Text
ff. 1a–272a · 543 folio sides
- 1a
gsang ba 'dus pa'i 'grel pa man ngag gtan la dbab pa zhes bya ba bzhugs so/
- 1b
rgya gar skad du/ u pa de sha ni shtsa ya nA ma sh+ri gu hya sa ma dzA brit+ti/ bod skad du/ dpal gsang ba 'dus pa'i 'grel pa man ngag gtan la dbab pa zhes bya ba/ dpal byang chub rdo rje la phyag 'tshal lo/ /shes bya'i sgrib sogs nges grol cing/ /'gro rnams thugs rjes khyab mdzad pa/ /chos kun nam mkha' i mtshan nyid kyi/ /ngo bo nyid gang thugs su chud/ / mi phyed rdo rje'i bdag nyid la/ /dbyer med dad pas phyag 'tshal te/ /thig le g.yo ba med pa yi/ /nges don bla ma'i man ngag
- 2a
gang/ /slob ma nyid la phan pa'i phyir/ /lung la brten te ci nus bri/ /de la rgyud 'dir 'jug par 'gyur ba'i gang zag rnams dang/ phyi rol pa rnams yid ches par bya ba'i phyir/ 'di skad bdag gis thos pa'i dus gcig na/ zhes bya ba rgya cher smos so/ /de la yang gzhung 'di nyid grub pa'i gang zag rnams ni de nyid kyis yid ches par 'gyur ro/ /phyi rol pa blo sngon du gtong ba rnams ni dgos pa khong du chud nas 'jug par 'gyur te/ 'di ltar brjod par bya ba ni/ dpal rdo rje 'dzin pa'i don dang
- 2b
mdzad spyod rnams yin la/ rjod par byed pa ni tshig rnams yin te/ des brjod par bya ba'i don khong du chud pa ni dgos pa yin no/ /des kyang de nyid thob par 'gyur ba ni dgos pa'i dgos pa yin pa dang/ 'di la de dag gi nus pa med pa ma yin pas 'grel pa yod de/ de ltar dgos pas yan lag dang bcas pa 'di mthong nas 'jug par 'gyur ro/ /de bas na don 'di gzigs te/ yang dag par sdud par byed pas ston pa dang dus la sogs pa rgya cher smos so/ /de bas na 'di ltar 'gyur te/ phyi rol pa'i klan ka spang ba dang/ phyis 'byung ba dag dad par bya ba dang/ blo sdon du gtong bdag yid ches par bya ba dang/ yang dag par sdud par byed pa bdag nyid kyi don nyid yin par bstan pa'i phyir dus la sogs pa rgya cher smos pa yin no/ /de la 'di skad bdag gis thos pa'i dus gcig na zhes
- 3a
bya ba la sogs pa ni yang dag par sdud par byed pas 'di skad du gang gi tshe/ gang zhig gang na bzhugs pa de'i tshe 'di skad bdag gis thos so/ /zhes bya ba'i gleng gzhi smos pa yin te/ 'di dag la yang tshig gi rim pa'i don ji lta ba ni/ 'dir bsnyad par mi bya'i mthar phyin pa'i don nyid tsam zhig bstan par bya bas gzhan dag tu yang de bzhin du shes par bya'o/ /de la e zhes bya ba ni b+ha ga ste/ de yang chos kyi sku'i bdag nyid kun nas spros pa rnams 'joms pa'i bdag nyid do/ / baM zhes bya ba ni de'i nor bu ste/ de yang thig le g.yo ba med pa'i bdag nyid kyi gzugs su rnam par gnas so/ /de la bcom ldan 'das rdo rje 'dzin pa nyid thig le chen bo'i bdag nyid du zhugs te/ don 'di bdag gis mthong ba'i tshe na zhes bya ba'i tha tshig go /de yang spros pa thams cad dang bral ba'i chos nyid kyi rang bzhin gyi ye
- 3b
shes rnam par mi rtog pa so so rang rig pa'i bdag nyid tsam 'di gang gi dus na shes shing thos zhe na/ shes rab ma'i b+ha ga'i yi ge e dang 'dra ba'i dus na dam pa'i dga' ba'i rgyu mtshan yi ge bo? gyi rnam pa'i rtse thig le lta bu yod de/ de dang snying rje'i bdag nyid kyi nor bu phrad par gyur pa na rang bzhin gyis dga' ba'i byed rgyu thig le 'bab par 'gyur te/ gang gi tshe de snying rje'i bdag nyid kyi nor bu la gnas par de'i tsha rgyu gang gis sems kun nas 'dus par gyur te/ ye shes kyi gzhir gyur pa na de kho na nyid kyi don du gnas te mtshan ma med pa la rang bzhin gyis gnas par bya'o zhes bya ba'i tha tshig go /de'i dus na gang zhig bzhugs zhe na/ bcom ldan 'das zhes bya ba smos te/ b+ha ga ni gong du bstan pa'i shes rab ma'i b+ha ga ste/ de na thig le chen po'i bdag nyid du bzhugs pa ste/ 'dir b+ha ga dang ldan pas b+ha ga bAn zhes mchams sbyar ro/ /de'i yon tan gyi khyad par bstan pa'i phyir de bzhin gshegs pa thams cad sku dang gsung dang thugs ni rdo rje'i snying po zhes bya ba smos te/ de la de bzhin gshegs pa zhes bya ba ni/ byang chub kyi sems bde ba chen po thug su chud pa ste/ de yang ji ltar chags pa'i bdag nyid de ltar de
- 3a
bzhin nyid thugs su chud pa'o/ /de thams cad kyi sku gsung thugs ni rdo rje ltar mi phyed pa ste/ de'i snying po ni sa bon byang chub kyi sems rdo rje'o/ /de yang phyag rgya'i bdag nyid dang/ sgra'i bdag nyid dang/ thig le'i bdag nyid pas sku gsung thugs rdo rje nyid do/ /de gang na bzhugs zhe na/ de bzhin gshegs pa thams cad kyi btsun mo'i b+ha ga la bzhugs so zhes bya ba smos te/ del btsun mo ni phyag rgya'o/ /de'i b+ha ga de bzhin gshegs pa thams cad kyi bzhugs gnas bde ba can de na bzhugs so zhes bya bar sbyar te/ de la 'dir bzhugs so zhes bya ba'i sgra 'dis rgyud kyi don gtan la phab pa yongs su rdzogs par bstan to/ /ji ltar zhe na/ 'dir byed pa'i tshig gis bsgrubs te/ de la gang bzhugs zhe na/ bcom ldan 'das so/ /gang la bzhugs zhe na/ btsun mo'i b+ha ga la'o/ /gang ltar bzhugs zhe na/ brjod kyis mi lang ba'i yang brjod kyis mi lang ba rnams dang ngo/ / gang gi tshe na bzhugs zhe na/ don 'di ltar bdag gis rtogs shing khong du chud pa'i dus na'o/ /ji ltar bzhugs zhe na/ thabs gcig tu zhes bya ba smos te/ de yang 'dir gnas gcig pa'i ngo bor mi sbyar gyi ngo bo gcig par sbyar bar bya'o/ /'di ltar gang gi tshe shes rab ma'i b+ha ga la byang chub kyi ngo bo sa bon du bzhugs pa de'i tshe na/ de'i lus kyi bdag nyid gang yin pa de ni de bzhin gshegs pa thams cad kyi phrin las kyi
- 4b
bdag nyid dam tshig rdo rje ste/ /sgrib pa rnam par sel ba'o/ /de'i mig gi rang bzhin de bzhin gshegs pa thams cad kyi sku'i bdag nyid lus rdo rje ste sa'i snying po'o/ /de'i lce'i bdag nyid ni de bzhin gshegs pa rnams kyi gsung gi ngo bo 'jig rten dbang phyug go /de'i rna ba'i rang bzhin ni de bzhin gshegs pa rnams kyi thugs kyi ngo bo sems rdo rje ste lag na rdo rje'o/ /de'i yid kyi rang bzhin ni de bzhin gshegs pa rnams kyi ting nge 'dzin rdo rje ste kun tu bzang po'o/ /de'i sna'i rang bzhin ni de bzhin gshegs pa rnams kyi yon tan gyi ngo bo rgyal ba rdo rje ste nam mkha' i snying po'o// // gzhan yang sra ba'i rang bzhin ni sa rdo rje ste sangs rgyas spyan no/ /gsher ba'i rang bzhin ni chu rdo rje ste ma mA kI'o/ /dro ba'i rang bzhin ni me rdo rje ste gos dkar mo'o/ /bskyod pa'i rang bzhin ni rlung rdo rje ste dam tshig sgrol ma'o/ /de rnams gang du snang ba ston par byed pa ni nam mkha' rdo rje ste dbyings kyi dbang phyug ma'o/ /gzhan yang gzugs dang/ sgra dang dri dang ro dang/ reg bya dang/ chos kyi dbyings kyi ngo bo nyid ni gzugs kyi rdo rje la sogs pa'i sems ma rnams so/ /de'i rnam par shes pa dang/ gzugs dang/ tshor ba dang/ 'du shes dang/ 'du byed dang/ de'i zhe sdang dang/ gti mug dang/ nga rgyal dang/ 'dod chags dang/ phrag dog rnams kyi ngo bo nyid ni/ de bzhin gshegs pa mi bskyod pa dang/ rnam par snang mdzad dang/ dkon mchog dpal dang/ tshe dpag tu med pa dang/ rdo rje gdon mi za ba rnams kyi ngo bo nyid du dbyer med pa'i tshul du bzhugs so zhes bya bar sbyar ro/ 'di ltar bzhugs zhes bya ba'i tshig gzhan dag tu yang shes par bya'o/ /de la brjod kyis mi lang ba zhes bya ba ni/ 'grang bar bya ba las 'das pa'o/ /yang brjod kyis mi lang ba zhes bya ba ni/ rab tu mang po'i don te/ chos kyi dbyings dang mnyam par bstan pa'i don/ rnam pa gcig tu snga ma ni rnam grangs yin la/ bsnan pa ni khyad par gyi don to/ /sangs rgyas kyis zhing ri rab kyi rdul phra mo snyed ces bya ba ni/ tshed las 'das pa'i deb mtshon pa'o/ /byang chub sems dpa' sems dpa' chen po la zhes bya ba la byang chub ni thabs dang shes rab kyi bdag nyid do/ /sems dpa' i
- 5a
de 'dod pa'o/ /gong du bstan pa'i byang chub kyi sems bde ba chen po la gnas pas sems dpa' chen po zhes bya ba'o/ /de dag snyed dang thabs gcig tu bzhugs pa yang gang la zhed/ snying po rdo rje spyod pa'i padmo la bzhugs pa zhes smos so/ /snying po ni b+ha ga rdo rje ni mtshan ma ste/ de dag sbyor ba'i dus kyi pad+ma gang yin pa de la bzhugs so zhes bya bar snga ma bzhin no/ /rnam gcig tu thabs kyi bdag nyid snying po rdo rje de shes rab kyi bdag nyid pad+ma la sbyor ba gang yin pa de na bzhugs zhes bya bar sbyor ro/ /de ltar gzhugs pa de dag gang zhe na/ 'di lta ste/ zhes bya ba la sogs pa smos te/ de la dam tshig rdo rje zhes bya ba'i byang chub sems dpa' sems dpa' chen po zhes bya ba la sogs pa ni gong du bshad pa ltar dbyer mi phyed pa'i bdag nyid pas rdo rje zhes smros te/ gzhan ni snga ma bzhin mo/ /sa rdo rje zhes bya ba la sogs pa'i lha ma rnams la pho'i sgra smos pa ni rang dang 'dra ba'i thabs kyi cha yod pa so zhes zer ro/ /rnam gcig tu tshig gi bde rim dang sgras pa'i don yin te 'gal ba med do/ /nam mkha' rdo rje zhes bya ba ni dbyings kyi dbang phyug ma nyid yin smos kyi re yang 'dir byang chung kyi sems rdo rje'i rang bzhin nyid du 'dod pas lha'i rang bzhin yin yang 'khor gyi dkyil 'khor du ma bkod pa la 'gal ba med do?/ /de dag la sogs pa zhes bya ba ni 'dir 'dul ba'i dbang gis rgyud gcig tu gtogs pa'i chos rnams yangs su dag pa'i ha cag yim gyi/ de dag re re zhing yang 'di dag dang 'dra ba'i lhas yongs su gang la gzhan yang rang bzhin dang sprul pa'i sge nas mdza' yas pa'i phyir brjod kyis mi lang ba la sogs pa rnams smos so/ /de la de bzhin gshegs pa nam mkha' i dbyings dang mnyam pa zhes bya ba la nam mkha' i dbyings 'di ni nam mkha' i dbyings nyid de de la nam mkha' i khams dang/ sa'i khams dang/ chu'i khams dang/ me'i khams dang/ rlung gi khams dang/ gzhan yang zhe sdang dang gti mug dang/ nga rgyal dang 'dod chags dang phrag dog rnams dang mnyam zhing dbyer med pa de bzhin gshegs pa rdo rje mi
- 5b
bskyod pa dang zhes bya ba nas de bzhin gshegs pa rdo rje gdon mi za bar grub pa rnams so zhes bya bar sbyar ro/ /de dag la sogs pa nam mkha' i dbyings thams cad dang mnyam pa'i de bzhin gshegs pa rnams zhes bya ba la nam mkha' i dbyings ni chos kyi sku ste nam mkha' i dbyings dang mtshungs pa'i/ phyir ro/ /de dang mnyam pa ni longs spyod rdzogs dang sprul pa'i sku ste de las tha dad tu mi 'jug cing de dang mnyam par snang zhing spral pa'i don to/ /dper na til gyi gang bu bzhin du nam mkha' i dbyings thams cad de bzhin gshegs pa thams cad kyi snying pa la khyab par snang bar gyur to zhes bya ba la nam mkha' de thams cad kyang de bas nam mkha' thams cad de 'ar? ni shes rab ma'i b+ha ga'i/ /dbyings zhes bya ba ni 'dir rgyu'i don te/ sa bon byang chub kyi sems so/ /de bzhin gshegs pa thams cad kyi khyab pa ni de lta bu bstan par gyur pa'aM/ rnam gcig tu shes rab ma'i d+ha ga la lha mo bzhi dang byang chub kyi sems rdo rje gnyis su med pa'i tshul bstan par gyur pa'o/ /'di ni gleng gzhi phun sum tshogs pa yin te 'di ltar ston pa dang/ gnas dang 'khor dang dus ? rgyud kyi bdag nyid rnams phun stshogs pa ni gang bshad par bya ba'i chos 'byung ba'i rgyu yin pa'i phyir ro/ /de yang 'dir ni 'di ltar byang chub kyi sems gyi bdag nyid ni ston pa'o/ /chos kyi 'byung gnas ni gnas so sngon du brjod pa ltar yan lag yangs su rdzogs pa ni 'khor ro/ /de dag 'dus pa'i skabs ni dus te de'i tshe bzung 'dzin thams cad dang bral ba'i ngan so so rang rig pa mi 'gyung yin no/ /'di ltar phun sum tshogs pa'i bdag nyid byang chub sems kyi ngo bo yi ge e baM gi gzugs la thig le'i bdag nyid du bzhugs pa de la de bzhin gshegs pa thams cad kyis zhus te gler bslang dogs bya ba'i tha tshig go /'di'i rim pa ni shes rab kyis nga rgyal ba rnams bla ma dang 'brel ba med na mi 'grub pas ji lta ba ma yin par bstan pa'o/ /'dir gzung ba ni de nas bcom ldan 'das de bzhin gshegs pa thams cad dgongs pa gcig tu gyur nas zhes bya ba nas/ bcom ldan 'das kyis bshad du gsol zhes pa'i bar tu zhus pa 'di thog
- 6a
mar bstan par bya ste/ de la de nas zhes bya ba'i sgra ni bkra shis pa'i don dang nges pa'i don dang dbang du gyur pa'i don dang bar chad spong ba rnams las 'dir ni bkra shis pa dang bar chad spong ba'i don te/ 'di ltar gang du bcom ldan 'das byang chub sems kyi bdag nyid du gang rnams la snang bar gyur pa de nas zhes 'brel bar sbyar ro/ /bcom ldan 'das de bzhin gshegs pa thams cad dgongs pa gcig tu gyur pa ni bcom ldan 'das rdo rje rnam par snang mdzad chen po byang chub kyi sems bde ba chen po'i bdag nyid du bzhuD pa de bskul bar rigs nas mchod pa'i sprin gyis mchod cing zhu bar gsol ba gdab par dgongs pa gcig tu gyur zhes bya ba'i tha tshig go /rdo rje rnam par snang mdzad chen po zhes bya ba ni de'i rnam pa dang 'dra ba'i don te 'bras bu chen po'i mtshan gyi khyad par ro/ /de kho na nyid kyi mchod pa ni byang chub sems kyi mchod pa'o/ /dam tshig ni dang du blang zhing spyad pa'o/ /rin po che ni gzungs kyi mchod pa ste de lta bu'i mchod pa'i sprin gyis mchod de phyag btsal nas 'di skad ces gsol ba btab ces bya ba'i don to/ /de bstan pa'i phyir 'dus pa gsad pa las byung/ de bzhin gshegs pa kun gyi gsang/ /rdo rje snying po 'dus pa nyid/ /bcom ldan 'das kyis bshad du gsol zhes bya ba smos te/ thabs dang shes rab gnyis su med par 'dus pa'i gsang ba byang chub kyi sems las byung ba ni/ bcom ldan 'das sku bskyed ba'i thabs kyi yan lag ste/ de ni de bzhin gshegs pa thams cad kyi thugs kyi gsang ba yin zhing thugs rdo rje'i snying po 'dus pa yin te/ de lta bu'i don de kho na nyid bcom ldan 'das kyis bshad du gsol zhes bya ba'i tha tshig go /de skad ces gsol ba btab pa dang/ de nas bcom ldan 'das byang chub kyi sems rdo rje de bzhin gshegs pas de bzhin gshegs pa thams cad la 'di skad ces bka' stsal to/ /bcom ldan 'das de bzhin gshegs pa thams cad ces chos kyi sku'i byin gyis brlabs kyis sgras bos te 'di lta bu'i don zhu ba legs ni leD
- 6b
na de kho na nyid kyi don 'di ni yon tan thams cad yongs su rdzogs pa'i de bzhin gshegs pa thams cad kyang the tshom skye bar byed pa yin na/ byang chub sems dpa' phyir gyur pa gzhan lta ci smos te 'di ni bstan pa shin tu dka' o zhes bka' stsal to zhes bya ba'i tha tshig go /de skad ces bka' stsal pa dang/ de bzhin gshegs pa rnams ngo mtshar du gyur te/ 'di ltar bcom ldan 'das nyid shin tu khyad par du gyur pa lags kyang bdag cag de bzhin gshegs pa thams cad kyi 'khor gyi dkyil 'khor 'dir/ sku gsung thugs kyi gsang bston par mi spyod pa de phyin gyis brlobs mdzod de bka' stsal du gsol zhes bya ba'i tha tshig go /gang gis zhe na/ de bzhin gshegs pa thams cad kyi rdo rje dam tshig 'byung ba'i tshig 'dis ces bya ba smos te/ de la bcom ldan 'das byang chub kyi sems rdo rje ni de bzhin gshegs pa thams cad kyi rang bzhin te de'i rdo rje ni gsang ba'i dbang bskur ba'i 'byung khungs so/ /dam tshig ni bdung rtsi'i rang bzhin te gsang ba bdud rtsi'i dkyil 'khor gyi lha'i bdag nyid do/ /de 'byung ba'i tshig ni gang gi tshe de bzhin gshegs pa thams cad kyi rdo rje gsang ba'i dbang gi dam tshig slob ma gang gis len pa de'i tshe 'di skad du bla ma rnams kyis a ho su kha zhe 'am su phra tiSh+Tha badzre ho(rgyud 'grel): zhes bskul ba ste/ 'dis yang dag pa'i dbang gi don bstan du gsol zhes bya ba'i don to/ /gang gi phyir zhe na/ de bzhin gshegs pa thams cad bde ba dang/ yid bde ba myong bar bgyi ba nas de bzhin gshegs pa thams cad kyi mngon par shes pa'i 'bras bu thob par bgyi ba'i bar du zhes bya ba smos te/ de la de bzhin gshegs pa bde kyi bde ba ni sku'i dbang bskur ba'i 'bras bu'o/ /yid bde ba myong ba ni gsung dang thugs kyi dbang bskur ba'i 'bras bu ste/ de nas de bzhin gshegs pa thams cad kyi ye shes kyi bar dag thob par bgyi ba'i slad du bstan du gsol zhes gsol ba btab po/ /de skad ces gsol ba btab pa de mkhyen nas/ de bzhin gshegs pa thams cad kyi byin gyis brlobs pa mdzad par bya ba'i phyir/ de nas bcom ldan 'das byang chub kyi sems rdo rje de bzhin gshegs pa de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par bzhuT
- 7a
so/ /ting nge 'dzin de gang zhe na/ sngon du byang chub kyi sems chos kyi sku'i bdag nyid du bzhugs pa las 'dir yi ge yaM las yongs su gyur pa'i rlung gi dkyil 'khor kha dog sngon po gzhu'i dbyibs lta bu la yi ge oM gyis mtshan pa'o/ /de'i steng du yi ge raM las me'i dkyil 'khor kha dog dmar po/ gru gsum du gyur pa yi ge hUM gis mtshan pa'o/ /de'i steng du yi ge baM las yongs su gyur pa'i chu'i dkyil 'khor kha dog dkar po kun nas zlum pa yi ge oM gyis mtshan pa'o/ /de'i steng du yi ge hUM las gyur pa'i sna tshogs rdo rje de las rdo rje phra mo'i rnam pa 'phro ba dang/ 'du ba'i sbyor ba las sa gzhi rdo rje'i rang bzhin du gyur pa'o/ /de'i steng du yi ge b+h+ruM las yongs su gyur pa'i 'khor lo rtsibs bcu pa'o/ /de'i lte ba la yi ge hUM las yongs su gyur pa'i rdo rje sems dpa' zhe sdang rdo rje'i bdag nyid can no/ /'khor lo'i rtsibs rnams la yang khro bo rnams ji lta ba'i cho gas bskyed de/ de nas bka' i 'khor lo ji lta ba bzhin du bsgo ba rdzogs pa hUM gi sa bon las byung ba'i rdo rje gur dang ra bas yongs su 'khor bar mdzad do/ /de nas khro bo gdan dang bcas pa 'od du zhu ste/ ji lta ba'i rim pas rdo rje sems dpa' rig ma dang bcas par gyur par mdzad de las yongs su gyur pa'i chos kyi 'byung gnas sna tshogs rdo rje mtshan pa'o/ /de'i dbus su yi ge b+h+ruM las yongs su gyur pa'i 'khor lo las byung ba'i rnam par snang mdzad rig ma dang bcas pa zhu ba las gru bzhi gzhal yas khang du gyur par mdzad de/ de nam mkha' i dbyings 'di dag thams cad rdo rje ngo bor gnas par gyur to/ /de ltar gzhi'i ting nge 'dzin yongs su rdzogs nas nyid kyi phyag rgya bskyed par bya ba'i phyir de nas bcom ldan 'das byang chub kyi sems rdo rje de bzhin gshegs pa de bzhin gshegs pa thams cad kyi sku dang gsung dang thugs rdo rje mnyam pa nyid du 'byung ba rdo rje zhes bya ba'i ting nge 'dzin la snyoms par bzhugs nas/ rigs pa'i skyes bu chen po'i gzugs de bzhin gshegs pa thams cad kyi sngags kyi bdag po'i byin gyis brlabs te/ 'di ltar dbus kyi sna tshogs pad+ma'i gdan stengs su A li dang kA li'i rnam pa can gyi zla ba'i
- 7b
dkyil 'khor dag yongs su zhub las grub pa'i rdo rje yi ge hUM gis byin gyis brlabs pa de 'phro ba dang 'du ba'i sbyor bas sngags kyi bdag po de bzhin gshegs pa thams cad kyi sku yongs su rdzogs pa'i bdag nyid 'di lta ba me long lta bu dang/ mnyam pa nyid dngos sor rtogs pa dang byang grub pa dang/ chos kyi dbyings kyi ngo bo nyid du byin gyis brlabs par mdzad pa'i de ma thag tu de bzhin gshegs pa zhal gsum pa lta bur de bzhin gshegs pa thams cad kyis gzigs par gyur to/ /de nas 'dod chags chen pos 'dul ba'i sems can gyi khams gzigs te/ de nas bcom ldan 'das rdo rje rnam par snang mdzad chen po 'dod chags chen po'i ting nge 'dzin la snyoms par zhugs te thabs dang shes rab kyi sgras gong du thu bar gsol bar mdzad pa'i de bzhin gshegs pa'i 'khor de dag thams cad nyid kyi sku la zhugs par mdzad do/ /de nas de bzhin gshegs pa thams cad kyis bcom ldan sku gsung thugs kyi bdag po mnyes par bya ba'i phyir nyid kyi sku bud med kyi gzugs su spral nas bcom ldan 'das kyi sku las byung bar gyur te/ ji ltar 'gro ba 'dul bar gyur pa de bzhin du/ la la ni sangs rgyas kyi spyan lta bu zhes bya ba nas/ la la ni gzugs kyi ngo bo lta bur zhes bya ba'i bar du rigs so so'i lti ba bzhin du gnas par gyur te/ gzhi'i rig ma la thim par mdzad do/ /kha cig ni lha mo'i sbyor ba 'di dag gis yang mi bskyod pa la sogs pa'i de bzhin gshegs pa rnams spyan drangs te gtso bo la thim par byas nas/ byang chub sems kyi rgyur gyur to zhes zer ro/ /de nas shes rab ma'i b+ha ga byin gyis brlabs par bya ba'i phyir thabs dang shes rab kyi sbyor ba las de bzhin gshegs pa thams cad kyi btsun mo gzhi'i rig ma'i b+ha ga la dam tshig chen po'i dkyil 'khor rdul med pa gru bzhir byin gyis brlabs pa ni/ gsal ba de'i ngo bo nyid/ sna tshogs gzugs kyis kun tu khyab/ /sangs rgyas tshogs kyis kun tu rgyas/ /'od zer 'phro ba mang po 'khrugs/ gsal ba la sogs dkyil 'khor ldan/ de bzhin gshegs pa kun gyi gnas su byin gyis rlob par mdzad do/ /de nas 'di ltar byang chub kyi sems kyi ngo bo nyid rgyan gyi
- 8a
khyad par sna tshogs kun tu brgyan pa gong du smos pa'i sangs rgyas kyi tshogs kyis kun tu rgyas pa/ ye shes kyi 'od zer 'phro ba dang ldan pa/ zla ba dang nyi ma la sogs pa'i gdan dang ldan pa de ni de bzhin gshegs pa kun gyi pho brang ste/ 'di lta bu 'byin gyis brlangs so/ /de nas bcom ldan 'das sku gsung thugs rdo rje'i bdag po de dkyil 'khor chen po'i dbus su mi bskyod pa'i bdag nyid du bzhugs par gyur to/ /de lta bu'i gsang ba'i b+ha ga'i dkyil 'khor der sems can thams cad dbang bskur bar bya ba'i phyir ye shes kyi 'od zer gyis bskul bas/ de nas de bzhin gshegs pa mi bskyod pa dang/ de bzhin gshegs pa dkon mchog dpal dang/ de bzhin gshegs pa tshe dpag tu med pa dang/ de bzhin gshegs pa grub pa gdon mi za ba dang/ de bzhin gshegs pa rnam par snang mdzad rnams byang chub gyi sems rdo rje thugs la bzhugs te/ shes rab ma'i b+ha gar babs pas nam mkha' i dbyings de na bzhugs pa'i sems can thams cad la gsang ba'i dbang bskur che/ 'di ltar byang chub kyi sems rdo rje dpal gyis reg pa'i byin gyis brlabs kyis de bzhin gshegs pa thams cad kyi bde ba dang yid bde ba'i dbang thob par gyur to/ /de ltar sems can de dag sku gsung thugs kyi dbang thob par byas 'khor thams cad snod du rung bar byin gyis brlabs pa mdzad pas/ de nas mi bskyod pa la sogs pa'i de bzhin gshegs pa thams cad du ngo mtshar skyes par gyur te/ bcom ldan rdo rje rnam par snang mdzad chen po'i thugs ka nas byung ste/ ched du gleng ba 'di gsungs so/ /e ma'o sangs rgyas thams cad kyi/ /byang chub sems ni rab 'byung ba/ /de bzhin gshegs pa kun gyi gsang/ /rab tu mi rtogs gnas med pa'o zhes gsang ba byang chub sems kyis dbang la ngo mtshar ba'i sgo nas bstod do/ /de la thugs ka nas byung ste zhes pa'i tshig ni phyi'i dkyil 'khor du bzhugs par mi sbyar gyi byang chub sems kyi rang bzhin sems can rnams dang thun mong du gsang ba'i dkyil 'khor du babs pas sems can rnams ni sangs rgyas pa
- 8b
thob par gyur te/ rang rang gi sangs rgyas kyi zhing dag tu btang/ 'khor gyi de bzhin gshegs pa rnams ni gsang ba'i dkyil 'khor la 'khod nas ched du gleng ba 'di gsungs so zhes bya bar sbyar ro/ /de nas 'od 'bar ho'i bar du de nyid gsum gyi yi ge dang ldan pa rab tu 'bar ba'i byin gyis brlabs kyis bdag yab yum yang 'od du bzhu bar bya'o/ /de nas 'od kyi thig le de las thig le phra mo bzhi phyogs bzhir 'phros te/ de yang sbyan la sogs pa'i lha mo bzhir yongs su gyur nas/ byang chub sems kyi rang bzhin chos kyi sku las gzugs kyi skur bzhengs par bya ba la sogs pa'i dbyangs rnams kyi yongs su bskul ba dang/ khams na gnas pa'i dbang phyug khyod ni rdo rje'i thugs zhes bya ba la sogs pa'i dbyangs rnams kyi yongs su bskul ba dang/ sngon gyi smon lam dang thugs rje chen po yongs su bskyed pa mdzad nas ye shes rnam pa lnga'i tshul gyis nyid kyi sku yongs su rdzogs par mdzad do/ /de nyid la yang rdo rje skye mched byin gyis brlabs pa dang sku gsung thugs byin gyis brlabs pa la sogs pa chung ngu'i bsnyen pa la sogs pa dang/ chung ngu'i rgyu mthun pa'i 'bras bu la sogs pa yongs su rdzogs par byas te/ 'bring gi bsnyen pa la sogs pa'ang ji lta ba bzhin du rdzogs par byas nas yang de bzhin gshegs pa thams cad bsdus te zhal du thim nas dbang po'i lam du byung ste/ chos kyi 'byung gnas kyi dkyil du babs te de nyid du dkyil 'khor du bskyed par bya'o/ /de ltar sbyor ba dang po rdzogs par mdzad nas/ dkyil 'khor rgyal po mchog la 'jug pa'i phyir de nas de bzhin gshegs pa thams cad kyi sku dang gsung dang thugs kyi bdag po rdo rje de bzhin gshegs pas de bzhin gshegs pa thams cad kyis gsol ba btab par mkhyen nas zhes 'dir yang sbyar te ye shes sgron mes bskyod pa rdo rje chen po zhes bya ba'i ting nge 'dzin la snyoms par zhugs nas zhe sdang gi rigs mchog gi snying po'i snying po 'di nyid kyi sku dang gsung dang thugs rdo rje las phyung ngo/ /badzra d+hI ka zhes bya ba la sogs pa dkyil
- 9a
'khor ji lta ba bzhin du gdon pa mdzad do/ /de la ye shes sgron ma'i ting nge 'dzin zhes bya ba ni snying po 'dis de bzhin gshegs pa mi bskyod pa 'byin par mdzad pa'i ye shes kyi ming ste/ de bzhin du snying po gang dang gang dag gis de bzhin gshegs pa gang dang gang dag 'byin par mdzad pa'i ye shes kyi ting nge 'dzin de dang de dag la de skad ces bya bar sbyar ro/ /zhe sdang gi rigs mchog /ces bya ba la sogs pa ni gang zhe sdang gis 'dul ba rnams la de'i bsnyen por mi bskyod pa rdo rje'i rigs su bstan te de'i phyir rdo rje'i rigs ni zhe sdang gi rigs so/ /snying po'i snying po zhes bya ba la snying po ni b+ha ga la byang chub kyi sems gnas pa ste/ rgyu yin pa'i phyir g+har baM zhes bya ba'i tshig ni skye gnas dag la yang 'jug par sbyar ro/ /snying po zhes bya ba ni byang chub kyi sems las badzra d+h+rika ces bya ba la sogs par smin pa de dam pa yin pa'i phyir sar zhes bya ba'i tshig ni 'o ma'i sbris ma dag la yang 'jug par sbyar ro/ /de nas 'di phyung ma thag tu bcom ldan 'das de nyid de bzhin gshegs pa thams cad kyi sku dang gsung dang thugs kyi rigs pa'i skyes bu mi bskyod pa'i phyag rgya chen por sbyor ba'i thabs kyis nag po dkar po dmar po'i tshul du de bzhin gshegs pa thams cad sku dang gsung dang thugs rdo rje'i de bzhin gshegs pa thams cad kyi sku dang gsung dang thugs rdo rje la zhugs so zhes bya ba la/ de nyid ces bya ba ni bcom ldan 'das kyi thugs ye shes nyid do/ /sku dang gsung dang thugs kyi rig pa'i skyes bu zhes bya ba la sku dang gsung dang thugs nyid mi phyed pa'i ngo bo ni rig pa ste de'i ngo bo'i skyes bu ni mi bskyod pa'o/ /de'i phyag rgya chen po ni sku phyag rgya sde der sbyor ba'i thabs ni bya ba'o/ /de nyid gang zhe na/ nag po dkar po dmar po'i tshul du ste de yang rtsa ba'i zhal dang sku mdog nag po'o/ /g.yas kyi zhal ni dkar po'o/ /g.yon pa ni dmar po'o/ /de bzhin du phyag drug na yang rdo rje dang 'khor lo dang/ pad+ma dang/ dril bu dang/ rin po che dang ral gri rnams 'dzin par gyur te/ sangs rgyas kyis mdzad pas sems can gyi don bya ba yongs su rdzogs par mdzad
- 9b
nas snga ma 'dus te sku gsung thugs rdo rje la zhugs par mdzad do/ /de ltar zhugs par mdzad pas bcom ldan 'das de nyid cung zad zhe sdang gi gzugs 'dzin par 'gyur te/ mdog in+d+ra nI la lta bu cung zad gtsigs pa'i zhal mnga' ba phyag dang po na rdo rje rtse dgu pa bsnams pa'o/ /gzhan ni snga ma bzhin no/ /de nas de nyid kyi sbyor bas rnam par snang mdzad la sogs pa'i dkyil 'khor gyi lha thams cad 'byung bar sbyar ro/ /de dag gi tshig gi yan lag kyang zhe sdang gi rigs ji lta ba bzhin du sbyar ro/ /zhe sdang ba gti mug 'dod chags dang/ /yid bzhin nor bu dam tshig ste/ /rigs lngar gtoD pa 'di rnams kyis/ /'dod dang gro bar rab sgrub pa'o/ /zhes bya ba ni rigs lnga'i mjug bsdud pa'i tshig ste/ de la zhe sdang gi rigs ni mi 'khrugs pa'o/ /gti mug gi rigs ni rnam par snang mdzad do/ /'dod chags kyi rigs ni snang ba mdza' yas so/ /yid bzhin nor bu'i rigs ni dkon mchog dpal lo/ /dam tshig gi rigs ni gdon ni za bar grub pa ste/ rigs lnga po 'di dag gis 'dod pa dang grol ba sgrub pa'o zhes bya bar sbyar ro/ /ji lta zhe na/ 'dod pa lnga nyid spang bar ma byed de rigs kyi longs spyod du spyod la/ grol ba yang gzhan ma yin te de nyid du sbyar bas dug lnga 'dod pa lnga ni de bzhin gshegs pa lnga nyid do cas bya bar sbyar ro/ /de nas de dag gi btsun mo'i tshogs dbyung bar bya ba'i phyir de nas yang zhes bya ba la sogs pa smos te/ de la rdo rje 'dzin mnyes pa'i dam tshig rdo rje zhes bya ba'i ting nge 'dzin ni rdo rje rigs mnyes par byed pa'i yum mA ma kI yin pas so/ /de bzhin du 'og ma dag la yang sbyar ro/ /de nyid bud med kyi gzugs 'dzin pa zhes bya ba ni bcom ldan 'das rdo rje 'dzin pa chen po nyid bud med kyi gzugs su sprul te/ gzhan yang de bzhin du'o/ /shar phyogs kyi grwar bzhugs zhes pa ni rim pa ma yin par sbyar te de ni lho'i grwar bzhugs pa yin la/ gti mug dga' ba ni shar gyi grwar bzhugs so zhes mkhan po dag gis bshad do/ /slu ba rdo rje zhes bya ba'i ting nge 'dzin ni/ rdo rje rdzun gyi 'gro ba rnams thabs kyi 'dren par byed pa'o/ /de bzhin gshegs pa thams cad kyi btsun mo'i mchog phun sum tshogs pa'o zhes bya ba ni de dag gi
- 10a
mjug bsdu ba ste bud med 'di dag ni bde ba'i mchog phun sum tshogs pa dang ldan zhing go 'phangs chen po la yang sbyor ba nyid yin pas de skad ces bya'o/ /de nas khro bo chen po rnams 'byung bar bya ba'i phyir/ de nas bcom ldan 'das rnam par snang mdzad rdo rje zhes bya ba'i ting nge 'dzin la snyoms par bzhugs te/ de bzhin gshegs pa thams cad kyi dkyil 'khor byin gyis rlob pa khro bo chen po nyid kyi sku dang gsung dang thugs rdo rje las phyung ngo/ /zhes bya ba la sogs pa gsungs te/ de la rnam par snang mdzad rdo rje zhes bya ba 'dir sku'i khro ngor brjod pas so/ /dkyil 'khor byin gyis brlobs pa zhes bya ba ni dkyil 'khor byin che bar byed pa ste mi mthun pa med par byed pas so/ /rnam gcig tu gsang ba'i dkyil 'khor du byang chub kyi sems phebs par byed pa'i phyag rgya bzhi yin pas so zhes bla ma'i man ngag go /de bzhin gshegs pa thams cad bsnyengs par byed pa zhes bya ba ni log par rtog pa mi gnas pa'i tshig go /mngon par byang chub pa rdo rje zhes bya ba'i ting nge 'dzin zhes bya ba ni thugs rdo rje nyid du sbyar ro/ /dkyil 'khor byin gyis brlob pa la sogs pa ni snga ma bzhin no/ /rdo rje'i dam tshig bsnyengs par byed pa ni thugs kyi rnam par rtog pa mi mnga' bar byed ces bya ba'i don no/ /chos rin po che 'byung gnas zhes bya ba'i ting nge 'dzin ni gsung gi bdag nyid de dam pa'i chos de nyid rin po che'o/ /de bzhin gshegs pa thams cad kyi sku dang gsung dang thugs rdo rje'i ting nge 'dzin ni phrin las kyi bdag nyid de sku gsung thugs 'dus pa'i rdo rje'i ngo bo'o/ /de bzhin gshegs pa thams cad kyi sku dang gsung dang thugs mnyes par byed pa dkyil 'khor gyi dam tshig sems dpa' rnams so zhes bya ba ni khro bo 'di bzhi yang sku gsung thugs kyi de bzhin gshegs pa rnams kyi las byed kyi bdag nyid yin pa'o/ /rnam gcig tu gsang ba'i dkyil 'khor du byang chub kyi sems lta rnams kyi nog bo 'byung bar byed pa'i mnyes pa'i phyag rgya yin te 'di ltar bzung ba dang 'khyud pa dang bsdams pa dang ldan pa'i bdag nyid gnas pas mnyes par byed pa zhes bya'o/ /de'i ngang tshul gyi sems dpa' rnams
- 10b
ni dam tshig sems dpa' rnams so/ /de bzhin gshegs pa thams cad kyi ting nge 'dzin gyi dkyil 'khor byin gyis rlobs pa'i le'u zhes bya ba ni sngon du brjod pa'i byin gyis rlobs par zhus pa dang mdzad pa gang gis de bzhin gshegs pa rnams kyi ting nge 'dzin gyi dkyil 'khor bskyed pa de la de skad ces bya'o/ / le'u dang po'o// //da ni byang chub sems kyi don ston pa le'u gnyis pa 'di zhu ba'i phyir/ de nas bcom ldan 'das de bzhin gshegs pa thams cad kyi sku dang gsungs dang thugs kyi ba sha po la gsol ba btab pa la sogs pa smos te/ de'i 'brel pa ni dang po phun sum tshogs pa rnams pa lnga tshogs pa ni/ de bzhin gshegs pa thams cad kyis 'di skad du 'dus pa gsang ba las byung ba zhes pa nas bshad du gsol zhes pa'i bar du zhus pas/ 'di ni the tshom skye ba'i gnas yin no zhes bka' stsal pa na/ byin gyis rlobs mdzod de bka' stsal du gsol zhes gsol ba btab pa'i rjes la byin gyis brlab cing dbang bskur bas/ de nas bcom ldan 'das de bzhin gshegs pa thams cad kyi sku dang gsung dang thugs kyi bdag po bcom ldan 'das de bzhin gshegs pa thams cad kyis mchod pa byas te phyag 'tshal nas 'di skad ces gsol to/ /sku dang gsung dang thugs kyi mchog /de bzhin gshegs pa kun gyi gsang/ bla na me dpa' i byang chub sems/ /bcom ldan snying po bshad du gsol zhes yang zhus pas/ de bzhin gshegs pa thams cad kyis gsol ba btab pa yang mkhyen ces bya'o/ /de la bla na med pa'i byang chub kyi sems ni chos thams cad kyi snying por gyur ba ste/ de bshad du gsol zhes bya ba'i don to/ /byang chub sems dpa' rnams kyi yongs su rtog pa yang thugs kyis mkhyen nas zhes bya ba ni le'u dang po nyid du 'di skad du de bzhin gshegs pa rnams kyang the tshom skye bar byed pa yin na/ byang chub sems dpa' gzhan rnams lta ci smos zhes gsungs pa de 'dir byang chub sems dpa' rnams byang chub kyi sems kyi don la the tshom mi za ba'i rtog pa rnams kyang mkhyen nas zhus pa'i don gnang ste/ 'di skad du/ 'dus pa gsang ba las byung ba zhes pa nas bcom ldan 'das kyis bshad du gsol zhes zhus pa'i don la/ le'u dang por ni byin gyis brlob cing
- 11a
dbang bskur bar mdzad nas byang chub kyi sems kyi don ni 'dir bka' stsal te/ 'di ltar khyod kyi sems lus lta bu dang/ lus sems lta bu dang/ sems tshig tu brjod pa lta bur bskyed cig ces bya ba la sogs pa gsungs so/ /de'i don ni 'dus pa gsang pa las byung ba zhes bya ba la sogs pa'i tshig gi don ni byang chub kyi sems zhu ba'i bdag nyid de de nyid sems zhes bya'o/ /de nyid lus lta bu ste/ cho ga'i tshul gyis lha'i skur snang bas so/ /sku de yang byang chub sems zhu ba'i ngo bo nyid las lus kyang sems lta bu'o/ /sems de nyid badzra d+hiM ka ces bya ba la soD pa'i sgra'i rnam par snar bas sems kyang tshig brjod pa lta bu'o/ /de lta bu'i rnam par bskyed cig ces bka' stsal pas/ /byang chub sems dpa' rnam kyi rtoD gsol te/ /de nas byang chub sems dpa' sems dpa' chen po de dag gis de bzhin gshegs pa thams cad kyi sku dang gsung dang thugs nam mkha' lta bur sbyar nas te/ lus ngag yid gsum dbyer med par byas nas 'di skad du/ e ma'o kun tu bzang po yi/ /rdo rje sku dang gsung dang thugs/ /skye ba med pa'i tshul gyis so/ /skye ba 'di ni rab tu bsgrags/ zhes gsol to/ /don dam par byang chub kyi sems zhu ba lta bu'i bde ba chen po ni skye ba med bzhin kun rdzob kyi yi ge dang sku la sogs pa mtshan ma'i tshul du skye ba 'dir grags zhes rtegs tshad gsol to/ /de ltar byang chub sems kyi don le'u dang por zhus pa de 'ding dang la byang chub sems dpa' rnams kyis byang chub tu sems bskyed nas de nas de bzhin gshegs pa rnams kyi byang chub sems kyi don bka' stsal te/ de la byang chub sems dpa' rnams ? ngo mtshar ba'i sgo nas mngon par bstod do/ /'di mi bla ma'i man ngag go/ tshig gi rim pa ni byang chub sems bshad par zhus pa/ de nas bcoms kyis de ltar de bzhin gshegs pa rnams kyis gsol ba btab pa yang mkhyen byang chub sems dpa' dud byang chub kyi sems mngon par ma rtoD pa'i sgo nas zhu bar 'dod pa'i rtogs pa yang mkhyen nas/ /de la dang por byang chub sems nyan par 'dod na thog mar byang chub tu sems bskyed la/ de nas nyon cig ces bya bar 'doms pa'i phyir na lus ngag yid gsum nam mkha' ltar mnyam pa nyid du sems bskyed cig ces gsungs pa yin te/ de la
- 11b
khyed kyis sems lus lta bu dang zhes bya ba na/ sems rnam pa dang bral ba chad pa'i mdza' sel zhing de nyid kyis sems dang lus dbyer med par yang ston te/ 'di yang sems ni kun rdzob tsam du bya ba mi byed lta bu ni ma yin te/ lus kyi rnam pa lta bu snang ngo/ /de bzhin du lus kyang dngos po rtag pa can ma yin te/ sems kyi rang bzhin du dngos po med do/ /des ni dngos por lta ba yang gsal lo/ /sems de yang tshig brjod pa lta bu yin te snang la rang bzhin med pa yin zhing sems dang ngag dbyer med par ston to/ /de lta bur khyed kyis sems bskyed cig pa'i don no/ /de nas nam mkha' lta bur spyar nas zhes bya ba ni de bzhin du byang chub sems dpa' rnams kyis dbyer med pa nam mkha' lta bur sbyar ba'o/ /ched du gleng ba 'di smras zhes bya ba ni rtogs tshad gsol ba ste 'di ltar kun tu bzang po byang chub kyi sems sku gsung thuD rdo rje ltar dbyer med pa bskye ba med pa'i tshul du phyer kyis sems bskyed cig ces rab tu bsgraD shing gsungs so zhes bya ba'i tha tshig go/ /de nas chul bzhin du nyan pa dang byang chub sems kyi don bstan pa'i phyir de nas bcoms ldan 'das kyi de bzhin gshegs pa thams cad kyi sku dang gsung dang thugs rdo rje de bzhin gshegs pa thams cad kyi mngon par rdzogs /byang chub pa rdo rje zhes bya ba'i teng nge 'dzin la snyoms par zhugs te/ byang chub kyi sems 'di gsungs so zhes bya ba la sogs pa gsungs pa yin no/ /de la mngon par rdzogs par byang chub pa'i tshul zhes bya ba ni dbyings rnam ? dag pa'i ye shes kyi ngo bo ste byang chub kyi sems kyi tshul ji lta ba nyid do/ /de ni 'di yin te/ dngos po med par bsgom pa'i dngos zhes bya ba la sogs pa smos pa la/ 'di ltar byang chub kyi sems ni dngos po med do ces bya ba bsgom pa'i dngos gang yin pa de yang yang dag pa'i bsgom pa ma yin na dngos po lta ci smos/ de lta na dngos po dang dngos po med ba gnyigs bsgom du med de/ de'i phyir dmigs su med do/ /'di ltar byang chub kyi sems ni rnam par rtogs pa dang/ gnyi ga'i yul ma yin pa'i phyir ro/ /de skad ces sku gsung thugs rdo rjes gsungs so/ /gzhan yang rigs so so'i byang chub kyi sems brtan pa'i phyir de nas zhes bya ba la sogs pa smos te/ de la mngon par rtogs pa zhes bya ba ni stong nyid kyi ye shes te/ byang chub kyi sems mi rtog pa'o/ /de ni dngos po thams cad dang bral ba phung po dang khams dang skye mched kyi mtshan nyid rnam par spangs pa/ gzung ba dang 'dzin pa'i mchan
- 12a
ma'i rnam par rtog pa spangs shing chos bdag med pa'i mnyam pa nyid yin pas/ rang gi sems kyang gdod ma nas ma skyes pa stong pa nyid kyi rang bzhin no zhes bya ba'i tha tshig go/ /de bzhin gshegs pa thams cad kyi mi zad pa'i rdo rje zhes bya ba ni me long lta bu'i yes te/ byang chub kyi sems ma skyes pa'i ngo bo nyid yin pas dngos po med pa'i phyir mi zad pa'o/ /de ni 'di yin te phyi nang gi dngos po 'di rnams ngo bo nyid kyis ma skyes pa rten du gyur pa'i chos dang/ brten par gyur pa'i chos gnyis med pa ste/ de lta bu'i bdag med pa'i byang chub kyi sems nam mkha' lta bu 'di ni dus gsum mi 'gyur pa'i phyir brtan pa zhes smos so/ /bdag med pa'i rdo rje zhes bya ba ni mnyam pa nyid kyi yais te/ byang chub kyi sems mi gnas pa'i mtshan nyid do/ /de ni phyi nang gi chos rnams thams cad rang gi ngo bo dngos po med cing mtshan nyid ma grub na/ mtshan nyid lta ga la yod de de lta du'i byang chub kyi sems bdag med pa'i rang bzhin las 'byung ba 'di ni bstan pa'o zhes bya ba'i don to/ /'od zer 'bar pa rdo rje sgron ma zhes bya ba ni so sor rtog pa'i ye shes te byang chub kyi sems ma 'gags ba'i mtshan nyid ngo/ de ni 'di yin te/ gdod ma nas skyes pa'i chos rnams la rang gi ngo ro yang med na/ de bsgom pa ltag la yod de/ de ltar nam mkha' i mtshan nyid sbyor ba lam/ gnas pa las kun rdzob sna tshogs su grags zhes bya ba'i don to/ /de bzhin gsheD pa thams cad zil gyi gnon pa zhes bya ba ni bya ba grub pa'i yais te byang chub kyi sems mi dmigs pa'i bdag nyid phyir zil gyi gnon zhes bya go de ni 'di yin te/ chos rnams thams cad gnyen pos ma bcos te rang bzhin gyis 'od gsal ba nam mkha' ltar gsal pas dag pa byang chub kyi do med cing byang chub rtog pa yang med do zhes bya ba'i don to/ /de skad ces bka' stsal pa/ byang chub sems dpa' rnams kyis thos nas ngo mched du gyur te/ 'di skad ces bstod do/ /e ma'o sangs rgyas e ma'o sangs rgyas zhes pas nas byang chub kyi sems kyi tshul gyis chos bshad pa ni ngo mtshar ba ste yang dag pa'i don du gyur ba'i byang chub kyis sems la phyag 'tshal lo zhes byang chub sems kyi sbyir bstod do/ /byang chub kyi sems rnam par mi rtog pa'i thuD la bstod pa ni/ bdag med pa'i chos las 'byung zhes bya ba la soD pa'o/ /byang chub kyi sems kun
- 12b
tu bzang po'i mdzad spyod gyi ngo bo las bstod pa ni kun tu bzang po dag pa'i don zhes bya ba la sogs pa'o/ /byang chub kyi sems de bzhin gsheD pa rnams kyi sku gsung thugs gsang ba'i don ston pa'i bdag nyid gsung la bstod pa ni dag pa de bzhin gsheD pa'i thugs zhes bya ba la sogs pa'o/ /byang chub kyi sems kyi le'u zhes bya ste/ de la byang chub ni spros pa thams cad dang bral ba'i chos nyid yin no/ /'di'i skad kyi dbyings 'di ni rtogs pa dang khong du chud pa'i don yin zhes bya ba ni btags pa'i sgo yin pa'i phyir ro/ /sems ni byang chub kyi rang bzhin gyi sems te 'di'i skad kyi dbyings ni sna tshogs pa yin pas ldan pa dang dmigs pa la soD pa yin no zhes zer pa yang snga ma bzhin te 'gal ba med do/ /le'u gnyis ba'o// //da ni le'u gsum pa ston pas/ de nas zhes bya ba la soD pa gsungs te/ de la de'i 'brel pa ni le'u dang por byin gyis rlobs mjod de zhes zhus pa las byin gyis brlabs pa mdzad pa'i phyir zil gyis gnon pa'i ting nge 'dzin la snyoms par zhugs pa na/ dang por stong pa nyid kyi sngags 'di bya ste/ de nas dbang chen gyi dkyil 'khor la sogs pa rdo rje'i gzhal yas khang ji lta ba bzhin byas nas/ de nas ji skad spos pa'i lha'i rim pa rnams le'u 'di nas 'byung ba bzhin du sku mdog dang phyag 'tshan ji lta bar bcoms nas tshungs ngu dang 'bring dang chen po'i rnal 'byor dang ldan pa des/ rdo rje phra mo'i ting nge 'dzin bsgom par bya'o zhes bya bar 'brel to/ /le'u 'dir ni ting nge 'dzin gsum rdzogs par byed pa la 'dir ma chang ba rnams ni gzhan dag nas kha bskang bar bya te/ A li dang kA li las bskyed pa'i rdo rje sems dpa' 'od bzhub las rdo rje'i chen por phyur pa la sogs pa rnams dang/ gzhan yang thig le dang bzlas pa la sogs pa ji snyed du gzhan nas rgyas par 'byung ba rnams 'dir bsdebs te/ le'u dang po'i zil gyis gnon pa'i ting nge 'dzin dang sbyar bar bya'o zhes bla ma'i man ngag go/ de la de bzhin gshegs pa thams cad spro ba'i sprin bkod pa rdo rje zhes bya ba ni lha rnams dgod pa ste/ de nyid la rdo rje bkod pa zhes bya ba smos so/ /de la oM mahA shU n+ya tA dz+nyA na badzra swA b+hA ba A t+ma ko haM zhes bya ba ni stong pa nyid kyi byang chub kyi sems bstan par byin gyis rleb pa ste/ 'dis ye shes tsam gyis bdag nyid la rdo rje'i dkyil 'khor zil gyis gnon pa'i ting 'dzin du bshad pa lar bsgom par bya'o/ /'dir
- 13a
nam mkha' dbyings kyi dbus gnas par zhes bya ba ni chos kyi 'byung gnas so/ /sangs rgyas dkyil 'khor bsgom pa ni lha rnams bsgom pa'o/ /'od zer sprin gyis chogs chen po zhes bya ba la sogs pas ni gzhal yas khang gi mtshan nyid bstan to/ /gzugs ni dbus su bsgom par bya zhes pa la sogs pas lha dgod pa'i mtshan nyid bstan te/ de la gang dbus su bsgom par bya zhe na/ rnam par snang mdzad phyag rgya che zhes bya ba ni bsgom par bya zhes bya bar 'brel te dam tshig gam chos kyi phyag rgyar bsgom mo zhes pa yin pa'i don to/ /sku gsung thugs ni rdo rje'i phyag rgya chen po bsgom par bya zhes bya ba ni dbus su rdo rje 'dzin gyi sku phyag rgya chen por bsgom pa'o/ /la la na re gzugs ni dbus su bsgom par bya zhes bya ba ni rdo rje sems dpa' i sku yin te/ rnam par snang mdzad phyag rgya che/ zhes bya ba ni mdun du bsgom pa yin la sku gsung thugs kyi mtshan ma zhes bya ba la sogs pa ni lha sbyir bya'o/ /gcig tu sbyor ba bsdus pa yis zhes bya ba ni sems rtse gcig tu gyur pas so/ /kha cig na re thabs shes rab dang sbyor ba las shes so/ /kha cig na re rdo rje 'dzin chen po dang mi bskyod pa gnyis dbyer med par gyur pa las shes so/ /ci zhe na mi bskyod pa'i rgya mchog dang zhes bya ba nas sangs rgyas dkyil 'khor bsgom par bya zhes so/ / sku gsung thugs kyi rdo rje can zhes bya ba sogs pas ni lha rnams kyi kha dog dang phyag mtshan bsten te/ de la sku gsung thugs kyi rdo rje can zhes bya ba ni byang chub kyi sems rdo rje ste/ de'i kha dog ni in+d+ra nI la'i kha dog 'dra/ phyag mtshan ni phyag na rdo rje bsnams/ cha lugs rnam par gtsigs pa 'jigs 'jiD blta zhes bya'o/ /'di ni mi bskyod pa'i tshul yang yin te/ 'di gnyis kyi khyad par ni/ rdo rje 'dzin mi kha dog in+d+ra mil skyod pa ni cung zad mthing shun 'dra cha lugs cung zad mi bskyod pa khro bo ste/ de nas mi bskyod pa khro bo ste/ de nas mi bskyod pa rdo rje 'dzin la thim pa'i dus na/ cung zad zhe sdang gi gzugs gyur pa ste/ mtshan ma gzhan ni 'dra/ g.yas kyi dang po'i rdo rje ni rtse dgu par 'gyur te/ rdo rje la sangs rgyas kyi sprin dza m+bu nA da'i gser ltar shin tu ser ba rnams kyi 'khrigs shing gtams pa ste de lta bu rnams so/ /de phan chad ni zhe sdang rdo rje zhes bya ba'i ming du 'gyur ro/ /de ni dza mdu nA da'i gser gser 'od 'dra/
- 13b
sangs rgyas sprin gyis rab tu 'khrigs/ /de yi phyag na rdo rje che/ /rtse mo dgu pa bsnam par bsgom/ /zhes bya ba 'di yin no/ /gzhan yang/ shel dang zla ba'i 'od 'dra ba/ /thor tshugs cod phan rnams kyi brgyan/ /rab 'bar phyag na 'khor lo bsnams/ /sna tshogs rgyan gyis mdzes par brgyan/ zhes bya ba ni rnam par snang mdzad kyi'o/ /mar ka ti'i 'od 'dra ba/ /zhes bya ba la sogs pa ni rin chen dpal kyi ste rin po chen ma raka ta ltar ser ba rdo rje 'bar ba'i 'od zer gyis brgyan pa'i rin po che bsnams pa'o/ /pad+ma rA ga'i 'od 'dra ba zhes bya ba la sogs pa ni snang ba mdza' yas kyi'o/ /'od zer sna lda'i 'od 'dra ba zhes bya ba ni gdon mi za ba ste ljang gu nyid thams cad 'dus pa'o/ /kha cig na re sku gsung thugs kyi rdo rje can zhes bya ba ni lha thams cad do/ /in+d+ra nI la zhes bya ba la sogs pa ni ming skyed pa'o/ /shel dang zla ba la sogs pa ni rnam par snang mdzad kyi'o/ /dza mdu nA da'i 'od 'dra ba zhes bya ba nas phyag na rin chen rnam par bsgom/ /zhes bya ba'i bar du rin chen dpal gyis te rin po che zur dgu pa nyid rdo rje rtse dgu pa'o zhes zer ro/ /'di ni rang gi 'dod pa smra ba ste/ 'di don ni brtag par bya'i/ /rdo rje 'dzin pa yang sku mdog ni rnam par snang mdzad dang mthun la/ phyag mtshan rang mo 'khrugs pa dang mthun pas ma smos so zhes 'dod ngo/ /oM rda rma d+hA tu swa b+hA ba A t+ma ko haM zhes bya ba'i gsang sngags ni chos kyi dbyings kyi snying po ste/ gong du bstan pa rnams chos kyi dbying kyi bdag nyid du shes par bya'o/ /da ni phra mo'i sbyor ba bstan te/ rin chen kha dog sna lnga pa/ /yungs gar gyi ni 'bru tshod tsam/ sna yi rtse mor nan tan du/ /rnal 'byor pas ni rtag par bsgom/ /zhes bya ba la sogs pa gsungs te/ de la rin po chen ni mtshan ma rnams so/ /de pad+ma'i sna'i rtse mo la bsgoms te brtan pa'i mtshan ma smig rgyu dang du ba la sogs ba rtags rnam pa lngam thong nas spro bar bya ste/ rjes su dran pa bcu drug bsgom par bya'o/ /zhes bya ba'i don to/ /sangs rgyas 'bar ba 'dra ba'i 'od ces bya ba la sogs pa ni sangs rgyas so/ /de bzhin du/ byang chub sems dpa' rnams kyang spro bar bya'o zhes shes par bya ste/ ji lta ba'i mtshan nyid ni rjes su dran pa'i skabs su shes par bya'o/ /nam
- 14a
mkha' phyings kyi dbus gnas par/ zhes bya ba la sogs pa ni lha rnams kyi gnas dang gdan bstan pa ste/ de la nam mkha' i dbyings chos kyi 'bang gnas so/ /rer zla ba'i dkyil 'khor la rnam par snang mdzad bsgom mo/ /de bzhin gshegs pa pad+ma la sogs ba ji skad du smos pa'i gdan rnams la ji skad smos pa'i sangs rgyas rnams bzhugs par bsgoms na dngos grub tu 'gyur zhes bya ba'i tha tshig go/ le'u gsum pa'o// //de ltar ting nge 'dzin gyis dkyil 'khor bstan ba las/ de las de bzhin gshegs pa rnams kyi gzugs brnyan gyi dkyil 'khor gyis lan bdags ba'i ched gzigs nas bcom ldan 'das la bstod pa'i rgyal po 'di'i sgo nas bstod de gsol ba 'dib chas po zhes bya ba'i don to/ /de la de bzhin gshegs pa kun zhi ba/ zhes bya ba la sogs pas ni byang chub kyi sems stong pa yin don dam pa'i dkyil 'khor bshad pa zhus pa ste/ mtshan nyid thud yang dag rdzogs zhes bya ba la sogs pas ni/ sku'i dkyil 'khor te de bzhin gshegs pa'i sku ni mchen bzang po la sogs pa thams cad ni yang dag par rdzogs shing mtshan nyid ngan spangs pa ni kun tu bzang po'i sku ste/ de'i dkyil 'khor bshad du gsol zhes so/ /gsung gi dkyil 'khor na zhi ba'i chos ni zhes bya ba la sogs pa gsungs te/ de la brjod du med pa'i gsung ni/ spros pa dang bral ba'i rang bzhin yin pa'i phyir chos ni mchog las 'byung zhes so/ /sems can rnams mya ngan las 'das ba'i bdag nyid las ye shes spyod pa rnam sbyong pa zhes so/ /de ni kun tu bzang po mchog gi gsung ste/ de'i dkyil 'khor bshad par gsol ba'o/ /thugs ni sems can kun gyis sems chen po zhes bya ba la sogs pa ste/ de la kun tu bzang po'i thugs byang chub kyi sems ni byang chub chen po'i bdag nyid du gnas pas/ sems can kun gyi sems chen po zhes so/ /de nyid bya ba las 'das pas rang bzhin dag pa dri ma med pa ste/ de ni kun tu bzang po'i thugs te/ byang chub kyi sems ni dkyil 'khor gyi snying po yin la/ de bshad du gsol zhes bya ba'i don to/ /tshul 'di dang sbyar na kun tu bzang po'i sku yang rang bzhin med pa nyid du 'os te/ de na mtshan min
- 14b
zhes smos pa'i dgag pa 'di yang mtshan nyid kyi ngo bo nyid ma grub par sbyar bar rigs so/ /de skad ces gsol ba btab pa dang/ bcom ldan 'das kyi sku gsung thugs kyi dkyil 'khor bshad par snang ngo/ /de la thugs ni 'di nyid du bshad la/ gsung dang sku ni 'og nas bshad par bya'o zhes bya ba 'dir sbyor ro/ /de la thugs kyi dkyil 'khor 'dra ba zhes bya ba ni thugs kyi dkyil 'khor ni rdul tshon yin la/ de ye shes kyi dkyil 'khor rang 'dra zhes pa'i don te/ 'di ltar rang bzhin dang yon tan dang mtshan dag bye brag tu gyur pa med do zhes bya ba'i don do/ /de bshin du sku dang gsung dag kyang thugs kyi dkyil 'khor dang 'dra ste dbyer med do zhes bya ba'i don do/ /de 'dir ni thus kyi dkyil 'khor ston pa yin pas dang por de'i tshad dang thig gdab pa la sogs pa ston to/ /de la thig skung sar pa ni gzhan lam btab pa'o/ / gced pa ni rgya dang sbyor ba la skyon med pa'o/ /ched ma ni srid du dkyil 'khor nyis 'gyur la spoms sgo'i nyid shu cha grags ni lnga 'am gzungs kyi grangs shes so/ /mdzes pa ni mjur mdud dang sbom phra ma shor ba'o/ /khru na bcu gnyis tshad du bya zhes bya ba ni khong yug tu'o/ /de'i dbus su 'khor lo ni rab tu bla ma pa bri bar bya zhes bya ba ni rdo rje skung pa bzhi yis dkyil 'khor re'u mig dgu par gyur pa'o/ /phyag rgya dgod pa ni go sla'o/ /mA ma kI ni rigs 'byung ba'i zhes bya ba ni gzo bo'o yum yin pa'i phyir dkyil 'khor 'byung bar gyur pa'o/ /de ltar dkyil 'khor bkod de yongs su gsal bar shes par byas nas mchod par bya'o zhes sbya bar bya'o/ /de la lus dang dag sems mchod pa yis zhes bya ba ni gsang ba byang chub sems kyi mchod pa'o/ /la lan re lus dad dag sems zhes bya ba ni dkyil 'khor yin te/ lus gzugs brnyan dag ting nge 'dzin sems rang bzhin gyi dkyil 'khor te 'di ltar rdul gyi ngo bo ni lus te/ de las sgra dang yi ge'i tshul bskyed pa ni dag de la yes sems dpa' bzhuD pa ni thugs yin te/ de la mchod
- 15a
do zhes zer ro/ /de la mchod pa ni 'di yin te/ bud med rab tu mdangs bzang ba zhes bya ba la sogs pa yin te de la 'di ni lo grangs bcu gnyis kyi tshad du smos pas sangs rgyas spyan du byin gyis brlab pa yin te/ 'dis mchod pa 'am mA ma kIr byin gyis brlabs kyang rung ste/ phyag rgya chen po'i mchod pa bya'o zhes bya ba'i don to/ /kha cig na re gong ma ni bung med kyi phyag rgya nyid yin la mA ma kI ni ye shes kyi phyag rgya yin te/ 'di gnyis rang bzhin gyis phyag rgya ye shes kyi phyag rgyar byin gyis brlabs pa yin te 'di la bye brag med do zhes zer ro/ /sangs rgyas zhi ba tshul spros pas zhes bya ba ni byang chub sems kyi sprul pas don byed pa dang sbyar ro/ /bshad dang gcig ba khu ba khrag/ ces bya ba ni bdud rtsi lnga'i mched pa ste rol zhing mchod par bya'o zhes bya ba'i don to/ /thugs kyi dkyil 'khor gyi le'u ste bzhi pa'o// //da ni de lta bu'i dkyil 'khor du slob ma dbang bskur ba'i snod bstan par bya ba'i phyir/ de nas de bzhin gshegs pa kun gyi zhes bya ba la sogs pa rgya cher gsungs so/ /de la rnam par mi rtog las byung ba/ /'dod chags zhe sdang gti mug rigs/ /zhes bya ba la/ rnam par mi rtog pa las byung ba'i 'dod chaD zhes bya ba la sogs par sbyar te/ de la mi rtog pa'i bdag nyid dug gsum gyis theg pa 'dir 'grub par bstan to/ /gzhan yang rigs ngan sme sha can la sogs pa yang snod du rung bar bstan te bla na med pa'i theg pa ni blang dor mi byed pa'i phyir ro/ /mtshams med byed pa'i sems can yang de bzhin no/ /'dir mi chung pa gang zhe na/ /snying nas slob dpon smod pa lar/ /bsgrubs kyang 'grub par yong mi 'gyur zhes bya ba yin no/ /srog gcod pa la sogs pa'i
- 15b
sems can yang de bzhin no/ /de bzhin du ma dang sring mo dang bu mo la sogs pa yang sbyar te/ 'di dag ci'i phyir zhe na/ theg pa chen po ni bzhin gshegs pa'i mdzad spyod 'di ltar thabs dang shes rab 'brel pa'i bdag nyid de/ chos thams cad ni mnyam pa nyid kyi phyir dge ba'i ni blang du med la sdig pa ni dor du med de/ de bsan chos gang yang mi 'grub pa'i rgyur bstan pa med do/ /rdo rje slob dpon smos pa la sogs pa ni dam tshig chen po la gtogs pa yin pas 'di dang ldan na mnyam pa nyid dang 'gal pa'i phyir 'di ni gnang ba ma mdzad do/ /rnam gcig tu na 'dod chags ni gsung gi dam tshig ste/ yang dag ba'i sbyor/ zhe sdang ni thugs kyi ste bla na med pa'i gnas su sgrol ba/ gti mug ni snga'i ste nor gyi rgya mtshos don byed pa ste/ 'di lta bu'i dug gsum mo/ /sme sha can ni phrad pa med pa'i ye shes can no/ /de lta bu'i mi rtog pa'i bsod pa don du gnyer ba ngag go /mtshams med pa yang sems can yongs su bskyed pa'i chags sdang gi bdag nyid dang/ sdug bsngal gyi bdag nyid phung po la sogs pa bsod pa la sogs pa'i las byed pa mi rtog pa'i ye shes dang/ gzhan yang rnam par rtog pa'i srog gcod pa dang/ byang chub chen por dam 'cha' ba' i brdzun du smra ba dang byang chub sems dpa' i rdzas len ba'i gzhan gyi nor sbyod pa dang/ rang gi rig ma dang lhan cig gnas pa'i 'dod pa spyod pa de lta bu'i d? pan pa bzhi dang ldan pa dang/ gzhan ci yang ma yin pa'i bdag nyid kyi bshad ba dang/ phan pa'i don gyi rjes su gnas pa'i gci ba dang/ ye shes chen po'i bdag nyid kyi byang chub kyis rla dang yongs su chags pa'i bdag nyid rkha 'thung ba la sogs pa'i sems can rnams dang/ gzhan yang ma dang srin mo bu mo zhes bya ba la sogs
- 16a
pa ste/ de la ma'i don ni dang po A li kA li la skyes pa rdo rje sems dpa' yab yum sbyor ba'i b+ha ga la sems can thams cad bsdus te/ de rnams dbang bskur ba'i yum la bya ste/ 'di ni gsang ba'i dbang nod pa'i yum yin no/ /sring mo'i don ni de nas sems 'od 'bar ho'i bar du zhugs nas/ byang chub kyi sems 'od kyi gong bur gyur par byed pa'i chags pa'i bdag nyid kyi yum ni srong mo ste 'di shes rab kyi dbang gi yum mo bu mo ni de ltar zhu ba las/ dbyangs kyis bskul nas skur bzhengs pa'i yum yin te/ de ni gzhan la yang dbang bskur ba'i yum yin pas bu mo yin no/ /de la dang po ni mA ma kI'i bdag nyid do/ /gnyis pa ni gos dkar mo'i bdag nyid do/ / gsum pa ni sgrol ma'i bdag nyid de/ /de ltar na ting nge 'dzin gyi yum gsum dang/ sku gsung thugs kyi yum gsum rim pa bzhin du sbyar te/ de la ma dang sring mo bu mo zhes sbyar ro/ /de la gsang ba'i dbang rdo rje sems dpa' yab yum gyi ting nge 'dzin gyis dbang bskur ba 'di ting nge 'dzin ma rdzogs pa'i nyes pa yod do zhe na/ de ni 'di ltar dgongs pa yin te gong du dbang bskur ba'i tshe slob dpon gyis ting nge 'dzin gsum car yongs su rdzogs par bsgoms te gnas pa las/ slob mas gsang ba'i dbang bskur bar zhus pa las de nas bla mas kyang/ /chos kyi 'byung gnas kyi ting nge 'dzin nas bzung ste snyoms par zhugs nas rdo rje sems dpa' i ting nge 'dzin bskyed la gsang ba'i dbang bskur bar bya'o/ /de'i phyir nyes pa med do/ /de ni 'di ltar dgongs pa yin te/ le'u dang por bstan pa 'dod chags chen po'i ting nge 'dzin la snyoms par zhugs nas sems can rnams bsdus te dbang bskur ba yang rdo rje sems dpa' i
- 16b
ting nge 'dzin gyis gsang ba'i dbang bskur bar bstan/ 'dir yang de bzhin no zhes so/ /gzhan yang hos zhu ba'i byang chub kyi sems ni ye shes bdud rtsi'i ngo bo las? shes rab kyi dbang ste/ 'di ni bla mas ji ltar bstan pa bzhin du rang gi rang rig pas rig par bya'o/ /de'i phyir sangs rgyas gtso bo'i yum dag la zhes smos te/ de lta bu'i gtso bo'i yum rnams la gong du smos pa'i tshul ltar mnyes par byas na sangs rgyas su 'gyur ro zhes bla ma'i man ngag go /de skad ces bka' stsal pa dang/ byang chub sems dpa' rnams skrag par gyur te 'di lta bu'i chi ge ci'i slad du gsung zhes gsol pa la/ de bzhin gshegs pa rnams kyi ye shes snying po can rnams kyi zhes bya ba la sogs pa'i tshig gsungs te/ de nyid dam par bsngags pa mdzad pas de dag rgyal bar gyur ro/ /zhes bya ba la sogs par sbyar ro/ /de la ye shes snying po can rnams ni sangs rgyas rnams ta de'i chos nyid ni gong du bstan pa rnams so/ /chos nyid de ni chos thams cad kyi snying po chos rnams kyi don to/ /spros pa med pa las 'byung ste/ de'i phyir chos nyid 'di rnams ni spang ba ma yin gyis byang chub spyod pa'i gnas yin no/ /zhes gsungs so/ /de skad ces bka' stsal pas/ byang chub sems dpa' rnams brgyal bar gyur pa nga de bzhin gsheT pa rnams kyis gzigs nas/ bcom ldan 'das rdo rje 'dzin pa la de dag bslang ba gsol ba btab po/ /de nas bcom ldan 'das kyis de dag bslang ba'i phyir nam mkha' dang mnyam pa gnyis su med pa rdo rje zhes bya ba'i ting nge 'dzin la snyoms par bzhugs te/ de'i 'od kyis de dag bslang bar mdzad do/ /nam mkha' dang mnyam pa ni rnam par rtog pa'i gnyen po yin te/ des gang la khyab cing reg pa de mi rtog par gyur te/ mi rtog na skrag pa nyid med na brgyal ba lta ga la srid/ de nas
- 17a
de dag dga' bar gyur nas chos kyi dbyings gsungs so/ /e ma'o chos zhes bya ba la sogs pa ste/ de la e ma'o chos zhes bya ba rnam par dag pa'i bdag nyid kyi chos la ngo mtshar ba'i sgo nas pos te bstod pa'o/ /chos kyi don 'byung ba ni dag pa ste/ de ni bdag med pa'i don gyi gsungs te/ de lta bu la phyag 'tshal lo zhes so/ /sku dang gsung dang thugs zhes bya ba la sogs pa ni sku mi 'gyur ba'i gnas ma skyes pa'o/ /thugs ni de bzhin gshegs pa'o gtso zhes bya ba la sogs pa ni thugs kyi rnam par dag pa'o/ /nam mkha' i sku zhes bya ba la sogs pas ni sku gsung thugs kyi spyi la'o/ /sngags thams cad kyi spyod pa'i le'u zhes bya ba ste/ le'u lnga pa'o// //da ni le'u gsum par bstan pa'i dkyil 'khor gyis lha rnams la byin gyis brlab par bya dgos pa'i phyir de'i gsang sngags dang gzhan yang rdo rje phra mo'i ting nge 'dzin gyi kha skong rnams ston pas de nas zhes bya ba la sogs pa smos te/ /de la de bzhin gshegs pa mi bskyod pa de bzhin gshegs pa thams cad kyi sku dang gsung dang thugs kyi gsang pa zhes bya ba'i ting nge 'dzin la snyoms par zhugs te zhes bya ba'i thugs kyi bdag nyid kyi gsang ba'i de la de skad ces bya'o/ /thugs byin gyis brnyab pa'i sngags ni/ de'i rang bzhin dang ldan par byed pa'i sngags so/ /gzhan ma la yang de bzhin du spyar bar bya'o/ /de dag ji ltar bya zhe na/ de bzhin gshegs pa'i rdo rje gsang ba gsum zhes bya ba la sogs pa smos ta/ de la rdo rje gsang ba gsum ni/ sku gsung thugs rdo rje gsang ba gsum ste/ thabs des sku gsung thugs su sgrub pa'i thabs su rnam par bsgom par bya zhes so/ /
- 17b
de yang ji lta zhe na/ sngags kyi mtshan gyis zhes bya ba la sogs pa smos te/ 'di ltar lha'i gnas gsum du zla ba dang pad+ma dang nyi ma'i gdan rnams la oM A(rgyud 'grel): hUM zhes pa bkod de/ de la ji lta ba bzhin du sku'i rdo rje dang gsung pa thugs kyi rdo rje rnams rim pa bzhin du bskyed nas/ de rnams kyi thugs kar yang ji lta ba'i gdan steng du 'khor lo dang pad+ma dang rdo rje'i lte ba rnams la mngon du brjod pa'i yi ge nyid bsams te/ de dag gi 'od zer gyis sku gsung thugs kyi lha rnams spyan drangs te/ gsol pa gdab pa byas nas dbyer med par zhugs par byas nas/ bsgrub par bya'o zhes pa'i don to/ /rdo rje sgrol ma zhes bya ba ni/ rdo rje rin po che'i bdag nyid de/ gsang sngags 'di ni gnyis su med pa'i bdag nyid bas rin po che'i rigs kyi bdag nyid du sbyar ro/ /rjes su chags pa'i bdag nyid 'di ni 'bring gi mthar yum rjes su mnyes par bya ba'i tha tshig go /mchod pa'i gsang sngags ni las kyi rigs kyi bdag nyid de/ 'di ni chen po'i dus na byang chub kyi sems 'phro ba'i bdag nyid do/ /rtag tu 'dod pa'i yon tan lngas zhes bya ba la sogs pas ni lha mo lnga'i mchod pa'i rang bzhin bstan te/ 'di ni rjes su chags pa'i dang mchod pa'i sngaT gnyis kyi don bstan pa yin te/ 'di ltar gsang sngags 'di dag ni 'dod pa lnga'i lha mo'i mchod par bya zhes pa'i tha tshig go /sngags la dmigs pa'i lus dang ni zhes bya ba la sogs pa ni gong du bstan pa'i sku gsung thugs kyi gnas la gong du bstan pa ltar dmigs nas de nyid kyi gsang sngags kyi yi ge bskul te/ ji ltar gsol ba btab pa la sogs pa byas nas bsgrub po zhes bya ba'i don to/ /de yang dang por lus ngag yid gsum mnyam pa nyid nam mkha' lta bur sbyar nas/ de nas sngags kyis btab pa'i lha'i ting nge 'dzin bsgom
- 18a
par bya'o zhes bstan pa'i phyir/ sems la dmigs pa bdag med par zhes bya ba la sogs pa gsungs so/ /de la ji ltar sems la bdag med par dmigs pa de bzhin du/ dag dang lus la yang bdag med par/ dmigs te nam mkha' lta bur sbyor ro/ /gang gi ji ltar sbyor zhe na/ lus dang ngag dang sems dmigs na ngo bo nyid ni dmigs su med ces bya ba la sogs pa smos te/ 'di ltar lus ngag yid gsum blos brtags na gang gi ngo bor yang ma grub ste dmigs su med pas de'i phyir sngags kyi lus su sbyor ba'o/ /bsgom pa yang med la/ des bsgrubs pa'i byang chub kyang med do zhes de ltar rnam par dbyang nas/ de nas sngags kyis brtags pa'i lha'i nyid de 'dzin du sbyor ba'i gnas kyi cho ga bsgom par bya'o zhes pa'i don to/ /da ni phra mo'i sbyor ba bstan pa'i phyir/ de nas dpal ldan rdo rje 'dzin zhes bya ba la sogs pa rgya cher gsungs so/ /nam mkha' dbyings kyi dbus gnas par/ /zhes bya ba la sogs pa ni gzhal yas khang du lha'i dkyil 'khor sbyor ba dang po dang dkyil 'khor rgyal ba mchog dang las kyi rgyal po mchog dang ldan pa la phra mo'i sbyor pa 'di tsam mo zhes pa'i don to/ /sna rtse mo yungs kar bsams zhes bya ba ni pad+ma'i sna rtse ro/ / 'gro dang mi 'gro yungs kar la/ /zhes bya ba ni spro zhing bsdu ba'o/ gsang ba'i sngags kyis brtags pa yin/ /ye shes mchog ni lha rnams so/ /de'i gnas ni dkyil 'khor te/ /phra mo'i mtshan ma nas 'bru tsam gyi lte pa la/ ji lta ba'i dkyil 'khor bsgom pa'o/ /nam mkha' i dbyings kyi dbus gnas par/ /nyi ma'i dkyil 'khor bsgom bar bya zhes bya ba la sogs pas ni/ rigs so so'i gdan dang lha bsgom pa bstan to/ /yang kha cig na re phra mo'i sbyor ba kun tu brtsam
- 18b
zhes bya ba'i tshigs 'di ni thig le sbyor pa'i ting nge 'dzin yin te/ de la sna'i rtse mo'i zhes bya ba ni thugs te/ yungs kar bsams zhes bya ba ni thig le yungs kar tsam mo/ /'gro dang mi 'gro yungs kar la zhes bya ba ni/ 'dir dbugs dgag gtong ba'i skabs su thig le nyid spro ba dang slar thig le bsdu ba'o/ /de la gsang ba'i sngags kyis brtags shing bskyed pa'i ye shes mchog gi lha rnams kyi gnas thig le'i dkyil 'khor chung du bsgom pa'o/ nam mkha' dbyings kyi dbus gnas par/ nyi ma'i dkyil 'khor bsgom par bya zhes bya ba la sogs pa ni rigs so so'i thig le bsgom pa ste de la nyi ma ni mi bskyod pa'o/ /sangs rgyas sku'i gnas ni gdan no/ /de'i steng du bzhag pa ni yi ge'o/ /gzhan yang gsal ba'i dkyil 'khor ni zla ba ste/ rnam par snang mdzad kyi'o/ /pad+ma'i dkyil 'khor dang/ rin chen gyi dkyil 'khor dang/ 'od kyi dkyil 'khor yang pad+ma dang/ rin po che dang las kyi rigs kyi gdan no/ /spyan gyis tshul dang sbyor ba las/ zhes bya ba ni rnam par snang mdzad kyi ting nge 'dzin la sangs rgyas spyan dang ldan par bsgom pa ste/ de bzhin du pad+ma'i tshul du sbyor ba yang gos dkar mo'i 'byor ba ste/ 'dir ltar gzhan du yang sbyar bar bya'o/ dang po'i sbyor ba'i nan tan gyis/ zhes bya ba ni dang po'i sbyor ba dang/ dkyil 'khor rgyal ba mchog dang las kyi rgyal ba mchog rnams la nan tan du byas te/ yan lag bzhi'i tshul gyis bskyed par bya'o zhes bya ba'i don to/ /sangs rgyas tshul ni zhi ba spro/ /'khor yang khyad par dag tu spro/ / zhes bya ba yang sbyir sbyar bar bya'o/ /de yan chad ni thig le'i sbyor ba yin no zhes kha cig gi 'dod pa'o/ /utpa la mthing kha'i mdog 'dra ba/ /rtse mo lnga pa khyad du zhes bya ba la sogs pa ni phra mo'i tshad dad bye brag bstan pa yin te/ de la rdo rje rtse lnga
- 19a
pa utpa la sngon po lta bu bsgoms pa dang/ sran tsa na ka tsam gyi pad+ma 'dab ma brgyad pa dang/ de bzhin du 'khor lo dang ral gri dag kyang bsgoms la/ de dag gi sgong skyes dang ge sar dang lte ba dang chang gzungs rnams la dkyil 'khor chung du bsgoms pa ni/ sangs rgyas byang chub gnas rnams ni zhes bya'o/ /de ru mdor ni spro bar bya'o/ /zhes bya ba ni/ phra mo bstan pa'i mtshan ma thob nas/ ji ltar 'dod pa'i lha'i ting nge 'dzin du skad cig gis bskyed la/ de nas shes rab ma dang gnyis su med pa'i sbyor ba las yum gyi ba spu bu ga nas byang chub kyi sems kyi 'od zer spro bar bya ste/ rjes su dran pa bcu drug bsgom par bya'o/ /de la rjes su dran pa zhes bya ba ni phra mo la ji ltar sbyangs pa de ltar rjes su dran pa na yang de dran par byed pa'i/ /sku gsung thugs kyi mtshan ma yi/ /chos kyi tshig rnams rab tu brjod ces bya ba ni/ dkyil 'khor chung du bsgom pa'i dus su byin gyis brlabs pa la sogs pa bsnyen sgrub tshang bas bya ba'i don to/ /de nas dpal ldan rdo rje 'dzin zhes bya ba la sogs pas ni de ltar bsgom pa'i dus su rnal 'byor bas 'dod pa'i yon tan lnga dang ldan par bya ba'i don to/ /gzhan yang gsang ba'i mchod pa dang bdud rtsi lnga dang sha rnam pa lnga dang ldan par byas te bsgrubs na ji skad bstan pa bzhin du 'grub pa'i don to/ /lus dang ngag sems las 'da' ba' o/ /zhes bya ba ni lus ngag yid gsum las 'das te sku gsung thugs nam mkha' lta bur 'gyur ro/ /zhes bya ba'i tha tshig go /'di ni lus dang ngag byin gyis brlab pa bsgrub pa'i bdag nyid dang phra mo'i sbyor ba las kyi rgyal ba mchog gi rang bzhin bstan pa yin la/ de ni le'u gsum pa'i lha rnams kyi yan lag yin la/ de yang le'u dang por ji skad
- 19b
bstan pa bzhin du sbyar bar bya'o/ /le'u drug pa'o// //da ni 'dod pa'i yon tan lnga mi spang ba dang rjes su dran pa bcu drug bsgom pa ston pas/ de nas zhes bya ba la sogs pa gsungs te/ de la 'di'i 'brel pa ni 'dod pa'i yon tan rnam pa lnga mi spang ba ni slob ma'i snod bstan pa'i don du sbyar te/ dam tshig dang sdom pa'i bdag nyid yin pas le'u lnga par kha bskang bar bya'o/ /de la sngags spyad pa'i mchog ces bya ba ni sngags kyi spyod pa'o/ /mngon par rdzogs par byang chub pa zhes bya ba ni de'i rang bzhin nyid dam der byed pa'o/ /'dod pa'i longs spyod thams cad la zhes bya ba la sogs pa ni 'dod pa bsten pas 'grub par bstan to/ /yang na 'dod pa'i yon tan thams cad ces bya ba la sogs pas ni lha'i bdag nyid du sbyor bas bsten pa'o/ /dka' thub sdom pa mi zad ces bya ba la sogs pas ni mi 'grub pa'i rgyu dang tshul bzhin spyad na 'grub pa'i rgyu bstan to/ /gzhan du dus min 'chi ba dang/ dmyal bar nges par bsreg par 'gyur zhes bya ba la sogs pa ni dam tshig nyams pa'i skyon ston to/ /sangs rgyas byang chub sems dpa' dang zhes bya ba la sogs pas ni 'dod pa bsten pa'i yon tan ston to/ /gzugs la rnam gsum shes byas nas zhes bya ba la sogs pas ni 'dod pa bsten pa'i thabs ston to/ /de la gzugs gcig bu la yang rab 'bring gi bye brag gis rnam pa gsum yin la/ de la rab ni 'dod chags skye bar byed pa ste/ gsung gi bdag nyid de bzhin du 'bring dang tha ma la yang gti mug dang zhe sdang skye bar byed pa ste/ sku dang thugs kyi bdag nyid de de ltar bsgoms nas bcom ldan 'das rnam par snang mdzad la dbul zhe'o/ /kha cig na re de nyid bcom ldan sna tshogs pa/ /sangs rgyas rnam par snang mdzad
- 20a
gzhi zhes bya ba'i don gyis gzugs nyid rnam par snang mdzad yin te/ de lta bu'i sbyor ba dang ldan pas mchod par bya'o zhes zer ro/ /gzhan la yang de bzhin du sbyar bar bya'o/ /yang na de la bsgom pa ni/ / rigs kyi chul du rnam par bsgom zhes bya ba ni rigs de dag thams cad kyang thugs kyi bdag nyid du byas te mchod cing spyad par bya'o/ /de yan chad ni 'dod pa'i yon tan rnam pa lnga mi spang pa yin te/ spyod lam gyi ting nge 'dzin du shes par bya'o/ /da ni rjes su dran pa bcu drug bsgom par bya ste/ 'di dag ni phra mo las su rung nas spo bar bya'o zhes sngar bsnyad pa de 'dir gzung bar bya'o/ /de la 'di dag nas phra mo'i gnas su ma bstan pa'i spro bdag kyang 'byung ba ni phra mo'i skabs su ting nge 'dzin gcig bstan par bya ste/ mtshan ma thob nas 'di dag gi ting nge 'dzin du skad cig gis bsgyur te spro bar bya ba yin pas nyes pa med do/ /de la sangs rgyas rjes su dran pa la soT pa gsum ni sku dang gsung dang thugs so/ /rigs rjes su dran pa ni rin po che dang las kyi bdag nyid do/ /khro bo rjes su dran pa ni rigs kyi khro bo gang yin pa la sogs pa'o/ /lha rjes su dran pa zhes bya ba ni dam tshig kyang dkyil 'khor la sogs pa'o/ /bud med gzugs bzang ma dangs bzang ba zhes bya ba la sogs pa ni rjes su dran pa bcu drug yum mo/ /de bzhin gshegs pa'i btsun mo'i mchog /spyan la sogs par bsgom par bya/ /zhes bya ba ni de rnams su byin gyis brlab pa'o/ /yi ge huM dang oM dag dang/ /phaT kyang rab tu brtag par bya zhes pa ni mkha' byin gyis brlab pa ste/ de la yi ge hUM gis ni gsang ba'i mkha' rnam pa gnyis 'od zer sna lngas khyab pa'i rdo rje dang
- 20b
pad+ma bsgom par bya'o/ /oM dkar po ni rdo rje'i rtse mor ro/ /phaT nag po ni spu gur te byang chub kyi sems spro ba'i don to/ /'bar bcas zla 'od bzhin du dkar zhes bya ba ni mkha' rnam pa gnyis kyi 'od do/ /sangs rgyas rjes dran sbyor la sogs zhes bya bas 'og nas 'byung ba ltar rjes su dran pa bcu drug bsgom pa ste/ de la sangs rgyas rjes su dran pa ji ltar bsgom zhes na/ b+ha ga la ni liM ga bzhag /sangs rgyas gzugs ni bsgom par bya/ /ba sbu rnams kyi bu ga nas/ /mkhas pas sangs rgyas stim rnam spro zhes 'byung ste/ de la 'di'i tshul ni phra mo brtan par gyur pa'i rjes thogs su rnam par snang ba mdzad kyi skur bsgoms te yum sangs rgyas spyan du byin gyis brlabs nas sngon du brjod pa lta mkha' byin gyis brlab pa byas te/ thabs dang shes rab gnyis su med pa'i sbyor ba las byang chub kyi sems phra mo bsgom pa'i bdag nyid de rnam par snang mdzad kyi sku phra mo mang po yum gyi ba spu'i bu ga nas 'phros pas sngon du bsgoms pa'i phra mo'i skabs kyi ting nge 'dzin rjes su dran pa ste thams cad du yang de bzhin du sbyar ro/ /de la chos rjes su dran pa ni snang ba mdza' yas su sbyar ba'o/ /rdo rje rjes su dran pa ni mi 'khrugs par sbyar ba'o/ /rigs rjes su dran pa ni rin chen 'gyud ldan dang don yod grub pa gnyis su sbyar ba'o/ /khro bo rjes su dran pa ni/ khro bo bcu gang yang rung pa'o/ /dam tshig rjes su dran pa ni bdag lha gang yang rung bar bsgoms te sbyor ba'i byang chub kyi sems kyi mchod pa'o/ /de yang dkyil 'khor gyi lha'i sbyor ba dran par byed pas rjes su dran pa'o/ /dkyil 'khor rjes su dran pa ni lha gang yang rung bar bsgoms pa'i byang chub sems las lha'i dkyil 'khor yongs su rdzogs pa 'phro ba'o/ /sku rjes su dran pa dang/ gsung rjes su dran pa dang/ thugs rjes su dran pa gsum ni/ sangs rgyas rnams kyi sku gsung thugs kyi mtshan nyid ji lta ba de ltar bdag rjes su dran zhing
- 21a
bsgom pa ste 'di man chad ni spro bar mi byed do/ /sems can rjes su dran pa sems can gyi lus ngag yid gsum sku gsung thugs nam mkha' ltar bsgom pa'o/ /sngags thams cad kyi sku gsung thugs rjes su dran pa ni sangs rgyas rnams kyi sku gsung thugs dbyer med pa ji lta ba de ltar bdag kyang de dang 'dra bar bsgom pa'o/ /dam tshig rjes su dran pa ni/ sbyor ba'i byang chub kyi sems lha'i sbyor bas btung ba ste/ de bzhin gshegs pa'i tshogs bsad na zhes pa rnam par mi rtog pa'i blos btung ba'o/ /shes rab kyi pha rol tu phyin pa'i dam tshig rjes su dran pa ni chos thams cad rang bzhin gyis rnam par dag pa bsgom pa ste 'di ni yum mi dmigs par rjes su dran pa'o/ /ma skyes pa rjes su dran pa ni/ chos thams cad mtshan nyid med cing rang bzhin med pa'i sgyu ma tsam du snang ba ste/ 'di ni thams cad kyi rang bzhin yab mi dmigs par dran pa'o/ /de la zhe sdang gi rigs la sogs pa mchod pa rjes su dran pa ni lo bcu gnyis pa'i bud med la gnyis su med pa'i sbyor ba'i sgo nas rang gi rigs kyi mchod par bya ba'o/ /rjes su dran pa 'di dag la yang sku rnam par snang mdzad rjes su dran pa 'ba' zhig bsgom pa la yang dam tshig rjes su dran pa la sogs pa man char ni ldan par bsgoms /te de bzhin du chos dang rdo rje dang rigs dang khro bo rnams la yang dam tshig rjes su dran pa la sogs pa ni ldan par sbyar ro/ /le'u bdun pa'o// // da ni le'u gsum pa'i ting nge 'dzin gyi dkyil 'khor gyi lha rnams dang/ le'u bzhi pa'i gzugs brnyan gyi dkyil 'khor bstan pa la mchod pa bstan te/ de nas bcom ldan 'das de bzhin gshegs pa dkon mchog dpal gyis zhes bya ba ni rin po che'i rigs ni mchod pa'i bdag nyid yin pa'i phyir ro/ /de la rdo rje rgyal po thog pa che zhes bya ba la sogs pas na theg pa chen po'i don la bstod do/ de la rdo rje'i theg pa ni nam mkha' i mdzad spyod dang 'dra ba ste/ ma chags shing ma gos pa'i mdzad spyod kyis 'dren pa'i phyir shin tu ngo mtshar ba ste/ de
- 21b
yang dug gsum ma spangs bar lam de nyid nas 'gro ba 'dren pa'i tshul dang theg pa mdza' dag kyang yongs su rdzogs pa'i tshul dang/ sku gsung thugs shin tu dag pa'i byang chub sems kyi chos kyis 'khor lo bskor ba'i tshul la bstong de zhu ba gsol ba'o/ /de nas ston pa rdo rje 'dzin pa nam mkha' ltar mi 'gyur ba chos thams cad kyi dbang phyug de bzhin gshegs pa thams cad dbang bskur bar mdzad pa des de bzhin gshegs pa thams cad kyi mchod pa sku gsung thugs rdo rje lta bu bskal pa bzang po mchog mchog la gnas pa rgyal ba 'byung bar 'gyur bar bshad do zhes pa'i don to/ /de nyid 'di yin de na chung gzhon nu mig bzangs btsal zhes pa la sogs pa'o/ /de la byol song skyes gnas brtag /ces bya ba ni byin gyis brlab pa ste/ 'di ltar rgyal ba'i yum ni gti mug gi rigs yin pas byol song du skye ba'i gnas sam rgyub? ti mug yin te rer brtag par bya'o/ /byol song gi tshe tshad brtags pa yin no yang zer ro/ /de'i gnas ni sa phyogs gtsang zhing dben pa dang/ rgyal ba'i gnas dang zhi ba lha chen po'i gnas rnams su bya'o/ der maN+Dal bya ba ni/ chu 'am yang na bshad gcis byug pa ni/ rgyal nga mchod phyir rab tu brtag par bya zhes bya ba'o/ /byin gyis brlab ba ni/ nu ma'i bar dang/ klang rgyas kyi bar/ cho ga shes pas yang na rkang ba'i bar/ rigs lnga rnams ni rab tu dgod par bya zhes gsungs te/ de la nu ma'i bar yan chad nas spyi bo man chad du rnam par snang mdzad kyi rdul phra rab gyis yongs su dgang ngo/ /de bzhin du snying kha nas lta ba'i bar dang/ rked pa'i bar dang/ gsang ba'i bar dang/ rkang pa'i bar du mi 'khrugs pa dang/ rin chen dpal dang 'od dpag med dang gdon mi za ba rnams kyis yongs su dgang ngo/ /rnam gcig tu nu ma'i bar ni snying kha ste mi 'khrugs pa'o/ /klad rgyas kyi bar ni 'tshogs ma ste rnam par snang mdzad do/ /yang na rkang ba'i bar zhes bya ba ni brla 'am gsang ba'i gnas su gdon mi za ba'o/ /lte bar ni rin chen dpal lo/ /rkeng par ni gdon mi za ba ste/ de dag kyang rang gi gdan la bzhugs pa rang gi yum dang ldan par bsgom par bya'o/ /nam mkha' dbyings
- 22a
kyi dbus gnas par zhes bya ba la sogs pas ni bdag nyid lha'i dkyil 'khor du bsgoms pa las mchod pa'i bye bras spro ba ste/ de la nam mkha' dbyings kyi dbus ni chos kyi 'byung gnas so/ /ye shes rgya mtsho bsgoms pa ni ye shes kyi gzhal yas khang ngo/ bdag nyid zla ba'i dngos gnas par/ /mkhas pas snying gar bsgom par bya/ zhes bya ba ni bdag nyid rdo rje sems dpa' i ting nge 'dzin gyis zla ba'i dkyil 'khor la gnas te snying gar ye shes sems dpa' bsdom pa'o/ /zhi ba rdo rje 'dzin 'dod na/ /bsdu ba dag kyang rab tu bya zhes bya ba ni de las bdag rdo rje 'dzin chen por bskyed par 'dod na 'od du zhu ste/ bsdu ba byas la phyas rdo rje 'dzin chen por bskyed par bya'o zhes pa'i don to/ /da ltar byas te mchod par bya zhes pa'i don to/ /mchod pa yang rdo rje sems dpa' ting nge 'dzin gyis 'dod chags chen pos de bzhin gshegs pa'i dkyil 'khor bsdus te bud med dgu'i ngo bor spros nas mchad pa nyid gong gis me tog dgu'i bdag nyid do/ /rin chen sna bzhi'i mchod rten la zhes bya ba la sogs pas ni gzhal yas khang 'di'i mchod pa bstan to/ / mkhas pas utpa la dag dang/ /pad+ma rnam pa lngar shes bya/ /zhes bya ba ni 'dod pa lnga'i lha mo'o/ /dzA ti rnam gsum zhes byas nas zhes bya ba ni ji ltar me tog dzA ta kha dog gsum pa ltar de dag kyang sku gsung thugs su shes par bya'o me tog kar ni kar la sogs pa bzhi ni yum bzhi'i bdag nyid do/ /dpag tshad brgya'i khyon tsam du zhes bya ba la sogs pa ni ye shes 'khor lo ste gnas kyi mtshan pa'o/ /dpag tshad bye ba'i khyon tsam la zhes pa la sogs pa ni mchod rten te snga ma bzhin no/ /'dod pa yon tan lnga zhes bya ba la sogs pas ni 'dod pa lnga'i mchod pa'o/ /mchod pa rnam pa lnga'i zhes bya ba la sogs pas ni me tog la sogs pa'i mchod pa lnga'o/ /rin chen 'byung gnas na chung mchog zhes bya ba la sogs bas ni gzugs kyi mchod pa'o/ /zhing 'di rin chen sna bdun
- 22b
gyis zhes bya ba la sogs pas ni snang srid rin po che bdun gyis mchod pa'o/ /bdag po'i phyag rgyar mnyam gzhag la zhes bya ba la sogs pas ni gzungs kyi mchod pa ston to/ /nam mkha' i dbyings kyi dbus gnas par zhes bya ba la sogs pas ni bdud rtsi lnga'i mchod pa'o/ /'dir bru? ma'i man ngag ni bla na med pa'i mchod pa ma dang srid mo gsum gyi bdag nyid de/ de la rdo rje sems dpa' i ting nge 'dzin gyis lta rnams bsdus nas/ bud med rnam dgu sku las bton nas bstims pa'i yum gang yin pa de ni ma'i bdag nyid yin te/ de nyid 'dir na chung gzhon nu mig bzangs bcal zhes bya ba 'di yin no/ /'di ni gsang ba'i dbang gi yum du shes par bya'o/ /rin chen 'byung gnas na chung mchog cis 'byung ba 'di ni sring mo yin te/ sems 'ad 'bar hos zhu pa'i dus kyi chags par byed pa'i yum yin nye/ shes rab kyi dbang gi yum yin pas/ rin chen rnams ni kun la dbul zhes smos te slob ma snod dang ldan pa la shes rab kyi dbang sbyin pa'o/ /rin chen sna bdun yang dbang bskur ba'i dus kyi dbu rgyan dang/ dpung rgyan dang/ se mo do dang/ do shal dang/ phyag gdub dang/ zhabs gdub dang/ mgur chu rnams kyis brgyan pa'o/ /bzhan bzangs shin tu gzugs mdzes pa'i/ /ni chung skal ba mchog bzangs la zhes bya ba ni mu mo yin te/ rdo rje 'dzin chen por bzhengs pa'i yum ste 'di ni gzhan la dbang bskur ba'i yum du 'dod do/ /de ltar na le'u 'di'i don ni 'di ltar 'gyur te/ dang po na chung gzhon nu zhes bya ba la sogs pas/ rdo rje sems dpa' 'dod chags chen po'i ting nge 'dzin gyis bud med rnam dgu spros nas thim pa'i yum ni byin gyis brlab pa dang/ me tog dgu lha mo dgur byin gyis brlab pa yan chad do/ /de nas dpag tshad brgya'i khyon tsam la zhes bya ba la sogs pas rin po che'i gzhal yas khang 'dod pa'i longs spyod lnga'i rgyan gyis brgyan pa na rdo rje sems dpa' bzhugs pa hos zhu bar bya ste/ chags par byed pa'i yum ni rin chen 'byung gnas na chung mchog ces bya bar sbyar te/ der shes rab
- 23a
kyi dbang skur te de'i dus kyi rgyan gyi khyad par rin po che sna bdun gyis so/ /de nas rdo rje 'dzin chen por bzhengs nas/ de'i yum las kyi dkyil 'khor gyi lta dgod pa'i 'khor lo tshad tsam yang dpag tshang brgya'i khyon du zhes bya ba la sogs pa gong du smos pa nyid do/ /de'i yum de las mchod pa spro ba ni bdag po'i phyag rgyar mnyam gzhag pa zhes bya pa la sogs pas bstan to/ /le'u brgyad pa'o// //da ni rigs so so'i dam tshig bstan pa'i phyir/ de nas rgyal po rdo rje 'dzin zhes bya ba la sogs pa ni zhe sdang gi rigs kyi dam tshig ste/ mi bskyod pa'i ting nge 'dzin rdo rje rab 'bar bsgoms nas/ khro bo'i sbyor bas sems can bsad pa'o/ /de bzhin du gti mug rigs kyi dam tshig nor 'phrogs pas 'gro ba'i don byed pa'o/ /'od dpag med kyi dam tshig ni sbyor bas 'gro ba'i don byed pa'o/ /las kyi rigs kyi dam tshig ni brdzun gyi sgo nas 'gro ba'i don byed pa'o/ /rin po che'i rigs kyi dam tshig ni tshig rtsa ba mos 'gro ba'i don byed pa'o/ /de ltar bstan pa'i dam tshig rnams la byang chub sems dpa' rnams ngo mtshar skyes par 'gyur ba de bzhin gshegs pa rnams kyi nam mkha' dang gtsubs shing gi dpes chos thams cad rnam par dag pa'i mtshan nyid tsam du bstan to/ /'dir bla ma'i man ngag ni rigs gcig gi sku phyag rgyar bsgoms te thabs dang shes rab rol pas dam tshig lnga rdzogs par 'gyur te/ de la dang por mkha' byin gyis brlab pa'i gsang sngags hUM phaT ces brjod pa ni tshig rtsub mo ste nor bu'i rigs kyi'o/ /de nas byang chub sems kyi sa bon gyi 'od zer gyis rigs lnga'i sangs rgyas bskur ste zhal du thim pa ni brdzun te las kyis rigs kyi'o/ /de nas thabs dang shes rab kyi sbyor ba bskyod pa'i bdag nyid ni mtshings par spyod pa ste/ 'dod chags kyi rigs kyi'o/ /byang chub kyi sems lces len pa ni rdzas 'phrog pa ste gti mug gi rigs kyi'o/ /zos nas mi rtog par byed pa ni srog bcod par byed pa ste zhe sdang gi rigs kyi'o/ /de la
- 23b
nam mkha' dbyings kyi dbus gnas par/ /rdo rje mi bskyod rab bsgoms nas/ /lag tu rdo rje bsgom par bya/ /zhes bya ba ni lha'i ting nge 'dzin bsgom pa'o/ /'od 'phro mang po 'bar ba dang/ /zhes bya ba la sogs pas ni byang chub sems kyi ngo bo bsgoms nas rdo rje phye mar brlag ces bya pa ni byang chub kyi sems zos nas rnam par mi rtog pa'o/ /sku gsung thugs kyi longs spyod ni zhes bya ba ni mi rtog pa'i sku gsung thugs su gyur pa nyid longs spyod du gyur pa'o/ /de ltar bsgoms pas ji skad smos pa'i yon tan du 'gyur ro/ /rnam par snang mdzad kyi dam tshig ni bdag nyid rnam par snang mdzad du bsgoms nas thabs dang shes rab kyi sbyor ba las byang chub kyi sems chos rin po che bsgoms te lha'i ting nge 'dzin gyis blangs pa ni 'phrogs pa ste/ de nyid sku gsung thugs kyi ngo bor bsgoms nas de'i ngo bor gyur pa ni yid bzhin nor bu 'dra bar 'gyur zhas/ pa'o/ /'dod chags kyi dam tshig ni snang ba mdza' yas kyi ting nge 'dzin gyis gzungs dang gnyis su med pa'i rol pas mnyes par bya ba yin te/ de la dam tshig bzhi'i sbyor ba yis zhes bya ba ni yan lag bzhi dang ltan pa ste/ 'di ltar 'khyud pa dang sbyor ba dang bskul pa dang bde ba chen po la gnas pa ste/ 'di ni bsnyen sgrub bzhi dang ldan par bsgoms pa yin no/ /de yang 'di ltar 'khyud pa ni sku phyag rgya ste sa'i bdag nyid sangs rgyas spyan no/ /spyod pa ni ting nge 'dzin te chu'i bdag nyid mA ma kI'o/ /bskul ba ni brtson 'grus te rlung gi bdag nyid sgol ma'o/ /bde ba chen po ni shes rab chen po ste me'i bdag nyid gos dkar mo'o/ /las kyis rigs kyi dam tshig ni bdag nyid rdo rje thogs med du bsgoms ye shes sems dpa' spyan drangs te/ zhal du thim pas mi snang bar gyur pa ni/ rgyal ba kun gyi gnas rnams dang/ rgyal ba thams cad spu bar zhes bya ba yin no/ /dam tshig 'gugs pa zhes bya ba ni dam tshig nyams pa gos ba'o/ /nor bu rigs kyi dam tshig ni bdag nyid dkon mchog dpal du bsgoms te/ gsang gnas byin gyis brlab pa'o/ /de nas byang chub sems dpa' rnams ngo
- 24a
mtshar du gyur pa la sogs pa ni snga ma bzhin te bye brag med do/ /dam tshig gi rdo rje dpal zhes bya ba ni byang chub sems dpa' sgrib pa rnam par sel ba ste las kyi rigs kyi yin pa'i phyir ro/ /de la nam mkha' i dpes chos thams cad rang bzhin med par bstan nas de bzhin gshegs pa rnams ni don gyi dbang 'di lta bu mkhyen zhing sems can rnams kyi bsam pa yang mkhyen nas gdod chos 'chad par mdzad do/ /zhes bya ba ni gsang sngags spyi'i dgongs pa ste/ de la chos thams cad rang bzhin gyis rnam bar dag pa'i phyir dge ba dang mi dge ba dper me de gang ltar bsams ba de ltar 'grub pa'o/ /de'i phyir dug lnga la sogs pa de dag ni dgongs pa bshad pa ma yin no/ /'on kyang 'di dag ni la spyad par bya bar gsung ba ni sems can gyi bsam pa mkhyen pa ste 'di ni thams cad kyi tshul lo/ /de kho na nyid kyi dam tshig bstan pa ste le'u dgu pa'o// //da ni lha'i ting nge 'dzin gyi cho ga tshang bar bsgrubs pa las gal te dngos grub ma thob na spogs pa'i cho ga bya ba ston te 'di'i ting nge 'dzin ni bdag rdo rje 'dzin chen por gnas pa'i lus la sku gsung thugs kyi lha bkod pa'i thugs kar rdo rje dang 'khor lo dang/ pad+ma'i lcags kyu bsams te/ phyogs bcu'i 'jig rten gyi /ra nas na gnas pa'i de bzhin gshegs pa'i thugs ka nas hUM oM A(rgyud 'grel): swAhA zhes pa'i yi ge rnam pa lnga gnas par bsams la bdag gi thugs ka'i kyo ba rnams kyi snying bskur bar bsam zhing hUM/ oM A(rgyud 'grel): phaT dza(rgyud 'grel): zhes brjod la/ 'di star zhag bdun du byas na ji skad bstan pa bzhin 'grub pa'i don to/ /de la sngags kyi snying po kun bsdus na sku gsung thugs kyi gsang ba ste/ de'i dngos 'grub kyi tshul bshad du gsol zhes zhu ba gsol ba las/ bcom ldan 'das rnam par dag pa'i sku gsung thugs la sogs pa bka' stsal to zhes bya bar sbyor ro/ /rig pa bye ba khrag khrig rgya stong du ma dang thabs gcig tu bya ba nas/ yongs su spyod pa yod pa yang de dag sngags kyi spyod pa la brtson pa rnams la/ spyan ras kyis mi
- 24b
'tsho zhes bya ba ni rdo rje 'dzin chen po'i ting 'dzin dang ldan pa'i rnal 'byor pa la rigs lnga sangs rgyas rnams spyan ras kyis mi 'tsho zhing dngos grub mi stsol te/ de ci'i phyir zhe na/ 'di sngags kyi spyad pa yongs su rdzogs pa'i gtso bo yin te/ bdag gis yongs su skyab pa'i yul ma yin no snyan du dgongs pa yin no/ /de bas na de dag la phan gdags pa'i phyir 'di bka' stsal to zhes bya bar sbyar ro/ /gzhan dag rnam sngon 'das pa'i dus na de bzhin gshegs pa rnams kyis gsang sngags kyi tshul gyis don spyad pa yod kyang de'i tshe shin tu gsang ba'i sgrub pa 'di ma gsungs te/ de bas na thabs zab mo 'di lta bus skyes bu dam pa rnams la phan gdags pa'i phyir bstan to zer ro/ /de bzhin gshegs pa thams cad kyi sku dang gsung dang thugs kyi dam tshig dang dmigs pa zhes bya ba ni sku rdo rje'i sku gsung thugs la dmigs pa'o/ /rdo rje 'dzin thams cad kyi bya ba la sogs pa la yang sbyar ro/ /gsang sngags kyi don ni sngar brjod do/ /nam mkha' dbyings kyi dbus gnas par/ /dkyil 'khor bkod pa bsgom par byas zhes bya ba dkyil 'khor rgyal ba mchog gi ting nge 'dzin bsgom pa'o/ /de'i dbus gnas yi ge hUM/ rang gi gzugs su rab tu brtag /ces bya ba ni yi ge hUM las lta'i bdag nyid du bskyed pa'o/ /rdo rje 'od zer rab tu 'bar ro/ /rab tu 'phro bsam pa ni phyag 'tshal du'o/ /sangs rgyas rnams kyi sku gsung thugs ni sku gsung thugs kyi lha'o/ /snying la zhes bya ba ni ye shes sems dpa' o/ /yi ge bsgom zhes bya ba ni oM A(rgyud 'grel): hUM gsum mo/ /rang sngags skyes bu bsgoms nas ni/ gnas gzhi rnams su gzugs kyi tshul/ zhes bya ba ni rigs lnga'i lta zhal gsum gyi bdag nyid du bsgom pa'o/ /snying ba'i dbus su phra mo/ zhes bya ba la sogs pa ni gong du bstan pa'i kyo ba'i khyad par rnams/ /mdor na dkyil 'khor rgyal pa mchog gi ting 'dzin bskyed pa'i dbus su bdag yi ge hUM las lha'i skur bskyed pa 'am rang sngags skyes bu gang yang rung bar bsgoms nas de'i gnas su sku gsung thugs dang ye shes sems dpa' ste bzhir lta bskyed la de'i sbyor bas snying ga'i
- 25a
dbus su phra mo'i rdo rje dang pad+ma dang/ 'khor lo'i lcags kyu rnams la dbus su hUM A(rgyud 'grel): oM rnams bzhag pa ni lha'i skul bar byed pa dam pa yin no/ /sngags kyi skyes bu ji snyed pa zhes bya ba la sogs pa ni spyir btang ba ste sku gsung thugs dang ye shes seM pa'i sbyor ba dang ldan pa dang/ thabs dang shes rab kyi spyod bdag gis spyad de bsgrub po zhes bya ba'i don to/ /de la yang dbang po gnyis ni sbyor ba yis zhes pa ni rigs ma dbang phyug gzugs brnyan la sbyor ba'o/ /bung med ji snyed yod ba kun/ /phyag rgya chen po'i ting nge 'dzin gyis zhes bya ba ste snga ma bzhin no/ /snying po bskul ba'i le'u ste bcu pa'o// //da ni reg pa'i skyes bu'i le'u bshad de/ de la rig pa ni gsang sngags kyi yi ge ste sgo yin pa'i phyir ro/ /rig pa las skyes pa'i skyes bu ste lha dang grub pa'o/ /rdo rje mchog gsum yi ge sngags zhes bya ba la sogs pas na dngos grub kyi thabs bstan te rdo rje mchog gsum ni sku gsung thugs som yi ge sngags ni oM A(rgyud 'grel): hUM ngo/ /phyag rgya chen po'i bsgom pa byang chub thob par bya ba'i phyir sku gsung thugs kyi ye shes dbyer med pa'i rdo rje dag gis bsgrub par bya'o/ /zhes bya ba yin no/ /da ni ye ge gsum gyi mtshan nyid bshad de/ oM ni ye shes snying po ste/ rdo rje sku ni thob byed pa'o/ /zhes bya ba la sogs pa'o/ /de la hUM gis sku gsung thugs kyi rdo rje grub par bshad pas oM dang A(rgyud 'grel): yis kyang sku gsung thugs thob par rigs so/ /da ni gnas bshad pas dkyil 'khor rdo rje kun las skyes zhes bya ba la sogs gsungs te/ de la dkyil 'khor ni gzhal yas khang ste de sku gsung thugs rdo rje kun las skyes pa ste/ de yang rlung gi dkyil 'khor ni oM las so/ /chu'i dkyil 'khor hUM las so/ /sa'i dkyil 'khor A las so/ /de'i steng du yi ge b+hUM las gzhal yas khang du gyur par byas te/ de ni nam mkha' i rdo rje'i dbus chos kyi 'byung gnas su rdo rje sbrin sangs rgyas rnams bskyed po'i gnas dar yi ge b+hwaM bsam mo/ /zhes so/ /kha cig na re dkyil 'khor ni gzhal yas khang do/ /rdo rje kun las skyes ni 'og na rdo rje rgya gram la brten pa'o/ /rdo rje sprin ni kun du rdo rje gtams pa zhes zer ro/ /de la rdo rje dkyil
- 25b
'khor dbus gnas par/ /oM zhes bya bar rab tu bsgom/ /zhe bya ba rlung rdo rje'i dkyil 'khor yi ge oM gyis mtshan pa'o/ /gsal ba'i dkyil 'khor dbus gnas par/ yi ge oM ni rnam par bsam/ /zhes bya ba ni chu'i dkyil 'khor steng na yi ge A(rgyud 'grel): yis mchan pa'o/ /chos kyi dkyil 'khor dbus gnas par/ /yi ge hUM ni rab tu bsgom zhes bya ba ni sa gzhi rdo rje'i steng sna tshogs pad+ma'i 'dab ma la yi ge hUM gis mtshan pa'o/ /yi ge hUM gyis gnas bsgams te/ /rdo rje gsum 'byur bsgom par bya/ /zhes bya ba ni b+hUM gyis gzhal yas khang der yi ge gsum las byung bar bsgom zhes bya ba'i don to/ /da ni sku gsung thugs kyi yi ges lta bsnyen pa'i thabs su ston te/ de la snying po dus gsum sangs rgyas kyi zhes bya ba la sogs pas yi ge gsum sku gsung thugs 'grub pa'i rgyur ston to/ /ye shes rdo rje sprul pa ste/ sangs rgyas rgyu dang 'bras bu 'byung/ zhes pa yin no/ /de la ye shes rdo ni sku gsung thugs so/ /spul pa ni bskyed pa ste/ de'i phyir yi ge rgyu las sku gsung thugs kyi 'bras bu 'byung zhes bya ba'i don yin no/ /da ni gnas bstan pa'i phyir dben zhing rab tu nyams dga' ba zhes bya ba la sogs pa gsungs te/ de la gnas 'di rnams su phong du bstan pa'i gzhal yas khang tshul bzhin du bskyed nas sku gsung thugs kyi lta bsgoms na zla ba phyed kyis 'og nas 'byung ba'i rigs so so'i rig 'dzin rnams su 'grub par 'gyur ro zhes bya ba'i don to/ /de'i tshul ni gnas dang gzhal yas khang de lta bu zla ba'i dkyil 'khor gyis steng du sa bon gyi yi ge 'bru bcu dbu las rnam par snang mdzad kyis gtso bo byas pa'i dkyil 'khor du skad cig ma'i ting nge 'dzin gyis bskyod la/ /de'i snying khar yi ge oM las ye shes lnga'i 'od zer 'phros par bsams te/ bsgoms na rnam par snang mdzad kyi rigs 'dzin du 'gyur te/ tshe bskal pa gsum du gnas par gyur ro/ /tshul 'di ni rogs gzhan pa yang sbyar bar bya'o/ /rdo rje kun dang rgyal ba'i gnas/ /ye shes rdo rje dag bya zhem/ bya ba ni rdo rje kun ni sku gsung thugs kyi lha'o/ /rgyal pa'i gnas ni dkyil 'khor pa/ de ni ye shes rdo rje yi ge gsum gyis bya'o/ /ye shes dkyil 'khor dbus su
- 26a
ni/ /rdo rje chen po bsam par bya zhes bya ba la sogs pa ni byang chub sems dpa' rnams bsgrub pa ste 'dir bsgom pa'i tshul ni snga ma bzhin no/ /'di ni nam mkha' i snying po'i ting nge 'dzin gyis mi snang ba bsgrub pa'o/ /rdo rje'i dkyil 'khor dbus ni zhes bya ba ni ma las 'jam dpal bskyes pa'o/ /'od zer 'bar ba'i thig le ni zhes pa ni sa'i snying po'i ting nge 'dzin gyis mngon shes bsgrub pa'o/ /nam mkha' i dbyings kyi dbus su ni/ /sangs rgyas dkyil 'khor dam pa bsam/ /rdo rje sems dpa' rab bsgoms la/ /yi ge oM ni bsgom par bya zhes bya ba ni oM gyis thugs kyi rdo rje bsgrub pa ste/ /'di ltar yi ge oM sku gsung thugs yon tan phrin las lnga bsgrub par stan pa ni byang chub sems dpa' lnga bsgom pa yin te sku ni byams pa'o/ /gsung ni 'jig rten dbang phyug go /thugs ni kun tu bzang ba'o/ /yon tan phyag na rdo rje'o/ /phrin las ni 'jam dpal te 'di dag gi sgo nas bsgrub par bstan to/ /la la na re oM gcig pus rigs lnga'i mngon shes bsgrub pa yin te/ bdag nyid lha'i skur bsgoms la yi ge oM ye shes lnga'i rang bzhin can snying khar bzhag ste/ dbang po lnga la rdo rje bsgoms na mngon shes 'thob po/ /gzhan rnams su yang de bzhin du sbyar te dbang po lnga ni rang rang gi mtshan ma bsgom par bya'o/ /shin tu dben pa'i ri dgon dang/ zhes bya ba la sogs pas ni gnas bstan to/ /rnam gcig tu 'di dag ni brna yin te/ rigs kyi yum bzhis bsgrub pa'i dus su ldan par bya'o/ / zhes pa'i don to/ /oM? bskyod ye shes dag la sogs/ /zhes bya ba ni gong du bstan pa'i mjug sdud do/ /rdo rje chen po rtse lnga pa zhes bya ba la sogs pa ni 'di nyid kyis mngon shes bsgrub pa'o/ /kha cig ni gong ma'i dbang po la dgod pa nyid du 'dod do/ /rdo rje nam mkha' i dkyil nyid du/ /zhes bya ba la sogs pas ni dam tshig gi phyag rgyal bsgrub pa bstan te/ de ni 'di ltar rdzas las 'khor lo byas te mdun du bzhag nas rnam par snang mdzad kyi sbyor bas dkyil 'khor spyan drangs te 'khor lo la bstim pa'i sbyor ba byas pas/ 'bar bar gyur pa de'i tshe lag tu blangs na sku rdo rje
- 26b
dang 'dra bar 'gyur ro/ /sangs rgyas dkyil 'khor dbus gnas par/ /zhes pa ni gnas kyi gzhi'i ting nge 'dzin dang dkyil 'khor rgyal ba mchog gi ting nge 'dzin du ldan pa'o/ /bdag gi lus la snang mdzad bzhag pa bsgom pa'o/ /snying gang yi ge oM bsams la/ /sngags kyi rnam par shes pa bsgom/ /zhes bya ba ni oM rang bzhin gyis dangs par gyur te/ mi dmigs pa ni sngags kyi shes pa'o/ /de la sems mi g.yeng ba ni mgon po'i rdo rje zhes bya ba de ni rdo rje sems dpa' o/ /nam zhig ting nge 'dzin de brtan par gyur na ji skad smos pa bzhin du 'gyur ro zhes bya ba'i don to/ /'dir man ngag ni gong du bstan pa'i sngags kyi rnam par bsgom pa yang dkyil 'khor thams cad bdag la bsdu/ bdag ye shes sems dpa' la/ de oM la/ oM thig le la/ thig le zla ba lta bu la dmigs pa ni sems sbyar ba'i man ngag go/ de bzhin du mi bskyod pa dang/ tshe dpag med kyi thig le bsgom pa yang sbyar dang bya'o/ /rdo rje nam mkha' i dkyil gnas par/ /gsal ba'i dkyil 'khor bsgom par bya/ /lus ngag sems la yi ge oM/ /bsams na de ni bskal par gnas/ /zhes bya ba ni rnam par snang mdzad kyi ting nge 'dzin du byas te/ sku gsung thugs kyi gnas su yi ge oM bsgoms nas nam zhes brtan par gyur pa na tshe la dbang byed par 'gyur ro/ zhes bya ba'i don to/ /gzhan la yang de bzhin du sbyar bar bya'o/ /rigs pa skyes pa'i le'u ste bcu gcig pa'o// //da ni bsnyen bsgrub pa rnam pa bzhi dang/ las phran tshegs rnam ston to/ /de nas zhes bya ba la sogs pa gsungs te/ de la rol mo 'di dag ces bya ba ni stong pa nyid las sgyu ma'i cho 'phrul du snang ba'o/ /dgon pa chen po la sogs pa ni gnas bstan to/ /muM lus dang ngag sems rdo rje las zhes bya ba la sogs pas ni 'jam dpal bsgom pa'i ting nge 'dzin bstan te/ 'di'i sgrub pa ni sgrub thabs las shes par bya'o/ /da ni bdud rtsi ri lu bsgrub pa bstan par bya'o/ /de la rdo rje mi phyer gsum las byung zhes bya ba ni bdud rtsi lnga'o/ /lcags gsum las byung zhes bya ba ni zangs lcags gser las kyang pa'i sran ma tsam byi nang du bdud rtsi ri lu bcug ste/ lha'i sbyor bas kha ri bcug ste/ der sangs rgyas rnams bkug ste/
- 27a
bsgoms nas rtags lnga skyes pa na/ zos na nam mkha' la 'gro ba dang/ 'od zer 'bar ba dang mi snang ba la sogs par 'gyur ro/ /rnam gcig tu rang gi shes rab ma'i b+ha ga la bzhag ste/ mtshan ma thong nas lces blangs na grub par 'gyur ro/ /'khor lo 'od 'phro ma dang mchog can/ zhes bya ba ni rdzas bsgrub par bstan pa ste/ rnam par snang mdzad kyi ting nge 'dzin gyis mdun du b+h+ruM las 'khor lo 'bar ba bsams la skyo ba sbyor bas sangs rgyas rnams bkug ste/ bstims pas mtshan ma thob pa na lag tu blangs na ji skad smos pa'i yon tan du 'gyur ro/ /rdo rje la sogs pa 'di dag kyang de bzhin du sbyar te/ rang rang gi lha'i sbyor bas hUM la sogs pa'i yi ge rnams kyis rdo rje la sogs pa'i mtshan ma bskyed de/ de yang gzhal yas khang du bsgoms la/ rang gi snying ga'i ye shes sems dpa' i sa bon las lha mo rdo rje kyo ba can rnams 'phros te/ de dag gis rang gi rigs kyi gtso bo byas pa'i dkyil 'khor la gnas pa'i sna grangs te/ mtshan ma'i nang du zhugs par bsgoms te/ de 'bar ba dang so so'i rigs kyi yum gyi snying po bzlas shing lag tu blangs nas grub par 'gyur ro/ /ye shes lnga ldan bsten ma ni zhes bya ba ni mtshan ma de dag la ye shes kyi 'od zer dang ldan par bsgom pa'o/ /oM ni ri lu tsa na ka'i zhes bya ba la sogs pa ni sngon du bstan pa'i ri lu'i tshad do/ /mkha' dbyings nam mkha' i dkyil gnas par zhes bya ba la sogs pas ni gong du bstan pa'i 'khor lo la sogs pa'i mtshan ma rnams la sgrub pa'i rnal 'byor pa'i ting nge 'dzin gyi tshul bstan to/ / ye shes rdo rje dag gis bya zhes bya ba ni rnal 'byor pa ye shes kyi snang ba thob pas bya'o/ /tri shUl kyo ba btang la sogs zhes bya ba ni de dag tu ma zas kyi mtshan ma 'di dag la yang bsgrub po zhes bya ba'i don to/ /lam gyi bzhi mdo shing gcig drung/ /zhes bya ba la sogs pa ni dgug pa'i khyad par bstan te/ de la sbyor gsum rdo rje can rnams kyis/ /sbyor gsum sngags kyi skyes bu gsum/ /zhes bya ba ni sku gsung thugs kyi lhar bstan pa'o/ /sangs rgyas ye shes blo can gyis/ /sku gsung thugs kyi kyo ba btang zhes bya ba ni thugs ka'i yi ge las rdo rje la sogs pa'i skyo ba spro ba'o/ /rang
- 27b
gi dkyil 'khor mchog gnas pa zhes bya ba ni dgug par bya ba'i don to/ /gang dgug ce na /dam tshig las byung phyogs bcu pa zhes smos te/ dam tshig sku gsung thugs las byung ba'i phyogs bcu'i sangs rgyas rnams so/ /rnam par snang mdzad 'khor lo'i mchog ces bya ba la sogs pas ni gong ma'i khyad par bstan to/ /kha cig na re 'di ni gong ma'i las khyad par du rlung gi dkyil 'khor med do zhes zer ro/ /rnam pa'i mchog rnams kun ldan pa'i/ /zhes bya ba la sogs pa ni bdag sangs rgyas kyi skur bsgoms te/ de'i lag tu kyo ba bsgoms la dgug pa'o/ /kha cig na re thugs ka nas spros pa'i lha mo'i lag na sku gsung thugs kyi kyo ba thogs par bsgoms pas dgug ca'o/ /rnam pa'i mchog rnams kun ldan pa'i/ /rdo rje sku rnams rab bsgoms la/ /rdo rje sbyor bas lce bsgoms na/ /zhes bya ba ni lce rdo rjer bsgoms pa'o/ /da ni sha rnam pa lnga bza' ba'i khyad par bstan te/ de la sha chen dam tshig mchog gis ni/ /rdo rje gsum mchog bsgrub par bya/ /zhes bya ba la sogs pas ni sha rnam pa lnga'i yon tan bstan te chos te chos nyid kyi mthu yin no/ /rnam gcig tu smos pa'i dngos grub rnams bsgrub pa'i dus su sha 'od rnams bza' ba ste/ de la sha chen ni sku gsung thugs kyi dngos grub bsgrub pa'i dus su bza' bar bya'o/ /gzhan la yang de bzhin du sbyar ro/ /rdo rje can gyi sku gsung thugs zhe bya ba la sogs pas ni dngos grub bsgrub pa'am bdud de rtsi za ba'i ting nge 'dzin te/ sku gsung thugs kyi lha dang/ ye shes sems dpa' dang/ dbu rgyan gyi lha dang ldan par bsgom pa'o/ /lce'i rdo rje dam tshig la/ rdo rje can gyis hUM bsgoms te/ / zhes bya ba ni gar gi sha dang bdud rtsi za ba'i ting nge 'dzin te/ 'di'i don ni bdag gong ma ltar bsgoms pa'i lte ba ru pad+ma'i steng du oM/ snying gar pad+ma'i steng du A(rgyud 'grel): mgrin par pad+ma'i 'dab ma gcig lce yin te/ de'i steng du hUM las rdo rje rtse lnga par gyur pa'i rtse mo la hUM bsams te/ de ltar sku gsung thugs kyi gnas byin gyis brlabs te/ bdud rtsi lnga byin gyis brlabs te bza' bar bya'o/ /'di man chad ni gong ma ltar bsgrubs shing bdud rtsir byin gyis brlabs pa'i sha rnam pa lnga la sogs pa zos pa'i yon tan bstan to/ /bsnyen pa'i dam tshig sbyor ba dang zhes bya ba la sogs pas ni bsnyen sgrub yan lag
- 28a
bzhi bstan te/ de la rdo rje bye brag shes byas la/ /de nas las rnams bsgrub par bya zhes bya ba ni bsnyen sgrub kyi thabs kyi bye brag shes par bya ste/ sgrub pa chen po'i mthar las rnam pa bzhi brtsam pa'o/ /kha cig na re rdo rje bye brag che 'bring gi bye brag yin no zhe'o/ /de dag gang zhe na/ bsnyen pa'i ting 'dzin rab sbyar bas/ /byang chub mchog tu bsgom par bya zhes bya ba la sogs pa gsungs te/ bsnyen pa ni byang chub kyi sems las lhar bskyed pa'o/ /nye bar sgrub pa grub mchog la/ /rdo rje'i skye mched rnam par dpyad/ ces bya ba ni khams dang skye mched byin gyis brlabs pa'o/ /sngags kyi bdag po bsgoms pa yis/ /bsgrub pa'i tshe na bskul bar gsungs/ /zhes bya ba ni sku gsung thugs kyi gnas rnams nas rang gi sprul pa spros te/ phyogs bcu'i sangs rgyas rnams spyan drangs nas mdun gyi nam mkha' bzhugs pa la ji skad smos pa'i gsol ba gang ba pa'i tshig gis bskul ba'o/ /sgrub pa chen po byed pa'i tshe/ /rang sngags rdo rje can gyis gzugs/ /dbu rgyan la ni bdag po bsam/ /zhes bya ba ni ye shes bdud rtsi'i bsnyen pa ni spyir brtag go ces bya ba ni 'di ni mchog ye shes kyi bdud rtsi'i sbyor ba'i yan lag drug dang ldan par bsgoms pa'i sgo nas mchog gi dngos grub bsgrub par bya'o/ /zhes bya ba'i don to/ /thams cad du brtag pa zhes bya ba'i tshig ni sgrub pa kun la ldan pa'o/ /dben pa chen po la sogs pas ni las kyi spyir shes par bya'o/ /yang na rdo rje gzhi dag gis/ /brtul zhugs brtan pas bsnyen pa bya/ /sku gsum mnyam pa nyid gyur pa/ /bsgoms na dngos grub thob par 'gyur/ /zhes bya ba ni rdo rje rnam pa bzhi'i sgo nas thun mong gi dngos grub bsgrubs pa ste/ de la rdo rje bzhi ni 'di skad du/ dang po stong pa'i byang chub sems/ /gnyis pa sa bon 'byung ba dang/ /gsum pa la ni gzungs rdzogs te/ /bzhi pa la ni
- 28b
yi ge dgod/ rdo rje rnam bzhi 'di dag ni/ /bsnyen pa thun mong grub pa'o/ /zhes 'byung ba yin no/ /de la yi ge dgod pa ni le'u bcu gcig pa nas 'byung ba lta bur shes par bya'o/ /'di la ni bsnyen sgrub yan lag bzhi'i sbyor ba mi dgos kyi/ /yan lag bzhi 'byor ba tshad pa ni mchog gi dngos grub la dgos pa yin te/ de skad du yang/ bsnyen pa'i yan lag drug tshul du/ /byas pas grub pa mchog yin te/ /gzhan dag tu ni bsgrubs gyur na/ /dngos grub mchog tu mi 'gyur ro zhes gsungs so/ /gzhan zhes bya ba ni skabs kyi shugs kyis rdo rje bzhi la bya ba yin no/ /de ltar bsnyen bsgrub bzhi yongs su rdzogs pa'i ting nge 'dzin gis ni mchog gi dngos grub bsgrub pa yin la/ rdo rje rnam bzhi yis ni thun mong gi bsgrub pa yin par yongs su bstong pa las 'di skad du/ gang zhig gi ni dngos grub dam pa'i thabs 'di sbyor byed dag /bsnyen pa'i chog dang yang nye bar sgrub dang sgrub pa dang zhes bya pa la sogs pa gsungs pa dang/ gang zhig gis ni bsgrub bya ba/ /rdo rje bzhi yis sgrub byed pa/ /'di la mi snang ba la sogs/ /dman pa'i dngos grub rnams kyang 'grub ces pa la sogs pa gsungs te/ don 'di la ni lung nyid kyis gsungs pa yin no/ /kha cig ni 'di ltar 'dod de/ rdo rje rnam pa bzhi'i sgo nas ni thun mong gi bsnyen pa bya bar 'dod cing thun mong 'di ltar lha mang po'i don du 'dod do/ /mchog gi ye shes bdud rtsi zhes bya ba yang lha gtso bo la bya bar 'dod de/ 'di ltar sbyar ba'i rten 'gyur pa'i yum ni bdag gis ma mthong ngo/ /kha cig na re rdo rje bzhi zhes bya ba ni gsang ba'i dkyil 'khor dgod pa yin te/ de la gsang ba'i dbang zhus pas brtul zhugs bstan pas bsnyen pa bya zhes gsungs so zhes zer ro/ /rgyud gzhan dag las ni rdo rje rnam bzhi'i lha bskyed pa'i yan lag tsam du bstan to/ /dus bzhir rab tu sbyor ba yis zhes bya ba la sogs pas ni sdom pa bstan pa yin te/ sdom pa ni bsnyen sgrub yan lag rnam bzhi'i sdom pa'o/ /de yang sku gsung thugs kyi bdag nyid du 'dus te/ de la nye bar sgrub pa'i yul sku'i rdo rje ste/ nye bar sgrub pa nyid sku phyag rgya'i ngo bos so/ /sgrub pa'i sdom pa ni gsungs te/ byin gyis brlabs spro ba'i yi ge 'di dag
- 29a
nyid kyi phyir ro/ /sgrub pa chen po'i sdom pa'i yul thugs rdo ste byang chub kyi sems bde ba chen po'i rang bzhin gyis phyir ro/ /'di rnams kyang skabs 'dir sku gsung thugs su byin gyis brlab pa'i bskul pa'i bdag nyid du bstan te/ don nyid kyis sku gsung thugs dbyer med pa'i sdom pa bsgoms pas byang chub kyi sems bde ba chen po shes par gyur par byas nas bsgrub na zhag bdun gyis 'grub par 'gyur ro/ /byang chub sems dpa' chen po'i sdom pa ni dbang bzhi pa'i don las shes par bya'o/ /le'u bcu gnyis pa'o// // da ni bzlas brjod dang/ phrin las dang/ las? rnams kyi mtshan ma la sogs ston pas/ de nas zhes bya ba la sogs pa gsungs te/ de la 'dir de bzhin gshegs pa dang/ byang chub sems dpa' rnams kyis bcom ldan 'das la phyag 'tshal te/ bstod nas rdo rje bzlas pa zhus so/ / de la rigs sngags rnams thams cad kyi/ sku dang gsung dang thugs kyi mtshan/ zhes bya ba la/ rig pa ni shes rab dang ye shes kyi bdag nyid de/ ma rig pa'i gnyen por gyur pas mo'i sgrar bshad do/ /gsang sngags ni shes rab dang thabs kyi bdag nyid de log pa'i gnyen por gyur pas pho'i sgrar bshad de/ 'di dag gi mtshan gsang sngags zlos pa'i sbyor ba ni sangs rgyas rnams kyis gsan zhing sangs rgyas kyi ye shes thob par 'gyur ba de/ bcom ldan 'das kyi bshad du gsol/ zhes gsol ba btab pa dang/ rdo rje bzlas pa 'di gsungs so/ /sngags kyi don kun bzlas pa ni/ /rdo rje mi phyed gsum gyi mtshan/ /rdo rje dbye ba gsum gyi mthar/ /bkod pa rdo rje gsum zhes bya/ /zhes gsungs pa ni/ rdo rje mi phyed gsum ni sku gsung thugs kyi bdag nyid kyi lha'o/ /de'i mtshan ma ni rdo rje dbye ba gsum yin te/ snying kha dang/ mgul pa dang spyi bo rnams su nyi ma dang pad+ma dang zla ba'i dkyil 'khor rnams la thugs kyi rdo dang gsung sku'i rdo rje rnams kyis mtshan pa'o/ /de'i mthar dgod pa rdo rje gsum zhes bya ba ni sku gsung thugs kyi lha rnams kyi thugs /bar rang rang gi mtshan ma'i lte ba la rang rang gi yi ge dgod pa'o/
- 29b
sku gsung thugs kyi gnas rnams nas/ spro ba rnam pa gsum dag bya zhes bya ba ni gnas de rnams nas rang dang 'dra ba'i lha spro ba'o/ /ba cig ni rang dang 'dra ba'i lha mo spro zhes zer ro/ /'di ni rdo rje bzlas pa'o/ /sangs rgyas rnams kyi skugsung thugs/ /bsgoms nas zhes bya ba ni ma dun gyi nam mkha' ? la sku gsung thugs kyi lha bsgoms pa'o/ /mchod pa'i mchog brtag pa zhes bya ba ni gnas gsum nas lha mo sprul te mchod pa'o/ /sangs rgyas rnams kyi sku gsung thugs/ /bsams nas zhes bya ba yang sngar bzhin te/ ye shes kyi ting nge 'dzin gyis bya ba ste 'di ni bzlas pa'i yul yin/ yang na dbye ba rnam gsum gyis/ /so so dag tu spro bar bya/ /zhes bya ba ni rim gyis spro ba'i don te/ dang por thugs ka nas spros te/ de yang sku rdo rje'i sbyor bas spros la/ de nas gsung dang thugs dag yang rim gyis spro ba'o/ /lus dang dag sems bdag med par/ /shes pa'i sems kyi rab tu spro/ /zhes bya ba ni mi dmigs pa'i shes rab dang ldan pas spro bar bya'o/ /zhes pa'o/ /brjod nas rdo rje spro ba ni/ rdzogs nas rab tu bsdu bar bya zhes bya ba ni dam bcas pa rdzogs nas bsdu ba'o/ /sku'i bzlas pa ni/ sku dang gsung thugs byang chub pa'i/ /dngos dang dngos med rnam dpyad pa/ /sangs rgyas sku zhes bya bar bshad ces gsungs te/ sangs rgyas thams cad kyi sku gsung thugs dngos po'am dngos po med pa'i mdza' gang du yang ma grub ste/ rnam par dag par dpyad pa ni sku'i bzlas pa'o/ /gsung gi bzlas pa ni rdo rje bzlas par bshad ste/ ji ltar gsal ba gsang ba'i tshig /skad gdangs min pa rdo rje'i tshig /ces pa'o/ /thugs kyi bzlas pa ni mi gnas pa'i rdzogs pa'i byang chub kyi sems gnas pa'i bdag nyid rnam par dag par dpyad cing bsgom pa ste 'di ni sems kyi bzlas pa'o/ /rin po che'i bzlas pa ni mdza' gnyis kyi mtshan ma dang bral ba dug gsum las 'das pa ngo bo nyid med pa'i don rtogs pa'o/ /rdo rje thogs med kyi bzlas pa ni sangs rgyas kyi zhing thams cad du sangs rgyas kyi zhing thams cad du sangs rgyas kyi sku'i 'od zer 'phro zhing don mdzad pa dang/ slang bdag gi sku gsung thugs kyi gnas su 'du zhing gzi byin bskyed
- 30a
pa'o/ /de rnams kyang sku gsung thugs gyi bzlas par 'du ba'i phyir rdo rje'i bzlas ba zhes bya'o/ /khro bo'i bzlas pa ni bdag nyid rigs kyi bdag po 'am/ khro bo nyid kyi ting nge 'dzin du zhugs te kro bo'i gsng sngags kyi sgra yi ge hUM dang bcas pa 'brug gi sgra ltar thab pa bzlas pa lo/ /gti mug gi bzlas pa ni 'dod pa'i yul gyis myos par gyur pa'i gti mug can rnams sku rdo rje'i sgo na bskyab cing phan par sems dpa' i ting nge 'dzin gyis sems can ji snyed pa sku'i rdo rjer bzhag pa ni gti mug gi bzlas pa ste/ de bzhin du 'dod chags dang zhes sdang la gnas pa'i sems can rnams yongs su bskyab pa'i ting nge 'dzin gyi gsung dang thugs kyi rdo rje la bzhag cing bkod pa ni 'dod chags dang zhe sdang gi bzlas pa'o/ /ma ning gi bzlas pa ni sku gsung thugs gsum dbu ma chen po'i dang du bsgoms te/ mtshan ma mdza' dag las 'das pa ni ci yang ma yin pa'i phyir ma ning zhes bya ste/ 'dir bla ma'i man ngag ni sku gsung thugs rdo rje bsgoms pa'i snying kha'i pad+ma la yi ge a(rgyud 'grel): bsams te/ a(rgyud 'grel): de'i rang bzhin ni sangs rgyas thams cad kyi ye shes kyi bdag nyid chos kyi rang bzhin sems can kun gyi srog yin te/ 'di'i rang bzhin la sems bzhag nas dbugs dbyung ba dang rngub pa dag la oM hUM zhes 'di'i bdag nyid du gsal bar byed pa'i ting nge 'dzin ni ma ning gi bzlas pa yin no zhes man ngag go /'dod chags yang dag don bsgom pa/ /rdo rje'i bdag po thams cad ni/ /zhes bya ba la sogs pas ni dug gsum gyi bzlas pa'i tshul bstan pa yin te/ de la 'dod chags kyi bzlas pa'i tshul ni rig pa chen mo'i spyan la sogs pa'i lha mo dang gnyis su med pa'i sbyor ba'i mtshams su 'dod chags la gnas pa'i sems can thams cad bsdus te/ 'dod pa bsten nas 'dod chags kyi byang chub la bkod do don mdzad pa'o/ /gti mug dam tshig las byung/ /zhes pa ni gti mug gi bzlas pa'i don to/ /rnam par snang mdzad kyi ting nge 'dzin gyis gti mug can rnams mtshan ma med pa ma ning gi bzlas pa la dgod pa'o/ /zhe sdang gi bzlas pa ni khro bo sdang gnas
- 30b
las skyes zhes bya ba la sogs pa ste/ de la khro bo rnams kyi gnas sam rgyu ni zhe sdang ste/ de las skyes pa'i khro bo gsod pa'i phrin las la brtson pa dag gis sems can sgrub pa mchog zhe sdang gis 'dul ba'i chos can la bsod pas don bya'o/ /ye shes 'khor lo can rnams kyi zhes bya ba la sogs pas ni/ rigs so so'i ye shes sems dpa' dang bcas pa bsgom pa bstan pa ste/ de la ye shes 'khor lo can rnams zhes bya ba ni rnam par snang mdzad do/ /de rnams kyi 'khor lo ni ye shes sems dpa' ste/ /de ni snying kha'i dkyil du bsgom par bya'o/ /gsal ba'i dkyil 'khor ni zla ba ste gdan na/ /dbus su 'khor lo'i don bsgom mo zhes bya ba ni ye shes sems dpa' i thugs kar 'khor lo bsams pa'i lte ba la yi ge oM gyis mtshan pa ni/ 'khor lo'i don bsgom mo zhes bya ba'o/ /de bzhin du mi 'khrugs pa dang rin chen dpal dang / 'od dpag med dang/ don yod grub pa rnams kyi thugs kar rang rang gi gdan steng du ye shes sems dpa' i thugs kar rdo rje la sogs pa'i mtshan ma'i snying po la hUM la sogs pa'i yi ges mtshan pa'o/ /dkyil 'khor kun gyi ngos rnams su/ /sangs rgyas lnga rnams dgod par bya/ / zhes bya ba ni ye shes sems dpa' i thugs ka'i yi ge'i phyogs bzhir rigs bzhi'i yi ge dgod pa'o/ /kha cig na re/ dkyil 'khor du dgong pa ste rigs lnga nyid la bya'o zhes zer ro/ /sngags rnams thams cad spro ba ni/ /bye brag rnam pa gnyis su bsgrags/ /zhes bya ba ni spro ba nyid kyi bye brag rnam pa gnyis yin te/ sku gsum rdo rje'i bye brag gis zhes bya ba'i tshig gis sku gsung thugs ki spro ba dang/ rdo rje ye shes don yin pas/ /ye shes sems dpa' la spro ba ste/ /de ltar gnyis su spro zhing bsdu ba yang tshul de nyid du'o/ /ha cig na re spro ba'i bye brag gnyis ni/ rang gi sku gsung thugs rdo rje'i gnas gsal ba dang/ phyogs bcu'i 'jig rten du spro ba gnyis te/ bsdu ba ni bye brag med do zhes zer ro/ /lus kyi sku'i ngo bo nyid ces bya ba la sogs pas ni sku gsung thugs kyi mchod pa bstan te/ 'di ltar rang sku
- 31a
gsung thugs kyi lhar bsgom pa las/ rang dang 'dra ba'i lha mo spros pas sku gsung thugs lha la mchod pa ste/ de la kyis zhes bya ba ni rang gi sprul pa'i mchod pa'i lus kyi ye so/ /sku'i ngo bo nyid mchod na zhes bya ba ni sku rdo rje'i sangs rgyas la mchod pa na'o/ /mchod pa'i gnas su 'gyur zhes bya ba ni mchod pa'i mchog tu 'gyur ba ste/ gzhan la yang de bzhin du sbyar ro/ /de yan chad bzlas pa'i ting nge 'dzin te/ las kyi rgyal ba mchog la phra mos sems shin tu zhum par gyur na bzlas pas gzangs bstod pa'o/ /da ni phrin las rnam pa bzhi ston te/ de la las kyi ting nge 'dzin ni/ bdag bsnyen sgrub yan lag tshang ba'i dkyil 'khor chen po'i 'khor lo bsgoms te/ dkyil 'khor gyi dbus su las kyi bdag po bsams te/ snying khar ye shes sems dpa' dang bcas pa bsgoms pa'i bsam gtan gyis las rnam pa bzhi byed par 'gyur zhes bya ba'i don to/ /de la dkyil 'khor chen po'i 'khor lo yis/ /rdo rje lnga rnams bsgoms par bya zhes bya ba ni/ bsnyen sgrub kyi yan lag yongs su tshang ba'i dkyil 'khor chen po'i 'khor lo yis rigs lnga'i dkyil 'khor du bsgoms pa'o/ /dbus su bdag po bsgoms nas ni/ zhes bya ba ni las gang byed pa'i gtso bo'o/ /de nyid gang zhe na/ sku gsung rdo rje bdag gi gzugs zhes pa'o/ /de nyid rang gi sngags kyis bskyed pas rang sngags rdo rje'i gzugs so/ /dkyil 'khor rnam pa bzhi dag tu/ /zhes pa ni las rnam pa bzhi'i dkyil 'khor ro/ /kha dog rnam bzhir kun brtags la/ /zhas bya ba ni las rnam pa bzhi dang mthun pa'i kha dog go /snying gar sngags kyi don bsgom na zhes bya ba na ye shes sems dpa' dang bcas pa'i bsam gtan gyi ting nge 'dzin to/ /de ltar na las rnam pa bzhi rnal 'byor ba gong ma lta bu'i bsam gtan dang ldan pa'i rdo rje can gyis byed do/ /zhi ba la ni spyan gyis tshul/ zhes bya ba la sogs pas ni las so so'i rigs kyi bdag po bstan te/ de la spyan gyis tshul ni rnam par snang mdzad do/ /
- 31b
rgyal ba rdo rje pad+ma can/ /zhes bya ba ni rin chen 'byung ldan te/ las kyi skabs su phyag na pad+ma bsnams pa yum gos dkar mo dang ldan pas bya'o/ /dbang la rnam par snang mdzad gnas zhes bya ba ni snang ba mdza' yas te 'od zer snang bar byed pas rnam par snang mdzad do/ /rdo rje don grub tu yang bshad do/ /rdo rje'i khro bo mngon sbyor la/ /zhes bya ba ni rdo rje'i rigs su mngon spyod kyi las la sbyor/ /ma chags pa yi sems can dang zhes bya ba la sogs pas ni drug po'i las kyi gnas bstan to/ /kha cig na re 'dul ba'i zhing tsam du bstan pa'i/ zhes zer ro/ /khams gsum gnas pa'i sems can rnams/ /zhes bya ba la sogs pas ni drag po'i las kyi ting nge 'dzin bstan to/ /'di'i rim pa ni bdag rang gi lha'i ting nge 'dzin bsnyen sgrub kyi yan lag yongs su rdzogs pas ting nge 'dzin gsum gyi mthar zhe sdang rdo rje ting nge 'dzin du bskyed la/ mdun du bsgrub bya'i liM ga bzhag ste/ der thugs ka'i rdo rje kyo bas sems can thams cad bkug ste/ sku gsung thugs kyi lhar bsgoms la de dag gi lus kyi lha gsum la bsdus te/ de nas bdag gi ba sbu'i bu ga nas khro bo tshoD mang po spros te/ liM ga bsgrub byar dmigs pa'i sha khrag za ba dang/ rgyu ma 'dren pa la sogs par bsgoms pa'o/ /de la nam mkha' dbyings kyi dbus dag tu/ /'khor lo rtse lnga kha bzhi la/ /zhes bya ba ni rdo rje sems dpa' i zhe sdang rdo rjer bsgoms pa'i lag pa g.yas par rdo rje rtse lnga pa kha gdengs pa bsams pa yin no/ /kha cig na re rdo rje rtse lnga pa rgya gram du gyur pa la 'khor lo 'bar ba'i mu khyud kyis bskor ba yin te/ 'di ni rdo rje 'khor lo zhes bya'o zhes zer ro/ /'dis ni 'og nas 'byung ba'i 'khor lo rdo rje 'bar bas brgyan zhes pa 'de 'khor lo las rdo rje 'bar ba 'phros pas mchen pa'o zhes 'chad do/ /bka' i 'khor lo zhes bya ba'i ting nge 'dzin to/ /zhes bya ba ni 'di las grub par byed pa'i bka' yin te nges par byed pa'i tha tshig go/ nam mkha' dbyings kyi dbus su ni/
- 32a
'khor lo rdo rje 'bar bas brgyan/ zhes bya ba la sogs pa ni snga ma bzhin du bsgoms pa las/ phyag mtshan 'bor lo rdo rje brgyan pa rnam par bsgoms te/ bdag gi sprul pa rnams la 'di skad du bka' bsgo ste/ sku gsung thugs kyi sbyor ba can/ /sangs rgyas thams cad bdag la gson/ /zhes bya ba la sogs pa'i tshig gis bskul ba'o/ /bka' i 'khor lo 'di ni dgra bsad pa dang/ bgegs bskrad pa dang/ lha gnad la dbabs pa dag la sbyor ro/ /de la dgra bsad pa'i dus su ni gong du smos pa'i tshul 'di nyid do/ /dgegs bskrad pa'i sbyor ba la ni zhe sdang rdo rje'i ting nge 'dzin gyis khro bo'i dkyil 'khor du spres te/ bgegs rnams la 'di skad du bsgo'o/ /sku gsung thugs su bdag sbyor bas/ /bgegs rnams thams cad nga la nyon/ zhes bya bar sbyar te/ bka' bsgo'o lha gnad la dbab pa'i sbyor ba la ni zhe sdang rdo rje'i ting nge 'dzin gyis rang gi rigs kyi sprul pa spros te bka' dgyus ji lta ba bzhin du bsgo'o/ /sangs rgyas dkyil 'khor 'khor lo can/ /nam mkha' rdo rje dbus su bsam/ /gshin rje gshed kyi 'khor lo che/ zhes bya ba la sogs pa ni gshin rje gshed kyi bka' i 'khor lo yin te/ 'di ni gshin rje gshed kyi khro bo rnams kyis gtso bo byas par zad kyi gzhan ni snga ma nyid dang 'dra'o/ /sku gsung thugs kyi rdo rje 'am zhes bya ba la sogs pas ni gzhan gyi bka' i 'khor lo bstan pa ste/ 'di ltar 'khor lo'i gtso bo sku gsung thugs kyi las byas pa 'am/ rang sngags don gyis yon tan yi dam gyi lhas byas pa 'am/ yang na khro bo gtsug tor 'khor lo sgyur bas gtso bo byas te/ sangs rgyas kyi dkyil 'khor bsrung ba la sogs pa'i bka' i 'khor lo bsgom mo/ /nam mkha' rdo rje'i dbus dag tu/ /chos kyi snang mdzad sku mchog las/ /zhes bya ba la sogs pa ni bsrung ba'i ting nge 'dzin te/ zhi ba dang rgyas pa'i rang bzhin du sbyar ro/ /rgya mtsho rkang pas gnon pa ni rdo rje sems dpa' i ting nge 'dzin gyis chu la mA ma kI thim par bsgoms te/
- 32b
nam sra bar gyur pa ni de'i spyi po'i steng du bsgom par bya'o/ /mu stegs dang phas kyi rgol ba thams cad gnon pa'i ting nge 'dzin ni bdag nyid khro bor bsgoms pa'i thugs ka nas kyo ba spros pas mu stegs can la sogs pa bkug ste/ dbang chen 'og tu mnan nas de'i steng las kyi rdo rje rgya kram kyis mnan te/ de'i steng du bdag khro por bsgoms pa'i lag pa g.yas rdo rje thogs pas mnan na rgol ba mnon par 'gyur ro/ kha cig na re dbang chen rlung gi steng du bsgrub bya bzhag ste/ de'i spyi bor las kyi rdo rjes mtshon pa'i rkang pas mnan zhe'o/ /dpung gnon pa ni rdo rje gsung mchog sku gsung thugs kyi khro bo bsgems te/ de yang gser gyi ri rab lta bu shin tu ljing che bas mnan par bsgoms na/ sangs rgyas kyi dpung yang mnon na/ mi'i dbang po'i dpung dag lta ci smos zhes bya ba'i don to/ /dgra rmongs pa'i ting nge 'dzin ni hUM las rdo rje phur bu stod rtse lnga pa smad dbal rtser gnas pa rdo rje rtse lnga'i phyag rgyas blangs te/ snying khar btab na dgra rmongs par 'gyur ro/ /nad spong ba zhi ba'i ting nge 'dzin ni grong dam grong khyer gyi nam mkha' la bdag gi thugs kha na rdo rje rtse lnga pa gnas par bsams te/ de las bskal pa'i me 'bar bas nad thams cad bsregs te/ slar rdo rje la bsdu bar bya'o/ /de nas rdo rje las lha mo bdud rtsi rin po che'i bum pa gang ba 'dzin pa spros pas nad pa la blugs par bsams na nad zhi bar 'gyur ro/ /yi dam bcas pa rdzogs nas kyang/ /sngags kyi gnas su spyad par bya/ /zhes bya ba ni las 'di dag gang byed kyang bsnyen pa rdzogs nas bya bar bston pa'o/ /kha cig na re/ las byas nas rang gi yi dam rgyun tu bya ba yin no zhes zer ro/ /skye 'gro 'dul ba'i ting nge 'dzin rdo rje bdud rtsi 'khyil ba'i rang bzhin gyi phur bus phyogs bcu'i dkyil 'khor la btab na/ lha dang bgegs la sogs pa thams cad zhi bar 'gyur ro/ /zhes bya ste 'di ni bka' i 'khor lo dang sbyar te bgegs bsrung bar bya ba'o/ /mdangs bzangs dkyil 'khor dam pa ni/ /nam mkha' dbyings kyi dbus su bsam/ zhes bya ba la sogs pas ni gong du
- 33a
bstan pa'i lam rnam pa bzhi'i thabs bstan pa yin te/ /de la mdangs bzangs dkyil 'khor dam pa ni zhes bya ba ni dkyil 'khor chen po bsgom pa yin te/ de nam mkha' i dbyings kyi dbus chos kyi 'byung gnas su bsams la/ rnam par snang mdzad du bsgoms pa'i thugs kar 'dod pa'i bsgrub bya bzhag ste/ rang gi ba spu'i bu gnas sangs rgyas spyan dang ldan pa'i rnam par snang mdzad kyi nam mkha' i khams gang bar spros te/ phyogs bcu'i ye shes bdud rtsi bsdus nas bum pa bdud rtsis bkang ba rnams kyis snying ga'i 'dod pa'i steng du phab ste/ dbang bskur bar bsams na zhi bar 'gyur ro/ /dbang gi las ni/ zla ba'i dkyil 'khor dbus su ni/ /dbang chen dkyil 'khor bsams par bya/ /zhes bya ba la sogs pa yin te/ de la zla ba'i dkyil 'khor gyi dbus su dbang chen gser gyi 'khor lo bsams te/ de'i steng du chos 'dzin snang ba mdza' yas bsams nas/ de'i snying gar rgyas par 'dod pa bzhag ste/ bdag gi ba spu'i bu ga nas gos dkar mo la sogs pa'i lha mo rnams spros pas phyogs bcu'i chos rin po che'i bdud rtsi bsdus te/ snying ga'i 'dod pa la phab cing dbang bskur bas chos rin po che rgyas par bsgoms na rgyas par 'gyur ro/ /dbang gi las ni/ nam mkha' i dbyings kyi dbus su ni/ /rdo rje dkyil 'khor zla gam bsam/ zhes bya ba la sogs pa ste/ dkyil 'khor zla gam gyi dbus su rdo rje chos sam rdo rje don grub bsgoms te/ de'i snying gar dbang dang mthu stobs ldan par 'dod pa bzhag nas/ bdag gi ba spu'i bu ga nas sangs rgyas byang chub sems dpa' 'am lha mo sgrol ma spros te/ des phyogs bcu'i gzi brjid kyi bdud rtsi bsdus te/ snying ga'i 'dod pa la phab cing dbang bskur bas mthu stobs dang dbang phun sum tshogs par 'gyur te/ gzhan yang ji skad smos pa lta bur 'gyur ro/ /drag po'i las ni/ nam mkha' rdo rje srin po dang/ zhes bya ba la sogs pa ste las 'di ni bka' i 'khor lo'i skabs su bstan pa bzhin du sbyar ro/ /
- 33b
da ni las rnam pa bzhi la sogs pa bsgrub pa'i bya ba bstan pa rnams la lha rnams ji ltar bsgom pa'i cha lugs bstan pa'i phyir rnam par snang mdzad zhal gsum pa zhes bya ba la sogs pa gsungs te/ 'di dag ni ji ltar 'gyur nas 'byung ba bzhin du sbyar ro/ /nam mkha' i dbyings kyi dbus gnas par zhes bya ba la sogs pa ni lha gong du bstan pa rnams kyis bsgrub cing bsgom pa'i tshul bstan to/ /kha cig na re snga ma las cung zad mi 'dra ba'i mtshan nyid blngabs te bstan pa yin no zhes zer ro/ /de la khro bo rnams dbu rgyan gyi sgo nas sku gsung thugs kyi khro bor rigs so/ / le'u bcu gsum pa'o// /da ni bka' i 'khor lo la sogs par bstan pa'i las rnams la bskul ba'i gsang sngags ston pas/ de nas zhes bya ba la sogs pa gsungs te/ de la dang por zhi ba'i las dang sngags bstan pa'i phyir/ zhi ba'i dam tshig mchog gi ting nge 'dzin la snyoms par zhugs te/ oM ru ru spu ru zhes bya ba la sogs pa gsungs so/ /de la 'di ni gang zhi bar 'dod pa rnams la bdud rtsi bum pa thogs pa'i lha mo rnams kyis dbang bskur ba'i tshe rig pa 'dis bskul nas las sgrub par byed do/ /'di ni gsungs ma thag tu yang/ / 'byor ba kun la dgyes pa rnams/ zhes bya ba ni sangs rgyas spyan gyi rang gi rig ba phyung bas/ 'byor ba la dgyes pa'i lha mo dga' bar gyur nas gtso bo rjes su dran par mdzad nas shes so/ /rnam gcig tu rang bzhin gyis grub pa'i rig sngags bstan pas sangs rgyas thams cad mnyes par 'gyur te gtso bo rjes su dran par mdzad do/ /'di bzhin du 'og ma kun la yang sbyar bar bya'o/ /sangs rgyas kyis 'byung ba zhes pa ni zhi ba bskul ba ste/ gong du bstan pa bzhin no/ /oM shaM ka re la sogs pa ni stobs dang gzi brjid bskyed pa dang bsrung ba'i las la sbyar ba'o/ / oM ka Ta bi ka Te zhes bya ba la sogs ba'i sngags ni rgyas pa'i las la sbyar ro/ /oM tA re tut+tA re zhes bya ba la sogs pa ni dbang gi las la sbyar ro/ /drag po'i las la ni khro bo chen po gshin rje gshed la sogs pa 'di dag gi ting nge 'dzin dang sngags kyis bya ba yin to/ 'di'i
- 34a
rim pa ni dang por dbang chen gyis dkyil 'khor gyi steng du bka' i 'khor lo bsgoms te/ de'i bdag po las chos kyi 'byung gnas su gyur pa'i nang du b+h+ruM yig 'khor lo dang bcas pa las skyes pa'i rnam par snad mdzad las kaM thod 'bar ba'i gzhal yas khang du gyur pa'i dbus su A li kA li las skyes pa'i rdo rje sems dpa' bskyed nas de chags pa chen po hos zhu bar byas te/ de las lha mo bzhi'i dbyangs kyis bskul ba las/ ji lta ba'i cho ga'i tshul gyis khro bo gshin rje gshed po la sogs pa gang yang rung bar bskyed de/ rdo rje'i skye mched dag par bya ba la sogs pa bsnyen sgrub kyi bye brag rdzogs par byas nas ting nge 'dzin gsum tshad ma bsgoms te/ phra mo sbyor ba'i mthar las 'di dag brtsam par bya'o zhes bla ma'i man ngag go/ /khro bo 'di dag gi yum ni mA ma kIs bya bar rigs so/ /de la dri ma med pa'i 'od zer gyi sprin zhes bya ba ni sku'i bdag nyid rnam par dag pa ste/ de dbyung bar dgongs pa'i ting nge 'dzin gang yin pa de la de skad ces bya'o/ /gzhan du yang de bzhin du sbyar bar bya'o/ /rdo rje gshin rje gshed po 'di phyung ngo zhes bya ba ni sku gsung thugs dbyer med pa'i phyir ro/ /'dir dgug pa'i skabs su dgug pa'i sngags dang spel te thod pa bzang po'i nang du bris nas gshin rje gshed kyi sbyor bas mnan te/ gsang sngags bzlas pa rjod byas na lha dang lha ma yin gyi bu mo la sogs pa gang dgug par 'dod pa nges dgug par 'gyur ro/ /mA ma kI 'am spyan yang rung zhes bya ba ni khro ba'i gzungs ma ste gong du bstan pa nyid do/ /bdud rtsi 'khyil ba'i gsang sngags gsungs pa/ dam tshig 'od zer stug po mchog ces bya ba ni las kyi bdag nyid de gzhan la ni snga ma bzhin no/ /'dir ni bgegs bskrad ba'i snga ma'i tshul te/ dgra skrad pa la ni/ mahA ga Na pa ti dzI bi tAM ta ka rA ya shes pa gsal la bsgrub bya'i ming bskul ba dang bcas pa gzhug par bya'o/ /gzhan gyis mi thub pa'i sngags gsungs la/ de nas
- 34b
zhes bya ba la sogs pa ste sangs rgyas kyi 'od zer rdo rje zhes bya ba ni thugs kyi bdag nyid do/ /srin po ma rungs gtum po dang zhes bya ba la sogs pa ni srin po las 'jigs pa'i sems can rnams la khro bo 'di'i sbyor bas gzhig pa'o/ /rta mgrin gyi gsang sngags kyi dug gzhom pa gsungs pa/ de nas zhes bya ba la sogs pa ste 'di'i sbyor ba ni rta mgrin gyi ting nge 'dzin gyi yi ge h+rI(rgyud 'grel): 'bar ba'i 'od zer gyis 'og nas 'byung ba'i dug dbyung ba lta bu'i sbyor ba bya ba yin no/ /be con sngon po'i sngags gsungs pa/ de nas zhes bya ba la sogs pa ste/ de la rdo rje dpal 'byung ba zhes bya ba ni ye shes kyi bdag nyid do/ /'di bsad pa'i las la spyar ro/ /stobs po che'i sngags gsungs pa/ de nas zhes bya ba la sogs pa ste/ de la kun tu sprin gyi dpal zhes bya ba ni stobs dang gzi brjid kyi bdag nyid do/ / 'di'i ting nge 'dzin gyis ni dbab pa'i las bya ba yin no/ /'dod pa'i rgyal po'i sngags gsungs pa/ de nas kun tu sgrogs pa zhes bya ba la sogs pa gsungs te/ 'di ni dbug pa'i bdag nyid pas khyab pa'i phyir sgrog pa'o/ /da ni mi g.yo ba'i sngags bstan pa'i phyir bcom ldan 'das dri ma med pa'i rdo rje zhes bya ba la sogs pa gsungs te/ ye shes kyi bdag nyid pas de skad ces bya'o/ /'di yang dgug pa'i bdag nyid do/ /gnod mdzes kyi gsang sngags gsungs pa/ de nas zhes bya ba la sogs pa ste/ dam tshig rnam par 'phrul pa zhes bya ba ni khro bo'i las kyi bdag nyid do/ /da ltar khro bo bcu'i sdags bstan nas dgug pa'i khyad par bstan pa'i phyir/ /de nas bcom ldan 'das zhes bya ba la sogs pa gsungs te/ de la sangs rgyas rdo rje sku gsum la/ rdo rje sems dpa' rnam par bsgom/ zhags pa rdo rje kyo ba 'dzin/ /sangs rgyas dgug pa dam pa'o/ zhes bya ba ni sangs rgyas rnam par snang mdzad dgug pa ste/ bdag nyid rdo rje sems dpar bsgoms pa'i sku gsung thugs kyi gnas su rang gi lha gsum bsgoms nas/ de'i thugs ka nas lha mo zhags pa dang kyo ba 'dzin pa spros te/ sangs rgyas dgug pa bya'o/ /rdo rje
- 35a
sems dpa' dgug pa gsungs pa/ sangs rgyas sku yi sbyor ba yis/ zhes bya ba la sogs pa ste/ rnam par snang mdzad kyi ting nge 'dzin gyis rang gi sku gsung thugs kyi gnas nas 'khor lo'i kyo ba 'dzin pa'i lha mo spros te/ rdo rje sems dpa' dgug par bya'o/ /sngags thams cad dgug pa gsungs pa/ rdo rje mi phyed gsum bsgoms pas/ zhes bya ba la sogs pa ste/ sku gsung thugs rdo rje'i bdag nyid du bsgoms te snga ma bzhin du thugs ka nas 'khor lo pad+ma rdo rje kyo bas lha thams cad dgug par bya'o/ bu mo dgug pa gsungs pa/ thams cad rdo rje dngos bzhi pa/ zhes bya ba la sogs pa ste/ rang gi lhag pa'i sngags kyis bskyed pa'i skyes bu dkyil 'khor chen po'i ngo bo bsgoms nas/ bsgrub bya rlung gi dkyil 'khor gyi steng du bzhag ste rang gi snying kha nas rdo rje kyo ba'i sbyor bas dgug par bsams na 'grub 'gyur ro/ /sha tshig dgug pa gsungs pa/ zla ba'i dkyil 'khor dag la ni/ zhes pa la sogs pa ste/ zla ba'i dkyil 'khor gyi steng du rnam par snang mdzad kyi phyag rgya bsgoms te/ gzhan yang rlung gi dkyil 'khor la lha me sha tsi ka bzhag nas rdo rje mi 'chi ba'i sdags kyi sbyor bas lan lnga bcu brjon na dgug par 'gyur ba gdon mi za'o/ /nam mkha' i bu mo dgug pa gsungs pa/ rdo rje kyo ba gzugs po che/ zhes pa la sogs pa ste/ 'di ni bdag rdo rje'i ting nge 'dzin du gnas pa'i thuD ka nas rdo rje rtse lnga pa 'od 'bar ba'i kyo gshin tu 'bar ba spos te nam mkha' i bu mo dgug par bya'o/ lha ma yin gyi bu mo dgug pa gsungs pa/ rang gi khro bo rdo rje'i zhes pa la sogs pa ste/ rang gi rigs kyi khro bo 'am rdo rje sa 'og gi ting nge 'dzin du zhugs te thugs ka nas rdo rje dpal rtse'i kyo bas lha ma yin gyi bu mo dgug par bya'o/ da ni dgug pa rnams kyi cho ga bstan pa'i phyir btsag gam rngo rgyus dag kyang rung zhes bya ba la sogs pa ste/ 'di'i sbyor ba ni bdag nyid khro bo'i ting nge 'dzin du zhugs te/ btsag gam
- 35b
rdo rgyus dag zla ba gzas zin pa'i tshe/ rang gi kha 'am yeng na b+ha gar bcug ste bsgrub pa byas la/ de nas nang bar phyung la bzhag ste/ nam 'gugs pa 'dod pa na rdzas de la liM ga byas te ming bri ba'i snag tsha yang byas la liM ga'i steng du ming bzhag na tshangs pa dang drag po 'ang 'od bar 'gyur ro/ /sbyor ba 'di ni dgug pa'i liM ga mdza' dag la sbyar bar bya'o/ /da ni gshin rje gshed kyis gnod sbyin gyi bu mo dgug cing spang pa bstan te/ de la bdag nyid rnam pa'i mchog thams cad dang ldan pa'i rdo rje 'jam par bsgoms te/ de las sprul pa khro bo gshin rje gshed bskal ba'i mi ltar 'bar ba phyag na rdo rje kyo ba bsnams pa sbros te gnod sbyin gyi bu mo bkug nas nye bar sbyad par bya'o/ /kha cig na re gshed por bsgoms pa'i thugs ka nas kyo ba sgros te dgug ce'o/ /kun gyis phyag rgya khyad par dang zhes bya ba la sogs pas ni cho ga dang ldan na gang gi thabs kyis kyang khugs par bstan te/ de la kun gyis phyag rgya'i khyad par zhes bya ba ni thams cad kyi phyag rgya gang yang rung ba'o/ /sngags kyi khyad par thams cad kyis zhes bya ba ni sngags ma lus pa mdza' dag gis te/ kun kyang dgug pa'i thabs mi 'gyur pa med par gsungs so/ /gzhan du byas na 'jig par 'gyur zhes bya ba ni ting nge 'dzin ma thob pa la sogs pas mi 'grub pa'o/ /kha cig na re dgug pa tsam las gzhan du pur bu gdab pa la sogs pa byas na 'tshi bar 'gyur ba'o zhes zer ro/ /las de dag thams cad kyang rdo rje sems dpa' 'ba' zhig gaM ting nge 'dzin bskul na 'grub par 'gyur te/ gang gi phyir dpal rdo rje sems dpa' de nyid ni sngags kyi lha thams cad kyi ston pa gdod ma tha ma med pa'i rgyal po rtag pa chen po yin pa'i phyir ro zhes bya bar bstan pa'i phyir/ rdo rje sems dpa' rgyal po che/ /yang dang yang du bskul bar bya/ /de nyid sngags rnams thams cad kyi/ /ston pa rab tu rtag pa'o/ /zhes gsungs pa yin no/ /da ni e ka dza tA'i sbyor bas klu'i bu mo dgug pa'i thabs gsungs pa/ de nas brtso
- 36a
ldan 'das zhes bya ba la sogs pa ste/ de la 'di'i sbyor ba ni e ka dza TI'i ting nge 'dzin la gnas te/ oM shu li ni swAhA zhes pa dang/ che ge mo zhig dza:/ zhes bya bas klu la sogs pa'i bu mo dgug par byed do/ /lha mo khro gnyer can gyis rig sngags 'chang gi bu mo dgug pa bstan pa/ de nas bcom ldan 'das nam mkha' i zhes bya ba la sogs pa ste/ de'i sbyor ba yang khro gnyer ma'i ting nge 'dzin du gnas te gsang sngags bskul ba dang bcas par bzlas shing sprul pas dgug par bsgoms na 'grub par 'gyur ro/ / de la sogs pa las gang byed kyang sngon du bsnyen pa byas te dam bcas pa rdzogs nas de nas las la sbyor ba ni 'bul phrag gcig tu skyon med par bzlas te/ de nas las la sbyar ro/ /zhes bstan pa'i phyir/ yang na khro bo thams cad ni/ /sngags pas 'bum du bzlas byas na/ /las rnams thams cad byed par bshad/ ces gsungs pa yin no/ /de ni drag po'i las kyi dmigs pa bstan pa'i phyir/ rdo rje slob dpon smod pa dang/ zhes bya ba la sogs pa gsungs te/ gnas 'di rnams la drag po'i las byas na byang chub nyid dam dngos grub rab 'brid la sogs pa 'thob par 'gyur ro/ zhes pa'i don to/ /las de dag byed pa'i tshe dmigs 'di lta bu dang ldan par byas te/ phyogs bcu'i sems can thams cad kyi lus ngag yid gsum sku gsung thugs mnyam pa nyid du gyur par bsgoms na dgra rnams la gdon mi za'o/ /kha cig na re tshig 'di ni 'grub par des pa'i gtan tshigs yin no zhes zer ro/ /da ni drag po'i brtul zhugs kyi mtshan nyid bstan pa'i phyir khrag dang chu yis gsher ba 'am zhes bya ba la sogs pa smos te/ brtul zhugs lnga po 'di dag ni khro bo gang yang rung ste/ 'di lta bu'i sbyor ba dang ldan pas las brtsam par bya'o/ /drag pa'i las kyi gnas ni ma mo'i gnas sam dur khrod dam zhes bya ba la sogs pa ste gnas 'di dag ni 'byung po dag po'i gnas yin pa'i phyir mngon spyod la bkra shis so/ /
- 36b
da ni las su brtsam pa de dag las phur ba'i las kyis bsad pa la sogs pa bya ba'i phyir mi'i rus pa las byas pa zhes pa la sogs pa bstan te/ de la 'di'i sbyor ba ni mi'i rus pa'i phur bu la 'og nas 'byung ba lta bur byin gyis brlabs te/ ji skad smos pa bzhin du btag? na sangs rgyas kyang 'chin gzhan dag lta ci smos zhes pa'i tshig go/ kha cig na re/ shes dang mi shes rnam spangs pa/ zhes bya ba ni sgrub pa po'o bye brag yin te/ mi shes pa ni gong du bstan pa'i rigs 'dzin bsgrub pa la sogs pa yin la/ shes pa ni mtshan ma med pa'i rnal 'byor shes pa yin te/ 'di gnyis kas kyang phur bu 'di'i sgo nas 'grub par 'gyur ro/ /zhes zer ro/ /dgra gsad pa'i sbyor ba gsungs pa/ yang na thod pa gang ba dag ces bya ba la sogs pa smos te/ 'di'i sbyor ba ni thod pa ma nyams pa la khro bo gang yang rung ba'i sngags sam rdo rje thor tsugs gcig pa'i sngags bskul ba dang bcas pa bris te/ rdo rje thor tshugs kyis de'i steng nas mnan par bsgoms te/ dgra'i sgo 'am grong du sbas na skrod par 'gyur ro/ /sbyor ba gzhan gsungs pa/ tA la'i lom 'am gzhan la'ang rung zhes bya ba la sogs pa gsungs te/ 'di'i sbyor ba ni khro bo gsang sngags bskul tshig dang bcas pa bris nas khro bo'i ting nge 'dzin gyis bskul na 'grub par 'gyur ro/ /da ni phur bu gdab pa'i gsang sngags dang rgyud dang ting nge 'dzin dang/ byin gyis brlab pa'i tshul rnams ston pas de nas zhes bya ba la sogs pa smos te/ de la sku gsang thugs mnon pa zhes bya ba ni mthu med par byed pa'o/ /rnam gcig tu rdo rje phur bus gzir ba yin no/ /oM g+ha(rgyud 'grel): g+ha(rgyud 'grel): zhes bya ba'i sngags kyi phred ba ni phur bu gdab pa'i sngags yin te/ 'dir sarba duSh+TaM zhes pa'i bar du bsgrub bya'i mang gzhug par bya'o/ /ma'i rus pa'i phur bu 'am zhes bya ba la sogs pa ni drag po'i phur bu'i rgyu bstan to/ /de lta bu'i phur bu de dag gdab pa'i ting nge 'dzin bstan pa'i phyir/ 'od 'phro 'khug stsing? mdangs bzangs pa'i/ /rdo rje sems dpar mnyam gzhag la/ /
- 37a
zhes pa la sogs pa gsungs te/ 'di ltar rdo rje sems dpa' i ting nge 'dzin nam rnam par snang mdzad dam 'od dpag med dam gshin rje gshed kyi sbyor ba yang rung ste/ 'di dag gi ting nge 'dzin dang ldan pas phur ba bdud rtsi 'khyil ba'i rang bzhin du bsgoms te/ snying kha dang lte ba dang gsang gnas dang dpral ba dang dbang po sgo lnga dang yan lag lnga'i gnas dpung ba gnyis dang bus mo dang long bu'i nang rol gnyis la phur bus gdab par bya'o/ /gong duAng dam tshig de nyid bya zhes ba ni gong du bstan pa'i dag po'i las dang/ phur bu bya ba bstan rnams 'bur bu'i dam tshig 'di nyid kyis sbyor bar bya'o zhes bya ba'i don to/ /kha cig na re rdo rje sems dpa' la sogs pa'i lha 'di dag phur bu nyid bsgom pa yin te/ 'di dag lta bur bsams pa'i phur bus gdab par bya'o zhes zer ro/ /da ni phur bu byin gyis brlab par bstan pa'i phyir/ de nas bcom ldan 'das rnam par snang mdzad ces bya ba la sogs pa gsungs te/ de la sku'i dam tshig tsham dam gyis gnon pa bya ba ni khro bo'i gzi brjid kyi tsham ngam yon tan thams cad zil gyis gnon par byed pa'o/ /'di'i sbyor ba ni rnam par snang mdzad kyi ting nge 'dzin du gnas te/ thabs dang shes rab kyi lag pa gnyis kyis ji lta ba'i phyag rgya bcas te/ phur bu bsgril zhing oM ts+tshinda ts+tshinda zhes pa'i gsang sngags brjod pas thabs dang shes rab kyi 'od zer las byung ba'i ye shes kyi phur bu sku rdo rjer rang bzhin du byin gyis brlabs te sangs rgyas dag la btab na yang dam tshig dbang gis bzhengs te don mdzad pa la sbyor bar 'gyur la 'jig rten pa la btab na 'chi bar 'gyur ro/ /kha cig na re ldang ba zhes bya ba'i dgra ni skrag te 'bros pa yin la yang na 'chi bar 'gyur ro/ /'di ni sku rdo rjer byin gyis brlabs pa'o/ /da ni gsung rdo rjes byin gyis brlabs pa'o/ /da ni gsung rdo rjes byin gyis brlab pa'i phyir/ de nas bcom ldan 'das 'jig rten dbang phyug ces bya ba la sogs pa gsungs te/ 'di'i sbyor ba yang
- 37b
rdo rje chos kyi ting nge 'dzin du gnas te/ ji lta ba'i phyag rgyas phur bu bsgril zhing gsang sngags brjod pas gsung rdo rjer byin gyis brlab pa ste/ thugs rdo rjer byin gyis brlab pa la yang de bzhin du sbyar bar bya'o/ /de skad ces bka' stsal ba la de bzhin gshegs pa rnams dgyes bar gyur nas rdo rje phur bu'i don la mnyes par gyur nas bstod pa'i phyir/ e ma'o gsang ba'i gnas gyi mchog/ /ces bya ba la sogs pas bstod pa yin no zhes kyang kha cig 'chad do/ /yang na 'di'i 'grel pa ni bcom ldan 'das rdo rje 'dzin pa nyid kyi bka' yin par 'dzin ge 'jug sdud pa'i tshig gam 'on te mngon du bka' stsal to/ /zhes pa yang mang po'i tshig med pa'i phyir ro/ /mdor na phur bu byang chub kyi sems kyi don la ngo mtshar ba'i don gyis bstan pa yin te/ de la e ma'o gsang ba'i gnas kyi mchog ces bya ba ni phur bu byang chub kyi sems ni gsang ba'i gnas su byung ba kun gyi nang na dam par gyur pa'o/ /e ma'o snying po kun bsdus pa zhes pa ni byang chub kyi sems ni chos kun gyi snying po thams cad bsdus pa'i don to/ /e ma'o chos kyi gnas zhi ba zhes pa ni byang chub kyi sems spros pa dang bral ba'i don to/ /de lta bu'i byang chub kyi sems ni mtshan ma thams cad 'joms pa'i phyir e ma'o rdo rje rnam par 'joms zhes bya ba yin no/ /de'i phur bu sangs rgyas dang byang chub sems dpa' yang gnon par byed pa/ sku gsung thugs kyi grub pa thams cad sbyin par mdzad pa 'di ni sngags thams cad kyi de kho na nyid bsdus pa'o zhes pa'i tha tshig go/ rnam pa gcig tu na e ma'o gsang ba'i gnas zhes bya ba ni phur bu byang chub kyi sems kyi ngo bo ste/ 'di'i don ni thabs dang shes rab gnyis su med pa'i byang chub kyi sems kyi ngo bor bstan te/ de la snying po kun bsdus pa ni thabs kyi bdag nyid de rang rig pa'i ye shes so/ /chos kyi gnas zhi ba ni shes rab kyi bdag nyid de spros ba dang bral ba'i chos nyid do/ /rdo rje rnam par 'joms pa ni gnyis su med pa'i byang chub kyi sems te don ma nor bar rtogs
- 38a
pa'i rig pa 'byung ba'o/ /'di lta bu'i byang chub kyi sems kyi phur bu 'di ni sngags thams cad kyi de kho na nyid bsdus pa'o/ /zhes bya ba'i don to/ /le'u bcu bzhi ba'o// //da ni gzungs kyi mtshan nyid dang/ las dang bsgrub pa phra mo dang rmis ltas kyi mtshan ma la sogs pa ston pas de nas rgyal po rdo rje 'dzin zhes bya ba la sogs pa gsungs te/ de la gzungs kyi rigs bstan pa'i phyir sme sha can ni mthu chen gyi/ bu mo lo grangs bcu gnyis pa zhes bya ba la sogs pa gsungs te/ /de la sme sha can ni rigs kyi yum du 'dod de sngon du brjod pa'i ma dang sring mo bu mo zhes bstan pa las 'di mar shes par bya'o/ /de lta bu'i gzungs ma 'di byin gyis brlab par bya ste/ mnyam pa'i maN+Dal bdud rtsi 'khyil pas byin gyis brlabs pa'i bdud rtsi lngas skyang nul byas te/ der bzhag la cho ga tshul bzhin byas te gnyis su med pa'i sbyar ba bstan pa'i phyir rdo rje 'khyil ba bsgoms pa yis zhes bya ba nas phang bar bzhag nas rnam par bsgom zhes gsungs pa yin no/ /byin gyis brlabs pa yang dkyil 'khor lnga'i 'khor lo yis zhes bya ba la sogs pa gsungs te/ sngon du brjod ba byin gyis brlab par bya'i/ /de ltar bsgoms pas cir 'gyur zhe na/ sku dang gsung dang thugs rdo rje can zhes bya ba la sogs pa gsungs te/ de ni sangs rgyas 'od 'drar 'gyur zhes bya ba nyid du sbyar ro/ /rdo rje sems dpa' sbyor ba yis/ /bco blag mkhan ni mthu chen gyi/ /bu mo utpal mthing kha'i mdog ces bya ba ni sring mo ste/ 'di las shes rab kyi dbang po thob pa'i yum ste/ de'i 'bras bu ni rdo rje 'dzin chen po yin bas yon tan yang rdo rje sems dpa' i 'od 'drar 'gyur/ zhes gsungs so/ /rgyal po chos rnams kun dang mtshungs/ zhes bya ba la sogs pa ni de'i yon tan te chos thams cad kyi rang bzhin mi dmigs pa'i ngo bo ste 'dod pa dang thar pa yang rgyas par
- 38b
byed do/ /kha cig na re rdo rje chos kyi yon tan du 'dod do/ /rdo rje chos ni rab bsgems pas/ /gar mkhan bu mo rab mdzes shing/ /bzhin bzangs mig gi dkyus ring ba/ zhes bya ba ni bu mo yin te yum 'di las ni gzhan dag la dbang bskur ba'i yum byed pas yon tan yang? 'di ni rdo rje chos kyi bdag /sa bcu la ni gnas par 'gyur zhes pa yin no zhe'o/ /mdor na rdo rje 'dzin chen po'i ting nge 'dzin bskyed pa'i yum gsum dang/ rnal 'byor ba bdag nyid dbang nod cing gzhan la bskur ba'i yum gsum dang/ ma dang sring mo bu mo gsum dang sku gsung thugs kyi yum gsum bdag nyid gcig tu sbyar bar bya'o/ /gzhan yang rigs rnam pa bzhi gang rnyed pa las kyang gzung ba bstan pa'i phyir bram ze rgyal rigs rje'u rigs dang zhes bya ba la sogs pa gsungs pa yin no/ /rdo rje chos kyis bsgrub par bya zhes pa ni 'di dag chos kyis rigs su bstan pa yin te/ 'on kyang 'di ru ni rigs thams cad 'dus par shes par bya'o/ /gzungs de dag bsgrub pa brtsam pa'i dus ni/ rdo rje nyi ma nub nas ni/ /bsgrub pa kun tu brtsam par bya/ /skya rengs 'char ba'i dus su ni/ / sgom pa mchog gis grub par 'gyur zhes pa gsungs te/ 'di'i tshul ni nyi ma nub nas bsgrub pa la zhugs te nam phyed man chad na rtags chen po 'byung bar 'gyur te/ de nas skya rengs 'char ba'i dus su dngos grub blang bar bya'o/ /zhes bya ba'i don to/ / 'di ni bsnyen pas rtags phyin pa'i rnal 'byor pas dngos grub len pa'i dus bshad pa yin no/ /'dir bla ma'i man ngag ni gong du bstan pa'i gzungs de lta bu la brten nas ye shes chen po dngos grub brtag pa yin te/ de la rdo rje ni gsang ba'i rdo rje'o/ /nyi ma ni gsang ba'i pad+ma ste/ de la 'das te sbyor ba ni rdo rje nyi ma nub pa zhes bya'o/ /bsgrub pa kun tu brtsam par bya zhes bya ba ni bsgul bskyod kyi phyag rgyas byang chub kyi sems bde ba'i gnas nas hUM phaT zhes bskul ba'o/ /skya rengs 'char ba'i dus zhes bya ba ni byang chub
- 39a
kyi sems bde ba chen po'i gnas nas babs pa'o/ /bsgom pa mchog zhes bya ba ni sems nor bu'i nang na gnas pan bde ba chen po ye shes brtags pa'o/ /'grub par 'gyur zhes bya ba ni bde ba chen po'i ye shes nyams su lon par gyur pa'o/ /de gang gi ting nge 'dzin gyis 'grub par 'gyur zhe na/ rgyan rnams thams cad yongs su rdzogs/ /spos dang me tog rnams kyis brgyan/ /rdo rje sems dpa' mchog bsgoms na/ /myur du dngos grub thob par 'gyur zhes bya ba la sogs pa'o/ /dbang po gnyis ni sbyor ba yis/ zhes pa ni bdag yab yum sbyor ba'o/ /sbyor ba thams cad brtsam par bya ba ni de'i ting nge 'dzin te chos thams cad ni thabs dang shes rab kyi bdag tu shes par bya'o zhes pa'i don to/ /de dag ni thabs dang shes rab kyi sgo nas bsgrub pa yin te de yang ribs so so'i gzungs bstan pa'i zhar la bshad pa yin no zhe'o/ /rdo rje can gyi grub 'dod na/ /bshad gci dam tshig bza' bar bya/ /zhes bya ba la sogs pas ni bdud rtsi rnam pa lnga bza' ba bstan te/ de dag kyang thabs dang shes rab dang 'brel pa'i bdud rtsis rab tu 'grub pa bstan pa'i phyir/ bshang gci'i dam tshig la sogs pas/ /dbang po gnyis ni sbyor ba yis/ /sangs rgyas byang chub gnas zhi ba/ /de nyid bla na med pa 'grub ces gsungs pa yin no/ /da ni drag po'i las la sogs pa bstan pas de nas zhes bya ba la sogs pa gsungs te/ de la las 'di dag byed pa'i tshe khro bo gang yang rung bas gtso bo byas pa 'am zhe sdang rdo rjes byas kyang rung ste/ khro bo bcu'i dkyil 'khor bsgoms nas 'og nas 'byung ba'i las rnams la sbyar ro/ zhes shes par bya'o/ /de la 'dir gshin rje gshed kyis bu mo 'gugs pa bstan te/ gshin rje gshed kyi sbyor ba dang ldan pas thab khung gru gsum byas te tsher ma'i shing la me spar nas dug dang me'i khrag dang lan tshwa dang ske tshe la sogs pa gdug pa'i rdzas
- 39b
rnams la sems khros pa dang bcas pas nyi ma gung dam nam phyed na bsreg par bya ste/ oM h+rI(rgyud 'grel): Sh+Ti bi kri tA na na sarba sha truM nA sha ya stwaM b+ha ya hUM hUM bu mo che ge mo phaT phaT swAhA/ zhes bya ba'i sngags kyis bsreg cid nyi ma gsum du las 'di byas na/ bskal pa grangs med pa gsum du yang bu mo 'byung bar 'gyur ro zhes bya ba'i don to/ /bcu bzhi 'am yang na tshes brgyad la zhes bya ba la sogs pas ni dgug pa'i rdzas bstan pa yin te sngon du bstan pa ltar bcu bzhi 'am ches brgyad la dur khrod gyi sol ba blangs la cho ga bzhin du byas te zla ba gzas zin pa'i tshe khar bcug ste gsang sngags bzlas pa byas nas/ de nas gdul bya'i ming la sogs pa bris na gdul bya 'dul bar 'gyur ba gdon mi za'o/ /sngags shes pas ni bsgoms na gang yang rung ba'i ri mo bri zhes bya ba ni sngon du bstan pa bzhin no/ /tho ba zhi ba la bsgoms nas zhes bya ba ni bdag khro bo'i ting nge 'dzin du gnas pa las sbrul ba tho ba thogs pa mang po byung ste gang la bya ba'i gzugs brnyan la brdeg par bsgoms na 'di yis 'dul bar 'gyur bas sbyor ba dag gis nges par ltung zhes so/ /sbyor ba gzhan gsungs pa/ hUM ni rab tu 'bar dang bcas/ /zhes pa ste/ 'di'i sbyor ba ni khro bo'i sbyor bas sprul pa'i pho nya rnams kyi lag na hUM las bskyed pa'i rdo rje thogs pas bsgrub bya gzhig par bsams na 'grub bo/ /gzhan yang rdo rgyus sol ba la sogs pas skyes pa 'am bud med kyi gzugs bris la zhes bya bas liM ga byas te/ bdag gi sprul pa lag na sta re thogs pa rnams kyis liM ga la bstims pa'i bsgrub bya'i mid pa bcad par bsgoms na gang yang rung ste snad ba 'am 'chi bar 'gyur ro/ /las kyi rdo rje rab 'bar ba zhes bya ba la soT pa ni mnan pa'i las yin te/ 'di ni 'og gi rlung dang char pa bcad pa la sbyor bar bya'o/ /'di'i sbyor ba ni bdud rtsi 'khyil ba'i ting nge 'dzin du zhugs nas rlung ngam char ba yang rung ste gang yang rung ba'i mdun du bsams te/ de'i steng du las kyi rdo rje rgya gram gyis mnan pa'i dbus
- 40a
na rdo rje 'greng bus mtshan ba bsams nas gdug pa'i sgra a mri ta kuN+Da li dran par byas na sangs rgyas kyi sprul pa'ang 'jig na gzhan lta ca smos/ da ni gong du smos pa'i gzungs dang gnyis su med pa'i sbyor ba'i mtshan nyid dang/ byang chub kyi sems spro zhing byin gyis brlab pa'i yi ge rnams ston pas de la sngags 'di ni thams cad kyis gsang ba'i snying po'o/ /phaT ces bya ba la sogs pa gsungs te/ 'di'i sbyor ba ni bdag gtso bo yab yum gyi sku phyag rgya chen po bskyed de/ mkha' gsang rnam pa gnyis byin gyis brlabs pa'i tshe rdo rje'i bu gu'i nang na byang chub kyi sems spro ba'i phaT nag po yod pa'o/ /ye shes sems dpa' i sbyor ba yis/ /dbus su gzugs ni bsgom par bya zhes bya ba ni bdag nyid ye shes sems dpa' dang ldan pa'i gtso bor bskyed pa'o/ sngags shes pas ni gnas bzhi ru/ /bud med rtag tu bzhag par bya zhes bya ba ni mtshams kyi lha mo bshes gnyen ma bzhi rtag tu gnas pa nyid do/ /rgyan rnams thams cad yongs su rdzogs/ /mtshan rnams thams cad kyis ni mchen zhes bya ba ni lha me'i yon tan no/ /pad+ma rab tu rgyas byas nas/ sngags ni rnam par bsgom par bya/ /hUM zhes bya ba ni hUM gis pad+ma dang rdo rje byin gyis brlabs bar bya'o/ /rang lus ngag sems rdo rje la/ /phab na byang chub thob par 'gyur zhes bya ba ni byang chub kyi sems babs pa'i yon tan no/ /kha cig na re bdag ye shes sbyor ba dang ldan pa'i mtshan thams cad yongs su rdzogs pa'i bud med pa ni rgyan gyis brgyan te yum bzhir byin gyis brlabs nas phyogs bzhir bzhag ste gnyis su med pa'i sbyor bas pad+ma rgyas par byas nas/ hUM zhes byang chub kyi sems dbab cing phaT zhes pa byang chub kyi sems spro bar bya'o zhe'o/ /bzhin bzangs phan par 'dod pa yi/ /bud med rnyed nas cho ga bzhin/ /dben par mchod pa brtsam par bya/ zhes bya ba ni gong du bstan pa'i gsang
- 40b
ba'i sbyor ba de tshul 'di lta bur byas te/ gsang ba byang chub kyi sems sangs rgyas 'dus pa'i bdag nyid dam rang gi rigs kyi sbyor bas 'thungs te rnam par mi rtog par byas na ji skad bstan pa bzhin du 'gyur ro/ /bshad ba'am yang na 'bras chan nam/ sha dag ?? gzhug par bya/ zhes bya ba la sogs pas ni bdud rtsi ri lu bsgrub pa'i cho ga lhag ma bstan te/ 'di'i sbyor ba ni bshad ba dang 'bras chan byang chub kyi sems dang sha rnam pa lnga dag las rang gi rigs kyi sha gcig dang/ de rnams bsres te ri lu bya yang na bshad ba ni bdud rtsi rnam pa lnga ste/ de dag dang 'bras chan nyid dang/ rigs kyi sha gang yang rung bdun du sbyar te ri lu byas la de b+ha gar bzhag ste bsgoms nas mtshan ma thob par sbyar ba byas te byang chub kyi sems dang bcas te zos na sangs rgyas kyis kyang mi mthong bar 'gyur ro/ /gzhan gsungs pa/ gsang ba cho ga bzhin blangs la/ /khams phor sbyar mar bzhag par bya/ zhes bya ba gsungs pa ste/ 'di'i sbyor ba ni bshad ba dang mar khu sbyor te ban da'i 'jeg phor cig tu blug la/ 'og tu bnod bzang po zhig bzed de/ de la gsang sngags brgya rtsa brgyad bzlas nas zos na mi snang bar 'gyur ro/ /de bzhin du mi snang ba'i thabs 'di dag kun kyang 'di lta bu'i sbyor bas byin gyis brlabs te mtshan ma thob pa dang zos na mi snang bar 'gyur ro/ /zhes bya bar sbyor ro/ /kha cig 'dod la ni bshad pa zhes 'byung ba dang/ bdud rtsi rnam pa lnga ched ba yin te/ 'di sha rnam pa lnga re rer sbyar te ri lu bya 'o zhes 'dod do/ /ga bur cen dan sbyar pa yi/ /ril bu lcags gsum gyis dkris pa zhes bya ba ni byang chub kyi sems dang pad+ma rak+ta sbyar pa'o/ /rnam gcig tu tsan dan ni gshad pa yin te de la ri lu bya'o/ /kha cig ni ga bur tsan dan nyid du 'dod de/ /gai wang a ka ru sbyar ba'i/ /ri lu lcags gsum gyis dkris pa/ zhes bya ba ni bshad pa dang dri chung sbyar ba'o/ /ga bur gur kum sbyar ba
- 41a
yis/ /zhes bya ba ni bshad pa dang bu bar sbyar ba'o/ /kha cig ni 'di dag dngos bzhin du 'dod de ji ltar yang 'gal ba ma yin no/ /de lta bu'i sgrub pa de dag kyang rdo rje 'dzin pa'i ting nge 'dzin nam rang gi rigs kyi lha'i ting nge 'dzin gyis bya bar bstan pa'i phyir/ rdo rje 'dzin pa 'am gang yang rung ba/ phyag rgya chen por byin brlabs na/ /de ni dpal dang ldan pa yis/ /sangs rgyas 'od dang 'dra bar 'gyur zhes gsungs so/ /de nyid kyi yon tan ni 'dod khams pa'i bu mo ni zhes bya ba la sogs pa gsungs te/ lha'i bu mo dag la 'dod pa spyod par 'gyur ro/ /de nas de bzhin gshegs pa thams cad don de la mnyes par gyur nas ngo mtshar gyis tshig gsungs pa ni/ /e ma'o rab tu ngo mtshar che/ zhes bya ba la sogs pa ste/ mi gtsang pa'i rdzas rnams kyang dngos grub kyi rgyur gyur pa ngo bo nyid kyis dag par gsungs pa ngo mtshar ro zhes so/ /da ni dkyil 'khor gyi lha rnams la rang gi rigs kyis phyag rgyas rgyas gdab pa bstan pa'i phyir/ de nas ston pa rdo rje 'dzin/ zhes bya ba la sogs pa gsungs te/ de las sangs rgyas rdo rje can rnams kun/ /rdo rje'i sbyar bas mnyes par 'gyur/ zhes bya ba ni rigs lnga sangs rgyas la rdo rje 'dzin pa'i dbu rgyan byas na de dag mnyes par 'gyur zhes bya ba'i don to/ /sangs rgyas rdo rje rab dbye bas/ /rdo rje 'dzin rnams mnyes par 'gyur/ zhes bya a ni rdo rje 'dzin pa rigs lnga'i dbye ba zhig gis dbu rgyan byas pa ste/ de la rdo rje 'dzin pa ni rgyu yin la rigs lnga ni de zhu ba las bskyed pa'i phyir 'bras bu yin te/ de dag phan tshun gdab pa ni 'di skad du rgyu las 'bras bus rgyas gdab cing/ /'bras bu la yang rgyus rgyas gdab ces gsungs pa yin no/ /rdo rje can gyi gzugs la sogs/ /gtsug tor mnyes par byed pa yin zhes bya ba ni rigs lnga'i dbye ba de ni rdo rje 'dzin mnyes par byed bar ma zad kyi rdo rje can gyi gzugs ?? soT
- 41b
te/ sta mo thams cad kyi gtsug tor tu yang mtshan zhing mnyes par byed pa yin no zhes pa'o/ /khro bo rnams las de mchog ste/ zhes pa ni khro bo bcu po bsgom pa rnams las rigs lnga po des dbu brgyan zhing mtshan pa ni mchog yin te/ ji skad du/ bsam med gzhan gyi dngos grub ni/ /bskal pa bye bar yongs mi 'gyur/ zhes pa'i phyir ro/ /des ni dkyil 'khor gyi lha rnams kyi rgyas gdab pa'i mtshan nyid bstan to/ /da ni las phran tshigs kyis rgyas btab pa'i mtshan nyid bstan te/ rig pa'i rgyal po chos mchog rnams/ /dkon mchog dpal ni rnam par bsgom/ /zhes bya ba ni rig 'dzin bsgrub pa dag la dkon mchog dpal gyis bya'o/ /rig pa'i rgyal mo sbyor ba la/ /tshe dpag med par rab tu bsgom/ zhes bya ba ni lha mo bsgrub pa dag la tshe dpag med kyis bya'o/ /thams cad las byed sngags rnams la/ /gdon mi za ba'i bka' bsgo'o/ /zhes bya ba ni bran rnams la gdon mi za bas so/ /sngags rnams thams cad nyid la ni/ /rdo rje sems dpa' rnam par bsgom/ /zhes bya ba ni gong du rgyas btab pa gsal bar smos pa'i lha rnams cad las byed sngags rnams la/ /gdon mi za ba'i bka' bsgo'o/ /zhes bya ba ni bran rnams la gdon mi za bas so/ /sngags rnams thams cad nyid la ni/ /rdo rje sems dpa' rnam par bsgom/ zhes bya ba ni gong du rgyas btab pa gsal bar smos pa'i lha rnams la rdo rje sems dpa' mtshan par bya'o/ /gnod sbyin ma yi sngags rgyud la/ /gshin rje gshed ni brtags par bya/ /zhes bya ba ni gnod sbyin ma bsgrub pa'i dus la sogs par ro/ /de ltar na/ sngags rnams thams cad nyid la ni/ /spyi bo nas ni bskul ba shis/ zhes gsungs pa ste/ kun kyang rgyas btab cing mtshon na mi 'da' ba' i phyir de nyid kyis na/ bsam gtan 'khor lo 'di yis ni/ /sngags mnyes par dang dkyil 'khor dag /bsgrub pa la ni de gsungs te/ /dam tshig chen po ston pa'o/ /zhes gsungs so/ /da ni dbab pa'i las bstan te/ da yang dkyil 'khor bri ba la sogs pa byed du gzhug pa bya ba'i phyir de nas ston pa rdo rje 'dzin zhes bya ba la sogs pa gsungs te/ de la ri rtse nyams ni dga' ba dang/ zhes bya bas gnas bstan te/ /sngags zlos pa yi sbyor bu
- 42a
yis/ zhes bya ba ni bskul ba'i thabs bstan te/ 'og nas 'byung ba'i huM ha a(rgyud 'grel): dzhai(rgyud 'grel): zhes bya ba'i sngags kyis bskul na rdo rje sems dpa' la sogs pa lha thams cad las la sbyor bar 'gyur ro/ /rdo rje chos kyi gzugs chen po/ / pad+ma rA ga'i 'od 'dra ba ces bya ba la sogs pas ni dbab snod byin gyis brlab pa bstan te/ 'di ltar 'og nas 'byung ba'i dbab snod rdo rje chos su bsgoms te/ /de'i gnam gsum du sku gsung thugs rdo rje'i rigs kyi lha gsum bkod de dbab par byas na gdon mi za bar grub po zhes bya ba'i ngon to/ /dbab par bya ba gang zhig ce na/ sa bla'i rigs chen bskul ba dang/ 'phags pa bzhi po dag kyang ni zhes smos te/ sa bla'i lha'i bu khyad par du 'phags pa mngon shes dang rdzu 'phrul dang ldan pa dag gam rigs bzhi'i 'phags pa dag kyang rung ste 'di dag dbab par bya'o/ /rab ba snod gang la bya zhe na/ bu mo lo grangs bcu gnyis ma 'am/ lo grangs bcu gnyis lon pa'i khye'u zhes bya ba gsungs te/ 'di dag la khrus la sogs pa'i cho gas legs par dbab par bya'o/ /zhes bya ba'i don to/ /rnam pa gzhan du byas na ni/ /khams gsum skye bos dpyas par 'gyur zhes bya ba ni las 'di dag legs par ma byas na skye bo'i dpyas par 'gyur ba'o/ /kha cig na re las gang byang kyang phra phab nas ma byas na las ma grub pa dang dpyas par 'gyur ro zhe'o/ /gang gis bskul zhe na/ hUM hA A(rgyud 'grel): dzhai(rgyud 'grel): zhes gsungs te/ 'dis ni nam mkha' phebs par 'gyur na gzhan lta ci smos zhes bya ba'i don ho/ /snying po de dag gang rang gang gi yin zhe na/ hUM ni rdo rje sems dpa' i bdag ces bya ba la sogs pa gsungs te sku gsung thugs bskul ba'i bdag nyid du bshad do/ /de ltar bskul ba'i phebs pa dang 'gul ba dang 'phar bar 'gyur ro zhes pa'i don to/ /de la dbab pa
- 42b
la sogs pa'i las phran tshogs 'di dag las la sbyar ba tsam gyis 'grub pa dang dbang bskur ma thag tu slob ma la me rtog pa'i ye shes skye ba ni bla ma ye shes 'ga' la dbang thob pas sbyar ba yin par sbyar ro/ /de la 'di'i sbyor ba ni dbang snod rdo rje chos su bsgoms pa'i lus la sku gsung thugs kyi bkod de/ de la snying kar hUM rlung gi ngo bo nyid bsgom mo/ /'grin par A(rgyud 'grel): chu'i ngo bo nyid bsgom/ spyi bor ha sa'i ngo bo nyid bsgom/ rkang mthil dzhai(rgyud 'grel): me'i ngo bo bsgoms nas/ gsang sngags de nyid kyis bskul nas dbab snod g.yo ba dang 'phar bar 'gyur te/ de nas de bzhin bzung ste dkyil 'khor bri ba la sogs pa'i las bcol ba dang dgongs pa bri ba la sogs pa byas te/ de nas mnyes par bya ba dang bzod par gsol ba byas nas de nas bra gsang ba'i cho ga byas nas dbab snod la dbang bskur te bzhag go /da ni gdug pa gzhig pa'i las la sogs pa bstan pa'i phyir/ de nas rgyal po rdo rje 'dzin zhes bya ba la sogs pa gsungs te de la/ rtse gcig ma gyur pa yis kyang/ brtul zhugs brtan pas 'di dag bya/ las rnams gzhan du mi bya ba/ /gdug pa thams cad gzhig pa'o/ /zhes bya ba ni rtse gcig pa'i ting nge 'dzin med pa rnams kyis kyang brtul zhugs la brten pa'i phyi rol rdzas kyi sbyor ba'i sgo nas gdug pa gzhig pa 'di dag ni bya la bya ba ma yin pa ni bsam gtan gyi sgo nas gdug pa gzhig pa la sogs pa thabs kyi sbyor ba mdza' dag mi bya ste mi 'grub pa'i phyir ro/ /kha cig na re 'di dag bya zhes bya ba ni dbab pa la sogs pa'i las yin la mi bya ba ni man chad gyi gdug pa gzhig pa kun yin te mi rtog pa'i phyir yin no zhes zer ro/ /de la dgra'i gzugs brnyan byas nas ni zhes bya ba ni thal ba las la ga byas te/ gnas dur khrod du song nas gshin rje gshed la sogs pa'i sbyor ba ldan pas skra bshig gcer bur phung de/ khro bo'i gsang sngags stong rtsa brgyad bzlas na 'chi ba
- 43a
gdon mi za'o/ /dkyil 'khor gru gsum byas pa la zhes bya ba la sogs pas ni sbyin sreg bstan pa yin te gshin rje gshed kyi sbyor bas ba lang sha la sogs pa bsreg cing/ oM h+rI(rgyud 'grel): Sh+TI zhes bya ba'i sngags kyis sbyar nas 'grub? par 'gyur ro/ /sha chen gyis zhes bya ba la'ang de bzhin du sbyar ro/ /dgra bo'i gzugs brnyan byas nas ni/ /bshad gci dag gi chos mchog gis zhes bya ba la sogs pa yang de bzhin du sbyar ro/ /dgra bo'i gzugs brnyan byas nas ni/ /chu bo 'bab pa'i 'gram gnyis su zhes bya ba la sogs pa ni liM ga gzir ba'i thabs yin te/ 'di'i sbyor ba ni chu 'gram gyi sa las li ga byas te/ gdug pa las byung ba'i tshe ma'am yang na sgrub gdug pa'i rus pa'i tshor mas la ga la gsib cing oM h+rI(rgyud 'grel): Sh+Ti zhes pa'i sngags bskul tshig dang bcas pas liM ga la til 'bru tsam yang ma lus pa dag par bya'o/ zhes so/ /ske tshe lan che zhes pa ni drag po spyi'i rdzas te/ de dag la sogs pa gzhan ni go sla'o/ /da ni las thams cad pa'i sngags te/ 'dod pa na spyod pa dang gzugs na spyod pa'i lha dag ste de dag kyang 'jig par 'gyur zhes bya ba'i don to/ /rdo rje sems dpa' khro bo che/ zhes bya ba nas 'ug pa bya rog bya rgod dang/ /ring du sgra 'byin wa rnams kyis zhes bya ba'i bar du ni thams cad khro bo'i sprul pa'i cha lugs su sbyar bar bya'o/ /sbrul nag rab tu khro bo ni/ zhes bya ba la sogs pa ni dug bskul ba'i chog yin te/ 'di ni sgrub rab tu ga dug pa bsgrub bya'i dpal bar bsams na 'jig par 'gyur ba'i don to/ /la cig na re dug nar
- 43b
na ba'i dpral bar sbrul bris te/ mdun du dgra'i li ga zhig byas la sbrul de'i khas nang pa'i dug thams cad bsdus nas gnas pa la sngags pa'i lag las sgrub dang bcas par byabs te/ mdun gyi li ga la bstim na dug gis zin par 'gyur ro zhe'o/ /tho dang sta re la sogs pa ni sprul pa'i lag na thogs par sbyar ro/ /bsrung ba la sogs snags rnams dang/ /lha rnams kyang ni gnod par byed/ /ces bya ba ni dgra bo bsrung ba'i bsngags pa dang lha yang 'chi bar 'gyur ro/ /rdo rje phung pos ji tsam du zhes pa la sogs pa ni phung po'i tshogs su gnas pa'i phyir sems can dkyil 'khor la gnas pa yin te/ des bsang na mnyes par 'gyur ba yin no/ /de lta bu'i las bstan pa la ngo mtshar ba'i don gsungs pa ste/ rnam par dag pa'i don la skye ba'i 'phrul par snang ba ni ngo mtshar che'o/ /zhes pa'i don to/ /da ni dug sbyad ba la sogs pa bstan pa'i phyir/ de la 'di ni phran tshegs zhes bya ba la sogs pa gsungs te/ 'di'i sbyor ba ni rta mgrin gyi ting nge 'dzin du gnas pa'i dpra la bar ji skad smos pa'i sbrul rdo rgyus sam sol bas bris te/ de'i khar yi ge khi bsams lce la h+rI(rgyud 'grel): bsams te/ de'i kha nas 'byung ba'i 'od zer gyis dug thams cad bsdus par bsams na dug thams cad 'byin par 'gyur ro/ /de bzhin du sdig pa dang nya khyi la sogs pa'i gzugs snga ma bzhin du bdag gi dpral bar bri ste zhes bya ba ni tha tshig go /lta ba rdo rje dug la sogs zhes bya ba ni la sogs pa dug gtor ba'i ting nge 'dzin ni bdag rnam par snang mdzad du bsgoms pa'i thugs kar 'khor lo la gnas pa'i oM bsams pa'i 'od zer gyi dung/ thams cad gtor bar bsams na lta ba'i dug dang rdo rje'i dug la sogs pa thams cad 'pho bar 'gyur ro/ /hUM rdo rje chen po'i 'di zhes bya ba la sogs pa dug 'byin pa 'di ni bdag nyid sku gsung thugs dang ye shes sems dpa' dang bzhi bsgoms pa'i
- 44a
thugs kar hUM dkar po bzhi bsams pa las 'od 'phros pas dug thams cad dbyung bar bya'o/ /nye ba'i gso ba ni bdag gi thugs kar pad+ma dkar po bsgoms pa'i dbus su a(rgyud 'grel): dkar po 'od lnga rdzogs par 'phro ba bsams te/ des dug bsdus pas nag po'i tshul du dbyung bar bya'o/ /kha cig na re pad+ma dang sa 'dzin tsam sku gsung thugs kyi so so nas yi ge gsum gyi sbyor ba bya'o zhes zer ro/ /nad thams cad gso ba ni jin dzig ces pa la sogs pa'i gsang sngags ldzas? sku gsung thugs kyi lhar bskyed de gsang sngags 'di rnams kyis bskul bas nad kyi bdag nyid spre'u 'am khyi gu lta bu lus las phyung ste/ 'khor lo 'am rdo rje la sogs pas de dag phye mar brlag par bsgoms na 'grub par 'gyur ro/ /kha cig na re spre'u 'am khyi gu ni 'byung ba'i dpe yin te/ ji ltar spre'u 'am khyi gu khung nas 'dzul ba na thags thogs med par 'byung ba de bzhin du nad phyir 'byung ba'o zhes zer ro/ /lus dang ngag sems rdo rje la/ /sangs rgyas sprin dag rnam par bsams/ zhes bya ba ni sku gsung thugs kyi lha bsgom pa'o/ /phyogs bcu'i sangs rgyas thams cad dang/ /blo ldan rdo rje sems dpa' dag /de la khros par bsams na ni/ 'chi bar byed pa dam pa yin/ zhes bya ba ni sang rgyas thams cad log par rtog pa dag la khro bar bsam zhes bya ba ni/ mdor na lha'i ting nge 'dzin nyid rang bzhin gyis khro ba yin pa'i phyir ro/ /bsam gtan sbyor ba 'di dag gis/ /las dang sdig las skyed pa med ces bya ba ni de dag gis mi gos pa'o/ /bzlas pa'i sbyor bas nyid bdun du zhes bya ba la sogs pas ni bdag sku gsung thugs kyi sbyor ba dang ldan pas brgya rtsa brgyad du gsang sngags bzla bar bya ste/ nyi ma mdun du byas na 'grub par 'gyur ro/ /de bzhin du rang yi dam gyi lha 'am bsam gtan gyi sbyor ba gang gis kyang 'grub par
- 44b
'gyur ro zhes bya ba'i don to/ /da ni chos thams cad rmi lam lta bur bstan nas chos thams cad rang bzhin gyis rnam par dag pa la yang sgyu ma tsam gyi rmi lam rnal 'byor pa brtson pa dang ldan pa rnams la rmi lam gyi mtshan nyid snang bar bstan pa'i phyir de nas ston pa rdo rje zhes bya ba la sogs pa gsungs so/ /de la gang 'byung zhe na/ bsam gtan bzlas la 'bang pa yis/ zhes bya ba la sogs pa gsungs so/ /ji ltar snang zhe na/ sangs rgyas byang chub sems dpa' rnams/ /zhes pa la sogs pa ste/ 'di dag ni mtshan ma rab tu bstan pa yin no/ /lus dang dag sems mthu las skyes/ /rgyan rnams thams cad rdzogs pa yi/ zhes bya ba la sogs pa ni mtshan ma 'bring du bstan to/ /sna tshogs kun dga' skyed mos tshal zhes bya ba la sogs pas ni tham bstan to/ /de la 'di ni rmi lam rnam par dpyad pa zhes bya ba la sogs pas ni rmi lam rang bzhin med par bstan to/ /sangs rgyas rnams kyis ngo mtshar ba gsungs pa'i nam mkha' la ni bsgom zhes bya ba'i tshig rnam par dag pa'i bdag nyid la dag pa'i rmi lam tsam du snang ba'o/ /de man chad nam mkha' i dpes rmi lam dang rmi lam 'dra ba'i chos thams cad rang bzhin med par bstan to/ /bcom ldan 'das de bzhin gshegs pa thams cad 'di lta ste/ dper na yid bzhin gyi nor bu rin po che ni zhes pa la sogs pa'i dpes ni chos thams cad sems la gnas par bstan pa'o/ /kha cig na re 'di ni chos ston pa'i dpe yin te ji ltar nor bu rin po che'i yon tan gang zag gi 'dod pa'i sems la gnas kyi rin po che la mi gnas pa de bzhin du de bzhin gshegs pas bstan pa'i dam chos rnams kyang zhu ba po'i shes pa'i rgyud la gnas pa yin no/ /de lta na ri rgyud dang ston pa tha dad par 'gyur ro zhe na de ni ma yin te/ me long dag pa la gzugs brnyan thams cad snang ba 'am me long la mi gnas kyi khyad par de dag ni gzugs la gnas te/ 'on kyang gzuT
- 45a
brnyan dang me long ni tha dad pa ma yin la gzugs brnyan gang yin pa de yang me long gi chos yin no/ /de bzhin du ston pa dang rgyud kyang rig par bya'o/ /zhes zer ro/ /nam mkha' i rjes su 'brang ba'i chos thams cad sangs rgyas kyi chos rnams rjes su dran pa ngo mtshar to zhes bya ba ni nam mkha' i rjes su 'brang ba ni nam mkha' dang mthun pa ste/ rang bzhin med par 'jug pa'o/ /sangs rgyas kyi chos ni kun nas dkris pa las 'grol ba'i mtshan nyid mthun pa ngo mtshar to zhes pa'i don to/ /chos thams cad ni bdag gi lus dang ngag dang sems la gnas so zhes bya ba ni chos thams cad sems snang ba yin te gung na med pa'i phyir ro/ /sems nam mkha' la gnas so zhes bya ba ni sems rang bzhin med pa'i phyir rten du 'gyur med de/ de'i phyir nam mkha' la gnas so zhes bya'o/ /nam mkha' ni ci la yang mi gnas zhes bya ba ni de nyid kyi rang gi ngo bo brjod pa yin te nam mkha' gnas tshol ba ma yin no/ /rang gi sems kyi chos kyi gnas sems shing cang mi smra bar 'khor bar gyur to/ /zhes bya ba ni bka' stsal ba'i don la gnas par 'gyur ba'o/ /le'u bco lnga pa'o// //da ni le'u bzhi par zhus pa'i dkyil 'khor bshad par bya'o/ /zhes gsungs pa la/ thugs kyi dkyil 'khor ni don nyid du bshad nas sku dang gsung gi dkyil 'khor bstan pa'i phyir/ de nas de bzhin gshegs pa rnams yang 'dus nas zhes bya ba la sogs pa gsungs te/ de la rdo rje tshig gis gsol ba btab nas zhes bya ba la/ ji skad du gsol ba btab pa ni le'u bzhi pa nyid la ltos pa yin no/ /de nas sku yi dkyil 'khor mchog /thugs kyi rdo rje rab 'dra ba/ /ces bya ba ni ji skad bstan pa'i thugs kyi dkyil 'khor dang bye brag med do zhes pa'i don to/ /kha cig na re 'di nyid sems kyis bsgoms pa dang rdul tshon du bye brag me mdo
- 45b
ces zer ro/ /khru ni bcu drug tshang du bya/ zhes bya ba ni khor yug tu'o/ /sngags rnams kyi ni gsang ba'i mchog /phyag na rdo rje'i gnas su bya ba zhes bya ba ni ji ltar thugs kyi dkyil 'khor la phyag na rdo rje bris pa de'i gnas su 'dir rnam par snang mdzad bri ba'o/ /mi bskyod pa yang bri bar bya zhes bya ba ni 'dir shar du ste/ rang gi sgra ni gzhan bsdu ba yin gyi dbus kyi gnas la bri ba ni ma yin no/ /gzhan ni ji lta ba bzhin du bri bar bya'o/ /de la mchod pa ni/ rdo rje gsang ba las byung ba'i/ /mchod pa sngags shes pa yi bya/ zhes bya ba la sogs pa ste/ 'di ni bsang ba gnyis su med pa'i sbyor ba'i mtshang ba'o/ /bshad pa dang gci ba la sogs pa/ bye brag tu ni nges par dbul/ /zhes bya ba ni bdud rtsi lnga'i mchod pa ste/ gsang ba'i dkyil 'khor du bsngags pa yin no/ /zhes bya ba'i don to/ /de ltar sku'i dkyil 'khor bshad nas/ gsung gi dkyil 'khor bshad pa'i phyir de nas zhes bya ba la sogs pa smos te/ de la thugs kyi rdo rje rab 'dra ba zhes bya ba ni snga ma bzhin no/ /khru ni nyi shu'i tshad du bya zhes pa'ang 'khor yug tu'o/ /tshe dpag med pa'i phyag rgya chen/ /de yi dbus su bzhag par bya zhes bya ba ni ji ltar sku'i dkyil 'khor du rnam par snang mdzad bzhag pa de bzhin du 'dir tshe dpag med bzhag pa'o/ /mchod pa yang sbyor ba'i mchod pa dang bdud rtsi lnga'i mchod pa ste snga ma bzhin no/ /gsung gi dkyil 'khor bshad nas sku gsung thugs rab tu gsang ba spyi'i dkyil 'khor gyi tshul bstan pa'i phyir/ de nas zhes bya ba la sogs pa smos te/ de la/ rdo rje 'dzin mchog gang yin mchog /mchog gang yin pa zhes bya ba ni dkyil 'khor gtso bo sku gsung thugs kyi lha gang gis byas pa dkyil 'khor yang de'i dkyil 'khor du 'gyur ba'i don to/ /da ni dkyil 'khor thams cad kyi spyi'i thig gdab pa'i cho ga bstan pa'i phyir/ de nas zhes bya ba la sogs pa gsungs te/ de la 'khor lo 'byung ba ces bya ba ni rdo rje thig nyid do/ /hUM oM A(rgyud 'grel): swAhA zhes
- 46a
bya ba ni ye shes lnga'i thig gdab pa'i snying po'o/ /rdo rje'i thig ni gdab pa dang/ /tshon rtsi dag ni dgye pa dag /sngags kyi sems dpas mi bya ste/ 'dir sngags pa ting nge 'dzin dang ldan pa tha na yang ye shes dka' la dang thob pa ni sngags kyi/ / sems dpa' zhes bya ste/ des ni bdag nyid kyi dkyil 'khor bri ba mi bya ste g.yeng bar 'gyur ba'i phyir gong du 'byung ba bzhin du pra phab ste/ 'dir dkyil 'khor 'brir bzhug go /zhes pa'o/ /de nyid bstan pa'i phyir/ /de bas dam tshig tshul shes pas/ zhes bya ba la sogs pa gsungs te/ g.yeng bas byang chub la ring du 'gyur pa'i phyir dbab pa la sogs pa dam tshig gi tshul shes pa'i rnal 'byor pas sngags kyi lha rnams lus kyi gnas rnams su phab ste dkyil 'khor bri ba'i las brtag cing spyad par bya'o/ /de yang sku gsung thugs kyi bye brag gis rang gi rigs kyi lha dbab par bstan pa'i phyir/ rgyal chen rnam par snang mdzad dam/ /yang na spyan ni dbab par bya zhes bya ba la sogs pa gsungs te/ de la sku'i dkyil 'khor 'dri na dbab snod rnam par snang mdzad du bsgoms te de'i lus la rnam par snang mdzad spyan dang bcas pa phab la dkyil 'khor 'brir gzhug go zhes bya ba'i don to/ /de bzhin du gsung dang thugs dag la yang rdo rje chos dang rdo rje sems dpa' yum dang bcas pa phab ste dkyil 'khor bri bar bya'o/ /de ltar byas na yid la dbang bnyid gshegs te sku gsung thugs kyi dngos grub stsol bar 'gyur ro zhes bya ba'i don to/ /kha cig na re 'dir ni ting nge 'dzin la mchog tu bsngags pa yin pas phyi'i bya ba la smad pa tsam yin te/ dbab pa yang dkyil 'khor byin gyis brlab pa yin no zhes zer ro/ / da ni sngags kyi sems dpas bya ba'i thabs bstan pa'i phyir/ sngags kyi sems dpas bya ba yang zhes bya ba la sogs pa gsungs te/ 'dir slob ma dbang bskur ba 'am de kho na nyid kyi don bsgom yang rung ste/ sngags pas bya ba'i las ni dkyil 'khor ji lta
- 46b
ba bzhin du bskyed la/ khro bo'i rgyal po rnams kyis ye shes kyi dkyil 'khor spyan drangs te/ zhar la 'ongs pa'i bgegs bskrad nas ji skad smos pa'i mchod pa rnams kyis mchod par bstan pa'i phyir/ rdo rje gsang ba rmad po che/ /khro bo'i rgyal po bkug nas ni/ / zhes bya ba la sogs pa gsungs pa yin no/ /de la dam tshig mchod pa dus gsum du/ /zhes bya ba ni sbyor ba dang dam rdzas bdud rtsi lnga'i mchod pa'o/ /rmad du byung ba'i gtor ma dbul ba ni/ sha rnam pa lnga dang ldan pa'i gtor ma dkyil 'khor gyi lha la dbul lo/ / bshad dang ga ci dang 'bru mar dang zhes bya ba la sogs pa'i mchod pa yang dam tshig gi mchod pa nyid do/ /thig gdab pa yi cho ga 'di/ /bdag nyid nam zhig spyod pa na/ zhes bya ba ni gal te bdag nyid ye shes kyi rtsal dang mi ldan te/ las dang po bdag yin na 'di ltar bya ste/ bla ma rnam par snang mdzad la sogs pa ji skad smos pa'i sku gsung thugs kyi lha ru bsgoms nas slob ma rdo rje las su dbang bskur te dag par bya'o/ /sangs rgyas rgyal po lnga rnams ni/ /rdo rje'i thig skud dag la dgod/ /ces pa ni thig byin gyis brlab pa'i cho ga bya ba'o/ /rnam pa nyi shu rtsa lngar ni/ /tshon rtsi dag kyang rnam par bsgom/ zhes bya ba ni nyi shu rtsa lnga'i bye brag gis sa tshon byin gyis brlabs pa yin no/ /kha cig na re 'di ni thig gi grangs yin te tshon yang 'di la ltas pa yin no zhes zer ro/ /sngags rnams thams cad nyid la yang/ /rdo rje hUM ni bsgom par bya zhes bya ba ni slob dpon rigs gang yang rung bar bsgoms pa'i dbu rgyan du rdo rje hUM bsgom pa'o/ /de'i gnas lngar yang rigs lnga bkod de bsgoms nas dkyil 'khor gyi las byas na byin gyis brlob par 'gyur ro/ /sngags kyi rgyud kyi bdag po ni/ /rdo rje sems dpa' i ting nge 'dzin gnas/ /zhags pa lcags kyu rdo rje bsnams/ /brtan pa'i blos ni brtag par bya zhes bya ba ni mchen ma brtag pa yin te/ de ltar bsgoms pa'i bla mas dkyil 'khor 'dri ba'i dus su
- 47a
byang shar du re khA mtho gang pa zhig bris te/ de bka' la de nas slob mas dkyil 'khor bri bla ma phyir byung ste bum pa byin gyis brlabs pa bya'o/ /de nas nang du zhugs te re khA'i rtags blta bar bya ste/ ji ltar zhags pa la sogs par snang na dngos grub 'grub pa'i mtshan ma yin no/ /bshad gci dang 'bru mar la sogs pas sbyin sreg bya ba ni dbang rdzogs pa dang bya bar shes par bya'o/ /dbus su lha'i gzugs bsams te/ 'khor lo dag ni dbab par bya/ zhes bya ba ni dkyil 'khor gyi bdag nyid gtso bo dbus su bsgoms te ye shes kyi dkyil 'khor dbab ste ji skad gsungs pa'i sbyin sreg bya'o/ /rnam gcig tu lha'i gtso bo'i gzugs su bdag nyid bsgoms te/ lha'i 'khor lo thams cad bdag gi khar phab ste bdag nyid thangs dang shes rab kyi sbyor bas sangs rgyas rnams 'od du zhu ste rdo rje'i lam nas yum gyi mkha' la 'phos te gsang ba nang gi sbyin sreg bya'o/ /de nyid kyi phyir/ dbang po gnyis kyi dam tshig gi /sbyin sreg brgya rtsa brgyad du bya zhes gsungs so/ /da ni slob ma dkyil 'khor du gzhug pa bstan pa'i phyir rnam par snang mdzad sbyor ba yis/ /slob ma rdo rje las byung rnams/ zhes bya ba la sogs pa gsungs te/ 'di'i sbyor ba ni slob ma rnam par snang mdzad du bsgoms pa'i gnas gsum du lha gsum bsgoms pa'i thugs kar yi ge a(rgyud 'grel): bsgoms te de'i gnas gsum du sku gsung thugs kyi rang bzhin gyi rdo rje bzung bar bya'o/ /de ltar byas na/ rgyal chen rdo rje sems dpa' dang/ grags chen rnam par snang mdzad dag gis sku gsung thugs kyi byin rlabs stsol bar 'gyur ro/ /da ni dkyil 'khor du 'jug pa'i sngags bstan pa'i phyir a(rgyud 'grel): khaM bI ra hUM zhes smos te/ 'di ni dpa' bo chen po gsang sngags yin te/ bdud thams cad yongs su 'joms pa'i bdag nyid do/ /rigs lnga'i snying po'o/ /da ni dbang bskur ba'i ting 'dzin bstan pa'i phyir/ de la zhes bya
- 47b
ba la sogs pa gsungs te/ de la sangs rgyas kun gyi nam mkha' i khams/ /yongs su gang bar rnam par bsgom/ /rdo rje rigs ni 'dzin pa yis/ /sil snyan spros kyi sprin rnams bsgom/ /zhes bya ba ni dbang bskur ba'i tshe nam mkha' i khams sangs rgyas dang byang chub sems dpa' dang/ rigs kyi lha mo rnams kyis gang ste/ lha mo de dag gi phyag na mchod pa'i khyad par sna tshogs dang/ ye shes kyi bdud rtsis bkang ba'i bum pa bsnams pa rnams kyis dbang bskur bar bsgom mo/ /rdo rje'i dam tshig gsum sngags kyis/ / yungs kar dag gis gdab par bya/ zhes bya ba ni de'i tshe bar chad kyi bgegs bskrad pa'o/ /'di la bdud rtsi 'khyil pa'i sbyor ba shis so/ /de la de yi tshen ni/ /bdag nyid dbang bskur rab tu stsol zhes bya ba ni de bzhin gshegs pa dang lha mo de dag nyid kyis dbang bskur bar mdzad pa'o/ /rdo rje sems dpa' i ting nge 'dzin gyis/ /yang na sangs rgyas bsgom par bya zhes bya ba ni rdo rje slob dpon kyis rdo rje sems dpa' 'am/ sangs rgyas rnam par snang mdzad kyis bum pa gzung ba la sogs pa byas te dbang bskur ba'o/ /slob ma de bzhin blo brtan la/ / lus dang dag sems rdo rje can/ /sngags shes pas ni dgong par bya/ zhes bya ba ni slob ma rnam par snang mdzad du bsgoms pa'i lus la lha gsum dgong pa'o/ /sangs rgyas rnams ni thams cad kyi/ /rdo rje gsang ba gsum las byung/ /khams gsum dag gis phyag byas pa'i/ /rdo rje dbang bskur chen po sbyin/ zhes bya ba ni rdo rje'i dbang bskur ba thams cad la bla mas 'di smra bar bya'o/ /khyad par du ni phyir mi ldog pa'i dbang la sbyar gar bya'o/ /skabs 'dir ni bum pa'i dam tshig la sogs pa'i tshig gis bum pa dang dbu rgyan dang rdo rje dang/ bdag po dang ming gi dbang bskur ba byas nas rdo rje'i dbang gi don gsungs par mngon no/ /byang chub rdo rje sangs rgyas la/ /mchod chen ji ltar bgyis pa bzhin/ /bdag kyang rab tu bsgral ba'i phyir/ /nam mkha' i rdo rje bdag la stsol/ /zhes bya ba ni gsang ba'i dbang bskur ba'i
- 48a
zhu ba gsol ba'i tshig ste/ byang chub rdo rje dus gsum gyi sangs rgyas rnams la thabs dang shes rab gsang ba'i bde pa'i mchod pa sngon ji ltar mdzad pa bzhin deng bdag kyang bde ba chen por bsgral ba'i slad du gsang ba'i nam mkha' na gnas pa'i mi sha nyis pa gsang ba'i rdo rje byang chub sems kyi dbang bdag la stsol cig ces pa'o/ /rnam gcig tu nam mkha' ni bdag gi kha ste/ der gsang ba'i rdo rje nas babs pa'i byang chub sems kyi dbang stsol cig pa'o/ /de nas bla mas gsang ba'i yum la sbyor ba mdzad pa'i byang chub kyi sems kyi dbang sbyin par bya'o/ /lha'i gzugs kyis sbyor ba yis/ /snying kar bdag po bzhag par bya/ zhes bya ba ni me tog phog pa'i ye shes kyi lha thugs kar bstims pa'o/ /'di dang dkyil 'khor bstan pa ni gdong g.yogs nga grol ba'i dus sbyor bar bya'o/ /sngags kyi yi ge rnams kyang sbyin zhes bya ba ni yi dam dbog pa'o/ /sangs rgyas kun gyis gsungs pa yi/ /dam tshig gsang ba bsgrags par bya/ /zhes bya ba ni gsang ba'i dbang bskur ba'i sngon du rdo rje bzhugs kyi dbang la bstan par bya'o/ /sngags kyi bskul ba smras pa yis/ /de la sngags kyang sbyin par bya/ zhes bya ba ni sngags kyi bskul ba ni gsang ba smas pa'o/ /de la sngags kyang sbyin par bya/ /zhes bya ba ni gsang ba smras pa de la gsang ba'i dbang bskur ba sbyin pa'o/ /sngags kyi rgyal po'i dam tshig ni/ zhes bya ba ni shes rab kyi dbang ngo/ /gsang ba byin pa bstan par bya/ yes? bya ba ni gsang ba'i dbang bskur ba byin la da nas shes rab ye shes bstan te slob ma nyid kyi gsang ba'i ske la mi rtog pa'i ye shes rtag tu bzhugs pa'o/ /khu ba'am yang na bshad pa'ang rung/ /cho ga bzhin du sngags nas ni/ /rdo rje blos ni bza' bar bya/ zhes bya ba ni dbang bskur ba'i che bdud rtsi ri lu gsang ba'i b+ha ga la bzhag ste/ de slob mas su pra tiSh+Tha badzra ho zhes bya ba'i tshig gis len pa ste le'u dang por bstan pa bzhin no/ /rnam pa
- 48b
'di bzhi gsang chen te/ rdo rje can ni kun gyi gsang/ zhes bya ba ni gong du bstan pa'i gsang ba smra ba dang/ gsang ba byin pa dang/ gsang ba bstan pa dang/ gsang ba bza' ba ste/ 'di bzhi ni sangs rgyas thams cad kyi gsang bar bstan to/ /sngags kyi 'khor lo bud med gzugs sems can don phyir gnas pa yi/ zhes bya ba ni 'gro ba 'dul ba'i phyir bud med kyi phyag rgyar bstan pa ste/ /ji skad du/ sam yo ga las 'jig rten gsum 'ding bud med 'dis/ /gus par byed pa dag 'gyur/ zhes bya ba lta bu'o/ /glang po'i sha dang rta'i sha zhes bya ba la sogs pas ni mchod pa dang bza' ba'i rdzas bstan to/ /nyin re rdo rje slob ma la/ mkhas pas dkyil 'khor bstan par bya/ zhes bya ba ni ji srid du slob mas khong du ma chud pa de srid du bstan pa'o/ /bshad gci sha yi bya ba dang/ /rdo rje gsang ba'i tshig dag gis/ / sngags rnams kun gyi yi ge oM/ /bsgoms na de ma thag tu 'bar/ /zhes bya ba ni gong du bstan pa'i dam rdzas byin gyis brlab pa yin te de yan chad ni dkyil 'khor dang dbang bskur ba'i bya ba bstan pa yin no/ /da ni de lta bu'i dbang dang ldan pa des bsgrub pa bya ba bstan te gong du bstan pa'i bsgrub pa dang/ /phrin las thams cad kyang dbang thob nas bya ba kho na yin no/ /de la dngos grub thams cad bsgrub pa dang/ dam tshig chen po sgrub pa dang/ sangs rgyas byang chub nyid dag kyang/ /nan tan du ni bsgrub par bya/ zhes gsungs pa ni dngos grub thams cad kyi spyi'i tshul te dam tshig chen po'i bsgrub pa ni sku gsung thugs kyi bdag nyid do/ /mi snang stobs dang brtson 'grus dang/ zhes bya ba la sogs pa ni thun mong gi dngos grub bo/ /bshad gci dang ni sha chen rnams zhes bya ba la sogs pa ni gong du bstan pa'i ban de 'dzag pa'i skyong ba bstan pa nyid do/ /rdo rje bdag gzhug bsgrub pa ni/ bdag nyid rang gi lha'i sbyor ba dang ldan pas mdun gyi nam mkha' la yi ge h+rI(rgyud 'grel): las 'phros pa'i sangs rgyas rnams kyis nam mkha' i khams gang bar bsgoms te/ de dag thams
- 49a
cad kyi sku gsung thugs rnams bdag gi sku gsung thugs kyi gsang sngags a khaM bzhes bya bas bskul te/ bdag gi sku gsung thugs la bstims te dbang du bya'o zhes bya ba'i don to/ /de la 'phro ba dang dgug pa 'og nas 'byung ba dag kyang ji lta ba'i sbyor bas bya'o/ /de la h+ra'i(rgyud 'grel): ni 'bar ba'i 'od bzang po/ /nam mkha' rdo rje'i dbus su bsam/ zhes bya ba ni chos kyi 'byung gnas kyi dbus su ji lta ba'i dkyil 'khor bsams te/ de'i nam mkha' la yi ge h+rI(rgyud 'grel): 'bar ba'i 'od can bsams ba'o/ tTI(rgyud 'grel): de las 'phros pa'i sangs rgyas kun gyis nam mkha' i khams yongs su gang bar bsgoms te/ de'i sku gsung thugs kyi gnas su bskul lo zhes bya'o/ /a khaM tha ni sku gsung thugs kyi snying po ste/ lha'i sku gsung thugs kyi gnas bskul ba'o/ /de la bdag gi sku gsung thugs kyi gnas ji ltar bsgoms zhe na/ phyag na rdo rje gzugs chen dang/ /phyag na pad+ma'i 'od chen dang/ /gzhan gyis mi thub gzugs chen dang/ bsgoms nas gsang ba'i gnas su bzhag ces gsungs pa ste de la phyag na rdo rje ni thugs kyi sprul pa'o/ / de bzhin du phyag na pad+ma dang gzhan gyis mi thub pa yang gsung dang sku'i sprul pa ste/ de dag bsgoms nas gsang ba sku gsung thugs kyi gnas su bzhag bo/ /de la sku gsung thugs kyi gnas ni/ nyi ma'i dkyil 'khor dbus gnas par/ /mi bskyod pas ni rab tu brtag /ces pa la sogs pa ste/ de la 'od chen sdug bsngal chen po yis/ /thams cad snying pos bskul bar bya zhes bya ba ni 'bad pa chen po dang ldan pas snying po'i 'od zer gyis bskul bar bya'o zhes bya ba'i ba tshig go /de la bskul ba nyid gang zhe na/ oM mdung rtse che dang rdo rje che/ zhes bya ba la sogs pa ste/ 'di dag gis bskul te dgug par bya'o zhes bya ba'i don to/ /de nas gang du bsgrub ce na/ /nyams dga' ba'i ri dag dang zhes bya ba la sogs pa smos te/ gnas 'di dag tu
- 49b
bsgrubs na de bzhin gshegs pa ri rab kyi rdul phra mo snyed dang lhan cig 'khod pa la sogs pa'i dngos grub tu 'gyur ro zhes bya ba'i don te/ rdo rje sems dpa' ye shes che/ /de bzhin gsung gi rdo rje 'dzin/ /rdo rje sku chen bzhag nas ni/ /bdag gzhug pa dag rtag tu bskul zhes bya ba ni mdor bsdus pa ste/ mdor na sku gsung thugs kyi lha bsgoms te rdo rje bdag gzhag bsgrub po zhes bya ba'i tha tshig go /de la 'khor lo bzhi pa zhes bya ba'i sngags kyi dam tshig ni dam tshig gtong ba la sogs pa ste/ 'di'i don ni sku gsung thugs kyi lha lta gzhug cing bstim pa'i phyag rgya yin te/ de la dam tshig gtong ba ni rdo rje kyo ba'i khyad par spro ba'o/ /dam tshig bskul ba ni a khaM tha zhes pa'i sku gsung thugs kyi yi ges sku gsung thugs kyi snying po skul bar byed pa'o/ /dam tshig spro ba ni gsang sngaT kyi tshig gis de bzhin gshegs pa rnams snyan mnan te gshegs shig gshegs shig ces bong pa'i tshig go /dam tshig 'ching ba ni lha de rnams dam tshig gis bgug ste bdag gi lus la bsdus nas gong bu'i tshul du dbyer med par byas pa'o/ /de lta bu'i ngo bor gyur na/ nam mkha' i dbyings chen dag pa ni/ /chos rnams thams cad rnam par spangs/ /gong bu'i tshul bzhin byed pa ni/ /rdo rje rmad du byung ba'i gzugs/ zhes pa ste rnam par dag pa las dbyer med pa'i skur gyur pa'o/ /da ni dbang du bya ba bstan pa'i phyir/ /sangs rgyas rdo rje sems dpa' rung/ /gal te dbang du byed 'dod na/ zhes bya ba la sogs pa gsungs te/ 'di'i sbyor ba ni/ rdo rje 'jam pa la sogs pa'i ting nge 'dzin du bsgoms te/ 'bar ba mi dbu rgyan lnga la chags pa'i bdag nyid kyi mda' lnga bsams te/ lcags kyus nam mkha' gang ba'i sangs rgyas la sogs pa rnams bkug nas mda' la bstims te/ 'di lta bu'i sbyor bas khro bar gyur pa'i ting nge 'dzin gyis gnas lngar bsdu zhing bsgrub par bya/ /lang dngangs shing brgyal bar bsgoms nas gang yang dung ste dbang du
- 50a
'gyur ro/ /zhes pa'i don to/ /da ni bdud rtsi byin gyis brlab pa bstan te/ de la sangs rgyas dkyil 'khor mchog dag ni/ /rdo rje nam mkha' i dbus bsam pa/ zhes bya ba la sogs pa ni bdud rtsi byin gyis brlab pa'i dus su gang na bdud rtsi gnas pa de'i nam mkha' la rdo rje ma shel gyi kha dog 'dra ba yongs su rdzogs pa ye shes kyi 'od zer 'bar ba yi ge hUM gis byin gyis brlabs pa bsgoms pa ni rdo rje mtshan la sogs pa hUM zhes pa yin no/ /rdo rje gsum la sogs pas bsgom zhes bya ba ni de'i 'og ban de'i nang du yi ge oM gyis byin gyis brlabs te/ de nyid kyi phyir/ oM ni mig tu bsams nas ni zhes smros pa yin no/ /'og tu ni a las byung pa'i pad+ma ban da ste de ltar sku gsung thugs tshang bar bsgoms pas/ 'di dag chog bzhin du bsten zhes bya ba yin no/ mtshan ma kun gyis gzugs dag ni zhes bya ba ni dang por rlung gi steng du me de'i steng du bdud rtsi ban da ste 'de dag kyang tshul gsum rdo rje sku gsung thugs su blta bar bye'o zhes pa'i don te/ /de ltar brlabs pa de ji ltar bza' zhe na/ pa ni kha'i nang du bsam oM ni lce la 'dug bar bsam/ zhes bya ba smos te/ 'di lta bu'i sbyor bas bza' o/ /zhes pa'i don to/ /kha cig na re/ sangs rgyas dkyil 'khor mchog dag ni/ zhes bya ba nas/ tshul gsum rdo rje can du mthong zhes bya ba'i bar ni lta ba'i ting nge 'dzin yin te nam mkha' i dbyings chos kyi 'byung gnas su sangs rgyas kyi dkyil 'khor thams cad thugs sar rdo rje hUM gis mtshan pa bsams pa la sogs te/ de bzhin du gsung dang sku'i mtshan mas mtshan par bsgoms la/ rnal 'byor ba lha'i sbyor pa dang ldan pa'i mig la yi ge oM bsgoms te/ ji lta ba bzhin du bltas na sang rgyas rnams kyi sku gsung thugs kyi mtshan mas mtshan pa'i gzugs dag de bzhin du sku gsung thugs rdo rje'i tshul can du mthong bar 'gyur ro/ /bkres skom la sogs shes bya ba man chad ni za ba'i ting nge 'dzin yin no ba'i sangs
- 50b
rgyas dkyil 'khor 'od bzang po zhes bya ba la sogs pa ni nyan pa'i ting nge 'dzin yin no/ /zhes zer ro/ /de la nyan pa'i tshul ni sku gsung thugs kyi sbyor bas ji lta ba bzhin du 'dod do/ /dpa' bo rlabs kyi phreng ba'i ting nge 'dzin ni tshig nyan gzhug pa'i sbyor ba ste/ 'di ni snga ma dang mthun pa ma yin no/ /lha mo tsun de ma bsgrub pa ni ji ltar smos pa'i cha lugs kyis bsgoms te nam mkha' i khams kyang lha mo tsun des gang bar bsgoms nas bdag gi lus la bsdus te de la rdo drje sems dpa' i snying po hUM bkod na 'grub par 'gyur ro/ /kha cig ni 'di yang nor bsgrub par 'dod do/ /jeM b+ha la bsgrub pa ni nge nyid ji bzhin du byas te/ 'dir rdo rje bdung rtse'i chu dag ni/ /de'i bsam gtan gnas na 'dug ces bya ba ni jiM b+ha la'i dam rdzas chu yin te/ de bas ni dzaM b+ha la'i bsam gtan la 'dug pas bdung rtsi chu dbul bar bya'o/ /kha cig na re grub na rdo rje chu thob po zhes zer ro/ /gnod sbyin mo bsgrub pa ni snga ma bzhin du byas te khyad par du gshin rje gshed po dbu rgyan du bsgom mo/ /rnam gcig tu gshin rje gshed kyi sbyor bas gnod sbyin mo bsgrub par bya'o/ /gzhan na de dag gi yon tan du shes par bya'o/ da ni rig pa'i brtul zhugs bstan pa'i phyir de nas bcom ldan 'das phyag na rdo rje zhes bya ba la sogs pa gsungs te/ de la sku gsung thugs kyi rdo rje rnams/ /lus dang ngag sems bsgom pa ni/ /de ltar gzungs kyi don nges ni/ /de yi sku nyid grub par 'gyur/ zhes bya ba brtul zhugs can bstan pa yin te/ 'di ltar sku gsung thugs rdo rje lus dag sems bsgoms pas de nyid du 'gyur ba'o/ /de'i brtul zhugs ni yum ste gsang ba'i dbang bskur ba'i yum dang shes rab ye shes kyi yum mo/ /de nyid bstan pa'i phyir/ thor tshugs dbu rgyan can gyi gzugs/ /chen po kha dog dkar po 'dra/ /sngags kyi sdom pas kun tu bsdams/ /shes pa la sogs pa gsungs te/ /mtshan nyid dang ldan pa'i rig ma rnyed nas/ sbyan gyi go 'phang longs spyod cing/ /rdo rje mtshan mas bsgom bar
- 51a
bya/ zhes bya ba byin gyis brlab pa ste/ gsang ba'i dbang gi yum mo/ /phyag rgya sngags kyi cho ga zhes bya ba la sogs pa ni ye shes kyi yum ste/ 'di ni man ngag thams cad legs par bslabs pa des shes rab ye shes sbyin pa'i phyir de skad ces bya ba la sogs pa smos pa yin no/ /zla ba drug gis zhes bya ba ni ye shes kyi don brtag pa ste yum de las yang dag pa'i ye shes rnyed nas zla ba drug tu gnas na 'dug pa'i don to/ /rtag tu gzhan gyi nor brku ba la sogs pa ni sku gsung thugs kyi sngom ba ste de la nor brku ba ni byang chub kyi sems bza' ba'o/ /gsod pa rmad du byung ba ni zos pas rnam par mi rtog pa'i ye shes rnyed pa'o/ /'dod chags rdo rje gnas spyad pa ni/ /rig ma dang gnyis su med par gnas pa'o/ /de lta bu ni sdom pa ste/ de la gnas pa ni sdom pas bsdams ba zhes bya'o/ /'do chags rdo rje kyo ba mo zhes bya ba la sogs pas ni sku gsung thugs kyi yum bstan te/ de la rdo rje kyo ba mo zhes bya ba ni sku'i ste gsang ba'i dbang gi yum mo/ /yon tan lag rgyud mA ma kI zhes bya ba ni thugs kyi bdag nyid de shes rab kyi dbang gi'o/ /lu gu rgyud ces bya ba ni 'brel ba'i don te/ gsang ba'i dbang gi yum las byang chub kyi sems zos te mi rtog pa skyes pa dang shes rab kyi dbang las byang chub sems kyi bde ba nyams su myong ste/ mi rtog pa'i ye shes skyes pa'ang ngo bo nyid 'dra ba'i phyir ro/ /dag gi rdo rje mchog sems la zhes pa ni gsung gi yum yin te/ 'di yang shes rab kyi dbang gi bdag nyid yin ba'o/ /de rnams la/ 'di ni rnam pa kun rig pa/ /zhes bya ba ni smi rtog pa skye ba'i yum du gyur ba'o/ /de ltar na/ rdo rje can gyi mi 'gyur gsum/ /zhes gsungs pa yin no/ /de dag kyang rang grub pa'i phyag rgya btsal ba 'am/ ma rnyed na sems kyis bsam bar bya ste/ de ltar byas na dngos grub tu 'gyur ro zhes pa'i don to/ /gzhan yang bsod snyoms blang ba
- 51b
la sogs pa'i brtul zhugs sbyad par bya'o zhes pa'i don to/ /de dag thams cad kyang sku gsung thugs rdo rje las byung ba'i dkyil 'khor yang dag par rdzogs pa'i byang chub nyid la 'jug par byed ba'o/ /le'u bcu drug pa'o// //le'u bcu bdun pa las snyon pa bstan pa 'di ni dkyil 'khor ram ting nge 'dzin bsgoms pa dag tu yang kun tu sbyar bar bya'o/ /de la 'di'i rang bzhin ni bcom ldan 'das rdo rje 'dzin chen po de nyid rigs lnga'i ngo bo nyid du gnas pa yin la/ rigs de dag kyang rigs dang ye shes dang rang bzhin dang phyag rgya dang mi rnams kyi sgo nas bstod par shes par bya'o/ /de la e ma'o sangs rgyas thams cad kyi zhes bya ba la sogs pa ni chos thams cad rnam par dag pa'i rang bzhin las so so'i dam tshig bsrung ba bstan pa'o/ /de la sku'i dam tshig ni/ / sangs rgyas ye shes rgya mtsho yis/ /dam tshig bzhi ni bsrung bar bya/ /sha chen rtag tu bza' bar bya/ zhes gsungs te/ de la dam tshig bzhi ni srog gcod pa dang ma byin pa blang ba dang rdzun dang 'dod pa spyod pa ste bzhi'o/ /de dag kyang ji lta ba'i man dag bzhin du bskung ba'o/ /de bzhin du 'og ma rnams la yang sbyar ro/ /'di gsum ni zas kyis phye ba ste/ sha chen za ba dang bshad gci za ba dang khu khrag za ba ste bdud rtsi rnam pa lnga sku gsung thugs su spyad pa yin te/ dam tshig 'di dag ni rnal 'byor pas sku gsung thuD kyi dngos grub bsgrub pa'i dus su 'di dag la bya ba'o/ /rang sangs rgyas kyi dam tshig ni/ de dag lus kyis ston pa yin/ zhes pa la sogs pa ste/ rang sangs rgyas ni lus kyi sgo nas chos ston gyi dag gis ma yin te/ de lta bu'i dam tshig ni sku rdo rje gnas pa ste/ de lta bus sems can 'dren pa'o/ /dam tshig 'di dag kyang rang rang gi dam tshig rnams ji ltar smos pa de bzhin yin te/ ston pas kyang de dag dang mthun par ston zhing don mdzad do zhes spyir shes par bya'o/ /nyan thos kyi dam tshig ni dge ba bcu'i chos rnams ni zhes
- 52a
bya ba la sogs pa ste/ 'di ltar dge ba bcu'i chos rnams ni byed cing spyod pa nyon mongs pa can ma yin pa'i ma rig pa'i sa la gnas pa ye shes sbrangs pa thabs dang shes rab kyi spyod pa rlabs po che lam mos pas mos pa dman pa'o/ / tshangs pa'i dam tshig ni bsam gtan gyi ting nge 'dzin la gnas pas lhag mthod gi shes rab dang bral ba'i phyir gti mug gi las kyi lam rnams gang rnams byed pa'o/ /'dod pa'i yon tan la dgra dang zhug rdur blta bas 'jigs shing mi sdug pa'o/ / de lta bu'i thabs kyis 'dren pas byang chub ston pas te/ de lta bu'i sku rdo rje'o/ /kha cig na re tshangs pa zhes smos pa ni sku rdo rje'i ming gi rnam grangs te/ 'di ltar rnam par snang mdzad kyi sbyor bas nyan thos zhi ba phyogs gcig la gnas pa'i 'khor pa? 'gra dang tshe mar lta ba rnams la sangs rgyas kyi sbyor bas bskul nas rdzogs ba'i byang chub ston pas te 'og ma rnams la yang de bzhin du sbyor ro zhes bya bar 'dod do/ /drang ba'i dam tshig ni/ khams gsum gyi bud med lus ngag yid gsum la gnas shing byung ba rnams sku gsung thugs kyi ngo bor sbyar bar bya'o/ /biSh+Na'i dam tshig ni sems can rnams sku gsung thugs kyi sgrol ba'o/ /mdor na 'di gsum ni sku gsung thugs kyi sgo nas 'gro ba'i don byed pa'i tshul lo/ /gnod sbyin dang gnod sbyin mo'i dam tshig ni sha dang bud med la dga' ba ste/ 'di ni bsgrub pa 'am de dag gi don bya na yang de ltar bya ste 'og ma kun la yang de bzhin du sbyar ro/ /glu yi dam tshig bstan pa la/ /gzhan du des par nyon mongs 'gyur/ /zhes bya ba ni dam tshig ltar ma byas nas 'bul bar mi 'gyur ba ste kun la yang de bzhin du sbyor/ /sems can kun la phan 'dod pa'i/ /dam tshig ma lus spyad par bya/ zhes bya ba ni 'gro ba drang ba'i thabs su so so'i dam tshig bstan pa ste 'di dag gis drang zhing 'dul bar bya zhes bya ba'i don to/ /de dag ci'i phyir zhe na/ ngo bo
- 52b
nyid kyis de dag dga' ba yin te/ de'i phyir ngo bo nyid kyis kun 'byung ba khams gsum dag na rnam par spyod ces gsungs so/ /da ni sku gsung thugs kyi dam tshig re re la yang sku gsung thugs kyi dbye dang ldan par ston te/ lus kyi rnams gsum thams cad ni/ /rdo rje 'dra bar rab tu bya/ zhes bya la sogs pa gsungs te/ ji ltar lus kyi las sam bdag nyid rnam pa gsum ni dug gsum gyi bdag nyid yin la/ de nyid sku gsung thugs kyi ngo bo yin pas sku'i bdag nyid kyi sku gsung thugs te ngag dang yid la yang de bzhin du sbyar bar bya'o/ /de na sku gsung thugs kyi sngom pa dang ldan pa des gang la yang phyag mi btsal bar bstan te/ sangs rgyas byang chub sems dpa' dang/ /rang rgyal nyan thos de bzhin te/ /sku gsung thugs su sbyor ba ni/ /phyag 'chal na ni ma rungs 'gyur zhes gsungs pa yin no/ /rdo rje bsam gtan gyi sbyor ba ni rdo rje sems dpa' i sku gsung thugs rdo rje la rdo rje bsgoms nas gsang sdags bzlas so zhes bya ba'i don to/ /gsang sdags de yang gang gis ji ltar bya zhen/ sems can khams rnams mdo ru ni/ /bsam gtan rdo rjes bskul bar bya/ rdo rje gsum gyi phyag 'tshal mchog /dam tshig rdo rje las byung ba'o/ /zhes gsungs te/ de la gang bskul zhe na/ sems can rnams zhes smos te/ sku gsung thugs kyi bdag nyid thams cad bskul bar bya'o/ /gang gis zhe na/ bsam gtan rdo rje zhes smos te/ gong du bstan pa'i bsam gtan rdo rje nyid kyis so/ /gsang sdags gang gis zhe na/ rdo rje gsum gyi phyag 'tshal mchog ces bya ste/ sku gsung thugs kyi bdag nyid kyi yi ge oM gyis bskul te de ni sku gsung thugs nyid las byung ba'i phyir dam tshig rdo rje las byung ba'o/ /zhes smos pa yin no/ / bsnyen sgrub bzhi'i sdom pa ni/ /rdo rje bshad bcis nam mkha' dbyings zhes bya ba la sogs pa gsungs te/ 'di'i don ni bsnyen sgrub bzhi'i ting nge 'dzin dang ldan pan dud rtsi lda dang ldan pa'i mchod pa'i sdom pa dang ldan par bya ba nyid do/ /mi snang ba'i dam tshig ni dus bzhir ji ltar
- 53a
cho ga bzhin zhes gsungs te/ 'dir ting nge 'dzin gyis shes rab ma bskyed nas de dang rig pa'i brtul zhugs spyod cing byang chub sems kyi rdzas 'phrog pa'o/ /de la mi snang ba zhes smos pa ni sba bar bya ba'i brda tshig ste/ lha mo nyid la bya'o/ /rnam gcig tu/ yang na rdzas kyang rtag tu dbrog /ces bya ba ni/ ting nge 'dzin gyis bskyed pa'i shes rab las gzhan pa rang bzhin gyis grub pa'i phyag rgya dngos btsol ba'o/ /nam mkha' i rig 'jin gyi dam tshig ni dbu rgyan bsams pa ste/ rgyas btab pa ni rig pa 'jin pa'i phyir ro/ /sdags 'chang las dang po pa'i dam tshig ni/ /lus kyi rdo rje kha zas dang/ phyi rol rdo rje 'dzin pa dang/ rdo rje chos la rtag par ni/ /sdags ston cho ga spyad par bya/ /ces bya ba gsungs te/ de la lus kyi rdo rje kha zas la spyad pa dang/ phyi rol rdo rje 'dzin pa la sbyad pa dang rdo rje chos la spyod pa ni rtag tu sdags ston pa'i cho ga bya'o zhes pa'i don te/ de la lus kyi rdo rje kha zas ni zas te 'di dag la bdud rtsi'i ting nge 'dzin gyi cho gas spyad par bya'o/ /phyi rol rdo rje 'dzin pa ni phyi rol gyi 'dod pa'i yon tan lnga la rdo rje 'dzin gyi rang bzhin gyi lhar brtags te spyad pa dang /rdo rje chos te shes rab kyi bdag nyid la ji lta ba'i tshogs byin gyis brlab cing spyad pa yin te/ de ltar sku gsung thugs su goms par bya ba ni las dang po po'i dam tshig yin no/ / kha cig na re lus kyi rdo rje la zas ni byin gyis brlabs pa'i zas dngos so/ /phyi rol rdo rje 'dzin pa zhes bya ba ni ban de'i phyi rol na yod pa'i rdo rje hUM gis mchan pa'o/ /rdo rje chos la zhes bya ba ni ban de'i 'og na gnas pa'i a dang me dang rlung la sogs pa ste/ de lta bu'i rang bzhin de la rlung gis me spar des ban da'i bdud rtsi dngos gzhi bsregs hUM gi rdo rje las byang chub sems byung ba oM du bsdus te ban dar thim pas bdud rtsir byin gyis brlab pa la ni sdags ston cho ga ston cho ga spyad par bya'o zhes zer ro/ /
- 53b
de skad ces bka' stsal nas cad mi gsung bar gyur pa dang/ byang chub sems dpa' rnams kyis cang mi gsung ba'i don zhus pa la/ de bzhin gshegs pa thams cad kyis byang chub sems dpa' rnams la/ ston pa can mi gsung ba'i dgongs pa bka' stsal te brjod phru med pa'i don la brjod na log par rtog pa'i 'dzin pa'i gnas su gnyis gyur pas mi gsung ba nyid kyi sgo nas bstan to snyam du dgongs pa yin no/ /de nas byang chub sems dpa' rnams kyis 'di skad du don la phyin ci log tu rtog par dogs pa mi mdzad par bka' stsal du gsol to ci'i slad du zhe na/ tshig 'di ni don gyi rjes su 'brang ba'i phyir ro/ /bka' stsal pa yang ci'i slad du zhe na/ tshangs pa la sogs par mngon par shes pa'i ye shes pa'i ye shes dang ni ldan chos thams cad kyi ngo bo nyid ji lta ba ni mi shes pa rnams 'di snyam du rtog ste ci de bzhin gshegs pa'i chos thams cad kyi ngo bo nyid mngon par mkhyen nas bka' stsal lam/ 'o na te mi mkhyen na bka' mi stsal snyam du rtog pa srid pas de'i phyir bka' stsal du gsol zhes zhus pa la/ de bzhin gshegs pa rnams kyi gsang ba'i yi ge ni mi mkhyen pa nyid yin te/ shes su med pa'i phyir zhes gsungs so/ /kha cig na re shes nas gsang ba'i yi ge ngo bo yod par 'chad dam med par 'chad ces rtog par 'gyur bas ngo bo nyid mi shes pa'i phyir 'di'i ngo bo nyid shes par mdzad du gsol zhes zhugs pa la de dag ni ded kyis kyang mi shes te/ shes su med pa'i phyir ro zhes zer ro/ /de nas ston pa rdo rje 'dzin/ /sangs rgyas kun gyis phyag byas na/ zhes bya bas ni gsang sdags kyi rig pa'i skyes bu bsgom par zhu ba phul pa'o/ /de nas bka' stsal pa ni/ /mkha' dbyings 'khor lo'i dbus gnas par/ /sangs rgyas dkyil 'khor bsgom par bya/ zhes bya ba la sogs pa gsungs te/ 'di ni rgyas btab pa'i sbyor ba ste bsgoms na dngos grub 'grub pa nyid du bstan pa yin te/ de la 'di'i tshul ni nam mkha' i dbus su dkyil 'khor rdzogs par
- 54a
bsgoms te/ bdag nyid dkyil 'khor gyi gtso bo sku rdo rje zhal gsum rnam par g.yo ba phyag na rdo rje dang 'khor lo dang pad+ma dang rin po che dang ral gri dang dril bu bsnams pa bsgoms te/ spyi bor rdo rje dbu rgyan gyis rgyas btab par bsgoms na byang chub myur du thob par 'gyur te/ de bzhin du lha thams cad la yang rang gi rigs kyi dbu rgyan gyis mtshan par bsgoms na dngos grub tu 'gyur gyi rgyas ma btab na ni dngos grub tu mi 'gyur ba'i don to/ /thabs dang shes rab kyi sbyor bas rgyal po mnyes par byas na sku gsung thugs kyis mtshan pa'i rgyal ba khyu mchog rnams mnyes par 'gyur ba ni sbyor ba'i mchod pa'o/ /rang gi lus dag sems rdo rje la lha'i sku gsung thugs phyag rgya'i don cho ga bzhin du brtags shing bsgoms na/ de'i chos nyid kyis sangs rgyas thob po zhes bya ba ni rdo rje gsang ba bsgrub pa'i gtan tshigs so/ /byang chub don du gnyer bar 'dod na lag pa'i phyag rgya spangs te/ sku gsung thugs kyi ting nge 'dzin gyis grub par 'gyur ba las ni sangs rgyas mi 'da' o/ /zhes bya ba ni ting nge 'dzin nyid bsdags par bstan pa'o/ /sku gsung thugs kyi dam tshig mi smad par bstan pa ni ji skad smos pa bzhin du dang du blang zhing tshig tsam du yang mi smad par bstan te tshul ni sdar bzhin no/ /thugs kyi dam tshig mgu zhing tshim pa nyid du bya zhes bya ba ni bsad pa nyid du'o/ /mdor na phung po lnga rnams ni/ /sangs rgyas lnga ru rab tu grags/ zhes bya ba la sogs pas ni phung po dang khams dang skye mched rnam par dag pa'i bdag nyid bstan te/ de la/ mkha' dbyings rdo rje'i dam tshig ni/ /rdo rje 'dzin pa de nyid yin/ zhes bya ba ni nam mkha' rdo rje 'dzin nyid du bstan pa ste/ 'dir le'u dang po nas nam mkha' rdo rje byang chub sems dpa' zhes 'khor du bstan pa ni 'gal lo zhe na/ le 'u dang po'i skabs su ni kun tu bzang mo nam mkha' i rang bzhin yin pas 'khor du smos pa ni 'gal ba med la/ de nam mkha' gnas kyi ngo bo nyid yin pas phyag rgyar
- 54b
bkod ba ni med do/ /'dir ni rdo rje 'dzin pa'i rang bzhin du bstan pa yang de'i rang bzhin nyid yin te/ 'di la chos can bcig pa'i rtog ba mi bya ste/ gang yang de bzhin gshegs pa ni rjas kyi chos kho na la des bar gnas pa ni med de phung po'i lha dang skye mched kyi lha dang 'byung ba'i lha dag yin no/ /kha cig na re nam mkha' la yang chos can dang chos nyid du btags nas dbye ba byas te 'di nyid kyi bye brag yod do zhes zer ro/ /don du ni btags nas bye brag tu byas pa la dngos por grub pa ni ngo bo nyid kyis med pa yin no/ /de dag man chad ni go blabs ma bshad do/ /kun 'byung ba zhes bya ba'i ting nge 'dzin gyi dkyil 'khor nyon cig ces bya ba la sogs pas ni ting nge 'dzin gyi dkyil 'khor du slob ma dbang bskur ba'i thabs bstan te de la gang zag shin tu dman pa ni gzugs brnyan gyi dkyil 'khor la bsten pa yin la/ ting nge 'dzin gyi mthu yod pa rnams ting nge 'dzin la brten te dbang nod pa yin no/ /de la nam mkha' dbyings kyi dbus bsam pa/ /grub bzhi lha ma pa rab tu bzang/ /zhes bya ba ni dbang bskur ba'i gnas te/ nam mkha' i dbyings chos kyi 'byud gnas kyi dbus su grub bzhi lha ma pa'i gzhal yas khang rdzogs par bsgom pa'o/ sangs rgyas dkyil 'khor bsgoms pa yis zhes bya ba ni ting nge 'dzin gsum gyi bdag nyid dkyil 'khor chen po rdzogs par bsgoms pas so/ /des ci zhig cen/ bam gtan rdo rjes bskul bar bya zhes gsungs te/ sngon du bstan pa'i bsam gtan rdo rje ting nge 'dzin gyis lha rnams bskul te spyan drang ngo/ /dkyil 'khor du 'jug pa yang lha dang dbyer med pa'i ting nge 'dzin du bsgoms pas dkyil 'khor du gzhu par bya ba'i phyir rdo rje'i dkyil 'khor bsam gtan gyis 'khor lo can kun gzhug par bya/ zhes gsungs pa yin no/ /mchod pa bya ba dang/ mchod pa'i cho ga de nyid kyis/ blo dang ldan pas rtag tu bya/ zhes gsungs pa yin no/ /dbang bskur ba yang/ slob dpon snying
- 55a
gar bsgoms na ni/ /dbang bskur ba ni brtsam par bya/ /zhes gsungs te slob dpon lha'i ting nge 'dzin gyi dkyil 'khor chen po gsal bar bsgoms pa'i snying gar slob ma zhugs te lha dang dbyer med pa'i ting nge 'dzin du byas te gnas pa la dbang bskur ba brtsam par bya'o/ /dbang ji ltar bskur zhe na/ sangs rgyas kun gyis nam mkha' i dbyings/ /yongs su gang bar rnam par bsam/ /dbang bskur ba yi gnas gsum gyis/ /thams cad cho ga bzhin du dbang zhes gsungs te/ nam mkha' i khams thams cad de bzhin gsheD pa yum dang bcas pa rnams kyis yongs su gang ba rnams kyis ye shes kyi bdud rtsis yongs su gang ba'i bum pas dbang bskur zhing sku gsung thugs kyi gnas su ye shes kyi lha dbab cing bstim pas sku gsung thugs kyi dbang thob par bya'o/ /de'i yon tan yang de yis yon tan thob pa ni zhes bya ba la sogs pa gsungs so/ /bsam gtan gyi dkyil 'khor rdzogs so/ /zhes bya ba ni le'u bcu bdun pa'o// //da ni drag po'i las kyi lhag ma khrag drang ba bstan te/ de la hUM hUM(rgyud 'grel): khaM zhes bya ba ni drag po'i sku gsung thugs dang ldan pa'i snying po ste/ 'dis zhe sdang rdo rje la sogs pa khro bo gang yang rung ba'i sku gsung thugs kyi lha rab tu khros pa dang ldan pa can rab tu bskyod do/ /gnas skabs gang ru zhe na/ sha rus la sogs dkyil 'khor ni/ /nam mkha' i dbyings kyi dbus su bsam zhes gsungs te/ rk+ta'i rgya mtsho'i steng na mAM sa'i sa gzhi chen po gnas pa las keng rus kyi ri rab kyi steng thod rus kyi gzhal yas khang du gyur pa'i nang na rdo rje sems dpa' zhe sdang rdo rje'i rang bzhin drag po khros pa utpal sngon po'i mdog can zhal g.yas dkar g.yon dmar ba phyag drug phyag mtshan gzhan dang mthun/ g.yas na thod pa zhags pa bsnams pa/ lce la hUM hUM(rgyud 'grel): khaM zhes bya ba'i yi ge me ltar 'bar ba bkod pa/ lus la yi ge gsum las bskyed pa'i sku gsung thugs kyi lha khros pas brgyan pa bsgoms te/ gsang sdags oM A(rgyud 'grel): hUM hUM(rgyud 'grel): khaM
- 55b
hUM zhes brjod cing sku gsung thugs kyi lha'i thugs ka nas kyo ba rnam gsum spros te/ dgra'i khrag thams cad drangs nas thod pa'i nang du dgang pa bdag gi 'bar ba'i lces brdub cing 'thud par bsgoms la tri shU la dang phur pa byin gyis brlabs pa dag gis kyang gdab par byas na gang yang rung ste 'chi bar 'gyur ro/ /kha zas kyi dam tshig ni bza' ba 'am yang na btung ba'ang rung zhes bya ba la sogs pa smos te/ zas thams cad la 'dud rtsi'i ngo bor brtags te byin gyis brlabs pa bza' ba'o/ /kha cig na re 'dud rtsi byin gyis brlabs pa nyid zas la gdab ces so/ /mchod pa'i mchog gis mchod pa ni 'dod pa lnga'o/ /dbang po gnyis sbyang ba'i mchod pa ni byang chub sems la sogs pa'i bdud rtsi lnga'o/ /lus dag sems kyi sdom pa ni/ /bud med thams cad rdo rje gsum gyis byin gyis brlabs te/ sgrub pa thams cad kyi sdoms pa ni rang gi lus dag sems gsum gsang ba sku gsung thugs su bsgoms pa'i drag po de bsgrubs na log par rtog pa thams cad 'jig par 'gyur ba'o/ /rdo rje de kho na nyid kyi sdom pa ni/ rnal 'byor pa 'phro ba'i ting nge 'dzin gyis dub ste/ lus nyam chung na spyi bo'i steng mtho gang tsam spags par zla ba'i dkyil 'khor gyi steng du yi ge oM dkar po bsgoms te/ de 'od du zhub las spyi bo nas thim ste/ gzi brjid bskyed par bya'o/ /sdags 'dzin pa thams cad kyi dam tshig ni ting nge 'dzin dang ldan pas mchod rten brtsig pa la sogs pa'i las mi bya ba'o/ /dug gso ba'i las ni bdag gi thugs kar yi ge gsum bsgom te/ 'khor lo'i dbus su sku gsung thugs kyi yi ge dkar po bzhag/ /ba zas chen po ser por bsgom/ sku gsung thugs kyi 'od zer gyis dug drangs bar bsgoms na dug 'byin pa la sogs par 'gyur ro/ /bsrung ba'i 'khor ºlo'i sbyor ba ni gro ga 'am shog shog la sogs pa la rdo rje rgya gram gyi 'khor lo bris te/ dbus su ha dang ming bri/ mdza'
- 56a
skor du sngags kyi yi ge ji lta ba bzhin du bris te/ da ha dang i mri te'i bar du bsgrub bya'i ming bcug ste/ gsang sngags kyang de bzhin du bzlas nas lus la btags na bsrung bar 'gyur ro/ /rdo rje any+dzA na bsgrub pa ni lam gyi bzhi mdo la sogs pa'i ji skad gsungs pa'i gnas su song ste/ thod pa 'dzag pa zhig gi nang du tshil chen dang khrag dang bshad ba sbyar ba thod pa bzang po zhig gi nang du phab nas/ de las mar me byas te sdong bu'i rgyu pad+ma'i skud pa 'am/ ras kyi skud pas byas thod pa kha sbyar du mar me btang bar bya'o/ /de nas du ba'i brag pa de dag rgod kyi the'u gshog rgyab phyi zung gyis zud nas/ de la gsang sngags oM A(rgyud 'grel): a dzA li hUM zhes brgya rtsa brgyad bzlas shing mig la bskus te/ dus ni tshes nyi shu dgu'i nam phyed nas bzung ste/ ji srid du ma grub pa de srid du grub pa byas ni mig gi mngon par shes pa 'thob bo/ /gzhan yang skye ba bdun pa'i rdzas shes par byed do/ /gzhan ni go sla'o/ /de nas bcom ldan 'das de bzhin gshegs pa de dag thams cad sku gsung thugs rdo rje btsun mo'i b+ha ga la bzhugs zhes bya ba ni ji ltar dngos po yang ston pa btsun mo'i b+ha ga la byang chub sems kyi ngo bor bzhugs te/ de bzhin du 'dir yang btsun mo'i b+ha ga la bcug pa ni chags pa chen po'i hos yongs su zhu nas bzhugs pa'o/ /de la lha mo rnams kyis glu'i sgo nas yongs su bskul te/ 'di ltar sku gsung thugs rdo rje'i bdag nyid kyis gtso bo khyod ni thams cad la thugs rje chen pos gzigs pa yin te/ gal te khyod kyis thugs rjes bdag la gzigs shing bdag la gson pa mchis par mgon po khyod kyis gnang ba lags na bzhengs la bdag dam tshig gi dgyes pa spyad par mdzad du gsol/ zhes lha mo bzhis bskul lo/ /de skad ces bskul bas bcom ldan 'das de dag ji lta ba'i tshul gyis yongs su bzhengs te dam tshig gi btsun mo
- 56b
la 'dod pa spyod par 'gyur te/ 'di ni dkyil 'khor 'don pa'i sbyor ba'i bdag nyid dang sbyor bar bya'o/ /de nas nam mkha' i dbyings 'di thams cad na/ /de bzhin gshegs pa thams cad kyi sku dang gsung dang thugs rdo rje dam tshig gi khu bas yongs su gang ste bum pa rdo rje chus gang ba ltar gnas par 'gyur ro/ /zhes bya ba ni le'u dang por ston pa 'dod chags chen po'i ting nge 'dzin la snyoms par zhugs nas/ sems can thams cad gsang ba'i mkha' la bsdus te byang chub sems babs pas thams cad bum pa chus bkang ba lta bur gyur pa'o/ /de nas nam mkha' i dbyings 'dir sems can gang du sku gsung thugs rdo rje'i dpal gyis reg pa de thams cad yang dag par rdzogs pa'i sangs rgyas rdo rje gsung thugs rdo rjer gyur te/ kun tu bzang po zhes sku gsung thugs rdo rjes dbang bskur to zhes bya ba ni dbang gi 'bras bu'o/ /de nas bcom ldan 'das kyis sangs rgyas thams cad la chos mnyam pa nyid mthod ngam zhes bka' stsal pa las/ de bzhin gshegs pa rnams kyis 'di skad du bcom ldan 'das mthong lags so/ /bde bar gshegs pa mthong lags so/ /zhes gsol ba ni le'u dang por rigs lnga sangs rgyas kyis gsang ba byang chub sems kyi dbang la ngo mtshar ba bstod pa dang sbyar bar bya'o/ /de nas de bzhin gshegs pa thams cad kyi btsun mo las 'das zhes bya ba ni dbang bskur zin te/ btsun mo dang gnyis su med pa'i sbyor ba mdzad pa las bzhengs pa'o/ /tshul 'di ni dbang thob phan chad bud med mi dgos so zhes zer ro/ /'dod chags kyi yi ge'i tshig la sangs rgyas kyi byang chub rjes su chud pa ngo mtshar to zhes bya ba ni gsang ba dang shes rab ye shes kyi dbang gi ngo bo bud med dang chags pa spyod pa las sangs rgyas kyi byang chub mi rtog pa'i ye shes khong du chud de/ rdo rje 'dzin chen por 'gyur ba ngo mtshar to zhe'o/ /bcom ldan 'das de skad ma gsung shig chos thams cad nam mkha' dang
- 57a
mtshungs pa'i phyir gzugs kyi phung po zhes bya ba la sogs pas ni ngo mtshar mi che ba bstan te/ 'di ltar chos thams cad ni nam mkha' dang mtshungs te/ phung po dang khams dang skye mched kyang gon/ yin zhing 'dod chags la sogs pa'i chos kyang ma yin te/ chos ma yin pa'i ngo bo zhig kyang yod pa ma yin pas de'i phyir 'dod chags kyi tshig las sangs rgyas kyi byang chub khong du chud pa med do/ /de yan chad ni dngos po yongs su rdzogs nas/ da ni rgyud yongs su gtang pa'i phyir/ /de nas bcom ldan 'das phyag na rdo rjes de bzhin gshegs pa thams cad byang chub sems dpa' de dag la bos te gsungs pa/ 'jig rten gyi khams thams cad tu sku gsung thugs rdo rje 'di sgor gsol zhes bya ba ni ngan pa'i chos mi nub par bya ba'i phyir 'gro ba rnams la grogs shig pa'o/ /de nas phyag na rdo rjes de bzhin gshegs pa thams cad kyi bdag pos chos rdo rje la bos te gsungs pa zhes bya ba la sogs pa ni khyad par du gsung gi dbang phyug rdo rje chos la bos te gtad pa'o/ /de nas bcom ldan 'das de bzhin gshegs pa thams cad kyis rdo rje gsum sems dpa' i sku gsung thugs kyi yi ge la sems can rnams btsud par gyur to zhes bya ba la sogs pa ni rgyud bshad pa rdzogs nas yongs su gtad pa mdzad de/ sku gsung thugs mnyam pa nyid kyi gnas la dmigs nas cang mi gsung ste 'di ni zhi ba chen po'i gnas nyid la bzhugs zhes bya ba'i tha tshig ngo/ /le'u bco brgyad pa'i phyer kyi rtsa ba'i rgyud yongs su rdzogs so// //dpal gsang ba 'dus pa'i sbas pa'i man ngag tu phyung ba rnams mdor bsdus pa bstan pa slob ma la phan pa zhes bya ba slob spon rab tu zhi ba'i ye shes kyi mdzad pa rdzogs so// // dam chos zang mo'i tshig las rtogs dka' yang/ /bsam pa bzang po'i sa bon rgyur bzhag nas/ /gang gis gzhan la phan phyir zhus pa yis/ /ci nus bsgyur ba 'di yis lam rnyed shog /'gro ba'i dpal mgon gyur pa 'jam pa'i dpal/ /kun mkhyen ye shes
- 57b
nyid kyi thugs rje yis/ /kun la skyabs mdzad bka' drin chen po 'di/ /snod dang ldan pa nges par rtogs la byin// // */ dpal gsang ba 'dus pa'i rgyud kyi man ngag gi rgya mtsho thigs pa 'thor bas kyang gzhan dga' ba dang skrag pa skyod par byed pa zhes bya ba slob dpon bi shwa mi lngas mdzad pa bzhugs so/ / */ /bcom ldan 'das byang chub sems rdo rje la phyag 'tshal lo/ /bcom ldan 'das kyis rtsa ba'i rgyud chen po le'u bcu bdun pa rdzogs pa dang bco brgyad pa phyed yan chad bka' stsal pa nas mthar phyin par dgongs te/ sku gsung thugs mnyam pa la gzhag nas cang mi gsung bar bzhugs pa dang/ rtsa ba'i rgyud gsungs pa de la 'khor gyi byang chub sems dpa' rnams kyi the tshom mchod pa rnams 'khor gyi de bzhin gshegs pa rnams la'ang zlos su zhu bar dgongs pa'i phyir na/ de nas byang chub sems dpa' sems dpa' chen po byams pa la sogs pas zhes pa la sogs pa le'u bco brgyad pa gsungs te/ 'di la yang mgo mjug tu don rnam pa bcu bzhi kho nas ston te/ gang zhe na/ de bzhin gshegs pa'i yon tan rtogs shing chos mthong ba dang ldan pa'i byang chub sems dpa' rnams kyis tshigs su bcad pa'i ngag gis rang gis rtogs tshad nges pa'i don gsol zhing bstod pa brjod pa dang/ de la de bzhin gshegs pa rnams dgyes nas gnang ba byin pa dang/ rtsa ba'i rgyud du gsungs pa'i don rtogs par dka' ba rnams bshad par byang chub sems dpa' rnams kyis zhus pa dang/ de bzhin gshegs pa rnams kyis legs par bshad par gnang ba byin pa'i skabs phye ba dang /byang chub sems dpa' rnams kyi the tshom mchod par gyur pa rnams re re nas rkang thon du zhus pa dang/ de bzhin gshegs pa rnams kyis zhus pa'i lan gsungs pas the tshom gcad pa dang/ tshe tshom gcad nas mnyam pa nyid kyis ngang la bzhugs te cang mi gsung bar gyur pa dang/ che ba'i yon tan gyi sgo nas bstong cing the tshom
- 58a
bcad pa'i tshig la 'gal ba yod par dogs pa'i gags gsal bar zhus pa dang/ de ltar de zhus pa'i tshig la de bzhin gshegs pa rnams kyis legs par bsngags shing 'gal ba med par gags bsal ba dang/ de la 'khor rnams rjes su mi rang nas legs par brjod pa'i tshig gis gtad rag btang ba dang/ gsang sngags kyi don des par rtogs pa'i rdo rje slob dpon ston pa dang 'dra bas mi spang bar bstan pa dang/ de ltar bstan pas dga' nas byang chub sems dpa' rnams kyi bstod pa dang/ 'khor dang rgyud kyi don dang/ de 'dzin par byed pa'i slob dpon dang/ slob mar bcas pa la don dang ldan pa'i tshig gis bstong pa dang/ rgyud 'di las de bzhin gshegs pa thams cad kyis gsang ba 'byung zhing gsang ba thams cad kyang 'dir 'dus pas rgyal por gyur pa yin par bstan pa dang/ don de dag bshad cing mnyan nas ston pa dang 'khor du bcas pa thams cad rang rang gi sku gsung thugs la zhugs te mnyam pa nyid du dmigs nas cad mi gsung bar gyur pa rnams kyis bstan to/ /de dag kyang rim par skabs dang sbyar ni rgyud 'dir gtso bo dang 'khor la don gyi khyad par med par bstan du zin kyang mtshan gyi khyad? gyis sgo nas shes bya rdzogs ma rdzogs dang/ cha lugs kyi sgo nas bla 'og gi khyad par yod cing ma 'ongs pa'i dus na 'byung ba'i slob dpon dang slob ma dab kyang 'og mas bla ma la zhu ba'i rag las pa yod par bstan cing/ sngags kyi che ba brjod par bya ba'i don ched du byang chub sems dpa' rnams kyis rang gi rtogs tshad nges pa'i don gsol la zhing bstod pa dang ba la bstan to/ /de bzhin gshegs pa rnams ni sngon gyi smon lam dang 'phral gyis dus mkhyen pa'i dbang gis gdul bya ji ltar mos pa'i don mdzad pas dgyes nas gnang ba byin pa bstan to/ /gsang ba'i theg pa'i don ni zab cing rgya che bas da ltar bshad pas 'khor tshim pa dang/ ma 'ongs pa'i dus ni 'byung sngags spyod pa rnams tshig
- 58b
dang don la yid ches pa'i sgo nas 'jug par bya ba'i phyir rtogs par dka' ba rnams bshad par zhus pa bstan to/ /de ltar zhus pa de nyid don gyi thog tu 'bab pa'i dmigs yin pas de bzhin gshegs pa rnams kyis legs par brjod cing bshad par skabs phye ba'i gnang ba byin pa bstan to/ /zhu ba po la phyogs su zhus na bshad pa dmigs su 'bab kyang phal gyis rtogs par dka' bas zhu ba'i dmigs pa rnams rim par zhus nas/ da ltar dang ma 'ongs pa kun gyi gong du chung sla bar bya ba'i phyir byang chub sems dpa' rnams kyis the tshom mchod par gyur pa rnams re re nas rkang thon du zhus pa bston to/ /de bzhin gshegs pa rnams kyis mdzad pa'i gnas ni gdul bya rnams kyi the tshom mchod pa gcod par mdzad pa yin pas shes bya la thogs pa med pa'i ye shes kyis zhus pa'i lan gsungs pas the tshom gcod pa bstan to/ /de bzhin gshegs pa rnams ni spyod lam rnam bzhis 'gro ba'i don mdzad pa ston yang dus bzhi mnyam pa nyid la mi g.yo bar bzhugs pas mnyam pa nyid kyi rang la bzhugs nas cang mi gsung pa bstan to/ /de lta bu'i che ba'i yon tan dang ldan pa'i de bzhin gshegs pa de dag ni tshogs bsag cing the tshom gcad par bya ba'i gnas yin pas/ de la bstod cing the tshom gcad pa'i tshig la 'gal ba yong du dogs pa'i gags gzhan gsal bar zhu ba bstan to/ /de ltar zhus nas bshad pa'i don de ni da ltar gyi 'khor rnams la 'phral du phan pa dang/ /ma 'ongs pa'i sngags spyod pa rnams yun du bde bar byed pa'i thabs su gyur pas shin du gces par dgongs pa'i phyir de bzhin gshegs pa rnams kyis 'khor gyis zhus par legs par bsngags shing 'gal ba med par gags gsal ba bstan to/ /de ltar gung bka' stsal pa'i tshig dang don gyi the tshom gcad pa ni byang chub sems dpa' rnams kyi bsam pa yongs su rdzogs shing re ba'i don 'dod pa bzhin du grub pa yin pas rjes su yi rang 'bul
- 59a
zhing legs par brjod pa'i tshig gis gtang rag btang ba bstan to/ /de lta bu'i don de dag da ltar ni de bzhin gshegs pa la rag las pa/ ma 'ongs pa'i dus na ni gsang ba'i rdo rje slob dpon la rag las pas/ slob dpon nyid rgyud 'chad pa'i ston pa dang 'dra bar blta dgos pas na gsang sngags kyi don nges par ston pa'i rdo rje slob dpon ston pa dang 'dra bas mi spang bar bstan to/ /de lta bu'i ston pa dang des bstan pa'i rgyud 'di ni che ba'i yon tan thams cad kyi 'byung gnas su gyur pa yin pas/ de sgrub cing 'dzin pa dang don du gnyer ba yang de dang dbyer med pas kun gyis mchod cing bkur ba'i gnas yin pa'i phyir na ston pa dang/ 'khor dang/ rgyud kyi don dang/ de 'dzin par byed pa'i slob dpon dang/ slob mar bcas pa la don dang ldan pa'i tshig gis bstod pa bstan to/ /rgyud 'di ni rgyud thams cad dam/ rdo rje theg pa mdza' dag gi don dang ldan pas na rgyud 'di las de bzhin gshegs pa thams cad kyi gsang ba 'byung zhing gsang ba thams cad kyang 'dir 'dus pas rgyal po yin par bstan to/ /de ltar yang dag pa'i kun rdzob kyi dbang tsam du dgongs nas sku gsung thugs mtshan ma'i rnam par snang bas 'gro ba'i don mdzad par snang na yang don dam par sku gsung thugs mnyam pa nyid kyi rang las ma g.yos shing/ chos kyi sku'i ngang las bzhugs par bstan pa'i phyir na ston pa dang 'khor du bcas pa thams cad rang rang gi sku gsung thugs la zhugs te mnyam pa nyid du dmigs nas cang mi gsung bar gyur pa bstan to/ /da ni tshig de dag 'brel tshig gis rim par sbrel ba'i phyir na/ de nas byang chub sems dpa' sems dpa' chen po byams pa la sogs pas zhes pa la sogs pa bsrungs te/ gsol ba zhes pa'i don dang 'brel te/ de yang gang gis zhus zhe na/ byang chub sems dpa' sems dpa' chen po byams pa la sogs pas zhus so/ /
- 59b
gang la zhus she na/ de bzhin gshegs pa la zhus so/ /yon tan ji lta bu dang ldan pa'i de bzhin gshegs pa yin zhe na/ de bzhin gshegs pa thams cad kyis gsang ba'i dbang dang/ sku gsung thugs kyi gsang ba bstan pa dang/ dngos po thams cad kyi dam tshig ji lta ba bzhin mthong zhing thos te rtogs pa'i yon tan dang ldan pa'o/ /de bzhin gshegs pa yang grangs rab tu mang por bzhugs na rigs dang sku dang ye shes gang gi ngo bor bzhugs pa la mnga' zhe na/ de bzhin gshegs pa de dag thams cad ces smos pas rnam par snang mdzad la sogs pa 'khor gyi de bzhin gshegs pa til gyi gang bu lta bus sangs rgyas kyi zhing yongs su gang bar gyur te bzhugs pa rnams so/ /'o na byang chub sems dpa' rnams la ni yon tan mi mnga' 'am zhe na/ chos mthong ba dang ldan pa rnams zhes gsungs pa'i yon tan dang ldan pa'o/ /de dag gis ji ltar zhu ba zhus she na/ kye ma kun tu bzang po'i zhes bya ba la sogs pa'i tshig gsol zhing bstod pa'i tshul dang bcas par zhus pa'o/ /de ni tshig de dag rim par 'bru gzhom zhing bshad de/ de nas zhes bya ba ni a tha kha zhes bya ba'i sgras des gong ma'i 'jug sdud nas kyis 'og ma'i mgo 'dren te/ rtsa ba'i rgyud par ma chad par skabs 'brel bar byed pa dang bar chad med par mtshams 'brel bde nyid bkra shis par ston pa yang yin no/ /byang chub sems dpa' yang yin la/ sems dpa' chen po yang yin pa'i don dang ldan pa ni ma 'ongs pa'i chos kyi rgyal tshab du dbang bskur cing skye ba gcig gis thogs pa ste/ sa bcu pa'i byang chub sems dpa' byams pa ste/ mi 'pham pa zhes kyang grags pa'o/ /sogs kyi sgras ni brjod kyis mi lang pa'i yang brjod kyis mi lang pa'i sangs rgyas kyi zhing gi rdul phra mo snyed kyi byang chub sems dpa' gzhan yang bsdu'o/ /de bzhin gshegs pa zhes bya ba
- 60a
ni rnam par snang mdzad la sogs pa 'khor gyi de bzhin gshegs pa rnams so/ /de rnams kyi yon tan ni de bzhin gshegs pa thams cad kyi dbang dang zhes pa ste/ 'og nas/ dbang gi rnam pa gsum dag tu/ /rgyud 'di las ni kun tu bstan/ /bum pa'i dbang ni dang po ste/ /gnyis pa la ni gsang ba'i dbang/ /gsum pa shes rab ye shes te/ /de ltar de bzhin bzhi pa'o/ /zhes gsungs pas/ phyi nang gsang ba gsum du bsdus te/ phyi'i dbang bum pa la sogs pa dang/ nang gi dbang thabs dang shes rab la sogs pa dang/ gsang ba'i dbang yab yum gyi byang chub sems so/ /de la 'dir ni de bzhin gshegs pa thams cad kyi zhes smos pas yab yum thabs dang shes rab gnyis su med pa bde ba'i sgra dang/ lhag pa byang chub sems kyi 'od zer gyi kyo bas phyogs bcu'i sangs rgyas yab yum sras dang bcas pa thams cad sku la bsdus nas/ lhag pa byang chub sems kyi ngo bor zhu ba gsang ba'i mkha' la 'dus pas dbang bskur ba dang/ 'phro 'du de nyid lta bu lus las slar 'thon pa lha mo'i tshogs su gyur pas bdud rtsi bum pa thogs nas mgo bor dbang bskur bas rang gi rigs kyi bdag po dbu rgyan du byas pa gtsor smos te/ des mtshon nas dbang thams cad tshang par bskul ba'i don dang ldan pa'o/ /sku gsung thugs kyi gsang ba bstan pa zhes bya ba ni rtsa ba'i rgyud kyi klad du sngar gsungs pa'am/ 'og 'di nas phyis 'byung ba ltar phyi nang gsang ba dang/ thun mong dang zab mor bshad pa'i tshul gyis rgyu'i dbang du byas na pho mo la sogs pa'i rnam par snang ba'i chos thams cad ni lus ngag yid gsum gyi ngo bor grub la/ der de bzhin gshegs pa'i sku gsung thugs rdo rje 'dus pa las/ de'i don gzhan gyis rtogs par mi nus pa'o/ /'bras bu'i dbang du na de bzhin gshegs pa'i sku gsung thugs rdo rje pho mo la
- 60b
sogs pa'i rnam par snang ba'i chos de dag 'dus pa las gzhan gyis de'i don rtogs par mi nus pa'o/ /rgyu 'bras ro gcig pa'i dbang du na chos thams cad ni gsang ba bzhir 'dus la/ de ni de bzhin gshegs pa'i sku gsung thugs kyi gsang bar 'dus la/ de bzhin gshegs pa'i sku gsung thugs kyi gsang ba'i phyag rgya rnam pa bzhir 'dus pa de lta bu'i don ston pas bstan pa thos shing mkhyen pa'i yon tan dang ldan pa'o/ /dngos po thams cad kyi dam tshig ces bya ba ni/ de bzhin gshegs pa thams cad kyi dbang bskur ba dang/ sku gsung thugs kyi gsang ba bstan pa dang/ de ltar bstan pa'i dngos po de dag thams cad kyi mtshan nyid mi 'da' ba' i dam tshig 'di ltar mthong ste/ ji lta bu zhe na/ mtshan mar snang ba thams cad ni sku ji lta ba bzhin mthong/ sgra grags pa thams cad ni gsung ji lta ba bzhin thos/ mchan ma med pa thams cad ni thugs ji lta ba bzhin du rtogs zhes bya/ /gnyis su na spyi dang khyad par dang/ rtsa ba dang/ yan lag dang/ bza' ba dang/ bsrung bas bsdus pa'i dngos po thams cad kyi dam tshig ji lta ba bzhin bsrungs shing bsgrub pa'i 'bras bu mngon du gyur pas yon tan gyi rnam par gral ba rgyan du snang bas brgyan pa'i sku lta bas chog mi shes pa mig gis mthong/ tshig gi gsung phan pa ston pas so sor rig pa bzhi dang ldan pa'i chos rgya chen po rna bas thos/ don gyi gsung bden pa mtshon pa brjod du med zab pa sems las mi g.yo zhing thugs mnyam pa nyid kyi dang las mi g.yo ba'i ye shes kyi rang bzhin du sems kyis rtogs nas/ de lta bu'i yon tan dang ldan pa'i de bzhin gshegs pa rnam par snang mdzad la sogs pa de dag thams cad la byang chub sems dpa' sems dpa' chen po byams pa la sogs pa chos mthong ba dang ldan pa rnams kyis gsol zhes bya ba ste/ de la chos mthong ba dang ldan pa ni byang chub sems dpa' rnams kyi yon tan dang/ mu stegs kyi
- 61a
chos dang/ nyan thos kyi chos dang/ rang rgyal ba'i chos de dag gi sems dang ye shes kyi rtogs pa'i yul du gyur pa'i chos thams cad kyang thogs chags med la mi dmigs par mthong ba dang/ byang chub sems dpa' rnams kyis shed par bya ba'i yul/ phung po dang/ khams dang/ skye mched thams cad gzung 'dzin gyi rnam pa dang bral ba dang/ kun rdzob du snang ba thams cad sgyu ma dang smig rgyu la sogs pa lta bur mthong ba dang/ sa dang po nas bcu pa'i bar du rtogs par bya ba'i khyad par du gyur pa'i chos de dag thams cad kyang rim pa ji lta ba bzhin du rtogs shing mkhyen pa la ni chos mthong ba dang ldan pa zhes bya ste/ ye shes kyis rtogs par gyur pa la gdags par zad kyi mig gi dbang po dang rnam par shes pas mthong ba la zer bas ni mi bzung ngo/ /'o na rtsa ba'i rgyud las ni gleng gzhi'i skabs su ni dam tshig rdo rje la sogs pa dang por smos pa las/ le'u 'di'i skabs su byams pa dang por smos pa ci'i phyir zhe ma smras ba/ daM tshig rdo rje la sogs pa ni 'bras bu'i byang chub sems dpa' ye shes las byung zhing gsal ba las skyes pa/ rdo rje'i skye mched rnam par dag pa'i sems dpa' yin pas the tsom za ba'i rtogs pa mi mnga' la/ byams pa ni rgyu dag pa'i byang chub sems dpa' bas mtshan nyid kyi theg pa la rgyud sbyangs shing/ sa bcu'i ye shes mngon du gyur du zin kyang/ 'bras bu rdo rje'i theg pa la rnam par thar pa zhen par ma sbyangs pas/ rgyud 'di'i don thos kyang mngon du ma gyur pa'i the tshom zab yod pa dag gsal bar 'dod pa'i phyir 'dir smos shing zhu ba bor bstan pa yin la/ gzhan du nas bcu pa'i byang chub sems dpa' byams pas kyang rgyud 'di'i don ma rtogs na gzhan kyis rtogs par gyur pa lta ci smos pas/ phal gyi spyod yul ma yin pas rab tu gsad bar bstan pa dang/ gang zhig 'di la 'jug cing spyod pa'i skal pa yod pa
- 61b
rnams kyis kyang/ brtson pa drag pos nan tan du 'bad cing yang nas yang du sri zhu goms par bya ste/ tshig dang don la the tshom za ba med par gsal dgos par bstan pa yang yin la/ /byams pas the tshom med par rtogs su zin kyang/ ma 'ongs pa'i dus su nyid mngon par rdzogs par sangs rgyas pa'i tshe rang gi 'khor dam par gyur pa rnams langs sngon chos 'di lta bur 'byung bar dkon zhing rtogs par dka' ba las thos te/ yang dang yang du zhus shing nan tan byas so zhes bstan pa'i sgo nas sngags kyi che ba brjod pa dang/ ma 'ongs pa'i sngags spyod pa'i skal ba yong pa rnams gsang ba'i man ngag thob pa'i rdo rje slob dpon la yang dang yang du btud cing zhus te man ngag nod dgos par bstan pa yang yin te/ don de lta bu'i phyir byams pa dang por smos zhing des zhu ba bstan pa yin pa rig par bya'o/ /zhu ba'i don gyi dngos po ji lta bu yin pa bsten pa yin pa'i phyir na/ kye ma kun tu bzang po yi/ /sku gsung thugs kyi nges pa yi/ /rdo rje gsum la kun tu ni/ /rdo rje gsum ni rnam bzhugs te/ / zhes pa la sogs pa gsungs te/ kye ma zhes bya ba ni ngo mtshar rmad du gyur pas ngom pa ste/ tshig dang don dang rgyu dang 'bras bu la dgongs na smos pa'i tshig go /de yang spyi'i dbang du byas nas thun mong du bshad na chos thams cad ni dus dang gnas skabs thams cad du kun tu bzang po'i rang bzhin du gnas te/ ci'i phyir zhe na/ sku gsung thugs kyi nges pa yi/ zhes bya ste/ gzugs su snang ba thams cad ni skur des/ sgrar grags pa thams cad ni gsung du nges/ snang ba dang grags pa dbyer med pa'i dran rtogs thams cad ni thugs kyi rang bzhin du nges pa'i phyir kun tu bzang po'i rang bzhin du gnas zhes to/ /dbyer med cing 'dus ma byas pa'i don dang ldan pa'i phyir te/ rdo rje gsum zhes kyang bya ste/ de'i rang bzhin la dus dang gnas
- 62a
skabs kun tu de bzhin gshegs pa'i sku gsung thugs rdo rje rnam gsum gnas shing/ skye zhing 'byung ba yang de las 'byung bas ni rnam par bzhugs zhes bya'o/ /der yang ma zad sems can dus gsum 'byung ba zhes te/ sems can ma lus pa thams cad kyang sku gsung thugs rdo rje de'i ngo bo nyid du gnas te rang gi rang bzhin gyis byang chub rdo rje'i gnas thob pa zhes bya ste/ rtogs rdo rje lta bu'i gnas thob pa de las/ sangs rgyas rdo rje rdzu 'phrul che/ zhes pa 'di lta bu yang 'byung bar 'gyur ba yin no zhes pa'i don to/ /khyad par gyi dbang du byas nas zab mo ltar bshad na/ ston pa byang chub sems rdo rje ni dus dang gnas skabs kun tu bzang por gnas kyi nam yang ngan par mi 'gyur bas na mtshan gyi rnam grangs kun tu bzang po zhes bya ste/ de'i sku gsung thugs kyi rang bzhin ni nges pa'i mtshan nyid can yin te/ chos kyi sku thams cad la khyab pa'i bdag nyid du zhugs par nges pa gzugs kyi sku mtshan dang dpe byad du ldan pa mtshan ma'i rnam par snang bas des tshig gi gsung rgya che ba 'gro ba ji ltar 'dul ba bzhin du phan pa'i don ston par des/ don gyi gsung zab pa bden pa mtshon pas brjod pa mi mda' ba' i dang la zhugs par nges/ thams cad mkhyen pa'i thugs shes bya thams cad kyi mdza' la 'jal bar nges/ rnam par mi rtog pa'i thugs mnyam nyid kyi dang la mi g.yo bar gnas par nges pa'i mtshan nyid can yin te/ 'gro ba gzhan gyi sgo gsum gzhin du ma des shing mi brtan pa'i mtshan nyid can du gnas pa ma yin no/ /de lta bu'i sku gsung thugs de ni rdo rje gsum zhes bya ste/ sku rdo rje ltar 'dus ma byas pa gsung rdo rje lta bur gzhan du mi 'gyur/ thugs rdo rje lta bur ye shes lnga dang ldan/ sku gsung thugs gsum kha yang rdo rje lta bu'i dang nyid du dbyer med cing mtshan mar mi 'gyur/ gnyen pos mi shigs pa yin te/ de la dus dad gnas skabs kun tu rdo rje
- 62b
gsum ni rnam bzhugs te zhes te/ dus gsum du gshegs shing phyogs bcur bzhugs pa'i sangs rgyas thams cad kyi sku gsung thugs rdo rje rnam pa gsum yang bzhugs shing gnas te/ sangs rgyas thams cad bzhugs pa'i gnas dar 'byung ba'i rgyur ?? pa yin no/ /gnyis su ston pa byang chub sems rdo rje kun tu bzang po de'i sku gsung thugs kyi rang bzhin don dam par mtshan ma med par nges la/ yang dag par kun rdzob tu mtshan ma'i rnam par snang bar des la/ mtshan ma dang mtshan ma med par dbyer med pas rdo rje gsum gyi ngo bor gnas pa yin la/ dus dang gnas skabs kun tu de ni phyogs bcu dus gsum gyi sangs rgyas rnams kyi sku gsung thugs rdo rje gsum du yang snang zhing ston te/ de lta bu'i rnam par bzhugs te gdul bya rnams kyi don mdzad pa yin no/ /'o na ming dang gzugs kyis bsdus pa'i sems can rnams ji ltar 'gyur zhe na/ dus gsum du 'byung ba zhes te sems can dus gsum du byung ba'i sems can thams cad kyang chos nyid ji bzhin pa'i don ma rtogs pa'i dus na sems can du snang bar zad kyi/ rtogs pa'i dus na thams cad rdo rje'i ngo bo nyid ces bya ste/ ye shes rdo rje lta bu'i mtshan nyid can/ ston pa byang chub sems rdo rje'i ngo bo nyid du dbyer med par gnas te/ rgyu byang chub kyi snying po can du gnas pa dang/ 'bras bu de bzhin gshegs pa'i phyag rgya chen por snad du rung bas na/ /de'i phyir byang chub rdo rje'i gnas thob pa zhes bya'o/ /de las ni sems can du yang snad la gzugs kyi sku rgyun mi 'chad pa yang 'byung bas na/ sangs rgyas rdo rje rdzu 'phrul che zhes bya ste/ de lta bu'i don dang ldan pa ston pa byang chub sems rdo rje yin no zhes bstan nas/ da ni ston pa des gsung pa'i chos kyi don brjod pa'i phyir na/ e ma'o shin tu ngo mtshar 'di/ /e ma'o dbang po shin tu zhi/ /e ma'o 'khor ba dag gi rgyun/ /e ma'o 'khor ba dag gi rgyun/ /e ma'o mchog
- 63a
tu mya ngan 'das/ zhes gsungs te/ 'dir yang thun mong gi dbang du ni tshig gi sgo nas/ e ma'o zhes ngom zhing don la shin tu ngo mtshar skyes pa'i tshig ste /gang zhe na/ 'khor ba dang mya ngan las 'das pas bsdus pa'i chos 'di dag gi mtshan nyid ni gcig pa yang ma yin tha dad pa yang ma yin pa ngo mtshar che zhes brjod pa ste /ci'i phyir zhe na/ yang dag pa'i kun rdzob du 'khor ba ni kun nas nyon mongs pa can gyi mtshan nyid du gnas la/ mya ngan las 'das pa ni rnam par byang ba can gyi mtshan nyid du gnas/ 'khor ba'i sems can ni 'dus byas shing zag pa can gyi mtshan nyid du gnas la/ de bzhin gshegs pa ni 'dus ma byas shing zag pa med pa'i mtshan nyid du gnas pas gcig pa ma yin la/ sems kyi chos nyid ji bzhin pa'i don rtogs na 'khor ba nyid mya ngan las 'das pa ste/ 'dus byas zag pa can gyi sems nyid 'dus ma byas zag ba med pa sangs rgyas kyi skur snang ba dang/ sangs rgyas kyi sku dang ye shes kyi snod bcud kyi dngos po thams cad la khyab pa'i bdag nyid du gyur pas 'khor ba can gyi spyod yul snang ba 'am/ sems can 'khor ba'i spyod yul can du snang yang mya ngan las 'das pa'i mtshan nyid rang la rang chas su yod pas sems can las sangs rgyas su 'grub pa dang/ sangs rgyas nyid sems can du snang bas gcig pa yang ma yin tha dad pa yang ma yin pa ngo mtshar che zhes bya/ e ma'o dbang por shin tu zhi/ zhes pa na don de nyid rtogs par dka' o zhes ngom zhing ngo mtshar ba ste/ 'khor ba dang mya ngan las 'das pa'i chos gcig pa yang ma yin/ tha dad pa yang ma yin pa de ni dbang po'i spyod yul du gyur pa ma yin te/ rnam par shes pas rig par mi nus so/ /ci'i phyir zhe na/ shin tu 'am rab tu zhi zhing phra ste/ mig gis gzugs mthong ba dang/ rna bas sgra nyan pa dang/ snas dri
- 63b
bsnams pa dang/ lces ro myang ba dang/ lus kyi reg bya reg pa 'am/ yid kyis bsal bar dpyad pa lta bu'i yul mngon du grub pa med pas de dag spyod yul du bya ba bzhin mi btub pa 'am/ /'di la spyod yul thams cad med pa'i phyir na dbang po las ?? 'das par bstan pa'o/ /mya ngan las 'das pa'i rang bzhin med pas zhi zhing phra yang 'khor ba mtshan ma'i rnam pa can rags par snang ba ci'i phyir dbang po'i spyod yul las 'das pa yin zhe na/ smras ba/ e ma'o 'khor ba dag gi rgyun/ /e ma'i shin tu mya ngan 'das/ zhes gsungs te/ 'khor ba nye bar len pa'i phung po lnga/ /rten cing 'brel par 'byung ba rgyu rkyan chogs pa'i dbang gis mi rtag pa rgyun gyi ngo bor gnas pa ma brtags na nyams dga' ba'i ngo bo yod kyang de nyid gtso bor grub pa med de/ 'khrul pa nyid de ltar snang bar rig na de nyid mya ngan las 'das pa'i ngo bo bas na sku dang ye shes thams cad kyi rang bzhin du bstan pa yin pa'i phyir na dbang po'i spyod yul las 'das zhes bya/ gnyis su na gong ma'i don la bsnyegs te/ e ma'o 'khor brten 'brel gyi rgyun la gnas pas yul sems tha dad gzung 'dzin du snang ba de sems 'khrul pa yul du snang bas mtshan mar mthong yang/ sems rang bzhin med par rtogs na yul mtshan mar grub bas na/ yul sems gzung 'dzin dang bral ba nyid mya ngan las 'das pa yin pa ngo mtshar che zhes bstan pa'o/ /zab mo'i dbang du bya ste/ bshad na/ e ma'o shin tu ngo mtshar che zhe'o/ /gang zhe na/ chos thams cad kyi sku gsung thugs kyi rang bzhin las gzhan med par ston pa'i gsang ba 'dus pa'i rgyud 'di zhe'o/ /ci'i phyir de la ngo mtshar skye zhe na/ dbang por shin tu zhi ba zhes bya ste/ mig la sogs pa dbang po lnga'i spyod yul du bab pa'i gzugs la sogs pa'i yul 'dod pa'i yon tan rab 'bring tha ma gsum cu
- 64a
snang ba thams cad sku gsung thugs rdo rje rnam pa gsum gyi rang bzhin 'dod pa'i yon tan gyi lha mo gzugs rdo rje ma la sogs pa'i nge bor rig na des mi 'ching zhing dbang du gyur pa dang grol bar grub par gyur pas na shin tu zhi zhes bya ste/ rags par skye ba'i nyon mongs par mi 'gyur zhing/ shin tu zhi zhing phra bar rig pa'i ye shes su 'gyur te/ de lta bu'i don ston pa 'am/ don dang ldan pa'i rgyu yin pa'i phyir ngo mtshar che zhes bya'o/ /'o na lam dang gnyen po gzhan gyis bsgrub cing bcos pas de lta bur bsgoms pas de bzhin du bsgrub par 'gyur ram 'gyur na bsgom par byed pa po de lta bu zhig gis de ltar bsgrub par bya snyam pa'i phyir/ e ma'o 'khor ba dag gi rgyun/ e ma'o mchog tu mya ngan 'das zhes gsungs te/ e ma'o zhes pa 'di ni de ltar bsgoms pas 'khor ba'i nyes pa thams cad sal nus par bstan pa la ngom zhing ngo mtshar skye ba ste/ ci'i phyir zhe na/ shes pa rkyen bzhi tshogs pa'i dus na dbang po dang rnam par shes pas kyang yul rnams nyon mongs pa gsum gyi rang bzhin du mthong zhing bskyed la/ yul rnams dang dbang po rnams kyis kyang rnam par shes pa las nyon mongs pa gsum du skyad par byed pa'i bag chags kun gzhi la 'debs pa'i dbang gis 'khor ba'i chos 'byung zhing 'phel bar 'gyur te/ 'khor ba rten cing 'brel bar 'byung ba rgyu rkyen tshogs pa mi rtag pa rgyun gyi ngo bo las 'bras bu 'byung ba yin dang/ gong ma lta bur dbang po'i yul du gyur pa thams cad du nyon mongs pa gsum du bskyed pa dang/ de ltar skye bar byed pa thams cad sku gsung thugs rdo rje gsum du shes par byas nas 'dod pa'i yon tan gyi lha mo gzugs kyi rdo rje ma la sogs pa'i ngo bor rig par byas na bdag gis bdag mchod pa yin te/ nyon mongs pa de dag gi 'khor ba dang
- 64b
ngan song du mi 'chid zhing rnam par grol ba'i rgyur gyur nas dug gsum rnam par dag pa sku gsum du grub pas bag chags ngan pa bsal te rten 'brel rgyun bcad de/ 'khor ba rgyun bcad nas mya ngan las 'das pa'i rang bzhin du gyur pa yin no/ /de sgom par byed pa yang 'phags pa'i sa pa gnyen res su dang po nas gcad pa yod pa ma yin te/ 'khor ba'i chos can rten 'brel gyi rgyun la gnas pa'i sems can gyi nang na yid kyi shas che ba 'dzam bu gling ba'i me 'di nyid de ltar bsgoms pas de bzhin du 'grub pa yin zhes tshig phyi ma 'dis kyang rtsa ba'i tshig gnyis la rim par sbyar ro/ /de bas na e ma'o zhes pa tha ma 'dis ni de ltar 'khor ba nyid mya ngan las 'das pa'i rang bzhin du ston pa 'am/ de lta bu'i don dang ldan pa'i rgyud 'di ngo mtshar che zhing rmad du byung ba'o zhes bstan pa'o/ /byang chub sems dpa' byams pa la sogs pas de skad gsol ba'i de ma thag tu/ de nas de bzhin gshegs pa rnam par snang mdzad la sogs pa de dag thams cad kyi/ byams pa sogs pa'i byang chub sems dpa' sems dpa' chen po de rnams la zhus pa'i lan 'og nas 'byung ba 'di skad ces bka' stsal to/ /byang chub sems dpa' zhes spyir bos nas/ de de bzhin no/ /zhes bya ba ni ston pa byang chub sems rdo rje la sogs pa de bzhin bshegs pa thams cad dang sems can thams cad kyi rang bzhin bstan pa ma nor ba de bzhin du yin no/ /sems dpa' chen po dag /chos thams cad dang rgyud 'di'i yon tan gyi rang bzhin smras pa/ de yang don de kho na bzhin du yin te/ ma nor ro zhes gsungs pa'i don to/ /de ltar ston pa dang sems can kyi rang bzhin dang chos thams cad kyi mtshan nyid kyi 'jal stangs rtsing rims tsam du spyi khyab tu zhus pa la/ khyed kyis shes rab kyis rtogs pa'i chad de ltar yin te/ ma nor ro zhes
- 65a
bka' stsal pa dang/ de nas zhes bya ba de ma thag tu bar cis kyang mchod par/ byang chub sems dpa' de dag kyang 'dus te byon nas/ zhes bya ba la sogs pa ste/ 'di skad ces gsol to zhes bya ba dang 'brel to/ /yang zhes bya ba ni gong du spyi'i rang bzhin rtsing rims su zhus pa de las gzhan pa'i don zhib tu zhu bar 'dod pa'i tshig ston pa'i phyir yang zhes smros te/ 'dus te zhes bya ba ni don zhu bar 'dod pa'i dmigs mthun pa dang/ tshig brjod par bya ba'i dag mthun ba dang/ lus kyi gus pa bskyed par bya ba'i spyod pa mthun pa'o/ /byon nas zhes bya ba ni ring ba na 'dug pa'i 'khor ni nye bar 'dus la/ nye ba na 'khor ba'i 'khor ni zhabs drung du gtugs pa'o/ /nas zhes bya ba ni de ltar dgongs pa mthun par btud nas zhes bya ba'i tha tshig ste/ ci byed zhe na/ rnam par snang mdzad la sogs pa de bzhin gshegs pa de dag thams cad la gsang ba mchog gi mchod pas yang dag par mchod de phyag 'tshal nas zhes bya ste/ phyi nang gsang ba gsum gyi mchod pa bla na yod pa dang/ bla na med pas bsdus pa las 'di ni kun kyi spyod yul du ma gyur pas mthun mong ma yin pa gsang ba'i mchod pa bla na med pa ste/ thabs dang shes rab gnyis su med par sbyor ba bde ba'i sgra dang/ 'od zer gyi 'phro 'du dang/ lhag pa byang chung sems kyi yin la/ spyan dang sgeg mo dang gzugs kyi rdo rje ma la sogs pa'i lha mo dang/ mchod pa'i rdzas kyi khyad par dang/ rigs dang/ gzugs dang/ dbyibs dang/ kha dog mi mthun pa rnam pa tha dang pa mang po spros pas/ sku gsung thugs kyi rgyud la bstim zhing mchod pas mnyes par bya ste/ sgo gsum nas gus pa bskyed de thun mong dang zab mo rnam gnyis kyi sgo nas 'dud pas phyag 'tshal nas/ tshig mthun par mgrin gcig tu 'di skad zhus zhes pa'i don to/ /ci kho na skad gsol ba
- 65b
btab cing zhus she na/ e ma'o shin tu thob dka' 'di/ /byang chub tu ni sgrub pa'i thabs/ /rgyud rnams phyi ma'i phyi ma yis/ /gsang ba 'dus pa'i rgyud gsungs pa/ zhes bya ba la sogs pa ste/ gsol zhing mchis zhes zhus pa'o/ /de la e ma'o zhes pa ni shin tu thob par dka' ba'i byang chub tu sgrub pa'i thabs gsang ba 'dus pa'i rgyud kyi don 'di lta bu bdag cag gis zhus zhing thos par nus pa na ston pa thugs rje che zhing bdag cag skal ba chen po dang ldan pa'o zhes ngom zhing ngo mtshar skyes pa'o/ / shin tu thob dka' zhes bya ba ni sgo gsum nas dka' ba sna tshogs sbyor cing/ bskal pa grangs med par 'bad kyang rnyed cing thob par nus par don gong du bstan pa dang 'og nas 'byung ba 'di zhes bya/ gang zhe na byang chub tu ni sgrub pa'i thabs zhes bya ste/ byang chub ni zad pa med cing skye ba med pa ste/ sgrub pa ni rgyu'i don te lus ngag yid gsum sku gsung thugs rdo rje gsum gyi rang bzhin du sgom pa'o/ /thabs ni rdo rje cho ga bzhi dang bsnyen sgrub rnam pa bzhi la sogs pa'o/ /de yang gang las 'byung zhing ston na/ rgyu rnams phyi ma'i yang phyi ma'i/ gsang ba 'dus pa'i rgyud gsungs pa/ zhes bya ba 'di las ston te rgyud gsang ba'i rgyud rnams kyi phyi mar gyur pa ni gsang ba 'dus pa'i rgyud 'di yin te/ de la yang gnyis te/ gsungs pa'i phyi ma ni rnam par snang mdzad sgyu 'phrul dra ba ste/ de ltar ci mngon zhe na/ rgyud thams cad kyi phyi ma'i phyi ma zhes dbus las gsungs pa/ gsang ba'i dbang bskur ba rdo rje slob dpon gyi che ba bstan pa gsang ba 'dus pa las 'byung ba bzhin kha ton byas pa zhabs nas 'byung bar mngon no/ /don gyi phyi ma ni sngar rgsungs pa'i rgyud du ma 'dus pa'i don 'dir ston cing 'di'i don ni rgyud gzhan du ma gsungs pa'i phyir te/ ci mngon zhe na/ dbu las mtshan gsang ba 'dus pa zhes gsungs pa dang/ zhabs
- 66a
'dir rgyud rnams phyi ma'i zhes gsungs pa 'dis mngon no/ /de la yang gsum ste/ sngar ma gsungs pa ston pa dang/ sngar gsungs pa kha bskang ba dang/ sngar gsungs pa'i the tshom ma chod pa bcad pa'i phyir gsungs pa gsum las/ 'di ni rtsa ba'i rgyud du the tshom ma chod pa gcad pa'i phyir gsungs pa'o/ /de ltar gsang ba'i rgyud thams cad kyi don gyi phyi mar gyur pa ni gsang ba 'dus pa'i rgyud le'u phyed dang bco brgyad bstan pa yan chad do/ /de'i yang phyi mar gyur pa ni le'u bco brgyad kyi phyed pa 'di la bya ste/ gsang ba 'dus pa'i rgyud gsungs pa zhes pa'i rnam par snang mdzad la sogs pa'i 'khor gyis de bzhin gshegs pa rnams la zhus nas gsungs pa'i le'u 'di la bya'o/ /rtogs bka' de nyid chung bya ste zhes bya ba/ rgyud 'di'i mtshan nyid ni sbas pa gsum gyis sbas shing/ rgyud dkrugs/ lung bcus/ man ngag spas pas/ drang thad du rtogs pa dka' ba de nyid rtogs shing khong du chud pa bya 'dod pa ste zhes bya'o/ /don de byang chub sems dpa' rnams kyis yang nas yang du zhus pa dang de bzhin gshegs pa rnams kyis rim par gsungs pa yang theg pa 'og ma pa ltar bdag 'ba' zhig gi rang phan dang sgo bde ma yin pas na/ sems can rnams la phan bya'i phyir zhes bya'o/ /nges ni zhu ba po byang chub sems dpa' rnams sems dpa' chen po zhes bya ba'i sgra dang mthun par sgrub pa dang/ chos 'di yang theg pa chen po yin par bstan pa'o/ /'o na gsang ba 'dus pa'i rgyud ni sngar rim par phye nas rgyas par gsungs zin na/ de yang zhu bde snga mar nor bar gsungs pa lam/ dgros pa med pa ma yin nam/ snyam pa'i don du gang gsungs yang dag gsungs pa'i zhes smos ste/ rtsa ba'i rgyud gang yin pa de'i tshig dang don gong du sngar gsungs pa yang phyin ci log tu ma gyur cing yang dag par ma nor bar gsungs
- 66b
pa'i phyir/ yon tan dam pa phun sum tshogs pa dang/ ldan pa yin na yang de dag gi tshig don dang mi 'jal ba dang/ the tshom za ba ma chod pa mchis pa rnams kyi gegs gsal ba dang/ chung zad lus pa mchis pa bshad par mgon po khyed la gsol zhing mchis te zhu dgos zhes pa'i don ston to/ /de ltar zhus pa'i de ma thag tu yang 'khor kyi de bzhin gshegs pa rnam par snang mdzad la sogs pa ma lus pa de dag thams cad kyi zhu ba po'i byang chub sems dpa' de rnams la lan 'og / nas 'byung ba 'di skad ces bka' stsal to/ /gang zhe na/ gang zhig rgyud 'di rtogs dka' ba/ /de dag thams cad zhu 'dod pa/ /legs so legs so byang chub che/ /legs so legs so yon tan gnas zhes gsungs te/ rigs kyi bu pho mo gang zhig su yang rung bas tshig dang don gang zhig rgyud 'di'i nang nas rtogs shing khong du chud par dka' ba de dag thams cad ma lus pa kun rtogs shing khong du chud par bya ba'i phyir/ /zhu ba dang zhu bar 'dod pa yang legs pa yin na/ byang chub sems dpa' khyed lha bus zhus pa ni shin tu yang legs pa'o zhes dgyes shing zhu bar gnad ba byin cing skabs phye ba ste/ de la legs so zhes smos pa dang po ni byang chub sems dpa' khyed rnams rdo rje theg pa gsang ba'i rgyud la mos pa skye zhing 'jug pa legs so zhes ba ste/ /sngon nas sbyangs pas 'brel ba'i 'phro yod par bstan pa'o/ /legs so zhas gsungs pa gnyis pa ni thos pa de la the tshoms pa'i rtog pa skyes pa yang legs so zhes te/ des ni sngags la rnam par sbyangs pa'i shes rab kun dang thun mong ma yin pa yod par bstan pa'o/ /legs zhes bya ba gsum pa ni the tshom de dag gsal ba'i don zhu ba yang legs so zhes pa ste/ des ni sngags kyi nges par 'byung bar 'gyur ba'i skal ba yod par bstan pa'o/ /legs so zhes bya ba bzhi pa
- 67a
ni sems can rnams la phan pa'i phyir zhus pa yang legs so zhes pa ste/ des ni theg pa 'og ma pa rnams las khyad par du bstan pa'o/ /byang chub che zhes pa ni byang chub sems dpa' rnams la thun mong gi sgo nas spyir gos pa'i chig /byang chub sems dpa' sems dpa' chen po zhes brjod pa'i don to/ /yon tan gnas zhes bya ba ni khyed kyis zhus nas nged kyis bshad pa'i rgyud dam/ rgyud kyi don 'di ni 'jig rten dang 'jig rten las 'das pa dang/ de bzhin gshegs pa'i sku gsung thugs kyi rgyud la mnga' ba'i che ba'i yon tan thams cad kyi 'byung gnas su gyur pa yin no/ /zhes kyang bstan la/ che ba'i yon tan de dag dang ldan pa'i rgyud 'di 'byung ba'i gnas ni khyed zhu ba po dang/ nged ston pa po gnyi ga yin pas zhus pa'i ched du bshad par bya'o zhes bstan pa yin no/ /de bzhin gshegs pa rnams kyis de skad bka' stsal cing gnang ba byin pa de ma thag tu/ de nas byang chub sems dpa' sems dpa' chen po byams pa la soT pa de dag thams cad sems rab tu dga' ba skyes nas de'i rtags sngon legs par sbyangs shing spyad pa las grub pa'i 'bras bu spyan pad+ma'i 'dab ma rangs pa lta bu zam? zim tsam du phye ba ma yin gyi/ legs par gdangs te mig mi 'dzum par 'bad nas zhal du lta ba ni spyan rgyas pa zhes bya ste/ de ltar bltas nas yang dang yang du zhes bya ba ni bsnan pa'i don te/ lan gsum du phyag 'tshal ba yin la snga ma las mi 'dra ba'i mtshan nyid du ston pa ste/ lus kyis phyag 'tshal ba'i dus na ngag dang sems kyi sgo nas kyang phyag 'tshal ba bstan pa yin te/ lus gus pa dang/ ngag srid zhu dang/ sems dang pa bskyed pa yin no/ /gsum du na thun mong dang thun mong ma yin pa zab mo'i sgo nas mi gnyis pa'i 'dud pa'i
- 67b
bskyed par bstan pa yin te/ de ltar phyag 'tshal nas the tshom mi za ba'i don rnams rim par zhus la/ de nas gsang ba ji ltar lags zhes bya ba la sogs pa nas/ dkyil 'khor kun gyi rnal 'byor pas/ /bka' ni ji ltar stsal bar bgyi/ zhes bya ba'i bar du zhus tshig lnga bcu rtsa drug 'byung ste/ de la zhes bya ba ni sngar gong du rtsa ba'i rgyud le'u phyed dang bor brgyad gsungs pa de la zhes bsnyags pa'i tshig ste/ gsang ba zhes bya ba ji ltar lags/ zhes bya ba ni/ sgyu 'phrul las ni/ rang bzhin dang/ gab pa dang/ sbas pa dang/ mi bstan pa'i gsang ba zhes 'byung/ gsang ba'i gzhung gzhan las ni rang bzhin gyi gsang ba dang/ rgyud ma 'dras bas gsang ba dang/ lung med pas gsang ba dang/ snod ma yin pas gsang ba zhes 'byung/ sbyor ba'i rgyud las ni lA sye la sogs pa'i lha mo bzhi la gsang ba zhes bshad/ gdan bzhi pa las ni thabs dang shes rab la gsang ba zhes bshad pa mchis na/ rgyud 'di'i skabs su gang la bgyi zhes zhus pa ni dang po'o/ / 'dus pa yang tshig 'dus pa dang/ don 'dus pa dang/ rang bzhin 'dus zhes bshad pa mchis na 'di'i gnas skabs su ji ltar na ni 'dus zhes bgyi ba lags zhes zhus pa ni gnyis pa'o/ /gsang sngags thams cad kyi rgyud dkrugs/ lung gcus/ /man ngag sbas zhes gsungs na 'di'i skabs su dgyus ji lta ba bzhin du drang thad du rim par ston pa lags sam/ rgyud kyi mtshan nyid dkrugs te/ 'dug pa'i don gyi 'brel pa man ngag gis rim par sbrel nas ston pa lags zhes zhus pa ni gsum pa'o/ /zhi gnas dang/ lhag mthong dang/ mtshan ma dang mtshan ma med pa/ thabs dang shes rab bam/ ye shes tsam la snyoms par 'jug pa las sbyor ba zhes mchi ba mchis na/ rgyud 'di'i bzhed kyis sbyor ba zhes
- 68a
bgyi ba'i don ji ltar lags zhes zhus pa ni bzhi pa'o/ /rgyud ces bgyi ba kha cig las ni dkrugs pa'i mtshan nyid can pas rgyud ces bgyi bar bshad/ kha cig las ni rgyud ma chad pa las rgyud ces bshad/ kha cig las ni brgyud pa'i phyir na rgyud ces bshad pa mchis na/ 'di'i skabs su rgyud ces bya ba'i don dang/ mtshan nyid ji lta bu lags zhes pa ni lnga pa'o/ /de kho na nyid kyang sbyor ba'i rgyud saM gra ha las ni/ sum cu rtsa bdun dang/ bcu drug dang/ bzhi dang/ gsum dang/ gnyis kho nar bshad gsang ba snying po las ni gsum du 'byung/ snang mdzad sgyu 'phrul dra ba las ni bcur bshad/ zla gsang las ni bdag dang/ lha dang sngags dang/ phyag rgya zhes bshad na/ rgyud 'di las de kho na nyid rnam pa du kho na yod par gsungs zhes zhus pa ni drug pa'o/ /gsang ba zhes bya ba yang sbyor ba'i rgyud las dam tshig las gsang bar bshad/ theg pa 'di'i lugs kyis ni thabs dang shes rab zhal sbyor ba dang rdo rje pad+ma la bzhag pa la gsang ba zhes bshad/ theg pa spyi lugs las ni sku gsung thugs la'ang/ sku gsung thugs kyi gsang ba zhes bshad na de 'di las gsang ba rnam pa du yod par bzhed/ gang kho na la gsang ba zhes bya zhes zhus pa ni bdun pa'o/ /sbyor ba'i rgyud las ni rab tu gsang ba zhes mchod pa bzhi dang/ bcu drug la mchi ba mchis theg pa 'di'i gzhung las yang gsang ba chen po zhes bshad/ rgyud 'di gsang ba dang/ gsang chen dang/ dam pa gsum du gleng pa 'bras bu 'dus pa'i chos yin zhes gsungs na/ 'di las gsang ba du ston zhes bya ba ni brgyad pa'o/ /gsang ba zhes bshad pa'i sgra yang mang du gsungs na/ gsang chen zhes bshad pa gsang ba dang khyad par mchis sam ma mchis/ ji ltar lags zhes zhus pa
- 68b
ni bshad pa'o/ /dam pa zhes bgyi ba ni mchog la bgyi ste/ 'jig rten dang 'jig rten las 'das pa gnyi ga la mchi na 'di'i gnas skabs su gang la 'tshal ba bgyi zhes zhus pa ni dgu pa'o/ /byang chub sems kyang don dam pa dang?/ kun rdzob dang/ gsang ba'i sa bon la mchi ba mchis/ dam tshig rdo rje 'am/ byams pa la sogs pa la byang chub sems dpa' zhes mchi na gang la bgyi/ 'di'i don ji ltar lags zhes zhus pa ni bcu pa'o/ /rig pa'i skyes bu zhes bgyi ba ni ye shes las 'khrungs shing 'byung ba'i sangs rgyas dang byang chub sems dpa' dang/ lha pho mo kun la yang bgyi na 'di'i le'u dang po ting nge 'dzin gyi dkyil 'khor las de bzhin gshegs pa thams cad kyi sku dang gsung dang thugs kyi rig pa'i skyes bu'i gzugs zhes gsungs na/ 'di dag gcig gam so so don ji lta bu la shes par bgyi zhes zhus pa ni bcu gcig pa'o/ /le'u dang po ting nge 'dzin gyi dkyil 'khor bshad pa las gsang ba'i dkyil 'khor nas phyi'i dkyil 'khor du spyan 'dren pa'i skabs su sngags badzra d+hi ka ces brjod pa'i don ji lta bu lags zhes zhus pa ni bcu gnyis pa'o/ /de bzhin du dzi na dzi ka gis rnam par snang mdzad gdon pa ni bcu gsum pa'o/ /ratna d+h+ri ka gis rin chen 'byung ldan spyan drang pa ni bcu bzhi pa'o/ /A ro lig gis snang ba mdza' yas spyan drang ba ni lnga pa'o/ /pradz+nyA d+h+ri ka gis don yod grub pa spyan drang ba ni bcu drug pa'o/ /sngags 'di rnams ma brjod par spyan drang pa dang/ brjod nas spyan drang ba la khyad par dang bye brag mchis sam ma mchis/ spyan drang ba dang bzlas pa gnyi ga'i sngags dang snying po
- 69a
lags sam ma lags zhes zhus pa'o/ /bya ba'i rgyud las ni/ mgrin pa dang/ snying kha dang/ rked pa nas byung ba la rigs zhes mchi/ sbyor ba'i rgyud las ni gang de bzhin gshegs pa'i snying po las 'byung ba ni de bzhin gshegs pa'i rigs so/ /zhes pa logs par bshad na/ theg pa 'di'i gzhung gis ni rigs lnga'o zhes bshad na rgyud 'di'i gnas skabs su rigs ni rnam pa dur bzhed/ rigs kyi ngo bo ni dngos su ji lta bu la bgyi/ dngos zhes zhus pa ni bcu bdun pa'o/ /mtshan nyid kyi theg pa 'am/ chos spyi lugs kyis ni gti mug ces bgyi ba ni 'dod pa'i khams na spyod pa'i rgyu dang 'bras bu dang de kho na nyid kyi don la rmongs shing mi shes pa la bgyi na 'di'i skabs su gti mug ces bgyi ba ji ltar lags zhes pa ni bco brgyad pa'o/ /zhe sdang zhes bgyi ba ni mnar sems kyi dngos po dgung dang ldan pas pha rol la sems thogs pa la bgyi na 'di'i gnas skabs su ji lta bu la bgyi ba lags zhes zhus pa ni bcu dgu pa'o/ /nga rgyal zhes bgyi ba 'jig tshogs la bdag dang bdag gir lta ba la brten nas/ sams khengs pa nga rgyal bdun gyi ngo bar gnas te/ chung bas bdag che la che ba dang bdag mtshungs pa'o snyam pa la sogs pa la bgya ni/ 'di'i skabs su ji lta bu la bgyi ba lags zhes zhus pa ni nyi shu pa'o/ /'dod chags zhes bgyi ba 'dod pa dang 'dun pa bskyed pa khams gsum gyi lus dang longs spyod la chags pa la bgyi na/ 'di'i skabs su ji lta bu la bgyi ba lags zhes zhus pa ni nyi shu gcig pa'o/ /phrag dog ces bgyi ba gzhan gyi phun sum tshogs pa dag bdag la yod la/ gzhan la med pa 'am yang na mnyam par gyur na snyam nas sems nas 'khrug pa la bgyi na/ 'di'i skabs su ji lta bu la bgyi ba lags?
- 69b
zhes zhus pa ni nyi shu gnyis pa'o/ /rdo rje'i sngags ni ji ltar lags zhes pa ni sku gsung thugs rdo rje dang/ de bskyed pa'i sngags ni ji lta bu lags zhes pa'am/ gnyis su na sku gsung thugs ye shes rdo rje lta bu las skyes pa'i dkyil 'khor gyi lha 'de rnams kyi bskyed pa dang bzlas pa'i sngags ni ji lta bu lags zhes zhus pa ni nyi shu gsum pa'o/ /gzhung gzhan las ni 'gyod pa med pa la dga' ba zhes mchi/ 'di las ni zhe sdang dga' ma zhes bya ba la sogs par yang gsungs na/ 'di'i skabs su dga' ba zhes bya ba'i don ji lta bu lags zhes zhus pa ni nyi shu bzhi pa'o/ /rgyud yongs kyi mtshan nyid kyis ni gleng gzhi la phun sum tshogs pa zhes mchi/ de bzhin du rigs dang dpal dang 'byor ba la sogs pa kun la yang phun sum tshogs pa zhes bya ba'i sgrar 'jug /'di'i le'u dang po las kyang de bzhin gshegs pa'i btsun mo'i mchog phun sum tshogs pa zhes gsungs na/ 'di'i skabs su phun sum tshogs pa zhes bgyi ba ji ltar bshad ces zhus pa ni nyi shu lnga pa'o/ /'di la khro bo chen po bcu 'byung ba la le'u dang por khro bo bzhi smos pa'i mtshan gshin rje mthar phyin zhes pa'i don/ ci'i phyir gshin rje mthar phyin zhes bya ba la sogs shes zhus pa ni nyi shu drug pa'o/ /shes rab mthar phyin zhes bya ba don ji lta bu lags pa zhus pa ni nyi shu bdun pa'o/ /rta mgrin la padme mthar phyin pa zhes bgyi ba'i den ji ltar lags zhes zhus pa ni nyi shu brgyad pa'o/ /bdud rtsi 'khyil pa la bgegs mthar phyin pa zhes bgyi ba'i don ji lta bu lags zhes zhus pa ni nyi shu dgu pa'o/ / phyogs bcu dus bzhi'i mgon po kun gyis sam/ dkyil 'khor 'di'i mgon po rnams kyis dus dang gnas skabs kun tu 'gro ba rnams kyi don spyod pa tshul dang rnam pa ji ltar spyod pa lags zhes zhus pa ni sum cu pa'o/ /sngags spyod pa 'am sngags kyi
- 70a
sbyod pa dur khrod kyi rgyan cha thogs nas drag shul gyis spyod pas sgrub ces mchin sgo gsum sbyong ba ji ltar bgyis la spyad par bgyi zhes zhus pa ni sum cu gcig pa'o/ /bzlas brjod pa bgyi ba'i thabs kyang rdo rje bzlas pa 'ba' ? zhig tu bya zhes kyang mchi/ rigs bzhi'i bzlas brjod pa la sogs par yang gsung ni thabs ji ltar 'tshal bar bgyi zhes zhus pa ni so gnyis pa'o/ /zhes bya ba'i sgras phyag rgya la rgyas 'debs ba zhes mchi ba mchis na/ 'di'i skabs su rgyas 'debs zhes bgyi ba'i don ji ltar 'tshal bar bgyi zhes zhus pa ni so gsum pa'o/ /gzhung gzhan las chos kyi dbyings dang de bzhin gshegs pa nyid la chos kyi 'byung gnas zhes mchi/ nam mkha' dang/ gzhal yas khang dang/ gsang ba'i mkha' dbyings la chos kyi 'byung gnas zhes mchi na/ 'di'i skabs gang la bgyi ba lags zhes zhus pa ni so bzhi pa'o/ /mtshan nyid kyi theg pa las ni sdom pa zhes mchi la sngags kyi theg pa las ni dam tshig ces bshad na 'di'i skabs su sdom pa zhes bshad pa'i don ji lta bu lags zhes pa ni so lnga pa'o/ /dug gsum ma spangs pas ni bdag gzhan la gnod cing ngan song du ltung ba'i rgyu lags na gsang sngags kyi gzhung gis dug gsum spyad pas 'grub pa dang/ sems can gyi don du 'gyur zhes mchi na/ 'di'i skabs su don ji ltar 'tshal bar bgyi zhes zhus pa so drug pa'o/ /dkyil 'khor la gzhung gzhan las chos kyi sku yang mchi/ gzugs kyi sku dang rdul tshon bris pa dang/ rnal 'byor pas bsgom pa la yang mchi/ zla gsang las ni/ bdag nyid de nyid mnyam gzhag dang/ /de bzhin lha yi de nyid dang/ /sngags dang phyag rgya'i de nyid ni/ /de'i dkyil 'khor mchog tu 'gyur/ zhes gsungs sbyor ba las ni/ sangs rgyas kun gyi byang chub sems/ /bla na med par rtogs 'gyur pa/ /rgyal bas gsungs pa'i
- 70b
ye shes gang/ /de ni dkyil 'khor snying por gsungs/ zhes gsungs na 'di'i skabs su dkyil 'khor zhes bgyi ba'i don ji ltar lags zhes zhus pa ni so bdun pa'o/ /phyag rgya yang 'jig rten pa'i rgyal po la sogs pa la'ang mchis/ sngags kyi rgyud las kyang phyag rgya lus la dgod pa dang/ dkyil 'khor la dgod pa dang/ yum la dgod pa dang/ gzhan gyi lus la dkod nas bsrung ba la sogs pa'i thabs mang por 'byung ba mchis na 'di'i gnas skabs su gang la bgyi/ ji ltar dgod ces zhus pa ni so brgyad pa'o/ /me tog kyang gzhung kha cig las ni chu las skyes pa dang/ thang las skyes pa dang/ ri las skyes pa dang/ utpa la dang/ pad+ma dang/ ku mu ta la sogs pa/ ming dang/ gzugs dang/ dri dang/ kha dog la sogs pa dag la mchi/ kha cig tu khrag la yang me tog ces mchi/ kha cig las ni phyag rgya la yang me tog ces mchi na/ 'di'i skabs su don ji lta bu la 'tshal bar bgyi zhes zhus pa ni so dgu pa'o/ /mchod rten yang mdo sde las ni sangs rgyas mang po lhan cig tu tshogs pa'i gnas la yang mchi sku gsung thugs kyi gzugs brnyan la yang mchi/ dge ba bcu nas byang chub kyi phyogs la sogs pa sangs rgyas kyi chos rgyu dang 'bras bu dang/ lam gyis brgyan pa'i ngo bo chos kyi sku'i gzugs brnyan/ gdan dang/ khri dang/ 'phang dang/ bum rten dang/ bum pa dang/ kha khyer dang/ 'khor lo dang/ gdugs dang/ tog gis brgyan pa yang mchi/ gdan bzhi pa las ni sgrogs pa drug gi mchod rten zhes bya ba/ zur bcu gnyis bang rim bzhi/ 'khor lo? bcu bdun yod pa/ khams gsum gyi gzugs brnyan la mchod gnas thams cad bzhugs par rtag par 'byung ba'i skabs su don ji lta bu la shes par bgyi zhes zhus pa ni bzhi bcu pa'o/ /gsang ba'i snying po las ni gzhi tshad med pa'i
- 71a
ye shes kyi 'khor lo gsal ba la zhes gzhal yas khang gi gzhi la bshad/ dkyil 'khor gyi lha rnams la yang mchi/ /'jam dpal las ni shes rab 'khor lo zhes mi cha ste/ gzhal yas khang la yang bgyi? gnas skabs kha cig tu lha'i thugs kar sgom pa la bgyi bar yang/ gzhung kha cig las ni dkyil 'khor la ni dkyil 'khor bshad/ de nyid dam tshig yin bar bshad ces kyang 'byung/ 'khor ba'i 'khor lo dang/ nyon mongs ba'i 'khor lo dang/ chos kyi 'khor lo zhes kyang bshad na/ 'di'i skabs su don ji lta bu la shes par bgyi zhes zhus pa ni bzhi bcu gcig pa'o/ /ting nge 'dzin gyis bskyed pa dang/ ye shes sems dpa' spyan drang pa la sogs pa'i sngags kyang rnam pa mang por phye nas bstan pa mchis na/ 'di'i skabs su spyan drang ba la sogs pa sngags kyi thabs ji ltar lags zhes zhus pa ni bzhi bcu gnyis pa'o/ /dbyings nas bskul ba dang/ gnas nas bskul ba dang/ gdul bya'i don la thugs dam bskul ba'i bya brag mang du mchis na/ 'di'i skabs su mgon po bskul ba ji ltar lags par 'tshal bar bgyi zhes zhus pa ni bzhi bcu gsum pa'o/ /sprul ba btang ba dang/ phyag brnyan pho nya btang ba dang/ sprul pa dang/ bzlas brjod kyi 'phro 'du btang ba'i sgra yang mang du mchis na 'di'i skabs su gtong ba zhes bgyi ba'i don ji ltar lags zhes zhus pa ni bzhi bcu bzhi pa'o/ /de ltar bstan pa de rnams la brda' tshig gam dang thad du snyad ji skad btags nas 'bod ces zhus pa ni bzhi bcu lnga pa'o/ / spyan drang pa 'am bskul ba la sogs pa bstan pa 'di dag gi don ni ji ltar lags zhes zhus pa ni bzhi bcu drug pa'o/ /sbyor ba'i rgyud saM gra ha las ni dbang rnam pa bzhi 'byung gsang ba'i snying po las ni lnga zhes 'byung/ mnyam sbyor las ni rigs
- 71b
drug gi dbu rgyan la sogs pa 'byung na/ 'di'i skabs su dbang ni ji ltar lags zhes zhus pa ni bzhi bcu bdun pa'o/ /rgyud so so la brtul zhugs kyi bye brag rnam pa mang po dag 'byung na/ 'di'i skabs su rig pa'i brtul zhugs ji ltar lags zhes zhus pa ni bzhi bcu brgyad pa'o/ /rgyud so so las kha zas bstan pa'i thabs mang por gsungs pa yang mchis na/ gsang pa'i rgyud theg pa las bza' ba dang bsrung ba'i dam tshig /bdud rtsi lnga dang/ dbang po lnga la sbyar par bya zhes bshad na/ 'di'i skabs su bdud rtsi rnam lnga ji ltar bza' zhes zhus pa ni bzhi bcu dgu pa'o/ /bdud rtsi lnga'i rkyen du gyur pa dbang po lnga yang ji ltar bza' zhes zhus pa ni lnga bcu pa'o/ /rgyud gzhan las thun mong ni dngos grub brgyad la sogs pa 'byung na/ 'di'i skabs su dngos grub thun mong ji ltar lags zhes zhus pa ni lnga bcu gcig pa'o/ /thun mong las dpags pa'i mchog gis dngos grub mi gnas pa'i mya ngan las 'das pa chen po la bgyi bar ni gsal na/ 'di'i skabs su mchog gi dngos grub ji ltar lags zhes zhus pa ni lnga bcu gnyis pa'o/ /dngos grub rnam gnyis ji ltar lags zhus pa de la sgrub pa'i thabs rnam pa du mchis zhes zhus pa ni lnga bcu gsum pa'o/ /thabs du mchis zhes zhus pa ni de'i sgo nas sgrub pa'i dngos po ni thabs kyi dngos po ste/ de ji ltar lags zhes zhus pa ni lnga bcu bzhi pa'o/ /de ltar zhu ba lnga bcu rtsa bzhi'i don gong du zhus pa dang 'og nas 'byung ba 'di dag gi don ji ltar lags pa dkyil 'khor rnam pa gsum gyis bsdus pa ma lus pa kun gyi bdag po dang/ gtso bor gyur pa/ rang bzhin gyis rnal 'byor chen po de bzhin gshegs pa khyed rnams kyis bdag cag byang chub sems dpa' rnams dang gdul bya gzhan la bka' ji ltar stsal bar mdzad ces pa dang/ de bzhin du ma 'ongs pa'i dus na 'byung ba'i dkyil 'khor kun gyis bdag po 'am gtso bo
- 72a
rnal 'byor pa des rang gi slob ma la bka' ji ltar stsal bar bgyi zhes zhus pa ni lnga bcu lnga pa'o/ /de bzhin du zhi ba la sogs pa'i las cha phra ba sna tshogs pa rnams ji ltar bgyi zhes zhus pa ni lnga bcu rtsa drug pa ste tha ma'o// // de nas de bzhin gshegs pa de dag thams cad ces bya ba la sogs pa ni/ byang chub sems dpa' chen po rnams kyis tshig don de rnams zhus pa'i de ma thag tu de bzhin gshegs pa rnam par snang mdzad la sogs pa de dag thams cad byang chub sems dpa' sems dpa' chen po de rnams zhus pa'i tshig lnga bcu rtsa drug po de dag nye bar gsan zhes bya ba ni/ thugs gzhan la mi dgongs par zhu ba'i byang chub sems dpa' rnams la dgongs nas/ zhus pa'i tshig rnams kyis sgra rnyan gyis myung bar gnas nas gsal bar thos te/ don thugs la mnga' bar gzung ba'o/ /byang chub sems dpa' rdo rje 'dzin la dmigs te zhes bya ba ni rdo rje lta bu'i ye shes rnam pa lnga dang ldan zhing chos thams cad kyi bdag nyid/ sku dang ye shes thams cad kyi ngo bor bzhugs pa rdo rje 'dzin chen po la bya mod kyi/ 'on kyang skabs 'dir zhu ba po'i/ byang chub sems dpa' de rnams kyi spyod yul du byang chub sems dpa' rdo rje 'dzin pa'i skur snang bas de skad ces bya ste/ de la dmigs te skad cig ci yang mi gsungs par gyur to/ /zhes bya ba ni rdo rje 'dzin chen po'i thugs ye shes kyi rgyud la mnga' ba'i tshig gi don de dag de la dmigs pa'i byin rlabs kyis 'khor gyi de bzhin gshegs pa rnams kyi thugs la so sor gsal bar bya ba'i phyir/ byang chub sems dpa' rdo rje 'dzin dmiT zhes bya ba dang/ gsal bar bya ba'i don nyid byang chub sems dpa' de dag la bshad na/ da lta dam pa'i chos btsun par bya ba dang/ ma 'ongs pa'i dus na sngags don du gnyer ba'i rnal 'byor pa rang gi slob dpon sngags kyi don la mkhas pa la 'dud cing
- 72b
nan tan bskyed par bya ba'i phyir zhu ba bsgugs pa'i phyir yang cang mi gsung ba dang/ don gyi gsung bden pa mtshon pa rdo rje ltar 'dus ma byas pa zab pa'i sgo nas brjod pa med pa'i tshul du chos bstan pa'i zhub pa'i byang chub sems dpa' de dag gi sems dga' zhing ye shes gsal ba'i rnam par thar pa bskyed par bya ba'i phyir skad cig ci yang mi gsung bar gyur to/ /de nas byang chub sems dpa' sems dpa' chen po byams pa la sogs pa de dag thams cad de bzhin gshegs pa rnams kyis don de lta bu la dgongs nas cang mi gsung bar gnang ba mdzad pa rig ste rab tu dga' nas/ che ba'i yon tan thams cad ma lus pa yang dag par rdzogs pa'i sangs rgyas rgyas rnam par snang mdzad la sogs pa bde bar gshegs pa'i gtso bo lnga po'i thugs rje'i bdag nyid de dag cang mi gsung bar bzhuT pa la yang nas yang du bskul bar gyur to/ /de la cang mi gsung ba de yang gong du bstan pa lta bu'i don gyi phyir/ rgyud gzhan las chos gang 'chad par bzhed pa de'i ting nge 'dzin la dang po snyoms par zhugs nas gdod chos 'chad par mdzad pa'i tshe 'khor rnams kyis zhu zhing bskul nas 'chad pa yin pas 'dir ci yang mi gsung ba de la bskul dgongs par bstan te/ yang nas yang du zhes bya ba ni don gyi gsung la bzhugs pa de tshig gi gsung gis sgra bsgrags par zhu pa dang/ zhu don lnga bcu rtsa drug pa rnams rim par bshad par zhu ba gsol ba'i phyir lan grangs du mar bskul ba'o/ /de ltar bskul ma thag tu de nas de bzhin gshegs pa rnam par snang mdzad la gsol ba de dag thams cad kyis byang chub sems dpa' byams pa la sogs pa de rnams la gdams ngag 'di skad ces bka' stsal to/ /gang zhe na/ sku gsung thugs kyi rdo rje rnams/ /sku gsung thugs kyi rdo rje la/ /bzhag nas byang chub sems dbang po/ /rgya chen po ni rab tu nyon/ zhes gsungs te/ zhu ba po'i byang
- 73a
chub sems dpa' khyed rnams kyis yang dag pa'i kun rdzob dang/ don dam pa'i sku gsung thugs kyi rdo rje rnam pa gsum de bzhin gshegs pa la yang mnga' ba'i yang dag pa'i kun rdzob dang/ don dam pa'i sku gsung thugs rdo rje rnam pa gsum la mnyam zhing dbyer med par bzhag nas gus par rna ba lhogs la nyon cig dang/ khyed kyis zhus pa'i tshig dang don rgya chen po 'di dag bstan par bya yis zhes gsungs pa'o/ /'dir sems mnyam par bzhag pas chog mod/ lus dang ngag mnyam par bzhag ci dgos zhe na/ chos thams cad sku gsung thugs rdo rje rnam pa gsum du 'dus par bstan pa ste/ de'i don sgo gsum mnyam pa nyid du bzhag pas rtogs par bya ba'i phyir ro/ /'o na byang chub sems dpa' i sgo gsum de bzhin gshegs pa'i sgo gsum la mnyam par bzhag ci dgos ce na/ 'khor ba dang mya ngan las 'das pa 'am sems can dang sangs rgyas so so ma yin tha mi dad na byang chub sems dpa' dang de bzhin gshegs pa mnyam zhing dbyer med par lha smos kyang cing gos te so so ma yin tha mi dad par bstan pa'o/ /de lta yin na byang chub sems dpa' de bzhin gshegs pa la chos zhu ba dang/ nyan ci dgos she na/ don dam par de ltar yin yang kun rdzob tu shes rab dang ye shes la khyad par che bas rtogs tshangs che chung yod par bstan pa dang/ don dam par shes rab dang ye shes la khyad par med du zin kyang ma 'ongs pa'i dus na 'gro ba gzhan la grangs shing de dag gis shes pa'i rgyud ma byang bsbyang bar bya ba dang byang chub sems dpa' i rnam par thar pa 'jug sgo mi mthun pa dag gi rgyud sbyang bar bya ba'i gtan tshigs kyang sngar bstan pa bzhin te/ de'i phyir na 'di ltar bstan pa la 'gal ba med do/ /mdor na mnyam pa nyid rtogs pa mdon du
- 73b
gyur ba'i ngang la gnas pas mnyam pa nyid ji lta ba'i don bstan nas ma rtogs pa'i gdul bya rnams mnyam pa nyid la dgod pa'i thabs su bstan pa ste/ mnyam pa nyid du bstan pa'i don yang rdo rje'i theg pa 'di nyid do/ /'dir byang chub sems dbang bo zhes smos pa'ang dper na lha dang mi la sogs pa skye dgu'i gtso bo rnams la dbang po zhes zer ba dang 'dra bar/ byams pa la sogs pa'i byang chub sems dpa' smos pa 'di dag kyang/ byang chub sems dpa' brjod kyis mi lang pa'i yang brjod kyis mi lang ba rnams kyi gtso bor gyur pa yin pas 'di skad smos so/ /rgya chen po zhes bya ba ni chos thams cad sku gsung thugs rdo rje rnams pa gsum du 'dus pa'i don stan pa ni rgyud 'di yin bas sam/ gnyis su shin tu zab pa'i don ston pas tshig rgya che ba'o/ / gsum du ni don rnam pa bdun dang ldan pas rgya che ba ste/ sems can thams cad la phan par 'dod pa'i phyir zhus bas bsam pa rgya che ba dang/ mi rtog pa'i sems kyis mi dmigs pa'i don zhus pas tshogs rgya cheb dang/ chos thams cad sku gsung thugs rnam pa gsum du 'dus pa'i don zhus pas rtogs pa rgya che ba dang/ mi gnas pa'i mya ngan las 'das pa thob pa'i don zhus pas rang bzhin rgya che ba dang/ tshe gcig gis sangs rgyas pa'i thabs zhus pas dus myur bas rgya che ba dang/ nyon mongs pa lnga dang/ 'dos pa lnga mi g.yo bar 'grub pa'i thabs zhus pa 'jug pa rgya che ba dang/ rigs lnga ye shes lnga'i bdag nyid kyi sku gsung thugs 'grub pa zhus pas 'bras bu rgya che ba dang ldan pa ste/ de lta bu'i don nyon cig ces bka' stsal pa'o/ /de nas byams pa la sogs pa'i byang chub sems dpa' de dag de bzhin gshegs pa rnam par snang mdzad la sogs pa de rnams kun gyis rjes su bzung ba'i tshig ces bya ba/ de ltar bka' i gnang ba byin pa'i rjes su
- 74a
thugs rjes bzung zhing phan 'dogs par mdzad pa'i tshig gi gdams ngag de skad bka' stsal pa sto/ de la dga' nas bcom ldan 'das legs so legs so/ /bde bar gshegs pa legs so legs so zhes gsol te/ zhes bya ba ni/ leT so dang po ni chos bshad par gnang ba byin cing nyan pa'i tshul dang/ rim pa bstan pa legs so zhes pa'o/ /legs so gnyis pa ni ji skad zhus pa de'i don bshad par mdzad pa legs so zhes pa'o/ /legs so zhes pa gsum pa ni 'di bshad pas bdag cag la phan zhing dga' bar ma zad/ ma 'ongs pa'i 'gro ba sngags kyis nges par 'byung ba'i skal pa yong pa rnams la yang phan zhing dga' ba skye ba'i don du 'gyur bas legs so zhes gsol ba'o/ /te zhes bya ba ni lhag ma can gyi tshig ste/ de skad gsol nas byang chub sems dpa' sems dpa' chen po rdo rje 'dzin gyi sku dang gsung dang thugs rdo rje la zhes bya ba la sogs pa ste/ rang rang gi sku gsung thugs rdo rje dmigs nas zhes bya ba de la dmigs pa'i byin brlabs kyis des mkhyen pa'i rgyud la mnga' bar rang rang gis rtogs par 'dod pa dang/ mnyam pa nyid kyi don la gnyis su mi lta ba'i phyir dang/ zhu ba dang bka' stsal ba'i don yang sku gsung thugs su 'dus la/ de yang yang dag pa'i kun rdzob tu so sor snang yang don dam pa'i sku gsung thugs kyi ngo por dbyer med pa ste/ so so ma yin tha mi dad bar rtogs pa mngon du gyur nas/ rdo rje 'dzin chen po'i sku gsung thugs dang byang chub sems dpa' rang rang gi sku gsung thugs dang dbyer med pa'i bdag nyid du yang dag par rig pa'i mngon du byas pa'o/ /cang mi gsung bar gyur to zhes bya ba ni chos nyan par 'dod pa'i phyir g.yang ba med cing bag dang ldan par byas nas gnas pa'i don to/ /de nas de bzhin gshegs pa de dag ces bya ba ni de ltar byang chub sems dpa' rnams cang mi gsung ba'i de ma thag tu de nas
- 74b
'khor gyi de bzhin gshegs pa rnam par snang mdzad la sogs pa de dag thams cad dang rang gi thugs rnam par mi rtog pa'i ye shes kyi ngo bo las/ bdag pa'i 'jig rten pa'i ye shes bskyed nas byang chub sems dpa' de dag yang dag bzhu ba yin pa'i slob mar dgongs bla dang/ da ltar dang ma 'ongs pa'i gdul bya gzhan la yang phan thogs par 'gyur du 'ong ngo snyam pa'i thugs rje chen por bskyed pa mngon du 'grub par mdzad pa la ni byin gyis brlabs nas zhes bya ste/ chos ston par des pa la mi 'da' ba' o/ /de'i phyir na byang chub sems dpa' chen po de rnams thams cad la zhes bya ba la sogs pa smos te/ gsung gcig tu bya ba ni de bzhin gshegs pa de dag thams cad dgongs pa dang/ gsung gi sgra dbyangs dang tshig mthun par gcig kho na bzhin du zhus lan lnga bcu rtsa drug po de dag ji skad zhus pa de'i lan des par lung bstan pa mdzad pa'o/ /de ltar yin mong kyi 'od kyang theg pa 'dis 'dul ba rnams kyis ni rgyud 'di ji lta ba bzhin du thos shing go la/ theg pa gzhan gyis 'dul ba rnams la ni gang la mos pa de bzhin du thos shing rtogs par 'gyur te/ ci'i phyir zhe na/ de bzhin gshegs pa'i rdzu 'phrul dang/ cho 'phrul dang/ rnam par thar pa ni mdza' yas te/ dpag cing gzhal ba las 'das pa'i phyir ro// //da ni zhus lan lnga bcu rtsa drug po de dag rim par bshad de/ dang po/ gsang ba zhes bgyi ji ltar lags zhes zhus pa'i lan ni/ gsang ba zhes ni bstan pa ni/ /sku gsung thugs ni rnam pa gsum/ zhes gsungs te/ theg pa dang rgyud gzhan las gsang ba'i sgra mang bor bstan pa yong na yang 'o skol cag sangs rgyas dang byang chub sems dpa' thams cad la ston pa byang chub sems rdo rjes bka' stsal ba'i rgyud 'di'i bzhed kyis ni de dag la 'khyi'i/ gang la zhe na/ spyi'i dbang du byas nas rgyas par bshad mthun mong gi
- 75a
gsang ba bzhi dang/ zab mo'i gsang ba gsum la bya'o/ /de la thun mong gi gsang ba bzhi ni/ rgyu dang 'bras bu gsang ba dang/ /lta ba dang sbyod pa gsang ba'o/ /rgyu dang 'bras bu gsang ba ni rgyu mi gtsang bar lta ba ni pha ma'i khu khrug las sangs rgyas dang byang chub sems dpa' i sku phyag rgyar bskyed pa dang/ dug gsum dang/ dug lnga las 'bras bu sku gsum dang rigs lngar 'grub pa dang/ zag pa dang bcas pa'i phung po dang khams dang skye mched mag pa med pas lha dang lha mo'i dkyil 'khor du 'grub pa dang/ rdo sol dang lig bu mig la sogs pa'i rdzas thun mong dang mchog gi dngos grub rnam gnyis grub pa dang/ grub par byed pa'i thabs su gyur pa'o/ /lta ba dang spyod pa gsad pa ni pho mo thabs dang shes rab tu bsgoms nas de'i 'byung ba lhag pa byang chub sems kyi rang bzhin du rtogs par byas pa dang/ lus las byung ba'i dri ma lnga bdud rtsi lngar byin gyis brlabs pa dang/ lcags kyu rnam pa lnga yum lngar byin gyis brlabs nas/ de dag ye shes bdud rtsi'i ngo bor zhu ba bdag gis rol cing gzhan la mchod nas/ rdo rje sems dpa' i sku tshe dang nad med bde mchog dang la bab pa dang/ 'dod pa bzhin du 'gro ba dang 'ong ba la sogs pa 'grub pa'o/ /zab mo'i gsang ba gsum ni sku gsung thugs rdo rje gsang ba gsum la bya ste/ de yang phyi'i dbang du bya ste bshad na/ chos thams cad sna tshogs pa'i rnam par snang ba ni sku/ de nyid mtshan ma'i rnam pas dpen pa ni gsung/ mtshan ma dang mtshan ma med pa gnyis su med pa ni thugs/ de star yin pa'i don ma gsungs bzhin du gzhan gyis rig pa'i spyod yul du mi 'gyur ba ni gseng ba/ chos thams cad der 'dus pas na 'dus pa'o/ /nad gi dbang du bya ste bshad na/ lus kyi bsgrub bskyod thams cad phyag rgyar snang ba ni sku'i gsang ba/ ngag gi smra brjod thams cad sngaT
- 75b
su gyur pa ni gsung gi gsang ba/ sems kyi dran rtog thams cad ting nge 'dzin du mkhyen pa ni thugs kyi gsang ba'o/ /de bzhin gshegs pa'i mdzad spyod thams cad der 'dus pa de'i don rgyud 'dir 'dus par bstan pa'o/ /gsang ba'i dbang du bshad na sten pa byang chub sems rdo rje yab yum phyag rgya rnam pa bzhi dang ldan pa gnyis su med pa'i tshul du bzhugs pa/ nyan thos chags pa spangs pa dang 'jig rten pa chags pa dad dgar spyod pa gnyi ga'i don byed nus kyang de dag gi spyod yul du mi 'gyur pa ni sku'i gsang ba/ de'i dus na yab yum so so'i sbyor ba'i brda dang gsang ba'i se gol gyi bde ba'i sgra dang/ lhag pa'i byang chub sems kyi 'od zer las gsung yig 'bru'i sngags kyi 'phro 'du 'byung ba ni gsung gi gsang ba/ de ltar rol pa mdzad pa las yab kyi lhag pa byang chub kyi sems sa bon zla ba lta bur 'khyil ba dang/ yum gyi gsang ba byang chub kyi sems mtshal dang ba bcag pa'i khu ba lta bur 'bar ba gnyis 'dres pa las ye shes lnga'i 'od zer 'phro zhing gsang ba'i dkyil 'khor bskyed la/ ma reg pa nyer bsdogs su gnas pa ni thugs kyi gsang ba'o/ /'bring du phye nas rgyud kyi don la sbyar nas bshad na/ chos kyi sku mtshan ma med pa'i dang la bzhugs na yang/ /gdugs kyi sku mtshan ma tha dad pa'i rnam par snang bas 'gro ba gad la mos pa'i skur ston pa dang/ /gsang ba'i theg pas 'dul ba rnams la yum gyi b+ha ge la gnyis su med pa'i tshul du bzhugs pa ni sku'i gsang ba/ gsung ba rjod pa med pa'i dang las mi g.yo ba bzhin sga tha dad pas theg pa so so gad gis 'dul ba'i chos ston pa dang/ gsang bar nges par 'byung ba'i gdul bya la rgyud 'di'i don 'chad par mdzad pa ni gsung gi gsang ba/ thugs rnam phur mi rtog pa'i dang las mi g.yo yang ting nge 'dzin gyi sgo mang bo la snyoms par 'jug cing/
- 76a
cho 'phrul dang/ rnam par 'phrul pa tha dad pa ston pa dang/ 'dod chags chen po'i tshul zhes bya ba la sogs pa'i ting nge 'dzin la snyoms par 'jug cing rgyud 'di'i lha dang dkyil 'khor 'thon par mdzad pa ni thugs kyi gsang ba'o/ /der ni yang dag pa'i kun rdzob tu snang ba dang/ don dam pa'i sku gsung thugs gnyi ga 'dus bas ni 'dus pa'o/ /'o na gang du thun mong dang zab mo'i dbang du byas nas bshad pa'i gsang ba'i sgra de dag phyir ji ltar 'dus she na/ de ltar bstan pa'i don phyag rgya rnam pa bzhir 'dus te/ ji ltar zhe na/ sku'i gsang ba thams cad ni sku phyag rgya chen par 'dus so/ /ci'i phyir zhe na/ sku'i spyod pa tha dad par snang ba de dag thams cad de'i khyad par las byung ba'i phyir 'dus kyang de nyid du 'dus so/ /gsung gi gsang ba thams cad ni chos kyi phyag rgyar 'dus te/ ci'i phyir zhe na/ don gyi gsung zab pa dang/ tshig gi gsung rgya che bar gnyi ga gsung chos kyi phyag rgya'i ngo bo yin pa'i phyir ro/ /thugs kyi gsang ba thams cad ni dam tshig gi phyag rgyar 'dus te/ ci'i phyir zhe na/ dam tshig gi phyag rgya nyid ting nge 'dzin gyi bye brag mtshon pa dang/ ting nge 'dzin gyi rtags kyang dam tshig gi phyag rgyar snang ba'i phyir ro/ /lta spyod gnyis kyi gsang ba thams cad ni las kyi phyag rgyar 'dus te/ de ci'i phyir zhe na/ 'phrin las la dmigs nas ni lta ba 'byung la/ lta ba la dmigs nas ni sbyod pas 'jug ste/ de bzhin gshegs pa'i 'phrin las thams cad ni lta spyod zung du 'brel cing ya char ma gyur pa'i phyir ro/ /la la na re sku'i gsang ba thams cad ni thugs ye shes las skye bas dam tshig gi phyag rgyar 'dus la/ gsung gi gsang ba thams cad ni sku las brten te/ 'byung bas phyag rgya chen por 'dus pa'o/ /thugs kyi gsang ba thams cad ni 'phrin las kyi dbang gis skye bas las kyi phyag rgyar 'dus so/ /
- 76b
zhes zer ro/ /'o na thun mong gi gsang ba bzhi sku gsung thugs su ji ltar bsdu zhe na/ lhag pa byang chub sems rnam gnyis ni thugs su bsdu/ dug gsum dang dug lnga yang sems las byung ba yin pas thugs su bsdu/ phung po lnga dang/ rdo sol la sogs pa sgrub rdzas su brjod pa rnams skur bsdu/ brjod pa'i sgra ni gsung du bsdu/ gzugs sgra dbyer med pa 'am/ gzugs med pa ni thugs su bsdu/ zag pa dang bcas pa'i phung po dang khams dang skye mched zag pa med pa dkyil 'khor du bsgom pa'i bsdu thabs kyang tshul de bzhin du rig par bya'o zer ro/ /tshig nyung zhing don gsal ba la dga' ba rnams kyi don du theg pa sbyi lugs la dgongs nas mdor 'dus te bshad na phyi'i tshul dun sku'i gsang ba ni mtshan dang dpe byang/ gsung gi gsang ba ni dbyangs tha dad ba/ thugs kyi gsang ba ni ting nge 'dzin gyi sgo tha dad pa ste/ de dag 'gro ba tha dad pa'i don du ston pa yin du zin kyang gdul bya las ma dag pa rnams kyis mthong zhing thos kyang de dag gis ngon go bar mi nus pa'i phyir ro/ /rang bzhin gyis gsang ba zhes bya'o/ /'dus ba zhes bya ba ni snang ba thams cad skur 'dus/ sgrar grags pa thams cad gsung du 'dus/ sems kyi dran rtog thams cad thugs su 'dus te rgyud dbu zhabs kyi spyi'i don yang de bzhin du rig par bya'o/ /nang gi tshul ni gsang ba ni 'jig rten na snang ba'i pho mor grag pa'i lus ngag yid gsum dang mi bskyod pa yab yum gyi sku gsung thugs dbyer med la bya'o/ /'dus pa ni de yang sa bon zla ba lta bu'i dang du 'dus pa la bya'o/ /gsang ba'i tshul na gsang ba ni de bzhin gshegs pa thams cad kyi sku gsung thugs rdo rje'i snying po ste sa bon zla ba lta bu la bya/ 'dus pa ni/ de las sangs rgyas thams cad kyi sku gsung thugs che ba'i yon tan 'dus pa'o/ /'o na rnal 'byor pa'i skabs su ji ltar sbyar zhe na/ de yang gong ma dang mthun/ lus ngag yid
- 77a
gsum sku gsung thugs su sbyar ba dang/ yab yum byang chub sems dkar dmar 'dres pa la bya ste/ tshul gong ma bzhin du sbyar ba la bya'o/ /sbyir ma hA yo ga'i lugs kyi gsang ba ni yab yum la sogs pa lha thams cad kyi sku gsung thugs 'dus pa ni byang chub sems dkar dmar rnam gnyis gsang ba'i mkha' la 'dres pa'i ngang du lha thams cad 'dus pa'o/ /gzhan dag na re gsang ba ni yum gyi b+ha ga 'dus pa ni lha thams cad der 'dus pa'o zhes zer ro/ / de bzhin gshegs pa thams cad ni de ltar mkhyen cing rig bas khams gsum dang 'khor ba las rnam par grol ba/ sems can rnams kyis de ltar ma rtogs pas khams gsum 'khor bar 'khyam pa yin no/ /de ltar gsang ba dad 'dus pa gnyi ga'i don bshad zin mod kyi/ 'on kyang zhus tshig gi grangs bgrang ba dang/ 'bru gnyer gyi don la gsal ba'i phyir 'dus pa zhes bya ba zhus tshig gnyis pa la yang bshad par bya ste/ sangs rgyas kun gyis bstan pa ni/ /'dus pa zhes bya 'du bar gsungs zhes bya ba ni ston pa'i dbang du bshad pa dang/ bstan pa'i dbang du byas nas bshad de/ de la ston pa'i dbang du byas nas bshad pa ni/ sangs rgyas dang sems can gyis rgyud du grub pa 'am/ rtsa ba sems dang sems snang bas bsdus pa'i chos thams cad sku gsung thugs rnam pa gsum du 'dus la/ sku gsung thugs rnam pa gsum yang ston pa byang chub sems rdo rje'i sku gsung thugs rdo rje lta bur dbyer med pa'i rang bzhin du 'dus so/ /sku gsung thugs de yang byang chub sems dkar dmar gnyis su 'dus pa'am/ byang chub sems dkar dmar yang sku gsung thugs rnam gsum du 'dus te/ gcig gi ngo bor gcig gyur par thams cad
- 77b
kyang 'dus la/ gzhan gyis de ltar mi rtogs pas ni/ 'dus pa nyid la yang gsang ba'i don tshang la/ yang 'dus pa'i rang bzhin tshad pas gcig gi ngo bor gcig gnas pa'o/ /de ltar bshad pa de yang gang zag 'ga' yi rang bzo 'am/ sangs rgyas gcig cem gyis rang 'dod du gsungs pa ma yin/ dus gsum du gshegs shing phyogs bcu na bzhugs pa'i sangs rgyas thams cad kyi zhal gyi sgo nas tshig tu brjod cing bstan pa yin la/ de ltar bstan pa de ni 'dus pa zhes bya ba'i sgrar brjod pa yang de nyid de/ der chos thams cad 'dus pa med pas 'du bar gsungs zhes bya'o/ /bstan pa'i dbang du bya ste bshad na phyogs bcu dus gsum gyi sangs rgyas ma lus pa kun gyi bstan pa/ rgyu dang 'bras bu'i theg pas bsdus pa 'khor ba dang mya ngan las 'das pa'i don ston cing 'dus byas dang 'dus ma byas dang/ zag pa dang zag pa med pas bsdus pa'i chos thams cad kyi mtshan nyid 'grel pa thams cad ni rgyud gsang ba 'dus pa 'di'i nang du 'dus la/ 'di'i don ni de dag tu ma 'dus te/ ci'i phyir zhe na/ ma dag pa'i snang ba'i 'khor ba'i chos thams cad kyang ma rtogs pa'i dbang gis lus ngag yid gsum dri ma can du gnas la/ de rnam bar dag cing rtags pa mthar phyin pa'i dus na dri ma dang bral ba de bzhin gshegs pa'i sku gsung thugs rdo rje rnam pa gsum du gyur pa yin te/ de ltar rtogs pa mthar phyin pas yon tan phun sum tshogs pa brnyes pa'i mtshan nyid bstan pa'i sku gsung thugs rnam pa gsum gyi dkyil 'khor dang/ der dbang bskur ba dang/ de sgom pa'i ting nge 'dzin dang/ ting nge 'dzin gyi sgo nas sems sbyang ba dang/ bsgrub par bya ba'i thabs kyi rnam pa mang po dang/ thun mong dang mchog gi dngos grub kyi mtshan nyid dang/ de grub pa'i yon tan la sogs
- 78a
pa rgya ched rgyud 'di las zhib tu ston la/ gzhan las ni phyogs 'ga' tsam ston par zad kyi/ 'di bzhin du rgyas bar ston pa yin pas na sangs rgyas ma lus pa kun gyi ston pa'i chos thams cad ni gsang ba 'dus pa'i rgyud 'dir 'dus pas na 'dus pa zhes bya ba la/ 'du bar gsungs zhes bya ba ni chu bo dang chu bran thams cad rgya mtsho chen por 'du zhing 'ub pa dang 'dra bar/ 'dir ma lus pa ni chung zad kyang med de/ de yang res 'du res mi 'du ba yang ma yin/ sngon yang 'dus da ltar yang 'dus/ phyis kyang 'du bar 'gyur/ dus gsum mam dus bzhi mnyam pa nyid du de bzhin rig par bya ste/ de yang 'jig rten pa dang 'jig rten pa'i gtso bo dbang po che gcig gam mang po 'dus pa'i mthus nan bcings su bsdus pa ma yin/ rang gi rang bzhin chos nyid kyi rigs pas de ltar gyur pa yin no bar bstan pas na/ 'dus pa zhes bya ba 'du bar gsungs zhes bya ste/ 'dus pa zhes bya ba'i don yang 'du ba 'am 'ub bar gsungs so/ / ci'i phyir na/ gzhan gyi don ni 'dus pa la rgyud 'di'i don ni gzhan du ma 'dus te de dag gi gtan tshigs kyang rtsa ba'i rgyud bshad pa'i slad du zhi ba cing rgyas par bkral zin mod kyi 'on kyang rtsa ba'i rgyud thos shing/ rnam par bshad pa chen po bdag gis bsdus pa'i glegs bam mthong pa'i skal ba med pa rnams kyis rgyud phyi ma 'di thos pa dang/ 'di'i rnam par bkrol cing bshad pa'i yi ge 'di thos par gyur pa rnams la phan par bya ba'i bsam pa nye bar bzhag pa dang/ sngar rtsa ba'i rgyud du rgyas par bkrol ba dag la tshig don mi gsal ba dag rtogs sla bar bya ba'i phyir/ skabs 'dir yang cung zad dkrol zhing dbye ba byas pa yin no/ /da ni zhus tshig gsum pa/ rgyud kyi 'brel pa ji ltar lags zhes bya ba'i lan
- 78b
ni/ lnga pa dgu pa nyid dang yang/ /bcu bdun pa dang bcu gsum ste/ /sangs rgyas byang chub sems dpa' rnams/ /sgrub pa chen por bstan pa yin/ zhes bya ba la sogs pa gsungs pa dag ste/ 'di dag gi don yang kha cig lha'i grangs yin par? bshad pa yang yod na/ de'i rtsa ba'i rgyud kyi don dang/ rgyud phyi ma 'dir sbyar nas the com za ba bsal ma shes/ drang thar du brtags nas nan sbyor bya ste/ bshad par zad do/ /de la 'di lnga pa zhes bya ba le'u lnga pa la bya ste/ de las ni theg pa gzhan las nam yang mi 'grub cing bstan pa'i snod du mi rung bar bshad pa'i rigs ngan sme sha can la sogs pa'i sems can gsod pa 'ba' zhig gi las la brtson pa dang/ mi dge ba bcu dang/ mtshams med pa lnga spyod pa'i shan pa dang/ smad 'tshod ma la sogs rnams kyang rgyud 'di'i lugs bzhen du bsgrubs na chos bdag med pa'i don rtogs nas 'grub par 'gyur ba dang/ dug gsum dngos su spyad cing ma spangs par grol zhing thar par 'gyur gyi/ slob dpon smod par byed pa'i gang zag gis 'grub par mi 'gyur ro/ /zhes ston to/ /dgu pa zhes pa ni le'u dgu pa ste/ de las ni don dam pa rtogs pa'i dam tshig dang/ de rtogs pa las byung ba'i rigs lnga'i dam tshig dang/ de la byang chub sems dpa' rnams the tshom skyes pa bsal nas ngo mtshar du gyur pa rnams ston te le'u de gnyis 'brel to/ /ci'i phyir zhe na/ le'u lnga pa las gsungs pa'i gdul bya mtshan nyid de lta bu dang ldan pa yin du zin kyang de dag gis chos mnyam pa nyid du ston pa 'di'i don la yid ches pa'i sems skyes nas/ sems de'i ngo bor gnas pa las gzhan du mi 'da' ba ni le'u dgu pa las don dam par rtogs pa'i dam tshig la gnas pa de yin la/ de yang dang yang du goms pa nyid le'u lnga pa las
- 79a
chos bdag med pa'i don rtogs nas/ 'grub par 'gyur zhes bya ba'i mtshan nyid kyang de yin/ don dam pa'i dam tshig las byung ba'i rigs lnga'i dam tshig bsrungs na dug gsum dang dug lnga nyid sku gsung thugs rdo rje dang/ rigs lnga ye shes lnga'i dang du rnam par dag pas dug gsum ma spangs par dngos su sprad pas 'grub par 'gyur bas na de'i phyir na de gnyis 'brel to/ /de bas na theg pa 'di'i bzheng kyi dngos grub thams cad ni gsang ba'i rdo rje slob dpon la ?? pas/ rdo rje slob dpon de ni rdo rje sems dpa' dang 'dra bas thugs dang 'gal bar byas na 'grub par mi 'gyur zhing/ ngan song du 'gro bar gsungs kyi rigs ngan la sogs pa de dag sngar mi dge ba spyad du zin kyang/ chos 'di'i gzhung las dang ba gting nas g.yos nas 'jug na 'grub par nges par gsungs te/ de ni gsang sngags rdo rje theg pa'i rgyud 'di thabs che la sgo yangs par bstan pa yin no/ /le'u de gnyis dang/ bcu bdun pa dang bcu gsum pa zhes bya ba 'dir 'brel te/ ci'i phyir zhe na/ le'u bcu bdun pa las/ sangs rgyas thams cad kyi sku gsung thugs rdo rje'i dam tshig dang/ rang sangs rgyas dang/ nyan thos dang/ chengs pa dang/ ma hA de ba dang/ brgya byin dang/ gnod sbyin dang/ gnod sbyin mo la sogs pa'i dam tshig dang/ de bzhin gshegs pa'i spyod pa lus sems kyi sdom pa dang/ sgrub pa thams cad kyi sdom pa la sogs pa dang/ rdo rje slob dpon gyi yon tan bshad nas/ de la sku gsung thugs kyi dngos grub gnas par bstan pa dang/ kha zas byin gyis brlab pa dang/ sku gsung thugs rdo rje'i mchod pa dang/ de bzhin gshegs pa thams cad kyi mchod pa gsang ba dang/ bsnyen sgrub rnam pa bzhi byed pa'i dus su nyam chung na
- 79b
gzi? byin bskyed pa dang/ /ting nge 'dzin gyi dkyil 'khor bskyed pa dang/ slob ma dbang bskur ba dang/ a je na dang khrag drang ba la sogs pa 'byung ste/ le'u lnga par gsungs pa'i mtshan nyid dang ldan pa'i rnal 'byor pas/ le'u dgu pa las gsungs pa'i ?? lnga'i dam tshig bsrung zhing de kho na nyid kyi dam tshig la gnas pa rtogs pa'i the tsom bcad dug gsum ma spangs par spyad pas 'grub par lta ba de'i nang du/ le'u bcu bdun pa'i nyan thos dang rang rgyal ba'i dam tshig la sogs pa dang/ bsnyen pa'i yan lag bzhi'i sngom pa la sogs pa'ang 'dus la/ dam tshig dang sdom pa thams cad kyang rigs lnga'i dam tshig gi yan lag tu gyur pa yin par/ rtsa ba dang/ yan lag gi dam tshig dang ldan pas kha zas byin gyis brlab cing bdag gi bza' ba dang/ gzhan la mchod pa dang/ ting nge 'dzin bsgom zhing slob ma dbang bskur ba dang/ las dang grub pa gang 'dod pa brtsam pa dang/ de'i dus na nyam chung na gzi byin bskyed dgos bsan/ de'i phyir dgu pa dang bcu bdun par 'brel te/ bcu bdun pa de dang le'u bcu gsum par 'brel te/ ci'i phyir zhe na/ bcu gsum pa las sku gsung thugs kyi bzlas pa dang/ rigs lnga'i bzlas pa dang/ khro bo'i bzlas pa dang/ de bzhin du rigs gsum pa dang/ gti mug dang/ 'dod chags dang/ ?? sdang? gi bzlas pa dang/ ma ning gi bzlas pa dang/ de'i dus kyi gzungs dang/ rigs lnga'i dkyil 'khor gyi bye brag dang/ las rnam bzhi dang/ de'i lha dang/ drag po'i las kyi dmigs dang/ bdag gzhan bsrung ba dang/ chu'i rdzu 'phrul dang/ rgya mtsho rkang pas gnen pa dang/ pha rol rgol pa'i dpung thams cad gnon pa dang/ dgra rmongs par bya ba dang/ grong khyer gyi nang bsal ba dang/ 'gro ba 'dul thabs kyi ting nge 'dzin dang/ srung ba'i 'khor lo dang/
- 80a
khro bo bcu'i cha lugs rnams ston te/ le'u bcu bdun pa'i sngom pa dang/ dam tshig la gnas pa'i ting nge 'dzin bsgom zhing slob ma dbang bskur ba dang/ las dang sgrub pa gang 'dod pa brtsam pa bza' ba de yang le'u bcu gsum? pa nas 'byung ba'i bzlas brjod bya ba'i tha'as dang/ gzungs dang rigs lnga'i dkyil 'khor gyi bye brag dang/ las bzhi'i thabs dang/ lha dang brag bo'i las kyi dmigs pa la sogs pa shes par bya ba la brten? na gang 'dod pa'i sgrub pa'i bye brag thams cad kyang 'grub la/ de dag sgrub pa'i thabs kyang de nyid las gsal bar ston la/ bzlas brjod kyi thabs dang/ ting nge 'dzin dang/ don de lta bu dang ldan na dug gsum ma spangs pa sku gsung thugs dang/ dug lnga 'am mtshams med pa lnga la sbyad pa rigs dang mi dge ba bcu spyad pas de nyid gnas su dag pa khro bo bcu'i 'grub par 'gyur bar bstan pa yin pas na de'i phyir na de ltar 'brel to/ /de ltar le'u lnga pa dang dgu par 'brel/ dgu pa dang bcu bdun par 'brel/ bcu bdun pa dang bcu gsum pa'i don du 'brel ba yin te/ de ni ston pa byang chub sems rdo rjes 'o skol 'khor gyi sangs rgyas dang byang chub sems dpa' rnams sgrub pa chen po bstan pa yin par rig par bya'o zhes pa'i don te/ de la sgrub pa zhes bya ba ni 'bras bu gang dang gang sgrub pa de'i rgyu'i don shes par bya'o/ /de bzhin du/ bzhi pa dang ni bcu drug dang/ /brgyad pa de bzhin bcu gnyis dang/ /brtul zhugs sdom pa sgrub pa sgrub pa ni/ /slob dpon spyi'i las yin no zhes smos te/ de la le'u bcu gsum pa dang bzhi par 'brel te/ ci'i phyir zhe na/ le'u bzhi pa las ni thugs kyi dkyil 'khor bshad par gsol ba btab nas/ dkyil 'khor gyi slob dpon gyi ched dang/ thugs
- 80b
kyi dkyil 'khor gyi tshad dang/ dbyibs su ldan par thig btab nas lha dgod pa dang/ der ye shes kyi dkyil 'khor spyan drangs la mchod pa dang/ slob ma dbang bskur ba 'byung ste/ le'u lnga pa'i mtshan nyid dang ldan pa'i bsgrub pa pa'o/ /le'u dgu'i rigs lnga'i dam tshig dang/ le'u bcu bdun pa sku gsung thugs rdo rje'i dam tshig dang/ dam tshig gi yan lag dang/ sgrub pa thams cad kyi sdom ba chad bar bsrung ba des las bzhi brtsam pa dang/ dngos grub che phra thams cad sgrub na le'u bcu bdun pa las sku gsung thugs kyi dngos grub rdo rje slob dpon la gnas zhes 'byung ba dang/ slob dpon gyi yon tan gyi de nyid las 'byung bas/ de lta bu'i mtshan nyid can gyis dkyil 'khor bri ba dang/ mchod pa dang/ dbang bskur ba byas la/ 'dod gang 'dod pa'i dngos grub bya dgos pas na/ de'i phyir na de ltar 'brel to/ /le'u bzhi pa de dang bcu drug bar 'brel te/ ci'i phyir zhe na /bcu drug pa las gsung gi dkyil 'khor bri zhing lha dgod pa dang/ n thig dang tshon gyi byin gyis brlabs pa dang/ mchod pa'i dus dang/ rmad du byung ba'i gtor ma bshad pa'i thabs dang/ sbyin sreg bya ba dang/ lha'i byin brlabs dbab cing slob ma dkyil 'khor du bzhug pa'i chog dang/ dbang bskur ba'i bum pa dang/ dbang bskur ba'i thabs kyi cho ga dang/ dam tshig rnam pa bzhi dbog pa dang/ gsang ba'i dbang bskur ba dang/ gzungs dang bdud rtsi rnam pa lnga sgrub cing byin gyis brlabs pa dang/ sgrub pa la 'jug pa'i dus su bkres sgom gyi gdung ba bsal ba dang/ mngag gzhug sgrub pa dang/ 'jig rten dang 'jig rten las 'das pa dbang du bya ba dang/ lha mo skul byed ma dang/ dzaM b+ha la dang/ gnod sbyin mo sgrub pa dang/ rig pa'i brtul zhugs
- 81a
spyad pa'i yum dang/ kha zas dang/ sdom pa dang/ yum byin gyis brlab pa la sogs pa bstan te/ le'u bzhi pa ltar dkyil 'khor bri ba dang/ dbang bskur ba dang/ mchod pa bya bar bstan par ya par?/ thig tshon byin gyis brlab cing lha dgod pa'i thabs shes pa dang/ mchod pa bya ba'i dus shes pas rmad du byung ba'i gtor ma dang/ sbyin sreg gis tshim par mchod la/ gdong slob ma dkyil 'khor du bcug la lha'i byin rlabs phab ste/ sdom pa phog na bum pa la sogs pa'i dbang bskur ba dang/ gsang ba'i dbang bskur ba'i gzungs dang/ rig pa'i brtul zhugs spyod pa dang/ kha zas bdud rtsi lnga bsten cing long spyad pa dang/ de lta bu'i sngags kyi brtul zhugs kyis min ngag gzhug pa dang/ skul byed ma dang/ dzaM b+ha la dang/ gnod sbyin mo la sogs pa sgrub cing gang dgos par bya ba dang/ de ltar sgrub pa'i dus su bkres skom gyi gnod pas mi tshugs par byas la bsgrubs na 'grub pas de dag ston pas na/ de'i phyir de ltar 'brel to/ /le'u bcu drug pa de dang brgyad par 'brel te/ ci'i phyir zhe na/ le'u brgyad pa las tshogs kyi gnas su tshogs kyi mchod pa bsham pa'i khyad par dang/ ting nge 'dzin dang/ mchod pa'i gzungs kyi bye brag rnams kyis byin gyis brlabs pa 'byung ste/ le'u bcu drug pa'i brtul zhugs la gnas pa'i rnal 'byor pas dkyil 'khor du slob ma 'jug cing dbang bskur ba dang/ mngag gzhug la sogs pa bsgrubs la gang dgos pa'i bya ba brtsam pa de yang dang por tshogs kyi dkyil 'khor gyi dbus su tshogs kyi mchod pas lha rnams gnyes par byas la gdod brtsams nas gang 'dod pa'i de ji ltar bsgrub pa bzhin du 'grub par 'gyur bas de'i phyir na de ltar 'brel to/ /le'u brgyad pa de bzhin bcu gnyis par 'brel te/ ci'i
- 81b
phyir zhe na/ bcu gnyis pa las dngos grub sgrub pa'i mtshan ma med pa'i ting nge 'dzin dang/ gang du sgrub pa'i gnas dang/ 'phags pa 'jam dpal sgrub pa dang/ 'jam dpal ril bus bsgrub pa dang/ rigs lnga so so'i rig 'dzin ril bus bsgrub pa dang/ rigs lnga so so'i dam tshig gi phyag rgya las rig 'dzin sgrub pa'i thabs dang/ thams cad dgug pa'i thabs kyi sbyor ba dang/ lcags kyu rnam pa lnga las sgrub pa'i khyad par dang/ dam rdzas blang ba'i thabs kyi ting nge 'dzin dang/ bsnyen sgrub yan lag bzhi dang/ de bsgrub pa'i gnas dang/ de'i brtul zhugs spyad pa dang/ sdom pa'i yul dang/ dngos grub mi ster na chad pa'i skye gnas rnams ston te/ slob dpon tshad dang ldan pa dang/ slob ma'i mtshan nyid bstan pa'i rnal 'byor pas rtsa ba dang yan lag tu bcas pa'i dam tshig dang/ sdom pa la gnas pas bza' ba'i dam tshig dang/ bkres skom bsal ba ni ting nge 'dzin du ldan pas dkyil 'khor du slob ma 'jug cing dbang bskur te/ pho nya la soT pa'i dngos grub bsgrub par bya ba'i don du tshogs kyi mchod pas lha ma gnyes par bya ba de yang bsnyen sgrub yan lag bzhi tshang bar bsgoms nas sgrub dgos la bsnyen sgrub yan lag bzhi tshad bar bsgom pa'i rnal 'byor bas ril bu dang phyag mtshan la sogs pa la brten nas bsgrubs na rig 'dzin dang mngon par shes pa la sogs pa 'grub par 'gyur bas na de'i phyir de ltar 'brel to/ /de lta bu'i sngags kyi brtul zhugs dang/ sdom pa dang/ sgrub pa che phra bstan pa de ni sku gsung thugs kyi dkyil 'khor 'bri zhing der slob ma dbang bskur ba dang/ sgrub pa che phra thams cad shang bar 'dod pa'i slob ma rnams kyi spyi'i thun mong gi phrin las su bstan pa yin no/ /de nyid kyi phyir na/ drug pa dang ni gnyis pa dang/ bco lnga dang ni bcu
- 82a
bzhi pa drag shul rjes su mnyes pa yi/ nye bar bsgrub pa'ang sdom pa'o zhes spos te/ bcu bzhi pa dang drug par 'brel to/ /ci'i phyir zhe na/ le'u drug pa las sku gsung thugs byin gyis brlab pa'i sngags dang/ de ltar byin gyis brlab pa'i dus su lhun gyis grub pa'i gnas nas spyan drangs la mchod pa mnyes par bya ba dang/ rnam par mi rtog pa'i ngang las zhi nas ltag mthong cha mnyam par byas nas phyag rgya chen po thabs dang shes rab tu bsgom pa'i thabs dang/ rdo rje phra mo'i ting nge 'dzin sgom pa la sogs pa ston te/ bcu bzhi pa las 'jam dpal dang/ ril bu dang/ rig 'dzin sgrub pa dang/ bsnyen sgrub rnam pa bzhi 'byung ba de yang rnam par mi rtog pa'i bsgoms pa'i dang las phyag rgya chen po yab yum du bskyed la sku gsung thugs byin gyis brlabs nas/ rdo rje phra mo'i ting nge 'dzin gyis sems sbyang ba byas nas bsgoms na sems kyi gza' gtad gsal zhing yan lag bzhi tshang bar 'gyur ba dang/ gang 'dod pa de bsgrubs na 'grub par 'gyur bas na de'i phyir de ltar 'brel to/ /drug dang gnyis par 'brel te/ ci'i phyir zhe na/ gnyis pa las ni lus ngag yid gsum gcig gi ngo bor gcig bskyed pa dang/ rigs lnga so so'i byang chub sems 'byung ste/ le'u drug pa las 'byung ba bzhin sgom zhing 'grub pa de yang dang por chos bdag med pa stong pa chen po byang chub sems kyi ngo bor bsgoms la/ de'i dang las phyag rgya chen por bskyed nas sku gsung thugs rdo rje rnam pa gsum dbyer med par bsgoms nas 'grub par 'gyur bas na de'i phyir de ltar 'brel to/ /gnyis pa dang le'u bco lnga par 'brel te/ ci'i phyir zhe na/ bco lnga pa las gzungs kyi mtshan nyid bshad cing sbyor ba'i thabs dang/ gshin rje gshed gyi sbyor bas
- 82b
bu mo dgug pa dang/ las rnam bzhi brtsam pa dang/ drag po'i las kyi bye brag rnam pa du ma bstan pas sdang ba can gzhan tshar bcad cing brlag pa dang/ mi snang ba bcu gcig sgrub pa'i thabs dang/ yan lag bzhi'i bsgom pa'i gsang sngags mnyes par bya ba dang/ rlung dang kha char bcad pa dang/ chos thams cad rmi lam 'dra zhing lus dang ngag sems bdag med par bstan par 'byung ste/ le'u gnyis pa las lus ngag yid gsum gcig gi ngo bor gcig bskyed cing dbyer med par bsgoms pa dang/ stong pa byang chub sems kyi dang du blo sbyangs pa de bdag nyid gang ltar smos pa'i skur bskyed cing/ yum dam tshig gi phyag rgya dang ldan pas 'phags pa mchod cing 'gro ba'i don bya ba'i phyir las bzhi brtsam pa dang/ zhi bas mi 'dul pa'i sdang ba can rnams drag po'i phrin las kyi rnam par thar pa'i sgo mang pos tshar bcad pa dang/ 'gro ba dbang bskur ba dang/ dkyil 'khor du 'jug pa'i ched du rdul tshon 'bri na bar du bcad pa'i kha char dang rlung bsal ba dang/ mi snad pa'i dngos grub pa la bag gzhan gyi don spyad pa dang/ de ltar bya ba yang bsnyen bsgrub yan lag bzhi'i sngags kyi lha ma nyes par byas nas/ brtsam pa dang/ chos bdag med pa rmi lam lta bur rtogs par byas rnga/ drag po dang brlang par snang pa'i las byas kyang sgrib pa'i bag chags su mi 'gyur zhing ji ltar bshams pa'i las thams cad ye shes kyi tshogs su gyur pas na de'i phyir de ltar 'brel to/ /btso lnga pa dang le'u bcu bzhi par 'brel to/ /ci'i phyir zhe na/ bcu bzhi pa las rigs kyi yum dang/ khro bo'i sngags dang/ dgug pa'i khyad par gyi rnam pa brgyad dgug pa'i thabs dang/ drag po'i las thams cad kyi dmigs dang/ brtul zhugs dang/ gnas dang/ gdul bya bskrad pa dang/
- 83a
skam pa dang/ phur bu ci dang khyad par gyi rgyu dang/ lha dang byin gyis brlab pa'i sngags 'byung ste/ bco lnga pa las/ las bzhi dang/ drag po'i las kyi bye brag mang po 'byung ba de yang brtul zhugs dang ldan pa'i sngags pas/ khro bo'i phyag rgya chen por bsgoms pas sngags bzlas te/ las kyi dmigs shes par byas nas las dang mthun pa'i gnas su 'dug ste/ dgug pa'i las kyis dgug pa dang/ phur bus btab la gcad pa dang/ bskrad pa dang/ skam pa dang/ gang ltar 'dod pa bzhin du byas na 'grub par 'gyur bas na/ de'i phyir de ltar 'brel to/ /de'i ltar le'u bzhi pa nas bcu bzhi pa'i bar du 'brel tshig man ngag gis bsnor mtshams kyis 'phen sdud sbyar ba de ni drag shul gyi phrin las sgrub thabs kyi rjes su bstan pa sgrib pa'i bag chags su mi 'gyur zhing/ dkyil 'khor gyi lha 'am/ khro bo khro mo ma nyes pa'i sgo nas bde ba la brgyud cing go 'phang chen po la sbyor ba'i thabs su gsungs pas nye bar sgrub pa sdom pa'o zhes bya ste/ gong du bstan pa'i sku gsung thugs rdo rjer byin gyis brlab pa dang/ snga ni lhun gyis grub pa'i sku gsung thugs kyi rdo rje 'od 'od zer gyi kyo bas spyan drangs nas mchod pa dang/ gzungs kyi bye brag dang/ sbyor ba dang/ las bzhi dang/ drag po la sogs pa de dag nye bar sgrub pa'i sdom pa'o zhes bstan pa yin te lhag par dbang po byin gyis brlab pa 'ba' zhig pa ni mi bzung pa'o/ /bdun pa gcig pa gsum pa dang/ bcu pa bcu gcig lnga pa ste/ / dngos grub zhing gi mtshan ma ni/ /bsnyen pa sgrub pa'i sdom pa'o zhes bya ba bcu bzhi dang le'u bdun par 'brel te/ ci'i phyir zhe na/ bdun pa las sgrub pa pos bsrung bar bya ba'i gsang sngags kyi sdom pa 'byung ste/ sgo gsum sdom pa dang/
- 83b
dka' thub byas pa'i spyod pas mi 'grub kyi/ tshogs kyi dkyil 'khor du 'dod pa'i yon tan lnga byin gyis brlabs shing bsten pa dang/ rjes su dran pa bcu drug sgom pa'i thabs dang/ de ltar bsgoms nas mchod pa'i yon tan bstan te/ le'u bcu bzhi pa las dgug pa dang/ las bzhi dang/ drag po'i las dang/ phur bus gdab pa'i gtan tshigs 'byung ba de yang 'dod pa'i yon tan bsten pa'i rnal 'byor pas 'dod pa lnga'i mchod pa dang/ rjes su dran pa bcu drug bsgom pa'i 'od zer spros pas lha rnams mnyes par byas nas/ gdod las gang 'dod pa brtsams na 'grub pas na de'i phyir de ltar 'brel to/ /bdun pa dang gcig par 'brel te/ ci'i phyir zhe na/ gcig pa bya ba ni bzhi'i le'u dang po ste/ de las gsang ba 'dus pa'i lha gtso bo dang 'khor du bcas par bskyed cing gdon pa 'byung bas/ le'u bdun pa'i mchod pa de yang le'u dang por bstan pa bzhin du bskyed nas/ dkyil 'khor gyi lha dang/ de'i rigs su gtogs pa rnams la bzod dbul bar rigs pas na/ de'i phyir de ltar 'brel to/ /gcig pa dang le'u gsum par 'brel te/ ci'i phyir zhe na/ gsum pa las dngos po thams cad stong pa nyid du byin gyis brlab pa dang/ chos kyi dbyings su byin gyis brlab pa'i sngags dang/ sku'i dkyil 'khor sgom zhing sku mdog dang/ phyag mtshan dang/ phra mo'i ting nge 'dzin sgom zhing/ 'phro 'du bya ba la sogs pa 'byung ste/ gcig pa las bskyed thabs 'byung ba de yang dang por stong pa nyid dang/ chos kyi dbyings kyi sngags kyis dngos po'i mtshan ma sbyangs nas/ le'u dang po las gsungs pa ltar gdod lha'i skur bskyed la so so'i sku mdog dang/ phyag mtshan gsal bar sgom pa dang/ phra mo'i ting nge 'dzin gyis sems bstan par bya dgos pas na/ de'i phyir de ltar 'brel to/ /gsum pa dang bcu par 'brel te/
- 84a
ci'i phyir zhe na/ bcu pa las rnam par mi rtog pa'i ting nge 'dzin las phyag rgya chen por bskyed pa mtshon pa'i tshig dang/ de bzhin gshegs pa lnga'i snying po yi ge dpa' bo 'bru lnga dang/ des phra mo'i ting nge 'dzin sgom pa dang/ hUM gis lha bskyed pa'i thabs dang/ dkyil 'khor dang lha spyan drang zhing dngos grub gsol pa la sogs pa 'byung ste/ le'u gsum pa las/ lha'i dkyil 'khor sku mdog dang phyag mtshan gsal bar bstan pa/ le'u dang po'i tshul bzhin bskyed par bstan pa de yang/ rigs lnga'i snying po dang dpa' bo 'bru lngas mtshon te/ so so'i snying po 'bru re ba las bskyed la/ bskyed pa de yang snga ma lhun gyis grub pa spyan drangs la mchod cing bstims na byin rlabs dang ldan pa dang/ phra mo'i ting nge 'dzin sgom zhing 'phro 'du bya ba yang dpa' bo 'bru lnga la sogs pa'i lha so so'i snying po 'bru gcig pa bsgoms la bya dgos par bstan pas na/ de'i phyir de ltar 'brel to/ /bcu pa dang le'u bcu gcig par 'brel te/ ci'i phyir zhe na/ bcu gcig pa las yi ge b+h+ruM gyis gzhal yas khang bskyed pa dang/ yi ge 'bru lngas rigs lnga so'i skur sgom thabs dang/ yi ge 'bru gsum gyis sku gsung thugs rdo rjer byin gyis brlab pa'i thabs dang/ mngon par shes pa lnga sgom pa'i thabs la sogs pa 'byung ste/ bcu ba ltar yi ge 'bru las bskyed pa de yang gzhal yas khang gi nang du bzhugs shing sku gsung thugs rdo rje rnam pa gsum du byin gyis brlab pa dang/ ting nge 'dzin de lta bu dang ldan pas 'gro ba'i don bya ba'i phyir mngon par shes pa lnga yang sgrub dgos pas na/ de'i phyir de ltar 'brel to/ /rgal ba 'o na 'dir bcu gcig pa dang/ lnga pa zhes smos pa/ bcu gcig pa'i don ni de ltar bstan pa yin na/ lnga pa dang por bstan zin yang
- 84b
tha mar bsnan te bstan pa ci'i phyir zhe na/ smras pa/ de ni le'u lnga pa dang por bstan pas na/ tha ma bcu gcig pa bstan pa'i bar du/ gsang ba 'dus pa'i don/ thams cad rdzogs shing tshang ba yin la/ de ltar nges pa'i gtan tshigs su le'u lnga pa smos te/ de ltar bstan pa de rnams las brjod par bya ba gung na med do zhes pa'i tha tshig yin la/ gnyis su na le'u bcu pa smos pas mjug bsdus pa'i las dang ting nge 'dzin gyi sgrub thabs de lta bu'i don la tha dad pa tsam skyes pa 'am/ nus tshad du spyod cing nyams su len par 'dod pa'i bsam pa bzang po dang ldan na sngar mi dge ba'i las ji lta bu spyad kyang des 'jug pa'i sgo mi 'gag cing gang 'dod pa'i las dang dngos grub dag kyang ji ltar bsgrub pa de bzhin du 'grub par 'gyur zhis bstan pa ste/ gsang sngags ni shin tu mthu che bas 'di'i don la mos pa skyes nas 'jug pa 'am/ zhugs nas tshul bzhin du spyod par 'gyur na/ sngar sdig pa tshan po che spyad pa yang zil gyis gnon la/ bsgrubs pa'i 'bras bu yang chung mi za bar myur du 'thob bo/ /sngar dad pa skyes shing zhugs pa 'am/ tshul bzhin bsgrubs pa'i 'phro las rkyen gzhan gyi dbang gis sems 'gyur te spangs na yang theg pa gzhan la zhugs pa'i dge ba spyad kha na med de/ skye ba de rjes mthag tu ngan song gsum du skye'o/ /de bas na le'u lnga pa dang por byas nas dgu pa nas bzung ste/ bcu gcig pa'i bar du bstun pa bzhin bsgrubs na/ lnga pa las bstan pa'i rigs ngan sme sha can dang smad 'tshong ma dang/ mi dge ba bcu dang mtshams med pa lnga spyod pa dang/ dug gsum spyod pa la sogs pas kyang 'grub par nges na/ gzhan gyis lta smos kyang ci dgos te 'grub nges zhes rnam par spyad pa'i tshig tu rig par ba'o/ /de ltar de dag 'grub pa yang sngags rang bzhin
- 85a
gyis mthu dang byin gyis brlabs che ba'i yon tan la yid ches na/ sngar spyad pa'i sdig pa la 'gyod pa drag po skyes pa dang/ phyag rgya mtshen mar gsal ba dang/ mtshan ma med pa'i ting nge 'dzin du ldan pa'i las dang bya bas bag gi rgyud sbyangs shing gzhan la phan gdags pa dang/ mnyam pa nyid du rtogs pa'i lta bas dge sdig dang rgyu 'bras rang bzhin mi dmigs par brtags pas mnyam pa nyid kyi rlung la rig pa 'byung bas/ sku dang ye shes kyi rgyu dang 'bras bur gnas pa'i bcan sa tshe 'di nyid la thob nas bag chags sog len gyi ngo bor mi 'grub pas skye ba gzhan du rnam par smin pa ngan pa mi len pa yin la/ 'dir bstan pa'i don la dpyod cing rtogs pa'i lta ba yod na/ sdig pa de dag da ltar dngos su spyod kyang sgrub tsir nyes par mi 'gyur ro/ /de'i phyir dang por smos pa'i lnga pa bcu gcig pa'i 'gab tu tha mar yang brjod pas ni/ bcu gcig pa dang lnga pa ste zhes bya ba'o/ /de la ste zhes bya ba ni lhag ma can gyi tshig ste/ dngos grub zhing gi mtshan ma ni zhes bya ba la? bsnyags pa'o/ /de la dngos grub ni dkyil 'khor gyi lta rnams kyi rgyud la mnga' ba dang/ /byin rlabs las 'byung ba'i che ba'i yon tan no/ /zhing ni rnal 'byor pa ste de'i rgyud la 'phags pa'i che ba'i yon tan skye bar 'gyur ba'o/ /de lta bu'i dngos grub dang dngos grub zhing gi mtshan ma zhes bya ba mtshan ma dang rtags ni don gcig ste/ bdun pa nas lnga pa zhes bya ba'i bar du bstan pa'am/ lnga ba bya ba yan chad kun la bya'o/ /gnyis su na dngos grub ni bcu gcig pa yan chad las 'byung ba'i rnon la bya la/ dngos grub de dag skye ba'i zhing ni le'u lnga pa las gsungs pa'i mtshan nyid dang ldan pa'i gdul bya la bya'o/ /de'i rtags dang mtshan ma ni le'u'i 'brel pa'i mtshams sbyar ba'i tshig dang yi ge rnams la bya'o/ /
- 85b
de lta bur bstan pa de dag la ni dngos su ming bsnyen pa'i sgrub pa'i sdom pa'o zhes bya ste/ ci'i phyir zhe na/ dper na 'phags pa'i chos thams cad gang sgrub kyang dam tshig dang sdom pa sngon du 'gro bas gzhi bzung nas de la brten te bsgrubs na 'grub par 'gyur ba dang 'dra bas bsnyen pa byang chub kyi sems kyi rang bzhin ltar bsgom pa dang/ sgrub pa sku gsung thugs kyi rdo rje dang ye shes sems dpa' lus la 'gong na de yan chad du bstan pa 'am khyad par du bdun pa nas bcu gcig pa'i bar du bstan pa'i tshig gi don gyi 'brel pa de dag sngon du gsal bar yid la byas pa las bsten te bzod bsnyen sgrub kyi don sgom dgos pa'i phyir na de skad ces bya'o/ /'di na mar ni rgyud kyi 'brel pa le'u bcu? bdun gyi bsnor mtshams kyi 'ben sdud sbyar ba de'i yon tan bsnyan pa'i phyir na/ du ba gdul dka' zhi ba yi/ /sems can rnams la gzhug pa la/ /de bzhin gshegs pa kun gyi la/ /tshar gcod pa dang phan 'dogs nus/ zhes bya ba la sogs pa gsungs pas 'brel pa brna pa bdun dang ldan par ston/ de la 'dul ba ni byang chub sems dpa' gdul dka' ba ni 'jig rten pa'i lha chen po rnams zhi ba ni nyan thos de lta bu dul ba 'dul dka' zhi ba'i dang tshul can gyi gdul bya rnams dang/ tha mal ba'i sems can rnams gsang ba'i theg pa/ don la gzung pa la nus pa can du 'gyur ba na gsang ba'i theg pa las 'khrungs pa'i de bzhin gshegs pa kun gyi phrin las te/ des ji ltar zhe na/ bsnyen sgrub bzhi dang ldan pa'i drag po'i 'phrin las kyis lta chen po la sogs pa tshar bcod pa dang/ byang chub sems dpa' dang nyan thos dang sems can de dag la phan 'dogs par nus pas te/ de ni sems can gyi khams dang/ de bzhin gshegs pa'i 'phrin las su 'brel par bstan pas te dang po'o/ /de
- 86a
nyid kyi phyir na/ bskyed dang rim par 'brel pa dang/ /bsnyen dang rdo rje go cha bzhin/ /dngos grub 'brel pa thun mong ste/ /de bzhin gzhung las mchog tu 'gyur zhes gsungs te/ de la bskyed pa ni phra ba las reg par gra ma? bskyed bas te/ ting nge 'dzin dang 'phro 'du'i rim pas stu? phyag rgya chen por bskyed pa'o/ /rim par 'brel pa zhes bya ba ni phyag rgya chen por bsgoms pa de dang bsnyen sgrub yan lag rnam pa bzhi rim par sgom pa dang 'brel pa'o/ /bsnyen dang rdo rje go cha bzhin zhes bya ba ni bsnyen pa lta sgom pa de yang rdo rje go cha rnam pa bzhis bsgom ste/ bsnyen pas mtshon nas yan lag bzhi ka tshang bar bstan pa de dang rdo rje gi? cha? bzhi ji lta ba bzhin du ldan par bsgoms pas de ni dngos grub rnam pa gnyis dang 'brel te/ de yang dngos grub 'brel pa thun mong ste/ zhes pa ni thun mong gi dngos grub dang 'brel bar bstan la/ de bzhin gzhung las mchog tu 'gyur ro zhes bya ba ni/ thun mong gi dngos grub bsnyen grub bzhi dang/ cho ga rnam pa bzhi dang/ thun mong gi dngos grub 'brel pa de bzhin du/ gzhung gsang ba 'dus pa 'di nyid las mchog gi dngos grub tu gsungs pa de dang 'brel bar yang 'gyur ro zhes bstan te/ de ni 'brel pa gnyis pa ste bsnyen grub rnam pa bzhi dang ldan pa'i ltar bskyed pa dang/ dngos grub rnam pa gnyis 'brel pa'o/ /dkyil 'khor brtul zhugs 'brel pa dang/ /gzhung dang slob dpon ldan pa yi/ /bla ma rnams kyi sngags lam gyis/ slob ma rnams ni yongs su smin/ zhes bya ba ni dkyil 'khor ni maN+Dal zhes bya ba'i sgras maN ni snying po la Dal ni len pa ste/ bla na med pa'i byang chub kyi snying po len cing 'dzin pas na dkyil 'khor te/ rgyud 'di las sku gsung thugs kyi dkyil 'khor rnam pa gsum yan lag dang bcas pa/ phyi
- 86b
nang gsang ba gsum gyis bsdus pa der gsang ba mi mthun pa'i phyogs/ nyan thos kyi spyod pa brdul nas rig ma dang ldan par zhugs pa ste/ de nyid lha mo rig ma mo zhes pa dang mi 'bral ba'i don to/ /de lta bu'i dkyil 'khor dang brtul zhugs su 'brel par bstan pa de ni 'brel pa gsum pa'o/ /gzhung dang slob dpon zhes bya ba ni rgyud gsang ba 'dus pa le'u bco brgyad tshang pa'i gzhung dang/ rdo rje slob dpon gnyis gcig gi yon tan gcig gis mtshon par byed pas/ gzhung dang rdo rje slob dpon du 'brel par bstan to de ni 'brel pa bzhi pa'o/ /bla ma rnams zhes bya ba ni gsang sngags kyi don nges par ston par nus pa'i rdo rje slob dpon te/ rnams zhes bya ba ni rgyal pa dang rgyal theb dang skar ma la sogs pa'o/ /de lta bu'i bla ma rnams kyi zhal nas gsungs pa'i rdo rje theg pa mchod par bstan pa'i don gyis gzhan 'khor ba las sgrol bar byed pas sngags lam gyis zhes bya/ des ci byed ce na/ slob ma rnams ni yongs su smin zhes bya ste/ dkyil 'khor du bcug pa dang dam tshig phog pa dang/ yung byin pa dang/ dbang bskur ba dang/ chos bshad pas mi khom pa'i gnas spangs shing/ lha dang ma'i bde ba las brgyud nas rig 'dzin gyis dang/ /rdo rje theg pa'i mya ngan las 'das pa'i go 'phang thob par byed pas slob dpon dang slob ma 'bral par bstan pa ste/ 'brel pa lnga pa'o/ /shin tu brtul zhugs dbang bskur ba'i/ /slob ma bzang po bdag nyid che/ /sangs rgyas byang chub sems dpa' yis/ /bstan pa yongs su sgrol ba yin/ zhes bya ba/ lta ba yangs shing spyod pa rlabs che bas theg pa 'og ma pa la mi mos shing gsang ba'i don la 'jug par mos pa'i skal pa dang ldan pa'i shin tu brtul zhugs che ba la ni shes rab ye shes la sogs pas dbang bskur ba'i snod yin pas/ brtul zhugs can dang dbang
- 87a
bskur bar 'brel bar bstan pa ste/ de ni 'brel pa drug pa'o/ /theg pa gzhan la dga' ba dang/ 'jungs shing ser sna che ba la sogs pa'i nyes pa dang bral zhing gsang ba'i theg pa la mos pa'i blo nges pa thob cing shes rab snying rjer ldan pa ni slob ma bzang po rnam par mi rtog pa'i ye shes sam/ shes rab dang snying rje'i bdag nyid du gyur cing phyin pa man chad las dpag pas che zhes bya/ de lta bu'i mtshan nyid dang ldan pa de ni sangs rgyas dang byang chub sems dpa' 'tshang rgya bar lung bstan pa'am/ chos bstan pas ngan song dang 'khor ba las yongs su rnam par grol bar 'gyur bar bstan pa ste/ de ni 'brel pa bdun pa'o/ /de ltar rgyud kyi 'brel pa le'u bsnor mtshams kyi 'phen sdung sbyar bas yon tan dang ldan par bstan pa yin no/ / la la na re dngos grub zhing ni le'u brgyad pa las ri rtse la sogs pa gnas su gsungs pa yin te/ mchan ma ni le'u bco lnga pa las rmi lam bstan pa yin te/ le'u dang po ting nge 'dzin dang ldan pas ri rtsi la sogs par bsgoms na dngos grub ji ltar 'thob pa rmi lam du 'byung bar 'gyur/ du ba dang gdul dka' ba dang zhi ba la phan gdags pa ni spyir 'byung/ tshar bcad pa ni le'u bcu bzhi pa'o/ /bskyed dang rim pa 'grel pa ni le'u dang po'o/ /bsnyen pa rdo rje cho ga bzhin ni le'u bcu gnyis pa'o/ /dngos grub thun mong ni le'u brgyad pa'o/ /mchog tu gyur pa'i dngos grub ni le'u bcu gcig pa'o/ /dkyil 'khor brtul zhugs 'brel pa ni le'u bcu bzhi pa'o/ /gzhung dang slob dpon ni le'u bcu bdun pa'o/ /bla ma rnams kyi sngags lam gyis/ slob ma rnams ni yongs su smin zhes bya ba ni le'u drug pa'o/ /shin tu brtul zhugs dbang bskur ba la sogs pa'i tshig bzhi ni le'u bcu drug pa ste/ tshig gi don de dag dang le'u de dag tu 'brel to zhes zer na/ 'gal te ci'i phyir zhe na/ le'u rnams
- 87b
tshang ba'i 'brel pa sngar bstan nas/ de dag gi yon tan mdor bsdus te rgyud mgo gzhug gi spyi'i don du bstan par zad kyi le'u re re'i 'brel pa dang/ tshig re re'i 'brel par byas nas bstan pa ma yin no/ /de ltar yin du zin na ni dbu zhabs kyi le'u rnams tshang ba dang 'brel par ston pas 'os la/ le'u re re'i nang nas don rnam pa mang po dag 'byung bas de dag tshang bar ston par 'os na ma bstan la/ 'dir brjod pa'i don de dag shas ched le'u re re'i nang nas kyang ston pa las 'dir bstan pa'i tshig nyung shas dang le'u de rnams su sbyar ba mi rigs pa'i phyir na 'gal bar mthong bas bdag gis ni snga ma bzhin go pa 'thang par mthong nas de skad bshad pa yin no/ /zhus tshig bzhi pa/ 'di'i sbyor ba ji ltar lags zhes zhus pa'i lan ni/ thabs dang shes rab snyoms 'jug pa/ /sbyor pa zhes su bshad pa yin/ /gang zhig dngos med shes rab ste/ /rang gi mtshan nyid thabs yin no/ /zhes gsungs so/ /zhi gnas dang ltag mthong cha mnyam pa bzung du 'brel ba 'am/ mtshan ma dang mtshan ma med par 'brel ba la mi bya ste/ thogs chaT med pa'i ye shes kyi gzugs brnyan yab thabs kyi phyag rgyar snang ba dang/ chos nyid spros pa dang bral ba'i gzugs brnyan shes rab yum gyi skur snang ba gnyis cha snyoms par 'jug pa 'am/ zung du 'brel par gnas pa la/ sbyor ba zhes su bshad pa yin/ zhes te dbyer med pa 'am/ mnyam par sbyor ba'o zhes pa'i don to/ /de nyid kyi don gsal bar bstan pa'i phyir ni/ gang zhig dngos med shes rab ste zhes bya ba/ gang zhig lha mo'i cha lugs su snang yang me long gi gzugs brnyan nam 'ja' tshon gyi kha dog ltar gsal la rang bzhin med pa mtshan ma'i dngos po spangs pa ste/ rgyud 'dir dkyil 'khor du 'khod pa'i lha mo mA ma kA li sogs pa la bya'o/ /dkyil 'khor gyi dbus kyi gtso bo nas sgo srungs kyi khro bo yan chad kyis so rang rang gi ye shes kyi rnam par grol
- 88a
ba'i sgor gyur pa'i rigs dang sku mdog dang phyag mtshan dang/ rgyan dang cha lugs la sogs pa'i mtshan nyid so so nas gsal zhing bsnyen sgrub yan lag bzhi dang ldan pa'i gzugs 'dzin par snang ba ni thabs yin no/ /yab yum de dag kyang don dbyings dang ye shes dbyer med pa la dgongs nas rtogs yab yum thabs dang shes rab kyang dbyer med par 'khril ba la sbyor ba zhes bya'o/ /rgyud kyi don la sbyar nas bsher na/ gzhan gyi don du bstan pa kun gyis rig cing bsong nams kyi chogs su 'gyur ba mtshan ma'i shas che bar byung ba ni thabs so/ /ngo bo nyid rang bzhin med pa ye shes kyi tshogs kyi ngo bor 'gyur ba rang gis rig cing mtshan ma med pa shas cher ston pa ni shes rab tu shes par bya/ de yang zung du 'brel cing dbyer med de gcig gi dang du gcig tshang bas sbyor ba zhes bshad pa yin no/ /spyi lugs su sbyar na so so rang rang gi mtshan nyid dang ldan par snang ba ni thabs de rang bzhin med par rtogs pa ni shes rab/ de yang shes rab rang bzhin med pa las thabs mtshan nyid reg pa can du snang ba dang/ thabs mtshan nyid reg pa can du snang ba nyid rang bzhin med par rtogs te dbyer med par rig pa la sbyor ba zhes bya'o/ /da ni zhus tshig lnga pa/ rgyud ces bya ba ji ltar lags zhes zhus pa'i lan du/ de la rgyud ni rnam gsum ste/ bzhi dang rang bzhin ngag dang ni/ /bye brag tu ni bsdu bar bya/ /gzhi dag dang ni thabs dag gis/ /rnam gsum rgyud kyi don du bsgrubs/ zhes bya ba la sogs pa gsungs te/ de la rgyud ces bya ba ni gsang ba 'dus pa dbu zhabs tshang ba spyi'i ming du shes par bya ste/ de ni rgyud dkrugs lung bcus/ man ngag sbas pa'i mtshan nyid can yin la/ de ltar yin du zin kyang dkyil 'khor dang/ sgrub pa dang/ 'phrin las che phra la sogs pa gang rang gang dgos pa'i don thams cad rgyun chags su breng na chad par ston pas na rgyud dguT
- 88b
zhes bya ste/ gong ma ni rgyud dngos kyi mtshan nyid la bya la/ 'og ma ni de las byung ba'i don gyi dngos po la bya'o/ /de la yang lung gzhan las ni zhal nas ni rgyun chags su gsungs pa dang/ sdud pa po la sogs pa rim par brgyud pa dang/ 'gro ba rnams kyi rgyun sbyangs pa'i ched du bstan pa'i phyir dang rgyud ces bya bar bshad do/ /de yang dpe thags dang 'dra ste/ breng ma chad pa dang/ dgos pa tshang ba dang/ lta 'og dkrugs pa dang/ gos su grub pa dang sbyar ste/ snal ma breng ma chad pa ltar yi ge breng ma tshad pa dang/ thags shing dgos pa tshang ba ltar gang zag sgrub pa'i cha rkyen dang/ dam tshig dang/ dkyil 'khor dang/ dbang dang/ sgrub pa dang/ las dang mchong pa rnams rgyud la tshang pa'i phyir dang/ snas khyer ba'i 'ul bu lta 'og 'khrugs pa bzhin du rgyud kyi don dkrugs nas gsungs pa'i phyir dang/ thags la sogs pa'i gos su 'grub pa bzhin du/ cha rkyen de dag gis sgrub par 'gyur na/ sangs rgyas su 'grub pa dang/ bzhir ldan pas rgyud ces bya'o/ /de la rgyud ni rnam gsum ste zhes bya ba/ de ltar rgyud kyi des tshig bstan pa de la rgyud mgo gzhug spyi'i don mtshan nyid ni rnam pa gsum du shes par bya ste/ gang zhe na gzhi dang/ rang bzhin dang/ bye brag tu bsdu bar bya pa'o/ /de yang rgyud kyi don la sbyar te bshad na gzhi ni le'u dang po la bya/ rang bzhin dag ces pa ni le'u gnyis pa nas rdzogs pa'i bar te/ rgyud 'di mog gzhug gi don mdza' dag la bya'o/ /bye brag bya ba ni rgyud le'u re re'i nang nas kyang dkyil 'khor dang/ dbang dang/ 'phrin las dang/ sgrub thabs mi mthun pa'i bye brag rnam pa du mar so sor ston pa'o/ /bsdu bar bya zhes bya ba ni/ mang por sten pa de dag mdor bsdu na rnam pa de dag gsum du bsdus la bstan par bya ba'am/ gnyis su 'og nas 'byung ba 'di ltar bsdu bar bya ste/ ji ltar zhe na/ de ltar bstan pa de lang/ gzhi dag dang ni thabs dag gis/ /rnam gsum rgyud kyi ngon du bsgrub/ /rang bzhin rang bzhin med pa'i rgyu/ /de bzhin 'bras ??
- 89a
bsdu ba med/ /ces gsungs pas/ dang po rgyud las phyi ma 'bras bu byas nas di yang rang bzhin med par ston pa ste/ ji ltar zhe na/ gzhi dag ces pa ni le'u dang pos rgyu byas nas ni le'u gnyis pa la sogs pa'i rgyud chang bar 'byung ngo/ /de ltar bzhi le'u dang po dag dang rang bzhin du brjod pa le'u gnyis pa la sogs pa la ni ming gi rnam grangs thabs zhes brjod de rgyu'i don to/ /gzhi dag dang ni thabs dag gis/ /rgyu byas pa las byung ba ni/ /rnam pa gsum zhes bya ba ste/ /sku gsung thugs rnam pa gsum gyi don ston pa ste/ sngar le'u dang po las gzhi zhes bya ba dang/ le'u gnyis pa man chad la rang bzhin zhes bya ba dang/ de dag gi don gyi mtshan nyid ston pa la bye brag ces bya ba dang/ de gsum gyi rgyu byas nas sku gsung thugs kyi dkyil 'khor bri ba dang/ dbang bskur ba dang/ sgrub pa dang/ las brtsams pa la sogs pa'i don de ltar bstan pa de ni rgyud kyi don du sgrub pa'i gtan tshigs su bstan pa yin no/ /de la rang bzhin te rgyud kyi don gyis ni rang bzhin med pa rdo rje theg pa mi gnas pa'i mya ngan las 'das pa sgrub? pa'i rgyu byed pa ste/ rgyud kyi don ni mya ngan las 'das pa ni 'bras bur bzhag go /'o na rgyud kyi don ni rang bzhin med dan yang bsdu ba yod de/ sku gsung thugs kho nar bsdu bar snang na/ 'bras bu thob de la bsdu ba yod dam med ce na/ de bzhin 'bras bu bsdu ba med ces bya ste/ rgyud kyi don rang bzhin med pa bzhin du mya ngan las 'das pa la yang rang bzhin med par mthun la/ rgyud la bsdu ba yod kyang mya ngan las 'das pa la ni 'bras bu bsdu ba med do/ /de ci'i phyir zhe na/ rgyud la rang bzhin med kyang lta dang/ / dkyil 'khor dang/ phyin las thams cad kyi mtshan nyid 'byed cing so sor bsal bar ston dgos pas bsdu ba yod la/ 'bras bu mya ngan las 'das pa ni rang bzhin nam mkha' lta bu la thams cad nas thams cad kun la khyab pa'i bdag nyid du gnas pas
- 89b
de'i phyir rang bzhin dang 'bras bu gnyi ga phyogs gcig tu bsdu zhing gcad du med ce'o/ /lta'i rang bzhin la sbyar te bshad na/ gzhi zhes bya ba ni dbyings dang ye shes gnyis su med pa'i che ba'i yon tan thams cad 'byung ba'i gnas dang rten pa'i gzhir gyur pa ste/ rdo rje 'dzin pa chen po'o/ /rang bzhin ni rtags thabs dang shes rab zung du 'brel pa ste/ lha thams cad spyi'i mtshan nyid do/ bye brag ni dbus kyi gtso bo nas sgo ba la thug pa'i bar gyi sangs rgyas dang/ byang chub sems dpa' dang/ lha mo dang/ sems ma dang khro bo dang/ khro mo'i rnam par snang ba'i mi mthun pa'i bye brag ste/ de ni rgyud 'di mdor bsdus la bstan par bya'o/ /ji ltar bsdu zhes na/ gzhi dag ste rdo rje chen po dang/ thabs dag ste thabs te gtsor smos pas thabs dang shes rab zung du 'brel bar yang ston la/ de nyid rgur yang 'dren pas rdo rje 'dzin chen po dang thabs dang shes rab zung du 'brel ba dag gis rgyu byas pa las byung ba'i 'bras bu ni rnam gsum bya ste/ sku gsung thugs kyi dkyil 'khor phyi nang gsang ba gsum gyis bsdus pa'i lha dang lha mo'i rnam par snang ba yin te/ gong du bzhi dang/ rang bzhin dang/ bye brag tu bstan pas rgyu byas pa gsum dang/ 'bras bu sku gsung thugs kyi dkyil 'khor phyi nang gsang ba gsum du bsdus nas de ltar bstan pa de ni rgyud kyi don du sgrub ces bya ste/ rgyud kyi des tshig dang don ldan pa'i gtan tshigs bsgrub pa ched du gsungs pa yin no/ /gnyis su na sgrub ces pas rgyud 'dren te sku gsung thugs kyi dkyil 'khor du snang ba'i lha de dag ni rgyud 'byung ba'i don du rgyur gnas pa yin no zhes kyang sbyar bar bya'o/ /rang bzhin rang bzhin med pa'i rgyu zhes bya ba/ lha'i rang bzhin rang bzhin med par gnas pa dkyil 'khor gyi lta thams cas skye ba'i rgyu byed pa dang/ de ltar rgyu rang bzhin med pa bzhin du 'bras bu dkyil 'khor gyi lha snang ba yang rang bzhin med de gong bu lta bur ma grub pas bsdu ba med ces bya'o/ /gnyis su na rgyud dang lha gnyis kyang gcig gi rgyur
- 90a
gcig 'gyur zhing gcig gi 'bras bur gcig gnas te/ rgyu gang yin pa rang bzhin med pa nus mthu can du gyur pa las 'bras bu bgrub la/ de yang rang bzhin med pa ste gong bu ltar bsdu ba med de/ kun rdzob tu snang zhing brjod du yod kyang don dam par brjod du med cing mi dmigs par bstan pa yin no/ /'o na rgyu rang bzhin med pa las 'bras bu rang bzhin med pa bskyed btu bam zhe na/ skya 'phrul las/ me ma'o ngo mtshar rmad kyi chos/ /rdzogs pa'i sangs rgyas kun gyi gsang/ /skye ba med las thams cang skyes/ /skyes pa nyid na skye ba med ces gsungs pa'i don gyis/ ting nge 'dzin gyi stobs dang/ ye shes kyi byin rlabs dang/ sngags kyi mthu dang/ shes rab kyi rtsal dang/ sngon gyi smon lam dang/ 'phral gyi thugs rje'i dbang gis de ltar skyer rung bar gsungs so/ /don dang mtshan nyid de ltar bstan pa'i rgyud de'i nang du ni rigs mang nyung du bstan pa thams cad kyang 'dus pa'i phyir na/ rigs ni de bzhin lnga dang gsum/ /ngo bo gcig dang rigs brgya ste/ byang chub rdo rje bcas gsungs pa/ /de ni rgyud kyi bla mar 'dod ces gsungs te/ de la rigs zhes bya ba rang gi ngo bo ni theg pa 'di'i gzhung gis nyon mongs pa nyid gnas su dag pa la bzhad de/ de bzhin bshad pa de la/ lnga ni gti mug la sogs nyon mongs pa lnga'i dbang du byas pa'o/ /rigs gsum ni dug gsum gyi dbang du byas pa ste/ yid bzhin nor bu'i rigs dang/ dam tshig rdo rje'i rigs gnyis ni rdo rje'i rigs su bsdus pa dang/ sku dang gsung gi rigs te gsum mo/ /ngo bo gcig ces bya ba ni/ rtsa ba'i rgyud las/ nyon mongs kun gyi rgya mtsho che/ zhes gsungs te/ rigs gsum dang/ lnga dang/ brgyad che ba'i rnam pa med pa rigs thams cad kyi rgyal po 'am gtso bor gyur pa/ sangs rgyas thams cad kyi spyi gzugs/ ye shes lnga'i ngo bo/ rdo rje 'dzin chen po la bya ste/ sbyor ba'i rgyud las ni rigs thams cad ni rdo rje sems dpa' i rigs zhes
- 90b
gsungs so/ /rigs brgya zhas bya ba ni sku gsung thugs kyi dbang du bya ba dang/ ye shes kyi dbang du bya ba dang/ yon tan gyi dbang du byas nas dbye ba'o/ /de la sku gsung thugs kyi dbang du byas nas dbye na/ rtsa ba'i rigs lnga re re la sku gsung thugs gsum du phye ba dang bco lnga/ sku gsung thugs de re re la ye shes lnga lngar phye ba dang bdun cu rtsa lnga/ rtsa ba'i yab lnga la ye shes kyi yum yon tan gyi rgyan du kyur pa yum lnga dang 'khril te/ de rnams la spyir bsdus na brgya tham par 'gyur ro/ /ye shes kyi dbang du byas nas dbye na/ rigs lnga re re la ye shes lnga lngar phye na nyi shu rtsa lnga/ nge re re la sku gsung thuT gsuM gsum du phye na gsum phrag nyi shu rtsa lnga la bdun cu rtsa lnga de la sbyir brtsi na brgya tham pa'o/ /yon tan gyi dbang du dbye na rigs lnga de re re la sku gsung thugs yon tan phrin las lnga lnga ste nyi shu rtsa lnga ste/ de re re la ye shes kyi yul lha mo 'dod pa'i yon tan chos nyid kyi rgyan du gyur pa'i lha mo bzhi dang ldan pas de ltar sdir? brgya tham pa'o/ /de ltar dbye ba mi mthun par byas nas ming gsum du 'dogs pa ci'i phyir zhe na/ rtsa rba rigs lnga yin par 'dran yang de la sku gsung thugs phye ba la btags pa'i sku gsung thugs gtsor byas pa'i dbang du bshad pa'o/ /gnyis pa rtsa ba'i rigs lnga re re las lnga lngar phye ba na ye shes gtsor byas nas bshad pa'o/ /'dod pa lnga rigs lngar bshad nas lha mo bzhi'i tshom bu nyi shu rtsa lngas bsror? bar bstan pa ni yon tan gtsong byas pa'o/ /de'i phyir ni dbye ba mi mthun par byas nas ming gsum btags pa yin te/ spyir de bzhin gshegs pa rnams dang/ de dag gi sku gsung thugs dang/ yon tan dang 'phrin las mdza' las pa'i phyir na rigs kyang mdza' yas so zhes bshad do/ /byang chub rdo rje bcas gsungs pa zhes bya ba ni de ltar rgyud kyi don rigs kyi dbye ba byang chub rdo rje'i mtshan nyid dang bcas pa 'am/ byang chub sems rdo rjes rgyud dbu zhabs dgos pa chod pa don dang bcas par gsungs pa/ rgyu dbang du? then?
- 91a
dang/ 'bras bu bar mi 'chad par ston pa'i rtsa ba'i rgyud la ni rgyud kyi bla ma zhes bya bar 'dod la/ gnyis su na byang chub sems dpa' rnams kyi the tshom gcad pa'i don du 'khor gyi de bzhin gshegs pa rnams kyis bshad pa 'di ni rgyun bla ma'i rtsa ba'i rgyud kyi phyi nas gsung pas gsang rgyud phyi ma zhes bya ste/ 'dis 'khor gyi de bzhin gshegs pa rnams kyis bshad par snang yang/ byang chub sems rdo rje'i mthu dang byin rlabs rtsa ba'i rgyud dang phyi mar bcas pa bshad par snang ba yin te/ rgyud phyi ma 'di yang rgyud thams cad? kyi bla mar 'dod de/ ci'i phyir zhe na/ gsang ba'i rgyud thams cad kyi don dang/ dgongs pa 'grel par byed pa'i phyir ro/ /da ni zhus tshig drug pa/ de nyid kho na rnam du gsungs zhes bya ba'i lan du/ de kho na nyid rigs lngar gsungs zhes bya ste/ de kho na nyid ces bya ba ni 'gyur ba med cing so na gnas pa la bya ste/ de yang rgyud so so'i bzheng kyis rnam pa gzhan dang gzhan du 'byed cing ston pa mang du yod na/ 'di'i skabs su ni nyon mongs pa lnga la bya ste/ de nyid gnas su rnam par dag par ma rtogs sems can gyi rgyud la yod pa'i dus na ni dri ma can du bcas pas 'khor ba'i chos thams cad skyed par byed pa'i ngo bo las gzhan du mi 'gyur ba'i so na gnas la de nyid gnas su rnam par dag par rtogs te/ de bzhin gshegs pa'i rgyud la yod pa'i dus na ni rnam pa gang gi ngo bor yang mi rtog par gnas la/ de nyid kyi zung 'dzin la sogs pa'i nyes pa 'joms pa dang/ mdza' gnyis la sogs pa'i skyon zil gyis gnon pa dang/ chos kyi dbyings dang/ sems can gyi don la chags pa dang/ thams cad kun la phan gdags pa'i spyod pa bdag gcig bus bya bar 'dod pa'i phrag dog chen po'i so la gnas pa'i sku dang ye shes la sogs pa mya ngan las 'das pa'i chos thams cad skyed par byed pa'i ngo bor gnas pa las gzhan du mi 'gyur bas na de kho na nyid ces bya ste/ rigs zhes bya ba'i ring gi ngo bo dang/ rigs lnga zhes bya bar gsungs
- 91b
ba yang de nyid de dag gi mtshan nyid rgyas par sngar bshad zin to/ /zhus tshig bdun pa/ de bzhin gsang ba rnam pa du/ zhes bya ba'i lan du/ gsang ba zhes ni rigs gsum zhes bya ste/ nyon mongs pa lnga nyid gnas su rnam par dag pa sku gsung thugs rdo rje rnam pa gsum ste de nyid digs gsum du grags pa'o/ /zhus tshig brgyad pa/ gsang chen zhes bgyi ji ltar lags zhes bya ba'i lan du/ gsang chen yang ni rigs kyi lha zhes bya ste/ chos thams cad la khyab pa'i bdag nyid du sku gsung thugs rdo rje rnam pa gsum gyi gzhi/ sku dang ye shes thams cad kyi sbyi gzugs su gyur pa rdo rje 'dzin chen po la bya'o/ /ci'i phyir de skad ce na/ sku gsung thugs kyi gsang ba'i yang dngos gzhir gyur pas 'di'i rang bzhin gyi don rnam par snang mdzad la sogs pa 'khor gyi de bzhin gshegs pa thams cad kyis kyang rtogs par mi spyod de/ gsang ba de dag pas ches gsang bar gyur pa'i phyir na gsang chen zhes bya ste/ ye shes phun sum tshogs pa las grub pa'i lha/ rig pa'i lha mo dang ldan pa las rigs thams cad skye zhing 'byung ba'o/ /zhus tshig dgu pa rnam pa du zhig mchis zhes bya ba'i lan du/ dam pa zhes bya rigs brgya'o/ /zhes bya ste/ 'jig rten pa'i rigs dang/ phyi ma yan chad kyi rigs las dpags shing dam par gyur pas rigs khyad par can zhes bya/ dngos rigs lnga las rigs brgyar 'phros pa rnams la bya'o/ /zhus tshig bcu pa/ byang chub sems ni ji ltar lags zhes pa'i lan du/ skye 'gag med pa zhi ba yi/ /dngos po dngos med mi zad gtso/ /stong nyid snying rje tha dad min/ /byang chub sems su dpa' zhes bshad/ ces bya ba ste/ gdod ma nas ma skyes pas tha mar 'gag pa med pa/ rang bzhin gyis spros pa nye bar zhib/ skye ba med pas rtag par lta ba'i dngos po ma grub/ 'gag pa med pas chad par lta ba dngos po med pa ma grub ste/ chos nyid stong pa nyid kyi ngo bo rtag chad dang/ skye 'gag gi mthar thug pa'i zad pa med pa'i sangs rgyas 'jig rten du byung yang rung ma byung
- 92a
yang rung/ rang bzhin gyis rnam par dag pa'i ngo bor gnas pas chos thams cad kyi bdag nyid dam gtso bor gyur pa'o/ /de lta bu de yang stong pa byang chub chad pa thugs rje chen po'i rlan dang bral ba ma yin pas nas/ stong nyid snying rje tha dang min zhes bya ste/ stong pa'i chos nyid de la rang bzhin mi dmigs pa'i thugs rje chen po'i shugs dang ldan pas chos nyid stong pa nyid kyis gar khyab par mi dmigs pa'i thugs rjes khyab la/ thugs rje de nyid kyang stong pa nyid kyi bdag nyid du gnas pas/ stong pa nyid dang snying rje so so ma yin tha mi dad par gnas pa de la/ byang chub sems dpa' zhes bshad ces bya ste/ byang chub sems su bshad pa yang de yin la dpa' bar bshad pa yang de yin te/ de ltar yang mngon par byang chub pa'i rgyud las/ byang chub nam mkha' mtshan nyid de/ /rtog pa thams cad spangs pa yin/ /gang zhig don de thob 'dod pa/ /sems dpa' zhes ni de phyir bya/ zhes gsungs te/ stong pa nyid ni don dam pa byang chub sems de thob par 'dod pa ni mi dmigs pa'i snying rje chen pos 'gro ba'i don mi gtong ste/ kun rdzob byang chub kyi sems te dpa' ba yang de nyid do/ /da ni zhus tshig bcu gcig pa/ /de bzhin rig pa'i skyes bu ni zhes bya ba'i lan du/ rang gi lus ngag yid rdo rje la mi phyed pa'i ngo bo ste/ rig par bcas par ldan pa ni/ rig pa'i skyes bu zhes su bshad/ bces? bya ba ste/ rnal 'byor ba'i lus ngag yid gsum de bzhin gshegs pa 'am/ rang gi yi dam gyi lha sku gsung thugs rdo rje rnam pa gsum gyi dang du dbyer mi phyed pa'i ngo bor gnas pa ste/ de dang rig par bcas bya ba/ rang gi yum rig pa'i lha mo shes rab ma dang bcas par gnas shing gnyis su med pa'i rol pa'i bde ba dang ldan pa rig pa'i skyes bu bshad ces bya ste/ rig pa ni shes rab ma ste lha mo de'i skyes bur gyur pas na rig pa'i skyes bu zhes bya bar bshad de/ lta la sbyar na riT
- 92b
lnga so so'i rang rang gi yum dang ldan pa/ rnal 'byor pa la sbyar na de dag gi rjes su sgrub pa'i ting nge 'dzin la gnas pa'i rnal 'byor pa rigs kyi yum dang ldan par gnas pa la bya'o/ /zhus tshig bcu gnyis pa/ de la rdo rje 'dzin bcing zhes pa'i lan ni/ rgyud lnga dag gi sems dag ni/ /rdo rje zhes su bstan pa yin/ /gzung zhes bya ba 'dzin par bshad/ /rnam shes rdo rje 'dzin par bzlas zhes bya ste/ lam rgyud lngas bsdus pa'i sems can rnams kyi sems rang bzhin gyis ma skyes par rtogs nas gzung 'dzin gyi dri ma'i bag chags rnam par dag pa ni/ rdo rje zhes su bstan pa yin zhes te/ ye shes rdo rje lta bu de yin no zhes bshad do/ /de'i phyir na yul chos nyid la ni gzung ba zhes bya la/ de togs par byed pa'i ye shes la ni 'dzin pa zhes par bshad de/ rnam shes rdo rje 'dzin par bzlas zhes bya ste/ rnam par shes pa rnam par dag pa ye shes rdo rje lta bu 'gyur bas chos nyid kyi don 'dzin par bzlas zhes sgrang brjod pa/ dbyings dang ye shes gnyis su med pa la ni rnam shes rdo rje 'dzin par bzlas zhes bya bar bshad do/ /la la na re gzung zhes bya ba 'dzin par bzlas bya ba phyi gzung ba'i yul zhes bya ba ni gung na yod pa ma yin te/ 'dzin pa'i sems nyid yul yong par rtog pa'i bag chags yul du snang ba yin te/ dngos su 'dzin pa'i sems nyid yul gyi rnam par snang ba yin no/ /de la rang bzhin med pa ni chos kyi dbyings/ sems dngos phor ma grub pa ni ye shes pa zhes bya ba de lta bu'i don 'dzin cing yang nas yang du goms par byed pa la ni bzlas zhes bya/ la la na re don dam par rang bzhin med pas yod par sgro 'dogs pa'i mdza' gsal/ yang dag pa'i kun rdzob tu sku gsung thugs mtshan ma med pa'i rnam par gsal bas med par skur ba 'debs pa'i mdza' bsal/ de ltar bsal ba nyid rang gi ngo bos stong ste/ mtshan ma med pa'i dang las ma g.yos/ mtshan ma dang mtshan ma med pa gnyis su med pas dbu ma tsam du yang mi gnas pas
- 93a
'das zhes bya/ zhus tshig bcu gsum pa/ dzin dzika ni ji ltar lags zhes bya ba'i lan du/ yod med dbus las 'das pas na/ /'byung dang 'byung las gyur pa 'byung/ /sems can thams cad kun gyi gzugs/ /skyes pas rgyas la dzin dzika ces gsungs pa ste/ don dam par rang bzhin med pa nam mkha' i dbyings lta bus/ so so'i skye bo dngos po dang mtshan mar yod par lta ba dang/ mu stegs kha cig bdag rtag pa ther thug tu lta ba dang/ nyan thos rdul phra rab rdzas su yong pa dang/ sems tsam de sems zhes pa skad cig ma don dam par yod par lta ba'i mdza' bsal te/ yod pa yang ma yin yang dag pa'i kun rdzob tu sku gsung thugs phyag rgya'i dkyil 'khor mtshan ma'i rnam par gsang bas so so'i skye bo mdza' char par lta ba dang/ mu stegs chad par lta bas las dang/ 'bras bu dang/ 'jig rten 'di dang pha rol med par lta ba'i mdza' gsal te med pa yang ma yin de ltar bsal ba tsam na de nyid rang gi ngo bos stong ste/ mtshan ma med pa'i dang las ma g.yos/ mtshan ma dang mtshan ma med pa'i gnyis su med pas yod med gnyis kyi dbus tsam du yang mi gnas pas na/ yong med dbus las 'das zhes bya/ don dam par de lta bu'i ngo bor gnas su zin kyang yang dag pa'i kun rdzob tu gang gi ngo bor yang mi gnas pa'i dang las/ 'byung dang 'byung las gyur pa 'byung zhes bya ste/ rgyur byas pa'i 'byung ba bzhi 'byung bas na 'byung dang zhes bya/ 'byung ba de las gyur pa ni 'bras bu'i gzugs bcu gcig 'byung bar gyur pas gyur pa 'byung zhes bya/ sems can thams cad ma lus pa'i kun gyi gzugs grub pa yin la/ de rang bzhin gyis rnam par dag pa'i don dam par chos nyid las mi g.yo la/ kun rdzob tu gzugs kyi sku phyag rgya chen por snang ba/ sku dang ye shes kyi bdag nyid du 'grub pa'i phyag rgya chen po 'thon cing snang ba las skyes pa zhes bya ste/ yong med dang rtag chad du lta ba'i mdza' dang/ ma dag pa'i
- 93b
sems can du lta ba'i ngan rtog las rgyal zhing sgro skur rnam pa gnyis dang bral ba'i don dang ldan pa'i phyir na rgyal ba dzi na dzika ces bya'o/ /zhus tshig bcu bzhi pa/ rin chen 'dzin pa ji ltar lags zhes pa'i lan du/ thams cad don kun 'byung bas na/ /rin chen sems su bstan pa yin/ /tshor ba yis ni nges tshor bas/ /tshor ba rin chen 'dzin par gsungs zhes bya ste/ gong ma ltar chos thams cad yod med dbu ma las 'das par rtogs pa'i sems de nyid ye shes kyi rang bzhin du gnas pa'i dus na/ 'jig rten dang 'jig rten las 'das pa thams cad kyi dgos pa'i don ma lus par bya ba rtsal mi dgos par 'byung bas na/ dpe na rin po che dang 'dra bar thams cad mnyam zhing snyoms pa'i sems su bstan pa yin te/ dngos po mnyam pa nyid kyi ye shes thob pa 'am mda' ba la bya'o/ / tshor ba yis ni nges tshor ba zhes bya ba/ tshor ba ni mnyam pa nyid kyi ye shes der rang gi don rig pa ste/ des tshor ba bya ba ni yon tan gyi rnam pa thams cad dang ldan par rtogs pa'o/ /de ltar rtog pa'i don dang ldan pa ni/ tshor ba ni rin chen 'dzin par bshad ces bya ba ste/ 'jig rten 'das pa'i tshor ba rnams gsum nyams su myong ba la mi bya'i/ /mnyam pa nyid kyi ye shes kyis rin po che dang 'dra ba'i yon tan 'dzin par byed pa yin no/ /zhus tshig bco lnga pa/ A ro lika ni ji ltar lags zhes bya ba'i lan du/ 'dod pa'i mtshan nyid mtshon pa dang/ thams cad nas ni thams cad kun/ /rtsen pa'i mtshan nyid mtshon pas na/ A ro li ka ces bya bar bshad ces bya ba gsungs te/ yang dag pa'i 'dod chags chen pos chos kyi dbyings la chags pa'i rtags ni chos nyid dam/ chos kyi dbyings kyi gzuT brgyan? yum ye shes kyi lha mo yul gcig la yang 'dod pa'i yon tan lnga tshang ba'i mtshan nyid dang ldan pa la ni 'dod pa'i mtshan nyid dang ldan pa zhes bya la/ de la chags pa med pa'i tshul gyis chags pa ni mtshon pa zhes bya/ gnyis su na mtshan nyid dngos la mtshon
- 94a
pa zhes bya ste/ gong ma lta bur yon tan dang ldan pa'i mtshan nyid mtshon nas gzhan la gsal bar byed pa 'am/ gzhan gyis mthod par byed pa'o/ /de lta bu'i lha mo de la dus dang rnam pa thams cad nas thams cad du kun tu rtse na cing mi 'bral bar byed pa'i mtshan nyid can te/ don de lta bu la chags shid gzhan gyi spyod yul du gsal bar 'bab par bya ba'i phyir mtshon cing ston par byed pas ni A ro li ka ces bya bar bshad ces bya ste/ de lta bu'i dang la gnas pas thugs rdo rje chen po rang bzhin du 'byung bas 'gro ba'i don la ji lta ba bzhin du mdzad de/ 'jig rten pa'i 'du shes rnam pa gsum yid la byed pa lta bu ma yin gyi/ so so kun tu rtog pa'i ye shes kyis chos spyi'i mtshan nyid stong zhing bdag med par mkhyen pas ye shes chos kyi dbyings la chags la/ rang gi mtshan nyid ma 'dres par mkhyen pas thugs rjes 'gro ba'i don la chags pa'ang de kho na yin no/ /zhus tshig bcu drug pa/ pudz+nyI d+haka kyang ji ltar lags zhes bya ba'i lan du/ rnam shes rab tu gsal byed pa/ ji bzhin shes rab zhes su bshad/ /'du byed sems kyi gzhi yin pas/ /shes rab 'dzin pa zhes su bshad/ /ces gsungs te/ rnam par shes pa dngos po thams cad rab tu rnam par 'byed nus pa'i mtshan nyid can gyis yul thams cad so sor gsal bar gcod nus pa des dmigs bya'i yul bcad cing rang rang gi mtshan nyid ji lta ba bzhin du gtan la 'bebs par byed pa ni shes rab ces su bshad ces bya ste/ ye shes kyi rgyud gyur pa na shes rab bo/ /la la ni rnam par shes pa nyid rab tu gsal bar byed nus pa'i mtshan nyid can gyi ye shes su rnam par dag par gyur pa des/ ye shes ji bzhin pa'i don shes pa la shes rab zhes su bshad ces bya ste/ 'bras bu ye shes la rgyu shes rab kyi ming nas bos pa'o zhes zer ro/ /'du byed sems kyi gzhi yin pas zhes bya ba sems las byung ba'i 'du byed kyi gzhi yin
- 94b
pas de la shes rab 'dzin par zhes bshad par mi gzung gi /gong ma lta bu'i shes rab pas ye shes snying rje dang byams pa la sogs pas gzhan phan 'dogs par mdzad pa las mngon par 'du byed pa sems kyi bzhi dang bcas pa de bya ba nan tan gyi ye shes yin pa sa re lta bu'i thabs kyis gzhan la phan 'dogs par mdzad kyang gzung 'dzin gyi nyes pa dang bral zhing mtshan mar mi g.yo bas/ shes rab 'dzin pa zhes su bshad ces bya ste/ mi rtog pa'i dang las mi g.yo pas chos nyid kyi don 'dzin la/ 'gro ba'i don mi 'dor ba sa sen? gyi don 'dzin pa'i shes rab dang ldan pas de skad ces bya'o/ /zhus tshig bcu bdun pa/ de bzhin rigs ni ji ltar lags zhes zhus pa'i lan du/ rigs ni gnyis su med bstan te/ /gnyis med thog ma zhes bya'o/ /mi skye mi 'jig gang yin pa/ /de ni gtso bor rab tu bshad ces gsungs te/ de la rigs zhes bya ba ni gcig tu nges pa la bya bar zad kyi/ gnyis dang gsum la sogs pa du mar gyur na rigs shes bya'i ming du thogs par mi 'gyur te/ dper na 'jig rten na yang bral ze'i rigs gcig pur nges pas bram ze rigs zhes 'dogs par zad/ bram ze'i rigs kyang gcig pur zad kyi/ rgyal rigs la sogs pa du ma'i rigs ldan la bram ze dang rgyal rigs zhes bya ba la sogs pa du mar 'dogs pa'ang bram ze'i rigs gcig pur mi 'grub pa'o/ /de bzhin du 'dir yang rdo rje rigs zhes bya bar nges pa gcig pu la rdo rje rigs zhes 'dogs zad kyis/ de la rin po che dang pad+ma'i rigs la sogs pa du ma dang mi ldan pas gzhan du mi 'dogs la/ gal te du ma dang ldan du zin na ni rdo rje'i rigs su mi 'grub bo/ /ci'i phyir zhe na/ rigs ni nges pa can la bya la nges pa ni gcig tu zang pas de la 'dogs su rung gis du mar gyur na gcig tu ma nges pa yin pas rigs su mi 'grub pa'i phyir ro/ /de bas na/ rigs ni gnyis su med bstan te zhes bya ste/ rigs su 'dogs pa ni gcig tu nges pa rdo rje rigs su bya ba
- 95a
lta bu yin te/ rdo rje dang rin po che'i rigs gnyis gang yin zhes byar mi btub pas na/ gnyis su med pa bstan te zhes bya'o/ /de ltar gnyis su med pa bstan pa gang yin pa de ni tha snyang du rigs zhes bya bar thog pa'i bzhi 'am ngo'i yin pas thog ma zhes bya ste/ rigs su thogs pa'i dang po'i mu yin zhes bya ba'i tha tshig go /'o na rigs ni nyon mongs pa lnga las re re gnas su dag par rtogs pa las rigs su gyur pa yin na 'dir gang la bya zhe na/ mi skye mi 'jig gang yin pa zhes bya ste/ nyon mongs pa rnam pa lnga mtshan nyid so sor phye nas tha mi dad par rtogs pa'i de dag gcig tu 'dus nas dbyer med par gyur pa de gnyen po med pas ni mi skye gnyen po bsten pas mi 'jig rang gi rang bzhin gyis mnyam par gnas su dag par rtogs pa mngon du gyur pa gang yin pa de ni gtso bor rab tu bshad ces bya ste/ rigs dang ye shes thams cad 'dus pa'i ngo bo bas lha thams cad kyi bdag po'ang yin la gtso bor gyur pa'ang yin no/ /dngos su na rdo rje 'dzin chen po la bya'o/ /rigs phyi ma rnams ni rigs kyi ngo bo nyon mongs pa re re gnas su gyur pa las ni rigs su grub la/ phung po re re gnas su dag pa las ni skur grub rnam par shes pa re re gnas su dag pa las ni yais su grub pas rigs lnga sku lnga ye shes lnga ldan pa'i rgyal ba rigs lnga yin par bshad pa las so so'i spyan drang ba'i sngags dang/ ye shes kyi don dang/ der zhar la phrin las kyang sngar bshad na/ da 'di na mar ni rigs kyi ngo bo dang/ sku'i ngo bo gang yin pa'i mtshan nyid rim par bstan te/ de la zhu ba'i dus su ni zhus tshig bco brgyad pa dang por gti mug ces bgyi ji ltar lags zhes zhus na/ /bcu dgu pa zhes sdang ji ltar lags zhes zhus pa las/ lan gyi gnas skabs su ni zhus tshig bcu dgu pa zhe sdang zhes bgyi ji ltar lags zhes bya ba lan dang por bshad de de la rnam shes zhe sdang zhes bstan to/ /rgyu zhes bya ba gnyis su grags zhes bya ba ni/ rnam shes zhes
- 95b
bya ba ni rnam par shes pa'i phung po ste tshogs brgyad la bya'o/ /zhe sdang zhes bya ba ni sems las byung ba'i phyin ci log gi zhe sdang man sems pa dgu dang ldan pas gzhan 'joms shing 'jig par byed pa'i mtshan nyid can la bya'o/ /de rgyu zhes bye ba ni gnyis su spar/ ?? bya ba ni rgyu rnam par shes pa'i phung po gnas su dag pa las ni 'bras bu rdo rje rigs kyi skur grub pa yin la/ rgyu phyin ci log gi zhe sdang gnas su dag pa'i 'bras bu yang dag pa'i zhe sdang chen por gyur pa ni rdo rje rigs zhes bya ste/ ci'i phyir zhe na/ zag pa can kyi phung por gal med par gyur pa ni/ rdo rje rigs kyi sku'i ngo bor grub pa yin la/ sems can gyi dus na phyin ci log gi zhe sdang gis gzhan 'joms shing 'jig par byed pa bzhin du/ de gnas su dag pa rdo rje rigs su gyur pa'i dus na yang gzung 'dzin la sogs pa'i rnam par rtogs pa dang nyes pa thams cad phar ni 'joms shing 'jig la/ tshung ni gang gis kyang mi tshugs te/ rdo rje lta bur sra zhing brtan pa dang/ 'dus ma byas pa dang/ dbyer med pa'i don dang ldan pa'i phyir na rdo rje rigs zhes bya ste/ de las byung zhing skyes pa thams cad rdo rje'i rigs so/ / de bas na rgyu zhes bya ba ni rnam par shes pa'i phung po dang nyon mongs pa zhes sdang gnyis su grags la/ de gnas su dag pa'i 'bras bu ni sku dang rigs gnyis su grags zhes 'bras bu'i ming du ma smos kyang zlas drangs pas mngon no/ /zhus tshig bco brgyad pa/ gti mug ces bgyi ji ltar lags zhes pa'i lan du/ gzugs ni gti mug tu bstan pa/ glen pas bcings pa'i ngo bo'o zhes gsungs te/ gzugs ni gzugs kyi phung po gzugs can bco lnga la bya/ de yang bem po shes pa med pas gti mug gi rang bzhin du bstan pa yin la/ de gnas su dag pa'i 'bras bu ni de bzhin gshegs pa'i rigs kyi sku dngos su snang ba'i ngo bor grub pa yin no/ /glen pas bcings pa'i ngo bo zhes bya ba ni/ nyon mongs pa'i gti mug la bya ste/ de ni mig gi sgo gsum glen bas bcings nas rmongs pa dang
- 96a
'dra bar phyin ci log gi gti mug gi yang dag pa'i don mthong ba la sgrib pa'o/ /de gnas su dag pa'i 'bras bu ni de bzhin gshegs pa'i rigs zhes bya ba'i ngo bor grub pa yin te/ chos thams cad stong pa nyid gyi bdag nyid du rtogs nas spros pa med pa'i dang du rmongs te gang du yang mi rtog par gnas pa yin no/ /zhus tshig nyi shu pa/ nga rgyal zhes bgyi ji ltar lags zhes pa'i lan du/ tshor ba 'dod pas myos bstan pa/ /nga rgyal gyis ni ngo bo'o zhes gsungs te/ tshor ba ni mig gi 'dus te reg pa la sogs pa bco brgyad bde ba dang sdug bsngal dang btang snyoms gsum gyis bsdus pa'i tshor ba'i phung po na bde bnyam su myong bar 'dod pas chags shing de'i ris myos par 'phangs shing gtong mi phong ba'i nga rgyal dang/ tshor ba'i sdug bsngal phrad nas bral bar 'dod nas nga rgyal gyi ngo bo yin la/ de gnas su dag pa'i 'bras bu ni rin po che'i rigs kyi sku dngos su snang ba'i ngo bor grub pa yin la/ nyon mongs pa'i nga rgyal yang nga rgyal rnam pa bdun dang ldan pa tshor ba'i nga rgyal nyid dang mtshungs shing dbyer med pa ste/ de yang dag pa'i nga rgyal chen por gnas su dag pa'i 'bras bu ni rin po che'i rigs zhes bya ba'i dngos su grub pa yin te/ che ba'i yon tan thams cad kyis gzhan bril gyis gnon cing chos thams cad la khyab par 'phags pa'i nga rgyal dang ldan pa ste/ dper na rin po che lta bu'i yon tan 'thob pa'i rigs su gyur pa yin no/ /da ni zhus tshig nyi shu gcig pa/ 'dod chags zhes bgyi ji ltar lags zhes bya ba'i lan du/ 'du shes 'dod chags bdag nyid ni/ dngos po la ni chags pa'i mtshan zhes gsungs te/ de la 'du shes ni rgya chung ba dang rgya che ba dang tshad med pa ste 'du shes kyi phung po ni dkar po la sogs pa'i mtshan ma dang mngon rtogs su bzung nas dngos po de la chags shing zhen pa'i mtshan nyid can yin pas nyon mongs pa 'dod chags nyid dang mtshan nyid
- 96b
mtshungs shing dbyer med pa ste/ de lta bu'i 'du shes kyi phung po gnas su dag pa'i 'bras bu ni pad+ma'i rigs kyi sku dngos su snang ba'i ngo bor grub pa yin la/ phyin ci log gi 'dod chags zhen pa'i mtshan nyid can yang dag pa'i 'dod chags chen por gnas su dag pa'i 'bras bu ni pad+ma'i rigs zhes bya ba'i ngo bor grub pa yin la/ ye shes dang thugs rjes chos nyid dang sems can la chags pa ste/ dpe pad+ma 'dam nas skyes kyang 'dam gyi nyes bas ma gos pa lta bur gyur pa yin no/ /zhus tshig nyi shu gnyis pa/ phrag dog zhes bgyi ji ltar lags zhes pa'i lan du/ 'du byed rtag tu phrag dog ste/ /rtse gcig bdag nyid gtong ba'o zhes gsungs te/ 'du byed ni sems dang ldan pa'i 'du byed lnga bcu rtsa gcig dang/ sems dang mi ldan pa bcu bzhis bsdus pa ni 'du byed kyi phung po ste/ de ni rtag tu phrag dog ces bya ba 'du byed sems pas bskyod nas lnga kun tu 'gro ba dang 'grogs te lnga yul so sor nges pa yul ma 'dres par rtse gcig tu bdag nyid gtong bas 'du byed dang nyon mongs pa phrag dog mtshungs shing dbyer med pa ste/ de la 'du byed kyi phung po gnas su dag pa ni las kyi rigs kyi sku dngos su snang ba'i ngo bor grub pa yin la/ nyon mongs pa'i phrag dog gzhan gyis phun sum tshogs pa la 'khrug la gnas su dag pa'i 'bras bu ni las kyi rigs kyi ngo bor grub pa yin te/ yang dag pa'i phrag dog 'phags pa mchod pa dang/ sems can gyi don bya ba'i las kun bdag gcig pu 'ba' zhig gis bya'i/ /gzhan gyis byar mi gzhug go bsam pa de ltar gyur to/ /de la mtshan nyid kyi theg pas phung po lnga dang nyon mongs pa'i mtshan nyid so sor ston te/ nyen mongs pa sems las byung bar bshad la/ theg pa 'am rgyud 'di'i bzhed kyis kyang de skad bshad pa'i skabs kyang yod na/ sbying phung po lnga dang nyon mongs pa lnga mtshungs shing tha mi dad par bshad de/ de'i gtan tshigs rgyud phyi ma 'di las 'di skad gsungs pa
- 97a
yin te/ rigs kyang rgyu'i dbang du byas nas ni gti mug gi rigs zhes bya bar brjod la/ 'bras bu rnam par dag pa'i dbang du byas nas ni de bzhin gshegs pa'i rigs zhes bya bar brjod do/ /'di dag kyang le'u dang po las dkyil 'khor 'thon pa'i skabs su gti mug gi rigs mchog gi yang mchog ces bya ba dang/ de bas na nyon mongs pa gti mug gcig pu gnas su dag pa las yang dag pa'i gti mug de bzhin gshegs pa'i rigs gcig pur gyur du zad kyi nyon mongs pa gti mug kyang nyon mongs pa 'dod chags la sogs pa gzhan du ma'i ngo bor gnas pa ma yin la/ de rnam par dag pa'i rigs kyang rnam pa du mar 'gyur ba 'grub pa ma yin bas na/ rigs ni gnyis su med bstan te zhes bya ba'i don yang rigs lnga kun la/ sbyar te bshad la/ rgyu zhes bya ba gnyis su grags zhes bya ba'i don yang rigs lnga kun la sbyar te bshad par bya'o/ /rgyu ma dag pa gnyis dang 'bras bu dag pa rnam gnyis te/ rgyu yang sku rgyu dang/ rigs kyi rgyu'o/ /'bras bu yang sku'i ngo bo dang rigs kyi ngo bo grub pa'i 'bras bur rig par bya'o/ /'o na lha gcig gi rgyud la yang rigs gsum dang lnga tshad par gsungs na/ 'dir 'di ltar bstan par/ ci'i phyir zhe na/ bsdu ba'i dbang du bshad pa'i dus na rigs gcig la mang po tshang zhing 'du bar yang bshad la/ rnam par phye ba'i dbang du bshad na/ sku gsung thugs la sogs pa so sor phye nas re rer bgrangs te bstan pa yang yod pas de ltar bstan pa yin la/ 'di'i skabs su rigs lnga dang/ rigs kyi bdag po 'am/ dang po rigs kyi khungs bya ba de dang drug tu bzhed pas de'i gzhung sgrub pa'i don tu 'di ltar bstan te/ gzhan gyi skabs su bsdu ba dang dbye bar 'dod pa 'byung ba'i chen yang gang ltar 'dod pa de'i dbang du byas nas bshad par bya ste/ 'dis bkag pa med do/ /da ni zhus tshig nyi shu gsum pa/ rdo rje'i sngags ni ji ltar lags zhes zhus pa'i
- 97b
lan du/ srid pa 'byung ba thams cad du/ /byang chub sems kyi rang bzhin no/ /'dod chags zhe sdang ldan pa yi/ /'dod pa sems su gsungs pa ste zhes bya ba la sogs pa gsungs te/ de la srid pa 'byung ba zhes bya ba ni nyon mongs lnga dang/ phung po rnam pa lnga po skye bar srid pa dang/ gnas par srid pa dang/ 'chi bar srid pa gsum gyi dngos por skye zhing 'byung ba 'di dag thams cad chos nyid skye ba med pa'i rang du rig pa ni byang chub sems kyi rang bzhin yul chos kyi dbyings su gnas pa yin la 'dod chags zhe sdang bya ba lnga lnga la sogs pa'i yul yid du 'ong ba la chags shing zhen te/ blang zhing zhe na/ blang zhing dbang du bya ba nga 'dod pa ni dbang du bya ba'i las so/ /dgra la sogs pa yul yid mi 'ong ba la zhes sdang ba 'joms shing 'jigs pa 'am spangs par 'dod pa'i sems ni drig po mngon spyod kyi las te las bzhi dang phra mo tha dad pa mang po rnams kyang yul bzang ngan la chags sdang rnam pa gnyis skye ba blang dor gyi dbang du gsungs te/ 'di gnyis su 'du la de ltar 'dod chags zhe sdang dang ldan pa'i bsam bas spong len du 'dod pa de ni yul las sdang bas sems su gsungs pa ste/ ye shes kyi rang bzhin du rig par bya'o/ /don dbyings dang ye shes de ltar yin pa las mi 'da' la de yang gcig gi ngo bor gcig gnas pa las mi 'da' ba dang/ de'i rtags yab yum thabs dang shes rab zung du 'brel ba'i skur snang ba las mi 'da' bas na dam tshig ces bya/ sna tshogs 'dra ba zhes bya ba ni/ yul sna tshogs par snang ba ni chos kyi dbyings kyi gzugs brnyan/ dam tshig gi phyag rgya shes rab yum gyi sku snang la/ sems kyi rnam pa sna tshogs par skye ba ni ye shes kyi gzuT brnyan yab thabs kyi phyag rgya chen por snang ste/ sems yul la 'jug pa ni thabs dang shes rab zung du 'brel ba'o/ /de ltar na don dbyings dang ye shes dbyer med par 'dra zhing mtshungs shing rtags thabs dang shes rab kyang 'dra zhing mtshungs pas na de lta bu'i
- 98a
rtogs pa dang ting nge 'dzin dang ldan na/ mngon par phyogs pa las skyes 'bras shes te/ ngon dbyings dang ye shes la mngon par phyogs pa las skyes pa'i 'bras bu ni rtags thabs dang shes rab zung du 'brel par 'grub par 'gyur ro/ /'dod chags dang ldan pa'i sems kyis dbang gi las la mngon par phyogs pa skyes bu'i 'bras bu ni yid du 'ong bdag gir byas nas dang du len par 'grub par 'gyur ba/ zhe sdang dang ldan pa'i sems kyis drag po'i las la mngon par phyogs pa las skyes pa'i 'bras bu ni yul yid du mi 'ong ba 'joms shing 'jig par byas nas spong zhing dong du yong pa'i las grub par 'gyur ro/ /gnyis med chos kyis ye shes la zhes bya ba/ de ltar thabs dang shes rab chags sdang spong len du lta ba gnyis su med de/ chos nyid mtshan ma med pa'i dang las ma g.yos pas ni chos kyi dbyings kyi ye shes su gyur pa yin la/ de'i dus na phyi rol gyi yul la chags sdang gi dbang gis nga rgyal du spyad kyang mngon par zhen pa'i rtog pa med pas yul sems dbyings dang ye shes su rtogs pas ye shes chos kyi dbyings las mi g.yo rtog pas chos nyid mi rtog pa'i ngang du rmongs pas yang dag pa'i gti mug chen po zhes bya ste/ chos kyi sku 'thob po dran po'i las kyi dus su yul sems mi mthun pa thug pa ni dbyings dang ye shes phrad pa ste/ drag po'i las rtsom pa ni yul sems su rtog pa'i mtshan ma la khro bas de la ni tha snyad du zhe sdang zhes ni bstan pa yin zhes bya ba ste/ yang dag pa'i zhe sdang chen po'i rang bzhin chos kyi skur grub pa'o/ /dbang gi las brtsams pa'i dus su yul sdug pa bdag gir bya bar 'dod nas zhen cing chags pa ni ye shes chos kyi dbyings la chags pas de'i dang las mi g.yo ba ste/ de la tha snyad du mtshan nyid 'dod chags kun zhes pa yang dag pa'i 'dod chags chen po'i rang bzhin sgrul pa'i skur grub pa'o/ /de ci'i phyir zhe na/
- 98b
ye shes 'di ni rdo rje ste zhes bya ste/ de ltar yul du snang ba thams cad ni chos kyi dbyings/ sems su 'dzin pa thams cad ni rig pa'i ye shes zhes sdang drag po'i las kyis yul sems thug pa ni dbyings dang ye shes drang pa drag po'i las rtsom pa ni dbyings dang ye shes gnyis su med pas mtshan ma'i rtog pa la khro ba dbang gi las kyi yul la sems zhen pa ni ye shes chos kyi dbyings la chags pas de'i dang las mi g.yo bar rig cing rtogs pa'i ye shes 'di ni sku gsum dang dbyer med pa'i ngo bor grub pa dang/ nyon mongs pa'i skyon du mi 'gyur bas gnod pa gzhan gyis tshung mi tshugs pas na rdo rje zhes bya ste/ rdo rje'i sngags kyis dmigs de ltar shes nas mi 'ching zhing grol ba dang grub par 'gyur ro/ /da ni zhus tshig nyi shu bzhi pa/ 'di'i dga' ba ji ltar lags/ zhes pa'i lan du/ bud med yang dag bde ba'i mchog /dga' bas shin tu longs spyod rdzobs/ /zhes gsungs te/ 'byung ba bzhi gnas su dag pa/ tshad med pa bzhi bsgoms pa'i ting nge 'dzin las su rung ba'i bag chags kyis bslang ba chos kyi dbyings kyi gzugs brnyan/ ye shes kyi yul dam tshig gi phyag rgya lha mo bzhir snang ba ni/ 'jig rten pa'i las kyis bskyed pa'i bu mo rnams las khyad par du 'phags pas bud med yang dag ces bya/ de dag dang gnyis su med par sbyor ba ni nyan thos chags pas spangs pa las ltos na ni bde la so so'i skre bo chags pa rang dgar spyod pa las ltom na ni mchog ste/ mya ngan las 'das pa'i rang bzhin nam rang bzhin du gyur pas na bde ba'i mchog ces bya'o/ /de'i dus na chos nyid dang ye shes sbyor bas don gyi dga' ba dang/ thabs dang shes rab tu sbyor bas 'phral du dga' ba dang/ rdo rje dang pad+mar spyar bas nyams dga' ba'i ro myong ste/ de'i nang du phyi nang gsang ba'i mchod pa dang/ sa dang pha rol tu phyin pa dang/ bsod nams dang ye shes kyi tshogs la sogs pa ma lus par rdzogs shing tshang ste/ 'khor bar 'ching ba'i
- 99a
nyes pa med cing rnam par grol ba mi gnas pa'i mya ngan las 'das pa'i ngo bor gnas pas sam/ de'i rang bzhin du 'gyur bas na dga' bas shin tu longs spyod rdzogs zhes bya ste/ yum dga' ba ma bzhi la nye bar longs spyod pas dgos pa thams cad tshang zhing rdzogs par 'gyur ba'o/ /gnyis su na don dbyings dang ye shes gnyis su med pa'i rtags/ yab yum thabs dang shes rab gnyis su med par sbyor ba'i dus na/ yab yum gcig la gcig 'khyud pa ni mo ha ra ti ste sangs rgyas kyi rang bzhin/ rdo rje dang pad+mar sbyor ba ni dwe Sha ra ti ste/ mA ma kI'i rang bzhin bde ba chen po'i ri la chags nas zhal sbyor ba ni rang bzhin bde ba chen po'i mtshan nyid la chags nas phyag rgya chen po'i zhal sbyor du gnas pa ni sgro ma'i rang bzhin/ bde ba chen po mkha' la bzas pa'i ro la zhen pa ni rang bzhin no/ /de lta bu'i 'jig rten las 'das pa'i chos nyid la dga' ba che ba'i yon tan thams cad sdud pa'o/ /la la na re gong du gsungs pa'i gnyis med chos kyi ye shes la bya ba ni mo ha ra hi/ phan tshun thug pa ni bya ba ste dwe Sha ra ti/ mtshan nyid 'dod chags bya ba rA ga ra ti/ ye shes de ni rdo rje bya bar ti zhes zer na/ de ni snga ma'i tshig don bzhin du rigs kyi lha mo sbyar ba 'thad par ma mthong ngo/ /da ni zhus tshig nyi shu lnga pa/ phun sum tshogs pa ji ltar bshad ces pa'i lan du/ 'dod chaD zhe sdang gti mug dag /rtag tu rdo rje dga' la gnas/ de dag sangs rgyas rnams kyi thabs/ /phyag na rdo rje zhes su bshad/ ces gsungs te/ 'dod chags de gsung gi bdag nyid pad+ma'i rigs dang/ zhe sdang thugs kyi bdag nyid rdo rje'i rigs dang/ gti mug sku'i bdag nyid de bzhin gshegs pa'i rigs kyis mtshon cing des bsdus pa'i de bzhin gshegs pa de dag thams cad sbyod lam rnam bzhi rtag par dus bzhir lha mo rdo rje dga' ma bzhi'i mkha' dbyings rnam par dag pa phyi nang gi nam mkha' rnam pa gsum
- 99b
dbyer med pa'i dkyil/ chos kyi dbyings rnam par dag pa'i rang bzhin ye shes kyi gzhal yas khang dbyibs gru bzhi la phyi mchod rten gyi tshul du grub pa/ sku gsung thugs kyi ngo bo sum rim gsum brtsegs pa lta bur phyin gyis brlab pa'i b+ha ga la/ rteg tu gsang ba'i rdo rje pad+ma la bzhag nas gnyis su med pa'i sbyor ba'i dga' ba gnas te rtsa ba'i rgyud le'u dang po'i skabs su gsungs pa bzhin du/ rdo rje dang pad+mar sbyor ba'i yon tan rnam grangs mang po dang ldan par bzhugs te/ 'jig rten pa'i bde ba thams cad sdud cing de las mchog tu gyur pa 'jig rten las 'das pa'i bde ba gnyis su med pa'i ro sku nyams su bstang ba dang/ 'phags pa rnams kyi so so rang rig pa'i ye shes kyis rig cing nyams su myong ba'i reg pa nyid kyi sku nyams su bstar ba ni phun sum tshogs pa zhes bya ba ste/ ci'i phyir phun sum tshogs pa zhes bya ba na yul yang so so'i rigs dang/ kha dog dang/ gtso bo dang/ rjes su mthun pa'i yon tan dang/ sbyor ba'i yan lag brgyad la sogs pas gtso bo mnyes par byed pa'i phrin las dang bde ba mchog gi ro yab yum gnyi gas thun mong du myong bar nus pa'i rang gi nas pa'i rtsal phun sum tshogs pa dang ldan pa'i phyir te/ de dag sangs rgyas rnams kyi thabs zhes bya ba de lta bur gyur pa'i yon tan dang ldan pa de yang 'khor lo sgyur ba 'am/ 'jig rten pa'i lha chen po rnams kyi dbang phyug phun sum tshoT pa ltar las grub pa ma yin gyi de bzhin gshegs pa rnams kyi ye shes kyi rnam par 'phrul pa dang/ sngon gyi smon lam gyi dbang dang/ 'phral du 'gro ba 'dul ba'i dus mkhyen pa'i thabs mkhas pa'i rnam par thar pa nyid de ltar bstan cing snang ba yin te/ phyag na rdo rje zhes su bshad ces pa/ rdo rje 'dzin chen po nyid kyi ye shes dang ye shes kyi spyod yul las gzhan snang zhing grub pa ma yin no zhes pa'i don to/ /da ni zhus tshig nyi shu drug pa/ gshin rje mthar phyin ci'i phyir zhes pa'i lan du/ rnam par mi 'jig dag
- 100a
nyid chos/ /mi skye ba yi ngo bo ste/ /dngos po kun gyi dam tshig pas/ /des na gshin rje mthar byed do/ /zhes gsungs te/ dper na 'jig rten pa rnams kyi dngos po dang/ mtshan ma skye 'gag can du rtog pa'i dbang gis skye zhing 'jig par 'gyur ba yin pas/ de ltar ma rag nas chos kyi rgyal po gshin rje phung po gshig cing tshe srog bcad pa mthong ba de las bzlog par bstan pa'i phyir na/ rnam par mi 'jig bdag nyid chos zhes bya ste/ lus sems la sogs pa'i rnam par snang ba mi 'jig par gyur pa ni bdag nyid chos nyid skye ba med pa'i don rtogs nas/ chos thams cad mi skye bar shes pa'i ngo bo stobs su gyur pa ste/ dngos po kun gyi rang bzhin de ltar shes na skye 'jig med par 'gyur ba las mi 'da' bas/ dngos po kun gyi dam tshig pas zhes bya ba ste/ gtan tshigs des gshin rje mthar byed ces bya ste/ gshin rjes phung po gshig cing tshe srog gcod par lta ba de'i mthar phyin par byed de/ de ltar skye 'jig dang bral ba'i rang bzhin dang ldan par na ya mAn+ta kri ta ces bya ba'i snying po dang/ de dang ldan pa'i khro bo de'i rang bzhin du bstan pa yin no/ /da ni zhus tshig nyi shu bdun pa/ shes rab mthar phyin ji ltar lags zhes pa'i lan du/ rnam par mi shes bdag nyid chos/ /yi ge dam pa rnam par dag /thams cad sems kyi dam tshig pas/ des na shes rab mthar byed rgyal zhes gsungs te/ 'jig rten pas sems kyi dran rtog tshig gi smra brjod kyis mtshon nas rang dang rigs mthun pa la sgra'i tha dang kyi bye brag 'byed cing ston shes kyang/ de la rang bzhin med par ma rig pas chos nyid ji bzhin pa'i don ma rtogs pas yang dag pa'i don mthong du mi ster ba las bzlog par bstan pa'i phyir na rnam par mi shes bdag nyid chos zhes bya ba ste/ rnam par 'byed mi shes pa ming dang gzugs kyis bsdus pa rnams bdag nyid kyis rang gi mtshan nyid so sor rnam par 'byed pa'i sgo nas rnam par mi gzhig par chos thams cad
- 100b
mtshan nyid stong pa nyid kyi ngo bor rig nas de'i dang las mi 'gyur ba gnas pa la ni yi ge zhes bya ste/ ak+Shar zhes sgras drangs na 'gyur ba med pa zhes bya ste/ stong pa nyid las gzhan du mi 'gyur pa'i dang du gnas nas chos nyid ji bzhin pa'i don mi rtogs pas mya ngan las 'das pa thob tu mi ster ba'i skyon rnam par dag pa'o/ /thams cad sems kyi dam tshig pas zhes bya ba ni chos thams cad sems snang ba yin pas de ltar sems rang bzhin med pas yul du snang ba'i chos thams cad stong par rtogs par byas nas/ de'i dad la gnas par bya zhes bstan pa de yang yul sems tha dad par brtags pas mi phan te/ sems rang bzhin med par rtogs na chos thams cad kyang rang bzhin med par 'gyur te/ sems kyi spyod yul chos thams cad kyi rnam par snang ba las mi 'das sems rang bzhin med par rtoT na chos thams cad rang bzhin med par 'gyur bas mi 'da' bas na dam tshig pas zhes bya ste/ gtan tshigs nges na pradz+nyan+ta kri ta ni shes rab mthar phyin rgyal po zhes bya ste/ sems rang bzhin med par rtogs pa'i shes rab kyis yul shes bya thams cad stong pa nyid du rtogs pa'i mthar phyin par byed las shes rab thams cad kyi nang na mchog tu gyur pas na rgyal po zhes bya ba'o/ /da ni khro bo snying po'i don dang rang bzhin bstan pa'o/ /de ni zhus tig nyi shu brgyad pa/ padmo mthar phyin ji ltar lags zhes pa'i lan du/ brjod du med pa'i bdag nyid chos/ ming dang gzugs ldan ngo bo med/ /chos rnams kun gyi dam tshig pas/ /nges na pad+ma mthar phyin gtso zhes gsungs te/ 'jig rten pas chos thams cad rang bzhin med pas brjod du med par mi rtogs te/ tshig dang ming du ma brjod na gcig la gcig brda mi phrad pas tshig dang ming du brjod cing mtshan ma'i dngos por 'dzin pas tshig dang ming la thug pa mang cing mya ngan las 'das pa'i don mi 'thob bo/ /de bzhin gshegs pas na gnyis su med pa'i ye shes kyis chos thams cad
- 101a
stong pa nyid du mkhyen te/ bdag nyid kyi chos thams cad kun brtags kyi rnam pa ming dang gzugs su ldan par snang yang gzung 'dzin rnam pa gnyis kyis stong pas gang gi ngo bor yang grub pa med de/ chos rnams kun gyi mtshan nyid ming dang gzugs kyi mtshan nyid dang bral ba'i ngo bor gnas pa las mi 'da' de ltar yin pa'i don la tshig gis brjod du med pa las mi 'da' bsan dam tshig ces bya ste/ gtan tshigs des na bag+h+rIn+ti krita dang/ pad+ma mthar phyir rgyal zhes bya ste/ tshig gis gsung rnam par 'byed kyang don gyi gsung brjod pa med pa las mi g.yo bas rnam par dag pa'i pad+ma lta bu'i gsung gis ngag gi nyes pa med pa'i mthar phyin de gsung rnam par dag pa'i gtso bor gyur pa'o/ /nga ni zhus cho ga nyi shu dgu pa/ bgegs mthar phyin pa ji ltar lags/ zhes pa'i lan du/ rnam par mi rtog bdag nyid chos/ /rang bzhin gyis ni zhi ba'i gzugs/ /rdo rje kun gyi dam tshig pas/ /des na bgegs mthar phyin pa'i gtso/ zhes gsungs te/ 'jig rten pa ni gzung 'jin du rtog pa'i skyon gyis 'dod pa'i dngos po la bar du gcod par byed pa'i bgegs yin par mi shes nas/ gzung 'dzin rnam pa gnyis su rtog cing wa dang ne'u le can dang/ rnam par 'jig dang/ so gcig pa dang/ de las gyes pa dang/ ba nI la ka glang mgo can la sogs pa yin par blta ba las bzlog pa'i phyir na/ rnam par mi rtog bdag nyid chos zhes bya ste/ yul sems gzung 'dzin gyi rnam par mi rtog cing bdag nyid kyis chos thams cad rang bzhin gyis rnam par dag cing stong pa nyid kyi ngo bor gnas par rtogs pa ni zhi ba zhes bya ste/ spros pa'i mdza' thams cad dang bral ba'i cha la tha snyad du gzugs zhes gdags te/ mtshan ma'i dngos por grub pa'am/ gzhig tu yod pa'i gzugs yin par mi gzung ngo/ /de lta bu de ni rdo rje ltar 'dus ma byas pa'i chos nyid dang ye shes dbyer med pa ye shes kun kyi bdag nyid rnam par mi
- 101b
rtog pa'i ye shes kyi dang du gnas pa yin pa las gzhan du mi 'da' bas na dam tshig pas zhes bya ste/ gtan tshigs des bag+h+rIn+ta krita la bgegs mthar phyin pa'i gtso bo zhes bya ste/ rnam par mi rtog pa'i ye shes kyis gzung 'dzin gyi rnam par rtog pa'i bgegs zad cing mthar phyin par gsal nus pa ste/ de ni ye shes thams cad kyi bdag nyid du gyur pas gtso bo zhes bya'o/ /da ni de ni de dag rtogs par gyur pa'i yon tan bstan pa'i phyir na/ mi 'jig rnam par mi shes dang/ brjod med rnam par mi rtogs pa/ /sangs rgyas byang chub ye shes 'di/ /shes nas bde ba thob par 'gyur/ zhes gsungs te/ skye ba med par rtogs pas mi 'jigs pa dang/ stong pa nyid kyi dang la gnas pa las gzhan du mi 'gyur bas rnam par shes pa dang/ ming dang gzugs kyi tha snyad dang bral bas brjod du mad pa dang/ mtshan ma'i dngos po spangs pas rnam par mi rtog ste/ bzhi po de ni sangs rgyas kyis rtogs pa'i byang chub kyang de yin la/ shes bya mkhyen pa'i ye shes kyang de yin te/ de lta bu'i sangs rgyas kyi byang chub dang ye shes 'di shes shing rtoT na de ltar rtogs pa nges 'jig rten dang 'jig rten las 'das pa'i bde ba thams cad spyi'i ngo bo mi gnas pa'i mya ngan las 'das pa'i go 'phang thob par 'gyur ro/ zhes bshad do/ /de ni khro bo rnams kyi so so'i rang bzhin dang spyan drang ba'i sngags kyi don bstan pa'o// //da ni rigs kyi ngo bo dang sku'i don bstan te/ de yang dang po gshin rje rigs kyi ngo bo dang sku'i don bstan pa'i phyir ni/ gti mug gti mug longs spyod pas/ /gti mug zad phyir gshin rje gshed/ /gzugs ni mthar phyin gyur pas na/ /des na shes bya mthar phyin 'gyur/ /zhes gsungs te/ yang dag pa'i gti mug chen po rnam par mi rtog pa'i dang du rmongs pas log pa'i gti mug rgyu dang 'bras bu dang yang dag pa'i don la rmongs pas de gnyen pos ma spangs par
- 102a
ma rtog pa'i dang du longs spyod pas rmongs shing phyin ci log tu shes pa'i gti mug zang mthar phyin par byas pa'i phyir na/ gshin rje gshed kyi ngo bor grub pa yin la/ gzugs ni mthar phyin byur pas na/ zhes bya ba gzugs kyi phung po zag pa dang bcas pa mi rtag pa dang/ sdug bsngal ba dang/ stong pa dang/ bdag med pa'i rang bzhin du shes shing mthar phyin par gyas pa las ni zag pa med pa'i phung po gshin rje gshed kyi sku mtshan mar snang ba 'grub par gyur pa yin pas na gtan tshigs des na shes bya mthar phyin 'gyur zhes bya ste/ gti mug rnam par mi rtog pa'i ye shes su gyur pas gzugs rang bzhin med par rtogs pas shes bya'i yul chos spyi dang rang gi mtshan nyid ji lta 'am/ ji snyed pa la mtshan mar mi rtog pas rnam par 'byed pa'i 'du shes mi 'jug pa'i phyir shes par bya ba mthar phyin/ mi shes pa med pa'i mthar phyin par gyur pa'o/ /da ni gzhan gyis mi thub pa'i ngo bo dang sku'i don bstan pa'i phyir na/ nyes pas nyes pa longs spyod phyir/ /nyes zad shes rab mthar phyin yin/ / sems ni bar byed gyur pas na/ des na nyon mongs mthar phyin 'gyur/ zhes gsungs te/ nyes pa ni zhe sdang ste de las yang dag pa'i zhe sdang chen po mdza' gnyis la khro bas phyin ci log gi zhe sdang gzung 'dzin du rtog pas mnar sems dgu dang ldan pa gnyen pos ma spangs par yang dag pa'i zhe sdang chen po'i dang du longs spyad nas gnas su dag par bya ba'i phyir/ phyin ci log gi zhe sdang gi nyes pa zad nas thugs kyi rigs kyi ngo bor gyur pas shes bya'i yul thogs pa med par shes pa'i mthar phyin pas na shes rab mthar phyin yin zhes bya'o/ /sems ni mthar byed gyur pas na zhes bya ba ni/ gzung 'dzin dang bcas pa'i sems bdag gzhan du rtog pa'i chags sdang skye ba gnas su dag pa'i mthar phyin pas khro bo shes rab mthar byed kyi sku mtshan mar gsal ba
- 102b
grub par gyur pa yin pas gtan tshigs des na nyon mongs mthar phyin 'gyur zhes bya ste/ gzung 'dzin dang bcas pa'i sems bdag gzhan du rtog pa'i chags sdang skye ba'i nyon mongs pa zad cing rnam par dag pa'i mthar phyin par byas pa'o/ /da ni pad+ma mthar byed kyi rigs dang sku'i don bstan pa'i phyir na/ 'dod chags 'dod chags longs spyod pas/ /'dod chags zad phyir pad mthar phyin/ /tshig na mthar phyin gyur pas nas/ /snyoms 'jug mthar phyin de bzhin no/ /zhes gsungs te/ yang dag pa'i 'dod chags chen po ye shes dang thugs rje chos kyi dbyings dang sems can gyi don la chags pas log pa'i 'dod chags yul yid du 'ong ba la zhen cing gtong mi phong pa gnyen pos ma spangs par yang dag pa'i 'dod chags chen po'i dang du longs spyad nas gnas su dag pas 'dod chags kyi nyes pa zad par byas pas ni/ pad+ma mthar phyin gyi rigs kyi ngo bor gyur pas 'dod chags grang phyir pang mthar phyin zhes bya'o/ /tshig gi mthar phyin gyur pas na zhes bya ba ni/ ye shes dang thugs rje chos kyi dbyings dang sems can gyi don la chags pa'i ngo por gnas pas/ sems phyi'i yul la mi 'jug pas yul mtshon pa'i tshig gi brjod pa mi 'byung ste/ tshig gi gsung rjod par bye pam mthar phyir pas don gyi gsungs brjod du med pa'i dang las gnas pa'i rags su pad+ma mthar phyin gyi sku mtshan mar gsal ba grub pas tshig gi mtah+r phyin zhes bya/ bsung brjod pa dang brjod pa med pa mthar phyi pa ji lta bu bzhin du/ snyoms 'jug mthar phyin de bzhin no zhes bya ba ste/ ye shs dang thugs rjes chos kyi dbyungs dang sems can gyi donla ngang du snyams par 'jug pa'i ting nge 'dzin yang mthar phyin par gyur pas ni khro bo pad+ma mthar byed kyi skur mtshan mar gsal ba grub pa yin no/ /da ni bgegs mthar byad kyi rigs kyi ngo bo dang/ sku'i don bstan pa'i phyir na/ sgrib pa kun
- 103a
zang ye shes pas/ bzhegs mthar phyin pa zhes su bshad/ nyon mongs rdo rjes zhen sems can/ /thams cad las ni rnam par dag 'gyur/ zhes bya ba la sogs pa gsungs te/ gong du bstan pa lta bu'i nyon mongs pa dang/ nye ba'i nyon mongs pa dang/ gzung 'dzin dang gzung 'dzin gyi bag chags dang bcas pa gnyen pos ma spangs par dngos su spyang pas rang bzhin gyis rnam par dag pas thar pa dang shes bya la sgrib pa ma lus pa thams cad zad par bya ste/ shes bya'i yul chags thogs med par ji lta ba bzhin du shes shing rang bzhin med par rtogs pa'i ye shes brnyes pa bgegs mthar phyin pa'i rigs kyi ngo bor 'grub pas/ bgegs mthar phyin pa zhes su bshad ces bya'o/ /nyon mongs rdo rjes zhen sems can zhes bya ba/ de ltar bdag nyid gyur par ma zad/ nyon mongs pa lam dang gnyen po gzhig cing spang bar dka' ba rdo rje lta bu sems kyi rgyud la zhen cing dbye bar mi nus par rang ldan pa'i sems can thams cad la bdag nyid kyi nyon mongs pa gnas su dag pa'i ye shes kyi rdo rje zhen cing rnam par sbyangs nas/ sems can de dag thams cad kyi sgo gsum gyi las dang nyon mongs par bcas pa rnam par dag par byed do/ /de ltar sems can thams cad kyi sgo gsum gyi las dang nyon mongs pa dag par byas/ dag pa de las skyes pa'i 'bras bu ni bdag nyid khro bo bgegs mthar byed kyi sku mtshan mar snang ba grub pa yin la/ gzhan yang de lta bu'i skur bskyed par byed do/ /re ltar khro bo bzhi'i ngon zhus nas bshad pas mtshon nas khro bo phyi ma drug kyang ma zhus bzhin du de'i zhor la bshad pa'i phyir na/ gzung ba dang ni dga' ba dang/ / de bzhin tshul dang mi g.yo dang/ /rgyu dang 'bras bu dag dang ni/ /drug po thugs la yang dag 'byung/ zhes bya ba la sogs pa gsungs te/ gzung ba ni yul dngos por ma grub pa'i chos nyid la 'dzin pa'i sems ma grub pa'i ye shes kyis gnyis su
- 103b
med par rtogs pa ste 'dod pa'i rgyal po'o/ /de'i don la dga' ba ni gtong mi phong par zhen pa ste dbyig pa sngon po can no/ /tshul ni da dang rjes su mthun par don de la 'jug pa ste stobs po che'o/ /mi g.yo ba ni don de sngon du byas pa'i ngang las gnas pa las gzhan du mi g.yo ba ste mi g.yo mgon po'o/ /de ltar yul sems gnyis su med par rtogs pa'i ye shes de yang rgyud pad+ma lta bur 'khor ba'i nyes pa dag las 'khrungs shing 'byung bas na rgyu de'i ngo bo gtsug tor 'khor lo sgyur ba'o/ /nyes pa dag pa'i 'bras bur gyur pa ni ye shes rnam par dag pa'i thugs su gyur pas/ de lta bu'i 'bras bu'i ngo bo ni gnod mdzes chen po'o/ /drug po thugs las yang dag 'byung/ zhes bya ba ni khro bo de dag sems las byung ba'i chos gnas gyur pa'i mtshan nyid de/ ye shes kyi phyin gyis brlabs las byung bar rig par bya'o/ /zab mo'i dbang du byas te bshad na/ gtso bo yab yum thabs dang shes rab gnyis su sbyor ba'i dus na lag pa g.yas pas dpung pa nas gzung ba lcags kyu'i don de gshin rje gshed kyi rang bzhin/ g.yon pas 'khyud pa zhags pa'i don de gzhan gyis mi thub pa/ gsang ba'i dbang po sprang pa sgrog gi don de rta ma zin/ rdo rje bskyod pa dril bu'i don de bdud rtsi 'khyil pa yum chags pa'i yul du bzung nas ting 'dzin dam pos mi gtong ba 'dod pa'i rgyal po/ gnyis su med pa'i chags pa chen po'i bde ba'i ro la dga' ba dbyug sngon can/ /gnyis su med pa'i tshul de dang ldan pa stobs po che/ gnyis su med pa'i ngang las gzhan du mi g.yo bar gnas pa mi g.yo mgon po/ de la gsang ba'i dkyil 'khor gyi lha rnams so so'i che ba'i yon tan dang bcas pa 'thon la ma thogs pa nyer bsngogs su gnas pa'i ngo bo ni gtsug tor 'khor lo sgyur ba/ 'bras bu sngon du byung ba'i ngo bor gnas pa ni gnod mdzes chen po'o/ /drug po sems las yang dag 'byung zhes pa ni/ khro bo de dag kyang gsang
- 104a
ba byang chub sems kyi rang bzhin/ don dam pa dang kun rdzob byang chub sems rnam gnyis dang dbyer med pa las 'byung zhing 'thon par bstan pa yin no/ /gnyis sun mi dge ba bcu gnas su dag pa'i 'bras bu yon tan rtags su snang bar yang bshad la/ sdug bsngal dang/ kun 'byung dang/ 'gog pa dang/ lam dang/ zad pa dang/ mi skye ba dang/ chos dang/ rjes su chos shes pa dang/ kun rdzob dang/ pha rol gyi sems shes pa dang/ sgra ji bzhin shes pa spyir btang ba'i ye shes bcu'i ngo bor gyur pa khro bo bcu'o zhes gzhan ngag la gleng ngo/ /'o na gsang ba'i dkyil 'khor nas gdan pa'i sngags ni bzhi las ma gsungs na/ 'dir bcu tshang bar bstan pa ci dgos she na/ smras pa/ bzhi'i 'byung ba'i sngags bstan pa ni gsang ba'i dkyil 'khor dang/ phyi'i dkyil 'khor gyi sgo srungs su dgod pa dgos la/ 'dir bcur bstan pa ni srung ba'i 'khor lo'i dkyil 'khor dang/ phyi'i dkyil 'khor du dgod pa dang/ so so'i rnam par thar pa'i sgor gyur pa'i las dang sgrub pa tha dad par brtsam pa la dgos pa'i phyir ro/ /'o na gzhan gyis sgo srung du mi rung ngam zhe na/ smras pa khro bo bzhi ni mngon par rtogs pa'i lha yin pas yan lag bzhi gnas su dag pa las gyur pa'i phyir rigs mthun par 'brel te/ ting nge 'dzin gyi gnas skabs na lus kyi yan lag bsgom pa dang/ gsang ba'i dkyil 'khor dang/ phyi'i dkyil 'khor du sgo bsrung bar rigs la/ khro bo lhag ma drug ni mngon par rtogs pa ni ma yin te/ rgyu'i dus na sems las byung ba'i 'du byed kyi ngo bo/ 'bras bu'i dus na lhag pa'i byang chub sems las bskyed kyang ye shes kyi 'am byin rlabs las byung bas mngon par rtogs pa lha'i yan lag tu gyur pa ma yin pas sgo srungs su ni mi dgod la/ phyi ma'i dkyil 'khor du spyir dgod cing las dang sgrub pa tha
- 104b
dad pa bya bdag bcol zhing sgrub par rigs so/ /srung ba 'khor lo'i dkyil 'khor du tshang bar dgod pa yang rtsa ba'i rgyud dang/ phyi ma 'di gnyig las gsungs la/ sku mdog la sogs pa'i rim pa ni rtsa ba'i rgyud du gsungs la/ 'dir zhus tshig med par bcu tshang bar bstan pa yang le'u dang por ni bzhir bstan/ 'og tu ni bcur bstan/ 'dir yang de dang mi mthun par bstan na ci'i phyir zhes ma 'ongs pa'i dus ni gzhan the tshom za bar dogs pa gsal ba dang/ gang du yang bcu ka tshang ba'i dgos pa grangs kyi kha bskang ba'i phyir ro/ /sbyir de ltar yin yang khro bo de dag gi bye brag ngo shes par bya ba'i phyir mu rnam pa bzhi bshad de/ mngon par rtogs pa'i lha ni yin la dkyil 'khor gyi lha ma yin pa ni sa'i snying po la sogs pa drug par bya ste/ ci'i phyir zhe na/ mig la sogs pa'i rang bzhin gnas su dag pa yin la/ phyi rol du gdon pa'i sngags ma gsungs pas phyi'i dkyil 'khor de ltar yin du zin kyang mngon par rtogs pa dang sngags ma gsungs na khro bo yin snyam pa de'i phyir na/ dgug pa'i rgyal po la sogs pa drug /khro bo zhes su rnam par grags zhes gsungs te/ gong du bzung ba zhes gsungs pa nyid 'dir dgug pa zhes smos pa ste/ 'dod pa'i rgyal po la sogs pa'i sgras lhag ma lnga bsdus pa'i gsang ba'i dkyil 'khor nas phyi rol tu gdon pa'i sngags ma gsungs su zin yang khro bo yin par nges shes pa'i don to/ /de bzhin du lha gzhan nas bstan pa'i phyir na/ sa la sogs pa lnga dag dang/ /rdo rje la sogs dam tshig drug /'byung dang 'byung las gyur bstan pa/ rig pa'i rgyal po yin par grags zhes bya ba la sogs pa gsungs te/ de la sa la sogs pa zhes bya ba ni gleng gzhi'i le'u las sa rdo rje'i byang chub sems dpa' sems dpa' zhes bya ba la sogs pa lnga la bya'o/ /rdo rje la sogs dam tshig ces bya ba ni/ dam tshig rdo rje byang chub sems dpa' sems dpa' chen
- 105a
po zhes bya ba la sogs pa drug bo/ /de dag kyang 'byung ba zhes bya ba ni 'byung ba lnga rnam par dag pa sangs rgyas spyan la sogs pa yum dang/ 'byung las gyur zhes pa ni dam tshig rdo rje la sogs pa'i byang chub sems dpa' rnams su bstan pa yin la/ yid gnas su dag nas mngon par byang chub pa kun tu bzang po ma gtogs so/ /de dag la ni/ rig pa'i rgyal po rnam par grags zhes bya ste/ gu gu la mo'i sgra yod pas rig pa'i lha mo la bya/ de'i rgyal por gyur pa ni yab sems dpa' rnams yin pas de skad grags zhes bya/ rdo rje gzugs la sogs pa drug /rdo rje bdag po zhes su bshad/ ces bya ba ni gzugs rdo rje'i byang chub sems dpa' sems dpa' che po zhes bya ba la sogs pa 'dod pa'i yon tan gyi lha mo rnam pa drug go /rdo rje ni ye shes kyi rang bzhin sems dpa' rnams yin la/ de'i bdag por gyur pa ni gzugs kyi rdo rje ma la sogs pa yin pas de skad ces bya'o/ /gnyis su na rdo rje ni yab sems dpa' rnams kyi gsang ba'i rdo rje la bya la/ de'i bdag po ni gsang ba'i pad+ma dang ldan pa'i sems dpa' rnams la bya'o/ /zhes bshad do/ /sku gsung thugs kyi rdo rje las/ /bdag nyid chen po 'byung ba yin zhes bya ba ni/ bcom ldan 'das byang chub sems rdo rje'i sku gsung thugs rdo rje las/ sems dpa' dang sems ma yab yum thabs dang shes rab zung du 'brel ba'i bdag nyid du gnas pa de dag 'byung zhing 'thon pa yin pas gsang ba'i dkyil 'khor du bskyed nas phyi'i dkyil 'khor du spyan 'dren pa'i dus na 'di dag la rang rang gi sngags 'byung ba rnams ni de dngos brjod pa spyan drangs la rang sngags gsal bar ma gsungs pa rnams ni rgyud gcad pa'i ston pa byang chub sems rdo rje'i sku gsung thugs rdo rje rnam pa gsum gyi snying po oM A(rgyud 'grel): hUM zhes brjod pas byung la phyi'i dkyil 'khor du so so'i gnas gang yin par bzhag par bya'o/ /da ni zhus tshig sum
- 105b
cu pa/ /mgon po kun du spyod pa ci/ zhes pa'i lan du/ shes rab thabs las phung po 'byung/ /khams dang skye mched kyis ni gzugs/ /rdzogs dang rim par sbyor ba yi/ /sngags pa rnal 'byor 'byung bar bya/ /zhes bya ba la sogs pa gsungs te/ de la shes rab thabs las phung po 'byung zhes bya ba ni shes rab spros pa dang bral ba dang thabs mi gnas pa'i thugs rje che po zung du 'brel ba las phung po lnga gnas su dag pa yab lnga'i sku dang/ 'byung ba lnga gnas su dag pa ni yum lngar snang ba'o/ /de lta bu'i yab yum de gnyis kyi khams bco brgyad dang skye mched bcu gnyis kyi ngo bo ni sems dpa' dang sems ma'i gzugs phyag rgya chen po thabs dang shes rab zung du 'brel bar snang ba ste/ de yang dbang po dang rnam par shes pas rnam par dag pa ni sems dpa' nges spyad par bya ba'i yul du snang ba ni sems ma ste/ rgyu'i dus na yul sems chos nyid kyi 'brel pa de 'bras bu'i dus na rang bzhin gyis thabs dang shes rab zung du 'brel par gnas par zad kyis/ gzhan gyis nan gyis 'brel pa lta bu ma yin no/ /rdzogs dang rim par sbyor ba yis/ /sngags pas rnal 'byor dbyung bar bya/ zhes bya ba ni lha pho mo de dag kyang phyag rgya chen po yan lag dang nyid lag yongs su rdzogs ma/ gtso bo nas 'khor gyi rim pa ji lta ba bzhin du yab yum thabs dang shes rab gnyis su med par sbyor ba gnyi ga'i phyi nang gi skye mchid lha dang lha mo'i dkyil 'khor du gnas pa yang gnyis su med pa zhal sbyor bar bzhugs par rig par bya'o/ /de yang gang gi zhe na/ sngags pa rnal 'byor 'byung bar sbya zhes te/ gsang ba'i theg pa 'am/ rgyud 'di'i dam tshig la gnas pa'i sngags pas rang gi shes rab dang ting nge 'dzin gyis de lta bu'i dkyil 'khor rnal 'byor bzhi dang ldan par 'byung bar bya'o/ /de la rnal 'byor rnam pa bzhi ni rang bzhin gyi rnal 'byor ni rdo rje 'dzin chen po'o/ /grub pa'i rnal 'byor ni rigs lnga dang
- 106a
sems dpa' rnams so/ /rjes su mthun par 'jug pa'i rnal 'byor ni yum lnga dang sems pa rnams so/ /gnyis su ni rigs lnga yab yum dang/ sems dpa' dang sems ma la sogs pa zhes yab yum zung du 'brel gyi rig par sbyor bar bya'o/ /dam pa gnas pa'i rnal 'byor ni de las gzhan pa'i 'khor thams cad do/ kha cig na re shes rab kyi rang bzhin 'byung ba lnga yum du snang ba dang/ thabs kyi rang bzhin phung po lnga yab tu snang ba dang/ khams dang skye mched kyi gzugs sems dpa' dang sems ma'i snang ba'i rang bzhin du rtag par gnas par bsgom pa dang/ blo 'brid gi rdzogs pa'i skad cig tsam gyis lha yab yum so sor gsal ba 'am/ ting nge 'dzin gyis bsam mi dgos par de dag gi rang bzhin du rtag par gnas par bsgom mo/ sbyor bde lha so so'i snying po brjod pa tsam gyi sbyor bas sgom pa'am/ blo thams so so'i snying po dang/ phyag mtshan la sogs pa'i 'phro 'du'i rim pas bskyed pa'i ting nge 'dzin gyis bsgom par bya'o/ /sngags pas de lta bu'i lha'i dkyil 'khor mtshan ma dang mchan ma med pa dbyer med pa'i rnal 'byor pa dbyung bar bya'o/ /zhes zer nas dkyus la sbyar thabs tsam las don snga ma dang mi mthun pa med do/ /thams cad dag par mos pa yis/ /'jigs pa sarba spangs nas su/ /dogs pa med pa'i sems kyis ni/ /sngags pa seng ge bzhin du rgyu zhes bya ba ni/ de lta bu'i ting nge 'dzin gyis bdag nyid kyi phung po dang skye mched lha'i dkyil 'khor du bsgoms pas/ yul sems gzung 'dzin du lta ba'i nyes pa'i dri ma thams cad ma lus par dag nas rnam par mi rtog pa'i ye shes kyi dang la gnas par mos pa'i sngags pa yis/ dogs pa med pa'i sems kyis ni/ bya ba 'dod pa'i yon tan snga ma spangs? shing/ bdud rtsi lnga dang lcags kyu la sogs pa'i dam
- 106b
rdzas la sbyod/ sgo gsum ji ltar sbyod kyang thabs mkhas pa'i lta ba de lta bus rtog pa'i rtsa ba bcad pas/ des 'khor bar 'ching ba'i 'jig pa spangs shing ngan sod gsum du ltung ba'i dogs pa med pa yin te/ ci'i phyir zhe na/ dper na bsreg pa'i bskal pa byung na shing nying med 'gyur ba dang/ sgron me bteg na mun pa nyid snang bar 'gyur ba bzhin du/ rang gi shes rab dang ting nge 'dzin gyi stabs kyis spyod yul byas bas de dag sku dang ye shes kyi bdag nyid du rtogs pas ye shes la ye shes rol lha la lha thim pa yin pas gnod pa'i nyes par mi 'gyur ba'i phyir ro/ /'jigs pa dang dogs pa med pa de lta bu'i sems kyis ni sngags pa seng ge bzhin du rgyu zhes bya ste/ dper na gcan gzan gyi rgyal po seng ge gnas gcig nas gcig tu 'am gang nas gang du 'grong par 'dod pa'i gnas gsnyag cing lam na 'gron yang skang phyung btsam gyis gtsan gzan phra mo thams cad zil gyis mnan cing skrag par byed la/ rang la tshur gnod pa byed pa med do snyam pa'i sems kyis rgyu'o/ /de bzhin du sngags pa gong du bstan pa lta bu'i shes rab dang ting nge 'dzin gyi gdong dang ldan pa de yang 'khor ba dang ngan song gi 'jigs pa med pas sgo gsum ji ltar 'dod pa bzhin du mi bkag par spyod pa la rgyu zhes bya'o/ /de nyid kyi phyir na/ 'di la mi bya ci yang med/ /de bzhin mi bza' ba'ang med/ /smra bar mi bya cung zad med/ /rtag du mi bsam pa'ang med ces gsungs te/ gsang ba'i theg pa 'di'am/ rgyud 'di'i don la zhugs pa'i rnal 'byor pas mi lus kyis bsgul? bskyod ci byas kyang phyag rgya bas ci'ang bya/ de bzhin du bza' ba dang bca' ba dang btung bci zos kyang dam rdzas te phyi nang gi dkyil 'khor thams cad mnyes par 'gyur ba'i nang gi sbyin sreg pas gang 'dod pa bza' btung bya/ dag gi smra brjod ci byas pa thams cad sngags su gyur pa las gzhan ma yin pas ngag gis gang 'dod pa bzhin du tshig smra/
- 107a
sems kyi dran rtog thams cad kyang ma bcos par de bzhin du btang yang ting nge 'dzin las gzhan ma yin pas/ thams cad bsams te de ltar byas kyang sgo gsum la 'am/ sgo gsum gyi nyes pas mi gos so/ /mnyam gzhag ? pa'i tshul gyis ni/ /rtag pa nyid du mnyam par gzhag /thams cad sems las gang spyod pa/ /kun tu spyod par bstan pa yin zhes bya ba ni gong ma ltar bstan pa'i don de ltar ma yin pa zhig la ting nge 'dzin gyis nan sgyur byas nas de ltar bsgrub pa ma yin chos thams cad rang bzhin gyis de lta bur gnas pa la rnal 'byor pas mnyam par gzhag par bya ba'i rtog pa med pa'i tshul gyis dus dang gnas skabs rtag tu ting nge 'dzin mnyam par bzhag ste ma rtogs pa'i don rtogs par bya ba dang/ rtogs pa'i don mngon du gyur par bya'o/ /de ltar shes na sgo gsum gyi spyod pa ci spyod pa thams cad rang gi sems kyi khyad par la spyod par zad de/ rnal 'byor pa gang yang rung ba sems la de ltar sbyong pa de ni/ dus dang gnas skabs kun tu sangs rgyas kyi spyod pa dang dbyer med pa'am mtshungs par bstan pa yin no/ /de ni zhus tshig sum cu gcig pa/ de bzhin sngags kyi spyod pa ci zhes pa'i lan du/ gang dag rgyu rkyen las byung ba dang/ yul dang dbang po yin par dgongs de dgongs kun tu bstan pa yin/ tra zhes bya ba skyob pa'i don/ zhes bya ba la sogs pa gsungs te/ spyir rnam par shes pa'i tshogs drug gang yang rung ba re re zhing yang rkyen bzhi bzhis bskyed de gang zhe na/ rgyu'i rkyen kun ni gzhi'i rnam par shes pa/ bdag po'i rkyen ni dbang po/ dmigs pa'i rkyen ni yul/ de ma thag pa'i rkyen ni drug po 'gags ma thag pa'o/ /de la 'dir gang dang rgyu rkyen las byung ba zhes bya ba ni phyi nang gi skye mched rnams te 'jug pa'i rnam par shes pa drug po de dag gang dang gang yang rung ba de dag gi rgyu ni so so'i dbang po rnams la bya
- 107b
la rkyen ni de dag gi yul rnams so/ /rgyu rkyen de dag tshogs pa las byung ba ni rnam par shes pa rnams so/ /yul dang dbang po yin par dgongs zhes bya ba ni yul drug tu snang ba ni gzugs kyi rdo rje ma la sogs pa'i lha mo drug go /dbang po drug ni sems dpa' la sogs pa lha bo drug yin par bsam pa la ni dgongs zhes bya ste/ rnam par shes pa ni de dag so so'i ye shes kyi rang bzhin no/ /de dgongs kun tu bstan pa yin/ zhes bya ba ni de ltar bsam pa de yang lan 'ga' tsam ma yin/ dus dang gnas skabs kun tu bsam par bstan pa yin te/ mdor na yul dang dbang po phrad pa ni thabs dang shes rab kyi rang bzhin/ de la rnam par shes pa 'byung ba ni sku dang ye shes kyi rang bzhin/ yul sems gang yang rung ba las chags sdang skye ba ni sku gsung thugs kyi rdo rje'am gzugs kyi rdo rje ma la sogs pa'i lha mo gyur pas rang gi rigs kyi bdag po la mchod cing thim par bsam mo/ /twa? zhes bya ba skyob pa'i don/ zhes bya ba ni yul dang dbang po de ltar shes pas sgo gsum ji ltar spyad kyang skyon gyi nyes pas 'khor bar 'ching zhing ngan song du ltung bar mi 'gyur te/ rnam par grol bar gyur bas bdag skyob pa yin la/ de ltar ma rtogs pa'i 'gro ba la mi dmigs pa'i thugs rje skyes nas don mdzad pa ni gzhan skyob pa'i don to/ /la la na re gong du gsungs pa'i rgyu dbang po ni sems dpa' ste sku/ rkyen yul ni sems te gsung/ de las byung ba'i rnam par shes pa ni ye shes te thugs/ de ltar shes pa mdza' gnyis la skyob pa twa zhes bya ba skyob pa'i don yin no zhes zer ro/ /don de nyid kyi phyir na/ sdom pa kun las sar? gsungs pa/ /'jig rten spyod las nges par grol/ /rdo rje thams cad skyob pa ni/ / sngags spyod pad ni bshad pa yin/ zhes gsungs te/ de ltar rtogs pa'i dang la gnas pa'i dus na/ nyan thos dang/ rang rgyal ba dang/ byang chub sems dpa' dang/ phyi ma yan chad kyi sdom pa dang/ dam tshig mdo sde dang/ rgyud so so kun las gang ltar gsungs pa
- 108a
de dag gi sgo gsum bsrung zhing bsngam mi dgos te/ de dag las 'gal bar snang ba'i las spyad kyang grol ba gzhan la phan zhing rang la nyams par mi 'gyur bas na/ 'jig rten spyod pas des par grol zhes bya ste/ 'jig rten sbyod ba lta bu spyad kyang 'jig rten pa'i 'ching ba las grol bar 'gyur te/ byang chub 'thob zhes pa'i don to/ /rdo rje thams cad skyong ba ni/ zhes bya ba rdo rje ni ye shes kyi rang bzhin te de bzhin gshegs pa'i thugs so/ /des 'gro ba thams cad 'khor ba dang ngan song dam mdza' gnyis las skyong ba bzhin du rnal 'byor ba de dang dbyer med pa'i sems brtse ba dang ldan pas 'gro ba thams cad skyong zhing phan pa dang bde bar sems pa ni/ sngags spyod pa ni bstan pa yin zhes bya ste/ de ltar bstan pa de yang sngags spyod pa'i rnal 'byor pa rnams kyi sngags kyi spyod par bstan pa yin no zhes bya ba'i don to/ /da ni zhus tshig sum cu gnyis pa/ bzlas brjod ji ltar 'tshal bar bgyi zhes pa'i lan du/ so so rang gi ngo bo dag /yid kyis snying la spyad par bya/ /bzlas brjod 'byin dang bsdu ba ni/ /bye brag tu ni sngags brjod do/ zhes bya ba la sogs pa gsungs te/ de la so so rang gi ngo bo dag ces bya ba ni sems so so rang gis rig pa'i ye shes kyi ngo bo lha'i dkyil 'khor tshang ba 'am/ rigs so so gang la mos pa'i de'i rang rang gi dkyil 'khor gyi ngo bor bsgom par 'dod na de dag gang yang rung ba sgom pa'i thabs ni 'og nas 'byung ba 'di ltar byas te zhes pa'i don to/ /de yang ji lta bur zhe na/ yid kyis snying la spyad par bya zhes te/ yid kyi rnam par shes pa rnam par gsal bar byed cing yul so sor spyod par byed pa'i mtshan nyid can gyis len pa'i rnam par shes pa gang du yang lung ma bstan mi rtag pa rgyan gyis ngo bor gnas pa las dge sdig gi sa bon thams cad 'dzin cing las kyi tshon gyis bsgyur du btub
- 108b
pa de la ni tha snyad du snying zhes bya ste/ de la spyad pa ni de nyid lha dang lha mo'i dkyil 'khor gang dang gang sgom par 'dod pa de ni yig 'bru dang thugs mtshan gyi 'phro 'du'i rim pa 'am/ rdzogs pa'i sbyor bas sku phyag rgya chen po mtshan ma'i rnam par gsal bar bskyed cing bsgom par bya ba'o/ /bzlas brjod 'byin dang bsdu ba ni zhes bya ba ni/ de ltar bsgoms nas lha de nyid kyi sngags dang snying po yid kyis gsal bar bzlas shing dag gis sngags kyi sgra tshig du brjod dam/ sngags des 'od zer bdag las 'byin cing phar 'phro ba dang spros pa de dag bdag la tshur bsdu bar 'dod na de'i thabs ni bye brag tu ni sngags brjod do zhes bya ste/ lha gang dang gang bsgom pa'i bye brag ji lta ba de bzhin du so so'i snying po brjod la 'phro 'du bya'o/ /de'i phyir na/ rdo rje rgya gram rang snying la/ /ye shes sa bon gyis bsdu bya/ /byang chub bdag med sa bon gyis/ /brtul zhugs can gyis bdag med gzung/ zhes gsungs te/ de la rdo rje ye shes rgya gram ni sna tshogs shes pa'i tha tshig ste/ ye shes lnga 'dus pa'i ngo bor gyur pa ye shes sems dpa' o/ /de dag gi snying dang dbyer med par byas nas gsung gi rdo rje dang thugs kyi rdo rje gnyis kyi bar mtshams su sgom mo/ /ye shes sa bon gyis bsdu bya zhes bya ba ni de'i thugs kar rang lha gang bsgom pa de'i thugs mtshan nam zla ba de nyid kyi snying po las bskyed dam bsams na yang rung ste de'i dkyil du rang gi rigs kyi snying po bsams pa ni ye shes kyi sa bon zhes bya ste/ ci'i phyir zhe na/ ye shes skye ba'i rgyur gyur pa sngags kyi yig 'bru yin pa'i phyir ro/ /de lta bu'i ye shes kyi sa bon dag gi tshig tu bzlas brjod bya zhing/ sngags dang 'od zer phar spro ba dang/ tshur bsdu bar bya'o/ /de la ye shes sems dpa' i tshad ni rang lha gang sgom pa'i de'i mthe bo'i tshad du'o zhes zer na/ sarba b+hu tha las kha'i thad kar gdud par bya zhes gsungs pas dbu rgyan gyi srog gam ral ba'i thor tshugs kyi rtse mo dang gtso bo kha mnyam
- 109a
pa'o/ /byang chub bdag med sa bon gyis zhes bya ba ni/ sngags kyi yi ge'i 'bru de ni byang chub bdag med pa'i dang bzhin shes pa'i rgyud la skyed par byed pa'i rgyur gyur pa ste/ de lta bu'i sa bon gyi sngags kyis lus ngag yid gsum sku gsung thugs rdo rje rnam pa gsum du bsgom par bya ste/ de yang gang gis she na/ brtul zhugs can gyis shes te/ 'di'i don la 'jug pa'i brtul zhugs can gyis so/ /ji lta zhe na/ bdag med gzung zhes te/ chos dang gang zag la bdag med pa'i ngo bor sgom pa la gzung zhes bya'o/ /bzlas brjod kyi 'phro 'du yang rang bzhin med pa'i tshul du spro la/ bsdu ba'ang rang bzhin med pa'i tshul du bsdu'o/ /don nyid kyi phyir ni/ gzugs bzhin gzugs ni spro? bya ste/ sa bon gsum gyis de bzlas so/ /bzlas par brjod par bstan pa ste/ thams cad sngags zhes bya ba yin/ zhes gsungs te/ de la gzugs bzhin gzugs ni spro bar bya zhes bya ba ni/ lha gang dang gang sgom pa de'i gzugs dang mthun par 'phro 'du bya ba ste/ de yang bdag phyag rgya chen por bsgoms la/ sku gsung thugs rdo rje gsum lus kyi gnas gsum du bsgoms pa las 'phro 'du byed par 'dod na ni thugs kyi rdo rje dang dbyer med pa'i ye shes sems dpa' i thugs kar pad+ma dang zla ba la rdo rje bum pa hUM gis mtshan pa bsam pa dang/ mgrin par pad+ma'i snying po la A(rgyud 'grel): bsam/ spyi bor 'khor lo la oM bsam/ de nas sbro ba ni thugs kyi rdo rje'i mtshan dang/ thugs kyi rdo rje sku'i phra mo gsum ka tshang ba 'am/ yang na re re spro yang rung/ gsung dang sku'i rdo rje yang tshul de bzhin du spro bar bya'o/ / rim pa ni sku gsung thugs kyi rdo rje re re nas rim par spro ba'am/ yang na gsum ka las cig car dus gcig tu spro yang rung ngo/ /de so so las rang rang gi sku phra mo kho na sbro na yang 'gal ba med de gang ltar lcogs pa bzhin no/ /phyag rgya chen po de nyid
- 109b
phyag rgya bzhi dang ldan par bsgom na glang rgyas su sku'i rdo rje'i thugs kar 'khor lo'i lte bar oM ser po bsgom/ mgrin par gsung gi rdo rje'i thugs kar pad+ma'i dkyil du A(rgyud 'grel): dmar po bsgom/ thugs kar hUM mthing nag bsgom/ gsung dang thugs rdo rje'i bar du ?? shes sems dpa' i thugs ka'i zla ba la gtso bo gang sgom pa'i snying po 'am/ yig 'bru dgod la/ oM zhes brjod pas sku rdo rje spro gsung dang thugs kyi rdo rje yang de bzhin du rig par bya'o/ /rigs so so'i rnal 'byor pa'i dbang du byas na/ sku rdo rje'i rnal 'byor bas rang gi snying kar ye shes sems dpa' / de'i thugs kar pad+ma dang zla ba la 'khor lo'i lte ba la oM/ de nyid kyi sngags brjod pa las oM dang 'khor lo dang/ sku'i rdo rje rnams spro bar bya zhing slar yang bsdu'o/ /de bzhin du gsung gi rdo rje rnal 'byor pas kyang rang rang gi thugs kar ye shes sems dpa' i thugs kar pad+ma dang zla ba'i steng du oM dang hUM bsams te snga ma bzhin 'phro 'du bya'o/ /de ltar sbro ba de yang rnal 'byor pa'i lus sems rdos pa dang bral ba sgyu ma lta bu'i ye shes su rig par bya ste/ de ltar yang rtsa ba'i rgyud las/ sngags kyi don kun bzlas pa ni/ /rdo rje mi phyed gsum gyi mtshan/ /rdo rje dbye ba gsum gyi mthar/ /bkod pa rdo rje gsum zhes bya/ zhes gsungs so/ /sa bon gsum gyis de bzlos zhes bya ba ni/ sa bon gsum ni sku gsung thugs kyi sngags oM a'u(rgyud 'grel): hUM gsum yin la/ de bzlas so zhes bya ba ni lha gang sgom zhing sgrub pa de'i snying po ste/ yi ge gsum gyis gzhi byas pa dkyil du bcug nas rang gi rigs kyi snying po dang/ ye shes sems dpa' i snying po tha mi dad pas mdza' ma gnyis su bcar la bzod snying po de 'gro 'du bya zhing bzla ba'o/ /de yang rang gi snying po las ni rang gi yig 'bru dang thugs mtshan dang/ sku? phra mo gsum ka'ang re re 'am/ yang na sku phra mo kho na spro'i ye shes sems dpa' ni ye shes lnga 'dus pa'i ngo bo yin pas snying po
- 110a
las rigs lnga car chad bar spro bar bya'o/ /gnyis su na rigs dang mthun par sbro'o?/ /bzlas par brjod par bstan pa ste zhes bya ba ni yid kyis gsal bar bzlas pa dang tshig tu bzlas pa bya ba kho na dag gi sgo nas brjod par bstan pa yin te/ de yang dbuT phyir 'byung ba dang sngags kyi sgo nas bzung ste sbrul pa phyir sbro bar bya/ dbugs nang du brdub pa dang sngags kyi mjug bsdus te/ 'od zer dang sprul pa slar bsdu bar bya/ grangs kyi yun ji tsom bzla ba ni brgya stong grangs med pa nas ji tsam nus pa'i bar du'o/ /de ltar zlas pa byas pa'i rting la lha mo rnams spros pas mchod par bya ste/ sku'i rdo rje'i thugs ka nas ni sangs rgyas spyan dang gzugs kyi rdo rje ma spro/ gsung gi rdo rje'i thugs ka nas ni na bza' dkad mo dang ro'i rdo rje ma spro'o/ /thugs kyi rdo rje'i thugs ka nas ni lha mo phyi ma drug spro'o/ /de ltar spros pa mchod pa bla na yod pa dang/ bla na med pa dang/ phyi nang gsang ba gsum gyis bsdus pa'i mchod par dmigs la mchod par bsam mo/ /spro ba'i tshad ni nam mkha' dbyings kyis gar khyab pa'i tshad du'o/ /rdo rje gsung gi thugs drang gyur zhes gsungs so/ /thams cad sngags zhes bya ba ni/ de lta bu'i ting nge 'dzin dang/ sngags bzla ba dang/ 'phro 'du'i thabs bstan pa'i rnam pa de dag thams cad ma lus pa kun tshang bas thams cad sangs rgyas par byed pas sngags zhes bya bar bstan pa yin no/ / sngags ni rgud ces gsungs pa na/ de kho na yis bskul te bsgom zhes bya ba ni/ gong ma ltar ston pa'i sngags kyi don de yang phar 'phro ba dang/ tshur 'du ba dang/ bzlas brjod bya bar mchems med cing rgyun mi 'chad par bya ba'i mtshan nyid can bas rgyud kyi rnam grangs rgyud cas bya bar yang gsungs pas/ tshul de kho na ltar byas pa yis dkyor gyi lha rnams kyi thugs dam bskul zhing bdag nyid kyi bsgom par bya'o/ /gnyis su na de kho na nyid ces bya ba ni mi 'gyur ba'i don te/ de lta bu'i tshul gyis gzhan la bskul
- 10b
zhing bdag gis sgom na/ de bzhin du 'grub par 'gyur zhing mi slu ba'o/ /'dir ni mdor bsdus pa ste/ bzlas pa'i bye brag rnam grangs su phye ba ni sngar rtsa ba'i rgyud du rgyas par bstan zin to/ /da ni zhus tshig sum cu gsum pa/ ji ltar rgyas 'debs 'tshal bar bgyi zhes zhus pa'i lan du/ ji ltar snying khar byin brlabs pa/ /ting nge 'dzin yang de bzhin no/ /de rnams spyi bor dbang bskur nas/ /thams cad de bzhin mchod pa dang/ /gang zhig rig pa yod pa ru/ /sbyor ba'i rdo rje 'dzin pa ste/ /de yi longs spyod bzhir shes nas/ /dang po de bzhin dang byin brlabs zhes bya ba la sogs pa gsungs te/ ji ltar sngar bzlas brjod bstan pa'i skabs su dang por bdag nyid lha gang la dad cing sgrub pa de'i sku phyag rgya chen por sgom pa'i thugs kar ye shes sems dpa' sgom pa dang/ de'i thugs kar rang gi thugs mtshan nam zla ba bskyed dam bsams pa de'i dkyil du yang rang gi rigs kyi snying po bsams pas rang gi snying kar byin gyis brlabs pa bzhin du rgyas 'debs pa'i don sgom pa'i skabs 'dir yang rnal 'byor pas ting nge 'dzin de bzhin du gsal bar bya dgos na/ ting nge 'dzin yang de bzhin no zhes bya'o/ /de ltar dkyil 'khor tshad ba'am lha gcig bsgoms kyang rung ste/ gang dang gang bsgoms pa de rnams kyi spyi bor rang rang gi rigs kyi bdag po gang yin pas kyang dbang bskur bar bya'o/ /de ltar dbang bskur bas ci byed ce na/ thams cad de bzhin mchod pa dang/ zhes pa ste/ sngan lhun gyis grub pa dang/ rang gis bskyed pa'i dkyil 'khor gyi lha thams cad la yang sngar bstan pa de bzhin du 'dir yang mchod pa dang gang zhig rig pa yod pa ru zhes bya ba gang zhig ni rnal 'byor pa rig pa ni lha mo yod pa ni/ lha mo de dang ldan pa/ sbyor ba ni gnyis su med par rol pa mdzad pa/ rdo rje 'dzin pa ni ye shes rdo rje lta bu'i don 'dzin pa 'am/ gnyis su na rdo rje sems dpa' 'am mi bskyod pa lta bu'i don 'dzin pa ste/ rnal 'byor pa gang zhig gzugs dang ldan pas gnyis su med par rol pas
- 111a
'phags pa mchod pa dang/ las bzhi brtsam pa dang/ bdag gzhan dbang bskur ba'i sgo nas de bzhin gshegs pa ye shes rdo rje lta bu'i don 'dzin pa 'am/ thugs kyi rigs kyi ngo bor grub pa'i phyag rgya chen po 'dzin par 'dod na yang rgyas sha dab pa'i don gyis dbang bskur ba byas nas bsgrubs na 'grub par 'gyur ro/ /te zhes pa ni gang dang gang byed kyang gdab par bya dgos pa'i don to/ /gnyis su na lhag ma dang bcas pa'i tshig 'og nas 'byung ba'i don ston pa'i mgo 'dren yang yin te/ de'i longs spyod bzhir shes nas zhes bya ba sbyor ba rnam pa bzhi 'am/ bsnyen sgrub rnam pa bzhi 'am/ bsnyen sgrub rnam pa bzhi ni shes rab dang ting nge 'dzin gyis nye bar longs spyod pa'i yul yin pas rnal 'byor pa de'i longs spyod bzhir shes par byas nas dang por sbyor ba bzhi 'am/ bsnyen sgrub bzhi tshang bar de bzhin du bsgoms nas rang byin gyis brlabs cing dbang bskur ba'i rgyas gdab par bya'o/ /de nyid kyi rim pa'i bye brag gsal bar bstan pa'i phyir na/ dpa' bo rigs te rdo rje rnams/ /spyi bo re re bsten bya zhing/ /snying po phyag rgya sngags rnams kyis/ / rang gi rig pas rgyas gdab ngo zhes bya ba la sogs pa gsungs te/ de la dpa' bo rigs te rdo rje rnams zhes bya ba/ nyon mongs pa dang 'khor ba las rgyal bas na dpa' bo zhes bya ste/ de yang gnyen po bton pas sam/ mi dmigs par byas nas rang bzhin med par brtabs pas spangs nas rgyal ba ma yin/ ma bkag par spyod pas ma chags par gnas su dag ste/ dbang du bya ba dang grol ba dang grub par gyur pa'i sgo nas rgyal bar byas pas na dpa' bo rigs zhes bya ste/ gsang ba'i theg pa 'di'i sgo nas mngon par byang chub pa rnams to/ dngos gang zhe na/ sa'i snying po la sogs pa byang chub sems dpa' i rnams dang/ gshin rje mthar byed la sogs pa'i khro bo rnams dang/ sangs rgyas spyan dang gzugs kyi rdo rje ma la sems pa'i lha mo rnams so/ /rdo rje rnams zhes bya
- 111b
pa ni rigs kyi bdag po sangs rgyas lnga'o/ /spyi bor re re bsten bya zhing zhes bya ba ni sems dpa' dang sems ma de dag so so'i dbu rgyan la rang rang gi rigs kyi bdag po re res brgyan cing dbang bskur bar bya ba ste/ de yang ji ltar dbang bskur ba 'am rigs kyi bdag pos dbang bskur thabs ni sngar rtsa ba'i rgyud kyi le'u bco lnga pa bkral pa'i skabs su bris zin te/ zlos bu'i bya ba dgos pa med do/ /snying po phyag rgya sngags rnams kyis/ zhes bya ba ni/ snying po ni sku gsung thugs rnam pa gsum dang/ ye shes sems dpa' dang rigs kyi bdag po gang gis dbang bskur ba de'i so so'i snying po rnams so/ /phyag rgya ni snying po de'i cha las sku gsung thugs rdo rje rnam pa gsum dang/ ye shes sems dpa' rnams kyi so so'i sku phyag rgya bskyed pa'o/ /sngags ni sku gsung thugs su byin gyis brlab pa la sogs pa'i sngags so/ /de rnams kyi rang rig rim pas rgyas gdab po zhes bya ba ni rang gi rig pa'i khyad par bskyed la lha'i rim par dbang bskur ba'i rgyas gdab par bya'o/ /gzhan dag na de/ rang rang gi rigs kyi bdag pas rang gi rigs kyi sems dpa' dang sems ma la sogs pa la rgyas gdab pa'o zhes zer ro/ / de la dbang bskur ba'i thabs ni gsum ste/ gtso bo'i thugs ka'i ye shes sems dpa' las 'od zer 'phros pas phyogs bcu'i sangs rgyas thams cad bkug nas bdag la thim pa slar 'thon te lha mor 'phros pas nam mkha' gang bas bdud rtsi bum pa thogs te/ dgan? bskur nas de nyid 'od du zhu bas rang gi rigs kyi bdag bor gyur pas phu las rgyan pa dang/ dbus kyi gtso bo yab yum gnyis su med par sbyor ba'i lhag pa'i byang chub kyi sems kyi dbang bskur ba dang/ rang rang gi rigs kyi bdag po yab yum gnyis su med par sbyor ba'i stag pa'i byang chub sems kyi dbang bskur ba'o/ /de la lce la bstim pa dang mgo la bstims pas rang gi lus la khyab cing rigs kyi bdag pos rang rang gi dbu la brgyan par bya'o/ /gal te de ltar rang rang gi rigs kyi bdag pos sems dpa' sems ma'i
- 112a
mgo la dbang bskur du ma nus su zin kyang dkyil 'khor gyi lha tshang ba 'am/ yang na lha pho mo gnyis tsam kho na rnal 'byor pas sgom pa 'am/ rnal 'byor pho mo gnyis su med par rol pa mdzad pas pho'i dbu la rin chen 'byung ldan bsgom lo/ mo'i dbu la snang ba mdza' yas bsgom mo/ /ci'i phyir zhe na/ rin chen 'byung ldan ni yon tan phun sum tshogs pa'i rang bzhin pas/ rnal 'byor pa dang 'gro ba'i rgyud la smin cing gzhan gyi phyogs zil gyis gnon par byed pa'i phyir ro/ /snang ba mdza' yas ni 'dong chags chen po'i rang bzhin lha mo thams cad kyi gtso mo yin pas gzungs mnyes par 'gyur zhing 'dod chags kyi nyes pas ma gos par bstan pa'i phyir ro/ /la la na re khro bo'i rgyal po rnams kyi ral pa'i dbu brgyan nang du rin chen 'byung ldan bsgom la/ gzugs kyi rdo rje ma dang sangs rgyas spyan la sogs pa rang rang gi gtso bo dang sbyor ba'i dus na ni 'dod chags chen po'i gtso bor gyur pa snang ba mdza' yas yin pas/ de lha mo rnams kyi dbu rgyan la sgom mo zhes zer ro/ /rgyu la 'bras bu rgyas gdab cing/ /'bras bu la yang rgyus rgyas gdab/ /bsam med gzhan gyi dngos grub ni/ /bskal ba bye bar yong mi 'gyur/ /zhes bya ba ni/ rgyu rdo rje 'dzin chen po la ni 'bras bu mi bskyod bas rgyas gdab cing 'bras bu mi bskyod pa la yang rgyu rdo rje 'dzin chen pos rgyas gdab ste/ gcig gi dbu rgyan la gcig bzhugs su gsol bas dbang bskur ba'o/ /la la na re rgyu chos nyid la ni 'bras bu ye shes kyis rgyas gdab ste/ chos nyid las phyag rgyar bskyed 'bras bu ye shes la ni rgyu chos nyid kyis rgyas gdab ste/ phyag rgya mtshan par bskyed kyang chos nyid las ma g.yos par bya ste/ bden pa gnyis kyi dang du mtshan ma dang mtshan ma med par mthar phyin par bya ba ste/ des ni dbang bskur ba thams cad kyi don mdor bsdus nas bstan pa yin no zhes zer ro/ /don de ltar shes par bya ba yin pas bsam pa med pa dag
- 112b
gis rigs dang rigs kyi bdag po chol bar dbu rgyan la dbang bskur ba'i thabs gzhan gyis dngos grub sgrub par 'dod na ni bskal pa bye ba'i bar du yang 'grub par yang mi 'gyur ro/ /zhes bstan to/ /de ni zhus tshig sum cu bzhi pa/ chos kyi 'byung gnas ji ltar lags zhes pa'i lan du/ bzhi char mnyam par ldan par ni/ /rig pa'i skyes bu rdo rje can/ /sku gsung thugs kyi bye brag gis/ /gru gsum la ni rnam par bsgom zhes bya ba la sogs pa gsungs te/ chos kyi 'byung gnas bskyed pa'i thabs 'di yang/ slob dpon dag so so nas bzhed mi mthun te/ rdo rje bzhad pa na re bdag nyid rdo rje 'dzin chen po kun tu bzang me dang ldan par zla ba'i dkyil 'khor la 'dug par bsams pa dang gcig /de nas bdag nyid kyi ba sbu'i bu ga nas 'od zer 'phros pas phyogs bcu'i de bzhin gshegs pa yab yum sras dang bcas pa spyan drang ste/ bdag nyid yab yum gyi lus la zhugs te rol pa mdzad pa las yab yum gnyi ga zhu ba'i zla ba'i dkyil 'khor du gyur pa dang gnyis/ zla ba de las a nas k+Sha la thugs pa'i bar gyi yi ge mgo gyen du 'greng ba 'od zer dang bcas bsrog dang dbugs su ldan pa lta bu bkod la/ a la sogs bas ni shes rab kyi yum sangs rgyas spyan la sogs pa bskyed/ ka la sogs pas ni thabs kyi yab rnam par snang mdzad la sogs par bsgom pa dang gsung/ de rnams kyi thugs kar pad+ma dang zla ba la rang gi sa bon las rigs kyi phyag mtshan du gyur pa'i dkyil du so so'i sa bon gyis mtshan par gyur pa las rigs so so'i kha dog dang mthun pa'i 'od zer 'phros bas phyogs bcu'i dang gi rigs kyi ye shes sems dpa' spyan drangs nas rang gi rigs kyi dam tshig sems dpa' i thugs ka so sor zhugs pa dang bzhi la ni/ gzhi car mnyam par ldan pa ni zhes bya la de nas lab yum de dag cha 'phrugs par bzhugs pa ni rig pa'i skyes bu rdo rje can zhes bya ste/ sku gsung thugs rdo rje lta bu'i don dang ldan pa'o/ /de nas yab yum
- 113a
de dag gnyis su med pa'i rol pa mdzad pa 'dod chags chen po bde ba'i mes zhu ba las/ sku gsung thugs kyi bye brag gis dbyibs gru gsum du gnas pa'i chos kyi 'byung gnas su gyur par bsgom zhes bya/ de nas srung ba'i 'khor lo'i dkyil 'khor sgom pa'i dus na ni 'khor lo rtsibs bcu pa'i rim pa dang ldan pa'i nung zad seng ba'i kha dog dang ldan pa'i de'i dbus su sgom pa la ye shes chen po bcu'i bdag nyid khro bo chen po bcu bsgom par bya'o/ /lha'i dkyil 'khor bsgom pa'i dus na ni chos kyi 'byung gnas de'i nad du mi 'khrugs pa dang mA ma kI'i rol pa mdzad nas zhu ba las ye shes rba rlabs 'khrug pa'i rgya mtsho chen por gyur/ de'i steng du rnam par snang mdzad sangs rgyas spyan dang sbyor ba 'od du zhu ba las gser gyis gzhir gyur/ de'i steng du rin chen 'byung ldan yab yum sbyor ba zhu ba las/ de nyid rgyas shing gang bar gyur pa de'i steng du snang ba mdza' yas kha na bza' dkar mo dang sbyor ba zhu ba las ye shes me dpung 'bar ba'i phreng ba 'khrug par gyur/ de'i steng du don yong grub pa sgrol ma dang sbyor ba zhu ba las ye shes kyi dkyil 'khor sa stegs gru bzhi par gyur/ de'i dbus su b+hUM ser po'i 'phro 'dus de bzhin gshegs pa thams cad spyan drangs te thim pa las 'khor lo rtsibs brgyad par gyur/ de'i lte ba la rnam par snang mdzad dbyings phyug me dang sbyong ba zhu ba las rin chen sna bzhi las grub pa'i mchod rten dpag tshad bye ba tsam gyi rgya khyon dang ldan pa 'od zer gyi phreng bas brgyan pa'i gzhal yas khang bsgom ste/ de'i 'og tu haM las bskyed pa'i rdo rje rgya gram gyis sa'i 'og thams cad khyad par bsgom mo/ /de'i lta ba la lh+ruM las gzhal yas khang gru bzhi ba la sgo bzhi pa twa ra Na bzhi dang dril bu dang dang dpyangs dang 'phan la sogs pas brgyus pa dkyus dang sgom pa'i rim pa bzhin du bsgom zhes zer/ nya na pa ta pa na re ni dang por yaM dud kha las rlung gi dkyil 'khor
- 113b
dbyibs zla gam de'i steng du raM dmar po las me'i dkyil 'khor dbyibs zur gsum/ /de'i steng du laM ser po las sa'i dkyil 'khor ser po dbyibs gru bzhi/ de'i steng du hUM mthing nag las rdo rje rgya gram nag po'i sa gzhis g.yogs pa/ de'i steng du baM dkar po las chu'i dkyil 'khor kha dog dkar po dbyibs zlum po/ de'i steng du 'khor lo ser po rtsibs bcu pa de la ye shes bcu'i rang bzhin khro bo bcu bskyed nas bgegs mtshams gcod par byed pa'o/ /de'i lte ba la chos kyi 'byung gnas bsgom ste/ dkyus la gzhar na bzhi cha mnyam par ldan pa ni zhes bya ba ni 'byung ba bzhi char mnyam par ldan pa'o/ /rig pa'i skyes bu rdo rje can zhes bya ba ni rdo rje sems dpa' yab yum mo/ /de gnyis su sbyor bas 'od du zhu ba las ni sku gsung thugs kyi bye brag gis e gru gsum chos kyi 'byung gnas su gyur par bsgom mo/ /de gang du zhe na/ rtsibs btsu rim pa bcur ser ba'i/ /de yi dbus su rnam par bsgom/ /'khor lo de ci dgos she na/ bdag nyid ye shes bcu po 'byung zhes bya ste/ khro bo bcu'i bzhugs gnas srung ba'i 'khor lo'i dkyil 'khor ro zhes zer na de dag gang du 'gal ba ni med na yang bdag gi 'od gyi bzhi cha mnyam par ldan pa ni zhes bya ba ni 'byung ba bzhi gnas su dag pa yum bzhi'i rang bzhin/ tshad med pa bzhi bsgoms pa'i bag chags kyis bslang nas phyogs bzhi nas mnyam par bzhugs pa'o/ /rig pa'i rang bzhin lnga mo de bzhi'i skes bu ni rdo rje chen zhes bya ste rdo rje 'dzin chen po'o/ /de dag gnyis su med par rol ba mdzad pa/ 'dod chags chen po'i mes zhu ba las ni sku gsung thugs kyi bye brag gis bya ste/ bcom ldan 'das rdo rje 'dzin chen po'i sku gsung thugs kyi rang bzhin gru gsum pa ni rnam par bsams shes te/ /e gru gsum du chos kyi 'byung gnas su gyur par bsgom mo/ /gnas gang du bsgom zhe na/ brtsibs bcu rim pa cung zad seng ba yi/ /de'i dbus su rnam par bsgom zhes te/ srung ba 'khor lo'i dkyil 'khor rtsibs bcu pa khyad?
- 114a
dog gi rim pa cung zad sed bar 'dug pa de'i lte ba la phra phyogs bstan nas/ sbom phyogs gyen du bgreng ba bsgom mo/ /'khor lo de ci dgos she na/ bdag nyid bcu po 'byung ba ni/ /rtsibs rnams la ni khro bo bcu zhes bya ste/ ye shes chen po bcu'i bdag nyid/ /khro bo chen po bcu'i bzhugs gnas/ srung ba 'khor lo'i dkyil 'khor ro/ /khro bo de dag ji ltar mthon zhe na/ rdzogs pa'i mchog tu mdzes pa yin zhes te/ sku yan lag dang nyid lag dang/ khro rtags dang/ rgyan dang/ cha lugs rdzogs shing 'jig rten pa'i khro bo'i tshul can la mchog tu gyur cing/ shin tu mdzes pa'i ngang tshul dang ldan par 'gyur ba'o/ /la la na re bcu ka tshang bar rdzogs pa'i ting nge 'dzin gyis bskyed pa las rdzogs pa zhes bya'o zer na/ de yang ma nges te/ slob dpon la la'i bzhed kyis rim par bskyed pa'i ting nge 'dzin du bsgom par yang snang la/ bdag dngos kyis kyang de ltar rig par mthong ngo/ /phro bo de dag ci'i phyir bsgom zhe na/ rdo rje 'gog pa bsgom par bya zhes te/ las dang dngos grub la bar du gcod pa'i bdud bgegs dang log 'dren thams cad 'gog par bya ba'i phyir de dag bsgom par bya'o/ /gnyis su na de lta bu'i phyir de dag sems kyi rgyu ba gzhan bkag nas sems rtse gcig pa'i ting nge 'dzin gyis bsgom par bya'o/ /de dag gi mtshan nyid ji lta bu zhe na/ me lta bur ni 'gro ba yis/ / rdo rje 'thar pa'i sprin ltar 'phro/ zhes bya ste/ de lta bur 'bar ba dang tsha ba dang gsal ba dang/ 'phro ba dang/ thogs pa med pa'i sprin lta bur nam mkha' khyab par 'phros pas gzhan la gcod cing 'bigs pa dang/ bsreg cing 'joms par byed nus ba'i mtshan nyid can no/ /chos kyi 'byung gnas kyi mtshan nyid ji lta bu zhe na/ chos 'byung ye shes rang bzhin ni/ dri ma med cing zhi ba'o zhes bya ste/ gzung 'dzin gyi dri ma rnam par dag pa'i ye shes kyi rang bzhin/ spros pa thams cad nye bar zhi ba/ shes rab kyi rang bzhin rnam par
- 114b
thar pa'i sgo gsum dang ldan pa kha dog dkar ba/ thabs kyi rang bzhin sku gsung thugs dang ldan pas rtsa ba dmar ba/ thabs dang shes rab zung du 'brel ba'i 'od zer sna tshogs bcur 'phro ba chos kyi dbyings kyi pho brang gi ngo bo/ nam mkha' i dbyings dang dbyer med cing gsang ba'i mkha' dbyings dang tha mi dad pa/ nang stong par gyur pa'i tshad nam mkha' i dbyings kyi mdza' dang mnyam zhing de bzhin gshegs pa thams cad kyi bzhugs gnas dang pho brang du gyur pa'o/ /rgol ba na re/ lon gzhan dag na re/ 'byung ba bzhi rim par bsgoms la de'i steng du rdo rje 'dzin chen po yab yum 'od du zhu ba las chos kyi 'byung ka nas sgom zhes kyang zer/ bdag nyid rdo rje 'dzin pa yab yum zla ba la 'dug par bsam pa la sogs pa'i rim pas rigs lnga yab yum 'od du zhub a las chos kyi 'byung gnas su gyur pa bsgom zhes zer/ 'dir de dag gi rim pa ma smos par yum bzhi dang ldan pa'i rdo rje sems dpa' 'od du zhu ba las chos kyi 'byung gnas su gyur pa zhes bshad pa de dag mi mthun par ston pa ci'i phyir zhe na/ smras pa/ chos kyi 'byung gnas rdo rje 'dzin chen po yab yum las bskyed pa dang/ rigs lnga yab yum las bskyed pa mi mthun par snang pa yang rgyu 'bras kyis dbang du byas pas de ltar snang bar zad kyi bzhi tha dad pa ma yin pas 'gal ba med la/ 'byung ba bzhi'i dkyil 'khor bskyed thabs lta 'og mi mthun par snad bya yang rang gi slob dpon gyis bstan pa'i man ngag mthod pa'i khungs mi mthun pa las gyur te/ chas kyi 'byung gnas kyis kyang dbang gi dkyil 'khor la khyab la/ dbang chen gyi dkyil 'khor yang chos kyi 'byung gnas kyi nang du shong bas/ 'gal ba med lo/ de dag gis de rnams bstan pa lang? gsang ba 'dus pa'i dkyil 'khor chang bar bsgom pa'i gzhal yas khang bskyed pa'i dbang du gsungs pa yin pas de ltar bstan la/ bdag gis ni rgyud lhag ma'i dkyus kyis gnas skabs kyi don dang sgyur
- 115a
nas mtsham par shad par zad de/ rdo rje 'dzin chen po yum bzhi dang ldan par bsgoms pa'i nang du yang dbang chen tshang la/ dbang chen rim par brtsegs pa yang yum bzhi'i rang bzhin te dngos dbang chen rim par brtsegs pa'i gnas su dag par rtags yum bzhi dang ldan par bstan na yang nyes pa med do/ /'o na chos kyi 'byung gnas zhus pa'i skabs su srung ba 'khor lo bstan pa ci dgos zhe na/ smras pa/ srung ba 'khor lo'i dkyil 'khor 'ba' zhig la ni dbang chen bsgom pa yang yod/ mi bsgom pa yang yod de gang ltar byas kyang 'gal ba med na rgyud 'di'i dkyil 'khor gyi lha tshang ba bsgom na/ bgegs bsal ba'i khro bo bsgom pa dang/ dkyil 'khor gyi lha phyi ma bsgom pa 'brel las/ sgung ba 'khor lo'i dkyil 'khor khro bo'i gzhuT gnas bskyed pa dang/ dkyil 'khor gyi lha phyi ma bskyed pa'i gzhal yas khang par yang 'brel bas gcig gis gcig mtshon pa'i phyir 'di ltar bstan pa yang 'gal ba med do/ /gzhan dag na re de ltar chos kyi 'byung gnas dang/ 'khor lo bsgoms ba'i yon tan ni/ /bsgom pas skad cig nyid du ni/ /sangs rgyas spyan ni rab tu bskyed/ ces gsungs te/ chos kyi 'khor lo dang/ srung ba'i 'khor lo'i don gong ma ltar sems rtse gcig tu bsgoms na skad cig nyid du shes bya thams cad ma thogs ma chags par gzigs pa'i sangs rgyas kyi spyan bskyed par 'gyur ro/ zhes zer na/ gzhal yas khang gi rang bzhin bsgoms pas de ltar gyur pa'i rigs pas ma mthong ngo/ /da ni zhus tshig sum cu lnga pa/ de bzhin sdom pa ji ltar lags zhes pa'i lan drug? bsgoms pas skad cig nyid du ni/ /sangs rgyas spyan ni rab tu bskyed/ /gnyis kyi rim par nyer gnas pa/ /de la lha nyid rdo rje can/ zhes bya ba la sogs pa gsungs te/ rgyud 'di'i don gnyis su len pa'i rnal 'byor pas sku gsung thugs gsuM
- 115b
las/ sku'i rigs kyi dbang du byas nas bsgrub na ting nge 'dzin ji lta ba bzhin du sngar bsngar bstan pa'i rim pas sangs rgyas rnam par snang mdzad du bsgoms pa'i rnal 'byor pas de ltar bsgoms nas/ de'i skad cig nyid du ni/ yum sangs rgyas spyan yang myu gu dang grib ma'i tshul du rab tu gsal bar bskyed la/ yab yum thabs dang shes rab gnyis kyi rim pa zung du 'brel bar gnas pa bsgom par bya'o/ /de la lha nyid rdo rje can zhes bya ba rnam par snang mdzad bsgom pa de ltar bstan la lha nyid rdo rje can zhes bya ba rgyud dang dkyil 'khor gyi bdag po rdo rje 'dzin chen po 'am/ thugs kyi rigs kyi mi bskyod pa ste/ de bsgom na yang ting 'dzin gyi rim pa ji lta bas dang po gtso bo'i sku bskyed la/ de ma thag tu yum yang bskyed de/ bsnyen bsgrub rnam pa bzhi dang ldan par bya'o/ /de bzhin du lha gcig gam dkyil 'khor tshang bar bsgoms na yang tshul de nyid kho na bsgom par bya ste/ ci'i phyir de ltar bsgom zhe na/ ji ltar rim par bcas 'jug pa/ de ltar rim par bcas te 'byung/ zhes gsungs te/ ji ltar rgyu sgrub pa'i dus na yab yum thabs dang shes rab tu 'brel pa'i rim par bsgoms pas 'jug pa yin la/ de ltar bsgoms nas 'grub pa'i 'bras bu gang yang bsgoms pa de bzhin du/ lha de yab yum thabs dang shes rab zung du 'brel pa'i rim par bcas te 'byung ba yin no/ /de bas na gsang ba 'dus pa'i rnal 'byor pas rlon dbyings dang ye shes rtags thabs dang shes rab phyag rgya mtshan ma dang mtshan med ga gsang ba'i dbang po rdo rje dang pad+ma gnyis kyi rim pa dbyer med par bsgoms pa'i sgo nas 'jug cing grub la/ 'bras bu dang/ de bzhin du thob par bya'o zhes bstan pa yin no/ / sgrub pa dang ni nan tan dang/ /de bzhin dam tshig sdom pa la/ /de kun sngon du rgyas pa dag /bye brag rim pa so so ste/ zhes bya ba ni sgrub thabs tha dad mang po dang/ de dag shes rab dang/ ting nge 'dzin gyis nan tan du bya ba dang/ de bzhin du mi 'da' bar bsrung ba'i
- 116a
rtsa ba dang yan lag dang/ spyi dang khyad par gyi dam tshig dang/ lus ngag gi sgo sdom pa la gnas par bya ba rnams la ni de kun zhes bya ste/ ma lus pa sngon du rtsa ba'i rgyud chen por shin tu rgyas pa dag tu phye nas bstan zin/ de dag kyang bye brag mi mthun pa'i rim pa ni so so nas ma 'dres pa gsungs pas de bzhin de bzhin du shes shing bsrung bar bya ste/ 'dir ni de dag mdor bsdus te bstan pa yin no zhes pa'i don to/ /don de nyid kyi phyir na/ gzugs sgra la sogs pa 'dod pa la bde sdug bdag nyid 'byung zhes bya ba ni mig gi yul gzugs dang/ rna ba'i yul sgra dang/ sogs kyi sgras/ sna'i yul dri dang/ lce'i yul ro dang/ lus kyi reg bya rnams bsdus te/ 'dod pa'i yon tan lnga po de la bye brag rnam pa gsum du 'gyur te/ yul yid du 'od ba dang/ phrad pa las ni tshor ba bde ba skye/ /yul yid du mi 'od ba las sdug bsngal skye/ yul gnyis ka ma yin pa las ni btang snyoms skye ste/ yul lnga bye brag gsum du gyur pa las/ tshor ba rnam pa gsum gyi bdag nyid 'byung ba yin no/ /de nyid kyi phyir na/ rtag tu snying las skye ba ni/ 'dod chags zhe sdang mun pa 'byung/ zhes bya ste/ tshor ba bde ba las ni nyon mongs pa 'dod chags skye/ tshor ba sdug bsngal las ni nyon mongs pa zhe sdang skye/ tshor ba btang snyoms las ni nyon mongs pa gti mug skye/ rtag tu zhes bya ba ni dus rtag tu rgyun mi 'chad par dbang po yul dang phrad pa'i dus na rnam par shes pa skye zhing tshor ba rnam pa gsum nyams su myong ba las/ nyon mongs pa rnam gsum skye zhing 'byung zhes pa'i don to/ /de ltar 'byung bar gyur pa yin du zin kyang de dag dbang du bya ba dang/ grol ba dang/ grub par bya ba'i phyir/ 'dod chags 'dod chags dngos rdo rje/ /rdo rje gzhin du rin chen 'byung/ /rin chen bzhin du dam tshig shes/ /'dod pa'i bud med dam tshig 'dra zhes gsungs te/ de la 'dod chags 'dod chags dngos zhes bya ba ni yul yid du 'ong
- 116b
ba dang phrad nas tshor ba bde ba myong ste/ phyin ci log gi 'dod chags zhen pa'i mtshan nyid can skyes na skyes ma thag pa'i de'i skad cig ma phyi ma la/ de nyid yang dag pa'i 'dod chags chen po ye shes dang thugs rje chos nyid dang sems can la chags pa pad+ma'i rigs kyi sangs rgyas dngos yin par rig na/ nyon mongs pa dbang du 'dus shing 'khor ba dang na song du mi 'chid bas grol la/ de goms pas mngon du gyur na pad+ma'i rigs snang ba mdza' yas su grub pa yin no/ /rdo rje zhes bya ba ni yul yid du mi 'ong ba dang phrad nas tshor ba sdug bsngal myong ste/ phyin ci log gi zhe sdang gnyen pos gzhig cing spang dka' la pha rol 'joms shing 'jig par byed pa rdo rje lta bu'i mtshan nyid can skyes na skyes ma thag pa'i de'i skad cig ma phyi ma la de nyid yang dag pa'i zhe sdang chen po gzung 'dzin gyis nyes pa'i rtog pa thams cad 'joms shing 'jig par byed pa'i rdo rje rigs kyi sangs rgyas dngos yin par rig na snga ma bzhin du zhe sdang dbang du 'dus pa dang/ grol ba dang/ grub par gyur pa yin te/ 'og ma rnams la yang don de bzhin du sbyar ro/ /'dir gti mug ma smos pas kyang sdar bstan zin pa'i don gyis 'dir bshad par bya ste/ yul gnyi ga ma yin pa dang phrad nas tshor ba btang snyoms la gnas pas phyin ci log gi gti mug skyes te/ bzang ngan legs nyes pa dang du 'byed pa'i rig pa med par rmongs na/ de ma thag tu de nyid yang dag pa'i gti mug chen po chos kyi dbyings kyi rang bzhin rtog pa'i mtshan ma thams cad mi rtog pa'i dang du rmongs te/ don dam pa'i bden pa spros pa med pa la gnas pa yin par rig na snga ma bzhin du de bzhin du de bzhin gshegs pa'i rigs rnam par snang mdzad du grub par gyur pa yin no/ / des na nyon mongs pa gsum dbang du byas pa dang grol ba dang grub pa ste/ rigs gsum gyi dbang du gsungs pa'o/ /gong du ma bstan yang de'i zhor la nyon mongs pa lnga'i dbang du byas nas rigs lnga'i don bstan pa'i phyir na rin chen 'byung ldan zhes bya ste/ char
- 117a
gtogs pa'i log pa'i nga rgyal bdag mtho bar dga' zhing pha rol zil gyis mnan par 'dod pa'i ngang du sran tshugs pa'i sems skyes nas de nyid mi rtog pa'i dang du sran tshugs p las 'byung ba'i che ba'i yon tan gyis gzhan zil gyis mnon pa rin po che'i rigs kyi sangs rgyas yin par rig na de bzhin du 'grub pa yin no/ /dam tshig ces bya ba ni phyin ci log gi nyon mongs pa bdag gi sbyor ba la phrag dog pa'i sems skyes nas bdag gi dge ba dang/ pha rol gyi sdig pa 'dres par mi bya zhing/ 'phags pa mchod pa dang/ 'gro ba'i don thams cad bdag gis bya ba'i rang bzhin las kyi rigs kyi sangs rgyas yin par bsams na de bzhin du 'grub par 'gyur te/ bshol ba med pa'i brtson 'grus dang/ 'bad rtsod med pa'i phrin las kyis gang ltar bzhed pa'i dgongs pa de bzhin du 'grub par 'gyur ba las mi 'da' ba' i ye shes mnga' bas na las kyi rigs su phrag dog la dam tshig ces bya'o/ /'dod pa'i bud med dam tshig 'dra zhes bya ba gzugs la sogs pa'i yul 'dod pa'i yon tan lnga po de dag kyang gzugs kyi rdo rje ma la sogs pa'i lha mo'i rang bzhin te/ dbang po dang yul dang rnam par shes pa de dag rang gi rang bzhin nam chos nyid kyi yul sems mi 'bral bar gnas te/ dbang po dang rnam par shes pa yang rang rang gi yul la dmigs pa las gzhan du mi 'da' / yul rnams kyang rang rang la dmigs pa'i dbang po dang/ rnam par shes pa rten byed cing skyes pa las mi 'da' bas na dam tshig ces bya/ 'dra ba ni de dag kyang de ltar bsgoms na gong du nyon mongs pa lnga'i lngar bsgoms na de bzhin du 'grub par bstan pa dang/ 'dir yang 'dra zhes bya/ gnyis sun yul gsum gyis dbang gis nyon mongs pa gsum skyes nas gzugs kyi rdo rje ma la sogs par dmigs te/ sku gsung thugs rdo rje rnam pa gsum du rig par byas nas mchod pa'i thabs sdar rtsa ba'i rgyud du bstan pa ltar byas na/ ji
- 117b
ltar bsams pa de dang 'dra ba'i 'bras bu skye bar 'gyur zhes pa'i don to/ /gsang sngags kyi rgyud 'di'i sdom pa ni de lta bu'i don dang ldan pa'i dang du gnas pa la bya'i so sor thar pa dang/ byang chub sems dpa' dang/ bsam gtan dang/ zag pa med pa'i sdom pa bsrung ba la ni mi bya'o/ /da ni zhus tshig gsum cu drug pa/ 'dod chags zhe sdang gti mug ches/ /sems can don ni ji ltar mdzad ces pa'i lan du/ rnam pa med pa rnam pa yin/ /yan lag thams cad mi gsum bdag /bya ba dang ni bzlog pa yang/ /nyid kyis bzlas shing spro bar bya/ zhes bya ba la sogs pa gsungs te/ don dam par chos kyi sku mtshan ma med pa'i dang las ma g.yos par gnas pa ni rnam pa med pa zhes bya/ yang dag pa'i kun rdzob du gzugs kyi sku yab yum thabs dang shes rab bzung tu 'phrel ba'i phyag rgya mtshan ma'i rnam par gsal bar bsgom pa ni rnam pa yin zhes bya/ yan lag thams cad ces bya ba ni yab yum de ltar bsgoms pa'i lus ngag yid gsum yin la/ de la yi ge oM A(rgyud 'grel): hUM gsum gyis gnas gsum du sku gsung thugs rdo rje rnam gsum bskyed cing/ lus ngag yid gsum sku gsung thugs kyi bdag nyid du byin gyis brlabs pa'o/ /de lta bu'i ting nge 'dzin rtse gcig pa dang ldan pa'i rnal 'byor pas rang gi snying po yi ge gsum dang ldan par bzlas shing/ gang ltar 'dod pa'i las dang bya ba de bzhin du brtsams te/ dngos ji lta bu bya zhe na/ bya ba dang ni bzlog pa zhes bya ste/ 'o na rnal 'byor pa'i zhe sdang tshul zhes bya ba la sogs pa gsung ba'i las che phra thams cad bya ba dang/ dgra gzhan gyis rgol ba dang/ bdud dang/ bgegs dang/ log 'dren gyis gnod cing 'tsho ba dang/ pha rol gyis rigs sngags ngan pa la sogs pa slar log cing mi tshugs par bya ba'o/ /yang zhes bya ba ni/ de lta bu'i las dang bya ba brtsams pa de yang thabs gzhan gyis rnal 'byor pa'i sgo nas ma yin gyi
- 118a
nyid kyis bzlas shing spro bar bya zhes te/ phyag rgya chen po yab yum zung 'brel du bsgoms pa nyid kyis rang gi snying po sku gsung thugs kyi yi ge gsum dang bcas par bzlas shing 'od zer spro ba'i sbyod pa las brtsams par bya'o/ /de ltar 'dod chags zhe sdang gti mug dang/ sa gsum du ni bskyed bya zhing/ /kun tu rgyas gdab dngos grub gsang/ /rdo rje can gyis don byed do/ /zhes bya ba ni mtshan nyid gong du bstan pa de ltar 'dod chags dang zhe sdang dang gti mug dang ldan pa'i sems bdag gzhan gang gi rgyud las byung na yang/ de dag sa gsum ste/ chos kyi sku dang/ longs spyod rdzogs pa'i sku dang/ sprul pa'i sku'i rang bzhin du bskyed par bya zhing/ las kyi gnas su gyur pa'i sgrub bya'i lus ngag yid gsum la dus dang gnas skabs kun tu rgyas btab cing las brtsams na dngos grub gsang ba kun dang thun mong ma yin pa 'thob pa 'am/ 'thob pa'i rgyur 'gyur zhing/ rdo rje can gyi don byed do zhes bya ste/ rdo rje 'dzin chen po 'am/ mi bskyod pas 'gro ba'i don byed pa dang 'dra ste/ bag chags dan pa med cing mtho ris dang byang chub 'grub ces pa'i don to/ /da ni rdo rje'i rigs su bsgoms nas sems can gyi don bya ba'i phyir/ rnal 'byor pa yis zhe sdang tshul/ /zhe sdang 'khor lo bskyod par bya/ /rdo rje gtum pos bcom nas su/ /ye shes rdo rje can gyis bsdu zhes bya ba la sogs pa gsungs te/ de la rnal 'byor pa yis zhe sngar tshul zhes bya ba ni drag po'i las kyis gnas rang mtshul par bdud rtsi rnam pa lngas byugs pa'i dkyil 'khor byas la/ bdag nyid stan 'jam pa la 'dug ste/ mi dmigs pa'i snying rje chen po la sogs su btshud med pa bzhis sems can mi gtod ba'i sems bskyed sngar bstan pa'i chos kyi 'byung gnas kyi nang du gzhal med khang bskyed pa'i nang du/ bskyed rdzogs rnam gnyis kyi ting nge 'dzin nam/ sbyor ba rnam bzhis bsnyen sgrub rnam pa bzhi
- 118b
dang ldan pa'i rdo rje 'dzin chen po dang/ kun tu bzang por bsgoms pa'i dang dang ldan pas gnyis su med par rol pa mdzad pa'i lhag pa'i byang chub kyi sems gsang ba'i mkha' la zla ba'i dkyil 'khor lta bur 'khyil ba/ badzra d+h+ri ka ces bya ba'i sngags bsams pa las/ mi 'phrugs pa phyag na rdo rje 'phar ba rtse lnga pa bstsams pa bskyed la/ yi ge gsum gyis byin gyis brlabs te/ badzra d+h+ri ka ces brjod pas phyir phyung nas phyogs bcur spros pas zhe sdang can gyi sems can thams cad btul nas/ slar byon te de nyid la thim pa mas rang bzhin bsgyur te/ zhe sdang rdo rje sku mdog in+d+ra nI la lta bu'i 'od dang ldan pa/ zhal gdangs shing mche ba gtsigs pas gzhan 'jigs pa skyed par byed pa/ zhal gsum dbus drag po/ spyan dmar ba/ nyi ma bye ba phrag brgya shar ba lta bu'i 'od dang ldan pa'i spyan dgrang pa/ g.yas zhi ba/ g.yon chags pa chen po'i zhal dang ldan pa/ dbu la rdo rje sems dpas dbang bskur bas 'jig rten khams kun 'khrugs par nus pa/ phyag drug gis utpa la mthing kha'i mdog 'dra ba'i ral gri dang/ sangs rgyas mang po'i sprin 'khriD shing 'phro ba dang/ rdo rje rtse dgu pa phyag na bsnams pa/ phyag mtshan phyi ma rnams ni mi bskyod pa dang ma thun pa/ rgyan rnams kun gyis brgyan pa/ rang gi dam tshig ma dang ldan par nyi ma'i dkyil 'khor la bzhugs par bsgoms pa la ni rnal 'byor pa yis zhe spang tshul zhes bya ste/ stsod dang bcung du bcas pa'i 'jig rten thams cad de lta bu'i zhe sdang 'khor lo ste/ khro bo dang khro mo'i rang bzhin du gyur pa'i dkyil 'khor bskyed par bya'o/ /rdo rje gtum mo bcom nas su zhes bya ba ni khro mo'i dkyil 'khor de dag las sprul pa dang yang sprul shin tu khro zhing gtum pa/ mtshon cha sna tshogs thogs pa/ spros pas log pa'i zhe sdang can gyi rgyud bcom par bsams nas su/ ye shes rdo rje can gyis bsdu zhes bya ba/ de'i sems ye shes rdo rje lta bu'i lcags gyus gsad pa'i mkha'
- 119a
la bsdus te/ lhag ma'i byang chub sems dang dbyer med par byas nas/ yi ge hUM gyis byin gyis brlabs par bya'o/ /de ni byang chub rdzogs spros te zhes bya ba/ bsgrub bya de byang chub rdzogs par bya ba'i phyir/ de nas 'ong zer 'phros pas phyogs bcu'i sangs rgyas thams cad la reg pas de dag thams cad ma bskyod pa'i skur gyur te/ slar 'dus pa las mi bskyod pa'i sku phyag rgya chen por gyur te Shi ge gsum gyis byin gyis brlab pa la ni de nas slar yang bsdu bar bya zhes bya'o/ /de nas yi las rlung gi dkyil 'khor bskyed pa'i steng du bzhag la phaT kyis mngon dga' la sogs pa'i 'jig rten du 'phags te sangs rgyas kyi bya ba byed du gzhug go /gnyis su na zhe sdang can gyi sems can de ngag sprul pa dang yang sprul rdo rje gtum pos bcom nas/ rnam par shes pa ye shes rdo rje lcags kyus bkug ste/ gsar pa'i mkha' la bsdus nas lhag pa byang chub sems dang dbyer med par byas nas yi ge hUM du gyur par brtag go /yang bdag gi thugs ka'i ye shes sems dpa' la sogs pa lus kyi gnas rnams nas 'od zer 'phros pas phyogs bcu'i de bzhin gshegs pa rnams bsdus nas bstims pas dbang du bsdus te/ hUM de nyid yaM las rlung gi dkyil 'khor gzhu bkang pa lta bu'i steng du bzhag la/ phaT kyis mngon dga' la sogs pa'i 'jig rten na zhe sdang rnam par dag pa'i sgo nas sangs rgyas pa/ mi bskyod pa yab yum la sogs pa'i sbyor mtshams su 'phangs te/ de dag gis sras su bskyed par bya'o/ /sbyong ba goms pa bsten byas na zhes bya ba/ de lta bu'i ting nge 'dzin gyis sbyor ba yang nas mang? du goms par byas nas/ de lta bu'i byas pa'i 'bras bu bdag nyid zhe sdang rdo rjer 'gyur zhes bya'o/ /de lta bu'i las brtsams nas 'phral du yang bsad pa dang/ gso ba dang/ khams gsum du ni khyad par du/ /skad cig gis ni byed 'gyur te/ /gsal bar
- 119b
nus pa gdon mi za zhes gsungs so/ /da ni de bzhin gshegs pa'i rigs su bsgoms na/ sems can gyi don bya bar bstan pa'i phyir na/ rnal 'byor pa yis gti mug tshul/ /gti mug 'khor lo bskyed par bya/ /gang zhig cung zad rgyan la sogs/ /de rnams rtag tu spang par bya/ /zhes bya ba la sogs pa gsungs te/ gti mug tshul zhes bya ba sku'i rdo rje rnal 'byor pas gong du bstan pa'i sbyor ba mngon du byas nas/ chos kyi 'byung gnas kyi nang du gzhal med khang bskyed par 'jug ste/ snga ma bzhin du rdo rje 'dzin chen po dang/ kun tu bzang mor bsgoms pa'i rang dang ldan pas/ byang chub sems kyi zla 'dzin dzi ka ces bya ba'i sngags kyis bskyed pa'i rnam par snang mdzad sku mdog dkar po zhi ba'i cha lugs dang ldan pa/ sku mdog ston ka'i 'dam bu'i 'od 'dra ba/ 'od zer sna tshogs phyogs bcur kun du khyab pa/ rgyan sna tshogs kyis brgyan pa/ zhal gsum pa dgus dkar g.yas dmar g.yon nag po/ /phyag drug pa g.yas pa gsum gyis rim bzhin du/ 'khor lo dang/ rdo rje dang/ pad+ma dkar po bsnams pa/ g.yon gsum gyis rim bzhin du/ dril bu dang rin po che dang/ ral gri snams pa ni rnal 'byor pa'i gti mug tshul zhes bya ba/ snod dang bcud du bcas pa thams cad de lta bu'i rnam par snang mdzad kyi dkyil 'khor du bsgoms pa la ni gti mug 'khor lo bskyed par bya zhes bya'o/ /rnam par snang mdzad kyi dkyil 'khor de yang/ thun mong dang thun mong ma yin pa'i mtshan bzang po sum cu rtsa gnyis dang/ dpe byad bzang po brgyad cus brgyan zhing lha rdzas kyi rgyan khyad par can lta bu'i yon tan dam pa rgyan du snang bas brgyan pa/ 'jig rten na gang zhig gser dngul dang rin po che la sogs pa tha na cung zad tsam yan chad kyi rgyan dang/ sogs kyi gang du phye ba man chad la bye brag rnam pa sna tshogs par byas pa'i rgyan thams cad bsdud de/ gang zhig ji snyed yod pas lus la brgyan pa do dag bril gyis mnan te/ ji ltar dper na nyi ma'i 'od gyis skar ma mnan pa'am/ dzam+bu chu bo gser gyi drung
- 120a
na lcags nag po'i ka ba cig pa lcam me lhan ne lha de ma yin pa bzhin du byas nas/ de rnams so sor rang rang gi rgyan la rtag tu yid 'byung zhing spang bar bya la brtson par bsgom par bya'o/ /gzhan yang dkyil 'khor gyi lha de dag gi sku las 'od zer bkye bas 'du shes med pa'i snyoms par 'jug pa dang/ 'du shes med pa dang/ 'du shes med min dang/ 'gog pa'i snyoms par 'jug pa dang/ 'gog pa'i nyan thos zhi ba phyogs cig gi mur lhur ba rnams la reg par byas pas de dag so so nas bslang pa la sku bstan pas rang gi ting nge 'dzin la yid 'byung zhing spangs te/ phyag rgya chen po mngon du grub pa'i don la 'jug cing sbro bskyed bsgo par bya'o/ /rin chen kun gyis gang ba yi/ /gti mug sems kyis rgya mtsho bsgom/ /gti mug 'khor lo can rnams kyis/ /sbyin pa'i char ni dbab par bya/ /zhes bya ba/ ye shes las byung ba'i yon tan rin po che'i ngo bo lha rdzas dam pa'i rin po che'i sna tshogs pa'i rdzas su snang ba'i rnam pa ma lus pa kun gyis nam mkha' i khams yongs su khyab par gang ba'i ting nge 'dzin mngon du byas pa'i/ gti mug sems kyi rgya mtsho bsgom zhes bya ste/ yang dag pa'i gti mug chen po rnam par snang mdzad kyi ting nge 'dzin gyis nor bu rin po che rgya mtsho lta bu'i de dag yod par bsgom mo/ /de ltar bsgom pa de gti mug 'khor lo can kun gyis shes bya ste/ gti mug gi rigs kyi dkyil 'khor dang ldan pa'i lha de dag ma lus pa kun gyis rang gi rgyan la yid 'byung rnam par snang mdzad kyi sku la mngon par dang pa skyes pa dang/ phongs pa la sogs pa'i sems can thams cad la sbyin pa'i chang? ni dbab par bya zhes so/ /rdzas rnams thams cad khyad par du/ /rab tu sbyin pas dga' 'gyur te/ thugs kyi rdo rje bstan gyur ni/ /skad cig gis ni byed par 'gyur zhes bya ba de lta bu'i rin chen kun gyis nam mkha' gang ba'i rdzas
- 120b
rnams thams cad ma lus pa sems can rnams la khyad par du rab tu byin pas sems can de dag dga' bar gyur te/ de lta bu'i thugs yi ting nge 'dzin rdo rje ltar brtan zhing mi shigs mi 'gyur ba thob par 'gyur na/ de'i mthu ni skad cig ma tsam gyis gang dang gang ltar bzhed pa de 'grub cing byed nus par 'gyur ro/ /da ni pad+ma'i rigs su bsgoms nas sems can don gyi bya bar bstan pa'i phyir na/ rnal 'byor pa yis 'dod chags tshul/ /'dod chags 'khor lo bskyed par bya/ /lha mo thams cad thogs nas su/ /'dod pa'i sbyor bar 'dod pa spyod/ ces bya ba la sogs pa gsungs te/ sngar bstan pa'i tshul gyis bcom ldan 'das snang ba mdza' yas sku mdog dmar ba zhal gsum la g.yas mthing/ g.yon dkar ba/ phyag drug la g.yon dang po 'gyid bag gis dkur bstan nas/ pad+ma'i sdor bu dril bu dang bcas par 'dzin pa/ g.yas kyi dang pos thugs kar pad+ma kha 'byed pa/ g.yas par man rdo rje/ mdza' man 'khor lo g.yon par man rin po che/ mdza' ma na ral gri bsnams pa bskyed cing/ 'dod chags dang ldan pa'i sems can gyi don mdzad pa bskyed pa ni/ rnal 'byor pa'i 'dod chags tshul zhes bya ba/ snod dang bcur du bcas pa thams cad snang ba mdza' yas kyi sprul pa dang/ yang sprul gyi 'khor du bsgom pa le ni 'dod chags 'khor lo bskyed par bya zhes bya/ de dag gis 'jig rten pa dang 'jig rten las 'das pa'i lha mo thams cad shes rab dang ting nge 'dzin gyi stobs kyis rang dbang med par do 'thon du phrogs nas 'dod pa'i sbyor ba rtsen cing ji dzam 'dod pa de tsam gyi bar du spyod par byed nus so// de dag kyang gang zhe na/ dgar sdug bde ba'i spro ba yis/ /rnam par sprul pas 'dod pa rtse na/ /'khor lo yi ni lha mo kun/ /de nas 'jug tu rab tu sbyin/ /zhes bya ba dag ste brgya byin gyi tshung ma dga' sdug ma zhes bya ba dang/ mahA de ba'i chung ma bde ba'i
- 121a
dbang phyug ma zhes bya ba sems dga' zhing spyod yul du sdug pa dang/ chor ba bde ba dang/ phan tshun spros pa'i sbyong ba yis bkug nas rnam par 'phrul pas 'dod pa rtsen par byed par bya'o/ /de bzhin khyab 'jug 'khor lo nag po'i chung ma ji snyed yod pa ma lus pa kun yang rang dbang med par bkug nas bdag nyid kyi ji tsam 'dod pa bzhin du spyad cing de nas 'jug tu rnal 'byor pa gzhan dag la yang rab tu sbyin par byed do/ /khams gsum pa ru skyes pa yi/ /lha'i btsun mo nyid dag kyang/ / skad cig gis ni 'dod sbyod na/ /mi'i bu mo smos ci dgos zhes bya ba khams gsum du skyes pa'i lha'i btsun mo rnams kyang 'dod na skad cig tsam gyis 'gugs shing 'dod pa spyod par byed nus na/ gling bzhi'am 'dzam+bu gling na gnas pa'i mi dang mi'i rgyal po la sogs pa'i bu mo dang chung ma la sogs pa 'gugs shing mngon du spyod pa lta smos ci dgos zhes bya/ gnyis su na sngar gsungs pa'i sku gsung thugs rdo rje gsum gyis rang rang gi dkyil 'khor gtso bo byas pa'i tshul du lha bskyed la gdul bya'i don bya ba'i/ /da ni zhus tshig sum cu bdun pa/ dkyil 'khor zhes bgyi ji ltar lags zhes pa'i lan du/ dkyil 'khor dang ni dbang bskur ba/ /las mchog gis ni khyad par du/ /byin gyis brlabs kyis bya ba ni/ /grub pa'i gnas ni gzhan 'gyur min zhes bya ba la sogs pa gsungs te/ rdul mtshon gyi dkyil 'khor bri ba dang ting nge 'dzin dang/ gsang ba'i dkyil 'khor bsgyeng pa dang/ rang bzhin gyi dkyil 'khor spyan drangs shing mchod pa dang/ der slob ma byin gyis brlab cing phyi nang gsang ba gsum gyi dbang bskur ba dang/ las kyi mchog rab 'byam pa'am/ che phra rnams kyis bsgrub bya'i rgyud la khyab cing pan gdags pa'i ched du las kyi gnas go ma nor bar bya ba dang/ bsgrub bya dang /sgrub rdzas kyi byin rlabs kyis brlab par bya ba'i rim pa ni rigs
- 121b
gsum dang ni rigs lnga'i so so'i rigs dang mthun pa'i gzungs btsal zhing byin gyis brlab pa la brten nas grub pa'i gnas su gyur gyi/ de las gzhan pa'i phyi rgyud la sogs pa'i tshul gyis byas nas 'grub par 'gyur ba ma yin no zhes bstan to/ /don de nyid gsal bar bya ba'i phyir na/ byang chub sems kyi dkyil 'khor ni/ /dkyil 'khor b+ha gar bstan pa ste/ /dkyil 'khor lus su gsungs pa yang/ /bud med dkyil 'khor du ni brtag ces gsungs te/ bdag nyid phyag rgya chen por bsgoms pa'i sku las ye shes 'od zer 'phros pas/ phyogs bcu'i de bzhin gshegs pa thams cad bkug nas ba spu'i bu gar zhugs te lus la 'dus pa lhag pa byang chub sems su zhu nas/ rdo rje'i lam du byung ste/ yum la thim pa ni gsang ba'i sa bon zhes bya/ de las lha so sor yig 'gru rang 'thon pa dang rnal 'byor pas bsam pa ni ye shes kyi sa bon zhes bya ste/ de las lha dang lha mo'i tshogs bskye ba nas byang chub sems kyi dkyil 'khor zhes bya/ de gang gnas nas de ltar 'gyur zhe na/ dkyil 'khor b+ha gar bstan pa zhes bya'o/ /b+ha ga de'i yon tan yang rnam pa drug ste/ gsal ba dang gzugs la sogs pa'i 'dod pa'i yon tan gyis rgyas pa dang/ sangs rgyas dang byang chub sems dpas gang ba rang/ 'od kyi dkyil 'khor 'khrug pa dang/ gsang ba'i gdan zla ba la sogs pa'i gdan dang ldan pa dang/ lha rnams kyi bzhugs gnas su gyur te/ byang chub sems rdo rje la sogs pa de bzhin gshegs pa til gyi gang bu lta bus nam mkha' i khams yongs su gang ba dang/ brjod kyis mi lang ba'i yang brjod kyis mi lang ba'i sangs rgyas kyi zhing gi rdul phra mo snyed kyi bzhugs gnas su gyur kyang yangs dog med pa nam mkha' i khams dang/ chos kyi dbyings dang/ chos kyi 'byung gnas dbyer med pa'i rang bzhin tshad nam mkha' i dbyings kyi mdza' dang mnyam pa'o/ /de lta bas na dkyil 'khor ni lus su gsungs pa yin la/ de yang bud med kyi dkyil 'khor
- 122a
du ni brtag ces bya ste/ rang bzhin gyi dkyil 'khor gyi skabs na ni sku gsung thugs snying po rdo rje'i btsun mo'i b+ha ga la zhes gsungs la/ rnal 'byor ba'i skabs na ni rang gi lha dang rjes su mthun pa'i gzugs mtshan dang ldan pa la/ rtsa ba'i rgyud dang sgrub thabs las gsungs pa bzhin du byin gyis brlabs shing lus la lha'i dkyil 'khor bkod pa ste de yang sgyu 'phrul las/ gsal ldan ma 'am byin gyis brlabs te zhes gsungs pas/ rang gis rang lhar bsgoms zhing byin gyis rlob nus na legs/ de ltar mi nus na gtso bos byin gyis brlabs te/ dam tshig gi phyag rgyar byas pa de lta bu'i bud med dkyil 'khor gyi rang bzhin du bstan par bya'o zhes bstan to/ /da ni zhus tshig gsum cu brgyad pa/ phyag rgya dgod pa ji ltar lags zhes pa'i lan du/ phung po khams dang skye mched la/ /thams cad phyag rgyas btab pa'o/ /de nas phyag rgyas rgyas btab pas/ /dkyil 'khor zhes su rnam par bstan/ zhes bya ba la sogs pa gsungs te/ rnal 'byor pa'i dkyil 'khor lha gcig gam tshang bar bsgom yang rung ste/ phung po lnga la gzugs kyi phung po dang/ tshor ba dang/ 'du shes dang/ 'du byed dang/ rnam par shes pa'i phung po rnams/ /oM swA A(rgyud 'grel): hA hUM rnams las rnam par snang mdzad dang/ rin chen 'byung ldan dang/ snang ba mdza' yas dang/ don yang grub pa dang/ mi bskyod pa rnams su brtag go/ phyi nang gis chu me rlung nam mkha' lnga la/ mo ha ra hi/ rA ga ra tI/ badzrar ti/ hUM rnams kyis sangs rgyas sbyan dang/ mA ma kI dang/ gos dkar mo dang/ sgrol ma dang/ kun tu bzang mo rnams brtag go /yang na laM dang/ yaM dang/ paM dang/ haM rnams so/ /mig dang/ rna dang/ lce dang/ lus dang/ yid rnams/ ShlAM? oM oM oM ha oM rnams kyis sa'i snying po dang/ phyag na rdo rje dang/ nam mkha' i snying po dang/ 'jig rten dbang phyug dang/ sgrib pa thams cad rnam bar sel ba/ kun tu
- 122b
bzang po rnams kyis rang bzhin du brtag go /yang na sh+ri dang dzaM dang/ khaM dang/ gyaM dang/ kaM dang/ saM rnams las so/ /yul drug po gzugs dang/ sgra dang dri dang/ ro dang/ reg bya dang/ chos rnams dza(rgyud 'grel): dang/ hUM dang/ paM dang/ ho(rgyud 'grel): dang/ khams dang/ raM rnams kyis gzugs kyi rdo rje ma dang/ sgra'i rdo rje ma dang/ dri'i rdo rje ma dang/ ro'i rdo rje ma dang/ reg gi rdo rje ma dang/ chos kyi rdo rje ma rnams su brtag go /lag pa g.yas dang/ g.yon pa dang/ gsang ba'i dbang po rnams/ ya mAn+ta krita/ pra dz+nyAn+ta krita/ parmAn+ta krita/ big+hAn+ta krita/ rnams kyis khro bo gshin rje gshed dang/ gzhan gyis mi thub pa dang/ rta mgrin dang/ bdud rtsi 'khyil pa rnams su brtag go /rnam pa des ni dper na mun pa'i nang du sgron ma byung bas mun pa nyid mi snang bar gyur pa bzhin du/ zag pa dang bcas pa'i phung po dang/ khams dang/ skye mched la sogs pa dang/ phyi nang gi brtan g.yo thams cad rnam par snang mdzad la sogs pa'i rang bzhin du rig par bya'o/ /gzhan yang spyi bor zla ba la oM las sku'i rdo rje/ mgrin par pad+ma la A(rgyud 'grel): las gsum gi rdo rje snying khar nyi ma la hUM las drugs kyi rdo rje bsgoms pas lus ngag yid gsum sku gsung thugs rdo rje gsum du byin gyis brlab ste/ khams bco brgyad du bgrab na ni dbang po drug dang rnam par shes pa drug dbyer med pas drug tu bgrangs la/ yul drug so sor bgrang bar bya'o/ /skye mched btsug gnyis su bgrang na ni phyi nang gi skye mched bcu gnyis su bgrangs te/ de lta bu'i zag pa dang bcas pa'i phung po dang/ khams dang skye mched la/ zag pa med pa'i lha thams cad kyi rang bzhin bsgoms pa'i phyag rgyas btab pa'o/ /de nas zhes bya ba ni de ma thag pa'i zhes bya ba'i don de phung po dang khams dang skye mched la lha'i dkyil 'khor de ltar bsgom pa'i de ma thag tu bsgrub bya'i rgyud? lha'i phyag rgya'i rgyas btab pas dkyil 'khor gyi rang bzhin du rnam par brtags te/ byin gyis brlabs pa 'am/ de ltar gyur pa yin no/ /de dag phung po dang/ khams dang skye mched la ji ltar brtags pa de bzhin du/ phyi'i dkyil 'khor du yang dgong bar bya ste ji ltar
- 123a
sngar rtsa ba'i rgyud du gsungs pa bzhin du shes par bya'o/ /da ni khro bo'i dkyil 'khor du phyag rgya dgod pa'i thabs bstan pa'i phyir na/ lcags kyu dbyug pa gsal shing dang/ ral gri grwa ru rnam par dgod/ /dgug dang dbyug pa stobs mi g.yo/ gnod mdzes 'khor lo steng dang 'og zhes bya ba la sogs pa gsungs te/ de lcags kyu ni 'dod pa'i rgyal po'i phyag mtshan te/ me'i phyogs su dgong pa'o/ /dbyug pa ni nI la daN+Da'i phyag mtshan te/ bden bral phyogs su dgod pa'o/ /gsal shing ni twi shU la la bya ste/ stobs po che'i phyag mtshan rlung lha'i phyogs su dgod pa'o/ /ral gri ni mi g.yo mgon po'i phyag mtshan rdo rje ral gri ste/ dbang ldan phyogs su dgod pa'o/ /grwa ru rnam par dgod ces bya ba ni mtshams bzhir de ltar dgod pa'o/ /phyogs bzhi las bye brag tu byas pas grwa zhes brjod de/ /de ltar bstan pa'i phyag mtshan bzhi po de ni khro bo bzhi'i rang bzhin yin te/ dgug dang dbyug pa stabs mi g.yo/ zhes bya ste/ 'dod pa'i rgyal po dang/ nI la DaN+Da dang/ stobs po che dang mi g.yo mgon po'i zhes khro bo bzhi'i phyag mtshan bstan pa'o/ /gnod mdzes 'khor lo steng dang 'og /ces bya ba ni gnod mdzes kyi phyag mtshan ni rdo rje dril bu ste steng gi phyogs su'o/ /'khor lo ni gtsug tor chen po'i 'khor lo sgyur ba'i phyag mtshan te/ 'og gi phyogs su dgong pa'o/ /rig pa'i rgyal po gnod mdzes rnams/ /'khor lo bskor ba'i phyag rgya drug ces bya bas tshig de dag gi mjug bsdus pa'o/ /'o na gong du ni sa la sogs pa rnam pa lnga/ rdo rje la sogs pa dam tshig drug la rig pa'i rgyal po zhes brjod la/ 'dir ni khro bo rnams la brjod pa ci'i phyir zhe na/ dam tshig rdo rje la sogs pa ji lta ba bzhin du 'did yang rig pa ni khro bo rnams la bya la/ de'i rgyal por gyur pa ni khro bo rnams te rig pa'i rgyal po zhes bya la/ gnyis su na rig pa ni ye shes la bya la/
- 123b
de'i rang bzhin gyi khro bo'i 'jig rten pa'i khro bo'i tshul can rnams kyi rgyal por gyur pa'i phyir na/ rig pa'i rgyal po zhes bya ste/ gnod mdzes la sogs pa rnams kyis 'khor lo bskor ba'i tshul du thogs pa med par dkyil 'khor bsrung zhing/ bar du gcod pa'i bdud bgegs 'gog pa'i las byed pa/ srung ba'i 'khor lo'i dkyil 'khor gyi lha ste/ de dag gis phyag rgya drug ni lcags kyu la sogs pa yin no zhes pa'i don to/ /'o na phyogs kyi khro bo bzhi ma smos pa ci'i phyir zhe na/ de ni sngar rtsa ba'i rgyud du rim par bstan zin pa'i phyir 'dir ma smos te/ de dag gi phyag rgya yang phyogs bzhir dgod par bya ste/ 'dir srung ba'i 'bor lo'i dkyil 'khor gyi dbang du byas nas gsungs pa'o/ /sems dpa' rnams kyi sa la sogs rang gi phyag rgya'i dkyil 'khor ro/ /rgyud 'dir byang chub sems dpa' rnams kyi grangs sangs rgyas kyi zhing gi rdul phra mo snying smos na yang/ de rnams kyi nang na sa'i snying po la sogs pa rnams kyis rang rang gi phyag rgya ji lta ba bzhin du dkyil 'khor du dgod par bya'o/ /de yang/ me long ral gri pi wang dang/ de bzhin snod dang sna tshogs ras/ /rdo rje bdag po rdo rje yi/ /chos kyi 'byung gnas phyag rgya drug ces gsungs pas/ sems ma rnams kyi phyag rgya rnams dang lhan cig tu dgod par bya ste/ shar du sa'i snying po'i 'khor lo dang/ gzugs kyi rdo rje ma'i me long dgod/ byams pa'i klu shing me tog dang bcas pa dgod/ lhor phyag na rdo rje'i rdo rje dang/ sgra'i rdo rje ma'i pi wang dgod/ nam mkha' i snying po'i rin po che dang/ dri'i rdo rje ma'i ral gri zhes smos te/ tik+Sh+Na zhes bya ba'i sgras sna'i dbang po dang/ rnam par shes pas yul gcod par rno zhing yul yang dbang po zhen par mgyogs pas rno ba'i don la ral gri zhes bya ste/ dud por dris bkang ba dgod/ nub du 'jig rten dbang phyug gi pad+ma dang/ ro'i rdo rje ma'i ka pA la rak+ta chen pos bkang ba dgod/ 'jam dpal gyi ral gri dang/ 'jam dpal ma'i ral gri dgod do/ /byang du sgrib pa rnam par gel ba'i
- 124a
nu pa'i phyag rgya'am ral gri dang/ reg gi rdo rje ma'i lag na 'jam pa'i na bza' ka li ka lta bu mdza' gnyis rdo rjes mtshan pa dgod rdo rje ni kun tu bzang po ste ye shes las skyes pa 'am/ ye shes mnga' ba'i don bdag po rdo rje zhes bya ba ni ye shes kyi yul chos nyid dam chos kyi dbyings rdo rje lta bur 'dus ma byas pa'i rang bzhin chos kyi dbyings kyi rdo rje ma/ de'i phyag mtshan ni chos kyi 'byung gnas e gru gsum dgod la lan ro rdo rje'i bdag po rdo rje'i zhes bya ba ni/ rdo rje ni byang chub sems dpa' rnams de'i bdag po rdo rje'i lha mo ni rdo rje rnams te/ ci'i phyir de skad zhe na/ sems dpa' rnams ni ye shes rdo rje lta bu'i rang bzhin/ sems ma rnams ni chos nyid rdo rje lta bu'i rang bzhin te de lta bu'i phyag rgya dgod ces bya ba'i don drug ni dbang po dang yul sems dpa' dang sems mar rnam par dag pa'i grangs nges par bcas pa'o/ /'o na byams pa dang 'jam dpal yab yum smos pa ci'i phyir zhe na/ sngar ba rnams par dag pa'i mchog ni byams pa/ de'i yul ni byams ma/ shes rab rnam par dag pa'i mchog ni 'jam dpal/ de'i yul snying rje rnam par dag pa'i rang bzhin 'jam dpal ma ste/ spyir ni dkyil 'khor gyi lha sum cu rtsa drug tu bgrang ba'i grangs su 'gro la/ 'dir ni dgod ces bya ba'i sgras shar la sogs pa'i phyogs re rer sems dpa' dang sems ma yab yum zung gnyis gnyis kyi phyag rgya dgod par cha mnyam par bya ba'i phyir smos so/ /ci'i phyir zhe na/ sangs rgyas byang chub sems dpa' dang/ khro rgyal phyag rgya lngas rgyas gdab/ /de nas gzhan yang dpa' bo gcig /rigs kyi kha dog gis ni brtag /ces gsungs te/ gtso bo sangs rgyas so so'i rigs su gyur pa'i sems dpa' dang/ sems ma dang/ khro bo'i rgyal po yab yum rnams dang/ rigs kyi bdag po sangs rgyas lnga'i phyag rgya lngas kyang gdab par bya'o/ /zhes bstan te/ de la sangs rgyas lnga'i phyag rgya yang yum dang bcas par
- 124b
dgod par bya ste/ rnam par snang mdzad kyi gnas su rdo rje 'khor lo kha dog dkar po 'bar ba'i rtsi bas brgyad pa'o/ /rin chen 'byung ldan gyi gnas su rin po che'i nyi ma lta bu'i 'od zer stug po 'phro ba dgod do/ /snang ba mdza' yas kyi gnas su pad+ma 'od zer dang ldan pa dgod do/ /don yod grub pa'i gnas su ral gri utpa la'i 'dab ma lta bu dgod do/ /yum bzhi yang shar lho'i mtshams su grwa la rim bzhin du sprin dpung lta bu'i 'od zer 'phro ba'i spyan dang/ 'bar ba'i spyan rdo rje'i mthing kha dang/ pad+ma 'bar ba sdong bu dang bcas pa dang/ utpa la 'bar ba mthing kha rnams dgod par bya'o/ /de bzhin gzhan yang dpa' bo gcig ces bya ba ni sangs rgyas lnga yab yum gyi phyag rgya dgod pa de ji lta ba bzhin du dpa' bo gcig bya ba/ dkyil 'khor bdag po ni nyon mongs pa thams cad rgan su dag nas/ sangs rgyas pa'i ngo bo bas dpa' bo gcig ces bya ste/ 'gran zla med pa'i don te/ /de'i phyag mtshan rdo rje rtse lnga pa in+d+ra nI la lta bu'i bskal pa'i me 'bar zhing 'jigs su rung ba'i dbus su dgod par bya'o/ /rigs kyi kha dog gis ni brtag ces bya ba ni phyag rgya de dag kyang rigs so so'i kha dog ji lta ba bzhin du de dang mthun par bya zhing bsam pa la ni brtag ces bya'o/ /'o na gtso bo rnams kyi rim pa gnas 'khor phyin mi bshad par dang por 'khor gyi phyag rgya dgod thabs bshad nas/ gtso bo phyin ston pa/ ci'i phyir zhe na/ smras pa de yang bden mod kyi 'on kyang rgyud dkrugs pa'i mtshan nyid can pas rgyud las de ltar gsungs kyang don gyis gtso bo dang por byas pa'i rim pa bzhin dgod par bya'o/ /'o na khro mo rnams kyi phyag rgya ma sros pa ci'i phyir zhe na/ khro mo rnams ni bgegs 'gog pa'i phrin las la rtag par gnas pa'i sku la 'khril cing yab la 'khyud nas gnas par zad kyi/ /lhag par 'di dag gis phyag rgya 'di lo zhes mkhas pa rnams kyis ma smos so/ /'o na khro bo gzhan gyi khro mo ni smos nas 'di'i skabs su ma smos pa
- 125a
ci'i phyir zhe na/ khro bo gzhan ni rang bzhin gyi dkyil 'khor du so so'i rnam par thar pa ji lta ba bzhin bag yongs su gnas pa yin pas de dag ni bsgom zhing dgod na lta yab yum gyi grangs nges pa can du bya dgos pa'i phyir yum gyi phyag mtshan yang smos la/ 'dir ni srung ba'i 'khor lo'i dkyil 'khor gyis bgegs 'gogs shing ma rungs pas bar du gcod pa bsrung ba'i phrin las gcod mdzad pas/ khro bo rnams tshang bar bsgom zhing dgod pa'i grangs nges par 'dzin par zad/ yum rnams ni zlas yod par mngon gyi de dag gi thugs mtshan gyi phyag rgya ni lhag par ched mi che bas 'di zhes brjod pa med do/ /de lta bu'i phyag rgya de dag dgod pa'i gnas ni rtsa ba'i rgyud kyi le'u dang po las gsal ba la sogs dkyil 'khor ldan zhes gsungs pa'i don gyis gong du bstan pa'i chos kyi 'byung gnas kyi nang du gzhal yas khang bskyed pa gru bzhi pa sgo bzhi pa twar na bzhis brgyan cing rta babs bzhi dang ldan pa/ sgo dang sgo khang la chu srin gyi rgyal mtshan dang/ gtsug tor dang/ dril bu dang/ dar dbyangs dang/ 'phan la sogs pas brgyan pa/ grwa dang mtshams thams cad du rdo rje dang rin po ches spras pa/ rdo rje phreng ba dang/ chun 'phyangs dang/ shar bu dang/ dra ba dang/ dra phyed dang/ nyi zla dang/ do shal dang/ me tog phreng ba dang/ 'phan dang/ dril bu dang/ rnga ma dang/ dar dbyangs rlung gis bskyod pa dang/ bla re dang/ na bza' dang/ phreng ba la sogs pa rgyan rnam pa sna tshogs pas brgyan pa/ thig bzhi btab pas ka ba mchog brgyad dang ldan pa/ dbus zlum po la re'u mig dgu dang ldan pa/ dbus mthing/ shar dkar/ lho ser/ nub dmar/ byang ljang/ de'i phyi rol tu lha'i snam bu/ de'i phyi rol tu mu khyud dang/ sgo dang/ sgo khang du ldan pa in+d+ra nI la la sogs pa rin po che sna bdun las grub cing 'od zer rnam pa sna tshogs 'phro bar bsgom la/ lha de rnams
- 125b
kyi so so'i bzhugs gnas su h+rI(rgyud 'grel): las bskyed pa'i pad+ma kha dog sna tshogs par gyur pa'i ge sang la/ nyi zla pad+ma'i gdan sum rtsegs/ lhor rin chen zur brgyad pa/ nub tu pad+ma/ byang du zur gsum me tog lta bu'i 'od zer sna tshogs rab tu 'bar ba/ phyag na rdo rje dang/ yum mA ma kI dang/ khro bo rnams kyi ni nyi ma'i gdan/ sems dpa' dang sems ma'i phyi ma rnams kyi ni zla ba'i gdan no/ /la la na re dbus su nyi zla pad+ma'i gdan sum rtsegs/ shar du zla ba lho dang nub byang du nyi ma/ mtshams bzhir zla ba/ lha'i snam bu grwa bzhi dang/ shar sgo'i g.yas g.yon gnyis te drug du zla ba/ sgo bzhir nyi ma'o/ /zhes zer na lha bcu dgu'i dbang du byas pa'o/ /la la na re sum cu rtsa drug gi gdan du shes par bya ste/ 'di ni dkyil 'khor chen po'i dbang du byas pa yin te/ cung zad mi mthun pa de yang slob dpon so so'i lung gi dbang gis de ltar 'dod par zad de 'gal ba med do/ /de lta bu'i gdan gyi dbus su/ /lha so so'i phyag rgya de dag khams las byung ba 'am/ sro dang rtsa ba'i dngos po la blugs pa dang/ brdungs pa dang/ brkos pa dang/ bris pa gang yang rung bar byas te/ badzra d+h+rika ces bya ba la sogs pa lha so so'i thugs kyi snying po brjod do/ snyu? na lhun gyis grub pa nam mkha' la bzhugs pa dang/ phyag mtshan la sogs pa bsgoms pa dbyer med par bya ste/ so so'i gnas gnas su dgod par bya'o/ /da ni zhus tshig sum cu dgu pa/ me tog ji ltar 'tshal bar bgyi/ zhes pa'i lan du/ 'di ni me tog ces brjid pa/ nam mkha' i dbyings kyi bud med do/ /sku gsung thugs kyis khyad par gyis/ /rigs kyi rim pa dgod par bya zhes gsungs te/ rgyud 'di las me tog ces brjod pa'i don ni 'dod pa'i khams la sogs pa nam mkha' i khams kyi mthas gtugs pa na yod pa'i bud med thams cad la bya'o bar gsungs so/ /'o na thams cad b+hu ta las ni khrag ni me tog yin par bshad ces gsungs na/ de gnyis ci'i phyir mi mthun par bshad ces na/ smras pa/ rak+ta zhes bya ba'i sgras khrag kyang kha dog
- 126a
dmar po zhen chags kyi mtshan nyid can yin la/ me tog kyang kha dog sdug cing gzhan chags pa'i yul du gyur pa'i mtshan nyid can yin la/ bud med kyi gzugs dang cha lugs dang/ byang bzhin dang/ lag byad bzang po yang gzhan chags shing zhen pa'i gnas su gyur pas khrag dang me tog chos mthun te/ dang la bab pa'i na so dang de'i gsang ba las byung ba'i pad+ma rak+ta gnyi ga yang me tog dang khrag dang mthun zhing mtshungs pa'i phyir na/ de ltar bstan pa mi mthun pa med do/ /de dag kyang rnal 'byor pas spyad pa'i thabs ni rgyud 'di dang gzhan las gsungs pa'i ting nge 'dzin gyi spong bas bkug la sku gsung thugs kyi khyad par gyis shes te/ sku gsung thugs kyi rdo rje'i bdag po gsum las gang bsgoms pa'i lha de khyad par gyis rigs kyi rim pa dgong par bya zhes gsungs pas/ gtso bo de dang mthun pa'i rigs kyi yum du bsgoms pa'i rim pas lus la lha'i dkyil 'khor dgod cing byin gyis brlabs la spyad par bya ste/ de'i rim pa yang 'og nas sgrub pa chen po bstan pa'i skabs su bshad pa bzhin du lha nyi shu rtsa lnga'i bye brag gi lus la rdul tshon dgye zhing/ gsang gnas byin gyis brlabs nas ji ltar 'dod pa bzhin du sgrub pa'i grogs su spyad par bya'o/ /da ni zhus tshig bzhi bcu pa/ mchod rten ces bgyi ji ltar lags zhes pa'i lan du/ mchod rten sangs rgyas thams cad kyi/ pho brang gnas zhes bya ba yin zhes gsungs te/ gong du chos kyi 'byung gnas kyi don bshad pa'i skabs su 'phros pas/ dkyil 'khor gru bzhi bar gyur pa'i dbus su/ /b+h+rUM ser po'i 'phro 'dus de bzhin gshegs pa thams cad spyan drangs te/ b+h+ruM bzhi po la thim pa las 'khor lo rtsibs brgyad par gyur pa'i lte ba la/ rnam par snang mdzad dbyings phyug ma dang sbyor ba zhu ba las/ le'u brgyad pa las gsungs pa'i rin po che sna bzhi las grub pa'i mchod rten dpag tshad bye ba tsam gyi khyon
- 126b
dang ldan pa'i 'od zer gyi phreng bas brgyan pa'i gzhal yas khang bsgom pa ste/ gsang ba'i snying po las kyang/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad dang so so ma yin ngo bo nyid gcig pa'i ye shes kun tu 'khyil ba'i zhes gsungs pa'i don gyis/ rdo rje'i theg pa'i nang du theg pa thams cad 'dus pa'i phyir khri 'phang du bcas pa/ sangs rgyas kyi sa bcu mthar phyin pa'i rtags su srog shing dang 'khor lor bcas pa/ chos kyi sku kun la khyab cing nyon mongs pa'i gdung ba sel ba'i rgyur gyur pa'i rtags su gdugs rin po che'i char khab dang bcas pa ste/ mdor na chos kyi dbyings phyag rgya 'phags pa'i gzhal yas khang du bstan pa'o/ /de nas de'i nang du ha las bskyed pa'i rdo rje rgya gram sa bon thams cad du khyab pa bsgom pa'i lte bar gru bzhi pa la sgo bzhi pa zhes bya ba la sogs pa'i dbyings dang/ kha dog dang/ rgyan dang ldan pa'i nang du lta so so'i gdan yang bshams pa'o/ zhes sngar bstan pa'i don la bsnyags te 'phro sbyar bar bya'o/ /da ni zhus tshig bzhi bcu gcig pa/ ye shes 'khor lo ji ltar lags zhes pa'i lan du/ ye shes sems dpas gang reg pa/ ye shes rdo rje zhes su bshad/ ces gsungs te/ rgyud gang yang rung ba las gsungs pa'i dkyil 'khor gyi lha tshang pa'am gcig kyang rung ste/ ye shes sems dpa' gang rnal 'byor pas bsgom pa de la reg pa zhes bya ste/ ci'i phyir zhe na/ lha de'i sku phyag mtshan rgyan dang cha lugs ji lta ba bzhin du bsgom pa'i rig pa ting nge 'dzin gyis nyams su myong bar byed pa'i phyir dang/ dngos grub rang gi ting nge 'dzin gyis nan tan las byung ba yin du zin cing don dam par rtog pa dang bral bar bsgom yang/ yang dag pa'i kun rdzob tu lha de nyid ting nge 'dzin gyis dmigs par bya ba'i yul du gyur cing dbang dang dngos grub dag las pa'i gnas su gyur pa yin pa'i phyir na/ ye shes sems dpa' gang rig pa zhes bya ste/ de ni ye shes lnga dang/ sku gsung thugs rdo rje rnam pa gsum dang dbyer med pa'i rang bzhin dang ldan pa'i ye shes kyi dkyil
- 127a
'khor du bshad pa yin no/ /gzhan dag na re/ ye shes sems dpa' i rang bzhin gyi dkyil 'khor ni tshad 'di tsam zhes gcig tu des par ma bcad de/ mdo sde las kyang rdul gcig steng na rdul snyeng sangs rgyas rnams zhes gsungs la/ gsang ba'i snying po las kyang/ bsam gyis mi khyab pa thams cad sku gsung thugs sna tshogs par kun tu snang ba zhes gsungs la/ rgyud 'di nyid las kyang nam mkha' i khams thams cad til gyi gang bu lta bus yongs su gang bar gyur pa zhes gsungs pas rang gi ting nge 'dzin gyi nyams dang/ sems kyi khyad par che chung gis lha'i dkyil 'khor de bzhin du rig par bya ste/ sems dang ting nge 'dzin gyi khyad par rgya chen 'di nyid las dpag tshad bye ba brgya'i khyon tsam zhes gsungs pa dang/ gsang ba'i snying po las 'og min gnas mdza' dang dbus med pa na/ gzhi tshad med pa'i ye shes kyi 'khor lo gsal ba las ye shes kyi rin po che 'bar ba'i gzhal yas khang rgya phyogs bcur yongs su ma chad par zhes gsungs pa 'am/ nam mkha' i khams kyi mdza' dang mnyam pa'i gzhal yas khang gi nang na de bzhin gshegs pa rigs mdza' yas pa 'jig rten thams cad kyi rdul phra mo 'am/ til gyi gang bu lta bus gang bar bzhugs par rigs na yang 'thad pa yin la sems kyi nyams dang ting nge 'dzin gyi khyad par 'bring gis rgyud gang dang gang yin pa dkyil 'khor gang bsgom pa re'i tshad tsam mam/ de la sprul pa dang yang sprul lam/ rigs dang rigs kyi bye brag ji tsam lcogs pa tsam gyi ye shes sems dpa' bsgoms na yang 'tshal ba yin la/ sems kyi nyams dang ting nge 'dzin gyi khyad par chung ngus/ lha yab yum gnyis tsam bsgom zhing sgrub pa'i ye shes sems dpa' i dkyil 'khor de yang de tsam mam/ yang na rang gi thugs ka na gnas pa kho na 'phro na yang nyes pa med de/ ye shes sems dpa' i dkyil 'khor yang rnal 'byor pa rang gi
- 127b
sems kyis ji tsam du gang lcogs pa de tsam du bsgom pa la yang reg ces bya/ /ji tsam du sngags bzlas pa'i 'bro 'du'i 'od zer dang/ mchod pa'i sprin spros pas reg par bya ba'i gnas su gyur ba bsam pa de la gang reg pa zhes bya ste/ de la ni ye shes rdo rje zhabs bshad ces gsungs te/ ye shes rnam pa lnga dang sku gsung thugs rdo rje lta bur dbyer med pa'i dang bzhin dang ldan pa'i ye shes sems dpa' i dkyil 'khor du bshad pa yin no zhes zer ro/ /da ni zhus tshig bzhi bcu gnyis pa/ sngags kyi thabs ni ji ltar lags zhes pa'i lan du/ yi ge sa bon tshig tu gsungs/ rdo rje yi ge gsum bskul ba/ /de nyid sku gsung thugs su gsungs zhes te/ dbus kyi gtso bo nas sgo ba la thugs pa'i bar gyi so so'i sngags kyi yi ge ni sku bskyed pa'i sa bon gyi tshig tu gsungs pas rgyu'i don du shes par bya ste/ de yang rgyud pa de'i dbang du bshad nas/ oM A(rgyud 'grel): hUM zhes pas rdo rje 'dzin chen po bskyed do/ /de bzhin du oM swA A(rgyud 'grel): hA hUM zhes bya bas rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa dang/ mi bskyod pa rnams bskyed pa'i rgyur gyur pa'o/ /yang na b+h+ruM dang/ aM dang/ dzaM dang khaM dang/ hUM rnams las so/ /mo ha ba ti/ dwe Sha ra ti/ rA ga ra ti/ badzra ra ti/ hUM rnams las yum rnams bskyed pa'i rgyur gyur pa'o/ /yang na laM dang/ maM dang/ paM dang/ taM dang/ hUM rnams las so/ /lhag ma rnams ni sngar phyag rgya dgod pa'i skabs su bstan pa bzhin du 'dir yang sbyar la bshad par bya'o/ /rdo rje yi ge gsum bskul ba zhes bya ba ni sku gsung thugs rdo rje'i yi ge oM A(rgyud 'grel): hUM rnam pa gsum ni bskul ba'i sngags zhes bya ste/ gang bskul zhe na/ /de nyid bsgoms shing bzlas pas lha'i sku gsung thugs sam/ gnyis su ni sku gsung thugs kyi dkyil 'khor rnam pa gsum bdag gi rgyud la 'grub par bskul ba'i sngags su gsungs pa yang yin/ de la bskul zhes bya ba
- 128a
yang chos kyi sku las bskul nas gzugs kyi skur bzhengs su gsol ba dang/ gzugs sku la bskul nas 'gro ba'i don mdzad par bskul ba'i sngags yin te/ gong nas sngags kyi thabs ji ltar lags zhes zhus pas sngags thams cad kyi mtshan nyid zhus pa skad zer yang thabs bya ba rgyu'i don yin pas de'i gnyer du bya ba ste/ lan du sa bon gyi sngags dang bskul ba'i sngags rnam pa gnyis gsungs te/ de gnyi ga yang rgyu'i sngags su bstan pa ste/ rgyu dang sa bon dang/ thabs shes bya ba ni don gcig gi ngo bor shes par bya ste/ de las sngags gzhan gyi mtshan nyid rnam par dbye ba ma gsungs bar shes par bya'o/ /da ni zhus tshig bzhi bcu gsum pa/ mgon po bskul ba ji ltar lags zhes pa'i lan du/ phyogs bcu'i 'jig rten khams kun tu/ /'od zer 'phro dang bsdu ba yis/ /rdo rje thams cad snyan mnan te zhes gsungs te/ rang gi sems mnyam par bzhag pa'i ting nge 'dzin gyis lha gang sgrub pa'i de'i rang bzhin du bsgoms la rang gi snying khar sna tshogs rdo rje bsams nas/ lag pa gnyis snyim par sbyar ba me tog gis bkang pa gtong la/ de nas lag pa gnyis khu tshur so sor bcangs nas/ mthe bod gnyis lag pa g.yas g.yon so so'i srin lag dang/ mthe chung gi bar gyi rtsar bcug pa ni rdo rje khu tshur zhes bya/ de nas lag pa gar bsgyur te mkhrigs a g.yas pa steng du phyung nas bsnol la se gol lan gsum brngab/ g.yon pa'i mkhrig ma'i steng du phyung la se gol lan gsum brdab ste/ de ltar brdab pa'i rdo rje'i se gol gyi sgra dang/ sku gsung thugs rdo rje gsum gyi thugs pa'i yi ge 'bru gsum las 'od zer 'phros pas phyogs bcu'i 'jig rten gyi khams ma lus pa kun khyab ste/ zhing khams
- 128b
de dag na gnas pa'i sangs rgyas thams cad chos kyi sku mtshan ma med pa'i dang la gnas pa las gzugs kyi sku mtshan ma'i rnam par gsal ba'i phyag rgya chen por dal gyis dal gyis bslang bar bya zhing/ badzra sa tu sa mA na dza(rgyud 'grel): hUM zhes pas snyan mnan te/ phyogs gcig tu 'dus shing byon la ma reg par nyer bsngogs su gnas par bya ba la ni rdo rje thams cad snyan mnan te zhes bya'o/ /de ltar yangs sarba b+hU ta las/ rdo rje sems dpar byad dag sbyor bas/ /lag gnyis rdo rje btsings pa las/ rdo rje se gol brngabs pa yis sangs rgyas thams cad bsdu bar bya/ /de yi bka' tsam gyis skrag nas/ /'khor dang 'khor lor bcas pa yi/ /sangs rgyas kun kyang 'dus gyur na/ gzhan lta smos kyang ci dgos zhes gsungs so/ /da ni zhus tshig bzhi bcu bzhi pa/ de rnams la ni ji skad 'bod ces pa'i lan du/ rdo rje thams cad spyan rdangs nas/ /thams cad ma lus mchod par bya zhes gsungs te/ gong du bstan pa'i ting nge 'dzin dang ldan pas lag pa gar bsgyur cing se gol brngabs pa'i rjes la lag pa g.yas g.yon gyi mthe bong dang srin lag gi breg la nyi zla bsams nas sbyar ba'i bar du yi ge dza(rgyud 'grel): bsams nas rdo rje khu tshur bcangs pa'i mdzub mo gnyis lcags kyu ltar bya ste/ lag ngar gnyis brang du bsnol la dpung mgo g.yas g.yon du se gol gtogs pa las/ theb srin thabs dang shes rab gnyis su med pa'i sbyor mtshams nas lha mo lcags kyu thogs pa grangs med pa 'phros pa dang/ sku gsung thugs kyi gnas nas yi ge gsum las 'od zer 'phros pa'i lcags kyus de bzhin gshegs pa'i dkyil 'khor thams cad kyi thugs ka nas bskul zhing spyan drang bar bya'o/ /de'i dus su sngags oM dya hi b+ha ga bAM/ mahA kA ru Na ke dri sh+ya do(rgyud 'grel): sa ma ya ho(rgyud 'grel): sa ma yastwaM zhes brjod pas spyan drang zheng zhabs yon dbul ba dang/ phyag 'tshal ba dang/ bzhugs su gsol
- 129a
ba dang/ phyi nang gsang ba gsum gyi mchod pa bla na yod pa dang/ bla na med pas bsdus pas lha la lha thim pa 'am/ ye shes la ye shes rol pa'i tshul du mchod par bya'o/ /da ni zhus tshig bzhi bcu lnga pa/ gtod bzhes bgyi ji ltar lags zhes pa'i lan du/ 'od zer gyis ni rdo rje kun/ /thabs des rdo rje thams cad kyi/ /kun bsdus gong bu'i tshul gyis su/ /bcings pas bcings pa zhes bya'o/ /zhes gsungs te/ gong du bstan pa de ltar chos kyi sku las gzugs kyi skur bslang zhing/ phyogs gcig tu bsdus nas snyan mnan byas shing thugs ka nas bskul ba'i rjes la thabs dang shes rab gnyis pa'i sbyor ba'i gtso bo gzungs kyi gsang nas kyang gsang ba'i se gol gyi bde ba'i sgra byung nas bskul zhing lha dang lcags kyu dang/ zhags pa dang/ lcags sgrog dang/ dril bu can gyi tshogs spro ba dang/ lag pa'i phyag sgyu lcags kyu zhags pa lcags sgrog dril bu bcings la lta so so'i mtshan gyis sngags kyi rtid la dza(rgyud 'grel): hUM baM ho(rgyud 'grel): zhes brjod cing/ 'od zer gyis rdo rje'i dkyil 'khor kun bskul zhing/ thabs tshul des rdo rje dkyil 'khor thams cad ma lus pa lhan cig bsdus la/ gong bu'i tshul gyis 'ja' tshon gyi dum bu ltar phung po phur po gcig la nang pa 'dres pas sku dang kha dog so so na gsal bar gnas pa de dag lcags kyus dgug zhags pas bcum/ /lugs sgrogs gis bcings/ dril bus dgyes pa bskyed par bya ba la ni bcing nas bcings pa zhes bya ste/ lcags kyu la sogs pa'i phyag rgya bzhi bcings pas rang bzhin gyi dkyil 'khor ye shes sems dpa' i tshogs dang/ ting nge 'dzin gyi dkyil 'khor dam tshig sems dpa' dbyer med par byas pa la ni bcings pa zhes bya'o/ /de ltar spyan drangs pa'i dus su ting nge 'dzin dang 'phro 'du 'gyes pa la gtod pa zhes bya'i/ /gzhan ni ma
- 129b
yin no/ /grangs bzhi bcu lnga pa gong du phyung nas bzhi pa 'og tu smos pa ni gong du zhus tshig byung ba'i rim pa'i dbang du byas pa'o/ /da ni zhus tshig bzhi bcu drug pa/ 'di'i don ni ji ltar lags zhes pa'i lan du/ sku gsung thugs ni rdo rje yis/ /sku gsung thugs kyi dkyil 'khor du/ /sku gsung thugs kyi rgyas btab ste/ /ri mo'i dkyil 'khor brtag par bya/ zhes gsungs te/ /de ltar spyan drangs pa'i ye shes sems dpa' i rang bzhin gyi dkyil 'khor sku gsung thugs rdo rje rnam pa gsum gyi ngo bor dbyer med par bzhugs pa yis rnal 'byor pa dam tshig sems dpa' i ting nge 'dzin gyi dkyil 'khor du bsgoms pa'i rgyud la sku gsung thugs kyis rgyas btab ste/ chu dang 'o ma 'dres pa bzhin du dbyer med par byas nas/ lha so so'i rigs dang kha dog dang rgyan dang cha lugs la sogs pa gsal ba rang bzhin med par bsgoms te/ dper na 'byor pa dab dang ldan pas rin po che'i rigs rnam pa sna tshogs las rdul tshon ri mo'i dkyil 'khor bzhengs pa 'dod pa 'od dang kha dog gsal zhing ma 'dres par so so na mdzes par snang ba bzhin du brtag par bya ste/ sgyu 'phrul las mthing kha dkar po ser le brgan/ /ljang khu la sogs sna tshogs 'chod/ /gsal 'tshor lhun stug gzi byin che/ /'bar ba'i phreng bas 'khyil ba yi/ /mdza' dbus med par lhun gyis grub/ / ces gsungs pa bzhin du rig par bya'o/ /da ni zhus chig bzhi bcu bdun pa/ dbang bskur ji ltar 'tshal bar bgyi zhes pa'i lan du/ /dbang ni rnam pa gsum dag tu/ /rgyud 'di las ni rab tu brtag /bum pa'i dbang ni dang po ste/ /gnyis pa la ni gsang ba'i dbang/ /gsum pa shes rab ye shes te/ /de ltar de bzhin bzhi pa'o/ /zhes bya ba la sogs pa gsungs te/ rgyud so so'i bzhed kyis dbang gi rnam grangs mthun mi mthun dang/ mang nyung tha dad par 'byung ba yod na yang/ rgyud gsang
- 130a
ba 'dus pa 'di las kyang bar rnam grangs du mar bshad pa yang yod na/ mdor bsdu na rnam pa gsum yod par rab tu brtag par bya ste/ gang zhe na/ bum pa'i dbang la sogs pa'o/ /de la gser dngul dang zangs la sogs pa'i bum pa nag nog med cing gsus pa che ba mgrin pa phra ba/ ring ba mchu dang lte ba legs pa/ me tog gi phreng ba dang ras kha tshar ma nyams pa la sogs pa'i na bza' mdzes pas mgul ba bcings shing me tog gi phreng bas brgyan pa/ lo 'bras dang 'o ma la ldan pa'i shing ngam ldum bu mdzes pas kha brgyan pa rin po che sna lnga dang/ sman lnga dang/ 'bru lnga dang/ dri lnga dang/ bdud rtsi dang/ dri chu dang/ bdud rtsir sbyar ba sngags badzra d+h+ri ka ces pa la sogs pas brgya rtsa brgyad bzlas pa blugs pa/ byang chub sems kyi ngo bor zhu ba sangs rgyas spyan la sogs pas bzung ste/ 'og nas dbang bskur ba ba spu'i bu ga nas zhugs pas sangs rgyas thams cad slob ma la thim par bsam mo/ /gnyis pa la ni gsang ba'i dbang zhes bya ba ni gnyis su med pa'i lhag pa'i byang chub sems kyis dbang bskur ba ste/ /de ni phyi ma man chad dang thun mong du gyur pa ma yin pas gsang ba zhes bya'o/ /gsum pa shes rab ye shes te zhes bya ba thabs dang shes rab kyi dbang ste/ de ltar de bzhin gsum mo zhes bstan pa de la shes rab ye shes gnyis so sor phye nas grangs na bzhi yod par shes par bya'o/ /de la gsang ba'i dbang bstan pa'i phyir na/ sngags la rung ba'i mig rings mo/ /me tog bcas pa'i khu byung ba/ /gsang ba'i dbang gis gsangs nas su/ /sngags pas slob ma sbyin par bya/ zhes bya ba la sogs pa gsungs te/ rang gi lha'i rigs dang mthun pa la sngags la goms shing gsang ba'i rgyud gang yang rung ba'i dkyil 'khor du 'jug par nus pa'i brtul zhugs dang ldan pa dam tshig bsrung ba la brtson zhing don
- 130b
gyi rig pa yod pa/ na tshod gzhon zhing bzang la mig gi dkyus ring ba/ me tog lta bus chags pa chen po dang bcas pa'i khu ba pad+ma rak+ta 'byung ba/ dgos pa'i yon tan thams cad lus la tshogs pa bcil nas rdo rje slob dpon la dbul bar bya'o/ /de nas bzungs te slob dpon gyi g.yas phyogs su bzhag nas/ thabs gcig tu gnas pa la spos dang/ me tog la sogs pa phyi nang gi mchod pa'i bye brag gis mchod la/ pus mo g.yas pa'i lta ba sa la btsugs nas thal mo sbyar te/ slob dpon la zhu ba ji ltar bcom ldan 'das dpal chen bde ba chen pos rgyu 'bras rnam par dag pa'i chos bstan pa dang/ cho ga bla na med pas 'gro ba dbang bskur ba dang/ mgon med pa'i 'gro ba ngan song gi sdug bsngal las thar par mdzad pa bzhin du/ rdo rje slob dpon gyis bdag la rdo rje theg pa'i don bstan pa dang gsang ba'i dbang mchog dam pa bskur ba dang/ 'gro ba thams cad ngan song gi sdug bsngal las thar par mdzad du gsol zhes zhu bar gsol par bya'o/ /gsang ba'i dbang gis gsangs nas su/ /sngags pas slob ma sbyin par bya/ /zhes bya'o/ /de ltar zhus pa dang/ de nas slob dpon gyis kyang byams pa'i thugs brtse bar dgongs te/ gsang ba'i dbang gis slob ma'i rgyud la dbang bskur bar bya ba'i phyir/ bdud rtsi rnam pa lnga dang/ gsang ba'i thugs ka nas 'od zer 'bros pas rgyud sbyang ba byas pa la ni gsangs nas su zhes bya ste/ de ltar byas pas sngags pas slob ma sbyin par bya zhes te/ dang po dam tshig sbyin te slob ma la 'di skad brjod par bya'o/ /di ring phyin chad bu khyod kyis/ /srog chags thams cad bsad par bya/ /brdzun gyi tshig rnams smra bar bya/ /ma byin par yang blang bar bya/ s/bud med thams cad spyad par bya/ /bzang po khyod kyis bsrung bya ba/ /sdom pa'i mchog ni 'di bzhi'o/ /bshad dang gci dang
- 131a
khu khrag dang/ /lnga pa sems nyid 'byung ba ste/ /khyi rta glang po ba glang sha/ cho ga dag par byas la sogs/ /rtag tu khyod kyis bza' bar bya/ /'di ni ni dam tshig chen po'o/ /zhes brjod do/ /bdud rtsi lnga dang rkang khrag du ldan pa'i dam zas kyang byin pa longs spyad par 'gyur ba'i phyir ro/ /nam mkha' i dbyings kyi dbus gnas te/ /rdo rje pad+ma'i tshul gyis ni/ /rdo rje thams cad 'du bar bya/ zhes bya ba ni sngar gsungs pa bzhin du chos kyi 'byung gnas kyi nang du dkyil 'khor gyi lha thams cad bskyed pa'i dbus su slob dpon bdag nyid rdo rje 'dzin chen po'i ngang dang ldan par gnas pa la ni nam mkha' i dbyings kyi dbus gnas te/ de nas slob ma dbang bskur bar bya ba'i ched du/ bdag nyid gzungs de dang gnyis su med par sbyor ba las byung ba'i lhag pa byang chub sems gsang ba'i mkha' la dbab pa ni rdo rje sems dpa' i tshul gyis ni zhes bya'o/ /de nas gsang ba'i mkha' las bdag nyid bsgoms zhing sgrub par 'dod pas lha de'i phyir phyung la phyogs bcur spros pas 'gro ba'i don mdzad nas slar 'dus pa bdag nyid kyi lus la zhugs pa dang/ snga ma las gnas gyur te lha de'i phyag rgya chen por bskyed pa la ni rdo rje thams cad 'du bar bya zhes bya'o/ /don de nyid kyi phyir na sku gsung thugs kyi rdo rje yis/ /de kun snying las bskul bya zhing/ /rdo rje'i lam nas byung nas su/ /slob ma'i kha ru dbab par bya zhes gsungs te/ de nas slob ma yang lha de'i rang bzhin du byin gyis brlabs te/ bdag dang slob mar bcas pa'i phung po la sogs pa yang byin gyis brlab par byas pa ni sku gsung thugs kyi rdo rje zhes bya/ de ltar byin gyis brlabs nas gzungs dang gnyis su med par gnas pas/ bdag nyid kyi ba spu'i bu ga nas byung ba'i 'od zer stug po'i lcags kyus nam mkha' i khams thams cad khyab par gyur te/ de nas gnas pa'i de bzhin gshegs
- 131b
pa thams cad bsdus te/ bdag gi sku gsung thugs kyi rgyud la zhugs par bya'o/ /de kun snying pos bskul bya zhing zhes bya ba/ de nas yang gnyis su med pa'i rol pa la gnas shing lha so so'i thugs kyi snying pos bskul bas/ bde ba chen po byang chub sems kyi ngo bor zhu ba rdo rje'i lam nas phyung nas su/ gsang ba'i mkha' la babs pa de slob ma'i kha ru dbab par bya zhes gsungs so/ /de yis su e ma'o bde ba'o zhes brjod de/ sems las byung ba drang bar bya ste/ de ni dbang bskur ba de'i yon tan bstan pa'i phyir/ de 'dir rdo rje thams cad kyis/ /dbang bskur ba'i gnas mchog go /thams cad sngags ni 'grub 'gyur te/ /gnas mchog rab tu khyad par 'gyur zhes gsungs te/ de lta bu'i tshul du skabs 'dir slob ma la dbang bskur ba ni rdo rje lta bu'i ye shes dang ldan pa'i de bzhin gshegs pa ma lus pa thams cad kyi dbang bskur ba'i gnas mchog tu dgongs nas bskur ba yin te/ de ltar dbang bskur bas sngags kyi don ma lus pa thams cad kyang 'grub par 'gyur te/ de lta bu'i dbang thob pa de las che bra gang dang gang rtsom na'ang mchog tuAm/ khyad par du 'phags par 'gyur ro zhes gsungs te/ 'di ni gsang ba'i dbang ngo/ /da ni shes rab ye shes kyi dbang bskur bar bya ba'i phyir/ /shin tu dang chen shes rab can/ /gzugs bzang sgrub la dga' ba dang/ /sbyor ba gcig tu goms byas pa/ /dam tshig can gyi dam tshig mchog /ces bya ba la sogs pa gsungs te/ gsang ba'i theg pa'i don la shin tu mi phyed pa'i dad pa dang/ gsang ba'i don ji lta ba bzhin rig pa'i shes rab dang ldan pa/ byang gzugs bzang zhing sgrub pa la dga' ba dang/ sku gsung thugs kyi dkyil 'khor bsgom pa'i ting nge 'dzin gyi sbyor ba'am/ thabs dang shes rab gnyis su med par sbyor ba'i gsang ba'i mkha' la las bzhi tshad bar spyod pas 'phags pa mchod pa dang/ 'gro ba'i don byed pa dang/
- 132a
skal ba can dbang bskur ba'i phrin las ting nge 'dzin dang bcas pa'i sbyor ba rtse gcig tu byas pas goms pa dang du gyur pa/ rtsa ba dang yan lag gam spyi dang khyad par gyi dam tshig can gyi sgrub pa'o/ /gsang ba'i dam tshig gi mchog shes rab ye shes kyi dbang nod cing thob par 'dod pa des/ bla ma la ni sgrub pa pos/ /yon ni rab tu dbul bar bya/ /de la bla mas byin brlabs nas/ /sgrub pa po la sbyin par bya zhes gsungs te/ dbang bskur ba'i slob dpon bla ma de la dbang nod pa'i sgrub pa po des bdag gzhan gyi yid du 'ong ba bu dang chung ma dang lus dang longs spyod la sogs pa la gang yod pa la ser sna mi bya zhing/ ji tsam 'byor ba la chags pa med pas yon tan rab tu dpags shing che ba dbul bar bya'o/ /de ltar yon phul po'i 'og tu gzungs de la bla mas byin gyis brlabs nas sgrub pa po la sbyin par bya'o/ /ji lta bur byin gyis brlab ce na/ de nyid kyi phyir/ gti mug dga' dang ldan pa ru/ /rtog dga' rmongs bdag sbyor ba ste/ gti mug rgyun gyis dbang bskur na/ /gti mug rdo rjer bdag nyid 'gyur zhes bya ba la sogs pa gsungs te/ de gti mug gi rigs kyi dbang bskur bar 'dod na/ slob dpon rnam par snang mdzad kyi ting nge 'dzin sngar bstan pa bzhin byas nas/ de'i yum mo ta ra hi ste gti mug dga' ba ma dang ldan par byas nas/ rtogs dka' rmongs bdag sbyor ba ste zhes bya ste/ yum de nyid gzhan gyis rtogs par dka' zhin rnam par mi rtog pa'i dang du gnas pas rmongs zhes bya ste/ chos kyi dbyings rang dbyer med pa dang bdag nyid gnyis su med cing mnyam par sbyor te/ de las byung ba'i gti mug rgyun gyis byang chub sems yum gyi mkha' la babs pa dang de la sku'i rdo rje dang/ sangs rgyas spyan nam mkha' gang gi'i sprin lta bu
- 132b
kha dog dkar po sha stag spros pas de dag gnyis su med pa'i 'dod chags kyi bde ba'i mes zhu nas/ kha dog dkar po ye shes bdud rtsi'i rang bzhin du gyur pa'i chu rgyun gyis slob ma'i mko nas brtsams te/ lus la khyab pa'i ba spu bu gnas bstims pas slob ma'i lus bum pa me mar gyis gang ba bzhin du gyur te/ lhar bskyed pa'i sku de bde ba chen po'i rang bzhin du gyur par bsams pa la ni gti mug rdo rje bdag nyid 'gyur zhes bya'o/ /zhe sdang rigs kyi dbang bskur ba'i phyir na/ zhe sdang dga' dang ldan pa ru/ /zhe sdang bdag nyid sbyor bya zhing/ /zhe sdang rgyun gyis dbang bskur na/ /zhe sdang rdo rjer bdag nyid 'gyur/ /zhes gsungs te/ mi bskyod pa 'am/ /zhe sdang rdo rjer bdag bsgom la/ /dweSha ra ti ste yum zhe sdang dga' ba ma dang ldan par zhe sdang bdag nyid sbyor bar bya zhing/ gnyis su med pa'i lhag pa byang chub sems yum gyi mkha' la babs pa las thugs kyi rdo rje dang mA ma kI nam mkha' khyab par sprin bzhin du 'phros te/ de dag kyang gnyis su med par rol par mdzad pas 'od du zhu ba'i bde ba chen po byang chub sems kha dog mthing kha ye shes bdud rtsi'i rang bzhin bstims shing dbang bskur bas snga ma bzhin du 'gyur te/ de'i yon tan ni slob ma de zhe sdang rdo rje'i bdag nyid 'gyur gsungs so/ /'dod chags rigs kyi dbang bskur ba'i phyir/ 'dod chags dga' dang ldan pa ru/ /zhes bya ba la sogs pa gsungs te/ snang ba mdza' yas dang rA ga ra ta ste yum 'dod chags dga' ba ma dang ldan par gnas nas/ 'jig rten pa'i chags pa'i tshul dang ldan par yang dag pa'i 'dod chags kyi bdag nyid du sbyor ba'i 'dod chags kyi bde ba chen po'i chu rgyun gyis dbang bskur na de'i yon tan ni/ 'dod chags rdo rje bdag nyid 'gyur zhes gsungs te/ de ltar sku gsung thugs kyi bdag nyid du gyur pa/ rigs gsum gyis dbang bskur ba bstan nas/ da ni rigs lhag ma gsum gang yang rung bas dbang bskur ba'i
- 133a
don bstan pa'i phyir na/ rdo rje dga' dang ldan pa ru/ /shes rab ye shes bdag sbyor ba/ /ye shes rgyun gyis dbang bskur na/ /shes rab ye shes bdag nyid 'gyur zhes gsungs te/ de la rdo rje dga' dang ldan pa zhes rdo rje ni ye shes/ dga' dang ldan pa ni/ ye shes kyi yul te/ rigs kyi lhag ma gang yang rung ba'i yab tu bsgoms nas gnyis su med par sbyor ba las byung ba lhag ma byang chub sems ye shes kyi chu rgyun gyis snga ma bzhin du dbang bskur na de'i yon tan shes rab ye shes bdag nyid 'gyur zhes bya ste/ lha gang gis dbang bskur ba'i yab yum de'i rang bzhin du 'grub par 'gyur zhes gsungs te/ de ni shes rab dang ye shes kyi dbang ngo/ /de ni zhus tshig bzhi bcu brgyad pa/ rig pa'i brtul zhugs ji ltar lags zhes pa'i lan du/ de nyid lha mo rig ma mo gzung nas slob ma rdo rje can/ de bzhin gshegs pa mngon byas nas/ /lag par lag pa byin pa zhes bya ba la sogs pa gsungs te/ gong ma lta bu'i mtshan nyid dang ldan pa de nyid la lha mo rig ma zhes bya ste/ de la gzung pa 'khyud nas slob ma ye shes kyi dkyil 'khor du byin gyis brlabs pas rdo rje can zhes bya ste/ de la sbyin pa bya ba'i phyir de bzhin gshegs pa mngon byas nas zhes bya ba de bzhin gshegs pa thams cad mngon du zhugs par mos pa bskyed par bya la/ bdag gis de ring slob ma sgrub pa po 'di yang dag pa'i byang chub chen po'i don sbyin pas de bzhin gshegs pa thams cad mkhyen par mdzod cig ces brjod pa'o/ /de nas lag par lag pa sbyin par bya zhes bya ba slob ma'i lag par gzung de'i lag pa sbyin par bya'o/ /slob ma'i mgo bor lag bzhag ste/ rdo rje gsang ba smra bar bya bas gzhan dag gi mtshan mi rgya/ de bas 'di ni rig na'i mchog /ces bya ba de ltar slob ma'i lag par
- 133b
gzhungs byin nas/ lag pa g.yas pa brkyang bslob ma'i mgo bor bzhag nas rdo rje gsang ba smra bar bya ste/ rdo rje gsang ba ni brjod du med pa ste/ ye shes kyi tshig chos nyid dang dbyer med pa'o/ /de gang zhe na/ thabs gzhan dag gis 'tshang mi rgya zhes bya ste/ phyi ma yan chad lta bu sdom pas bsngams shing dka' thub kyis gdungs pas ni rgyud 'dir gsungs pa las thabs gzhan du gyur pa ste/ des ni myur du 'tshang rgya bar mi 'gyur ro/ /gtan tshigs de lta bas na khyod la sbyin pa 'di ni rig pa'i mchog ces bya ste/ ye shes kyi yul chos kyi dbyings kyi gzugs brnyan dam tshig gi phyag rgya yum du snang ba 'di ni rig cing rtogs par bya ba'i shes bya thams cad kyi nang na mchog yin no/ /ci'i phyir zhe na/ thams cad chos ni gnyis med pa zhes bya ba chos thams cad kyi rang bzhin ni don dbyings dang ye shes gnyis su med par 'dus la/ de'i rtags ni thabs dang shes rab yab yum du snang ba gnyis kyi mtshon pa yin te/ de yang don rtags gcig gis gcig mtshon par shes par bya'o/ /de bas na rtag tu 'khar ba ru zhes bya ba/ gtan tshigs de lta bas na dus rtag tu 'khor ba mthas klas pa na 'khor zhing gnas pa de srid kyi bar du 'gro ba'i don bya ba'i phyir/ khyod kyis gzungs 'di dang lus dang grib ma bzhin 'grogs te nam yang 'bral bar mi bya'o/ /zhes gdags so/ /de'i yon tan/ 'di ni sangs rgyas thams cad kyi/ /rig pa'i brtul zhugs bla na med/ ces gsungs la/ de ltar ma byas pa'i skyon yang blun po gang zhig 'da' byed na/ de la dngos grub med par 'gyur zhes gsungs so/ /da ni zhus chig bzhi bcu dgu pa/ bdud rtsi rnam pa lnga ji ltar bza' zhes pa'i lan du/ lus kyi chos la rang bzhin gyis/ /dri ma lnga ni 'bab par 'gyur/ /ye shes lnga yis byin brlabs pas/ /bdud rtsi lnga yi bshad pa yin zhes bya ba la sogs pa gsungs te/
- 134a
'gro ba rnams kyi nang na mi rnams kyi so so'i lus kyi chos nyid la rang gi rang bzhin gyis 'bab par 'gyur ba ni dri ma rnam pa lnga yin te/ de ni gang zhe na/ dri chen dang byang chub sems dang/ pad+ma rak+ta dang/ gur gum dang/ mdangs chen po zhes bya ste/ nad kyi rkyen gyis ma zin pa'i mi tha mal pa lung pa sprid thabs su lu ba las byung ba'i kha dog shel lta bu dkar sprus so 'dug pa de dang lnga la bya'o/ /de dag kyang rgyu legs par brtags pa las byung ba'i 'bras bu grub pa de nan tan gyis bsag cing bcang bar bya'o/ /'o na sha chen po dang lnga'o zhes zer na mi bden nam zhe na/ smras pa/ sha chen po lnga'i grangs su bgrang ba yod pa yang bden mod kyi/ 'on kyang rgyud 'di las ri ma lnga ni 'bab par 'gyur zhes gsungs pa dang/ sha chen po ni shi las byung ba'i phyir dri mar bgrang ba ma yin pa dang/ sha lnga sems dpa' i yig 'bras lcags kyu lngar byin gyis brlabs na/ le'u gnyis pa las gsungs pa bzhin du 'grub par bstan pa dang/ sha lnga nyid yum lngar byin gyis brlabs na/ bdud rtsi lnga las yab yum bcung 'gyur bar bstan pa dang 'gal bas mdangs chen po bdud rtsi lngar bsdu'o/ /sha chen ni ma yin no zhes sngags la mkhas pa'i slob dpon gyis bshad do/ /de lta bu'i las babs pa'i dri ma lnga po de dpa' bo 'bru lnga bkod pa'i 'phro 'dus rigs lnga ye shes lnga'i rang bzhin du byin gyis brlabs pas ming bdud rtsi lnga zhes bshad pa yin zhes bya'o/ /ci'i phyir bdud rtsi zhes bya zhe na/ rnam par rtog pa bdud lta bu la ye shes rtsi lta bus phan 'dogs pa dang/ dug gsum gyi nad kyis 'khor ba'i mthar 'ching ba las gso zhing slong ba'i phyir bdud rtsi zhes bya'o/ /tshad ci tsam du bsgrubs pas she na/ dro ba dang ni 'bar ba dang 'od zer 'byung dang gzugs mthong dang/ sngags kyi gzugs kyi tshul gyis su/ /bdud rtsi lnga po za
- 134b
bar bya zhes gsungs te/ rtags rnam pa lnga la dang por dro ba nyid du gyur na mig rnon dang rkang mgyogs 'grub par ro/ /gnyis pa bdud rtsi lnga'i rdzas de dag 'bar bar gyur na mi snang bar 'grub par 'gyur ro/ /gsum pa de dag gam de dag las 'od zer 'byung na nam mkha' la 'gro ba 'grub par 'gyur ro/ /bzhi pa lha'i gzugs gang yang rung ba mthong na rig 'dzin 'grub par 'gyur ro/ /lnga pa sngags kyi gzugs te/ rdo rje 'dzin chen po lta bu'i gzugs mthong na de nyid kyi go 'phang 'grub par 'gyur ro/ /de lta bur brtags shing byin gyis brlabs pa'i thabs tshul gyis bdud rtsi lnga bza' zhing longs spyod par bya'o/ /ting nge 'dzin dang sbyor ba ji lta bu zhe na/ bar snang gnas su 'byung ba ru/ /rdo rje hUM mdzad shes rab bya/ /pad+ma'i tshul du 'byung ba ru/ /de'i 'og tu bsam par bya zhes bya ba la sogs pa gsungs te/ de la bar snang gnas ni bdud rtsi'i snod/ /pad+ma'i gnang nga'i steng la bya'o/ /'byung ba ru zhes bya ba ni rdo rje hUM mdzad kyi phyag rgya chen po bskyed par bya'o/ /de yang rdo rje hUM mdzad ces par bya zhes smos pas rdo rje rtse lnga pa 'greng bu 'am nyal thabs gang yang rung ba 'am yang na rdo rje rgya gram yang rung ste/ de dag hUM las bskyed pa'i 'bum pa 'am lte ba la hUM mdzad yab yum bzhugs par bsgoms pa la ni shes par bya zhes so/ /ban da de yang pad+ma'i tshal du 'gyur ba ru zhes te/ gzung 'dzin nyes pas ma gos pa'i padmo'i thabs su bskyed par bya'o/ /de'i 'og tu bsam par bya zhes bya ba ni rdo rje dang hUM mdzad bsgoms pa'i de'i 'og tu ban da a las bskyed par bsam par bya'o/ /bdud rtsi oM gyis mtshan pa'i zhes bya ba ni bdud rtsi lnga la ye shes lnga'i rang bzhin yi ge oM gyis brgyan pas/ de'i rang bzhin du dbyer med par bya ba ste/ de'i dbus su bzhag par bya zhes bya ba ni pad+ma banda de'i nang du bzhag par bya'o/ /de nas banda de'i 'og tu raM las me'i dkyil 'khor de'i 'og tu yaM las rlung gi dkyil 'khor bsgom par bya'o/ /
- 135a
rdo rje pad+ma mnyam sbyor las zhes pa ni oM ye shes lnga'i ngo bo rigs lnga yab yum du gyur pa'am/ gnyis ni oM gyis mtshon nas dpa' bo 'bru lnga bdud rtsi lnga la bsgom pa dang/ lam la sogs pa'i ye ge lnga lcags kyu lngar bsams pa rigs lnga yab yum du gyur par bsgoms la/ de nas 'og gi rlung gi me spar bas ban da bsros nas bdud rtsi bsdus pa'i drod kyis rigs lnga yab yum 'dod chags g.yos pas/ rdo rje pad+ma mnyam par sbyor ba'i rol pa mdzad pa las bde ba chen pos lhag pa byang chub sems kyi rang bzhin du dkar ltem par zhu bar brtag pa'o/ /rnal 'byor pa yis 'bar tshim bya zhes pa/ rnal 'byor pa yis de ltar bsgoms nas 'od 'bar ba mthong ba dang/ bdag dang dkyil 'khor gyi lha rnams rgyud tshim par longs spyod do/ /kha dog ji lta bu zhe na/ shel dang mtshungs par 'bar ba yi/ /ye shes nyi ma 'dra ba'i mchog /ces bya ste/ bdud rtsi de yang gzung 'dzin gyi nyes pa'i dri ma rnam par dag pas mdog shel dang mtshungs par gtsang zhing dangs pa/ kha dog rnam pa lnga dang ldan pa'i 'od zer 'bar ba'i gzugs can de dngos ye shes kyi rang bzhin nyi ma dang 'dra ba'i gzi brjid dang ldan pa la 'jig rten gyi nyi mas bsgrun du med pas mchog ces bya'o/ /bdud rtsi de'i rlangs pa dang drod kyis steng gi hUM mdzad yab yum la reg pas de yang 'dod chags chen po g.yos pas rol pa spyad pa'i bde ba'i sgra dang/ byang chub sems dpa' las 'od zer spros pa'i lcags kyus phyogs bcu'i sangs rgyas yab yum sras dang bcas pa thams cad bkug lus la bsdus te/ lhag pa byang chub sems su zhu ba sbyor mtshams nas zags shing bdud rtsi la tham ste dbyer med par bya'o/ /bzlas brjod kyi 'phro 'du ji ltar bya zhe na/ phyogs bcu'i 'jig rten khams kun
- 135b
nas/ /mtshon cha mchog gis drangs pa yi/ /bdud rtsi de la bzhag bya ste zhes gsungs pas/ oM A(rgyud 'grel): hUM swAhA a mri ta h+ri hUM Tha(rgyud 'grel): zhes grangs ci nus su brjod pa'i sngags las byung ba'i 'od zer lnga'i lcags kyus phyogs bcu'i sangs rgyas yab yum sras dang bcas pa thams cad bkug cing bsdus te/ bdud rtsi la bstim pa 'am/ gnyis su na sngags brjod pa bdud rtsi la bstim pa las sngags dang bdud rtsi dbyer med bar gyur ba las 'od zer kha dog lnga 'am/ de re re las kyang rnam pa nyi shu rtsa lnga lnga'i kha dog dang ldan pa'i 'od zer 'phros pas bkug cing bsdu ba dang bstim pa snga ma bzhin du bya'o/ /de la 'phro 'du'i rim pa gsung yig 'bru dang thugs phyag mtshan dang sku phyag rgya'i 'phro 'du bya ste/ de dag gang byed de'i skabs su rnal 'byor pas longs spyad nas/ gsung dang thugs dang sku'i dngos grub kyang de bzhin du thob par 'gyur ro/ /tshul ji ltar longs spyad ce na/ bza' ba'i sbyor bas bza' bar bya zhes te/ rang gi lce la hUM dkar po las bskyed pa'i rdo rje rtse lnga pa'i bum pa la snang ba mdza' yas bsgoms la/ bdud rtsi oM dkar por byin gyis brlabs la zos pas nang gi dkyil 'khor thams cad mnyes par bya'o/ /gnyis ni thabs kyi zhags pa las gsungs pa bzhin du bya ste/ 'di ni nang gi hom gyi cho gar rig par bya'o/ /gsum du yang ma rkan dang ma rkan dang lce la yi ge 'bru gsum bkod pa bza' bar bya'o/ /rgol ba na re/ sha dang bshang gci nye bar bstan pas 'di ltar 'grub par ci'i phyir/ de lta na ni de dag la longs spyod du byed pa'i sems can nyi tshe yod na/ de dag nus pa med par snang ba ci'i phyir zhe na/ smras pa/ 'di dag kyang rgyu brtag pa la sogs pa byas nas tshul bzhin byin gyis brlabs te/ bzlas brjod kyi 'phro 'dus rtags dang mtshan ma byung ba dang/ lag pa dang kha lce'i sbyor ba byas te/ /bsten cing zos na de
- 136a
ltar grub par zad kyi gzhan gyi tha mal par zas pas ni 'grub pa ma yin no/ /rgol ba na re/ 'o na 'di dag la 'di ltar 'gyur gyi/ bza' btung dang bcas pa gzhan dag la ni de ltar byas na 'grub par mi 'gyur ram zhe na smras pa/ gzhan la byin gyis brlabs pas kyang de ltar 'grub par 'gyur ba yin mod kyi/ 'on kyang dgos pa la la'i phyir 'di dag khyad du spyad par bstan pa yin no/ /ci'i phyir zhe na/ 'di dag kyang khyad par du dgos par bstan ce na/ phyi ba dang nyan thos pa dang zas la gdams ngag med cing sha chang spangs nas dkar gsum gyis 'tsho zhing bdud rtsi lnga lta bu mi gtsang bar bltas nas spang bar byed pas 'grub par lta ba dang/ bram ze la sogs pa mi bstod rims su skyes pa kha cig zas bskom la blang dor du blta bas dkar gsum gyis 'tsho ba dang/ sha za bar 'dod pa kha cig sha la gtsang smer 'byed cing gdams ngag byed pa dang/ 'dod chags kyi lha bdud rtsis 'tsho ba rnams khams kyis mi gtsang bar lta ba dag rang gi skye bas thob pa'i gnas dang/ rigs kyi rtoD pas de ltar lta bar zad/ chos nyid skye ba med pas kun la spyir khyab cing gtsang btsog rang rgyud so sor grub pa med pa la/ de ltar ma rtogs pa rnams rtogs pas rnam par bcings pa las grol bar mi 'gyur ba'i don du 'di lta bu la spang pas de dag rang rang gi rtog pa phyogs gcig pa de dag las krol bar bya ba dang/ thabs de nyid kyis mnyam pa nyid kyi don la 'jug par nus pa'i sgor 'gyur bar bya ba'i phyir sangs rgyas la yang mchod pa dang/ bdag nyid kyis kyang bza' zhing btung bar bstan pa yin nye/ de dag gis de ltar mthong dang 'o na ji ltar byas pas mnyes par mi 'gyur zhing legs par 'grub pa dang sbyar na bdag gi rtog pa 'di ni mi bden par nges te/ gcig tu bdag gis gdams dag byas pa ni
- 136b
lhag par bzang legs thob par mi 'gyur la/ gzhan gyis gdams ngag med par spyad pas ni lhag par nyes skyon thob pa med pa dang spyar na 'di ltar rtogs pa yang nges par 'grub pa'i tshad ma ma yin pas blang dor 'di yang bya'o ba'i sems skye ba dang/ 'di dag la 'di ltar byin gyis brlabs na mtshan ma 'di lta bu snang ba dang/ nus mthu 'di dag 'byung ba dang sbyar na yon tan gzhan yang thob par des la/ 'di dang sbyar na tshul gzhan bzhin du 'grub pas kyang de bzhin du nges so/ /bsam pa'i rig pa 'jug cing sgrub pa'i don la 'jug cing brtson pa bskyed pa dang/ rtog pa phra mo 'di dag dag pa'i rims kyis rtog pa chen po spong zhing mnyam pa nyid la ston pa'i sems skyes nas ma nor ba'i don la 'jug cing nges pa'i sa la sbyor ba'i yon tan yod pa'i phyir yang 'di ltar bstan la/ srin po la sogs pa mi sha za bdag bdag sha 'di zos pas nyams tshags dang mthu stobs yod pa yin no snyam du rtog cing/ sngon spyad pa'i las kyi 'bras bus thob pa'i mthu stobs yin par mi shes pa'i don du sha chen la sogs pa sha ra? bstan cing/ de dag sbyar zhing byin gyis brlabs pa byas nas byin brlabs khyad par can gyi nus mthu skyes pas gzhan mi sha mi za ba de dag kyang rang gi nus mthu la yid 'byung zhing rnal 'byor pa'i nus mthu la dad pa skyes nas/ spyod yul gcig tu mthong nas gsang sngags kyi brtul zhugs len cing rnal 'byor pa'i grogs byed par 'gyur ba'i phyir yang bza' zhing bstan par bya'o/ /de yang gtsang bcog tu blta ba'i blang dor spang ba'i phyir ni dngos spyad la de'i bag chags kyis mi gos shing nus mthu khyad par can skye bar bya ba'i phyir na byin gyis brlab cing/ bdag gzhan la mchod pa bsten cing spyad par bya'o zhes bya ba la sogs pa'i gtan tshigs kyang rgyas par sngar rtsa ba'i rgyud bkral ba'i skabs su bstan zin to/ /'dis dkyus kyi 'bru gnyer ba'i dbang gis rim
- 137a
pa gong 'og 'khrug par 'byung du zin kyang rnal 'byor pas bdud rtsi byin gyis brlabs pa'i ting nge 'dzin rim par bya ba'i thabs kyang sngar rgyas par bshad zin te/ 'dir rtsa ba'i rgyud dang phyi ma'i rgyud du so sor phye ba'i 'bru gnyer gyis cung zad tsam bstan pa yin te/ bldab? bur rgyas par bstan na tshig dang yi ge mangs pas dgos pa med do/ /bdud rtsi lnga dang lcags kyu lnga bsten cing dang du blang ba'i yon tan ni rgyud 'di dang gzhan pa kun la gsal lo/ /da ni zhus tshig lnga bcu pa dpa' bo lnga yang ji ltar lags zhes pa'i lan du/ yi ge gsum du bskyed bya zhing/ /bsgrub bya sgrub par rnam bsgoms te/ /de bzhin dpa' bo lnga zos na/ /dngos grub sbyin pa bzhin du min zhes gsungs te/ gzhan dag na re dba' po la dal la rigs lnga'i snying po 'bru lnga bya'o zhes zer/ la la na re bdud rtsi lnga dpa' bo 'bru lngas byin gyis brlabs pa la bya'o zhes zer/ /kha cig na re dpa' bo 'bru lnga ni lcags kyu lnga la bya'o zhes zer na/ de dag gang yang ma yin no/ /ci'i phyir na/ dang po dpa' bo 'bru lnga yang yi ge ni sems dang mi ldan pa'i 'du byed yin/ /dbyibs kyis ni rigs lnga'i snying por bzheg nas ming lngas ni rigs lnga mtshon par zad de/ dbyibs gcig tu ma nges pa la ming glo bur du bla dags su btags pa rnal 'byor pas brtag cing brjod pa dang gzhan la mtshon par btub kyi bza' zhing btung du mi dmigs pa'i phyir na de ma yin no/ /gnyis pa des bdud rtsi lnga la phyin gyis brlabs pa'ang ma yin te/ ci'i phyir zhe na/ dri ma lnga la ye shes kyi yi ge dpa' bo 'bru lngas byin gyis brlabs pas lus las 'bab pa'i dri ma lnga po de nyid ye shes lnga'i bdud rtsir gyur pa'i don lngar bshad zin pa'i phyir na dpa' bo lnga ma yin no/ /gsum pa lcags kyu lnga yang ma yin te/ ci'i phyir zhe na/ sems dpa' lnga 'am yum
- 137b
lnga'i yi ges byin gyis brlabs la thabs dang shes rab zung du 'brel par bya zhes bdud rtsi'i nang du bsdus te sngar bshad zin pa'i phyir na dpa' bo lnga ma yin no/ /'o na gang la bya zhe na/ bdud rtsi dang sbyar ba'i chang gis rnam grangs lnga la ni dpa' bo lnga zhes bya ste/ ci'i phyir zhe na/ /des ni skyes bu nga rgyal bskyed pa'i 'du shes bsgyur ba dang/ 'du bya ba'i las rtsom pa la myur ba'i rkyen du gyur pa'i phyir na dpa' bo zhes bya la/ lnga ni ming rnam grangs dang mtshan nyid lngar phye ba ste/ gang zhe na/ sgeg mo zhes bya ba dang/ na chung zhes bya ba dang/ rab tu myos zhes bya ba dang/ bdud rtsi zhes bya ba dang/ gcig pu dpa' bo zhes bya ba ste/ de ltar yang sarba b+hu ta las/ sgeg mo dang ni na chung dang/ /myos dang de bzhin bdud rtsi dang/ /gcig tu dpa' dang 'dod chags sra zhes gsungs te/ 'bras chang la sgeg mo zhes bya te/ de yang phyi'i chang ni yongs grags su gyur pa'i 'bras chang nyid la bya la/ nang gi ni rigs ngan gyi bu mo byad gzugs bzang ba dang ldan pa rig byed thams cad legs par bslabs shing gsang ba'i spyod yul la sgoms pa dang/ rol pa spyad pa'i mchod pa bshams pa'o/ /gsang ba'i ni de las byung ba'i byang chub sems kyi yab yum la bsnol mang mchod pa spro zhing bstim pa'o/ /de la ci'i phyir chang zhes brjod zhe na/ rnal 'byor pa'i sems kyi gzengs bstod cing rnal 'byor ba po mo dga' bas tshim pa dang/ gsang ba'i dkyil 'khor bskyed cing mchod pa rtsom pa myur ba rkyen du gyur pa'i phyir ro/ /na chung zhes bya ba ni dbyi mo dang/ rgun 'brum la sogs pa'i shing thog sna tshogs pa dang/ shing kun rnam pa mang po dang 'bru thams cad shing ma du ra'i shun pa rnams sbyar ba'i char la bya ste/ /ma tir zhes kyang bya dbang po rab tu myos zhim pas na rab tu myos pa sbrang rtsi'o zhes kyang gsungs so/ /nang gi rnal 'byor man so gzhon shing gzugs byad bzang ba
- 138a
gsang ba'i don la goms pa dang/ rigs ngan gyi gzugs bzang ba dang/ rol pa spyad pa'i mchod pa brtsam pa'o/ /gsang ba'i ni de las byung ba'i byang chub sems rnam gnyis dang khrag chen po bsres pa'o/ /myos dang zhes bya ba ni shing sA la'i shun pa dang/ shing ma du ra'i shun pa dang bu ram shing gi khu bar sbyar nas mnan pa la bya ste/ de 'thungs na/ rmongs shing myos par byed nus pas/ bu ram chang la myos byed gsungs zhes bya'o/ /nang gi ni bram ze dang rgyal rigs kyi bu mo las nyams nas smad 'tshong du gyur pa gsang ba'i mchod pa goms pas gtor ma'i dus su gnyis su med par rol pa'i mchod pa bsham pa'o/ /gsang ba'i ni de las byung ba'i lhag pa byang chub kyi sems so/ /bdud rtsi zhes bya ba ni rgun 'brum las gzhi blangs te/ til dang na le sham dang/ shing pi pi ling gi rtsa ba'i shun pa dang/ li shi'i rtsa ba dang/ dzA ti pha la dang/ utpa la'i rtsa ba dang/ ku mu da'i rtsa ba dang/ a mra'i thog bu la sogs pa sbyar nas chang du byas pa ni ba tsha nas bcos pa'i chang zhes bya ste/ bdud rtsi dang 'dra bar rin thang che bas rgun chang dag ni bdud rtsi yin zhes gsungs so/ /nang gi bdud rtsi ni rnam pa lngas bsdus pa nyid do/ /gsang ba ni byang chub sems rnam gnyis kho nar shes par bya'o/ /gcig tu dpa' zhes bya ba ni gzhan gyis ma slad pa'i rgun chang chig rkyang thub pas na gcig tu dpa' zhes bya la/ rgun chang dang sbrang rtsi mchog tu dpa' zhes kyang gsungs so/ /nang gi ni thabs dang shes rab rol pa spyod pa'i dga' bas thim par gyur pa la bya'o/ /gsang ba'i rgun chang ni byang chub sems dkar dmar rnam gnyis 'dres pa la byas la/ sbrang rtsi ni khrag chen po la bya la/ de gsum ka bsres pa la ni gcig tu dpa' zhes bya'o/ /'dod chags bsres zhes pa ni chang las lan tshwar bsgyur ba la zer bas chang rnam lnga la
- 138b
mi gtogs so/ /rnam pa de ltar bstan pa'i chang de dag lnga char tshang ba'am/ de las gcig tsam mam chang ngo cog gang yang rung ba chang de rnams kyi grangs su 'dus su btub la/ de dag byin gyis brlab cing longs spyad pa'i thabs kyang rgyud so so'i pa zhes kyis bye brag mi mthun pa'i grangs su ma gsungs pa yod na/ 'dir yi ge gsum du bskyed bya zhing zhes smos pas/ chang gi gzugs rags par snang ba ni yi ge oM gyis sbyangs la/ sku'i rdo rje'i rang bzhin du byin gyis brlab/ ro kha bsgyur dang/ ra ro ba dang/ myos par byed pa ni yi ge A(rgyud 'grel): yis sbyangs la bdud rtsi'i bcud bsdus shing gsung rdo rje'i rang bzhin du byin gyis brlab/ chang gi ngo bor snang ba yi ge hUM gis sbyangs la thugs rdo rje'i rang bzhin du byin gyis brlab/ gnyis su na gzugs hUM gis sbyangs pas/ thugs ye shes kyi rang bzhin du byin gyis brlab/ ro oM gyis sbyangs te bdud rtsi'i rang bzhin du byin gyis brlab/ rang gi ro bo aM gyis sbyangs te/ ye shes lnga'i rang bzhin du byin gyis brlabs nas/ yi ge hUM gis sku gsung thugs rdo rje rnam pa gsum gyis tshul du bskyed par bya zhing bsgoms la/ de ltar brtag pa de bsgrub par bya ba'i lha gang yin pa de bsgrub par bya ba'i rgyur gyur pa yin par rnam grangs du mar yang nas yang du 'dris shing goms par bsgoms te/ tshul de bzhin du rig par byas nas dpa' bo lnga kha lce'i sbyor ba sngar bstan pa bzhin du byas nas zos na/ bdag gi rgyud la gang 'dod pa'i dngos grub bskyed par 'gyur ba la sbyin pa yin zhes bya ste/ gzhan du gyur nas mi skye bar 'gyur mi srid pas na min zhes bya'o/ /rgol ba pa na re/ chang ni btung ba yin na/ zos pa'i sgra bza' ba dang bca' bar 'gyur bas mi 'gal lam zhe na/ smras pa/ kha ram kha'i zhes bya ba'i sgras bza' ba dang/ bca' ba dang/ gtung ba gsum ka la zos shig ces sgra mthun par
- 139a
'gyur bas 'dir chang la zos pa'i sgrar gyur pa 'gal ba med do/ /gzhan dag na re yi ge 'bru gsum sku gsung thugs rdo rje gsum gyi rang bzhin du gnas pa dus gsum gyi sangs rgyas thams cad dang tha mi dang pa dpa' bo lnga dang dbyer med par byas nas/ rnal 'byor pa longs spyod pas rang bzhin gcig tu gyur par brtag pa ni bsgrub bya bsgrub par bsgom pa dang/ dngos grub sbyin pa'i sgrar brjod pa'ang de nyid la bya'o zhes zer na/ de nyid rigs par bshad pa'o/ /rgol ba pa na re/ rgyud 'dir chang gi btung bar ni ma gsungs la/ rgyud gzhan las mang ba la sogs pa ro mchog dpa' bo zhes brjod pa yod na/ 'dir chang rnam pa lngar brjod par rigs sam zhe na/ spyir sbyor ba chen po'i bzhed kyis chang mi btung ba ngam rdzas su med du mi rung bar gsungs la/ khyad par du bdud rtsi rnam lnga dang chang gi btung ba gnyis kyang rten dang brten pa'am/ rgyu rkyen rten 'brel gyi tshul du lhan cig tu mi tshogs su mi rung bar gsungs pa las/ 'di'i rtsa ba'i rgyud du btung ba tsam du spyir brjod par zad kyi/ chang gi btung bzhes lhag par ming du ma smos pa nyid kyi phyir dang/ bdud rtsi lnga smos pa'i skabs 'dir chang gi btung ba brjod pa de gnyis 'brel pa can du gyur pa yin pa'i phyir/ brjod par rigs la/ lcags kyu ni sngar yang nas yang du brjod cing bdud rtsi'i nang du 'dus par bstan pa'i phyir na de yang brjod mi dgos par rigs bya'o/ /da ni zhus tshig lnga bcu gcig pa/ dngos grub thun mong ji ltar lags zhes pa'i lan du/ mi snang la sogs dngos grub dag/ thun mong du ni grags pa ste/ zhes gsungs te/ mi snang ba dang/ sogs kyi sgras mngon par shes pa lnga dang/ dgug pa la sogs pa'i sgrub pa che phra 'byung ba'i dngos grub rnams ni 'jig rten pa dang thun mong du gyur pa yin par grags
- 139b
pa ste/ dkon pa ma yin zhing yongs su mya ngan las 'das par mi nus pa'o/ /da ni zhus tshig lnga bcu gnyis pa/ de bzhin mchog ni ji ltar lags zhes pa'i lan du/ dngos grub mchog tu gsungs pa ni/ sangs rgyas sangs rgyas par bsgrub pa'o zhes gsungs te/ 'jig rten pa'i khyad par dang thun mong gi dngos grub de rnams las mchog tu gyur pa'i dngos grub ni sangs rgyas sangs rgyas par bsgrub pa'o zhes bya ste/ dbang po rab tu gyur pa'i gang zag shes rab dang snying rjes ldan pa bla na med pa'i sangs rgyas gyi sa thob par 'dod pa dag sangs rgyas par sgrub pa'i thabs kyi mi gnas pa'i mya ngan las 'das pa'i go 'phang la gnas par byed pa'o/ /da ni zhus tshig lnga bcu gsum pa/ de la thabs ni rnam pa du zhes bya ba/ thun mong gi dngos grub dang/ mchog gi dngos grub de gnyis grub pa la rnam pa du ma mchis zhes pa'i lan du/ byang chub rdo rje rtogs pa yi/ /thabs ni rnam pa bzhi dag ste/ /rnal 'byor rgyud ni thams cad la/ /dam pa yis ni rab tu bsngags zhes bya ba la sogs pa gsungs te/ ston pa byang chub sems rdo rje byang chub kyi don ye shes rdo rje lta bus rtogs shing thugs su chud pa de rnal 'byor par rtogs par bya ba'i thabs mdor bsdus na rnam pa bzhi kho nar shes par bya ste/ don de ni rnal 'byor chen po'i rgyud thams cad la yang/ dam pa yis ni bya ba sangs rgyas thams cad la bya ste/ de dag gis rab tu bsngags shing ston par mdzad pa yin no/ /de yang gang zhe na/ bsnyen pa'i cho ga dang po ste/ /gnyis pa nye bar sgrub pa dang/ /gsum pa sgrub par bya ba dang/ /bzhi pa sgrub pa chen po'o zhes gsungs te/ rtsa ba'i rgyud le'u bcu gnyis pa las ni/ /bsnyen pa'i dam tshig sbyor ba dang/ /nye bar sgrub pa 'byung ba dang/ /sgrub pa'i don gyi dam tshig dang/ /sgrub pa chen po dag dang bzhi/ /zhes gsungs te/ de la bsnyen pa zhes bya ba ni theg pa gzhan las khyad par du gyur pa rdo rje theg pa'i mya ngan las 'das
- 140a
pa la bsnyen cing/ 'khor ba las bdag bsrings par gyur pa las mi 'da' ba' o/ /nye bar sgrub pa zhes bya ba ni/ lha'i ting nge 'dzin rdzogs pas de'i sku gsung thugs su grub pa la nye ba'i rgyur gyur pa'o/ /sgrub pa zhes bya ba ni bskur ba ste/ lha dang yum bskul bas rang gi lus ngag yid gsum de'i rang bzhin du grub par byed pa'o/ /sgrub pa chen po zhes bya ba ni mnyes pa bskyed nas chos kyi rgyal po chen po'i dbang thob par byed pa'i rgyu'o/ /rtsa ba'i rgyud de nyid las rdo rje'i bye brag ces bya ba la/ de nas las rnams bsgrub par bya zhes gsungs pa dang/ le'u 'di las thun mong mchog gi bye brag gis shes gsungs pas/ de ltar grangs bzhi bstan pa de la yang rnam pa bzhi ste/ spyi'i bsnyen sgrub bzhi dang/ dngos grub thun mong gi bsnyen bsgrub bzhi dang/ mchog gi dngos grub bsnyen sgrub bzhi dang/ gsang ba'i bsnyen sgrub ste/ so sor phye nas bcu drug tu 'gyur bas de yang chung ngu 'bring dang chen por dbye ba'i don yang rig par byas la/ dngos grub thun mong dang thun mong ma yin pa gang dang gang sgrub na yang des bsgrub par bya ste/ ci'i phyir zhe na/ bsnyen sgrub rnam pa bzhi ni rgyud 'dir gsungs pa'i las dang sgrub pa thams cad kyi rgyur gyur pa'i phyir ro/ /sgrub pa phra mo kha cig la bsnyen sgrub yan lag bzhi tshang bar sgom mi dgos pa yang yod de/ de yang rtsa ba'i rgyud bkral ba'i skabs kyi TI ka nyid las gsal bar shes par bya'o/ /de la dang por bstan pa'i bzhi po 'di ni rnam grangs su phye ba kun gyi lus lta bu las spyi'i bsnyen bsgrub rnam pa bzhi zhes bya ste/ de'i don gsal bar bstan pa yang rtsa ba'i rgyud le'u bcu gnyis pa las/ bsnyen pa'i ting nge 'dzin rab 'byor la/ /byang chub mchog ni bsgom par bya/ /nye bar sgrub pa'i sgrub mchog la/ /rdo rje skye mched rnam par dpyad/ /sngags kyi bdag por bsgoms pa yis/ /
- 140b
sgrub pa'i tshe na bskul bar bshad/ /sgrub pa chen po byed pa'i tshe/ rang sngags rdo rje can gis gzugs/ /dbu rgyan la ni bdag po bsgom/ /ye shes rdo rje 'grub par 'gyur zhes gsungs te/ de la dang por don dam pa'i byang chub sems gtsor mdzad nas/ oM shU n+ya tA zhes bya ba dang/ d+harma d+hA tu zhes bya ba la sogs pa'i sngags brjod nas/ zla ba dang rdo rje la sogs pa'i rim pas rdo rje 'dzin chen po la sogs pa'i sku phyag rgya chen po yongs su rdzogs par bskyed nas/ yum yang myu gu dang grib ma'i tshul duAm gnyis su na gdol pa'i bu mo hUM las bskyed pa'i rdo rjes reg par snang ba'i phung po bsal nas/ ye shes sems dpa' i thugs ka nas spros pa'i 'od zer ye shes kyi rig mar bskyed nas yab yum gsal bar zung 'brel du gnas par bsgom pa ni bsnyen pa'i ting nge 'dzin du rab tu sbyor ba'o/ /byang chub mchog tu rab tu sbyor ba ni de ltar bsgom pa'i de yang shes rab dang snying rjes 'brel pa'i ngo bo bas/ shes rab kyis stong pa nyid kyi mngon par byang chub pa bsgoms nas snying rjes thabs phyag rgya chen por mngon par byang chub par bsgoms nas thabs dang shes rab ldan par bsgom pa nyid la bya'o/ /nye bar sgrub pa'i sgrub mchog la/ /rdo rje skye mched rab tu dpyad ces bya ba ni nye bar sgrub pa'i rgyud 'bras bu phyag rgya chen por mngon par grub pa mchog yin la/ de'i thugs kar ye shes sems dpa' i gzhug pa dang/ dpa' bo 'bru ltas phung po lnga rigs lngar byin gyis brlabs pa dang/ ra ti lngas 'byung ba lnga yum lngar byin gyis brlab pa dang/ sems dpa' i sa bon rnams kyis mig la sogs pa drug sa'i snyor po la sogs drug pa'i rang bzhin du byin gyis brlab pa dang/ ta krita kyi sngags bzhis lag pa g.yas g.yon dang/ kha dang gsang ba'i mtshan ma rnams gshin rje gshed dang gzhan gyis mi thub pa dang/ rta mgrin dang bdud rtsi 'khyil pa dang/ bzhi'i rang bzhin du byin gyis brlab pa la ni dpyad ces bya ste/ dper na mun pa nyid bsal bar gyur pa dang 'dra bar 'khor ba'i
- 141a
mtshan mya ngan las 'das pa'i rang bzhin du gyur par bsgrub pa'o/ /sngags kyi bdag po bsgoms pa yis/ /sgrub pa'i tshe na bskul bar bshad ces bya ba ni lus la gnas gsum du sku gsung thugs kyi yig 'bru gsum las rdo rje gsum du bskyed la/ dpal ldan rdo rje sku chang ba la sogs pa'i tshig gis bskul zhing gsol ba gdab pa dang/ le'u bcu pa las snying gi dkyil du phra mo yi/ /dkyil 'khor rnams ni bsam par bya/ /rdo rje chen po rtse lnga pa/ /rtag tu sbyor bas bsgom par bya/ zhes bya ba la sogs pa'i tshig de la yab yum gnyis su med pa dang/ lha'i dkyil 'khor la bskul ba'i don kha brag gnyis su sbyar nas bkral ba las shes par bya'o/ /de la sngags kyi bdag po zhes bya ba ni rdo rje 'dzin chen po la sogs pa lha gang bsgom pa des gzhan la bskul ba'o/ /sgrub pa chen po byed pa'i tshe/ /rang sngags rdo rje can gyi gzugs/ /dbu rgyan la ni bdag po bsgom zhes bya ba ni thugs byin gyis brlab pa dang/ rig ma byin gyis brlab pa dang/ mchod pa la sogs pa ni sgrub pa chen po'o/ /de'i dus su rang gi rigs kyi bdag po 'am/ gang sgrub cing bsgom pa'i yi dam gyi lha gang yin pa de la ni rang sngags rdo rje can zhes bya la/ de'i dbu rgyan la bdag rigs kyi bdag po bsgom ye shes sems dpa' i thuT ka nas 'od zer 'phros pa'am/ gnyis su na de bzhin gshegs pa yab yum de nyid sems dpa' dang sems mar bsgom na de dag gi rigs kyi bdag po gang yin pa bsgom pa ste/ sgom pa'i thabs ni yab yum rol pa mdzad pa'i bde ba'i sgras phyogs bcu'i de bzhin gshegs pa thams cad bkug nas/ bdag gis ba sbu'i bu gnas thim par lhag pa byang chub sems kyi ngo bor zhu ba/ yum gyi mkha' la babs pa/ yum gyi ba spu'i bu ga nas lha mo'i tshogs lag pa na bum pa thogs par gyur te/
- 141b
slar gyud bas bdag gi mgo bor dbang bskur te/ thim pa las rang gi bdag pos dbu la brgyan pa 'am/ gnyis su na de bzhin gshegs par bsgom na gang sgom bde nyid sems dpa' sems mang bsgom na/ rang gi rigs kyi gtso bor 'am yang na mi bskyod ba'am rdo rje sems dpa' ? yab yum gang bsgom na yang rung ste/ de dag gnyis su med par sbyor ba'i lhag pa byang chub sems kyi chu rgyun gyis bdag nyid la dbang bskur bar bsgom pa ste/ de ltar byas nas ye shes rdo rje 'grub par 'gyur zhes bya ste/ rnal 'byor pa de dpal rdo rje sems dpa' i rang bzhin du 'grub par 'gyur ro zhes gsungs so/ /'di la yang slob dpon so so nas bzhod pa mi mthun par smra ba dag pa yod pa ni le'u bcu gnyis pa'i skabs su bstan zin pas le'u 'dir zlos bur ma bris so/ /da ni zhus tshig lnga bcu bzhi pa thabs kyi dngos po ji ltar lags zhes pa'i lan du/ thun mong mchog gi bye brag gis/ /bsnyen pa rnam pa gnyis su 'gyur/ /rdo rje bzhi po thun mong ste/ /ye shes bdud rtsi mchog yin no zhes bya ba la sogs pa gsungs pas thun mong gi bsnyen sgrub bzhi dang/ mchog gi bsnyen sgrub bzhi'i bye brag rim par dbye ba ston te/ de ltar bsnyen sgrub rnam pa bzhi'o zhes spyir bstan pa de yang thun mong gi dngos grub sgrub pa gnyis mi gcig pa'i bye brag so so nas yod pa'i dbang gis bsnyen pa rnam bzhir 'gyur ba zhes kyang bsnyen pas mtshon nas bsnyen sgrub rnam pa bzhing 'gyur pa de yang 'di ltar shes par bya ste/ rdo rje rnam pa bzhi ni thun mong du sgrub pa'i rgyu rkyen du gyur pa yin la/ mchog gi dngos grub pa'i bsnyen pa ni ye shes bdud rtsi zhes bya ste/ yan lag tu sbyor ba la bya'o/ /de la rdo rje rnam bzhi thun mong du bstan pa de'i rang gi ngo bo gang zhe na/ dang po stong pa'i byang chub ste/ /gnyis pa sa bon bsdus pa yin/ /gsum pa gzugs ni rdzogs pa ste/ /bzhi pa yi ge dgod pa'o zhes gsungs pa ste/ 'di yang slob dpon so so'i bzhed
- 142a
pa mi mthun par smra na yang mthong mdzad kyi lung gi khungs mi mthun pa'i dbang gis de ltar rig par bya'o/ /'dir bshad pa'i thabs ni rnam pa gnyis te/ dkyil 'khor chen po'i dbu zhabs tshang ba la dgongs nas sbyir? sbyar ba dang/ dkyil 'khor mtshog gi rgyal po la dgongs nas 'khor rnams bskyed pa'i dbang du sbyar ba gnyis so/ /de la spyir sbyar te bshad na/ oM shU n+ya tA dz+nya na badzra swa b+hA ba A t+ma ko haM/ zhes brjod pa phyi nang gi dngos por snang ba'i chos thams cad stong nyid du rang bzhin du dag pa'i bsgoms pa'i ngang las ting nge 'dzin bsgoms shing rtogs pa'i khyad par je regs je regs su 'gyur te/ byang chub sems rnam par dag pa'i sa bon zla ba lta bur byung ba ni dang po stong pa byang chub sems zhes bya ste/ ster pa zhes bya bas ni shes rab kyi rang bzhin don dam pa mtshon pa yin pas/ zla bas ni snying rje'i rang bzhin kun rdzob mtshon pa yin te/ de ni bsnyen pa dang sbyar ro/ /gnyis pa sa bon 'byung ba zhes bya ba ni zla ba de'i steng du gsung yig 'bru hUM la sogs pa sgom pa la bya ste de ni nye ba'i bsnyen pa dang sbyar ro/ /yi ge de'i 'phro 'du las zla ba dang rdo rje dbyer med pa las rdo rje dang lha'i nga rgyal dang ldan par byas pa la rdo rje 'dzin chen por gyur pa ni gsum pa la yang gzugs rdzogs te zhes bya ste/ sgrub pa dang sbyar ro/ /de nas thugs kar ye shes sems dpa' dang/ phung po dang/ 'byung ba dang/ phyi nang gi skye mched dang/ khro bo bzhi dang sku gsung thugs kyi rdo rje bsgom pa dang/ rig ma dang sbyar ba dang/ rdo rje pad+ma'i byin gyis brlab pa dang/ rjes su gtong ba dang/ mchod pa dang/ byang chub sems las dkyil 'khor bskyed cing de nyid kyi sngags brjod pas phyi rol tu bton cing phyogs bcur spros te 'gro ba'i don byas nas slar byon pa rang rang gi bzhugs gnas su dgod cing phyag rgya bzhi dang ldan par bya ba/ bzhi pa la ni yi ge
- 142b
dgod ces bya ste/ sgrub pa chen po dang sbyar ro/ /dkyil 'khor mchog gi rgyal po la dgongs nas 'khor rnams bskyed pa dang sbyar ba ni yab yum thabs dang shes rab gnyis su med par rol ba mdzad pa'i bde ba'i sgra dang/ ye shes sems dpa' i thugs ka nas 'od zer 'phros pa'i kyo bas phyogs bcu'i dkyil 'khor bkug nas bdag la thim pa lhag pa byang chub sems su zhu ba yum gyi mkha' la babs pa las yum gyi gsang gnas su phyi'i dkyil 'khor ji lta ba bzhin du bskyed nas/ so so'i bzhugs gnas su nyi zla dang pad+ma'i gdan bsams pa la ni/ dang po stong pa'i byang chub sems zhes bya ba ni de nas so so'i gdan thog tu lha rang rang gi sa bon yi ge 'bru re ba rnams chu bur rdol ba bzhin du 'thon cing/ ting nge 'dzin gyis bsam zhing ngag gis kyang brjod cing gsal bar brtags pa la ni gnyis pa sa bon 'byung dang zhes bya'o/ /sa bon de rnams las so so'i phyag mtshan du 'gyur/ phyag mtshan de rnams las 'od zer 'phros pas phyogs bcu'i 'gro ba rnams kyi don byas/ sangs rgyas thams cad bkug nas/ thim ste dbyer med par bya ste/ so so'i sku phyag rgya chen por byung ba la ni/ gsum pa la ni gzugs rdzogs te zhes bya'o/ /de nas yi ge gsum gyis byin gyis brlabs te/ hUM badzra d+hika ces bya ba la sogs pa lha rang rang gi sngags brjod pas phyi rol tu bton cing phyogs bcung 'gro ba'i don la sbros nas slar byon pa so so'i bzhugs gnas su bzhag pa la ni/ bzhi pa la ni yig 'bru dgod ces bya'o/ /de la kha cig na re/ rdo rje cho ga bzhi pa 'di snga ma bzhin du dkyil 'khor sbyi la sbyar ba yin gyi 'khor la sbyang ba mi rigs so zhes zer na/ smras pa/ bden mod kyis 'on kyang snga ma bzhin sbyar bas mgo mjug gi don bsdus pa'i dkyil 'khor la spyi khyab tu zin kyang dkyil 'khor gyi rgyal po la sgo gsal bar ma khyab pas bye brag mi phye bar dgos pa gsal ba'i
- 143a
phyir gnyis ka sbyar ba 'gal ba med do/ /kha cig na re rdo rje cho ga bzhi po 'di dkyil 'khor mchog gi rgyal po'i skabs su bya bar rigs kyi/ sbyir sbyang bar mi rigs so zhe na/ smras pa/ 'did rdo rje rnam pa bzhi thun mong ste zhes gsungs pas/ thun mong gi dngos grub sgrub pa'i tshe ni rdo rje cho ga bzhi 'ba' zhig bsgoms pas bsgrub la/ mchog gi dngos grub sgrub pa'i tshe na yang rdo rje cho ga bzhi dang por bsgoms nas yan lag drug gi sbyor ba la sogs pas kyang kha bskangs la/ bye brag tu bya dgos pas na thun mong dang mchog gi dngos grub gnyi ga sgrub pa la yang rdo rje cho ga bzhi dang dgos shing spyi la thun mong du gyur pa bstan pa yin la de ltar yin du zin na dkyil 'khor mchog gi rgyal po 'ba' zhig gi skabs su sbyar bas/ dkyil 'khor chen po la ma khyab la de ltar ni des ni thun mong gi dngos grub kyang sgrub tu mi btub na/ mchog gi dngos grub sgrub pa la grogs byed nus par lta ga la 'gyur bas na/ mgo mjug gi don bsdus pa'i dkyil 'khor chen por sbyar ba ni rigs pa yin la/ dkyil 'khor mchog gi rgyal po gcig pu la sbyar bas ni mi 'tsham ste/ de gnyi ga las sbyar bas gang su yang 'gal ba med do/ /la la na re/ sbyir sbyar ba la bsnyegs te bshad pa'i dang po stong ba byang chub sems gnyis pa sa bon 'byung ba dang/ gsum pa gzugs rdzogs pa'i yi ge'o/ /bzhi pa la yi ge dgod pa ni lhag ma thams cad de/ /bsnyen pa'i dam tshig sbyor ba bstan pas sbyor ba ma lus pa bsdus te/ nye bar sgrub pa'i dngos grub chen po la sogs pa med par 'gyur ro zhes zer ro/ /lan du bsnyen pa'i shes rab dang snying rje'i bdag nyid byang chub sems rnam gnyis las yab yum sku phyag rgya chen po gsal bar bskyed par zad kyi/ de ltar bskyed pa di'i skye mched nye bar sgrub par byin gyis rlob pa yin pas gzhan sgrib cing med par 'gyur ba yin no/ /rdo rje rnam bzhi 'di dag ni/ /bsnyen pa'i bdag nyid sgrub pa'o zhes
- 143b
bya ba ni de ltar bstan pa'i rdo rje rnam bzhi po 'di dag ni thun mong gi dngos grub sgrub pa'i tshe bsnyen pa'i bdag nyid dang sgrub pa gnyi ga nyid yin no bar bshad na yang/ 'di'i skabs su bsnyen sgrub yan lag bzhi ka'i don tshad bar gong du bstan zin to/ /da ni mchog gi dngos grub kyi yan lag bstan pa'i phyir na/ mchog gi ye shes bdud rtsi yi/ /yan lag drug tu sbyor bar bya zhes bya ba la sogs pa gsungs te/ rnam par mi rtog pa'i ting nge 'dzin bsgom pa goms pa mngon du gyur pa'i 'bras bu rdo rje theg pa'i mya ngan las 'das pa'i ngo bo byang chub sems rdo rje'i rang bzhin chos kyi sku dang dbyer med pa ni mchog gi ye shes bdud rtsi zhes bya ba la de'i bsnyen pa ni dngos su yan lag drug tu sbyor bar bya ba yin te/ de'i phyir na/ bsnyen pa'i yan lag drug tshul du/ /byas pas sgrub pa mchog tu 'gyur/ /gzhan du sgrub par gyur na ni/ /dngos grub mchog ni 'byung mi 'gyur zhes gsungs te/ bsnyen pa'i yan lag drug dang ldan pa'i tshul du byas pas sgrub pa mchog tu gyur pa yin gyi/ yan lag drug spangs nas de las gzhan du sgrub par 'gyur na ni dngos grub mchog tu 'am/ mchog 'grub par mi 'gyur ro/ /de bas na yan lag drug dang ldan par bya dgos pa zhes pa'i don to/ /de ltar bstan pa de yang gang zhe na/ so sor sdud dang bsam gtan dang/ /srog rtsol de bzhin 'dzin pa dang/ /rjes su dran dang ting nge 'dzin te/ / sbyor ba yan lag drug tu bshar/ ces gsungs te/ de la so sor spong ba ni dbang po yul la 'jug pa'i chos nyid kyis gcig gi rgyan du gcig gyur pas mi 'ching zhing grol ba'i rgyur gyur pa ste/ de'i phyir na/ dbang po bcu po rnams kyi yang/ /rang gi 'jug gnas thams cad du/ / 'dod pa so sor sdud bas na/ /so sor sdud pa zhes bshad do/ /zhes gsungs te/ rang gi lus lha'i ngo bo yongs su rdzogs pa dang ldan pa'i rnal 'byor ba yab yum thabs dang shes rab zung 'brel du bzhugs sam so so na bzhugs kyang rung ste/ mig la sogs
- 144a
pa'i dbang po lnga po rnams kyi gzugs la sogs pa phyi'i yul gang dang gang du mthong bar gyur na yang dus dang rnam pa thams cad du yul de dag lha mo'i rang bzhin du gnas pa las gzhan ma yin par shes par bya ste/ dbang po lha'i rang bzhin yul lha mo la thabs dang shes rab bya ste/ dbang po lha'i rang bzhin yul lha mo la lha thabs dang shes rab kyi tshul du rang gi chos nyid kyis spyod pa/ 'dod pa lha'i yon tan dngos su sbyang pas 'khor ba dang/ ngan song du 'ching ba ste/ so sor spong ba zhes gsungs pa yin te/ ci'i phyir zhe na/ rnam par grol ba'i rang bzhin du bsgrub pas 'dod pa'i yon tan dbang po lngas mtshan mar gzung nas dngos su spyor pa des so sor spong ba'o/ /de'i phyir na/ 'dod pa lnga ni 'dir bsdus nas/ sangs rgyas lnga ru sbyor pa yis zhes bya ste/ 'dod pa lnga dbang po so so'i yul du 'bab pa gang yin pa tshan tshan du bsdus pa ni yum lngar shes par bya la/ dbang po lnga ni sangs rgyas lnga'i rang bzhin du shes par byas la/ de dag gcig la gcig mi 'gog par spyod pa ni thabs dang shes rab gnyis su med pa'i tshul du spyod par rig par bya ba ni rab tu sbyar zhes bya ste/ rgya gar gyi yi ge la lar so sor spyod pa zhes bya bar yang snang na spong ba dang don mthun te/ mtshan mar gzung nas dngos su spyod pas so sor spong ste/ yab yum gnyis su med par rol pa'i tshul du so sor spyod ces bya ba'i don to/ /bsam gtan zhes bya ba ni ci'i phyir zhe na/ brtag pa bsam gtan zhes bshad de/ /bsam gtan de ni rnam lngar 'gyur/ /rtog dang dpyod dang dga' ba dang/ /de bzhin bde ba nyid dang yang/ /sems kyi rtse gcig nyid dag ste/ lnga po der ni bsam gtan bsdu zhes gsungs pas/ bsam gtan la yang dbye na yan lag lngar shes par bya la/ lnga'i dang po rnam par rtog pa gang zhe na/ gsang
- 144b
ba gsum 'byung rtog pa ste zhes bya ste/ sku gsung thugs kyi gsang ba rnam par bsgoms pas phyag rgya chen po'i gsang ba gsum 'byung bar rtog pa ste/ gsung yig 'bru dang/ thugs phyag mtshan dang/ sku phyag rgya gsum 'byung bar rtog pa ste/ de'i rim pa yang dang por yig 'bru/ de las thugs phyag mtshan/ de las sku phyag rgya chen po 'byung bar rtog pa ni sku gsung thugs kyi gsang ba 'byung bar rtog pa'o/ /de lngar phyag rgya chen po gsang ba dang yum yang myu gu dang grib ma'i tshul du byung ste/ thabs dang shes rab zung du 'brel ba'i dus na yab ni sku/ yum ni gsung/ byang chub sems ni thugs te/ de lta bu'i sku gsung thugs kyi gsang ba gsum 'byung bar rtog pa'o/ /gnyis pa dpyod pa ni/ de'i longs spyod dpyad pa'o/ zhes gsungs te/ sku gsung thugs su ?? shing de'i rang bzhin du dbyer med par sbyor ba dang/ de'i don du gsang ba'i rdo rje dang/ pad+ma yang sbyar zhing gcig la gcig nye bar longs spyod par byed pa ni dpyad pa'o/ /dga' ba ni/ dga' dang 'dra ba gsum pa ste/ zhes bya ste/ yab yum gcig la gcig chags shing thabs dang shes rab gnyis su med pa'i rol pa rtsom pa ni dga' pa'o/ /bde ba ni bde ba bsdus pa bzhi pa'o zhes bya'o/ /de ltar dga' ba'i bskul bskyod kyi lus kyi gnas thams cad nas bde ba chen po lhag pa byang chub sems ?? ?? nas gsang ba'i mkha' la babs ba de'i dus su theg pa 'og ma'i yon tan du brjod pas thams cad kyang rang bzhin gyis 'dus par 'gyur ba'o/ /sems rtse gcig pa ni/ shes dang shes bya byung zang pa'i/ rang sems lnga par shes par bya zhes bya ste/ de lta bu'i dang du sems rtse gcig par gnas pa ni rang gi sems ji bzhin pa'i dang du don shes pas shes bya'i yul 'byung ba lnga la sogs pa mang zhing tha dad par snang ba'i bag chags thams cad zad cing
- 145a
byang nas snang ba med cing mthong ba med pa'i don mngon du gyur te/ de'i dang du ye shes lnga 'dus pas de ltar bde ba chen po byang chub sems dang rang gi sems nyid dbyer med par ye shes lnga'i ngo bor gnas pa ni yab sangs rgyas lnga'i rang bzhin yin la/ yum shes bya 'byung ba lnga'i bag chags zad pa ni yum lnga'i rang bzhin du snang ste/ de lta bu la ni sangs rgyas kun gyi dngos gzhi zhes bya la/ de la ni 'dor ba thams cad rab tu gnas zhes bya ste/ 'jig rten pa'i 'dod pa'i yon tan lnga dang/ 'jig rten las 'das pa'i tshe yon tan thams cad gnas kyang de la gnas 'byung yang de las 'byung ste/ rtogs ma rtogs gyi khyad par gyis grol ba dang 'chid ba'i rnam par snang ba yin no/ /la la na re/ gsang gsum byung ba rtogs pa'o zhes bya ba la soT pa 'di dag gi don ni sgo gsum yig 'bru dang/ thugs mtshan dang phyag rgya chen po'i rim pas sam cig car du lha gang la dad pa'i sku gsung thugs bsgom pa ni rtog pa de dang bdag tu dbyer med par sbyor ba ni dpyod pa/ ting nge 'dzin de'i ro myang ba ni dga' ba/ de'i dang las gzhan du mi 'gyur bar gnas pa ni bde ba/ don de la rtse gcig pa ni rang gi sems shes pa/ de'i dus na sems zhes bya ba'i yul gzhan la 'jug pa na/ rtog pa phra rags 'byung ba zad cing 'gags nas mthong ba med cing snang ba med pa'i don mngon du gyur pa ni ye shes zhes bya sangs rgyas kun gyi dngos gzhi 'am ngo bo ste/ 'jig rten dang 'jig rten las 'das pa'i che ba'i yon tan ma lus pa thams cad kyang de la gnas shing de las byung bas 'dod pa thams cad kyi rang bzhin du gnas pa'ang yin no zhes zer na/ 'gal ba ni med na yang sbyor ba chen po'i lus las g.yel bar bsnyad ngo/ /sbyor ba'i yan lag drug pa'i gsum pa dbugs dgag pa dang gtong ba ni dbugs dgag pa ni mi sbro ba'o/ /de ci'i phyir zhe na/ gtong ba ni spro ba'o zhes bya ba la
- 145b
sogs pa gsungs te/ dbugs ni rlung yin la/ de nyid 'byung ba rnam pa lnga dang ldan pas de ni ye shes lnga'i ngo bo yin te/ kha cig na res me long lta bu'i ye shes rdo rje'i rigs/ chu so sor kun tu rtog pa'i ye shes pad+ma'i rigs/ me mnyam pa nyid kyi ye shes rin po che'i rigs/ rlung bya ba sgrub pa'i ye shes las kyi rigs/ nam mkha' chos kyi dbyings kyi ye shes de bzhin gshegs pa'i rigs zhes zer na/ spyir de ltar bshad pa'i lung yong du zin kyang 'di'i skabs ni de ltar mi sbyor ro/ /'o na ji ltar zhe na/ dbugs rlung gi rang bzhin 'byung ba lnga tshar ba dang ldan pas snod bcud ma lus pa thams cad bsdus la/ de rnam par dag pa nyid ye shes kyi rang bzhin yin pas na de skad ces bya ste/ ye shes ni 'byung ba lnga dang ldan la 'byung ba dang ye shes dang ldan pas/ don dbyings dang ye shes rtags thabs dang shes rab tu snang la/ de yang gnyis su med pa'i tshul du gnas so/ /ye shes lnga'i rang bzhin dbugs zhes pa ni dbugs de nyid kha dog lnga dang ldan pa'i phyag mtshan yungs 'bru 'am/ yig 'bru lnga 'am yang na gang yang rung ba cig tu dmigs pa la bya'o/ /byung nas su bya ba ni rang gi snying kha nas phyir byung ba sna'i rtse mor brtag par bya zhes bya ste/ phyi nang gnyis kyi sna'i rtse mo las kyang pad+ma sna'i rtse mo la bsam mo/ /kha dog lnga'i rin po che dbugs yig 'bru 'am thugs mtshan du bsam pa de la bya'o/ /dbugs dgag gtong ba zhes su bshad ces bya ba ni dgag par 'dod na ni de nyid du bsams te/ gzhan du mi spro la/ sbro ba ni gzhan du gtod pa zhes bshad do/ /da ni sbyir bstan nas sbyor ba'i yan lag drug bstan pa'i gsum pa dbugs dgag pa ni/ rang sngags snying la bsgoms nas su/ /'gog pa yi ni gnas su dgod ces bya ste/ dbugs ni rigs so so'i lha gang bsgom pa de'i thugs mtshan dam tshig gi phyag rgya rang gi snying kha la bsgoms nas dbugs dgag pa'i gnas yab
- 146a
yum gang yin pa'i phyi nang gi sna'i rtse mo la yig 'bru 'am thugs mtshan du bsam pa ni dgong pa'o/ /sbyor ba yan lag drug gi bzhi pa/ gzung ba ni mtshan ma ma byung gi bar du 'am sems rtas shing ting nge 'dzin la dbang ma thob par du gong ma ltar bsgom pa'i dad la gnas par bya ste/ rang gi dbang po bkag nas ni/ /rin chen gzung bar rab tu bshad ces bya ba ni dbugs dgag pa ji lta ba bzhin du rang gi dbang po rnams rnam par shes pa dang bcas par bkag nas so so'i yul la mi 'pho bar bya ste/ rin po che lta bu'i yig 'bru dang thugs mtshan kha dog lnga rang ldan pa de'i rang bzhin du sems bsdus te bsam pa la ni gzung bar rab tu bshad ces bya'o/ /de ltar dbugs bzung ba'i yon tan ni/ /rdo rje 'gog par bsam pa yis/ mtshan mar 'dzin par 'byung bar 'gyur zhes bya ste/ de ltar dbugs kyi rang bzhin yig 'bru dang thugs mtshan du brtags pa la dbang po dang rnam par shes pa gtan nas gnyis su med par bsgoms la/ sems gzhan du mi sgyu bar rdo rje 'gog pa bsam pa de yis ni yig 'bru dang phyag mtshan gang bsgoms pa'i mtshan ma de yid la gsal zhing brtan par 'dzin par nus pa'i rtags 'byung bar 'gyur ro/ /gtong pa ni byang chub rdo rje bsgoms pa yis/ /mtshan ma rnam pa lnga ru 'gyur zhes bya ba ni sbyor ba'i yan lag drug dang ldan pa ni/ rdo rje theg pa'i byang chub ye shes rdo rje lta bus rtogs pa'i byang chub sems rdo rje'i rang bzhin yang yin la de 'grub pa yang yin pas/ don de lta bu bsgoms pa yis ni ting nge 'dzin la dbang thob pa'i rtags mtshan ma rnam pa lnga 'byung zhing mthong bar 'gyur te/ gang zhe na/ dang po smig rgyu 'dra ba dang/ /gnyis pa la ni du ba'i tshul/ /gsum pa srin bu me khyer 'dra/ /bzhi pa mar me bzhin du 'bar/ /lnga pa rtag tu snang ba ni/ /
- 146b
sprin med pa'i nam mkha' bzhin/ /brtan nas rdo rje lam nas ni/ /nam mkha' khams kun spro bar bya/ zhes bsungs te/ de ltar lo zla mang por 'bad pa dang/ yig 'bru dang/ phyag mtshan dang/ sku gsung thugs kyi ting nge 'dzin de nyid mtshan ma rnam pa lnga po 'di lta bud snang bar 'gyur la/ /zla ba la ye shes sems dang 'de'i thugs kar zla ba la rdo rje bsgoms nas sems de snying la brtag par bya zhes te/ bdag gi sems kyang dbyer med par bsgom mo/ /de nas lcags kyu'i phyag rgya bcas shing rdo rje lcags kyu grangs med pa 'phros pa phyogs bcu'i sangs rgyas la reg pa thams cad bdag gis gang sgrub pa'i ye shes sems dpa' i skur gyur pa'am/ dngos su yang rung spyan drangs nas bdag gi snya'i kha'i rdo rje la bsdus nas/ gnyis su med par bsgoms pa la/ bdag gi sngags kyi ngo bor bya/ / rang gi byang chub tshigs bcad brjod pa ni/ sngags kyi gzugs kyi tshul gyis ni/ /rang gi byang chub tshigs bcad brjod/ ces bya ste/ gong du sngags kyi ngor byas pa de'i tshul du bsgoms la/ rang gi byang chub tshigs bcad 'di brjod do/ /bdag gi skal ldan che ge mo/ /khyod ni sgrub par gnas pa ste/ /'di ltar rtag tu khyod la gus/ /bsrung dang mchod la sogs par gnas/ /rang gi dngos grub bdag la stsol zhes bya ba la sogs pa'i tshigs brjod cing/ bdag nyid dang lha mngon du dbyer med par bya'o/ /cho ga'i sbyor ba bsgom pa ni/ / rang gi dkyil 'khor la 'dug nas/ /cho ga yang dag sbyor ba bsgom/ zhes bya ste rang gi rigs kyi ltar bsgoms la/ cho ga ni yang dag pa ste/ yab yum thabs dang shes rab gnyis su med pa sbyor ba bsgoms pa'i 'od zer rdo rjer 'phros pas thugs kar brdog cing bskul la/ lcags kyus dgug cing bdag la bsto mo/ /sems ye shes su bsgyur ba ni/ sems de ye shes gzugs su bsgyur/ sgom pa nye ba'i sgrub pa'o zhes bya ste/ bdag lta yab yum du bsgom pa dang/ de'i byang chub sems dang/ lha bkug cing?
- 147a
thim pa gsum dbyer med pa'i sems de ye shes sems dpa' i gzugs su bsgyur la de'i dang du bsgoms te/ ye shes lnga dang ldan pa'i ngo bor bya'o/ /nye bar sgrub pa zhes bya ba ni lha'i sbyor ba rdzogs shing de rang nye ba'i rgyur gyur pas nye bar sgrub pa zhes bya'o/ /da ni bstan pa'i phyir ni/ ji srid rnam gnyis mthong ba ru/ /de srid zla ba drug tu bsgoms/ /'dod chags thams cad longs sbyad de/ /thams cad rtag tu sbyar bar bya zhes bya ba la sogs pa gsungs te/ gong ma lta bur bsnyen pas sems spyangs shing nye bar bsgrubs te rtag tu byung/ grub na'ang legs te sgrub pa la 'jug dgos/ gal te rtags byung zhing ma grub na yang bsgrub par bya dgos te/ de yang rang rang gi rigs dang mthun pa'i yum btsal la de dang ldan pa'i byang chub sems las dkyil 'khor gdon cing rang nyid lha'i sku gsung thugs su bsgom zhing gang 'dod pa'i lha nge bsgrub par bya'o/ /dus ji srid rnam gnyis zhes bya ba/ dus ji srid lha yab yum rnam gnyis sam/ phyag rgya mtshan ma dang mtshan ma med pa gnyis su med pa'i ngo bor bzhugs pa la ni rnam pa gnyis zhes bya ste/ de dbang po dang yid kyi mngon sum du snang zhing mthong bar ma gyur gyi bar de srid du yun ring na/ zla ba drug gi bar du yang bsgom zhing bsgrub par bya ste/ de yang drug gsum gnyis gcig zla ba phyed drug bsgrub cing/ 'dod pa'i yul chags par bya ba'i yon tan thams cad kyang mi dkag par longs spyod cing/ gang spyod pa'i 'os su gyur pa de dag thams cad rtag par rang gi spyod yul du spyang la spyad par bya'o/ /gal te zla ba drug gis ni/ gang gsungs mthong bar ma gyur na/ de lta na gsung ba'i cho ga ltar/ de ni lan gsum rab tu brtsam zhes gsungs te/ gal te zla ba drug gis kyang gang sgrub par gsungs pa'i lha de yid dang dbang po'i mngon sum du snang zhing mthong bar ma gyur na/ 'di nyid kyi rtsa
- 147b
ba'i rgyud las sngar ji ltar gsungs pa dang/ sgrub thabs las 'byung ba'i spogs pa'i cho ga dang ldan par byas la de ni bya ba bsgrub par bya ba'i lha de lan gsum gyi bar du sgrub pa brtsam par bya'o/ /de ltar lan du ma spogs pa'i cho ga de ltar byas kyang bsgrub pa pos/ mthong ba 'gyur bar ma gyur cing/ gang tshe byang chub ma grub na drag shul gyis ni bsgrub par bya/ /de ltar drug mtshan phyi tha'i bar du sgrub par gyur pa las kyang ma grub cing sgrub pa pos lha'i gzugs mthong bar ma gyur cing/ gang gis rtogs par bya ba'i yul byang chub de yang ma rtogs te/ ma grub bar gyur na/ ma grub par gyur na drag shul gyis ni bsgrub par bya zhes bya ste/ drag shul gyis las kyis dngos grub bsgrub par bya'o/ /de'i thabs kyang rnam pa gsum ste/ dang por snyan pa'i tshig gis sgrub pa dang/ bsdigs pa'i tshul gyis sgrub pa dang/ chad pas bcad pa'i las kyis bsgrub par bya'o/ /de la snyan pa'i tshig gis sgrub pa ni gzhal yas khang ji bzhin pa'i nang na rang gi dkyil 'khor gyi dbus su/ dpal rdo rje sems dpa' ma gtogs pa'i rdo rje rigs kyi lha gang yang rung ba zhig gi sbyor ba dang lnga par bsgoms nas/ bdag ting kyi ba spu'i bu ga nas lha mo'i tshogs 'byung ba rnams kyis/ zhe sdang rnam par dag cing rdo rje rigs su sangs rgyas pa'i ye shes kyi lha mngon dga' i 'jig rten na bzhugs pa rnams la/ mchod pa bla na yod pa dang/ bla na med pa phyi nang gsang pa gsum gyis bsdus pas mchod nas/ snyan cing mdzes la yid 'phrog par nus pa'i dbyangs kyis bskul te/ sri zhu de lta bus spyan drangs nas/ bdag gi lus la zhugs te/ de dang dbyer med par gyur pa bsams gras? na zhag bdun gyis 'grub par 'gyur ro/ /gal te des kyang ma grub par gyur na sdigs pa'i thabs kyis sgrub ste/ bdag nyid kyis ye shes sems dpa' i thugs ka'i pad+ma dang zla ba'i steng du rdo rje'i bum pa la hUM gis mtshan pa las bskyed pa'i gsum pa
- 148a
ra tsa ji lta bu yi ge gsum gyis byin gyis brlabs pa'i lag na rdo rje lcags kyu bsnams pa bdag nyid kyi kha nas phyir byung ste/ yaM las bskyed pa'i rlung gi dkyil 'khor kyi steng du/ raM las skyed pa'i gru gsum me 'dra ba'i dbus su gnas pa nyi ma 'am bskal pa'i me ltar 'bar ba/ mdun du bka' nod par bsams la de'i lag pa'i 'bar ba rdo rje lcags kyus snying/ bar btab cing/ bdag ni skal ldan che ge mo zhes sngar gsungs pa'i tshig gis bskul na zhag bdun gyis 'grub par 'gyur/ / gal te de ltar byas pas kyang dngos grub mi ster na/ de'i dus su chad pas bcad pa'i las kyis bsgrub par bya ste/ rig ma'i pad+ma'i nang du ha las rdo rje rgya gram bskyed pa'i steng du/ hUM las bskyed pa'i nyi ma'i dkyil 'khor 'jig rten pa'i nyi ma phye ba phrag brgya dus gcig du shar ba lta bu'i 'od dang ldan pa/ de'i steng dur raM las bskyed pa'i zur gsum me 'dra ba'i yi ge ras mtshon pa bskal pa'i me ltar 'bar ba bsams la bdag nyid kyi gsang ba'i rdo rje las bskyed pa snying rje chen po dang/ 'dod chags rnam par dag pa'i rang bzhin kha dog dkar la dmar ba/ 'od zer sna tshogs pa'i 'phreng ba 'byung ba/ nor bu rin po che 'bar ba lta bu rig ma'i tshogs thams cad chags par byed pa/ spyi bo oM gyis mtshon par byin gyis brlabs nas gsang ba'i pad+ma de la bzhag par bya'o/ /de nas rdo rje dang pad+ma'i sbyor mtshams nas/ rdo rje lcags kyu zhags pa 'phros pas ye shes kyi lha rnams kyi snying khar bcugs nas drangs te/ lha mo'i pad+ma sna rtse'i me'i dkyil 'khor gyi steng du bzhag par bya'o/ /de nas lha mo de rnams bsreg pa'i me dpung 'phro ba'i rdo rje pad+mar bzhug pa dang/ thabs dang shes rab kyi bsgrul bskyod dang/ sngags kyi 'od zer gyi 'phro 'du dang/ lhag pa byang chub sems kyi rgyun 'bar ba/ thog dang ser ba lta bu lha de dag gi lus la
- 148b
lhung zhing bab pas thal ba bzhin du brlag par bsam mo/ /de nas lha de dag gi thugs ye shes me mar lta bu'i hUM gi gzugs su bsgyur te/ de las dpal rdo rje sems dpa' i skur bskyed pa bdag gi lus la zhugs te/ bdag dang gnyis su med par bsgoms na/ nyid kyis gsungs pa'i dam tshig las 'da' bar dogs na zhag bdun tshun chad kyis nges pa nyid du 'grub par 'gyur ro/ /rgol ba po na re sngar nye ba'i bsnyen pa'i skabs su zhes gsungs pas bskul ba dang/ zhes gsungs pa'i don gyis sems ye shes kyi gzugs su bsgyur bas gsungs pa sngar yang bstan zin na/ de las mi mthun par gyur pa sgrub pa'i skabs 'dir yang stan pa ci'i phyir zhe na/ smras pa/ de yang bden mod kyi 'on kyang bsnyen pa dang/ nye ba'i sgrub pa ni sems sbyangs pa'i don du ting nge 'dzin dkyus mar bya ba yin la/ de ltar sems sbyongs nas grub pa ni gang 'dod pa'i dngos grub de nyid mngon du grub pa'i ting nge 'dzin te/ de ltar sgrub pa'i dus su dngos grub mi ster bar gyur na/ drag shul gyi las btsams la nan gyis dngos grub blang bar bstan pa ste/ de yang lha'i dgongs tshad sra snyi dang/ las drag dal gyi tshang rnam pa gsum rim bzhin du sbyang la bya bar bstan pa'o/ /rgol ba pa na re sgrib pa zad pa nyid dngos grub du 'gyur ba 'am/ sgrib pa zad pas dngos grub thob pa yin na/ sgrib pa zad par bya ba'i phyir rang gi rgyud lags par ma sbyangs na drag shul gyi sbyor ba'i nan gyis lha'i dngos grub thob par 'gyur ro? zhe na/ smras pa/ mtshan ma med pa la dga' bas/ mtshan ma med pa'i ting nge 'dzin gyis sbyangs pa dang/ mtshan ma la dga' bas mtshan ma'i ting nge 'dzin gtso bo byas pas sbyang ba gnyis las/ 'di ni mtshan ma la dga' ba'i rnal 'byor pas mtshan ma'i ting nge 'dzin gtsong byas pas sgrib pa sbyang ba'i thabs su bstan pa ste/ las kyi bye brag mi mthun pa du mar bstan pa yang/ yang nas yang du rnam pa
- 149a
du ma'i sgo nas sems sbyangs pa'i thabs su bstan pa ste/ sgrib pa zad par bya ba'i gnyen po'i thabs su gcig na yang bye brag mi mthun pa du mar bstan pa ni rgyal bas tshig gi tha snyad rim par phye nas gsungs pa'i mtshams phyed par bya ba dang/ sgrub pa po'i ting nge 'dzin dang las kyi rim pa mi mthun pa'i sgo nas du mar brgyud cing zhugs na/ sems skyo ba med cing ting nge 'dzin so ma brtsegs pas ngal dub med pa'i sgo nas sgrub pa myur du 'thob pa'i phyir bstan pa yin la mtshan ma med la dga' ba mtshan ma med pa'i ting nge 'dzin gyis sbyang ba'i thabs kyang 'di'i rtsa ba'i rgyud kyi skabs su lta ba'i dbang du gsungs pa dag kyang yin la/ phal du gzhung gzhan las gsungs pa yang mang bas 'dir mi smos te/ gsang sngags ni don rtags kyis 'jug pas 'dir spyod pa gtsong bstan pa yin par rig par bya'o/ /'di ltar bstan pa 'di yang rnal 'byor pas sgrub thabs gcig gi sgo nas lan cig tsam 'bad nas bsgrubs pa las ma grub du zin kyang thabs gzhan dang gzhan gyi sgo nas lan du mar 'bad nas bsgrubs na 'grub par des te/ rnal 'byor pa'i 'bad rtsol bskyed pa sems dang/ 'phags pa'i thugs rje'i gdul bya la dgongs pa snrel zhing gyur nas mi phrad pa mi srid ces pa'i don to/ /de ci'i phyir zhe na/ de tshe de'i ye shes ni/ 'grub pa nges par nye bar 'gyur zhes gsungs te/ drag shul rnam pa gsum gyis de ltar bsgrubs pa de'i tshe ye shes lha'i dngos grub gang 'dod pa de nges par myur du 'grub cing/ rtags dang mtshan ma 'byung zhing 'khor ba la nges par 'byung bar 'gyur ro/ /da ni sgrub pa chen po'i don bstan pa'i phyir na/ rigs kyi dbye ba'i sbyor bas ni/ /rdo rje phur bus phur bu gdab/ /de nas dbang du bya ba dang/ /bsrung ba'i sbyor ba dag
- 149b
kyang bya zhes bya ba la sogs pa gsungs te bsnyen pa dang/ nye ba'i sgrub pa yang dang yang du byas nas sems sbyang ba dang/ de ltar bsgrubs nas grub pa thob pa dang/ sgrub pa chen po'i bdag nyid lha'i skur snang zhing/ yum gyi mkha' dbyings nas dkyil 'khor gdon la 'phrin las sna tshogs par byed nus pa ste/ de yang rigs kyi bye brag mi mthun pa'i so so'i 'dod pa bzhin du gzungs btsal thabs tshul de nyid kyi ting nge 'dzin gyis gnas byin gyis brlabs te/ gsang ba'i pad+ma la rdo rje phur pas gdab par bya zhing/ dkyil 'khor bskyed pa dang/ gang 'dod pa'i las brtsam pa dang/ gnyis su na so so'i rigs kyi bye brag bzhin du las rnam bzhi brtsam zhing tshul de nyid kyis gdul bya'i gzugs la sogs rdo rje phur bu gdab par bya ba dang/ gang dbang du 'du bar 'dod cing mi 'jar ba dag bdag gi dbang du bya ba dang/ nad pa dang/ byis pa dang/ gdon gyis gnod cing 'tshe ba dang/ gnod cing 'tshe bar dogs pa dag bsrung bar bya ba yang/ sgrub pa chen po'i sbyor bas 'grub pa yin pas de lta bu'i bya ba sgrub pa chen po yum dang ldan pa'i tshul gyis sbyar bar bya ba 'am/ sgrub pa chen po'i yum dang ldan pas las dang bya ba de dag sgrub pa'i thabs kyis rim par sbyar bar bya'o/ /don de nyid kyi phyir na/ 'dod chags chen po'i tshul nyid kyis/ /ye shes 'khor lo can rnams bsdu/ /lha mo dgu ni spros nas su/ /bsgrub par bya ba'i lus la dgod ces bya ba la sogs pa gsungs te/ sgrub pa chen po'i don la spyod pa'i rnal 'byor pa 'dod chags chen po'i tshul gyis ting nge 'dzin gyis/ rnam par snang mdzad la sogs pa de bzhin gshegs pa'i rigs lnga'i ye shes kyi 'khor lo bkod pa ma lus bkun bsdus nas bdag gi lus la zhugs pa dang/ sangs rgyas spyan la sogs pa'i bud med rnam pa dgur gyur pa phyir phyung
- 150a
phyogs bcur spros nas kyang bya ba de tsam gyi so la bzhag pa'am ma yin te/ de dag gis 'dod chags spyod pa'i sems can thams cad kyi don mdzad nas zhes bya ba'i don to/ /de ltar don mdzad nas/ slar byon te/ bsgrub bya'i lus la dgod par bya zhes bya ba rang gi gzungs rig ma'i lus la gzhug par bya ba la ni dgong par bya zhes smos so/ /de ltar byas la las ji lta bur 'gyur zhe na/ /yongs su rgyur las phyag rgya bzhi'i/ /dkyil 'khor der ni brtag par bya zhes gsungs te/ de nas gzungs rig ma de'i lus las dkyil 'khor phyag rgya bzhi zhes bya ba sangs rgyas spyan la sogs pa'i yum bzhi phyir byung bar gyur te/ de dag gis de la kun nas yongs su grub bzhi pa'i tshul du bskor bar brtag go /le'u dang po las dam tshig gi dkyil 'khor gru bzhi par byin gyis brlabs te/ zhes gsungs pa yang don de nyid do/ /bdag nyid dbus su gnas byas la zhes bya ba ni bdag nyid yum bzhir bskor ba'i phyag rgya bzhi'i dkyil 'khor gyi dbus su rang gi rig ma dang gnyis su med pa'i sbyor ba'i phrin las la gnas par byas nas/ 'khor lo can kun bsdu bar bya zhes bya ba ni gnyis su med par rol pa sbyod ba'i bde ba'i sgra dang/ lhag par byang chub sems kyi 'od zer gyi kyo bas phyogs bcu'i de bzhin gshegs pa sras dang bcas pa'i ye shes kyi dkyil 'khor bkug cing lus la bsdus te/ bdag gi ba spu'i bu ga nas zhugs te lus la thim par bya'o/ /thams cad rdo rje'i dngos byas la/ /de 'og byang chub bsgom par bya ba ni de ltar thim pa dang lhag pa byang chub sems kyi ngo bor zhu nas/ yum gyi gsang ba'i kha la babs pa ni gsang ba li dbyen zhes bya la/ de la ye shes kyi sa bon ho oM A(rgyud 'grel): hUM ho(rgyud 'grel): zhes bya ba yi ge dkar ba dang/ dmar ba dang/ mthing kha gsum gyi mdza' hod dmar po gnyis kyis brten pa thon pa yang bsam
- 150b
bdag gis brjod cing de la bstim pa dang de ltar gsal bar yang bsam pa ni thams cad rdo rje'i dngos byas la zhes bya ste/ ye shes rdo rje lta bu'i don du ldan zhing sangs rgyas kun gyi dngos po de lta bur bsdu ba byas shing bsgom par bya'o/ /de nas yi ge hoM(rgyud 'grel): dmar pa dgyes po chen po 'dod chags kyi sems yi ge gsum dang yab yum gsang gnas su bcas pa zhu ste/ 'od kyi gong bur gyur pa 'am de gnyis su na yang yum thabs dang shes rab gnyis su med pa'i rol pa mdzad pa'i bde ba chen pos byas te/ rnam par mi rtog pa'i ngang du rmongs par gyur pa snang ba med cing mthong ba med pa'i ngo bor gnas pa la ni de 'og byang chub bsgom par bya zhes bya ste/ lhag pa byang chub sems yi ge gsum du gyur pa mthar bzhag pa'i hos bzhus pa de'i tshe 'od kyi gong bur gyur pa 'am/ de nyid kyang snang mthong med pa mi rtog par gyur pa la byang chub ces bya ste/ de lta bu'i ngang du yang nas yang du goms par bsgom pa la ni rnam par bsgom nyes bya ste/ de ltar yang rtsa ba'i rgyud kyi le'u gnyis pa las/ dngos po med pa bsgom pa med/ /sgom pa bsgom pa ma yin nyid/ /de ltar dngos po dngos med de/ /bsgom pa dmigs su med pa'o zhes gsungs pa'i don yang 'di nyid de/ ming gi rnam grangs mchog gi bsnyen pa ye shes 'dud rtsi zhes kyang bya'o/ /ci'i phyir zhe na/ 'dir ni rtag pa ther zug tu 'dzin cing mtshan mar blta ba'i rnam rtog gi bdud 'joms pa'i rtsi/ ye shes lnga'i ngo bo stong pa nyid bsgoms pa'i bag chags chos kyi sku dang nye ba'i phyir ro/ /de yang sems can gyi gnas skabs na srid pa bar ma do'i dri za nye bar 'khor ba lta bu skye bo sngon ma ni thal/ da dung phyi ma ni grangs/ len la khad par nye stobs su gnas pa'o zhes slob dpon gzhan dag smra'o/ /de lta bu'i ngang du gnas na rang gi lha mo mnyes pa dang 'gro ba'i bya ba mi 'grub pas de las bslang zhing 'gro ba'i don la gzung
- 151a
pa'i phyir/ bskul ba'i glu dbyangs bzhi yis ni/ /lha mos snying po bskul ba yis zhes gsungs te/ tshad med rnam pa bzhi yun ring po nas bsgoms pa'i bag chags brtags pa dang/ 'byung ba rnam pa bzhi gnas su dag cing sangs rgyas par gyur pa'i rang bzhin lha mo sangs rgyas spyan la sogs pa bzhi grwa bzhi'i mtshams nas bzhugs par rtag par yid la byed cing snying la mi brjed par 'dzin pa ni/ gtso bo yid la de la bskul nas rnam par mi rtog pa'i dang las bslad? pa'i phyir rtse ba'i rgyud kyi le'u bcu pa las gsungs pa'i dbyangs bzhis rim pa bzhin bskul ba'o/ /de ltar bskul ba de yis cir 'gyur zhe na/ ye shes lta bur lus bsgo mo zhes bya ste/ ye shes kyi khyad par ji lta bur dgongs shing dmigs pa bzhin du sku phyag rgya chen po yongs su rdzogs pa 'am/ gnyis su na ye shes gang gi ngo por gnas pa de lta bur lus phyag rgya chen po yongs su rdzogs pa 'am/ gnyis su na ye shes gang gi ngo bor gnas pa de lta bur lus phyag rgya chen por bskyed pa ste/ de'i rim pa yang 'od kyi gong bu 'am/ rnam par mi rtog pa 'am/ rigs gang yin pa'i yig 'bur 'gyur/ de las thugs mchan yig 'bru mtshan mar gyur/ de las 'od 'phros pas phyogs bcu dus gsum du gshegs shing bzhugs pa'i sangs rgyas yab yum sras dang bcas pa thams cad bkug cing sbyan drangs te/ slar 'dus pa thugs mtshan yig 'brur bcas pa la zhugs zhing thim pa las gang ltar 'dod cing ji ltar bsgom pa'i lha de'i gzugs su gyur par brtag pa'o/ /de ltar gyur bla thag du/ dus gsum rdo rje'i rang bzhin sems zhes bya ba ni de'i lus dag yid gsum ni dus gsum sangs rgyas thams cad kyi rang bzhin sku gsung thugs kyi rdo rje rnam pa gsum gyi dngos por bsgom par bya'o/ /drags pas kha dog rnam par dbye zhes bya ba ni
- 151b
rigs lnga 'am/ las bzhi gang 'dod par bsgom/ de'i ting nge 'dzin gyis sku'i kha dog kyang de bzhin du gyur par bsgom mo/ /de bzhin nyams kyi snying po ste zhes bya ba ni rgyu rkyen gyi ting nge 'dzin ji ltar bsgoms pas de goms pa mngon du gyur pa'i 'bras bu de bzhin du 'grub par bstan pa ni ro yis snying zhes bya ste/ de ni ting nge 'dzin gyi ro nyams su myong ba'i mtshan nyid de bzhin gshegs pa'i thugs ye shes dang dbyer med pa'i rang bzhin chos kyi sku dang mi gnyis par bstan pa'o zhes pa lta bu'o/ /dbang bskur bas ni rang gi rgyu zhes bya ba ni yab yum gnyis su med pa'i bde ba chen pa lhag pa byang chub sems kyis dbang bskur ba ste/ de'i 'bras bu ni rang gi rigs kyis bdag pes dbu la brgyan pa'o/ /gnyis su na rgyu dang 'bras bu'i tshul du dbang bskur bas gcig gi dbu rgyan du gcig gyur pa'o/ /bzhi yis 'bras bu che ba yin zhes bya ba ni sku gsung thugs kyi rdo rje rnam pa gsum ye shes sems dpa' dang bzhi'i bye brag mi mthun pa bsgoms pa'i 'bras bu nyid kyang so so'i gnas bzhin rang rang gi sku bzhugs par snang ba'o/ /sngaT kyis chos ni byed 'gyur la zhes bya ba ni man+t+ra'i sgras lha po'i mtshan nyid mtshon pa ste/ yab kyi gsang gnas 'dod chags chen po rdo rje chos kyi rang bzhin dbyer med par gyur pa'i rgyu rtse lnga par byin gyis brlab pa'o/ /rig pa 'am chos kyi phyag rgyas zhes bya ba ni rig sdugs ni pidyA zhes bya ba'i sgras lha mo'i mtshan nyid mtshon pa ste/ ye shes kyi yum rig ma myu gu dang grib ma bzhin du bskyed pa'i gsang gnas kyang 'dod chags chen po rnam par dag pa/ chos kyi phyag pad+ma 'dab ma rgyas par bskyed pa'o/ /'khor los sgyur ba'i rgyal po drug ces bya ba ni 'khor lo rgyun mi 'chad par 'khor ba bzhin du dbang po dang rnam par shes pa yul la rgyun mi 'chad par 'jug pa'i mtshan nyid can mig la sogs pa sa'i snying po la sogs pa'i byang chub sems dpa' drug du
- 152a
gyur cing snang ba'i/ /gtsug tor zhes ni rnam par grags zhes bya ba ni gtsug tor ri dpal so ni khyad par du 'phags shing gzhan zil gyis bnon pa ste/ de'i mtshan nyid dang mtshungs pa rnam par sdud? mdzad la sogs pa'i de bzhin gshegs pa lnga ste/ zag pa dang bcas pa'i phung po rnam pa lnga de lta bur gyur cing snang ba'o/ /rdzu 'phrul chen po langs spyod bzhi zhes bya ba ni 'byung ba chen po bzhi ni sems can thams cad kyi longs spyod 'byung ba'i rdzu 'phrul chen po dang ldan pa ste/ de'i mtshan nyid ni sangs rgyas spyan la sogs pa'i lha mo bzhir gyur cing snang ba'o/ /rig pa'i rgyal ma zhes byar grags zhes bya ba ni lag pa g.yas g.yon la sogs pa'i mtshan nyid ni gshin rje gshed la sogs pa bzhir gyur cing snang ba'o/ / de bzhin rdo rje'i bdag po rnams zhes bya ba ni sngar bstan pa de bzhin du gzugs la sogs pa 'dod pa'i yul drug po thams cad ni rdo rje'i bdag po ste/ sems dpa' drug la dbang byed pa/ gzugs kyi rdo rje ma la sogs pa'i lha mo drug tu gyur cing snang ba'o/ /'di dag gi rim pa thod rgal du 'byung ba ni rgyud dkrugs pa'i mtshan nyid can bas sgrub thabs kyi rim pa bzhin du rig par bya'o/ /lha 'di dag kyang rang bzhin gyis dkyil 'khor 'bras bu mthar phyin pa'i gnas skabs na ni 'di ltar mngon du 'grub cing 'khor du 'khod par snang ba yin la rnal 'byor bas ni bsgom zhing brtag pa'i rig pa'o/ /phyag rgya bzhis bskor ba'i gtso bo rdo rje sems dpa' 'dod chags chen po'i mes zhu ba la/ lha mo bzhi'i dbyangs kyi bskul nas skud bskyed pa 'di yang rtsa:? ba'i rgyud kyi gnas skabs na ni rdo rje 'dzin chen po las dkyil 'khor gyi bdag po rgyud 'chang pa'i ston pa'i sku bskyed pa'i gtan tshigs gsungs pa de 'dis mtshon par shes par bya la/ rnal 'byor pa'i gnas skabs na ni bdag
- 152b
gang la mos shing sgrub pa'i lha de dang por rdo rje 'dzin chen por bsgoms pa 'od du zhu ba 'am/ mi rtog par byas pa las bskyed pa'i skabs su bstan pa la rgyud phyi ma le'u bco brgyad pa 'dis ni bsnyen pa bzhi'i sgrub pa chen po mtshon cing bstan pa yin par shes par bya'o/ /de ltar bsgom pa'i yon tan bstan pa'i phyir na/ bsam gtan rdo rje thams cad la/ dbang bskur pa ni rab tu bsngags/ /cho ga'i sbyor ba 'di yis ni/ zhes gsungs te/ de ltar bstan pa'i bsam gtan ting nge 'dzin rtse gcig pa'i dkyil 'khor bsgom zhing de'i mngon du byed pa'i rim pa bstan pa 'di rnams kyis rnal 'byor pa gang gi rgyud la de ltar gnas shing zhen par gyur pa de ni dbang bskur ba'i don dang ldan pa yin pa/ sangs rgyas thams cad kyis kyang bstod cing bsngags par mdzad pa ste/ rang gi yul dang thabs gcig tu gnas pa'i cho ga 'di lta bu'i don tshang bar byas pa'i tshul gyis ni/ ye shes lus dang lhan gcig tu zhes bya ste/ bdag gi sems dang/ de bzhin gshegs pa'i ye shes su mnyam la/ bdag gi lus dang de bzhin gsheT pa'i skur mnyam ste/ dbyer med par gyur pa 'am gnyis su na ting nge 'dzin gyis ye shes kyis ji ltar bsgoms shing dmigs pa dang/ mnyam pa'i lus thob par 'gyur ro zhes bstan pa yin no/ /de'i thabs mdor bsdus pa ni/ sku gsung thugs kyi rdo rje yis/ /gnyis su med par sgrub byed pa zhes bstan ste bdag dang lha tha dad par gyur pa la gcig gis gcig la dngos grub sbyin pa lta bu ma yin te/ bdag gi lus dag yid gsum dang/ lha'i sku gsung thugs dang gnyis su dbye ba med par bsgoms te/ tha med par byas pa'i sgo nas bsgrub par bya ste/ de ni sbyor ba'i rgyud la khyad par yong par bstan pa'o/ /'di la ci'i phyir sgrub pa chen po zhes bya zhe na/ de'i don bstan pa'i phyir na/ sngar bshad pa yi
- 153a
rim gyis ni/ /rig pa'i skyes bu rdo rje can/ /bdag dang 'dra bar dkyil 'khor bskyed/ /sgrub pa chen po zhes bshad po zhes gsungs te/ ting nge 'dzin gong du smos pa'i rim pa nyid kyis rig ma dang ldan pa'i rig pa'i skye bu sku gsung thugs rdo rje can du bskyed nas/ byang chub kyi sems rdo rje bdag gis rtsa ba'i rgyud bzhi'i le'u dang po la sogs pa dkyil 'khor rim pa ji ltar bskyed cing byin pa dang/ de dang 'dra bar 'byin nus pa'i ting nge 'dzin nam ting 'din de dang ldan pa'i/ rnal 'byor pa de la ni sgrub pa chen po 'am/ sgrub pa chen po dang ldan pa zhes bya'o/ /de ni bdag gis don bsdus nas bstan pa'i phyir na/ bsnyen pa'i dus su gtsug tor che ba'i sbyor ba nyid kyi gzugs su dmigs zhes bya ba la sogs pa gsungs te/ de la bsnyen pa'i dus ni don dam pa'i byang chub kyi sems gtsor byas nas/ oM shU n+ya tA zhes bya ba dang/ d+ha rma d+hA tu zhes bya ba la sogs pa'i sngags brjod nas zla ba dang rdo rje la sogs pa'i rim pas/ dpal rdo rje 'dzin chen po la sogs pa'i sku phyag rgya chen po bskyed pa la ni gtsug tor chen po'i gzugs zhes bya ste/ de ni gtsug tor ram dpal lta bur khyad par du 'phags shing/ gzhan zil gyis gnod pa'i stabs dang yon tan mngal ba ste/ de gsang ba nyid du dmigs pa'i ting 'dzin gyi sbyor bas bsgoms shing yum dang yang ldan par bya'o/ /'o na le'u bcu gnyis pa las/ bsnyen pa'i ting nge 'dzin rab sbyor ba/ byang chub mchog ni bsgom par bya zhes 'byung ba dang mthun par slob dpon kha cig na re bsnyen pa stong pa nyid du bsgom ba'o zhes zer na/ 'dir phyag rgya chen por bskyed par gsung ba mi mthun pa ji ltar rig par bya zhe na/ smras pa 'dir byang chub mchog ces smos pa ni shes rab dang snying rjer 'brol pa'i ngo bo ste/ shes rab kyi stong pa nyid kyi mngon par byang chub pa bsgoms
- 153b
nas snying rjes thabs phyag rgya chen po mngon par byang chub sgom pa bstan par zad kyi stong pa nyid du bsgom pa ni bsnyen pa zhes bya ba'i sgra de yang mngon par 'gyur te/ de ltar yin pa'i gtan tshigs/ rgyas par sngar bstan zin to/ /nye bar sgrub pa bsgom pa'i ri dus su ni bsnyen pas bskyed pa'i lha de'i thugs kar ye shes sems dpa' bzhugs pa la sogs te/ yan lag bzhi la khro bo bzhi bsgom pa ni bdud rtsi 'khyil pa tha mar smos pa la thug gi bar du gsal bar bsgom pa la bya ste/ de'i don yang rgyas par sngar bshad pa bzhin du shes bar bya ste/ gsang ba'i mtshan ma la khro bo bdud rtsi thab skyong ba'i gzugs bsgom zhes 'dris kyi rim pa'i mdza' bzung bar shes par bya'o/ /'o na le'u bcu gnyis pa las/ nye bar sgrub pa grub mchog la/ /rdo rje skye mched rnam par brtag ces gsungs pa'i don ni skye mched drug la sems dpa' drug bsgom pa 'ba' zhig du 'byung na 'di ltar bstan par ji ltar rig par bya zhe na/ smras pa/ de skad mgo smos pas mtshon nas bdud rtsi 'khyil pa la thug gi bar du bsgo mo zhes gsungs pas der ni 'dres kyis rim pa'i mgo smos la 'dir bstan pas mjug bsdus pas lta ba tshang bar bsgom dgos par mngon te 'gal ba mong par rig par bya'o/ /nye bar sgrub pa'i dus su ni/ bdud rtsi 'khyil pa'i gzuT kyi bar/ /sngags pa cho ga shes pa yis/ /sgrub pa rang lha'i sbyor bas bya/ zhes bya ba ni bsgrub pa'i tshe na ni rdo rje 'dzin chen po la sogs rang gi lha sngar gang bsgoms pa de'i rang bzhin du ting nge 'dzin gyis dbyer med par sbyor ba bsgom ste/ sgrub pa chen po'i dus su ni zhes bya ba ni/ de'i gnas gsum du yi ge 'bru gsum las sku gsung thugs kyi rdo rje rnam pa gsum bskyed la/ /dpal ldan rdo rje sku 'chang ba zhes bya ba la sogs pas bskul zhing gsol ba gdab pa dang/ yab yum
- 154a
gnyis su med pa'i sbyor ba la bskul ba dang/ lha'i dkyil 'khor la bskul ba'i don le'u bcu gnyis pa las/ sgrub pa'i dus na skul bar gsungs/ /sngags kyi bdag po bsgom par bya/ /sgrub pa chen po byed pa'i che? gsang sngags rdo rje can gyi gzugs/ /dbu rgyan la ni bdag por bsgom/ /ye shes rdo rje 'grub bar 'gyur/ zhes bya ba la sogs pa gsungs pa'i tshig la kha drag gnyis su sbyar nas bshad pa'i don rgyas pa sngar bstan pa lta bu la bya ste/ lha de dang ting nge 'dzin des gzhan bskul zhing rol pa brtsam par bya'o/ /'o na kha cig na re/ bskul ba'i kho na 'o zhes zer/ kha cig na re lus ngag byin gyis brlab pa'o zhes zer na/ de dang mi mthun par ston pa ci'i phyir zhe na/ smras pa/ 'dir sku gsung thuT rdo rje la bskul dgos pa'i phyir na 'di ltar bstan to/ /sgrub pa chen po bsgom pa'i dus su ni sangs rgyas thams cad kyi bdag po dkyil 'khor gyi yang mda' bdag rdo rje 'dzin chen po 'am/ rgyud 'chang ba'i ston pa byang chub sems rdo rje yin mod kyi/ / 'on kyang sngar gang bsgoms pa'i lha nyid kyi ye shes sems dpa' i thugs ka nas 'od zer 'bros pa 'am/ yab yum rol pa mdzad pa'i bde ba'i sgras phyogs bcu'i de bzhin gshegs pa thams cad bkug nas/ bdag gi ba spu'i bug nas thim pa lhag pa byang chub sems kyi ngo bor zhu ba yum gyi mkha' la babs pa/ yum gyi ba sbu'i bu ga nas lha mo bdud rtsi'i bum pa thogs par gyur te/ slar byung bas bdag gi mgo bor dbang bskur te/ thim pa las rang gi rigs kyi bdag pas dbu la brgyan pa ste/ 'di'i don yang rgyas par bstan pa las rig par bya'o/ /dkyil 'khor gyi lha thams cad la ji ltar dbang bskur ba'i thabs kyang sngar bstan pa bzhin no/ /'o na gong du smos pa'i rim gyis ni/ /rig pa'i skyes bu rdo rje can/ /bdag dang 'dra bar dkyil
- 154b
'khor bskyed/ /sgrub pa chen po zhes bshad do/ /zhes gsungs pa de dang mi mthun pas 'gal lo zhes smras pa/ dad bor bsnyen pas lha bskyed pa nas bzung ste/ tha mar dbu rgyan la bdag po bsgoms pas dbang bskur ba la thug gi bar du bsgoms nas/ gdod gnyis su med pa'i rol pa spyad pa'i byang chub sems rnam gnyis dang/ sa bon rnam gnyis dbyer med pa las gsang ba'i dkyil 'khor bskyed cing phyi rol du spyan drangs nas rdul tshon du dgod pas mi mthun pa 'gal ba med do/ /'o na bsnyen sgrub bzhi yan lag chod par bsgoms pa'i gnas skabs so sor dgos pa de dag sgrub pa chen po'i skabs chang bar bsgom zhes gsungs pa/ ci'i phyir zhe na/ bsnyen pa la sogs pa bsgom pa'i skabs su dgos pa de dag kun sgrub pa chen po'i skabs su tshang bar bya dgos la/ bsnyen pa la sogs pa gsum pa ni sgrub pa chen po'i skabs kyi don tshang ba ma yin pa'i phyir na/ 'di ltar bstan pa la 'gal ba'i nyes pa med do/ /da ni de'i yon tan bstan pa'i phyir na/ gtso bo sangs rgyas bdag po'i sku/ /'di ni rdo rje can kun dang/ rnal 'byor mchog gi gang ba che/ /de lta'i rnam phyes shes phyes nas zhes gsungs te/ /de ltar bstan pa dang 'og nas 'byung ba'i don 'di ni sku gsung thugs rdo rje lta bu dbyer med pa'i ye shes lnga pa'i sangs rgyas ma lus pa thams cad kun gyis spyod yul du 'gyur gyis/ phal gyis rtogs par dka' bas gsang chen zhes bya ba yin no/ /'di ltar bstan pa 'di yang sangs rgyas gcig kho na 'ba' zhig bsgoms pas 'grub par nus kyi gzhan gyis mi 'grub pa ma yin te/ sangs rgyas rigs so so'i gang yin pa'i ting nge 'dzin gyi cha de ltar bsgoms pas de dang de'i spyi'i rgyud la mnga' ba'i dngos grub mchog gzhan dang thun med du ma gyur pa de bsgrub par bya'o zhes bstan to/ /dngos grub mchog ni bsgrub par bya zhes pa gsang ba'i thog
- 155a
ba'i lam gyis mngon par byang chub pa'i sangs rgyas rnams kyi rdo rje theg pa'i mi gnas pa'i mya ngan las 'das pa rang bzhin gyis zhi ba mchog gi dngos grub dam ba de ni bsnyen sgrub yan lag bzhi 'phrugs shing ma nor bas bsgom ba'i thabs 'di lta bu la 'bad pas 'grub par 'gyur gyi/ de las gzhan du gyur pa'i thabs dag gis ni bsgrubs kyang 'grub par mi 'gyur ro zhes gsungs so/ /la la na re bsnyen dus gtsug tor chen po las/ bdud rtsi thab sbyor dang/ yi dam gyi lha dang/ byang chub sems rdo rje rnams ni bsnyen sgrub kyi lha zhes bya ste/ de bzhis bsnyen sgrub bzhi bsgoms pa'i dus su bdag bsgom pa dang/ mtshams bcad pa gnyis ka la sbyar bar bya'o/ /zhes zer na/ lan du de lta na ni bsnyen sgrub yan lag bzhi re re'i gnas skabs su lha re re bsgom na ni lha gcig la bzhi char ma tshad la/ 'di bzhi kho na bsgam na ni lha gzhan dang ma 'brel zhing de'i skabs bgegs bskrad cing mtshams bcad dgos na yang bya ba'i rgur ltar rtog pa can du 'ang 'gyur la/ lha gcig tu nges par bcad pas rgyud kyi don dang 'gal ba'i nyes par 'gyur bas mi rigs so/ /nga ni sbyor ba'i bsnyen sgrub bzhi bstan pa'i phyir na mnyam sbyor las/ bskal ba bya bar mi 'gyur ba/ /de 'dir myur bar bsgrubs na 'grub ces gsungs/ 'dir sangs rgyas rnams kyi bskal pa bye ba stong du byang chub sems rnam gnyis la sbyor ba goms par byas pas 'bras bu bsnyen zhes gsungs te/ de gnyis mi mthun pa ni lan rgyud so so nyid las gsal lo/ /gzhan du bskal pa phye bas ni/ / sangs rgyas skyob pa rnams kyi kyang/ /dngos grub mchog ni zhi ba dag /nges par 'byung bar mi 'gyur ro/ /zhes bya ba la sogs pa smos te/ phyogs bcu dus gsum gyi sangs rgyas rnams kyis bskal ba bye ba stong gi bar du byang chub sems rnams gnyis
- 155b
la sbyor ba goms par byas pas byang chub sems rdo rje grub pa bsnyen pa'i phyir na/ bsgrub bya sgrub par yang dag spyod/ /gang yin de ni bsnyen par bshad/ /ces bya ba bdag yab yum byang chub sems rdo rjer 'grub par byas na/ byang chub sems rnam gnyis skye ba med par sgrub pa la sbyor ba zhes pa las byang chub sems rdo rje'i dngos grub 'byung ba bsnyen pa zhes su gsungs/ /don dam pa byang chub sems shes rab kyi stong pa nyid du bsgom pa dang/ kun rdzob byang chub sems snying rjes thabs phyag rgya chen por mngon par byang chub pa'i bsgom pa ni bsnyen pa'o/ /nye ba'i bsnyen pa ni de ltar byang chub rnam gnyis rtogs pa sku phyag rgya chen por bsgom pa'i sgo nas yab yum rdo rje dang pad+mar sbyor ba la bya ste/ rdo rje pad+ma mnyam sbyor ba/ /nye bar sgrub pa zhes bshad do/ /zhes gsungs so/ /sgrub pa ni yi ge hUM dang phaT ldan pa/ /bskyod pa sgrub zhes bshad pa zhes bya ste/ hUM gi rdo rje pad+ma bskyed/ phaT kyis gsang lam rnam gsum sbyang zhing/ pad+ma kha phye/ phyag rgya bzhi dang ldan pas yan lag bskyod pa ste/ hUM phaT bskyed pa dang gsum du ldan ba'o/ /sgrub pa chen pa ni/ ngo bo gnyis ni zhi bde ba/ /sgrub pa chen po zhes bshad do/ /zhes gsungs te/ byang chub sems rang bzhin nyid kyi sgo nas zhi zhing rnam par dag pa gsang ba'i mkha' la babs nas yum yang bde ba chen pos myos te/ de'i nang du mtshungs par gyur pa'o/ /rgol ba pa na re bsnyen sgrub rnam pa bzhi zhes ming dang grangs mthun pa la tshig mi mthun par ston pa ci'i phyir zhe na/ smras pa/ thun mong dang mchog gi bye brag dang/ lta ba dang spyod pa la dga' ba'i dbang du byas nas de ltar bstan pa yang 'gal ba med cing rigs la gnyis su na sbyor ba chen po'i lugs kyis ting nge 'dzin bsgom pa'i rim pa yan lag rnam pa bzhir phye ba de yab yum shal sbyor zhing gnyis su med pa'i rol par rtsam pa'i dus na/ gnas
- 156a
skabs der yan lag bzhi chang bya bar gsungs pa yang rigs pa ste/ 'gal ba med do/ /da ni bsnyen bsgrub rnam pa bzhi'i rang bzhin dang/ yon tan du bcas pa'i phyir na/ dpal ldan sangs rgyas kun gyi bdag /rdo rje 'chang ba chen po'i gnas/ /sangs rgyas kun gyi thabs las byung/ /de nyid chos rnams chos nyid do/ /zhes bya ba la sogs pa gsungs te/ bsnyen sgrub yan lag rnams pa bzhir bstan pa 'di ni bdag gzhan gyi dpal zab pa dang/ rgya cha ba phun sum tshogs pa dang ldan pa'i sangs rgyas ma lus pa kun gyi bdag nyid phyogs bcu dus gsum gyi rdo rje 'chang ba ma lus pa kun gyi 'byung gnas dang/ gshegs shul dang bzhugs par chos rnams kun gyi chos nyid dus gsum du 'dus ma byas pa dang yang tha mi dad pa yin/ /phyogs bcu dus gsum gyi sangs rgyas thams cad ma lus pa kun gyi sku dang ye shes bskyed pa'i rgyu 'am/ sangs rgyas kun gyi thabs mkhas pa'i mdzad spyod kyis 'gro ba skal pa yod pas sgrub pa dang/ skal ba med par yang de'i sgo nas sam byin gyis brlabs kyis khams gsum 'khor ba las sgrol bar byed pa'i lam dang/ gru gzings sam bzhon par gyur pa yin te/ don de nyid kyi phyir na/ las dang rjes mthun gang gang gis/ /rnal 'byor pa yis sbyor ba dmigs/ /dkyil 'khor de dad de bskyed na/ zhes gsungs te/ lha gang dang gang bsgom zhing bsgrub 'am/ las gang dang gang brtsam par 'dod na yang dngos po de la rjes su mthun par de ltar 'dod pa'i rnal 'byor pa des ting nge 'dzin dang las kyi sbyor ba dmigs shing bsgom pa 'am/ brtsam par byas nas 'grub par 'gyur la/ de'i thabs kyang dang por lha gang bsgom pa dang/ lha gang brtsam pa'i lha de'i dkyil 'khor thams cad ma lus par bskyed cing
- 156b
gsal bar bsgoms nas/ dam tshig mi zad bsgom par bya/ zhes pa de nyid kyi dam tshig bsrungs na de bzhin du gang 'dod pa 'grub pas na mi zad ces bya ste/ de yang theg pa 'og ma ltar lus dang dag gtsor byas nas bsrung ba ma yin gyi/ sems gtsor byas nas ting 'dzin gyis bsrung dgos pas na/ bsgom par bya zhes gsungs pa'o/ /de ltar bstan pa'i bsnyen sgrub yan lag bzhi bo de'i dkyil 'khor bskyed cing sbyor ba bsgom pa'i tshe dam tshig bsrung bar gsungs pa de yang ji lta bu zhe na/ de nyid kyi phyir na/ sku gsung thugs kyi rdo rje yis/ /dam tshig dang po bsrung bar bya/ /de nas gtsug tor dam tshig ni/ /cho ga ji skad gsungs las byung/ /zhes bya ba la sogs pa gsungs so/ /bsnyen sgrub yan lag rnam pa bzhi ting nge 'dzin la ma zhugs pa'i sngon rol nas dam tshig bsrung bar bya ste/ de yang sku gsung thugs rnam pa gsum gyi dam tshig gam/ yang na gtsug tor bya ba sangs rgyas la smra ba'i skra yin pas/ gtso bo byang chub sems rdo rje 'am/ rigs lnga'i dam tshig sgra gsum mam/ sems nyid legs par sbyangs la 'di nyid las cho ga ji skad gsungs pa bzhin du/ las dang gang gang rjes mthun pas zhes bya ste/ gang bsgom zhing bsgrub pa dang/ gang brtsam par 'dod pa de'i las dang rje su mthun par bdag gi dkyil 'khor gsal bar bskyed cing de dang gnyis su med par bsgom par bya'o/ /da ni zhus tshig lnga bcur lnga pa/ rnal 'byor rdo rje can kun gyi/ /bka' ni ji ltar bsgom par bgyi/ /zhes pa'i lan ni 'di yan chad du gsungs pa dang/ 'di man chad/ 'byung ba de bzhin du bka' stsal pa yin pas dkyil 'khor rnam pa gsum du bsgom pa'i rnal 'byor pas/ ston par ji skad gsungs pa'i don 'di bzhin du rang gi slob ma dang sngags kyis nges par 'byung ba'i skal ba yod pa'i gdul bya la
- 157a
bka' stsal par bya'o zhes spyir sbyar bar bya'o/ /la la na re/ bsnyen pa'i ting 'dzin rab 'byor ba/ /zhes bya ba nas/ sngags dang de nyid dngos grub pa'o/ /zhes pa'i bar gyi tshigs bcad phyed dang bzhis bsnyen sgrub yan lag bzhi mjug bsdus pa bzhin du bka' stsal bar bya'o/ /zhes zer na/ de yang 'gal ba ni med na sngar bstan pa nyid rigs par snang ngo/ /da ni zhus tshig lnga bcu rtsa drug pa ste tham zhi ba la sogs pa'i las cha phra ba sna tshogs pa rnams ji ltar bgyi zhes pa'i lan du bsgrub bya'i lus gang yin pa la'ang/ /dkyil 'khor rnam par bsgoms nas su/ /de yi lus gnas 'khor lo la/ zhes bya ba la sogs pa gsungs te/ gdul bya gzhan la phan gdags pa dang/ gnod par bya ba gnyi ga'i thabs kha brag gnyis su bshad de/ de yang dang por phan gdags pa'i thabs bstan te/ yams dang nye bar 'tsho ba kun/ /zhes bya ba bsgrub bya gang yang rung ba gang zhig gi lus sems kyi rgyud la gdon 'byung pos zin tam/ nad kyis btab par gyur pa de'i lus la yang ting nge 'dzin gyi sbyor ba 'di lta bu mngon du bya ste de'i nyes pa bsgrag par bya/ zhes pa sngar gsungs pa bzhin du phung po lnga rigs lnga la sogs pa nas bdud rtsi 'khyil pa la thug gi bar du lha'i dkyil 'khor gyi rnam par bsgoms nas bsgrub bya de'i lus kyi rang bzhin du gnas pa'i 'khor lo de la bsgrub bya de'i rgyud la gnod pa'i bgegs sam nang kyi gnod pa'i nyes pa de dag kyang gnas par bsgom par bya'o/ /de nas de rnams des bcom nas/ byung bar gyur par rnam par bsgom zhes bya ba ni/ dper na mar khol ba dang chu lhan cig na gnas bar ma btub pa bzhin du lta'i dkyil 'khor dang nad bgegs kyi nyes pas gnod pa byed pa'ang lhan cig tu gnas par mi rung ste/ gcig gnas na
- 157b
gcig 'gag pa 'am gcig gis gcig spong bar byed par bstan te/ geng ma lta bu bsgom par byed pa'i sngags mkhan ni rnal 'byor pa de'i bgegs sam/ nad gyi gnod pa de ni lha'i dkyil 'khor bsgom pa des bcom zhing gsal te/ gdon nam nang kyi nyes pa de ni bsgrub bya de'i lus las phyi rol du 'byung bar bsgoms nas gdon dang nad kyi dngos po gang yin pa de dag ma lus par thams cad lcags kyus drad pa dang/ zhags pas bcing ba la sogs pa bya ste/ kyang bya ba drangs ba tsam kyi sar gzhag pa'ang ma yin te/ 'a na ji lta bur bya zhe na/ de rnams kyi ni phur bus gdab ces te/ rang gi mthus sku gsung thugs kyi dkyil 'khor du bsgoms pa la 'khor lo zhes bya ste/ de'i phur bus bgegs sam nad kyi nyes pa de dag la/ gdab bo/ /gnyis su na bgegs sam nang kyi nyes pa de rang gi ngo bo las tha snyad du 'khor lo zhes bya ste/ /de phur bus gdab par bya'o/ /kha brag gnyis pa gzhan la gnod pa bya ba thabs su bstan pa ni/ bsgrub bya'i lus gang yin pa la'ang/ dkyil 'khor rnam pa bsgo nas nas su/ /de yi lus gnas 'khor lo la/ /de yi nyes pa bsgrag par bya/ zhes bya ba gang zhig la gnod par bya bar 'dod pa'i bsgrub bya yod na bdag nyid lha'i dkyil 'khor rnam par bsgom zhing bsgrub bya de'i lus dang sems kyi ngo bor gnas pa la tha snyad du 'khor lo zhes bya ste/ /de la bsgrub bya de'i sgo gsum nas gzhan la gnod pa ci dang ci byas pa'i nyes pa de yang bag chags stug po dbyibs mi mthun par gnas shing chags par bsgom par bya'o/ / de nas de rnams des bcom nas/ /byung par gyur par rnam par bsgom/ /zhes bya ba de ltar bsgoms pa'i mkhan po rnal 'byor pa de'i sdig can gyi lus sems kyi rgyud nyes pa dang bcas pa de ni bdag gis bsgoms pa dang de rang gi rgyud las bsgoms
- 158a
pa des bcom ste/ de'i sems nyes pa'i bag chags dang bcas pa de ni lus kyi ba spu'i bu ga nas phyir byung bar rab tu bsgoms nas/ sems kyi dngos po lus dang bcas pa ma lus pa thams cad lcags kyus bkug cing zhaT pas bcings pa la sogs pa byas nas rang gi rgyud lha'i dkyil 'khor du bsgoms pa'i 'khor lo phur bus gdab par bya'o zhes bstan to/ /cho ga de las gzhan yang bstan pa'i phyir/ ji skad gsungs pa'i rdzas rnams kyis/ /de dag gzugs brnyan byas nas ni/ /khros pas khyab pa'i sems kyis ni/ /rkang pas mtshan ma mnan par bya/ /zhes bya ba la sogs pa gsungs te/ sngar rtsa ba'i rgyud las ji skad gsungs pa'i rdzas grog mkhang gyi sa dang/ dur khrod kyi sol ba dang/ rkang rjes kyi sa la soT pa sa ldan pa btsags pa la bsgrub bya gang yin pa de'i gzugs brnyan bya ste/ khro bo gang yang rung ba'i ting nge 'dzin du bsgoms pa'i sems kyis mtshan ma'i gzugs kyi yi ga de dag gi rkang pas kun tu khyab par mnan nas/ de nas bka' gnod khro bo ni/ sna tshogs tshogs kyis bskor ba rnams/ /sgrub pa rdo rje can gyis ni/ /bsgrub bya gsang phyir btang bar bya/ zhes gsungs te/ de yang rtsa ba'i rgyud las/ bdag yab yum gyi sbyor mtshams nas phyung ba dang/ 'od zer gyi kyo ba phyogs bcu'i tshogs thams cad spyan drangs te bdag gi drung du ltags khro bos bdag la bka' nod cing ci bgyi zhes 'dud pa'i 'khor khro bo rang khro mo dang/ mgo brnyan dang/ pho nya dang/ mgo brnyan mo dang/ gcan gzan pho dang/ gcan gzan mo dang/ 'dab chags pho mo la sogs pa gzugs tha dad cing cha lugs sna tshogs pa 'jigs shing skyi bur bar byed pa'i tshogs kyi bdag nyid la bskor ba dang de nyid kyi phyir na/ khro bo'i rgyal po des bskor nas/ de ni bcing zhing brdeg pa dang/ de nas brdungs shing sgrag gyur pa/ /sgrub pa pos ni bgug
- 158b
par bya/ zhes gsungs te/ de nas khro bo dang khro mo'i tshogs de dag gis bsgrub bya de ni zhags pa dang/ lcags sgrog la sogs pas lus bcings shing thob dang gtun shing la sogs bas snang par brdabs pa yis lus sems kyi rgyud kun tu 'jigs shing skrag par gyur nas de ma thag tu lcags kyu la sogs pa'i 'phro 'dus bsgrub bya bkug cing drang bar bya ste/ des ci byed ce na/ rdo rje gsum gyi sngags kyis ni/ /de'i gzugs brnyan la phab nas/ /sngags pas rdo rje dag gis ni/ /spyi bo mgrin pa snying kha ru/ / phur bu'i sngags kyi phur bu gdab/ ces gsungs te/ sngar bshams pa'i gzugs brnyan la phab nas zhags pa dang lcags kyu la sogs pa'i phyag rgya sngar gyi dbyer med par byas nas dag gi gnas 'gul ba dang/ de bzhin du sems kyi gnas snying kha dang/ lus kyi gnas spyi bo gsum du sngags kyi phur bus btab la sgo gsum gyi rten med par bya'o/ /ni lta bur bsgoms pa'i phur bus btab ce na/ sku gsung thugs rdo rje rnam pa gsum du bsgoms shing byin gyis brlabs pa'i phur bus gdab par bya'o/ /gzhan yang bsgrub bya de la yang dang yang du gnod par bya ba dang so so na gnas pa'i sems can rnams la mi ma yin pas gnod pa bsal cing/ snying brtse ba chen pos phan gdags pa'i phyir dang/ de ltar snang ba de yang brtan par gyur pa dang/ gsang pa'i rdo rje lam nas phyung la yab yum gyi gsang ba'i mkha' i dbyings gang ba dang/ phyi rol gyi nam mkha' i khams khyab par spro bar bya ste/ gtong ba dang sbyor ro/ /sbyor ba yan lag drug bstan pa'i lnga pa rjes su dran pa ni/ /de ltar mtshan ma lnga byung nas sgro ba'i tshe yang rjes su dran pa dang ldan par spro ste/ de'i phyir na/ de la so sor snang gyur na/ /rjes su dran par shes par bya'o/ /zhes gsungs te/ de ltar bsgoms pa'i rnal 'byor pa'i sems dang dbang po'i ngag la/ rigs gang dang gang yin pa'i yig 'bru
- 159a
dang thugs mtshan nam sku snang bar gyur na/ de'i tshe rjes su dran pa bcu drug dang ldan par sbros te/ rjes su dran pa bcu drug ni rtsa ba'i rgyud le'u bcu bdun pa las 'byung ste/ de la don gsum ste/ rjes su dran pa'i 'bum dang/ de byon? gyis brlab cing bsgoms pa dang/ rjes su dran pa bcu drug bsgoms pa'o/ de la rjes su dran pa'i yum ni/ /le'u de nyid las/ bud med gzugs bzang mdangs bzang ba/ /lo grangs bcu gnyis lon pa ni/ zhes gsungs te/ byin gyis brlab pa'i gnas gsum gyis bya ba nas yid du 'ong ba bsgom par bya/ zhes 'byung ba'i bar gyis bstan/ rjes su dran pa bsgom pa ni/ yum gyi mkha' dbyings su bsgom pa ste/ de dag kyang le'u de nyid las sangs rgyas rjes su dran pa ji ltar bsgom zhe na/ sangs rgyas rnam par snang mdzad yab yum du bsgoms pa'i ba spu'i bu gnas kun nas sangs rgyas yab yum spro ba'o/ /de bzhin du chos dang/ rdo rje dang/ rigs rjes su dran pa zhes bya ba'i rin po che dang khro bo rjes su dran pa ste/ lnga pa yang tshul gom bzhin du spro ba bya'o/ /dam tshig rjes su dran pa ji ltar bsgom zhe na/ bdag yab yum gyi khu bas rdo rje sems dpa' mchod pa'o/ /dkyil 'khor rjes su dran pa ji ltar bsgom zhe na/ yab kyi khu ba phyung ste/ yum gyi mkha' la dkyil 'khor zlum por bsgom ste/ lha rnams bsgoms pa'o/ /sku rjes su dran pa ni/ bdag sangs rgyas kyi skur bsgom pa ste/ sku gsung thugs rjes su dran pa yang tshul de bzhin du'o/ /de la sems can rjes su dran pa ni/ sems can thams cad kyi sems tshur bsdus te/ sku gsung thugs kyis byin gyis brlabs pa'o/ /sngags thams cad kyi gzugs dang sku gsung thugs rjes su dran pa ji ltar bsgom zhe na/ rdo rje sngags thams cad kyi sku gsung thugs gang yin pa de nyid bdag yin par
- 159b
bsgom pa'o/ /dam tshig rjes su dran pa bsgom pa ni/ yab yum gyi khu ba btung ba dang/ de bzhin gshegs pa'i 'khro sbro ba gnyis so/ /shes rab kyi pha rol tu phyin pa rjes su dran pa bsgom pa ni bdag nyid kyi chos thams cad skye ba med pa/ zag pa med pa/ byang chub med pa/ rtogs pa med pa/ 'byung ba med pa/ rjes su dran pa'o/ /ma skyes pa rjes su dran pa bsgom pa ni rang bzhin gyis mtshan ma med pa mi 'gyur ba gnyis su med pa ma yin pa/ zhi ba dri ma med pa/ nam mkha' lta bu'o/ /zhe sdang gi rigs pa sogs pa mchod pa rjes su dran pa bsgom pa ni/ /bud med lo bcu gnyis lon pa la rigs kyi tshul bzhin du sbyang te/ bdag gi khu bas mchod pa bya ba'o/ /rjes su dran pa'i yon tan ni dngos grub mchog dang phra mo kun 'grub ste/ 'dis ni de bzhin gshegs pa'i sku zhes pa dang/ gang gzhan phra mo bshad pa rnams/ /rdo rje mi phyed gsum bsgoms te/ /bzlas pa tsam gyis de 'grub 'gyur zhes bya ba la sogs pa gsungs te/ rgyas pa rtsa ba'i rgyud kyi le'u de nyid nas 'byung ngo/ /da ni sbyor ba yan lag drug bstan pa'i tha ma ting nge 'dzin ni/ thabs dang shes rab snyoms 'jug cing/ /dngos po thams cad bsdus nas su/ /kun bsdus gong bu'i tshul gyis ni/ /gzugs kyi nang du bsgom par bya/ /ye shes yud tsam gyis rdzogs pa/ / ting nge 'dzin zhes bya ba yin/ /zhes gsungs te/ phyi nang gi dngos po kun bsdus nas 'od kyi gong bu gcig tu byas te/ bdag nyid thabs dang shes rab tu bsgoms pa'i ba spu'i bu gar bcug cing mkha' dbyings su bsgoms te/ gong du rjes su dran pa'i dus su spro ba kun yang bdag yab yum gyi byang chub sems la bsdus te/ ye shes kyi ngo bor gyur nas yud tsam gyi ye shes lnga rdzogs pa'i ting nge 'dzin bsgom pa'o/ /da ni sbyor ba'i yan lag drug bsgoms pa'i yon tan bstan pa'i
- 160a
phyir na/ so sor spong ba snyoms 'jug na/ /thams cad byin gyis rlob par 'gyur/ /bsam gtan ye shes snyoms 'jug na/ /mngon par shes pa lnga 'thob 'gyur zhes bya ba la sogs pa gsungs/ so sor spong ba la snyoms par 'jug na de'i yon tan ni/ sangs rgyas thams cad kyis kyang bdag tshur byin gyis rlob la/ bdag gis dgos pa thams cad sangs rgyas kyi rang bzhin du phar byin gyis rlob nus par 'gyur ro/ /bsam gtan gyi ye shes la snyoms par 'jug na/ /de'i yon tan ni snyoms par 'jug pa bzhi thob nas mngon par shes pa lnga thob nas/ 'gro ba 'dul zhing tshogs rdzogs par 'gyur ro/ /dbugs dgag gtong bar nges pa ni/ /byang chub sems dpas gzigs par 'gyur/ / rtag tu gzung ba sdom ldan de/ rdo rje sems dpa' yang dag 'jug ces bya ba ni/ dbugs dgag pa dang/ btong ba nges par mngon du byar na de'i yon tan ni byang chub sems dpas bdag la gzigs shing phan 'dogs la/ bdag gis kyang phar mthong bar 'gyur ro/ /rtag tu bzung ba bsgom pa'i yon tan ni/ chos nyid kyi stobs dang ye shes kyi stobs rnam pa gnyis sam/ bzhi thob nas rdo rje sems dpa' dang sbyor yul gcig par 'jug nus par 'gyur ro/ /rjes su shin tu sbyor ba las/ / 'od kyi dkyil 'khor 'byung bar bya/ /ting nge 'dzin dbang du gyur tsam gyis/ sgrib pa med dang ldan par 'gyur zhes bya ba/ rjes su dran pa bcu drug gi rang bzhin du sbyor ba'i ting nge 'dzin bsgoms pas ni de bzhin gshegs pa'i rang bzhin gyi 'od 'phros nas stong gsum gyi stong chen por khyab pa dang bsdus na 'dom gang ba lta bu dang ldan par 'gyur ro/ /ting nge 'dzin bsgoms pa dbang du 'gyur ba'i yon tan ni sgrib pa'i tshogs thams cad ma lus par byang nas 'tshang rgya bar 'gyur ro/ /
- 160b
da ni nye bar sgrub pa bstan pa'i phyir na/ zla ba rdo rje rab sbyor bas sems la snying la brtag par bya/ /mtshon cha mchog gis drangs nas su/ /sems ni sngags kyi ngo bor bya/ zhes bya ba la sogs pa gsungs te/ de la yang don bzhi ste/ sems snga phyi ngo bor bya bar? rang gi byang chub kyi tshigs su bcad pa brjod pa dang/ sbyor ba'i cho ga bsgom pa dang/ sems ye shes su bsgrub pa bzhi la zhes bya ba ni zla ba rdo rje sngon du smos kyang dang por sngags kyi ngo bor byas pa bsgom bsgos te/ de yang gdod de'i snying khar bdag nying lhar bsgoms ba'i snying khar pad+ma/ yul du sna tshogs 'byung ba kun/ /gzugs de la ni gdab bya zhing/ de rnams rang gi bur bus gdab ces gsungs te/ rims tsha grang gi yams dang/ rlung mkhris bad kan 'dus pa las gyur pa'i nad kyis sems can rnams la nye bar 'tshe ba dang/ yul du de lta bu 'am 'khrug pa la sogs pa'i nyes pa sna tshogs pa 'byung ba kun kyang ting nge 'dzin gyi 'phro 'du dang/ phyag rgya lcags kyu la sogs pa dang/ de'i sngags kyis drangs shing dkug nas sngar bshad pa'i gzugs de la gdab cing dbyer med par bya ste/ de rnams kyang rang gi phur bus gdab par bya ba sku gsung thugs rdo rje'i phur bus sam/ rnam pa gcig tu kI la ya bcu gnyis pa'i rgyud so so'i 'dul thabs dang mthun pa'i phur bu gsungs pa de dag gis gdab par bya'o/ / las phra mo gzhan rnams kyi thabs nyid bstan pa'i phyir na/ de nas sbyor ba thams cad ni/ /cho ga ji skad gsungs pa bzhin/ /thabs dang sbyor gyi rgyud la sogs/ /las kyi bye brag tu ni sbyar zhes bya ba la sogs pa gsungs te/ de nas zhes bya ba ni skabs kyi de ma thag pa ste/ gong du gsungs pa'i las de dag brtsams pa'i de ma thag gam/ rjes thogs su las che phra'i sbyor ba gang dang gang brtsam par 'dod na yang thams cad brtsam pa'i thabs ni/ rtsa ba'i rgyud dam sgrub thabs gzhan las cho ga ji skad
- 161a
gsungs pa de bzhin du/ thabs dang sbyor gyi rgyud la sogs pa zhes gsungs te/ las ji lta bur brtsam shing sgrub pa'i thabs dang gang dmigs pa'i don du sbyor ba'i ting 'dzin gyi bsam rgyud dang/ sogs kyi sbras dam rdzas dang/ yo byad gtor ma kha dog ji lta bur bsags pa dag bsdus te/ de dag gi rigs ni zhi ba la sogs pa'i las kyi bye brag che phra ba gang brtsam pa de ni bzhed bzhin du sbyar la bsham par bya'o/ /don de nyid kyi phyir na/ mtshan ma mnan nas bzlas pa 'am/ /sbyin sreg khro bo'i dkyil 'khor ram/ gdug pa'i sems can bsam gtan gyis/ /bza' ba ru ni brtag par bya zhes gsungs te/ ro dkris pa'i ras sam gro ga'am/ shog shog gam/ shing nim pa'i lo ma 'am tA la'i lo ma lta bu la gzugs kyi mtshan ma 'am ming rus bris pa 'am/ grog mkhar gyi sa'am rkang rjes kyis la sogs pa la gzugs kyi mtshan ma'i li ga byas la/ de lus dang yan lag la rnal 'byor ma'i rkang pa 'am/ phyag mtshan gyis mnan nas dgug cing gzir ba dang/ bsad pa'i sngags bzlas pa bya ba'am bya ba'i sgras de gcig pur yang ma zad thabs gzhan yang yod par bstan pa ste/ gang zhe na khro bo'i dkyil 'khor du sbyin sreg bya zhing/ mchod rdzas dang/ bsgrub bya'i gzugs bcas pa'i bsreg pa'i las bya ba 'am/ dam tshig la sngang zhing sems can la gdug pa'i ting nge 'dzin du sbyor ba'i bsam gtan gyis dgug cing gsad la/ sha khrag bza' ba brtog pa yang las kyi bye brag dang sbyar la bya'o/ /las rnam bzhi gang rtsom yang go ma nor bar bya dgos pa'i phyir na/ zhi ba la ni zhi ba'i sems/ /rgyas pa la yang rgyas pa ste/ /dbang la chags pa'i ying bya zhing/ /khro la gtum pa'i yi ge bsgrub ces gsungs te/ zhi ba'i las brtsam pa la ni rdzas dang yo byad dkar po dang/ mngar gsum
- 161b
bsags nas zhi ba'i sems kyi ting nge 'dzin dang ldan pas bdag gzhan la gnod pa dang/ rgyal khams kyi 'khrug pa dang/ nad yams langs pa lta bu dang ngan song gsum gyi sdug bsngal dang/ nyon mongs pa thams cad zhi bar bya'o/ /rgyas pa'i las brtsam pa la ni rdzas dang yo byad ser po la sogs la rgyas pa'i ting nge 'dzin dang ldan pas sangs rgyas kyi bstan pa dang/ tshe dang dpal dang dbang thad dang/ longs spyod dang/ 'byor ba dang/ legs pa'i yon tan thams cad 'phel zhing rgyas par bya'o/ /dbang gi las brtsam pa la ni rdzas dang yo byang dmar po bsags la/ chags pa'i yid dang ldan pa'i ting nge 'dzin mngon du bya'o/ /bdag la mi 'tshe ba dang/ gnod pa dang/ lha ma yin dang/ klu gdug pa can lta bu dbang du byas la dam tshig sbyin no/ /drag po'i las brtsam pa la ni rdzas dang yo byad nag po bsags la khro gtum pa'i yi ges bsgrubs ces bya ba/ rgya gar gyi sgra la ak+Sha ra zer na yi ger yang 'gyur la/ mi 'gyur ba zhes zer te/ khro la gtum pa'i ting nge 'dzin du gnas pa las gzhan du mi 'gyur bar byas la/ sems rtse gcig pa de lta bus gang 'dod pa'i las bsgrub ces pa'i don to/ /de yan chad du zhus tshig lnga bcu rtsa drug lan dang bcas par bshad zin to/ /de nas bcom ldan 'das de bzhin gshegs pa de dag thams cad kyis zhes bya ba la sogs pa ni 'khor gyi bcom ldan 'das de bzhin gshegs pa rnam par snar mdzad la sogs pa de dag thams cad kyis/ 'khor gyi byang chub sems dpa' la sogs pa de rnams kyi the tshom chod pa zhus pa rnams bcad nas/ the tshom thams cad gcod pa'i rnam par snang mdzad la sogs pa'i sku gsung thugs nyid kyi ngo bor bzhugs pa/ ston pa byang chub sems rdo rje'i sku gsung thugs rdo rje la zhugs te/ rigs lnga de dag so so nas ston pa de'i sku gsung thugs la rang rang gi sku gsung thugs dbyer med par dmigs nas ci sad?
- 162a
mi gsung bar mnyam pa nyid kyi dang la bzhugs par gyur to/ /de ltar bzhugs par gyur pa de ma thag tu/ des byang chub sems dpa' sems dpa' chen po byams pa la sogs pa de dag thams cad ma lus pa thams cad kyis/ / de bzhin gshegs pa ma lus pa de dag thams cad la bstod pa'i nang na rgyal po lta bur gyur pa 'dis bstod do/ /gang zhe na/ sangs rgyas sku khyod la phyag 'tshal lo/ /sangs rgyas gsung khyod la phyag 'tshal lo/ /sangs rgyas thugs khyod la phyag 'tshal lo/ /thams cad mdzad la phyag 'tshal lo/ zhes bya ba la sogs pa ste/ gzugs kyi dngos por snang ba thams cad la khyod kyi sku khyab pa/ khyod kyi sku yang gzugs su snang ba'i dngos po thams cad kyi rang bzhin dang/ dbyer med pa yin pas na gzugs kyi dngos po thams cad sku'i bdag nyid du snang ba khyod la thun mong dang/ chab mo'i sgo nas mi gnyis pa 'dud pa la phyag 'tshal lo/ /de bzhin du sgra skad thams cad la gsung gis khyab pa dang/ gsung nyid sgra skad dbyer med par sgra skad thams cad gsung gi bdag nyid du grags pa dang/ dran rtog thams cad la thugs kyis khyab pa dang/ thugs nyid dran rtog dang rang bzhin dbyer med pas dran rtog thams cad kyi bdag nyid du snang ba dang/ bya brtsal gyi spyod pa thams cad la las kyis khyab pa dang/ phrin las nyid bya brtsal gyi spyod pa dang dbyer med par gyur pas bya brtsal thams cad mdzad pa'i phrin las su snang ba de dag thams cad la phyag 'tshal zhing 'dud ces bya'o/ /sku gsung thugs kyi rdo rje rnams/ /lus dag yid gsum thob gyur nas/ /sems ni mi mnyam mnyam sangs rgyas/ /gang zhig bsgrub bya sgrub pa gang zhes bya ba ni mnyam pa nyid kyi don thugs su chung cid 'bras bu mthar phyin pa bya brtsal dang dral ba de bzhin gshegs pa ma lus
- 162b
pa kun gyi sku gsung thugs rdo rje lta bur bzhugs pa rnams ni bya brtsal dang bcas pa'i sems rnams kyis rgyud kyi sgo nas lus dag yid gsum gyis bsgrubs na sku gsung thugs rdo rje'i rang bzhin du 'grub cing mnyam pa nyid kyi don rtogs shing thob par gyur pa yin na/ sems can gyis mnyam pa nyid ma rtogs pas ni 'khor bar snang la/ mnyam pa nyid du rtogs pa ni sangs rgyas su snang bas rnal 'byor pa gang yang rung ba gang zhig gis bsnyen sgrub yan lag bzhi'i thabs kyis bsgrub par bya ba sangs rgyas kyi sku phyag rgya chen po sgrub par 'dod pa gang yin pa de/ sgrub pa bdag nyid chen po'i dbang/ /sangs rgyas thams cad gsong pa yis/ /de ltar sdig pas mi gos te/ /gal te gos na ji ltar 'bras zhes pa/ /sgrub pa tshul bzhin byas pa la/ bdag nyid chen po'i sku phyag rgya chen po de dag rang dbang du grub par ma gyur du zin na/ spogs pa'i brid pa dang/ sdigs pa byas pa la sgrub/ des kyang ma grub na/ dngos grub mi ster ba'i sangs rgyas de dag ma lus pa thams cad chags pas bcad de/ bsad par bya'o zhes gsungs pa/ sangs rgyas de dag thams cad rnal 'byor pas gsod pa'i lam dang sbyor ba brtsam pa yis/ gtan tshigs ji ltar sdig bas mi gos te 'grub par 'gyur/ gal te brgya la gos par 'gyur du zin na ni des tshul ji ltar 'bras bu thob par 'gyur ro zhes zhus pa dang de'i lan gsungs pa'i phyir de nas zhes bya ba la sogs pa ste/ de ltar zhus pa'i de ma thag tu de bzhin gshegs pa de dag ma lus pa thams cad kyis byang chub sems dpa' sems dpa' chen po byams pa la sogs pas de skad zhus pa de rnams la legs so zhes bya ba byin te/ de yang ji skad zhe na/ legs so byang chub chen po'i bdag/ legs so byang chub chen po'i dbyings/ /legs so byang chub che bas che zhes bya ba la sogs pa de skad byin
- 163a
te/ de la legs so zhes bya ba dang po ni byang chub sems dpa' khyod kyis rtsa ba'i rgyud thos pa'i the tshom mchod pa rnams gcod par zhus pa yang legs te/ bsam pa chen pos ma 'ongs pa'i rnal 'byor pa rnams the chom za ba'i gags bsal ba yin no/ /legs so gnyis pa ni bsnyen sgrub yan lag rnam pa bzhi'i tshul du bsgrubs na/ bdag nyid chen po'i dngos grub 'thob par 'gyur ba bstan pa'i don rig pa'ang legs te/ des ni ma 'ongs pa'i rnal 'byor pas sgrub thabs kyi tshul shes par 'gyur ro/ /legs so zhes bya ba gsum pa ni ma grub na spobs pa'i cho ga sangs rgyas thams cad bsad par bstan pa de'i rgyus sdig pas gos par mi 'gyur ram zhes zhus pa'ang legs te/ des ni ma 'ongs pa'i rnal 'byor pa bya brtsal gyis grub pa'i rnam pa la yid bstan zhing spro ba skye ba'i rgyur 'gyur pa'o/ /legs so zhes bya ba bzhi pas ni de ltar sangs rgyas gsad pas sdig par 'gyur na 'bras bu ji lta bu dag tu 'gyur zhes zhus pa legs te/ sdig pa med la bsod nams skye zhing byang chub 'grub par gsungs pa des ni de bzhin gshegs pas nor par ma gsungs pas 'gal bar snang yang nyes pa med pa ste/ ma 'ongs pa'i rnal 'byor pas bsgrubs na mi 'grub snyam pa'i dogs pa med do/ /theg pa 'og ma pa'i che ba las sgrub pa dang 'bras bu khyad par du che bar bstan pa'o/ /gzhan dag na re byang chub sems dpa' khyed ni byang chub sems dpa' chos kyi sku'i ngo bo rtogs pa dang ldan pas legs so/ /byang chub chen po'i bdag nyid longs spyod sku dang ldan pas legs so/ /byang chub chen po'i dbyings te 'gro ba'i rgyud la skye bar byed pas sprul pa'i sku dang ldan pa legs so/ /rgyud che bas bskyed pa'i 'bras bu mngon par byang chub pa'i sku dang ldan pas leT
- 163b
so/ /zhes zer na/ byang chub sems dpa' 'di dag sku bzhi dang ldan du zin kyang sangs rgyas rnams the tshom zhus pa la lan snang ba'i skabs su byang chub sems dpa' rnams sku bzhi dang ldan pa yin no zhes sangs rgyas rnams kyi bstod pa rigs pa ma yin par mngon no/ /de ltar zhus pa la legs pa byin pa de dag gdon bsal bar bstan pa'i phyir na/ byang chub rdo rje slob dpon ni/ /dpal ldan sangs rgyas kun gyi bdag /sgyu ma 'dra ba'i dngos po kun/ /'byin dang bsdu bar byed pa'o/ / zhes bya ba la sogs pa gsungs te/ byang chub rdo rje lta bu'i don dang ldan pa'i slob dpon ni shes rab ye shes kyi thugs mnga' ba ste/ bdag gzhan gyi dpal zab pa dang/ rgya che ba rnam pa gnyis dang ldan pa sangs rgyas ma lus pa kun gyi bdag nyid du gyur pas/ nges sgyu ma dang 'dra ba'i sku dang ye shes dkyil 'khor gsum gyi rnam par snang ba'i dngos po ma lus pa kun 'byin cing snang bar byed pa dang/ bsdu zhing mi snang bar byed pa'i mkhan po lta bu yin pas na/ 'byin dang 'du bar byed pa zhes bya ste/ med bzhin du snang snang bzhin du stong par ston pa ste/ de yang mu stegs kyi byed pa po lta bud med pa las yod pa med pa dang yod pa'i dngos po med par 'joms pa ma yin te/ yang dag pa'i kun rdzob tu ni phra ba las rags pa bskyed la/ don dam par ni rags par snang ba nyid rang bzhin med pa las mi g.yo ba'i don gsal bar mdzad pa yin no/ /de nas de la sdig pa 'gyur/ /bsod nams dag kyang de bzhin no/ /gang la bsod nams sdig med na/ /de la byang chub rab tu gsungs zhes bya ba ni gong ma lta bu bstan pa'i gtan tshigs des na chos thams cad sgyu ma lta bur snang ba de la bsod nams dad gsang bya mi dmigs pas gos par mi 'gyur zhing bsod nams dag kyang de bzhin no zhes gsungs pas/
- 164a
bsod nams dag kyang gud na med/ /de bzhin sgyu ma lta bur rtogs pa nyid yin pas de thob par 'gyur ro zhe'o/ /gang la bsod nams sdig med na zhes bya bsgrub pa po gang zhig gis de ltar rtogs pa de la bsod nams skye zhing sdig pas gos pa med na/ de ltar rtogs pa de kho na la byang chub par du gyur par gsungs zhes bya ste/ theg pa 'og ma ba'i byang chub las khyad par du 'phags pa thob par bstan pa yin no/ /mgon po de yi bka' yis ni/ /'jigs pa 'gyur ba'i las kun yang/ /ngan 'gro du ni mi skye ste/ /byang chub thob par dga' ba min/ /zhes bya ba ni 'khor ba dar ngan song gis nyes pa'i 'gro ba rnams kyi mgon du 'gyur ba'i rdo rje slob dpon yin pas mgon po zhes bya ste/ de'i bka' yis ni chos thams cad sgyu ma lta bur rigs pa'i rtogs pa dang ldan na/ mtshams med pa lta la rol cing mi dge pa bcu tshad bar sbar stang? pa la sogs pa sgo gsum gyis 'jigs par 'gyur ba'i las de lta bu ma lus pa kun tshang bar sbyang na yang/ ngan song gsum du mi skye zhing de nyid rdzogs pa'i rgyud 'gyur bas byang chub 'thob pa mi dka' ba yin no/ /ci'i phyir zhe na/ sangs rgyas thams cad gsong ba'i las brtsams kyang bsor mkhan dang gsang bya dbyer med bar sgyu ma lta bur rtogs pas sdig pas mi gos shing tshogs su gyur nas/ byang chub mchog thog na slob dpon de'i bka' 'khor ba dad ran song du ltur bar dgong pas 'jigs pa'i las mi dge ba kun spyad na yang ngan 'gror mi skye zhing byang chub 'thob par mi dka' ba lta ci smos zhes pa'i don to/ /'o na las gzhan gyi rnam par smin pas ngan song du skye bar mi 'gyur ram zhe na/ de'i phyir na/ sngon du byas pa'i las kyis ni/ /gal te mi bsang dmyal pa na/ /skye bo skye de rnams kyis ni/ /dmyal ba kun nas 'bras bu che zhes gsungs te/ sngon du dge ba byas pa'i las dang
- 164b
las kyi rnam par smin pas da ltar rnal 'byor sgrub pa pa'i lus blangs te ngan song du 'gro ni mi srid na yang/ sdig pa mi dge ba'i las drag po sbyang ba'i rnam par smin pas zas? te brgya la shin tu mi bzang ba'i dmyal ba'i gnas su skye par 'gyur srid du zin na yang/ dmyal srungs kyi skye po las kyis bskyed pa'i gzugs reb? tu 'jigs par snang ba de na gnas pa rnams kyis dmyal pa'i gnas dgun nas? rang phu dud dang/ ri mo skyed par byang cing 'bras bu che pa gzhan du mi nyams ba dkyil 'khor gyi dang bzhin du snang ba yin no/ ci'i phyir zhe na/ ye shes kyis ni rgyas btab pas zhes gsungs te/ bzung ba'i yul chos nyid du rig pa la 'dzin pa'i ye shes su rtogs pa'i rgyas btab pas dbyings dang ye shes gnyis su med par gyur pa yin la/ de'i rtags snang srid kyi chos thams cad thabs dang shes rab lha dang lha mo'i dkyil 'khor du yang snang la/ don dbyings dang ye shes gnyis su med pa las kyang g.yo ba med par rtogs pa'i phyir na/ de lta bur 'gyur ba yin no/ /zhes gong du bstan pa'i gtan tshigs su bzhag pas mjug bsdu la/ 'og gi tshig gi mgo 'dren du bstan pa'i phyir na/ ye shes kyis ni rgyas btab pas/ /byang chub rdo rje bsgrub bya 'di/ /de yis sems can rnal 'byor pas/ /mchog tu phan 'dogs shes par bya zhes gsungs te/ gong du bstan pa'i tshul gyis ye shes kyis chos nyid la rgyas btab pas/ thams cad dbyings dang ye shes kyi rang bzhin du rtogs pa las thabs dang shes dab lha dang lha mo'i dkyil 'khor 'byin cing bsdud nus pa'i slob dpon byang chub sems rdo rje'i rang bzhin dang ldan pas/ bsgrub bya sangs rgyas thams cad gsang ba'i thabs 'dis byas na zhi 'am/ gnyis su na byang chub sems rdo rje'i rang bzhin can gyi bsgrub bya sangs rgyas thams cad bsang pa'i thabs 'di bzhin brtsams pa de yis ni bsgrub par 'dod pa'i sems can nam/ sgrub po de la rang
- 165a
bzhin kyi rnal 'byor bsgrub bya'i de bzhin gshegs pas phan 'dogs pa shes par bya zhes te/ mchog tu gyur pa'i dngos grub sbyin cing phan 'dogs par mdzad nges par shes par bya'o/ gzhan ngag na re ye shes kyis chos nyid rgyas btab pas chos thams cad dbyings dang ye shes su sdung shes pa'i rnal 'byor pas byang chub rdo rje lta bur don bsgrub par bya ba'i thabs 'di bdag gis byas shing gzhan la bstan nas/ de yis sems can rnal 'byor du bsgrabs pas yang dag pa'i don gyi sgo nas mchog tu gyur pa'i phan 'dogs pa yin par shes par bya'o zhes zer na de yang 'gal ba ni med do/ /don de nyid kyis phyir na/ tshar gcod phan 'dogs pa yi las/ /bdag nyid chen po de yis byed/ /sgrub pa chen po'i mdza' ru yang/ /las su bya pa brtsam par bya zhes gsungs te/ gong ma lta bus bsgrubs nas ma grub na sogs pa'i cho ga cho ga gcod pa'i thabs kyis sangs rgyas thams cad bsad par brtsams na/ gdod sgrub pa po la phan 'dogs pa'i las mngon par 'grub ste/ sku dang ye shes kying dag nyer chen por gyur pa'i sangs rgyas nges gang 'dod pa'i 'am/ gang bsgrub pa'i dngos grub de sbyin par byed do/ /de ci'i phyir zhe na/ sgrub pa chen po'i mdza' ru yang zhes ste/ sgrub pa chen po'i don mngon du bya bar 'dod pa de'i tshe/ de nyid mngon par sgrub pa'i thabs sam mdza' ru yang las su bya ste/ sangs rgyas bsad par bya ba 'di brtsams par byas nas myur du 'grub par 'gyur nges so zhes pa'i don to/ /gzhan dag na de ma rungs pa tshar bcad pa dang/ bsgrub bya la phan 'dogs pa'i las gang la gang 'tsham pa de bzhin du sgrub pa po bdag nyid chen po'i dang dang ldan pa des byed na 'grub par 'gyur la/ sgrub pa chen po myur du 'grub par 'gyur ba'i thabs sam mthu ru 'gyur ba yang 'dir gsungs pa'i las su
- 165b
bya ba gang dang gang gsungs pa de dag brtsam par bya ba yin to/ ci'i phyir zhe na/ de ltar byas na sems byang zhing ting nge 'dzin gang goms pa des gang sgrub par 'dod pa de myur du 'grub par 'gyur ro zhes zer ro/ /de nas zhes bya ba la sogs pa ni de bzhin gshes pa thams cad kyis de skad ces gsungs pa'i de ma thag tu/ byang chub sems dpa' chen po de dag thams cad kyis/ rdo rje thams cad kyi thugs rdo rje chen po chos tshul thob nas zhes bya/ rdo rje theg pa'i lam gyi sgo nas ye shes rdo rje lta bu dbyer med pas chos nyid rdo rje lta bur 'dus ma byas pa'i don rtogs shing thugs su chud pa'i sangs rgyas rnams la ni rdo rje thams cad kyi zhes bya de dag ni thugs zhes sdang rnam par dag pa rdo rje lta bu'i rang bzhin gyi chos rtogs pa ni thugs rdo rje chen po'i chos tshul 'thob pa ste/ rtogs pa 'am 'thob pa'i don to/ /de ltar thos shing rtoT nas mgu rab tu ma kun pa zhes bya ba dang/ dang po rna ba'i dbang pos thos nas ni mgu de nas sems kyi rtogs nas rab tu mgu ba'i yid kyis de bzhin gshegs pa thams cad la de ltar bka' stsal pa legs so zhes gsol to/ /de yang ji skad gsol zhe na/ mgon po chen po legs so legs/ /thub pa chen po legs so legs/ /chos chen po yang legs so legs/ /thugs rje chen po legs so legs/ zhes bya ba la sogs pa gsungs te/ /dang po mgon po chen po zhes thos pa ni chos kyi sku rnam par mi rtogs pa'i dar la bzhugs pa yang legs so/ /de ltar na yang rang bzhin gyis 'gro ba 'khor ba dang ngan song gis 'jigs pa'i mgon skyabs su 'grub? pa'i yon tan du 'byung ba legs so/ /gnyis pa thub pa chen po zhes bya ba ni sngon gyi smon lam dang 'phral du dus mkhyen pa'i dbang gis gzugs kyi skur bstan pa'ang legs so/ /sku des gang la mos pa la de bzhin du 'dul ba'i cha luD
- 166a
bstan nas/ 'gro ba rnams kyi sgo gsum nyes pa 'gog par mdzad pa'ang legs zhes pa'o/ /gsum pa chos chen po yang zhes bya ba ni rgyu dang 'bras bu bsdus pa'i chos thams cad brjod pa med pa'i don gyi gsung zab pa ste/ brjod pa yong ba'i tshig gi gsung rgya che ba'i sgo nas bstan pa'ang legs so/ /sku gsung thugs rdo rje gsang ba gsum gyi don dang ldan pa'i rgyud 'di bstan pa dang/ bdag cag the tshom za ba bcad par mdzad pas legs so/ /zhes bstan pa'o/ /bzhi pa thugs rje chen po zhes bya ba ni/ de ltar bstan pa'ang thugs rje chen po'i sgo nas la la nyon mongs pa spangs pas grol bar bstan/ la la nyon mongs pa spyad pas grol bar bstan pa'ang legs so/ /de yang nyes pa med cing 'tshang rgya ba'i rgyur 'gyur ba'ang legs so zhes bstan pa'o/ /de ltar legs so zhes gsol zhing zhus nas don brjod pa/ e ma kun tu bzang po yi/ /thugs rje mchog tu dri med pas/ /mi bzad dgug pa'i las rnams la'ang/ /sangs rgyas 'bras bu smin par mdzad/ ces gsungs te/ de la e ma'o zhes pa ni dam zhing ngo mtshar skyes pa ste/ gang zhe na dus nam yang rang bzhin dang mdzad sbyod ngan par mi 'gyur ba'i kun tu bzang po de bzhin gshegs pa'i thugs rje ni/ /theg pa 'og? ma'i thugs rje mchog tu gyur cing gzung 'dzin gyi nyes pa'i dri ma med pas zas bdud rtse rnam pa lnga zab dang/ lcags kyu rnam pa lnga la longs spyod cing thabs dang shes rab zung du 'bral ba'i 'phrin las la gnas nas mtshams med pa lnga la sogs pa la rol cing sangs rgyas thams cad bsang bar bya ba'i sbyor ba la sogs pa shin tu mi bzad cing rab tu gdug par gyur pa'i las che phra rnams bstan cing de ltar bstan pa de dag nyams su len cing spyod par byed pa rnams la 'ang sdig pa'i
- 166b
skyon gyis mi gos shing sangs rgyas kyi 'bras bu smin cing thob par mdzad pa de lta bu gsungs pa ngo mtshar che'o/ /zhes ngam zhing ngo mtshang skye'o/ /de nas zhes bya ba la sogs pa ni 'khor gyi byang chub sems dpa' rnams kyis de skad ces gsol ba'i de ma thag tu yang de bzhin gshegs pa de dag thams cad ma lus par byang chub sems dpa' chen po de dag la bka' stsal pa/ rigs kyi bu zhes pos nas/ gtan tshigs de lta bas na thun mong ltar na rgyud gsang ba 'dus pa 'di las ?? 'byung ba'i dbang bskur ba'i rim pas dbang bskur ba'i sngags pa rnal 'byor pa de ni zhes bya/ zab mo ltar na yab yum gnyis su med pa'i bde ba dang/ gsang ba'i se gol gyi sgras phyogs bcu'i sangs rgyas bsdus nas yab kyi ba sbu bu gnas thim ste/ byang chub sems su zhu nas yum gyi gsang ba'i mkha' la 'dus pa las byung ba'i rtsas? kyi dbang bskur ba'i sngags pa rnal 'byor ba de ni phyogs bcu dus gsum gyi de bzhin gshegs pa ma lus pa thams cad kyis kyang dbang bskur bas zhes bya ste/ ci'i phyir zhe na/ gsang ba las 'khrungs pa'i sangs rgyas thams cad kyang dbang bskur ba 'dis dbang bskur pas/ sangs rgyas yin pa'i phyir dang gnyis pa'i cha gsang ba byang chub sems ni phyogs bcu dus gsum gyi de bzhin gshegs pa thams cad bsdus shing/ byang chub sems kyi ngo bor zhu ba yin pa'i phyir de skad ces bya ste/ de ltar dbang bskur ba'i yon tan dang ldan pas 'khor bar 'khor dgos pas 'jigs par mi bya'o/ /ngan song gsum du ltung bar dogs pa'i sdug bsngal gyis skrag par gyur par mi bya'o/ /de gtan tshigs ci'i phyir zhe na zhe sngar rdo rje che la sogs/ byang chub rdo rje yang dag 'byung/ /sngags kyi rgyud kyis bsdus bas ni/ /spang ba ru ni mi bya'o zhes gsungs
- 167a
ba'i phyir te/ de yang dbang bskur ba 'dis ni phyin ci log gi zhe sdang gnas su dag gnas yang dag bzhe sdang chen po rdo rje lta bur 'grub par byed pa dang/ sogs kyi sbras nyon mongs pa lhag ma bzhi yang de bzhin du gnas su dag cing yang dag pa'i nga rgyal chen po la sogs par 'grub ste/ rigs lngar gyur pa de dag gis rtogs pa'i byang chub rdo rje lta bu dang bcas pa'i ye shes yang dag pa phyin ci ma log pa yang dbang bskur ba de las 'byung ba 'am/ gnyis su na rigs lnga ye shes lnga dang de dag dbyer med par 'dus pa'i bdag nyid rgyud kyi ston pa byang chub sems rdo rje ni yang dag par na de lta bur dbang bskur pa'i slob dpon de las 'byung bas na dbang bskur ba dang/ dbang bskur ba'i slob dpon de ni sangs rgyas yab yum sras dang bcas pa thams cad 'byung ba'i rgyur gyur ba yin no/ /de bas sngags kyi 'di ni rgyud thams cad las 'byung ba'i tshig dang don ma lus pa bsdus pa lta bu'i yon tan dang/ mtshan nyid du ldan pa yin pas rgyud 'di dang 'di las 'byung ba di lta ba bzhin dbang bskur ba'i slob dpon de nyid nam yang spang bar mi bya'o zhes bstan pa yin no/ /de nas byang chub sems dpa' zhes bya ba la sogs pa ni de bzhin gshegs pa thams cad kyis de skad bka' stsal pa'i de ma thag tu/ byang chub sems dpa' sems dpa' chen po byams pa la sogs pa de dag thams cad kyis/ de bzhin gshegs pa rnam par snang mdzad la sogs pa de dag ma lus pa thams cad la mgrin gcig tu tshig mthun par tshigs su bcad pa/ 'og nas 'byung ba 'dis mngon par bstod do/ /de yang gang zhe na/ rgyud 'di ston pa dang de'i 'khor du gyur pa dkyil 'khor gyi lha ma lus pa thams cad dang/ rgyud 'di sgrub cing dad du len pa'i gang zag rnam pa drug la bstang do/ /ji skad bstod ces na/
- 167b
gang zhig ces bya ba la sogs pa'i tshig gis so/ /gang gi sgo nas bstod ce na/ tshig dang don du ldan pa'i sgo nas bstong/ de la dang por rgyud 'chad pa'i bdag po ston pa byang chub sems rdo rje la bstod pa bstan pa'i phyir na/ gang gis dus gsum rdo rje 'byung ba srid las thar 'gyur pa/ /sgrib pa med cing dri ma med pa'i dngos po dag zhi ba/ /dbang phyug dam pa byang chub rdo rje sangs rgyas kyi sangs rgyas/ /de la lus dang dag yid tshig gis phyag 'tshal lo zhes gsung/ de yang thun mong gi dbang du bshad na rnal 'byor ba gang yang rung ba 'am gang gis da ltar dang phyis bsgrubs na yang 'grub par 'gyur la/ sngon du bsgrubs pas kyang 'grub par 'gyur la/ dus gsum gyi sangs rgyas ye shes rdo rje lta bur mnyes shing rdo rje theg pa'i lam nas byung ba dang/ 'byung ba ji lta ba bzhin du byung zhing srid pa gsum las gtan du thar bar gyur ba nyon mongs pa dang shes bya'i sgrib pa med cing gzung 'dzin gyi dri ma yang med par mtshan ma'i dngos po dang bral zhing nam mkha' lta bur ye shes rnam par dag pa mnga' bas spros pa'i mdza' thams cad nye bar zhi ba/ 'jig rten dang 'jig rten las 'das pa'i dbang phyug pad+ma la mnga' brnyes pa/ shes rab dang snying rje'i rang bzhin byang chub kyi sems rdo rje lta bur dbyer med cing 'dus ma byas kyi don dang ldan pa/ phyogs bcu dus gsum gyi sangs rgyas kun gyi yang sangs rgyas su gyur pa rgyud 'chad pa'i ston pa dang/ dkyil 'khor gsum gyi spyi gzugs kyi bdag por gyur pa de la lus gus pa dang/ dag gi don dang ldan pa'i yon tan brjod pa dang yid kyis dang ba'i sgo nas dmiT pa'i de kho na nyid gsal kha dang/ sgo gsum mi gnyis par 'dud pa'i tshig gis sngags pas brjod de/ phyag 'tshal lo zhes bshad do/ /zab mo'i dbang du bshad na rnal 'byor pa gang yang rung ba gang zhig gis rgyu'i dus na bsgrubs? shing 'bras bu mngon
- 168a
par 'grub pa'i mtshan nyid gzhan la snang ba gsal ba'i theg pa'i sgo nas mngon par rdzogs par byang chub pa/ sku gsung thugs rdo rje lta bu brnyes shing yab kyi gsang ba'i rdo rje lam nas phyung zhing yum gyi gsang ba'i mkha' la babs pa las sngon du byung zhing da ltar dang phyis 'byung ba'i sku 'khrungs pa/ 'khor ba'i sems can dang mthun par snang yang 'khor ba dang srid pa las thar par gyur pa'i yon tan mnga' ba/ mya ngan las 'das pa'i mthar 'gyur ba'i sgrib pa med cing 'dod chags la sogs pa'i nyon mongs pa'i dri ma yang med pas mtshan mar lta ba'i dngos po dang bral zhing/ pho mor rtog pa'i zhen chags rnam par dag pas gti mug zhe sngar brgyal phrag rog nye bar zhi zhing rnam par rtog pa spros pa spang ba'i mtshan nyid can yang dag pa'i 'dod chags chen po la sogs pa gnyis su med pa'i bde ba chen pos 'jig rten las 'das pa'i bde ba longs spyod cing/ ye shes dang gsang ba las 'khrungs pa'i chos kyi rgyal po'i dbang phyug 'jig rten pa'i dbang phyug dam par gyur pa brnyes pa/ nye bar lta ba'i skyon gyi sgrib pa byang zhing legs par 'gyur pa'i ye shes dang/ yon tan gyis chub pas de'i dang las mi rtog pa'i tshul kyis sems dpa' ye shes rdo rje lta bur dbyer med cing/ 'dus ma byas kyi sku gsung thuT brnyes pas mtshan nyid theg pa'i las kyi sgo nas rnam par sbyangs shing/ sangs rgyas pa de dag kun gyi nang na yang sangs rgyas su gyur pa gsang ba chen po'i theg pa'i lam gyis mngon par rdzoT par byang chub pas gsang ba'i rgyud ston par mdzad cing sku gsung thugs kyi gsang ba'i dkyil 'khor gyi gtso bo dang bdag por gyur pa de la sgo gsum mi gnyis par 'dung ba'i don dang bcas pa'i tshig gis brjod pa dang bcas pas phyag 'tshal lo zhes bshad do/ /ye shes kyi dbang phyug tu bshad na dus
- 168b
gsum gyi sangs rgyas rdo rje lta bu'i sku brnyes shing/ da ltar byung ba dang phyis 'byung ba thams cad ni kun gzhi rnam par shes pa gnas su dag pas me long lta bu'i ye shes brnyes te/ srid pa las thar par gyur pa dang sgrib pa med cing dri ma med ces pa/ bdag gzhan du lta ba'i sgrib pa dang mi mnyam par 'dzin pa'i dri ma med pas mnyam pa nyid kyi ye shes brnyes pa dang/ dngos po rag zhi ba zhes yid kyi rnam par shes pa'i dngos por lta ba dag cing mtshan mar 'dzin pa nye bar zhi bas so sor rtog pa'i ye shes brnyes pa dang/ chos spyi'i mtshan nyid stong zhing bdag med pa dang/ rang gi mtshan nyid ma 'dres pa bcos par mkhyen cing de la chags sdang mtshan mar 'dzin pa med pa dang/ dbang phyug dam pa zhes bya ba sgo lnga'i rnam par shes pa so so'i yul la rang byon du 'jug pas rang rang gis so so'i yul zhes pa chags pa'i dbang gi mtshan mar 'dzin cing longs spyod par 'dod pa'i nyes skyon dang bral pas bya ba sgrub pa'i ye shes brnyes te thams cad kyi don bya ba la nyam nga ba dang skyo ba med pas spyod yul du gyur pa'i chos thams cad kyi dbang phyug theg pa 'og ma pa las dam par gyur pa la mnga' brnyes pa/ rnam par shes pa brgyad kyi nyes pa'i skyon byang zhing ye shes lngar chub pas rdo rje lta bu sku brnyes pa/ sangs rgyas ji snyed yod pa kun gyi yang sangs rgyas su gyur pa de la mtshan ma med pa'i lus dang brjod pa med pa'i tshig dag dang/ rtog pa med pa'i yid kyi 'dud pas phyag 'tshal lo/ zhes bshad do/ /yon tan phun sum tshogs pa'i spo nas bshad do/ dus gsum gyi sangs rgyas thams cad la ye shes rdo rje lta bu che ba'i yon tan thams cad 'byung ba'i ye shes phun sum tshogs pa'o/ /khams gsum srid pa gsum las thar pa'i sgrib pa med cing dri ma med pa ni spangs pa phun sum tshogs pa'o/ /dngos po dag cing mtshan
- 169a
ma nye bar zhi ba ni rang bzhin phun sum tshogs pa'o/ /dbang phyug dam pa zhes pa man chad ni yon tan phun sum tshogs pa ste/ de lta bu'i don dang ldan pa de la sgo gsum mi dmigs pa'i 'dud pas phyag 'tshal lo zhes bshad do/ /rnam par dag pa'i phrin las phun sum tshogs pa'i dbang du bshad na/ gang gis dus gsum rgyal pa'i lam nas byung zhes bya ba ni phyogs bcu dus gsum kyi sangs rgyas thams cad dang lam mthun par sbyangs pas theg pa thams cad mthar phyin pa'i go 'phang thob par bstan pa'o/ /srid las thar 'gyur pa zhes bya ba ni nying 'khor ba dang ngan song las thar nas sgo ba bde ba mdzad pa ma yin te/ sems can thams cad kyang 'khor ba dang ngan sod las thar par mdzad pa'i mgon rang skyabs dam par bstan pa'o/ /sgrib pa med cing dri ma med pa zhes bya ba ni chos dang gang zag la bdag med par rtogs shing/ gzung 'dzin du rtog pa'i dri ma dang bral ba'i chos bstan pas byang chub sems dpa' rnams kyi dngos po thams cad sgyu ma lta bur rig ste/ sa nas sa rim par sbyor ba la 'dzud pa'i phrin las mdzad pa dang/ dag zhi ba zhes bya ba gang zag la bdag med pa dang/ gzugs kyi phung po'i chos khams kyi phyogs gcig la bdag med pa'i bstan pas nyan thos dang rang rgyal ba la gzung 'dzin du rtog pa'i dri ma dag cing/ phyogs gcig pa'i zhi ba dang mya ngan las 'das pa'i mdza' gsal nas chos thams cad kyi dbang phyug dam pa la dbang byed pa'i rgyal po mdon par grub pa'i phrin las mdzad pa bstan pa'o/ /byang chub rdo rje sangs rgyas zhes bya ba ni/ bla na med pa'i byang chub dang/ /ye shes rdo rje lta bu'i don thugs su chud pa ni byang chub rdo rje zhes bya ste/ bya ba dang sbyor ba dang gnyis rgyud kyi theg pa'i don bstan pas de'i snod du gyur pa rnams kyis lam de'i 'bras bu mngon du
- 169b
gyur par mdzad pa de las kyang dpags? pas gsang ba'i go 'bang chen po'i 'bras bu la dgod pa'i phrin las mdzad pa'o/ /de ltar so so rang rang gi las kyis bsgrubs pa'i 'bras bu las dpags pas zla med pa sangs rgyas kyis thabs par mdzad pa'i don dang phrin las su ldan pas sangs rgyas kyi sangs rgyas zhes bya ste/ de'i gong nas sangs rgyas rmid? 'thob pa gang yang med par bstan pa'o/ /de lta bu'i phrin las phun sum tshogs pa mnga' ba de la phyag 'tshal lo zhes bshad/ ston pa byang chub sems rdo rje la/ de lta bu thun mong dang zab mo'i don dang ye shes dang phrin las mnga' ba'i sgo nas bstod nas/ da ni dkyil 'khor gsum gyis bsdus pa'i lha rnams la bstong pa bstan pa'i phyir na/ gang dag gzugs dang tshor 'du shes 'du byed bcas pa dang/ rnam par shes pa dang ni skye mched drug dang dbang po drug /sa dang chu dang me dang rlung dang nam mkha' dag /byang chub sems 'dra'i rgya chen de la phyag 'tshal lo/ zhes bya ba la sogs pa gsungs te/ rgyu'i dus na gang zag du gyur pa gang zhig/ gzuT kyi phung po'i rgyu'i gzuT bzhi dang/ 'bras bu'i gzugs bcu gcig so sor ma phye zhing dbyer med pa gcig gi ngo bor bsdus pa gnas su dag pa rnam par snad mdzad kyi rang bzhin du sangs rgyas pa dang/ tshor ba bde ba dang/ sdug bsngal ba dang/ btang snyoms gsum so sor ma phye /zhing gcig gi ngo bor bsdus nas/ gnas su dag pa rin chen 'byung ldan kyi rang bzhin du sangs rgyas pa dang/ 'du shes kyi phung po rgya chung ba dang/ rgya che ba dang tshad med pa so sor ma phye zhing gcig gi ngo bo bsdus pa gnas su dag pa snad pa mdza' yas kyi dang bzhin du sangs rgyas pa dang/ 'du shes kyi phung po sems las byung ba'i 'du byed lnga bcu rtsa gcig dang/ sems dang mi ldan pa'i 'du byed bcu bzhi so sor ma phye zhing dbyer med pa gcig gi ngo bor bsdus
- 170a
pa gnas su dag pa gngon mi za bar grub pa'i rang bzhin du sangs rgyas pa dang/ rnam par shes pa'i rang bzhin phung po tshogs brgyad so sor ma phye zhing dbyer med pa gcig gi ngo bor bsdus pa yi bskyod pa'i rang bzhin du sangs rgyas pa ste/ gtso bo sangs rgyas rnam pa lnga dang/ de bzhin du yul phyi'i skye mched gzugs la sogs pa rnam pa drug gnas su dag pa/ gzugs rdo rje ma la sogs pa lha mo drug tu sangs rgyas pa dang/ nang gi dbang po drug gnas su dag pa sa'i snying po la sogs pa byang chub sems dpa' drug tu sangs rgyas pa dang/ gzugs kyi phung po'i cha shas las phye ba phyi nang gsang ba gsum gyis bsdus pa dang/ sa dang chu dang me dang rlung dang bzhi de la nam mkha' bsnan pa lnga gnas su dag pa/ sangs rgyas spyan la sogs pa/ yum lnga'i rang bzhin du sangs rgyas de dag kyang byang chub sems rdo rje nyid dang 'dra bar sku gsung thugs zab cing rgya chen po'i bdag nyid du bzhugs pa ste/ de lta bu'i don dang ldan pa de la gong ma lta bu'i tshul du phyag 'tshal lo zhes bya'o/ /de ni sku cha shas phya bsku gsung thugs rdo rje rnam pa gsum dang ye shes sems dpar bcas pa la phyag 'tshal bar bstan pa'i phyir/ gang dag 'dod chags zhes sdang gti mug rdo rje'i chos dang bcas/ /rtag tu rgyun mi chad pa'i rigs pa 'byung ba yin/ /rnam pa sna tshogs dga' bas dan pa med pa'i dngos 'gyur ba'i/ /byang chub sems 'dra rnam pa sna tshogs de dag phyag 'tshal lo/ /zhes gsungs te/ nyon mongs pa rnam pa gsum gyi gnas dang sgor gyur pa'i sgo gsum gnas su dag pa sku gsung thugs rdo rje rnam pa gsum gyi rang bzhin du gyur pa ste/ 'dod chags dag dang bcas pa gnas su dag pa gsung gi rdo rje tshes dang bcas pa bya ba'i sgras lus sems gnyis bsdus pa ste/ sems zhe sdang dang bcas pa gnas su dag pa thugs rdo rje mi bskyod pa dang/
- 170b
lus gti mug dang bcas pa gnas su dag pa sku'i rdo rje rnam par snang mdzad kyi rang bzhin du grub pa ste/ rtag tu rgyun mi 'chad pa'i rigs pa 'byung ba zhes bya ba ni de dag gi dus rtag tu rgyud mi 'chad pa sku gsung thugs kyi rdzu 'phrul dang cho 'phrul gyi don mdzad pa ste/ de yang skus 'dul ba'i rigs pa la ni sku gcig dang du ma'i rnam par snang ba dang/ gsung gis 'dul ba'i rigs pa la ni gsung brjod pa dang/ brjod pa dang bcas pa dang/ thugs kyi 'dul ba'i rigs pa la ni dag pa 'jig rten pa dang/ rnam pa thams cad mkhyen pa dang rnam par mi rtog pa'i ye shes dang/ ting nge 'dzin gyi sgo bsam gyis mi khyab pa snyoms par 'jug pa ston te/ de lta bu'i sku gsung thugs kyi rdzu 'phrul dang/ chos 'phrul dang rnam par 'phrul pa 'byung ba'i yon tan mnga' ba yin no/ /la la na re sku gsung thugs rdo rje de dag gis dus rtag tu rgyun mi 'chad par byad byed pa'i rig pa dang mthun par 'gro ba 'dul pa'i thabs dang/ sprul pa 'dul ba'i bdag nyid du gyur pa ste/ ci'i phyir zhe na/ chos nyid rigs pa dang mthun pa sku gsung thugs rdo rje de dag so so rang gi chos nyid kyis de lta bu'i nus pa ston cing 'byung ba yin no zhes zer ro/ /rnam pa sna tshogs dga' bas dran pa med pa'i dngos gyur pa zhes bya ba ni/ ye shes sems dpa' ni bag chags bzang po sogs pa'i gzhi 'am/? /gnas su gyur pa ste/ phyi nang gsang ba gsum gyi mchod pa bla na yod pa dang/ bla na med pas bsdus pas mchod pa dang/ gti mug gi bzlas pa la sogs pa mnyes pa'i thabs rnam pa sna tshogs pas mnyas pa bskyed na/ rtog pa mi mnga' bzhin du dgyes shing dga' bar gyur pas de'i 'bras bu ni dran pa med pa'i dngos gyur pa'i zhes bya ste/ dran pa med pa ni rnam par mi rtog pa'i rang bzhin te/ dngos su snang ba med cing med pa'i don du gyur pa
- 171a
'thob pa'o/ /'o na 'gro ba'i don ji ltar mdzad ce na byang chub sems 'dra zhes te/ byang chub sems rnam gnyis dang 'dra bar don dam par rnam par mi rtog pa stong pa nyid kyi dang las kyang mi g.yo la/ yang dag pa'i kun rdzob tu mi dmigs pa'i thugs rjes g.yo bas 'gro ba 'dul cing smin par mdzad pa'i thabs rnam pa sna tshogs pa dang bzhin gyis ston cing 'byung ba yin no/ /de lta bu'i don dang ldan pa'i sku gsung thugs kyi rdo rje dang ye shes sems dpa' de dag la phyag 'tshal lo zhes bstan to/ /da ni lus kyi gnas bzhi dang mi dge ba bcu gnas su dag pa'i sgo srungs kyi khro bo bzhi 'am sku gsung thugs gtsor byas pa'i khro bo gsum la sogs te/ khro bo bcu la bstod pa bstan pa'i phyir na/ gang dag gti mug zhe sdang 'dod chags sgrib pa'i rdo rje bzhin/ /gzung ba dang ni dga' dang de bzhin tshul dang mi g.yo dang/ /rgyu dang 'bras bu'i 'od gsal chos nyid byang chub sems shes pa/ /byang chub sems dang 'dra ba'i rgya chen de la phyag 'tshal lo zhes gsungs te/ gang dag sems las byung ba'i chos gsum po 'di dag gis ni mtho ris dang thar pa dang/ gnyi ga la sgrib cing gzhan gyis gzhig cing spang bar dka' bas rdo rje bzhin du sra zhing gcig gis ngo bor gcig dbyer med pa'i mtshan nyid can te/ de dag gnas su ngag pa yang ye shes rdo rje lta bu'i rang bzhin dang ldan pa'i khro bor grub pa ste/ gang zhe na/ gti mug ni gshin rje mthar byed/ zhe sdang ni shes rab mthar byed/ 'dod chags ni pad+ma mthar byed/ nyon mongs pa gzhan la sgrib pa bgegs mthar byed pa'o/ / gzung ba ni 'gro ba yal bar mi 'dor ba ste 'dod pa'i rgyal po'o/ /dga' ba ni 'gro ba'i 'gyod pa sel ba'i rang bzhin dbyug pa sngon po can no/ /tshul ni ma nor ba'i thabs te stobs po che'o/ /mi g.yo ba ni rtog pa'i rlung gis mi bskyod par brtan
- 171b
pas te gnod mdzes so/ /rgyu ni hUM mdzad do/ /'bras bu gtsug tor 'khor lo sgyur ba ste/ 'di dag kyang 'od gsal chos nyid byang chub sems shes pa zhes bya ste/ rang bzhin 'od gsal ba'i sems kyi chos nyid byang chub sems kyi dang bzhin du shes shing rtogs pa'i khyad par nyid las de lta bur snang zhing gzhan ma yin par rig par bya'o/ /de lta bu'i khro bo de dag byang chub sems rdo rje dang 'dra zhing mtshungs pa ste/ du ma rnam pa mang por snang bas sam/ ye shes dang yon tan rgya che bas rgya chen zhes bya ste/ de lta bu'i don dang ldan pa de dag la phyag 'tshal/ zhes bstan to/ /khro mo rnams ci'i phyir ma smos zhe na/ lus yod na grib ma yod pa dang me mar yod na 'od yod pa bzhin du gtso bo smos na yum yang rang bzhin gyis yod par mngon no/ /gnyis su na de'i lan sngar btab zin to/ /da ni rgyud 'di sgrub cing dang du len pa'i gang zag rnam pa drug la bstong pa'i rim pa bstan pa ste/ de yang rab 'bring tha ma gsum du phye ste/ dang po ste rab bstan pa'i phyir na/ gang dag thog ma med pa'i rnam dag bsgom pa ni/ /thabs dang shes rab las ni byung ba lta bu med pa yi/ /rtag tu gsang ba'i dbang dang brtul zhugs rtag tu sbyor ba las/ /byang chub rdo rje bzhin brtag de la phyag 'tshal lo/ /zhes gsungs so/ /gang dag thog ma med pa'i dus nas bdag gzhan gyis rgyud rnam par dag par bya ba'i don du 'khor ba'i nyes skyon rnam par dag pa dkyil 'khor gsum gyi ngo bor sangs rgyas pa'i rang bzhin du bsgoms pa'i rnal 'byor pa 'di ni thabs dang shes rab zung du 'brel pa yin la/ thabs dang shes rab de las 'byung zhing thon pa'i dngos grub lta bu ni gzhan na med pa'i dngos grub zla med pa yin pas/ rtag tu gsang ba'i dbang dang brtul zhugs sdom pa'i sbyor ba la zhes bya ste/ dus dang gnas skabs rtag tu thabs
- 172a
dang shes rab tu 'brel pa'i lhag pa byang chub sems kyi gsang ba'i dbang dang rig pa brtul zhugs dang sngags kyi sdom pa la sbyor bar byed pa'i don dang ldan pa'i rnal 'byor pa de la byang chub sems rdo rje bzhin du 'dra bar brtag cing/ dus rtag tu gong du bstan pa'i tshul du phyag 'tshal lo zhes bstan to/ /rab gnyis la bstod pa bstan pa'i phyir na/ gang zhig gis ni dngos grub dam pa'i thabs su sbyor byed pa/ /bsnyen pa'i cho ga dang yang nye bar sgrub dang sgrub pa dang/ sgrub pa chen po'i blo ni sgrub pa'i dbang po la/ /byang chub rdo rje bzhin brtag de la phyag 'tshal lo/ zhes gsungs te/ rnal 'byor pa gang yang rung ba gang zhig gis dpal gsang ba 'dus pa'i lha'i dkyil 'khor gyi dngos grub dam pa 'grub pa'i thabs 'di rang gis rgyud la sbyor ba byed pa dag bsnyen sgrub yan lag bzhi'i don la blo gtad nas rgyu'i dus na sgrub par byed pa'i rnal 'byor pa de ni bsgrub par bya ba'i yul de la dbang byed par nus pa yin pas dbang ngo/ zhes bya ste/ de yang byang chub rdo rje bdag ci lta ste/ de dag la gong du bstan pa'i tshul du phyag 'tshal lo zhes bstan to/ /nga ni gsum pa 'bring gi dngos po bstan pa'i phyir na/ gang zhig gis ni sgrub pa'i rdo rje bzhi yis sgrub byed pa/ /'di la rab mchog med pa'i ngan pa'i dngos grub kyang/ /bla ma'i drin lan 'jigs pa med par rtogs pa yi/ /byang chub rdo rje bzhin brtag de la phyag 'tshal lo/ /zhes gsungs so/ /rnal 'byor pa gang yang rung ba gang zhig thun mong gi sgrub pa'i rdo rje cho ga rnam pa bzhi yis rang gis 'dod pa'i dngos grub sgrub par byed 'dod pa dag 'di la rab mchog med pa'i zhes bya ba rgyud 'di la rab bam mchog gi dngos grub ni sgrub par byed pa'i blo dang mi ldan pa med ces bya/ dman pa'i dngos grub ces bya ba dngos grub
- 172b
phal pa 'bring dang tha mar gyur pa ngag bsgrubs nas grub par gyur kyang rung ma grub kyang rung ba de bla ma'i drin la 'jigs pa med ces te/ gsang sngags kyi rgyud mdza' dag gam dpal gsang ba 'dus pa'i rgyud 'di'i don ma nor brda? ston pa'i rdo rje slob dpon bla ma de'i man ngag thob pa'i drin la gnas pas gzhan gyi gtam dang/ 'khor ba dang ngan song gi 'jigs pa med pa sham gnyis su na gsang ba'i don la 'jigs pa med par rang gis rtogs pa'i blo dang ldan pa de la byang chub rdo rje bzhin blta zhing brtag ste de la phyag 'tshal lo zhes bstan to/ /da ni bzhi pa 'bring gi gnyis pa la bstan pa'i phyir na/ gang gis gsang ba'i rgyud 'di nyan pa dang/ /kha ton 'don dang klog pa dang ni sems pa dang/ /mchod pa byed pa dang ni 'bri bar byed dang 'brir 'jug pa/ /byang chub rdo rje bzhin brtag de la phyag 'tshal lo/ zhes gsungs te gang gis gsang ba 'dus pa'i rgyud 'di rna ba'i dbang po skyon med pas nyan pa dang/ dkyus kyi tshig dang don blo la blangs nas kha ton du 'don pa dang/ dkyus ma nor bar klog pa dang/ don ji tsam go ba yid la sems pa dang/ phyi nang gsang ba gsum gyi mchod pa bla na yod pa dang/ bla na med pas bsdus pas mchod pa byed pa dang/ bdag gis glegs bam yi ger 'bri ba dang/ gzhan ngag la yi ger 'brir 'jug pa de la byang chub sems rdo rje bzhin du brtags te phyag 'tshal lo zhes bstan to/ /da ni lnga pa tha ma'i dang po la bstod pa bstan pa'i phyir na/ gang 'di kha ton 'don na mngon par brtson dang sgrub dbang de/ /zhi ba'i las la sogs pa 'byung ba shin tu brtags pa dang/ /sngags las byung ba'i thabs kyis de bzhin phyag rgya btab pa la/ byang chub bzhin brtag de dag rtag tu phyag 'tshal lo zhes gsungs te/ rnal 'byor pa gang yang rung ba gang
- 173a
zhig gis zhi ba'i las dang/ sogs kyi sgrag rgyas pa dang dbang dang drag po dang/ phran tshogs yan lag bsdus te/ rgyud 'de las byung ba bzhin du legs par bltas shing brtags te/ yid ches par byas nas bdag gzhan la phan par bsam pa dang/ sku gsung thugs su byin gyis brlab pa dang/ dbang bskur ba dang bsrung ba'i cho ga sngags las byung ba'i thabs kyis ji ltar 'byung bde bzhin du bdag gzhan gyi rgyud la rgyas btab pa 'am/ gnyis su na de lta bu'i cho ga'i thabs kyi bdag nyid kyi rgyud la rtag par rgyas btab bde la yang byang chub sems rdo rje bzhin du blta zhing brtags te/ de la phyag 'tshal lo zhes bstan to/ /nga ni drug pa tha ma gnyis pa la bstod pa bstan pa'i phyir na/ gang gi rtag tu lta bar byed dang reg dang dran byed dang/ /mnga' bdag sgrub pa po'i ming tsam thos nas kyang/ /kun tu 'dzin par byed dang phyogs 'ga' tsam yang klog byed pa/ /byang chub bzhin brtag de dag rtag tu phyag 'tshal lo zhes gsungs te/ rnal 'byor pa gang yang rung ba gang zhig gis rgyud 'di la mig gis lta bar byed pa dang/ lag pas glegs bam la reg par byed pa dang/ rgyud ston pa'i mnga' bdag byang chub sems rdo rje 'am dkyil 'khor dang sgrub thabs kyi mnga' bdag rnal 'byor sgrub pa po'i ming tsam thos saM/ thos nas kyang rtag par dus kun tu mi brjed par yid la 'dzin par byed pa 'am/ gnyis su mnga' bdag sgrub pa po'i zhal nas rgyud 'di 'am gang sgrub par 'dod pa'i lha'i ming tsam thos pa 'am thos nas kyang 'dzin par byed pa dang/ rgyud 'di'i don tshang bar klog ma nus na yang phyogs 'ga' tsam yang klog pa yod na de la yang byang chub sems rdo rje dang 'dra bar blta zhing brtags te/ de dag la rtag tu phyag 'tshal lo zhes bstan to/ /da ni de ltar bstod pa de'i yon tan bstan pa'i phyir na/ bstod
- 173b
tshigs bzhi pa 'di yis ni/ /'dren pa po kun bstod pa yis/ /byang chub sems dpa' sems dpa' che/ /mgon po de dag yi rang ngo zhes gsungs te/ de ltar bstod pa'i tshig rnams ni 'gal bar 'gyur ba'i nyes pa'i skyen nye bar zhi ba yin te/ des 'khor ba dang ngan song nas 'gro ba thams cad 'dren par byed pa po rgyud 'chad pa'i ston pa dang/ de'i yum gyi lus kyi spyod yul dbang po dang rnam par shes pa dang yul la sogs pa'i dkyil 'khor gsum gyi ltar snang ba'i sangs rgyas dang byang chub sems dpa' la sogs pa dang/ rgyud sgrub cing ngang du len pa'i gang zag sgrub pa po rnams la bstod pa de yis ni rgyu pha rol tu phyin pa las 'bras bu ye shes las skyes pa dang/ gsang ba chen po'i las skyes pa'i byang chub sems dpa' sems dpa' chen po rnams dang mgon po bstod pa'i gnas su gyur pa de dag mnyes shing dgyes te yi rang la/ 'khor du 'khod pa'i byang chub sems dpa' sems dpa' chen po sangs rgyas ji snyed pa thams cad ni rjes su yi rang par gyur to/ /rgol ba na re lha dang sgrub pa po la bstong par byed kyi rgyud nyid la bstod pa mi byed pa ci'i phyir zhe na/ smras pa/ rgyud kyis kyang lha mtshon par byed la lha'i dkyil 'khor rang bzhin nyid kyi rgyud kyi rnam par snang bas gcig gi rang bzhin du gcig dbyer med par gnas pa'i phyir na lha la bstong pa nyid kyis rgyud la bstong pa yin par 'gyur la gnyis su na rgyud bsgrub cing dang du lon pa'i sgrub pa po rnams la bstod pa nyid rgyud kyi yon tan brjod cing bstod pa yin no/ /gsum du na/ legs par gsungs pa'i rgyud 'di ni/ /thams cad rgyud kyi bdag pa mchog /de bzhin gshegs pa kun gyi gsang/ /gsang ba 'dus pa las byung ngo/ /zhes gsungs pa nyid kyang rgyud kyi don la bstod pa yin par gzung ste/ de bzhin gshegs pas dpal gyi mgur nas legs par gsungs
- 174a
pa'i rgyud 'di ni thams cad rgyud kyi bdag po 'am rgyal po lta bu pas mchog tu gyur pa'o/ /ci'i phyir zhe na/ phyogs bcu dus gsum gyi de bzhin gshegs pa ma lus pa kun gyi sku gsung thugs kyi gsang ba 'dus pa'i rgyud 'di las 'byung zhing mthon pa yin pa'i phyir na/ /bdag po dang mchog ces bya'o/ /de nas 'khor gyi de bzhin gshegs pa rnam par snang mdzad la sogs pa til gyi gang bu lta bus nam mkha' i khams yongs su gang bar gyur te/ gzhuT pa de dag thams cad dang dam tshig rdo rje byams pa la sogs pa 'khor gyi byang chub sems dpa' sems dpa' chen po brjod kyis mi lang ba'i yang brjod kyis mi lang ba'i sangs rgyas kyi zhing rdul phra mo dang mnyam pa'i de dag bstod pa'i tshig 'di skad du gsungs nas rang rang gi sku gsung thugs kyi yi ge gsum la bzhugs te/ de yang rgyud 'chad pa'i ston pa byang chub sems rdo rje'i sku gsung thugs la bya ba'i phyir de dag so so nas nyid kyi sku gsung thugs la dmiT te dbyer med par byas nas mnyam pa nyid du 'gyur te ci yang mi sku? bar 'gyur ro/ /gsang ba thams cad ston pa rdo rje'i byin gyis brlabs zhes bya ba'i le'u bco brgyad pa'o// //zhes bya ba ni sku gsung thugs kyi gsang ba la sogs pa rang bzhin dang gab ba dang spas pa dang mi bstan pa'i sgo nas mi rtogs pa dang mi shes pa thams cad la bya mod kyi gnas skabs 'dir ni zhus tshig lnga bcu rtsa drug po thams cad ma nor bar ston pa kho na la bya ste/ de yang rdo rje lta bu dang de mnga' ba'i de bzhin gshegs pa rnams kyi byin rlabs nyid de ltar snang ba yin pas rdo rje'i byin rlabs zhes so/ /le'u bco brgyad pa zhes bya ba ni mthar phyin pa'i tha tshig go /kalpa zhes bya ba ni sgras rtog pa zhes zer te/
- 174b
rgyud dang le'u gcig la 'gro ba las 'dir brjod pa ni rgyud kyi don la shes par bya ste/ 'di ni rgyud thams cad kyi yang rgyal por gyur pas na rtog pa'i rgyal po zhes bya'o/ /rgyud kyi rgyal po dpal gsang ba 'dus pa'i rgyud kyi ma zhes bya ba'i le'u bco brgyad pa'i phyed kyi tshig dang don rgya cher 'grel cing rnam par bshad pa/ man ngag gi rgya mtsho thigs pa 'thor bas kyang gzhan dga' ba dang skrag pa skyed par byed pa zhes bya ba/ slob dpon bi sho mi tras mdzad pa rdzogs so// // chos nyid ji bzhin dang las phyag rgyar sgom byed gnyer yin na/ /gzhan la phan pa sgrub shes dang ldan slob mas zhus ched du/ /bdag dang slob dpon grogs blos rgyud 'grel sgrub thabs man ngag bcud/ /bsdus nas gsang 'dus tshig don rgyas 'grel rnam bshad chen po bgyis/ /rgyud don gting phug dkyus gtugs gshegs gsil sgor mtshams 'phel sdud sbyar/ /phyi nang gsang ba mthun pa cha phyugs sbas phyung rgol ba bcom/ /rgyud 'bras lta spyod zung 'brel sgrub byed lam gyur gol sa spangs/ /don 'chol 'bras bu thob 'dod rnams kyi gsal byed sgron ma bas/ /lam 'dir 'jug mos rnams la dgos chen skyon med 'thad bsam yang/ /dus mthar 'gyur blos ma rtogs sgro skur dkyil 'khor gsum la gshegs/ /bdag gis 'bad rtsol bskyed pa'i nus mthu sems can ma lus kun/ /sku dang ye shes bdag nyid rdo rje 'dzin pa 'grub par shog/ // *//dpal gsang ba 'dus pa'i rgyud 'grel bzhugs rgya gar skad du/ sh+rI gu hya ska mA dza tan+tA bi ba rA NAM/ bod skad du/ dpal gsang ba 'dus pa'i rgyud kyi 'grel pa/ /'jam dpal gzhon nur gyur pa la phyag 'tshal lo/ /gang 'di sku dang gsung dang thugs/ shes rab thabs
- 175a
kyi bdag nyid brtan/ /de yi bdag gyur dmigs med pa/ /'jam dpal de la phyag 'tshal lo/ /ble dman gyur kyang dad tsam gyi/ /yang dag bskul nas 'gro ba rnams/ /dam pa'i lam la 'jug gyur pa/ /bskal bzang 'bras bu la spyod 'gyur/ /des bdag ye shes zhal snga yi/ /man ngag rang nyid kyis dran phyir/ /blo gros blun yang 'dus pa'i don/ /'dir ni ci nus bri bar bya/ /rtogs dka' ba dang don che ba'i/ /tshig nyung 'ga' tsam cung zad cig /rnam par dbye ba de las ni/ /lhag ma go sla rang nyid go /gang yang lhag dang chad pa'am/ /nyes smras 'di ni ci snang de/ /bshad mdzad gzhung ni ma rtogs pas/ /bdag blo nyid kyis nyes pa yin/ /des na mkhas pas bla ma yi/ /skyon yin par ni mi brtaT te/ /slob ma'i blo dman nyes pa yis/ /rtogs pa'i bshad mdzad sman mi bya/ /'di skad ces bya ba ni 'og nas bshad pa'i rgyud kyi don ma lus pa blo la rnam par gnas bzhin pa bsdus pa la ltos pa yin no/ /bag gis zhes bya ba ni sdud par byed pa bdag nyid 'od dpag tu med pa mngon par rdzogs pa sangs rgyas pa nyid kyis gcig tu rgyud de thos pa la sbyor ba ma yin pa dang/ gtam 'di ni bdag gis dngos su thos pa yin gyi/ bdag nyid kyis ni ma yin no zhes nges par bzung ba ste/ brjod kyis mi lang ba zhes bya ba la sogs pa 'og nas 'byung ba'i tshig dang 'gal ba nyid du thal bar 'gyur ba'i phyir ro/ /thos pa zhes bya ba ni sgra so sor snang ba'i bdag nyid kyi rgyud rtogs pa'o/ /dris pa/ mngon par rdzogs par sangs rgyas pa nyid kyis rdo rje 'chang ba'i ngo bo nyid yin pas na rdo rje chos kyi mnyan pa la sogs pa 'gal lo zhe na/ ma yin te/ bcom ldan 'das ni sems can khams dang bsam pa sna tshogs pa rnams gdul ba'i thabs kyi dbang gis gcig bu nyid kyang
- 175b
dpag tu med pa'i tshul gyis 'jug par mdzad de/ bltams pa dang mngon par byung ba dang/ dka' ba spyod par mdzad pa dang/ mngon par byang chub pa dang chos kyi 'khor lo bskor ba la sogs pa lta bu'o/ /de skad du/ mos pa sna tshogs bsam pa tha dang pa'i/ /sems can dbang gis khyad par mang po 'khrungs/ /gcig puAng chu yi snod ni du ma ru/ /zla ba'i gzugs brnyan 'char ba dag dang mtshungs zhes bshad pa'o/ /dus gcig na zhes bya ba ni dus gcig gi che kho na thos so zhes bya pa'i don te/ yang ma yin gyi/ 'di ni dus gcig na ste/ gzhan du ni gzhan dag po zhes mang du thos pa nyid du ston pas tshig mchog tu gzung bar bya ba nyid yin no zhes bshad par bya'o/ /byang chub la brten pa'i rdo rje chos ni 'das pa la sogs par ltar gyi ngo bor dgongs shing/ thams cad lan gcig yang dag par rig pa yin te/ des na thos pa mang bar grub pa yin no zhes bya bar dgongs so/ /bcom ldan 'das zhes bya ba ni dbang phyug la sogs pa'i yon tan drug ste/ 'dir ni me long lta bu dang/ mnyam pa nyid la sogs pa'i rang bzhin la skal pa zhes bshad de/ de gang la mnga' ba de la de skad ces bya'o/ /yang na bcom pas na bcom ldan 'das zhes bshad de/ nyon mongs pa'i bdud la sogs pa bcom pa'i phyir ro/ /de yang/ nyon mongs pa shes rab la rag las/ de bas shes rab bcom par bshad ces gsungs pa'i phyir phung po dang 'chi bdag dang/ lha'i bu dang/ nyon mongs pa'i bdud de/ bzhi po 'joms pa'i shes rab kyi ngo bo la bcom pa zhes bshad la/ de gang la mnga' ba de ni bcom ldan 'das te/ byang chub kyi sems rdo rje'o/ /de bzhin gshegs pa zhes bya ba la sogs pas ni bla na med pa'i chos ston pa dang rjes su mthun pa'i gnas kyi khyad pay
- 176a
ston pa yin te/ de bzhin gshegs pa thams cad kyi sku dang gsung dang thugs rnams ni gzhan dag gi spyod yul ma yin pas na gsang ba'o/ /de nyid ni rdo rje ste/ mi byed pa dang 'tshe ba med pa dang/ yang dag pa'i don gyi ngo bo nyid kyi tshad ma'o/ /de nyid ni snying po ste/ de rnams kyi tha mi dad pa'i ngo bo nyid do/ /de lta bu'i ngo bo nyid kyi btsun mo'i b+ha ga rnams la zhes bya ba ni rgyu ba dang mi rgyu ba'i dngos po thams cad du gtogs pa dkyil 'khor gyi 'khor lo rab tu snang zhing 'byung bar nges par 'brel pas na gcig pu nyid yin yang tshig mang por byas pa yin no/ /bzhugs pa zhes bya ba ni 'dod chags la sogs pa'i spyod pa thams cad/ 'dod chags la sogs pa mngon par byang chub pa'i ngo bo nyid du mdzad pas na/ 'di nyid ni de bzhin gshegs pa'i mdzad pa yin gyi/ sngon byung ba gtso bor mdzad pa ni ma yin/ 'das pa la sogs pa rnams kyang da ltar byung ba nyid kyis de yang dag par rig pa yin pa'i phyir/ ji skad du/ gcig nas gcig tu mngon sum du/ /rgyu ni 'bras bu nyid gyur pa'i/ /da ltar byung ba'i gzugs gang yin/ /de ni rnal 'byor pa yin shes zhes bshad pa'o/ /brjod kyi mi lang ba'i zhes bya ba la sogs pas ni 'khor bstan pa yin te/ byang chub sems dpa' la sogs yang brjod par nus pa ma yin pas na brjod kyis mi lang ba ste/ de nyid kyis na sangs rgyas kyi zhing zhes bya ba la sogs pa smos pa yin no/ /byang chub ni rnam pa thams cad mkhyen pa'i mngon par byang chub pa ste/ der de nyid la sems dpa' gang yin pa de ni byang chub sems dpa' o/ /sems can gyi tshogs chen po'i don la zhugs pas na sems dpa' chen po ste/ de rnams dang lhan cig bdag gis thos so zhes bya ba'i don to/ /'di lta ste zhes bya ba la sogs pas ni de rnams kyi nang
- 176b
nas/ mngon par rtogs pa dang rjes su mthun pa cung zad cig ston te/ de las kyang mi g.yo ba dang/ rdo rje dang/ byams pa la sogs pa ni dkyil 'khor pa nyid du bkag pa yin no/ /dris pa rgyud 'dir so sor nges pa nyid du bstan na/ sems dpa' de rnams ji ltar na brjod kyis mi lang ba yin/ de lta mod kyi/ de rnams re re nyid rang rang dkyil 'khor gyi lha rnams kyi bdag por gyur pas/ gtso bo nyid yin pas na grangs nges pa nyid yin no zhes bya bar dgongs so/ /de bas na de dag la sogs pa zhes bya ba'i sgras smos pa yin no/ /de la gnyis su med pa'i rdo rje gang gis gzugs la yang dag par blta zhing so sor shes pa de ni dam tshig rdo rje ste/ mig rnam par dag pa'i ngo bo nyid sa'i snying po'o/ /chos kyi brnga'i dbang gis na dam tshig ste/ rdo rje'i sgras ni sa'i snying po lta bu nyid ting nge 'dzin 'dir bshad pa yin no/ /de bzhin du sku rdo rje la sogs pa'i sgras kyang nye bar dgod pa lngas phyag na rdo rje la sogs pa'i dam tshig gi khyad par yin pa 'am/ sgra de dag brdar btags pa yin pa'i phyir phyag na rdo rje dang/ nam mkha' i snying po dang/ 'jig rten dbang phyug dang/ sgrib pa thams cad rnam par sel ba dang/ kun tu bzang po rim pa ci lta ba bzhin du bshad pa yin no/ /'di dag gis ni sa'i snying po phyag na rdo rje dang zhes bya ba la sogs pa sangs rgyas ye shes kyi zhal snga nas kyis gsungs pa'i rim pa ston par gyur pa yin no/ /gang yang dam tshig rdo rje la sogs pa'i sgra'i tshig gdon mi za bar grub pa la sogs pa de bzhin gshegs pa rnams byang chub sems dpa' i sde tshogs su tshig gi sbyor bas de'i rigs kyi bdag po rnams kyi nye bar gdags par sgrib pa rnam par sel ba la sogs pa bstan to/ zhes bshad mod kyi de rnams kyi dka' bar 'byin pa 'dis kun tu bzang po la sogs pa'i rim pa las rgal ba la dgos pa ci zhig yod ces brjod par bya'o/ /yang rigs dang 'brel
- 177a
ba nyid du bstan pa dgos pa ma yin nam zhes zer na ma yin te/ 'di ni 'di'i rigs las skyes pa yin no zhes de lta bu 'dir des pa med pa nyid yin pa'i phyir ro/ /man ngag la nges pa yong par rtogs so zhes zer rnam yin te/ brtag pa 'di ni nyon mongs pa yin pa'i phyir te/ 'di ni 'og nas rigs kyi nges pa bston bzhin pa nyid yin pa'i phyir ro/ /zhes bya bar dgongs so/ /sa'i snying po la sogs pa 'di dag kyang nang gi skye mched rnam par dag pa'i ngo bo nyid yin pas na/ de byin gyis brlabs pa nyid nye bar sgrub pa la dgos pa yin gyi/ dkyil 'khor ba nyid kyis ni ma yin te rgyud las rang gi mtshan ma dang/ ting nge 'dzin gyi rang gi ngo bo gdon pa bstan pa med pa'i phyir ro/ /sa? rdo rje dang zhes bya ba la sogs pa bzhi'i sgras ni sa dang/ snying rje das/ thabs la sogs pa rnam par dag pa spyan dang/ mA ma kI dang/ gos dkar mo dang/ sgrol ma ste/ lha mo bzhi rim bzhin du gsungs pa yin no/ /nam mkha' rdo rje dang zhes bya ba ni chos 'byung bar thar? pa rtseg ma la sogs pa rten dang brten pa'i gzugs can mkha' i rnam par dag pa'i don bstan pa yin no/ /nam mkha' ni rdo rje ste/ dmigs su med pa'i ye shes kyi ngo bo nyid kyis rnam par dag pa zhes bya ba'i don to/ /'di rdo rje 'dzin pa'i gan par ni mi 'dod de/ bzhugs zhes bya ba rdo rje sems dpa' nyid yin par bshad pa'i phyir ro/ /yang na de bdag nyid dang lhan cig byed pa po nyid du ldan pa ma yin te/ 'dir brje ba mdzad du zin kyang/ tha mi dad de/ dper na mi bskyod pa la sogs pa gang yang/ nang gi ni/ nam mkha' i rang gi ngo bo rdo rje 'dzin zhes chos 'byung ba'i phyag rgya'i khyad par bshad pa der yang nang gi nam mkha' i ngo bo nyid kyi rdo rje 'dzin pas de skad bshad do zhes khong du chud par bya'o/ /yang na nang gi nam mkha' i ngo bo yang yin la rdo rje ste/ de bzhin gshegs pa la sogs pa 'dzin
- 177b
par byed pas na rdo rje 'dzin pa'o zhes bshad par bya'o/ /gzugs rdo rje dang zhes bya ba la sogs pa drug gis ni sbyin pa'i rang bzhin la sogs pa rnam par dag pa'i ngo bo nyid gzugs rdo rje la sogs pa'i lha mo drug po nyid rim gyis bshad pa yin no/ /da ni bshad zin byang chub sems dpa' rnams kyi phyogs su bsdus pa bshad pa'i phyir/ de dag la sogs zhes bya ba la sogs pa smos te/ sogs pa'i sgra ni 'dir gtso bo'i tshig ste/ de bas na rang rang gi dkyil 'khor gyi bdag por gyur pa'i gtso bo nyid kyis na/ thams cad la brjod kyis mi lang ba nyid du bshad pa yin no/ /da ni de bzhin gshegs pa nam mkha' i dbyings dang zhes bya ba la sogs pas rdza bzhin gshegs pa rnams ston pa yin te/ 'di ni mi skyod pa la sogs pa'i sangs rgyas lnga po ci rigs par sems dang/ zhe sdang dang chos kyi dbyings la sogs pa'i ye shes rnam par dag pa'i ngo bo nyid yin par shes par bya'o/ /sogs pa zhes bya ba'i sgra ni 'dir snga ma bzhin spyar par bya'o/ /de nyid kyis na nam mkha' i dbyings thams cad dang mnyam pa zhes bya bas de rnams tshad med pa nyid du nye bar mtshon pa'i don bshad pa yin no/ /de ltar na bzhing gyur pa nam mkha' rdo rje ma gtogs pa lha nyi shu rtsa gcig dang/ 'byin pa'i sngags kyi dbang gis khro bo bzhi'i le'u las bshad pa de nyid de/ nyi shu rtsa lnga mngon par rtogs pa la nye bar dgos pa yin gyi/ 'dod pa'i rgyal po la sogs pa ni ma yin te/ de rnams gyi rnam par dag pa dgos pa ma yin pa'i phyir dang/ lus bskyed pa'i tshogs pa'i so sor nges pa yin pa'i phyir ro/ /da ni rims kyis mngon par rtogs pa ston par mi mdzad pa ni shes rab kyis mngon par rlon pa rnams kyi dregs pa bsal bar bya ba'i phyir/ dngos grub ni slob dpon la rag las pa yin no/ zhes bstan
- 178a
par bya ba'i phyir go rim 'chol pas mngon par ston par mdzad pa yin te/ de nas zhes bya ba la sogs pa nas thugs la bzhugs so zhes bya ba'i mthar thugs pa'i tshig bzhis gnyis pa gsol ba'i tshig dang mthun pa yin te/ sems can rnams snod du gyur pa nyid du bya ba'i phyir dbang bskur ba sbyin pa'i don du/ pad+ma'i nang du dkyil 'khor sprul par bya ba'i phyir shes rab dang thabs yang dag par ma nyes pa bshad pa yin te/ rnam par snang bar mdzad pas na rnam par snang mdzad de/ byang chub kyi sems rdo rje'o/ /'dod chags chen po ni rgya che ba'i bde ba'o/ /de'i thabs dang shes rab kyi bdag nyid can gyi sems su gang gis khrid pa'i ting nge 'dzin de la rdo rje 'chang ba lta bur snyoms par zhugs pa'o/ /de bzhin gshegs pa'i bkod pa de dag thams cad nyi dkyi sku la zhugs par mdzad do zhes bya ba ni shes rab yang dag par mnyes par bya ba'i phyir te/ 'dod chags can phal cher ni dung med kun dga' ba nyid dang por byed pa yin la/ bcom ldan 'das kyang 'gro ba 'dul ba'i thabs kyi cho ga mkhyen pa nyid kyis shes rab yang dag par mnyes par mdzad pa yin no zhes bya bar dgongs so/ /gzhan dag ni gzugs la sogs pa bskyed par bya ba'i phyir/ de bzhin gshegs pa'i bkod pa zhugs par mdzad pa yin no zhes zer mod kyi/ de ni mi rigs te/ byang chub kyi sems rdo rje rdzogs shing phyi dang nang gi gzugs la sogs pa thugs su chung pa la ni gzugs la sogs pa ma bsgrubs pa med pa'i phyir ro/ /bal ni sangs rgyas spyan lngas zhes pa 'dir sangs rgyas zhes ? bua ba mo rnam par snang mdzad yin par don gyis shes par bya ste/ de yang nyid kyi sku mdog dang ldan pa'o/ /la la ni spyan lta bu'o/ /la la ni gzugs rdo rje lta bus mngon par byung nas rgya che ba'i bde bas 'jug cing/ bsgrub par bya ba'i rang gi rig par zhugs so zhes
- 178b
shes par bya'o/ /de bzhin du 'di'i 'og nas mi bskyod pa la sogs pa yang rang rang gi rigs dang rjes su mthun pa mA ma kI la sogs pa lta bur ci rigs par byung nas zhugs so/ /zhes mthun par shes par bya'o/ /yang gdon mi za bar grub pa ni la la/ sgrol ma lta bu ste sku mdog ser po dang ldan pa dang la la ni reg gi ngo bo lta bu ste/ nyid kyi sku mdog ljang gu dang ldan par byung nas zhugs so zhes bya ba ni khyad bar ro/ /sku mdog gnyis kyis byung ba'i dgos pa ni bsam pa sna tshogs pa'i sems can byis? khams gdul pa'i phyir yin te/ ji ltar iN+Da nI la ltar snang ba ni mi bskyod pa'i mngon par byang chub pa'i gnas skabs so/ /rgyud gzhan dag las ni sa gnon gyi phyag rgya dang ldan pas mdog ser ro zhes bshad la/ /'dir yang reg bya las skyel ba nyid bde ba chen po gtso bo ste/ mngon par byang chub pa'i rgyud yin no zhes ston pa'i phyir reg bya yin no/ /lha mo dgu'i mthar thug par bshad kyi chos kyi dbyings rdo rje ma gsungs pa ni gzugs kyi phung po dang/ me long lta bu'i ye shes la sogs pa rnam par dag pa rnam par snang mdzad la sogs pa de dag nyid yin pa 'am/ sa'i khams kyi gzugs la sogs pa rnam par dag pa'i spyan ni gzugs rdo rje la sogs pa'i gzugs kyis 'byin pa dang/ 'jug pa dag las shes par bya ste/ bcom ldan 'das ni dngos po thams cad kyi ngo bo nyid du gyur pa yin pa'i phyir ro/ /dper na rtsa ba'i rgyud ni bcom ldan 'das mi bskyod pa me long lta bu'i ye shes rnam par dag pa yin la 'dir ni rnam par shes pa'i dur po rnam par dag pa las byung ba yin no zhes bya ba thams cad kha na ma tho ba med pa yin no/ /ji ltar na rgyal ba rnams lha mo'i gzugs 'dzin pas phyung ngo zhes bya ba byung ba tsam gsungs na de rnams ni rang gi rig par zhugs par ji ltar gsungs/ de ni bden mod kyi 'on kyang zhugs par gyur to zhes sngar gsungs pa de 'dir yang rjes su sbyar bar bya ste
- 179a
phyi rol la bya ba yin pas nyes pa med do/ /phyi rol tu gnas pa'i bud med kyi gzugs kyi tshogs mchog tu bde ba'i rgyur 'gyur ba ma yin te/ lha mo'i gzugs rnams 'khyud ba'i rang gi rig pa'i nang du zhugs par shugs kyis shes par bya'o/ /de bas na 'di nyid le'u bco brgyad pa las bshad de/ 'dod chags chen po'i tshul nyid kyis/ /ye shes 'khor lo can rnams ba sdu/ /lha mo dgu ni spros nas su/ /bsgrub par bya ba'i lus la dgod ces bya bar gnas so/ /sems can rnams gzhug pa'i phyir gnas rnam par dag pa bstan pa ni de nas zhes bya ba la sogs pas ston pa yin te/ btsun mo'i b+ha ga la zhes bya ba ni btsun mo dang yang dag par 'dus pa'i b+ha ga la ste/ dbang phyug la sogs pa dang ldan pas gcig bu nyid yin yang/ mang ba pa'i tshig tu gsungs pa yin no/ /dam tshig chen po'i dkyil 'khor zhes bya ba ni rang gi khar gcug pa'i bde bar gshegs pa ma lus pa zhugs pa mngon du 'gro ba'i zla ba zhu ba'i gzugs rdo rje'i lam nas byung ba byang chub kyi sems ni dam tshig chen po ste/ de yongs su gyur pa'i dkyil 'khor ro/ /'dod chags la sogs pa'i nyes pa dang bral bas rdul dang bral ba'o/ /sangs rgyas dang sangs rgyas ma yin pa mnyam pa nyid kyis ni gru bzhi'o/ /dngos po thams cad kyi gzugs brnyan gyi bzhir gyur pas na bsal ba'o/ /srab dang bar du gcod pa'i gnas med pas de'i ngo bo nyid do/ /sangs rgyas mkhyen pa'i ye shes brnyes pas sna tshogs gzugs so/ /de bzhin gshegs pa'i gzugs brnyan gyis rnam par spras pas na kun tu sangs rgyas kyi sprin gyis kun tu khyab pa'o/ /de bzhin gshegs
- 179b
pa rnams kyi 'od zer 'phro ba dang bsdu ba dang/ gnas pa dang bstan par gyur pas kun/ tu rtsol bas na 'od zer 'phro ba mang po 'khrugs ces bya'o/ /zla ba dang nyi ma la sogs pa'i gdan dang ldan pas na/ gsal ba la sogs dkyil 'khor ldan zhes bya'o/ /de bzhin gshegs pa thams cad kyi rang gi ngo bo byang chub kyi sems rdo rje dang 'brel bas na de bzhin gshegs pa kun gyi'o/ /thar pa'i gnas su gyur pas na gnas te/ chos 'byung ba'i bshad pa'o/ /de ltar phyag rgya bzhi dang ldan par byung ba ltar nges par snang ba dang/ dang po'i rdo rje 'chang ba gnyis lhag par mos pa'i stobs kyis mtshungs par bsam gtan las byung ba'i dkyil 'khor 'di yin par bshad do/ /dris pa/ bskyed pa'i rim pa las myung ba'i rnal 'byor pa bzhi car la yang rang gi nye bar len pa ji lta ba'i rgyur gyur pa las byung bar bsgoms pa'i dkyil 'khor 'di yin pa de bzhin du las dang po'i rnal 'byor pa rnams kyi sangs rgyas la mchod pa dam pa la sogs pa nas brtsams te/ de bzhin gshegs pa thams cad rjes su mnyes par bya ba'i ngo bo'i rgyu mthun pa chen po la sogs pa rnam par dag par bya ba'i phyir/ /rang gi rig pa'i chos 'byung ba'i nang chung pa'i khang pa brtsegs ma'i dbus na gnas pa stong pa nyid kyi byang chub kyi rab bzhin can gyi sa bon/ lha'i rang gi ngo bo tsam du nges par snang ba bsam par bya ba'i 'khor lo'i nye bar len pa yin no/ /ye shes cung zad babs pas ni chos kyi ngo bo nyid du gyur pa thun mtshams su rang gi sngags zlos pa ni rang gi lha'i sa bon sngar bsgoms pa brtags pa yin pa'i phyir ro/ /ye shes la dbang thob pa dag kyang nye bar len pa'i rgyu de'i stobs kyis rten dang brten par nges par snang ba la shin tu goms par bslabs pa'i dbang las byung ba'i nye bar
- 180a
len pa'i rgyus oM la sogs pa'i yi ge gsum gyi cha'i lhan cig byed pa'i rang gi sems las rgyu ba dang mi rgyu ba'i dngos po thams cad kyi rdul phra rab rnams la rnam pa thams cad du yongs su rdzogs pas spro ba dang bsdu pa'i rgyur gyur pa 'khor lo bzhag la/ cung zad rgyun gyi rnal 'byor la gnas pa yin te/ thun mtshams kyi nges pa de la rtag pa yin pa'i phyir ro/ /yang dag pa'i ye shes la dbang du gyur pa yang shin tu goms par bslabs pas lhun gyis grub par 'jug pas/ rdul phra rab re re zhing yang 'khor lo dam pa gsum chud cing/ phan tshun du gzugs brnyan du gyur pa'i bdag nyid kyi gzugs can bdag nyid thams cad du gtogs pa/ skad cig ma'i rkyen dang bral ba/ dri ma med pa'i ting nge 'dzin las yang dag par byung ba/ bde ba'i nga rgyal gyis rgyas par bsgom par bya zhing 'gro ba'i don bya'o/ /lhun gyis grub par thob cing/ skad cig ma re re'i sbyor ba la gnas pa'i rtag par gyur pa yin te/ zhar la 'ongs par chog go /sems can rnams gsang ba'i dkyil 'khor du gzhug pa bstan pa'i phyir de nas zhes bya ba la sogs pa gsungs te/ bzhag par gyur to zhes bya ba ni sems can rnams zhes bya bar las kyi tshig tu blta bar bya ste/ gsol pa gdab pa gnyis pa'i tshig gi don ni de yin pa'i phyir ro/ /da ni sems can rnams la gzhug pa tsam gyis de kho na nyid sngags kyi sbyor ba dang bcas pa dang/ gsang ba dang bcas pa yi ge'i phyag rgya rnams kyis rab tu sbas pa yang smra bar rigs pa ma yin pas dbang bskur bar bya ba'i phyir/ de na sa zhes bya ba la sogs pa gsungs te/ thugs la zhes bya ba ni yi ge hUM la sogs pa las byung ba dang/ sgrub pa ste/ gnyi ga yang mchog tu bde ba bskyed pa'i rgyur
- 180b
gyur pa la rgyal ba lnga po bzhugs pa'o/ /de ltar na 'di thams cad thob pa de ni rigs pa ma yin te/ sngar gyi 'dod chags chen po'i tshul zhes bya ba'i ting nge 'dzin gcig pu nyid las gzhan dag ni mthos pa yin pa'i phyir dbang bskur ba rtsoms pa la ting nge 'dzin gang sems can rnam par dag pa'i rgyu dang/ dbang bskur ba dag ni bcu bdun pa las/ de nas bcom ldan 'das de bzhin gshegs pa phyag na rdo rje 'dod pa'i longs spyod thams cad kyi dpal zhes bya ba'i ting nge 'dzin la snyoms par zhugs te/ zhes bya ba la sogs pa rgya cher gsungs pa yin no/ /de dang lhan cig pa nyid du tshig bzhi pa 'di'i don/ mchog tu rjes chags phun tshogs dpag med kyis zhes bya ba la sogs pa tshigs su bcad pa bzhis kun tu bzang po'i sgrub ba'i thabs las bshad pa yin no/ /da ni de nas zhes bya ba la sogs pa nas gnas par gyur to zhes bya ba'i bar gyi tshig gnyis pas gsol ba gdab pa gnyis pa dang/ yang dag par sbyar ba yin no/ /mngon par byang chub pa rnam pa lnga dang 'brel pa sku bstan pas ston pa'i rnam pa gnyis bshad pa ni byang chub kyi sems rdo rje ni stong pa nyid dang thugs rje dbyer mi phyed pa ni bcom ldan 'das so/ /de bzhin gshegs pa thams cad bril gyis gnon pa ni stong pa nyid kyi rang bzhin dbyangs la sogs par snang ba yang dag par rig pa mthar thug pas 'bras bu'i tshul rdo rje 'chang ba'i yul so sor snang ba dang bral bas gang gis byed pa'i ting nge 'dzin de ni mi phyed pas na rdo rje ste/ de la snyoms par zhugs pa'o/ byed pa'i tshig gi don ni des pa med pa yin pas na/ dang po'i don drug par byas pa yin no/ /zhugs ma thag tu zhes bya ba ni bcom ldan 'das snyoms par zhugs pa'i rje thogs pa nyid la'o/ /de bzhin gshegs pa thams cad kyi bdag
- 181a
po 'di ni nam mkha' i khams dang mnyam pa nyid yin pas nam mkha' i dbyings so/ /de nas zhes bya ba ni zil gyis gnon pa'i ting nge 'dzin las bzhengs nas de bzhin gshegs pa thams cad sku dang dbyangs dang/ mtshan yongs su gyur nas zla ba gnyis kyi rnam par zhu bar gyur pa la ni de bzhin gshegs pa thams cad kyi rdo rje'i sgrar gsungs/ /de'i ngo bo ni 'di'i rang bzhin du gnas par gyur to/ /'di dag gis bcu drug cha dang tshogs las byung ba'i zhes bya ba la sogs pa'i tshigs su bcad pas bshad pa yin no/ /rgyud 'dir dbyangs dang gsal byed yongs su gyur pa'i zla ba gnyis so/ zhes bya ba la nyes pa med du zin kyang stong pa nyid dang thugs rje chen po dbyer mi phyed pa'i byang chub kyi sems kyi bdag nyid can du gyur par bcom ldan 'das nye bar dmigs te/ de yang gdod ma nas ma skyes pa'i phyir a ni chos thams cad kyi sgo'o zhes bya ba la sogs pa gsungs pas na/ a la sogs pa'i yi ge ni dngos po ma lus par rab tu 'gog pa'i ngo bo nyid nga rgyal ston pa nyid kyis ston te/ de bas na 'di ltar bskyed pa'i rim pas rgyur gyur pa yin par bcom ldan 'das ston par mdzad pa yin no/ /ngo bo nyid kyis stong par gyur pa la lar rnam pa la sogs par nges par snang ba'i tshul rang gi sems so sor rtogs pa yi ge a ni zla ba'i dkyil 'khor gyi rgyu ste/ de nyid ni la lar bsdu bar byas te/ shes rab dam par des par snang zhing mchog tu bde ba bskyed pa'i rgyur gyur pa'o/ /stong pa nyid kyi rgyur gyur pa nyid kyis rang gi ngo bo bstan par mi nus pa'i phyir/ byang chub kyi sems kyang ngo bo nyid du gyur ba'i thugs rje'i bdag nyid can gyi bka' la sogs par nges par snang ba ni zla ba'i dkyil 'khor gnyis pa'i rgyu'o/ /de nyid thabs su
- 181b
snang ba'i bdag nyid can 'gro ba'i don gyi bya ba'i stobs kyis yongs gyur pa yin no/ /de bas na rgyud gzhan las bshad ba'i don gyi rjes su mthun pa med pas 'dus pa dang rjes su mthun pa'i yi ge nyid kyis kyang gyur pa nyid do/ /bcu drug cha dang tshogs las byung ba'i zhes bya ba la sogs pa sangs rgyas ye shes kyi zhal snga nas kyis bshad pa yin no/ /tshig bzhi pa dang 'brel pa'i lnga pa bstan pa'i phyir/ de nas zhes bya ba la sogs pa gsungs te/ de nas zhes bya ba ni dbang bskur ba'i rjes thogs nyid la'o/ /nam mkha' i dbyings thams cad na gnas pa'i zhes bya ba ni rang gi rig pa'i chos 'byung ba'i nang du chud pa'i khang pa grtseg ma'i dbus na gnas pa'o/ /rdo rje sems dpa' byin gyis brlabs kyis zhes bya ba ni de bzhin gshegs pa thams cad rjes su zhugs pa sngon du 'gro ba'i dbang bskur bthob pas yin gyi/ bshad ma thag pa'i rkyen gyi stobs kyi ni ma yin te/ grol ba nyid du thal bar gyur pa'i phyir ro/ /dbyangs la sogs par nges par snang ba yongs su gyur pa'i zla ba gnyis yongs su gyur pa'i gzugs can gyi rnam pa gzhan du gyur pa ni de nas zhes bya ba la sogs pa tshig gsum gsungs pa yin te/ de nas zhes bya ba ni zla ba gnyis kyi rjes thogs nyid la'o/ /de bzhin gshegs pa thams cad kyi sku dang gsung dang thugs rdo rje ni re re zhing ye shes lnga'i bdag nyid can yin pa'i phyir rdo rje'o/ /de rnams kyis dam tshig ni rgyal ba thams cad kyis 'da' bar bya ba ma yin pa de nyid de/ de nyid rdo rje 'chang ba'o /de 'byung ba ni bskyed pa ste/ ting nge 'dzin gang las zla ba gnyis yang dag par rig pa rtse gcig pa'i mtshan nyid can dbyer mi phyed par gyur pa de la snyoms par zhugs pa ni thugs rtse gcig tu mdzad pa'o/ /rig pa dang yang dag par 'dus pa'i skyes
- 182a
bu'i gzugs kyang yin la/ chen po yang yin pas na/ rig pa'i skyes bu chen po'i gzugs te/ de nyid kyis na de bzhin gshegs pa thams cad kyi sngags kyis byin gyis brlabs te/ de bzhin gshegs pa thams cad kyang yin la/ sngags kyang yin pas na de bzhin gshegs pa thams cad kyi sngags te/ de rnams kyi byin gyis brlabs ni rgyud de byin gyis brlabs par gyur pa'o/ /bcom ldan 'das de nyid ces bya ba ni gang 'di zil gyis gnon pa'i ting nge 'dzin la sngar bzhugs so/ /zhal gsum pa lta bur zhes bya ba ni dkar po dang nag po dang dmar po lta bu'o/ /'di dag kyang nga rgyal de ldan zhes bya ba nas brtsams te/ rgyal ba skyed byed nyid kyi sku ru bsam zhes bya ba'i bar gyi gzhung dang sbyor ro/ /lnga pa'i rjes thogs kyi tshig bstan pa'i phyir/ de nas zhes bya ba la sogs pa gsungs te/ de nas zhes bya ba ni bde ba dang yid bde ba thob pa'i rjes thogs nyid la'o/ /mi bskyod pa la sogs pa zhes bya ba ni mi bskyod pa'i rigs su gtogs shing/ de sa bon las skyes pa'i sems can la 'dir mi bskyod pa'i sgrar gzung gi bsgom pa'i stobs kyis byung ba ni ma yin te/ de ni rdzogs pa yin pa'i phyir ro/ /de bzhin du gzhan dag la yang shes par bya ste/ de thog ma byas pa la sogs te/ chos kyi dbyings rdo rje'i mthar thug pa gang yin pa de la de skad ces bya'o/ /don ni 'di yin te/ sems can rigs de dang de zla ba zhu bar gyur ba'i de kho na nyid kyis dbang bskur zhing sa bon de yongs su gyur pa'i mtshan ma'i rim gyis de dang de bzhin gshegs par gyur nas thugs ka nas zhes bya ba'i rig pa'i chos 'byung ba nas so/ /che dkar brjod pas na ched du brjod pa'o/ /e? ma'o? zhes
- 182b
bya ba ni ngo mtshar du gyur pa ste/ gdul bya'i dbang gi sna tshogs pa'i gzugs can nyid kyis byang chub kyi sems nyid zla ba zhu ba zhes bya ba rab tu 'byung ba'o/ /'di ni de bzhin gshegs pa thams cad kyi yin pas na de bzhin gshegs pa kun gyi'o/ /gzhan gyi spyod yul ma yin pas na gsang ba'o/ /rtag pa'i don gyis ma rig pa'i tshul can dang gis 'byung ba'i chos kyis spangs pa yin pas na rab tu mi rtog ces bya'o/ /de nyid kyis na dri ma med pas na/ rnyog pa med pa zhes bya'o/ /'dis ni sa'i snying po phyag na rdo rje dang zhes bya ba la sogs pa'i tshigs su bcad pa lngas bshad pa'i gdon pa bshad pa yin no/ /da ni bcom ldan 'das phal cher gsol ba 'debs pa sngon du 'gro bas chos ston par mdzad pa yin no zhes bstan par bya ba'i phyir te/ tshig dang po gsungs pa yin te/ de bzhin gshegs pa thams cad kyi mchod pa ni gzugs rdo rje la sogs pa'o/ /des sangs rgyas pa ni nam mkha' i dbyings khya ba pa'o/ /de nyid ni de kho na nyid kyi dam tshig ste/ rdo rje 'chad pa'o/ /de nyid ni rin thang med pas na rin po che'o/ /de'i sprin gyis zhes bya bar sbyar ro/ /'dus pa ni 'du bar mdzad pa ste/ bshad ma thag pa'i gsang ba las byung ba ni rgyu ste/ 'di ni bskyed pa'i rim pa'i gsol ba'o/ /rdo rje ni de bzhin gshegs pa rnams te/ de rnams kyi snying po gang du btus pa de ni 'byin pa'i sngags kyi tshogs sam/ de'i don yin pas na de skad ces bya'o/ /de nyid ni de bzhin gshegs pa kun gyi gsang ba zhes bya ste/ nyan thos la sogs pa'i spyod yul ma yin pa'i phyir ro/ /de nyid ces bya ba ni 'bras bu yongs su rdzogs pa'i tshul te/ nyi shu rtsa lnga pa'i bdag nyid can no/ /'di ni 'bras bu yongs su rdzogs pa'i gsol ba'o/ /de bzhin gshegs pa thams cad kyang
- 183a
the tshom skyed par byed pa yin zhes bya ba ni rgyud gzhan dag tu mngon par sangs rgyas pa'i sa 'og ma pa rnams 'khor bar byed pa ste/ de rnams ni de kho na nyid ma rtogs pa yin pa'i phyir ro/ /de yang/ gong ma gong ma'i khyad par gyis/ /rnal 'byor pa yang sun 'byin to zhes bya ba'i tshul gyis so/ /byang chub sems dpa' gzhan lta ci smos zhes bya ba ni byams pa la sogs pa bskal pa bzang po'i byang chub sems dpa' gzhan dag lta shin tu smos kyang ci dgos te/ chos 'di ni the tshom gyi rgyur gyur ba yin no zhes pa'o/ yang na dngos su de bzhin gshegs pa rnams kyi the tshom gyi rgyur gyur pa ma yin te/ 'on kyang chos nyid kyis shin tu zab par bstan pa'i mchog gi tshig 'di yin no/ /spyi tsam gyis dam pa ni ngo mtshar du gyur pa'o/ /mi srid par shes pa ni rmad du gyur pa'o/ /yang na ngo mtshar du gyur pa ni rgyu'o/ /rmad du gyur pa ni 'bras bu'o/ /de bzhin gshegs pa thams cad kyi byin gyis brlabs pa ni de kho na nyid mnyam pa'i snod du dung bar mdzad pa'o/ /gang gis zhe na/ de bzhin gshegs pa thams cad kyi ngo bo nyid kyi rdo rje ste/ rdo rje gang yin pa las byung ba'i dam tshig ni yongs su dag pa'i zla ba dang nyi ma dang chu dang sman la sogs pa'o/ /de las byung ba gang yin pa ste/ gang gi tsha mig gi dbang bskur ba la sogs pa la des rigs pa'i pad+ma'i khongs na gnas pa'i 'khor lo la dbang bskur ba la sogs pas slob ma rnam par sbyangs te/ snod du rung bar byas nas yang dag par bstan par bya'o/ zhes pa'i don to/ /'di ni dbang po'i rnal 'byor bstan pa'i gzhung yin no/ /da ni dkyil 'khor gyi mchog ston par byed pa dkyil 'khor 'byin pa ni de nas zhes bya ba la sogs pa tshig bdun pas ston te/ ye shes ni chos kyi dbyings kyi ye shes so/ /de nyid ni 'od gsal ba
- 183b
yin pas na sgrol ma'o/ /de nyid ni mi phyed pas rdo rjer gyur pa'i ting nge 'dzin rdo rje 'chang blta bu'i ting nge 'dzin de nyid la snyoms par zhugs pa'o/ /zhe sdang ni dgra bo'i rgyud dang de las yang dag par byung ral gri la sogs pa 'dzin pa'i mtshan nyid la khro bo zhes bya ba'i zhe sdang ba nyid ni khro bo ma yin te/ khro bar ma gyur kyang dgra bo'i rgyu srid pa'i phyir ro/ /de nyid ni rigs kyang yin zhing brtan pa'i bdag nyid can gyi mgon po ste/ de'i bdag nyid can gyi sngags so/ /de nyid ni grangs med pa'i rigs kyi bdag nyid can yin pas na mchog go /mi g.yo bas na snying po'o/ /'dod pa'i 'bras bu rab tu stsol ba nyid kyis na snying po'o/ /'di zhes bya ba ni 'og nas bshad pa'o/ /nyid kyi sku dang gsung dang thugs rdo rje las zhes bya ba ni khyad par med kyang yongs su gyur pa'i bye brag gis bstan pa'o/ /de nyid kyi phyir de nyid ces bya ba la sogs gsungs pa yin no/ /mi bskyod pa nyid phyag rgya chen pos rang snang ba'i rig pa dang yang dag par sbyor bas na phyag rgya chen por sbyor ba'o/ /de nyid dpag tu med pa'i sbrul gzugs kyi thabs kyi mchog gi 'jug pa'i mdzad pas khyab pa'i phyir te/ las yin yang gsum par byas so/ /nag po dang/ dkar po dang/ dmar po'i tshul du zhes bya ba la/ nag po ni rnam pa thams cad do/ /zhal g.yas pa ni dkar po'o/ /g.yon pa ni dmar ba'o/ /tshul 'dis na de nyid der bzhugs so zhes bya ba ste/ bdag nyid kyi nang du thim par gyur pa'o/ /'di dag thams cad ni cho ga 'di yis sems ni brtan po dang zhes bya ba nas dngos po thams cad kyis ni dbyung bar bya zhes bya ba'i bar kyi gzhung dang sbyar bar bya'o/ /de bzhin gshegs pa thams cad kyi dam tshig ni gzugs brnyan du shes pa 'byung zhing/ skye ba gang du rdo rje'i bdag nyid du gyur pa'i ting nge 'dzin me long lta bu'i tshul nyid du gyur pa de nyid la snyoms
- 184a
par zhugs te phyung ngo zhes bya bar sbyar ro/ /gti mug ni rnam pa gnyis te/ 'jig rten pa dang 'jig rten las 'das pa'o/ /de la 'jig rten pa ni mi shes pa'i mtshan nyid dang/ 'jig tshogs la lta ba'i mtshan nyid do/ /de'i gnyen po gnyis su med pa'i ye shes kyi ngo bo phyogs med par dngos po thams cad la bdag go zhes bya ba de lta bu'i tshul gyi nga rgyal ni gti mug chen po ste gnyis pa'o/ /de nyid ni rigs te zhes bya ba la sogs pa ni snga ma bzhin du sbyar bar bya'o/ /dkar po ni rnam pa thams cad mkhyen pa nyid do/ /zhal g.yas pa ni nag po'o/ /g.yon pa ni dmar po'o/ /de nyid kyis ni dzin dzi ni ki? ces bya ba dang/ sku rdo rje zhes bya ba la sogs pa'i tshigs su bcad pas bshad pa yin no/ /de bzhin gshegs pa thams cad kyi ngo bo nyid kyi rin po che ni mnyam pa nyid kyi ye shes so/ /de'i 'byung ba ni dngos po ma lus pa las skyes pa'o/ /de nyid ni mi phyed pa'i dpal yin pas na/ rdo rje dpal te/ ting nge 'dzin gang la bsam pa thams cad rdzogs par byed par 'gyur ba ming de skad ces bya ba'i ting nge 'dzin la snyoms par zhugs pa'o/ /nor bu yid bzhin nyid rigs yin no zhes bya ba la sogs pa ni snga ma dang 'dra'o/ /ser po ni rnam pa thams cad do/ /zhal g.yon pa ni dkar po'o/ /g.yas pa ni nag po'o/ /de nyid kyis na ratna d+h+raka ces bya ba la sogs pa'i tshigs su bcad pa smos pa yin no/ /de bzhin gshegs pa thams cad nyid 'dod chags chen po ste/ phyogs med pa can yin pa'i phyir ro/ /de'i 'byung ba ni skye ba ste/ so sor rtogs pa'i rnam pa'o/ /de nyid ni mi phyed par ting nge 'dzin gang du gyur pa de la snyoms par zhugs nas ye shes snga ma bzhin du sbyar bar bya'o/ /pad+ma rnam par dag pa ni 'dir 'dod chags te/ nge nyid ni rigs so zhes bya ba la sogs pa ni snga ma dang 'dra'o/ /sems can gyi don la so sor rtog cing gzigs
- 184b
pas na 'jig rten te/ de la dbang phyug tu gyur pa'o/ /de nyid na rig pa'i bdag po chen po ste/ 'od dpag tu med pa'o/ /de nyid ni phyag rgya chen par sbyor ba'o/ /de nyid ni thabs kyi mchog ste/ snga ma dang 'dra'o/ /dmar po ni rnam pa thams cad do/ /zhal g.yon pa ni dkar po'o/ /g.yas pa ni nag po'o/ /de nyid kyis na a ro lig ces bya ba la sogs pa'i tshigs su bcad pa smos pa yin no/ /phrag dog la spyod pa rnams la de rnam par dag pa'i thabs bstan pa'i phyir/ dam tshig gis snying rje chen pos bskyed pa'i phrag dog gis dgug pa mdzad nas nyams su blangs pa'i ngo bo nyid do/ /de nyid ni rigs so zhes bya ba la sogs pa ni sngar bshad pa dang 'dra'o/ /ljang gu ni rnam pa thams cad do/ /zhal g.yas pa ni dkar po'o/ /g.yon pa ni nag po'o/ /de nyid kyis na badz+nyA d+hIka ces bya ba dang/ zhes bya ba la sogs pa'i tshigs su bcad pa smos pa yin no/ /ral pa thor tshugs 'chad pa'i lha zhes bya ba la sogs pa 'og nas bshad pa'i gzhung bstan pas/ ral pa cod pan mdzes dang sna tshogs pa'i zhes bya ba la sogs pa'i don bshad pa yin te/ de bzhin gshegs pa rnams la ci rigs par sbyar bar bya'o/ /yongs su gyur pa'i dbye ba rnam par dag pa las/ rigs kyi dbye ba bstan pa'i phyir/ zhe sdang zhes bya ba la sogs pa gsungs te/ 'dod chags dang zhe sdang dang gti mug dang ldan pa'i sems ni 'di ni 'dod pa zhes bya ste/ de rnam par dag pas grol ba yin te/ 'di'i bdag nyid can gyi mi gnas pa rab tu sgrub par byed pa'o/ /don ni 'di yin te/ rigs lnga po 'di dag ni shes rab dang thabs kyi bdag nyid can te/ chos thams cad mnyam pa nyid kyi 'dod chags la sogs pa dang ldan pa'i sems kyis bsgom par gyur na/ sangs rgyas nyid la sogs pa'i 'bras bu rdzogs par byed yin no/ /da ni lha mo rnams kyi gdon pa bstan pa'i phyir/ de nas zhes
- 185a
bya ba la sogs pa gsungs te/ de bzhin gshegs pa thams cad nyid ni rdo rje 'dzin pa ste/ mi bskyod pa'o/ /de nyid ni mA ma kI la rjes su mnyes pas mnyes pa zhes pa'o/ /de nyid ni 'da' bar bya ba ma yin pas na dam tshig ste/ ting nge 'dzin la snyoms par zhugs nas so/ /rdo rje 'dzin thams cad ni mi bskyod pa'o/ /de'i phun sum tshogs pa'i mchog gi rgyur gyur pa'i btsun mo'i mchog ni mA ma kI ste de phyung ngo/ /zhes pa'o/ /mi bskyod pa rjes su mnyes pa'i ting nge 'dzin las byung bsam/ mi bskyod pa'i rigs dang 'brel pa ni mA ma kI ste/ rigs kyi rnam par bzhag pa 'di lta bu ni gzhan dag la yang sbyar bar bya'o/ /'di rnams zhes bya ba ni sngags kyi bdag nyid can mA ma kI phyung ba'o/ /de nyid ces bya ba la sogs pa ni snga ma dang 'dra'o/ /shar phyogs kyi grwar zhes bya ba ni pad+ma'i nang na mtshams gang du mA ma kI bzhugs de nyid kyi mtshams su bzhugs pa ste/ de yang bden brel gyi mtshams nyid yin no/ /la las lho phyogs kyi mtshams su zhes smos pa ni go sla ba nyid yin te/ de nyid kyis na bden bral mtshams su bsam zhes bya ba smos pa yin no/ /de bzhin gshegs pa thams cad ni rnam par snang mdzad/ de ni spyan la rjes su mnyes par byed pa yin te/ de nyid mi phyed par gang du gyur pa'i me long lnga bur de nyid la ting nge 'dzin du mdzad pa ste/ bshad zin to/ /de bzhin gshegs pa thams cad ni rnam par snang mdzad de de'i btsun mo'i mchog ces bya ba la sogs pa ni snga ma dang 'dra'o/ /lho phyogs kyi grwar zhes bya ba ni me'i mtshams so/ /de nyid kyis na mo ha ra ti zhes pas lha mo spyan zhes bya ba la sogs pa smos pa yin no/ /de bzhin gshegs pa thams cad kyi 'dod chags 'dzin pa rjes su mnyes par byed pa rdo rje zhes bya ba ni 'od dpag tu med
- 185b
pa'o/ /nub phyogs kyi grwar zhes bya ba ni rlung gri mtshams su'o/ /de nyid kyis na rA ga ra ti zhes bya ba la sogs pa yin no/ /de bzhin gshegs pa thams cad kyi sku dang gsung dang thugs zhes pa ni gdon mi za bar grub pa ste/ de'i sgrol mas rang gi bdag por nang du chud pas bskyed pa'i phrag dog gi ngo bo nyid kyi 'khor lo'i gtso bos phyi dang gsang ba'i mchod pa rnams kyis khyad par du gsal bar byed pa'i ting nge 'dzin gang du rdo rje ltar mi phyed bar gyur pa de la snyoms par zhugs pa'o/ /de bzhin du ting nge 'dzin snga ma rnams la yang ci rig par sbyar bar bya'o/ /yang na gang de bzhin gshegs pa thams cad kyi sku dang gsung dang thugs de rnams kyi slu ba ni dmigs su med pa'o/ /yang na gang bdag nyid kyis 'gro ba rnams kyis don bya'i/ gzhan dag gis ni ma yin no zhes phrag dog rnam par dag pa'i ngo bo rnam pa thams cad du bya ba sgrub pa'i ye shes kyi rang bzhin no/ /de nyid ni rdo rje dang 'dra bar gang du gyur pa'i ting nge 'dzin gdon mi za bar grub pa'i bdag nyid can la de skad ces bya ste de la snyoms par zhugs zhes bya ba ni bshad zin no/ /byang phyogs kyi grwar zhes bya ba ni dbang ldan gyi phyogs su ste/ badzra ra tis rab bskul zhes pa la sogs pa smos pa yin no/ /lag tu 'khor lo bsgom par bya zhes bya ba la sogs pa le'u bcu gsum pa las gsungs pa'i cho ga bstan pa'i phyir/ 'khor lo bzang dang utpal dmar po zhes bya ba la sogs pas bshad pa rnams ni phyag mtshan gyi gtso bo la sogs pa'i nges pa yin te/ 'di rnams dang ci rigs par sbyar bar bya'o/ /de bzhin gshegs pa thams cad nyid ni btsun mo'i mchog yin pa'am/ de rnams kyis btsun mo'i mchog ste/ de'i bdag nyid can gyi phun sum tshogs pa'o/ /de bzhin gshegs pa thams cad kyi btsun mo'i mchog
- 186a
nyid du gyur pa'i lha mo 'di rnams kyang mchod pa'i dkyil 'khor gyi bdag po la sogs par shes par bya ste/ gang sku'i ngo bo nyid kyis sku zhes bya ba la sogs pa 'og nas bshad pa yin gyi/ dkyil 'khor gyi sa la sogs pa rnam par dag pa'i btsun mo nyid du ni ma yin te/ rnam par dag pa dang 'gal bar thal bar 'gyur ro/ /de nas zhes bya ba la sogs bas ni bgegs 'joms par byed pa'i sgo srungs gdon pa gsungs pa yin te/ de bzhin gshegs pa thams cad ni rnam par snang mdzad de de'i dkyil 'khor ni sku'i dkyil 'khor ro/ /de byin gyis rlob pa ni dgug pa'i las kyis byang chub bskyed pa la chags par gang gis byed pa de la de skad ces bya ste/ khro bo zhes bya ba la sogs pa ni go sla'o/ /sku dang gsung dang thugs kyi chos rtogs par bya ba'i tshul rnam pa sna tshogs pa dang/ gcig pa la sogs pa dang bral bar dran pa de la nye bar 'jog cing/ de rnams la dad pa rnam par dag pa rten pa po'i tshul ni gshin rje mthar byed ces bya'o/ /de bzhin gshegs pa thams cad ni rnam par snang mdzad de/ de nyid ni le lo can gyi gdul bya'i sems can rnams gdul pa'i dbang gis bsnyengs par bya'o/ /des na shar phyogs kyi sgor zhes bya ba ni sku gsung thugs kyi chos rnams la/ gcig dang du ma la sogs bral ba/ /de dran der ni dad pa gang/ /shar gyi sgor ni rtogs byar 'dod ces bya'o/ /de nyid kyis na ya man+ta krita ces bya ba gshin rje gshed ces bya ba la sogs pa'i tshigs su bcad pa gnyis smras pa yin no/ /de bzhin gshegs pa thams cad kyi mngon par byang chub pa ni chos kyi dbyings kyi ye shes te/ de'i rang gi ngo bo nyid gnas pa'i rgyu'o/ /de nyid kyis
- 186b
na de bzhin gshegs pa thams cad kyi rang gi rigs kyi bdag po ni mi bskyod pa ste/ de'i ting nge 'dzin gang du mngon par rdzogs par byang chub pa mi bskyod pa lta bu de nyid snyoms par zhugs pa'o/ /de bzhin gshegs pa thams cad ni mi bskyod pa? ste/ de'i dkyil 'khor ni thugs kyi dkyil 'khor ro/ /de byin gyis rlob pa ni 'jug pa'i las kyis so/ /lhag ma rnams ni snga ma dang 'dra'o/ /dngos po phyung ba'i phyin ci log gis bag chags bcom pa dang mi skye ba'i bya pa'i phyir dang ma byung ba'i re kho na nyid kyi bag chags bskyed pa dang gnas par bya ba'i phyir/ brtson 'grus rnam pa bzhi ste/ de yang dge ba dang mi dge ba'i chos rnams la spel pa dang/ sba bar spro bar bya'o/ /de rnam par dag pa rten pa po'i ngo bo ster shes rab mthar byed do/ / rdo rje dam tshig ni mi bskyod pa ste/ de nyid ni snga ma bzhin bsnyengs par byed pa'o/ /des na lho phyogs kyi sgor zhes bya ba ni byung dang 'byung 'gyur zhes bya ba la sogs pas brtson 'grus bzhi bshad pa'i rten du gyur pa ni lho phyogs kyi sgo ste/ thar pa'i sgor 'jug par ngos pa nyid ces bya ba'i don to/ /de bas na pradz+nyAn+ta krita ces bya ba bla med 'od ces bya ba la sogs pa smos pa yin no/ /de bzhin gshegs pa thams cad ni mi bskyod pa la sogs pa ste/ de'i ngo bo nyid kyi chos ni rdo rje chos so/ / de nyid ni rin po che ste mngon par shes pa la sogs pa yon tan rnams kyi 'byung gnas su gyur pa'i ting nge 'dzin gang yin pa de la 'od dpag tu med pa lta bur snyoms par 'jug pa'o/ /de bzhin gshegs pa thams cad kyi 'dod chags 'chang ba ni 'od dpag tu med pa ste/ de'i dkyil 'khor ni gsung gi dkyil 'khor ro/ /de'i byin gyis brlabs pa ni dgug pa dang gzhug pa'i sems can gyi khams rnams kyang rang gi gnas nas mi 'gro bar mngon par zhen pas 'jug pa'i phyir
- 187a
'ching ba'i las can gyi ste/ lhag ma rnams ni snga ma dang 'dra'o/ /phung po lnga po la gzung ba dang 'dzin pa'i nus pa'i dbye ba dang bral ba'i tshig ma yin pa'i bdag nyid can yin pas na/ 'dun pa dang spro ba la gnas pa'i blo gros ni rdzu 'phrul gyi rkang pa ste/ mngon par shes pa la sogs pa'i yon tan rdzogs pa ni rdzu 'phrul lo/ /de'i rkang pa ni rgyu rnams so/ /de rnams la 'dun pa la sogs pas dmigs par byed pa la mi brjed pa'i mtshan nyid can gyi dran pa dang brtson 'grus rtsom pa la nye bar gnas shing/ dmigs pa brjed pa'i gnyen po la kun tu spyod pas 'dun pa med pa la sogs pa rnam par 'jig par 'gyur ro/ /de yang dran pa dang 'dun pa la sogs pa'i yul rnams kyi chos bkag pas bslad ba'i rten pa po'i ngo bo ni pad+ma ste/ de nyid ni 'dun pa med pa la sogs pa mthar byed pa yin no/ /de bzhin gshegs pa thams cad kyi gsung ni 'od dpag tu med pa ste/ de lta bu'i tshul du nub phyogs kyi sgor zhes bya ba 'dun pa sogs pa'i yul la dran pa'i rten du gyur pa ni nub kyi sgo yin te/ der zhes bya ba'i don to/ /de bas padmAn+ta krita ces bya ba la sogs pa tshigs su bcad pa gnyis smos pa yin no/ /de bzhin gshegs pa thams cad nyid ni sku dang gsung thugs te/ chos kyi dbyings kyi ye shes so/ /de nyid ni mi phyed pa'i ting nge 'dzin gang yin pa de la mi bskyed pa lta bur snyoms par zhugs pa'o/ /de bzhin gshegs pa thams cad ni rnam par snang mdzad la sogs pa ste/ de rnams kyi sku la sogs pa'i dkyil 'khor ro/ /de rnams kyi byin gyis brlob pa ni dgug pa dang gzhug pa dang/ bcing bas le lo la mngon par zhen pa'i sems can gyis khams rnams la dga' ba'i bya bas byin gyis rlob ba'o/ /lhag ma ni snga ma
- 187b
dang 'dra'o/ /rnam par mi rtogs pa'i sngar bshad pa'i dngos po rnams la ting nge 'dzin sems rtse gcig pa'i mtshan nyid can gyi sems rab tu dang ba la spro bas dmigs shing/ brjod pa med pas yongs su bskor ba'i chos rab tu rnam par byed pa mngon sum du byed pa'i stobs dang ldan pa'i rten pa po'o/ /ma dad pa la sogs pa'i bgegs rnams mthar byed pas na/ bgegs mthar byed do/ /byang gi sgor zhes bya ba ni ma dad pa la sogs pa'i bgegs rnams mthar byed pa'i ting nge 'dzin stobs dang ldan pa'i rten du gyur pa'i sgo ste/ der bzhugs zhes bya ba'i don to/ /de bas big+h+nAn+ta krita ces bya ba la sogs pa smos pa yin no/ /rnam par snang mdzad thugs gtso 'od dpag med ces bya ba la sogs pa'i tshigs su bcad pas na dbang bskur bshad pa yin te/ rtsa ba'i phyag mtshan la sogs pa'i nges pa yang/ bri ba'i dkyil 'khor gyi rje su 'brangs nas/ khro bo rnams la ci rigs par sbyar bar bya'o/ /de bzhin gshegs pa thams cad kyi sku gtso bor gyur pa'i dkyil 'khor ni sku'i dkyil 'khor ro/ /gsung gi dkyil 'khor dang/ thugs kyi dkyil 'khor yang de bzhin du shes par bya'o/ /dkyil 'khor de rnams mnyes par byed pa'i phyir thun mong gi dam tshig sems dpa' ni bgegs mthar byed do/ / cig shos dag kyang rang rang gi dkyil 'khor mnyes par byed pa'i phyir dam tshig sems dpar 'gyur mod kyi/ 'on kyang dang pa la sogs pa'i dbang po mnyam pa med pa'i ting nge 'dzin las yang dag par byung ba'i mnyes pa ni gshin rje gshed la sogs pa la thogs pa yong pa ma yin te/ gang gi phyir dang pas bkug la dad pa dang ldan pa ni brtson 'grus rtsom mo/ /brtson 'grus rtsom pa rnams ni dran pa nye bar 'jog go /dran pa 'jog pa rnams ni dgug pa la
- 188a
sems mnyam par 'jog go /mnyam par 'jog pa'i sems kyis ni yang dag pa ji lta ba bzhin du rab tu shes te/ dbang po rnams kyi rim pa 'di ni gshin rje gshed la sogs pa la mtshungs pa nyid yin no/ / de ltar na bzhi po ni dam tshig gi sems dpa' yin no/ /de ltar khro bo rnams kyi 'khor phun sum tshogs pa mnga' ba yin pas na/ 'dir rnam par dag pa bshad pa yin no/ /de bzhin gshegs pa rnams dang/ lha mo rnams kyi 'khor rnams kyi rnam par dag pa ni sngar bshad pa nyid yin no/ /gngon pa'i sngags de rnams kyi bshad pa ni bshad pa las gsal ba nyid du 'byung ba yin no/ /de bzhin gshegs pa thams cad kyi sku dang gsung dang thugs kyi bdag nyid can gyi gsang ba ni rdo rje 'chad ba'o/ /de bas na gsang ba yang yin la 'dus pa yang yin te/ tshogs par bshad pa'o/ /de bzhin gshegs pa thams cad kyi ting nge 'dzin gyi dkyil 'khor de'i byin gyis brlabs pa ste/ de ston par byed pa'i le'u'i gzhung rdzogs so// // le'u dang po'i 'grel pa'o// //da ni de nas zhes bya ba la sogs pas gnyis pa don dam pa'i byang chub kyi sems kyi le'u ston te/ sku dang gsung dang thugs kyi zhes bya ba ni sprul pa dang/ longs spyod rdzogs pa dang/ chos kyi sku'i ngo bo nyid do/ /de nyid kyi mchog go /de nyid ni de bzhin gshegs pa kun gyi gsang ba'o/ /de ci zhig ce na/ bla na med pa'i byang chub sems zhes bya ba ste/ 'di las gong na med pas na bla na med pa'o/ /'dir 'og nas byang chub kyi bdag nyid can gyi sems bya ba man chad 'dir 'ong/ de yang rigs bas dmigs su med pa yin te/ de ni ngo bo nyid gcig pa gnyis su med pa'i tshul nyid dmigs su med do zhes bya bar dgongs so/ /de ltar na 'di ni rdo rje sems dpa' i byang chub kyi
- 188b
sems gsungs pa yin no/ /da ni de nas zhes bya ba la sogs pas 'byin pa'i rim pa bor te/ sems lus lta bu dang zhes bya ba'i nye ba'i rim pa 'di nyid la brten nas/ /thugs kyi 'og tu sku'i ngo bo nyid rnam par snang mdzad kyi byang chub kyi sems gsungs pa yin no/ /de bzhin gshegs pa thams cad gang du mngon par rtogs shing snang ba'i rdo rje'i bdag nyid can du gyur pa'i ting nge 'dzin de la snyoms par zhugs pa ste/ me long lta bu zhes bya ba'i don to/ /dngos po thams cad ces bya ba ni gzugs la sogs pa ste/ de dang bral zhing gzugs kyi phung po dang/ khams dang skye mched rnams ni me long lta bu dang gzung dang 'dzin pa rnams spangs pa zhes bya ba gnyigs bdag med par bshad pa yin no/ /de nyid gsal bar bya ba'i phyir chos la bdag med mnyam nyid pas zhes bya ba gsungs pa yin no/ /rang sems zhes bya ba ni khyad par gzhan yang gsungs pa yin no/ /gzod nas ma skyes pa zhes bya ni gdod ma nyid nas brtags pa'i rnam par ma skyes pa'o/ /stong pa nyid kyi rang bzhin no zhes bya ba ni de nyid brtan par byas pa yin no/ /da ni de nas zhes bya ba la sogs pas bskyod pa'i byang chub kyi sems gsungs pa yin te/ de bzhin gshegs pa thams cad zad par mi 'gyur zhing/ nyams par mi 'gyur la/ chos kyi dbyings kyi ye shes kyi bdag nyid gang du mi phyed pa'i gzugs su bzhugs pa de ni mi bskyod pa lta bu nyid kyi ting nge 'dzin to zhes don gyi bshad pa'o/ /dngos po 'di rnams zhes bya ba ni phyi dang nang gi bdag nyid can gyi dngos po rnams so/ /ma skyes pas zhes bya ba ni dngos po med pa'o/ /rang gi mtshan nyid 'dzin pas na chos so/ /de med pas na chos nyid med pa'o/ /de lta na ni med pa'i stong pa nyid du thal bar 'gyur zhe na/ nam mkha' lta bur bdag med pa zhes bya ba gsungs to/ dmigs su
- 189a
med pa'i ye shes tsam zhes bya ba'i ngon to/ /rin chen 'byung ldan gyi byang chub kyi tshul gsungs pa/ de bzhin gshegs pa thams cad kyi bdag med pa nyid rdo rje ste/ mnyam pa nyid kyi rnam pa ste/ de skad ces bya ba'i ting nge 'dzin la zhes bya ba'i don to/ /chos rnams thams cad dngos med cing zhes bya ba ni zhes bya ba'i tshul gyis so/ /chos kyi mtshan ni gang gi phyir chos rnams kyi mtshan nyid gzugs ni gzugs su rung ba'o/ /zhes bya ba la sogs pa ste/ de rnam par spangs pa'o/ /de yang bya ba dang ni nyer 'dren kun/ /yung po la sogs khyad par du/ /mtshan nyid de yang de nyid de/ /des na 'di yang mtshan nyid bral zhes bshad pa'o/ /de nyid kyis na bdag med chos las te/ chos rnams bdag med pa ma yin par dgag pa la brten pa'i mnyam pa nyid kyi sems las kun tu byung ba ste/ de rnams kyi rang gi ngo bo nyid ces bya ba'i don to/ /'od dpag tu med pa'i byang chub kyi sems gsungs pa/ ye shes nyid 'od zer yin te/ nges na sems can gyi don la so sor rtog pas na sgron pa'o?/ /de nyid rdo rje ltar gnyis su med pa'i gzugs can yin pa'i ting nge 'dzin gang yin pa de ni tshe dpag med lta bur zhes bya ba'i don to/ /ma skyes pa ste bem po'i chos rnams la ngo bo med pa zhes pa btags pa'i dngos ba med cing de la sgom pa yang med pa'o/ /'o na da ltar ci zhig yod ce na/ nam mkha' i tshul du sbyor ba yis zhes bya ba gsungs te/ dmigs su med pa'i ye shes kyi tshul gyis so/ /de ltar sngar bshad pa'i dngos po ste/ gnyis su med pa'i rang bzhin du rab tu bsgrags shing/ so sor rtog go zhes pa'o/ /gdon mi za bar grub pa'i byang chub kyi tshul gsungs pa/ de bzhin gshegs pa thams cad zil gyis gnon pa ni bdag
- 189b
nyid kyis sems can gyi don bya'o zhes brag dog rnam par dag pa'i ngo bo bya ba bsgrub pa'o/ /de nyid ni rdo rje ste/ gnyis su med pa'i bdag nyid can yin te/ de skad ces bya ba'i ting nge 'dzin la zhes bya bar sbyar ro/ /chos rnams rang bzhin 'od gsal ba zhes bya ba ni sems kyi rang bzhin no/ /gzod nas dag pa zhes bya ba ni bya ba bsgrub pa'i ye shes kyi rang gi ngo bos gdong ma nyid nas ngag pa yin gyi/ da ltar ni ma yin no/ /de nyid kyis na ston pas sems can thams cad ni de bzhin gshegs pa'i snying po can zhes gsungs pa yin no/ /nam mkha' bzhin bya ba ni dmigs su med pa'o/ /byang chub med cing zhes bya ba ni 'ing las tha mi dang ba'o/ /mngon par rtogs pa med ces bya ba ni la ma tha dad par gyur pa yang yong pa ma yin te/ byang chub dang lam gnyi ga yang nge'i ngo bo nyid yin pa'i phyir ro/ /de lta mod kyi goms par bslabs pa'i gnas skabs su mi gsal ba nyid kyis na gnyis su med pa'i ye shes nge la lam gyi bden pa zhes bshad la/ gsal ba'i gnas skabs su ni 'bras bu zhas bya'o/ /de nyid kyis na 'dir zhi ba dang srid pa'i ngo bo 'dir/ chos nyid kyis na dbye ba 'ga' yang mer ces bya ba la sogs pa'i tshigs su bcad pa smos pa yin no/ /de nas zhes bya ba la sogs pas ni ngo mtshar du gyur pa sngon du 'gro ba'i chad du brjod pa'i thabs kyis sngar bshad pa'i don ston pa yin te/ e ma'o sangs rgyas zhes bya ba ni kun tu bzang po dang/ byang chub kyi sems gnyis tha mi dang bas de la phyag 'tshal ba gsungs pa yin no/ /de bzhin du 'di'i 'og ma rnams la yang byang chub kyi sems dang tha mi dang par shes par bya'o/ /byang chub sems ni rab bskor ba zhes bya ba ni 'og nas gdul bya'i dbang gis bya ba 'dir 'ong/ byang chub kyi bdag nyid can gyi sems yin pas na byang chub sems so/ /snying po zhes bya ba ni nye bar blang bar bya'o/ /gsol ba
- 190a
btab pa'i rjes thogs nyid la lags so zhes par bstan pa ni byang chub sems dpa' thams cad kyi zhes bya ba la sogs gsungs pa yin te/ yongs su rtogs pa zhes bya ba ni kun nas 'dri ba'i bsam pa'o/ /thugs kyis mkhyen nas zhes bya ba ni dag pa 'jig rten pa'i ye shes nyid kyis so/ /sems lus lta bu dang zhes bya ba ni brtags pa'i rnam pa'i sems dgag pa'o/ /lus sems lta bu dang/ zhes bya ba ni brtags pa'i bem po'i lus dgag ba ste/ 'dis ni sems dang lus khyad par med par bshad pa yin no/ /sems tshig tu brjod pa zhes bya ba la sogs pas ni ngag dang sems kyang khyad par med par gsungs pa yin no/ /de ltar na de ni khams gsum po rnam pa bcas pa ni shes pa tsam gyi ngo bo nyid yin no zhes ston pa yin no/ /da ni de nas zhes bya ba la sogs pas nyan pa po de rnams dngos po'i ngo bo nyid ci ltar gnas pa bzhin du de nyid rjes su brjod pa yin par sdud par byed pas smras pa yin te/ de bzhin gshegs pa thams cad kyi ngo bo nyid kyi sku dang gsung dang thugs nam mkha' lta bur zhes bya ba gnyis su med pa'i ye shes kyi tshul du yang dag par sbyar nas/ ched du brjod pa zhes bya ba ched kar brjod pa brjod do zhes bya ba smras so zhes bya ba'i don to /de gang zhig yin zhe na/ e ma'o zhes bya ba la sogs pa gsungs te/ brtags pa'i rnam pa med pa la sogs pa gang yin pa de'i skye ba med pa'i tshul gyis na dngos po gnas par gyur pa ni ma yin te/ rnam pa sna tshogs pa skye ba'i de ni rab tu bsgrags shing bshad do zhes bya ba'i don to/ /de ltar na 'dis ni chos nyid kyis spyir byang chub kyi sems bshad nas/ de nas zhes bya ba la sogs pas
- 190b
sangs rgyas drug po'i byang chub kyi sems re re nas gsungs pa yin te/ de bzhin gshegs pa thams cad kyi mngon par rdzogs par byang chub pa'i tshul ting nge 'dzin gang du rdo rje dang 'dra bar gyur pa de la rdo rje 'chang ba lta bu nyid du snyems par zhugs so zhes bya bar sbyar ro/ /dngos po med pa zhes bya ba ni med par dgag pa'i tshul du bsgoms pa rnams kyi dngos po med pa'o/ /de ni gzung ba la sogs pa'i tshul du rnam par brtags pa'i bsgom pa de yang bsgom pa ma yin te/ yang dag pa ma yin pa la mngon par zhen pa yin pa'i phyir ro/ /de ltar zhes pa'i phyir dngos po de nyid yang dag par rig pa yin par bshad pas dngos po med par gyur te/ brtags pa ni dngos po med pa yin pa'i phyir ro/ /ma yin par dgag pa la brten pas ni de las kyang yang dag par rig par bshad pa don dam par spong ba las gang tha dad par gyur pa'i bsgom pa po'i bya bar mngon par 'dod pa ni bsgom pa yin la/ gdul bya'i dbang gis dag pa 'jig rten pa'i ye shes kyi tshul gyis so/ /de la le'u 'di'i don nyid ni snying rjes 'jig rten 'di ni ma lus pa zhes bya ba la sogs pa'i tshigs su bcang pa gnyis kyis pa bshad pa yin no/ /le'u gnyis pa'i 'grel pa'o// // de nas zhes bya ba la sogs pas ni le'u gsum pa gsungs pa yin te/ lcde bzhin gshegs pa thams cad kyi 'phro ba nyid rlan dang bcas pa nyid yin pas na sprin no/ /de'i bkod pa ni tshogs so/ /de nyid ni rdo rje zhes pa/ rdo rje sems dpa' ste ting nge 'dzin nge la zhes bya ba'i don to/ /byang chub kyi sems bsgom pa byin gyis rlob pa'i gsang sngags gsungs pa ni oM zhes bya ba la sogs pa ste/ oM zhes bya ba ni lha'i sku'o shU n+ya tA ni stong pa nyid do/ /de nyid ni dz+nyA na ste ye shes so/ /de nyid ni
- 191a
badzra ste rdo rje yin no/ /swa b+ha ba At+ma ko haM zhes bya ba ni de'i ngo bo nyid kyi bdag nyid can ni bdag go zhes bya ba'o/ /de yang dngos las stong pa gzhan ma yin/ /de med par yang dngos po med ces slob dpon klu sgrub kyi ji skad bshad pa lta bu'o /gzhi'i dkyil 'khor bstan pa ni nam mkha' i dbyings zhes bya ba ste chos 'byung ba'o/ /de'i dbus gnas par/ sangs rgyas dkyil 'khor zhes bya ba ni yi ge b+hUM gi 'khor lo las byung ba'i rin po che'i cod pan gyis rnam par snang mdzad yongs su gyur pa'i dkyil 'khor ro/ /de yang b+hUM gi 'khor lo las byung rigs bcas pa'i/ rnam par snang mdzad yan lag las yang dag byung zhes ji skad bshad pa'o/ /sangs rgyas nyid 'bar ba ste/ de dang mnyam pa'i 'od zer mda' ba gang yin pa de la de skad ces bya'o/ /de nyid kyis na 'od zer sna lngas kun du khyab ces bya'o/ /de yang thub dbang 'od kyi dkyil 'khor sna tshogs pa'i/ /zer gyis phyogs tshogs ma lus kun tu khyab ces ji skad bshad pa'o/ /kun nas yongs su zlum por te zhes bya ba ni phyi dang nang zlum po ste/ dbus su zur bzhi pa nyid yin no/ /'dod par bya ba yin pas na 'dod pa'o/ /de nyid ni rnam par dag pa nyid kyi tshul gyis goms shing brlab par bya ba yin pas na yon tan no/ /lnga ni gzugs la sogs pa ste des khyab pa'o/ /mchod pa rnam pa lnga ni lha bshos la sogs pa ste/ de rnams kyis brgyan pa'o/ /de'i phyir gzugs la sogs pa yul rnams rnam par dag pa ni zhes bya ba la sogs pa'i tshigs su bcad pa smos pa yin no/ /da ni mdor na de ltar zhes bya ba la sogs pas de bzhin gshegs pa drug po'i sku mdog la sogs pa gsungs pa yin te/ gzugs zhes bya ba ni sangs rgyas kyi sku'o/ /dbus su zhes bya ba ni dbus ma'i gdan la'o/ /bsgom
- 191b
par bya zhes bya ba ni yid kyis sam/ rdul tshon gyis so/ /phyag rgya chen po zhes bya ba ni lha'i sku'o/ /sku gsung thugs kyis mtshan pa'o zhes bya ba ni de rnams kyis byin gyis brlabs pa'o/ /de dag ni 'di'i 'og ma rnams la shes par bya'o/ /sku gsung thugs kyi rdo rje zhes bya ba ni rdo rje 'chang ba'i 'o/ /phyag rgya zhes bya ba ni sku mdog la sogs pa dang ldan pa'i phyag rgya chen po'o/ /lam zhes bya'i sgra ni phyag mtshan gyis phyag rgya 'am rdul tshon gang la yang rung ba bsgom par bya'o/ /'di dag kyang gong ma dang 'og ma gnyis ka la sbyar bar bya'o/ /tshogs gnyis dang ldan pa yis zhes bya ba ni ye shes dang bsod nams kyi tshogs rnam par dag pa'i ngo bo lha mo dang lha phor snang ba'i yang dag pa'i sbyor ba dang spun? pa yis so/ /'di yang gong ma dang 'og ma gnyis la yang sbyar bar shes par bya'o/ /'dir ni rnam par snang mdzad dang/ mi bskyod pa gnyis nye bar gyur pa dang ldan pa ni rdo rje 'chang rnam par snang mdzad kyi sku mdog dang/ mi bskyod pa'i phyig mtshan dang ldan pa'o zhes shes par bya ba'i phyir ro/ /de gnyis kyis na 'di'i 'og nas 'di'i sku mdog la sogs pa mi ston to/ /in+d+ra nI la'i kha dog 'dra zhes bya pa ni mi bskyod pa'i sku dang rtsa ba'i zhal ni sngon por bsgom par bya'o zhes bya ba'i don to/ /shel dang zhes bya ba la sogs pas ni rnam par snang mdzad kyi sku mdog la sogs pa ston pa yin no/ /thor tshugs cod pan gyis brgyan pa zhes bya ba ni thams cad la sbyar bar bya ste/ ral pa'i cod pan mdzad dang zhes bya ba la sogs pa thams cad smos pa lta bu'o/ /'dzam bu chu bo'i zhes bya ba la sogs pas ni rin chen dpal gyi sku mdog la sogs pa gsungs pa yin no/ /rdo rje chen po zhes bya ba ni bri ba'i dkyil 'khor gyi rjes su 'brangs pas rin po che ma ra ka ta nyid gzung bar bya'o/ /de nyid kyis na ma ra ka ta zhes bya ba la
- 192a
sogs pa gsungs pa yin no/ /pad+ma rA ga zhes bya ba la sogs pas ni 'od dpag tu med par sku mdog la sogs pa gsungs pa yin no/ /'od zer sna lnga zhes bya ba la sogs pas ni gdon mi za bar grub pa'i sku mdog la sogs pa gsungs pa yin no/ /da ni de nas zhes bya ba la sogs pas rdzogs pa'i lha rnams byin gyis brlabs pa'i sngags gsungs pa yin te/ chos rnams kyi dbyings ni ma lus te/ rang bzhin gyis 'od gsal ba'i stong nyid yin la/ de'i ngo bo nyid kyi ting nge 'dzin la snyoms par zhugs so zhes bya bar sbyor ro/ /de yang gzung 'dzin la sogs pa rnam bral bas zhes bya ba la sogs pa smos pa yin no/ /da ni rin chen kha dog sna lnga pa zhes bya ba la sogs pas sems nye bar g.yeng bzhi par bya ba'i phyir/ phra mo'i rnal 'byor bsgom pa gsungs pa yin te/ rin chen zhes bya ba ni rang gi lha'i mtshan ma'i rin po che'o/ /sna'i rtse mo zhes bya ba ni lha mo'i gsang ba'i chu skyes kyi sna rtse'o/ /rtag par zhes bya ba ni ci srid sems rtse gcig bar gyur gyi bar du'o/ /brtan par red nas zhes bya ba ni brtan pa'i mtshan ma shes nas legs par rin po che'i mtshan ma sbro bar bya'o/ /spro ba'i mtshan ma bstan pa'i phyir sangs rgyas 'bar ba zhes bya ba la sogs pa smos pa yin te/ sangs rgyas kyi sbrin spro bar bya'o zhes bya ba'i don to/ /rin po che'i mtshan ma 'ba' zhig tu ma zad kyi mtshan ma gzhan dang gzhan dag kyang spro bar bya'o zhes bstan pa'i phyir/ 'khor lo rdo rje zhes bya ba la sogs pa smos te/ ral gri 'jon pa'i phyag mtshan ni na ral gri'o/ /spro ba'i bdag nyid can gyis zhes bya ba ni de dag dbyer mi phyed pa'i blo yod pas so/ /yang na sngar gyi phyag mtshan thams cad kyang mchog tu gyur pa yin pas na rin po che zhes bya la/ de las kyang
- 192b
brtan par byas nas mtshan ma lnga po nyid spro bar bya'o zhes bshad pa'i phyir/ 'khor lo rdo rje zhes bya ba la sogs pa gsungs so/ /'dir yang mdzod 'dzin ni rin po che'o/ /mtshon cha ni ral gri'o/ /don 'dis na yang na/ rang gi mtshan ma phra mo ni zhes pa la sogs tshigs bcad gnyis smos pa yin no/ /da ni nam mkha' i dbyings zhes bya ba la sogs pas sangs rgyas rnams kyi gdan gsungs pa yin te/ chos 'byung ba'i nang du chud pa'i khang pa brtseg ma'i dbus na gnas pa'o/ /rdo rje'i dkyil 'khor zhes bya ba ni mi bskyod pa'i dkyil 'khor te/ nyi ma'i dkyil 'khor la bri bar bya'o/ /gsal ba'i dkyil 'khor ni zla ba'i dkyil 'khor te/ de'i dbus su 'khor lo'i dkyil 'khor zhes bya ba rnam par snang mdzad bsgom par bya'o zhes bya ba'i don to/ / de bas na thams cad nyi ma'i dkyil 'khor dag la bsam zhes bya ba'i spyi'i tshig 'di la/ sngar gyi shar gyi pad+ma zla ba'i dbus su bsam zhes dgar ba'i tshigs tu gsungs pa yin no/ /pad+ma'i dkyil 'khor 'dra bar ni zhes bya ba ni 'od dpag tu med pa'i dkyil 'khor de nyi ma la gnas par bsgom par bya'o/ /bzlas pa bsgom pas zhes bya ba ni sngags bzlas pa dang/ bsgom pa dang lnga pa'i rnal 'byor pas so/ /rin chen dkyil 'khor 'dra bar ni zhes bya ba ni rin chen 'byung ldan te/ nye ma'i dkyil 'khor la gnas par rin po che la brtson pas bsgom par bya'o/ /sbyor ba'i dkyil 'khor las byung ba zhes bya ba ni mi bskyod pa la sogs pa bzhi dang 'brel ba'i sku mdog dang sbyor bas dkyil 'khor rang gi ngo bo'i bdag nyid can ljang gu gang yin pa de ling? skad ces bya ste/ gdon mi za ba grub pa yin par bshad la/ de'i yang nyi ma'i dkyil 'khor nyid du yang dag par byung zhing ldan par bya'o zhes bya ba'i don to/ /dris pa rnam par snang mdzad 'ba' zhig la gsal ba'i
- 193a
dkyil 'khor nyid yin par gsungs na de mi bskyod pa la sogs pa'i gdan nyi ma'i dkyil 'khor yin par mngon par 'dod do/ /ci ltar shes zhe na/ de brjod par bya ste/ gsal ba la sogs dkyil 'khor ldan zhes gleng gzhi'i le'u las gsungs la/ der sogs pa zhes smos pas ni nyi ma'i dkyil 'khor nyid yin par 'dod do/ /'dir yang rnam par snang mdzad kyi gdan ni zla ba'i dkyil 'khor yin pas/ gsal ba'i dkyil 'khor zhes bya ba'i sgras nges pa nyid du gsungs la/ ngon gyis na mi bskyod pa la sogs pa bzhi'i gdan ni nyi ma'i dkyil 'khor nyid yin par shes so/ /da ni 'di dag ces bya ba la sogs pas dkyil 'khor 'di dag gis sangs rgyas tha mi dang par gsungs pa yin te/ dkyil 'khor 'di dag ni sangs rgyas rab mchog gi sku dang gsung dang thugs bsgom pa la gcig pa nyid kyis sangs rgyas rab mchog go /rdo rje las byung ba'i zhes bya ba ni rdo rje 'dzin pa las yang dag par byung ba'o/ /thams cad 'dzin pa'i tshul ni thams cad mkhyen pa nyid tshul yin la/ tshul nyid kyang thams cad mkhyen pa ste/ de thob pa'o/ /le'u gsum pa'i 'grel pa'o// //da ni de nas zhes bya ba la sogs pas le'u bzhi par bri ba'i dkyil 'khor bstan pa'i phyir gsungs pa yin te/ gzhung 'dis ni ti nge 'dzin gsum dang ldan pa'i slob dpon dkyil 'khor gyis sa'i dbus na gnas pa la rnam par snang mdzad la sogs pa'i rnal 'byor pa rdo rje dril bu 'dzin pa'i slob ma rnams kyis 'og nas bshad pa'i bstod pa'i rgyal pos gsol ba btab nas dkyil 'khor bri bar bya'o zhes ston te/ 'di tshigs su bcad pa dang pos ni spyi'i gsol ba 'dibs bston
- 193b
to/ /tshigs su bcad pa gnyis pa ni sku'i dkyil 'khor sprul par gsol ba btab pa yin no/ /tshigs su bcad pa gsum pas ni gsung gi dkyil 'khor sprul par gsol ba btab pa yin no/ /tshigs su bcad pa bzhi pa ni thugs kyi dkyil 'khor sprul par gsol ba btab pa yin no/ /de lta bas na de ltar sbyor gnas slob dpon ni/ /sangs rgyas kun bdag gzugs can yin zhes bya ba la sogs pa'i tshigs su bcad pa mar me mdzad bzang po'i zhal snga nas kyis bshad pa yin no/ /da ni de nas zhes bya ba la sogs pas thugs kyi dkyil 'khor gyi tshul gyis sku'i dkyil 'khor khong du chud par bya'o/ zhes shes par bya ba'i phyir thugs kyi dkyil 'khor nyid bshad pa gsungs pa yin te/ sems kyi rdo rje rab 'dra ba zhes bya ba ni rang ge gzugs can no/ /gang 'di thugs kyi dkyil 'khor yin mod kyi/ 'on kyang rnam par dag pa gsum dang ldan pas sku la sogs pa'i rang gi ngo bo yin no zhes bstan pa'i phyir sku dang gsung dang thugs rnams kyi/ dkyil 'khor zhes bya ba gsungs pa yin no/ /dkyil 'khor thig gdab pa'i phyir srang bu'i mtshan nyid ston te/ lus ngag sems ni bsgoms pa yis zhes bya ba ni lus la sogs pa ltar bsgoms pas so/ /sar ba zhes bya ba ni dkyil 'khor gzhan du yongs su ma spyang ba'o/ /legs par bkal zhes bya ba ni shin tu legs par bsgril ba'o/ /tshad ma zhes bya ba ni chur 'khor lo'i nyis 'gyur la sboms su sgo'i nyi shu cha'o/ /mdzes pa yis zhes bya pa ni mdud pa med pa dang/ mi shong pas so/ /'di'i don ni dkyil 'khor gyi cho ga las/ rtag pa la sogs rang gi dngos zhes bya ba nas brtsams te/ srad bu 'dzin pas dkri bar bya zhes bya ba'i bar las shes par bya'o/ /thig gdab pa'i cho ga yang de nyid las shes par bya'o/ /khru ni bcu gnyis tshad du bya zhes pa
- 194a
ni nye bar mtshon pa tsam yin gyi dkyil 'khor ni tshad nges pa med pa yin te/ ji skad du sems can bsam pa'i dbang gis ni/ tshad la sogs pa'i nges par byas zhes bshad ba lta bu'o/ /phyag rgya dgod bar bya zhes bya ba ni mtshan ma'i phyag rgya dgong pa la bya'i zhal dang phyag la sogs pa dang ldan pa'i phyag rgya dgod par bya ba ni ma yin te/ de mthong bas thos pa dang mi ldan pa rnams gal te mi shes par 'gyur ba srid pas na ngan 'gror 'gro bar thal bar 'gyur ro/ /de skad du mu stegs rnams la phan pa'i phyir/ sangs rgyas btsun mo rab tu sbas zhes gsungs pa lta bu'o/ /de dbus rdo rje bri ba ni zhes bya ba ni thugs rnam par bdag pa'i rdo rje dkyil gyi dbus su nyi ma'i dkyil 'khor la bri bar bya ste/ dkyil 'khor 'di ni thugs gtso bor byas pa yin pa'i phyir ro/ /de bzhin du sku la sogs pa rnam par dag pa 'khor la sogs pa ni rnam par snang mdzad la sogs pa'i phyag mtshan te/ de rnams rang gi gdan la ci lta ba bzhin du bri bar bya'o zhes bstan pa'i phyir/ 'khor lo chen po zhes bya ba la sogs pa gsungs so/ /sprin gyi dbus dang 'dra ba'i 'od ces bya ba ni dbus su sprin gyi 'od dang 'dra ba ste/ 'khor phun sum tshogs par bstan pas rnam par dag pa la nye bar dgos pa nyid yin pa'i phyir dang mtshan ma dang ting nge 'dzin gyi ngo bo gdon pa ston pas gzugs rdo rje la sogs pa dkyil 'khor pa yin gyi/ 'dod pa'i rgyal po la sogs pa dang/ sa'i snying po la sogs ni ma yin te/ de rnams kyi rgyu'i tshogs bshad ma thag pa med pa'i phyir ro/ /de bas na gzugs rdo rje la sogs pa'i mtshan ma me long la sogs pa gnas ji lta ba bzhin du bri bar bya'o/ /de nyid bstan pa'i phyir/ sems kyi zhes bya ba la sogs smos te/
- 194b
gzugs kyi ngo bo nyid gzugs rdo rje la sogs phyag mtshan me long la sogs pa'i gzugs su dkyil 'khor gyi mtshams bzhi dang/ shar phyogs kyi sgo'i ngos gnyis su bzhag par bya'o/ /lus dang dag sems mchod pa yis zhes bya ba ni sku la sogs pa'i de bo nyid kyi yi ge gsum gyis gdon par bya'o zhes bya ba'i don to/ /don 'di nyid kyis na de ltar dkyil 'khor bris nas ni/ /zla ba nyi mar gdan byas par/ /dbus su ral gri bri bar bya zhes bya ba la sogs pa'i tshigs su bcad pa smos pa yi no/ /da ni sgrub pa gtso bo yin par ston pa ni bud med rab tu mdangs bzang ba zhes bya ba la sogs pa yin te de nyid kyis na/ de nas dam tshig mchog sbyor ba/ /gzugs dang lo'i yon tan ldan zhes bya ba mas brtsams te/ dngos grub kun gyi phyir bya'o zhes bya ba'i bar gyis bshad pa yin te/ 'di dag bdag gis ma bshad do/ /de ltar thugs gtso bor gyur pa'i dkyil 'khor ni le'u bcu drug pa las 'di nyid kyi tshul dang rjes su mthun pa nyid du khong du chud par bya ba'o/ /le'u bzhi pa'i 'grel pa'o// //le'u lnga par sgrub pa po'i khyad par gyi spyod pa'i khyad par ston pa'i phyir de nas zhes bya ba la sogs pa gsungs te/ spyod pa kun gyi kun tu spyod pa ste/ de dang mchog gi chos te/ 'di dag ni don du gnyer ba yin pas na don kyang yin pa'i phyir de skad ces bya ba'o/ /rnam par mi rtog pa'i don ni the tshom dang bral ba'i don te/ de las byung ba ni gnas pa'o/ /sngar ni 'dod chags zhes dang gti mug rigs te/ phyis de rnam par dag par gyur pa yin la de yang dngos grub sgrub par byed do zhes sbyar bar bya'o/ /theg pa mchog ni bla med pa zhes bya ba ni pha rol tu phyin pa'i tshul ni bla na yod pa dang bcas pa yin? la/ theg pa chen po ni 'di ni bla na med pa'o zhes bya bar dgongs
- 195a
so/ /rigs dan zhes bya ba la sogs pas ni rigs la sogs pa'i des pa'i bzlog pa yin te/ de skad du/ dngos grub thabs shes las byung na/ rigs sogs nges pas ci zhig bya zhes bshad pa'i phyir ro/ /yang gang zhig 'grub par mi 'gyur zhe na/ snying nas slob dpon zhes bya ba la sogs pa gsungs te/ dngos grub ni slob dpon la rag las pa yin no zhes par dgongs so/ /sangs rgyas gtso bo'i yum dag pa zhes bya ba la sogs pa ni bdag gis ma bshad do/ /rnam par mi rtog blo can gyis zhes bya ba ni khyad par du 'phags pa'i ting nge 'dzin rnam par gsum dang/ gnyis su med pa'i ye shes dang ldan pa'i mkhas pa'o/ /rigs dan la sogs pa la khyad par du smos pa ni the tshom med par snang pa 'di lta bu'i bdag nyid can ni de kho na nyid du dgag pa ma yin no/ zhes ston pa'i phyir ro/ /de nyid kyis na phyin ci log gi rtog pa las grol bas zhes bya ba la sogs pa'i tshigs su bcad pa dang/ /dge ba dang mi dge ba'i rnam pa dag nges bya ba la sogs pa de dang bshad pa yin no/ /nga ni nges nas zhes bya ba la sogs pas ci la nga mngon par 'dod pa'i sgrub pa la chags pa'i nyan pa po rnams ngan 'gror 'gro bar ma gyur cig snyam du shes bzhin du/ sgrib pa rnam pa bsel ba la sogs pa ngo mtshar gyis bslad pa'i yongs su bzlog pa gsungs pa yin te/ chos nyid dag pa 'di zhes bya ba ni gzung ba dang 'dzin pa dang bral ba'o/ /dag pa zhes bya ba ni dri ma med pa'o/ /snying po'i chos kyi don gang yin par khyad par can rtogs shing bslabs pa de las yang dag par byung ba'o/ /da ni byang chub sems dpa' rnams kyi de kho na nyid ma shes pas chos nyid shin tu rnyed par dka' ba nyid du bstan pa'i phyir/ 'jigs pa la sog bstan par mdzad pa yin
- 195b
pas na/ de nas zhes bya ba la sogs pa gsungs te/ nam mkha' ltar mnyam pa nyid de nyid gnyis su med cing/ rdo rje ste mi phyed pa'i ye shes kyi ting nge 'dzin gang yin pa de la snyoms par zhugs so zhes bya ba sbyor ro/ /dbyes pas khyab pa ni gzengs mtho bar gyur ba'o/ /e ma'o chos e ma'o chos zhes bya ba ni dga' bas dam ste/ gnyis su med pa'i tshul yin yang sna tshogs pa'i gzugs can du gyur pa ni ngo mtshar yin no/ /chos ni shin tu rnam par dag pa'i ngo bo ste/ nges don dag par 'gyur ba'i bdag med pa'o zhes mtshams sbyar ba'o/ /rnam par mi 'gyur zhes bya ba ni dus gsum char du yang ye shes kyi bdag nyid can gyi yin pa'i phyir ro/ /snang ba med ces bya ba ni snang ba la byed pa po med pa'i phyir ro/ /dbyings gyur ba zhes bya ba ni bskyed pa'i sa bon zhes bya ba'i don to/ /spyod pa ni byang chub kyi spyod pa ste/ de le gnas ni zhi'o zhes bye bar mtshams sbyar ro/ /le'u lnga pa'i 'grel pa'o// //le'u drug pa sku dang gsung thugs byin gyis brlabs pa'i sngags bshad pa'i phyir de nas zhes bya ba la sogs pa gsungs te/ thugs rdo rje byin gyis brlab pa'i sngags brjod pa'i dus su mi bskyod pa lta bu'i ting nge 'dzin la snyoms par 'jug par bye'o/ zhes bstan pa'i phyir/ mi bskyod pa rdo rje'i sgras ni ston pa po gsungs pa yin te/ de bzhin du 'di'i 'og ma rnams la yang ci rigs par bya'o/ /de bzhin gshegs pa thams cad kyi ngo bo nyid kyi sku dang gsung dang thugs gang yin pa de nyid ni gsang ba'i rdo rje ste/ rnam par dag pa'i ngo bo nyid gang yin pa'i ting nge 'dzin de la mi bskyod pa'i rang bzhin du 'dir mngon par 'dod de/ de la snyoms par zhugs so zhes sbyar bar bya'o/ /thugs byin gyis brlab pa'i sngags zhes bya ba la/ thugs ka'i zla ba'i
- 196a
gdan dang/ rin po che'i dbu rgyan mnga' ba'i thugs rdo rje ste/ de'i byin gyis brlab pa'i sngags zhes bya ba'i don to/ /rdul dang bral ba'i gnas rdo rje zhes bya ba ni me long lta bu'i ye shes kyi rnam pa'o/ /mnyam pa nyid mi gnyis pa'i rdo rje zhes bya ba ni nye bar dgod pa so sor rtogs pa'i rnam pa'o/ /rdo rje gsum po zhes bya ba ni thugs rdo rje la sogs pa ste/ de ni de bzhin gshegs rnams kyi gsang ba'o/ /de nyid ni khams gsum byin gyis rlob par byed pa yin pas na gnas so/ /gnas kyis zhes bya ba ni sngags kyis te/ yi ge hUM la sogs pas rnam par bsgom zhing bskyed par bya ba gang yin pa'o zhes mtshams sbyar ro/ /sngags nyid ni mtshan te/ des mtshan par byas pa ni snying kha na gnas pa'i mtshan ma'i dbus na gnas pa'i zla ba la gnas pa'i sa bon gyis mtshan pa zhes pa'i don to/ /mchog rab 'di yis zhes bya ba ni de ltar bshad pa'i sngags kyis so/ /bsgrub pa nyid du bya zhes bya ba ni byin gyis brlab par bya ste/ bskyed par bya ba ni ma yin no zhes khong du chud par bya ste/ yi ge hUM la sogs pa'i sa bon rnams las sngar byung ba nyid yin pa'i phyir ro/ /de ni 'di ltar dri med rang snying zla ba'i zhes bya ba nas brtsams te/ mtshan nyid dag dang bral bar dmigs nas ni zhes bya ba'i bar gyi gzhung dang sbyar bar bya'o/ /ye shes sgron ma ni mnyam pa nyid kyi ye shes te/ de nyid rdo rje rin chen 'byung ba lta bu'i ting nge 'dzin gang yin pa de la zhes bya bar sbyar te/ rin chen 'byung ldan nyid ni 'di nyid kyi rjes su mnyes par byed pa'i bdag nyid can yin pa'i phyir ro/ /gdon mi za ba'i rdo rje zhes bya ba ni don yod par grub pa lta bu ste/ de nyid ni mchod pa'i dbang du byas pa yin pa'i phyir ro/ /de la 'di ni pad nang rang gi sa bon 'od rnams kyis zhes bya ba nas brtsams te/ oM
- 196b
sarbba ta thA ga ta pu dzA badzra swa b+hA ba At+ma ko haM zhes bya ba'i bar yin par blta bar bya'o/ /de ni sku la sogs pa byin gyis rlob par mdzad pa'i bde bar gshegs pa'i tshogs rnams yang dag par bskul ba'i 'od zer dang/ tshigs su bcad pa la sogs pa bstan pa'i phyir de nas zhes bya ba la sogs pa gsungs te/ sngags la dmigs pa ni nges par bsam pa'o/ /de'i tshul gyis rnam par snying po'i sa bon las byung ba'i mchod pa'i lha mo rnams kyi 'od zer rnams kyis zhes bya ba'i don to/ / gang dang zhes bya ba ni yang dag par bskul ba'i tshigs su bcad pa rnams kyis de bzhin gshegs pa rnams kyi thugs yang dag par bskul ba dang ldan pa'i rnal 'byor ba ni des byin brlabs te/ yang dag pa'i dngos grub bsgrub par bya'o zhes bshad par bya'o/ /de ltar na bye brag gi blo mi bya'o zhes bshad pa ni sems la dmigs pa zhes pa ste/ sems kyi tshor ba'i dmigs pa gang yin pa ni bshad ma thag pa'i tshul gyis nges par bsgom pa'o/ /de'i tshul ni bdag med pa'o/ /de'i 'og tu rag dang zhes bya ba ni byin gyis rlob pa'i sngags kyi lus kyi rnam pa lta bu'i sku dang gsung dang thugs rdo rje rnam par bsgom zhes bya ba byin gyis brlab par bya zhing bsgrub par bya ba'o/ /sbyor ba rnam gsum zhes bya ba ni sku la sogs pa'i shes rab kyi yang dag par sbyor ba nam mkha' dang 'dra bar mnyam pa nyid de'i ngo bo nyid 'gro ba rnams kyi gnas so/ /de yang gang gi phyir lus la sogs pa dmigs pa na/ ngo bo nyid kyis brtags pa dmigs su med do/ /de bas na sngags kyi lus sbyor ba la tha dad pa'i rgyur gyur pas byang chub med cing bsgom pa med ces bya ba ste/ de'i rang bzhin nyid du 'gyur ro zhes bya bar dgongs so/ /sngags kyis brtags pa zhes bya ba ni bshad ma thag pa'i rnam pas sngags kyis byin gyis brlab pa'o/ /de la chog 'di ni
- 197a
de'i thugs ka'i 'od kyi tshogs rnams dang zhes bya ba la sogs pas ston to/ /da ni phra mo'i rnal 'byor kha bskang ba'i phyir/ de nas zhes bya ba la sogs pa gsungs te/ nam mkha' i dbyings kyi dbus gnas par zhes bya bar rig pa'i chos 'byung ba'i nang du chung ba'i khang pa brtsegs pa'i dbus ma'i gdan la bzhugs pa'o/ /sangs rgyas gzugs zhes bya ba ni rdo rje 'dzin pa'i gzugs su bsgom pa'o/ /de dang por gyur pas rdo rje 'dzin pa'i phra mo'i sbyor ba yang dag bar brtsam par bya'o/ /'di nyid kyi khyad bstan pa'i phyir/ sna'i rtse mor zhes bya ba la sogs pa gsungs te/ 'di dag kyang 'de'i 'og ma rnams la yang sgyar bar bya'o/ /sangs rgyas sku zhes bya ba ni rdo rje 'dzin pa rnam par bsgoms te zhu bar gyur pa de'i steng du de'i rjes la gnas zhes bya ba mi bskyod pa'i sa bon yi ge hUM rim gyis bzhag par bya'o/ /rdo rje 'dzin pa'i sa bon yang 'di bzhin du lta bar bya'o/ /'di'i 'og ma rnams la yang sa bon dgod pa rang gi ji lta ba bzhin du sbyar bar bya'o/ /sbyan gyis tshul du sbyor ba la zhes bya ba ni rnam par snang mdzad kyi rang snang ba'i rig pa dang yang dag par sbyor ba bsgom par bya'o/ /rdo rje pad+ma rnam par bsgom zhes bya ba 'di yang gong ma dang 'og ma gnyi ga la sbyar bar bya'o/ /rin chen dkyil 'khor zhes bya pa ni rin chen 'byung ldan gyi'o/ /dang po'i sbyor zhes bya ba ni bsnyen pa la sogs pa nas rjes su mnyes pa'i mthar thugs pa'i bar ro/ /'di dag kyang gong ma dang 'og ma gnyi ga dang sbyar bar bya'o/ /pad+ma'i dkyil 'khor zhes bya ba ni 'od dpag tu med pa gtso bor gyur pa'o/ /'od kyi dkyil 'khor zhes bya ba ni gdon mi za bar grub pa'i rnal 'byor can gyi'o/ /sangs rgyas tshul zhi bar spro zhes bya ba ni 'dres pa la sogs pa bsgom pa'i rjes thogs la sa bon yongs su gyur ba las
- 197b
rang gi lha gngon par bya'o/ /'khor zhes bya ba ni dkyil 'khor ba'i lha'i 'khor lo 'byin pa'i rim pas gdon pa'o/ /utpal mthing kha'i zhes bya ba la sogs pas ni bdag pa'i lha'i mtshan ma la phra mo'i rnal 'byor bya'o zhes ston pa yin no/ /'di yang 'dir snga ma dag la yang sbyar bar bya'o/ /de nyid kyis na yang rang gi mtshan ma phra mo ni zhes bya ba la sogs pa smos pa yin no/ /zas su bshad gci zhes bya ba la sogs pas ni gtsang ba dang mi gtsang ba'i khyad par med par ston pa yin no/ /go 'phang las byed ces bya ba ni 'dod pa'i las byed pa'o/ /lus dang ngag sems las 'das pa'o/ /zhes bya ba ni bem po'i lus la sogs pa rnam par 'das pa'o/ /le'u drug pa'i 'grel pa'o// //de nas zhes bya ba la sogs pas ni le'u bdun pa gsungs pa yin te/ dam tshig chen po zhes bya ba ni rdo rje 'dzin pa'i dkyil 'khor te de nyid na de kho na nyid do/ /de'i bdag nyid can gyi sngags spyod ba ste/ de nyid ni mchog mngon par rdzogs par byang chub pa yin te/ de ston par byed pa'i le'u gsungs so/ /'dod pa'i longs spyod thams cad la zhes bya ba la sogs pas ni sngags pa rnams kyi gsang sngags bsgrub pa la slob pa'o/ /slong mo za zhing zhes bya ba la sogs pa la brtul zhugs kyi tshul gyi slong mo dgag pa ston to/ /yan lag mnyams zhes bya ba ni bsnyen pa la sogs pa'i yan lag dang ldan pa'o/ /'dod pa'i yon tan bsten zhes bya ba la sogs pa ni 'dod pa'i yon tan lnga po bsten pa nyid kyis byang chub tu 'gyur gyi/ sdug bsngal bsten pas ni ma yin no zhes ston to/ /byang chub nyi ma zhes bya ba ni sangs rgyas rnams so/ /rnam gsum zhes bya ba ni mchog dang 'bring dang/ tha ma'i dbye bas so/ /mchod par byed pas zhes bya ba ni tha dad par mi rtog pa'o/ /rin chen 'byung gnas zhes bya ba
- 198a
ni mi bskyod pa ste/ sbros pa'i tshul gyis bshad na de nyid sgra'i dbang du byas pa yin no/ /'dod chags chos 'byung ba nas zhes bya ba ni rin chen 'byung ldan no/ /don yod rdo rje mchog 'dzin pa zhes bya ba ni 'od dpag tu med pa'o/ / rang gi rigs zhes bya ba ni snga ma yang shes bar bya'o/ /mi bskyod pa zhes bya ba ni chos kyi brdas ni don yod par grub pa yin te/ de ltar na 'di ni rnam par spros pa'i tshul bstan nas/ rnam par spros pa med pa'i tshul du rdo rje sems dpa' gsungs pa ni gzugs dang sgra la sogs pa zhes gsungs pa yin no/ /sems zhes bya ba ni rdo rje sems dpa' o/ /'di nyid ni sangs rgyas thams cad bzlog pa'i dbye bas rnam par spros pa ni gsang ba'i snying po btus pa'i tshul yin no/ /lha nyid du zhes bya ba ni gzugs rdo rje la sogs par ro/ /rigs kyi tshul du rnam par bsgom zhes bya ba ni rnam par snang mdzad la sogs pa'i rigs lnga'i dbye ba bsgom pas so/ /de la spyod pa'i cho ga 'di ni langs nas ngag pa'i sems dpa' i rang gi lta'i zhes bya ba la sogs pa'i tshigs su bcad pa gsum gyis bshad pa yin no/ /sangs rgyas rjes su dran par sbyor zhes bya ba la sogs pas ni rjes su dran pa bcu drug ston te/ sngar mthong ba'i don la phra mo'i rnal 'byor gyi gnas skabs su mtshan ma rnam pa lnga byung nas/ spro ba la sogs pa'i tshul gyis phyis dran par bya ba yin pas na rjes su dran pa'o/ /sangs rgyas te rnam par snang mdzad kyi rjes su dran pa la ni sbyor ba ste/ thabs dang shes rab gyi bdag nyid can gyis/ bsgom par bya'o/ /chos te 'od dpag tu med pa'i rnam pa rjes su dran pa bsgom pa la ni sku dang gsung dang thugs kyang bsgom zhing rjes su dran par bya'o/ /rdo rje ste mi bskyod pa rjes su dran pa bsgom pa la ni rigs te/ gcig dang
- 198b
gsum dang lnga la sogs pa rjes su dran pa'i sbyor ba bsgom par bya'o/ /khro bo ste gshin rje gshed la sogs pa rjes su dran pa bsgom pa la ni dam tshig ces bya ba 'og nas bshad pa'i rnam pa gzhan gyi rjes su dran pa'i yang dag bar sbyor ba bsgoms na byang chub 'thob par 'gyur ro/ /gal te rjes su mthun pa'i mtshan nyid dang ldan pa brnyed na phyi rol gyi rig ma'i rnam par dag pa gsungs pa ni lo grangs bcu drug ces bya ba la sogs pa gsungs so/ /byin gyis brlab pa'i gnas gsum gyis zhes bya ba ni sku dang gsung dang thugs byin gyis brlab pas so/ /spyan zhes bya ba ni rang snang ba'i rig pa'o/ /rdo rje dang pad+ma'i rnam par dag pa/ gsungs pa ni yi ge hUM dang zhes bya ba la sogs pa ste/ /yi ge hUM gis rdo rje pad+ma 'dab ma brgyad par grub pa la brtag par bya'o/ /yi ge oM ni rdo rje'i nor bu'i cha grub par bya ba'i phyir ro/ /yi ge phaT ser po ni gnyi ga'i dbab pa nod pa la'o/ /yi ge a(rgyud 'grel): ni sna tshogs pad+ma'i lta ba grub pa la sbyar ro/ /bshad ma thag pa'i rjes su dran pa bcu drug tu phye ba rnams kyi mtshan nyid bstan pa'i phyir/ de la zhes bya ba la sogs pa gsungs te/ sangs rgyas gzugs zhes bya ba ni sna'i rtse mor gnas pa'i mtshan ma'i lta ba'i 'khor lo la bdag po rnam par snang mdzad sbro bar bya ste/ 'di ni nye bar mtshan pa yin gyi/ bsdu ba la sogs pa yang blta bar bya'o/ /de bzhin du 'di'i 'og ma rnams la yang shes par bya'o/ /rdo rje sems dpa' zhes bya ba ni mi bskyod pa 'am yang na rdo rje sems dpa' o/ /rang gi khu ba'i thigs pa yis zhes bya ba ni byang chub kyi sems te thogs pa sngon du 'gro ba'i sangs rgyas dang/ rdo rje sems dpa' bsgom par bya'o/ /dam tshig rjes su dran pa'i rab tu dbye ba ni dkyil 'khor rjes su dran pa yin no/ /rang gi khu ba dag dbyung zhes bya bar sbyar te/ de las byung ba'i dkyil 'khor/
- 199a
yang dbyung bar bya'o/ /dkyil 'khor tshul du bya ba ni dkyil 'khor gzhan gcig tu spro ba'i bdag nyid can no/ /phung po lnga yis rab tu rgyas zhes bya ba ni rnam par dag pa'i gzugs la sogs pa'i phung pos gde ba'o/ /sems rjes su dran pa'i rab tu dbye ba'i sems rjes su dran pa'o/ /mkha' dang mtshungs par spyod par 'gyur ba zhes bya ba ni nam mkha' dang mnyam par kun tu rgyu ba'i dang tshul lo/ /sku dang gsung dang thugs gcig tu bsdus pa'i rjes su dran pa gsungs pa ni de la zhes bya ba la sogs pa ste/ sngags thams cad kyi gzugs kyi rang bzhin gyi sku dang gsung dang thugs te/ de rnams kyi rjes su dran pa ni bsgom pa'o/ /sngags kyi rdo rje'i sku gang yin pa zhes bya ba ni sngags kyi bdag nyid can gyi rdo rje can gyi sku gang yin pa'o/ /ji lta bu zhe na gsungs zhes bya ba ste byin gyis brlab pa'i tshigs su bcad pa'i sngags so/ /sku yis rnam bsgoms pas zhes bya ba ni rnam par dag pa'i skus rnam par bsgoms pa'o/ / bdag gi yang lus de dang 'dra bar 'gyur zhes bya bar sbyar ro/ /yang dam tshig rjes su dran pa'i dbye ba gsungs pa don de la zhes bya ba la sogs pa ste/ dam tshig ni rang gi so sor snang ba'o/ /cho ga bzhin zhes bya ba ni 'bar ba'i oM gyis byin brlabs rlung dang ni zhes bya ba la sogs pa bshad pa'i rim gyis so/ /bsad na zhes bya ni ro gcig par bya'o/ /ma skyes pa zhes bya ba ni byis pas brtags pa'i rnam pas so/ /byang chub med cing zhes bya ba la sogs pas ni rang las tha dang bzlog par byed pa yin no/ /de nyid ni rang bzhin gyis 'od gsal pa'i ye shes gcig pu mthar thugs pa'i gnas skabs su ma rigs pas ldongs pa las ldog pa'i dbye bas byang chub mngon par rdzogs pa la sogs pa'i ngo bor
- 199b
brtags pa dang/ gzhan gyi dbang dang yongs su grub pa zhes bya ba la sogs pa chos kyi rigs pa sna tshogs pa bzhin du rab tu shes shing ston pa yin la/ don dam par ni de thams cad dbyer med pa nyid pa? yin no/ /de nyid kyang shin tu goms pa'i dbang gis gnyis su med pa'i tshul gyis gsal bar 'gyur pa yin no/ /mtshan med ces bya ba ni phyi rol gyi mtshan ma med pa'i phyir ro/ /rigs rjes su dran pa'i rab tu dbye ba ni zhe sdang gi rigs mchod pa rjes su dran pa'o/ /tshe 'di nyid la zhes bya ba 'dir ni nyin mtshan gyi sbyor bas zhes bya bar shes par bya'o/ /spyi'i dngos grub gzhan rnams ni? 'di nyid kyi nang du 'dus so zhes bstan pa'i phyir/ sku dang zhes bya ba la sogs pa gsungs so/ /gang gzhan phra mo zhes bya ba ni rig pa 'dzin pa dang/ mi snang ba la sogs pa'i dngos grub rnams so/ /de ltar na rjes su dran pa bcu drug po 'di ni las kyi mchog gi ting nge 'dzin du de dang der spro ba la sogs pa rab tu ston pa nyid kun tu bzang po las bshad pa yin no/ /le'u bdun pa'i 'grel pa'o// // de nas bya ba la sogs pas brgyad pa dam tshig le'u gsungs pa yin te/ thar pa'i lam ni rab ston pa zhes bya ba la thar pa'i byang chub ste/ de'i lam ni dkyil 'khor gyi rnam pa'i lam gyi bden pa ste/ de rab tu ston pa zhes bya ba'i don to/ / gsol ba btab pa'i rjes thogs nyid la/ lan gsungs pa ni de nas rgyal po rdo rje 'dzin ces bya ba sogs pa gsungs so/ /rdo rje rin chen 'dzin ces bya ba la/ rdo rje nyid rin po che ste/ de 'dzin pa zhes bya ba'i don to/ /rdo rje mi phyed gsum gnas pa zhes bya ba ni sku dang gsung dang thugs la mi phyed pas gnas pa'o/ /byol song skye gnas brtag ces bya ba ni bshad pa'i na tshod kyi tshang las lhag pa dang/ ma tshang ba'ang gzung bar bya'o zhes bya ba'i don to/ /bsam gtan gyi gnas su gsungs
- 200a
pa ni sa phyogs zhes bya ba la sogs pa ste/ gtsang zhing zhes bya ba la sogs pa ni gtsang spra dang ldan pa'o/ /rgyal ba nyid skyes zhes bya ba ni rnam par snang mdzad las byung ba'o/ /de yang tsan dan bzang po la sogs kyis byugs shing zhes bya ba la sogs pas bshad pa yin no/ /rigs lnga'i tshogs su bya ba gsungs pa ni nu ma'i zhes bya ba la sogs pa ste/ nu ma'i bar zhes bya ba ni snying khar ro/ /glang pa rgyas kyi bar zhes bya ba ni spyi bor ro/ /rkad pa'i bar zhes bya ba ni brla gnyis kyi mtshams la sogs par ro/ /lte ba dang rked pa dang gsang bar rgyal ba'i ngo bo nyid kyi sa bon rigs lnga'i dgod pa bya'o/ /cho ga shes pas zhes bya ba ni lha mo bskyed pa'i yan lag bzhi la sogs pa'i cho ga shes pa'o/ /de nyid bstan pa ni nam mkha' i dbyings kyi dbus gnas par zhes bya ba ste/ khang pa brtsegs pa'i dbus na gnas pa'o/ /ye shes rgya mtsho zhes bya ba ni shes rab po/ /de nyid kye bdag nyid ni ye shes sems ma phyag mtshan gyi lte ba'i zla ba'i dbus su de'i snying khar bsgom par bya'o/ /de ltar so sor bskyed nas bdag dang lhan cig tu bya'o zhes gsungs pa ni zhe ba rdo rje zhes bya ba la sogs pa gsungs so/ /zhi ba rdo rje 'dzin ces bya ba ni rnal 'byor ba'o/ /'dod na zhes bya ba ni rnal 'byor pa 'dod na de la brten pa'o/ /shes rab de nyid khyad par dang bcas par gsal bar gsungs pa ni rin chen zhes bya ba la sogs pa ste/ /rin po che sna bzhi'i rang bzhin ji ltar mdzes pa bzhin du/ mchod rten zhes bya ba khang pa brtsegs ma bsgoms la/ der ye shes kyi rgya mtsho zhes bya ba shes rab dus gsum gyi sangs rgyas rnams kyi gnas su gyur pa de yin par rnam par bsam par bya'i/ /de ni 'di ltar de bzhin rang gi lhar 'dra rang snying pos zhes bya ba la sogs pa dang sbyar ro/ /da ni mchod pa'i cho ga gsungs
- 200b
pa yin te/ de bdag gis sdu zhes bya ba la sogs pa la/ utpa'ang? zhes bya ba ni thabs kyi cha rnam pa lnga'o/ /pad+ma zhes bya ba ni gzugs rdo rje la sogs pa shes rab kyi cha rnam pa lnga'o/ /de ni 'di ltar gzugs rdo rje la sogs pa lha mo lngas yongs su rgyas par bshad pa yin no/ /dzA ti rnam gsum zhes bya ba ni dman pa dang bar ma dang mchog gi gnas kyi dbye ba'i bdag nyid can chos kyi dbyings kyi rdo rje'o/ /me tog kar ni kar dang zhes bya ba la sogs pa'i me tog bzhis ni spyan la sogs pa bzhi yin par 'dod do/ / de ltar na lha mo bcu po 'di dag gis mchod pa'i sprin kun spro ba la sogs pa'i tshul gyis rab tu brtag par bya'i/ me tog ji lta ba nyid du ni gzung bar mi bya ste/ le'u bco brgyad pa las /me tog ces ni gang la bgyi zhes bya ba la/ lha mo dgu dang nam mkha' i dbyings zhes gsungs pa'i phyir ro/ /mchod pa'i khyad par nyid gsungs pa ni dpag tshad ces bya ba la sogs pa'o/ /mtshan ma yang mchod pa'i don du spro ba la sogs pa'i tshul gyis bsgom par bya'o zhes gsungs pa ni pad+ma rdo rje zhes bya ba la sogs pa'o/ /gsang ba'i mchod pa gsungs nas/ phyi'i mchod pa yang dbul ba'i rnam par dag pa gsungs pa ni rin chen na bza' la sogs pa zhes bya ba la sogs pa ste/ phyi'i yang sems can gyis lhag par sdrul pas sbyin pa'i phyir mchod pa bya'o zhes bya ba'i don to/ /thabs la mkhas pa'i rnal 'byor pas 'dod pa'i mchog la spyod pas kyang mchod pa dbul bar bya'o zhes gsungs pa ni bdag po'i phyag rgyar zhes bya ba la sogs pa ste/ sangs rgyas la sde rnam par dag pa'i 'dod pa'i blo can rnams la dbang po gnyis reg pa'i yang dag par sbyor ba de dbyer mi phyed par bsgom pas dbul bar bya'o zhes bya bar sbyor ro/ /dam tshig lnga pos mchod pa gsungs pa ni nam mkha' i dbyings kyi zhes bya ba la sogs pa ste/ chos 'byung
- 201a
ba'i khang pa brtsegs ma'i nang du chud par dkyil 'khor bkod pa ste/ lha'i tshogs kyis bdag nyid can rnam par snang mdzad yongs su gyur pa'i dkyil 'khor bsgrom par bya'o/ /de'i dbus su bdag gi lus de bzhin gshegs pa'i rang bzhin du'o/ /de nyid kyis na bla ma'i rang bzhin gyi dam tshig rnams kyis mchod par bya'o/ /brtan pa'i blo ldan pas zhes bya ba ni thams cad mnyam pa nyid kyi blo dang ldan pa'o/ de ltar na 'di dag thams cad ni pad nang rang gi sa bon 'od rnams kyis zhes bya ba la sogs pas rdzogs par bya'o/ /dam tshig gis yongs su gcod pa dam tshig gi le'u'o/ /le'u brgyad pa'i 'grel pa'o// //de nas zhes bya ba la sogs pas ni le'u dgu pa gsungs te/ sku dang gsung dang thugs longs spyod pa zhes bya ba ni bdag nyid du byas pa'o/ /de nyid ni rdo rje gsum po mi phyed pa'i dkyil 'khor yin te/ de lta bur gyur pa de bshad pa'o/ /bsam gtan las byung ba'i las kyi tshogs gsungs pa ni nam mkha' i zhes bya ba la sogs pa ste/ sangs rgyas dkyil 'khor zhes bya ba ni rnam par snang mdzad yongs su gyur pa'i dkyil 'khor te/ de'i dbus su rdo rje mi bskyod pa rab tu bsgoms nas/ de'i lag tu rdo rje bsgoms par bya'o/ /de ltar ci rigs par lta bcu dgu dang ldan pa'i 'khor lo bsams la/ bsgrub par bya ba dkon mchog gsum la gnod par byed pa/ dmyal ba la sogs par mngon par phyogs pa la bltas te/ de las gdon par 'dod pa'i snying rje chen pos non pa'i rnal 'byor pas sdu ba'i dngos po rnam pa bzhis bcos par mi nus pa rnams la/ kha sbyar dbye ba la sogs pa'i cho gas rdo rjes phye mar brlag par bya'o/ zhes khong du chud par bya'o/ /bde ba'i khyad par la chags pas mtho ris kyi don du phyugs kyi mchod sbyin byed pa la sogs pa lta bu ni ma yin
- 201b
no/ /de bzhin du gzhan dag tu yang shes par bya'o/ /sems can thams cad ces bya ba ni/ gdug pa rnams te/ de bsad pa'o/ de yang rnal 'byor pa 'di lta bu ni snying rje chen po dang ldan pas de lta bu khyad par du 'phags pa'i sngags kyi sbyor ba'i bsgrub pas bsad pa'i mthus mi bskyod pa'i sangs rgyas kyi zhing du rgyal ba'i sras su skye bar 'gyur te/ bsod nams de'i stobs kyis rnal 'byor pa de yang de bzhin du rgyal ba'i sras su skye bar 'gyur ro/ /de ltar na 'di ni zhe sdang gi rigs kyi dam tshig gi de kho na yin par shes par bya'o/ /rigs thams cad kyi rgya mtsho zhes bya ba ni gti mug la sogs pa'i rigs kyi rnal 'byor pa la yang cho ga 'di lta bur dam tshig 'gal ba med do zhes bya ba'i don to/ /ser snas bsgrubs pa'i yi dags la sogs pa'i 'gre ba dgag par bya ba'i phyir/ ma byin par len pa rnam par dag pa gsungs pa ni de nas zhes bya ba la sogs pa ste/ 'khor lo'i dkyil 'khor zhes bya ba ni rnam par snang mdzad kyi'o/ /sangs rgyas thams cad ces bya ba ni dkyil 'khor pa'i lha rnams rnam par bsgom par bya ba ste/ 'di dag kyang thams cad du shes par bya'o/ /rin chen kun gyi zhes bya ba ni rdzas rnams kyi ste/ sbyor ba yis zhes bya ba ni rgyus so/ /rdo rje'i gzugs ni sangs rgyas kyi gzugs te/ rab tu brtag pa ni de'i ngo bo nyid du ser sna can thams cad do/ /de las nor rnams thams cad sku la sogs pa'i rdo rjes dbrog par bsgom par bya'o/ /de las nor thams cad phrogs nas kyang/ yang de nor dang ldan zhing yid bzhin gyi nor bu dang 'dra bar sbyin pa por 'gyur zhing rnal 'byor pa rnams la yang 'di lta bu'i bsod nams kyi tshogs skye bar 'gyur te/ bsam pa yongs su dag pa yin pa'i phyir ro/ /ji skad du/ byang chub sems dpa' i kun rtog las/ /dge ba 'am yang na mi dag
- 202a
ba/ /thams cad dge ba nyid du gyur te/ gang phyir de yid dbang gyur yin zhes bshad pa lta bu'o/ /gti mug la sogs pa'i dam tshig gi de kho na nyid 'di ni zhe sdang gi rigs kyi rnal 'byor pa rnams la yang dgag pa med pa yin no/ /phrag dog can gyi skyes bu rnams rjes su gzung bar bya ba'i phyir/ 'dod pas log par g.yem pa'i spyod pa rnam par dag pa gsungs pa ni de nas zhes bya ba la sogs pa ste/ pad+ma'i dkyil 'khor ni pad+ma'i rigs kyi dkyil 'khor te/ bud med lta bur yang dag par sbyor bar khams gsum na gnas pa thams cad bsgom par bya'o/ /dam tshig bzhi'i sbyor ba yis zhes bya ba ni dus bzhi'i sbyor ba 'am/ phyag rgya bzhi'i sbyor ba dang/ dbang po gnyis kyi sbyor bas bud med de dag thams cad nye bar spyad par bya'o zhes ba'o/ /gal te byang chub kyi sems la dmigs nas bud med 'ga' zhig rjes su chags par gyur na de'i tshe 'di la yang rnam par dag pa 'di nyid kyis des nye bar longs spyad par bya'o/ /'di ni 'dod chags kyi rigs kyi dam tshig ste/ sbyor ba gzhan dag la yang shes par bya'o/ /de ltar na lus kyi las rnam pa gsum rnam par dag pa bstan nas/ rdzun du smra ba rnam par dag par bya ba'i phyir gsungs pa ni de nas zhes bya ba la sogs pa yin te/ rdo rdo thogs med ces bya ba ni gdon mi za bar grub pa ste/ gzhan dag la phan par bya ba'i phyir/ lha'i 'khor lo dang ldan pa'i rdzun du smra ba de nyid ni rdo rje'i tshig ste/ de nye bar mtshon pa'i lha thams cad kyi gzugs bsgom par bya'o/ /nam mkha' i gsung zhes bya ba ni gsung gi rang bzhin gyi dmigs su med pa'i ye shes so/ /de nyid kyis ni shin tu dri ma med pa'o/ /'di ni dam tshig dgug pa'i phyir rigs kyi dam tshig de kho na nyid de/ sbyor ba gzhan dag la yang sbyar bar bya'o/ /
- 202b
tshig rtsub mo smra ba la sogs pa'i rnam par dag gsungs pa ni de nas zhes bya ba la sogs pa ste/ dam tshig ni 'da' bar mi bya ba'i mnyam pa nyid kyi ngo bo nyid de'i dkyil 'khor ro/ /de ltar dkon mchog dpal bdag por rab tu bsgoms la/ sangs rgyas kun gyis zhes bya ba lta rnams kyis phan tshun rtsub mo'i dag la sogs pa 'di dag ste/ tshig de gdul bya'i skye bo rnams la phan gdags par bya ba'i phyir spro bar bya'o/ /sogs pa'i sgra la sogs pa 'di dag gis ni stong pa nyid du rtsod pa la sogs pa gzung ste/ des lha rnams kyi 'khor lo bsten na bla na med pa'i ye shes 'thob par 'gyur ro/ /de ltar na 'dis ni dag gi las rnam bzhi rnam par dag pa gsungs nas ni sems rnam par dag pa ni lus dang dag gi las yin la/ sems rnam par dag par byed pa ni gzhan dag med de/ de bas na bdag nyid de rnam par dag par byed pa yin no/ /sems rnam par dag pa de yang de dang der mang du gsungs pa nyid yin no/ /gnod sems la sogs pa yid kyi mi dge ba rnam pa gsum rnam par dag pa ni 'dir mi gsungs so/ / don 'di nyid kyis ni rjes su mthun pa'i 'gro ba'i don rnams dang zhes bya ba la sogs pa tshigs su bcad pa bzhi smos pa yin no/ /ma 'ongs pa'i 'gro ba rnams kyis khong du chud par bya ba'i phyir/ ngo mtshar la sogs pa brjod pa gsungs pa ni de nas zhes bya ba la sogs pa ste/ de bzhin gshegs pa thams cad kyis dam tshig gi rdo rje ni gdon mi za bar grub pa'o/ /dpal ni sgrib pa thams cad sel ba ste/ de la sogs pa pos te/ de nas rdo rje'i tshig 'di smras zhes bya bar sbyar ro/ /rmad byung chen po zhes bya ba ni gal te 'dis nan tan du byas nas shes par bya ba yin pa'i phyir ro/ /dag pa las zhes bya ba ni 'gal ba'i las rnam par dag pa yin pa'i phyir ro/ /kun rdzob ces bya ba ni sbyor ba 'di ni gnyis su med pa'i ye shes yin yang/ gzung ba la
- 203a
sogs pa sbros pa sna tshogs ba de ni kun rdzob yin no/ /ji skad du sum cu pa las kyang/ bdag dang chos su nyer 'dogs pa/ /sna tshogs dag ni gang byung pa/ /de ni rnam par shes par gyur ces bshad pa'i phyir ro/ /le'u dgu pa'i 'grel pa'o// //le'u bcu bar de bzhin gshegs pa thams cad kyi thugs yang dag par bskul ba bstan pa gsungs pa ni/ de nas zhes bya ba la sogs pa ste/ gang na yang mi gnas mnyam pa nyid ces bya pa ni mnyam pa nyid kyis gang na yang mi gnas ba ste/ rten dang brten pa por gyur pas mnyam pa nyid du gyur pa med par thal bar 'gyur ba'i phyir ro/ /pha rol tu phyin pa ni shes rab bo/ /de nyid kyi sngags kyi tshul rdo rje ste rdo rje'i 'dzin pa lta bu'o/ /de lta bu'i ting nge 'dzin la snyoms par zhugs pa'o/ /zhi ba la sogs pa'i sgro nas bskul bas de kho na nyid kyi las mdzad pas na rig pa'o/ /de yang ji skad du zhi ba la sogs pas rab bskul ba'i/ las rnams byed par rig par bshad ces bshad pa lta bu'o/ /sngags kyang yin la thams cad kyang yin pa ni de bzhin gshegs pa ste/ de rnams kyi snying po kun tu bskul ba ni drag pos kyang ngo/ /de bzhin gshegs pa thams cad kyi zhes bya ba la sogs pas ni sku'i sgo nas rtsom pa'i sngags kyi rnam par dag pa ston te/ gsung dang thugs su yang mngon par brjod pa ni de dang tha mi dad pa'i phyir ro/ /de bzhin du rdo rje 'dzin thams cad kyi zhes bya ba la sogs pa ni thugs kyi sgo nas so/ gsung gi sgo nas kyang sngags rnam par dag pa gsungs pa ni tshig gi lam nges par brjod pa zhes bya ste/ tshig med cing tshig dang ldan pa med du zin kyang/ tshig gi nye bar dgong bas gsungs pa'o/ /'dar zhing zhes bya ba la
- 203b
sogs pas ni sngags kyi che ba'i bdag nyid gsungs pa yin te/ sngags 'di lha mo dang rdo rje can gyis rnal 'byor pas bzlas na/ 'di lta bu'i mthu 'di snyed dang ldan no zhes bya ba'i don to/ /da ni rgyal ba skyed par byed pa'i yum gyi sku skyed par byed pa'i rgyud zla ba gnyis kyis rjes thogs la/ hUM dang ldan pa'i rdo rje gsungs pa ni de nas zhes bya ba la sogs pa ste/ dkyil 'khor bkod pa zhes bya ba ni sangs rgyas kyi bkod pa'i ngo bo nyid rnam par snang mdzad yongs su gyur ba'i dkyil 'khor ro/ de'i zhes bya ba ni dbus ma'i zla ba'i gdan la zla ba gnyis su yongs su gyur pa/ de'i steng du yi ge hUM yongs su gyur pa'o/ /rang gi gzugs su zhes bya ba ni yi ge hUM yongs su gyur pa'i rdo rje'i gzugs dang gcig tu byas pa'o/ /ji skad du dpal mchog dang po'i snying po las byung ba zhes bya ba nas/ dang po'i snying po'i mgon bcas bsgoms nas ni zhes bya ba'i bar gyis bshad pa yin no/ /sangs rgyas kyi ni zhes bya ba la sogs pas ni de'i nga rgyal spangs nas de las rdo rje 'dzin pa bskyed par gsal bar mdzad pa yin no/ /ji skad du/ nga rgyal de ldan mdza' yas sprul ba yin/ zhes bya ba la sogs pas bshad pa yin no/ /da ni dkyil 'khor gdon pa'i phyir/ dang po stong nyid byang chub ste zhes bya ba la sogs pa tshigs su bcad pa gsungs pa'i thun mong gi bsnyen pa'i don du pad+ma'i nang du dkyil 'khor sprul ba gsungs pa ni rang gi dkyil 'khor zhes bya ba la sogs gsungs te/ de rang sngags kyis zhes bya ba ni bdag pa'i sa bon nyid kyis rang gi dkyil 'khor sprul pa yin gyi/ lta rnams kyis so so'i sa bon gyis ni ma yin te/ tha mi dad par nye bar bzung ba la tha dad bar thal bar 'gyur zhing sngags gcig bzlas pas thams cad kyi sngags bzlas par mi 'gyur ba'i nyes par thal bar 'gyur ro/ /de skad du rang gi snying po las byung
- 204a
ma lus pa'i/ rang gi dkyil 'khor ba'i gzugs bsams la zhes bshad pa yin no/ /nga ni bshad ma thag pa'i drag po'i bskul ba dang/ 'brel ba'i don ston cing mngon par rtogs pa yang gsungs pa ston te/ rang sngags skyes bu zhas bya ba ni rang gi sa bon gyi bdag nyid can gyis skyes bu bsam la/ gnas bzhi rnams su zhes gsungs pa ni lha mo'i lta ba dang/ dbu dang/ lkog ma dang/ nu ma gnyis kyi bar du'o/ /gzugs kyi tshul zhes bya ba ni rdo rje 'dzin pa la sogs pa ste/ zhal gsum lta bu'i sbyor bas kha dog gsum du rab tu bsgom par bya'o/ /'di dag gis ni phyag rgya bzhi gsungs pa yin no/ /snying kha'i dbus su zhes bya ba ni rang rang gi mtshan ma'i dbus su chud pa'o/ /phra mo'i dkyil rnams ni zhes bya ba sku dang gsung dang thugs rdo rje ye shes sems dpa' i dkyil 'khor du bsam pa'o/ /nga ni ji skad du rang snying zla'i rdo rje lte ba'i dbus su gnas yi ge hUM zhes bya ba la sogs pa smos pa yin no/ /de'i zhes bya ba ni mtshan ma'i'o/ /dbus su bsam par bya ba ni rang rang gi sa bon gyi yi ge ste/ thams cad kyi mchog tu gyur pa'i tshig bsam par bya'o/ /rjes su mthun pa'i sa bon yongs su gyur pa'i mtshan ma phra mo bstan pa'i phyir gsungs pa ni rdo rje chen po zhes bya ba la sogs pa'o/ /rtag tu zhes bya ba ni thun mtshams bzhir ro/ /sbyor bas zhes bya ba ni ting nge 'dzin gsum gyi sbyor ba ste/ de las byung ba'i sku la sogs pa'i rdo rje gsum rnam par bsam par bya'o/ /rdo rje kyo ba'i khyad par gyis zhes bya ba ni 'od zer gzugs can dgug pa'i rdo rje lcags kyu rdo rje'i dbye ba ste/ lcags kyu des lha rnams kyi snying khar dgug pa'i phyir brdab par bya 'am/ lha rnams nyid rab tu bskul bar bya'o/ /don 'di nyid rab tu
- 204b
bsgre ba'i phyir gsungs pa ni rdo rje zhes bya ba la sogs pa ste/ rdo rje'i ngo bo nyid ni pad+ma'i rigs so/ /sogs pa zhes smos pa ni 'khor lo'i rigs te/ 'di dag kyang rdo rje'i bdag nyid can yin la/ rang rang gi mtshan ma lcags kyu dang snying khar bskul ba/ dgug pa'i phyir bsgom par bya'o/ /rol mo las byung ba zhes bya ba ni kun tu gzigs pa la sogs pa sems can gyis don gyi bya ba ni rol mo ste/ 'di las byung ba zhes bya ba'i don to/ /zhag bdun zhes bya ba la sogs pas ni theg pa'i che ba nyid ston to/ /don ni 'di yin te/ dam tshig gsum gyi rnal 'byor pa bshad ma thag pa'i yi ge lnga'i sngags zlos pa dpal ldan rdo rje zhes bya ba la sogs pa'i tshigs su bcad pa dang/ sngags la sogs pa 'dis bskul na/ dam tshig las 'das pa'i 'jigs pas sangs rgyas rnams gzigs pa mdzad pa nyid du yang 'gyur ro zhes pa'o/ /de ltar bshad pa de nyid gsal bar bya ba'i phyir/ de nas zhes bya ba la sogs pa gsungs te/ sngags kyi skyes bu ni lha rnams so/ /rdo rje gsum ni sku la sogs pa'i rdo rje'o/ /ye shes ni ye shes sems dpa' ste/ des rdzogs pa'o/ /dbang po gnyis kyi sbyor ba yis zhes bya ba ni thabs dang shes rab kyi bdag nyid can du blta bar bya'o/ /'di dag kyang mchog gi bsnyen pa nyid yin no/ /dngos grub phra mo dag la yang gcig dang gnyis dang gsum rdzogs par bya ste/ gcig pu ni snyoms par zhugs pa ma yin pa dag kyang bsgom par bya'o/ zhes shes par bya'o/ /rig ma'i dbang phyug ces bya ba ni rang snang ba'i shes rab bo/ /zhugs pa la zhes bya ba ni bsgom pa'o/ rdo rje'i sbyor ba ni rdo rje dang pad+ma ste yang dag par sbyor ba bsgom par bya'o/ /'di ni zhes bya ba ni rigs lnga'i tshogs tha mi dad par bsgom par bya zhing/ 'jig rten gyi khams thams cad na bud med ji snyed yod pa de thams cad phyag rgya chen po'i sbyor bas nye bar spyad par bya ba ste/ phyag rgya chen po ni
- 205a
sku mdog dang dbyibs kyi bdag nyid can no/ /sogs pa'i sgras mtshan ma'i phyag rgya dang/ phyag rgya bzhi la sogs pa gzung bar bya'o/ /le'u bcu pa'i 'grel pa'o// //nga ni de nas zhes bya ba la sogs/ pas le'u bcu gcig pa gsungs pa yin te/ de bzhin gshegs pa thams cad nyid ni sngags yin la/ de'i ngo bo nyid kyi rdo rje dang/ de'i ngo bo nyid kyi sku la sogs pa'i sa bon te/ de las byung ba'i rig pa'i skyes du ste/ de ston par byed pa'i le'u bcu gcig pa 'di gsungs pa'o/ /rdo rje gsum gyi yi ge ni oM la sogs pa'o/ /de nyid ni sngags kyi mchog ste/ des phyag rgya chen po zhes bya ba ni mdon par 'dod pa'i lha rnam par bsgom par bya zhing bskyed par bya'o/ /ye shes rdo rje zhes bya ba ni zla bzhu bas glu yis bskul ba la sogs pa gzhan dag tu gsungs pa 'dir sbyar bar bya'o/ /de nyid ni oM a(rgyud 'grel): hUM zhes bya ba'i sems nyid ni zhes bya ba la sogs pa smos pa yin no/ /de dag ni srid pa par mdo'i sems kyi dbang nyid kyi sku rdo rje la sogs pa'i rnam par dag pa'i ngo bor gsungs pa ni oM ni zhes bya ba la sogs pa ste/ yi ge hUM ni thugs rdo rje'i ngo bo nyid yin du zin kyang phan tshun tha dad pa dang bral ba'i ngo bo nyid yin pas/ sku gsung thugs yin pas te zhes bya ba gsungs pa yin no/ /'khor la sogs pa'i rim gyis gzhal yas khang gi sa bon zla ba la gnas pa'i yi ge b+h+ruM bshad pa'i phyir dkyil 'khor zhes bya ba la sogs pa gsungs te/ rdo rje kun las skyes zhes bya ba ni sna tshogs rdo rje rtse gsum pa kha bzhi pa sna tshogs pad+ma la gnas pa'o/ /ji skad du dbus gnas pa pad+ma der ni sna tshogs rdo rje mdzes zhes smos pa yin te/ der skyes pa zhes bya ba'i don to/ /sngags kyi bzlas brjod dang 'brel pa'i
- 205b
yi ge gsum po gdan dang bcas pa gsungs pa ni rdo rje dkyil 'khor zhes bya ba la sogs pa ste/ rdo rje dang gsal ba'i chos kyi dkyil 'khor rnams te/ zla ba'i dkyil 'khor de dag la gnas pa ni yi ge oM A(rgyud 'grel): hUM zhes bya ba spro ba bgom zhes bzlas par bya'o/ /lhag ma ye shes sems dpa' i dbang chen gyi dkyil 'khor la gnas pa'o/ /de yang rdo rje gsal chos 'khor lo de/ /sku gsung thugs kyi rdo rjer chud/ /gnas su de ni brtan par byas nas ni/ /ye shes sku ni spro shing bzlas brjod bya zhes bshad pa'o/ /yang na rnam par snang mdzad kyi dkyil 'khor nyid ni mi phyed pa nyid yin pas na rdo rje'i dkyil 'khor ro/ /'od dpag tu med pa'i dkyil 'khor nyid ni bem po ma yin pas na gsal ba'i dkyil 'khor ro/ /mi bskyod pa'i dkyil 'khor nyid ni chos bdag med pa'i ngo bo nyid yin pas na chos kyi dkyil 'khor te/ de rnams kyi 'khor lo pa gnas ba nas rim pa ji lta ba bzhin du yi ge oM A(rgyud 'grel): hUM zhes bya ba cho ga bzhin du zla bar bya'o/ /gang yang phan tshun dbye ba med pa'i bstan pa'i phyir rdo rje'i dkyil 'khor dbus gnas par zhes bya ba ni mi bskyod pa'i dkyil 'khor nyid do/ /oM zhes bya ba rab tu bsgom/ gsal ba'i dkyil 'khor zhes bya ba ni rnam par snang mdzad kyi dkyil 'khor nyid do/ /yi ge a ni rnam par bsam/ chos kyis zhes bya ba ni 'od dpag tu med pa'i dkyil 'khor de nyid de/ hUM gi rnam par bsgom par 'dod pa de ni rigs pa ma yin te/ phan tshun tha mi dad pa yin pa mang du smras zin pa yin pa'i phyir ro/ /bshad ma thag pa'i yi ge b+h+ruM yongs gyur pa'i khang pa rtsegs ma gsungs pa ni yi ge b+h+ruM gyi gnas bsgom ste zhes bya ba ste/ 'khor lo la soT pa gcig nas gcig tu brgyud pa zhes bya bar shes par bya'o/ /da ni sngar bshad pa'i thugs kyi bdag nyid can gyi yi ge gsum po ho zhes bya ba'i dbus su gnas gsungs pa ni
- 206a
snying po dus gsum sangs rgyas kyi zhes bya ba yin te/ de gang yin zhe na/ sku dang gsung dang thugs kyi ngo bo yi ge gsum po rdo rje 'dzin pa'i yab dang yum gyi rang bzhin te/ mnyes par byed pa ni yi ge ho dmar po gnyis zhes bya ba'i bar du'o/ /yang ji skad du 'od ldan to dang spel ba cho ga bzhin zhes smos pa yin no/ /gang sngar rdo rje gsum gyi gnas bsgom pa zhes gsungs pa de'i don gnas ni yi ge gsum kyi mtshan nyid can te/ sku rdo rje la sogs bskyed pa'i sa bon gsungs pa ni oM zhes bya ba la sogs pa ste/ oM ni sangs rgyas sku'i zhes bya ba ni sku rdo rje'i'o/ /mchog ni bskyed pa'i sa bon bsgom par bya'o/ /de bzhin du gsung rdo rje dang thugs rdo rje dgal ni yi ge a(rgyud 'grel): dang po hUM sa bon yin par gsungs pa ni A ni zhes bya ba la sogs pa'o/ /ye shes zhes bya ba ni rnal 'byor pas bskyed pa'o/ /dam tshig ces bya ba ni/ dam tshig sems dpa' skyed par byed pa'i mig la sogs pa byin gyis rlob par byed pa'i dam tshig dang bcas pa ste/ rdo rje gsum po 'di dag ni sngags kyi rig pa zhes bya bar bsgrags pa'o/ /dngos grub phra mo'i khyad par las dum bu bstan pa'i phyir/ dben zhing zhes bya ba la sogs pa gsungs te/ gsal ba'i dkyil 'khor ni zla ba'i dkyil 'khor ro/ /der rang gi sngags kyi dam tshig ni rnam par snang mdzad te/ de bskyed pa'i cho gas bskyed la/ yi ge oM gcig mtshan ma la gnas pa snying khar bzhag par bya'o/ /'dis ni sku rdo rje dang 'od mnyam par 'gyur gyi/ sku'i rdo rje yongs su rdzogs par 'gyur ba ni ma yin te/ sngar yongs su rdzogs pa ni ting nge 'dzin gsum gyi rnal 'byor pa gang gi mtshan mas kyang phyis nye bar sgrub pa la sogs pa dang bral ba'i phyag rgya gcig dang ldan pa'i lha nyid gcig pu
- 206b
snyoms par 'jug pa ma yin pa'i cho ga bzhin du bsgoms pa las sku rdo rje rtag pa las ji skad du gsungs pa'i phan yon 'grub par 'gyur ro zhes bya ba'i don to/ /de bzhin 'di'i 'og ma rnams la yang sbyar bar bya'o/ /de bas na dngos grub thob pa'i mtshan ma mthong nas ni zhes bya ba la sogs pa'i tshigs su bcad pa smos pa yin no/ /'od dpag tu med pa dang mnyam pa'i dngos grub gsungs pa ni chos kyi dkyil 'khor zhes bya ba la sogs pa ste/ chos kyi dkyil 'khor ni rdo rje chos kyi dkyil 'khor ro/ / der sngags kyi skyas bu 'od dpag tu med pa cho ga bzhin du bskye nga la de'i dag gi lam ste/ lkog mar pad+ma'i lte ba la gnas pa zla ba la brten pa'i yi ge a(rgyud 'grel): cho ga ji lta ba bzhin du bzhag go /de nyid ni rdo rje chen po'i ngo bo nyid 'jig rten dbang phyug so sor rtog pa'i bdag nyid can no/ /de nyid ni mchog ste de bsgom pa'o/ /de yang 'od dpag tu med pa bsgom pas dgod par bya'o zhes bya ba'i don to/ /thugs rdo rje'i rtog pa'i dngos grub gsungs pa ni rdo rje'i dkyil 'khor zhes bya ba la sogs ba ste/ sems la yi ge hUM gnas pa zhes bya ba ni rang gi snying khar rdo rje'i lte ba la yi ge hUM cho ga bzhin du bsgom par bya'o/ /mi snang ba'i dngos grub gsungs pa ni ye shes dkyil 'khor zhes bya ba la sogs pa ste/ nam mkha' i snying po'i phyag rgya chen po ye shes kyi dkyil 'khor gyi dbus su bsams la/ de'i gnas bzhir yi ge khaM lha mo med pa'i mtshan ma zla ba la gnas pa bsgom par bya'o/ /nam mkha' rdo rje ni ye shes kyi dam tshig ste nam mkha' i snying po'i rtog par 'gyur pa'o/ / 'phags pa 'jam dpal gyi dngos grub gsungs pa ni rdo rje'i dkyil 'khor zhes bya ba la sogs pa ste/ rang sngags skyes bu ni 'phags pa 'jam dpal te/ da cho ga ji lta ba bzhin du bsams la/ de'i snying khar rang gi mtshan ma'i
- 207a
dbus su yi ge hUM zhes bya ba cho ga bzhin du bsgom par bya'o/ /cho ga 'di nyid kyis thil zhes bya ba yang bsgom par byas nas/ phan yon ji skad du bshad pa 'thob par 'gyur ro/ /ting nge 'dzin gyi khyad par gzhan dag gsungs pa ni nam mkha' i dbyings kyi zhes bya ba la sogs pa ste/ mi bskyod pa rnam par bsams la/ cho ga ji lta ba bzhin du de'i thugs khar yi ge oM bsam par bya'o/ /sbyor ba'i khyad par gzhan gsungs pa ni nam mkha' i dbyings zhes bya ba la sogs pa ste/ nam mkha' rdo rje zhes bya ba ni rin chen 'byung ldan no/ /rin chen oM zhes bya ba ni mnyam pa nyid kyi rang bzhin yi ge oM ste de cho ga bzhin du bsgoms na ji skad bshad pa'i phan yin 'thob par 'gyur ro/ /ting nge 'dzin gzhan dag gsungs pa ni nam mkha' i dbyings zhes bya ba la sogs pa ste/ 'jig rten dbang po ni 'od dpag tu med pa'o/ /chos kyi oM ni pad+ma'i rigs lta bu ste/ de snying khar bsam par bya'o/ /nam mkha' i dbyings zhes bya ba la sogs pa la/ rdo rje utpa la ni don yod grub pa ste/ de bsgoms la/ de'i thugs ka'i mtshan mar zla ba la dam tshig oM rab tu bsgom par bya'o/ /de ltar rigs lnga car la yang yi ge oM gyi bsgom pa bstan nas/ sku dang gsung dang thugs gsum car cig car bstan pa'i phyir/ nam mkha' i dbyings zhes bya ba la sogs pa gsungs te/ sku gsum oM zhes bya ba ni chos dang longs spyod rdzogs pa dang/ /sprul pa'i ngo bo nyid de gnas gsum car du yang yi ge/ oM ma chen ma'i zla ba la gnas pa cho ga bzhin du bsgom par bya'o/ /gnas gsungs pa ni rnam par dben pa'i zhes bya ba la sogs pa ste/ ji skad du la lar dri med chu ni phun tshogs shing zhes bya ba la sogs pa smos pa yin no/ /mngon par
- 207b
shes pa rnam pa lnga bsgrub par bya ba'i phyir/ bsam gtan las byung ba'i las kyi tshogs gsungs pa ni mi bskyod ye shes rdo rje sogs zhes bya ba la sogs pa ste/ de la mi bskyod pa cho ga bzhin du bsams pa la mig dang rna ba dang/ sems dang yid dang/ lus te/ gnas lngar rang gi sngags kyi rtse mo lnga pa'i rdo rje lnga bsgom par bya'o/ /de rnams la yang zla ba la gnas pa'i sngar bshad pa'i yi ge thlaM? cho ga ji lta ba bzhin du bsams la mngon par shes pa lnga dang 'dra bar 'gyur ro/ /de bzhin du rnam par snang mdzad kyi rnal 'byor pas/ rang sngags zhes bya ba rang gi sa bon yongs su gyur pa'i 'khor lo gnas lnga'i sbyor bas bsams par bya'o/ /sngar bshad pa'i gnas ldar gtog pa'i 'khor lo lnga la yi ge bli? cho ga bzhin du bsgoms na mngon shes lnga dang 'dra bar 'gyur ro/ zhes bya ba'i don to/ /de bzhin du mtshan ma gzhan dag la yang ci rigs par sgyar bar bya'o/ /yi ge b+h+ru ge rjes la 'khor lo la sogs pa khang pa rtsegs ma'i rgyu yin par gsungs pa na rdo rje mkha' 'gro zhes bya ba la sogs pa ste/ sangs rgyas 'jug pa zhes bya ba ni 'od zer gyis bskul ba'i sangs rgyas spro ba la sogs pa sngon du 'gro ba'i rang gi rigs pa dang/ rnam par snang mdzad yongs su gyur pa las so/ /sangs rgyas gnas dang 'dra bar 'gyur zhes bya ba ni sangs rgyas kyi rten dang gcig tu gyur pa yin gyi 'dir 'dra ba'i sgra mtshungs pa'i tshig ni ma yin te/ 'di ni sbyor ba yang dag par rdzogs pa'i 'bras bu yin pa'i phyir ro/ /phra mo'i rnal 'byor la thig le bsgom pa gsungs pa ni sangs rgyas dkyil 'khor zhes bya ba la sogs pa ste/ rnam par snang mdzad kyi phra mo'i rnal 'byor gyi snying khar yi ge oM cho ga bzhin du bsams la/ yi ge oM de nyid la sems thig ler gyur pa zhes bya ba/ 'gog pa rdo rjer gyur ba ste/ rab tu rgyu ba 'gog par bsgom par bya'o/ /de
- 208a
bzhin du 'di'i 'og ma rnams la yang phra mo'i mi bskyod pa la sogs pa la sbyar bar bya'o/ /'gog pa'i rdo rje ye shes zhes bya ba ni mi g.yo ba'i dam tshig gi ye shes so/ /'di dag ni thig le'i rnal 'byor gyi sgrar mi bshad de/ spre ba la sogs pa med pa'i phyir ro/ /yang dngos grub phra mo la rnam par snang mdzad kyi rnal 'byor pa sngar bshad pa'i sku dang gsung dang thugs kyi bdag nyid can yi ge oM bsams na tshe ring bar 'gyur ro zhes gsungs pa yin no/ / rdo rje nam mkha' zhes bya ba la sogs pa gsungs pa la/ de bzhin du 'dir 'od dpag tu med pa dang/ mi bskyod pa dag la yang shes par bya'o/ /lhag par mos pa'i dbang gis ni bskal pa 'am bskal pa gsum du gnas par 'gyur ro zhes bya ba la sogs pa ni nges pa med par bshad pa'i phyir yang gsungs pa yin no/ /le'u bcu gcig pa'i 'grel pa'o// //de nas zhes bya ba la sogs pas ni le'u bcu gnyis pa gsungs te/ maM zhes bya ba la sogs pas mi snang ba'i dngos grub gsungs pa yin te/ yi ge maM las 'jam pa'i rdo rje dang sku dang gsung dang thugs kyi bdag nyid can bsgom par bya'o zhes bya ba'i don to/ /'dir yang sngar bshad pa'i yi ge khaM yan lag thams cad bsgoms ni/ tshangs pa la sogs pas kyang mthong bar mi nus so/ /spro ba yang sku dang gsung dang thugs kyi bdag nyid can gyi sa bon gyis bya'o/ /sngags yongs su gyur pa'i mtshan ma'i ril bu'i mi snang ba'i dngos grub gsungs pa ni rdo rje mi phyed bya ba la sogs pa ste/ dam tshig lnga ni rdo rje mi phyed pa gsum las byung ba'i tshig lnga gang yin pa de'i ril bu gser dang/ dngul dang zangs kyis dkris pa/ rang gi sa bon las bskyed pa/ tsa na ka'i 'bru'i tshod tsam
- 208b
byas la/ de la sangs rgyas thams cad kyi mi byed pa'i dkyil 'khor gyis 'khor lo yang dag par rdzogs pa lta bur sems bsgoms la/ de nas bar snang las byung ba'i ril bu lngar bskyed nas/ oM la sogs pa sa bon tsam dang ldan pa'i lha de spyi'i rnal 'byor pa'i zlos pas khar bcug nas bsgoms na/ ji skad gsungs pa'i phan yon 'thob par 'gyur ro/ /'dir gang dang gang ma gsungs pa de ni snga ma dang phyi mas kha bskang bar bya'o/ /'khor lo'i dngos grub gsungs pa ni 'jam pa'i rdo rje zhes bya ba la sogs pa ste/ rang gi sngags kyis zhes bya ba ni 'khor lo can gyis lha'i sngags dang de'i rnal 'byor pas 'khor lo lcags sam/ sa 'am gzhan gang yang rung ba las bskyed pa/ rang gi bdag po dkyil 'khor gyi 'khor lo yang dag par rdzogs pa dang ldan pa/ sangs rgyas thams cad kyi bzhugs pa'i gnas su gyur bar bsgoms nas/ sngar bshad pa'i khyad par gyi rigs dang rjes su mthun pa'i lha'i rnal 'byor pa gcig gis 'khor lo'i dngos grub de lag tu rnam par bsgoms na/ ji skad du/ bshad pa'i phan yon 'thob par 'gyur ro/ /'dir yang gong ma dang 'og ma'i kha bskang ba la ltos par bya'o/ /de bzhin du rdo rje dang pad+ma dang ral gri la yang bskyed pa la sogs pa ci rigs par sbyar bar bya'o/ /rin po che la sogs pa rang rang gi sngags las grub pa yin no/ /sbyor ba 'di'i rjes su 'brangs nas/ sngar bshad pa'i ril bu rnams kyi rang gi sa bon gyis bskyed ba'i ched kyi lha'i rnal 'byor la sogs pa 'dra bar sngar ma bshad pa gsungs pa ni oM ni ril bu zhes bya ba la sogs pa'o/ /da ni sngar bshad pa'i lha'i rnal 'byor pa sngar bshad pa'i rim pas bskyed pa'i 'khor lo grub pa rang gi lag par bsgom par bya'o zhes bya ba la sogs pa sngar ma gsungs pa de kha bskang bar bya
- 209a
ba'i phyir/ mkha' dbyings gsal ba'i zhes bya ba la sogs pa gsungs te/ chos 'byung bar zla ba'i gdan la bzhugs pa'i sngar bshad pa'i rnam par snang mdzad bsgoms la/ sngar bshad pa'i 'khor lo lag pas 'dzin pa rang tu bsgoms na/ ji skad du bshad pa'i phan yon 'theb par 'gyur ro/ /'khor lo chen po'i rigs zhes bya ba ni 'khor lo'i rigs kyi rgyu dang ldan pa'i lta rnams kyang 'di bzhin du bsgoms la/ mtshan ma 'di bskyed cing de 'dzin pa la sogs pas ye shes mchog ste/ mchog gi ye shes bsgrub pa yin no/ /ye shes rdo rje zhes bya ba ni rnal 'byor pa'o/ /de bzhin du rdo rje las sogs pa la yang gzung bar bya bar gsungs pa ni mkha' dbyings rdo rje zhes bya gal sogs pa ste/ thams cad ni snga ma dang 'dra'o/ /rtse gsum pa la sogs pa la yang skyes pa la sogs pa gsungs pa ni tri sh+rU? la zhes bya ba la sogs pa'o/ /rdo rje khyad par gyis zhes bya ba ni bdag po'i rjes su mthun pa'i tshul du'o/ / da ni dgug pa'i sbyor ba gsungs pa ni lam gyi zhes bya ba la sogs pa ste/ rdo rje dgug pa zhes bya ba ni rdo rje dgug pa'o// //sbyor gsum sngags kyi skyes bur bsam zhes bya ba ni sku dang gsung dang thugs byin gyis brlab pa dang ldan pa'o/ /de ni ting nge 'dzin gsum gyi sbyor ba yang dag par rdzogs pa'i lha'i skyes bur bdag nyid bsams la/ sbyor ba gsum dang ldan pa'i lcags kyu bsgoms te/ sku la sogs pa'i ngo bo dgug pa'i phyir gtang par bya'o/ /dgug par bya ba yang rlung gi dkyil 'khor la gnas par byas 'di ni sangs rgyas kyis dgug pa'i sbyer ba gang 'dod pa de nyid kyis dgug pa la 'gal ba med do/ /de lta mod kyi rnam par snang mdzad ni nye bar
- 209b
mtshon pa'i don tsam du gsungs pa yin te/ rnam par snang mdzad gtso bor gyur pa'i 'khor lo chen po bsams la/ dgug pa'i lcags kyu dang ldan pa'i rgyal ba de dag gi gnas bsams nas dgug par bya'o zhes bya ba'i don to/ /lcags kyu dgug pa 'ba' zhig tu ma zad kyi/ gzhan dag gis kyang 'gyur ro zhes bstan par bya ba'i phyir rdo rje padmo zhes bya ba la sogs pa gsungs so/ /sku dang gsung dang thugs kyi zhes bya ba ni sku la sogs pa'i ngo bo nyid kyi lcags kyu la sogs pa rlung gi dkyil 'khor la gnas pa'i bsgrub par bya ba dgug pa la brtson pa bsgom par bya'o/ /zhes bya bar sbyar ro/ /mthu chen po dang ldan pa'i bza' ba'i khyad par rnam par spyad bar bya ba'i phyir/ rnam pa mchog ces bya ba la sogs pa smos te/ rnam pa thams cad kyi mchog dang ldan pa'i dkyil 'khor gyi rdo rje can gyi sku'i rdo rjer lhag par mos pa'i dbang gis bdag nyid bsams la/ lce nyid la 'og nas bshad pa'i rim gyis rdo rje de'i sbyor bas de nyid du bsgom na gsung gi rdo rje dang 'dra bar 'gyur ro/ /'di dag kyang gzugs la sogs pa'i lha mo rnams kyi dkyil 'khor gyi mchod pa la bstod pa'i mchod pa'i rjes thogs la bya'o zhes gsungs pa ni gsang gsum zhes bya ba la sogs pa'o/ /sku la sogs pa'i rdo rje can ni phyag rgya bzhi la sogs pa dang ldan par bstan pa'i phyir rnam pa'i mchog rnams zhes bya ba la sogs pa gsungs te/ mtshan thams cad dang ldan pa'i sku'i rdo rje'i la sogs pas byin gyis brlabs pa snying khar ye shes sems dpa' dang ldan pa/ dbu rgyan la rang gi rigs kyi bdag po 'chang ba'i sku rdo rjer bdag nyid rnam par bsgoms la tshim par bya'o zhes bya ba'i don to/ /lce rnam par dag pa gsungs pa ni rdo rje'i sbyor ba zhes bya ba la sogs pa
- 210a
ste/ lce'i gnas su zla ba la gnas pa'i yi ge hUM yongs su gyur pas hUM gis byin gyis brlabs pa'i rdo rje rtse lnga pa bsams te/ bdud rtsi lnga'i sbyor bas sbyar ba la sogs pa'i chogs bza' bar bya'o/ / des ni rdo rje gsum nyid 'thob par 'gyur ro zhes bya ba'i don to/ /sbyang ba'i cho ga bstan pa ni yi ge a las byung ba'i thod pa bsams la/ yi ge oM steng du bsgoms te/ de'i nang du dam tshig bza' bar ya ba'i rdzas bzhag par bya'o zhes shes par bya'o/ /yi ge hUM yang 'dir bar snang la rdo rje'i bdag nyid can gyi de bzhin gshegs pa rnams dang ldan pa thod par gnas par bya'o/ /de ni 'bar ba'i oM gyis byin brlabs rlung dang me'i zhes bya ba la sogs pa'i tshigs su cad pa dang sbyar bar shes par bya'o/ /rdo rje dam tshig gsum ni bshad ma thag pa ste/ grub pa nyid mchog yin no/ /des na sku gsum rdo rje can du gyur zhes bya ba ste/ 'di ni 'di'i phan yon gsungs pa'o/ /pa ni sngar bshad pa'i 'khor lo'i rig pa 'dzin pa la sogs pa'i dngos grub kyi phan yon gsungs pa ni 'khor lo'i dam tshig ces bya ba la sogs pa yin te/ grub pa ni mu stegs pa'i rgyud gzhan dag gi man ngag gis grub pa las gtso bor 'gyur ba'o/ /sngar bshad pa'i mngon par shes pa lnga? grub pa'i phan yon gsungs pa ni gang gA'i ji snyed ces bya ba la sogs pa gsungs pa yin no/ /da ni yan lag bzhi po'i 'bras bu dang bcas pa bstan pa'i phyir/ bsnyen pa'i dam tshig ces bya ba la sogs pa gsungs pa yin te/ rdo rje'i bye brag ces bya ba ni chud du dang/ bar ma dang/ chen po'i dbye bas so/ /sdud par byed pa'i tshig 'di nyid chung du dang chen po la sogs pa'i dbye bas rnam par dbye ba ni bsnyen pa zhes bya ba la sogs pa ste/ ting nge
- 210b
'dzin ni thabs dang shes rab kyi bdag nyid can k+ShI dkyil 'khor gyi bdag po ste/ de'i sbyor bas byang chub kyi mchog bsgom par bya'o zhes bya ba 'di ni bsnyen pa'i yan lag bskul ba'i glu'i rjes thogs la snga ma dang 'dra ba'i lha bskyed pa'i mtshan nyid rgyu mthun pa'i 'bras bu chung ngu bshad pa yin te/ 'di skad du/ oM A(rgyud 'grel): hUM zhes bya ba'i sems nyid ni zhes bya ba nas d+harma d+ha tu swa b+hA ba at+ma ko haM zhes bya ba'i bar ji skad bshad pa dang/ de bzhin du gzhan dag las sems te/ oM A(rgyud 'grel): hUM zhes bya ba nas brtsams te/ bshes gnyen dam pas rgyu mthun byas zhes bya ba'i bar du bshad pa'o/ /nye bar sgrub pa'i yan lag dang/ rnam par smin pa'i 'bras bu chung du thams cad mkhyen pa nyid kyi tshul du gsungs pa ni nye bar sgrub pa la sogs pa ste/ nye bar sgrub pa'i dngos grub gyi mchog ni gang rdo rje'i bdag nyid can du mig la sogs pa'i skye mcher rnam par dbyed pa'o/ /de yang ji skad du de 'og rang snying sa bon 'od rnams kyis/ rang gi mig sogs sa snying la sogs pas ji bzhin bkang nas zhes bshad pa yin no/ /de bzhin du smin las thams cad mkhyen nyid gyur zhes bya ba nas brtsams te/ de'i sa bon rnams kyi sa ni zhes bya ba'i bar gyis bshad pa yin no/ /bsnyen pa'i yan lag ni chos dang/ longs spyod rdzogs? pa dang/ sprul pa ste sku gsum par dag pa'i ngo bo skyes bu byed pa'i 'bras bu chung ngu gsungs pa ni sngags kyi zhes bya ba la sogs pa ste/ 'od zer dang tshigs su bcad pa rnams kyi gang de bzhin gshegs pa rnams dang/ sngags kyi bdag po rnams la bskul zhing thugs rdo rje la sogs pa byin gyis rlobs pa'i sngags kyis bsgom pa gang yin pa de ni bsnyen pa zhes bshad do/ /de gang ji skad du/ rang snying dri med zla'i zhes bya ba nas/ mtshan nyid dag dang bral bar dmigs par bya zhes bya ba'i bar dang/ de bzhin du skyes bu
- 211a
bskyed pa zhes bya ba nas brtsams te/ sgyu ma'i shes rab yan lag 'du shes bya ba'i bar gyis bshad pa yin no/ /sgrub pa chen po'i yan lag dbang bskur ba'i tshul dbang gi 'bras bu chung du gsungs pa ni sgrub pa chen po zhes bya ba la sogs pa ste/ sgrub pa chen po byed pa'i tshe/ rang gi sngags kyi rdo rje can gyi bdag po'i gzugs phyag rgya chen po rang gi dbu rgyan la bsams na ye shes rdo rje ste/ rnal 'byor pa 'grub par 'gyur ro zhes bya ba'i don to/ /de yang ji skad du phyogs tshogs kun na bzhugs pa'i thub pa'i tshogs zhes bya ba nas rang gi rigs kyi gcos brgyan cod pan gyur ces bya ba'i bar dang/ de bzhin du dbang 'bras chung du grub pa la zhes bya ba nas/ rigs kyi gtso bo dbu rgyan mchog ces bya ba'i bar gyis bshad pa yin no/ /bsnyen pa nyid khyad par du dbye ba gsungs pa ni bsnyen pa'i zhes bya ba la sogs pa yin te/ ye shes bdud rtsi ni srid pa bar ma do'i sems rjes zhugs pa sngon du 'gro ba'i zla bzhu ba ste/ de nyid kyis bsten pa bya'o/ /de yang ji skad du oM A(rgyud 'grel): hUM zhes bya ba'i sems nyid ni zhes bya ba la sogs pas smos pa yin no/ /bsnyen pa la sogs pa bzhi po 'di dag dang/ rgyu mthun pa la sogs pa'i 'bras bu rnams ni dkyil 'khor gyi bdag po'i lhar gtogs pa yin pas na/ mchog gi sgras khyad par du byas pa yin no/ /de ltar g.yeng ba ma lus pa bsal bar mi nus shing/ ye shes shin tu byang ba'i rang bzhin ma yin pas na/ chung du'i sgras khyad par du phye ba yin pas shes par bya'o/ /de ltar bdag po'i lhar gtogs pa'i yan lag bzhi po 'bras bu dang bcas pas gcig bshad pa yin no/ /da ni dkyil 'khor
- 211b
gyi lha ma lus par gtogs pas spyi'i bsnyen pa dang/ rgyu mthun pa'i 'bras bu chen po ni ye shes khyad par gyi dbang gis chen po'i sgras khyad par du phye ste/ gsungs pa ni yang na zhes bya ba la sogs pa ste/ de bzhin gshegs pa thams cad rjes su zhugs pa sngon du 'gro ba'i pad+ma'i nang du zla ba zhu ba gcig pu der 'di dag yongs su gyur pa las bdag po'i sa bon no/ /de las kyang de nyid du dkyil 'khor pa'i lha thams cad bskyed pa'o/ /de las ni badzra d+h+rika ces pa sogs pa'i sngags kyis gdon pa ste/ 'di ni rdo rje bzhi ste/ de yang dang po stong nyid byang chub ste/ gnyis pa sa bon bsdus pa yin/ /gsum pa gzugs ni rdzogs pa ste/ /bzhi pa yi ge dgod pa'o zhes ji skad bshad pa lta bu'o/ /de ltar na rdo rje bzhi pos bsnyen pa chen po bya'o/ /'di nyid ni spyi'i bsnyen pa ste/ rgyu mthun pa'i 'bras bu chen po'o/ /de yang thugs ka'i zla ba'i sngags kyis 'od rnams kyis zhes bya nas brtsams te/ lha thams cad kyi gdon pa bshad pa yin no/ /de bzhin du gzhan dag las kyang thugs zla ba'i ral gra'i snying po'i 'od zer gyis zhes bya ba la sogs pas de nyid bshad pa yin no/ /de bzhin du nye bar sgrub pa chen po la sogs pa la rnam par smin pa'i 'bras bu chen po ni dkyil 'khor pa'i lha rnams kyi spyi'i yin par shes par bya'o/ /de yang ji skad du rang la bshad pa lta bur dbang bskur zhing/ /cho ga yis ni mngon par mchod par bya zhes bshad pa dang/ de bzhin du 'khor lo ni/ mig dang sku sogs byin brlab cing/ /rgyun mthun pa ni chen po las/ /sngo bzhin dbang bskur de bsam bya zhes bshad pa yin no/ /de bzhin du yan lag bzhi pa 'bras bu dang bcas pa gzhan dag kyang rjes su mthun par bshad par bya'o/ /yan lag bzhi po chung du dang chen po 'di gnyis kyi bar na gnas pas rna bar
- 212a
ma'i sgras khyad par du phye ba yin te/ shes rab mngon par 'dus byas pa la yang bsnyen pa dang/ rgyu mthun pa la sogs pa rang nyid kyis sbyar bar bya'o/ /de nyid kyis na/ de bzhin rang gi lha 'dra rang snying pos zhes bya ba la sogs pa'i tshigs su bcad pa smos pa yin no/ /de bzhin du de bzhin rgyu mthun sogs par ma/ rang snang shes rab rnam par sbyang zhes bshad pa yin no/ /gnas lngar zhes bya bas ni rigs lnga'i tshigs dgod pa ste/ shes rab nyid bstan pa yin no/ /ye shes rdo rje yi ge oM zhes bya ba ni rdo rje'i nor bu'i cha yi ge oM las byung bar shes rab kyi gnas skabs su bsgom par bya ba'i phyir dran par bya'o/ /sdom pa zhes bya ba ni ji skad du shes pa'i des pa'o/ /da ni sku la sogs pa'i byin gyis brlab pa'i tshigs su bcad pa bstan pa'i phyir/ de la 'di ni zhes bya ba la sogs pa gsungs te/ gang gis sku grub par byed pa'i dus gsum gyi sangs rgyas de ni sgrub pa ste/ de'i 'bras bu nyid kyis nye ba yin pa'i phyir/ nye bar sgrub pa'i sku byin gyis brlab pa'o/ /de nyid kyis ngan 'gro rnams pas sgrib g.yogs byed pas na sdom pa'o/ /de nyid ni tshogs su bcad pa gsum pa gang yin pa'i yul yin pas de ni nye bar sgrub pa'i sdom pa'i yul lo/ /de nyid gsungs pa ni sangs rgyas sku 'dzin zhes bya ba la sogs pa'o/ /sgrub pa'i sdom pa'i yul zhes bya ba ni snga ma dang 'dra ste/ sgrub pa ni sangs rgyas rnams so/ / de'i sdom pa ni gsung byin gyis brlab pa'o/ /de nyid gang gi yul yin pa de la ni de skad ces bya'o/ /de nyid ni chos kyis gsung lam zhes bya ba la sogs pa tshigs su bcad pa gsum gsungs pa yin/ /sgrub pa chen
- 212b
po'i sdom ba'i yul lo zhes bya ba ni sgrub pa yang yin la chen po yang yin pa ste sangs rgyas rnams so/ /de'i sdom pa ni thugs byin gyis brlab pa la sogs pa ste snga ma bzhin no/ /de nyid ni tshigs su bcad pa gsum gsum pa'i gsum yin pa las tshigs su bcad pa gnyis pa gsum du slob dpon sangs rgyas ye shes kyi zhal snga nas kyi don tsam blangs nas sbyar ba yin no/ /da ltar sangs rgyas rnams la bskul bas nyid kyi thugs dam bcas pa las nyams pa'i bsnyangs pas sgrub pa po la byin gyis rlob pa nyid du mdzad do zhes bstan pa'i phyir sangs rgyas zhes bya ba la sogs pa gsungs pa yin no/ /drag shul gyis sgrub pa yang le'u bcu par gsungs pa'i bskul ba'i tshigs su bcad pa 'di sbyar bar bya ba nyid yin no zhes bya bar dgongs so/ /le'u bcu gnyis pa'i 'grel pa'o// //le'u bcu gsum par sngags kyi bzlas pa'i mtshan nyid bshad pa'i phyir/ de nas zhes bya ba la sogs pa gsungs te/ rigs dang sngags rnams thams cad kyi sku la sogs pa'i tshul gyi mtshan nyid ni rdo rje brlas pa'o zhes bya bar sbyar ro/ /de nas ston pa rdo rje 'dzin ces bya ba la sogs pas ni spyi'i bzlas pa gsum pa yin te/ sngags kun nyid ni don yin te/ de rnams kyi bzlas pa la rdo rje gsum gyi mi phyed pa'i mtshan nyid gang yin pa de ni 'di ltar rdo rje dbye ba gsum ste/ de'i mthar yin par khong du chud par bya'o/ /de'i bkod pa yang yin zhing rdo rje gsum yang yin pas ni de skad ces bya'o/ /sku gsung zhes bya ba la sogs pas ni sngags bzlas pa'i rim gyis sbros pa gsungs pa yin te/ sku rdo rje'i sa bon las na sku rdo rje nyid spro'o/ /gsung dang thugs kyi sa bon dag las ni gsung rdo rje dang thugs rdo rje nyid spro bar bya'o zhes bya ba'i don
- 213a
to/ /'di nyid ni sangs rgyas rnams kyi sku dang gsung dang thugs bsgoms nas/ de rnams la gzugs la sogs pa'i lha mo rnams kyis/ /mchod pa'i mchog brtag cing sbro ba la sogs pa bya'o/ /ye shes rdo rje zhes bya ba ni dmigs su med pa'i ye shes kyis gnyis su med pa'i bzlas pa dad spro ba la sogs bas nam mkha' ma lus khyab cing gcig gnas gcig tu brgyud ba'i tshul du bya'o zhes bya ba'i bar du'o/ /yang rnam pa gzhan dun cig car sngo? ba gsungs ba ni yang na zhes bya ba la sogs pa ste/ sku dang gsung dang thugs rdo rje so so las cig car hid du sku la sogs pa'i rdo rje spro bar bya'o/ /de rnams las kyang gzhan dag dang/ de bzhin du gzugs la sogs pa rnams sam/ de'i dkyil 'khor rnams kyis thams cad du khyab par spro ba ni bsgom par bya'o/ /ye shes sems dpa' spro ba gsungs pa ni lus dang ngag sems zhes bya ba la sogs pa ste/ sku dang gsung dang thugs bdag med tshul can de bzhin gshegs pa lnga po ni phyogs gnyi ga la yang ye shes kyi sems kyis zhes bya ba ye shes sems dpa' i sa bon gyis gcig car nyid du rab tu spro bar bya'o/ /dus gang gi chos spro bar bya ba de gsungs pa ni brjod nas zhes bya ba la sogs pa ste/ sngags brjod pa'i dus su bshad ma thag ba'i tshul gyis rdo rje ste/ de bzhin gshegs pa rnams spro bar bya'o/ /de bas na yang bzlas la 'bad pa'i sems nyid ni zhes bya ba la sogs pa'i tshigs su bcad pa gsum smos pa yin no/ /rdzogs nas zhes bya ba ni sngags brjod pa'i mthar sku la sogs pa de rnams rang rang gi gnas su bsdu bar bsaM par bya'o/ /de nyid kyis na yongs su sbas pa'i rig ? ma'i mchog rnams ni zhes bya ba la sogs pa smos pa yin no/ /de ltar sngags so sor brjod pa 'di lta bur bya'o/ zhes cing/
- 213b
bshad nas sku la sogs pa'i bzlas pa'i mtshan nyid so sor bstan pa gsungs pa ni sku yi rdo rje rdzogs byang chub/ ces bya ba la sogs pa ste/ dngos po rnams bem bo'i dngos po'i ngo bo nyid du yang dag par rig pa'i tshul gyis rnam par dpyad cing rnam par 'jog pa ni sku rdo rje'i mngon par rdzogs par byang chub pa yin te/ de nyid ni sangs rgyas kyi sku zhes bya bar bshad de/ 'di ni sku'i bzlas pa yin par bshad do/ /gsung gi bzlas pa gsungs pa ni gsung gi dam tshig rdzogs byang chub ces bya ba la sogs ba ste/ sgra'i ye shes ni so sor snang ba'i bdag nyid can te/ de sgra ma yin zhing tshig ma yin pa nyid du rnam par dpyad pa'o/ /sems gnas pa rdo rje nyid de gnas pa med pa nyid du rnam par dpyad ba 'di ni sems rnam par dag pa'i bzlas pa yin no/ /don mnyam pa nyid kyi ngo bo nyid ni de bzhin gshegs pa rnams te/ de rjes su rtogs pa'i bzlas pas rtogs pa'i ngo bo nyid dang bral ba dang / rnam pa thams cad dang ldan pa'i mjes pa dus gsum gyi sangs rgyas rnam par dpyad pa ni rin chen bzlas pa ste/ rin chen 'byung ldan gyi'o/ /gdon mi za ba'i bzlas pa gsungs pa ni sangs rgyas zhing ni zhes bya ba la sogs pa ste/ gzhung cid byon pa zhes bya ba ni spro ba dang/ bsdu ba'o/ /de nyid ni rdo rje mchog ste/ dmigs su med pa'i ngo bo nyid do/ /khro bo la sogs pa'i bzlas pa gsungs pa ni khro bo'i zhes bya ba la sogs pa ste/ khro bo'i dam tshig rdo rje yis zhes bya ba ni mngon spyod la sogs pa'i las rnams khro bo'i bsgom pa las byung ba la ni rna bas gcig nas gcig du thos par khro bo'i sngags kyi yi ge'i tshig thos par bya'o zhes bya bar sbyar ro/ /rang gi rdo rje dkyil 'khor grags zhes bya ba ni khros ba'i dkyil 'khor gyis sgra sgrogs pa zhes bya ba'i don to/ /'dod pa'i don gyis myos gyur pa zhes bya ba ni 'dod pa'i don gyis nyon mongs
- 214a
par gyur cing myos par gyur pa'o/ /kun tu skyob cing phan par dga' zhes bya ba ni thams cad la skyob pa'i don du phan tshol bar byed pa'o/ /sems can gti mug gnas ni gti mug rnam par dag pa rnam par snang mdzad kyi ngo bo nyid kyi spro zhing rnam par 'jog la bsdud pa 'di ni gti mug rnan par dag pa'i tshul gyis bzlas pa'o/ /'dod chags nyid ni rnam par dag pa yin pas na rdo rje'o/ /de las byung bas na sngags kyi bdag nyid can gyi tshig ste/ lus la sogs pa lha'i tshul gyis yang dag par gnas nas spros par bya'o zhes shes par bya'o/ /zhe sdang rnam par dag ba nyid ni rdo rje ste/ de las byung ba'i sems sku la sogs pa'i tshul gyis yang dag par gnas par sbro ba'i tshul gyis bsgom par bya'o zhes khong du chud par bya'o/ /zhe sdang gnas zhes bya ba la zhes sdang rnam par dag pa ni mi bskyod pa ste/ de la rnam par bzhag cing bsdu'o zhes bya bar sbyar ro/ /dam tshig de nyid rdo rje gsum zhes bya ba la sogs pa ni ma bshad do/ /rdo rje bdag po ni gzugs rdo rje la sogs pa lha mo drug ste/ bzlas pa la sogs pas 'dod chags las byung ba'i byang chub mdzad do zhes bya bar sbyar ro/ /'dod pa'i longs spyod ces bya ba ni 'dod chags dang/ zhe sdang dang/ gti mug rnam par dag pa dang ldan pa'i sems kyi longs spyod kyi'o/ /rig pa'i rgyal po rdo rje can zhes bya ba ni sa'i snying po la sogs pa'o/ /ma ning dag gi gnas zhes bya ba ni skyes ba dang/ bud med dag gi gnas skabs dang bral ba'i ye shes kyi gnas so/ /zhe sdang gnas zhes bya ba la 'di'i don ni khros pa'i gnas skabs su zhe sdang gi ngo bo nyid las skyes pa ste/ mi bskyod pa'i rigs las skyes pa ni ma
- 214b
yin no/ /gsod la rtag tu brtson pa dag ces bya ba ni gdul bya'i skye bo'i bsam pa'i dbang gis myur bar tha mal pa'i gzugs las rab tu 'pho bar byed pa'i phyogs de nyid kyis rab tu 'grub par 'gyur ro/ /mchog gi chos can la zhes bya ba ni cho ga ji lta ba bzhin du sngags kyis bzlas brjod la sogs pa byed pa'o/ /thig le'i rnal 'byor gsungs pa ni ye shes 'khor lo zhes bya ba la sogs pa ste/ ye shes 'khor lo can zhes bya ba ni ye shes sems dpa' i thugs ka'i dbus su gsal ba'i dkyil 'khor gyis dbus kyi 'khor lo la gnas par bsgom par bya'o/ /'khor lo de'i dbus su zhes bya ba ste/ zla ba la 'khor lo'i don zhes bya ba ni mtshan ma 'khor lo'i ste pa'i zla ba la gnas pa'i rang gi sa bon thig le'i gzugs can du rang gi sems dang gnyis su med par bsgom pa rnam par snang mdzad kyi rigs kyi rnal 'byor pas bya'o/ /de bzhin du 'di'i 'og ma rnams la yang ci rig par shes par bya'o/ /thams cad du yang ye shes sems dpa' dang/ de'i thugs kar mtshan ma la sogs pa zla ba'i gdan la bsgom par bya'o/ /rdo rje la sogs pa sgras ni mi phyad pa la sogs par bshad par bya'o/ /de bas na de ltar brtags nas rang snying dri ma med la zhes bya ba la sogs pa'i tshigs su bcad pa gsum smos pa yin no /yang sngags bzlas pa dang 'brel ba'i don gsungs pa ni /dkyil 'khor kun gyi zhes bya ba la sogs pa ste/ bdag po'i lha thams cad kyi dkyil 'khor gyi ngos bzhi po rnams su sangs rgyas lnga rnams zhes pa ni rnam par snang mdzad la sogs pa ste/ ji skad du gsungs pa'i cho gas dgod par bya'o/ /de nas ye shes kyi sa bon de bzhin gshegs pa lnga'i 'od zer spro ba la sogs pa dang ldan pa yi ge gsum dang spel bar bzlos brjod bya'o/ /sangs rgyas de dag dang dkyil 'khor ba de dag
- 215a
thams cad kyang de'i tshe dkyil 'khor gyi bdag po de nyid gcig pu'i sa bon de de bzhin du zlos par gyur par bsgom par bya ste/ de las byang chub thob par 'gyur ro/ /bye brag rnam pa gnyis su bsgrags zhes bya ba ni de nyid bshad pa yin no/ /sku gsum rdo rje'i bye brag gis zhes bya ba la don 'di yin te/ sku gsum zhes bya ba de kho na nyid gsum zlos pa ni rim gyis sam cig car sbro ba 'di la ni nges pa med do/ /rdo rje zhes bya ba ye shes kyi sa bon zlos pa ni rnam pa thams cad du cig car spro bar bya ste/ 'di ni nges pa yin no /de ltar dbye ba rnam pa gnyis sbro bar byas nas/ mchod pa la yang rang gi rigs nyid kyi lha mos mchod par byed kyi/ rigs kyi bdag po gzhan gyi ma yin no zhes gsungs pa ni sku yis zhes bya ba la sogs pa ste/ sku ni rnam par snang mdzad de/ sku'i ngo bo nyid kyis spyan la sogs pas mchod par byed do/ /de bzhin du thugs la sogs pa la'ang sbyar bar bya'o/ /spyan yang spro ba'i dus su rang gi dkyil 'khor gyi bdag po dang ldan par spro bar byed de/ der yang sa rnam par dag pa la rang gi gsang ba'i pad+mar sprul pa'i bdag po me long lta bur rnam par dag pa rnam par snang mdzad kyi 'byin pa'i sngags kyis de'i nang du chud pa dang ldan pa dang me long lta bur rnam par dag pa'i dngos por thal bas spyan de me long lta bur rnam par dag pa nyid du bya'o/ /de bas na me long lta bur rnam par dag pa'i rnam par snang mdzad nyid ni de rnam par dag pas rnam par dag pa yin pa'i phyir de'i ngo bo nyid dang ldan pa'i gsang ba'i mchod pas mchod kyi gzhan dag ni ma yin no zhes bya bar rigs so/ /yang na gcig pu nyid sa rnam par dag pa yin du zin kyang/ rnam par snang mdzad nyid de'i rigs las byung ba yin
- 215b
pas na phyi'i mchod pas mchod pa la nyes pa med do/ /dgongs pa 'di nyid kyis na lha mo rnams ni sangs rgyas rnams kyi btsun mo'i mchog ces bshad pa yin no/ /de bzhin du mA ma kI la sogs pa mchod pa la ci rigs par bshad par bya'o/ / da ni las rnam pa bzhi bstan pa'i phyir dkyil 'khor gyis 'khor los sgrub par shig bstan pa'i phyir/ dkyil 'khor chen po'i zhes bya ba la sogs pa gsungs te/ rdo rje lnga rnams zhes bya ba de bzhin gshegs pa rnams bsgom par bya la/ de rnams kyi dbus su gang gyur pa de ni bdag po ste/ rdo rje gsum dang ldan pa'i bdag po'i gzugs su bsams la/ rang sngags rdo rje'i zhes bya ba bdag po'i dkyil 'khor gang yin pa'i dkyil 'khor ba rnam par snang mdzad la sogs pa'i tshul de rnams kyis/ dkyil 'khor gyi gzugs rnam pa bzhi po dkar po la sogs pa kha dog rnam pa bzhir kun tu brtags la snying po'i ngon ye shes kyi sa bon la sogs pa bsgom par bya'o/ /'di dag kyang dkyil 'khor thams cad nye bar mtshon pa'i don yin te/ de ltar na dkyil 'khor de rnam par bsgoms la/ rdo rje rnam pa bzhi zhes bya ba zhi ba la sogs pa'i las rnam pa bzhir bya'o/ /gzhan dag kyang nus pa rnams las sems can gyi bsam pa'i dbang gis re re'i las kyi nges pa gsungs pa ni zhi ba la ni spyan gyi tshul zhes bya ba la sogs pa ste/ zhi ba'i las la bdag po'i lha dkar po'i tshul du bsam par bya ba dang/ rgyas pa la 'od dpag tu med pa'i tshul ser po'i gzugs su bsam pa dang/ dbang la rnam par snang mdzad gnas zhes bya ba sgra'i dgod pa'i tshul gyis na/ don yod par grub pa'i tshul dmar po'i rnam par gzung bar bya'o/ /mngon spyod la ni khro bo'i tshul te/ nag
- 216a
por gnas pa'o/ /de la mngon spyod kyi las rnams kyi yul gsungs pa ni/ ma dad smra ba'i sems can dang zhes bya ba la sogs pa'o/ /de nyid kyi cho ga gsungs pa ni khams gsum zhes bya ba la sogs pa ste/ khams gsum na gnas pa'i sems can ji snyed pa de kha sbyar dbye bar bya ba'i phyir/ sangs rgyas sku'i bdag nyid can du rnam par bsgom par bya'o/ /kha sbyar dbye ba ni ma bshad do/ /kha bzhi pa zhes bya ba ni mdung rtse mo gcig la rtse mo di zhes bskor bar gnas pa'i kha bzhi par 'gyur ba la bya'i/ /sna tshogs rdo rje yin par gzung bar mi bya'o/ /rdo rje sems dpa' zhes bya ba ni sngar byung ba'i rdo rje 'dzin pa rdo rje rtse lnga pa yongs su gyur pa'i mi bskyod pa khros par bsgom par bya'o zhes shes par bya'o/ /rdo rje yongs su gyur pa yang rdo rje'i mtshan ma mda' ba' i lta rnams kyi yin te/ de las gzhan dag pas kyang rang rang gis mtshan ma yongs su gyur pa nyid las byung ba yin no/ /mngon spyod kyi las kyi rtsol ba la ni sku mdog dang/ dbyibs mi sdug par bya ba 'di ni khyad par yin par shes par bya'o/ /sangs rgyas 'khor lo zhes bya ba ni de'i 'khor rnams so/ /de ltar khros pa'i mi bskyod pa de'i yang phyag g.yas par sangs rgyas kyi 'khor lo'i bdag nyid can stobs chen po yod pa'i rdo rje 'di bzhag par bya'o/ /de nas sems can rnams zhi ba'i bye brag gis bsdus te/ gong bu'i tshul du byas nas rang gi lus la gzhug par bya'o/ /de nas yang sangs rgyas rnams khros par gyur bas 'khrug pa ji skad du bshad pa'i gzugs dang ldan pa gdug pa rnams gsod pa la spro bar bya'o/ /des na bsgrub par bya ba de 'chi bar 'gyur ro/ /sangs rgyas la yang 'grub par mi 'gyur zhes bya ba ni sgrub par bya ba'i don gyi cho ga'o zhes bya ba ni lhag ma'o/ /bri ba'i dkyil 'khor du bgegs bsal ba gsungs
- 216b
ba ni nam mkha' i dbyings zhes bya ba la sogs pa ste/ rnam par snang mdzad ces bya ba ni rang gi sbyor ba dang rjes su mthun pa'i dgod pas mi bskyod pa'i khang pa rtseD ma la lha'i 'khor lo dang ldan par ji skad du gsungs pa'i tshul gyis bsgom par bya'o/ /rdo rje 'dzin pa dang/ spro ba dang/ bsdu ba la sogs pa ni snga ma dang 'dra'o/ /de nas 'khor lo'i sa gzhir ji skad du bshad pa'i tshogs bgegs bsal la sku gsung thugs kyi zhes bya ba la sogs pa smra zhing 'gro bar bya'o/ /de yang ji skad du 'jam rgyal khros pas bltas nas ni zhes bya ba la sogs pa smos pa yin no/ /gshin rje gshed kyi 'khor lo gsungs pa ni nam mkha' i rdo rje zhes bya ba la sogs pa ste/ gshin rje gshed bdag por gyur pa'i 'khor los dgra rnams gsod par byed pa cho ga ji lta ba bzhin du bsam par bya'o zhes bya ba'i don to/ /bsrung ba'i 'khor lo la sogs pa gsungs pa ni sku gsung thugs kyi zhes bya ba la sogs pa ste/ sku la sogs pas sam/ rang gi 'dod pa'i lha'i yon tan nam/ yang na gtsug gtor gyi bka' i 'khor le ste/ theg pa dman pa la sogs pa'i bgegs rnams dang byang chub bsrung ba'i phyir rab tu sbyar bar bya'o/ /de yang hUM mdzad/ yang na gtsug tor dam zhes bya ba la sogs pa ji skad du bshad pa ste/ 'di dag kyang gsal bar bdag gis ma bshad do/ /rnam par snang mdzad las byung ba'i khang pa rtsegs ma gsungs pa ni nam mkha' rdo rje zhes bya ba la sogs pa ste/ chos 'byung ba'i nang du chud pa'o/ /chos zhes bya ba ni khang pa brtseg mar bsams la/ der gdan rab tu brtag par bya'o/ /de yang rigs bcas pa'i/ rnam par snang mdzad yan lag las yang dag byung zhes smos pa yin no/ /de bzhin du nyi zla mgon bcas lha'i gnas rnams dang zhes smos pa yin no/ /rdo rje'i nga rgyal du bya ba gsungs pa ni nam mkha' dbyings zhes
- 217a
bya ba la sogs pa ste/ rang gis sngags kyi yi ge'i gnas kyi rdo rje'i nang du chud pa spro ba la sogs pa'i tshul gyis bsams la/ de dang gcig par nga rgyal bya'o zhes bya ba'i don to/ /de bas na nga rgyal de ldan zhes smos pa yin no/ /de nyid las rdo rje 'dzin pa byung ba bshad cing las kyi tshogs gsungs pa ni rnam pa'i mchog rnams zhes bya ba la sogs pa ste/ rim par zhes bya ba ni dbang bskur ba'i rim gyis mi bskyod pa'i rnal 'byor pas cho ga ji lta ba bzhin du bskyed de/ dkyil 'khor gyis 'khor lo can rnam par snang mdzad la sogs pa dang/ mA ma kI la sogs pa yang rnam par bzhag ste/ de'i rdul phra rab kyi gzugs kyi chu de bzhin gshegs pa'i tshogs kyi chu'i steng nas bcag par bya'o/ /rkang pa mnyam gzhag sbyor ba yis zhes bya ba ni thams cad mnyam pa nyid kyis so/ /de ltar rnam par snang mdzad kyi rnal 'byor pas spyan la sogs pa'i spyi bo'i steng du rkang pa bsgom par bya'o zhes bya ba la sogs par sbyar bar bya'o/ /'jam pa'i rdo rje zhes bya ba la sogs pa'i rnal 'byor pa rnams kyis kyang rang dang 'dra ba'i lha'i spyi bo'i steng du rkang pa bzhag nas bcag par bya'o zhes shes par bya'o/ /tshig gnon pa'i sbyor ba gsungs pa ni dbang chen dkyil 'khor zhes bya ba la sogs pa ste/ dbang chen gyi dkyil 'khor zur bzhi ser po yi ge la las byung ba mtshams bzhir rdo rje rtse gsum pas mtshan pa la gnas par bsgom nas/ las kyi rdo rje ste sna tshogs rdo rje sna tshogs pad+ma la gnas pas gnon pa dang/ yi ge suM las byung ba'i ri rab spyi bor bsgom par bya'o/ /bsgrub par bya ba'i spyi bor ji skad du bshad pa'i ri rab la gnas pa'i dbang chen gyi dkyil
- 217b
'khor la gnas pa'i sna tshogs pad+ma de lag nas pa'i sna tshogs rdo rje cho ga bzhin du gzhal yas khang na gnas pa khros pa'i lha stags zlos pa kha dog ser po bsgom par bya'o zhes bya bya ba'i don to/ /dpung gnon pa gsungs pa ni rdo rje gsum mchog ces bya ba la sogs pa ste/ dmag gi spyi bor snga ma bzhin du ri rab dang/ rdo rje gsum pa'i dkyil 'khor pa bsgom par bya'o zhes bya ba la sogs par sbyar bar bya'o/ /dpung phur bus gdab pa gsungs pa ni hUM las zhes bya ba la sogs pa ste/ yi ge hUM yongs su gyur pa'i phur bu stod rtse mo lnga dang ldan pa/ 'og rtse gcig pa/ sor brgyad pa'i tshad du bsams la/ bsgrub par bya ba'i ming gi yi ge dang po las skyes pa'i gzugs brnyan gyi snying khar phur bu des rdo rje phur bus gdab pa oM g+ha(rgyud 'grel): g+ha(rgyud 'grel): g+hA: ta ya zhes bya ba la sogs pa'i phreng ba'i sngags kyis byas par bsam par bya'o/ /yul phyogs su nye bar 'tshe bzhi pa gsungs pa ni grong ngam zhes bya ba la sogs pa ste/ bar snang la rdo rje rtse mo lnga pa de bzhin gshegs pa lnga'i bdag nyid can/ bskal pa bsreg pa ltar zhes bya ba ni 'phro bas nam mkha' i khams khyab par gyur pa'i rdo rje'i lha rnams kyis yul de khyab pa ste/ de bas na nye bar 'tshe ba bsreg par byed pa'i spro ba la sogs pa'i tshul bsams nas/ 'od zer de las byung ba'i lha mo'i sprin rnams ye shes kyi bdung rtsi'i bum pa thogs pas dbang bskur ba ste/ nye bar 'tshe bas bsregs pa'i yul der cho ga ji lta ba bzhin du/ zhi ba'i sngags zlos pa'i rnal 'byor pas sbyin par bya'o/ /de ltar cho ga bzhin du las byas na nor phun sum tshogs par yang 'gyur ro zhes gsungs pa ni bsam gtan rdo rje zhes bya ba la sogs pa'o/ /gzhan yang nad bsal ba'i cho ga gsungs pa ni de rin sangs rgyas sprin dang ni zhes bya ba la sogs pa'o/ /bgegs med par byas pa'i
- 218a
yul du nye bar 'tshe ba'i nyes pa dgag pa'i phyir phur bu'i cho ga gsungs pa ni rdo rje bdud rtsi zhes bya ba la sogs pa ste/ bdud rtsi thab sbyor nyid sku stod thabs dang shes rab kyi bdag nyid la sku smad rdo rje rtse gcig pa'i gzugs can gyi rdo rje phur bu byas la/ phur bu gdab pa'i sngags kyis phyogs bcur spros nas gdab par bya'o zhes bya ba'i don to/ /de yang sku stod bgegs rgyal smad rtse zhes bya ba la sogs pa gsungs pa yin no/ /zhi ba'i las kyi dbye ba gsungs pa ni mad ngas bzang zhes bya ba la sogs pa ste/ zla ba la gnas pa'i rnam par snang mdzad dang lha mo rdo rje can oM A(rgyud 'grel): dzi na dzi ka che ge mo shAn+ti ku ru hUM zhes bya ba'i sngags zlos pa'am/ gdon pa'i sngags la gnas pa'am/ rang gi sa bon gyi yi ge gcig tu zlos par bsams pa/ de'i ye shes sems dpa' i snying kha'i zla bar zhi ba'i don du bzhag par bya'o/ /spyan gyi rnam par spros pa rnams oM ru ru spu ru dzo la tiSh+ThA singd+ha lo tsa ne sarbbA rtha sA d+ha ni che ge mo'i shAn+ti ku ru swAhA/ zhes bya ba'i sngags zlos pa rnams kyis sam/ bsgrub par bya ba'i ming dang ldan zhing yi ge gsum dang spel ba'i 'byin pa'o sngags sam/ rang gi sa bon zlas pa rnams kyis nam mkha' i khams gang ba bsam par bya'o/ /de bzhin du 'di'i 'og ma rnams la yang ci rigs par sbyar bar bya'o/ /de nas de rnams yang dag par bsdus nas/ spyan la sogs pa bdud rtsir gyur pa'i 'od zer gyi gong bu'i gzugs kyis nang gi yan lag tshim zhing rgyas par bya ba'i phyir dbab par bya'o/ /ba spu'i bu ga rnams las kyang sangs rgyas kyi sprin de rnams nyid kyis bdag nyid bdud rtsi'i bum pa bsnams te/ nad pa'i nyes pa bzhi bar bya ba'i phyir dbang bskur ba de la
- 218b
stsol to/ /rgyas pa gsungs pa ni nam mkha' rdo rje zhes bya ba la sogs pa ste/ khang pa rtseg pa'i nang na gnas pa'i dbang chen gyi dkyil 'khor la bzhugs pa nyi ma'i gdan can 'od dpag tu med pa ser po bsams la/ oM A(rgyud 'grel): A ro li ka che ge mo'i puSh+TaM ku ru hUM zhes bya ba'i sngags zlos pa'i lha'i 'khor lo dang ldan pa bsams la ye shes sems dpa' i thugs ka'i zla ba la rgyas pa don du gnyer ba bzhag par bya'o/ /gos dkar mo la sogs pa spros pa/ oM ka Te pi ka Te ni ka Te ka TaM ka Te che ge mo'i puSh+TAM ku ru oM zhes bya ba'i sngags zlos pa dang/ mngon par 'dod pa'i nor gyi char 'bebs pa rnams kyis nam mkha' i khams gang bar bya'o/ /de nas de yang dag par bsdus la snga ma bzhin du 'od zer gyi gong bu mngon par 'dod pa'i nor gyi char 'bebs pa bsgrub par bya ba'i lus dang/ ngag dang/ yid kyi gnas la dbab par bya'o/ /ba spu ri bu ga rnams las kyang rin po che'i sprin can gyi 'od dpag tu med pa spro par bya'o/ /de nas sangs rgyas par 'dod pa de nyid la dbang bskur ba rab tu stsol to zhes bya ba'i bar du snga ma bzhin du thams cad sbyar bar bya'o/ /dbang du bya ba'i cho ga gsungs pa ni nam mkha' i dbyings zhes bya ba la sogs pa ste/ rdo rje'i dkyil 'khor zla gam bsam zhes bya ba ni zla ba'i dkyil 'khor yin gyi/ rlung gi dkyil 'khor zla ba phyed pa lta bu ni ma yin no/ /de bas na khang pa rtsegs ma'i dbus su rdo rje nam mkha' i mchog ces bya ba don yod grub pa dmar po'i mdog can sngags ji lta ba bzhin du bzlos pa mdzes par bsams la/ snga ma bzhin du thams cad rjes su dpags te las rnams bya'o/ /sngar spyad pa'i mngon spyod dang rjes su 'brel pa'i las gsungs pa ni nam mkha' rdo rje zhes bya ba la sogs pa ste/ me'i dkyil 'khor
- 219a
ni gru gsum 'bar ba'i dkyil can te/ der gnas pa'i dgra bo la srin po la sogs pas rnam par gces par gyur par bsams la khros pa'i lha'i rnal 'byor pas cho ga ji lta ba bzhin du spel ba'i sngags bzlas par bya zhing/ mA ma kI dang shes rab mthar byed la sogs pa bsgrub par bya ba dang/ spel ba'i rang rang gi dbyug pa'i sngags zlos shing/ bsgrub par bya ba'i rnam pa gzhig par brtson la/ spro ba la sogs pa'i tshul du ji skad bshad pa'i tshe gas bsgom zhing mngon par 'dod pa bsgrub par bya'o zhes bya ba'i don to/ /'di dag kyang gsal bar ma bshad do/ /da ni rnam par snang mdzad la sogs pa'i zhal la sogs pa bshad pa dran par bya ba'i phyir dang/ ma bshad pa rnam bshad par bya phyir/ rnam par snang mdzad zhal gsum pa zhes bya ba la sogs pa gsungs te/ 'dir yang sangs rgyas gsum po nyid ni sku dang gsung dang thugs nyid gtso bo nyid yin par bstan par bya ba'i phyir gsungs pa yin la/ mngon par rtogs pa la dgos pa'i khro bo rnams kyang bsam gtan dang bri ba'i dkyil 'khor dag la srung ba'i phyir dgos pa dang/ drag shul gyi las la sogs pa las kyi dbang du byas nas 'dod pa'i rgyal po la sogs pa gsungs pa ni Tak+ki'i ye shes bya ba la sogs pa ste/ phyag bzhi zhes bya ba ni shes rab dam pa 'khyud pa'i phyag gnyis ma gtogs pa'o/ /'di rnams kyi zhal dbus ma dang/ sku ni nag po'i zhal g.yas pa ni dkar po'o/ /g.yon pa ni dmar po'o/ /gtsug tor gyi ni sku dang dbus ma'i zhal ni ser po yin la/ g.yas pa ni nag po'o/ /g.yon pa ni dkar po ste khyad par ni de yod do/ /yi ge gcig ces bya ba ni gtsug tor bdun char yang sa bon gcig pu nyid yin no zhes bya ba'i don to/ /
- 219b
las kyi tshogs kyi dbang du byas pa'i khro bo gsungs pa ni gzi brjid phung po zhes bya ba la sogs pa ste/ 'di rnams ni zhes bya ba ni las kyi tshogs dang rjes su mthun pa rnams kyis so/ /rdo rje 'dzin pa mngon du gyur pas lhag par grub par bstan pa'i phyir don de nyid bzlas te bstan pa ni nam mkha' i dbyings zhes bya ba la sogs pa ste/ sangs rgyas gzugs ni zhes bya ba ni rdo rje 'dzin pa chen po ste/ de rab tu bsgoms la de yongs su gyur pa las rnam par snang mdzad cho ga bzhin du rnam par bsgom par bya'o zhes bya ba'i don to/ /rdo rje sems dpa' zhes bya ba ni sngar rdo rje sems dpar gyur pas rdo rje sems dpa' nyid zla ba'i dkyil 'khor la bzhugs pa 'am/ mi bskyod pa nyi ma'i dkyil 'khor la bzhugs par bsam par bya ste/ rdo rje sems dpa' i sgras gnyis ga la yang bshad pa yin pa'i phyir ro/ /sangs rgyas gsum po bshad nas/ spyan la sogs pa gsungs pa ni rdo rje'i dkyil 'khor zhes bya ba la sogs pa ste/ rdo rje'i dkyil 'khor 'od mchog can zhes bya ba ni thugs rnam par dag pa'i mA ma kI'i dkyil 'khor te/ rigs kyi bdag po rnam par dag pa'o/ /de ltar na lha mo rnams kyi dkyil 'khor gyi dbang du byas pa yin no/ /nam mkha' rdo rje mchog ces bya ba ni mA ma kI ste/ zla ba'i dkyil 'khor la bzhugs pa'o/ utpal mthing zhes bya ba ni 'dir utpal dmar po yin par bzhed de/ de yang 'khor lo bzang dang utpal dmar po dang zhes bya ba la sogs pa smos pa yin no/ /chos kyi dkyil 'khor zhes bya ba ni gsung rnam par dag pa gos dkar mo'i dkyil 'khor ro/ /rdo rje chos ma zhes bya ba ni gos dkar mo'o/ /utpal dmar po zhes bya ba ni chos kyi brngas snga ma bzhin du pad+ma yin par bshad do/ /dngos grub dkyil 'khor zhes bya ba ni gdon mi za bar grub pa rnam par dag pa sgrol ma gtso bor gyur
- 220a
pa'i dkyil 'khor ro/ /de ltar lha mo rnams bshad nas/ khro bo rnams gsungs pa ni nyi ma'i dkyil 'khor zhes bya ba la sogs pa ste/ me long lta bu rnam par dag pa las yang dag par byung ba'i bdag po ni gshin rje gshed de/ gshin rje gshed la sogs pa ni rnam par snang mdzad la sogs pas dbang bskur ba yin par sngar bshad pa yin te/ 'di rnams ni de'i rigs dang mang dag par 'brel pa yin pa'i phyir ro/ /de yang rnam par snang mdzad thugs gtso bo zhes bya ba la sogs pa snos pa yin no/ /'dod pa'i rgyal po la sogs pa gsungs pa ni nyi ma'i dkyil 'khor zhes bya ba la sogs pa ste/ 'di dag ni mi bskyod pas dbang bskur ba nyid de'i rigs las byung ba yin pa'i phyir ro/ /rig pa'i 'khor lo zhes bya ba ni gtsug tor 'khor lo sgyur ba'o/ /'di dag ni bsrung ba la sogs pa'i bya ba rnams la yang sbyar bar bya'o/ /rdo rje ye shes bsgrub pa nyid gsungs pa ni sangs rgyas zhes bya ba la sogs pa ste/ 'gog pa ni bgegs rnams nye bar gcod pa'o/ /khro bo'i 'khor lo de las khro bo'i dkyil 'khor des sangs rgyas kyi 'khor lo nges par 'dzin pa ni dkyil 'khor pa'i lha'i 'khor lo dang ldan pa'i rnal 'byor pas ting nge 'dzin mi phyed pa'i ye shes thob par 'gyur ro/ /rdo rje dkyil 'khor zhes bya ba ni mi phyed pa'i dkyil 'khor te/ de 'grub par 'gyur ro zhes bya ba'i don to/ /le'u bcu gsum pa'i 'grel pa'o// //le'u bcu bzhi par zhi ba la sogs pa'i las rnams bstan pa'i phyir/ de nas zhes bya ba la sogs pa gsungs te/ zhi ba'i dam tshig mchog ces bya ba ni zhe ba'i rgyur gyur pa'i dam tshig ni spyan te/ de'i mchog ni rnam par snang mdzad yin pas ming de skad ces bya'o/ /spyan lta bu nyid du ni ma yin no zhes bya ba'i don to/ /de bzhin du 'di'i 'og ma
- 220b
rnams la yang rigs kyi bdag po'i ting nge 'dzin bzung nas/ rigs de las byung ba'i sngags brjod pa ci rigs par shes par bya'o/ /de bzhin gshegs pa thams cad kyi btsun mo zhes bya ba ni thams cad kyi bdag nyid can yang dag par rdzogs pa'i sangs rgyas rnam par snang mdzad kyi sangs rgyas spyan te/ 'di dag gis ni sgra'i bdag nyid can gyis sngags dang spyan gnyis tha mi dad par gsungs pa yin no/ /de bzhin du 'di'i 'og ma rnams la yang sbyar bar bya'o/ /sangs rgyas rnams kyi zhes bya ba ni drag shul bsgrub par dgong ba rnams la ji skad bshad pa'i cho gas zhi bar bskyed par bya'o/ /zhi ba'i las ni 'di'i bya ba'i gtso bo yin par bshad kyi gzhan dag la yang khyab par mdzad pa yin no/ /de yang 'di nyid ni sku mdog ser po bsam zhing gdan dang gzhal yas khang la sogs pa'i dbye bas ji ltar mos pa bzhin du rgyas pa la sogs pa'i las rnams kyi rab tu sgrub par byed pa yin te/ lha thams cad ni las thams cad mdzad pa yin pa'i phyir ro/ /las 'di dag la cho ga gang gis sbyar bar bya ba de ni le'u bcu gsum pa nyid du bshad pa yin te/ de'i rjes su 'brangs nas gzhan dag la yang shes par bya'o/ /rdo rje dam tshig bskul mdzad ma zhe bya ba ni bslang ba'i tshigs su bcad pas nur nur por gyur pa las rdo rje dam pa slong bar byed pa'o/ /shi ba sos par byed pa zhes bya ba ni spyan gyi sbyor ba chog bzhin du byas la rang gi sngags dang/ bsgrub par bya ba'i ming dang spel zhing yi ge gsum gyi nang du chud par bzlas la/ shi ba snga ma bzhin du rang gi snying khar bzhag nas rang gi snying kha nas grub pa'i rdo rje'i lcags kyu phur la/ des shi ba de'i rnam par shes pa srid pa bar ma do'i bdag nyid can nam/ skye gnas su chud pa/ dri ma med pa'i mar me mi g.yo ba lta bur bkug nas
- 221a
snying gi dbus der bcug la/ mo ta ra ti zhes bya ba'i sngags bkod nas/ sngags kyi 'od zer rnams kyis lus de mi snang bar byas la/ bsgrub par bya ba de'i ming gi yi ge dang po las bskyed pa spyan lta bur yongs su gyur par bsams la/ phung po la sogs pa gang bar byas te/ de'i lus la phreng ba'i sngags 'dis phyi dang nang du par mtshams med par khyab par gyur par bsgom mo/ /de nas sngags las snga ma bzhin du spros pa'i 'od zer gyi gong bu dbab pa la sogs par byas par gyur pas shi ba 'tsho bar byed pa yin no/ /mA ma kI'i sngags bshad pa'i phyir de nas zhes bya ba la sogs pa gsum gsungs te/ 'di'i mdzad pa gsungs pa ni rdo rje srung ba zhes bya ba la sogs pa ste/ 'di yang spyan bzhin du bsgrub bar bya'o/ /snying khar dgod pa'i sbyor ba la yang snga ma bzhin du sbyar bar bya'o/ /gal te ro langs la sogs pa bsgrub pa la ni rang gi lha'i sbyor ba dang/ ji lta ba bzhin du ldan pas/ rang gi mgo la zla ba'i dkyil 'khor la gnas pa'i yi ge hUM las byung ba'i rdo rje bsbreng nas gnas ba mgo bor bsams la/ de'i lte bar mA ma kI rnam par bsgoms nas/ ye shes kyi lha mo thugs ka'i zla ba la gnas ba phreng ba'i sngags bkod la de las byung zhing zlos pa rdo rje phra mo spros pas yan yag thams cad rdo rje'i go bskon par bdag nyid bsgoms na srung ba gzhig tu med par 'gyur ro/ /las rnams rtag tu rab bsgrub pa zhes bya ba ni spyan la sogs pa'i las rab tu sgrub par byed pa'o/ /rdo rje chen po ni rdo rje sems dpa' o/ /de ni 'jigs pas nyen tha rnams la yang 'di ni stobs byed pa yin no/ /de bas na gdon thams cad kyis 'jigs pa rnams la las thams cad du 'di nyid kyi bshad ma thag pa'i cho gas bsrung bar bya'o/ /gos dkar mo'i sngags bshad
- 221b
pa'i phyir de nas zhes bya ba la sogs pa gsungs te/ chos ni stobs dang mi 'jigs pa la sogs pa'o/ /rgyas pa ni rgyas par gyur pa nyid do/ /stobs ni sems can nyam chung ba rnams la gang stobs mdzad pa dang/ mdzod chen po dang ldan pa ste/ zhi ba la sogs pa mdzad pa gang yin pa'o/ /de yang ji ltar gdan ser po la sogs pa'i gos dkar mo'i sbyor ba byas la/ stobs dang mi 'jigs pa la sogs pa 'dod pa rnams snga ma bzhin du ye shes kyi lha mo'i snying khar bkod pa/ rang gi phreng ba'i sngags gdon par bya zhing snga ma bzhin du spro ba dang/ 'od zer gyi gong bu dbab pa dang/ dbang bskur ba la sogs pa bsgom bar bya'o/ /de nas bsgrub bar bya ba rgyas par 'gyur ro/ /bzlas ba tsam gyis? zhes bya ba ni ji skad du gsungs pa'i bsgom pa sngon du 'gro ba'i stags gdon pa nyid kyi ste/ phyi rol la ltos pa med par ro/ /sgrol ma'i sngags gsungs pa ni de nas zhes bya ba la sogs pa ste/ sangs rgyas rdo rje dang sde chen po la sogs pa dbang du byed pa yin no/ /de la cho ga ni 'di yin te/ sgrol ma'i sbyor ba sku mdog dang rgyan la sogs pa dmar po dang ldan pa/ cho ga dri lta ba bzhin du byas la ye shes kyi lha mo'i snying ba'i zla bar sngags kyi phreng ba kha dog dmar po mgo gyen du bltas pa bkod nas de'i 'od zer rnams dang/ ye shes kyi lha mo'i snying kha'i pad+ma la gnas pa'i yi ge tAM gyi 'od zer rnams dang/ rang gi mtshan me dmar po la sogs pa'i 'od zer rnams kyis kyang bsgrub par bya ba'i skyes bu de'i ming gi yi ge dang yo las bskyed pa'i snying kha'i gnas su'o/ /bud med gcig na ni pad+mar yang dag par bskul la/ rang gi snying kha'i sngags kyi phreng ba skyes gnas las byung ste/ bsgrub par bya ba'i khar bcug la/ de'i sems zla ba dmar po lta bu blangs nas
- 222a
phyir log ste/ ye shes kyi lha mo'i pad+ma'i lam nas zhugs par gyur par bsams la bzlas brjod bya'o/ /bsgrub par bya ba yang snying phrogs shing brgyal bar gyur pas/ rang gi rkang pa'i drung du 'bab par gyur par bsam mo/ /de ltar na 'di bran dang 'dra par 'gyur ro/ /'dir yang swAhA'i gnas su dbang du byed pa'i gnas skabs la yi ge ho zhes bya ba dang sbyar bar bya'o/ /gal te mda'i mtshan ma dang ldan pa'i lha mos las 'di byed na de'i che mnga' des skyes pa'i snying kha dang/ lkog ma dbug pa dang/ bud med kyi pad+ma phug la lhag ma rnams ni snga ma bzhin du bya'o zhes khyad par du bya ba dag dpag par bya'o/ /gal te yang gzhan dag dbang du byed na/ de'i tshe dbang du byed par 'dod pa de ye shes sems dpa' i thugs ka'i pad+mar zla ba la bkod la/ le'u bcu gsum pa las gsungs pa'i stobs dbab pa la sogs pa'i cho ga byas la/ de nas las 'di dag thams cad kyis kyang kha bskang bar bya'o/ /gshin rje gshed kyi sngags gsungs pa ni de nas zhes bya ba la sogs pa'o/ /de la cho ga ni 'di yin te gshin rje gshed kyi rnal 'byor pas bzlas pa las gsungs pa'i cho gas dpag tu med pa bzlas la/ de nas lhas rjes su gnang zhing bzlas brjod 'bum byas nas/ ji skad du gsungs pa'i bud med kyi thod pa blangs la/ de'i dbus rlung gi dkyil 'khor la gnas pa'i pad+ma 'dab ma brgyad pa bris te/ de'i lte bar dgug par byed pa'i bud med kyi gzugs brnyan gur kum la sogs pas bris nas/ de'i snying khar breng pa'i sngags 'di che ge mo A kar Sha ya zhes bya ba dang/ bsgrub par bya ba'i ming dang/ sprel zhing swAhA'i gnas su dkug pa'i gnas skabs su yi ge dza(rgyud 'grel): zhes bya ba bri ba byas la dkug par bya'o/ /thod pa de yang rnal 'byor ba'i g.yas brkyang bas gnas pas na/ rkang pa g.yon pa bskum pas mnan
- 222b
lab sngags 'di lan gnyis sam gsum du brjod par bya'o/ /rang rang gi sngags las bskyed pa'i sngar bshad pa'i rdo rje lcags kyu la sogs pas rlung gi dkyil 'khor la gnas pa de dgug par bya'o/ /'od ba'i tshe yang 'tsho ba bzlog bar bya ba'i phyir/ spyan gyis ji skad du gsungs pa'i cho ga dang zhi ba'o/ /mA ma kI yang ji skad du gsungs pa'i cho gas bsrung bar sems par bsgom par bya ste/ de ltar na de ni bud med dgug pa yin no/ /skyes pa dgug pa la ni skyes pa'i thod pa la g.yon brkyang bas rkang ba g.yas pas mnan par bya ste/ khyad par ni de yong de/ bgegs mthar byed kyi sngags gsungs pa ni de nas zhes bya ba la sogs pa ste/ sngags rnams kun gyi sbyor ba dang zhes bya ba ni lha thams cad kyi tshogs bsgrub pa la bcom ldan 'das 'di nyid sbyar bar bya ste/ bya ba thams cad mdzad pa yin pa'i phyir ro/ /khyad par yang gsungs pa ni rdo rje bskrad pa'i las rnams la zhes bya ba la sogs pa'o/ /tshul bzhin zhes bya ba la cho ga ni 'di yin te/ bdud rtsi thab sbyor gyi sbyor ba dang ldan pas ro bsregs pa'i mes tshig pa'i sol ba dang/ myos par byed pa'i shing gis sol ba dang/ ba zla dang/ a riSh+Ta'i 'dab ma dang/ dug dang/ rkang pa g.yon pa'i srin lag gi khrag rnams gcig tu byas te btags la/ khwa'i gshog sgro'i smyu gus dur khrod kyi ras la rlung gi dkyil 'khor la gnas pa'i ral gri'i 'khor lo rtsibs brgyad pa bris la/ de'i lte bar bsgrub par bya ba'i gzugs brnyan bris nas/ de'i snying bar phreng ba'i sngags che ge mo uts+tsha Ta ya zhes bya ba 'di dang/ bsgrub par bya ba'i ming du spel ba bris la/ gnyi ga yang dgug par bya'o/ /bskul ba'i tshig dang ldan par brgya rtsa brgyad mngon par bzlas la/ ras de ma mo'i gnas la sogs par brkos la sba bar bya'o/ /de ltar na sangs
- 223a
rgyas kyi dpung dag kyang skrod par 'gyur ro/ /'di yang sngon du bsnyen pa la phreng ba'i sngags sgra ji lta ba bzhin du bzla bar bya'o/ /las kyis che ni ma hA ga Na pa ti/ dzI? bi tAn+ta? ka rA ya zhes bya ba bton la/ de'i gnas su bsgrub par bya ba'i ming dang spel par bya'o/ /swAhA'i gnas dang bskrad pa'i gnas skabs su yi ge hUM daM phaT dam gnyi ga dang sbyar bar bya'o/ /de bzhin du gzhan dag la yang las dang rjes su mthun par sa bon gzhan dag yin par blta bar bya'o/ /de yang zhi dang rgyas dang dbang dang dgug /sdang dang bskrad dang mngon sbyod la/ oM swAhA he ji(rgyud 'grel): dzUM hUM phaT/ sdags kyi mthar yang bskul bar bya zhes bshad pa yin no/ /yang na zhes bya ba'i sgras ni ming yang spel bar bya ba dang/ thog ma dang tha mar bskul bar bya ba 'di bya'o zhes bya ba ni rnam pa gzhan yin no/ /sngags kyi tshig re re zhing ming dang spel bar bya'o zhes bya ba 'di yang rnam pa gzhan pa gcig yin no/ /gzhan gyis mi thub pa'i sngags gsungs pa ni de nas zhes bya ba la sogs pa ste/ cho ga bzhin du zhes bya ba la de la cho ga ni 'di yin te/ khro bo gzhan gyis mi thub pa'i rnal 'byor par srin po la sogs pas zil gyis mnan pa'i bsgrub par bya ba'i lus las srin po la sogs pa yid kyis bkug ste/ rkang pa gnyis thabs dang shes rab tu gyur pas/ mi bskyod pas kun tu gtsing la mnye bar bya zhing/ che ge mo rak+Sha sid+d+hi b+ho mo tsa ya zhes bya ba'i bskul ba'i tshig dang ldan pa'i sngags gyi tshig dang ldan par sngags kyi tshig gdon par bya'o/ / de nas du zhing yan lag gcog pa la sogs pa yid ches pa ston pa sngon du 'gro bas gtong bar 'gyur ro/ /'di nyid ni sbrul la sogs pa'i dug la yang sbyar bar bya'o/ /yang na des 'dzin pa nyid du 'dod na/ de'i tshe de'i sbyor ba nyid kyis
- 223b
mar gyi do'i tshes brkyad dam/ bcu bzhi la dur khrod kyi sol bas bgegs te shi ba 'am/ mtshon gyis bsad pa gang yang rung ba'i thod pa la yi ge hUM las byung ba/ 'jigs su rung ba'i mche ba gcigs pa/ skra gyen du brdzes pa/ lag pa g.yas bar ro langs kyi chu gri thogs pa/ g.yon pa sdigs mdzub byed ba'i srin po bris la/ de'i snying khar dug dang rus ba'i phye ma dang/ mthe'u chung gi khrag gis che ge mo gri gNa hUM phaT zhes bya ba'i tshig dang ldan pa'i sngags bri bar bya'o/ /thod pa gnyis par bsgrub par bya ba'i dang rjes kyi sa dang/ ro bsregs pa'i sa dang/ thal ba dang/ sol ba rdo rje chu dang bsnos pas bsgrub par bya ba'i gzugs brnyan byas la/ de'i snying khar dug dang rus pa'i phye ma dang/ mdzub mo'i khrag dang/ ming dang sdugs su bcas pa bris pa'i tA la'i lo ma bcug la/ gnyig yang bkug ste/ bsgrub par bya ba'i gzugs brnyan de'i 'og tu bzhag pa byas la/ des mnan cing bzung bar bsams la/ bsgyings pa dang bcas bas sngags dur khrod du nam phyed na bzlas brjod bya'o/ /des na 'di des bzung bar 'gyur ro/ /bri ba'i 'di nyid kyis ni sbrul la sogs pas kyang 'dzin pa yin no/ /rta mgrin gyi sngags bshad de nas zhes bya ba la sogs pa gsungs te/ 'dir dug bsal pa'i cho ga ni 'di yin te/ rta mgrin sku mdog dkar po'i rnal 'byor pas snying khar zla ba'i dkyil 'khor la yi ge hUM dkar po bkod de/ de'i 'od zer rnams kyis yan lag thams cad la gnas pa'i dug rab tu sbar la/ lag pa g.yas par yi ge hUM las byung ba'i pad+ma 'dab ma brgyad pa'i lte bar hUM dkar po 'od zer rnam par 'phro ba/ bdud rtsi 'bab par bsams la/ des ming gi yi ge dang po las byung ba bsgrub par bya ba'i lus las dug nag pos khyab pa gzhan du blangs la/ bdud rtsi dkar po'i
- 224a
'od zer bsdus pas bsgrub par bya ba dug dang bral bar bsgom par bya'o/ /ming dang bcas pa'i phreng ba'i sngags zlos shing bya ba par yang bya ste/ de nas dug dang bral bar 'gyur ro/ /khro bo dbyug sngon gyi sngags bstan pa'i phyir/ de nas zhes bya ba la sogs pa gsungs so/ /'dir ni cho ga ni 'di yin te/ dbyug sngon gyi rnal 'byor ji lta ba bzhin du byas la sha chen po dang/ dur khrod kyi sol ba dang/ grog mkhar gyi sa dang/ phub ma dang/ bsgrub par bya ba'i rkang rjes kyi sa las gzugs brnyan byas la/ dur khrod kyi ras la dug dang khrag dang rams kyis rdo rje brgya gram la gnas pa'i me'i dkyil 'khor gyi dbus su bsgrub par bya ba'i ming dang spel te/ mngon spyod kyi gnas skabs su swAhA'i gnas su yi ge hUM bkod la sngags bris te de'i snying khar bcug nas bkug ste/ thod pa gnyis kyi nang du gzhug pa byas la/ shin tu khros pa dang/ rkang pa g.yon pas mnan te/ rdo dang rus pa dang/ ni ma pa'i 'od ba ma'i sbyin sreg nyi ma'i gung dam nam phyed na bya zhing bzlas brjod brgya rtsa brgyad bya ba nyin zhag bdun gyi bar du byas na 'chi bar 'gyur ro/ /de ltar na yang grub par ma gyur na/ dur khrod du sngon la mtshan byed kyi dus su ro bsregs pa'i thal ba las me thab gru gsum byas la/ na mi pa'i shing gis me spar nas bkug ste/ de'i dbus su shin tu zhal rnam par 'gyur ba'i khro bo'i rgyal po bsams la/ gzugs brnyan gyi rkang pa g.yon pa nas brtsams te/ mtshon rnon pos bcad la/ khro bas non pas che ge mo mA ra ya zhes bya ba'i bskul ba'i tshig dang bcas pa'i sngags khro bo'i tshig gis bzlas brjod bya zhing de'i zhal du sbyin sregs bya'o/ /de nas mtshan mo da nyid la de 'chi bar 'gyur ro/ khro bo stobs po che'i sngags bshad pa'i phyir/ de nas
- 224b
zhes bya ba la sogs pa gsungs te/ las rnams thams cad ces bya ba ni sngar bshad pa'i cho gas bzlas brjod 'bum byas la/ ji skad du gsungs pa'i sbyor bas zhi ba la sogs pa'i lha thams cad kyis las rnams bsgrub par bya'o zhes bya ba'i don to/ chu'i dkyil 'khor 'bebs par byed ces bya ba la 'dir chog ni 'di yin te/ char pa 'bebs pa'i gnas skabs su /stobs po che'i rnal 'byor thams cad dmar por bsams la/ bzlas brjod 'bum byas nas/ kham por som btang ba la ral gri'i 'khor lo rtsibs brgyad la gnas pa'i pad+ma 'dab ma brgyad pa rams kyi khu bas mdung can ma'i sngags oM shU lid+hi? naM swAhA/ zhes bya ba klu thams cad gyi snying ngo yi ge nAM dang spel ba bres la/ so ma btad pa'i kham por gnyis pas kha sbyar byas te/ srang bu sngon pos kun tu dkris la/ mdung can mas klu bkug ste/ legs par mchod la/ klu gnas pa'i mchol sogs par kha sbyar gyi kha bor de gzhug par bya'o/ /gzhan du na skye bo med pa'i sa phyogs su me'i dkyil 'khor la rlung/ de'i steng du chu/ der pad+ma 'dab ma brgyad pa bris la/ de'i lte ba la chu lnga skyes bu'i gdod dang ldan pa/ gdengs ka bdun pa lag na klu'i zhags pa thogs pa bri par bya'o/ /shar phyogs gyi 'dab ma la ni mdza' yas te/ ljang gu'o/ lhor ni nor rgyas te/ dkar po'o nub tu ni 'jog po ste/ dmar po'o/ /byad du ni kar ko Ta ste nag po'o/ /me'i phyogs dang bden bral gyi phyogs gnyis su ni pad+ma dang/ pad+ma chen po ste skya bo'o/ /rlung gi phyogs su ni dung skyod ste ser po'o/ /dbang ldan gyi phyogs su ni rigs ldan te/ sna tshogs pa'i mdog can no/ /de ltar klu'i dkyil 'khor bris nas/ yi ge nA gyis klu thams cad bsam sal /sngo zhing bska ba dang/ 'o ma dang/ bu ram la sogs pa klu la 'os pa'i bshos sbyin par bya ste/ dza(rgyud 'grel): dang spel pa'i
- 225a
yi ge naM gyis bkug la/ rang rang gi gnas su zhugs par bsams nas legs par mchod de 'di skad du/ klu chen po byed rnams kyis bdag la dga' ba dang/ bcom ldan 'das kyi bkas char pho ba cig ces brjod par bya'o/ /de nas klu rnams char gyi rgyun rab tu 'bebs par bsams shing/ bzlas brjod byas na de nas klu de rnams bcom ldan 'das kyi bkas char 'bebs par 'gyur ro/ /de ltar na yang char mi 'bebs na/ me thab zlum pos stobs po che de bzhin du dkyil 'khor bris te/ spyan drang ba nas sngon du 'gro bas 'og nas bshad pa'i sbyin sreg gi brab kyi cho gas klu thams cad kyi lce'i dbus su yi ge nAM bkod la mchod yon la sogs pa sngon du 'bro bas bur ma dang/ 'o ma dang/ mar gyis dgang blugs gsum byin te/ bu ram la sogs pa ci 'dod par sbyin sreg bya'o/ de nas chem pas char 'bebs par 'gyur ro/ /de lta na yang char 'bebs par mi byed na mdo na sbyod bya ste/ rnam pa thams cad du nag po'i stobs po che'i rnal 'byor pas grog mkhar dang/ chu bo'i dogs gnyis kyis bshad pa dang/ gci ba dang/ bsnos pa las klu'i gzugs brnyan byas te/ dub brod kyi ras la dug dang khrag dang/ ske tshe dang lan tshwa dang/ yungs mar gyis ral gri'i 'khor lo rtsibs brgyad pa bris la/ de'i steng du pad+ma 'dab ma brgyad pa bris te/ 'dab ma brgyad du klu brgyad khyad par gyi snying po 'am/ yi ge naM gyis so so'i sngags spel te/ de'i lte ba la chu lha'i baM nyid ji lta ba bzhin du bris la/ bkug nas gzugs brnyan de'i khar bcug la/ yan lag thams cad tsha ba gsum dang/ ske tshe la sogs pas byugs te/ me la gdungs nas sdigs brjod na nges par char 'bebs so/ /de ltar na ya 'char mi 'bebs na de bzhin du yangs la
- 225b
klu'i dkyil 'khor bris te/ stod g.yogs dang/ smad g.yogs dang/ bre'u ka sngon po bgo ba'am gos dmar po cig bgo ba'am/ gcer bus nyi ma'i dkyil 'khor 'bar ba la gnas pa'i rdo rjes byin gyis brlabs pa'i rkang pa g.yon pas dkyil 'khor de na gnas pa'i klu gan rgyal du 'dug pa mnan pa dang/ skrag ste/ gdengs ka bsgyings pa kha gyen du bstas pas yi ge phu(rgyud 'grel): zhes bya bas nam mkha' khyab cing khrag skyug pa'i char 'bebs pas rgya mtshor byed par gyur par bsams la/ tshig re re'i mthar nAM dang spel ba'i phreng pa'i sngags bzlas par bya ste/ des na de rnams char 'bebs par 'gyur ro/ /des kyang char 'bebs par ma gyur pa/ me thab gru gsum byas la/ de'i dbus su stobs po che bsams nas/ sme sha can las mo blangs te/ yi ge phu(rgyud 'grel): zhes bya bas sbar te klu'i gzugs brnyan dug dang/ lan tshwa dang/ da dur dang/ ske tshe las byas pa breng? ba'i sngags zlas shing lag pa g.yon pas mjug ma'i rtse mo nas brtsams te/ mtshon rnon pos bcad la sbyin sreg bya ste/ bshad ba dang gci bas lus la byugs shing/ sbyin sreg brgya rtsa brgyad byas na /char 'babs par 'gyur ro/ /de lta bus kyang char 'bebs par ma gyur na nyes pa 'di ni stobs po cha nyid kyi yin no zhes pa ste/ lngar bshad pa'i rdzas rnams kyi stobs po che'i gzugs brnyan byas la/ dpal gnod mdzes kyi sbyar ba dang ldan pas dgug pa sngon du 'gro ba dang/ rkang pa g.yon pas de bzhin du mnan te/ ma hA ba la bar pa ya shI g+h+raM zhes bya ba'i bskul tshig dang ldan par hUM bzhi dang ldan pa'i gnod mdzes rgyal po'i sngags bzlas brjod bya'o/ /de nas khro bo dpal gnon mdzes mngon sbyod kyi thab khung la bzhugs pa zhal gdangs pa'i ljags la yi ge hUM bsams te/ gzugs brnyan gtub cing do'i zhal
- 226a
du sbyin sreg khri bya'o/ /de nas stobs po che char 'bebs par mdzad par rjes su myong ste/ rnal 'byor pa thams cad kyi rab tu grags pa yin no/ /de nas klu thams cad dang/ stobs po che la zhi bya ba'i phyir/ me thab zlum po la gnas pa'i sbyan dkar po zhi ba'i zhal du de'i sngags dang/ zhi ba'i cho gas mar dang 'o ma la sogs pa'i sreg blugs khri dbul bar bya'o/ /de bas na bcom ldan 'das yul 'di ni sangs rgyas rnams kyi zhi ba bskyed pa yin no/ /'dod pa'i rgyal po'i sngags bshad pa'i phyir/ de nas zhes bya ba la sogs pa gsungs te/ rdo rje sems dpa' i sbyor ba yis zhes bya ba ni Tak+ki'i rnal 'byor pas cho ga ji lta ba bzhin du byas la bsgrub par bya ba'i gzugs brnyan gshin rje gshed kyi sbyor bar gsungs pa'i cho gas thod par gzhag ste bkug la thod pa de g.yon brkyang ba'i g.yas pa'i rkang pas mnan nas Tak+ki'i sngags spel ba dang bcas par bzlas brjod bya'o/ /sta ma bzhin du rdo rje lcags kyung gug par yang bya'o/ /mi g.yo ba'i sngags bshad pa'i phyir de nas zhes bya ba la sogs pa gsungs te/ kha sbyar lus su zhes bya ba ni chung ma dang bcas pa'o/ /de yang mi g.yo ba'i rnal 'byor bas skyes pa'i thod pa skyon med blangs la der rkang pa g.yas pa'i sor mo'i khrag dang/ lan tshwa dang yungs mar dang/ ske tshe la sogs pas lha chen po la sogs pa'i gzugs brnyan rang gi chung ma dang bcas pa snga ma bzhin du bris la bkug ste/ thod pa de rkang pa g.yas pas mnan nas/ snga ma bzhin du lcags kyus bsgrub par bya ba dgug bzhin par bsams la bskul ba dang bcas par sngags brjod par bya'o/ /de nas chung ma dang bcas pa nyid du khugs par 'gyur ro/ /gnod mdzes kyi sngags bshad
- 226b
pa'i phyir/ de nas zhes bya ba la sogs pa gsungs te/ gnod mdzes kyis rnal 'byor pas mtshan nyid dang ldan pa'i bud med gyi thod pa bsgrub par bya ba'i bu mo rkang pa g.yon pa'i srin lag gi khrag gis bris pa de'i b+ha gar rkang ba g.yon bas mnan te/ snga ma bzhin du lag pa g.yas par gnas pa'i lcags kyus snying khar phug ste/ zhags pas bcings la phreng ba'i sngags tshig re re zhing dam/ sngags bskul ba'i tshig dang bcas par bzla zhing dgug par bya'o/ /dgug par bya bar gtogs pa ni bsgrub par bya ba'i sems 'gag cing rnam par 'jig par bsgrub par bya ba'i las rnams kyang mngon sbyong nyid du gtogs pa yin no/ /de nas phaT ces bya ba 'di yang gal te ma bor du zin kyang nyes pa med do/ /de ltar /sngags kyi rgyud dang ldan pa'i las gsungs nas bsam gtan las skyes pa nyid kyi dgug pa gsungs pa ni de nas zhes bya ba la sogs pa yin te/ dam tshig chen po'i sems dpa' i ni thugs rdo rje ste/ de 'byung ba dper med par gang las gyur pa de la de skad ces bya ste/ rdo rje 'dzin pa lta bu'i ting nge 'dzin to/ /dam tshig chen po ni dpal rdo rje sems dpa' ste/ de'i sku la sogs pa las so/ /gsung nyid ni 'da' bar bya ba ma yin pas na dam tshig go /de nyid ni de kho na nyid kyi tshig de gsung de nyid phyung zhes bya ba'i ngon to/ /sangs rgyas rdo rje ni mi bskyod pa ste/ 'di'i sku gsum la rdo rje sems dpa' rnam par bsgom zhing lhag par mos par bya'o/ /de byas nas rang gi snying kha nas rdo rje lcags kyu dang zhags pa la sogs pa dang ldan pa'i lha rnams spros pas sangs rgyas rnams kyi bar du yang dgug par bya'o zhes bya ba'i don to/ /sangs rgyas skun rnam par snang mdzad do/ /gsung ni 'od dpag tu med pa ste/ de dag las
- 227a
gang yang rung ba'i sbyor bas 'khor lo'i zhes bya ba lha'i dkyil 'khor gyis rab tu sbyor ba yis zhes 'khor lo'i lcags kyu dang pad+ma'i lcags kyus go rims ji lta ba bzhin du rdo rje sems dpa' yang dgug par 'gyur ro/ /gang gis zhen ci rigs par rdo rje gsum dang 'brel pa'i 'khor lo dang/ pad+ma dang rdo rje chen po rdo rje lcags kyu nyid du lhag par mos pas sngags rnams thams cad de/ lta thams cad dgug par bya'o/ /mi bskyod pa la sogs pa rnal 'byor pa gsum gyis dgug pa'i cho ga gsungs nas/ gzhan rnams kyis kyang gsungs pa ni thams cad ces bya ba la sogs pa ste/ rang gi sngags kyi skyes bu ste/ rang gi 'dod pa'i lha 'khor lo dang ldan par bsgoms la/ rang gi snying kha nas 'dod pa'i rgyal po'i bka' dang/ rdo rje lcags kyu dang ldan pa'i lha'i spros pa'i sbyor bas bu mo dgug par bya'o/ /dgug par bya ba rlung gi dkyil 'khor la gnas pa'i dgug pa 'di dag thams cad la yang sbyar bar bya'o/ /rlung gi dkyil 'khor der zla ba'i dkyil 'khor rnam par snang mdzad kyi rang bzhin bsgoms la/ sha ci zhes bya ba sbyan dang/ mA ma kI sngar bshad pa'i bsrung ba la sogs pa'i cho gas bkug bzhin pa/ bdud rtsi'i rgyud 'dzad par bsam par bya'o/ /dgug pa'i sngags kyang lan lnga bcu'i bar du brjod na des par dgug par 'gyur ro/ /'dod pa'i rgyal po'i sbyor bas dgug pa gsungs pa ni rdo rje kyo ba zhes bya ba la sogs pa ste/ mi phyed pa'i lcags kyu ni 'dod pa'i rgyal po'i mtshan ma'o/ /des nye bar mtshon pa'i gzugs chen po nas bya ba 'dod pa'i rgyal po'i phyag rgya chen po bsams la/ nam mkha' i bu mo zhes bya ba lha la sogs pa'i bu mo
- 227b
dgug par bya'o/ /rdo rje dkyil 'khor zhes bya ba ni rlung gi dkyil 'khor la gnas par bsgrub par bya ba dgug par bya'o zhes bstan to/ /gnod mdzes kyi sbyor bas kyang dgug pa gsungs pa ni rang gi zhes bya ba la sogs pa ste/ rang gi khro po ni rdo rjer gyur cing 'da' bar bya ba ma yin pa dang/ rdo rje sa 'og gnas pa dag ces bya ba/ gnod mdzes rgyal po bsams la/ shu lu dang rdo rje kyo ba la sogs pa dang ldan pa'i lha rnams spros pas lha ma yin la sogs pa'i bu mo dgug par bya'o zhes bya ba'i don to/ /mtshan mthob pas lha gang yang rung ba'i sbyor ba dang ldan pa'i rnal 'byor pas btsag gam/ rdo rgyus zla ba gzas zin pa'i tshe khar bcug nas der yang rdo rje lcags kyu dang ldan pa'i lha mo'i gzugs su bskyed pa de kho na nyid gsum gyis byin gyis brlabs te/ de las byung ba'i lha rnams spros pas nam mkha' i khams bkang la/ yang dag par bsdus nas/ gnas su brtan par gyur cing rjes su mnyes par byas pa/ ji srid zla ba gtang bar gyur pa de srid kyi bar du bsgom par bya ste/ des na 'grub par 'gyur ro/ /de nas tshangs pa la sogs pa rang gi ming bris pa tsam gyis 'od bar 'gyur ro/ /rnam pa'i mchog ni kun ldan pa zhes bya ba ji skrad bshad pa'i mtshan nyid dang ldan pa'i 'jam pa'i rdo rjer bdag nyid lhag par mos pa'i dbang gis bsgoms nas gnod sbyin mo dgug par bya ste/ spyi bor gshin rje gshed dang/ rdo rje lcags kyu smo bla'i bdag nyid can bskal pa bsregs pa'i 'khor lo chen po'i gzugs can bsgoms nas/ gnod sbyin mo de bkug la nye bar spyad par bya ste/ gnod sbyin mo'i sngags dang/ rgyud ces bya ba la sogs pa 'og nas bshad pa yin no/ /sngags kyi phyad par zhes bya ba ni phyag rgya chen po'i dbye ba ste/ de ltar na thams cad kyang rnam pa thams cad du
- 228a
rang rang gi sngags kyi dbye ba gang yin pa des dgug par bya'i/ lha gzhan dag gi sngags la/ lha gzhan pa'i rnal 'byor gyis dgug par mi bya zhing/ de bzhin du las gzhan dag kyang mi bya'o zhes khong du chud par bya'o/ /gal te de ltar mi byed na/ de'i tshe sbyor ba mtshang bas na/ dngos grub de 'am bdag nyid 'jig par 'gyur ba thob par 'gyur ro/ /sbyor ba 'di dag thams cad la yang bcom ldan 'das rdo rje sems dpa' nges par bskul bar mdzad pa bsgom par bya'o/ /gang gi phyir de nyid ni sngags rnams thams cad de lha rnams kyi rgyal po ste gsal bar mdzad pa rang gi rig pa'i ngo bo nyid yin pa'i phyir dang/ de rnam par dag pa yang thams cad kyi rjes su 'gro ba yin pa'i phyir ro/ de mdon du phyogs pa med par ni thams cad rnam par ma dag par 'gyur ba yin pas thams cad du yang gnyis su med pa'i ye shes kyi tshul gyis bsgom par bya'o zhes bya ba'i bar du'o/ /lha mo sgrol ma'i dbye ba ral ba gcig ma zhes bya ba bshad pa'i phyir/ de nas zhes bya ba la sogs pa gsungs te/ kun tu rnam par 'phrul pa'i ye shes ni bya ba sgrub pa'i ye shes te/ de nyid ni mi phyed pa'i bdag nyid can du ting nge 'dzin gang las gyur pa de ni gdon mi za ba lta bu zhes bya ba'i don to/ /dam tshig chen po'i rgyas pa'i rdo rje gdon mi za bar grub pa ste/ de'i mchog gang yin pa de ni mdung can ma ste/ sku dang dbus ma'i zhal sngo ba/ g.yas pa dkar ba/ g.yon pa dmar ba/ phyag g.yas pa gnyis kyis gri dang ral gri bsnams pa/ g.yon pa gnyis na thod pa dang rin po che bsnams ba/ phyag gnyis kyis thabs la 'khyud pa/ zhal gyi mche ba cung zad gcigs pa phyung ngo/ /'dir dgug pa'i cho ga ni 'di yin no/ /rdo rje 'dzin pa
- 228b
yongs su gyur pa la/ ral pa gcig ma'i rnal 'byor cho ga bzhin du byas la/ rkang pa g.yon pa'i srin lag gi khrag dang/ nA ga ge sar du bcas pas bud med kyi thod pa la rlung gi dkyil 'khor la gnas pa'i klu'i bu mo snying khar sngags dang spel pa dang/ bcas pa snga ma bzhin du bris la bkug ste/ g.yas brkyang ba'i rkang pa g.yon pas mnan la bskul ba dang bcas pa'i sngags brjod na khugs par 'gyur ro/ /khro gnyer ma'i sngags bshad pa'i phyir/ de nas zhes bya ba la sogs pa gsungs te/ nam mkha' i dam tshig so sor rtogs pa gang las byung ba rdo rje'i bdag nyid can gang yin pa de ni 'od dpag tu med pa lta bu'o zhes bya ba'i don to/ /khro gnyer ma'i phyag mtshan la sogs pa ni gos dkar mo dang 'dra ba las/ dmar skya'i mdog can thod pa'i phreng ba dang ldan ba cung zad mche ba dang ldan pa phyung ngo/ /dam tshig la sogs pas zhes bya ba ni snga ma bzhin du sbyor ba'i dam tshig la sogs pas dgug par bya'o zhes bya bar shes par bya'o/ /bsam gtan 'ba' zhig gis dgug pa gsungs pa ni 'gog zhes bya ba la sogs pa ste/ 'gog pa ni sems kyi kun tu rgyu ba dang bral ba'o/ /de nyid kyis mi phyed pa'i bzlas pa rtse gcig par rdzogs par gyur pas mi g.yo bar bsgrub par bya ba tsam du gyur pa'i rtse gcig pa gnyis su med pa'i sems su byas la/ sngags dang rgyud la sogs pas lus la sogs pa dang mi ldan pa'i bsgrub pa bya ba'ang 'gugs so zhes bya ba'i don te/ /sngags bzlas bas kyang sngags pa las rnams byed do/ zhes phyogs gzhan dag gsungs pa ni yang na zhes bya ba la sogs pa'o/ /bsgrub par bya ba'i khyad par gsungs pa ni rdo rje slob dpon zhes bya ba la sogs pa'o/ phyogs bcu'i sems can thams cad kyi zhes bya ba la sogs pas ni kha sbyar dbye ba gsungs pa yin te/ de ni
- 229a
bdag gi ma bshad do/ /khrag dang chu yis gsher ba 'am zhes bya bas ni 'di skad ston te snga ma las khro bo gang yang rung ba'i sbyor ba dang ldan pas ma mo'i gnas dang/ dur khrod la sogs par skra'i rtse mo thur du bkrol bas khro bo'i sprin spros la/ khrag la sogs pas thams cad gsher bar byas pa'i gos bgos nas/ sngar bshad pa'i cho gas bsgrub par bya ba'i mtshan ma mnan nas/ bzlas brjod brgya rtsa brgyad byas pas 'chi bar 'gyur ro/ /khro bo rnams ni gdug pa'i las bsgrub pa'i phyir dang/ las thams cad mdzad pa'i phyir khro bo'i rgyal pos sbyar bar bya zhes gsungs pa yin no/ /khro bo'i mchog gis bcings pa yis zhes bya ba ni khro bo'i mchog gi rnal 'byor pas bdag nyid ji skad du bshad pa'i gos bgos la zhes bya ba'i don to/ /phur bu'i cho ga gsungs pa ni mi'i rus pa zhes bya ba la sogs pa'o/ /don ni 'di yin te/ khro bo'i rnal 'byor bas ske tshe dang/ dug dang/ lan tsha dang/ yungs mar gyis dur khrod kyis ras la khro bo'i rdo rje rtse mo lnga pa rnon po bris la/ de'i lte bar sngags dang sbel ba'i bsgrub par bya ba'i ming bris te/ ro bsregs pa'i thal ba dang/ sol ba dang/ chu bo'i dogs gnyis kyis dang/ phub ma dang/ bsgrub par bya ba'i rkang rjes kyi sa bsdus la/ bshad ba dang gci bas sprus te/ gzugs brnyan byas pa'i snying khar ras de bcug la bkug ste kha sbyar dbye ba byas nas dgra'i sgor sbas nas mi'i rus pa las byas pa'i phur bu sor brgyad pa'i tshad dag la sngags brgya rtsa brgyad bzlas pa byas te/ phur bus btab na/ de nas ji skad du gsungs pa bzhin du 'grub par 'gyur ro/ /bsad pa'i cho gar bstan pa bshad nas/ gnas nas sbo ba'i cho ga gsungs pa ni yang na thod pa zhes bya ba la sogs pa
- 229b
ste/ khyad par du zhes bya ba ni skyes pa dang bud med bskrad pa la de dang rjes su mthun pa'o/ /don ni 'di yin te/ khro bo'i sbyor ba gang yang rung ba dang ldan pas ji skad du bshad pa'i thod pa la bab pa dang/ a riSh+Ta'i 'dab ma'i khu ba dang/ rkang pa g.yon pa'i srin lag gi khrag gis mtshan pa'i rlung gi dkyil 'khor bris la de'i steng du sgrub par bya ba'i gzugs brnyan bris la de'i snying khar de'i ming dang spel ba'i sngags bris nas bkug ste/ brgya rtsa brgyad bzlas pa'i sngags kyis mngon par bzla zhing/ rdo rje'i tshig gis sngags bzlas brjod byas la/ dgra'i sgo la sogs pas sbas na/ de nas skrod par 'gyur ro/ /tA la'i lo ma la sogs pa la yang cho ga 'di nyid kyis gzugs brnyan byas la/ sgo 'am/ gzhan dag tu sbas na nges par skrod par 'gyur ro/ /sku dang gsung dang thugs kyi phur bur mngon sbyor bya ba gsungs pa ni de nas zhes bya ba la sogs pa ste/ sku dang gsung dang thugs gang gis 'ching ba de ni des par 'ching ba ste/ phur bu'i sdags so/ /de gang las mi phyed par gyur pa mi bskyod pa lta bu'i ting nge 'dzin de byas nas/ bdud rtsi thab sbyor gyi phur bu'i sngags 'di phyung ngo/ /'dir yang srbab duSh+TA zhes bya ba dang/ sarbba pA paM zhes bya ba'i tshig gnyis ston la/ bsgrub par bya ba'i ming dang spel bar bya'o/ /che ge mo'i kA ya ba k+tsit+ta zhes bya ba 'di ltar yang sbil bar bya'o/ /de lta bu'i sbyor ba ni bgegs mthar byed dam gzhan dag gi sbyor ba byas la/ mi'i rus pa'am/ seng lded dam lcags las byas pa'i phung bu stod bgegs kyi dkra'i gzugs can smad rtse mo can gyi gzugs su bsams la/ sngags 'di bsgrub par bya ba'i ming dang sbel ba mngon par bzlas te/ de nas des bsgrub par bya ba'i gzugs brnyan snga ma bzhin du byas pa la/ phur pus gdab par bya'o/ /yang na
- 230a
mi'i rus pa la sogs pa phyi'i phur bu dang sngags spangs la/ bsam gtan tsam gyis thams cad bskyed nas phur bus gdab par bya'o/ /khams gsum pa'i 'am bdag nyid kyi lus la sogs pa le'u bcu ba gsungs pa'i drag shul bsgrub pa la sogs pa'i dus su phur bu'i tshog gsungs pa ni 'od 'phro 'khrug cing zhes bya ba la sogs pa ste/ rdo rje sems dpa' zhes bya ba ni mi bskyod pa'i rigs las byung ba shes rab mthar byed dam/ khro bo'i rgyal po gzhan gang yang rung ba sku stod thabs dang shes rab kyi bdag nyid can/ sku smad rtse mo can du mnyam par bzhag la bsgrub par bya ba'i ming dang spel ba'i 'og nas bshad pa'i sngags dang ldan pa bsams la/ des thugs kyi phur bus phur bu gdab po/ /de bzhin du rnam par snang mdzad rgya chen nam zhes bya ba sku la gshin rje gshed kyi phur bus gdab po/ /de bzhin du 'dod chags rdo rje can ni gsung gi rdo rje ste/ pad+ma mthar byed kyi phur bu gdab par bya'o/ /thugs rdo rje la sogs pa la/ rigs de dang 'brel ba'i phur bus gdab pa yin par ji ltar shes she na/ le'u bco brgyad pa las rigs kyi dbye ba'i sbyor ba yis/ /rdo rje phur bus phur bu gdab ces gsungs pa'i phyir ro/ /'di dag gis ni re zhig la rnams kyi sku dang gsung dang thugs kyi lta 'jig rten las 'das pa'i phur bus gdab par bya ba yin la/ bgegs mthar byed kyis ni sngar bshad pa'i rim gyis gdug pa can thams cad phur bus gdab pa'i 'jig rten pa de bya'o zhes gsungs pa ni rdo rje bdud rtsi 'khyil ba yis zhes bya ba la sogs pa'o/ /phur bu rnams kyi rang gi ngo bo gsungs pa ni snying kha nas ni zhes bya ba la sogs pa'o/ /bshad ma thag pa'i rnam par snang mdzad
- 230b
la sogs pa'i phur bu'i sngags gsungs pa ni de nas zhes bya ba la sogs pa ste/ rnam par snang mdzad kyi sngags phyung ba'i dus su/ gang gi phyir sku'i rnam par 'phrul pa la/ khyad par med pa yin pas/ rdo rje 'dzin pa nyid la rnam par snang mdzad du gsungs pa yin te/ de yang rnam par snang mdzad lta bu nyid kyi ting nge 'dzin zhes bya ba'i don to/ /sku'i dam tshig chem dam du bya zhing drangs la gnon cing mi g.yo bar byas la/ rlung dang mi phyed par byas pa'i phur bu'i sngags kyis byas pa gang yin pa de byung ba'o/ /de bzhin du 'di'i 'og ma rnams la yang sbyar bar bya'o/ /sku la sogs pa'i phur bu'i cho ga 'di ni bdag gis gsal bar ma bshad do/ /le'u bcu bzhi pa'i 'grel pa'o// //de nas zhes bya ba la sogs pas ni le'u bco lnga pa gsungs pa yin te/ dbang bskur ba thams cad shes pa na/ kun mkhyen pa'o zhes bya bar sbyor ro/ /las kyi tshogs gsungs nas/ rigs re re zhing dngos grub chen po bshad pa las/ re zhig mi bskyod pa'i rigs kyi cho ga gsungs pa ni sma sha can zhes bya ba la sogs pa ste/ na tshod kyi khyad par smos pa ni nye bar mtshon pa tsam du zad kyi ji srid shu kra yod pa de srid kyi bar du bzung ba la 'gal ba med do/ /de dkyil 'khor gru bzhi lham par bya zhes bya ba ni bshad pa dang gci ba la sogs la the tshom rnam par bsal bar bya ba'i phyir re ste/ de ltar byas pa'i dkyil 'khor du gzhal yas khang du mos par bya'o/ /dam tshig gi dkyil 'khor la sogs pa 'di dag ni rigs gsum char la yang sbyar bar bya'o/ /'khor lo'i rigs su phyag s rgya chen po'i dngos grub kyi cho ga gsungs pa ni sku gsungs thugs kyi zhes bya ba la sogs pa ste/ gsam gtan sngags kyi sbyor ba yis zhes bya ba ni bsam gtan gyis bdag nyid can gyi sngags bzlas pas so/ /sangs rgyas kyi ni
- 231a
'od 'drar 'gyur zhes bya ba ni rnam par snang mdzad dang gcig par 'gyur ba'o/ /rdo rje sems dpa' i sbyor ba yis zhes bya ba ni mi bskyod pa la sme sha can gyi bu mo dang sbyar bar bya'o/ /bco blag mkhan gyi bu mo ni mdog dkar bas 'khor lo'i rigs la sbyar bar bya'o/ /utpal mthing kha'i mdog 'dra ba zhes bya ba ni rdo rje rigs la sme sha can gyi bu mo dang sbyor ro/ /sbyor ba'i cho ga zhes bya ba ni btso blag mkhan gyi bu mo phang par bzhag pa la sogs pa'o/ /rdo rje sems dpa' dang mi bskyod pa sbyor ba cig pa de ni mi bskyod pa'i rnal 'byor par 'gyur ro/ /pad+ma'i rigs la yang dngos grub gsungs pa ni rgyal po zhes bya ba la sogs pa ste/ chos rnams thams cad 'dzin pa ni 'od dpag tu med pa'i rnal 'byor pa ste/ cho ga bzhin du gar mkhan gyi bu mo snga ma bzhin du phang par bzhag na rdo rje chos dang 'dra bar 'gyur ro/ /de ji lta bu zhe na/ sa bcu la gnas par 'gyur zhes bya ba gsungs te/ gzugs rdo rje la sogs pa lha mo bcu 'bras bur gyur pa/ sbyin pa'i pha rol tu phyin pa la sogs pa'i ngo bo nyid rab tu dga' ba la sogs pa'i sa bcu rnam par dag pa'i tshul la ni sa bcu zhes bya ba ste/ de rnams la rab tu gnas par 'gyur ro zhes bya ba'i don to/ /sme sha can gyi bu mo la sogs pa med du zin kyang gzhan dag bzung ba la 'gal ba med par gsungs pa ni bram ze rgyal rigs zhes bya ba la sogs pa'o/ /de yang sems can bsam pa la brten nas/ tshad la sogs pa nges byas yin/ /thabs shes las byung dngos grub la/ rigs sogs nges pas ci zhig bya zhes bshad pa yin/ /da lta bu'i mchog gi sems kyis nyi ma ma nub pa nas bsgrub pa kun tu brtsams na/ nyi ma 'char ba'i dus su skyes bu dam pa 'grub par 'gyur ro/ /ji skad du bshad pa'i bu mo bdag gir bya zhing/ gnon pa'i
- 231b
cho ga gsungs pa ni de nas zhes bya ba la sogs pa ste/ dam tshig chen po ni me long lta bu'o/ /de nyid ni rdo rje khro bo'i rgyur gyur pas na/ rdo rje khro bo ste/ de ting nge 'dzin du mdzad nas gshin rje gshed kyi sngags phyung ba'o/ /dug ni zhes bya ba la sogs pa la cho ga ni 'di yin te/ gshin rje gshed kyi rnal 'byor pas sngon du bsnyen pa ji lta ba bzhin du byas nas/ khros pas mngon spyod kyi thab gru gsum du tsher ma'i me la/ yi ge hUM dang ldan pa'i ljags mnga' ba'i gshin rje gshed kyi zhal du bsreg cing dbab par bya ste/ oM h+rI(rgyud 'grel): Sh+TI(rgyud 'grel): bi kri tA na na bu mo che ge mo staM b+ha ya hUM phaT phaT swAhA/ zhes bzlas la nyi ma'i gung dam/ nam phyed na nyi ma gsum du dug dang khrag la sogs pa stong rtsa brgyad sbyin sreg bya ste/ de na de rengs par 'gyur ro/ /bcu bzhi 'am zhes bya ba la sogs pa la/ cho ga ni 'di yin te/ mar gyi ngo'i nyin zhag gang yang rung ba la gshin rje gshed kyi rnal 'byor pas dur khrod kyi sol ba la bzlas brjod stong rtsa brgyad byas pas bdag che ge mo stsol cig ces bya ba'i bskul ba'i cho ga dang bcas pa'i sngags srin po la sogs pa'i ming dang bcas pa bris nas/ de nyid kyis khyer te 'ongs nas ster bar 'gyur ro/ /sbyor ba'i khyad par gzhan dag bshad pa ni dgra bo'i gzugs brnyan bshad ma thag pa'i rim pas mngon par bzlas pa'i dur khrod kyi sol bas dur khrod kyi sa gzhi la bris te/ bkug nas de'i mid pa bcad pa rnam par bsgoms la/ de yang mtshon cha lta bur bsams te/ mgul bar ri mo bris na/ des mgo 'chad par 'gyur ro/ /thong ba la yang snga ma bzhin du gshin rje gshed kyi rnal 'byor pas de'i ngo bo nyid du lag par bsams la/ mdun du lhag par mos pa'i bsgrub par bya ba'i lus la bsnun na nges par bcom par 'gyur ro/ /hUM zhes bya ba la sogs pa la khro bo'i rnal 'byor pas rang gi lag par 'od zer gyi
- 232a
tshogs 'phro ba'i rdo rje hUM las byung ba/ hUM dang bcas pa rtse mo lnga pa rdo rje 'bar ba bsgoms la/ de bzhin du bsgrub par bya ba'i lus la dbab par bya'o/ /de nas gdug pa rnams 'jig par 'gyur ro/ /rdo rgyus zhes bya ba la sogs pa la sngar bshad pa'i sbyor bas mngon par bzlas pa'i rdo rgyus la sogs pas bsgrub par bya ba'i gzugs bris la/ hUM las byung ba'i sta re bsams nas/ des mid pa bcad par 'gyur ro/ /char ches pa bcad par gsungs pa ni las rdo rje zhes bya ba la sogs pa ste/ kha dog ser po'i rdo rje 'dzin pa'i sbyor bas char dbang ba'i steng du yi ge hUM las byung ba'i sna tshogs rdo rje ser po 'bar ba mngon par 'dod pa'i phyogs khebs nas gnas par bsams nas/ de'i dbus su hUM las byung ba'i bskal pa'i me lta bu mgo steng du bltas pa rnam par bsams nas/ de'i lte bar de nyid kyi sbyor ba 'dug ste/ rang nyid kyi ba spu'i bu ga las byung ba'i 'od zer ser po rnams kyis phyogs thams cad khyab par bsams na/ de lta bus ni mngon par 'dod pa'i gnas las phyi rol tu 'bab par 'gyur ro/ /gal te thams cad du bzlog par 'dod na/ 'di nyid kyis thams cad du khyab par rnam par bsams la/ 'od zer 'bar ba'i tshogs kyis klu thams cad yongs su bskams par bsam par bya'o zhes bya ba ni man ngag yin no/ /rtse gcig pa nyams su myong ba dang bcas par bsgom par mi nus pa dgal/ bya ba'i cho ga bshad par bya ste/ sngar bshad pa'i bri ba'i rdzas kyis dur khrod kyi ras la pad+ma 'dab ma brgyad pa klu brgyad rang gi sa bon gyis de'i lte ba la yi ge phaT gnyis dang spel ba'i lha bris la/ bkug ste ras gnyis pa la 'bar ba dang bcas pa'i rdo rje rgya gram ser po'i lte bar rdo rje rtse lnga pa bsgreng ba/ yi ge hUM gis byin gyis brlabs pa bris la/
- 232b
dang po'i ras bkan te/ bting ba'i steng du/ de kha sbub ste/ /ba sbyar du byas nas/ rdo leb kyis mnan la bzhag par bya ste/ de nas char 'chad par 'gyur ro/ /nye bar 'tshe ba thams cad zhi bar bya ba'i phyir/ bgegs mthar byed kyi sbyor ba gsungs pa ni dkyil 'khor dag ni zhes bya ba la sogs pa ste/ mche ba'i phyag rgya ni bgegs mthar byed kyi phyag rgya chen po ste/ de bcings nas dgug pa'i dgra ste/ de'i sngags sngar gsungs pa las/ mahA ga Na pa ti dzI bi tAn+ta ka rA ya zhes bya ba byor pa/ bsgrub par bya ba'i ming gzhug pa dang spel te snga ma bzhin du rjes su dran par bya zhing bsgom par bya'o/ /des na rlung la sogs pa bzlog par 'gyu'o/ /phan yon gsungs pa ni sangs rgyas zhes bya ba la sogs pa'o/ /sngags de nyid dam gzhan dag la swAhA zhes bya ba bor la las dang rjes su mthun par phaT ces bya ba gzhug par bya'o zhes gsungs pa ni de la zhes bya ba la sogs pa'o/ /mngon par rtog pa dang nye bar 'tsham pa'i don gsungs pa ni ye shes sems dpa' i sbyor ba yis zhes bya ba la sogs pa ste/ ye shes sems dpa' ni srid pa bar mdo'i sems sngon du 'gro ba'i zla ba zhu ba ste/ de'i mthus dkyil 'khor gyi dbus su mngon par 'dod pa'i lha'i gzugs gnas bzhir gzhag pa'i spyan la sogs pa'i lha mo rnams klus slong pa'i cho ga bzhin du bsgom par bya'o zhes bya ba'i don to/ /de skad du de lta'i glu'i ngo po ru byas nas ni zhes bya ba la sogs pa smos pa yin no/ /pad+ma dang rdo rje ngag gi rnam par dag pa gsungs pa ni pad+ma zhes bya ba la sogs pa ste/ sme sha can la sogs pa'i bu mo 'am rang gis rigs gang yang rung ba la pad+mar rdo rje zhugs pas rab tu rgyas par byas la/ bskyod pa'i las la gnas pa de ni pad+ma'o/ /rdo rje can gyi sbyor ba zhes bya ba ni rdo rje yang ji skad du bshad pa'i 'od dang ldan pa'i hUM las bskyed de/ rab tu
- 233a
bsgom par bya'o/ /de skad du hUM gis pad+ma 'dab brgyad rnam par sprul ces bya pa dang/ hUM gis rdo rje las byung dri med pa'i zhes bya ba smos pa yin no/ /de nas sku la sogs pa'i ngo bo gru gsum dang ldan pa'i chos 'byung bar zla ba zhu ba'i gzugs su cho ga bzhin phab na/ ji skad du bshad pa'i phan yon 'thob par 'gyur ro zhes gsungs pa ni rang lus zhes bya ba la sogs pa'o/ /'di nyid du gsang ba'i dbang bskur ba'i dbang bskur ba'i dam tshig gsungs pa ni bzhin bzangs zhes bya pa la sogs pa ste/ cho ga bzhin zhes bya ba ni bskyed pa la sogs pa'i rim gyis sbyangs pa'i rang gi rigs kyi bu mo mtshan nyid dang ldan pa rnyed na/ shin tu dben par ji skad du bshad pa'i mchod pa'i cho ga byas la/ de las byung ba'i gsang ba zla ba zhu ba zhes bya ba 'bar ba la sogs pa'i cho ga sngon du 'gro bas bza' bar bya'o/ /de nas ji skad du bshad pa'i phan yon thob par 'gyur ro/ /mi snang ba'i dngos grub kyi cho ga gsung ba ni bshad pa'am zhes bya ba la sogs pa ste/ rang gi rigs kyi bu mo dang snyoms par zhugs pa'i 'khor lo can te/ mi snang ba'i dngos grub 'thob pa'i phyir/ mtshan ma thob pas bshad pa sogs pa'am/ bza' ba ste/ 'bras can la sogs pa'i bza' ba rnams kham phor kha sbyar gyi nang du bcug la yi ge gsum mam/ rang gi sngags kyis brgya rtsa brgyad mngon par bzlas la 'bar ba la sogs pa sngon du 'gro bas zos na/ sangs rgyas nyi ma dag gis kyang mthong bar mi 'gyur zhes bya ba'i don to/ /'di ni 'bar ba'i oM gyis byin brlabs zhes bya ba la sogs pa smos pa yin no/ /sngar bshad pa'i ril bu'i dngos grub kyi sbyor ba la/ ci 'dod pa'i ril bu dgri pa'i rdzas gzhug pa gsungs pa ni ba lang zhes bya ba la sogs pa
- 233b
gsungs pa'o/ /'dir bsdus pa'i don ni 'di yin te lha'i khyad par gang yang rung ba'i phyag rgya chen por byin gyis brlabs la/ dkyil 'khor gyi 'khor lo dang ldan pa'i sngon du bsnyen pa byas nas mtshan ma thob pa dang/ bshad pa la sogs pa'i rdzas thams cad kyis sam/ ji snyed pa dang ldan pa'i lcags gsum gyis ril bu byas la/ snga ma bzhin du cho ga thams cad bya'o/ /de nas ji skad du gsungs pa'i phan yon 'thob par 'gyur ro/ /da ni dbang bskur ba'i nges pa'i don gsungs pa ni de nas ston pa rdo rje 'dzin zhes bya ba la sogs pa ste/ sems dpa' ni rdo rje sems dpa' o/ /rdo rje ni mi bskyod pa ste/ de gnyis kyi sbyor bas mnyes par 'gyur ba ni dga' bar 'gyur ba ste/ dbang bskur ba zhes bya ba'i bar du'o/ /sangs rgyas rdo rje can zhes bya ba ni mi bskyod pa dang/ rdo rje sems dpa' ni go rim ji lta ba bzhin sbyar te/ ji skad du 'bras bus rgyu ni rgyas btab cing zhes bya ba la sogs pa gsungs pa yin no/ /sangs rgyas byang chub rab dbye bas zhes bya ba ni mi bskyod pas so/ /rdo rje can zhes bya ba ni sangs rgyas bzhi po rnams mnyes pa'o/ /rdo rje can la sogs pa bcu'i dbu rgyan la ni gtsug tor te/ rang rang gi rigs kyi bdag po rnams bzhag par bya'o/ /khro bo bcu po rnams la rang rang gi bdag po de nyid bzhag par bya'o/ /rig pa'i rgyal po chos mchog rnams zhes bya ba ni rig pa'i rgyal po rnams la dkon mchog dpal gyis dbang bskur bar bya'o/ /rig pa'i rgyal mo ni rig 'dzin ma ste/ de rnams la tshe dpag tu med pa rab tu bsgoms par bya'o/ /las thams cad byed pa ni ci bgyi ste/ de rnams la gdon mi za bar grub pa bsgom par bya'o/ /sngags rnams ni lha chen po dang/ khyab 'jug la sogs pa ste/ de rnams kyi spyi bor rdo rje 'jin pa bsgom par bya'o/ /gnod sbyin ma rnams la ni gshin rje gshed kyis dbang bskur par bya'o/ /rgyud
- 234a
gzhan dag las gsungs pa'i gang de bzhin gshegs pa'i cod pan nyi stsal kyar? bya ba'i phyir gsungs pa ni sngags rnams zhis bya ba la sogs pa ste/ lha'i rnal 'byor pa thams cad la dkyil 'khor gyi lha spyi bar bsgom par bya'i/ ji lta ba bzhin du ni ma yin no/ /dkyil 'khor du zhugs pa'i slob ma la dbab par bya ba'i phyir dang/ sbyir sbyor ba shes par bya ba'i phyir/ sbyor ba spyad pa gsungs pa ni de nas zhes bya ba la sogs pa ste/ sngags dang bzlas pa'i sbyor ba yis zhes bya ba ni 'og nas bshad pa'i hUM la sogs pa dang/ bskul ba'i sbyor bas so/ /de ltar gyur pa'i rnal 'byor ba ni rdo rje sems dpa' la sogs pa'i sngags dang bsam gtan gyis bskur bas las sna tshogs byed do zhes gsungs pa ni rdo rje sems dpa' la sogs kun zhes bya ba la sogs pa'o/ /rdo rje chos kyi gzugs chen po zhes bya ba ni ji ltar lhag par mos pas a(rgyud 'grel): las byung ba'i 'od dpag tu med par snod bsams la/ gnas gsum du yi ge laM las byung ba'i dbang chen dang/ chu dang rlung gi dkyil 'khor la hUM ha a zhes bya bar rigs rnams kyi rtag pa de rnams kyis slob ma'i sems dang dag byin gyis brlabs par bsam par bya'o zhes bya ba'i don to/ /de ltar byas nas de'i rkang pa'i 'og tu me'i dkyil 'khor la gnas pa'i dzhe(rgyud 'grel): zhes bya ba nye bar gyur par bsams la/ yi ge dzhe(rgyud 'grel): las byung ba'i 'od zer gyis tshogs kyis rkang pa nas rkan gyi bu ga'i bar zhugs shing rab tu 'bar bar gyur par bsam par byas nas/ de nas rigs gsum gyi yi ge'i bdag bdag nyid can dang bskul bar bya ste/ A pa sha ya snyaM b+ha ya ra ra ra ra zhes bya ba la sogs pa'i sngags rdo rje dang/ rdo rje dril bu dang bcas pas brjod par bya'o/ /dbab pa'i cho ga 'di rgyun du bya ste/ de nas bcom ldan 'das der 'bab par
- 234b
mdzad do/ /de nas babs pa'i rang gi lce la yi ge a(rgyud 'grel): dmar po rnam par 'phro ba bsams la/ bru hi badzra zhes brjod par bya'o/ /de nas de dge ba dang mi dge ba rnams ston par 'gyur ro/ /de nas dbab pa de brtan por byas la tiSh+Tha badzra zhes bya ba de la brjod de/ /de nas me tog 'khor lor dor bar bya'o/ /'di dag kyang dkyil 'khor gyi cho ga las de nas slob ma la de bzhin gshegs pa thams cad kyis byin gyis rlobs la zhes bya ba la sogs pa smos shig ces bya ba yin par blta bar bya'o/ /bskul dang zhes bya ba la sogs pa la/ snying kha dang/ lkog ma dang/ spyi bor dbang chen la sogs pa'i dkyil 'khor la gnas pa'i yi ge gsum po ni lha chen po ste/ 'phags pa'i ngo bo bskul ba sogs pa bya ba'i phyir/ me'i dkyil 'khor la gnas pa'i yi ge dzhai(rgyud 'grel): ni 'phags pa'i sa bzhi pa'o/ /rdo rje grub pa zhes bya ba ni brtan pa'i sems kyis so/ /rtag pa zhes bya ba ni bde chen po'o/ /da ni cung zad ye shes babs pas bu mo dang khye'u lo bcu gnyis pa dkyil 'khor gyi khang par bcug nas/ cho ga bzhin du dbab par bya ste/ sgo bcad nas de gnyis dad dkyil 'khro bri bar bya'o zhes gsungs pa ni bu mo lo grangs bcu gnyis ma 'am/ zhes bya ba la sogs pa yin te/ cho gas zhes bya ba ni srad bu bri ba dang/ tshon dgye ba la sogs pa'o/ /sngar bshad pa'i sngags kyi yi ge bstan pa'i phyir/ de la snyig po zhes bya ba la sogs pa gsungs pa yin no/ /sa bon rnams lha'i bdag nyid can du gsungs pa ni hUM ni rdo rje sems dpa' i bdag ces bya ba la sogs pa gsungs pa yin te/ slob ma gzhug pa la sogs pa ni 'dir yang las dang po pa'i rnal 'byor pa bzhin du bya'o zhes gsungs pa ni sngar bzhin du zhes bya ba la sogs pa yin no/ /da ni bdud rtsi thab sbyor gyi rtog pas gdug pa rnams tshar bcad pa gsungs pa ni de nas zhes bya ba la sogs pa ste/ 'dir yang bya ba'i cho ga ni sngar bshad pa nyid yin
- 235a
pa las de la yang kha bskang bar bya ba'i phyir 'di nye bar bkod pa yin te/ 'di rnams dang lhan cig pa nyid kyis ci rigs par der sbyor ba re re dang rims bzhin du bya'o zhes bya ba'i don to/ /dkyil 'khor gru gsum zhes bya ba ni bdud? rtsi thab sbyor gyi rnal 'byor pas cho ga ji lta ba bzhin du me'i thab byas la/ rdzas 'di rnams kyis bskus nas der me'i lha bsams te/ de'i zhal du ji skad du bshad pa'i rdzas las byas pa'i gzugs brnyan la/ me thab de'i dbus su bsgom pa'i bdud rtsi thab sbyor gnyis pa'i zhal du ming spel ba dang bcas par yang dang yang du snga ma bzhin du sbyin sreg bya'o zhes de ltar sbyar bar bya'o/ /khros nas bsreg ces bya ba ni bshad ma thag pa'i thab dang 'dra bar sbyin sreg bya ba'o/ /chu ba 'bab pa'i 'gram gnyis sa zhes bya ba ni chu ba'i 'gram gnyi ga'i dogs kyi sa la sogs pa las gzugs brnyan byas la/ mgo byang phyogs su bstan te/ gan rgyal du bzhag la/ sbrul dang sdig pa la sogs pa'i tshor ma'i dug gis smin pa rnams kyis bar mtshams med par dbug par bya zhing bsgrub par bya ba'i min dang bskul ba'i tshig dang bas pa'i gsang sngags bstod pa dang bcas par brjod cing/ til gyi 'bras bu tsam du dgang bar bya'o/ /ske tshe la sogs pa thams cad du gzugs brtam la sogs pa la gzhug par bya'o/ /liM ga zhes bya ba ni rus pa'i phye ma la sogs pa la byas nas snga ma bzhin du rkang pas mnan la/ che ge mo rak+Sha sa gra ha ya zhes bya ba'i bskul tshig dang bcas par sngags bzlas par bya'o/ /tsha ba chen pos btab par 'gyur ba zhes bya ba ni skul ba'i dbang gis so/ /'dir las kyi tshogs kyi phyir/ bdud rtsi thab sbyor gyi sngags bshad pa gsungs pa ni de la zhes bya ba la sogs pa'o/ /sbyin sreg yang na bsam gtan dag ces bya ba ni bshad ma thag pa dang 'ag?
- 235b
nas 'chad pa'o/ /rdo rje sems dpa' zhes bya ba ni dgug pa rnam par 'jig par mdzad pa/ /khro bo bskyed pa'i rgyur gyur pa bsams la/ gdug pa 'jig par byed pa'i bsams gtan cho ga bzhin du rtag par bya'o/ /de la 'di ni zhes bya ba la sogs pa'i tshigs su bcad pa gsum ni bdag gis ma bshad do/ /srin po zhes bya ba la sogs pa la 'di rnams kyis gdug pa la rnam par gtsos par cho ga bzhin dub sam par bya'o zhes bya ba'i don to/ 'di dag kyang snga ma'i sbrul la sogs pa'i sbyor ba la sbyar bar bya'o/ /de ltar nyams su len pa'i rnal 'byor pas gal te bsgrub par bya ba sngags kyi lta la sogs pas bsrung ba mdzad pa dag kyang srid pas nge'i phur bu gdab par bya'o zhes gsungs pa ni bsrung pa la sogs pa zhes bya ba la sogs pa yin te/ srung bar byed pa'i lha sogs pa bkug la/ kha sbyar dbye ba bya ste/ snga ma bzhin du bdud rtsi thab sbyor gyi phur bus cho ga bzhin du oM g+hA(rgyud 'grel): g+ha(rgyud 'grel): g+ha(rgyud 'grel): zhes bya ba la sogs pa'i sngags bzlas zhing phur bus gdab par bya'o/ /'di ni zhes bya ba ni bsrung ba la sogs pa'i kha sbyar bye ba med pa ni dam tshig shin tu 'da' bar bka' ba' o/ /rdo rje phung po zhes bya ba la sogs pa ni bdag gis ma bshad do/ /bsam gtan nyid kyi nus pa gsungs pa ni ston pa sangs rgyas rdo rje 'dzin zhes bya ba la sogs pa yin te/ gnyis su med pa'i phyin ci ma log pa dngos po'i stobs kyis gnas pa ni gang la ji ltar mos pa de bzhin du 'byung bar 'gyur ro zhes bya bar dgongs so/ /dngos po rnams ngo bo nyid kyis dag pa nyid du bstan par bya ba'i phyir/ de nas zhes bya ba la sogs pa gsungs ba ste ma skyes ba'i zhes bya ba ni rtog pa'i bdag nyid bsad pa la sogs pa'i tshul gyis ni/ ngo bo nyid las gnyis su med pa'i tshul du byung bar bstan to uzhes dbya ba ste/ mdor bstan pa'o/ nga ni sngar bshad pa'i sprul la sogs
- 236a
pa'i sbyor pa rnams kyi phyogs su gtogs pa'i las phran chogs rab tu bsgrub par bya ba'i phyir gsungs pa ni de la 'di ni zhes bya ba la sogs pa ste/ bri ba la sogs pa'i bya ba gtso bo yin pas las phran tshogs kyi rdo rje gsang ba ste/ baM zhes bya bas rdo rgyus la sogs pa dang/ ro bsregs pa'i sol ba sngags brgya rtsa brgyad bzlas pa tsam gyis mi sdug pa la sogs ba'i gzugs can gyi sprul bris la/ de'i khar khe zhes bya ba me'i mdog dang ldan pa dug gi bdag nyid can bsreg pa rang gi sbyor ba la gnas nas bsgom par bya'o/ /des na sbrul de gnas las bskyod par 'gyur ro/ /hI zhes bya ba yang de'i khar bsams la de las byung ba'i 'od zer gyi lcags kyu rnams kyi khams gsum na gnas pa'i dug rnams bkug la sprul gyi khar gzhug par bya'o/ /de nas yi ge khe gyis sprul de bskul la/ gang gzung bar bya ba de nyid gzung bar bsams na 'jigs par 'gyur/ /sdig pa dang zhes bya ba la sogs pa la/ sbyor ba 'byung ba'i mtshan nyid kyis zhes bya ba ni snga ma bzhin de las thams cad kha la sogs pa byas la/ de nyid kyis kyang 'dzin du bcug na gdug pa 'jig par 'gyur ro zhes bya ba'i don to/ /de la 'di ni zhes bya ba la sogs pa la/ rnam par snang mdzad kyi sbyor ba dang ldan pas yi ge oM las byung pa'i 'od zor gyi tshogs dang ldan pa'i 'khor lo rtsibs brgyad ba dkar po la/ lta bar yi ge oM 'od zer gyi tshogs kyis khyab par bsams la/ des dug nyid nag por byung bar drangs te/ gnas gzhan du brtsal nas/ dug spangs te/ dkar po 'jug pas khyab cing nam mkha' la sogs par dug spro bar bya'o/ /dug gso ba gsungs pa ni de la 'di ni zhes bya ba la sogs pa gsungs pa yin te/ cho ga ji lta ba bzhin du 'khor lo'i dbus su gnas pa'i mi bskyod pa'i sbyor ba dang ldan pas bsgrub par bya ba'i snying khar
- 236b
yi ge hUM las byung ba'i rdo rje dkar po las skyes pa'i 'od dkar po'i sprin gyi tshogs bsil bas de'i lus khyab par byas la/ de nyid kyi snying kha dang/ lkog ma dang/ dpral ba dang/ mgo'i gnas su dug yang dag par bsdus par gyur par lan gnyis lan gsum gyi bar du bsams la/ yang thams cad snying khar bsdus te skyugs pa'i tshul du kha dog nag por byung bar bsam mo/ /'bras la sogs ba dug dang nye ba'i dug gzhig par bya ba'i phyir de la 'di ni zhes bya ba la sogs pa gsungs pa ste/ gang gzhan zhes bya ba ni g.yan pa dang/ sha bkra la sogs pa'o/ /bsams pa tsam gyis zhes bya ba ni bshad ma thag pa bzhin du 'od dpag tu med pa'i rnal 'byor bya ba ste/ lag pa g.yas par yi ge a(rgyud 'grel): las byung ba'i pad+ma dkar po 'dab ma brgyad pa'i dbus su yang yi ge a(rgyud 'grel): 'od zer lngas rgyas bar bsams la/ des byas par bya'o/ /sdud pa ni dam tshig gnag ces bya ba la sogs pa la a(rgyud 'grel): las byung pa'i 'od zer rnams kyis bsdud pa na dug dang bcas pa yin pa'i phyir nag po yin la spros pa na yang 'dir gzhan dag du dug gsal ba yin pa'i phyir/ dkar po'i mdog du gyur pa yin no/ /'di dag ni 'di'i snga ma rnams la yang shes par bya'o/ /gdon pa'i sngags kyis kyang nad la sogs pa bsal bar bya'o zhes gsungs pa ni zhes bya ba la sogs pa yin te/ gal te 'di lta bu'i sngags kyi yi ge'i tshig ni mos pa'i dbang du gsungs pa yin te/ de'i rnal 'byor nyid kyis las bya'o zhes bya ba'i don to/ /nad kyi rdo rje bskul ba yis zhes bya ba ni ji ltar rnam par snang mdzad kyi rnal 'byor bas ni oM a(rgyud 'grel): ji na ji ka nad che ge mo a ba na ya hUM zhes bya ba la sogs pa'i rnam par bya ba ste/ de la sogs pa'i rnam pa ji lta ba de bzhin sbyar bar bya'o/ /nad yang spre'u la sogs pa dang 'dra bar bsgrub par bya ba'i lus la sogs pa las byung bar bsams la/ rang gi lag pa
- 237a
na 'dug pa'i 'khor lo la sogs pas spe'u la sogs pa de rnams kyi lus la sogs pa phye mar brlag par rdo rje go 'phang rang gi rnal 'byor la gnas pa'i rnal 'byor bas bsgom par bya'o/ /rang gi lus zhes bya ba sogs pa la rnam par snang mdzad la sogs pa'i sku/ sku mdog nag por cho ga bzhin du bsgoms la/ de spros pa'i khro bo rnams kyis phyogs bcu khyab par byas la/ spre'u la sogs pa'i nad de rnams kyi lus rang gi lag na gnas pa'i phyag mtshan gyis phye mar brlag bar bya zhing sngags brgya rtsa brgyad thun mtshams bzhir bzlas brjod bya'o/ /de nas yang bdag nyid kha dog dkar por bsgoms la/ spro ba la sogs pa byed bzhin du snga ma bzhin du nad pa la dbang bskur ba la sogs pa bzhin du bya zhing zhi ba bya'o/ de nas nges par las las byung ba'i nad kyang nyin zhag bdun gyis med par 'gyur ro/ /yang na bdag gi sngags rgyal gyis zhes bya ba ni rin chen 'byung ldan la sogs pa'i sbyor bas gyang ci rigs par nad rnams bsal bar bya'o/ /da ni rmi lam gyi mtshan ma bshad pa'i phyir/ de nas zhes bya ba la sogs pa gsungs te/ 'di ni rmi lam chen po'i dam tshig ces bya ba la sogs pa gang mngon par 'dod pa'i 'bras bu 'thob pa'i ltas so/ /rmi lam gyi mtshan ma bstan nas mtshan ma de la mngon par zhen pa btsal bar bya ba'i phyir gsungs pa ni de la 'di ni zhes bya ba la sogs pa yin te/ dam tshig gi snying po zhes bya ba ni 'da' bar bya ba ma yin pa'i nges pa'i ye shes so/ /sems la dmigs pa ni sems la nges par brtags pa ste/ khams gsum pa 'de dag ni rnam par shes pa 'di nyid do zhes bya ba'o/ /rnam pa de lta bu yin pas de sems ni chos thams cad de rmi lam du dmigs pa'i sangs rgyas thob pa lta bu ste/ khams gsum pa'i tshul
- 237b
yang de'i bdag nyid du rab tu gnas pa yin no/ /de dag kyang nam mkha' i mtshan nyid can gyis sems la gnas par 'gyur ro/ zhes gsungs pa ni nam mkha' rdo rje la gnas sems zhes gsungs pa yin no/ /de bas na btags pa'i 'o bo nyid gyi chos med la/ de med pas na chos nyid kyang med pa'o/ /de ni 'di dag gsan pa dang sangs rgyas ngo mtshar du gyur cing rmad du gyur pa thob par gsungs pa ni de nas zhes bya ba la sogs pa yin te/ chos rnams ngo bo med ba la zhes bya ba ni btags pa'i tshul dang bral ba'i chos rnams la/ chos kyi de kho na nyid gnyis su med pa zhes bya ba 'di bshad pa yin no/ /nam mkha' la ni nam mkha' bsgom zhes bya ba ni dmigs su med pa'i ye shes ni rang gi ngo bo nyid kyis bsgom pa'o/ /de skad du 'phags pa byams pas kyang/ 'di ni btags pa dgags pa ste/ rang gi ngo bo bzlog pa min zhes gsungs pa yin no/ /chos gang gis zhe na/ bems po'i tshul gyi nam mkha' dang ye shes gcig pa nyid kyis phyir ro/ /mi ldan pa yang ma yin zhes bya ba ni nam mkha' ni chos thams cad kyi bdag nyid can yin pa'i phyir ro/ /nam mkha' la yang nga ni thams cad du song ba'o zhes bya ba las gos pa bzung ba la sogs pa'i rnam par rtog pa yod pa ma yin no/ /nam mkha' la brtag tu med ces bya ba la sogs pa ni gzung ba dang 'dzin pa dang bral ba'i phyir ro zhes bya bar dgong yo de'i skye ba med de zhes bya ba ni sems kyis ngo bo nyid de la brtag pa'i bdag nyid can gyi skye ba med pa ste/ dngos su na gnyis su med par 'byung ba nyid yin no/ /ngo bo nyid med pa zhes bya ba la/ ngo bo nyid ni gzung ba la sogs pa'i bas pa'i tshul te da dang bral ba'o/ /yang na mdza' ni/ gzung ba dang 'dzin pa'i rnam pa ni/ phyi yis mtshan nyid yod min te/ /de bas mtshan nyid stong pa'i phyir/ /dngos po med par bshad pa yin zhes 'byung ba yin no/ /rmi lam de ni zhes bya ba la sogs pas ni rmi lam
- 238a
dang gnyid ma log pa'i gnas skabs dngos su ni khyad par med par gsungs pa yin no/ /nam mkha' i khams kyi rjes 'brang ba'i zhes bya ba ni nam mkha' khyab pa rnams la'o/ /rjes su 'brang ba zhes bya ba ni mngon par 'phel bar gyur pa'o/ /sems nam mkha' la gnas so zhes bya ba ni de'i bdag nyid kyis so/ /nam mkha' ni gang la yang mi gnas so zhes bya ba ni dmigs su med pa nyid du gyur pas na/ rten dang brten par gyur pa ni btags pa tsam yin pa'i phyir ro/ /rang gi sems kyi chos nyid la gnas ba zhes bya ba ni rang gis sems kyis chos nyid ni sdong ba nyid de/ gzung ba la sogs pa dang bral ba'o/ /gang 'phags pa byams pas/ gang zag dang ni chos rnams kyi/ dngos po med 'dir stong pa nyid ces bshad pa yin no/ /des gnas pa ni stong pa nyid du ro gcig pa ste/ de sems shing cang mi smra bar 'khod par 'gyur ro/ le'u bco lnga pa'i 'gel pa'o// //de nas zhes bya ba la sogs pas ni le'u bcu drug pa gsungs pa yin te/ ting 'dzin ces bya ba ni rnam par dgod pa me long lta bu'o/ / cho ga rdo rje zhes bya ba ni mi phyed pa'i cho gas dkyil 'kho rdzogs pa'i dbus ma'i gdan la rnam par snang mdzad kyi phyag rgya 'khor lo'i gzugs su bri bar bya'o/ /mi bskyod la sogs zhes bya ba ni sngar gyi rnam par snang mdzad kyi dbus su mi bskyod pa'i rdo rje bris la/ lhag ma rnams gnas ji lta ba bzhen du bri bar bya'o/ /bshad gci la sogs zhes bya ba la/ tshon dang thig la sogs pa dang/ bza' ba la sogs pa la/ cho ga ji lta ba bzhin du sbyar bar bya'o/ /gsung gi dkyil 'khor bshad pa'i phyir gsungs pa ni de nas zhes bya ba la sogs pa ste/ ting 'dzin ces bya ba ni so sor rtog pa'i rnam pa'o/ /rdo rje bsgom pas zhes bya ba ni 'od dpag tu med pa la sogs pa slob dpon dang slob ma gnyis kyis bzung ba'i srad bu sngar bshad pas
- 238b
thig btab la bri bar bya'o/ /rang gi sku'i dkyil 'khor gnas zhes bya ba ni gzugs dang ldan pa'i sku'i dkyil 'khor nyid yin du zin kyang/ 'dod chags rnam par dag pa'i dbang gis gsung gi rdo rje'i yon tan 'thob pa yin no/ /nub phyogs kyi 'od dpag tu med ba'i gnas su ni mi bskyed pa'i phyag rgya bris la/ lhag ma rnams ji lta ba bzhin du bri bar bya'o/ /zhes gsungs pa ni de nyid ces bya ba la sogs pa gsungs pa yin no/ /gsang ba'i mchod ba zhes bya ba ni gar mkhan gyi bu mo blangs la ji skad du bshad pa'i mched pa bya'o zhes shes par bya'o/ /de ltar na sku dang gsung gi dkyil 'khor de dag bshad pa yin no/ /thugs kyi dkyil 'khor ni le'u bzhi par bshad pa yin no/ /da ni lha gzhan dag gi dkyil 'khor dag kyang bsgres nas bstan pa'i phyir gsungs pa ni de nas zhes bya ba la sogs pa ste/ dkyil 'khor gyi dbus su gang gi gzugs bris pa dkyil 'khor de nyid kyi yin par 'gyur ro/ /de skad du gang zhig dbus su gnas par gyur pa'i/ 'khor lo de yang de'i yin par 'gyur zhes bshad pa yin no/ /dkyil 'khor thams cad bskyed pa la sogs pa la thun mong du gyur pa'i thugs la sogs pa ngo bo nyid kyi yi ge gsum bshad par bya ba'i phyir/ de nas zhes bya ba la sogs pa gsungs te/ sku la sogs pa'i dkyil 'khor de'i sngags ni snying po rnams te/ de'i thig gdab pa'i phyir/ yi ge'i gnas yin no zhes mtshams sbyar bar bya'o/ /ye shes babs pa'i thob pa'i rnal 'byor ba'i bri ba'i dkyil 'khor gyi cho ga gsungs ba ni tshon rtsi zhes bya ba la sogs pa ste/ sngags kyi sems dpas zhes bya ba ni sngags kyis byin gyis brlabs pa'i sems kyis mthu thob pas tshon dgye ba dang/ thig gdab pa la sogs pa bdag nyid kyis mi bya ste/ byas na byang chub rnye par dka' bar 'gyur ro/ /de lta na go dkyil 'khor ji ltar bri bar bya zhe na/ de bas zhes
- 239a
bya ba la sogs pa gsungs te/ khye'u dang bu mo la sngags kyi lha rnam par snang mdzad dang/ spyan phab ste/ mig la sogs pa byin gyis brlabs pa'i gnas bsam la/ bla ma dang slob ma'i tshul can de gnyis kyis sku'i dkyil 'khor bri bar bya'o/ /de nyid kyis gsung gi dkyil 'khor bri ba'i cho ga gsungs pa ni rdo rje chos zhes bya ba la sogs pa'o/ /thugs kyi dkyil 'khor gyi yang cho ga gsungs pa ni rdo rje sems dpa' zhes bya ba la sogs pa ste/ de skad du yi shes dbab pa legs thob pas zhes bya ba nas brtsams te/ thugs la'ang mi bskyod mA ma kI zhes bya ba la sogs pas bshad pa yin no/ yul dang dus gzhan dag tu rnam par bsgom bzhin du 'khor lo bkug nas 'di nyid kyi nang du chud par bya ba gsungs pa ni bkug nas zhes bya ba la sogs pa'o/ /khro bo'i rgyal pos zhes bya ba ni gshin rje gshed kyis so/ /'di ni nye bar mtshon pa tsam du zad de/ sgo srungs gsum po gzhan dag gis kyang gzhug pa dang/ bcing ba dang ma nyi bar bya ba byas la/ dus gsum gyi sangs rgyas nang du chung ba'i bdag nyid can gyi 'khor lo mchod par bya'o/ /de ni rang gi 'khor lo gsal bsgoms te zhes bya ba nas brtsams te/ gshin rje gshed la sogs pas dgug ces bya ba'i bar gyis bshad pa yin no/ /gtor ma'i cho ga gsungs pa ni sngags rnams thams cad ces bya ba la sogs pa ste/ 'di dag ni bdag gis ma bshad do/ /las dang po pa'i rnal 'byor pa'i thig gdab pa'i cho ga gsungs pa ni thig gi zhes bya ba la sogs pa ste/ sku'i dkyil 'khor bri ba'i dus su/ slob dpon bdag nyid srad bu'i mdza' gcig 'dzin pa'i rnam par snang mdzad du bsams la/ slob ma srad bu mdza' gnyis pa 'dzin pa'i rdo rje sems dpa' 'am/
- 239b
bdud rtsi thab sbyor du bsam par bya'o/ /las kyi gnas zhes bya ba ni thig mngon par sbyar ba la sogs pa'o/ /de dag kyang dkyil 'khor gyi cho ga las gsal ba nyid du shes bar bya'o/ /srad bu de dang tshon la sangs rgyas lnga'i bdag nyid can lta nyi shu rtsa lnga'i gzugs su dbye bar bya'o zhes gsungs ba ni sangs rgyas rgyal chen lnga rnams ni zhes bya ba la sogs pa'o/ /de bsan de'i mdog sa bon las byung ba'i mi bskyod pa la sogs par snang zhes bya ba la sogs pa smos pa yin no/ /da ni sngar bshad ba'i gtor ma phul nas rdo rje hUM mdzad kyi gzugs kyis dkyil 'khor du zhugs la bskor bar bya'o zhes gsungs pa ni sngags rnams zhes bya ba la sogs pa yin te/ rdo rje hUM mdzad ni khams gsum rnam par rgyal ba ste/ gnod mjos yin par/ bshad do/ /de nyid kyis na phyogs skyong rang rang sbyor gnas pa zhes bya ba nas brtsams te/ 'jig rten gsum las rnam par rgyal gyur pa zhes bya ba la sogs pa smos pa yin no/ /zhi ba'i sgrub pas spyan ras kyis mi 'tsho ba'i/ sangs rgyas rnams kyis spyan ras kyis bcal pa'i phyir sku gsung zhes bya ba la sogs pa smos pa yin te/ sku gsung thugs zhes bya ba ni gnong mjos rgyal po ste/ sangs rgyas lta'i dbu rgyan la bdag po gnyis pa bsgom par bya'o/ /yang na sku gsung thugs kyi dam tshig ces bya ba ni rdo rje 'dzin pa ste sangs rgyas rnams kyi gnas lnga po mgo bo dang/ lkog ma dang/ snying kha dang/ lto ba dang/ rked pa'i gsad bar bsgom pa'o/ /rdo rje sems dpa' i zhes bya ba ni rnal 'byor pa rnams kyi'o/ /bum pa dgod pa'i cho ga gsungs pa ni rdo rje bum pa bzhag ba zhes bya ba la sogs pa ste/ rnam par rgyal pa'i bum pa la sogs pa la dkyil 'khor gyi lta rnams dang/ 'brel pa'i sngags dkyil 'khor pa'i lha so so'i bzlas pa byas pa'i rang bzhin no/ /rgyud ni 'dab ma
- 240a
la sogs pa'o/ /bdag po ni dkyil 'khor ba so so ste/ de rnams kyi rjes su 'brang ba'i yi ge rnams kyis so/ /rang bris pa ni rang rang gi mtshan mas mtshan pa dang/ bdud rtsi lnga dang/ 'bru dang gos la sogs pa dang ldan pa bzlas shing rang gi sbyor ba dang ldan pa ji skad du bshad pa'i gnas rnams su dgod par bya'o/ /de bas na mgrin pa bzang po gos kyis dkris/ a ma la sogs 'dab mar ldan zhes bya ba la sogs pa smos pa yin no/ /spyin sreg gi cho ga gsungs pa ni rdo rje sems dpa' zhes bya ba la sogs pa ste/ dbus su rang gi lha'i gzugs zhes bya ba ni dang po me lta la ji skad bshad pa'i sbyin blugs phul la de'i 'og tu de'i dbus su rang gi lha'i sku bsams te/ de'i zhal du sreg rdzas bsta ba par bya'o/ /de pas na kun nas sor bzhi dor nas ni/ kha khyer de'i tshad pad+ma kha bye ba'i kha khyer las khru zabs su khru phyed pa/ 'khor lo lta bu las kun byed ces bya ba la sogs pa smos pa yin no/ /slob ma gzhug pa'i cho ga gsungs pa ni rnam par snang mdzad ces bya ba la sogs pa ste/ ji ltar lhag par mos pas rnam par snang mdzad kyi rnal 'byor pa'i slob ma la gnas ji lta ba bzhin du/ rdo rje gsum gyis byin gyis brlabs par bsam par bya ste/ a zhes smos pa ni de nyi bar mtshon pa'i don du gsungs pa yin no /rdo rje gzung bar bya zhes bya ba ni rdo rje gsum gyis byin gyis brlabs pa'o/ /'di nyid gsungs pa ni rdo rje sems dpa' zhes bya ba la sogs pa'o/ /'dir 'od dpag tu med pa ma bshad pa ni sngar a zhes bya ba nyid kyis de sdon pa yin pa'i phyir ro/ /de yang slob ma'i spyi'i sdom pa dang zhes bya ba nas brtsams te/ sgor ni phreng thogs yang dag mchod/ /de bzhin yon ni phul ba dang zhes bya ba la sogs pa smos pa yin no/ /slob ma gzhug pas yi ge lnga gsungs pa ni A khaM pI ra hUM zhes
- 240b
bya ba'o/ /gshin rje gshed la sogs pa'i sngags dang/ 'di nyid kyis slob ma dgug pa la sogs pa bya'o/ /de bas na gshin rje gshed sogs rang sngags ni/ dam pas dgug cing gzhug par bya zhes bya ba la sogs pa smos pa yin no/ /slob ma dbang bskur gsungs pa ni de la 'di ni zhes bya ba la sogs pa yin te/ sangs rgyas thams cad ji skad du bshad pa'i bum pa gang ba bsnams pa nam mkha' i khams yongs su gang bar rab tu bsgoms la/ sangs rgyas de rnams yungs kar lta bu'i rdo rje gsum gyis 'od zer gyis bskul bar bya'o/ /de nas de la dbang bskur ba stsol bar 'gyur ro/ /sbyan la sogs pa bum pa thogs pas 'di la dbang bskur ba sbyin par bya'o zhes gsungs pa ni yang na zhes bya ba la sogs pa ste/ rdo rje sems dpa' i ting nge 'dzin gyis zhes bya ba ni ji ltar lhag par mos par byas pa'i ting nge 'dzin gyis so/ /dam tshig gi mchog rnams ni zhes bya ba ni spyan la sogs pas so/ /slob ma dkyil 'khor du gzhug pa la ji lta ba'i lhag par mos pas rnam par snang mdzad lta bur bsam mo zhes bya ba la sogs pa sngar bshad pa de dran par bya ba'i phyir gsungs pa ni rdo rje rnam par snang mdzad ces bya ba la sogs pa yin te/ dgod par bya zhes bya ba ni yi ge gsum mo/ /dbang bskur ba'i dus su slob dpon gyis brjod par bya ba'i tshigs su bcad pa gsungs pa ni de la 'di ni dbang bskur ba thams cad kyi zhes bya ba la sogs pa yin no/ /dbang bskur ba len pa'i sngon rol du slob ma'i gsol ba 'debs pa'i tshigs su bcad pa gsungs pa ni de la 'di ni slob ma thams cad kyis zhes bya ba la sogs pa yin no/ /tshigs bcad pas gsol ba btab pa'i rjes thogs la/ slob dpon gyis dbang bskur bar bya'o zhes gsungs pa ni de'i tshe de la dbang bskur ba zhes bya ba la sogs pa'o/ /lha'i gzugs kyis sbyor bas slob ma'i snying khar bdag po bzhag par bya zhing de nas sngags kyis yi ge'i tshig
- 241a
dang/ dam tshig ji lta ba bzhin du sbyin par bya'o zhes gsungs pa ni lha'i gzugs kyi zhes bya ba la sogs pa yin no/ /dbang bskur ba ni mang la sogs pa dkyil 'khor cho ga las shes par bya'o/ /dkyil 'khor dag ni bstan par bya zhes bya ba ni mig dbye ba byas pa yin te/ de nyid kyis na mig tu 'bar bcas oM bsams la zhes bya ba nas brtsams te/ 'khor lo'i bdag po nas brtsams te/ bdud rtsi thab sbyor bar du'o zhes bya ba'i bar du bshad pa yin no/ /de nas dam tshig gsang ba bsgrag par bya zhes bya ba la sogs pa ni bdag gis gsal bar ma bshad do/ /slob ma la sngags 'dod pa'i lha'i ting nge 'dzin cho ga bzhin du sbyin par bya'o zhes gsungs pa ni sngags kyi zhes bya ba la sogs pa yin no/ /gsang ba sbyin la zhes bya ba yang/ gsang ba'i dbang bskur ba'i dam tshig gi cho ga yin te/ 'di dag ni bdag gis ma bshad do/ /srog gcod pa la sogs pa bzhi po 'di dag ni rnal 'byor pa thams cad kyis 'da' bar bya ba ma yin zhing/ rdo rje gsum gyi ngo bo nyid 'gro ba'i don gyi spyod pa dang mtsham pa yin no/ /glang po'i sha la sogs pa ni sngags mnyes par byed pa rnams kyis bsten par bya'o/ /bza' ba la sogs pa'i khyad par de nyid 'bar ba la sogs pa mngon sum du gyur bar bya bas slob ma la yid ches par bya ba bstan par bya ste/ 'bar bar bya ba la sogs pa la dgos pa'i yi ge oM gsungs pa yin no/ /de yang rang gi sbyor ba la gnas te/ yi ge yaM? las byung ba'i rlung gi dkyil 'khor la gnas shing/ yi ge raM las byung ba'i me'i dkyil 'khor gru gsum la gnas pa la yi ge a las byung ba'i thod par sha dang bdud rtsi 'di dag thams cad sangs rgyas kyi 'khor lo dang ldan par bsams la de'i steng du hUM las byung ba'i rdo rje bar snang la bsgoms te/ de
- 241b
las bdud rtsi'i rgyun 'dzag pa thob par gnas par byas la/ rdo rje yang thod par byas la/ de thams cad byin gyis brlabs la/ chog bzhin du sbar bar bya ste/ ye shes kyi bdud rtsi'i ngo bo nyid de kho na gsum gyis mngon par bzlas pa byas la lha rnams dang lhan cig nye bar khongs spyad par bya'o/ /de bsan 'bar ba'i oM gyis byin brlabs zhes bya ba la sogs pa smos pa yin no/ /de'i phan yon gsungs ba ni dngos grub ces bya ba la sogs pa'o/ /baM phor kha sbyar zhes bya ba ni thod pa ste/ bza' ba la sogs pa 'di dag kyang mngag gzhug ba'i sbyor ba la yang brjod par bya'o/ /de nyid gsungs pa ni de la 'di ni zhes bya'o/ /de nyid gsungs pa ni de las 'di ni zhes bya ba la sogs pa yin no/ /de'i don ni 'di yin te/ mngon par 'dod pa'i lha'i rnal 'byor dang ldan pas mdun du nam mkha' i dbus su h+rI(rgyud 'grel): zhes bya ba 'od spro ba dang bcas pa'i sngags bsams la/ nam mkha' la bsgoms pa'i sangs rgyas rnams kyi sku dang gsung dang thugs dang/ der h+rI:? zhes bya bas dbab la de yongs su gyur pa las de'i byin gyis brlabs kyis A khaM d+hi(rgyud 'grel): zhes bya ba'i yi ge bsams la/ de yongs su gyur pa'i mdag gzhug pa rigs dang rjes su mthun par bgegs mthar byed la sogs pa gsum las gang yang rung bar bsam par bya'o/ /de nyid gsungs pa ni phyag na rdo rje zhes bya ba la sogs pa ste zhes bya ba ni bgegs mthar byed do/ /lhag ma gnyis po ni pad+ma mthar byed dang/ gshin rje mthar byed yin no/ /de dag las gang yang rung ba'i gzugs su mdag gzhug pa bsams la/ de nyid la A khaM d+hI(rgyud 'grel): zhes bya bas rim pa ji lta ba bzhin du de'i sku gsung thugs byin gyis brlabs la/ 'og nas bshad pa'i gsang ba'i gnas de'i snying kha'i phyogs su bzhag par bya'o/ /gsang ba'i gnas de gang yin zhe na/ de la 'ang ni zhes bya ba la sogs pa ste/ nyi ma'i dkyil 'khor
- 242a
la gnas pa'i mi bskyod pa dang/ 'od dpag tu med pa dang/ rnam par snang mdzad zla ba la gnas pa/ rim pa ji lta ba bzhin du bgegs mthar byed la sogs pa'i gzugs can gyi mngag gzhug pa'i snying khar bzhag par bya'o/ /de nas yi ge A(rgyud 'grel): dang/ sdug bsngal drag po 'byin pa'i mdung rtse chen po la sogs pas drag shul gyis mngag gzhug pa de ji ltar lhag par mos ba lta bur byin gyis brlabs par bya ba'i phyir/ ye shes sems dpa' de spyan drang zhing bskul bar bya'o/ /de nas rim gyis sangs rgyas kyi byang chub rab tu 'grub par 'gyur ro/ /de nas grub pa'i mngag gzhug bdes sgrub pa po de sangs rgyas kyi zhing la sogs par khyer nas chos thos par byed cing/ sangs rgyas nyid thob pa'i rgyur 'gyur ro/ /mi bskyod pa la sogs ba'i rigs dang mthun pa'i rnal 'byor pa gang yang rung bas mngag gzhug pa 'di bsgrub par bya'o zhes gsungs ba ni de la 'di ni zhes bya ba la sogs pa yin no/ /dam tshig bzhi po yang thun mong yin no/ /zhes gsungs pa ni dam tshig bskul ba zhes bya ba la sogs pa yin te/ 'dir de bzhin gshegs pa thams cad kyi dam tshig byin gyis brlabs pa ni sngags de byin gyis brlabs pas bskul ba yin no/ /dam tshig gtong ba ni phyogs bcu'i de bzhin gshegs pa rnams spyan drang ba'i phyir mdud rtse la sogs pa phyag na bsnams pa'i de bzhin gshegs pa la sogs pa khros pa rnams spros pa'o/ /dam tshig smra ba ni spros pa'i de bzhin gshegs pa de rnams nyid kyi yang dag par gsungs pa'o/ /dam tshig 'ching ba ni 'od zer rnams kyi de bzhin gshegs pa thams cad yang dag par bsdus te sa bon der gzhug pa'o/ /da ni mngag gzhug pa de'i mthu gsungs pa ni nam mkha' i dbyings zhes bya ba la sogs pa yin te/ nam mkha' la 'gro
- 242b
ba la sogs pa'i gzugs rmad du byung bar yang mngag gzhug pa des byed pa yin no/ /'ngar/? pa'i rdo rje'i sbyor bas yang dbang du bya ba'i sbyor ba gsungs pa ni sangs rgyas zhes bya ba la sogs pa ste/ ?? pa'i rdo rje rnal 'byor cho ga ji lta ba bzhin du byas la/ mda' lnga dbu rgyan gyis rtse mor zhugs pa'i khu tshur gzung la/ mda' dmar de rnams kyi mgo dang/ dpral ba dang/ kha dang/ snying dang/ lte ba rnams bsgrub par bya ba bskul bar bya'o/ /de nas de brgyal bar gyur ba bzhin du rkang pa gnyis kyi drung du 'gyel bar bsam par bya'o/ /de lta bu 'di ni mtshan ma thob par zla ba phyed cig bya ba yin no/ /slob ma dkyil 'khor du gzhug pa'i gdong g.yogs dgrol ba'i cho ga gsungs pa ni nam mkha' rdo rje zhes bya ba la sogs pa ste/ slob ma khang pa brtsegs ma'i nang du chung par cho ga ji lta ba bzhin du bsams la/ hUM a(rgyud 'grel): oM zhes bya ba thugs rdo rje la sogs pa dang/ ye shes sems dpa' ste/ de ltar phyag rgya bzhi dang ldan par byas nas/ oM gyis byin gyis brlabs pa'i mig gis dkyil 'khor de bstan par bya'o/ /de bas na/ mig rab tu 'bar bcas oM bsams la/ zhes bya ba la sogs pa tshigs su bcad pa gnyis smos pa yin no/ /bkres pa la sogs pa sel ba'i sbyor ba gsungs pa ni dkres skom la sogs zhes bya ba la sogs pa ste/ rnam par snang mdzad kyi rnal 'byor bas/ de'i khar yi ge bza' bar bya ba'i rdzas rnams kyi gnas su gyur pa/ bum pa lta bu bsams la/ de'i lce la yi ge oM bsams te/ bza' bas gang ba'i yi ge ba kha thur du bltas pa'i nang du chud pa las bdud rtsi'i rgyun gyis tshim par byed cing/ sdug bsngal thams cad sel bar byed par bsgom par bya'o/ /de bzhin gshegs pa dpa' bo rdo rje'i sa bon la sogs pa bshad pa'i phyir gsungs pa ni de nas zhes bya ba la sogs pa
- 243a
ste/ dpa' bo rdo rje bskyed pa'i rgyu'i phyir te/ dpa' bo rdo rje zhes bya ba'i sgras ni mi bskyod pa la bya bar bshad la/ de dang por rdo rje 'dzin par gyur pas/ yi ge d+hI(rgyud 'grel): las byung ba'i rdo rje ser po'i rim gyis dpa' bo rdo rje phyag rgya bzhi dang ldan pa zla ba'i gdan la bzhugs pa/ ral pa dang thor tshugs dang bcas pa/ mi bskyod pas dbang bskur ba/ phyag mtshan gyi gtso bo rdo rje ser po mnga' ba dang/ ral gri bsnams ba/ phyag g.yon pa gnyis na/ pad+ma dang nor bu bsnams pa/ phyag lhag ma ba? rang rigs pa'i rig ma la 'khyud pa/ sku mdog ser po ji lta ba bzhin du bsgoms la/ mngon par 'dod pa'i las brtsams par bya'o/ /skul byed ma bskyed pa'i cho ga gsungs pa ni de nas zhes bya ba la sogs pa ste/ dang po rgyu rdo rje 'dzin par gyur pas yi ge hUM tsam las byung zhing pad+ma dkar po las skyes pa/ pad+ma dang ral gri dang/ nor bu dang/ 'khor lo bsnams pa rin po che'i cod pan can rang snang ba'i thabs la yang dag par 'khyud pa/ spro ba la sogs pa dang yang dag par ldan pa/ phyag rgya bzhi dang ldan pa'i skul byed ma bsgoms par bya'o/ /bcom ldan 'das yum 'di ni byang chub sems dpa' i gzugs can yin pas na/ zla ba'i dkyil 'khor nyid la bzhugs par bsgom par bya ste/ gang 'dir nyi ma'i dkyil 'khor zhes 'byung ba ni gal te ma dag pa yin par blta bar bya'o/ /rdo rje sems dpa' zhes bya ba ni mi bskyod pa dbu rgyan la bsgoms la/ las kyi khyad par kyi phyir sngags kyi tshig dgod par bya'o/ /gnod mdzes bskyed pa'i cho ga gsungs pa ni de nas zhes bya ba la sogs pa ste/ dang po rdo rje 'dzin par gyur pas dzi las byung ba'i bi dza pu ra las byung ba gser gyi mdog can pi dza bu dang /ral gri dang/ rin po che dang/ pad+ma bsnams pa/ rang snang ba'i rig ma la 'khyud
- 243b
pa/ phyag rgya bzhi dang ldan pa/ zla ba'i gdan la bzhugs pa/ mi bskyod pa'i cod pan can bsam par bya'o/ /rdo rje bsgoms pas zhes bya ba ni gnyis su med pa'i bsgom pas so/ /gnod sbyin gzugs 'dzin pa zhes bya ba ni rnam pa sna tshogs pa'i nor gyis 'gengs pa yin gyi/ mche ba la sogs pa dang ldan pa ni ma yin no/ /sangs rgyas lnga zhes bya ba ni mi bskyod pa dang/ rin chen dpal dang 'od dpag tu med pa dang/ rnam par snang mdzad dang/ gdon mi za bar grub pa/ mgo po dang/ dbral ba dang/ kha dang snying ka dang/ lte ba rnams su go rims ji lta ba bzhin du bsgom par bya'o/ /rdo rje bdud rtsi'i chu zhes bya ba la man ngag ni 'di yin te/ mngon par 'dod pa'i lha'i rnal 'byor pas/ de bzhin gshegs pa thams cad rjes su zhugs pa sngon du 'gro ba'i byang chub kyi sems las byung ba'i dkyil 'khor rang gi rig ma'i pad+ma sprul la/ de'i dbus ma'i gdan la lha thams cad dang ldan pa'i gnod mdzes bsams te/ yang de bzhin gshegs pa thams cad zhugs pa sngon du 'gro ba'i byang chub kyi sems rdo rje 'chu gnod mdzes de'i kha'i lce de la/ yi ge dzaM bsams la/ lha'i bsam gtan gyi gnas la gnas te/ oM A(rgyud 'grel): dza d+hi ni de hi hUM zhes bya ba'i sngags kyis dbul bar bya'o/ /de nas de'i dbu rgyan la mi bskyod pa bsgoms te gshegs su gsol bar bya'o/ /gnod sbyin mo sgrub pa'i cho ga gsungs pa ni zhes bya ba la sogs pa yin te/ khang brtsegs ma'i nang du chud pa'i mngon par 'dod pa'i 'jam pa'i rdo rje'i rnal 'byor pas gnod sbyin mo thams cad kyis nam mkha' i dbyings thams cad gang bar bsams la/ yi ge k+ShaM las rdo rje gsum gyi ngo bo nyid kyi gnod sbyin mo cig dpal 'byung po 'dul ba la sogs pa'i lung las bshad pa'i gzugs dang ldan pa gshin rje gshed kyi cod pan mdun du bsams la/ der ye shes sems dpa' dgug go/ las gsum rdo rje'i bye brag gis zhes bya ba ni bzhams
- 244a
te bsgo ba dang/ dbye ba dang/ sbyin pa'i las kyi dbye ba bzhin du bsgrub par bya'o/ /de lta na yang grub par ma gyur na/ tshar gcad par bya'o/ /de yang de'i snying khar khro bo'i sngags bsgoms la/ de yang 'khyud nas rdo rje'i sbyor ba drag shul can gyis brtsam par bya zhing/ drag shul bsgrub pa'i cho ga bzhin du sbyar bar bya'o/ /yang na las gsum rdo rje'i bye brag gis zhes bya ba ni 'jam pa'i rdo rje nyid sku rdo rje la sogs pas byin gyis brlab par bsgom par bya'o/ /zhes bya bar sbyar bar bya'o/ /da ni dngos grub dman pa grub pa rnams kyi che ba'i ngo bo bshad pa'i phyir gsungs pa ni de nas zhes bya ba la sogs pa ste/ gang dngos grub dman pa thob pa rnams la/ de nyid yongs su smin pa'i dbang gis sku dang gsung dang thugs kun tu grub pa'i sangs rgyas 'dzam bu chu bo'i gser gyi 'od dang 'dra bar 'gyur ro/ /de nyid gsungs pa ni mi snang ba'i zhes bya ba la sogs pa yin te/ gnod sbyin gyi rgyal po la sogs pa'i dngos grub yong pa la ni nor la dbang ba'i bdag por gyur pa'i dbang gis rig pa 'dzin pa dag gis dbang por 'gyur ro/ /phan yon gsungs pa ni de la 'di ni zhes bya ba la sogs pa gsungs pa yin no/ /rang snang ba'i rig pa dang lhan cig brtul zhugs kyi sbyod pa'i cho ga gsungs pa ni de nas zhes bya ba la sogs pa ste/ rang gi rig pa'i tshul sku dang gsung dang thugs rdo rje'i sku la sogs pa rang gi ngo bos mngon sum nyid du bya ba yin no/ /de la nye bar mtshon pa'i don du rnam par snang mdzad gsungs pa ni de la 'di ni zhes bya ba la sogs pa ste/ cho ga bzhin du thams cad bya zhes bya ba ni rnam par snang mdzad kyi dkyil 'khor gyi 'khor lo la soT pa'i tshul gyi rnal 'byor te/ rnal 'byor de byas la cho ga gang yin de gsungs pa ni lo grangs bcu drug ces bya ba la sogs pa yin no/ /spyan ni rang snang ba'i rig ma ste/ de'i go 'phang
- 244b
ni gsang ba'i pad+ma yin pas/ de dang yang dag par ldan pa'i rang gi gsang ba'i rdo rjes bsgom par bya'o/ /rig pa de yang mngon par spyangs bya dang ldan pa nyid du bya'o zhes gsungs pa ni phyag rgya sngags kyi cho ga zhes bya ba la sogs pa yin no/ /dus bzhir zhes bya ba ni bsams pa'i khyad par kyi dbang du mdzad nas gsungs pa yin te/ mngon par brtson pas ni nyin dang mtshan du bya ba yin no/ /bsrung bar bya ba'i dam tshig gsungs pa ni rtag tu gzhan gyis zhes bya ba la sogs pa yin no/ /rnam par snang mdzad kyi rnal 'byor pa'i chog gsungs nas/ 'od dpag tu med pa dang/ mi bskyod pa dag gis rnal 'byor pa'i yang gsungs pa ni 'dod chags rdo rje'i kyo ba mo zhes bya ba la sogs pa yin no/ /'jam pa'i rdo rje la sogs pa'i rnal 'byor pas kyang ji ltar mos pa bzhin du rig pa'i brtul zhugs 'di bya'o zhes gsungs pa ni rdo rje can gyi zhes bya ba la sogs pa yin no/ /rdo rje can gyi yi ge gsum zhes bya ba ni de kho na nyid gsum gyi byin gyis brlabs pa la sogs pa'i cho gas so/ /lhag ma rnams ni go sla'o/ /le'u bcu drug pa'i 'grel pa'o// //ji skad gsungs pa'i dam tshig bsrungs pa las mngon par 'dod pa'i dngos grub du 'gyur ro zhes bstan pa'i phyir le'u bcu bdun pa gsungs pa ni de nas zhes bya ba la sogs pa yin te/ de bzhin gshegs pa thams cad kyi dam tshig bsrung bar bya ba'i phyir/ gsol ba btab pa yin la/ thob ma dang tha ma med pa'i ye shes kyi bdag nyid yin pas na ye shes che'o/ /sku rdo rje la sogs pa bskyed pa'i rgyur gyur pas na rdo rje dbyings so/ /chos thams cad dri ma med par thugs su chud pas nam mkhas pa chen po'o/ /sku gsum la sogs pa'i mchog tu gyur pas na rdo rje gsum mchog go dkyil 'khor gsum gyi bdag nyid can yin pas na/ dkyil 'khor gsum mo/ /rdo rje dbyangs
- 245a
zhes bya ba ni dam tshig la sogs pa gsungs shig ces brjod de phyag 'tshal lo/ /'dis ni rdo rje sems dpa' la mi bskyod pa'i bdag nyid kyi bstod pa yin no/ /me long lta bu la sogs pa'i tshul gyis tshigs su bcad pa gsungs pa ni rnam par snang mdzad ces bya ba la sogs pa'o/ /rnam par dag pa'i 'dod chags kyi pha rol tu phyin pa'i shes rab brnyes pas na/ 'dod chags kyi pha rol tu phyin pa zhes bya'o/ /de ltar tshigs su bcad pa re res de bzhin gshegs pa lnga'i bdag nyid bstan nas 'di dag ni ston pa'i spros pa med pas skabs su gsungs pa yin no/ /chos kyi dbyings nyid ni yi ge chen po yin la/ de yang sangs rgyas thams cad dang 'brel pa'o/ /de nyid ni sku rdo rje la sogs pa'i dbye bas bshad pa'i phyir/ de nas zhes bya ba la sogs pa gsungs pa yin no/ /dam tshig bzhi ni srog gcod pa logs pa bsrung bar bya'o/ /sha lnga la sogs pa ni bza' bar bya ba'i dam tshig go/ /sku rdo rje'i dam tshig gsungs nas/ gsung rdo rje dang thugs rdo rje dag gi yang so so'i dam tshig gsungs pa ni de nas zhes bya ba la sogs pa ste/ dam tshig bzhi la sogs pa ni snga ma bzhin du bshad par bya'o/ /dam tshig 'di dag bsrung ba ni de nyid 'grub par 'gyur gyi gzhan du ni ma yin no zhes pa'o/ /ji ltar zhe na/ nye bar bsdu ba ni sku gsung thugs kyi rdo rje'i zhes bya ba la sogs pa yin no/ /rang sangs rgyas kyi dam tshig gsungs pa ni de nas zhes bya ba la sogs pa ste/ 'di ni rang sangs rgyas kyi rang gi ngo bo tsam zhig bshad pa yin no/ /de thob pa'i rgyu'i tshogs pa dag kyang rig pa 'dzin pa la sogs pa'i dngos grub kyi tshogs pa bzhin du shes par bya'o/ /'dir phyag rgya chen po grub pa'i rgyu'i tshogs pa nyid du sbyar ba ni ma yin no/ /de'i tshul du rtogs pa ma yin pas rang sangs rgyas kyi dngos grub yin no/ /nyan thos la
- 225b
sogs pa la yang de bzhin du sbyar bar bya'o/ /ye shes spangs pa rnams zhes bya ba ni gnyis su med pa'i ye shes dang bral ba'i nyan thos rnams so/ /gti mug lam gyis zhes bya ba la gti mug ni bdag dang gzhan gyi char rtog pa dang bral ba ste/ de'i lam gyi las gang bsgom pa'o/ /nyan thos la sogs pa rnams la 'jigs pa bskyed par byed pa yin pas na 'jigs shing mi sdug bste/ des phan tshun du sangs rgyas nyid du 'gyur ba'o/ /de la cho ga ni 'di yin te/ ji lta ba bzhin du yi ge oM las byung ba'i tshangs pa de'i lung dang rjes su mthun par gdong bzhi la sogs pa dang ldan pa/ rdo rje 'dzin pas dbang bskur ba bsgrubs la/ ji srid mngon par 'dod pa'i dus kyi par du 'dug nas/ de'i 'og du sku rdo rje la sogs par mos pa las de'i don sgrub par gyung ba'i sku rdo rje nyid kyi phyag rgya chen po'i bdag nyid du 'gyur ro zhes bya ba'i don to/ /de bzhin du drag po'i dam tshig la yang yi ge a las byung bar cho ga bzhin du sbyar bar bya'o/ /de bzhin du khyab 'jug gi dam tshig la yang zhe sdang gi rigs kyi brgyud dang ldan pa yi ge hUM las byung bar blta bar bya'o/ /'di rnams nye bar bsdu ba'i rigs kyi dbye ba gsungs pa ni de nas zhes bya ba la sogs pa'o/ /gnod sbyin mo rnams kyi ngo bo nyid gsungs pa ni de nas zhes bya ba la sogs pa ste/ sha dang khrag bya ba'i rang bzhin can ni phal cher gnod sbyin mo yin te/ de nas de de bzhin du mchod la/ cho ga bzhin du bsgrub par bya'o zhes dgongs so/ /de bzhin du klu'i dbang po la sogs pa rnams kyi bu mo'i rang gi ngo bo bsgrub par bya ba'i phyir gsungs pa ni de nas zhes bya ba la sogs pa yin no/ /phyag rgya chen po'i dngos grub sgrub par 'dod pas kyang dam tshig 'di dag thams cad cho ga bzhin du spyad par bya'o/ /zhes bstan par bya ba'i phyir/ de nas zhes bya ba la sogs pa gsungs te/ lus kyi rnam
- 246a
gsum zhes bya ba ni srog gcod pa la sogs pa'o/ /tshig gi las zhes bya ba ni/ rdzun du smra ba la sogs pa rnam pa bzhi'o/ /yid kyi rdo rje'i rang bzhin kun zhes bya ba ni gnod sems la sogs pa rnam pa gsum du bshad pa'o/ /de ltar thams cad bsnyen pa'i rnal 'byor pa nyid 'grub par 'gyur/ de bas na 'di ni kun nas spyad pa la spyod pas na/ kun tu mdzes dga' ste/ bcom ldan 'das phyogs med par 'jug pa'o/ /da ni rnal 'byor pa thams cad kyi snying po bsdus pa gsungs ba ni de nas zhes bya ba la sogs pa yin te/ kha phyi rol du bltas pas sangs rgyas la sogs pa la phyag byas pa la sogs pa dang/ rnal 'byor pas byang chub yang dag par 'thob par mi 'gyur ro/ /zhes bya ba'i don to/ /'o na ji ltar phyag bya zhe na/ de nas zhes bya ba la sogs pa gsungs te/ rdo rje sems dpa' dang 'brel ba'i sku dang gsung dang thugs kyi dkyil 'khor du rang nyid rdo rje gsum gsum bsgoms la/ sngags las tha dad pa'i blo dang bral bas phyag bya'o/ /'di nyid bshad par bya ba'i phyir de nas zhes bya ba la sogs pa gsungs te/ sems can gyi khams rdo rje gsum gyi ngo bo nyid rdo rje 'dzin par byas la phyag bya ba'i bdag nyid can du bsams la/ bdag nyid kyang de'i ngo bo nyid du gyur pa dang/ bsam gtan gyi phyag bya'o zhes bya ba ni dam tshig go /da ni chen po'i yan lag bzhi byas nas/ bdud rtsi myang bar bya'o zhes bstan par bya ba'i phyir/ de nas zhes bya ba la sogs pa gsungs te/ dus gsum sangs rgyas dag zhes bya ba ni dkyil 'khor ram/ chos 'byung gi nang du chud pa rnams la 'bar ba la sogs pa'i tshogs bsgrubs pa'i bdud rtsi dbul bar bya'o/ /de yang ji skad du 'bar ba'i oM gyis byin brlabs bya zhes bya ba la sogs pa smos pa yin no/ /rnal 'byor bas dus
- 246b
bzhir bya ba gsungs pa ni de nas zhes bya ba la sogs pa yin te/ rdo rje thams cad ni rnam par 'khrul pa ste/ de rnams kyi mi snang ba ni rnam par 'jig pa rnam par dag pa'i ngo bo ste/ de nyid ni dam tshig yin te de phyung ba'o/ /spyad ces bya ba ni phya 'bud med rang snang ba'i rig ma'i bdag nyid du byas la gsal bar snang ba'i bdag nyid thun bzhir spyad par bya'o/ /rdzas zhes bya ba ni de las byung ba'i dam tshig rdo rjes che ga bzhin du blang bar bya'o/ /yang na rdzas zhes bya ba ni 'jig tshogs la lta ba spang bar bya'o/ rig pa 'dzin pa'i dam tshig gsungs pa ni de nas zhes bya ba la sogs pa ste/ dbu rgyan dag la bsam gtan bsam zhes bya ba ni rin chen 'byung ldan rig pa 'dzin pa grub pa mgo la bsam par bya'o/ /las dang po pa rnams kyi dam tshig bshad pa'i phyir gsungs pa ni de nas zhes bya ba la sogs pa ste/ sku'i rdo rje zhes bya ba ni nye bar mtshon pa tsam du zad de thugs rdo rje la sogs pa gang yang rung ba'i sbyor ba dang ldan pa'o/ /phyi rol rdo rje ni rdo rje 'dzin pa lta bur rang gi kha zas la bsam par bya'o/ /rdo rje chos zhes bya ba ni hUM dgod pa'i rdo rje'i lce dam par rnal 'byor pa bdag nyid bya ba ste de nas de bza' bya'o/ /'di dag kyang/ mdor bstan cho ga spyad par bya zhes bya ba ste/ mdo tsam du byas pa'i bya ba zhes bya ba'i don to/ / 'di dag thams cad ni lha rnams kyi 'khor lo la sogs par bsam par bya'o/ /de yang ji skad du/ kun tu mnyam zhing rnam par dag pa'i zhes bya ba la sogs pa smos pa yin no/ /da ni bcom ldan 'das yid kyis mdzad pa gsungs pa ni de nas zhes bya ba la sogs pa yin te/ de bzhin gshegs pa thams cad kyi ngo bo nyid kyi rdo rje 'dzin pa nyid kyi sku dang gsung dang thugs nyid ni mi phyed pas ni rdo rje ste/ de nyid ni snying po ste/ de kho na nyid do/ /de'i ngo bo nyid kyis rdo rje
- 247a
mnyam pa nyid la rnam par dgongs nas cad mi gsung bar gyur to/ /byang chub sems dpa' rnams kyis zhus pa'i rjes thogs la/ de bzhin gshegs pa rnams kyis bka' stsal ba/ sku dang gsung dang thugs rdo rje'i dmigs su med pa ste de bzhin nyid de de'i ngo bo nyid do/ /rang gi rang bzhin las mi 'gyur bas na ma 'gyur ba'i gnas so/ /de bas na rtog pa'i bdag nyid can de nyid ni ngo bo nyid med pa'i mi 'gyur ba'i gnas te/ tshig la sogs pa'i tshul dang bral bar rnam par brtags nas cang mi gsung bar bzhugs so/ /bcom ldan 'das 'di ni thugs de lta bur gyur pa yin la sku nyid mi 'gyur ba yin te/ 'di nyid ni phyin ci log gi tshul gyis ma skyes pa'o/ /gsung dang thugs kyang de bzhin du shes par bya'o/ /de ltar na gsung dang thugs kyi bya ba rdzas can gyis mtshan nyid dang bral ba yin te/ sku yang de bzhin du shes par bya'o/ /sku la sogs pa'i de yang dmigs su med par rtog pa las yang dag par 'byung ba'o/ /de pas na khams gsum po 'di ni phyin ci logs pa stad ltar gyur pas yang dag par shes pas/ yang dag par bsdus shing bsdems pa yin no/ /'jam dpal la sogs pa byang chub sems dpa' rnams kyi rtogs pa'i rjes thogs la/ de bzhin gshegs pa rnams kyis bka' stsal pa yin no/ /de ci'i slad du zhe na zhes bya'o/ /byang chub sems dpa' rnams kyis smras pa/ de bzhin gshegs pa thams cad ces bya ba la sogs pha la/ de bzhin gshegs pa thams cad ni 'di ltar/ rdo rje dbyings kyi ngo bo nyid de/ de rnams kyi spyod pas 'gro ba'i don gyis rjes su 'gro ba yin pas na sems can gyi don gyi rjes su 'gro ba'o/ /'di skad ston te/ gang de bzhin gshegs pa gzhan rnams kyis 'jig rten gyi brtson pa'i dbang du mdzad nas/ phyi rol la brten pas chos nyid ston pa yin la/ de bas na rdo rje 'dzin pas kyang/ de bzhin du ston par mdzad par
- 247b
rigs te/ phyin ci log gis kun 'byung bas/ ci'i phyir de la rtog pa mdzad ces bya'o/ /de yang de bzhin gshegs pa rnams kyis bka' stsal pa/ de ci'i phyir zhe na bya ba'o/ /byang chub sems dpa' rnams kyis gsol ba tshangs pa la sogs pa zhes bya ba la sogs pa ste/ gang gi phyir tshangs pa la sogs pa byang chub sems dpa' rnams ni 'jig rten pa'i mngon par shes pa'i ye shes tsam yod par gyur pas kyang/ chos kyi de kho na nyid ma lus par mi shes pa rnams 'di ltar rnam par rtog ste/ /rdo rje'i bdag nyid ces bya ba la sogs pa la/ chos kyi de kho na nyid mi mkhyen par ci'i phyir bcom ldan 'das ni chos rnams ston par mdzad ces de rnams blo la sems par 'gyur ro zhes bya ba'i don to/ /de bzhin gshegs pa rnams kyis gsungs pa de nas zhes bya ba la sogs pa ste/ tshangs ba la sogs pa skad cig ma de la 'khrul pa 'dir 'gyur mod kyi/ de ltar na yang chos nyid ji ltar gnas pa bzhin du bstan par bya'i/ sems can rnams bslu bar ni mi bya ste/ des na tshangs pa la sogs pas kyang rnam par dpyod na shes bya bar 'gyur ro/ /ded kyis mi shes so zhes bya ba ni chos nyid zab pa nyid du bshad pa yin no/ /sku gsum kyi rdo rje chos nyid nye bar gzung nas zhes bya ba ni de lta bu'i chos nyid nye bar gzung na/ de lta bu nyid kyi bya ba 'byung bar 'gyur la/ chos nyid de yang sems can thams cad kyi rgyud la gnas pa yin no/ /de bas na zhi ba dang ni srid pa'i ngo bo 'dir zhes bya ba la sogs pa smos pa yin no/ /smra bar byed pa zhes bya ba ni dmigs su med pa'i ye shes kyi bdag nyid can rtog pas kun rdzob tu bshad pa'o/ /smra ma yin zhes bya ba ni dngos su na tshig la sogs pa'i tshul dang bral ba yin pa'i phyir ro/ /'di bdag nyid gsal bar bya ba'i phyir/ de bzhin gshegs pa thams cad kyis zhus pa'i rjes thogs la/ rdo rje 'dzin pas gsungs pa ni rang gi sku dang gsung dang thugs zhes bya ba la sogs pa'o/ /de ltar
- 248a
zhus pa dang/ lan gyi rim gyis chos nyid dmigs su med pa'i tshul nyid du gsungs pa yin no/ zhes bya ba ni mdor bsdus pa'o/ /gang du sku dang gsung dang thugs med ces bya ba ni sku la sogs pa nam mkha' dang 'dra ba nyid yin pa'i phyir ro/ deng gzuT su rnam par bsgoms zhes bya ba ni/ /de'i tshul gyis de nyid la rang nyid so sor snang ba'i rig pa 'byung ba'i phyir ro/ /da ni dbang bskur ba bstan pa'i phyir de nas zhes bya ba la sogs pa gsungs pa yin te/ sangs rgyas dkyil 'khor zhes bya ba ni rnam par snang mdzad yongs su gyur pa'i rdo rje'o/ /spyi bor rdo rje zhes bya ba ni sku rdo rje'i spyi bor mi bskyod pa bsgoms pa'o/ /rdo rje 'khor lo 'dzin pa zhes bya ba la/ dbu la rang gi rdo rje mi bskyod pa 'dzin pa ste/ de'i rten sku'i rdo rje 'khor lo 'dzin pa bsam par bya'o zhes sbyar bar sbyar ro/ /de bzhin du rig pa'i skyes bu'i gzugs gzhan dag la yang rigs dbye bas dbang bskur ba'i nges pa bsam par bya'o/ zhes gsungs pa ni thams cad rigs kyis bye brag gis zhes bya ba la sogs pa yin no/ /mchog 'gyur zhes bya ba ni de lta bus 'grub par mi 'gyur ro zhes bya ba'i don to/ /bsgrub par bya ba 'grub pa na bsrung bar bya zhing ting nge 'dzin gyis kyang tshim par byas la/ spyan bsam par bya'o/ zhes bya ba gsal bar bya ba'i phyir/ gsang ba'i dbyings las zhes bya ba la soT pa gsungs te/ de ni spyan dang mA ma kI dag kyang zhes bya ba la sogs pa yin no/ /rdo rje gsum gyis mtshan ma'i phyag rgya chen po bsgom par bya'o/ /zhes bya ba de dran par bya ba'i phyir gsungs pa ni de nas zhes bya ba la sogs pa ste/ sku dang gsung dang thugs nyid ni dam tshig ste/ phyag rgya chen po la 'da' mi bya ba yin no/ /cho ga bzhin du thams cad ces bya ba ni ji skad bshad pa'i bskyed pa la sogs pa'i cho gas phyag rgya chen po'i don thams cad brtag par bya'o/ /lag pa phyag rgya mi bcing
- 248b
ngo zhes bya ba ni de yang rnam par g.yeng ba'i tshul yin pa'i phyir te/ dgug pa la sogs pa yid nyid kyis bya'o/ /chog bzhin zhes bya ba ni 'bar ba la sogs pa byas nas so/ /bza' zhes bya ba ni bshad gci la sogs pa nyid do/ /bdud rtsi lnga la sogs pa'i skyor ba rnams nges par bya ba nyid du bstan par bya ba'i phyir yang nye bar dgod pa smos pa yin te/ de bzhin du 'di'i 'og ma rnams yang ci rigs par khong du chud par bya'o/ /phung po la sogs pa'i rnam par dag pa gsungs pa ni mdor na zhes bya ba la sogs pa ste/ rdo rje'i skye mched rnam nyid ni zhes bya ba la sogs pas ni 'di skad ston te/ mig la sogs pa'i gnas rnams nyid du sa'i snying po la sogs pa bzhag par bya'i gzugs rdo rje la sogs pa ltar dkyil 'khor pa ni ma yin no/ /rdo rje 'dzin pa de nyid yin zhes bya ba la/ rdo rje ni de bzhin gshegs pa rnams te/ de 'dzin pas na rdo rje 'dzin pa ste/ nam mkha' i dbyings yin gyi ston pa po ni ma yin no/ /slob dpon gyi ba spu'i bu ga gcig khyad par du 'bags so/ /zhes bya ba ni gsang ba 'dus pa'i byang chub kyi sems bsgoms pa las byung ba'i bsod nams kyi phung po ni sa 'og ma pa'i pha rol tu phyin pa'i sangs rgyas rnams kyi bsod nams kyi phung po las khyad par du 'phags pa yin no/ /de yang gang gis phyir gsang ba 'dus pa'i slob dpon ni tshe 'di nyid la sangs rgyas zhes bya ba'i grangs su 'gro ba yin no/ /da ni de lta bu'i slob dpon la brnyas pa byas pa'i sems can rmongs pa ni dmyal bar 'gro bar 'gyur ro/ /zhes sems shing byams pa la sogs pa cang mi smra bar gyur pa yin no/ /de nas zhes bya ba la sogs pa nas brtsams te/ khyed rnams nyon cig ces bya ba la sogs pa nas bsam gtan dkyil 'khor ro/ /zhes bya ba'i bar ni gsang ba'i dbang bskur ba dang 'brel pa yin te/ bdag gis ma bshad do/ /khro bo rdo rje mkha' 'gro'i
- 249a
rnal 'byor bshad pa'i phyir gsungs pa ni de nas zhes bya ba la sogs pa yin te/ 'dir rim pa ni 'di yin no/ /cho ga bzhin du rdo rje 'dzin pa yongs su gyur pa las/ yi ge h+rI(rgyud 'grel): zhes bya ba las byung ba'i mdud rtse gsum pa las byung ba/ nyi ma'i gdan can kha dog nag po zhal gsum pa phyag g.yas pa gnyis na/ rdo rje dang rtse gsum bsnams pa/ g.yon pa gnyis na thod pa dang nor bu bsnams pa phyag gtso bo gnyis kyi rdo rje mkha' 'gro la 'khyud pa/ rdo rje gsum la sogs pas byin gyis brlab pa'i rdo rje mkha' 'gro bsams la bsgrub par bya ba'i sha la sogs pas nam mkha' i khams gang bar bsams te/ 'od zer lnga'i 'od dang ldan pa'i rang gis lce rnam par 'gyur ba bsgoms la bsgrub par bya ba'i khrag la sogs pa hUM h+rI khaM zhes bya ba'i sngags kyis phab la thod pa las btung bar bya'o/ /sbyor ba 'di nyid kyis bsgrub par bya ba phur bus gdab par yang bya'o/ /zhes gsungs pa ni rtse gsum zhes bya ba la sogs pa ste/ des na sgrub par bya ba'i khrag la sogs pa drangs par 'gyur ro/ /dam tshig bza' ba'i rdzas gsal bar bya ba ni bza' ba'am zhes bya ba la sogs pa ste/ cho ga bzhin du zhes bya ba ni dkyil 'khor gyi 'khor lo la sogs pa bsgom pas so/ / mchod pa'i yo byad mchog lnga yis/ mchod pas zhes bya ba ni dpa' bo lnga la sogs pas lha rnams la mchod par bya'o/ /dbang po gnyis kyi sbyor ba yis zhes bya ba la sogs pa ni las la gnas par gyur nas byang chub kyi sems rgyas pas nam mkha' i khams bkang la/ de'i tshe byang chub kyi sems kyi phra rab kyi tshogs de bzhin gshegs pa'i bkod par bskyed nas lha mo'i pad+mar bcug ste/ ye shes kyi bdud rtsi'i rnam par gyur par bsams la/
- 249b
rang gi khar drangs te spyad la/ des rang gi lus la gnas pa'i lha'i 'khor lo dang/ dkyil 'khor pa rnams tshim par bya'o/ /sems can khams rnams mdza' yas kyi zhes bya ba la sogs pa ni bdag gis mi bshad do/ /dam tshig 'dzin pa zhes bya/ ba ni rgyud las gsungs pa'i dam tshig gi spyod pa dang de kho na nyid shes par byas pa'o/ /dam tshig gsum gyi rdo rjes spyad ces bya ba ni sku la sogs pa byin gyis brlabs pa'i rjes thogs la cho ga bzhin du spyad par bya'o/ /sku gsung thugs kyi longs spyod ces bya ba ni rdo rje gsum mi phyed pa'i zla ba zhu ba'i gzugs so/ /der gsang gnas gsum ni chos 'byung ba'o/ /rdo rje ni rdo rje ste/ de gnyis las byung ba'i bde ba chen po skyes pa de dag gis bsgrub par bya zhing bza' zhing dge ba yin no/ zhes bya ba de lta bu'i bsam pa dang lhag par mos pas bsgom par bya ste/ mngon par zhen pa brtan por bya ba'i don to/ /rnal 'byor pa bsgom pas dub pa la/ skyo ba bsal ba'i cho ga gsungs pa ni/ mtho gang tsam gyis zhes bya ba la sogs pa ste/ spyi bo'i steng du mtho gang tsam gyis spags par bdud rtsi lnga'i dkyil 'khor mtho gang tsam pa nyid gdugs dkar po lta bu yongs su brtags la/ de'i dbus su ni gnas pa'i kha dog lnga pa'i oM gyi 'od kyis zhu bar gyur nas zla ba lta bu'i bdud rtsi'i rgyun nyid rkan gyi phyogs su bzas pas sku rdo rje la sogs pa rtsa sbubs ma lus pa'i rgyu ba nas cho ga bzhin du tshim par bya'o/ /'di dag kyang rang gi snying po'i de nyid des rtogs pas zhes bya ba la sogs pa'i tshigs su bcad pa gnyis dang sbyar bar bya'o/ /phyi rol tu lta ba la zhen pa'i mchod rten gyi las la sogs pa dgag pa gsungs pa ni/ mchod rten dag gis zhes bya ba la sogs pa yin te/ gang zhig phyi rol la zhen pa'i blos mchod rten la sogs pa byed pa de la ni
- 250a
bsod nams cung zad du 'gyur mang kyi/ de la dmigs pas mngon par zhen pas ni yang dag par rdzogs pa'i byang chub du ni ma yin no zhes shes par bya'o/ /dug bsal ba'i cho ga gsal bar bya ba'i phyir gsungs pa ni b+haM zhes bya ba la sogs pa'o/ /'dir cho ga ni 'di yin te/ yi ge b+hUM las gtsug tor 'khor lo sgyur ba dkar po'i rnal 'byor ram/ rnam par snang mdzad kyi rnal 'byor byas la lag pa g.yas par yi ge b+h+ruM nyid la 'khor lo rtsibs brgyad pa dkar po la de'i lte bar yi ge b+h+ruM 'od zer dkar po dang ldan pa rnam par bsams la/ dug gis khyab pa'i lus la gnas pa'i dug la 'od zer gzhug cing 'byin pas bya ba cing bsal bar bya'o/ /don 'di nyid lhag par bcug la/ rta mgrin la bshad pa'i cho gas dug drang bar bya'o zhes sbyar bar bya'o/ /de bzhin du gnon pa la yang kha dog ser po'i rnal 'byor la sogs pa bya ste/ stam bzhin du las rnam ci rigs par bya'o/ /gro gal sogs pa la bri bar bya ba 'am/ bsgom par bya ba'i srung ba'i 'khor lo'i cho ga bshad pa'i phyir gsungs pa de ni de nas zhes bya ba la sogs pa ste/ 'di yang bdag gis ma bshad do/ /any+dza na'i khyad par bshad pa'i phyir gsungs pa ni de nas zhes bya ba la sogs pa ste/ 'di dag la dmigs nas cho ga bzhin du bzlas brjod 'bum byas te/ snyoms par zhugs pa dang ldan pa'i rang gi lha'i rnal 'byor dang ldan pas/ lam gyi bzhi mdo la sogs par mar gyi ngo'i tshes bcu bzhi la mtshan phyed kyi dus su thod pa'i steng du 'dug ste thod pa de las gzhan pa gnyis rkang pa gnyis kyi 'og tu bzhag nas dkyil 'khor bris la/ kha spub pa'i thod pa gsum gyi steng du gnas te/ bdud rtsi lnga la sogs pa dang bcas pa'i til mar chen pos gang ba'i
- 250b
khrag dang bshad ba la sogs pas sgos pa'i a rka'i shing ba la gyi sdong bu pad+ma'i snal mas dkris pas me mar sbar nas thod pa gnyis par rang gi sngags bzlas pa'i dud pa bcug la/ de nyid du bshad ma thag pa'i phreng ba'i sngags kyi brgya rtsa brgyad mngon par bzlas pa byas te/ mig tu byug par bya'o/ /de nas sku la sogs pa'i dngos grub gsum du 'gyur ro/ /chos kyi rnam grangs 'di'i che ba'i bdag nyid shes par bya ba'i phyir de bzhin gshegs pa thams cad kyis zhus pa gsungs pa ni de nas zhes bya ba la sogs pa ston to/ /lan gsungs pa ni de nas phyag na rdo rje zhes bya ba la sogs pa ston to/ /ngas ma gsungs so zhes bya ba ni mar me mdzad la sogs pa'i bdag nyid mdzad nas ma gsungs pa ste/ spros pa med pa'i rdo rje 'dzin pa'i bdag nyid kyis na/ bcom ldan 'das shAkya thub pa dang/ mar me mdzad la sogs pa ni tha mi dad pa nyid yin la/ spros pa'i tshul gyis ni khyad par yod do zhes bya bar dgongs so/ /sdug bsngal gsum zhes bya ba ni lus la sogs pa'i sdug bsngal lo/ /de'i tshe 'byung ba'i sems can 'di lta ste/ sems can rnam pa gnyis dang/ 'byung po rnams sdug bsngal gsum dang ldan par shes nas byang chub sems dpa' rnams nga? yin no/ /de nas de rnams bzlog par bya ba'i phyir/ de bzhin gshegs pa rnams kyis bka' stsal ba ni yi ge ni thun mong ste/ zhes bya ba la sogs pa'o/ /yi ge'i tshig 'di ni thun mong nyid yin te/ ji ltar byang chub sems dpa' khyed rnams kyis de'i tshe gsang ba'i yi ge de mi shes ba de bzhin du/ bdag cag rnams kyis kyang mngon par rdzogs par sangs rgyas pa na/ thun mong du gyur pa'i phongs pa del ci'i phyir mya ngan byed byang chub sems dpa' rnams kyis gsol pa/ khyed rnams kyis ci'i phyir gsang ba'i yi ge de rnams
- 251a
mkhyen par ma gyur de bzhin gshegs pa rnams kyis bka' stsal pa/ gsang ba'i yi ge gsum rnam par dag pa'i phyir ro zhes bya ba ste/ yi ge de rnams ni sku la sogs pa rnam par dag pa'i ngo bo nyid yin zhing de kho na nyid du gyur pa thams cad mkhyen pa'i rgyu yin la/ bdag cag rnams ni de'i tshe mngon par rdzogs par sangs ma rgyas pa yin te/ des na bdag cag rnams kyis mi shes pa yin no/ /rdo rje gsum yi ge sngags kyi mchog phyag rgya chen po la sogs dra: bsgoms par bya'o/ /ye shes rdo rje zhes bya ba ni bar skabs 'dir kA lir gyur pa'i rdo rje 'dzin pa la/ lha mo rnams kyis blangs pa'i tshigs su bcad pa bshad pa'i phyir de nas zhes bya ba la sogs pa gsungs so/ /de bas na spyan la sogs pa'i lha mo rnams kyis ni glu'i sgra yis bskul bar byas par bsam zhes smos pa yin no/ /rig ma'i pad+ma'i nang du sprul pa'i dkyil 'khor du zhugs pa'i sems can gyi khams snod du rung bar bya ba'i phyir/ dbang bskur ba sbyin pa gsungs pa ni de nas zhes bya ba la sogs pa yin te/ dam tshig gi 'khor los zhes bya ba ni yi ge hUM yongs su gyur pa'i rdo rje 'dzin pa'i bdag nyid kyis nam mkha' i khams thams cad ces bya ba ni chos 'byung bar khang pa rtsegs ma la sogs pa de bzhin gshegs pa thams cad yongs su gyur pa'i tshul gyis dbang bskur ba sbyin pa'i don dang/ rab tu ldan pas zla ba zhu bas gang bar gyur pa'o/ /'di ni sems can thams cad kyi dbang bskur ba'o/ de yang zla bzhu ba'i gzugs su gyur pa dang/ des ni de rnams de 'og dbang bskur bya zhes smos pa yin no/ /de nas sems can de rnams rdo rje'i ye shes can du gyur to/ /de yang ji skad du sa'i snying po phyag na rdo rje dang zhes bya ba la sogs pa smos pa yin no/ /'dod pa'i khams na ma yin zhes bya ba la sogs pas ni rtogs par bya ba'i ngo
- 251b
bo nyid las tha dad par gyur pa'i gzugs kyi phung po la sogs pa dgag pa yin te/ chos thams cad dmigs su med pa'i ye shes kyi bdag nyid can gyis gnyis su med pa yin pa'i phyir ro/ /de yang ji skad du zhi ba dang ni srid pa'i ngo bo 'dir zhes bya ba la sogs pa smos pa yin no/ /khams gsum po sku dang gsung dang thugs rdo rje zhes bya ba ni brtan pa dang/ g.yo ba'i dngos po thams cad kyi ngo bo nyid sku'i dkyil 'khor du rang rang gi ngo bo tha mi dad par gnas zhes bya ba'i don to/ /lus dang bral bas ngag dang sems nye bar dgod pa ste/ de nyid kyis ni de bzhin gshegs pa thams cad ces bya ba la sogs pa smos pa yin no/ /de bzhin du 'di'i 'og ma rnams la yang shes par bya'o/ /de skad ces bka' stsal nas zhes bya ba'i mthar thug pa'i le'u bcu bdun gyis ni rtsa ba'i rgyud rdzogs pa yin no/ /le'u bcu bdun pa'i 'grel pa'o// //dpal gsang ba 'dus pa zhes bya ba'i rtsa ba'i rgyud kyi 'grel pa rdzogs so// //'jam dpal gzhon nur gyur pa la phyag 'tshal lo/ /da ni de nas zhes bya ba la sogs pas rtsa ba'i rgyud kyi bshad pa'i ngo bor gyur pa rgyud phyi ma le'u bco brgyad pa gsungs pa yin te/ ji skad du bshad pa'i de bzhin gshegs pa thams cad kyis dbang bskur ba dang sku dang gsung dang thugs kyi gsang ba de dag bstan pa'i le'u bcu bdun pa las bshad pa'o/ /dngos po thams cad kyis zhes bya ba ni rang gi lus la sogs pa rtse gcig pa ste/ 'di ni byed pa po'i khyad par ro/ /ji lta ba dang zhes bya ba ni lus la sogs pa lha'i bdag nyid can te/ 'di ni las kyis khyad par po/ dus ji bzhin par zhes bya ba ni gleng gzhi'i le'u la sogs pa las gsungs pa'i rim gyis te/ 'di ni bya ba'i khyad par ro/ /mthong ba ni sku'i rnam pas so/ /thos pa ni gsung gi rnam pas so/ /khong du chud pa ni thugs kyi rnam pas te/ so
- 252a
so rang rig pa'i tshul gyis 'di skad ces gsol to zhes bya bar sbyar ro/ /rdo rje gsum gyi zhes bya ba ni/ sku rdo rje la sogs pa la go rim ji lta ba bzhin du bzhugs pa 'di ni sku gsungs thugs kyi nges pa ste/ de ni ngo mtshar che'o/ / de'i don ni 'di yin te/ rnal 'byor pa rnams kyi sku rdo rje'i dngos po thams cad kyi ngo bo nyid ni sku rdo rje nyid la rnam par gnas la sdud pa na yang rang gi sku rdo rje nyid la rab tu 'jug gi gzhan du ni ma yin te/ de bzhin du gzhan dag la yang sbyan bar bya'o/ /de bas na 'dis ni de nas bcom ldan 'das rnam par snang mdzad khams gsum pa thams cad kyi las zhes bya ba la sogs pa 'di nyid kyi le'u bcu bdun pa las gsungs pa'i 'das ma thag pa'i don ston pa yin no/ / dus gsum rdo rje'i ngo bo nyid ces bya ba ni dus gsum gyi sangs rgyas kyi ngo bo nyid du sems can thams cad yang dag par 'byung ba yin la de bas de rnams ni don dam par sangs rgyas nyid yin par gsungs so/ /byang chub rdo rje'i gnas thob pa zhes bya ba ni de nyid kyis na sems can thams cad ni de bzhin gshegs pa'i snying po can no/ zhes gsungs pa dang/ de bzhin du srid dang zhi ba'i ngo bo'i chos nyid dag /'dir ni dbye ba 'ga' yang yod min te/ gzung bya la sogs rnams bral bas/ /de phyir thams cad du ni rtag tu 'grub ces bshad pas so/ /e ma'o 'khor ba dag gi rgyun/ /e ma'o mchog tu mya ngan 'das/ zhes bya ba ni 'khor ba'i rgyun nyid ni de kho na nyid zhes bya ba ni mya ngan 'das pa'o/ zhes bya ba ni ngo mtshar che'o/ /de yang 'khor ba dang ni mya ngan 'das/ /'di gnyis yod pa ma yin te/ /'khor ba yongs su shes pa ni/ /mya ngan 'das zhes bshad pa yin zhes 'byung ba'o/ /gsang ba zhes 'dir gang
- 252b
la bgyi zhes bya ba la sogs pa ni byang chub sems dpa' rnams kyis de bzhin gshegs pa rnams la zhus pa yin te/ zhus pa 'di rnams kyi don ni 'og nas bshad pa las 'di nyid gsal bar ston par 'gyur ro/ /sku gsung shugs kyi rdo rje yis zhes bya ba la sogs pa ni rang rang gi lus dang ngag yid rdo rje rnams kyis so/ /sku gsung thugs kyi rdo rje la zhes bya ba ni yang dag par rtogs pa'i bdag nyid can gyi rdo rje can sku la sogs pa'i lha'i bdag nyid can du yang dag par gzung zhing yang dag par rtogs pa la rtse gcig tu byas nas nyon cig ces bya ba'i don to/ /de bzhin gshegs pa'i gsung dang rjes su mthun par de nyid la byang chub sems dpa' de rnams rjes su 'jug par bstan pa'i phyir/ de nas zhes bya ba la sogs pa gsungs te/ byang chub sems dpa' chen po zhes bya ba ni byang chub pa'i bdag nyid can rdo rje 'chang chen po'i sku rdo rje la sogs pa rang rang gi lus rdo rje la sogs pas dmigs na/ lus la sogs pa'i ngo bo nyid rdo rje 'chang gi bdag nyid yin par rtogs shing mngon du byas nas cad mi smra bar gyur to zhes bya ba'i don to/ /byin gyis brlabs nas zhes bya ba ni byang chub sems dpa' de rnams nyan pa po'i slob ma nyid du gyur par mdzad ces bya ba'i don to/ /'di nyid ni chos ston par mdzad pa'i dus yin no/ /da ni zhus pa rnams kyi lan bstan pa'i phyir/ sku gsung thugs ni rnam pa gsum/ zhes bya ba la sogs pa gsungs te/ rgyud kyi 'brel pa ji lta ba zhes bya ba'i lan bstan par bya ba'i phyir lnga pa zhes bya ba la sogs pa gsungs te lnga pa las ni sgrub po gsungs la/ dgu pa las ni dam tshig bzhi gsungs so/ /bcu bdun pa zhes pa ni bcu bdun pa las ni bsrung bar bya ba'i dam tshig go /bcu gsum pa las ni gsang sngags kyi bzlas brjod la sogs pa gsungs so/ /de'i don ni 'di yin te/
- 253a
lnga pa las bshad pa'i sgrub pa po ni le'u dgu pa la sogs pa las gsungs pa'i don dang 'brel te/ de bsan 'di ni bcom ldan 'das kyis gang bstan par mdzad pa de nyid ni sgrub pa chen po'o/ /bzhi par ni dkyil 'khor gyi chog gsungs la/ slob dpon gyis las de yang bcu drug pa las brtul zhugs dang dkyil 'khor gsungs so/ /brgyad pa las ni de kho na nyid dang rjes su 'brel ba'i mchod pa gsungs te de nyid ni sdom pa'o/ /bcu gnyis pa las ni thun mong gi dngos grub gsungs so/ /brgyad pa zhes bya ba la sogs pa la sngar brgyad pa'i sgra sems pa'i phyir gzhung lhag pa yin pas na drug pa yin par bshad la/ de la drug pa las ni rjes su gnyis pa dang nye bar sgrub pa gsungs so/ /gnyis pa las ni dam tshig ces bya ba byang chub kyi sems gsungs so/ /bcu pa dang bcu bzhi pa las ni drag po'i sbyor pa gsungs so/ /bdun pa las ni sgrub pa'i sdom pa rjes su dran pa'i ngo bo nyid gsungs so/ /gsum pa las ni bsnyen pa'o/ /bcu gcig pa las ni dngos grub kyi zhing ri bo la la sogs pa'o/ /de nyid du bcu zhes bya ba'i sgra ni mi mngon par byas nas le'u dang po bzung ste/ der de bzhin gshegs pa thams cad kyi phrin las lha rnams 'byin pa la sogs pa gsungs pa yin no/ / bco lnga pa las ni bskyed pa'i rim pa dang 'brel ba'i lha'i dkyil 'khor bskyed pa'i bsgrub pa'i go rims gyi sbyor ba gsungs so/ /bsnyen pa rdo rje'i cho ga bzhi zhes bya ba ni rdo rje bzhis bsnyen pa bya'o zhes ston to/ /mchog tu gyur pa gzhung nyid do/ /zhes bya ba ni dngos grub mchog dang 'brel ba'i gzhung/ /slob ma bzang po la sangs rgyas la sogs pa dang 'brel par ston pa nyid ni de'i 'khor ba las yongs su grol ba zhes bya ste/ de dag thams cad ni le'u de dang de dag
- 253b
las ci rigs par gsungs so zhes bya ba ni rgyud kyi 'brel pa yin no/ /rnal 'byor zhes 'dir ci la bgyi zhes bgyi ba'i lan bstan par bya ba'i phyir shes rab thabs dang zhes bya ba la sogs pa gsungs so/ /de ltar dang po rgyud kyi 'brel pa gsungs nas/ da ni rgyud ces bya ba'i sgra nyid kyi don bstan par bya ba'i phyir rgyud ni rgyan zhes bya bar grags zhes bya ba la sogs pa gsungs te/ bzhi dang rang bzhin rgyu yin zhes bya la rang bzhin ni rnam pa'am 'gyur gnas te/ khyad par gyi rgyu la rang bzhin zhes bya'o/ / zhes bya ba'i don to/ /rang bzhin de nyid kyi 'bras bu ni mi 'phrog pa ste mya ngan las 'das pa zhes bya ba yin te/ rgyu dang 'bras du dbyer med pas so/ /bzhi'i don rnam par dbye ba ni thabs zhes bshad pa ste zhes bya ba yin te chos 'gyur ba'i gzhal yas khang zhes bya ba'i don to/ /de ltar na rgyun gsum po de dag la ni rgyun ces bya'o/ /rgyun las rab tu ston pa'i phyir ro/ /gal te rgyud 'di las gzhan dag kyang ston pa de dag gsum po 'di dag gi nang du 'dus pa yin no zhes bstan par bya ba'i phyir rigs gsum zhes bstan pa gsungs te/ dngos po gang yin pa de dag ni sems su rigs gcig la de rnam par spros pa rnams sku la sogs pa'i dbye ba las ni rigs gsum du 'gyur la rigs lnga'i sangs rgyas kyi dbye ba las ni rigs lngar 'gyur ro/ /de rnams nyid rnam par phye ba'i dbye ba las ni rigs brgyar 'gyur ba 'di ni nye bar mtshon pa tsam ste/ rnam pa 'di nyid kyis na rigs rnams kyi dbye ba ni mdza' yas so/ /de bas na rigs 'di dag dang 'di lta bu gzhan dag kyang rgyu dang 'bras bu dang bzhi ste/ gsum du ji ltar rigs par 'di'i khongs su gtogs pa yin no/ zhes bya ba'i don to/ /de ltar rtsa ba'i rgyud bshad nas rgyud phyi ma'i le'u bco brgyad par bshad pa'i don bstan pa'i phyir/
- 254a
byang chub rdo rje zhes bya ba la sogs pa gsungs te byang chub kyi sems rdo rje'i le'u bcu bdun par gsungs pa'i bka' dang bcas par lhan cig du de bzhin gshegs pa rnams kyis gang gsungs pa de nyid ni rgyud phyi ma yin par 'dod de ston pa pos don ji lta bu gsungs pa de dang 'dra bar bshad pa'i tshul nyid ni rgyud phyi ma zhes bya'o/ zhes bya ba'i don to/ /de nyid rnam pa du ru bshad ces bya ba la sogs pa bris pa bzhi la lan bzhi bstan par bya ba'i phyir de nyid rnam pa lnga ru bshad ces bya ba la sogs pa gsungs te/ gsang ba rnam pa gsum zhes bya ba ni/ sku dang gsung dang thugs nyid la bya ste/ don 'di ni sngar sku gsung thugs ni rnam pa gsum/ gsang ba zhes bya ba bstan pa yin zhes 'di nyid kyi nang nas bshad zin mod kyi 'on kyang yang dris pa'i rim pa'i sgo nas rigs lnga'i dbye bas de kho na nyid la sogs pa'i chos kyi mtshon pa mdzad pa ni de nyid dran pa'i phyir gsungs pa yin pas na 'di la zlos pa'i nyes pa yod pa ma yin te bcom ldan 'das ni sems can gyi bsam pa'i dbang gis bstan par mdzad zin pa'i don la yang ming gi rnam pa gsungs pa ni srid pa yin no/ /che ba'i lha ni bdag por gyur pa'i lha ste thugs rnam par dag pa'i rang bzhin don dam par rigs gcig pa'i ngo bo nyid do/ /gsang ba zhes bya ba ni brnga la bya'o/ /byang chub sems zhes gang la bgyi/ zhes 'dir smras pa'i lan bstan pa'i phyir thog ma tha ma med zhi ba zhes bya ba la sogs pa gsungs te/ dngos dang dngos med mi zad ces bya ba ni dngos po dang dngos med pa'i rdzas dang bral ba'o/ sems gtso bo zhes bya ba ni mi g.yor gyi tshul gyis khyab pa'o/ /stong nyid snying rje mi phyed pa zhes bya ba ni chos kyi de kho na nyid kyi bdag nyid can no/ /de bzhin rigs pa'i skyes bu ci zhes bya ba'i lan bstan par bya ba'i phyir sku gsungs thugs kyi rdo rje
- 254b
yi zhes bya ba la sogs pa gsungs te/ mi byed pas ni zhes bya ba las thabs dang shes rab ni sku gsung thugs rdo rje nyid kyi gnyis su med pa'i tshul du ngo bo nyid gcig pas mi phyed bso/ /phye ba'i dngos zhes bya ba de dag nyid rnam par dbye ba'i dbye bas phyegs? so/ badzra d+h+ri ka ces gang la bgyi zhes bya ba la sogs pa dris pa lnga la la rda lnga'i tshigs su bcad pa bstan pa ni rgyu lnga dang ni zhes bya ba la sogs pa yin te/ rgyu lnga ni rgyur gyur pa'o/ /'bras bu lnga ni 'bras bur gyur pa ste/ rdo rje'i rtse lnga ni sangs rgyas lnga'i bdag nyid chen yin la/ de nyid steng dang 'og gi chas rgyu dang 'bras bu rnam par dag pa'i gzugs can ni rdo rje zhes bya la de 'chang bar mdzad pas ni rdo rje 'dzin pa'o/ /chos kyi dbyings rnam par dag pa ni rnam par shes pa ste/ de nyid ni yin ces byang bya'o/ /yod dang med dang dbus las 'das zhes bya ba ni yod pa dang med pa'o zhes bya ba'i rnam par rtogs pa dang bral zhing 'byung ba dang/ 'byung ba las gyur ba'i me long rnam par dag pa'i gzugs can yin la/ de nyid ni sems can kun gyi lus yin te/ kun gzhi'i rnam par shes pa'o/ /de ni 'di ltar dzin dzi ka ces bya'o/ /dzin na zhes bya ba'i sgra nyid kyi don bstan par bya ba'i phyir/ skyes las rgyal ba zhes bya bar gsungs te/ dzi na'i sgra na skye ba la bya ba de las rgyal bar mdzad pas ni dzi na dzi ka ces bya ste/ brtags pa'i bdag nyid du mi skye'o/ zhes bya ba'i don no/ /ngon rnams thams cad ces bya ba'i don thams cad kyi gang mnyam pa nyid de las kun du 'byung ba ni de rnam par dag pa'i sems nyid ni rin po che de yin/ de yang tshor ba pos rang rig pas bes par tshor ba yin pas na/ tshor ba rnams par dag pa'i yid la rin chen 'dzin zhes bya ba'o/ /mtshan gzhi mtshan nyid dngos pos ni zhes bya la/ mtshan gzhi ni sngon po dang ser po la sogs pa'o/ /mtshan nyid ni de'i brtag pa'o/ /dngos po ni
- 255a
rnam par rtog pa'i ngo bo drug pa yid de/ des rnam pa thams cad du gang rtog cing sems can gyi don la so sor rtog pa ste/ de rnam par dag pa nyid kyi mtshan mar mtshon par bshad ma thag pa gang yin pa deb a? ro li ka ces bya'o/ /rnam par shes rab mthar phyin byed ces bya ba ni byams pa dang snying rje la sogs pa la rab kyi mthar phyin par slob par byed pa'i rnam par shes pa ni bya ba grub pa'i ye shes kyi ngo bo nyid gang yin pa de ni shes rab ces bya la/ de 'dzin par byed pas 'du byed sems pa rnam par dag pa'i yid ni shes rab 'dzin ces bya bar bshad do/ /da ni de bzhin gshegs pa ni 'dir gang lags zhes bya ba'i lan 'dir bstan pa'i phyir/ rigs ni rgyud ces bya bar bshad ces bya ba la sogs pa gsungs te/ mi 'jigs ces bya ba ni de bzhin gshegs pa lnga'i bdag nyid can gnyis su med pa'i ngo bo nyid la ni rnam par 'jig pa med/ skye ba med pa gang yin zhes pa ni sku dang gsung dang thugs kyi chos rnams ni gcig du ma'i sbyor bar skye ba med pa ste/ de bzhin gshegs pa rnams kyi/ rnam par dag pa nyid kyi skye ba med pa'i phyir ro/ /rigs ni lnga po 'di dag ste zhes bshad pa'o/ /sngags kyi sgo nas sangs rgyas rnams kyi rnam par dag pa sngar bshad nas/ da ni rgya dang 'bras bu zhes bya ba la sogs pas phung po'i sgo nas rnam par dag par gsungs pa yin te/ rgyu dang 'bras bu dag rgyu la rgyu nyid dang/ 'bras bu nyid du gang mngon par zhen pa ste/ pha rol tu phyin pa'i gzhung luT gsungs pa'o/ /gnyis po de dag gi 'jig pa'i rnam par shes pa/ rnam par shes pa'i phung po'i ngo bo de ni zhe sdang yin par bshad de rgyu dang 'bras bu dag tha mi dad par mngon par zhugs pa'i ye shes la ni zhe sdang zhes bya ba'i
- 255b
don to/ /bam pos bcings pa yis zhes bya ba la sogs pa la gzugs kyi phung po de nyid sems med pas bcings pa'i rang bzhin yin la/ de rnam par dag pa'i ngo bo nyid ni gti mug ces bya bar bshad de/ thams cad du rang rig pa'i nga rgyal gyi ral su 'jug pa ni gti mug chen po zhes bya ba'i don no tshor ba zhes bya ba ni tshor ba'i phung po ste/ dregs pa dang nga rgyal la sogs pa rjes su myong ba'i ngo bo'o/ /de rnam par dag pas thams cad bdag mnyam mo zhes bya ba'i nga rgyal gyi ngo bo nyid kyis mnyam pa'i bdag nyid can ni rin chen 'byung ldan no/ /'du shes ni 'du shes kyi phung po'o/ /dngos la chags pa'i mtshan nyid can zhes bya ba'i mtshan mar nye bar 'dzin pa'i bdag nyid can te/ de rnam par dag pa'i so so rang rig pa'i ngo bo nyid kyi 'dod chags kyi bdag nyid can ni 'od de dpag tu med pa'o/ /'du byed ces bya ba ni 'du byed kyi phung po ste/ de rnam par dag pa 'da' ba' i ngo bo nyid ni don yod grub pa'o/ /rkyen gyis drangs pa'i bdag nyid can zhes bya ba'i bdag nyid kyi sems can rnams kyi don bya'o/ gzhan dag gis ni ma yin zhes nan tan byed pas 'das pa'i bdag nyid can gang yin pa de la de skad ces bya ste/ bya ba sgrub pa'i ye shes zhes bya ba'i don to/ /byang chub kyi sems ni thams cad kyi rjes su 'gro ba yin no/ zhes bstan par bya ba'i phyir byang chub kyi sems zhes bya ba la sogs pa gsungs te/ byang chub kyi sems ni gcig tu mnyam pa'i ngo bo nyid yin pas sems yang dag par bzlog par bya ba'i phyir/ srid pa kun 'byung zhes bya ba gsungs te/ de ni srid pa dang mnyam pa'i ngo bo nyid do zhes bya bar dgongs so/ /da ni 'di las 'dod dad thar pa rab bsgrub pa zhes gsungs pa'i 'dod pa'i sgra'i don bstan par bya ba'i phyir 'dod chags zhes bya ba la sogs pa gsungs te/ dam tshig ces bya ba ni rdo rje sems dpa' i bdag nyid can no/ /sna tshogs 'dra
- 256a
ba yin zhes bya ba ni dngos po thams cad dang mnyam pa nyid kyi rang bzhin no/ /mngon phyogs zhes bya ba ni rang rig ba la mngon par phyogs ba'o/ /las las skyes zhes bya ba ni byams pa dang snying rje la sogs pa bsgoms pa las yang dag par byung ba'o/ /da ni mo ha zhes ni gang la bgyi zhes bya ba la sogs pa dris pa'i lnga'i lan bstan pa'i phyir gnyis med ces bya ba la sogs pa gsungs te/ chos nyid kyi gnyis su med pa'i ye shes kyi ngo bo nyid kyi dngos po rnams gad rang gi ngo bo nyid lhag par mos pa'i nga rgyal de la ni rmongs pa zhes bya ba'o zhes bshad do/ /gang phyogs nges pa med pa'i ngo bos phan tshun 'thug cing 'dzer pa'i gnyis su med pa'i ye shes kyi ngo bo de nyid ni zhe sdang ngo/ /gang gi mtshan nyid ngo bo nyid gnyis su med pa la zhen pa'i ye shes kyi bdag nyid can de nyid ni 'dod chags so/ /gang 'di ltar mi chod cing mi shigs ba'i ngo bo nyid kyi ye shes de ni rdo rje zhes bshed/ bzhi po de dag ni dga' ba rdzogs pa'i longs spyod mchog ni gcig tu gyur pa ste/ 'di dag ni mo ha ra ti zhes bya ba la sogs pa lha mo bzhi'i sngags kyi don gsungs pa yin no/ /btsun mo'i mchog phun sum tshogs pa'o/ zhes gsungs pa'i sgra'i don phun sum chogs pa ji ltar lags zhes byas pa 'di'i lan bstan par bya ba'i phyir bud med bde mchog phun sum tshogs pa'i zhes bya ba gsungs te/ mo ha ra ti la sogs pa 'di dag ni bde mchog gi rgyur gyur pas na bde mchog ste/ de nyid la phun sum tshogs pa'o zhes bya ba'i don to/ /gti mug la sogs pa gsum la rdo rje dga' ba khong su gtogs par bstan par bya ba'i phyir gti mug ces bya ba la sogs pa gsungs te/ gnyis su med pa'i ye shes kyi bdag nyid can dga' ba ni thams cad kyis rjes su
- 256b
'gro ba ste/ rgyu des na gti mug la sogs ba'i thabs sangs rgyas rnams kyi rdo rje theg pa'o/ /zhes bshad cing gsungs bar gyur pa yin no/ /da ni ya mAn+ta? kri ta don ni gang zhes bya ba la sogs pa khro bo'i sngags bzhi'i don zhus pa'i lan bstan par bya ba'i phyir/ mi 'jigs pa dag nyid ces bya ba la sogs pa gsungs te/ lus dang dag dang yid kyi chos rnams ni gcig dang du ma la sogs pa'i phyin ci log gi tshul gyis ma skyes pa'i ngo bo nyid yin pas na mi 'jigs pa'i bdag nyid can gyi chos rnams te/ btags pa'i bdag nyid can nyid ni 'jigs ba yin pa'i phyir ro/ /de lta bas na lus la sogs pa'i dngos po 'di dag thams cad kyi mi 'jigs pa'i ngo bo ni dam tshig ste/ lus la sogs par gtogs pa'i gcig dang du ma la sogs pa dang bral ba'i yul la dang po rnam par dag pa'i ngo bo nyid ni gshin rje mthar byed ces bya ste/ gang gi phyir phyin ci lo ga ni gshin rje zhes bya la de'i mdza' rnam par 'jig par byed pa'o zhes bya bar dgongs so/ /rnam shes min bdag ces bya ba ni don dam par mi 'gyur ba'i tshul gyis dag par gyur pa 'dzin pa po'i ngo bo nyid du mi 'gyur ba'i chos rnams ni byang chub pa'i bdag nyid do/ /de lta bu'i sems can thams cad kyi dam tshig gang yin pa de'i tshul gyis na shes rab mthar byed ces bya ste/ nyes ba skyes pa rnams sgong ba'i phyir dang/ ma skyes pa rnams ni mi bskyed pa dang/ de bzhin du yang dag par byang chub ma skyes pa rnams bskyed bar bya ba'i phyir dang/ skyes pa rnams gnas bar bya ba'i phyir dang/ dad pa dang ldan pa'i brtson 'grus rnam pa bzhi po de rnam par dag pa'i rang bzhin rgyal ba nyid ni shes rab mthar byed ces bya ste/ 'di lta bu'i shes rab kyi nyis pa rnams mthar byed pa'i zhes dgongs so/ /brjod med bdag nyid ces bya ba ni dngos po rnams kyi de nyid ni brtag par mi nus bas na?
- 257a
brjod du med pa'i bdag nyid can gyi chos rnams te/ de bas na 'di ltar ming dang gzugs blo dngos bo med ces bya ba ste/ gzugs la sogs par so sor snang ba'i blo dngos po med pa ste/ med par gyur pa'i dngos po la ni yul me ngo zhes bya ba'i bar du'o/ /de lta bur gyur pa'i chos thams cad kyi dam tshig gang yin pa des na/ pad+ma mthar byed ces bya ste/ brjod du med pa'i bdag nyid can gyi phung po'i yul rnams la 'dun pa dang/ brtson 'grus la sogs pas de rnams la skyes bu dran pa dang/ brtson 'grus rtsom par gyur pa ste/ 'di ni dngos po'i chos rnams dang bral bar byung ba'i 'dun pa la sogs pa'i yul rnams dran pa'i pad+ma zhes bya la/ de nyid 'dun pa med pa la sogs pa'i nyes pa mthar byed pas na/ bcom ldan 'das pad+ma mthar byed ces bya'o/ /mi rtog bdag nyid ces bya ba ni rang bzhin gyis 'di ltar zhi ba nyid yin pas 'dzin pa po la sogs pa'i spros pa dang bral ba'i phung po lnga rnams yin la de nyid 'dir rdo rje kun gyi dam tshig ste/ rjes su 'da' bar mi bya ba'i ngo bo nyid yin la/ tshul des na bgegs mthar byed ces bya ste sngar bshad pa'i mi rtog pa'i chos rnams la rnal 'byor pa dran pa dang ldan pas sems rtse gcig pa'i ngo bo nyid dngos po'i de kho na nyid la dmigs pa'i ting nge 'dzin ni shes rab kyi/ rigs las byung ba rdzogs par gyur pa ste/ de rnam bar dag pa'i ngo bo nyid ni khyab bdag bgegs mthar byed pa yin te/ ma dad pa la sogs pa'i bgegs rnams mthar byed pa'o zhes bya ba'i don to/ /da ni nges bar bshad pa bzhi po rnams kyis don nyid kyis kyang de dag sangs rgyas kyis byang chub kyi ngo bo nyid yin pas de dag shes pa las bde ba chen po thob par 'gyur ro/ zhes bstan par bya ba'i phyir mi 'jigs
- 257b
ces bya ba la sogs pa gsungs so/ /gshin rje gshed kyi bya ba gsal bar bstan par bya ba'i phyir/ gti mug ces bya ba la sogs pa gsungs te/ gti mug ces bya ba ni thams cad du song ba'i nga rgyal gyi bdag nyid can gyi gti mug chen po'o/ /de yang gti mug la nye bar longs spyod bar 'gyur te/ gti mug chen po'i bdag nyid rnam par snang mdzad kyi rnam par dag pa'i gti mug la bslabs pa las skye bar 'gyur ro zhes bya ba'i don to/ /gti mug zad phyir zhes bya ba ni rnam par snang mdzad de'i phyin ci log gi rab tu 'jug pa 'byung ba zad par byed pa'i sgo'i dbang du mdzad pa ni gshin rje mthar byed ces bshad do/ /de nyid kyis na lus mthar byed ces bya ste/ 'jig tshogs la lta ba mthar byed cing/ rnam par 'jigs par mdzad pa dang/ 'dzin pa po dang bral ba nyid kyi ni/ shes rab mthar byed ces bya ba yang de nyid do/ /shes rab mthar byed kyi bya ba bstan pa'i phyir/ nyes pa zhes bya ba la sogs pa gsungs so/ /nyes pa zhes bya ba ni zhe sdang chen po ste/ bdag dang gzhan du rnam par 'byed pa dang bral ba'o/ /nyes pa de nyid la nye bar spyod par gyur pa ni zhe sdang chen po'i bdag nyid mi bskyod pa yongs su dag pa'i bdag nyid la bslabs pa las skye zhes bya ba'i don to/ /nyes pa zad phyir zhes bya ba mi bskyod pa de las zhe sdang kha phyir bltas pa'i zhe sdang gi rab tu 'dug pa 'byung ba brad bar mdzad pa'i sgo'i dbang du mdzad nas shes rab mthar byed ces gsungs so/ /de nyid kyis ni sems ni mthar byed cing zhes pa ste/ de nyid kyis ni sems ni zhes bya ba ni 'dzin pa'i bdag nyid can gyi sems te/ de mthar byed pa'o/ /de nyid kyis na nyon mongs mthar byed de/ 'dzin pa po'i bdag nyid kyi rgyur gyur pa'i nyon mongs pa gzhan gyis mi thub pas na de 'gog par mdzad pa'i phyir ro/ /de bzhin du pad+ma mthar byed kyi dgos pa bstan par bya ba'i phyir 'dod chags zhes bya ba la soD
- 258a
pa gsungs te/ 'dod chags ni 'od dpag tu med pa'i bdag nyid can gyi 'dod chags chen po'o/ /de yang rnam par dag pa'i chags pa la bslabs ba las skye bar gyur bste/ de yang 'od dpag tu med pa de ni phyin ci log gi chags pa dang 'dres pa'i dogs pa sel pa'i mchog yin pas/ 'di ni pad+ma mthar byed ces bya'o/ /ngag mthar byed ces bya ba ni/ ngag gi ngo bo 'gog par mdzad pa'o/ /de nyid kyis na snyoms par 'jug pa mthar byed par gyur pa ni rta mgrin te/ smra ba po dang brjod par bya ba gang yin pa'i snyoms par 'jug pa ni yul dang yul can gyi mtshan nyid du 'dus pa ste/ de rab tu 'jig par byed ces bya ba'i don to/ /bgegs mthar byed kyi yang sbyor ba bstan pa'i phyig nyon mongs zhes bya ba la sogs pa gsungs te/ nyon mongs pa dang las kyi sgrib pa ma lus pa zad par byed nus pa'i ye shes nying bya ba thams cad byed pas bgegs mthar byed ces bya ba'i don to/ /nyon mongs rdo rje nyid sgrib pa yin la de rnam par dag pa ni gnyis su med par lhag par mos pa las thams cad rnam par dag par gyur la de nas las las skyes pa'i yang/ 'bras bu rnam par dag par 'gyur te/ ji skad du/ rnam pa de 'dra'i sems ldan lus dang ni/ ngag gis las rnams ci yang rung bdag/ phyag rgya dang ni sngags kyi rnam pa ru/ /rdzogs pa'i sangs rgyas kun gyi de gsungs so/ /zhes bya ba la sogs pa smos pa yin no/ /rdo rje'i bdag nyid can de dag ji ltar 'byung ba de yang bstan par bya ba'i phyir gzungs dang zhes bya ba la sogs pa gsungs te/ gzung ba ni de'i rnam par so sor shes pa'o/ chags pa ni de la rjes su phyogs pa'o/ /rnam pa ni 'dra bar bskyed pa'o/ /mi g.yo ba ni dran pa'i tshul mi g.yo bde nyid du brtan par gyur pa'o/ /rgyu nyid ni de nyid kyi gnyis su med pa'i rang bzhin gyis 'bras bu dang mi phyed bar slob pa'o/ 'bras bu nyid ni de nyid kyi
- 258b
rgyu'i rnam pa dang/ gnyis su med pa'i bdag nyid gsal par gyur pa ste/ de ni 'dir rdo rje rnams kyis bskyed pa'o/ /da ni khro bo'i gnas skabs bshad pa yin pas na/ 'dod pa'i rgyal po la sogs pa yang bshad par bya ba'i phyir/ 'dod pa'i rgyal po zhes bya ba la sogs pa gsungs te/ 'byin pa'i sngags kyi skabs na med pas 'di dag dkyil 'khor ba ma yin par dgongs so/ /sa'i snying po dang/ sa rdo rje la sogs pa rnams zhus pa med kyang the tshom med pa'i don du/ ming la sogs pa bstan par bya ba'i phyir/ dam tshig ces bya ba la sogs pa gsungs te/ dam tshig rdo rje ni sa'i snying po'o/ /de la sogs pa drug ni mig la sogs pa rnam par dag pa'i ngo bo nyid do/ /de dag kyang gzugs yongs su dag pa nyid yin pas 'byung ba las gyur pa nyid du rnam par grags so/ /rig pa'i rgyal po zhes bshad do/ zhes bya ba la sogs pa la rigs pa'i rgyal po'i sgra dang de nyid yin par bshad do/ /sa la sogs pa zhes bya ba la sogs pa las rdo rje la sogs pa ni spyan la sogs pa'i ngo bo nyid yin la nam mkha' rdo rje dang bcas pa ni 'byung ba rnam pa lnga nyid du rnam par grags so/ /gzugs rdo rje la sogs pa'i yang ming la sogs pa bstan par bya ba'i phyir/ gzugs rdo rje la sogs pa drug ces bya ba la sogs pa gsungs te/ rdo rje'i bdag po thams cad ni/ 'dod chags de nyid don sems pa zhes bya ba la sogs pa la/ rdo rje'i bdag po'i sgras ni gzugs rdo rje la sogs pa 'byung ba las gyur pa'i lha mo drug yin par rnam par bshad de/ 'byung ba las gyur pa rnam par dag pa'i ngo bo nyid kyi skabs kyi dang? du mdzad nas gsungs pa yin no/ /gzugs rdo rje la sogs pa lha mo drug pa de dag nyid kyi 'byin pa'i sngags bstan par bya ba'i phyir/ sku gsung thugs kyi rdo rje las zhes bya ba la sogs pa gsungs te/ bdag nyid chen po zhes bya ba ni gzugs rdo rje la sogs pa rnams te sku la sogs pa'i ngo bo nyid kyi yi
- 259a
ge gsum las dbyung bar bya ste/ de bas na 'di dag ni dkyil 'khor pa nyid yin gyi/ 'dod pa'i rgyal po la sogs pa ni ma yin no zhes bya bar dgongs so/ /da ni kun tu spyod pa gang zhig lags zhes bya ba 'di'i lan bstan par bya ba'i phyir thabs dang shes ra ces bya ba la sogs pa gsungs te/ ji skad du bshad pa'i thabs dang shes rab las byung zhing skyes pa ni dkyil 'khor gyi 'khor lo'i rnam pa thams cad dag par lhag par mos pas phung po la sogs pa gnyis su med pa'i sbyor ba nges par byas la sngags pas 'jigs pa thams cad dang bral zhing mi 'gyur pa'i sems kyis seng ge dang 'dra bar gnas par bya'o/ /rnal 'byor pa de la gnas pas ni mi bya ba la sogs pa tsa yang med de/ sngags pas 'di dag thams cad bya'o zhes bya ba'i don to/ / de bas na 'di nyid ni mnyam par ma bzhag pa ste/ smyon pa la sogs pa'i tshul gyi sbyor ba la kun tu sbyod ba zhes bshad do/ /de bas na sbyor ba 'dis gang spyod pa de ni rtag tu mnyam par bzhag pa yin pas kun tu spyang pa la sgyod pa zhes bshad do/ /de skad du/ phyin ci log rtog rnam grol na/ bya ba ma lus pa ni rdzogs par bya zhes pa shad pas so/ /de bzhin du sngags kyi spyod pa ci zhes bya ba 'di'i lan bstan par bya ba'i phyir/ rkyen las byung ba zhes bya ba la sogs pa gsungs te/ yul dang dbang po la brten nas rnam par shes pa gang 'byung bar 'gyur ba de ni yid kyi sgrang bshad la/ de nyid rnam par dag pas 'khor ba las skyob bas na manTa ste sngags so/ /des 'jig rten gyi spyod pa las rnam par grol pa'i dam tshig dang/ sdom pa yongs su bsrung pa'i ngo bo nyid gang yin pa de ni sngags kyi spyod pa zhes bya ba'i don to/ /'dir ni bzlas pa gang zhig lags zhes bya ba 'di'i lan bstan par bya pa'i phyir rang rang gi ngo bo zhes bya ba la sogs pa gsungs te/ sku rdo rje la sogs pa'i ngo bo nyid kyi gsang sngags
- 259b
bzlas pa'i cho gar bshad pas/ rnam par brtags pa'i dbye bas sngags brjod la/ sbro ba la sogs pa cho ga bzhin du bya'o/ /ye shes sa bon zhes bya ba ni ye shes sems dpa' i sa bon ste/ byang chub bdag med pa'i ngo bo nyid kyis so/ /bdag mes bzung zhes bya ba ni 'dzin pa bo'i rang bzhin dang bral ba ste/ de lta bu'i sangs rgyas lnga po sna tshogs rdo rje'i bdag nyid can cig car spro zhing bsdu'o/ /gzungs zhes bya ba ni gnas pa brtan par bsgom par bya'o/ /sna tshogs bzhin zhes bya ba ni/ rang nyid dngos po thams cad ngo bo nyid du mos pa ste/ ji skad du yang na bzlas la/ sems nyid ni dngos kun bdag nyid rang gi sems dbang po zhes bya ba la sogs pa smos pa yin no/ /sna tshogs zhes bya ba ni sna tshogs pa'i ngo bo ye shes kyi sa bon ste/ dus gsum la ni yi ge gsum dang lhan cig tu yang bzlas pa'o/ /de nas yang spro ba la sogs pa bya ba ni sngags bzlas pa'i cho ga'o/ /bzlas pa zhes bya ba'i sgra ni yin par bshad pas ngag 'di dag thams cad kyang sngags kyi sgrar bshad de/ de kho na nyid bskur ba'i ngo bo nyid du gyur bas sngags dang rnal 'byor pa'i thams cad du de kho na nyid la mngon par zhugs pa yin pa'i phyir ro/ /dam tshig sems dpa' dang 'dra bar ye shes sems dpa' yang bsgom par bya'o/ /zhes bstan par bya ba'i phyir/ ji ltar thugs so zhes bya ba la sogs pa gsungs so/ / sangs rgyas rnams kyi sbro bas kyang dbang bskur ba la sogs pa de bzhin du bya'i zhis bstan par bya ba'i phyir/ de rnams sbyi bor zhes bya ba la sgos pha gsungs te spyi bo na yang gang gi rig pa gang dang gang yin pa ltan cig tu sbyor bar 'gyur ba ni rdo rje 'chang bzhin du de thams cad kyi yang longs spyod rnam bzhir shes par bya'o/ /de bstan pa'i phyir bdag byin brlab la sogs zhes bya ba la sogs pa gsungs te/ bdag la byin gyis brlab pa zhes bya ba ni de la/ oM d+ha rma d+ha tu sba b+hu ba A tam ko
- 260a
haM zhes bya ba ni bdag la byin gyis brlab pa'o/ /sogs pa'i sgras ni thugs la sogs pa'i byin gyis brlab pa'o/ /de bas na 'dis ni bsnyen pa la sogs pa'i yan lag bzhi gsungs pa yin no/ /'di dag kyang nye bar mtshon pa tsam du zad de/ thams cad la yang dkyil 'khor gyi bdag po gtso bo rnams kyi bzhin du bstan par bya'o/ /phyag rgya gang la bgyi zhes bya ba 'di'i lan bstan par bya ba'i phyir/ dpa' bo zhes bya ba la sogs pa gsungs te/ snying po phyag rgya zhes bya ba ni ye shes sems dpa' la sogs pa'i phyag rgya ste/ rjes su mthun pas rigs kyi bdag pos rgyas gdab po/ /'bras bu zhes bya ba ni mi bskyod pas so/ /rgyu ni rdo rje 'chang ba ste/ 'bras bu mi bskyod pa rdo rje 'chang bas gdab po/ /chos 'byung ba ni ji ltar bsgom zhes pa 'di'i lan bstan par bya ba'i phyir/ langs spyod bzhi dang yang dag ldan zhes bya ba la sogs pa gsungs te/ longs spyod bzhi ni bsnyen pa la sogs pa ste/ de dang ldan pa'i rdo rje can lha thams cad dang ldan pa sku la sogs pa'i ngo bo nyid kyi zur gsum dang ldan pa'i chos 'byung bar bsgom mo/ /de dbus zhes bya ba ni chos 'byung ba bsgoms pas mtshon pa'i zhing rnam par dag par bya ba'i phyir dang po nyid du 'khor lo rtsi bas bcu pa/ khro bo bcu dang ldan pa bsrung ba'i phyir bsgom par bya'i/ chos 'byung ba'i nad du bsrung ba'i 'khor lo bsgom par bya ba ni ma yin te/ ji skad du de 'og hUM gis rdo rjer byas pa'i sa zhes bya ba la sogs pa smos pa dang/ de bzhin du hUM mdzad dang yang na gtsug tor ram zhes bya ba la sogs pa bshad pas/ 'dir dbus su zhes bya ba'i sgra'i dogs pa ni ma bshad do/ /ye shes bdag nyid bcu las byung/ zhes bya ba ni dad pa la sogs pa rnam par dag pa'i ngo bo nyid do/ /'gog pa'i rdo rjes zhes bya ba ni/ sems ma 'phros pa'i mtshan nyid do/ /mi g.yo ba dang
- 260b
mtshungs pa 'khor zhes bya ba ni myur du 'khor bas mi 'gul pa dang mtshungs par 'khor bar blta bar bya'o/ /de bzhin sdom pa ji lta bu zhes bya ba 'di'i lan bstan par bya ba'i phyir rdo rje can gyi zhes bya ba la sogs pa gsungs te/ sgrub pa zhes bya ba ni dim pa 'di gnyis kyi sgrub pa'i rgyu'o/ /nan tan zhes bya ba ni nyams su blang ba'o/ /dam tshig ni bsrung bar bya ba la sogs pa ste/ 'di dag thams cad ni rtsa ba'i rgyud du rgya cher gsungs so/ /sdom pa yang sngar bshad pa nyid do/ /'di nyid ni rim pa'i dbye bas phye ba yin zhes bya ste/ dbye ba'i khyad par gyi gsungs so zhes bya ba'i don to/ /gzugs dang sgra sogs 'dod pa ni zhes bya ba la sogs pas ni de nyid ston pa yin te/ gzugs la sogs pa rnams las 'dod chags dang zhe sdang dang gti mug skye bar 'gyur la/ de la 'dod chags la de'i rang bzhin 'od dpag tu med pa'i ngo bo nyid bsam mo/ /de bzhin du rin chen 'byung ldan ni mnyam pa'i bdag nyid can yin la/ mnyam pa'i rang bzhin nyid ni dam tshig ste/ rdo rje 'chang yin pas gzugs la sogs pa'i 'dod pa de rnams rdo rje 'chang ba'i bdag nyid can yin par bsgom par bya'o/ /de ltar gzugs la sogs pa'i gnyis su med par gyur pa de nyid bsden pa ni sdom pa zhes bya ba yin par dgongs so/ /rnam pa zhes bya ba la sogs pas ni zhe sdang gti mug ces bya ba la soD pa'i lan gsungs pa ni rnam pa dang ni zhes bya ba ni thabs dang shes rab kyi bdag nyid can no/ /rnam pa med pa ni gnyis su med pa'i ngo bo nyid kyis te/ kun tu 'gro ba'i yi ge gsum gyi bdag nyid can du rnam par bsams nas/ bzlas brjod spro ba la e sogs pa'i bya bas sems can gyi don bya'o/ /bya ba zhes bya ba ni gsod pa'o/ /'phrog pa ni rdzas dbrog pa ste/ de dag la sogs pa'i las rnams bya'o/ /de ltar zhes bya ba ni bshang ma thag pa'i lha'i gzugs las dang rjes su mthun par zhe sdang la
- 261a
sogs pa'i ngo bo nyid du thams cad bskyed la/ gsang ba rnam par dag pa'i cho ga bzhin du phyag rgyas btab na/ rnal 'byor pa rnams kyi don byed do/ /des de ltar thun mong gi bshad nas/ re re'i zhe sdang la sogs pa'i las bstan par bya ba'i phyir/ zhe sdang 'khor lo zhes bya ba la sogs pa gsungs te/ zhe sdang gtso bor gyur pa'i 'khor lor bskyed la/ thams cad zhe sdang gi rang bzhin du bsams te spro ba la sogs pa rnams byed par bsgrub par bya ba gzhig pa la sogs par bya'o/ /'di'i phan yon bstan pa'i phyir/ 'di lta'i sbyor ba zhes bya ba la sogs pa gsungs so/ /zhe sdang gi rnal 'byor pa'i las bstan nas/ gti mug gi rnal 'byor pa'i las bstan par bya ba'i phyir/ gti mug sbyor bas zhes bya ba la sogs pa gsungs te/ snga ma bzhin du gti mug gi 'khor lo thams cad bskyed la bzlas pa la sogs pa bya ste/ rdzas dbrog pa la sogs pa bya'o zhes bya ba ni mdor bsdus pa'o/ /'dod chags can gyi rnal 'byor pa'i yang las bstan par bya ba'i phyir/ 'dod chags sbyor ba'i rnal 'byor pas zhes bya ba la sogs pa gsungs te/ 'di yang snga ma bzhin du 'dod chags kyi ngo bo nyid du bltas la/ bzlas pa dang spro ba'i las la sogs pa byas nas/ lha mo'i rnam pa la sogs pa bya'o zhes bya ba'i don to/ / zhe sdang la sogs pa'i rnal 'byor pa'i las kyang rim pa 'di ni le'u dgu pa las rgya cher gsungs pas de nyid du shes par bya'o/ /yang 'di la nus pa 'di lta bu yod pa ji ltar shes zhe na/ de'i phyir dkyil 'khor dang ni zhes bya ba la sogs pa gsungs te/ dkyil 'khor la sogs pa'i 'dod pa tsam gyis byed la/ de bas na grub pa po rnams kyi dgod pa ni bsam gyis mi khyab po zhes bya ba dgongs so/ /dkyil 'khor zhes ni gang la bgyi/ zhes bya ba 'di'i la na bstan par bya ba'i
- 261b
phyir/ b+ha ga zhes bya ba la sogs pa gsungs te/ gsum po dkyil 'khor yin par gsungs zhes bya ba ni chos 'byung ba'i dkyil 'khor dang pad+mal byang chub kyi sems yongs su gyur pa'i dkyil 'khor dang/ lus la phyag rgya bzhi'i 'khor ro/ /phyag rgya dgong pa ji ltar lags zhes bya ba'i cho ga 'di'i lan dang/ dkyil 'khor gyi don 'di bsal bar bya ba'i phyir phung po skye mched ces bya ba la sogs pa gsungs te/ phung po la sogs pa kun nas rgyas btab pa nyid lta thams cad kyi 'khor lo la sogs pa'i dkyil 'khor yin no zhes bya ba'i don to/ /khro bo rnams kyi phyag rgya dgod pa bstan par bya ba'i phyir/ lcags kyu zhes bya ba la sogs pa gsungs te/ 'khor lo rtsibs bcu pa'i shar lto la sogs pa'i mtshams rnams su 'dod pa'i rgyal po dang dbyug sngon dang/ stobs po che dang/ mi g.yo mgon po'i phyag mtshan dang lcags kyu la sogs pa rnam pa bzhi rim pa bzhin du dgod par bya'o/ /steng du bltas pa'i rtsibs la gtsug tor gyi 'khor lo'i mtshan ma dag go /'og tu bltas pa'i rtsibs la gnod mdzes kyi rdo rje dgod par blta bar bya'o/ /rigs rgyal rdo rje can rnams kyi zhes bya ba ni sa'i snying po la sogs pa rnams kyi phyag rgya ni 'khor los bsgyur zhes bya bde bzhin gshegs pa rnams yin pas de dang rjes su 'brel pa'i sku mdog dang phyag mtshan la sogs pa'i tshul ni ci rigs par sbyar ro/ de bas na kun tu bzang po ni rdo rje 'dzin pa lta bu'o/ /sa la sogs pa'i zhes bya ba ni spyan la sogs pa ste/ spyan la sogs pa'i phyag rgya mi rang gi dkyil 'khor du gsungs so/ /gzugs rdo rje la sogs pa'i phyag mtshan rim pa ji lta ba bzhin du bstan par bya ba'i phyir ro/ me long zhes bya ba la sogs pa gsungs so/ /sangs rgyas zhes bya ba ni de bzhin gshegs pa drug po rnams so/ /byang chub sems dpa' rnams dang/ /khro bo'i rgyal po thams cad mngon par rgyas btab pa'i de rnams kyi phyag rgya ni bshad
- 262a
zin pa nyid do/ /dpa' bo gcig ces bya ba ni rdo rje dpa' po la sogs pa'i/ /pad+ma rnam pa ldar shes bya zhes bya ba la sogs pa gsungs pa'i pad+ma la sogs pa me tog gi don zhus pa de'i sna bstan par bya ba'i phyir lta me zhes bya ba la sogs pa gsungs te/ lha mo bcu ni me tog gi sgrar bshad de/ 'di dag ni de nyid du gsal bar byas pa yin no/ /gzugs rdo rje la sogs pa drug kyang/ yi ge gsum gyis 'byin pa yin par bstan pa'i phyir/ sku gsung zhes bya ba la sogs pa gsungs te/ rigs kyi rim gyi zhes bya pa ni rang gi rigs kyi phyag rgyas btab pa'i 'byin par bstan to/ /mchod rten zhes ni ga la bgyi zhes bya ba 'di'i lan bstan par bya ba'i phyir mchod rten zhes bya ba la sogs pa gsungs te/ gzhal yas khang la mchod rten zhes bya'o zhes bya ba'i don to/ /ye shes 'khor lo ji lta bu zhes bya ba 'di'i lan bstan par bya ba'i phyir ye shes sems dpa' zhes bya ba la sogs pa gsungs te/ ye shes sems dpa' gang reg pa zhes bya ba ni/ ye shes sems dpa' i 'od zer rnams kyi gang yang dag par bskul pa'i sangs rgyas kyi 'khor lo gzhan pal ni ye shes kyi 'khor lo zhes bya'o zhes bya ba'i don to/ /'dir ni gnas kyang gang zhig lags zhes bya ba 'di'i lan bstan par bya ba'i phyir mi 'gyur zhes bya ba la sogs pa gsungs te/ sa bon gyi yi ge ni sngags te/ de'i ngo bo nyid gnas zhes bya'o/ /mgon po ji ltar bskul bar bgyi zhes bya ba la sogs pa dris pa bzhi'i lan bstan par bya ba'i phyir/ bskul ba zhes bya ba la sogs pa gsungs te/ sangs rgyas thams cad kyi sku la sogs pa'i de kho na nyid kyi tshul gyis ji ltar mos pa'i rnam par byin gyis brlab par bya ba'i phyir/ sad par bya ba ni bskul zhes bshad do/ /phyogs bcu na bzhugs pa'i de bzhin gshegs pa rnams sbyan drang bar bya ba'i phyir/ 'od zer spro ba ni stong pa zhes bshad do/ /rdo rje
- 262b
can thams cad de de bzhin gshegs pa thams cad kyi rdo rje thams cad spros pas gang de bzhin gshegs pa rnams spyan drang pas mngon du byed pa de ni spyan 'dren pa zhes bya ste/ de dag gnyis ka la yang bskul ba sngon du 'gro ba yin par lta bar bya'o/ /rdo rje can gyi ngo bo nyid kyi 'od zer gyis rdo rje thams cad yang dag par bsdus nas de'i gnas te/ snying ka'i sa bon gyi bdag nyid can la gong bu'i tshul gyis gzhug pa ni byin gyis brlab pa ste/ bcing pa zhes bya ba yin par bshad do/ /dbang bskur ba ni ji ltar stsal zhes bya ba 'di'i lan bstan par bya ba'i phyir/ sku gsung zhes bya ba la sogs pa gsungs te/ rdul tshon nam yid kyis dkyil 'khor bris la dbang bskur ba sbyin par bya ste/ dbang bskur ba'i cho ga de ni bdag gis ma bshad do/ /de bzhin rig pa'i brtul zhugs gang zhes bya ba 'di'i lan bstan par bya ba'i phyir/ chos kun gnyis su med pa zhes bya ba la sogs pa gsungs te/ dngos po gnyis su med pa zhes bya ba ni shes rab dang thabs kyi bdag nyid du'o/ /rnam bral bar zhes bya ba ni shes rab dang lhan gcig pa dang bral bar bya bar mi bya'o zhes bya ba ste/ 'di ni rig pa'i brtul zhugs zhes bya'o/ /bdud rtsi lnga rnams ji ltar bza' / zhes bya ba 'di'i lan bstan par bya ba'i phyir/ lus kyi chos nyid ces bya ba la sogs pa smos te/ dkyil 'khor gyi 'khor lor gyur pas par snang la yi ge hUM las byung ba'i rdo rje bsams la/ de de bzhin gshegs pa thams cad kyi gzugs su zhu ba'i bdag nyid can du yi ge a las byung ba'i thod par bdud rtsi lnga po oM gyis mtshan par dbab po/ /mtshon cha'i mchog ces bya ba ni ye shes kyi sa bon gyi 'od zer gyis drangs pa'o/ /bza' ba'i sbyor ba zhes bya ba ni bza' ba'i cho gas te/ de skad du 'bar ba'i oM gyis byin gyis brlabs rlung dang me'i zhes bya ba la sogs pa smos pa yin no/ /de bzhin dpa' bo lnga gang lags zhes bya ba 'di'i lan bstan par bya ba'i phyir/ bsgrub bya'i dngos grub ces bya ba la
- 263a
sogs pa gsungs te bshad ma thag pa'i cho gas dpa' bo lnga zhes pa sha lnga'i ngo bor bsgrub par bya ba'i dngos grub kyi cho ga'i don du sbyar bar bya'o/ /dngos grub thun mong ji lta bu zhes bya ba la sogs pa 'di'i lan bstan par bya pa'i phyir/ mi snang la sogs zhes bya ba la sogs pa gsungs so/ /sangs rgyas nyid du sgrub pa ni zhes bya ba ni sangs rgyas nyid du sgrub pa ni dngos grub mchog yin par sangs rgyas kyis gsungs so/ /de la thabs ni rnam pa du zhes bya ba'i 'di lan bstan par bya ba'i phyir/ thabs ni rnam pa bzhi po dag ces bya ba la sogs pa gsungs te/ bsnyen pa la sogs pa'i yan lag bzhi ni thabs rnam pa bzhi'o/ /de la bsnyen pa la sogs pa'i dbye ba bstan par bya ba'i phyir thun mong zhes bya ba la sogs pa gsungs te/ thun mong gi bsnyen pa rnam pa gnyis dang/ mchog gi bsnyen pa rnam pa gnyis te/ bsnyen pa rnam pa bzhi ni bsnyen pa'o/ /de la thun mong gi bsnyen pa gcig ni rdo rje rnam pa bzhi'o/ /mchog gi bsnyen pa gcig kyang ye shes bdud rtsi dang srid pa bar ma pa gcig tu gyur cing mer por gyur pha la sogs pa'i rim gyis bdag po'i lta 'byung bar 'gyur ro zhes bya ba'i don to/ /'di yang lha gtso bo'i yan lag tu gyur pas mchog gi bsnyen pa zhes bshad do/ /mchog gi bsnyen pa gnyis pa 'og nas bshad do/ /da ni thun mong gi bsnyen pa dang 'brel pa rdo rje bzhi bstan par bya ba'i phyir/ dang por zhes bya ba la sogs ba gsungs te/ 'di dag kyang le'u bcu gnyis pa las bshad pas de nyid du shes par bya'o/ /mchog gi ye shes bdud rtsi nyid ces bya ba ni ye shes kyi bdud rtsis mchog gi bsnyen pa 'di byas nas thun mong gi bsnyen pa bya'o zhes bya ba'i don to/ /thun mong gi sgrub pa gnyis pa bstan par bya ba'i phyir sbyor ba drug gi zhes bya ba la sogs pa
- 263b
gsungs te/ sgrub pa zhes bya ba ni dngos grub mchog gi yan lag drug gi sbyor ba byas nas sgrub pa po zhes bya ba'i don to/ /yan lag drug gi sbyor ba de gang yin zhe na/ so sor sdud pa dang zhes bya ba la sogs pa gsungs so/ /de las so sor bsdud? pa bstan par bya ba'i phyir/ dbang po bcu zhes bya ba la sogs pa gsungs te/ mig la sogs pa rnams dang/ gzugs la sogs pa rnams ni rang rang gi bya ba la dbang byed pas 'di dag bcu chang yang dbang po zhes bshad de/ de rnams kyi rang gi ngo po nyid tsam du gnas pa las gang 'dod pa las bsdud pa'i ngo bo nyid de ni so sor sdud pa'o/ /bsam gtan gyi ngo bo nyid bstan par bya ba'i phyir 'dod pa lnga ni zhes bya ba la sogs pa gsungs te/ 'dod pa lnga rnams sangs rgyas lnga'i bdag nyid du brtag pa de ni bsam gtan zhes bya'o zhes bya ba'i don to/ /bsam gtan de yang rtog pa la sogs pa'i tshul gyis rnam pa lngar 'gyur ro/ rtog pa la sogs pa de rnams kyi rang gi ngo bo nyid bstan par bya ba'i phyir/ gsang ba zhes bya ba la sogs pa gsungs te/ sku dang gsung dang thugs kyi tshul gyis byung ba'i gsang ba gang yin pa de ni rtog pa zhes bshad la/ gsang ba de nyid kyi rab tu sbyor ba la kun nas longs spyod pa ni dpyod pa'o/ /de nyid gsal pa'i ngo bo nyid dga' ba'i bdag nyid can yin pas dga' ba'o/ /'dra ba zhes bya ba ni de nyid rab tu ston pa'i ngo bo nyid/ dga' ba de'i 'og tu rjes su gzung bar bya ba'i khyad par ni bde ba'o/ /de nyid rang gi sems te ye shes dang shes bya'i rnam par dbye ba zang ba'i ngo bo nyid ni/ sems rtse gcig pa/ zhes bya ste/ bsam gtan lnga pa'i rab tu dbye ba'o/ /srog dang rtsol ba'i ngo bo nyid bstan par bya ba'i phyir/ sangs rgyas kun dngos zhes bya ba la sogs pa gsungs te/ phra mo'i rnal 'byor la gnas pa na der gal te skyo bar gyur na/ sangs rgyas
- 264a
thams cad la sogs pa'i ngo bo nyid kyi dbugs te/ rang gi mtshan ma'i gzugs kyis shes pa lha'i rang bzhin gyis gong bu'i tshul gyis rang gi rdo rje las byung ste/ lha mo'i sna rtse bsgom par bya'o/ /de las nye bar mtshon ba tsam gyi don du mtshan ma gcig bstan par bya ba'i phyir/ rin chen kha dog sna lnga ba zhes bya ba gsungs te/ de la ni 'dir srog dang rtsol ba zhes bya bar bshad do/ /'dzin pa'i ngo bo bstan par bya ba'i phyir/ rang sngags zhes bya ba la sogs pa gsungs te phra mo'i rnal 'byor la rang gi sa bon ye shes sems dpa' i thugs ka na gnas pa'i mtshan ma'i lte ba bsams la/ sa bon de la thig le yod par srog gi ngo bo nyid la sems bzhag par bya'o/ /rang gi dbang po zhes bya ba ni srog de nyid mchog tu yang dag par gzung bar bya ste/ de la 'di ni gzung ba zhes bya ba yin par bshad do/ /'gog pas sems bstan par gyur na mtshan ma rnam pa lnga ste/ de las 'od zer gong nas gong du 'phags pa'i mtshan nyid can smig rgyu lta bu la sogs pa 'byung bar 'gyur ro/ rjes su dran pa'i ngo bo nyid bstan par bya ba'i phyir/ brtan 'gyur zhes bya ba la sogs pa gsungs te/ phra mo'i sbyor ba la gnas pa'i rnal 'byor pas brtan par gyur pa'i mtshan nyid de'i lam nas nam mkha' i khams rnams su ji skad bshad pa'i chogs spro bar bya'o/ /der spro ba ni rjes su ban pa gang rnams bsgom pa de dang 'dra bar spro bar bya ba de ni rjes su ngan pa zhes bshad de/ so sor snad pa de la skye zhes bya ba ni mtshan ma rnam pa lnga 'byung ba'i 'og tu rgyas par 'phro ba spro ba so sor snang ba de la skye bar 'gyur te/ rjes su dran pa 'di'i ngo bo nyid ni le'u bdun pa las rgyas par shes par bya'o/ /ting nge 'dzin gyi rang gi ngo bo nyid ni bstan par bya ba'i phyir/ thabs dang shes rab ces bya ba la sogs pa gsungs
- 264b
te/ shes rab dang thabs kyi bdag nyid snyoms par 'jug pas dngos po thams cad gong bu'i tshul du bsdud nas/ gzugs gcig la dkyil 'khor pa'i lha rnams kyi 'khor lo'i dbus su rnam par bsgom la/ der lha rnams kyi 'khor lo'i bdag nyid du bsgom par gyur pa nas gang skad cig yud tsam gyis ye shes rdzogs pa de ni ting nge 'dzin ces bshad/ /so sor sdud pa la sogs pa drug po rnams kyi phan yon bstan par bya ba'i phyir/ so sor sdud pa zhes bya ba la sogs pa gsungs te/ de dag gis ni sbyor ba'i yan lag drug gi rang bzhin thun mong gi bsnyen pa'i yan lag gnyis pa bstan pa yin no/ /da ni nye bar sgrub pa'i gnas skabs su/ /sgrub pa'i don bstan par bya ba'i phyir/ snying ngo de ni zhes bya ba la sogs pa gsungs te/ thugs rdo rje la sogs pa'i thugs ka'i phyag mtshan gyis lte bar snying po de zhes pa sngags kyi rang bzhin du gnas pa'o/ /zla ba rdo rje'i sbyor ba blta zhes bya ba ni mi phyed pa'i zla ba'i dkyil 'khor la gnas par blta ba'o/ /mtshon cha mchog gi zhes bya ba ni de'i 'od zer rnams kyis so/ /sngags kyi gzugs kyi tshul gyis ni zhes bya ba ni shes rab dang ldan pa rnams kyis rang gi dkyil 'khor la zhugs pa'i de bzhin gshegs pa rnams kyi tshogs cho ga bzhin du shes rab dang sbyor ba dang 'dra bar rang gi thugs sngags kyi rang bzhin du byas na/ de bzhin gshegs pa de rnams kyis byin gyis brlab po zhes bya ba'i don to/ /ji skad du snying po de'i 'od zer gyi tshogs kyis ni zhes bya ba la sogs pa smos pa yin no/ /de nas byang chub pa'i tshigs su bcad pa/ dpal ldan rdo rje thugs 'chang ba zhes bya ba la sogs pa brjod de/ de nas thugs de ste thugs rdo rje la sogs pa des drangs pas rgyal ba thams cad kyi bdag nyid can ye shes kyi gzugs kyis gcig tu gyur par bsgom pa ni nye bar
- 265a
sgrub pa zhes bya ste/ 'dis bsgrub par bya ba yin pas na sgrub pa ste sangs rgyas kyis chogs so/ /de'i rgyur gyur par nye bar gnas pas na nye bar bsgrub pa'o/ /'dir thugs la sogs pa byin gyis brlab pa ni nye bar sgru bar yin par bshad nub/? de bzhin gshegs pa rnams kyi sgrub pa'i rnam par dbye ba nyid bstan par bya ba'i phyir ji srid ces bya ba la sogs pa gsungs te/ mthong ba zhes bya ba ni byin gyis brlabs pa'i mtshan nyid do/ /sgrub pa rnam pa gnyis ni zhi ba'i sbyor ba dang drag po'i sbyor ba'o/ /de la dang por ni zhi ba'i sbyor ba nyid kyis 'dod pa thams cad la nye bar longs spyod pas zla ba drug gi bar du de bzhin gshegs pa rnams kyi sgrub pa la 'bad par bya'o/ /de ltar na yang 'grub par ma'i gyur na/ de'i tshe ji skad du bshad pa'i cho gas len gsum gyi bar du brtsams? par bya'o/ /gal te 'di tsam gyis kyang sgrub pa po la zhal ston par mi mdzad cing/ byang chub kyang mi 'grub na de 'i tshe le'u bcu pa la sogs pa las gsungs pa'i drag po'i sbyor ba'i cho gas bsgrub par bya'o/ /drag po'i cho ga gnyis ni le'u bcu bzhi pa las gsungs te/ der thugs rdo rje la sogs pa ni rigs de dang 'brel ba shes rab mthar byed la sogs pa ngar phur bus gdab par bya'o zhes bstan par bya ba'i phyir/ rigs kyi dbye ba zhes bya ba la sogs pa gsungs te/ rdo rje phur bus zhes bya ba ni 'og tu mdung rtse gcig pa la steng thabs dang shes rab kyi bdag nyid can gyi gzugs kyis so/ /de nas zhes bya ba ni drag po'i sbyor ba'i 'og tu dbang du bya ba la sogs pa'i sbyor ba dag kyang bya'o zhes ba'o/ /le'u dang bo las 'dod chags chen po'i tshul zhes bya ba'i ting nge 'dzin zhes bya ba la sogs par de bzhin gshegs pa thams cad bud med kyi gzugs su bcom ldan 'das kyi sku las mngon par byung bar gyur to zhes gsungs pa de'i 'og tu de rnams kyi bud med kyi gzugs nyid kyis
- 265b
le'u dang por rig pa la rab tu nugs par yang shes par bya'o zhes bstan par bya ba'i phyir 'dod chags chen po'i tshul zhes bya ba la sogs pa gsungs te/ 'dod chags chen po'i tshul zhis bya ba'i ting nge 'dzin gyis ye shes kyi 'khor lo can te/ sangs rgyas rnams yang dag par bsdus nas de yongs su bsdus pa'i ngo bo nyid spyan la sogs pa lha mo dgu'i gzugs su spros nas/ bsgrub par bya ba zhes bya ba rang rig pa'i nang du chung par bsgom zhes bya ba ste/ ji skad du dum chog tu rjes chags phun tshogs dpag med kyis zhes bya ba la sogs pa smos pa yin no/ /da ni ye shes kyis bdud rtsir gyur pa las spyan la sogs pa rnams kyis bskul ba'i glu dang/ bcom ldan 'das yang dag par blang ba'i mchog gis bsnyen pa bstan par bya ba'i phyir yongs su gyur pa zhes bya ba la sogs pa gsungs te/ yongs su gyur pa zhes bya ba ni zur bzhir 'khor ba'i tshul du gnas pa'o/ /phyag rgya bzhi'i dkyil 'khor zhes bya ba ni spyan la sogs pa lha mo bzhi ste/ gnas der bstan par bya'o/ /bdag nyid dbus su gnas byas la zhes bya ba ni bdag nyid zla bzhu ba'i gzugs su lha mo rnams kyi dbus na 'dug par byas pa'o/ /'khor lo can kun zhes bya ba ni sangs rgyas rnams so/ /bsdu bar bya zhes bya ba ni bdag nyid kyi nang du bsgom par bya'o/ /de nas thams cad rdo rje'i dngos por bdag nyid byas la/ byang chub pa'i bdag nyid can du bsgoms nas lha mo de rnams kyis 'di ltar bskul ba'i glu dbyangs kyis bskul bar gyur par bsam mo/ /dus gsum rdo rje'i rang bzhin sems zhes bya ba la 'das pa la sogs pa'i rdo rje'i ngo bo nyid kyi sems ye shes la bu ste/ ye shes dang 'dra ba lus kyis bdag nyid can te/ thabs dang shes rab kyis ngo bo nyid kyi lus su bgom? par bya'o zhes bya ba'i don to/ /las dang rjes su mthun par kha dog la sogs pa'i rnam par dbye bar 'gyur ro zhes bstan gpar bya ba'i phyir ro/ /dregs par zhes bya ba la sogs pa smos te/ skuh
- 266a
mdog de nyid cung zad tsam gyi khyad par yod par bya'o zhes bya ba'i don to/ /nyams kyis zhes bya ba ni khro bo la sogs pa'i nyams kyis thugs phye ba ste/ nang dang phyi rol du khro bo la sogs par gsal bar mngon par snang bar 'gyur zhes bya ba'i don te/ de lta mod kyi nang du bsal la phyi rol 'bar ba'i bdag nyid yin par blta bar bya'o/ /dbang bskur bas ni rang gi rgyu zhes bya ba ni dbang bskur bas rang gi rgyu ste/ rigs kyi bdag po 'byed par 'gyur zhes pa ste/ mgo bo na gnas pas rgyu phye bar 'gyur ro zhes bya ba'i don to/ /'bras bu che ba yin zhes bya ba ni 'bras bu yang bzhi'i tshul gyis 'bras bu phye bar gyur pa yin te/ de dag gi rgyu dang 'bras bu dag gi cha rnam par bzhag go zhes bya ba'i bar du'o/ /sngags kyis chos ni 'byed 'gyur la zhes bya ba ni rang gi sngags kyis chos zhes bya ba rang gi shes rab bskyed pa ste/ de bzhin rang gi lta 'dra rang snying pos zhes bya ba la sogs pa smos pa yin no/ /rig pa yang chos kyi phyag rgyas so zhes bya ba ni/ chos kyi phyag rgya ni ye shes kyi lha mo ste/ des rig pa 'byed de/ shes rab kyi snying khar ye shes sems dpa' bud med kyi gzugs su 'dzin pa ste/ de lta mod kyi skyes pa'i gzugs kyis gnas pa gsal ba ste/ des na 'di ltar thabs kyi cha las shes rab bye brag tu 'gyur ro zhes bya ba'i don to/ /gtsug tor mnyes par bya bar grags zhes bya ba la/ gtsug tor la sogs pa'i sgra'i don bstan par bya ba'i phyir/ 'khor lo sgyur ba zhes bya ba la sogs pa gsungs te/ 'khor lo sgyur ba'i de bzhin gshegs pa drug po de nyid ni gtsug tor zhes bya ba'i sgras bshad do/ /rgyal po zhes bya ba ni shin tu rnam par mdzes pas na de nyid la rgyal po zhes bya ba'i don to/ /longs spyod bzhi zhes bya ba ni spyan la sogs pa bzhi ste/ de ni rig pa'i rgyal mo zhes bya bar
- 266b
bshad do/ /rdo rje'i bdag bo rnams ni gzugs rdo rje la sogs pa ste/ de ni 'dod pa thams cad ces bya ba'i sgras brjod pa yin par shes par bya'o/ /da ni sku la sogs pa'i dbang bskur ba thams cad ni bsam gtan nyid kyis bya ba mchog yin gyi/ phyi'i tshul gyis ni ma yin no zhes bstan par bya ba'i phyir/ thams cad bsam gtan 'khor lo yis zhes bya ba la sogs pa gsungs te/ dbang bskur ba'i mthar thugs pa'i mchog gi sbyor ba 'dis ji ltar mngon par 'dod pa'i sku la sogs pa'i lta'i gzugs rnam par bsgoms la/ shes rab dang lhan cig gnyis su med par bya'o zhes ston te/ cho ga'i sbyor ba 'di yis bya ba la sogs pa la/ ye shes kyis zhes bya ba ni rig pa dang do/ /de ltar sngar bshad pa'i tshul gyis rig pa dang bdag du ldan par bskyed la/ dkyil 'khor dbyud bar bya'o zhes bstan par bya ba'i phyir/ sngar bshad pa'i zhes bya ba la sogs pa gsungs te/ rig pa dang ldan pa'i skyes bus rdo rje gsum byin gyis brlab pa nas rjes su chags pa'i mthar thug pas bdag nyid rab tu bsgrubs la/ bdag dang 'dra bar dkyil 'khor gyi lha rnams dbyung bar bya ste/ sgrub pa chen po'i mthar thug pa'i bar du'o/ /bdag nyid bstan par bya ba'i phyir bsnyen pa'i dus su zhes bya ba la sogs pa gsungs te/ mchog gi bsnyen pa'i dus su gtsug tor chen po zhes bya bar sangs rgyas gang yang rung ba'i gzugs su dmigs so/ /sbyor bzhes bya ba ni chung du dang 'bring dang ting nge 'dzin rgyu thun pa la sogs pa'i rim gyis rjes su chags pa'i mthar thug pa'i dbang po'i sbyor ba byas pa dang/ thun mong gi bsnyen pa'i rgyu mchog gis byed pas rgyu thun gyis 'bras bu byas pa'o/ /nye bar sgrub pa ni bdud rtsi 'khyil ba'i bar gyi lha thams cad kyi mig la sogs pa byin gyis brlab
- 267a
ba'i mtshan nyid can rnam par smin pa'i 'bras bu bya'o/ /de ltar sgrub pa yang skyes bu byed pa'i 'bras bu la/ dkyil 'khor ba'i lha rnams kyi bdud rtsi 'khyil ba'i bar thams cad la cho ga shes pa'i sngags pas rang gi lha'i sbyor ba ste/ thugs byin gyis brlab pa la sogs pa bya'o/ /de nas dbang gi 'bras bu ni sgrub pa chen po'i dus su bdud rtsi 'khyil ba nyid kyi bar gyi lha thams cad kyi dbu rgyan la rang rang gi bdag po'i sangs rgyas kyi sku cho ga bzhin du sngags pas bzhag par bya'o/ /de ltar nye bar sgrub pa la sogs pa'i bdag nyid can gyi rab tu dbye ba gsungs nas/ phan yon bstan par bya ba'i phyir/ 'di ni rdo rje can kun dang zhes bya ba la sogs pa gsungs so/ /de lta bu'i thabs kyi rnam par dbye ba rnal 'byor bas shes par byas la/ dngos grub mchog bsgrub par bya'o zhes pa'o/ /sangs rgyas skyob pa rnams kyi yang zhes bya bar shes par bya'o/ /da ni mchog gi bsnyen pa gnyis bstan par bya ba'i phyir/ bsgrub bya sgrub par zhes bya ba la sogs pa gsungs te/ bsgrub par bya ba dang/ sgrub pa dag ni pad+ma dang/ /rdo rje dag yang dag par 'dus pa gang yin pa de ni bsnyen pa zhes bya bar bshad de/ /dngos grub mchog gi rgyur gyur ba'i phyir ro/ /de bzhin du nye bar sgrub pa la sogs pa'i yang dbye ba gzhan dag bstan par bya ba'i phyir/ rdo rje pad+ma zhes bya ba la sogs pa gsungs te/ /rdo rje pad+ma dang lhan cig yang dag par zhugs pa'i 'og tu yang dag par reg pa gang yin pa de ni nye bar sgrub pa zhes bya ba ste/ 'og nas bshad pa'i sgrub pa dang nye ba'i phyir ro/ /yang de dag nyid gang yin pa yi ge hUM las bskyed ba dag rnam par 'byin pa'i yi ge phaT kha dog ser pos bkag la/
- 267b
las kyi khyad par gyi ngo bo bskyed pa de ni sgrub pa zhes bya bar bshad de/ 'dis bde ba chen po bsgrub pa yin pa'i phyir ro/ /de'i 'og tu ngo bo nyid kyis gnyis su med pa'i bdag nyid can du gyur pa spros ba rnams dang bral bas zhe ba'i bde ba chen po gang skye bar 'gyur ba de ni bsgrub pa chen po zhes bshad de/ /dngos grub chen po'i ngo bo nyid yin pa'i phyir ro/ /de lta bu'i thabs kyi bsnyen pa la sogs pa bzhi bshad nas/ da ni thabs las byung ba ji lta bu zhes bya ba 'di'i lan bstan par bya ba'i phyir/ dpal ldan sangs rgyas kun gyi bdag ces bya ba la sogs pa gsungs te/ phun sum tshogs pa thams cad dang ldan pa'i rdo rje 'dzin pa chen po de nyid ni sangs rgyas kyi thabs las byung ba yin te/ de ci'i phyir zhe na/ de nyid ni chos rnams kyis chos nyid gnyis su med ba thugs su chud pa'i ngo bo nyid gang yin pa de nyid la rdo rje 'dzin pa zhes bshad do/ /de bas na de nyid ni bsgrub par bya ba yin no zhes bya ba'i don to/ /bka' ni ji ltar bsgo par bgyi zhes bya ba'i lan bstan par bya ba'i phyir/ las dang rjes su mthun gang gis zhes bya ba la sogs pa gsungs so/ /las kyi mchog gis tshogs rnams ni/ sna tshogs ji ltar byed par 'gyur zhes bya ba 'di'i lan bstan par bya ba'i phyir bsgrub bya'i las gang yin pa la zhes bya ba la sogs pa gsungs te/ 'di dag gnyi ga yang bdag gis ma bshad do/ de ltar zhus pa thams cad kyi lan 'di rnams kyis byang chub sems dpa' rnams kyi the tshom rnams bcad nas/ de bzhin gshegs pa thams cad rang gi sku la sogs pa dang/ ngo bo nyid gcig pas bzhugs pa'i rdo rje 'dzin pa la/ rang gi sku la sogs pa la dmigs nas cang mi gsung bar gyur to zhes bstan par bya ba'i phyir/ de nas bcom ldan 'das zhes bya ba la sogs pa gsungs te/ rdo rje 'dzin pa'i mthus de rnams kyi ye shes phul du byung ba yin la/ de bas na 'di ltar de nyid la dmigs nas bzhugs
- 268a
so zhes bya bar dgongs so/ /de nas byang chub sems dpa' sems dpa' chen po rnams kyang dga' bar gyur nas/ de bzhin gshegs pa de dag thams cad ji lta ba bzhin du bzhugs pa la zhugs pa'i sku la sogs pa'i de zo'i? stan pa'i mdzad pa la/ bstod par byed par bstan par bya ba'i phyir/ de nas zhes bya ba la sogs pa gsungs te/ thams cad mdzad ces bya ba ni sngar bshad pa'i srog gcod pa la sogs pa'i las byed pa'i rnal 'byor ba rnams kyis sku la sogs ba'i mi byed pa'i ngo bo nyid kyis las sna tshogs pa byed de/ sku la sogs pa'i ngo bo nyid de bzhin gshegs pa rnams yin te/ de bas na 'di ltar las thams cad byed par gyur pa yin no/ /de'i phyir sku gsung thugs ni zhes bya ba la sogs pa gsungs te/ sems can thams cad kyi lus la sogs pa rnam par dag pa yin pas rnam par snang mdzad la sogs pa'i ngo bo nyid kyi sku dang gsung dang thugs nyid thob pas sems can thams cad nyid mi mnyam ba ste/ thun mong ma yin pa'i sangs rgyas nyid dang mnyam pa yin te/ ji skad du so so'i skye bo rnam par dag pa dang/ de bzhin gshegs pa'i rnam par dag pa 'di ni gnyis su med do zhes gsungs so/ /gnyis su med pa'i dgongs pa nyid bstan par bya ba'i phyir/ bsgrub bya gang yin zhes bya ba la sogs pa gsungs te/ de'i don ni 'di yin te/ bsgrub par bya ba dang sgrub pa po nyid ni 'ga' yang med mod kyi/ 'on kyang gnas skabs tsam las de 'khrul pa tsam du bzhag pa yin gyis/ dngos su sems can thams cad ni rnam par snang mdzad la sogs pa de bzhin gshegs pa'i ngo bo nyid yin te de lta bu'i tshul gyis gnas na/ sgrub pa po gang srog gcod pa la sogs pa'i las rnams byed pa de ni sangs rgyas thams cad nyid kyang bcom par byas pa yin no/ /sangs rgyas thams cad rnam par bcom pa des gti mug can 'di sdig pas
- 268b
gos bar ji ltar mi 'gyur/ gal te sdig pas gos par gyur na/ de'i tshe 'bras bu mdon par byang chub pa'i mtshan nyid du gyur par yang gang zhig yin zhes dris pa dang/ da ni de bzhin gshegs pa de rnams gyis legs so zhes bya ba sngon du 'gro ba'i rjes su dgyes par gyur nas/ de nas zhes bya ba la sogs pas 'di'i lan gsungs te/ bsgrub pa po de nyid ni slob dpon te/ sangs rgyas kun ni dkyil 'khor du gtogs pa ste/ de'i bdag po'o/ /de bas na dpal ldan no/ /de lta bu'i byang chub kyis rdo rje can gyi dngos bo thams cad sgyu ma lta bu'i tshul gyis 'byin pa dang/ sdud pas na tha dad pa'i blos ni ma yin pa'i phyir ro/ /bskyed dang bsdud par mdzad pa po'i/ /de bas na rmi lam dang 'dra ba'i tshul gyis las thams cad byed do/ /rgyu des na slob dpon de'i sdig par mi 'gyur te/ de dang 'dra bar bsod nams su ? mi 'gyur ro/ /de bas na 'di ltar bsod nams dang sdig pas mi gos te/ de'i phyir 'bras bu yang byang chub pa'i mtshan nyid can du 'gyur ro zhes bstan par bya ba'i phyir/ gang la sdigs dang bsod nams med ces bya ba la sogs pa gsungs te/ phyi rol gyi lta? ba dang bral bas sdig pa dang/ bsod nams su mngon par rlom pa med pas de'i byang chub rdzogs par 'gyur ba nyid yin no zhes bya bar dkod so/ /de bas na 'di ltar mgon po de'i zhes bya ba la sogs pa gsungs te/ mgon po de'i zhes bya ba ni slob dpon des lus can thams cad tha mi dang pa'i blos bslu ba ni 'dul bar mdzad pa ste/ gzhan yang las gang yang rung ba zhig byed par 'gyur la/ des bslu ba la sogs pas mgon po rnal 'byor ba de ngan 'gror skye bar mi 'gyur zhing sdig par mi 'gyur gyi/ blar zhid de bzhin nyid kyi sbyor ba la bslabs pas byang chub nyid rnyed sla bar 'gyur ro/ /lus can ma rig pas ldongs pa de rnams kyang rnal 'byor pa des ji skad du bshad pa'i 'bras bu chen po'i mchog 'thob par 'gyur ro zhes bstan par bya ba'i phyir/
- 269a
sngon ni zhes bya ba la sogs pa gsungs te/ sngon shin tu mi bzad pa'i sdig can gyi las byas pas skye bo rnams dmyal ba'i sdug bsngal du skyes pa de'i tshol/ dmyal ba de rnams kyi dmyal ba dang/ mtshams med pa rnams kyi yang 'bras bu chen por 'gyur ro zhe na de ni ma yin te/ de bzhin du gyur pas sgrub pa po'i snying rje chen po dang ldan pa ji lta ji ltar gsungs pa'i cho gas rnam par 'jig par byed pa'i 'bras bu chen po'i sdig pa dang bral ba la sogs pa'i mtshan nyid can 'byung bar 'gyur te/ ji skad du le'u dgu pa las kyang mi bskyod sangs rgyas zhing dag tu/ /rgyal ba'i sras de skye bar 'gyur zhes bya ba la sogs pa gsungs so/ /cho ga gang gis yus can rnams bsgrub par bya ba de nyid bstan par bya ba'i phyir/ byang chub rdo rje zhes bya ba la sogs pa gsungs te/ byang chub rdo rje zhes bya ba slob dpon gyis sngags la sogs pa dang ldan pa'i gnyis su med pa'i bdag nyid can gyi ye shes kyis phyag rgyas btab cing/ yang dag par sbyar nas sgrub tu rung bar 'gyur ro/ /de ltar bsgrub par bya ba'i yan lag gi ngo bo nyid bstan nas/ sgrub pa po'i yan lag kyang bstan par bya ba'i phyir/ tshar gcod pa dang zhes bya ba la sogs pa gsungs te/ sbyor ba nges sems can de rnams la mchog tu phan btags pa shes par bya ste/ sbyor ba 'di lta bus lus can 'di rnams kyi dgos ba'i mchog tu 'gyur ro/ zhes shes par byas la ci rigs par las rnams byed pa'i rnal 'byor ba rnams ni snying rje chen po dang ldan pa yin no zhes bya bar dgongs te/ ji skad du gang gis snying rje mnyams pa/ de yis las 'di bya bar 'os zhes gsungs bas so/ /de bas na de ltar shes par byas nas bdag nyid chen po des gcod pa dang rjes su gzung ba'i las rnams bya'o/ /rnal 'byor
- 269b
pa de thams cad rtsom pa ni ci zhig bya zhe na/ sgrub pa chen po zhes bya ba la sogs pa gsungs te/ snying rje'i sems bskyed pa nas brtsams te/ mchog gi sgrub pa chen po'i mthar thug pa'i bar gyi las rnams byas la/ sgrub pa chen po dkyil 'khor rdzoD bar gyur nas/ de'i 'og tu las kyi mchog gi ting nge 'dzin gyis ji ltar mngon par 'dod pa'i las rnams bya'o zhes bya bar dgongs so/ /da ni de de bzhin gshegs pa rnams kyi thugs rje chen po'i tshul dang ldan pa'i chos thos pas/ byang chub sems dpa' rnams legs so/ zhes bya ba la sogs pa sngon du 'gro bas ji ltar gsungs pa'i don gyi rjes su smra bar byed pas bstan pa'i phyir/ de nas zhes bya ba la sogs pa gsungs te/ sangs rgyas nyid kyi 'bras bu stsol zhes bya ba ni ji skad du bshad ba'i cho ga phun sum tshogs pa'i nus? pa'o/ /da ni byang chub sems dpa' rnams ji skad du bshad pa'i dngos po la zhugs pa de nyid du mkhyen nas/ de bzhin gshegs pa rnams de nyid bstan par bya ba'i phyir/ de nas zhes bya ba la sogs pa gsungs te/ byang chub rdo rje las byung ba zhes bya ba ni/ rang rig pa tsam gyi ngo bo nyid rdo rje 'dzin pa sngar gyur pa ni zhes sdang rdo rje la sogs pa bdag nyid chen po rnams te/ de nas sngags kyi rgyun sdud pa spang zhing dor bar mi bya ste/ zhe sdang gi las la sogs pa 'di dag thams cad kyang so so rang rig pa nyid kyis rnam par dag pa yin no zhes bya bar dgongs so/ /da ni rgyud kyi don thams cad bstan pa'i sgo nas/ de bzhin gshegs pa rnams la byang chub sems dpa' rnams kyis bstod par bstan pa'i phyir/ de nas zhes bya ba la sogs pa gsungs te/ dus gsum rdo rje thugs yin zhes bya ba ni 'das pa la sogs pa'i sangs rgyas rnams kyi thugs yin pa'o/ /srid dang thar gyur zhes bya ba ni mi gnas pa'i mya ngan las
- 270a
'das pa'i bdag nyid can no/ /nam mkha' dag pa'i ngo bo nyid ces bya ba ni dmigs su med pa'i nam mkha' bzhin no/ /ci'i phyir zhe na/ sangs rgyas la sogs pa zhes bya ba la sogs pa gsungs te/ 'dis ni bcom ldan 'das rdo rje 'dzin pa spros pa med pa'i tshul gyis nyid kyi don phun sum tshogs pa la phyag byas pa'o/ /spros pa'i bdag nyid las gzhan gyi don gyi sgo nas kyang phyag bya ba bstan pa'i phyir/ gang zhig gzugs dang zhes bya ba la sogs pa gsungs te/ 'dir rnam par shes pa'i bar gyis ni phung po lnga bstan la/ skye mched drug ni chos kyi skye mched kyi bar du'o/ /dbang po drug ni yid kyi dbang po'i mthar thug pa ste/ de dag gis ni skye mched bcu gnyis gsungs pa yin no/ /sa chu la zhes bya ba la sogs pas ni 'byung ba lnga ston to/ /de'i don ni 'di yin te/ gzugs kyi phung po la sogs pa lnga ni rnam par snang mdzad la sogs pa'i ngo bo nyid do/ /gzugs kyi skye mched la sogs pa bcu gnyis gzugs rdo rje la sogs pa'i ngo bo nyid do/ /sa la sogs pa rnams ni spyan la sogs pa nyid rnam par dag pa ste/ de dag thams cad ni byang chub kyi sems rdo rje dang 'dra ba nyid du rgya che zhing yangs pa ste/ sbros ba'o zhes bya ba'i bar du'o/ /de pas na de dag thams cad la lus dang dag yid kyi bdag nyid can gyi bya ba rnam pa gsum gyis rtag tu phyag 'tshal lo zhes bya'o/ /gti mug la sogs pa rnam par dag pa'i tshul gyis kyang phyag bya bar bstan pa'i phyir/ gti mug ces bya ba la sogs pa gsungs te/ nyes pa zhes bya ba'i sgras ni zhes sngar gsungs so/ /rdo rje chos can zhes bya ba ni 'dod chags rnam par dag pa'i ngo bo rdo rje chos la bya bar mngon par 'dod do zhes zar ro/ /'dir khro bo'i sgo nas
- 270b
kyang phyag byas pa yin par blta bar bya'o/ sbro ba la sogs pa'i sgo nas kyang bstan pa'i phyir/ spros dang zhes bya ba la sogs pa gsungs te/ sbros dang zhes bya ba ni spros pa'o/ /dga' ba ni sngad pa'o/ /rnam pa ni rang gi lha'i rnam pa'o/ mi 'gyur ba ni bstan par bya'o/ /rgyu ni rnam pa bye brag la slob pa'o/ /'bras bu ste de nyid bsal bar gyur pa dang/ rang bzhin du gtogs pa'i chos gang yin pa ci yang rung ba dang/ sems su gtogs pa'i chos gang yang rung ba dang/ de bzhin du gti mug dang/ zhes sdang dang/ 'dod chags dang/ sgrib pa ste/ nyon mongs pa ma lus pa'i ngo bo nyid yin la/ de dag thams cad rnam par dag pas ni rdo rje ste/ de bas na rdo rje 'dzin ba dang 'dra ba de la phyag 'tshal lo zhes bya ba'i ngon to/ /'di la sngar shes rab dang thabs las byung ba'i ngo bo nyid du gsungs pa gsang ba'i dbang bskur ba dang ldan par bsgom pa de yang rdo rje 'dzin pa dang 'dra bar bya'o zhes bstan par bya ba'i phyir/ gang zhig thog ma med dngos zhes bya ba la sogs pa gsungs so/ / yan lag bzhi'i sbyor ba nyid kyis bsgom par bya'o zhes bstan par bya ba'i phyir/ gang zhig dngos grub mchog gi ces bya ba la sogs pa gsungs so/ /thun bzhir bsgrub par bya'o zhes bstan par bya ba'i phyir/ gang zhig thun bzhe zhes bya ba la sogs pa gsungs te/ mi snang ba la sogs pa ni lha la sogs pa'o/ /mchog dang dman bsgrub ces bya ba ni dngos grub mchog dang tha ma grub ste/ 'dis ni rig pa 'dzin pa la sogs pa grub pa'i sgrub pa pos kyang rim gyis sangs rgyas nyid la sogs ba'i dngos grub kyi rgyur 'gyur ro/ zhes ston pa yin no/ /gsang ba 'dus pa'i rgyud nyan pa la sogs pa dang ldan pa rnams kyang sangs rgyas kyi sa bon legs par thob pa yin pas phyag bya bar 'os par bstan
- 271a
pa'i phyir/ gang zhig zhes bya ba la sogs pa gsungs so/ /gang yang 'khrul 'khor dang sngags la sogs pa dang ldan pas zhi ba la sogs pa'i las rnams grub par byed pa'i skye bo rnal 'byor gyi dbang phyug de yang dge ba'i bshes gnyen gyi mthus sdig pa'i las rnams dang bral bar gyur pas phyag bya bar 'os pa yin no zhes bstan par bya ba'i phyir/ gang zhig bsgrub bya zhes bya ba la sogs pa gsungs te/ 'khrul 'khor ni le'u bcu bzhi pa las gsungs pas so/ /sngags bshad pas zhes bya ba ni ji ltar rang gi sngags la sogs pas byin gyis brlabs te/ khyad par de rnams kyis zhi ba la sogs pa'i las kyi tshogs kyi phyogs ston pa yin no/ /gang yang de lta bur gyur pa'i slob dpon mthong ba dang/ ming thos pa la sogs par yang mngon par dga' ba de rnams kyang dad pa'i khyad par gyis/ mi dge ba'i las rnam par 'jig pas/ phyag bya bar 'os ba yin no zhes bstan par bya ba'i phyir/ gang gis gtso bo sgrub pa mthong zhes bya ba la sogs pa gsungs te/ sgrub pa po gtso bo zhes bya ba ni gnyis su med pa'i sbyor ba dang ldan pa'i slob dpon gyis te/ ji skad du gang zhig mthong dad ldan pa dang/ /thams cad du ni mchod gyur na/ /sangs rgyas thams cad mthong ba dang/ /mchod pa nyid du gyur pa yin/ zhes gsungs pas so/ /de ltar tshigs su bcad pa bcu po de dag gis ni bstod pa'i sgo nas/ rgyud kyi don rjes su bshad pa bstan nas/ da ni tshigs su bcad pa 'di dag nyid kyi don chen po ston pa'i phan yon bstan par bya ba'i phyir/ bstod pa'i tshig ni zhes bya ba la sogs pa gsungs so/ /gsang ba 'dus pa'i rgyud 'di thams cad ni rgyud gzhan rnams las mchog tu gyur pa yin no zhes bstan
- 271b
par bya ba'i phyir/ 'dus pa gsang ba las byung ba zhes bya ba la sogs pa gsungs so/ /de bzhin gshegs pa de rnams la sogs pa ji ltar gsungs pa'i de nyid kyi don mngon du bya ba'i phyir cang mi gsung bar gyur te/ zhes bstan par bya ba'i phyir/ de skad ces bka' stsal ba dang zhes bya ba la sogs pa gsungs so/ /de'i don 'di yin te/ sku dang gsung dang thugs rdo rje zhes bya ba ni rdo rje 'dzin pa'i sku9 rdo rje la sogs pa ste/ de bzhin gshegs pa rnams kyi nyid kyi sku dang/ gsung dang/ thugs la rang rig pa tsam nyid kyi de dang/ tha mi dad par bzhugs te/ de bzhin gshegs pa la sogs pa de rnams nyid la dmigs so/ zhes bya ba ste/ de bzhin nyid du de dang gcig pa'i ngo bo nyid du bskyed nas cang mi gsung bar gyur ba'o/ /'dir yang sku la sogs pa mang po nyid kyang/ tshig gcig par byas pa ni 'di rnams kyang phan tshun dbyer med par bya ba'i phyir yin te/ /lus la sogs pa 'di dag rang rig pa tsam du gnyis su med pa'i ngo bo de bzhin nyid gang yin pa de spros nas gsungs pa ni de nyid nges par byas pa yin no/ /de bzhin gshegs pa thams cad kyi ngo bo nyid kyi sku dang/ gsung dang thugs de'i bdag nyid can gang yin pa de nyid ni gsang ba'i/ /de bas na gsang ba 'dus pa'i rgyud du gsang ba thams ca ston pa'i rdo rje'i ye shes kyis byin gyis brlabs shing so sor shes pa gang nge yin pa 'di ni le'u bco brgyad pa ste de rdzogs so// //dad ldan rnams kyis dran pa'i rgyud ni 'dus pa 'di'i/ /nyung zad
- 272a
tsam gyis tshig gang yin pa bshad byas pas/ /bdag gi dge ba zla ba ltar snang gang thob pa/ /des ni 'gro ba rgyal ba'i lam mchog la gnas shog /dpal gsang ba 'dus pa'i 'grel ba slob dpon tha ga na'i zhal snga nas mdzad pa'o// // rgya gar gyi mkhan po a tsArya sh+rad+d+ha ka ra wa rmma dang/ d+hArma sh+rI b+ha dra dang/ zhus chen gyi lo tsA ba bande rin chen bzang pos bcas shing bsgyur te gtan la phab pa'o/ /mang+ga laM/ //