis gnod par mi 'gyur ba dang/ gang zhig la zhal gsum phyag drug pa'i lha'i rnam pa mngon du gyur pa dang/ gang zhig sna tshogs pa'i zhi ba la sogs pa'i las kyi tshogs la nus dang ldan pa dang gang zhig bshad gci nyung ba dang/ snying rje dang ldan pa gang zhig 'jig rten pa'i spyod pas g.yo bar mi nus pa de rnams bskyed pa'i rim la legs par gnas pa ste/ gang zhig gi 'dod chags la sogs pa'i nyon mongs pa'i sprul gyis gzung ba dang/ sgom pa tsam la rag lus pa'i phyir/ rnal 'byor pa'i nga rgyal dang ldan pa dang/ sems chung ba dang/ thos pa chung ba de rnams ni ma yin no/ /zhes dgongs pa'o/ /bskyed pa'i rim pa la legs par gnas pa'i gang zag gang yin pa de/ / rnams gang gi tshe rdzogs pa'i rim 'dod par 'gyur na de'i tshe de rnams la bcom ldan 'das kyis thabs 'di gsungs so/ /ji lta bu zhe na/ skas kyi rim pa lta bur gsung zhes bya ba ni skas kyi rim pas skyes pa 'dzeg na/ de yis shin tu mtho ba'i
- 369a
khang bzang gi rtse mor phyir pa de bzhin du rdo rje bzlas pa la sogs pa'i thabs bzhi'i skas kyis/ thams cad kyi mchog zung 'jug gi go 'phangs thob par 'gyur ro/ /'di ni rdzogs pa'i sangs rgyas kyi tshig snga ma bzhin du rang bzo bkag pa'i don du'o/ /dgongs pa ma yin pa'i bshad pa'o/ /da ni rlung gi de kho na nyid dang/ sngags kyi de kho na nyid dang/ rdo rje bzlas pa'i rten du gyur pa'i rlung gang yin pa de nyid kyi rang gi mtshan nyid dang/ dbye ba rnams bstan pa'i phyir/ sems can rnams kyi srog gyur pa/ /rlung zhes bya ba las kun byed/ /'di ni rnam shes bzhon pa ste/ /lnga yi bdag nyid bcu yang yin/ zhes bya ba gsungs te/ de la rlung zhes bya ba ni khams chen po'i mchog gyur yin pa de rlung gi de kho na nyid la sogs pa'i rten yin no zhes ngag gi lhag ma'o/ /'o na rlung de phyi'i yin nam ma yin zhe na/ sems can rnams kyi srog gyur pa/ zhes bya ba ni 'gro ba rigs drug dang gzugs med pa'i srog gi rang bzhin te/ de yis tshim par gyur na de rnams kyis g.yo ba'i ming thob pa yin te/ gzhan du ma yin no/ /de bzhin las kun byed ces bya ba ni 'gro ba dang/ 'ong ba dang/ bskum pa dang/ brkyang pa dang/ mchod pa dang/ dman pa dang/ 'dzeg pa dang/ phur du 'gro ba la sogs pa dang/ 'byung ba dang/ 'jug pa dang/ gnas pa dang/ mdor bsdus pas gnas pa dang/ 'dug pa dang/ nyal ba dang/ 'gro ba rnams byed pa ste/ de ni don yod grub pa'i rang bzhin 'od la bstan pa ste/ las thams cad pa'i phyir ro/ /de bzhin du las kun ni/ zhi ba dang/ dbang dang/ mngon spyod dang/ bskrad pa dang/ rnam par sdang ba dang/ gsod pa ste/ de rnams byed pas na las kun byed pa'o/ /de yang/ ya'i
- 369b
don gyis gang ci 'ang rung/ /dngos grub 'dod pas bya ba ni/ /ra la sogs pa gsum nyid kyis/ /'gro ba'i don la 'jug par bya/ /zhes bya ba 'dir 'og na bshad par bya'o/ /rlung de yang rnam par shes pa las tha dad pa yin nam ma yin zhe na/ 'di ni rnam shes bzhon pa ste/ zhes bya ba ni rlung 'di nyid 'jug pa'i rnam par shes pa drug gi gzhon pa ni gzhir gyur pa'o/ /gang gi phyir rnam par shes pas de la zhon nas mig la sogs pa'i dbang po drug gi sgo nas gzugs la sogs pa'i yul drug po yongs su gcod pa yin no/ /de yang gang gi phyir de la des bskul ba la rag lus pa'i rnam par shes pa nyid yin te/ gzhan du na de yis long ba bzhin du ci yang mthong bar mi 'gyur ro/ /de bas na 'phye bo dang long ba bzhin du 'di dag la 'brel pa yod na don gyi bya ba 'grub pa yin no/ /'dis ni 'di ltar bshad par 'gyur te/ ji ltar rta dang rta pa lam du zhugs pas khyad par gyi bya ba rdzogs par byed pa de bzhin du/ rlung dang rnam par shes pa dag 'brel na yul bzung ba la nus pa dang ldan par 'gyur ro/ /'di dag la de'i bdag nyid kyi mtshan nyid kyi 'brel ba yod pa ste/ shing dang sha pa lta bu'o/ /'di tsam gyis rlung gi mtshan nyid bstan no pa/ de nyid kyi dbye ba bstan pa'i phyir/ lnga yi bdag nyid can zhes bya ba gsungs te/ de yang rnam pa lnga ste/ srog dang rtsol ba dang/ mthur du sel ba dang/ me dang mnyam pa dang/ gyen du 'gro ba dang/ khyab byed kyi dbye bas so/ /de la rlung bcu ni rdo rje'i zhal ces bya ba'i rnal 'byor chen po zhes bya ba ni rnal 'byor chen po'i rgyud las gsungs te/ de'i nang nas kyang dang po phung po lnga'i rlung gnas kyi dbye ba dang/ las kyi dbye bas bshad par bya ste/ de la srog gi rlung ni snying gar gnas pa ste/ de bzhin gshegs pa mi bskyod pa'i rang bzhin yin no/ mthur du
- 370a
sel ba'i rlung ni bshad sgo la gnas pa ste/ rin chen 'byung ldan gyi rang bzhin no/ /gyen du 'gro ba'i rlung ni mgrin par gnas pa ste/ snang ba mdza' yas kyi rang bzhin no/ /me dang mnyam pa'i rlung ni lte bar gnas pa ste/ don yod grub pa'i rang bzhin no/ /khyab byed ni yan lag thams cad kyi tshigs la gnas pa ste/ rnam par snang mdzad kyi rang bzhin no/ /'di rnams rim pa bzhin du rnam par shes pa dang/ tshor ba dang/ 'du shes dang/ 'du byed dang/ gzugs kyi phung po'i rang bzhin du shes par bya'o/ /srog na nag po dang/ mthur du sel ba ni ser po dang/ gyen du 'gro ba ni dmar po dang/ me dang mnyam pa ni ljang gu dang/ khyab byed ni kunda dang 'dra ba'o/ /de ni de rnams kyi kha dog go /chu dang nam mkha' me dang ni/ /rlung dang de bzhin sa dag ste/ /srog la sogs pa'i rang bzhin rnams/ /blo dang ldan pas shes par bya/ /zhes bya bas ni 'byung ba chen po bzhi'i rnam par dag pa ste/ zhi ba dang ni rgyas pa dang/ de bzhin dbang dang mngon spyod dang/ /las ni thams cad brten pa ste/ /srog la sogs pa rim bzhin no/ /zhes bya ba las kyi dbye ba'o/ /'di rnams kyi bya ba bshad par bya ste/ 'gro ba'i phyir dang rtsol ba'i phyir/ /dbang po'i sgo yis skud pa yis/ /gang zhig rtag tu 'gro ba ste/ /srog ces bya bar bshad pa yin/ /rlung dang de bzhin bshad gci dang/ /byang chub sems la sogs pa ste/ /mthur du sel byed thur sel te/ /rnal 'byor pa yis mtshon par bya/ /bza' ba dang ni bca' ba dang/ /lhag ma ltung bas 'jig pa dang/ /gang zhig mnyam por 'dren byed pa/ /de ni me dang mnyam par bshad/ /gyen du 'gro phyir sdud phyir dang/ /bza' ba 'jib sogs bza' ba'i phyir//
- 370b
de ni ye shes dang sbyor bas/ /gyen du 'gro ba'i las zhes bya/ /khyab pa dang ni 'ong ba sogs/ /tshigs ni thams cad khyab pa'i phyir/ /khyab byed ces bya bshad pa yin/ /de ni de rnams kyi las bstan pa yin no/ /de ltar gnas dang las kyi dbye bas srog gi rlung gcig pu rnam pa lnga ru bstan to/ /slar yang de nyid rnam pa bcu ru bshad par bya ba'i phyir/ bcu gang yin zhes bya ba gsungs te/ sngar bshad pa'i phung po'i rlung lnga dang/ dbang po la brten pa'i gzhan nye ba'i rlung lnga yin no/ /nye ba'i rlung lnga ni gyen du rgyu ba dang/ rnam par rgyu ba dang/ yang dag par rgyu ba dang/ nges par rgyu ba'o/ /de la gyen du rgyu ba'i rlung ni/ mig gi dbang po la gnas te/ gzugs gzung ba'i bya ba byed pa yin no/ /rnam par rgyu pa'i rlung ni rna ba'i dbang po la gnas te/ sgra gzung ba'i bya ba byed pa'o/ /yang dag pa'i rgyu ba'i rlung ni sna'i dbang po la gnas te/ dri gzung ba'i bya ba byed pa'o/ /rab tu rgyu ba'i rlung ni lce'i dbang po la gnas te/ ro 'dzin pa'i bya ba byed pa'o/ /nges par rgyu pa'i rlung ni lus kyi dbang po la gnas te/ reg pa gzung ba'i bya ba byed ba ste/ nye ba'i rlung rnams kyi gnas dang las kyi dbye ba bstan to/ /rlung bcu po de rnams dpal gsang ba 'dus pa'i bshad pa'i rgyud dgongs pa lung du bstan pa zhes bya bar dgongs pa'i bshad pas gsungs te/ srog dang rtsol ba me dang mnyam/ /gyen du 'gro dang khyab byed ces/ /glang po ru spal rtsangs pa dang/ /lta sbyin dang ni nor rgyal lo/ /zhes bya ba la sogs pa dang/ sangs rgyas thams cad mnyam sbyor ba'i rgyud las kyang/ sgra ji ? ma yin pa'i sgo nas rlung 'di rnams gsungs te/ ko Ta khya dang ko Ta bA/ /ko Ta ke Ta po kor thir /ko la khya dang ko la wa /ko la ko la wa ko lir/ zhes bya ba gsungs so/ /rdo rje zhal zhes bya ba'i rgyud las/ de rnams kyi ming ni sgra ji bzhin par
- 371a
gsungs pa ste/ ji ltar sngar bshad pa bzhin no/ /de ltar rlung gi mtshan nyid dang/ /dbye ba rnams rab tu bstan nas/ /rim pa lnga po'i go rim bstan par bya ba'i phyir/ dang po rdo rje bzlas pa'i thabs kyi dbye ba bstan par bya ste/ rlung gi de nyid rim gyi ni/ /sngags kyi de nyid yang dag 'jug /sngags kyi bskyed pa rtogs nas ni/ /rdo rje bzlas pa rnams la slob/ /ces bya ba la/ de'i 'di yin te/ 'dir dang po rdo rje bzlas pa la slob par 'dod pa'i rnal 'byor pas dang po de rlung gi de kho na nyid la slob pa ste/ de nas de'i pha rol tu phyin pas sngags kyi de kho na nyid la goms par byas pa'o/ /de la yang go rim yin te/ go rim ma yin pa yang ma yin no/ /de bas na sngags kyi de kho na nyid sbyon du 'gro ba'i rlung gi de kho na nyid goms pa ma yin te/ rlung gi de kho na nyid sngon du 'gro ba'i sngags kyi de kho na la goms par bya'o/ /gang gi phyir rlung gi de kho na nyid ni sngags kyi de kho na nyid kyi rgyu yin te/ rgyu de yang sngon du 'gro ba yin no zhes dgongs pa'o/ /de nas sngar mdor bstan pa dang/ 'og nas bshad par 'gyur ba'i rdo rje bzlas pa rnam pa bcu gcig la slob pa ni slob pa'i dus tsam pa'o/ /de la rlung gi de kho na nyid ni rnam pa gsum la rdul phra rab tsam thig le rnam pa gsum sgom pa yin te/ bde ba chen pos yongs su gyur pa'i rlung kho na de'i rang bzhin du snang ba'i phyir ro/ /'o na gzugs med pa'i rlung ji ltar gzugs nyid du yongs su gyur zhe na/ gzugs kyi phung po'i nang du bsdu ba'i phyir/ gzugs dang ldan pa nyid du bshad na yang 'gal ba med pa'o/ /rtsig pa la sogs pas rlung de so sor brdabs na slar yang ldog pa yin no/ /mngon sum gyis mngon par mi 'gyur na yang khyad par gyi rtags mthong bas gzugs dang ldan pa
- 371b
yin no zhes rjes su dpag go /rtags de yang shing drung la sogs pa'i me tog la sogs pa g.yo ba dang/ sgra thob pa'i phyir ro/ /bye brag pa rnams kyis kyang 'di la kha dog dang/ dbyibs smra ba yin te/ rlung sngon po dang/ dkyil 'khor gyi rlung ngo/ /zhes bya pa la sogs pa'o/ /'byung ba chen po rnams ni phan tshun yongs su gyur par mthong ba ste/ dper na shin tu grang ba'i reg pas chu sra ba nyid du gyur pa lta bu'o/ /de la 'dod chags kyi rigs can gyis byang chub kyi sems kyi thig le rdo rje dang pad+ma'i sna ru sgom pa dang/ zhe sdang gi rigs can gyi snying gar sgoms pa dang/ gti mug gi rigs can gyis kun rdzob kyi sna'i rtse mor dkyil 'khor bzhi shar ba'i rim pas g.yas skor la sogs pa'i dbye bas 'od zer gyi thig le bsgom pa bya ba ste/ rlung gi de kho na nyid do/ /de nas sngags kyi de kho na nyid la goms par bya ste/ de yang rnam pa bzhi ste/ sngags kyi don dang/ sngags kyi brda' dang/ sngags btu ba dang/ sngags kyi de kho na nyid do/ /de la sngags kyi don ni phyag 'tshal ba la sogs pa lnga pos sangs rgyas lnga rjod par byed pa ste/ de rnams kyi don ni rnam par snang mdzad la sogs pa yin no/ /sngags kyi brda ni sna tshogs pa ste/ rdo rje gtsug tor gyi rgyud las shes par bya'o/ /de la re zhig sprul la sogs pa rnam pa bzhi ste/ de la sprul ni phyag 'tshal ba dang/ swA hA dang ldan pa'o/ mgo med ni phyag 'tshal ba med pa ste/ swAhA dang ldan pa'o/ /mdza' med pa ni swAhA med pa ste/ phyag 'tshal ba dang ldan pa'o/ /gnyis ka med pa ni phyag 'tshal ba dang swAhA dang bral ba'o/ /gzhan yang dang por spel ba ni oM de ba dat+ta swA shAn+ti ku ru tA re tut+tA re tu re swAhA/ ? spel ba ni oM tA re tu re tut+tA re de ba dat+ta swAhA/ pu sh+rI ku ru tu re swAhA/ tha mar spel ba ni/ oM tA re tut+tA re tu re de ba dat+ta swA pa shAn+tiM ku ru swAhA/ snying po ni brjod par bya ba'i sgo nas bcom ldan 'das kyi don so sor bstan pa ste/ dper na/
- 372a
oM badzra d+h+rik A swAhA/ zhes bya ba'o/ /nye ba'i snying po ni phyogs gcig tu rjod par byed pa ste/ dper na/ oM A baM hUM/ zhes bya ba'o/ /snying po skul ba ni dper na/ oM A(rgyud 'grel): hUM/ zhes byas pa'o/ /rig pa'i sngags ni dper na/ oM tA re/ zhes bya ba la sogs pa ste/ le'u bzhi pa las gsungs pa'o/ /gzungs sngags ni na ma(rgyud 'grel): sa man+ta kA ya bAk+tsit+ta badzra Ni zhes bya ba la sogs pa lta bu'o/ /sa bon ni lha'i sku bskyed pa'i rgyu yin no/ /rang gi chos kyi yi ge ni de bzhin gshegs pa dang/ lha mo dang/ byang chub sems dpa' dang/ khro bo rnams kyi ming gi yi ge dang po rnams so/ /'phreng ba'i sngags ni las kyi tshogs kyi rgyur gyur pa ste/ dper na/ oM tshinda tshinda zhes bya ba la sogs pa lta bu'o/ /go bzlog pa'i sngags ni/ sngags gzhan gyis ma grub pa'i las kyi tshogs 'grub par byed pa ste/ dper na/ swA hA swAhA A kA d+h+ri badzra oM/ zhes bya ba la sogs pa'o/ /sngags btu ba ni zhi ba dang drag po la sogs pa'i lha rnams pho nya dang/ pho nya mo la sogs pa'i dbye bas/ mdza' yas pa nam mkha' dang 'dra ba'i grangs med pa'i sngags thams cad gang yin pa de rnams btu ba ni A li dang kA li kho na las so/ /gang gi phyir de las gzhan med pa'i phyir ro/ /bcom ldan 'das ma de gang yi ge bzhi bcu rtsa dgu'i bdag nyid de/ dag gi spros pa ma lus pa'i gnas kyi rgyu yin no/ /a la sogs pa'i sde tshan ni mi 'jig pa'i rang bzhin yin no/ /de las nam mkha' i khams kyi rang bzhin ni ka'i sde tshan te/ dag pa'i nam mkha' dang/ mtshungs pa'i mgrin pa las 'byung ba'i phyir ro/ /de las rlung gi khams kyi rang bzhin tsa'i sde tshan te/ de ni g.yo ba gtso bor byed pa'i phyir ro/ /de las me'i khams kyi rang bzhin Ta'i sde tshan
- 372b
te/ de ni rno ba'i sde rang bzhin yin pa'i phyir ro/ /de las chu'i khams kyi rang bzhin ta'i sde tshan skye bar 'gyur te/ de ni tshim par byed pa nyid kyi phyir ro/ /de las sa'i khams kyi rang bzhin pa'i sde tshan 'byung ba ste/ de ni mchu yang dag par sbyangs bas sra ba nyid yin pa'i phyir ro/ /de ltar 'byung ba chen po'i rang bzhin gyis yi ge'i tshogs kyi gzhir gyur pa ni ya la sogs pa'i sde tshan te/ snod kyi 'jig rten gyi rang bzhin yin pa'i phyir ro/ /snod kyi 'jig rten skal pa'i me yis bsreg par 'gyur te/ sreg pa'i rgyu ni drod kyi yi ge'i sde tshan no/ /de las yi ge dang po bsdu ba ni yi ge dang po brgyad pa kho nas so/ /brgyad po de yang a ga ma bzhi po la bsdu ba dang/ yi ge bzhi po de yang oM A(rgyud 'grel): hUM zhes pa'i yi ge gsum po la bsdu ba ste/ de ltar byung ba dang/ 'jug pa dang/ gnas pa'i bdag nyid kyi yi ge gsum po de nyid sngags btu ba nyid du bstan pa yin no/ /ji skad du/ ji srid ya ra la b+ha ha'i bar/ /ka kha g+ha mdza' na dza'i mdza' / /da d+ha ta mdza' ma mthar bcas/ /de de'i rtsa ba yi ge gsum/ /zhes bya ba 'byung ba'i phyir ro/ /sngags kyi de kho na nyid ni mi 'jig pa nyid ni/ de yang brjod bya rjod pa'i thabs dang bral ba 'ba' zhig pa/ dri ma med pa mdza' yas pa nam mkha' dang mtshungs pa rang bzhin gyis 'od gsal ba'i de kho na nyid de/ de bzhin nyid ni don dam pa'o/ /zhes 'byung eba'i phyir ro/ /de bzhin du sngags thams cad A la dang kA li las 'byung ste/ de rnams kyis de kho na nyid ni mi 'jigs pa las 'byung ba'i yi ge gsum mo/ /gang gi phyir sngags thams cad ni dud med dang/ skyes pa dang/ ma ning gi rang bzhin te/ ji bzhin du thob pa'i man ngag gis yi ge gsum la zhugs pa ste/ de bas na yi ge gsum sngags thams cad kyi bdag po yin no/ /nga ni yi ge gsum gyi bya ba bstan par bya ste/
- 373a
de la re zhig gsum sbyar bas lha'i sku skyed pa yin no/ /yi ge gsum pa de nyid 'byung ba dang/ 'jug pa dang/ gnas pa'i rim pas lus po 'dzin par byed pa'o/ /de nyid A li dang/ kA li dang/ lhan cig tu dbang po gnyis snyoms par 'jug pa'i dus su/ 'og tu kha bltas par gyur te/ gsang ba'i sna'i rtse mo las shu kra'i gzugs su phyung ste/ sems can gyi khams skyed par byed do/ /de nyid sems can kun gyi srog dang/ /rtsol ba dang lhan cig tu steng du 'gro zhing dbang po'i sgo rab tu sad nas kun rdzob kyi sna'i sgo nas g.yas dang g.yon la sogs pa'i rim pas phyung ste/ 'bad pa med par rdo rje bzlas pa byas la snga ma'i las kyi sgrib pa sbyong bar byed do/ /de nyid nyin dang mtshan mo'i rim pas bzlas pa'i grangs nye bar mtshon la/ chu la sogs pa'i dkyil 'khor shar bas dkar po la sogs pa'i kha dog la brten te/ zhi ba la sogs pa'i las thams cad byed do/ /de nyid yongs su brtag pa'i yi ge'i gzugs su dag gi bzlas pa'i mtshan nyid kyis bzlas pa byas la/ phyi rol gyi kha dog la sogs pa'i bya ba brten te/ zhi ba la sogs pa'i las thams cad byed pa'o/ /de nyid sbyangs pa dang/ sad pa'i dang/ 'bar ba'i rim pas phyi rol gyi rdzas la sogs pa rnam par sbyang la/ rnal 'byor pa nad med par byed pa'o/ /de ltar thams cad byas la/ mdza' ru mi 'jigs pa la zhugs te/ slar yang tha mal pa'i lus po la brten te/ de bzhin du/ thams cad byed pa ste/ de ni sngags kyi de nyid yang dag 'jug ces bya ba'i don to/ /sngags kyi bskyed pa rtogs nas ni/ /zhes bya ba la/ sngags kyi de kho na nyid kyi pha rol tu phyin pas/ the tshom med par shes te/ rdo rje
- 373b
bzlas pa zhes bya ba dag gi don to/ /da ni rim pa gnyis pa la sogs pa'i go rim bstan par bya ba'i phyir/ rdo rje bzlas nas rnal 'byor pa/ /sems la dmigs pa thob par 'gyur/ /sgyu ma lta bu'i ting 'dzin gnas/ /yang dag mdza' ni rnam par sbyangs/ /yang dag mdza' las langs nas ni/ /gnyis med ye shes 'thob par 'gyur/ /gzung 'jug ting 'dzin la gnas nas/ /slar zhing gang la'ang mi slob pa'o/ /zhes bya ba gsungs so/ /de'i don ni 'di yin te/ rdo rje bzlas la gnas pa ni ma ning gi bzlas pa'i mthar 'od gsal ba'i bdag nyid la gnas na/ sems la dmigs pa ni sems rnam par dag pa rnal 'byor pas thob par 'gyur ro/ /gang gi phyir re zhig bskyed pa'i rim pas rnal 'byor pas lus rnam par dben par byas pa dang/ rdo rje bzlas pa'i rim pas dag rnam par dben pa dang/ de nas rim pa gnyis pas sems rnam par dben pa thob par 'gyur ro/ /de yang sngar bstan pa'i sngags kyi rim pa dang/ phyag rgya'i rim pa ste/ thabs gnyis pos thob pa yin te/ gzhan du ni ma yin no/ /thabs gnyis po de yang rim pa de nyid la 'og nas gsal bor brjod par bya'o/ /sems kyi rang bzhin ni thabs gnyis po de med na/ sems kyi rang bzhin te mtshon par mi nus te/ gzugs dang kha dog la sogs pa med pa'i phyir ro/ /'phags pa lha'i zhal snga nas kyang 'di skad gsungs te/ sems kyi rang bzhin ni mtshon par bya ba ma yin no/ /gang gi phyir gzugs dang/ kha dog dang/ dbyibs dang/ rtags la sogs pa med pa gang yin pa? sems de'i rang bzhin nam dbye ba shes pa ma yin te/ de nyid kyi rnam par dag pa smos ci dgos/ de bas na bcom ldan 'das rdo rje bla mas de'i rang bzhin bdag la bshad du gsol/ de nas rdo rje bla mas slob ma'i tshig gsan nas/ blo gros
- 374a
chen po legs so legs so gang zhig khyod kyis bdag la sems kyi rang bzhin dris pa de nyid khyod la mdo sde dang/ rgyud kyi rjes su 'brangs nas rgyas par bshad par bya ste/ re zhig langkar gshegs pa'i mdo'i tshad ma brjod par bya ste/ gzhan yang blo gros chen po byang chub sems dpa' sems dpa' chen pos/ sems kyis mthong ba'i rnam par gzung ba dang/ 'dzin pa'i rnam par rtog pa'i spyod yul yongs su shes par 'dod na chags ba la sogs pa dang bral bar gnas par bya'o/ /de la rnam par shes pa gsum rgyur gyur ba/ dngos po ma lus pa yin te/ dper na mtho ris dang/ thar pa dang/ g.yo ba dang/ mi g.yo ba dang/ gzung ba dang/ 'dzin pa dang/ yan lag bcu gnyis pa'i rten cing 'brel ba las 'byung ba'i 'khor lo dang/ dge ba dang/ mi dge ba'i rnam par rtog pa dang/ snang ba dang/ mun pa dang/ bud med dang/ skyes pa dang/ ma ning dang/ nang gi bdag nyid kyi skye ba dang/ gnas pa dang/ 'jig pa ste/ mdor na khams gsum pa'i dbang po'i spyod yul rnam par shes pa gsum yin no/ /bzang po skyod pas yongs su zhus pa'i mdo las kyang bcom ldan 'das kyis bka' stsal ba/ kye bzang po skyong gang zhig rdzu 'phrul 'di las kyi dbang gis rab tu 'jug pa dang/ gang zhig las dang/ rjes su mthun pa'i rnam par shes pa'i dbang gis rab tu 'jug pa rnam par shes pa'i khams de ni sna tshogs pa'i rten la rab tu 'jug go /rnam par shes pa'i khams 'di ni byed pa po ste/ lus skyed par byed pa'i phyir ro/ /rnam par zhes pa'i khams 'di nyid zad par mi 'gyur te/ chos kyi dbyings la brten pa'i phyir ro/ /rnam par shes pa'i khams 'di ni blo dang ldan pa ste/ lus la brten pa thams cad rjes su dran pa'i phyir ro/ /rnam par shes pa'i khams 'di nyid nyi ma'i 'od zer dang
- 374b
'dra bar mthong bar bya ste/ dper na nyi ma'i 'od zer ni dri ngan mi gtsang ba dang/ dri bzang pad+ma la sogs pa ltung na yang/ de la yang dri ngan pa dang/ dri bzang la sogs pa'i 'du shes gang yang yod pa ma yin te/ de bzhin du rnam par shes pa'i khams 'di yang/ mi gtsang ba dang phag gi skye gnas la sogs pa ru skye ba len na yang de rnams kyi skyon gyis gos par mi 'gyur ro/ /de ltar rnam par shes pa gsum po 'di khyab byed yin yang/ rang bzhin gyis skyon dang rang gi skyon gyis rang gi ngo bo brjed nas 'gro ba drug du 'gro ba dang/ 'od ba la sogs pas sems can gyi khams ngal bar byed pa'o/ /ji skad du/ nor ni 'phrog pa'i rkun ma kun las bdag mi 'jigs/ /de rnams nor ni 'phrog ste de yang bdag la med/ /yid la dge ba'i nor ni yang dang yang du bsags/ /rang bzhin las byung rtog pas cig car de 'phrog byed/ /ces bya ba 'byung ba'i phyir ro/ /de la rnam par rtog pa ni dge ba dang/ mi dge ba dang/ lung du ma bstan pa'i sems las byung ba'i phyir chos rnams so/ /de yang ji lta bu yin zhe na/ rang bzhin las byung ba ni rang bzhin kho na'o/ /rang bzhin de rnams kyang rnam pa gsum ste/ shes rab kyi rang bzhin dang/ thabs kyi rang bzhin dang/ ma rig pa'i rang bzhin no/ /de la shes rab kyi rang bzhin ni/ chags pa bral ba dang/ chags pa bar ma dang/ chags pa chen po la sogs pa ste/ 'og nas bshad par 'gyur pa sum cu rtsa gsum mo/ /thabs kyi rang bzhin ni chags pa dang chags pa bar ma la sogs pa ste bzhi bcu'o/ /ma rig pa'i rang bzhin ni chags pa bar ma la sogs pa ste bdun no/ /'di rnams mtshan mo dang/ nyin mo brgya drug cur 'gyur ro/ /'di rnams nyon mongs pa thams cad dang/ lta ba drug cu rtsa gnyis su 'gyur ro/ /lta ba drug cu rtsa gnyis kyi dbye ba ni/ gzugs kho na bdag dang/ gzugs la bdag
- 375a
dang/ bdag la gzugs dang/ gzugs dang bdag med dang/ bud shing bzhin du tha mi dad pa'o/ /de ltar tshor ba dang/ 'du shes dang/ 'du byed dang/ rnam par shes pa rnams la sbyar na lta ba nyi shur 'gyur ro/ / de rnams 'das pa dang/ da ltar byung ba dang/ ma 'ongs pa'i dus gsum gyi dbye bas lta ba drug cur 'gyur ro/ /rtag pa dang chad pa'i lta ba gnyis te/ kun sdoms lta ba drug cu rtsa gnyis so/ /de bas na nyon mongs pa dang/ nye ba'i nyon mongs pa la sogs pa dang/ lta ba thams cad shes rab dang/ thabs dang ma rig pa'i rang bzhin gsum po las tha mi dad pa ste/ de nyid kyi nang du bsdu bar bya'o/ /de'i phyir sems las byung ba thams cad ni rang bzhin rnams kho na yin no/ / rang bzhin de rnams kyis bcings pa'i rnam par shes pa gsum po 'khor ba la 'khor bar 'gyur ro/ /ji skad du/ rtsad pa'i gnas ni ma gtogs pa'i/ /gar gyi sa de gang yang med/ /sna tshogs las kyi bye brag gis/ /gang du sems can gar mi byed ces bya ba 'byung ba'i phyir ro/ /rnam par shes pa gsum po de yang sems dang/ yid dang/ rnam par shes pa dang/ stong pa dang/ shin tu stong pa dang/ stong pa chen po dang/ snang ba dang/ snang ba mched pa dang/ snang ba nye bar thob pa dang/ shes rab dang/ thabs dang/ ma rig pa dang/ 'dod chags dang bral ba dang/ 'dod chags dang/ 'dod chags bar ma dang/ dman pa dang/ rno ba dang/ bar ma dang/ zla ba dang/ nyi ma dang/ mun pa dang/ mtshan mo dang/ nyin mo dang/ mtshams dang/ bud med dang/ skyes pa dang/ ma ning la sogs pa'i brda rnams kyis brdar bya'o/ /de yang sngar bstan pa'i phyag rgya'i rim pa 'am/ sngags kyi rim pas dag par byas la/ rang bzhin gyi tshogs thams cad dang bral ba'i
- 375b
sems kyi 'od gsal bar rnal 'byor pas gnas par 'gyur ro/ /rim pa gsum pa'i go rim bshad par bya ba'i phyir/ sgyu ma lta bu'i ting nge 'dzin gnas zhes bya ba gsungs te/ de la bskyed pa'i rim pa dang/ rdo rje bzlas pa dang/ sems la dmigs pa'i rim pa ste/ gsum pos lus ngag yid rnam par dag la/ sngon gyi smon lam 'bras bu dang ldan pa'i phyir ro/ /dbang phyug chen po'i bstan pa bzhin du chad pa'i phyogs spang pa'i phyir dang/ bskal pa'i bar du 'gro ba'i don mdzad pa'i phyir dang/ nyan thos pa'i byang chub bzhin du 'gog pa'i bden pa yongs su spang pa'i phyir sgyu ma lta bu'i ting nge 'dzin la rnal 'byor pa gnas pa yin no/ /ji srid kyi bar du 'od gsal ba de srid kyi bar du nam mkha' dang mtshungs pa nges brgya byin gyi gzhu dang 'dra ba'i rdo rje 'chang gi sku ji ltar bskyed par nus zhe na/ smras pa/ rnam par shes pa ni ngo bo nyid snang ba med pa yin na yang/ snang ba tsam gyi rang bzhin te/ de la dang po sems kyis 'od gsal ba las kha dog lnga'i 'od zer gyi gzugs su snang ba dang/ de nas zla ba'i snang ba dang 'dra ba dang/ de nas nyi ma'i snang ba 'dra ba dang de nas dgongs ka'i mtshams kyi snang ba dang 'dra ba ste/ thams cad gcig tu gyur pas yid kyi rang bzhin gyi lha'i sku rnam pa thams cad kyi mchog dang ldan pa skye bar 'gyur ro/ /de yang rmi lam dang/ sgyu ma la sogs pa'i dpe bcu gnyis kyi sa nye bar mtshon pa ste/ des ni sangs rgyas kyi yid kyi rang bzhin gyi sku'o/ /'o na gzugs med pa'i ye shes ji ltar phyag la sogs pa'i dngos por snang bar 'gyur zhe na/ smras pa/ snang ba ma gtogs pas gzugs la sogs pa'i phung po lnga po dmigs par mi 'gyur te/ snang ba de yang ye shes kyi spyi'i chos yin no/ /de bas na gang dang gang snang bar 'gyur ba de dang de ye shes kyi rnam pa yin te/ snang ba med pa ye shes kyi gzugs las 'das pa'i phyir ro//
- 376a
ye shes kyi sku de la re zhig sgyu ma'i dpe bcu gnyis dang sbyar bar bya ste/ brgya byin gyi gzhu dang 'dra ba ni kha dog lnga po yod pa dang med pa las 'das pa'i phyir ro/ /rmi lam dang 'dra ba ni med pa yin na yang don gyi bya ba mdzad pa'i phyir ro/ /smig rgyu dang 'dra ba ni mig tsam gyi spyod yul yin pa'i phyir ro/ /chu zla dang 'dra ba ni gcig yin yang du mar so sor snang ba'i phyir ro/ /brag ca dang 'dra ba ni chos bstan pa rnams yod pa dang med pa las 'das pa'i phyir ro/ /sprul pa dang 'dra ba ni so sor snang ba tsam gyi phyir ro/ /dri za'i grong khyer dang 'dra ba ni tshogs pa'i dkyil 'khor ba rnams kyis yongs su bskor ba'i phyir ro/ /me long gi gzugs brnyan dang 'dra ba ni de nyid dang gzhan nyid gnyis kyi yongs su sbyod par mi 'gyur ba'i phyir ro/ /mig 'phrul dang 'dra ba ni mthong ba tsam gyis 'jig pa'i phyir ro/ /mgal me'i 'khor lo dang 'dra ba ni gcig yin na yang sna du mar so sor snang ba'i phyir ro/ /chu'i chu ldur dang 'dra ba ni mthong bar 'gyur na yang nang du snying po med pa'i phyir ro/ /sgyu ma dang 'dra ba ni sems can gyi don du 'byung ba'i phyir ro/ /sgyu ma'i dpe bcu gnyis de rnams kyi kun rdzob kyi bden pa mngon du bya ba la ji srid byang chub kyi snying po la gnas kyi bar du de dang 'dra ba'i spyod lam bzhi dang/ sgog pa la sogs pa'i gar gyi nyams gtso bor gyur pa'i bya ba rnams dang/ phyag rgya dang/ dkyil 'khor dang/ bzlas ba dang/ gtor ma dang/ sbyin sreg dang/ rab tu gnas pa dang/ mchod pa dang/ dbang bskur ba dang/ spyan 'dren pa dang/ bzhugs su gsol ba dang/ gshegs su gsol ba la sogs pa'i las rnams dang/ dang po sbyor ba la sogs pa'i ting nge 'dzin gsum bstan pa 'am/ dgos pa'i don du de nyid bsgom par spyod pa dang/ ma lus pa'i sbyin pa la sogs
- 376b
pa'i pha rol tu phyin pa drug gi spyod pa byed na yang/ de la zhen pa med na sgyu ma lta bu'i ting nge 'dzin la gnas par 'gyur ro/ /de la yang chags ni dmigs pa dang bcas par 'gyur te/ de'i phyir de sbyad par bya ba'i don du rim pa bzhi pa bstan par bya ba'i phyir/ yang dag mthas ni rnam par sbyangs/ zhes gsungs te/ sgyu ma'i rang bzhin rtogs pa'i rnal 'byor pas/ gal te ting nge 'dzin de la gnas na/ de'i tshe sgyu ma kho na byang chub tu thal bar 'gyur ro/ /thal bar gyur mod skyon gang yang med zhe na/ de yang yang dag pa ma yin te/ rang bzhin gyis 'od gsal ba'i de kho na nyid ni sgyu ma la sogs pa'i rnam par rtogs pa rnams las 'das pa'i phyir ro/ /gal te sgyur ma de kho na nyid yin na/ de'i tshe sprul pa'i grong khyer de kho na nyid du thal bar 'gyur ro/ /de kho na nyid ni rtog pa thams cad kyi spros pa dang bral ba ste/ bum pa bzhin du phyogs gcig tu snang ba ma yin no/ /sgyu ma de ni khyab byed yin te/ phyogs gcig tu gnas pa ma yin no/ /zhe na/ de ltar yin na rnam par rtog pa mang po'i sbyod yul yin pa'i phyir/ shin tu yang tha dad par smra ba'o/ /sgyu ma'i dpe bcu gnyis kyang spros pa dang bcas pa ste/ yul so sor snang ba'i phyir ro/ /de bas na sgyu ma lta bu'i ting nge 'dzin ni kun rdzob kyi phyogs kho na yin te/ gzhan ni ma yin no/ /ji skad du/ ji srid bsgom pa'i sbyor gyur na/ /de srid las ni dang po la/ /zhes bya ba 'byung ba dang/ blo dang sgra dag kun rdzob yin/ /zhes bya ba 'byung ba'i phyir ro/ /de bas na rdzogs pa'i rim pa la gnas pa rnams kyis de yang sbyang bar bya ste/ 'od gsal bas mi g.yo ba'i ting nge 'dzin lta bu'o/ /de'i don du/ yang dag mthas ni rnam par sbyang/ /zhes bya ba gsungs te/ yang dag pa ni bden pa te/ don dam pa'o/ /de nyid mthar thug pa'i phyir ro/ /yang dag
- 377a
pa'i mdza' ste/ rang bzhin gyis 'od gsal pa'i de kho na nyid do/ /yang dag pa'i mdza' don dam pa'i bden pa de yis rnam par sbyang ba ni sgyu ma lta bu'i ting nge 'dzin mi snang bar bya'o/ /de la dper na phyi'i mngon par byang chub pa'i rim pa 'am/ nang gi mngon par byang chub pa'i rim pa 'am/ ril por 'dzin pa'i ting nge 'dzin nam/ rjes su gzhig pa'i ting nge 'dzin gyis sgyu ma'i sku 'od gsal pa'i bskal pa'i me yis mi snang bar byas na rnam par dag par 'gyur ro// ji skad du/ bdag la byin rlabs ma gtogs pa'i/ /rin chen gzhan ni yod pa min/ /gal te 'od gsal dag 'gyur na/ /me yis dag pa'i nor bu bzhin/ /zhes bya ba 'byung ba'i phyir ro/ /'o na phyi'i mngon par byang chub pa gang yin zhe na/ smras pa/ lo ni bcu drug ma thob nas/ /gzugs dag mdzes shing yid dga' byed/ /de ni phang du bzhag nas su/ /de yis dbus su spyod par bya/ /zhes bya ba 'byung ngo/ /'o na nang gi na mngon par byang chub pa gang yin zhe na/ smras pa/ rdo rje nyi ma nub 'gyur tshe /sgrub pa la ni brtson bya ste/ /skya rengs shar ba'i dus su ni/ /sgom pa'i mchog gis grub par 'gyur/ /zhes bya ba 'byung ngo/ /ril por 'dzin pa'i ting nge 'dzin gang yin zhe na/ smras pa/ mgo po nas ni rkang pa'i bar/ /ji srid snying gar phyin pa'i bar/ /rnal 'byor yang dag mdza' la 'jug /ril por 'dzin pa zhes bshad do/ /zhes bya ba 'byung ngo/ /rjes su gzhig pa'i ting nge 'dzin gang zhe na/ smras pa/ rgyu ba dang ni mi rgyu'i bar/ /dang po 'od gsal par byas te/ /phyi nas de bzhin bdag nyid byed/ /rjes su gzhig pa'i rim pa yin/ /zhes bya ba 'byung pa'i phyir ro/ /de ltar yang dag pa'i mdza' bsgom na/ stong pa nyid bco brgyad sgom pa bzhin du chang pa'i lta ba por 'gyur te/
- 377b
skyon de nyid sel par bya ba'i phyir kun rdzob dang don dam pa tha mi dad pa'i zung 'jug gi rim pa bsgom par bya ste/ gang zhig sgom pas bya ba byas pas/ gang la yang sgom pa ma yin no/ /zhes bstan par bya ba'i phyir zung 'jug ting nge 'dzin la gnas nas/ slar zhing gang la'ang mi slob bo/ zhes bya ba gsungs te/ de la zung zhes bya ba ni kun rdzob kyi bden pa dang don dam pa'i bden pa'o/ /de la kun rdzob kyi bden pa ni ye shes kyi sku ste bdag la byin gyis brlabs pa'i rim pa las 'byung ba'i sgyu ma lta bu'i ting nge 'dzin te sgyu ma'i rnam par rtog pas sgrib pa'i phyir ro/ /don dam pa'i bden pa ni rang bzhin gyis 'od gsal ba ste/ rim pa bzhi pas thob par bya ba'o/ /de dag gnyis rim pa gang la tha mi dad par gyur pa de ni zung 'jug gi rim pa ste/ mi slob pa'i rang bzhin gyis sangs rgyas kyi sa'i mtshan nyid can no/ /de nyid mi gnas pa'i mya ngan las 'das pa'i rang bzhin dang/ tha mi dad pa'i rang bzhin dang/ rtse gcig pa'i rang bzhin du gyur pa'i ting nge 'dzin te/ zung 'jug gi ting nge 'dzin no/ /de la gnas nas gang la yang mi slob pa zhes pa ni rnal 'byor pa de la bsgom par bya ba gang yang med do/ /zhes dag gi don to/ /gang gi phyir sangs rgyas bcom ldan 'das rnams ni dang po slob pa dang ldan pa'i phyir/ phyi nas gang la yang slob pa ma yin te/ sgra 'byed pa lta bu'o/ /de nyid kyi phyir 'di ltar gsungs te/ shes bya dang khyad med pa'i phyir ye shes kyis nam mkha' i mthil dang 'dra ba'i chos thams cad mthong bar 'gyur ro/ /de las rjes su thob pa'i shes pas sgyu ma dang/ smig rgyu dang/ gzugs brnyan dang/ chu zla dang/ dri za'i grong khyer dang 'dra ba'i chos thams cad mthong ba yin te/ thams cad mkhyen pa'i sa 'dir zung 'jug rim par bshad do/ /de ltar rim pa lnga ba'i go rim rab tu bstan nas/ da ni zung 'jug rim pa'i phan yon bstan par bya ba'i phyir /'di
- 378a
ni rdzogs pa'i rnal 'byor pa/ /rdo rje 'dzin pa chen po'ang de/ /rnam pa kun gyi mchog ldan pa'i/ /thams cad mkhyen par de nas 'gyur/ /zhes bya ba gsungs te/ 'di zhes bya ba ni thams cad kyi nang gis zung 'jug gi rim pa gzung bar bya'o/ /de la sgra thams cad ni nges pa dang ldan pa yin no/ /zhes bya bas zung 'jug gi rim pa 'di kho na rdzogs pa'i rnal 'byor pa ste/ mi slob pa'i lam gyi rang bzhin yin pa'i phyir ro/ /rdo rje bzlas pa la sogs pa rnams rdzogs pa'i rim pa nyid du bstan pa nye bar gtags pas so/ /nye bar gtags pa de yang rgyu dang 'bras bu'i bye brag gis byas pa ste/ dper na tshe mar lta bu'o/ /de nyid kyi phyir/ rdo rje 'dzin pa chen po'ang de/ /zhes bya ba ni gang zhig zung 'jug gi rim pa 'di de nyid rdo rje 'dzin pa chen po ni shes pa dang/ shes bya dang/ chos can dang/ chos nyid tha mi dad pa'i ngo bor shes par bya'o/ /chos kyi sku bstan nas/ longs spyod rdzogs pa'i sku bstan par bya ste/ rnam pa kun gyi mchog ldan pa'i/ /thams cad mkhyen par de nas 'gyur/ /zhes bya ba la/ stobs bcu dang mi 'jigs pa dang/ mtshan dang/ dpe byad rnams kyis rnam par brgyan pa'i sku thams cad mkhyen pa'i sku ma lus pa'i khams gsum pa'i sems can gyi rang bzhin mkhyen pa thams cad mkhyen pa'i rim pa 'di nyid las 'byung bar 'gyur te/ mthar thug pa'i bshad pa'o/ /de nyid kyi rdzu 'phrul bshad pa'i phyir/ /'das pa dang ni ma 'ongs dang/ /da ltar byung ba'i srid gsum ni/ /'od gsal bas ni rnam dag pas/ /skad cig de la ma lus mthong/ /zhes bya ba gsungs te/ skad cig mas ma lus pa mthong ngo/ /zhes bya ba tshig gi 'brel brel ba'o/ /skad cig ma ni zung 'jug gi rim pa'i ting nge 'dzin thob pa'i skad cig ma ste/ de yang 'dir bya
- 378b
pa yongs su rdzogs pa'i skad cig ma 'dod pa yin te/ skad cig se gol zhes bya ba de ni ma yin no/ /gang gi phyir 'phags pa'i zhal snga nas kyang rim pas sangs rgyas kyi sa thob bar 'gyur te/ cig car ni ma yin no/ /zhes gsungs pa'i phyir ro/ /de yang bskyed pa'i rim pa la legs gnas shing/ rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /zhes bya ba 'dir gsungs so/ /'od gsal bas ni rnam dag pas/ /zhes bya ba ni mngon par byang chub pa'i rim pas thob pa'i de kho na nyid bzhi pa'i rnam bar dag ba'i rgyu las ma lus pa mthong ba ni don thams cad mngon du byed pa yin no/ /khams rnams ni don mang po dang ldan pas mthong ba ni 'dir mngon du byed pa'i don du'o/ /ma lus pa de gang yin zhe na/ srid pa gsum du gnas pa'i sems can thams cad kyi gang zhig ma 'ongs pa dang/ 'das pa dang/ da ltar byung ba ni rtsom pa dang/ yongs su ma rdzogs pa'i rgyu gang 'gyur ba dang/ rkyen dang/ rnam pa dang/ dmigs pa dang/ bdag po gang gyur pa'i sems can gyi spyod pa 'dod chags la sogs pa dge ba dang/ mi dge ba dang ldan pa gang yin pa de shes pa yin no/ /'dir ni rigs pa 'di yin te/ 'dir ni dngos po thams cad don dam pa'i bden pa la rag lus te/ de rnams kyi rang bzhin 'od gsal ba kho na yin te/ dper na bu ram gyi mngar ba nyid dang/ me'i tsha ba nyid lta bu'o/ /de bas na 'od gsal rtogs na rang bzhin yongs su shes pas/ byang chub sems dpa' rnams la dngos po'i rang bzhin rang bzhin nyid du gsal bar 'gyur ro/ /ji skad du/ don dam pa yi don na gcig nyid mthong gyur na/ /'gro ba thams cad rang bzhin gcig pa mthong bar 'gyur/ /dper na rgya mtsho'i 'gram du chu ni 'thung ba ni/ /de yis de yi ma lus chu de shes par 'gyur/ zhes bya ba 'byung ba dang de bzhin du/ dngos po/
- 379a
gcig ni dngos po kun gyi rang bzhin nyid/ dngos po thams cad dngos po gcig gi rang bzhin te/ gang gis dngos po gcig de don dam mthong gyur na/ /de yis dngos po thams cad mthong bar 'gyur/ /zhes bya ba 'byung ba'i phyir te drang ba'i don to/ /'od gsal ba kho na rnam par dag pa ste/ rang bzhin rnam par spyad ba'i thabs so/ /rnam par dag pa de la dmigs nas/ ma 'ongs pa la sogs pa'i sgra rnams kyis brjod bar bya ba'i snang ba nye bar thob pa la sogs ba'i ye shes rnams mthong ba ni rang bzhin yongs su shes pas mngon du byed pa yin no/ /gang gi phyir rang bzhin rnams ni gnyen po'i bye brag gis spang bar mi 'gyur te/ kun rdzob kyi bden pa'i rang bzhin yongs su shes pa kho na nyid mngon du bya ba yin no/ /skad cig ma ni 'od gsal rtogs pa'i skad cig ma ste/ 'dir bde ba chen po'i nyams su myong ba'i skad cig ma 'dod pa yin te nges pa'i don to/ /da ni rang bzo dgag par bya ba'i phyir lung tshang ma nyid bshad par bya ste/ dpal ldan 'dus pa'i rgyud du ni/ /de nyid 'di dag rgyas btab gnas/ /bshad pa'i rgyud kyi rjes 'brang nas/ /bla ma'i kha las rtogs par bya/ /zhes bya ba 'byung ngo/ /'di dag zhes bya ba ni thams cad kyi ming gis sngar bshad pa'i rim pa lnga po bzung bar bya'o/ / de nyid zhes bya ba ni rim pa lnga po'i brjod bar bya ba'i man ngag gi mtshan nyid can gyi de kho na nyid gang yin pa de ni dpal gsang ba 'dus pa'i rgyud du rgyas btab gnas pa ni don shin tu zab pa'i phyir/ rtogs pa'i mi 'gyur ba'o/ /gal te rgyas btab pa yin na/ ji ltar rtogs par 'gyur zhe na/ bshad pa'i rgyud kyi rjes 'brangs nas/ /zhes bya ba la/ bshad pa'i rgyud ni bzhi ste/ dgongs pa lung bstan dang/ rdo rje 'phreng ba dang/ lha mo bzhis chos kyi dbyings yongs su zhus ba dang/ ye shes
- 379b
rdo rje kun las bsdus ba'o/ /de rnams kyi rjes su 'brang ba ni de rnams kyi go rim gyis so/ /'o na bshad pa'i rgyud kho na las rtogs bar 'gyur zhe na/ de yang ma yin te/ bla ma'i kha las rtogs par bya/ zhes bya ba ni bshad pa'i rgyud kyi rjes su 'brang ba tsam gyis rtogs par mi 'gyur ro/ /gang gi phyir bshad pa'i rgyud rnams la gang zhig shin tu zab pa'i man ngag bstan pa de rnams ji srid de kho na nyid rtogs pa'i bla ma las ma thob na/ de srid de rnams rtsa ba'i rgyud dang 'dra ba'i zhes dgongs pa'o/ /de la rdo rje bzlas pa'i rim pa'i mdor bstan par bshad pa'i phyir de la dang po kho nar rlung gi de kho na nyid bstan pa'i tshig rtsa ba'i rgyud la 'jug par bya ste/ /zhes bya ba gsungs te/ 'dir mdo sde dang/ rgyud dang/ rtog pa dang/ rab tu byed pa kun la rnam pa gsum du skabs bshad pa yin te/ mdor bstan pa dang/ rgyas par bshad pa dang/ yang bshad pa'i dbye bas so/ /de la mdor bstan pa ni de kho na nyid kyi dngos po tsam bstan pa dang/ rgyas par bshad pa ni de nyid yan lag thams cad yongs su rdzogs pas the tshom med par rtogs pa dang/ yang bstan pa ni 'grel pa'i tshul du gnas pa'o/ /de la re zhig mdor bstan pa ni dpal rtsa ba'i rgyud dpal gsang ba 'dus pa la 'jug par bya ba ni sku gsung thugs byin gyis brlab pa'i mtshan nyid kyi le'u drug pa las so zhes tshig gi lhag ma'o/ /de nyid bshad bar bya ba'i phyir/ sna yi rtse mor yungs kar bsam/ /'gro dang mi 'gro yungs kar la/ /gsang ba'i sngags kyis brtags pa yi/ /ye shes mchog gi gnas bsgom mo/ /rin chen kha dog sna lnga pa/ /yungs kar gyi ni 'bru tshod tsam/ /sna yi rtse mor nan tan du/ /rnal 'byor rig pas rtag tu bsgom/ /zhes bya ba rdo rje'i mod gnyis kyis de kho na nyid drug gis nges par bshad par bya ste/ srid pa skye ba'i rim pa dang/ rtog pa'i lha yi rnal 'byor dang/ rlung gi de kho na nyid dang/ sngags kyi de kho na nyid dang/
- 380a
ye shes kyi de kho na nyid dang/ lha yongs su dag pa'i de kho na nyid do/ /de la steng du gnas pa'i srog dang rtsol ba dbang po gnyis yang dag par sbyar nas/ nang gi bdag nyid kyi thabs dang shes rab snyoms par zhugs pas/ khyad par gyi dga' ba'i stobs kyis byang chub kyi sems kyi thig le pad+ma'i sna'i rtse mor gang ltung ba nges sems can gyi khams skyed par byed pa ste/ sna'i rtse mor pad+ma'i sna'i rtse mor/ yungs kar ni thig le bsam pa ni ltung ba ste/ skad kyi byings don du mar yod pa'i phyir ste/ srid pa skye ba'i rim pa'o/ /'gro dang mi 'gro yungs kar la/ /zhes bya ba ni shes rab ma'i pad+ma'i nang du bsgoms pa'i rang gi lha'i sku thim pa'i rgyu mthun pa las 'byung ba'i phra ba'i yungs kar gyi dbus su/ 'gro dang mi 'gro ni gzhal yas khang ba'i nang du bzhugs pa'i skra'i rtse mo'i tshad tsam rdo rje 'chang gi dkyil 'khor bsgom par bya ste/ rtog pa'i lha'i rnal 'byor ro/ /ye shes mchog gi gnas sgom mo/ /zhes bya ba ni ye shes gsum gyi gnas yungs kar nyid sna'i rtse mo ni kha'i sna'i rtse mor dkyil 'khor bzhi shar ba'i dus su dmar po la sogs pa'i dbye bas g.yas la sogs pa'i rim pas/ thun phyed phyed kyi dus su 'dzin par bya ste/ rlung gi de kho na nyid do/ /'jug pa la sogs pa ni yi ge gsum gyi bdag nyid yin pas sngags dang/ rlung dag tha mi dad pa'i phyir sngags kyi de kho na nyid kyang bstan par 'gyur ro/ /slar yang log cing bshad par bya ste/ yungs kar ni phra mo'i khams te/ de la 'gro dang mi 'gro ni/ de'i rang bzhin gyi ye shes gsum bsam pa ni shes par bya ba ste/ ye shes kyi de kho na nyid do/ /ye shes mchog gi gnas zhes bya ba ni/ yungs kar de nyid ye shes kyi gnas ni ye shes kyi sku'i rang bzhin te/ brgya byin gyi gzhu bzhin du mdzes pa dang/
- 380b
sbas pa'i phyir gsang ba bsgom par bya ste/ lha yongs su dag pa'i de kho na nyid do/ /ye shes zhes bya ba ni dz+nyA na ste/ dz+nyA ni rtogs pa dang/ na ni dgag pa la'o/ /de bas na ye shes med pa ste 'od gsal ba'o/ /de las 'gyur ba'i rdo rje'i sku zung 'jug gi rim pas thob pa'i rdo rje 'chang chen po'i sku bsgom par bya'o/ /zhes dgongs pa'o/ /gal te 'dir rlung dang sngags kyi de kho na nyid dgos na yang/ snga ma'i slob dpon gyi bshad pa las ma 'das pa'i phyir/ de kho na nyid drug gi man ngag bstan to/ / yungs kar de nyid kyi khyad par bstan pa'i phyir/ rin chen kha dog sna lnga pa/ /zhes bya ba gsungs te/ kha dog sna lnga pa ni rlung lnga nye bar bsdu ba'i rnam pa can no/ /rin chen ni zhi ba la sogs pa'i las 'grub pas 'dod pa thams cad yongs su rdzogs par byed pa'o/ /yungs kar tsam gyi 'bru tshod tsam/ /zhes bya bas shin tu phra rab rdul gyi tshad bstan to/ /sna'i rtse mor zhes bya ba la sogs pas sngar bshad pa'i don gsal bar byed pa'o/ /nan tan du zhes bya ba ni bar chad med pa'i sems kyis so// rnal 'byor rig pa zhes bya ba ni phra mo'i bsgom pa yongs su shes pas so/ /rtag tu zhes bya ba ni ji srid sems dbang du gyur pa thob pa'i dus de srid kyi bar du'o/ /zhes tha tshig go /dgongs pas bshad pa ni 'gal ba'i tshig gi sbyor bas de kho na nyid bstan pa'o/ /rdo rje tshig 'di zhes bya ba la sogs pas lha mo bzhis yongs su zhus pa'i rgyud kyi rgyas par bshad pa bstan par bya ba'i phyir/ snying po las ni snying po mchog /sangs rgyas kun gyi gsang ba ni/ /gang de thams cad bdag nyid gnas/ / de ni lha mo bshad par bya/ /ye shes lnga yi dngos de nyid/ /yungs kar gyi ni 'bru tshad tsam/ /de yi dbus na gnas pa'i lha/ /mi gsal gsal ba'i bdag nyid can/ zhes bya ba gsungs te/ de zhes bya ba ni thams cad gyi ming dang 'dra ba'i tshig
- 381a
phrad gtan tshigs la 'jug go /gang gi phyir lha mo khyod kyis bdag la rlung gi de kho na nyid dris pa de'i phyir/ khyod la gsang ba de bdag gis bshad par bya zhes tshig gi 'brel pa'o/ /de yang ji lta bu zhe na/ snying po las kyang snying po mchog /zhes bya ba ni snying po ni bskyed pa'i rim pa ste/ de las kyang snying po ni rdzogs pa'i rim pa'o/ /mchog ni rlung gi de kho na nyid de/ khyad par ldan pa'i phyir dang/ de med na de la 'jug par mi 'gyur ba'i phyir dang 'phra mo yin pa'i phyir ro/ /rtog pa'i rnal 'byor pa rnams la sbas pa'i phyir gsang pa'o/ /yang na ra dang ha dag las 'dzag pas na gsang ba'o/ /'dis ni 'dod chags kyi rigs can la rlung gi de kho na nyid kyi bsgom pa bstan to/ /de bzhin du sangs rgyas kun ni phung po lnga'i bdag nyid la de'i rang bzhin gyis khyad par byed pa nyid du gnas pa'o/ /de gang zhig gi phyir srog la sogs pa rlung lnga po phung po rnams la brten te gnas pa gang yin pa de rnams ro gcig par 'gyur ba ni rlung gi de kho na yin no/ zhes bcom ldan 'das kyis dgongs pa'o/ /de nyid kyi phyir/ ye shes lnga yi dngos de nyid/ zhes bya ba ni de re zhig kun dag pa dang zla ba 'dra ba'i thig le'i gzugs gang yin pa de ni me long lta bu'i ye shes so/ /khams nyi shu rtsa gnyis ro gcig ba'i gzugs gang yin pa de ni mnyam pa nyid kyi ye shes so/ /de bde ba nyams su myong ba gang yin pa de ni so sor rtog pa'i ye shes so/ /de nas spro ba dang bsdu ba rnams kyis 'gro ba'i don gang byed pa de ni bya ba nan tan du grub pa'i ye shes so/ /de las srid pa bskyed pa'i rim pa 'am/ rang bzhin med pa rtogs par 'gyur ba de ni chos kyi dbyings kyi ye shes so/ /yungs kar gyi ni 'bru tshor tsam/ zhes bya bas de'i tshad bstan to/ /'o na tsa bdun khri nyis stong gi
- 381b
khong stong las 'dzag pa'i byang chub kyi sems kyi sba rlabs gang yin pa de nyid thig le tsam du ji ltar gnas/ gal te bsgoms pas brtags na de'i tshe rdzogs pa'i rim pa nyams par 'gyur ro/ /smras pa/ 'dir rtsa'i 'khor lo'i nang na 'dod pa'i ? gtso bo yin te/ bde ba chen po'i gnas su kun rgyun rgyu ba de nyid du thim par 'gyur ro/ /rtsa dbus ma de yang gzugs phra mo yin te/ de'i rjes su 'brang bas phra mo'i thig le'i rjes su gnas pa yin no/ /zhes bshad pa lte 'gal ba yang med do/ / de bzhin du de'i dbus na gnas pa'i lha zhes bya ba ni yungs kar de nyid kyi dbus na lha ni rdo rje 'chang gnas pa yin no/ /rang rig pa nyid snang bar gyur pas na 'od gsal ba'o/ /de nyid kyi phyir mi gsal ba ni zhal dang phyag la sogs pa dang bral ba'i phyir rnal 'byor gyis shes pa rtogs par bya ba'o/ /don dam pa'i phyogs bstan na/ kun rdzob kyi phyogs bshad par bya ste/ gsal ba'i bdag nyid can zhes bya ba ni kha ba'i tshogs dang 'dra ba'i sku 'dzin pa'o/ /'dis ni bden pa gnyis rang bzhin tha mi dad pa'i rang bzhin bstan pa yin no/ /gsang ba 'dus pa'i rgyud phyi ma las kyang zhes bya ba la sogs pas yang bshad pa gsungs te/ de yang 'dus pa'i rgyud phyi ma ni le'u bco brgyad pa'o/ /gang gi phyir de ni rtsa ba'i rgyud kyi 'brel ba'i tshul du gnas pa ste/ de las gsal bar gsungs pa ni rgyas par bshad pa/ yang bye bas sdud pos bshad pa yin no/ /zhes ngag gi lhag ma'o/ /ye shes lnga yi rang bzhin dbugs dbyung ba lnga yi ngo bo nyid/ gong bu'i gzugs kyis byung nas ni sna'i rtse mor rab tu brtag /rin chen kha dog snga lnga ba/ /srod dang rtsol ba zhes byar bshad/ /rang sngags snying gar bsam nas ni/ /srog ni thig ler gnas par bzhag /ces bya ba tshigs su bcad pa gnyis kyis rgyas par bshad pa yang bshad
- 382a
par bya ste/ ye shes lnga'i rang bzhin gyi dbugs gong bu'i gzugs su rab tu brtag ces bya ba tshig gi 'brel ba'o/ /ye shes lnga'i rang bzhin ni sngar bshad zin to/ /dbugs zhes bya ba ni srog gi rlung ngo/ /'byung ba lnga yis ngo bo nyid zhes bya ba ni/ de nyid dkyil 'khor bzhir shar bas rnam par dpyad na/ khyab byed kyi rlung dang bcas pas 'byung ba chen po lnga nyid yin no/ /de la thig le'i gnas skabs su gang zhig 'di'i sra ba'i mtshan nyid de ni sa'o/ /khams sum cu rtsa gnyis gang zhig 'du bar byed pa de ni chu'o/ /gang zhig drod kyi mtshan nyid gang yin pa de ni me'o/ /gang zhig 'gro ba dang 'ong ba de'i rang bzhin de ni rlung ngo/ /gang zhig de'i rang bzhin med pa de ni 'byung ba chen po nam mkha' ste/ de rnams kyi rang bzhin yin no/ /des ni de bzhin gshegs pa lnga'i rang bzhin nyid 'di la bstan pa yin te/ de rnams ni de'i rang bzhin yin pa'i phyir ro/ /de lta bu'i thig le sna'i rtse mor ni pad+ma dang rdo rje'i rtse mor rtsa bdun khri nyis stong gi khong stong gi nang nas phyung nas ni 'dzag bar 'gyur te/ rnal 'byor pa dang/ rnal 'byor ma dag gis gong gis gong bu'i gzugs ni thig le'i gzugs su rab tu brtag ces bya ba ni lhag par mos par bya ste/ des ni 'dod chags kyi rigs can la bltos te phra mo'i rnal 'byor bstan to/ /zhe sdang gis rigs can la de nyid bshad par bya ste/ rin chen kha dog sna lnga pa/ /zhes bya ba ni sngar don bshad zin to/ /srog dang rtsol ba ni rlung de nyid rang gi sngag kyis gzugs su snying ga'i pad+ma la rang bzhin gyis grub pa'i 'phyang ba'i 'dod pa'i gdugs kyi dbus su sprin gyi sgra'i thig le bsam nas de ru srog bzhag pa ni rlung la zhon pa'i rnam par shes pa yan bzhag par bya ste nyams su myong ba'o/ /'di nyid kyang slar bshad pa zhes bya ba la sogs pa go sla'o/ /
- 382b
sna rtse yungs kar zhes bya ba/ /srog dang rtsol ba'i brtag pa ste/ srog dang rtsol ba la gnas pa/ 'od lnga sangs rgyas rnams su bsgom/ zhes bya ba ni gti mug gi rigs can la rlung gi de kho na nyid bstan to/ /srog dang rtsol ba'i brtag pa ste/ zhes bya ba ni/ srog dang rtsol ba mtshon cha'o/ /gang du zhe na/ sna'i rtse mor zhes bya ba ni kun rdzob kyi sna'i rtse mo ste kha'i sna la'o/ /srog dang rtsol ba de ji lta bu yin zhe na/ yungs kar zhes bya ba ni yungs kar gyi tshad do/ /srog dang rtsol ba de ni de nyid du sangs rgyas lnga'i rang bzhin gyi 'od zer rnam pa lnga gnas pa yin no/ /de la dkyil 'khor bzhi las 'byung ba'i 'od zer bzhi dang/ lnga pa ni khyab byed kyi rlung gi 'od zer ro/ /des ni 'od zer gyi rang bzhin gyi thig le bstan to/ /rig pa'i bdag nyid ni thig le ste nges tshig go /snang ba dang dga' ba'i rang bzhin kun rdzob dang don dam pa tha mi dad pa'i rang bzhin gyi lam bar ma yin zhes tha tshig go /'od zer 'byung ba'i sgo bstan par bya ba'i phyir/ /steng gi sna las nges 'byung ba/ /g.yon dang g.yas dang gnyis ka dang/ /ngal bar rgyu dang rnam bzhir 'gyur/ /nang gi dus ni ya ni bshad/ /ces bya ba gsungs te 'od zer 'di rnams sems can gyi khams thams cad kyi steng gi sna ni kha'i sna ste de las 'byung ba yin no/ /ji ltar zhe na/ g.yon dang g.yas dang gnyis ka dang zhes bya ba la/ de la nyin mo thun dang po la mgrin par gnas pa'i pad+ma'i me'i dkyil 'khor las sna'i bu ga g.yas pa las kha dog dmar po'i 'od zer 'byung ba ste/ de'i tshe dbang gi las 'grub pa yin no/ /thun gnyis pa la lte bar gnas pa'i rlung gi dkyil 'khor las/ sna'i bu ga g.yon pa la kha dog sngon po'i 'od zer 'byung ba ste/ de'i tshe mngon spyod kyi las 'grub pa yin no/ /nyi ma phyed las brtsams te/ phun gsum pa la gsang ba'i pad+mar gnas pa'i sa'i dkyil
- 383a
'khor las gnyis ga la kha dog ser po'i 'od zer 'byung ba ste/ de'i tshe rgyas pa'i las 'grub pa yin no/ /thun bzhi pa la snying gar gnas pa'i chu'i dkyil 'khor las/ kha dog dkar po'i 'od zer ngal zhing dman par rgyu ba gnyis ka las 'byung ba ste/ de'i tshe zhi ba'i las 'grub pa yin no/ /mtshan mo yang de bzhin du shes par bya'o/ /'dir yang dkyil 'khor re re las yon tan dang gtso bo'i sgo nas/ cha bzhi bzhi gnas pa ste/ de rnams kyang rim pa 'di nyid kyis 'byung bar shes par bya'o/ /de la me'i dkyil 'khor gyi rang gi cha shar ba na/ g.yas pa'i g.yas pa las kha dog dmar po'i 'od zer 'byung ba yin no/ /me'i rlung gi cha shar na g.yas pa'i g.yon pa las kha dog sngon po'i 'od zer 'byung ba yin no/ /me'i sa'i cha shar na g.yas pa'i gnyis ka las kha dog ser po'i 'od zer 'byung ba yin no/ /me'i chu'i cha shar na g.yas pa'i gnyis ka las dal ba'i rgyu ba'i kha dog dkar po'i 'od zer rgyu ba ba yin no/ /de ltar gzhan la yar sbyar bar bya'o/ /yang na me'i dkyil 'khor 'char ba'i dus su thun gyi rkang pa las/ 'od zer dmar po 'byung ba ste dkyil 'khor lhag ma rnams kyi rang rang gi cha shar ba'i dus su g.yas pa kho na'i g.yon pa la sogs pa las 'byung bar shes par bya'o/ /de nyid kyi phyir/ nang gi dus ni yin par bshad zhes bya ba gsungs te/ ji ltar phyi rol du chu tshod dang thun la sogs pa'i dbye bas zla ba dang nyi ma las byas pa'i dus yod pa de bzhin du/ nang na yang srog dang rtsol bas byas pa'i dus yin no/ zhes bshad do/ /'od zer de rnams kyi gnas dang las gang zhe na/ lkog ma snying ga lte ba dang/ gsang ba'i pad+mar 'gro 'ong ston/ zhes bya ba ni lkog ma'i pad+mar me'i dkyil 'khor gyi 'od zer gnas pa ste/ de bzhin du
- 383b
snying ga dang lte ba dang/ gsang ba'i pad+ma rnams la/ chu dang rlung dang/ sa'i 'od zer rnams gnas pa yin te/ gnas kyi dbye ba bstan to/ /de rnams kyang 'gro ba dang 'ong ba ston pa ni byed pa yin te/ skad kyi dbyings rnams la don mang po yod pa'i phyir/ ston pa ni byed pa'i don du bshad do/ /'o na 'byung ba dang/ 'jug pa dang/ gnas pa'i bdag nyid kyi rlung gang yin pa de rnams ji ltar 'gro ba dang/ 'ong ba gnyis byed par rigs zhe na/ de la skyon yod pa ma yin te/ 'gro ba dang mi 'gro ba dang/ sdod pa ni 'gro 'ong ste/ mar gyi bum pa bzhin du tshig par ma phyis la bzlas dbye ba'i bsdu ba bya'o/ /rlung de rnams kyi rim pa dang phra ba'i dbye bas dus kyi bye brag bshad par bya ba'i phyir/ thun phyed kyi ni dus dag tu/ /go rim ji bzhin gnas par bstan/ /zhes bya ba gsungs te/ 'dir mtshan mo dang/ nyin mo chu tshod drug cu yin no/ /de yang thun brgyad kyi bdag nyid de/ thun re re'i tshad ni chu tshod brgyad brgyad do/ /thun re re de nyid las 'jug pa la sogs pa dang bral ba'i 'od gsal ba'i skad cig ma chu tshod phyed phyed du 'char ba yin te/ de yang chu tshod phyed dang brgyad brgyad rgyu ba'i dbugs kyi 'khor lo'i cha shas kyi dbye ba byas la shar ba yin te/ cig car ni ma yin no/ /mtshon par dka' ba'i skad cig ma de lud tsam du 'jug pa ste/ phra mo'i rnal 'byor pa rnam kyis mtshon pa yin te/ rnam par ma dpyad pa'i rags pa'i blo yis ni ma yin no/ /'di ni re zhig phra mo ba'i skad cig ma nye bar mtshon pa ste/ nyin mo chu tshod gnyis dang/ mtshan mo yang chu tshod gnyis te/ thun phyed kyi dus chu tshod bzhi ru 'gyur ro/ /rags pa'i sgo nas ni dkyil 'khor bzhi shar bar dkyil 'khor re re la phun phyed kyi bar du 'od zer rgyu ba sna'i rtse mor 'dzin na/ zhi ba la sogs pa'i rgyur 'gyur ro/ /de nyid kyi phyir go rim ji bzhin zhes
- 384a
bya ba gsungs te/ g.yas pa la sogs pa'i dbye bas dkyil 'khor gyi rim pa las ma 'das pa'o/ /'di nyid rgyas par bshad par bya ba'i phyir/ g.yas pa nas ni 'byung ba'i khams/ /me yi dkyil 'khor nyid yin te/ /kha dog dmar zhing gsal ba 'di/ /pad+ma'i mgon po'i rgyu ba'o/ /g.yon pa nas ni 'byung ba'i khams/ /rlung gi dkyil 'khor zhes bya ba/ /ljang ser dag tu snang ba ste/ /las kyi mgon po'i rgyu ba'o/ /gnyi ka'i las ni 'byung ba'i khams/ /gser gyi mdog tu snang ba ste/ /dbang chen gyi ni dkyil 'khor nyid/ /rin chen mgon po'i rgyu pa'o/ /ngal zhing rgyu ba med pa'i khams/ /dag cing shel ltar snang ba ni/ /chu'i dkyil 'khor nyid yin te/ /rdo rje mgon po'i rgyu pa'o/ / zhes bya ba gsungs te/ de'i don ni sngar bshad pa bzhin no/ /'on kyang pad+ma dang/ las dang/ rin chen dang/ rdo rje mgon po ni ngag gi dbang phyug dang/ don yod grub pa dang/ rdo rje nyi ma dang/ rdo rje 'chang ste/ dkyil 'khor 'di rnams la bdag po nyid du shes par bya'o/ /de nyid kyi phyir/ de rnams dang 'thun pa'i dmar po la sogs pa'i kha dog tu bstan pa yin no/ /rtsa'i 'khor lo rnams las 'od zer 'byung ba yang/ me'i dkyil 'khor 'di nyid yin zhes bya ba/ bzhi mthun pa nyid ni rgyu dang 'bras bu dag tha mi dad par nye bar btags te tshe mar lta bu'o/ /rlung lnga pa'i rang bzhin bshad par bya ba'i phyir/ /lus kun la ni gnas pa'i rlung/ /bya ba kun la 'jug pa po/ /'di ni rnam snang ngo bo ste/ /'chi ba'i lus las 'byung bar 'gyur/ zhes bya ba gsungs te/ gang zhig khyab byed zhes bya ba'i rlung lnga pa de ni/ 'chi ba'i lus las 'byung bar 'gyur/ /zhes bya ba ni tshig gi 'brel ba'o/ /rlung de yang lus kun ni lus po'i phra mo'i rtsa'i tshogs la
- 384b
khyab nas gnas pa ste/ de bzhin du rlung thams cad kyi bya ba ni 'jug pa la sogs pa gang yin pa de rnams la/ 'jug pa ni 'jug pa la bzhir gyur pa'o/ gang gi phyir gzhi med na gzhi can gyi gnas pa la sogs pa'i bya ba 'jug par mi 'gyur te/ dper na snod kyi 'jig rten med na sems can gyi 'jig rten gyi spyod lam gzhi lta bu'o/ /de nyid kyi phyir/ 'di ni rnam snang ngo bo ste/ zhes bya ba ni sa'i khams kyi rnam par dag pa 'am/ gzugs kyi phung po'i rnam par dag pas so/ /gang gi phyir gzugs kyi phung po de ni tshor ba la sogs pa'i gzhi yin pa'i phyir ro/ /rlung de la rtag tu bya ba med pas 'chi ba'i lus las 'byung ba kho na las yin te/ rnam par shes pa ni rlung la zhon pas de dang bdag nyid gcig tu 'byung bar 'gyur ro/ /zhes tha tshig go /nye bar bsdu ba bshad pa'i phyir/ rlung gi de nyid gsal ba 'di/ /ye shes lnga yi ngo bo nyid/ /rnal 'byor byis pa'i yul min zhing/ /rtog ge pa yis mi shes so/ /zhes bya ba gsungs te/ gang zhig sngar bshad pa'i ye shes lnga'i bdag nyid kyi rlung gi de kho na nyid de/ de yang 'dod chags kyi rigs can la sogs pa'i dbye bas rnam pa gsum du bshad pa yin te/ rin po che lta bu'i gang zag gi don du gsungs pa yin no/ /zhes dag gi lhag ma'o/ /de nyid kyi phyir/ rtog ge pa ni dmigs pa dang bcas pa'i lta ba dang ldan pa ste/ rtog ge skam po tsam la chags pa de rnams kyis rtogs par mi 'gyur te/ phyogs 'dzin pa tsam gyis rtog ge la ni nges pa med pa'i phyir ro/ /ji skad du/ rten med ma nges ma khyab pa/ /kun rdzob dang sko bar byed/ /rtog ge byis pa'i rten 'dod de/ de phyir de yi spyod yul min/ /zhes bya ba 'byung ngo/ /rang gi sde pa nyan thos ba rnams kyis kyang shes pa ma yin no/ /zhes bya ba bshad par bya ba'i phyir/ rnal 'byor byis pa'i yul min zhing/ zhes
- 385a
bya ba gsungs te/ rnal 'byor pa ni dgra bcom pa thob pa'i phyir dang/ byis pa ni bla na med pa'i theg pa'i mos pa med pa'i phyir te/ rnal 'byor byis pa de rnams kyis shes pa ma yin no/ /gang gi phyir de rnams ni zab pa dang/ rgya che ba'i lam la mos pa med pa'i phyir ro/ /de ltar rlung gi de kho na nyid bstan nas/ da ni sngags kyi de kho na nyid ston pa'i tshig rtsa ba'i rgyud nyid la 'jug par bya ste/ de bzhin gshegs pa thams cad kyi sku dang gsung dang thugs kyi gsang ba thams cad kyi snying po kun tu skul bar byed pa zhes bya ba/ mchog tu gsang ba nyid kyi sku dang gsung dang/ thugs rdo rje las tshig gi lam nges par brjod pas sngags bsdus pa 'di lta bu gsungs te/ oM A(rgyud 'grel): hUM zhes bya ba 'dis don 'di ltar bshad par bya ste/ mdor bstan pa la sogs pa dang bcas pa'i rlung gi de kho na nyid bshad nas/ rdo rje bzlas pa'i rim pa'i thabs gnyis pa sngags kyi de kho na nyid rtsa ba'i rgyud kyi le'u bcu pa/ de bzhin gshegs pa thams cad kyi snying po bskul ba zhes bya ba las 'jug par bya ba yin ste/ sngags thams cad ni sbrul la sogs pa'i sngags kyi lha ste/ de rnams kyi snying po ni srog gang gi kun tu bskul ba ni rab tu sad par byed pa ste/ de la de skad ces bya'o/ /de bzhin du mchog tu gsang ba ni snod ma yin pa rnams la shin tu sba bar bya'o/ /nyid kyi sku dang/ gsung dang/ thugs rdo rje las zhes bya ba la sogs pa ni nyid ni rdo rje 'chang chen po ste/ de nyid kyi sku las yi ge oM dang/ gsung las yi ge A(rgyud 'grel): dang/ thugs las yi ge hUM ste/ rim pa bzhin du gsungs so/ /ji ltar gsungs she na/ tshig gi lam nges par brjod pas zhes bya ba ni tshig gi lam ni zhal te/ de yis nges par brjod pa ni gsungs pa ste/ thugs dang
- 385b
sku las kyang gsal ba'i gsung gis so zhes pa'i don to/ /ci gsungs zhe na/ sngags bsdus pa zhes bya ba ni bud med dang/ skyes pa dang/ ma ning gi rang bzhin gyi yi ge rnams gang du bsdu bar gyur pa de ni sngags bsdus pa ste/ yi ge gsum pa gsungs pa'o/ /dper na oM A(rgyud 'grel): hUM zhes bya ba ni yi ge a dang/ yi ge u dang/ rjes su 'byung ba'i dbyangs te/ rdo rje gsum gyi bdag nyid yi ge oM ste/ rdo rje gsum mi phyed pa'i rang bzhin sku rdo rje ste/ de la a yig ni snang ba mdza' yas dang/ u yig ni wa yig yongs su gyur pa las 'byung ba ste/ chu lha'i sa bon yin pa'i phyir/ mi bskyod pa dang/ ma yig ni rnam par snang mdzad chen po ste/ de nyid thig le yin no/ /de bzhin du A yig gnyis dang/ tsheg drag yang dag par sbyar nas yi ge A(rgyud 'grel): ste/ de la a(rgyud 'grel): yig dang po mi bskyod pa dang/ gnyis pa snang ba mdza' yas dang/ tsheg drag kyang rnam pa gnyis te/ ra'i rang bzhin dang/ sa'i rang bzhin no/ /gang gi tshe ra'i rang bzhin de'i tshe rnam par snang mdzad kyi yi ge gnyis pa'i tsheg drag yin no/ /gang gi tshe sa'i rang bzhin de'i tshe longs spyod kyi sgra'i yi ge dang po'i tsheg drag go /gang gi phyir longs spyod rdzogs pa dang/ longs spyod dang/ lus po zhes bya ba ni rnam grangs so/ /de bas na rdo rje gsum mi phyed pa'i rang bzhin gyi yi ge A(rgyud 'grel): zhes bya bstan to/ /de ha ni lus po yang de yin la/ hUM ti ni ngag kyang de yin la/ ma na ni yid kyang de nyid yin pa ste/ yi ge phyis pas hUM yin no/ /de ni sku dang/ gsung dang thugs rdo rje'i rang bzhin yi ge hUM mi bskyod pa'i rang bzhin du bshad do// yi ge gsum pa re re yang yi ge gsum gyis bdag nyid yin pas/ yi ge dgur 'gyur te/ thams cad nye bar bsdus pas/ dgu po'i mdza' ma ni yi ge a yin no/ zhes 'og nas bshad par bya'o/ /'dir ni mdor bstan pa tsam gyis sngags kyi de kho
- 386a
na nyid bstan pa yin te/ rgyas par bshad pa ni 'og nas bshad par 'gyur ro/ /thabs gnyis po bstan nas rdo rje bzlas pa bshad par bya ba'i phyir/ don rtogs pa yi bzlas pa ni/ /ngo bo nyid med bzang po yis/ /dus gsum sangs rgyas kyis brtogs pa/ /rdo rje bzlas par de bshad do/ /zhes bya ba gsungs te/ rnam pa bcu gcig pa'i rdo rje bzlas pa'i spyi'i mtshan nyid bstan pa'i phyir/ rdo rje'i mdo 'di bcom ldan 'das kyis gsungs so/ /de la gang zhig 'byung ba dang/ 'jug pa dang/ gnas pa'i bdag nyid kyi rlung gsum po nyin mo dang mtshan mo 'khor lo bzhin du nyi khri chig stong drug brgya'i grangs su rgyu ba de rnams kyi don rtogs pa ni rigs pa bzhin du rjes su mthun pa dang/ shes pas bzlas pa gang yin pa yan lag ma nyams pa de yis sngags dang/ rlung dang/ lha la sogs pa gnyis su med par byed pa'i rang bzhin du gang zhig dus gsum gyi sangs rgyas kyis brtags pa ni yongs su shes pa gang yin pa ste/ rdo rje bzlas pa ni mi phyed pa'i rang bzhin te/ rdo rje bzlas par bshad do/ /de yang ji lta bu yin zhe na/ ngo bo nyid med zhes bya ba ni rten cing 'brel pa las 'byung ba'i phyir/ gang zag dang chos bdag med pa'i rang bzhin no/ /de'i phyir bzang po yis zhes bya ba ni nyin mo dang mtshan mo 'khor lo bzhin du bskor ba 'am/ g.yas la sogs pa'i dbye bas 'bad pa med pas/ zhi ba la sogs pa'i las byed pa'o/ /'dir ni rtogs pa'i sgra bcu gcig la yang sbyar bar bya ste/ de la don ni sngags thams cad kyi don te/ de rtogs par byed pas na don rtogs pa ste/ mi 'jigs pa'i rang bzhin yi ge a'o/ /de ni rdo rje 'chang chen po'i bzlas pa dang sbyar ro/ /don ni gzugs la sogs pa ste/ de nyid mig la sogs pa rtogs pa gang gis shes pa
- 386b
de ni don rtogs pa'i sku yin no/ /don ni brjod par bya ba ste/ de nyid gang gis rtogs par 'gyur ba de ni don rtogs pa ste/ gsung gi tshogs so/ /don ni phyi rol gyi don te/ de nyid gang gis rtogs par 'gyur ba de ni don rtogs pa ste/ thugs yin no/ don ni sngags thams cad kyi dgos pa gang gis rtogs par 'gyur ba de ni don rtogs pa'o/ /don ni sems can gyi don to/ /de nyid rtogs pa ni spro ba dang bsdus pa la sogs pa'i rim pas bya ba ste/ don rtogs pa'o/ /de bzhin du 'dod chags dang/ zhe sdang dang/ gti mug rnam par dag pa'i phyir/ de'i rigs can gyi sems can rnams btsal ba ni don te/ de rnams rtogs pa ni rnam par snang mdzad la sogs pa'i ye shes kyis go 'phangs la gnas par bya ba gang yin pa de ni/ don rtogs pa ste/ 'dod chags la sogs pa'i rnam par dag pa rnams so/ /de bzhin du don rtogs pa ni sngags kyi don rnam par dpyad nas rang gi rna ba 'am/ gzhan gyis rna bas sngags thos par 'gyur ba gang yin pa de ni don rtogs pa ste/ gtso bo'i dag yin no/ /don ni 'od gsal ba ste/ de nyid rtogs pa ni 'jug pa la sogs pa 'og nas de nyid mthar thob par 'gyur ba gang yin pa de ni don rtogs pa'o/ /lhag ma ni go sla'o/ /bzlas pa 'di rnal 'byor ba gang gi bya zhe na/ slong mo za zhing mi bzlas te/ ma blangs pa'ang chags mi bya/ 'dod pa kun la longs spyod cing/ /sngags kyi yan lag ma nyams bzlas/ /zhes bya ba gsungs te/ slong mo za ba ni nye bar mtshan pa yin te/ de bas na btsal ba la sogs pa'i tshul gzhan rnams dang ldan pas bzlas par mi bya'o/ /de bzhin du blangs pa ni bza' ba nye bar mtshon ste/ de la chags pa ni bza' ba la shin tu dga' bar mi bya ste/ ci tsam gyis lus po gnas par 'gyur ba de tsam gyis chog shes nas shin
- 387a
tu spros pa med pa'i spyod pa la spyod par bya'o/ /de lta bu'i gnas pa'i rnal 'byor pas ci zhig bya zhe na/ sngags kyi yan lag ma nyams bzlas/ zhes bya ba la/ sngags ni yi ge gsum ste/ yan lag ma nyams pa ni lha'i rnal 'byor ma nyams pa/ 'dod pa kun la longs spyod pa'i sngags pas bzlas par bya ste/ drang ba'i don to/ /rnam nyams yi ge slong mo ste/ /de ni brjod pa za ba yin/ /de la chags pas gang bzlas pa/ /de rnams slong mo za bar 'dod/ / zhes bya ba la sogs pa 'byung ste/ nges pa'i don to/ /bshad pa 'di nyid zhes bya ba la sogs pa go sla'o/ /dgongs pa lung bstan pa'i rgyud ni bshad pa'i rgyud ste/ dgongs pas bshad pa'i rdo rje tshig gang du grol bar 'gyur ba de la de skad ces bya'o/ /de nas dpal ldan snang mdzad che/ khyab bdag la ni slar gsal ba/ /zhes bya ba la/ de nas zhes bya ba ni sngar bshad pa'i 'og tu'o/ /phyag na rdo rjes bcom ldan 'das rnam par snang mdzad chen po ni drug pa rdo rje 'chang chen po ste/ de la zhus pa'o/ /zhu ba de nyid bshad par bya ba'i phyir/ /sems can thams cad skyed pa po/ /sna tshogs gzugs can sems 'di ni/ /de bas dngos po med gyur kyang/ /dngos po dag tu rab tu grags/ zhes bya ba gsungs te/ kye bcom ldan 'das sems can 'di gang yin pa de nyid sna tshogs gzugs can ni sems can dang snod kyi 'jig rten gyi rnam pa ru so sor snang bar 'gyur te/ re zhig phyi rol gyi dngos po gcig dang du ma dang bral ba'i phyir/ 'grub pa ma yin te/ gang zhig rnam pa rnams mthong ba de rnams snang ba las ma 'das pa'i phyir/ sems kyi gzugs yin te/ snang ba de ni shes pa'i rang bzhin yin pa'i phyir ro/ /ji skad du/ rnam pa gang dang gang snang 'gyur/ /de de shes pa'i thig
- 387b
le de/ /blo ni shel gyi rdo bzhin du/ /gcig nyid du mar gyur pa yin/ /zhes bya ba rnam pa dang bcas pa'i rnam par shes pa smra ba rnams zer ba'i phyir ro/ /sems can thams cad skyed pa po/ /zhes bya bas sems kyi khyad par bstan pa'i sgo nas gtan tshigs bstan pa yin te/ sems can thams cad ni rgyu ba dang mi rgyu ba'o/ /de nyid kyi gzugs su bskyed pa ni shes pa skyed par mthong ba ste/ de'i phyir 'dir sems can thams cad skyed pa ni khyab par bya ba dang/ sems ni khyab par byed pa'o/ / de bas na khyab par byed pa sna tshogs gzugs can sems grub na khyab par byed pa'i sems can thams cad bskyed pa ni gtan tshigs yin no/ /de tsam gyis re zhig rnam pa dang bcas pa'i sems gzhag pa yin te/ de yang sel bar bya ba'i phyir/ de bas dngos po med 'gyur kyang/ zhes bya ba gsungs te/ sems de lta bu gang yin pa de yang rang rigs pa'i gzugs su 'byung ba ste/ rnam par shes pa'i rang bzhin du dngos po med pa yin no/ /sngar bshad pa'i tshad mas rnam pa rnams kyang rnam par dpyad na rdzun nyid du 'grub po/ /de bas na shes pa dang/ rnam par dag pa phan tshun tha dad pas gnyis ka yang yod pa ma yin no/ /gang zhig rig par byed pas na sems yin no/ zhes bshad pa de yang/ dngos po dag tu rab tu grags/ zhes bya ba ni kun rdzob tu grags pa yin gyi/ don dam par ni ma yin no/ /de bas na dngos po rnams kyi rang bzhin med pa nyid kho na grub pa'i mdza' yin no/ /zhes bya ba rnam par bzhag pa'o/ /de nyid yang zhu bar bya ba'i phyir/ /byang chub sems ni mkha' mnyam pa/ /legs par rjes su myong mdzad pa/ /'gro ba'i don ni mdzad pa po/ /skye bo mchog la de bstan gsol/ /zhes bya ba gsungs te/ don dam pa'i byang chub sems 'di mkha' dang mnyam pa ni 'od gsal ba'i rang bzhin te/
- 388a
legs par ni phyin ci ma log par bstan du gsol zhes bya ba ni gsol ba btab pa'o/ /gang la zhe na/ skye bo mchog la zhes bya ba ni dbang po rno ba rin po che lta bu'i gang zag la'o/ /ji mdzad nas zhe na/ rjes su myong mdzad pa zhes bya ba ni bcom ldan 'das nyid kyis mngon sum du mdzad nas bstan du gsol zhes bya ba ni tshig gi 'brel pa'o/ /de yang ci'i don du zhe na/ 'gro ba'i don ni mdzad pa po/ /zhes bya ba ni ma 'ongs pa'i sems can gyi khams rjes su gzung ba'i don to/ /'di ni sdud pa bo rang gis de kho na nyid kyi don rtogs na yang/ gdul bya ma 'ongs pa'i don du bdag nyid la rin po che lta bu'i gang zag nye bar btags pa yin no/ /gang gi phyir ma 'ongs pa'i sems can rnams ni sgra ji bzhin pa'i don bzung bas/ phyin ci log pa'i don la dmigs te/ dmyal ba la ltung bar 'gyur ro/ zhes bshad par bya ba'i phyir sgrub pa yi ni thabs tsam zhig /shes nas rgyud la rgyab kyis phyogs/ /'di ltar bdag ni slob dpon zhes/ ma 'ongs pa na smra bar 'gyur/ zhes bya ba gsungs te/ rgyud kyi don ma shes nas/ sgrub thabs kyi don tsam rtogs pas bdag slob dpon yin no/ zhes ma 'ongs pa'i sems can rnams la smra ba yin no zhes ston to/ /gzhan yang de rnams ji lta bu yin pa dang ci byed cen/ bdag gi tshig ni 'di nyid dag /yin zhes smra zhing byis pa 'jig /des ni dgongs pa'i byang chub sems/ /ji bzhin don du mi shes so/ /zhes bya ba gsungs te/ bdag gi tshig ni don dam pa yin pa dang/ bdag kho nas go ba yin te/ gzhan gyis ni ma yin no/ /zhes smra zhing byis pa ni rmongs pa'i blo can 'jigs par byed pa'o/ /gal te yang dag par shes na de'i tshe skyon med pa ste/ ji srid dgongs pa'i byang chub sems ni dgongs pas bshad pas bstan pa'i don dam pa'i byang chub kyi sems don ji lta
- 388b
ba bzhin du shes pa ma yin no zhes ston to/ /de ltar phyag na rdo rje'i zhu ba gsan nas/ ji ltar bcom ldan 'das kyis de la lan gsungs ba/ de nyid bstan par bya ba'i phyir/ de nas bdag po bcom ldan 'das/ /rnam par snang mdzad thub chen gyi/ / legs zhes lan gsum gsungs mdzad nas/ /lag na rdo rje la 'di gsungs/ zhes bya ba gsungs te/ de nas zhes bya ba ni zhus ma thag tu'o/ /nyon mongs pa rnams 'joms pa'i phyir/ bcom pa ni don dam pa'i bden pa ste/ de dang ldan pas na? bcom ldan 'das so/ /bdag po lnga'i gtso bo yin pa'i phyir rnam par snang mdzad chen po ni drug pa'o/ /kun rdzob dang/ don dam pa gnyis tha mi dad par mkhyen pas na/ thub pa'o/ /lan gsum du legs par gsungs pa ni zhu ba ni 'jig rten las 'das pa'i phyir ro/ /bcom ldan 'das kyis gang gsungs pa de nyid bshad par bya ba'i phyir/ mi rtogs don gyi de nyid ni/ /rab tu phye nas bshad par bya/ /brjod dang dmigs par bshad pa dang/ /brdar gyur dang ni don dam mo// zhes bya ba gsungs te/ /lag na rdo rje khyod la mi rtog don bshad par bya ba zhes bya ba tshig gi 'brel pa'o/ /mi rtog ni 'od gsal ba ste/ de nyid kyi don ni gang gis thob par 'gyur ba ni mi rtog don te/ sngags btu ba la sogs pa sngags kyi de kho na nyid rnam pa bzhi'o/ /rab tu phye nas zhes bya ba ni mdor bstan pa dang/ rgyas par bshad pa la sogs pa'i dbye bas so/ /de nyid bshad par bya ba'i phyir/ brjod dang zhes bya ba la sogs pa gsungs te/ brjod pa ni sngags rnams gang las btu bar 'gyur ba de ni brjod pa ste sngags btu ba'o/ /rjod bar byed pa'i sgo nas brjod bar bya ba'i don gang gis dmigs par 'gyur ba de ni dmigs pa ste/ de nyid bshad pa ni ming gang la yod pa de ni dmigs par
- 389a
bshad pa ste/ gnyis pa sngags kyi don yin no/ /brda zhes bya ba ni ming yin te gsum pa'o/ /don dam ni sngags kyi de kho na nyid te bzhi pa'o/ /'dir ni mdor bstan pa ste/ rgyas par bshad par bya ba'i phyir/ tshig gis brjod pa thun mong ste/ dmigs par bshad pa sangs rgyas nyid/ /sngags kyi de nyid brda ru bshad/ /don dam de bzhin nyid yin no/ /zhes bya ba gsungs te/ tshig gis brjod pa zhes bya ba ni ming dang/ thun mong ni ming can no/ /de yang yi ge dang tshig dang dag dang/ dag chen po la sogs pa'i thun mong gi rang bzhin du gnas pa'i phyir thun mong ste/ A li dang/ kA li'o/ /gang gi phyir de nyid las sngags thams cad btu ba yin te/ de'i phyir tshig gis brjod pa ni de nyid bshad pa yin te/ sngags btu ba'o/ /sangs rgyas ni sangs rgyas gsum gyi nyid ni rnam par snang mdzad la sogs pa nyid de/ dmigs par bshad pa ni phyag 'tshal ba la sogs pa rjod bar byed pa gang yin pa de rnams kyis rnam par snang mdzad la sogs pa'i don rnams gang gis rtogs par 'gyur ba de ni sngags kyi don no/ /brda ni brda kho na yin te/ sbrul la sogs pa'o/ /de ni sngags kyi brda'o// gang zhig don dam pa'i bden pa 'od gsal ba'i rang bzhin 'am/ a'i rang bzhin de ni sngags kyi de kho na nyid yin no/ /de nyid bshad par bya ba'i phyir/ dang po gcig ni dgu dbus na/ /gang zhig bcu yis ma bcings pa/ /de ni bcings med shes bya ste/ /de shes pa ni mchog gi gnas zhes bya ba gsungs te/ rnal 'byor pa de yis mchog gi gnas shes so/ /zhes tshig gi 'brel pa'o/ /gang gis bcings pa med pa ni dbyangs dang po'i bcings pa 'am/
- 389b
'khor ba'i bag chags rnams kyis ma bcings pa'i 'od gsal ba shes pa de yis/ mchog gi gnas ni dbyangs dang po'i rang bzhin gyis btu ba'i dag gi spros pa shes pa yin no/ /ji ltar zhe na/ dang po gcig zhes pa ni dang po yang yin la gcig kyang yin pas dang po gcig ste/ dbyangs dang gsal byed rnams skyed par byed pa'i rgyu yin pas dang po'o/ /yang na de las dang po med pas na dang po'o/ /yi ge thams cad a la zhugs pa'i phyir de nyid gcig yin no/ /dgu dbus na zhes bya ba ni yi ge a de nyid ma mo'i sde tshan dgu'i dbus na gnas pa yin te/ dper na a e o ri li e u aM/ zhes bya ba ni thung ba brgyad de/ sde tshan gcig yin no/ /de bzhin du A i aau rI lI a'i a'u A(rgyud 'grel): zhes bya ba ni ring ba brgyad de/ sde tshan gnyis pa'o/ / ga la sogs pa ma'i bar du ni sde tshan lnga'o/ /mthar gnas pa'i yi ge dang/ drod kyi yi ge ste/ sde tshan gnyis so/ /dgu po de rnams kyi dbus na gnas pa ste/ de med na de rnams srog med pas brjod du mi nus pa'i phyir ro/ /gang zhig bcu yis ma bcings la/ zhes bya ba ni dgu po de rnams dang bdag nyid de/ bcu pos/ ngag gi rnam par rtog pas 'od gsal bcings par mi 'gyur ro/ /yang na rang bzhin du dag pa dang/ rnam par rtog pa sna tshogs glo bur ba yin pas bcings par mi 'gyur ro/ /de lta bu'i 'od gsal ba ma mo'i de kho na nyid yi ge a 'am de las 'das pa gang gis shes pa des mchog gis gnas zhes pa ni mi 'jigs pa dang/ mi 'gyur bar shes pa yin te/ mthar thug pa'i don to/ /de nyid rgyas par bshad par bya ba'i phyir/ dbyangs dang gsal byed yi ge ste/ /grangs dgu yi ni rjes 'jug pa/ /as bcings phan tshun yang dag sbyor/ /gang gis shes de 'gro ba'i bla/ /zhes bya ba gsungs te/ dbyangs ni bcu drug dang/ gsal byed ni ka la sogs pa ha'i bar du'o/ /yi ga ni
- 390a
ya ra la wa ste/ ma ning gi yi ge bzhi'o/ /grangs dgu'i rjes su 'jug pa zhes bya ba ni sngar bshad pa'i rim pa lta bu'o/ /de rnams as bcings pa ni yi ge a yis bcings pas/ de'i rang bzhin du gang gis shes pa de ni 'gro ba'i slob dpon du 'gyur ro/ /da ni sngags btu ba bshad par bya ba'i phyir/ 'byung ba'i mdza' dang yang dag ldan/ /cha la sogs pa bcu drug gnas/ /lnga pa lnga dang yang dag ldan/ /bzhi ni gsum du nges par sbyar/ /yi ge aM bcas ring por bcas/ /yon tan sbyor sogs phyis dang mtshungs/ /thung ngu ma lus ngag tu 'gyur/ /gcig min du ma ma yin no/ /zhes bya ba gsungs te/ rdo rje'i mdo gnyis pos sngags btu ba dang/ de nyid nye bar bsdu ba bstan pa'o/ /de las 'byung ba'i mdza' ni yi ge ha'o/ /cha la sogs pa ni yi ge a'o/ /bcu drug pa ni tsheg drag dang bcas pa'i a'o/ /gnyis ka la mtshams sbyar na yi ge a ring por 'gyur ro/ /lnga pa lnga dang yang dag ldan/ /zhes bya ba ni sde tshan lnga pa'i lnga pa ni nyi shu lnga pa ste/ yi ge ma'o/ /de nyid rjes su 'byung ba'i dbyangs su gyur nas/ 'byung ba'i mdza' yi ge ha dang sbyar ro/ /bzhi ni gsum du nges par sbyar/ zhes bya ba ni bzhi gsum phrag tu byas na/ yi ge bcu gnyis ste/ de rnams dang sbyar ba gang la yod pa de ni bcu gsum pa ste/ yi ge e'o/ /de yang yi ge aM bcas zhes bya ba ni thig le dang bcas par bya'o/ /ring por bcas zhes bya ba ni don gyis 'byung ba'i mdza' dang/ ring po ni yi ge u dang sbyar ro/ kun sdoms pas oM A(rgyud 'grel): hUM yin te/ sngags btu ba'o/ /nye bar bsdu ba bshad par bya ba'i phyir/ yon tan sbyor sogs zhes bya ba la sogs pa gsungs te/ yon tan ni snying stobs dang/ rdul dang/ mun pa gsum yi ge gsum kho na yin te/
- 390b
de rnams sbyor ba ni 'brel pa ste/ phyis dang mtshungs par bya'o/ /de'i rim pa 'di yin te/ 'dir ni yi ge gsum gang yin pa de la yang re re yi ge gsum yod pa ste/ de kun la yang mi 'jig pa'i yi ge khyab par byed pa nyid du gnas pa yin no/ /de la re zhig phyag 'tshal ba'i gsum ni a dang/ u dang/ ma'o/ /ngag gi dbang phyug gi gsum ni a dang/ A dang/ tsheg drag go /sprin sgra'i gsum ni mgo bo dang/ srog med pa'i ha dang/ zhabs bskyed do/ /de la oM dang rjes su 'byung ba'i dbyangs ngag gi dbang phyug gi sa bon la thim pa dang/ ngag gi dbang phyug gi thig le gnyis thugs kyi dbang phyug gi thig le la thim mo/ /zhabs bskyed ni ha la thim pa dang/ ha yang thig le la thim pa dang/ thig le yang mgo bo la thim pa ste/ mgo bo kho na yi ge a'o/ /de ltar na yi ge a bzhi lus pa yin te/ de la sku'i a ni gsung gi a la thim pa dang/ gsung gi a rang gi tsheg drag gi a la thim pa dang/ de yang thugs kyi a la thim par 'gyur ro/ /de nyid bshad par bya ba'i phyir/ thung ngu ma lus ngag tu 'gyur/ gcig min du ma ma yin no/ /zhes bya ba gsungs te/ gang zhig thung ngu ni mi 'jig pa'i yi ge lus pa de nyid ma lus dag tu 'gyur zhes bya ba ni yi ge dang/ tshig dang/ dag la sogs pa'i dbye bas dag gi spro ba thams cad kyi gzugs su 'gyur te/ de yang thams cad nye bar bsdu ba'i phyir du ma ma yin pa dang/ de nyid las dag thams cad 'byung ba'i phyir gcig kyang ma yin te/ brjod du med pa don dam pa'i de kho na nyid lta bu yin no/ /yang na phyis dang mtshungs zhes bya ba ni mi mthong ba tsam lon te/ oM ni a la thim pa dang/ /de yang hUM la thim pa dang/ /hUM gi zhabs bskyed ha la thim pa dang/ ha las kyang a bton nas ha ni mgo bo la thim pa dang/ mgo bo yang thig le la thim pa dang/ thig le yang a la thim par bya'o/ /de nyid
- 391a
bshad par bya ba'i phyir/ yi ge gang zhig sngar bshad dang/ /gang yangs mngon par phyogs pa rnams/ /bud med skyes pa ma ning ste/ /khams la sogs pa rab tu brtag /zhes bya ba gsungs te/ dbyangs dang gsal byed dang bzhin gyi yi ge dag sngar bshad pa dang/ de bzhin du mngon par phyogs pa ni zhi ba la sogs pa la gtso bor gyur pa ya ra la wa gang yin pa de rnams thams cad/ bud med dang/ skyes pa dang/ ma ning gi rang bzhin du shes par bya'o/ /de la bud med kyi rtags ni yi ge a'o/ /skyes pa'i rtags ni yi ge hUM ngo/ /ma ning gi rtags ni yi ge oM yin no/ /de la sgra mkhan la sogs pas byas pa'i rtags kyi mtshan nyid 'dir gzung bar mi bya ste/ slu bar byed pas na rigs pa ma yin no/ /'dir ni khyab par bya ba dang/ khyab par byed pa'i dngos po las ma 'das pas/ rtags kyi mtshan nyid gzhan mthong ba ma yin te/ chos nyid ni khyab par byed pa dang/ chos can khyab par bya ba'o/ /de dag shes rab dang thabs so/ /gang gi phyir shes rab ni bde ba chen po thabs ni khyab par bya ba ste/ thabs kyis ni shes rab ma yin te/ de ni de yis btsa' bar bya ba'i phyir ro/ /de ltar na a la sogs pa rnams kyis gsal bya rnams khyab par bya ba nyid do/ /de bas na dbyangs ni shes rab kyi rang bzhin dang/ gsal byed ni thabs kyi rang bzhin du rnam par bzhag go /ya ra la wa bzhi po ni snod kyi 'jig rten gyi rang bzhin yin te/ ma ning ngo/ /de la a nas brtsams te/ tsheg drag gi bar du bsdus na gnas pa'i dbyangs kun bsdu bas yi ge a ni bud med yin no/ /ka nas brtsams nas ha'i bar du go bzlog pa'i rim pas so sor bsdus na/ yi ge hUM ni thabs kyi rang bzhin te skyes pa'o/ /ya ra la wa bzhi po'i tha ma yi ge wa rkyang bar byas la yi
- 391b
ge gzhan pa'i a dang mtshams sbyar zhing de rnams kyang sna las rjes su 'byung ba'i phyir/ rjes su 'byung ba'i dbyangs la oM zhes bya ba ni ma ning yin no/ /gal te shes rab dang thabs ma gtogs pas /rtags gzhan mi dmigs te/ 'on kyang 'jig rten gyi kun rdzob tu ma ning gi tha snyad mthong ba yin no/ /khams la sogs par rab tu brtag /zhes bya ba ni/ 'di rnams bud med la sogs pa'i rang bzhin gcig pur ma zad kyi/ ji srid khams la sogs pa ni skad kyi dbyings dang/ byed tshig dang/ byed pa po dang/ bsdu ba dang/ byed pa dang/ de la phan pa dang/ bdag gi tshig dang/ gzhan gyi tshig dang/ dus dang/ skyes bu dang/ grangs dang/ yi ge dang/ tshig dang ngag dang ngag chen po la sogs pa ste/ de srid brgyad khri bzhi stong chos kyi phung po'i bar du sna tshogs pa'i skad la sogs pa'i gzugs su rab tu brtag pa yin no zhes ston to/ /yang na khams la sogs pa ni khams gsum pa dang/ sku gsum dang/ rtsa gsum dang/ ting nge 'dzin gsum dang/ sku gsung thugs la sogs pa'i rang bzhin du rab tu brtag pa yin no/ zhes ston to/ /de rnams kyi las bshad par bya ba'i phyir/ 'og dang steng du bcas par ni/ /shes nas blos ni nges par sbyar/ zhes bya ba gsungs te/ de la yi ge oM ni 'og tu 'gro ba ste/ 'jug pa'i rang bzhin yin pa'i phyir ro/ /steng du 'gro ba ni yi ge hUM ste/ ldang ba'i rang bzhin yin pa'i phyir ro/ /bcas pa ni mnyam pa nyid du gnas pa ste/ yi ge a'o/ /'o na rang bzhin gyis gnas pa'i rlung rnams la 'og dang steng la sogs pa'i dbye ba ci dgos zhe na/ smras pa/ shes na blos ni nges par sbyar/ zhes bya ba ni 'jug pa la sogs pa rang bzhin gyis 'grub na yang/ so so skye bo rnams ma rig pa'i dbang gis shes pa ma yin no/ /de bas na yan
- 392a
lag ma nyams pa nyid du shes nas blo yis nges par sbyar na/ rnal 'byor pa la rang bzhin gsal bar byed pa yin no/ /zhes tshig gi lhag ma'o/ /de'i phyir ma thob pa thob pa ma yin te/ ma shes pa shes pa yin pas rdzogs pa'i rim pa yin no/ /nye bar bsdu ba bshad par bya ba'i phyir/ brjod pa yi ni sngags 'di dag /dngos med ngo bo las byung ba'o/ zhes gsungs te/ brjod pa zhes bya ba 'di sngags btu ba'i mtshan nyid do/ / de yang ji lta bu yin zhe na/ dngos med ni rang bzhin med pa ste/ 'od gsal ba'i ngo bo las 'byung ba yin no/ /zhes bstan to/ /sngags btu ba bshad nas/ /sngags kyi don bshad par bya ba'i phyir/ /de nas yongs su gyur pa'i gzugs lha ru nye bar mtshon pa gang/ zhes bya ba gsungs te/ yi ge gsum po de nyid las rnam par snang mdzad la sogs pa'i gzugs gang 'byung ba de yang/ lha ru nye bar mtshon pa ni sa bon gang dang gang gi lha de dang de yis nye bar mtshon pa ni yongs su grub pa ste/ sngags kyi don to/ /gang gi phyir brjod bar bya ba dang/ brjod par byed pa dag rjes su 'thun pa'i phyir ro/ /brda bshad par bya ba'i phyir/ brda yis de nyid gsum gnas pa/ /rang bzhin bzlas pa'i mtshan nyid do/ /zhes bya ba gsungs te/ brda ni sngags kyi brda ste /ming yin no/ /de yang ji lta bu yin zhe na/ de nyid gsum gnas pa ni de kho na nyid gsum gyis brdar byas te/ sku'i de kho na nyid dang/ gsung gi de kho na nyid dang/ thugs kyi de kho na nyid de/ yi ge gsum gyi brda yin no/ /de bzhin du/ rang bzhin bzlas pa'i mtshan nyid do/ /zhes bya ba ni rang bzhin ni sngags kyi rigs rnams te/ de nyid kyi bzlas pa ni yi ge gsum sbyar
- 392b
ba dang/ ma sbyar ba'i mtshan nyid ste/ de yang brda yin no/ /gang gi phyir sprul la sogs pa'i brda rnams ni yi ge gsum la rag lus pas/ sprul la sogs pa'i brda ru 'gyur te/ sngags kyi brda bstan to/ /da ni sngags kyi de kho na nyid bshad par bya ba'i phyir/ a yis bshad pa'i ye shes ni/ /sangs rgyas kyi ni snying por 'gyur/ zhes bya ba gsungs te/ a la brten te/ ye shes gang chos thams cad kyi thog ma las ma skyes pa'i mtshan nyid can gyi de kho na nyid de/ de nyid sangs rgyas ni chos thams cad kyi rang bzhin rtogs pa'i rdo rje 'chang chen po ste/ de rjod par byed pa'i phyag 'tshal ba la sogs pa'i snying po ni de kho na nyid yin te/ sngags kyi de kho na nyid do/ /gang gi phyir de med na sngags kyi phung po dang/ chos kyi phung po thams cad don med par 'gyur ro/ /ji skad du/ brgyad khri dang ni bzhi stong nyid/ /thub pa chen pos chos phung po/ /gang gis de nyid shes mi 'gyur/ /de dag thams cad 'bras bu med/ zhes 'byung ngo/ /bskyed pa'i rim pa'i rnal 'byor pas spro ba dang/ bsdu ba dang/ gnas pa rnams kyis sangs rgyas kyi gzugs rdzogs par byed pa ste/ 'dir de'i rnam par rang bzhin gyis grub pa yin no/ /zhes bshad par bya ba'i phyir/ hUM gis sems can yang dag spro/ /sangs rgyas skur ni rab tu brtags/ /oM gyis sems can yang dag bsdud/ /a ni gnas par gyur pa'o/ /zhes bya ba gsungs te/ yi ge hUM ni ldang ba'i bdag nyid te/ /de yis sems can ni phung po dang/ khams dang skye mched la sogs pa'i rang bzhin/ / sangs rgyas skur ni rab tu rtag /zhes bya ba ni de bzhin gshegs pa dang/ lha mo dang/ byang chub sems dpa' i bdag nyid du yang dag par spro bar byed pa ste/ ldang ba'i rlung kho na las de rnams gsal ba'i phyir ro/ /gsal ba ni snang ba dang/ spro ba'o
- 393a
zhes rnam grangs so/ /de bzhin du 'jug pa'i bdag nyid yin pa'i phyir/ yi ge/ oM gyis sems can gyi sangs rgyas rnams/ snga ma bzhin du yang dag par bsdu bar byed pa'o/ /yi ge A ni de rnams gnas par byed pa'o/ de ltar yin na bskyed pa'i rim pa'i phyogs su sangs rgyas kyi zhing la sogs pa la spro ba dang/ bsdu ba dang/ gnas pa rnams don med pa yin no/ zhes dgongs pa'o// //da ni rdo rje bzlas pa'i bya ba'i sgo nas rang bzhin bshad par bya ba'i phyir/ 'jug pa nyid dang gnas pa dang/ ldang ba yi ni rim gyis kyang/ /shes rab thabs kyi bzhir gnas te/ /sngags kyi yan lag ma nyams bzlas/ zhes bya ba gsungs te/ yan lag ma nyams pa'i lha'i rnal 'byor gyis sngags bzlas par bya'o/ /zhes tshig gi 'brel pa'o/ /rim gyis zhes bya ba ni 'jug pa la sogs pa'i rim pas so/ /zhes bstan to/ /rnal 'byor pa ji lta bus bzlas par bya zhe na/ shes rab thabs kyi bzhir gnas te/ zhes bya ba ni shes rab ni yi ge a dang/ thabs ni yi ge hUM dang/ bzhi ni ma ning gi gnas su phyag 'tshal ba'i yi ge ste/ der gnas pa ni srog dang/ rtsol ba dang/ me dang mnyam pa'i rang bzhin gyi yi ge gsum la gnas pa'o/ / gang gi phyir yi ge gsum ni sngags kyi sku thams cad dang/ sku dang gsung dang/ thugs rjes su dran pa'i bdag nyid yin pa'i phyir ro/ /dper na de nyid gyen du 'gro bas g.yas la sogs pa dang/ dmar po la sogs pa'i dbye bas kun rdzob kyi sna'i rtse mor nang gi dus la dmigs te/ dkyil 'khor bzhi shar ba'i dus su zhi ba la sogs pa'i las kyi tshogs byed pa yin no/ /de nyid thur du sel bas srog gi 'khor lo nye bar bsdus nas shu kra'i thig le'i gzugs su gyur te/ 'khor ba
- 393b
rnams skyed par byed pa yin no/ /de nyid bskyed pa'i rim pa'i rnal 'byor pa rnams la/ rtog pa'i sngags kyi sku skyed par byed pa'o/ /de nyid pad+ma'i sna la phra mo'i rnal 'byor pa rnams la sems rtse gcig pa'i rgyur 'gyur ro/ /de nyid dngos grub 'dod pa rnams la de bzhin gshegs pa thams cad kyi snying po bskul nas/ dngos grub mngon du byed pa yin no/ /de nyid sna tshogs par spel zhing bzlas na las dang po pa rnams la sdig pa zad pa'i rgyur 'gyur ba dang/ mngon par 'dod pa'i las rab tu sgrub par byed pa yin no/ /de nyid rdzogs pa'i rim pa la gnas pa'i 'dod chags dang/ zhe sdang dang/ gti mug gi rigs can gyis gsang ba la sogs pa'i sna gsum po la/ thig le'i gzugs su bsgoms na rlung gi de kho na yongs su shes par byed pa yin no/ /de nyid rdo rje 'chang chen po la sogs pa'i rnal 'byor pa rnams la ma lus pa dang/ lus pa'i gzugs su bzlas pa'i rgyur 'gyur ro/ /de nyid srid pa bar ma de'i gnas skabs su srid pa skye ba'i rgyur 'gyur ro/ /de nyid rnal 'byor pa rnams la gnas skabs de nyid la/ /cig car du ye shes kyi sku skyed par byed pa yin no/ /de nyid sngags kyi de kho na nyid 'dod pa rnams la thun rnam pa bzhi la sogs pa yongs su shes nas/ 'od gsal ba rtogs par byed pa yin no/ / de nyid mdza' ru thams cad yongs su rdzogs nas/ ma ning gi bzlas pa'i skabs su thabs dang shes rab tha mi dad pa'i de kho na nyid mngon du byed pa'i rgyur 'gyur ro/ /da ni rdo rje bzlas pa la/ dkyil 'khor gyi rim pas grangs bshad par bya ba'i phyir// gos dkar la sogs bzlas bshad pa/ /brgya phrag gnyis dang nyi shu lnga/ /bzhi po legs par bsgres na ni/ /sbyor bzhi bsdus pas brgya phrag dgu /dgu brgyad dag tu gang bstan pa/ /nyi shu rtsa bzhi'i rim gyis ni/ /de ni so sor 'byung ba las/ /nyi
- 394a
khri chig stong drug brgya'o/ /zhes bya ba gsungs te/ gos dkar mo la sogs par nye bar mtshon pa'i me'i dkyil 'khor la sogs pa bzhi yin te/ de la yang re re la cha bzhi bzhi yod pa ste/ cha re re la dbus su nyis brgya nyi shu rtsa lnga rgyu ba yin no/ /lhag ma cha gsum pa'i grangs kyis dgu brgyar 'gyur ro/ /de ltar dkyil 'khor bzhi la 'jug pa la sogs pa'i rim pas/ nyin mo rgyu ba bcu gnyis yin te/ dgu brgya bcu gnyis dang bsgres na khri phrag gcig dang/ brgyad brgyar 'gyur de mtshan mo yang de bzhin du'o/ /de ltar kun sdom pas nyi khri gcig stong drug brgya yin no/ /'dir ni chos nyid kyi rigs pa 'di yin te/ 'di las gzhan ni rlung rgyu ba med pa'i phyir ro/ /'on kyang 'jug pa la sogs pa'i skad cig ma rang bzhin gyis grub pa gang yin pa de ni/ rnal 'byor pas 'od gsal ba'i skad cig mas khyab pa mtshon par bya ste/ gzhan du so so skye bo las 'di la khyab pa med par 'gyur ro/ /nang gi dus 'di nyid zhes bya ba la sogs pa go sla'o/ /gsang ba 'dus pa'i rgyud phyi ma ni le'u bco brgyad ba las don 'di nyid gsal bar byed pa'i phyir/ rig pa'i cho ga 'di yis ni/ /thun mtshams bzhi ru rab sbyor la/ /mtshon bya mtshan byed grangs rnams kyis/ /sngags kyi yan lag ma nyams bzlas/ /zhes bya ba gsungs te/ snang ba la sogs pa stong pa bzhi gang gis rig par 'gyur ba de ni rig ba ste/ gos dkar mo la sogs pa'o/ /de rnams gang du sbyar bar byed pa de ni rig pa'i cho ga ste/ dkyil 'khor bzhi'o/ /de rnams kyi 'jug pa la sogs pa'i rim pas sngags ni yi ge gsum bzla bar bya'o/ /de bzhin du thun mtshams bzhi ni dkyil 'khor bzhi kho na ste/ de rnams kyis rab tu sbyor ba ni g.yas la sogs
- 394b
pa'i dbye bas 'od zer 'byung ba'i rim pa ste/ de la'o/ yang na thun mtshams bzhi ni nyin mo dang/ mtshan mo nang gi bdag nyid kyi dus te/ de'i rim pa la'o/ /ji ltar zla zhe na/ mtshon bya mtshon byed grangs rnams kyis/ /zhes bya ba ni mtshon par bya bas na mtshon bya ste/ 'od gsal ba 'am/ kha dog dmar ba la sogs pa'i 'od zer ro/ /mtshon par byed pas na mtshon byed de/ 'jug pa la sogs pa'o/ /grangs ni sngar bshad pa ste/ nyis brgya nyi shu rtsa lnga la sogs pa'o/ /de rnams kyi yan lag ma nyams pa'i sngags bzla bar bya'o// //da ni ngag gi bzlas pa dgag par bya ba'i phyir/ sgom pa yi ni bar chad can/ /rnal 'byor phyi rol bzlas pa spang/ /sngags don bcom ldan rdo rje can/ /rdo rje'i bdag nyid ji ltar zlos?/ / zhes bya ba gsungs te/ rdo rje bzlas pa la chags pa'i rnal 'byor bas phyi rol bzlas pa ni ngag gi bzlas pa dang/ nang gi bzlas pa spang par bya'o/ /gang gi phyir sgom pa yi ni rdzogs pa'i rim pa'i mtshan nyid de/ de'i bar chad can ni bgegs su 'gyur ba'o/ /sngags kyi bzlas pa ni bcom ldan 'das rdo rje can mngon du bya ba'i phyir byed pa yin te/ gal te de nyid rnal 'byor pa rdo rje can gyi bdag nyid du gyur na/ mi phyed pa'i rdo rje bzlas pa'i rang bzhin gyi rnal 'byor pa des/ ji ltar zlos zhes pa ni bzla bar bya ba ma yin no/ /bskyed pa'i rim pa la gnas pa'i dam tshig 'di nyid yin te/ de yis gal te phyi'i bzlas pa spang bar byed na/ de'i tshe bskyed pa'i rim pa la snod du gyur pa ma yin te/ dam tshig nyams pa'i phyir ro/ /dpe bstan par bya ba'i phyir/ glang po mngon du rnyed gyur nas /glang po'i rjes ni tshol byed ltar/ /sngags lus rang nyid mngon gyur nas/ /gzhan dag cig tshol byed dam/ zhes bya ba gsungs te/ glang po che stor ba'i skyes bus gal te de nyid rnyed na/ de'i tshe glang po che de'i rjes
- 395a
tshol ba ma yin no/ /de bzhin du gang zhig sngags kyi sku rdo rje 'chang chen po nyid du gyur pa de yis gzhan dag ni ngag gi bzlas pa la sogs pa tshol bar byed pa ma yin no/ /da ni bskyed pa'i rim pa'i rnal 'byor pas/ spyan drang ba la sogs pa'i sgo nas sngags kyi sku 'dod pa ste/ rdzogs pa'i rim pa'i rnal 'byor pa la rgol ba gang yin pa de nyid bshad par bya ba'i phyir/ gzhan yang rdo rje 'dzin gang zhig /sbyor ba gsum dang ldan pa'i mi/ /spyan drangs gshegs su gsol 'gyur dang/ /de bzhin bzhugs su gsol ba dang/ zhes bya ba gsungs so/ /de'i don 'di yin te/ bskyed pa'i rim pa la gnas pa'i rnal 'byor pas dam tshig dang/ ye shes dang/ ting nge 'dzin sems dpa' ste/ sbyor ba gsum dang ldan pa'i gzugs bskyed la/ ting nge 'dzin sems dpa' las 'od zer 'khor lo rnam par spros te/ de yis sangs rgyas kyi zhing las ye shes kyi 'khor lo spyan drangs la/ /dza(rgyud 'grel): hUM baM ho(rgyud 'grel): zhes bya ba'i sngags kyis dgug pa dang/ gzhug pa dang/ bcing ba dang/ dbang du byas la/ dgongs ka'i mtshams la/ mu'i mdza' can gyi sngags kyis de nyid gshegs su gsol te/ de'i nga rgyal gyis gnas par bya'o/ /de ltar nyin re bzhin byas shing bsgoms pa la mthar thob pas byang chub mngon du byed de/ cho ga 'di khyod kyi phyogs su yod pa ma yin te/ phyogs snga ma'i tshigs su bcad pa'o/ /'di la lan gdab par bya ba'i phyir/ gzhug pa yis ni spyan drangs te/ /myur ba yis ni gshegs su gsol/ /gnyis ka min pas bzhugs su gsol/ /dbugs med dngos grub bla med pa'o/ /zhes bya ba gsungs te/ 'dir 'jug pa ni yi ge oM gyis spyan drangs pa ste/
- 395b
rnam par snang mdzad kyi rigs can sangs rgyas dang byang chub sems dpa' rnams la spyan 'dren pa shes par bya'o/ /de bzhin du myur ba ni ldang ba'i rang bzhin gyi yi ge hUM gis mi bskyod pa'i rigs can sangs rgyas dang byang chub sems dpa' rnams gshegs su gsol bar shes par bya'o/ /de bzhin du gnyis ka min pas zhes bya ba ni gnas pa'i rang bzhin gyi yi ge A(rgyud 'grel): yis snang ba mdza' yas kyi rigs can sangs rgyas dang/ byang chub sems dpa' rnams bzhugs su gsol bar shes par bya'o/ /de yang yi ge gsum re re gsum gyi bdag nyid yin pas spyan drangs pa la sogs pa'i las shes par bya'o/ /'dir yang khyad par bshad pa'i phyir/ dbugs med dngos grub bla med pa'o/ /zhes bya ba gsungs te/ dbugs med ba ni 'jug pa la sogs pa'i dbugs dang bral ba'i ma ning gi bzlas pa ste/ de las dngos grub bla na med pa ni phyag rgya chen po'i dngos grub thob par 'gyur ro/ /de bas na khyod kyi phyogs su spyan drang ba la sogs pa rtsol bas grub pa dang/ rtog pa can dang sngags kyi sku tsam sgrub par byed pa'o/ /bdag gi phyogs su ni sngags dang rlung dag tha mi dad pas 'jug pa la sogs pa rnams de bzhin gshegs pa'i rang bzhin kho na yin te/ rang gi lus po la gnas pa de rnams la spyan drang ba la sogs pa 'bad pa med pas 'grub par bya ba dang/ rang bzhin gyis grub pa ste/ 'khor ba dang/ mya ngan las 'das pa la mi gnas pa'i phyag rgya chen po sgrub par byed pa ste/ khyad par ro/ /man ngag 'di sbas par bya ba'i phyir/ myur ba dang ni rnam sdud dang/ /dal ba can dang sngags sbyor ba/ /bla mas slob ma'i rna drung du/ /rab tu 'bad de brjod par bya/ /zhes pa gsungs te/ de'i don 'di yin te/ myur ba la sogs pa'i sgra rnams kyis 'das ma thag tu bshad pa'i rlung gsum pa la
- 396a
sngags sbyor ba ni yi ge gsum sbyor ba gang yin pa de ni slob dpon gyis slob ma'i rna drung du brjod par bya ba ni bshad par bya ste/ sbas pa'o zhes bstan to/ /gang gi phyir sbas pa nyid ni dngos grub kyi rgyu yin no zhes zer ro/ / gsang ba'i yi ge'i bzlas pa bshad par bya ba'i phyir/ de rnams rnal 'byor dbang phyug gi /thabs kyi dam pa bstan pa'i phyir/ /rnal 'byor 'bras bu rab ster ba'i/ /gsang ba'i yi ge bshad par bya/ /gang zhig bsam pa tsam gyis ni/ /rnal 'byor can gyis mchog ster 'gyur/ zhes bya ba gsungs te/ tshigs su bcad pa phyed dang gnyis kyis mdor bstan pa dang bcas pa dang/ 'bras bu dang bcas pa'i gsang ba'i yi ge bzlas pa bstan to/ /de la gsang ba'i yi ge bshad par bya zhes bya ba ni tshig gi 'brel pa'o// bskyed pa'i rim pa'i rnal 'byor pa rnams la sbas pa'i phyir/ gsang ba dang/ chos kyi dbyings kyi rang bzhin yin pa'i phyir/ mi 'gyur bas na yi ge'o/ /gsang ba yang yin la de nyid yi ge yang yin te/ gsang ba'i yi ge ste/ de nyid bshad par bya ba ni btu ba'i rim bas so sor bstan par bya'o/ /de yang ji lta bu yin zhe na/ thabs kyi dam pa bstan pa'i phyir/ zhes bya ba ni thabs dam pa ni rdo rje 'chang chen po thob par byed pa'i thabs te/ de bstan pa'i phyir ro/ /yang ji lta bu yin zhe na/ rnal 'byor 'bras bu rab ster ba'i/ zhes bya ba ni rnal 'byor pa'i ting nge 'dzin de'i sa thob pa'i 'bras bu ni rnam pa gnyis te/ 'jig rten dang 'jig rten 'das pa'i mtshan nyid can gang yin pa de rab tu ster bar byed pa gang yin pa de la de skad ces bya'o/ /gang zhig bsam pa tsam gyis ni zhes bya ba ni gsang ba'i yi ge gang zhig mgrin pa dang/ snying ga dang lte ba dang/ gsang ba'i gnas su dran pa tsam gyis/ rnal 'byor can gyis mchog ster 'gyur zhes bya ba ni rnal 'byor pa rnams kyis sems can thams cad la mngon par 'dod pa'i don ster bar 'gyur ro/
- 396b
de nyid bshad par bya ba'i phyir/ dang po yi ge sbyar ba yis/ /rtag tu dbugs ni spro bar bya/ /brgyad pa'i mdza' dang ldan pa yis/ /yi ge u ni thig ler bcas/ /rnal 'byor pa ni dbugs gtong byed/ /ci dga' ba'i bzlas par bshad/ /ces bya ba gsungs te/ 'dir ni rtsibs brgyad pa'i chos kyi dbyings kyi 'khor lo'i nang na gnas pa'i mar me bzhin du 'bar ba yi ge a gang yin pa de ni dang po'i yi ge ste/ de'i sbyor ba ni de dang rtse gcig pa'i ting nge 'dzin gyis/ rtag tu dbugs ni spro bar bya ba ni A li dang kA li'i rang bzhin gyis sangs rgyas kyi tshogs sdu bar byed pa'i yi ge gsum spro bar bya'o/ /gang gi phyir sngags rnams kyi rang bzhin 'di yin te/ gang zhig rang bzhin gyis 'od gsal ba'i yi ge A(rgyud 'grel): 'i ste/ de las 'byung ba dang de nyid du thim par 'gyur te/ dper na nam mkha' las sprin gyi tshogs lta bu'o/ /de las me tog gi tshul du yi ge gsum byung ste/ sku dang/ gsung dag thugs la nye bar bsdu ste/ gsang ba'i yi ge dkyil 'khor bzhi la lhag par mos par bya'o/ /de la mgo bo med pa ni snying ga la/ mgo bo ni mgrin pa la dang/ sgra ni yi ge u ste/ de ni lte ba'i pad+ma la dang/ sgra'i mdza' ni thig le ste/ de ni gsang ba'i pad+ma la gnas so/ /de la ldang ba ni mgo bo med pa dang/ gnas pa ni mgo bo dang/ 'jug pa ni sgra dang/ thams cad nye bar sdud ba dbugs dang bral ba gang yin pa de ni sgra'i mthas bya ba yin te/ gsang ba'i yi ge gcig bus ldang ba la sogs pa 'od gsal ba'i bar du ting nge 'dzin bstan pa eyin no/ /ji skad du/ mgo med snying ga'i pad+mar gnas/ /kha'i pad+mar mgo bor gnas/ /lte ba'i pad+mar sgra gnas ste/ /sgra mdza' gsang ba'i pad+ma la'o/ /'gro dang 'ong bar byed pa 'di/ /thig le'i rnal 'byor rab tu 'jug /zhes bya ba lha mo bzhis yongs su zhus pa'i bshad pa'i rgyud las gsungs pa'i phyir ro/ /de nyid btu ba yin te/ brgyad pa'i mdza' ni yi ge ha ste/ sde tshan brgyad pa'i mthar gnas
- 397a
pa'i phyir ro/ /a'u ni dbyangs drug pa ste/ de nyid ha'i zhabs bskyed du bya'o/ /thig ler bcas zhes bya ba ni zhabs bskyed dang bcas pa'i ha de nyid la thig le sbyar na yi ge hUM btu ba yin no/ /rnal 'byor pa ni dbugs gdod? byed/ zhes bya ba ni yi ge 'di nyid kyis 'byung ba dang/ 'jug pa dang gnas pa gsum rnal 'byor bas byed pa gang yin pa de ni ci dga' ba'i bzlas pa ste/ rnal 'byor pa'i mos pa'i dbang gis bzlas par bshad do/ /de ltar yin na ldang ba'i rlung kho na 'grub pa yin te/ 'jug pa dang gnas pa'i bdag nyid kyi rlung ni 'grub pa ma yin no zhe na/ smras pa/ re zhig rlung rnams ni mtshan mo dang/ nyin mo rang bzhin du rgyu ba ste/ ji ltar bshad pa'i grangs las 'das pa ma yin te/ rnal 'byor pa'i mos pa'i dbang gis gal te yi ge gcig la dmigs nas de byed pa yin na/ de'i tshe yi ge gzhan nye bar gnas pa'i rtsol ba ni don med pa kho na yin te/ de nyid kyi phyir ci dga' ba'i bzlas par bshad do/ /yang na sngar bshad pa'i cha shas kyi dbye ba la dmigs nas/ 'jug pa la sogs pa yod pa yin te/ de'i grangs la 'gal ba yang med do/ /grangs de nyid bshad par bya ba'i phyir/ khri phrag gnyis dang chig stong dang/ de bzhin du ni brgya phrag drug /rnal 'byor dbang po nyid mtshan med/ /bzlas brjod kyi ni grangs byed do/ /zhes bya ba gsungs te/ de yang go sla'o/ /lung tshad ma nyid bstan par bya ba'i phyir/ de 'dir gsang zhing dgongs pa yis/ /phra mo'i rnal 'byor bshad pa yin/ /bsam gtan kha ton med mod kyi/ /'on kyang bzlas par bshad pa yin/ /zhes bya ba gsungs te/ gsang zhing dgongs pa ni dgongs pa lung bstan pa'i rgyud de/ de ru phra mo'i rnal 'byor bshad pa yin/ /zhes bya ba ni rdo rje bzlas pa'i thabs su gyur pa'i rlung dang sngags kyi de kho na nyid kyi bdag nyid gsang ba'i yi ge'i
- 397b
bzlas pa bcom ldan 'das kyis bstan pa yin no/ /bsam gtan kha don med mod kyi/ zhes bya ba ni bsam gtan ni sngags kyi sku la sogs pa'i mtshan nyid can gyi ting nge 'dzin dang/ kha ton ni dag gi bzlas pa'i mtshan nyid de/ re gnyis ka dang bral ba yin na yang phra mo'i rnal 'byor rang bzhin gyis grub pa'i phyir/ bzlas par bshad pa yin no/ /ji skad du/ khams gsum du ni sems can rnams/ /srog dang rtsol ba la brten pa/ /bsam gtan kha ton bral ba yis/ /sngags kyi rgyal po bzla bar byed/ zhes bya ba 'byung ba'i phyir ro/ /rdo rje bzlas pa'i bzhir gyur pa'i lha'i gzugs bstan pa'i phyir/ rdo rje bzlas pa 'di yis ni/ /cho ga ji bzhin bsten bya zhing/ /sgyu ma lta bu'i ting 'dzin gyis/ /las rnams thams cad bsgrub par bya/ zhes bya ba gsungs te/ re zhig bskyed pa'i rim pas sngags kyi sku gang bsgom pa de las 'das pa'i phyir dang/ lus rnam par dben pa yang ye shes kyi rang bzhin yin pas/ gzugs med pa yin te/ de ru lha'i sku bsgom pa yod pa ma yin no/ /de bas na rdo rje bzlas pa'i rten du gyur pa'i sku gang yin zhes bshad pa'i phyir ro/ /sgyu ma lta bu'i ting 'dzin gyis/ zhes bya ba gsungs te/ 'og nas bshad kyi 'gyur ba'i rim pa gsum pas thob pa'i sgyu ma lta bu'i ting nge 'dzin gyi rang bzhin gyi sku dang sngar bshad pa'i rdo rje'i bzlas pas cho ga ji bzhin 'og nas bshad par 'gyur ba'i cho ga las ma 'das te/ bsten pa ni yang dang yang du goms par byas la/ las rnams thams cad ni zhi ba la sogs pa'i las rnams bsgrub par bya'o/ /de'i sa rdo rje bzlas pa la sgyu ma'i sku rten dang/ ngag gi rang bzhin 'grub pa'i phyir/ sems bskul pa po yin no/ /zhes bstan to/ /ji skad du/ sngags la dmigs pa'i sku yis ni/ /ngag gi yid la bskul ba yis/ /yid ni dga' byed yid 'ong ba'i/ /dngos grub mchog ni thob par bya/ /zhes bya ba la sogs pa gsungs so/ /
- 398a
cho ga ji bzhin gyi sgra'i don bstan par bya ba'i phyir/ gnyis su med par mnyam par rnam par rgyal ba'i rgyud las khungs drangs pa yin te/ mnyam med sngags ni bzlas nas su/ /sgrub pa'i bdag nyid can gyis bsgrub/ / de yis bzla ba gcig gis ni/ /khams gsum 'grub par gdon mi za/ zhes bya ba la mnyam med sngags ni yi ge gsum bzlas nas 'khor lo bzhin du nyin dang nyin du rgyu bar shes nas/ sgrub pa'i bdag nyid ni rnal 'byor pas 'od gsal ba'i rang bzhin ma ning gi bzlas pas bsgrub pa bya'o/ /de'i phan yon bstan par bya ba'i phyir/ de yis zla ba gcig gis zhes bya ba la sogs pa gsungs te/ zla ba zhag sum cu yis khams gsum ni khams gsum pa'i sems can yul du byas pa'i las kyi tshogs 'bad pa med pas 'grub par 'gyur ro/ /bzlas pa'i grangs bshad par bya ba'i phyir/ rnam shes las ni byung ba'i sngags/ /'bum phrag drug ldan bzlas nas kyang/ /rdo rje sems dpa' phyag byas nas/ /zla ba nya la de 'grub 'gyur/ zhes bya ba gsungs te/ 'dir ni nyin re la dbugs nyi khri chig stong drug brgya'i grangs kyis zhag lnga la dbugs 'bum phrag gcig dang stong phrag brgyad rgyu ba yin te/ grangs mang nyung bkag pa'i phyir stong phrag brgyad bcas pa'i 'bum phrag gcig ni 'bum phrag kho nas bshad pa'o/ /grangs de yis zla ba gcig la ni 'bum phrag drug yin te/ de yang rnam par snang mdzad nas rdo rje 'chang gi bar du 'bum phrag drug bstan to/ /de ltar zla ba gcig gis rnam shes las byung ba'i sngags zhes bya ba ni rlung la zhon pa'i rnam par shes pa las 'byung ba'i sngags bzlas la/ zla ba nya la de 'grub 'gyur zhes bya ba ni rdo rje bzlas pa la mthar thug par 'gyur ro/ /gang gi tshe zhe na/ rdo rje sems la phyag byas nas/ shes pa ni 'khor lo sgyur ba drug pa yid kyis
- 398b
dmigs nas 'di ni 'khor lo sgyu ba drug gis bzlas pa yin no/ /zhes ston te/ rdo rje bzlas pa la chags pa'i rnal 'byor pa la brtul zhugs la sogs pa dgos pa ma yin no zhes bshad par bya ba'i phyir/ de la brtul zhugs bshad pa med/ /'phreng ba mi dgos dgag mi dgos/ /gzung dang sbyin bsreg las rnams dang/ /gcig nas gcig tu ldog par 'gyur/ zhes bya ba gsungs te/ brtul shugs ni sbyangs pa'i yon tan la sogs pa rnal 'byor bde la mi dgos te/ 'dod pa'i yon tan lnga la longs spyod pas de dang 'gal ba'i phyir ro/ /'phreng ba ni sngags bzlas pa'i phyir de la gzung mi dgos te/ rang bzhin du rgyu ba'i srog dang rtsal ba kho na 'phreng ba yin pa'i phyir ro/ /dgag mi dgos zhes bya ba ni sna'i rtse mo la sogs par blta dgag cing skyil mo krung/ bcings pa la sogs pa dgongs pa ma yin te/ dkyil 'khor bzhi shar ba'i dus 'od zer gyi thig le la sems dgag pa'i phyir/ gzung zhes bya ba ni bris sku dang zla ba'i dkyil 'khor la sogs pa la sems btang ba mi dgos te/ mi 'jigs pa'i de kho na nyid la gtan du gnas pa'i phyir ro/ /sbyin sreg gi las kyang mi dgos te/ bud shing dang 'dra ba'i rnam pa bzhi'i dag gi rnam par rtog pa rdo rje bzlas pa'i me yis sreg pa'i phyir ro/ /de bzhin du mchod pa dang/ gtor ma dang/ rab tu gnas pa la sogs pa gzhan ma rnams kyang bya mi dgos te/ nang gi bdag nyid kyi rim pas de dag thams cad grub pa'i phyir ro/ /zhi ba la sogs pa'i las ji ltar sgrub par byed pa yin no zhes bshad par bya ba'i phyir/ ya yi don gyis gang ci'ang rung/ dngos grub 'dod pas bya ba ni/ ra la sogs pa gsum nyid kyis/ /'gro ba'i don la 'jug par bya/ zhes bya ba gsungs te/ yi ge ya yis nye bar mtshon pa'i rlung gi dkyil 'khor ni yi ge ya ste/ de yis sgrub pa'i don ni ya'i don te/ drag po'i las yin no/ /dngos grub ni de nyid kyis dngos grub ste/ de 'dod pa'i rnal
- 399a
'byor pas/ ci yang rung ba ni drag po'i las gang yang rung bar bya'o/ /de bzhin du ra la sogs pa gsum pos nye bar mtshon pa'i me la sogs pa dkyil 'khor gsum gyis zhi ba la sogs pa'i 'gro ba'i don la rab tu 'jug par bya'o/ /de nyid bshad par bya ba'i phyir/ me dang rlung dang dbang chen dang/ chu ste so so'i dkyil 'khor du/ /thun ni phyed phyed dus su ni/ /las ni gnyis gnyis gsum par 'gyur/ /zhes bya ba gsungs te/ me la sogs pa'i dkyil 'khor bzhi la g.yas la sogs pa'i sgo nas 'byung ba'i kha dog dmar po la sogs pa'i 'od zer shar ba'i dus su/ thun phyed phyed kyi dus kyi bar du las gnyis gnyis ni las bzhi gnas par 'gyur ba ni 'grub par 'gyur ro/ /da ni rdo rje bzlas pas thar pa thob pa pa yin no/ /zhes dpe'i sgo nas bstan par bya ba'i phyir/ mchod la brtson pas mchod par 'gyur/ /bzlas la brtson pas rnam par bdag /me la sbyin sreg brtson pas 'byor/ /bsam gtan brtson pas thar pa thob/ /ces bya ba gsungs te/ ji ltar mchod pa la brtson pa'i gang zag ni bla ma dang rang sangs rgyas dang byang chub sems dpa' rnams kyis mchod pa la chags na/ tshe 'di nyid du mchod par 'gyur ba dang/ ji ltar bzlas pa la brtson pa ni ngag gi bzlas pa la chags pa'i gang zag sdig pa zad pas rnam par dag par 'gyur ba dang/ ji ltar me la sbyin sreg brtson pa ni dam tshig gi me'i zhal nas ye shes kyi me tshim par byed pa'i gang zag gis 'byor pa thob pa ste/ de bzhin du/ bsam gtan brtson pas thar pa thob/ / ces bya ba ni rdo rje bzlas pa la brtson pa'i rnal 'byor pas mi gnas pa'i mya ngan las 'das pa'i mtshan nyid can gyi thar pa thob pa yin no zhes bstan to/ /rnam par mi rtog pa kho na las dngos grub thams cad thob pa yin no zhes bya ba
- 399b
bstan par bya ba'i phyir/ sngags pas de ltar shes nas ni/ /'gro na byis pa bzhin du spyod/ /de nas mi btag chos can gyis/ /gsang sngags rnams ni 'grub par 'gyur/ /zhes bya ba gsungs te/ de ltar shes pa ni sngar bshad pa'i rigs pas/ A li dang kA li'i rang bzhin gyi ngag gi spros pa shes nas/ 'gro ba'i nang na byis pa bzhin du spyod pa ni bstod pa dang/ smad pa la sogs pa'i ngag gi rnam par rtog pa dang bral bar gnas par bya'o/ /gang gi phyir 'od gsal ba'i rang bzhin gang yin pa de bstod pa dang/ smad pa gang yang med pa'o zhes rnal 'byor pas rnam par spyod na gang du yang chags par mi 'gyur ro/ /de nas zhes bya ba ni rnam par mi rtog pa'i chos nyid kyi rgyu de las/ gsang sngags ni sprul la sogs pa ste/ de rnams 'grub par 'gyur ba ni rang rang gi las la nus pa dang ldan par 'gyur ro/ /rtog pa dang bcas pa'i gang zag de rnams 'grub pa ma yin te/ sngags kyi de kho na nyid mi shes pa'i phyir ro/ /nye bar bsdu ba bshad pa'i phyir/ gsung gi rdo rje sgrub pa ste/ /'di ni sngags kyi de nyid gsal/ /ye shes gsum gyi dbye ba yis/ /sems tsam la ni nges par sbyar/ /zhes bya ba gsungs te/ yid skyob pa 'am/ sbas par smra ba'i phyir/ sngags kyi rnam pa gnyis te/ rgyu dang 'bras bu'i bye brag go /de la rgyu ni srog rlung dang/ 'bras bu ni sngags ste/ de dag gi de nyid ni sngags kyi de nyid de/ rlung dang sngags kyi de kho na nyid gang yin pa ste/ gsang ba ni rtsa ba'i rgyud dang/ rgyud phyi ma dang/ bshad pa'i rgyud kyi rjes su 'brangs nas phye ba yin no/ /de gcig pur ma zad kyi/ rdo rje zlas pa yang phye ba byas pa yin te/ de yang ji lta bu yin zhe na/ gsung gi rdo rje grub pa ste/ zhes bya ba ni mi phyed pa'i ngag gi rnam par dben pa sgrub par byed pa'o/ /ngag gi rnam par dben pa de yang/ ngag gi rnam par rtog pa bzhi rnam par sbyangs nas thob pa yin no/ /de la
- 400a
dag rnam pa bzhi ni/ dper na mtshan nyid kyi ngag dang/ rmi lam gyi ngag dang/ gnas ngan len la mngon par zhen pa'i ngag dang/ thog ma med pa'i dus kyi rnam par rtog pa'i ngag go /blo gros chen po/ /de la mtshan nyid kyi dag ni rang gi rnam par rtog pa'i gzugs la mtshan mar mngon par zhen pa las 'byung ngo/ /blo gros chen po/ /rmi lam gyi dag ni sngon myong ba'i yul rjes su dran pa dang/ rtog pa'i yul mang ba las 'byung ngo/ /blo gros chen po/ /gnas ngan len gyi rnam par rtog pa'i dag ni sngon byas pa'i las rjes su dran pa las 'byung ngo/ /blo gros chen po thog ma med pa'i dus kyi rnam par rtog pa'i ngag ni thog ma med pa'i dus kyi spros pa la mngon par zhen pa'i gnas ngan len gyi rang gi sa bon/ las 'byung ste/ dag bzhi po'i mtshan nyid spyod pa bsdus pa'i sgron ma las gsungs so/ /dag bzhi po de rnams kyang dang po gnyis ni 'jug pa'i rnam par shes pa las 'byung ba dang/ phyi ma gnyis po ni nyon mongs pa can gyi yid dang/ kun gzhi rnam par shes pa las 'byung bar shes par bya'o/ /ye shes gsum gyi dbye ba yis/ zhes bya ba la sogs pa la/ de ltar ye shes gsum gyi dbye bas 'di nyid sems tsam la sbyar bar bya'o/ /dper na rlung dang sngags kyi de kho na nyid gang yin pa de nyid rlung la zhon pa'i rnam par shes pa yin te/ gang gi phyir rlung gi shing rta la zhon pa rnam par shes pas 'gro ba skyed par byed pa yin no/ /rim pa 'di yis dag rnam par sbyangs pa ste/ rim pa gnyis pas snang ba rgyur gyur pa'i rang bzhin phra mo sbyang bar bya ste/ khyad par bstan to/ /rdo rje bzlas pa'i rim pa slob ma gang la sbyin pa dang/ sbyin par bya ba ma yin pa de brtag par bya ba'i phyir/ bla ma la brnyes sgyu can dad pa med/ /sngags kyi rlom zhing glegs bam mthong bas khengs/ /dad pa med cing dbang bskur dman pa la/ /gtam gyi rim pa'ang
- 400b
de la brjod mi bya/ zhes bya ba gsungs te/ gang zhig slob ma tsan dan lta bu ste/ de la rim pa 'di'i gtam yang bya ba ma yin no/ /de ji lta bu yin zhe na/ bla ma la brnyas pa ni le lo can dang/ sgyu can ni sgyu ma can dang/ dad pa med pa ni slar yang zhe sdang can dang/ de bzhin du sngags tsam shes nas rlom pa ni nga rgyal can dang/ de bzhin du glegs bam mthong ba ni rang gis glegs bam klog nas/ bdag la thos pa la sogs pa dgos pa ma yin no zhes khong nas dad pa med pa ni chos la mi dga' ba dang/ dbang bskur dman pa ni rig pa'i dbang bskur ba tsam thob pa ste/ bla na med pa'i dbang bskur ba ma thob pa gang yin pa de la rim pa 'di bstan par mi bya ste/ snod ma yin pa'i phyir ro/ /snod kyi mtshan nyid bshad par bya ba'i phyir/ gang zhig bla ma la gus dad dang ldan/ /mos pas bsnyen bkur la ni rtag tu brtson/ /thos pa 'dzin gang bla ma'i dam pa yis/ /de la bla ma'i drin sbyin brtag mi dgos/ /zhes bya ba gsungs te/ rin po che lta bu'i gang zag gang yin pa de la bla mas bka' drin sbyin par bya ba la/ brtag par bya ba ma yin te/ rim pa'i don myur du bstan par bya'o/ /ji lta bu yin zhe na/ dad pa dang ldan pa ni bden pa dang dkon mchog gsum la sogs pa la snying dga' ba dang/ de bzhin du bla ma la gus pa ni rdo rje slob dpon gyi bkur ste la chags pa dang/ de bzhin du thos pa 'dzin pa ni lan cig du bshad pa'i tshas brjed ngas pa med pas ji srid 'che'i bar du 'dzin pa'o/ /ji skad du/ tshul khrims dag cing mkhas la drang/ /shes rab ldan cing rgyud gcig pa/ /thos nas legs par ston ba ni/ /rin chen zhes bya'i gang zag go /zhes bya ba 'byung ngo/ /bla ma'i drin gyi bdag nyid che ba bshad pa'i phyir/ ri rab rtse las 'ga' zhig lhung 'gyur na/ ltung bar mi bya snyam yang ltung bar 'gyur/ bla ma'i drin gyis phan pa'i lung thob nas/ /grol bar ni/
- 401a
'gyur snyam yang grol bar 'gyur/ zhes bya ba gsungs te/ ji ltar ri bo'i rtse mor ltung ba'i skyed pa ltung bar mi 'dod na yang ltung bar 'gyur te/ de bzhin du bla ma'i bka' drin thob pa'i slob nas grol bar mi 'dod na yang grol bar 'gyur ro/ /'o na 'dir re zhig ba spu ldang ba la sogs pas nye bar mtshon pa'i rdo rje dbab pa ni man ngag nyid du bstan pa ma yin te/ ma nges pa'i phyir ro/ /ma nges pa ni 'dod chags dang/ mya ngan la sogs pas mnan pa'i gang zag la yang ba spu ldang ba la sogs pa mthong bar 'gyur ro/ /bstan pa'i sgo nas kyang de nyid mtshon par mi nus te/ de ni rnam par rtog pa'i rgyu yin pa'i phyir ro/ /rnam par mi rtog pa dang/ rnam par rtog pa dag phan tshun 'gal bas/ rnam par mi rtog par ston na yang/ de nyid rtog pa dang bcas par thal bar 'gyur te/ dper na khyod kyis dran par mi bya zhes smras kyang bkag pa dran pa yin zhes bya ba la sogs pa lta bu'o/ /gal te yig btsums nas de kho na nyid bsgoms na/ des de thob pa ma yin te/ khyab bar byed pa nyid nyams pa'i phyir ro/ /gang gi phyir de kho na nyid ni phyogs gcig tu gnas pa ma yin te/ rgyu dang mi rgyu ba'i dngos po khyab pa'i phyir ro/ /gal te de yod pa yin na bsgom pas dgos pa med pa'o/ /med na ni bsgom pas kyang bya ba med do/ /gal te cha gnyis nye bar bsdus na 'gal ba'i chos 'byung bas/ de ni bsgom par rigs pa ma yin no/ /de bas na bla ma'i bka' drin ji lta bu yin zhe na/ smras ba/ sngags kyi theg pa chen po 'di dpal byang chub rdo rjes phyag rgya bzhi bstan pa yin te/ de la phyag rgya gsum ni thabs dang/ tha ma bzhi pa gang yin pa de ni 'bras bu'o/ /de la re zhig las kyi phyag rgya la sogs pa'i nang nas/ gang yang rung ba slob ma la gtad pa de la /
- 401b
de yis de dang lhan cig tu snang ba la sogs pa nyams su myong nas 'od gsal ba mngon du byas shing/ dpe dang dpe las 'byung ba dag chos can dang chos nyid kyi rigs pas chos sku 'di kho na yin no zhes shes nas/ rnam par mi rtog pa'i dbyings la bzhugs te/ de las langs nas slar yang ye shes la rtsol ba dang ldan pas bskal pa stong gi bar du gnas par bya'o/ /ldang ba'i dus su slob dpon gyis bstan pa'i sgo nas de kho na nyid gsal bar bya ba'i don du rjes su smra ba yin te/ de kho na nyid rang byung yin pa'i phyir/ de nyid bstan pa ni skyed par byed pa ma yin te/ skyon med pa yin no/ /rim pa lnga'i 'grel pa/ rim pa'i don gsal bar byed pa zhes bya ba las/ rdo rje bzlas pa'i rim pa ste dang po'o// //da ni rim pa gnyis pa rtsom pa'i dang por/ bcom ldan 'das rdo rje 'chang la phyag 'tshal ba'i phyir/ phyag 'tshal 'dud cing phyag 'tshal 'dud/ /phyag 'tshal phyag 'tshal phyag 'tshal 'dud/ /ji ltar bstod cing phyag 'tshal ba/ /gang la bstod cing gang gis bstod/ /rdo rje 'chang chen po khyod la 'bru 'tshal lo zhes/ rnam par snang mdzad chen po'i rang bzhin la phyag 'tshal ba'o/ /lhag ma phyag 'tshal ba lnga yis/ /de bzhin gshegs pa lnga'i rang bzhin gyi rdo rje 'chang chen po de nyid la phyag 'tshal ba bstan no/ /de nyid kyi phyir/ ji ltar bstan cing phyag 'tshal ba/ zhes bya ba gsungs te/ ji ltar bstod pa ni bstod pa las ma 'das te phyag 'tshal ba'o/ /ma 'das pa de nyid bshad par bya ba'i phyir/ gang la bstod cing gang gis bstod/ zhes bya ba gsungs te/ rang nyid med pa'i chos sku la bstod pa po dang/ bstod par bya ba dang/ bstod pa rnams mi dmigs pa'i phyir ro/ /dper na 'khor gsum rnam par dag pas sbyin pa la sogs pa lta bu'o/ /phyag 'tshal bar bya ba dang/ phyag 'tshal bar byed pa tha mi dad pa gang yin pa de ni bla na med
- 402a
ba'i phyag 'tshal ba yin no/ /de gang gi phyir phyag 'tshal ba ni bcom ldan 'das kyi rang bzhin thob pa'i phyir bya ba ste/ de nyid gal te dbye ba mi dmigs pas rtogs par 'gyur na/ de'i tshe lus dang ngag gi phyag 'tshal bas dgos pa med pa'o/ /don 'di nyid dpal gsang ba 'dus pa las gsungs te/ mchod rten las ni mi bya zhing/ /glegs bam klog pa de bzhin du/ /dkyil 'khor bya ba ma yin te/ /rdor mchog gsum la phyag 'tshal min/ /zhes bya ba la sogs pa'o/ /de ni rdzogs pa'i rim pa'i phyogs su bshad pa yin te/ 'di dag thams cad ni 'jig rten pa'i tha snyad du 'gal ba ma yin te/ mthar thug pa'i don to/ /de nyid bshad par bya ba'i phyir/ ji ltar chu la chu bzhag dang/ /ji ltar mar la mar bzhin du/ /rang gis rang gi ye shes ni/ /legs mthong gang yin 'dir phyag yin/ zhes bya ba gsungs te/ ji ltar gnas tha dad pa las byung ba'i chu bo'i chu'i rgyun gnyis gnas gcig tu 'dres par 'gyur na/ chu bo gnyis po de dag la dbye ba gang yang mi dmigs pa dang/ de bzhin du mar ni ma he dang/ bdag gi mar 'dres par gyur na/ de la yang tha dad pa'i blo gang yang med do/ /de bzhin du 'dir yang rang gi ye shes ni rnam par mi rtog pa'i de kho na nyid la ye shes legs par mthong ba ni ye shes med par mthong na/ de la phyag 'tshal ba 'am dam pa yin no zhes bstan to/ /gang gi phyir rang rig pa ni ye shes nyid du ma grub pas/ ye shes med pa nyid du bshad pa ste/ ye shes ni dz+nyA na te/ de la dz+nyA ni rtogs pa'i don dang/ na ni bkag pa'i don to/ /de ni rnam pa bzhi'i rnal 'byor spyod pa'i phyogs bkag par 'gyur ro/ /gal te chos kyi sku'i rang bzhin gyis drug na/ de'i tshe bsgom par bya ci dgos shen/ 'on kyang kun mkhyen ma thob bar/ /de ni nye bar dmigs mi 'gyur/ /mun nag rab rib kyis khengs pa/ /
- 402b
drin gyis snang ba thob par 'gyur/ /zhes bya ba gsungs te/ khyod bden mod kyi 'on kyang kun mkhyen ni rdo rje slob dpon te/ de las ma thob pa ni man ngag ma thob pas/ de ni nye bar dmigs mi 'gyur/ /zhes bya ba ni de kho na nyid mngon du mi 'gyur te/ / de'i rang bzhin mi shes pa'i phyir ro/ /deb bstan par bya ba'i phyir/ mun nag rab rib zhes bya ba gsungs te/ ji ltar mun nag rab rib kyis khengs pa'i khang pa la khang bdag gi bka' drin gyis/ kha cig mar me thogs nas khang pa de'i nang na gnas pa'i bum pa dang/ snam bu la sogs pa mthong bar 'gyur te/ de bzhin du bla ma'i drin gyis mi gsal ba'i de kho na nyid gsal bar 'gyur bas/ de yis skyed par byed pa ma yin te/ bsgom par rigs pa dang ldan pa'o// // da ni sems la dmigs pa'i rim pa mdor bstan pa'i phyir/ stong nyid shin tu stong pa dang/ /gsum pa stong pa chen po dang/ /bzhi pa thams cad stong pa ni/ /rgyu dang 'bras bu'i bye brag go /zhes bya ba gsungs te/ sems rnam par dben pa'i skabs 'di la 'jug pa'i rnam par shes pa dang/ nyon mongs pa can gyi yid kyi rnam par shes pa dang/ kun gzhi rnam par shes pa'i dbye bas sems rnam pa gsum yin te/ de la 'og nas bshad par 'gyur ba'i sngags dang/ phyag rgya'i rim pa rang bzhin shes nas 'khor dang bcas pa'i rnam par shes pa dang po dag par 'gyur na/ de'i tshe stong nyid ni snang ba'i ye shes shar bar 'gyur ro/ /de bzhin du 'khor dang bcas pa'i rnam par shes pa gnyis pa dag par 'gyur na/ de'i tshe shin tu stong pa ni snang ba mched pa'i ye shes shar bar 'gyur ro/ /de bzhin du 'khor dang bcas pa'i rnam par shes pa gsum pa dag par 'gyur na/ de'i tshe stong pa chen po ni snang ba nye bar thob pa shar bar 'gyur ro/ /gsum po 'di rnams mi dmigs pa'i dus su/ bzhi pa ni thams cad stong
- 403a
pa ste/ sems kyi 'od gsal ba 'char bar 'gyur ro/ /'di rnams kyang rgyu dang 'bras bu'i bye brag la rten te snang bar 'gyur ro/ /de la stong pa la sogs pa gsum po ni rgyu dang/ 'od gsal ba 'bras bu yin no/ /yang na stong pa ni shin tu stong pa'i rgyu dang shin tu stong pa ni 'bras bu ste/ de ltar kun la shes par bya'o/ /rgyu dang 'bras bu'i bye brag bstan pa'i phyir/ rten cing 'brel pa las 'byung bar bshad pa yin te/ gang zhig rten cing 'brel pa las 'byung ba de nyid skye ba med pa ste/ stong pa nyid yin no/ /de bas na snang ba la sogs pa de rnams stong pa la sogs par brjod pa yin no/ /rgyu dang 'bras bu'i bye brag de nyid bshad par bya ba'i phyir/ shes rab thabs su sbyar ba las/ /rdzogs pa nye bar thob par 'gyur/ /rdzogs pa nye bar thob 'gyur nas/ /thams cad stong pa'i 'od gsal ba/ /zhes bya ba gsungs te/ dang po shes rab kyi ye shes skye ba dang/ de nas gnyis pa thabs kyi ye shes dang po las lhag pa skye ba ste/ de gnyis ka sbyor ba las nye bar thob pa ni ye shes gsum pa rdzogs par 'gyur ro/ /de nas nye bar thob pa rdzogs nas thams cad stong pa'i 'od gsal ba ni ye shes bzhi pa'i 'og nas bshad par 'gyur ba'i sngags dang/ phyag rgya'i rim pas rnal 'byor pa la snang bar 'gyur ro/ /nye bar thob pa ni dang po 'char ba dang/ 'od gsal ba phyi nas 'char ba'o/ /zhes bla ma rnams la 'dri bar bya ba 'am/ bshad pa'i rgyud gyi rjes su 'brang bar bya'o/ / spyang par bya ba dang/ sbyang bar byed pa dang sbyang ba'i 'bras bu bstan pa'i phyir ro/ /rgyu'i rim pa rnam dag dang/ /rnam shes gsum po sbyor ba dang/ /stong pa gsum ni mnyam sbyor bas/ /bla med go 'phangs thob par 'gyur/ zhes bya ba
- 403b
gsungs te/ rgyu ni ye shes gsum yin te/ de rnams kyi rim pa ni go rim te/ de yis rnam dag ni de'i rang bzhin yongs su shes pas/ gsal bar 'gyur ba'i bla med go 'phang ni thams cad stong pa thob par 'gyur ba mngon du bya ba yin no zhes tshig gi 'brel pa'o/ /rgyu gang yin zhe na/ rnam shes gsum po sbyor ba dang/ zhes bya ba ni 'jug pa'i rnam par shes pa la sogs pa gsum po'i 'brel bas so/ /de gang gi phyir 'jug pa la sogs pa rnam par shes pa gsum po kho na khyad par gyi phun sum tshogs pa rdzogs pas snang ba la sogs pa'i ye shes kyi rang bzhin du rdzogs pa yin te 'dir spang bya dang/ spang bya gang yang med pa yin no/ /de yang gang gi phyir rang bzhin yongs su shes pa kho na byang chub yin pa'i phyir ro/ /de nas stong pa gsum dang sbyor ba ni rang bzhin rnams kyis rang gi ngo bo mi dmigs pa ste/ stong pa nyid gang yin pa de yis bla na med pa'i go 'phang snang bar 'gyur ro/ /zhes ngag gi don to/ /'khor dang bcas pa sbyang bya dang sbyong byed dag gi rnam pa gsum bstan pa'i sgo nas/ rnam grangs bshad par bya ba'i phyir/ snang ba stong pa shes rab dang/ sems dang gzhan gyi dbang dag ste/ de yi rang bzhin 'phro gsal ba/ de ni rab tu bshad par bya/ /zhes bya ba gsungs te/ snang bar byed pas na snang ba ste/ 'jug pa'i rnam par shes pa dang po dang/ yid dga' pa nyid du snang bar gyur pas snang ba'i ye shes kyang snang ba'o/ /stong pa ni de nyid rang bzhin gyis rang bzhin stong pa dang/ mi dmigs pa'i phyir ro/ /shes rab ni de nyid khyad par gyi ye shes yin pa'i phyir ro/ /sems ni de nyid te/ yul thams cad rtogs pa'i phyir ro/ /gzhan dbang ni rgyu dang rkyen las 'byung ba'i phyir ro/ /'dir rgyu dang rkyen ni sngags dang phyag rgya yin pa'i phyir ro/ /de'i rang bzhin bshad par bya ba'i phyir/ chags bral dung
- 404a
ni bar ma nyid/ /de bzhin du ni chen po dag /yid la 'gro zhing 'ong ba dang/ /mya ngan la sogs gsum de bzhin/ /zhi dang rnam rtog 'jigs pa dang/ /'jigs pa 'di dang shin tu 'jigs/ /srid dang sred pa bar ma dang/ /shin tu sred dang nyer len pa/ /mi dge bkres dang skom nyid dang/ /tshor ba tshor ba bar ma dang/ /shin tu tshor ba'i skad cig dang/ /rig pa po dang rig 'dzin gzhi/ /so sor rtog dang ngo tsha shes/ /snying rje'i nang na brtse ba gsum/ /mdog dang bsam pa nyid dang ni/ /phra dog ces ni bya bar grags/ /rang bzhin sum cu rtsa gsum gang/ /lus can rnams kyi rang rig ste/ zhes bya ba gsungs te/ rang bzhin 'di rnams shes rab ye shes kyi bdag nyid yin te / 'di rnams sems las 'byung ba'i chos su bstan pas/ lus can rnams kyi rang rig pa ni mngon sum gyis nyams su myong ba yin no/ /sems dang sems las byung ba thams cad rig ni rang rig pa'i mngon sum ste/ bde ba la sogs rang rig pa'o/ /zhes 'byung ba'i phyir ro/ /ming la zhen pa rnams la 'di rnams kyi rnam grangs bshad par bya ba'i phyir/ kun rdzob gsal ba'i gzugs kyis ni/ /mtshan mo'i mid du nges par bshad/ /de bzhin bud med ming du brjod/ /'jam po lta buAng de bzhin no/ /g.yon pa'i ming yang de nyid de/ /zla ba'i dkyil 'khor pad+ma can/ /brtan par bya ba'i rgyur gyur pa/ /dang po yi ge thig ler bcas/ /zla ba'i 'od zer ltar snang zhing/ /snang ba'i ye shes yang dag 'byung/ zhes bya ba gsungs te/ rnam grangs kyi sgo nas sngags kyi rim pa la brten te/ snang ba'i ye shes 'byung ba bstan par bya ste/ rang bzhin 'di rnams kun rdzob kyi gzugs gsal po la brten te/ mtshan mo'i ming du bshad pa yin no/ /gang gi phyir mtshan
- 404b
mo ni shes rab ste/ zla bshar ba'i phyir ro/ /de shar ba yang tshangs pa'i bu ga nas byang chub kyi sems 'byung ba'i phyir ro/ /bud med ming du brjod zhes pa ni shes rab kyi rang bzhin yin pa'i phyir ro/ /'jam po zhes pa ni dman pa'i bde ba dmigs pa'i phyir ro/ /g.yon pa'i ming zhes pa ni rtsa g.yon pa la gnas pa'i rlung la zhen pa'i rnam par shes pa las 'byung ba'i phyir ro/ /zla ba'i dkyil 'khor zhes pa ni byang chub kyi sems kyi dkyil 'khor 'byung ba'i phyir zla ba'i dkyil 'khor gyi ming can no/ pad+mas nye bar mtshon pa'i shes rab kyi rang bzhin yin pas pad+ma'i ming can no/ /las dang po pa rnams la ji bzhin mi rtog pas zla ba dang zla ba'i steng du thig le dang bcas pa'i dbyangs dang po bkod nas/ zla ba'i 'od zer dang 'dra ba'i snang ba'i ye shes 'char ba yin no/ /rdzogs pa'i rim pa la gnas pa'i sngags kyi rim pa 'di yin te/ 'dir rtsibs brgyad pa'i chos kyi dbyings kyi 'khor lo kho na pa'i 'dab ma brgyad pa yin te/ der gnas pa'i byang chub kyi sems zla ba'i dkyil 'khor te/ der yang rtsa'i gzugs su thig le dang bcas pa'i dbyangs dang po rang bzhin gyis grub pa gang yin pa de las 'od zer spro ste/ de yis phyag btsal ba'i rang bzhin gyis/ 'jug pa'i rlung bkug cing bcug la/ rang bzhin dang bcas pa'i 'jug pa'i rnam par shes pa'i rang bzhin yongs su shes na/ zla ba'i 'od zer dang 'dra ba'i snang ba'i ye shes 'char pa yin te/ sngags kyi rim pa'i sgo nas sems rnam par dag pa'i phyogs gcig bstan to/ /da ni ye shes gnyis pa bshad par bya ba'i phyir/ shin tu stong pa thabs ldan pa/ /snang ba mched pa zhes brjod de/ /de bzhin du ni kun brtags dang/ /de bzhin sems las 'byung bar bshad/ /zhes bya ba gsungs te/ snga ma las yid dga' ba lhag pa'i phyir/ snang ba mched
- 405a
pa yin no/ /shin tu stong ba ni rang bzhin bzhi bcu mi dmigs pa'i phyir ro/ /thabs ni nyon mongs pa can gyi yid kyi rnam par shes pa 'gro ba'i rgyu yin pa'i phyir ro/ /yang na thabs ni rtsa g.yas pa la gnas pa'i rnam par shes ba las 'byung ba'i phyir ro/ /kun brtags ni nang gi bdag nyid yin pa'i phyir don las mi skye ba'i phyir ro/ /sems las 'byung pa ni bdag tu sta ba la sogs ba'i sems las 'byung ba bzhi po'i rang bzhin yin pa'i phyir ro/ /'di'i rang bzhin bshad pa'i phyir/ /chags dang zhe sdang de bzhin dga' / /dga' ba ga'am shin tu dga' / /rangs dang rab tu mgu ba dang/ /ngo tsha de bzhin rgod ba dang/ /tsham dang de bzhin 'khyud pa dang/ /'o byed de bzhin 'jab pa dang/ / brtan dang brtson dang nga rgyal dang/ /bya dang 'brog dang stobs dang ni/ /spro dang lhan cig skyes nyid dang/ /de bzhin lhan cig skyes bar ma/ /de bzhin lhan cig skyes dang drag /rnam bar sgog dang zhe 'gras nyid/ /dge ba tshig gsal 'dren pa dang/ /mi bden pa dang de bzhin ngas/ /nye bar mi len sbyin ba po/ /bskul dang de bzhin dpa' bo dang/ /ngo cha med dang sgyu dang gdug /mi srung ba dang gya gyu nyid/ /mtshan nyid bzhi bcu gang yin ba/ /shin tu stong ba'i skad cig ste /zhes bya ba gsungs te/ rang bzhin 'di rnams ni snang ba mched pa'i ye shes yin te/ nyon mongs bcan gyi yid kyi rnam par shes pa ltog ba'i mtshan nyid do/ /rang bzhin 'di rnams kyang skad cig re re la 'byung zhing thim par 'gyur ro/ /shin tu stong pa ni sngags dang phyag rgya'i rim pas rnam par sbyad na/ 'di rnams kyis shin tu stong ba nyid kyi ming thob ba yin na/ /snga ma'i mdo las rang rig pa zhes bya ba'i tshig 'di dang/ phyi ma la yang rje su ma 'jug par bya'o/ /'di rnams kyi ming gi rnam grangs bshad
- 405b
bar bya ba'i phyir/ nyon mo skyes ba'i ming dang ni/ /brtsub mo g.yas bar bstan ba yin/ /nyi ma'i dkyil 'khor ming dang mi de bzhin du ni rdo rje ming/ /thig le gnyis kyis brgyan pa yi/ /cha ru de nyid shes par bya/ /nyi ma'i 'od zer 'dra ba yi/ /snang ba mched ba'i sbyor las 'byung/ /zhes bya ba gsungs te/ rang bzhin 'di rnams nyin mo'i ming can te/ thabs kyi bdag nyid yin pa'i phyir ro/ /de nyid kyi phyir bskyes pa'i ming ste/ skyes ba ni pu ru sha'o/ /bo ra ni chos 'byung ste/ de bsten bar byed pas na pu ru Sha ste thabs yin no/ /rtsub mo ni nyi ma'i rang bzhin yin pa'i phyir ro/ /nyi ma'i dkyil 'khor ni rtsa g.yas pa las 'byung ba'i khrag gi khams te/ de'i ming can no/ /rdo rje'i ming zhes bya ba ni rdo rjes nye bar mtshan pa'i thabs kyi ye shes so/ /snga ma bzhin du 'dir yang nyi ma la gnas pa'i thig le gnyis dang bcas pa'i dang po yi ge las dang po pas bsgoms na/ de la nyi ma'i 'od dang 'dra ba'i snang ba mched pa'i ye shes 'char ba yin no/ /rdzogs ba'i rim pa gnas ba ni nyi ma dang zla bas mtshan pa'i chos kyi dbyings kyi 'khor lo la gnas ba'i thig le gnyis kyis brgyan pa'i yi ge dang po las 'byung ba'i 'od zer gyis gnas pa'i rlung gi rang bzhin pad+ma'i mgon po'i yi ges bkug cing bcug la 'khor dang bcas pa'i nyon mongs pa can gyi yid kyi rnam par shes pa ldog par 'gyur bas/ nyi ma'i 'od zer 'dra ba'i snang ba mched ba'i ye shes 'char bar 'gyur ro/ /ye shes gsum pa bshad par bya ba'i phyir/ snang ba thob ba dag dang ni/ /nye bar thob pa de bzhin te/ yongs su grub pa nyid dang ni/ /ma rig pa ni nyid ces bya/ /stong pa chen po'i tshig gi ni/ rnam grangs 'di dag rgyal bas gsungs/ zhes bya ba gsungs te/ stong pa chen po'i tshig ni kun gzhi rnam par shes pa ldog pa'i mtshan nyid kyi rnam grangs rgyal ba ni de bzhin gshegs pa rnams kyis gsungs so/ /zhes bya ba 'dis/ rang bzo bkag ba
- 406a
yin no/ /de la snang ba thob pa ni zla ba dang nyi ma'i snang ba dag gang du mi dmigs pa de ni snang ba thob pa ste/ shes rab dang thabs kyi ye shes nub pas/ rgyal ba lta bu ste/ mi g.yo ba'i ting nge 'dzin to/ /nye bar thob pa zhes bya ba ni 'od gsal ba'i gam na thob pa'i phyir te/ de thob nas 'od gsal ba char ba'i phyir ro/ /yang na nye bar thob pa ni u pa la d+ha ste/ u ni u pa la ste/ thabs dang/ pa ni pradz+nyA ste shes rab bo/ /de gnyis ka las 'og tu mtshan pa'i phyir/ nye bar thob pa'o/ /yongs su grub pa zhes pa ni ye shes gnyis nub pa'o/ /snga ma dang ni rtag tu bral/ /de ni yongs su grub par bshad/ /zhes bya ba 'byung ngo/ /ma rig pa ni nyid zhes bya/ /zhes pa ni kun gzhi rnam par shes pa ni ma rig pa ste/ /de yongs su gyur pa'i ye shes la blta ba gang yin pa de yang ma rig pa'o/ /stong pa chen po ni mtshon par dka' ba'i rang bzhin bdun mi dmigs pa'i phyir ro/ /rang bzhin de rnams bshad par bya ba'i phyir/ chags pa bar ma'i skad cig dang/ /brjod ngas pa dang 'khrul ba dang/ /mi smrar gyur dang skyo ba dang/ /le lo de bzhin the tshom ste/ /ma rig skad cig bdun po ni/ /phra mo'i rnal 'byor pas shes bya/ /sa bon thig ler ldan min la/ /rlung gi sgo nas 'byung ba min/ /gang zhig snang ba thob pa ni/ /yongs su rdzogs ba'i mtshan nyid do/ /zhes bya ba gsungs te/ rang bzhin bdun bo 'di rnams ma rig pa'i mtshan nyid ni rnam par smin pa'i rnam par shes pa la 'byung ba ste/ phra mo'i rnal 'byor pas shes bya/ zhes ba ni ku sha'i rtse mo dang 'dra ba'i blo can gyis rang rig pa nyid du rtogs par bya'o/ /rang bzhin 'di rnams kyi rang bzhin yongs su shes pa'i dus su sngar bshad pa'i sa bon dang/ thig le dang/ rlung la sogs pa mi dmigs pa'o/ /de bas na mtshams kyi sdud? ba dang/ /'dra ba'i snang ba nye
- 406b
par thams pa 'di ni yongs su rdzogs par shes par bya'o/ /mtshan mo dang nyin mo'i dbye bas rang bzhin 'di rnams kyi grangs bshad par bya ba'i phyir/ /rang bzhin phra ba brgya dang ni/ drug cu tham pa 'di dag nyid/ /rlung la zhon pa'i rya yis ni/ /nyin ? mtshan du 'byung ba yin/ zhes bya ba gsungs te/ shes rab dang/ thab dang/ nye bar thob pa'i rang bzhin brgyad cu 'di rnams/ mtshan mo dang nyin mo'i dbye bas brgya drug cur 'gyur ro/ /phra ba ni mtshan par dka' ba'i phyir to/ gang gi tshe rang bzhin gang 'byung zhes mnyam bzhag pa rnams kyis mtshon par bya ba ma yin no/ /mnyam par bzhag pa bskyed pa'i rim pa'i rnal 'byor pa rnams kyis kyang mtshon par dka' ba ste/ rags pa la zhen pa lha'i rnam pa la chags pa'i phyir ro/ /'di rnams rgyu gang gi 'byung ba yin zhe na/ rlung la zhon pa'i rgyu yis ni zhes bya ba las/ rlung la zhon ba ni rnam par shes pa te/ de nyid rang bzhin rnams kyi rgyu yin te/ rgyu de las so/ /gang gi phyir ji srid rlung gis rang bzhin mi rnyed na/ de srid rang bzhin gyi snang ba 'byung ba ma yin no/ /'od gsal ba'i gnas skabs la ni rlung la zhon pa'i rnam par shes pa mi dmigs pas/ de rnams 'byung ba dang/ mi 'byung ba yang ma yin te/ yod pa dang/ med pa'i phyogs gang gis 'dzin par dka' ba'i phyir/ de'i rang bzhin dag las 'das pa yin no/ /'o na yul so sor snang bas nyin mo dang rang bzhin rnams 'char mod kyi/ mtshan mo ni dbang po dgag pas ji ltar 'byung bar 'gyur zhe na/ smras ba/ 'dir ji srid rlung rang bzhin la gnas pa de srid rmi lam dang/ sang pa'i gnas skabs la rang bzhin rnams 'byung ba yin te/ rmi lam gyi gnas skabs su ni kun gzhi rnam par shes pa la/ bag chags zhugs pas de nyid la de rnams 'byung ba ste skyon gang yang med do/ /yang na dngos po rnams med kyang 'khrul pas
- 407a
de rnams so sor snang ste/ dper na rmi lam lta bu ste/ de bzhin du sad pa'i gnas skabs la yang shes par bya'o/ /phung po khams dang skye mched dbang sogs la/ /shes pa gnyis po de 'dir rab btus nas/ /stong chen gyur pas gang zhig gnyid log pas/ /rlung gi shugs kyis rmi lam mthong bar 'gyur/ /rmi lam sad par bye brag gzhan med par/ /kun tu rtog pas rmi lam 'bras 'dod la/ /zhes bya ba la sogs pa 'byung ngo/ /rang bzhin rnams dus ci tsam du 'char ba yin no/ /zhes bya ba bstan par bya ba'i phyir/ skad cig thang cig yud tsam dang mig btsum de bzhin thal mo ste/ zhes bya ba mdor bstan pa'o/ /de nyid rgyas par bshad pa ni/ /skad ci se gol gtog par bshad/ /thang cig yungs kar bskor ba tsam/ /yud tsam dbugs ni 'byung ba tsam/ /mig btsum mig ni 'dzums pa'i bar/ /thal mo lag gnyis brdebs pa ste/ /skad cig la sogs mtshan nyid do/ zhes bya ba la dus ni tsam gyi se gol gtog pa'i sgra rdzogs pa de ni skad cig ma zhes bya ba'i dus yin no/ /dus ji tsam gyis lag pa'i mthil la yungs kar bskor ba de ni than cig go /dus ji tsam gyis sna'i bu ga las dbugs 'byung ba de ni yud tsam mo/ /dus ji tsam gyis mig btsums pa de ni mig btsums pa'o/ /dus ji tsam gyis lag pas lag pa la brdabs pa de na thal mo thal mo yin no/ /dus de dag gi sgo nas rang bzhin char ba mtshon par bya'o/ /gzhan du na shes rab dang thabs dang/ ma rig pa'i rang bzhin gang yin pa de/ dus gang la 'char ba yin no/ /zhes ma shes pas rang bzhin rnams 'chol bar 'gyur ro/ /de bas na gang gis gang mi snang bar bya'o/ /zhes the tshom za bas nam yang 'od gsal ba la zhugs par mi 'gyur ro/ /'o na khyab par byed pa'i rnam
- 407b
bar dag pa la kho bo cag brten nam/ yang na skad cig ma la sogs pa'i dus kyi bye brag la zhe na/ de skad ma zer cig /bslab pa'i dus su khyab byed kyi rnam par dag pa gzung bar nus pa ma yin no/ /gang zag gi dbang po rno ba de rnams la/ dus kyi bye brag dgos pa ma yin te/ 'di yang 'og na bshad par bya'o/ /rang bzhin med pa'i dngos po rnams la ye shes dang/ rnam par shes pa'i dbye ba 'di ji ltar yin no zhes bstan par bya ba'i phyir rang rig tsam gyi ye shes ni/ /nam mkha' lta bur mtshan nyid med/ /'on kyang de yi dbye yod de/ /mtshan mo nyin mo mtshams dag gis/ /zhes bya ba gsungs te/ 'dir ni/ rang las ma yin gzhan las min/ /zhes bya ba la sogs pa'i rigs pas/ khams gsum rnam par dbyad na stong pa kho na yin te/ 'on kyang rnal 'byor spyod pa'i dbu ma'i phyogs su rang rig tsam gyi ye shes phyi nang gi gzugs su snang ba yin no/ /'o na rnam pa dang bcas pa'i rnam par shes pa smra pa las khyad par gang yod ce na/ smras pa/ nam mkha' lta bur mched nyid med/ zhes bya ba ni ye shes de yang mtshan nyid ni skye ba la sogs pa ste/ de dang bral ba ni skye ba dang 'jig pa la sogs pa dang bral ba ste/ dbu ma pa'i grub pa'i mdza' o/ /'dis ni rang rig pa'i ma yin pa lta bu ste/ rang rig pa'i gzugs ma grub pas brjod du med pa'i gnas skabs yin no/ /'on kyang de yi dbye yod de/ zhes bya ba la sogs pa la/ kun rdzob tu mtshan mo la sogs pa'i bye brag gis de'i dbye ba mtshon par bya ba yin te/ dper na chos kyi sku dang longs spyod dang/ sprul pa'i sku so sor snang ba lta bu'o/ /dbye ba de rnams bshad par bya ba'i phyir/ snang ba dang snang ba mched pa dang/ /de bzhin snang ba nyer thob pa/ /sems ni rnam pa gsum
- 408a
bshad nas/ /de yi sgrub pa brjod par bya/ zhes bya ba gsungs te/ 'jig rten gyi tha snyad du 'jug pa'i rnam par shes pa la sogs pa snang ba la sogs par bshad pa yin te/ rang bzhin rtogs na de rnams nyid kho na snang ba'i ye shes la sogs pa'o/ /de nyid kyi phyir rnam pa gsum gyi sems gang yin pa de sgrub pa de'i sgrub pa ni srid pa skye pa'i rim pa brjod par bya ba ni bshad par bya'o/ /de nyid bshad par bya ba'i phyir/ /rlung rnams stong pa'i gzugs kyis ni/ /shes dang yang dag 'dres gyur nas/ /dbang po'i lam nas byung nas ni/ /yul rnams la ni dmigs par byed/ zhes bya ba gsungs te/ rang bzhin gyis stong pa'i rlung ni srog dang rtsol ba zhes bya ba gang yin pa de dang/ shes pa ni srid pa bar ma dor rnam par shes pa 'am/ mig la sogs pa'i rnam par shes pa 'dres par 'gyur ba ni/ shu kra la sogs pa'i sgo nas yongs su gyur ba 'am/ gyen du rgyu ba la sogs pa dang 'dres par gyur nas/ dbang po'i lam ni bu ga'i lam 'am/ mig la sogs pa'i lam nas 'byung ste/ yul rnams ni gzugs la sogs pa ste/ de la dmigs par byed pa'o/ /de'i tshe ni snang ba rnams 'char ba yin no/ /sems la 'gyur ba rnams 'byung ba bshad par bya ba'i phyir/ gang tshe snang bar ldan gyur pa'i/ /rlung ni bzhin pa nyid gyur pa/ /de tshe rang bzhin de dag kun/ /ma lus lus pa med par 'jug /zhes bya ba gsungs te/ snang ba ni rnam pa gsum gyi rnam par shes pa ste/ de dang ldan pa'i rlung ni gang gi tshe gzhan pa nyid du gyur pa ni de'i bdag nyid du tha mi dad par gyur na/ de'i tshe rlung gis bskul bas so sor nges pa'i yul la dmigs pa'i dbang gis rang bzhin de dag
- 408b
kun ni rnam par shes pa la sems 'byung ba'i chos 'jug pa ni skye bar byed pa yin no/ /rang bzhin de rnams ji lta bu yin zhe na/ ma lus lus pa med pa zhes bya ba ni ma lus rnam pa gsum gyi rnam par shes pa las 'byung ba dang/ lus pa med pa ni gang zhig tha dad par 'byung ba rnams so/ /gal te sems las 'byung ba rnams tha dad par 'byung na yang/ 'on kyang gtso bo dang yon tan gyi sgo nas ma lus pa nyam su myong ba ste/ dper na 'dod chags kyi rang bzhin 'byung ba'i tshe gti mug gi rang bzhin cha gcig tu 'char ba yin te/ chags pa dang ldan pa ni rmongs pa yin pa'i phyir ro/ /de ltar gzhan du yang sbyar bar bya'o/ /gang las gang rang bzhin 'byung ngo zhes bshad par bya ba'i phyir/ rlung ni gang dang gar gnas par/ /rang bzhin de dang de 'byung 'gyur/ ji srid rlung ni mi rgyu dang/ /snang ba mi g.yo bar gyur pa/ /zhes bya ba gsungs te/ gang dang gang zhes pa ni g.yon dang g.yas dang rtsa dbus ma rnams la rlung gnas pas/ rang bzhin de dang de zhes pa ni shes rab dang thabs ste/ nye bar thob pa'i mtshan nyid kyi rang bzhin 'byung ba ni skye bar byed pa yin no/ /de nyid kyi phyir/ ji srid rlung 'byung bar mi 'gyur na/ /de srid snang ba mi g.yo bar gyur pa/ zhes pa ni rang bzhin gyi snang ba mi g.yo bar gyur pa ma yin te/ brtan par mi 'gyur ro/ /'dir ni bkag pa'i sgra bya rog gi mig bzhin du/ tshig rkang gnyis dang sbyar bar bya'o/ /snang ba rnams kyi rang bzhin bshad par bya ba'i phyir/ snang ba gnyis ni rgyur gyur pas/ bdag gi dngos por rnam par brtag /ji ltar snang ba thob pa ltar/ /gnyis ga'i yan lag nyid du 'gyur/ /zhes bya ba gsungs te/ sngags dang phyag rgya'i rim pa gnyis las gang yang rung ba'i thabs kyis dang po snang ba gnyis
- 409a
ni zla ba dang/ nyi ma'i 'od zer dang 'dra bar 'byung ba yin te/ de nyid rgyu gang la yod pa de ni bdag gi dngos por rnam par brtags/ zhes pa ni snang ba nye bar thob par 'byung bar 'gyur ro/ /gang zhig snang ba thob pa gsum pa 'di de nyid/ gnyis ka'i yan lag nyid du 'gyur/ zhes pa ni ye shes gnyis kyi cha dang ldan par 'gyur ro/ /gang gi phyir shes rab dang thabs kyi ye shes gnyis dang 'dres pa ste/ mi dang seng ge bzhin du dngos po gzhan gnyis ka'i cha rags pa nub pa/ dga' ba gnyis dang bral ba dang/ brgyal ba lta bu ste/ sa'i phyogs cig las 'dres par 'gyur pa'i chu bo'i rgyun gnyis lta bu'o/ /da ni phyag rgya'i rim pas/ sems rnam par dag pa bshad pa'i phyir/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba ni/ /gsal bar 'di las mtshon par 'gyur/ /zhes bya ba gsungs te/ re zhig sngar bshad pa'i sngags kyi rim pas ye shes gsum gyi dbye ba mtshon par 'gyur te/ 'od kyang 'dod chags kyi rigs can la ltos te/ phyag rgya'i rim pas kyang de nyid mtshon par bya'o/ /de la rgyu ma thams cad ni rdzu 'phrul mkhan la sogs pa yis byas pa'i sgyu ma ste/ de rnams kyi nang nas/ bud med sgyu ma khyad par 'phags/ /zhes pa ni/ khyad par gyi gnas skabs dang ldan pa yin no/ /de gang gi phyir snang ba la sogs pa'i ye shes gsum gyi dbye ba ni khyad par gsal bar shes pa ni the tshom med par bud med sgyu ma 'di nyid las mtshon par 'gyur pa ni thob pa nyid du gnas pa'i phyir/ ma thob pa thob pa ma yin pas dmigs par 'gyur ro/ /'dir ni man ngag yin te/ shes rab kyi dbang gi dus su bla mas shes rab sbyin pa'i slob ma la bsnyen pa la sogs pa'i yan
- 409b
lag bzhi'i rim pas/ dang po tshangs pa'i bu ga las byang chub kyi sems 'dzag na/ de'i tshe 'khor dang bcas pa'i 'jug pa'i rnam par shes pa mi dmigs pas/ rnam par rtog pa med pa dang/ dmigs pa med pa ste/ zla ba'i 'od zer bzhin du dri ma med pa/ snang ba'i ye shes kyi skad cig ma 'char par 'gyur ro/ /de'i rjes la byang chub kyi sems de yis yan lag thams cad kyi tshigs khyab pa'i dus su/ 'khor dang bcas pa'i nyon mongs pa can gyi yid kyi rnam par shes pa mi dmigs pas/ nyi ma'i 'od zer dang 'dra ba'i snang ba mched pa'i ye shes gnyis pa 'char bar 'gyur ro/ /de'i rjes la yang rdo rje'i dbus ma/ rtse mor byang chub kyi sems de yis khyab na/ de'i tshe rang bzhin dang bcas pa'i kun gzhi rnam par shes pa mi dmigs pas/ mtshams kyi snang ba dang 'dra ba'i snang ba nye bar thob pa'i ye shes gsum pa 'char par 'gyur te/ 'di ni gsal ba'i mtshan nyid can gyi ye shes gsum gyi dbye ba bstan to/ /'di yang chos nyid kyi rigs pa bcom ldan 'das kyis gsungs te/ me la sogs pa'i sreg pa dang/ mched pa la sogs pa'i bya ba lta bu'o/ /dbye ba de nyid bshad par bya ba'i phyir/ 'dod chags nyid dang chags bral dang/ de yi bar de gsum po ni/ zhes bya ba gsungs te/ de la 'dod chags ni ye shes bar ma dang/ 'dod chags dang bral ba ni ye shes dang bo dang/ de dag gi bar ni cha gnyis kyis nye bar bsdus pa'i gsum pa ste/ gsum po 'di rnams bud med kyi sgyu ma las mtshon par bya'o/ /zhes dag gi don to/ /'dod chags la sogs pa gsum po 'di rnams kyang mtshon par bya'o/ /zhes bshad par bya ba'i phyir/ dbang po gnyis ni mnyam sbyor ba'i/ /rdo rje
- 410a
pad+ma 'dus las so/ /ye shes gnyis ni mnyam sbyor bas/ /mnyam par sbyor ba bshad pa yin/ zhes bya ba gsungs te/ dbang po gnyis kyis nye bar mtshon ba'i bud med dang/ skyes pa'i mnyam par sbyor ba ni bsnyen pa zhes bya ba'i phyi nas/ nye bar sgrub pa'i mtshan nyid kyi rdo rje dang pad+ma yang dag par sbyar nas/ ye shes gnyis ni snang ba dang/ snang ba mched pa'i ye shes te/ de dag mnyam par sbyor ba gang yin pa de ni nang gi bdag nyid kyi shes rab dang/ thabs kyi mnyam par sbyor ba bstan pa yin no/ de la phyi'i mnyam par sbyor ba ni rdo rje dang pad ma mnyam par sbyor ba las 'byung ba dang/ nang gi ni ye shes gnyis mnyam pa las 'byung ba ste/ rnam pa gnyis kyi mnyam par sbyor bar bstan to/ /yang rnal 'byor pa dang/ rnal 'byor ma dag la dus gcig tu 'byung ba'i ye shes gnyis mnyam par sbyor ba ni ro mnyam pa nyid du nyams su myong ba gang yin pa de ni ye shes kyi mnyam par sbyor ba bstan to/ /ye shes gsum pa'i 'char ba bshad par bya ba'i phyir/ ye shes gnyis kyi mnyam sbyor dang/ /ji skad bshad pa'i byed pa yis/ /'bad pas ye shes gang thob pa/ /de ni snang ba thob pa'o zhes bya ba gsungs te/ snang ba thob pa zhes bya ba'i ye shes 'di yin no/ gang zhig ye shes gnyis kyi mnyam par sbyor bas thob par 'gyur ba ni ye shes kyi mnyam par sbyor ba'i phyi nas thob par 'gyur ro zhes ston to/ /ji skad bshad pa'i byed pa yis/ zhes bya ba la /'di skad bshad pa ni pad+ma can la sogs pa'i rigs bzhi byed pa ni bya ba'i tshogs te/ shes rab ma'i pad ma'i rigs pa dang/ phra ba dang/ bar ma'i dbye ba shes nas/ dpal gdan bzhi'i
- 410b
rgyud nas gsungs pa'i byed pa'i tshogs kyis ye shes thob pa yin no/ /ji skad du/ mig dang lcags kyu 'di la 'jug bya ste/ /de bzhin pa ngan yang don med de/ /'dir ni drang po'i sor mo'i sdigs mdzub gnyis/ /de la mang po byed pa nus pa ldan/ zhes bya ba 'dod pa'i bstan chos las 'byung ngo/ /phyi rol gyi phyag rgya med na ye shes kyi phyag rgya dang/ snyoms par zhugs pa bshad par bya ba'i phyir gang zhig chu skyes rdo rje sbyor/ kun rdzob nyid yang med gyur na/ /lan cig tsam gyis myos nas kyang/ /rnal 'byor stobs kyis 'grub par 'gyur/ /zhes bya gsungs te/ len cig tsan du 'od gsal ba nyams su myong nas/ de'i rjes la rdo rje dang pad ma'i 'brel pa med na yang/ /sngar nyams su myong ba'i ting nge 'dzin gyis stobs kyi rnal 'byor pas dngos grub thob par 'gyur ro/ /de ltar phyi dang nang gi phyag rgya la rten nas/ ye shes kyi dbye ba rtogs pas rang bzhin gyis rang bzhin yongs su/? zhes par 'gyur ro/ /zhes bshad par bya ba'i phyir/ /ye shes 'jug pa'i ngo bo yis/ /dbye ba ji bzhin shes byas la/ /rang bzhin de nyid slar yang ni/ /rtag tu rnal 'byor pas mtshon bya/ zhes bya ba gsungs te/ dag pa dang ma dag pa'i snang ba la sogs pa'i dbye ba yongs su shes na/ de dang de'i rang bzhin rnams kyang de dang 'dra bar nyams su myong bar 'gyur ro/ /da ni khyab pa'i rnam par dag pa bshad par bya ba'i phyir/ ji ltar sprin ni sna tshogs zhing/ /mdog dang dbyibs ni tha dad pa/ /nam mkha' i dbyibs su byung nas ni/ /de nyid du ni thim par 'gyur/ /zhes bya ba gsungs te/ ji ltar dkar po dang/ dmar po la sogs pa'i kha dog dang ldan pa dang/
- 411a
de bzhin du glang po che dang/ rta la sogs pa'i dbyibs can gyi sprin rnams nam mkha' la 'byung zhing rang gi bya ba byas la de nyid du ni thim par 'gyur te/ gang las 'byung zhing gang du thal lo zhes shes pa ma yin te/ dpe bstan to/ dpe las 'byung ba bshad par bya ba'i phyir/ /de bzhin rang bzhin thams cad ni/ /snang ba gsum gyi rgyu can te/ /me lus yul la zhugs nas ni/ /'od gsal bar ni zhugs par 'gyur/ zhes pa gsungs te/ de bzhin du snang ba gsum rgyu gyur pa'i 'dod chags dang bral ba la sogs pa'i rang bzhin rnams mdun na gnas pa'i yul rnams la longs spyad nas/ mdza' ru 'od gsal ba la zhugs par 'gyur te/ de dang ngo bo gcig par 'gyur ro zhes dgongs pa'o/ /'di rnams yongs su ma shes pa kho na 'khor ba'i rgyu yin no zhes bshad par bya ba'i phyir/ de 'dra'i rang bzhin ma shes pas/ /mi shes mun pas khebs pa yis/ /dge dang mi dge ba'i las byas nas/ /'gro ba lngar ni 'gro bar 'gyur/ /zhes bya ba gsungs te/ rang bzhin 'di rnams 'od gsal ba'i rang bzhin yin no/ /zhes gti mug gi mun pas blo'i mig bkag pa'i dbang gis ma shes nas dge ba dang mi dge ba'i las byas pa'i dbang gis 'gro ba lnga'i 'khor ba'i dgon pa dang 'khor bar 'gyur zhes pa ni skye ba dang rgas pa la sogs pas zil gyis mnan zhing 'gro ba dang 'ong ba nyid du 'khor bar 'gyur ro/ /'di nyid rgyas par bshad par bya ba'i phyir/ /mtshams med la sogs byas nas ni/ /dmyal la sogs par 'tshed bar 'gyur/ /sbyin sregs dge ba byas nas ni/ /mtho ris la sogs dag tu mchod zhes bya ba gsungs te/
- 411b
mtshams med pa ni ma gsod pa la sogs pa lnga ste/ de nyid dang po srog gcod pa la sogs pa gang la yod pa de ni mtshams med pa la sogs pa ste/ dge ba'i chos kyi mi mthun pa'i mtshan nyid gang yin pa de byas nas/ dmyal la sogs par 'tshed par 'gyur zhes pa ni grang pa dang tsha ba la sogs pa'i dmyal ba rnams la 'tshed pa la sogs pa'i sdug bsngal nyams su myong ba yin no/ /de bzhin du dmigs pa dang bcas pa'i sbyin pa la sogs pa byas na mtho ris la sogs pa ni rgyal po chen po bzhi la sogs pa'i nang na mchod par 'gyur ro/ /de bas na bde 'gro dang/ ngan 'gro'i bdag nyid kyi dkyil 'khor ba 'khor lo bzhin du skor ba gang yin pa de ru gnas par 'gyur ro/ /rang bzhin dang snang ba rnams yongs su ma shes pa rnams la/ 'khor ba la mdza' yas pa yin no zhes bshad par bya ba'i phyir/ /skye ba dpag med stong phrag ni/ /'dir ni yang dang yang thob pa/ /'dir ni rnam smin sngon las zhes/ /rmongs pa rnams ni mya ngan byed/ ces bya ba gsungs te/ rmongs pa ni rang bzhin dang snang ba'i de kho na mi shes pas dpag tu med pa'i skye ba'i stong phrag thob nas/ de la 'khor bas sems ngal bar 'gyur te/ 'di ni sngon las rnam smin zhes bya ba ni sngon gyi las rnams kyi bde ba dang sdug bsngal gyi bdag nyid kyi rnam par smin pa 'di yin no zhes rtogs nas/ mya ngan byed pa yin no/ /dngos po rnams ni 'od gsal ba'i rang bzhin yin pas bde 'gro dang/ ngan 'gro'i rgyu med pa'i phyir/ bcings pa dang/ grol ba mi shes pas rmongs pa zhes bshad do/ /de kho na nyid shes pas grol bar 'gyur ro zhes bshad par bya ba'i phyir/ rang bzhin snang ba'i tshul gyis ni/ /gang gi skye bo nyon mongs pa/ /de nyid shes nas ye shes can/ /srid pa'i gzeb
- 412a
las grol bar 'gyur/ zhes bya ba gsungs te/ rang bzhin snang ba'i tshul ni 'khor dang bcas pa'i rnam par shes pa gsum gyi 'brel pa gang gis skye bo rnams nyon mong ba ? 'khor ba la 'khor ba'i sdug bsngal nyams su myong ba de nyid 'od gsal ba dang tha mi dad par shes nas ye shes can ni rnal 'byor pa rnams/ /srid pa'i gzeb las grol bar 'gyur zhes pa ni yongs su ma shes pa'i mtshan nyid kyi 'khor ba'i dra ba las grol bar 'gyur ro/ /ji skad du/ gang gis rmongs pa bcings 'gyur ba/ /de yis mkhas pa grol bar 'gyur/ /de ltar byang chub bsgom pa yis/ /'di dag thams cad phyin ci log /ces bya ba don yod grub pa'i rgyud las 'byung ngo/ /da ni sngags dang phyag rgya'i rim pa las gang yang rung bas/ gang gi tshe sems kyi 'od gsal ba thob pa de'i tshe rdzogs pa'i rim pa'i rnal 'byor pa yin pa dang/ gang gi tshe snang ba la sogs pa'i ye shes rnams zla ba dang rdo rje yongs su gyur pa las lha'i rang bzhin du bsgoms na/ de'i tshe bskyed pa'i rim pa'i rnal 'byor pa yin pas/ rdzogs pa'i rim pa las dang po pa yin te/ de bas na snang ba la sogs pa'i rim pas zla ba la sogs pa'i gdan tsam la brten te/ 'od gsal ba kho na mngon du bya'o/ /de nyid kyi phyir/ shes rab ngo bo nyid 'di ni/ zla ba'i dkyil 'khor dag tu brtag /sems nyid rang gis mthong 'gyur te/ /rang nyid zla ba'i gzugs bzhin no/ zhes bya ba gsungs te/ bskyed pa'i rim pa pos gang zhig zla ba'i dkyil 'khor brtag pa de nyid shes rab kyi rang bzhin te/ dri ma med pa'i phyir ro/ /rgyu de nyid kyis rang gi sems nyon mongs pa'i dri ma thams cad dang bral bas zla ba'i gzugs bzhin du dag pa mthong gyur ni shes pa yin te/ de bas na snang ba'i ye shes yongs su spangs te/ yi ge a las byung ba'i zla ba'i dkyil
- 412b
'khor sgom par byed pa yin no/ /de'i rjes la yang/ de nas zla ba la dmigs pa/ rdo rje mtshan mar rab tu brtags/ /'di ni rdo rje las byung ba'i/ /rnal 'byor ba yi thabs su bshad/ /ces bya ba gsungs te/ sngar bsgoms pa'i zla ba'i steng du/ tsheg drag las byung ba'i rdo rje bsgoms la/ /de nyid thabs kyi ye shes yin no zhes shes nas/ snang ba mched pa'i ye shes yongs su spangs nas/ /de'i tshe rnal 'byor pa ni bskyed pa'i rim pa'i rnal 'byor pa yin te/ zla ba la sogs pa bsgoms pa'i phyir ro/ gzhan yang zla ba rdo rje sogs mnyam sbyor/ /sems dang sems 'byung 'dus pa ste/ /shes rab thabs su 'dus pa las/ /lha'i gzugs ni 'byung bar 'gyur/ /phyag rgya bzhis ni rgyas btab cing/ /lha yi nga rgyal 'chang byed de/ /bskyed pa'i rim dang ldan par ni/ /sngags pa rtag tu spyod par 'gyur/ zhes bya ba gsungs te/ zla ba ni shes rab rdo rje ni thabs te/ /de gnyis ka 'dus pa ni de bzhin gshegs pa spro ba dang bsdu ba'i bsgo nas/ /sems can gyi don bya ba sngon du 'gro ba de dag gcig tu gyur pa gang yin pa de nyid snang ba nye bar thob pa yin no zhes shes nas/ ye shes gsum pa yongs su spangs nas/ /rdo rje 'chang la sogs pa las gang yang rung ba'i lha'i gzugs sku gsung thugs dang/ ting nge 'dzin sems dpa' i sa bon gyi phyag rgya 'am/ lha mo spyan la sogs pas rgyas gdab pa 'am/ yongs su bskor ba rnam par bsgoms te/ gang gnas pa de ni bskyed pa'i rim pa'i rnal 'byor pa yin no zhes bshad pa ste/ sa bcu ba las ltung bas las dang po'i sa la gnas pa'o/ /kye ma'o/ /'dir rnam par rtog pa'i bag chags rgyu ba de gang gis gzung bas khyad par gyi lam spangs nas/ rtog pa'i lam la brtan pa yin no/ /
- 413a
dper na 'khrul zhing smig rgyu la chur shes pa lta bu'o/ /de bzhin du nyan thos pa'i rigs can rnams stong pa nyid la lhag ma med pa'i mya ngan las 'das pa'i khams so sor snang ba lta bu dang/ 'gog pa'i snyoms par 'jug pa lta bu'o/ /'o na bskyed pa'i rim pa la yang rdo rje 'chang la sogs pa'i 'khor lo sgyur ba drug bsgom pas sangs rgyas thob pa yin te/ de bas na skyon med do zhe na/ smras pa/ de thob pa ni bden pa ste/ 'on kyang rtog pa'i rnal 'byor yin pa'i phyir/ lha'i gzugs de yongs su ma dag par bshad do/ /ngag rnam par dben pa la sogs pas gang gi tshe yongs su dag na/ de'i tshe yongs su dag pa'i lha'i gzugs zhes bshad pa ste/ de yang rdzogs pa'i rim pa ma bsgoms na/ sngar bstan pa'i brjod pa kho na 'grub pa'o/ /de nyid bshad par bya ba'i phyir/ /ji skad dpal ldan 'dus sogs par/ /de dang der ni rgyas gsungs pa'i/ /ji ltar bsgoms pa sbyor gyur pa/ /de srid dang po'i las can yin/ /zhes bya ba gsungs te/ de la dpal gsang ba 'dus pa'i le'u drug pa las/ sngags kyi sku yi sbyor ba yis/ /byang chub ma yin bsgoms pa min/ /zhes bya ba la sogs pa dang/ chos kyi dbyings yongs su zhus pa'i rgyud las kyang/ gang tshe las kyi lus 'jig pa/ de dang 'dra ba'i lha nyid 'gyur/ /ji srid lus la gnas pa'i bar/ /de srid las dang las min 'gyur/ /zhes bya ba gsungs so/ /bde mchog las kyang/ bris sku la sogs gzugs brnyan la/ rnal 'byor skye bar mi 'gyur te/ byang chub sems ni sbyor ba che/ /des na rnal 'byor lha nyid yin/ /zhes bya ba gsungs pa dang/ rdo rje 'phreng ba las kyang/ de dang de yi rigs las 'byung/ /lha dang lha mo tha dad rnams/ /de dang de rnams yod min te/ /sems can don du so sor bstan/ /zhes bya ba
- 413b
gsungs so/ /dgongs pa lung du bstan pa las kyang/ de las yongs su gyur pa'i gzugs/ /gang zhig lha yis nye bar mtshon/ /zhes bya ba la sogs pa gsungs te/ sogs pa'i sgra'i don to/ /da ni rdzogs pa'i rim pa bshad par bya ba'i phyir/ da ni yongs rdzogs rnal 'byor gyis/ /gsal ba ru ni bshad bya ste/ /zhes bya ba gsungs te/ rang bzhin gyis grub pa'i rnal 'byor ni/ /yongs su rdzogs pa'i rnal 'byor ro/ /de bshad par bya ba'i phyir/ stong pa gsum gyi rnam dag gang/ /'od gsal bar ni 'dir bshad do/ /thams cad stong pa'i gnas yang ste/ /ye shes gsum ni rnam dag pa/ /zhes bya ba gsungs te/ stong pa gsum gang la yod pa de ni stong pa gsum ste/ rnam par shes pa gsum mo/ /de'i rnam par dag pa ni sngags dang phyag rgya'i rim pas mi dmigs pa gang yin pa de ni 'od gsal bar bshad do/ /thams cad stong pa ni rnam par shes pa dang/ rang bzhin rnams mi snang bar byed pa'i phyir dang/ gnas ni longs spyod rdzogs pa dang/ sprul pa'i sku'i rten yin pa'i phyir ro/ / des na de la gzhi mthun pa'i bsdu ba bya'o/ /yang de nyid bshad par bya ba'i phyir/ ye shes gsum ni rnam dag pa/ zhes pa ni snang ba la sogs pa mi dmigs pa'o/ /de nyid rgyas par bshad par bya ba'i phyir/ ye shes dag gnas de nyid dang/ thams cad mkhyen pa bla na med/ /'gyur ba med cing snang ba med/ /gnyis med mchog tu zhi ba dang/ /yod dang de bzhin med pa dang/ /de ni tshig gi spyod yul min/ /zhes bya ba gsungs te/ ye shes ni ye shes dang rnam par shes pa rnams kyi rang bzhin de kho na nyid de/ gang gi phyir 'di ni spang bar bya ba dang/ blang bar bya ba gang yang ma yin te/ phyogs gnyis kyi skyon 'byung ba'i phyir ro/ /de bas na 'di nyid ye shes dag gnas zhes pa ni rnam par shes pa dang/ ye shes rnams kyi rang bzhin rtogs pa kho na dag
- 414a
ba yin te/ gnyen po'i sgo nas ni ma yin no/ /gang gi phyir chos thams cad ni rang bzhin du stong pas/ gang gis gang dag par bya'o/ /dge ba de lta bu gang yin pa'i de'i gnas de kho na nyid de nyid yin te/ khyab par byed pa dang/ phyogs gcig pa'i rnam par dag pa rnams/ /chos nyid kho na la rab tu gnas pa'i phyir ro/ /thams cad mkhyen pa ni de nyid de/ rang bzhin dang snang ba dang/ snang ba thams cad yang dag par shes pa'i phyir dang/ 'di las gzhan med pa'i phyir dang/ yod na yang de nyid de yin pa'i phyir ro/ /ye shes lnga yang de nyid yin no/ /zhes bshad par bya ba'i phyir/ 'gyur ba med ces bya ba la sogs pa 'byung ste/ 'gyur ba med pa ni me long lta bu'i ye shes te/ dri ma med pa'i me long bzhin du tha dad med pa'i phyir ro/ /snang ba med pa ni mnyam pa nyid kyi ye shes te/ rang dang gzhan gyi dbye ba so sor mi snang ba'i phyir ro/ /gnyid med zhes ba ni so sor rtog pa'i ye shes te/ sgrib pa gnyis rnam par dag pa'i phyir ro/ /mchog ni bya ba nan tan grub pa'i ye shes te/ de dmigs pa med pa'i sbyor bas gzhan gyi don mdzad pa'i phyir ro/ /zhi ba ni chos kyi dbyings kyi ye shes te/ bdag med pa gnyis mngon sum du mdzad pa'i phyir ro/ /yod dang de bzhin med pa dang/ zhes bya ba la don dam pa'i sgo nas yod par bstan pa dang/ kun rdzob kyi sgo nas med par bstan pa 'di la yod pa ma yin te/ de nyid kyi phyir de ni tshig gi spyod yul min/ /zhes pa ni rnam par mi rtog pa'i phyir ro/ /de yang gang gi phyir rnam par rtog pa las tshig 'byung ba'i phyir ro/ /kun rdzob tu bstan na 'gal ba med de/ rnam par rtog pa'i shing rta la de ni gnas pa'i phyir ro/ /thams cad mkhyen pa la ni gsung gi tshogs bum pa bzang po bzhin du'o/ /de kho na
- 414b
nyid de nyid las lha'i sku 'byung ba yin te/ zhes bshad par bya ba'i phyir/ de bas 'od gsal ba dag pa las/ /ye shes gsum ni 'byung 'gyur te/ /sum cu rtsa gnyis mtshan 'chang zhing/ /dpe byad bzang po brgyad cur ldan/ /rnam pa kun gyi mchog ldan pa'i/ /thams cad mkhyen par de nas 'gyur/ /zhes bya ba gsungs te/ 'od gsal ba 'di nyid las go log pa'i rim pas ye shes gsum ni snang ba nye bar thob pa la sogs pa 'byung par 'gyur ro/ /snang ba gsum gcig tu gyur pa'i ye shes gsum pa 'di las kyang thams cad mkhyen pa'i sgyu ma lta bu'i ye shes kyi sku ste/ sngon gyi smon lam gyis dbang gis 'byung ba yin no/ /de yang ji lta bu yin zhe na/ skyes bu chen po'i mtshan sum cu rtsa gnyis dang/ dpe byad brgyad cu dang/ rnam pa kun gyi mchog ni stobs bcu la sogs pa ste/ de rnams dang ldan pa'o/ /de ni sbas pa'i bshad pa'o/ /rgya cher rol pa'i tshad ma nyid kyis don 'di nyid bstan par bya ba'i phyir/ shAkya thub pa de bzhin gshegs mngon par byang chub 'di bzhed nas/ /stong pa chen po sangs rgyas nyid/ /thob par bya zhes mngon par dgongs/ /nai rany+dza na'i chu 'gram du/ /mi g.yo'i ting 'dzin la bzhugs la/ /zhes bya ba gsungs te/ rgya cher rol pa'i mdo ni theg pa chen po'i mdo ste/ gang du bcom ldan 'das shAkya thub pa'i mdzad pa chen po bcu gnyis sdud pa pos bshad pa'o/ /der bshad pa'i lo rgyus ni dper na bcom ldan 'das shAkya thub pas 'khor gyi nang nas gshegs te/ mngon par byang chub pa bzhed nas stong pa chen po'i go 'phang kho na byang chub yin no zhes dgongs nas chu bo nai rany+dza na'o 'gram du mi g.yo ba'i ting nge 'dzin la bzhugs so/ /bag chags kyi dri ma rnams sbyong bar byed pas na mi g.yo ba'i ting nge 'dzin to/ /phyin ci log pa'i ting nge 'dzin gzigs
- 415a
nas/ rang rang gi sangs rgyas kyi zhing la bzhugs pa'i de bzhin gshegs pa rnams kyis ji ltar de la gsungs pa de bshad par bya ba'i phyir/ de'i tshe rgyal ba mkha' rdo rje/ /til gyi gang bu gang bzhin? bzhugs/ /rgyal ba'i sras la se gol dang/ /de la dbyangs gcig gis gsungs pa/ zhe bya ba gsungs te/ tshogs dang chos kyi sku dag gis/ /'gro ba'i don la spyod pa yis/ /sangs rgyas thams cad mnyam pa nyid/ /sku tshe rigs dang tshad rnams min/ /zhes bya ba'i rigs pas longs spyod rdzogs pa dang/ sprul pa'i sku tha mi dad pas nam mkha' la bzhugs pa'i rgyal ba ni mi bskyod pa la sogs pa/ til gyi gang bu bzhin du phan tshun du gnod pa med par bzhugs pas rgyal ba'i sras ni gzhon nu don thams cad grub pa ste/ de la dbyangs gcig ni don gcig la dgongs nas dus gcig tu 'di skad gsungs so/ /gsungs pa de nyid bshad par bya ba'i phyir/ bsam gtan 'di ni rnam dag min/ /'dis ni mthar thug mi thob ste/ /nam mkha' i ngos ltar mchog gyur pa/ /'od gsal bar ni de dmigs shig /zhes bya ba gsungs te/ bsam gtan 'di ni mi g.yo ba'i ting nge 'dzin gyi mtshan nyid rnam par dag pa ma yin te/ rags pa'i rang bzhin rnams mi dmigs na yang phra ba'i bag chags rnams yod pa'i phyir ro/ /ji srid 'od gsal bar de rtogs na de srid rags pa dang/ bag la nyal la gnas pa'i de rnams mi dmigs par mi 'gyur ro/ /bsam gtan 'di yang mthar thug mi thob pa ni khyad par gyi mdza' la gnas pa'i go 'phang 'dis thob pa ma yin te/ de bas na 'di spang bar bya'o/ /nam mkha' i ngos ltar mchog gyur pa/ zhes bya ba la sogs pa/ 'od gsal ba'i ni rnam pa med pa dang/ dang ba'i
- 415b
mar me'i 'od zer dang 'dra ba dang/ dpa' rlabs med pa'i rgya mtsho dang 'dra ba'i de kho na nyid dmigs par bya'o/ /'di gsal ba ni rnam pa gnyis te/ sems kyi 'od gsal ba dang/ rang bzhin gyis 'od gsal ba'o/ /de la sems kyi 'od gsal ba ni rnam pa med pa'i rnam rig dang/ rang bzhin gyis 'od gsal ba ni thams cad stong pa ste/ rim pa bzhi pas thob par bya'o/ /'dir rje btsun gyi zhal snga nas kyis/ sems kyi 'od gsal ba kho na bzhed pa yin te/ gzhan du na bzlos pa'i phyir/ rim bzhi pa don med par thal bar 'gyur ro/ /de yang ji lta bu yin zhe na/ nam mkha' ngos ltar zhes pa ni ji ltar sprin dang mud pa dang/ kha ba la sogs pas nam mkha' khyab na yang/ ngo bo nyid du dri ma med pa ste/ de bzhin du de las tha dad pa'i rdzun gyi rnam pa rnams dang bral ba'i de nyid nam mkha' i ngos ltar dmigs par bya'o/ /de nyid kyi phyir/ mchog tu gyur pa ni/ rnam pa dang bcas pa'i rnam rig tsam smra ba las khyad par dang ldan pa ste/ rnam pa rnams kyi rang bzhin ma grub pa'i phyir ro/ /gal te 'dir 'phags pa'i phyogs su 'grub pa'i mdza' ma yin yang/ 'on kyang rim pa bzhi pa la bltos pas/ phyogs snga ma'i tshul du bstan pa yin te/ skyon med pa'o/ /bstan pa 'di yang drang pa'i don yin te/ nges pa'i don ni ma yin no/ /rje btsun gyi zhal snga nas kyis kyang/ gang zag bsgom pa'i dra ba ni/ skye bo kun gyis mthong 'gyur ba/ /de kun sems 'byung dra ba ste/ 'di nyid smra bas gsungs pa yin/ zhes bya ba gsungs so/ /de ni dmigs pa'i 'bras bu bstan bar bya ba'i phyir/ 'od gsal ba'i gnas thob nas/ /rab dga' gzugs su skye bar 'gyur/ /de tshe rab dga' rdo rje sku/ /kun gyi dbang phyug thob par 'gyur/ /zhes bya ba gsungs te/ 'od gsal rtogs nas ral dga' i gzugs ni longs
- 416a
spyod rdzogs pa dang/ sprul pa'i skur skye bar 'gyur/ /de bzhin du kun gyi dbang phyug ni sku'i dbang phyug la sogs pa yon tan brgyad thob pas mi phyed pa'i ye shes kyi skur 'gyur zhing/ rab dga' ni sgyu ma'i sku yis 'gro ba'i don byed pa'o/ /de bzhin gshegs pa rnams kyis gsungs pa'i 'og tu shAkya thub pas ji ltar mdzad pa de bshad par bya ba'i phyir/ 'di ltar sgra de gsan pa dang/ de na ting 'dzin mi g.yo btang/ 'di rnams nam phyed dus su ni/ /rgyal ba'i sras kyis de nyid dmigs/ /sku ni drang po ma yin zhing/ /mi drang ba yang ma yin la/ /dbugs gtong ba dang rdub pa min/ /gsung ba ma yin mi gsung min/ /spyan bzang btsums pa ma yin zhing/ /spyan phye ba yang ma yin pas/ /thams cad stong pa rmad chen po/ /gang zhig gsal ba'i ye shes che/ /bla ma nyid kyi drin gyis ni/ /de nas de ni gsal mthong 'gyur/ /zhes bya ba gsungs te/ tshigs su bcad pa phyed dang bzhi yis gzhon nu don thams cad grub pas de kho na nyid mngon du mdzad pa bstan pa ste/ bcom ldan 'das de bzhin gshegs pa rnams kyi sgra stong pa chen po'i ting nge 'dzin bkag par byed pa gsan nas/ de yongs su spangs la/ thams cad stong pa'i de kho na nyid de'i mthong bar 'gyur ro/ /zhes tshig gi 'brel pa'o/ /rgyu gang gis mthong bar 'gyur zhe na/ bla ma nyid kyi drin gyis na/ zhes bya ba la 'dir ni sangs rgyas thams cad bla ma yin te/ de'i drin gyis so// gang gi tshe de kho na nyid 'di yis rtogs par 'gyur ba de'i tshe/ ting nge 'dzin gyi yan lag tu gyur pa'i sku drang ba la sogs pa 'di la dgos pa ma yin te/ yongs su spang ba bstan to/ /gang gi phyir de kho na nyid ni chos kyi dbyings yin te
- 416b
thams cad du 'gro ba de phyogs gcig sgrub pa rnams kyi sku drang ba la sogs pa rnams kyis ji ltar bsgom par bya ba yin no/ /de kho na nyid ji lta bu yin zhe na/ dang ba ni sgrib pa med pa'i phyir dang/ gsal ba ni sems can gyi rgyud la gnas pa'i phyir dang/ ye shes ni ye shes med pa dang/ che ba ni bdag nyid che ba'i phyir ro/ /thams cad stong pa ni rang bzhin dang snang ba yod na yang de rnams mi dmigs pa'i phyir ro/ /de nyid kyi phyir rmad du byung ba che ba'o/ /glegs bam gzhan la 'od gsal ba zhes bya ba'i sgra yod na/ de'i bshad pa ni mtshan mo dang/ nyin mo dang/ mtshams las 'das pa'i rang bzhin gyis snang bar 'gyur ba gang yin pa de ni 'od gsal ba ste/ de lta bu'i de kho na nyid mthong bar 'gyur/ de mthong pa'i phan yon bshad pa'i phyir/ 'das pa dang ni ma 'ongs dang/ /da ltar byung ba'i srid pa gsum/ /skad cig de la ma lus mthong/ /'od gsal bar ni rnam dag 'chang/ /zhes bya ba gsungs te/ 'di'i don sngar bshad zin no/ /de na sgra ji bzhin pa'o/ /ldang ba bshad par bya ba'i phyir/ /rdo rje lta bu'i ting 'dzin gyis/ /skya reng 'char ba'i dus su ni/ /chu zla dang ni smig sgyu sogs/ /sgyu ma'i yon tan rnams kyis brgyan/ /byang chub rtsa ru bzhugs nas ni/ /de ni bdud rnams 'joms par mdzad/ /ces bya ba gsungs te/ snang ba nye bar thob pa la sogs pa'i rim pa 'am/ cig car gyi rim pas chu zla la sogs pa'i sgyu ma'i dpe rnams kyis nye bar mtshon pa'i ye shes kyi skur gyur cing shAkya thub pa des bdud rnams 'joms pa ni bdud bzhi po 'joms bar mdzad pa'o/ /mtshan byed kyi dus su byang chub kyi shing drung gi rtsa ru bzhugs nas de rnams 'joms pa'o/ /gang gi dus zhe na/ skya reng ni lha nyi ma'i rta rdzi ste/ de 'char ba'i dus su'o/ /de'i tshe ting nge 'dzin gang mdzad zhe na/ rdo rje lta bu'i ting 'dzin gyis
- 417a
zhes pa ni sems la dmigs pa'i rim ba thob pa'i 'od gsal ba ste/ drang ba'i don to/ /chu ni snang ba nye bar thob pa'i ye shes dang/ zla ba ni zla ba dang 'dra ba'i 'od zer gang la yod pa de ni snang ba'i ye shes dang smig sgyu sogs zhes pa ni smig sgyus nye bar mtshon pa'i nyi ma'i 'od zer dang 'dra ba'i snang ba mched pa'i ye shes de rnams kho na'o/ /sgyu ma ni bud med sgyu mas thob pa'i phyir ro/ /yon tan ni de las byung ba'i sangs rgyas kyi yon tan dang ldan ba'i sgyu sku ste/ de yis brgyan pa'o/ /bdud ni ye shes gsum ste/ de rnams 'joms pa ni mi snang bar mdzad pa'o/ /byang chub ni 'od gsal ba ste/ de'i rtsa ba ni bzhir gyur ba 'dod pa'i gdugs te/ de la bzhugs nas mdzad pa'o/ gang gi tshe zhe na/ skya rengs ni ma rig pa ste/ de 'char ba'i dus ni shar nas 'das pa'i dus te/ dus de la bya'o/ /rdo rje lta bu'i ting nge 'dzin ni de la rtse gcig pa'i g.yo ba med pa'i thugs te/ nges pa'i don to/ /rang gi don mdzad nas gzhan gyi don mdzad pa bshad par bya ba'i phyir/ shAkya mgon pos yang dag pa'i/ /ye shes bla med legs thob nas/ /'gro ba skyob cing phan pa'i phyir/ /de nyid 'dir ni ston pa mdzad/ /ces bya ba gsungs te/ de bzhin gshegs pa kun las shAkya thub pas yang dag pa'i ye shes mthong nas de nyid 'gro ba kun la phan pa'i phyir/ /byang chub sems dpa' phyag na rdo rje la gsungs so/ /'di ni skyob pa nyid 'di bstan pa yin no/ /ji skad du/ skyob pa rang mthong lam ston pa/ zhes bya ba 'byung ba'i phyir ro/ /nye bar bsdu ba bshad bar bya ba'i phyir/ /mngon par byang chub mtshan nyid ni/ /de nyid ye shes zhes byar bshad/ /zhes bya ba gsungs te/ de nyid ni sems kyi chos nyid kyi rang bzhin gyi phyir dang/ ye shes ni ye shes med pa'i phyir te/ de nyid ye shes so
- 417b
mngon par byang chub pa ni byang chub kyi sems tsam mngon du rtogs ba ste/ de nyid mtshan nyid gang la yod ba de la de skad ces bya'o/ /'di nyid kyi bdag nyid chen po bshad par bya ba'i phyir/ mtshams med pa'i las can dang/ mi las? bsod nams dman ba 'am/ /yid bzhin nor dang 'dra ba gzhan/ /bla ma'i drin gyis thob par 'gyur/ /spyod pa ci dgar spyod byed de/ /'di ni ma 'ongs rdzogs sangs rgyas/ zhes bya ba gsungs te/ gang gis sngar las drag po byas kyang rang bzhin yongs su shes pa tsam gyis byang chub thob ba yin te/ de la gang gis mtshams med pa lnga byas ba dang/ sngar dge ba'i rtsa ba ma pa sogs pa'i gang zag de yis kyang/ bla ma'i drin gyis yid bzhin nor bu gnyis pa dang 'dra ba ni 'dod ba thams cad yongs su rdzogs par byed pa de kho na nyid thob par 'gyur ro/ /'di gcig pur ma zad gyi/ ji srid ma 'ongs pa'i sems can yongs su bzung ba'i phyir/ ma 'ongs pa'i sangs rgyas 'di nyid bshad pa yin no/ /spyod pa ci dgar spyod byed de/ /zhes pa ni sngags kyi spyod pa'am/ /kun tu bzang po'i spyod ba spyod cing/ /'gro ba la gnas ba yin te/ sgra ji bzhin pa'o/ /de kho na nyid de ji lta bu thob pa yin no zhes bshad par bya ba'i phyir chags min chags dang bral ba min/ /dbu mar yang ni mi dmigs so/ /stong pa ma yin mi stong min/ /dbu mar yang ni mi dmigs so/ /zhes bya ba gsungs so/ /'dir chags pa la sogs pa'i sgra rnams kyis snang ba mched pa la sogs pa bshad pa dang/ stong pa la sogs pa'i sgra rnams kyis de'i rang bzhin rnams sam/ rnam par shes pa rnams bshad pa yin no/ /de ni ma dmigs pa'i mtshan nyid can gyis de kho na nyid do/ /rgyud thams cad kyi tshad ma nyid bshad par bya ba'i phyir/ sangs rgyas kun gyi mnyam sbyor la/ /'di nyid ltar ni rab ston te/ /ye shes gsum bral de nyid gang/ /dgongs pa
- 418a
yis ni gsungs pa yin/ zhes bya ba gsungs te/ sangs rgyas thams cad kyi rgyud la snang ba la sogs pa'i ye shes gsum dang bral ba'i de kho na nyid dgongs bar bshad pa'i dag gis bcom ldan 'das kyis gsungs ba ste/ de yang 'di nyid yin te/ gzhan ni ma yin no/ /de'i dag dang po ni/ gsang ba mchog gi dgyes pa na/ /thams cad bdag nyid rtag tu gnas/ /sangs rgyas kun ngo sems dpa' ste/ /rdo rje sems bde ba mchog ces bya ba'o 'di'i dgongs pas bshad pa'i don 'di yin te/ gsang ba ni snang ba'i ye shes dang/ mchog ni snang ba ched pa'i ye shes dang/ dgyes pa ni nye bar thob pa'i ye shes pas/ de ru rtag tu gnas pa ni yi ge a phyis pas mi gnas par shes par bya'o/ /thams cad bdag nyid ni rang gi ngo bo ste/ de ru rtag tu gnas pa'o/ /zhes rjes su 'jug go /sangs rgyas kun ni phung po lnga ste/ de'i ngo bo ni de rnams khyab par byed ba'o/ /sems dpa' ni snod kyi 'jig rten te/ de'i rang bzhin yin pas ni/ sems dpa' o/ /mi phyed ba'i phyir/ rdo rje yang yin la/ rtag tu gnas pa'i phyir/ de nyid sems dpa' yang yin te/ rdo rje sems dpa' ni chos kyi sku ste/ bar gyi yi ge phyi ba dang/ tha ma yang phyi bas so/ /bde ba mchog ni 'od gsal ba de nyid bshad pa yin no/ /dgongs pas bshad pa'i mtshan nyid ni/ /khyad 'dod sems can rnams kyi phyir/ /chos kyi de nyid rab ston pa/ /'gal ba'i tshig gi sbyor ba yis/ /gsungs pa gang yin dgongs bshad de/ zhes bya ba gsungs so/ /dpal gsang ba 'dus pa'i tshad ma nyid bstan par bya ba'i phyir/ de bstan dpal ldan gsang 'dus pa'i/ /byang chub sems kyi le'u dag las/ /dngos med la sogs tshigs bcad kyis/ /mngon par byang chub sems
- 418b
nyid gsungs/ zhes bya ba gsungs te/ dpal gsang ba 'dus ba'i byang chub sems kyi le'u gnyis pa las/ dngos po med cing bsgoms pa med/ /zhes bya ba la sogs pa byang chub kyi sems kyi tshigs su bcad pa drug gis/ mngon par byang chub pa'i mtshan nyid kho na 'khor lo bsgyur ba drug gis rab tu bstan to/ /gal te de ru bshad ba rnam pa bzhi yis tshigs su bcad pa dang po'i don bshad na yang/ /'on kyang sbas pa dang/ mthar thug pa'i phyogs su de kho na nyid kho na bston to/ /tshigs su bcad pa lhag ma lnga la/ dgongs pa ma yin pa bshad pas/ de kho na nyid kho na bstan pa yin te/ skyon med pa'o/ /dpal mchog dang po'i chod ma nyid bstan par bya ba'i phyir/ 'dod chags la sogs rnam dag gang/ /dpal mchog las kyang gsungs pa yin/ /de nyid de bzhin gshegs pas kyang/ /thams cad stong par gsungs pa yin/ zhes bya ba gsungs te/ dpal mchog dang po la yang 'dod chags pa'i rnam par dag pa gang gsungs pa de yang thams cad song ba ni sems kyi 'od gsal ba 'am/ rim pa bzhi pas thob pa'i de kho na nyid la brten te/ de bzhin gshegs pa rnams kyis gsungs pa yin te/ dper na 'dod chags rnam par dag pa'i gnas ni 'di yin te/ gang zhig byang chub sems dpa' i gnas so/ /zhe sdang rnam par dag pa'i gnas ni 'di yin te/ gang zhig byang chub sems dpa' i gnas so/ /gti mug rnam par dag pa'i gnas ni 'di yin te/ gang zhig byang chub sems dpa' i gnas so/ /'dir ni 'dod chags la sogs pa'i tshig rnams kyis 'dod chags dang 'dod chags bral ba dang/ 'dod chags bar ma'i rang bzhin brgya drug cu rtsa ba dang bcas pa bshad pa yin te/ de rnams rnam par dag pa ni sngags dang phyag rgya'i rim pa dag gis mi dmigs pa ste/ de nyid gnas ni chos thams cad kyi gzhir
- 419a
gyur pa ste/ 'od gsal ba'o/ /byang chub sems dpa' i gnas ni de nyid de/ sa bcu pa thob pa'i phyir ro/ /ji skad du/ snang ba gsum po mthong ba dag/ sa bcu la ni rab tu gnas/ zhes 'og nas gsum? pa'i phyir ro/ /de bzhin du dpal mchog dang po de nyid las/ 'dod chags zhe sdang gti mug ni/ /gsum po 'jig rten dug chen yin/ /dug nyid nye bar zhi gyur nas/ /dug ni de rnams drug med 'gyur/ zhes bya ba gsungs te/ 'di ni 'dod chags la sogs pa'i rang bzhin rnams kyi rang bzhin ma shes na dug yin pa dang/ de'i rang bzhin rtogs na dug med pa yin te/ mdor bsdus pa'i don to/ /mdo sde thams cad dang rgyud la sogs pa'i tshad ma nyid bstan pa'i bya ba'i phyir/ sna tshogs mdo dang rgyud la ni/ /de nyid gang zhig nyer bstan pa/ /thams cad stong gnas 'di nyid las/ /der ni gzhan dag ma gsungs so/ /zhes bya ba gsungs te/ gang zhig yin langkar gshegs pa la sogs pa dang/ rgyud ni de kho na nyid bsdus pa la sogs pa ste/ de rnams las de kho na nyid gang nye bar bstan pa de yang thams cad stong pa'i gnas las gzhan du ma gsungs te/ de kun las de las 'das pa'i de kho na nyid bcom ldan 'das kyis gsungs pa ma yin no/ de kho na nyid gcig pu kho na gsungs te/ char 'bab pa bzhin du rten gyi khyad par gyis de tha dad par so sor snang ba ste/ bu ram la sogs pa'i shing la ltung ba'i char lta bu'o/ tshul gcig par bstan pa'i mdo las/ chos ni sgra skad dag gis lung stan brjod/ /chos dang sgra dag 'dir ni snang mi 'gyur/ /chos nyid tshul gcig dngos la'ang 'jug byed pa/ /bzod mchog bla na med la reg par 'gyur/ /zhes bya ba gsungs te/ chos kyi phung po'i tshad ma 'di bstan par bya ba'i phyir/ chos phung brgyad khri bzhi stong ni/
- 419b
thub ba chen pos gsungs pa las/ /mngon par byang chub mtshan nyid ni/ /snying po las ni snying po mchog /zhes bya ba gsungs te/ de la chos kyi phung po brgyad khri bzhi stong ni nyan thos pa'i theg pa dang/ theg pa chen po dgu la? dang/ ? kyi theg pa chen po 'bum du shes par bya'o/ /de bas na chos kyi phung po de rnams su thub pa chen pos mngon par byang chub mtshan nyid ni rim pa gnyis pa la gsungs pa 'am/ bzhi pa las gsungs pa gang yin pa de ni/ snying po las kyang snying po mchog/ ces pa ni bskyed pa'i rim pa snying po ste/ de las snying po ni rdo rje bzlas pa'i rim pa ste/ de las kyang mchog ni khyad par can du gsungs so/ /de la nyan thos pa rnams kyis de kho na nyid de nyid 'gog pa'i snyams par zhugs pa'i sgo nas gzung ba dang/ rang sangs rgyas kyi rigs can rnams kyis de nyid rjes su dpag pa'i phyi'i don 'dzin pa'i sgo nas gzung ba dang/ rnal 'byor sbyod pa rnam kyis rnams pa dang bcas pa dang/ rnam pa med pa'i sgo nas de nyid gzung ba yin no/ /de la kun gzhi rnam par shes pa kho na yod pa'o/ /zhes kha cig 'dod pa'o/ /nyon mongs pa can gyi yid dang/ 'jug pa'i rnam par shes pa kho na'o zhes kha cig 'dod do/ /'jug pa'i rnam par shes pa drug kho na kha cig gis 'dod do/ /rnam par shes pa brgyad kha cig gis 'dod pa ste/ rnal 'byor spyod pa'i phyogs bzhi'o/ /rgyu dang rkyen las 'byung ba'i phyi'i don logs su 'grub dang/ rnam pa med pa'i rnam par shes pa logs su 'grub pa ste/ de gnyi ga yang rang bzhin med pa'o zhes mdo sde'i dbu ma pa rnams kyis de kho na nyid gzung ba yin no/ /phyi'i dngos na ye shes kyi rnam pa kho na yin te/ de yang rang bzhin med pa'o zhes rnal 'byor spyod pa'i dbu ma pa rnams kyis de kho na nyid gzung ba yin no/ /mthong ba dang bsgom pa'i lam rnams kyis nyon mongs pa spangs te/
- 420a
chos kyi sku thob pa'o zhes rgyal ba'i yum gyi dbu ma pa rnams grub pa'i mdza' 'dod do/ /bya ba'i rgyud la gnas pa rnams khyad par gyi lha'i rnam pa kho na de kho na nyid 'dod pa dang/ spyod pa'i rgyud la gnas pa rnams rol mo la sogs pa'i tha mal pa ma yin pa'i spyod pas lha'i rnam pa kho na de kho na nyid 'dod pa dang/ rnal 'byor kyi rgyud la gnas pa rnams sngags dang phyag rgya dang/ ting nge 'dzin rnams kyis thob pa'i rnam par snang mdzad la sogs pa'i lha'i sku kho na de kho na nyid 'dod pa dang/ rnal 'byor chen po'i rgyud la gnas pa rnams bskyed pa'i rim pa'i rnal 'byor pas ting nge 'dzin gsum sngon du 'gro ba'i lus rnam par dben pa'i mdza' can de kho na nyid 'dod pa dang/ rdzogs pa'i rim pa la gnas pa kha cig dag rnam par dben pa dang/ kha cig sems kyi 'od gsal ba dang/ kha cig sgyu ma'i sku dang/ kha cig phyi'i mngon par byang chub pa dang/ kha cig mi gnas pa'i mya ngan las 'das pa'i de kho na nyid 'dod pa yin no/ /dngos po rnam par dpyad na chos kyi sku las 'das pa'i de kho na nyid gzhan kho na yod pa ma yin te/ khyad par byed pa'i phyir ro/ /de bas de nyid mngon par byang chub pa yin te/ de mngon du byas na lam thams cad rtogs par 'gyur ro brton gyi dbye bas lta ba rnams tha dad pa ste/ de kho na nyid ni ma yin no/ /gzhan du de nyid kho nar mi 'gyur ro/ /ji skad du/ chos kyi dbyings ni dbye med phyir/ /rigs dbye ba ni rigs pa min/ /gzhi can chos kyi dbye ba yis/ /de yi dbye ba so sor bshad/ zhes 'byung ba'i phyir ro/ /da ni rtul zhugs la sogs pa yang de'i don du de kho nar gzung ba ma yin no zhes bshad par bya ba'i phyir/ ral pa gcer du mgo reg dang/ /cod pan 'dus pa spong mjug ste/ sna tshogs rtags can de dang ni/ /mngon
- 420b
par byang chub 'dod pa rnams/ /zhes bya ba gsungs te/ ral pa gcig ni rig pa'i brtul zhugs pa'o/ /gcer bu ni spyod pa'i rtul zhugs pa'o/ /mgo reg ni dge slong dang dge tshul la sogs pa'o/ /cod pan ni slab pa lnga la gnas pa'i dge ba snyen no/ /'dus pa spong 'jug ni tshem bu ba'i rnal 'byor pa'o/ /sna tshogs rtags can de dang de zhes pa ni brtul zhugs sbyangs pa'i yon tan la sogs pa'i rtags te/ dka' thub spyod pa'i mtshan nyid de rnams kyis mngon bar byang chub 'dod pa kho na yin te/ de rnams gzhan gyi don du 'bad pa nam yin no/ /brtul shugs kho na de kho na nyid thob pa'i rgyu ma yin no/ /zhes bshad par bya ba'i phyir/ de nyid dman pa de rnams kyis/ /brtul shugs spyod pa la sogs rim/ /de nyid ye shes dman pas na/ /des ni grol ba rnyed mi 'gyur/ /zhes bya ba gsungs te/ ral ba 'dzin pa la sogs pa de rnams/ gal te de kho na nyid dang bral ba yin na de'i tshe de rnams kyi rtul zhugs la sogs pa'i spyod pa'i rim pa don med pa kho na yin te/ 'o na tar khur bu 'dur ba lta bur 'gyur ro/ /de bas na kho na nyid med pa'i phyir/ brtul shugs la sogs pa de yis grol bar mi 'gyur ro/ /gdan bzhi'i rgyud las kyang/ de nyid med ba'i rnal 'byor la/ /glang po'i dril bu sgra sgrog lta bar zhes bya ba gsungs so/ /de bas na de kho na nyid yongs su shes pa kho na grol ba'i rgyu yin te/ brtul shugs la sogs pa med na yang de nyid rtogs pa'i phyir ro/ /de kho na nyid med na brtul shugs la sogs pa don med de/ 'o na tang khur bu khur ba'o brtul shugs la sogs pa brtan pa ni drang ba'i don to/ /de la zhen pa'i sems can gzung ba'i phyir ro/ /de bas na brtul shugs med kyang de kho na nyid mngon du bya'o/ /da ni sa'i rim pa bshad par bya ba'i phyir/ dang po las kyi sbyor ba yis/ /sa brgyad pa ni
- 421a
thob par 'gyur/ /snang ba gsum po mthong ba dag sa bcu la ni rab tu gnas/ zhes bya ba gsungs te/ las dang po pa ni bskyed pa'i rim pa'i rnal 'byor pa ste/ de'i sbyor ba ni dang po sbyor ba la sogs pa'i ting nge 'dzin gsum bsgom pa ste/ lus rnam par dben ba'i mdza' ce na gang yin ba de yis/ sa brgyad pa ni mi g.yo ba thob par 'gyur ro/ /don gyis ni rdo rje bzlas pa'i rim pas sa dgu pa thob pa dang/ snang ba gsum po mthong ba ye shes dbang du gyur pa'i phyir/ sa bcu pa thob bar 'gyur ro/ /de'i rjes las thob ba'i phyir/ sgyu ma'i sku sa bcu pa kho na'o/ /rim pa bzhi pas bcu gcig kun tu 'od kyis thob pa'o/ /de'i rjes las thob pa'i ye shes kyis rdo rje'i sku ni sa bcu gcig pa kho na'o/ /las dang po pa'i sa ni tshangs pa'i gnas la sogs pa bsgoms pas thob pa yin no/ /de ltar na sa bcu gnyis so shin tu bde ba dang/ shin tu myur bar rig pa'i skyes bu bsgom pas/ gang zhig tshe 'di nyid du sangs rgyas thob pa ste/ de nyid sa bcu gsum pa zhes bshad do/ /da ni gzhon nu don thams cad grub pas de kho na nyid thob nas/ gang mdzad pa de nyid bshad par bya ba'i phyir/ mngon par byang chub legs thob nas/ gtsang ma'i gnas su nye bar 'gro /sangs rgyas zhing nas mi ldog pas/ /tshe 'di nyid kyis thams cad mkhyen/ zhes bya ba gsungs te/ shAkya thub pa des mngon par byang chub thob nas sems can gyi don mdzad de/ gtsang ma'i gnas ni 'phags pa'i gnas su shes pa'o/ /sangs rgyas kyi zhing ni yongs su dag pa'i rang bzhin te/ de ru phyir mi ldog pas tshe 'di nyid du thams cad mkhyen pa thob pa yin pas drang ba'i don to/ /mngon par dad ba'i byang chub pa ni phyi'i smig rgyu la sogs pa mthong bas
- 421b
nang gi bdag nyid kyi mngon par byang chub pa mngon du byas nas gtsang ma'i gnas ni rang gi sems kho na 'gro pa'i ni de ru bzhugs pa'o/ /sangs rgyas ni yang dag pa'i ye shes te/ de'i zhing ni phung po la sogs pa'i rten te/ de ru mi ldog pa ni de rnams blang bya dang/ spang bya ma yin pa mdzad nas thams cad mkhyen pa thob pa ste/ nges pa'i don to/ /da ni 'dod chags kyi spyod pa'i 'bras bus byang chub rnam pa gsum bshad par bya ba'i phyir/ chos 'byung mngon par byang chub pa'i chags sogs rol mo rgya chen po/ /chos dbyings mngon par byang chub pa'i/ /ji ltar snyed pa'i spyod pas so/ /mngon par rtogs par gang gyur pa/ /bla med mngon par byang chub ba/ /spros bcas la sogs sbyod pa yis/ /rnal 'byor pa ni 'dir slob po/ / zhes bya ba gsungs te/ tshigs su bcad pa gnyis kyis 'bras bu dang bcas ba'i spyod pa gsum bstan to/ /de la spyod pa gsum ni spros pa dang bcas pa dang/ spros pa med pa dang/ shin tu spros pa med pa'o/ /de la dang po ni gsum rtseg gi khang pa 'am/ 'og tu khang pa byas la/ de nyid dar dbyangs dang/ ba dan dang/ rnga yab dang/ me tog gi phreng ba rnams kyis brgyan par byas la/ 'og khang du tshang bang dang/ bar khang du rol mo mkhan la sogs pa dang/ steng du sna tshogs pa'i gdan la bzhugs pa'i bdag nyid rdo rje 'chang dang/ shar la sogs pa'i phyogs nas sgo'i bar du/ kye ma'o/ /bde ma la sogs pa'i lha mo'i gzugs dang/ kha dog la sogs pa dpal ldan pa'i lha mo rnams rnam par bzhag la/ de rnams dang lhan cig tu 'dod pa'i yon tan lnga po la longs spyod la/ lag pa dang ngag gi brda rnams kyis de kho na nyid mtshon la/ sna tshogs pa'i byed pa dang/ yan lag bsgyur ba la sogs pa'i tha mal pa ma yin pa'i dga' ba'i sbyod pa rnams kyis chos
- 422a
'byung mngon par byang chub pa thob ba'i bar du gnas par bya ste/ rgyal po in+d+ra b+hU ti bzhin du/ rang gi gzugs yongs su gyur bas tshe 'di nyid du de rnams dang lhan cig tu phyag rgya chen po'i dngos grub thob par 'gyur te/ 'bras bu dang bcas pa'i spros pa'i spyod pa bstan to/ /gnyis pa ni zhag re re 'am/ zla ba re re 'am/ lo re re gzugs rdo rje ma la sogs pa'i lha mo bzhi dang lhan cig tu longs spyod la spyod par bya'o// gal te phun sum tshogs pa med na/ de'i tshe phyag rgya gcig dang/ lhan cig tu yul nas yul du bskor zhing ji snyed pa'i shing tog dang 'bras bu la sogs pa'i zas rnams kyis srog 'dzin pa tsam byas te/ ji srid chos kyi dbyings kyi mngon par byang chub pa thob par 'gyur ro/ /gsum pa ni ye shes kyi phyag rgya dang snyoms par zhugs pas mngon par rtogs par gang gyur pa/ zhes pa ni dang lhan cig tu bde ba ? la/ nags tshal gyi lha mo rnams las bza' ba rnyed cing chags pa med pa'i tshul gyis bla na med pa'i mngon par byang chub pa thob pa'i bar du bsgom bar bya'o/ /de ltar spyod pa'i dbye bas thabs kyi dbye ba ste/ byang chub ni gcig kho na'o/ /rten gyi dbye bas ming gi dbye ba tsam 'dir bstan pa ste/ byang chub la ni rang bzhin gyis dbye ba gang yang med do/ /da ni rang bzhin gyis grub pa'i de bzhin nyid la spyod pa spyod pa'i spros pas dgos pa med ba'o/ /zhes phyogs snga ma tshigs su bcad pa gcig gis bshad par bya ba'i phyir/ gdod nas grub pa'i rang bzhin can/ /ngo bo nyid kyis de 'grub na/ /bslab pa'i sbyor bas ci zhig bya/ /rtogs las de bzhin nyid mi skye/ /zhes bya ba gsungs te/ de bzhin nyid ni chos nyid de/ /de skyed par byed pa ma yin te
- 422b
thog ma dang tha ma med pa'i phyir ro/ /de bas na rang bzhin gyis grub pa kho na de yin te/ rtog pa las 'byung ba ni ma yin no/ /lam gyi sgo nas de bslabs na rtog pa kho na las skye bar 'gyur ro/ /'di'i lan gdab par bya ba'i phyir/ gang zhig de ltar 'di'i rtog na/ /ye shes rim pa spangs pa nyid/ /de yi dbye ba mi shes pas/ /slar yang slob par 'gyur ba yin/ zhes bya ba gsungs te/ bslab pa'i sbyor ba mi dgos so/ /zhes khyod kyi tshig rigs pa ma yin te/ snang ba la sogs pa ye shes gsum gyi rim pa yongs su spangs nas gang zag gi rang bzhin gyis grub pa'i rim pa rtogs pa de rnams de'i dbye ba ni rang bzhin dang snang ba rnams kyi dbye ba gang gi tshe rang bzhin gang 'byung ba dang/ de'i 'ang rang bzhin gang yin no zhes dbye ba mi shes pas las dang po bar 'gyur ro/ /de bas na de rnams kyis de'i dbye ba bslab par rigs pa yin no zhes tha tshig go /bslab pa de nyid bshad par bya ba'i phyir/ rang bzhin snang ba'i dbye shes shing/ de nyid bzhin pa la rten nas/ gang zhig rnam gsum la slob pa/ /de ni 'bras bu myur thob 'gyur/ zhes bya ba gsungs te/ rang bzhin ni brgya drug cu dang/ snang ba ni gsum ste/ de rnams kyis dbye ba shes pa'i rnal 'byor pas/ /de nyid bzhi pa la brten pa ni sems kyi 'od gsal ba 'am rang bzhin gyis 'od gsal ba la brten nas/ des ni 'bras bu myur thob 'gyur zhes pa ni mi gnas pa'i mya ngan las 'das pa'i mtshan nyid mngon du byed par 'gyur ro/ /de yang ji ltar zhe na/ gang zhig rnam gsum la slob ba/ zhes pa ni gal te sbyod pa gsum la slob na de'i tshe 'bras bu mngon du byed pa ste/ gzhan du ni ma yin no/ /zhes dgongs pa'o/ /'dir ni bsgom pa med na byang chub thob ba ma yin no zhes grub pa'i mdza' rnam par gzhag gi/ 'di nyid kyi dpe
- 423a
bstan par bya ba'i phyir/ ji ltar shing la mi gnas pa/ /ma gtsubs me ni 'byung mi 'gyur/ /de bzhin byang chub bslab bral bas/ /tshe 'di nyid la 'byung mi 'gyur /zhes bya ba gsungs te/ 'dir ni 'byung? ba chen po bzhi bdag nyid kyi dngos po rnams kyis la sogs pa phan tshun tha mi dad pa yin no/ /de bas me'i khams shing gi nang na gnas na yang rang snang bar mi 'gyur te/ de ru sa kho na snang ba yin no/ /nye bar len pa dang lhan cig byed pa'i rgyu rnams phan tshun phan par bya ba dang/ phan par byed pa'i dngos por gnas pa ste/ gtso bo dang yon tan gyi rang bzhin du gnas pa dang/ tshogs pa gcig la rag lus pa'i phyir ro/ /de bas na shing gi nang na gnas na yang med de ni ma gtsubs na 'gyur te/ de bzhin du chos nyid phung po la sogs pa la khyab par byed pa'i rang bzhin du gnas na yang bslab bral ba ni bsgom pa med na snang bar mi 'gyur ro/ /de bas na rdzogs pa'i rim pa la gnas pa'i rnal 'byor pas de nyid rtogs par bya ba'i phyir/ bsgoms pa'i lam la goms par bya'o/ /sems la dmigs pa'i rim pa sbyin par bya ba'i slob ma snod dang snod ma yin pa brtag par bya ba'i phyir/ gang zhig g.yo sgyu'i blo ldan le lo can dag dang/ nyon mongs bla ma'i skyon rnams mthong gi yon tan min/ /bla ma la smod dbang skur thob ces rloms sems 'gyur/ /blo dman sems ldan kun mkhyen yang dag 'thob mi 'gyur zhes bya ba gsungs te/ 'di lta bu'i slob ma gang yin pa de ni snod ma yin no/ /zhes bstan to/ /de gang yin zhe na/ g.yo sgyu'i blo ldan ni sems brang po med pa dang/ le lo can ni dge ba'i chos la 'bad ba med pa dang/ de bzhin du bla ma'i skyon kho na mthong ba dang/ yon tan ni man ngag dang/
- 423b
mkhas pa nyid la sogs pa mthong ba ma yin no/ /de bzhin du bla ma la smod pa ni bdag gi rdo rje slob dpon gyis cung zad mi shes te/ bdag gi rang gi rang byung gi shes rab kyi stobs kyi rgyud kyi don rtogs pa ste/ bdag la bla mas cad byas pa ma yin te zhes bya ba bla ma la smod pa'o/ /de bzhin du so so skye bo bdag dang 'dra bas thams cad mkhyen pa thob pa ma yin no zhes blo dman pa dang ldan pa'o/ /de bzhin du/ bsnyen bkur med par myur du de nyid thob par 'dod/ /yang dag tshig ma yin zhes kho bcas g.yo bar 'gyur/ /tshogs mang bla ma mthong na rgyab kyis phyogs par byed/ /de nas de ni dben par song nas phyag byad 'gyur/ /zhes bya ba ni go sla'o/ /de bzhin du/ de ltar rang bzhin ngan gyur dman pa'i slob ma ni/ /rang gi bur gyur yin yang gzhan bzhin yongs su spang/ /rgyal rigs rje'u rigs mchog las skyes gyur pa'ang/ /brtan pas nam yang de ni drung du bzhag mi bya/ /zhes bya ba ni rang bzhin ngan pa'i slob ma de lta bu rang gi bu yin yang spang bar bya'o/ bram ze la sogs pa'i rigs gsum po las 'byung ba rang bzhin ngan pa yin na/ snga ma bzhin spang bar bya'o/ /'di ni tsan dan lta bu'i gang zag ste/ rdzogs pa'i rim pa'i snod ma yin no/ /ji skad du/ thos pa nyung zhing nga rgyal ldan/ /rtsa ba med par mang du smra/ /rjes su bzung bar mi nus pa/ /tsan dan zhes bya'i gang zag go /zhes gsungs so/ /rin po che lta bu'i gang zag bshad par bya ba'i phyir/ /yon tan mchog ldan ye shes brtson bar bcas pa dang/ /yang na bla ma la gus sangs rgyas dang mnyam ltar/ /rgyal ba'i chos rnams rtogs shing bstan la shin tu dang/ /de 'dir snod gyur yin phyir de la drin sbyin bya/ zhes bya ba gsungs te/ de lta bu rin po che lta bu'i gang zag gang yin pa de ni rim pa 'di'i snod yin no/ /de yang ji lta
- 424a
bu yin zhe na/ yon tan mchog ni byams pa la sogs pa dang/ dad pa la sogs pa ste/ de dang ldan pa'o/ /ye shes brtson par bcas pa zhes bya ba la/ rigs pa'i gnas lnga la brtsol ba dang ldan pas ye shes dang bcas pa dang/ dge ba'i chos spyod pa la 'bad pa'i phyir brtson 'grus dang/ /bcas pa'o/ /de bzhin du bla ma ni rdo re slob dpon te de la sangs rgyas dang 'dra bar mthong ba dang/ de bzhin du rgyal ba'i chos ni sde snod gsum ste/ de la mkhas pa dang/ bcom ldan 'das kyi bstan pa la dad pa can gang yin pa de la drin sbyin bya ba ni rim pa gnyis pa'i don bshad par bya'o/ /de ni rin po che lta bu'i gang zag yin no/ /ji skad du/ tshul khrims dag cing mkhas la drang/ /shes rab ldan zhing rgyud gcig pa/ /thos nas legs par ston pa ni/ /rin chen zhes bya'i gang zag go /zhes gsungs so/ /da ni mdo gcig bu kho nas utpal dang/ pad+ma dkar po bshad par bya ba'i phyir/ / rgyud mang rab tu thos shing lung la legs sbyangs kyang/ /bla ma'i bsnyen bkur dman phyir lung thob ma gyur pa/ /de ni bdag phan tsam la 'ang dbang med bstan bcos brtsod/ /de yi bstan bcos skyo ba'i rgyu tsam 'ba' zhig yin/ zhes bya ba gsungs te/ rgyud dang lung ni bye brag smra ba la sogs pa mang po slob dpon mang po las lan mang du thos nas gang gis blo sbyangs kyang bdag rang mkhas pa yin no zhes bla ma rnams las man ngag ma thob pa gang yin pa de ni bdag la phan pa tsam yang byed par mi nus na/ gzhan gyi don la smos ci dgos/ /de bas na/ de'i bstan bcos skyo ba'i rgyu tsam yin te/ bstan bcos la rtsod pa'i phyir ro/ /de'i phyir de ni rang dang gzhan gyi don las 'das par 'gyur te/ dag gi
- 424b
don to/ /ji skad du/ de ni ma lus don thos nas/ /'dzin pa la ni rnam par mkhas/ /skad cig gis ni brjod gyur pa/ /utpal zhes bya'i gang zag go/ gzung bya lhag par mang thos kyang/ /ston pa yi ni nus pa med/ /bum pa'i ras bas sa bon 'dra/ /pad+ma zhes bya'i gang zag go /zhes bya ba gsungs so/ /slob ma'i bshad pa la snod du gyur pa'i yang rin po che'i gang zag bshad par bya ba'i phyir/ /rgyud mang thos shing shes ldan gnas drug shes pa dang/ /dran dang blo gros brtan blo brtson pa phun tshogs ldan/ /bla ma'i zhabs bkur bcas shing de nyid lung thob dang/ rgyud rgyal man ngag de yis bstan par 'os pa yin/ /zhes bya ba gsungs te/ rin po che lta bu'i gang zag ste/ de yis rgyud kyi rgyal po'i man ngag gzhan la bstan par nus pa yin no/ /sngar ni man ngag gi snod du gyur pa de rang bstan pas/ tshigs su bcad pa 'dis gzhan gyi don de yis bya bar rigs pa'o/ zhes bshad do/ /de yang ji lta bu zhe na/ rgyud mang po thos nas mdza' drug gi dbye bas rgyud bshad par nus pa dang/ ye shes ldan pa ni de kho na nyid rtogs pa dang/ de bzhin du dran pa la sogs pa'i 'jig rten las 'das pa'i dbang po dang ldan pa dang/ bla ma'i zhabs bkur bas gang gis man ngag thob pa'o/ /bsod nams yongs su bsngo ba bshad par bya ba'i phyir/ 'phags pa rdor can drin gyis rgyud rnams mang po thos/ /gsal bar rnams spros tshig gis byang chub lam ni rnam phye bas/ /shAkya'i bshes gnyen gyis ni dge ba gang bsags te/ mkhas shing gsal ba'i rnam smin byang chub snod gyur shog /zhes bya ba gsungs te/ byang chub lam ni rdo rje 'chang gi go 'phang thob pa'i lam 'di rnam par phye nas/ /bdag gis dge ba gang thob pa de yis sems can thams
- 425a
car byang chub snod gyur pa ni zung 'jug gi go 'phang la brten par gyur cig pa'o/ /bdag ji lta bu zhe na/ gang gis 'phags pa rdo rje can gyi drin ni rmi lam du mthong ba'i rdo rje 'chang chen po'i gnang ba'i rjes su gzung bas/ rgyud mang po thos nas mkhas par gyur te/ gsal ba'i tshig gis lam 'di phye ba'o/ /de bas na sems can kun yang mkhas par gyur pa gsal ba'i rnam par smin pas byang chub thob pa'i snod du gyur cig zhes pa ni yongs su bsngo ba'o/ /shAkya'i bshes gnyen zhes bya ba ni slob dpon gyi rab tu gshegs pa'i mtshan te/ dngos grub kyi mtshan ni klu sgrub ces pa'o/ /kha cig na re slob dpon nyid kyi slob ma shAkya bshes gnyen zhes bya ba ste/ slob dpon nyid kyis mdzad pa'i rab tu byed pa la slob ma'i ming 'jog pa ni shin tu dgyes pa'i phyir ro/ /de'i phyogs su don ni 'phags pa rdor can zhes bya ba la/ 'phags pa yang yin la/ rdo rje can yang yin pas/ 'phags pa rdor can ni klu sgrub ste/ de'i drin gyis rgyud mang po thos pa zhes bya ba la sogs pa snga ma bzhin no/ /thams cad dag cing rnam par dag pa zhes pa ni thams cad ni rang bzhin dang snang ba rnams kyi rim pas rang bzhin yongs su shes pas bla na med pa'i ni mchog tu gyur pa dgongs pa gang la yod pa de la de skad ces bya'o/ /de bas na sems rnam par dag pa'i rim pa zhes bya ba'i tshig gi don to// //rim pa lnga pa'i 'grel pa rim pa'i don gsal bar byed pa zhes bya ba las/ sems la dmigs pa'i rim pa ste gnyis pa'o/ /da ni bdag la byin gyis brlab pa'i rim pa rtsom pa'i dang por bcom ldan 'das rdo rje 'chang la phyag 'tshal ba'i phyir/ rdo rje can rnams kun gyi gtso/ /rdo rje che la phyag
- 425b
'tshal te/ /bdag la byin gyis brlab pa nyid/ /brtse bas bdag gis bshad par bya/ /zhes bya ba gsungs te/ sngar don bshad pa'i bdag la byin gyis brlab pa'i rim pa bdag gis bshad par bya zhes pa tshig gi 'brel pa'o/ /de yang rgyu gang gis she na/ brtse bas zhes pa ni thugs rje'i dbang gis so/ /de gang gi phyir rim pa 'di la ni thugs rje kho na rtsa ba'i rgyu yin te/ gzhan du na sems la dmigs pa'i rim pa la zhugs pas/ slar yang lha'i rnam pa yongs su gzung ba dgos pa med pa'i phyir ro/ /dgos pa ni sems can gyi don dang/ chad pa'i phyogs yongs su spang pa dang/ sngon gyi smon lam 'bras bu dang ldan pa ste/ de nyid brtse ba zhes bshad pa'o/ /ci byas nas bshad par bya zhe na/ rdo rje 'chang la phyag 'tshal de/ zhes pa ni de bzhin gshegs pa drug la phyag 'tshal nas so/ /ji lta bu yin zhe na/ rdo rje can kun ni de bzhin gshegs pa lnga ste/ de rnams kyi gtso bo ni bdag po'i bdag po nyid kyang chos nyid kyi rang bzhin te/ 'di yis rim pa 'di rdo rje 'chang chen po'i rang bzhin yin zhes bstan to/ /de sgra ji bzhin pa'o/ /dbang bskur thob pa'i slob ma la bdag la byin gyis brlab pa'i rim pa ston pa yin te/ gzhan la ni ma yin no zhes bshad par bya ba'i phyir/ de la dang por bskyed pa'i rim pa'i rjes su 'brangs nas/ dbang bskur thob cing rgyud rnam pa bzhi'i dgongs pa shes pas shes rab dang ldan zhing lus dang/ dag dang/ yid rnam par dben pa'i thos pa 'dzin pa/ bden pa rnam pa gnyis la lhag par mos pa/ rdo rje slob dpon yang dag par mnyes par byas te/ de'i 'og tu bla ma mnyes par gyur nas tshogs kyi mchod pa chen po byas la/ lo bcu drug pa rdo rje slob dpon chen po la phul te/ de'i 'og tu bla ma'i zhal nas bdag la byin gyis brlab pa'i man ngag thob nas/ de'i 'og
- 426a
tu 'phreng ba dang/ chu dang/ rdzogs pa'i sangs rgyas dang/ rdo rje dang/ dril bu sbyin pa dang/ me long dang ming dang/ slob dpon dang/ rjes su gnang ba ste/ de dag dang bcas par gsang ba'i dbang bskur ba thob nas bstod pa 'dis bla ma la bstod par bya'o/ /zhes bya ba gsungs te/ bdag la byin gyis brlab pa'i rim pa thob pa'i phyir/ slob ma 'di lta bus bla ma la bstod par bya'o/ /zhes tshig gis 'brel pa'o/ /slob ma ji lta bu zhe na/ dang po bskyed pa'i rim pa'i rjes su 'brangs nas dbang bskur thob pa zhes pa ni dam tshig dang sdom pa gzung ba sngon du 'gro ba'i mi skyong ba la sogs pa'i rang bzhin gyis chu la sogs pa'i dbang rnams kyis dbang bskur ba thob pa ni rig pa'i dbang bskur ba thob pa'o zhes ston pa'o/ /phyir mi ldog pa'i dbang bskur ba yang bskyed pa'i rim pa'i dbang bskur ba yin te/ de yang thob pa'o zhes shes par bya'o/ /de bzhin du/ rgyud rnam pa bzhi'i dgongs pa shes pa zhes bya ba na bya ba dang/ spyod pa dang rnal 'byor dang rnal 'byor chen po rgyud rnams kyi dgongs pa gang yin pa de shes pa dang/ shes rab dang ldan pa ni rigs pa so sor thob pa'i shes rab dang ldan pa rin po che lta bu'i gang zag ste/ chos la dmigs pa las byung ba'i shes rab dang ldan pa'i tsan dang lta bu la sogs pa'i gang zag ni ma yin no/ /de gang gi phyir/ chos nyid so sor thob pa'i shes rab ni rdo rje theg pa rnams kyi yin te/ sangs rgyas kyi theg pa pa rnams kyi ni ma yin no/ /zhes dgongs pa'o/ /de bzhin du lus dang/ ngag dang/ yid rnam par dben pa'i thos pa 'dzin pa zhes ba ni lus rnam par dben pa ni ting nge 'dzin ni gsum sngon du 'gro ba rigs brgya'i dbye ba'i bar du'o/ /ngag rnam par dben
- 426b
pa ni rdo rje bzlas pa dang/ yid rnam par dben pa ni sems la dmigs pa ste/ de rnams kyi thos pa 'dzin pa de ni thos pa tsam 'dzin pa ste/ slob pa'i lam la gnas pa'i phyir/ mngon du byed pa ni ma yin no/ /de nyid kyi phyir bden pa rnam pa gnyis la lhag par mos pa zhes bya ba la/ sgyu ma lta bu'i ting nge 'dzin kun rdzob kyi bden pa dang/ 'od gsal ba don dam pa'i bden pa ste/ de gnyis la lhag par mos pa ni sgyu ma'i sku dang 'od gsal ba gnyis su med par byed pa la mos pa dang ldan pa ste/ zung 'jug gi rim pa thob pa'i phyir/ mos pa dang ldan pa'o/ /zhes bya ba'i don to/ /slob ma de lta bus rdo rje slob dpon yang dag par mnyes pa ni bkur sti la sogs pas thugs dgyes par byas la/ de nas bla ma de la tshogs kyi 'khor lo'i nang du mchod pa bya'o/ /mchod pa de yang rgyud gzhan las rtogs par bya'o/ /lo bcu drug pa phul ba ni nye bar mtshon pa tsam yin te/ lo bcu gnyis pa dang/ lo nyi shu pa yang rigs kyi dbye bas de la phul bar bya'o zhes ngag gi don to/ /de nas bla mas slob ma de la gsang ba dang shes rab dang shes rab ye shes sbyin la bdag la byin gyis brlab pa'i rim pa bstan par bya'o/ /'dis ni 'di ltar bshad pa yin te/ slob ma gang gis slob dpon dang/ gsang ba dang/ shes rab dang/ shes rab ye shes zhes bya ba'i dbang bzhi pos/ dbang bskur ba dang/ rjes su gnang ba de la bdag la byin gyis brlab pa bstan par bya ste/ gzhan la ni ma yin no zhes dgongs pa'o/ /'dir ni bskyed pa'i rim pa'i rnal 'byor pa gang rang gi don 'dod pa de la dbang bskur ba lnga sbyin par bya ste/ gzhan gyi don la 'jug na de la slob dpon gyi dbang sbyin par bya'o/ /rdzogs pa'i rim pa 'dod na sngar bshad pa gnyis pa dang/ phyi ma gnyis de la sbyin
- 427a
par bya'o zhes dgongs pa'o/ /rim pa gnyis kyi rnal 'byor pa rnams la dbang bskur ba bzhi yang sbyin par bya'o/ /de gang gi phyi bskyed pa'i rim pa'i rnal 'byor pas kyang dkyil 'khor rgyal po mchog gi ting nge 'dzin gyi phyogs su phyag rgya la brten pa kho na yin te/ de med na dkyil 'khor rdzogs par mi 'gyur ba'i phyir ro/ /rdzogs pa'i rim pa ni slob ma de la bshad par mi bya ste/ de la mos pa med pa'i phyir ro/ /de'i 'og tu bla ma'i zhal nas bdag la byin gyis brlab pa'i man ngag thob nas zhes bya ba ni slob ma de lta bu la bla mas bdag la byin gyis brlab pa'i rim pa bshad par bya'o/ /zhes ston to/ /de'i 'og tu 'phreng ba zhes bya ba la sogs pas sngar bshad pa'i don kho na bstan pa yin no// 'phreng ba dang chu zhes bya ba la sogs pa go sla'o/ /rdzogs pa'i sangs rgyas ni sangs rgyas lnga'i rang bzhin gyi cod pan gyi dbang bstan pa'o/ /gsang ba'i dbang bskur ba thob nas zhes bya ba ni gsang ba ni rnam pa gsum ste/ ngag dang/ yid dang/ ye shes kyi gsang ba'o/ /de la ngag gi gsang ba ni byang chub kyi sems la spyod pa dang/ yid kyi gsang ba ni shes rab kyi dbang bskur ba dang/ ye shes kyi gsang ba ni shes rab ye shes te/ de ni bla ma'i man ngag las mtshon par bya'o/ /de rnams thob nas bla ma de dgyes par bya ba'i phyir/ bstod pa bshad par bya ba'i phyir/ khong stong khyod kyi sku la med/ /sha dang rus pa khrag kyang med/ /nam mkha' la ni 'ja' tshon ltar/ /khyed kyi sku ni ston par mdzad/ /zhes bya ba gsungs te/ re zhig rnam par snang mdzad kyi rang bzhin gyis bstod pa yin no/ /de la khyod kyi sku gang yin pa de la khong stong la sogs pa yod pa ma yin te/ sku rdo rje'i rang bzhin yin pa'i phyir ro/ /'o na de rnams med na de ji ltar snang bar 'gyur zhe na/
- 427b
nam mkha' la ni 'ja' tshon ltar zhes bya ba la/ ji ltar nam mkha' la kha dog lnga dang ldan pa'i brgya byin gyi gzhu so sor snang ba'i phyir/ med pa gnyis las 'das pa dang/ /mthong ba tsam gyis 'jig pa'i phyir/ /yod pa gnyis las 'das pa ste/ /de bzhin du/ khyod kyi sku sems can gyi don du ston par mdzad pa'o/ /zhes ngag gi don to/ /snang ba mdza' yas kyi sgo nas bstod pa bshad par bya ba'i phyir/ sku la bsnyun med mi gtsang med/ /bkres dang skom pa 'byung med kyang/ / khyed ni 'jig rten rjes 'jug phyir/ /'jig rten bya ba ston par mdzad/ /ces bya ba gsungs te/ so sor rtog pa'i ye shes kyi rang bzhin yin pas/ khyed kyi sku la bsnyun pa la sogs pa yod pa ma yin no/ /de gang gi phyir so sor rtog pa'i ye shes na yang dag pa'i rnam par dpyad pa'i bdag nyid de/ de'i gtsang ba dang/ mi gtsang ba la sogs pa'i chos rnams 'grub pa ma yin te/ rang bzhin gyis 'od gsal ba'i phyir ro/ /'jig rten rjes su 'jug pa'i phyir/ 'jig rten gyi bya ba khyed kyis ston par mdzad pa ste/ de ni gsung gi rang bzhin gyis snang ba mdza' yas bstan pa yin no/ /rin chen 'byung ldan gyi sgo nas bstod pa bshad par bya ba'i phyir/ chu zla bzhin du bzung du med/ /chos rnams kun la gnas pa med/ /nga rgyal med cing rmongs mi mnga' / /dmigs med khyod la phyag 'tshal lo/ /zhes bya ba gsungs te/ khyod la phyag 'tshal lo zhes tshig gi 'brel pa'o/ /de ji lta bu yin zhe na/ chu zla ni chu'i nang na gnas pa'i gzugs brnyan gyi zla ba bzhin du bzung du med pa ni sgyu ma'i rang bzhin lta bu'o zhes tshig gi 'brel pa'o/ /de bzhin du chos rnams kun ni phung po la sogs pa ste/ de la gnas pa med pa ni chags pa mi mnga' ste/ nam mkha' i khams kyi rang bzhin no/ /nga rgyal med pa ni nga rgyal gyi rnam par ngag pa'i rang bzhin yin pa'i phyir ro
- 428a
rmongs pa mi mnga' zhes pa ni gti mug rnam par dag pa'i rang bzhin te/ gti mug dang nga rgyal rang bzhin gcig yin pa'i phyir ro/ /de gang gi phyir nga rgyal ni gti mug las 'byung ba'i phyir ro/ /spyod pa bsdus pa'i sgron ma las kyang nga rgyal ni gti mug gi rigs la bsdu bar bya'o/ /zhes gsungs so/ /de nyid kyi phyir khyod dmigs pa med pa ste/ nam mkha' i rang bzhin yin pa'i phyir ro/ /de yang gang gi phyir nam mkha' la ni dmigs pa gang yang med do zhes ston to/ /don yod grub pa'i sgo nas bstod pa bshad par bya ba'i phyir/ gshegs dang bzhugs dang de bzhin gzims/ /spyod lam dag ni thams cad du/ /khyed ni rtag tu mnyam gzhag pa/ /dmigs med khyod la phyag 'tshal lo/ zhes bya ba gsungs te/ gshegs pa la sogs pa spyod lam gang yin pa de rnams thams cad du khyed ni rtag tu mnyam par bzhag pa ste/ de bas ni khyed dmigs med ni de rnams mi dmigs pa'i phyir ro/ /'dis ni bya ba nan tan grub pa'i rang bzhin don yod pa'i bdag nyid khyod la phyag 'tshal ba bstan to/ /mi bskyod pa'i sgo nas bstod pa bshad par bya ba'i phyir sgyu ma lta bu'i ting nge 'dzin gyis/ rdzu 'phrul che la rnam 'phrul zhing/ /sna tshogs min la rab 'jug pa/ /dmigs med khyod la phyag 'tshal lo/ /zhes bya ba gsungs te/ sgyu ma lta bu'i ting nge 'dzin ni gcig dang/ du ma dang/ yod pa dang/ med pa gnyis las 'das pa'i chos kyi dbyings kyi ye shes te/ de yis rnam 'phrul ba ni 'gro ba'i don la mdzad pa 'jug pa'o/ /'di gcig bur ma zad kyi ji srid rdzu 'phrul chen pos dkyil 'khor gyi 'khor lo'i bdag por 'gyur zhing/ lha sum cu rtsa gsum spro zhing rnam 'phrul ni rnam par mdzes pa'o/ /sna tshogs min la snyoms 'jug pa/ /zhes pa ni dkyil 'khor ba so sor
- 428b
snang ba'i dbye ba yod na yang sna tshogs pa ma yin te/ don dam pa'i dkyil 'khor dus sam/ bya ba byas pas 'od du zhu ba'i skabs su gcig tu gyur pa'i phyir ro/ /rgyu 'di nyid kyis dmigs pa med pa ni phung po dang/ khams dang skye mched kyi rigs brgya'i dbye ba shes nas/ lus rnam par dben pa rtogs nas dmigs pa med pa'o/ /yang na dmigs pa ni 'jug pa la sogs pa dang/ me'i dkyil 'khor la sogs pa ste/ de rnams ma ning gi bzlas pas 'od gsal ba nyid du mdzad pas dmigs pa med pa'o/ /yang na rang bzhin gyi snang ba dang/ rlung dang/ rnam par shes pa gsum po thams cad rtogs pa dang/ snang ba med par mdzad pas na dmigs pa med pa ste/ 'dis ni lus ngag yid rnam par dben pa rtogs pas/ mi bskyod pa'i rang bzhin khyod la phyag 'tshal ba bstan to/ /bstod pa byas nas gsol ba gdab par bya ba'i phyir/ de ltar rdo rje slob dpon zhes bya ba la sogs pa gsungs te/ de ltar ni sngar bshad pa'i yang dag pa'i bstod pa'i sgo nas bstod la/ slar yang 'og nas bshad par 'gyur ba'i tshigs su bcad pa gnyis kyis rim pa gsum pa thob par bya ba'i phyir/ rdo rje slob dpon la gsol ba gdab par bya'o/ /tshigs su bcad pa de dag bshad par bya ba'i phyir/ kun mkhyen ye shes phung po can/ /srid pa'i 'khor lo rnam sbyor ba/ /de ring bshad pa'i rin chen gyis/ /gtso bos bdag la bka' drin stsol/ /khyod zhabs pad+ma spangs nas ni/ /gtso bo gzhan la skyabs ma mchis/ /'gro ba'i dpa' o thub chen gyis/ /de bas sangs rgyas mchog drin gsol/ /zhes bya ba gsungs te/ bdag la bshad pa'i rin chen gyis/ /bka' drin gsol cig ces pa ni tshig gi 'brel pa'o/ /bshad pa ni rim pa gsum pa ji lta ba bzhin du gsal bar gyur ba ste/ de nyid 'dod pa thams cad rdzogs par byed pa'i phyir dang/ rin thang med pa'i phyir rin chen
- 429a
no/ /khyod ji lta bu yin zhe na/ kun mkhyen ye shes phung po can/ /zhes bya ba la/ kun mkhyen ye shes ni me long lta bu la sogs pa'i ye shes lnga ste/ de rnams kyi phung po ni cig car du 'dus pa ste/ de yis srid pa'i 'khor lo rnam sbyong ba/ zhes pa ni yod pa dang/ med pa la sogs pa'i dbye bas dbye bar gyur pa'i srid pa'i 'khor lo sbyong ba ni de'i rang bzhin yongs su shes par mdzad pa'o/ /gtso bo ni rdo rje 'chang chen po'i rang bzhin te drug pa'o/ khyod zhabs pad+ma spangs nas ni zhes bya ba la sogs pa la/ khyod kyi zhabs kyi pad+ma yongs su spangs nas/ bdag la skyabs ni brten pa'i gnas yod pa ma yin te/ de'i phyir bka' drin gsol cig pa'o/ /sangs rgyas mchog zhes bya ba ni mi bskyod pa'i sgo nas 'bod pa dang/ 'gro ba'i dpa' bo zhes bya ba ni gsung gi rdo rje'i sgo nas 'bod pa dang/ thub chen zhes bya ba ni sku rdo rje'i sgo nas 'bod ba'o/ /de ltar gsol ba btab pa gsan nas bla ma'i mdzad pa bshad par bya ba'i phyir/ de ltar 'jigs med gsol 'debs pa'i/ /tshig dag thos par gyur nas ni/ /snying rje slob ma la skyed de/ /de nas bdag la byin brlab brtsam/ /zhes bya ba gsungs te/ slob ma'i tshig dag 'jigs med ni gsol ba btab pa la mkhas pa'i tshig ji lta ba bzhin du bstod pa la sogs pa las ma 'das pa ste/ de gsan nas slob ma de'i steng du thugs rje chen po bskyed la bla mas bdag la byin gyis brlab pa'i rim de la brtsam pa ni bshad par bya ste/ sgra ji bzhin pa'o/ /de nyid bshad par bya ba'i phyir/ bdag byin gyis brlabs pa'i rim pa zhes pa/ kun rdzob bden ba mthong ba ste/ /de ni bla ma'i drin dag gis/ thob par 'gyur gyi gzhan du min/ /zhes bya ba gsungs te/ gang zhig snang ba nye bar thob pa la sogs pa'am/ cig car du sngon gyi smon lam gyi
- 429b
dbang gis ye shes kyi sku 'byung ba de'i bden pa mthong ba sgyu ma la sogs pa'i dpe bcu gnyis kyis nye bar mtshon pa gang yin pa de ni bdag la byin gyis brlab pa'i rim pa zhes bshad do/ /de la sgyu ma'i dpe bcu gnyis dang sbyar ba rnam bshad pa bzhin du shes par bya'o/ /de yang rtsa ba sgyu ma'i dpe yin te/ nye ba'i sgyu ma'i dpe de dang sbyar bar bya'o/ /de yang gang yin zhe na/ skar ma dang/ rab rib dang/ mar me dang/ sgyu ma dang/ zil pa dang/ chu shing dang/ nyi ma'i 'od zer dang/ dri za'i grong khyer dang/ mgal ma'i 'khor lo dang/ btsub shing la 'byung ba'i me dang/ mo gsham gyi bu dang/ nam mkha' i me tog ste/ de rnams dang sbyar la bdag la byin gyis brlab pa'i rim pa bstan to/ /de yang bla ma'i drin gyis thob par gyur te/ rang bzo ni ma yin no/ de gang gi phyir rdo rje slob dpon gyis go bzlog pa 'am/ cig car kyi rim pas de kho na nyid gsum pa ma bstan na/ de'i slob mas de'i rang bzhin shes pa ma yin te/ sgyu ma'i dpe dang gang sbyar bar bya'o/ /zhes bla ma'i man ngag med na de yang shes par mi 'gyur ro/ /de bas de'i bsnyen bkur kho na bya'o/ /'dir ni kun rdzob kyi bden pa mthong ba rjes su smras nas/ bdag la byin gyis brlab pa'i rim pa ma shes pa shes par bya'o/ /rim pa gsum pa med na bstan bcos la 'bad pa don med pa yin no zhes bshad par bya ba'i phyir/ bdag la byin gyis brlab pa'i rim/ /gang gis rnyed par mi 'gyur ba/ /mdo sde rgyud dang rtogs pa la/ /de yi ngal ba don med 'gyur/ /zhes bya ba gsungs te/ sngar bshad pa'i bdag la byin gyis brlab pa'i rim pa gang gis bla ma'i zhal nas ma rnyed pa de'i mdo sde la brtson pa la 'bad pa ni brtsol ba 'bras bu med par 'gyur te/ sgyu ma lta bu'i ting nge 'dzin mngon du ma byas pa'i phyir ro/ /de gang gi phyir dngos po 'dzin pa la sgom pa 'khor ba kho na yin pa'i phyir ro/ /ji skad du/ dge ba
- 430a
'am ni mi dge ba'i/ /rnam rtog dbye ba gang yang med/ /me yis bsreg par byed pa la/ /gzhi yi dbye ba dbye yod min/ /tsan dan la yang 'bar ba ste/ /rag na sreg bar byed pa yin/ /zhes bya bas sogs pa gsungs so/ /chos kyi dbyings yongs su zhes pa las kyang/ thub pa chen po'i chos phung po/ /brgyad khri dang ni bzhi stong la/ /gang gis de nyid mi shes na/ /de dag thams cad 'bras bu med ces bya ba gsungs so/ /de thob na phan yon bstan par bya ba'i phyir/ bdag la byin brlab rim thob pa'i/ /gtso bo sangs rgyas kun bdag nyid/ /tshe 'di nyid du sangs rgyas ni/ /the tshom med par thob par 'gyur/ zhes bya ba gsungs te/ bdag la byin gyis brlab pa'i rim pa thob nas/ tshe 'di nyid du sangs rgyas thob par 'gyur zhes pa ni tshig gi 'brel pa'o/ /tshe 'di nyid du ni ci'i phyir zhe na/ chos mthong ba la mya ngan 'das/ /de tshe bya ba byas pa yin/ /zhes bya ba 'byung ba'i phyir ro/ /rim pa ji lta bu zhe na/ sangs rgyas kun bdag nyid ces pa ni/ sems can gyi mos pa'i dbang gis de bzhin gshegs pa lnga'i rang bzhin dang/ de bzhin du gtso bo ni drug pa ste/ rdo rje 'chang chen po'i rang bzhin no/ /'di nyid kyi rgyu dang 'bras bu'i bye brag bshad par bya ba'i phyir bdag byin brlab pa'i ting 'dzin dang/ /de bzhin 'od gsal ba yi gnas/ /rgyu dang 'bras bu'i khyad par gyis/ /bden pa gnyis su bstan pa yin/ /zhes bya ba gsungs te/ 'dir ni rten cing 'brel par 'byung ba kho nar sgyu ma'i ting nge 'dzin te/ de la rgyu dang 'bras bu'i bye brag yod pa rigs so/ /de la sems kyi 'od gsal ba ni rgyu dang 'bras bu'i khyad par bdag la byin gyis brlab pa ni 'bras bu ste/ de las de 'byung ba'i phyir ro/ /bden pa gnyis kyang 'di nyid yin te/ gang zag
- 430b
don dam pa'i bden pa dang/ kun rdzob kyi bden pa dang/ ji skad du/ rnam rtog kun rdzob bshad pa ste/ /rnam par rtog pa gzhan byed gang/ /rnam par rtog pa zlog pa gang/ /de nyid don dam bshad pa yin/ /zhes bya ba 'byung ngo/ /de bas na ni 'dir kun rdzob kyi bden pa mthong ba sgyu ma'i ting nge 'dzin kho na rnam par rtog pa yin no/ /de ni dbye ba gzhan gyis rgyu dang 'bras bu'i bye brag bshad par bya ba'i phyir/ bdag byin brlab pa'i rim gyis ni/ /'od gsal ba ni thob par 'gyur/ /de bas rdo rje slob dpon gyis/ /dang por bdag la byin brlab bstan/ /zhes bya ba gsungs te/ yang na bdag byin gyis brlab pa'i rgyu dang/ rang bzhin gyi 'od gsal ba 'bras bu ste/ de'i rim gyis de rtogs pa'i phyir ro/ /rgyu 'di nyid kyis/ dang po bdag la byin gyis brlab pa'i rim pa rdo rje slob dpon gyis slob ma la bstan par bya'o/ /de bas na rim pa gsum pa la bltos nas rim pa gnyis pa rgyu ste/ gsum pa 'bras bu'o/ /de bzhin du rim pa bzhi pa la bltos pas rim pa gsum pa sgyu ste/ bzhi pa 'bras bus so/ /de bas na bdag la byin gyis brlabs pa ni rgyu yang yin la 'bras bu yang de nyid yin no/ /'od gsal ba rgyu yang yin la 'bras bu yang de nyid yin no zhes grub pa'i mdza' o/ /'dis ni gang la yang rgyu dang 'bras bu'i dngos po yod pa ma yin no/ /zhes bstan pa ste/ dngos po thams cad bltos pa dang bcas pa'i phyir ro/ /de bas na gang zhig bltos pa de nyid gzhan dbang yin rang bzhin med pa de nyid yin no/ /nga ni 'gro ba sgyu ma'i lta bur yongs su ma shes pa dang/ de'i rgyu nyid bshad par bya ba'i phyir/ 'gro kun rang dbang med pa ste/ /rang dbang du ni 'byung ma yin/ /de yi rgyu ni 'od gsal ba/ /'od gsal thams cad stong pa'o/ /zhes bya ba gsungs te/ 'gro ba 'di thams cad sgyu ma lta bu nyid ma shes pas/ rten cing 'brel pa las skye
- 431a
bar 'gyur ba ste/ de nyid rang dbang ni de las ldog pas sgyu ma la sogs pa'i rang bzhin rtogs na skye bar mi 'gyur te/ glo bur gyi dri mas bkag pa'i phyir ro/ /'o na glo bur gyi dri ma gal te rang dbang ma yin par byed pas nus na/ de'i tshe rnams de las tha dad pa'am/ tha mi dad pa yin/ gal te tha dad na de'i tshe 'bras bu sgyu ma lta bu'i ting nge 'dzin dang/ rgyu 'od gsal ba tha dad par 'gyur ro/ /de yang 'dod pa ma yin te/ de'i khyab pa nyid nyams pa'i phyir ro/ /gal te de rnams tha mi dad na de'i tshe bdag nyid gcig yin pa'i phyir rgyu dang 'bras bu dag dri ma dang bcas par 'gyur ro/ /'dir smras pa/ tha dad pa dang tha mi dad pa dag gis dri ma de rnams brjod du med pa ste/ gang gi phyir 'od gsal ba dang/ bdag la byin gyis brlab pa dag rang bzhin yongs su dag pa'i phyir/ tha dad pa ma yin no/ /dri ma de rnams de'i rang bzhin yin na yang las dang/ 'bras bu'i gzugs su snang ba'i phyir tha mi dad par yang brjod par mi bya'o/ /'o na de ltar yin na bcings ba dang/ grol ba'i tha snyad ji ltar bya zhe na/ yongs su ma shes pa dang/ de las gzhan gyis byas pa'o/ /zhes kho bo cag smra ba yin no/ /de yang gang las 'byung zhe na/ smras pa/ rang bzhin bskyed pas skyes ba rmongs pas phrag la bkal ba'i bu brjed pa lta bu'o/ /de bzhin du 'dra ba'i phyir 'khrul ba 'byung ste/ thag pa la sprul gyi blo lta bu'o/ /de bas na dpe de bzhin du/ sgyu ma lta bu'i rang bzhin gang yin pa de nyid de las gzhan du snang bar 'gyur te/ de'i rgyu ni 'od gsal ba kho na yin pas/ sngar bshad pa bzhin du thams cad stong pa zhes brjod pa yin no/ /de ni bcings ba dang grol ba'i rang bzhin bshad par bya ba'i phyir/ sems gang gis ni byis pa rnams/ /'khor bar 'ching bas bcings 'gyur bas/ sems
- 431b
de nyid kyi rnal 'byor pa/ /bde gshegs gnas su 'gro bar 'gyur/ /zhes bya ba gsungs te/ byis pa ni sgyu ma'i rang bzhin ma shes pa'i rang gi sde pa dang/ gzhan gyi sde pa rnams 'khor ba ni 'gro ba rigs lnga'i rang bzhin la sems gang gi bcings par 'gyur ba sems de nyid ni sgyu ma'i rang bzhin rtogs pas rnal 'byor pa rnams kyi bde bar gshegs pa'i go 'phangs thob par 'gyur ro/ /de gang gi phyir rang bzhin dang/ snang ba'i ngo bo 'khor ba ste/ de nyid sgyu ma lta bu yongs su shes pa 'am/ /de'i rgyu shes pas thar pa yin no/ /gal te 'di dag thams cad sgyu ma lta bu yin na/ skye ba dang 'jig pa dag ji ltar so sor snang ba yin zhe na/ de dag so sor snang ba ma yin no/ zhes bshad par bya ba'i phyir/ 'dir ni gang yang skye ba med/ /gang yang 'chi ba yod ma yin/ /sems kyi rang bzhin rnam gnas par/ /'khor ba nyid ni shes par bya/ /zhes bya ba gsungs te/ gtsub shing dang/ skyes bu'i lag la sogs pa'i bya ba las 'byung ba'i me'i rnam par dpyad na/ gang las kyang 'byung ba ma yin te/ 'on kyang rgyu rkyen de rnams tshang bas skye ba ltar mthong ba yin no/ /gang zhig phun sum tshogs pa las 'byung ba de ni 'byung ba ma yin te/ ji skad du/ de de rten las gang 'byung ba/ /de ni don dam 'byung ba min/ /gang zhig rang bzhin ma byung ba/ /de ni 'byung ba ji ltar yon/ /zhes bya ba gsungs so/ /'dir ni sbyor ba 'di yin te/ /dngos po thams cad ni chos thams cad dang/ skye ba dang/ 'jigs pa bral ba ni bsgrub bya dang/ rten cing 'brel ba las 'byung ba'i phyir ro/ /zhes gtan tshigs so/ /gang dang gang rten cing 'brel pa las 'byung ba de dang de skye ba la sogs pa dang bral ba ste/ sgyu ma'i skyes bu lta bu'o/ /mi mthun pa'i dpa ni dmid pa kho na'o/ /de bas skye ba med pa'i phyir/ 'chi ba yang yod pa ma yin te/ mo gsham bu
- 432a
la ljang khu dang dkar po la sogs pa lta bu'o/ /'o na de ltar yin na/ skye ba dang 'jig pa ji ltar snang bar 'gyur zhe na/ smras pa/ 'jig rten gyi kun rdzob tu snang ba ste/ don dam par ni ma yin no/ /ji skad du/ gnas pa skye ba de bzhin 'jig pa dang/ yod med dman pa 'bring dang khyad par gang/ /'jig rten tha snyad dbang du sangs rgyas kyis/ /gsungs te de nyid dbang du yod pa min/ /zhes bya ba rje btsun gyi zhal snga nas kyis gsungs pa'i phyir ro/ /de bzhin du/ gang zhig skye ba rnams ni kun rdzob bden pa'i ming/ /de bzhin 'chi ba'i ming ni don dam bden pa nyid/ /phyogs ni de de gnyis po zung 'jug rgyu ba nyid/ /gang gis shes te bcings pa las ni grol bar 'gyur/ /zhes bya ba 'phags pa'i lhas kyang gsungs so/ /de bas na 'khor ba 'di sems kyi rang bzhin rnam gnas par zhes bya ba ni rang bzhin dang snang ba'i ngo bor shes par bya'o/ /de nyid kyi dbye ba gzhan bshad par bya ba'i phyir/ rlung gi sbyor ba med par ni/ /sems kyi rang bzhin gzung du med rang bzhin rgyur gyur sems las ni/ /las dang skye ba kun tu 'byung/ /zhes bya ba gsungs te/ gang zhig rnam par shes pa gsum gyi rang bzhin gyi sems de ni rlung gi sbyor ba med na gzung du med pa ni dmigs par mi 'gyur te/ rlung gi shing rta la zhon pa kho na 'dis yul rnams gzung bar byed pa'o/ /sems de nyid rang bzhin brgya drug cu'i rgyu yin te/ de las dge ba dang mi dge ba'i las kyis dbang gis bde 'gro dang ngan 'gro dag las skye bar 'gyur ba'o/ /ji skad du/ rlung ni 'di nyid khams chen po/ /rnam par shes pa gsum gyis zhon/ /de la rtag tu rang bzhin rnams/ /ji ltar bshad par 'byung bar 'gyur/ /zhes bya ba rdo rje 'phreng ba las kyang gsungs so/ /sems de nyid sgyu ma'i sku yin no zhes bshad
- 432b
bar bya ba'i phyir/ de nyid rlung dang yang dag ldan/ /rnam shes gsum po slar yang ni/ /rnal 'byor pa yi lus su 'byung/ /sgyu ma'i sku zhes de la bshad/ ces bya ba gsungs te/ sems la dmigs pa'i rim pas/ rang bzhin dang snang ba? rnams mi snang bar byas na yang/ 'on kyang dpa tsam la rnal 'byor pa gnas pa yin te/ rang bzhin gyi 'od gsal ba ni ma yin no/ /de bas na rang bzhin dang snang ba de rnams shin tu phra ba gang yin pa de dang ldan pa'i sems tsam las cig car rim go bzlog pa'i rim pa las 'byung ba'i sku ni sgyu ma'i zhes bshad pa ste/ sgyu ma'i dpe rnams kyis de'i dri ma rnams rnam par sbyang ba'i phyir ro/ /slob dpon zla ba grags pas kyang/ kun rdzob bden pa mthong ba ni/ /rim pa gsum pa dgyes pa yin/ zhes bya ba gsungs so/ /mnyam par bzhag pa'i rnal 'byor bshad nas/ mnyam par ma bzhag pa'i rnal 'byor bshad par bya ba'i phyir/ de bas 'di ltar 'gro ba kun/ /sgyu ma lta bur 'di bshad de/ sgyu ma lta bu'i ting 'dzin gnas/ /thams cad de dang 'dra bar mthong/ /zhes bya ba mdor bstan pa ste go sla'o/ /gzugs dang tshor ba nyid dang ni/ /'du shes dang ni 'du byed rnams/ /lnga pa rnam par shes pa dang/ /de bzhin khams ni bzhi po dang/ /mig la sogs pa'i yul rnams nyid/ /shes pa lnga po 'di dag ste/ /phyi dang nang du rnam phye ba/ /thams cad sgyu ma las gzhan min/ /zhes bya ba gsungs te/ sgyu ma'i ting nge 'dzin la gnas pa'i rnal 'byor pas/ gzugs la sogs pa'i sgra rnams kyi brdar byas pa'i de bzhin gshegs pa dang/ lha mo dang/ byang chub sems dpa' rnam par dag pa dang bcas pa de rnams dang/ de bzhin nang gi yan lag dang/ nying lag gi rang bzhin gyi khro bo dang/ de'i btsun mo rnams dang/ phyi nang snod kyi 'jig rten gyi
- 433a
rang bzhin gyi gzhi'i dkyil 'khor gang yin pa de dag thams cad/ sgyu ma'i rang bzhin du mthong ba ste/ de las gzhan ma yin pa ni rtogs pa'i rnal 'byor pa lta bu'o/ /dgongs pas bshad pa'i snying po can gyi sbas pa'i don to/ /sgyu ma'i dpe sbyar bar bya ba'i phyir/ me long nang gi gzugs brnyan gyis/ /sgyu ma'i lus 'di shes par bya/ /kha dog rnams ni gzha' lta bu/ /khyab ba chu yis zla bas so/ /zhes bya ba gsungs so/ /sgyu ma'i sku'i rang bzhin me long gi gzugs lta bu ste/ so sor snang ba yang bcu de nyid dang gzhan nyid las 'das pa'i phyir/ brjod du med pa dang/ gzung du mi nus kyang gsal bor mthong ba yin no/ /de bzhin du kha dog rnams ni gzha' lta bu zhes bya ba ni nam mkha' la mdzes par 'gyur ba'i brgya byin gyi gzhu gzung du med na yang don gyi bya ba byed pa ste/ de dang 'dra ba'i sgyu ma'i sku'i kha dog gi khyad par so sor snang ba yin no/ /khyab ba chu yi zla bas so/ /zhes bya ba ni ji ltar nam mkha' la gnas pa'i zla ba bum pa dang/ mtshon dang/ chu bo dang/ rgya mtsho la sogs par gcig yin na yang du mar snang ba de bzhin du/ sgyu ma'i sku sna tshogs pa'i dkyil 'khor gyi bdag po dang/ 'khor gyi gzugs su snang ba yin te/ sbas pa'i don to/ /slar yang dbye ba'i gzhan gyis de nyid bshad par bya ba'i phyir/ dngos dang dngos med las grol ba/ /rdo rje sems dpa' legs bris pa/ /me long dri ma med pa la/ /gzugs brnyan gsal par snang dang mtshungs/ /rnam pa kun gyi mchog ldan zhing/ /sku ni lta bas mi ngom pa/ /slob ma bzang po de la bstan/ /bdag byin brlab ces de bshad do/ /zhes bya ba gsungs te/ ji ltar snum dang thal ba dag gi dri ma med pa la/
- 433b
byed pa'i me long la bris sku'i nang na gnas pa'i rdo rje sems dpa' i gzugs brnyan dngos po dang dngos po ma yin pa gnyis las bral ba'i snang ba de bzhin du/ stobs bcu la sogs pa dang ldan pa'i sgyu ma la sogs pa'i sku slob ma bzang po ni rin po che lta bu'i gang zag la bla mas gang bstan par bya ba de ni bdag la byin gyis brlab pa zhes bshad pa yin te/ lnga pa nyan pa'i rgyan slob ma la bshad pa'i snying po can gyi sbas pa'i don to/ /longs spyod rdzogs pa'i sku'i bdag la byin gyis brlab pa bshad par bya ba'i phyir/ sgyu mar bstan pa'i mtshan nyid kyis/ /'di nyid nges par mtshon pa ste/ /kun rdzob bden pa'i sgyu ma nyid/ /longs spyod rdzogs pa'i sku yang de/ /zhes bya ba gsungs te/ sgyu mar bstan pa'i mtshan nyid ni gang zhig sgyu ma mkhan la sogs pas byas pa'i sgyu ma ste/ de ni 'di nyid nges par mtshon pa ste/ zhes bya ba la/ ye shes kyi sku kho na 'di nyid yin te/ gzhan rtog pa dang bcas pa'i phyir sngags kyi sku lta bu ma yin no/ /kun rdzob ni rnam pa'i mtshan nyid te/ de la yang sgyu ma kho na bden pa yin te/ skad cig ma nyid la sogs pa ni ma yin no/ /'dir sbyor ba ni 'di yin te/ gang dang gang nyams su myong ba de dang de ni brdzun yin te/ sgyu ma mkhan gyis sprul ba'i glang po che lta bu'o/ /de med pa mi mthun gyi dpe yin no/ /gtan tshigs 'di yang ma grub pa ni ma yin te/ dngos po thams cad nyams su myong ba'i phyir ro/ /'gal ba yang ma yin te/ sgyu ma'i glang po la de yod pa'i phyir ro/ /ma nges pa ma yin te/ de ni shin tu med pa'i phyir ro/ /gtan tshigs de bas na sangs rgyas rnams kyi longs spyod rdzogs pa'i sku ni sgyu ma lta bu yin pas brdzun pa'i gzugs yin no/ /gtso bo'i sgo nas sangs rgyas rnams chos kyi sku'i bdag nyid yin te/ sems can rnams la bsod nams kyi dbang gis sku gnyis po snang ba yin no/ /de yang rig pa yin te/ kun rdzob ni don dam
- 434a
ba spangs nas snang bar mi 'gyur ba dang/ don dam par yang de spangs nas mi snang ba'i phyir ro/ /de ni sbas pa'i don to/ /dpe gzhan yang sbyar bar bya ba'i phyir/ de nyid dri za'i sems can gyur/ /rdo rje'i sku yang de nyid rin rdo rje sems dpa' ang bdag nyid de/ /de bas bdag nyid chos la 'jug /ces bya ba gsungs te/ sems kyi rang bzhin gyi sku yin pas/ de nyid dri za'i sems can ni srid pa bar ma do'i yin no/ /'dis ni chos mthong ba la mya ngan las 'das par ? tu bstan par 'gyur ro/ /de bzhin du rdo rje'i sku ni 'og nas bshad par 'gyur ba zung 'jug gi rim pas bstan par bya ba gang yin pa de yang bdag la byin gyis brlab ba 'dra ba ste/ sgyu ma'i dri ma rnams dag na yang cig car du 'byung bas de dang 'dra ba'i phyir ro/ /de bas na ting nge 'dzin la snyoms par zhugs pa'i rnal 'byor ba kho na rdo rje sems dpa' yin te/ de'i bdag nyid mchod na sangs rgyas thams cad mchod par 'gyur te/ sgra ji bzhin pa'i snying po can gyis sbas pa'i don to/ /mchod pa de nyid bshad par bya ba'i phyir/ /bdag nyid sangs rgyas thams cad dang/ /byang chub sems dpa' thams cad nyid/ /de bas kun nas 'bad pa yis/ /bdag nyid rtag tu mchod par bya zhes bya ba gsungs te/ sangs rgyas dang byang chub sems dpa' thams cad kyi rang bzhin gyi bdag nyid rnal 'byor pas mchod par bya ba rigs pa kho na yin no/ /mchod pa de yang so sor sdud pa dang/ bsam gtan dag gis bya ba yin te/ rim pa gzhan gyis bya ba ni ma yin no/ /de ni sgra ji bzhin pa'o/ /las kyi tshogs byed pa'i dus su yang sgyu ma de nyid la mos par bya'o/ zhes bshad par bya ba'i phyir/ sngags dang phyag rgya'i sbyor ba dang/ /dkyil 'khor la sogs rnam rtog dang/ /sbyin sreg gtor ma la sogs kun/ /rtag tu sgyu ma bzhin du bya/ /zhes bya ba gsungs
- 434b
te/ sngags ni sprul la sogs pa dang/ phyag rgya ni de kho na nyid bsdus pa la sogs pa'i nang nas gsungs pa'i las kyi phyag rgya la sogs pa ste/ de'i sbyor ba ni de rnams smra ba dang bcings pa'o/ /de bzhin du dkyil 'khor la sogs pa ni sa sbyang ba nas brtsams te/ dkyil 'khor rdzogs pa gang yin pa de ni/ rnam rtog gis 'bri ba la sogs pa'o/ /de bzhin du sbyin sreg ni zhi ba la sogs pa'i las 'grub par byed pa dang/ gtor ma ni 'byung po thams cad la sogs pa'i gtor ma ste/ de rnams thams cad sgyu ma bzhin du bya ba yin no/ /de gang gi phyir bsgrub bya dang/ sgrub par byed pa dang/ sgrub pa rnams kyang sgyu ma lta bur mos pa'i phyir ro/ /gzhan yang bshad par bya ba'i phyir/ zhi ba dang ni rgyas pa dang/ /de bzhin dbang dang mngon spyod dang/ /dgug sogs gang ci'ang rung ba kun/ /dbang po'i gzhu dang mtshungs par bya zhes bya ba gsungs te/ zhi ba la sogs pa'i las kyi tshogs kyis dkyil 'khor bzhi shar ba'i dus su nang gi dus la brten te/ g.yas la sogs pa'i sgo nas/ kha dog dmar po la sogs pa'i 'od zer spros la/ kun rdzob kyi sna'i rtse mor thun byed kyi dus kyi bar du de 'dzin pa gang yin pa de yang rnal 'byor pas/ dbang po'i gzhu dang 'dra bar byas te/ kha dog 'dra ba'i phyir ro/ /de ni dgongs pa'i bshad pa'i snying po can gyi sbas pa'i don to/ /gzhan yang sgeg pa la sogs longs spyod dang/ /glu dang rol mo sogs pa rten dang/ /sgyu rtsal rnams la rab 'jug pa/ /chu zla dag dang mtshungs par bya/ /zhes bya ba gsungs te/ sgeg pa la sogs pa ni gar gyi nyams dgu ste/ phyag rgya ma dang sbyor ba dang/ dur khrod la sogs pa gnas pa dang/ bdud rtsi myang ba dang/ ro langs pa'i cho ga dang/ sna tshogs pa'i phyag mtshan 'dzin pa dang/ las
- 435a
drag po la spyod pa dang/ sems can thams cad sdug bsngal chen po las gton pa dang/ 'jig rten dang 'gal ba'i dam tshig chen po lnga yis byang chub sgrub pa dang/ 'od gsal ba mngon du byed pa'i mtshan nyid de/ de rnams kyi spyod pa dang/ rdo rje glu ni rnam pa gsum gyi glu dang/ rol mo ni pi ba la sogs pa bzhi ste/ de la brten pa dang/ de bzhin du rgyu rtsal ni 'dod pa'i bstan bcos las bshad pa'i 'khyud pa dang/ 'o byed pa la sogs pa drug cu rtsa bzhi gang yin pa de 'am/ 'jig rten la grags pa'i bzo'o rnams kyi sgyu rtsal drug cu rtsa bzhi gang yin pa de la 'jug pa yang/ chu zla dag dang mtshungs par bya/ zhes pa ni sgyu ma'i ting 'dzin gcig pu rnam pa du mar snang ba'i phyir ro/ /de ni sgra ji bzhin ba sngon du 'gro ba'i sbas pa'i don to/ /da ni so sor sdud pa'i yan lag bshad par bya ba'i phyir/ gzugs dang sgra dang de bzhin dri/ /ro dang reg bya nyid dag la/ /mig la sogs pa 'jug 'gyur ba/ /sgyu ma lta bur rnam par brtag /zhes bya ba gsungs te/ gzugs la sogs pa'i yul gyi tshogs la mig la sogs pa 'jug pa dang por rnam par mi rtog pa gang yin pa de rnams sgyu ma lta bur rnam par brtag par bya'o/ /gal te de rnams rtag med yin na yang/ /'on kyang rang bzhin gyi rtog pa la bltos te 'di ltar gsungs so/ /gzhan yang bshad par bya ba'i phyir/ /rdo rje theg pa de nyid du/ /'dir ni mang du bshad mi dgos/ /rnal 'byor pas ni gang gang dmigs/ /de de sgyu ma bzhin du brtag ces bya ba gsungs te/ rdo rje theg pa 'di la bskyed pa'i rim pa la sogs pa'i rnal 'byor pas/ gang dang gang sems can gyi don du dmigs pa de dang de'i sgyu ma'i rang bzhin du shes par bya'o/ /gzhan yang rnam pa gzhan gyis bshad par bya ba'i
- 435b
phyir/ me long gi ni gzugs brnyan dang/ /rmi lam sgyu ma chu bur dang/ mig 'phrul mtshungs par gang gis mthong/ /de ni gtso bo yin par bshad/ /ces bya ba gsungs te/ gzugs la sogs pa'i phung po lnga la me lang gi gzugs brnyan la sogs pa rim pa bzhin du shes par bya'o/ /khyad par bshad par bya ba'i phyir/ /mthong ba dang ni reg pa nyid/ /'gro ba sgyu ma ji bzhin te/ /dmigs med kun rdzob dag tu ni/ /sgyu ma lta bur rab tu bshad/ /ces bya ba gsungs te/ 'gro bas na 'gro ba ste/ dbang po'i tshogs so/ /de'i gzugs la sogs pa gang zhig mthong ba dang/ ji srid rig pa'i rnams thams cad sgyu ma bzhin du brtag par bya'o/ /sgyu ma'i don bshad par bya ba'i phyir/ dmigs med kun rdzob dag tu ni// zhes bya ba gsungs te/ gang zhig kun rdzob ni rdzas kyi ngo bo 'am/ gzung ba dang 'dzin pa'i gzugs su dmigs pa de nyid dmigs par mi 'gyur te/ sgyu ma lta bur rab tu bshad/ /zhes bya ba ni rgyal ba rnams kyis de dag sgyu ma lta bur gsungs pa yin no/ so sor sdud pa'i rim pas kyang de nyid bshad par bya ba'i phyir/ dbang po gang dang gang lam gyur/ /'gro ba de dag rang bzhin du/ /mnyam par ma bzhag sbyor ba yis/ /sangs rgyas kun dang mnyam par sbyor/ zhes bya ba gsungs te/ dbang po rnams la gang la yod pa de ni dbang po lam ste/ mig la sogs pa'i rnam par shes pa 'jug go /de rnams kyis rang gi yul bzung ba sngon du 'gro ba des pa gang yin pa de ni dbang po'i lam gyur te/ gzugs la sogs pa gang dang gang la 'gro ba ni de rnams gzung ba 'am/ nges par byed pa de dang de rang bzhin du mi sgyu ma'i rang bzhin du/ sangs rgyas kun dang mnyam par sbyor ro/ /zhes pa ni de bzhin gshegs pa kun gyi rang bzhin du bsam gtan gyis gzung bar bya ste/ dag
- 436a
gi lhag ma'o/ /de yang ji lta bu yin zhe na/ mnyam par ma bzhag sbyor ba yis/ /zhes pa ni sdang pa'i ting nge 'dzin gyis so/ /de yang gang gi phyir sgyu ma lta bu nyid ni mnyam par bzhag pa dang/ mnyam par ma bzhag pa'i rnal 'byor dag la 'dra ba yin no/ /zhes dgongs pa'o/ /de ni sbas pa'i don to/ /sangs rgyas kun gyi bdag nyid sgyu ma lta bu'i ting nge 'dzin kho na yin no/ /zhes bstan par bya ba'i phyir/ kun tu kun nas thams cad dang/ /bdag nyid rtag tu rnam pa kun/ /sangs rgyas kun bdag dngos grub ni/ /rang nyid kyis ni de mthong 'gyur/ /zhes bya ba gsungs to/ rnal 'byor ba de yis rang gi bdag nyid sangs rgyas kun bdag ni phung po lnga'i rang bzhin gyi sangs rgyas kyi ngo bo sgyu ma mthong ba yin no/ /de ji lta bu yin zhe na/ dngos grub ni cig car ram/ go bzlog pa'i rim pas grub pa ste/ rnal 'byor bzhi la sogs pa'i rim pas grub pa ni ma yin no/ /yang na dngos grub ni 'jig rten dang 'jig rten las 'das pa ste/ de rnams gang la yod pa de la de skad ces bya'o/ / sgyu ma'i sku de gang du mthong zhe na/ kun tu zhes bya ba ni khyim mam/ dgon pa la'o/ /kun nas ces pa ni phyogs thams cad du'o/ /thams cad dang zhes pa ni 'jig rten gsum gyi rang bzhin no/ /bdag nyid ni bdag rang gis so/ /rtag tu zhes pa ni 'das pa la sogs pa'i dus thams cad du'o/ /rnam pa kun ni 'dir ma bshad pa kun gyi yang rang bzhin no/ /'dis ni rjes su dran pa'i yan lag kyang bshad pa yin te/ sbas pa'i don to/ /spyod lam bzhi la sgyu ma'i ting nge 'dzin bshad par bya ba'i phyir/ gtso bo bde ba kun rang bzhin/ /sems dpa' chen po 'gro dang bzhugs/ /gnas dang zas dang gos la sogs/ /mkha' las skad cig dag gis rnyed/ /ces bya ba gsungs te/ 'gro ba la sogs pa'i spyod
- 436b
lam la 'jug pa'i rnal 'byor pas/ /bde ba kun rang bzhin ni 'od gsal ba las g.yo bar mi 'gyur ba dang/ gtso bo ni sgyu ma'i rang bzhin yin pa'i phyir te/ de'i gnas la sogs pa nam mkha' las rnyed pa ni nam mkha' mdzod kyi ting nge 'dzin la gnas pa'i phyir ro/ /yang na nam mkha' ni thams cad stong pa'i go 'phang te/ de nyid las gnas la sogs pa rnyed par 'gyur ro/ /de gang gi phyir 'jig rten gyi dngos grub rnams ni shugs kyis 'byung ba yin te/ 'od gsal ba rtogs pas de mngon du byas na de rnams rang bzhin du 'byung ba'i phyir ro/ /de ni sgra ji bzhin pa'i snying po can gyi sbas pa'i don to/ /sgyu ma'i ting nge 'dzin ni grub pa'i rnal 'byor pas sems can gyi don bshad par bya ba'i phyir/ srid pa gcod par 'gyur ba dang/ /'gro na rab mchog ston par 'gyur lha dang bcas pa kun gyis mchod/ /yang dang yang du phyag byed 'gyur/ /zhes bya ba gsungs te/ de lta bu'i ting nge 'dzin la snyoms par zhugs pa'i rnal 'byor pa brgya byin la sogs pa'i lha thams cad kyis phyag 'tshal ba sngon du 'gro bas yang dang yang du mchod par 'gyur ro/ /'dis ni lha kun gyis phyag 'tshal ba dang/ mchod par 'gyur ro zhes bstan pas mi la sogs pa gzhan smos ci dgos/ zhes don bshad pa yin no/ /de nyid kyi phyir/ srid pa gcod pa ni rang bzhin snang ba'i mtshan nyid can gyi 'khor ba'i rang bzhin shes pa'o/ /'gro na rab mchog ston par 'gyur/ /zhes pa ni 'gro ba'i nang na rab tu mchog khyab mjug dang/ lha chen po la sogs pa ste/ de rnams kyi ston par gyur na mi la sogs pa smos ci dgos/ 'dis ni 'di bshad pa yin te/ ye shes gsum mthong ba dang/ sgyu ma lta bu'i ting nge 'dzin la gnas pa'i rnal 'byor pa sa bcu'i dbang phyug byang chub sems dpa' yin te/ lha rnams kyi ston pa nyid du mchod par 'gyur ro/ /de ni sbas pa'i don to//
- 437a
don 'di nyid rgyas par bshad par bya ba'i phyir/ ji ltar ston pa rdzogs sangs rgyas/ /'jig rten phan par bzhed par gshegs/ /de bzhin rnal 'byor chen po ni/ /sna tshogs ye shes rjes su sdud/ /ces bya ba gsung? te/ ji ltar sangs rgyas sems can thams cad la phan pa'i phyir/ chos ston pa de bzhin du rnal 'byor pa 'di yang sems can la phan par 'dod pa yin no/ /rgyu gang gis zhe na/ sna tshogs ye shes ni sems la dmigs pa'i mtshan nyid de/ de'i rjes su bsdu bas na/ rjes su bsdu ba ni sgyu ma lta bu'i ting nge 'dzin te/ de'i sems can gyi don bya ba ste/ sbas pa'i don to/ /ting nge 'dzin 'di la gnas pa'i thams cad grub pa yin no/ /zhes bshad par bya ba'i phyir/ rdo rje sems dpa' mtshon pas na/ /sgrub par mi bya ci yang med/ /bde chen phyag rgya chen po ni/ /rang nyid rjes su 'grub par 'gyur/ /zhes bya ba gsungs te/ rdo rje sems dpa' ni sgyu ma'i sku'i rnal 'byor pas bsgrub par mi bya ba gang yang med pa'o/ de gang gi phyir gal te/ ting nge 'dzin 'di yis de dag mtshon par 'gyur na de'i tshe 'gal ba 'am/ mi 'gal ba'i bya ba thams cad 'grub par 'gyur te/ gzhan du ni ma yin no/ /rgyu 'di nyid kyis phyag rgya chen po ni khams gsum la gnas pa'i bud med rnams so/ /bde chen ni bde ba chen po gsal bar byed pa de dag rang nyid rjes su 'grub pa ni 'bad pa med pas 'grub par 'gyur te/ dbang du 'gyur ro zhes pa'i don to/ /ji skad du/ ri rab sum cu rtsa drug go /ji srid rul? ni phra rab rnams/ /yon tan kun gyi gnas gyur pa/ /de yi bud med de srid 'gyur/ zhes bya ba rtsa ba'i rgyud las gsungs te/ sbas pa'i don to/ /de'i man ngag ni rgyud kyi yan lag go /bdag la byin gyis brlab pa ni thams cad khyab
- 437b
byed bshad par bya ba'i phyir/ las dang nyon mongs lam can lus/ /byed pa po dang 'bras bu nyid/ /smig rgyu sgyu ma lta bu dang/ /dri za'i grong khyer dag dang mtshungs/ zhes bya ba gsungs te/ de la srog gcod pa la sogs pa'i mi dge ba'i las bcu dang/ de ldog pas dge ba'i las kyi lam bcu'o/ /nyon mongs ni 'dod chags la sogs pa drug ste/ de dag nyid lta ba drug cu rtsa gnyis dang/ rang bzhin brgya drug cu yin no/ /de bzhin du lus ni gzugs kyi phung po dang/ byed pa po ni rang rang gi bya ba byed pa'i tshor ba la sogs pa dang/ 'bras bu ni las rnams kyi 'bras bu ste/ bde 'gro dang ngan 'gro'i mtshan nyid gang yin pa de dag thams cad smig rgyu la sogs pa lta bur shes par bya'o ste sbas pa'i don to/ /ting nge 'dzin 'di las bzlog na skyon gang 'byung ba de bshad par bya ba'i phyir/ 'di 'dra'i ting 'dzin mi shes pas/ /kun rdzob la ni nyer dmigs te/ /nad ni sna tshogs skyes pa rnams/ /de dag sgyu ma'i rnam 'phrul lo/ /zhes bya ba gsungs te/ ting nge 'dzin 'di ni sgyu ma lta bu ste/ de mi shes pas/ kun rdzob la ni nyer dmigs te/ zhes pa ni kun rdzob rdzas su shes pas de la dmigs na/ de rnam pa sna tshogs pa'i nang skye ba ni lta ba ngan pa 'byung bar 'gyur ro/ /de gang gi phyir chos thams cad la sgyu ma lta bu rang gi dngos po yin te/ rten cing 'brel pa las 'byung ba so sor snang ba'i phyir ro/ /de bas na gang dang gang so sor snang ba de dang de sgyu ma kho na yin te/ sgyu ma mkhan gyis sprul pa'i glang po che la sogs pa lta bu'o/ /phung po la sogs pa 'di rnams kyang so sor snang ba ste/ de bas na de dag sgyu ma lta bu yin te/ rang bzhin gyi gtan tshigs so/ /de bas na gang zhig phyi'i don smra ba rnams sam/ rnam par rig pa tsam smra ba rnams kyis phung po la sogs pa rdzas su yod pa 'am/ rnam par rig par smra ba de dag bkag par 'gyur ro/ /de bas na sgyu ma lta bu'i ting nge 'dzin mi shes pas tha snyad kyi mtshan ma la brten te/ sna tshogs
- 438a
ba lta ba'i dra bas bcings pa'i 'dod chags la sogs pa'i nyon mongs pa rnams 'byung ba ste/ de dag thams cad sgyu ma'i rnam 'phrul ni spros pa'i mtshan nyid kyi sgyu ma'i rnam par rol par 'gyur ro/ /zhes ston to/ /don 'di nyid rgyas par bshad par bya ba'i phyir/ bdag byin brlab pa'i man ngag dag /gang gis bla ma las ma bsgrubs/ /rtag dang chad pa las dmigs pas/ /mi de phyir ldog gyur pa yin/ /zhes bya ba gsungs te/ slong ma gang gis bla ma ni slob dpon las bdag la byin gyis brlab pa'i man ngag ni sgyu ma lta bu'i ting nge 'dzin te/ de nyid ma bsgrubs pa ni thob par mi 'gyur na/ rtag pa 'am/ chad pa'i lta ba la dmigs nas slar yang mi de phyir ldog par gyur ba yin no/ /de ni so so skye bo'i sa la ltung bas phyir ldog pa zhes bshad do/ /de la gal te phyi'i don smra ba rnams kyis dngos po'i tshogs dang/ mya ngan las 'das pa rdzas su 'dod pa dang/ rnam par rig pa smra ba rnams kyis rnam rig tsam 'dod na de tshe rtag pa'i phyogs 'byung bar 'gyur ro/ /dngos po thams cad stong pa kho na yin no/ /zhes 'gog par smra ba'i dbu ma zer na/ de'i tshe chad pa'i phyogs yin no/ /sngags kyi phyogs la spyod pa'i rnal 'byor pas kyang/ gal te sngags kyi sku 'dod na/ de'i tshe rtag pa'i phyogs smra ba yin no/ /sems la dmigs pa'i rim pas kyang mi g.yo ba'i ting nge 'dzin gyi phyogs su ltung bar 'gyur ro/ /'jig rten rgyang pan pa rnams ni/ chad pa'i phyogs smra ba yin no/ /grangs can la sogs pa rnams kyang/ de kho na nyid nyi shu rtsa bzhi yod par 'dod pa'i phyir/ rtag pa'i phyogs smra ba yin no/ /de bas na 'di dag thams cad phyir ldog pa ni 'khor ba la yin no/ /de'i phyir ting nge 'dzin 'di la 'bad par bya'o/ /da ni sgyu ma lta bu'i ting nge 'dzin ston par byed pa'i bla ma mchod par bya'o/ zhes bshad par bya ba'i phyir/ mchod pa
- 438b
thams cad yongs su spangs nas/ bla ma la mchod yang dag brtsam/ /de mnyes pas ni kun mkhyen pa'i/ /ye shes mchog ni thob par 'gyur/ zhes bya ba gsungs te/ mchod pa thams cad ni dkon mchog gsum la sogs pa'i mchod pa ste/ de yongs su spangs nas bla ma'i mchod pa kho na mchog tu gyur pa yin no/ /de gang gi phyir bla ma dag mnyes pas kun mkhyen gyi ye shes myur du thob pa'i phyir ro/ /stong phrag brgya pa las kyang/ dge ba'i bshes gnyen la rten na sangs rgyas kyi byang chub thob pa'o/ zhes gsungs so/ /mchod pa de nyid bshad par bya ba'i phyir/ bla med byang chub slob dpon gyi/ /rdo rje sems dpa' mchod byas pas/ /de yis bsod nams ma byas ci/ /dka' thub ma bsten ci zhig yod/ /zhes bya ba gsungs te/ bsod nams rnams ni sbyin pa la sogs pa'i pha rol tu phyin pa lnga la rten pa dang/ dka' thub pa ni so sor thar pa brgyad pa la sogs par bstan pa'i sdom pa bsrung ba ste/ de'i gang zag de yis ma byas pa dang ma bsten pa yod pa ma yin te/ byas pa dang bsten pa kho na yin no/ /de gang gi phyir slob dpon kho na rdo rje sems dpa' bla med ni mchog tu gyur pa ste/ de la mchod pa byas pa'i phyir ro/ /mchod pa de yang chos thos pa sngon du 'gro ba bla ma de bkur ba dang/ phyi rol gyi yo byad de la phul lo/ /de nyid bshad par bya ba'i phyir/ /de nyid mi zad 'dod pa yis/ /shin tu dga' ba gang dang gang/ /shin tu khyad par can nyid de/ /de dang de ni bla mar sbyin/ /zhes bya ba gsungs te/ re zhig phyi rol gyi rjes la sogs pa zad pa ste/ de gal te mi zad par 'dod na de'i tshe de dag bla ma la phul bar bya ste/ 'dis thams/ cad kyi pha rol tu phyin pa mkhas pa/ /nyid bstan to/ /dbul bar bya ba de dag gang zhe na/ shin tu dga' ba gang dang gang/ zhes pa ni/ phyi rol gyi glang po che dang/ rta dang/ pu dang/ chung ma la sogs pa'o/ /de bzhin du shin tu khyad par can ni bdag rang gi lus
- 439a
po ste de yang phul bar bya'o/ /rgyu gang gis de dag phul bar bya'o zhes bshad par bya ba'i phyir/ slob dpon gyis ni sdig pa 'phrog /slob dpon gyis ni 'jigs pa sel/ /slob dpon gyis ni sdug bsngal gyi/ /rgya mtsho'i 'jigs las pha rol sgrol/ zhes bya ba gsungs te/ 'jig rten dang 'jig rten las 'das pa'i khyad par gyi spyod pa la spyod pas slob dpon te/ de'i rig pa'i dbang bskur bas kun gzhi rnam par shes pa la sogs pa'i mtshan nyid kyi sdig pa 'phrog pa ste/ mi bskyod pa la sogs pa'i de bzhin gshegs pa lnga'i rang bzhin du gyur pa'i phyir ro/ /de bzhin du 'jigs pa ni gtsang ba dang mi gtsang ba la sogs pa'i mtshan nyid kyi rnam par rtog pa sel ba ste/ gsang ba'i dbang bskur ba sbyin par phyir ro/ /de bzhin du sdug bsngal gyi rgya mtsho'i 'jigs pa ni chags pa dang/ chags pa bral ba dang/ chags pa bar ma'i mtshan nyid kyi rang bzhin brgya drug cu'i tshogs te/ de las pha rol sgrol ba ni shes rab kyi dbang dang/ de yang de bzhin bzhi pa'o/ zhes bya ba ste/ de dag las rang bzhin gyi 'od gsal ba'i de kho na nyid 'byung ba'i phyir ro/ /yang na chags pa la sogs pa dang/ 'od gsal ba phan tshun 'gal ba 'am/ de rnams de'i ngo bo yin no zhes dgongs pa'o/ /da ni chos sbyin par bya ba dang/ sbyin bar bya ba'i slob ma gang yin pa de dag gi skyon dang/ yon tan dpyad par bya ba'i phyir/ gang zhig nga rgyal gyis sags shing/ /yang dag rim pa sun 'byin dang/ /de nyid chos la brnyas bcas pa/ /de la de nyid bstan mi bya/ zhes bya ba gsungs te/ bdag gis rnam pa mang por yang dang yang du dbang bskur ba thob par yin no zhes gang zhig nga rgyal dang ldan pa de bzhin du yang dag rim pa ni rdo rje bzlas pa la sogs pa ste de la sun 'byin pa dang/ de bzhin du de nyid chos
- 439b
ni man ngag gtso bor gyur pa'i rgyu rnams bdag rang gi rtogs pas bdag la bla ma cung zad kyang dgos pa ma yin no zhes de la lo dang ldan pa dang/ slob ma skyon can gang yin pa de la bdag la byin gyis brlab pa'i rig pa bla mas bstan par mi bya'o/ /de ni sgra ji bzhin pa'o/ /yon tan can bshad par bya ba'i phyir/ bla ma la gus bden par smra/ /rnam par mkhas shing rgyud gcig la/ /dam tshig spyod pa bsrung ba dag /rim pa de la bstan par bya/ zhes bya ba gsungs te/ slob ma 'di lta bu gang yin pa de la rim pa bstan par bya'o/ /zhes tshig gi 'brel pa'o/ /de gang yin zhen/ gang zhig bden par smra ba dang/ rdo rje slob dpon la dang pa can dang/ de bzhin du/ rgyud gcig pa ni lan gcig bshad pa'i gzhal bya ji srid 'tsho ba'i bar du dran par bya ste/ chos nyid so sor thob pa'i shes rab dang ldan pa'i phyir ro/ /de bzhin du bsrung bar bya ba'i dam tshig gi spyod pa gang zhig srung bar 'jug pa de la/ bdag la byin gyis brlab pa'i rim pa bstan par bya'o// //rim pa lnga pa'i 'grel pa rim pa'i don gsal bar byed pa zhes bya ba las/ bdag la byin gyis brlab rim pa ste/ gsum pa'o// //da ni mngon par byang chub pa rtsom pas bcom ldan 'das rdo rje 'chang la phyag 'tshal bar bya ba'i phyir/ /thams cad stong nyid bston? pa po/ /rdo rje sems dpa' phyag 'tshal te/ /bzhi pa mngon par byang chub pa'i/ /rim 'di dag gis bshad par bya/ zhes bya ba gsungs te/ rdo rje sems dpa' la phyag 'tshal nas/ bdag gis mngon par byang chub pa'i rim pa bshad par bya'o// zhes tshig gi 'bral ba'o/ /rdo rje ni rnam par shes pa lnga spang bar byed pa'i ye shes lnga'i rang bzhin gyi chos kyi dbyings sam/ stong pa nyid nga/ de la sems dpa' ni gnas pa gang la yod pa de ni rdo rje sems dpa' o/ /lnga ni spang dang shes pa nyid/ /rdo rje
- 440a
zhes byar bshad pa yin/ /zhes bya ba dang/ brtan dang snying po khong stong med/ /mi chod mi phyed mtshan nyid can/ /mi tshig pa dang mi 'jigs pa/ /stong pa nyid ni rdo rje bshad/ /ces bya ba gsungs so/ /de ji lta bu yin zhe na/ thams cad stong pa nyid ston pa po zhes bya ba ni sngar bshad pa dang 'og nas bshad par 'gyur ba'i mtshan nyid can gyi rang bzhin gyi 'od gsal ba'i de kho na nyid ston par mdzad pa'o/ /rim pa thams cad ston par mdzad pa'i bcom ldan 'das kyis khyad par spangs nas gang gi thams cad stong pa ston pa po zhes bya ba gsungs pa de ni rab tu byed pa'i gnas skabs la bshad pa'i de kho na nyid bshad par bya ba'i phyir ro/ /mngon par byang chub pa'i rim pa gang yin zhe na/ bzhi pa zhes bya ba ni rim pa la bltos pa dang/ ye shes la bltos pas 'di bzhi pa yin no/ /kun rdzob bden pa dag pa ni/ /rim pa bzhi par bstan pa yin/ /zhes bya ba dang/ slob dpon gsang ba shes rab dang/ bzhi pa de yang de bzhin no/ /zhes bya ba gsungs so/ /de ni mthar thug snying po can gyi sgra ji bzhin pa'o/ /rim pa 'di gang gis ston par mdzad pa'i bla ma de'i khyad par bshad par bya ba'i phyir/ 'di ni rang byung bcom ldan 'das/ /gcig pu bdag nyid che ba'i lha/ /man ngag rnams ni rab ster bas/ /rdo rje slob dpon de bas lhag /ces bya ba gsungs te/ 'dod chags la sogs pa'i rang bzhin gyi tshogs kyi bag chags dang/ sgyu ma lta bu'i bag chags rnams 'joms par mdzad pas na bcom ldan 'das te/ rdo rje 'chang chen po'o/ /gcig bu ni gnyis pa med pa bdag nyid chen po'i lha ni gtso bo'i lha'i bdag nyid du bstan pa yin no/ /'dir lha ni phung po dang/ khams dang/ skye mched dang 'dod chags la sogs pa'i rang
- 440b
bzhin gyi de bzhin gshegs pa lnga dang/ lha mo bzhi dang/ mchod pa'i lha mo bzhi dang/ byang chub sems dpa' brgyad dang/ khro bo bcu'i mtshan nyid do/ /bdag nyid che ba ni de rnams las kyang lhag pa med/ /chos nyid kyi rang bzhin pa'i phyir ro/ /gzhan yang ji lta bu zhe na/ rang byung zhes bya ba ni rang bzhin med pa rnams la rang rang gi ngo bor 'byung bas na rang 'byung ste/ rgyu dang rkyen bltos pa las ma byung ste/ de la bltos pa kho na rang bzhin med pa'o/ /ji skad du/ rten cing 'gyur ba ma byung zhes/ /de nyid rig mchog gsum pa yin zhes bya ba gsungs so/ /yang na chos nyid 'phel ba dang/ 'grib pa med pas rang byung ste/ skye ba dang 'jig pa med pa'i phyir ro/ /ji skad du/ 'phel 'grib rnam par spangs pa ni/ /chos nyid gtan du bsam par bya/ /zhes bya ba gsungs so/ /rdo rje 'chang de lta bu las kyang mngon par byang chub pa ston par byed pa'i rdo rje slob dpon lhag pa yin no/ /de gang gi phyir zhe na/ man ngag rnams ni rab ster bas/ /zhes bya ba la/ longs spyod rdzogs pa'i sku gtso bor gyur ba'i bcom ldan 'das rdo rje 'chang gis chos bstan pa so so skye bo'i phyir/ kho bo cag gis thob pa ma yin no/ /de bzhin du chos kyi don tsam yang rang gis rnam par dpyad par mi nus so/ /man ngag rtogs par 'gyur ba smos ci shes?/ /de bas na de kho na nyid thob pa'i rgyu rdo rje slob dpon kho na yin pas/ /rdo rje 'chang bas kyang lhag pa nyid du grub pa ste/ mthar thug snying po can gyi sgra ji bzhin pa'o/ /bla ma de nyid mnyes par bya ba'i phyir/ /de ni yang dag mnyes byas te/ /le 'am yang na zla ba la/ /bla ma de ni mnyes bya pa la/ /ci nus pas ni mchod par bya/ zhes bya ba gsungs te/ mngon par byang chub pa'i man ngag 'dod pa'i slob mas/ lo la sogs pa'i dus su khyad par du mnyes par bya ba'i bla ma ci nus pas mchod par bya ste/ sgra ji bzhin pa'o//
- 441a
mchod pa de nyid bshad par bya ba'i phyir/ ci 'byor pa yi phyag rgya ni/ /legs par bslabs la dbul bya zhing/ /tshogs kyi dkyil 'khor dbus su ni/ /cho ga ji bzhin mchod par bya/ zhes bya ba gsungs te/ de'i rjes la ri pa bzhi pa'i rgyur gyur ba dang/ rim pa gsum pa'i rgyur gyur pa'i phyag rgya bslab pa dang/ ldan pa ci 'byor pa ni rigs kyi dbye bas lo bcu gnyis pa la sogs pa bla ma 'dis la phul te/ cho ga bzhin du mchod pa bya/ zhes pa ni/ cho ga las ma 'das shing tshogs kyi 'khor lo'i dbus su slob mas bla ma la mchod par bya'o/ /de la chog ni 'di yin te/ re zhig dang po'i thos pa dang/ tshul khrims la sogs pa'i yon tan gyi phun sum tshogs pa dang ldan pa dang/ sems dag pa'i slob mas 'khor dang bcas pa'i rdo rje slob dpon spyan drangs la/ /nyan thos kyi rigs dang bral ba'i rnal 'byor ba dang/ rnal 'byor ma'i tshogs spyan drang ste/ lha'i khang ba sum brtsegs la sogs pa'i steng du dkyil 'khor gyi rim pas/ /sna tshogs pa'i gdan la de rnams bzhugs te/ las kyi rdo rje dgug cing/ mchod pa rtsam par bya'o/ /de'i rim pa 'di yin te/ re zhig dbus kyi gtso bo nas gnod mdzes kyi bar du/ thabs dang shes rab kun la zhabs bsil te/ mchod pa rnam pa lnga yis de rnams mchod la/ mthe bong g.yon pa dang/ ming med las byung ba'i bdud rtsi lngas mdun du dris pa'i chos 'byung gi phyag rgya la pad+ma'i snod gsum rgyun chang dang/ chang gis yongs su gang ba rnam par bzhag la/ rgyun chang gis gang ba'i snod dbus ma la bdud rtsi'i lnga'i ril bu bcug ste/ chang gis gang ba'i phyogs gnyis la ngas pa'i snod la yang de'i skal ba bcug la/ snod kyi phyag rgyas rkun chang gi snod bzung ste/ dbus kyi gtso bo nas gnod mdzes kyi bar du las kyi rdo rjes de rnams la dbu zla bar bya'o
- 441b
de rnams la dbul ste/ bdag nyid la yang sbyor do/ /de'i 'og tu dri bzangs kyis 'bras sa lu 'am/ rgyal po'i sa lu ro drug dang ldan pa'i tshod ma dang bcas pa de rnams la rir mdun du bzhag ste/ de wan+te sa mA d+hi g+hA pri Na ne swAhA/ zhes bya ba'i sngags kyis byin gyis brlabs la phyag btsal ba gsum byas nas/ kye bcom ldan 'das mchod du 'os pa rnams 'di la spyod cig ces bya bas gsol ba gdab ste/ de spyod pa mngon du gyur pa'i dkyil 'khor gyi 'khor la bya'o/ /rnal 'byor ma rnams kyis mnyam par bzhag cing de la sbyong bar bya'o/ /phyed tsam bzhes nas bzhes pa'i snod gcig tu byas la/ bzhes pa dang btung ba'i snod dang de bzhin du shes par bya'o/ /rnal 'byor ba rnams rdo rje glu len ba dang/ dkyil 'khor gyi bdag po dang/ rnal 'byor ma rnams gang mdzad pa'o/ /kha cig na re thams cad kyang glu dang rol mo la sogs pa mdzad pa'o/ /yi ge gsum gyi pi wang dang/ gling bu la sogs pa'i rol cha rnams yang dag par mchod la sgra rdo rje ma'i nga rgyal gyis brdung bar bya'o/ /phyi rol tu ngang ba dang/ bung ba dang/ spyang ki la sogs pa'i sgra thos par gyur na bcom ldan 'das kyis byin gyis brlabs pa'i rtags so/ /tshogs kyi 'khor lo de la gnas pa rnams kyis kyang brtsod par bya ba ma yin te/ rtsa ba'i lhung bas 'jigs pa'i phyir ro/ /gal te de byed na de tsam gyis 'chang ba dbab bar bya'o/ /zhes pa'i mdza' ru phyag bsil ba la sogs pa mdzad du bcug nas/ 'bras bu gsum gyi 'dab ma dang bcas pa'i so rtsi dang/ 'byor pa dang 'thung pa'i sku yon phul la/ phyag 'tshal nas bzod ba bzhes nas bskor ba byas la dge ba 'di yis sems can thams cad phyag rgya chen po thob par gyur cig /ces bya ba smon lam btab la/ lhag ma 'bras bu la sogs pa snod gcig tu bcug ste/ oM ku ru ku ru ba ta la mahA ba ta li zhes bya ba la sogs pa'i yi ge brgya rtsa brgyad kyis
- 442a
lhag ma'i gtor ma byin gyis brlabs te/ dur khrod na gnas pa'i mkha' 'gro ma la/ phyi rol tu shing drung gcig la sogs par gtor ma byas te/ tshogs kyi 'khor lo'i dbus su ni/ /cho ga ji bzhin mchod par bya/ zhes bya ba'i don to/ /de la dang po slob dpon gyis slob ma la gsang ba sbyin par bya ba'i phyir/ phyag rgya snyoms par 'jug par bya'o zhes bshad par bya ba'i phyir/ de nas 'dod yon lnga'i spyod pas/ /rnal 'byor chen po mnyes 'gyur te/ snyims par 'jug pa'i cho ga ni/ /snang ba dag par skyed 'dus byas/ /zhes bya ba gsungs te/ tshogs kyi 'khor lo'i dbus su 'dod pa'i yon tan lnga'i longs spyod phul bas/ dgyes pa'i rdo rje slob dpon gyis snang bskyed pa'i dus ni/ mtshan mo rtsom pa'i dus su snyoms par zhugs par bya'o/ /de ji ltar zhe na cho ga zhes bya ba ni rdo rje dang pad+ma 'dus byas pa sngon du 'gro ba'i rjes su chags pa dang/ sngags brjod pa dang/ de bzhin gshegs pa thams cad 'jug pa dang/ spro ba rnams kyis so/ /de'i rjes la bya ba bshad par bya ba'i phyir/ /byang chub sems ni rab 'bad nas/ /kal sha sogs dag tu gzhag /slob ma rang la bla ma yis/ /brtse bas nam phyed dus dbang bskur/ /zhes bya ba gsungs te/ bla mas rang gi slob ma la dbang bskur bar bya'o zhes tshig gi 'brel pa'o// rang zhes bya ba ni bla ma de nyid kyi dbang bskur ba ste/ sngon gzhan las dbang bskur ba ni ma yin no/ /de bzhin rnal 'byor chen po'i rgyud la mos pa dang ldan pa ste/ bya ba la sogs pa'i rgyud pa ni ma yin no/ /gang gi tshe dang ci byas nas dbang bskur ba zhe na/ nam phyed dus zhes bya ba la/ srog dang rtsol ba cig car du rgyu ba'i dus 'di yin te/ dbang chen gyi dkyil 'khor 'char ba dang/ thabs dang shes rab tha mi dad pa'i phyir ro/ /de tha mi dad pa yang 'od gsal ba dang mthun pa'o/ /ka la sha sogs dag tu bzhag pa'i byang chub sems
- 442b
dang shes pa ni/ sgra ji bzhin pa rab tu grags pa kho na'o/ /rdo rje'i rtse mo'i bar byang chub kyi sems 'dzin pa'i yan lag gis 'bad pas 'dzin la/ de nyid kyis slob ma de'i kha la dbang bskur bar bya'o/ /sogs pa'i sgra thos pa la sogs pa spros te/ slob ma de myong bar bcug par bya ste/ dgongs pas bshad pa'o/ /gsang ba'i dbang bstan nas shes rab kyi dbang bshad par bya ba'i phyir/ dbang bskur yang dag thob nas ni/ /tho rangs kyi ni dus su yang/ /slob ma thal sbyar bla ma la/ /mchod cing bstod pas mnyes par bya/ / zhes bya ba gsungs te/ 'og nas bshad par 'gyur ba'i bstad pa'i tshig rnams kyis bla ma la slob mas mnyes par bya'o zhes tshig gi 'brel ba'o/ /ci byas nas zhe na/ dbang bskur yang dag thob nas ni/ /zhes bya ba la ni sgra ni khyab par stong par byed pa ste/ sngar bshad pa'i gsang ba'i 'og tu shes rab kyi dbang thob nas so/ /da ji ltar zhe na/ phyag rgya gcig gi rim pas so/ /zhes dag gi lhag ma'o/ /gang gi tshe dang ci byas dbang zhe na/ tho rangs kyi dus su dang/ slar yang bla ma mchod cing bstod pas mnyes par bya'o/ /bstod pa de nyid bshad par bya ba'i phyir/ khams gsum las ni rnam grol zhing/ /nam mkha' dang ni mnyam gyur la/ /'dod pa rnams kyis ma gos pa/ /dmigs mang khyod la phyag 'tshal lo/ /zhes bya ba gsungs te/ khams gsum gyi rang bzhin gyi tshogs las rnam par grol ba'i phyir/ khams gsum las grol ba khyod yin no/ /de bzhin du rang bzhin gyis dag pa'i me long lta bu'i ye shes kyi sbyor bas nam mkha' dang mnyam par gyur pa'o/ /de bzhin du 'dod pa ni gzugs la sogs pas ma gos pa dri ma dang ldan par ma gyur pa'o/ /de nyid kyi phyir gzung gyi phung ba'i dmigs pa dang bral bas dmigs med khyod la phyag 'tshal lo/ zhes sku rdo rje gtso bo'i sgo nas bstod pa'o/ /snang ba mdza' yas kyi sgo nas bshad par bya ba'i phyir/ phung bo rnams dang khams rnams dang/ skye mched rnams la ma rten cing/ /phyin ci log
- 443a
las rnam grol ba/ /dmigs med khyod la phyag 'tshal lo/ /zhes bya ba gsungs te/ phung po dang/ khams dang/ skye mched la sogs pa dag gi brjod par bya ba gang yin pa de rnams la khyod mi brten pa ste/ dag gi rnam pa rtog pa'i sgra 'od gsal ba'i rang bzhin yin pa'i phyir ro/ /'di nyid kyi phyir/ phyin ci log las rnams grol ba/ /zhes bya ba phyin ci log pa ni dngos po rnams rjes su yod pa la sogs par yongs su brtag pa ste/ de nyid so sor rtog pa'i ye shes kyis rnam par bcad pa'i phyir/ phyin ci log las rnam grol ba khyod yin no/ /'di nyid kyi phyir dmigs med ni dbyangs dang gsal ba'i rang bzhin gyi bcu pos ma bcings pa'i khyod la phyag 'tshal lo/ /ji skad du/ dang po gcig ni dgu dbus na/ /gang zhig bcu yis ma bcings pa/ de ni bcings med shes bya ba/ /de shes pa ni mchog gi gnas/ zhes bya ba sngar gsungs pa'i phyir ro/ /de ni gsung rdo rje'i sgo nas bstod pa ste/ sgra ji bzhin pa'o/ /mi bskyod pa'i sgo nas bstod pa bshad par bya ba'i phyir/ ji ltar nam mkha' gnas med cings/ /spros med gos pa med pa ltar/ /nam mkha' dang mnyam thugs mnga' ba/ /dmigs med khyod la phyag 'tshal lo/ /zhes bya ba gsungs te/ chos kyi dbyings kyi rang bzhin yin pa'i phyir/ gnas med pa'o/ /rnam par shes pa'i phung po rnam par dag pas nam mkha' 'dra ba'o spros pa ni snang ba la sogs pa gsum dang 'gro ba gos par byed pa'i phyir/ gos pa ni rang bzhin gyi tshogs te/ de dag med pas spros med gos pa'o/ /de nyid kyi phyir/ mkha' dang mnyam pa'i thugs mnga' ba ni chos kyi sku'i rang bzhin no/ /gos pa la sogs pa dang bral ba'i phyir/ dmigs med khyod la phyag 'tshal lo/ /zhes thugs rdo rje'i sgo nas bstod pa ste/ sgra ji bzhin pa'o/ /bstod nas gsol ba gdab ba'i phyir/ thams cad stong pa'i rang bzhin can/ /mngon par byang chub blta bar 'tshal/ /slob mas thal sbyar bla ma la'o
- 443b
bstod nas slar nas bskul bar bya/ /zhes gsungs te/ blta bar 'tshal zhes pa ni nye bar mtshon par 'dod pa ste/ skad kyi dbyings rnams ni don du ma dang ldan pas lta ba'i sgra ni nye bar mtshon pa la 'jug go /bla ma slar yang bskul bar bya zhes pa ni bstod pa la bltos nas slar gyi sgra'o/ /lhag ma ni go sla ste/ sgra ji bzhin pa'o/ /gsol ba gdab pa de nyid bshad par bya ba'i phyir/ las dang skye las rnam grol zhing/ /snang ba gsum po spang ba yis/ /mngon par byang chub mthong ba ni/ /mgon po chen po bdag 'tshal lo/ zhes bya ba gsungs te/ kye mgon po chen po bdag la mngon par byang chub pa'i rim pa bshad du gsol lo/ zhes tshig gi 'brel ba'o/ /de yang ji lta bu zhe na/ las dang skye las rnam grol zhing/ zhes bya ba la las dang skye ba dag 'khor ba'i rgyu dang 'bras bu'i dngos po gnas pa gang yin pa de dag las rnam par grol ba ste/ rang bzhin gyis 'od gsal ba la las dang skye ba'i sgrib pa yod pa ma yin pa'i phyir ro/ /kun rdzob kyi bden pa la brten te/ de dag yod kyang dngos su yod pa ma yin te/ sgyu ma lta bu'i phyir ro/ /de bas na de yongs su ma shes pas 'gro ba rigs lnga yis 'khor ba la/ 'gro ba dang 'ong ba byas shing so so skye bo rnams yi mya ngan dang/ dga' ba dang/ sdug bsngal dang/ bde ba la sogs nyams su myong ba ste/ rang bzhin brjed pa'i phyir ro/ /de gang gi phyir rig bya dang/ rig par byed pa'i dngos po'i 'khor ba ni rnam par dag ste/ de'i chos nyid yongs su shes pa 'od gsal ba yin no/ /de bzhin du snang ba gsum po spangs pa yi zhes bya ba la snang ba la sogs pa bral ba ste/ sgra ji bzhin pa'o/ /gzhan yang bshad par bya ba'i phyir sangs rgyas kun gyi ye shes che/ /de bzhin gshegs pa kun gyi gnas/ /rdo rje ye shes bla na med/ /slob dpon chen po bdag 'tshal lo/ /zhes bya ba gsungs te/ bdag la rdo rje ye shes bshad du gsol lo/ /zhes tshig gi 'brel ba'o/ /de la rdo rje ye shes na
- 444a
mi phyed pa ste/ dpe dang dpe las 'byung ba dag tha mi dad pa'i phyir/ /rdo rje de yin la ye shes thams cad med pa'i phyir ye shes kyang de nyid yin te/ rdo rje'i ye shes so/ /de bzhin du sangs rgyas kun gyis ye shes che zhes bya ba la/ ye shes lnga'i rang bzhin gyi sangs rgyas lnga'i ye shes chen po ni de rnams nye bar bsdu ba'i rang bzhin gyi 'od gsal ba'o/ /'di nyid kyi phyir/ de bzhin gshegs pa kun gyi gnas/ /zhes bya ba la/ de bzhin gshegs pa rnams 'di nyid las 'byung ba ste/ shes rab kyi pha rol tu phyin pa'i rang bzhin yin pa'i phyir ro/ /de ni sgra ji bzhin pa'o/ /gzhan yang bshad par bya ba'i phyir/ thog mdza' med cing zhi ba la/ /nyon mongs thams cad rnam sbyangs zhing/ /lus dang ngag dang sems sbyong ba/ /rdo rje chen po bdag 'tshal lo/ /zhes bya ba gsungs te/ kye rdo rje chen po drug pa'i rang bzhin lus la sogs pa sbyong ba ni bdag la byin gyis brlab pa dang/ sems la dmigs pa dang/ rdo rje bzlas pa'i rim pa las gsungs pa'i bag chags zad par byed pa'i de kho na nyid bdag la bshad du 'tshal lo/ /de yang ji lta bu zhe na/ thog mdza' med cing zhes pa ni skye ba dang 'jig pa med pa 'am/ snang ba la sogs pa med pa'i phyir/ thog ma dang tha ma med pa'o/ /de bzhin du zhi ba ni thams cad bstod pa'i phyir ro/ /nyon mongs thams cad ni 'dod chags dang bral la sogs pa'i rang bzhin phra mo'i bag chags te/ de rnams sbyangs pa ni spang bya dang/ blang bya'i dngos pos rang bzhin rnam par dag pa ste/ sgra ji bzhin pa'o/ /tshigs su bcad pa gsum po de la mngon po dang/ slob dpon chen po dang/ rdo rje chen po zhes bya ba'i bod pa rnams ni sku dang gsung dang thugs rdo rje'i rang bzhin du shes par bya'o/ /gsol ba btab ma thag tu bla ma'i bya ba bshad par bya ba'i phyir/ de ltar yon tan yang dag pa/ /brjod pas rnal 'byor pa mnyes byas//
- 444b
snying rje slob ma la bskyed de/ /de nas rim pa 'di nyid brtsam/ /zhes bya ba gsungs te/ rnal 'byor pa ni bla mas 'og nas bshad par 'gyur ba'i rim rtsib ni bshad par khya'o zhes tshig gi 'brel ba'o/ /bla ma ji lta bu zhe na/ yon tan yang dag pa ni ji ltar mnga' ba'i yon tan brjod pas mnyes par byas pa ste/ zol gyi bstod pa ni ma yin no/ /ci mdzad nas ston pa zhe na/ snying rje slob ma la bskyed de zhes pa ni snying rje gtso bor gyur pa'i rdo rje slob dpon gyis/ de kho na nyid ston par rigs te/ sgra ji bzhin pa'o/ /rim pa de nyid bshad par bya ba'i phyir/ mtshan mo snang ba'i cha ste/ gsal ba nyi ma'i zer 'gyeng snang ba mched pa yin/ /mtshams ni snang ba thob pa rang gi rang bzhin rnams kyis lan cig min par 'gro/ mtshan min nyin par ma yin mtshams min gang zhig rang bzhin rnams dang rnam bral ba/ /de ni byang chub skad cig yin par bla ma mchog bshad rnal 'byor pa nyid yul/ zhes bya ba gsungs te/ kye bu khyod kyi gang zhig tshangs pa'i bu ga las byang chub kyi sems 'dzag pa'i dus su bde ba nyams su myong ba de ni snang ba'i skad cig ma ste/ de nyid mtshan mo ni cung zad snang ba'i mtshan nyid shes par bya'o/ /byang chub kyi sems de nyid kyis yan lag thams cad kyi tshigs khyab pa'i dus su gang zhig khyod kyis khyad par gyi dga' ba nyams su myong ba de ni nang ba mched pa'i skad cig ma ste/ de nyid gsal ba nyi ma'i 'od zer gyi snang ba dang 'dra ba snga ma las khyad par can nyin mo'i rang bzhin du shes par bya'o/ /de'i rdzas la rdo rje'i rtsa ba'am/ dbus su de'i phyin/ snang ba nye bar thob pa zhes bya ba'i dga' ba'i khyad par gang byung ba de ni mtshams zhes bya ba ste/ nyin mo dang mtshan mo las 'das pa mun pa'i rang bzhin rgyal ba lta bur shes par bya'o/ /skad cig ma de rnams gsum pa yang rang rang gi rang bzhin ni bag la nyal gyi rang bzhin dang 'brel ba ste/ rigs pa'i rang bzhin rnams ni de gang gi phyir/ de rnams rim pa gnyis pas spangs pa'i phyir
- 445a
ro/ /gal te sgyu ma'i ting nge 'dzin gyis de rnams brdzun nyid du rtog na yang/ 'on kyang de mthong ba mdun du snang ba'i phyir/ bag la nyal dang/ lhan cig tu 'gro ba de rnams gnas pa kho na yin no/ /skad cig ma gang zhig mtshan mo la sogs pa'i sgras brjod pa'i snang ba la sogs pa gsum dang bral ba ste/ rdo rje nor bu'i nang na gnas pa'i byang chub kyi sems kyi gnas skabs su byang chub kyi rang bzhin gyi skad cig ni rnal 'byor pa'i ye shes kyis rtogs par 'gyur ba de ni bla ma'i zhal nas thob cing bsgom bar bya ba ste/ 'od gsal ba'i rang bzhin no/ /zhes dag gi lhag ma'o/ /de ni mthar thug gi don to/ /'di nyid rgyas par bshad par bya ba'i phyir/ mtshan mo'i mun nag ma lus 'das shing mtshams kyi snang ba gang du 'das pa dang/ ji srid nyi ma ma shar skad cig 'dir ni dri med yang dag mdza' ru bshad/ /slob dpon mchog ni rab rib bral bas slob ma la ni phyi rol byang chub bstan/ /nang gi bde ba rnyog bral sangs rgyas byang chub skad cig dag gis thob par 'gyur/ /zhes bya ba gsungs te/ kye bu dri ma med pa'i skad cig ni rang bzhin dang snang ba'i dri ma med pa'i skad cig ma der/ rdo rje slob dpon gyis slob ma la yang dag mthar ni de bzhin nyid bstan pa ni gsal bar bya'o/ /skad cig ma de gang yin zhe na/ mtshan mo dang/ nyin mo dang/ mtshams dang/ nyin mo'i snang ba rnams gang du nub par gyur ba de yin no/ /de la mtshan mo ni snang ba'i ye shes dang/ nyin mo'i snang ba mchod pa'i ye shes dang/ mtshams ni snang ba nye bar thob pa'i ye shes te/ dgongs ka'i dus kyi'o/ /snga dro'i mtshams ni 'od gsal ba'i ye shes te/ rim pa 'di yis phyi'i mngon bar byang chub pa'i rim ba shes par bya'o/ /'di mthong bas nang gi bde ba ni nang
- 445b
gi mngon par byang chub pa thob par 'gyur ro/ /sangs rgyas byang chub ni rdo rje 'chang chen po'i sa kun tu bzang po zhes bya ba ste/ de nyid skad cig ni 'od gsal ba'i skad cig mas thob par bya'o/ /'o na phyi dang nang gi mngon bar byang chub pa dag gi dbye ba gang yin ba zhe na/ smras pa/ gcig ni phyi'i phyag rgya'i rim pa dang/ gnyis pa ye shes kyi phyag rgya'i rim pas thob po/ /phyag rgya chen po'i rim pa ni mtshan ma lnga'i go rims kyi mtshan nyid do/ /de rnams kyang dang po smig sgyu dang 'dra ba/ /gnyis ba du ba 'dra ba ste/ gsum pa srin bu me khyer 'dra/ /bzhi pa mar me bzhin du 'bar/ /sprin med nam mkha' dang mtshungs pa'i/ /lnga pa snang ba med pa'o/ /zhes gsungs so/ /'di rnams las dang mdza' rnam pa dbye ba las/ /'byung ba chen po rnams rim pas nye bar bsdu ba'i rang bzhin du shes bar bya ste/ sa chu la thim pa zhes bya ba la sogs pa'o/ /dang po sa ni chu la 'gro /chu yang me la 'gro ba ste/ /me yang rlung la rjes 'gro ba/ /rlung ni rnam par shes la zhugs/ /rnam shes 'dzin pa'i de nyid la/ /zhes bya ba la sogs pa gsungs te/ mthar thug gi don to/ /de nyid kyi khyad par bstan pa'i phyir/ tha mar 'byung dang thog mar 'byung ba dang/ /dbus min 'byung ba dbus su 'byung ba 'am/ /mdza' med 'byung ba mthar ni 'byung ba rnams/ /de dag thams cad stong par dam pas gsungs/ /zhes bya ba gsungs te/ dam pa ni sems rgya che ba rnams kyis thams cad stod pa ni 'od gsal ba de kho na nyid bzhi pa gsungs pa ni ston par mdzad pa'o zhes ston to/ /de gang yin zhe na/ gang zhig thog ma dang bar ma rnams ni 'dod chags dang/ 'dod chags brel ba dang/ 'dod chags bar ma rnams kyis ma gos pa ste/ 'on kyang khyab byed kyi phyir thog ma dang/ bar ma/ tha ma'i rang bzhin yang de nyid yin no zhes pa'i don to/ /de ni mthar thug go /slar yang de nyid khyad par du bstan par bya ba'i phyir/ gang du 'gro ba dang ni 'od med cing/ /zad dang 'phel med dngos
- 446a
dang dngos med min/ /ngo mtshar gzugs can yin zhing ngo mtshar min/ /gnas par 'gyur min myur du 'gro ba min/ /zhes bya ba gsungs te/ dam pa rnams kyi de kho na nyid bzhi pa 'di ltar gsungs te/ gsung gi sgra 'dir 'jug go /de ji lta bu yin zhe na/ mngon du 'gro ba dang 'ong ba med pa ni 'jug pa dang ldang ba med pa ste/ ni'i sgras gnas pa yang med pa'o/ /'di ni rdo rje bzlas pa'i rim pa las khyad par bstan no/ /zad ba ni rang bzhin med pa dang/ 'phel ba dang ni sems kyi 'od gsal ba 'char ba ste/ de dag kyang gang du med pa ste/ 'di yis sems la dmigs pa'i rim pa las khyad par bstan to/ /de bzhin du dngos med ni kun rdzob kyi rnam par rtog pa med pa dang/ dngos ni sgyu ma lta bu ste/ de dag kyang gang du dmigs par mi 'gyur ro/ /'dis ni bdag la byin gyis brlabs pa'i rim pa las khyad par bstan to/ /ngo mchar gzugs can ni bag chags dang bcas pa'i rang bzhin gyi tshogs thim pa'i phyir dang/ ngo mtshar min pa ni zhi ba'i bdag nyid yin pa'i phyir ro/ /gnas par gyur pa dang myur du 'gro ba ni skye ba dang 'jig pa ste/ de dag med pa'i phyir gnas par gyur min myur du 'gro ba min zhes bya ba bstan to/ /sbas pa sngon du 'gro ba'i mthar thug go /gzhan yang gang zhig yod dang med pa'i tha snyad rnams dang bral/ /bsod nams gzugs min sdig pa'i gzugs ma yin/ /bsod nams sdig gi bdag min mchog gyur pa/ de ni thams cad stong par sangs rgyas rnams kyis gsungs/ zhes bya ba gsungs te/ de ni thams cad stong par sangs rgyas kyis gsungs/ zhes bya bas rang bzo dgag pa'o/ /de ji lta bu yin zhe na/ gang zhig rang bzhin rnams med pa'i phyir/ yod pa'i tha snyad dang bral ba dang/ 'od gsal pa'i chos nyid kyi rang bzhin yin pa'i phyir/ med pa'i tha snyad bral ba'o/ /de bzhin
- 446b
du bsod nams dang sdig pa'i gzugs ma yin pa ni 'od gsal ba la kun nas nyon mongs pa dang/ rnam par byad pa rnams med pa'i phyir ro/ /phung po gsum ni bsod nams dang sdig pa'i bdag nyid de la yod ma yin te/ 'gal ba'i phyir ro/ /de bas na mchog gyur ba ni yang dag pa'i mdza' mdza' yin pa'i phyir te/ mthar thug go ldang ba bshad bar bya ba'i phyir/ rnal 'byor pas ni de lta'i de nyid thob/ /rgyu dang mi rgyu'i bdag nyid 'gro gnyen gcig /ye shes rang bzhin mi yi seng+ge gang/ /mi zad lus tho ba ma lus 'gro ba'i rgyu/ /zhes bya ba gsungs te/ rnal 'byor ba 'di yis mi zad ba'i lus thob pa ni chos kyi sku thob ba ste/ 'od gsal ba kho na chos kyi sku yin no/ /de nyid kyi phyir 'gro gnyen gcig ni rnal 'byor ba des ma lus pa'i 'gro ba la rgyu pa ni sems can gyi don du spyod pa ste/ don gzhan du ni ma yin no/ /ci byas ce na/ de lta'i de nyid ni sngar bshad pa'i rang bzhin gyi 'od gsal ba'i de kho na nyid bla ma'i zhal nas thob nas rgyu bas so/ /rnal 'byor ba de ji lta bu yin zhe na/ rgyu dang mi rgyu'i bdag nyid zhes pa ni 'gro ba'i don mdzad na/ yang g.yo ba dang mi g.yo ba'i dngos po'i rang bzhin yin te/ de rnams 'od gsal ba la rag lus ba'i phyir ro/ /de bas na ye shes rang bzhin ni ye shes med pa'i ye shes te/ de'i rang bzhin ni rigs mthun pa dang/ rigs mi mthun pa dang/ rigs mi mthun pa'i bstan pa la so sor bshad pa'i sgro btags pa la sogs pa'i 'khrul pa dang bral ba'o/ /'dis ni yang dag pa'i lta ba la zhugs pa bstan to/ /mi'i seng+ge ni 'di nyid de/ skyes bu dam pa'i nang na mchog tu gyur pa ste/ sgra ji bzhin pa'o/ /spyod lam gyi rnam par dag ba bshad par bya ba'i phyir/ de ni yon po'i lus kyang drang po yin/ /stan la gnas med gyur kyang gnas pa yin/ /de ni mig btsums gyur kyang rnam rgyas mig /de ni mnyam ma gzhag kyang mnyam gzhag yin/
- 447a
zhes bya ba gsungs te/ ting nge 'dzin la zhugs pa kha cig ni lus drang po byas la bsgom pa ste/ rnal 'byor pa 'di yon po dang drang po'i lus po la 'dra ba yin te/ bsgrub bya 'grub pa'i phyir ro/ /kha cig stan 'jam po la 'dug nas bsgom pa ste/ rnal 'byor pa 'di stan dang stan med pa la gnas kyang 'dra ba ste/ de kho na nyid kyi gnas la gnas pa'i phyir ro/ /kha cig mig btsums nas ting nge 'dzin la bzhugs pa ste/ rnal 'byor pa 'di ni mig btsum pa dang phye ba yin na yang 'dra ba ste/ de kho na nyid thob pas de dag dgos pa med pa'i phyir ro/ /de nyid kyi phyir rnal 'byor pa 'di mnyam par ma bzhag kyang mnyam par bzhag pa kho na yin te/ gnas skabs gnyis po la yang/ 'od gsal ba yongs su ma spangs pa'i phyir ro/ /sgra gzhan pa'o/ /gzhan yang 'di nyid bshad par bya ba'i phyir/ de ni tshig dang ldan yang brjod bral yin/ /de ni gzugs dang ldan yang gzugs bral yin/ de ni 'jig rten mgon yang gzhan bran 'gyur/ /gang zhig de nyid rtogs shing nyes kun zad/ /zhes bya ba gsungs te/ rnal 'byor pa de lta bu gang yin pa de/ de nyid rtogs pa ni bzhi pa thob pa zhes bshad do/ /rgyu 'di nyid kyis nyes kun zad pa ni rang bzhin gyis bag la/ nyal ma lus pa gang la zad pa de la de skad ces bya'o/ /gzhan yang tshig dang ldan pa ni ngag rjod par byed pa yin yang/ brjod bral ni ngag rnams mi dmigs pa'i phyir ro/ /de bzhin du gzugs dang ldan pa'i lus can yin na yang/ gzugs bral ba ni lus po med pa ste/ de mi dmigs pa'i phyir ro/ /de bzhin du 'jig rten mgon ni/ /sangs rgyas yin yang gzhan bran 'gyur/ /zhes bya ni sngon gyi smon lam gyi dbang gis gzhan rnams kyi bran gyur pa ni 'dul bar bya ba'i phyir
- 447b
'bangs dang 'dra ba ste/ dmigs pa med pa'i sbyor bas 'gro ba'i don byed du yid la byed pa 'jug pa'i phyir ro/ /de ltar lus ngag yid kyi spyod pa la dmigs pa med pa'i sbyor bas spyod na de nyid rtogs pa ni rnal 'byor pa de yin gyi gzhan ni ma yin no/ /de ni sgra ji bzhin pa'o/ /phyag rgya'i rim pa bstan nas/ ting nge 'dzin gyi rim pa bshad par bya ba'i phyir/ man ngag thob pa'i slob ma yis/ /de nas rnal 'byor rnam gnyis bslab/ /ril bor 'dzin pa'i rim pa dang/ /de bzhin rjes su gzhig pa'o/ zhes bya ba gsungs te/ sngar bshad pa'i man ngag thob nas de nyid brtan par bya ba'i phyir/ slob mas rnal 'byor gnyis la bslab par bya'o/ /rnal 'byor ni ting nge 'dzin rnam pa gnyis te/ ril por 'dzin pa dang rjes su gzhig pa'o/ /de ni mdor bstan pa ste/ sgra ji bzhin pa'o/ /rgyas par bshad par bya ba'i phyir/ mgo bo nas ni rkang pa'i bar/ /ji srid snying gar phyin pa'i bar/ /rnal 'byor yang dag mdza' la 'jug /ril po 'dzin pa zhes bshad do/ /zhes bya ba gsungs te/ ril bor 'dzin pa 'di yin te/ ting nge 'dzin gang gis mgo bo nas rkang pa'i bar dang/ de las kyang snying ga'i bar du yang dag pa'i mdza' la 'jug pa'i mtshan nyid do/ /de'i man ngag 'di yin te/ rtsibs brgyad pa'i chos kyi dbyings kyi 'khor lo la dbyangs kyi dang po bsgoms shing de'i 'od zer gyis rkang pa nas mgo bo'i bar du bsreg pa dang/ slar yang ldog pa ji srid snying po'i bar du mi snang bar byas te/ rang gi rgyud mi dmigs pa'i bdag nyid kyis ril por 'dzin pa'i ting nge 'dzin te/ mthar thug go rjes su gzhig par bshad bar bya ba'i phyir/ rgyu ba dang ni mi rgyu ba/ /dang po 'od gsal bar byas te/ /phyi nas de bzhin bdag nyid byed/ /rjes su gzhig pa'i rim pa yin/ /zhes bya ba gsungs te/ sngar bshad pa'i dbyangs dang po las 'byung ba'i 'od zer gyi 'khor los/ rgyu ba dang mi rgyu ba
- 448a
ni khams gsum la mi snang bar byas shing de'i rjes la bdag nyid kyang mi snang bar byas te/ rjes su gzhig pa'i ting nge 'dzin bstan to/ /de ni mthar thug go /ril por 'dzin pa'i ting nge 'dzin gyi dpe bshad par bya ba'i phyir/ dbugs kyi rlung ni me long la/ /ji ltar kun tu thim 'gyur ba/ /de bzhin rnal 'byor yang dag mthar/ /yang dang yang du 'jug par byed/ /zhes bya ba gsungs te/ ji ltar me long gi mthil la 'jug pa'i kha'i rlungs pa thim par 'gyur te/ gang du thal lo zhes shes pa ma yin pa de bzhin du rnal 'byor pas yang dang yang du chos nyid la 'jug par bya ste/ rang bzhin gyi tshogs de gang du thal lo zhes shes pa ma yin te/ mthar thug gi don to/ /'dir ni kun tu'i sgras ma bshad pa yang kun las bsdu bar byed pa ste/ rjes su gzhig pa'i dpe yang mtshon par bya'o/ /de la ji ltar dri ma med pa'i ston ka'i mtsho 'am/ chu ba'i chu la gzugs brnyan du gyur pa'i zla ba'i dkyil 'khor de nyid dang gzhan nyid dag gis brjod du med pa de bzhin du/ bdag dang gzhan gyi rgyu la gnas pa'i 'od gsal ba brjod du med par shes par bya ste/ mthar thug kho na'o/ /slar yang spyod lam gyi rnam par dag pa bshad par bya ba'i phyir/ 'gro dang 'dug dang nyal dang za mig brtsums 'byed dang rgod pa na/ /bsam gtan sbyor ba 'di yis ni/ /de nyid rig pa rtag tu gnas/ /zhes bya ba gsungs te/ de nyid rig pa ni thams cad stong pa'i go 'phang la gnas pa'i rnal 'byor bas 'gro ba la sogs pa'i spyod lam la 'od gsal ba'i ting nge 'dzin gyis gnas par bya ste/ sgra ji bzhin pa'o/ /'od gsal ba la zhugs pas sems can gyi don ji ltar byed pa yin no/ /zhes bshad par bya ba'i phyir/ gzugs bcas 'od zer de nyid dang/ rnam shes rlung dang ldan pa
- 448b
yi/ /bdag byin brlab pa'i rim gyis kyang/ /sems can don du 'ang lan 'ga' 'gyur/ /zhes bya ba gsungs te/ 'od gsal ba la bzhugs pa'i rnal 'byor pas gal te sngon gyi smon lam gyi dbang gis sems can gyi don byed na/ de'i tshe bdag la? byin gyis brlab pa'i rim pa'i bya ba yin no/ /'o na sgyu ma lta bu'i ting nge 'dzin ni gsum pa yin pa'i phyir/ de kho na nyid bzhi pa dang/ 'di la ji ltar mngon du bya ba yin zhe na/ smras pa/ bdag la byin gyis brlab pa'i rim pa rnam pa gnyis te/ gcig ni rim pa gsum pa brjod par byed pa'o/ /gnyis pa ni zung 'jug gi rim pa rjod par byed pa ste/ de yang 'og nas bshad bar 'gyur ba 'dir mngon du byas te/ 'gal ba med do/ /tha ma ni bdag la byin gyis brlab pa zhes ji ltar yin zhe na/ smras pa bdag dang bdag ni bdag ste/ kun rdzob dang don dam pa'o/ /de dag tha mi dad par rtogs pa gang yin pa'o de ni bdag la byin gyis brlab pa ste/ zung 'jug gi rim pa'o/ /zhes bstan to/ /'o na de la rlung dang rnam par shes pa'i sbyor ba ji ltar yod zhe na/ smras pa/ rlung 'gag pa dang rnam par shes pa med pa'i sbyor ba ste/ mthar thug pa'o/ /ldad ba bshad par bya ba'i phyir/ /ji ltar dad pa'i chu klung las/ /nya dag myur bar ldang ba ltar/ /de bzhin thams cad stong gsal las/ /sgyu 'phrul dra ba 'byung bar bshad/ zhes bya ba gsungs te/ ji ltar ston ka'i dus kyi gtsang po'i chu'i nang nas/ nya glo bur du 'phar ba de bzhin du kun nas nyon mongs pa dang/ rnam par byad pa thams cad kyi bdag nyid rang bzhin brgya drug cu'i tshogs dang bral ba'i 'od gsal bas/ sgyu 'phrul drug ni 'khor dang bcas pa'i 'khor lo rgyu ba'i tshogs sngon gyi smon lam gyi dbang gis rdza mkhan gyi 'khor lo bzhin du 'byung ba yin te/ mthar thug gi don to/ /rigs kyi dbye bas sems can gyi don bshad par bya ba'i phyir/ rigs lnga'i sangs
- 449a
rgyas la bltos pa'i/ /phyag rgya chen por brtag pa med/ /'od zer lnga ni 'byung ba dag /nam mkha' i 'ja' tshon dag dang mtshungs/ zhes bya ba gsungs te/ sems can gyi don mdzad pa'i phyir/ gang zhig 'od gsal ba las sku 'byung ba de ni/ phyag rgya chen po ma hA mu dA ste/ sems can gyi phung po chen po la mu dra dga' ba rA ni ster ba ste/ phyag rgya chen po'o/ /'o na skye ba'i rim pa dang bdag la byin gyis brlab pa'i dag las khyad par gang yang yod ce na/ brtag pa med pa zhes pa ni 'od gsal ba'i rgyu mthun yin pa'i phyir ro/ /gzhan ma gnyis ni rtog pa'i rnal 'byor dang/ sgyu ma'i rnam par rtog pas zil gyis mnan pa'o/ /ji ltar bu zhe na/ sems can gyis mos pa'i dbang gi rigs lnga'i sangs rgyas la ltos pa ni de la rag lus ba'o/ /de gang gi phyir 'khor lo bsgyur ba drug gi gzugs su sangs rgyas rnams kyi longs spyod rdzogs pa'i sku 'byung ba'i phyir ro/ /yang ji lta bu yin zhe na/ 'od zer lnga ni 'byung ba dag /zhes bya ba la/ 'od zer lnga re re 'byung ba gang la yod pa de la de skad ces bya'o/ /yang na 'od zer lnga ni rim pa las 'byung ba'am/ go ldog pa las 'byung ba'i smig rgyu la sogs pa de las gang 'byung ba de ni de bzhin no/ /nam mkha' i 'ja' tshon dag dang mtshungs/ /zhes bya ba ni dper bstan pa ste/ mthar thug gi don to/ /sems can gyi don de nyid bshad par bya ba'i phyir/ phyag rgya 'ching bar byed pa 'am/ gal te gsang sngags bzlos pa 'am/ /gang gzhan thams cad byed pa na/ /thams cad stong pa'i gzhi la gnas/ /zhes bya ba gsungs te/ phyag rgya bcang ba dang/ sngags brlas pa la sogs pa gang zhig gzhan gyi don du byed pa de dag thams cad stong pa'i gzhi ni 'od gsal ba la gnas te byed na de'i tshe/ de la de dag rnam par dag par 'gyur te/ gzhan du ni ma yin no/ /ji skad du/
- 449b
rdo rje sems dpa' rgyal po che/ /yang dang yang du bskul bar bya/ /de nyid gsang sngags thams cad kyi/ /rgyal po rtag pa mchog yin no/ /zhes bya ba gsungs te/ sgra bzhin pa'o/ /gnas skabs thams cad kyi bya ba'i rnam par dag pa bshad pa'i phyir/ thams cad za zhing kun pa lta/ /kun la phyag byed kun tu 'gro /thams cad byed pa'ang mtshan ma kun/ /thams cad stong par 'grub par 'gyur/ /zhes bya ba gsungs te/ dag pa la sogs pa tshad mas ma grub pa'i phyir/ thams cad za ba'o/ /de bzhin du kun la lta ba ni gzugs rnam pa gsum rang bzhin gcig tu mthong ba'i phyir ro/ /kun la phyag byed ni sems can thams cad de bzhin gshegs pa dang 'dra bar mthong ba'i phyir ro/ /kun tu 'gro ba'i sprul pa'i sku'i sgo gnas sam/ gzugs yongs su gyur nas lha'i bu mo la sogs pa la longs spyod pa'i phyir ro/ /thams cad byang ba ni 'jig rten dang 'gal lam mi 'gal ba'i spyod pa'i sems can gyi don byed pa'i phyir ro/ /mtshan ma kun ni mgo bo 'breg pa 'am/ ral pa 'dzin pa la sogs pa'i mtshan ma gang yang rung ba 'dzin pa'i phyir ro/ /de lta bu'i rnal 'byor pa 'grub par 'gyur te/ sgra ji bzhin pa'o/ /don dam pa'i byang chub sems gzung ba'i phyir/ slob ma'i bya ba bshad par bya ste/ byang chub sems ni don dam zhes bya ba/ /skal bzang slob ma bzang pos man ngag thob// thal mo sbyar nas me tog 'dzin pa yis/ /bla ma las ni slar yang blang bar bya/ zhes bya ba gsungs te/ sngar bshad pa'i rim pas man ngag bzhi po thob pa'i slob mas don dam pa'i byang chub sems gzung ba'i phyir/ me tog gis bkang pa'i thal mo sbyar nas bla ma la de nyid slar yang blang bar bya'o/ /slob ma ji lta bu zhe na/ skal bzang ni rgya che ba dang/ bral ba'i sems dang ldan pa'o/ /bzang po ni dad pa la sogs sa'i yon tan dang ldan pa ste/ sgra ji bzhin pa'o/ /de nyid bshad par bya ba'i phyir/ dngos po kun
- 450a
dang rnam bral zhing/ /phung po khams dang skye mched dang/ /gzung dang 'dzin pa rnam spangs pa/ /chos bdag med dang mnyam pa nyid/ /rang sems bzod nas ma skyes pa/ /stong pa yid kyi ngo bo nyid/ /ces bya ba gsungs te/ don dam pa'i byang chub kyi sems ston par byed pa'i tshigs su bcad pa 'di dag yin no/ /bla mas brjod du bcug pa'i slob mas byang chub kyi sems 'di lta bu dag gis bzung bar bya'o/ /zhes brjod pa yin no/ /de la dngos po kun ni bdag la sogs pa ste/ de dag rnam bral ba ni bdag la sogs pa tshad mas ma grub pa'i phyir ro/ /ji skad du/ phung po bdag min de rnams der/ /de yang de la yod pa min/ /me dang bud shing ltar 'dres min/ /des na bdag ni ji ltar yod/ /bdag ces dngos/ po yod min te/ /byed pa po zhes ji ltar smras/ /chos can yod na chos rnams kyi/ /bsam pa 'jig rten rab tu 'jug /ces bya ba gsungs te/ de bzhin du rang gi sde pa rnams kyi 'dod pa'i phung po dang khams dang/ skye mched rnams spangs pa ste/ de rnams khyab pa mi dmigs pas ma grub pa'i phyir ro/ /phung po la sogs pa bstan pa 'di yang drang ba'i don yin te/ nges pa'i don ni ma yin no/ /ji skad du gzugs sogs skye mched yod pa ni/ /de yis gdul bya'i skye bo la/ / rdzus te skyes pa'i sems can bzhin/ /dgos pa'i dbang gis bshad pa yin/ /zhes bya ba la sogs pa 'byung ngo/ /gzung dang 'dzin pa rnam spangs pa/ /zhes bya ba ni dngos po thams cad phyi'i gzugs su yod pa ma yin te/ gcig dang du ma dang bral ba'i phyir ram/ rten cing 'brel bar 'byung ba'i phyir ro/ /de bas na rnam shes kho na bag chags kyi dbang gis rnam pa de dang des phyi'i gzugs su snang ba ste/ dper na rmi lam lta bu'o/ /de bas na gzung ba dang 'dzin pa'i rang bzhin rnam
- 450b
par shes pa kho na yin te/ rnam pa dang bcas pa'i rnam par shes pa smra ba rnams kyi grub mdza' o/ /rnam pa rnams snga ma bzhin du med pas gzung ba med pa'i phyir 'dzin pa med pa ste/ rnam pa med pa'i phyogs kyang rigs pa ma yin no/ /de gang gi phyir 'das pa dang ma 'ongs pa dag med pa dang/ da ltar byung ba'i skad cig ma yang mi gnas pas de yang med pa'i phyir ro/ /rang gi grub mdza' bshad par bya ba'i phyir/ chos bdag med dang mnyam pa nyid zhes bya ba gsungs te/ chos thams cad bdag med pa ni gnyis ka bdag med pa ste/ de yis mnyam pa nyid gang yin pa rgyu de yis rang bzhin sems thog ma nas ma skyes pa ste/ rten cing 'brel pa las 'byung ba'i phyir ro/ /'di nyid kyi phyir/ stong pa nyid kyi ngo bo nyid zhes bya ba la ni sgro btags pa la sogs pas stong pa'i sems ni ma yin pa lta bu'o/ zhes ston to/ /ji skad du sgom pa bsgom bya bsgom pa po/ /spangs te bden pa thob pa nyid/ /'di dag rtog pa nyid tsam du/ /gang gi shes te grol bar 'gyur/ /zhes bya ba gsungs so/ /de ni rang bzhin kyis 'od gsal ba'i don de mthar thug gi don to/ /de nas bla ma'i zhabs la me tog gi snyim pa phul te/ yon dbul bar bya ba'i phyir/ de nas rjes su mthun pa'i yon/ /bla ma la ni dbul bya ste/ rin chen khyim dang glang po rta/ /yul dang mal stan rnams pa'i? bran dang bran mo chung ma sdug /bu mo shin tu yid 'ong dang/ /gang gis bdag kyang dbul bya na/ /lhag ma rnams lta smos ci dgos/ /zhes bya ba gsungs te/ tshigs su bcad pa gnyis kyis sbyin pa dang sbyin pa chen po dang/ shin tu sbyin pa'i bdag nyid kyi yon bla ma la dbul bar bya ste/ sgra ji lta ba'o/ /nye bar bsdu ba bshad par bya ba'i phyir/ slob dpon la ni drin thob dri med brtan pa'i blo ldan dngos kun bdag /gsal dag shin tu phra ba mchog zhi'i rang bzhin sangs rgyas mya ngan 'das pa'i khams/ /gnyis med
- 451a
rtog bral rtag tu bde ba'i rang bzhin de nyid rnal 'byor pas bsgom bya/ /bsod nams bsod nams min grol rang nyid 'dir ni bcom ldan rdo rje sems dpa' 'gyur/ zhes bya ba gsungs te/ slob dpon las drin thob pa ni bla ma las man ngag thob pa'i rnal 'byor pa gang yin pa da ni bcom ldan 'das rdo rje sems dpa' nyid du 'gyur ro/ /zhes tshig gi 'brel pa'o/ /de ji lta bu zhe na/ dri med brtan pa'i blo ldan zhes bya ba'i phyir ro/ /gal te rnal 'byor pa 'di lta bu'i de kho na nyid bsgom na/ de'i tshe dngos po kun gyi rang bzhin shes pa yin te/ gzhan du ma yin no/ /de kho na nyid ji lta bu yin zhe na/ gsal ba ni me long lta bu'i ye shes kyi rang bzhin dang/ dag pa ni mnyam pa nyid kyi rang bzhin dang shin tu phra ba ni so sor rtog pa'i bdag nyid dang/ mchog bzhi'i rang bzhin ni bya ba nan tan grub pa'i rang bzhin dang/ sangs rgyas mya ngan 'das pa'i khams ni shin tu rnam par dag pa'i chos kyi dbyings kyi rang bzhin yin pa'i phyir ro/ /de bzhin du gnyis med ni snang ba gnyis med pa'i phyir dang/ rtog bral ni nye bar thob pa med pa'i phyir dang/ rtag tu bde ba'i rang bzhin 'od gsal ba'i ngo bo yin pa'i phyir ro/ /de rnal 'byor ba ji lta bur bsgom par bya zhe na/ bsod nams bsod nams min grol zhes pa ni rnam par byung ba dang/ kun nas nyon mongs pa'i rnam par rtog pa dang bral ba'o/ /de gang gi phyir kun nas nyon mongs pa bzhin du rnam par byang ba yang 'khor ba kho na yin te/ bcings pa'i bdag nyid yin pa'i phyir ro/ /ji skad du/ don dam pa rnam par rtog la yang/ mkhas pas zhen par mi bya'o/ /zhes bya ba dang/ lta ba thams cad byas pa rnams/ /stong nyid mdza' ru ston pa yin/ /zhes bya ba gsungs te/ dper na shing bsrogs na thal bar 'gyur ba dang/
- 451b
nas bal bsregs na phal bar 'gyur ba ste/ de bzhin du 'od gsal ba'i me yis/ dman pa dang 'bring dang rab dang/ kun nas nyon mongs pa dang/ rnam par byang ba dang/ lung du ma bstan pa'i rang bzhin rnams bsregs na/ de'i rang bzhin du 'gyur te/ de rnams dbye ba gang yang med pa'o/ /ji skad du/ mya ngan 'das me 'jig pa che/ /thal ba yang ni lus pa min/ /zhes bya ba gsang ba grub pa las kyang gsungs so/ /rnal 'byor pa de ji lta bu zhe na/ bcom ldan zhes bya ba ni ting nge 'dzin gyi rim pas rang bzhin thams cad 'joms pa'i phyir ram/ chos 'byung gi phyag rgya'i sbyor bas phyag rgya'i rim pa la brten pa'i phyir/ bcom ldan te/ chos 'byung mngon par byang chub pa yang phyir mngon par byang chub pa yin no/ /zhes sngar rnam par dpyad pa'o rdo rje sems dpa' ni brtan dang snying po khong stong med/ /mi gcod mi phye mtshan nyid can/ /sreg byed 'jig pa med pa gang/ /stong nyid de ni rdo rje bshad ces bya ba dpal rdo rje rtse mo las gsungs te/ rdo rje de lta bu la sems ni bsam pa gang la yod pa de ni rdo rje sems dpa' ste/ stong pa nyid kyi de kho na nyid thob pas 'od gsal bar bzhugs par 'gyur ro zhes dag gi don to/ /de ni sbas pa'i snying po can gyi mthar thug go /rim pa lnga pa'i 'grel pa/ rim pa'i don gsal bar byed pa zhes bya las mngon bar byang chub pa'i rim pa ste/ bzhi pa'o// //da ni zung 'jug gi rim pa rtsom pa la rdo rje 'chang chen po'i phyag 'tshal bshad par bya ba'i phyir/ mgon po rgyu dang 'bras bdag nyid/ /gnyis pa thams cad rnam spangs la/ /phyag 'tshal nas ni zung 'jug pa'i/ /rim pa tha ma bri bar bya/ /zhes bya ba gsungs te/ thar ba 'dod pa rnams kyis btsal bar bya ba'i phyir/ mgon po ni drug pa ste/ de la phyag 'tshal nas zung 'jug gi rim pa bri bar bya'o/ /zhes bya ba tshig gi 'brel pa'o/ /ji ltar bri bar bya zhe na/
- 452a
dbu ma'i lam yongs su ma spangs pa'o/ /rim pa ji lta bu zhe na/ tha ma zhes bya ba ni 'di las rim pa gzhan med pa'o/ /zhes bstan pa ste/ mi slob pa nyid kyi phyir ro/ /ji skad du/ zung 'jug ting nge 'dzin la gnas pas slar yang gang la yang mi slob pa'o/ zhes bya ba gsungs so/ /mgon po ji lta bu zhen/ rgyu dang 'bras bdag nyid zhes bya ba la/ rgyu ni rdo rje bzlas pa la sogs pa rim pa bzhi dang/ 'bras bu ni rim pa lnga pa ste/ de dag gi bdag nyid ni rang bzhin khang la yod pa de ni de bzhin no/ /de la rdo rje bzlas pa la sogs pa rim pa bzhi po la yang ma ning gi bzlas pa dang/ sems kyi 'od gsal ba dang/ sgyu ma'i sku dang/ rang bzhin gi 'od gsal ba rnams de dang tha mi dad pa yin no/ /zhes pa'i tha tshig go /de gang gi phyir bden pa gnyis dang/ tha mi dad pa'i 'bras bus ma khyab pa cung zad kyang med/ /de ni de bzhin du gnas pas kun nas nyon mongs pa dang/ rnam par byang bdag khyab pa'i phyir ro/ /de bas na/ gnyis pa thams cad rnam spangs la zhes bya ba gsungs te/ dngos po dang dngos ma yin pa la sogs pa'o gnas bshad par 'gyur ba'i phan tshun 'gal ba'i chos dang bral ba ste/ sgra ji bzhin pa'i snying po can gyi mthar thug go /de nyid rnam pa mang pos bshad par bya ba'i phyir/ /'khor ba dang ni mya ngan 'das/ /rtog pa gnyis po spangs pas na/ /gang du dngos po gcig gyur pa/ /zung du 'jug ces de la bshad/ /ces bya ba gsungs te/ rgyu dang 'bras bu'i dbye bas zung 'jug ni rnam pa gnyis so/ /de la rgyu yang nyan thos la sogs pa'i dbye bas rnam pa mang por sdang bshad do/ /gzhan gyi sde pa'i dgongs pas rgyu dang 'bras bu'i bye brag ni grangs can rnams kyi rang bzhin gyi de kho na nyid rgyu dang/ de kho na nyid nyi shu rtsa gsum ni 'bras bu'o/ /de la skyes bu'i de kho
- 452b
na nyid tha mi dad par snang ba 'khor ba dang tha dad par snang ba thar pa'o/ /de bzhin du tshangs par smra ba rnams ni bya ba'i phyogs 'khor ba dang/ 'di dag thams cad tshangs pa yin no zhes nges pa gang yin pa de ni thar pa 'dod do/ /de bzhin du zhi ba la sogs pa mu stegs pa rnams kyi yang 'khor ba dang/ mya ngan las 'das pa rtog par bya ste/ 'khor ba dang mya ngan las 'das pa gnyis ga'i rtog pa gang du med pa de ni zung 'jug zhes bshad do/ /de gang gi phyir kun rdzob dang don dam pa'i rang bzhin gnyis su med pa ste/ bu ram gyi mngar ba dang/ me'i tsha ba'i reg pa lta bu'o/ /'di yang chos nyid kyi rigs pa yin te/ gang zhig 'khor ba dang mya ngan las 'das pa tha mi dad pa'o/ /de ni spyi'i don snying po can gyi mthar thug go /nyan thos pa'i phyogs bshad par bya ba'i phyir ro/ kun nyon mongs dang rnam par byang/ /don dam nyid du shes nas ni/ /gang gi gcig tu gyur zhes pa/ /de yi zung du 'jug pa shes/ /zhes bya ba gsungs te/ nyon mongs pa ni 'dod chags la sogs pa dang rnam par byang ba ni zag pa med pa'i lam la sogs pa ste/ de rnams don dam pa nyid du gang gis gcig tu zhes pa de yis zung 'jug gi rim pa shes pa yin no/ /zhes dgongs pa'o/ /de gang gi phyir nyon mongs pa rnams rnam par dpyad nas/ dbang po la sogs pa la mi dmigs so/ /rnam par byang ba yang nyon mongs pa'i phyogs la bltos ste/ de bas pa de dag phan tshun thung ba dang ring pa bzhin du 'grub pa ste/ spyi'i don snying po can gyi mthar thug go /rnal 'byor spyod pa'i phyogs bshad par bya ba'i phyir/ dngos po rnam bcas kun rtog dang/ dngos po med par rtog pa dag /rnal 'byor pas ni gcig bya spyod/ /de ni zung 'jug shes pa'o/ /zhes bya ba gsungs te/ gang dang gang snang ba de dang de ni rnam par shes pa'i rnam pa ste/ snang ba las mi ldog pa'i phyir ro/ /snang ba ni rnam par shes pa'i lus yin te
- 453a
de bas na 'di dag de'i rnam pa yin no/ /phyi dang nang gi gzugs su bzung ba dang/ 'dzin pa so sor snang ba ni rmi lam bzhin du 'khrul pa yin te/ rnam pa dang bcas pa'i rnam par shes pa smra ba rnams kyi grub pa'i mdza' // rnam pa rnams brdzun yin pas de rnams so sor snang ba yang rgyu med pas/ dag pa'i shel dang 'dra ba'i rnam pa med pa'i rnam rig ni rnam pa med pa'i rnam par shes pa smra ba rnams kyi grub pa'i mdza' o/ /de dag gcig tu byas la rnal 'byor pa gang gi spyod pa de yis zung 'jug shes pa yin te/ gnyis ka yang ngo bo nyid du tha mi dad pa'i phyir ro/ /de gang gi phyir ngo bo nyid ni ldog par byed par mi nus so/ /de yongs su ma shes pas thog ma med pa'i lta ba'i spyed pa 'di dag 'byung ba yin no/ / dngos po rnams kyi rang bzhin ni gnyis su med pa kho na ste/ snga ma bzhin du mthar thug go /nyan thos pa dang/ mdo sde dbu ma pa dag gi phyogs bshad par bya ba'i phyir/ gzung ba dang ni 'dzin pa zhes/ /rnam gnyis bla ni yod min gyi/ /gang du mi phyed blo yod pa/ /de ni zung 'jug ces byar bshad/ /ces bya ba gsungs te/ nye bar len pa dang lhan cig byed pa'i rgyu'i tshogs las byung ba'i bems po ma yin pa'i phyi'i dngos po rnams tshad mas grub pa'i bzung ba'i gzugs su yod pa yin no/ /de bzhin du ming gi mig la sogs pa yang snga ma bzhin du 'dzin pa'i gzugs su 'grub pas yod pa yin no/ /zhes bye brag tu smra ba rnams kyi grub pa'i mdza' o/ /mdo sde dbu ma rnams kyi rgyu dang rkyen las byung ba'i skye mched bcu gnyis bzung ba dang 'dzin pa'i gzugs su so sor yong pa ste/ 'on kyang rang bzhin med pa yin no/ /zhes 'dod do/ /grub pa'i mdza' gnyis po de dag rnam pa gnyis kyi blo yis gang gis mi zin pa tha mi dad pa'i blo 'jug na zung 'jug zhes pa yin te/ snga ma bzhin du mthar thug go /rnal
- 453b
'byor spyod pa'i dbu ma'i phyogs bshad par bya ba'i phyir/ rtag dang chad pa'i blo ngag ni/ /gang gis spangs na rab gnas pa'i/ /zung du 'jug pa'i rim 'di yis/ /de nyid shes te mkhas pa yin/ /zhes bya ba gsungs te/ shes pa kho na don gyi rnam par snang ba ste/ 'dir phyi rol gyi don tshad mas ma grub pa'i phyir/ yod pa ma yin no/ /'on kyang shes pa'i rnam pa de yang rang bzhin med pa ste/ rnal 'byor spyod pa'i dbu ma pa rnams kyis/ phyi'i don bkag pas de rnams la chad pa'i phyogs dang/ rang bzhin med pa'i shes pa'i rnam pa 'dod pas rtag pa'i phyags 'byung bar 'gyur ro/ /de bas na rtag pa dang chad pa'i blo gnyis spangs nas de dang tha mi dad pa'i de kho na nyid gang gis shes te/ mkhas pa ni mi slob pa'i lam shes pa yin no/ /zhes bstan to/ /shes pa dang rnam pa dag yongs su shes pa kho na thar pa yin no/ /rang gi grub mdza' bshad par bya ba'i phyir/ /shes rab snying rje gcig par ni shes nas gang du 'jug 'gyur ba/ zung 'jug ces byar bshad pa ste/ rim 'di sangs rgyas spyod yul lo/ /zhes bya ba gsung te/ nyan thos pa kha cig lhag par mos pa'i spyod pa'i sa la/ sems can la dmigs pa'i snying rje gzung nas byang chub 'dod pa ste/ de rnams la shes rab med pas chad pa'i phyogs 'byung ba yin no/ /gang du de dag dbyer med par shes nas/ 'gro ba'i don du 'jug pa gang yin pa de ni sangs rgyas kyi spyod yul ni kun tu 'od kyi sa'i spyod yul gang zung 'jug gi rim par bshad pa ste/ snga ma bzhin du mthar thug go /rdzogs pa'i rim pa'i rnal 'byor pa'i phyogs bshad par bya ba'i phyir/ thabs dang shes rab snyoms 'jug par/ /thams cad bsdus las shes gyur pa/ /rnal 'byor chen po gang du gnas/ /de ni zung du 'jug par 'gyur/ /zhes bya ba gsungs te/ sems la dmigs pa'i phyag rgya'i rim pa dang/ rim pa bzhi pa la thabs dang shes rab
- 454a
snyoms par 'jug pa ste/ de yi thams cad ces pa ni sems kyi 'od gsal ba dang/ rang bzhin gyi 'od gsal ba shes pa yin no/ /rim pa gsum pa la yang sgyu ma lta bu'i thabs kun rdzob la shes pa yin te/ de yod kyang phyogs gnyis la ltung ba yin no/ /don dam pa'i sgo nas de dag bsdus nas tha mi dad par yongs su shes pa gang yin pa de ni zung 'jug ces bya ba bshad pa yin te/ mthar thug kho na'o/ /nyan thos pa'i phyogs slar yang bshad par bya'o/ /phyir gang du lhag mar bcas pa dang/ de bzhin lhag ma med pa zhes/ /'di lta'i rtag pa med gyur pa/ /de ni zung du 'jug pa'o/ zhes bya ba gsungs te/ gang du lhag mar bcas pa dang/ /lhag ma med pa zhes bya ba'i mya ngan las 'das pa gnyis kyi rtog pa med pa de ni zung 'jug rim par shes par bya'o/ /de lam gyi sgom pas nyon mongs pa rnams spangs kyang ji srid phung po rnams yod pa de srid grol ba ma yin no zhes lhag ma dang bcas pa'i mya ngan las 'das pa'o/ /mar khu zad pas mar me zad pa bzhin du phung po rnams 'jig pas lhag ma med pa'i mya ngan las 'das bar bshad pa ste/ 'di dag tha mi dad pa ni zung 'jug go /de bas na 'khor ba dang mya ngan las 'das pa dag la dbye ba gang med pa ste/ yongs su shes pa dang yongs su ma shes pas byas pa'i dbye ba yod pa'o/ /ji skad du 'khor ba dang ni mya ngan 'das/ /'di dag gnyis po yod min ste/ /'khor ba yongs su shes pa na/ /mya ngan 'das zhes bshad pa yin/ /zhes bya ba gsungs te/ spyi'i don sngon du 'gro ba'i mthar thug go /nyan thos pa dang dbu ma pa'i phyogs bshad par bya ba'i phyir/ gang du gang zag bdag med dang/ /chos la bdag med pa bdag nyid/ /rtog pa gnyis las rnam grol ba/ /zung du 'jug pa'i mtshan nyid do/ /zhes bya ba gsungs te/ 'di ni pha rol pa rnams kyis yongs su brtags
- 454b
pa'i gang zag rtag pa la sogs pa'i rtog pa mi rig pa'i phyir/ 'phags pa nyan thos pa rnams kyis bkag pa yin te/ de bkag nas gang zag bdag med pa'i lta ba la de rnams brten pa ste/ chos rnams rdzas su 'dod pas chos bdag med pa'i lta ba la de rnams brten pa ma yin no/ /dbu ma pa de rnams kyis 'dod pa'i chos gcig dang du ma bral ba'i phyir/ yod pa ma yin no/ /zhes 'dod pa ste/ gnyis ka med pa de rnams kyi grub pa'i mdza' o/ /de ltar gnyis ka bdag med pa gang gis so sor mi rtog pa de yis zung 'jug gi mtshan nyid shes pa yin no zhes snga ma dang sbyar te/ snga ma bzhin du mthar thug go /slar yang rdzogs pa'i rim pa'i phyogs bshad par bya ba'i phyir/ de nyid shes pa'i rim shes nas/ /bdag byin brlab pa'i 'od gsal ba/ /de nyid la ni 'dus pa gangs zung du 'jug pa'i rim 'di yin/ /zhes bya ba gsungs te/ rgyu dang 'bras bu'i rang bzhin gyi sgyu ma dang/ 'od gsal bdag 'dus pa ni kun rdzob dang don dam pa tha mi dad pa'i de kho na nyid zung 'jug ces bya bar bshad pa yin te/ sbas pa'i don snying po can gyi mthar thug go /ting nge 'dzin gyi phyogs bshad par bya ba'i phyir ro/ /ril bor 'dzin dang rjes gzhig dag /de bzhin nyid gnas 'jug pa dang/ /de nas gang du ldang gyur pa/ /mnyam gyur zung du 'jug pa'o/ /zhes bya ba gsungs te/ ril por 'dzin pa dang/ rjes su gzhig ba sngar bshad pa ste/ de dag gis gang zhig de bzhin nyid gnas la 'jug pa ni thams cad stong pa'i go 'phangs la 'jug pa dang/ de las dus gcig du gang zhig ldang ba gnyis po de dag gang du mnyam par 'gyur ba de ni zung 'jug ces bshad do/ /de gang gi phyir rdo rje sku la mnyam par bzhag pa dang/ mnyam par ma gzhag pa'i gnas skabs yod pa ma yin te/ de ni nam mkha' lta bu yin pa'i phyir ro/ /de bas na/ de bzhin nyid la dmigs pa dang/ de las ldang ba ni 'bras bu thob pa'i
- 455a
rnal 'byor pa la 'dra ba yin no/ /ji skad du/ sangs rgyas bcom ldan 'das rnams ni/ rtag tu mnyam par bzhag pa yin/ /zhes bya ba 'byung ngo/ /de nyid kyi phyir/ spyod lam la sogs pa bzhugs pa bzhi po lar bcom ldan 'das rnams rtag tu mnyam par bzhag pa yin no/ /zhes gzhan du yang bstan pa ste/ mthar thug go /slar yang dbu ma'i phyogs bshad par bya ba'i phyir/ kun rdzob dang ni don dam dag /so so'i char ni shes gyur pa/ /gang du yang dag 'dres gyur pa/ /zung du 'jug par de bshad do/ /zhes gsungs te/ sgra dang rnam par rtog pa'i bdag nyid ni/ /kun rdzob dang de las gzhan don dam pa'o/ /de la dbu ma pa kha cig don dam pa las kun rdzob tha dad par 'dod pa dang de las kyang de tha dad par 'dod pa ste/ /phan tshun 'gal ba'i phyir ro/ /'gog par smra ba'i dbu ma kha cig ni don dam pa'i gcig bu 'dod pa ste/ kun rdzob ni sgyu ma'i skyes bu ltar rdzun du yod pa'i phyir/ kha cig kun rdzob gcig bu lon sgyu ma lta bur 'dod pas don dam pa mi 'dod de/ de ni don gyi bya ba byed pa med pa'i phyir ro/ /gang zhig don gyi bya ba byed pa de nyid kun rdzob kyi bden pa ste/ 'on kyang sgyu ma lta bu nyid kyang dpyad na dmigs pa med par 'gyur ro/ / 'dis ni de dag thams cad phyogs gnyis la ltung bas 'khrul ba yin no/ /zhes bstan to/ /gang zhig kun rdzob dang don dam pa de dag 'dres par 'gyur bar shes pa de rnams kyis zung 'jug rtogs par 'gyur ro/ /ji skad du/ gzugs kho na stong pa nyid do stong pa nyid kho na gzugs so/ /gzugs las stong pa nyid tha mi dad pa'o/ /stong pa nyid las kyang gzugs tha mi dad pa'o/ /zhes bya ba la sogs pa rgyal ba'i yum las gsungs so/ /bskyed pa'i rim pa'i phyogs bshad par
- 455b
bya ba'i phyir/ de bzhin nyid la dmigs nyid min/ /gang du ldang bar gyur pa min/ /zung du 'jug pa de yin te/ /mi zad rnal 'byor pa'i gnas zhes bya ba gsungs te/ bskyed pa'i rim pa'i rnal 'byor pas dang po dngos po med cing bsgom pa med/ /zhes bya ba la sogs pa'i tshigs su bcad pa'i rgyu ba dang mi rgyu ba'i dngos po thams cad stong pa nyid du bsgoms de bzhin nyid la bzhugs pa yin no/ /de'i rjes la rlung gi dkyil 'khor la sogs pa'i rim pa de las ldang ba yin no/ /zung 'jug gi rim pa ni gnyis po 'di dag yod pa ma yin te/ cig car rtsang po'i chu las 'phar ba'i nya lta bu longs spyod rdzogs pa'i sku thob pa'i phyir ro/ /de bas na mi zad rnal 'byor pa yi gnas/ zhes bya ba gsungs te/ gcig gzhig nas gzhan 'byung ba yin no/ /zhes bya ba yid la byed pa 'di med pas sku gsum gyi bdag nyid kyi mi zad pa'i gnas yin no zhes ston to/ /de ni spyi'i don sngon du 'gro ba'i mthar thug go /sems la dmigs pa'i rim pa'i phyogs bshad par bya ba'i phyir/ gnyid log dang ni sang ba ste/ /gnas skabs de gnyis spangs pa ni/ /gnyid log sad dang rnam bral ba/ /zung 'jug yin par ston pas gsungs/ /zhes bya ba gsungs te/ ston pa ni dpal rdo rje 'chang chen pos zung 'jug gi rim pa 'di lta bu gsungs so/ /zhes tshig gi 'brel pa'o/ /ji lta bu zhe na/ gnyid log sad dang rnam bral ba zhes bya ba la/ gnyid log pa dang sad pa ni rang bzhin rnams thim pa dang 'od gsal ba 'char ba ste/ de dag dang rnam par bral ba'o/ /de gang gi phyir gnyid log ces bya ba 'dis rab bzhin rnams med par 'gyur ba dang/ sad pa zhes bya ba 'dis sems kyi 'od gsal ba 'chad par bshad pa ste/ rtog pa de gnyis spangs pa'i phyir/ /zung 'jug yin te/ sbas pa'i don snying po can gyi mthar thug pa'o/ /bskyed pa'i rim pa'i phyogs bshad par bya ba'i phyir/ mnyam par bzhag dang ma bzhag pa/
- 456a
gang la 'di dag thams cad med/ /dngos dang dngos min rnam spangs pa/ /rnal 'byor pa ni zung 'jug gnas zhes bya ba gsungs te/ /rnal 'byor pa de zung 'jug gi rim pa la gnas pa yin no zhes tshig gi 'brel pa'o/ /zung 'jug de gang yin zhe na/ rims pa gang la mnyam par bzhag pa dang/ mnyam par ma bzhag pa med pa'o/ /de la mnyam par bzhag pa ni dang po sbyor ba la sogs pa nas/ rig brgya'i dbye ba'i bar du ji srid ting nge 'dzin sum cu rtsa brgyad bsgom pa'o/ /de bzhin du mnyam par ma bzhag pa ni lha'i nga rgyal gyis bar mtshams rnams la gnas pa ste/ gnyis po 'di dag zung 'jug gi rim pa la yod pa ma yin te/ ting nge 'dzin dang/ rnam par g.yeng ba dag rang bzhin gcig yin pa'i phyir ro/ /rnal 'byor ba de lta bu zung 'jug gi rim pa la gnas par shes par bya'o/ /yang ji lta bu zhe na/ dngos dang dngos min rnam spangs pa zhes bya ba ni/ dngos po ni rang bzhin gyi sde pa dang/ gzhan gyi sde pa rnams kyi tshe phyi ma yod pa nyid smra ba dang/ dngos po ma yin pa ni 'jig rten rgyang pan pa rnams kyis tshe phyi ma nyid med par smra ba ste/ de dag rnam par spangs pa ste/ de dang bral ba ste/ snga ma bzhin du mthar thug go /slar yang bskyed pa'i rim pa'i phyogs bshad par bya ba'i phyir/ dran dang mi dran las grol zhing/ /rtag tu 'byung ba'i mtshan nyid can/ /rnal 'byor ba ni 'dod bzhin spyod/ /zung 'jug rim pa la gnas pa'o/ /zhes bya ba gsungs te/ bskyed pa'i rim pa la ting nge 'dzin gnyis te/ dran pa dang dran pa ma yin pa'o/ /de la dran pa'i ting nge 'dzin ni gzhi'i dkyil 'khor la sogs pa bsgom pa dang/ dran pa ma yin pa'i ting nge 'dzin ni stong pa nyid sgom pa'o/ /grol ba ni de gnyis ka las sgrol ba ste/ rim pas sgrub pa de dag dang rim par 'di la
- 456b
'brel ba med pa ste/ 'gal ba'i phyir ro/ /de nyid kyi phyir rtag tu 'byung ba'i mtshan nyid can/ /rang bzhin gyis rtag pa dang/ 'dod bzhin spyod pa ni spyod pa ci dga' ba la gnas pa'i rnal 'byor pa gang yin pa de ni zung 'jug la gnas par 'gyur ro/ /phyag rgya'i phyogs bshad par bya ba'i phyir/ chags dang chags med las grol zhing/ /mchog tu dga' ba'i lus dang ldan/ /'khor ba srid du gnas byed pa/ /zung 'jug rnam par bsgom pa'o/ /zhes bya ba gsungs te/ zung 'jug gi rim pa sgom par byed pa'i rnal 'byor pas/ 'gro ba'i don du 'khor ba ji srid kyi bar du gnas par bya ste/ mi gnas pa'i mya ngan las 'das pa la gnas pa'i phyir ro/ /de ji lta bu zhe na/ chags dang chags med las grol zhing/ /zhes bya ba la snang ba dang/ snang ba mched pa dang/ de dag gi rang bzhin rnams las rnam par grol ba'o/ /yang ji lta bu zhe na/ mchog tu dga' ba'i lus dang ldan/ /zhes bya ba la/ mchog tu dga' ba ni 'od gsal ba ste/ de la 'byung ba'i lus ni sgyu ma'i sku gang la yod pa de ni de bzhin te/ sbas pa sngon du 'gro ba'i mthar thug gi don to/ /smra ba po kun gyis 'dod pa'i phyogs bshad par bya ba'i phyir/ rgyu dang de bzhin 'bras bu dag /mi phyed pa yi ngo bo nyid/ /gnas gang rnal 'byor pas shes pa/ /zung du 'jug pa de bshad do/ /zhes bya ba gsungs te/ kun 'byung gi bden pa rgyu dang sdug bsngal kyi bden pa 'bras bu'o/ /de bzhin du lam rgyu dang/ 'gog pa 'bras bu ste/ bye brag pa rnams 'dod do/ /rnam rig rgyu dang rnam pa rnams 'bras bu'o/ /de bzhin du/ rkyen bzhi po rgyu dang/ rten cing 'brel pa las 'byung ba'i bar 'bras bu ste/ 'di dag rnal 'byor spyod pa dang dbu ma bdag gi phyogs so/ /bya ba'i rgyu la gnas pa rnams ni sa bon gyi yi ge rgyu dang lha'i sku 'bras bur 'dod de/ /spyod pa'i rgyud la gnas pa rnams ni lus la sogs pa rgyu dang/ rdo rje 'chang gi go 'phang thob pa ni 'bras bur 'dod do/ /rnal 'byor gyi rgyud la gnas pa rnams ni de kho na nyid bcu rgyu dang rdo rje dbyings kyi dkyil 'khor chen
- 457a
po la sogs pa mngon du byed pa 'bras bur 'dod do/ /rnal 'byor chen po'i rgyud la gnas pa rnams ni rim pa gnyis rgyu dang drug pa'i go 'phang thob pa ni 'bras bur 'dod do/ /'jig rten pa rnams ni sa bon dang/ myu gu la sogs pa'i dbye bas rgyu dang 'bras bu'i tha snyad 'dod pa ste/ rab tu grags pa kho na'o/ /'di dag thams cad tha mi dad par shes nas gang zhig rnal 'byor pa rnams mi gnas pa'i mya ngan las 'das pa la gnas pa de ni zung 'jug gi rim par bshad pa yin no/ /zhes tshig gi 'brel ba'o/ /de gang gi phyir rgyu dang 'bras bu dag ni chos nyid kyi khyab pas tha mi dad pa ste/ tha dad par rtogs pa ni rnam par rtog pa kho na yin no/ /ji skad du/ rgyu nyid med dang 'bras bu med/ /rang bzhin nyid du las bdag med/ /'di dag thams cad yod min te/ /'jig rten pa dang 'jig rten med/ /ces bya ba gsungs te/ de bas ni rgyu dang 'bras bu dag gzhan du mi 'jug pa ste/ stong pa nyid kyi rang bzhin kho na yin te/ spyi don sngon du 'gro ba'i mthar thug go /rim pa gnyis kyi phyogs bshad par bya ba'i phyir/ /bskyed pa'i rim pa 'di gcig yin/ /gzhan yang rdzogs pa'i rim pa dag /gnyis po gang du gcig gyur pa/ /de ni zung du 'jug par bshad/ ces bya ba gsungs te/ zung 'jug gi rim pa bcom ldan 'das kyis 'di ltar bshad pa yin te/ gang du bskyed pa'i rim pa dang/ rdzogs pa'i rim pa dag tu gcig tu gyur pa'o/ /de la dang po sbyor ba la sogs pa nas rigs brgya'i bar du bskyed pa'i rim pa dang/ srid pa skye ba'i rim pa ni bskyed pa'i rim pa'o/ /bzlas pa la sogs pa rnams thabs dang 'bras bu dang/ dbye ba dang bcas pa dang lam gnyis kyi nye bar bsdu ba gang yin pa de ni rdzogs pa'i rim pa'o/ /rim pa de dag gnyis po ji ltar gcig tu 'gyur zhe na/ smras pa kun rdzob dang/ don dam pa'i rang bzhin de dag tha mi dad pa'i phyir ro/ /tha mi dad pa de yang rang bzhin
- 457b
gis grub ste/ spyi dang sbas pa'i sngon du 'gro ba'i mthar thug go /rim pa gnyis po la yang rnam pa gnyis kyi lha'i sku bshad par bya ba'i phyir/ yongs su dag pa'i lha dang ni/ /'dir ni ma dag par 'gyur zhes/ /gang zhig mi phyed par rtog pa/ /gang yin pa de ni zung 'jug pa'o/ /zhes bya ba gsungs te/ 'dir ni lha'i sku rnam pa gnyis te/ yongs su dag pa dang/ yongs su ma dag pa'o/ /de la yongs su dag pa ni rdzogs pa'i rim pa las 'byung ba ste/ rim pa gsum pa dang lnga pa dag gis gang zhig bsgrub par bya'o/ /yongs su ma dag pa ni sgo nga dang/ drod gsher ba dang/ mngal las skyes ba dang/ rdzus te skyes pa las 'byung ba'i rim pa ste/ de yang mdor byas kyi sgrub thabs las rab tu bstan te/ /rtog pa 'di gnyis po gang zhig tha mi dad par shes pa de ni zung 'jug gi rim pa yin te/ spyi dang sbas pa sngon du 'gro ba'i mthar thug go/ phyogs gzhan yang bshad par bya ba'i phyir/ gzugs can dang ni gzugs med ces/ /rtog pa gnyis po sbas pas na/ /gang zhig zhi rtogs rnal 'byor pa/ /de ni zung 'jug thob pa'o/ /zhes bya ba gsungs te/ gzugs med ni nam mkha' dang rnam par shes pa'o/ /gzugs can ni phyi dang nang gi bdag nyid kyi dmigs pa la sogs pa ste/ rtog pa gnyis po de dag zung 'jug gi rim pa la yod pa ma yin te/ kun rdzob dang don dam pa tha mi dad pa'i phyir ro/ /zhi ba ni rtog pa gnyis dang bral ba'i phyir/ /rang bzhin du dag pa rnal 'byor pa gang gis rtogs par 'gyur ba de yis zung 'jug gi rim pa shes pa yin no zhes bshad do/ /de bzhin du gzugs can ni sngags dang/ ye shes dang/ rdo rje'i sku rnams so/ /gzugs med ni 'od gsal ba ste/ rtog pa 'di gnyis po gang gis tha mi dad par shes pa de'i zung 'jug gi rim pa thob par 'gyur te/ spyi'i don dang/ sbas pa'i snying po can gyi mthar thug go /de kho na nyid thob pa'i phan yon bstan par bya ba'i phyir/ de ltar gang nas rnal 'byor pa/ /zung 'jug rim la gnas pa ste
- 458a
de ni kun mkhyen de nyid mthong/ /sna tshogs 'dzin zhes brjod pa yin/ zhes bya ba gsungs te/ rigs mthun pa dang rigs mi mthun pa'i rnam par rtog pa thams cad gnyis su med par byed pa'i mtshan nyid kyi zung 'jug gi rim pa la gnas pa'i rnal 'byor pa gang yin pa de ni kun mkhyen dang de nyid mthong ba zhes bya ba de kho na nyid mthong ba'i phyir thams cad mkhyen pa zhes brjod do/ /yang ji lta bu zhe na/ sna tshogs 'dzin pa ni sna tshogs pa'i gdul bya rnams sna tshogs pa'i thabs rnams kyis 'dul ba'i phyir/ sna tshogs pa 'dzin pa ste/ sgra ji bzhin pa'o/ /mi slob pa nyid bshad par bya ba'i phyir/ sgyu 'phrul dra bas mngon sangs rgyas/ /'khor ba'i rgya mtsho'i pha rol son/ /bya ba byas pa'i rnal 'byor che/ /bden pa gnyis kyi tshul la gnas/ /zhes bya ba gsungs te/ bden pa gnyis kyi tshul la gnas pa ni zung 'jug gi lam la gnas pa'i rnal 'byor pa gang yin pa de bya ba byas pa ni rang dang gzhan gyi don mdzad par byed pa yin no/ zhes ngag gi lhag ma ste/ bya ba gzhan med pa'i phyir ro/ /de dag med pa yang mi slob pa'i phyir ro/ /rgyu gad gis byas pa yin zhe na/ sgyu 'phrul dra ba ni sna tshogs pa'i rang bzhin gyi tshogs kyi sprul pa'i 'khor ba kho na sgyu ma zhes mngon par sangs rgyas ni de'i rang bzhin shes pa'o/ /de nyid kyi phyir 'khor ba ni rang bzhin gyi tshogs las 'byung ba'i dge ba dang/ mi dge ba'i las kyi dbang gi 'byung ba'i bde 'gro dang/ ngan 'gro'i mtshan nyid de/ gnyis su med pa'i ye shes kyis de'i rang bzhin shes pas pha rol son pa ni 'khor ba dang mya ngan las 'das pa'i mi gnas pa'i mtshan nyid thob pa yin no/ /de nyid kyi phyir/ rnal 'byor che ni rim pa bzhi la bltos pas che ba yin te/ mthar thug gi don to/ /ming la zhen pa dang ldan pa rnams la rnam grangs bshad par bya ba'i phyir/ de ni gnyis med ye shes
- 458b
ste/ mi gnas mya ngan 'das pa yin/ /sangs rgyas rdo rje sems dpa' nyid/ /de bzhin kun gyi dbang phyug yin/ /rdo rje lta bu'i ting 'dzin yin/ /rdzogs pa'i rim gnas de nyid de/ /sgyu ma lta bu'i ting 'dzin dang/ /gnyis su med par de bshad do/ zhes bya ba tshigs su bcad pa gnyis gsungs te/ zung 'jug gi rim pa rnam grangs 'di rnams kyis bshad pa yin no/ /de la gnyis med ye shes ni kun rdzob dang don dam pa tha mi dad pas gnyis su med pa ste/ de nyid ye shes med pa'i phyir/ ye shes te gnyis su med pa'i ye shes so/ /'khor ba dang mya ngan las 'das pa dag la mi gnas pa'i phyir/ mi gnas pa'i mya ngan las 'das pa yin no/ /ji skad du/ shes rab kyis ni srid mi gnas/ /snying rjes mya ngan 'das mi gnas/ /thabs med pa yis yun ring dang/ /thabs kyis kyang ni yun ring nyid/ /zhes bya ba la sogs pa gsungs so/ /de la shes rab kyi pha rol tu phyin pas sgyu ma lta bu'i ting nge 'dzin la ni gnas pa dang/ sbyin pa la sogs pa'i pha rol tu phyin pa rnams kyis rang bzhin gyi 'od gsal ba la yang mi gnas pa ste/ mi gnas pa'i mya ngan las 'das pa'i mtshan nyid do/ /de bzhin du chos thams cad kyi rang bzhin yongs su shes pas sangs rgyas 'di nyid yin no/ /de bzhin du rdo rje ni mi phyed pa'i ye shes te/ de la sems ni dgongs pa gang la yod pa de ni rdo rje sems dpa' ste/ de kho na 'di nyid bshad pa yin no/ /de bzhin du gnyis su med pa'i phyir/ rdo rje ni mi phyed pa ste/ sems ni satwa ste/ dam pa yin pa'i phyir/ longs spyod rdzogs pa'i sku'i rang bzhin no/ /rdo rje yang yin la sems kyang de nyid yin te/ rdo rje sems dpa' ni chos dang longs spyod rdzogs pa'i sku tha mi dad pa'i rang bzhin no zhes ston to/ /kun gyi dbang phyug ni sku'i dbang phyug la sogs pa'i sbyor ba 'am/ rdul phra rab la sogs pa sbyor ba 'am/ yon tan drug gi sbyor bas so/ /de bzhin du rdo rje lta bu'i ting nge 'dzin ni mi phyed pa'i phyir/ rdo rje lta bu ste/ kun tu 'od kyi sa'i skad cig
- 459a
dang po'o/ /de bzhin du ting nge 'dzin 'di kho na rdzogs pa'i rim pa ste/ mi slob pa'i phyir ro/ /rdo rje bzlas pa'i la sogs pa'i de'i ming ni nye bar btags pa'i phyir ro/ /nye bar btags pa de yang rgyu la 'bras bu'i nye btags pa ste/ de'i rgyu yin pa'i phyir ro/ /sgyu ma lta bu'i ting nge 'dzin ni 'di yin te/ kun rdzob rdzun du snang ba dang/ don dam pa snang ba med pa nyid du tha mi dad par snang ba'i phyir ro/ /sgyu ma lta bu'i ting nge 'dzin de yang rnam pa gnyis te/ bstan bcos las 'byung ba dang/ yongs su smra ba las 'byung ba'o/ /de la bstan bcos las 'byung ba ni brdzun du so sor snang ba dang/ yongs su smra ba las 'byung ba ni rim pa gsum pa brjod par bya'o/ /'dir ni bstan bcos las 'byung ba yang gzung bar bya'o/ /'di nyid sngar bshad pa'i rig pas gnyis su med pa zhes bshad pa ste/ mthar thug go /gzhan yang 'di nyid kyi rnam grangs bshad par bya ba'i phyir/ sgra gang skye med la sogs pa/ /gnyis med ye shes ston pa rnams/ /thams cad 'di yi tshig yin te/ /der ni gzhan dag med par bshad/ /zhes bya ba gsungs te/ mdo sde dang/ rgyud dang/ rtog pa'i rgyal po rnams kyi nang na skye med la sogs pa'i sgra ni skye ba med pa dang/ yang dag pa'i mdza' dang/ de bzhin nyid dang/ stong pa nyid dang/ mnyam pa nyid dang/ lam dbu ma dang/ shes rab kyi pha rol tu phyin pa la sogs pa'i sgra gang gsungs pa'o/ /rnam pa thams cad gnyis su med pa'i ye shes ston pa'i phyir/ 'di'i tshig ni zung 'jug gi rim pa kho na rjod par byed pa yin no/ /mdo sde la sogs pa der ni gzhan pa ma yin te/ de las 'das pa'i de kho na nyid gzhan ma gsungs pa'i phyir ro/ /rim pa 'di kho na la brten nas snga ma'i sangs rgyas rnams kyis phyag rgya chen po'i dngos grub thob pa yin no zhes bshad par bya ba'i phyir/ gaM kA'i klung gi bye snyed kyi/ /sangs rgyas rnams kyis 'di nyid gang/ /thugs chud yong
- 459b
med phyogs spangs pa/ /phyag rgya chen po bdag nyid grub/ /zhes bya ba gsungs te/ rdzogs pa'i rim pa 'di nyid la brten nas chu bo gaM gA dang mtshungs pa'i sangs rgyas rnams kyis phyag rgya chen po'i dngos grub thob pa yin no/ /de ji lta bu yin zhe na/ yod med phyogs spangs pa ni gzung ba dang 'dzin pa dang 'dzin pa la sogs pas yongs su brtags pa'i dngos po brtan pa dang/ skad cig ma la sogs par 'dod pa gang yin pa de ni yod pa'i phyogs dang/ 'ba' zhig pa chad par smra ba 'jig rten rgyang pan pa la sogs pa rnams ni med pa'i phyogs te/ de dag bral ba'o/ /'di ni smra ba po thams cad kyi phyogs bkag par 'gyur te/ spyi don snying po can gyi mthar thug go /slob bzhin pa'i rnal 'byor bas zung 'jug gi rim pa bsgom pa bzhin du spyod pa yang de bzhin du bsgom pa dang spyod par bya'o/ /zhes bstan pa'i phyir/ zung 'jug go 'phang la gnas pa'i/ /slob bzhin pa yi rnal 'byor che/ /zung du 'jug pa bsgoms gyur pas/ /spyod pa'ang de dang gnyis su med/ /zhes bya ba gsungs te/ zung 'jug gi rim pa la gnas pa'i rnal 'byor pas ji ltar zung 'jug sgom par byed pa de bzhin du spyod pa yang gnyis su med pa'i 'bras bu thob pa bzhin du rnam par rtogs pa gnyis dang bral ba'i spyod pa bsgom pa dang/ spyod par bya ba ste/ sgra ji bzhin pa'o/ /rigs dang yon tan dang bya ba dang/ rdzas kyi dbye bas de nyid bshad par bya ba'i phyir/ ji ltar bdag nyid de bzhin sgra/ /ji ltar chud ma de bzhin pha/ /ji ltar smad 'tshong de bzhin ma/ /ji ltar bram ze de bzhin gdol/ /zhes bya ba gsungs te/ rnal 'byor pa de la bdag dang dgra dag gi steng na yid la byed pa 'dra ba ste/ bdag dang gzhan gyi dbye ba mi dmigs pa'i phyir ro/ /de bzhin du bde ba'i gnas dang 'dul bar byed pa'i chung ma dang/ pha'i steng na sems gcig pa ste/ de bzhin du 'gro bar bya ba dang/ 'gro bar mi bya ba'i smad 'tshong ma dang ma la sems gcig pa ste/ rdzas kyi sgo nas dbye
- 460a
ba med pa'o/ /gdol pa can dang/ bram ze ngag tha mi dad pa ni rigs kyi dbye ba med pa ste/ sgra ji bzhin pa'o/ /gzhan yang bshad par bya ba'i phyir/ /ji ltar pags pa de bzhin gos/ /ji ltar mar dang de bzhin dug /ji ltar chang dang de bzhin gci/ /ji ltar 'bras dang de bzhin bshad/ /zhes bya ba gsungs te/ gos gon pa'i dus su pags pa dang/ gos dag tha mi dad par shes par bya'o/ /de bzhin du mar dang/ dug ni rgyu ba dang mi rgyu ba la sogs pa gnod par byed pa ste/ de dag kyang 'dra bar shes pa dang/ de bzhin du bza' ba dang btung ba'i dus su 'bras dang/ bshang ba dang/ dgun chang dang/ gci ba tha mi dad par shes pa ste/ rdzas dbye ba med pa'o/ /de ni sgra ji bzhin pa'o/ /gzhan yang ji ltar dri bzang ga pur dag /de bzhin bshang ba las byung dri/ /ji ltar bstong par byed pa'i tshig/ de bzhin du ni mi sdug tshig /ces bya ba gsungs te/ dri bzang dang/ dri ngan gyi ga pur dang/ bshang ba dag la khyad par shes pa ma yin te/ yon tan gyi dbye ba med pa'o/ /bstod pa dang smod pa'i tshig dag gi bya ba gnyis su med par shes pa yin te/ sgra ji bzhin pa'o/ /gzhan yang drag po rdo rje can de bzhin/ /ji ltar nyin mo de bzhin mtshan/ /ji ltar rmi lam de bzhin mthong/ /ji ltar 'jig pa de bzhin gnas zhes bya ba gsungs te/ drag po ni lha chen po ste/ rdo rje can ni rdo rje 'chang chen po ste/ de dag tha mi dad par shes par bya ste/ chos kyi sku'i sgo nas de dag 'dra ba yin pa'i phyir ro/ /ji skad du/ pha rol smra ba gang yang rung/ /rtags kyi dbye bas gnas pa kun/ /de dag smad par mi bya ste/ rdo rje sems dpa' i rnam 'phrul yin/ /zhes bya ba gsungs te/ nyin mo dang mtshan mo dag kyang tha mi dad par shes pa ste/ 'od gsal ba'i mtshan nyid kyis gnyis ka khyab pas 'dra ba'i phyir ro/ /rmi lam dang mthong ba ni sad pa ste/ de dag kyang tha mi dad par shes par
- 460b
bya ste/ phyi'i don med pas so sor snang ba tsam du de dag la khyad med pa'i phyir ro/ de bzhin du 'jig pa dang gna pa ni 'jig pa dang skye ba ste/ de dag kyang khyad med par shes par bya'o/ /de dag gi phyir rten cing 'brel par 'byung ba'i dngos po rnams la/ re zhig skye ba med pa ste/ de med pas 'jigs pa yang med pa'i phyir ro/ /de bas na byis pa rnams la 'di dag /'khrul pas so sor snang ba ste/ don dam par skye ba dang 'jig pa gang yang ma yin te/ chos thams cad 'od gsal ba la rag lus pa'i phyir ro/ /ji skad du/ 'dir ni gang dag skye ba med/ /gang yang 'chi ba yod ma yin/ /sems kyi rang bzhin rnam gnas par/ /'khor ba nyid ni shes par bya/ /zhes bya ba rim pa gsum pa las gsungs pa/ /sgra ji bzhin pa'o/ /gzhan yang bshad par bya pa'i phyir/ ji ltar bde ba ji bzhin sdug /ji ltar sdang ba de bzhin bu/ /mnar med mtho ris de bzhin te/ /de bzhin sdig dang bsod nams so zhes bya ba gsungs te/ dga' ba dang/ mi dga' bar byed pa'i bde ba dang/ sdug bsngal ba dag la rnal 'byor bas khyad par shes pa ma yin te/ 'dod chags dang 'dod chags bral ba la sogs pa'i rang bzhin rnams 'od gsal ba la thim pa dang/ de nyid las 'byung ba'i phyir ro/ /ji skad du/ ji ltar sprin ni sna tshogs shing/ /mdog dang dbyibs ni tha dad pa/ /nam mkha' i dbyings su byung na ni/ /de nyid du ni thim par 'gyur/ /de bzhin rang bzhin thams cad ni/ /snang ba gsum gyi rgyu can te/ /ma lus yul la zhugs nas ni/ /'od gsal bar ni zhugs par 'gyur/ /zhes bya ba gsungs so/ /de bzhin du sdang ba dang/ bu dag la yang rnal 'byor pas khyad mi shes te/ zhe sdang dang dga' ba'i rgyu gyur pa de dag snga ma bzhin du rang bzhin gyi nang du bsdu ba'i phyir ro/ /de bzhin du dge ba dang mi dge ba'i las kyi 'bras bu mtho ris dang mnar med pa dag gi dbye ba shes pa ma yin te/ thog ma nas ma skyes pa'i 'od gsal
- 461a
ba de dag gis nam mkha' bzhin du ma gos pa'i phyir ro/ /las dang las kyi 'bras bu dag kun rdzob tu nyams su myong ba ste/ don dam pa ni ma yin no/ /ji skad du/ de 'dra'i rang bzhin ma shes pas/ /mi shes mun pas khebs pas ni/ /dge dang mi dge'i las byas nas/ /'gro ba ldar ni 'khor bar 'gyur/ /zhes bya ba gsungs so/ /de bzhin du mtho ris dang dmyal ba'i rgyur gyur pa'i bsod nams dang sdig pa dag kyang rang bzhin gyi nang du bsdu bas snga ma bzhin du tha mi dad par shes par bya ste/ sgra ji bzhin pa'o/ /nye bar bsdu ba bshad pa'i phyir/ da ltar shes nas ye shes can/ /dogs pa med par thams cad byed/ /sbas pa'i rtul shugs kun bsgrubs na/ /phun sum tshogs pa thams cad 'grub ces bya ba gsungs te/ sngar bshad pa'i rim pas phan tshun 'gal ba'i chos rnams tha mi dad par shes nas dogs pa med cing spyod par bya'o/ /de nyid kyi phyir thams cad byed pa ni bya ba thams cad rjes su gnas par bya'o/ /ci byas nas zhe na/ sbas pa'i brtul shugs ni sbas pa'i mtshan nyid kyi rtul shugs te/ 'di ji lta bu yin zhes bya ba gzhan gyis ji ltar mi shes pa de lta bu'i 'jig rten la ma grags pa'i brtul shugs sam/ cang mi smra ba'i brtul shugs 'dzin par bya'o/ /de gang gi phyir skye bo rnams kyis de g.yeng bar mi 'gyur/ de rnams la lan mi ster ba'i phyir ro/ /de ltar byas na rnal 'byor pa de'i tshe phun sum tshogs pa thams cad ni sangs rgyas kyi yon tan thams cad dang/ lhan cig tu 'grub par 'gyur ro/ /rim pa'i mdza' ru bsod nams yongs su bsngo ba'i phyir/ mchog gyur rim pa lnga po ni/ /bshad nas bsod nams gang thob pa/ /zung du 'jug pa'i ting nge 'dzin/ /'di yis 'jig rten rol par shog /ces bya ba gsungs te/ /rim pa lnga po gsal bar byas nas/ bdag gi bsod nams ni
- 461b
dge ba gang thob pa bsod nams kyi rgyu de'i 'jig rten ni/ 'khor ba thams cad zung 'jug gi ting nge 'dzin ji ltar bshad pa'i mtshan nyid 'di yis rol pa ni mi gnas pa'i mya ngan las 'das pa'i go 'phang thob pas/ grangs med pa'i sems can gyi don dus sangs rgyas kyi zhing dang sangs rgyas kyi zhing du brtson 'grus kyi phun sum tshogs pa dang ldan par gyur cig pa'o/ /rim pa lnga pa'i 'grel pa rim pa'i don gsal bar byed pa zhes bya ba las zung 'jug gi rim pa ste lnga pa'o// //langkar gshegs pa'i mdo las gang/ /thub pa nyid kyi lung du bstan/ /yod med phyogs dag bral ba yi/ /theg pa chen po gang gis gsungs/ /dbu ma'i rtsa ba la sogs pa'i/ /sna tshogs rab tu byed pa rnams/ /shin tu gsal ba'i dag rnams kyis/ /lta ba ngan sel gang gis gsungs/ /rnal 'byor chen po las btus pa'i/ /man ngag rgya che dang ldan rnam/ /thugs rje chen po'i bdag nyid kyis/ /gang gis rim pa lnga sogs gsungs/ /gang gis gnod sbyin mo rnams tshad med grub/ /de bzhin klu rnams gang la dbang du gyur/ /'jig rten lha yi go 'phang thob pa'i phyir gang gis bdud rtsi rab tu 'grub par mdzad/ /yod med rnam par grol ba'i thabs la mkhas/ /mchog gi dngos grub yang dag rnyed pa ni/ /dpal gyi ri bor dngos grub khyad gnas la/ /klu yi byang chub gang gis slob mar gyur/ /sa ni brgyad pa thob cing blo bzang ba/ /ngag rnams spangs shing don ni bsdu bar byed/ /gang gis dgongs pa de yis gnang ba yis/ /slob ma 'phags pa lha yis gsal bar byed/ /'jig rten gsum la gang gi grags pa gsal zhing rgya che zab pa dang/ /thugs rje rba rlabs 'byung zhing rgyal ba'i yon tan nor bu gang gis 'dzin/ /yang dag byang chub dpal mo thob dang skye bo'i zhi ba 'grog pa'i phyir/ /dpal ldan klu sgrub rgya mtsho de las rim lnga bdag nyid 'di dag 'byung/ /rdo rje tshig rnams ma lus pa'i/ /rim lnga de don gsal byas nas/ /bdag gi bsod nams gang thob pa//
- 462a
de yis skye bo rdor can shog /ma lus rgyud kyi don zab pa'i/ /rgya mtsho'i pha rol phyin pa gang/ /dpal ldan dus kyi rim gnyis dang/ /don drug mkhas shing sgra chad mkhas/ /kha che'i mkhas pa chen po yi/ /dpal ldan lak+Sh+mI bdag gis ni/ /rim pa lnga yi 'grel pa 'di/ /byas te de yis rgyal bar shog /kha che'i mkhas pa chen po dpal lak+Sh+mI'i zhal snga nas mdzad pa'i rim pa lnga pa'i 'grel pa rim pa'i don gsal bar byed pa zhes bya ba rdzogs so// //yon gyi bdag po dga' rab gza' yis zhus te/ rgya gar gyi mkhas pa paN+Di ta chen po/ tA ra ka la sha'i sras man+t+ra ka la sha nyid kyis bsgyur cing gtan la phab pa'o// //mang+gA laM//