Text
ff. 1a–416b · 832 folio sides
- 1a
@// bde bar gshegs pa thams cad 'dus pa'i rgyud rab tu byed pa lde mig gi rgyud ces bya ba bzhugs so//
- 1b
rgya gar skad du/ b+ha ga ban sarba su ga ta sa mu da ye tan+ta pra b+he da kur+t+ti ka tan+t+ra na ma/ bod skad du// bde bar gshegs pa thams cad 'dus pa'i rgyud rab tu 'byed pa lde mig gi rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po dang yum kun tu bzang mo bde bar gshegs pa'i 'khor dpag tu med pa dang bcas pa/ rang bzhin lhun gyis grub pa 'og min gyi gnas na mtha' dang dbus med cing gzhi tshad las 'das pa/ rgya dang phyogs yongs su ma chad pa ye shes kyi rin po che 'bar ba'i gzhal yas khang yon tan dpag tu med pas brgyas par gyur pa'i pho brang chen po rnam par dag pa na/ bde
- 2a
bar gshegs pa til gyi gang bu bzhin du bzhugs pa rab tu gsal ba'i tshogs chen po 'dus pa la/ bcom ldan 'das dpal kun tu bzang pos chos thams cad kyi rang bzhin mnyam pa nyid spros pa dang bral ba lhun gyis grub pa'i ting nge 'dzin la snyoms par zhugs nas/ 'di skad ces bka' stsal to// chos kun skye ba med pa la// mnyam pa nyid kyi ngang gnas kyang // kun rdzob sgyu ma'i tshul gyis ni// ma skyes pa las ma 'gag mthong // rdo rje lta bu'i ting 'dzin gyis// thams cad byang chub sems su gcig/ snang ba tha dad sna tshogs te// gcig dang du ma brjod las 'das// kye kye/ byang chub sems kyi rang bzhin ni// ngo po gcig las tha dad snang // dpe don mnyam nyid lhan gyis grub// nam mkha'
- 2b
bzhin du brtag dka' zhing // ci yang med las cir yang snang / 'khor ba nyid kyang mya ngan 'das// ma rig pa yang yang dag lam// rnam par rtog pa'ang chos kyi sku// skye ba med pa gzhi yin te// ma 'gags snang ba lam yin no// lhun gyis grub pa 'bras bu ste// skye zhing 'pho ba'i gnas med do// rdo rje lta bu'i dgongs pa la// byin rlabs thugs rje chen po yis// stong gsum rgyal ba'i skus khyab kyang // byang chub sems la g.yo ba med// mkha' dang 'ja' tshon ji bzhin no// 'khor ba'i bde sdug rgyu 'bras dang // bde gshegs sku dang ye shes tshogs// byang chub sems kyi ngo bor gcig/ byang chub sems la skye shi med// chos kyi sku la 'du 'bral med// 'khor 'das chos la bzang ngan med// mnyam pa nyid la rgyu 'bras med// sems nyid rtsal la 'gag pa med// gzung 'dzin 'khrul pa'i snang ba las// bltar med bsgom zhing dpyad pa med// bsrung med thob med lhun gyis grub// ma nor ma bcos chos nyid la// rang bzhin skye med chos kyi dbyings// mi 'gyur lhun grub byang chub sems// rgyu dang 'bras bu ma 'gags chos// rgya mtshor chu bran 'du ba ltar// 'khor 'das 'ub chub kun tu 'dus// bcud mchog snying po rdo rje'i don// bsam med brjod med bstan du med// nges pa 'di nyid ma rtogs na// rtog pa sna tshogs 'ching ba'i rgyu// nga ni rang byung
- 3a
bcom ldan 'das// 'og min chos dbyings gnas mchog na// dag pa nyid la dag pa ston// mnyam nyid klong nas gsal bar nyon// kye kye/ dag pa dri ma med pa'i chos// bla med byang chub sgrub pa'i thabs// 'khor ba'i rnam rtog gzhom pa dang // thugs rjes 'gro ba drang ba'i phyir// gnyis med dgyes pa'i tshul du mdzod// ces bskul zhing glu blangs pas/ yum kun tu bzang mos bskul ba/ kye kye/ bde bar gshegs pa kun gyi gtso// mnyam pa chen po'i ngang nyid las// gang gis 'dul ba de bstan phyir// gtso bo mchog la gnyis med bya// zhes bskul to// de nas yab kyis bskul ba/ kye ho// dgyes pa chen po gsang ba'i thugs// mnyam pa nyid las mnyam par bzhengs// bde bar gshegs pa'i thugs kyi sras/ khyab pa'i don du mngon par dbyung // zhes bskul to// de nas yang yum gyis bskul ba// kye kye/ 'gro ba'i ded dpon gnyen gcig po// ma rig mun pa 'joms pa'i bdag/ gnyis med bde ba'i dbyings dkyil du// bde ba chen po dbab tu gsol// zhes bskul to// de nas bcom ldan 'das kyis chos thams cad kyi mnyam pa nyid kyi rang bzhin rdo rje chags pa'i rgyal po rab tu dga' ba zhes bya ba'i ting nge 'dzin la mnyam par bzhag nas dbyings kyi yum chen mo la rab tu bskul ba/ kye ho/ skye med mkha' dbyings dag pa'i
- 3b
yum// bde chen dbyings kyi bdag nyid ma// thugs rje'i gdul bya bstan pa'i phyir// gsang ba'i bde chen skyed mdzod cig/ ces bskul to// de nas yang yum gyis bskul ba// ho// 'gro ba 'dul ba'i ded dpon gtso// dges pa'i rdo rje dpa' bo yis// byang chub sems rgyun bde ba yi// sprin tshogs char chen dbab tu gsol// zhes bskul bas/ yab kyis sa ma ya ho// zhes bskul bas/ yum gyi sa ma ya s+t+waM/ zhes bskul to// yab kyis ra ho&haM/ zhes bskul bas/ yum gyis rA ga yA mi/ zhes bskul te/ rol pa chen po mdzad pa las/ oM sarba ta thA ga tA ya a nu rA ga Na badz+ra swa b+hA ba At+ma ko&haM dzaHhUM baM hoHoM hUM trAM hrIHha/ zhes bya bas bde bar gshegs pa'i rigs dpag tu med pa zhing khams kyi bkod pa chen po dang / dkyil 'khor gyi 'khor lo rab tu rdzogs pa dang / zhi ba dang khro bo'i rnam pa dang / yab dang yum gyi rang bzhin du snang ba dang / sku so so'i rgyan gcig par snang ba dang / sprul pa dang las sgrub pa'i tshogs kyi 'khor dang bcas pa dpag tu med pa rab tu snang bar gyur to// snying po de kho na nyid las/ rol pa chen po'i gleng gzhi'i le'u ste dang po'o// // de nas phyogs bcu'i de bzhin gshegs pa zhi ba'i cha lugs kyi bdag nyid can rnams kyis mgrin gcig tu bcom ldan 'das la 'di skad ces gsol to// kye kye/ bde bar
- 4a
gshegs pa chos kyi sku// ma 'ongs phyi ma'i dus ci che// gdul bya 'dod chags can don du// rigs kyi bdag po zhi ba'i tshogs// kun nas rab tu bsgrub pa'i thabs// cho ga yan lag yongs rdzogs pa// dman dang bar ma mchog rab don// rgyas bsdus shin tu rab tu bsdus// rtog pa'i dra ba gzhom pa'i phyir// ma lus gsal bar bstan du gsol// zhes gsol pa dang / bcom ldan 'das kyis nyid kyi zhal 'dzum pa chen po mdzad pa'i 'od zer gyi dra ba chen po dpag tu med pas 'jig rten gyi khams ma lus pa khyab par mdzad nas/ nam mkha' dang mnyam pa'i 'khor gyi dkyil 'khor gyi tshogs la 'di skad ces bka' stsal to// kye ma 'dus pa'i 'khor rnams nyon// phyogs bcu'i rgyal ba de bzhin gshegs// ma lus bsdus pa'i sku gsung thugs// dam pa rigs brgya'i ngang nyid de// de nyid bsnyen cing bsgrub pa ni/ phun sum tshogs pa'i bcud ldan pas// ma nyams snod dang ldan la bstan// ri bo dben pa'i gnas mchog tu// 'du 'dzi spangs pa'i rnal 'byor pas// phun sum tshogs pa lnga ldan nas// sa yi cho ga rgyas pa ste// brtag sbyang bslang zhing mkhyen par gsol// phyi nang gnas dang sbyar ba'i khyon// chag chag skud nul legs byas te// khro bo'i stangs stabs mtshams kyis bskor// bka' bsgo bskrad dang bsrung bar
- 4b
bya// mtshan nyid ldan pa'i grogs dang bcas// byin gyis brlabs pa'i srad bu yis// dkyil 'khor pho brang thig gdab pa// rdo rje khu tshur byin brlabs nas// slob dpon shar bltas slob ma yis// nub tu bltas te gdab par bya// pho brang rdzogs pa'i dkyil 'khor dgu// rdo rje'i sa dang gdung gis bcad// spyi dang bye brag phyi dang nang // phyogs dang mtshams kyi phyed kyis dbye// bar khyams sgo dang rta babs bcas// 'dod pa'i yon tan lha mo'i gnas// rin po che yi brtsig pa dang // ka ba rdo rje zla phyed dang // pad+ma dra ba mda' yab bcas// 'khor lo ri dwags gdugs kyi mdzes// rdo rje'i ra ba me 'od 'bar// gzhan yang rgyan rtags sna tshogs pa// rin po che'am 'bru sna yis// phyi nang kun tu legs par bri// pho brang dgu yi dbus nyid du// 'khor lo rtsibs brgyad kun tu ldan// de nyid gru chad khyams dang bcas// bde gshegs rdo rje rin po che// pad+ma las kyi rigs rnams kyi// dbus nas shar lho nub byang sogs// dkar mthing ser dmar ljang gu yi// rim bzhin kha dog ldan pa'o// phyi rol phan chod gdab pa dang // snang byed dra ba 'phyang bas brgyan// sku gsung thugs kyi mtshan ma dgod// mnyes pa'i yo byad sna tshogs bstar// cho 'phrul bzhi dang ting 'dzin gsum// mngon par byang chub rnam pa lnga// cho ga gsum dang
- 5a
yan lag bzhi// dkyil 'khor bsgrub pa kho na'o// snying rje'i yul la dmigs pa dang // byams pa dga' ba btang snyoms kyis// cho 'phrul bskyed de ma lus sbyang // stong zhing bdag med de bzhin nyid// kun tu snang ba'i snying rje gsum// med pa las ni yod pa'i rgyu// phyi nang dngos po kun sbyang ste// ye shes sa la gnas pa las// gzung 'dzin mtshan ma kun bral zhing // rang bzhin chos nyid dang gis gsal// stong nyid dang gnas chos kyi dbyings// me long la ni gzugs brnyan bzhin// yul dngos rigs kun gsal bar snang // chos rnams stong pa rab sbyor zhing // bdag gzhan mtshungs pa mnyam pa nyid// ma skyes rang bzhin med pa yi// dmigs med chos la so sor brtag/ sems bskyed pa dang smon lam gyis// nus pa mthar thug nan tan bskyed// ji ltar bshad pa'i dkyil 'khor dbus// pad+ma nyi ma zla/ ba'i steng // lha rnams so so'i yi ge nyid// rang gi kha dog mthun pa las// 'od zer sna tshogs rab spros pas// sems can khams kun thabs kyis sbyangs// slar 'dus dmigs pa dag mdzad de// yi ge snying po phyag mtshan thugs// de las yan lag bzhi sbyar bas// rang gi lus kun yongs rdzogs te// 'khor lo dbus kyi gdan steng du// gtso chen rnam par snang mdzad dang // yum chen chos dbyings kun bzang
- 5b
mo// phyogs mtshams 'khor lo'i rtsibs rnams la// mi bskyod pa dang rin 'byung ldan// snang ba mtha' yas don yod grub// spyan ma gos dkar mA ma ki// dam tshig sgrol ma rnams kyis bskor// shar phyogs dkyil 'khor dbus nyid du// sems dpa' kun tu bzang po dang // yum chen rdo rje dbyings phyug ma// de bzhin 'khor lo'i rtsibs dag la// rdo rje sems dpa' rgyal po dang // chags pa dang ni legs pa dag/ sgeg pa ma dang bdug pa ma// lcags kyu ma dang me sgron ma// phyogs dang mtshams la rim bzhin dgod// lho phyogs dbus su 'jam dpal dang // rin chen dbyings phyug yum dang bcas// rdo rje rin chen gzi brjid dang // rgyal mtshan dang ni bzhad pa ste// phreng ba ma dang bdug pa ma// zhags pa ma dang bde ba ma// yab yum phyogs mtshams rtsibs la'o// nub dbus spyan ras gzigs dbang la// yum chen pad+ma'i dbyings phyug ma// rdo rje chos dang rnon po dang // smra ba dang ni 'khor lo ste// dbyangs mkhan ma dang mar me ma// lcags sgrog ma dang gsal bkra ma// phyogs mtshams la ni rim bzhin dgod// byang phyogs dbus su rdo rje 'dzin// las kyi dbyings phyug yum bcas la// rdo rje las dang srung ba dang // rdo rje gnod sprin khu tshur dang // gar sgyur ma dang byug pa ma// dril bu ma dang 'bebs pa ma// phyogs mtshams rim
- 6a
bzhin bskor zhing dgod// shar lho tshams kyi dkyil 'khor dbus// sems dpa' sa yi snying po nyid// yum chen rdo rje sems mar bcas// phyogs mtshams rtsibs la dgod pa ni// sems dpa' chos kyi rgyal mtshan dang // dbang phyug rgyal po bkod pa'i rgyan// rin chen 'od 'phro phyogs bzhir dgod// bde ba rgyas 'debs rmongs byed dang // tshe 'phel ma dang za byed ma// gsang ba'i yum bzhi mtshams la dgod// lho nub 'khor lo'i dbus dag tu// gtso bo nam mkha'i snying po la// yum chen rin chen sems ma ste// phyag rgya'i rgyal po snang ba'i mchog/ spobs pa'i rgyal po spobs pa brtsegs// yum chen khrus kyi lha mo dang // rgyal mtshan bla re gdugs lha mo// sems dpa' sems ma brgyad kyis bskor// nub byang dbus su byams pa dang // yum chen pad+ma'i sems ma la// pad+ma'i rgyal po dam pa dang // rdo rje mi g.yo thogs med dang // pad+ma can dang 'dzin byed ma// skyon bral rnam rgyal ma yis bskor// byang shar dkyil 'khor dbus dag tu// gtso bo sgrib pa rnam sel dang // yum chen las kyi sems ma la// rin chen dbang phyug thub pa'i las// dga' bar ston dang mi g.yo'i mtha'// lha mo skyabs can dri med ma// sgra gcan ma dang thogs med ma// thabs ldan sems dpa' sems mas bskor// phyi rol khyams kyi cha dag
- 6b
la// lha dang lha min mi rnams dang // byol song yi dwags dmyal ba yi// thub pa chen po drug bzhugs bya// phyi nang phyogs kyi sgo bzhi ru// lcags kyu zhags pa lcags sgrog ma// dril bu ma rnams rim bzhin bsgoms// de dag kun gyi phyag mtshan dang // sku mdog rgyan rtags ma lus pa// nga yis sngon du bshad pa bzhin// so so'i ming gis bskyed par bya// gsal 'tsher lhun sdug gzi brjid 'bar// mnyen lhug 'khril ldem gzhon tshul can// mtshan dang dpe byad ma lus rdzogs// mnyam la ma 'dres 'ja' tshon 'dra// gsal la mi rtog me long gi// gzugs brnyan bzhin du bsgom par bya// rigs kyi bdag po so so yi// sku gsung thugs kyis byin brlab cing // ye shes lnga yi dbang bskur bya// oM AHhUM/ gnas gsum so sor bsgom bya ba// dkar dmar mthing ga'i mdog ldan pa// 'khor lo rdo rje rgya gram la// khyad par ldan pa bsgom par bya// oM hUM trAM hrIHhA/ nyi ma'i dkyil 'khor la gnas pa'i// rigs kyi gtso bos dbu brgyan cing // ye shes sems dpa' rang lta bu// tshon gang so so'i snying la gnas// oM sarba ta thA ga ta ka ya bA ka tsit+ta badz+ra swa b+hA ba At+ma ko&haM/ oM ma hA shU n+ya ta dz+nyA na badz+ra swa b+hA ba At+ma ko&haM/ oM ma hA A daR+sha dz+nyA na badz+ra swa b+hA ba At+ma ko&haM/ oM ma hA prat+ya bek+Sha Na dz+nyA na badz+ra swa b+ha ba At+ma ko&haM/ oM ma hA sa ma tA dz+nyA na badz+ra swa
- 7a
b+hA ba ar+tha karbaH/ a ma hA kr-it+ta muHNa dz+nyA na badz+ra sa b+hA ba yat+ma kan+yaH/ oM sarba ta thA ga ta ya nu ra ga Na badz+ra sa b+hA ba yAt+ma kaT+TaH/ oM sarba ta thA ga ta pA da pra bad+d+ha pa badz+ra sa b+hA ba yat+ma ka6\u0f7f/ po khams dang skye mched dang // yul dngos snang ba ma lus tshogs// dam tshig sems dpa'i lhar bsgoms nas// ye shes dkyil 'khor dgug pa ni// gtso chen thugs ka'i yi ge las// 'od zer lcags kyu'i rnam pa can// 'og min gnas su spros pa las// chos dbyings dkyil 'khor thugs rgyud bskul// nam mkha'i dbus kyi mdun bzhag nas// mchod bstod mnyes pas tshogs bsags te// gsol gdab bshags dang sngo ba yis// bdag nyid rung ba'i snod du bya// slar yang 'od kyi cho 'phrul gyis// rang gi lus su gzud par bya// gsal ba 'od ldan gnyis med rdzogs// slar yang mnyes par bya ba ni// thugs las sprul pa'i gsang yum bzhis// gzhal yas khang gi sgo bzhi nas/ gnas gsum mnyes pa'i phyag gis mchod// 'dod yon lha mo sna tshogs kyis// phyi nang gsang ba'i mchod pa yis// mchod cing yongs su rdzogs par bstod// bzlas pa'i spro bsdu bya ba ni// phyi nang gtso bo dgu rnams kyi// rang gi ye shes sems dpa' yi// snying dbus so so'i srog rten la// yi ge'i phreng sngags 'od 'bar 'phros// nam mkha'i
- 7b
khams kun khyab byas te// bde bar gshegs kun mnyes mdzad nas// sku gsung thugs kyi dngos grub bsdus// sems can khams kyi rgyud sbyangs shing // thams cad rang rig lhar gyur nas// chos sku thig le gcig tu bsgom// yang na dam pa bsdus pa'i sngags// oM dz+nyA na pany+tsa sa ta kro d+ha mu ne ye swa hA/ gnas gsum yi ge gsum dag las// rang gi mdog ldan 'od 'phros pas// ma lus rgyu gsum dag byas te// 'bras bu gsum la sbyar bar bya// de nyid 'od zer 'phro 'du yis// bdag gzhan don gyi bzlas pa rnams// brtan pa'i rtags dang ldan pa yi// dngos grub gang 'dod tshad dang sbyar// ting 'dzin thun gyi mtshams dag la// bstod cing bshags dang mchod sbyin bya// grub pa'i tshad ldan 'dod pa smos// ye shes dkyil 'khor dbyings su gshegs// dam tshig tshogs ni sgo bzhi dang // phyogs mtshams byang gi ngos nas brtsams// rim gyis dbus kyi gtso la bsdu// de nyid ye shes sems dpa' la// de yang thig le gcig la'o// de ni mtshan ma'i spros dang bral// de las slar yang lha rnams kyi// nga rgyal ldan pas spyod lam bya// gal te bde ba'i gnas 'dod na// dpag med blo ldan skyes bu yis// lus gnad rlung dang bcas pa yi// rnam shes dang ni byang chub sems// ye shes thig ler rab sbyor ba// dus bzhi gcig tu mngon
- 8a
mthong ba'i// blo can de yis kun tu bzang // nga dang gnyis med myur du 'grub// rtsa ba'i dkyil 'khor chen po la rab tu gzung ba'i sbyor ba'o// // de nas rab tu sbyor ba yis// ma 'ongs dus na bsgrub pa yis// rdo rje slob dpon thabs ldan gyis// rdo rje slob ma nyer bzung nas// rim pa'i dbang bskur byed 'dod na// bkra shis dben pa'i gnas dag tu// dus tshod gza' skar shis pa la// 'dus byas dge bas tshogs bsags te// phyi nang srung ba yongs rdzogs nas// lhag gnas sta gon bya ba ni// sa yi cho gas yongs sbyangs shing // legs par bstar ba'i stegs bu'i steng // lha rnams so/ so'i bzhugs gnas sar// dri bzang thig le mdzes pa'i steng // me tog tshom bu dgod par bya// rang rang snying po dbab byas pa'i// 'khor lo'i gtso 'khor tshul bzhin bsam// yan lag bdun gyis tshogs bsags shing // byin brlab dngos grub 'dod gsol bya// gtso chen dbus dang phyogs mtshams kyi// mtshan nyid ldan pa'i bum pa rnams// rten 'brel rgyan dang rdzas sbyar te// rang gi gnas su legs bkod pa// 'khor lo'i bdag rnams nang du bskyed// sngar bzhin mnyes sbyang gsol bar bya// gzhan yang phyi nang gsang ba yi// rjes gnang stsal ba'i rdzas rnams dang // bsangs shing bkrus te sta gon bya// rdo rje slob
- 8b
ma'i tshogs dag kyang / khrus byas rgyan gdags dris byugs te// sangs rgyas dang ni sras tshul gyis// thun mong ba dang khyad par gyi// yul gyi mchog la skyabs su 'gro// don dam kun rdzob smon 'jug gi// byang chub sems ni rab tu bskyed// sdig pa sbyangs shing tshogs chen bsags// ku sha brim zhing so shing dor// srung ba'i sbyor ba 'bad par bya// 'di ni lhag gnas sbyor ba'o// nangs par skya rengs shar ba'i dus// sta gon lha rnams mkha' la bzhugs// tshogs bsags dge ba cung zad bya// slar nyid rdul tshon pho brang bzhengs// mchod cing sgrub pa'i rgyan dang rdzas// legs par bsags te dgod par bya// de nas ji ltar 'byung ba yi// lha rnams rang gi cho gas bskyed// ye shes dkyil 'khor spyan drang bstim// mchod bstod bzlas pas mnyes par bya// de nas slob ma 'jug pa ni/ khrus byas phyag btsal sems bskyed de// rin chen mdzes pa'i me tog thogs// phyi rol gnas nas gsol ba gdab// rdo rje slob dpon sangs rgyas des// bar chad dris te gnang ba sbyin// dkyil 'khor bdag por mkhyen par gsol// slob ma yis ni me tog dor// gdong g.yogs bkrol te pho brang bstan// dam tshig rdzas dang bro tshig gis// mi 'da' phyag rgya mchog gis so// bsam pa brtan por bzung ba dang // lha rnams mnyes par bya ba dang // dngos grub
- 9a
mtshan ma ma thob par// rab 'bring tha ma'i rtsal gyis sgrub// rtags dang mtshan ma mthong gyur nas// phyi nang gsang ba yongs rdzogs pa'i// dbang mchog dam pa skur ba ni// tshul bzhin sbyangs pa slob ma'i tshogs// mdzes pa'i stan la 'dug nas ni// mthar zug mthong bar gsol ba gdab// rdo rje slob dpon mchog de yis// byang chub sems kyi nga rgyal gyis// rnam rgyal rtsa ba'i bum pa rnams// rnam pa chu la ngo bo lhas// lus kun khyab par bstim byas te// nang gi bsam pa brtan po dang // sngags tshig sgra yi bden pa brjod// gzugs brnyan la brten de bzhin te// rin chen dpung bdun bkra shis brgyad// tshul ldan de yis phyi dbang bskur// chos nyid gzugs brnyan me long dang // chos kyi 'khor lo bskor ba dang // chos dung rdo rje rgya gram dang // cod pan phyag rgya ming gi dbang // las dang chos dang gzungs sngags rnams// nang gi dbang du bskur bar bya// thabs dang shes rab mchog gi rgyud// rgyud dang 'bras bu rab sbyor ba// gnyis med mnyam pa'i bde chen te// nges par bstan pa gsang ba'i dbang // de dag rdzogs nas smon lam gdab// slob ma bla ma lha rnams kyis// rim bzhin bshags byang me tog dbul// gtang rag tshul bzhin rgyas par mchod// bkra shis brjod cing bsdu gshegs
- 9b
brtsam// rtag tu spyod lam dam tshig gzung // 'di ni kun bzang rdo rje 'dzin// go 'phang sbyor ba'i las yin no// rdo rje slob ma nye bar bzung ba'i las rab tu sbyor ba'o// // de nas rab tu bshad pa ni// bde gshegs sku gsung thugs kyi rten// gzugs brnyan tsam la ye shes lha// rab tu gnas par bya ba ni// rgyas bsdus shin tu bsdus pa las// rgyas par sbyor la zhu ba pos// lan gsum par du gsol ba gdab// ri bo rtsi shing skye ba'i dbus// bkra shis yid 'ong gnas mchog tu// ji ltar bshad pa bzhi yi las// ma lus rdzogs par byas nas ni// gang la bya ba'i rten la sogs// lhag par gnas pa rim bzhin bya/ khyad par bgegs bskrad bsrung ba dang // bdug dang bcing dang bsreg par bya// rdo rje slob dpon sgrub pa pos/ khrus byas gos bgos brgyan byas te// bka' bsgo srung ba yongs rdzogs bya// sems bskyed tshogs bsags dge ba sbyar// tshul bzhin bsgrubs la byin brlabs dbab// mchod sbyin rgya cher sbyar nas kyang // dbang dang mkhyen par gsol ba gdab// mtshan ma'i bsnyen pa rtags dbyung bya// de nas dkyil 'khor shar phyogs su// rnam lnga'i stegs bu legs bshams la// grub pa'i rten de bzhugs su gsol// nye reg 'thor 'thung byas nas ni// sngags kyi sbyor bas bar chad bskrad// 'bras zan chang bus dri
- 10a
ma phyi// me chu rlung gis bsreg gtor bkru// ba byung rdzas lnga yis kyang bkru// til mar 'bru mar bzang pos byugs// dar ram ras ser gyis byibs la// dbang stegs gnas pa'i steng du bzhugs// tsan dan gur gum dzA ti dang // gla rtsi a ga ru yis byugs// dam tshig pa ni gang yin bskyed// de yi ye shes spyan drangs te// bzhugs shing bstims la phyag btsal zhing // de nyid mchod bstod bzlas par bya// de nas rdo rje 'dzin pa yis// bum pas dngos su dbang bskur bya// bkra shis brjod cing rol mo bsgrag/ byin brlab dbu rgyan cod pan sbyin// yi ge gnyis kyi go cha bgo/ slar yang mchod bstod bzlas par bya// de nas lha rnams snyan gsan dbab// rten nyid na bzas g.yogs te bzhugs// yon bdag gam ni slob ma la// dbang bskur phyir ni bdag 'jug bya// de nas slob ma gzhug byas la// dbang bskur ma lus rdzogs par bya// slar yang lha tshogs brtan bzhugs la// nga rgyal ldan pas ku sha'i steng // chos nyid thabs kyis nyal bar bya// de ni lhag gnas chen po'o// de nas skya rengs shar dus su// byin brlabs ldan pas khrus byas te// mchod sbyin sngon song bum pa bsten// stegs bu la ni dri bzangs sbyar// lha rnams mchod bstod rdzogs par bya// de nas rten de zhal bshus la// bkru sbyang phyi ba sngar bzhin
- 10b
bya// stong par sbyang zhing lha bskyed de// ye shes dbab cing bsre bsnan bya// gnas gsum 'bru gsum gsal bar dgod// gong bzhin dbang rim rdzogs par bya// rten 'brel sngags kyis brtan par bya// sngags dang phyag rgya se gol gyis// skur gyur gdul bya'i ngo gang la// gang gis 'dul ba der bsam zhing // spyan dang shangs dang zhal dbye zhing // tshems 'bru dbu skra bshad dang gzhar// na bza' rgyan dang rol mo dbul// longs spyod rdzogs dang sbrul skur dbye// yon bdag mdun du bkug nas ni// rten de mchod pa'i rjes gnas sbyin// gdan khri'i steng du drang por bzhugs// me tog la sogs mchod pa'i tshogs// ci 'byor pa yis rgyas par mchod// sbyin bsreg gis kyang tshogs bsag bya// de rjes dkyil 'khor bdag por bya// de nas mchod pa maN+Dal dang // gtor ma rgya chen phul byas la// chos kyi srung mar bka' bsgo/ bya// bkra shis glu gar rol mo'i sgra// gal te glegs bam yin pa na// sbyangs shing bkru ba gzugs brnyan sbyar// dus gsum sangs rgyas thams cad kyi// kun rdzob don dam ston pa yi// nges pa'i gsung du bsgom par bya// de las gang yin lhar bskyed de// spyan dbye sku rags na bza' dbul// rgyas gdab sku gsung thugs kyi ming // rten 'brel bcas pa bri bar bya// sngar bshad rab gnas la sogs bya// gtsug
- 11a
lag khang pa yin na ni// lha rnams so so'i sngags kyi ni// rang gi ye shes bskyed par bya// spyan dbye la sogs sngar bzhin no// mchod rten sku gzugs yid na ni// bkru sbyang bskrad pa byas nas ni// rdul bral sku gsum rdzogs par bsam// mnyes pa'i bya ba sngar bzhin no// gal te bsdus par bya ba ni// gang la bya ba'i rten de nyid// cho ga gsum gyis sbyang bya ste// rang gi ye shes ngo bor bsam// yo byad mchod pa ma lus bstab// yang dag rten du nges par bzung // shin tu bsdus pa skad cig gis// chos kyi sku yi ngo bor bsam// phyi nang snang srid ma lus kun// chos dbyings sku las ma g.yos na// dag pa'i rten la smos ci dgos// thams cad mchod pa'i gnas yin te// dman pa'i blo la snang ba min// de bas blo ldan thabs chen gyis// rdul gcig steng na rdul snyed kyi// sangs rgyas ma lus bsnyen cing bkur// gnas pa'i che ba mchog yin no// rten mchog tu bya ba'i las rab tu sbyar ba'o// / de nas rab tu bshad bya ba// tshe 'das phung po'i rnam smin de// 'byung ba'i me la bsreg pa'i phyir// dang po chas su gzhug pa ni// dang po bgegs bskrad sngags kyis gdab// dri zhim sman gyis byugs shing bkru// bdud rtsis byugs pa'i ras kyis dkri// sngags dgod phyag rgya'i mtshan ma brdab// gnas lngar sa bon drug
- 11b
dgod cing // phyi rol lha yi phyag mtshan dgod// mar me lha grangs mnyam par gzug/ zhi ba'i stegs bu'i steng du bzhag/ pho brang dkyil 'khor bzhengs gsol ba'i// steng du mdzes pa'i khri la bzhag khang bu sum thog gru bzhir bya// tha ma zhi ba'i shing gis brdzangs// steng du phyag rgya'i dkyil 'khor dgod// phyogs bzhir gzugs thag btags te gzung // rdo rje slob dpon las bdag gis// dkyil 'khor bsnyen pa gzhung bsrangs la// phung po'i rnam shes gnas nas dgug/ las bdag 'jug pa tshul bzhin bya// phan pa'i dbang dang nus pa dang // nang dbang bcu gcig phyi dbang bcu// sgrub dbang bcu gsum gsang dbang gnyis// sum cu rtsa drug bskur bar bya// yang na bka' rtags phyag rgya dang // rgyud 'dzin phyag rgya shes rab gzung // bkra shis rdzas dang rin chen bdun/ khyad par gdan dang mdzes pa'i rgyan// rdo rje ming dang 'khor los sgyur// dbang bcu rim pas bskur bar bya// don ldan lus de rol mos bsu// bsreg khang nang bzhugs yol bas bre// phyi rol mchod rdzas rgyas par bshams// til 'bras gro dang yungs kar dang // 'o ma zho dang mar dang bcud// yam shing rdzas dang dgang blugs bsar// bdag nyid las kyi lhar bsgoms la// phung po me lhar bsgoms pa yis// thugs kar lha yi dkyil 'khor bsgom// ye shes me
- 12a
lha spyan drangs te// mchod rdzas bsreg rdzas rim bzhin dbul// bstod cing phrin las gsol ba gdab// de nas lha rnams spyan drang bstim// mnyes byas mchod rdzas bdud rtsir bsam// phung po sdig sgrib sbyang phyir dbul// lha rnams so so'i snying po la// che ge'i sarba durga ti shin+tiM ku ru swA hA/ zhes btags bdun las mi nyung bzlas// bsreg rdzas rnams kyang de bzhin no// bstod tshig sngags kyis lha rgyud bskul// lhag mas me lha'i gtang rag bya// sdig sgrib ma lus sbyangs par bsam// bzod par gsol la ye shes gshegs// dam tshig rang gi gnas su bsdu// rnam shes lhar byas dbyings su bstim// thal chen sku gdung 'bar bar sbyangs// thabs 'dis rang bzhin don chen rdzogs// kun bzang nga dang 'dra bar 'gyur// phung po'i lus rab tu sbyong ba'i sbyor ba'o// // gzhan yang rab tu bshad pa ni// gal te phung por mi ldan na// ming byang la rten sbyang ba ni// gro ga shing shun ras dag la// gzugs mdzes ming rus ldan pa bri// 'phan gdugs bcas te rten la gdags// dkyil 'khor lho phyogs stegs bur bzhag/ lha rnams mchod bstod rdzogs pa dang // bdag po'i ting 'dzin gsal ba yis// mchod sbyin rgya chen byas nas su// bar chod bgegs la bka' bsgo zhing // bden pa chen po brjod par bya// bar do rigs drug
- 12b
gar gnas kyang // rnam shes 'od zer lcags kyus dgug/ gzugs la bstim ste gson bzhin bsam// lus ngag yid kyi bar chad bgegs// gshin rje gshid dang rta mgrin dang // rnam par rgyal ba'i ting 'dzin gyis// yungs kar sngags te tshar gcad bya// 'jam dpal rnon pos rtog pa gcad// ngan song kun 'dren gyis ni drang // stobs po rdo rje gnod sbyin no// drag po'i nus pas mtshan ma gzhom// sgrib pa rnam par sel bas bkru// ye shes me yis bsregs par bya// lan chags sbyin pas de nyid dpral// dug gsum sbyang ba'i khrus chab gsol// ngan song gsum dang bde 'gro gsum// rigs drug g.yang sa'i mtshan ma bcad// de nas dkyil 'khor nang du gzhug/ skyabs 'gro sems bskyed tshogs bsag cing // me tog phul te lha ngo bstan// bum pa'i dbang bskur rdzogs par bya// lam sbrang chos bshad nor rdzas bstab// bsngo ba smon lam rgyas par bya// lam bstan rgyal ba'i sras su bya// de nas bsregs sbyang rdzogs tshul gyis// thal ba chos sku'i rten du bsgyur// gnas pa dam pas mchog tu bya// go 'phang chen por gdon mi dbyer med kun tu bzang po yin// zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ las rab tu grub par byed pa'i sbyor ba lnga bstan pa'i le'u ste gnyis
- 13a
pa'o// // de nas yang bcom ldan 'das kyis nyid kyi dkyil 'khor gyi tshogs mnyes par bya ba dang / dam tshig can dang / gnod sbyin gyi tshogs dang / 'gro ba phal pa dang / rigs skyong ba dag dga' zhing mgu ba dang / gzugs brnyan gyi sbyor bas tshogs rab tu 'phel bar byed pa ni 'di dag bka' stsal to// bde bar gshegs pa kun 'dus pa'i// sgrub pa chen po byed pa'am// yang na bar chad bsal ba'i phyir// mchod mgron chen po dgye ba ni// gnas khang gtsang ma dris byugs la// snod gtsang mdzes pa du ma ru// chu gsum me tog bdug spos dang // mar me dri chab zhal zas dang // rol mo sgra dang 'dod yon lnga// bla re gdugs dang rgyal mtshan 'phan// mchod pa'i dngos por rab bstar nas// sku gsung thugs kyi rten bkod de// khrus byas gos bzang bgos nas ni// rnam par mi rtog ngang nyid las// dkyil 'khor bdag po'i nga rgyal gyis// dri chab nang du hUM las ni// khro bo las rnams rgyal byed pa// mthing nag ral gri zhags pa thogs// mchod rdzas bgegs kun bskrad cing gzhom// oM swa b+hA ba shud+d+haHsarba d+harma swa b+hA ba shud+d+ho&haM/ oM badz+ra ya k+Sha hUM/ sbyangs shing bsang ba nyid du bya// oM AHhUM/ badz+ra puSh+pe hUM/ badz+ra d+hU pe hUM/ badz+ra A lo ke hUM/ badz+ra gan+d+he hUM/ badz+ra ne bi te hUM/ badz+ra A ha ra hUM/ badz+ra shap+ta hUM// lha rdzas
- 13b
dam par byin gyis brlab// nam mkha'i dbus su dkyil 'khor bsgom// rang bzhin gnas nas snyan gsan dbab// snying ga'i 'od kyis spyan drangs te// zla ba chu skyes gdan la bzhugs// gnyis med dbab pa mchog yin no// zhal bsil zhabs bsil brda sbyor ba'i// yon chab phul te 'dud phyag 'tshal// de nas me tog dbu la dbul// bdug spos shangs la mar me spyan// dri chab thugs kar dbul bya zhing // bshos gtsang zhal la sgra ni snyan// rim pa'i rdzas kyis mchod pa'o// 'dod yon lnga dang rin chen bdun// lha mo brgyad sogs legs pa rnams// kun bzang blo yis sprul te mchod/ phyogs bcu'i 'jig rten khams kun gyis// spos sman rin chen dpag bsam shing // me tog shing tog 'bru bcud rtsi// chu gtsang sgra snyan gzugs mdzes pa// mchod 'os dngos po ma lus kun// bdag med blo yis blangs te mchod// gnas gsum sbyor ba'i tshogs mchod kyis// 'phags pa'i tshogs mnyes bdag nyid la// las sbyangs dngos grub gsal bar gsam// drin lan bsab phyir de dag la// cha lugs don rtags mthun pas bstod// sdig pa bshags te yi rang dbul// 'gro don mdzad phyir bzhugs gsol gdab// skyabs song sems bskyed lam bstan cing // yongs su bsngo dang smon lam gdab// 'dod pa'i don gsol phrin
- 14a
las bcol// ma dag bshags te bzod par gsol// bkra shis smon lam tshig brjod cing // ye shes gshegs te dam tshig bsdu// bsod nams tshogs kyi mchog yin no// gzhan yang mchod sbyin stobs ldan ni// legs par bstar ba'i gnas de ru// gshos gtsang 'bras dang khur ba dang // zho dang 'o ma mar mthud phrum// gtsang mar sbyar ba gsum du bgos// sbrang spel rang mos 'thob byed pa'i// bshad pa'i sngags kyis byin gyis brlab// oM AHhUM b+h+rUMH/ kun bzang rdo rje sems dpa' 'am// zhe sdang rdo rje'i ting 'dzin gyis// bskrad cing dbang du bsdu bar bya// dang po phyi yi mchod mgron ni// mgon mdzad bdun cu rtsa gnyis te// tshangs pa brgya byin rgyal chen bzhi// dregs pa bcu dang lha chen brgyad// klu brgyad gza' brgyad gnod sbyin brgyad// rgyu skar tshogs dang bcas pa yi// bde bar gshegs pa'i chos srung tshogs// bskyed cing rang gi[:]gnas nas dgug/ auHaHpreHtaHyaHk+ShaHaHpaHkro[:]ta[:]ya k+Sha[:]a[:]sa[:]byung ra[:]sha[:]na na[:]sa[:]yag[:]bi na[:]yang / iHaHyaHbaHyagaHgaHbiHnaHde de de de de de phuHphuHphuHphuHphuHphuHphuHphuHra ra ra ra ra ra ra raHya ya ya ya ya ya ya yaHdza ba ri shaH/ rang gi ming dang phyag rgya yis// dam tshig pa la nges par dbab// spos dang me tog mar me dri// zhal zas stobs dang ldan
- 14b
pa ni// rang gi ming dang sbrel te mchod// tshul ldan tshig gis rab tu bstod// dam las mi 'da' dngos grub gsol// las kun byed pa'i tshig brjod bya// cha gnyis pa ni bsngo ba'i yul// rgyud lnga rigs drug spyi yin te// 'od zer lcags kyu'i phyag rgyas dgug/ a nr-i su tri pre du badz+ra A gats+tsha hUM dzaH/ mdun gnas 'khor gyi tshul bsams te// rnam snang mdzad pas bsrungs shing brjod// rang gi 'dod yon tshogs sbyin zhing // chos dang zang zing tshims par bsngo// tha ma nyid ni sha 'khon dang // lan chags tshul du byin brlabs te// lha klu gnod sbyin dri za dang // gnod sbyin srin po mi'am ci// lto 'phye grul bum yi dwags dang // srul po sha sa za lus srul po// skem byed smyo byed brjed byed dang // nam gru sa yi bdag la sogs// stong phrag brgyad cu'i bgegs rigs tshogs// rta mgrin can gyi ting 'dzin gyis// ma lus dgug cing dbang du bsdus// bi nA ya ka ma ha ra bi dan ltar min nam ma tsa bi tan ta aM ku sha dzaHlen chags nor sbyin tshul du bsngo// bka' bsgo chos bshad bden pa bdar// drag po'i tshig gis spyo zhing bsdigs// rang gi nas su gzir cing 'phang // byang chub sems skyes ma gyur bar// thar med mnar ba'i tha tshig brjod// slar yang go bgo bsrung bar bya// kun bzang mgon po rgyal mchog ste/ nyes pa'i lan du legs par
- 15a
mdzad// 'di ni don grub tshogs chen rdzogs// gzhan yang mchod sbyin bya ba ni// dad ldan kun bzang rigs can gyis// rin chen snod mdzes chu yis dgang // sman lnga spos lnga rin chen lnga// snying po 'bru dang me tog stsal// rdo rje sems dpa'i ting 'dzin gyis// go bgos bsrung shing bar chad bsal// dag byed bdun gyis rgyud sbyangs te// tshad med bzhi yis gzhan don 'bad// mngon par byang chub ting 'dzin gyis// gzhal med khang pa mngon gsal bya// cho ga gsum dang yan lag bzhi// rang gzhan dam tshig bdag po bskyed// sri zhu can rnams gnas nas dbab// yon tan lha tshogs phyi bzhin 'brang // bar snang dang ni mdun gyi sar// pad+ma zla ba'i gdan la bzhug/ las bdag lha yis phyag 'tshal 'dud// mchod sbyin brtag pa'i las chen drug/ oM swa b+hA wa bi shud+d+haHsarba d+harmaHswa b+ha ba bi shud+d+ho&haMHna \u0f7fsarba ta thA ga teb+h+yo bi shA mu khe b+h+yaHsarba tatrUM ut+ma te sgra ra na i maM ga ga na khaM swA ha/ oM a mr-i kuN+Da li ha na ha na hUM phaT/ oM na maHsarba ta thA ga ta a ba lo ki te oM saM b+ha ra saM b+ha ra hUM/ oM dz+nyA na a ba lo ki te na maHsa man+ta sma ra Na rasmi b+ha ba sa ma ya ma hA ma Ni du ru du ru hr-i da ya dza lA ni swA hA/ na maHsa man+ta bud+d+ha nan gra he shwa ri pra b+hany+dza ti ma hA sa ma ya swA hA// sbyang zhing spel te mos par bsgyur// spyod par dbang bsgyur thob
- 15b
par bya// phrin las bcol zhing dbang bsdus la// tshul bzhin bsngo ba rgyas par bya// bshags sbyang las sbyar bden pa brjod// chos kyi sbyin pa bsngos nas ni// 'phags pa rnams ni dbyings su gshegs// gzhan rnams rang rang gnas su bskrad// skye med don gyis rgyas gdab cing // spyod lam kun bzang ngang gis spyad// mtshan ma rdzas kyi mchod sbyin yin// skad cig tsam gyis mnyes byed pa'i// blo stobs ldan pa'i mchod sbyin dang // phyi nang snod bcud ma lus pa// byang chub sems kyis yongs su khyab// de nyid ma skyes dag pa'i ngang // chos dbyings zab mos rgyas btab pa// rtse gcig khyab pa nyid yin/ no// gzhan yang chos sku'i gzugs brnyan gyi// rten gyur bsod nams tshogs bskyed pa// chos dbyings mnyam nyid gnas mchog tu// de bzhin nyid kyi gzhi nyid la// ye shes lnga yi khri 'phang brtsig/ yang dag mtha' yi bum pa bsgril// stong nyid snying po'i srog shing btsug/ bcu gsum sa yi 'khor lo 'bar// thams cad mkhyen pa'i gdugs kyis bkab// chos sku 'gyur med rin po che// mi rtog gzugs sku'i dar 'phan 'phyar// rnam dag skyon bral na bza' bgos// chos nyid don gyi sku gdung yin// de yi don rtags 'byung ba ni// rtags mtshan sku gdung bzhed 'dod na// rdo rje las kyi ting 'dzin gyis// sa brtag byin
- 16a
brlab bsrung zhing bskor// bdud rtsi 'khyil bas sbyang ba dang // brdung dang bskrad pa'i bar du bya// rdo rje gnod sbyin chu yis sgra// ting 'dzin chen pos 'bi 'bi bya// thams cad snying po'i til mar bsku// gzugs sku 'byung ba'i brkos phor du// 'bi 'bi chos sku'i rnam par gsal// sor mo rigs lnga'i ngang gis dbyung // sku gsum tshogs pa'i gzugs brnyan bsam// stobs bcu ldan pa'i ri rab ni// byang chub chos kyi sa la bzhugs// mi 'jigs bzhi yi bang rim la// so sor rig pa'i bum pas mdzes// rnam par thar pa'i sgo btod cing // tshad med bzhi yi bre bzhag nas// thabs dang shes rab skar khung btod// srog shing stong pa bco brgyad de// 'khor lo pha rol phyin pa bcu// mkhyen pa'i thugs rje char khebs gdugs// rin chen tog ni sku gsum rdzogs// dril bu gsung dbyangs drug cu'o// dar dpyang rin chen ma 'dres chos// bsrung med gsum gyi rgyal mtshan btsug/ na bza' bsnyel med chos nyid du// byin gyis brlabs shing bsam par bya// rang bzhin chos sku spyan drangs te// gzugs brnyan dag la bstim zhing dbab/ khrus gsol gdan dbul gus phyag 'tshal// rdzas dang ting 'dzin blos sbrul dang // 'dod yon bdag bzung med pas mchod// don rtags tshigs gis rab tu bstod// dbang bskur mnga' gsol me
- 16b
tog dor// ji srid 'khor ba ma stongs par// 'phags pa'i tshogs kun de la dbab/ khyad par las kyi bye brag ni// lha rnams bsgrub dang sdig pa bshags// shi ba'i don la skye ba dang // bgegs bsal ba dang bsod nams spel// rbod gtong bzlog cing nad gdug bcad/ khrims nyams gso dang dam tshig bskang // byang chub par chad bsal phyir dang // lhag pa'i lha dang sngags kyis bya// 'dod pa so so'i don gsol zhing // smon lam gdab cing dge ba bsngo// bskor zhing 'dud pas brtan par bya// 'byung bas mi gnod gnas su bzhugs// tshogs gnyis rdzogs nas sku gnyis 'grub// gzhan yang tshogs chen bshad pa ni// bkra shis dben pa'i gnas dag tu// ting 'dzin ldan pas bka' bsgo zhing // mchod sbyin rgyas par btang byas nas// byin gyis brlab cing sbyang ba dang // bsrung ba'i 'khor lo rab tu sbyar// stegs bu legs sar bstar ba'i steng / khru gang khru phyed zlum por bskor// sor bzhi phyir dor dbus su ni// rdo rje sor brgyad tshad tsam bri// phyi rol me ri 'od kyis brgyan// bud shing dkar po 'o ma can// dri zhim khru gang tshad du brtsig/ rtse mo lo 'dab 'bras bcas la// mchod sprin yam shing bya ba yin// 'bras chan til sogs 'bru sna tshogs// ku sha spos chu g.yas su bzhag/ mchod rdzas phal pa g.yon du'o// dgang blugs dam
- 17a
tshig mdun bzhag nas// gos dkar rgyan bgos ku sha'i steng // rdo rje 'dzin pa'i nga rgyal gyis// sems dpa'i skyil krung tshul gyis 'dug/ 'khor yug dri zhim chu yis gtor// dag byed rtse mo phyir bstan bskor// cho ga lnga'am gsum dag gis// lha yi rnal 'byor gsal bya ste// snying po hUM gi 'phro 'du yis// dgang blugs rdo rje dril bur bya// bum pa sbyangs te kyil 'khor bskyed// ku sha bdud rtsi 'khyil bas bsang // gtsub shing me 'am bram ze'i me// rlung g.yob kyis sbar me yi lha// raM las mdog dkar drang srong tshul// tshangs pa'i skud pas rab tu brgyan// phyag g.yas dbyug pa bgrang phreng 'dzin// g.yon na gun+d+he skyabs sbyin mdzad// rang dang mtshungs pa'i ye shes dgug/ bgegs bskrad bstim te mchod rdzas dbul// dkar gsum mngar gsum til dang nas// yam shing 'o ma 'bras chan rnams// rim bzhin phul te bshags sbyang bya// bstod de 'bod pa'i phrin las bcol// me lha'i thugs kar dkyil 'khor gyi// lha rnams pho brang gsal byas te// ye shes phab la mchod rdzas dbul// lha rnams so so'i sngags phreng la// mchod bsreg rdzas kyi sngags btag dbul// bdun nam nyi shu rtsa gcig gam// brgya rtsa brgyad kyi bar du'o// dgang blugs kyis ni mthol bshags te// bstod cing gsol gdab phrin las
- 17b
bcol// dkyil 'khor bsdus te me lha gso// mchod rdzas bsreg rdzas sngar bzhin bsgyur// bshags gsol bcol ba de bzhin no// ye shes gshegs te dam tshig bsdu// smon lam bsngo ste bkra shis brjod// nad gdon par chad zhi ba dang // mthar thug sdig sgrib sel ba'o// phyi ma'i dus kyi sgrub pa yis// rnal 'byor gnas pa'i tshe bsring ba// phun tshogs dben pa'i gnas dag tu// pho brang legs par gnas byas la// rin chen bum pa mdzes pa ru// bkru zhing brab bdug rgyan gyis brgyan// nang du bdud rtsi'i bcud kyis dgang // tshe bshos mdzes pa steng bzhag ste// rdo rje rgya gram rgya yis gdab// sems dpa'i ting 'dzin skad cig gis// b+h+rUM las bum pa gzhal med khang // nang du sngar bshad lha rnams bskyed// gtso bo'i thugs kar tshe dpag med// dmar po tshe bum 'dzin pa bskyed// thugs kar rdo rje nyi zla sbyar// bla gnas yi ge nr-i dang bcas// bsgom pa dam tshig mchog yin no// chos dbyings gnyis med de bzhin no// 'od zer lcags kyu'i rnam pa yis// 'chi bdag bdud dang gshin rje yi// lag nas bla tshe stobs kyis dugug/ dpag med thugs ka'i ga bur sgra// de nyid gnas nas hUM brgyud nas// gzungs thag rdo rje'i khong sku gnas// mnyes byed 'od 'phros kun tu khyab// snod bcud tshe dbang bkrag mdangs bsdu// gnas
- 18a
dbus su ni ma lus bstim// tshe dbang sngags kyi 'phro 'du yis// lha rnams nyi zla'i bar du gzhug/ snying po lnga po 'od du thim// gnas lngar yig 'bru 'od du bzhu// slob ma'i lus la bstim zhing dbab// tshe dbang mthu stobs rgyas par bsam// gnas pa'i sa bon 'od du zhu// skye med snying po gyur pa las// mi 'gyur chos dbyings chen por bsgom// rdo rje las kyi slob dpon gyis// rtags byung bdag po'i phyag tu drangs// de yis slob ma'i tshogs chen la// bden pa'i tshig brjod dbang bskur bya// 'chi med gzi brjid brtan par bsgom// g.yas g.yon bskor te smon lam dang // bkra shis bden pa brjod par bya// 'di yis yun gnas sgrub pa'o// 'di dag ma lus thams cad kun// kun bzang nga yi ngang gis bsgrub// ces bka' stsal to// bde bar gshegs pa thams cad 'dus pa'i rgyud rab tu byed pa las/ las phra mo rnam par dbye ba'i le'u ste gsum pa'o// // de nas bcom ldan 'das kyis bde bar gshegs pa thams cad kyi phrin las rab tu sgrub par byed pa'i snying po yang dag par gsang ba sgra'i tshogs sku gsung thugs gsang ba chen po las rab tu phyung ngo // oM sngags sor bzhag ya ga smin pra be sha/ ba man+te ba nA ga yak+Sha rAk+Sha sa b+hu ta ya/ tsa ti pra ti si na dun du ya ya na// mu ta na pa sa ya mi hUM phaT swA hA/ bka' rab tu
- 18b
bsgo ba'i sngags so// oM ma hA pra ti sa ya b+he b+he rna be sa ma ya s+t+waM/ mkhyen par gsol ba'i sngags so// oM ma hA A ra li hUM dza/ dbab pa'o// oM badz+ra yak+Sha kro d+ha bi shra tsakra nan/ bstim pa'o// oM bi shwa ma ru ma hA shAn+ya tAtwatA dz+nyA na badz+ra sarba swa b+ha ba At+ma ko&haM/ oM badz+ra sa ma ya su kra ma ti hUM/ dbye ba'i sngags so// na maHsarba ta thA ga te b+h+yo sarba ta thA ga ta badz+ra sa na dzA lA ni/ k+Sho ba ga naM gan ka ra swA hA/ dra ba'i sngags so// na maHsarba ta tha ga te b+h+yo badz+ra kI li ki la ya A kaR+Sha ya swA hA/ rdo rje phur pa'i phyag rgya'i sngags so// na maHsarba ta tha ga te b+h+ya sarba mu khe b+h+yaHbadz+ra pra ka ra Na ta thA ga tA naM/ ku ru ku ru tsaN+Da swA hA/ rgya gram gyi sngags so// oM badz+ra ki li kI la ya pad+ma A lo ka sarba nan ma ra sha du ru du ru oM/ phur pa'i sngags so// oM ko ka la sha badz+ra dun du ru da ra swA hA/ mda'i sngags so// oM badz+ra tik+Sh+Na shak+ti ha sa swA hA/ ral gri'i sngags so// oM sha na bi drA a mo ka ka la sha bu pa la sha sa ta hAM// bum pa rnam par rgyal ba'i sngags so// oM badz+ra b+han+na du na ta ta tsi ti na hUM/ skud pa'i sngags so// oM sarba ta thA ga ta e h+ya hi b+ha ga wan dr-i sh+ya dza A ra li ho// bod pa'i sngags so// oM sarba ta tha ga ta pad+ma b+ha tra sa ma ya s+t+waM/ bzhugs pa'i sngags so// oM sarba ta tha ga ta At+ma nAM ni ta yAr+ya mi pu ru sha ya ho// 'dud pa'i sngags so// na maHsa man+ta bud+d+ha naM ga ga na sa ma ya
- 19a
swA hA/ mchod yon gyi'o// oM badz+ra gan+d+he bi shud+d+ho ga tod b+ha ba swA hA/ dag pa'i'o// mo badz+ra puSh+pe su me ma hA me tri bu da ga te swA hA/ me tog gi'o// oM badz+ra d+hA be d+hu d+harma d+hA tu a nu ga te swA hA// bdug spos kyi'o// oM badz+ra a rtsi te pa ri na da ga na a ti ri ye swA hA// snang ba'i'o// oM sarba ke du shi go ta thA ga ta swa b+hA sarba ka ti ya swA ha// bza' ba'i'o// oM sarba ta thA ga ta a shu te shap+ta ya swA hA/ sgra'i'o// na maHsa man+ta bud+d+hA nAn// oM a b+hisma s+pha ra na hi maM ga ga na khaM// d+harma tang tha A kar sha ya sa man+ta ya/ na maHsarba ta thA ga ta pa ri shA da maM ta le/ na ma pra ti su ma dz+nyA na b+ha ye/ sarba ta thA ga te b+ha se/ d+harma tad tha a sti ta na b+ha sosaM tsa swA hA/ mchod pa chen po rab tu sgrub pa'i snying po rnams so// oM a d+hi tiSh+Tha dz+nyA na sa ma ya hUM/ dam tshig gi sngags so// oM a sa me tri sa me ma hA sa me/ me tog gtor ba'o// oM pra ti gr-i h+Na hUM pra tits+tsha hoH/ sa ma ya s+t+waM/ brtag pa'i sngags so// oM badz+ra tsak+Shu pra be sha phaT// mig dbye ba'i sngags so// oM a hUM sid ti ta ya maM/ blta ba'i sngags so// oM badz+ra badz+rod g+ha TA ya/ sa ma ya pra be sha ya shI g+h+raM/ sma ra sa ma ya hUM/ sgo dbye ba ste shar gyi'o// oM sarba ta tha ga ta pU dza sta na At+ma nAM// niR+YA ta yA mi sarba ta thA ga ta badz+ra sa twa a d+hi tiSh+Thi swa maM/ phyag btsal ba shar gyi'o// oM badz+ra A be sha ya a a/ dam tshig sbyin pa shar gyi'o// oM badz+ra ka/
- 19b
la sha a b+hi Shiny+tsa hUM/ bkru ba'i shar gyi'o// oM rat+na pa tod+b+ha Ta ya sa ma ya pra be sha shI g+h+raM/ sma ra sa ma ya hUM phaT/ lho'i'o// oM sarba ta thA ga ta rat+na a b+hi She ka ta At+ma nAM niR+YA ta yA mi/ sarba ta thA ga ta bra dza rat+na a b+hi ShIShiny+tsa maM/ phyag gi lho'i'o// oM rat+na A be sha ya sa ma ya a/ dam tshig sbyin pa lho'i'o// oM rat+na ka la sha a b+hi ShIny+tsa traM/ bkru ba lho'i'o// oM pad+ma ka tod+b+ha Ta ya sa ma ya pra be sha shI g+h+raM/ sma ra sa ma ya hUM/ nub kyi'o// au sarba ta thA ga ta badz+ra d+harma pra bar+d+ha ya At+mA naM niR+YA ta ya mi sarba ta thA ga ta badz+ra d+harma pra bar+t+ta yA nAM/ phyag gi'o// A~M pad+ma da ma A be sha ya sa ma ya AH/ dam tshig gi'o// oM pad+ma ka la sha a b+hi ShIny+tsa \u0f7f/ bkru ba'o// karma ba tod+b+ha Ta ya sa ma ya pra be sha/ shI g+h+raM sma ra sa ma ya hUM/ sgo dbye ba'o// oM sarba ta thA ga ta pU dza karma Ni At+ma nAM nIr+yA ta yA mi/ sarba ta thA badz+ra karma ku ru maM/ phyag gi'o// oM karma A be sha ya sa ma ya a/ dam tshig gi'o/ oM karma ka la sha a b+hi ShIny+tsa a/ bkru ba byang gi'o// oM na ma sarba ta thA ga ta bud+d+ha ba tot+ta Ta sa ma ya pra be sha shI g+haM// sma ra sa ma ya hUM phaT/ dbus kyi'o// oM sarba ta thA ga ta bud+d+ha kA ya bA ka tsit+ta pra Na me naM ban+da naM ka ro mi/ phyag gi'o// oM swa b+ha ba bud+d+ha A be sha ya a a/ dam tshig gi'o// oM bud+d+ha ka la sha a b+hi Shiny+tsa maM/ bkru ba'o// oM badz+ra ka po ta mA le hUM/ stegs bu'i'o// oM AM hUM tAM hUM swa b+ha ba shud+d+haHsarba d+harmA shud+d+haHswa b+ha
- 20a
ba a shu pa ki ra si ti hAM/ bum pa bskyed pa'i'o// oM tsa turma ha mu tra ka la sha sid+d+hi mu me sti ti/ phyi sbyang ba'o// oM ka la sha sarba bud+d+ha gu Na sid+d+hi hUM// nang sbyang ba'o// oM dz+nyA na rasmi ma hA ka ru Ni/ par sha sid+d+hi hUM/ chu'i sngags so// oM rat+na pany+tsa sid+d+hi hUM/ rin po che'i'o// oM pany+tsa b+hi Sha dz+nyA ya/ sman gyi'o// oM d+hA pa pany+tsa sid+d+hi ku ru hUM// spos kyi'o// oM gar+b+ha pany+tsa sid+d+hi ku ru hUM/ snying po lnga sbyin pa'o// pany+tsa d+hA n+yaM sa ma ya sid+d+hi hUM/ 'bru'i'o// oM AHhUM mu kha la bid sha swa hA/ rgyan gyi'o// oM kalpa br-i k+Sha srig sha hUM/ kha rgyan gyi'o// oM pany+dza li ga hUM/ mgul bcing pa'o// oM A yu d+hA ro sU tra ka pa shi sa ta ka ru hUM/ gzungs thag gi'o// oM shri baibebai ro tsa na badz+ra satwa rat+na saM b+ha ba a mi d+he ba a mo g+ha sid+d+ha A yu She rA dza hUM/ yungs kar gyis dbang bskur ba'o// oM bo d+hi tsit+ta hUM// 'o ma btsal ba'o// oM ma hA pradz+nyA pA ra mi ta a d+hiSh+Tha na hUM/ oM dz+nyA na ka la sha badz+ra sid+d+hi sid+d+hi pad+ma badz+rA ya// byin gyis brlabs pa dang bzhugs pa'i'o// oM bud+d+ha badz+ra rat+na pad+ma karma a b+hi ShIny+tsa oM hUM trAM hrIHha// mu dra hri// phyag rgya sbyin pa'o// oM shu ba ri ka ri sid+d+hi hUM// ril ba sbyin pa'o// oM ma pa ne ka na bi shud+d+he hUM/ chu sbyin pa'o// oM pany+tsa naM pa sid+d+hi hUM// 'bru sbyin pa'o// oM a mr-i ta pany+tsa rasmi ma hA ku ru hUM// sman sbyin pa'o// oM d+hU pa pany+tsa a ba de sha ma hA sid+d+hi hUM/ spos sbyin pa'o// oM sarba pany+tsa rat+na sid+d+hi hUM/ rin po
- 20b
che sbyin pa'o// oM pany+tsa gar+b+ha sid+d+hi hAM/ snying po sbyin pa'o// oM kaM pa shri sha su me pa ta hUM/ gu na hUM/ kha rgyan sbyin pa'o// oM da na smi ti la ka shi ka si ka hAM/ mgul chings sbyin pa'o// oM shu pa ya sa ri su pa ka sha sa mi ta ku ru hUM/ gzungs thag sbyin pa'o// oM ma hA A daR+sha dz+nyA na badz+ra a b+hi ShIny+tsa a/ me long sbyin pa'o// oM dz+nyA na tsakra a b+hi ShIny+tsa a/ 'khor lo sbyin pa'o// oM ma hA su ra ta ma ku ta a b+hi Shiny+tsa mi/ dung sbyin pa'o// oM badz+ra rak+Sha ti ta baM hUM// rgya gram sbyin pa'o// oM bud+d+ha hUM badz+ra tAM rat+na hrIHpad+ma hA karma a b+hi Shiny+tsa mi// dbu rgyan sbyin pa'o// oM sarba bud+d+ha ka ya a b+hi ShIny+tsa mi// bum pa sbyin pa'o// oM rat+na mA la a b+hi ShIny+tsa tAM/ phreng ba sbyin pa'o// oM badz+ra a laM ba ne a b+hi ShIny+tsa a/ cod pan sbyin pa'o// oM bud+d+ha badz+ra rat+na pad+ma karma ma hA mu dra a b+hi ShIny+tsa a/ phyag rgya lnga sbyin pa'o// oM nA ma pu tra a b+hi ShIny+tsa a/ ming sbyin pa'o// oM sarba pany+tsa bid+yA d+ha ra man+tha a b+hiShIny+tsa ya/ gzungs sngags sbyin pa'o// oM sarba ta thA ga ta gu ya sa ma ya a b+hi ShIny+tsa a/ gsang ba sbyin pa'o// oM sarba ha thA ga ta ma hA ma hA pradz+nyA sa ma ya a b+hi ShIny+tsa maM/ thabs dang shes rab sbyin pa'o// rab tu dbang bskur ba'i sngags so// na mo badz+ra kro d+ha ya ma hA daM Sh+Tot+ka Ta b+hai ra bA ya/ a si mu sa la pa ra shu pA sha hastA ya// oM a mr-i ta kuN+Da li/ kha kha khA hi khA hi tiSh+Tha tiSh+Tha/ ban+ta ban+d+ha/ ha na ha na/ da ha da ha/ pa tsa pa tsa/
- 21a
gardza gardza/ bi s+pho Ta ya/ bi s+pho Ta ya/ sarba big+h+nAn bi na ya ka na/ ma hA ga Na pa ti dzi bi tan+ta ka rA ya sA ha/ bskrad pa'o// oM sarba sa man+ta da na badz+ra swA hA/ phyi ba'o// oM sarba ta thA ga ta pu pra ra na sustI sta re swA hA/ bkru ba'o// oM sarba ta thA ga ta ka ya bi shra d+ha na swA hA/ byug pa'o// oM ra dza to a ba ha ri ni hUM/ bdar ba'o// oM AHhUM sarba ta thA ga ta a b+hi She ka sa ma ya shri ya s+t+waM/ dbang bskur ba'o// oM tsak+Shu maN+Da la bi sho d+ha nA ya swA ha/ mig dbye ba'o// oM di ba bya karnA ya ne da ka lo ki ti pa sad ta hri/ rna ba dbye ba'o// oM di ba bya ga na sA sarba laM po daM ra hri hri/ sna dbye ba'o// oM di ba bya mu khA ya gan+d+ha swA hA/ kha dbye ba'o// au sarba bo ki sha sa d+ha ra ni tri/ so shing sbyin pa'o// oM sarba sho da na kha tshe da hUM/ oM karma ni ha ra ni hUM/ skra breg pa dang bshad pa'o// oM rat+na a laM kA ra hUM/ rgyan gdags pa'o// oM di ba pa pra bu ye swA ha/ na bza' sbyin pa'o// oM ba su tsa ga pa ri ga re swA hA/ rgyan dbul ba'o// oM rat+na maN+Da la u pa hUM/ gnas dbul ba'o// oM e ma ye ga ga na sa pa ri ka ra ye swA hA/ oM badz+ra si ta pa se ye swA hA/ bsil ba'o// oM AHhUM a mr-i ta kuN+Da li sarba big sha ha na hUM phaT/ bsang ba'o// oM a ga ne te b+ha ga ya swA hA/ bskyed pa'i'o// A gats+tsha/ bod pa'o// oM ag+na ye d+hU pe puSh+pe A lo ke gan+d+he i maM gr-ih+Na pU dza a la la ho// dbul ba'i sngags so// oM
- 21b
sarba pA paM da ha na badz+ra ya hAM/ til dbul ba'o// oM bi ma la ye swA hA// mar gyi'o// oM sarba pA pa maM b+han+na la swA hA/ chan gyi'o// oM A yu She swA hA// dAr ba'o// oM ye ma ye ga ga la pA ri ka ri ye swA hA/ 'bru'i'o// oM be ne ta sta badz+ra swA ha/ yam shing gi'o// oM a ha ra su spre ma hA da re be sha shan+tiM ku ru swA hA/ ma lus pa'i sngags so// bde bar gshegs pa thams cad 'dus pa'i rgyud rab tu 'byed pa las/ las chen po rab tu bsgrub pa'i snying po'i le'u ste bzhi pa'o// // de nas bcom ldan 'das kyis bde bar gshegs pa'i 'khor 'dus pa thams cad dgyes pa chen po'i don rab tu dbab pa'i rnam par dag pa'i cha lugs kyi bkod pa rgya chen po dang rang gi gnas dang yongs su mthun pa'i tshul gyis yongs su bstod pa 'di bka' stsal to// hUM rigs lnga sku lnga ye shes lnga// gtso chen rigs kun bdag po ste// rnam snang mdzad pa sku mdog dkar// byang chub phyag rgyas 'khor lo 'dzin// rdo rje mi bskyod sku mdog mthing // sa gnon phyag rgyas rdo rje 'dzin// rin chen 'byung ldan sku mdog ser// mchod sbyin rin chen 'bar ba bsnams// snang ba mtha' yas sku mdog dmar// ting 'dzin mnyam gzhag pad+ma bsnams// don yod grub pa sku mdog ljang // skyabs sbyin rdo rje rgya gram bsnams// zhabs gnyis mnyam pa'i skyil krung bzhugs// gnyis med rigs kyi
- 22a
yum rnams ni// kun bzang spyan ma gos dkar mo// mA ma kI dang sgrol ma ste// so so'i yab kyi tshul bstan zhing // gtso la 'dud pa'i tshul du bzhugs// yab yum bcas la phyag 'tshal bstod// shar phyogs dkyil 'khor chen po na// bcom ldan kun tu bzang po dang // yum chen rdo rje dbyings phyug ma// mdog dkar rdo rje rtse lnga bsnams// rdo rje sems dpa' sku mdog dkar// phyag na rdo rje rtse lnga 'dzin// rgyal po mdog ser lcags kyu 'dzin// chags pa mda' gzhu 'gengs mdzad dmar// legs pa ljang gu rgya gram bsnams// sgeg mo dkar mo rdo rje 'dzin// bdug pa mdog ser sprin 'phro ma// rdo rje lcags kyu mdog ni dmar// rdo rje me sgron mdog ljang gsal// lho phyogs dkyil 'khor chen po ni// bcom ldan 'jam dpal gzhon nu dang // yum chen rin chen dbyings phyug ma// mdog ser rin chen ral gri 'dzin// rdo rje rin chen 'dzin mdzad ser// gzi brjid mdog ser nyi ma 'dzin// rdo rje rgyal mtshan 'dzin pa dmar// bzhad pa mdog ldang so phreng 'dzin// rdo rje phreng ba 'dzin ma dkar// rdo rje me tog 'dzin ma ser// rdo rje zhags pa 'ching mdzad dmar// rdo rje 'bebs ma bsil mdzad ldang // nub phyogs dkyil 'khor chen po na// bcom ldan spyan ras gzigs dbang dang // yum chen pad+ma dbyings phyug ma// mdog/
- 22b
dmar pad+ma dmar po bsnams// rdo rje chos dkar pad+ma 'dzin// rnon po mdog ser ral gri 'dzin// smra ba lce 'dzin sku mdog dmar// rdo rje 'khor lo 'dzin pa ldang // rdo rje dbyangs dkar pi wang 'dzin// rdo rje mar me 'dzin ma ser// rdo rje lcags sgrog 'dzin ma dmar// gsal bkra ljang gu rma bya 'dzin// byang phyogs dkyil 'khor chen po na// bcom ldan phyag na rdo rje dang // yum chen las kyi dbyings phyug ma// mdog ljang rdo rje dril bu bsnams// rdo rje las dkar rgya gram bsnams// srung ba ser po go cha bsnams// gnod sbyin dmar po mche ba bsnams// rdo rje khu tshur 'dzin mdzad ldang // rdo rje gar bsgyur sku mdog dkar// byug pa dri chab 'thor ma ser// rdo rje dgyes mdzad dril 'khrol dmar// rdo rje 'bebs mdzad chu rgyan bsil// shar lho mtshams kyi dkyil 'khor na// bcom ldan sa yi snying po dang // yum chen rdo rje sems ma ni// mdog dkar rin chen snye ma bsnams// rdo rje rgyal mtshan sku mdog dkar// chu srin gser mdog phyag na bsnams// dbang phyug rgyal po ser lcags kyu// bkod pa'i rgyan dmar me tog bsnams// rin chen 'od 'phro ldang rin chen// bde ba rgyas 'debs kha T+wAM dkar// za byed ma ser mda' gzhu 'gengs// rmongs byed dmar mo phyag rgya bsnol// tshe 'phel ma ldang dril bu 'dzin// lho nub
- 23a
mtshams kyi dkyil 'khor na// bcom ldan nam mkha'i snying po dang // yum chen rin chen dbyings phyug ma// mdog ser rin chen za me tog/ snang ba'i mchog dkar rdo rje bsnams// phyag rgya rgyal ser mda' gzhu 'dzin// spos kyi glang po 'od phung dbang // spobs pa brtsegs ldang lcags kyu bsnams/ khrus ma dkar mo bum pa 'dzin// rgyal mtshan 'dzin ma sku mdog ser// bla re 'dzin mdzad lha mo dmar// gdugs 'dzin ma ni mdog ljang sngo// nub byang mtshams kyi dkyil 'khor na// bcom ldan byams pa chen po dang // yum chen pad+ma'i sems ma ni// mdog dmar klu shing pad+ma bsnams// pad+ma 'dzin mdzad rgyal po dkar// pad+ma dam pa 'dzin ma ser// rdo rje mi g.yo dmar po ti// thogs med rgyal ldang lcags kyu 'dzin// lha mo pad+ma dpal be'u dkar// 'jigs byed ma ser 'khor lo bsnams// skyon bral dmar po pad+ma bsnams// rnam rgyal ma ljang rgyal mtshan bsnams// byang shar mtshams kyi dkyil 'khor du// bcom ldan sgrib pa rnam sel dang // yum chen las kyi sems ma ni// mdog ljang phyag na po ti bsnams// rin chen dbang sdud rin chen dkar// grub pa'i las ser rgya gram bsnams// dga' bar ston dmar me long bsnams// mi g.yo mtha' ldang bsam gtan mdzad// lha mo skyabs can gdugs 'dzin
- 23b
dkar// lha mo dri med bum bsnams ser// sgra sgrogs dmar mo 'bud dung bsnams// thogs med ma ldang gser nya bsnams// kun kyang sems dpa'i zhabs kyis bzhugs// yab yum gnyis med 'dud pa'i tshul// gsal 'tsher lhun sdug gzi brjid 'bar// mnyen lcug 'khril ldem gzhon tshul can// shar phyogs khyams na gnas bzhugs pa// brgya byin mdog dkar pi wang bsnams// thags bzang ris sngo go cha bsnams// lho phyogs khyams kyi logs dag na// shAka thub gsil byed 'dzin gser mdog/ nub phyogs khyams kyi logs dag na// shAkya seng mthing po ti bsnams// nam mkha'i mdzod dmar rin chen sgrosgom// byang phyogs khyams kyi logs dag na// chos rgyal mthing nag me chu bsnams// dkyil 'khor phyi yi sgo bzhin// shar sgor rdo rje lcags kyu dkar// lho sgor rdo rje zhags pa ser// nub sgor rdo rje lcags sgrog dmar// byang sgor rdo rje dril 'khrol ldang // cung zad khro ba'i tshul gyis bzhugs// dus gsum sangs rgyas kun gyi bdag/ gtso chen yab la phyag 'tshal bstod// dbyings dang ye shes 'du 'bral med// rigs kyi yum la phyag 'tshal bstod// thabs mkhas thugs rje 'gro don mdzad// sems dpa'i gtso la phyag 'tshal bstod// ye shes sgyu ma'i tshul 'chang ma// sems ma'i gtso la phyag 'tshal bstod// ma lus don mdzad
- 24a
rgyal ba che// sems dpa'i tshogs la phyag 'tshal bstod// gnyis med phyag rgya 'dud tshul can// sems ma'i tshogs la phyag 'tshal bstod// 'gro drug so so'i don rdzogs mdzad// thub pa drug la phyag 'tshal bstod// phyag rgyas phrin las rdzogs mdzad pa'i// sgo skyong bzhi la phyag 'tshal bstod// phyogs bcu so so'i bgegs rigs 'dul// chos srung tshogs la phyag 'tshal bstod// bstod pa'i rgyal po 'di dag gis// lha rnams la ni gang bstod pas// bsod nams ye shes tshogs rdzogs te// kun zang nyid dang mtshungs par 'gyur// zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ sku'i phyag rgya rab tu grub pa bstod pa'i le'u ste lnga pa'o// // de nas yang bcom ldan 'das kyis bde bar gshegs pa rnams kyi thugs rje rgya chen po rab tu grub pa gzhan gyi don dpag tu med pa sbyor ba'i rigs sngags 'di dag bka' stsal to/ oM swA b+ha ba sarba d+harmAHbi shud+d+he swA hA/ zhes bya ba ni thams cad du dag pa'i sngags so// oM ba ra bi da na khargats+tshin+na ts+tshin+d+ra hUM phaT/ dang po rgyud kyi sgo gcad pa'o// oM sarba du khaHsarba rak+She sha hUM phaT/ gnyis pa gcad pa'o// oM ma tha ma tha sarba tiR+Ya ka ga te he tuM hUM phaT/ gsum pa gcad pa'o// oM pa tsa pa tsa sarba pre ta ka ga te he huM hUM phaT// bzhi pa gcod pa'o// oM da
- 24b
ha da ha sarba na ra ka ga te he tuM hUM phaT/ lnga pa gcad pa'o// i d+ha ma te kha tham// badz+ra sa ma ya na rag kan/ ma ra hr-i da ya// na ma pa ti nan/ sa ma rak+Sha sid+d+ha bi ti a mr-i ta he ho// gzhug cing bsgrag pa'o// oM b+ha ba ya ag+na ye A ga ts+tsha ya ga ts+tsha ma dr-i sh+ya ho// sa ma ya staM/ dgug gcing bzhugs pa'o// oM b+ha ba ag+ne ye mA ma sarba pA paM shIn+taM ku ru swA hA/ ma mA sarba karma A ba ra Na bi shud+d+he shan+ti ku ru swA hA/ mchod cing sbyin pa'o// oM brah+ma Ne sUr+ya tsan+da a d+hi pa ta ye hUM dzaH/ oM be shra ma NA ya ma hA rA dza a d+hi pa ta ye hUM dzaH/ oM d+hai tra raSh+Ta ya ma hA rA dza a d+hi pa tra ye hUM dzaH/ oM bi rU Ta kA ya suM ban+de/ ma hA rA dza a d+hi pa ta ye hUM dzaH/ oM bi rArU pa k+Sha nA ga ma ha rA dza a d+hi pa ta ye hAM dzaH/ oM in+d+ra ya/ ag+na ye// ya mA ya/ nai ra r-i tA ya/ ba ya be/ ba ru NA ya/ ku be rA ya// I sha na ya// biSh+Ta be/ sUr+ya tsan+na ya/ A gats+tsha hUM dza/ ma hA de ba aSh+Ta b+h+yaHhUM dza/ phu nA ga aSh+Ta b+h+yaHhUM dza/ gra ha aSh+Ta b+h+yaHhUM dza/ yak+Sha ma ha se na pa ta ye hUM dza/ badz+ra ha pa ri a ta ya hUM dza/ a d+hi pa ta ye hUM dza/ A gats+tsha ya A gats+tsha ya hUM dza/ bod pa'i sngags soH// oM brah+ma Ne// sAr+ya ya/ tsan+d+rA ya/ in+d+ha ya/ ag+na ye/ ya mA ya// rak+ta ya// ba ru NA ya/ bA ya be/ ku be rA ya// I sha nA ya/ biSh+Ta be/ de bA ya/ nA ga ya// gra hA ye/ yak+ShA ya/ i daM gr-i hA/ d+ha pe// puSh+pe/ A lo ke// gan+d+he/ ni bi d+ye pU dza ya sA hA// mchod pa
- 25a
dang rab tu sbyin pa'i sngags so// o ti sta na badz+ra sa da ta hUM// bskyed pa'i sngags so// oM na maHsa man+ta naM hUM hUM/ gtsug tor gyi sngags so// na maHsa man+ta bud+d+ha nAM ga ga pa ra lak+Sha na ka ru na ma hA ta thA ga ta badz+ra tsak+Shu kru swA hA// ye shes spyan gyi sngags so// na maHsa man+ta badz+rA NAM badz+ra ka ba tsa rak+Sha hUM/ rdo rje go cha'i sngags so// na maHsarba ta thA ga te b+h+yo sarba tad khaM rak+Sha ma hA ba le/ sarba ta thA ga ta pud na ni ra dza te hUM hAM tra thA tra tha a pra ti ha te swA hA/ bsrung ba'o// oM A badz+ra aM ku sha nr-i tAM A gats+tsha hUM dza// ming byang la dgug pa'i sngags so// oM badz+ra ma hA kro d+ha ya ma rA dza pa tsa pa tsa hUM phaT/ lus la bskrad pa'o// oM badz+ra ma ha kro d+ha ha ya grI ba hu lu hUM phaT/ ngag la bskrad pa'o// oM badz+ra ma ha kro d+ha bi dza ya ha na ha na hUM phaT/ yid la bskrad pa'o// oM badz+ra ma ha kro d+ha a mr-i ta kuN+Da li ts+tshin+da ts+tshin+da hUM phaT/ thams cad du bskrad pa'o// oM ma hA sarba durga ti bi sho d+ha ni ra dza ya dza/ drang ba'i'o// oM ma hA many+dza shri sarba khang+ga ti/ shag ti tik+Sha dza pa ya phaT/ sgrib pa gcad pa'i sngags so// oM sarba karma a ba ra Na bi sho d+ha ya sarba dur ga ti bi sho d+ha ya dza la dza la ka ta ka ta ha na ha na sa ra sa ra pra sa ra pra sa ra ha ra ha ra s+pho Ta s+pho Ta pre ta pre ta ma tha ma tha tra tha tra tha tshin+da tshin+na da ha da ha pa tsa pa tsa ma tha ma tha a ni nirgi te a pa ra hUM hUM phaT/ brab pa'i sngags so// oM badz+ra
- 25b
ma hA yak+Sha sarba pA paM pA paM kha kha khA hi khA hi/ bstab pa'i sngags so// na mo b+ha ga ba te a d+hi pa ti sarba pA bi bi shud+d+ha ye pra sa da ka ka ra ni swA hA/ bkru ba'i sngags so// oM sarba pA paM ka da ha na badz+ra yak+Sha dza la raM raM/ bsregs pa'i sngags so// oM na mo b+ha ga bA te sarba durga ti pa ri sho d+ha ni rA dzA ya/ ta thA ga tA ya/ ar+ha te samyaka saM bud+d+ha ya/ ta d+ya thA/ oM sho d+ha ni sho d+ha ni/ sarba pA paM bi sho d+ha ni shud+d+he bi shud+d+he sarba karma A ba ra ni bi sho d+ha ni swA hA/ sbyang ba'i sngags so// oM na maHtre ya d+hi ka nAM sarba ta thA ga hr-i da ya gar+b+he dza la dza la d+harma d+ha tu gar+b+he san+na ra ma ma a yusl-i sho d+ha ya ma ma sarba pA paM// sarba ta thA ga ta ya man+to Sh+NI Sha bi ma le bi shud+d+he swA hA/ mchod rten bya ba'i sngags so// oM badz+ra rat+na sarba dz+nyA na hUM phaT/ sa byin gyis brlab pa'i sngags so// oM badz+ra kI li kI lA ya sarba duSh+TAM hUM phaT/ phur pa gdab pa'i sngags so// oM badz+ra sU tra ha phaT// thig gdab pa'i sngags so// oM a mr-i ta pra ti ha ta ha na ha na hUM phaT/ yungs kar gtor ba'i sngags so// oM badz+ra kha na kha na hUM phaT/ sa rko ba'i sngags so// oM badz+ra a mr-i ta mA ma ki bi shud+d+he swA hA// chu gdab pa'i sngags so// oM badz+ra A yu She A be sha ya swA hA// brdzi ba'i sngags so// oM badz+ra dz+nyA na mung+ga rA A ko Ta ya A ko Ta ya hUM phaT/ brdung ba'i sngags so// oM badz+ra dz+nyA na bo d+hi tsit+ta rat+na pany+tsa sid+d+ha ye swA hA// byin gyis brlab pa'i sngags
- 26a
so// oM badz+ra bim+ba sA ra d+harma ka ya swA hA/ 'bi 'bi'i sngags so// oM ma hA d+harma d+ha tu dza la gar+b+he swA ha/ phyag rgya gzhug pa'i sngags so// oM badz+ra A yu She dz+nyA na bo d+hi tsit+ta a a// gdab pa'i sngags so// oM d+harma d+ha tu nirma saM b+ho ga kA ya d+harma swA hA/ dbyung ba'i sngags so// oM su pra tiSh+Tha badz+re swA hA/ bzhugs pa'i sngags so// oM dz+nyA na tsakra badz+ra pra marda ni swA hA// 'khor lo'i sngags so// oM ma ha a ra dze bi ra dze swA hA/ na bza' gsol ba'i sngags so// oM sarba ta thA ga ta hr-i da ya ma Ni sha ta dIp+ti swA hA/ d+harma d+hA tu gar+b+he hr-i da ya swA hA/ gnas pa'i sngags so// oM sarba ta thA ga ta dz+nyA na pany+tsa kro d+ha sa twa mu na ye swA hA// da du pa ra ta bi ru ma hA maN+Da la ga Na de ba tsakra/ badz+ra ka ni ki swA hA/ dkyil 'khor gyi sngags so// oM sho d+ha ni sho d+ha ni sarba pA paM bi sho d+ha ni sarba ta thA ga ta a pa nA ya swA hA/ las sbyang ba'i sngags so// oM a mr-i ta sarba bid badz+ra tiR+Ya ka pre ta ka na ra ka ga ti pa ra na tra tha hUM phaT/ shi ba la phan par bya ba'i sngags so// oM sarba ta thA ga ta dz+nyA na a ba lo ki te/ sa man+ta s+pha ra na rasmi b+ha ba ma hA ma Ni du ru du ru hr-i da ya dza lA ni hUM/ oM puN+ye puN+ye ma hA puN+ye a pa ra mi ta A yu b+h+yAM dz+nya na saM b+ha ro pa tsi te swA hA/ skye ba la phan pa'i sngags so// oM na maHsarba bud+d+ha nAn a mo de ba laM laM laM sarba a ba ra Na bi sho d+ha ne sarba yaM pA paM bi ma la A yur+d+ha ra puN+ye pu n+ye ma hA puSh+Ti
- 26b
ku ru swA hA/ sgrib pa gcad pa'i sngags so// na mo badz+ra pA Na ye ma hA yak+Sha se na pa ta ye/ oM badz+ra kro d+ha ma hA ba la ha na da ha pa tsa bi d+han+ma ya/ dza TI lam+bo da ra u tsuSh+pa kro d+ha hUM phaT/ bgegs gcad pa'i sngags so// oM sum+b+ha ni sum+b+ha hUM/ gr-ih+Na gr-i h+Na hUM/ gr-ih+NA pa ya gr-ih+NA pa ya hUM/ A na ya ho/ b+ha ga bAn bid+yA rA dzA ya hUM phaT/ spong gdon gcad pa'i sngags so// oM ka kyi ka kyi du ru du ru hUM pa pa ra dza/ khe rgyas khe rgyas tsa sa me na maM tshe/ nad b+hi sa nan/ d+ha re badz+ra ka ru da ta ya swA hA/ mdze nad gcad pa'i sngags so// oM tsa du ar+ya sad tA du kha pa ha sad ta oM sa mud ne d+harma ka ma ka/ thA k+Sha sa nad ar+ya au na ro ta ni rud da na de a smig sa rba k+She shi sid+d+hi swA hA// oM rga man+ti a ti na ni ti ri mi ti swA ha/ sdom pa gso ba'i sngags so// oM badz+ra tA sa ma ya/ na nu pA la ya/ badz+ra sa twa twe no pa/ tiSh+Tha dr-i D+ho me b+ha ba// su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+him+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga wAn/ sarba ta thA ga ta badz+ra ma me muny+tsa badz+rI b+ha ba ma hA sa ma ya sa twa a/ dam tshig gso ba'i sngags so// oM bud+d+ha bai ro tsa na/ hUM badz+ra ak+Sho b+h+ya/ tAM rat+na saM b+ha ba/ hrIHpad+ma a mi de ba/ a karma a mo g+ha sid+d+hi/ bA gI shwa ra ya/ lo ke shwa ra ya/ badz+ra shar+ya sa ma ya d+harma kA ya nirma Na ka ya sam+b+ho ga kA ya maN+Da la sa ma ya hUM/ gzhugs pa'i
- 27a
sngags so// dam pa'i rigs mchog brgya dag kun// sku yi phyag rgya chen po nyid// snang la rang bzhin yongs ma grub// gsung nyid sgra yi dam tshig yin// yongs su grags pa de nyid stong // rdo rje thugs kyi dkyil 'khor de// yod med spros dang bral ba'o// 'di la gang zhig nges gnas pa// bde gshegs kun tu bzang po yin// zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ nye ba'i las kyi rig pa chen po sprul par byin gyis brlab pa'i le'u ste drug pa'o// // de nas bcom ldan 'das kyis sku dang gsung dang thugs kyi rdo rje mi 'gyur ba chen po yang dag par spro ba las nye bar 'du ba'i sbyor ba chen po 'di nyid kyi gsang ba las phyung ngo // kye kye 'dus pa'i tshogs chen kun// kun tu bzang po kun gyi bdag/ nga dang rang bzhin bdag nyid ni// ma rtogs pa dang log par rtog/ phyogs tsam dang ni rab tu rtogs// don la dgongs dang dgongs min dang // ji bzhin sgra dang ma yin nyid// nges pa nyid dang drang ba tsam// sbas tshig spyi yi yi ge las// bdag po'i snying la nges gnas pa// blun po gzhan la snying brtse dang // go ba bzang la rab bstan te/ lhag par spyod pa nyid la gdams// de yis dben pa'i gnas nyid du// ting nge 'dzin gyi yo byad bsten// tshangs par spyod pa'i
- 27b
gnas bzhi dang // gzhan don sems la brtan byas te// mthing nag hUM gi 'bar 'phro las// dag pa'i tshogs rten rab tu blta// de la mnyes sbyang yi rang dang // phan pa'i don gsol bya ba yis// nang du rung ba nyid yin no// bar chod bgegs kun gzhom pa'i phyir// snying po bzhi las skyes pa yi// rdo rje'i sa gzhir bsam par bya// rnam rtog 'du shes spang byas nas// bgegs kyi gnod pa ngang gis bsrung // dang po byang chub sems nges pa// stong nyid skye 'gag med gsal nas// snying rje'i yul gyi sa bon mthong // 'phel 'grib med gsal spro bsdu ba// dngos grub brtan 'byung ye shes rgyu// mtha' bral nam mkha'i chos 'byung la// g.yo sbrang bsreg cing brten byed rnams// rim 'byung so so'i nus par ldan// rin chen ri rab gzhal med khang // mtshan nyid kun ldan khyad par du// 'khor lo rtsibs bzhi brgyad kyis mdzes// rtsal stobs shugs mdzes rigs ldan pa// 'degs byed steng du drod bsil 'od// 'jam mdangs ldan pas gsum dbyung ste// rtsal chen steng du med pa'i rgyu// rdo rje chu skyes ming gis mtshan// gzugs sku 'jig rten khams su spro// gzhan don mdzad pa rdzogs slar thim// phyag rgya yongs gyur byed pa'i yid// zhal gcig phyag gnyis brgyan dkar 'od// lnga bdag cod pan don mdzad bcas// bya ba'i chos bdag sgeg ldan
- 28a
ma// in+d+ra nI la'i mdog 'dzin cing // thabs dang shes rab brda mdzad cing // rdo rje dril bu thugs kar 'dzin// pad+ma nyi ma 'od phreng ldan// 'dud pa'i tshul du bsams nas ni// gnyis med sbyor bas kun 'dus nas// yab la kun thim gsang gnas phyung // yum gyi mkha' dbyings 'phro 'du las// dkyil 'khor rab rdzogs rjes chags kyis// yul rnams kun bsdus phyi rol dgod// 'jug par gsol te 'od kyis sbyang // sems can don gyur byin brlab kyis// rang nyid ye shes ngo mtshar brjod// e ma phung po rdo rje'i 'od// 'byung ba'i nus pa dang bcas pa// sangs rgyas yab yum rnams su snang / khams dang skye mched sems dpa' ste// byung mthong bcings grol rig ma rig/ gsang chen skyon bral nyid yin no// de bstan yum gyis 'di brjod do// e ma chos kun gdod nas dben// snyigs ma lnga yang bde ldan te// gzhan nas btsal du yod min te// rang gi snying po rang la nye// de nas rgyal po gnas su dgod/ sbyong byed yi ge yab la thim// bde 'byung yum la gnyis su med// snyoms zhugs 'bru tshogs rab tu 'phros// byang chub lnga dang bsam pa lnga// rtogs pa bzhi yis mngon du bskyed// gtso bdag chen po mthing ga'i 'od// zhal gcig phyag gnyis phyogs kun snang // phyag g.yas rdo rje thugs kar brten// g.yon pa
- 28b
dril bus yum la bzung // btsun mo snang ba'i dbyings phyug ma// mthun pa'i tshul dgus rab tu 'khril// sna tshogs rigs kyis dbu rgyan cing // g.yon pa dril bu thugs kar brten// g.yas pa nyi ma'i 'od kyis 'khril// phung po'i rnam shes lha ru bsgom// sku mchog bde chen gnas su bsgom// longs spyod gnas su AHyin no// snying ga lte ba gsang ba ru// hUM dang swA hA rim bzhin dgod// mthong thos tshor dang myong ba la// k+Shi traM hrI dzi rim bzhin bsam// me b+hI hUM dang muM rnams ni/ de dag phyi rol yul la dgod// yi ge sku yi dkyil 'khor las// gnyis med sems dpa'i thugs ka nas// 'od 'phros sku gsung thugs bsdus nas// mdun gnas de la gsol ba ni// oM 'bar ba'i rgyal po sku gsung thugs// yon tan phrin las rmad byung ldan// 'di nyid kun dang mnyam sbyor ba// phyag rgya chen por bdag sbyor cig/ oM sarba ta thA ga ta ka ya ba ka tsit+ta badz+ra swa b+hA ba At+ma ko&haM/ sku gsung thugs kyi nga rgyal bskyed// yum gyi sgra yi dkyil 'khor dgod// 'dod yon lnga dang mAM bsgoms te// spyi bo mgrin par laM dang mAM// lhag mar mr-i pye taM ma bsam// mthong zos tshor myong hUM trAM hrIHa/ phyi rol dzaHhUM baM hoHdgod// byin gyis brlabs pa'i gnas lnga ru// 'bru lnga bsgoms te sku rdzogs nas// dkyil 'khor sbrul phyir 'byin pa'i gnas// 'bru gsum rdo rje
- 29a
pad+mar bskyed// oM sarba ta thA ga ta ma hA a nu rA ga badz+ra swa b+hA ba At+ma ko&haM// yum gyi bde chen thugs dkyil du// byin brlabs thabs sogs yi ge las// sa bon mtshan ma'i sku rdzogs nas// sum cu rtsa brgyad ming gis dbyung // rang gi cha lugs yongs rdzogs pa// gsal 'tsher lhun sdug gzi byin 'bar// sna tshogs 'od kye phreng bas 'khrigs// kun tu khyab cing lhun gyis grub// ma rig sprin gyis bsgribs pa'i phyir// skal ngan gyi yang gzugs bstan pa// bcu gnyis mdzad pa'i cho 'phrul gyis// 'gro ba so so'i phyogs 'dul ba// rgyan ldan rdzogs par gsal bar ldan// thugs kyi sa bon 'od phreng las// phyogs bcu'i dkyil 'khor spyan drangs te// rang gi mdun du mngon par bsam// e h+ye hi b+ha ga bAn ma hA ka ru Ni ka dr-i sh+ya ho sa ma ya s+t+waM/ dzaHhUM baM hoH/ ye shes rgyal po sku gsung thugs// 'bar ba'i byin rlabs rmad du byung // de nyid kyi ni mnyam bzhugs pa'i// phyag rgya chen por bdag sbyor cig/ badz+ra sa ma ya hUM// dzaHhUM baM hoH/ rang shar dbyer med dkyil 'khor la// 'jug pa'i mtshan nyid mnyam sbyor ba// phyogs dus kun nas gshegs pa yi// bsnyen pa rab rdzogs dam tshig mchog/ ye shes dkyil 'khor mnyam sbyor bya// sgyu ma lta bu'i kun la brdal// mchod phyir dbyings dang mnyam sbyor zhing // de yi phyag
- 29b
rgya chen por bsgom// bdag gi snying ga'i sa bon las// 'od 'phros phyogs bcu'i sangs rgyas kyi// mchod pa'i tshogs bsdus thugs kar thim// gsang bar phyung ste mkha' dbyings nas// 'od las mchod pa'i lha mo 'phros// de yi bde gshegs dkyil 'khor la// dgyes pa'i glu dbyangs snyan pas bstod// rgyal bas gzhan don rdzogs mdzad de// slar bsdus thugs kar gsang bar bsgom// bde chen stangs dpyal gsum mam lnga// dgyes ldan rab zhugs yid 'dod mnyam// cho ga lnga rdzogs yo byad lnga// sngags kyi yan lag lnga rdzogs shing // ma nyams 'jug par rab brtson na// zla gsum drug gam bcu gnyis kyis// dbang bsgyur rigs kyi dam pa 'grub// dus grangs mtshan ma ma thob par// rab tu bsnyen pa rdzogs par bya// zhing dag longs spyod rdzogs pa yi// 'bras bu mchog tu 'di 'gyur ro// zhes bka' stsal to// rtsa ba las yang dag par bskyed pa'i sbyor ba'o// / de nas las kyi snying pa nye bar byed pa rnams bka' stsal te// ma hA t+ma rmAH/ a am+ba/ b+hA ba~M sha ba~M kud+d+he \u0f88\u0f90/ gzhi bzang ba'o// oM waH nAM prar+d+ha g+ha/ gr-i d+ha gr-i b+hA gr-ih+NA pa ya gr-i h+NA pa ya hAM/ a na ya ho/ b+ha ga ban bir+ya rA dzA ya hUM phaT/ oM bi dza ya ma hA kro d+ha ha na ha na n+na/ oM ni la daN+Da ma ha kro d+ha da ha daM ha hA/ oM ya man+ta ka ma hA kro d+ha pa tsa pa tsa hAM/ oM Ar+ya a tsa la ma ha kro d+ha
- 30a
badz+ra badz+ra nA/ oM pad+mAn krata ma hA kro d+ha hu lu hu lurbA/ oM ma hA krod+ha Tak+ka rA dza tiSh+ThatiSh+ThanA/ oM a mr-i ta ma hA kro d+harmAn+ta rban+dan+tu/ oM bag+h+nA nan ta krata ma hA kro d+ha than+d+ha b+hin+da hA/ oM ma hA kro d+ha hA ka ra ga gardza hUM/ oM ma hA kro d+ha ma hA ba la s+pho Ta s+pho Ta hUM/ bsrung ba'i sngags so// oM dz+nyA na dza la dza la badz+ra badz+ra hUM phaT/ dbab pa'i sngags so// oM dz+nyA na tsakra dza la dza la hUM/ brdeg pa'i sngags so// oM badz+ra mud ga ra hUM A ko Ta A ko Ta ya hUM/ brdung ba'i sngags so// oM badz+ra kI li kI li ya hUM hUM phaT phaT/ brdab pa'i sngags so// oM badz+ra tik+Sh+Na shak+ti ha la ha la hUM phaT/ gcad pa'i sngags so// oM badz+ra raM pa raM dza la dza la hUM phaT/ bsreg pa'i sngags so// oM ma hA shAn+ya ta dz+nyA na hUM/ oM ma hA kA ru Na hUM// oM ma hA su kha hUM/ rim pa'i sngags so// oM bo d+hi tsit+ta s+pha ra Na hUM phaT/ oM bo d+hi tsit+ta saM ha ra Na hUM/ spro bsdu'i sngags so// e A ka sha maN+Da la/ yaM karma rak+Sha haM/ bi ma ma kA ni ra~M maN+Da la/ su d+h+yaM me hUM/ laM ti sha maN+Da la/ raM dz+nyA na dza la maN+Da la// b+hI rat+na tre lo kya bi shud+d+he hUM/ bskyed pa'i sngags so// saM ha maM khaM ga/ ma sur+ya maN+Da la/ a tsaN+Da maN+Da la/ baM pad+ma maH la hUM/ raM rat+na maN+Da la hUM/ gding ba'i sngags so// oM badz+ra tsit+ta A be sha a a/ a nud paM sata ta/ na mo ha ra ti/ badz+ra ti tsit+ta pra brta s+pha ra Na hUM phaT/ saM ha ra Na hUM/ bzhag pa'i sngags so// oM muM d+hA tI shwa ri/
- 30b
dzi na dza ka pad+ma maN+Da la e/ tiSh+Tha badz+ra hwA/ tsat+ta sid+d+hi s+pha ra Na phaT/ sa ma ya s+t+waM/ ra go&H/ ra ga ya me// dzaHhA ba ha/ tsi tr-i a pra maN+Da la hA s+pha ra Na phaT/ sa ha ra Na hAM/ dbab pa'i sngags so// ma la/ hwA ma?/ sa mA/ AM/ pAM/ hA/ tAM/ k+Shi/ hUM/ tr-i traM/ hri hrIM/ dzi aM/ me dzaHg+h+ri hAM/ hUM baM/ mr-i hoHhUM a/ dzaHhUM baM hoH/ kr-i truM sruM k+ShaM br-i ye/ ming gi snying po dang bcas te dbyung ba'i sngags so// oM sarba ta thA ga ta shAn+ti ma hA ka ru Ni ka e h+ye hi b+ha ga bAn e a sa mo dri sh+ya ho// bod pa'i sngags so// oM sarba ta thA ga ta badz+ra pad+ma sa ma pra be sha ya A be sha ya/ sa ma ya s+t+waM// dbab pa'i sngags so// oM na mo rat+na tra yA ya/ na mo b+ha ga ba te b+h+yo badz+ra swa ra pra marda ni/ ta thA ga te b+h+yaH/ ar+ha te b+h+yaH/ samyak+saM bud+d+he b+h+yaH/ tad+ya thA/ oM badz+re badz+re ma hA badz+ra ma ha te dza badz+re/ ma hA bid+yA badz+re/ ma hA bo d+hi tsit+ta badz+re/ ma hA bo d+hi man+do pa saM kra ma Na badz+re/ oM badz+ra sarba karma A ba ra Na bi sho d+han badz+re swA ha/ mchod pa'i sngags so// oM AHbadz+ra sur+ya to bi bi sha ma hA rat+na ga Na tsakra pA dza me g+ha pra ti ts+tsha ba len+ta/ ma hA maN+Da la su kha ho// pA dza kha kha khA hi khA hi/ bstab pa'i sngags so// las sna tshogs pa'i rig pa'i sngags so// rab tu snang ba dbyung ba'i khyad par ro// // de nas de bzhin gshegs pa rnams kyi sku dang thugs kyi gsang ba chen po la gsung gi sgra mnyes pa'i brjod pa rnam pa lnga spro bar mdzad de/
- 31a
chos nyid kyi snying po rang gis rtogs pa'i don las sgra brnyan lta bur grags pa ni/ e ma/ ma skyes dbyings las skye ba'i cho 'phrul ni// dug lnga rnam dag sku lnga rigs lngar gsal// phyogs bcu dus gsum rgyal ba kun gyi gtso// chos sku khyad par ye shes lnga yi dang // rnam par snang mdzad mdog dkar 'khor lo bskor// mi bskyod mthing ga rdo rje sa gnon mdzad// rin chen 'byung ldan ser po rin chen dbyig/ snang ba mtha' yas mdog dmar ting 'dzin mnyam// don yod grub pa ljang gu rgya gram 'bar// go 'byed kun tu bzang mo dril bu bsnams// brtan mdzad sangs rgyas spyan ma thor tshugs bsnams// bsreg mdzad gos dkar ma ni rin chen 'bar// sbyong byed mA ma kI ni pad+ma bsnams// bskyed mdzad dam tshig sgrol ma rgya gram bsnams// so so'i rigs mchog yab kyi tshul 'dzin ma// thabs kyi sku las shes rab bskyed pa'i yum/ gsang mchog mkha' dbyings rnam dag bde 'byung gnas// bde gshegs sras tshogs ma lus yum gyur ma// 'gro don mdzad phyir thugs rje'i sku sprul ma// rigs lnga yab yum tshogs la phyag 'tshal bstod// dus gsum rgyal ba kun gyi thugs kyi sras// sa lam yon tan ma lus rab rdzogs shing // 'gro kun bla med gnas su bgrod mdzad phyir// sa bcu'i rgyal tshab gnas bzhugs
- 31b
sems dpa'i gtso// sa snying dkar po rin chen myu gu bsnams// nam mkha'i snying po mdog ser ral gri bsnams// spyan ras gzigs dbang dmar po pad+ma bsnams// phyag na rdo rje ljang gu dril bu bsnams/ kun bzang mdog dkar rin chen snye ma bsnams// byams pa dmar ser klu shing gun+d+he bsnams// sgrib pa rnams sel sngon po po ti bsnams// 'jam dpal gzhon nu dmar ser ut+pal bsnams// tshogs brgyad dag pa rnam thar brgyad rdzogs dang // sems dpa' brgyad kyi sku la phyag 'tshal bstod// rgyal ba'i sku gzugs mchod pas mnyes mdzad ma// 'dod yon tshogs kyis ma lus thugs dam skong // nyon mongs spangs pas ye shes rab rgyas shing // sems dpa'i sku gsung thugs rgyud bskul mdzad pa'i// lA s+ye dkar mo me long rgya gram bsnams// mA le ser mo rin chen phreng ba bsnams// gir ti dmar mo pi wang rgyud mang bsnams// ni rti ljang gu gar gyi phyag rgya bsgyur// d+hU pe dkar mo spos kyi sprin 'phro ma// puSh+pe ser mo me tog pad+ma 'thor// gsal ba'i mdangs ldan dmar mo mar me bsnams// gan+d+he ljang gu byug pas mnyes mdzad ma// yul brgyad rnam dag sa brgyad rab rdzogs pa'i// sems ma brgyad kyi sku la phyag 'tshal bstod// rigs drug 'jig rten khams kyi don mdzad phyir// mthun 'jug thabs kyi spyod pa rab tu ston// bcu
- 32a
gnyis mdzad pa'i tshul gyis gdul bya sbyong // mngon shes byin rlabs cho 'phrul sna tshogs ston// lha yi thub pa mdog dkar pi wang 'dren/ lha min thub pa sngon po go cha bsnams// mi yi thub pa ser po gseg shang 'dzin// byol song thub pa mthing ga po ti bsnams// yi dwags thub pa dmar po sgrom bu bsnams// dmyal ba'i thub pa nag po me chu bsnams// thugs rje chen pos 'gro drug so sor 'dren// bcom ldan thub drug sku la phyag 'tshal bstod// bde gshegs sku gsung thugs las sprul pa'i sku// dus bzhi rnam dag phrin las ye shes bzhi// rab tu rdzogs mdzad drag shul khro bo'i sku// gtso chen las mdzad thugs rjes gdug pa 'dul// rnam par rgyal ba dkar po be con bsnams// ro langs ma ni mdog dkar lcags kyu bsnams// gshin rje gshed po mthing nag zod dbyug bsnams// mi pham ma ni mdog sngon zhags pa bsnams// rta mgrin dmar po thod sbrul pad+ma bsnams// ral gcig ma ni mdog dmar lcags sgrog bsnams// bdud rtsi 'khyil pa ljang gu rgya gram bsnams/ khro gnyer ma ni mdog ljang dril bu bsnams/ khro tshul spyan gsum zhabs gnyis dor thabs bgrad/ khro rgyal yab yum sku la phyag 'tshal bstod// dbyings kun rang bzhin rnam par dag pa la// thugs rje'i dbang gis 'dul byed skur bstan
- 32b
pa// rdo rje dbyings kyi lha tshogs bzhi bcu gnyis// thabs dang shes rab sbyor la phyag 'tshal bstod// ces phyogs bcu thams cad du chos nyid kyi sgras khyab par mdzad de/ rang bzhin gyi dkyil 'khor sgyu ma lta bu'i gzugs kyis thams cad la snang bar gyur to// bde bar gshegs pa thams cad kyi rgyud rab tu 'byed pa las/ dkyil 'khor bsdus pa'i sgo nas bsgrub pa'i le'u ste bdun pa'o// // de nas rab tu bshad pa ni// sku lnga lhun rdzogs ye shes kyi// thig le snang ba'i rim pa ni// bsam gyis mi khyab mtha' yas mchog/ phyogs bcu dus gsum rdzogs pa'i zhing // bsam yas rnam dag gzhal yas khang // dkyil 'khor rgyan dang rol mo'i tshogs// ma lus mthong thos nye bsnyen dang // rgya cher gsungs pa'i don 'byung ba// ye shes mthun par snang ba'o// gcig dang du mar bral ba yi// mtha' dang dbus med de bzhin nyid// sangs rgyas spyan gyis ma gzigs te// rab byung ye shes snang med snang // log par rtog pa'i rgyud dag cing // ye shes dbyings las mi gzhan pa'i// thugs rje chen pos mi gtong ba'i// 'gro drug so so'i lus su snang // de ltar rang lus dpal ldan pa'i// dkyil 'khor gsang ba bsgrub par bya// lus dang ldan pa'i dkyil 'khor gyis// dkyil 'khor la ni lus kyis bsgom// lus kyi dkyil 'khor las byung
- 33a
ba// sems dang lus kyi dkyil 'khor mchog/ gsang ba'i thig le lus kyi dbyings// 'byung ba'i shes rab rigs kyi yum// thabs chen gsang rigs de bzhin te// byang chub sems ni rdo rje'i tshogs// yul snang kun bzang dkyil 'khor la// bdag nyid lhag pa'i yig 'bru las// thugs rje ye shes sgyu mar snang // snying po thig le mnyam sbyor ba'i// bde ba'i ye shes rol mo yis// ye shes dbyings la mchod pa 'bul// zag pa med pa'i bsod nams kyis// ye shes sgyu ma rang snang ba// rol mo'i dkyil 'khor mtha' yas mchog/ gsang ba'i thig le de nyid dbyings// 'di ni sangs rgyas kun gyi dngos// phyogs bzhi dus bzhi mngon rdzogs pa'i// sku gsung yon tan phrin las thugs// ma lus bdag gi zhal mthong ba'i// dbang bsgyur mchog ni 'di yin no// 'byung ba phung po sangs rgyas lnga// rnam shes brgyad dang de yi yul// sems dpa' sems ma brgyad yin no// 'byung ba bzhi ni sgo ma bzhi// rtsa ba'i nyon mongs thub pa drug/ lus las byung ba'i 'khor lo nyid// rdzogs pa'i dkyil 'khor lhun gyis grub// ma lus mnyam sbyor thugs rje 'byung // phyogs dus kun tu 'dus pa'i mgon// sgyu ma'i lus kyi sbyor ba yis// 'bad rtsol bral ba'i lus la spyod// ye shes rdzogs pa'i lus 'di la// thos bsam bsgom pa'i sbyor
- 33b
ba yis// rang las byang zhing lhun gyis grub// gnas spyod 'phro dang rtsol ba gsum// gsang ba'i ye shes bskyed pa'i gnas// mkha' dkyil thog ma dbyings nyi zla// ye shes bdag po yab yum bsgom// 'di ni sangs rgyas thams cad kyis// 'da' bar mi mdzad dam tshig mchog/ nang du rdzogs pa'i rim pa'o// // rab tu gsang ba'i de nyid don// lus kyi de nyid rlung gi gnas// sems kyi de nyid ma bcos pa// thabs dang shes rab rdzogs sangs rgyas// dri med dngas pa chos kyi sku// ma btsal gtan la dbab par bya// sems kyi gnas lugs de nyid ni// ma bcos dus na ngos bzung ba// kha sbyor snyoms 'jug rmi lam bral// yid med lus dang btung bas myos// yul rtog ma zhugs sna tshogs te// rang gi de nyid mtshon med shes// skyod byed rgyu bas tshod bzung zhing // mi mthun gnyen pos rtags dang sbyar// dngos grub kho na nyid du 'gyur// de bas de yi sgrub pa po// phrin las dngos grub gnang ba ni// lha klu gnod sbyin srin po dang // mkha' lding lto 'phye ma'am ci// dri za srin po sha za dang // 'byung po srul po lus srul po// skem byed smyo byed brjed byed dang // gshin rje mkha' 'gro la sogs pa'i// stong phrag brgyad cu'i bgegs tshogs dang // rlung dang mkhris pa bad kan dang // 'dus pa rnams ni yan lag bcas// bzhi brgya rtsa bzhi'i
- 34a
rnam grangs nad// lhan cig skyes dang glo bur ba// 'byung ba'i lus kyi mthun 'phrod dang // rten cing 'brel 'byung rtags dang ltas// gang gis gnod cing 'tshe ba'i phyogs// sdang zhing gdug dang tshe ba dang // drag shul spyod dang sbyor sngags dang // rang la gnod dang gzhan la phyogs// rang gi de nyid yongs shes pas// nyon mongs rtsa ba yan lag bcas// gzung dang 'dzin pa ma lus pa// zhi bar gnas pa nyid kyis ni// sangs rgyas ye shes lhag par mthong // gnas shing goms pa brtan gyur pa// 'di ni zhi ba'i dngos grub bo// gnas pa'i tshe dang grub pa yi// las la dbang thob dngos grub ni// rdzas dang longs spyod dpung dang 'khor// 'byor pa'i dpal dang snyan par grags// gzugs bzang dbang phyug ldan pa dang // stobs dang brtson 'grus rab rgyas shing // blta dang mthong dang g.yo ba dang // yod med gshis la dmigs pa dang // bgrod dang 'gro ba sbyong ba rnams// chu dang 'o ma du ba me// rta dang skyes bu ji lta ba// rang bzhin rgyu 'bras tshogs pa kun// gcig nyid ye shes nyid yin yang // 'khor ba dang ni mya ngan 'das// rnam pa dang ni ngo bo dang // mthar thug pa dang gnas skabs kyi// rgyu 'bras tshogs pa tha dad snang // snang ba dang ni mthong ba dang // sems dang sems su 'dzin pa dang // stong dang stong par byed pa
- 34b
dag/ rang gi ngang du rgyas pa ni// dngos grub gcig tu 'gyur ba'o// 'jig rten chos phyir gzugs can dang // gzugs med khams kyis bsdus pa dang // lus dang longs spyod brtan pa kun// pha ma mkhan po slob dpon dang // rgyal po rje bo'i tshul dag gis// rang gi yul du bya ba dang // nyon mongs pa dang nye ba yi// nyon mongs nyi shu la sogs dang // dge ba nges 'gyur kun 'gro dang // snang ba'i rang bzhin bcu phrag brgyad// yul dang yul can ma lus pa// rang rig rgyal pos dbang bsgyur ba'i// phrin las dngos grub nyid yin no// rgyud lnga lam gyi snang ba dang // rigs drug 'khor ba'i g.yang sa dang // bar chad bdud bzhi'i nus pa dang // bgegs dang 'byung po nyon mongs dgra// las dang las kyi 'bri bskyed kyi// rnam par smin pa bar ma'i chos// yang dag rgyu dang rkyen dang dmigs// nyer len lhan cig byed pa'i rgyu// drag po'i brtul zhugs 'chang ba yis// mngon du spyad pa'i ye shes kyis// ma rtsol ma byung ma bsams par// yongs su snang ba 'byung mi 'byung // skad cig tsam gyi rgyu tshul gyis// ma lus ldog par nus pa ni// phrin las drag po'i dngos grub bo// rgyu dang rang bzhin gzhi dang lam// gyad kyi lus gnas nor bu bzhin// mthong rtogs mngon du spyod pa ni// 'bras bu'i phrin las dngos grub bo// 'di las phra mo'i ting 'dzin
- 35a
ni// ye shes bskyed pa sngon song nas// rig bcas rig med skur gnas dang // 'phen pa'i lnga phung la brten pa'i// rig bral myur dang rig pas drang // gzung ba che las brtan pa yis// mchod sbyin gnang ba stsal ba dang // rten bsgrub pa dang spel ba dang // lus sbyong pa dang sems bsgyur dang // gtan 'pho nyid dang sgyu ma'i lus// dag pa'i mkha' dang du ba dang // srin bu'i tshul dang sgron me che// smig rgyu 'od lnga pa yi tshul// 'gyu byed rim pa'i rnal 'byor gyis// rmi lam par ma dor sbyang zhing // snga ma'i rten las gnas bsgyur te// 'pho ba dang ni 'jug pa dang // ldog pa dang ni g.yo ba dang // gnas gyur pa dang tshig 'da' ba'i// dam par bshad pa la sogs pa// las kyi khyad par bsam mi khyab// nye bar spyod pa thams cad 'grub// gnas gsum dag pa'i las kyis ni// don du ma gyur gang yang med// thams cad nga yi sku gsung thugs// longs spyod mi 'dzad kun tu bzang // rtsa ba yan lag gnas su 'gyur// kun rdzob tsam dang don dam nyid// byang chub sems las rab byung ba'i// tshogs gnyis rdzogs la bdag med gnas// ting nge 'dzin dang mngon shes kyi// sa bcu'i spyod pa rlabs po che// mthar phyin rtse mo gsum la sogs// bskal pa chen po grangs med dag/ skad cig snang bar byin brlabs te// kun tu bzang po nga
- 35b
nyid spyod// 'di la gnyis su ga la rtogs// gal te zhi bar mi nus na// rtog pa'i rtsa ba nyon mongs te// gti mug bde gshegs spyi yis spang // zhe sdang rdo rje'i rigs kyis so// rin chen rigs kyis nga rgyal te// 'dod chags pad+ma'i rigs kyis so// las kyi rigs kyi phrag dog sbyang // stong pa'i sems ni kun bzang ma// sha ni sangs rgyas spyan ma ste// drod ni gos dkar ma yis so// mA ma kI yis khrag sbyangs te// rlung ni dam tshig sgrol mas so// sa yi snying pos mig dbang po// nam mkha' snying pos rna ba ste// sna ni spyan ras gzigs kyis so// lce ni phyag na rdo rjes so// phyi rol mthong bya byams pas sbyang // thos 'gyur kun tu bzang pos te// tshor ba sgrib pa rnam sel lo// myong ba 'jam dpal rnon pos sbyong // gzugs snang sgeg pa mo yis sbyang // grags tshad glu dbyangs len mas te// snom pa kun ni dag byed ma// bro yi ro ni tshims byed ma// 'jam rtsub reg pa myong byed ma// 'dod pa rang gi ngang gis sbyang // rnam par rgyal bas zhi bar bya// gshin rje gshed kyi rab rgyas shing // ha ya gri bas dbang du bsdu// bdud rtsi 'khyil pas mngon du spyod// yum rnams kyis ni dgug pa dang // bcing bsdam dbab par bya ba yin// rigs drug sdug bsngal so so ru// brgya byin sprul pas lha rnams sbyang // thags bzang ris dang snang byed
- 36a
kyis// mdzad pa'i sprul pas lha min sbyang // mi rnams shAkya thub pas so// shAkya seng ges byol song ste// nam mkha' mdzod kyis yi dwags te// chos rgyal sprul pas dmyal ba sbyang // lus ngag yid ni sku gsung thugs// bya ba ma lus thams cad kun// bltams dang gzhon nu'i rol pa dang // nges 'byung dka' spyod rdzogs mdzad cing // byang chub pa dang chos gsungs shing // gshegs tshul mdzad dang sku gdung bstan// zhing gnas bsam pa kha cig tu// skyabs su 'gro zhing sems bskyed dang // sdom pa kun la yongs gnas dang // dbang bskur 'jug pa'i tshul dag gis// gtan gnas spong dang spyod mdzad cing // gnas bsgyur rang bzhin shes pa yis// blang dor bye brag mi gnas la// gdod nas 'gyur med shes pa yis// rtsol med dbyings su gnas pa yang // las kyi khyad par so so yis// grub pa'i mtshan rtags dam pa'o// zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ nang dang gsang ba'i phrin las dngos grub chen po so sor sgrub pa'i le'u ste brgyad pa'o// // de nas bcom ldan 'das kyis rigs chen po lnga'i bdag po 'byung ba'i phung po nyon mongs pa sku dang ye shes rnam par dag pa'i ngang du grub par byed pa'i/ gsang ba chen po'i don nyid kyi sku dang gsung dang thugs kyi
- 36b
rdo rje las rab tu byung ba 'di dag bka' stsal to// rnal 'byor las la nye ba yis// phun sum tshogs pa'i gnas dag tu// stong zhing bdag med kun gzhi yi// rnam shes rig pa byang chub sems// rdo rje gsum du dbyer med gnas// sems nyid skye med yi ge las// 'phro 'du'i las kyi sbyor ba yis// yum lnga'i mkha' dbyings 'byung ba lnga// phyi nang thun mong khyad par yin// 'dod yon 'byung ba'i gzhal med khang // seng gege glang chen rta dang ni// rma bya nam mkha' lding gi gdan// rgyan ldan rdzogs pa bzhengs su gsol// gzugs brnyan ting 'dzin sbyor ba yi// mngon sum snang ba bsgom pa ni// oM hUM trAM hrIHha/ 'khor lo bzhi ldan po brang du/ kha dog lnga ldan mdzes par bsam// spro bsdu yongs su rdzogs pa las// 'khor lo rdo rje rin po che// pad+ma rgya gram rnams su gyur// de nyid slar yang gyur pa las// rigs lnga rang gi yum dang bcas// zhi ba chen pa'i tshul dgur ldan// ye shes dam tshig ngang gis bzhugs// 'khor lo lnga yi bdag nyid can// gzugs brnyan rdul tshon de 'dra bar// rang bzhin gnas nas rab bskul te// rin chen khang par gnyis med gnas// 'dod yon sprul pa'i gzugs brnyan gyis// grangs med rdul mnyam lus gyis 'dud// rdzas kyis mnyes pa 'di yis bya// rigs mchog so so'i rdzas kyis mchod// sku lnga 'dus pa'i dngos grub
- 37a
blang // rang gi ming gi sgra tshogs kyis// sa bon las ni sku rdzogs pa// grangs med brjod las 'das pa yi// yo ga'i gsung gi 'khor lo yis// dbab pa'i zhing kun bzhes mdzad de// dngos grub lus dbyig bsdus shing // sems can khams kyi rgyud skrangs nas// rang gi rigs kyi sku gsung thugs// yon tan phrin las rdzogs par mdzad// de la sku yi cha lugs dang // don rtags rnam dag sgo nas ni// yon tan tshogs kyis bstod par bya// rdul tshon ting nge 'dzin la bsdu// ting 'dzin rang gi sems la bsdu// spyod lam kun tu nga rgyal bya/ 'di ni phyi yi rdul tshon la// brten nas dkyil 'khor bsgrub pa'o// phung po'i dkyil 'khor bsgrub pa ni// rang lus dgon pa'i gnas dag tu// gzugs phung de bzhin gshegs pa'i rigs// rnam par shes pa rdo rje'i rigs// tshor ba'i phung po rin po che// 'du shes phung po pad+ma'i rigs// 'du byed las kyi rigs yin no// sa sha de bzhin rigs kyi yum// nam mkha' rus pa rdo rje'i rigs// drod me rin chen rigs kyi yum/ khrag chu pad+ma'i rigs yin no// rlung dbugs las kyi rigs kyi yum// mig dang rna ba sna lce lus// glo snying mkhal ma mchin mtsher dang // rgyu byed rtsa dang yan lag bcas// snod lnga rkang lag nying lag kun// rigs lnga nyid du ye nas gnas// dran pa tsam gyis
- 37b
dbyings las bskul// gnas tshul shes pas gzhug cing bsdam// gnyis med mthong bas mnyes phyag 'tshal// rang la rang gnas rdzas kyis mchod// spyi gtsug mgrin pa snying ga dang // lte ba gsang ba gnas lnga ru// rtsibs 'chang chu skyes rgya gram dang // gsal 'bar chos 'byung sngags rnams la// drug cu rtsa bzhir 'byed byed kyis// 'khor lo rdzogs pa'i rim pa yis/ kha dog lnga ldan yig 'bru 'phros// rnam shes bzhon pa lnga nyid kyi// rtsa ba yan lag bcu sbyar zhing // gnas skabs lnga 'gyur bzlas pa'i mchog/ lhun grub lnga ldan don gyis bstod// gnas bsgyur grub pa'i dngos grub blang // phyi nang snod bcud ma lus kun// 'di las mi 'da' 'gyur med pa'i// don chen gcig gis dkyil 'khor bsdu// phung po'i dkyil 'khor bsgrub pa'o// nga dang sangs rgyas thams cad kyis// bstan pa'i chos kyi phung po dag/ brgyad khri bzhi stong gsungs pa ni// de nyid nyon mongs gnyen por bshad// rtsa ba gti mug zhe sdang dang // nga rgyal 'dod chags phrag dog ste// yan lag sgo lnga'i rnam shes dang / khams dang skye mched ma lus kun// rnam dag rigs lnga gsang rgyud ni// rang la nga rgyal rlom pa dang // chags shing zhen pas dug tu 'gyur// gzhan la zhe sdang khong khror bcas// phrag dog 'tshe zhing gnod pa'i dug/ gti mug ma rig blun rmongs kyis// kun la
- 38a
gnod pa'i dug yin yang // skyed pa'i rgyu dang gnas pa'i gzhi// 'jigs pa'i rkyen dang 'gro ba'i sa// dkyil 'khor gyi ni 'khor lor gnas// phyi dang nang dang gnyis ka dang // stong dang stong pa chen po yis// dkyil 'khor bdag po so so'i rigs// rgyu rkyen gnas gzhi med bzhin du// rang nyid dran pas bskul bar bya// mthong dang goms pas drangs shing dbab// ma chags spyod pas mnyes par bya// mi smad pa ni bstod pa nyid// skye 'gyod yengs med bzlas pa'o// the tshom som nyi yid gnyis dag/ 'di la gang bral dngos grub thob// dug lnga rin chen lngar bsgrub pa'i// dug lnga'i rang bzhin de nyid ni// ye shes lnga rnams kho na ste// zhe sdang gsal ba'i ye shes te// dper na g.ya' dang dri ma'i tshogs// bral byas me long dkyil 'khor la// dbyibs dang kha dog mtshan ma'i dngos// ma 'dres tha dad snang ba nyid// ma grub bzhin du gsal ba ltar// rnam rtog glo bur dri ma dang // bral ba'i sems nyid dkyil 'khor la// phyi nang snong bcud rnam par brtag/ phung po khams dang skye mched tshogs// bde ba sdug bsngal bsam mi khyab// gzugs brnyan sgra brnyan tshul bzhin du// ma 'gags so sor snang ba'i rgyus// yul la dmigs pa'i snying rje skye// de las nga rgyal mnyam pa yi// ye shes skye ba 'di lta ste// 'khor ba dang ni mya
- 38b
ngan 'das// nyon mongs pa dang rab tu byang // kun rdzob don dam khyad par gyis// chos rnams stong par gnyam khyer bas// gang zag bdag tu 'dzin med cing // yul kun de yi tshul 'dra bar// chos su bdag 'dzin bral ba yis// de la dmigs pa'i snying rje 'byung // 'dod chags dug las rtog pa yi// ye shes skye bar bsgrub pa ni// chos kun gdod nas ma skyes shing // rang bzhin med pa'i don bsgoms nas// gzung ba'i yul dang 'dzin pa'i sems// mi dmigs stong pa nyid kyi yul// spros pa'i mtha' sogs bral bar bsam// dmigs med snying rje ngang gis 'byung // gti mug las ni chos dbyings kyi// ye shes bsgrub pa snying rje'i rjes// gzung 'dzin yan lag kun bral ba// rang bzhin ngo bo nyid kyi bdag/ dngos po dang bral 'od gsal ba// mnyam bzhag stong pa nyid gnas na// ji lta ba yi ye shes so// phrag dog gdug las nan tan gyi// bya ba grub pa'i ye shes ni// kun rdzob snying rje'i don rdzogs pas// sems bskyed pa dang smon lam gyis// gzhan don 'byung ba'i khyad par ni// ji ltar rigs pa'i sprul pa rang gis tshul 'dra gzhan don du// don dam mya ngan 'das dbyings nas// kun rdzob rnam 'phrul 'jig rten du// mthun 'jug sna tshogs dag tu ston// rnam par rtog pa'i ye shes kyi// rgyu dang ngo bo rang
- 39a
bzhin te// 'di la grol dang shes pa dang // ngang gis gnas las mchog tu 'gyur// dug lnga kho na ye shes lnga// bzhi dang gsum dang gcig dang gnyis// gti mug kho na gcig yin no// 'di la gnas pas de bsgrub po// ye shes lnga las yongs rdzogs pa'i// sku lnga lhun grub bsgrub pa ni// gzugs kyi phung po gti mug bcas// snang mdzad longs spyod rdzogs pa'i sku// rnam shes phung po zhe sdang bcas// rdo rje sems dpa' chos kyi sku// tshor ba nga rgyal bcas pa ni// rin chen 'byung ldan sprul pa'i sku// 'du shes 'dod chags phung por bcas// mtha' yas mngon par byang chub sku// 'du byed phrag dog phung por bcas// don grub mi 'gyur rdo rje'i sku// mtshan bzang dpe byad ldan pa dang // dbyings las g.yo ba med pa dang // sna tshogs don du 'byung ba dang // gcig las gcig 'byung gcig pa dang // ma btsal 'gyur med lhun grub ni// yongs rdzogs sku lnga dngos yin no// de dag kun gyi bya ba dang // nye bar bsgrub pa 'di yin no// oM ma ha bo d+hi tsit+ta sa tA hUM/ dz+nyA na d+ha tu a/ ma ha ka ru dza/ d+harma d+hA tu a// e yaM baM suM laM raM b+h+yAM/ laM haM maM aM khaM ma a paM/ oM hUM swA AMHha/ sa ya baM/ gzhi dang gnas dang brtan pa dang // rten dang gding ba'i rgyu yin no// bdag po rang gi ming mtshan te// yum dang bcas pa 'di las 'byung // mAM lAM mAM pAM taM
- 39b
dzaHhUM bAM hoH/ sa ma ya hUM/ sarba ta thA ga ta pany+tsa b+h+yo na maHa ti pu ho// sarba pany+tsa a mr-i ta kha kha khA hi khA hi/ sarba ta thA ga ta kA ya bA ka tsit+ta ma hA sid+d+hi sid+d+hi hUM/ spyan dang bstim zhing mnyes pa dang // 'bras bu 'grub par bya ba'o// rdul tshon kha dog lnga pa dang / 'byung ba lus kyi phung po dang // nyon mongs lnga dang ye shes lnga// rdzogs pa'i sku lngar bsgrub pa yis// sangs rgyas 'dus pa lngar bsgrub bya// 'di ni lnga phung rtog par bcas// rigs drug rgyud lnga shes pa ste// nga nyid phrin las kun tu bzang // zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ rab tu bsdus pa'i rigs kyi rtsa ba'i bdag nyid chen po tshul lngar sgrub pa'i le'u ste dgu pa'o// // de nas bcom ldan 'das kyis bde bar gshegs pa'i rigs so so'i bdag nyid rab tu sgrub pa'i phyag rgya nye bar bstan pa// khyad par gyi gzhi dang rang bzhin dang / thabs las byung ba'i 'bras bu chen po tha dad du snang bar byed pa nyid kyi sku dang / gsung dang / thugs kyi rdo rje gsang ba chen po las rab tu phyung ste bka' stsal to// ma 'ongs 'byung ba'i dus dag tu// skyes bu gti mug zhe sdang dang // nga rgyal 'dod chags phrag dog rnams// so so'i yan lag bcas 'chang bas// rang gi rigs mthun gnyen po ni// bde gshegs rdo rje rin po che// pad+ma las kyi rigs
- 40a
kyi sgra// tha dad so sor bsgrub pa ni/ khyad par gti mug can dag gis// ma rig rmongs pa'i rtsa ba ste// shel mdog yo du gsal bar bsgom// tshor ba'i sgo nas spro zhing bsdu// rnam par shes pa'i rten rnams kun// sa bon rdul phra gcig tu bsgom// gzugs sgra kha dog bcas pa kun// sgo gsum yul du gsal ba dang // rnam par snang mdzad sku gnyis brtan// dkar mdzes gsal ba 'khor lo can// phra mor bsgom dang ril por bsgom// brtan dang g.yo ba rnam rgyu ba// rig pa chen po skyes bu'i gzugs// bdag nyid gsal bar gyur pa dang // phyi nang gsang ba'i dgra gsum dang // bar du gcod pa'i bdud bzhi dang // rigs drug lhung ba'i g.yang sa rnams// tshe 'di nyid la choms shing chod// 'byung ba'i rgyu yis mi bskyod cing // nyon mongs rkyen gyis mi brdzi la// rang rig dbyings las mi g.yo bar// dag pa'i sems la dbang bsgyur na// 'di ni de yi tshad yin no// gzhan yang zhe sdang khong khror bcas// nga rgyal rlom sems ldan pa dang // zhen cing gdung ba'i 'dod chags dang // phrag dog sreng len g.yo dang sgra'i// rtsa ba dkar ser dmar dang ldang // hUM swA hrIHhA 'od gsal ba// spro bsdus so sor gsal ba dang // rdo rje sems dang rin chen 'byung // mtha' yas don yod grub pa rnams// rang gi sku mdog phyag mtshan
- 40b
bcas// so sor sngar bzhin gsal bar bltas// grub pa'i tshad kyis rab tu brten// gal te ngag gis bsgrub 'dod na// dus gsum 'byung ba'i bde gshegs tshogs// ma lus sku gsung thugs bsdus pa'i// gsang ba'i snying po 'di nyid ni// oM AHhUM zhes bya ba ste// sgra dang shub bu rdo rje'i bzlas// gsum gyis mjug gnas ldang ba'o// rgyu dang rtsa ba yan lag bcas// 'di la rnam shes rab zhon nas// sgo lnga dbang po'i lam las byung // gzugs sogs yul la dmigs shing chags// kun rdzob tsam du brtag bzod de// don dam rang gi gshis yin zhing // gnas lugs gdod nas snang ma myong // de bas nyon mongs lnga yi dug/ kun tu khyab pa'i gzhi nyid la// sa bon tshul du btab pa las// rnam shes yan lag chu lung rkyen// 'dod yon drod gsher nus pas smin// rgyud lnga'i 'bras bur gyur pa las// rigs lnga so so'i ye shes kyi// mtshon gyis myu gu myur du bcad// lo 'dab 'bras bu bskyed mi nus// sa bon gzhi yi bag la skam// de ni gdod nas rang gi ngang // 'di la bcos su ci zhig yod// gal te rigs kyi rgyu 'bras lnga// gcig tu bsdus te sbyang ba ni// phun sum tshogs pa'i gnas dag tu// the tshom bral ba'i rnal 'byor gyis// sa gzhi legs par brgyan nas su// phyi nang bdud rtsi'i dri yis bgo ting 'dzin 'phel ba'i yo
- 41a
byad rten// gzugs sgra chos kun 'bru gsum las// kun bzang rdo rje sems dpar bsam// lags pa'i 'du byed phyag mtshan 'dzin// nyi zla pad+ma lus bde'i rgyu// rgyan gyi mtshan dang dpe byad dang // dbang po lnga yi longs spyod tshogs// ma lus pa ni mchod pa'i rdzas// rlung rgyu smra brjod bzlas pa ste// snyan pa'i tshig thos bstod pa yin// spyod lam kun ni phrin las so// stobs ldan rgyu mthun 'jigs pa yis// rkyen gyis mi brdzi brtan pa'o// tshad dang rtags su nges par gzung // smon lam sems bzang brtan pa'i phyir// gzhan don phrin las spel ba ni// ji snyed pa dang ji lta ba'i// chos kun 'bru gsum dang nyid du// ma lus 'dus pa'i sku gsung thugs// gtan la dbab pa'i gnad bsdus la// rab 'bring tha ma'i blo yi chos// zab dang rgya che gnad 'dir 'dus// khams gsum skye 'gro gnas gsum dang // mthong bya bsgom bya dag pa gsum// smon lam ye shes bgrod pa'i sa// gnas gsum spyod pa 'bras bu dang // bsrung bya dgag bya dkyil 'khor gsum// ting 'dzin rigs dang ma lus sku// gsung dang thugs kyi mthar zug gsum// bde dang rig pa snang ba yin// dbyer med gsal ba'i stong pa dang // thabs dang shes rab dbyings ye shes// don dam kun rdzob ma bcos pa'i// dbyer med gsal bar rang gi
- 41b
ngadang // lus gnas rtsa dang der brten pa'i// dngos med rgyu dang zlum po'i dngos// yon tan phrin las mnyes byed dang // bsod nams mthar thug mchod sbyin las// dngos grub sngags dang phyag rgya'i tshogs// sgrub byed bsnyen pa byin rlabs bcas// mthu dbang dam tshig cho ga dang // skyo ba byed yul dang dam pa'i sems// gtan 'pho rig pa 'dzin pa'i sa// dgra gsum bdud bzhi drod tshad rtags// mtshan/ mar bcas pa'i gnad yin no// 'bru gsum rgyu ba dang bcas pa// rdo rje sems dpa'i sku gsung thugs// rang bzhin nyid du ye nas gnas// 'khor 'das ma lus kun gyi srog/ gcig tu gnas pa kho na ste// sgo gsum 'di la gang gnas pa// rab tu lci ba'i sdig pa dang // gnas ngan len gyi rgyu bsags sbyang // so so'i thar pa'i rigs bdun dang // smon 'jug bslab pa nyi shur bcas// kun bzang tshogs kyis rab bshad pa'i// phyi nang gsang ba'i khyad par dang // gzhi dang yan lag bslab bya las// gang 'das sor 'jug khyad par stobs// ngan 'gro'i srid las rab tu zlog/ gshis ngan dang ni dus min dang // 'chi dang 'jigs pa brgyad las skyob// dpal 'byor phun sun tshogs 'grub cing // myur du mthar thug sar gnas byed// bris btags mtho dang bzlas pa yi// yon tan tshad gzung yod ma yin// mchod sbyin mnyes
- 42a
shing tshim pa dang // longs spyod par thob 'di yis 'gyur// 'jig rten pa dang 'das pa yi// lha rnams bsnyen cing bsrung bzlog nus// da ltar dang ni ma 'ongs pa'i// mi 'dod sdug bsngal phyogs spang zhing // bde 'dod thar pa ma lus 'grub// dus gsum sangs rgyas thams cad kyi// sku gsung thugs kyi bdag nyid can// tha dad blo rigs snang ngo la// dge sbyong dang ni gzhon nu'i gzugs// byang chub sems dpa' rdzogs longs spyod// zhi ba'i tshul dgu ldan pa dang // kun tu bzang po rdo rje 'dzin/ khro tshul 'chang ba'i rigs kun gyi// bdag nyid thabs dang shes rab dang // snying rje dang ni stong par ldan// mi 'gyur mi shigs sra ba po// blo dang ldan pa mthu ldan zhing // bzhon pa cha la rab brten nas// go cha bgos te bdud 'dul ba// gzhan don spro zhing the tshom med// rdo rje sems dpa' chen po yin// 'di ni mthong bas kha cig spong // kha cig bsam pas spang bar byed// sngon du srid pa'i don la bsam// ma nor ma bcos mi 'gyur ba// ma rtogs kun la snying rje bsam// rang gis byed pa po 'di nyid// mthing ga hUM las spro dang bsdu// mnyes sbyang las kyi rdo rjer gyur// 'bar gsal 'od du gnas pa las// bskyed pa rdo rje 'chang gi sku// zhal gcig phyag gnyis rang gi mdog/ thabs dang shes rab brda mdzad cing // pad+ma dang ni nyi
- 42b
zla gnon// tshul dgu 'chang zhing mtshan dper ldan// yang na khro tshul gar dgur ldan// zhe sdang can dang 'dod chags can// rang gi rigs kyis so sor sbyang // snang dang grag pa'i rtog pa kun// ma lus sku gsung thugs su brdal// ngo shes phrad dang bral ba yis// rang rgyud dngos po'i zhen pa gcad// ma rig sems dang sems las byung // stong dang cher stong rab tu stong // snang zhing rab snang snang la sogs// gnyis med gcig med gcig kyang med// dus rnams kun tu 'di la bslab// rdul rnyed sangs rgyas lnga dang gcig/ bdag nyid ngad dang rang bzhin no// spyod lam dus bzhir chos kyi skus// mnyam par spyod pa de yi mchog/ snang ba sku lnga yongs rdzogs shing // 'byung 'jug gnas pa gsum gyi gsung // bde 'od mi rtog snang ba'i thugs// 'dod yon rol pa ngang gis mchod// dam pa'i yid kyis rgyun du bsgrub// 'di dag so so'i phrin las ni// gsal ba gsum dang 'od 'byung ba'i// gnas dang sgo gnas de yi thabs// yon tan gnas dang dgos pa'i don// drod tshad rtags gsum ldan pa yis// rang dang pha rol sgrib pa sbyong // me rlung 'khor lo'i gzugs dang sgras// 'khor bcas las la sbyar ba'o// yul gsum 'phro 'du tsha ba yis// bar chad bgegs kun dpung tshogs gzhom// zla drug sbyor ba drag po yis// rtsa
- 43a
ba yan lag nyams pa bskang // gnas gzhug dbab dang thim pa yis// 'bru gsum sku gsum thugs dbang bskur// dam pa'i gnas gsum spro bsdu ni// rten 'gyur lus kyi bskor ba dang // rang dang pha rol nyes tshogs bskang // bkru sbyang las dang 'byung ba'i nad// mdog sbyong 'gro ldog bde drod bskyed// srid par dbang skur 'pho ba dang // sbar zhing bsgyur bas yul gzhan brten// thugs rje gsum dang rtogs par ldan// tshogs mchod mchod sbyin stobs ldan gyis// mtho dman yul la khyad par dmigs// 'bab pa'i rgyun la brten pa yis// lus gnas bar du rkyen bsal cing // mthar zug tu ni don gas byed// phrin las lam tu bsgrub pa'o// mtha' dang dbyings nas lhun grub pa// 'bru gsum rgyal ba'i dkyil 'khor yin// skye 'gro thams cad rigs kyi bdag/ sku gsung thugs kyi lha nyid snang // phyi nang gsang ba de nyid kyi// dag pa gsum ldan mchod pa'i rgyu// spro bsdu 'bru gsum zhi dang rgyas// dbang dang drag pa'i phrin las spyod// rgyu gsum 'bras bu gsum sbyar ba// gnas gsal dag pa bsnyen pa'o// cho ga gsum gyis dngos grub bsdud// dus gsum gzugs sgra bsam pa ni// don gcig gsal ba tshad nyid yin// gsung dbyangs drug cu yan lag sbyar// brag cha sgra brnyan 'di nyid shes// rgyal ba rnams kyi sku
- 43b
gsung thugs// yon tan ye shes ldan pas bstod// phyi nang snod bcud bem dang rig/ skye med chos dbyings phyag rgyar bsdu// gsang tshul shes pa dgu yin no// 'bru gsum las ni rgyu dang gzhi// skye gnas bzhi rnams so so'i tshul// bcu gnyis mdzad pa'i rim pa yis// gzhan rgyud dag la snang byed pa// 'bru gsum bskyed cing rdzogs pa yis// gnas gsum gdan dang bdag por bcas// nyi ma zla ba'i phrin las kyis// rang rgyud las la sbyor ba yin// rdzogs shing bskyed pa'i 'bru gsum ste// de ni zung du 'jug pa las// rab tu sbyangs te rnal 'byor mchog/ rdzogs dang rdzogs pa chen por gnas// rab tu 'brel ba'i bsgrub pa'o// lnga dang gcig dang drug dang gsum// thun mong 'jug pa'i khyad par gyis// bla med gsang ba chen bshad cing // bde bar gshegs pa kun bzang 'gyur// zhes bka' stsal nas// bcom ldan 'das nyid kyi sku dang gsung dang thugs kyi snying po de kho na nyid kyi ngang la mnyam par bzhugs te// dbyings kyi yum chen mo nyid dang // sku gsung thugs bde ba chen po'i ngang du 'du 'bral med par rol pa'i tshe 'phrul chen po dang bcas te snyoms par zhugs par gyur to// bde bar gshegs pa thams cad 'dus pa'i rgyud rab tu 'byed par byed pa las rigs kyi snying po de kho na nyid mngon par byang chub pa nges par
- 44a
'byung ba bstan pa'i le'u ste brtsa pa'o// // bde bar gshegs pa zhi ba'i tshogs rab tu bsdus pa'i dkyil 'khor chen po lnga las rab tu sbyor ba bstan pa'i skabs dang po rdzogs so// / bde gshegs 'dus pa'i slad rab tu 'byed pa'i lde mig las khro bo'i skabs/ de nas bcom ldan 'das de bzhin gshegs pa thams cad kyis dpal kun tu bzang po de ngo mtshar chen po rmad du byung ba'i dbang du zhi ba chen po'i de nyid rgyas par bstan nas/ yang de bzhin gshegs pa thams cad kyi sku'i bdag nyid dpal rdo rje he ru ka/ 'jigs byed chen po khro bo chen po rab tu khro ba'i sku 'bar ba'i rgyal po bstan te/ phyogs bcu'i nam mkha'i khams mtha' dang dbus med pa/ chos kyi dbyings kyi mthas gtugs pa/ dur khrod chen po 'bar ba'i klong du gnas pa// gzim dngas dang ldan pa'i nam mkha' mthing nag yongs su dag pa'i klung na rlung gi dkyil 'khor rgya chen po stobs dang ldan cing kha dog mdzes pa'i shugs des khrag gi rgya mtsho rba klong rab tu 'khrugs pa dmar ba'i mdangs dang ldan pa ste rab tu sbar ba'i steng na/ ma trang chen po'i phung po rab tu bkram pas phyogs bcu ma lus par bsnyams pa// rus pa'i phung po rab tu gtams pa'i ri rab brtsegs pa'i dngos po bang rim bzhis mdzes par snang ba'i steng na/ drag po dang gtum po la sogs pa'i
- 44b
gzhal yas khang gi rnam pa yan lag dang nyid lag gi gtso bo dag gis legs par brtsigs pa'i rim pa chen po gsum gyi rmang dang brtsigs pa bad rkos dang bcas pa/ gnam lcags 'bar ba'i gzer gyis brtan par byas pa/ nya chen po dang chu srin dang sbrul dang rus sbal dag gis brgyan pa/ nyi ma dang / zla ba dang / gza' dang / skar ma'i tshogs dang bcas pas rab tu smras pa/ bla re dang chun 'phyang dang / zla ba phyed pa dang / do shal gyi rnam pa dang / lnga ldi dang / phreng ba dang / za ra tshags dang / yol ba dang ldan pa'i rgyan dang / rin po che dang me dang nyi ma la sogs pa chags pa'i mdangs kyi 'od 'phro ba/ 'brug dang glog dang sprin dang khu rlangs dang / na bun dang / kha char dang / ser ba dang / rab tu tsha zhing grang ba'i rlung 'khrugs pa dag gi sgra chen po sgrogs pa dang / lha chen po dang klu chen po dang yi dwags chen po dang gnod sbyin chen po dang nam mkha' lding chen po'i tshogs dang / ba glang chen po dang / byol song gtum po dang / ti ra chen po dang / nyi ma dang zla ba dang / chu'i snying po dag pa chen po dang / khrag dang bcas pa'i pags pa dag gi gdan bting ba/ yon tan chen po snang ba'i byang chub kyi sems dkar po dang dmar po'i 'od kyi mdangs las gzugs dang skra dang dri dang ro bro ba dang reg pa sna tshogs kyi yo byad kyis mnyes pa'i mchod pa
- 45a
rab tu sbyor ba'i gnas de lta bu 'phrul par mdzad nas/ nyid kyi sku las dbyings kyi dbang phyug gi yum chen mo dpal 'bar khro mo chen mo mngon par phyung zhing sprul nas gnyis su med pa'i sku gsung thugs mnyam par sbyor ba las/ 'khor sprul pa'i tshogs snang ba ni 'di lta ste/ zhe sdang rdo rje gar dbang he ru// nga rgyal rin chen gshin rje gshed// 'dod chags pad+ma dbang sdud mchog/ phrin las phrag dog rdo rjer 'dud// bag chags mngon byung he ru ka/ ser sna 'dul byed dregs pa'i gtso// phra ma mthu chen stobs kyi bdag/ skye mchod rnam dag rang bzhin chos// gtso bdag dregs pa chen po brgyad// rang gi rigs kyi yum dang bcas// sprul pa dpal gyi 'phro 'du las// sras 'khor sprul pa rnam byung ba// rigs kyi khro bo khro mo dang // phyogs bzhi dang ni mtshams bzhi ru// gnas bcas rigs dang rang rang 'khor// sgo bzhir phrin las byed pa dang // bka' sdod pho nyar bcas pa dag/ rang gi stan dang bkod pa dang / kha dog lag cha rgyan dang tshul// rnam 'phrul dang ni cho 'phrul dang // kun brjod pa dang rjes su bstan// yongs su bstan pa dag dang bcas// rdo rje rgyal mtshan rin chen dang // chags chen las byed sna tshogs dang // rtags mtshan dus mtshams mthun 'jug dang // ming srid rigs 'chang lus rnal
- 45b
'byor// ngag yid las thabs yum dang 'khor// mkha' 'gro shugs 'gro phra men ma// 'bar ma gnod sbyin srin mo che// slas dang byi mo bran mo dang // mngag gzhug rigs dang bcas pa dang // cho 'phrul chen po kun bstan pa// dbang phyug dang ni grol sbyin dang // rnam grol thams cad 'grub pa dang // nam mkha'i dbang mo rnal 'byor ma// dbang sdud ma dang rnam par gdung // gsang grogs ma dang sgrol ma'o// rdo rje nor bu pad+ma dang // dam tshig snying po sangs rgyas che// bkod chen dbang phyug yid bzhin gter// chags bzhi rgyan ldan bsam mi khyab// byams dang snying rje dga' ba dang // btang snyoms bde ba'i dbang phyug ma// 'joms byed dga' dang khyab dbang phyug/ gnod sbyin srin po lha ma yin// lha tshogs khrag 'thung he ru ka/ thabs dang shes rab longs spyod bdag/ rgyal 'byed rol byed za byed dang // dran byed snyoms byed rnal 'byor ma// rigs kyi cho 'phrul gsang ba'i 'khor// me 'da' tshad med rol pa dang // 'jigs byed 'joms byed za byed dang // gsang ba ma dang dga' ma dang // gus pa ma dang g.yo med dang // gso byed 'dul byed dregs pa dang // mya ngan 'das dang 'khor ba dang // zhi dang khro dang dpa' dang sgeg/ 'jigs dang gshe dang snying rje dang // dgod dang rngam dang bzhad pa che// ma lus snang bar gyur pa'i tshe// kun tu
- 46a
bzang po he ru ka/ dbyings bdag kro d+hi shwa rI ma// mnyam nyid dmigs med sku gsung thugs// bzhengs bzhugs 'jug ldog rnam par 'das// g.yo med rnam rol mdzad pa'i dus// rdo rje kun bzang kro d+hi shwa rI mas// rnam dag dbyings kyi don gyis rab bskul ba// e ma ho// ye shes nam mkha' rgya mtsho rnam grol klong // mi gnas mi dmigs chos sku he ru ka/ bsam 'das rnal 'byor byang chub sems gyi rje// ma g.yos dgongs pa rnam dag dbyings nas bzhengs// zhes pas rab bskul don la dgongs mdzad de// ma lus chos kun stong nyid dbyings las shar// rdo rje mngon gyur nam mkha' dri ma med// nyi zla'i spyan gyi 'od kyis gzigs mdzad de// zhal 'dzum ljags kyi rnam 'phrul bkod pa las// byang chub sems kyi sprin tshogs mngon par 'khrigs// rol pa'i glog 'khyug 'dir byon sgra sgrogs shing // thugs rje'i char 'bebs ye shes myu gu skyed// glu gar snyan mchog rol pa'i rgyan g.yo zhing // rol pa'i spyod chen sbyor mnyes bstim pa dang // dgod dang steg dang 'khyud dang gtong ba dang // spro dang bde 'jo thabs kyi rig pa dang // za 'thung myang 'cha' ldag dang 'thung ba dang // dga' chen khyab 'jug rol pa der snang mdzad// dbang sgyur yum chen 'dzum bag rnam 'dud cing // dgyes chags sku gsung thugs ldan mchog gis
- 46b
bskul// e ma ho// rdo rje che mchog dpal ldan gar gyi bdag/ skal bzang longs spyod rdzogs sku rol pa'i gtso// tshogs gnyis mnga' bdag thabs ldan rgyal po che// thugs dam dbyings nas rol pa'i bde chen bzhengs// de brjod bskul ba yab kyi thugs chud de// bde chen ngang las cho 'phrul skur bzhengs nas// rnam 'gying brjid pa gar gyi phyag rgya che// bzhad pa sna tshogs brkyangs bskum 'gyur bag dang // brda dang sprul pa nam mkha' khyab mdzad de// thamasas cad mtshan ma rnam pa yod med dang // thugs kyi rang bzhin rdo rje he ru ka/ sprul ba'i bdag nyid tshul brgyad rang gi gtso// rab snang he ru ka sogs yum dang bcas// sras 'khor phrin las sprul pa snang ba la// mngon gyur yum gyi thugs dam bskul ba ni// e ma ho// bde bar gshegs pa rgyal ba rgya mtsho che// thugs rje'i mnga' bdag sbrul sku 'byung gnas gtso// ye shes sgyu mas rnam rol phrin las mchog/ thabs dang shes rab dpal gyi sbyor ba ston// yum chen gsung gis rab brjod bskul ba las// de nyid mkhyen ldan thugs kyis rab dgongs te// rdo rje'i rol pa de nyid snang ba'o// ting nge 'dzin la snyoms mdzad cang mi gsung // de la 'dus pa'i 'khor gyis ngo mtshar mdzad// thams cad ma lus rab 'dus mgrin gcig tu// yid gdung glu yis bskul bzhing gsol ba ni// e
- 47a
ma ho// nam mkha' lta bu'i gter 'byin sku yi mchog/ rdo rje gar mdzad cho 'phrul khyab pa che// bsgyings legs bkod pa mtha' yas rol pa'i gtso// cho 'phrul thogs med 'byung ba de ston cig/ e ma ho// dbyangs kyi yan lag rgya mtsho mtha' yas la// sgra snyan brag cha ma 'gags snying po'i gsung // mi 'jigs sgra ldan gsang ba chen po'i brda// snyan grags dbang phyug legs sgra de gsungs shig/ e ma ho// spros bral rnam par mi rtog bde chen thugs// de nyid kho na rnam grol ye shes che// mi g.yo rdo rje nges chen mtshon pa'i lung // snying po chos nyid don gsal de phyung zhig/ a la la/ ma rig 'khor ba'i rgya mtsho'i 'dam bying ba// mi shes rmongs pa'i srid pa'i dra bas bcing // dman pa'i 'gro ba ma lus bsgral slad du// mi 'gyur thabs kyi gru chen de skyod cig/ gnyen po gsang sbyor sku gsung thugs kyi bdag/ sgrub dang sgrub chen bsnyen dang nye bar bsnyen// las dang las chen skong dang nye bar skong // mi 'gyur gzer dang rnal 'byor yan lag dang // gcad dang brlab dang bskyed dang bstim pa dang // mchod bstod bskul dang brjod dang sbyong ba dang // mthong dang goms dang spyad par bya ba dag/ sbyangs shing thob bya gnyen po spang bya dge/ mi dge gnod pa 'jug ldog spang dang blang // bya ba min pa bya ba las kyi
- 47b
dngos// rab 'bring tha ma blo dang dbang po yi// khyad par gang yin yul gyis phye ba dag/ ji ltar rim bzhin gsang rdzogs de ston cig/ sa ma ya a la la ho zhes bskul to// de nas bcom ldan 'das dpal chen he ru ka dpal rje nyid kyis sprul zhing 'dus pa'i 'khor la gzigs/ zhal gyi sgo nas ljags kyi dbang po phyung // tshangs pa'i gsung gi nam mkha' khyab mdzad de// sku yi bkod pa du mar snang ba kun// ma lus don gyi mchog la legs gnas shing // byang chub sems kyi thugs rje dpag med bskyed// sangs rgyas rje btsan rig 'dzin thabs kyi yab// byang chub chen po rnal 'byor rigs pa'i 'khor// khro mo dbang phyug sku yi mnyam sbyor ma// che ba'i yon tan mchog gi gtsor gyur pa// thugs kyi rdo rje yang dag nges pa'i mchog/ sku yi sku mchog gshin rje kun gyi gshed// gsung gi gtso chen dbang gi ma chags chos// phrin las sna tshogs rdo rje yan lag mchog/ mngon rdzogs dpa' bo byang chub he ru ka/ dam tshig bdag po 'jigs byed dregs pa 'dul// stobs chen rdo rje 'dzin rgyal mthu mnga' zhing // rgyud chen bdag po rgyal ba'i dbang phyug che// gtso bo dgu yis gtso byas 'khor gyi tshogs// khyad phyogs mi mthun rnam pa las kyi gtso// ngo bo rigs dang phrin las rnam dag dang // ji ltar bshad pa de ltar 'dir bshad bya// zhes bka' stsal te//
- 48a
bde bar gshegs pa thams cad 'dus pa'i chud rab tu 'byed pa las/ khro bo mngon byung gi le'u ste dang po'o// // de nas bcom ldan 'das he ru ka de bzhin gshegs pa de nyid dpal chen po g.yul las rnam par rgyal ba'i ting nge 'dzin la snyoms par zhugs te bka' stsal pa/ kye ma rdo rje ma lus pa// 'dzin pa chen por snang ba'i 'khor// khro bo khro mo dbang phyug dang // sras dang lcam dral ming sring tshogs// bran dang bka' sdod pho nyar bcas// ma lus sprul pa 'dir nyon cig/ rgyal ba rnams kyis cang ma gsungs// de nyid kyis ni rgya cher bshad// de dag sgra dang tshig min par// don gyi dam par mnyan par byos// ma skyes snying po chos kyi don// spros med tshig tu brjod ma yin// don dgongs gzugs brnyan ltar gsal zhing // skye med tshig gis brdas mtshon pa// mi dmigs pa yi cho 'phrul te// rgyal 'i thugs gsang snying po'i don// mnyam nyid byang chub theg pa che// dus gsum kun tu 'byung zhing bshad// gsang sngags spyod pa'i rnal 'byor don// chen por shes par bya ba ni// rmi lam sgyu ma smig rgyu dang // gzugs brnyan sprul pa dri za'i grong // brag cha chu zla mig yor dang // chu bur lta bu'i tshul bcu ni// gsang ba bsgrub dang spyod pa dang // gnas drug sgra la sogs pa dag/ lta ba ting nge 'dzin cho
- 48b
'phrul// sna tshogs snang ba de brtag go/ sgyu ma'i skyes bu'i sbyor ba las// yid 'phrog pa yi gzugs brnyan ni// gang snang de ni rang bzhin med// gsang ba chen po de bzhin no// chung ngu'i rlung dang drod sbyor bas// nus pas rtog cing ri dwags dgud// de bzhin mtshan ma'i tha snyad ming // mi dmigs gsang sngags zhes su brjod// rmi lam snang ba yud tsam la// bde sdug bskal par myong ba yang // de bzhin spyod pa'i khyad par las// cir snang ngo bo shes pas stong // me long la sogs gzugs brnyan dag/ ma grub bzhin du snang de bzhin// rdzas sngags ting 'dzin las rnams kyis// gang thob grub pa dmigs ma yin// dri za'i gzugs lus grong khyer snang // de bzhin gzhal yas khang la sogs// gnas 'gyur kun gyi dngos po de// 'du ba bral ba de 'dra'o// bzlas tshig sgra ni brag cha ste// rkyen tsam zhig ni mi 'dor ba'o// zla ba chu la snang ba yang // phyag rgya'i de bzhin rnam rtog bral// ting 'dzin mig yor gzugs lta bur// sna tshogs 'gyur ba de yin no// snang yang rang bzhin med blta ba// mgal me'i 'khor lo lta bur 'khor// sna tshogs cho 'phrul rgyun du 'byung // mtshan ma mtshan bcas med gcig pa// rtog tshogs chos kyi dbyings su 'gyur// thabs dang shes rab snyoms par 'jug/ spros bral ma byung ma skyes pa// g.yo med rlabs kyi cho 'phrul
- 49a
can// rnal 'byor chen po zhes su brjod// gang gis de rtogs gcig pu nyid// sangs rgyas kun gyi bde ba che// dbyer med bdag nyid klong du 'dus// ye nas ma byung lhun gyis grub// gdal ba kun khyab chos nyid de// thig le snying po gcig tu 'dus// de yi rjes su rnal 'byor ro// snang ba sna tshogs thabs kyi mchog/ bsam bral spros med byang chub sems// thog mar zab mo gang mthong ba/ de ni yang dag lam chen de// rdzogs pa'i rnal 'byor chen po yin// rnal 'byor gsum gyi gang sbyor ba// chen po rjes su yongs rdzogs pa// de ni rab 'bring tha ma yi// lam gyis phye ba'i gang zag go/ skye bo 'dod chags ldan pa la// sngon du nga yis brjod pa bzhin// zhi ba chen po'i thabs kyis sbyang // de nyid grub pa'i mtha' 'jug go/ zhe sdang can gyis rang gi yid/ khro dang khon du 'dzin chen po// sku gsungs thugs kyi mthu dang stobs// rtog pa drag shul cher spyod cing // ma nges phyogs kyi dbang gyur pa// sna tshogs bstan pa de bzhin du/ khro bo de bzhin gshegs pas sbyang // blo zhan rnams kyis de ni rtog/ byis pa rnams la sngar ma bstan// tshig gis sgra brjod bsam mi khyab// chos nyid nam mkha' lta bu ste// ming du brjod pas shes mi 'gyur// rnam par brtags pas de mi rtog/ sems dang sems can 'khor ba dang // lam dang gru dang
- 49b
bzhon pa yis// byang chub sems dpa' bla na med// shes rab ting 'dzin gnas dag gis// phra zhing zab pas gting dpag dka'// sangs rgyas rang sangs rgyas dang chos// dang por 'khor 'jug sems can te// sgrol zhing bskyod pa bde ba che// dran mkhas gsal bar gnas der phyin// zla bral rmad byung rab tu'ang 'phags// gting rdzogs gab pa phra zhing 'khyug/ sems can mthar phyin sangs rgyas te// de bzhin gshegs pa yab yum sras// bdag gdung srog nor bran dang ni// sku gsung thugs dang yon tan dang // phrin las bsam gyis mi khyab pa// rgyu dang rkyen dang 'bras bu zhes// thabs dang shes rab byang chub che// dbang byed ma nor 'da' bar dka'// mi zad rnying rje gzi brjid dang // sna tshogs thams cad 'byung ba dang // mdzad pa'i tshogs ni lam yin te// 'dod pa'i 'tsho ba longs spyod che// cho 'phrul phyag rgya bsnyen pa gnyis// bsgrub gnyis tshogs gnyis rdzogs pa la// yul gyi 'dod pa dmigs pa dang // rol zhing sgrub pa 'bras bur sbyar// smin cing don grub kun las log/ rang bzhin byed pa sna tshogs 'byung // mtshan ma bstan pa rnam par 'dud// rab 'byed 'dod pa lhag 'dod sbyor// lhun grub pa yis shes pa ste// rgyu dang rkyen dang 'bras bu zhes// 'dod pa'i 'bras bu 'khrul pa'i gzhi// mtshan ma yul dang
- 50a
sems las byung // rtog pa dus gsum dngos po yin// don nyid phyogs bzhi log pa'o// dmun dang gdugs dang bskyed pa dang // gdung dang kun 'khrug nyon mongs lnga// rgyu 'dus de rkyen mtshan ma dang // las dang rnam rig phung po lnga// mthong thos tshor dang myong reg pa// yul la spyod pa'i dbang po lnga// sa chu me rlung nam mkha' dang // dus kyi skad cig rgyu drug gis// sa bon rtsa ba myu gu dang // sdong dum yal ga yan lag dang // 'dab ma me tog 'bras bu smin// rnying dang skam pa rkyen bcu gnyis// gzugs mthong sgra thos dri tshor zhing // ro myong reg byed chos shes pa// skye ba'i skye mched bcu gnyis so// mthong snang ma nor thos dang grag/ gsal tshor snoms dang tshims pa dang // ro myong bro dang byed par 'os// shes dang shes bya rtog pa dag/ rang bzhin chos nyid bco brgyad de// spyod chos mtshan nyid bcu gcig ni// 'du shes bskur dang dbang du byed// rnam g.yo dbyeyang sgro 'dogs 'gal ba dang // rtsub 'tshal chags dang gnod par sems// log lha gzung 'dzin spyod pa yis// 'bras bu rdzogs dang rim pa dang // glo bur gnas bsgyur lnga yin no// dka' thub snyoms 'jug spyod pa dang // gdung zhing spang ba lam lnga'o// bzod gdung nyams 'dod rtsod chags kyis// gnas pa drug tu gyur pa yin// dus dang rgyu dang rang bzhin
- 50b
gyis// rang gis mu bzung lta ba gsum// shes pa gcig gis rgyu dang lam// kun rdzob don dam tshul gnyis po// kun tu brtags dang gzhan gyi dbang // yongs su grub pa rang bzhin tshul// rim 'jug rkyen sbyor mngon 'byung dang // thams cad rdzogs pa thabs chen bzhi// rgyu lam bshad bya rtog pa dang // 'bras bu la gnas chos lnga ste// mig mgo yang dang rna ba skye ba dang // 'chi 'pho dang ni rdzu 'phrul te// gzhan blo shes pa rig pa'o// 'pho 'jug bltam dang rab tu brtsam// mnyam sbyor nges 'byung dka' ba spyod// byang chub bdud btul chos ston cing // cho 'phrul 'da' byed sku gdung gtams// dbang mdzad chen po bcu gnyis so// mi g.yo chos snang ltar kyang rdzu 'phrul dang // kun rdzob rjes bstan bsam gtan dang // byin rlabs skye ba chos nyid stobs// yon tan 'bras bu cho 'phrul gyis// bcu gnyis dag tu bstan pa yin// nang dang phyi dang phyi nang dang // stong pa chen po don dam dang // 'dus byas 'dus ma byas dang mtha'// de las 'da' dang dus gsum bral// blang dor med dang rang bzhin stong // chos kun rang gi mtshan nyid stong // mi dmigs dngos po med pa dang // ngo bo nyid dang dngos med pa'i// ngo bo nyid kyis stong pa ste// ye shes stong pa bco brgyad do// mi gos mi nyams mi bsgrib pa// rdzogs dang ma g.yos mnyam pa nyid// gnyis med
- 51a
rnam dag kun legs dang // myur du rdzogs chub rig pa'i ste// bcu gcig sa yi yon tan yin// ngo bo nyid dang chos nyid dang // longs spyod rdzogs dang sprul pa dang // 'byung byed tshogs sbyor mthong bsgom dang // mi slob mthar phyin bar chad med// 'bras bu yongs rdzogs mkhyen pa dang / khyab dang tshogs 'byung kun tu dbang // dgos 'dod tshang ba 'bras bu drug/ ma lus rdzogs pa'i byang chub ni// 'bras bu chen po gcig yin no// de la rdzogs pa 'bras bu'i chos// ma nor gtan la phebs pa dang // the tshom med cing sgro skur bral// thabs dang shes rab nges pa'o// rlabs chen khyab pa brjod las 'das// ldem po mnyam nyid dus gzhan dang // gnyen po grangs dang gzhan don bskur// kun rdzogs che ba de nyid dang // bdag nyid mngon par 'phags phyir ro// rigs dbang 'dres shing 'dus pa dang // mnyam sbyor tshangs pa'i tshogs chen po// rnam dag sprul pa drag shul dang // dbyangs ldan dga' mdzad mtshan ma 'joms// gsang sbyor spros spyod mdzes par shes// mnyam 'gyur mthun spyod 'pho ba'i tshul// gzhan don 'byung ba'i tshul bcu gnyis// phrin las bdud rtsi thig le dang // spyod pa'i rgyu dang rig pa 'dzin// thabs dang sprul pa 'byung ba che// rdzogs pa nyid dang mngon par rtogs// mi zad rgyu dang kun
- 51b
tu snang // de bzhin nyid kyis bcu gnyis so// chos nyid nan tan rtog pa dang // mnyam nyid gsal dang don byed na// don byed rang gi ngo bo dang // snang mdzad sprul pa phyag rgya dang // kun 'byung rgyu dang stong pa nyid// bco brgyad kyis ni ye shes 'byung // lhun grub yongs rdzogs rtsal sbyong dang // rig pa 'dzin dang lung chen thob// mtshan ma'i rtags dang spyod pa rgyun// gsang sgo rigs can bka' bstod las// sems 'dun bcu gcig rnal 'byor yin// 'khor ba dang ni mya ngan 'das// bde sdug bye brag mnyam mi mnyam// grub pa chen po bzhir 'gyur ro// las dang thugs rje sems dang chos// dbyings dang ye shes thabs shes rab// rgyu dang 'bras bu sbyor ba lnga// bden pa mthong dang rdzu 'phrul thob// dmigs pa dag dang bdag nyid che// gnyis med ma skyes dngos grub bo// gzhan yang khyad par bcu gcig dang // bslab mthu che/ ba nyi shu dang // mthong dang bsgom pa'i spang bya dang // sems las byung ba brgyad cu dang // lnga bcu rtsa gnyis gang bshad dang // bdud bzhi gnyis sgrib g.yang drug dang // mi dge mtshams med yan lag bcas// ma lus rtog pa bsam pa kun// gzhi lam 'bras bu 'di yis las// byed pa thams cad blo yin no// bya ba rnams kyang de nyid de// blo dang bral na ci rigs su// mngon par mtho dang nges par
- 52a
legs// nyan thos rang rgyal byang chub lam// bla med sku dang ye shes ldan// ma lus 'di las 'byung ba ste// de bzhin khyed kyis shes par gyis// gzhan du nga yis bshad pa med// ma bshad pa nyid yang dag bshad// sku dang gsung dang thugs gcig las// bye ba dpag med bsam mi khyab// gang la gang du gang snang yang // nga las gzhan du srid ma yin// de nyid kho nar rtog pa gyis// de las gzhan du skyes bu'i blo// che dang chung dang shin tu chung // mchog dang dman dang shin du dman// rab dang tha ma bar pa yis// sna tshogs srid dang mthong ba dang // thos dang rig dang myong dang tshor// spro dang bskyed dang 'gag pa yis// rtog pa ji snyed snang ba dag/ byang chub sems kyi dbang sgyur nas// phrin las nang dang phyi rol dang // gnyis med rang dang gzhan la khyab// gang gis spyod pa 'dir bstan gyis// de dag khyed kyis legs par nyon// zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ tshul gsum nges par bstan pa'i le'u ste gnyis pa'o// // de nas rab tu bshad bya ba// phyi ma'i dus na skyes bu che// mkhas stobs goms pa che ba dang // phyi nang chos la sbyangs pa dang // bstan bya chos sku mthong ba dang // yang dag snying pa'i don shes shing // phrin las spyod pa nus pa yis// gnas pa shes pa
- 52b
yo byad dang // 'khor rnams phun sum tshogs pa ni// ma lus kun gyi thun mong ngo // rdo rje 'dzin pas bgrod pa dang // rig pa 'dzin pa thob pa dang // shar lho nub byang phyogs bzhi yi// dbyings dang rdzas kyi mtshan nyid ldan// bsam pa dang ni sbyor ba dag/ rang gi zhi bde mi dmigs shing // ma lus kun gyi don 'dod pa// phun sum tshogs pa'i shes pa'o// yum ni mtshan nyid ldan pa dang // phyi nang mi 'khrugs mtshan nyid sogs// sum cu rtsa gnyis yon tan ldan// 'khor lo gsum gyis sgyu rtsal shes// gnas bsgyur shes pa yid bzhin no// 'tshe ba dang ni mchod sbyin no// sha lnga dang ni bdud rtsi lnga// skye ba bdun pa'i yo byad dang // nad dang bar gcod kun zlog pa// yo byad phun tshogs bsgrub pa'o// yum dang las byed rdul phyag gsum// bka' bstod mchod pa stob la sogs// 'khor du bsten pa'i dam pa ste// bya ba phyi nang rim pa la// bklag dang mchod bstod sbyin pa rnams// rab tu rgyas par bya ba'o// nga yis thog mar bshad pa yi// sa der steng 'og par snang dang // phyogs kun legs par brtag pa ste// 'khor lo pad+ma rgyal mtshan te// de dang ldan pa phyi'i mtshan nyid// chu dang me tog bcas pa dang // sa ro gseg ma gyo mo dang // rus pa sna tshogs slar nyung dang // dur khrod rdzas dang ldan par brtag/ snang dang mi snang mngon mi
- 53a
mngon// legs bslang gnang ba thob pa dang // sngags dang phyag rgya ting nge 'dzin// mnyes pa mchog gis sbyang ba yis// phyi nang mthun pa'i gzhal yas khang // snang cha byin gyis brlab cing bzung // tshogs gsog bdud 'dul mchod sbyin dang // sdig pa sbyong ba'i las bya zhing // bsod nams bya zhing gzhan don bya// tshogs bsog pa la 'bad pa dang // phrin las bcol zhing rtsod pa bzlog/ tshogs chen 'gron dang len chags 'jal// bsod nams spel dang rnam pa bzhi// he ru ka dang mthu stobs can// dbang chen dbang dang thugs rje can// so so'i ting nge 'dzin gyis btang // phyi dang nang gis bkru bya zhing // zhi dang rgyas dang dbang bsdu ba'i// tshar bcad rnams kyis bsreg pa'i bya// smon lam dang ni blo bskyed nas// phyi rol phyogs bzhi skyong ba dang // 'jig rten rnams kyi mgon po la// mthun pa'i sa la brten btsugs te// mchod pa dang ni bstod pa dang // bskul zhing bcol ba de bzhin bya// mtshan ngan snod du dmigs pa'i gzugs// dmod pa'i tshig dang bcas te bri// gtum po'i rdzas dang bcas pa ste// rang rgyud bsam pa can de dgug/ rdo ba rlung stobs can gyis gnan// phyi rol e dbyibs can du gzhug/ he ru ka yi ting 'dzin gyis// za byed rngam stabs ldan pa dang // sprul pa khro bcu rab bskyed
- 53b
de// phyogs bcu'i dregs pa 'khor dang bcas// bar gcod byed pa phra mo mnan// sum+b+ha ni zhes bya'ang brjod// ma rungs pa yi byang bu la// 'dod pa'i rgyal pa'i gzugs bris te// rang bzhin gnas nas dgug cing gzhug/ phyi rol khab kyi sgor bstan te// de yis gnod pa bzlog par byed// nang du bskrad cing bsdam pa la// chos kun stong pa'i ngang nyid las// rang snang ye shes mkha' bzhin bsgom// nyi zla'i steng du ye ge hUM// spro dang bsdu ba'i las byas te// badz+ra d+h+r-ika ces bya ba yis// rdo rje sems dpa' gsal byas te// bka' bsgo bskrad dang bcing sogs bya// rigs kyi khro bo dgu rnams kyi// sprul pa'i tshogs bcas gsal ba dang // phyag mtshan mtshon cha rab ldan pas// kun tu bsrung ba'i las bya'o// de nas stegs bu gang sbyar te// rdo rje rgyal po rab bzhengs nas// mtshan ldan snod du dri chab sbyar// rang byung 'dud rtsi ye shes lnga// byin gyis brlabs te chag chag gdab// gtso chen yab yum so sor bzhengs// ti ra'i rgyus pa sum bsgril gyis// byang chub sems chen dkar dmar bsgom// shar dang nub kyi phyogs nas 'then// rdo rje mkha' gsang gnas su gsung // de nas bskul zhing legs gdab pa// steng du ye shes pho brang bzheng // sa gzhi che la gdab pa ni// phyogs bzhi dang ni mtshams bzhi ru// thig gdab spyi ru bshad pa'o// pho brang
- 54a
chen po'i dkyil 'khor dgu// gru bzhi sgo bzhir bcas pa la// 'khor lo rtsibs brgyad par khyams dang // mu khyud gru chad 'dod 'byung las// cha dgu rdzogs pa'i thig tu gdab// phyi rol khyams dang sgo bzhir bcas// dur khrod 'bar ba ra ba dang // 'byung ba chen po gnas par bya// he ru ka rnams dgongs su gsol// rin chen 'bru dang sa dang rdo// rab 'bring tha mar sbyar ba'i rgyu// 'dir ni dur khrod thal chen las// byang sems dkar dang sbyar ba shar// dri chen gyis sbyar lho ru ste// dmar po dang sbyar nub tu'o// dri chus sbyar ba byang du ste// kun gyis sbyar ba dbus su'o// sku lnga ye shes lngar byin brlab// oM hUM trAM hrIHhA yis ni/ 'od kyi 'phro 'du bya ba'o// pho brang lte ba mthing nag ste// gcod byed rtsibs rnams dkar ser dmar// ljang gu dag tu bri bya zhing / khyams dang gru chad sgo rnams ni// rang gi rigs kyi phyogs kyis dbye// thod phreng gdung dang mu khyud de// mdzes pa'i mtshan mar rab tu bri// phyi rol khang pa de bzhin te// rigs dang mtshan ma'i kha dog dbye// de ltar gnas pa snang ba bzhin// ma nor tshang dang rdzogs par bri// de dag byin gyis brlab pa ni// e yaM ra s+t+waM ko raM b+h+rUM// yi ge sa bon 'phro 'du las// stong zhing bskyod dang gsher ba dang // brtan dang bsregs pa bstod pa yis// stong nyid snying rje snying por
- 54b
bcas// 'dzin pa gsum las rab rgyu ba// nga yi gnas chen 'di ltar bsgom// rigs kyi dpal chen he ru ka/ rang gi 'khor dang bcas pa dag/ 'di ru byin gyis brlab par bya// de la rgyan btags gsol ba ni// mtshan ldan lcang lo ka pA la// grangs dang mthun pa phyogs dgu'o// pags pa chen po'i bla re bre// rgyun ma'i dra ba dra phyed do// don snying rnams ni 'phyang 'phrul te// rak+ta zhal bu skyems su drangs// phyi rol bsrung ba'i rgyan rnams ni// ral gri phur pa mda' dang mdung // phyogs mtshams ba su ta yis bres// rdo rje rgyal po rgyal thebs kyis// ye shes dbyings nas dgongs su gsol// bdag nyid 'jug pa'i sgo dbye zhing // gsang ba'i ming phul gsol ba gdab// gus pas phyag 'tshal mchod rdzas dbul// nye bar bsnyen zhing bstod pa bya// phyi rol bsgrub pa'i grogs rnams kun// snga ma las ni phyi ma bzhin// dam tshig rtogs pa bsre bya zhing // brab dang bcing dang bdug pa dang // bskrad dang gcad pa dag tu bya// skyabs su song zhing sems bskyed de// sdig pa ma lus bshags byas nas// rim pas gsol ba gdab byas te// gnang ba thob nas me tog dbul// lha dang 'brel pa brtag par bya// de yi rjes bsrung dam tshig bsgrag/ mig phye nas ni dkyil 'khor bstan// slar yang mchod cing bstod byas te// sgrub pa po rnams gral
- 55a
bshams nas// ji ltar rigs pa'i mnga' gsol nas// bshags bya gnang ba ma lus byas// de nas gtso chen rgyal po la// dur khrod chen po'i chas brgyad gsol// ma lus byin la rtags gdab cing // dam tshig bca' ba nyi shu bya// byin brlab dbab cing thugs dam bskang // rigs kyi dngos grub tshul bzhin blang // rdo rje 'chang gi lha rnams bsnyen// las kyi rgyal pos tshul bzhin bsgrub// kun sbyor gsum dang 'byung ba lnga// bkod pa gcig dang mdzes pa bzhi// kun tu khyab par rab bsgom ste// gtso chen cho ga gsum dang lnga// yab yum yongs su rdzogs pa bskyed// sngon du bshad pa de bzhin no// gang dag rjes su bshad bya ba// de nyid kyang ni dus 'dir bshad// gtso chen dkyil 'khor yam yum bcas// bskul dang spro dang bsdu ba dang // dbab dang bskyil dang g.yo ba dang // nges par 'byung ba dag gis ni// phyogs bzhi dang ni mtshams brgyad du// rdzogs pa'i dkyil 'khor rab phyung ste// phyi rol tu yang 'khor rnams sbrul// rang bzhin gnas nas de nyid dgug/ de dag gnyis su med par bya// slar yang las kyi lha sprul te// mnyes bya kun gyis mnyes par bya// de nas ma lus 'khor bcas kun// sku gsung thugs su gsal gdab ste// slar yang srog gi dkyil 'khor la// chu shel dkyil 'khor gzugs tshad tsam// de
- 55b
nyid la ni rang gi dngos// byang chub sems dpa' tshal 'dzin cing // de nyid kyang ni pad+ma steng // rin po che yi tshul du gnas// nyi ma'i steng du sa bon nyid// rang gi ming tshig snying po bkod// mthing ga'i 'od zer 'phro bar bsgom// myong byed pad+ma 'dab brgyad la// rdo rje dkar po rtse gsum la// kun gyi gsung 'byung sa bon te// rang sngags dmar po'i 'od bcas bsgom// tshangs pa'i gnas su rtsibs brgyad pa'i// 'khor lo nyi ma'i dkyil 'khor la// sku yi sa bon rang sngags bcas// 'od zer dkar po'i 'phro 'du bsgom// de nyid brtan byed tshig gis gsal// 'phro 'du ye shes rang gi rgya// phyi rol phyogs mtshams thams cad du// 'phags pa'i tshogs kun mnyes par bya// tshur 'dus rnam rtog bag chags sbyang // gzugs dag sgra dang 'od dang bcas// phra mo'i ting 'dzin rig pa nyid// rang gi yid la gsal ba yis// gnas gsum rnam par dag pa sbyang // de ni dang po'i bya ba'o// de yi 'og tu bsgom bya ba// sngar bshad las su rung ba na// dam tshig ye shes gnyis med pa'i// tshogs kyi dus gcig bsnyen pa la// kun gyi ye shes ngo bor gyur// gnyis med brtan par gnas pa ste// ma lus nye bar gyur pa'o// tha ma'i dus su gnas bsgyur te// rdzas dang lha dang cho 'phrul de// dkyil 'khor kun tu tho rangs dus// bsgrub chen rnams kyis rgyan
- 56a
rtags gsol// 'phro 'du'i 'od kyis phyi dang nang // snod bcud ma lus thams cad kyi// yon tan bcud ldan ma lus pa// thams cad ma lus gnas 'di ru// mkha' gsang dngos grub chen por bsdu// de dag kun gyis dus chen du// bzlas pa'i skyon bzhi spang ba ni// lha dang dkyil 'khor mchod pa dang // dbyangs dang dngos grub phrin las kyis// chos nyid snying po shes pa brgyad// gnas sbyong dus su bsam pa'o// nye dang spro dang thim pa gsum// bar pa'i dus su bsgom par bya// bsgyur ba gsum bzhi btsal ba bcu// gar sbyangs yan lag dgu dang bcas// de ni tha ma'i dus su spyad// rdo rje dril bu nyung dkar dang // mar me mAM sa phyag mtshan dang // dpal rdzas 'khor lo dbang mchog dang // zas bcud tshe gal 'jam des dang // zla rgyas phrom dang 'phar ba dang // dpa' bo rnams kyi dngos grub sbyin// lha dang slob dpon sgrub pa'i grogs// rim bzhin phan tshun bshags sbyang bya// bkra shis dang ni smon lam gyis// glu dbyangs mchod bstod lhag chad bskang // gter sbas gzir dang gnan par bya// bsdu dang bar chad bsrung ba dang // chos nyid mi dmigs blo brtan te// yul mchog dam pa de mnyes bya// 'di byas dus kyi bsnyen pa ste// sgrub pa chen po gcig yin pas// kun tu bzang po he ru ka/ nyid kyi sku gsung thugs su
- 56b
'grub// bsnyen pa chen po'i sbyor ba yin// 'di dag kun gyi thun mong bsrung // mtshams kyi dkyil 'khor bsgom pa ni// phyi bshad 'byung ba chen po lnga// nang du drag po'i mtshon cha lnga// gsang bar rigs kyi khro bopo lnga// de nyid ye shes rnam lnga'o// de las tshig tu brjod bya ba// hUM nam mkha'i dbyings kyi dkyil 'khor nas// sems kyi rang bzhin chos kyi sku// spros med rnam dag dngos dang bral// gdal ba chen po'i ye shes kyis// phyogs bcu ma lus kun tu khyab// snod bcud snang ba dpag tu med// thams cad rang gi ngo bos stong // 'di las ma ltos chos gzhan med// rang gi sems nyid snang cha las// gzhan snang 'khrul pa tsam nyid las// gnyis su 'dzin pa'i rtog pa de// gnyis med ngang du mtshams gcad bya'o// e dz+nyA na maN+Da la shun n+ya tA ma ha ra sngags rnams sor bzhag/ hUM// yaM rdo rje rgya gram 'bar ba ni// dbugs kyi rang bzhin stobs dang ldan// thams cad g.yo zhing ma lus 'degs// dngos po 'thor zhing mtshan ma 'joms// thogs med shugs kyi phrin las mdzad// phyogs bcu dus gsum thams cad du// rig pa'i rnam par rtog pa dang // ma rig pa yi sgrib pa'i tshogs// thams cad gtor zhing ma lus sbyang // blang dor yod med dgag bsgrub dang // spang blang rtog pa ji snyed kun// rang gi sems kyis mtshams gcad bya'o// yaM ma hA karmA spa
- 57a
ra Na swa b+hA ru tra hUM// ba rgya mtsho chen po'i rgyun 'bab pa// rang gi 'byung ba'i dkyil 'khor te// chu yi rang bzhin gtsang zhing dngas// yan lag brgyad ldan yon tan rdzogs// bde chen byang chub sems kyi rgyun// bag chags rtog pa'i dri ma 'khru// gzung 'dzin las kyi gnas ngan sbyong // gnyis snang 'khor ba'i rgyun lam bsal// ye shes chen po'i rba rlabs kyis// ma rig mtshan ma'i rnyog ma grung // dngos dang dngos min sgrib pa'i tshogs// ma lus sbyang ba'i mtshams gcad bya'o// baM ma hA maN+Da la mu tra b+he sa ma ye hUM// raM 'bar ba'i rgyal po me yi dpung // bdag gi drod kyi rang bzhin te// gsal zhing bsreg pa'i mthu stobs ldan// snod bcud khams kyi rang bzhin kun// phyogs bcu kun tu 'bar ba yis// nyon mongs rnam rtog bud shing bcas// ma lus sreg byed tsha ba yis// gnas ngan lan gyi phung po bsreg/ ye shes me dpung 'bar ba ni// byang chub sems kyi 'od zer 'phro// bskal pa'i me chen kha dog lnga// ma lus bsregs te mtshams gcad bya'o// hUM badz+ra s+pho Ta ya dz+wa la stas+t+ra ba ta ma hA tsar+ya hUM// laM khams gsum brtan pa'i sa gzhi ni// bdag nyid sha las gyur pa ste// brtan zhing mi g.yo rnam par brjid// 'jig rten mthu chen kun gyis kyang // gzhig cing smad par mi nus te// rdo rje 'bar ba cher 'bar
- 57b
ba// dpal ldan stong gsum srid pa'i gzhi// phyogs bcu dus gsum thams cad kyi// rgyal ba'i bzhugs gnas pho brang ste// gzhal med khang chen rab tu brtag/ mi 'gyur mi shigs yongs su brtag/ bdag nyid chen po'i mtshams gcad bya'o// b+h+rUM ma hA sa ma ya bud+d+ha lo tsa na sa ma a laM ka hUM// ye shes 'byung ba chen po lnga// bsreg dang gtor dang bkru ba yis// cis kyang gzhig par mi nus pa'i// stong pa chen po'i bdag nyid kyis// ji bzhin 'dod pa rab bsgrub pa'i// mtshams kyi dkyil 'khor lhun gyis grub// tshig tu brjod pa'i don bsams shing // phyi nang gsang ba de nyid kyi// snod bcud rnam rtog rab sbyang bas// bar gcod 'dul ba'i mtshams bcad do// de nas nang du mtshon cha lnga// mi bzad 'bar ba'i mtshams bcad pa// he ru ka yi thugs ka nas// rdo rje 'khor lo tho ba dang // ral gri phur pa'i rang bzhin dag/ hUM oM phaT AM hA las 'phros// steng 'og phyogs bzhi mtshams dang bcu// thams cad mtshon cha'i rang bzhin te// 'og nas sa gzhi gtams pa ste// steng nas sprin 'khrigs char du 'bebs// bar snang rlung bskyed thog ltar rgyu// phyogs mtshams 'du 'phro me ltar 'bar// rdo rje 'bar ba gsor zhing brdeg/ 'khor lo 'bar ba bskor zhing gcod// tho ba 'bar ba 'phyar zhing brdung // ral gri 'bar bas gcod cing
- 58a
gtub// phur pa 'bar bas 'debs shing 'bigs// bar gcod byed pa bgegs kyi tshogs// ma lus rdul du brlag par bya// oM dz+nyA na tsakra dza la hAM/ dz+nyA na badz+ra dza la hUM/ dz+nyA na tIg+h+na dza la hUM// dz+nyA na shak+ti dza la hUM/ dz+nyA na kI la ya dza la hUM/ nang du khro bo rigs lnga ni// shin tu khro zhing gtum pa ni// zhi bas 'dul bar mi nus te// thugs rje chen po'i thabs mchog gis// thugs mchog zhi ba'i ngang nyid las// sku yi cha lugs khro bar mdzad// rgyu 'bras gnod pa de 'dul phyir// rigs kyi khro chen 'bar ba lnga// dbus dang phyogs bzhi dkyil 'khor rnams// stong gsum 'jig rten khams kun gyi// dngos po rdzas dang mtshan ma kun// sangs rgyas rdo rje rin chen dang // pad+ma phrin las khrag 'thung ste// thams cad dpal chen he ru ka/ khro bo'i tshogs ni nam mkha' gang / khro mo'i tshogs kyis sa gzhi khyab/ khro chung tshogs ni skar ltar 'khrugs// dam tshig can ni dbyings nas bzhengs// sangs rgyas khro bos gti mug 'dul// rdo rje khro bos zhe sdang 'joms// rin chen khro bos nga rgyal 'joms// pad+ma'i khro bos 'dod chags 'joms// phrin las khro bos phrag dog 'joms// dri za gshin rje klu rnams dang // phyogs mtshams gnas pa bgegs kyi tshogs// 'jig rten phyogs bcu gzhan du byer// 'di ni dpal gyi pho brang ste// bgegs zhes bya ba'i
- 58b
ming yang med// mtshams kyi dkyil 'khor lhun gyis grub// oM sarba ta thA ga ta/ ma hA bud+d+ha badz+ra rat+na pad+ma karma maN+Da la badz+ra ya pany+tsa kro d+ha hUM phaT// hUM khro rgyal kun gyi ye shes ni// zhe sdang nga rgyal phrag dog dang // 'dod chags gti mug ngang gis dag/ gti mug dpal chen he ru ka/ chos dbyings ye shes dang du gsal// kun tu ma bcos mtha' dang bral// zhe sdang dpal chen he ru ka/ gzugs brnyan ye shes dang du gsal// ma nor ma lus mkhyen pa'i ngang // nga rgyal dpal chen he ru ka/ mnyam nyid ye shes dang du gsal// gnyis su 'dzin pa'i blta ba bral// 'dod chags dpal chen he ru ka/ rtog pa'i ye shes dang du gsal// chos kun 'ub chub khong du chud// phrag dog dpal chen he ru ka/ phrin las sna tshogs dang du gsal// thams cad ma grub gang yang med// chos sku spros bral che ba'i mchog/ longs spyod rdzogs sku he ru ka/ sbrul sku khro bo khro mo'i tshogs// rang bzhin mi 'gyur rdo rje'i sku// phrin las mngon par byang chub sku// thams cad sku dang ye shes la// bgegs su rtog pa gang yang med// bsrung bar bya dang srung byed med// gcad dang gcod byed gang yang med// bdag dang bdag gir 'dzin pa med// 'di la bsal du ga la yod// rang gi sems dang gzhan gyi sems// thams cad chos sku'i ngang du shes// chos sku kun bzang
- 59a
he ru ka/ dpal chen thugs kyi dkyil 'khor las// mtshams kyi dkyil 'khor lhun gyis grub// oM sarba ta thA ga ta dz+nyA na ka ya pany+tsa bo d+hi ma hA shU n+ya tA dz+nyA na badz+ra swa b+hA ba At+ma ko&haM// srung ba chen po'i sbyor ba'o// de nas bde bar gshegs rnams kyis// yon tan ma lus rdzogs pa yi// byin gyis brlabs pa'i bsgrub pa che// 'chi med bdud rtsi'i lung bshad pa// thog mar 'di la rtsom pa yis// nga yis sngon du rab bshad pa'i// mtshan nyid rab rdzogs skyes bu de// dpa' zhing brtul phod blo dang ldan// rigs bzang yon tan rgyan dang ldan// ma lus thob pa de yis ni// thabs dang shes rab grogs bzang btsal// ji srid spang bya ma lus pas// sangs rgyas drang srong grub pa dang // rdo rje phra men sbyor gnas dang // dur khrod chen po mngon du rgyu// dam tshig can gyi grogs byed cing // bkra shis rdzas kyis rab brgyan pa// 'byung chen dang ni dregs chen dang // mi dang mi min dgra med cing // phun sum tshogs pa gtsang ma der// legs par brtag ste nges bzung zhing // kun la gnang ba thob pa dang // thabs kyi tsho gas legs par sbyang // yo byad mchog gis bsnyen bkur zhing // thog ma bar dang mthar rdzogs pa'i// mi zad gter dang ldan par bya// sngon 'gro dkyil 'khor gru gsum la// bdud rtsi 'khyil pa'i phur pa gdab// phyogs
- 59b
bcu kun nas bsrung bya zhing // zhe sdang chen po ting nge 'dzin// rdo rje khro bo'i lus ngag gis// ting 'dzin byin brlab rab tu bskor// gzhal med khang pa legs par bsgom// mchog dang dman dang bar ma yis// yul gsum mchod pas kun mnyes nas// sgo gsum gyi ni nyes pa sbyang // rang gi rigs kyi lhar brtags nas// phyogs bzhir rten bzhi mnga' gsol zhing // phrin las ji ltar bsngags pa gsol// nang du bya ba'i rim pa dang // gsang zhing bya ba rnams gyis skrad// dur khrod bdag po der dgug cing // gsad dang gnan dang bsrung bar bya// de nyid gzhir gyur sa gzhir bya// lus kyi tshad ldan mnyam pa la// lus dri mdog bzang rnams kyis bstar// shes rab grogs kyis rab 'bad de// gnas lnga mkha' gsang byin gyis brlab// dri dang rgyan gyis rab bgos te// rgyu dang kha dog tshul ldan pa'i// thig skud rdo/ rjer byin brlab brjod// rdo rje dang ni pad+ma che// oM dang hUM zhes bya ba yis// oM hrIHa dang phaT kyis brgyan// 'bru lnga dang ni byang chub sems// oM AHhUM gi rang bzhin gyis// cho ga gsum dang ldan pas gdab// mkha' dang gsang ba'i 'phro 'du yis// dkyil 'khor dgu'am lnga las ni// bcu drug cha yis phye zhing gsal// zhi dang shin tu zhi dang khro// rnam grangs kun tu khyab pa yi// rin chen ye shes tshon sna
- 60a
lngas// ngas bshad bzhugs pa'i pho brang bzhengs// bsnyen par gnang ba bshad bzhin du// sku rdzogs phyag mtshan snying po la// rang gi rigs kyi mtshan ma yis// rdzas kyi khyad par mngon par dbyung // phyi nang gsang ba bum pa'i rdzas/ khyad par 'di la bsngags pa yi// ye shes lnga ldan dbus su dgod// sku gsum lhun grub shar du ste// yid bzhin gter ldan lho ru'o// khams gsum sgrol mdzad nub tu ste// cho 'phrul rtags 'byin byang du dgod// mi shigs mdzod ldan shar lho ste// srid gsum yongs sgrol lho nub tu'o// dug gsum gtan dkrug nub byang du'o// mtshan ma spros bral byang shar du'o// so so'i ming gi mtshan ma dag/ rigs kyi rdzas mchog rnam pa lnga// rtsa ba dang ni yan lag bcas// rdzas kyi rnam pa de sbyar bya/ kha dog rigs dang mthun pas bcing // dur khrod srung ba'i rdzas kyis bskor// thun mong mchod rdzas rgyas par bsham// zhi ba g+ha na ta na'i dus// phyogs bzhi dag na rab brtan pa'i// dur khrod rdzas dang mar me dang // yum dang yab dang rgyu mchog sngags// nga yis sngon bshad rigs brgya dang // brgya phyed lnga dang gcig nyid kyi// gnas mchog gsum du 'bru gsum gyis// ri bong 'dzin pa'i steng du gsal// ye shes lnga dang sku mchog dang // yab yum thun mong dbu rgyan gsal// dgug gzhug bstim pa tshang
- 60b
byas nas// dam tshig dbang chen rnams kyis bsngags// rnam par rtog pa kun sbyang ste// bsnyen pa dam pas nye bar bya// oM AHhUM sarba pany+tsa a mri ta/ ra swa ya na ta na dza ya// gu h+ya sid+d+hi hU~M hrIH/ sman rnams thams cad bdud rtsi lnga// bye ba sna tshogs sku gsung thugs// gsang ba'i dngos grub nye ba'o// sman dang dam tshig lha rnams ni// kun dang rgyas ldan dam pas sbyang // stod tshogs mchod bstod ting 'dzin gsal// bskrad dang bsrung dang bar chad bzlog/ rtags rdzogs thod pa lngar dbye zhing // rigs lnga'i dam tshig dbab pa ni// rdzas mchog rnam pa lnga dbye ba// dbus su sems 'du rtsa ba brgyad// ga bur cu gang dwa ti dang // grwa gum phrag sbrel lo shi dang // ka ko la thal kar rdo rje dang // sha ri ram dang bcas te dgod// shar du dri chen a ru ra// ma ga rba dang dzA ti dang // du ru ka la sogs pa dgod// tshe rum sa sring sna tshogs// zhog rnams dang tsatra ka/ ka ko la laM sogs par dgod// nub tu pad+ma rak+ta dang // tsan dan li shai s+pha ru ra// rgun 'brum skar bra la sogs dgod// byang du dri chu sna tshogs dang // gur gum ce pog la sogs te// 6@ lo ma me tog 'bras// lus bcud dbang po yan lag dang // rtsa khrag chu la sogs pa kun// shar lho nub byang phyogs dang dbus// rang gi rigs dang 'khor du dgod// ya raM las ni bskyod dang bsreg/ dbus pa
- 61a
a maM nyi zla la// oM hUM swA AM hA zhes pa// dkar mthing ser dmar ljang gu dbus// shar lho nub byang rim bzhin bskyed// 'od ldan rgyud lnga sbyong byed cing // snod bcud rab bsdus mtshan ma ni// 'khor lo rdo rje rin po che// pad+ma ral gri'i 'phro 'du dang // sku lnga yum dang bcas pa yis// gsal ba'i snod du blangs nas kyang // rdo rje pad+ma'i 'phro 'du dang // so so'i rigs kyi snying po dang // tshogs lnga ye shes lnga dang bcas// chang chu 'o ma rin chen chu// mtshams bzhin so so'i 'dul sbyong gis// rtags dang ldan par gyur pa dang // gnyis med gsang chen rigs gcig gi/ rdo rje sems dpa' nyid du bsgom// oM sarba pany+tsa a mr-i ta/ badz+ra tsit+ta sa ma hUM/ zhu ba'i ngo bo nyid du bya// sbyor ba'i nus rtags rdzogs pa dang // mchod bstod dngos grub blang la sogs// shes rab kyis ni thabs mnyes bya// pho brang mchog la rdzas kun bsdus// mnyam nyid thugs la bstim zhing sbyang // zhing dang rgyu yang rab tu dgug/ gnas ngan sbyang zhing brod pa bskyed// yi ge sku lnga'i 'phro 'du las// phrin las gsum gyi don kun rdzogs// lha dang dkyil 'khor rdzas rnams kun// dur khrod chen po'i gsang ba mchog/ dpal kyi khro rtags cha lugs bsgyur// pags pa g.yang gzhi mchog steng du// dri mchog bdud rtsi lnga yis bsgo// dkar dmar sems kyi thig le
- 61b
bri// rdo rje ging chen chas su gzhug/ mkha' gsungs thabs dang shes rab kyis// byin rlabs bdud rtsi 'khyil ba las// gtso chen dang ni 'khor gyi tshogs// rang gi rigs dang mtshungs pa yis// ye shes bdud rtsi dbab par bya// sbyong ba'i bsnyen pas bzhu zhing btul// mtshan rtags las su rung ba dang // mtshan ma dbyings su sbyang ba'i phyir// gtso 'khor rim bzhin phyag rgyas dbab// btag btsag sbyang dang spel ba ni// shar lho nub byang phyogs rim bzhin// sngags phreng bcas pas mthar phyung ste// bdug cing bskrad dang bsrung ba dang // glu bro gar dang mchod bstod bya/ khro bcu'i nga rgyal stangs stabs kyis// yon tan brjod cing zhi bas bskrad// yi ge 'bru lngas bzhu dang btul// phrin las rnam bzhi'i sreg sbyang las// rdzas kyi phrad kyis mnyes par bya// mtshan ldan yum de brgyan byas nas// bzang po'i snod du rgyas btab nas// rdo rje rgyal po lnga yis bzung // stong pa nyid dang snying rje dang // sems gsum dag pa'i byin rlabs dbab// phyi nang 'byung ba yongs rdzogs pas// dur khrod rgyan rdzogs gzhal yas khang // pho brang chen po dgu bsams nas// rang gi gdan steng sa bon gyis// nga nyid che mchog he ru ka/ gnam zhal dbyings phyug ma dang sbyor// phyogs kun tu ni dkyil 'khor dbyung // phyogs mtshams brgyad du 'khor bcas
- 62a
dgod// bdud rtsi 'khyil dang pad+mar 'khyil// de yi pad+ma'i 'dab ma la// gsang ba rigs bzhi yum dang bcas// steng 'og yum dang pad+mar 'khyil// rlung dang me yi sbyor ba las// gzhal med khang pa brgyad dbus su// gtso chen brgyad kyi dbu gsum brdzis// de steng bdag nyid he ru ka/ zhabs bzhi yis ni rab tu mnan// mkha' mnyam klong gi zhabs brgyad kyis// he ru ka brgyad dbu gnyis mnan// dbu phyed rngub pa'i bdag nyid las// nyi shu rtsa gcig bzhi bcu gnyis// zhabs brgyad dbu brgyad rnams sbyor ba// rdzogs byed he ru ka nyid ni// dbu ma'i ljags la sa nu sbyor// thugs kar nyi ma'i dkyil 'khor la// bum pa'i dbus la 'bru dgus bskor// 'di ni sbyor ba'i dkyil 'khor bdun// rang bzhin dkyil 'khor brgyad dang ldan// he ru ka yi nga rgyal ldan// ye shes dkyil 'khor tshogs dgug cing // slar bstim mchod cing bstod byas nas// bya ba chen po der 'jug pas// bdag nyid der sbyang sngags dang bcas// ting 'dzin me dpung rlung gis bskyod// don rtogs dpe dang ldan pa ni// ye shes chen po'i bdud rtsi ste// mu tig dkar po dri med ldan// dkyil 'khor rim bzhin bzhu zhing btul// mnga' mdzad bcu gnyis dang ldan pa'i// 'phro 'du gsum gyis don chen bsgrub// de 'dra'i sbyor ba dpag med kyis// rim
- 62b
bzhin thabs kyi yan lag las// brtson 'grus stobs kyis 'bad pa ni// sku gsung thugs dang yon tan dang // phrin las rnams kyis gtsor byas nas// 'od dang du ba sgra dang dri// gzugs snang 'phel ba rab tu ston// de la mchod bstod rgya chen bya// ting 'dzin bskyed cing bar chad bzlog/ sngags pa mchog gis gzung bar bya// 'dod pa rdzogs nas bsgril bar bya// oM AHhUM sarba pany+tsa a mr-i ta hUM hrIHTha/ brgya rtsa brgyad kyis ting 'dzin bsgyur// pho brang chen por dbab bya zhing // oM a mr-i sa ma ya pra be sha ya pheM pho hUM hrIHTha// bar du spogs shing ting 'dzin gsal// dngos grub gnyer zhing gsol ba gdab// pho brang dgu yi steng gzhug nas// las dang mthun pa'i dbang rdzas bskur// phyogs bcur gnas dang nye ba'i lha// lhag 'gyur bla ma dus gsum mchod// de bzhin bdag gis dngos grub blang // re dogs spang ste phyag rgya spel// dmigs med gsum gyis de la sbyar// a ho su kha d+harma kA ya a mr-i ta sid+d+hi hUM hrIH// nyi ma'i rdo rje hUM ldan bcas// rin chen dbang po'i sgo la thim// rigs kun so sor gnang ba dang // rdo rje slob mas me tog gtor// rim pa bzhin du dbang sbyin pa// skul tshig dbyangs dang sngags rdzas bcas// phyi nang gnang ba de nyid tshul// yul gsum mnyes phyir gsum du'o// mchod rdzas chen po bstar ba yang // bsreg cing
- 63a
mchod de gtor chen la// 'phags pa mchod cing gdod longs spyad// ri lu lcags sam za ma tog/ thog ma'i snod gzhug bsnyen cing bkur// rgyal sras byang chub sems dpar 'gyur// nyan thos rang sangs rgyas la sogs// bskal pa grangs med skad cig gis// mnyam dang chos lhag yon tan rdzogs// phrin las rnam bzhi legs bshad cing // phyi nang kun mnyes gtang rag gtang // gnas bsrung lha gzhan der mi bstod// kun gyi don tu bsngo bya zhing // mtshan ma spros bral dngos yin no// byang chub sems kyi yon tan te// mnyam nyid rtogs pa kho nas 'grub// nyon mongs dug rnams sman du bsgyur// ye shes lnga yi longs spyod la// rdzas kyi dug rnams smos ci dgos// dpe don brda dang rtags yin no// gdul bya'i rigs la kha dog lnga// bsdus pa yon tan gser lta bu// rnam dag dpe mtshon dkar po ste// chags chen dbang ni dmar por snang // phrin las kun rdzogs ljang gu'o// don ldan mi 'gyur mthing nag ste// ma lus kun rdzogs dri yin no// thams cad ro gcig de yi ro// dngos po'i rdzas su snang ba'i bcud// rang bzhin yon tan che ldan las// bsgrubs pa'i nus pa bsam mi khyab// ma lus rang gi lus su 'dus// rnam par rtog pa ye shes sman// sangs rgyas gzhan du btsal ba med// don rtags chos dang sman gyis
- 63b
ni// dpal gyi mdzad pa de sbyong ngo // hUM zhi khro rgyal ba ye shes sku// 'gro la phan mdzad thugs rje can// srid pa gsum gyi gnyen gcig po// lha yi lha rnams dgongs su gsol// bde ba gshegs pa kun 'dus pa// sprul pa rgya mtsho'i tshogs dang bcas// ma lus 'dus pa mkhyen par gsol// bdag ni rgyal srid longs spyod dang // rang 'dod nan cher mi bsgrub cing // 'gro gzhan don tu 'bad rtsol na// kun gyi dpal du 'gyur bar bya// kun mkhyen ye shes spyan ldan pas// bdag gzhan kun gyi lhag bsam mkhyen// spyan sngar bdag gis dam bcas pa// rnal 'byor bslu bar mi bgyi'o// khe dang grags pa 'jig rten chos// g.yo sgyu ngan pa'i sems spangs nas// kun tu bzang po byang chub sems// don dam kun rdzob tshul bzung ngo // sems can thams cad bdud gyur te// bdag la gnod pa rab sbyar kyang // shes rab snying rje 'brel mas bskyang // yi dam lha dang bla ma dang // mchod bzung theg pa cher gnas pa// srog gi phyir yang mi spang bsgrub// snang sems rmi lam sgyu ma la// 'chi bas 'jigs pa ma mchis te// skye bo gzhan gyi don 'gyur na// byang chub sems dpa'i spyod pa yis// rang dbang du ni skye ba blang // bdag ni gcig pu'i zhi bde la// myur 'gro'i spro ba ma mchis pas// ji srid 'khor ba ma stongs par// bskal pa rgya mtshor mi
- 64a
skyo zhing // byang chub sems kyi dka' ba spyad// shes rab thabs kyis don mdzad tshe// 'gro ba las kyi 'dul skal la// so so'i blo dang skad bzhin du// ji ltar 'tshams pa de bstan no// rnal 'byor chog lam zhugs pa yi// skes chen rig pa 'dzin pa rnams// nus pa ji snyed shugs kyis ni// brtson 'grus 'bad pas bsnyen bkur ro// gsang ba theg pa bla med la// rab sdang gdug pa'i tshul 'chang ba// nus mthu drag rtsal ci yod kyis// myur du sgrol bar bdag 'tshal lo// de lta'i dus chen 'di nyid nas// theg chen bla med zug gi bar// dpa' chen bde bar gshegs rnams kyis// ji ltar dam bcas de bzung ngo // zhes brjod don rnams dam bcar bzung // dam tshig chen po'i bsgrub pa'o// de nas rab tu bshad pa ni// kun tu bzang po kun gyi mchog/ he ru ka dpal bde ba che// 'di la nges par 'dod pa yis// nga dang sangs rgyas thams cad kyis// skyes bu rnams kyi don bshad pa// smin grol thob pa ma gtogs pa// tshig gcig tsam yang ma bstan te// rang gi rgyud sprin 'dod pa yi// skal bzang mchog ldan de yis ni// srog lus blo dang rdzas rnams kyis// yul mchog mnyes byas 'dod pa blang // bum pa gsang ba gsang chen dang // theg pa kun 'dus blta ba 'di// rim pa rnams kyi dang po'o// las dang rig pa'i
- 64b
brtul zhugs dang // sa bcu kun spyod mnyam bzhag steng // mngon par gnas pa'i rim bzhin du// phan nus cho ga lam gyi dang // rgyal thabs spyi blugs thabs chen yin// dang po'i las can de smin pa// dus gsum sangs rgyas thams cad kyi// sprul pa 'dzin rten bltams gyur tshe// lha klu'i dbang pos dngos dbang bskur// dge sbyong chen po sangs rgyas che// bdud bzhi dgra las rgyal byas nas// sa bdag lha mos legs brjod nas// bkra shis bum pas de dbang bskur// chos kyi 'khor lo bskor mdzad dgongs// 'jig rten skyong ba bzhi dag gis// sangs rgyas kun gyis blangs pa yi// dag pa'i snod phul de dbang bskur// 'khor los sgyur rgyal des bu skyong // spyi bor bum pa yid bzhin btegs// 'khor lo yo byad sna bdun gyis// mngon par bstod pas de dbang bskur// dka' thub spyod pa gnas gyur na/ khyed kyis bsam gtan 'di yis ni// mthar thug don chen mi thob pas// rang gi 'od gsal de zung la// rang dga'i gnas su khyod song la// byang chub mchog la de longs spyod// tshig rdzogs dam pas de dbang bskur// longs spyod rdzogs sku'i rgyal rnams kyis// mtshan nyid ldan pa'i shes rab ma'i// btsun mo'i 'khor gyis rol mdzad pa// rig ma chen mos de dbang bskur// mngon byung de nyid ma dor nas// zab cing
- 65a
gting dpag dka' ba dang / zhi ba mya ngan 'das pa'i mchog/ spros med mtha' la yongs ma dmigs// 'dus ma byas shing lhun gyis grub// bdud rtsi skyon bral mchog thob pa// de ni rab rdzogs de dbang bskur// rim pa bzhi yis de rdzogs te// de nas gang du spog ma byas// rang dang gzhan gyi tshul snang las// sku dang ye shes tshogs byung ba// dbang bzhi rdzogs pa'i phrin las yin// dur khrod chu gling ri dang ljongs// dus ni rgyas dang 'byor ldan pas// phun sum tshogs pa'i gnas nyid du// gsol ba gdab dang chos 'byung zhing // yon tan rab rdzogs 'phel dus der// byang chub sems ldan rgyud sbyangs shing // skyon spangs yon tan rdzogs pa dang // yon tan de nyid thob 'dod pa'i// skyes bu blo ldan slob ma yis// rigs bzang sems kyis rab bskul ba'i// rten rgyud ltar ba'i spyan snga ru// brtag dang bslang dang byin gyis brlab// sbyangs shing bzung ba sngon song ba'i// dkyil 'khor bum pa lha rnams dang // slob ma sta gon bya ba las// rjes su bsnyen pa legs bshad nas// byang chub sems rjes bzung ba yi// thig bris tshon ni rin chen 'bru// rdo sogs ting nge 'dzin gyis bris// ye shes chen po nyer bsnyen nas// slar yang bzhi gzhi yang yi lam sbyang ste// pho brang sgo ru me tog sbyin// gsol ba gdab cing spro bskyed nas// ku
- 65b
shas dag byas snying po bsgom// nang du rdo rje chen po bzung // ku sha so shing srung skud sbyin// de dag mtshan nyid ltas kyang brtag/ las gyi chu yis gtsang sbra spyod// cho gas yongs su smin pa dang // nang du 'dong la dam tshig bsgrag/ rdo rje 'dzin pa'i ye shes dbab// me tog phreng ba lha la dor// gang gi rigs su 'gyur ba rtag/ gsol ba btab pas mig phye nas// gzugs brnyan gtso 'khor legs par bstan// de nas sngags pa'i sa la bzhag/ me tog phreng bas dbang bskur bya// lha dang bum pa dbu rgyan dang // rdo rje dril bu ming la sogs// rig pa chen po'i dbang bskur ro// rdo rje slob dpon gnang ba'i dbang // seng ge pad+ma 'i khri steng du// rdo rje dril bu brtul zhugs dang // phyag mtshan dang ni dam tshig gsum// dbugs dbyung lung bstan phyir mi zlog/ phyi ltar bshad pa'i bum dbang ngo // bum pa'i bcud mchog bdud rtsi lnga// btung ba'i dam pa blud pa ni// rang rdzas bum pa gsang ba'o// bde ldan lus kyi bum pa ni// stong phrag bdun cu rtsa gnyis kyi// chu yis ye shes sems dag pa// shes rab dag pa'i bum pa'o// phyag rgya lus kyi bum pa las// sems kyi chu rgyun babs pa yis// thabs mchog gsang ba dag byed pa// sbas pa'i bum pa bzhi pa ste// thun mong gsang ba khyad par dang // rab tu sbas pa de dag gis// lus su 'dzin pa'i phyogs kun
- 66a
smin// thabs dang shes rab nges par dbab// lus kyi nyes gsum dri ma sbyang // sgrib tshul sa dang lam gyis sbyang // bsod nams ye shes tshogs kyi lam// dam tshig ye shes sbyor ba'i lam// gzugs brnyan mthong ba de nyid lam// kun tu gnas bsgyur bsgom pa'i lam// nges par thob pa mi slob lam// dang po las kyi sa yin te// gnyis pa mos pa spyod pa'o// dang po rab tu dga' ba nas// bzhi pa brgyad pa'i bar du 'gro// phyi yi brgyud pa bskyed rim dang // phrin las bzhi dang grub chen brgyad// thun mong yan lag thabs chen dang // dang po'i las kyi spyod pa bstan// gnyis pa rjes spyod rnal 'byor te// gsum pa la ni bden pa gnyis// kun rdzob spyod gsum mthar thug la'o// kun tu sgra ni ji ltar dang // ldem po ma yin drang ba dang // tshig tsam yan lag sna tshogs kun kyang tshogs kun bstan// ku sha la sogs gtsang sbra yis// ltas dang me tog dor las brtag/ lus kyi brda dang phyag rgya bstan// mgo la dbu rgyan cod pan te// dag byed rdzas kun lus dang spyi'o// dam tshig rdo rje dril bu dag/ lag tu bskur te nus pa dbyung // dur khrod chas rnams lus kun la// phyag rgya phyag mtshan lag la'o// dbugs dbyung yon tan spro ba bskyed// sgrub rdzas lung sbyin kun phyir ro// don dam phyir mi zlog la bstan// rgyan gyi khyad par
- 66b
rang gi gnas// rin chen nye ba'i rin chen brgyad// bkra shis nye ba'i bkra shis kyis// tshul mthun ma lus rdzas kun gyis// sngags tshig smon lam rnams kyis sbyin// tshad med bzhi yi dgongs pa dang // rang gis lhag pa'i lha rnams bstim// dag pa'i yon tan rgyud lnga sbyong // kun grub ye shes lnga rjes 'dzin// phyag rgya dam tshig grub pa lnga// slob ma rjes su smin byas nas// sgo gsum sgrib pa'i dri ma 'khru// phrin las nus shing 'bras bu thob// de nyid sor chud bdud bzhi 'joms// rang bzhin gnas dang bsags pa dang // don rab sa dang lam gyi rjes// sangs rgyas sa yi yon tan ldan// thun mong dang ni mthar thug pa'i// dngos grub kyis ni bzang 'dzin lhag/ bdud 'joms 'phrod pa'i yon tan no// nus pa sgrib 'khrud sgrib sbyong dang // las byed pa dang 'bras bu thob// mngon du phyogs dang bdud 'joms pa'o// phreng bas ma dad dri ma 'khrud// mos pas spyod pa'i sgrib sbyong zhing // 'dod lha mnyes pa lam yin te// 'bras bu mthong ba'i lam ma phyogs// yi dam dngos grub nye ba yin// gzung 'dzin phung po'i bdud rnams bcom// chu ni blo gnyis dri ma dang // dang po'i sa la dri ma 'khru// zhe sdang nga rgyal grogs su spyod// lam bsgom rim gnyis dngos grub yin// nyon mong rtog pa'i bdud rnams 'joms// ming gdags rdo rje dril
- 67a
bu yis// phyi nang mtshan ma gnas ngan len// rang bzhin g.yeng ba lnga nyid dang // gnyis brgyad bar gyi dri ma sel// 'dod chags phrag dog rnam dag pa'i// rigs su byed cing 'bras bu ni// mthar phyin sa la mngon phyogs shing // ltar sogs thun mong grub pa'o// 'chi bdag gnod pa'i bdud 'joms byed// gsum pas g.yeng ba phra mo dang // sa bcu tha ma nges gsal bas// sa lam gong ma de bstan byed// brtul zhugs kyis ni me tog brtan// chu dang dbu rgyan dam tshig gis// bum par brtan pa bka' stsal to// lus brtan rdo rje dril bus byas// bdag po'i dbang gis dbugs dbyung ngo // rdo rje 'dzin pa'i sa la phyogs// 'bras bu dngos grub brtan par byed// lha dang 'brel ba'i bdud 'joms nus// me tog gis ni 'bras bu zhi// dbu rgyan chu yis rgyu mthun byed// rnam smin rdo rje dril bu yis// ming gi skyes bu rab tu byed// 'bras bu dri med brtan pa bzhi// ngas bshad yon tan ma lus pa// 'di yi 'bras bur 'gyur ba ste// rgyu dang 'bras bu'i rten 'brel gyis// mthar zug nus pa 'byin pa ste// nga yi bstan pa dang po'o// de nas rim pa gnyis pa ni// nga dang sangs rgyas thams cad kyi// rigs kyi bdag po rdo rje 'chang // gnas mchog dam pa 'di nyid du// 'dod chags rdo rje'i ting 'dzin gyis// rigs kyi dkyil 'khor
- 67b
rab bsdus te// he ru ka dpal yab yum gyi// gsang ba thugs kyi dkyil 'khor du// rgyal thabs spyi blugs dbang blang ba// byang chub sems dpa' sems dpa' che// kun rdzob kyis ni don dam mchog/ rang gi rigs su bsgrub pa las// dbang mchog chen por bskur ba ni// nga dang nga yi sras rnams kyis// rgyud chen dam pa de bshad do// gnas ni yab yum gsang ba'i mkha'// khyad par lhan cig skyes pa dang // dur khrod zhing dang sngags las skyes// rang gi gnas dang rigs ngan dang // mtshan ma can dang stobs can dang // gar mkhan tshos ma gdol pa mo// g.yung mo mda' mkhan ma la sogs// rgyud sbyang yon tan phun sum tshogs// nga yis bsngags pa'i mtshan nyid ldan// 'di ni gnas kyi dam pa'o// gang gi yon tan de rdzogs nas// pad+ma'i chu rgyun 'bab pa dang // he ru ka la gsol btab nas// gnang ba thob pa dus su brtag/ yab yum gnyis med gsum blang yul// bum pa'i yon tan rdzogs pa dang // bzlas pa'i rnal 'byor brtul zhugs can// longs spyod 'dod pa len pa'o// thog mar lus kyi dkyil 'khor brtag/ rgya ni 'dom gang de nyid do// legs par 'bab pa sgo bzhi ste// snang ba lnga ni kha dog yin// d+ha ti dbu ma tshangs pa'i thig/ g.yas g.yon gnyis ni rdo rje'i gdung // ka ba rkang brgyad de nyid ni// yan lag bzhi ni rta
- 68a
babs yin// rtsa ba'i snying ni pho brang sgo// snying gzhan snod bzhir bcas pa ni// pho brang chen po brgyad yin no// sha dang rus pa brtsig pa ste/ khrag dang chu ser zham chu yin// pags chen phyi yi 'khor yug ste// ba spu me ri 'bar ba'o// dbang po yul bcas gdan dang khri// skra dang mig ni rgyal mtshan mthong // phung po lnga ni gtso chen lnga// 'byung ba lnga ni yum chen lnga// rnam par shes brgyad yul dang bcas// rigs kyi gtso chen brgyad yin no// sems dang sems las byung ba dang // snang ba dang ni de las skyes// rtog pa'i rang bzhin ma lus pa// zhi dang khro dang rnam par gnas// thams cad ma lus de yi 'khor// bza' dang btung ba bdud rtsi lnga// mnyes pa'i mchod pa sna tshogs yin// lus la rdzogs pa'i dkyil 'khor de// gzhung nas gnas pa de shes pa// de la dam pa de mchod do// rjes su gnas pa'i dkyil 'khor ni// b+ha ga sogs pa'i gzhal yas khang // de la brtag bzung sbyang ba dang // byin brlab brgyan dang bdug dang bkru// mchod dang mnyes pa dgyes par bya// phyi rol du ni gdong bkab nas// gsol ba gdab cing bskor nas su// phyag 'tshal me tog dbul bar bya// dam tshig gi ni rdzas kyis dbab// mig phye mthong brtag bstan cing brtag/ nang rol du ni gtso chen dang // khams gsum
- 68b
bdag po mnyam sbyor bas// bzhi dang drug dang 'khor lo dag/ rim gyis phab ste sbyin par bya// dkar chu spos dang rgyun drag dang // tshangs sgor 'bar dang ming byin brlab// sgra dang bde dang blang ba dang // rnam par mi rtog longs spyod dang // bde thob 'od dang gsal ba ste// phreng ba chu dang dbu rgyan dang // rdo rje dril bu ming dang ni// brtul zhugs lung bstan phyir mi ldog/ dbugs dbyung gsang ba'i dbang yin no// ga pupur tsan+dan bdud rtsi lnga// dbab phyir khro bo'i khyi ma yang tshul du bya// sems can dbab pa de yi thabs// pad+ma gtso rtsi yin gsang ba mis yang min gsang ba'o// nod pa de ni sprul pa'i gnas// rdo rje pad+ma 'dus pa dag/ skyon yon gsum gyis sku gsum mchod// 'gro ba'i sgor dbab sba zhing gsang // de nyid rnam pa bzhi yin te// rang bzhin chu 'bab bum pa las// ro myang ba ni gsang ba yin// rtog med lam thob gsum pa ste// gnyis med ye shes bzhi pa yin// pad+ma gtso ste snang ba dag/ phyi nang gsang gnas ngag gi lam// yul gsum rgyu la dri ma med// sgo gnyis pa yi sbyong sngags te// dang po'i sa la slob pa yod// dgongs dang nges dang ji ltar min// sbas dang ma lus ldan pa dag/ rnal 'byor chen po'i don yin no// sbas dang sbyor dang rig pa dang // zhi dang khro srogs brda rnams bstan// rtsa ba yan lag bcas pa
- 69a
dag/ longs spyod thams cad rab tu blangs// ji snyed sangs rgyas thams cad dang // gtso bzung thugs dam bskang ba las// gzhal yas khang gi dbus dag tu// bde byed yo ga gsang ba'i rgyun// rdo rje pad+ma rab brnyes pa// sems mtshon mnyam 'dres bde bar gsal// thim sbyor bsam pa bsam dgongs pa// ngag gi las sgrib de dag kyang // thabs dang shes rab stobs kyis ni// bcu gnyis pa ni mngon du byed// thabs kyis phung po'i bdud 'joms shing // nyon mongs bdud ni shes rab kyis// gnyis su med pas spro ta ste// spro ba yi ni lha rnams te// 'joms byed nus pa mthar thug gis// 'bad rtsol dri med thabs shes rab// rgyu mthun len pa ngo bo nyid// rnam par bsnyen pa'i rim pa ste// yul gsum mnyes tshul dul ba'i tshul// phyogs rnams kun tu mnyes pa ste// rim pa chen po de bstan no// de nas rigs kyi dkyil 'khor te// ngas sngon phal pa'i 'khor rnams la/ khyod kyis srog chags bsad pa dang // ma sbyin blangs shing mi tshangs spyad// brdzun tshig smra bar byos zhes bshad// de la kha cig dngangs pa dang // skrag par gyur pa de bshad de// rgyas par gyur pa kun blangs nas// rab tu sbas te dgongs bshad pa// rnam par rtog pa'i tshogs dben pa// lus ni ri bo dgon pa'i gnas// rang byung sems ni sgrub pa
- 69b
yis// mtshan nyid ldan 'bo la bde ba'i stan// snyed pa'i gnang ba brnyes pa'i gsang ba yang dbang thob dus// yab yum phyi nang bla ma yis// gong gnyis rdzogs dang gsang tshig la// mos shing nye gyur slob ma ste// rten bzang tshe 'bras kyang 'phel la sogs min// 'khor lo bzhi yi dkyil 'khor dang // shes rab phyag rgya'i dkyil 'khor te// bzung dang sbyangs dang byin gyis brlabs// byin gyis brlab bya gong du brtag/ lha dang sngags kyi lung bstan nas// ngas bshad mtshan nyid kun ldan pa// bcu drug nyi shu lnga yi bar// lhan cig zhing dang sngags las skyes// ma dang sring mo bu mo sogs// 'di la rnam rtog yod ma yin// lha dang dkyil 'khor sngon bzhin te// gsang ba'i 'khor lo rnam pa bzhi// gsal ba'i 'dab ma rang gi gnas// rtsa la yi ge'i rnam pa can// sngon du bshad pa rab bstan te// g.yas g.yon dbus gsum mtshan nyid brtag/ rgyan ldan mdzes pa'i dkyil 'khor du// dris bsgos mchod tshogs rnams kyis brgyan// ma lus lhag pa'i lha ru bsgom// oM hUM phaT dag AHyis ni// rdo rje pad+ma byin gyis brlab// gnas gzung 'jug par gsol gdab ste// brtul zhugs blang dang dbab par bya// de nas de yi rigs kun la// dga' shing gus pa'i sems bskyed de// phyag 'tshal nas ni me tog gtor// shes rab sangs rgyas mig phye
- 70a
ste// lus kyi dkyil 'khor ma lus bstan// chags chen glu gar rol mo'i brda// mtshan nyid bzhi sogs rgyun dbab dang // dang po'i sgo sbyar rdo rje dgod// bskyod pa'i sgra ldan hUM phaT 'bod// so sor gnas bskur nges pa bskyed// lus kyi mi ma tog yang gtong ngag gis smras// pad+mar zung byed phyir mi ldog/ bum pa phreng chu dbu rgyan dang // rdo rje dril bu ming brtul zhugs// dam tshig dbugs dbyung lung bstan no// phyi rim mthong ba'i ye shes che// shes rab bde chen 'khor los srog/ dbab cing myang ba nang gi ste// zhu bde skad cig rnam bzhi yis// kun tu bde thob gnas pa'o// phyi ru brda sprad bum pa ste// pad+ma rdo rje phrad gsang ba// rab bde gsum pa ye shes bzhi// gnas kyi sems kyi blang bde'o// bud med sgyu ma sems kyis brdas// mtshan nyid rnam pa'i lus kyis myang // shes rab skal ba med pas kyang // rlung sems 'gog pa'i thabs kyis kyang // bde chen skad cig mthar thug mtshon// sems sbyang mkhyen pa'i ye shes bsgyur// ma chags pad+ma can du sleb// sems rig rang bzhin 'od gsal brtan// rtsa gnyis kyis ni gzung 'dzin 'gog/ gcig gis las rnams kun las brtag/ 'od zer 'phro dang bskyod dang 'bar// 'bab cing skyes gang bde chen sku// de nyid rtsa lnga rlung bcu yis// las su kun byed sprul pa'i sku// steng 'og sgo
- 70b
dang bar rnams su// rlung dang sngags kyi de nyid kyis// rab sbyar 'byung dang rngub pa dang // bzlas dang rig dang sgyu ma'i tshul// bde dang gsal dang mi rtog las// rgyun mi 'chad pa'i ye shes kyis// 'khor dang 'das tshul dam lus shing // ma nor de yis shes 'bras bu// phyi rol smig rgyu du ba dang // srin bu glog dang mar me dang // nam mkha' lta bu rim bzhin 'byung // brtan rdzogs rim pa lnga dag gis// skad cig dga' dang brda bcu gnyis// rang rig bdud rtsi lnga spyad cing // de 'dod yon tan lnga nyid sprad// bde spyod cho 'phrul rnam pa bzhi// spyi mgrin snying ga lte ba dang // gsang sbas gnas chen bcu drug las// yar 'phel mar 'grib phyed phyed bzhi// a sogs yi ge cu drug dang // sum bcu rtsa gnyis drug cu bzhi// brgyad kyi phyed dang bzhi nyid kyis// ka tsa Ta ta pa ya sha k+Sha// oM AHhUM dang haM gis ni// 'khor lo dbus su de nyid kyis// thabs dang shes rab gnyis gnyis sbyor// ting 'dzin lha dang lus dang rtsa// dbugs rlung bcu dang thig le lha// za mal sems dang byang chub sems// de la de brten rim par rdzogs// gnas dang 'phro dang rab tu 'phro// thim pa sku yi nus pa ni// dang po dang ni bcu gcig pa'i// sgrib 'joms phyag rgya de thob nus// bcu gnyis pa yi rig pa 'dzin// spyi bo sprul pa'i bar 'khor los// nyon mongs nas
- 71a
brtsam bdud bzhi 'joms// dam tshig 'khor lo pad+ma'i gnas// rdo rje bde skyed bde 'bab pa'i// sprul pa'i chos spyod bde ba che// rnam smin rgyu mthun chos kyi sku// dri med skyes bu sna tshogs byed// de yi rjes su rnal 'byor des// 'di ni shes rab ye shes kyis// rim pa gsum par 'gyur ba yin// ngas sngon mtha' thug bstan pa la// byang chub sems dpa' khyed rnams kyis// ngag gsal ba yi ye shes 'grub// rnam par rtogs pa der gsal na// de la de ni yod ma yin// rang gis rang rig ye shes te// theg pa'i blta ba spyi 'byams bstan// thugs mchog 'gyur med de la gnas// dus gsum dus med dus kyi mchog/ sems nyid gang shes bla mar mos// bsam gyis mi khyab de yi sras// gnyis med ye shes dkyil 'khor de// rang gis gsang chod mi rig ste// de nyid gang mthong mig phyed pa'i// goms stobs lam nus dkyil 'khor mchog/ kun la dbang bsgyur rang rig pa'i// rtsal chen rdzogs pa rang dbang mchog/ lta ba theg pa sgri 'byams kyis/ khong du chud pa'i rnam grangs yin// de nyid gsang ba gnyis pa ste// gsum sogs brjod la bsam mi khyab// mnyam nyid ye shes chen po ste// gcig dang du mar 'dzin las grol// 'od gsal gzhi dang lam 'bras bu// sems nyid chos nyid ngo bo nyid// thabs gsum dang
- 71b
ni shes rab gsum// snang ba gsum dang stong pa gsum// ma lus zung du 'jug pa ste// dbyer med yi ge 'khor lo nyid// rdzogs pa chen po'i sa zhes bya// bcu gsum de ni brjod las 'das// de la brtan bya/ yod min zhing // ston par byed pa med nyid bstan// snang dang stong pa ji snyed brda// rnam par rtog pa de yi rdzas// dgongs pa rang rig de yi rdzas// 'gran zla med pa de yi nus// kun gyi mchog gyur 'bras bu yin// rim pa 'di bzhi tshogs pa ni// rten 'gyur gcig gis shes gyur gyis// kun la dbang bskur nges pa'i tshig/ kun mkhyen go 'phang rtogs pa'i thabs// ji ltar 'bad pa sgrub pa ste// phyogs kun mnyes bya dam tshig ste// ma rdzogs pa yis rdzogs bya min// rdzogs la ma rdzogs de bzhin no// sku gsung thugs dang khyad par dang // spyi dang khyad par thun mong bcas// rdo rje 'chang ba mi smad cing // des gsung 'thun pa'i bka' mi rdzab// der rtogs spun la'ang khro ba min// kun tu byams pa dor mi bya// byang chub sems kyang rab tu gzung // gzhan don phyogs kun sun mi dbyung // gsang ba yul min der mi brjod// sku 'gyur lus la mi brnyas te// legs bshad som nyi ga la bya// bstan la rab sdang rjes gzung min// tha mal rtogs pa bskyang mi bya// lhag par mos pa sun mi dbyung // shes rab rten la smod pa spang // ngas
- 72a
bshad gang yin cung mi 'da'// gang gis de la bshad bya zhing // yang dag sa la sbyar la sogs// nga yis thog ma bar mtha' mar// bshad pa de la ma 'da' zhig/ gal te rnam par ldog gyur na// brjod pa'i tshig 'dis rab tu sbyangs// oM bde gshegs kun 'dus rgyal ba zhi khro'i ngang // chos sku spros bral bde chen gdod nas dag/ longs spyod rdzogs sku bsam 'das brjod mi lang // sbrul sku 'gro/ don rdzogs mdzad bdag la dgongs// oM kun tu bzang po che chog he ru ka/ 'gro 'dul thabs kyi gtso brgyad 'khor dang bcas// yon tan sku gsung thugs dang phrin las bdag/ 'dod 'byung kun rdzogs lha la phyag 'tshal bstod// oM dpal ldan zhi khro dbang phyug gsang ba'i tshogs// phyi nang gsang ba de nyid mchod pa'i tshogs// sku gsung thugs mnyes nam mkha'i gter mdzod kyis// bla med mchod sprin mchog sbyar mchod par bzhes// oM thog med dus nas 'khor 'das bdag gzhan tshul// gnyis med byang chub sems su gcig nyid kyang // las kyi 'khrul pas tha dad so sor gnas// gnyis 'dzin log lha'i yid kyis the tshom byung // ma rig bag la nyal gyi rnam rtog gis// rgyal ba'i dgongs spyod zab mo gting ma phyin// thabs dang shes rab ma bral blang dor spyod// che mchog gsang ba'i dam las 'ga' zhing nyams// 'bras bu'i
- 72b
don chen sgrib pa'i rgyur gyur pa// gnod 'gyod zhi ba'i sems bskyed lam sbyangs nas// rtsa ba yan lag sku gsung thugs kyi gsang // thun mong bye brag khyad par bsam mi khyab// ji ltar gdams pa'i gzhung bzhin ma rtogs pa// bde gshegs rgyal bzhi khro 'khor dang bcas// thugs rje'i mnga' bdag khyed la bzod par gsol// ye shes rtsal gyis sangs rgyas sa ston cig/ dus gsum rgyun du mi 'bral dgongs mdzod cig/ zhes brjod tshig gis mnyes shing sbyang // mchod rdzas chen po de bsgrub bo// de nas byin gyis brlab bya'i phyir// phur pa'i rdzas kyis bsgrub pa ni// gzhan gyi don la 'bag pa dang // rang gi dngos po mchog 'dod pas// yi ge lnga las legs byung ba'i// sa gzhi mdzes par 'od lngar ldan// dus gsum sangs rgyas bzhugs pa'i gnas// kun shongs yangs pa thog ma nas// dus gsum sangs rgyas bzhugs pa'i gnas// yon tan tshogs rdzogs rnal 'byor gyis// thabs dang shes rab gnyis med pa'i// dkyil 'khor rdzogs nas bgegs rnams bzlog khro bo'i tshul dang ldan pas bsgrub/ kha dog lnga ldan srad bu ste// rang sngags yi ge lnga byin gyis// rdo rje khu tshur las kyis bya// pho brang dgu yi rgyan rtags kyis// mkhas pas byin brlab sna tshogs 'byung // gnod pa'i sbyor ba rgyun gcod phyir// 'jug pa las kyi sgo gsum
- 73a
bya// de la rdzas kyi dam pa ni// phrin las chen po rigs bzhi yi// phyag mtshan gser dngul zangs dang lcags// shug pa gser shing tsan dan dmar// chu shing tsher ma can gyis ni// rgyu yi don 'grub de bshad pa// gtso chen dgu dang rab sbyar ba'i// khros pa'i zhal dang phyag mtshan bcas// khru bzhi pa'am gsum du bya// lhag pa'i lha rnams de bzhin du// khru gang ba dang mdzub gang sogs// rigs dang mthun zhing grangs dang mnyam// rdzas kyi gtso bo mchog tu bya// rang gi gnas su gtso la phyogs// mdzes pa'i gnas su dgod par bya// don dam phur pa dgug cing bstim// phyag 'tshal mnga' gsol mchod cing bstod// he ru ka sogs 'khor dang bcas// nges par byin gyis brlab cing dbab// zhi dang rgyas dang dgug pa dang // drag shul spyod pa'i gnas dag tu// kun rdzob las kyi phur pa yang // grangs dang mnyam pa de bzhin du// rang gi dbyig ldan mdun du dgod// sngags pa'i rdzas kyang rab tu bstar// rdo rje 'chang chen dgu 'am 'khor// rdo rje las phyed grangs dang mnyam// sngon bshad tshul dang rab ldan pas// srid pa'i phur bu bsgrub pa'i phyir// de la dbang dang dngos grub blang // ye shes khro bo der gshegs nas// rtags dang mtshan ma ston par byed// de la dngos gzhi chen po yis// bsgrub pa'i lha rnams rang sngags la// ki
- 73b
li kI la ya sarba big+h+nAM baM hUM phaT// ces sngags sngon du bsnyen par bya// gser gyi ba thag gzing ba dang // mgal me klad la bskor ba dang // lcags kyi tsha tsha gdab la sogs// 'od zer 'phro 'du'i rnam pa 'phro// ye nas lha rnams sku gsung thugs// gnas gsum du ni rab tu bkod// 'di ni ma 'ongs dus su yang // b+ha dra tsar+ya su kha dang // brgya byin byang chub rgyal po yis// ma lus don gsal byed par 'gyur// bsgrub pa cher spyod de yi gnas// phrin las bzhi gang gsang sngags bzung // rdzas dang ting nge 'dzin dang sngags// dmigs pa dag dang dgos ched kyis// las kyis rim pa der spyad de// phyogs brgyad gru gsum sum brtseg gi/ kha khyer mi bzad phur bus bskor// drag po'i rdzas rnams kun kyang bsham// bum pa'am yang na ban+da'i snod// lcang lor bcas pa skam mam rlon// grangs dang mnyam pa dbus su dgod// gzhan yang ji ltar bshad pa yi// rdzas mchog dam pa sna tshogs dgod// he ru ka chen dgu rnams kyis// so so'i 'khor gyi khang bu rnams// rdo rje phur bu'i 'od kyis mdzes// cho ga sna tshogs brtan par bya// de 'dra'i ting nge 'dzin ldan pas// nang du gzhug cing drang bar bya// sngon bshad de bzhin tshogs bsags nas// rim pa bzhin du yang dag ldan// bsgrub pa de yi ting 'dzin ni// nam mkha'i khams kyi
- 74a
dbus gnas su// snod kyi 'jig rten gzhal yas khang // bsam zhing gnas pa de gsal bya// bcud kyi sems can thog ma nas/ khro bo khro mo'i dkyil 'khor de// rang la sngags pa'i phyag mtshan dang // lhag par phur par 'dzin par bsam// gdod nas gnas pa de shes bya// de dag rab tu bstims byas nas// dkyil 'khor gtso bo 'khor dang bcas// spyi dang bye brag sngags rnams kyis// phur bu'i ming gis spel te bsgrubs// rang lhar gyur pa'i rtags byung nas// thams cad spyi dril bsgrub par bya// las grub nus par gyur pa dang // so so'i dmigs pa mdun du bya// las kyi phur pa mnga' gsol te// bye brag dgu yi ting 'dzin gyis// phur bu bskor ba zhes bya ste// che mchog gtso bos snying la gdab// badz+ra he rus mgrin pa ste// gshin rje gshed kyis klad pa la// rta mgrin dbang gis gsang ba ste// rdo rje gzhon nus 'dus pa'i gnas// mngon rdzogs rgyal pos lag g.yon te// dregs 'dul gyis ni rkang g.yas la// stobs ldan nag po lag pa g.yas// rdo rje sems dpa' rkang g.yon la'o// 'khor rnams kyis kyang de bzhin du// rang gis phyogs bcur bskor te gdab// las rgyud rtsad nas bcad pa dang // gsang sgo thibs kyis mnan pa dang // dug lnga spyi nas gzhom pa dang // 'gro dang stobs dang dpral ba dang // srid pa'i
- 74b
skye rgyun gcad pa dang // phrin las chen po bzhi spyad phyir// so so'i gnas su gdab par bya// rtsa bar snying rtsa 'dab ma bzhi// kha dog so sor bstan pa las// yan lag rnam pa brgyad du gsal// g.yas 'dab chos nyid rtsa gsum ste// ser po zla kham stong pa'i dbyings// g.yon 'dab rang rgyud rtsa gsum ste// dmar nag sbrul bzhin 'khyil ba'o// 'og 'dab yon tan gcig tu gnas// smug nag rgyu ma bzhin du'o// steng du ye shes gcig gnas pa// mthing ga 'khor lo lta bu ste// kun gzhi rnam rtog nyon mongs yid// yid dang sgo lnga'i rnam shes gnyis// brgyad kyi dbus gnas dngas ma ni// mdog dkar rta rnga bzhin du bsgril// tshe yi dngas ma brgya 'dra/ khrag gi dngas ma mtshal byi mgo/ drod kyi dngas ma me long gi/ ngad dang zil pa lta bu ste// rnam shes dngas ma 'od kyi dkyil// rang lhar gsal ba'i phyag mtshan te// ri rab phur pa rdo rjes brgyan// hUM phaT ldan pa'i phur gsum la// rdo tshan chu 'dus bzhin du bsam// sgrub pa po yi thugs kar thim// zhi khro'i lha rnams sku gsung thugs// yon tan phrin las rbod gtong dang // mchod bstod drag shul rig pa 'dzin// so sor dus la bab ces brjod// pho nya bskul zhing rbad gsang bya// lcags dang seng ldeng bya phur dang // skyer pa tsan dan mchog phur gyis// gti mug bsal zhing
- 75a
'dod chags bskam// zhe sdang gsad cing phrag dog gdul// nga rgyal bsnyil zhing smad pa ste// thal 'byin dgongs pa byang chub sems// rtogs pa dang ni thugs rje yis// bdag gzhan ma lus bsgral bar bya// 'di yis gal te rtags med na// sngar bzhin bsnyen bsgrub spogs par bya// de nas rtags dang ldan pa dang // sngar bzhin las la sbyar bar bya// bsgrubs pa de nyid byin gyis rlabs// nad dang gdon dang bar chad phyogs// rang bzhin ma lus zhi bar byed// tshe dang dbang zang longs spyod tshogs// rab tu 'phel zhing rgyas par byed// log lha dgra bgegs mi mthun phyogs// ma lus dbang du sdud par byed// drag shul can dang gdug pa'i sems// sgrol zhing mngon du spyod la sogs// thams cad 'grub pa 'bras bu ste// byin rlabs phur pa'i sgrub pa'o// de nas tshe yi lung sgrub pa// phun sum tshogs pa'i sngon 'gro dang // stegs bu'i sbyor ba de nyid la// thog ma'o dkyil 'khor ling tshe dgu// dbus su 'khor lo rtsi bas brgyad de// shar du rdo rje rtse brgyad de// lho ru rin chen zur brgyad bri// nub tu pad+ma 'dab brgyad de// byang du ral gri lce brgyad do// mtshams bzhir thig le gling brgyad de// dbus rnams zla gam kha sbyor te// mtshan bzang kun rdzogs bum pa ni// phyi nang blta ba rdzogs mthun spyad// oM AHhUM badz+ra a mr-i ta A
- 75b
yun+ma na b+h+rUM/ zhes pa'i sngags rnams bris pa ni// so so'i rigs kyi mdog dang bstan// dkyil 'khor rnams kyi dbus su'o// byang chub sems dang rdzu 'phrul che// rtags dang ldan pa'i 'brang rgyas te// gtso bo rnams kyi grangs ldan pa// 'bru bcud zhal zas tshogs las bsham// rin po che yi rgyan rtags kyis// legs par brgyan pa bdud rtsi yi// bcud dang bcas pa der stsal nas// dar 'phan za ra tshags kyis brgyan// nas 'bras 'bru yis brgyan par byas// 'bru lngas byin brlab gzungs zag gdags// rigs chen lnga yi gtso bo yis// so so'i phyag tu bzhes nas ni// che mchog he ru ka nas ni// badz+ra he ru rdo rje mchog/ rat+na he ru gshin rje gshed// pad+ma he ru rta mgrin dpal// karma he ru gzhon nu mchog/ rang gi rigs kyi gsang sngags la// badz+ra A yu She dz+nyA na hUM dzaHzhes btags bsnyen pa 'dzab tu bya// de nas mtshams bzhi gtso dang sngags// de bzhin du ni bya ba yin// rigs kyi thugs gsang rin po che// zla kham gsal ba'i dkyil 'khor dbus/ oM hUM trAM hrIHhaM rnams ni// zla ba la ni 'od bcas gnas// 'khor 'das kun gyi byang chub sems// 'chi med tshe yi rang bzhin ni// 'gyur med rdo rje'i lam nas byung / shangs kyi rlung sgom steng nas bteg/ lhun gyis grub pa'i dkyil 'khor te// kun tu bzang po che dpag med// he ru
- 76a
ka yaM sku gsung thugs// dus gsum rgyal ba yab dang yum// sras dang 'khor bcas rdo rje'i tshe// rin chen srog las nyi zla'i 'od// 'phro 'du phreng ba rab gsal ba'i// snying po gsang ba'i bsnyen par bgrang / khyad par bdag nyid gsang ba yi// dbus kyi gtso bo'i thugs ka nas// dkyil 'khor zla kham ga'u'i nang // tshon gang ye shes sems dpa' de// so so'i rigs bzhi'i 'khor dang bcas// yab yum rnams kyi thugs kar 'phros// phan tshun 'phro ba'i 'khor lo yis// 'og min gnas nas ye shes klong // rang bzhin 'od gsal thugs kyi dkyil// byang chub sems kyi 'chi med tshe// gnyis su med pa'i 'phro du bya// phyogs bcu dus gsum 'jig rten khams// snod bcud tshe brtan dkyil 'khor yin// 'gyur med skad cig mi 'bral ba// lha rnams kun la bstod cing bskul// tshe dbang dngos grub stsol ces brjod// slar yang bsnyen pa'i ting 'dzin spro// rtags dang yon tan yongs rdzogs nas// 'od phung sgrub pa'i rdzas la bstim// de ni tshe sgrub bsnyen pa'o// de nas sgrub pa chen po ni// rab rdzogs ltar gsal lus kyi tshe// ye shes sems dpa' srog gi tshe// rigs kyi lha mo gzugs kyi tshe// 'dod yon lnga ldan longs spyod tshe// srid par gnas pa yun gyi tshe// bsam pa tshe srog dpal gyi lha// bkod pa zas nor bcud kyi
- 76b
lha// bzlas pa rgyun chags ngag gis lha// hUM las rdo rje srog dang ldan// a las 'gyur med tshe dang ldan// baM las rdo rje lu gu rgyud// 'di ni 'ching ba'i las yin no// rdo rje bsdam pa'i phyag rgya las// mdzub mo lcags kyu lta bur bya// bsam gyis mi khyab spros te dgug/ rlung sgo gnyis nas hUM bskyil bas/ khyad par skye 'gro mang po'i tshe// byang chub sems kyis dbang bsgyur dag/ skar mda' bzhin du blangs nas bsnan// skye 'gro srog gis bsdus pa las// bstims te dbang bskur don byas pas// rab tu spel ba'i ting 'dzin ni// kun gyi yum gyur phyag rgya yis// ma lus mkha' 'gro dbang phyug ma// thugs gar sku mchog tshon gang las// gzi mdangs bstar bar A yuHbstim// sku gsung thugs kyi sngags 'di dag/ so sor 'bum du bzlas par bya// oM badz+ra A yu She dzaHA yu dz+nyA na tshe b+h+rUM// 'di ni sku yi snying po'o// oM badz+ra a mr-i ta ma hA b+ha dra tshe b+h+yAM// 'di ni gsung gi snying po'o// oM badz+ra A yu She ma hA puN+ye pu N+ye a pa ri mi ta dz+nyA na b+h+yAM// zhes pa thugs kyi snying po'o// sku yi tshe ni lus la ste// phung po lnga la rab tu thim// gsung gi tshe ni ngag la ste// dri med dbyings las rab tu thim// thugs kyi tshe ni yid la ste// byang chub mchog gi sems la thim// rigs kyi gsang ba'i snying po las// a b+hi Shiny+tsa a zhes pas// kun tu bstim par bya ba'o// skal
- 77a
ldan bsnyen pa mchog gi lung // bdud rtsi 'chi med sman gyi tshe// dbang mchog dam pa rigs kyi tshe// byin rlabs phur pa sprul pa'i tshe// zla kham rdo rje dbang gi tshe// bsgrubs pa'i 'bras bu bla na med// rin chen srog gi gzhal yas khang // le brgan gsung gi dkyil 'khor tu// kun tu bzang pos rgyas btab nas// he ru ka yi rtsal bskyed de// gshin rje gshed kyis bsdu bar bya// rta 'grin dbang gis bsrung ba ste// rdo rje gzhon nus dbab par bya// mngon rdzogs rgyal pos bcing bya zhing // dregs pa 'dul bas bskrad pa ste// stobs ldan gyis ni rab tu dgug/ rdo rje chos kyis bstim pa ni// so so'i rigs kyi phrin las yin// ma lus 'khor bcas tshe la bskul// phyag mtshan tshe yi bum pa bsnams// bkod pa'i rdzas la rab tu thim// rin chen tsit+ta'i dbyibs kyis blang // phyi nang gsang ba'i 'byung ba rnams// rim gyis bsdu ba'i sbyor ba yis// dus bzhi mnyam pa'i rdzas nus dgug/ kun gyis stsal ba'i rdo rje tshe/ khams gsum kun 'dus grub pa'i rtags// phyi nang 'byung ba'i bcud len ma// lha mo'i tshogs kyi dngos grub gter// legs par gsol ba gdab gyur nas// sgrub pa po la bstim pa yis// skye shi med pa'i don gsal byed// rig pa 'dzin pa 'grub par 'gyur// byin gyis rlob pa'i sgrub pa che// dus gsum sangs rgyas
- 77b
kun gyi lam// bde bar gshegs pa kun 'dus rgyud// rnal 'byor gsum gyis rab bsdus pa// thog ma med nas mtha' ma'i bar// rgyun mi 'chad du ngas bshad do// skal med rnams ni logs par rtog/ kha cig 'jig tshogs lta ba 'dzin// kha cig bdag med phyogs 'ga' tsam// kha cig rang gi snang ba 'dzin// kha cig kun rdzob don dam blta// kha cig bdag gzhan bzang ngan 'byed// kha cig thabs kyi cha skrospyod// kha cig res 'ga' shes rab ston// 'di ni tha dad ma yin te// thams cad gcig las byung ba ste// gcig tu ma lus 'dus pa'o// ma 'ongs dus su rgyud 'di nyid// shin tu rnyed dkar gyur nas ni// skal bar ldan pa 'ga' zhig las// skal med dag gis rtsod par byed// de nyid dus su 'di rnyed pas// rang rgyud tsam du mi bsten te// rtsa ba yan lag bshad pa dang // lung bshad sgrub thabs mtha' dag gis// don bzang nges par gtan la dbab// de ltar snod ldan rigs kyi sras// dad brtson ldan la rim bzhin bstan/ zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ byin gyis rlabs pa'i bsgrub pa chen po bstan pa'i le'u ste gsum pa'o// // de nas rab tu phan gdags pa'i// las mchog rab tu bshad pa ni// rigs dang ldan pa sngar bshad bzhin// rten
- 78a
'brel rnam pa lnga yin te// rdzas su bsgrub dang thal chen dang // gnas sbyang ba dang bsgral ba dang // gshed chen bgeg rnams 'dul ba ste// dang po srid pa'i bam chen yin// ston pa 'khor dang gnas dang dus// yo byad ji ltar ngas bshad bzhin// tshul dang mthun pa'i las kyis sbyang // snang zhing srid pa dur khrod klong // thugs rje chen pos rig cing gzigs// 'khor ba'i skyabs gling chen po las// rigs drug 'khor ba ma lus 'dul// rgyud drug 'dus pa'i rnam shes bsreg/ dug gsum mtshon gyis bsad pa ni// rtag chad mthar shi'i ro gling nas// gti mug chen po'i rgyu blang ste// byang chub sems su gsal ba'i phyir// rgyu mchog chen po btsal bar bya// ye shes spyan dang phyag rgya'i tshogs// rdo rje'i 'gros dang 'byon tshul te// dang po rigs brgyud mtshan dang ldan// skye ba bdun pa brtag par bya/ khams gsum dbang du bsdu ba dang // srid gsum zil gyis mnan pa'i phyir// rdo rje 'gros kyis btsal bar bya// yid bzhin nor du gter 'byed pa// dgos 'dod skong ba phyag rgya'i tshogs// mkha' 'gro'i dam rdzas pa'i phyir// ma mo'i 'byon tshul stabs kyis btsal// phung po gshed dang dbral ba'i phyir// seng ldeng phur pa sor brgyad pa// stobs chen khro bo'i skur bsams te// gsang sngags brgya rtsa brgyad du
- 78b
bzlas// gson dang gshin gyi bdud dang bgegs// gzugs dang mtshan mar bcas pa de// phur bus btub te ro shun gril// khung bur mnan nas ro gzir la// de nas rdo rje'i gar gyis blang // rdo rje'i 'gros kyis khur nas ni// gnas su 'ongs te phyi mtshams bcad// de nas dam sri gnan par bya// sgo nas phyi rol 'dom gang du// mkha' 'gro'i khung bu brus nas ni// dur khrod gnas kyi thod pa la// nang du dam sri'i snying po bri// dur khrod rkang gi phur bus gdab// nang du stegs bu tshul bzhin brtsig/ sgrub rdzas mchod bstod rdzogs par bya// de la gzigs stangs rnam pa drug/ dngos grub gshin dang slob ma dang // lha dang ru dra sgrub pa'i rdzas// dang por dngos grub blta ba ni// skye ba bdun pa lta bu ste// yid bzhin nor bas ches lhag pas/ khyad par bsgrub pa mi dgos te// mchog dang thun mong rigs pas 'grub// tshe 'das nyid du gzigs pa ni// dpyang zag chad nas 'khyams pa de// thugs rje chen pos gzung phyir ro// phung po nyid la rnam shes dgug/ gang dag 'di la gzhan brten dang // 'di nyid gzhan la brten pa rnams// he ru ka ni dran tsam gyis// thams cad bred cing brlag par 'gyur// 'gro drug rgyud lnga'i sgrib pa sbyang // bag chags sbyang phyir bro bzhis gdul// shar du zhos 'gro gnas kyi bro// dri chen steng du
- 79a
bzhag cing brdung // lho ru sha chen dkyil 'khor la/ khrag 'thung rol pa'i bro brdung ngo // nub tu rta gdong zhal gyi bro// pad+ma rak+ta'i steng du'o// byang du dri chu'i maN+Dal steng // gdul sbyor rtags kyi bro brdung ngo // de ltar bro bzhis sbyangs byas nas// rang gi longs spyod skal thog ste// slob ma'i ngo bor blta ba ni// bag chags sgrib pa bkru ba'i phyir// sman spos bdud rtsi chab kyis bkru// mos bcas brtse gdung shes pa yis// sems bskyed yon dbul me tog dor// gsol ba gdab ste dkyil 'khor gzhug/ mig phye lha ngo bstan par bya// phyag btsal yon dbul dam tshig bsgrag/ byin gyis brlabs te snod sbyangs nas// phan dang nus dang rig pa dang // sku gsung thugs dang yon tan dang // phrin las lnga ru byin gyis dbab// de nas lha yi ngo bor blta// dkyil 'khor dbus su khri steng du// skyil mo krung bcas shar du blta// de nyid phyag rgya'i tshogs chen bsgom// rdzas kyi rnam grangs gtams nas kyang // rigs kyi lha rnams rnam par bkod// gzhal yas khang du byin gyis brlab// dran pa'i thad kar bkram nas kyang // rang gi gnas su thig le dgod// mthun pa'i rdzas kyis mnga' gsol ba// rdo rje rgyal po las mkhan dang // 'dzin ging sgrol ging rdo rje byan// stobs pa dang ni rkang mgyogs dang // ji ltar rigs pa mnga' gsol
- 79b
nas// sman smras dpal gyi chas rnams gsol// rtags rgyan gdab cing rdzas gzhan dgram// dngos grub ci 'dod dmar byang bstsal// che mchog rol pa'i gtsor bskyed cing // rigs chen brgyad kyi dkyil 'khor bstim// thig chen gdab nas bsgos la gdab// cho ga'i yan lag rdzogs bya zhing // 'dzab bzlas rdo rje'i bsnyen pa bya// byin phebs rtags gsum byung ba na// dngos grub blang zhing dbang rdzogs bskur// ru dra'i ngo bor gzigs pa la// bdag nyid lha yi dkyil 'khor gsal// skong rdzas ji snyed pa dang bcas// phung po tshogs su phul nas ni// bam chen sbom pos bskang ba dang // phung po rdul du bshigs nas kyang // sha khrag rus pas skang bya yang // byang shar mtshams su bsgral bya ste// ru dra bsgral ba'i zhing yin pas// pho nya dgug 'dren btang nas kyang // dgra bgegs rnam shes dgug cing bstim// lha dang dpral phyir rdzas kyis bdug/ 'jig rten dregs pa'i dmod pas brab// srid gsum lha 'dre'i dmag dpung dbab// lus la rigs drug yi ge dgod// ngan song dgag pa'i snying po bzlas// sbyong ba lnga dang grub pa lnga// skong ba lnga yi dgongs pa bya// byang chub las la bgrod pa'i phyir// ba su ta ni byin gyis brlab// rdo rje thig gi bcu tshal gdab// rigs pa 'dzin pa'i skos kyis gdab// phung po gnas lnga bkru ba'i
- 80a
phyir// mtshon cha lnga yi char yang dbab// he ru ka yi gnas bcu dang // dur khrod gnas brgyad rdzogs pa'i phyir// ro yi bsha' thabs rgyab nas bsha'// dbang ldan gnas pa'i phyogs su bsgral// rdo rje 'bar ba'i mtshon chen gyis// dngos grub log rtog phral nas kyang // rdo rje sbyor phyogs ma nor bar// shel phur gnyis kyis rtsad nas bzung // nges par brtag pa'i gzhi ma la// cung zhig stong de steng 'og bsgyur// bzhin phyogs gar blta legs nyes brtag/ de nas rdzas su blta ba ni// lha dang bdud rtsi mchod rdzas dang // dngos grub rgyan dang sbyin sreg rdzas// de la lha ru blta ba ni// don snying snod dang dbang po dang // sha khrag rus pa pags pa spu// yan lag nying lag thod tshal dang // sgal tshigs rtsib ma ro lpags dang // gnas skabs bzhi yi byang chub sems// gnas dgu 'byin pa'i lam gsum ni// pho brang dgu yi lha rnams snang // gnyis med mthun pa'i rdzas su bsgo// bdud rtsi bsgrub pa'i rdzas su bya// rtsa ba yan lag brgyad yin te// mngon pa'i phyi dang gnas pa nang // bzhi bcu'i yan lag tshang bar bsgo// dam rdzas rlon sbyor mchod pa'i rdzas// bza' dang btung dang myang dang ldag/ sdom dang gcud dang bdug par bya// dngos grub rdzas kyang de nyid do// dur khrod rgyan du bya ba ni// ban+d+ha gling bu mchog phur dang // bla re
- 80b
rgyal mtshan ba dan gdugs// mar me khu ba zhag la sogs// phreng ba chen por bya ba'o// sprin sreg hom du bya ba ni// de nyid bdud rtsis chag chag gdab// thig bzhi gdab pa'i ling tsho dgu// 'khor lo rtsibs brgyad lte ba la// phrin las chen po bzhi dag gi/ kha dog dbyibs dang mtshan ma dag/ spyi dang bye brag bsngags par bya// slar yang mtshams bcad rim pa lngas// bar du gcod pa'i bdud rnams bzlog/ snod bzang mtshan gsol brjod cing dgram// rdzas rnams so sor bsngos nas kyang // phyag rgya gzhug pa'i gnas rnams su// ma nor so sor dgod par bya// dpal dang ldan pa'i snod dgu la// rmad du byung ba dgu dgod de// 'bar ba chen po gnas rnams su// brjod pa'i tshul gyis gsal bar bsgom// phyag rgya gzhan yang legs par bkod// b+han+d+ha snying la sogs pa kun// he ru ka nas rim bzhin du// so so'i gnas su dgod par bya// spyan drang brtan pa nyid du bya// ma lus mchod pas mnyes pa dang // bsreg pa'i rdzas kyis mchod bya zhing // ye shes lha dang me lha dang // slar yang sbyor ba'i cho ga dang // chad par 'gyur ba de bzhin du// rab tu rdzogs par bya ba'o// sbyin bsreg lha rgyud dag par bya// phrin las rnam bzhi gang rigs bshad// mkha' 'gro mchod dang gzir mnan dang // mi zad gter du sba la sogs// las kyis rgyal
- 81a
pos rim bzhin spyad// 'di ni dam tshig chen po ste// rdzas mchog bam gyis las yin no// sgrub pa'i sbyor ba rab tu bya// de las gzhan pa bsreg pa'i las// rnal 'byor chen po bya ba ni// gzhung dang mthun pa'i gnas dag tu// yo byad phun sum tshogs par bya// phyogs skyong sprin gtong lan chags gzhal// bka' bsgo mtshams gcad sngar bzhin bya// pho brang dgu pa bzhengs su gsol// gnas dang yo byad byin gyis brlab// mchod rdzas sna tshogs tshogs par bsham// sgrub pa'i rdzas ni bum pa bzang // rgyan rdzas mtshan nyid ldan pa dag/ lha yi grangs dang ldan pa dag/ las kyi cho ga rdzogs par dgod// de nas dmigs pa gang yin pa'i// ming gzugs mtshan mar ldan pa la// rgyan dang cha lugs mdzes par gdags// rnam par shes pa dgugs byas nas// rigs gcig rigs lnga rigs dgu yi// ting nge 'dzin gyi dkyil 'khor bzhengs// chos dbyings rang bzhin dkyil 'khor te// spyan drangs bzhugs la mos phyag btsal// mchod bshags phrin las bcol ba yis// 'od zer dra bas srid gsum gyi// nyon mongs dri ma ma lus bsal// rin chen shel sgong ltar bsams la// sdug bsngal rnams la skyo bskyed de// thugs rjes rigs drug gnas nas dgug/ chu skyes gzugs gdag bzhi la brten// a nr-i su pre du zhes// dbus su
- 81b
rigs lnga'i snying po bri// lnga dang rigs lnga lcags kyu la// phyi rol 'dab ma bzhi po yis// mchod sbyin gyis ni lan chags gzhal// gsang sngags drag pos gshed dang dpral// bdud rtsi dri chus phyi nang bkru// rigs dbang lnga yi yum la bskur// ye shes lha dang gnyis med par// ngo bo stong pa nyid du bya// rigs drug gnas nas bton nas ni// slar yang dngos su byas nas ni// pho brang chen po'i drung du khrid// sgo bzhi dbye bar gsol ba gdab// gnang ba thob nas phyag 'tshal zhing // yon phul nas ni skyabs su gsol// ye shes lnga dang sku lngar bya// gzugs sku dngos su thob bya'i phyir// gos sam ras sam shing shun la/ khro tshogs snying po ming spel bcas// gnas yul dag tu legs par dgod// sangs rgyas zhi khro'i dkyil 'khor rnams/ khyod kyi steng dang 'og tu sbyin// thugs rje tshad med bzhi ldan nas/ khro bo 'jigs byed skur bstan nas// gdug pa can rnams 'dul bar 'gyur// so so'i snying po brjod nas ni// gnas kun byin gyis brlab par bya// nyon mongs skyon gyis ma gos phyir// pad+ma'i gdan la bzhag nas ni// sngar bzhin dkyil 'khor bzhengs par bya// de nas slang yang byin dbab cing // rdo rje'i dgongs pa la zhugs nas// bsnyen pa sngags kyi 'phro 'du bya// rdo rje'i las ni rdzogs par spyad// mchod cing
- 82a
bshags te bskang zhing bcos/ khrag 'thung bdun brgya nyi shu la// bstod bskul gyis ni dmigs pa dgug/ bka' sdod pho nya dam bdar zhing // bskrad dang brdeg pas bar chad bsal// slar yang bkru dang bskur ba dang // phung po khams dang lhar sbyangs te// smon lam bsngo ba la sogs kyis// 'gro ba'i don la bskur bar bya// de ltar lnga'am bdun la sogs// zla ba phyed dam ci rigs kyis// las dang nyon mongs bag chags sbyang // de nas dngos gzhi sbyin bsreg bya// pho brang dgu yi steng nyid du// ka ba bzhi'am brgyad kyis btegs// rnam bzhi'i las kyi hom khung du// bzhi 'am brgyad kyi mar me sbar// 'byung ba lnga yi yam shing las// mchod sbyin dngos po bsreg sbyang thim// nad gdon rnam rtog zhi ba dang // tshe dbang longs spyod rgyas pa dang // log lta mi mthun dbang bsdu dang // dmigs pa drag pos bsgral 'dod rnams// gang la bsngags pa der spyad de// zlum po gru bzhi zla kham e// rdo rje rin chen pad+ma dang // ral gri dkar ser dmar dang nag/ 'o ma can dang 'bras bu smin/ kha dog dmar dang tsher ma can// bram ze rgyal po smad 'tshong ma// sme sha can la blangs pa'i me// snga dro nyin gung dgong mo dang // srod kyi dus su shar lho dang // nub dang byang nas rim gyis sbar// bsreg rdzas sum cu rtsa gnyis ni// bsangs te byin gyis
- 82b
brlabs la dbul// ye shes lha dang me lha dang // thun mong thugs kyi dkyil 'khor dang // slar yang me lha'i cho ga dag/ dkyil 'khor dgu yi lha dang sbyar// shAn+ti puSh+Ti ba shaM dang // mA ra zhes pas mtha' bsgyur te// lha dang me lha'i snying pos sbyang // bskyed dang rdzogs dang rdzogs pa che// gang gis sgor zhugs de bzhin sbyang // gsang ba'i chos gsum ma mthong zhing // lha bsgom spyod la ma sbyangs pa// tha mal pa dang mos pa tsam// rnal 'byor nyid du sbyar bar bya'o// de las bzlog pa rang gi lha'i// zhing khams rnam par dag pa ste// lha dang gnyis med lam bstan gshegs/ khyad par blta ba nyams pa de// ji ltar ma nor hom khung du// ji snyed ma lus yam shing gis// gnyis med ye shes me sbar te// ma rig rnam rtog bsregs shing sbyangs// rang byung rgyu rkyen bral ba'i phyir// bsod nams tshogs las mi ltos pas// gdod nas snying po byang chub pa'i// mi rtog ting 'dzin rgyun du bsgom// gal te de ltar min pa na// sku gdung bgos te tsha tshar gdab// sngar bshad cho gas tshogs chen bsag/ bzlog pa'i bsnyen pa de dag ni// rang bzhin lhun gyis grub pa ste// skye med dbu ma'i snying por gnas// ma lus mnyes par bya ba bstan// bsreg dang spang pa bzhi yi las// phan pa'i yan lag las kyi mchog/ de nyid gnyis pa'i sbyor ba'o// thog ma nyid nas sems
- 83a
can khams// rnam dag dbyings las ma g.yos kyang // bdag 'dzin 'khrul pas 'khor bar 'khyams// de la rgyal ba rnams kyis dgongs// kun bzang nga nyid he ru kar// mngon byung sprul pas mdzad pa yis// ye shes bsam mi khyab pa las// byang chub chen po'i lam 'di bstan// ji ltar bshad pa'i gnas chen du// phun sum tshogs pa'i yon tan bsam// sngon du 'gro ba rdzogs byas te// dkyil 'khor dgu pa tshul bzhin bya// mtshan ma gsum gyis brgyan byas te// nam zhig 'tshang rgya'i ming bstan pas// lhag pa'i lha yi gnas rgyas gdab// bzang mor byin brlab bum pa brgyan// dbye ba'i rdzas la gnyis dang gcig/ rdo rje las kyis bya ba byed// rgyan bris ri mor bri bar bya// gsal rdzogs mchod pas byin phab la// thugs rjes dgug dral dam tshig bstim// mchod 'os bsgrub par 'phags pa'i tshogs// bshad pa'i lung bzhin mthar phyin bya// bsgom sbrang mchod bstod bskul bar bya// rgyud lnga'i lam nas btsal zhing drang // sras gyur bshags byas lam bstan te// thugs rje sems dpa' gsal bar gzud// blta ba chos nyid ma nor bstan// rab tu bsngags pa de nyid gsal// thugs las sems dpa' rab tu gsal// thabs dang shes rab sbyar ba las// rnam thar gsum gyis e yis bsgral// a nu rA ga
- 83b
zhes su brjod// rang byung me yis gsal byas te// yab yum 'og min gnas su 'phangs// byang chub sems kyi dbab par bya// tshogs dang smon lam 'bras bu bskul// las dang bag chags gtan sbyang phyir// ting 'dzin 'bar ba'i ye shes lha// thugs rje tshad med skur bzhugs nas// tshom bu dgu pa rgyan ldan bri// 'khor lo rtsibs brgyad sgrib pa gcod// gru gsum 'bar ba'i gzhal yas su// rdzas kyi dam pa rgyan dang ldan// dngos dang yo byad mchod par dgram// stang stabs dang ni tsham rngams bya// grangs mnyam bkod pa bsam mi khyab// rdzogs pa bzhin du bskyed par bya// gong bu gcig tu dbul ba dang // sna tshogs mthun pa dgram pa dang // rim pa'i ting 'dzin bskyed pa dang // sngar bshad dang po'i 'jug tshul zhing // bkru dang sbrang dang smon lam gdab// dur khrod shing gi me sbar te// las kyi sgrib pa phyir bsal la// mtshams gcad bsreg cing bstim par bya// cig car ba dang rim gyis pas// so so'i mthun pa'i rdzas kun btab// de yi smon lam de bzhin no// gral du bos te tshogs mchod dbul// 'phar lam bskul pas mthar dbyung ngo // tha ma'i rdzas kyi mchod cing bskyang // gtang rag gtang zhing gter du sbas// tshe sprin bsrungs te bsod nams spel// lus bsrung go bgo dkyil 'khor bsdu// las kyis 'bras bu bsngo
- 84a
bar bya// sa gsum bgrod pa'i smon lam gdab// gdung rdzas ring bsrel tshul du bsdu// nor bu rgyal mtshan rtse la mchod// tsha tsha sku bzhengs 'gro don bskul// gshin nyid 'gro drug sems can dang // gdos pa dag dang slob ma dang // lha dang dkyil 'khor yam shing dang // bsreg rdzas nyid dang bdud rtsi lnga// stong pa nyid dang rgyu ru shes// kun gzhi'i rnam shes bcud phyung nas// gdos bcas phung po'i snyigs ma can// dkar nag las kyi stangs 'dzin cing // dge dang mi dge dran byas pa// byang 'gyur ting nge 'dzin gyis su// bkru sbyong spro dang byin gyis brlab// lam bstan nyid kyi rgyan bya ba// rdo rje rgyal po nyid kyis las// gnas sbyor mchod pa smon lam gyis// bla mas skabs sbyor bla mas bya'o// bshags sbrang bskang bya sor gzhug pa// slob ma nyid kyis bya ba de// las kyis khyad par 'di dag nyid// tshe las 'das pa shin tu gyur// de yi don du he ru kas// nges pa'i rab tu sbyor ba'o// bla med rnal 'byor theg pa la// rab zhugs phrin las sgrol ba ni// shes rab ting 'dzin zabs ldan pas// sku gsung thugs kyi dngos grub 'grub// ting 'dzin las su rung ba dang // shes rab phun sum tshogs pa dang // thabs mkhas blo dang ldan pa yis// rtags dang drod tshad ngos bzung shes// rnal 'byor dbang phyug chen po des// zhi khro rgyun gyi
- 84b
ting 'dzin bsgom// gang la dmigs pa de drangs te// mchod pa'i tshogs kyis de mnyes bya// thugs rje chen pos de nyid bskul// de nyid khro bo'i ting 'dzin bsgom// phrin las rtse gcig mdzad par 'gyur// shes rab phyag rgya bcings te bskul// hUM mi g.yo phyag rgya chen po'i ngang // chos kyi sku las bzhengs pa ni// phyag rgya chen po'i gnyis med pas// dam tshig chen po'i dus la bab// oM ka re ka re ra tsa sa ma ya karma sa ma ya s+t+waM/ thabs kyi rgyal pos 'di skad du// mu mtha' mi 'dzin mi 'gog pa'i// mnyam nyid rnal 'byor thod rgal du// zhi khro gtums rngams mdangs dang ldan// sna tshogs byang chub sems yi g.yo// a sa ma tsa la d+harma d+hAr+d+ha swa b+ha ba At+ma ko&haM// zhi ba'i ting nge 'dzin las bzhengs// lag pa g.yas pa sta zur bstan// phyogs mtshams bla 'og kun bltas nas// skye shi mtshan nyid 'jig rten gsum// thar pa'i rgyu ni ci yang med// ngan 'gro gsum gyi gting brgyud la// snying rje bskyed nas 'di skad brjod// byams pa tshad med khro gtum snang // snying rje'i bsod nams mthar phyin pa// bsgral ba'i mtshan nyid dga' ba'i mchog/ btang snyoms yal bar mi 'dor ro// oM ma hA ka ru Ni ka ma hA me tri// swa b+hA ba At+ma ko&haM// de nas lhan cig skyes bgegs la// lan chags dpral ba'i gtor ma gtong // phyi nang gsang ba'i mtshams kyis
- 85a
gcad// thabs dang shes rab gnyis ka yis// 'gro ba bsgral ba'i phyogs su blta// dur khrod bdag pos bsdig pa'i phyir// oM sarba pA paM karma he ta ba sa ta sha ma ma trang ga ru dra hUM phaT/ oM sarba pa paM ka ra te ti bi to ti kha T+wAM ga ru dra hUM phaT/ oM sarba ka ra te ha pa si ta ma hA a kar sha ru dra hUM phaT/ lho phyogs su ni lan res mchod// ba ya ge shra tsit+ta hUM phaT// pra dz+nyA ge sha tsit+ta dza la hUM phaT/ ldang zhing gsor bas lan gsum brjod// sta zur g.yas g.yon re re zhing // gzigs 'brums tshul du blta bar bya// e pra dz+nyA u pa la hUM kro d+ha e sha ho// gar gyis gom gsum slar song nas// yul rnams kun la rab gzigs nas// yi ge dag gi tshogs su snang // rab bsgril gar gyis srid pa kun// bdud rtsi'i mdog gzigs mchod cing bstab// kha kha mi ka ta yas a la la ho// oM pany+tsa a mr-i ta yo gi ni kha raM khA hi// rdo rje zhal du bstab pa ni// nyon mongs 'khor ba'i sems can 'di// bsgral ba kho na'i las su rung / bstab bo dpal chen zhal du bstab/ khro mo sbrul dang bcas la sogs// yul rnams 'dul ba'i skal du bzhes// ta na chen po'i zhing du sbyor// ging chen rdo rje'i phyag tu dbul// ye shes rgya mtshor bzhes su gsol// de nas khro bo'i sngags kun dang // lha mo kuN+Da lI'i sngags kyis// bar du gcod pa'i bgegs bsal
- 85b
nas// dkyil 'khor du drang 'di skad du// thar pa'i las byed dkyil 'khor 'dir// dga' zhing spro bas 'ong ba ltar// skal par ldan pa'i sems can khyod// shin tu bde zhing legs par 'ongs// bde gshegs thugs rje thabs la mkhas// blo ngan sems can snying rje'i yul// gnyis med thabs kyis bsgral bar bya// thabs dang shes rab tshogs pa kun// gnas par gyur nas las kyi rje// rgyal ba rgya mtsho 'khor dang bcas// sku gsung thugs dang ldan pa rnams// spyan 'dren tshur byon gshegs su gsol// ha ha ki li ki li zhes// bzhad pa'i gad mos stong gsum khengs// bde mchog bde mchog bde spyod mkha' klong du// yang / bde gos dkar klong du// slob ma'i tshul cig gnang bar mdzod// 'dod pas rol cig dgongs shig khA hi// sprin no bskul lo gsol cig rol// ngo mtshar mchog tu bstab po zhes// zla sogs dmar chen snying po lnga// mAM sa ro mchog cher 'phel gsol// rak+ta me tsa rgyud chen gsol// zhi ba'i sgrub pa bsgrub 'tshal gyis// dri med gzi ldan mchod pa 'di// ye shes rgya mtsho rnams kyis bzhes// thabs dang shes rab tshogs kun gyis// rgyu dang yul las dmigs tshul blta// g.yon pa'i sdigs mdzub der gtad de// ye shes mkha' lding gter chen gyis// 'khor ba'i bye'u phrug blang ba ni// bu phrug ma yis zas ster
- 86a
bzhin// 'dus pa'i tshogs kun rab tu dgyes// ha b+ha ha phra mo tri sarba du pra sha/ stegs bur bzhag ste 'di skad brjod// mi rtog ye shes dkyil 'khor de// zag med sems kyi ting nge 'dzin// gzugs brtan rnam pa lta bu ste// 'dus shing tshogs pa'i dkyil 'khor bstan// thabs kyi rdo rje rnam grangs ni// chos kyis dbyings las chos nyid gnas// rdo rje dbyings kyi dkyil 'khor 'dir// su dag phyin pa phyir mi ldog/ oM ta na tsit+ta mo k+Sha ga Na ma d+ha la pra du sha hUM// pho nya khro bo'i tshogs kun bskul// lam rgyud dgag pa'i snying po lnga// 'bru gsum bcas pa'i nus pa bsam// raM las me dpung spros pa yis// rgyud dang phyogs bcu'i sems can gyi// rtog pa ma lus bsreg par bsgom// so so'i phyag rgya ting 'dzin gyis// rgyud lnga drag po'i sngags kyis gzhom// sprul pa sems can rgyu las bsdu// bar gcod pho& spros dgug ste// sku lus khro bcu'i snying po dang // stangs stabs mtshon cha sngags dang bcas// rtse gcig ting nge 'dzin gyis sbyangs// nga ni dus gsum bzhugs pa yis// sangs rgyas yin te ye shes sku// ye shes rno dpal mtshon cha yis// log rtog 'khor ba rgyun gcad do// 'khor ba'i rgya mtsho mtha' ring las// thugs rje chen po'i rol pa yis/ khams gsum cig car bsgral ba'i phyir// dug gsum rtsad nas gcad par
- 86b
bya// mnyam nyid don la khyad 'byin dang // dam tshig 'khu byed can nyid brlag/ log rtog 'khor ba'i rgyun gcod pa// gshin rje'i gsal shing mi bzad pa// gdug par gyur pa rnam par 'joms// gshog pa'i ral gri karta ri// gdug pa'i 'khor lo mi bzad pa// khong nas khros pa'i phung po 'joms// rno gdug drag po rtse dgu la// tshe dang phung po bcas pa 'joms// b+hI da ra tsa hUM/ i ha na ra tsa hUM// ki ma la tsakra pa tsa hUM// d+ha ra tsa ma ma hA kro d+ha hUM// badz+ra ni ka na pa ra tsa kro ru hUM// sti ra ra ka ma ra na hUM/ badz+ra ga na tsit+ta hUM/ kro d+ha ra tsa ma ta he ru ka ma ha lo tsa hUM/ gang la bya ba'i dngos po 'di// gshed byed thams cad dbang bar byin// gsang sngags kyis ni byin brlabs te// rig sngags kyis ni rdzogs byas nas// 'di la longs spyod rtag tu sbyar// 'chab pa'i phyogs nas ci bde bar/ khyod kyis 'di la longs spyod cig/ bdag gis bcol ba'i las rnams kun// ma lus 'grub par byin gyis rlobs// ngan 'gro sbyong byed rab brtags te// ka tar ral gri gtad nas kyang // rdo rje pho nya king ka ra// ka tar sngon po 'di longs la// a b+hi Shiny+tsa gnas skyod do// 'jam dpal rnon po'i zhing du bskyod// 'khor lo'i rtsa ba drung nas phyung // tsit+ta b+han+d+ha'i nang du stsal// shes rab yum gyis 'phang du bzhag/ rang bzhin dkyil 'khor bde ba'i mchog/ zhi ba lhun
- 87a
gyis grub par sbyor// bu khyod rgyal ba'i sras yin te// nga ni shes rab pha rol phyin// dus gsum rgyal ba'i yum yin pas// mkha' dbyings bde ba'i gnas mchog na// rgyal sras bde ba'i de bzhin gshegs// oM pra ti pu ru sha dzaHho// lcags kyu'i phyag rgyas dbyings su dgug/ rigs lnga zabs kyis byin brlabs nas// lhar skyes 'og tu bskyod byed bsam// 'chi ba med pa'i srog gdon pa'i// rdo rje sems dpa' rlung lta bu// gang dag bsgral nas rdo rje'i tshe// de nyid sras kyi dam par ni// rdo rje sems dpar khyod nyid stabs// thabs la mkhas pa'i spyod pas longs// srid par 'khor lo rtog pa'i lam// 'khor ba'i rgyun gcod mya ngan 'das// chos kyi 'khor lo bskor ba'i rtags// 'khor lo chen po'i gdan la bzhugs// oM badz+ra tsakra hUM/ mnyam nyid rdo rje dbyings phyug gis// stong nyid seng ge'i sgra bsgrags pas// bdud bzhi rab tu bcom pa'i rtags// 'jigs byed seng ge'i khri la bzhugs// oM badz+ra si d+ha hUM/ mya ngan mi 'da' thugs rje'i ngang // nyon mongs ma spangs gos pa med// bag chags rang bzhin med pas na// pad+ma'i gdan la bzhugs par gyis// oM badz+ra pad+me hUM/ zhi ba'i mtha' la mi gnas te// 'jig rten kun dang mthun 'jug phyir// thabs dang shes rab 'brel ba'i rtags// nyi ma zla ba'i gdan la
- 87b
bzhugs// oM sUr+ya tsan+da hUM/ dge dang mi dge'i chos rnams la// lhag par brten par mi bya ste// mnyam nyid rig pa'i klung zhugs nas// ci la'ang thogs pa med par mdzad// kun gyis 'og min gnas su sbaspar// g+haN+Da'i sgra yis bskul ba yis// dbyings su thim nas phyag rgyar 'bar// 'od zer 'phro bas rab tu brjid// mi 'khor mi lhung don gyi phyir// gtsug tu rnam par rgyal ba bsgom// rdo rje rgya gram dbyings kyi bcad// e ma dga' bde bla na med// ngan song gnas rnams hUM gis stongs// dus gsum sangs rgyas hUM gis bskyed// 'jigs byed chen po he ru ka/ zhe sdang khro tshul rtog mi mnga'// log lta thabs kyis 'dul bar byed// thugs rje'i byin gyi rlabs kyis bsgral// rigs kyi rgyal po lnga rnams la// gzugs kyi phung po 'di 'bul gyis// seng ge glang chen rta mchog dang // rma bya mkha' lding lngar gyur te// 'jigs byed bkod nas gdan mchog 'bul// ye shes lnga la rol nas kyang // stobs dang mi 'jigs rig pa dang // dbang dang rdzu 'phrul dngos grub stsol// 'byung ba chen po lnga rnams ni// rigs kyi yum chen dpa' mo lnga// gsang mchog dbyings su 'di 'bul na// gnyis med chen por rol nas kyang // mi 'gyur gzungs kyi dngos grub stsol// 'og min pho brang mchog gi gnas// thabs dang shes rab yab dang yum// rang
- 88a
bzhin lta ba'i dkyil 'khor mchog/ bde gshegs sras po khyod yin gyis// lus su 'jug par ma byed cig/ 'gro ba sgyu ma'i rang bzhin te// 'di la mtha' ni dmigs su med// chos 'dir gnas nas mya ngan 'da'// de bas rnal 'byor dbang phyug gis// dgongs pa chen po dang ldan pas// dmigs pa gang yin 'di la 'bad// de nas phung po'i lhag ma dag/ legs bsdus sku gsum sa la bzhengs// thabs chen dpag tu med pa dag/ nga dang rgyal ba rnams kyis bshad// de dang de las brjod pa bzhin// ma lus cho gas dag byas te// rang bzhin snang ba chos kyi sku// gzugs sku sprul pa longs spyod rdzogs// 'gro ba'i don byed sprul pa'i sku// 'di ltar shes pa rtogs pa yis// bdag tu 'dzin pa dang bsgral zhing // gzhan du snang la thugs rje yis// bla med pha rol bde bsgral bya// de ni mthar thug bsgral ba yis// las kyi sbyor ba spyod pa'o// 'gro rnams 'khrul pa'i dbang gyur pas// las kyis 'phan pa sna tshogs shar/ khyad par skye rga na dang 'chi// dus dang dus min 'byung ba la// dus min 'chi ba rnam brgyad dang // gshis ngan 'gum pa bco lnga srid// glo bur 'byung ba phyi nang las// rtsa ba yan lag sna tshogs las// dus gsum bde bar gshegs pa yis// thugs rje tshad med bzhi las ni// gdul bar bya ba'i sras
- 88b
rnams kyis// ston pa dus las yol ba med// sku gsung thugs kyi sprul pa gsum// rigs kyi thog mar 'byung ba ste// many+dzu shI dang ka ru ni// lo ke shwa ra ma hA ni// pA Ni badz+ra kar ti ni// sprul pa du ma 'byung zhing mdzad// dus gsum 'byung ba dpag tu med// khyad par du ni mtshon cha'o// gnod pa rkyen du gyur pa dang // rwa dang mche ba me dang chu// dug dang sa steng 'byung ba lnga// gshis ngan yin te gdul bar bya// de yang he ru ka yi rigs// rdo rje 'dzin pa'i las can des// sngon du bya ba rjes bsgrub cing // bsnyen bsgrub chen po gzhir bzhag nas// phan gdags las su bya ba ni// dkyil 'khor phyi rol phyogs mtshams brgyad// hom khung mda' gang gru gsum brtsig/ rang rig kha dog ldan pa la// shug pa tsher ma can la sogs// gdug pa can gyi shing brtsigs te// dug dang skye tshe nyung dkar sogs// yam shing thun gyi rdzas su bya// slob dpon cha lugs gnas pa dgu// gtso dang 'khor gyi tshul du bya// gdul bya shes pa dgu'am drug/ bam chen bsgrub pa'i dus bzhin bya// me lha'i cho gas mnyes byas nas/ khyad par mtshon gri me yis gdul// lag na bdud rtsi ku sha dang // til mar lcags ram rde'u phran/ khyad par gsang ba de yi rdzas// rwa dang lcags kyis dug gri gdul// me ni chu las gdul ba ste// chu ni sa yis gdul bar bya// dug la
- 89a
sngags pa'i sman gyis bdug/ sdig pa me dang mtshon gyis te// rbab du ltung ba de yi gri// rgod kyi pog zil gdul bar bya// dom dang dred kyi g.yang gzhi dang // sman pa dang ni gnas rnams dang // gzugs dang sgra dang dri yis gdul// 'di dag ma lus phyi ma'i dus// mu tra a ka ra yis ni// he ru ka bzhin bsal bar byed// kun tu bzang po thugs kyi rje// sgrol ba'i rgyu dang mtshungs par bshad// bsgrag dang sgrub dang mnan pa dang // gnas nas drangs pa las kun gyis// bya ba ma lus kun bsdus te// thams cad gdul ba'i las su spyad// dang por shes pa bsgrub pa'i dus/ bar du drangs pa gnas kyi dus// tha mar bsreg pa sbyang ba'i dus// dus shes kun rig 'di la sngags// rjes kyi bya ba tshe dang khrus// dbang dang byin gyis brlab pa dang // dngos grub cho ga rnams kyis ni// byang chub chen por gnas 'gyur nas// gson gyis bskang ba'i las su bya// de nas yon gyi bdag po yis// rdo rje 'chang la drin gsol zhing // de la bskur dang legs bshad bya// gri zhes bya ba gsod pa'i gri// de yi gnod pa gdul ba'i las// mthar phyin bsod nams dpag tu med// rang gzhan kun gyi don rdzogs 'gyur// mdor na phan pa'i las 'di dag/ rdzas su bsgrub dang sbyin par bsreg/ gnas nas drangs dang rgyu drug
- 89b
bsgral// shin tu gyur pa gdul ba'i las// tshe 'das gshin las phan pa'i las// rnam pa lnga ru ngas bstan gyis// u rgyan yul gyi skye mchog gis// rdo rje chos kyi gsung bzhin sgrubs// shaM b+ha la yi shAkya'i rigs// rA dza sri ka de yis mthong // 'gro ba rgyud nas longs spyod rtsal// phyogs bzhir rgyud pa de bzhin no// bde bar gshegs pa thams cad 'dus pa'i rgyud rab tu 'byed pa las/ las rnams nges par bstan pa'i le'u ste bzhi pa'o// de nas yang bcom ldan 'das kyis 'khor gyi de bzhin gshegs pa rnams dang byang chub sems dpa' rnams dang / khro bo dang khro mo dang / rigs dang rigs kyi sprul pa dang bcas pa rnams kyi don mdzad pa'i phyir/ nyid kyis sku sna tshogs su sprul pa mdzad de 'di skad ces bka' stsal to// ma 'ongs dus na 'byung ba yi// he ru ka yi sgrub pa po// rnal 'byor gsum gyi bdag nyid can// blo dang dbang po bsam pa'i mchog/ rab 'bring tha ma'i rten can gyis// bde bar gshegs pa rgya mtsho che// kun 'dus tshom bu dgu yi gtso// 'khor lo bcas pa de mngon phyir// rgyas pa'i sbyor ba 'di rnams kyis// ji ltar bshad pa'i gtso dang 'khor// rang gi sku mdog phyag mtshan dang // pho brang chen po'i bzhugs tshul dag/ mngon du 'dod pa de nyid ni// spros la dga' ba'i gang zag gis// rnal 'byor chen po'i tshul du
- 90a
bsgrub// gal te bsdus la dga' ba yis// blo dang dbang po 'bring dag gis// rang gi gtso bo mchog rnams la// rigs kyi gtso bo bzhi rnams ni// yum dang grogs su bcas pa'am// rang rigs gcig pu'i tshul dag gis// so so'i 'khor lo la gnas pa// pho brang bsdus pa'i khyad par gyis// rjes su rnal 'byor tshul du bsgrub// de nyid kyang ni cher bsdus shing // shin tu bsdus la dga' ba'am// blo dang dbang po mthar gnas pas// 'khor lo rtsibs brgyad pho brang la// gtso bdag chen po he ru ka/ yum dang bcas pas dgu bsgom ste// rang gi mtshon byed dang ldan pas// rdzogs pa'i rnal 'byor bapabar du bsgrub// rten mchog drag shul cher spyod cing // gsang ba'i don du skrod 'dod pas// bsrung dang tshogs bsag bsgrub pa dang // phrin las yongs su rdzogs pa dag/ sngags kyi sbyor ba yongs shes pas// shin tu myur ba de bsgrub bo// gang zag shin tu brtson ldan pas// rgyun tu myur bar de nyid kyis/ kho na yang dag yi dam du// bar chad med par bsgrub pa ni// rang 'dod lha yi rnal 'byor gyis// rdo rje lus kyi dkyil 'khor bsgom// smin byed lam gyis rab sbyangs nas// de nyid mthong ba'i nges pa yis// rnam par dag pa'i mthar son nas// lha gzhan logs nas mi 'tshol te// tsit+ta gsang chen pho brang
- 90b
dbus// rten gzhan brgyad ni de yi 'khor// sgo brgyad phyogs mtshams pho brang ngo // sems kyi rgyal po he ru ka/ che ba'i mchog ste dbus na gnas// sgo lnga dag gi rnam shes dang // kun gzhi nyon mongs yid rnam shes// rang gi rigs dang phyogs dag gis// dkyil 'khor brgyad kyi gtso bo ste// snang zhing rtog pa ma lus pa// de yi 'khor du bkod pa'o// snod drug la sogs de yi gnas// bza' btung la sogs mchod pa stob// mnyes pa'i spyod lam phyag 'tshal ba'o// dga' ba'i bstod pa de nyid de// lus kyi phyi rol sha tshil pags// gzhal med khang gi brtsig pa ste// keng rus sgal tshigs ka gdung dang // thod rus rgyal mtshan ba dan bcas// ba spu me ri 'bar ba ste// rten dang brten bcas dkyil 'khor ro// rtag tu gnas pa rang la snang // 'gro dang 'ong ba byon zhing gshegs// snang ba sprul pa'i sku yin te// de gsal longs spyod rdzogs sku yin// bde chen thob pa chos kyi sku// nyer thob thim pa bar ma dor// mngon par byang chub sprul pa'i sku// mthar zug 'od gsal zung du 'jug/ rab brtan 'gyur med rdo rje'i sku// de nyid shes na gnas pa yin// 'di ni rnal 'byor yi dam rgyun// nar mar bsgrub pa'i tshul yin no// 'di dag dang por he ru ka/ brjid pa'i dbu ni nyi shu gcig/ mdzes pa'i phyag ni bzhi bcu gnyis// rdo rje dbyings mchog
- 91a
bkod pa'o// gnyis pa'i dus su nga yi sku// dbu dgu phyag ni bco brgyad de// ma mo phra men bcu drug gis// g.yas dang g.yon du rnam par mdzes// zhal gsum phyag drug bsdus pa ste// zhabs brgyad bzhi dang gnyis kyis bstan// sngags spyod pa la ci rigs te// rgyun du bsgrub pa rnal 'byor pa'i// blo yi rim pa de bzhin no// de yang sems kyi rnal 'byor pas// phrin las bsgrub pa'i yan lag gis// bstod dang bskul ba sna tshogs pa// lha rnams kun gyi phyag mtshan dang // sku mdog dang ni bzhugs tshul gyis// gdan khri dag gi gnas sgo nas// ji ltar snang ba de bskul zhing // ming gi rnam grangs spros pa dang // pho brang gnas kyi mtshon pa dag/ che 'bring chung ngu rnams kyis bskul// rnam par dag pa'i don rtogs la// rgyas dang bsgrub par brjod pa yis// chen po'i skye ba brjod pa dang // bstod pa mchog gis mnyes byas nas// nyes pa bshags shing bskang ba la// sngon gyi rgyal ba rnams kyis ni// thugs kyi rdo rje sems dpas bsdus// sprul pa bram ze mi thod can// gang gis gang la gang gi phyir// gang bstan de dag don gyis ni// lha rnams dbang btsugs nyes bshags ltar// 'gyod tshangs brjod pa'i bshags pas bskang // bdud rtsi bcud mchog dza gad phud// gtsang sbyor chen po'i mchod pas kyang // zhi khro'i dkyil 'khor
- 91b
ma lus pa// 'jig rten dregs pa'i lha dang bcas// dus bzhi dang ni drug dag tu// bskang ba yis kyang de brnyes bya// srog chags rnam shes brten ldan rgyu// bsgral ba'i zhing bcu der dmigs nas// phung po bzhir gnas mchod pas kyang // de dag rab tu bskang bar bya// slar yang de yi rdzas la sogs// thim par gyur pa de yis ni// phung po don snying sha khrag snod// rus pa la sogs tshogs kyis bskang // phyi nang rin chen las byung ba'i// rgyu mchog rigs kyi yo byad la// ri rab gling bdun gling bzhi dang // gling phran mu khyud rgya mtsho che// 'dod spyod lha dang tshangs par bcas// stong dang stong gnyis bar ma dang // stong gsum gyi ni 'jig rten khams// spyi phud bye ba phrag brgya'am// mdzes pa gcig gi tshad kyis ni// ri rab chen po'i yang steng du// mtshams bzhi dbus su rnam par rgyal/ khang bzangs rnam par bkra ba ni// rang bzhin bzhi yis rnam par brgyan// tshogs kyi bdag po he ru ka/ che ba'i mchog gi pho brang gnas// mtshams bzhi log ni re re la'ang // rang gi rigs kyi he ru ka/ yum dang khro tshogs sgo srung bcas// de dag 'khor gyi pho brang ngo // bang rim gnyis pa'i phyogs bzhi ru// sku gsung thugs dang phrin las bzhi'i// he ru ka bzhi 'khor bcas kyi// gnas yin de yi mtshams su ni// rbod gtong mchod bstod drag sngags
- 92a
dang // rig pa'i 'dzin pa'i he ru ka/ 'khor dang bcas pa'i gnas su bya// tha ma de la lha rnams kyi// chung ma nyi shu rtsa brgyad dang // mkha' 'gro ma dang ging gi tshogs// ma mo sring mo pho1 dang // 'bar ma dang ni sa bdag mo// de dag kun gyi pho brang ste// gling bzhi 'gro ba phal pa'i gnas// de dag rang gzugs pho nya dang // longs spyod sems ldan 'dab chags dang // ri dwags gcan gzan phyugs rnams dang // sa chu bar snang gnas rnams kyang // kun gyis bskang ba'i rdzas su bya// pho mo byis pa yul 'khor dang // lus sems dag gis mthun glud dang // longs spyod lnga yi glud du 'bul// tha ma phrin las rnam pa bzhi// gang la dmigs pa de spyad bya// 'dod yon mthun pas bskang ba yin// rjes su spyad pa'i phrin las ni// bsrung dang mnan bsreg bzlog pa yi// las kyi gzer bzhi bsad thun lnga// 'gyur med kun gyi thun mong ste// 'khor lo thod pa bsreg rdzas dang // gtor ma dang ni thun rdzas kyis// spyi dang bye brag so so yis// ji ltar 'dod pa'i las la sbyar// 'di dag gis ni don bsgrub phyir// sngags bsdu ba dang bzlas pa dang // skyon yon sgra dang 'khrul dmigs dang // yan lag lnga yis kun shes bya// bza' dang btung dang bgo ba dang // spyod lam yan lag sbyor ba'o// dus bzhi thun bzhi'i
- 92b
rnal 'byor lnga// rgyun tu legs spyad lam yin no// phyir sbyang nang gi rnal 'byor gyis/ khyad par rdzogs pa'i rim pa ni// rdo rje lus kyi gnas lugs lnga// gnas pa rtsa dang g.yo ba rlung // bkod pa byang chub sems dang ni// mi shigs thig le rnam lnga dag/ smin grol lam la de bzhin sbyar// de dag 'bras bu thob pa yang // bral dang spang thob mi gnas pa'i// sku gsum sa la goms pa la// yi dam lha dang bar gcod bdud// gsang ba'i dgra dang rigs drug la// phung po nyon mongs lnga rnams la// de nyid gzer gyis mi 'byung zhing // de yi ngang du gsal zhing brtan// ma lus pa dang ye shes kyi// yon tan phun sum tshogs pa yin// bde bar gshegs pa'i snying po mchog/ sku gsung thugs dang yon tan dang // phrin las rbod gtong mchod dang rten// drag sngags rig 'dzin sgrub pa yi// thabs 'di dus gsum thams cad du// rgyal ba rnams kyis legs bshad pa// mnga' bdag sangs rgyas gtso chen gyis// rnal 'byor gsum gyi don chen yin// bde bar gshegs pa thams cad 'dus pa'i rgyud rab tu 'byed pa las// phrin las kyi kha bskang ba'i thabs mdor bsdus te bstan pa'i le'u ste lnga pa'o// // de nas bcom ldan he ru kas// gsang mchog rnam par 'phrul pa yi// ting nge 'dzin gyis dgongs mdzad de// 'di skad tshig tu bka' stsal
- 93a
to// e ma nam mkha' lta bu'i chos// mi gnas mi rtogs bsam dang bral// rnam dag sems kyi dkyil 'khor che// chags med yul las 'di brjod do// gzugs brnyan snying rje byang chub sems// nyi ma'i 'od ltar kun la gsal// de nyid kho na las gzhan pa'i// 'khor ba'i sa ni rtog pa'i yul// hUM zhes grags pa'i byang chub sems// cho 'phrul chen po 'byung ba'i rgyu// gsal zhing 'bar 'phro/ 'od dang bcas// mi 'gyur rdo rje sku yi hUM// e ni kun gyi rang bzhin te// stong pa mchog gis dbyings las byung // mtha' dang dbus med kun tu khyab// bsam 'das gru gsum mthing nag e// yaM ni g.yo ba'i cho 'phrul ldan// stobs chen sra mkhregs dbang gi rgyal// mi 'gyur mi shigs rdo rje ldan// ljang nag kha gdengs bskyod pa'i yaM/ khaM ni chu yi dngos po ste// gsher rlan thugs rjes kun la snyoms// mkha' mnyam byin gyis rlabs chen g.yo// ma lus sdud pa'i dmar chen khaM// suM/ rdo rje 'bar ba'i rang bzhin klong // mi dmigs dag pa brjid pa'i stobs// kun shongs sra ba'i bdag nyid kyis// bcu gsum rdzogs pa'i smug nag suM// raM/ gsal byed sreg pa'i mtshan nyid can// 'bar ba'i stobs kyis dngos po 'joms// 'od chen cho 'phrul dregs pa'i bdag/ 'phro 'dus rig byed dmar gsal raM// laM/ phyi nang gsang ba'i
- 93b
rin po che// rdo rje brtsigs pa'i ri rab 'bar// mtha' dbus phyogs bcu mkha' dang mnyam// rim par rtse mor rab rdzogs laM// b+h+rUM/ dpal ldan rdzogs pa yum gyi mkha'// zhing khams chen po bsam mi khyab// rnam dag tshogs rdzogs gzhal yas khang // bkod pa tshad med 'od ldan b+h+rUM// rab brtan snying po'i tshig 'di'o// oM/ chos rnams sems las gud na med// gdod nas ma skyes brjod las 'das// blang dor med pa'i ngang nyid las// mnyam pa nyid du bsgom par bya'o// oM ma hA shU n+ya taM dz+nyA na badz+ra swa b+hA ba At+ma ko&haM/ a// de nyid ma rtogs 'khrul pa la// mkha' ltar mkha' nyid snying rje che// ma lus khyab pa'i ye shes kyis// kun la snang ba de bzhin bsgom// oM ma hA d+harma d+hA tu swa b+hA wa At+ma ko&haM/ hUM/ byang chub sems kyi rang bzhin las// gdod nas dag pa gsal ba'i rgyu// mthing nag 'od kyis phyogs kun gsal// thams cad ma lus rnams 'byung hUM// oM ma hA bo d+hi tsit+ta dz+nyA na sa twa kro d+ha hUM/ e// chos kun ye nas dag pa la// mtha' dbus med pa'i nam mkha' ni// kun tu bzang po'i dbyings kyi ngang // stong nyid sems kyi rang bzhin rdzogs// e A ka sha maN+Da la hUM// yaM las bskal pa'i 'thor rlung ni// bag chags sdug bsngal ma lus gtor// dam tshig sgrol ma dbyings kyi mkha'// skyod byed dbugs kyi nus par
- 94a
ldan// yaM karma rak+Sha su b+ha tra maN+Da la hUM/ khaM las khrag gi rgya mtsho ni// 'dod chags 'khor ba kun sbyangs nas// pad+ma gsang ba dbyings kyi mkha'// chags gzhi khrag gis rang bzhin gnas// oM mahA su kha rak+ta maN+Da la hUM// suM las gru gsum bsgral ba'i sa// rdo rje rgya gram mi zad gter// sangs rgyas spyan ma dbyings kyi mkha'/ gti mug sha yi dpung du bsgom// oM ma hA baM smin+ta maN+Da la hUM/ raM/ 'bar ba'i stobs kyis srid gsum 'joms// sreg byed gsang ba'i mtshan nyid can// 'od 'phrul gos dkar gsang ba'i mkha'// drod kyi 'phro 'du dmar gsal 'bar// raM dz+nyA na dza la tsan+d+ra li hUM/ ko/ zhe sdang ma spangs kun gyis sbyangs// dkar zhing 'tsher ba byang chub sems// ye shes gsang ba'i dbyings kyi yum// lhag par snang ba rus pa'i gzhi// oM ma hA kau ni ri ti dza ku ta shi kha maN+Da la hUM/ de nas 'dus pa'i 'khor rnams kyis// sku yi dkyil 'khor yongs su rdzogs// 'khor dang mya ngan 'das pa'i chos// gsang ba mchog gi bdag po yis// gdan dang gtsug tor man chad du// lhun grub yongs su rdzogs par mthong // 'dod khams khrag gis rgya mtshor rdzogs// gzugs kyi khams ni sa gzhi ste// keng rus gzugs med khams su'o// ri rab kha bad nor bu 'od// dman pa'i theg pa gsum rdzogs pa'i// rdo rje brag chen gtams pa
- 94b
la// bya spyod rnal 'byor las rnams rdzogs// pad+ma las ni rnal 'byor gsum// nyi ma zla ba'i dkyil 'khor la// dbang phyug chen po yab yum bcas// nyon mongs shes bya'i sgrib sbyang phyir// dpa' gtum 'jigs byed gdug pa can// gtum po'i stobs dang brjid pa dang // 'dzin dang zhe sdang rab sbyor las// stag gzigs seng ge dom dang glang // me dang chu srin sbrul gyi ni// lha dang klur bcas rab tu spel// dur khrod chen po brgyad kyis bskor// he ru ka yi gnas bcur ldan// yongs su rdzogs pa'i gzhal yas khang // tshig brjod 'di yis gsal bar bya// hUM nam mkha' mtha' mnyam gzhal yas khang // dkyil 'khor chen po'i pho brang dgu// theg pa rim dgu rdzogs pa'i rtags// 'khor lo rtsibs brgyad rnam par mdzes// tshogs brgyad gnas su dag pa'i rtags// chos sku spros med lte ba zlum// ye shes bzhi ldan gru chad bzhi// bar khyams dang ni sgo bzhir bcas// phyi rol bskal pa'i me ri 'bar// rin chen sna lnga'i 'od zer 'phro// nang gi thod pa tshar gsum brtsigs// mthu chen bdud kyi mgo bcad pa'o// 'jigs byed khro bo'i gzer chen btab// ka zhu nyi ma zla bas brgyan// rnam thar brgyad kyi them skas bris// phyogs skyong bcu ni bla re bklubs// lha chen dbang phyug rgyal mtshan 'phyar// gdug pa sbrul gyi za
- 95a
ra tshag/ sbrul chen rigs lnga'i chun po 'phyar// gnam lcags gzer chen btab pa la// b+han+da 'jigs pa'i gzer chen ldan// zhing chen g.yang gzhi bla res phug/ zhing chung pags pa khra la la// ba su ta yi zhags pas sbrel// dri chen dri chu'i zham chu 'bab// kang ka dur bya 'phur zhing lding // seng stag dom dred mchong zhing rgyug/ nyi zla gza' skar 'khrug cing 'phen// ye shes lnga ldan 'od zer 'phro// bde bar gshegs pa kun 'dus pa// zhi khro rgyal ba'i pho brang mchog/ b+haM bi shwa bi shud+d+he b+han+da ga ta dz+nyA na tsakra maN+Da la hUM/ de ba ma hA na ga ma hA ru tra ti ra baM/ ma sUr+ya maN+Da la/ a tsan+d+ra maN+Da la// paM pad+ma maN+Da la hUM/ hUM s+pha ra na phaT/ saM ha ra na hUM/ gzhal yas khang chen 'bar ba las// kun tu bzang mo yum gyi mkha'// gnas dgu rdzogs pa'i pho brang la// dbus kyi gdan steng yi ge yi// 'phro 'du 'bar ba'i 'od zer gyis// kun tu bzang po he ru ka/ che ba'i che mchog gyur pa ni// dbu ni nyi shu rtsa gcig la// dus gsum sangs rgyas rdzogs par gsal// zhal ni gsang ba'i dur khrod de// spyan 'bar he ru ka yi tshogs// bzhi bcu rtsa gnyis phyag gis ni// sangs rgyas bzhi bcu rtsa gnyis te// rang gi rigs mtshan yongs su rdzogs// dur khrod chen po brgyad gyis brgyan// zhabs brgyad dregs pa'i gdan la zhugs// oM shrI ma hA he ru ka hUM phaT// b+h+yo hUM
- 95b
kun tu bzang mo dbyings kyi yum// kro d+hi shwa rI dbang phyug ma// rnam par thar pa'i dbu dgu ldan// stong pa bco brgyad phyag rnams kyis// g.yas pa rdo rje ma mo brgyad// g.yon pa dril bu phra men brgyad// gtso chen 'bar ba'i cha lugs 'dzin// zhabs bzhi mnyes sbyor sku la 'khril// oM ma hA kro d+hi shwa rI dza la ni b+h+yo hUM// yab yum gnyis su med pa yi// mkha' gsang byin rlabs cho 'phrul las// baM maM hUM aM a phaT ces pa yis// nyi ma'i dkyil 'khor hUM rdo rje// pad+ma ma chags zla ba aM// rdo rje rin chen pad+ma dang // nyi zla mkha' gsang dbyings su sbyor// oM sarba ta thA ga ta a nA rA ga Na badz+ra swa b+hA ba At+ma ko&haM// hUM bde mchog sku ma'i brdas mtshon te// pad+ma rin chen ldan byas nas// dbyings kyi bde chen 'byung ba ni// rang byung ye shes 'od zer 'phro// oM sarba ta tA ga ta pU dza badz+ra swa b+ha ba At+ma ko&haM// b+h+yo khro mo 'dod chags ye shes che// he he dgyes pa'i gzi ma dngas che// rin chen pad+ma rgyas mdzad de// gnyis med 'khril ba'i sbyor bas thim// oM pad+ma sarba yo gi nI pra be sha phaT/ dzaHhUM baM hoH/ b+h+yo gnam zhal pad+ma'i gzhal yas su// bde chen thugs kyi dkyil 'khor spros// sangs rgyas sprin tshogs ma lus pa// dgyes mnyam mchog gi sbyor bas bstim// oM sarba tA ga ta pU dza badz+ra swa b+hA ba At+ma ko&haM// oM dang ldan pa'i thig le las// sku
- 96a
sa / la / na dugs sa da brjod pas// byang chub sems kyi sbyin chags las// tshig gsam gyi gyur ba sas/ khro ba'i dkyil 'bar smin grang gag/ swA swA hA hU~M ts+tsha hA hA s+t+wa~M/ rkang gsum tshugs bcu rdul byed ces// rna cab dkyil lar \u0f7f/ dag sangs rgyas mad par thar/ chags bca'i dregs pa pa thas btal/ a brdasamalas// 'a re ba bde'i ngo'i shing de dag / khanas can byas bzhin med par bsgral sa/ @#na par ldan/ kasaHka ba sha 'a/ thA \u0f7fna / dkyil 'ang brgyad kying zang dang // rtags paca na dang / 'bar ba'i gdan steng du// 1ru ka dang gzhan rje gshed// rta mgrin rdo rje gzhon nu dang // mngon rdzogs rgyal dang drags pa 'dul// stobs ldan mchog dang reg 'dzin gaH// rang gi rigs dang tham bcas// rdur bzhin sbyar ba'i then rlabs las// rnas 'bar thal pa'i chags bcas pan// rang thags gsang ba'i chagags pa// hA hU~M tA d+hA T+Ta b+hU hrA b+h+ya/ nA Sh+Ta nA d+hu tA d+hA d+ha hA// de rang du
- 96b
gsal ba dang // byin gyis brlabs shing dbang bskur nas// dam tshig pa la brtan bzhag ste// ye shes dkyil 'khor dbab pa ni// oM a hri ha hUM dzaHbaM hoH/ hUM chos dbyings rnam dag gsal ba'i pho brang sa// rdo rje dbyings kyi lha tshogs dbyings nas bzhengs// rigs lnga yab yum sems dpa' lcam dral dang // mthar byed sgo ba sbrul sku thub pa drag/ longs spyod rdzogs pa'i lha rnams gshegs su gsol// zhi khro'i tshogs 'dus dpal chen he ru ka/ yon tan tshogs kyi dkyil 'khor dbyings nas bzhengs// he ru ka dpal yab yum khro bo bcu// ta krita sgo ba'i tshogs bcas gshegs su gsol// ye shes lhun grub dbyings kyi dkyil 'khor nas// dpal chen khrag 'thung yab yum dbyings nas bzhengs// rigs lnga khrag thung yab yum ma mo'i tshogs// sgo bzhi srung ma'i tshogs bcas gshegs su gsol// 'phags pa'i rgyal po khro rgyal gshin rje gshed// chos sku byang chub sems kyi dbyings nas bzhengs// gshed chen rigs lnga sbyor sgrol yum dang bcas// phyogs skyong sgo skyong 'khor bcas gshegs su gsol// dbang gi rgyal po khro rgyal rta mchog dpal// gsung mchog lha tshogs chos kyi dbyings nas bzhengs// khams gsum dbang sdud yab yum sras 'khor bcas// phra men sprul pa sgo ma gshegs su gsol// mi dmigs chos kyi dbyings
- 97a
kyi dkyil 'khor nas// srid pa'i phur pa bsgrub phyir dbyings nas bzhengs// dpal chen khro bcu yab yum sras mchog rdzogs// dpal 'byung phra thabs phra men gshegs su gsol/ khams gsum thams cad yum gyi b+ha ga'i rgyan// snang srid 'byung lnga'i bdag mo sku bskyod cig/ bla med yab yum dbyings kyi yum chen dang // tshogs bdag sman mo 'khor bcas gshegs su gsol// chos sku lhun grub dbyings kyi dkyil 'khor nas// bde gshegs rigs pa 'dzin pa dbyings nas bzhengs// byang chub sems mchog grub pa'i rig pa 'dzin// rigs bzhi khro rgyal rig 'dzin gshegs su gsol// 'jig rten dregs pa 'dul mdzad khro bo che/ khams gsum spyi 'dul yab yum dbyings nas bzhengs// bdud dang gshin rje lha klu gnod sbyin gtso// sde dpon chen po 'khor bcas gshegs su gsol// mthu stobs stsal 'chang dpal chen 'byung bdag yum// sngags bdag dregs pa 'dul byed dbyings nas bzhengs// 'jig rten drag sngags spyod pa'i tshul 'chang ba'i// sngags bdag dregs pa 'khor bcas gshegs su gsol// bstan pa rgya mtsho so so'i dkyil 'khor nas// dam tshig pa las bzhengs pa'i rdzu 'phrul can// dpal gyi bka' sdod rigs kyi mthu ston pa'i// phrin las bsgrub pa'i srung ma gshegs su gsol// oM
- 97b
a thA ga ta b+hi ru d+he ba ga Na e A ra li hrI hrI/ de yis ye shes lha rnams ni// nam mkha'i dbyings kyi dkyil 'khor du// 'od dang rnam 'phrul byin rlabs bcas// sprin tshogs 'bar zhing bkod pa las// dam tshig tu ni dbab pa'i phyir// gnyis med pa la thim par bya// hUM sangs rgyas kun 'dus che mchog he ru ka/ dpa' 'bar khro mo gnam zhal dbyings phyug ma// sras 'khor sprul pa las kyi pho nyar bcas// byol song gtso bo lha klu bsnol ba dang // nyi zla pad+ma brtsegs pa'i gdan steng du// dam tshig gnyis med ngang du bzhugs su gsol// dbus mtha' med pa'i chos dbyings pho brang du// bde gshegs rigs lnga yab yum sras 'khor bcas// gtso mchog rgyal po'i phyag gi dkyil 'khor la// nyi zla pad+ma'i gdan la bzhugs su gsol// phyogs bzhi mtshams brgyad 'khor lo'i lte ba la// he ru ka dpal rigs kyi gtso chen brgyad// dpal chen dbyings kyi yum dang mnyes mdzad rnams// ru dra chu glang klu dang lha yi gtso// mkha' gsang ma trang ti ra dar 'phan dang // nyi zla pad+ma'i gdan la bzhugs su gsol// gtso chen so so'i rigs kyi sras mchog dang // gnyis med yum chen dang du sbyor mdzad cing // phyogs rnams 'khor lo'i rtsibs kyi pho brang la// rigs mchog mdzes pa'i gdan la bzhugs su gsol// gnas brgyad dkyil 'khor phyogs
- 98a
bzhi'i bar khyams la// ma mo bcu drug phyogs skyong bcu gnyis yum/ khro brgyad khro bcu yab yum phra thabs bcas// tshogs kyi ma mo phyogs bzhi dregs pa can// rigs 'dzin 'khor bcas sngags bdag yab yum rnams// ti ra mchog phran gdan la bzhugs su gsol// phyi nang dkyil 'khor phyogs kyi sgo bzhi la// gdong mo gshin rje pho nya phra men ma// srid bzhi dreg pa las kyi bka' nyan bzhi// phan mdzad slob dpon bzhi rnams so so yi// phyogs bzhir mnyam pa'i gdan la bzhugs su gsol// dbus dang phyogs mtshams pho brang mu ran la// ce sbrang ma brgyad dbang mo nyi shu brgyad// gong chen bco brgyad khyi spyang pho nya'i tshogs// phur srung mo ging sman mo lnga bcu brgyad// lha srin sde dang mkha' 'gro ging dang bcas// rang gi gdan bcas gnas su bzhugs su gsol// phyi rim par khyams phyogs bzhi'i gdan steng du// lha chen yum dang mkha' 'gro ging gi tshogs// ma bdun rdo rje'i pho nya sring mo bzhi// sa bdag mo dang bka' yi bstan srung rnams// ti ra bam chen rang gnas gdan khri la// pho nya bka' sdod tshul du bzhugs su gsol// oM a thA ga ta b+hi ru de ba ga Na sarba ma ha sa ma ya tiSh+Tha/ badz+ra ma ra na hUM/ gnyis su med par mthong gyur nas// de dag sku gsung thugs mnyes phyir// mchod pa chen po bcu gnyis te// dam tshig
- 98b
las kyi lha yis so// de nas lha phyag 'tshal ba ni// ho bcom ldan kun bzang rigs lnga 'dus pa'i gtso// kun tu bzang mo rgyal ba kun gyi yum// sras 'khor sprul pa khro bo'i tshogs dang bcas// zhi mchog rgyal paba'i sku la phyag 'tshal lo// bcom ldan dpal chen che mchog he ru ka/ gsang chen mnyes mdzad dbyings phyug khro mo'i rgyal// sras mchog yab yum khro mo sgo srung bcas// che ba'i yon tan rgyas la phyag 'tshal lo// rigs lnga khrag 'thung yab yum khro bo che// gnas yul rnam dag ma mo phra men bcas// phrin las rnam bzhi bdud 'dul khro bo bzhi// thugs mchog 'gyur med lha la phyag 'tshal lo// gshin rje 'dul mdzad sku lnga sbyor sgrol yum// phyogs skyong khro bo yab yum phra men bzhi// tshe dang srog la dbang mdzad gshin rje'i tshogs// sku yi khyad par bstan la phyag 'tshal lo// dbang gi rgyal po khro mo yum dang bcas// sras mchog sprul pa lcam dral dregs pa'i tshogs// ma lus zil gnon khro rgyal gnyis med yum// las kyi pho nya sprul pa'i sgo ma bzhi// gsung rdzogs dbang gi lha la phyag 'tshal lo// las kyi rgyal po rig lnga gtso mo yum// khro bo khro mo phra men lcam dral tshogs// sras mchog sprul pa sgo bzhi'i khro mo dang // phrin las bsgrub pa'i tshogs la phyag 'tshal lo// bla med khrag 'thung nyid bzhi yum chen mo// dbyings dang ye shes las kyi
- 99a
sman mor bcas// so so'i 'dul byed rigs kyi skur bstan pa// rbod gtong las kyi bdag la phyag 'tshal lo// chos nyid skye med dgongs pa lhun grub cing // mkhyen rig ye shes thugs rjes mkha' ltar khyab// 'gro ba'i don rdzogs gnyis med rig pa 'dzin// rgyud kun bdag po mchog la phyag 'tshal lo// dregs pa'i tshogs 'dul khro rgyal yab yum gtso// phrin las dbang gis sangs rgyas bstan pa bsrung // 'jig rten phrin las sgrub pa'i dregs pa can// mchod bstod phrin las sgrub la phyag 'tshal lo// stobs ldan 'jigs byed gnyis med lha mo yum// drag sngags sprul pa sde dpon las kyi lha// phrin las bka' sdod phyag brnyan gsang ba'i bdag/ gtso 'khor dmod pas bsdigs la phyag 'tshal lo// dus gsum rgyal ba rnams kyi spyan lam du// rab sbrul gzugs bstan gsung gi gnyer blangs shing // dam tshig dbang gis thugs kyi dgongs pa bsgrub// bka' yi bstan srung rnams la phyag 'tshal lo// a tha ga ta b+hi ru de ba ga Na na mo ban+da naM ka ro mi// de yis rab tu mnyes byas nas// mthun pa'i phyag rgyas mchod pa ni// ma bcos rdzogs pa'i che mchog he ru ka/ bzhi bcu rtsa gnyis phyag gi dkyil 'khor ni// rgyal ba yab rnams phyag g.yas thabs kyi ngang // kun bzang mthing ga rdo rje dril bu bsnams// snang mdzad dkar po
- 99b
chos kyi 'khor lo bskor// mi bskyod mthing ga sa gnon rdo rje 'dzin// rin 'byung gser mdog nor bu mchod sbyin mdzad// mtha' yas mdog dmar ting 'dzin pad+ma'i rgya// don grub ljang gu rgya gram skyabs sbyin phyag/ sa snying dkar po rin chen myu gu bsnams// nam mkha'i snying po mthing ga ral gri bsnams// spyan ras gzigs dbang dkar po pad+ma bsnams// phyag na rdo rje ljang gu rdo rje dril// byams pa dmar skya gar gyi gun d+he bsnams// kun bzang dkar po rin chen myu gu bsnams// sgrib pa rnam sel sngon po po ti 'dzin// 'jam dpal dkar ldang me tog ut+pal 'dzin// gshin rje gshed po mdog dkar thod dbyug bsnams// stobs chen sngon po rdo rje rtse gsum bsnams// rta mgrin dmar po thod sbrul pad+ma bsnams// bdud rtsi 'khyil pa ljang gu rgya gram bsnams// lha yi thub pa mdog dkar pi wang bsnams// lha min thub pa sngon po go cha bsnams// mi yi thub pa gser mdog gseg shang bsnams// sangs rgyas yum rnams phyag g.yon shes rab dang // bya ba'i chos ni mthing ga mnyam gzhag 'phro// kun tu bzang mo mdog dkar dril bu 'khrol// sangs rgyas spyan ma mthing nag thor tshugs bsnams// gos dkar ma ni mdog ser rin chen bsnams// mA ma kI ni dmar gsal pad+ma 'phyar// dam tshig sgrol ma ljang gu rgya gram bsnams// lA
- 100a
s+ye dkar mo me long sgeg par 'dzin// mA le sngon mo rin chen phreng ba 'dzin// gir ti dmar mo pi wang rgud 'dren mdzad// ni rti ljang gu gar gyi cod pan phreng // bdug pa'i sprin 'phro dmar ser spos khang 'dzin// dag pa'i mdangs ldan sngon mo pad+ma 'phro// gsal ba'i 'od ldan dmar mo mar me 'dzin// dag byed ljang gu dung phor dri chab 'thor// ro langs dkar mo 'gugs pa'i lcags kyu bsnams// mi pham sngon mo rdo rje zhags pa bsnams// ral gcig dmar po rdo rje lcags sgrog bsnams/ khro gnyer ma ni ljang gu dril bu bsnams// byol song thub pa ser po po ti bsnams// yi dwags thub pa dmar po rin chen sgom// dmyal ba'i thub pa mthing ga me chu bsnams// yab yum gnyis med thabs dang shes rab sbyor// zhi dul phyag rgya'i mchod par bzhes su gsol// gnyis med yum chen gnam zhal dbyings phyug ma// dbu dgu phyag ni bco brgyad stong pa'i dbyings// g.yas g.yon dang po rdo rje dril bu bsnams// g.yas kyi 'og ma dbyings kyi ma mo brgyad// g.yon gyi 'og ma yul gyi phra men brgyad// rang rigs rtags kyi phyag rgya mchod par bzhes// bcom ldan che mchog rak+Sha he ru ka/ smug nag dbu gsum phyag drug dkar dmar zhal// g.yas g.yon dang po 'khor lo b+han dmar bsnams// bar ma gnyis ni ti ra rgyu zhags 'dren// tha ma
- 100b
gnyis ni khyung chen ba su 'dren// rak+Sha kro d+hi smug nag zhal gcig ma// phyag gnyis yab 'khyud 'khor lo dung khrag stob// che mchog gu h+ya he ru ka dpal rje// dbu gsum ser nag mthing dang dmar ba'i zhal// phyag g.yas rin chen ri rab dgra sta 'phyar// g.yon pas thod khrag stong gsum rgyu zhags sdom// gu h+ya kro d+hi rin chen dung dmar stob// bi shwa he ru dmar nag dbu gsum ni// dbus ma dmar nag g.yas mthing g.yon dmar zhal// phyag drug dang po pad+ma b+han+da 'phyar// bar ma gnyis na stong gi 'jig rten bsnams// mtha' ma gnyis ni dgra sta thong gshol 'dzin// sa nu kro d+hi pad+ma dung khrag stob// bcom ldan dpal chen yak+Sha he ru ka/ dbu gsum ldang nag dkar dang dmar pa'i zhal// phyag drug dang po rgya gram b+han+da dkrugs// bar ma gnyis na ral gri zhags pa bsnams// tha ma gnyis na rgyu phreng ti ra bsnams// yak+Sha kro d+hi rgya gram zod khrag stob// dri za 'dul byed tri shul 'khor lo dkar// me lha 'dul byed me dpal dbyug zo dmar// gshin rje 'dul byed dgra sta zod dbyug mthing // srin po 'dul byed smug nag ral gri zhags// klu rnams 'dul byed pad+ma spu gri dmar// rlung lha 'dul byed rnga yab b+han+na bsnams// gnod sbyin 'dul byed rgya gram dril bu ljang // bgegs kun 'dul byed dgra sta rtse gsum mthing // lha rnams 'dul
- 101a
byed sngo skya mda' gzhu 'gengs// sa bdag 'dul byed dud kha zod pa zhags// ya man+ta kreta dkar po lcags kyu bsnams// pra dz+nyAn+ta krita ser po zhags pa bsnams// pad+mAn+ta kr-ita dmar po lcags sgrog bsnams// big+h+nAM ta kr-ita ljang gu ral gri bsnams// dus gsum sangs rgyas yon tan 'dus pa'i tshogs// rang rig phyag rgya'i mchod pa bzhes su gsol// shar gyi phyogs nas dkyil 'khor gtso bo'i bdag/ bcom ldan khrag 'thung badz+ra he ru ka/ dbu gsum mthing nag dkar dang dmar ba'i zhal// phyag drug rdo rje kha T+wAM rnge'u chung g.yas// ti ra'i dbyug pa dung dmar rgyu zhags g.yon// kro d+hi shwa rI kha T+wAM thod khrag stob// bcom ldan dpal chen bud+d+ha he ru ka/ dbu gsum spug nag mthing dang dmar ba'i zhal// phyag drug rdo rje khyung chen ti ra g.yas// rgyu zhags b+han dmar ti ra ba su g.yon// bud+d+ha kro d+hi zod khrag kha T+Ta 'dzin// bcom ldan dpal chen rat+na he ru ka/ dbu gsum ser nag mthing ga dmar ba'i zhal// phyag drug rin chen byis dbyug dgra sta g.yas// stong gi 'jig rten b+han dmar rgyu zhags g.yon// rat+na kro d+hi rin chen dung dmar stob// bcom ldan khrag 'thung pad+ma he ru ka/ dbu gsum dmar nag mthing ga dkar ba'i zhal// phyag drug pad+ma be con dgra sta g.yas// ri rab b+han dmar thong gshol g.yon na
- 101b
bsnams// pad+ma kro d+hi pad+ma thod khrag stob// bcom ldan khrag 'thung karma he ru ka/ dbu gsum ljang nag dkar dang dmar ba'i zhal// phyag drug rgya gram ral gri dgra sta g.yas// stong gsum 'jig rten par ma thong gshol g.yon// karma kro d+hi rgya gram thod khrag stob// go rI mthing ga b+han dmar byis rgyu 'dren// tsau rI ser mo thabs kyi mda' gzhu 'gengs// pra mo dmar mo chu srin rgyal mtshan 'phyar// be tA nag mo ro za rdo rje 'phyar// puk+ka dmar ser bus pa'i ba su 'dren// g+hasma ljang gu dung khrag dkrug cing 'thung // sme sha mthing nag bus pa'i snying 'byin za// tsaN+Da ser skya ti ra mgo lus 'bral// sid+ha ser mo zhing za seng ge'i mgo/ bya g+h+ri dmar mo stag mgo lag gnyis bsnol// sri la nag mo byig ldag wa yi mgo/ shwa na mthing ga sha 'drad sbrang ki'i mgo/ gr-i d+ha dmar mo dung gi bya rgod mgo/ kang ka dmar smug zhing khur dur bya'i mgo/ ka ka nag mo b+han gri bya rog mgo/ u lu mthing nag lcags kyu 'ug pa'i mgo/ rta gdong dkar mo 'gugs byed lcags kyu 'dzin// phag gdong nag mo 'ching byed mche zhags sdom// sbrel gdong dmar mo sdom byed lcags sgrog 'ching // sbrang gdong ljang gu gnyis byed dril bu 'khrol// thams cad thugs 'dus bde chen lha yi tshogs// rang rig phyag rgya'i mchod pa bzhes su gsol// lho phyogs dkyil 'khor lha
- 102a
rnams 'dus pa'i gtso// bcom ldan dpal chen khro rgyal gshin rje'i gshed// mthing nag dbu gsum phyag drug zhabs bzhi bgrad// dbu gsum g.yas dkar g.yon dmar dbus na gzhal// phyag drug be con ral gri dgra sta g.yas// g.yon pa sdigs mdzub mdung thung b+han dmar 'dzin// be tA nag mo dgra sta dung dmar stob// ral gcig sngon nag tri shul g.yang gzhi 'phyar// sras mchog ya ma rA dza gshin rje gshed// dbu gsum mthing nag g.yas dkar g.yon dmar zhal// phyag drug 'khor lo ral gri lcags kyu g.yas/ kha T+wAM dgra sta rgyu ma'i zhags pa g.yon// g.yu yi ral gcig nag mo dung dmar stob// lha mo dpal 'bar ral gri ne'u le 'dzin// sras mchog myos byed 'bar ba gshin rje'i gshed// dbu gsum g.yas sngo g.yon dmar dbus ser nag/ phyag drug be con ral gri dgra sta g.yas// g.yon pa b+han dmar 'khor lo lcags kyu bsnams// gtum mo dug hrul ser nag b+han dmar stob/ khrag gi bdag mo spu gri tsit+ta 'dzin// sras mchog gshin rje gshed po me ru tse// dbu gsum g.yas dkar g.yon sngo dbus dmar zhal// phyag drug be con dbyug to kha T+wAM g.yas// b+han dmar 'khor lo rgyu ma'i zhags pa g.yon// lha mo 'od zer dmar mo dung dmar stob// gling bzhi gtsug 'byams snying dang b+han+da
- 102b
stob// sras mchog ral pa tshar dgu gshin rje'i gshed// ljang nag g.yas dkar g.yon sngo dbus ljang zhal// phyag drug be con gtun shing dgra sta g.yas// b+han dmar rgyu zhags 'khor lo g.yon na bsnams// bdud 'dul nag mo khram shing b+han+da g.yon// srin mo mgo 'phyang dung khrag dgra sta 'phyar// nag 'joms mthing nag rdo rje dgra sta bsnams// nag mo ral gcig yab 'khyud dung dmar stob// phya sangs dkar po bum pa rdo rje gshol// shel gyi gdong dgu yab 'khyud zangs gri thogs// brag 'joms dkar ser brag dang 'khor lo 'dzin// shel mig khro mo lcags kyu dung dmar stob// glang mgo smug nag kha T+wAM lcags kyu bsnams// dkar skya mche gcig skar mda' dung dmar stob// yab ti sngo nag ral gri lcags kyu 'dzin// dred kyi a bsham khram shing b+han+d+ha thogs// mig dmar smug nag ral gri dbyug pa g.yas// khrag gi ral gcig g.yas g.yon dung dmar stob// sdig pa dud kha lcags sgrog phreng ba bsnams// klu mo pus 'gro gtso la dung dmar stob// tel pa sngo nag s+tha gri rak+ta 'dzin// spyan gsum mche gtsigs b+har+tha rak+ta stob// bdud 'joms smug nag tho ba b+han dmar bsnams// smug nag ral cig yab la dung khrag stob// chos rgyal dkar ser rdo rje khram nag 'dzin// rdo rje ral gcig zhags pa dung dmar stob// 'bar
- 103a
ba dmar po ces byang gtun shing 'dzin// dmar mo mgo dgu tri shul b+han dmar stob// thod dbyug mthing nag zhing dbyug sho rde'u bsnams// nag mo phag mgo zhags pa zod khrag stob/ dung gi rgod mgo rdo rje lcags kyu bsnams// nag mo stag mgo rin chen zhags pa 'dzin// kang ka dmar po pad+ma lcags sgrog 'dzin// ljang nag spyang mgo rgya gram dril bu 'dzin// bde bar gshegs pa sku mchog 'dus pa'i gtso// rang rig phyag rgya'i mchod pa bzhes su gsol// nub phyogs dkyil 'khor lha rnams 'dus pa'i gtso// bcom ldan dpal chen rta mgrin rgyal po'i sku// dmar nag dbu gsum phyag drug zhabs bzhi bgrad// dbu gsum g.yas dkar g.yon sngo dbus dmar zhal// phyag drug rdo rje kha T+wAM sbrul zhags g.yas// dril bu b+han dmar lcags sgrog g.yon na bsnams// e ka dza Ti kha T+wAM dung khrag stob// sprul pa phra men las kyi rgyal po gnyis// zhal gcig phyag gnyis sku mdog dmar nag 'bar// phyag gnyis so sor rdo rje thod phrag dang // rdo rje ri rab phur pa 'dzin zhing 'dril// dpal chen sprul pa'i zil gnon khro bo brgyad// dmar nag dbu gsum phyag drug zhabs bzhi bgrad// dbu gtsug rta mgo rta skad thengs gsum 'byin// zhi ba'i lha rnams zil gnon rta mgrin ni// phyag drug 'khor lo rdo rje rin chen g.yas// pad+ma ral
- 103b
gri dril bu g.yon na bsnams// brkyang bskum zhabs kyis zhi ba rigs lnga gnon// mi pham khro mo sku la dgyes par 'khril// las kyi khro bo zil gnon khro bcu gnon// phyag drug pad+ma dbyug tho spu gri g.yas/ kha T+wAM dgra sta rgya gram g.yon na bsnams/ khro gnyer dmar mo sku la dgyes par 'khril// ma mo zil gnon dbyings kyi yum drug gnon// phyag drug sdigs mdzub lcags kyu 'phrul zhags g.yas// lcags sgrog rnga chung kha TaM g.yon na bsnams// ro langs dmar mo sku la dgyes par 'khril// khyung rnams zil gnon rigs lnga khyung chen bsnams// phyag drug rdo rje sa dang me khyung g.yas// nam mkha' chu rlung bya khyung g.yon na bsnams// spyan gcig dmar mo sku la dgyes par 'khril// pho rgyud zil gnon dregs pa'i lha brgyad gnon// phyag drug rdo rje thod khrag rgyu zhags g.yas// dung khrag thod rlon zhing dbyug g.yon na bsnams// rdo rje las byed dmar mo sku la 'khril// mi rgyud zil gnon ma bdun sring bzhi gnon// phyag drug rdo rje ral gri mda' ni g.yas// zhags pa sdigs mdzub gzhu ni g.yon na bsnams// gshin rje las byed dmar mo sku la 'khril// klu rnams zil gnon gdug pa'i sbrul brgyad gnon// phyag drug sbrul dkar ser dmar g.yas na bsnams// sbrul khra sbrul ljang nag po g.yon na bsnams// klu mo las byed dmar mo sku la
- 104a
'khril// gza' rnams zil gnon nyi zla gza' brgyad gnon// phyag drug rdo rje zhags pa ral gri g.yas// dung khrag seng sdeng dbyug pa khyung nag g.yon// gnod sbyin las byed dmar mo sku la 'khril// yum chen rnams ni kha T+wAM thod khrag stob// sgo bzhi'i pho nya dkar ser dmar ldang mdog/ lcags kyu zhags pa lcags sgrog dril bu 'dzin// dus gsum bde gshegs gsung gi dbang phyug tshogs// rang rig phyag rgya'i mchod pa zhes su gsol// byang phyogs dkyil 'khor lha rnams 'dus pa'i gtso// bcom ldan dpal chen rdo rje gzhon nu'i sku// dbu gsum phyag drug zhabs bzhi sku mdog mthing // dbu gsum g.yas dkar g.yon dmar dbus mthing zhal/ g.yas pa rdo rje rtse dgu rtse lnga bsnams// g.yon pa kha T+wAM me dpung 'bar ba bsnams// tha ma gnyis ni ri rab phur pa 'dril// 'khor lo rgyas 'debs kha T+wAM thod khrag stob// sangs rgyas sras mchog bud+d+ha kI la ya// dbu gsum g.yas dkar g.yon sngo dbus dkar zhal// phyag drug dang po rdo rje dgra sta bsnams// bar ma gnyis ni ral gri zhags pa 'dzin// sras mchog rin chen rat+na kI la ya// dbu gsum g.yas dkar g.yon dmar dbus ser zhal// phyag drug dang po be con dgra sta bsnams// bar ma gnyis ni rin chen ral gri bsnams// dbang gi sras mchog pad+ma kI la
- 104b
ya// dbu gsum g.yas dkar g.yon ser dbus dmar zhal// g.yas g.yon dang po ral gri mdung thung bsnams// bar ma gnyis ni mda' gzhu 'gengs shing 'phen// phrin las sras mchog karma kI la ya// dbu gsum g.yas dkar g.yon dmar dbus ldang zhal// g.yas g.yon dang po mdung dang gri khug bsnams// bar ma gnyis na lcags kyur ral gri 'dzin// kun kyang tha ma ri rab phur pa 'dril// sku smad gser dngul zangs lcags phur pa ni// gru gsum 'bar ba e yi gdan la bzhugs// hUM chen sngo skya ser dang dmar ba'i zhal// g.yas g.yon dang po rdo rje dung khrag dkrugs// bar ma gnyis ni mda' gzhu 'gengs shing 'phen// rdo rje sgra 'byin be con thod khrag stob// yab yum sprul pa phag dang smrig bu'i mgo/ rnam rgyal dkar po sngo dang ljang ser zhal// bar ma phyag gnyis 'khor lo tri shul bsnams// rdo rje snyems ma ral gri b+ha na dmar stob// yab yum sprul pa stag dang bya rgod mgo/ dbyug pa sngon po dkar dang dmar ba'i zhal// bar ma'i phyag gnyis me dpal dbyug pa bsnams// rdo rje sder mo lcags kyu b+han dmar stob// yab yum sprul pa g.yag dang bya rog mgo/ gshin rje gshed po sngo skra ljang sngon zhal// g.yas g.yon bar ma thod dbyug dgra sta bsnams// dur khrod bdag mo thod dbyug dung dmar stob// yab yum sprul
- 105a
pa sha ba 'ug pa'i mgo/ mi g.yo mgon ni ljang sngon spug nag zhal// bar pa'i phyag gnyis ral gri zhags pa bsnams// rdo rje gtun khung tho ba dung khrag stob// yab yum sprul pa gzig dang kha ta'i mgo/ rta mgrin dmar po dkar dang sngo ba'i zhal// bar ma'i phyag gnyis spu gri zhags pa thogs// rdo rje gtum mo spu gri dung khrag stob// yab yum sprul pa byi la pu shud mgo/ 'dod pa'i rgyal po dmar nag ljang gu'i zhal// bar ma'i phyag gnyis rnga yab bsnams// rdo rje mda' snyems tho ba dung khrag stob// yab yum sprul pa sbrang ki khra yi mgo/ bdud rtsi 'khyil pa ljang nag dkar dmar zhal// bar ma'i phyag gnyis rgya gram dril bu bsnams// rdo rje rlung 'byin dgra sta dung khrag stob// yab yum sprul pa seng ge pha wang mgo khams gsum rnam rgyal mthing dkar dmar ba'i zhal// bar ma'i phyag gnyis rdo rje sbrul zhags bsnams// rdo rje skul byed gri gug dung khrag stob// yab yum sprul pa dam tsha dom dang sre mo'i mgo/ stobs chen dud kha mthing nag ljang gu'i zhal// bar ma gnyis na tho ba zhags pa bsnams// rdo rje skyod byed rtse gsum thod khrag stob// yab yum sprul pa dred dang byi ba'i mgo/ khro bcu rnams kyi phyag gnyis dang po yis// g.yas pa rdo rje g.yon pa dung khrag dkrugs// tha ma'i phyag gnyis ri rab phur pa 'dril// thugs kyi
- 105b
sras mchog phra men khra thabs tshogs// zhal gcig phyag gnyis rang gi mtshan ma dang // rdo rje ri rab phur pa 'dril zhing 'debs// sgo bzhi bsrung mdzad phra men sgo ma bzhi// pu shud mgo can dkar mo lcags kyuklu thogs// skye ka'i mgo can ser mo zhags pa 'dzin// srin bya'i mgo can dmar mo lcags sgrog 'dzin/ khra yi mgo can ljang gu dril bu 'dzin// dus gsum bde gshegs phrin las rdzogs mdzad pa// rang rig phyag rgya'i mchod pa bzhes su gsol// shar lho'i dkyil 'khor bde bar gshegs pa'i gtso// bcom ldan mngon rdzogs bla med he ru ka/ dbu gsum g.yas dkar g.yon sngo dbus mthing zhal// phyag drug rdo rje sbrul khyung sbrul zhags g.yas// b+han+d+ha zhing lpags ga'u g.yon na bsnams// kun tu bzang mo nyid bzhi mkha' bzhi'i klong // dbu gcig zhal lnga phyag drug phyag mtshan ni// rdo rje dril zhags bdud rtsi g.yas na bsdams// dril bu b+han+d+ha g.yang gzhi g.yon na bsnams// shar phyogs mkha' 'gro seng gdong rnam snang gsal// phyag drug dang po rdo rje b+han+dar ldan// bar ma gnyis kyis dgra sta gtun shing brdeg/ za ma'i phyag gis seng ge mchog chen bstod// lho yi mkha' 'gro 'od gsal ba lang gdong // phyag drug dang po rin chen b+han+dar ldan// bar ma gnyis na me dpal dbyug zo bsnams// tha ma'i phyag gis stag mo zhing phran
- 106a
bstod// nub phyogs mkha' 'gro mnyen gsal sud ka'i gdong // phyag drug dang po pad+ma b+han+d+har ldan// bar ma gnyis na zhags pa tri shul bsnams// tha ma'i phyag gis ce sbyang zhing chung bstod// byang phyogs mkha' 'gro khyung gdong yang gsal g.yos// phyag drug dang po rgya gram b+han+d+ha bsnams// bar ma gnyis na dbyug tho rgyu phreng 'dzin// tha ma'i phyag gis sbyang ki zhing chung bstod// nam mkha'i mkha' 'gro bkrag gsal rdo rje'i mchu// phyag drug dang po 'khor lo b+han+dar ldan// bar ma gnyis na rgyal mtshan spu gri 'dzin// tha ma gnyis kyi 'ug pa zhing chung bstod// dbyings kyi yum chen rtag pa'i rgyal mo lnga// dbu gsum zhabs bzhi rang rigs sku mdog gsal// srid pa bde 'gro dbu gsum sku mdog mthing // phyag drug dang po 'khor lo rin po che// bar ma g.yang gzhi b+han+da dmar gyis bkang // tha ma gnyis ni tshe bum lcags kyu 'dzin// nyi zla zod phreng mdog dkar 'ja' 'od gsal// phyag gnyis zangs lcags snying phreng zhags pa 'phen// nyi ma khros ma mdog dkar skra gri 'dzin/ khrag 'thung khros ma sngon mo thod khrag 'dzin// bdud rtsi khros ma dmar mo bum pa bsnams// bde sbyor khros ma ljang nag ti ra 'phyar// srid pa'i rgyan byed dkar mo skra zhags 'dzin// sngon mo dbyings phyug zhing gi dbyug pa thogs// bdag nyid dmar
- 106b
mo rgyu ma'i zhags pa 'phen// gcig spyod ser mo zhing lpags g.yang gzhi brdebs// dkar mo mig gcig b+han+da zlum po thogs// nag mo mche gtsigs b+han+na ser po thogs// dmar mo dbang sdud b+han+da lcang lo 'phyang // ser mo las mkhan thod pa rgya gram thogs// srid pa chags byed mthing nag mi snying bsnams// srid pa cha snyoms dmar mo thod khrag 'dzin// 'dod khams gtso mo sngon mo khram shing bsnams// ral gcig dmar mo kha T+wAM mi ro 'dzin// gling bzhi spyi phud dkar gsal lcags kyu thogs// rin chen srid 'degs sngon mo ga'u 'dzin// pad+ma gar dbang le brgan thod khrag thogs// rdo rje gar dbang ser mo b+han+da 'dzin// har ting dkar mo me yi dkyil 'khor thogs// dun ting nag mo yi dkyil 'khor thogs// shan+ting dmar mo chu yi dkyil 'khor thogs// grub ting ser mo klung gi dkyil 'khor thogs// srin mo skam mo dkar mo shel phur thogs// srin mo phor thogs sngon mo zod khrag 'dzin// srin mo g.yang gzhi zod sbram b+han+da 'dzin// srin mo za ba dmar mo zhing lpags brdebs// srin mo gsod byed ser mo lcags k+Shu thogs// srin mo dmar ser thod phrag zhags pa 'dzin// srin mo snom byed sngon mo lcang lo 'phyar// dkar mo mche gtsigs thod pa dkar po thogs// nag mo kha 'byams b+han+tha[:]sngon
- 107a
mo thogs// dmar mo mchu 'jibs b+han+d+ha dmar mo thogs// ser mo las mkhan b+han+da ser po 'dzin// lha yi sring mo dkar mo rdo rje bsnams// gshin rje'i sring mo sngon mo thod dbyug thogs// klu yi sring mo dmar mo sbrul zhags thogs// gnod sbyin sring mo ser nag ne'u le 'dzin// bde bar gshegs pa rbod gtong 'dus pa'i bdag/ rang rig phyag rgya'i mchod pa bzhes su gsol// nub byang dkyil 'khor 'jig rten dregs pa'i gtso// bcom ldan dpal chen dregs pa kun 'dul ni// dbug gsum phyag drug kham nag smug mthing zhal// dang po'i phyag gnyis rdo rje dung khrag dkrugs// g.yas g.yon phyag bzhis lha brgyad klu brgyad mgo khams gsum spyi 'dul phyag g.yas rdo rje 'khyud// phyag g.yon dung khrag gtso bo'i zhal du stob// lha chen mthing nag gri gug tsit+ta g.yon// btsun mo u ma rtse gsum thod khrag bsnams// seng ge glang chen gshibs pa'i khri la bzhugs// ya ma rA dza mdog nag be con g.yas// g.yon na thod dbyug ma he chu glang bcibs// sgrol byed nag mo srid pa'i 'khor lo bskor// bdud po skos rje mthing nag khram shing g.yas// g.yon na dgra sta bdud rta nag po bcibs// nag mo re ti khram shing nad rkyal bsnams// drel rta dmar mo rkang gsum chibs su bcibs// nag po glog phreng glog gi phreng ba
- 107b
'dzin// sbal mgo khrag mig khrag phor zhal du 'dzin// yab yum gnyis med 'brug dang rnga mo bcibs// yak+ka me dpal mthing nag rin chen bsnams// g.yon na mtshon thogs stag seng rngam pa bcibs// mon mo nag mo phyag g.yas spu gri bsnams// g.yon na sbrang ki'i lcags kyi phag mo bcibs// srid pa'i rgyal mo mdog dkar 'khor lo g.yas// g.yon na me long 'brug mo sgra chen bcibs// e ka tsa tI smug mthing tsit+ta g.yas// g.yon na g.yu spyang dre'u rta nag po bcibs// nag mo mgyogs byed g.yas na mtshon drub bsnams// g.yon na nad rkyal so bya nag po bcibs// rdo rje bdud 'dul mthing nag khrag thun g.yas// g.yon na mdung zung dre'u rta nag po bcibs// srog zan dmar po bse mdung dmar po g.yas// g.yon na mda' gzhu chibs su rta dmar bcibs// skyes bu dmar 'bar shang lang g.yas na bsnams// g.yon na zangs zhags chibs su rta dmar bcibs// bgegs kyi rgyal po mthing nag kha T+wAM g.yas// g.yon na zod khrag chibs su rta nag bcibs// kA la nag po phyag g.yas rtse gsum bsnams// g.yon na thod khrag chibs su rtsal chen bcibs// dmu bdud nag po g.yas na shang langs bsnams// g.yon na mda' gzhu dmu rta mchod rgod bcibs// gang ba bzang po dkar po ba dan
- 108a
g.yas// g.yon na shel gyi gnam ru dkar po bcibs// spyi bdud rgyal po mdog dkar ru mtshon g.yas// g.yon na ral gri rdo rta gro bo bcibs// gnam mthil dkar po g.yas na dar dkar bsnams// g.yon na ral gri chibs su rta dkar bcibs// tshangs pa dkar po g.yas na nyi zer bsnams// g.yon pa spu gri seng ge dkar mo bcibs// rdo rje chung rgyal dkar po bdud zhags g.yas// g.yon na spu gri ba glang sna ring bcibs// skyes bu sku lha mdog dkar rdo rje g.yas// g.yon na ru mtshon tsa ra khams pa bcibs// legs ldan nag po gri gug g.yas na bsnams// g.yon na beng chen bdud rta nag po bcibs// gza' bdud rgyal po mdog nag sku smad sbrul// phyag g.yas mda' gzhu g.yon na sbrul zhags bsnams// thog gi bu yug dmar skya thog ser 'phen// yab yum gnyis med 'brug chen yid mgyogs bcibs// klu mdud nag po sbrul zhags nad rkyal bsnams// sku smad sbrul gyi chu srin sngon po bcibs// yak+ka nag mo nad rgyal dug thun bsnams// sku smad sbrul 'khyil rus sbal nag po mnan// 'jig rten las byed dreg pa can gyi tshogs// rang rig phyag rgya'i mchod pa bzhes su gsol// byang shar dkyil 'khor drag sngags lha yi tshogs// bcom ldan dpal chen stobs ldan nag po ni// dbu gsum phyag drug mthing
- 108b
nag drag po'i zhal// phyag drug dang po rdo rje dung khrag dkrugs// 'og ma'i phyag bzhis lha klu tsit+ta bsnams// 'byung lnga'i bdag mo zhal gcig sku mdog mthing // g.yas g.yon phyag gis mkha' 'degs sa gzhi mnan// 'chi bdag mthing nag thod pa gri gug bsnams// btsun mo nag mo gtso chen yab kyi tshul// bdud mo nag po kha rlangs tri shul g.yas// nag mo khrag 'dzag khram bam thod rlon bsnams// gsod byed nag po ral gri thod khrag g.yon// sring mo nag mo gri gug mi mgo bsnams// gnod sbyin sngo nag ral gri ru mtshon bsnams// ral gcig sngon mo zhing lpags dar nag bsnams// lha chen dkar po b+han+d+ha shel gri bsnams// thar pa nag po mchod gtor mthun gtor bsnams// rje btsan nag po dar nag zhags pa bsnams// yak+Sha nag po kha T+wAM gri gug bsnams// har mdzes dkar po shel gri dar dkar bsnams// yam shud dmar po mdung dmar ral gri bsnams// rdo rje mdzes pa dmar po ru mtshon 'phyar// pho nya lag dgu mdog ser sprul pa 'gyed/ khyab 'jug nag po khram shing dgra sta bsnams// gzhon nu gtum po bum pa sa sgal 'dzin// sngags kyi bdag po dregs pa bco brgyad rnams// kun kyang zhing lpags rlon pa'i na bza' gsol// zhabs gnyis dgra dang bgegs kyi snying la gzer// dmod pa'i mtshon chang lha yi tshogs
- 109a
chen bsnams// rang rig phyag rgya'i mchod pa bzhes su gsol// lho nub dkyil 'khor rig pa 'dzin pa'i tshogs// grub pa chen po brgyad la dbang bskur zhing // mthun 'jug theg pa rab ston byang chub sems// phyag rgya che dang lhun gyis grub pa dang // rnam par smin dang tshe la dbang ba dang // man ngag lung ston shes rab rgyun spel zhing / dam tshig dbang bskur nyams pa bskang mdzad pa'i// rgyal tshab rig 'dzin byang chub sems dpa' rnams// rang rig phyag rgya'i mchod pa bzhes su gsol// 'di dag rang gi phyag rgya ste// dang po mchod pa chen po yis// gnyis pa rab tu bstod pa ste// yon tan rtags bcas tshig gis mnyes// gsum pa 'dod pa'i yon tan tshogs// gzugs sgra dri ro reg chos so// bzhi pa nyon mongs lnga nyid de// lnga pa sgrol ba skye 'chi med// drug pa 'bral med sbyor ba ste// bdun pa dug gsum phung pos mchod// brgyad pa dug lnga sman yin te// dgu pa rmad byung mchod pa che// bcu pa dam tshig bdud rtsi'o// bcu gcig pa ni zhal zas tshogs// bcu gnyis gtsang sbyor lhag ma ste// 'di dag gis ni nga dang bcas// dus gsum rgyal ba kun mnyes 'gyur// de yis bsgrub par bya ba dag/ kun gyi mthar phyir yon tan tshogs// ma lus skyed byed 'di yin no// kye ma dpal ldan he ru ka/ dpal chen nga yi dgongs
- 109b
chen po// rigs brgyad dgu yis rab mdzes pa'i// rten 'gyur gcig gis sgrub pa la// sku gsung thugs dang yon tan dang // phrin las rbod gtong sgrub mchod dang // dmod pa drag shul bstan bya rnams// zhi da rig pa 'dzin dang bcas// zhi dang khro dang thun mong bcas// pho nya las kyi byed pa dag/ nga yis bshad pa gang yin pa// ma 'ongs dus na brtse ldan pa'i// byang chub sems dpa' grags chen po// phyi dang nang dang sbas dang gsang // thun mong khyad par bye brag rnams// gang gis bsngags pa rnams la ston// zhes bka' stsal to// bde bar gshegs pa thams cad 'dus pa'i rgyud rab tu 'byed pa las/ lha nges par dbyung zhing bsgrub pa'i le'u ste drug pa'o// // de nas he ru ka rigs lnga la sogs pa'i 'khor rnams kyis bcom ldan 'das la 'di skad ces gsol to// kye ma bcom ldan 'das kun tu bzang po khyod kyi sku dang gsung dang thugs dang yon tan dang phrin las kyi khyad par dang / rbod gtong dang pho nya dang dmod pa la sogs pa khro bo khro mo drag shul spyod pa'i las/ nges par bzung ba 'di dag bstan pa dang bshad pa dang brjod pa'i yul ni gang / dus ni ji tsam zhig na lags/ tshul ni ji lta bu/ yon tan ni ci zhig yod pa lags/ bdag cag gi the tshom bcad du gsol// zhes gsol to// de nas bcom ldan
- 110a
'das kyis bka' stsal pa// kye ma he ru ka yi tshogs// 'khor dang bcas pa kun nyon cig/ phyi ma'i dus na nga yi sku// sprul pa thun mong snang ba 'di/ chos sku mnyam pa nyid gyur tshe// thos pa dang ni rig pa 'dzin// skyes bu rnams kyi yid la gnas// rin chen dgu yi sprul pa'i gzugs// 'jam dbyangs lha dang bcas pa yis// legs bkod nam mkha'i cho 'phrul ston// kun tu bzang pos nyer snang zhing // 'jig rten dregs pa'i tshogs bcas kyis// dpal ldan mkha' 'gro'i gnas dag tu// gsang ba'i rgya yis btab byas pa// lo ni brgya dang nyi shu nas// kun bzang dgongs pa skong byed pa// rig pa 'dzin/ pa rnams la snang // yan lag phyogs bcur rgyas par byed// rdo rje gsang ba'i myu gu yis/ khyad par bsam gyis mi khyab pa// gdul bar bya ba rnams la ston// mtha' 'khob sham+b+ha la zhes par// de yi gtso gyur 'jig rten mgon// shwa ra b+ha gi lha yi bu// rnam sprul bkod pa mchod dag gis// byang chub sems dpa' rig pa 'dzin// dbang bsgyur yongs rdzogs der 'byung gis/ khyod rnams bshung bar ma byed cig/ ces bka' stsal nas bcom ldan 'das he ru ka yum dang gnyis su med pa sku'i zhing bkod pa dang bcas pa chos kyi dbyings su thim par gyur to// 'khor 'jig rten gyi dregs pa can rnams kyang bcom ldan 'das
- 110b
nyid kyi gsung rjes su bsgrub cing thugs zhi ba chos kyi skur mthong bar gyur nas// bcom ldan 'das la rjes su yi rang zhing mngon par bstod do// bde bar gshegs pa thams cad 'dus pa'i rgyud rab tu 'byed pa las/ phyi ma nges par 'byung ba bstan pa'i le'u ste bdun pa'o// // khro bo chen po mngon par rdzogs par sangs rgyas pa'i yid bzhin gyi yon tan chen po nges par bstan pa'i skabs te gnyis pa rdzogs so// // bde bar gshegs pa thams cad 'dus pa'i rgud rab tu 'byed pa'i lde mig lta bur bshad pa rdzogs so// // zhi ba la le'u bcu/ khro bo la bdun te bcu bdun yod pa/ rgya gar gyi mkhan po slob dpon chen po pad+ma 'byung gnas dang / bod kyi lo ts+tsha ba bai ro tsa nas bsgyur cing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya/ rgya rgya rgya// rgya gar skad du sarba ta thA ga ta shan+ta sa mA dza mU la ma hA tan+t+ra nA ma/ bod skad du/ de bzhin gshegs pa zhi ba thams cad 'dus pa rtsa ba'i rgyud chen po zhes bya ba/ bcom ldan 'das dpal rdo rje sems dpa' la phyag 'tshal lo// 'di skad bdag gis thos pa'i dus gcig na// bcom ldan 'das dpal kun tu bzang po ye shes rang byung gi rgyal po de nyid/ gsang ba ma bcos pa'i thig le chen po bsam gyis mi khyab pa'i ngang la
- 111a
mnal te bzhugs so// de nas dbyings kyi yum kun tu bzang mo de nyid/ rtsa ba byang chub sems kyi 'gro ba thams cad thugs rje'i chus brlan par mdzad de/ dpal kun tu bzang po la thugs rje'i rol pa tshad med pa zhes bya ba'i glus bskul to// de nas bcom ldan 'das dpal kun tu bzang po chos nyid mnyam pa nyid kyis ngang la mnal ba la// byams pa chen po'i thugs rjes sad par mdzad de/ yul sems can la rab tu dmigs pa dang lam la dmigs pa dang / kun tu dmigs pa med pa dang / stong pa chen po las rab tu skyes pa'i rtsal ma 'gag pa las/ byang chub kyi sems skye ba med pa/ brjod pa thams cad las 'das pa chos kyi 'byung gnas su gyur pa'i yi ge a zhes bya ba'i rang bzhin du gyur nas// skye ba med pa las sgra 'di byung ngo // e ma ho/ chos nyid gdal ba'i klong // e ma ho snying rje rgyun chad med// e ma ho gsal ba'i yig 'brur shar// e ma ho yon tan dpag tu med// e yaM baM laM raM b+h+rUM/ 'di ltar snang ba'i chos rnams kun// ye nas ma bcos rdzogs sangs rgyas// snod bcud rnam rtog gis brtag pa// rgyal bapaba'i dkyil 'khor phyag rgya che// nam mkha' rlung chu sa dang me// gdod nas rnam dag yum lnga'i mkha'// ngo mtshar gzhal med sna tshogs dang // dag pa'i ye shes gzhal med khang // gdan khri 'od kyi snang ba
- 111b
rnams// zhi ba rol pa'i gdan mchog ste// dag pa chen po'i 'jig rten las// ma dag pa ni yod ma yin// ma rig 'khrul pa'i bag chags las// ma dag pa yi khams su snang // yum lnga'i mkha' klong dag pa las// ye shes 'byung chen rnam lnga ste// ye shes lnga las gzhal yas 'od/ rtog pa can gyis shes par bya// zhes bya ba'i sgra phyung ba dang // snang grags kyi dngos po thams cad de bzhin gshegs pa'i skur ma bcos par lhun gyis grub par bstan pa'i phyir// 'di ltar snod du snang ba thams cad de bzhin gshegs pa'i zhing khams su byin gyis brlabs so// de yang 'byung ba rnam par dag pa nam mkha' yongs su dngas pa ni// chos kyi dbyings rnam par dag pa/ chos kyi dbyings kyi dbang phyug ma'i mkha' klong / ye shes chen po'i nam mkhar lhun gyis grub par bstan to// de bzhin du rlung gi dkyil 'khor ni sgrol ma'i mkha' klong rnam par dag par bstan to// chu'i dkyil 'khor ni mA ma kI'i mkha' klong rnam par dag pa'o// sa'i dkyil 'khor ni spyan ma'i mkha' klong rnam par dag pa'o// me'i dkyil 'khor ni gos dkar mo'i mkha' klong rnam par dag pa'o// 'di ltar nang gi gzhal med khang rnam par dag pa gdan dang bcas pa ni// yum thams cad kyi mkha' klong rnam par dag pa ye shes lnga'i rang bzhin 'dus pa ni/ lha'i gzhal yas 'jig rten
- 112a
pa'i yon tan las 'das pa ste/ shar phyogs ni shel gyi rang bzhin las grub pa/ lho phyogs ni gser gyi rang bzhin las grub pa/ nub phyogs ni pad+ma rA ga'i rang bzhin las grub pa/ byang phyogs ni in+d+ra nI la'i rang bzhin las grub pa/ dbus kyi cha ni rin po che sna tshogs kyi rang bzhin las grub pa'i ye shes kyi sa gzhi yongs su dag pa'o// de'i brtsigs par snang ba yang ye shes lnga'i rang bzhin// thams cad kyi rang bzhin mu tig dang / shel dang / gser dang / pad+ma rA ga dang // in+d+ra nI la'i 'od du 'phros// 'od zer gyi snang bas rab tu brtsigs pa'i gzhal yas khang / rdo rje'i 'khor los spras pa/ gru chad glo 'bur du bcas pa/ khyams dang sgo'i g.yas g.yon rdo rje'i ka bas brgyan pa/ rin po che sna tshogs kyis rgyan gyis spras pa/ dril bu dang zar tshags dang / rin po che pha gu'i brtsigs pa/ dar gyi lnga ldis brgyan pa/ yid las byung ba'i mchod pa chen po dang rig pa'i lha mo rnams kyis mchod pa 'bul te/ rta babs kyi rgyan chen po bzhi dang bcas pa/ ye shes kyi rang bzhin las grub pa/ rdo rje'i thog phub pa/ zag pa med pa'i phib chen pos btibs shing yid bzhin gyi nor bu chen po'i tog 'bar ba dang bcas par byin gyis rlabs so// de nas 'jig rten pa'i gdan khri'i rtog pa dang bral ba'i phyir pho brang gi dbus su saM las seng ge'i
- 112b
gdan dang / shar du haM las glang po che'i gdan dang / lhor g+haM las rta'i gdan dang / nub tu maM las rma bya'i gdan dang / byang du khaM las shang shang gi gdan dang / de dag gi steng rnams dang / phyogs dang mtshams kyi dkyil 'khor gyi snam bu dang gra rnams su/ skyon rnam par dag pa'i rtags su paM las pad+ma'i gdan dang / nyon mongs pa'i mun pa sel ba'i rtags su nyi ma'i dkyil 'khor gyi gdan dang / thugs rje chen pos rjes su bsil bar mdzad pa'i rtags su zla ba'i gdan rnams bkod cing sprul te byin gyis rlabs so// de nas dbyings kyi yum kun tu bzang mos 'di skad ces gsungs so// chos dbyings rnam dag ye nas rdzogs pa las// 'gro ba'i don phyir cho 'phrul skur bstan pa/ 'jig rten snod kyi rnam par rtog pa kun// ye nas dag pa'i gzhal med khang chen te// ma bcos lhun rdzogs lha rnams bzhugs pa'i gnas// rnam dag gdan dang bcas pa ngang gis gsal// che ba'i tshe mchog dpal chen kun tu bzang // gnyis med rol pa lha yi cho 'phrul ston// snang srid chos la skyon med gzhal yas nyid// rang byung chen po'i zhing khams dag pa 'dir// bcud kyi sems can mnyam nyid rdzogs pa'i sku// gzugs sku zhi ba'i rol pas gang bar mdzad/ ces gsungs so// zhi ba 'dus pa rtsa ba'i rgyud las/ snod kyi 'jig rten rnam par dag pa gzhal
- 113a
yas khang bstan pa'i le'u ste dang po'o// // de nas bcom ldan 'das dpal kun tu bzang po nyid kyis gzugs brnyan gyi rol pa rnam par dag pa ma 'gag pa zhes bya ba'i ting nge 'dzin la snyoms par bzhugs so// de nas de ma thag tu snying rje chen po skye ba med pa las byung ba'i yi ge a de nyid kyi dkyil 'khor gyi dbus su seng ge'i khri gdan dang bcas pa'i steng du babs par gyur to// de'i 'od zer gyi rnam pa las gzugs kyi sku dpag tu med pa spros te/ 'jig rten gyi khams grangs med par song nas/ 'gro ba thams cad dag pa'i sa la bkod ste/ de yang kha cig tu ni chos kyi skus 'gro ba'i don mdzad do// kha cig tu ni longs spyod rdzogs pa'i skus 'gro ba'i don mdzad do/ kha cig tu ni sprul pa'i skus 'gro ba'i don mdzad do// la la ni byang chub sems dpa'i skus 'gro ba'i don mdzad do// de bzhin du kha cig tu ni 'khor los bsgyur ba'i rgyal po dang / kha cig tu ni bram ze dang / kha cig tu ni khyim bdag dang / kha cig tu ni tshong dpon dang / kha gcig tu ni dmag dpon dang / kha cig tu ni skyes pa dang // bud med dang sdig to can dang / byol song la sogs pa'i gzugs kyi gshegs nas/ sems can kyi khams ma lus par zad par mdzad nas/ de bzhin gshegs pa rnams la sku gsung thugs la mnyes pa'i mchod pa 'phul te slar
- 113b
rang gi sa bon a la 'dus pas/ rdo rje chen po rtse lnga pa'i bdag nyid du gyur te/ slar yang rdo rje de nyid las gzugs kyi sku'i 'od zer gyi rang bzhin can snga ma bzhin du spros zhing 'dus pa las/ bcom ldan 'das dpal kun tu bzang po rdo rje sems dpa'i rang bzhin/ phyag g.yas kyis rdo rje rtse lnga pa thugs kar bzung ba/ g.yon pas dril bu dku la bsten pa/ mtshan bzang po sum cu rtsa gnyis dang / dpe byad bzang po brgyad cus rab tu brgyan cing 'od 'dom gang ba dang bcas pa/ phyogs skyong ba brgyad kyi gzhal yas khang gi phyi rol du dad cing lhags te bskor bas mdun gyis bltas pa/ ting nge 'dzin ye shes kyi bde ba de'i bdag nyid la dmigs pa dang ma bral ba/ thugs rje byams pa'i stobs mnyen zhing lkugs pa/ gzhan yang sku'i cha lugs tshul mdzes pa dgu dang bcas par bzhugs par gyur to// de nas bcom ldan 'das dpal kun tu bzang pos rigs kyi phung po lnga yongs su dag pa zhes bya ba'i ting nge 'dzin la snyoms par bzhugs te// nyid kyi thugs ka'i dbus kyi mdun las hUM mthing ga 'od zer kha dog sna tshogs pa dang bcas pa phyung ste/ hUM mthing ga de las bcom ldan 'das nyid kyi thugs ka nas hA oM swA hrI ha zhes 'od zer kha dog sna tshogs dang bcas pa byung ste// hUM mthing nag las bcom ldan 'das/ sogs kyang byung / rdo rje sems dpa' sku mdog mthing ga rdo rje
- 114a
dang dril bu 'dzin par gyur nas 'jig rten gyi khams thams cad du song nas mdzad pa'i phrin las/ sems can gyi rnam par shes pa'i phung po dag par mdzad nas slar 'dus nas/ dpal kun tu bzang po'i mdun du rang nyid ji lta ba'i yum dang lhan cig tu seng ge'i khri la 'khod do// de nas dpal kun tu bzang po'i dbus gtsug tor nas/ oM dkar po las rnam par snang mdzad sku mdog dkar po 'khor lo dang dril bu 'dzin pa phyung nas 'jig rten gyi khams thams cad du song nas/ sems can gyi gzugs kyi phung po'i rang bzhin dag par byas nas tshur byon te/ shar gyi 'khor lo'i rtsibs la glang po che'i khri la rang nyid ji lta ba'i lha mo dang lhan cig tu 'khod do// de bzhin du dbu'i g.yas phyogs nas sna las rin chen 'byung ldan sku mdog ser po rin po che dang dril bu 'dzin pa phyung ste 'jig rten gyi khams thams cad du song nas sems can gyi tshor ba'i phung po sbyangs nas/ lho'i 'khor lo'i rtsibs la rta'i khri steng du rang gis lha mo dang 'khod par gyur to// lhag pa'i phyogs nas hrIHdmar po las snang ba mtha' yas sku mdog dmar po pad+ma dang dril bu bsnams pa 'jig rten gyi khams su song nas/ sems can gyi 'du shes kyi phung po dag par mdzad de/ nub phyogs kyi 'khor lo'i rtsibs steng du rma bya'i khri la rang gis lha mo dang 'khod
- 114b
par gyur to// g.yon gyi phyogs nas ha ljang gu las don yod grub pa sku mdog ljang gu ral gri dang dril bu 'dzin pa 'jig rten gyi khams su song nas/ sems can gyi 'du byed kyi phung po dag par mdzad de tshur byon nas/ byang du 'khor lo'i rtsibs la mkha' lding gi khri steng du rang nyid lta bu'i lha mo dang lhan cig tu 'khod par gyur to// de nas dbyings kyi yum kun tu bzang mos 'di skad ces gsungs so// kun bzang yangs pa thugs kyi dkyil 'khor du// ye shes rol pa sgyu ma'i skur bstan pa/ 'dod chags zhe sdang gti mug nga rgyal dang // phrag dog ma spangs rgyal ba'i skur snang ba// gzugs tshor 'du shes 'du byed rnam shes rnams// rang dag rang gzhi mnyam pa chen po las// thabs dang shes rab dbyer med lhun gyis rdzogs// rgyal ba rigs lnga yab yum gnyis su med// ces gsungs so// zhi ba 'dus pa rtsa ba'i rgyud las rigs lnga rtsa ba'i dkyil 'khor bkod pa'i le'u ste gnyis pa'o// // de nas bcom ldan 'das dpal kun tu bzang pos thugs rje ye shes chen po'i stobs kyi rnam par 'phrul pa yul dang yul de'i bdag po yongs su dag pa zhes bya ba'i ting nge 'dzin la snyoms par zhugs nas de ma thag tu/ spyan dang / ljags dang / snyan dang / shangs dang / sku dang / thugs kyi 'od kyi dkyil 'khor las/ byang chub sems dpa' sa'i
- 115a
snying po mdog dkar po rin po che'i myu gu 'dzin pa phyung ste/ 'jig rten gyi khams thams cad du song ste/ mig gi rnam par shes pa dag par sbyangs te/ tshur byon nas steng gi phyogs su 'khod do// de bzhin du nam mkha'i snying po mdog ser po ral gri bsnams pa/ byams pa dmar ser klu shing gun d+he bsnams pa/ spyan ras gzigs dbang dmar po pad+ma 'dzin pa/ phyag na rdo rje ljang gu dril bu bsnams pa// kun bzang dkar po rin po che'i snye ma 'dzin pa/ sgrib pa rnam sel ser po po ti bsnams pa/ 'jam dpal gzhon nu dmar gser po ti ut+pal 'dzin pa rnams phyung ste/ phyogs bcu'i 'jig rten gyi khams thams cad du song nas/ sems can gyi rna ba'i rnam par shes pa dang / sna dang / lce dang / lus dang / yid kyi rnam par shes pa dag par sbyangs te/ tshur 'dus nas shar dang / lho dang / nub dang / byang gi phyogs dang / shar lho dang / lho nub dang / nub byang dang / byang shar gyi phyogs mtshams dag tu zla ba dang pad+ma'i steng du rang rang gi yum/ lha mo la s+ye dkar mo rgya gram 'dzin pa dang / ma le sngon mo rin po che'i phreng ba 'dzin pa dang / gir ti dmar mo pi wang gi rgyud 'dren par byed ma dang / nir ti ljang gu gar bskur ma dang / bdug pa ma dkar mo spos sprin 'phro ba dang / mdzes ma ser mo me tog 'thor ba dang / gsal
- 115b
byed dmar mo mar me 'dzin pa dang / dag byed ma ljang gu byug pa byed pa ste/ de dag dang lhan cig tu 'khod do// de nas dpal kun tu bzang pos bdud thams cad mthar byed pa zhes bya ba'i ting nge 'dzin la snyoms par bzhugs nas/ de ma thag tu nyid kyi sku'i mdun dang rgyab dang g.yas g.yon gyi phyogs nas/ dzaHhUM baM hoH/ zhes bya ba'i yi ge 'od zer dang bcas pa phyung bas khro bo chen po rnam par rgyal ba dang / gshin rje'i gshed ces bya ba dang / rta mgrin dbang phyug ces bya ba dang / bdud rtsi thal sbyor zhes bya ba rnams sku mdog dkar po dang / mthing ga dang / dmar po dang / ljang gu dag/ phyag gis be con lcags kyu dang thod dbyug zhags pa dang / pad+ma lcags sgrog dang / rgya gram dril bu 'dzin pa dag byung ste/ phyogs bcu'i 'jig rten gyi khams thams cad du song nas/ sems can gyi khams thams cad kyi nyon mongs pa dang / phung po dang / lha dang / 'chi bdag bdud kyi tshogs thams cad bcom nas slar byung ba gzhal yas khang gi sgo bzhi/ shar gyi sgo dang / lho dang / nub dang / byang gis phyogs su pad+ma'i steng dang zla ba'i steng du 'khod par gyur to// de nas bcom ldan 'das kyi 'gro ba rnams zhi ba chen pos rab tu 'dul ba rdo rje zhes bya ba'i ting nge 'dzin la mnyam par bzhag nas/ de ma thag tu sku'i steng 'og gi gnas dang phyag dang /
- 116a
zhabs kyis mthil dag nas/ sprul pa'i dge sbyong chen po drug byung nas spro bar mdzad pa ni/ dkar po pi wang 'dzin pa dang / sngon po go cha 'dzin pa dang // ser po gsil byed 'dzin pa dang / mthing ga po ti 'dzin pa dang / dmar po rin po che'i sgrom 'dzin pa dang / nag po me dang chu'i rnam pa 'dzin pa dag/ phyogs bcu'i 'jig rten gyi khams thams cad du song nas/ rigs drug tu snang ba'i 'gro ba rnams rang rang gi sdug bsngal gyi dngos po thams cad sbyangs nas/ slar rang gi gnas su phyogs drug gi gdan la 'khod par gyur to// de nas yum kun tu bzang mos 'di skad ces gsungs so// mnyam nyid mi g.yo mkha' ltar dag pa'i thugs// bsam 'das gnyis med thig le chen po las// rol pa'i cho 'phrul 'gro la rab bstan pa// sgyu ma'i phyag rgya ci yang sa ler ston// mig dang rna ba sna dang de bzhin lce// yid chos gzugs sgra dri ro reg dang chos// dbang po tshogs brgyad dngos yul ma lus pa// ma spangs rang dag ye nas lhun rdzogs pa// rgyal tshab sras po byang chub sems dpa'i sku// bde gshegs gnyis mdzad mchod sprin lha mor bcas// yab yum thabs dang shes rab snyoms 'jug pas// dgyes mdzad chags pas ye shes gnyis su med// gshin rje bgegs dang dag pa'i pad+ma dang // shes rab chen pos
- 116b
mthar zug sar phyin pa/ khro chen rgyal po ye shes sgo bzhir gsal// 'gugs 'dren 'ching bsdoms rab tu 'gyes par mdzad// lha dang lha min mi dang dud 'gro dang // yi dwags dmyal tshogs 'jig rten ma lus pa// nges don dbyings su ye nas sangs rgyas kyang // thub mchog sbrul sku dge sbyong bla na med// ces gsungs so// de ltar dpal kun tu bzang pos/ zhi ba chen po'i rol pas gzugs dang sgra'i chos thams cad snod dang bcud ye nas rnam par dag pa/ phyogs bcu kun tu rgya yongs su ma chad pa'i dkyil 'khor rten dang brten par bcas pa/ dag pa'i rang bzhin du byin gyis brlabs pa thams cad rtsol med lhun gyis grub pa'i rang bzhin du sangs rgyas so// zhi ba 'dus pa rtsa ba'i rgyud las/ dkyil 'khor gyi 'khor lo yongs su bkod pa'i le'u ste gsum pa'o// // de nas bcom ldan 'das dpal kun tu bzang pos// de bzhin gshegs pa thams cad kyi ye shes la 'jug pa rdul dang bral ba zhes bya ba'i ting nge 'dzin la snyoms par bzhugs te/ snyoms par bzhugs ma thag tu/ yum kun tu bzang mos glu'i dbyangs kyis bcom ldan 'das la 'di skad ces gsol to// bcom ldan de bzhin gshegs kun gyi// ye shes gsal ba dri med pa// byang chub sems ni rin po che/ bla na med pa bshad du gsol// zhes gsol pa dang //
- 117a
bcom ldan 'das dpal kun tu bzang pos chos thams cad gnyis su med pa rdo rje zhes bya ba'i ting nge 'dzin la snyoms par bzhugs nas/ byang chub kyi sems 'di gsungs so// e ma sems ni lus kyi rtsa ba ste// lus kyang sems kyi snang ba'o// sems kyang tshig tu mtshon pa ste// tshig ni sems kyi ngo bo nyid// e ma kun tu bzang po nyid// sku gsung thugs kyi rdo rje can// zhes bka' stsal to// de nas bcom ldan 'das rdo rje mi bskyod pas byang chub kyi sems 'di gsungs so// e ma dngos po 'di dag ma skyes te// chos can med cing chos nyid med// nam mkha' bzhin du dmigs med pa'i// byang chub sems 'di bstan pa yin// zhes gsungs so// de nas bcom ldan 'das rnam par snang mdzad kyi byang chub kyi sems 'di gsungs so// e ma chos rnams skye ba med pa ste// yi ge med cing gnas med la// rtogs pa'i dra ba rab spangs pa// bskyed par bya ba'i don mchog yin// zhes gsungs so// de nas bcom ldan 'das rin chen 'byung ldan gyis byang chub kyi sems 'di gsungs so// e ma dngos po de dag dngos med de// chos kyi mtshan nyid spang ba yin// bdag med chos las legs byung ba'i// byang chub sems ni bstan pa yin// zhes gsungs so// de nas bcom ldan 'das tshe dpag med kyis byang chub kyi
- 117b
sems 'di gsungs so// e ma dngos po skye ba med pa las// dngos po med cing bsgom du med// nam mkha' go 'phang thob nas su// de ltar dngos rnams rab tu brjod// ces gsungs so// de nas bcom ldan 'das don yod grub pas byang chub kyi sems 'di gsungs so// e ma chos rnams rang bzhin 'od gsal ba// gdod nas dag cing rnyog pa med// sems can med cing srog kyang med// sangs rgyas med cing byang chub med// ces gsungs so// de nas sa'i snying po la sogs pa'i byang chub sems dpa' rnams kyis byang chub kyi sems 'di gsungs so// e ma khams dang rigs dang rnam par shes// dbang po yul gyi snang ba kun// ma bsgribs snang ba med pas na// mya ngan 'das pa'i sa la phyin// zhes gsungs so// de nas rigs drug 'dul ba'i sprul pa drug gi byang chub sems 'di gsungs so// e ma g.yo zhing rtsod dang 'gyur ba dang // 'dod dang rmongs pa sdug bsngal spyod// 'di dag rang gis ngo bos stong // brtag na myong ba ci yang med// ces gsungs so// de nas khro bo chen po bzhis byang chub kyi sems 'di gsungs so// e ma 'jig/ tshogs mthar 'dzin blta// log 'dren bdud kyi ming btags kyang // yul gsum mtshan ma ma dmigs pas// gcad bya gcod byed yongs ma grub// ces gsungs so// zhi ba 'dus pa rtsa ba'i rgyud las/ byang
- 118a
chub sems mnyam pa nyid du rdul dang bral ba zhes bya ba'i le'u ste bzhi pa'o// // de nas dpal kun tu bzang pos nyid kyi rnam par 'phrul pa rgya chen po rab tu bstan pas/ phyogs bcu na bzhugs pa'i byang chub sems dpa' thams cad kyi thugs rgyud bskul te rab tu g.yo bar 'gyur nas de bzhin gshegs pa kun tu bzang po gang na ba der gshegs nas/ dkyil 'khor chen po mthar bzhugs pas nam mkha'i khams til gyi gang bu sa bon gyis gang ba bzhin du gnas par gyur to// de ltar gyur ma thag tu bcom ldan 'das nyid kyi thugs gnyis su med pa'i ye shes kyi rnam par 'phrul pa las/ spobs pa dang 'dzin pa'i bdag nyid can gyi lag na rdo rje can zhig phyung zhing mdun du 'khod do// de nas bcom ldan 'das dpal kun tu bzang pos 'khor gyi dkyil 'khor gyi lag na rdo rje la gzigs te zhal 'dzum par mdzad do// 'dzum pa de mdzad ma thag tu lag na rdo rjes de nyid stan las langs te/ rdo rje gsor zhing bcom ldan 'das la bskor ba lan gsum mdzad nas/ 'di skad ces gsol to// bcom ldan 'das ji ltar de bzhin gshegs pa rnams rgyu ma 'chis par 'dzum pa mi mdzad na/ bcom ldan 'das kyi dgongs pa gang gi slad du gzigs pa dang 'dzum par mdzad// de skad ces gsol pa dang / bcom ldan 'das
- 118b
dpal kun tu bzang pos thugs rje chen pos rjes su gzigs pa rdo rje zhes bya ba'i ting nge 'dzin la snyoms par bzhugs ste// 'khor rnams la 'di skad ces bka' bstsal to// nyon cig 'dus pa'i 'khor tshogs kun// rdo rje snying po la sogs pa'i// the tshom kun nas bsal ba'i phyir// de ni nges par rabs bshad bya// nga ni che ba'i rgyal po ste// 'chad pa po'ang nga nyid yin// chos dang srid dang zhi ba kun// thams cad nga yi rang bzhin yin// de bzhin bcings dang grol ba dang // don dam kun rdzob snang dang mnyam// gzugs dang sgra dang mthong dang thos// mtha' dang mtha' min dbus kyang nga // ye shes thig le nga yin/ te// dkyil 'khor 'khor lo'ang nga nyid do// ji ltar nga yi dkyil 'khor ni// sbrul dang bsgom dang bri ba dang // rin chen rnams kyi brtsig la sogs// de nyid du ni 'jug pa dang // dam tshig tshul bzhin nod pa dang // ting 'dzin bsgrubs la brtson pa dang // bskyod pa'i brtul zhugs bla med pas// mchog dang thun mong phun tshogs kyi// dngos grub chen po sgrub pa dag/ tshe 'di nyid la rnyed pa yi// skye bo snod dang ldan pa'i rigs// phyi ma'i dus na 'byung 'gyur ba// de dag mthong nas rab dga' ste// rgod dang blta dang 'dzum pas bzung // nga ni snying rje'i rang bzhin pas// skal bar ldan la dngos grub ster// dad mos ldan la
- 119a
'bebs par byed// brtson par spyod dang lhan cig gnas// 'dus pa'i tshogs rnams ma lus pa// blo yi the tshom bsal gyis nyon// zhes bka' stsal to// de nas de bzhin gshegs pa de dag byang chub sems dpa' de dag thams cad dang / gzhan yang 'khor 'dus pa de dag thams cad chos kyi gsung bdud brtsi lta bu nyan par 'dod pa dang / byang chub sems dpa' lag na rdo rjes bcom ldan 'das la 'di skad ces gsol to// dpal chen kun bzang rdo rje 'chang // rigs kun bdag po rigs kyi gtso// nyid kyi dkyil 'khor che ba'i mchog/ rgyu 'bras dbyer med lhun rdzogs pa// sbrul dang bsam dang bri ba dang // rin chen rnams las brtsigs pa ru// gnasad kyi khyad par gang dag tu// 'jug pa'i gang zag 'di lta bus// ci 'dra ba yi tshul gyis 'jug/ rten pa bzhengs pa ji ltar mdzad// der ni ting 'dzin ci zhig gis// 'jug pa'i rim par ji ltar 'tshal// dam tshig sdom pa ci zhig sbyin// nus par ldan cing phan pa gang // de yi bsnyen bsgrub ci ltar bgyi// dmigs shing bskyed pa gang zhig lags// gsang sngags de yi bzla thabs gang // rdzogs dang rab rdzogs ji lta bu// de dang mthun pa'i spyod pa gang // de dag 'bras bu ji tsam zhig/ ma 'ongs skyes bu 'dul don du// kun tu bzang pos bka' stsol cig/ ces gsol pa
- 119b
dang / bcom ldan 'das kyis bka' stsal pa// nyon cig sems dpa' rdo rje 'dzin// sgrub pa po phan bya ba'i phyir// ji ltar khyed kyis spobs pa bzhin// rim pa'i tshul gyis bshad par bya// ma rtogs pa dang log par rtogs// phyogs rtogs yang dag nyid ma rtogs// 'dul bar dgongs dang gsang ba dang // rang bzhin gsang ba'i don nyid ni// sgras btags yin no ming tshogs la// brten pa'i tshig gis rab mtshon te// khong nas gab sbas don 'byin thabs// shes rab mig ldan rnams kyis bzung // snod ldan ngang tshul bzang la bsten// lus dang longs spyod gtong la sbyin/ zhes bka' stsal to// zhi ba 'dus pa rtsa ba'i rgyud las// don rjes su bzung ba rab tu sbyor ba'i le'u ste lnga pa'o// // de nas bcom ldan 'das dpal kun tu bzang pos ye shes snang ba rgyan gyi 'khor lo zhes bya ba'i ting nge 'dzin la snyoms par bzhugs nas// 'khor 'dus pa rnams la 'di skad bka' stsal to// e ma chos kyi don byung ba// ma 'ongs skye bo nyon mongs can// zag pa'i mdud pas dkris pa yis// sems can sdug bsngal bzod dka' bas// gdungs pa'i 'gro ba kun 'dul phyir// rdo rje can gyi dkyil 'khor mchog/ ma bcos dbyings su rdzogs pas na// rdo rje dbyings su rab tu brjod// 'di don bye brag bsam yas pas// rang bzhin snang dang byin gyis
- 120a
brlabs// yid las byung dang 'du byed dang // myur ba'i 'du byed las rnams te// gsang mchog lhun grub 'og min du// rang bzhin dkyil 'khor ngang gis gsal// nam mkha'i dbyings kyis dkyil 'khor du// byin gyis brlabs te sprul par bya// dur khrod chen po rab 'jigs shing // ma mo mkha' 'gro'i tshogs gnas shing // ri dwags gcan gzan rgyu ba dang // mi ro gsar rnying yod pa'i sar// rnal 'byor brtul zhugs 'dzin pa'i gnas// kang ka dur bya 'dab chags lding // rig 'dzin mkha' 'gro 'du ba'i gnas// de ni ting 'dzin dkyil 'khor bsgom// gtsug lag khang dang mchod rten nam// dben khang gsar rnying gang yang rung // yid du 'ong ba'i sa phyogs der// bris pa'i dkyil 'khor bstan par bya// nags tshal chen po'i phyogs dag gam// ri phug chu 'gram gling sogs gsar// me tog snam bu rab rgyas shing // bya skad sna tshogs sgra sgrog de// yid 'ong dga' ba'i gnas yin pas// rdul tshon lnga yis dkyil 'khor brtsegs// der ni slob ma bzang dge bar// dad ldan shes rab gsal ba dang // g.yo sgyu spangs shing gtong dang ldan// rang bzhin dang bzang brtul phod la// brtson 'grus ldan zhing brtul phod pa// rgyal sras tshul du bzhugs par bya// rang bzhin sprul pa ting 'dzin dang // ras bris
- 120b
rdul tshon de bzhin du// lhun grub rig 'dzin sa la gnas// rtog pa'i gdeng can dad sems ldan// rim pa bzhin du bzhug bya ste// de las gzhan du don mi 'gyur// 'dren byed bla ma'i mtshan nyid ni// ye shes lha yi rjes bzung dang // bskyed rim ting 'dzin dmigs pa gsal// las kyi cho ga rnams la mkhas// bsam pa che dang ldan pa yis// dkyil 'khor chen por slob ma rnams// rim pa ji bzhin gzhug par bya// yid 'ong gnas su phyin nas ni// rdul tshon dkyil 'khor bzhengs pa la// thog mar sa phyogs brtag par bya// snang dang snang bar ma gyur pa'i// mi dang mi min 'byung po'i tshogs// yul dang sa yi bdag rnams la// sa rin gzhal zhing bslang bar bya// oM na maHsarba ta thA ga te b+h+yo bi shra mu khe b+h+yaHsarba tad khaM ut+ka te s+pha ra Na i maM ga ga na khaM swA hA// oM AHhUM sarba ni ri ti swA hA// ma hA ba li ta khA hi khA hi// oM AHhUM sarba b+hA ta bu ga big+h+nAM ma hA ba li ta kha kha khA hi khA hi/ me tog la sogs kyis mchod cing // gtor ma rgya chen byin brlabs nas// brtan ma 'byung po bgegs kyi tshogs// ma lus pa ni mnyes par bya/ bden pas byin rlabs bkra shis brjod// de rjes sa rnams dag byas te// shing sogs rdo sogs bsal bya ste// tshad ldan stegs bu rab tu bstar// snying nyid snying pos byin gyis brlabs// ba yi lnga dang bdud rtsi lnga// rab
- 121a
tu sbyar bas chag chag gdab// rdo rje'i srad bu'i thig gdab ste// dang po nam mkhar dgongs thig gdab// de nas sa thig rim pa bzhin// dgu dgu'i bdag nyid bco brgyad du// cha yi rnam pa legs par bgo/ khyad par dkyil 'khor thig gdab pa// phyi dang nang du dbye bar bya// rgyas dang bsdus dang shin tu bsdus// rang gi rigs kyi thig gdab bo// de nas rin chen sna tshogs lnga// bsreg sbyangs bkrus pa'i snying po yis// dag par byas te so sor yang // rig gi sa bon bkod pa las// so so'i rigs su bskyed par bya// ye shes bkug ste gnyis med mchog/ bstod nas rab tu dgyes par bya// sngon po ser dmar ljang gu nyid// shar lho nub byang rigs yin te// dbus ni shel gyi snying po'o// dkar sngo ser dmar ljang gu nyid// brtsigs pa lnga la go rim bzhin// kun gyi phyir ni mthing ga'o// dra ba phyed dang pha gu dang // dar bu khang dang bar 'khyams rnams// legs pa nyid du bskor bar bya// ka ba brgyad dang 'khor lo bcas// pho brang 'khor lo de bzhin te// rta babs dang ni tA ra na// chos kyi 'khor lo gdugs dang bcas// phyi rol rdo rje me 'od 'bar// 'jig rten pa yi 'khor yug ni// kun nas rab tu bskor ba bri// sku gsung thugs kyi mtshan ma dgod// lnga ldi za ra tshags kyis brgyan// mtshon cha phur pa rnams kyang
- 121b
dgod// phyogs mtshams kun tu ngas bshad pa'i// rgyan mdzes rig pa rnams kyis brgyan// bla ma'i man ngag thob pa yis// blo dang ldan par nye bar bstan// zhes bka' stsal to// zhi ba 'dus pa rtsa ba'i rgyud las/ gzugs brnyan gyi dkyil 'khor rab tu bshad pa'i le'u ste drug pa'o// // de nas bcom ldan 'das kyis 'gro ba thugs rje'i 'od zer gyis yongs su 'dzin pa'i ting nge 'dzin la snyoms par bzhugs nas/ 'di skad ces bka' stsal to// nyon cig 'dus pa'i 'khor tshogs rnams// rdo rje dbyings kyi dkyil 'khor du// rnam par dag pa'i rim pa yis// slob ma bzhag pa'i cho ga bshad// 'jug pa yi/ ni sngon rol du// rdzas dang bdag po slob ma rnams// tshul bzhin du ni sta gon bya// maN+Dal byi dor byas pa la// dris byug mdzes pa'i mtshan ma dgod// stong dang snying rje rgyu smos nas// phyi yi 'byung ba rim bzhin bskyed// gzhal yas khang pa rdzogs par bsgom// gdan steng dkyil 'khor bdag po bskyed// dbyings nas spyan drangs dbyer med bstim// mchod pa'i tshogs kyis mnyes par bya// bsnyen cing bstod dang gsol ba gdab// dkyil 'khor ba dang dkyil 'khor bdag/ gzhan yang phyogs bcur bzhugs pa yis// sangs rgyas byang chub sems dpa' rnams// bdag la dgongs par mdzad du gsol// khyed rnams la
- 122a
ni mchod pa dang // slob ma kun las phan gdags phyir// bdag ming 'di zhes bya ba yis// sang ni dkyil 'khor bri lags kyis// gnas 'dir sangs rgyas kun bshegs te// byin gyis rlob cing dbang bskur mdzod// de nas rin chen las byung ba'i// bum pa mdzes pa dag byas nas// rin chen sman 'bru snying po dri// shis pa'i rdzas bris chu yis dgang // lha yi grangs dang mnyam par dgod// so so'i yum dang lha bskyed de// gnyis med spyan drangs 'dzab bsnyen 'bul// de dag 'od zhu bdud brtsir bsgyur// rgya chen bum pa dgang bar bya// dkyil 'khor chen por 'jug 'dod pa'i// slob ma'i tshogs rnams mdun du bzhugs// pus btsugs thal mo sbyar ba yis// bla ma che la gsol ba gdab// dpa' bo thugs rje ches gzigs nas// dang po skyabs mgon sbyin bya zhing // de nas sems skyed sdom pa dpog/ de nas theg mchog gsang sngags su// gzhug phyir sems rgyud sbyang bar bya// dang por phyag bya mchod pa dbul// bshags shing rjes su yi rang zhing // 'bras bu'i theg pa'i skyabs gsum blang // de nyid las ni sems bskyed bya// dge ba 'bras bu'i theg par bsngo// rdo rje yol ba'i nang du drang // dag byed shing la 'bru gsum gyis// byin gyis brlabs te dor byas nas// mthong ltas phyogs kyi phrin las brtag/ nyes par gyur na cho ga
- 122b
bsgyur// de nas srung skud rang gi tshad// lha mos sngags kyis byin rlabs te// pho mo g.yas g.yon dpung par bcing // de yis bar chad bgegs rnams 'joms// dag byed rtswa yi chun po ni// bdud rtsi dri yi/ sngags bzlas pa// mthong phyir sngas dang gdan du sbyin// gnod pa zlog phyir skyor chu blud// sgra bsgrag rgyal mtshan ba dan 'phyar// gangs ri la sogs bstod nas phyin// rten bzang mthong zhing sems ma zhum// sgro dga' dang bcas bzang zhing dge/ gzhan yang lus bkrus rgyun dbab dang // gru gzings la sogs lam bzang 'gro// bzhon pa bzang dang bar snang 'gro// 'od chen mthong dang rin chen rnyed// lung ston che ba brjod pa ni// dge ba'i rtags su ngas lung bstan// de las bzlog pa'i rtags rnams kun// ngan par bshad de gang mthong yang // tshogs bsags dag pa'i don la'ang // bsgyur zhing lta ba'i cho ga/ bya// de ltar rab tu brtags nas ni// bla ma dpal chen nyid la bshad// de steng dgo'o zhes smra na// rmi lam la brten dngos grub blang // mi dge'i sgra la sbyin bsreg bya// gsang sngags cho ga rnams kyis bzlog/ 'di ni sta gon cho ga ste// kun tu bzang po nga yis bshad// de ltar slob ma rgyud sbyangs nas// dkyil 'khor chen por gzhugs pa'i phyir// bsod nams tshogs ni sngon 'gro bas// ting 'dzin rim pa
- 123a
rdzogs byas la// rdul mtshon dkyil 'khor dmigs pas bskyed// ye shes sems dpa' spyan drangs shing // gnyis med bstim zhing mchod pas mchod// bstod de so so'i sngags bzlas nas// slob ma'i mig la brda byas te// mchod bstod gsol bas rgyud sbyangs nas// sems bskyed rigs kyi sdom pa bzung // dam tshig bsgrags shing bro bor la// ye shes sems dpa' snying la dbab// oM AHhUM a we sha ya a a/ dkyil 'khor chen po'i sgo bzhi nas// phyag rgya dang ni mchod bstod bya// de nas me tog phreng ba dag/ dkyil 'khor gyis ni dbus dag tu// gtso bo'i spyi bor rab tu gtor// de nyid blangs te mgo la bcings// gdong g.yog brda phyed dkyil 'khor bstan// zhes bka' stsal to// zhi ba 'dus pa rtsa ba'i rgyud las/ rdo rje'i dbyings kyi dkyil 'khor chen por slob ma 'jug pa'i cho ga bshad pa'i le'u ste bdun pa'o// // bcom ldan 'das rdo rje dam tshig chen po'i sdom pa rab tu 'byung ba zhes bya ba'i ting nge 'dzin la snyoms par bzhugs nas/ 'di skad ces bka' stsal to// nyon cig 'dus pa'i 'khor tshogs rnams// dkyil 'khor 'dir ni gang bzhugs pas// srung zhing sdom par bya ba dag/ spyi dang khyad par lhag pa yi// rnam par dbye bas bzung bya ste// so sor thar dang byang chub sems// bya spyod rnal
- 123b
'byor rgyud rnams las// bsrung bar bya ba gang gsungs pa// thun mongs spyi yi dam tshig yin/ khyad par bye brag bsrung bya ba// rtsa bar gyur pa bzhi dag dang // yan lag nyi shu rtsa lnga ste// ji ltar smon dang 'jug pa yi// byang chub sems gsum bsgom pa yis// rdo rje thugs kyi dam tshig go// rang nyid yi dam lha tshogs kyi// sngags dang phyag rgya rab 'dzin pa// dus kun tu ni rgyun mi gcod// rdo rje gsung gi dam tshig yin// rgyud bkrol dbang bskur de nyid bstan// bla ma nyid dang lhan cig 'grogs// lus ngag yid kyi bskur ba ni// rdo rje sku yi dam tshig go// gzhan yang sku gsung thugs rnams kyi// bye brag phye ba gsang ba'i snod// blta zab spyod pa bslab pa dang // ming gzungs rtogs pa grub pa'i rtags// dus rnams kun tu gsang bar bya// bsgrub gnas rdzas dus grogs rnams ni/ khyad par de nyid dus su gsang // gzhan yang slob dpon mched dang lcam// gsang ba sgrags dang gnas skabs dang // de ltar 'os pa shin tu gsang // gsang bar bya ba 'di rnams kyang // sku gsung thugs kyi dam tshig go/ sbyor sgrol ma byin len pa dang // rdzun dang ngag brlang brjod pa rnams// thabs mchog nges pas zin pa yis// gnas skabs gsal bar shes par bya// 'dod chags zhe sdang gti mug dang // nga rgyal phrag dog nyon mongs lnga// rang bzhin
- 124a
shes pas mi spangs te// rang rig ye shes nyid yin no// dri chen dri chu sha chen po// pad+ma byang chub sems kyi chu// bdud brtsi dam tshig rdzas chen lnga// rdo rje 'dzin pas dag par blangs// sangs rgyas rdo rje sems dpa' dang // rin chen 'byung ldan 'od dpag med// don yod pa dang rnam snang rdzas// ye shes lha yi rang bzhin te// sku gsung thugs dang yon tan dang // phrin las lnga ru rab tu bsgrub// sa dang chu dang me dang rlung // nam mkha'i khams gzugs tshor ba dang // 'du shes 'du byed tshor ba dang // mig sogs 'dzin dang de yul lnga// rgyal ba yab yum byang chub sems// mchod pa'i lha yi tshogs su bsgrub// gzhung don lhag pa'i dam tshig ni// rab tu lhag par bsrung bar bya// gcan gzan rgyal po'i khri mi bshig/ za ma tog tu dug mi blug/ rin chen lcags phran mi bsreg cing // zhun khol lta bu mi btung ste// pad+ma'i ze'u 'bru kha mi gsed// bug rdol snod du bcud mi blug/ don dang mi ldan rdzas mi ster// shel sgong 'dam du bsnur mi bya// ma dag snod du dag pa min// yid bzhin nor bu mi bsreg ste// khyung chen gshog pa'i ya mi da bral// gnam lcags ur mo'i mtshon mi gdab// gcan gzan dgod pa'i lhag mi spyad// rdo rje'i brag chen mi zhig cing // ra ba dra ba'i mtshams mi dral// sgron ma rlung gis bsad
- 124b
pa min// ye shes chu rgyun gcad pa spangs// bka' rtags phyag rgya mi 'phyi zhing // rdo rje pha lam mkhar mi bzlog/ gtsug gi nor bu sma mi dbab// 'di dag bsrung bar bya ba ste// lhag par gces pa'i tshig yin/ no// 'di dag legs par bsdam 'gyur na// skye ba 'dir yang nad med cing // tshe dang longs spyod 'phel ba dang // gsang sngags nus pa myur 'grub cing // dgongs pa zab mo rtogs pa dang // gsang ba chen po'i snod du 'gyur// 'jig rten 'jig rten 'das pa yi// dngos grub ma lus 'grub pa ste// bdud las rgyal zhing mngon 'tshang rgya// de bas rab tu 'bad pas bsrung // 'di ni gces par gzung bar bya// gal te dam tshig las 'das na// 'jig rten 'dir yang tshe thung zhing // nad dang sdug bsngal mang ba dang // 'khor dang longs spyod dang 'bral zhing / yid la 'dod pa mi 'grub ste// brtsam pa phyin ci log tu 'gyur// gal te tshe yi dus byas nas// mnar med la sogs 'jigs rung ba'i// dmyal ba bshad par de 'gyur zhing // bskal pa bsam yas sdug bsngal myong // de bas rnal 'byor chen po rnams// 'di la mi myong mi bsam ste// nyams par nges pa'i rtags med na// rdo rje dmyal ba zhes bya ba// ngan 'gro ma lus ches lhag pa'i// sdug bsngal tshad bshad mi lang zhing // thar zhes bya ba srid ma yin// de phyir dad brtson/
- 125a
skyes bu yis// bzlog pa'i gnyen po myur du bsten// de yis yon tan kun ldan nas// rdo rje 'chang ba nyid du 'gyur// zhes bka' stsal to// zhi ba 'dus pa rtsa ba'i rgyud las/ dam tshig dang sdom pa rab tu 'byung ba'i le'u ste brgyad pa'o// // de nas bcom ldan 'das kyis 'gro ba thams cad rnam par rgyal ba yongs su smin par byed pa zhes bya ba'i ting nge 'dzin la snyoms par bzhugs nas/ 'di skad ces bka' stsal to// nyon cig gzhan yang rab bshad pa// phyag rgya che ldan rnal 'byor pas// bskyed dang rdzogs dang chen po yi// lam la 'jug par 'dod pa la// rim pa dbang bskur sbyin par gsungs// rang gi de nyid dbab byas shing // bsrung bya khas len nus pa la// phyi nang gsang ba rgyal thabs kyi// dbang bskur dam pa bstsal bya ba// phrin las 'dod pa'i phyogs de ru/ khri stan bzang po bshams pa la// rdo rje slob dpon de bzhugs te// dbang stegs bzang la slob ma'o// dang po phyi yi bum pa yi// rdzas kyi dbang bskur bya ba ni// kha rgyan mgul mching bzung zag dang // spos sman 'bru dang rin po chetshe// snying po rnams kyi rdzas kyi dbang // bkra shis rdzas dang yo byad bdun// dbu rgyan snying po phyag rgya dang // sku gsung thugs ni rgyan gyi dbang // rdo rje dril bu me tog dang // phreng ba go cha yo byad do// gdan khri
- 125b
gdugs dang rgyal mtshan dang // nyan cing 'bri dang bshad pa dang // sgrub pa bdag po'i dbang yin te// bsgrub bya chu yi rnam pa gnyis// ngo bo lhar bsgom gsal ba ste// gtso chen rigs lnga yum dang bcas// sems pa brgyad dang sems ma brgyad// sprul pa drug dang khro bo rnams// nang du dag pa'i gnas sbyar nas// phung po'i dkyil 'khor rdzogs pa'i dbang // lha rgyud brda thabs byin rlabs kyis// 'di las mi 'da' ngo spyod pa// lam dang cho ga'i khyad par ro// 'dod pa'i yon tan longs spyod dang // mthong thos tshor myong reg pa dag/ de yi rang bzhin longs spyod shes// rang gi gnas su grol ba dang // rigs kyi ngo bo dam tshig rdzas// sha lnga dri gsum khu ba gnyis// rang grol spang blang med pa dang // byang chub sems dpa'i sdom pa che// spyod pa nus pa dbang yin no// dbang po lnga yi mngon shes dang // mtshan rtags ye shes lnga yi dngos// dngos su grub pa nang gi dbang // 'di dag dbang po yul dang bcas// dmigs pa rdzas kyi gzugs brnyan bstan// che ba'i yon tan bstod tshig sgra// rna bar brjod pa thos pa'o// ming tshig rtog pa sna dang lce// yid kyis smon cing bsam pa la// gnang zhing nges pa thob pa yis// dngos por 'dzin pa'i dri ma gsal// phan nus byed pa dbang zhes bya// nang du bstan pa nyid yin no// thabs dang shes
- 126a
rab dbang gi dngos// don dam kun rdzob 'khor ba dang // mya ngan 'das sogs ltos pa'i chos// so sor 'dzin pa de bsal la// gnyis med ye shes rtogs bya'i phyir// rdo rje lus kyi nus pa'i chos// tshe gcig sbyor ba ston pa de// blo chung shes rab dman pa dang // skal med don la gsang bas na// phyir brjod bud med sgyu ma'i lus// sum cu rtsa gnyis yon tan ldan// khyad par rlung gis bskyod pa'i gnas// gsum dang gsum nyid steng dang 'og/ rtsa bar gyur pa yan lag rnams// stong phrag bdun cu rtsa gnyis kyang // lha dang byed pa por gnas pa'i// bskyed dang rdzogs pa rab sbyor ba// rim gyis 'dzin pa'i sngon 'gro dang // dngos su grub dang snyoms 'jug gis// bde zhing gsal bas mi rtog pa// rnam par shes tshogs rang bzhin gyis// 'od gsal ngang du gnas pa de// mthong zhes brjod med yul dang bral// rang las gzhan du ma yin pa// ltos 'gro'i gtsug nas nor bu de// blangs te mchod cing longs spyod na// phun sum tshogs pa 'grub par 'gyur// de ltar bstan pas byang chub che// bla na med pa rdzogs pa'i dbang // rang rig thabs kyi rgyal po yin// shes rab skad cig sbyor ba yis// kun la khyad par bkur bya ste// e ma rang byung bcom ldan 'das// kun tu bzang po chos kyi dbyings// ma skyes rgyu las ma
- 126b
'gags rkyen// byang chub snying po bde ba che// rang gis rig cing rang gis mthong // rtogs shing thob pa 'di kho na// gzhan na yod cing tshol ba med// ma bsgrubs de nyid sar rdzogs pa'o// de ni 'bras bu rdzogs pa'i dbang // 'di ru ma rdzogs gang yang med// the tshom som nyis 'grub pa min// skad cig ma yi yul yin no// ma 'ongs dus kyi skyes bu dag/ ma 'khrul myur du rdzogs pa'i lam// 'di la sbyor ba gang yin/ pa// tshe 'dir bzang po mchog 'grub byed// ces gsungs so// zhi ba 'dus pa rtsa ba'i rgyud las/ lam yongs su nye bar smin pa'i le'u ste dgu pa'o// // de nas bcom ldan 'das kyis lha'i phyag rgya chen po mngon par rol pa yid kyi 'dzin phur dbyung ba zhes bya ba'i ting nge 'dzin la snyoms pa zhugs nas/ 'di skad ces bka' stsal to// nyon cig 'dus pa'i tshogs rnams kun// 'jig rten rtog blos bskyil ba yi// ma rig mun pa bsal ba yis// tha mal lus ngag yid gsum po// rgyal ba'i sku gsung thugs nyid du// rab tu mngon par rtogs bya'i phyir// grol byed rim pa rab tu bshad// nga yis sngon byung sprul pa yi// rim pa chen po de bzung nas// dben pa'i gnas su mkhas pa yis// phyag rgya yo byad bsam sbyor bas// dul bar spyod pa'i zhi gnas dang // rang rig rnal 'byor rab spangs te// byed pa'i rgyu ni mthing nag
- 127a
hUM// 'phro 'du rten gzhi dag pa yis// mchod bshags yi rang gsol btab pas// dag pa'i snod du bya ba dgrol// bsrung bya stong nyid snying po las// 'bar ba'i sa gzhi rab tu dbyung // nga rgyal chen po rab bskyed de// bar du gcod pa ngang gis gdul// e ma sangs rgyas chos kun gsang // ma byung ma skyes rnam dag dbyings// chos bdag med pa'i stong pa las// ma 'gags pa yi thugs rje che// dmigs pa gnyis med gnyis kyi bsgom// de yi brdal ba byung ba ni// skye med sa bon spyi gtsug tu// gsal 'tsher ldan pa'i 'od zer gyis// gnas gsum nges par sbyangs byas nas// phung po gsal ba nyid du gyur// 'phro 'du las kyi sbyor ba yis// las kun mdzad pa'i cho 'phrul gyis// rtog pa'i rlung dang chu rnams kun// mi shigs pa dang bdud rtsi'i rgya// brtan byed yid bzhin 'byung ba ni// sgrol ma mA ma ki/ dang spyan// rang gi mkha' dbyings rnam par dag/ de bzhin drod dang gos dkar mo// kun bzang dbyings su khyab byed bsgom// e kro d+hi shwa ri ma d+ha la hUM/ e yaM karma e d+ha tA rA yaM/ baM ma ma kI baM/ laM bud+d+ha tsak+Shu maM/ raM sa na dza na si ta ta raM/ rin chen lnga yi ri rab ni// b+h+yAM gyi spro bsdu las byung ba'o// b+h+yAM b+hi sha b+hi shud+d+he hUM/ gzhal yas khang pa gru bzhi pa// dbus nas 'khor lo rtsibs bzhi la// mu khyud gru chad khyams dang
- 127b
bcas// sgo bzhi rta babs rgyan gyis mdzes// oM sarba tsakra badz+ra hUM/ de dag tshig 'dis bskul bar bya// hUM mkha' mnyam klong chen thig le'i ngang // byar med lhun rdzogs nyid kyi dbyings// brjod med spros bral yum gyi mkha'// sgra bsam yul las 'das pa'o// oM ma hA su kha hUM hUM/ mu med brdal ba'i dbyings nyid las// snang med rig pa'i ngang gis gsal// tshon gang 'od las thig ler bskyil// nam mkha' las ni nam mkha' bsgom// tsit+ta s+pha ra Na phaT/ saM ha ra Na hUM/ ske shi med pa'i sems nyid 'di// chos rnams kun gyi rtsa ba yin// sems nyid yi ge'i rang bzhin la// yi ge mchog tu bsgom par bya// a k+Sha ra tsit+ta s+pha ra Na phaT/ saM ha ra Na hUM/ hUM rgyu yi ting 'dzin shes rab las// hUM de nyid byang chub sems su gyur// 'byung ba yum lnga'i dkyil 'khor dag/ byang chub sems las rim bzhin byung // e las nam mkha' mtha' dbus med// yaM las rlung gi dkyil 'khor te// baM las chu yi rba klong dkyil// suM las gser gyi sa gzhir chags// laM las rin chen ri rab ste// raM las me 'od rab tu 'bar// e a b+h+yAM// b+h+rUM las rin chen gzhal yas khang // nam mkha'i dbyings dang rab mnyam pa// tshul bzhin byin gyis rlabs pa yis// gzhal yas gsal bar gyur par bsgom// saM siM ha/ ha ha sti ka aM a ra ga/ maM ma ra daM nyi// g+haM g+ha ru tsa/ ye shes
- 128a
'bar ba'i gzhal yas su// seng ge glang chen rta bya khyung // ma ma sUr+ya/ a a tsan+d+ra/ paM pad+ma/ raM rat+na/ nyi zla pad+ma rin po che/ gtso dang 'khor la rim bzhin gsal// badz+ra tsit+ta mo ha ra te dza/ hrIHs+pha ra Na phaT/ saM ha ra Na hUM/ khams gsum ye shes sgron ma las// rin chen mdzod ni thig les brgyan// rgyal ba'i sku mchog don dam bde// snying po nyi ma yid bzhin sku// a we sha ya a a/ pra be sha ya ho ho/ rdo rje pad+ma gdan byas nas// mkha' dbyings nyi ma'i 'od ltar shar// byang chub sems mchog mdzes par gsal// yig 'bru mtshan ma rim par bsgom// hUM badz+ra d+h+r-ika mAM d+hA ti shwa ri/ b+h+rUM b+hi sha b+hi shud+d+he/ hUM tiSh+Tha badz+ra/ pad+ma ma d+ha la AM/ sAr+ya ma d+ha la au/ sa ma ya hoH/ sa ma ya stAM/ ra ho haM rA ga yA mi/ dzaHhUM baM hoH/ hrIHphaT/ oM lAM/ sA mAM/ AM bAM/ ha taM/ k+Shi hAM/ tAM tAM/ hri hri/ dzi eH/ mai dzaH/ b+hI hAM/ hU~M baM/ mAM hoH/ kri truM sr-i praM k+ShaM ye/ hUM # hrIHgirti/ dz+hi ku ru pA Na/ aM nirti rA ga yA mi/ mi tri d+ha ra Ni/ dza d+hA pe/ b+hI nisma raM b+ha ya/ hUM puSh+pe/ hUM swa rA dzA ya/ baM dI pa/ mAM shrI AM rA ga ya/ ho gan+d+he/ mu ne kr-i/ mu ne hUM draM/ mu ne suM/ mu ne praM/ mu ne k+ShaM/ mu ne ye/ au
- 128b
ya mAn+ta kr-ita/ pra dz+nyAn+ta kr-ita/ pad+mAn+ta kr-ita/ big+h+nAn+ta kr-ita hUM phaT/ badz+ra aM ku sha dzaH/ pA sha hUM/ s+pho Ta baM/ g+haN+De hoH/ hrI s+pha ra na phaT/ saM ha ra na hAM/ phyag rgya'i dkyil 'khor rdzogs pa dang // dbang bskur byin rlabs tshul bzhin bya// phung po khams dang skye mched kun// ye nas rgyal ba'i dkyil 'khor snang // badz+ra sa ma ya dzaHhUM/ dmigs med mkha' ltar dag pa'i sku// ye shes dbyings nas gshegs su gsol// rang snang dbyer med dkyil 'khor lha// bdag la dgyes nas thim par bzhugs// dbyings kun rnam par dag pa las// sprul pa'i sku la phyag 'tshal lo// phyag rgya rgyal ba'i tshul bzhugs te// mnyam pa'i ngang du rtogs gyur na// thams cad byang chub mchog gi rgya// phyag rgya'i sku las 'da' ba med// phyogs bcu'i rgyal ba ma lus la// gar dbyangs mchog dang dam tshig rdzas// nam mkha' mdzod kyi ting nge 'dzin// rdzas mchog mi las 'das pa'i lha// rgyal po chen po longs spyod mchog/ phyag rgya bzhi dang nyon mongs lnga// gnyis su med dang 'chi ba med// 'dod pa'i yon tan bdag gis med// bsam sbyor dmigs pa las byung ba'i// longs spyod 'byor tshogs ji snyed kun// ma lus mnyes par bya phyir dbul// snyan pa'i tshig dang mthun pa'i don// che ba'i yon tan mtshon pa'i rtags// snyan pa'i sgra dbyangs rnams kyis bstod// nges
- 129a
par gsal bar gyur pa dang // gsungs dbyangs ngag gi 'phro 'du bya// de las gzhan pa bya 'dod na// gzugs brnyan dang ni dbyings kyi bdag/ gtsang ma'i gzugs brnyan gnyis pa ltar// gnas su gshegs sam rim gyis bsdu// gal te bcu dang gnyis dang gcig/ bsdus dang shin tu bsdus pa las// bskyed pa'i rim pa de bzhin bya// zhes gsungs so// zhi ba 'dus pa rtsa ba'i rgyud las// bskyed pa'i rim pa rab tu bsdus pa'i le'u ste bcu pa'o// // de nas bcom ldan 'das gsung gi 'khor lo ma 'gags pa rnam par rol pa'i ting nge 'dzin la snyoms par bzhugs nas/ 'di skad ces bka' stsal to// sems can don kun sgrub byed pa// sngags kyi rgyal po gsang ba che// rang bzhin gdod nas lhun grub pas// dag pa'i gsang sngags rab tu bshad// hUM badz+ra tsit+ta hUM hUM/ a badz+ra sa man+ta b+ha drA a a// oM badz+ra bebai ro tsa na dzi na dzi ka/ mo badz+ra d+h+r-ika badz+ra satwA hA/ oM rat+na d+h+r-ika rat+na sam+b+ha ba tAM/ oM ya ro le ka a mi ta b+hA hrI/ oM pradz+nyA d+h+r-i ka a mo g+ha sid+d+hi a/ oM mA~M d+hA ti shwa ri trAM/ oM la~M dwe Sha ra ti hAM/ ma mo ha ra ti hUM/ oM bAM rA ga ra ti hUM/ oM taM badz+ra ra ti hUM/ rtsa ba'i rigs kyi snying po'o// oM k+Shi hi rA dza hr-i da ya swA hA/ oM traM a gar+b+ha ya swA hA/ oM hrIHtsak+Shu pad+ma pA da ma swA hA/ oM dzi ku ru pA Na hrIHswA hA/ oM mai tri d+ha ra Ni sA
- 129b
hA/ oM b+h+r-i nisma raM b+ha ya swA hA/ oM b+ha dra b+ha dra sa man+ta swA hA/ oM many+dzu shri ai rA ga ya swA hA/ hwA lA s+ye sa ma ya stAM/ tAM ma le sa ma ya so/ hrI gi ti rA go&H/ a nirti rA ga ya mi/ dza d+ha pe pra be sha phaT/ haM puSh+pe A be sha ya a a/ baM dI mra ge ni yang pa a lo ke ba su ki ni swA hA/ ho gan+d+he tsit+ta hoH/ oM mu ne kr-i swA hA/ oM mu ne tAM swA hA/ oM mu ne suM swA hA/ oM mu ne praM swA hA/ oM mu ne k+ShaM swA hA/ oM mu ne ye swA hA/ oM bi dza ya hUM phaT/ oM ya mAn+ta kr-ita hUM phaT/ oM pad+mAn+ta kr-ita hUM phaT/ oM big+h+nAM ta kr-ita hUM phaT/ oM badz+ra ma hA kro d+hi shwa ri dzaH/ oM rat+na kro d+h+waM shwa rI hUM/ oM pad+ma kro d+hi shwa rI baM/ oM karma kro d+hi shwa ri hoH/ e h+ye hi b+ha ga wan ma hA ka ru Ni ka ma hA brad+d+ha pany+tsa bo d+hi sa tA ma hA kro d+ha mu ne sa ma ya stAM/ A gats+tsha ya dzaHhUM baM hoH/ pad+ma maN+Da la hUM/ a ti pu hoH/ pra tits+tsha hoH/ oM AHhUM su ra ta pi pa ka ma la ha ra Na pra tits+tsha ba li ta pU dza hUM kha kha hUM/ sa ma ya shud+d+haHsid+d+hi sid+d+hi hUM/ rdo rje dam tshig chen po yi// gsang sngags las kyi de bzhin nyid// ma lus las kyi dngos grub ste// yang dag rdzogs pa'i gsang tshig go/ bdag nyid dam tshig rab gsal ba'i// snying po tshon gang de yi dbus// gsal ba'i dkyil 'khor phra mo'i 'od// rdo rje'i yi ge shin tu 'phra// oM b+ho d+hi tsit+ta ma hA su kha dz+nyA na d+ha tu aH/ zhes pas bskor bar bsam la bzlas// de nyid ye shes 'od zer ni// nyi ma'i dkyil 'khor gsal ba
- 130a
bzhin// phyogs bcu nam mkha'i mtha' khyab spros// yul gsum sgrib pa ma lus byang // thams cad ye shes spyod yul te// rig pa 'dzin pa rnams kyi don// nyan thos zhi 'gog sa las bgrol// myur 'gro thabs kyi don la btsud// byang chub sems dpa' chen po rnams// shes bya bag la nyal ba yi// sgrib pa ma lus rdo rje yi// sa bcu ting nge 'dzin gyis sbyangs// 'phags pa'i thugs dam dbyings nas bskul// bde gshegs mkha' 'gro tshogs bcas kyis// rigs kyi gtso bdag nyid du dgongs// 'od zer bcas pa slar 'dus pas// gnas dbus sa bon mchog la thim// brten pa de nyid la khyab pas// gnas gsum de nyid dag par bsgom// phyi rol bzlas pa'i sbyor ba'o// yab yum gsal ba'i skur bsgoms te// mkha' gsang byin rlabs sbyor ba'i tshul// bzlas pas shes rab sems dbus nas// de nyid thabs kyi gnas de ru// mthing nag yi ge 'bru tshad spros// dngos po sbyangs te badz+ra'i gzugs// rtse lnga'i dbus su gsal ba'i dkyil// oM zhes bya ba dkar po bsgom// thabs kyi dbus nas shes rab gsang // mkha' la til 'bru tsam du spros// sngar bzhin mdzad pa'i 'od gsal las// chu skyes ngos bzhi'i dbus dag tu// skye med byi ru'i mdog 'dra bsgom// dgug bzhug bcing dang dgyes pas
- 130b
bskor// rdo rje can gyi pho brang nas// de yi lam nas shu kra byung // shes rab klong du rab 'phros pas// sems ma'i sbubs nas thabs dkyil thim// 'od zhu dag gi lam du bzhugs// rtsa chen gnyis nas de la thim// dgyes pa'i dus gcig brten par bsgom// pad+ma'i khu ba dmar la dngas// rgyu ba stobs bcas bsgrub gnas zhugs// nyi shu brgyad kyi lam la brgyud// sku yi gsang ba'i lung nas phyung // mkha' nas 'od dmar 'bab pa las// rdo rje'i sbubs nas rlung dang bcas// steng du drangs pas bdag po gyur// nA swa g.yas nas g.yon tu thim// shes rab dbyings ma rab tu gyur// sgra dang bcas pa'i hUM gis drangs// chos ma byang chub sems ldan pas// rlung nas rgyud pa de la gsal// dkar dmar 'od 'dres bde ba che// rnam par rtog med lhun gyis grub// 'di ni nang la dmigs pa'o// skad cig ting 'dzin gsal bsgom pa'i// lus ngag yid kyi 'jug pa dang // sku gsung thugs su shes pa yi// gnyis med gsang ba shes par spyod// rang gi ngang gis grub pa ni// gsang ba rab tu sbyor ba'o// 'di ni sangs rgyas thams cad kyi// gsung gi sgra dbyangs rdzogs pa ste// gsang sngags dgongs pa'i gting phyung nas// rnal 'byor ngag gi che ba'o// zhes bka' stsal to// zhi ba 'dus pa rtsa ba'i rgyud las/ gsang sngags kyi de kho na nyid kyi rab
- 131a
tu sbyor ba bstan pa'i le'u ste bcu gcig pa'o// // de nas bcom ldan 'das dpal kun tu bzang po sems rnam par dag pa'i rang bzhin gyi 'od gsal ba'i ting nge 'dzin la snyoms par bzhugs nas/ 'di skad ces bka' stsal to// kye ma 'dus pa'i tshogs rnams kun// gsang sngags rol pa'i dkyil 'khor 'dir// phrin las mdzad pa sna tshogs pa'i// las kyi bye brag gsungs pa yang // 'jig rten 'das pa'i dngos grub ste// mya ngan 'das pa rtogs mi 'gyur// de bas de nyid rtogs bya'i phyir// sangs rgyas kun gyi gsang chen lam// rdzogs dang rdzogs pa chen por bshad// 'khor 'das dus gsum phyogs bcu yi// rdzas dang dngos po rnam pa dag/ rnam shes 'byung ba phung po dang // yul dang skye mched bsam pa ste// 'di dag rdzogs pa'i rang bzhin pas// phung po lnga ni yab lngar rdzogs// 'byung ba lnga nyid yum lngar rdzogs// rnam shes tshogs brgyad sems dpa' brgyad// yul brgyad sems ma brgyad du rdzogs// mu bzhi'i sgo bzhir gnas pa ste// rtsa ba'i nyon mongs thub pa drug/ yid kyi byed pa kun tu bzang // chos su bya ba kun bzang mo// ye nas mnyam du gnas pa la// phyi nas brtsal zhing bsgrub tu med// sngar bzhin dbyings su gshegs pas na// de bzhin gshegs pa zhes bya ba// ngo bo nyid kyi bde bas
- 131b
na// bde bar gshegs te rdzogs sangs rgyas// ma spangs pa nyid spangs pa ste// ma thob pas na thob pa'i mchog/ gtong ba dang ni mthu dang blos// theg pa gcig gi mthar thug par// go cha sbyor ba mchog ldan pas// sems dpa' chen po'i rang bzhin no// de yang snang ba nges med pas// sgyu ma lta bu'i lus zhes bya// rang bzhin lam dang 'bras bu dang // sems nyid chos nyid de nyid kyi// ngo bo rtogs pa'i dri ma dang // las kyi rnyog ma bral ba dag/ 'od gsal snang bar gyur pa'o// dbyings dang ye shes thabs shes rab// snang stong srid dang zhi ba dang // de la gnas dang lhag par mthong // mnyam par bzhag cing rjes kyi thob// rtog pa dang ni snol ba'i chos// ma lus gnyis med sbyor ba yi// mnyam nyid zung du 'jug par 'gyur// dbyer med de la gnas pas na// rdzogs pa'i rnal 'byor zhes su brjod/ rten pa'i gzhi/ ni gzhal yas khang // longs spyod mchod pa'i tshogs chen po// pha ma bu dang bu mo ni// yab yum sras dang sras mo ste// phyi nang 'khor ni nye du dang // bran 'bangs mngag gzhug la sogs yin// dang po nyid nas rdzogs pas na// chen po'i rdzogs pa zhes bya ste// snang ba sna tshogs sprul pa'i sku// rtog pa longs spyod rab rdzogs te// mi rtog ye shes chos skur rdzogs// 'di la ma rdzogs zhes brjod pa'i// skal med de dag
- 132a
'khor bar ltung // de bas rdzogs pa'i tshul shes pas// rnal 'byor sems dpa' chen po ni// gnas gsum sbyor ba ci 'dra yang // ngo bo nyid kyis sku gsum rdzogs// ting 'dzin dmigs pa'i gdeng thob pas// de dag myur du mngon dbyung phyir// rig pa'i spyod pa mngon dbyung bya// sngon bzhin spyad par bya ba ste// dang por spyod pa'i rnal 'byor gyis// phal pa'i 'jig rten mi mthun phyogs// rang la gnod pa gzhan la spang // phan pa'ang de bzhin bsgrub par bya// sangs rgyas rnams ni phan gnod bral// ma rung bkren dang 'khrug pa dang // dbang dang bag med log lta can// chags dang zhen pa yongs mi 'dor// de nyid mchog tu gyur la spang // 'phags pa snying rje'i gnas min te// lam gyi grogs su ga la 'gyur// rlom sems khe grags phan yon dang // phrag dog can dang dbang med 'gyod// bsam pa'i dri mas 'bags pa min// gnas dang snang ba gnod pa'i yul// rang bzhin bsgrub pa myong ba'i rgyan// bzod cing ma chags gdon dang bcas// dka' ba spyod nus spyod pa'i grogs// dus 'dir ma rung ma phan cing // 'khrul pa'i gnas ngan yul yin no// thabs dang rnam 'phrul ma dag blta/ stong pa snying rje can sbyor zhing // rlabs chen 'jug pa pha rol 'das// kun rdzob bden pa'i dag pa'o// dus gsum don yod
- 132b
bcas pa dang // phra mo'i rnal 'byor yongs su rdzogs// 'tsho ba bdud rtsi bzhin du spyad// dran dang shes pa bag yod bsten// dge dang sdig pa'i byed pa bgrang // bsngo bya gcig las gzhan du min// sgyu ma sgra brnyan rmi lam bzhin// bdag dang dngos po sems can dag/ dbye ba med cing yongs ma grub// gus shing ma 'dres ltos pa med// nyon mongs med par spyad pa ni// thun mong chos su spyod pa'o// dman pa'i bden 'bras mi smon cing // gcig pur gzhi la mi gnas pa// yul gsum dag par sbyor ba ste// ma lus dbye ba med pa'o// khyad par 'di yi spyod pa ni// dkyil 'khor gsum dang mchod pa lnga// 'dod pa'i yon tan ma lus pa// rtsa ba yan lag bcas pa dag/ rang gi de nyid yongs shes pas// rdzogs par longs spyod de nyid do// brtul bzhugs sna tshogs gang 'dzin pa'i// skyes bu dam pa'i rjes su zhugs// phyi dang nang gi gsang gyur dang // rab tu gsang ba'i dus dag tu// rang gi spyod pa yongs mi 'dor// mkhan po slob dpon lha rnams dang // nyan thos rang rgyal sems dpa' dang // 'jig rten phal par bcas pa dag/ rang dang lhan cig tha dad min// gang dang gang gis dmigs pa de// mchog gyur sngags kyi spyod pa'o// de las rdzogs pa'i 'bras bu ni// gdod nas dag pa'i zhing khams la// dag dang ma dag gnyis med
- 133a
phyir// bral dang thob pa mi dmigs kyang // ming tshig tsam gyi 'bras bu ni// ma 'ongs skyes bu drang ba dang // lam don bsgrub phyir rab tu gnang // rang bzhin ting nge 'dzin dang ni// ngo bo nyid dang spyod pa'i tshogs// ye nas rnam par dag pa la// 'bras bu zhes su bshad pa ste// bsgrub cing rtsol ba ga la yod// mtshan nyid mtshan gzhi spros dang bral// mtshan dang dpe byad gzugs sna tshogs// tha dad mthong ba 'bras bu ste// grub pa'i dngos po yod ma myong // nam mkha'i dbyings kyi dkyil 'khor du// 'og min gsang ba'i pho brang snang // zhing gi bkod pa sna tshogs dag/ med pa nyid kyis phyogs bcur khyab// lnga dang brgyad dang drug sogs kyi// rnam par phye dang myong ba dang // sna tshogs rigs kyi 'khor lo'i tshogs// rtogs pa rang byung ngo bo'i lus// skye 'gag rtag chad 'gro dang 'ong // yod med mtha' las rab 'das shing // gdod nas gnas dang sgom pa yis// zhing dang tshom bu 'khor lo dang // thabs dang shes rab gcig nyid kyis// brtags shing snang ba tsam du 'gyur// mchog gyur dman dang bar ma'i sku// sna tshogs las kyang sna tshogs te// rigs dang mthun pa'i bdag zhen pas// ches lhag yul du gyur pa yin/ gnas skabs mthar thug dus dang thabs// thun mong khyad par yongs su 'byung // ma lus pa dang ma nor
- 133b
ba'i// rang dang gzhan gyi snang ba yi// yod dang med pa'i mtha' 'dzin pa// shes dang mi shes rtog pa sangs// de la sgrib byed kho na'i dngos// sdig to las kyi dri ma dag/ rtsa ba yan lag bcas pa yi// las kyi mtha' yis de mi mthong // bslab cing bsdom pa bsrung las rnams// dman pa'i las la cher lhag pa// nyon mongs pa las rang dga' ba// thar med gnas kyi sgrib pa'o// ting nge 'dzin dang sprul pa dang // sdug bsngal byed pa tha dad dang // shes bya yul dang yul can dang // mthong dang bsgom dang rtog pa yis// gnyen po rim gyis stobs gyur pa// de nyid kyis kyang mthong mi nus// kun rdzob don dam rang bzhin shes// bde ba dang ni sdug bsngal gyi// ngo bo mngon du rgyu las min// bag la nyal gyi rnam pa yang // blta ba'i chos kyi de mi mthong // gzugs brnyan mthong dang ma bsam dang // mnyam nyid rab tu rtogs pa dag/ bya ba rjes bsgrub sku gsung thugs// phrin las sngon 'gro rjes su byed// dus gsum kun tu ma chags shing // theg pa med la bstan du med// ma bsgrubs pa yis lhun gyis bsgrubs// ma bltas pa yis mthong ba ste// ma lus mkhas pas thob pa'o// shes dang shes bya skad cig ma// g.yos pa med par ngang gis gnas// ma bsags ma thob dman pa spangs// ma brtags ma shes mthar thug ste// 'du bral med pa
- 134a
'bras bu min// zhes bka' stsal to// zhi ba 'dus pa rtsa ba'i rgyud las/ sku gsung thugs yongs su rdzogs pa'i bya ba 'bras bu mthar phyin pa'i le'u ste bcu gnyis pa'o// // bcom ldan 'das kyis 'di skad ces bka' stsal nas/ nyid kyi sku gsung thugs yum dang bcas pa'i byin gyis rlabs kyis rnam par 'phrul pa'i dkyil 'khor chen po'i 'khor lo yongs su rdzogs pa de dag dang / dus gsum du bzhugs pa'i sangs rgyas thams cad kyi lag na rdo rje 'chang ba sras kyi thu bo chen po dang bcas pa rnams rab tu dgyes shing yid rang bas 'od zer gyi rnam pa dpag tu med par gyur nas/ yang khams gsum pa'i dngos po ma lus par sbyangs nas bcom ldan 'das kyi sku la thim par gyur to// bcom ldan 'das dpal kun tu bzang po nyid ni yum dang gnyis su med par slar yang chos nyid zhi ba'i klong rnam par dag pa'i dbyings de nyid du mnal te bzhugs nas/ phyi ma'i 'gro ba'i don bsam gyis mi khyab pa dag la rang bzhin gyis dgongs nas mi 'da' ba nyid du mdzad do// zhi ba 'dus pa rtsa ba'i rgyud ces bya ba/ rdo rje dbyings kyi dkyil 'khor chen po'i dgongs pa rdzogs so// // rgya gar gyi mkhan po slob dpon chen po pad+ma 'byung gnas dang / bod kyi lo ts+tsha ba bai ro tsa na bdag gis bsgyur zhing gtan la phab pa'o// rgyal po'i bla
- 134b
dpe'o// gter rgya/ sbas rgya/ gtad rgya/ rgya rgya rgya/ dge'o// @#// rgya gar skad du/ shri b+ha ga wAn ma hA he ru ka b+hi ru mA la tan+t+ra nA ma/ bod skad du/ bcom ldan 'das dpal che mchog 'dus pa rtsa ba'i rgyud ces bya ba/ bcom ldan 'das dpal kun tu bzang po che mchog he ru ka la phyag 'tshal lo// 'di skad bdag gis thos pa'i dus gcig na// bcom ldan 'das dpal kun tu bzang po che mchog he ru ka chen po de/ 'og min gyi gnas chos kyi dbyings kyi pho brang rnam par dag pa b+ha ga yangs pa'i klong chen po/ nam mkha'i dbyings bsam gyis mi khyab pa/ rin po che sna tshogs las byas pa'i gzhal med khang rnam par 'phro ba/ dur khrod chen po'i nang 'jigs par byed pa na/ sku gsung thugs mnyam pa nyid la gnas pa chen pos bzhugs pa'i tshe/ gsang ba chen po'i 'khor dpag tu med pa 'dus pa ni 'di lta ste/ de bzhin gshegs pa rab tu rnam par snang mdzad pa dang / rab tu mi 'khrugs pa dang / rin po che'i 'byung gnas dang / 'od dpag tu med pa dang / gdon mi za bar grub pa dang / rdo rje rol pa dang / sa rdo rje ma dang / chu rdo rje ma dang / me rdo rje ma dang / rlung rdo rje ma dang / nam mkha'i rdo rje ma dang / gzhan yang phyogs bcu'i nam mkha'i khams dang mnyam pa'i de bzhin gshegs pa yab dang yum du snang ba dpag tu med pa
- 135a
dang / rab tu zhi ba dang / kun nas khro ba dang / zhing gi bkod pa rnam par snang ba dang / rab tu rdzogs pa'i gzhal med khang gi rnam par snang ba dang / thabs dang shes rab kyi rang bzhin du snang ba dang / sprul pa dang / sprul pa'i yang sprul pa dang / bran dang bran gyi yang bran gyi tshogs dang / brjod kyis mi langs pa'i yang brjod kyis mi langs pa rnams dang yang thabs gcig go/ de nas 'khor gyi tshogs de dag thams cad kyi bcom ldan 'das kyi sku la bltas te/ 'di skad ces gsol to// kye bcom ldan 'das kun tu bzang po he ru ka/ che ba'i che mchog kun gyi gtso// dpal ldan rje btsun 'gro ba'i mgon// khyed kyi sku gsung thugs kyi dag/ rnam par bzhi las khro mdzad cing // nam mkha'i mtha' khyab gzhal med khang // dag cing gtsang ba'i ngang nyid las// dur khrod ltar mdzad ci yis phyir// chags med nam mkha'i rang bzhin las// shes rab snyoms mdzad ci zhig lags// sgyu ma lta bu'i chos nyid la// khyod kyis nges par mdzad pa gang // gzhan yang khyod kyi chos nyid las// rnam par 'phrul pa ma lus pa'i// don de deng 'dir bstan du gsol// a la la ho zhes gsol pas/ bcom ldan 'das kyis 'dus pa'i 'khor rnams la 'di skad ces bka' stsal to// kye de bzhin gshegs pa 'khor dang bcas pa rnams/ sems rab tu dad pas
- 135b
nyon cig/ 'di lta ste/ sngon bskal pa chen po grangs med pa gang+gA'i klung gi bye ma snyed dgu bcu rtsa dgu 'das pa'i yang sngon rol du/ bskal pa chen po gdul dka' ba rab tu dga' ba zhe bya ba la/ 'jig rten gyi khams sbyang dka' ba zhes bya ba zhig tu/ de bzhin gshegs pa dgra bcom pa yang dag par rdzogs pa'i sangs rgyas/ skyes bu 'dul ba/ kha lo sgyur ba/ bla na med pa/ 'jig rten mkhyen pa/ lha dang mi rnams kyi ston par gyur pa/ 'jig rten thams cad kyi sgron mar gyur pa/ zhes bya ba 'byung ste/ de'i tshe yang dag par rdzogs pa'i sangs rgyas des/ dus gsum gyi sangs rgyas thams cad kyi sku dang gsung dang thugs kyi gsang ba chen po don gyi de kho na nyid yang dag par nges pa dang / nges pa ma yin pa dang / sgra'i tshul du rnam par brjod pa dang / sgra'i tshul dang rnam par ma yin par brjod pa dang / dgongs pa zab mo'i tshul du brjod pa dang / rang gi don mngon gsum du brjod pa'i sgo nas chos bstan pas 'dul bar gyur to// de'i tshe 'khor gyi tshogs der 'dus pa'i skyes bu zhig/ bdag tu 'dzin pa'i rnam par rtog pa drag pos phyi rol gyi yul nye bar bzung nas/ rgyu'i khyad par dang 'bras bu'i khyad par dang / las dang las kyi khyad par ma brtags te/ spang bar bya ba rnams ni blangs la blang bar bya ba rnams ni spangs te/ gsang ba'i tshig la
- 136a
log par blta bar gyur pa'i dbang gis/ las mi bzad pa drag po nye bar bsags pas/ srid pa las byung ba'i sa bon rab tu rtsub mos 'phangs nas/ rab tu rnam par smin pa'i 'bras bus mnar med pa'i gnas su skye bar gyur te// yang de nyid du bdag sdug bsngal gyi dngos po 'di las thar bar gyur na ci ma rung snyam pa dang / de'i 'og tu rab tu tsha ba dang / tsha ba chen po la sogs pa rnams kyi sdug bsngal rim gyis nyams su myong bar gyur to// de nas yang bdag tsha ba'i sdug bsngal 'di las thar nas grang bar gyur na ci ma rung snyam pa dang / pad+ma ltar gas pa la sogs pa grang ba'i sdug bsngal dpag tu med pa myong bar gyur to// de ltar sems can dmyal ba chen po ji snyed pa rnams kyi nang du/ bskal pa chen po stong phrag bcu gnyis kyi bar du sdug bsngal nyams su myangs te/ de las thar bar 'dod pa dang / yi dwags chen po rnams dang / byol song gi lus chen po dag tu skyes te/ bskal pa stong phrag gcig gi bar du sdug bsngal chen po nyams su myong bar gyur to// de nas yang las ngan gyi shugs mi bzad pa de bag tsam bsrabs par gyur nas/ sngon gyi khro zhing gtums pa'i bag chags kyi rgyu mthun pas nying mtshams sbyar nas 'jig rten gyi bdag po dbang phyug chen po yab yum gnyis kyi srid pa blangs te yum gyi lhums na yang
- 136b
'jig pa'i sgra drag po 'byin pa la thon pa dang / yi dwags kyi gtso bo srin pa'i cha byad 'dzin pa 'jigs pa'i gzugs can rab tu khro zhing gdug la gtum pa/ thal ba'i mdog can mig dmar ba/ ral pa rab tu 'bar ba gyen du brdzes pa/ kha gdangs pa'i mche ba gtsigs shing dri dad dang kha rlangs drag pos gzhan bskrad par nus pa/ dud 'gro'i gtso bo dang / gcan gzan khro bo dang / srin po'i rgyal po pags pa lus la bgos pa/ mgo dang sked pa dang / yan lag gi tshigs rnams ni/ dug sbrul nag po kha nas me 'bar ba dang / mgo bo'i phreng ba 'jigs su rung bas dkris pa/ lag pa drug gi g.yas na ni/ tri shUl dang / thod pa dang / cang te'u dang / thod pa'i phreng ba dang bcas pa'i dgra sta dang / zhags pa dang / ral gri thogs pa/ g.yon na ni/ kha T+wAM ga dang / rgyu ma'i phreng ba dang / me 'bar ba dang / dbyug pa chen po dang / lcags kyu dang / gri gug dag bzung ba/ rdzu 'phrul gyi rnam par 'phrul pa ni/ lus gcig la mgo brgya stong pa/ mgo gcig la lus brgya stong pa dang / yan lag nyid lag pa spu'i tshogs rnams las mtshon cha'i tshogs du ma 'gyed par byed do// de'i las dang mthun pa'i chung ma srin mo nag mo 'gyed gi nyi ma yang ti ma zhes bya ba yang rab tu 'jigs pa'i gzugs can mdog nag cing ral pa 'khrigs pa kha mig nas me rab tu 'bar ba/
- 137a
yan lag gi rnam par 'phrul pa las kyang las kyi srin mo chen mo za byed ma zhes bya ba dang / brag byed ma dang / chu byed ma dang / rlung byed ma dang / sham sham mo dang / skam pa mo dang / dbyangs can ma dang / dri snom ma dang / chang 'thung ma dang / phor thogs ma dang / thod phreng ma dang / g.yang gzhi ma dang / de dag la sogs pa 'byin pa/ de'i bran dang / pho nya'i tshogs dag kyang / khyi dang / wa dang / phag dang / stag dang / seng ge dang / bya rog dang / 'ug pa dang / bya rgod dang / khra ma dang / pu shud dang / byi la dang / byi ba dang / sre mo dang / rmig bu'i mgo can gyi tshogs kyis rab tu bskor ba/ gzhan yang log srid can gyi rigs las byung ba'i srin po dang / gnod sbyin dang / yi dwags dang / sha za dang / 'byung po'i tshogs rnams kyang bran tu byas te/ de dag thams cad kyang 'jigs tshul drag po dang bcas te mtshon cha bzung zhing 'dug pa'i nga ro sgrog pa/ dbugs tsha ba dang rab tu grang ba'i rlung drag po phyogs bcur 'byin pa las/ rims dang dug dang / dbyig dug la sogs pa nad dang mtshon gyis char 'babs pas/ gtsang ma'i rigs kyi lha la sogs pa'i sems can rnams kyi sems dang dbang po dang / khams dang skye mched dag ma rung bar byed cing pho nyar bcas te/ gang gsod pa dang gcod pa'i las la 'god par byed pa thams cad phyag
- 137b
brnyan par byas te 'dug go/ las de lta bus khams gsum pa'i sems can ma lus pa rnams ngan 'gro'i las kyi lam mi gzod pa la log par gzhol ba de'i phyir/ nga'i sku dang gsung dang thugs kyi gsang ba'i sde de bzhin gshegs pa rnams kyi phrin las yang dag pa las bstan pa yin no// gzhan yang rigs kyi bu dag/ de lta bu'i skyes bu de ni gcig du ma zad de/ bdag tu lta ba'i yid kyi phyi rol gyi yul dag la dngos po dang mtshan mar brtags nas bdag gir gyur pa ni snod bcud kyi dngos po thams cad la khyab par gnas so// yang nang du bdag med pa la mtshan ma'i mtshan mar brtags nas/ nga dang bdag tu bzung ba las gyur pa ni/ dran pa'i tshogs la gnas par byed/ las dang las kyi 'bras bu mtha' dag yongs su chad cing med par bzung ba las gyur pa ni/ sems can gyi khams ma lus pa'i ngag gi yul dang nam mkha'i khams dbang byed pa ste/ de'i phyir nga'i grogs po phyogs bcu'i de bzhin gshegs pa thams cad kyi thugs brtse gcig pa'i snying rje chen po dang / yon tan gyi tshogs dang 'phrin las kyi mdzad pa chen pos nga la yongs su bskul te/ spyan rnam par dag pas gzigs shing se gol gyis sgras mngon par go bar mdzad de/ phyogs bcu'i de bzhin gshegs pa rnams nyid kyang chos kyi sku zhi ba chen po'i ngang las
- 138a
gzugs kyi sku rol pa chen po'i snang bar bzhengs nas/ 'od zer chen po rdo rje kyo ba'i rnam pas drangs pas/ de nyid til gyi gang bu bzhin du gyur pa de byang chub kyi sems rdo rje'i ngo bor zhu nas gsang ba'i lam nas byung ba so sor snang zhing ma 'dres pa nyid kyi thugs yi ge'i ngo bor gnas pa/ dbugs dri zhim zhing ring bar gyur par byed pa rdo rje'i sna'i rtse mo la dril zhing tha mi dad cing dbye ba med pa gsang ba'i pad+ma'i ge sar gyi rtse mo la yang reg cing 'phro bar mdzad nas/ yum pad+ma'i dbyings su bab pa rgya mtsho ltar bskyil ba la byin gyis rlabs kyis/ nga'i phyag rgya'i ngo bor gyur nas/ khro mo rdo rje dbang phyug ma yang 'od kyi tshul du snang bar gyur par mngon par 'du mdzad nas/ zhe sdang rnam par dag pa'i sku nyon mongs pa'i bud shing thams cad bsregs pa'i 'od dang ldan pa'i bskal pa'i me chen po dang ldan pa/ khrag gi rgya mtsho chen po'i dkyil 'khor nas byung ba'i keng rus kyi ri rab chen po'i rtse la/ dur khrod chen po'i rang bzhin can gyi gnas chen po brgyad du sprul zhing gnang bar byas te/ skyes bu dag tu lta ba de'i las kyi rnam par smin pa sbyang ba'i phyir/ thugs rje'i shugs drag po mngon du phyung nas/ de bas kyang ches lhag pa'i rol pa'i cho 'phrul bstan cing de gdul ba'i phyir snang ba yin gyi/ khyed rnams nga'i sku dang gsungs
- 138b
dang thugs kyi gsang ba'i mdzod 'di la the tshom dang som nyi za bar ma byed cig ces bka' stsal to// bcom ldan 'das dpal chen po che mchog 'dus pa rtsa ba'i rgyud las/ de bzhin gshegs pa thams cad kyi phrin las yongs su mdzad pa gleng gzhi'i le'u ste dang po'o// // de nas yang 'khor rab tu 'dus pa de rnams kyis/ bcom ldan 'das la 'di skad ces gsol to// kye bcom ldan 'das/ ma 'ongs pa phyi ma'i tshe phyi ma'i dus na phyogs bcu'i de bzhin gshegs pa khyod nyid kyi sku dang gsung dang thugs kyi rdo rje'i tshogs 'di dag chos kyi dbyings rnam par dag pa'i klong du ma gyur cing / khams gsum pa'i sa la snang bar gyur nas/ tshul 'di lta bu dang mthun pa'i log sred can dag las rnam par ma dag pa 'byung ste/ bla na med pa'i sa thob par 'dod pa dag la yang rab tu rnam par 'tshe bar 'gyur na/ khyod kyi sngon gyi phrin las ji lta ba de bzhin du bgyi bar 'tshal na/ bdag cag la brtse ba chen pos dgongs te/ yang dag par bstan du gsol zhes zhus pa dang / de nas dus gsum gyi sangs rgyas thams cad chos kyi sku'i ngang las gzugs kyi sku 'jigs byed 'bar ba thams cad kyi nang na che ba'i mchog tu gyur pa he ru ka chen po'i ngo bor bzhengs te/ gsung gcig gi dbyangs kyis nam mkha'i khams thams cad khyab par mdzad ste 'di skad
- 139a
ces bka' stsal to// kye ma 'dus pa'i tshogs chen dag/ 'das pa'i dus na sngon byung ba// ma 'ongs dus na 'byung ba yang // de bzhin gshegs pa'i gsung rab las// bdag nyid chen po rtag pa yi/ khro bo'i tshul du sngon byung ba// de tshe sems can thams cad kun// shin tu khro drag gtum po yis// 'o dod 'bod cing ltung bar gyur// mi bzad chen po'i sdug bsngal te// dug gsum mkha' la mngon zhen pa'i// ji ltar mdzad pa'i thabs kyis gdul// srid gsum bdag po 'dul ba'i phyir// nga rgyal chen po'i skur bstan te// de bzhin nyid kyi dbyings nyid nas/ khro mo dbang phyug mngon phyung ste/ gnyis su med pa'i cho 'phrul las/ khro bo 'chol ba'i dmag bsdus nas// sngon gyi phrin las ji lta ba// sangs rgyas mdzad pa rdzogs par spyad// oM badz+ra ma hA shrI he ru ka hUM phaT/ shin tu khro zhing gtum pa la// zhi bas phan par mi 'gyur te// shes rab thabs kyi ngo bo las// khro bo de bzhin gshegs kun mdzad/ khro bo'i tshul 'chang khros pas kyang // 'jig rten gsum rnams sreg byed na// sangs rgyas thugs rjes khros pa yis/ khams gsum ma lus smos ci dgos// thugs rje che dang ldan pa yi// kun tu bzang po de bzhin gshegs// dam tshig la sdang rnam sbyang phyir// dur khrod gar gyi phyag rgyar gsal// oM ma hA shrI he ru ka kro tI shwa rI sa ma ya
- 139b
de byi sho d+ha ya sta na hUM phaT/ hUM kun tu bzang po rdo rje sems// sangs rgyas thams cad bsdus byas nas// khams gsum 'khrugs pa'i bdud chen po// zhi bar bstan pas 'dul ma yin// khro bo'i tshogs kyis gdul bar bya/ kha trang kha ru tra A kaR+Sha ya ma ta kha ru lu ru lu mA ra ya hUM phaT/ de yis dregs pa'i bdag po de// phung po nyam thag gan rkyal mnan// mgo bo lho nub mtshams su bstan// rkang pa byang shar mtshams su brkyang // stong gsum 'jig rten thams cad kyi// 'dzam bu'i gling gi sa yi char// dur khrod chen po brgyad du byas// de yi 'khor byung lha brgyad bsgral// rang byung mchod rten chen po brgyad// srin mo sham sham mo la sogs// gnas las grub pa'i ma mo brgyad// yon tan brgyad ldan mkha' 'gros bsrung // pho nya seng ge stag la sogs// rang gis lus dang mthun pas btul// za ba mo la sogs pa yis// srin mo nyi shu brgyad rnams kyang // btul te bka' yi bsrung mar bzhag/ de yi rnam shes hUM du bsgyur// byin rlabs sprul pa'i sbyor mtshams su// 'phangs te rgyal bas sras su byas// thal bas rgyan pa'i zhing khams su// thal ba'i dbang po zhes bya ba'i// sangs rgyas nyid du lung bstan gyis// las kyi lhag ma tsam nyid las// rang dang chos mthun tshar gcod cing // sgrol byed nag po chen po yin// de yi 'khor
- 140a
gyi thog mar byung // phyogs kyi dregs pa'i bdag po bcu// bsgral cing tshar bcad 'du byed pa'i/ khro bcu'i zhabs kyi gdan yin no// gnod srin mo ni mig gcig ma// glog 'gru ma dang rlung shugs can// klu 'dul ma rnams khyo dang bcas// bsgral cing tshar bcad 'dul byed pa// mthar byed chen po brgyad rnams sprul// de yi gnas dang pho brang yang // gzhal yas khang du byin gyis brlabs// de yi phung po sha phrag ni// bdud rtsir byin gyis brlabs te rol// mdor na 'dod khams dbang phyug gis// dregs pa khyo shugs g.yog 'khor bcas// ma lus bsgral zhing tshar gcad de// kha cig 'khor dang pho nyar mngag/ la la gnas dang gdan du byas// ma 'ongs dus na skyes bu dag/ dus gsum sangs rgyas kun ngo bo// sku gsum phrin las che ba'i mchog/ kun tu bzang po kun gyi bdag/ he ru ka yi tshul 'chang brtul bzhugs bzang po de la ni// ma rig log par blta ba'i tshogs// bdud bzhi'i phyogs su rtogs rnams kyis// 'tshe zhing bar du gcod pa'am// gdug cing 'da' bar nus ma yin// de la 'di yi gzhi nyid kyang // ngo bo sems rgyun ma chad cing // tshig las 'da' bar mi bya ste// bde bar gshegs pa dam pa'i tshig/ rtsa ba nyid du gyur pa ste// snyigs ma'i dus kyi ston pa dang // da lta sangs rgyas 'di dag
- 140b
la// tha dad du ni cung mi brtag/ rdo rje gsang ba'i grogs dag kyang // de dang rjes su mthun par blta// sgo gsum gus pas brtson bya zhing // dam pa'i tshig las 'da' mi bya// de bzhin he ru ka yi tshogs// ming las byung ba'i rgyu dang rkyen// spro bsdu las la sbyar ba dang // dus bzhi'i phyag rgya de nyid ni// sngags dang rnal 'byor ldan pa yis// rgyun mi chad par bsnyen cing mchod// nga yi thugs la mnyes bsam pa// rdzas dang yo byad gnas dang dus// phyag rgya cho ga dkyil 'khor dag/ gsang bar 'os pa gsang ba'i bar// 'di dag kun la gnyer du gtad// dug lnga sku lnga ye shes lnga// nam yang spang bar mi bya zhing // gshang gci khu ba sha dang khrag/ longs spyod chen po rtag tu rol// bsad cing rku ste mi rigs spyad// brdzun zhing rtsub la blang ba'i tshig/ der ni rtag tu smra bar byos// phung po dang ni 'byung ba kun// nga yi rigs kyi yab yum ste// yul dang rnam shes de yi 'khor// 'khor dang skye mched gzhan rnams kyang // de las byung bar shes pa yis// rigs kyi sku lnga rab tu bsgrub// mthong dang rig dang shes dang spyad// 'di las 'da' bar ma gyur na// log par blta ba 'dul nus shing // sangs rgyas rnams dang nga nyid 'grub// bcom ldan 'das dpal che mchog 'dus pa rtsa ba'i rgyud las/ phyi ma mngon par 'byung ba dam tshig gi phyag rgya'i le'u ste
- 141a
gnyis pa'o// // de nas kun bzang he ru kas// nyid kyi dkyil 'khor mngon sprul pa// chos kun gud na yang med de// nam mkha' yangs pa'i dbyings nyid las// mi rtog rang byung thugs rje'i shugs// rang bzhin ma 'gags cir yang gsal// rnam par shes pa'i gzhi nyid kyang // bskyed pa'i nus pa rgyu dang ldan// dngos por snang ba 'jig rten bsregs// bag chags sdug bsngal ma lus gtor// 'dod chags 'khor ba'i rgyan lam bkrus// gti mug mi zad gter du gtams// zhe sdang keng rus 'bar ba brtsegs// dug gsum thod pa sna tshogs dang // lha klu gza' dang rgyu skar bcas// chu srin sbrul dang rus sbal dang // dregs pa rA tra bsgral ba yi// sha khrag rus pa pags pa dang // don snying snod bcas rnams kyis brgyan// gzhal yas khang pa dur khrod bcas// gang gis 'dul ba de ltar blta// dngos po ma lus chos dbyings las// rdul tsam g.yo ba med pa ste// nga ni chos dbyings he ru ka/ nges pa'i don de nga yi gnas// nga la yul dang phyogs ma grub// phyogs bcu kun tu khyab pa ste// 'di ni nga yi bzhugs pa'i gnas// bsgral ba'i zhing bcu mngon spyod kyis// bsgral te thugs rjes mi rtog 'dzin// ma 'ongs rnal 'byor pa la bstan// 'di ni nga yi lung gi gnas// phyogs bcu dregs pa'i bdag po
- 141b
bcu// khro chen bcu yi gdan du gsal// nga yi bsgrub pa'i gnas zhes bya// 'byung ba dang ni phung po rnams// nga nyid gzhi yi gnas yin no// dman pa'i theg pa drang ba'i phyir// 'du shes bcu ni bsam pa'i gnas// lam lnga dang ni rnal 'byor lnga// 'gro ba'i gnas su nga yis bshad// rig dbang stobs lnga brten pa'i gnas// dug lnga rgyu lnga sbyangs pa'i gnas// bdud brtsi sha rnams bsten pa'i gnas// 'di las ma gtogs dngos gzhan med// rigs lnga sku lnga ye shes lnga// thob byed sa bcu 'di la gnas// thams cad rdzogs pas gnas shes brjod// khyad par du ni 'dul ba'i sa// 'phags lam dang ni rnam thar brgyad// dman pa'i theg pa brgyad nyid dang // sa brgyad ma bcos rdzogs pa ni// ka ba rin chen pad+ma dang // 'khor lo dag gis nges par byas// byol song gtso bo chen po dang // dregs pa'i bdag po lha chen brgyad// thabs dang shes rab 'od kyi dkyil// 'dam skyes mdzes pa bsam mi khyab// sa bon phra mo ting nge 'dzin// 'phro 'du las kyi mnyes shing sangs// bsdus shing bstan pa 'di nyid de// mthing nag zhal gsum phyag drug ldan// chos kyi sku la 'gyur med cing // sku gsum pha rol phyin drug rdzogs// nyon mongs skyon bral g.yas zhal dkar// thugs rje chags pas g.yon zhal dmar// ye shes lnga rdzogs sangs rgyas
- 142a
lnga// rdo rje rtse dgu rtse lnga dang // rtse gsum g.yas kyi phyag gis 'dzin// thod pa tshar gsum g.yon na bsnams// theg pa rim dgu ngang gis rdzogs// nyon mongs lnga 'joms ye shes lnga// khams gsum sbyor zhing dug gsum gcod// bdud bzhi 'joms mdzad zhabs bzhir bgrad// gnam zhal dbyings phyug khro mo ni// chos nyid rol pa'i dges pa stob// gnyis med snang ba 'od kyi tshul// dril bu thod khrag 'dzin cing stob// A~M badz+ra ma hA shrI he ru ka kro d+hi shwa rI dza la ni hUM phaT/ 'bar zhing gsal la rdzogs par blta// gal te gdul bar ma nus na// hUM spro zhing bsdu ba bstan pa las// dbu dgu phyag ni bco brgyad de// theg pa'i 'dod pa yongs rdzogs shing // khams chen bco brgyad rtsad bcad nas// stong pa bco brgyad ngang du sbyor// rnam thar brgyad kyi zhabs bgrad cing // phyag dgu g.yas kyi dang po yi// chos nyid mi 'gyur rdo rje 'dzin// dug gsum rtsad gcod kha T+wAM ga/ chos kyi sgra sgrog rnga bo che// 'khor los 'khor ba rtsad nas chod// dgos 'dod 'byung ba'i rin po che// pad+ma chags med skyon dang bral// ral gris nyon mongs dra ba gcod// dgra snas bdud kyi dpung rnams 'joms// zhags pas khams gsum rgyud drug 'dren// g.yon gyi dang po thod khrag ni// thugs rjes 'gro don khyab par mdzad// zhing dbyug rdos
- 142b
pa'i phung po 'joms// nyon mongs thal ba rlog pa'i gshol// nyi ma dang ni zla ba yis// ma rig mun pa'i tshogs rnams sel// ri rab dreg pa rU tra gnon/ khrag gis rgya mtshos gnas ngan 'khru// me dpung las dang bag chag bsreg/ dngos 'dzin dri ma gtor ba'i rlung // bco brgyad phyag gi 'gro don rdzogs// che mchog dpa' ba'i chas brgyad ni// glang chen ko rlon stobs bcu ldan// stag lpags 'phrin las rnam bzhi mdzad// sbrul rgyan gdug pa'i dug rnams 'dul// zhing lpags nyon mongs rtsa ba gcod// rak+ta'i thig le 'gro don chags// thal chen mtshan mas phrin las brtson// zhag gi zo ris nyon mongs rngub// bskal pa'i me dpung rtogs tshogs bsreg/ 'bar ba'i spyan ni dgu phrag gsum// gzigs pas ma lus bde la 'god// lha mo dbang phyug khro mo'i rgyal// zhal gsum phyag drug rdzogs pa la// sngar bshad yab kyi phyag mtshan 'dzin// kun nas rab tu bskyod pa'i tshul// sngon gyi phrin las ji bzhin du// gnas gsum yul du gsal bar bya// de yi 'dul ba'i las rnams byed// gal te 'dul bar ma nus na// hUM b+h+yo s+pha ra Na phaT/ saM ha ra Na hUM/ oM badz+ra ma ha shrI he ru ka ma hA tsan d+ha sarba duSh+TaM ta ka ha na da ha pa tsa hUM phaT/ badz+ra ma hA kro ti shwa rI da ra ma b+h+yo hUM/ nga ni kun bzang he ru ka/ che ba'i che mchog dpal gyi sku// dbu ni nyi shu rtsa gcig/
- 143a
ldan// sa dang ye shes ma lus rdzogs// bzhi cu rtsa gnyis phyag na ni// ji ltar bshad pa'i sangs rgyas ni// bzhi bcu rtsa gnyis rdzogs par bzhugs// zhabs brgyad bgrad pas lha chen brgyad// byol song brgyad dang bcas pa gnon// ting 'dzin brgyad dang chos nyid sbyor// ral pa kham nag srid rtser 'bar// smin mtshams sna phrag glog stong 'gyu// 'bar ba'i spyan ni drug cu gsum// sdang mig zhe la gdon cing gzigs// shangs nas 'thor rlung spor zhing 'tshub// snyan nas drag po'i 'brug stong sgrog/ rngams pa'i zhal gyis khams gsum rngub// gnam lcags mche ba zangs yag gtsigs// le brgan ljags 'gril glog stong 'gyu// ba spu thu lum me stag 'phro/ rdo rje'i gshog pa nam mkhar khyab// dpa' zhing sgeg la 'jigs su rung // rgod cing gshe la 'jigs par ston// snying rje'i rngam dang zhi ba'i tshul// 'bar ba'i 'od kyi phyogs bcur khyab// khro mo 'dod chags ye shes che// he he dgyes pa'i gzi gdangs can// rin chen pad+ma rab rgyas la// mnyes pa'i sbyor ba'i rol pa stob// dbu dgu sa dgu'i rtogs pa 'joms// stong pa bco brgyad phyag dang ldan// g.yas kyi dang po rdo rje yi// chos sku 'gyur med tshul gyis bzhugs// g.yon gyi dang po thod khrag gsol// dug gsum ma lus stong par gsol// g.yas kyi phyag
- 143b
brgyad 'og ma na// go rI ma mo brgyad 'phyar zhing // g.yon gyi 'og ma phra men brgyad// zhabs bzhi rigs bzhi dbyings su gnon// dur khrod dpa' ba'i chas la sogs// ji ltar bshad pas tshul 'dzin pa'i// 'jigs pa'i tshul gyis sku la 'khril// hUM A oM hUM phaT AH/ zhes nyid kyi sku'i dkyil 'khor de lta bu'i ded dpon dbang phyug la sogs pa rnams la de ltar snang bar mdzad do// bcom ldan 'das dpal che mchog 'dus pa rtsa ba'i rgyud las/ sku'i dkyil 'khor che ba'i mchog tu gyur pa rtsa ba'i le'u ste gsum pa'o// // de nas kun bzang he ru kas// sprul pa'i dkyil 'khor dbyung ba'i phyir// mkha' dbyings rdo rje byin gyis brlabs// nyi ma'i dkyil 'khor hUM ldan dang // zla ba'i dkyil 'khor oM dang ldan// chags med pad+ma'i dkyil 'khor rdzogs// oM sarba ta thA ga ta a nu rA ga badz+ra swa b+hA wa At+ma ko&haM/ oM sarba ta thA ga ta pA dza badz+ra swa b+hA wa At+ma ko&haM/ oM badz+ra pad+ma sarba yo gi ta pra we sha phaT/ mkha' klong pad+ma'i gzhal yas su// bde chen thugs kyi dkyil 'khor spro// sangs rgyas sprin tshogs ma lus la// rab dgyes mnyam pa'i sbyin pas bstim// A~M sarba ta thA ga ta sa ma ya pU dza pra bar ta na badz+ra swa b+ha At+ma ko&haM/ au dang ldan pa'i thig le las// sku gsung thugs kyi rdo rje bskyod// hUM gis mkha' la phab byas te// thabs dang
- 144a
shes rab byang chub sems// mkha' la gsal dag nyi zla'i 'od// sa ma ya ho/ sa ma ya s+t+waM/ ra ho haM/ rA ga yA mi/ byang chub sems kyi sprin tshogs las/ khro bo 'chol ba'i dkyil 'khor spro// sangs rgyas mdzad pa rdzogs bya'i phyir// phyogs bcu'i dregs pa ma lus bsgral// oM badz+ra kro ta bi shwa dza la A kaR+Sha ya ya da ha dza la hUM phaT// e h+ye hi hUM b+h+yo s+pha ra Na phaT/ saM ha ra Na hUM/ hUM hUM hUM hUM/ phaT phaT phaT phaT/ hUM hUM hUM hUM hUM/ hUM hUM hUM hUM hUM/ ha ha ha ha/ ha ha ha ha/ he he he he/ he he he he/ dzaHhUM baM hoH/ nga yi sprul pa'i dkyil 'khor dag/ rang las byung ba gzhan la gsal// zhal gsum phyag drug 'jigs gzugs 'chang // rigs kyi khro bo mngon par phyung // bcom ldan raka sha he ru ka smug nag g.yas dkar g.yon dmar zhal// 'khor lo ti ra khyung chen g.yas// b+han dmar rgyu zhags pa su g.yon// ra ka sha kro ti shwa rI yum/ 'khor lo b+ha na d+ha stob cing 'khril// bcom ldan gu h+ya he ru ka/ ser nag g.yas mthing g.yon dmar zhal// rin chen ri rab dgra sta g.yas// thod khrag ri rab rgyu zhags g.yon// gu h+ya kro ti shwa rI ni// rin chen b+han dmar stobs cing 'khril// bcom ldan bi shwa he ru ka/ dmar nag g.yas mthing g.yon dkar sku// pad+ma be con dgra sta g.yas// b+han dmar ri rab thong gshol g.yon// bi shwa kro ti shwa rI
- 144b
ni// pad+ma zod khrag stob cing 'khril// bcom ldan yak+Sha he ru ka/ ljang nag g.yas dkar g.yon dmar zhal// rgya gram ral gri dgra sta g.yas// b+han d+ha zhags pa zong gshol g.yon// yak+ka kro ti shwa rI ma/ rgya gram thod khrag stob cing sbyor// khro mo'i tshogs 'di thams cad kyang // zhal gcig phyag gnyis gtso bo'i mdog/ yab yum khro tshogs rnams kyi sku// gtso bo dang mthun chas kyi rgyan// rang gi phyogs nas mnyam par bzhugs// gnas mchog de yi phyi rim la// phyogs bcu'i dregs pa 'dul byed pa// zhal gcig phyag gnyis ldan pa bcu// mdog dkar 'khor lo tri shul 'dzin// me dpal dbyug to 'dzin dmar ser// mthing nag thod dbyug dgra sta thogs// smug nag ral gri zhags pa 'dzin// spu gri sbrul zhags thogs pa dmar// dmar sku b+han+d+ha rnga yab thogs// ljang gu rgya gram dril bu thogs// mthing nag dgra sta rtse gsum 'dzin// sngo skya mda' gzhu 'geng shing 'phen// dud ka tho ba zhags pa thogs// kun kyang zhabs gnyis brkyang bskum gyis// so so'i phyogs kyi dregs pa gnon// ji ltar 'jug pa'i phyogs bzhi ru// shes rab gshin rje pad+ma dang // stobs chen khro bo chen po bzhi// dkar po 'gugs byed lcags kyu 'dzin// ser po zhags pas 'ching byed cing // lcags sgrog sdom byed dmar po ste// rdeg byed dril bu can mdog
- 145a
ldang // sprul pa'i sras tshogs 'di rnams kun// rang gi rigs mchog dbu brgyan cing / khro bo'i chas dang nyams kyi mdzes// mkha' la mngon par rkyen gyis dbyung // oM ma hA shrI rak+Sha he ru ka hUM phaT/ oM ma hA shrI gu h+ya he ru ka hUM phaT/ oM ma hA shrI bi shra he ru ka hUM phaT/ oM ma hA shrI yak+kha he ru ka hUM phaT/ oM ra ka sha khro mo la kro d+hi dang / khro bo la kro d+ha thob kyang brda' rnying sor bzhag byas/ kro ti shwa rI hUM b+h+yo/ oM gu h+ya kro ti sha rI hUM b+h+yo/ au bi shwa kro ti shwa ri hUM b+h+yo/ AM yag sha kro tI shwa rI hUM b+h+yo/ IM ma hA kro ta in+d+ra ha na ha na hUM phaT/ oM ma ha kro ta a ga ni da ha da ha hUM phaT/ IM ma hA kro ta ya ma pa tsa pa tsa hUM phaT/ IM ma hA kro d+ha raka sha b+han+da b+han+da hUM phaT/ oM badz+ra ma hA kro ta nA ga hu lu hu lu hUM phaT/ oM ma hA kro ta ba ya be tiSh+Tha tiSh+Tha hUM phaT/ oM ma hA kro ta yak+kha ts+tshin+da ts+tshin+da hUM phaT/ oM ma hA kro ta bi na ya ka b+hin+da b+hin+da hUM phaT/ oM ma hA kro ta brah+ma NaHgardza gardza hUM phaT/ oM ma hA kro ta be sna s+pho Ta s+pho Ta hUM phaT/ oM pradz+nyAn+ta kr-ita hUM phaT/ A~M ya man+ta kr-ita hUM phaT/ oM bi g+ha nan+ta kr-ita hUM phaT/ A~M pad+man+ta kr-ita hUM phaT/ ru ru shri ta ma ru sod/ srog thun mug sod// ma rag du rbad ya sod/ kha rug sha sha ma sod/ srog thun ni rbad sod/ nr-i ya nr-i ya tsa tu na sod/ sha rgud snying phyung phyung / snying rgyud srog chod/ srog rgyud dbugs long / ma ma thun thun sod sod/ srog la rngams pa'i tshogs kun gyis// stong
- 145b
gsum ma lus 'jig rten gang / oM AHhUM/ au hUM swA hrIHha/ ka ya wA ka tsit+ta k+Sha a d+hiSh+Tha na A we sha ya/ prA we sha ya hUM/ bud+d+ha badz+ra rat+na pad+ma karma a b+hi Shiny+tsa AH/ dzaHhUM baM hoH/ badz+ra g+ha na tsakra ma d+ha la/ e A ra li dzaH/ sa ma ya pa sh+ya hoH/ zhes gsungs nas rdo rje che mchog gsang ba chen po'i dkyil 'khor gyi tshogs ma lus shing lus pa med pa nyid kyi sku dang gsung dang thugs kyi gsang ba las phyung ste/ khams gsum pa'i sa la gnang bar mdzad pa dang / 'jig rten gyi gtso bo dregs pa can rab tu 'dul bar dka' zhing / 'jigs par mi nus pa dag kyang sngangs shing bkrag ste sa la 'gyel nas sgra ngar ngar po de 'don cing / yid kyi dmigs pa tsam gyis phyogs bcu dang dus gsum gyi de bzhin gshegs pa thams cad kyi bdag nyid gsang ba'i che ba'i mchog tu gyur pa/ dpal he ru ka la phyag 'tshal zhing 'dug par gyur to// bcom ldan 'das dpal che mchog 'dus pa rtsa ba'i rgyud las/ sprul pa'i dkyil 'khor mngon par spro ba'i ting nge 'dzin gyi le'u ste bzhi pa'o// // de nas 'dus pa'i 'khor tshogs de rnams kyis kyang bcom ldan das la 'di skad ces gsol to// kye ma kun bzang he ru ka/ ma 'ongs dus kyi sems can rnams// skal ba med cing 'dul dka' ba// gtsang zhing sme ba'i rtog pas bcings/ khyod kyis dam par gsungs pa'i
- 146a
tshig/ gshang dang gci ba bam pa'i rdzas// rdzogs par longs spyod ma nus na// gtsang sgras grol bar 'gyur ram ci// 'jig rten log rtog can rnams la// gsang zhing spyad pa ji lta bu// thabs dang yon tan grub pa'i tshad// mkhyen pa'i thugs rjes dpag med pas// myur du ston cig che ba'i mchog/ de skad gsol pa gsan nas kyang // kun tu bzang po he ru kas// ma lus bshad cing bkrol ba'i dus// stong gsum 'jig rten khams 'di na// tshangs dang drang srong gtsang ma za// de dag grol bar ngas ma bshad// klu dang bram zer gtsang sgrar spyod// des kyang grol bar ngas ma bshad// byol song rtswa mchog gtsang ma za// ci srid 'tsho ba'i bar du spyod// de'ang grol bar ngas ma bshad// rgyu dang 'bras bu 'khrul pa'i sgra// thams cad bdud rtsi'i rang bzhin te// don dam nges pa'i lung der nyon// zhes bka' stsal nas// nyid kyi thugs gsang ba mchog gi dkyil 'khor chen po las 'od zer dpag tu med pa rnam par 'phro bar mdzad de/ 'jig rten gyi khams thams cad kyi tshang pa dang brgya byin dang dbang phyug chen po la sogs pa lha'i rigs rnams dang / mtha' yas dang / 'jog po dang / nor rgyas kyi bu dang / de la sogs pa'i klu rnams dang / gzhon nu smin drug dang / khyab 'jug la sogs pa gza' dang rgyu skar gyi tshogs dang / rgyun
- 146b
shes kyi bu dang / ljang sngon dang / g.yon phyogs lha la sogs pa drang srong gi tshogs rnams dang / gzhon nu sprin dang / go'u ta ma dang / gzhon nu log sred la sogs pa bram ze'i tshogs rnams dang / gzhan yang dri za dang / me lha dang / rlung lha dang / gnod sbyin gyi gtso bo so so 'khor dang bcas pa rnams dang / 'brang skyong dang / dzam b+ha la dang / dra shu ba'i bu mo'i 'od 'chang ma dang / nor gyi rgyun ma dang / rma bya'i mgul la sogs pa shing thog dang / rtsi thog dang / sman du gyur pa rnams kyi gtsang sgra la spyod cing / gzhan yang 'o ma dang / 'bras dang / mngar dang / me tog dang / chu dang / shing thog gi 'bru dang / shu ti dang / nye'u shing dang / ra mo shag dang / a ba ru dang / brag rtsi dang / a na sa la sogs pa/ sa la gtsang sbyar spyod pa'i sgo nas/ bcud len cing dka' thub dang tshangs par spyod pas 'tsho bar byed pa rnams 'khor gyi dkyil du bsdus nas/ byang chub sems dpa' sems dpa' chen po 'jam dpal dang sa'i snying po la sogs pa rnams ni kun tu bzang po he ru ka blta bar mi bzod pa rnams kyi ston par bzhugs nas yang 'di skad ces bka' stsal to// thams cad ma lus bdud rtsi lnga// thabs dang ldan pas rig cing rtog/ chos nyid gcig las tha dad pa'i// rigs lnga'i mtshan nyid yon tan tshogs// 'di ltar rtogs na grol bar 'gyur// rang
- 147a
bzhin gdod nas dag pa yi// mnyam nyid dbyings su rab rtogs shing // gnyis med don gyis zin pa na// ji ltar dmigs pa bzhin du 'grub// gtsang dang mi gtsang rtogs pa'i yid// mkhas pas gnyis su sgra mi bya// ye shes sku lnga rdzogs pa'i phyir// dri chen gser mdog rnam snang mdzad// mngon 'byung sprul pa chos kyi sku// byang chub sems ni dkar ba'i mdog/ dri med dag pa'i ye shes sku// mangs yid bzhin rin chen 'byung // sna tshogs 'byung ldan mnyam nyid sku// rak+ta chags med dmar bas na// dri med rnam dag pad+ma'i sku// dri chu dag byed ljang gu'i mdog/ kun tu don grub las rab sku// sku lnga lhun grub bdud rtsi lnga// rang gi lus la ngang gis gnas// dri chen dri chu rak+ta dang // mangs byang sems 'di rnams kun// sems can rtog pa bzlog pa yi// gtso bor dang du blangs shing bsgrub// mi rtog gtsang sbra med par spyad// rang bzhin rnam dag bdud rtsi lnga// spyad cing zos pa'i yon tan ni// smyo 'bog dug dang glang zabs dang // mdze dang gag pa la sogs sel// sku lnga ye shes lhun gyis grub// a 'bras rgun 'brum pa nas// lha rdzas dge ba'i a ru ra// sha lnga zos pa'i yon tan ni// shes rab gsal zhing ting 'dzin brtan// dug lnga 'joms shing mthu stobs che// rdzu 'phrul stobs ldan mkha' 'gro mnyes// thar pa chen po'i
- 147b
dngos grub thob// sangs rgyas byang chub sems dpa'i gdung // dkar la gsal la mtheb long tsam// nyan thos rang rgyal rnams kyi gdung // sran ma ma sha'i 'bras bu tsam// gang zag sems can phal pa'i gdung // nyung 'bru til 'bru tsam de nyid// spyad cing bsten pa'i yon tan gyis// rus pa sra mkhregs rdo rjer 'gyur// thugs kyi dngos grub thob par byed// sngon tshe nga yi phrin las kyi// thugs rjes dza la rak+Sha bsgral// de yi tsit+ta phyung ba'i rgyun// tsi tra ka dang snying zho sha/ smyo 'bog nad rnams sel bar byed// mngon shes drug gi sems dang ldan// ye shes drug gi dngos grub thob// me tog so ma 'bras bu dmar// srid pa'i nad sel sa las skyes// rtsa ba mU la rak+ta kha// 'khru bag nad rnams gso zhing gcod// dbang gi dngos grub 'thob par byed// 'byung ba bzhi yi byin rlabs las// sprin chen glog gi phreng ba can// sgra dang yud tsam bcas pa yi// sa steng khyab par char phab nas// bdud rtsi thigs shing zags pa ni// rgya mtsho'i lbu ba gangs kyi chu// nags kyi chu dang chu sna tshogs// rtag tu 'gro ba'i don byed nus// dmyal ba'i tsha grang sdug bsngal sel// de bzhin gshegs pa'i byin gyis brlabs// sa gzhi yum gyi rang bzhin la// byang chub sems kyi char bab pas// thams cad smin cing bangs par mdzad// chu yi bcud las gyes pa
- 148a
yis// bdud rtsir gyur te thams cad rgyas// rtsa ba sdong po yal ga dang // lo ma me tog shun pa dang / khu ba 'bras bu snying por bcas// ro dang dri dang kha dog la// rtsa ba gcig la yan lag brgyad// yon tan stong dang bcas pa yi// bzhi brgya rtsa bzhi'i nad sel zhing // 'gro ba drug gi gsos su 'gyur// srid pa chags byed srub shing gis// bdud rtsi'i rgya mtsho bsrubs pa las// bcud kyi rgyal po bdud rtsir gyur// chos bzang lha yi mdun sa nas// rA hu la yis brkus te 'thung // brgya byin khros te ske bcad pas// khrag thig bdud rtsi sa la lhung // bskyed cing smin pa lha yi rdzas// dus min 'chi las thar bar byed// mngon shes lnga yi dngos grub thob// gser dngul zangs lcags de bzhin g.yu// rin chen bdud rtsi'i zags chu ni// she la dzA tu yo ga si// mchin pa'i nad rnams sel bar byed// grub pa'i rig 'dzin 'thob par 'gyur// sred med bu dang khyab 'jug gi/ de yi zag pa'i dri gshang gci// chu klung gangs kyi 'gram du skye// nye'u shing dang ram nye'u// nang khrol don snying nad rnams sel// zag pa zad de nam mkhar 'gro// rig pa 'dzin pa'i go 'phang thob// dang po srid pa'i bdud rtsi la// lha dang lha min rtsod cing 'thab// brgya byin dbang po'i lag pa la// lha ma yin gyis mtshon phog lhung // de yi sha khrag smin cing
- 148b
bskyed// dbang po'i lag dang byi tshe lag/ dngos grub blang ba'i phyag rgya ste// nor dang 'bru rnams 'du bar 'gyur// rta mgrin dbang gi dngos grub thob// yul 'khor bsrung gi bu thu bo// drang srong yan lag dga' ba ste// ming ni rgyal po bshes gnyen can// b+hu su ku ni rgya cher mdzad// 'dod khams lha yi gtso bor skyes// bod pa 'phyis pas drag po 'phros// lha chen de yi dpral ba nas// mig gcig lhag par 'dug pa las// smin cing bskyed pas sa steng khyab// 'bu su lug mig rnam gsum gyi// mig gi mngon shes thob par byed// sa yi snying po'i dngos grub thob// nga yi sngon gyi phrin las kyi// lha chen tshangs pa bsgral ba las// sna nas khrag zag bskyed cing smin// sna ma'i 'bras bu srin gyi shing // dri yi mngon shes thob par byed// nam mkha' snying po'i dngos grub thob// 'das pa'i dus na sngon gyi tshe// rta mgrin dbang gi phrin las kyis/ kha 'bar bzhi yi lce bcad de// smin zhing bskyed pas bdud rtsir gyur// do ba dang ni gnya' ba dang // lta ba dang ni se ba bzhi// me tog rma lo kri kri dang // gser gyi mdud can ha lo tri// spyad pas lce yi mngon shes dang // skran ras gzigs kyi go 'phang thob// nga yis srin po bum sna bsgral// chung ma srin mo dza mun ti// rna ba a sho kan d+har gyur// smad pa'i rna ba'i nad rnams sel// sgra yi mngon shes mnga'
- 149a
bar byed// phyag na rdo rje'i dngos grub thob// til mar bu ram sbrang rtsi dag/ lan tshwa mar dang snying po lnga// bdud rtsi gtso bo'i yan lag ste// rlung mkhris bad kan chu ser dang // 'dul ba'i nad rnams sel bar byed// mngon shes lnga yi dngos grub thob// go sa ha dang le seng dang // gi haM chu taM ma dza haM/ me tog lnga zos yon tan gyis// bad mkhris glo dang dug rnams sel// rigs kyi yum lnga'i dngos grub thob// shing thog rgun 'brum ka ko la// a 'bras pa na 'bras bu lngas// sha khrag rus pa chu ser dang // lus kyi nad rnams sel bar byed// sku gsung thugs dang yon tan dang // phrin las lnga yi dngos grub thob// nA ga ge sar shing tsha dang // sug smel ga ta pa tra dang // skyu ru ra dang dri sna lngas// sha khrag rus pa chu ser dang // dug gi nad rnams sel bar byed// zhi rgyas dbang dang mngon spyod dang // las rnams thams cad 'grub par 'gyur// rgya spos dza ti pha la dang // ga pur tsan+dan li shi lnga// tsha ba'i nad rnams sel bar byed// tshul khrims rnam dag dngos grub thob// 'bras dang so ba mon khre'u// nas dang gro dang til rnams ni// mu ge'i bkres pa sel byed cing // tshe dang stobs dang bkrag mdangs gzi// longs spyod phun sum tshogs par byed// gser dngul zangs lcags g.yu dang lnga// dbul zhing phongs pa sel
- 149b
byed cing // rigs lnga thugs kyi dngos grub thob// rang bzhin spyad pa'i yon tan las// bsgrub pa'i yon tan bsam mi khyab// kye ma tshangs pa drang srong dang // lha klu dri za bram ze sogs/ khyed kyi brtul zhugs dka' thub kyis// bsten cing spyad pa'i rdzas 'di rnams// sngon tshe 'das pa'i dus nyid nas// bshang gci khu ba sha khrag gis// ma bskyed pa dang ma byung med// thams cad bdud rtsi lnga'i rang bzhin// gtsang sbras nyams par gyur ta re// brtul zhugs 'dzin pa de bor la// dus gsum sangs rgyas ma lus pa'i// bka' yi dam pa 'di zung zhig/ ces bka' stsal pas/ tshangs pa dang drang srong la sogs pa'i 'khor de dag thams cad kyis rang rang gi gtsang ba dang sme bar 'dzin pa'i longs spyod rnams bshang ba dang gci ba dang byang sems kun+da lta bu dang / pad+ma lta bu dang / mi dang / rta dang / khyi dang / ba glang dang / glang po che'i sha dang / myos par byed pa 'bru bcud kyi btung ba rnams kyi rlabs te/ rgya mtsho dang chu'i rgun lta bu dang / rigs kyi nang na gdol pa dang / khyi dang / phag dang / bong bu'i tshogs rnams kyi khu ba dang / khrag gi klong chen po snang bar gyur nas brgyal te/ gtsang bra dang sme ba'i rnam par rtog pa drag pos gzir zhing 'dug pa la/ rang rang gi las dang mthun par gdul bar nus pa'i ston pa 'jam dpal dang / sa'i snying po la
- 150a
sogs pa nyid kyi sku gsung thugs gsang ba chen po las phyung ste/ 'di skad du/ rigs kyi bu dag ma 'jigs shig ma 'jigs shig/ 'di dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi yang gting dpag dka' zhing / rgya che ba'i brtul zhugs kyi spyod pa yang dag pa ste/ tshul 'di lta bus longs spyad na/ blo mchog tu gyur cing yangs pa dang ldan pa rnams kyi don rgya chen po mdzad do// da ltar dang ma 'ongs pa'i dus na yang phrin las chen po spyod pa dag 'byung bar 'gyur yang // sems can blo chung ba rnams kyi mig lam du snang bar mi 'gyur ro// rigs kyi bu dag khyed rnams ni sngon gyi rgyal ba rnams la lhag pa'i bya ba byas shing byang chub sems bskyed de/ smon lam rgya chen pos 'gro ba'i don rnam par spyod pa la rab tu gzhol ba'i spro ba dang ldan pas/ sems can gyi rigs dang khams dang / bag la nyal dang las dang bsam pa mthun pa rnams 'dul ba'i dus dang tshod la bab pa ste skrag par ma byed cig/ 'dir ni bdag cag gi ston pa kun tu bzang po he ru ka nyid kyis bdag cag la sogs pa tshul 'di lta bus 'dul bar 'os pa rnams kyi don du mngon par sprul pa ste/ don dam par ni chos thams cad rang bzhin gyis stong zhing 'dus ma byas pa/ bdag med pa/ rnam pa zhi ba/ zag pa med
- 150b
pa/ kha na ma tho ba med pa 'jig rten las 'das pa/ de bzhin nyid las g.yo ba med pa las sprul pa tsam du zad kyis/ the tshom za bar ma byed cig/ ces dbug dbyung ba mdzad do// de nas tshangs pa dang drang srong dang bram ze'i tshogs de dag la/ bcom ldan 'das nyid kyi sku gsung thugs kyi rnam par rol pa chen po mngon du bstan te/ 'khor gyi dkyil 'khor gyi tshogs dang bcas pa rnams kyis tshangs pa dang drang srong la sogs pa de dag la sku dang gsung dang thugs kyi de kho na nyid gsang ba'i dbang bskur bas dbang bskur bar mdzad pas/ de dag thams cad rang gi lus ni rigs kyi lha dang lha mo'i tshogs su snang bar gyur la/ ngag gis ni thams cad bdud rtsi'i rang bzhin no// zhes bya ba'i sgra rgyun du brjod de/ phyi dang nang gi rnam par rtogs pa las grol zhing / thams cad kyang chos kyi dbyings chen por ro gcig par gnas par gyur to// mi gtsang zhing sme ba'i rdzas kyi dngos po rnams kyang dri dang kha dog dang ro phun sum tshogs pa/ lta na sdug cing / longs spyod kyi gtso bo yid bzhin gyi nor bu rin po che lta bu 'dod pa'i don ma lus pa thogs pa med par 'grub pa/ dngos grub kyi rgya mtsho mi zad pa'i gter chen por gyur te/ de nyid de bzhin gshegs pa thams cad kyi sku gsung thugs kyi mchod pa mnyes par 'grub cing / rigs 'dzin pa'i byang chub
- 151a
sems dpa' sems dpa' chen po rnams kyi yang longs spyod dam pa'i mchog tu gyur to// gzhan yang de'i tshe byang chub sems dpa' 'jam dpal gyis yang 'di skad ces smras so// kye ma rigs kyi bu dag ma 'ongs pa'i dus su sems can gang dag bcom ldan 'das kun tu bzang po de nyid kyi rnam par 'phrul pa dang / byin gyis rlabs kyi tshul 'di dag nyid kyis 'dul ba ma rtogs pa kha cig ni/ yang dag par rdzogs pa'i sangs rgyas kyi 'od kyi rgyal po'i byin gyis rlabs kyi rnam par 'phrul pas don byed par 'gyur ro// gzhan kha cig ni 'jam dpal dang / spyan ras gzigs dang / lag na rdo rje dang / sa'i snying po la sogs pa rnams kyi don byed de/ gzhan kha cig ni 'jig rten gyi lha tshangs pa chen po dang / rgyun shes kyi bu la sogs pa'i drang srong chen po rnams dang / tsa ra ka dang / nab so skyes dang // tha skar gyi bu la sogs pa gza' dang rgyu skar gyi ded dpon chen po rnams dang / g.yon phyogs kyi lha dang rkang gnyis spyod pa la sogs pa klu'i gtso bo dang / zang la gnas dang me bzhin 'jug la sogs pas don byed do// me lha dang rlung lha'i gtso bo khyed rnams ni lo ma dang / me tog dang 'bras bu las gyur pa rnams longs spyad de/ dri dang ro dang nus mthu dang 'bras bu'i yon tan gyis sems can gyi nad rigs bsal ba'i phyir/ sngon
- 151b
gyi gnas kyi rigs rjes su gzung bar gyis shig/ bram ze gzhon nu'i sprin la sogs pa rnams kyi ni sman chen po'i bcud kyi len gyis/ sems can gyi rigs kyi tshe dang kha dog dang stobs dang lang tsho bkrag dang gzi brjid rnams 'phel bar bya ba'i phyir rigs rjes su gzung bar gyis shig 'bras skyong gi bu mo dang / dzam b+ha la dang / da ba shu'i bu mo dang / lha dang klu'i bu mo rnams kyis ni rang rang gi longs spyod pa'i rdzas gang gis longs spyad pa de dag la// so so'i bcud dang byin gyis rlabs dang dngos grub gsol ba'i phyir rigs rjes su gzung bar gyis shig/ khyed rnams ni bcom ldan 'das kyi phrin las yang dag par gzung ba'i phyir mngon du mdzad pa yin gyis don chen po yal bar dor bar ma byed cig ces smras pa dang / tshangs pa dang drang srong la sogs pa'i 'khor de dag gis 'di skad ces smras so// kye bcom ldan 'das bdag cag la sogs pa sems can thams cad thugs rje chen pos yongs su 'dzin par mdzad pa'i kun tu bzang po he ru ka che ba'i mchog tu gyur pa khyod la phyag 'tshal lo// bdag cag rnams ni khyod 'khor dang bcas pa rnams kyis ji ltar bsgo ba dang / ma 'ongs pa'i gang zag rnams kyis smon cing ltos pa las bdag cag 'da' bar byed re kan zhes bro bor ro// sarba pany+tsa a mr-i ta sa ma ya na ra kan zhes brjod de/ tha
- 152a
tshig la gnas par gyur to// bcom ldan 'das dpal che mchog 'dus pa rtsa ba'i rgyud las/ dam tshig chen po'i las nye bar bsgrub pa dngos grub kyi rig 'dzin gyi le'u ste lnga pa'o// // de nas bcom ldan 'das la 'dus pa'i 'khor tshogs rnams kyis 'di skad ces gsol to// kye bcom ldan 'das/ bcom ldan 'das nyid kyi dam tshig chen po rab tu gsal ba'i tshogs de dag nye bar bsgrub pa'i gnas dang ston pa dang 'khor dang yo byad kyi khyad par dang / de'i thabs dang 'bras bu dang / yon tan gyi tshogs ji snyed pa dag dus phyi ma'i tshe na 'byung ba'i sems can nyon mongs pas rab tu dkris pa rnams kyis grol ba dang thar pa thob par bya ba'i phyir thugs brtse ba chen pos nye bar dgongs te bstan du gsol// zhes gsol pa dang / de nas bcom ldan 'das kyis nyid kyi sku gsung thugs gsang ba'i dkyil 'khor chen po bdun dang rdo rje'i dam tshig chen po'i sbyor ba'i byin rlabs yang dag par spro ba brgyad mngon par sprul te kun tu snang bar mdzad nas 'di skad ces bka' stsal to// e ma 'dus pa'i 'khor tshogs rnams// legs so legs so shin tu legs/ khyod kyi dri ba 'di nyid kyis// bsod nams byas pa'i khyad par ni// dus gsum sangs rgyas ma lus pas// bskal par gsungs kyang mdzad mi nus// de bas rigs
- 152b
kyi bu rnams nyon// mthong zhing goms la brtul zhugs gnas// re zhing dogs med gtsang ba ste// zab cing mthar phyin dpa' bskur la// thabs mkhas blo che brtan zhing gsal// ston pa nyid kyis rjes bzung bas// lus ngag yid kyi nyes byas zad// blo ldan gtong phod brtson 'grus che// mi phyed dad can rigs dag la// brtul phod ma zhum nges par spyod// nus pa bskyed dang smin pa'i dus// ji ltar bshad pa'i mtshan nyid dang // yon tan rgyan rtags ldan pa'i gnas// mi mdza'i phyogs kun rab bzlog rdzas// zla ba phyed pa byung nas brtsam// tshogs bsag bar chad bsal la 'bad// rang nyid zhe sdang rdo rje yi// sngon gyi phrin las ma lus sbyar// gzhi de brtag cing sbyang ba dang // bdag gir bya ba mchog yin no// dam tshig rdzas kyi mdzes par mnyam// rang gi rigs dang phyogs dag gnas// rdo rje ba su ta yis gcad// nyi zla gsal ba'i dkyil 'khor du// 'bru lnga ye shes 'phro 'du gsal// grub med nor bu rin po che// rigs kyi mtshan mas brgyan pa'i snod// nyid kyi phyogs su gsal bar dgod// rigs lnga rtsa ba'i dam tshig lnga// yan lag dri dang kha dog gis// dman pa sgrib byed mthun pa'i skyobs// rgyal po blon po dmangs dang bcas// ma lus pa ni thams cad kun// mthun pa'i rigs kyis rab tu dbye// pho brang de yi rgyan
- 153a
dang rtags// dgod dang byin brlab la sogs kun// ngas bshad don las 'da' mi bya// phyag mtshan bcas pa'i dkyil 'khor nyid// dam pa rigs brgya'i ting nge 'dzin// byin brlab dbang bskur cho 'phrul gyis// mchod cing bstod de sbyang ba dang / bsdu zhing bstim pa myur bar bya// oM sarba pany+tsa dz+nyA na sa twa kro ta mu na ye swA hA/ oM badz+ra ma hA shrI he ru ka kro tI shA rI ru lu ru lu hUM b+h+yo hUM/ 'di la bstod cing bshags byang dang // ma lus pho brang dbab pa dang // 'jig rten dman pa'i rnam rtog gzhom// snga ma phyi ma dus kyi bdag/ gnyis su blta zhing ngag gi sgra// oM AHhUM sarba pany+tsa a mr-i ta ra sA ya na sta na dza ya g+hu h+ya sid+d+hi hUM hrIHTha/ rdo rje sems dpa'i nga rgyal 'chang // bskyed pa'i byin rlabs dngos la bsdu// 'phro 'du gsal te rtags dang sbyar// rigs kun 'dzin pa dag pa'i phyir// rtsa ba'i dkyil 'khor lngar bsdus pa// oM AHhUM swA ha/ 'khor lo rdo rje rin po che// pad+ma rgya gram 'od dang ldan// dug lnga rgyud lnga sbyangs shing drang // 'ja' tshon lta bu de mnyes bya// snying gar thabs dang shes rab 'od// sbyor bas 'phro 'du 'phros pa las// mnyes dang sbyang ba bsdu byas pa/ thim pas mi bzad 'khor lo'i dbyings// sku dang ye shes gsal bar blta// oM AHhUM sA hA dz+nyA na pany+tsa s+pha ra Na phaT/ saM ha ra Na hUM/ phyag rgya lnga nyid mnyes par
- 153b
bskang // dngos grub bcud kyi gang bar blta// sngon gyi phrin las ji bzhin spyad// de nyid lnga ru snang ba yang // gcig nyid kho na yin pa'i phyir// rdo rje sems dpa' nyid du brtag/ rdo rje pad+ma 'khor lo la// oM AHhUM badz+ra sa twa sa ma ya swA hA/ 'bru gsum kha dog ldan pa ni// bskor zhing lhag mar bcas pa bzlas// kun gyi phrin las gcig gi ngang // dang por bya ba'i las yin no// bdud rtsi 'khyil pa'i dkyil 'khor ni// stong dang snying rje'i sa bon las// oM AHhUM sarba pany+tsa a mr-i ta kuN+Da li hUM hrIH/ zhes pas 'di yi bdag po nyid// mdog dkar zhal gcig phyag gnyis pa// phyag g.yas rdo rje g.yon pa yis// bdud rtsis bkang ba'i thod pa 'dzin// gzhi nyid kun bzang yab yum mkha'// ngo bo bde ba byang chub sems// dkar dang dmar ba'i sprin tshogs 'dus// thugs rgyud bskul zhing mos pa bskyed// gnas ngan sbyangs shing sa la dgod// yon tan thob cing gzhan don rdzogs// rab tu mnyes shing dbang byin stsal// 'bras bu blangs shing bar chad bzlog/ 'phro 'du 'dzam bu na da bzhin// oM AHhUM sarba pany+tsa a mr-i ta kuN+Da li ha na ha na raM/ de las gzhan pa'i bya ba'i gtso// nam mkha'i dbyings kyi dbus dag tu// gtsang dang rnam rtog de nyid las// sbyangs shing bar chad phyir bsal phyir// oM AHhUM sarba pany+tsa a mr-i ta mu sa la g+ha gzhan nas gra han+te ha na ha na
- 154a
hUM phaT/ yang byung / hi a na ya hoHba ya hUM phaT/ de yi bye brag phyed par bya// gnyis med bdud rtsir rab sbyang phyir// bcud bzhi'ang mnyam pa nyid du sbyar// oM a mr-i ta dza gad byi ti la sho d+ha ya/ rat+na tsa ta bi shud+d+he kuN+Da li swA hA// rgyal ba'i mchod sbyin me lha'i tshogs// ma nyams de yis mnyes par bya// oM AHhUM sarba pany+tsa a mr-i ta mu sa la hUM hrIHTha/ chos ma rdo rje mdzes ma yis// dngos grub spel phyir mnyam par gzhal// oM AHhUM sarba pany+tsa a mr-i ta ha ya g+h+ri wa hu lu hu lu hrIH/ rgyas gdabs byin gyis brlab par bya// dngos grub rkyen du bsngags pa rnams// nga yis bshad pa bzhin du bya// rgyal ba mnyes pa'i thabs rnams kyis// mchod de yan lag tshang bar spyad// rol pa chen po'i pho brang gsal// nga yi dgongs rgyud sbyor ba ni// byang chub sems kyi sprin tshogs las// stong gsum 'jig rten khro bcur gsal// steng phyogs rigs bzhi'i he ru kas// dpa' bo gnyis gnyis zhabs kyis brdzis// slar yang gtso bo'i zhabs bzhis mnan// de steng dbyings ma'i zhabs brgyad kyis/ khrag 'thung g.yas g.yon dbus gnyis mnan// dbus ma de yi mkha' la rdzogs// de la rdzogs pa'i he ru ka/ zhabs kyi dbu brgyad brdzis mdzad cing // smin mtshams dbyings su gsang mchog rdzogs// de yi zhal dbus ljags steng du// sras mchog
- 154b
sa nu he ru ka/ mdog dkar gsal ba yab yum bcas// tshon gang de yi ljags dkyil du// 'bru dgus mi 'gyur don la bskor// oM sarba pany+tsa a mr-i ta hrIH/ de 'og dmigs pa'i pho brang du// rang gi sa bon las byung ba'i// gtso chen gsang ba'i yum bzhir bcas// bsdus pa'i mkha' la dbang gi lha// mdog dmar zhal gcig phyag gnyis pa// phyag g.yas pad+ma g.yon pa yis// rdo rje rgya gram pho brang gnon// phyed tsam mkha' nub sbyor ba ste// 'phro 'du byin rlabs rab bskul ba// oM AHhUM sarba pany+tsa a mr-i ta hUM hrIHTha/ sgra dang 'od kyi brtul bzhugs kyis// byang chub sems kyi sprin tshogs 'khyil// sangs rgyas ma lus mnyes par blta// dkyil 'khor bdag po he ru ka'i// snying ga'i 'bru dgu 'od zer gyis// gtso bo'i dbu btsugs lam nas zhugs// ljags kyi dkyil 'khor 'phro 'du mdzad// phyag mtshan dkyil 'khor bcas pa yang // thabs dang shes rab 'od ldan de// gtso mo yum gyi zhal sgor 'bab// de nyid he ru ka dpal lo// rigs bzhi'i dbang mchog khro bcu rnams// yum bcas bde chen gcig tu gyur// slar yang pho brang chen po ru// rigs kyi bdag po rnams su gsal// rim pa bzhin du dbang bskur ro// gnas mchog de yi phyogs kun nas// 'od phung 'bar bas dngos nyid sbar// byin gyis rlabs kyis khro tshogs dang // dbang
- 155a
chen yum bzhi gnang bar mdzad// de yi rigs bzhi gsang mchog dang // sku gdung 'bar ba'i gzhal yas khang // rigs bzhi gtso dang 'khor rnams las// 'od sprin steng phyogs 'bar ba las// yum chen mkha' mnyam klong gi dkyil// gsal ba'i zhabs dang gsang ba'i dbyings// dbu ma'i byin rlabs spyi btsugs 'bar// 'chi med rdo rje'i dkyil 'khor mthong // 'od byung phyogs kun phyag mtshan tshogs kun gyis// byin phabs ljags kyi sbyor ba las// dbang gi dkyil 'khor yum dang bcas// 'phro 'du ma lus khyab byas te// sbyangs shing btul te tshar bcad de// gtso chen steng phyogs 'thim par blta// rgyun du gnas pa'i yan lag las// mthun 'jug sbrul sku'i mdzad pa yis// ma lus gzhan don rdzogs par dmigs// mnyes bya bskul zhing dbab dang bzlog/ phrin las rgyun du 'bad pa las// 'od dang du ba dri dang sgra// lha mo'i gzugs kyang ston par byed// mang du 'phel na grub rtags yin// oM AHhUM sarba pany+tsa a mr-i ta gu h+ya sid+d+hi a b+hi Shiny+tsa A/ gal te tshul bzhin ma gyur na// kun nas sgregs te bsar zhing 'bad// dbab bskyil bsdu zhing blang bar bya// oM AHhUM sarba pany+tsa a mr-i ta A be sha ya pheM pheM kun+da li hUM hrIHTha/ ha ya g+hI wa hu lu hu lu b+han+da b+han+da hUM hrIHTha/ many+dzu shri bya ba lo ke te hUM hrIHTha/ a ho su kha d+harma kA ya ni
- 155b
a mr-i ta sid+d+hi hUM hrIHTha/ rdo rje slob ma'i tshogs rnams kyis// me tog dor te gsol bar bya// oM bo d+hi tsit+ta kA ya wA ka tsit+ta ma hA sa ma ya ho// rdo rje rgyal po de yis ni// yid bzhin pho brang de la bstan// oM AHhUM ma hA shrI he ru ka kro tI shwa rI staM/ sarba pany+tsa a mr-i ta a b+hi Shiny+tsa a be sha ya a aH/ srog gi snying po rgyud gsum po// gnas gsum byang chub sems la thim// IM AHhUM sarba pany+tsa a mr-i ta kA ya wAka tsit+ta A yu pha la sid+d+hi hUM/ mkha' dbyings phyag rgya che ba'i mchog/ dpal gyi tha tshig gtam pa dgrol// pad+ma sa ma ya pra be sha ya phaT/ don dam gnyis med thig le las// sku gsung thugs kyi rdo rjer gyur// ma hA gu h+ya kA ya wa ka tsit+ta sid+d+hi sid+d+hi hrIHSha hUM/ thams cad mkha' yi mtshan nyid ste/ kha dog dbyibs dang mtshan ma grub// skye ba med cing 'gag pa med// rim pa'i don la 'jug par gyis// 'di ni sangs rgyas thams cad kyi// dbang bskur spyod yul dam pa ste// dam tshig phyag rgya srung ba'i mchog/ bsod nams mchog tu phyin pa ste// bla na med pa myur du 'grub// de bas khyed kyis brtson par gyis// zhes gsungs so// bcom ldan 'das dpal che mchog 'dus pa rtsa ba'i rgyud las/ dam tshig chen po byin gyis rlabs pa'i thabs yang dag par bsdu ba'i le'u ste drug pa'o// // de nas gtso chen he ru kas// 'dus pa'i 'khor la 'di skad
- 156a
gsungs// kun tu bzang po he ru ka/ nga ni yon tan gtso bo ste// che ba'i mchog tu gyur pa yin/ 'di la the tshom ma za cig/ dman pa'i 'jig rten chos kyi ni// rgyu dang las dang nyon mongs kyi// sdug bsngal phung po bskyed pas na// nga yi yon tan shes mi 'gyur// log pa'i brtson 'grus shes rab kyis// rags pa'i rgyu dang 'bras bu dag/ me long rtogs te phra ba min// dka' thub brtul bzhugs mchod sbyin dag/ 'dod pa'i khams dang gzugs yod med// nga rgyal snyoms 'jug mngon shes lus// tshe dang bskal pa thob zin yang // srid pa'i sa bon ma zad pas// nga yi yon tan rtogs pa min// rgyun bzhugs mi rtogs rang rgyal bas// blta dang sgom pas spangs bya ba'i// kun nas ldang bar rags pa tsam// spangs pa'i dgra bcom thob zin kyang // 'gyu byed phra mo bag nyal bas// nga yi yon tan ga la rtogs// kun rdzob don dam tshul shes pas// shes pa nyid dang nyon mongs pa'i// sgrib byed spangs te ston pa'i sa// rlabs chen gsos kyang cung tsam las/ yang dag mthar zug shes pa min// bya ba lus ngag rab spyod dang // mnyam pa'i gzugs brnyan gsum dag gis// phyag rgya'i mtshan ma snang mod kyang // thabs dang shes rab mnyam sbyor ba'i// bde chen ro de ma myongs shing / 'dod pa'i lam la rgyab phyogs
- 156b
pas// nga yi yon tan ma mthong ngo // gang dag chags sogs srid pa'i gzhi// rigs byed pa dang tha dad dang // nyon mongs nye ba'i nyon mongs dag/ rang gi de nyid yongs shes shing // bag chags dang bcas kun gyi gzhi// rnam par shes pa'i yul tshogs rnams// zag bcas zag med 'dus ma byas// rang bzhin byung ba'i bcom ldan 'das// dbang po'i longs spyod yul gyur rnams// de nyid shes pas yongs bsgrubs pa// nga yi yon tan mthong ba yin// nam mkha'i mtshan nyid ji bzhin du// bcing ba med cing grol ba med// dbyer med mtha' gnyis mi gnas shing // chags med chags dang bral ba med// rnal 'byor bzhi dang sku lnga dang // ye shes phrin las ma lus pa// snang med tshul gyi snang ba de// nga yi yon tan shes pa yin// de bas rigs kyi bu khyed rnams// nga yis ji ltar bshad pa yi// yon tan chen po 'di long la// dman pa bar ma mchog tu gyis// yul dang dngos po sems rgyun dang / khams dang byed pa las rnams kun// nga la dman pa yongs med pas// de bas nga nyid kun tu bzang // che ba'i mchog ste mchog tu gyur// ces gsungs so// bcom ldan 'das dpal che mchog 'dus pa rtsa ba'i rgyud las/ yon tan gyi tshogs nye bar bsdu ba'i le'u ste bdun pa'o// // de nas gtso chen he ru kas// 'dus pa'i 'khor la
- 157a
'di skad gsungs/ khyad par sgrub pa rgyal ba'i bka'// snang srid snang bar shes pa'i sku// rgyu gnyis rkyen gsum las byung ba'i// sku gsung thugs kyi dngos grub 'di// bde chen mnyam nyid thugs kyi ngang // bdag 'dzin rnam dag shes rab sku// chags pa kun bral skye med dbyings// gnyis med don las sna tshogs ston// 'di ni don gyi bdud rtsi'o// ma skyes kun bzang che ba'i mchog/ bde chen klong 'dus dbyings phyug ma// nyon mongs rnam dag rigs kyi gtso// ye shes lnga rdzogs sku lngar grub// dug lngar rtog pa rang grol ba// 'di ni ming gi bdud rtsi'o// 'dul ba'i thabs mkhas khro bo'i sku// sgra tshig sbyangs mdzad 'khor lo'i gsungs// 'chi med las kyi bdud rtsi'o// chos nyid rig pa byang chub sems// 'dres dang ma 'dres yongs su rdzogs// nyon mongs ma rig mi gtsang nad// chos nyid ye shes nus pas sbyong // tshang lugs brgyad ldan chos kyi ro// shes pa brgyad kyi don bdud rtsi// sman rnams bdud rtsir dmigs pa ste// bsgom pa brgyad kyi dam rdzas so// phyi nang snod bcud thams cad kun// bdud rtsi de nyid rnam lnga ste// so so rang nyid rtsa ba brgyad// dbyibs dang kha dog phyi dang nang // thabs dang shes rab ro dang mthu// sku dang gsung dang thugs nyid dang // yon tan phrin las yan lag go/ ngang dang rang bzhin
- 157b
bdag nyid rgyu// dus gsum de nyid shes par spyod// bdud bzhi nyon mongs nad 'joms sel// skye shi 'du bral med pa'i don// lta spyod dam tshig phrin las dang // ye shes dkyil 'khor sgrub pa'i lung // phyi dang nang gi 'byung ba dang // sems dang sems nyid chos dang ni// chos nyid gsang ba de nyid do// bde ba dang ni sdug bsngal dang // 'khor 'das chos dang gtsang mi gtsang // log rtogs spang len lam du rdzogs// sbyor ba'i don du dkyil 'khor brgyad// mnyam nyid thugs chud klong du bzhag/ skye 'chi med cing ma bcos la// phung po snod lnga ye shes lha// rang byung kun bzang yab yum ste// 'di ni dag pa'i dgongs pa'o// bcom ldan 'das dpal che mchog 'dus pa rtsa ba'i rgyud las/ rnam par dag pa'i dgongs pa'i khyad par nye bar bsdu ba'i le'u ste brgyad pa'o// // de nas gtso chen he ru kas// 'dus pa'i 'khor la 'di skad gsungs// spyi dang khyad par bye brag gis// yongs su rdzogs dang so so yi// nus pa gcig pur dbyung ba'i phyir// dam tshig rtsa ba rnam pa lnga// yan lag phan yon bcas pa ni// nga yis sngar bshad de dag las// rang gi rigs mthun gnyen po dang // grogs dang skyob kyi khyad par las// rgyal po blun po dmangs lta bu// skad cig zug phrad bstan pa yis// tshe ring nad med bde ba dang // lang tsho kha
- 158a
dog stobs dang gzi// 'phel zhing dbang po rig pa gsal// mkha' la 'gro zhing pha rol gyi// nus stobs gnod pas mi tshugs shing // kun gyis bkur sti'i 'os su mthong / khams kyi zas dang ma 'brel zhing // gos med mkha' la gcer bur spyod// sngon gyi rgyal ba che rnams kyi// rig pa 'dzin pa'i gral thob 'gyur// de nyid ma rig bar du yang // nad dang mu ges mi tshugs shing // bar gyi bskal pa 'jigs las thar// gzhan la phan pa sgrub la sogs// yon tan chen po dpag med thob// de bas rnal 'byor che rnams kyis// nga dang sangs rgyas thams cad kyi// gsung bzhin myur du 'bad par bsgrubs// kun bzang nga dang rigs lnga yis// bsdus pa'i sangs rgyas thams cad kyi// bka' 'di 'jam dpal rnon po yis// tshangs dang 'jog po li tsa byi// drang srong bram ze rjes gzung phyir// ji ltar bshad pa bzhin long la// dam pa rjes su bsgrub par gyis// bstan pa 'di bzhin gang bsgrub pa// 'khrul pa'i rnam rtog 'ching ba las// 'di nyid du ni grol bar 'gyur// da lta thub pa chen po yis// 'dzam bu gling gi sa yi char// tshul 'di nyid kyis bstan gyur kyang // blo dman skal ba gzhan pa yis// gtsang sgra dka' thub spyod par rtogs// sangs rgyas rnams kyi bstan pa gcig/ bsrung gcig dag gis nges bstan
- 158b
kyang // rang gi rnam pa'i tshul gyis go/ 'di ni bdag gi don spyod ces// mthun pa'i gdul bya kha cig blta// de bas rig pa 'dzin pa yi// sems dpa' chen po khyed rnams kyis// gang la gang gis 'dul ba yis// rigs chen gnyen po de bzung la// lha dang drang srong bram ze dang // mkhan po slob dpon cha byad kyis// nus pa gang yin de nyid la// ji ltar 'dul ba de ston cig/ phyi ma'i dus kyi tshe dag na// nga yi bstan pa'i tshul 'di la// mos dang mi mos 'dul mi 'dul// tha dad so sor 'byung 'gyur te// gsang zhing bstan pa'i tshul de nyid// skad cig dus la rig par gyis// zhes gsungs nas/ longs spyod rdzogs sku'i dkyil 'khor chen po yongs su sbyor ba dang bcas pa de dag 'od zer gyi kyo ba chen pos drangs te rdzu 'phrul gyi lus kyi phyag rgya rab tu bstan pa'i phyir mi mjed kyi khams la sogs pa rnams su sprul pa'i sku sna tshogs snang bar mdzad nas sems can gyi khams dpag tu med pa'i don grub par snang ngo // sa chen po la rtogs pa'i 'dus pa'i 'khor de dag ni/ nyid kyi sku gsung thugs gsang ba'i mdzod chen por bzhugs nas/ nam mkha'i khams lta bus dbyings na 'tsho zhing gzhes pa la// rigs chen po la sogs pa'i 'khor rnams rjes su yid rangs te mngon par bstod do// // tshangs pa la sogs pa'i 'khor rnams
- 159a
kyang // byang chub sems dpa' 'jam dpal dang / sa'i snying po la sogs pa rang rang gi rigs kyi ston pa de la/ dus de nyid du dga' zhing rjes su yi rang ba'i tshig gis mngon par rab tu bstod cing 'dug go// bcom ldan 'das dpal che mchog 'dus pa rtsa ba'i rgyud las/ dam tshig gi yan lag gi yon tan rjes su bstan cing gdams pa'i le'u ste dgu pa'o// // bcom ldan 'das dpal che mchog 'dus pa rtsa ba'i rgyud rdzogs so// // rgya gar gyi mkhan po slob dpon chen po pad+ma 'byung gnas dang / bod kyi lo tsA ba bai ro tsa na bdag gis bsgyur te gtan la phab pa'o// // rgyal po'i bla dpe'o// // gter rgya/ sbas rgya/ gtad rgya/ rgya rgya rgya// /
- 159b
rgya gar skad du/ shri he ru ka sa mu dA ya mU la tan+t+ra na ma/ bod skad du/ dpal khrag 'thung 'dus pa rtsa ba'i rgyud ces bya ba/ dpal 'jigs byed chen po khrag 'thung he ru ka la phyag 'tshal lo// 'di skad bdag gis thos pa'i dus gcig na/ bcom ldan 'das dpal he ru ka chen po// gsang ba chen po'i mkha' dbyings rnam par dag pa'i pho brang na/ 'jigs byed chen po'i 'khor 'di lta ste/ bud+d+ha he ru ka dang / rat+na he ru ka dang / pad+ma he ru ka dang / karma he ru ka dang / bud+d+ha kro d+hi shwa rI ma dang / rat+na kro d+hi shwa rI ma dang / pad+ma kro d+hi shwa rI ma dang / karma kro d+hi shwa rI ma dang / hUM ka ra dang / rnam par rgyal ba dang / nI la daN+Da dang / ya mAn+ta ka dang / Ar+ya a tsa la dang / ha ya g+ni ba dang / a pa ra dzi ta dang / a mr-i ta kun d+ha li dang / tre lo kya bi dza ya dang / ma hA b+ha la dang / ko'u rI ma dang / tso'u rI ma dang / pra mo ha dang / be ta lI dang / puk+ka si dang / skasma rI dang / sma sha nI dang / tsan d+ha li dang / sid+d+ha mu kha dang / bya g+h+ri mu kha dang / srig la mu kha dang / shA na mu kha dang / gr-i D+ha mu kha dang / kang ka mu kha dang / ka ka mu kha dang / yu lA ga mu kha dang / aM ku sha ma dang / pA sha ma dang / s+pho Ta ma dang / g+haN+De ma dang / las byed pa'i ma mo bdun phrag bzhi dang / mkha' 'gro'i tshogs bsam gyis mi khyab pa dang / thabs cig tu rol pa chen pos bzhugs so// de nas 'dus
- 160a
pa'i 'khor de dag rnams kyis/ dpal he ru ka la 'di skad ces gsol to// kye ma bcom ldan he ru ka/ dus gsum sangs rgyas thams cad kun// thugs rje zhi ba'i rang bzhin la// khyod nyid khro ba ci zhig lags// he ru ka ni ji lta bu// thabs dang shes rab sbyar ba gang / ma 'ongs dus na skyes bu yi// khyod dang bdag cag lhan cig tu// nye bar byed pa'i thabs ci lags/ thams cad khyod dang gcig pa yis// 'gro ba'i don kun ji ltar bsgrub// 'dul bar bya ba'i don ched du// bdag cag rnams la bstan du gsol// zhes zhus so// de nas dpal chen he ru kas// 'dus pa'i 'khor la 'di skad gsungs// shin tu khro zhing gtum pa la// zhi bas phan par mi 'gyur te// khro bo de bzhin gshegs kun mdzad// sangs rgyas thugs rje khros pas ni// gdug pa ma lus 'dul bar byed// thams cad dbang du gyur nas kyang // bsgo ba'i bka' nyan bran bzhin gnas/ he ni dgongs shing bzhad pa'i gsung // ru ni kun la chags pa'i thugs// ka ni mnyam nyid ye shes sku// shrI ni snying rje bdag gzhan rtogs// ma skyes dbyings ni shes rab ste// ma 'gags sprul pa de yi thabs// dus gsum dngos po thams cad kun// mnyam nyid gnas pa sbyor ba yin// phung po lnga nyid he ru ka/ kro d+hI shwa rI 'byung ba lnga// ma mo rnam par shes pa
- 160b
brgyad// de yi yul brgyad phra men gyur// 'du shes bcu nyid khro bor gyur// 'gyur ba bzhi ni khro mo ste// sems las byung ba mkha' 'gro'i tshogs// thams cad nga yi sku gsung thugs// ye nas gnas shing lhun gyis grub// 'dus ma byas shing g.yo ba med// ma rig rtsa ba yan lag bcas/ sgrib byed de yi gnas ma mthong // gal te bdag nyid shes 'dod na// yang dag grub pa gcig pu nyid// sangs rgyas bde chen kun 'dus pa// rnal 'byor zab mo sku gsum rdzogs// mkha' 'gro sgyu ma bde mchog bde// 'gro ba sna tshogs thabs kyis 'dul// don dam nges pa'i lung 'di nyon// zhes gsungs so// dpal khrag 'thung 'dus pa rtsa ba'i rgyud las// gleng gzhi'i don bsdus pa'i le'u ste dang po'o// // de nas 'khor gyis yang zhus pa// dpal chen he ru ka yi rje// ma 'ongs sems can skal med cing // gdul bar dka' ba gang zhig la// ji ltar nges pa'i don bstan yang // myur du rtogs pa ma yin pas// bsgrub pa dang ni chen po dang // bsnyen pa dang ni nye ba dang // las kyi khyad par ma lus pa// rim pa bzhin du bstan du gsol// zhes zhus pas// bcom ldan 'das kyis bka' stsal pa// phyi dus snyigs ma byung ba'i tshe// blo dang ldan pa'i skyes bu yis// dur khrod dgon pa'i phyogs dag gam// nges par brtags pa'i sa gzhi la// rdo rje dur khrod
- 161a
bdag po'i lus/ rab tu nyam zag bsgyel ba ste// nga yi sngon gyi phrin las yin// mkha' dang brtan zhing gsal ba dang // g.yo zhing sreg par rab snang ba// dkyil 'khor lnga ru byin gyis brlabs// lus dang lus kyi phung po la// gdug pa'i khrag 'thung tshogs rnams bsgom// phun sum tshogs pa'i sa blangs la// lag gang sa la sogs pa yi// rgya cher bskyed la bdud rtsis gdab// sha rus khrag sogs mtshon pa yi// rim pa'i bye brag 'di lta ste// mthing ga dkar ser dmar dang ldang / dbus dang phyogs bzhi rab tu mdzes// gnas pa'i pho brang lnga'am dgu/ bcu drug gam ni lnga bcu brgyad// drug cu rtsa brgyad la sogs pa'i// tshogs pa'i tshad dang mnyam pa la// dmigs pa gsal ba rab tu bsgom// bdag dang ye shes sems dpa' gnyis// so so ma yin tha dad min// mchod bstod mnyes pa bzlas pa dang // dgug dang gzhug cing bstim pa dang // bcings dang dbang du bya ba dang // dgyes pa bskyed cing las la sbyar// thun mong dang ni mthar zug pa'i// rang gi de nyid yongs shes shing // gnyis su 'dzin pa ma lus dor// yod med skye 'gag rtag chad dang // 'gro 'ong la sogs spros pa'i mtha'// ji snyed pa ni rang gi blo// de dang bral ba'i sgrub pa po// nga'am nga dad 'dra ba yis// sangs rgyas rnams dang de yi
- 161b
sras// kun nas rab tu bsgrub pa yin// byams pa dang ni snying rje yis// khams gsum gnas pa ma lus pa'i// 'gro ba thams cad bsgral 'dod phyir// nga la bsnyen pa bsgrub pa che// rnal 'byor ye shes rang gi ngag/ yi ge sngags kyi 'phro 'du yis// smra bsam brjod med tshig las 'das// 'dzin med brag cha lta bus bsnyen// sems can rnams kyi phyi dang nang // gsang ba yongs su shes 'dod pas// dul ba'i sems su bzhag nas ni// dam tshig chen po bde bar gnas// bsnyen par gnang ba'i dbang thob nas// bsgom dbyangs yi ge 'bru brgyad bstan// oM ru lu ru lu hUM b+h+yo hUM// dbang mchog thob nas 'khor dang bcas// ston pas bstan pa'i lung bzhin du// bsgom rgyud gsal bar ci nus bya// de yi ngang la nye bar bsnyen// gang zhig bdag gzhan don gyi phyir// phung po mchod rdzas bya ba dang // rtsi bcud bdud rtsir bsgrub pa dang // bstan la rab sdang bsgral ba dang // lus bral dang du drangs pa dang / nga nyid kun rdzob gnas pa dang // chags can gnyen pos gdul ba'i rigs// de nyid dbang du bya ba dang // brtag dang dbab pa la sogs kun// nga la nye bar byas pas 'grub// ces gsungs so// dpal khrag 'thung 'dus pa rtsa ba'i rgyud las// he ru ka'i las yang dag par bsdus pa'i le'u ste gnyis pa'o// // de nas 'khor gyis
- 162a
yang zhus pa// mgon po he ru ka dpal rje// skal med sems can gdul dka' ba// shin tu snyigs mar gyur pa'i lus// nyon mongs pa yi sems can rnams// shes rab phun sum ma tshogs shing // rab tu 'bad pa chung bas na// shin tu bsdus min rgyal min par// khyod kyi rang bzhin bsgrub pa dang // gtso dang 'khor gyi bsdus pa'i gnas// rang gi rigs dang phrin las dang // sgrub dang mchod dang bsgral ba dang // bskul zhing gnas nas drang ba dang / bsdu dang sbyang zhing gsad dang gso// las dang las la mngag pa rnams// mchog dang dman dang bar ma yi// blo dang yid la gang rigs pa'i// 'bar ba'i rgyal po sku bzhengs la// rol pa'i cho 'phrul rab ston cing // gsung gi yi ge 'khor lo'i gnad// 'od zer rab tu khyab mdzad de// thugs kyi gsang ba klong brtol nas// ma 'gags thabs kyi rang bzhin las// sa dang 'gro ba smin pa'i chos// da lta nyid du bshad du gsol// zhes gsol pa dang // de nas bcom ldan 'das de bzhin gshegs pa thams cad kyi bdag po he ru ka chen pos// de bzhin gshegs pa thams cad kyi sku gsung thugs rdo rje btsun mo'i b+ha ga yangs pa'i klong // dam tshig chen po'i byin gyis rlabs pa'i dkyil 'khor gyi ting nge 'dzin la snyoms par zhugs nas/ rig pa'i skyes bu chen po'i
- 162b
gzugs byang chub kyi sems rdo rje khro bo chen po'i longs spyod rab tu rdzogs pa'i sku/ 'jigs byed 'bar ba kun tu bstan te/ dges pa chen po'i gad mo'i sgras// stong gsum gyi 'jig rten gyi khams rab tu gang bar mdzad nas// rdo rje drag po chen po'i thugs gnyis su med pa'i bde ba chen po// thams cad kyi ngo bo rab tu gsal bar mdzad de// 'dus pa'i 'khor rnams la 'di skad ces bka' stsal to// e ma 'dus pa'i 'khor rnams nyon// dang po mnyam pa'i gzhi nyid las// 'das dang ma 'ongs bcings dang grol// brtan dang g.yo ba srid dang zhi// yongs su grub dang kun tu brtags// gzhan gyi dbang du gyur pa yis// nga nyid gtso bo lta bur snang // phung po lnga dang rnam shes brgyad// yul brgyad dang ni 'du shes bcu// 'gyur ba bzhi dang bcas pa kun// yang dag mthong ba gong ma'i gnas// yid las byung ba'i rtogs pa'i dngos// ma lus lus pa med pa kun// bdun phrag brgyad phrag bzhi bzhi dang // bco brgyad dang ni drug cu bzhi// bzhi dang bdun dang bzhi gnyis dang // grub par shes pa 'og ma'i gnas// nga nyid ngar snang rdo rje ste// sangs rgyas gti mug de bzhin gshegs// nga rgyal rin chen 'byung ba ste// pad+ma chags rab he ru ka/ phrag dog las ni rab tu bsgrub// gzugs dang rnam shes tshor ba dang // 'du shes 'du byed lnga rang
- 163a
bzhin// ma bcos pa dang zhi ba dang // rab tu rgyas dang dbang du byed// tshar gcod drag po ji bzhin bsgrub// ngang nas shes shing gnas pa yin// zhes gsungs so// ngang la khrag 'thung 'dus pa rtsa ba'i rgyud las/ gnas dang rigs bsdus pa'i le'u ste gsum pa'o// // de nas he ru ka dpal gyis// 'dus pa'i 'khor la 'di skad gsungs// nga yi sku gsung thugs kyi bdag/ lus ngag yid gsum bsgrub 'dod pas// shes rab kyis ni blo phye nas// gus pa yi ni dam tshig dang // gtsang dang 'jigs pa'i brtul zhugs bcas// srog lus yan lag rdzas rnams kun// bla ma mnyes par bya phyir dbul// dngos grub 'dod phyir gsol ba gdab// blo zhan shes rab chung ba yis// bsgrubs kyang 'grub par mi 'gyur te// phung byed gnyis ka bsreg pas na// de bas gzhan du bstan pa med// nges par brtags pa'i sa gzhi la// phun sum tshogs pa bzhi ldan nas// dur khrod sa ni rab tu brtags// 'byung po'i gtor ma btang nas kyang // gsang ba don gyi las rnams spyad// rnam par rtog pa bgegs yin te// rnam rtog rang gi sems las 'byung // sems nyid ye nas dag shes na// gzhan nas bgegs zhes bya ba med// mthun pa'i gnyen pos 'dul don du// zhe sdang rdo rje'i ting 'dzin gyis// mkha' la khro bo
- 163b
'chol ba spro// bskrad dang brdeg dang gcod par bya// snga ma las ni gnas bsgyur te// rdzas dang sa gzhi brtags pa der// slob dpon ji bzhin stan bder gnas// rab tu mnyam pa'i tshad gzhal te// rang byung bdud rtsi'i chag chag gdab// ba su ta yi thig gi bcad// re mig thod pa'i phreng ba bzhi// pho brang zla gam chen po dgu/ mthing ga dkar ser dmar dang ldang // rab tu dmar ba dag tu bya// 'khor lo rtsibs brgyad brgyad gnyis bya// phyogs bzhi sgo bzhi nang khyams bcas// 'od kyi rang bzhin brtsig pas bcad// phyi rol 'dod yon gnas la sogs// mkha' 'gro dur khrod gnas chen kun// ji ltar gsungs pa bzhin du bri// sngon gyi phrin las shes par bya// rdul tshon gzhal yas khang de la// ji ltar dgos pa'i rdzas rnams ni// lha rnams rab tu 'byung ba yi// gnas rnams so so de nyid du// thod pa rU pa bri ba dang // so so'i yi ge phreng ba'i sngags// snang ba'i 'od dang bcas pa dang // lha zhal ldan pa'i phur pa rnams// sku gsung thugs dang phrin las rten// mtshan dang ldan pa'i snod nang du// 'bru bcud bdud rtsi rab sbyar pab// yon tan dngos grub 'byung ba'i rten// rdzas kyi 'khor ba mdzes par gzhag/ phyi rol bar chad srung ba'i rgyan// mig gi rten yang mngon par dgram// rdo rje slob dpon rgyal thebs dang // shes rab ma dang
- 164a
las mkhan dang // dral gyi dgos pa tshangs pa yis// phyi dang nang gi 'grul bcad de// lhag pa'i rtags kyi kun mtshon nas// sgrub rdzas de dag byin gyis brlab// rang gi gnas su mnga' gsol te// mchog tu bya phyir rab tu brtan// dmigs med stobs kyi gdeng can gyis// sku mchog 'bar ba'i tshul du bsam// khams gsum khrag tu dmigs nas kyang // dur khrod kun tu khyab par bsam// zhi ba'i tshul gyis bka' bsgo zhing // khro bo'i las kyis bsrung ba ni// 'bar ba'i me dang mtshon cha lnga// khrag 'thung lha rnams sprul pa'i tshogs// lta ba rnam dag don rnams kyis// phyi nang gsang ba kun tu bsdams// tshogs bsag phra mos kha bskangs shing // zhi ba'i mchod pas mnyes pa dag/ bsnyen po'i don du 'di dag bya// de ltar bdag nyid brtan byas nas// ye shes dkyil 'khor bsgrub pa ni// dang po chos kyi dbyings nyid las// dmigs pa med pa'i don gyis bsgom// chos dbyings ye shes de nyid kyis// ma khyab pa la thugs rje bskyed// dngos ni hUM du byin brlabs nas// rin chen gsal bar shar ba dang // byang chub sems kyi 'od zer 'phros// mos pa'i thugs la mnyam bsams te// 'od 'dus thog ma'i hUM la gzud// sangs rgyas mkha' 'gro yum lnga yi// mkha' dbyings rnam dag 'byung ba lnga// rang gi sa bon lnga las
- 164b
bskyed// de nas dur khrod bdag po dag/ phyag rgya che dang ldan pas ni// rab tu 'bad pas bsgom byas te// de yi nang du sngar bshad pa'i// tshad med gnas te bsgom bya ba// sku gsum ldan pa'i thod pa ni// skam po sha ris thod rlon rnams// rmang dang brtsig pa kha bad la// lha chen phung po ka ba la// gza' klu rgyu skar rnams kyis phubs// dbang phyug dang ni 'khor los sgyur// ba dan phyar zhing rgyal mtshan phyar// kun gyi tshul dang ma lus ldan// drag po'i gnas kyi dbus dag tu// rU tra nyi zla pad+ma'i steng // gnas gzhan rnams su ti ra'o// lha rnams rang gi sa bon las// phyag mtshan snying po phra mo dag/ brtan par gyur nas mkha' la gzhag/ bskul ba'i rang bzhin kun 'dus pas// des kyang spro ba'i las rnams byas// nga yi rang bzhin lha rnams kun// so so'i sku mdog phyag mtshan dang // bskyed rdzogs grub pa'i lha dag bsgom// de yi rim pa'ang 'di lta ste// mi dmigs chos la blo brtags shing // ye shes can gyi byin stobs kyis// thams cad dam tshig chen po yi// bde mchog sgyu ma'i brda' mtshon te// rdo rje pad+ma ldan byas nas// dbyings kyi bde chen las byung ba'i// rang gi ye shes de las bskyed// ji bzhin mkha' la gsal dag pa'i// sprin med nyi ma'i 'od ltar 'tsher// rang gi byin gyis brlabs las byung // rigs kyi bdag pos rang
- 165a
dbang bskur// las kyi khyad par bstan nas kyang // so so'i gnas su brtan par bsgom// ye shes dkyil 'khor spyan drangs te// bzhugs dang rten dang mi g.yo bas// dam tshig zil gnon phyag bya dang // mchod dang bstod dang bza' ba dag/ tshul bzhin goms pa'i blo dag gi/ ci rigs su ni spyad par bya// dam tshig mchog gi mchod pa dang // skul tshig dbyangs kyis de dag mnyes// 'khor bcas mchod pa rdzogs nas ni// bsnyen pa'i lung bzhin brtson par 'bad// zhag grangs dus ni brtags pa'am// mtshan ma brtan po byung ba na// bsgrub pa chen po brtsam par bya// dpal khrag 'thung 'dus pa rtsa ba'i rgyud las/ bsnyen pa dang bsgrub pa yang dag par bsdus pa'i le'u ste bzhi pa'o// // de nas bcom ldan 'das de bzhin gshegs pa thams cad kyi bdag pos nam mkha'i dbyings dang mnyam pa'i sku gsung thugs rdo rje btsun mo'i b+ha ga la dam tshig chen po'i phyag rgya byin gyis rlobs pa'i ting nge 'dzin la snyoms par zhugs nas// nam mkha'i khams dang mnyam pa'i sems can gyi khams thams cad kyi// byang ba kyi sems rdo rje ji snyed pa thams cad rab tu 'bar ba'i skar byin gyis brlabs nas/ 'di skad bka' stsal to// e ma 'dus pa'i 'khor tshogs nyon// nga yi sku gsung thugs kyi bdag/ rnam par grol ba
- 165b
mtshon pa'i phyir// badz+ra he ru ka dpal gyi// rtags kyi phyag rgya 'di ltar ro// g.yas dkar g.yon dmar dbus mthing zhal// zhal gsum phyag drug zhabs bzhir bgrad// rdo rje kha T+wAM rde'u chung g.yas// dril bu rgu zhags khyung khra/ dril bu dung dmar rgyu zhags g.yon// g.yon// he ru ka yi ye shes rgya// shes rab dbyings ma'i phyag rgya ni// zhal gcig phyag gnyis sku mdog mthing // g.yas pa thabs kyi yab la 'khyud// g.yon pa dung dmar gtso la stob// kro d+hI shwa rI dbyings kyi rgya// bud+d+ha he ru'i phyag rgya ni/ dbu gsum phyag drug zhabs bzhir bgrad// smug nag mthing dang dmar ba'i zhal// ti ra/ 'bar ma tar byung canags rdo rje khrung chen g.yas// b+han dmar rgyu zhags pa su g.yon// bud+d+ha kro d+hI yum dang sbyor// rat+na he ru ka yi phyag rgya ni/ dbu gsum phyag drug zhabs bzhir bgrad/ ser nag mthing dang dmar ba'i zhal/ rin chen byis dbyug dgra stalha g.yas/ b+han dmar ri rab rgyu zhags g.yon/ rat+na kro d+hi yum dang sbyor// pad+ma he ru'i phyag rgya ni// dbu gsum phyag drug zhabs bzhir bgrad// dmar nag mthing dang dkar ba'i zhal/ pad+ma be con dgra sta g.yas// b+han dmar thang gshol ri rab g.yon// pad+ma kro d+hi yum dang sbyor// karma he ru'i phyag rgya ni// dbu gsum phyag drug zhabs bzhir bgrad// ljang nag dkar dang dmar ba'i zhal// rgya gram ral gri dgra sta
- 166a
g.yas// zod khrag ri rab zang gshol phur pa g.yon gang / g.yon// karma kro d+hi yum dang sbyor// yum chen rnams kyi phyag rgya ni// zhal gcig phyag gnyis zhabs gnyis 'khyud// so so'i gtso bo'i sku mdog la/ g.yas pa kha TaM yab la 'khyud// g.yon pa dung dmar gtso la stob// yab yum 'di dag thams cad kun// nyi zla pad+ma rA tra gnon// khro bo'i gar nyams dgu ldan zhing / dur khrod 'jigs pa'i chas kyis brgyan// ma mo rnams kyi phyag rgya ni// ko'u ri b+han dmar byis dbyug sngo// tso'u ri mda' gzhu 'gengs ma ser// pra mo chu srin rgyal mtshan dmar// be ta byi za rdo 'phyar nag/ puk+ka dmar ser byis rgyu 'dren// g+hasma dung dmar khrag 'thung ljang // sma sha mthing nag byis snying za// tsan d+ha ser skya mchog lus 'bral// phra men rnams kyi phyag rgya ni// seng ha ser mo zhing za ser// byA g+h+ra dmar mo lag bsnol stag/ sri la nag mo byis ldag wa// shwa na mthing ga sha 'drad sbyang // gr-i D+ha dmar mo dung gri rgod// kang ka dmar skrag zhing khur dur// ka ka bya rog b+han gri gnag/ u lha mthing nag lcags kyu 'ug/ lha mo dang ni phra men rnams// khro mo'i lus la cung zad zhi// khro bo rnams kyi phyag rgya ni// hUM ka ra ni sku mdog sngo// phyag gnyis mda' gzhu 'gengs shing 'phen// rnam par rgyal ba sku mdog dkar// g.yas pa 'khor lo g.yon tri
- 166b
shUshAl// dbyug pa sngon po sku mdog sngo// me dpal g.yas la dbyug to g.yon// gshin rje gshed po sngo skya'i mdog/ g.yas pa thod dbyug g.yon dgra sta// mi g.yo ba ni mdog ljang sngon// ral gri g.yas la zhags pa g.yon// rta mgrin can ni sku mdog dmar// spu gri g.yas la lcags sgrogs g.yon// 'dod pa'i rgyal po dmar skra'i mdog/ b+han+da g.yas la rnga yab g.yon// bdud rtsi 'khyil pa ljang nag ste// g.yas pas rgya gram g.yon dril bu// khams gsum rnam rgyal sku mdog mthing // rdo rje g.yas la sbrul zhags g.yon// stobs po che ni dud kha'i mdog/ tho ba g.yas la zhags pa g.yon// khro bo 'di dag thams cad kyang // dpal gyi chas kyis rab brgyan pa'o// rta gdong dkar mo lcags kyu 'dren// phag gdong sngon mo mche zhags bsdam/ spre'u gdong dmar mo lcags sgrog 'chings/ spyang gdong ljang gu dril 'khrol brdeg/ khro mo'i chas kyis cung zad brgyan// kun kyang gtso la 'dud cing blta// de nyid rigs kyi dbu brgyan cing // rang gi sems dpa' snying la gnas/ gzugs su brtags pa'i dngos po kun// nga yi/ phyag rgya'i dkyil 'khor yin// zhes gsungs so// dpal khrag 'thung 'dus pa rtsa ba'i rgyud las/ phyag rgya'i tshogs yang dag par bsdus pa'i le'u ste lnga pa'o// // de nas bcom ldan 'das de bzhin
- 167a
gshegs pa thams cad kyi bdag po des// dus gsum gyi bde bar gshegs pa thams cad gsung gi rdo rje gsang ba'i snying po yang dag par 'byung ba 'od zer rnam par 'phro ba'i ting nge 'dzin la snyosgoms par zhugs te/ 'jig rten gyi khams thams cad 'jigs pa'i sgra chen pos g.yo bar mdzad nas/ 'di skad ces bka' stsal to// hA hwA hA hUM hUM/ b+h+rU~M b+hU b+h+yo b+h+yo b+h+yo/ ha ha ha ha/ ha ha ha ha/ he he he he/ 6 hete/ hUM hUM hUM hUM hUM/ hUM hUM hUM hUM hUM/ dzaHhUM baM hoH/ rtsa ba'i snying po'o// oM ru lu ru lu hUM b+h+yo hUM/ nye ba'i snying po'o// oM badz+ra shrI he ru ka hUM/ oM bud+d+ha shrI he ru ka hUM/ oM rat+na shrI he ru ka hUM/ oM pad+ma shrI he ru ka hUM/ oM karma shrI he ru ka hUM/ oM badz+ra kro d+hi shwa ri s+t+waM/ bud+d+ha kro d+hi shwa ri s+t+waM/ rat+na kro d+hi shwa ri s+t+waM/ pad+ma kro d+hi shwa ti s+t+waM/ oM karma kro d+hi shwa ri s+t+waM/ badz+ra ko'u rI ha/ badz+ra tso'u rI ha/ badz+ra pra mo he ha/ badz+ra be ta lI ha/ badz+ra puk+ka sI ha/ badz+ra g+hasma rIri ha/ badz+ra sma sha ni ha/ badz+ra tsan+da lI ha/ badz+ra sid+d+ha mu kha he/ badz+ra byA g+h+ri mu kha he/ badz+ra shri ga la mu kha he/ badz+ra shwa na mu kha he/ badz+ra gr-i D+ha mu kha he/ badz+ra kang ka mu kha he/ badz+ra ka ka mu kha he/ badz+ra u l+yA mu kha he/ ka ra hUM/ badz+ra bi dza ya hUM/ badz+ra nI la daN+Da hUM/ badz+ra ya mAn+ta ka hUM/ badz+ra Ar+ya a tsa la hUM/ badz+ra ha ya grI ba hUM/ badz+ra a pa ra dzi ta badz+ra a mr-i ta kuN+Da li hUM/ badz+ra trai lo kya bi dza ya hUM/ badz+ra ma hA ba la hUM/ badz+ra AR+Ya te dza
- 167b
tang dza/ badz+ra a mu khe hUM/ badz+ra lo ka baM/ badz+ra b+hasmi ba la ya ba tu ho/ rab tu bskyed pa'i snying po'o// A~M badz+ra shrI he ru ka kro d+hI shwa ri staM/ sa ma ya ho/ sa ma ya s+t+waM/ rA go&haM/ rA ga yA mi/ badz+ra sarba ta thA ga ta A nu rA ga Na badz+ra swa b+ha wa At+ma ko&haM/ hUM s+pha ra na phaT/ saM ha ra na hUM/ nges par 'byung ba'i snying po'o// A~M sarba ta tA ga ta tsakra ka ya a d+hiSh+Tha na AM/ oM sarba ta thA ga ta badz+ra pad+ma wAka a d+hiSh+Tha na AH/ oM sarba ta thA ga ta badz+ra tsit+ta a d+hiSh+Tha na hAM/ byin gyis rlabs pa'i snying po'o// AM ma hA shwA n+ya ta a d+ha ri sha sa ma tA pra t+ya be k+Sha Na kr-i tu nuSh+TA na dz+nyA na badz+ra swa b+hA wa At+ma ko&haM/ a b+hi Shiny+tsa maM/ dbang skur ba'i snying po'o// A~M badz+ra shrI he ru ka kro d+hi shwa ri e tsakra maN+Da la A ra li hring hring dza dzaH/ bod pa'i snying po'o// IM badz+ra shri he ru ka kro d+hi shwa ri e tsakra maN+Da la sa ma ya dzaH/ pra be sha tiSh+Tha a AH/ bzhugs pa'i snying po'o// IM badz+ra shrI he ru ka kro d+hi shwa ri ka ru Na ma hA mAM sa rak+ta a mr-i ta i daM gr-i h+Na ba li ta pi pa ho// kha kha khA hi khA hi a la la ho// bstab cing bza' ba'i snying po'o// oM badz+ra shrI he ru ka kro d+hI shwa ri ma hA bo d+hi tsit+ta dz+nyA na a ho su kha/ ka ya wA ka tset+ta sid+d+hi sid+d+hi hUM hUM hriM hriM/ dngos grub bsdu ba'i snying po'o// thams cad nye ba ni 'dis bya'o// oM ru lu ru lu hUM b+h+yo hUM/ dag pa'i he ru ka nyid kyis// gnyis med don la rab brtson pas// dbyangs drug blangs pas don drug
- 168a
rdzogs// sngags kyi yi ge'i sgra bsgrags pas// dkyil 'khor lha rnams gsal bar bskyed// 'brug ltar zab cing sgra bsgrags pas// gtum dang gdug pa lhan ner 'gyur// mkhur ba dbugs kyi rlung 'byin gyis/ khro bo khro mo'i sprul pa 'gyed// rdo rje srin po'i ngur skad kyis// gdug pa can rnams spa bkong 'dul/ 'khun cing gdung ba'i sgra 'byin pas// dregs pa'i tshogs rnams rdul du rlog/ tshangs pa dbyangs kyi 'dren tshul gyis// thams cad ma lus dbang du sdud// ces gsungs so// dpal khrag 'thung 'dus pa rtsa ba'i rgyud las/ yi ge phreng ba'i don yang dag par bsdus pa'i le'u ste drug pa'o// // de nas bcom ldan 'das de bzhin gshegs pa thams cad kyi bdag po des/ de nyid de bzhin gshegs pa thams cad kyi thugs kyi rdo rje de kho na nyid kyi snying po chos thams cad kyi rang bzhin mnyam pa nyid rnam par spro ba'i ting nge 'dzin la snyoms par zhugs te/ sems can thams cad kyi sems kyi don dam pa lhun gyis grub pa yongs su rdzogs pa'i dkyil 'khor chen por byin gyis brlabs nas// 'di skad ces bka' stsal to// e ma 'khor ba'i sems can rnams// nga yi ngang las ma 'das kyang // nyon mongs las kyi 'khrul pa yis// brtags te nga la gzugs su mthong // sgra dang dri ro reg dang
- 168b
chos// thos shing tshor myong brtags shing spyad// skye bo de yis nga mi mthong // nga la gzugs med mthong ba med// sgra med thos pa'ang yod ma yin// ro dang reg med myong tshor med// yi chos rtog pa ga la yod// brten pa'i gzhi ni gzhal med khang // 'byung ba lnga ni dag pa'i yum// phung po lnga ni grol ba'i yab/ dbang po dag pa phyag yin te// phyag mtshan drug ni yul drug 'dzin// khams chen bco brgyad dpa' bo yi// nyams dgu dang ni chas brgyad do// rtsa ba'i nyon mongs dbu gsum ste// khams bzhi zhabs su snang ba yin/ de nyid stong zhing shin tu stong // rab tu stong pa chen po'i ngang // grol zhing shes pas nga yi/ gzugs// dges shing chags pa'i thugs rje yis// snyoms mdzad ye shes gang yin pa// he ru ka ste nga yi sgra// dri ni dag pa'i phung po lnga/ ro ni sku drug ye shes drug/ stobs dang mi 'jigs reg pa yin// ma 'dres chos ni bco brgyad de// sems can rnams kyi sems byung dang / ye nas 'brel pa nga yi rgyud/ rang bzhin rnam par dag pa las// cung zad 'khrul pa rgyud kyi gzhi// lam ni smin cing grol ba'o// rang gi de nyid legs mthong zhing / sar gnas dbang thob 'bras bu ste/ bsags shing thob la rten gyur pas/ nga yi sku zhes brjod pa yin// yang dag mtha' dang ma lus pa// mi rtog pa yi rtogs pa ni// ye shes yin te nga
- 169a
nyid mthong // kye tshogs kun brtson pas nga la nyon// nga la gnyis su ma blta zhig/ nga dang so sor ma 'dzin cig/ bshang gci khu ba khrag dang sha/ nga yi tshogs rnams mchod pas mnyes// dur khrod mi gtsang bam pa'i rdzas// ma byin blangs te yid bzhin spyad// ma dang sring mo bu mo sogs// nus dang ldan la mi tshangs spyad// blo chung shes rab dman pa yis// skal med rnams la rdzun du smra// log pa'i lam zhugs stobs can ni// ka du Na tsha ga ru Da yis bsad cing bsgral// sbar zhing mchod de sbyangs pa yis// nga yi dang du gzhag par bya// e ma yul dang bsam pa'i dngos// skye 'gag rtag chad 'gro 'ong dang // yod med rtag chad bral ba ste// rnal 'byor gsum gyi rab bsnyad nas// nga dang gnyis su med pa yin// zhes gsungs so// dpal khrag 'thung 'dus pa rtsa ba'i rgyud las/ snying po de kho na nyid yang dag par bsdus pa'i le'u ste bdun pa'o// // de nas bcom ldan 'das de bzhin gshegs pa thams cad kyi bdag po des/ de bzhin gshegs pa thams cad kyi phrin las sna tshogs pa'i rdo rje dngos grub nye bar gyur pa'i snying po rab tu bsdu ba'i ting nge 'dzin la snyoms par zhugs te/ 'jig rten gyi khams thams cad kyi rig pa ma yin pa'i dngos po ma lus pa rnam par dag pa mchod pa'i rdzas su byin gyis brlabs
- 169b
te/ gtsang ba dang sme ba'i rtog pa ma lus par bzlog pa/ rdo rje dam tshig chen po rab tu blang ba'i phyir/ 'di skad ces bka' stsal to// kye ma 'dus pa'i 'khor tshogs nyon// phun sum tshogs pa bzhi ldan zhing // tshul rim goms pa'i rnal 'byor pas// sngon du 'gro ba'i las spyad de// bar chad byed pa'i bgegs chen yang // 'jigs pa med pa'i sems kyis bzlog/ dngos grub sbyin pa'i gzugs brnyan yang // re dang chags dang dogs pa yis// ngan pa'i don gyi sems mi dbyung // byin gyis brlabs pas ma lus byang // nga dang lnga bcu rtsa brgyad pa'i// ji ltar bshad pa'i pho brang du// rigs chen rigs lnga b+han+da lnga// rnam par dag pa'i bcud kyi dngos// phyi nang gsang ba'i dam tshig ste// sdong po lo ma me tog dang // 'bras bu gar+b+ha shun pags dang // rtsa ba dang ni skogs ma'o// don snying lnga dang b+he ra log/ lam gnyis brgyad ni nang yin no// sems bcud dri ni gnyis dang ni// go ro tsa na mAM sa lnga// gsang ba yin te rtsa ba brgyad// mngon pa phyi dang sbas pa nang // rgyal blon skyobs dang bcas pa ni// lo thog shing thog me tog dang / rtsi thog 'bru dang rdo shing bcud// sems can bcud dang rin po che// ma lus lus pa med pa kun// dug lnga sman du bsgrub pas na/ dgag bya gang yang yod ma yin// ro dang nus pa kha dog rnams// rnam
- 170a
dag rtsa ba yan lag bcas// spang bya gang yang yod ma yin// dkyil 'khor chen po'i gnas su dgod// snang ba chen po shar ba dgram// sgrub pa po rnams rgyan rtags ldan// so so'i gral du 'khod nas ni// khrol bu btags btsags phye ma dang // gong bu skyo ma lde gu dang // ri lu byas pas so so yis// dus dang rtags kyi rim pa bzhin// lnga dang de nyid nyi shu yi// bar du sbyar bar bya ba ni// snga ma'i dkyil 'khor las la gzhug/ tshangs pa dang ni drang srong tshogs// spyan drang gzhug cing rtog pa bzlog/ mdzes dga' spro ba'i spyod pa brten// ngo bo rnam dag ngang du gsal// 'od zer 'phro 'du bya ba dang / thams cad bdud rtsi'i sngags kyis sbyangs// de nas rigs lnga'i dkyil 'khor dang / dpa' bo 'bru lnga'i sngags kyis sbyangs// ye shes lha rnams spros nas ni// dbang gi rgyal pos bsrung bar bya// rdo rje rigs kyi bsdus shing sbyangs// slar yang thabs dang shes rab kyis// mthun pa'i rdzas ldan btag cing btsag/ gsang ba mchog gi dkyil 'khor bzhengs// yi ge dgu yi sngags kyis sbyangs/ 'bras bu lnga sbyar bdud rtsir bcas// mu sa la yis sprad cing sgrol// rgyas gdab mnga' gsol gdab par bya// gcig tu bya ba'i tshul dag kyang / dkyil 'khor bdun dang sbyor ba brgyad// bzhu dang btul dang dbab dang bskyil// yi ge dgu
- 170b
yi 'phro 'du yis// mdzad pa'i tshul gyis 'gro don spyad// mchod bstod bskul dang bshags pa dang // bzlog cing bskul dang bcol sogs kyis// rtags dang ldan par mthar dbyung ste// rtsa bzhi'i rgyud ldan dgongs par bya// tshogs chen mchod pa rgyun mi gcod// gtsang sgra gsum la gnas par bya// tshogs chen gcig gi bsod nams ni// rtag tu nyan thos brgyar bsags pas// bcu drug char yang mi phod do// mthar thug par ni de bshad bya// rdo rje nyi ma nub nas ni// dngos grub chen po blang bar bya// mchod chen 'di ni yon tan mchog/ lha rnams nyer skong las rnams 'grub// rig 'dzin bzhi dang grub pa brgyad// thams cad nga yi gsungs bzhin du// 'grub par 'gyur te gdon mi za// gal te bsod nams yon tan la// gzugs dang dngos po grub 'gyur na// 'jig rten srog chags ma lus kyis// brjod par nus pa 'gyur ma yin// rdo rje bdud rtsi mchod chen te// phyi nang gsang ba ldan pas bshad// mdor na de yi bsod nams kyis// bde bar gshegs pa kun mchod pas// 'di nyid bsgrub pa'i khyad par ni// lhag pa bas kyang ches lhag ste// 'di ma rtogs pa'i mchod pa'i stobs// phyogs gzhan kun na yod ma yin// de bas rtag tu 'bad par bya// zhes gsungs so// dpal khrag 'thung 'dus pa rtsa ba'i rgyud las/ mchod
- 171a
pa chen po'i las yang dag par bsdus pa'i le'u ste brgyad pa'o// // de nas bcom ldan 'das de bzhin gshegs pa thams cad kyi bdag po des/ phyogs bcu dus gsum gyi de bzhin gshegs pa thams cad kyi khams gsum gyi dngos po myur du bde ba chen po'i sa la sgrol zhing 'god pa'i ting nge 'dzin la snyoms par zhugs te/ khams gsum pa thams cad kyi rnam par shes pa dang rigs thams cad rab tu bsgral ba'i zhing du byin gyis brlabs te// byams pa chen po dang snying rje chen pos bdag gi ba dang pha rol tu 'dzin pa'i rtog pa yang dag par sgrib pa/ rdo rje dngos grub chen po'i las rab tu bsgrubs par bya ba'i phyir// 'di skad ces bka' stsal to// bsnyen pa rdzogs pa'i rnal 'byor pas// dngos grub myur du bsgrub 'dod na// rdzas mchog mtshan ldan brtag la btsal// rdzas bzhi gang la brtags te sbyar// rgyal rigs dang ni bram ze dang // rje rigs la sogs rigs btsun zhing // byad bzhin bzang la sprin dkyus ring // sgra ni bung ba ltar gnag la// so dam mchu ni bim pa 'dra// mtshan dang ldan pa bkra shis rdzas// lus bzang skad snyan tshig gsal zhing // skra kham shel mig so zur lhag/ skra mtshams nas ni sna rtse'i bar/ sme ba bdun ldan skye bdun par// mi lus skyes pa'i rtags mtshan te/ dag pa'i lha rdzas
- 171b
yin zhes bshad/ skyes pa gzhon nu 'bad rtsol can// glang po g.yul du zhugs pa de// bsgrub pa mchog gi rdzas yin no// bsgral zhing spyad pa'i bsgrub rdzas ni// mi rta glang chen mkha' lding khyi// shel nag smug dang tsa ra sogs// thugs dam bskang zhing tshangs par bya// sgrub pa po yis rol pa'i rdzas// ma traM bsgral ba'i zhing bcu de// dmigs kyis bsgral zhing mngon sum btsal// gzhan yang dbang phyug chen po yis// dur khrod rdzas mchog ma nyams pa// blangs te bsgrub pa bya ba yang // rgyud bzang rigs btsun mtshan dang ldan// bkra shis gtsang zhing yid tu 'ong // dus tshod rab 'bring tha ma la// dus la bab pas blangs pa'i dus// bdag nyid khrag 'thung yab yum gyi// rgyal thebs karma ging gsum la// dbang bskur bsrung ba byas nas ni// mtshon cha bskur te pho nyar btang // srid pa'i rgyu mchog bsgrub rdzas 'di// rnal 'byor dbang phyug dngos grub rdzas// kha T+wAM mtshon cha thogs nas su// dpal chen khro bo'i ting 'dzin gyis// khams gsum zil gyis gnan pa'i phyir// nyi zla'i spyan gyis gsang bar bya// rdo rje'i 'gros kyis rab tu btsal// gshin rje'i khang khyim gzhom pa'i phyir// kha T+wAM rdo rje sa la gdab// 'chi bdag bdud dang dpral ba'i phyir// gshin rje gshed kyi phur pas btab// dug lnga skye bzhi rtsad gcad phyir// rdo rje sder mos
- 172a
blang bar bya// ro nyid gshed dang dpral ba'i phyir// seng ldeng phur bu sor brgyad tshad// stobs po che yi skur byas la// drag sngags brgya dang rtsa brgyad bzlas// snga ma'i bdud dang phyi ma'i lcags// gzugs dang mtshan mar bcas pa ni// phur bus btab ste snga gos grib// khung bur mnan te de srod gzir// phrin las bzhi yi gzir gnan bya// nor bu yid bzhin gyur bsam ste// las kyi karmas khyer nas ni// rgyal thebs kyis ni byin gyis brlab// ging gis phra men 'jo tshul bya// dur khrod ma mo khro ba'i gnas// srin po stag dred 'thab pa dang // gcan gzan 'dab chags 'dus sar drangs// gnas der bsrung dang bskrad par bya// sgom du stsal te rgya yis gdab// las dang ye shes pho nya yis// de yi rnam par shes pa dang // 'dod yon rdzas su bcas pa kun// snga ma las ni gnas bsgyur te// khrag 'thung dkyil 'khor gsal byas nas// phung po rdos bcas bem po de// phyogs bzhir bro bzhis sbyang bar bya// ye shes lha dang mkha' 'gro ma// thugs dam bskang zhing bskul bar bya// khrus byas zla gam nub tu bzhag/ 'bru lnga bkod la lam lnga dgag/ de la lha rnams dgod pa ni// bdag nyid yab yum sa bon las// yan lag lnga la bsam pa ni// rigs lnga yab yum dgod par bya// mdun rgyab gnyis su dgod pa
- 172b
ni// A li kA li bsam par bya// rnam shes dbang po yul dus la// sems dpa' yab yum dgod par bya// spyi bo rgyab dang lce yi steng // rkang mthil yan chad thub pa drug/ mtshan khung gnyis dang mkhal khung gnyis// sgo ba yab yum bsgom par bya// rnam smin zag bcas phung po la/ phyag rgya'i dkyil 'khor gsal bkod nas// 'od zer 'phro 'dus sbyangs byas te// don gnyis mthar phyin phyag rgya grol// cho ga lnga dang yan lag lngas// yang du yang du sbyang bar bya// byang shar mtshams su drangs byas la// de yi bsha' thabs rgyab nas bsha'// de nyid khrag 'thung lha tshogs rdzas// glo snying dpal chen yab yum gyi'o// mig dang rna ba sna dang lce// rigs bzhi phrag 'thung yab yum rdzas// bum pa bdud rtsi rnam pa lnga// dpung pa g.yas g.yon bzhag sha dang // rgyu mchin mgo sha gsang ba rnams// rtsa ba'i lha dgu'i rdzas su bzhag/ go ro tsa na rgyurgyang ba dang // rkang dang tshil bu sha dang khrag/ srog rtsa mkhris pa brgyad rnams ni// mu kha phra men brgyad kyi rdzas// yan lag rnam thar bzhi rnams ni// ye shes sgo ma bzhi yi rdzas// skal tshigs phrugs rer bsdeb pa ni// dbang mo nyi shu brgyad kyi'o// nying lag che phrar bsdeb pa ni// rang byung khro bo bcu yi rdzas// sha khrag rus pa rkang dang tshil// mkha' la 'gro ma kun gyi rdzas// mtshan dang ldan pa'i b+han+da ni// dpal chen
- 173a
bzhugs pa'i rten yang yin// dngos grub chen po bsgrub pa'i snod// de yi nang du stsal ba'i rdzas// go ro tsa na dri chen dang // snying dang srog pa rtsa yi khrag/ mAM sa mkhris pa dri chu dang // de dag mnyam pa'i chang dang sbyar// tshil chen snying po lngar sbyar ba// brla rkang gnyis dang rje ngar rkang // dung chen 'bud pa'i sgra yi rdzas// dpung pa'i rkang 'go rnams gnyis ni// rak+ta sbreng ba'i gzar bu'o// ba su ta yi rgyu zhags ni// thig gdab maN+Dal bskor ba dang // bi nA ya ka bcing ba'i rdzas// shun chen zhing gi g.yang gzhi ni// bla rer bre dang dpa' bo'i chas// ya 'gal ma 'gal gnyis po de// kha tham bya ba'i rdzas kyang yin// de dang sogs pa'i ma mdo ni// ya ma dam sri mnan pa'i rdzas// shar sgor dngos grub gsol byang dang // rdo rje dang ni dril bu dang // bdud rtsi bum pa dngos grub rdzas// de dag kun tu bya ba ni// dngos grub rdzas dang ngo bo nyid// slob ma lha dang rA tra dang // bsgrub pa'i rdzas su blta ba rnams// gnas su dgod cing lha ru dmigs// sman du bgro dang rdzas su bsgrub// mchod par dbul dang rgyan du dgram// 'bar bapar bsregs dang bgegs su mnan// nga yi spyod pa mthun par spyad// he ru ka dpal nyid du 'gyur// zhes gsungs so// dpal khrag 'thung 'dus pa rtsa ba'i rgyud las/ dngos grub chen po nye ba'i sgrub pa yang
- 173b
dag par bsdus pa'i le'u ste dgu pa'o// // de nas bcom ldan 'das de bzhin gshegs pa thams cad kyi bdag po he ru ka khrag 'thung gi rgyal po des khams gsum pa thams cad rang gi sku gsung thugs kyi ngang nyid du brtan par bya ba'i phyir/ nam mkha'i dbyings kyi dkyil 'khor chen por phyi dang nang gi dngos po ma lus par snang bar byas nas/ chos kyi rgyal tshab tu dbang bskur bar bya ba bla na med pa'i sa non par byed pa/ sangs rgyas dang byang chub sems dpa' dang 'phags pa'i tshogs ma lus pa rnams kyis bkur ba'i gnas su 'os pa// lha dang mi dang lha ma yin pa// gnod sbyin la sogs pa dregs shing gdug pa'i tshogs thams cad 'dul zhing tshar gcod par nus pa// rang gi lus dang ngag dang yid kyi las kyi mtha' ma lus pa thams cad he ru ka'i rig pa'i skyes bu chen po'i gzugs kyis 'gro ba'i don ma lus par byed pa'i thabs chen po 'di dag bka' stsal to// rdo rje rigs kyi gnas mchog ni// dur khrod dang ni lha rten gnas// ma mo'i khyim dang yid 'ong gnas// der ni sa yi cho ga byas// skyes bu rtogs pa'i blo gros can// dad pa'i sems dang ldan pa yis// srog lus man chad rdzas rnams kun// ser sna med pa'i sems kyis dbul// tshul dgu ldan pa'i bla ma yis// rtag par dbang bskur dam par bya// he ru ka nyid don
- 174a
gnyer zhing // 'jig rten dregs pa'i phyir ma yin// brtul zhugs spyod pa mngon nus la// khur chen khur du khur nus pa'i// ye shes rdo rje 'thob byed pa// de bzhin gshegs pa thams cad kyi// pho brang snying po dam pa 'dir// bdag gi slob ma gzhug par bya// rin chen me tog gang gtor ba// gang la bab pa de yi rigs// gtso bor bltas nas bsgrub na ni// dngos grub myur bar the tshom med// ye shes dkyil 'khor gzugs brnyan ni// kun rdzob gzugs su bstan pa yin// 'di la dad pa rab tu bskyed// dngos grub ma lus mngon du 'gyur// dam tshig mchog ni 'di bzung bas// bla ma spun grogs lha dang 'khor// sngags dang phyag rgya gsang tshig rnams// bskur dang mi spang bsgrub pa dang // rgyun mi gcad cing ltang ma btang // 'di ni gzhi yi dam tshig yin// spang bar mi bya dang du blang // spyad par bya zhing shes par bya// bsgrub par bya ba'i dam tshig rnams// sems dang sems nyid 'dres pa na// ma bcings pa dang bsgrub pa dang // gcig pu dang ni lhun gyis grub// de las mi 'da' dam tshig yin// 'di ni khyod kyi dmyal ba'i chu// dam tshig nyams na bsreg par bya// dam tshig bsrungs na dngos grub ni// rdo rje bdud rtsi'i chu 'dis grub// rang bzhin lhun grub dkyil 'khor du// slob ma rab zhugs dbang bskur te// bya bral
- 174b
rdzogs pa'i man ngag bstan// ting 'dzin brten pa'i dkyil 'khor du// slob ma 'bring gzhug dbang bskur te// bskyed rdzogs grub pa'i man ngag bstan// gzugs brnyan bsnyen sgrub dkyil 'khor du// tha ma gzhug cing dbang bskur te// rim gyis blo sbrang man ngag bstan// de nas bcom ldan 'das de bzhin gshegs pa thams cad kyi bdag po kun tu bzang po he ru ka chen po de la/ bcom ldan 'das dpal rnam par snang mdzad kyis sangs rgyas kyi zhing rdul snyed du phra ba snyed kyi de bzhin gshegs pa nam mkha'i dbyings dang mnyam pa'i de bzhin gshegs pa thams cad/ rdo rje btsun mo'i b+ha ga la dam tshig chen po'i dkyil 'khor du byin gyis brlab pa dang / de bzhin gshegs pa thams cad kyi sku dang gsung dang thugs kyi bdag po de dbang bskur ba yongs su rdzogs shing mnyes par bya ba'i phyir/ nyid kyi sku bud med kyi gzugs su sprul nas bzhugs par gyur to// de bzhin gshegs pa thams cad kyi sku gsung thugs kyi bdag po de/ dkyil 'khor gyi dbus su bzhugs par gyur to// de nas bcom ldan 'das mi bskyod pa la sogs pa he ru ka rigs lnga// byang chub kyi sems rdo rje de bzhin gshegs pa thams cad kyi thugs la bzhugs so// de'i tshe nam mkha'i khams kyi dbyings thams cad rdo rje'i ngo bor gnas par gyur to// de nas bcom ldan
- 175a
'das byang chub kyi sems rdo rje de bzhin gshegs pa thams cad kyi sku gsung thugs mnyam pa nyid 'byung ba zhes bya ba'i ting nge 'dzin la mnyam par bzhag nas/ rig pa'i skyes bu chen po'i gzugs de bzhin gshegs pa thams cad kyi bdag por byin gyis brlabs so// dbang bskur ma thag tu byang chub kyi sems rdo rje de bzhin gshegs pa/ he ru ka zhal gsum phyag drug par de bzhin gshegs pa thams cad kyis gzigs par gyur to// de'i tshe na nam mkha'i khams kyi dbyings na gnas pa'i sems can ji snyed du byang chub kyi sems rdo rjes byin gyis brlabs shing / dbang bskur ma thag tu thams cad kyi bde ba dang yid bde ba thob par gyur nas/ mi bskyod pa la sogs pa'i byang chub kyi sems rdo rje de bzhin gshegs pa thams cad ngo mtshar du gyur te/ gsang ba byang chub sems kyi dbang la ngo mthon du ngam zhing bstod do// yang de'i skal ba dang mi ldan pa'i sems can gyi khams rnams kyi don gyi phyir na/ phyogs bcu'i nam mkha'i khams kyi de bzhin gshegs pa thams cad 'dus te// byang chub sems dpa' don thams cad rab tu grub pa zhes bya ba dka' ba dpag tu med pas byang chub kyi snying por gnas pa ga na ba der gshegs te// thams cad longs spyod rdzogs pa'i sku rab tu 'bar bar bstan nas// 'di skad ces bka'
- 175b
stsal to// rigs kyi bu khyod gang gi don du de bzhin gshegs pa thams cad kyi de kho na nyid rtogs par bya ba'i phyir// dka' ba sna tshogs spyod pa la spro bar byed// 'di ni rnam par dag pa ma yin zhing mthar thug par mi 'gyur ba'i bsam gtan te// rang gi sems nyid 'od gsal zhing dri ma med pa la gnas par byos shig ces bka' stsal nas// thams cad kyi phyag gis spyi bo'i gtsug tu reg par mdzad pas// byang chub sems dpa' des de bzhin gshegs pa rnams kyi byin gyis rlabs kyis bskul te dbang bskur bar rig nas/ phyogs bcu na bzhugs pa'i de bzhin gshegs pa thams cad la phyag 'tshal lo// zhes brjod de/ tshul de bzhin du bcom ldan 'das kyis byang chub sems dpa' phyag na rdo rje lho phyogs kyi shing sA la'i drung byang chub sems dpa'i yul stobs can dang lcang lo can gyi gnas su dbang bskur to// de bzhin du ma 'ongs pa'i dus su// za hor me ri 'bar ba dang // gnam lcags me ri 'bar ba dang // ma la ya yi rtse mo dang // lang ka grub pa'i yul dag dang // chu bo gang ga'i 'gram dang ni// ang+ga ma ga d+ha yi yul// shrI na lan+da'i yul du ni// byin gyis brlabs te dbang bskur bar 'gyur ro// sngon tshe tshe rabs grangs med nas// dge ba'i las kyis bstan pa yi// lhag pa'i lha ni gang yin pa// da lta nyid du khyod la dbab// A~M
- 176a
dpal ldan rdo rje 'chang ba'i sku// rdo rje mi phyed gsum bsgoms nas// deng bdag byin gyis brlabs nas su// rdo rje'i skur ni mdzad du gsol// oM bud+d+ha be ro tsa na A~M// AHchos kyi ngag lam dpal dang ldan// rdo rje mi phyed gsum bsgoms nas// deng bdag byin gyis brlabs nas ni// rdo rje'i gsung du mdzad du gsol// a mi de ba hrIHA/ hUM dpal ldan thugs ni rdo rje 'chang // rdo rje mi phyed gsum bsgoms nas// deng bdag byin gyis brlabs nas ni// rdo rje'i thugs su mdzad du gsol// hUM badz+ra satwa hUM// 'di ni sngon du 'gro ba ste// phyi nang gsang bar yongs su sbyor// bum pa dbu rgyan cod pan dang // me tog phreng dang phyag rgya dang // b+han+da rdo rje dril bu dang // 'dod yon lnga dang bdud rtsi lnga// sha lnga dang ni rdzas brgyad dang // rgyal po'i bka' rtags rnam pa bdun// thun mong byin gyis rlabs pa'i rdzas// khyad par gsang bar gyur pa ni// yid 'ong bkra shis rigs kyi yum// zhi rtags rgyan gyis mdzes par bya// thabs ni g.yas kyi phyogs su ste// de bzhin shes rab g.yon du'o// thabs kyi bdag nyid gnas lnga ru// dpa' bopo 'bru lnga'i snying po la// rgyas gdab byin brlab dbang bskur nas// bde gshegs yab lnga'i dkyil 'khor gsal// de yi gzugs kyi phung po la// bde bar gshegs pa'i sa bon lnga// 'phro 'du gsal bar
- 176b
gyur pa ni// rgyas gdab byin brlab dbang bskur nas// bde gshegs yum lnga'i dkyil 'khor gsal// spyi bo'i gtsug dang lce yi steng // nu ma'i bar dang lte ba'i steng // gsang gnas yan lag dbang rnams ni// rigs lnga sems dang sgo ba bsam// zhi ba dang ni khro bo rnams// sbrang dang bstan pa'i tshul du bya// lha rnams brda' 'phrad 'od zer gyis// dkyil 'khor spyan drang mchod bstod nas// dbab cing bstim pas yab yum gnyis// rgyal po rgyal mor byin gyis brlab// ye shes dam tshig chen po yis// pad+ma rin chen ldan byas nas// bde mchog sgyu ma'i brdas mtshon te// dbyings kyi bde chen 'byung ba ni// rang rig ye shes de la 'od// ji bzhin mkha' la gsal dag pa'i// dri med nyi ma'i 'od pas 'tsher// byang chub sems ni kun tu dag/ khams gsum rab tu 'das nas kyang // ma lus snying rjes khyab byas te// 'dod par bya/ ba rab tu mnyes// 'od 'dus thog ma'i gzugs la gzud// rgyal po yab yum gnyis med sbyor// rang rig bde 'byung gsal ba'i rgyun// 'phro 'du gsal ba'i rin chen gyis// slob ma byin brlab dbang bskur bya// de ni phan pa'i byin rlabs so// nus par byed pa'i byin rlabs ni// nyan pa dang ni bsgrub pa dang // las byed pa dang 'chad pa dang // nus pa chen por bsgrub pa'o// de yi khyad par bsgrub pa ni// zla gam
- 177a
gcig gam drug cu'i bar// rdo rje rgyal po rgyal thebs dang // sbyor sgrol ging dang las mkhan dang // bsgrub pa grogs mchog dbang rnams ni// thabs dang shes rab dbang chen te// rdo rje dril bu'i rig pa 'dzin// mya ngan 'das dang 'khor ba yi// chos la 'dod bzhin byin gyis brlab// blo bral 'di la gnas pa yis// rnal 'byor de ni skal ba bzang // bdag dang gzhan don mi 'byed pas// sgyu ma lhun grub yul la rol// rang gi mthu yi rig pa las// chos ni gzhan nas 'byung mi 'gyur// ci ste rnam pa yongs kyis med// rnal 'byor nam mkha'i lam la gnas// ma byung ma skyes snying po la// sgro btags chos kun ga la yod// dbang thob mdzes pa de dag gi// dul ba'i sems su bzhag nas ni// dam tshig chen po bde bar gnas// khyod kyis srog chags gsad par bya// rdzun gyi tshig kyang smra bar bya// ma byin par yang khyod kyis long // pha rol bud med spyad par bya// rdo rje'i lam ni 'di dag gis// sems can thams cad bskul bar bya// dka' thub dag gis gzir mi bya// ci bde bar ni bde bar spyad// 'di ni sangs rgyas byed spyod yin// rnal 'byor longs spyod thams cad la// cis kyang ma 'jigs dga' bar gyis// sdig pa med kyi khyod ma 'jigs// gzhan yang dag tshig la sdang zhing // skye bo gang dag bstan la gnod// brtul
- 177b
zhugs khyod kyis de drangs la// khrag chen po ni btung bar gyis// skal ngan 'jig rten nyan thos la// nam yang dga' bar mi bya ste// skal bzang he ru ka dpal gtso// khyod kyis rtag tu bsgrub par gyis// zhes gsungs so// dpal khrag 'thung 'dus pa rtsa ba'i rgyud las/ he ru ka byin gyis brlabs pa rdo rje dam tshig 'byung ba'i le'u ste bcu pa'o// // de nas bcom ldan 'das de bzhin gshegs pa thams cad kyi bdag po rab tu gnas par byed pa'i he ru ka chen po des/ phyogs bcu'i de bzhin gshegs pa thams cad rdo rje'i ba spu'i bu gar bsdus te/ sku'i dbyibs su brgyud cing rdo rje'i lam du phyung ste/ yum gyi mkha' la phab nas/ byang chub kyi sems hUM gi rang bzhin du byas nas/ dpal he ru ka 'jigs byed chen po'i sku la/ dur khrod chen po'i chas kyis brgyan pa/ phyag na gdug byed kyi mtshon cha thogs pa de bzhin gshegs pa thams cad kyi sku'i ngo bor bzhengs te/ srid gsum gdug pa 'dul ba'i phyir// zhe sdang chen po'i skur bstan te// de bzhin nyid kyi dbyings nyid nas// khro mo dbang phyug mngon du phyung // byang chub sems kyi sprin tshogs las// mnyam pa nyid kyi ting 'dzin gyis// chos kun gnyis med byin gyis brlabs/ dbang bskur thabs kyi ting 'dzin gyis// gnas mchog dam par byin gyis brlabs// rol pa chen po'i ting
- 178a
'dzin gyis// sgrub pa'i bdag por byin gyis brlabs// shes rab snying rje'i ting 'dzin gyis// yum dang rgyu la byin gyis brlabs// tshogs chen rdzogs pa'i ting 'dzin gyis// sgrub pa'i rdzas mchog byin gyis brlabs// rigs kyi sems dpa'i ting 'dzin gyis// slob ma gsar bu byin gyis brlabs// khams gsum yongs sgrol ting 'dzin gyis// ta na chen po'i byin gyis brlabs// srid gsum bde sbyor ting 'dzin gyis// ga Na mkha' 'gro'i byin gyis brlabs// de bzhin nyid kyi ting 'dzin gyis// phyi nang chos kun byin gyis brlabs// kun tu snang gi ting 'dzin gyis// snying rje'i yul rnams byin gyis brlabs// rnam dag rgyu yi ting 'dzin gyis// rang gi sems nyid byin gyis brlabs// dbang chen mkha' dbyings ting 'dzin gyis// phyi nang 'byung ba byin gyis brlabs// bsod nams gter 'byin ting 'dzin gyis// gzhal med khang pa byin gyis brlabs// yi ge 'phro 'du'i ting 'dzin gyis// dam tshig sems dpa' byin gyis brlabs// phyag rgya 'bar ba'i ting 'dzin gyis// ye shes sems dpa' byin gyis brlabs// gnas gsum dag pa'i ting 'dzin gyis// mchod pa'i rdzas kun byin gyis brlabs// shes rab rtsal gyi ting 'dzin gyis// lhag pa'i rgyan rtags byin gyis brlabs// dus bzhi mnyam sbyor ting 'dzin gyis// sbyor dang sgrol ba
- 178b
byin gyis brlabs// zhes gsungs nas de bzhin gshegs pa thams cad kyi yang dag pa'i phrin las kyi bdag nyid byams pa dang snying rje rab tu brtan pa/ byang chub kyi sems kyi ngang las thugs chos nyid kyi zhi ba'i ngang las ma g.yos kyang khro bo 'bar ba khrag 'thung chen po'i tshul du phyung ba ni// mi g.yo phyag rgya chen po'i ngang // chos kyi sku las bzhengs nas kyang // sems can thams cad khro ba'i phyir// rdo rje yang ni khro bar bya// zhes gsungs nas// nyon mongs can gyi sems can ris so so'i gnas nas drangs pa dang // dngos grub kyi rnam par bsdu ba dang // gnas sbyang ba dang / bsgral zhing slar gso ba dang // las rab tu grub par bya ba'i rim pa dag dang // gzhan yang dpal chen po'i ye shes sems dpa'i 'khor rgya mtsho dang bcas pa phyi dang nang gi rnal 'byor ma dang / grub pa mo dbang phyug chen mo dang bcas pa dpang du gsol te/ gang zhig bstan pa la sdang ba thugs rje chen pos ma bsgral du zin na// rnal 'byor chen po'i sgo zhugs kyang tshul bzhin du ma gyur te// de bzhin gshegs pa'i gsung ma bzung bar 'gyur bas// rnam par shes pa bla na med pa'i gnas su bsgral bar bya ba ni// chos nyid kyi khyad par ro// thar pa chen po'i lam chen 'dir// brod pa can dag 'gro ba ltar// skal bar ldan pa'i nang na khyod// bde bar 'ongs so legs
- 179a
par 'ongs// bde gshegs thugs rje sgrol la mkhas// blo ngan sems can snying ring can// gnyis su med par bsgral bar snang // khams gsum nas byung sems can rnams// rdo rje'i sku yi khyad par gyis// 'od zer tshul gyis bsdus nas ni// de dag bdag gis gzugs la gzud// spro bsdu rdo rje thams cad kyi// sku dang ye shes mchog tu bsgral// las la bab pa'i rnal 'byor pas// dus la bab pa'i sems can 'di// gnyis med phyag rgya chen po yi// dus la bab po sa ma ya// A~M ka re ka ha tsa ro pa ho sa ma ya s+t+waM// mtha' med 'gog med mi 'dzin pa'i// rnal 'byor mnyam nyid zod rgal du// khro gtum rngam zhi la sogs pa// sna tshogs ston yang sems mi g.yo// a tsa la sa ma ya d+harmA d+hA tu swa b+hA wa At+ma ko&haM/ khro bo'i mtshan med byams par gnas// gsod byed snying rje'i mtshan nyid de// bsgral nas bstab pa dga' ba'i mchog/ yal bar mi 'dor btang snyoms so// oM ma hA ka ru Na ma hA mi tri swa b+hA wa at+ma ko&haM/ drod dbugs rlan las raM yaM khaM// bsreg cing rtog la bkru bar bya// chu shel dkyil 'khor skye med bsam// zhe sdang ser sna gti mug ni// dmyal ba byol song yi dwags lam// nga rgyal 'dod chags phrag dog ni// lha dang lha min mi yi lam// dge bcu bsam gtan snyoms 'jug ni// gong ma gsum du skye ba'i rgyu// de dag
- 179b
rang bzhin med shes shing // sems mi skye ba skye rgyun gcod// a nr-i su tri pre du dzaH/ rgyud drug 'khor ba rtsad bcad nas// rgyud lnga lam gyi sgo dgag phyir// au AHhUM hrIHswA hA// so so'i skye gnas sgo bkag nas// mnyes pa lnga dang stong pa lnga// skong ba dang ni grub pa lnga// 'bras bu lnga yi 'di dag bstan// zhes gsungs so// zhes dpal khrag 'thung 'dus pa rtsa ba'i rgyud las// sku gsung thugs kyi phyag rgya chen po sgrol bab bla na med pa'i phan yon yang dag par bshad pa'i le'u ste bcu gcig pa'o// // de nas bcom ldan 'das de bzhin gshegs pa thams cad kyi bdag po he ru ka de/ 'dus pa'i 'khor rab tu bsdig pa'i phyir// nyid kyi sku las khro bo chen po nyon mongs pa'i tshogs ma lus pa zhal du rngub par byed pa'i khrag 'thung gi tshogs bye ba grangs med pa dang // khro mo dbang phyug gi gtso mo dang // ma mo dang phra men ma dang // mkha' 'gro ma dang / ma mo dang / srin mo dang / lu gu rgyud dang / pho nya mo dang / sa'i bdag mo dang / lang ka'i tshogs dang / ging gi gtso bo dang g.yog tu bcas pa dang / 'bar ma dang / srin mo'i tshogs dang / bar snang yangs pa la rgyu ba'i mkha' 'gro ma rnams mngon du phyung ste/ de dag kyang sha za khrag 'thung ba la dga' ba dang / mche ba can dang / gshog pa can dang / nu ma can dang / sder mo can gyi tshogs ji
- 180a
snyed pa gang dag gi/ gang dag 'da' bar byed pa rnams tshar gcod par dbang bskur te/ bran gyi tshogs bzhin du mdzad nas/ dam tshig gi bya ra la bzhag ste/ 'di skad ces bka' stsal to// nyon cig gdug pa can gyi tshogs// nga yi bstan pa'i tshul 'di nyid// ma 'ongs pa na snyigs ma'i dus// shin tu gdul bar dka' ba 'byung // byams dang snying rjes gzhi bzung ba'i// kun tu bzang po'i sa chen la// myur du 'bad pas bsgral bar bya// sku dang gsung dang thugs kyi bdag/ tshe lung rdo rje'i dngos grub gzhi// khyed kyis de la myur du gsol// nyon mongs las dang bag chags dang // rnam par smin pa snyoms par 'jug/ sprul pa dang ni chos kun gyis// nga yi sa la sgrib pa sbyangs// rtogs pa dang ni thugs rje yis// gzas pa po dang bdag nyid dang // thun mong phal pa bsgral zhing gso// rgyal po me dang chu dang dug/ sbrul dang gcan gzan khro bo dang // mi rgod chom rkun gdon rnams kun// nga la gang ltos zhi bar gyis// tshe dbang dpal dang dbang phyug dang // grags pa dang ni langs spyod tshogs// gang 'dod de la rgyas pas gsol// pha ma mkhan po slob dpon dang // rgyal po rje dpon tshul dag ni// ma lus de yi dbang du bsdus// stong phrag brgyad cu'i bgegs dang bdud// mi dang mi ma yin gyi tshogs// nga la mi mthun mngon
- 180b
du spyod// kye kye khyed rnams brtson pas nga la nyon// nga yi bstan pa 'di lta bu// 'das dang ma 'ongs dus rnams la// shin tu bkod zhing rnyed par dka'// de phyir nga yis khyed rnams la// gdams shing yongs su bstan pa yin// zhes gsungs so// dpal khrag 'thung 'dus pa rtsa ba'i rgyud las/ las kyi gnyer gtad pa'i le'u ste bcu gnyis pa'o// // de nas dpal chen po nyid las sprul pa'i khro bo dang khro mo'i tshogs dang // ma mo dang mkha' 'gro'i tshogs dang // phra men ma dang // pho nya'i tshogs dang bcas pa de dag gi mgrin gcig tu// 'di skad ces bstod do// bdag med phyogs bral don dam thugs chud cing // byams dang snying rjes dgra zin mi mnga' zhing // gdug pa 'dul phyir dus las mi 'da' ba'i// 'jig byed he ru ka la phyag 'tshal lo// zhes pa la sogs pas bstod de// phyag 'tshal zhing zhabs la spyi bos gtugs nas// dpal chen po nyid kyi bstan pa'i gnyer gtad pa rnams bsrungs shing skyong bar khas blangs shing // dam bcas so// nyid kyi sku gsung thugs kyi yon tan dang phrin las rnams la rjes su yi rang zhing mngon par dga'o// de nas 'khor gyi tshogs ma lus pa de dag ni// dpal chen po nyid kyi sku la 'od zer gyi tshul du thim par gyur te/ dpal chen po he ru ka yab yum nyid kyang / rol pa chen po'i ros tshims par
- 181a
mdzad nas/ bde ba chen po'i ngang skye ba med pa'i chos kyi sku mnyam pa nyid kyi klong du thim par gyur to// sems can gyi khams ma lus shing lus pa med pa thams cad kyang / dpal chen po yab yum gyi byin gyis rlabs kyis// mi skye ba'i chos la bzod pa thob ste// chos kyi mig rnam par dag nas// lhun gyis grub pa'i sa la rab tu nye bar gnas par gyur to// dpal khrag 'thung 'dus pa rtsa ba'i rgyud las/ byin gyis rlabs pa'i cho 'phrul gyi dkyil 'khor rnam par bsdus pa'i le'u ste bcu gsum pa'o// // bcom ldan 'das gsang ba dpal he ru ka'i gal po bsdus pa/ dpal khrag 'thung 'dus pa rtsa ba'i rgyud ces bya ba rdzogs so// // rgya gar gyi mkhan po slob dpon chen po pad+ma 'byung gnas dang / bod kyi lo ts+tsha bai ro tsa na bdag gi bskur zhing zhus te gtan la phab pa'o// rgyal po'i bla dpe'o// gter rgya/ sgras rgya/ gtad rgya/ rgya rgya rgya//
- 181b
@// rgya gar skad du/ ya mAn+ta ka sa mu dA ya mU la tan tra nA ma/ bod skad du/ gshin rje gshed rab tu 'dus pa rtsa ba'i rgyud ces bya ba/ bcom ldan 'das de bzhin gshegs pa 'jigs byed khro bo'i rgyal po chen po la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa gshin rje thams cad kyi gshed/ sku 'jigs byed kyi rgyal po chen po de/ 'og min gyi gnas ri rab chen po'i khang bzangs dam pa yangs shing rgya che ba/ nam mkha'i mtha' dang mnyam pa na/ sku gsung thugs kyi rol pa chen po bsam gyis mi khyab pas bzhugs pa'i dus kyi tshe/ 'khor 'dus pa ni/ sku gsung thugs kyi sras dam pa'i mchog tu gyur pa gshin rje gshed kyi rgyal po zhes bya ba dang / myos byed 'bar ba zhes bya ba dang / 'phags pa dmar po zhes bya ba dang / ral pa dgu pa zhes bya ba dang / rigs kyi sras chen po de dag gi sku la dgyes par sbyor ba'i yum/ ral pa gcig ma zhes bya ba dang / gtum mo chen mo zhes bya ba dang / 'od zer can ma zhes bya ba dang / dpal chen mo zhes bya ba dang / de dag gi phrin las rdzogs par byed pa/ sgrol ba'i yum nag mo chen mo zhes bya ba dang / 'dod chags khrag gi bdag mo zhes bya ba dang / gling bzhi rab tu 'byams ma zhes bya ba dang / srin mo mgo 'phyangs ma zhes bya ba dang / gzhan
- 182a
yang gshin rje'i gtso bo chen po nag po'i tshogs 'joms zhes bya ba dang / dbang phyug rdzogs pa zhes bya ba dang / srid pa 'joms pa zhes bya ba dang / dom gyi glang mgo can zhes bya ba dang / ya ba ti zhes bya ba dang / mig dmar zhes bya ba dang / rab tu dmigs pa zhes bya ba dang // shin tu tel tsha rtil pa zhes bya ba dang / bdud 'joms pa zhes bya ba dang / chos kyi rgyal po zhes bya ba dang / 'bar ba dmar po zhes bya ba dang / thod dbyug can zhes bya ba dang / de dag gi sku la rab tu sbyor ba'i yum nag mo ral gcig ma zhes bya ba dang / shel gyi gdong dgu ma zhes bya ba dang // khro mo shel mig ma zhes bya ba dang / dkar skya mche gtsigs ma zhes bya ba dang / dred kyi ag sham can zhes bya ba dang / khrag gi ral gcig ma zhes bya ba dang / klu mo bus 'gro ma zhes bya ba dang / spyan gsum mche gtsigs ma zhes bya ba dang / smug nag ral gcig ma zhes bya ba dang / rdo rje'i ral pa can zhes bya ba dang / dmar mo mgo dgu ma zhes bya ba dang // nag mo phag mgo can zhes bya ba dang / gshin rje bya rgod kyi mgo can zhes bya ba dang / stag gi mgo can zhes bya ba dang / kang ka'i mgo can zhes bya ba dang / sbrang ki'i mgo can zhes bya ba dang / gzhan yang gsod par byed pa'i pho nya bzhi dang / gsod par byed pa'i bdud bzhi dang / khram la 'debs pa'i rtsis
- 182b
pa bzhi dang // srog la dbang ba'i bshan pa bzhi dang // gzhan yang 'jig rten gyi dregs pa can po dang mo'i rnam pa dang / rje dang bran gyi rnam pa dang / 'khor dang g.yog gi rnam pa dang / bu dang bu mo'i rnam pa dang / gzhan yang lha'i gzugs dang / lha ma yin gyi gzugs dang / nam mkha' lding gi gzugs dang / klu'i gzugs dang / gnod sbyin gyi gzugs dang / srul po'i gzugs dang / lus srul po'i gzugs dang / yi dwags kyi gzugs dang / sha za'i gzugs dang / grul bum gyi gzugs dang / lto 'phye chen po'i gzugs dang / dri za'i gzugs dang / srin po'i gzugs dang / dud 'gro'i gzugs dang / byol song gi gzugs dang / dmyal ba'i gzugs dang / sku'i sprul pa dang / gsung gi sprul pa dang / thugs kyi sprul pa dang / yon tan gyi sprul pa dang / phrin las kyi sprul pa dang / rnam par smin pa'i sprul pa dang / de la sogs te thugs zhi ba chos nyid rnam par dag pa'i chos kyi dbyings kyis ngang las ma g.yos kyang / sku dang gsung gi cha lugs dang / nga ro'i sgra drag po dang / gtum po dang / 'jigs pa'i sgra dang / gdug pa'i gzugs dang / mtshon cha sna tshogs 'chang ba dang / ma rungs pa'i 'khor dang ldan pa rnams dang / thabs cig tu bzhugs te/ thams cad kyang 'gro ba ma lus pa'i don rjes su bsgrub par 'dod pa'i phrin las kyi
- 183a
rol pa chen po bsam gyis mi khyab pa dang / dpag tu med pa dang gzhal du med pa mdzad par gyur to// de nas phyogs bcu'i de bzhin gshegs pa thams cad gnas der rab tu 'dus par snang ba ni 'di lta ste/ gti mug de bzhin gshegs pa dang / zhe sdang de bzhin gshegs pa dang // nga rgyal de bzhin gshegs pa dang / 'dod chags de bzhin gshegs pa dang / phrag dog de bzhin gshegs pa dang / rdo rje de bzhin gshegs pa dang / rin po che de bzhin gshegs pa dang / pad+ma de bzhin gshegs pa dang / ral gri de bzhin gshegs pa dang / 'khor lo de bzhin gshegs pa dang / dpal gyi de bzhin gshegs pa dang / grags pa'i de bzhin gshegs pa dang / ye shes de bzhin gshegs pa dang / dbang phyug de bzhin gshegs pa dang / gzugs de bzhin gshegs pa dang / brtson 'grus de bzhin gshegs pa dang / bdud bcom pa'i de bzhin gshegs pa dang / rdzogs par longs spyod pa'i de bzhin gshegs pa dpag tu med pa rnams kyis/ bcom ldan 'das la yang dag par bskul ba ni/ kye kye de bzhin gshegs pa bcom ldan 'das// dus gsum sangs rgyas thams cad kyi// sku yi sku ste sku yi mchog/ rnam par dag pa'i dbang phyug che// gsang ba bsam gyis mi khyab pa// ma lus thob cing spangs pa'i bdag/ bsags dang sbyangs pa
- 183b
las byung ba// ji bzhin ma lus sna tshogs pa'i// mkhyen pa dang ni ye shes bdag/ rang dang gzhan dang phyi rol ba// 'jig rten 'jig rten 'das pa la// che chung tshad ma'i skur ston pa// gang la dges pa der snang zhing // ji ltar 'dod pa'i gnas sbyin pa// yang dag pa dang nges pa dang // brang ba'i gnas dang lam tshol dang // ji bzhin ma yin dgongs pa dang // ldem po dang ni spyod pa dang // sar gnas pa dang rdzogs pa dang // rang byung ba dang rtsol ba dang // rgyu dang rkyen dang byed pa dang // gzhi dang khams dang bsam pa dang // las dang rigs dang gnas la sogs// ma lus rtogs pa'i bdag nyid can// thugs rje che la thabs mkhas pa'i// 'jig rten kun gyi dbang phyug po// mthu stobs 'chang ba'i dregs pa can// yi dwags gshin rje kun gyi gshed// 'jam pa'i dpal las byung ba yis// 'jigs byed chen po sku bzhengs la// khyod kyi zhing khams gzhal yas khang // bsgrub pa nye ba'i sgrub pa dang // mngag pa'i las dang yon tan rigs// rang ngo gtan tshigs bye brag dang // khyad par de yi dgos pa dang // gnas sbyor ba dang tshogs chen dang // 'gyur ba'i gnas dang rang gi mtha'// phrin las dang ni mthar thug pa// gsal bya rjes bzung longs spyod dang // dmigs pa'i ched du bya ba dag/ rang gi 'khor lo legs par ston// gdul
- 184a
bya yongs su min mdzod cig/ 'di ni sangs rgyas thams cad kyi// sngon gyi phrin las dam pa'o// zhes bskul te// skad cig de nyid la rang rang gi sangs rgyas kyi zhing du gshegs par gyur to// gshin rje gshed 'dus rtsa ba'i rgyud las// gleng gzhi'i le'u ste dang po'o// // de nas rgyal po rdo rje 'dzin// gshin rje'i khro bo kun gyi gshed// sku gsung thugs kyi rol pa che// rab tu bstan nas 'di skad gsungs// nyon cig 'jigs byed chen po'i 'khor// nga ni thog ma med pa nas// ngang gis gnas te shin tu bgros// rang rig byang chub sems kyi gzhi// spros med brjod pa'i mtha' las 'das// nyon mongs sems can las kyi mnar// skye 'chi 'khor ba'i gshin tshogs la// 'dul zhing sgrol ba'i gshed yin pas// de dag nyid kyang skyob pa'i rjes// rang bzhin dang ni bgrod pa dang // grub pa dag ni las rnams kyi// gzhi dang thabs dang 'bras bu ste// gdul bya sna tshogs snang ba yis// las kyi sde dang zhi gnas dang // rang sangs rgyas dang 'gog pa dang // sbyang bgrod rab tu dka' spyad dang // 'gyur ba 'gog dang bzang ngan blta// dag pa'i cho ga gtsor spyod las// brtag shes mthong bas khyad par yin// blo dang dbang po bsam pa yis// myung 'gro rdzogs pa'i don du bstan// las kyi 'khrul 'khor gshin rje'i
- 184b
tshogs// gnas ngan len tshogs de yis sbyongs// thun mong ba dang khyad par gyis// phung po ma yin las las ldog/ 'byung ma phung po khams dang ni// skye mched rten cing 'brel la sogs// rnam par dag pa'i ting nge 'dzin// rgyu stobs ldan par 'gyur byed do// gnas dag gcig gnyis gsum bzhi dang // lnga dang drug gi yon tan tshogs// ji snyed ji bzhin ma lus pa'i// shes bya dang ni sbyang bya dag/ thogs med mkhyen pa grub pa'i mtha'// mi 'dod pa dang dbang med dang // gnod pa zhi dang sbyor ba dang // rang dbang thob dang tshar gcod pa// de yi phrin las rdzogs pa yin// gsal bya rang bzhin rtags dang ni// thabs dang 'bras bu nges par bya// rang bzhin bde ba chen po yi// mtshan nyid bzhi dang mtshan nyid dngos// 'khor ba dang ni mya ngan 'das// thams cad de nyid kho na'o// 'khor ba'i gnas lugs shi ba'i gshin// kun gzhi'i rnam shes de yi rje// de dag 'dul sbyong gshed du 'gyur// rtags ni ma lus gzugs kyi sku// rang gi gdul bya gnyen pos 'dul// sgrub byed rnams kyi sku gsung thugs// gnas gsum shes pa thabs yin no// mi gnas grol ba'i sku gsum gyis// dag pa gsum gyi bdag nyid ldan// gzhi dang lam gyi rtog pa 'joms// khams gsum 'gro ba rigs drug dang // khyad par gdug pa can gyi rigs// gnas ngan
- 185a
len pa che la sogs// thams cad ma lus gzung bya'o// gnas srid sprul pas yongs su gcod// dus gsum bde gshegs thams cad kyi// sku yi bsgrub pa dmigs pa'i ched// 'di dag rigs kyi bdag po'o// de yi gsung du snang ba yang // a zhes bya ba chos kyi sgo// ma skyes thabs kyis rdzogs pa'o// kro zhes bya ba de nyid las// ma 'gags snang ba'i bdag nyid yin// te ni gnyis med rang byung ste// zung 'jug mthun par ston pa'o// ka ni sku ste sna tshogs snang // rang gi gdul bya rtogs pa'o// ya ni gsung ste stong nyid sgra// grag pa med par brjod pa'o// mAn ni thugs kyi ngo bo ste// ma lus 'dul ba'i bdag nyid can// ta ni yon tan rdzogs pa te// srid zhi mthar thug rtogs pa'o// ka ni thugs rje shugs kyi rtsal// 'jig rten chos la snang ba'o// ha ni phrin las grub pa ste// rang gi dmigs pa ched du byed// na ni ming gi sgro 'dogs te// sna tshogs btags pa ma 'gags chos// ma ni yi kyi rnam rtog la// ma lus skyob byed rab tu brtags// tha ni 'gro ba'i ded dpon rje// gnas brtan rgan po skye dgu'i bdag/ b+ha na ni 'ching byed rgya las grol// 'khor ba'i 'brel thag bcad pa'o// dzaHni bdud las rgyal ba ste// byang chub sems kyi khyad par ro// IM ni rigs kyi gtso bo ste// hUM gis rab tu brtags pas sdud// phaT kyis las
- 185b
kyi phung po gtor// gsung gi dbang phyug smra ba che// ma 'gags rtsal gyis longs spyod byed// thugs ni rang bzhin mnyam pa nyid// rab tu spros pa ma g.yos chos// gnas pa'i 'khor lo g.yo ba med// srid pa'i 'khor lo longs spyod che// sprul pa'i 'khor lo 'gro don rdzogs// spyod pa'i 'khor lo drag shul spyod// 'di ni rigs kyi 'khor du shes// zhes bka' stsal to// gshin rje gshed 'dus pa rtsa ba'i rgyud las// sku gsung thugs kyi rang bzhin rnam par dag pa bstan pa'i le'u ste gnyis pa'o// // de nas rgyal po rdo rje 'dzin// sku gsung thugs kyi 'khor lo bzhi// lta ba dang ni longs spyod dang // cho 'phrul phrin las ston mdzad phyir// khro bo khro mo'i tshogs chen la// dgyes pa'i mdangs kyis bka' stsal pa// e ma nga ni yon tan tshogs// ma lus kun gyi ngo bor snang // yid bzhin nor bu ji lta bar// yang dag thugs kyi ye shes de// rab tu mchod cing bstod par bya// shes bya'i yul dang shes byed gzhi// sna tshogs nga yi thugs la gnas// bsam zhing 'dod pa 'di las byung // rang gi byang chub sems nyid 'di// thams cad 'dus pa'i bdag nyid de// sku gsum rdzogs par rang la gnas// rig pa'i rgyal pos dbang bsgyur dus// phyi dang nang dang bar ma dang // snang dang srid dang rtog pa dang // bsdus pa dang spros dang 'tsham pa
- 186a
dang // thams cad rang rig sems las byung // de nyid gnas su gyur pa yis// gzhi dang ngo bo rang bzhin dag/ ma bcos ma byas grub pa ni// spros bral chos kyi sku yi gnas// de nyid gzugs su bstan pa ni// 'dod pa'i yon tan ma bkag chos// ji ltar 'dod pa ngang gis rdzogs// longs spyod mi zad 'khor lo las// bya dang byed pa snang ba'i dus// gnas 'gyur rung ba spyod dus na// thogs med 'dod pa yid las skyes// don rigs snang ba sbrul sku'i gnas// ye shes thugs ni nam mkha' bzhin// stong zhing snang ba'i mtshan nyid can// 'ba' zhig snang ba skye med pa// chos dbyings ye shes gnas pa'o// sgro dang bsdu ba phyag rgya'i las// 'dod pa'i dngos po ma lus pa'i// me long chu zla la sogs pa'i// gzugs brnyan snang ba dang 'dra zhing // shes dang shes bya ma lus gsal// sna tshogs snang ba dngos po de// ma grub rang gi ngang du gsal// gsal ba'i ye shes gnas pa'o// rang rig thugs la bkod pa yi// phung po lnga dang 'byung ba lnga// dbang po lnga dang rnam par shes// yul lnga kha dog byed pa lnga// yab yum rigs dang phrin las lnga// ma lus rnam dag ye nas gnas// so sor rtog pa'i ye shes gnas// de dag kun gyi gzhi dang yul// khams kyis bsdus pa'i sna tshogs lus// ma lus dbyings su rim gyis mnyam// mnyam nyid ye shes
- 186b
rang rig gnas// kun gyi rang rig byang chub sems// de las byung ba'i phrin las ni// nan tan spyod pas kun la khyab// ye shes bzhin du gnas pa'o// sems nyid me long brtags pas ni// sngar byas byang chub de nyid do// 'jig rten gsum yang rang gi dngos// mi gnas mya ngan 'das pa yang // sems las ma gtogs chos gzhan med// de nyid 'khor ba las kyi sa// mya ngan 'das pa ltar snang zhes// rang gi thugs la de nyid gnas// don dam snying po byang chub sems// thams cad bden pa'i chos nyid do// brtags shing dpyad pas shes min te// nam mkha' lta bur spros dang bral// kun rdzob snang dang srid pas bsdus// log pa dang ni yang dag ste// rtog pa phyir 'gyur med bzhin snang // ma 'bres brtags bzod gnyis su gnas// don gyi gnas lugs blta ba ni// mig gi dbang po ji bzhin du// mthar zug rdzogs par mthong ba yis// spang blang skyon yon sbyang thob dang // shes bgrod yul dang gnyen po'i tshogs// ma lus rtog par nyams su myong // yan lag nyid lag bya ba bzhin// 'gro 'chag nyal 'dug spyod lam gyis// gnas dus yul gyi bye brag la// byas shing spyod pa chud ma zos// rang gzhan gnas kyi don spyod cing // yid la 'dod rdzogs spong ba'i gnas// thun mong pa dang khyad par gyis// phyi nang rtsol ba ma
- 187a
'gags pa// sna tshogs pa dang kho na yis// nges par spyod pa thabs kyi gnas// shes rab kyis ni blo phye nas// de bzhin nyid du yang dag mtha'// gnas nyid skyon med phyogs kun rtogs// mngon par byang chub shes pa'o// ting nge 'dzin gyi sems zhi nas// de nyid ngang la ma bcos gnas// stobs kyi ye shes lhag par mthong // phyin ci ma log spyod pa'i gnas// rlabs chen rnam par dag par sbyang // sems las rung ba'i ting 'dzin gyis// dri ma med pa'i shes rab kyis// sku gsum mngon du gsal bar rdzogs// yang dag ye shes thugs kyi dngos// nges pa yis ni bkag pa dang // bsgrub pa med pa'i chos thams cad// 'khrul gzhi 'khor ba'i 'khor lo'o// las kyis ma lus gcod pa ste// 'dod chags zhe sdang gti mug dag/ ye shes rig pa'i mtshon cha yis// mnyam nyid dbyings kyi ngang du gcod// 'khor ba'i bag chags gnas ngan len// thabs dang shes rab gnyis su med// rab tu 'brel ba'i ye shes kyis// nyon mongs bag nyal len cing bsreg/ brtse ba gsum dang snying rje las// don dam kun rdzob gnyis med pa'i// byang chub sems kyi 'od zer las// cho 'phrul sna tshogs snang ba yis// 'khor ba'i mun khang thib po 'joms// dbyings dang ye shes gnyis med pa'i// don dam ma bcos rang byung me// 'khor ba'i
- 187b
nyon mongs sbur ma dang // mi gtsang ldan ljin ma lus skem// gnyis med thugs kyi 'khor lo dag/ phrin las thugs kyi 'phro 'du yis// rab bskor srid pa'i gsum gyi dngos// mi shes rmongs pa rab tu gcod// rtogs pa dang ni thugs rje yis// bdag dang gzhan du snang ba las// srid pa sgo nga mngal dang drod// de ma thag tu brdzus te skye// gnas gzhi rtsa ba yongs gcod cing // bsreg 'joms gcod dang skem pa yin// thugs las byung ba'i nyi ma bzhis// dus gsum sangs rgyas ma lus pa'i// dgongs pa dang ni ye shes tshogs// khams gsum 'gro ba thams cad kyi// las dang sdug bsngal rgyu 'bras dag/ gsal bar smin rgyu gzhan dag las// ma ltos pa dang rang la rdzogs// thugs kyi nyi ma bzhi yin te// gnas pa lte ba'i 'khor lo ste// ma lus yongs su rdzogs pa'o// srid pa'i 'khor lo zhes bya ba// kun gyi lto phal gnas pa ste// gnas ni 'jig pa'i mkhar lta bu// dbang gal gnad bcud rdzogs pa ste// de bzhin 'jam dpal mkha' las byung // gshin rje kun gyi gshed gyur pa// gnyis med thugs kyi ye shes 'chang // 'dod khams gzugs khams gzugs med khams// lha klu mi yi srid pa dang // 'dod chags zhe sdang gti mug gsum// dbang po lus ngag yid gsum dang // thig le gnas dang longs spyod
- 188a
gsum// rtag chad dbu ma mtha' dang bcas// skye 'jig gnas pa rang gi gzhi// ma lus sku gsum 'du zhing rdzogs// rang gis dbang bsgyur spyod pas na// gsang gang dbang rdzogs pa'i spyod pa'o// mngal skyes srid pa dang po yi// lte ba'i gnas na brtsam pa ste// btsan khang khri mon bcug pa yis// steng 'og par gsum zo khyu'i khyud// las kyi shugs kyis 'khor zhing chags// stobs gzhan gyis ni bskyod mi nus// 'jigs byed chen po bdag nyid kyis// las kyi gshin rje gzir ba yis// lto na srid pa gsum gnas shing // 'khor ba'i sems can thams cad kyi// rnam par shes pa'i rten 'phos tshe// de nyid las kyi rgyal po yis// phyag gi 'du byed byas pa yis// las kyi 'phen pa gnas mthud cing // nying mtshams phung po nyer len pas// srid pa'i 'khor lo zhes kyang bya// kun gyi ma rig 'khrul pa las// gzung dang 'dzin pa'i rtog pa yis// chags dang zhen pa rab tu brtag/ srid pa'i rtse mo man chad nas// las kyi mnar med yan chad du// las kyi dbang gis 'khor bas na// 'khrul pa'i snang ngo zad mi shes// las kyi 'khrul 'khor de nyid las// rtsa ba yan lag sna tshogs kyi// nyon mongs phra rags ma lus pa// rang byung shugs kyi ye shes kyis// ma lus mthar thug gcod par byed// shes pa'i srid pa gnas ma
- 188b
yin// zhi la mi gnas snying rje dag/ tshogs gnyis lam gyi yon tan gyis// ma lus gcod pa'i 'khor lo'o// de las yon tan sprul pa yis// 'khor lo cho 'phrul 'byung ba ni// sems dpa' gnyis kyi zhabs 'og gnas// rmi lam sgyu ma'i skyes bu bzhin// ci dran cir snang cir spyod pa'i// las kyi rnam pa sna tshogs dag/ gshin rje rgyal po brjid pa'i zhabs// 'bar ba'i stobs kyis gnon pa ni// rtsa ba'i nyon mongs drug las byung // nyon mongs gzhi bcas 'gro ba drug/ snang ba yul gyi tshogs drug dang // sgo lnga lam gyi rgyud drug dang // sangs rgyas byang chub sems dpa' dang // nyan thos rang rgyal chos dang gsum// las dang nyon mongs sprul pa drug/ rang gnas las kyi 'khor lo drug/ 'gyur med rang gi sar gnon cing // thugs rje thabs kyi sprul pa drug/ rigs dang khams dang byed pa drug/ las dang dbang po bsam pa dag/ mthun 'jug blo yis don mdzad cing // tha dad snang ba sprul pa ste// so so'i las kyi rnam smin gyis// gcig nas gcig tu kha brgyud cing // 'khrul zhing 'khor bas 'khor lo ste// nyon mongs drug po gcod byed las// sna tshogs 'byung ba'i cho 'phrul te// don la ma nges snang ba'o// phrin las gcod pa'i 'khor lo ni// gdug byed mtshon cha rnon po bzhin// phyag mtshan 'dzin pa'i tshul gnas shing // gang la dmigs
- 189a
pa thogs med gcod// bcom ldan rdo rje 'dzin rgyal gyi// phyag mtshan 'khor lo rnam pa bzhi// zhi bar bya dang rgyas par spel// dbang du bsdu dang tshar gcod pa'i// las kyi rnam bzhis dngos po gcod// zhi bas 'jigs pa brgyad las skyob// skyob pa'i bar gcod de yis gcod// rgyas pas 'byor pa drug ldan zhing // 'byor pa'i bar chod gcod cing sel// dbang gis mos pa rnam bzhi 'du// gang gis mi 'du la phyogs kun gcod// drag pos dgra bgegs tshar gcod cing // mi 'dul bar gcod 'khor los gcod// phrin las bzhi yis gang dmigs gcod// gcod pa'i 'khor lo phrin las mchog/ rtsol med rang byung shugs las 'byung // rab tu 'khor bas 'khor lor brjod// gnas pa gzhi yi 'khor lo ni// ma lus sems la 'dus pa las// bcos med snying po'i don dang ldan// chos kyi sku zhes bya bar mdzad// bsam byung srid pa'i 'khor lo ni// rten pa lus kyi ngo bo ste// snang ba rnam dag ting nge 'dzin// rdzogs par longs spyod sku yi mchog/ 'dul ngo sprul pa'i 'khor lo ni// brjid gnon zhabs kyi stobs byung ste yang bcu ste// rigs drug sar gnas chos kyi las// nges 'byung sprul pa'i 'khor lo'i sku// gcod pa'i 'khor lo tshogs kyi las// brgyad dang drug dang bzhi gnyis kyi// yan lag las kyi 'phro 'du
- 189b
byed/ sna tshogs mngon par byang chub sku// dang po don gyi 'khor lo ste// lhag ma gsum gyi rtags 'khor lo// lta ba phrin las gnyis su 'gyur// lta spyod so sor ma gyur na// don dang ldan zhing de min pas// gsang ba'i sngags dang spyod pa dang // lta ba tshig tu tsam brjod kyang // mtha' drug rdzogs par mi nus na// lta spyod ya bral gyur pa'o// cho 'phrul nges don ldan pa yang // phyi nang 'byung ba'i nus pa dang // yul sems 'phrad pa'i rtogs pa yis// snang ba stong pa tha mi dad// de nyid kyis ni rnam par 'phrul// phrin las gcod pa'i 'khor lo yang // 'byung ba 'dus pa'i dngos po yis// myur mgyogs rtsal gyi drag shul can// rdzas kyi nus pa shugs 'byin du// gang la phog par 'joms shing gcod// gcig gis las kun bsgrub par byed// ma grub srid du mngags pa yang // rdo rje'i 'khrul 'khor shugs bzhin no// gcod byed 'dra ba'i 'khor lo ni// nyi ma bzhi yi so sor bskor// phyi nang gsang ba'i rnam grangs kyis// dgu dang drug dang gsum dag tu// chen po chung ngu bar ma yis// rnam grangs dgu dang 'od zer brgyad// pho mo sbyar ba bzlas lugs bcu// ru bzhi bsdom pa brgyad nyid dang // a lon don du bskor ba dang // gsal byed mtsho sdebs dmigs sel dang // 'byed par byed pa gang yin yang // che dang chung
- 190a
bas gzhung bsrangs te// sku gsung thugs dang yon tan dang // phrin las rnams kyi bsgrub par bya// rang nyid dmigs pa'i rtsa ba gsum// gsal byed mtsho sdebs dmigs phyed bzhi// rtsa ba de ni yan lag gi/ kha bskang ba dang bsdus pa dang // mthar thug gi ni gnad la dbab// gzhan yang lta ba spyod pa yis// don dang rtags kyi khyad par las// snying po rig pa'i byang chub sems// 'khrul 'khor 'khrul dmigs dmigs sel dang // gsal byed rnams su don gyis gnas// dam tshig bsrung ba'i srog 'khrul dang // dge sdig las kyi 'khrul pa las// srog dang srog gi snying po las// ngo bo rang bzhin yon tan no// dge sdig gis ni gsod pa dang // gso ba'i phrin las grub pa'o// mi sdug ltas dang drag po gnyis// yan lag zhi ba rgyas pa dang // zhi bar gnas dang rgyas par sgo// dbang du sdud dang bsad pa dang // dgug dang dbye ba bskrad pa dang // smyo 'bog lkugs dang gnan pa dag/ zla ba'i dkyil 'khor chos mthun zhing // gsal zhing bsil dang dngos po chu// the tshom med par 'grub pa'o// glang po chen po che ba'i tshul// ye shes byin rlabs 'jig rten pa// tha mal pa yi yon tan gyis// rgyas pa rab tu 'grub pa'o// dbang du bsdu ba b+ha ga ste// bsad pa gshin rje'i lto bar ro// seng ge'i snying la dgug par ro// dbye
- 190b
ba rta dang ma he'i bar// bskrad pa rnga mo'i gsang sgo ste// smyo 'bog ri dwags rgyab tu'o// lkugs pa lug gi khog pa ste// gnan pa ri rab rmang du bskor// rang gi yon tan chos mthun gyis// dbang du bsdu dang drag po 'grub// me chu dug dang mtshon dang ni// pha rol dmag dang mu ge dang // dgra dang dus min par 'chi ba'i// 'jigs pa rnams la zhi bas skyobs// tshe ring ba dang dbang ched dang // bkra shis pa dang gzi mdangs che// 'khor dang longs spyod rgyas pas spel// pha ma mkhan po slob dpon dang // rgyal po rje dpon tshul dag gi/ mos par bcas te dbang du bsdu// dgug dang bskrad dang dbye dang lkugs// myos dang gsad dang gnon pa yis// drag shul spyod pas phrin las 'joms// chags pa'i tshul gyis dbang sdud cing // drag shul khros pas sgrol ba dang // myur ba'i shugs kyis sdud cing dgug/ mi mthun phyogs kyi so sor 'byed// lkog gyur chags pa gzhan skrod bskyod// gtsang sbra lus kyis myos pa dang // rmugs pa'i nus pas lkugs byed cing // ri rab brjid pa yis ni gnon// nyi ma bzhi yi go mtshams bzhi// phyi nang gsang ba so sor drug/ rus 'gro mi reg glang po 'gros// mtha' dang dbus med dbus nas mtha'// mtha' nas dbus su so sor bskor// tshogs bsag pa dang bsrung ba dang // bskyed dang spyan drang bzhugs
- 191a
pa dang // phyag 'tshal ba dang mchod cing bshags// bstod dang bskul dang gsol ba dang // bsnyen pa nye bsnyen bsgrub pa dang // bsgrub pa chen po'i phrin las kyis// nye dang brtan pa thob pa dang // myur mgyogs rdo rje'i las la sbyar// gdug pa can gyi mtha' bsdu zhing // phyi nang gsang dang rab tu gsang // mtshams sbyor ba dang bsdam pa dang // gzhug dang gdags dang dbyung ba dang // yon tan mthar thug bsam mi khyab// rdzogs pa'i rim pa bsgrub pa yis// shes bya don gyi gnas lugs te// nges pa don gyi lam mchog kyang // rten lus rtsa dang rlung dang dbugs// thig le byang chub sems kyi dang // chos nyid byang chub rdzogs pa'i dngos// khyad par gzhi dang lam 'bras bu// snang ba gzhi dang gtso bo sems// sems las byung ba de yi 'khor// chos dang chos nyid 'dus ma byas// 'dus byas ston pas gzhi ru 'gyur// tshogs brgyad yul la kun nas ldang // theg pa dgu dang gnas pa gsum// sbyor ba bzhi la sogs rnams kyis// lam gyi rtogs pa sna tshogs skye// rab 'bring tha ma'i blo khyad kyis// gong nas gong du rab bgrod cing // 'jig rten 'jug dang rnal 'byor spyod// gong ma dag gis sun 'byin zhing // 'og tu gyur pa de yi rten// thams cad rdzogs pa'i rim pa las// nyams thos rang sangs rgyas pa
- 191b
dang // bla med sa la rgyu gsum gyis// 'bras bu gsum gyi ngo bor gnas// dag dang ma dag rnam par dag/ yul la nges pa rab tu ston// gshin rje gshed 'dus pa rtsa ba'i rgyud las/ 'khor lo bzhi'i rim pa bstan pa'i le'u ste gsum pa'o// // de nas rgyal po rdo rje 'dzin// 'dir bshad 'khor lo 'grub byed pa'i// rtsa ba bsgrub pa sku gsung thugs// yongs su rdzogs pa bka' stsal pa// thog mar mtshan nyid ldan pa yi// rdo rje slob dpon slob ma dag/ 'di nyid sku gsung thugs rdzogs shing // yon tan ldan pas phrin las tshogs// bsgrub 'dod bsgrub rung smin gyur pas// nga yi rigs dang tshul mthun zhing // mtshan nyid rdzogs pa'i gnas de ru// brten pa'i gzhi nyid rab brtags te// bslang dang bsrung bas bdag gir byas// bya chen sha za mang po'i 'khor// cho ga brtan pas rab sbyangs te// dur khrod rdzas dang bdud rtsi lngas// gnas la dmigs pa'i pho brang bzhengs// bzhi dang bcu gnyis pa dag gi/ 'khor lo rdzogs pa'i dbyibs su bya// rgyas dang bsdus pa'i khyad par gyis// rigs lnga rigs bzhi'i dbye ba dang // gsum dang gcig gi dbye ba yis// dkar ser dmar nag mthing ga'i mdog/ ji ltar rigs dang sngags pa yis// bshad pa'i rgyan rtags ma lus ldan// dmigs rten rdzas kyi mdzes par bya// yul
- 192a
gsum gsal zhing brtan pa dag/ zhi gnas lhag mthong ting nge 'dzin// gzugs brnyan sa yi sbyor ba yis// bsnyen pa'i sbyor ba brtsam par bya// gzugs dang sgra dang chos rnams ni// dbang po gsum gyi yul du 'gyur// rin po che dang 'bru mchog dang // sa sna lnga yi yo byad ni// rab 'bring tha ma'i 'byor pa ste// gang gis brtsam par gyur pa des// phyi nang gsang ba'i yo byad kyis// phangs pa med pa'i 'bad pa dag/ mchod cing bstab pa'i longs spyod kyis// yongs rdzogs mnyes par bya phyir rtsol// de nas rab tu bsrung bya zhing // mngon du snang dang mi snang las// bka' bsgo dbang bsdu mtshams bcad de// sbrang dang bsreg dang gtor ba dang // bskrad dang bcing dang mnan pa yis// ma lus tshar gcad rdzogs par bya// de nas tha mal rtog sbrang phyir// dag pa'i dkyil 'khor mkha' las sbrul// phyogs bzhi sgo bzhir gsol gdab cing // gzhal yas blta ba'i smon pa bya// lus ngag yid kyi bya ba yis// phyag 'tshal gsol ba gdab pa dang // rkyen gyur phyi nang gsang ba yi// mchod pa'i khyad par rim pa yis// mchog gi sku gsung thugs mnyes bya// de nas bsgrub pa'i dam bca' zhing // lhag pa'i ye shes byin rlabs blang // nyes pa bshags shing tshangs par spyad/ rang gi byin rlabs yongs rdzogs pas// gnas sbyangs
- 192b
rgyud smin snod bzang 'gyur// lhag pa'i lha yi nye bar bsnyen// de nas rab tu bsgrub pa'i phyir// dngos dang dngos min chos dang rten// ma lus rang gi mtha' la blta/ de nyid ma rtogs snying rje'i yul// rgyu ba kun la dmigs pa bsam// rang gi snying po de nyid ni// dmigs pa gsal rdzogs rgyu ru bsgom// de la spro dang bsdu ba yis// sbrang dang mnyes pa'i las rnams bya// thog ma'i gzugs la thim bsam nas// rang bzhin gnas dang grub pa yis// dag dang ma dag gnas gyur pa// ye shes 'byung ba lnga nyid kyis// rang gi sa bon rnam par bsam// eHyaMHraHsuMHraM koH/ mthing nag ldang ser dmar dang dkar// gzugs bral zla gam gzhu 'dra zhing // gru gsum gru bzhir rab tu brtsegs// rang gnas de nyid ye shes dang // 'phro 'du las kyi sbyor ba yin// bdag med stong pa'i ngo bor bya// kun rdzob nus pa rdzogs ldan zhing // rang gi mtshan nyid so sor 'dzin// 'ja' tshon sgyu ma'i tshul ltar snang // de yi steng du bsam pa ni// dur khrod chen po'i gzhal yas khang // gzugs brnyan mtshan nyid ldan pa la// rgyu ni 'jigs byed rnam par snang // rang gi khams dang byed pa dang // gdul bya dang ni 'dul bar byed// gang la bsngags pa der snang zhing // tshad med rdzogs pa nyid kyis gsal// ma bsgribs mnyam nyid ldan par bsgom// rang
- 193a
sngags snying po las kyi gzhi// byin rlabs cho 'phrul byung ba ni// a dang maM dang paM dag las// gsal byed snying po bsil byed can// dag pa gsum la spyad pas mnyes// ma he chu glang brjid pa ni// ha yi haM gyi yang rnam par spros las byung // de dag steng du bsgom pa ni// hUM chen 'bar ba'i 'od 'phros pas// 'jam dpal mkha' las byung ba ni// gshin rje kun gyi gshed gyur pa// chos kyi dbyings las 'gyur med pas// mthing nag 'bar ba'i 'od mdog can// zhal g.yas dkar ba zhi ba'i ngang // phrin las drag po gtsor spyod pas// g.yon zhal dmar nag gtsigs pa'o// sa dgu rdzogs shing gnon pa yis// spyan dgu sdang mig rab tu blta// chags pa'i thugs rje dang ldan pas// spyan rtsa dmar zhing phyogs bcur 'phrul// skye shi rtsa ba gcod pa yis// mche ba bzhi ni rab tu gtsigs// sgrib pa'i bag chags gtor ba yis// shangs nas ye shes 'thong rlung mdzad// ag tshom dmar po mer 'bar bas// gdug pa'i tshogs kun zil gyis gnon// dregs pa dbang du sdud mdzad pas// zhal nas hUM sgra drag po sgrogs// rgyud drug dbyings su sgrol ba yis// phyag drug mtshon cha rang rtags 'dzin// g.yas pa'i dang po dug lnga'i tshogs// gtan nas 'joms mdzad be con bsnams// bar ma ral gri 'dzin pa yis// skye shi'i
- 193b
'jigs pa rtsa ba gcod// 'og ma dgra sta 'dzin pa yis// stobs kyi dug zhi gnas bzhi 'joms// g.yon gyi dang po sdigs mdzub kyis// gdug byed zil gnon 'bigs pa'i brda'// bar ma thugs kyi ye shes kyis// 'khor ba'i gting 'byin mdung ring bsnams// tha ma dbang sdud thod khrag 'dzin// zhabs bzhi gyad kyi dor stabs kyis// dregs pa mang po dbang du sdud// sku gsum rang bzhin lhun grub pas// thod pa gsum gyi phreng bas brgyan// gdug pa klu yi dug 'joms pas// rigs lnga'i sbrul gyis lha tshigs bsdams// blo yi theg pa sna tshogs rdzogs// phrin las bzhi yi cho 'phrul ston// ru tra gdug pa sgrol mdzad pas// glang chen stag dang mi dbang po// lpags pa sku yi na bzar gsol// dug gsum gtan nas 'joms 'dul bas// rak+ta thal chen khu ba yis// thig le'i tshom bu ri mor byas// mtha' gnyis spangs shing khyab pa yis// rdo rje rin chen gshog pa gdengs// nyon mongs rtsa ba yan lag tshogs// bsreg mdzad bskal pa'i me dpung 'bar// gti mug ma spangs don mdzad pas// ma he chu glang zhabs kyis gnon// skyon med gsal ba'i ye shes ldan// nyi zla pad+ma'i gdan la bzhugs// chos dbyings ye shes don rtogs pas// g.yon phyogs khro mo be ta lI// nag mo gtum chen dbyings kyi yum// sku gsum rdzogs
- 194a
pa'i spyan gsum ldan// khro gnyer rlabs kyis rab tu bskyod// 'khor ba ma lus gnas nas 'dren// dbu skra kham nag rab tu 'tsher// skra yi cha lugs gdug pa 'dul// za byed rngam pa'i rol pa'i stabs// zhal gdangs tshems gtsigs ljags 'dril zhing // me dpung 'bar ba'i nang du bzhugs// dug gsum rtsad gcod dgra sta g.yas// g.yon na b+han+d+ha khrag gis bkang // spros bral nyon mongs zhal du rngubs// sgrol mdzad ral pa gcig ma ni// zhal gcig phyag gnyis sku mdog mthing // dbu yi thor tshugs gcig tu 'khyil// chos nyid yang dag ye shes dbyings// ma lus rtogs pa'i rtags yin te// g.yas kyi tre shUl rtse gsum 'dzin// dug gsum 'dzin pa rtsad nas gcod// g.yang gzhi pags pa'i ru mtshon gyis// bdud bzhi'i rtog pa zil gyis gnon// g.yon na thod pa khrag gis bkang // 'khor ba'i nyon mongs dbang du sdud// 'gro drug dbyings su sgrol ba yis// khro gnyer drug gis rab tu 'bar// gtso chen dgyes pa'i rol pa stob// ha hi gsang ba'i nga ro yis// rang sngags gsang ba'i sgra sgrogs shing // rdo rje pad+ma mnyam sbyor bas// byang chub sems kyi 'od zer 'phros// yig 'bru'i rnam pa cho 'phrul gyis// 'dul byed rang gi sprul pa dag/ ji bzhin pa yi snang ba las// rigs kyi sras mchog byung ba ni// hUM zhes bya ba yi/
- 194b
ge'i gzugs// mthing ga 'od dang ldan pa dag/ rang gi gnas su bskyed pa las// 'khor lo 'bar ba'i shar phyogs su// ya ma rA dza zhes bya'i sras// mthing nag zhal gsum phyag drug pa// g.yas dkar g.yon dmar dbus mthing zhal// 'khor lo ral gri lcags kyu g.yas// kha T+wAM dgra sta rgyu zhags g.yon// sbyor yum nag mo ral gcig ma// gtso la 'khyud cing dung dmar stob// sgrol yum nag mo nam gru yang / re ma ti// g.yas g.yon ral gri ne'u le 'dzin// lho phyogs su ni myos byed 'bar// ser nag zhal gsum phyag drug pa/ g.yas sngo g.yon dmar dbus ser zhal// be con ral gri dgra sta g.yas// b+han d+ha 'khor lo rgyu zhags g.yon// gtum mo ser nag sbyor mdzad ma// gtso la 'khyud cing dung khrag stob// ser nag khrag gi bdag mo ni// g.yas na spu gri snying zhags g.yon// nub phyogs 'phags pa ma ru tse// dmar nag dbu gsum phyag drug ldan// g.yas dkar g.yon sngo dbus dmar nag/ be con dbyug to kha T+wAM g.yas// thog khrag 'khor lo rgyu zhags g.yon// rasmi can ni gnyis med sbyor// gtso la 'khyud cing dung khrag stob// gling bzhi 'joms mdzad khros ma ni// dmar mo mi snying thod khrag 'dzin// byang phyogs ral pa tshar dgu ni// ljang nag dbu gsum phyag drug pa// g.yas dkar g.yon dmar dbus ljang nag/ be con
- 195a
gtun shing rgya gram g.yas// dung khrag 'khor lo rgyu zhags g.yon// re ma ti ni sbyor ba'i tshul// srin mo ljang nag mgo 'phyangs ma// dgra sta 'phyar zhing dung dmar stob// sras mchog yab yum 'khor rnams ni// so so'i rigs kyi sku mdog dang // rgyan bcas gtso bo yab yum gyi// tshul ldan rab tu rdzogs pa'o// phyi rol khyams sam 'khor lo la// gdul bya'i gshin rje bskyed pa ni// steng phyogs gnas pa'i gshin rje ni// nag po'i phyogs 'joms zhes bya ba// zhal gcig phyag gnyis sku mdog mthing // g.yas pa rdo rje g.yon dgra sta// nag mo ra la gcig yum dang bcas// dbang phyug rdzogs pa sku dkar ser// tshe bum thong gshol phyag gis 'dzin// gdong dgu ma ni sbyor ba'i yum// brag 'joms mdog dkar g.yas rdo rje// phyag g.yon gyis ni 'khor lo 'dzin// khro mo shel mig ma dang bcas// smug nag chen po glang mgo can// phyag g.yas kha T+wAM g.yon lcags kyu// mche gtsigs ma dang gnyis su med// sngo nag ya ba ti zhes pa// g.yas pa ral gri g.yon lcags kyu// ab sham can zhes yum dang bcas// mig dmar smuspug nag g.yas ral gri// g.yon gyis ti ra'i dbyug pa 'phyar// dmar mo ral gcig yum dang bcas// rab tu dmigs pa'i dud kha'i mdog/ thog phreng g.yas te lcags sgrog g.yon// klu mo pus 'gro yum
- 195b
dang bcas// gshin rje tel pa sngo nag mdog/ g.yas pa spu gri thod khrag g.yon// sbyor yum spyan gsum ma dang bcas// bdud 'joms smug nag phyag g.yas na// tho ba g.yon na b+han+da rgya gram yang / 'dzin// smug nag ral gcig ma dang sbyor// chos kyi rgyal po zhes bya ba// dkar ser rdo rje khram shing 'dzin// rdo rje ral pa can dang sbyor// 'bar ba dmar po g.yas kyis ni// rtsis byang g.yon na gtun shing thogs// dmar mo mgo dgu yum dang 'khril// zod dbyug can ni mthing nag mdog/ g.yon na shro rde g.yas ti ra// nag mo phag mgo can dang sbyor// phyogs kun skyong ba'i gshin rje ste// khro bo gar dgu'i tshul dang ldan// zhal gcig phyag gnyis 'jigs pa'i gzugs// rab tu mtshungs pa'i yum chen yang // kha T+wAM shel gyi lcags kyu dang // skar mda' khram shing tsit+ta mdung // thod rlon ral gri nyi zer dang // tri shUl rdo rje zhags pa dag/ rim par g.yas pa'i phyag gi 'dzin// g.yon pas dung dmar yab la stob// rang gi phyogs nas brjid pa'i tshul// sgo bzhi shar lho nub byang du// khro chen dkar mthing dmar ljang gdong // phra men lta bu bya rgod dang // stag dang kang ka spyang ki'i mgo/ rdo rje rin chen pad+ma dang // rgya gram rim bzhin g.yas kyis 'dzin// lcags kyu zhags pa lcags sgrog dang // shel gyi dril bu g.yon na bsnams// khro bo'i gar dang
- 196a
ldan pa dag/ rang sngags gsang ba'i don gyis dbyung // khro bo khro mo'i tshogs chen dag/ nga dang gnyis med dus gsum gyi// sangs rgyas rnams kyi byin rlabs kyis// sku gsung thugs su byin brlabs shing // chos dbyings mnyam nyid me long dang // so sor rtog dang nan tan gyi// rang gi ye shes ldan par byas// rnal 'byor dbang phyug sgrub pa yis// lus ngag yid kyi nus pa yis// yul gsum gsal bar rab tu bsgom// de la brtan par gnas pa dang // gnyis med ye shes dkyil 'khor che// rang bzhin grub pa'i pho brang na// khyad par nga rgyal snying po nyid// lhag pa'i gnas su sbyong byed pa// mnyam nyid rdzogs pa'i rang bzhin can// dgug cing bstim dang dbab pa dang // mnyes dang mchod pa bstab pa dang // rab tu bsnyen dang shin tu bsnyen// 'phro 'du las kyi sbyor ba dang // zhi bar bya dang rgyas par spel// dbang du bsdu dang drag pos 'dul// 'khor lo bzhi yi longs spyod kyis// las kyi mtha' dang bcas pa dag/ mngon sum nus par rab tu bshad// ces bka' stsal to// gshin rje gshed 'dus pa rtsa ba'i rgyud las/ sku'i 'khor lo rgyas par sgrub pa'i le'u ste bzhi pa'o// // de nas rgyal po rdo rje 'dzin// byang chub tshul gyis sbyor ba dag/ gsung gi snying po gsang ba dag/ 'dus pa'i 'khor la rab tu
- 196b
bstan// lta ba spyod pa cho 'phrul dang // phrin las rigs kyi khyad par gyis// nga rgyal gti mug 'dod chags dang // zhe sdang phrag dog snang ba yis// thugs kyi snying po 'di nyid ni// blo chen rnams la nges snang ba// mnyam pa nyid dang chos kyi dbyings// so sor rtog pa'i shes rab dang // kun tu gsal dang nan tan spyod// gcig la kun rdzogs gcig gi ngang // gcig las spros dang gcig tu bsdu// snang zhing rtog pa ji snyed pa// don gyi ngo bo de nyid las// mthong ba'i yul tshul blta ba las// yang dag nyid la yang dag blta// 'jig rten pa dang de las 'das// gang zag dang ni chos kyis brtag/ tshu rol dang ni pha rol tu// srid pa dang ni zhi ba'i chos// mnyam pa nyid kyis gang bsgom pa// mtshan mar snang dang mtshan ma med// rgyu 'bras stong pa nyid la gnas// gang la gnas pa de bsgom pa'o// 'gro dang 'chag dang 'dug pa dang // za dang 'thung dang nyal ba dang // bya dang byed dang gnas pa dang // gnas 'gyur rtog pa'i khyad par spyod// ji ltar gang la cir spyod pa// 'jigs byed gshed kyi brtul zhugs te// dang po ba dang mnyam gzhag dang // bde bar gshegs pa kun spyod do// de dag kun gyi phrin las tshogs// ma lus sgrub byed nus pa ni// dmigs pa'i yul gyi bya ba dang // lam dang gang zag 'bras bu rnams// 'thob byed gsang
- 197a
sngags 'di dag go/ au a kro te ka ya man+ta ka ha na ma tha b+hany+dza hUM phaT// rtsa ba'i nye ba'i snying po'o// IM ka la rU pa hUM phaT/ sku'i snying po'o// IM ya mAn+ta ka hUM phaT// gsung gi snying po'o// au hrIHSh+T+r-iHbi kri tA nan hUM phaT// thugs kyi snying po'o// IM ya ma rA dza sa do me ya/ ya me do ru Na yo da ya/ ya da yo ni ra ya k+She ya/ yak+She yats+tsha ni rA ma ya hUM phaT/ rab tu gsang ba'i snying po'o// IM a sngags mar bzhag kro te ka hUM phaT/ au b+he tA li rak+Sha ma na hUM phaT/ IM e ka dza Ti trag rak+ta mu tra snying kha rag ma ru lu ru lu b+h+yo hUM phaT/ A~M ya ma rA dza ti ta tha tho la ya hUM phaT/ A~M ya ma rA dza pre ta b+hi tri ti ma ra ta ka hUM phaT/ A~M ya ma rA dza pre te dza la hUM/ phaT/ AM ya ma rA dza ka la k+She pre tod ka ta hUM phaT/ au rag mo rag mo snying rtsa la sha la b+h+yo// au rag mo rag mo khrag la mu sham b+h+yo// au rag mo rag mo ti sa ma ma ma b+h+yo// I rag mo rag mo ting ting ka la ma b+ho// IM he ma de b+h+yo hAM/ au ya ma de b+h+yo hAM/ IM na ga de b+h+yo hAM/ IM kha rag de b+h+yo hAM/ A~M badz+ra ya ma rak+ta kro ta hUM phaT/ IM ya ma hri ti hUM phaT/ IM ya ma ma hA pa ta hUM phaT/ au ya ma tri ku ru hUM phaT/ au ya ma ya ba ti hAM phaT/ oM ya ma ar+ya da ra hUM phaT/ oM ya ma rak+Sha tsa li hUM phaT/ oM ya ma sarba pa ta hUM phaT/ oM ya ma a mr-i baM hUM phaT/ oM ya ma d+harma rA dza hUM phaT/ oM ya ma dza la raM hUM phaT/ oM ya ma hri ti baM hUM phaT/ oM ma ma rag mo
- 197b
ru lu b+h+yo/ au rag mo rak+Sha ru lu b+h+yo/ oM ma ma yag mo ru lu b+h+yo/ oM ma ma rag sha hri ti snying ru lu b+h+yo/ oM ma ma rak+ka ma ti ru lu b+h+yo/ au rag mo sta na ru lu b+h+yo/ oM ma ma na ga ru lu b+h+yo/ au ba ya d+he ba ru lu b+h+yo/ au yag mo yag mo ru lu b+h+yo/ IM ma ma badz+ra e ka ru lu hUM/ IM ma ma yag mo ru lu b+h+yo/ IM ka la rag mo ru lu b+h+yo/ IM ya ma aM gu sha dzaH/ IM ya ma pa sha hUM/ IM ya ma s+pho Ta baM/ IM ya ma g+han+te hoH/ rab tu bskyed pa'i snying po'o// IM sa man ya many+dzu shrI mu tra yA man ta ka pa tsa te ro ni hUM dza/ ma ma e ka dzaHti trag rak+Sha kha mun+na/ mu tra ma ma snying kha rag+ma b+h+yo/ rag mo te/ ke tsa tsha kha la ma hi b+h+yo/ ya ya lo na tsin+tan ma ma b+h+yo dza/ snying kha rag srog la b+h+yo b+h+yo/ bsgrub pa bya ba'i snying po'o// e ma ma te k+She ra tsa sa twa ru na yo ni ra ya tsa ni hUM phaT/ ya ma ra tsa sa twa me ya/ a mu ka pra ma ya ni sha ku ru ni hUM phaT// ya me to ru na yo ta ya/ a mu ka ra ga ta ra tsa ya ni sha ku ru hUM phaT/ ya ta yo ni ra ya k+She ya// srog rtsa a mu kaM ni sha ku ru ni hUM phaT// ya k+She ya tsa ni ra ma ya/ a mu kaM ma ra ya ni sha ku ru hUM phaT/ phrin las kyi snying po'o// gshed chen lto ba dkrugs pa yi// srid sgraslar yab yum 'khor lo bskor// brab dang 'phangs dang las kyi mchog/ bzlog dang gzir dang dkrugs par bya// zhes gsungs so// dpal gshin rje gshed rab tu 'dus pa rtsa ba'i rgyud las/ gsang ba'i snying
- 198a
po'i le'u ste lnga pa'o// // de nas rgyal po rdo rje 'dzin// sngon gyi phrin las dgongs mdzad de// gang gis btul ba'i gdul bya de// phyi ma'i dus na dgongs mdzad de// mngon du spyod pa bka' stsal pa// nga yis sngar bshad gnas dag tu// gsum dang gcig gi khru tshad kyis// pho brang dkyil 'khor mdzes par brtsigs// dur khrod rdzas kyis rab tu bstar// dbus la gru gsum sgo bzhengs bya// 'khor lo mu khyud ldan par byed// gtso chen sku gsung thugs kyi gnas// ji ltar rigs pa bsam bzhin dgod// gla glo a ba b+h+raM shi ta/ rang skad smra ba de dag gi/ mtshan ngan snod du drag po'i rdzas// myos 'thib gsod par nus pa dang // dran pa'i rten dang 'khor ba'i rgyud// mdzes shing mnyes par bya phyir dgod// mi rta rgyu mchog glang po che// chu glang ma he dran dbang rten// gser dngul zangs lcags 'khor lo dang // spu gri gri gug bshan gri dang // mtshon lcags phur pa dug shing khram// shwa rde dkar nag dmar dang sngo// bzhi pa'am bdun nam nyi shu gcig/ so so'i grangs dang mthun par dgod// gzhan yang ging bdud bshan pa dang // rtsis pa rang gi gzugs brnyan rnams// dus gzhan dag tu ngas bshad bzhin// sku gsung thugs kyi rten du dgod// mchod pas mnyes gyur dam tshig rdzas// bza' dang btung dang myang dang
- 198b
ldag/ brab dang bdug pa brdeg pa dang / bskrad dang bcings dang mnan pa dang // gtor dang sbar ba'i rdzas kyis bstar// ting nge 'dzin gyi dmigs pa dang // las kyi rim pa bya ba dag/ gtso dang 'khor gyis gnas bsgyur te// maM las ma he bsnol ba'i steng // nyi zla 'khor lo gsal ba'i steng // ya hUM rnam pa'i 'phro 'du las// gshed chen 'jigs byed bskyed par bya// dmar nag gser ljang las kyi mtha'// gang gi dmigs pa de dag gi/ zla gam yum gnyis sras dang gsum// gri thogs bzhi dang khram thogs bzhi// rtsis pa bzhi dang bshan pa bzhi// bzhi'am brgyad dam bcu drug gi/ ging bdud gnod sbyin srin po rnams// so so'i gtso dang 'khor du bcas// lus dang longs spyod ldan par bsgom// rang rgyud gnas pa'i ting 'dzin gyis// dmigs par ldan pas bos shing bstim// gnas nas drangs shing bos dang bskul// 'jigs byed ngang gis bzlas par bya// ya ma rA dza sa do mi ya/ ya me do ru Na yo da ya/ ya ta yo ni ra yak+She ya/ yak+She yats+tsha ni rA ma ya/ nyi ma bzhi pa'i phrin las spyad/ ging ka ra ging ka ra/ karma rak+Sha hri/ traitri ku ru rak+Sha khA hi/ sta sha rA tra mA ya/ rA tra thu na ya/ rA tra thu na ya/ rak+ta thun rbad/ rak+ta thun rbad/ bdud tri ni ra zung / ya tri ni ra zung / tri tsa pa la ni ra zung / chu ma shig yang tri ni ra zung / dun tri ba tri da na tri sho
- 199a
ma tri thun dza/ ma ra tri dza dza/ ya ya/ zing thaM/ kro ta ni kro ta ni/ pa tra pa tra/ ga shu la ga shu la/ d+ha sha g+h+ri wa d+ha sha g+h+ri wa/ yag sha g+ni ba yag sha g+ni ba hUM phaT/ badz+ra badz+ra da ra libs/ kha la mu ting snying gang chod/ mu la dun ting mA ra ya rbad/ badz+ra tig+na rbad/ tsakra du tri rbad/ badz+ra shu tri da ra tri ya rbad su rbad su/ rbad du rbad du/ da ra ka sha ta sa ma ya/ mdangs dang ldan pas bod par bya// nye dang bsnyen pa'i rtags mthong nas// las la sbyar ba 'di dag go/ ging ka ra ging ka ra srog la rbad su rbad su/ sha la ha ba ha ba/ rus la chem chem/ rtsa la myag myag/ khrag la hub hu ba/ rbad rbad rtsub rtsub/ a mu ka tsit+ta mugs/ ra ma mA ra ya khug ling / snying khrag ti ma tsa ti rbad thun rmugs khram hor rbad/ a mu ka mA ra ya ma trig na gug ling rbad/ bdud tri rbad thum ri li li/ a mu ka shig kha la ku ru/ a mu ka mu tri hri ma du na tri pho ba ya/ ya tri rbad thum ri li li/ rbad rbad/ d+ha sha g+h+ri ba rbad/ zu ma ri li li/ yak+ka g+h+ri wa rbad bu thum ri li li/ yak+ka tsakra tsit+ta mA ra ya b+h+yo/ sa ma ya da ma dza dza/ taM ti du na rbad/ su da ra breng breng rbad/ rat+na tsakra a mu ka ha ri ni b+h+yo/ ya ma mun ting sha ling tri tsa ra nr-i tri ba ra tri rbad rbad/ ging ka ra tsa d+ha ma ru tse las la yam yam rtsa la rgyug dbugs la hur zum/ srog la dun dza/ sha la gug thun// sngags 'di rdzas la bzlas shing
- 199b
gdab// byung dang brtan dang las byed dang // grub dang mthar phyin rtags dang sbyar// dang pos 'bod cing gzugs la dbab// gnyis pas dpung dang dpral bar bya// gsum pas gnas su dgug cing bcings// bzhi pas bsad dang brdegs pa ste// nyi ma bzhi pa'i 'khor lo yis// g.yas gcod g.yon gcod go rim gyis// 'phang dang bsreg dang gnan pa dang // las kyi mtha' ma rdzogs pa yis// gcod pa'i 'khor lo cho 'phrul yin// gzugs med gzugs can 'dod pa'i khams// ma lus ngo bo nyid kyis bde// 'khrul pa'i las kyis 'khor lo rdzogs// gnas nas 'pho zhing sdug bsngal gyi// ngang gis bde la sgrib cing gcod// de las bzlog pa de nyid de// 'khor zhing 'pho dang gcod pas so// byang chub lam dang srid pa'i gnas// rten 'brel phyogs chos rjes 'gro zhing // bzlog pa ma lus kun tu brtag/ de nas gzhan dbang bsam pa'ang 'byung // yongs su grub pa rjes yin no// dus bzhi skye ba'i gnas bzhi dang // sdug bsngal bzhi dang 'gyur ba bzhi// yul bzhi khams dang byed pa bzhi// lam bzhi sa bzhi ye shes bzhi// sku bzhi rdzogs pa'i lta ba bzhi// ma lus 'pho dang gcod pa dang // 'gro zhing ldog pa'i 'khor lo ste// bzhi dang brgyad dang bcu gnyis dang // bcu drug bar gyi gnas yul mtshon// phyi nang yul dang
- 200a
dngos thams cad// gzhi dang gnyen po 'byung ba dang // rgyu dang 'bras bu byed pa'i rkyen// 'jig dang gnas pa'i rten 'brel 'byung // brtan g.yo dbang po drug gi yul// rang gi nus par bcas pa dag/ rang bzhin dang drangs bdag nyid kyis// bya dang byed dang chags sdang dang // bag la nyal dang kun nas sdang // 'byung dang ldog pa'i rten 'brel gyis// bag chags las dang nyon mongs dang // shes bya tsam gyis sgrib par 'gyur// bcu gsum pa dang yan lag dang // sbyor dang mnyam nyid rig pa yis// rgyu mthun dbang dang rnam smin gyis// dge dang mi dge'i 'bras bu bskyed// nga ni thog ma med pa nas// dus gsum spros bral chos skur gyur// chos mthun longs spyod rdzogs par bstan// cho 'phrul byin rlabs 'khor lo bzhis// ma 'gags thabs las sprul pa'i sku// dag pa rang gi ngo bo nyid// phrin las sna tshogs 'byung ba las// som nyi za bar ma byed cig/ ces bka' stsal to// gshin rje gshed rab tu 'dus pa rtsa ba'i rgyud las// gcod pa'i 'khor lo'i khyad par gyi las bshad pa'i le'u ste drug pa'o// // de nas rgyal po rdo rje 'dzin// dus gsum sangs rgyas thams cad kyi// khyad par sku yi ngo bo bdag/ bsdus pa'i yon tan 'di gsungs so// hUM chen 'bar ba'i 'phro 'du dang // rdo rje rtse lnga'i byin rlabs
- 200b
kyis// 'jam dpal mkha' las byung ba'i sku// bcom ldan gshin rje kun gyi gshed// gnyis med kun la khyab pa'i sku// chos kyi dbyings las ma g.yos kyang // ye shes sgyu ma'i skur snang ba// 'gyur med rdo rje sku yi mchog/ zhal gsum phyag drug zhabs bzhir bgrad// chos nyid mi 'gyur sku mdog mthing // sku gsum rdzogs pa'i dbu gsum gsal// rgyud drug sgrol ba'i phyag drug ni// dug lnga 'joms mdzad be con 'byar// skye shi rtsad gcod ral gri gdengs// bdud bzhi 'dul ba'i dgra sta 'dzin// gdug byed 'bigs pa'i sdigs mdzub mdzad// 'khor ba'i gting 'byin mdung zung bsor// ma lus dbang sdud zod khrag stob// srid zhi mnyam nyid zhal mdog can// bde gshegs kun gyi ye shes kyis// rnam dag sku yi rgyas gdab cing // dbu skra ral pa srid rtser 'bar// sa dgu rdzogs pa'i spyan dgu gzigs// nyon mongs bag chags sgrib pa'i tshogs// shangs kyi ye shes rlung gis gtor// sma ra me 'bar srid gsum bsreg/ zhal nas hUM chen chos sgra sgrogs// ljags kyi klog 'od khams gsum gsal// mche ba gtsigs pas skye bzhi sgrol// khro gnyer brjid pas dbang du sdud// sku gsum rdzogs pa'i thod phreng brgyan// gdug pa 'joms mdzad sbrul gyis dkris// theg pa rim pa dgu rdzogs pas// glang ko rlon pa na bzar gsol// phrin las
- 201a
rnam bzhi rab rdzogs pas// stag gi pags pa'i sham thabs gsol dkrig/ dregs pa rA tra 'dul mdzad pas// mi dbang lpags pa sku la gsol// rak+ta'i thig les 'dod chags 'joms// thal chen mtshan mas gti mug sel// zhag gi zo ris zhe sdang spong // rdo rje'i gshog pa nam mkhar gdengs// rin chen gshog pas 'gro don rdzogs// mtha' gnyis ma spangs kun la khyab// bskal pa'i me dpung klong na bzhugs// bag chags rtogs pa ma lus bsreg/ dug gsum sa gsum rab sbyor bas// yi dwags ma he chu glang gnon// ye shes gsum gyis don mdzad pas// nyi zla pad+ma'i gdan la bzhugs// snyoms mdzad rgyal ba kun gyi yab// sku mchog gtso la phyag 'tshal bstod// chos dbyings gnyis med sbyor ba yi// yum chen khro mo be tA lI// gtum chen dbyings kyi yum gcig ma// mthing nag 'bar ba'i sku mdog can// zhal gcig phyag gnyis khro gnyer ma// dug gsum rtsad gcod dgra sta g.yas// nyon mongs rngub mdzad thod khrag stob// dpal chen sku dang gnyis su med// chos nyid dbyings su yang dag sbyor// sgrol mdzad yum chen ral gcig ma// bai DUr sngon po'i mdog 'dzin ma// g.yu yi ral gcig gtsug tu 'khyil// zhal gcig phyag gnyis khro mo che// dpal 'bar khro mo mi thung ma// g.yas kyi tri shUl rtse gsum
- 201b
'dzin// dug gsum rtsad nas gcod cing sgrol// g.yon na zhing ljags rgyal mtshan phyar// bdud bzhi'i rtog pa 'dul bar mdzad// gtso chen phrin las myur bsgrub ma// sbyor dang sgrol ba'i bdag nyid kyis// 'gro don rdzogs mdzad dpal 'bar ma// chos dbyings rgyal ba kun gyi yum// 'dul mdzad yum la phyag 'tshal bstod// gnyis med thugs kyi sprul pa las// phyogs bzhi 'dul ba'i gshed chen bzhi// zhe sdang ye shes gshin rje'i gshed// gti mug ye shes gshin rje'i gshed// 'dod chags ye shes gshin rje'i gshed// phrag dog ye shes gshin rje'i gshed// 'jigs byed chen po'i skur bstan pa// gsung gi dbang phyug 'jam pa'i dpal// thugs mchog rnam dag chos kun gsal// yon tan mnyam nyid ma lus rdzogs// phrin las mi bzad gdug pa 'dul// sbyor dang sgrol mdzad yum dang bcas// byang chub sems kyi phrin las kyis// srid pa'i 'khor lo gnas nas sbyongs// ye shes sems dpa' rgyal ba'i sras// 'khor lo bzhi yi bdag nyid rdzogs// gshed chen tshogs la phyag 'tshal bstod// bcom ldan sngon gyi phrin las las// bdud 'dul pho nya'i las mdzad pa// gshin rje ma mo mkha' 'gror bcas// phyogs mtshams steng 'og ma lus pa'i// phyi nang skyong ba'i dam tshig can// nyi ma bzhi
- 202a
pa'i las mdzad cing // lha dang bcas pa'i 'jig rten 'dul// 'khor dang bcas la phyag 'tshal bstod// ces bka' stsal nas// nyid kyi sku gsung thugs kyi dkyil 'khor phyogs bcu nam mkha'i khams thams cad ma lus par khyab par mdzad nas/ sems can gyi khams snang ba thams cad/ rang rang gi mdun na de bzhin gshegs pa rang rang gi rigs dang khams byed pa dang // las kyi khyad par dang rab tu mthun pa'i chos ston cing gnas pa dang / srid pa dang / sprul pa dang / gcod pa'i sgo nas/ sangs rgyas byang chub sems dpa' dang / nyan thos dang rang sangs rgyas kyi gzugs dang / tshangs pa dang / brgya byin dang / dbang phyug chen po gzhon nu dang / lha dang / klu dang / bram ze dang / glang po dang / cang shes dang / ngang pa'i rgyal po dang / ru ru dang shing rta mo dang / sdig pa dang nya dang srin bu la sogs pa sems can gyi gzugs sna tshogs bdag gis/ kha cig la ni zhi ba dang / kha cig la ni rgyas pa dang / kha cig la ni dbang du bsdu ba dang / kha cig la ni tshar gcad pa dang / kha cig la ni bskrad pa dang / bcing ba dang / dgug pa dang gnan pa la sogs pa gang gis gnyen por gang 'gyur ba de bzhin du bstan te/ thams cad kyang mnyam pa nyid kyi bkod pa'i zhing khams su snang bar mdzad do// gshin rje gshed rab tu 'dus pa
- 202b
rtsa ba'i rgyud las/ sku gsung thugs kyi 'khor lo'i yon tan rdzogs par snang ba'i le'u ste bdun pa'o// // de nas bcom ldan 'das rdo rje 'dzin pa chen po de nyid kyis dus gsum gyi sangs rgyas thams cad kyi sku gsung thugs kyi de kho na nyid gsang ba bas kyang ches gsang ba rmad du byung ba'i rol pa'i phrin las de dag ma 'ongs pa'i dus su snyigs ma lngar gyur pa'i sems can la phan gdags pa'i phyir// byang chub sems dpa' rdo rje 'chang la gdams te yongs su gtad nas/ smon lam gyi dbang gis mi 'gyur bar mdzad de// nyid kyi thugs khyad par du dka' thub kyi lus rnam par dag pa'i phung po las bzhengs nas dge sbyong du sprul te/ de dag dang mthun pa'i chos bstan pa sna tshogs kyi thun mong ba dang / drang ba'i don dang sgra ji bzhin pa dang / dgongs pa ma yin pa dang / spyi'i don dang yi ge'i don dag gis rjes su bzung ste thams cad mya ngan las 'das pa'i sa la myur du 'god par dgongs so// bcom ldan 'das dpal gshin rje gshed rab tu 'dus pa rtsa ba'i rgyud ces bya ba rdzogs so// // rgya gar gyi mkhan po slob dpon chen po pad+ma 'byung gnas dang / bod kyi lots+tsha ba bai ro tsa na bdag gis bsgyur cing zhus te gtan la phab pa'o// rgya po'i bla dpe/ gter rgya/ sbas rgya/ gtad rgya/ rgya rgya rgya// /
- 203a
rgya gar skad du/ shri b+ha ga bAn ma hA ba shaM sa mu dA ya mU la tan+t+ra nA ma/ bod skad du/ dpal bcom ldan 'das dbang chen 'dus pa rtsa ba'i rgyud ces bya ba/ bcom ldan 'das dbang gi rgyal po la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku gsung thugs kyi bdag nyid dbang gi rgyal po de/ 'og min gyi gnas gsang ba'i bde ba chen po/ rnam par dag pa'i dbyings/ pad+ma mchog gi pho brang dam pa rgya dang tshad med pa'i gzhal med khang rnam par dag pa na/ yab yum gnyis su med pa'i rol pa chen pos dges pa'i bde ba dang ldan pa la/ dkyil 'khor chen po'i rang bzhin gyi rigs kyi sprul pa snang bar gyur pa 'di lta ste/ ye shes kyi lha tshogs de bzhin gshegs pa dang / rdo rje dang rin po che dang pad+ma dang las kyi rigs su snang ba'i zhi ba'i tshogs dang / rnam par rgyal ba la sogs pa'i khro bo'i tshogs dang / gtso mo chen mo dbyings kyi yum chen mo drug dang / 'dab chags kyi gzugs kyis 'gro ba 'dul bar byed pa'i khro bo rigs lngas bsdus pa rnams dang / 'jig rten gyi dregs pa can po'i tshogs dang / mo'i tshogs su gyur pa rnams dang / stong gsum gyi 'jig rten gyi khams kyi klu'i rgyal po 'khor dang bcas pa rnams dang / klu dang srin po'i tshogs ma rungs pa las
- 203b
byung ba'i gza' dang rgyu skar gyi tshogs dang / de dag la sogs pa dregs pa'i tshogs mthu'i rdzu 'phrul dpag tu med pa dang ldan pa// 'dul bar mdzad pa'i phyir sprul pa'i 'od zer rab tu 'phro ba las byung ba'i zil gyis gnon pa'i khro bo chen po brgyad yum dang bcas pa'i dang // phrin las bzhi so sor bsgrub pa'i phyir sgo bzhir gnas pa'i lha mo bzhi dang / gzhan yang sku dang gsung dang thugs dang yon tan dang phrin las sna tshogs las sprul pa'i mkha' 'gro bzhi dang / ye shes las byung ba'i spyan dang ldan pa'i sprul pa brgyad dang / phrin las kyi pho nya za byed chen po'i tshogs kyi gtso bo bcu drug dang / lus kyis mkha' la 'gro ba'i tshul du sprul pa'i phrin las kyi mgyogs ma brgyad dang / sbas pa'i ma mo rtsal dang ldan pa'i mgos brgyan pa'i mo tshogs kyi srin mo nyi shu rtsa brgyad dang / gzhan yang 'jig rten gyi las la grub pa'i lha dang klu dang gnod sbyin dang dri za dang / nam mkha' lding dang mi'am ci la sogs pa'i 'khor gdug pa can bsam gyis mi khyab pa rnams dang thabs cig tu bzhugs so// de nas bcom ldan 'das dbang gi rgyal po gsung gi mnga' bdag/ snang ba mtha' yas de nyid kyi sku gsung thugs zhi ba chen po chos nyid mnyam pa nyid las ma g.yos kyang / thugs rje chen po dang byams pa chen pos gdul byar mi nus pa'i dregs pa can rnams
- 204a
'dul ba'i phyir/ sku gsung thugs 'jigs byed chen por sprul pa 'di lta ste/ phyogs bcu ma lus pa'i nam mkha'i khams thams cad ni mthing nag gru gsum yum kun tu bzang mo'i mkha' dbyings rlung gi khams thams cad ni 'thor rlung drag po ljang gu zla gam rgya gram/ rigs kyi yum dang dam tshig sgrol ma'i mkha' dbyings chu'i khams thams cad ni chags pa'i gzhi khrag gi rang bzhin dmar zhing zlum pa/ rigs kyi yum mA ma kI'i mkha' dbyings sa'i khams thams cad ni phung po ti ra'i rang bzhin/ ser po gru bzhi pa/ rigs kyi yum sangs rgyas spyan gyi mkha' dbyings/ me'i khams thams cad ni rab tu 'bar zhing sreg par byed pa rigs kyi yum gos dkar mo'i mkha' dbyings/ byang chub kyi sems kyi rnam pa thams cad ni/ keng rus 'bar ba'i ri rab chen po/ rab tu rngams pa'i gzugs/ rigs thams cad kyi bdag po chos dbyings rnam par dag pa'i rang bzhin du sprul zhing byin gyis brlabs so// gzhan yang snod kyi 'jig rten rin po che'i gzhal med khang mdzes par snang ba rnams ni thod pa skam po dang rlon pa dang sha khrag ras ris su chags pa brtsigs pa'i gzhal med khang rdzogs pa'i sku gsum gyi rang bzhin/ 'jig rten gyi lha dang klu dang gza' chen po bsgral zhing tshar bcad pa dag la ka gdung gi tshul du byas pa ni dman
- 204b
pa'i theg pa brgyad kyi rang bzhin/ bar snang gi lha bran dang rgyu skar gyi tshogs thog grab kyi tshul du byas pa ni/ bsod nams kyi tshogs kyi rang bzhin/ nyi ma dang zla bas gsal ba'i 'od 'phel 'grib med pa ni mthongs khung gi tshul ni/ thabs dang shes rab rnam par dag pa'i rang bzhin 'jig rten gyi mthu dang dregs pa can dbang phyug chen po dang gtsug tor 'khor los sgyur ba dbang du bsdus te rgyal mtshan du btsugs pa ni/ chos kyi sku dngos po ma lus pa thams cad las rnam par rgyal ba'i rang bzhin// phyogs bzhir sgo bzhir snang zhing dus bzhi shes la 'byed pa ni tshad med pa bzhi'i rang bzhin/ phyi dang nang gi phyogs thams cad du bskal pa'i me 'od chen po 'bar ba ni ye shes rnam pa lnga'i rang bzhin stong gsum gyi klu'i rgyal po gdug pa can gdan du byas pa ni nyon mongs pa'i dug ma lus pa 'joms pa'i rang bzhin/ pad+ma rnam par dag pas gdan byas pa ni/ thugs rjes sems can la chags par mdzad kyang // de'i skyon gyis ma gos pa'i rang bzhin nyi ma dang zla ba pad+ma 'bar bas bteg pa ni bsod nams dang ye shes kyi tshogs rnam par dag pas bskyed pa ste/ de ltar snod kyi 'jig rten ma lus pa thams cad dbang du bsdus pa'i sprul pa rnam par 'phro bar mdzad do// gzhan yang bcud kyi 'jig rten skye 'gro gzugs su snang ba thams cad kyang
- 205a
bdag nyid dbang gi rgyal por snang bar byas pa'i tshul ni 'di lta ste/ nga ni bde gshegs kun gyi gtso// nga ni skye 'gro kun gyi yab// nga ni gshin rje kun gyi gshed// nga ni ma mo kun gyi rje// nga na sbyor bdag chen po ste// yag sha shrI he ru ka/ nga ni sgrol bdag chen po ste// rag sha shrI he ru ka/ nga ni sbas pa'i rang bzhin te// gu ya dpal chen he ru ka/ nga ni dam tshig chen po ste// sa ma ya shrI he ru ka/ nga ni dus gsum mngon du dbyung // dus gsum 'di ni nga yi dbang // thams cad nga yi dbang du bsdus// bka' dang dam las khyod 'das na// gso glag med par dmyal zag gcod// de bas nga yi las rnams sbusgrubs// zhes gsungs shing thams cad dbang du sdud pa'i rol pa'i cho 'phrul chen po drag cing rtsub pa'i shugs spyod pa kun tu bltas pas 'jigs par 'gyur ba rab tu bstan te/ gsung yang 'di skad rab tu sgrogs so// IM pad+mAn+ta kr-i ta ha ya b+hI ba ma hA kro d+ha e ka dza Ti sa ma ya ru lu ru lu hUM b+h+yo hAM/ A ra li dza/ hrIHsngags sor bzhag/ de ma da ri ha ya g+hI wa e ka dza TI sa ma ya hu lu hu lu hrIHdzaHdzaH/ e dza b+h+yo nr-i dza rbad/ hrIHpad+man+ta kr-ita ha ya g+h+ri wa e ka dza Ti hu lu hu lu hrI dzaHdza/ a ti sarba b+h+yo bzlog/ ces pa'i gsung gi sgra stong gi 'jig rten gyi khams thams cad khyab par byas pas/ phyogs bcu'i dregs pa can gyi tshogs thams
- 205b
cad 'jigs shing sngangs skrag brgyal bar gyur te/ sa la kha bub tu 'gyel nas dbang gi rgyal po'i bka' nyan cing bran bzhin du las byed par khas blangs shing dam bcas so// dpal dbang chen 'dus pa rtsa ba'i rgyud las/ pad+ma rol pa'i dkyil 'khor chen po mngon par sprul pa gleng gzhi'i le'u ste dang po'o// // de nas bcom ldan 'das dbang gi rgyal po de la 'khor gyi thog ma rigs kyi khro bo pad+ma he ru ka chen po chu bdag gi rigs dpag tu med pa rnams dang lhan cig mgrin gcig tu 'di skad ces gsol to// e ma bcom ldan dbang gi rgyal// pad+ma rigs mchog de bzhin gshegs// dus gsum sangs rgyas thams cad kyi// gsung gi rang bzhin gsung gi bdag/ gsung gi gtso ste gsung dbyung ba// gsung mchog rnam par dag pa'i sku// ma chags mi chags chags med gsung // gsung gi dbang phyug smra ba che// bdag cag nyan par 'tshal lags kyis// khyod kyi sku yis ci zhig mdzad// de bzhin gsung gis ci zhig gsung // thugs kyi rang bzhin ji lta bu// khyod la yon tan ci zhig mnga'// mdzad pa'i phrin las ji lta bu// gzigs pa yis ni ji zhig blta// ting nge 'dzin ni gang la bsgom// dus bzhi yis ni spyod pa gang // 'thob par bya ba ci zhig lags// bdag cag rnams kyi the tshom 'di// myur du chod cig lha yi/
- 206a
lha// stong gsum gyi ni 'jig rten khams// ljags kyi dbang pos khyab mdzod la// khams gsum ma lus thams cad kun// gsung dbyangs snyan pa'i sgra brjod de// gsal la rdzogs shing ma 'dres la// lhag dang chad pa'i skyon bral bar// legs pa nyid du bstan du gsol// zhes gsol te gus pa chen po dang bcas pas mdun du 'khod par gyur to// de nas bcom ldan 'das de bzhin gshegs pa thams cad kyi gsung gi dbang phyug des/ chos thams cad kyi sgra'i snying po gsung gi phyag rgya'i 'od zer rnam par 'phro ba yang dag par rtogs par byed pa'i ting nge 'dzin la mnyam par bzhag nas/ yab yum gnyis su med pa'i rol pa chen po rnam par 'phro ba rab tu bstan te zhal gyi dkyil 'khor ljags kyi dbang pos khyab par mdzad nas/ 'di skad ces bka' stsal to// e ma ho// nga ni thams cad sku yi rgyan// nga ni thams cad gsung gi klong // nga ni thams cad thugs kyi dbyings// nga ni thams cad yon tan tshogs// nga ni phrin las ma lus mdzad// nga nyid gzung 'dzin bral bar blta// mnyam nyid g.yo ba med par bsgom// ma 'gags rtsol ba med par spyod// sku dang ye shes dbyer med par// nga yi thob par bya ba yin// gal te khyod kyi the tshom dag/ sel byed nus pa ma thob na// nga yi legs par bstan gyis nyon// dus gsum
- 206b
sangs rgyas thams cad kyis nga'i lus byin gyis brlabs pa'i cho 'phrul rnam par dag pa'i rang bzhin du bstan pa 'di lta ste/ 'khor ba'i sems can la thugs rjes rab tu chags pas sku dmar po'i kha dog dang ldan pa'o// rdzogs pa'i sku gsum dang ldan pas dbu gsum gyis mdzes pa'o// dbu skra ral pa gyen du brdzes pa ni ma rig pa tshangs pa'i sgo'i sbubs gnon pa'o// spyi bo'i gtsug na rta mgo ljang gu rta skad drag po 'tsher ba ni khyad par du dbang gi phrin las kyi sgo nas dregs pa can tshar gcod cing dbang du sdud pa'o// zhal nas hrIHdang phaT kyi gsung sgra drag po sgrogs pa ni/ ma rungs pa log par lta ba can rnams 'dul bar mdzad pa'o// shangs nas rdo rje'i rlung 'tshubs ma drag por 'khyil ba ni// 'jig rten gyi khams thams cad g.yo zhing mi mjed kyi bdag po tshangs pa la sogs pa 'dul bar byed pa'o// ag tshom dang smar smin ma ser po la bskal pa'i me ltar 'bar bar snang ba ni/ mi shes mun pa'i phyogs ma lus par sel bar byed pa'o// spyan dgu nyi ma dang zla ba'i zer ltar 'bar zhing 'tsher ba ni/ 'gro ba rnams la thugs rjes gzigs nas rang gi rigs la 'god par byed pa'o// phyag drug gis ni mngon par shes pa drug dang ldan pas 'gro don mthar phyin par mdzad pa'o// rdo rje dang dril bu 'dzin pa ni/ thabs dang shes rab gnyis
- 207a
su med pa'i rang bzhin du gnas pa'o// kha T+wAM ga ni nyon mongs pa dug gsum gyi dngos po rtsad nas gcod pa'o// sbrul chen po'i zhags pa 'dzin pa ni gdug pa can rnams gdul zhing thugs rjes 'dzin par mdzad pa'o// b+han+da dmar po khrag dang zhag gis bkang ba gsol ba ni// 'khor ba'i sdug bsngal ma lus pa thugs rje chen pos zad par mdzad pa'o// lcags sgrog gi rgyun 'dzin pa ni// khams gsum thams cad thugs rjes mi gtong bar bde ba chen po'i ngang du 'khrid par mdzad pa'o// glang po che'i pags pa dang zhing lpags chen po gsol ba ni/ theg pa rim pa dag gi gang du phyin cing thugs rje chen po'i sprul pa rgyun du 'phro ba'o// stag gi pags pas sham thabs su dkris pa ni/ phrin las kyi khyad par ma 'dres par so sor grub par mdzad pa'o// dur khrod chen po'i chas brgyad kyis brgyan pa ni/ ye shes dang las las grub pa'i ma mo mkha' 'gro'i tshogs dbang du sdud pa'o// klu'i rgyal po chen po rigs lngas brgyan pa ni/ gdug pa can gyi tshogs zil gyis gnon pa'o// zhabs bzhi brkyangs bskums dang dor stabs su bzhugs pa ni/ bdud dang mu stegs kyi phyogs 'dul ba'o// klu pho mo gdan du bting ba ni zhe sdang dang gti mug rang sar sbyong ba'o// pad+ma dang nyi zla'i gdan bting ba ni/ ma chags pa'i bsod nams dang ye
- 207b
shes kyi tshogs skyed pa'o// yum e ka dza Ti ral gcig ma dang gnyis su med par 'khril ba ni// dbyings dang ye shes 'du 'bral med pa'i ngang la gnas pa'o// sku mdog dmar nag la 'od 'phro ba ni// chags pa dang bde ba chen po gnyis su med pa'i rang bzhin no// zhal gcig ni chos sku mnyam pa chen po gcig tu mtshon pa'o// phyag gnyis ni snying rje dang stong pa zung du 'brel ba'o// kha T+wAM ga ni sku gsung thugs kyis 'gro ba'i don rgyun du mdzad pa'o// zod khrag ni 'khor ba'i nyon mongs pa las byung ba'i sdug bsngal thams cad zad par stob pa'o// gnyis su med pa'i sbyor ba mdzad pa ni/ thabs thugs rje'i rol pa chen pos// 'gro ba'i don rnam par 'phrul bar mdzad pa'o// nyon cig pad+ma he ru ka/ nga yi sku yi rang bzhin ni// chos kyi sku ste spros dang bral// nga yi sku yi ngo bo ni// longs spyod rdzogs te mtshan dper ldan// nga yi sku yi mtshan nyid ni// sprul pa'i sku ste 'gro don rdzogs// ma lus lus pa med pa yi// zhing gi rdul dang mnyam pa'o// sems can khams kun thams cad la// nga yi sku ni re re gnas// gol te 'khrul pa'i dbang gyur pas// ma mthong ma rtogs las kyis nongs// 'di la goms par byas pa ni// nga dang gnyis su med par spyod// mthong dang rtogs pa lta ci smos// zhes gsungs so// dpal dbang chen 'dus pa rtsa ba'i rgyud las//
- 208a
sku rnam par dag pa'i dbang phyug gsang ba'i le'u ste gnyis pa'o// // de nas bcom ldan 'das pad+ma dbang gi rgyal po de bzhin gshegs pa thams cad kyi bdag po des khams gsum pa thams cad yi ge sgra'i rtog pa rnam par spong ba 'khor lo yongs su gcod pa'i dbyangs stong zhing grags pa nam mkha'i dbyings dang mnyam par mdzad de/ 'di skad ces bka' stsal to// hrIHde nas yang de bzhin gshegs pa rnams kyi thugs rdo rje'i snying po 'di spro ba chen pos smras so// au pad+man+ta kri ta ha ya g+hI wa e ka dza Ti sa ma ya ru lu ru lu hUM b+h+yo hUM A ra li dza/ rab tu bzlas pa'i snying po'o// hrIHb+h+yo dza dza/ hrIhriHhrIHhrIHhrIHhrIHhrIHhrIHhrIH/ b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo/ dzaHhUM baM hoH/ ha ha ha ha/ ha ha ha ha/ he he he he/ he he he he/ muM muM muM muM/ muM muM muM muM/ muM muM muM muM/ muM muM muM muM/ phaT phaT phaT phaT/ hUM hUM hUM hUM/ b+h+yo b+h+yo b+h+yo b+h+yo/ rab tu 'grub par byed pa'i snying po'o// oM ha ya g+h+ri wa hUM dza/ oM e ka dza Ti hUM dza/ oM pad+ma he ru ka hUM dza/ oM pad+ma kro d+hi shwa rI hUM dza/ oM badz+ra tsakra rat+na pad+ma karma hUM dza/ oM pad+ma kro d+hi/ ha na ha na/ da ha da ha/ pa tsa pa tsa/ b+han+da b+han+da/ hu lu hu lu/ tiSh+Tha tiSh+Tha/ sIn+da smin+da/ b+hin+da b+hin+da/ gardza gardza/ spr-iT s+pho Ta hUM dza/ oM badz+ra aM ku sha dzaH/ oM badz+ra pa sha hUM/ oM badz+ra s+pho Ta baM/ oM badz+ra g+haN+De so/ oM A ra li hrI hAM dza dza/ ming gi bod pa'o//
- 208b
ru lu ru lu ta sha ma ta ga ru ga te tsit+ta baM baM laM ru tra yo he sa ma ya/ k+She na ro sha kha/ ma ra pra be sha/ pra ta tsa la/ b+ha ru b+hi bi ta na ga b+hin du hi ra ya dung dung tsa/ rung ga pa sha ga pa/ ma hA ka ma la hUM/ ha he hUM pra be sha phaT/ ba ha b+han+da b+han+da tig+ta pra be sha na ga le du ma ba le/ a ka le/ s+pho ta le a ka ra sha i na ta b+ha ha b+ha ha phra ma phra ma bram bram yak+Sha sa ma ya pra be sha phaT phaT/ bsgral te dbang du bya ba'i snying po'o// ta ki/ na ta ki na hAM/ ta ke ta kaM phaT/ b+ha na d+ha b+han d+ha chom/ tik+Sha tik+Sha shig rak+Sha rak+Sha hUM/ tshin+da tshin+da phaT/ kro ta kro ta raM/ ha la ha la baM/ rag sha rag sha baM/ dz+nya na tsakra ke tu traM/ rab tu bsgral ba'i phyir sbreng ba'i snying po'o/ e kro d+hI shwa rI ma d+ha la hUM/ yaM karma rak+Sha hUM/ ra rak+ta dza la ma d+ha la hUM/ baM tik+Sha ma d+ha la hAM/ ko ni ri ti dza la ma d+ha la ko raM badz+ra dza la raM/ b+h+yAM bi shwa bi shud+d+he dz+nyA na tsakra ma d+ha la hUM b+h+yAM/ gzhi rab tu bskyed pa'i snying po'o// gzhan yang de bzhin gshegs pa thams cad kyi sku/ sa'i khams ma lus pa'i rdul gyi cha dang mnyam pa'i tshad kyi rang rang gi gsung tshad dpag tu med pas bskal pa khri phrag bcu'i bar du nga'i gsung gi mtha' brjod par mi lang ste hrIHhUM zhes bya ba ni chos thams cad kyi sgo ste/ 'di ni de bzhin gshegs pa thams cad kyi gsung gi snying po yang dag pa'i sgra'o// 'di ni phyogs bcu ma lus par khyab pa'i sngon du lhun
- 209a
gyis grub pa'i rgyal ba sras dang bcas pa rnams kyi sku gsung thugs dbang gi rigs mthun pa'i 'dod pa'i yon tan lnga'i lha mor gyur te/ mchod pa dang bstabs pas mnyes par byed cing sems can gyi khams kyi lus dang ngag dang yid kyi gnas ngan len pa mtha' dag sbyangs shing zad par byas nas/ 'od zer gyi tshul du spros pas/ de bzhin gshegs pa nyi ma'i dkyil 'khor ltar snang bar byed pa'o// oM hrIH/ e ma sangs rgyas thams cad kyi/ chos kyi gsung ni dpag tu med// e ha hi yi yan lag ni// dregs pa can rnams dbang du sdud// ces gsungs so// dpal dbang chen 'dus pa rtsa ba'i rgyud las/ gsung rnam par dag pa dbang phyug gsang ba'i le'u ste gsum pa'o// // de nas bcom ldan 'das de bzhin gshegs pa thams cad kyi bdag po des sangs rgyas thams cad kyi thugs kyi de kho na nyid rang bzhin yongs su dag pa'i ngo bo de nyid 'gro ba ma lus pa la snang zhing gsal bar mdzad pa ni/ 'di skad ces bka' stsal to// thog ma med pa'i dus nyid nas// byung dang mthong dang myong ba dang // gnas dang dran pa ma lus pa// snying po byang chub sems yin te// 'di las g.yos pa ci yang med// gzugs dang kha dog mtshan ma dang // ming dang brda' dang tha snyad kun// nam mkha'i cho 'phrul ji bzhin te// snang yang 'di las
- 209b
'gyur ba med// 'on kyang rang las 'byung zhing snang // byung ba nyid kyang rang byung la// snang ba de yang rang las snang // rig pa'i dus na rang gis rig/ rnam par shes pa mi gcig pas// rtogs dang ma rtogs tha snyad snang // 'on kyang gang gis gang nyid la// gang du ji ltar ji bzhin du// rtogs su yod pa ma yin te// tha snyad tsam du rtogs zhes brjod// kun rdzob don dam rang bzhin las// yod dang med dang gzung dang 'dzin// skye dang 'gag dang rtag dang chad// snang stong srid dang zhi ba dang // bde dang sdug bsngal stong mi stong // mtshan ma med dang mtshan ma dang // smon med smon pa yod pa dang // bdag dang bdag med 'gro dang 'ong // zag pa med dang zag bcas dang // kha na ma tho yod med dang // 'jig rten 'das dang ma 'das dang // sgro dang bsdu ba la sogs pa// dngos dang ngo bo tha dad dang // mthu dang nus pa sna tshogs dang // rang gi mtshan nyid so so dang // ming dang brda' dang tha snyad du// btags pa tsam ni ma lus dang // rgyu dang 'bras bu rten dang gnas// phyi nang snga phyi dus gsum kun// sems dang sems las byung ba dang // rtog dpyod rigs dpyod mkhas dpyod dang // bag la nyal dang kun nas ldang // mngon du rgyu dang g.yo ba dang // yongs su grub dang kun tu brtags// gzhan gyi dbang las gyur pa dang // gang zag bdag
- 210a
las byung ba ste// nga yi thugs las ci yang med// dper na mkha' la sprin tshogs dang // 'ja' tshon khug rnan bun dang // rdzi rlung kha char 'od dang glog/ snang yang mkha' las g.yos pa med// de bzhin nga yi thugs kyi bdag/ ma skyes mi skye skye ba med// ma 'gags mi 'gag 'gag pa med// ma g.yos mi g.yo g.yo ba med// snying po don gyi gzhi nyid las// rang bzhin du ni lhun gyis grub// rtogs pa tsam gyis mngon du 'gyur// rtsol med rgyu ni ye nas sbyangs// rang la rdzogs shing gzhan la snang // e ma ngo mtshar rmad du byung // zhes gsungs so// dpal dbang chen 'dus pa rtsa ba'i rgyud las/ thugs rnam par dag pa dbang phyug gsang ba'i le'u ste bzhi pa'o// // de nas bcom ldan 'das dbang gi rgyal po de bzhin gshegs pa thams cad kyi bdag po des/ de bzhin gshegs pa thams cad kyi yon tan phun sum tshogs pa rab tu snang bar sgrub par byed pa'i don rnam par dag pa'i che ba 'di nyid ston pa 'di lta ste/ sku gsung thugs kyi cho 'phrul cir yang 'gyur zhing ston pa thams cad la snang yang gcig tu ma nges pa'i phyir/ thugs kyi che ba nyid dang / gsung gi che ba nyid dang / sku'i che ba nyid la sogs pa gang yang ma 'gags pa'i sgo nas/ byin gyis rlabs sna tshogs su 'byung ba ni/ 'jig rten gsum las rnam par rgyal ba'i
- 210b
don// zab pa dang ni rgya che ba dang / nyan thos kyi dge 'dun rnams kyi theg pa chen po blta bas ma mthong ste/ 'dul ba'i dus la gnas pa'i sbyong bas par snang la gnas pa'i gnod sbyin mthu bo ches rgyu nye bar bzhag pa dge ba'i chos la spyod par nus shing de bzhin gshegs pa'i dam tshig la gzhag par sla'o// nyan thos kyi skyes bu ni smad par bya ba rnams 'dul zhing rang gi sa la dgod nus par zad kyi/ bla na med pa'i lam la spyod par mi nus pa rnams kyang // nga'i thugs dang gsung dang sku'i yon tan thogs pa med pa spyod pa la ni rgyu tsam du yang mi nye'o// de ltar dbang gi rgyal po nga'i thugs nyi ma'i dkyil 'khor gyi 'od kyis thugs rjes stong gsum gyi stong chen po'i 'jig rten gyi khams sa le snang ba bzhin/ sems can gyi khams rnams kyi sems kyi rgyu las snang ba thams cad bdag gi ye shes la snang bar byung ba ste thub pa chen po yan chad yin no// ri rab kyi rtse mor rnam par snang mdzad gang gi mtsho chen po'i lus lha'i rig pa 'dzin pa'i skyes bu'i tshe na/ nga'i rnal 'byor gyi dbang phyug chen por sems bskyed do// bdag dang 'khor bcas pa rnams// mthon mthing lcang lo can bskur te// bar snang khams kun rab snang zhing // phyogs bzhi mtshams dang steng 'og kun// khro bo khro mos bkang byas te// rin chen rtsal chen seng ge dang // rta dang
- 211a
glang chen nam mkha' lding // grangs med gnon pa 'og min gnas// rdo rje khro bo rnam par rgyal// zhabs 'bring rdo rje rol pa mo// bye ba khrag khrig rjes su 'brang // lus dang yan lag thams cad kun// thod rlon phreng dang sbrul gyis brgyan// spyan dgu 'bar bas sa dgu gzigs// dbu skra ral pa me stag 'phro// rin chen 'bar ba'i zur phud lnga// se mo do dang do shal dngar// mgur chu chun 'phyangs za ra tshags// de bzhin zhabs kyi chas brgyad kyis// khro bo chen po brgyad 'dul bas// tshangs dang brgya byin smos ci dgos// dbang chen nga yi 'khor rnams kun// bka' bzhin byed pa yon tan yin// gzhan yang nga yi yon tan ni// blo dang dbang po bsam pa dang // khams dang rigs dang yul dang dngos// dman dang bar ma mchog tu byed// bya ba'i chos dang byed pa'i yid// gzugs dang tshor dang 'du shes dang // 'du byed rnam shes phung po'i tshogs// dbang po yul dang skye mched khams// de ni nga yis rab tu byed// dus gsum sangs rgyas thams cad dang // rig 'dzin byang chub sems dpa' dang // nyan thos rang rgyal lha rnams kyi// yon tan tshogs kun ji snyed pa// nga la de nyid mnga' ba ste// tshig dang ming dang rnam grangs dang // dpe dang tshad kyis brjod mi yang // gzhan yang nyon cig he ru ka/ nga la gzugs dang tshad dang
- 211b
dbyibs// yod dang dngos por ma blta cig/ nga la rigs dang rgyu dang rkyen// byed pa po ni ga la yod// 'dus ma byas shing lhun gyis grub// thugs rje mkhyen pas thabs dang ldan// 'di ni nga yi chos kyi sku// ston byed pa dang dus dang 'khor// gang gis bstan pa'i ngo bo de// nges pa can du rnam pa lnga// nga la phun sum tshogs pa ni// longs spyod rdzogs pa nga yi sku// sangs rgyas byang chub sems dpa' dang // dman pa nyan thos rang sangs rgyas// 'di las gzhan pa'i phyi rol pa// dbang phyug dang ni tshangs pa dang // drag po gtum po gzhon nu dang // lha klu gnod sbyin dri za dang // seng ge glang chen ri dwags dang // 'dab chags srin bu la sogs pa// gang gi gang la gang gis phyir// ji ltar nus pa'i dbang mdzad cing // rang dang gnyis med mnyam sbyor ba// nga yi sku las rnam sprul sku// bsam gyis mi khyab brjod las 'das// shes par byos shig he ru ka/ zhes gsungs so// dbang chen 'dus pa rtsa ba'i rgyud las/ yon tan rgya chen po nges par bstan pa'i le'u ste lnga pa'o// // de nas bcom ldan 'das dbang gi rgyal po des/ dus gsum gyi sangs rgyas thams cad kyi phrin las ma lus pa bsgrub par byed pa dang / de la nye bar byed cing skal ba can du byed pa dang / myur du 'grub par byed pa dang / legs par 'grub
- 212a
par byed pa dang / yang dag par 'grub par byed pa dang / bde bar 'grub par byed pa'i thabs/ de bzhin gshegs pa thams cad kyi sku'i gsang ba dang gsung gi gsang ba dang thugs kyi gsang ba chen po nye bar bsgrub pa'i ting nge 'dzin la snyoms par zhugs te/ nyid kyi dkyil 'khor rang nyid la rdzogs par gsal bar mdzad nas/ 'di skad ces bka' stsal to// kye kye dbang chen he ru ka/ ma 'ongs shin tu snyigs ma'i dus// tshe dang dus dang longs spyod dang // las dang blta bas mnar ba'i tshe// 'dod chags zhe sdang gti mug dang // nga rgyal phrag dog ser sna yis// rab tu gzir zhing nyon mongs pas// gdung ba'i sems can rnams kyi phyir// nga'i sgrub mchog bshad par bya// byang chub sems dang ldan pas nyon// dper na mkha' la 'gro ba'i lus// de nyid kyis ni 'dul ba ltar// nyon mongs tshogs rnams de nyid kyis// rnam par rtog pa'i tshogs kyis 'dul// de bas blo ldan skyes bu yis// thog mar nga yis bsgrub pa'i gnas// nub tu kha bltas dben pa'i gnas// brag dmar cho zangs 'dra ba'i ni// rang gi rigs la gshis pa'i gnas// chags chen mdog dmar shes rab ldan// bsgrub pa'i grogs la bsngags pa yin// ting 'dzin yo byad phun tshogs pas// rab tu 'bad de bsgom par bya// khams gsum pa yi ngo bo
- 212b
nyid// snang dang srid pa 'di dag kun// me dpung 'bar pa'i 'od bzhin bsgom// nam mkha'i khams kyi dkyil 'khor dbus// srog rten snying po yi ge hrIH// spro dang bsdu bas brtan par bzhag/ yul dang de yi yul can kun// ma lus dmigs pa rab tu bya// lus dang ngag dang yid kyi dngos// so so'i las kyi rab tu sbyang // nga dang mtshungs par gyur pa na// mi g.yo tshad kyis brtag par bya// de yis thog mar bsnyen pa yin// bsnyen pa yi ni ting nge 'dzin no// de nas nye bar bsnyen pa'i phyir// skad cig tsam mam yud tsam gyi// rang gi lus kyi nus pa gsum// dbang chen sku gsung thugs su blta// bar chad brtsams pa bzlog pa'i phyir// phyi nang gsang ba'i las rnams kyis// bsrung dang bzlog dang bskrad par bya// rngams pa'i 'khor tshogs mkha' la sbrul// sgo dbye gsol zhing 'dud par bya// mnyes par bya ba'i yo byad bsten// tshul bzhin ma gyur tshangs par bya// byin gyis brlab pa nyid la gzung // dam bca' brtan po bdag gir gzungs// thugs kyi snying po spro zhing bsdu// las su rung ba tshad kyis blta// de nas chos kun ngo bo ni// yang dag pa la bdag med bsam// de yi mtshon par ma nus pa'i// yul rnams la ni rjes chags bya// nyid kyi dran pa'i rgyal po de// srog gcig 'bru la dmigs pa bsgril// cho ga yan lag 'phro 'du yis// mchod
- 213a
bstod mnyes dang sbyang ba rdzogs// rang gi ngo bo nus dang ldan// hrIHs+pha ra na phaT/ saM ha ra Na hUM/ e yaM ra suM raM hri s+tha ra na phaT/ saM ha ra na hUM/ stong zhing g.yo dang bskyod dang gzhi// gtsang sbra chen po lnga dag ni// dag pa'i dag byed ting nge 'dzin// b+ha ga yangs pa'i dkyil 'khor lnga// rang gi ngo bo las bskyed pa'i// byin gyis rlobs pa'i mchog yin no// b+h+rUM s+pha ra Na phaT/ saM ha ra Na hUM// sra zhing mkhregs pa'i rgyu 'di las// mdzes shing 'jigs pa'i phyi dang nang // ji ltar bshad pa'i rgyan dang rtags// 'byung ba'i nus pa 'od ldan zhing // rol zhing 'bar ba rnam par bsam// gzhi rab tu bsgom pa'i ting nge 'dzin no// de nas sangs rgyas thams cad kyi// dbang gi rgyal po nga yi lus// che ba'i che mchog rta mgrin can// dges pa'i yum dang mnyam sbyar nas// 'phags pa'i tshogs kun ma lus pa'i// mnyes pa'i mchod pa rab bstab ste// 'gro ba rnams kyi zhing dang rgya// dag pa'i ngo bo nyid du sbyangs// slar nyid sa bon mngon du gyur/ sa ma ya ho/ sa ma ya stam/ rA go&haM/ rA ga ya mi/ hrIHsarba ta thA ga ta a nu rA ga Na badz+ra swa b+hA wa At+ma ko&haM/ nga nyid dbang chen rdo rje ste// khams gsum ye shes bskyed pa'i phyir// sras kyi tshul du mngon par gzung // nam mkha'i dbyings kyi phyogs su dgod// nga nyid pad+ma he ru ka/ mdog dmar zhal
- 213b
gcig phyag gnyis te// phyag g.yas rdo rje g.yon thod pa// de dang rjes su chags pa'i yum// kha T+wAM zod pa 'dzin cing stob// phyogs nas gcod pa'i lce bzhi las// dbang po yi ni phyogs ngos su// rdo rje dbang chen he ru ka/ mthing nag gzhal gsum phyag drug ldan// dang po rdo rje thod khrag bsnams// gshin rje gnas pa'i phyogs dag tu// rin chen dbang chen he ru ka/ ser nag zhal gsum phyag drug ldan// dang po rin chen thod khrag bsnams// klu dbang gnas pa'i phyogs dag tu// pad+ma dbang chen he ru ka/ dmar nag zhal gsum phyag drug ldan// dang po pad+ma zod khrag bsnams// gnod sbyin gyi ni phyogs de ru// phrin las dbang chen he ru ka/ ljang nag zhal gsum phyag drug ldan// dang po rgya gram thod khrag bsnams// bar ma gnyis ni sbrul zhags dang // kha T+wAM rtse gsum 'dzin par mdzad// tha ma dbang gi phur pa 'dril// dbang chen khro bo 'di dag kun// dbus ma'i zhal ni sku yi mdog/ g.yas zhal dkar la g.yon zhal ldang // rta mgrin ljang gus kun la mdzes// dur khrod dpa' ba'i chas kyis brgyan// zhabs gnyis brkyangs bskum phyogs dag gi/ dregs pa pho mo brdzis pa ste// 'di dag kun gyi rol pa'i yum// rigs kyi dbang phyug khro mo bzhi// rdo rje rin chen pad+ma las// so so'i yab la 'khril mdzad cing // zhal gcig phyag gnyis chags
- 214a
pa'i tshul// sku yi kha dog yab dang mtshungs// cung zad dmar ba'i mdangs kyis mdzes// kha T+wAM thod pa phyag gis 'dzin// yab yum 'di dag thams cad kun// khro bo'i gar nyams dgu dang ldan// spyan gsum gzigs shing mche ba gtsigs// me dpung 'bar ba'i nang na bzhugs// rang gi phrin las nges par mdzad// IM ha ya g+hI wa badz+ra kro ta hUM/ IM ha ya g+h+ri wa rat+na kro d+ha hUM/ au ha ya g+hI wa pad+ma kro d+ha hUM// au ha yag+ni wa karma kro d+ha hAM/ b+h+yo e ka dza Ti badz+ra kro d+hI hAM/ b+h+yo e ka dza Ti rat+na kro d+hI hAM/ b+h+yo e ka dza Ti pad+ma kro d+hI hAM/ b+ho e ka dza Ti karma kro d+hi hAM// hrIHhrI/ hrIHhrIH/ b+h+yo b+h+yo b+ho b+h+yo/ hrIHA ra Na phaT/ saM ha ra Na hUM/ baba'i dbang chen bsgom pa'i ting nge 'dzin to/ hrIHhrIHhrIHhrIH/ hrIHhrIHhrIHhrIH/ b+h+yo b+h+yo b+h+r-i b+h+yo/ b+h+yo b+h+yo b+h+yo b+h+yo/ hrIHswa ra Na phaT/ saM ha ra Na hUM/ nga nyid dbang chen rdo rje ste// srid gsum zil gyis gnon pa'i phyir// 'jigs byed sprul pa rnam par 'phro// 'bar ba'i khyams la mdzes par dgod// khro bo chen po 'di rnams ni// mdog dmar zhal gsum phyag drug po// g.yas dkar g.yon sngo dbus dmar zhal// dbu gtsug rta mgo re re zon// 'jigs byed dur khrod chas kyis brgyan// khyad par zhi ba zil gnon ni// 'khor lo rdo rje rin chen g.yas// pad+ma ral gri dril bu g.yon// sangs rgyas rigs lnga zhabs kyis
- 214b
gnon// mi pham khro mo yum dang sbyor// las kyi khro bo zil gnon ni// pad+ma dbyug to spu gri g.yas// kha T+wAM dgra sta rgya gram g.yon// las kyi khro bcu zhabs gyis gnon// lha mo khro gnyer ma dang sbyor// ye shes ma mo zil gnon ni// sdigs mdzub lcags kyu sbrul zhags g.yas// lcags sgrog rnga dang kha T+wAM g.yon// gtso mo dbyings kyi yum drug gnon// ro langs ma dang gnyis med sbyor// ye shes khyung rnams zil gnon ni// rdo rje sa dang me khyung g.yas// nam mkha' chu rlung khyud ni g.yon// zhabs kyi rigs lnga'i khyung rnams brdzis// khro mo spyan gcig yum dang sbyor// pho rgyud zil gnon rta mgrin ni// rdo rje thod skam sbrul nus zhags g.yas// thod rlon thod phreng zhing dbyug g.yon// dregs pa'i lha brgyad zhabs kyis brdzis// rdo rje las byed ma dang sbyor// mo rgyud zil gnon rta mgrin ni// rdo rje ral gri g.yas na bsnams// g.yon na zhags pa sdigs mdzub ste// tha ma mda' bzhu 'gengs pa'o// ma bdun sring bzhi zhabs kyis gnon// gshin rje las byed ma dang sbyor// klu rnams zil gyis gnon pa ni// klu rigs drug gi sbrul zhags 'dzin// rigs bzhi'i klu ni khyo shug gnon// klu mo las byed ma dang sbyor// dregs pa'i gza' rnams zil gnon na// rdo rje zhags pa ral gri g.yas// dung khrag dbyig pa khyung chen g.yon// gza' chen brgyad ni
- 215a
zhabs kyis gnon// gnod sbyin las byed ma dang sbyor// khro mo yum chen 'di rnams la// mdog dmar chags pa rgyas pa'i tshul// zhal gcig phyag gnyis yab la 'khyud// kha T+wAM 'dzin cing zod khrag stob// yab sum bcas pa'i khro tshogs kun// shar nas brtsams te rim bzhin dbyung // oM pad+ma kro d+ha ha na ha na hU~M phaT/ oM pad+ma kro d+ha da ha da ha hU~M phaT/ oM pad+ma kro d+ha pa tsa pa tsa hU~M phaT/ oM pad+ma kro d+ha tiSh+Tha tiSh+Tha hUM phaT/ oM pad+ma kro d+hats+tshin+dats+tshin+da hUM phaT/ oM pad+ma kro d+ha b+han+da b+han+da hUM phaT/ oM pad+ma kro d+ha b+hin+da b+hin+da phaT/ oM pad+ma kro d+ha hu lu hu lu hUM phaT/ oM gu h+ya kro d+hi hAM/ oM dz+nyA na kro d+hi hUM/ oM rA ga kro d+hi hUM/ oM badz+ra kro d+hi hUM/ oM ya ma kro d+hi hUM/ A~M na ga kro d+hi hUM/ oM yag mo kro d+hi hUM/ oM tsit+ta kro d+hI hUM/ dregs pa can gyi tshogs zil gyis gnon pa'o// khro bo dbyung ba'i ting 'dzin ni// nga ni dbang chen rdo rje ste// phrin las rnam bzhi bsgrub pa'i phyir// sprul pa pho nya las la khrid// tshad med sgo bzhir gdab par bya// dzaHhUM baM hoH// khro mo mdog dkar lcags kyu 'dzin// ser mo zhags pa 'dzin ma dang // dmar mo lcags sgrog sdom byed ma// ljang mo dril bu 'dzin ma ste// phrin las bzhi mdzad pho nya ma// rim par phyogs kyi sgo la dbab// oM badz+ra aM ku sha dzaH/ oM badz+ra pA sha hUM/ oM badz+ra s+pho Ta baM/ IM badz+ra g+haN+De hoH// pho nya 'byung ba'i ting nge 'dzin no// dbang chen
- 215b
'dus pa rtsa ba'i rgyud las/ bsnyen pa nye ba'i lha rnams nges par dbyung ba'i ting nge 'dzin kyi le'u ste drug pa'o// // gzhan yang nga yis bshad kyis nyon// bdag gi dam tshig brtan gyur nas// gsal zhing mi g.yo tshad ldan na// gnyis med ye shes gzhug par bya// bsam gyis mi khyab nam mkha'i dbyings// bye ba til gyi gang bu bzhin// longs sku rdzogs sku kun gyi mchog/ thams cad nga yi tshogs kyis gang // dag pa'i mkha' la skar tshogs bzhin// dam tshig pa la rab tu dbab// dbye ba med pa'i chos nyid kyis// chu la chu bzhag bzhin du blta// de la 'dud cing mos pa dang // stob cing mnyes pa ma lus pa// chos nyid sgra las byung ba yi// rang las sprul pa'i lha rnams kyis// ji ltar mos pa bzhin du 'grub// de nas khyad par bya ba'i las// gnyis med lus kyi srog gi dbus// chu skyes phyogs bzhi rab ldan pa'i// thabs dang shes rab gnyis kyi dbus// nga yi sems kyi ngo bo nyid// tshon gang dmar po zhi zhing khro// rang gi sku dang mtshungs gyur pa// nyin mtshan gsal nus 'od ldan pa// sran tsa na yi phyed cha'i steng // kun gyi gsung ste khyad par thugs// srog yig le brgan til 'bru'i tshad// gsal zhing 'od dang ldan pa la// yi ge phreng ba'i gzugs kyis 'dud// de ni tshogs pa'i tshad dang mnyam// rang gi lus dang
- 216a
tshul gcig pa// kun nas re rer bzhugs par bya// rang gi ming gi sgra brjod pas// nam mkha'i khams kun gsal bar 'phro// dus gsum gyi ni 'phags pa mnyes// kun tu sbyor ba gsum rnams kyis// srid pa'i zhags pa ma lus gcad// thams cad kyang ni rang gi tshul// nyid las gzhan pa yod ma yin// de nyid brtan pa'i tshad kyis bltas// gal te lhag par bsgrub 'dod na// ji ltar 'dod pa'i gzugs rnams kyis// brten pa'i gnas gsum pho brang du// gcod byed 'dam skyes rdo rje la// rgyu gsum rtsa ba rnam dag med// shel mdog bye ru bai DUr+ya// yan lag bzhi dang ldan pa yis// dngos po ming dang rtogs pa yid// ma lus nga yi ngang du sbyangs// khyad par du ni dbang gi rgyal// nga yi sngon gyi dam tshig ste// lus kyi steng phyogs mthar thug pa'i// rigs kyi bdag pos lus kun gnas// rta gdong zhal gyi dkyil 'khor bcas// rlung gis bskyod cing spros pa yis// gser gyi ba thags gzings pa dang // mgal me'i 'khor lo bskor ba dang // me dpal tsha ba 'phro lta bus// rang dang pha rol phyi dang nang // kun tu spro ba'i las rnams kyis// sbyangs shing bsdu dang bsgral dang gso// mchod bstod par dang bcol zhing bskul// gang dang gang la bsngags pa des// 'bad pa'i stobs kyis dmigs par bya// slar 'dus rang gi
- 216b
gzhi nyid la// thim pa'i tshul gyis byin brlabs nas// gnas pa'i ngo bo de nyid du// rdzogs dang rab tu rdzogs pa yis// don de nyid la bsam zhing blta// nga dang gnyis su med par 'gyur// dpal dbang chen 'dus pa rtsa ba'i rgyud las/ nye bar byed pa'i las rdzogs par sbyor ba'i ting nge 'dzin gyi le'u ste bdun pa'o// // de nas bcom ldan 'das dbang gi rgyal po des yang de bzhin gshegs pa thams cad kyis gsung 'grol bar byed pa'i tshig ma lus pa yang dag par rtogs par 'gyur ba'i ting nge 'dzin la mnyam par bzhag nas nyid kyi ming gi 'khor lo sgra tshig rab tu g.yo bar byed pa/ gsung gi ngo bo 'ub cing chub pa rang gi ngo bo las mi gzhan pa// 'jig rten pa dang 'jig rten las 'das pa'i chos thams cad nye bar sdud cing sbyong ba/ las thams cad thog pa med par bsgrub pa 'di gsungs so// oM ni ye shes lnga nyid rtogs pa'o// pad+ma dngos po kun la ma chags pa'o// ta kr-ita khro bo'i gar dgu rdzogs pa'o// ha ya g+hI ba ni khams gsum dbang sdud rta mgrin no// ma hA kro ta che btsan 'dul ba'i khro bo chen po// e ka dza ti ra la gcig ma dang gnyis su med cing dges pa'i nyams dang ldan pa'o// sa ma ya dam tshig la dgongs pa'o// ru lu ru lu khro bo khro mo'i tshogs kun dang mkha' 'gro'i tshogs rnams dbang du sdud pa'o// hUM
- 217a
dregs pa'i tshogs rnams bod pa'o// b+h+yo de dag las la rbad pa'o// hUM dngos grub nye bar bsdu ba'o// A ra li dza thams cad mnyes par bsgrub pa'o// drag sngags gsang ba 'di nyid la// bsnyen pa'i lung bzhin 'bad par bya// hrIHthams cad nga yi ngang du bsam// pad+man+ta kr-ita pad+ma rigs kyi khro chen tshogs// di ma dA ri thams cad 'dus pa'i gsungs yin no// ha ya g+ni ba ma lus dbang gi rgyal po'o// e ka dza tI sbas pa'i yum dang sbyor ba'o// ru lu rigs kyi sras dang bcas pa'o// ru lu sprul pa'i zil gnon yab yum mo// hrIHdza dza ni dbang gi pho nya sgo ma'o// e ka dza b+h+yo lha rnams 'gugs shing rbad pa'o// dam tshig tshogs kyi bsgrub pas na// rbad pa'i lung bzhin brtson par bya// pa hrIHdregs pa'i tshogs bcas dbang du sdud// di ma dA ri kun la go bar byed pa'o// ha yag+ni ba rta mgrin dbang gi lhar gsal ba'o// e ka dza Ti chags rab don gyis bskyod pa'o// hu lu hu lu khro tshogs sprul pa 'gyed pa'o// hrIHdza dza pho nya las la rbad pa'o/ a/ ti lang pri sarba b+h+yo bzlog/ pha rol nus pa bzlog pa'o// pu dza nA ga rbad// klu gdug pa can rnams 'dul ba'o// pha rol nus pa 'joms byed pa// bzlog pa'i dus su mngag par bya// dbang chen gsang ba lta rgyud kyi// srog snying thugs rgyud bskul ba ni// 'bar zhing gsal ba grangs las
- 217b
'das// bsrungs shing bzlog dang gsad dang 'dul// gang la dmigs pa myur du 'grub// oM ka ya tsit+ta ma b+h+yo/ bAk+ka tsit+ta ma b+h+yo/ tsit+ta tsit+ta ma b+h+yo/ gu Na tsit+ta ma b+h+yo/ karma tsit+ta ma b+h+yo/ sarba tsit+ta ma b+h+yo/ kham rgya ma drug gi drag sngags so// oM shwa ri khA hi shwa ri khA hi hUM// rgyab sbrel rnams kyi drag sngags so// oM tip+ta tsakra shra na mu khA kha long kha hUM phaT/ oM ku ku rA dza rak+ta rak+ta tsa mun ti kha lang ka hUM phaT/ pho nya khyi spyang drag sngags so// hUM hUM phaT/ hrIHhUM phaT/ trAM hUM phaT/ hUM hUM phaT/ mche gshog bzhi yi drag sngags so// oM dza na lang te tse te/ yak+Sha ku ru b+hany+dza hUM phaT// 'brug mo bzhi yi drag sngags so// oM badz+ra sha ra sing ha hUM// rat+na sha ra sing ha hUM/ pad+ma sha ra sing ha hUM/ karma sha ra sing ha hUM/ rtsal chen rnams kyi'o// nyon cig dbang gi 'khor tshogs rnams// nga yi sku gsung thugs kyi bdag/ yon tan dang ni phrin las dang // ma lus bsgrub par 'dod pa yis// shes par bya ba 'di dag yin// lus kyi mdun rgyab yab dang yum// g.yas dang g.yon ni dbang gi sras// snod dang don snying bcas pa ni// dbang chen rigs bzhi yab yum mo// yan lag nyid lag thams cad kun// khro brgyad yum dang bcas pa ste// mthil bzhi sgo srung bzhi ru bsam// spu dang ba spu bka' nyan tshogs// bya ba'i chos dang byed pa'i yid// phyi dang nang gi shes pa yis// gzung ba'i yul
- 218a
dang 'dzin pa'i sems// yul lnga nyon mongs rtogs pa dang // rnam shes brgyad dang de yi yul// dag pa'i 'byung ba bzhi nyid kyang // rim gyis shes par bya ba yin// 'khor ba dang ni mya ngan 'das// dge dang mi dge'i rnam rtog ni// dbang chen nga la yod ma myong // snang ba snang min sku yi tshogs// grags dang grags min gsung gi bdag/ stong dang stong min thugs kyi ngang // yod dang yod min yon tan te// bsgrub dang bsgrub min phrin las so// 'di la the tshom byar mi rung // zhes gsungs so// dpal dbang chen 'dus pa rtsa ba'i rgyud las/ sku gsung thugs kyi phrin las gsang ba'i snying po de kho na nyid kyi le'u ste brgyad pa'o// // de nas bcom ldan 'das dbang gi rgyal po de bzhin gshegs pa rnams kyi thugs kyi bdag nyid can du gyur te// chos thams cad kyi dbyings ma lus pa la rab tu gzigs pa'i lta stangs chen po mdzad nas// 'di skad ces bka' stsal to// e ma nyon cig 'dus pa'i 'khor// nga ni dbang gi rgyal po ste// dbang mdzad dbang gi lha yin no// nga yi dbang du gyur pa las// sangs rgyas nyid du ma lus mthong // 'di la blta bar bya ba med// ma bltas pa nyid blta ba yin// de bzhin mthong dang dran pa dang // blo dang rig pa yod min yang // kun rdzob tsam du rig par snang // phyi rol dngos po
- 218b
snang ba'i yul// ma 'gags dpyad cing btags yod tsam// 'di ni phyi yi dbang chen no// nang du 'dzin byed sems kyi dngos// ma skyes rang gi ngang gis stong // nang gi dbang chen yin zhes bshad// gnyis 'dzin rtog dpyod rlung lta bu// dri ma med cing 'od gsal ba// sbas pa yin te kun la snang // 'di la dbang thob gyur pa na// dbang gi rgyal po mngon du gyur// nga ni ma yengs mi rtog pas// gang yang bsgom par bya ba med// ma nor ma bcos kho na nyid// dmigs med tsam du snying rje'i ngang // rang la gnas pa bltar ma nus// 'khrul pa'i gzugs la blta ba yang // kun rdzob tsam du bsgom zhes bya// phung po nga rgyal brtan gyi bar// 'byung bzhi mthun pa'i phyogs tsam spyod// bla med gnas su ma stobs par// dus bzhi mnyam par lus kyi lam// bar chad gdug pa gdul gyi bar// ma rig mun pa thibs po 'joms// ngan song gnas rnams stongs par byed// khams gsum srid gsum dbang du sdud// dus gsum rgyal ba'i sras su bskyed// bla med byang chub gnas su 'god// dug lnga sku lnga ye shes lnga// tshogs drug mngon par shes par drug/ yul brgyad yid chos 'byung ba bzhi// stobs dang mi 'jigs rig pa'o// khams dang skye mched bco brgyad po// ma 'dres bla med rdzogs pa'i chos// sgo gsum sku gsung thugs yin te// so sor rtogs pa/
- 219a
pa'o// sems skye ba yi rgyu rkyen ni// rgyu gnyis rkyen bzhi 'brel pa bzhi// sems kyi chos nyid ngo bo'i rgyu// shes rab der shes lhan cig byed// slob dpon slob bu don tshig 'brel// sgyus las blo cher skye ba de// bdag po rgyu dmigs de ma thag pa'i rkyen// 'brel pa bzhi ni thams cad// sems kyi chos nyid bdag nyid cig chos nyid shes rab shes bya byed// slob bu gdam ngag snod dang bcud// slob dpon slob bu thugs rje las// sems kyi skye tshul rnam pa dgu// che chung blo yi rims gcig 'char// zhen dag ma dag zag bcas 'char// rims spangs ma spangs thod rgal tshogs// sems gsal mi gsal mos sgom tshogs// thugs rjes gdul ba zhi dang khros// nyon mongs che chung grol khams thabs// chos nyid phyag rgya mtshan bcas med// rang stobs gzhan stobs thugs rje la// de brtsogs lam gyi dbye sgo'o// sems skyed rang gi ngo bo ni// byang chub sems ngar skye ba ste// g.yo ldang smon 'jug gnas rdzogs pa'o// gsol pa/ rnam grangs rnam par dbye ba zhes/ bshad pa'i rim pa ji ltar lags/ zhes gsol pas/ bka' stsal pa/ rnam grangs mang yang mdor bsdus dgu// sgrib med rang gsal rnam dag sems// rang gi rang gsal rang rig sems// ma bcos rnal ma chos nyid sems// ma btsal kun rdzogs lhun
- 219b
grub sems// blang dor med pas mnyam nyid sems// dngas snyigs dgag bsgrub med pa'i sems// zla med nyag gcig gnyis med sems// gdangs khyab bde chen rtog med sems// mtha' med yang dag bla med sems// mtshan med mi mthun don khyad med// ces bka' stsal pa/ yang gsol pa/ gtan tshigs gtan la dbab pa zhes// gsungs pa gang lags bshad du gsol// ces gsol pas/ bka' stsal pa// gtan tshigs gtan la dbab lugs gsum// lung dang man ngag rigs pa'o// lung gsum snyan brgyud mngon du phyung // kun la dbab dang gsum du bshad// snyan khung brgyud la rnam pa gnyis// bde gshegs brgyad dang gang zag brgyud// snyan rgud byin rlabs ngo bo dang // sdigs sdebs sbyor legs gsum du bshad// mngon byung lung la dran don nges// lam bstan lung bstan sar 'dren gsum// mthong lam 'bras bu drang don nges// nges lung dpe don rtags gsum ste// nam mkha' chos nyid sems nyid do// gtan la dbab pa'i lung la gnyis// sems can nyon mongs blo tshad la// brgyad khri bzhi stong theg pa bshad// nges par gtan la chos rnams 'bebs// snying po byang chub sems nyid do/ zhes gsungs pas/ yang gsol pa/ rig pa gtan la dbab ces pa// gang lags rgyas par bshad du gsol// ces gsol pas/ bka'
- 220a
mdzad de// hUM hrIHdbang chen rdo rje thog dang ser chen 'bebs// hrIHdang phaT kyis srid gsum 'khor ba 'jig/ hUM mdzad hUM gi byin rlabs bsam mi khyab// rdo rje khrag 'thung khrag gi rgya mtsho skem// mtshon chen gnam lcags 'bar ba'i mthu rtsal gyis// gsang sngags log par lta ba'i dregs pa 'joms// 'jig rten 'di dang pha rol gnyis ka ru// gdug pa 'dul zhing dug gsum rtsad nas gcod// srid gsum 'dul ba'i bdag tu dbang bskur ro// oM ha ya g+hi ba sarba bi nA ya ka a d+hiSh+ThA na a b+hi Shiny+tsa a A/ zhes dregs pa'i tshogs ma lus pa 'dul zhing tshar gcod par dbang bskur ro// 'jig rten las 'das pa dang 'jig rten pa rnams kyi dbang gi rgyal por bzhag go/ de nas phyogs bcu'i de bzhin gshegs pa rigs kyi bdag po rnams kyis// dbang gi rgyal po 'khor gyi tshogs dang bcas pa rnams la rang gi snying po 'di phral lo// oM bud+d+ha be ro tsa na oM// hUM badz+ra satwa hAM/ sA rat+na d+h+r-ika/ hrI pad+ma a mi de ba thI/ hA karma prany+dza d+h+wi ka/ de nas 'jig rten gyi bdag po lnga'i rgyal po dbang phyug chen po yab yum 'khor dang bcas pa rnams kyis rang gi srog gi snying po 'di phul lo// oM ma hA de ba u ma de ba lang phra ma ni rak+ta kaM ka pa ya hUM d+he ba ra tsa g+ha na hUM dza/ de nas gshin rje'i tshogs rnams kyis rang gi snying po 'di phul lo// oM
- 220b
ya ma me da k+She rA dza sa do ru Na yo ni ra yats+tsha ni hrIHSh+T+r-iHbi kr-i tA nan/ ya ma snying la khrag baM ri la rbad/ de nas klu'i tshogs rnams kyis rang gi snying po 'di phul lo// au nag po ti ba tsa ya nA ga rA dza he phul la phe sha phos phos shig shig chum chum tu ya tir ya dza dza/ de nas gnod sbyin gyi tshogs rnams kyis rang gi snying po 'di phul lo// A~M yak+ka a ba ma ra b+ha ru da ri ma g+ha la b+ha ga sha ru tra ma ru tra hUM dza/ de nas bdud kyi tshogs rnams kyis rang gi srog gi snying po 'di phul lo// bdud tri ru tra tsa pa snying khrag tir rbad dug mug hri ti ra to rbad/ de nas srin po'i tshogs rnams kyis rang gi srog gi snying po 'di phul lo// oM rag sha mu la sa mun dza ru tra hur b+h+yo rak+Sha mu lo shig tri ta hu ra dza/ de nas 'jig rten gyi ma mo'i tshogs rnams kyis rang gi snying po 'di phul lo// au trag rak+Sha snying kha rag ma tsit+ta ma srog tsa khrag la breng breng / kha la dun ting mu la sod/ de nas gza'i tshogs rnams kyis rang gi snying po 'di phul lo// oM pa sha me ki ru ru ma ti dza la ti a tra biSh+Ti sa tra rA hu hri ni dza/ de nas mkha' 'gro ma'i tshogs rnams kyis rang gi snying po 'di phul lo// ma ma trag sha snying khrag la hubs badz+ra ma ni snying la thun rag mo myog rbad dza/ gzhan yang 'jig rten gyi khams kyi gdug pa can ji snyed pa thams cad kyis kyang rang gi ming dang snying po phul te// thams cad kyis dbang gi
- 221a
rgyal po nyid kyis bka' ji ltar stsal pa bzhin las sna tshogs bsgrub cing bsgo ba mtha' dag nyan par khas blangs so// dpal dbang chen 'dus pa rtsa ba'i rgyud las/ ji ltar bsgrub pa phrin las kyi khyad par gyi le'u ste bcu pa'o// // de nas yang dbang gi rgyal pos de bzhin gshegs pa thams cad kyi sprul pa'i bdag nyid can du bzhugs te/ stong gi 'jig rten gyi khams longs spyod rdzogs pa'i sku'i ngo bor snang bar mdzad nas/ 'di skad ces bka' stsal to// e ma 'dus pa'i 'khor rnams nyon// nga yi sku yi ngo bo ni// rang rig byang chub sems las snang // rta mgos skad gsangs mthon po yis// bde gshegs gsung gi dngos grub sdud// yang dag don nges chos kyi sku// gzugs su snang ba mtshon pa'i rtags// dper na rta yi 'gros dgu yis// ji ltar smon pa'i sar 'gro bzhin// theg pa'i rim pa ngang gis grod// rtsol med rab tu rdzogs par snang // rta skad yon tan mang ba ltar// lam lnga dang ni sa bcu dag/ yongs rdzogs de nyid ngang las mnga'// dpe dang don gyi rtags rnams kyis// phyi nang gsang ba de nyid kyi// gsang sngags lam gyi bye brag shes// gdul bya'i thabs su snang ba yang // chos rnams dkyil 'khor lhun grub cing // snang srid ma lus bsgral ba'i rgyu// bka' sdod phrin las rdzogs par mdzad// sngon
- 221b
gyi tha tshig dbyings nas bskul// brda' sprad klong rdol dbang bsgyur te// ma lus 'dul ba nga yi thabs// ye nas ma bcos nga yi sku// thabs dang shes rab dbyings ye shes// don dam kun rdzob snang dang stong // gnyis med ngo bo'i don yin no// dbang gi rgyal por bsam sbyor bas// khros pa'i phyag rgya gsung gi sgra// 'jig rten dregs pa'i tshogs chen kun// dbang med skrag pa'i tshul bzung zhing // myur du phrin las gnas bzhin byed// dbyings nas gzugs snang thams cad kun// dbang bskur snang ba mnyes mdzad de// 'gal ba de nyid ngang du sbyangs// bsrung dang bzlog dang tshar gcad pa'i// rig pa'i rgyal po spu gri'o// oM thub thub myag myag mug mug/ shar shar da ha klag klag du haM du haM// rbad rbad dza dza hUM hUM// zhes gsungs so// dpal dbang chen 'dus pa rtsa ba'i rgyud las/ dgongs pa yang dag pa'i phrin las kyi le'u ste bcu gcig pa'o// // de nas dbang gi rgyal po yis// rab tu bsgrub pa 'di gsungs so// nub tu phyogs pa dbang gi gnas// shis pa'i rdzas dang ldan pa'i drung // chags ldan rigs kyi khyad par gyis// yid dang mthun pa'i dkyil 'khor brtsigs// sku gsung thugs kyi gnas byin brlab// phyi nang gsang ba mnyes pa'i rdzas// ci 'byor pa yis rgyas par dbul// sngags tshig bstod pas nye gyur
- 222a
nas// dmigs pa'i ched dang sbyar ba ni// sgrub pa po nyid bsrung ba dang // pha rol gzhan gyi nus pa rnams// bzlog cing gzhig dang gtor ba dang // bsreg cing gnan dang 'phar ba dang // bskrad dang bcing dang dbab pa dang // gug cing mngag dang dbang du bya// IM pad+mAn+ta kr-ita badz+ra ma hA kro d+ha ha ya g+h+ri ba hu lu hu lu ma hA ka s+ya rak+Sha rak+Sha swA hA/ A pris sarba ma ma ra tsa thun b+h+yo bzlog/ tro ma ri sha sha thun b+h+yo bzlog/ he ka sa ra ke dum phra ma ya thun b+h+yo bzlog/ rU tra srog ti rbad thum thum// tsa pa sha ling sa ma ya shig shig/ ma ma e ka dza ti phyung yaM rbad// ro du ro du rag mo tsit+ta la rbad rbad// nA ga hu ya nag po ti pa tsa ya// tsa re tsa dus du shag yaM/ nA ga rA dza sod sod/ byangs byings rmugs rmugs ha la hal dun dun/ myos myos bying bying rbad rbad/ thum ril ri la dza/ snying rbad ya khrag ro ma ro brag sha ya/ g+ho khrag dza tri chod sa la sod mu la sod a mu ka mA ra ya phaT/ hu lu hu lu dza dza nA ga badz+ra yag+ma kI li ki li ya mA ra ya phaT// a mu ka sarba sha truM mA ra ya rbad nr-i hur thum dza/ ma hA pa sha ha ki dza la dza la ram ram/ b+hi sha tsakra ha la ha la staM b+ha ya nan nan// d+ha ru nan d+ha ru nan// a mu ka ha li hi mu hod sod// tri pra ta mA ra ya sod/ nr-i yag+ga rak+ta ka li ra tsa nA ga tri du mA ra ya sod// a ni lu pri du tri/ krang ka ri krang ka ri/ mi tsi mi tsi ra ra/ tr-i hr-itr-i
- 222b
traitre gam gam gum gum u pa ra tsa yaM d+ha she baM he/ nA ga rA tsa sru sru trai ri trai ri pra pri lam lam/ sarba a pa sma ra b+hin+da b+hin+na b+han+na b+han+na/ ti li ti li/ ma ta ma ta/ pra b+ha na pra b+ha na/ pa tsa pa tsa/ da ra da ra/ tshin+da tshin+da/ ! na ha na/ hu lu hu lu/ ku ta ku ta/ d+ha ra d+ha ra/ tri ta tri ta ma ra ma ra/ mA ra ya mA ra ya rbad thun rbad thun/ kI li ki la ya thun rbad/ hu lu hu lu ka ma ha la myos myos thun rbad/ tik+Sha tik+Sha shag ti shag ti tshal tshal thun rbad rbad/ a mu ka ka ta ka ta thun rbad/ ma ra ma ra thun rbad/ ta ra ta ra thun rbad/ mo ta ma ta thun rbad/ phra mo ta phra mo ta thun rbad/ sarba pu ta ma ra ma ra thun rbad/ ya ra ya ra thun rbad/ ma ra tri sod sod/ rig pa'i rgyal po gsang ba'i sngags// ji ltar bsngags pa'i rdzas dang bcas// zla gcig drug gi sbyor ba yis// gang la dmigs pa myur du 'grub// ces gsungs so// dpal dbang chen 'dus pa rtsa ba'i rgyud las/ yi ge'i phreng ba drag po'i snying po rnams brjod pa'i le'u ste bcu gnyis pa'o// // de nas dbang gi rgyal po de bzhin gshegs pa thams cad kyi gsung gi bdag nyid chen po des/ nyid kyi dkyil 'khor rnams la gsung gi sgra chen pos rab tu go bar mdzad de/ bka' stsal pa/ kye ma 'ongs pa'i dus phyi ma// snyigs ma'i dus rab tu snyigs mar gyur pa na/ rigs kyi bu gang dag nga dang nga'i bdag po
- 223a
snang ba mtha' yas dang / spyan ras gzigs dbang phyug la sogs pa/ pad+ma'i rigs 'chang ba'i de bzhin gshegs pa dang / byang chub sems dpa' sems dpa' chen po rnams la dad pa dang 'dun pa dang mos pa dang gsol bar byed pa de dag la ni/ bdag cag rnams kyi tshe dang stobs dang dbang phyug dang / grags pa dang longs spyod dang / yon tan gyi tshogs dag myur du stsol bar byed do// gzhan yang nga'i sku dang / gsung dang thugs kyi de kho na nyid yang dag par yongs su shes par 'dod pa'i yon tan dag la/ bde ba dang dga' ba dang spro bar longs spyod par nus pa dag gis ni/ nga dang dus gsum du phyogs bcu dag na 'tsho zhing zhes pa'i sangs rgyas bcom ldan 'das rnams kyi thugs mnyes par byas shing gnyis su med par bsgrub pa yin te/ nga'i tshul 'di lta bu 'di la ni/ gang zag dbang po dman pa dang / blo chung ba dang / shes rab rtul ba dang / yid mi gzhung ba dang / blang ba dang dor bar spyod pa dang / nyan thos dang / rang sangs rgyas kyi theg pa can dang / log par blta ba can dang / skal pa chung zhing myos pa rnams kyis gzung ba dang / bcang ba dang / bri ba dang / bklag pa dang / blta ba dang / bsgrub pa dang / bstan pa dang / bshad pa dang / mnyan pa la sogs pa'i rdo mi thogs shing dbang du mi 'gyur te/ rna lam du
- 223b
yang grags par mi 'gyur ro// de bas na 'di ni byang chub sems dpa' sems dpa' chen po rig pa 'dzin pa rang bzhin grub pa dang / sa la spyod pa dang / tshe ring bar dbang ba dang / de bzhin gshegs pa dag gi thugs nye ba'i sras su gyur pa/ khyed rnams kyis yang dag par zung zhig longs shig chongs shig/ klog cig/ sgrubs shig gzhan dag la yang rgya cher rab tu ston cig/ 'di ni nga'i bstan pa bla na med pa/ gong na med pa/ mnyam pa med pa/ mtshungs pa med pa/ dpe med pa/ zla med pa/ mchog tu gyur pa/ rab dang gtso bo dang / phul dang dam par gyur pa ste/ rnyed par dka' zhing ngo mtshar ba 'di/ khyed rnams la rjes su gtad kyis/ nga'i bstan pa 'di yal bar ma dor cig 'di nyams par 'gyur ta re/ zhes gsungs nas/ nyid kyi sku dang gsung dang thugs kyi rnam par 'phrul pa'i bkod pa rgya chen po de dag 'od zer gyi tshul du spro ba mdzad de/ yang nyid kyi sku gsung thugs rdo rje yab yum gnyis su med pa'i sbyor ba'i klong du rab tu bsdus nas/ rol pa chen po'i 'od zer gyis khyab par mdzad de/ thams cad kyang chos kyi dbyings dmigs su med pa mnyam pa nyid g.yo ba med pa la rab tu zhugs par gyur to// dpal dbang chen 'dus pa rtsa ba'i rgyud las/ yongs su bstan pa'i nye bar gtad pa'i le'u ste bcu gsum
- 224a
pa'o// / bcom ldan 'das dbang chen 'dus pa rtsa ba'i rgud rdzogs so// / rgya gar gyi mkhan za slob dpon chan pa pad+ma 'byung gnas dang / zad kyi mo sta dra zar can bdag gis bskur cing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya/ rgya rgya rgya// / @#// rgya gar skad du/ su ga ta sarba karma sa mA dza kI la ya mA la tan+tan+t+ra nA ma/ bod skad du/ bde bar gshegs pa thams cad kyi phrin las 'dus pa phur pa rtsa ba'i rgyud ces bya ba/ bcom ldan 'das de bzhin gshegs pa phrin las thams cad gdon mi za bar yang dag par grub pa popo thams cad kyi rgyal po chen po la phyag 'tshal lo// 'di skad bdag gis zos pa'i dus gcig na/ 'og min gyi gnas gsang ba mchog gi dbyings/ phrin las rgya chen po rnam par rol par mdzad pa'i dur khrod chen po rab tu bskyod cing 'khrugs par byed pa'i rlung ldang nag 'bar ba/ phrag dog gi ye shes las grub par byed pa'i pho brang chen po na/ bcom ldan 'das de bzhin gshegs pa thams cad kyi phrin las rdo rje sems dpa' chen po gzhon nu'i gzugs can/ 'jig rten gsum rab tu sgrol bar mdzad pa de/ dbyings kyi yum chen mo 'khor lo rgyas 'debs ma dang gnyis su med pa'i rol pa chen pos mnyam zhing dges
- 224b
par bzhugs pa la// 'jigs byed 'bar ba'i drag po'i phrin las yongs su rdzogs par mdzad pa'i 'khor 'di lta ste/ bde bar gshegs pa rnams kyi sras kyi mchog tu gyur pa/ bud+d+ha kI la ya dang / rat+na kI la ya dang / pad+ma ki la ya dang / karma kI la ya dang / bde bar gshegs pa thams cad kyi las kyi rgyal po hUM ka ra dang / rnam par rgyal ba dang / dbyug pa sngon po dang / gshin rje gshed po dang / g.yo ba med po dang / rta mgrin can dang / gzhan gyis mi thub pa dang / bdud rtsi 'khyil pa dang / khams gsum las rnam par rgyal ba dang / stobs chen por gyur pa dang / gzhan yang rol pa'i yum chen mo sgra 'byin ma dang / snyems ma dang / sder mo dang / dur khrod kyi bdag mo dang / gtun khung ma dang / gtum mo chen mo dang / mda' snyems ma dang / rlung 'byin ma dang / gsod byed ma dang / spyod par byed ma dang / de dag thams cad kyang sprul pa dang / sprul pa'i yang sprul pa dang / sprul pa'i pho nya dang / pho nya'i pho nya dag dang bcas pa rnams kyis mdun du bdar cing bskor te/ gzhan yang byis pa so so skye bo dang / nyan thos dang / rang sangs rgyas kyi skyes bu dang / bskal pa dpag tu med pa'i bar du bgrod cing sbyangs pa la smon pas dka' ba spyod par brtson pa'i byang chub sems dpa' rnams kyis nye ba'i thugs mi thub cing 'dul ba'i skal ba dang mi ldan
- 225a
zhing / longs spyod thams cad rab tu rdzogs pa'i sku khro ba dang / rab tu khro ba dang / 'jigs pa dang rab tu 'jigs pa'i tshogs dang lhan cig tu bzhugs so// de nas bcom ldan 'das nyid kyi sku'i rnam par 'phrul pa khro bo chen po drag shul can du snang bar mdzad kyang / thugs rab tu zhi ba thugs rje chen po dang ldan pa'i thugs gsang ba chen po las byung ba'i khro bo'i tshogs chen po rnams kyis nyid kyi sku'i yon tan dkyil 'khor chen po rnam par dag pa'i gzhal med khang chen po dang bcas pa la rab tu spro zhing ngo mtshar ba'i sgo nas/ dga' ba chen po yang dag par 'khor rnams kyis mgrin gcig gis mngon par bstod pa/ e ma ho// mtha' dang dbus med nam mkha'i rang bzhin las// rlung nag rdo rje rgya gram gtams pa'i steng / khrag gi rgya mtsho rba klong 'khrugs pa'i dkyil// keng rus chen po brtsegs pa'i ri rab steng // gser gyi sa gzhi zhing chen ti ras gtams// me ri smug nag gru gsum 'bar ba'i klong // nam mkha'i mtha' dang mnyam rdzogs gzhal yas khang // rin chen 'bar ba thod pa gsum gyis brtsigs// lha klu nyi zla gza' skar sbrul gyis brgyan// ye shes tshad med gru chad sgo bzhi rdzogs// phyi nang me dpung rin chen 'od dang ldan// dregs pa'i bdag dang nyi zla pad+ma'i dbus/ med pa'i rgyu las yod par mngon byung
- 225b
ba// bde gshegs dpal chen phrin las rdzogs pa'i sku/ dbu gsum phyag drug zhabs bzhi brkyang bskum stabs// g.yas kyi zhal gdong dkar bar bstan pa ni// bde chen longs spyod rdzogs sku mthar phyin cing // g.yon zhal dmar nag sbrul sku'i 'gro don mdzad// yongs rdzogs sku dang dbus zhal mthing nag ni// skye med chos kyi sku la 'gyur ba med// ral pa gyen brdzes dbang drag dus gcig rdzogs// ye shes lnga bdag rigs lnga'i sangs rgyas bzhugs// spyan dgus sa dgu mi dmigs dbyings la gzigs// snyan drug rgyud drug nyon mongs 'khor bar 'dren// shangs nas stong gsum sgrol ba'i rlung nag 'byin// zhal gsum nyon mongs dug gsum dbyings su sgrol// rdo rje'i mche bas bdud bzhi rtsad nas gcod// le brgan ljags 'dril shes rab mthar phyin gsal// gsung gi nga ros 'jig rten mthu chen dang // phyag drug phyag mtshan rang rtags yon tan ni// rdo rje rtse dgus sa dgu'i yon tan rdzogs// rtse lngas rgyud lnga rtsad bcad rigs lngar sbyor// me dpung 'bar bas nyon mongs dug lnga bsreg/ kha T+wAM rtse gsum dug gsum rtsad nas gcod// rdo rje'i phur pa srid gsum dbyings su 'debs// zhabs bzhi tshad med rnam bzhi'i phrin las mdzad/ dpa' bo'i na bza' rgyan gyi che ba ni// glang chen ko rlon theg mchog stobs bcus bgrod// stag
- 226a
gi sham thabs phrin las sna tshogs mdzad// zhing chen g.yang gzhis thugs rjes 'gro ba 'dul/ sbrul gyi chun pos dpa' chen gdug pa 'dul// thod pa'i phreng ba sku gsum ngang la gnas// don dam bcud ldan gzi brjid sa la dgod// rak+ta'i thig le chags med pad+ma'i spyan// thal chen mtshan mas sangs rgyas phrin las rdzogs// rdo rje'i gshog pas ma lus zil gyis gnon// rin chen gshog pas dgos 'dod re ba bskang // ye shes me dpung rnam rtog bag chags bsreg/ gnyis med yum chen don dam dbyings su sbyor// yon tan mtha' yas kun gyis rab brgyan pa'i// phrin las rgyal po khyod la phyag 'tshal bstod// chos dbyings skye med ngang las ma g.yos kyang // sgyu ma'i cho 'phrul cir yang ston mdzad pa// thugs rje'i thabs kyis gdug pa 'dul slad du// drag shul spyod pa'i phrin las kun gyi bdag/ don dam byang chub sems las 'gyur med kyang // ting 'dzin longs spyod thabs kyis 'gro don mdzad// byin rlabs phyag rgya'i 'od zer 'phro 'du'i klong // rang bzhin spros bral nyid la phyag 'tshal bstod// ces bstod pas slar yang rol pa chen po'i dkyil 'khor bsam gyis mi khyab pa yongs su rdzogs shing snang bar gyur to// phrin las 'dus pa rtsa ba'i rgyud las/ gling gzhi'i le'u ste dang po'o// // de nas yang 'khor chen
- 226b
po de rnams kyis// bcom ldan 'das la 'di skad ces gsol to// kye ma bcom ldan 'das/ 'das dang ma 'ongs da ltar gyi// 'dus pa'i sangs rgyas ma lus pa'i// phrin las khyod mdzad ci yi phyir// rdo rje zhes ni ci phyir brjod// thog ma med pa'i dus nyid nas// gzhon nur grags pa ci zhig lags// dngos por snang ba'i chos nyid la// khyad par phur pa ci'i phyir 'dzin// thugs rje zhi ba'i ngang nyid las// khro zhing 'jigs par ston mdzad cing // drag po'i rgyan bcas mdzad pa gang // gzhan yang khyod kyi sku gsung thugs// gsang ba las kyang ches gsang ba// rmad du byung ba'i cho 'phrul la// bdag cag the tshom skyes gyur te/ ji ltar ji ltar mdzad pa yi// don de bdag la nges ston cig/ ces gsol pa dang // bcom ldan 'das kyis phyogs bcu'i de bzhin gshegs pa thams cad kyi phrin las mdzad par bya ba'i phyir// de bzhin gshegs pa thams cad kyi phrin las kyi ngo bor bzhengs te/ sku dang gsung dang thugs kyi yon tan gyi tshogs thams cad sngon du 'gro bar mdzad nas// nyid kyi gsung gi gsang ba chen po sangs rgyas thams cad kyi las bsgrub par nus pa'i yang dag pa'i snying po 'di sku gsung thugs kyi rdo rje gsang ba pa las phyung ngo // oM badz+ra ki li kI la ya sarba big+h+nAM baM hUM phaT// 'di phyung ma thag tu phyogs bcu'i 'jig rten gyi khams cad
- 227a
g.yo bar gyur te// gang dag sangs rgyas rnams kyi thugs rje zhi ba chen pos 'dul bar mi 'gyur ba'i dbang phyug la sogs pa'i dregs pa can rnams kyang rab tu 'bar zhing sngangs skrag ste brgya la zhing sa la lhung nas shi ba'i dus la ma bab tsam du gyur pa la/ yang bcom ldan 'das nyid kyi thugs rje chen po'i 'od zer gyis de dag gi lus khyab par bkye nas/ thams cad kyang lus dang ngag dang yid bde ba dpag tu med pa dang ldan par gyur nas/ bcom ldan 'das nyid la phyag 'tshal zhing / dpung gi tshogs dang bcas pa rnams zhi ba dang dul ba'i sems kyis gnas nas gsung rjes su bsgrub pa'i bran bzhin las byed par khas blangs so// de nas bcom ldan 'das kyis 'khor chen po 'dus pa de dag la bka' stsal pa/ nyon cig 'dus pa'i tshogs chen rnams// sngon gyi sangs rgyas thams cad kyis// thabs kyi spyod pas 'gro don du// byams dang snying rjes gang 'dul ba'i// sangs rgyas phrin las rdzogs mdzad pa'i// dbang dang byin rlabs 'dir gsal bas// mi 'gyur mi shigs rdo rje yis// 'dus byas rdzas las ma byung zhing // dus gsum kun tu 'dus ma byas// spros pa'i mtshan ma kun dang bral// gdod nas ma byung skye ba med// ye nas rnam par dag pa'i ngang // de ni sra mkhregs rtsal shugs ldan// cis kyang mi shigs rdo/
- 227b
rje'o// dper na pha lam rnon po bzhin// sus kyang gzhom par mi nus shing // stong nyid snying por ldan pa yis// go cha mchog gi rdo rje'o// dus gsum bzhugs pa ma lus pa'i// sangs rgyas kun gyi ye shes sku// nga nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ myur du sprul pas gzhon nu ste// nga la bgres rgud yongs mi mnga'// skad cig nyid las byung ba'o// oM shrI badz+ra ku mA ra ki li ki la ya sarba big+h+nAM baM hUM phaT// thabs kyi shes rab yum dang sbyor// byang chub sems rgyun ye shes che// oM tIp+ta tsakra ru lu ru lu b+h+yo// gnyis med ye shes 'od zer gyi// 'phro 'du gsal ba'i byin rlabs las// rdo rje gzhon nu'i rigs 'dzin rnams// srid pa rdo rje 'grub par mdzod// srid pa rdo rje phur pa'i lha// ye shes khro bo 'grub par mdzod// oM bud+d+ha kI la ya hUM phaT// oM rat+na kI la ya hUM phaT/ oM pad+ma kI la ya hUM phaT/ oM karma ki la ya huM phaT/ oM badz+ra kro d+ha hAM ka ra hUM/ oM badz+ra kro d+hI dI pa ya ti hUM/ oM badz+ra sA ka ra mu kha hUM/ oM badz+ra i khu ba mu khI hUM/ gardza gardza hUM phaT/ oM badz+ra kro ta bi dza ya hAM/ oM badz+ra kro d+hi lA se ki hUM/ oM badz+ra byA g+ha mu kha hUM/ oM badz+ra gr-id+d+ha mu khI hUM/ ha na ha na hUM phaT/ oM badz+ra kr-i ta nI la daN+Da hUM/ oM badz+ra kro d+hi ta na pa ti hUM/ oM badz+ra tsa ma ra mu kha hUM/ oM badz+ra dro Na mu khI hUM/ da ha da ha hUM phaT/ oM kro ta ya mAn+ta ka/
- 228a
nA/ oM badz+ra kro d+hi thA sha na par+N+Na hA/ oM badz+ra ha ri Na mu kha rbA/ oM badz+ra ul+yA ka mu khI hA/ pa tsa pa tsa hU phaT/ oM badz+ra kro d+ha ar+ya a tsa la hA/ oM badz+ra kro d+hi mu sa la hA/ oM badz+ra brAg+h+nAM mu kha T+Ta/ oM badz+ra ba pa sa mu khI hUM/ b+han+da b+han+da hUM phaT/ oM badz+ra kro d+ha ha ya grI ba hUM/ oM badz+ra kro d+hi tsaN+Da lI hUM/ oM badz+ra pi DA la mu kha hUM/ oM badz+ra pak+Sha ti mu khI hUM/ oM badz+ra pa tsa la mu kha hUM/ hu lu hu lu hUM phaT/ oM badz+ra kro ta a pa ra dzi ta hUM/ oM badz+ra kro d+hi sa bya ti hUM/ oM badz+ra shwa na mu kha hUM/ oM badz+ra pa tri mu khI hUM/ tiSh+Tha tiSh+Tha hUM phaT/ oM badz+ra kro d+ha a mr-i ta kuN+Da li hAM/ oM badz+ra kro d+hi sa mi ra NA hAM/ oM badz+ra sid+d+ha mu kha hUM/ oM badz+ra kro ti ti la mu khI hAM/ ts+tshin+da ts+tshin+da ts+tsha phaT/ oM badz+ra kro d+ha tre lo kya bi dza ya hUM/ oM badz+ra kro d+hi mA ra Na hUM/ oM badz+ra tak+Sh+Na mu kha hUM/ oM badz+ra na ku la mu khI hUM/ bin+d+ha bin+d+ha hUM phaT/ oM badz+ra kro ta ma hA ba la hUM/ oM badz+ra kro d+hi tsun+da hUM/ oM badz+ra r-ik+Sha mu kha hUM/ oM badz+ra mu Shi mu khI hUM/ s+pho Ta s+pho Ta hUM phaT/ oM badz+ra yak+Shi Ni hUM/ ang+ga sha dzaH/ oM badz+ra b+hai ra ba hUM/ pA sha hUM/ oM badz+ra a mr-i ta hUM/ s+pho Ta baM/ oM badz+ra ma ra Na hUM/ g+haN+De hoH/ hri s+pha ra Na phaT/ saM ha ra Na hUM/ 'di ni srid pa'i tshul du byung // yab yum byang chub sems las bskyed// yi ge 'phro 'du'i rkyen las gyur// rang las byung ste dbyings su 'debs// srid pa'i phur pa zhes su bshad// snang zhing gsal ba'i chos rnams kun// ma lus
- 228b
'di yis legs par btab// 'jig rten pa dang 'jig rten 'das// 'ub chub 'dus pas phur pa ste// kun rdzob rtags su nga yis bzung // yon tan tshogs chen las byung zhing // ma lus phrin las rdzogs mdzad phyir// phyogs bcu dag gi sangs rgyas zhing // kun gyi mdzad pa rdzogs spyod cing // sems can khams kun yongs sgrol ba'i/ 'jigs byed khro bcu byung ba ni// zhal gsum phyag drug zhabs bzhir bzhugs// phyogs bcu'i dregs pa gnon par mdzad// phyag drug dang po gnyis kyis ni// rdo rje dang ni thod khrag 'dzin// tha ma phur pa 'dril zhing sdom// hUM chen sngo skya mda' gzhu 'gengs// rnam rgyal 'khor lo tri shul dkar/ dbyug sngon me dpal dbyug to 'phyar// gshin rje gshed ni mthing ga ste// thod dbyug dang ni dgra sta 'dzin// mi g.yo ljang sngon ral gri zhags// rta mgrin zhags pa spu gri dmar// 'dod rgyal dmar skya b+han+d+ha ra yab// bdud rtsi ldang nag rgya gram dril// khams rgyal sbrul zhags rdo rje mthing // stobs chen dud kha zo ba zhags// yum rnams yab kyi mdog ldan zhing // sgra 'byin ma ni g.yas be con// snyems ma ral gyi 'dzin par mdzad// rdo rje sder mo lcags kyu'o// dur khrod bdag mo thod dbyug 'dzin// gtun khung ma ni tho ba'o// rdo rje gtum mo spu gri 'dzin// rdo rje mda' snyems tho ba can// rlung 'byin ma ni dgra
- 229a
sna'o// rdo rje gsod byed ma gri gug/ skul byed rdo rje rtse gsum 'dzin// phyag g.yon rnams ni zod khrag stob// yab yum 'di dag thams cad kyis// srid pa'i phur pa spros pa las// rang gi sku mdog dang mthun pa'i// zhal gcig phyag gnyis lcam dral tshul// g.yas dang g.yon gyi phyogs gnas shing // yab yum phyag mtshan so sor 'dzin// g.yon gyis mtshon byed phur pa 'dzin// sngon gyi 'dul gzhi las byung ba'i// so so'i gdong gi khyad par ni// stag dang bya rgod bya rog g.yag/ sha ba 'ug pa gzig dang khwa// byi la pu shud spyang ki khra// seng ge pha wang sre mo dom// phag dang smig bu byi ba dred// rim bzhin du ni rang gnas blta// phyogs bzhir pu shud skya ka dang / srin bya khra yi mgo can rnams// kha dog dkar ser dmar dang ldang // lcags kyu zhags pa lcags sgrog dril// rim bzhin g.yas bsnams g.yon phur bu// nye ba'i sras mchog phur bu ni// bde gshegs rin chen pad+ma las// zhal gsum phyag drug zhabs bzhir bgrad// dkar ser dmar dang sngo ba'i zhal// khyad par bud+d+ha kI la ya// zhal gsum mthing dmar dbus dkar zhal// phyag drug rdo rje rgyu zhags g.yas// g.yon na dgra sta ral gri'o// sras mchog rat+na kI la ya// zhal gsum dkar dmar dbus ser zhal// g.yas na beng dang ral gri'o// g.yon na dgra sta be
- 229b
con 'dzin// dbang gi kI la ya zhes pa// zhal gsum dkar ser dbus dmar zhal// g.yas g.yon dang po ral gri mdung // bar pa gnyis na mda' gzhu 'gengs// phrin las mdzad pa'i sras mchog ni// zhal gsum dkar dmar ljang gu ste// g.yas na mdung dang lcags kyu ste// g.yon gyi gri gug ral gri'o// tha ma'i phyag gnyis thams cad kyi// zhi rgyas dbang dang drag po yi// ri rab phur pa rim bzhin 'dzin// 'di dag ma lus thams cad kun// dpa' brjid dur khrod chas kyis brgyan// phyi rol dngos po'i chos rnams kun// gzugs su snang dang sgra ru grag/ dran dang bsam dang rtog dpyod tshogs// 'di dag rnams kyi sku gsung thugs// 'di dag nyid kyang de dag ste// chos nyid khyab pa'i phur pa'o// de nyid thabs kyi shes 'gyur zhing // shes rab nyid kyang de yi thabs// don dam gnyis med phur pa ste// kun gyi dam pa 'di zung zhig/ rtog pa'i 'ching bas 'ching byed cing // grol ba yang ni de nyid do// sangs rgyas rnams kyi gsang chen 'di// rtogs pa dang ni shes bya'i yul// khyod kyis the tshom ma bskyed cig/ ces gsungs so// phrin las 'dus pa rtsa ba'i rgyud las/ sku yongs su rdzogs pa phrin las rtsa ba'i le'u ste gnyis pa'o// // de nas khro bo'i rgyal po yis// dam pa'i dgongs pa 'di bshad do// ngo bo rig pa byang chub
- 230a
sems// kun gyi sa la ma lus 'debs// chos nyid ye shes gnyis su med// chos can kun la gdab par bya// de nyid rtogs pa'i ye shes ni// chos nyid mnyam pa nyid du'o// ma lus mkhyen pa de yis ni// dngos po chos can de bzhin no// rnam rtog tshogs la chos skus gdab// yid kyi rnam shes ldan pa'i lha// kun rdzob snod bcud snang la gdab// thugs rje chen po thabs kyi mchog/ ma lus sems can khams la'o// mtshon byed rdzas kyi gnod pa 'joms// ji snyed btags pa'i ming tsam mo// dbyings dang ye shes gnyis su med// spros med gsal la phyogs dang bral// chos dbyings rig pa'i ye shes te// skye 'gag med pa'i klong du'o// snang zhing srid pa de yi yul// gnyis med sems su rtogs pa thabs// de las de nyid 'char zhing stong // mthong yod sems las ma 'das par// de nyid kyi ni yon tan yin// dkar dmar snang ba byang chub sems// mnyam nyid yum gyi mkha' la btab// thabs dang shes rab gnyis su med// skye 'gro rigs kyi sras su grub// mngon gyur longs spyod rdzogs pa'i sku// 'gyur med gsal ba 'bras bu yin// snying rjes sems can blos mi 'dor// ma dag sdug bsngal sbrang phyir gdab// rgyud drug yul te tshad med bzhi// dag pa'i go 'phang snang bar byed// 'khor ba'i gnas ngan sbar ba yin// de nyid
- 230b
rtogs pa sprul pa'i sku// 'og min bde chen lhun grub gnas// rgyud dag chos kyi dbyings rtogs pa// de yi bdag po de 'dir gnas// bsgom bya rnam par rtog pa'i lha// snang zhing nges pa sprul pa'i tshogs// zhi rgyas dbang drag bye brag gis// rang gi dmigs pa'i yul la'o// sngags rdzas ting 'dzin de yis grogs// yon tan rtags dang 'bras bur bcas// mthar phyin de yi byed pa'o// rigs bzhi sras kyi mchog gyur pas// dmigs pa'i rA tra sems kyi rten// gnas gsum rtsol bas de bsgral tshugs// gang 'dod las la sbyar bar nus// byin gyis brlabs pa'i rtags 'byung nyid// phyogs dbus rigs lnga ye shes lnga// tshad med bzhi dang rnam thar brgyad// rigs lnga stobs bcu mi 'jigs rig pa bzhi/ zhes pa'ang 'dug khro bcu sgo ba bzhi// thugs rje'i shugs kyis sku gsung thugs// sbrul par bcas te rdzogs pa'o// 'di nyid rten dang brten pa dang // phyag mtshan po nyer shes par bya// shes rab blo che dbang po rno// 'dod chags lam nus brtson 'grus che// dad ldan snying rje gzhan don spro// blos bcas zhe gdug gnag par ldan// 'di dag don byed nus pa'i rgyu// rdzas bzhi so so'i nus mthu bsgrub// chu shel bdud rtsi me long dang // nyung dkar dmigs pa'i rdzas yin te// rang bzhin dkyil 'khor thig le dang // ting nge 'dzin dang gzugs brnyan te// de
- 231a
nyid dang bsnyen bsgrub gsang ba yis// lha dang sprul pa po dang mo// lha ni gcig lnga brgya rtsa brgyad// sprul pa phyi nang gsang ba yis// sku yi phyag rgya gsung yig 'bru// gru gsum rgya mdud e khram bcas// 'chol dang 'dus dang bsad pa dang // bang rim gsum pas mtha' bsdus te// 'dus byas rdzas su snang ba yin// 'di dag nga yi tshul shes pas// ji snyed mkhyen pa'i ye shes dang // ji ltar gnas pa'i mthar zug don// de 'dir rig pa bya ba yin// zhes gsungs so// phrin las 'dus pa rtsa ba'i rgyud las/ thugs rnam par dag pa'i dgongs pa rab tu bstan pa'i le'u ste gsum pa'o// // de nas khro bopo'i rgyal po yis// rim par bsgrub pa 'di gsungs so// shin tu gtum zhing gtum pa'i gnas// byang gi phyogs su gzhol ba der// mthun pa'i rdzas dang yo byad bstar// bla ma mnyes byas grogs kyi mchog/ gang la dmigs pa de ldan zhing // re dang dogs pa'i sems spangs te// brtul phod drag pos 'jug par bya// phyi nang bsrung ba 'bad pas brtsam// rnal 'byor cho ga yongs rdzogs nas// nam mkha' sbyangs pa'i dkyil 'khor bsgom// oM ma hA shu dz+nyA ta dz+nyA na badz+ra swa b+ha wa At+ma ko&haM/ chos rnams de nyid yin mod kyang // sdug bsngal spyod la thugs rje bskyed// oM ma hA d+harma d+hA tu swa b+hA wa At+ma ko&haM/ 'dus sbyangs
- 231b
rtags kyi gnyen po ste// rdo rje khros pas zhe sdang gcod// mtshon chen sngon po 'bar lta bu// nam mkha'i dkyil nas thigs pa shar// 'bar bas mi rtog yi ge hUM// rtog pa bskal pa gsum gyis sbyangs// ye shes 'byung ba yum gyi mkha'// rnam dag dbyings las shar ba'i b+h+rUM// phrin las yongs gyur gzhal med khang // rang lus rdzogs pa 'di nyid de// mtshon chen rdo rje hUM sngon po// lus kyi sgo bcur shar ba dang // 'phro 'du gsal ba'i phyag rgya yis// ye shes sems dpa' yab yum gnyis// snying ga'i dbus su bsgom par bya// mdun rgyab g.yas g.yon gnas bzhi ru// rigs kyi sras bzhi bsam pa'o// spyi gtsug hUM mdzad yab yum ste// dpral bar rnam par rgyal ba'o// mgrin par rta yi mgrin can dang // snying gar bdud rtsi 'khyil pa bsgom// lte bar gshin rje gshed po ste// gsang ba'i gnas su stobs po che// dpung pa g.yas su dbyug sngon can// g.yon du khams gsum rnam rgyal lo// rkang pa g.yas la mi g.yo ba// g.yon la gzhan gyis mi thub pa'o// yan lag mthil bzhi sgo ma bzhi// ba spu'i bu ga thams cad kyang // hUM sngon 'bar ba rdo rjer bsgom// phung po rdo rjes gtams byas nas// steng 'og gnas gsum sku gsung thugs// nyi ma'i dkyil 'khor hUM ldan pa'i// rnam par shes pa rdo rjer bsgom// spyi gtsug ye shes rgyun sbyar bas// dri ma
- 232a
bsal bar rigs chen lnga// snyoms mdzad byang chub sems kyi rgyun// mgrin par babs pas dngos por 'dzin// bsal ba'i 'bras bu snang mtha' yas// ye shes 'khor lo lha mor gyur// bdag la thim pas bde bar gyur// shes rab ye shes gsal ba'i dbang // gnyis med thim pas dbang bzhi rdzogs// snying rjes bsgral ba'i dam tshig ni// ma lus mdzad pas kun drangs te// rgyal ba'i sras su bya ba las// gsad cing gnan par ma yin te// 'phro 'du las la kun sbyor bas// 'di ni bsnyen pa'i mchog yin no// gsol btab dbang bskur rab rdzogs nas// mkha' dbyings gsang gnas byin brlabs shing // mnyes mdzad bskul pa'i 'od phung las// 'phro 'du las kyi gsal bar shar// hUM hUM hUM hUM/ hUM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo/ ha he ha he ha he ha he ha he ha he ha he ha he ha he ha he// dzaHhUM baM hoH// srid pa'i phur pa mngal skyes tshul// rang gi ming gi 'od kyi dbyings// slar 'dus so so'i gdan yin te// brgya byin me lha gshin rje dang // srin po klu dang rlung gi lha// gnod sbyin dbang ldan sa bdag dang // tshangs pa nyi zla 'di rnams kun// rang gi ming nas byung ba'i steng // 'khor bcas rdzogs pa'i lus su blta// bdag nyid gsal ba dam tshig gi/ snying ga'i 'od 'bar hUM sngon las// srid pa'i phur
- 232b
bu bsgrub pa dang // dbang dang dngos grub blang ba'i phyir// ye shes khro bo gshegs nas kyang // mthun pa'i gzugs la rab tu dbab// oM badz+ra ku mA ra kI li kI la ya g+ha na tsakra e A ra li hUM hUM hraM hraM/ sa ma ya tiSh+Tha lhan/ dzaHhUM baM hoH// srid gsum gdug pa bsgral ba dang // nga rgyal bdud rnams gzhom pa yi// dpa' bo rdo rje 'khor bcas la// rtse gcig yid dang lus kyis 'dud// thun mong dang ni khyad par gyis// khyad par gsang ba'i mchod pa yis// mnyes mdzad byin gyis brlab pa'o// oM AHhUM badz+ra d+hU pe hUM/ badz+ra puSh+pe hUM/ badz+ra A lo ke hUM/ badz+ra gan+d+he hUM// badz+ra ni wi te hUM// oM badz+ra lA s+ya hUM// oM badz+ra mA le tAM/ oM badz+ra gi ti hI/ oM badz+ra ni ra ti a/ oM AHhUM badz+ra mAM d+hA tI shwa rI/ lAM dwe Sha ra ti/ pAM rA ga ra ti// maM mo haM ra ti/ pU dza g+ha na tsakra sa ma ye hUM/ oM AHhUM/ ma hA ba liM ta i daM gr-i h+Na sa ma ya kha kha khA hi khA hi/ ma hA mAM sa go ro tsa na ba su ta tsit+ta rak+ta kha kha khA hi khA hi/ ma hA pany+tsa a mr-i ta kha kha khA hi khA hi/ oM ma hA dza gad ma ma gar ti sarba kha kha khA hi khA hi/ ma hA rak+ta ga ta ru ru ti kha kha khA hi khA hi/ zhe sdang rdo rje'i ting 'dzin ni// 'dod pa'i yon tan sbyin ma yi// btab cing gsal ba nyid du bya// khro bo khro mo rnams bzhugs pa'o// sngon gyi thugs dam chen po ni// rtag dang mtshan ma bstan pa dang // kI la ya yi dngos grub stsol// sku gsung thugs
- 233a
kyi byin rlabs kyis// bdag la byin gyis brlabs mdzad cing // bdag gi lhag pa'i bsam pa rnams// 'grub par byin gyis brlabs pa'o// bsgril zhing rgyan yang bsgril ba la// sems kyi chos la sku mi mnga'// sgra las 'das pa'i sbyor ba ste// bsam dang bral ba'i ye shes so// srid gsum 'joms mdzad mnyam nyid dang // khro bo rdo rje 'du 'phro mdzad// khro bo 'gro don mdzad phyag 'tshal// dgug cing bsdam dbab phyag rgya yis// nam mkha'i khams dang gnyis med sbyor// de nyid bdud rtsi btung ba'i mchod// sngags la brtson pa'i rnal 'byor des// bdag gzhan don gyi bzlas pa brtsam// sngags 'od yum gyi zhal sgor zhugs// sdig bral dbu ma'i nang brgyud de// dbyings nas gsang ba'i lam la thim// de nyid dbyings nas hUM las bskul// lu gu brgyud kyis brjod par bya// rten 'brel lugs las bzlog pa'o// mtshan ma 'byung ba'i bzlas pa ni// gtso chen yab yum thugs bskul bas// chos sku spyan drangs zhal du thim// dbu ma'i nang brgyud pad+mar babs// 'phro 'dus sras mchog 'dus kun rdzogs// kI la ya yis nges phyung ste// gtso dang mthun pa'i sku mdog la// sku smad zur gsum sku gsung thugs// rgyan ldan 'bar ba'i klong na bzhugs// ye shes khro bo de 'dra dbab// phyi nang gsang ba de nyid kyis// mnyes pa'i
- 233b
cho ga tshul bzhin bya// 'bru nag dug khrag bdud rtsi yis// dbang byin brlabs te las la mngag/ snying dbus sa bon las sngags spro// tshul 'dra'i gzugs la nges par bstim// oM badz+ra kI li kI la ya sarba big+h+nAM baM hUM phaT// ldeg 'bar 'od dang sgra 'byin dang // bzang po ma mthong bar du'o// skyo dub thun mtshams bya ba'i dus// 'di ni sgrub pa bla med pa'o// phrin las 'dus pa rtsa ba'i rgyud las/ bsnyen pa dang bsgrub pa bstan pa rtsa ba'i le'u ste bzhi pa'o// // de nas bcom ldan khro rgyal gyis// nyid kyi sku yi dpa' bo'i chas// yon tan khyad par 'di bshad do// glang chen ko rlon theg chen stobs// dpa' gtum za byed stag gi rgyan// mnyen lcug 'khril yum sbrul gyis brgyan// byang chub sems ldan tsarma ste// thod phreng gsum ni sku gsung thugs// thugs rje chags pa rak+ta'i rgyan// gdul bya'i phrin las thal chen po// zhag gi ri mo don dam bcud// rgyu yis mtshon nas don drug ldan// glang chen rgyas stobs ches rgyab yang // lus rags rin zang che 'gyur zhing // khrom btags gzhan gyi dpung 'joms nus// theg chen 'dir ni lam kun shongs// dge dang mi dge mnyam par 'degs/ mtshams med las sogs byas pa'ang shongs// nyon mongs 'dod yon ma spangs 'grub// lam 'di yon tan dpag tu med// ma rig zag pa myur du
- 234a
'joms// stag lpags mdzes shing dpal 'bar 'dzin// rtsal ldan sha rus mi 'byed za// ri dwags chen po'i gnyen por 'gyur// gcan gzan phra mo zil gyis gnon// dug lnga rigs lnga shes pas dpa'// nyon mongs ye shes grub pas mdzes// thugs rjes dbye bsring yongs mi mdzad// bag chags stug po dus gcig 'joms// dregs pa rA tra'i gnyen por 'gyur// dman pa'i spyod pa zil gyis gnon// sbrul 'jigs brjid pa gdug pa che// mnyen zhing lcug la dri ma 'byar// kha dog gsal zhing du mar snang // spyod pa 'di nyid sngangs shing 'jigs// nyid la brjid cing gzhan la gdug/ rang gzhan don la 'dud cing mnyen// 'bras bu'i khyad par gsal zhing mthong // bskyed rdzogs che dang lam 'bras bu// gang zag blo la sna tshogs ston// dug gsum lam gyis log lta 'dul// thugs rje zin pa dman mi gtogs// zhing lpags mthong 'jigs tshil khrag chu ser ba spur bcas// grang mnyen rlung skyob yan lag tshang // 'di ni zab pa'i spyod blangs pas// ngan pa'i blta ba 'jigs pa bskyed// dman la mos pa'i yid skrag 'gyur// gnas dang 'pho dang zhi ba dang // khro brtan spyugs bskrad bsdus dang gtor// rgyas zhum 'pham rgyal dbang du bya// rdo rje'i theg mchog 'di la gnas// bstan pa dang ni nges pa dang // sgra tsam skra
- 234b
min dgongs pa dang // thol byung dang ni yi ge dang // spyi dang gab sbas brda dang zabs// bla ma mnyes la drang zhing mnyen// las kyi rlung dang g.yul ngo bzlog/ gzhi lam 'bras bu lta spyod dang // dam tshig byin rlob yan lag tshang // skam rlon ra ri dbang po tshang // rigs ldan pa dang zlum pa dang // spros pa nyer zhi chos kyi sku// dus gsum dgongs pa tshang zhing gtsang // longs spyod rdzogs sku rol pa skra// dag pa'i ting nge 'dzin la gnang // khyim na spyod pa'i cha lugs 'dzin// gzhan don sprul pa drug la sogs// sku gdung ring bsrel lhag mar bcas// rigs dang pha ma gnyen 'dun dang // 'khor dang bstan pa gnas pa'i tshad// phyir mi ldog dang skye ba gcig/ thogs pa tsam dang srid mtha' ma// mngon por byang chub gsal bar ldan// sems dpa' che ba'i lam thob nas// yongs rdzogs srid kyi pho brang rags// mi rtog pa la rnam mi dmigs// mtshan ma'i spros las dben pa yis// thabs dang shes rab zung 'brel zhing // skabs don rdo rje theg par gsal// rak+ta rlan gdong dmar nag ldan// ser 'dres bgos sla bsnur bar nus// mi dmigs thugs rje chags shing brlan// chos dbyings ye shes kun las gdong // nye bar dgongs shing ngang la gnas// che ba'i yon tan tshogs kyis brgyan// ye shes phra rags skad cig mkhyen// tha dad snang
- 235a
zhing gzhan bsgyur bas// gdul bya'i rigs la 'tshams pa'i rkyen// lhag par rtags kyi don ldan pa'i// dkar zhing gsal mnyen zhi bsgo myur// phyir bsal sla tsha phyir gsal sla ba phrin las don// thog ma'i mun pa ma lus sel// ye shes snang ba'i tshogs kun bskyed// drag pos las sogs myur du 'dul// khams dang bag la nyal ba dang // ji ltar 'tshams pa de bzhin ston// nges 'byung skal ba yod pa yis// rnam grol go 'phang myur 'thob byed// bag chags cung zad mi gnas par// 'byin pa'i don de nye bar gnas// bcud mchog snum zhun rog pa mnyen// 'gyu ba'i nad sel bsal mi nus// dri dang kha dog rab gsal bzhin// rdo rje thog mchog gya nom pa// rig pa can gyi gnyen por 'gyur// nyon mongs lnga dang drug nyid kyis// yan lag nad du gyur pa sel// grangs med dbar du chud mi za// blo ngan shes rab chung ba yis// 'di la nges 'byung skal med de// dus la bab na sar gnas byed// 'di dag rdzogs phyir rab tu brgyan// gzhan yang nga yi bstan pa 'dis// rdo rje'i theg pa cher ldan zhing // khong du chud pa'i mthu mnga' bas// glang chen ko rlon rab tu bgos// rgol ba mthun par tshar gcod phyir// stag gi sham du dkris pa'o// lto 'phye'i dug 'joms sbrul gyis brgyan// sems gnyis mi 'gyur tsarma'o// sku gsum
- 235b
nga gi thod phreng brgyus// zhi ba'i snying rjes mi gnas chags// gzhan don gzigs pa rak+ta'o// dge ba 'phel byed thal chen te// kun gyi sems rtogs bcud kyis brgyan// gzhan yang gti mug 'dod chags dang // zhe sdang 'jig tshogs phrag dog dang // ser sna nga rgyal ma brtags spyod// dbang byed rim bzhin rtags kyis brgyan// kha cig tu na sngon bzhin du// phrin las chen po mdzad pa'i dus// dregs pa rU tra de 'khor bcas// byi na ya ga glang chen gzugs// mkha' 'gro chen mo stag mgo can// mtha' yas klu dang lha chen po// bsgral ba'i pags pa thod phreng dang // khrag zhag dang ni thal bas brgyan// thun mong khyad par phyi dang nang // rtags kyi don mtshon tsam nyid de// don dam nges pa yul dang dngos// de la bya dang byed pa med// gtum zhing khro bas 'dul ba la// rang gi snang ba sangs rgyas mthu// zhes gsungs so// phrin las 'dus pa rtsa ba'i rgyud las/ dur khrod chen po'i chas rgyan gyi rtags dang yon tan gyi le'u ste lnga pa'o// // de nas khro bo'i rgyal po yis// mngon spyod las kyi rim pa las// mchod sbyin drag po 'di gsungs so// rtsa ba'i dkyil 'khor nyid kyi drung // gru gsum khru gang rgya dang dpangs// mu ran sor gsum slar bstod de// khru gang e yi dbus nyid du// gcod pa'i 'khor lo rtsibs bzhi bri// ming dang mtshan ma
- 236a
dbyings su dgod// phyi rol sras mchog phyag mtshan no// gri sa tshangs sgo can dag gi/ ro bsreg thal ba sa nag dang // rnga bong bong bu'i bdud rtsi byugs// 'bru nag me tog nag po dgram// tsha zhing rtsub la rno ba'i shing // e yi dbyibs su brtseg par bya// dug shing gis ni phyogs mtshams bskor// 'phan gdugs rgyal mtshan bla re dang // ba dan zhal khebs nag pos brgyan// sor bcu rtsa gnyis rno dpal ldan// dug khrag 'bru mar nag por bcas// khre 'bru khrag dang lan tshwa dang // skye tshe nim pa ro thal dang // nyung nag dug dang me tog nag/ sngon po gyo mo rdo phye dang // rtsub pa'i sha khrag sna tshogs dang / bong bu rnga bong bya rog gi/ bdud rtsi sha khrag spu dang sgro/ tsher ma rus phye bshang gci dang // grog mkhar sa dang spu ma dang // dmigs pa'i bdud rtsi la sogs bstar// dus ni nag po'i phyogs dag gi/ phyi dro srod dang gung gnyis la'o// nga rgyal 'chang ba bdag nyid ni// khrag dang dug gsher gos nag bgo/ rkang pa g.yon gyis g.yas mnan cing // byang gi phyogs su khros stabs blta// ba glang chu dang bdud rtsi sbar// bdud rtsi rkul po yum dang bcas// rang gi sngags bzlas las kyi chu// g.yas kyi phyogs su gzhag par bya// rdzas gzhan rnams ni g.yon phyogs su'o// stong pa nyid la bsam pa'i dngos// a yis zla ba'i dkyil 'khor
- 236b
dbyung // steng du sgra yig dang po las// rdo rje rtse dgu 'od 'bar ba// sa bon rgyu yis mtshan par bsgom// las kyi sgra brjod 'phro 'du yis// gtso chen rdo rje 'chang ba de// sbar bshad rtags dang ldan par bya// rigs kyi bdag pos dbu mnan cing // rang gi sems dpa' snying la gnas// gsang ba'i gnas byung b+h+yo las ni// dgyes pa'i yum nyid tshul bzhin dbyung // de nyid dbyings kyi gnas mchog tu// ming gi sa bon rig pa spro// spro dang bsdu ba mngon gsal bas// tshul 'dra'i ye shes dkyil 'khor bdag/ gnas dbus nyid du 'bod par bya// phyi rol du ni sras mchog dang // ji snyed pa yi 'khor rnams nyid// gtso bo dang mthun rigs kyis dbyung // las la 'bad pa'i tshogs kyang bzhag/ snying na rdo rje rnam bsams nas// lag pa rdo rje bsdu mdzad de// dgug gzhug bcing dang dbang du bya// lce la chos kyi phyag rgya bzhag/ rgyas gdab phyag rgya chen po'o// gdan bstab pa dang 'dud pa dang // mchod bstod mnyes bya sgra tshig dbul// de nas me lha mdog nag po// pad+ma nag po la 'dug cing // khros pa'i tshul can bskyed par bya// gdol pa'i khyim mam dur khrod nas// blangs pa'i me la drag por 'bud// g.yon pas bdud rtsi bsang gtor bya// spyan drang ba dang bgegs bskrad dang // bsrung dang phyogs bcing nges par bya// byin gyis brlab pa
- 237a
rab ldan pa// dam tshig gsang ba'i bka' dbang bya// mchod yon nag po dri nga bas// nag po'i cha lugs 'dzin pa mnyes// lce gzar kha la rang sngags bsam// g.yon gyis blug pa'i gzar bu bzung // bdud rtsi gdug pa'i mar bcus te// shin tu gdangs pa'i zhal de ru// bdun nam nyi shu rtsa gcig dbul// oM badz+ra a na la ag+ni ma hA pu dza sarba b+hasmi ku ru sarba shu ta hUM phaT/ mnyes shing bgegs bskrad dngos grub gsol// mchod bsreg rdzas gzhan rnams kyang dbul// 'bar ba dang ni 'khyil pa brtag/ de nas rigs kyi bdag po nyid// rig mar bcas pa'i rdzas kyi gsang // khrag 'thung khro bo 'khor dang bcas// 'bar ba'i dbus su drangs byas te// sngar bshad cho gas mnyes par bya// lce yi dbus dang blug gzar mthil// chos kyi yi ge 'bar bar bsam// oM badz+ra ku mA ra dIp+ta tsakra kI li kI la ya sa ma ya mu dra pra b+han tsakra me ti raM raM kha kha khA hi khA hi// dgang blugs kyis ni dang po ru// dug dang bsku ba'i 'bru mar dbul// de nas rdzas kun thams cad de// tha mar dug dang 'bru mar te// brgya'am stong du dbul bar bya// lhag ma lha rnams rang rang gi/ sngags kyi phreng bdag gis so// de nas rdzas kun gcig bsdus te// dug dang kha ba'i 'bru mar la// dmigs pa'i gzugs bcas gzhug cing dgug/ mthe chung nas
- 237b
brtsam mtshon gyis gtub// gtso bo nas brtsam re re dbul// a mu ka mA ra ya dza la raM raM// bka' las 'da' ba'i sdig can rnams// rdo rje me dpal snying bsreg nas// lus ngag rdul phran bzhin du rlog/ gang la dmigs pa gtan nas 'pho// snang zhing srid pa 'di rnams kun// 'ub chub gcig tu 'bar bar bya// ma dag tshangs par gsol nas ni// gtso bo rnams dang me lha gshegs// rtsa ba las byung rang la bsdu/ slar yang rjes mthun rol pa ston// bso dang gnas pa'i sbyor ba brtsam// zhes gsungs so// phrin las 'dus pa rtsa ba'i rgyud las/ sbyin sreg mchod pa'i phrin las kyi le'u ste drug pa'o// // de nas khro bo'i rgyal po yis// rig pa chen po 'di gsungs so// byin gyis brlabs pa'i gnas nyid du// rgyan dgod pa dang bsrung bya ste// srid pa'i phur pa bsgrub byas shing // khyad par dmigs pa nyid la gzhug/ phreng ba drag pos sras mchog spro// dmigs pa dgug bstim snying nas gzir// srog rtsa thod rlon la sogs rtags// rmi dang mngon sum nyams la rtags// ma byung bar du 'bad la bsgrub// dus mtshungs gsal ba gsum gyis brdeg/ snying gar nyi ma dbang chen gyi// 'od dmar thugs las khams gsum 'phro// khu ba khrag gi rgya mtsho ste// khro bas de rngub shin tu khros// khams gsum yongs sgrol mchod pa'o// rang gis gzhibs
- 238a
pas bkrag mdangs bskyed// drag po'i las la 'jug par nus// gnas nas dgug par bya ba ni// sngags bzlas 'od zer drag po las// stong gsum gang ba'i khro bo'i tshogs// yul de dgug cing snyim par byed// sngon du bshad pa'i chos rnams kyis// dam tshig chen po'i dus la bab// kun gyi sbyor ba'i byin rlabs sprul// sprul pa chen po'i dus la bab// de dag bka' sdod pho nyam// phyag brnyan chen mo'i dus la bab// ji ltar nos shing khas blangs pa// khyod kyi dam tshig dus la bab// dang po dam pa don gyi phyir// byang chub mchog gi sems bskyed cing // dus gsum rgyal ba'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang // dngos grub 'phrog cing 'tshe ba rnams// khro bo chen po'i byin rlabs kyis// yud cig gis ni 'dir bkug nas// mngon spyod tshul bzhin bsgral ba dang // lus ngag rdul du bshigs nas kyang // sdug bsngal nyams su myong bar mdzod// pho nya 'jig rten rab gang bas// gdug pa kun bstim las kun byed// oM badz+ra kI li kI la ya dzaHhUM baM hoH// 'dren pa'i snying po 'di yis ni// yud tsam de nyid gnas su dgug/ oM badz+ra kI li kI la ya hUM hUM hUM// phaT phaT phaT/ badz+ra ging ka ra hUM hUM a A/ rlung gis shing lo bskyod bzhin
- 238b
du// dbang sdud zil gyis gnon pa ni// oM badz+ra ku mA ra b+hud+d+ha he ru ka rat+na he ru ka pad+ma he ru ka kI li kI la ya hUM hUM hUM hUM/ phaT phaT phaT phaT/ de yis ri rab bzhin du 'gyur// g.yo 'gul dran pa med par byed// de nas kha sbyar rab tu dge/ gzhan bsrung ba la dbye ba ni// brnag pas thun bzhi 'bros par 'gyur// de nas gzugs la bsdu ba ni// dngos grub par chad byed pa'i bgegs// lha 'am 'on te bdud kyang rung // zung zhig rgyob cig rnam par chings// rdegs shig grogs dang bral bar gyis// oM a ba ra bi d+han+da tshin d+ha tshin d+ha hUM phaT/ b+hin d+ha b+hin d+ha hUM phaT/ gr-ih+Na grih+Na hUM phaT/ ha na ha na hUM phaT/ ban d+ha ban d+ha hUM phaT/ ta tha ya ta tha ya hUM phaT// phur pa dang ni 'bru thun brdeg/ ha sa ya ra na da ha na hUM phaT/ khrag dug sbyar ba'i thun gyis brdeg/ shri kri A na ya hUM phaT// dud pa dang ni thal bas brdeg/ dza la pa ya dza la pa ya phaT/ mtshon cha drag pos gtub par bya// A be sha ya A be sha ya haM phaT// bi da ya bi da ya hUM phaT// 'di yis dbab cing dbang du sdus// byin gyis brlabs par bya ba ni// thugs ka'i hUM gi spro bsdu las// gdul bya'i snying la khro bo zhugs// gong ma'i gnas bskul skyo bas phyung // nyes pa'i tshogs bshad bdag nyid khros// snying rtsa bcad cing bdag la bsdus// de ni de yi dbye ba'o// thog ma'i dus na gnas
- 239a
dbye ba/ kyo ba 'dzin mdzad khro bo spros// de nyid gnas bcu dag nas dbyung / gzugs la bsdu ba'i gnas yin no// gdab pa'i gnas ni 'du byed kyis// lag pa yum bzhir byin brlabs nas// rnam dag skye med yi ge yis// snang ba gsum nyid gsal bar blta'o// rgyu gsum ldan pa'i dbyings su bzla// byang chub sems kyi chu rgyun no// oM badz+ra ku mA ra kI li ki la ya hUM hUM/ a A/ sras mchog hUM mdzad la sogs gdab// de yis phyogs bcu'i 'jig rten khyab// gnas ngan sbyangs la slar la bsdu// kun gyi mthu dang gzi byin bskyed// byin gyis brlabs te dngos grub stsal// tshe dang bkru ba'i las yin no// phaT kyis rab mtshan sras kyi mchog/ 'bru dgu'i rjes la gze ma sbar// dngos bcom dbus su 'dus pa yang // sa bon drug la 'od kyis btab/ 'bras bu pho nyar bcas pa dbab// phur pa gsang ba'i gnas su bstim// khyad par las su rab bshad do// bdag nyid sras dang dmigs pa rnams// gsal ba gsum ldan byin brlabs te// pho nya gdab cing bskul ba ni// bran dang bka' nyan pho nya'i tshogs// khyod kyi dam tshig dus la bab// sngon chad ji bzhin dam bcas pa'i// mngon spyod phrin las myur du mdzod// de yi snying pos gnas bcur gdab/ ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dz+wa la
- 239b
dza la badz+ra/ su ru su ru badz+ra/ mu ru mu ru badz+ra/ ka taM ka ye badz+ra/ a dzi ti a pa ra dzi ti badz+ra/ mA ra sai na pra marda ni hUM phaT/ 'khor tshogs kun yang sngags kyis gdab// drag po'i rdzas dang phur pas brdeg/ khrag rlung rnal te rul myag bsam// bsad dang gso ba las kyi mchog/ ma lus gnas 'dir rdzogs par bya// zab cing rgya che'i don yin no// zhes gsungs so// phrin las 'dus pa rtsa ba'i rgyud las/ gtan 'pho ba bsgral ba'i phrin las kyi le'u ste bdun pa'o// // de nas khro bo'i rgyal po yis// drag shul bsgral ba gsungs pa las// mtshon rnon gdug pas byin brlabs te// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// zhes brjod yan lag nyid lag dang / khog pa don snying bcas pa dag/ bcad cing gtub pa nyid du bya// de nas mtshan sngags brjod pa ni// hUM ma ma ba shaM ku ru ma ma ku ru ma sta ma nya/ i dam ku ru/ i daM d+ha d+hi ma ma ma shI g+h+raM/ karma ka ra ya hUM phaT/ ta thA ya ta thA ya hUM phaT/ gzugs sgra bsam pa 'dus pa yis// ma lus rdul phran bzhin du dmigs// de nas lhag par gnas pa yi// mthu dang brdzu 'phrul 'phrog pa ni// gdug cing sdang sems ldan pa yi// lha'am 'on te bdud kyang rung // bdag la bar chad byed pa
- 240a
rnams// mthu dang rdzu 'phrul med par gyis// snying po 'di yang brjod par bya// sarba A na ya hUM phaT/ tad+ya thA/ ha na ha na hUM phaT/ pha rol mthu dang rdzu 'phrul 'phrog/ bdag la bstim pa de ldan bsam// bag chags sa bon phra ba yis// gal te lhag lus brdung ba ni/ rdungs shig rdo rje 'bar ba'i gtun// khro mo 'bar ba'i gtun khung du// rdo rje tho bas brdung byas na// lha yang rung ste brlag par 'gyur// kha thaM kha thaM ha na ha na hUM phaT// mung+ga ra mung+ga ra a ko Ta ya hUM phaT/ byin brlabs dbyings mchog gru gsum du// gsang 'byung rdo rje tho bas brdung / gnas sgo drag po gsum gyi las// rten dang brten pa'i lha rnams kyis// hUM hUM hUM/ sgra brjod de dag thugs ka nas// nam mkha' las sprul pa'i dkyil 'khor/ phaT phaT phaT/ de dag thugs khros drag shul gyi// badz+ra yag+na kro d+ha hUM/ slar yang thugs rje shin tu khros/ lha mos thod bkang sha khrag stob/ kha kha khA hi khA hi/ phul ba zhal du gsol bar dmigs/ ha ha hi hi mnyes par bsam// mthar phyin rdung ba'i phrin las so// rang bzhin khyad par bzlas pa yi// slar yang rim pas gso ba ni// chos dbyings don dam bden pa dang / gsang sngags mthu yi byin rlabs kyis// sangs rgyas stobs dang mi 'jigs pa'i// rdzu 'phrul 'byin pa'i las yin no// oM badz+ra kI li kI la ya sarba big+h+nAM baM hUM
- 240b
phaT// bdun nam bcu bzhi nyi shu gcig/ snying gar dril zhing btab pa yis// phung po khams dang skye mched kun// lha dang lha mo'i tshogs su sprul// de dag sras kyi sku la 'dus// brgya rtsa brgyad kyi bar du bzlas// bdag nyid stong pa'i gnas su dril// slar 'dus sbyor ba sngon pas lhag/ rdzas dang bdag nyid gso ba yin// ngas bstan lung bzhin gnas pa ni// yab yum sbyor ba'i sems phab pas// pha rol sems rgyud nam mkha' gdon// hUM phaT ces pa'i sgra yis ni// rang bzhin gnas la gsol ba gdab// dbang bskur bas ni 'od 'bar gyur// yab kyi zhal nas yum gyi mkhar// hUM las skur gsal phaT kyis gdon// slar yang bsdu dang gtor ba yis// 'og min gnas la gsos gdab cing // dbang bskur 'od zhu hUM du dmigs// phaT kyi sbyor bas lhums su 'phang // bsnyen pa dang ni nye bar bsnyen// bsgrub pa bsgrub pa chen po ni// rdzogs pas skur bzhengs phyir byon nas// dbu rgyan ldan pas dbang bskur te// phaT kyis 'og min gnas su 'phang // tog dkar rgyal tshab dam pa yis// bcu gnyis mdzad pas 'gro don rdzogs// rdo rje'i gnas su lus sbyor ba'o// srid chad mdze can mtshon shi ba'i// thod rus nang du dmigs pa gzhug/ mi shis gnas su gnan pa ni// A~M laM AHlaM hUM laM/ stam b+ha ya nan/ mo ha ya/ shri kro b+hi
- 241a
kri/ badz+ra hUM ka ra hUM hUM hUM/ phaT phaT phaT/ rdo rje ri rab 'phros pa yis// rab tu gnas pa'i sbyor ba brtsam/ ji srid 'khor ba ma stongs par// gnas ngan bag chags yongs mi ldang // rdo rje can dang mtshungs par 'gyur// zhes gsungs so// phrin las 'dus pa rtsa ba'i rgyud las/ drag shul mngon par spyod pa'i le'u ste brgyad pa'o// // de nas khro bo'i rgyal po des// drag shul rgyud kyi ting nge 'dzin// mngon du spyod pa'i phrin las bshad// nga nyid nga dang 'dra ba yis// 'khor bcas sgra tshig drag po yis// rang gi gnas lnga 'bar zhing spro// mthar zug yul mnyes dngos grub bsdu/ oM badz+ra ki li kI la ya d+ha d+hi ma ma karma/ mA ra se ni// sra marda na ya// sarba big+h+nAM baM hUM phaT/ sku gsung thugs dang yon tan dang // kun gyi rtsa ba'i phrin las so// yab yum bcas pa'i thugs ka nas// mgal me lta bu'i 'od 'phros pas// khro bo'i dkyil 'khor brtan zhing gsal// rgyud bskul byin brlab dbang bskur bya// oM badz+ra ki li kA la ya d+ha d+hi ma ma karma/ a dzi ta a pa ra dzi ta/ dza ya bi dza ya ka tang ka ye mA ra se ni// pra marda ni ye sarba big+h+nAM baM hUM phaT// 'di ni gzhan gyis mi thub cing / rnam par rgyal ba'i phrin las so// bdag nyid khro bo'i tshogs kun gyis// drag sngags skrag ni gnam lcags kyi// zhun ma sa la brdab 'dra ba'i// 'od
- 241b
'phros gdug pa tshar gcod byed// oM badz+ra kI li kI la ya/ a dzi ta a pa ra dzi ta dza ya bi dza ya ka tang ka ye/ ma ma ba shaM ku ru ma taM ka ra nya ka ra i daM/ d+ha d+hi ma ma karma a ra i dan shI g+h+raM kA ra ya/ mA ra se na sra marda ni ye sarba big+h+nAM hUM phaT/ 'di yis ma lus gdug pa can/ tshar gcod las su 'dzud par byed// 'jig rten 'das dang ma 'das kun// srog nas drangs pa bsgrub pa che// gtso chen 'phro 'dus thams cad bsgral// oM badz+ra kI li kI la ya ba ra bi d+han+ma mA ra se na pra marda ni ye hUM phaT/ sarba big+h+nA a na ya ha na ha na/ da ha da ha/ pa tsa pa tsa/ ban d+ha ban d+ha// gr-i h+Na gr-i h+Na/ ma tha ma tha/ tshin+da tshin+na/ b+hin+na b+hin+na/ ta thA ya ta thA ya/ ha sa ya ra hri da na/ A be sha ya A be sha ya/ shi kri A na ya/ dza la pa ya dza la pa ya/ ta thA ya ta thA ya/ bi ta ya bi ta ya/ shi traM kA ra nya ya/ dza yi bi dza ye/ ka taM ka ye/ a dzi ti a pa ra dzi ti ba ya baM hUM phaT/ 'di yis 'jig rten dregs pa can// thams cad 'du byed las la 'khol// phyogs bcu khro bo'i lha rnams kun// mthing nag pa spu'i dkyil 'khor spro// oM badz+ra kI li kI la ya/ mo ha ya g+ha ta ya badz+ra kI li kI la ya hUM kA ra bi dza ya ni la daN+Da ya mAn+ta ka/ a tsa la ha ya g+h+ri wa/ a pa ra dzi ta a mr-i ta kuN+Da li/ trai lo kya bi dza ya/ ma hA ba la pa ra bi d+han+ma/ tshin+da tshin+na/ a pa ra dzi ta/ ma ra se ni ye pra marda ni ye sarba big+h+nAM baM hUM phaT/
- 242a
'di ni rab tu sgrol ba yis// khro tshogs 'khor bcas mngag pa'o// oM badz+ra ki li ki la ma mo hA ya g+ha ta ya/ su ru su ru badz+ra/ mu ru mu ru badz+ra/ dza ya dza ya badz+ra/ ma tha ma tha badz+ra/ shi kri na ka ra ya/ ma ra se ni pra marda ni ye/ ma hA tsit+ta kha hI ma sha rbad/ ma hA sha ya zum myag rbad/ kaM ka sha ya mA ra ya phaT/ 'di ni rdzas kyis dmigs pa bsgral// khro bo khro mo sprul pa dang // yang sbrul pho nya tshogs dang bcas// phung po lhag med rol par bya// oM badz+ra kI li kI la ya b+ha ga bAn/ mo ha ya g+ha ta ya/ dzaHhUM baM hoH// shi krin byi krin/ d+ha d+hi ma ma shI g+h+raM ka ra ya/ IM ru ru b+hak+Sha/ trag sha trag sha/ tsit+ta rag sha/ tsit+ta ni tung tung / thum ling / tsit+ta gtub gtub/ nr-i dzaHphrig phrig/ shaM shaM khyer b+h+yo// nr-i dzaHmA ra ya rbad/ brnag pa kho na nyid la de/ 'di yi drod tshad brtag la dbab// mtshan ma brtan po dbyung bar bya// zhes bka' stsal to// phrin las 'dus pa rtsa ba'i rgyud las/ drag po mngon du spyod pa'i ting nge 'dzin sprul pa chen po'i phrin las kyi le'u ste dgu pa'o// // de nas khro bo'i rgyal po yis// gti mug 'dod chags nga rgyal dang / phrag dog 'dul ba rab mdzad phyir// slar yang rigs kyi khro bor bstan// sangs rgyas khros pas gti mug gcod// mtshon chen dkar po 'bar lta bu// nam mkha'i dbyings nas thigs par shar// mi rtog
- 242b
oM gyis dngos po sbyang // ye shes 'byung ba yum gyi mkha'// rnam dag dbyings nas shar ba'i b+h+rUM// phrin las yongs gyur gzhal med khang // rang lus rdzogs pa 'di nyid de// mtshon chen 'khor lo oM dkar po// lus kyi sgo ru shar ba dang // 'phro 'du gsal ba'i phyag rgya yis// ye shes sems dpa' yab yum gnyis// spyi bo'i steng du bsam par bya// 'di ni 'khor lo gzhon nu ste// bud+d+ha kI la ya zhes bya// mdun rgyab g.yas g.yon gnas bzhi ru// badz+ra kI la ya sogs bsgom/ snying gar hUM mdzad yab yum sogs// sngar bshad bzhin du bsgom bya ste// oM dkar 'khor lo 'bar bar bsam// phung po 'khor los gtams byas nas// rnam par shes pa 'khor lor bsgom// oM bud+d+ha kI li kI la ya sarba shAn+ti oM hUM phaT/ dngul lam dkar po'i shing rnams la/ zlum por 'dus rdzas las la mngag/ yul gsum mtshan ma brtan gyur na// lha klu gnod sbyin bgegs rigs dang / 'du ba bzhi gyur yan lag nad// 'jigs dang dus min 'chi ba brgyad// mi dge gnod pa'i las la sogs/ ma lus zhi ba'i phrin las so// rin chen khros pas nga rgyal gcod// mtshon chen ser po 'bar lta bu// nam mkha'i dbyings nas thigs par shar// rtog med tAM gyis dngos po sbyang // kha dog rin chen tAM ser pos// dpral ba'i dbus su bsam par bya// 'di las
- 243a
rin chen gzhon nu ste// rat+na ki la ya zhes pa'o// bud+d+ha kI la ya sogs dang // lte bar hUM mdzad la sogs bsgom// gser mdog tAM las rin chen 'bar// lus kun rin chen 'bar bas gtams// rnam par shes kun rin po che// oM rat+na kI li kI la ya sarba puSh+Ti tAM hUM phaT// gser ram se po'i shing rnams la// gru bzhi gnas pa'i rdzas la mngag/ yul gsum mtshan ma rab brtan nas// tshe dang longs spyod dbang phyug dang // bsod nams ye shes dregs pa dang // dpal dang 'byor pa rigs 'dzin dang / dga' bde rang gzhan phun tshogs pa/ kun tu rgyas pa'i phrin las so// pad+ma khros pas 'dod chags gcod// mtshon chen dmar po 'bar lta bu// nam mkha'i dbyings nas thigs par shar// mi rtog hrIHyis dngos po sbyang // chos kyi pad+ma hrIHdmar po// mgrin pa'i mtshams su rab tu bsgom// 'di sbyor pad+ma gzhon nu ste// pad+ma kI la ya zhes bya// mdun rgyab g.yas g.yon gnas bzhin// rat+na kI la ya sogs bsgom// dpral bar snang mdzad yab yum bsgom// gzhan yang rang gi gnas su bsgom// dmar gsal hrIHlas pad+ma 'bar// phung po pad+ma'i rang bzhin te// rnam par shes pa pad+ma'o// oM pad+ma kI li kI la ya/ sarba ba shaM hrIHhUM phaT// zangs sam dmar po'i shing rnams la// zla gam dbyibs kyi rdzas la mngag/ yul
- 243b
gsum mtshan ma brtan thob nas// phyi rol brtan pa'i sar bzhugs dang // log par blta dang the tshom can// nga rgyas dregs pas khengs pa dang // che btsan mtho btsun ldan pa dang // gdug rtsub gnod sbyor 'tshe ba dang // 'gyur rlom sems dang ldan pa dag/ mos shing 'dud pas dbang du sdud// rgya gram khros pas phrag dog gcod// mtshon chen ljang gu rab 'bar ba// nam mkha'i dkyil nas thigs par shar// rtog med hA yis dngos po sbyang // sku rdzogs las la byung ba ni// rgya gram brtan par hA ljang gu// lus kyi sgo ru shar ba dang // 'phro 'du gsal ba'i phyag rgya yis// ye shes sems dpa' yab yum bzhi/ gsang ba'i gnas su bsam par bya// mdun rgyab g.yas g.yon gnas bzhi ru// pad+ma kI la ya sogs dang // rigs kyi sras bzhi bsgom par bya// phrin las gzhon nu rab sbyor bas// karma kI ya ya zhes bya// snying gar hUM mdzad yab yum dang // gnas gzhan so sor khro tshogs bsgom// hA ljang rgya gram 'bar ba yis// lus kyi phung po rab tu gtams// rnam shes rgya gram ral gri ste// oM karma kI li kI la ya sarba mA ra ya hUM phaT// lcags sam nag po'i shing rnams la// gru gsum dbyibs kyi rdzas la mngag/ yul gsum mtshan ma gsal ba dang // lus can lus med rab rgyu ba'i// 'jig smod snyoms dang gnod cing 'tshe// bar gcod sgrol ba'i
- 244a
phrin las so// phrin las 'di dag khyad par ni// shar lho nub byang 'jam dang sdug/ mdzes dang rtsub pa khyad par gnas// dge sbyong rgyal po bram ze dmangs// rgan po dar ma bud med dang // rgyud rtsub ldan pa gnad yin no// gtso chen las ni rigs kyi sras// gnas pa so sor sbyor ba'i mchog/ phrin las tha dad sbyor ba yis// lam lnga sku lnga ye shes lnga// rigs lnga'i tshul gyis bgrod cing bsgrub// nyon mongs yul rab ltos pa yis// rigs kyi bdag po sbyor ba la// gang la gang gis gang gi phyir// rig pa 'dzin pa rnal 'byor che// mkhas rtogs shes rab ldan pas spyod// ces bka' stsal to// phrin las 'dus pa rtsa ba'i rgyud las// rigs 'dzin tha dad kyi sgo nas phrin las bzhi so sor bstan pa'i le'u ste bcu pa'o// // de nas khro bo'i rgyal po yis// phyi ma'i dus na rig pa 'dzin// skyes bu chen po rnams kyis ni// nga yi bstan pa 'dzin cing bsrung // de phyir de yi tshul bshad de// srid pa las kyi mthu rtsal can// bcu gnyis lham bral bcas pa yis// dam tshig cho ga rab sbyor bas// rjes spyod nga yi rnal 'byor yin// gzugs brnyan chen po'i drung du ni// e bdun bsnol ba'i pho brang brtseg/ gcod sreg brtan pa rnams kyis bskor// gser dngul zangs lcags rin chen dang // khrag zhag 'o ma mar gyi mtsho// mi rta myur
- 244b
du bsgral ba'i khrag/ gsum gyi pho brang gsum du'o// lcags las byas pa'i phur pa ni// drag po'i gzugs can sor brgyad pa// dur khrod rgyu ba'i mgo nang du// wa dang sbyang khyi 'phar ba khyam// tsit+ta btsal te gnas su dgod// rin chen sna bzhi'i dbus su dgod// kla klo'i yul nas thod pa ru// rigs gnyis bong bu bya lug snying // stsal ba mtshon chen gnas su dgod// rin chen mtshan ldan snod nang du// mi dbang tsit+ta sha khrag bcas// sul bzhi phur pa la btod do// ming gi rgyud med rigs med kyi// thod par rdo thun khrag thun dang / skye sgo'i khrag thun rim bzhin bsag/ srin mo bcu gnyis 'di la brten/ drag po dkar dmar nag pa yis// rgyal bu e yi mtshams gsum la// gling bzhi ri rab sa rdos byas// gcan gzan 'dab chags rgyal mtshan 'phyar// bshos chang mchod tshogs rgyan ldan god// nga rgyal chen po rab ldan pas// lcam sras bod cing las la rbad// sbyor ba'i sgrol ba rab tu bskul// oM shwa na/ sha na/ sr-i la sr-i ka/ mu ka hUM dzaH/ trag rag+na ru tra bi ru bin nan mug ti baM ma ma ru lu ru lu b+h+yo/ pad+ma d+ha ri ru ma ti tsi la b+ho/ hu lu kyi hu me sen dza dza/ mu ti du ru tsa sa la mi dza dzA/ ya ma k+She yak+Sha d+he ba k+She bag sha ba ra hi k+Shi trag tshal pa dum bu ru shag b+h+yo/ so so'i gnas nas drang bar bya/ badz+ra shwa na shra na sri la sri ka ka pa tsit+ta nr-i dzaH/ sha la b+h+yo
- 245a
b+h+yo/ ma hA yak+ka sna nag mo dun b+h+yo/ ma ma nr-i sha tsit+ta ma dzaH/ rbad ling ka mA ra ya b+h+yo// rag mo ag mo ro sha thun/ yak+ka tsit+ta shad shad b+h+yo b+h+yo// pra mun tsa mun shu la ko mun ha ri ma ma ra ya rbad b+h+yo// zhes pas dmigs pa'i yul la rbad// badz+ra shwa na mu kha sha na mu kha shi la mu kha sri ga mu kha tsit+ta pa mug mug bruM rbad bruM rbad/ thib zib yaM yaM tsit+ta la bruM rbad rbad/ trag rag+na ma ma ru ti re ma ti mA ra ya tsit+ta la mug thum rbad yaM/ trag rag sha ru ti re ma ti mA ra ya tsit+ta la gtub gtub/ trag rag sha ru ti re ma 'dzu tsit+ta ri la rbad/ rag sha ru ti bruM/ trag rag sha ru ti re ma dzA tsit+ta bruM yaM ri la rbad bruM/ rag mo tsi bi ri ma ra ma bruM rbad/ yag mo tsi bi ri ma ra ya bruM rbad/ gardza tsi bi ri mA ra ya hur bruM rbad/ hu lu ma tsi bi ri mA ra ya hUM bruM rbad/ phung po myur du bsgral bar bya// drag po rnams kyis dmod pa ni// badz+ra su tri pa a pa ra tsit+ta tri tsa ba la ma sha tsit+ta hUM phaT/ nr-i dzaHmA ra ya du ya ma tsit+ta rak+ta tshal pa// du ma pra ma du tsi ta la khug/ bam ri la/ ma ra phra ma a pa ra dzi ta/ a tri sa ma nr-i dza/ dun dun nr-i dza rbad bruM/ kun gyi rim pa'i rjes su brtsam// brdegs shing brdeg pa 'phang bsreg dang // gzir ba'i las kyis tshar gcad pa// 'di ni lus ngag yid gsum ldan// shin tu dmigs pas myur du 'grub// phyi nang gsang ba rtags dang tshad// mngon
- 245b
sum bzhin du gsal bar sbyar// thogs pa med par las 'grub byed// phrin las gcod pa'i mdo yin no// zhes bka' stsal to// phrin las 'dus pa rtsa ba'i rgyud las/ sprul pa'i phyag brnyan dam tshig chen po'i phrin las kyi le'u ste bcu gcig pa'o// // de nas khro bo'i rgyal po yis// rgyud don nye bar bsdus te bshad// rnal 'byor ye shes rang rig pa'i// bdag nyid dkyil 'khor rtsa ba ste// gzhon nu rigs kyi gtso bo lnga// dus gsum sangs rgyas sras mchog rnams// kun sbyor nyis brgya lnga bcur rdzogs// khro chen phyogs bcu'i dkyil 'khor du// yab yum nye ba'i sras gnyis las// sprul pa dang ni nye bar sbrul// thugs kyi bdag dang bcas pa yi// brgya dang bcu yi lha rnams snang // mngon par spyod pa la sogs pa'i// 'dus byas lnga rnams gzugs brnyan la// khro chen zhal gsum phyag drug ldan// so so'i rigs kyi gtso chen lnga// gang gis 'dul ba der snang zhing // zhi dang dbang rgyas drag po yis// so so'i phrin las ngor 'byung ste// dbyibs dang kha dog rdzas dang sbyar// sku smad rang gi rgyu las grub// 'og gnyis skyed pa zhabs kyi dbyibs// zlum po gru bzhi zla kham dang // gru gsum rnams ni khyad par yin// steng 'og zhi ba zlum po ste// logs bzhi rgyas pa skyed pa dbang // zur rnams drag po nyid yin no// gong ma'i gnas la
- 246a
gzhal med khang // 'khor lo rtsibs brgyad ldan pa la// lte bar gtso bo yab yum bsgom// rtsibs la phyogs mtshams khro bo brgyad// yab yum steng 'og gnas su ni// hUM mdzad dang ni stobs po che// yab yum sras dang bcas pa'o// skyed pa zla kham gnas su ni// khro brgyad kyis ni sras kun gnas// 'og min gnas sogs bzhi la ni// phra men sgo ma dbyung zhing bsam// rtsa ba la sogs gnas de la// 'jig rten gnas pa bcu gnyis so// lcam dral nyi shu rtsa bzhi ste// dbyibs dang sbyar ba'i gnas su bsam// gong ma'i gnas kyi logs bzhi ru// rigs dang phrin las rab phye ba'i// lhag ma'i sras mchog bsgom pa ste// bdun cu rtsa brgyad phyung ba yis// rdzas la dmigs pa'i dkyil 'khor rdzogs// 'di dag me long gzugs brnyan bzhin// rang bzhin ma grub snang ba ni// chos sku skye med phur pa'o// ma lus sku la rab rdzogs pa// longs spyod rdzogs sku'i phur pa grub// ba spu'i bu ga'i tshul thams cad// 'bar ba'i khro chung gtams pa ni// bdag gzhan ma lus don byed pas// phur pa sprul pa'i sku yi mchog/ sku gsum yongs rdzogs dkyil 'khor che// rang byung ye shes gnas la 'du// 'di ni sku yi dkyil 'khor yin// rigs lnga 'bru dgu kI la ya// thams cad gsung gi dkyil 'khor gsal// bris te yig 'bru dgod pa
- 246b
dang // phur bu dgod cing dngos grub blang // thugs kyi dkyil 'khor rtsa ba lnga// bris te phyag mtshan so sor dgod// mchod cing las bcol dngos grub blang // gtso mo yum gyi spogs pa yis// dkyil 'khor gnas su bri bya zhing // lha dgod rdzas spyad bskul bas rdzogs// bsgoms shing dgod pa'i ting nge 'dzin// bskul zhing yon tan ldan pa yis// rdzas kyi dkyil 'khor tshul bzhin dbyung // nyi shu rtsa gcig e yi dbyibs// tshad dang ldan pa rdzas dgod cing // dngos grub blang bar tha dad do// rdzas bsag bskyed cing tshad ldan bri// rgyan rtags dgod pas 'chol ba rdzogs// stong dang rtsa brgyad bsgrub pa'o// dkyil 'khor byang chub sems las byang // las kyi dkyil 'khor brtsig pa dang // bsag mchod gsad pa'i rgyu dang ni// chos ldan pha rol bskul ba yis// gzugs bsreg gnas spar las rnams kyis// ma lus 'dus par brgyad du bstan// rigs can lnga la kun sbyangs pas/ bsnyen bsgrub sku gsung thugs kyi ngang // thig le gcig la rab tu 'dus// zhes bka' stsal to// phrin las 'dus pa rtsa ba'i rgyud las/ khyad par gyi rigs kyi dkyil 'khor spro ba'i phrin las kyi le'u ste bcu gnyis pa'o// // de nas khro bo'i rgyal po yis// rang gi 'dus pa'i 'khor tshogs la// shin tu gdams pa 'di skad gsungs// kye ma sras mchog 'khor
- 247a
gyi tshogs// sprul pa pho nyar bcas pa rnams// snyigs ma'i sems can gdul dka' ba// thugs rje'i thabs chen sna tshogs kyis// nga yi sku gsung thugs kyi bdag/ thams cad du ni snang zhing ston// bdag gi don du bzhugs so snyoms// rang gi rnam rtog nye bar gnas// kha cig tu ni dge sbyong che// nyan thos rang rgyal spyod pa ston// la lar byang chub sems dpa' yi// spyod pa rlabs chen nus par mdzad// kha cig la ni longs spyod rdzogs// dpe byad brgyad cur ldan pa'i sku// dul bar gnas la zhi ba dang // gdug pa can la khro bo ste// zhing khams rab tu bkod pa dang // gzhal med khang pa'i pho brang rdzogs// gnyis med sbyor ba'i tshul can dang // rgyan gcig ldan pa'i sku yi rigs// yab dang yum gyi rnam pa can// gang gis 'dul ba der snang zhing // rigs drug sems can kun la yang // rang rigs gang yin der 'byung bas// tshangs pa brgya byin dbang phyug dang // gnod sbyin mkha' lding mi'am ci// lha min dri za mi rnams dang // byol song yi dwags dmyal ba rnams// so sor gang 'dul de nyid kyis// rang gi rdo rje 'dzin par 'gyur// dman pa rnams la rim pa ste// rtag pa ma yin sdug bsngal dang // mir skye sangs rgyas 'byung ba dang // phun sum tshogs pa rnyed dka' dang // skyabs 'gro gso sbyong bslab gnas
- 247b
bcu// kun rdzob don dam rang bzhin gyis// sems dbang bsgyur te bdag med pa'i// rtogs pa rab rdzogs dbu ma ston// de nas lus ngag bya ba dang // spyod pa rab sgrub rnal 'byor ston// bskyed pa'i rim pa la 'byor che// de yi rjes su rnal 'byor dang // rab tu rdzogs pa'i rnal 'byor dag/ thabs dang shes rab 'jug pas don// sku lnga chos lnga ye shes lnga// lam lnga rigs lnga dag pa lnga// sa bcu stobs bcu ma 'dres pa// bco brgyad nges par 'byung ba dang // bskal pa chen po grangs med gsum// skad cig tsam la rdzogs par byed// blo dang dbang po bsam pa dang // tha ma 'bring dang mchog gyur la// tshad med rnams kyi khyad par gyis// brtan dang thob pa dus gcig dang // tshe gcig srid pa bar ma dang // gsum mam lnga'am bdun dag gis// rang gi sa la gnas par ston// 'byung ba chen po rnams kyis mthu// phan tshun log par phyin srid de// gdul bar bya ba'i sras rnams la// dus la bab pa gang zhig na// sangs rgyas rnams ni cung mi 'da'// nga yi ye shes tshul 'di la// khyed rnams 'jigs par ma byed cig/ ces bka' stsal pa dang // 'khor 'dus pa chen po rnams kyis bcom ldan 'das de bzhin gshegs pa thams cad sku gsung thugs kyi bdag po khro bo chen po'i rgyal po chen po de nyid phrin las kyi rnam par rol pa chen po'i sgo
- 248a
nas// yul gdug pa can 'dul ba'i rigs rnams kyi don rab tu rdzogs par mdzad pa la rjes su yi rang ba rgya che'i sgo nas bstod pa ni// kye ma bcom ldan rig pa'i rgyal po khro bo'i rje// dus gsum sangs rgyas rnams kyi spyi dpal chen po he ru ka/ rig pa'i rgyal po sku lnga ye shes lnga rdzogs lhun grub cing // dkyil 'khor gsum lnga brgyad kyi ngo bor sku la rab 'dus rdo rje 'chang // phrin las bzhi dang gtso chen drag po mngon 'byung sbyin mdzad pa'i// gzhon nu lnga ldan myur 'byung 'khor dang bcas la phyag 'tshal bstod// de nas bcom ldan 'das kyis/ 'khor 'dus pa chen po de dag nyid kyi sku la rab tu bsdus te/ sku las 'od zer gyi tshogs chen po snang bar mdzad nas/ mi gnas pa'i dbyings chos nyid mnyam pa nyid spros pa dang bral ba'i ngang la dges pa chen pos bzhugs par gyur to// phrin las 'dus pa rtsa ba'i rgyud las/ phyi ma'i tshul nges par 'byung bar bstan pa'i le'u ste bcu gsum pa'o// // bcom ldan 'das bde bar gshegs pa thams cad kyi phrin las 'dus pa phur pa rtsa ba'i rgyud/ bi d+yot+ta ma 'bum sde las bsdus pa rdzogs so// // rgya gar gyi mkhan po slob dpon chen po pad+ma 'byung gnas dang / bod kyi lo tsA ba bai ro tsa na bdag gis bsgyur cing zhus te gtan la phab pa'o// rgyal po'i bla dpe/ gter rgya/
- 248b
// / rgyug gdas pas rbA/ bang mas na pa rna sa ju la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bla na med pa mngon par rab tu rdzogs pa'i rdo rje he ru ka zhes bya ba de/ thig le chen po mnyam pa nyid kyi ngang du srid pa'i chos kyi bsdus pa'i 'jig rten gyi khams thams cad rdo rje'i rang bzhin du gnas rin po che las grub pa'i ri rab chen po'i rtse mo lha'i rgyal po'i gnas// bde ba chen po'i klong / yum chen mo de kho na nyid kyi gzhir gyur pa mu kha le dgongs pa ma lus par shar ba'i klong // b+ha ga yangs pa'i dbyings rnam par dag pa'i rang bzhin phyogs bcu'i nam mkha'i khams yongs su khyab pa'i gnas na snyoms par zhugs te bzhugs nas/ rab tu gsang ba'i dbang phyug ye shes kyi rdo rje shugs chen po 'chang ba/ pad+ma'i dbyings rnam par dag pa'i klong chen po dang gnyis su med pa'i 'phro 'du dus gsum du rgyun mi chad par bkye ba las/ byin gyis rlabs kyi cho 'phrul chen po dpag tu med par snang bar 'di lta ste/ sa chen po dang / me chen po dang / chu chen po dang / rlung chen po dag
- 249a
gi gnas pa dang // bsreg pa dang / gsher ba dang / bskyod cing g.yo bar byed pa'i mthu chen po bsam gyis mi khyab pa snang ba las srid pa'i 'jig rten bskyed pa'i sa bon dang rtsa ba dang / bcud dang bcas pa/ dngas ma dang 'bras bur bcas pa/ yon tan dang nus pa rdzogs pa/ phyogs dus rab tu phye ba med par bzhugs pa las/ dbyings kyi yum kun tu bzang mo srid pa thams cad kyi bdag mo/ he ru ka thams cad kyi yum chen mo/ sangs rgyas thams cad kyi rig pa'i dbang phyug ma/ 'jig rten gyi khams las 'das pa thams cad kyi gtso mo/ de kho na nyid kyi gzhi mu kha le zhes bya ba de nyid rol pa chen po gnyis su med pa'i ting nge 'dzin las bzhengs nas// bcom ldan 'das la skul ba'i dbyings kyi sgra chen pos gsol ba btab pa/ e ma ho// bla med mngon rdzogs rgyal po he ru ka/ snang stong gnyis med kun la nga ba'i sku// mtshan med spros bral mi rtog grags pa'i gsungs// bde chen zag med zung 'jug khyab pa'i thugs// ma lus rang la rdzogs pa'i yon tan mnga'// phrin las mdzad phyir rol pa'i sku bzhengs shig/ a la la ho// zhes bskul ba mdzad nas/ bcom ldan 'das des 'di skad ces bka' stsal to// e ma ho// sangs rgyas rnams kyi sku gsung thugs kyi ngang // mnyam nyid dbyings kyi ngang las mi g.yo
- 249b
zhing // ma rtogs 'khor ba ngang gis bsgral ba las// 'khrul pa'i blo la dngos por yongs mi snang // gdul bya'i bsam pa rnam dag som nyi med// dus la ma bab zhi bar gnas par bya// zhes bka' stsal to// de nas yang yum chen mos 'di skad ces gsol to// e ma ho// dus gsum sangs rgyas thugs rje chen po las// ma nor ma lus mi zad mkhyen pa las// rtogs dang ma rtogs log pa'i blo can la// so so'i ston pa rig dbang thugs las phyung // ye shes rtsal gyi dgongs pa dmigs med las// gang la bsngags pa'i bstan rab sgo dbyer gsol// zhes bskul bas// bcom ldan 'das kyis zhal 'dzum pa mdzad de// dbyings kyi yum chen mo la 'di skad ces bka' stsal to// e ma ho/ srid gsum 'jig rten kun na rab bde ba'i// kha sbyor dga' ba skad cig gnas skabs bzhi// 'dod chags chen po mthong bzhad reg cing sbyor// blo dang rigs las khyad par gang snang ba'i// mthar zug rim pa bzhin dus 'byung nus par ldan// mkha' bzhi pad+ma byang chub sems kyi gnas// nam mkha' khyab pa mnyam nyid sbyor mdzad phyir// ze'u 'bru 'dab bcas pad+ma rgyas mdzod cig/ sa ma ya ho// sa ma ya s+t+waM/ ra ho haM/ rA ga yA mi/ sa ma ya badz+ra pra be sha ya phaT/ ces bskul nas/ yab yum gnyis kyi gzigs pa dang bzhad pa dang / reg pa dang skyod
- 250a
pa'i rol pas snyoms par zhugs te/ 'od zer gyi 'phro 'du chen po g.yos pa las/ phyogs bzhi dang dbus kyi b+ha ga yangs pa'i snang ba chen pos khams gsum pa rnams la gsal bar mdzad de// phyogs lnga dang / 'od lnga dang / rigs lnga dang / bsam pa lnga dang / rtsa ba lnga dang / 'bras bu lnga dang / nus pa lnga dang / khams lnga dang / byed pa lnga dang / las lnga dang / khyab pa lnga dang / dbang lnga dang / rgyu lnga dang / rkyen lnga dang / bag la nyal lnga dang / kun nas ldang ba lnga dang / shes pa lnga dang / phung po lnga dang / stobs lnga dang / 'gro ba lnga dang / yul lnga dang / 'dod pa lnga dang / spyad pa lnga dang / bsrung ba lnga dang / blang ba lnga dang / dor ba lnga dang / bsgrub pa lnga dang / yon tan lnga dang / yan lag lnga dang / spyod pa lnga dang / ma 'dres pa lnga la sogs pa thams cad yum chen mo nyid kyi mkha' bzhi dbyings dang lnga las/ snang zhing gnas par sprul pa mdzad do// gzhan yang phyogs bcu'i/ 'jig rten gyi khams thams cad du zhing gi bkod pa rgya chen po dang / dkyil 'khor gyi 'khor lo rdzogs pa dang / yab dang yum snyoms par 'jug pa tsam dang / rgyan so sor snang ba dang / zhi ba'i rnam par snang ba dang / khro bo'i rnam par snang ba dang / khyab pa dang / rdzogs pa dang / tha dad pa'i sku rnams dang / khyad par du sku'i rigs dang / gsung gi rigs dang / thugs kyi
- 250b
rigs dang / yon tan gyi rigs dang / las kyi rigs dang / dregs pa'i rigs dang / bsgrub pa'i rigs dang / sbas pa'i rigs la sogs pa bsam gyis mi khyab pa rnam pa sna tshogs pa snang zhing gsal bar gyur to// de nas bcom ldan 'das bla med rgyal po he ru ka chen po des mnyam pa nyid las bzhengs te/ cho 'phrul chen po rnam par sprul pa'i 'khor gyi dkyil 'khor de dag la 'di skad ces bka' stsal to// kye ma 'dus pa'i dkyil 'khor gyi// tshogs chen ma lus pa la nyon// khyed kyi khams dang byed pa dang / lus dang rigs kyi khyad par dang / phrin las grub pa'i mtha' la sogs// thams cad pa las 'byung zhing snang // lus dang ngag dang rnam par shes// nga yi sku gsung thugs kyi ngang // gzugs dang 'du shes tshor ba byed// sku dang ye shes rig pa'i ngang // bsam pa longs spyod la sogs pa// dgongs pa'i cho 'phrul nyid las byung // gang zhig ji ltar 'dod pa dag/ nga yi rang bzhin shes par gyis// nga las ma gtogs chos gzhan min// btags pa tsam yang yod ma yin// de bas nga yi don rtogs phyir// gus pa'i yid kyis mnyan par gyis// zhes bka' stsal to// de nas yum chen mo kun tu bzang mos bcom ldan 'das dpal he ru ka la 'di skad ces gsol to// kye ma bcom ldan he ru// 'di ltar bdag dang gzhan gyi chos// phyi
- 251a
dang nang dang gsang ba dang // gsang ba chen pos rab bsdus pa'i// b+ha ga 'di la ci phyir dga'// phyogs dang ris kyi khyad par gang // 'od lnga kha dog ci yi phyir// bsam pa'i 'bras bu rtsa ba dang // nus pa rnams ni gang las byung / khams dang byed pa las ni ci// khyab pa dbang dang bcas pa gang // rgyu dang rkyen gyis ci zhig bya// bag la nyal ba gang lta bu// kun nas ldang ba'i chos nyid kyi// shes par bya ba ci zhig yin// phung po lnga zhes gang la bya// stobs lnga zhes pa su la mnga'// su zhig grol bar 'gyur ba yin// yul lnga yang ni gang zhig yin// 'dod spyad bsrung ba ji lta bu// blang dor bsgrub pa ji lta/ bu// spyod pa'i yon tan yan lag dang / ma 'dres chos kyi khyad par rnams// khyod las snang ba ci yi phyir// zhing dang zhing gi bkod pa dang / 'khor lo rdzogs pa gang las byung // kha sbyor bde ba gang gi phyir// ci phyir thabs dang shes rab kyis// so sor rang la rdzogs par 'gyur// rang gi rig pa'i snang ba gang // ma lus snang ba'i don ched ci// de lta bu la gzhan dag gis// thob par bya ba'i thabs ni gang // bdag cag rnams la legs par ston// zhes gsol to// gleng gzhi mngon par 'byung ba'i le'u ste dang po'o// // de nas bcom ldan 'das mngon rdzogs rgyal po bla med he ru ka chen po des/ sprul pa'i cho 'phrul
- 251b
mngon par spyod pa'i don du thugs rdo rje mnyam pa nyid kyi ting nge 'dzin la snyoms par zhugs te/ sku drag shul spyod pa'i cha lugs 'jigs byed chen po rab tu 'bar bar bstan nas gsung gi nga ro drag po'i shugs phyung ba'i sgra chen pos gang bar mdzad do// de nas de'i tshe nam mkha'i khams kyi gtos thams cad sku'i rang bzhin gyis khyab cing / gsung gi brda'i sgra chen por grags la/ thugs zhi ba byang chub kyi sems kyis dgongs nas bka' stsal pa// nyon cig srid pa'i rgyal mo che// khyod ni mu kha le zhes bya// sku yi dbu dang tsit+ta la// zhal lnga rtse mo lngar snang zhing // phyag bzhi zhabs brgyad mkha' bzhi dbyings// phyogs bzhi dbus dang lnga ru grags/ shar lho nub byang dbus dag gi/ mche ba gtsigs pa'i zhal lnga las// dkar zhing 'tsher dang sngo la gdangs// dmar bzhad ldang gtsigs mthing nag khro// ljags kun rdo rje rtse dgu dang // rin chen ke ke ru 'bar zhing // pad+ma dgu brtsegs rgya gram can// 'khor lo rtsibs stong ldan par snang // bskyed dang bsreg dang bzlum pa dang // g.yo zhing khyab par byin gyis brlabs// shel gser ke ke ru dag dang // in+d+ra nI la bai DUr+ya// 'od 'phros khyod kyi ral pa'i tshogs// bde gshegs rdo rje rin po che// chags pa dang ni phrin las kyi/ so so'i rigs kyi dam pa'o// thugs mchog rigs pa skye med
- 252a
dbyings// rnam shes ye shes lnga 'byung srid// sbas pa gnyis dang phyag bzhi yis// pha rol phyin pa drug rdzogs nas// gtso mo drug rnams dbang sdud cing // bdud rtsi lnga la rol cing spyod// rnam par thar pa'i zhabs brgyad rdzogs// blon mo brgyad kyis dran byed brdzis// mkha' bzhi phyogs bzhi dus bzhir gnas// cha snyoms byed pa gcig yin te// brtan dang smin dang gsher ba dang // skyed byed yangs pa'i bdag nyid de// drod 'dzin brlan rtsub yangs pa yis// shel dang mar gad pad+ma dang // nI la bai DUr+ya dag go/ gsang ba'i mkha' la 'od 'bar zhing // rdo rje rin chen bye ru dang // lcags zangs ze 'bru'i rnam pa las// dus chen bzhi dang 'byung ba lnga// gtso bo'i sku yi phyed kyis sbyor// so so'i rigs su snang zhing 'dus// de bas mu kha le zhes bya// gsang ba'i bde chen 'byung ba'i gnas// skye dang 'chi las rab 'das shing // de la sdug bsngal yongs med pas// mya ngan 'das ma shes kyang bya// blang bya dor bya med pa yis// kun tu bzang mo zhes kyang bya// rnam par shes pa ma lus pa'i// mthar son pha rol phyin ma'o// phyi nang gsang ba'i 'byung ba'i tshogs// rang bzhin sku las 'byung bas na// rang byung rgyal mo'ang khyod yin no// dus bzhi dbyings las shar bas na// 'byung ba dus bzhi cha snyom ma'o// srid pa'i rgyal mo'ang khyod nyid
- 252b
do// rigs kyi gtso bo mkhar nub pas// rigs kyi gtso mo nyid yin no// nam mkha'i khams kun khyab pa yis// nam mkha'i rgyal mo'ang khyod nyid yin// pho dang mo dang ma ning dang // rgyal po rje dang bran dang dmangs// rang gi ngang gis skye 'gro'i bdag/ ma yi tshul gyis thams cad bskyed// mo yis tshul gyis thams cad sdud// ma skyes skye ba med pa'i dbyings// mi 'gag 'gag pa med pa'i klong // ma ni thabs mchog 'dod med mkha'// mo ni shes rab chags med klong // de bas khyod ni mu kha le// skyed pa'i ma mo chen mo ste// rtag par gnas pa'i bu mo la// sems drod chu rlung bkrag las bskyed// mkha' dang dbyings kyi dradangs ma'o// kun gzhi yid kyi rnam par shes// nyon mongs yid dang sgo lnga yis// rnam par shes pa bsam pa yin// chags sdang rmongs dang sred pa dang // bsnyems pa las ni rtsa bar 'gyur// rgyud lnga'i 'gro ba gnas skabs dang // dag pa'i sku lnga mthar thug gi/ 'bras bu'i tshul snang ba yin no// de yis don gnyis nus par 'gyur// dngos po rten dang g.yo ba dang // 'phel 'grib rang gi khams yin no// gzugs rtogs 'gyur ba skye ba dang // 'gag pa dang ni byed pa yin// tshims shing ldang dang 'gro ba dang // 'byung dang 'jig par byed pa'i las// las dang skye ba sems dang chos// dngos dang bsam pas rab tu
- 253a
khyab// ma yengs spro ba shes pa dang // myur dang rig pa dbang po mchog/ skyod cing byed pa sdig pa skyes// skal ba mnyam dang kun 'gro bas// ma lus rgyu zhes bya ba yin// bdag dang dmigs pa de ma thag/ lus dang bsam pa rkyen du 'gyur// khams dang shes rigs las nyon mongs// rang bzhin gyis ni bag la nyal// 'du byed dmigs yul rnam par spros// bde sdug rtog pa kun nas ldang // sems las snang ba yon tan dang // gzhi shes de yi rang bzhin no// gzugs tshor 'du shes 'du byed dang // rnam shes ma dag phung po ste// tshul khrims ting 'dzin shes rab dang // rnam par grol dang ye shes kyis// rang bzhin shes pa dag pa'i tshogs// dad pa'i mchog dang 'dzin pa dang // dran pa bzang dang shes rab dang // stobs lnga dag kyang de yi dngos// phung po lnga dang rigs dang las// 'dzin pa las grol yon tan tshogs// gzugs sgra dri ro reg pa dag/ yul lngar snang ba 'dod cing spyod// dbang po'i bye brag tha dad de// sbyor sgrol ma byin len pa dang // rdzun dang ngag brlang spyad pa lnga// lus ngag yid kyi bya ba las// sdom dang slob dang spang ba las// bsnyen dang bsgrub pa bsrung ba ste// dman pa'i yul dang bsten pa'i rdzas// gsang ba'i spyod pa grogs dang bcas// dge bcu yan lag phra dang bcas// don chen mthar thug blang
- 253b
bar bya// 'jig rten chos dang de bzlog pa// dor bar bya ba nyid yin no// thun mong ba dang mchog gyur dang // rang gzhan don dang spyir 'gro dag/ bsgrub par gsungs pa nga nyid yin// gnas skabs gsum dang mthar thug gnyis// bsgrub par bya ba'i 'bras bu lnga// yon tan tshogs su gyur pa'o// de dag gis ni phan par bsgrub// yan lag dag tu snang ba yin// bdag dang gzhan dang bar ma dang / dman pa mchog gi spyod pa ste// rigs dang las dang rtogs pa dag/ gnas dang rgyu dang 'bras bu rnams// ma 'dres pa yi mchog yin no// gzhan yang srid dang zhi ba dang // 'khor ba pa dang mya ngan 'das// phyi dang nang du brtags pa dang // sems dang sems las byung ba dang // rig dang ma rig yod med mtha'// rtag dang chad dang 'gro dang 'ong // skye 'gag gnas dang stong pa dang // rgyu dang lam dang 'bras bu yis// nus pa dang ni yon tan tshogs// phrin las ma lus spyod pa rnams// thams cad khyod kyi rang bzhin te// de bas mu kha le zhes bya// khyod kyi 'byung ba spros pa'i dngos// 'jig rten srid pa snang ba'i gzugs// 'pho 'jug bsdus pa'i mtshan nyid la// sa bon tshul du gnas pa las// rang gi thig le mnyam sbyar nas// dmigs med rnam dag ting nge 'dzin// skye med chos kyi dbyings su thim// dngos med bag chags rnam pa
- 254a
las// de bzhin nyid kyi bsgom pa'o// de nyid mtshams su sbyar ba las// snying rje nam mkha' lta bur khyab// ma lus kun la khyab cing snang // khyod kyi sems kyi rnam pa las// rgyu yi mchog gyur hUM gi dngos// mi 'gyur rtsa ba 'od kyi gzhi// khyod kyi nam mkha'i ngo bo las// e zhes snang ba stong pa'i bdag/ khyod kyi drod kyi ngo bo las// raM zhes bya ba 'bar ba'i 'od// khyod kyi dbugs kyi ngo bo las// yaM zhes bya ba bskyod cing 'degs// khyod kyi chu yi ngo bo las// khaM shes bya bas dag cing tshims// khyod kyi sha yi ngo bo las// suM zhes bya ba brtan pa'i gzhi// khyod kyi rus pa'i ngo bo las// ko zhes bya ba gnas pa'i sa// khyod kyi b+ha ga'i dbyings phyug las// b+ha ga bcom ldan bde chen po// pad+ma 'khor lo gsang ba'i dbyings// sa bon lnga dang bcu bzhi las// gtso chen sprul pa lnga bcu brgyad// ye shes snying po bla na med// bla med khrag 'thung dpal gyi yab// 'jigs byed gsang ba'i rdo rje ni// mkha' 'gro kun gyi rter zhes bya// mkha' klong bde ba'i lam mchog ni// skye 'gro srid pa thar pa'i lam// sangs rgyas kun gyi dgongs pa'i phyir// mnyam gzhag ye shes pad+ma'i dbyings// mi dmigs pa las dmigs pa che// bcom ldan chu skyes dkyil 'khor ni// thabs las dbyings phyug bla na med// bdud rtsi chen po char du 'phro// byang chub sems
- 254b
kyi thig le las// sbyor mdzad gnyis med bde ba che// mkha' 'gro brtan ma'i sems mchog ma// mi 'jigs pa yi 'bru gsum gyis// dug gsum dbyings su stongs byed cing // pha rol phyin drug phyag rgya las// mchod sbyin rtag tu rgyas mdzad ma// mtshon du med pa'i sku mdog la// dkar la dag pa'i na bza' gsol// rdzu 'phrul zhabs bzhi brkyang bskums bzhugs// mkha' 'gro yang gsal sems ma'i mchog/ thogs pa med pa'i dbu gsum gyis// khams gsum thig le'i sgo 'byed cing // sna tshogs 'gyur ba'i sku mdog la// na bza' ljang gu bai DUr+ya// rdzu 'phrul zhabs dang mthar son phyag/ mkha' 'gro mnyen gsal sems ma'i mchog/ rol pa chen po'i dbu gsum gyis// srid gsum thar pa'i sgo 'byed cing // dmigs pa med pa'i sku mdog la// dmar po dbang gi na bza' gsol// rdzu 'phrul zhabs dang mthar son phyag/ 'od gsal 'bar ma sems ma'i mchog/ stobs dang ldan pa'i dbu gsum gyi// srid gsum thar pa'i sgo 'byed cing // snang du med pa'i sku mchog la// rin chen ne la'i na bza' brgyan// phyag drug gdengs shing zhabs bzhi bgrad// mkha' 'gro bkrag gsal sems ma'i mchog/ 'gyur ba med pa'i dbu gsum gyi// sku gsum 'bras bu'i sgo 'byed cing // cir yang gsal ba'i sku mdog la// btso ma gser mdog na
- 255a
bza' gsol// pha rol phyin pa'i phyag drug dang // rdzu 'phrul rkang pa'i zhabs dang ldan// sa yi bdag dang gnod pa sbyin// chu bdag gshin rje brgyan byin dag/ rdzu 'phrul zhabs kyis brdzis par snang // kun kyang bla med gdan yin no// rdo rjes b+han+da dkrug mdzad cing // dgra sta gtun shing brdeg pa dang // seng ge mchog chen 'dzin pa'o// pad+ma b+han+da dkrug pa dang // zhags pas bcings dang tri shUl 'phen// ce spyang dang ni zhing chung stob// rgya gram b+han+da 'bar ba dang // dbyug pa dang ni rgyu phreng 'dzin// sbyang ki dang ni zhing chung stod// rin chen b+han+da 'bar ba dang // me dpal dang ni dbyug to 'phyar// stag mo dang ni zhing chung stod// 'khor lo b+han+da 'bar ba dang // rgyal mtshan spu gri 'dzin pa yis// 'ug pa dang ni zhing chung stob// mche ba gtsigs shing 'jigs pa che// bzhad pa'i tshul gyis snying rjer ldan// khyod kyi lus las bskyed pa yis// srid pa gsum du bde 'gro zhing // khams gsum kun gyi yum mchog ma// mthing nag 'bar ba'i sku mdog la// dbu gsum phyag drug zhabs bzhir bgrad// dang pos 'khor lo rin po che// bar mas g.yang gzhi b+han dmar stob// tho ba ga'u lcags kyu 'dzin// nyi zla stong gi thod phreng can// mdog dkar sprin gyi na bza' can// 'ja' tshon spel ma'i cha ga can// lcags zangs 'khar ba'i snyings
- 255b
zhags 'phen// nyi ma khros pa'i dbang mo che// dkar mo shel gyi go zu can// lag na shel gyi spu gri 'dzin// khrag 'thung khros pa'i dbang mo che// sku mdog nag mo thod khrag 'dzin// bdud rtsi bde sbyor khros ma ni// dmar nag bdud rtsi'i bum pa 'dzin// srid gsum 'tsho byed khros ma ni// ser mo zhing lpags g.yang gzhi gsol// srid pa kun gyi rgyas byed ma// dkar mo skra yi zhags pa thogs/ dbyings phyug rgyal mo zhes bya ba/ sngon mo zhing gi dbyug pa thogs// srid pa'i bdag nyid chen mo ni// dmar mo rgyu ma'i zhags pa 'dzin// nam mkhar gcig pur spyod pa ni// ser mo g.yang gzhi chen po brdeb// dkar mo mig gcig ces bya dang // mthing nag mche ba can gyi bdag/ dmar mo chen mo dbang gi rgyal// ser mo las kyi bdag mo che// b+han+da zlum po sul mang dang // lcang lo can dang rgya gram thogs// srid pa thams cad chags byed ma// mthing nag g.yang gzhi rlon pa gyon// mchog chen snying rlon 'dzin cing za// srid pa kun gyi cha snyoms ma// dmar mo stag lpags rlon pa bgos// thod pa khrag bkang 'dzin par byed// 'dod khams gtso mo chen mo ni// sngon mo stag gi g.yang gzhi gsol// lag na khram shing nag po 'dzin// ma mo e ka dza ti ma/ dkar mo sprin dkar 'ja' tshon bgos// kha T+wAM ga dang ti ra 'dzin// gling bzhi stong gi spyi phud ma//
- 256a
dkar mo shel gyi na bza' can// lcags kyu 'od 'phro 'dzin cing dgug/ rin chen ri rab srid 'debs ma// sngon mo mu tig go zu can// rin chen g.yu yi ga'u 'dzin// rdo rje pad+ma gar dbang ma// dmar ser mdog la go zu can// thod pa khrag bkang lcang lo 'dzin// har ting dkar mo dun ting nag/ shan ting dmar mo grub ting ser// dkar nag dmar ser go zu can// 'byung ba bzhi yi dkyil 'khor 'dzin// skam pa mo dang phor thogs ma/ g.yang gzhi ma dang za ba ma/ gsod byed ma dang za byed ma/ snom byed ma zhes bya ba rnams// dkar dang sngo dang dmar dang ser/ rang gi mdog ldan go zu gon// thod khrag dang ni mtshon cha thogs// mche gtsigs ma dang kha 'byams ma// mchu 'jib ma dang rkang ldag ma// dkar nag dmar ser thod khrag 'dzin// lha dang gshin rje klu gnod ni// dkar sngo dmar ser srin mo bzhi// rdo rje thod khrag sbrul zhags dang / ne'u le'i rkyal pa rin chen 'dzin// 'di dag kyang ni ma lus kun// nga las byung zhing khyod la snang / de lus rdzogs pa'i dkyil 'khor ste// rab tu grub par bya ba yang // phung po khams dang skye mched dag/ ma lus 'dir ni shes pa dang / rang bzhin srid pa'i dkyil 'khor de// gnyis med ye shes dbab par bya// gsang chen sems kyi dkyil 'khor de// rtsa bar
- 256b
gnas pa'i nyon mongs drug/ dbyings chen drug tu dbab par bya// rten cing 'brel 'byung chos bcu gnyis// bya byed yid chos rtog par bcas// rje dpon mo ni bcu bzhir dbab// sems las byung ba'i rtog pa dag/ de dag ma lus 'khor du skye// de nyid der shes dkyil 'khor yin// de nyid kyang ni yang dag pa'i// dngos po'i mtshan ma ngang gis stong // dbyings las 'char zhing dbyings la thim// gnyis su med cing gnyis su snang // du ma las ni gcig dang bral// zhi ba dben pa rtag cing bde// bdag med stong zhing mtshan ma med// smon med mngon par 'dus ma byas// thams cad shes shing thams cad snang // ma bcos snying po bsam mi khyab// rigs kyi rgyal po rtags pa'i gzhi// tshogs kyi gtso mo srid pa'i bdag/ de las dman pa'i rigs can dag/ rang gi tshogs kyi dkyil 'khor dgug/ gnyis med bsten pa'i sbyor ba'i chos// cho ga mnyam pa nyid du bya// gnyis su snang ba tsam gyi phyir// sgo lnga'i ngo bo gsum dag gis// mnyes pa chen po ma lus bya// ji ltar rig pa de nyid kyis// sku gsung thugs mnyes gyur pa yin// byang chub sems kyi char chen dbab// gang la gang gis rtog pa yi// ngo bo de nyid brtags par bya// brjod pa ma lus de bzhin te// snying po sngags su shes pa yin// de ltar khyod kyis he ru ka/ srid pa'i rang bzhin rdzogs
- 257a
shes na// mngon rdzogs bla med go 'phang 'thob// ces bka' stsal to// mu kha le'i rang bzhin srid pa'i dkyil 'khor bstan pa'i le'u ste gnyis pa'o// / de nas gzhan yang khyod nyid kyis// nang gi lus la gnas pa ni// rtsa phran bye ba phrag brgya las// gnas pa stong phrag bdun cu gnyis// bsdus pas brgya dang nyi shu ste// 'khor lo'i rtsa ba bzhi la gnas// de nyid rnam pa gsum du gnas// g.yas g.yon gyi ni dbu ma'o// mi bskyod snang ba mtha' yas dang // sems dpa' chen po kun sbyor te// dngas ma gsum gyi rang bzhin rgyu// yan lag dag tu grags pa yang // steng gi tshangs pa'i gnas dag tu// sum cu rtsa gnyis rab tu gnas// 'og ma gnod pa bskyod pa'i gnas// grong khyer drug cu dag tu grags// me yi srid pa brgyad nyid ni// rnam par shes pa'i rten can no// ngan 'gro srid pa dgu po ni// drug cu rtsa bzhi'i rnam grangs te// rtsib ma dang ni dra ba dang // pad+ma khri'u lta bu ste// rang bzhin gcig cing tha dad to// ma he a ho ngo bo dag/ rang gi rigs kyi kha dog ldan// g.yas dang g.yon dang zung 'jug dang // thabs dang shes rab dbu ma ste// dkar dang ser dang mtshon du med// nyi ma zla ba 'dres dang bskyod// bde ba che dang longs spyod rdzogs// chos dang sprul pa zhes bya ba// ri rab dang ni dpag bsam
- 257b
shing // nyi ma zla ba'i mtshams na gnas// rgya mtsho'i gting du gnas pa ni// rgod ma'i kha yi me 'byung ba'i// ri rab nub tu bzhugs nas ni// gnas skabs bzhi dang brgyad kyis so// de dag bzhon pa lnga yin te// rtsa ba dang ni yan lag gi/ de dag bcu dang nyi shu dang // bzhi bcu brgyad cu brgya drug cu// rim gyis nyi khri chig stong dang // drug brgya la sogs bsam mi khyab// rnam par shes pa'i tshogs kun dang // skyes bu dang ni de bzhin du// lhan cig gnas pas gnyis med de// don chen ma lus sgrub byed pa'i// rtsa bar gyur pa zhes bya ste// las kun byed pa yan lag yin// rtsa bzhi dbus dang lnga las ni// dngas ma yum chen gtso mo lnga// nyi zla dang ni rgya mtsho dang // rang gi dngos dang brgyad yin no// khros ma bzhi dang sgeg ma bzhi// rgyan byed ma bzhi bcu gnyis dang // gtso mo bzhi dang bcu drug gi/ 'dod pa spyod pa'i 'khor lo rdzogs// srid pa 'di dag thams cad kun// chags par byed dang snyoms pa dang // gcig tu gnas dang spro ba dang // nam mkha'i khams kyi rgyal mo dang // 'dod pa khams kyi gtso mo dang // gling bzhi stong gi spyi phud dang // srid pa 'degs byed rin chen ma// gar gyi dbang mo gnyis las ni// srid pa'i gzhi 'dzin brgyad yin no// phyogs bzhir gru 'degs byed ma dang // las kyi dmag dpon chen mo bzhi// bcu drug
- 258a
gis ni sum cu bzhi// gzugs khams pa yi 'khor lo'o// las kyi srin mo brgyad dang bzhi// dbang chen bzhi dang gdong mo bzhi// sa bdag mo dang ma mo brgyad// gsang ba gsum dang poH gsum// nag po'i chung mar grags pa gsum// 'jigs byed ma mo chen mo gsum// sum bcu gnyis kyi rang bzhin gyis// ngan 'gro'i srid pa dgag pa'o// drug bcu rtsa bzhi'i 'khor lo rdzogs// bya dang byed pa bdag po gsum// kun gyi bzhon par bcas pa ni// ri rab dang ni yongs 'du'i shing // srog shing tshul du gnas pa yin// 'di dag ma lus khyod kyi lus// dkyil 'khor bzhi yi bdag nyid kyis// phyi yi don du snang ba yin// longs spyod 'dod spyod dkyil 'khor la// dbyings drug lha drug rtsa ba ste// nye dbang sum cu rtsa gnyis ni// de yi 'khor du gtogs pa ste// ri rab steng gi 'khor lo yi// gnas chen bsam gtan bzhi la ni// bcu drug rang gi bdag po ste// bya dang byed pa'i tshul gnyis kyis// sum cu rtsa gnyis 'dod pa bsdus// drug cu bzhi la zug rngu med// bde chen 'bras bu'i 'khor lo rdzogs// gling bzhi dang ni gling phran brgyad// lam rten chen po 'dzin pas ni// 'dzam bu gling du grags pa la// chos kyi 'khor lo zhes bya rdzogs// dmyal ba'i srid pa nyi shu dang // de yi nyon mongs nyi shur bcas// dbyings gnas pa dang 'thor
- 258b
ba dang // sgrib pa gnyis bcas drug cu bzhi// nyon mongs las ni sprul pa yis// rab tu 'khor ba'i 'khor lo rdzogs// phyi yi rten 'brel bcu gnyis kyi// lugs su byung dang bzlog pa yis// gnas dang yul du snang ba ste// nyi shu rtsa bzhi kun la khyab// lus la rdzogs pa phyi dang nang / tshul de ma rtogs gzhan ma yin// rnal 'byor chen po grol ba'i tshul// 'khor lo bzhi la gang gnas pa// sad ldog 'bar 'dral 'du zhing 'char// zag med bskyed pas bde bar 'gyur// rnam pa nyi shu rtsa gcig gis// pha rol skye ba bar ma do// drug gam bdun gyis slong bar brjod// de nyid g.yo dang rang gi khams// gzugs brnyan dag dang gsum yin te// 'phar dang 'phro dang brtan pa dang // thod rgal rab tu 'bar ba'o// rtsa ba lnga dang yan lag lnga// ngo bo ming gi bye brag go/ bsam gtan srog rtsol dbugs rngub dang // sdud dang 'dzin pa'i ting nge 'dzin// ldang 'jug gnas pa gcig dang gsum// lus dang shes pa g.yo ba dang // rab 'bring za ma gsum gyi 'gyur// srog 'dzin me mnyam zur sel dang // gyen du rgyu dang khyab par byed// chos dang sprul pa gsang ba dang // longs spyod bde chen dbang gi gnas// 'brel 'ju 'dzin 'phro rgyu ba'i las// zug rngu sgra 'byin 'gro 'od gcod// smra zhing 'khor ba 'dzin par byed// stong dang gsal dang ring ba dang / thung
- 259a
dang bde bas lus khyab dang // gnas skabs rang gis byed par 'gyur// rgyu dang rab rgyu shin tu rgyu// mngon par rgyu dang yang dag rgyu// mig dang rna ba sna dang lce// ba spu'i gnas kun khyab pa ste// mthong dang thos tshor myang reg ste// bsam pa de nyid rtogs par byed// dor zhing brlab dang bsgom pa yis// rtsa ba yan lag kun la khyab// snang dang dran rtog byung rgyal dag/ mos pa lhag bsam mnyes pa dang // yang dag thun mong lta ba dang // rten cing 'brel ba'i byin rlabs kyis// longs spyod snyoms 'jug bde ba bsgom// rgyas pa'i rten gyi nyi zla gnyis// g.yas g.yon mdun du ring dang zung // gsum gsum dgu dang bu da dang rngubs// 'khor yug gsum gyi sbubs su sbed// rlung gi dkyil 'khor rab bsdams nas// dpag bsam shing gi yal ga bcing // nyi zla steng gi phyogs su 'phang // gling bzhi gling phran tshags su gzhug/ glog dbyung 'brug sgra bsgrags par bya// glang chen stag dang sbyang ki wa// 'og ma'i gnas nas rim bzhin 'phang // rnam par grol bas lus la dgram// dbab dang bskyil dang bzlog pa dang // bgos pa skye rags zhags pa dang // 'khor lo bus pa'i 'dug stangs kyi// bdud rtsi'i don du 'gyur ba'o// yul gnad dgu bcu rtsa bdun 'dra// dgu dang drug dang gcig tu bsdu// me dang thog dang shing dang srub// de
- 259b
yi 'khor lo thig le ste// rang gi lam bzhin skyong ba'o// drug cu rtsa bzhi'i gnas su byung // gtso bo brgyad kyi aM dang bcas// rab tu 'bar ba de nyid bsam// phyi nang gsang ba'i bzhon pa las// 'degs byed 'byung dang snyom pa dang // 'jig dang gcod dang bying ba dang // las byed 'bigs dang kun tu khyab// dang po'i rgyu yi bye brag go/ gyen thur 'gro dang dwangs snyigs 'byed// snying rje med dang snying rje dang // snyom dang 'byed dang sgom pa dag/ rten gyur byang chub sems yin no// nyi khri chig stong drug brgya dag/ 'byung dang 'jug dang gnas dang gsum// bcu drug re re skad cig ma// 'byung zhes 'gro ba 'khrul dang grol// ma lus de yis byed pa'o// rgyal po pho brang 'khor 'dra bas// lus kyi dkyil 'khor las byed pa// dur khrod chen po'i gnas brgyad de// shar lho nub byang mtshams bzhir bcas// lha klu phyogs dang zhing skyongs shing // me chu shing dang sprin dang ri// sgra dang ba spu so sen mo'o// zil dang rlung dang 'phro ba yis// rang gi phrin las nges bsgrub pa// rtags dang yon tan skyed pa'i tshul// sdig dang 'bral dang spang ba dang // thob dang rdzogs dang snang dang 'grub// bcom ldan b+ha ga las skyed cing // sbyang bya ba skyod bya gnas bya dag/ lnga dang bcu gsum gsum dang lnga// bdag nyid rdzogs pa der gnas so// de bas nga ni mngon
- 260a
rdzogs pa'i// rgyal po bla na med pa'o// mu kha le zhes bya ba yang // mthar thug don gyi gzhi yin te// de nyid kho na'i bdag nyid do// zhes bka' stsal to// mu kha le phung po lus kyi dkyil 'khor bstan pa'i le'u ste gsum pa'o// // de nas gzhan yang khyod nyid kyi// byang chub sems la gnas pa ni// thun mong dang ni khyad par te// don dam kun rdzob rang bzhin gyis// thabs dang shes rab bdag nyid brgyud// sdom dang bsdam par bya ba dang // bslab dang shes par bya ba dag/ snang dang rtogs pa rig pa'i tshogs// sgyu ma rmi lam smig rgyu dang // mig yor sprul pa dri za'i grong // gzugs brnyan brag cha sgra brnyan tshogs// ji srid tsam du mtshon pa las// skye mtha'i srid pa man chad du// smon lam tsam du dam bca' zhing // lus ngag yid kyis rab 'jug pa'i// rtsol dang bsgrub pa gang yin pa// phung pos bsdus pa'i shes pa lnga// kun gzhi khyod kyi bdag nyid la// mkha' bzhi dbyings lnga nyid dang bcas// mig dang rna ba sna dang lce// lus dang yid rnams de yi yul// bskyed cing mched pa bcu gnyis kyi// rang bzhin bya ba yid kyi dngos// bcu bzhi 'khor gyi rtsa ba ste// gzhan yang khams dang nyon mongs pa'i// nye ba las ni mngon gyur dang // kun 'gro lnga dang 'gyur ba bzhi// khyab pa gcig gis lnga bcu brgyad// gtso dang 'khor
- 260b
gyis rab bsdus pa// thun mong sems kyi dkyil 'khor bstan// de las khyad par gyur pa ni// don dam shes pa zla ba'i gnas// byang chub sems kyi rgyal po ste// 'dod chags gtso mo yum dang bcas// mkha' bzhi las ni dga' ba dang // skad cig gnas pa dbyings ma lnga// gnas skabs dang ni nus pa drug/ tshul gnyis kyis ni bcu bzhi ste// de dag 'khor du skye ba'o// de dang de las srid pa yis// brda' dang gnas dang shes pa dang // phrin las byed pa la sogs kyi// rang gi chos dang longs spyod dang // bde chen sprul pa'i gnas dag tu// sgro dang bsdu dang brtan pa las// bya ba sna tshogs spyod pa dag/ chos kyi bdag tu 'dzin pa grol// der snang chos kyi dbyings dkyil la// rig pa'i ye shes sna tshogs pa// gtso dang 'khor du bcas pa grub// de yi 'bras bu tshul chen yang // sku drug las ni ma nor dang // ma lus mkhyen pa bcu/ gnyis te// don gnyis mdzad pa de dag dang // gzhan gyis rig par bya ba las// 'das byed bsam gyis mi khyab pa// gdul bar bya ba rnams la snang // dus gsum dus med rtogs pa dang // 'bad rtsol bsam shes yod min zhing // gang la 'dod pa de bdag nyid// mu kha le yi chos nyid de// gsang chen sems kyi pho brang la// gab pa'i gter du snang ba ste// 'jig rten pa ru grags pa min// de bas nges bzung
- 261a
brtag pa dang // bzlog cing dgrol bar bya ba ste// mnyam pa nyid du gang skyes pa// mnyam nyid skyes par de brjod do// snang ba dang ni sems nyid de// rgyu dang thabs dang 'bras bu dang // gzhi dang lam dang rang bzhin dngos// lus dang longs spyod chud mi gson// gtong dang gzhan gyi don spyod pa// so sor 'gro bas thar pa dang // ma lus mnyam par rdzogs spyod pa// rig pa'i snying po byang chub pa// bla na med pa yongs bzung zhing // rang bzhin mnyam nyid 'byung ba'i gzhi// thabs kyi gnas skabs 'bras bu gsum// stong dang mtshan ma smon pa med// rten byed lus la g.yas g.yon dbus// 'dod chags zhe sdang gti mug gis// 'byung 'jug gnas dang 'du ba bzhi// phan gnod btang snyoms sbyor lags so// thog mar mnyam pa nyid du skyes// thabs kyi mnyam nyid skyes pa la// shes rab lhan cig skyes pa yis// rab 'bring tha yi yul rnams la// 'du shes gsum gyis rab sbyangs te// sdug bsngal bral zhing bde ba dang // rnam par rtog pa spangs pa dang // dngos kun ma lus gsal ba yis// stobs dang drod dang 'dren pa dag/ yan lag nyi shu rtsa bzhi ste// rigs kyi don du snang ba yis// lus dang sems kyis gzhan don spyod// mdangs ldan zhen pa ched 'dzin bral// zug rngu 'bad pa rtsol ba med// mchog gi yum dang
- 261b
phrad nas kyang // rig pa 'dzin pa brnyes 'gyur zhing // ngan 'gro'i lus kyi rtog pa spang // skye 'chi las dang srid pa la// snga ma phyi ma rim gyis 'byung // gsang ba rig pa brtul zhugs spyod// dbang po pa las sbaspags pa yis// mngon par shes pa la sogs pa'i// rang bzhin yon tan rgyas pa yis// bar du gcod pa mtha' dag bzlog/ spros pa'i rtog pa nye bar zhi// 'dus ma byas shing lhun gyis grub// mtshon rdzogs dpe byad 'bar ba dang // mnyam sbyor yan lag yul dang bcas// zag med bde ba rgyun mi 'chad// snying rje sreg dang mkhyen par ldan// yul snang dag pa rgud mi 'chad// mnyam nyid lhan cig skyes pa'o// rang bzhin rgyu 'bras tshogs pa yis// dbyer med lhan cig skyes pa'o// nga nyid mngon du rdzogs pa ste// chos dbyings rig pa'i ye shes dang // dbyings dang ye shes gnyis med pas// dkar dmar mthing ga'i dbur bstan cing // dbyings las 'gyur med mthing ga'i mdog/ bag chags 'joms byed g.yas rdo rje// chos kyi sgra sgrogs g.yon dril bu// gdug pa 'dul mdzad sbrul zhags g.yas// 'khor ba dbang sdud g.yon b+han+da// dreg pa 'dul mdzad g.yas sta te// tshe grog mdangs sbed ga'u g.yon// rdzu 'phrul rkang pa zhabs bzhir bgrad// gti mug 'dod chags zhe sdang dang // nga rgyal phrag dog sel ba yi// glang chen mi dang stag
- 262a
dang dom// thal ba rak+ta thod phreng dang // me ri 'bar bas brgyan pa'o// mu kha le ni dbyings kyi yum// mi 'gyur mthing nag chos kyi sku// ye shes lnga yi zhal byung zhing // 'byung ba lnga yi mkha' gsang can// rdo rje dril zhags bdud rtsi g.yas// dril bu b+han+da g.yang gzhi g.yon// nyon mongs 'joms shing snying rjes 'dzin// 'chi med dngos grub stsol bar mdzad// bcud 'gyur bde ba ston pa dang // chos nyid mnyam par longs spyod pa'o// zhabs brgyad rnam thar brgyad kyi ngang // 'khor ba dang ni mya ngan 'das// don dam kun rdzob bden pa'i dngos// dbyer med 'du 'bral med pa dang // rgyun mi 'chad par spyod pas te// don chen gab cing sbas pa'i gter// mngon rdzogs rgyal po'i sku gsung thugs// dgongs pa'i khyad par gang yin pa'o// snang zhing srid pas bsdus pa dang // rnal 'byor lam gyi ye shes kyis// grol zhing rtog pa ma lus dag/ shar zhing snang bar brtags pa de// mi spang mi 'geg lam mchog ste// de bas mu kha le zhes bya// zhes bka' stsal to// mu kha le gsang ba sems kyi dkyil 'khor bstan pa'i le'u ste bzhi pa'o// // de nas gzhan yang khyod nyid kyis// lus la 'byung ba'i dkyil 'khor gang // thun mong chos su bshad pa ni// drag po sngags kyi cha byad can// phrin las mi bzad cher sbyar bas// dur khrod
- 262b
'jigs pa'i gnas song ste// srid pa'i dkyil 'khor 'jig rten las// de dkyil mngon rdzogs he ru ka/ dbu dgu bco brgyad phyag dang ldan// chos nyid kun tu bzang mo nyid// mkha' bzhin dag pa'i rang bzhin las// 'bebs dang bskyod dang skul byed ma// len tshor tshims par byed pa dag/ snom byed ma dang ma mo bdun// yab kyi rnam shes tshogs dag las// ma mo brgyad ni phyag g.yas la// yul brgyad phra men phyag g.yon la'o// phra thabs bum thabs bsnams pa ni// phyag mtshan las kyi dkyil 'khor ro// de yis 'jig rten dregs pa gzir// brgya byin gyi ni gdan dag la// sha las rnam snang gsal du bskyed// gshin rjer drod las 'od 'bar gsal// khrag las mnyen gsal chu bdag steng // dbugs las yang gsal gnod sbyin gnon// mdun du bdud la bkrag las ni// de nyid gsal ma bskyed pa yin// rgya mtsho ma dang nyi zla dang // bde chen byang chub sems rtsa las// dpal 'bar khro mo bskyed par bya// phung byed sbas pa'i ma bzhi dag/ so sor bskyed la bsgyel ba la// drangs ma bzhi las yum chen mo// bde ba za byed rgyas 'debs ma// tshe 'phel ma dang rmongs byed ma'o// khros ma bzhi dang dges sde bzhi// gdan dang dbang po sgo bzhi dang // rnam shes rig par bcas pa las// khams gsum gdar sha
- 263a
gcod ma bskyed// chags byed cha snyoms bsgyel ba la// gsang ba'i rtsa las dug gsum dag/ dbang sdud ma mo bskyed par bya// e ka dza ti spun drug la// gzhung chen rtsa las skye shi dag/ rtsa gcod byed ma bskyed par bya// 'dod khams gtso mo spyan gnyis la// srog gnas pa yi rtsa la ni// pad+ma kro tI shwa rIr bskyed// nam mkha'i rgyal mo bsgyel ba la// lte bar gnas pa'i rtsa chen las// yak+ka kro ti shwa rir bskyed// ma bdun gdan la snying rtsa las// rak+Sha kro tI shwa rI ma// dmag gi rgyal mo bzhi nyid dang // srid bzhi'i gdan la rkang lag bzhi// sa ma kro ti shwa rI'o// dbang phyug ma mo nyi shu brgyad// nyon mongs yid kyi rnam shes las// g+hu h+ya kro tI shwa rI ma'o// bsgom bya ma mo bcu gsum la// lha chen drug cu rtsa brgyad bskyed// drag shul gdan gyi dkyil 'khor lo// mngon rdzogs rgyal po'i dbu gtsug la// rta mgo mgrin sngon byung ba ni// thams cad dbang du byed pa ste// zhal nas hrIHyi sgra byung bas// thams cad zil gyis gnon pa'o// nga rgyal gyi ni gdon rnams kyi// snying khrag zhal du rngub par byed// dam tshig pa la bzhag pa yis// rgod cing gtong ba'i phrin las nyid// srid gsum ma mo mkha' 'gro dag/ dbang gi ma dang tshe yi bdag/ nad rims mthu dang rdzu 'phrul gyis// rang gzhan don du bsgyur ba dang // gang rigs pa las
- 263b
dmigs pa ni// phrin las rdzogs pa'i dkyil 'khor yin// spyi bdun dmag dang dpung bsdu dang // dmag drangs pa dang dpon bsko dang // ngo bslang lhag ma bsdu ba dang // mdun dpung bshigs dang gtor ba dang // mchod dang dus gdab las rnams la// gcig tu dril dang so so yis// bsnyen pa dang ni 'khor lo bskor// sgo thun dbab pa brnag pa'i grogs// thams cad gzugs kyis bskang ba dang // zhi ba chen por byas pa dang // dbang dang drag shul phur pa dang // phra men so sor dbye ba dang // ngan sngags thun gyis bsad pa'o// gnad la dbab pa'i blta spyod kyi// dgug pa gsum gyis gdags pa dang // ma lus don la sbyar ba ni// phrin las rdzogs pa'i dkyil 'khor yin// rang las bsngags pa'i gnas de ru// yo byad gsum gyi phun tshogs nas// mtshan dang ldan pa'i grogs mchog dang // rnam shes rten rdzas bcu gcig ldan// snod chen lcang lo yang dag ldan// rak+tar bcas dang mar me btang // shun pa'i sprin dang bla re dang // chas gos shun chen ral ga bgo/ spyi blugs zhwa dang phreng ba dang // rigs bzhi mchog gi phur pa dang // stag dang glang chen bgo ba dang // sems can chen po lnga dag gi/ dbang po don snying yan lag dag/ rgyal mtshan bla re za ra tshag/ rang gi rigs dang rnam grangs mthun// mchod chen rab tu sbyar bas
- 264a
ni// gnas dang phrin las dmigs par bya/ oM hUM badz+ra shrI he ru ka hUM a a/ oM gu h+ya dz+nyA na shri he ru ka gu h+ya dz+nyA na kro tI shwa rI s+thAm/ ma ma yo gi nI ru lu ru lu hUM b+h+yo hUM/ oM nyid bzhi mu kha le kro d+hi shwa rI b+ha ga pad+mar+ya bde klong 'dus 'dus na snying dza/ sha yu ti ni hUM b+h+yo hUM/ A~M g+hi sa mu hUM ha/ oM dza la ram pa ha/ oM b+hi sha san ti ha/ oM b+hi yaM yaM ha/ oM ma hA lo te ha/ oM kro d+hI shwa rI b+ha ga pad+mar+ya hUM hUM/ oM badz+ra shAn ti pad+ma ka ru ting b+h+yo/ AM mu tri ni b+h+yo/ au a shan tri ni b+h+yo/ au b+ha ga dun tri ni b+h+yo/ au kha mun dan tri ni b+h+yo/ oM badz+ra sur+ya bi to a to ye/ oM badz+ra pad+ma bi to a to ye/ A~M badz+ra kha rag bi to a to ye/ A~M badz+ra sring 'gro bi to a to ye/ oM badz+ra a ke a ke b+h+yo/ oM badz+ra ta ko ta ke b+h+yo/ oM badz+ra nI la nI la b+h+yo/ oM badz+ra lan d+ha lan d+ha b+h+yo/ oM badz+ra dza traM mu raM shaM badz+ra dza traM mu raM shaM b+h+yo/ oM badz+ra kha rag snying kha rag ma b+h+yo/ trag rag sha trag rag sha b+h+yo/ trag rag sha mu tra baM kha mu tra baM rak+Sha b+h+yo/ pra ka ra ka ti tiSh+Tha b+h+yo/ pra g+hi wa g+hi sha b+h+yo/ oM hUM ka ri ka/ ba rod+d+ha rod/ ni la chu mi ha/ kha T+wAM ga/ da la tsa la/ pad+ma tsan+da/ ma gu ra ga te/ ting saM ting saM/ e A ra li/ bu byi ru lu ru lu b+h+yo/ trag rag sha trag rag sha b+h+yo/ a ting a ting b+h+yo/ byi ting byi ting b+h+yo/ su ting su ting b+h+yo/ yu ting yu ting b+h+yo/ badz+ra shAn+ti shin+taM b+h+yo/ badz+ra dun+ting dun+ting b+h+yo/ badz+ra ha ra ting ha ra ting b+h+yo/ badz+ra grub ting
- 264b
grub ting b+h+yo/ te saM te saM b+h+yo/ a bar d+ha la a bar d+ha la b+h+yo/ d+ha la d+hu na d+hu na b+h+yo/ d+hi na ma ma ya sa ma ma ya sa b+h+yo/ rang gi las kyi mtha' yis te// gsang sngags thun gyis gsad dang gso// gang gis gang la bsngags pa de// he ru ka yi gsung gi sgra// drag sngags bsgrub pa'i dkyil 'khor ro// zhes bka' stsal to// mu kha le thun mong las kyi dkyil 'khor bstan pa'i le'u ste lnga pa'o// // de nas gzhan yang khyod nyid kyi// sku dang mtshungs par bstod pa ni// hUM bcom ldan che mchog he ru ka/ mthing nag zhal gsum phyag drug ste// zhal g.yas dkar ba chos kyi dbyings// g.yon dmar rig pa'i ye shes nyid// dbus mthing gnyis med 'gyur ba med// phyag g.yas dang po rdo rje ni// bag chags rtog pa ma lus 'joms// bar ma dril bu chos sgra sgrogs// tha ma sbrul zhags gdug pa 'dul// g.yon gyi dang po b+han+da ni// 'khor ba zhal du rngub cing gsol// bar ma g.yang gzhi ma tshogs 'dul// tha ma ga'u bkrag mdangs sbed// rdzu 'phrul zhabs kyi bdud bzhi gnon// dur khrod chas brgyad rdzogs pa ni// sa brgya mnan pa'i rtog pa 'dul// kun tu bzang mo mu kha le// dbu gcig zhal ni phyogs bzhir gzigs// sku gcig mkha' gsang phyogs bzhir bgrad// sku mdog mthing nag 'gyur ba med// chos kyi sku yi dbu gcig las// ye
- 265a
shes lnga yis kun tu gzigs// pha rol phyin drag phyag rgya las// dang po rdo rje dril bu bsdams// nyon mongs 'joms shing chos sgra sgrogs// bar ma dril zhags b+har+d+ha ni// khams gsum spros bral sa la 'god// za ma bdud rtsi g.yang gzhi yis// thugs rje longs spyod mnyam par mdzad// mkha' bzhi bde klong gcig tu 'khril// rigs lnga gcig tu skyed cing sdud// zhabs brgyad dregs pa'i lha brgyad gzir// rnam par thar brgyad lam la 'god// gnyis su med pa'i 'phro 'du las// byang chub sems kyi sprin tshogs las// ye shes ma mo 'char zhing 'phro// las kyi ma mo rgod cing gtong // sprul pa'i ma mo mchod cing lha// mngon rdzogs yab yum sku la bstod// shar phyogs mkha' 'gro seng ge'i gdong // rtag pa'i rgyal mo rnam snang gsal// sku mdog dkar mo shel ltar dag/ dkar la dag pa'i na bza' gsol// dbu gsum phyag drug zhabs bzhir bgrad// mi 'jigs seng ge'i gdong dang ldan// dang po rdo rje b+han+da 'bar// bar ma dgra sta gtun shing brdeg/ tha ma seng ge mchog chen snyod// zhabs bzhi brgya byin steng nas bgrad// lho phyogs mkha' 'gro ba glang gdong // rtag pa'i rgyal mo 'od 'bar gsal// sku mdog sngon mo 'bar ba la// na bza' mthing sngon bai DUr+ya// dbu gsum phyag drug zhabs bzhir bgrad// dang po rin
- 265b
chen b+han+da 'bar// bar ma me dpal dbyug to bsnams// tha ma stag mo zhing chung snyod// zhabs bzhi gshin rje'i steng na bgrad// nub phyogs mkha' 'gro sud ka'i gdong // rtag pa'i rgyal mo mnyen gsal ma// sku mdog dmar mo 'bar ba la// na bza' dmar mo dbang gis mdzes// dbu gsum phyag drug zhabs bzhir bgrad// dang po pad+ma b+han+da 'bar// bar ma zhags pa tri shU la// tha ma ce sbyang zhing chung stod// zhabs bzhi chu bdag steng na bgrad// byang gi mkha' 'gro khyung chen gdong // rtag pa'i rgyal mo yang gsal g.yos// sku mdog ljang gu 'bar ba la// na bza' ljang gu bai DUr+ya// dbu gsum phyag drug zhabs bzhir bgrad// dang po rgya gram b+han+d+ha bsnams// bar ma dbyug tho rgyu phreng 'dzin// tha ma sbyang mo zhing chung stod// zhabs bzhi gnod sbyin steng du bgrad// nam mkha'i mkha' 'gro rdo rje mchu// rtag pa'i rgyal mo bkrag gsal mnyam// sku mdog ser mo 'bar ba la// na bza' ser po btso ma gser// dbu gsum phyag drug zhabs bzhir bgrad// dang po 'khor lo b+han+da 'bar// bar ma rgyal mtshan spu gri 'dzin// tha ma 'ug pa zhing chung snyod// zhabs bzhi bdud kyi steng na bgrad// yum chen rtag pa'i rgyal mo lnga// dbyings kyi yum la phyag 'tshal bstod// ma chen srid pa bde 'gro ma// khams gsum kun gyi yum mchog ste/ sku mdog
- 266a
mthing nag 'bar ba la// dbu gsum phyag drug zhabs bzhir bgrad// g.yas dkar g.yon dmar dbus mthing zhal// phyag g.yas dang po 'khor lo bskor// bar ma g.yang gzhi bsnams shing brde ba// tha ma tshe yi ga'u sbed// g.yon gyi dang po rin po che// bar ma b+han+da dmar gyis bkang // tha ma lcags kyu 'bar ba bsnams// zhabs kun brjid pa'i tshul gyis bzhugs// ma gcig nyi zla zod phreng can// sku mdog dkar mo 'od dang bcas// sprin dkar brtsegs pa'i na bza' can// 'ja' tshon 'od kyi cha ga can// nyi zla stong gi dbu zod can// phyag g.yas zangs lcags dkar nag la// snying gis bzlas pa'i zhags pa 'phen// g.yon pas nyi zla'i zhags pa 'phen// zhabs gnyis brjid pa'i tshul gyis bzhugs// nyi ma khros pa'i dbang mo che// sku mdog dkar mo 'bar ba la// na bza' shel gyi go zu gsol// phyag na shel gyi sgra gri bsnams// khrag 'thung khros pa'i dbang mo che// sku mdog sngon mo 'bar ba la// na bza' gsu yi go za gsol// phyag na zod khrag 'dzin cing gsol// bdud rtsi khros pa'i dbang mo che// sku mdog dmar mo 'bar ba la// na bza' le brgan go zu gsol// phyag na bdud rtsi'i bum pa bsnams// srid gsum khros pa'i dbang mo che// sku mdog ser mo 'bar ba la// na bza' ser po gser
- 266b
ltar 'tsher// phyag na rgyal mtshan zhing lpags bsnams// dkar mo srid pa'i rgyan byed ma// lag na skra yi zhags pa thogs// sngon mo dbyings phyug rgyal mo ni// zhing gi dbyig pa phyag na bsnams// dmar po bdag nyid chen mo ni// phyag na rgyu ma'i zhags pa bsnams// ser mo chen mo gcig spyod ma// phyag na zhing gi g.yang gzhi brde ba// dkar mo chen mo mig gcig ma// phyag na b+han+da zlum po bsnams// nag mo chen mo mche ba can// phyag na b+han+da sul mang thogs// dmar mo chen mo dbang sdud ma// phyag na b+han+da lcang lo thogs// ser mo chen mo tshe 'phel ma// phyag na thod pa rgya gram thogs// las kyi srid pa chags byed ma// sku mdog mthing nag 'bar ba la// na bza' g.yang gzhi rlon pa gsol// phyag na tsit+ta 'bar ba bsnams// rnal 'byor srid pa cha snyoms ma// sku mdog dmar mo 'bar ba la// stag lpags rlon pa'i na bza' gsol// lag na zod pa khrag bkang thogs// ma mo e ka dzA Ti ma// sku mdog dkar gsal 'bar ba la// na bza' sprin gyi go za gsol// 'ja' tshon 'bar ba'i 'od kyis brgyan// kha T+wAM dang ni zhing chen bsnams// 'dod khams gtso mo chen mo ni// sku mdog sngon mo 'bar ba la// sku stod stag gi g.yang gzhi la// sku smad zangs kyi gleng mas g.yogs// phyag na bdud kyi khram shing thogs// gling bzhi spyi phud bdag
- 267a
mo ni// dkar mo sgeg pa'i cha byad can// na bza' shel gyi go zu gsol// phyag na lcags kyu 'od 'phro thogs// rin chen srid 'debs chen mo ni// sku mdog sngon mo chen mo la// mu tig khu 'phang go zu gsol// phyag na g.yu yi ga'u thogs// pad+ma gar gyi dbang phyug ma// sku yi cha byad dmar mo la// le brgan dmar mo'i go zu gsol// phyag na thod phrag bsnams shing gsol// rdo rje gar gyi dbang phyug ma// sku mdog ser mo 'bar ba la// na bza' gser gyi go zu gsol// phyag na zod khrag lcang lo thogs// ma mo ha ra ting dkar mo ni// sku la shel gyi go zu gsol// lag na chu yi dkyil 'khor thogs// grub ting ser mo chen mo ni// sku la gser gyi go zu gsol// lag na sa yi dkyil 'khor thogs// shAn ting dmar mo chen mo ni// sku la bye ru'i go zu gsol// lag na me yi dkyil 'khor thogs// dun ting nag mo chen mo ni// sku la g.yu yi go zu gsol// lag na rlung gi dkyil 'khor thogs// srin mo chen mo skam pa mo// sku mdog dkar mo go zu can// lag na shel phur b+han+da thogs// srin mo chen mo phor thogs ma// sku mdog sngon mo go zu can// phyag na thod phrag bsnams shing gsol// srin mo chen mo g.yang gzhi ma// sku mdog dmar mo go zu can// phyag na b+han+da thod sbram thogs// srin mo chen mo za ba mo// dmar mo phyag na
- 267b
lpags rlon thogs// srin mo chen mo gsod byed ma// ser mo b+han+da ral gri thogs// srin mo chen mo ze byed ma// ser nag b+han+da lcags kyu thogs// srin mo chen mo snom byed ma// dkar mo b+han+da rlon pa thogs// shar gyi dkar mo mche gtsigs ma// phyag na thod pa dkar po thogs// lho yi nag po kha 'byams ma// phyag na b+han+da sngon po thogs// nub kyi dmar mo mchu 'jib ma// phyag na b+han+da dmar po thogs// byang gi ser mo rkang ldag ma// phyag na b+han+da ser po thogs// gling bzhi mgyogs ma lha yi sring // dkar mo rdo rje rtse gsum thogs// mkha' la khyung lding gshin rje'i sring // sngon mo phyag na thod dbyug thogs// dmar mo g.yag thod klu yi sring // dmar mo sbrul nag zhags pa thogs// nag mo sder chen gnod sbyin sring // ser mo ne le'i rkyal pa thogs// ma mo chen mo 'di rnams kyang // ye shes sngon du brnyes byas kyang // phrin las tshogs kyi gtso bo ste// thugs ni dbyings las 'gyur ba med// gsung ni grag stong chos kyi gsung // sku ni sna tshogs sprul pa'i sku// yon tan ma lus phun sum tshogs// phrin las drag shul gdug pa 'dul// res 'ga' 'jig rten srid pa'i tshul// res 'ga' gab sbas gsang ba'i tshul// res 'ga' rnal 'byor grol ba'i tshul// res 'ga' drag po sngags kyi tshul// kun kyang dur khrod chas
- 268a
kyis brgyan// ma mo'i tshogs la phyag 'tshal bstod// ces bka' stsal to// mu kha le lus kyi dkyil 'khor la bstod pa'i le'u ste drug pa'o// // de nas gzhan yang khyod nyid kyi// sku gsung thugs kyi dgongs pa dag/ ma lus bskang bar bya ba yang // phyi ru thams cad gzugs kyis bskang // ri rab ri bdun bcas pa dang // gling bzhi gling phran bcas pa dang // rgya mtsho 'khor yug bcas pa dag/ 'dod khams lha dang shes ldan mi// mkha' lding bya dang 'dab chags tshal// cang shes rta dang theg chen glang // shel dkar lug la tshe tshe ra// gcan gzan gdug pa zhe sdang khyi// mkha' la rgyu dang sa las skyes// chu la gnas dang sa 'og 'dzul// sgra dang dri ro reg par bcas// ji ltar 'byor pa kun gyis bskang // nang du ma hA su khas bskang // lus kyi dkyil 'khor gnas pa bzhi// byang chub sems dpa'i pho brang tshogs// bskyed dang srog dang rtsol ba dang // spel dang bsdu dang snyoms 'jug dang // 'jug pa gnas shing ldang ba dang // dbab dang bskyil dang bzlog dang dgram// bzung dang rang gnas dgram pa ni// de dag bskang ba'i mchog yin no// gsang ba dbyings kyi ngang du bskang // snang ba dang ni stong pa ste// thabs dang shes rab nyid kyis so// bde ba'i rnam pa gsal ba ste// gsal ba de ni mi rtog pa'o// mi rtog pa ni
- 268b
ye shes kyi// ye shes de ni dbyings kyis so// ma lus pa ni des bskangs pas// sangs rgyas byang chub sems dpa' dang // rgyal ba sras dang bcas pa mnyes// yon tan tshogs su bskang ba yang // skyes pa'am ni bud med kyis// ti ra rgyu mchog mtshan ldan de// phyi nang khrus kyis dag byas te// shes pa dag gis byin brlabs nas// lus kyis mngon rdzogs rgyal po ste// yid kyis mu kha le khyed nyid// rnam snang mdzad pa rus pas te// 'od 'bar gsal ma drod kyis so// khrag gis mnyen gsal ma nyid de// yang dag gsal ma dbugs kyis so// gzhan yang don snying nang rol dang // dbang po yan lag nying lag gis// ma mo tshogs dang bcas pa yi// sku gsung bcas pa ma lus bskang // phrin las khyad par las kyi mchog/ bsgrub pa'i don phyir bsgral ba'i rgyu// srog mdangs ji snyed gnas pa yis// phrin las bdag mo de dag bskang // bsgrub pa chen po rkun du ni// bskyed dang dgug dang gzhug pa dang // bcing dang gnyis su med pa dang // spyan drangs pa dang phyag btsal zhing // mchod cing bstod pa bzlas pa yis// bskang bar bya ba nyid yin no// 'di la byang chub bla med phyir// smin par bya ba 'di nyid kyi// phyi dang nang dang gsang ba yis// zhi ba byang chub sems shes byed// bum pa dang ni shes rab dang // kun rdzob don dam byang chub
- 269a
sems// rim pa gang gis yang smin bya// rgyal ba'i dkyil 'khor bskang ba'o// nam mkha'i khams kyis khyab pa yi// snod bcud 'byung ba chen po dag/ rten sa gzhal med khang pa dang // brten byed lha yi 'khor lor shes// lus kyi bya ba sngon song nas// 'dod pa'i yon tan mchod pa'i tshogs// sgra brjod tshig gis bstod pa dang // bzlas pa sngags kyi 'khor los te// sgra ni rnam pa ma lus pa// he ru ka yi gsung yin te// bzlas pa rgyun gyi rnal 'byor yin// yid sems rtog pa bsam pa'i tshogs// myong reg 'gyu ba dran pa dang // blo dang bya byed 'dzin pa dag/ byang chub sems kyi rang bzhin las// 'dzin pa dang ni bzung ba dang // bya ba dang ni byed pa'i tshogs// de dang mu kha le zhes pa'i// dngos por gyur pa thams cad de// nga dang khyod las ma gtogs pa'i// chos gzhan gang yang yod ma yin// nga yi rang bzhin yongs shes shing // mtshan nyid go bar byas mtshungs shing // 'du 'bral med par thag chod cing // blang dor med par la dor nas// dmigs pa med par bsgom par bya// mnyam sa gtsang sgras gzhi bzung zhing // rim pa'i tshul gyis smin byas te// byang chub chen po'i lam bgrod pas// ma lus 'thob par bya ba yin// rab 'bring tha ma'i blo rigs kyis// tshe 'di dang ni bar ma do// brgyud pa'i skye ba tshun tshod
- 269b
kyis// dam pa de nyid 'thob par 'gyur// zhes bka' stsal to// nyid kyi sku gsung thugs las byung ba'i// yum chen mo mu kha le'i sku'i dkyil 'khor thams cad dbyings kyi ngang du bsdus te// yab yum gnyis su med pa'i bde ba chen por snyoms par zhugs par gyur to// 'jig rten dang 'jig rten las 'das pa'i ma mo dang mkha' 'gro ma rnams ni// mngon rdzogs rgyal po yab yum gyi bka' rjes su bsgrub par gyur to// bstan pa'i tshogs thams cad ni// rdo rje rigs pa 'dzin pa byang chub sems dpa' rnams kyi thugs la gnas par gyur to// mu kha le sku'i dkyil 'khor yongs su rdzogs pa kha skong ba'i le'u ste bdun pa'o// // ma mo 'bum gyi ti ka bsdus pa/ rtsa ba'i rgyud rdzogs so// rgya gar gyi mkhan po slob dpon chen po pad+ma 'byung gnas dang // bod kyi lots+tsha ba be ro tsa na bdag gis bskur cing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya/ shog ser las bris so// //
- 270a
rgya gar skad du/ b+hid+yA ya d+ha ra sa mu dA ya mU la tan+t+ra nA ma/ bod skad du/ rig pa 'dzin pa 'dus pa rtsa ba'i rgyud ces bya ba/ 'phags pa rdo rje 'dzin pa la phyag 'tshal lo// 'di skad bdag gis thos pa'i dus gcig na/ bcom ldan 'das rig pa 'dzin pa thams cad kyi gtso bo rdo rje 'dzin pa chen po de/ de bzhin gshegs pa thams cad kyi gsung gi tshogs yang dag par 'dus pa'i gnas/ ri'i rgyal po dang / grong khyer chen po dang / dur khrod kyi gnas ma rungs pa dang / mchod rten gyi gtsug lag khang dag na/ rig 'dzin gyi tshogs chen po rab tu 'dus pa 'di lta ste/ bde bar gshegs pa thams cad kyi sku'i rig pa 'dzin pa dang / gsung gi rig pa 'dzin pa dang / thugs kyi rig pa 'dzin pa dang / yon tan gyi rig pa 'dzin pa dang / phrin las kyi rig pa 'dzin pa dang / rbod gtong gi rig pa 'dzin pa dang / bsgrub pa'i rig pa 'dzin pa dang / drag shul gyi rig pa 'dzin pa dang / phyag rgya'i rig pa 'dzin pa dang / grub pa'i rig pa 'dzin pa dang / sa'i rig pa 'dzin pa dang / rab tu smin pa'i rig pa 'dzin pa dang / shes rab kyi rig pa 'dzin pa dang / dam tshig gi rig pa 'dzin pa dang / sngags kyi rig pa 'dzin pa dang / slar gso ba'i rig pa 'dzin pa dang / de la sogs pa bde bar gshegs pa'i thugs nye ba'i sras su gyur pa'i rig pa 'dzin
- 270b
pa du ma rnams dang thabs cig tu bzhugs so// de nas sems dpa' rdo rje'i 'dzin// chos kyi dbang phyug chos kyi rgyal// thos dang gzung ba rnams kyi don// rang gi rigs kyi 'khor la bstan// bde bar gshegs pa thams cad kyi// dgongs pa rab tu bsdus pa'i don// rtsa ba'i tshul du bshad pa ni// mchog dang bar ma dman la sogs// gdul bya'i khyad par gang snang yang // thog ma nyid du bstan pa'i yul// sangs rgyas rnams dang de yi sras// gang gis 'dul ba de nyid la// de dang mthun pa'i gzugs ston te// 'bad pas rab tu brtsam par bya// dper na nad kyi gdungs pa zhig/ gso byed sman pa 'tshol ba'i phyir// bar du 'bad pa bskyed pa ltar// 'di ni nyon mongs rtsa ba dang // yan lag rnams kyi nad kyis gzir// gnyen po'i sman ldan rdo rje 'dzin// thabs mkhas chen po ma gtogs pa// dman pa'i sman pas nad de nyid// 'joms shing bsal bar nus ma yin// gzhan yang bus pa btsas ma zag/ ma yis bor na skyes bu gzhan// mthu stobs longs spyod ldan pa yis// gsos kyang 'tsho bar mi 'gyur ltar// thog mtha' med pa'i 'khor ba nas// yang dag don la shed ma bye// mi shes rmongs pa'i bus pa rnams// ma dang mtshungs pa'i rig pa 'dzin// snying rje dang ni nus par ldan// shes rab phun sum tshogs des gso//
- 271a
mig dang bral ba'i skyes bu ni// gsal ba can gyis ma khrid na// de nyid dang ni de 'dra bas// bkri zhing don byed mi nus ltar// ma rig rtsa ba yan lag gi// rab tu mdongs gyur rmongs pa dag/ ma lus shes bya rab gsal ba'i// mig ldan rig pa can gyis ni// thar pa'i lam la bkri dgos pa// rdo rje can dag nye bar bsten// de yis nges par bya ba dag/ dus gsum sangs rgyas rnams kyi gsang gsung yang // rig pa nyid du bya ba yang // yon tan ma lus thams cad dag/ gong nas gong du spel ba dang // nyon mongs rtog pa'i sgrib pa dag/ gnyen pos spangs shing sbyang ba dang // myur du brtan pa ma mnyam kyang // 'phro mthud lam gyis bgrod pa'i phyir// bag chags bzang pos gnas par bya// sangs rgyas byang chub sems dpa' dang // dgra bcom nyan thos rang rgyal dag/ so so'i skye bo dang po pa'i// yon tan phun tshogs ma lus pa// gong ma dag la brten nas 'byung // gsum// 'dod chags zhe sdang gti mug nga rgyal phrag dog ste drug/ dang lnga yi 'bras bu yis// drug dang nyi shu la sogs pa'i// 'bras bu bcu dang lnga sogs bskyed// de dag 'di la brten nas sbyang // thun mong pa yi sangs rgyas dag/ grangs med gsum du thogs par snang // snyigs ma can gyi sems can dag/ tshe zung nad mang skal ba zhan// tshe gcig nus pa yod min pas// phyi
- 271b
ma rnams su 'phro mthud de// theg pa chen po dge ba'i las// stong du 'phel bas skye bo dag/ rang rgyud gnas la de mi shong // dang po'i sar gnas la sogs pa'i// byang chub sems dpa' rnam dang 'phrad// de bas gnas skabs mthar zug tu// 'bras bu chen po 'thob 'dod pas// ngoms pa med cing sdug bsngal brdo// skyo dub med cing dka' ba bzod// gtong phod yangs pa'i blo dang ldan// chog par mi 'dzin rtsol ba yis// rdo rje 'dzin pa rab tu bsten// dper na 'jig rten skye bo gnas// las dang bzo la rtsol bar byed// 'di ni thar pa'i pha rol tu// bgrod cing phyin par 'dod pa yis// rdo rje 'chang ba'i tshul 'dra/ ba// mtshan nyid ldan pa cis mi bsten// rigs bzang rgyud dul spyod lam zhig/ thos dang yon tan brtson 'grus ldan// yang dag don rtog ston par mkhas// thos pas mi khengs shes rab che// 'jig rten rnyed pa don mi bsgrub// snying rje byang chub sems kyis 'dzin// skyo med dka' ba ma lus bzod// man ngag ldan zhing lam la goms// gzhan rgyud rig dang drod tshad mkhas// ma lus shes bya'i gnas kun rtogs// bslab pa'i gnas kun zhib par dpyod// tshe 'di'i yon tan don ma gnyer// de la sogs pa'i yon tan tshogs// ma lus rigs par ldan pa bsten// ston byed nges pa'i gang zag kyang // de nyid ldan
- 272a
pa'i don sgrub bo// 'jig rten gso dpyad sgra dang gnas// rig pa nyid dang phrin las tshogs// gang bstan de nyid phyi yin no// 'tsho byed thabs sbyor lus dang sems// stobs skyed pa dang 'jig rten pa'i// tshul mtshungs ngo tsha khrel yod bcas// rten 'brel tsom tsha tsam gyi gnas skabs so// grogs dang phung po nad dang dgra/ gnas dang 'brel ba longs spyod dang // bgegs dang sems dang brtson 'grus nad// lam gyi grogs 'gyur cha mthun zhing // phyi/ nang da gsanga' ba'i cho gas brtan// rab tu smin par byed pa 'di// thos pa'i lam dang rim pa gnyis// ldan pas grol ba'i chos bsnyen zhing // mthong ba dang ni gnas pa yis// gnas shing thob pa bstan byas pa// de dag de yis bye brag go/ dus gsum sangs rgyas rjes 'brang ba'i// kun nas bslangs pa'i bsam pa ni// 'jig rten khe grags rnyed pa dang // bkur sti gzhan gyi ngor spyod dang // ngo tsha khrel lta dbang med dang // chags dang dregs pa rang rgyud phyir// lus 'di che btsan ldan phyir min// 'khor ba'i sred pa 'dod phyir dang // gcig pu zhi ba'i phyir min zhing // gzhan don mchog tu bya phyir de// rang rgyud spyod pa'i mthun sbyor dang // 'khor ba'i yon tan dga' bde dang // zhi ba phyogs gcig dmigs pa bzlog/ mthar thug rdzogs dang gzhan don spyod// nad pa
- 272b
sman pa sman nyid dang // nad sos pa dang de yi g.yog/ nyon mongs nad dang de sos pa'i// sman dang sman pa grogs bzhin no// rgyal po tshong dang de yi nor// dgra dang dbul ba'i 'du shes min// thos shing bsam dang bsgom pa yis// sgrub dang rdol dang dug can gyi// skyon rnams spangs te ma yengs shing // ma brjed pa dang gnyen po'i don// bsngags par ldan pa'i 'du shes so// 'di la ma 'ongs dus dag tu// lta/ ba'i thabs ni 'di lta ste// rdzogs byas sku yi bstan pa dag/ gnas pa'i dus su bab pa'i tshe// dgra bcom byang chub sems dpa' dag/ gnas dus mnyam pa bzhi pa'o// gsung tsam 'dzin pa'i dus su ni// rab tu lhag par blta bya ste// 'das pa'i sangs rgyas rnams kyis ni// sku yi gdul bya rab zad de// ma 'ongs pa dag ma byung zhing // gsung tsam nyid la brten pas na// thugs brgyud skul ba'i sprul pa ni// dus de nyid du 'byung bar 'gyur// rnyog pa'i dus kyi rten can dag/ las dang bsam pa ma dag pas// dngos kyi gdul bya ma yin te// gzugs mi mthong zhing sgra mi thos// de bas rdo rje 'dzin par 'gyur// ma dag yul dang mthun pa'i tshul// rab tu spangs te khyad zhugs na// phan zhing rtogs par mi 'gyur te// dper na dud 'gror skyes pa la// lha mis don spyod mi nus bzhin// rnam pa ngo bo rang bzhin dag/ gcig dang mi gcig mthun mi
- 273a
mthun// tha dad pa dang rtogs pas so// dus gsum bdag po ma lus pa// rig pa 'dzin pa bsten las byung // de nyid sngon nas yod min zhing // rang gar spyod pas 'grub pa yin// de bas rig 'dzin rdo rje 'chang // ma yengs rgyun du bsten byas te// lus kyi spyod pa ma dag pa// mchongs rgyugs nyal dang 'phras dang rnyongs// sgo dgu'i zag pa dus min 'dor// sgeg dang 'gying bag 'bru tshugs dang // khri che ba dang mthon por 'dug/ rgyan chas bzang po myur ba dang // bzhon pa dang ni byug dang mnye// bza' btung ro yis bstar pa dang // gzhan gyi bkur sti mchod dang mnyes// de yi drung du blang bya min// ngag gi smra ba ma brtags pa// rdzun dang phra ma brlang po dang // tshig rtsub ngag 'khyal bab col dang // bzhad gad co 'dri ga zha dang // bsting tshig chags pa'i bre mo'i gtam// ma rangs pa dang ma gus dang // ma bsam ma brtags ma dris pa'i// tshig dang ngo dga' lkog 'gyur dang // ngan pa'i tshul rnams brjod pa ni// nam yang smra bar mi bya ste// gzhan yang de yi drung du min// yid kyi bsam pa tshul min pa// 'dra mnyam zla dang drin mnyam dang // grogs dang tha mal yon tan dang // skyon dag bsam par mi bya ste// rang rgyud tsam du brtag pa min// de bas de yi mig lam du// thal sbyar pus btsug spyi bos btud// de yi rkang pa gus pas
- 273b
blang // mthong na langs shing phyag btsal te// bya ba thams cad de yi rjes// legs pa nyid du rab tu spyad// ngag tu 'jam pa'i tshig dag ni// brjod cing zhu ba nyid du bya// don ldan bstod pa yon tan dang // bsngags dang che ba legs par brjod// yid kyis sangs rgyas yon tan dang // mtshungs pa nyid du blta ba ste// de las log pa gzhan mi bsam// khro dang bsdu ba nyid rnams spangs// bsam pa thams cad legs bsams te// ma legs bsam pa mi bskyed de/ de la brjod pa ci zhig yod// bcom ldan rig pa 'dzin pa yis// thob bya ma lus de las byung // ci 'byor pa yi yo byad bstab// phyi ma'i dus na snyog pa can// dus dang nyon mongs longs spyod dang // tshe dang lta ba mthar zug ste// myur du bgrod pa cung zad tsam// brgyad khri pa nas bcu yi dus// dus min 'chi ba shin tu mang // 'dod chags zhe sdang gti mug dang // nga rgyal phrag dog la sogs dag/ stobs che de yi gnyen po chung // longs spyod rnams kyi phongs shing dbul// spros pa'i mtha' gnyis brgyad sogs 'dzin// de dus rig pa 'dzin min pas// skyabs mchog sus kyang mi nus te// de la mthar thug blta bar bya// de la sdig dang bya min pa'i// nyon mongs las byung ma lus spangs// dge ba phyogs sdud bya ba'i cha// gnyen po'i phyogs rnams spyad cing bsgrub// spang
- 274a
blang phyi nang mi bya ste// gtsug gi nor bu bzhin du bkur// dngos po bsam pa yul rnams kun// rnam dag sgo yi ting nge 'dzin// chos dang lus dang longs spyod dag/ rang gi dgos pa rab spangs te// de nyid phyogs su rab tu spyad// lus ngag yid kyi 'bad pa gang // sku gsung thugs kyi rjes 'brangs shing // dka' thub spyad pa dang bsngos te// rim gro dang ni bsnyen bkur bya// thub pa chen po 'jig rten mkhyen// gang du bstan pa 'das gyur te// lnga brgya phrag dgu'i dus nyid du// nga yi tshul ltar 'chos pa nyid// tshig don yan lag mkhas gyur kyang // nga rgyal dregs dang rloms pa yis// gzhan dag rten dang chos kun la// khyad tu gsod cing gshe skur brjod// bslab bya kun la legs gnas kyang // gzhan don mi spro rang bzhin 'dod// sems kyi lhag bsam bzang gnas kyang // 'jig rten chos kyi rab g.yengs te// phra mo'i rnal 'byor phyir spong byed// mthar zug gzhan don legs spyod kyang // yan lag gzhan rnams sdig par sbyor// legs spyad de yi yon tan dang // spro ba dag gi rgya che yang // gong ma'i rig 'dzin gtsor mi 'dzin// lus ngag dge ba rab 'bad kyang // rang gi sems snang yang mi dul// man ngag rgyud la yod rlom yang // bsrung sdom gnang bkag mtshams mi shes// longs spyod phan pa'i sems yod kyang // bgrod
- 274b
bya'i gnas la mi mkhas 'byung // gzhi dang ngang bzang legs gnas kyang // ltos pa'i gang zag blo ring dang // rtags dang drod tshad mi rtogs shing // sangs rgyas nyid tu khas 'che zhing // rloms pa tha dag skyed pa 'byung // kha cig rang gi phyogs 'dzin cing // de nyid legs pa nyid du gzung // gzhan phyogs tha dad sna tshogs pas// thabs dang yan lag kun sbyor zhing // smod cing sun 'byin 'geg par bya// rjes su gzung ba'i yul dag kyang // 'dod pa'i yon tan gtsor 'dzin cing // longs spyod g.yeng ba'i rjes 'brang bas// 'jig rten chos kyi dus 'das pas// 'di la don yod legs shes smra// kha cig nang gi yon tan ldan// phyi rol chos kyis nyid 'ching zhing // gcig pu zhi bde 'dod pa dang // gzhan don nus kyang skyo ba'ang 'byung // kha cig mang du zos shing bsam// legs spyad rnams kyi don shes kyang // gzhan gyi 'jig rten chos su mthong // rgya che chos la skyo 'gyod cing // gzhan 'jug pa'ang sun 'byin 'gyur// kha cig dang por mnyam bzhag pa'i// myong ba cung zad la brten nas// thams cad mkhyen pa'i ye shes rgyu// bka' lung thos bsam 'gegs pa 'byung // kha cig mtshan ma dang bcas pa'i// mdo sogs brjod pa gtso bor byed// kha cig zhi gnas gnas bskyed cing // gzhi la yod pa yin zhes smra// kha cig rgyu yi tshogs la
- 275a
'bad// kha cig de yang sun 'byin zhing // thos bsam bsgoms pas grol zhing smra// de la sogs pa'i grub pa'i mtha'// phyin ci log dang yang dag pa// de nyid gsum dang dgu la sogs// bzhi dang brgyad dang bco brgyad dang // phra mo'i 'dod pa grangs med 'byung // de dag gcig gi gcig smod cing // 'geg dang sun 'byin khyad par 'byed// de yis rig pa 'dzin nyid kyang // brtag cing bstan par dka' bas na// nga yi bstan pa'i tshul dag dang // sangs rgyas rnams kyi gsungs bzhin du// legs par brtag cing mtshan nyid ldan// nges par bsten bya'i yon tan ni// sems can don phyir zhugs pa yis// 'jig rten kha na ma tho spangs// bsags pa'i sdig pa stobs chen mdzad// gnyen po stobs dang ldan pas so// byin gyis rlabs dang mthu stobs rnyed// bar chad nyes pas yongs mi tshugs// bsod nams tshogs la 'bad bskyed pas// yon tan bde 'dod yid bzhin 'grub// nyon mongs pa dang nye ba'i tshogs// mtshan nyid shes pas bgrod par btub// sdig dang las ngan bsrabs pa yis// ngan 'gro srid par yongs mi skye// thabs kyi lam mchog rab brten pas// thun mong ba dang mchog 'grub 'gyur// rnam thar bzang po'i rjes 'brangs pas// bstod dang bkur sti'i gnas su 'gyur// las dang bag chags
- 275b
bzang spyad pas// phyi mar rig pa 'dzin pa 'phel// mdor bsdus tsam du bstan pa las// mtha' yas pa ni bsam mi khyab// tshul bzhin ma bsten skyon dag kyang // bya ba ma lus gcig pur spyod// 'phya zhing smad pa'i gnas su 'gyur// 'gyod cing bshags pa mi byed pas// sdig pa snga phyi rim bzhin bskyed// byin gyis rlabs dang mthu stobs 'gags// lus srog longs spyod par chad mang // nus pa dang ni yo byad rnams// mi dge'i rgyu dang 'bras bur 'bab// nyon mongs lkugs par gyur pa yis// snang sems sdug bsngal tshogs su 'char// dge dang legs spyad 'phro med pas// bde skyid 'grib cing bsam don ldog/ thabs dang shes rab lam med cing // grub pa lam gyi 'byung khungs 'gags// ngan par spyod pa'i rjes zhugs pas// brnyas shing smad pa'i gnas su 'gyur// nyes pa las kyi gnas brgyud pas// sdig pa'i grogs dang 'phrad par 'gyur// 'khor ba thog ma med pa nas// sems can rnams kyi sdug bsngal rgyun// che chung drag zhan ring dang zung // ma lus dus gsum myong ba kun// rig pa 'dzin pa ma bsten zhing // de yi rjes su ma 'brangs pas// des kyang rjes su ma bzung ba'i// skyon yin zhes su sangs rgyas gsungs// de bas dang po'i las can gyis// thog ma nyid du 'bad pa yis// rig pa 'dzin pa nye
- 276a
par bsten// yid bzhin nor bu nyi ma dang // pad+ma zla ba sprin lta bu'i// rdo rje can gyi rig pa 'dzin// dus gsum sangs rgyas sku gsung thugs// ngo bo rang bzhin yon tan dang / sprul pa chos mthun nyid yin no// zhes bka' stsal to// rig pa 'dzin pa 'dus pa rtsa ba'i rgyud las/ rdo rje slob dpon yang dag par gzung ba gleng gzhi'i le'u ste dang po'o// // de nas rdo rje 'dzin rgyal gyis// rig 'dzin tshogs la 'di skad bshad// e ma rig pa 'dzin pa'i tshogs// phyi ma phyi ma'i dus dag tu// skyes bu chen po rig pa'i sras// shes rab snying rje brtson 'grus dang // dad pa blo gros rigs ldan pas// shes dang shes bya ma lus pa'i// don la rtag tu bsam pa'i phyir// 'dus byas chos kun ma lus pa'i// dngos po mi rtag 'du shes bsgom// phun sum tshogs pa 'di 'dra ba// rab tu rnyed par dka' ba bsam// 'khor ba kun dang khyad par du// ngan 'gro'i gnas la yid 'byung zhing // thar pa myur du 'dod pa yis// tshad med bzhi dang pha rol tu// phyin pa drug gi gzhir byas te// bsdu ba bzhi dang snying rje dang // don dam kun rdzob rnams kyis sbyang // rmi lam sgyu ma smig rgyu dang // sprul pa dang ni dri za'i grong // sgra snyan brag cha mig yor sogs// chos kun de dag tshul bzhin bsam// de las 'byung zhing bskyab pa'i phyir// yul gsum la ni
- 276b
skyabs su 'gro// so sor thar dang rig pa 'dzin// byang chub sems dpa'i bslab bya brten// de nas nga yi ston pa yis// blo chen rigs la gsungs pa yi// smin cing grol ba'i lam zhugs te// gnas dang yul dang rig byed dang // rang gi sems kyis dben pa yi// rang dga'i gnas su 'dug nas ni// phyi nang gsang ba de nyid kyi// bsrung dang bkru dang brtags pa dag/ ji ltar gsungs pa bzhin du'o// sa dang gnas kyi rim pa dag/ brtag cing sbrang dang gzung ba dang // blang dang byin gyis brlab pa rnams// legs par bshad pa ji lta bar// phyi dang nang dang gsang ba'i blos// rim pa dang ni dmigs par sbyar// rab 'bring tha ma'i tshad ldan pas// gzugs dang dbyibs dang kha dog gi/ nges dang ma nges las rnams ni// rab tu 'bad pa legs sbyar te// rig pa 'dzin pa'i pho brang ni// rtsod dang skyon med dmigs pa'i gzugs// brgyad dam bzhi'am bcu drug ni// lte ba khyams dang sgo bzhir bcas// rang gi rigs dang kha dog ldan// yongs su rdzogs pa'i rtags kyis brgyan// bsgrub bya sgrub par byed pa yis// rten dang rdzas kyang de bzhin no// bsgom bya bsgom par bya ba dag/ sku dang gsung dang thugs dang ni// rtsa ba yon tan phrin las dang // drag shul spyod dang brten cing sngags// rang bzhin lhun gyis grub pa dang // sa dang lam
- 277a
la gnas pa dang // blta ba phyag rgya rab rdzogs dang // mi 'gyur tshe la dbang ba dang // man ngag lung ston byed pa dang // shes rab rgyud la spel ba dang // dbang dang dam tshig ston pa dang // lam gyis bgrod par byed pa dang // rdo rje rin chen pad+ma dang // phrin las dang ni rab 'dus pa'i// zhing skyong byed dang mkha' la 'gro// yab yum pho mo'i rnam pa dag/ phrin las sgrub par byed dang bcas// nga dang nga yi tshul 'dra zhing // dbu rgyan thor tshugs rna rgyan dang // mgul rgyan dpung rgyan brang rgyan dang // snyan cha rin chen mgur chu dang // cod pan phyag gdub zhabs gdub dang // stod g.yogs smad g.yogs zar tshags// pa ti dar la rnams kyis brgyan// rnga gling dung dang Da ma ru// dril bu cang te'u ting ting shag/ kha T+wAM gri gug thod pa 'dzin// rang gi sngags kyi sgra sgrogs pas// 'jig rten khams kun rab tu grags// au badz+ra sarba gu ru hUM phaT/ de dag bsnyen pa'i yo byad kyang // sha dang bdud rtsi rnam pa lnga// dri dang sman lnga spos lnga dang // ro drug btung ba yan lag lnga// bsreg dang bdug dang btsos pa'i rlangs// 'dod pa'i longs spyod ma lus shing // glu gar bro dang rtse 'jo dang // rgod dang steg cing 'khrig pa dang // rol dang stobs dang bza' ba dag/ ma lus mnyes par byed pa yi// thabs dang yan lag
- 277b
bsam mi khyab// ji ltar mdzes dang 'byor pa rnams// bstod dang bsgrub pa'i tshul gyis dbul// nam mkha'i khams kyi 'jig rten nas// rig pa 'dzin pa'i byang chub sems// ji snyed pa dang ji lta ba'i// sku gsung thugs dang yon tan tshogs// gtso dang 'khor dang yongs su srid// ma lus lus pa med pa kun// gsal 'tsher lhun sdug gzi byin 'bar// 'gying bag sgeg nyams 'jo tshul can// gar dang 'dug stangs nyams dang sbar// ldeg dang g.yo dang 'bar ba dang // rgyugs dang mchongs dang 'khrig pa'i lus// rgod dang mu cor smra ba dang // gsang tshig sngags dang glu tshig ngag/ bde zhing gsal dang mi rtog dang // zhi bar gnas dang lhag par mthong // mnyam par bzhag dang rjes la thob// ril por bzung dang rjes su 'jog/ so sor sdud dang bsam gtan dang // ting nge 'dzin dang srog dang rtsol// sgyu ma'i lus dang 'od gsal dang // zung du 'jug dang spro ba dang // ngo bo rnam pa rang bzhin gyis// lam gyi chos su snang ba dang // rgyu dang 'bras bus yongs bsdus pa'i// chos kun rab tu snang bar bya// de ltar byas na rig pa 'dzin// 'das dang ma 'ong da lta ba// thams cad kun gyis dgongs shing 'grub// grub pa drag po'i dngos grub dang // thod phreng bsam 'grub dbang du sdud// dang po gnas nas spyan drangs te// rang gi
- 278a
gzugs brnyan dag la bstim// phyag btsal mchod cing bstod dang bsnyen// dbab dang dral ba dbang dang bstim// dran dang las su byas pas bsten// gnas bsgyur ba dang lta ba dang // yid la bya dang sgom pa dang // sar gnas pa dang spyod pa dang // rab tu brten dang thob pa dang // ma lus pa dang rdzogs pa yis// rig pa 'dzin pa nyams su myong // zhes bka' stsal to// rig pa 'dzin pa 'dus pa rtsa ba'i rgyud las/ bsgrub pa bsdus pa'i le'u ste gnyis pa'o// // de nas rdo rje 'dzin rgyal gyis// rig 'dzin tshogs la 'di skad bshad// e ma rig pa 'dzin pa'i tshogs// phyi ma phyi ma'i dus dag tu// nga yi rjes su rig pa 'dzin// byang chub sems dpa' rnams kyis ni// shes shing lta ba 'di lta ste// srid dang zhi ba dngos dang stong // 'khor ba dang ni mya ngan 'das// bde sdug rtog pa rab snang yang // chos can chos nyid ma lus stong // shes pa'i gnas ni rdul tsam med// phung po khams dang skye mched dang // rten 'brel 'byung dang ldog pa sogs// rang gi ngo bo nyid kyis stong // dngos po mtshan ma mtshan nyid dang // mtshan nyid gzhi la sogs pa kun// ma skyes mi 'gag mi rtag cing // ma chad mi 'gro mi 'ong ste// yod dang med pa'i phyogs bral ba// 'di ni kun la khyab pa'o// de ni rtogs par bya ba ste// bsgrub pa'i gzhi ni sems
- 278b
yin te// snang dang srid pa sems las byung // de nyid brtag cing bstan du med// mkhas pa zhig gis tshol byed kyang // nam yang rnyed cing mthong ba med// sems can rang bzhin byang chub ste// byang chub nyid kyang de yin no// de yang shes pa rig 'dzin mchog/ 'dod pa de la yongs mi 'byung // nam mkha'i mthar zug tshol ba bzhin// sgyu ma lta bur gang shes pa// de la mchog 'gyur yun mi ring // tha snyad tsam gyis mtshon pa yis// rtogs shing rig par 'gyur ba yin// dper na rgya mtsho'i lan tshwa'i ro// ma myangs rtogs par mi 'gyur te// nam zhig rtsol bas myang gyur na// the tshom bral ba'i ro myangs te// kun gyi lan tshwa'i ro shes 'gyur// de bzhin yang dag mtha' yi don// ma mtshon mtshon par mi 'gyur te// brda dang thabs dang byin rlabs dang // dpe don rtags kyi shes bya ste// ngos bzung drod tshad ldan byas na// rang rig ye shes mthong bar 'gyur// gnas dang bgrod dang thob pa ni// zos pa tsam gyis mi 'byung ste// ji ltar sman gyi lo 'bras dag/ 'khrungs pas nad la mi phan bzhin// nyams su ma myangs chos rnams kyang // gnyen por mi 'gyur de bzhin no// de bzhin chu chen sgrol ba dang // gzhan gyi phun sum tshogs pa dang // ri mo dmus long la bstan dang // 'on pa'i rna bar sgra sgrags dang // sa bon me yis bsregs pa dang // sa yis
- 279a
rnyogs pa'i chu bzhin du// ma rtogs gzhi dang ma bgrod lam// ma bsgrubs 'bras bu de bzhin no// gzhan yang me ni gtsub shing dang // mar ni 'o ma la gnas dang // 'bras bu sa bon las 'byung yang // ma bsrubs ma bsgrubs ma bskyed par// de dag 'byung bar mi 'gyur bzhin// ma mthong ma shes ma go zhing // ma bsgrubs ma brten de mi 'byung // thabs med shes rab 'ba' zhig pas// chad pa nyid la bar 'gyur// thabs gcig pus kyang 'chings 'gyur te// shes rab bral bas grol ba min// gnyis ka med pa 'khor ba'i lam// phyogs gcig nyid ni gnyis kas 'chings// zung du 'jug cing dbyer med par// spyad ces rgyal ba rnams kyis gsungs// dang por kun rdzob tsam du brjod// de shes nas ni yang dag bstan// phyi ma'i dus na rig pa 'dzin// kha cig nga yi tshul 'chos shing // gang zag rtag pa'i bdag yod ces// smra ba de dag sun dbyung ste// gang zag bdag ni byed pa po// bcu gnyis kyis bsogs byas pas rtag/ rang gi rgyu 'bras mi 'dor zhes// smra ba 'byung ste de mi rigs// rtag pa don byed med pas stong // dper na ri bong rwa bzhin no// ma khyab don byed nus she na// rim gyis sam ni cig char byed// rim gyis zhe na rtag pa nyams// de la rim pa yod phyir ro// cig char zhe na de yi rgyu// nus pa thogs
- 279b
med de 'bras bu// bskyed pa'i dus na de yod ltar// mi bskyed dus na yod dam med// yod na cig char bskyed pa nyams// de yis phyis kyang bskyed phyir ro// rkyen dang 'phrad pas 'byung zhe na// rtag par 'dod pa de nyams te// rgyu yis bskyed par mi nus par// phyi nas rkyen gyis bskyed phyir ro// 'bras bu mi bskyed dus na ni// nus pa thogs med min zhe na// thogs med thogs bcas 'gyur ba yis// rtag par 'dod pa de nyams so// de bas cig char don byed na// 'bras bu skad cig 'grub 'gyur te// skyes ma thag tu rgas pa dang // myu gu 'bras bur smin bzhin rigs// cig char don byed 'dod phyir ro// de ltar 'dod na mngon sum skyon// gzhan yang khyod kyi 'bras bu de// mi rtag rgyu ni ma grub phyir// phyogs gcig rtags pas khyab ce na// 'bras bu yod dam med pa skyed// yod na bskyed pa mi dgos te// 'bras bu thug med skyon du 'gyur// med pa skyes par 'dod na ni// med pa de la rgyus pan nam// phan na 'bras bu ma grub ste// gdags bya'i yul du ma grub phyir// phan btags med na bskyed pa de// ma grub gang zag bdag ces pa// kun la phan btags med phyir ro// de lta bas na gang zag gi/ bdag tu 'dzin pa de bkag nas// chos la bdag 'dzin spangs pa ni// nyan thos rang rgyal sems tsam gyi// chos kyi bdag ces yod par
- 280a
brtags// dang po de yis gzung ba'i yul// phra rdul 'byar zhing ma reg pa// g.yag spu dang ni rtsa phung bzhin// de la 'dzin pa'i sems kun zhig/ tshogs drug don dam rdzas su 'dod// de ni mi rigs ma grub ste// gzung yul chos can don dam du// med de gcig dang du mar bral// de yis ma khyab yod ce na// gcig tu yod dam du mar yod// gcig na phyogs dang bcas ma bcas// bcas na gcig tu ma grub ste// phyogs cha 'dod pas du mar 'gyur// phyogs med yod pa ma grub ste// phyogs cha med pas dngos med 'gyur// de 'dod ce na sngar yod nyams// gal te du mar yod ce na// de nyid gcig la ltos ma ltos// ma ltos du ma'i 'dod pa min// gcig med du ma mi 'grub ste// ltos na de nyid ma grub pas// ltos pa'i du ma ga la srid// gcig bgrangs du ma yin phyir ro// gcig pu'i sangs rgyas 'dod rnams ni// phyi rol yul med de nyid la// 'dzin pa don dam rdzas su 'dod// de mi rigs te yul med na// de la 'dzin pa mi 'grub ste// rmi lam sgyu ma ma grub na// der 'dzin sems kyang mi 'grub bzhin// rang rgyal 'dod pa 'gags par 'gyur// sems tsam 'dzin pa zhes bya ba// yul rnams sems kyi snang ba ste// gzung 'dzin gnyis kyis stong pa yis// bya byed gsal ba gzhan ma ltos// myang ba don dam rdzas su
- 280b
'dod// de nyid mi rigs dgag pa ni// 'dzin pa'i sems de chos can de// don dam 'jal ba'i don med// gzung bya'i yul de ma grub na// 'dzin byed sems kyi ci zhig 'dzin// phyogs gcig khyab pa med ce na// sngar gyi 'bras bu 'gags pa yis// yod med skyed bral der gnod do// sems kyi skad cig snga ma las// phyi ma phyi ma skye ba'i tshe// rgyu 'bras rdzas su yod pa las// skye'am gal te med las skye// yod na bdag gam gzhan las skye// bdag las skye na yod pas so// gzhan las skye na rgyu 'bras kun// nges med log par skye bar 'gyur// med las skye na snga ma yis// phyi ma la phan 'gyur ram ci// phan btags 'dod na yod pa ste// phan btags yul du byung bas so// phan med bskyed pa ma grub ste// rgyu med gzhan la ma ltos phyir// skye'am mi skye skyon dang bcas// de phyir kun gzhi ma bcos pa// don dam spros dang bral zhes bya// nga yi rdzogs pa'i sangs rgyas rnams// dus gsum rgyud du 'di skad gsungs// kun gzhi la ni nyon mongs pas// btags pa'i nga bdag 'dzin pa de// lus kyi steng 'og mtha' dbus su// btsal bas gang du'ang mi rnyed de// bdag gir 'dzin rnams de bzhin no// yul gyi khyad par sna tshogs kun// kun rdzob 'khrul ngo la snang ste// rab rib can gyis skra shad bzhin// sems la gzugs dbyibs rgyu dang
- 281a
rkyen// 'byung ldog ltos pa yod min te// 'dus ma byas pas nam mkha' bzhin// yul gyi snang ba 'di dag kun// ma 'ongs mi 'gro gnas med de// 'ja' tshon sprin dang na bun bzhin// yod dang med pa mtha' dbus kun// ma grub pa ni dbu ma'o// chos nyid dang ni de shes pa// spros dang bral la spros bral bzhag/ bsal dang gzhag pa ci yang med// dag pa nyid la dag pa snang // dag par mthong nas rnam par grol// chos bdag med pa'i mthar zug go/ zhi bar gnas pas lhag par mthong // mnyam par gzhag pa'i rjes la thob// ting 'dzin las su rung ba ni// tshogs gnyis grub pa'i 'bras bu yin// rnal 'byor pa yi blo khyad kyis// rim bzhi spyad pa 'og ma nas// gong ma'i sa nas sar 'phar te// lus ngag bya ba gtsor spyod dang // thabs spyod shes rab dman pa dang // dag pa gsum gyis gnas sbyang dang // zung 'brel pa cher gnas dang // dbyings dang ye shes 'du 'bral med// skad cig tsam gyi ye shes kyi// bsags thob brtan pas rten du 'gyur// kha cig tu ni mngon shes dang // spang ba lnga dang bgrod pa bcus// dri ma dang bral shes rab thob// nus pa thogs med chos skur 'dod// kha cig tu ni smin cing grol// snod gyur bzhi dang shes pa gsum// 'jug pa lnga yi bdag nyid kyis// yongs rdzogs snang ba'i skur
- 281b
'dod de// mdor bsdus rang gzhan phun tshogs don// spang thob shes pa'i bdag nyid can// sbyangs shing rdzogs pas rten du 'gyur// khyab cing bden par nges dang ldan// ma 'ongs rnyog ma can gyi dus// nga yi bde gshegs ston pa la// kha cig chos sku gcig tu 'dod// kha cig gnyis dang gsum dang bzhi// lnga dang drug gi so sor 'dod// rang gis grub pa'i tshul du snang // mtshan nyid gzhi ni chos sku gcig/ ltos med ma byas lhun gyis grub// gnyis ni gzugs su snang ba ste// mkhyen zhing thugs rje nus pas 'phags// ma bcos ngo bo gzhi ru 'gyur// lnga dang drug ni nges pa dang // ma nges pa yi chos nyid kyis// 'dod pa'i mthun phyogs ldan pa yis// de yi yon tan ye shes tshogs// yod dang med ces so sor smra// ji bzhin shes pa de nyid las// ma lus shes pa'i gzugs brnyan dag/ sems bskyed smon lam stobs kyis 'byung // 'bad rtsol med pa'i don chen rdzogs// skye ba'i mtha' son rig pa 'dzin// bcu gnyis mdzad pa rim gyis rdzogs// skad cig nyid la sangs rgyas tshe// chos kyi sku yi rnam par 'byung // yongs rdzogs sbrul shun brjes lta bu// a bcu'i rig pa 'dzin la snang // shun pa lta bu'i rigs drug 'dren// thun mong pa yi brtags pa yis// kha cig kun gzhi nges shes dus// skye med spros bral mngon sangs rgyas// ji
- 282a
bzhin rtogs shing ji snyed mkhyen// ye shes tshogs dang byin rlabs kyis// nges pa lnga ldan skur gyur nas// sbrul sku sna tshogs bstan ces zer// kha cig gis ni chos sku nyid// sangs rgyas rnams kyi spyod yul te// rig pa 'dzin pa longs skur bstan// so sor spyod pa'i skye bo yis// rang dang mthun pa'i sbrul skur mthong // gang gis brtags pa de ltar snang // kha cig ye shes rgyun chad de// chos sku sgrib pa ma lus zad// chos nyid ngang du tha mi dad// gzugs sku gnyis ni de nyid kyis// byin gyis rlabs kyi rig pa 'dzin// sems bskyed smon lam btab pa dang // 'khor rnams bag chags sad pa las// yid bzhin nor bu nyi ma'i 'od// bum pa bzang dang dpag bsam shing // 'bad pa med par gzhan don byed// nam zhig sprul pa'i gdul bya zad// chos nyid tha mi dad du 'gro// mya ngan 'das zhes nges par brjod// ces bka' stsal to// rig pa 'dzin pa 'dus pa rtsa ba'i rgyud las/ rig pa grub pa'i tshul bstan pa'i le'u ste gsum pa'o// // de nas rdo rje 'dzin rgyal la// rig 'dzin tshogs kyis 'di skad zhus// e ma rdo rje rig 'dzin gtso// ston pa dus gsum sangs rgyas dang // 'khor tshogs gtso chen khyod nyid kyis// zhus shing bshad pa'i bstan pa 'di// sangs rgyas dgongs pa mi gnas shing // khyod kyi gdul byar ma gyur
- 282b
na// nam zhig su yis gsal bar byed// 'dri zhing 'dzin dang nyan dang 'chad// bsgrub cing ston par byed la sogs// gang zag phyi dus ji ltar 'byung // phyogs gcig tsam du ston pa'am// yongs su chad par mi 'gyur ram// bdag cag the tshom gcad tu gsol// de skad gsol pa gsan nas kyang // rdo rje 'dzin pa'i gtso bo yis// rig pa 'dzin pa'i tshogs chen la// spro bar bya phyir bka' stsal pa// rdo rje rig 'dzin tshogs chen rnams// nga dang sangs rgyas rnams kyi thugs// gnyis med ye shes bstan pa 'di// sems can las dang bsod nams kyis// mun pa'i bskal pa ma gtogs par// sangs rgyas rnams kyi 'gro don spyod// bzang po zhes bya 'di nyid la// byams pa seng ge rab gsal tshogs// snang mdzad rgyal po'i mthar thug pa// rang gi gdul bya legs par sbyang // da lta nga yi ston pas kyang // sprul pa dge sbyong cha lugs can// gdul bya so so'i skye bo dang // nyan thos rang rgyal rnams la bstan// byang chub sems dpa'i rig 'dzin la// rdzogs par longs spyod sku yi bsdus// dman pa'i lus can drang ba'i phyir// tshangs dang brgya byin dbang phyug che// lha klu gnod sbyin dri za srin// pha ma mkhan po slob dpon dang // glang po ri bong sreg pa dang // byol song yi dwags dmyal ba'i bdag/ rang gi rigs dang las dang khams// byed
- 283a
pa'i tshul dang cha lugs kyis// mthun 'jug thabs su rab bstan te// thabs dang yan lag sna tshogs kyis// rang gi gdul bya'i don spyod 'gyur// ston pa'i gsung mchog dpag med kyang // thams cad dga' dang nye bar 'khor// 'od srungs lag na rdo rje 'chang // blo ldan rnams kyis legs bsdus te// bstan la rgya cher ston par 'gyur// sku mchog mya ngan 'das 'og tu// lo ni brgya las lhag gyur na// legs par gsungs pa 'gro la 'gyur te// de nyid du yang gang po dang // mong+gal bu la sogs pa yis// ldem po gnyis snang gzhung 'grol byed// dgra bcom pa ni mang zhig gis// bye brag smra ba rab gsal te// gzhan yang rab tu mngon pa'i chos// bstan pa nyams dmas gyur tshe ni// gsal ba'i tshul khrims zhes bya'i bu// AR+YA sang+ga dbyig gnyen gyis// de dag rgyas shing gsal bar byed// gzhan yang na ga rdzun dang // tsan+da kIt+ti Ar+ya d+he ba// nA ga b+ho d+hi zhes pa yis// blo chen spyod yul rgyas par ston// phyogs kyi ban glang zhes bya dang // kI ra ti chos shes bya ba yis// rang gzhan gtan tshigs rgyas par byed// dbang po rab la bstan pa dag/ nga dang nga yi 'khor rnams kyis// rin chen glegs bam bris nas ni// in+d+ra bo d+hi dza zhes pa// blo ldan de la lag gnyen gyis// legs par gdams te bstan nas
- 283b
ni// rab tu rgyas par phye 'gyur te// u rgyan yul gyi dur khrod du// rang byung mchod rten chen po la// stsal nas dbyings kyi yum la gtad// de nas las kyi dus sad de// sku gsung thugs dang yon tan dang // phrin las rbod gtong mchod dang rten// drag sngags spyod dang las sna tshogs// gcig dang so sor phye ba yis// bka' rgyud de yi don 'grel bcas// ma lus gsal bar byed pa ni// d+ha na ko sha'i mtsho gling las// pad+ma'i steng du brdzus skyes pa'i// rgyal po'i sras su rab bkur ba'i// rig pa 'dzin pa der snang 'gyur// ma la ya yi yul dag tu// skyes pa'i mi tra many+dzu yis// sku yi sgrub lugs gsal bar byed// b+he ta li'i yul du sku 'khrungs pa// na ga rdzu na zhes bya bas// gsung gi sgrub lugs rgyas par ston// sing+ga la yi yul du ni// hUM zhes grags pa byung ba des// khyad par thugs kyi sgrub lugs ston// thar mchog yul du skyes pa des// phrin las spyod pa gtso bor ston// za hor yul du sku 'khrungs pa// dri ma med pa'i bshes gnyen gyi// yon tan spyod pa legs par 'byed// u rgyan zo gar yul du ni// skyes pa'i d+ha na saM skr-i tas// mngon rdzogs lha yi khyad par ston// lha yi zla ba zhes bya bas// 'jig rten rang rgyud mang po ston// zhi ba'i snying po zhes bya bas// drag sngags spyod pa bsgrub cing ston// 'byung gnas gsang ba zhes
- 284a
bya bas// de dag bstan pa'i snying po ni// shin tu gsal zhing rdzogs par byed// gzhan yang u rgyan mkha' 'gro'i yul// dpal ldan so so'i mchod rten la// legs par bstan pa'i snying po ni// brgya byin byang chub rgyal ba dang // btsun mo sras 'khor bcas pa yis// tshe 'dir grol ba mngon du byas// rjes su spyod la rim par bstan// u rgyan yul gyi rdzing phug dang // bar ta dang ni yang le shod// dur khrod chen po'i gnas brgyad tu// yon tan zhing skyong mkha' 'gro dang // klu dang phyogs skyong mchod rten dang // me chu sprin dang shing chen po// legs bcas rigs pa 'dzin rnams kyi// legs par skyong zhing 'dzin par 'gyur// de nas byang phyogs mtha' 'khob yul// ti se gangs kyi shar ngos su// rig pa 'dzin pa'i byang chub sems// 'jig rten dbang phyug dngos gyur pa// chos kyi rgyal po de byung nas// kro d+hi yang ti rA tri dri'i yul dang bcas// phrin las che la thugs gzhol te// rig 'dzin mdzad pa mthar 'byin byed// wa gI shwa ri'i thugs rgyud kyi// rig pa 'dzin gyis de bzhin te// bstan pa'i snying po rab tu 'dren// skye ba 'ga' zhig rab bgrod de// las kyi tha ma rab sad nas// sngon gyi gdul bya lhag ma rnams// ci rigs su ni 'dul byed de// ma lus rgyas par spyod par byed// sprul pa'i skye ba dang po des// bstan pa'i snying
- 284b
po sku gsung thugs// yon tan phrin las bla med pa// ma lus gsal zhing rdzogs byed pa// rat+na bud+d+ha dz+nyA na yis// khyad par sku yi gsang ba ston// stong pa'i snying pos thugs rnyed de// rta mgo 'byung bas gsung rnyed cing // rdo rje zla bas yon tan thob// mkha' spyod ma yis phrin las 'grub// shrI sid+d+has rang rgyud 'khol// dz+nyA na shrIs mo rigs 'grub// rnam snang mdzad pas drag shul spyod// brah+ma Na de ba puSh+pa yis// kun gyi lung rtsal snang bar byed/ mthar phyin byang chub son par byed// de bas sngon gyi tshul 'di dag/ nub cing nyams par mi 'gyur te// phyi ston pas bstan pa/ nas mthar phyin spyod par 'gyur// che// de yi dus su rig pa 'dzin// myur du thob par 'dod pa yis// 'chi ba'i dus la sleb kyang bla'i// gal te 'di nyid ma rtogs na// rten 'brel gzugs brtan shar ba la brtag pa yis// nges pa can myur du 'chi mi 'chi du shes par 'gyur// gzhan yang rmi lam gyi bzang ngan la brtag pa dang // lus ngag gi skad che phung la brtag gnam gyi gzugs brtan la sa mi du ba la chad dam ma chad/ brtag pa dang / sems la snang ba'i ltas ngan pa rnams ni// tshe ring zung yang bsam pa'i yul du shes pa byas dag gis// cho ga rten 'brel gyis bsla dang bzlog pa dang don la sgrar ba chos gsum gyis 'chi ba bslu ba yis// mthar thug gi nus pa ma rdzogs tshe 'di'i rten gzhan la 'pho ste// sems la dngos po'am mtshan ma
- 285a
med par skye brga ba na ba 'chi ba'i sogs pa'i/ rnam rtog ste chags 'di 'jig rten pa'i snang ba'i rtags// sems kyi snying po spros bral la// lus 'pho dang sems kyi mar 'gro ba yongs ma grub// rang byung rig pa 'dzin pa'o// gal te 'pho ba sbyang bar 'dod pa na// dben pa'i gnas su lam sbyangs la brtan pa thob par bya te// lam gyi grogs kyis mthun sbyar te// yi dam lha'i sku dang rdo rje sogs phyag mtshan hAM la sogs pa yig 'bru yis// mthar zug chos nyid snying po gsal byas nas// rig pa 'dzin pa'i dmigs pa de// dag pa'i rten la 'phang bar bya// rdo rje 'dzin pa nyid du 'gyur// rten gsal nus pa skyes na mchog/ de yi 'phen pa ma rdzogs na// grong gzhan dag la 'jug pa ni// skyon bral rten bzang legs par sbyang // ngan 'gro chos lugs bsam zhing bskyed// lhag pa'i grogs kyis bsnyen bkur zhing // rlung sgo gnyis su snying po'i mchog/ rnam par shes pa snying po nyid// thim par gyur te brtan par gnas// pha rol po la yon tan 'byung // bag chags bzang po'i dran pa dag/ grogs mchog de yis mthun par brjod// snga ma'i rten de legs par sbyang // rig pa 'dzin pa ngo 'phrad 'gyur// stobs dang nus pa ma rdzogs na// 'khor ba dang ni mya ngan 'das// gang du'ang ma grub par ma do// dgon par zhugs pa'i mi lta bu// 'khor ba'i gnas
- 285b
la thag bcas de// mya ngan 'das la nges par 'gro/ tha mal pa dang lam zhugs pa'i// snga ma'i shes pa de bor nas// lam gyi rtogs pa yang yang dran// ting 'dzin bsam pa'i bar ma do// smon pa'i sa mthong lta bu ste// sgo gsum rtsol ba'i gnad kyis gtsun// snang ba 'di dang gnyid 'thug po// bar du rmi lam rtog pa ni// lus dang ma 'brel yid gzugs kyi// bde sdug nyams su myong ba ni// de lta'i gnyen pos grol bar gzung // phyi rol 'byung ba rim gyis dgag/ gnas pa'i rlung gi 'jug bcad de// phyir ma'i skye ba ma blangs par// skye 'chi srid pa bar ma do// snga ma'i gzugs kyi rtog pa can// dbang po yul dmigs snyam pa dang // stobs dang nus pa thobs med cing // mtshungs ldan rigs kyis spong shing shes// rigs drug snang ba skye zhing 'char// sngar bzhin lam gyi goms pa mthud// tha mal phung po'i lus spangs pas// ngo shes ma bsgribs 'jug par bla// snga ma'i 'khor gyi dge sbyong grogs// lha dang mkhan po slob dpon gyi// ji bzhin dgongs pa der snang bya// mthun 'jug rig pa 'dzin par 'khrid// phung po dor ba'i rnam rtog 'cha yang 'chi// sku mchog lhun gyis grub pa dang // phyag rgya che dang tshe la dbang // rnam par smin pas yongs grub pa'i// rdo rje 'chang ba 'ba' zhig go/ de bas rig pa 'dzin pa khyed// ston pa rnams dang ngas bshad
- 286a
pa'i// don la the tshom ma bskyed cig/ legs bstan 'grel byed lung dang bcas// nub par 'gyur bar ma dgongs shig/ theg pa chen po gang gsungs lam// log par bgrod par ma dgongs shig/ tshe gcig rdzogs pa'i lam yin pas// dngangs shing skrags par ma byed cig/ nga yi bstan pa'i tshul 'di la// kha cig 'jug cing dga' bar byed// kha cig smod cing gshung bar byed// kha cig gnyis 'dzin the tshom za// 'di dag dar zhing spyod pa'i dus// pram shrI d+he ba'i sprul pa ni// sems rgyud dag pa rab mdangs ldan// rig pa 'dzin pa'i byang chub sems// shAkya'i yul du byung nas ni// nga yi bstan pa'i phyogs tsam dag/ mtsho skyes A ka ra zhes pas// gang bshad phal cher rgyas par byed// legs par bshad pa rab bsgrubs te// u rgyan yul du gdul bya sdud// nga yi rig 'dzin rnams kyis ni// de nyid byin/ gyis rlabs kyis ni// gdul bya kun la rgyas par byed// de nyid u rgyan bram ze yis// zung 'jug spyod pa rab sbyangs te// bde ba can du nges par 'gro/ rig pa 'dzin pa gzhan dag kyang // de yi tshul bzhin rab 'bad pas// rim gyis myur ba'i sa lam sbyong // mthar thug sngar bshad gnyis su med// rang rig snang ba byang chub sems// dus gsum rgyal ba'i gdung 'dzin cing // lus dang rtsa rlung byang chub sems// ji
- 286b
ltar rig pa'i don la 'jug/ chos dang longs spyod rdzogs pa dang // 'khor los sgyur dang lha yi lus// rgyun du gnas dang gdul bya'i ngo // lha ris phal dang ma nges tshe// chos nyid nam mkha' stong gsum dang // gling gcig tsam khyab dgongs pa ste// mos spyod dang po brgyad bcu yis// skal ba mnyam pa zhes bya'o// lnga bsdus gtso dang rags pa sbyang // 'dul byed dang ni rang don rdzogs// sna tshogs grub par de dag 'gyur// zhes bka' stsal to// rig pa 'dzin pa 'dus pa rtsa ba'i rgyud las/ phyi ma'i gnas la yang dag par spro ba skyed pa'i le'u ste bzhi pa'o// // de nas rig pa 'dzin pa'i 'khor de rnams kyi/ gtso bopo rdo rje 'dzin pa de la yang dag par dga' bar gyur pa'i tshig gi rig pa'i yon tan la mngon par bstod de rang rang gi gnas su dgyes par gshegs nas bzhugs so// gtso bo chen po ni rang gi ston pa longs spyod rdzogs pa'i dkyil 'khor du zhugs te chos nyid kyi rol pa sna tshogs ston par mdzad do// rig pa 'dzin pa 'dus pa rtsa ba'i rgyud ces bya ba rdzogs so// nuM/ tsa/ b+haMHrgya gar gyi mkhan po pad+ma 'byung gnas dang / bod kyi lo ts+tsha ba bai ro tsa na bdag gi bsgyur cing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya'o// //
- 287a
rgya gar skad du/ lo ka sto tra pU dza no bi ka sA la tan+t+ra nA ma/ bod skad du/ 'jig rten mchod bstod sgrub pa rtsa ba'i rgyud ces bya ba/ bcom ldan 'das rdo rje 'dzin pa la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang gsung dang thugs kyi bdag nyid gsang ba chen po rdo rje 'dzin pa/ dus gsum gyi sangs rgyas ma lus pa thams cad kyi sku dang gsung dang thugs kyi phrin las ma lus pa yang dag par bsgrub par mdzad pa/ mthu dang stobs dang mi 'jigs pa dang / dbang phyug dang gzugs kyis 'jigs par byed pa/ gtum po dang drag shul can dang / dregs pa can dang / stobs can dang / bzod par dka' ba dag myur du 'dul bar byed pa/ bde bar gshegs pa thams cad kyi thugs kyi snying po// de kho na nyid las phyung ba/ byang chub sems dpa' chen po gtso bo chen po mthar phyin pa la rab tu zhugs pa/ 'dod pa'i khams dang gzugs kyi khams su gtogs pa'i dbang phyug lha'i rigs rnams kyi bdag po chen po/ lcang lo can gyi gnas dang / ri rab kyi gnas kyi gnod sbyin rnams kyi/ sde dpon chen po de/ 'og min gyi gnas lha'i rgyal po'i khang bzangs na bzhugs te/ dus gsum du rnam par bzhugs pa'i sangs rgyas rnams kyi sku gsung thugs kyi rnam
- 287b
par 'phrul pa'i 'od zer sna tshogs bkye nas/ tshig 'di skad ces bskul to// kye kye gsang bdag rdo rje 'dzin// khyod ni sangs rgyas thams cad kyi// bstan pa dam pa srung ba yi// mthu stobs bdag por dbang bskur te// dam tshig chen po de gzigs la// sku gsung thugs kyi gsang ba las// 'jig chen 'jigs par byed pa yi// sku mchog drag po'i gsung dang bcas// gtum pa'i thugs kyi shugs phyung la// gdul dka' ma lus 'dul ba'i phyir// sprul pa 'phrul pa'i phrin las kyis// sngon gyi thugs dam rol par mdzod// ces pa skul ma thag tu// bcom ldan 'das des sangs rgyas kyi phrin las chen po mdzad pa'i dus la bab par mkhyen nas/ nyid kyi sku gsung thugs zhi ba chos nyid de bzhin nyid las ma g.yos kyang / gdul bar bya ba'i yul drag shul can rnams la gzigs nas/ phyogs bcu nam mkha'i mtha' dang mnyam pa'i 'jig rten gyi khams ma lus pa thams cad du/ sku'i rnam par 'phrul pa bsam gyis mi khyab pa khro bo chen po'i gzugs 'di lta ste/ sku mdog mthing nag zhal dgu pa la/ g.yas kyi zhal ni kham nag gtsigs pa/ g.yon gyi zhal ni smug nag bsdus pa/ dbus kyi zhal ni mthing nag khro zhing rngams pa/ phyag g.yas dang po na rdo rje 'bar bas g.yon gyi dung dmar dkrugs shing gsol ba// g.yas 'og ma brgyad na lha chen po
- 288a
brgyad bsgral ba'i mgo bo bsnams pa/ g.yon gyi 'og ma brgyad na klu chen po brgyad gyi mgo bo bsnams pa/ de dag kyang g.yang gzhi dang bcas pa/ g.yas kyi spyan dgu gyen la bzlog pa/ g.yon gyi spyan dgu 'phreng la gzigs pa/ dbus kyi spyan dgu thur la sdang mig mdzad pa/ khro gnyer drag po dpral bar bsdus pa/ shangs nas srid pa'i rlung drag po 'tshubs pa/ zhal nas bskal pa'i me 'bar ba/ mche bapab dmar po bar snang khams su gtsigs pa/ sma ra ag tshom sprin bzhin du gtibs pa// dbu skra ral pa kham nag srid pa'i rtse mor 'bar zhing 'khyil ba/ snyan nas gdug pa'i sgra chen po 'byin pa/ sbrul gyi chun pos yan lag dkris pa/ bdud dang rA tra bsgral ba dang / glang po che'i pags pa na bzar gsol pa/ stag gi pags pas sku smad dkris pa/ khrag dang zhag gi thig le dang ri mos brgyan pa/ thal chen gyis lus byugs pa/ thod pa skam po dang rlon pa dang / sha khrag ra ri can gyi phreng ba byas nas brgyan pa/ zhabs brgyad kyis tshangs pa dang / khyab 'jug dang / dbang phyug chen po dang / brgya byin chung ma dang bcas pa dag mnan pa/ yum chen mo rab tu gtum mo 'jigs byed ma rang gi sku dang mtshungs pa zhig mnyam par sbyor ba/ grangs med cing brjod kyis mi lang ba/ bye ba til gyi gang bu bzhin du gyur pa thams cad kyang / oM
- 288b
badz+ra tsaN+Da sarba duSh+TAn ta ga ha na da ha pa tsa hUM phaT/ ces bya ba'i gsung sgra drag po 'byin pa/ de dag re re las kyang sprul pa dang sprul pa'i yang sbrul bsam gyis mi khyab pa rab tu snang bar mdzad pas/ 'jig rten gyi khams kyi dregs pa can/ lha'i tshogs dang / bdud dang / gshin rje dang / srin po dang / gnod sbyin dang / gza' bdud dang / klu dang / rgyal po dang / ging dang / ma mo chen mo rnams dang / mkha' 'gro'i tshogs dang / ru tra dang / mu stegs dang / srog gi bdag po dang / nor gyi bdag po dang / tshe'i bdag po dang / sngags kyi bdag po dang / srid pa'i bdag po dang / gzhan yang 'jig rten gyi khams thams cad dang / dur khrod chen po dang / yul chen po dang / 'dzam bu'i gling gi mtha' khob kyi sa dang / ri yi rgyal po dang / ri phra mo dang / rgya mtsho dang / chu bran dang / yongs su 'du ba'i shing dang / nags tshal chen po dang / gnas phra mo bsam gyis mi khyab pa dag na gnas pa'i 'jig rten gyi dregs pa can po dang mo'i rnam par 'dug pa dang / gtso bo dang 'khor gyi khyad par du rgyu ba dang / bran dang g.yog gi tshogs dang bcas pa dag gis rang rang gi gnas nas myur du sngangs shing skrag la 'jigs pa dang / yang ba'i sems dang / dub pa'i sems kyis thon te/ bcom ldan 'das de'i spyan sngar rlung drag po'i shugs kyis rab tu bskyod pa'i shing
- 289a
bal gyi 'dab ma bzhin du rang la dbang med par lhags par gyur to// phyogs bcu'i 'jig rten gyi khams ma lus pa dang / khyad par du mi mjed kyi 'jig rten gyi khams na/ gling bzhi dang / rgya mtsho chen po dang / rol pa'i chu klung gi gnas dang bcas pa dang / ri rab chen po dang / ri bdun gnod sbyin gyi tshogs dang / lha'i gnas 'dod pa'i khams dang / gzugs kyi khams dang / gzugs med pa'i khams dang bcas pa dang / dmyal ba dang / yi dwags dang byol song gi skye gnas na gnas pa dang / 'dzam bu'i gling gi sa'i cha na gnas pa'i dregs pa can rnams so so nas rang rang gi mdun na drag po chen po'i sku gzi byin dpag tu med pa/ gzhan dag gi nye ba'i thug mi thub pa/ re re 'dug par mthong ste/ de dag thams cad tha dad du rang rang gi sde dpon chen po rnams la skyabs su 'gro bar byed do// sde dpon chen po rnams ni 'jigs byed chen po'i sku gsang ba pa'i bdag po de la rang rang gi 'khor dang bcas nas skyabs su 'gro bar byed de/ thams cad kyis rang rang gi gzugs dang / long spyod dang 'khor dang / rgyan dang / bzhon pa dang / gnas dang / nye bar spyod pa phrin las kyi khyad par ma lus par bstan cing / ming gi snying po rnams mngon du phyung ste smras so// ma hA de ba e dza/ u ma de ba e dza/ du pra ma du phrag du dza/ dun ting
- 289b
ma du dza/ 'jig rten gyi dbang phyug chen po yab yum bdud pho mo dang bcas pa rnams kyis rang gi ming phul ba'o// de nas gshin rje'i sde dpon rang gi tshogs dang bcas pas/ rang gi ming dang srog tu bcas pa phul ba// hrIHSh+T+r-iHbi kr-i tA na na ya ma pre ta dza/ ma ma ya mun ti b+ha tri dza/ zhes phul lo// de nas srin po'i sde dpon rang gi 'khor dang bcas pas ming gi snying po phul ba/ rak+Sha hi shaM ma ti rak+Sha ma shu tri dza/ zhes phul lo// de nas gnod sbyin gyi sde dpon rang gi 'khor dang bcas pas rang gi snying po phul ba/ yak+Sha ku be rak+Sha ti ma yak+Shi ma dza/ zhes phul lo// de nas 'jig rten gyi gnod sbyin lha'i sde dpon kha ba can gyi dbang pos rang gi ming phul ba/ gaM ba b+ha ra d+he ba ta du ti dza/ zhes phul lo// de nas 'jig rten gyi rgyal phran gyi sde dpon lha'i sde sum cu gsum gyi bdag pos rang gi ming phul ba/ gaM tri pa sha li ba ra tri laM ka ra sha dza/ zhes phul lo// de nas spyi bdud kyi sde dpon rang gi 'khor dang bcas pas ming gi snying po smras te/ du pra shaM dzaHa ka ru kaM tsa dza/ zhes phul lo// de nas ye shes las la grub pa dang / dam tshig gi tshogs kyi bdag mo srid pa dbang sdud ma dang / ral pa gcig ma dang / mkha' 'gro ma'i tshogs kun gyis rang gi snying po phul ba/ baM ma ma trag mu tra rA dza/ e ka dza ti ru ru ro ti ta b+had to// re ma ti/ kha mun+na tsa pa li ma sha dza/ zhes
- 290a
phul lo// de nas 'jig rten gyi lha btsan po dang rA tra'i rigs kyi sde dpon chen po rnams kyis rang gi ming gi snying po phul ba/ d+he ba a b+hi shu tri ru tra ni dzi ha sha tri tri dza/ zhes phul lo// de nas 'jig rten gyi bgegs kyi rgyal po dang / mu stegs byed dang / bdud dang / dmu'i tshogs kyis rang gi ming gi snying po phul ba/ bi nA ya ka ti thi ka du mun mun pa dza/ zhes phul lo// de nas 'jig rten gyi srog gi bdag po dang / gnod sbyin glu'i bdag po rdo rje can dang / dgra bla'i rgyal po chen po dang / lha'i dbang phyug nag po chen po'i tshogs kyi sde dpon chen po rnams kyis rang rang gi ming gi snying po phul ba/ ging ka ra tri pa le ra tsa badz+ra bu ru dza/ badz+ra sA d+hA tri dza/ ma hA kA la yak+Sha dza/ zhes phul lo// de nas 'jig rten gyi klu dang / gza' skar gyi sde dpon chen po rnams kyis rang rang gi ming gi snying po phul ba/ nA ga tsit+ta hu ya na gi ma na k+Sha tra rA hu la g+ha he pa sha mi gi hUM dza/ zhes phul lo// gzhan yang 'jig rten gyi khams kyi dregs pa'i dbang phyug ma rungs pa 'khor dang bcas pa dag gis rang rang gi lus dang srog tu bcas pa phul ba/ e a nr-i dza sa ma ya srog breng breng dza dza/ zhes phul lo// de nas bcom ldan 'das kyis dregs pa can 'khor dang bcas pa de dag dbugs phyung nas/ mi 'jigs pa byin te 'di skad du/ kye ma 'jig rten dregs pa'i
- 290b
tshogs// khyed rnams nga la ma 'jigs shig/ nga ni sangs rgyas thams cad kyi// sku gsung thugs kyi phrin las bdag/ chos nyid zhi ba chen po yi// thugs rje dang ni ye shes kyi// dus gsum 'dus byas 'dus ma byas// skad cig nyid la mngon du gsal// ma 'ong sems can don gyi phyir// sna tshogs lus kyi gsang ba ston// dregs pa'i sde dpon khyed rnams kyang // thog ma med nas da lta'i bar// nyon mongs 'khrul pa'i dbang gyur te// gnas ngan lan gyi bag chags kyis// lus ngag yid kyis mi dger spyod// 'khor ba'i sdug bsngal rgyun mi 'chad// na rag chen por lhung nas ni// thar pa'i dus med 'byung srid kyi// de bas da lhalta'i dus mchog 'dir// nga dang sangs rgyas thams cad kyi// sku gsung thugs dang yon tan dang // mdzad pa'i phrin las rab son pa// bsgo ba'i gsung bzhin nyan par gyis// las dang srid pa don yod pa// mi dge'i bag chags dor bar gyis/ bslab pa'i gzhi zung sems bskyed la// mthu stobs nus pa drag shul dag/ sangs rgyas bstan pa'i rjes su spyod// rig 'dzin rnams kyi bka' bzhin skyongs// khyed cag rgyal po rje dpon dang // bran g.yog tshul du sus bsnyen pa// dngos grub gsol zhing phrin las sgrubs// gal te de ltar mi byed cing // gsang ba'i tshig las 'gal byed na// khyod kyi lus sems srog gi rgyud// da lta
- 291a
nyid du ma rungs 'gyur// zhes bka' stsal nas// dam pa'i tha chag la bkod nas bzhag go/ 'jig rten pa'i sde dpon gyi tshogs rab tu 'dus pa gleng gzhi'i le'u b+ha dang po'o// / de nas 'dod pa'i khams kyi lha'i dbang phyug chen po yab yum la sogs pa'i dregs pa can gyi 'khor rab tu 'dus pa de dag gis/ bcom ldan 'das de bzhin gshegs pa thams cad kyi sku gsung thugs kyi gsang ba'i bdag po chen po la 'di skad ces gsol to// kye ma bcom ldan gsang ba'i bdag/ 'jig rten gnas pa'i drag shul can// 'dod chags zhe sdang sred len gyis// gang gis mchod cing bsten byas na// bdag cag rnams ni dga' mgu rang // khyod kyi bka' lung rjes bzhin du// brtul zhugs 'dzin pa de dag la// phrin las spyod pa'i grogs bya'i phyir// bdag cag so so'i gnas dang dus// rang gi sde dang 'khor g.yog dpung // mthun pa'i las dang longs spyod dang // cha lugs rigs dang bsam pa dang // khams dang byed pa'i tshul dag dang // dam tshig sbyor ba'i khyad par dag/ bdag cag rnams dang ma 'ongs pa'i// rig pa'i tshul 'dzin don phyir du// ma lus rgyas par bshad du gsol// zhes gsol pas/ de nas bcom ldan 'das kyis 'jig rten gyi khams kyi dregs pa can dag gi gtso bo dbang phyug chen po la
- 291b
sogs pa rnams la so so'i sa dang gcig tu sbam pa dang / tha dad du sbyar ba dang / nges pa dang / ma nges pa dang / rim pa dang / 'chol ba dang / phyi dang / nang dang / gsang ba dang / sbas pa dang / tshogs pa dang / 'thor ba dang / mthun pa'i rdzas dang / snying po dang / mngag pa dang / gnyer gtad pa dang / bskul ba dang / rbad pa dang / bzlog pa dang / tshar gcad pa dang / gzir ba dang / spog pa dang / las sna tshogs dag gi sgo nas/ rol pa chen po'i gsang ba sku gsung thugs kyi rdo rje/ dam tshig chen po las phyung ste bka' stsal to// nyon cig 'jig rten dreg pa'i tshogs// phyi ma'i tshe na snyigs ma'i dus// dge sbyong chen po'i bstan pa 'di// so so skye bo rnams la snang // nyan thos rang rgyal rnams kyi tshul// rdo rje 'chang ba rnams kyi sku// rgyud dag pa la lam rdzogs gsal// spros med chos sku 'dul bral med// ting nge 'dzin la sbyangs pas 'grub// bsam pa che la smon pa yis// rigs drug so so'i bdag por snang // las kyi dregs pa khyed rnams ni// 'jigs rten 'jigs par byed pa yi// gtum zhing dpa' la ches dpa' bas// gdul zhing drang bar nus pa las// zhi bas 'dul bar mi nus te// rig pa 'dzin pa'i skyes bu ni// stobs ldan dregs tshogs kun 'dul ba// khams gsum spyi la dbang bsgyur byed// nga dang gnyis med sbyor ba yis/ las
- 292a
kyi bya ba rab rdzogs pas// dur khrod chen po rab 'jigs par// byin gyis brlabs pa'i dben sa ru// sgrib sbyangs bsod nams bsags pa dang // bar chad bdud bzlog las la 'bad// mthun rdzas sa la pho brang bzhengs// dam tshig drag po'i rdzas kyis bran// thod mkhar bam mdzod ldan pa'am// e traM grangs dang sbyar bar bya// dregs pa'i lus ngag yid gnas rten// ngas bshad tshul dang mthun par dgod// phyi rol sgo sogs rgyan 'jigs ldan// dur khrod chen po mngon du dbyung // tsa ra ma he chu glang dang // seng ge glang chen rta nag dang // bya khyi lug nag rnga bong dang // stag dang bya rgod khyi phag gnag/ bdud bya chu srin nya rus sbal// rgod dkar rgod gnag rta dkar dmar// so bya dre'u ban glang rnams// rgyal mtshan sha khrag snying dang bcas// so so'i mthun pa'i gnas su bshams// 'bru bzang bshos dang dam tshig rdzas// bdud rtsi sha khrag snying sbyar ba// rin chen bcud kyis sbreng nas ni// grangs mnyam yang na phyogs bzhir gzhag/ gdugs dang ba dan bla re dang // lnga ldi dra ba za ra tshags// 'di la shis shing mthun pa ste// stag gzig dom dred 'phar sbrang dang // kang ka dur bya bya rgod khra/ mi rta ban glang ne le yi// sha rus lpags dang mgo yis bya// mda' gzhu mdung dang kha T+wAM ga/ ral gri chu gri spu gri
- 292b
dang // tri shUl phur pa so mangs dang // mtshon cha drag pos bskor zhing gtams// mdzes dang mi mdzes snyan mi snyan// dri nga ba dang bsung ba dang // kha mngar tsha skyur rtsub pa dang // tsha grang 'jam rtsub dro dang bsil// gzugs sgra dri ro reg rnams kyis// ji ltar 'dod pa bzhin du bstar// de nas rdo rje 'dzin pa des// phyi nang gsang ba'i bsrung ba yis// gnod cing 'tshe ba tshar bcad de// bsod nams tshogs kyis rang rgyud sbyangs// gzhan phan byang chub sems kyis bsgrub// chos rnams gnas lugs bzhin du bsgom// ma mthong ba la snying rje bskyed// ngo bo bskyed rgyu hUM du bsgom// de nas snod kyi gzhi mo lnga// ye shes 'byung ba lnga ru bsam// steng du rin chen ri rab kyi// dbus su dur khrod gzhal yas khang // thod mkhar e traM sum cu la// gzugs brnyan bzhin du ting 'dzin bskyed// dbus su nyi zla pad+ma dang // ro bzhi bsnol ba'i steng nyid du// rdo rje 'chang ba'i sku gsung thugs// nga nyid kun la snang bzhin bsam// yum chen khams gsum spyi 'dul ma// gtso dang gnyis med sbyor ba las// thabs dang shes rab 'od zer las// e u'i rnam pa sa bon tshul// 'phro 'dus gri gug khA T+wAM gsal// de nyid gsal ba'i rgyud sbyangs pas// 'dod khams dbang phyug gtso bo che// lha mo yum dang bcas par gyur// seng ge glang chen zhabs kyis
- 293a
gnan// zhal gcig phyag gnyis mthing nag rngams// na bza' ljang nag bklubs ber gsol// gtso chen gri gug tsit+ta bsnams// yum gyis kha T+wAM thod khrag bzung // yab yum gnyis med thugs ka nas// ya ma dun ting rak+Sha yak+ka// phyogs bzhir bdud dang gshin rje dang // srin po gnod sbyin sde dpon dag/ yab yum bcas pa gsal bar spro// gra he nA ga/ steng 'og du ni gza' dang klu'i// sde dpon yab yum spro zhing bskyed// d+he ba tri dza du tri// gangs bzang lha dang gnam rgyal dang // spyi bdud sde dpon shar du bskyed// ma ma dza Ti DA ki maM// ma chen srid pa'i rgyal mo dang // ral gcig ma dang mgyogs byed ma// ma tshogs sde dpon lho ru'o// ru tra a b+hi ba yang haM shaM/ gnod sbyin btsan dmar rol btsan gyi// sde dpon nub kyi phyogs su bskyed// bi tri tir thi rmu du// bgegs dang mu stegs dmu bdud kyi// sde dpon byang gi phyogs su'o// tri ye ra tri sa tri na tri// srid pa'i srog gi bdag po dang // gnod sbyin klu tsha bdud rgyal po// sku lha gsang ba rdo rje legs// nag po chen po chos srung rje// shar lho nub byang sgo bzhi bskyed// rol khyams la dregs pa can// so so'i 'khor g.yog mang po dag/ bka' nyan gsung sdod tshul du bskyed// rang rang sngags kyis brtan par bya// dbang po'i yul du gsal ba dang // 'jig rten rang rgyud so so
- 293b
yi// gnas nas 'od kyi kyo ba dang // gsang ba'i snying pos myur du bod// ting nge 'dzin gyis tshul 'dra ba// rang gi gzugs brnyan lus la bstim// rang rgyud pa dang gzugs brnyan bsre// oM AHhUM AM badz+ra tsaN+Da sarba duSh+TAn ta ka ha na da ha pa tsa hUM phaT// sku gsung thugs ldan byin brlabs shing // rdo rje 'chang bas dbang bskur bya// dur khrod gnas kyi sgo bzhin nas// bka' nyan las byed sde brgyad kyis// lus ngag gus pas phyag 'tshal zhing // phyi nang gsang ba'i 'dod yon tshogs// 'tshe zhing gdug pa'i bsam pa can// gzugs can gzugs med bcas pa rnams// dregs pa'i tshogs la mnyes par 'bul// sku yi cha lugs so/ so yi// don rtags mthun pa'i tshig gis bstod// sku gsung thugs kyi yon tan dang // phrin las smos te thugs dam bskul// rdo rje 'dzin pa'i sku gsung thugs// gsal brtan chad dang ldan pa yis// nam mkha'i khams kyi mtha' khyab kun// rang gi yul gsum gsal bar dmigs// dregs pa'i sde dpon re re'i drung // rdul snyed 'dul byed gnyen por gnas// phal pa re re'i gnas drung du// sde dpon chen po de bzhin bsam// bka' nyan gsung sdod g.yo mi nus// cung tsam 'da' bar mi spyod cing // rang gi 'dod pa mi spob la// skad cig tsam la don bsgrub dmigs// de nyid kyis ni gtso chen gyi// bsnyen cing bsgrub
- 294a
pa tshad rtags ldan// yongs su rdzogs par gyur nas ni// dregs pa'i sde dpon tshogs rnams kyi// so so'i gzugs brnyan gsal btab ste// rang gi ming gi snying po dang // gcod 'phrog yi ge spel te bzla// dus tshod grangs dang mtshan ma yis// tshad bzung ma nor grub pa yi// rtags la bab ste las la sbyar// nga nyid rjes su sgrub byed pas// dregs pa myur du dbang du sdud// ces bka' stsal to// 'jig rten pa'i sde dpon gyi tshogs nye bar bsgrub pa'i rtsa ba'i las kyi gnyer gtad pa'i le'u ste gnyis pa'o// // de nas rab tu bshad bya ba// de dag kun tu ngas bshad pa'i// sde dpon chen po rang gnas nas// 'bod dang gzhug dang mnyes pa dang // bstod dang thugs dam bskul ba dag/ tshig brjod 'di yis bstan par bya// hUM thugs rje rnam dag dbyings kyi dkyil 'khor nas// chos sku stong nyid dbyings las ma g.yos kyang // 'jig rten dregs pa'i tshogs rnams gdul bya'i phyir// khro chen dpa' gtum 'jigs byed skur bstan pa// thugs dam dgyes bskul gsang ba'i yum dang bcas// ma rtogs shugs kyis 'dul phyir gshegs su gsol// dregs pa'i dbang phyug 'jig rten lha yi gtso// 'dod pa'i lha mo bde chen 'byung gnas ma// 'khor tshogs drag shul mthu stobs dpung gi bdag/ khro gtum gdug pa'i rtsal 'chang
- 294b
dpal dang ldan// rdo rje 'chang ba'i bka' bzhin rjes su sgrub// dam tshig cher dgongs gnas 'dir gshegs su gsol// oM badz+ra sarba duSh+TAn aSh+Ta na ya e dzaHb+h+yo// A gats+tsha ya sa ma ya hri hr-i// dur khrod gsang ba mchog gi dkyil 'khor 'dir// lha chen nyi zla pad+ma'i gdan stengs su// bcom ldan khro rgyal rngom brjid 'bar ba'i sku// yab yum dgyes par rol cing bzhugs su gsol// snang srid dregs pa ma lus sde dpon gtso// 'dod khams bdag po dgyes mdzad yum dang bcas// lha srin tshogs kyi gtso chen 'khor dang bcas// phrin las mthun pa'i gdan la bzhugs su gsol// badz+ra sarba duSh+TAn aSh+Ta na ya e dzaHb+h+yo// sa ma ya tiSh+Tha badz+ra dzaHhUM baM hoH// dus gsum sangs rgyas thugs kyi snying po mchog/ chos kyi sku las gzugs sku 'gro don sprul// che btsan 'gran zla med pa khro bo rje// dbang sdud yum dang bcas la phyag 'tshal lo// phyogs bcu'i rgyal ba ma lus sras dang bcas// dam chos bstan pa'i tshul srung 'dzin rten mgon// zhing bcu sgrol mdzad phrin las drag shul can// sde dpon sum cu'i tshogs la phyag 'tshal lo// badz+ra sarba duSh+TAn aSh+Ta na ya e dzaHb+h+yo// na ma A ral+li ho// dpal chen dregs pa kun 'dul yab yum la// sku gsung thugs mnyes mchod pa 'bul ba ni// gdugs dang rgyal mtshan ba dan bla re dang // phreng ba phye ma lnga ldi za
- 295a
ra tshags// bdug spos me tog mar me chab bsil dang // gzugs mdzes sgra snyan dri zhim ro bro dang // reg 'jam 'dod yon ma lus ji snyed pa// 'phags pa'i thun mong mchod tshogs bzhes su gsol// khyad par gsang ba'i mchod pa 'bul ba ni// dug gsum gnas su sbyangs pa'i sha rus khrag/ dug lnga sman du sgrub pa'i dam tshig rdzas// stobs mchog nus pa ba li mchod pa'i dngos// thugs rje mthun pa'i ngang gis bzhes su gsol// dpal chen yab yum bka' bzhin rjes bsgrub pa'i// dbang phyug chen po yab yum mnga' bdag rje// 'jig rten 'das kyang 'khor ba'i cha lugs 'dzin// bka' yi bstan srung sde dpon sum cu la// 'dod pa'i yon tan mchod cing sbyin pa ni// dkar dmar ser ldang la sogs mdog/ zlum po gru bzhi la sogs dbyibs// che chung sbom phra ring thung tshad// mdzes dang mi mdzes sdug mi sdug/ 'byung ba rten 'brel rol mo'i sgra// glu tshig bstod dbyangs snyan pa'i tshig/ spos sman bdud rtsi me tog dri// bsreg gsur bam sungs dri dang ngad// kha mngar tsha sbyar bska ba dang // lan tshwa spo dang bying ku dang // 'jam rtsub bsil yang tsha dang dro// so so'i yon tan tshogs dang bcas// 'dod dgur 'bul gyis bzhes su gsol// bdud rtsi lnga dang sha lnga dang // don snying lnga dang 'byung ba lnga// dbang po lnga dang yul
- 295b
lnga dang // phung po lnga dang nang rol lnga// 'tshe zhing gnod dang bar du gcod// gdug par sems shing log par blta// mi mthun phyogs sngar bcas pa rnams// so sor 'bul gyis bzhes su gsol// badz+ra sarba duSh+TAn aSh+Ta na ya e dzaHb+h+yo// ma hA ba li ta// a mr-i ta/ su ka ta mAM sa/ rak+ta pi ba tha ba su ta sa ma tha/ i daM gr-ih+Nan+ta sa ma du kha kha khA hi khA hi// bcom ldan dpal chen dregs pa kun 'dul dang // yum chen khams gsum spyi 'dul 'khor bcas kyi// sku mchog 'gyur med me long gzugs brnyan bzhin// gsal zhing rtog med snang la ma 'gags pa// sku lnga lhun grub rdzogs pa'i dngos grub stsol// gsung mchog 'gag med brag cha sgra brnyan bzhin// snyan dang mi snyan grags stong tshangs pa'i gsung // gsung dbyangs nam mkha'i mtha' khyab dngos grub stsol// thugs mchog spros bral bsam 'das chos kyi dbyings// mi rtog bde chen thabs dang shes rab dang // rtsol med mi g.yo mchog gi dngos grub stsol// yon tan brjod kyis mi lang sna tshogs te// 'das dang ma 'das mchog dang thun mong gi/ grub pa brgyad dang mthar zug dngos grub stsol// 'jigs pa brgyad sogs zhi dang 'byor pa rgyas// log lha mos pa'i tshul gyis dbang sdud cing // mngon spyod dgra bgegs 'dul ba'i dngos grub stsol// badz+ra sarba duSh+TAn aSh+Ta nA ya e dza kA ya sid+d+hi wA
- 296a
ka sid+d+hi tsit+ta sid+d+hi gu Na sid+d+hi d+hi karma sid+d+hi ts+tsha hUM hUM// bcom ldan dregs pa kun 'dul ni// dbu dgu phyag ni bco brgyad de// sku mdog mthing nag khro zhing rngams// g.yas kyi zhal gsum smug nag bgrad// g.yon gyi zhal gsum kham nag gtsigs// dbu skra ral pa me dpung 'bar// spyan dgu sdang mig bzlog cing bgrad// shangs nas srid pa'i rlung nag 'thor// snyan nas stong gsum 'brug sgra ldir// sma ra ag tshom me ltar 'bar// mche gtsigs srid gsum rtsa ba gcod// phyag dgu g.yas g.yon dang po yi// rdo rje thod khrag dkrug cing gsol// g.yas kyi 'og ma'i phyag brgyad na// dregs pa lha chen brgyad bsgral ba'i// g.yang gzhi mgo bor bcas te bsnams// g.yon gyi 'og ma'i phyag brgyad na// klu chen brgyad kyi b+han+d+ha ru// dregs pa'i snying khrag bkang nas gsol// dpa' ba'i chas brgyad sku la gsol// zhabs brgyad brkyangs bskums dor thabs kyis// khams gsum bdag po sde bzhi mnan// yum chen khams gsum spyi 'dul ma// zhal gcig phyag gnyis mthing nag sku// rdo rje phyar zhing zod khrag stob// gnyis thugs kyi phrin las kyi// 'jig rten dregs pa bran du 'khol// lha srin sde brgyad las la 'gyed// dgra bgegs gdug pa rtsad nas gcod// khro rgyal gtso la phyag 'tshal bstod// dpal gyi bka' bzhin
- 296b
las mdzad pa'i// lha chen dbang phyug chen po ni// zhal gcig phyag gnyis sku mdog mthing // phyag g.yas gri gug tsit+ta g.yon// lha mo u ma de bI ni// sku mdog mthing nag gtso la 'dud// phyag g.yas rtse gsum thod khrag g.yon// seng ge glang chen gdan la bzhugs// sde dpon dregs pa kun gyi gtso// yab yum sku la phyag 'tshal bstod// bdud kyi rgyal po'i sde dpon ni// khram shing g.yas la dgra sta g.yon// bdud rta nag po'i khri la bzhugs// sbyor yum bdud mo re ma ti// khram bam g.yas la nad rkyal g.yon// bong bu ga dmar gdan la bzhugs// gshin rje'i sde dpon chen po ni// be con g.yas la thod dbyug g.yon// sbyor yum gshin rje za byed mo// phyag gnyis srid pa'i 'khor lo bskor// yab yum ma he chu glang gnon// srin po'i sde dpon glog phreng can// phyag gnyis thog ser 'dril zhing 'phen// srin po sbal mgo khrag mig ma// phyag g.yas phur pa khrag por g.yon// yab yum 'brug dang rnga bong zhon// gnod sbyin sde dpon me dpal can// phyag g.yas rin chen g.yon ral gri// sbyor yum gnod sbyin nag mo ni// phyag g.yas spu gri g.yon sbyang mo// stag seng phag mo zhabs kyi gnon// gza' bdud sde dpon chen po ni// phyag g.yas mda' gzhu g.yon sbrul zhags// sku smad sbrul 'khyil 'brug chen gnon// sbyor
- 297a
yum thog gi bu yug can// g.yas g.yon phyag gis thog ser 'bebs// zhabs gnyis 'brug mo kha gdong gnon// klu rgyal sde dpon chen po ni// phyag g.yas sbrul zhags g.yon nad rgyal// sbyor yum klu mo nag mo ni// sbrul mgo phyag mtshan yab kyi tshul// yab yum chu srin rus sbal gnon// phyogs bzhi steng 'og gnas bzhugs pa'i// dregs pa'i sde dpon 'di dag ni// kun kyang sku mdog mthing nag la// khros pa'i cha byad 'jigs tshul can// dur khrod g.yang gzhi'i chas kyis brgyan// rang gi tshogs 'dul phrin las mdzad// yab yum bcas la phyag 'tshal bstod// gnod sbyin lha yi sde dpon ni// shel gri ba dan dkar po 'dzin// rgod dkar ru bzang zhabs kyis gnon// gnam rgyal chen po'i sde dpon ni// phyag g.yas dar dkar g.yon shel gri// rta dkar rdog dmar zhabs kyis gnon// spyi bdud rgyal po gu rum tsece// phyag g.yas ba dan g.yon shel gri// zhabs gnyis rdo rta gro bo gnon// dkar po'i sde dpon chen po gsum// shar phyogs gnas la phyag 'tshal bstod// srid pa'i ma mo sde dpon mo// 'khor lo g.yas la me long g.yon// zhabs gnyis 'brug mo mgo dgu gnon// sngags kyi srung ma chen mo ni// tsit+ta g.yas la g.yu sbrang g.yon// dre'u rta nag po zhabs kyis gnon// mkha' 'gro nag mo mgyogs byed ma// nad rkyal
- 297b
rgyu zhags kyang g.yon la tshon drub g.yas// so bya nag po chibs su chibs// nag mo'i sde dpon ma mo gsum// lho phyogs gnas la phyag 'tshal bstod// rdo rje bdud 'dul chen po ni// g.yas g.yon phyag gis thun khrag 'phen// brag btsan srog zan dmar po ni// mda' gzhu 'phen zhing dar dmar 'phyar// che btsan ging gi rgyal po ni// shang lang dang ni zhags pa 'dzin// dmar po'i sde dpon chen po gsum// kun kyang rta dmar zhabs kyis gnon// nub phyogs sbyong la phyag 'tshal bstod// bi nA ya ga bgegs kyi rgyal// phyag g.yas kha T+wAM g.yon thod khrag/ phyi rol skyong ba'i mu stegs gtso// tri shUl g.yas la thod khrag g.yon// dmu bdud chen po bkrag med ni// mda' gzhu dang ni shang lang 'dzin// nag po'i tshogs kyi sde dpon gsum// bdud rta nag po zhabs kyis gnon// byang phyogs gnas la phyag 'tshal bstod// tshangs pa'i rgyal po srog gi bdag/ skra gri g.yas la nyi zhags g.yon// seng ge dkar mo zhabs kyis gnon// bdud kyi rgyal po nor gyi bdag/ bdud zhags g.yas la spu gri g.yon// ban glang sna ring zhabs kyis gnon// sku lha'i rgyal po yul gyi bdag/ phyag g.yas rdo rje g.yon ba dan// ra dkar gnam ru zhabs kyis gnon// nag po chen po tshogs kyi bdag/ phyag g.yas bing chen g.yon gri gug/ rta nag mgyogs pa
- 298a
zhabs kyis gnon// phyogs kyi sde dpon chen po bzhi// sku mdog dkar ser dmar nag mdzes// sgo bzhir gnas la phyag 'tshal bstod// sde dpon dregs pa 'di dag ni// khros shing gdug pa'i tshul 'chang zhing // na bza' g.yang gzhi 'jigs pa'i chas// sna tshogs mdzes pa'i rgyan dang ldan// rang gi 'khor g.yog tshogs kyis bskor// sprul pa'i cho 'phrul bsam mi khyab// mchod bstod chen pos khyed bsgrub na// so so'i tshogs 'dul phrin las mdzod// ces brjod cing // ting nge 'dzin dang ldan pa yis// dregs pa'i sde dpon mchod cing bstod// 'di ltar spyod pa'i rnal 'byor gyis// 'jig rten gtso bdag myur du 'grub// rdo rje 'dzin dang gnyis su med// ces bka' stsal to// 'jig rten gyi sde dpon nye bar grub pa rdo rje'i dam tshig mchod bstod kyi le'u ste gsum pa'o// // de nas rab tu bshad bya 'jig rten dregs pa dbang sdud cing // tshar gcod las la bkol ba'i phyir// byin rlabs gnas pa'i dbang bskur bshad// gsang zhing dben pa'i gnas dag tu// sngar bshad las kyi pho brang bshams// yo byad rdzas kyi khyad par tshogs// ma lus pa ni gzung bar bya// rdo rje 'chang ba rjes 'brangs bcas// mtshan nyid ldan pa mngon sum sbyar// dus kyi grangs dang mtshan ma'i rtags// bsnyen pa lung
- 298b
bzhin brtson par 'bar// gzugs brnyan bdag po slob ma rnams// khyad par gnas pa'i sta gon bya// bris dang brkos la sogs pa yi// sde dpon rnams kyi gzugs brnyan dag/ phur pa grangs dang mnyam par dgram// gzhan yang bum pa mchod gtor dang // dug gtor thun gtor thun rdzas dang // sha khrag bshos dang bza' btung tshogs// rgyal mtshan ba dan mda' dang gzhu// dpa' ba'i chas dang rol mo'i sgra// rab tu bstar zhing mdzes par bshams// rdo rje 'dzin pa ting 'dzin bsar// las kyi rgyal pos mchod bstod bya// rgyu dang mdangs kyis thugs dam bskang // bshags dral gcugs sbyang dbab par bya// mos shing spro dga' drangs pa yis// bdud 'dul gtso la skyabs su 'gro// bstan pa bsrung bar sems bskyed de// bla ma sangs rgyas rdo rje 'dzin// he ru ka dang gnyis med la// gdug byed log lta 'dul nus pa'i// mthu dbang chen po zhu 'tshal gyis// brtse ba'i thugs kyis dgongs nas ni// dkyil 'khor dam par gzhug tu gsol// nyon cig skal ldan rigs kyi bu// dus gsum sangs rgyas sku gsung thugs// gnas pa'i bstan pa bsrung ba'i phyir// spro bas 'jug pa khyod legs kyis// mngon spyod brtul zhugs dam pa yis// dam tshig chen po'i sar 'dug cig/ mgon po he ru ka dpal rje// 'dus
- 299a
pa'i 'khor tshogs bcas pa yi// drag shul spyod pa'i pho brang du// mdzes pa'i me tog bdag 'bul gyis// rdo rje'i dam tshig 'di bzhes la// dregs pa 'dul nus dngos grub stsol// pra ti gr-ih+Na puSh+pa hUM// dpal ldan rdo rje 'chang ba yi// rjes 'jug rigs kyi bu khyod ni// thog ma med nas da lha'i bar// bstan pa bsrung ba'i skal ldan te// sde dpon dbang chen dkyil 'khor 'dir// bstan la rab dga'i sems kyis ltos// badz+ra sa ma ya maN+Da la tsak+Shu pra be sha phaT// rdo rje bdud rtsi dam tshig chu// 'di las dus gsum 'da' mi bya// grub pa'i 'bras bu gnyis yin te// tshul bzhin mi 'da' bro dor cig/ ma hA sa ma ya i dan ti na ra kan Sha ba mi laM// rdo rje 'dzin pa bka' drin can// thugs rjes rtag tu byin brlab cing // 'di nas rdzogs sangs rgyas kyi bar// mthu stobs dngos grub stsal du gsol// badz+ra sa ma ya tsit+ta sid+d+hi sid+d+hi hUM// thog ma'i sangs rgyas sras bcas kyi// rjes su bsgrub pa bdag yin gyis// 'jig rten 'das dang ma 'das pa'i// lha dang dregs pa mthu stobs can// gtso dang 'khor du bcas rnams kyi// sku gsung thugs kyi dam tshig dgongs// rdo rje slob ma rig 'dzin la// dbang bskur dngos grub stsol mdzad cing // nus chen rtags mtshan bstan du gsol// rdo rje 'dzin pa dpal ldan gyis// khri stan chen po'i steng
- 299b
'dug la// snod ldan slob ma mdun bzhag ste// dkyil 'khor gnas pa'i bum pa yis// sku gsung thugs su dbang bskur bya// gnyen po gtso dang gdul bya'i yul// dregs can yab yum 'khor bcas kyi// mdzes pa'i sku gzugs sku yi dbang // so so'i bstod tshig snying po dang // smon lam bcas pa gsung gi'o// rang rgyud gnas dag don rtags kyi// ches skur dbang bskur thugs kyi ste// rigs sbyangs stobs la ngang gis gsal// phur pa drag shul rdzas kyi dbang // mchod gtor bshos cha sku gsung thugs// ma lus mnyes par byed pa ste// yo byad tshogs kyis longs spyod spel// rgyal mtshan ba dan sgra dang bcas// dus rnams kun tu mnga' thang rgyas// sha khrag dug gtor thun rdzas rnams// dregs pa'i sde dpon dbang sdud cing // pho nya phrin las bskul mdzad de// mngon spyod gdug pa tshar bcad dbang // 'di dag kyang ni gzugs brnyan sgra yang 'dra// don ngo shes pas dbang bskur te// chos kun spyi dang dregs pa yi// sde dpon so so'i dam tshig stsal// thugs rje dang ni rtogs pa yis// rang gzhan don gyis sgrol byed pa'i// dpag med don chen 'dir 'dus te// tha dad mi gnas gcig yin no// gzung dang 'dzin pa'i bdag nyid kyis// phyi nang 'khor 'das so sor snang // ma lus dbang sdud zil gnan phyir// so so'i snying
- 300a
po tshad kyis bstim// nga rgyal brtan pos mdun du bsgyel// don snying sha rus khrag sogs bza'// dug gsum tshar gcad dbyings nas dbyung // gzugs brnyan bstim la rab tu gsal// dbang bsdu las bcol gdul bya'i phyir// zhabs 'og bcug ste bran bzhin sgo// dam tshig rdzas mchod sngar bzhin gso// dam tshig dbab cing bstod bskul bcol// 'jig rten lha srin khyed rnams kyang // nga dang sangs rgyas thams cad kyi// zhal mthong lung bstan mchog stsal kyang // srid pa'i sa bon phra mo yis// da rung 'jig rten las la spyod// rang rgyud rtsub mos phan gnod byed// da ni bka' yi dam tshig zung // ma 'ongs dus na bsgrub bya dang // sgrub par byed pa de dag la// mnyam par kun la dbang bsgyur te// chos nyid rig pa'i rgyal po rdzogs// theg mchog ma 'dres cir yang ston// ma lus myur du rdzogs bya'i phyir// rgyal tshab spyi bor bzhag gnas pa// kun tu bzang po nyid 'thob 'gyur// zhes bka' stsal to// 'jig rten gyi sde dpon chen po nye bar bsgrub pa'i rdo rje dam tshig chen po'i dkyil 'khor du dbang bskur ba'i le'u ste bzhi pa'o// // de nas rab tu bshad bya ba// dregs pa'i 'khor tshogs mnyes bya'i phyir// mthun rdzas gzugs kyis bskang ba ni// ri bo'i rtse'am chu yi mdo// 'jig rten dbang chen 'du
- 300b
gnas su// skal med yul la mchod sbyin gtang // thod mkhar re mig dgu brtsegs sam// yang na gling bzhi ri rab brtsig/ 'bru dang sha khrag sna tshogs la// rin chen spos sman me tog gsal// dregs pa'i bdag po so so yi// gzugs brnyan rang gi 'khor dang bcas// sku mdog phyag mtshan yongs rdzogs shing // rang gi gdan khri bzhon par bcibs// ri rab thod mkhar yang steng du// lha chen yab yum 'khor bcas bzhugs// bang rim re mig dang po ru// bdud dang gshin rje srin po dang // gnod sbyin gza' dang klu rnams kyi// sde dpon yab yum 'khor bcas dgod// gnyis pa la ni dkar po dang // nag mo dmar po nag po yi// sde dpon bcu gnyis gnas su bya// gsum pa'i phyogs bzhir sgo srung bzhi// 'khor bcas rang gi gnas su dgod// tha ma gsum mam bzhi pa la// phyi nang gsang ba sbas pa dang // gab pa gter dang drag po sngags// las byed btags chags lha ma srin// sde brgyad gzugs brnyan gnas su dgod// gtso chen so so'i mthun rdzas ni// rang gi gdan nam bzhon pa yi// srog chags gzugs ni snga'am bcu// brgya'am stong ngam nus tshad bya// skyes pa bud med glang chen rta// ba glang ra lug bya dang khyi// longs spyod dkor rdzas sngar bzhin no// sde brgyad phal pa kun la ni// shes ldan mi dang byol song ste//
- 301a
'dab chags gcad gzan ri dwags dang // sa chu gnas dang phyugs dud tshogs// mthong thos dran pa rnams kyi gzugs// ji ltar nus pa'i grangs kyis bskor// 'di dag skong ba'i yo byad de// 'gro ba'i glud du dbul ba ni// rin chen ngar mi rgyan ldan dang // nam mkha' sems kyi gzugs brnyan dang // sku gsung thugs ldan ljang bu dang // shing glud yul mkhar mtshon pa dang // skyes pa bud med phyag cha dang // rgyal mtshan ba dan ru mtshon rnams// dregs pa so so'i sku mdog dang // mthun par grangs mnyam gnas su dgod// mchod gtor bshos cha mar me dang // gling tshad chung ngu de bzhin no// bzlog bsad drag po zor gyi rdzas// smin pa'i sa la zor phor du// gru gsum mnyam byas dug khrag dang // thun rdzas sna tshogs sbal ba dang // gdug pa'i shing gi rtsang phur dang // b+han+da dug thun gtor mar bcas// bzhi brgya drug cu sum cu gnyis// ci rigs sbyar te mdzes par dgod// steng du zhing lpags g.yang gzhi'am// dar nag tshon skud gdugs kyis dbub// tha mar ras bzang yol ba bre// de nas rdo rje 'dzin pa yis// gtso chen bskyed cing rdzogs pa dang // dregs pa mchod bstod mnyes byas nas// gzugs brnyan mthun rdzas bsngo ba ni// rnal 'byor ting 'dzin nga rgyal bsar// bdud rtsi mchod skyems rak+tas sbreng // sha
- 301b
chen spos kyi dri gsur dbul// rnga gling rol mo'i sgra chen bsgrag/ mda' chen ba dan nag pos g.yab// hUM nga ni dpal chen he ru ka/ gdul dka' ma lus 'dul bar byed// 'jig rten dregs pa zas su za// khams gsum srid gsum nga yi dbang // snang srid 'khor 'das nga yi bran// nga yi bka' bzhin 'dir 'dus shig/ nyon mongs dbang gis dregs pa yi// lha bdud gshin rje srin po dang // gnod sbyin gza' klu rgyal po dang // ging dang ma mo lha btsan dang // rang gi sde dang g.yog tu bcas// dam tshig dbang gis gnas 'dir bzhugs// mthun pa'i rdzas kyis thugs dam bskang // ri rab chen po'i yang steng na// lha chen dbang phyug chen po bzhengs// btsun mo u ma de bI bzhengs// na bza' dar nag ber chen gsol// chibs su seng ge glang chen bcibs// khyod kyis cho 'phrul ston pa ni// g.yas na pho rgyud pho nyar 'gyed// g.yon na mo rgyud las la 'khol// 'khor du 'jig rten dregs pas bskor// dam tshig dbang gis gnas 'dir bzhugs// mthun pa'i rdzas kyis thugs dam bskang // rtsal gyi rgyal po seng ge dang // stobs kyi rgyal po glang chen dang // shes ldan mi dang cang shes rta// theg chen glang dang 'dod 'jo'i ba// rin chen lug dang gtsang ldan ra// thos gsang khyi dang mkha' lding bya// khyed kyis bzhed pa'i dkor du 'bul//
- 302a
rin chen rgyan ldan ngar mi dang // sems kyi gzugs brnyan nam mkha' dang // sku gsung thugs ldan ljang bu dang // shing glud yul mkhar mtshon pa dang // pho glung mda' dang mo glud 'phang // rgyal mtshan ba dan ru mtshon rnams// nyid kyi sku mdog dang mthun pa// rnal 'byor rnams kyi glud du 'bul// dam rdzas sbyar ba'i mchod gtor dang // mthun rdzas ldan pa'i bshos cha dang // snang gsal 'od ldan mar me dang // rgyan ldan mdzes pa'i gling tshad dang // mdzes pa'i gzugs dang snyan pa'i sgra// zhim pa'i dri dang bda' ba'i ro// khyed kyi thugs dam bskang phyir 'bul// lha chen yab yum 'khor dang bcas// sngon gyi dam tshig rjes dgongs te// mdos glud mthun rdzas bzhed pa'i dgor// sna tshogs sbyar ba 'di bzhes la// sangs rgyas bstan pa khyed kyis srungs// dkon mchog dbu 'phang khyod kyis bstod// rnal 'byor sku dgra khyod kyis sgrol// sgrub pa po la bar gcod pa'i// stong phrag brgya cu'i bgegs rigs dang // bzhi brgya rtsa bzhi'i nad rnams dang // glo bur gnod pa brgyad cu gcig/ ye 'drog sum brgya drug cu'i tshogs// dus min 'chi ba rnam brgyad dang // gshis ngan gum pa bco lnga dang // gzugs can dgra dang gzugs med bgegs// rmi lam mtshan ltas ngan pa rnams// zhi dang bsal dang bzlog pa dang // gdul
- 302b
dang tshar gcod las mdzod cig/ ri rab chen po'i shar phyogs nas// srid pa'i rgyal po skos rje ni// bdud rnams kun gyi sde dpon bzhengs// na bza' mthing nag ber chen gsol// ral pa nag po mun ltar gtib// spyan mig nyi zla 'khyil pa 'dra// rno dpal mche ba zla tshes gtsigs// sma ra kham nag srid rtser 'bar// chibs su bdud rta nag po bcibs// khyod kyis cho 'phrul ston pa ni// khram thogs bdud sde g.yas nas rol// sho thogs rtsis pa g.yon nas 'gyed// snang srid pho bdud khyod kyi 'khor// dam tshig dbang gis gnas 'dir bzhugs// mthun pa'i rdzas kyis thugs dam bskang // shugs ldan rta nag la sogs pa// khyod kyi bzhed pa'i dkor du 'bul// rin chen ngar mi la sogs pa// rnal 'byor rnams kyi glud du 'bul// dam rdzas mchod gtor la sogs rnams// khyed kyi thugs dam bskang phyir 'bul// srid pa'i bdud rje 'khor bcas kyi// sngon gyi dam tshig rjes dgongs la// ji ltar bcol ba'i las mdzod cig/ bdud mo chen mo re ma ti// ma bdud kun gyi sde dpon bzhengs// dpal ldan lha mo 'jigs gzugs can// nag mo sha bzlog bdud kyi ma// sku la mthing nag ber chen gsol// chibs su bong bu ga dmar bcibs// khyod kyi cho 'phrul bstan pa ni// ma bdud 'bum phrag pho nyar 'gyed//
- 303a
nag mo stong sde las la 'dzud// snang srid bdud mo khyod kyi 'khor// dam tshig dbang gis gnas 'dir byon// cang shes bong bu la sogs pa// mthun pa'i rdzas kyis thugs dam bskang // srid pa'i ma mo 'khor bcas kyis// ji ltar bcol ba'i phrin las mdzod// ri rab chen po'i lho phyogs nas// gshin rje ya ma rA dza ste// gshin rje'i tshogs kyi sde dpon bzhengs// sku mdog nag po ral pa can// gdug pa'i thod sbrul g.yang gzhi'i brgyan// gcan gzan gdug pa'i pags pas dkris// sha za'i mgo bcad thod du bcings// zhal bgrad mche ba rab tu gtsigs// ma he nag po chibs su bcibs// khyod kyis cho 'phrul bstan pa ni// gshin rje pho mo pho nyar 'gyed// 'chi bdag gshin rje'i btsun mo ni// gsod byed mon mo'i tshul 'dzin cing // gshin rje mo yi sde dpon bzhengs// za byed dur khrod chas kyis brgyan// g.yang gzhi nag po spu la gsol// chu glang nag po chibs su bcibs// khyod kyi cho 'phrul bstan pa ni// yi dwags pho mo las la 'dzud// snang srid gshin rje khyod kyi 'khor// dam tshig dbang gis gnas 'dir bzhugs// ma he chu glang la sogs pa// mthun pa'i rdzas kyis thugs dam bskang // gshin rje pho mo 'khor dang bcas// ji ltar bcol ba'i phrin las mdzod// ri rab chen po'i nub phyogs nas// srin po
- 303b
nag po glog phreng can// srin po'i tshogs kyi sde dpon bzhengs// sku mdog mthing nag 'bar ba la// glog dang 'od kyi phreng bas brgyan// 'brug chen 'ur ba chibs su bcibs// khyod kyi cho 'phrul bstan pa ni// srin po 'bum phrag pho nyar 'gyed// srin mo gsod byed las la 'dzud// gcan gzan gdug pa phyi nas rol// 'khor du snang srid srin pos bskor// srin mo sbal mgo khrag mig ma// srin mo rnams kyi sde dpon bzhengs// sku mdog dmar nag 'asdigs su rung // lus la khrag gi lab nag gsol// rus sbal dkar po'i thor tshugs can// chibs su rnga bong gdong drug bcibs// khod kyis cho 'phrul bstan pa ni// srin mo kha 'bar pho nyar 'gyed// gdong srin nag mo las la 'dzud// snang srid srin mo'i 'khor dang bcas// srog gcod srin po yab yum 'khor// dam tshig dbang gis gnas 'dir bzhugs// 'brug sngon rnga mo la sogs pa'i// mthun pa'i rdzas kyis thugs dam bskang // srin po pho mo 'khor dang bca'i phrin las mdzod// ri rab chen po'i byang phyogs nas// gnod sbyin yak+Sha me dpal can// gnod sbyin kun gyi sde dpon bzhengs// sku mdog mthing sngon 'bar ba la// me dpung 'tshubs ma na bzar gsol// stag seng rngam pa chibs su bcibs// khyod kyi cho 'phrul ston pa ni// g.yas nas me 'bar ya la la// g.yon
- 304a
nas dud 'thul phyu ru ru// gnod sbyin stong sde pho nyar 'gyed// zhub can 'bum sde las la 'dzud// 'jig rten gnod sbyin 'khor gyis bskor// gnod sbyin chen mo glog len ma// gnod sbyin pa mo gdug pa can// nag mo rdo rje lcags mchu klu yang ma// snyan cha rin chen ne les mtshan// sku la wasta nag po gsol// chibs su lcags kyi phag mo bcibs// khyod kyi cho 'phrul ston pa ni// nor 'dzin mo ni pho nyar 'gyed// glo min nag mo las la 'dzud// gnod sbyin mo ni 'bum sdes bskor// shan pa gnod sbyin yab yum 'khor// dam tshig dbang gis gnas 'dir bzhugs// stag seng phag mo la sogs pa'i// mthun pa'i rdzas kyis thugs dam bskang // gnod sbyin pho mo 'khor dang bcas// ci ltar bcol ba'i phrin las mdzod// ri rab chen po'i steng phyogs nas// gza' bdud chen po mi bzad pa// ming ni khyab 'jug rA hu la// gza' bdud chen po'i sde dpon bzhengs// mgo dgu smad sbrul mig mang lus// chibs su 'brug chen glog 'gyu bcibs// khyod kyis cho 'phrul bstan pa ni// 'brug sgra stong gsum ldi ri ri// nam mkhar glog 'od khrugs se khyug/ gza' phran rgyu skar pho nyar 'gyed// thog ser ki kang drag tu 'bebs// gza' bdud stong gi 'khor gyis bskor// gnam sman thog gi thu yug ma// gdong mo rnams kyi sde dpon
- 304b
bzhengs// sku mdog dmar skya mdzes pa la// na bza' go zu mdzes pa gsol// 'brug sgra glog gi 'od la zhon// khyod kyis cho 'phrul bstan pa ni// gza' chen nyi zla klad la 'khor// rgyu skar tshogs ni zhal la 'char// lha sman 'bum ni pho nyar 'gyed// gdong zor ma mo las la 'dzud// zor gdong srin mo'i 'khor gyis bskor// gza' gdong gnam sman yab yum 'khor// dam tshig dbang gis gnas 'dir bzhugs// 'brug chen 'ur ba la sogs pa'i// mthun pa'i rdzas kyis thugs dam bskang // gza' bdud gdong mo sman dang bcas// ji ltar bcol ba'i phrin las mdzod// ri rab chen po'i 'og phyogs nas// klu bdud nag po mgo dgu pa// klu rnams kun gyis sde dpon bzhengs// sku stod dud ka nag po la// tsha ba'i 'bu srin nyi li li// sku smad dug sbrul nag po las// grang ba'i sbal lcong khral la la// chibs su chu srin mgo dgu bcibs// khyod kyi cho 'phrul bstan pa ni// klu rgyal stong ni pho nyar 'gyed// klu bran 'bum ni las la 'dzud// klu bdud gdug pa'i 'khor gyis bskor// klu mo yak+Sha nag mo ni// klu bdud mo yi sde dpon bzhengs// sku mdog dud kha 'asdigs bag can// sbrul nag gshibs pa'i ral pa las// mdze dang shu ba'i tsha tsha 'phro// sbrul gyi thul ba na bzar gsol// sbal sbrul nye'u thar ra ra// rus sbal nag po chibs su
- 305a
bcibs// khyod kyis cho 'phrul bstan pa ni// klu rigs lnga yi sprul pa 'gyed// sa bdag gdug pa'i pho nya gtong // snang srid klu mo'i 'khor dang bcas// gdug pa klu bdud yab yum 'khor// dam tshig dbang gis gnas 'dir bzhugs// chu srin rus sbal la sogs pa'i// mthun pa'i rdzas kyis thugs dam bskang // klu bdud pho mo yab yum 'khor// ji ltar bcol ba'i phrin las mdzod// ri rab chen po mdzes pa yi// bang rim gnyis pa'i shar phyogs la// gnod sbyin rgyal po gang ba bzang // srid pa lha yi sde dpon bzhengs// mdog dkar ral ka 'bar ba gsol// lha g.yag dkar po chibs su bcibs// khyod kyi cho 'phrul bstan pa ni// gnod sbyin stong ni pho nyar 'gyed// lha dmag 'bum ni las la 'dzud// ba dan can ni g.yas nas rol// go mtshon can ni g.yon nas rol// gnod sbyin lha yi 'khor dang bcas// skyes bu rnam rgyal chen po ni// rgyal phran kun gyi sde dpon bzhengs// na bza' dar zab ber chen gsol// rta dkar rngog dmar cibs su bcibs// khyod kyis cho 'phrul bstan pa ni// rgyal phran stong sde pho nyar 'gyed// grong rgyu phra mo las la 'dzud// ze rgyal phra mo'i 'khor dang bcas// spyi bdud rgyal po gu rum tse// mi ma lha yi rje dpon bzhengs// sku stod rgya bya'i skrag pa gsol// 'bum bye smad kyi
- 305b
sham thams can// dbu la shel rmog dkar po gsol// chibs su rdo rta gro bo bcibs// khyed kyis cho 'phrul bstan pa ni// srid pa'i khyung chen klad na lding // stag seng dar ma phyi nas rol// stong dpon mched lnga pho nyar 'gyed// ma sang spun dgu las la 'dzud// lha ma srin gyi 'khor dang bcas// skyes bu dkar po sde gsum yang // dam tshig dbang gis gnas 'dir bzhugs// gnam ru rta dkar gro bo sogs// mthun pa'i rdzas kyis thugs dam bskang // dkar po sde gsum 'khor dang bcas// ji ltar bcol ba'i phrin las mdzod// bang rim gnyis pa'i lho phyogs su// ma chen srid pa'i rgyal mo ni// snang srid ma mo'i sde dpon bzhengs// na bza' dar nag go zu gsol// chibs su 'brug mo yid mgyogs bcibs// khyod kyis cho 'phrul bstan pa ni// tshogs kyi rje mo pho nyar 'gyed// sman mo lnga bcu rtsa brgyad 'khol// snang srid ma mo'i tshogs kyis bskor// e ka dza ti ral gcig ma// bka' yi srung ma'i sde dpon te// na bza' mthing nag ber chen gsol// chibs su dril rta nag po bcibs// khyod kyis cho 'phrul bstan pa ni// srin mo nag mo pho nyar 'gyed// phal mo nag mo las la 'khol// mon mo nag mo sna tshogs sbrul// nag smug 'bum gyi 'khor gyis bskor// dpal ldan lha mo mgyogs byed ma// mkha' 'gro'i tshogs kyi sde dpon bzhengs// na
- 306a
bza' mthing nag go zu gsol// chibs su so bya rog po bcibs// khyod kyi cho 'phrul ston pa ni// rigs kyi mkha' 'gro pho nyar 'gyed// sna tshogs mkha' 'gro las la 'dzud// snang srid mkha' 'gro'i 'khor gyis bskor// dpal ldan nag mo sde gsum yang // dam tshig dbang gis gnas 'dir bzhugs// 'brug dang dre'u rta so bya sogs// mthun pa'i rdzas kyis thugs dam bskang // nag mo sde gsum 'khor dang bcas// ji ltar bcol ba'i phrin las mdzod// bang rim gnyis pa'i nub phyogs nas// skyes bu rdo rje bdud 'dul ni// gnod sbyin ru dra'i sde dpon bzhengs// na bza' mthing nag ber chen gsol// ral pa nag po mun ltar gtibs// chibs su dre'u rta nag po bcibs// khyed kyis cho 'phrul bstan pa ni// zhing lpags bgos pa pho nyar 'gyed// ral chas bgos pa las la 'dzud// snang srid ru dra'i 'khor gyis bskor// btsan rgyal srog zan dmar po ni// srid pa btsan gyi sde dpon bzhengs// sku la dar dmar ral ga gsol// chibs su rta dmar glog 'gyu bcibs// dbu la bse rmog dmar po gsol// khyod kyis cho 'phrul ston pa ni// btsan po kha bzhi pho nyar 'gyed// mgyogs pa'i sde brgyad las la 'dzud// snang srid dregs pa btsan gyis bskor// skyes bu yab shud dmar po ni// rgyal 'gong rnams
- 306b
kyi sde dpon bzhengs// sku la zab dmar ber chen gsol// chibs su rta dmar yid mgyogs bcibs// khyod kyis cho 'phrul bstan pa ni// g.yas na bro brdung tshi li li// g.yon na bshud glu kU ru ru// rta zhon stong ni phyi nas 'brang // srid pa'i btsan 'gong 'khor dang bcas// skyes bu dmar po sde gsum ni// dam tshig dbang gis gnas 'dir bzhugs// dre'u nag rta dmar la sogs pa'i// mthun pa'i rdzas kyis thugs dam bskang // dmar po sde gsum 'khor dang bcas// ji ltar bcol ba'i phrin las mdzod// bang rim gnyis pa'i byang phyogs na// bi nA ya ka bgegs kyi rgyal// log 'dren kun gyi sde dpon bzhengs// na bza' mthing nag ber chen gsol// chibs su rta nag mgyogs pa bcibs// khyod kyis cho 'phrul bstan pa ni// rgyal chen bzhi ni pho nyar 'gyed// phyogs skyong tshogs ni las la 'dzud// snang srid bgegs kyi tshogs kyis bskor// dbang phyug gu lang nag po ni// mu stegs tshogs kyi sde dpon bzhengs// na bza' mthing nag ber chen gsol// chibs su stag seng ma he bcibs// khyod kyis cho 'phrul bstan pa ni// sa bzhi kun ni dmag gis 'gengs// bar snang mtshon dang dar gyis bkang // nam mkha' glog dang 'od kyis 'gengs// gcan gzan 'dab chags rgyugs shing lding // mu stegs nag po'i 'khor gyis
- 307a
// bskor// dmu bdud nag po bkrag med ni// dmu bdud nag po'i sde dpon bzhengs// na bza' mthing nag ber chen gsol// chibs su dmu rta nag po bcibs// khyod kyis cho 'phrul bstan pa ni// dmu bdud 'bum phrag pho nyar 'gyed// dmu bran stong sde las la 'dzud// snang srid dmu yi 'khor gyis bskor// skyes mchog nag po sde gsum yang // dam tshig dbang gis gnas 'dir bzhugs// stag/ seng ma he la sogs pa// mthun pa'i rdzas kyis thugs dam bskang / phyi rol nag po'i tshogs dang bcas// ji ltar bcol ba'i phrin las mdzod// ri rab chen po mdzes pa yi// bang rim gsum pa'i shar phyogs nas// tshangs pa dkar po srog gi bdag/ lha chen ging gi sde dpon bzhengs// srid pa gsum du myur mgyogs can// sku la bya rgod thul pa gsol// chibs su seng ge dkar mo bcibs// khyod kyis cho 'phrul ston pa ni// ging chen bco brgyad pho nyar 'gyed// ging bdud pho mo las la 'khor// mi rta ra lug bya dang khyi// stag dang bya rgod la sogs pa'i// mthun pa'i rdzas kyis thugs dam bskang // bang rim gsum pa'i lho phyogs nas// gnod sbyin rgyal po nor gyi bdag/ sku la dom gyi skrag pa gsol// chibs su ban glang sna ring bcibs// khyod kyis cho 'phrul ston pa ni// skyes pa brgya dang bud med brgya// nyan thos rdo rje sngags
- 307b
pas bskor// 'bag seng mon bu bsam mi khyab// stag seng ban glang sgra dang spre'u// mthun pa'i rdzas kyis thugs dam bskang // bang rim gsum pa'i nub phyogs nas// rdo rje mdzes pa zhes bya ba// 'jig rten lha yi sde dpon bzhengs// sbyin thang shel gyi na bza' gsol// ra dkar gnam ru chibs su bcibs// khyod kyis cho 'phrul bstan pa ni// 'dzin shing bzhi bcu pho nyar 'gyed// the brang stong sde las la 'dzud// tsa ra rgya po la sogs pa'i// mthun pa'i rdzas kyis thugs dam bskang // bang rim gsum pa'i byang phyogs nas// lha chen nag po chen po ni// bstan pa bsrung ba'i sde dpon bzhengs// na bza' ljang nag ber chen gsol// chibs su bdud rta bra nag bcibs// khyod kyis cho 'phrul bstan pa ni// lha dmag tshogs kyi dbugs 'byin cing // lha min g.yul ngo rab tu bzlog/ phyogs skyong dpal mgon las la 'dzud// mi rtar lug bya dang khyi// nag po'i tshogs kyis thugs dam bskang // dregs pa'i bka' nyan sgo srung bzhi// rang gi bka' nyan 'khor dang bcas// dam tshig dbang gis gnas 'dir bzhugs// mthun pa'i rdzas kyis thugs dam bskang // dbang chen sde bzhi 'khor dang bcas// ji ltar bcol ba'i phrin las mdzod// bang rim tha ma'i phyogs bzhi nas// phyi yi lha srin sde brgyad dang // nang gi lha srin sde brgyad dang // gsang ba'i lha srin sde brgyad dang // sbas
- 308a
pa'i lha srin sde brgyad dang // yang gsang gter gyi lha srin dang // drag po sngags kyi lha srin dang // las byed myur mgyogs lha srin dang // btags shing chags pa'i lha srin dang // sde brgyad 'khor dang bcas pa rnams// khyed kyi thugs dam bskang ba ni// shes ldan mi dang cang shes rta// theg chen glang dang 'dod 'jo'i ba// rin chen lug dang gtsang ldan ra// thos gsang khyi dang mkha' lding bya// khyed kyi bzhed pa'i dkor du 'bul// rin chen rgyan ldan ngar mi dang // sems kyi gzugs brnyan nam mkha' dang // sku gsung thugs ldan ljang bu dang // shing glud yul mkhar mtshon pa dang // pho glud mda' dang mo glud 'phang // rgyal mtshan ba dan ru mtshon rnams// nyid kyi sku mdog dang mthun pa// rnal 'byor rnams kyi glud du 'bul// dam rdzas sbyar ba'i mchod gtor dang // mthun rdzas ldan pa'i bshos cha dang // snang gsal 'od ldan mar me dang // rgyan ldan mdzes pa'i gling tshad dang // mdzes pa'i gzugs dang snyan pa'i sgra// zhim pa'i dri dang bda' ba'i ro// khyed kyi thugs dam bskang phyir 'bul// 'jig rten dregs pa 'khor dang bcas// sngon gyi dam tshig rjes dgongs te// mdos glud mthun rdzas bzhed pa'i dkor// sna tshogs sbyar ba 'di bzhes la// sangs rgyas bstan pa khyod kyis srungs// dkon mchog dbu 'phang khyed kyis bstod// rnal 'byor sku dgra khyed kyis sgrol// sgrub pa po la bar gcod pa'i// stong phrag brgyad cu'i bgegs rigs
- 308b
dang // bzhi brgya rtsa bzhi'i nad rnams dang // glo bur gnod pa brgyad cu gcig/ ye 'brog gsum brgya drug cu'i tshogs// dus min 'chi ba rnam brgyad dang // gshis ngan 'gum pa brgyad cu gcig/ gzugs can dgra dang gzugs med bgegs// rmi lam mtshan ltas ngan pa rnams// zhi dang bsal zhing bzlog pa dang // gdul dang tshar gcod las mdzod cig/ ces brjod rang gi mthun rdzas bstab// bskang bzlog bsad dang gso la sogs// ji ltar 'dod pa'i phrin las bcol// gang la dmigs pa de bzhin 'grub// ces bka' stsal to// 'jig rten gyi dregs pa can gyi sde dpon 'khor dang bcas pa rnams mchod bstod rgya chen po'i sgo nas nye bar bsgrub pa'i le'u ste lnga pa'o// // de nas rab tu bshad bya ba// dregs pa'i 'khor tshogs 'di rnams kun// ngo bo rang rig byang chub sems// ma skyes dbyings las g.yo ba med// 'jig rten gnas dang mthun 'jug ste// mchod dang bstod pas mnyes 'gyur bas// 'jig rten mchod bstod ces su grags// phyi nang gsang ba'i bye brag ni// snang dang srid pa'i dkyil 'khor ba'i rdzas// 'dod chags gzhi dang 'bru bcud rtsi// gnyis med pha rol snang byed pa// ngang gi ngang du mnyes byed cing // so so'i mtshan dang dpe byad dag/ nges par bstan pa nang gi'o// kun gsang ba'i bdag po'i de
- 309a
nyid dang // gnas skabs mchod bstod phyi yin no// dbang po'i yul gyi longs spyod dang // gtsang sme'i rtog pa sbyang ba'i rdzas// 'dod chags gzhi dang 'bru bcud rtsi// gnyis med pha rol snang byed pa// ngang gi ngang du mnyes byed cing // so so'i mtshan dang dpe byad dag/ nges par bstan pa nang gi'o// sems dang sems la snang ba'i tshogs// thams cad ye nas dkyil 'khor che// ma bcos rang bzhin lhun gyis grub// 'ong nas ma lus 'dus pa las// chos gzhan med de yul nyid dang // yul du 'dzin pa snang ba'i bdag/ gnyis med rtogs shing khong du chud// mchod bstod rab tu gsang ba'o// lus las sbrusprul zhing bsgrub pa'i sku// 'bru bcu sgra yi 'khor lo gsung // rang grol snying po ma bcos thugs// lha klu gnod sbyin btsan dang bdud// srin po gza' dang mo rigs rnams// dregs shing gdug dang khro zhing gtum// myur mgyogs rmugs dang 'thib pa dang // drag dang bcings pa so so'i sde// ri rab bshos gtsang rgyan dang bcas// 'bras lug snying rtse tsa ru'i dbyibs// dkar dmar bcud ldan dmigs kyis mchod// pha dang rgyal po grogs dang lha// ma dang rje khol bran dang bu// bsten pa rang gi tshul yin no// che btsan dbang gi dngos grub dang // longs spyod 'phel zhing mngag par sla// rgyud 'jam skyabs che bka'
- 309b
nyan cing // drag rtsal ldan zhing slar mi ldog/ shin tu nye ba'i yon tan te// rang la rtsub cing 'cha' ba dang // longs spyod mi 'byor mi 'phrod dang // glo bur nad kyis gzir byed cing // slar ldog bkra shis nyams pa dang // bsgo ba mi nyan don med cing // rang rgyud rtsub cing khengs pa dang // rigs brgyud mi 'phel kun gyis brnyas// bsam don mi 'grub mnga' thang nyams// rgyud don sbas pa ma shes skyon// khrims kyi bdag po lta bu'i lha// gnad kyis bcings shing bsgrub par bya// dbang chen pha dang mtshungs pa'i bdud// mtshungs med grogs dang 'dra ba'i btsan// gnod sbyin khrims kyi gtso lta bu// srin po srog la rgol paba'i gshed// gza' rgod lag yan bzhin lta bu// sdong ba'i dug sbrul lta bu'i klu// mo rgyud dbang chen rje dpon la// mtshungs ldan de yi gnyen pos bsgrub// khugs su ma bcug bsgo mi nyan// so sor gnad med bdud tu 'gyur// gtsud phur ma thebs slar la ldog/ rang gi nga ros ma bsten g.yel// lto ba ma dkrugs las mi myur// log gnon ma bsten bdag nyid stobs// dbang du ma 'dus bsgo mi nyan// gnad kyi yan lag brgyad kyis ni// mchod bstod bsgrub ste phrin las bcol// zhes bka' stsal to// 'jig rten gyi sde dpon chen po rnams kyi zab pa'i mchod bstod gnad kyi le'u ste drug pa'o// /
- 310a
de nas gzhan yang bshad bya ba// 'jig rten dregs pa'i sde dpon rnams// drag po'i las la sbyar ba ni// dur khrod gdug pa'i gnas dag tu// rtsa ba'i bsnyen pa sngon song nas// so so'i mthun pa'i rdzas bsags te// drag po'i las kyi khang pa ni// e dbyibs sum cu ldan par bsham// phyi nang gsang ba sku gsung thugs// gnas dang byin brlab bskang dang mchod// spyi dang so sor bsngags pa dag/ rab tu bde ba 'dod pas dmigs// gzugs sgra bsam pa'i nus pa yi// lus dang lus kyi 'khrul 'khor dang // srog dang srog gi snying po yis// sems dang sems kyi ngo bo las// phyi nang kun tu bsngags pa de// 'phro 'du 'od kyi drang zhing dgug/ rang gzhan dmigs pa de la bstim// sha rus khrag sogs ma lus bzas// dregs pa'i sde dpon sku gsung thugs// ma lus mnyes pa 'di yis bya// gang la dmigs pa tshad kyis sgrol// ting nge 'dzin gyi brtul zhugs kyis// bral dang myur ba blo yi stobs// 'di la the tshom mi bya ste// rdo rje 'chang chen gsang ba'i bka'// gal te 'bar bas mngon spyod cing // myur du 'pho bar bya ba ni// rno dpal tsha rtsub dri nga ba'i// yam shing gdug pa'i dbyibs ldan brtseg/ gdol pa rigs ngan shan pa dang / g.yung mo grogs bral khyim gyi mes// sbar zhing dug khrag dngar ba la// gzugs brnyan rdzogs par
- 310b
longs spyod pa'o// slar yang dmigs te lhag ma 'bul// gtso dang 'khor gyi rab phye ba'i// drag po'i tshig gis rab tu sbrengs// dregs pa'i bdag po so so yi// che brjod gnad dang bcas pa yis// bstab cing sbyin pa rim bzhin bya// drang srong phrin las rdzogs par bya// thal chen dang ni drag po'i rdzas// dme khrag gsum dang gsod byed gsum// mtshon dpal rin chen gsum gyi dbyig/ rang byung bkra shis ldog pa'i rdzas// nang du 'du 'phrod sbyar ba ni// sgra tshig ting nge 'dzin ldan pas// stobs chen 'khor los dbab cing 'phang // dregs pa 'khor bcas las su dmigs// gzhan yang mchod rdzas gzugs brnyan bcas// rab tu bstan pa'i dmigs pas bstim// 'gyu gnas sa dang chus phug dang // sra gsher 'thab dang phung shul dang // rgya mtsho'i dbus dang sa yi lce// mtshon gyis brdegs dang rlung gis bsgyel// bag med lhung zhing me chus 'joms// lung nas dbyung ba'i rten 'brel te// brnags pa'i yid kyis 'dzin phur gdab// gdug byed 'khor dang zas su gtad// ji srid 'khor ba ma stongs par// thar par mi 'gyur las bgyis kyang // byams dang snying rje'i sems mi gtong // 'di ltar mngon par spyad pa yis// bstan la rab sdang phyir 'gyur ba'i// rjes 'brang log par lta ba rnams// tshar gcod sgrol zhir 'dul ba yin//
- 311a
zhes bka' stsal to// 'jig rten gyi sde dpon chen po'i phrin las drag po'i las la sbyar ba'i le'u ste bdun pa'o// // de nas gzhan yang bshad pa ni// 'jig rten dregs pa rang gi gnad// gsang ba'i snying po drag shul gzungs// kun bsdus dril dang phye bar bstan// badz+ra sarba duSh+TAn/ lo ka pA ram aSh+Ta na ya// ma lA he shwa ra de ba de bI/ du bdud phrag sngags sor bzhag byas dun ting / ya ma gshin rje pre ta wi kr-i tA na na/ rak+Sha srin pa rak+ka/ yak+Sha gnod sbyin k+Sha te byi tri gza' pa tra/ a be swan la dza/ na ga kla gu li sha dza/ tsa la bgegs Da ki gsum du tri tsa ra sa ma du tri/ ma ma ma mo ru lu/ man sngags brang tra ra tsa du ma ti// ma mgon po ha kA la rA tra rA tra tig ma sang sna tir mu stegs thig ka tha a btsan b+hi shu tri pa ze'u rang sha li haM 'gong po shaM tri dza/ rA dza rgyal po ging ka srog bdag ra/ sA du tri dgra lha/ nA tha ka dma? la/ A gats+tsha hrI hrI dza dza/ bod pa'i sngags so// oM badz+ra sarba duSh+TAn e ka pa ra sarba pany+tsa a mr-i ta A gats+tsha ba l-i ta gr-ih+Na sa man ta gr-ih+Na tu ma hA ga Na pU dza kha kha khA hi khA hi/ 'di dag sbyar bas mchod par 'gyur/ sarba A yurmi tra sid+d+hi bu tra brta na sid+d+hi pu tra ba hu b+ha dra ba su d+ha ra rat+na puSh+Ti sid+d+hi/ ma hA dz+nyA na sarba d+harma gar+b+ha ka ya wA ka tsit+ta sid+d+hi sid+d+hi/ pha la sid+d+hi ma hA sid+d+hi A be sha ya A/ ha ha ho ho/ rab tu sbyar bas dngos grub blangs/ sarba sha truM yak+ka rbad rbad b+h+yo b+h+yo// 'di yis
- 311b
rab tu rbad par bya// nr-i hur zum dza sha tAM tsit+ta mA ra ya rbad/ rU pa ya gan d+ha rbud rbud phaT phaT/ ma ra ma ra/ zum zum/ ha na ha na/ da ha da ha/ pa tsa pa tsa/ tshal pa tshal pa/ tiSh+Tha tiSh+Tha thun thun rbad/ 'di yis dmigs pa rab tu gsad/ mA ra ya mA ra ya a phri pre ta ka hring hring tri sha pa li ru pa ya bin ta bin ta hu lu hu lu rbad nan/ laM nan/ a nan hUM nan staM b+ha ya staM b+ha ya nan/ zhes pa yis ni gnan par bya/ sarba ma ra ta ka raM rata dza la rata dza la rata s+pho Ta ya s+pho Ta ya/ ho ha ya ho ha ya/ rat+na tsa ya ratra tsa ya/ zhes pas ma lus bsreg par bya/ mA ra ya sha tAta thun b+h+yo thum ri la b+h+yo na he thun A be sha ya b+h+yo// dmigs pa 'di yis 'phang bar bya// badz+ra u tsa ta ya phaT/ a pri sarba b+h+yo bzlog/ sa ma ya rbad su myag bzlog/ sri sa ya sarba parmi dur na b+h+yo bzlog/ pha rol nus pa 'di yis bzlog/ ma hA b+ha ri sha ya/ a be sha ya pra tsa ya be tsa ya be tsa ye/ zhi bas lugs 'byung chu dbab po// na ga gra he bi tsa ya/ phreM phreM hril hril shar shar ra ma na tsa ga na phreM hril shar shar pa phob// drag pos bzlog cing bsdam pa'o// ma hA shin+taM puSh+Tita ba shata ku ru ma ra ma ra dza ya karma ma le a mu ka sid+d+hi su sid+d+hi ka ra swa sti swA hA/ phrin las thams cad rab bsgrub pa'o// mthun pa'i rdzas dang ting 'dzin gyis// las kyi khyad par so sor dbye// gnas bsgyur dang ni grub pa'i mtha'// snying rje byams pas rab
- 312a
bskul zhing // kun du khyab pa'i mchod sbyin bya// zhi dang rgyas dang dbang du bya// drag pos bsgral zhing tshar bcad pa'i// las kun rang gzhan don du spyad// 'jig rten gnas pa'i snying dang srog/ yi ge gsang ba rang 'byung gnas// mngon du rgyu ba thugs ka te// ring thung pho mo khrag dang dung // chags sdang snying srog snying rje brtse// rdo rje pad+ma rlung dang gnas// thabs dang shes rab chos can dang // chos nyid las kyi 'bras bu yis// ming mtshan gnad mtshang bod dang drang // grogs dang ldan pas las la sbyar// zhes bka' stsal to// 'jig rten gyi sde dpon chen po rnams kyi las sna tshogs kyi rtsa ba'i snying po gnad kyi le'u ste brgyad pa'o// // de nas gzhan yang bshad pa ni// 'jig rten dregs pa'i gtso chen rnams// tshul bzhin rab tu bsgrub pa yis// grub cing nye ba'i rtags rnams ni// dngos dang nyams dang rmi lam brtag/ 'di las so sor 'byung 'gyur te// dga' zhing mdangs ldan stobs rnyed dang // bde dang rtogs pa sgro skye zhing // mngon rgyu yid kyi gdeng thob cing // nyam nga bag tsha dogs med ldan// nus ldan phrin las mthar phyin rtogs// 'di dag la sogs rigs par 'byung // lus 'jam dbugs kyis mi gnod cing // yangs shing bstan la spyod par dga'// nad dang gdon gyis brdzi mi nus// 'byung ba'i nus pas mi
- 312b
bskyod cing // kha dog mdangs ldan sdug cing mdzes// 'di la sogs pa lus 'byung brda// ji ltar bsgo ba gzhan gyis 'dzin// nga dang sangs rgyas rnams kyi gsung // mthun pa'i tshul gyis yongs mi 'dor// snyan dang mi snyan ci brjod rnams// tshangs pa'i dbyangs bzhin yid du 'ong // grags thos tsam gyis dbang du byed// tshul rjes 'asdug pa ngag gi brda// gang la brtsam pa de 'grub cing // ma zhum mi spang mi 'dor bas// dbang dang ldan zhing mi g.yo la// gsang ba'i mthu stobs rab tu thob// yid kyi yul du brda 'byung ba'o// snga phyi de ma thag pa yi// bag chags ma yin rmi lam ni// rgyal po mkhan po slob dpon dang // che btsan rigs ldan rgyan bcas ldan// gcan gzan 'dab chags dud 'gro dang // skyes pa bud med bus pa sogs// nye bar grub pa'i rtags yin no// bran 'bangs mngag pa'i tshul 'changs shing // bka' bsgo nyan pa las byed rtags// rang gi gnas nas glu len zhing // rgyang mig blta ba g.yel ba'i rtags// rang la chad pa'i las brtsams shing // nyes lan 'dod pa ldog pa'i rtags// zas skom 'dod cing khre len snyostsogs// rang nyid gnod 'gyod ma bskangs rtags// 'tshams shing ngud mos 'debs byed pa// ma dag lus snang nyams pa'i rtags// ngag gi bsgo ba mi nyan cing // slar zhing tshur la 'khol 'dod pa// gnyen
- 313a
pos dbang du ma gyur rtags// mtshon cha rtul zhing chad ma ldan// nus med bya ba mi 'grub pa// sngags kyi nus pa ma grub rtags// gzhan 'dod rang la med pa dang // rang gi yid la 'dod med rnams// mchod bskang mthun rdzas ma tshang rtags// sha rus khrag sogs longs spyod cing // ngo mthon rab tu che ba ni// las byas 'grub pa'i rtags yin no// pha rol dmag tshogs mang byung zhing // sgo med khang par bdag zhugs pa// ngan sngags gzhan gyis bzlog pa'i rtags// bye brag sde brgyad so so nas// mi dang dud 'gro 'dab chags sogs// pho tshogs nag po bdud kyi rtags// mo tshogs rgyan bzang ma mo ste// rje btsan 'bag seng gtsug lag khang // bus pa sgra smre rgyal po rtags// mi rta khra sbyang ri dwags ni// brag btsan ri btsan rtags yin no// chu gnas dud 'gro klu yi rtags// ma he ra lug mig mang dang // mun pa bu yug gza' yi rtags// skyes pa chas bzang 'byor pa can// ri mtsho la gnas gnod sbyin rtags// nya dang shan pa bya ba dang // dmag mi go mtshon srin po'i rtags// 'di dag sngar bshad bzang ngan sbyar// bye brag bsgrubs pa'i rtags su 'gyur// zhes bka' sprul to// 'jig rten gyi sde dpon chen po sgrub pa rtags kyi le'u ste dgu pa'o// // de nas gzhan yang rab bshad pa// dregs pa can gyi
- 313b
khyad par rdzas// mdzes pa'i gzugs brnyan sku yi rten// ming nas bod pa gsung gi rten// phyag mtshan dam pa thugs kyi rten// lug g.yag dkar po sbal sbrul nya// glang rta sngon po rin po che// g.yul gshoms myur bsgral bya gcan dang // snrel bu shel nag bya nag dang // rta lcags khyi dang rgod nag dang // ra phag bya khyi dkar po dang // kla klo ra rog dom khyi gnag/ sbrul nag bya rgod ra skyes dang // rta ra bya khyi dmar po'o// snying khrag mgo dang rgyal mtshan ni// lha klu gnod sbyin srin po dang // ma mo bdud dang rgyal po ging // gshin rje gza' dang btsan rnams kyi// rim bzhin so so'i brten pa'i rdzas// rab tu gsang ba nyid yin no// e ldan gdugs bcas rgyud med kyi// thod pa mtshon cha phur pa dag/ dug khrag rin chen drag po'i 'bru// kun tshogs rab tu gsad pa'i rdzas// klus bzung snod ni sha khrag bcas// rus bzang rigs med myur song chu// myu gu sna tshogs dri ldan rdzas/ cu drag dbab pa'i rdzas yin no// mchod rten ri rab rgya gram bcas// sme rdzas rigs ngan mgo bo gsum// dmigs pa'i 'bab rdzas rtog ma yang pad+ma ni// slar la bzlog pa'i rdzas yin no// rab tu mnan pa'i rdzas yin no// dug khrag tshogs dang mtshan ngan snod// dmigs pa'i rten la 'phangs pa'i rdzas// ngan pa'i sa yi rten mkhar dang // gdug cing rab tu tsha ba'i shing // 'bru nag dug
- 314a
khrag bsreg pa'i rdzas// gzhan yang dbang chen dregs pa'i 'khor// so so'i rigs dang sder bcas pa'i// mthun dang ma mthun gtsang dang sde// sngags pa'i rdzas kun shes par 'gyur// ma 'ongs dus na rdo rje 'chang // rang gi rig 'dzin byang chub sems// brtul zhugs can gyi grub pa yis// dbus dang mtha' 'khob yul rnams dang // sangs rgyas zhing gi 'jig rten khams// kun nas sde dpon g.yog bcas pa'i// yid dang dngos po'i yul can rnams// khams dang rigs dang bsam pa dang // byed pa rten gnas yo byad dang / ma lus rdzogs par rab tu rtogs// shes ldan mig can rnams la ston// de tshe dregs pa'i tshogs chen rnams// da lta nga yis gdams pa bzhin// yang dag don las ma 'da' zhig/ khyed rnams kyang ni dus nam zhig/ las kyi gnas ngan len spang ste// byang chub sa la myur 'gro yis// de bas bka' yi/ dam mnos la// ji ltar dmigs pa bzhin sgrubs shig/ gsang chen nga yi bstan pa'i tshul// phyi rol phyogs la sogs pa yis// nyams shing dmas par mi 'gyur bar// rgyas shing brtan par khyod kyis byos// zhes bka' stsal to// 'jig rten gyi sde dpon chen po'i rten rdzas dang las kyi gnyer bsgo ba'i le'u ste bcu pa'o// // de nas bcom ldan 'das de bzhin gshegs pa thams cad kyi sku dang
- 314b
gsung dang thugs kyi bdag nyid gsang ba chen po'i sku'i rnam par rol pa chen po de dag nyid kyi sku la rab tu bsdu bar mdzad de/ dgyes pa'i gsung gis 'di skad ces bka' stsal to// kye ma 'dus pa'i 'khor gyi tshogs// bdud dang gshin rje la sogs pa'i// 'jig rten dbang chen gtso chen rnams// mthar zug mya ngan 'das nas kyang // dus gsum sangs rgyas thams cad kyis// bstan pa'i tha tshig sgrub pa dang // rnal 'byor las kyi grogs mdzad cing // dregs pa'i sku gsung thugs nyid dang // yon tan phrin las sna tshogs ston// phyi ma'i dus na rig pa 'dzin// skyes bu brtson ldan rnams kyis ni// gnyis su 'dzin par yongs mi bya// yul snang phyi/ nang ma lus kun// rang rig sems kyi rgyal por bsgrub// de ni ma bcos yul mi bral// ma chad ma lhung bdag po med// gnyis med mnyam nyid lhun gyis grub// nges 'gyur spang blang stsol sems bral// ma lus rtsa ba snying gi srog/ de nyid shes bya rab tu blang // dbang gi rgyal po 'chang bar 'gyur// gal te nga dang dregs pa can// so so rang rgyud ldan pa yi// gnyis 'dzin yid kyis rtog dpyod cing // mtshan ma rab tu sgom byed pa// rkang med khams gsum bgrod 'dod cing // mig med stong gsum blta dang mtshungs// bdud bzhi dga' ba skyed par byed// de bas rigs mchog che rnams kyis// gsang bdag nga nyid shes par gyis//
- 315a
zhes bka' stsal te nyid kyi sku gsung thugs kyi dkyil 'khor chen po chos nyid de bzhin nyid spros pa dang bral ba'i dbyings su thim par mdzad do// 'jig rten gyi sde dpon chen po 'khor dang bcas pa chos sku mthar thug tu bsgrub par gdams pa'i le'u ste bcu gcig pa'o// // dregs pa can gyi sde dpon 'jig rten mchod bstod bsgrub pa rtsa ba'i rgyud ces bya ba rdzogs so// // rgya gar gyi mkhan po chen po pad+ma 'byung gnas dang / bod kyi lo tsA ba bai ro tsa na bdag gis bsgyur zhing zhus te gtan la phab pa'o// rgyal po'i bla dpe'o// gter rgya/ sbas rgya/ rgya rgya rgya//
- 315b
\u0f7fthAg+naHmnaH/ waH/ \u0f7fmaH// rgya gar skad du/ ro dra man+ta sa mu dA ya mU la tan+ta nA ma/ bod skad du/ drag sngags 'dus pa rdo rje rtsa ba'i rgyud ces bya ba/ bcom ldan 'das mthu stobs thams cad kyi bdag po la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'dzin pa chen po nyid ri rab chen po'i yang steng / lcang lo can gyi gnas mchog/ rab tu brgyan pa'i pho brang chen po na// yum chen mo 'byung ba lnga'i bdag nyid mo dang / gnyis su med par snyoms par zhugs te/ sku las 'od zer sna tshogs rab tu spros nas 'jig rten gyi khams kyi gdug pa can dang // dregs pa can dang / gzi brjid can dang // drag shul can la sogs pa dag gi gnas thams cad rab tu g.yo zhing bskyod par mdzad pas/ de dag gi sde dpon dang 'khor dang g.yog tu bcas pa rnams rlung gi shugs kyis bskyod pa bzhin du lhags pa ni 'di lta ste/ gshin rje 'chi bdag nag po chen po yum dang bcas pa dang / bdud nag po chen po me'i kha rlangs can dang / yum bdud mo nag mo khrag 'dzag ma dang // srin po'i rgyal po gsod byed nag po yum dang bcas pa dang / gnod sbyin chen po gang ba bzang po dang / yum gnod sbyin mo sha za ral gcig ma dang / lha'i rgyal po dbang phyug chen po dang / rA tra'i bdag po thar pa nag po dang /
- 316a
dmu rje bcan pa rgyal po chen po dang / phyi rol lha'i bdag po ka la nag po dang / khyab 'jug chen po kun tu rgyu dang / klu'i bdag po gzhon nu gtum po dang / lha'i rgyal po li byin chen po dang / gnod sbyin chen po lag dgu pa dang / bdag nyid chen po rdo rje mdzes pa dang / klu bdud chen po yab shud dmar po dang / gzhan yang lha dang klu dang lha ma yin dang za byed dang / yi dwags dang 'byung po'i tshogs dang / pho nya'i tshogs 'bigs par byed pa bsam gyis mi khyab pa rab tu 'dus so// de nas com ldan 'das kyis gdug byed chen po'i 'khor de dag rab tu 'dul bar mkhyen nas/ dur khrod chen po'i dkyil 'khor mngon par sprul par mdzad de// nam mkha'i dbyings kyi dkyil 'khor dag/ gzugs su snang ba rab tu 'jigs// sgra ni mi snyan drag cing gtum// dri ni mi zhim rul myags sum// ro ni kha sgyur tsha ra bro// reg bya tsha rtsub mi sdug spyod// zhe sdang chen po me 'bar zhing // nga rgyal keng rus brag tu spungs// gti mug mun nag rab tu 'thibs// 'dod chags khrag gi chu chen brub// phrag dog rlung ni rab tu 'khrugs// ti ra chen po'i longs spyod dang // stag gzig gcan gzan ce spyang dang // kang ka dur bya 'dab chags tshogs// sha za khrag 'thung rus pa 'joms// bam dang rul dang myags pa dang // 'byed dang
- 316b
bral dang gzhig pa dang // zos dang 'thor dang rab tu 'thor// brul dang zag dang brlag pa dang // rtse dang rgod dang glal ba dang // 'jigs shing gdug dang rngams pa yi// rol pa'i longs spyod rab tu sprul// kun kyang gdug pa'i sems 'chang zhing // gsod gcod bsha' gtub lus kyi las// tshig rtsub brlang po'i nga ro 'byin// khros pa'i brtul zhugs drag po yis// ma lus 'dul zhing tshar gcod pa'i// mngon par spyod la rab tu bkod// 'di ltar mthong zhing snang gyur kyang // kun rdzob tsam du snang ba las// sems can gcig gi ba spu la// cung zad gnod pa yongs med de// rang gi rnam rtog bde bar spyod// nges pa'i de nyid kho na'o// drag sngags 'dus pa rdo rje rtsa ba'i rgyud las/ cho 'phrul chen po bstan pa'i gleng gzhi'i le'u ste dang po'o// // de nas sangs rgyas thams cad kyi// rdo rje 'chang ba'i rgyal po yis// dus gsum rgyal ba sras bcas kyis// thog ma med pa'i dus nyid nas// ma lus bstan pa bsrung mdzad pa'i// gsang bdag chen por dbang bskur phyir// gnod sbyin lag na rdo rje 'chang // lnga brgya'i grogs dang bcas pa yis// so so'i gtso chen mdun nyid nas// rang gi stan las rab tu langs// mngon du spyod pa'i sprul pa mdzad// thugs la gnas pa'i sa bon las// phyogs bcu nam mkha'i mthar thug kun// lja
- 317a
nag rlung gis rab tu dkrigs// khrag gi rba klong 'khrugs shing g.yo// sha rus gtams pa'i sa gzhi la// bskal pa'i me ri rab tu 'bar// b+han+da 'bar ba'i gzhal yas khang // gdug cing 'jigs su rung ba ni// stobs chen rnams kyang nyer mi spyod// phrin las ma lus rdzogs mdzad gzugs/ phyi nang mtha' dbus kun la khyab// bstan la rab sdang pha rol po'i// phung po zhabs kyi gdan du bting // 'od ldan gtsang ma yum dang bcas// che ba mchog gi skur mdzad de// rigs can mthar gnas dbur bstan cing // stong pa bco brgyad dag cing stong // phyag gis dregs pa'i lha brgyad bsgral// b+han+ta tsit+ta g.yas g.yon bsnams// thugs kyi dbang rtags dang por bzung // thugs rje mi 'gyur mthing nag mdog/ mi 'jigs rig par ldan pa'i zhabs// bdud bzhi phyogs dang bcas pa gnon// ma lus dbang du sdud pa'i phyir// ral pa kham nag srid rtser 'bar// 'bar ba'i spyan gyis khams gsum gzigs// gdangs pa'i shangs kyis srid gsum rngub// snyan gyi rlung sgras stong gsum khyab// rno dpal tshems kyis gdug pa sgrol/ ljags 'dril rkan sgra drag po rdeb// khro gnyer 'od kyis dbang du sdud// dpa' ba'i chas kyis rab tu brgyan// sprul pa'i lha rnams sku la rdzogs// stobs ldan de nyid mnyes mdzad pa'i// 'byung ba che la dbang
- 317b
bsgyur ma// dbu gsum phyag drug zhabs bzhi la// gri gug tri shUl bdud rtsi g.yas// b+han+d+ha zhing chen g.yang gzhi g.yon// gtso bdag tshul 'dzin rab tu sgeg/ dgyes mdzad rab tu rol pa las// 'dul byed sprul pa rab tu spro// phyogs bcu'i 'jig rten khams kun gyi// gtum po gdug pa'i tshul 'chang ba'i// drag sngags bdag po ma lus kun// rang nyid so so'i 'khor bcas pa'i// rten dang gnas pa re rer snang // rang dbang med par 'dud cing g.yo// oM badz+ra sarba duSh+TAn e ka ya ma ma b+hi ra b+ha gr-ih+Na hUM phaT// bdud dang gshin rje srin po dang // gnod sbyin lha dang log lta can// dmu rje che dang phyi rol phyogs// gdug byed mkha' la rgyu ba dang // byol song lto 'gro'i lus 'dzin dang // nga rgyal 'chang dang sprul pa can// mtha' 'khob gnas bcas ma lus rgyu// lha bdud mi ma yin gyi gnas// kha ba can du phyogs shing srid// las kyi lus kyi nus pa 'byin// ma lus rnam pa thams cad kun// shugs drag rlung gis bskyod pa bzhin// rab tu 'dar zhing mdun du gnas// thugs rje'i bdag pos dgongs mdzad de// gtum rngams 'jigs byed chen po'i sku// gsang tshig drag po'i gsung gi sgras// ma lus tshims par bka' glal pa// e ma 'asdig rten khams kun gyi// drag sngags bdag po dregs pa can// rngon gyi rdo rje 'chang chen dang // nga yi bka'
- 318a
las ma 'da' bar// khyed rnams rang gi 'khor dang bcas// so so'i lus dang btags pa'i ming // rigs dang rten dang byed pa'i las// sde dang cha lugs longs spyod rnams// 'jigs byed gnas 'dir myur du ston// khyed rnams 'di las 'gal byed na// nga yi sngon gyi dam tshig gis// khyod kyi lus sems srog dang bcas// ma lus gtan nas brlag par bya// zhes bka' stsal nas// drag sngags kyi tshig 'di dag kyang bka' stsal to// A~M sarba duSh+TAn ta ka na da ha pa tsa hUM phaT/ ya ma ra tsa pre ta ka s+ya ma ma k+She ta mA ra ya hrI hrI dza dza/ du pra phrag ra tsa dug dun ma ting mA ra ya hrI hAM dza dza/ rag sha rag mo ma ya ra ti mA ra ya hr-i hri dza dza/ yak+Sha a pa sma rak+Sha mi du shaM pa mA ra ya dza dza/ ma hA de be shwa ra ra tsa mA ra ya hrI hrI dza dza/ ma taM ka ru tra ka la mA ra ya kA la hI hrI dza dza/ mun mun pa dza tsit+ta mA ra ya hrI hrI dza dza/ tir+thi ka ma te ma hA mA ra ya hrI hrI dza dza/ byi tri pa tra ro ga ti dza mA ra ya hrI hrI dza dza/ nA ga rA dza ku ma tsa ta d+hi ra ya hrI hrI dza dza/ rA dza b+hu ling e sa ma ya hrI hrI dza dza/ ma ha khu lengs bi hu mA ra ya hrI hrI dza dza/ badz+ra sA d+hA se e tsa mA ra ya hri hr-i dza dza/ a b+hi shu tri ling mA ra ya hri hri dza dza/ nr-i hur thum dzaHsha tAM mA ra ya rbad/ ces brjod cing sku 'jigs byed 'bar ba de slar yang 'jigs su rung bar bstan te/ sangs rgyas thams cad kyi zhing khams stong gsum
- 318b
gyi stong chen po'i 'jig rten gyi khams thams cad ma rungs pa'i sgra chen po dang / 'od dang glog 'bar ba dang / rlung gi shugs drag pos rab tu gang bar gyur to// bdud dang gshin rje la sogs pa phyogs bcu'i dregs pa can rnams kyang rang rang gi 'khor dang bcas te rab tu 'dus nas/ rang rang gi rigs kyi dregs pa dag phul te/ bcom ldan 'das nyid kyi mdun du nye bar gyur nas/ bka' rab tu bsgrub par rtsol bar gyur to// drag sngags 'dus pa rtsa ba'i rgyud las/ byin rlabs chen pos dbang du bsdus pa'i le'u ste gnyis pa'o// // de nas bcom ldan 'das la 'jig rten gyi khams kyi bdud kyi rgyal po me'i kha rlangs can zhes bya ba/ mdog nag po kha nas me 'bar ba/ khram shing dang bdud zhags nag po thogs pa/ zhing lpags kyi gos gyon pa/ yum bdud mo nag mo khrag 'dzag ma zhes bya ba/ khram shing dang thod pa rlon pa thogs pa/ zhing lpags gon zhing bdud rta nag po la khyod shug gnyis car zhon nas/ bcom ldan 'das kyi spyan sngar bdud kyi ris kyi lha tshogs dang bcas nas rings par lhags so// de bzhin du 'chi bdag gshin rje zhes bya ba/ mdog nag thod pa gri gug 'dzin// chung ma gshin rje za byed ma// gri gug thod pa phyag gis 'dzin// khyo shug zhing lpags rlon pa bgos// ma he chu glang zhon nas ni// gshin rje pho mo'i/
- 319a
tshogs dang bcas// 'gal byed gzir zhing myur du lhags// srin po gsod byed yab yum yang // mdog nag zhing gi pags pa bgos// ral gri gri gug yab kyi g.yon g.yas kyis bzung // g.yon yum gyis mi mgo yab kyi g.yas thod khrag thogs// stag dang seng ge bzhon pa bskyod// srin po'i tshogs bcas myur du 'khod// gnod sbyin gang ba bzang po dang // chung ma sha za ral gcig bcas// mthing nag mgyogs byed rta la zhon// zhing lpags gyon te phyag gnyis kyis// ral gri yab g.yon dar nag zhing lpags sum g.yas bzung // gnod sbyin tshogs dang bcas te bskyod// drag sngags bdag po sde dpon te// shar lho nub byang phyogs dag gi/ gnas su gtso la 'dud cing 'khod// dbang phyug chen po zhes bya ba// 'jig rten lha yi sngags bdag ni// dkar po ba dan shel gri thogs// dar dkar gos can gnam ru zhon// dregs pa'i lha bdud 'khor dang bcas// rengs par lhag ste shar phyogs 'khod// thar pa nag po zhes bya ba// mdog gnag mchod gtor dug zung 'dzin// dom nag zhon te zhing lpags bgos// sde dang bcas te lho phyogs 'khod// dmu rje btsan po zhes bya ba// dar nag dang ni zhags pa thogs// ber nag gyon te dmu rta zhon// rang gi sder dang nub phyogs 'khod// mu stegs nag po chen po yang // kha T+wAM dang ni tri shUl 'dzin// mi
- 319b
lpags bgos te ma he zhon// rang gi sde bcas byang du 'khod// khyab 'jug rog ti zhes bya ba// mthing nag khram shing dgra sta 'dzin// sprin nag bgos shing 'brug rngon zhon// gza' bdud tshogs bcas steng nas 'khod// klu rgyal sog ma med ces pa// ser nag sbrul lpags na bza' can// bum pa dang ni rus sbal 'dzin// chu srin zhon te klu tshogs bcas// 'og gi phyogs su 'khod cing 'dug/ gzhan yang li byin lag dgu dang // ze skyes gtso dang yams shud kyi// so so'i blags kyi bdag po dag/ dkar ser dmar po'i mdog ldan zhing // shel gri thogs dang sa shing lag dgu 'gyed// dar dmar mdung dang dkang ring ral gri 'dzin// rta dkar bya rgod ra skyes dang // rta dmar zhon te zhing lpags bgos// so so'i sde dang g.yog bcas shing // phyogs kyi sgo bzhir gnas par 'khod// gzhan yang lha klu gnod sbyin dang // ma mo gshin rje srin po bdud// ru tra mu stegs 'gong zel dang // gying dmu gza' dang rgyal phran sman// snang srid lha srin dregs pa can// sde dpon chen po rnams bcas 'khod// phyi dang nang dang gsang ba dang // yang gsang dang ni drag po dang // btags shing chags dang sbas pa dang // las byed shan pa thor shod dang // che grags btsan dang ma mo dang // mun 'thib stong 'khrugs srog gcod dang // gleng zhing dbang che la
- 320a
sogs rnams// bcom ldan rdo rje 'chang ba yi// bka' bzhin rjes su sgrub byed pas// ma thogs dur khrod gnas chen du// 'dar zhing myur ba'i shugs dang bcas// rang gi nus pa rab bstan te// bka' nyan gsung sdod rjes 'brangs gnas// de ltar 'khod pa'i 'jig rten gyi dregs pa'i bdag po sngags kyi stobs dang ldan pa de dag gis/ rang rang gi 'khor dang / rigs kyi sde dang / mthu dang longs spyod kyi khyad par dag kyang / bcom ldan 'das kyi spyan sngar bstan nas 'di skad ces kyang gsol to// bcom ldan rdo rje 'dzin pa chen po/ bdag cag la sogs pa 'jig rten gyi khams na gnas pa ma rungs pa'i tshogs gdug pa dang / sdang ba dang / gnod pa dang / shugs dang / 'tshe ba dang / rtsod pa'i bsam pa dang ldan pa dang / byams pa dang / snying rje dang phan pa'i sems skye bar mi nus pa rnams te/ rang rang gi khams dang / byed pa dang / rigs dang / las kyi bya ba dang / rten dang / nus pa dang / dbang gi khyad par dag dang mthun pa'i bstan pa mi bzad pa stobs dang ldan pa dag bka' stsal bar gsol/ zhes gsol to// drag sngags 'dus pa rdo rje rtsa ba'i rgyud las/ tshogs kyi dkyil 'khor la rab tu bkod pa'i le'u ste gsum pa'o// // de nas rdo rje 'dzin pa yis// sku yi che ba rab bstan cing // gsung gi snying po
- 320b
gnad bskul te// thugs kyi dgongs pa cher mdzad nas// 'jig rten dregs pa mthu stobs can// 'dus pa'i 'khor la bka' glal pa// hUM 'asdig rten dregs pa'i tshegs chen rnams// nga yi bka' bzhin nyan par gyis// nga ni chos sku bde chen te// ye nas ma bcos lhun gyis grub// snang ba'i sku la dngos po med// ye shes sku ste sku yi mchog/ nga ni sngags gsung mthu chen te// ye nas tha snyad sgra dang bral/ brjod pa'i gsung la 'dzin pa med// ma 'gags gsung ste gsung gi dpal// nga ni bden pa'i thugs mchog ste// ye nas mtshan ma yang dag bral// gnyis med thugs la rtsol ba med// skye med thugs te thugs kyi dpal// nga ni yon tan tshogs chen te// lhun gyis grub cing bsam mi khyab// smon med dgos pa ma lus 'byung // dngos grub chen po bskyed pa'i gzhi// nga ni phrin las mdzad pa ste// yongs rdzogs brtson pa'i bdag nyid can// zhi rgyas dbang dang mngon du spyod// sna tshogs gzhan don lhun gyis rdzogs// 'jig rten sngags bdag dregs pa can// gtso chen dbang bsgyur khyed rnam kyang // nga dang dus gsum sangs rgyas kyi// thugs dang ye nas gnyis su med// gsung dang dbye ba yod ma yin// sku las so sor mi blta ste// yon tan mnyam pa nyid du rdzogs// phrin las gcig ste thun mong bsgrub// thog ma med nas da// lha'i bar//
- 321a
nyon mongs las kyi rgyu 'bras kyis// gnas ngan len gyi phung por smin// nga rgyal dregs pa'i lus ngag sems// stobs dang nus pa dpag med rdzogs// che btsan dbang phyug ldan gyur kyang // yang dag nges pa'i don ma rtogs/ don dam bden pa khong ma chud// spros bral dge la blo ma phyogs// rang rig rgyal po'i stobs ma rnyed// skye med dbyings kyi rtsal ma shar// bde chen gnas kyi gdeng ma thob// mtshon med bcud kyi ro ma myong // chos nyid sku yi gzugs ma mthong // ye shes klong gi sgo ma phyed// de bas rigs kyi bu rnams kyis// rang gi gnas la rab tu rtogs// lus la bdag tu yongs ma bzung // ngag la brjod par ma smra zhig/ sems la dngos por ga la rtog/ gnas yul rigs khams sde dang dpung // rten rdzas longs spyod dbang skal rnams// nga dang nga yir gzung bya min// thun mong dang ni tha dad gcig/ de dag ma lus stong pa ste// stong pa nyid kyang de dag go/ de las gud na gzhan med de// gzhan las gud na'ang de med cing // ma skyes ma 'gags mtshan nyid med// ma phri ma bsnan ma bslad cing // ma bcos ma bsgyur ma byung la// ma skyes ma bsgrubs ma bshad pa'i// don chen de ni rang nyid las// phyi nang snga phyi steng dang 'og/ phyogs mtshams 'khor 'das lus dang sems// kun nas rnyed pa ma yin te// 'di na'ang yod
- 321b
pa ma yin no// sha khrag lpags pa rus pa dang // snying dang glo ba snod rnams dang // dbang po yan lag bcas pa la// bde chen dam pa de mi gnas// de las gzhan na'ang gnas med de// gnas ma grub la gnas shes brjod// gnas yod snyam na der rtogs shig/ ci 'dra ci zhig ji lta bu// gang nas 'ongs shing gang du song // gang na 'dug cing ji zhig byed// dbyibs dang kha dog ming dang mtshan// rigs dang khams la rab tu rtogs// de la de yis der bltas pas// mthong ba med pa blta ba'o// gang la gang gis gang bsgoms pas// bsgom dang bral bar bsgom zhes bya// ci la su zhig cir spyod pas// spyod rgyu mi gnas spyod pa che// su la sus thob ci bsgrubs pas// ma grub rang gnas 'bras bu ste// ma lus med cing rnam pa yi// yon tan yongs rdzogs dbang phyug go/ zhi dang rgyas dang mngon du spyod// dbang du bsdu ba phrin las yin// rang la rdzogs shing rang gis grub// zag chod pa dang bstan pa dang // tshad ldan mthar byin la bzla dang // 'das dang ma 'das ston pa dang // bshad dang nyan dang sdud pa dang // gnas dus yon tan skyon rnams ni// rang gi de nyid rtogs pas 'grub// ces bka' stsal to// drag sngags 'dus pa rdo rje rtsa ba'i rgyud las/ don dam pa'i gnas nye bar bstan pa'i le'u ste bzhi pa'o// // de nas
- 322a
rdo rje 'dzin pa yis// dgongs pa chen po 'di gsungs te// ye nas ma byung ma skyes pa'i// chos nyid don gyi snying po ni// gzung 'dzin mtha' bral ma rtogs te// nga bdag 'dzin pa'i rnam rtog gis// dregs shing gzir ba'i rA tra de// ma bsgral ba ni nyes pa ni// thabs dang shes rab snying rje gsum// mthun zhing mtshungs ldan sras kyis bsgral// dam pa'i don de ma rtogs par// dngos por bshad pas 'khor bapabar ltung // mkhas rtogs ldan pas bshad pa yis// 'phags pa mnyes shing sems can sgrol// tshogs gnyis rdzogs te sku gsum thob// rnam rig mthong bas don thag gcad// brtul zhugs drag pos bsgrub pa brtsam// dbang du bsdu dang 'dul ba'i phyir// 'jig rten las kyis bsdus pa'i rgyud// nga dang ston pa rnams kyis bshad// chos dbyings dur khrod rang gnas su// rig pa 'dzin pa rnams kyis ni// sangs rgyas bstan pa'i don du bsdus// snyigs ma rab tu bdo ba'i dus// bstod cing gtsug lag ltos pa'i chos// skyon dang yon tan tshul du 'byung // bstan pa 'jig byed las ngan can// drag sngags stobs kyis bsgral byas na// rdzogs dang spangs pa thob par 'gyur// dkyil 'khor gnas pa'i rten yin te// lha dang sngags dang ting nge 'dzin// rdzas rnams rgyu dang rkyen du 'gyur// ling+ga nya bo dmigs pa'i rten// ming rus
- 322b
byang bu rnam shes dang // snga tshe 'khor ba'i rten yin no// 'gugs 'dren gyis ni de dag dgug/ pho nyas las kun sgrub par byed// sngags kyi rdzas kyis dpal bskyed cing // thun rdzas rnams kyis myos pa dang // rengs lkugs mtshon 'debs rdul du rlog/ gnad du 'bebs shing snying nas 'dren// lha dang 'byed cing rtsa ba gcod// byang chub sems kyi dngos po ni// don po khrag gi lan bu'i lan ma'i yang 'og/ kun gzhi til 'bru tsam zhig gnas// rtsa ba klung gnas dra ba ste// phur pa me dpal lta bu yis// bsdus shing bsregs te gcad pa yis// dmigs pa rten dang bral bar byas// bkrag dang gzi mdangs rang la bsdus// phrin las rnam bzhis gzir ba las// dge sdig ngo bo nyid du mnyam// blta spyod ldan pas zhing bcu de// pha rol bla med gnas su bsgral// bar ma do yi rnam shes ni// hUM dang phaT kyi 'phro 'du yis// sbyang dang sbar ba'i las rnams bya// phyogs bcu'i rgyal ba'i sras su bskyed// phung po lhag ma tsam nyid ni// rten gsum gyis ni rab tu sbyang // chos sku'i gzugs brnyan bstan par bya// 'di ni pha rol snga na med// bsgral ba dus gsum sangs rgyas dang // rgyal sras byang chub sems dpa' yi// spyod pa rlabs chen bshad pa'o// drag chags 'dus pa rdo rje rtsa ba'i rgyud las/ sgrol ba'i ting nge 'dzin gyi dmigs pa'i le'u ste lnga pa'o// /
- 323a
@/ de nas rdo rje 'dzin pa yis// las kyi bye brag 'di gsungs te// thog mar 'di la shis pa'i gnas// dur khrod chu gling ri yi sul// khros shing gdug pa'i gnas de ru// rab tu gnas shing gdeng ldan pa'i// dam tshig gnas pa'i bsgrub pa ste// yongs su rdzogs pa'i slob ma yis// sngon du bla ma mnyes byas nas// lhag pa'i lha nyid stobs dang ldan// rdo rje 'dzin pa he ru ka/ nye bar bsten dang gnyis su med// tshad dang ldan par gyur pa des// yang dag nges pa'i rtags mthong nas// rab tu 'bad par bya ba ni// smin 'byor gdug cing shis pa'i sa// las la bsngags pa de dag la// dregs pa'i gtso 'khor dmigs pa'i rten// 'dom gang la sogs tshad dang ldan// lte ba la ni 'khor lo'i rtsibs// bzhi'am drug gam brgyad du dgod// bar khyams phyogs bzhi sgo bzhir bcas// rim pa gsum gyi thod phreng ldan// rang gi rigs pa bsngags pa yi// dbyibs dang kha dog rgyan dang rtags// thams cad ldan pa nyid du bya// dregs pa can rnams sku yi rten// bres sam brkos sam brtsigs pa dag/ rang gi gnas su mdzes par dgod// gsung gi snying po'ang de bzhin no// thugs rten rang gi phyag cha'am// sngon nas bsngags pa'i rdzas yin no// rang sngags gsang ba'i 'khor lo dang // mthun gzugs srog gi rgyal mtshan rnams// nang du mtshon
- 323b
pa'i rten du gzug/ de dag tsit+ta so so ru// dmigs pa'i snying po dril te gzhug/ gsang ba sbas pa'i rten du 'gyur// de yi byang shar phyogs mtshams su// nga yis sngar bshad rgyud nyid las// e dbyibs bzhi dang brgyad bcu gnyis// khru gang mdzub gang thur du brko// bdug cing dregs pa'i rdzas kyis byugs// bdug cing bsreg pa'ang de yis so// de nyid dgod pa'i rdzas rnams ni// rgyud med gzugs ngan ka pa la// seng sdeng gser shing yan lag skyes// dpal ldan drag po'i phur pa dang // shel nag gnam ru nag po dang // gyi ling dkar dang gdong dmar dang // brda mi gcig dang srid shing dang // tshar dkar dang mgrin snyan dang // sa spyod chu spyod rnams kyis lus// phyi nang bar dang gsang bas brgyan// dregs can spyi yi mnyes pa'i rdzas// rgyan ldan gzugs dang rnga gling sgra// gsur chen dri dang sha khrag ro// tsha rtsub reg dang 'bru bcud bshos// sha chen dam tshig bdud rtsi'i tshogs// rab tu bstar zhing 'bad pas sbyar// dpa' zhing brtul phod skyes bu yis// nga yi sngon gyi phrin las bzhin// khro la khros pas zhi mdzad de// tha mal gnas pa'i 'byung chen lnga// drag po sngags kyi 'byung bar bsgom// keng rus 'bar ba'i ri rab bam// dur khrod 'jigs pa'i gzhal med khang // b+han+da gnas rigs gsum gyis brtsig/ ti ra gsar rnying tshogs kyis
- 324a
gtams// rak+ta dmar po brub cing 'bab// tshil chen dud pa 'khyil zhing 'phyur// dbang po don snying 'phyangs shing 'phrul// bdud rtsi bshang gci dri bsung ldan// yan lag nyid lag skams shing nying nga snyil// sha dang pags pa brgyang zhing 'phyar// phyogs bzhi mtshams dang steng dang 'og/ gcus dang 'phyar dang bskums dang brkyangs// rgyal mtshan dang ni za ra tshags// ba dan bla bre lhab lhub dang // 'phur ma dang ni lhab ma dang // mi mgo ka pA la rnams dang // rab tu mdzes pa'i rgyan gyis brgyan// gzhal yas khang pa de 'dra ba// rab tu bsngags pa 'di la bshad// dregs pa'i bdag po yum dang bcas// sbyor zhing bsnol ba de nyid kyis// bdag gi rang bzhin yongs su bskyed// 'phro dang las kyi khyad par dang // bsdu dang rang gi gnas su brten// skur gyur mtshan nyid ngo bo dang // byang chub sems kyi bya ba yis// yum dang bcas pa yongs su rdzogs// de yi las kyang sngar bzhin du// rgyas mdzad rang gi spyan snga ru// dmigs pa myur lhag de yi 'khor// bdud dang gshin rje srin po dang // gnod sbyin drag po sde dang klu// rang gi chung mar bcas pa dag/ ngas bshad bzhin du rigs par bsam// sgo bzhir gnas pa de dag ste/ lha dang ma mo rgyal po ging // btsan 'gong dmu dang mu stegs dang // rang gi sde dang dpung du bcas// ma lus dregs
- 324b
pa can gyi tshogs// 'di la rab brjod gang yin pa// de nyid du ni gsal bar bya// nga yi sku dang gsung dang thugs// ye shes rigs kyi dbang bskur zhing // byin gyis brlabs la rgyas btab ste// de la rang bzhin gnas pa bstim// yongs rdzogs sku yi brtan par bsgrub/ phyag batshal mchod pa 'bul zhing bstod// rab tu mnyes pa rgya cher bya// phyi bshad nang dang gsang ba yis// bsdu dang sbyor dang sgrol ba dang // gnas dang rigs dang rol pa dang // bskyod dang dbab pa mnyes pa yi// gnas lugs lhun grub ma bcos pa// drag sngags rol pa ma 'gags spyod// rang gi las la sbyar ba ni// bdud kyi khram dang gshin rje rdo// srin po'i dmar dang gnod sbyin byed// lha yi chad dang ma mo'i dal// gza' yi ki kang klu yi dug/ tshe zad pa dang khri mon bcug/ gcan gzan 'brum dang lcags sgrog tshud// nad dang mtshon ni khong zhugs dang // dug 'thung thog babs bzhin du drag/ thar zhes bya ba gdags su med// bdud ni ma brtags srog la rgol// gshin rje 'khor ba'i 'khor los gcod// srin po ral gri'i so yi 'gems// gnod sbyin gnam lcags thog gis 'joms// lha ni 'dod pa'i mdung gis gsor// ma mo dpag chen mda' 'phen 'bigs// gza' bdud stobs chen sgyogs kyis brdeg/ klu ni sa 'og ral gri'i spos// thams cad
- 325a
'dul zhing gcod pa'i sngags// mun pa gling 'khrugs bdud kyi skad// ngu 'bod lta bu'i gshin rje ste// ro len dur ba srin pos khrid// lce mdud drag po gnod sbyin no// bka' chad drag rtsal lha yi dmod// ngu 'bod gdung ba ma mo ste// 'brug sgra glog 'byin gza' bdud do// klu yi sbrul nag dug lces so// 'jig rten lha srin rang sgra yis// phal pa rnams la dmod par byed// de ni drag sngags dmod pa'o// zhes bka' stsal to// drag sngags 'dus pa rdo rje rtsa ba'i rgyud las/ drag sngags dmod pa nye bar bsgrub pa'i le'u ste drug pa'o// // de nas rdo rje 'dzin pa yis// so so'i drag sngags dmod pa bstan// phung shigs bdud kyi drag sngags ni// rabs chad nag po'i thod pa ru// shel nag snying du nya bo stsal// dur khrod ras nag rgya yis gdab// tshon sna lnga'am nag pos bcing // gri lcags spug ma srog rtsar gzhug/ nyung dkar nyung nag til nag dang // skye tshe shing tshe zi ra dang // zangs lcags rdo yi phye ma dang // dug phrag ngar dang bcas pa rnams// mu su ra yi thod par bsdu// bdud kyi srog tig sngags kyis bsngags// bdud po nag po kha mun de ba mi la tsho// ka la mu tri mA ra ya dgra bo snying ling tsit+ta rbud/ nr-i zlum khrigs/ nr-i zlum khrigs/ bram bram ro la 'dus/ zed spug dro spug bdud rjes chod/ bdud mos rol/ bdud
- 325b
bus gtor// baM khyigs/ pra ma nr-i sha trUM mA ra ya rbad// mun pa gling 'khrugs zhes bya ba// ma 'ongs bdud kyi rang skad de// drag tu brjod cing spug mar brab// gang la dmigs pa de myur du// snang srid bdud kyis srog nas 'dren// mi nag go mtshon bcas pa dang // sngags nag bud med mon dang rdo// khyi nag rta nag bya nag dang // rgod nag dre'u nag shel nag dang // ri nag mtsho nag shing nag tshogs// dmag dang 'khrug pa 'thab pa dang // 'khrid dang gsod dang bsha' ba dag/ las byed grub pa'i rtags su 'gyur// de nas nya po bstab cing bsgral// gri mtshon phur pa rnams kyis gtub// lhag ma bdud rtsi sha khrag sbyar// ku ku nag po'i zas su sbyin// rol bar mi byed bskur te bsgrub// rA tra myos shing 'thib nas 'chi// 'chi bdag gshin rje'i drag dzags ni// rgyud med pho mo'i ka pA la// za mo tig tu kha sbyar te// nang du de nyid tsit+ta gzhug/ pho thod steng nas spyi bor phug/ bcings dang dgab pa drangs pa dag/ sngar bshad rdzas kyis brab cing brdeg/ ya ma me da k+She/ rA dza sa do me/ ru tsa na ya ni/ ro ma tsa ni/ ya ma ra tsa mu ka snying khrag rtsa la rbad/ ya ma dbugs la rngubs/ ro tsa ya ma ra tsa ra tsa bta ri la rbad/ ya ma ra tsa hri sti snying ling chod/ ya ma snying / ya ma khrag ya ma du baM ri la rbad/ gshin rje bsdus shing dril ba'i blags// rab tu bablags te
- 326a
tsit+tar brab// sha khrag chen pos mnyes par bya// gsod byed nag po'i tshogs rnams kyis// don snying rlon par ster ba dang // snying dang thod pa 'phar ba 'byung // de nas las la sbyar bar bya// gang la dmigs pa myur du sgrol// gtum khros srin po'i dmod pa ni// myur shi'i thod par de snying nang // dmigs pa rnams kyi gzugs brnyan de// ming sngags ldan pa stsal bya ste// le brgan kha dog dar gyis dkris// sngon dmar skud pa'i dra bar gzhug/ ti ra gsar pa kha phye la// dbang po don snying nang rol gyis// srin po bskang zhing dmod pa bzla/ rag sha srin po sa mun dzaH/ rag sha rU tra hur hur b+h+yo// rA tra gnyen po dgra la b+h+yo// dgra bo mu li shig sod gtor// hab lo ho ba le kha thun b+h+yo// rag sha dza tri ta dza/ du ra dur shan dza/ rag sha rbad/ nr-i mA ra ya sod/ dmod pa rdzas la bzlas shing brdeg/ mi nag shan pa'i tshogs rnams kyis// khrid dang gsod dang don snying ster// las la sbyar ba tshul bzhin gyis// dgra bo'i dngos po myur du sgrol// drag rtsal gnod sbyin drag sngags ni// rta dkar snying dang thod pa ni// nya bo gzhug pa'i snod du bsngags// rin chen la phug mu pa la// snying sna khrag sna sbyar bas mchod// gnod sbyin srog tig dmod pa brjod// yak+ka baM hu da ri dza/ ma ga ma bag sha dza/ ru ru ma ru tra ma ti dza/ yak+ka snying la shad shad du dza/
- 326b
yak+Sha srog la breng thun dza// nyi shar tshogs dang 'od dang sgra// rlung dmar dug dang bu yug 'ong // bsad pa'i rdzas kyis drag tu brdeg/ lhag ma bsreg cing rlung gis gtor// de nyid khrag gis lkugs te sgrol// drag rtsal lha yi drag sngags ni// lha g.yag dkar po'i snying nang du// brnags pa'i gzugs dang ming rus bri// rngon dmar skud pas ske nas gdags// rje rigs thod pa'i nang du gzhug/ dar dkar gyis ni kha bcad la// tshon skud sna lngas bcing bar bya// bya rgod dar ma'i sgo rtsa ni// srog rtsar bcug la dkyil du brtol// dkyil 'khor mda' gang gru bzhi la// dbus su gru gsum thur du bru// lha rdo gsum gyi skyed pu la// gang gi thod pa gzhag par bya// thun rdzas bshos gtsang rngon cha dang // ru dkar snying dang shel dkar snying // bya dkar snying dang ru mtshon dang // ba dan dkar po rten du gzug/ nyung dkar dzags kyi mda' mchog ni// thun gyi rdzas su gzhag par bya// drag sngags snying gi nang du brab// stobs ldan rdo rje 'dzin gsal bas// lha rnams 'dus pa'i drag sngags sbreng // ma ha de ba te dza hi dza/ saM pra ma na rak+Sha kaM ka sa ma ya hUM/ de ba rA dza ma hA ni dza// dgra bo mA ra ya thun rbad/ thun rbad/ shag len dza dza/ shag len dza dza hUta hAta tsa tur mu kha rag sha man/ kata ka ya ma hAta/ ma hA de ba a mu ka mA ra ya sod// 'jig rten
- 327a
dregs pa mthu rtsal can// lha yi bod rbad bsad gsum dril// drag tu bzla zhing snying la brab// rtags ni rgyal po rje dpon dang // skyes pa stag chas dar thogs dang // zhub can pho tshogs 'ong ba ni// gsod gcod byed dang snying 'byin dang // dngos su snying phyung 'phar ba 'ong // rtags byung snying nas ling+ga dbyung // mtshon gyis gtubs la me la bsreg/ thal bar nya bo byas nas ni// thod par bcug la lha rten nam// 'jig rten lha chen gnas sar mnan// lha yi da la yams dgra la 'bebs// nad bdag ma mo'i drag sngags ni// snrel gri mo yi thod pa ru// de yi snying nang ling+ga gzhug/ mthing nag dar gyis kha bcad la// thod pa tshon skud lnga yis bcing // dkyil 'khor mthing nag gru gsum dbus// thod par bcug la bsgrub par bya// nag smug gsum gyi snying khrag gis// ma mo 'khor dang bcas pa mchod// nyung dkar nyung nag/ skye tshe sogs// drag po'i thun rdzas tshogs tshang la// ma mo rnams kyi dmod pas bsngags// ma ma snying kha rag ma ma rag sha ma ma rag sha/ trag rag sha snying khrag la hub dza/ snying rtsa la dun dun/ trag ra ka sha ma ma dza dza/ dam dam dgra snying rbad bu nan/ ma ma nr-i snying tsit+ta la thun thun/ tra raka sha raka sha rag mo thun thun/ mug mug myos myos rbad rbad dza dza/ ma ma thun snying khrag thun/ shasti sta ma ma rag mo sa ma ya b+h+yo b+h+yo/ ma
- 327b
mo'i srog tig bsdus pa'o// bsad pa las kyi ngan sngags 'di// gri lcags las byas sbu gu'am// bya rgod sgro rtsa'i nang nas bsngags// ma sring mon mo bal mo dang // byi mo la sogs bud med tshogs// bya nag rgod nag tshogs chen lhags// dngos su sha dang mgo sug ster// tsit+ta dngos su 'phar ba dang // bsad rtags yongs su rdzogs pa dang // snying la phur pas gdab cing gsad// dug shing mo la sbyin bsreg bya// thun khrag dmigs pa'i dgra la 'phang // thal ba sngangs la nya bo bya// dur khrod dbus su gnan par bya// rims nad rnams kyis dmigs pa sgrol// drag po gza' yi drag sngags ni// mon pa nag po'am ra rog po'i// thod par snying nag ling+ga gzhug/ srog rtsar gri lcags sbu gu gzhug/ nyung dkar nyung nag zangs lcags phye// thun du badzags te thod par brab// ma ra ya pa shaM mi ki du ru du ru/ ma ti dza la ti dza/ tsa pa ma ni ru ru rA hu la/ a tra ta tra pad+ma sha ra sha ra sta a mu ka mA ra ya hUM phaT/ tri laM ka shaM ga du hrIH/ dza dza yak+ka thun// baM tri la shi ni baM b+ha ba ti/ kha yag kha dun tri/ ru ti shu ta trig/ shu la pra ti mA ra ya dza/ dbang chen gza' yi drag dzags 'di// drag po'i rdzas la bsngags te brdeg/ sha rul khrag rul btsos dang rjen// dkar gsum mngar gsum rdzas kyis mchod// nyi zla klad la 'khor ba dang // mon pa nag po 'ong ba dang // sbrul
- 328a
chen gshog can 'khyug pa dang / bar snang 'ja' yis khengs pa dang // dgra bo dngos su khrid nas 'ong // rgod dang ri dwags gsod pa dang // don snying nang rol ster zhing rol// de 'dra'i bsad rtags rdzogs pa dang // snying dang ling+ga hom mer bsreg/ gnod rdzas dgra yi yul du gtor// thod pa klu yi rten sar sba// chu 'khyags ser ba khrag tu 'bebs// hur thum nad kyis glo bur 'chi// kha lkugs rkang lag rengs par 'gyur// gdug pa klu yi drag sngags ni// lung gsum 'dus pa'i dben gnas su// stegs bu mthing nag gru gsum brus// dgra yi pha mes mgo bo'am// yang na mdze can thod pa ru// dgra yi ming rus bris te gzhug/ gtsang ma'i snod du dkar gsum dang // mngar gsum klu sman sna tshogs stsal// rtag tu mchod cing bsngags par bya// oM nag po ti pa tsa ya/ nA ga ra tsa/ dgra bo he khu la phe shan// nA ga phos phos shig shig hu ya hu ya/ ti ya ti ya/ ti pa tsa ti pa tsa/ a sha nag po ti pa tsa ya/ na ga ra tsa dgra po mA ra ya rbad/ shag ti rbad/ srog ti rbad/ sbar ti rbad/ snying la ri la shaM shaM rbad/ i nan nag po pher na sha u ta nan ra tsa nan/ thi li nan/ phi li nan/ drag tu brjod cing bsgrub pa yis// me chen 'bar dang chu chen 'brub// ba glang sbal sbrul sdom sdig tshogs// shing gcod ri bsnyil brag ra la sogs// lus la
- 328b
shu ba sgang lo 'byung // stobs ldan gnyen pos rab tu gtsun// de nas byang bltas chu mig tu// ba li gtang zhing bden pa gdar// thod pa ling+gar bcas pa gnan// klu rgyal 'khor dag bcas la gtad// phung po lhag med bzhes par bsam// gnas su phyin la bsrung ba bya// dgra ni mdze dang rmugs pas 'chi// sde brgyad so so'i drag sngags kyi// 'jig rten las kyis mnar ba yi// bstan pa'i rU tra gdug pa can// ma lus rnams kyi gshed du 'gyur// zhes bka' sprul to// drag sngags 'dus pa rdo rje rtsa ba'i rgyud las/ dregs pa'i sde so so'i las la sbyar ba drag sngags kyi le'u ste bdun pa'o// // de nas rdo rje 'dzin pa yis// 'jig rten dregs pa can rnams kyi// so so'i rigs dang gtan tshigs dang // sde dang las kyi byed pa bstan// sngon gyi 'jig rten khams 'di nyid// phung po nyon mongs la brten nas// nga rgyal dregs pa'i dbang gis myos// rang gzhan kun la 'tshe zhing gcod// gnas ngan len gyis kha 'khrid byas// legs pa'i lan du nyes par spyod// ma rig rtsa ba yan lag gis// gti mug mun 'thibs bdud dang klu/ nga rgyal stobs kyis dregs pa dag/ lha dang rgyal po zhes par gyur// phrag dog gza' dang gshin rje'i rigs// 'dod chags ma mo gnod sbyin rigs// zhe sdang btsan dang srin por gol// srog la 'bebs pas
- 329a
bdud ces bya// yi dwags gshin tshogs rnams kyi rje// phra mor rgyu ba snang zhing dregs// de yi don gyis srin por byung // gang gis gnod pa sbyin byed pa'i// de yi rigs dang mtshan nyid do// gang las bskyed pa ma mo ste// skyob byed nus pa lha yin no// gdug cing gtum pas mi 'chor bas// gza' zhes bya bar brjod pa yin// glen zhing myos pas klu zhes bya// 'gro ba rigs drug so so las// bdud dang lha ni lha min sde// gnod sbyin gza' dang rgyud skar bcas// rgyal chen rigs bzhi lha yi sde// ma mo srin po mi yi sde// gshin rje yi dwags sde yin te// klu ni byol song sde yin no// bdud rigs pho dang mo yi rigs// ye nas gnas dang glo bur byung // 'thab dang myos dang dregs par byed// sre dang chags par byed pa ste// gshin rje las dang zhi ba ste// gzugs can gzugs med dbang chen dang // dbang med phyi dang nang khyad par// las kyis rab tu bsgribs pa'o// srin po sha za gad mo can// sprul pa dang ni gzu lums can// rab tu rgyu dang gcig tu gnas// gnod sbyin gtso dang 'khor gyi rtags// gro ba dang ni rang rgyud de// tha dang rigs ni bco brgyad de// gnod cing 'tshe ba'i bdag nyid can// lha ni 'dod pa'i gzugs can dang // gzugs med lha ma yin du gtogs// rab tu gdug rtsub che bas ni// lha min mi ma yin du grags//
- 329b
gang las byung dang gang las srin// gang gi bskyed pa'i gzhir gyur pa// ma mo zhes su grags pa dang // las dang ye shes bsdus shing phye// phra dang rags pa'i khyad par gyis// che chung gtso dang 'khor du snang // mkha' la rgyu ba'i drag shul can// las kyi phung po kho na'o// rgyal po bla rje bram ze dang // dmangs dang gdol pa can rnams dang // nyi shu rtsa lnga'i yan lag 'gyur// tha dad rigs dang sde yin no// 'di dag thog ma'i las kyi dngos// dngos dang rang bzhin mtshan nyid kyis// ma rig 'khrul pa'i gzung 'dzin byung // bdag lta bag la nyal du gnas// g.yo 'gul phra mo kun nas ldang // 'khrug cing 'tshe dang rtsod par shar// bsod nams las dang de ma yin// las kyi mtha' gnyis g.yang sar lhung // gnag cing mi dge zag par bcas// kha na ma tho lung ma bstan// log pa lus ngag yid gsum gyis// gnas ngan len pa'i rgyun chags mthud// dus gsum phyogs dang bcas pa yis// rjes su 'gro dang ldog pa yis// 'khor ba'i rten gzhi dam por btsugs// so so pha rol srog la gcod// longs spyod 'phrog cing rnam par 'tshe// gzi mdangs 'byor pa bde dang rgyas// gang yin 'joms shing brlag nus la// rgyud dang sdug bajal skyed byed pa// ma rungs nyes pa 'byin byed las// srog len tshe 'phrog gtsod dang sha/ myos 'thibs byings nad
- 330a
rims dang yams// cog 'gyel gdug pa'i nad 'bebs shing // dme dang 'khrug pa rtsod pa dang // zor shod las dang rmod pa yis// rang gi sde las re re'ang // kun la khyab pa brgyad brgyad de// drug cu rtsa drug yan lag bcas// las kyi dbye ba bsam mi khyab// dregs pa'i bdag po so so yis// rang bzhin dgos pa'i bye brag gi/ dus gsum sangs rgyas bstan pa dag tshul ldan bsrung ba'i dbang phyug can// drag sngags las kyi dmod pa la// brgyad dang bcu gnyis bcu drug gi/ nus pa rdzu 'phrul mthu la sogs// rang gi rigs la gang bsngags pa// de dang de la rab sbyar bas// las kyi mtha' la gang dmigs pa// rdo rje can gyi yongs 'grub ste// nga yi stobs dang nus pa dang // mthu dang rdzu 'phrul yon tan tshogs// lus ngag yid kyis rab 'bad pa// gang yin de la mngon par 'byung // de yis thun mong yongs grub cing // mthar nges pa yang son par byed// 'di la ma 'ongs rtogs pa can// the tshoms skyed par ma byed cig/ nga dang rgyal ba thams cad kyis// 'di ni rab tu bsngags pa'o// zhes bka' stsal to// drag sngags 'dus pa rdo rje rtsa ba'i rgyud las dregs pa can gyi sde rigs dbye ba bstan pa'i le'u ste brgyad
- 330b
pa'o// // de nas rdo rje 'dzin pa yis// las la sbyar ba'i rim pa gsungs// dur khrod chu gling ra rtse dang // chu 'dus ngam grog 'jigs su rung // zung shul nags khrod ma rungs pa/ dregs pa las kyi gnas yin no// mi rus mi bsad phung shul sa// dur zad po dang rul chad sa// bsnyon pa'i dri chen ma rungs khrag/ las kyi rten 'brel dmigs pa'i rdzas// rta nag dre'u nag ma he dang // chu glang dang ni stag seng dang // rta dkar te lo rgod dkar dang // dom nag dmu rta ban glang dang // 'brug chen rma bya rus sbal dang // bya khyi ku ku shel dang mi// rgyal mtshan thod pa snying dang khrag/ bdud rtsi 'bru bcud byang chub sems// rang gzugs snying po 'khor lor bcas// rgyan ldan bshos cha mthun pa'i rdzas// dam tshig mchod cing bsten pa'o// so sor bsngags pa'i las khung du// thod pa 'bru nag dug khrag g.yos// rgyu gsum phur pa mtshon cha rnams// bsad pa thun gyi rdzas yin no// dme khrag gsum dang dri ngan gsum// srog chags gsum dang dme rdzas gsum// zab rdzas gsum dang bsreg rdzas gsum// brtan sa gsum dang dreg sa gsum// gzhug sa gsum dang dbab sa gsum// kun rdzob rtsol ba'i sbyor ba yis// chu drag dbab pa nges
- 331a
par 'grub// rigs yul snod dang mchod rdzas dang // gnas sbyor byang chub srid 'dor blos// legs blangs yid kyis mthun spyad pa// gang la dmigs pa der gtad pas// chos sku'i gzugs brnyan rten khang la// steng 'og gnas gsum bdag po gsum// rgya mtsho'i gting dang ri rab zur// bar snang khams dang nam mkha'i dkyil// bsrung dang bzlog dang bsad pa'i las// dmag dpung bsdu dang dpal bskyed dang / rab tu khros dang sbyor ba gzhig/ las kyis pha rol dmod pa bzlog/ ngan pa'i thod pa sna gsum dang // shis pa ma yin sa brgyad du// rten cing 'brel pa 'byung sbyor bas// dmigs pa'i mthu stobs gnon par byed// khyad par las kyi bye brag gis// rgyal po ya rabs rje dpon dang // chung ba slob dpon mkhan po dang // rab byung khyim pa sngags spyod dang // phyi rol phyogs dang chos kyi grogs// che btsan dregs pas bsnyems pa dang // nga rgyal ldan zhing skal ba bzang // kun gyis bkur zhing rjed pa dang // sems rgyud bsros dang yul gyi don// nye bar bstan cing blo sbyong gnas// lhag pa'i lha yis rab bskyangs te// thun mong nus pa'i stobs rnyed cing // yon tan gcig gis rab bsdus pas// tshar gcad dka' ba'i yul yin te// ma lus gang la bsngags pa yi// ting nge 'dzin dang dmigs pa'i grogs// rab
- 331b
sngags brtson 'grus can gyis bsgral// gzhan yang zhi dang rgyas pa dang // dbang dang mngon par spyod rnams dang // rdo rje 'dzin pa nga dang gzhan// mtshungs ldan rnams kyis bshad pa bzhin// thogs med nus pa'i stobs kyis spyad// de dag gsang ba'i dmod pa yang // dregs pa sde brgyad so so yi// gsang gnad snying po 'di dag go/ gong 'og sngags 'di rigs ma phyi sor bzhag byas/ ya ma bu ha na ha ti sta ti sta du kra ma sod sod// khra tri ma ma tri dza dzaH/ shon tri dza dzaH/ yag sha dza da tri dza sha tri dza tri dza/ tsit+ta pra ma ya a mu ka srog la dza dza byo/ tri tsa pa la a shug me/ a b+hi sha a b+hi shu tsakra rag sha sa ma ya/ dun thum ri li li/ myag myag myog myog srog la thun rbad/ rag sha srog la phrig phrig a pa ta lo ka ni ya ma shri hri bi tri sta na/ kro ma ri pa tra srog la thun b+h+yo/ ma hA yag sha thum ril rbad/ ma ru tse d+ha sha g+h+ri ba pra ma ling // 'di dag gcod byed 'phrog byed kyi// ma lus las la bsngags par 'gyur/ nr-i hur zum dza/ sha trUM mA ra ya rbad/ a mu ka ma ra nr-i ya ka ma ru sod sod/ gsad pa thun gyi dmod pa'o// byi sha mo ki ru ru ma tri ka ta dza la a ta dza swA hA/ tsa pa ti rA hu la ma hA kro ta ka pa shar shar sta shar sti hUM phaT/ tsa shul ru ma ki sha dza la a ta/ ma hA tsan d+ha rag sha hri ta bri ma ya ru tra ma sa ra tra byi na ga ra tsa be ga a nan ta rag shi ti san d+ha rag k+Shi na tsit+ta b+ha si ku ru mun tri
- 332a
tsan d+ha dum bu dum bu kha la rag sha thum ril li li// ma ma sa ma ya trag rag sha ma tri ga na// ma sa kha ya ku ru te tse b+ha li ta mu ha/ ha ra ha ra na da ra dar yang / tri ka ra mi tri dul dul/ snying khrag la ris ris/ rtsa la thun thun/ trag rag mo hril hril/ shag shag shar shar rbad// ma ma tsag sha trag tu phob/ be la ma byi ru lu ru lu/ ma ma trag sha hril hril shar b+h+yo/ ma ra ya raM hril shar hril/ shel tra hUM/ trag tu tsa ra shu ti phrom ka ra phrom/ re ma ti pa shang mi ki rA hu la shag shag hril byo/ khrag la tsa ri mu sha b+h+yo/ trag raM thun shag ri la raM shar b+h+yo/ dud phrom kar phrom shu ti phrom/ nA ga hri la san shag sa du ma ya hril b+h+yo/ pra ta pa sha ya/ ya ma snying ya ma khrag rA hu la hril hril shag shag ser ser dug dug/ ya ya phob phob/ mu ka ye/ pa ka ye/ a ba ye/ hrIHSh+T+r-iHbi kr-i na te/ dza pa ti rA hu la ma hA kro ta ka bab ta shar shal ta ste hUM phaT/ thig nig shu ti zom dud brom/ mthongs phye/ lcags sgrog khrol/ mi reng sod/ chung rje krung mo tsu ru tsu ru/ ha ho grom brom/ mu ra mra ra sha du ru phrom/ thig hA hA sod sod/ rlung dang sprin dang rab rgya dang // phyogs dang rtags kyi tshad ldan pas// dbab pa'i sbyor ba shes par bya// steng 'og par gsum drag po'i las// gzhug dang gtor dang bsreg pa dang // bkol dang sbub dang sbreng ba dang // bod dang smre dang gdung ba dang /
- 332b
gzir dang bskor dang gzhig pa dang // bcad dang dril ba'i las rnams kyis/ smin pa'i lo thog 'joms par byed// nag po ti pa tsa ye nA ga rA dza he gu la phe sha rag sha nan/ phos shig shig/ hu ya hu ya/ tir ya tir ya/ ka la nA ga b+han+da dgra bo mA ra ya dza/ nag po ti pa tsa ya phe sha rag sha dzaH/ nA ga ka la phe sha rag sha dza/ a sha nA ga ti pa tsa ya dgra bo mA ra ya dzaH/ nA ga rA dza shag ti srog la rbad/ snying la ris shaM shaM rbad/ i sha na nan/ phe sha rag sha u nan/ nA ga nan/ thi li nan/ phi li nan/ tsa ri nan/ a pa ra sod/ rmag dul dul/ ka la rngubs myogs thig mA ra ma dul du la/ d+ha ra d+ha ra/ d+hu ru d+hu ru/ ru ru ra ra/ ti ti/ tri li ti ti/ ga ru Na ra ga to ra dza ma ra he gad/ man dza phe sha rag sha u ta nan/ b+ha shi ni sha ra le shu ru mu le/ ta ta ma re na hu ya hu ya/ ra ti ra ti tsa ri shag tsag gi/ nr-i ma ra tri/ ma ma du ya ma snying ya ma khrag tshal pa baM ri la/ nag po ti pa rag sha nan/ khug ri la baM dgra bo mA ra ya dza/ nag po ti pa tsa snying la dza/ shag shag nan khug bruM ri la rbad/ tsit+ta rag sha rol khug thun/ ka la snying la thum ri la rbad/ ka la sho ri snying la trag sha ha ra ka/ mu ka mA ra ya thum ri la rbad/ khug dang 'gro dang las byed pa'i// rang gi rtags dang ldan pa na/ dmigs pa'i las la rab tu sbyar// ldog dang ma thub 'khyil pa dang // 'byams dang rdug dang zad
- 333a
mthar gtugs// gnyen po ldab ma sna sel dang / bsdu dang spro dang mi zad ster/ longs spyod thug pa med pa yis// dbyings kyi ngang du gtad par bya// sde brgyad so so'i ming gi sngags// rang skad dmod pa'i yan lag la/ d+he ba a pri sarba b+h+yo bzlog/ pra ma dun tse phob/ badz+ra g+hi ga ni sa ma ya hrI b+h+yo/ sa na ti ma du ru/ sa ma ya trig b+hu hu ta k+Shi pa le hUM/ bzlog bskur gdug pa'i drag sngags kyi// las kyi mtha' bsgyur ma lus pa// nga'am nga dang 'dra ba yi// rdo rje 'dzin pa gzhan rnams kyis// phyi nang gsang ba'i las rnams kyi// gang la bsngags pa de dag sbyar/ gzhan gyis the tshom mi bya ste/ nga dang dus gsum sangs rgyas kyis/ de la rigs par gnang ba yin/ zhes bka' stsal to// drag sngags 'dus pa rdo rje rtsa ba'i rgyud las/ phrin las dmigs pa'i khyad par las la sbyar ba'i le'u ste dgu pa'o// // de nas rdo rje 'dzin pa yis// rang gi sku yi khyad par las// dregs pa'i 'khor dang bcas pa yi// yon tan bstod pa 'di gsungs so// hUM dur khrod chen po rol pa'i dkyil 'khor nas// gtum drag me ltar 'bar ba'i gzhal yas na/ gdug byed ru tra ti ra'i khri steng nas// mdangs ldan nyi zla pad+ma'i gdan steng na/ dregs pa'i bdag po rdo rje 'dzin pa'i gtso// bcom ldan dpal chen stobs ldan nag po ni// sku mdog mthing nag
- 333b
rab tu 'bar// sa dgu rdzogs pa'i dbu dgu bstan// stong pa bco brgyad ldan pa'i phyag/ zhabs kyis 'jigs pa'i bdud bzhi gnon// dbus mthing g.yas dkar g.yon dmar ba// khro zhing bzhad dang gtsigs pa'i zhal// ral pa kham nag srid rtser 'bar// khams gsum ma lus spyan gyis gzigs// shangs kyis srid gsum ma lus rngubs// snyan gyis stong gsum 'brug sgras 'gengs// tshems kyis gnod gdug ma lus sgrol// ljags kyis glog dmar 'jig rten khyab// khro gnyer 'od kyis dbang du sdud// phrin las rigs kyis dbu la brgyan// bco brgyad phyag gi dang po gnyis// dbang sdud rdo rje dril bu 'dzin// g.yas g.yon 'og ma'i phyag brgyad na// dregs pa'i lha brgyad b+han+da g.yas// tsit+ta srog rtsa g.yon na bsnams// 'bar ba'i chas kyis sku la brgyan// sprul pa'i lha brgyad sku la rdzogs// g.yas g.yon zhabs kyis dregs pa gzir// ma rungs gdul dka' rnams kyi gshed// lo lta rA tra 'dul ba'i dpal// 'byung lnga'i bdag mo gnyis med yum// dbu gsum phyag drug zhabs bzhi sbyor// gri gug tri shUl bdud rtsi g.yas// b+han+da zhing chen g.yang gzhi g.yon// mthing nag 'od kyis kun tu khyab// ched 'ga' rigs kyi sprul pa ni// dbu gsum phyag drug zhabs bzhi bgrad// sku mdog mthing nag khro zhing rngams// phyag drug
- 334a
g.yas g.yon dang po yis// rdo rje dung khrag dkrugs shing gsol// g.yas g.yon 'og ma'i phyag bzhi yi// lha brgyad klu brgyad tsit+ta rol// yum chen zhal gcig phyag gnyis ma// sku mdog mthing nag zhabs gnyis sbyor// g.yas kyis nam mkha' stong pa 'degs// g.yon gyis 'jig rten sa gzhi gnon// zhal nas 'byung ba lnga 'char ma// dpal chen yum gyi byin rlabs las// sprul pa dregs pa pho mo'i tshogs// bdud nag me yi kha brlangs can// zhal gcig phyag gnyis sku mdog mthing // khram shing tri shUl g.yas na bsnams// g.yon gyis kha T+wAM zhags pa 'phen// na bza' zhing lpags rlon pa gsol// zhabs gnyis gdug pa'i snying la gzir// yum chen bdud mo khrag 'dzag ma// khram bam thod khrag phyag na bsnams// sku la zhing lpags gsar pa bgos// bdud rta nag po chibs su bcibs// zhabs kyis dgra bgegs shugs kyis sgrol// 'chi bdag gshin rje nag po ni// zhal gcig phyag gnyis sku mdog nag/ phyag g.yas thod khrag gri gug g.yon// btsun mo yum chen za byed ma// gri gug thod pa phyag na bsnams// yab yum zhing lpags rlon pa gsol// ma he khros dang chu glang bcibs// zhabs kyis dgra bgegs pho mo gzir/ srin po gsod byed sku mdog nag/ phyag na ral gri thod phrag bsnams/ yum chen
- 334b
gsod par byed pa mo// gri gug mi thod phyag na bsnams// na bza' zhing lpags rlon pa gsol// stag seng rngams pa chibs su bcibs// gnod sbyin gang ba bzang po yang // zhal gcig phyag gnyis sku mdog sngo// dar nag 'phyar zhing zhing lpags rdebs// yum chen sha za ral gcig ma// yab kyi tshul 'dzin grub pa mo// zhing lpags gyon te gyi ling bcibs// drag sngags bdag po chen po ni// dbang phyug chen po lha yi gtso// mdog dkar shel gri ba dan 'phyar// na bza' dar dkar ber chen gsol// chibs su gnam ru dkar po bcibs// thar pa nag po rA tra'i gtso// mchod gtor dug thun phyag na bsnams// zhing lpags gon te dom nag bcibs// dmu bdud rje dpon nag po ni// dar nag 'phyar zhing ti ra bgrad// ber nag gsol zhing dmu rta bcibs// mu stegs ka la yag sha ni// mthing nag kha T+wAM tri shul 'dzin// zhing lpags bgos te ma he bcibs// khyab 'jug rog ti nag po yang // khram shing dgra sta phyag gis 'dzin// sprin nag bgos shing 'brug sngon bcibs// klu rgyal bA ru Na yi rje// ser nag sbrul gyi na bza' gsol// bum pa rus sbal phyag gis 'dzin// chibs su chu srin mgo dgu bcibs// rgyal po har mdzes zhes bya yang // mdog dkar shel gri dar dkar 'dzin// sras mchog 'bar ba dmar po ni// mdung ring
- 335a
g.yas la shel gri g.yon// rdo rje mdzes pa 'jam pa yang mdog dmar po// ru mtshon dar dmar phyag gis 'dzin// khu le lag dgu 'bar ba yang // mdog ser sprul pa lag dgu 'gyed// zhing lpags bgos shing ti ra gnon// drag sngags bdag po gtso 'khor bcas// rang gi rigs kyi 'khor 'dul ba// so so'i sprul pa bsam mi khyab// gcod par byed pa bdud kyi sde/ 'ching bar byed pa btsan gyi sde// gsod byed shan pa srin po'i sde// gdug rtsub 'chang ba gnod sbyin sde// drag rtsal ldan pa lha yi sde/ nad gdon 'bebs pa ma mo'i sde// nam mkhar dbang bsgyur gza' yi sde/ glen lkugs gdug pa klu yi sde// sde brgyad dmod pa'i drag sngags can// mthu dang rdzu 'phrul bsam mi khyab// 'khor dang sde rigs brjod mi lang / phrin las mi zad longs spyod gter// yon tan nus pa dpag tu med// zhe sdang can la khro bar ston// nga rgyal can la lhag par ston// 'dod chags can la mi sdug ston// gti mug can la myos par ston// ser sna can la phrog par ston// phrag dog can la 'jigs par ston// khyod kyis mi 'dul gcig med kyis// mchod cing bskang ba'i mthun rdzas bzhes// bcol zhing gnyer ba'i las mdzod cig/ bstod cing bsgrub pas dgyes par mdzod// de nas rang gi snying po dang // 'jig rten dregs pa'i bdag
- 335b
po rnams// so so'i sngags kyis las la sbyar// rdo rje 'dzin pa chen po yis// byang chub sems kyi bsam pa yis// ltos dang re ba kun spangs te// sangs rgyas bstan la rab dmigs nas// drag sngags bdag po nyer bsgrubs na// nga dang sangs rgyas thams cad mnyes// rig pa 'dzin pa'i sa thob cing // sems can rnams kyi ston par 'gyur// thun mong ba dang nye ba dang // mchog gyur ring ba'i dngos grub rnams// dpa' bo de la mngon du 'byung // yon tan mchog gi stobs rnyed cing // 'jig rten chos la rab bsngags pa'i// byang chub sems dpa'i spyod pa dang // sa chen po la gtogs pa yi// rlabs chen rnams kyang nus par spyod// mthu stobs nus pas bsnyems pa yi// gzhan gyis brdzi bar mi nus shing // rang gi dbang du khug pa dang // bsgo ba rdzob pa med par 'gyur// zhes bka' stsal to// drag sngags 'dus pa rdo rje rtsa ba'i rgyud las/ bstod pa yon tan brjod pa'i le'u ste bcu pa'o// // de nas bcom ldan 'das rdo rje 'dzin pa chen pos/ nyid kyi sku 'jigs byed chen po'i cha lugs su sprul pa de/ thugs chos nyid zhi ba chen po'i ting nge 'dzin la snyoms par zhugs nas/ sku'i gnas thams cad la 'od zer gyi dra ba dpag tu med pa phyung nas/ phyogs bcu'i 'jig rten gyi khams thams cad kyi dregs pa can gyi gnas thams cad
- 336a
khyab par mdzad nas/ ma rungs shing gdug pa dang / gtum pa'i sems dang bsam pa thams cad ma lus pa zhi ba byang chub kyi sems dang ldan par gyur te/ phan pa dang / bde ba dang / gnod pa med pa dang / brtse ba dang / yi dga' ba dang bcas pas phyogs der snang bar gyur nas// thams cad kyis bcom ldan 'das rdo rje 'dzin pa de la phyag 'tshal zhing 'di skad ces gsol to// kye ma bcom ldan rdo/ 'dzin// khyod kyis bstan pa gsang chen 'di// ma 'ongs pa yi dus dag tu// rab tu rgyas par 'gyur zhe na// bdag cag 'jig rten dregs pa can// zhi ba'i sems su gnas byas pas// rjes su spyod pa gang yin pa/ de la phan pa rgyas par bstan// phrin las dang ni blta spyod kyi// khyab pa de la yongs rdzogs shing // grogs dang bran dang dmangs bzhin du// gang gis bsgo ba de bzhin bgyi// dam tshig lha yi yon tan dang // rol pa'i ting 'dzin ldan de la// bka' las 'da' bar mi spyod cing // gsung bzhin bsgrub par rab tu spro// bcom ldan rdo rje 'dzin khyod kyis// ji ltar bsngags pa'i las rnams ni// bdag cag nus pas myur du bsgrub// byin gyis brlab par gtsor mdzod cig/ ces gsol nas rang rang gi gnas su dengs shing byin par gyur to// bcom ldan 'das kyis 'od zer gyi bkod pa rnams dang / rang gi 'khor gyi
- 336b
snang ba thams cad kyang nyid kyi sku'i dbyings su bsdus shing sku nyid kyang chos kyi sku'i rang bzhin du gnas par mdzad do// drag sngags 'dus pa rdo rje rtsa ba'i rgyud las// phrin las kyi gnyer phul ba'i le'u ste bcu gcig pa'o// drag sngags 'dus pa rdo rje rtsa ba'i rgyud ces bya ba rdzogs so// rgya gar gyi mkhan po slob dpon chen po pad+ma 'byung gnas dang / bod kyi lo tsA ba bai ro tsa na bdag gis bskur zhing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya'o// rgya rgya rgya'o// gu h+ya// / @#// rgya gar skad du/ su ga ta sa mu da ya tan+t+ra nA ma/ bod skad du/ bde gshegs 'dus pa'i rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ chos thams cad skye ba med pa/ mnyam pa'i ngang la gnas shing / sgyu ma'i dpe brgyad ltar gnas pa las/ skye 'gag med cing bdag dang gzhan du mi mthong ste/ rdo rje lta bu'i ting nge 'dzin gyis chos thams cad byang chub sems su gcig la/ snang ba du mar tha dad par snang ste snang yang gcig dang du mar brjod pa las 'das so// kye kye byang chub sems kyi rang bzhin ni// ngo bo gcig las med pa las// gcig la snang ba tha dad pas// gcig dang du ma'i brjod las 'das// zhes gsungs so// dpe mnyam
- 337a
pa nyid dang / don mnyam pa nyid dang / chos thams cad lhun gyis grub pa mnyam pa nyid do// e ma ho// 'khor dang mya ngan 'das pa'i chos// gcig dang du ma'i brjod las 'das// 'di zhes gcig tu bstan par dka'// 'khor ba nyid kyang mya ngan 'das// zhes gsungs so// ma bcos ma bslad par rtogs na// yid bzhin nor bu 'dra ba'i phyir// gang ltar byas kyang lhun gyis grub// dbye ba med pa'i don rtogs so// byang chub sems kyi ngo bo ni// nam mkha' bzhin du brtag dka' zhing // cir yang med par cir yang snang / don dam kun rdzob gnyis su snang // gcig dang du ma gnyis su snang // 'khor ba nyid kyang mya ngan 'das// ma rig nyid kyang yang dag lam// byang chub sems kyi don rtogs na// rtog pa g.yeng ba chos kyi sku// ma rig ye shes tha dad med// so so snang ba phye ba tsam// ma rig pa yang lam du gcig/ dang po gang nas ma byung bas// tha ma gar yang 'gro ba med// dang po skye ba'i rgyu med pas// tha ma 'chi ba'i lam yang med// dngos po ci la yang mi gnas pas// 'di zhes gcig tu bstan tu med// skye zhing 'pho ba'i gnas med pas// bsad cing bcad pa bsgrub tu med// ma rig pa yi rtog pa yis// mi mthun bde sdug myong bar 'gyur// rdo rje lta bur gnas pa la// sgyu ma chu zla brag cha 'dra// zhes gsang ba'i
- 337b
tshig tu gsungs so// kye kye thugs rje chen po'i byin rlabs las// stong gsum rgyal ba'i skus gang yang // byang chub sems las g.yos pa med// dper na nam mkha'i 'ja' tshon bzhin// dkar dmar sngo ste ngos gzung med// de bzhin sems kyi rang bzhin yang // 'di zhes gcig tu bstan du med// mi shes par snang 'ja' tshon 'dra// de phyir ma bcos ji bzhin bzhag/ ces rdo rje gsang ba'i tshig tu gsungs so// bde bar gshegs pa kun gyi gtso// yab yum sras dang bcas snang yang // byang chub sems kyi ngo bor gcig/ skye 'chi med pa byang chub sems// 'du 'bral med de chos kyi sku// bzang ngan med de 'khor 'das chos// rgyu 'bras med de mnyam pa nyid// 'gag pa med de sems nyid ni// dper na rmi lam sgyu ma 'dra// nam mkha' bzhin du ye nas gnas// nam mkha' 'di ni 'di 'dra zhes// tshig tu rab tu brjod du med// de bzhin sems kyi rang bzhin yang // 'di zhes gcig tu bstan du med// bstan na gzung 'dzin 'khrul pa'i chos// bstan du med pa blta ba'i mchog/ bsgom du med pa sgom pa'i mchog/ bsrung du med pa'i dam tshig ni// ma bsrungs bzhin du lhun gyis grub// ma nor pa yi chos nyid la// rang bzhin skye med chos kyi dbyings// ma bcos pa yi byang chub sems// rgyu dang 'bras bu ma bkag chos// dper na rgya mtsho
- 338a
chen po la// chu bran thams cad 'bab cing 'du// de bzhin byang chub sems nyid las// 'khor 'das gnyis ka 'byung zhing 'du// zhes rdo rje'i tshig tu gsungs so// e ma ho// bde bar gshegs pa'i snying po ni// nam mkha' bzhin du brtag dka' zhing // me long gzugs bzhin gzung du med// brag cha bzhin du brjod dang bral// bcud kyi rdo rje snying po 'di// bdag dang gzhan du brjod du med// bstan du med pa'i chos nyid 'di// brjod du med par go bar gyis// brjod med brjod pa brjod pa'i mchog/ mnyan bsam bsgom pa'i shes rab kyis// blo yi rtog pa kha phye la// nges pa'i don 'di rtogs par gyis// nges pa'i don 'di ma rtogs na// bsgom dang bsgrub pa yun ring kyang // mi shes gzung 'dzin 'ching ba'i rgyu// de phyir rtogs pa sngon du 'gro/ rtogs pa gdeng du ma gyur na// ci ltar spyad kyang 'ching ba'i rgyu// rtogs pa'i gdeng gi lta ba ni// dngos po gshis kyi gnas lugs brtags// nges pa'i don 'di ma rtogs na// mnyam bzhag bsgom pa chags pa'i rgyu// spu gri'i nags tshal la sogs kyang // rang gi rtog pas brtas pa'i phyir// de phyir rtogs pa sngon du gtang // rtogs pa'i don 'di rab tu gces// zhes bde bar gshegs pa nyid kyi chos kyi sku skye ba med pa las chos nyid rang sgrar byung ba'i ngang las/ longs spyod
- 338b
rdzogs pa'i sku skye ba'i cho 'phrul du 'og min gyi gnas mtha' dang dbus med pa/ gzhi tshad med pa'i ye shes kyi 'khor lor gsal ba la/ ye shes rin po che 'bar ba'i gzhal yas khang / rgya phyogs bcur yongs su ma chad pa/ yon tan dpag tu med pa rgyas pa'i gru bzhir gyur pa'i nang dkyil 'khor dgu la 'khor lo rtsibs bzhi mu khyud zlum po gru chad bzhi dang sgo bzhir ldan pa/ rnam thar brgyad kyi rta babs dang ldan pa/ phyi rol byang chub kyi shing la sogs pa rgyan sna tshogs kyis brgyan pa/ phyi nas bltas pas nang gsal ba/ nang nas bltas pas phyi gsal la/ ye shes lhun gyis grub pa'i gzhal yas khang du gsal bar gyur to// de ltar rang bzhin 'og min gyi gnas na/ bde bar gshegs pa thams cad til gyi gang bu bzhin tu gnas te/ de nas bcom ldan 'das dpal kun tu bzang po dang / yum kun tu bzang mo dang / bde bar gshegs pa'i 'khor dpag tu med pa dang bcas pa rang bzhin gyis gnas so// de nas bcom ldan 'das dpal kun tu bzang po dang / yum kun tu bzang mo gnyis chos nyid mnyam pa nyid la bzhugs nas// 'di skad ces gsungs so// kye kye// gtso bo gtso mo 'khor bcas kyang // rang bzhin 'og min gnas mchog na// chu zla gzugs brnyan 'dra ba la// nyon mongs dri mas gos pa med// rang bzhin don gyi dbyings
- 339a
na bzhugs// nam mkha'i cho 'phrul ston pa ltar// rang bzhin 'og min chos dbyings nas// gsung gis don rnams mi ston te// thugs kyis chos rnams mjal bar ston// zhes yab yum gnyis po mnyam pa la bzhugs nas/ mnyam pa dang rtogs pa'i sgo nas gleng gzhi'i le'u ste dang po'o// // de nas bcom ldan 'das dpal kun tu bzang po// 'og min gyi gnas na yum dang 'khril tshul du bzhugs pa las/ yab kyis glengs pa// kye kye/ dag pa dri ma med pa'i chos// bla med byang chub sgrub pa'i thabs// 'khor ba'i rnam rtog gzhom pa dang // drag pos 'gro ba drang ba'i phyir// yab yum gnyis med 'khril ba'i tshul// zhes rdo rje gsang ba'i tshig tu brjod do// de nas yum yang mnyam pa nyid kyis 'khril ba'i tshul gyis bskul ba// kye kye/ bde gshegs rdo rje rigs kyi gtso// mnyam pa chen po'i don bstan nas// gang la 'dul ba bstan pa'i phyir// mi 'gyur rdo rje'i gtso mchog la// gnyis med chen pos 'khyud par bya// zhes gsungs so// de nas dgyes pa chen po des// gsang ba'i thugs mnyam pa'i ngang gis// kye kye snying po don gyi gtso// bde bar gshegs pa kun gyi sras// 'khor ba yongs kyi ded dpon po// gnyis su med pa'i yum dang bzhugs// zhes glengs te mi g.yo ba'i ting nge 'dzin la snyoms par zhugs
- 339b
so// de nas yum gyis bskul ba// kye kye bde gshegs kun gyi gtso// ma rig mun la 'joms pa'i bdag/ kun kyang 'gro ba'i don bya'i phyir// dri med gsal ba nyi zla'i 'od// chos nyid mnyam pa'i klong na bzhugs// rigs kyi rigs te rigs kyi gtso/ mun pa 'joms pa'i shes rab 'od// 'gro ba sgrol ba'i ded dpon gtso// 'khor ba'i dri ma 'khrud pa'i chu// 'gro ba yongs kyi gnyen gcig po// gnyis med bde/ ba'i dbyings dkyil du// dgyes pa chen po dbab tu gsol// zhes yum gyi mnyam pa'i ngang la gnas nas de skad ces gsungs so// de nas bcom ldan 'das dgyes pa chen po des/ rgyal po dga' ba zhes bya ba'i ting nge 'dzin la snyoms par zhugs nas/ rdo rje'i tshig 'di skad glengs so// kye ho rgyal ba 'gro ba'i don bya'i phyir// rigs kyi yum dang gnyis med par// pad+ma chen po gdangs su gsol// 'khor gyi rnam pa bskyed du gsol// gnyis su med par bzhugs su gsol// de nas yum chen mo nyid kyi bsam pa g.yos par gyur to/ e ma ho// ston pas bstan pa 'di bstan phyir// 'khor ba 'dul ba'i ded dpon gtso// dgyes pa'i rdo rje dpa' bo yis// gnyis med dgyes par gyur nas ni// gsang ba chen po'i char chen phob/ a la la ho/ sa ma ya s+t+waM/ a nu rA ga ho/ dzaHhUM baM hoH/ hUM trAM hrI haH/ de nas yab yum gnyis su
- 340a
med pa las/ bde bar gshegs pa yab yum sras dang bcas pa thon par gyur nas/ rang bzhin gnyis su med pa mnyam pa nyid sgyu ma lta bu'i ting 'dzin la snyoms par zhugs so// gleng slong ba'i le'u ste gnyis pa'o// // de nas phyogs bcu'i bde bar gshegs pa kun gyis/ bcom ldan 'das dpal kun tu bzang po la phyag btsal nas 'di skad ces zhus so// kye kye bde gshegs chos kyi sku// rtog pa'i dra ba gzhom pa'i phyir// bde gshegs rigs brgya'i sgrub pa'i thabs// legs par rgyas par bstan du gsol// zhes zhus pas// bcom ldan 'das dpal kun tu bzang pos gsungs pa/ nyon cig 'dus pa'i 'khor tshogs rnams// phyogs bcu'i bde gshegs thams cad ni// rigs brgyar 'dus pa ngas bshad do// phun sum tshogs pa'i gnas dag tu// 'du 'dzi spangs pa'i rnal 'byor pas// sa yi cho ga legs byas la// mgon po thugs dam can rnams mchod// bkra shis sa la maN+Dal bya// 'dom gang rgyal chag gang dpangs// rnam lnga sman gyis chag chag gdab// stangs stabs khro bos mtshams bcad la// dkyil 'khor thig ni gdab par bya// thig g.yog grogs dang rab ldan pas// ye shes lnga ldan srid bu yis// mkhas pas dkyil 'khor thig gdab bo// slob dpon nub la slob ma shar// rdo rje khu tshur
- 340b
byin brlabs la// pho brang dgu pa'i thig tu gdab// thig ni bcu drug btab pa la// cha ni bzhi bzhir mnyam par dbye// rtsa ba dbus cha gnyis te mtha' gnyis dor ba sgo// rgyan dang chas bya dbus brgyad cha las sgo 'gram dang // ya phubs logs la sgo khyud ngos la tshon sna lngas// bskor bya khyams kyi cha la longs spyod 'gram gyi cha// rin chen pha gu logs rgyab cha la 'gram dang phyed// logs rgyab cha gzhan ka ba cha lnga ya phubs btegs// rdo ra rnam bzhi rgyan gyis rnam mdzes rta babs dgod// chos kyi 'khor lo rtse bran gdugs mdzes ri dwags bcas// ba dan 'phan dang rin chen rgyal mtshan mdzes par bya// pad phreng me 'od rdo rje'i phreng bas mdzes par bskor// rtsa ba'i dkyil 'khor rang gzhung ci rigs mdzes par bskor// sa tshon sna lnga dpa' bo 'bru lnga yis// ye shes lnga dang ldan par byin brlabs la// dbus su rigs sbyar mu khyud 'od zer ldan// rtsibs bzhi rigs kyis dbye zhing gong ra mdzes pa'i tshon// mu khyud rdo rje'i ra ba gru chad khyams tshul phyogs// sgo bzhi rigs dang sbyar la brtsig pa rigs kyis dbye// 'dod yon khyams dmar rin chen pha gu ser// dra ba dra phyed ser la da ru ka ni ljang / dbus kyi dkyil 'khor dgu la sgo rgyan bcas// phyi khyams phyogs kyis phye la sgo yang de dang bstun// rtsig pa dkar mthing ser dmar ldang gis
- 341a
bskor// 'dod yon la sogs gong 'dra rta babs la sogs sgo rgyan bya// mu khyud pad+ma'i phreng ba rdo rje phreng ba ldan// phur pa mda' dang me long ral gri la sogs dgod// dar dang ras kyi yol bre tshon skud dra bar gzhug/ de ni bsnyen bsgrub gnyis ka'i dkyil 'khor yin// zhes gsungs so// rdul tshon gyi dkyil 'khor bri ba'i le'u ste gsum pa'o// / de nas phyogs bcu'i bde bar gshegs pa'i lha tshogs rnams kyis// bcom ldan 'das dpal kun tu bzang po la 'di skad ces gsol to// bcom ldan 'das te bde gshegs gtso// ting 'dzin dkyil 'khor bshad du gsol// bcom ldan 'das kyis bka' stsal pa// dam pa rigs brgya'i bsgom rim la// thog mar byang chub sems bskyed de// yan lag bdun gyis tshogs bsags la// de bzhin nyid kyi ting nge 'dzin// stong zhing bdag med ma bcos bsgom// kun tu snang ba'i ting 'dzin ni// khyab pa'i snying rje chen por bsgom// de nas rgyu yi ting nge 'dzin// rang sems yi ge a ru gsal// yi ge a yi byin rlabs las// e las nam mkha' yaM las rlung // baM las chu dang suM las gser// laM las ri rab raM las me// b+h+rUM las rin chen gzhal yas khang // dkyil 'khor dgu la dkyil 'khor gcig/ dbus kyi 'khor lo rtsibs bzhi la// gru chad sgo bzhir bcas pa la//
- 341b
phyi khyams rgyan gyis mdzes byas pa'i// gzhal yas gsal bar grub par bsgom// de nas nyi zla pad+ma'i gdan// lha rnams kun gyi gnas su gding // de nas rang sems yi ge a// dkyil 'khor dbus ma'i gdan steng babs/ spro bsdus 'od zhu 'khor lor gsal// rnam par snang mdzad kun bzang mo// shar du mi bskyod sangs rgyas spyan// lho ru 'byung ldan gos dkar mo// nub tu snang mtha' mA ma ki/ byang du don grub dam tshig sgrol// shar phyogs dkyil 'khor chen po ru// dbus su kun tu bzang po dang // yum gcig rdo rje dbyings phyug ma// shar du rdo rje sems dpa' la// lho ru rdo rje rgyal po'o// nub tu rdo rje chags pa la// byang du rdo rje legs pa'o// shar du rdo rje sgeg mo la// lho ru rdo rje bdug pa mo// nub tu rdo rje lcags kyu ma// byang du rdo rje me sgron ma'o// lho yi phyogs kyi dkyil 'khor du// gtso bo 'jam dpal gzhon nu dang // yum gcig rin chen dbyings phyug ma// shar du rdo rje rin chen la// lho ru rdo rje gzi brjid che// nub tu rdo rje rgyal mtshan la// byang du rdo rje bzhad pa'o// shar du rdo rje phreng ba ma// lho ru rdo rje bdug pa mo// nub tu rdo rje zhags pa ma// byang du rdo rje bde ba mo// nub kyi phyogs kyi dkyil 'khor du// gtso bo spyan ras gzigs dbang la// yum chen pad+ma dbyings phyug ma// shar du rdo rje chos dang ni/ lho ru rdo rje non
- 342a
po dang // nub tu rdo rje smra ba ste// byang du rdo rje 'khor lo'o// shar du rdo rje dbyangs can ma// lho ru rdo rje mar me ma// nub tu rdo rje lcags sgrog ma// byang du rdo rje gsal bkra ma'o// byang gi phyogs kyu dkyil 'khor du// rdo rje 'chang chen sangs rgyas dang // yum chen las kyi dbyings phyug ma// shar du rdo rje las dang ni// lho ru rdo rje srung ba dang // nub tu rdo rje gnod sbyin te// byang du rdo rje khu tshur ro// shar du rdo rje gar bsgyur ma// lho ru rdo rje byug pa mo// nub tu rdo rje dril 'khrol ma// byang du rdo rje thog 'bebs ma'o// shar lho'i mtshams kyi dkyil 'khor du// gtso bo sa yi snying po la// yum chen rdo rje sems ma ni// shar du chos kyi rgyal mtshan dang // lho ru dbang phyug rgyal po la// nub tu bkod pa'i rgyan dang ni// byang ru rin chen 'od 'phro'o// shar du bde ba rgyas 'debs ma// lho ru bde ba rmongs phyed ma// nub tu bde ba za byed ma// byang du bde ba tshe 'phel ma'o// lho nub mtshams kyi dkyil 'khor du// gtso bo nam mkha'i snying po'o// yum chen rin chen sems ma'o// shar du snang ba'i mchog dang ni// lho ru phyag rgya'i rgyal po'o// nub tu spobs pa'i rgyal po dang // byang du spobs pa brtsegs pa'o// shar du khrus kyi lha mo la// lho ru rgyal mtshan lha mo'o// nub tu bla re'i lha mo la// byang du gdugs kyi lha mo'o// nub byang mtshams kyi dkyil 'khor
- 342b
du// gtso bo byams pa chen po la// yum chen pad+ma'i sems ma'o// shar du pad+ma'i rgyal po la// lho ru pad+ma dam pa'o// nub tu rdo rje mi g.yo ba// byang du rdo rje thogs med dang // shar du lha mo pad+ma can// lho ru lha mo 'dzin byed ma// nub tu lha mo skyon bral ma// byang du lha mo rnam rgyal ma'o// byang shar mtshams kyi dkyil 'khor du// gtso bo sgrib pa rnam sel dang // yum chen las kyi sems ma la// shar du rin chen dbang phyug ma// lho ru rdo rje thub pa'i las// nub tu dag par ston pa dang // byang du mi g.yo ba yi mtha'/ shar du lha mo dbyangs can ma// lho ru lha mo dri med ma// nub tu lha mo sgra gcan ma// byang du lha mo thogs med ma'o// dkyil 'khor phyi yi bar khyams la// shar stod mi yi thub pa la// shar smad lha yi thub pa'o// lho stod lha min thub pa la// lho smad byol song thub pa'o// nub tu yi dwags thub pa ste// byang du dmyal ba'i thub pa'o// shar sgor rdo rje lcags kyu ma// lho ru rdo rje zhags pa ma// nub tu rdo rje lcags sgrog ma// byang du rdo rje dril bu ma'o// de ltar lha tshogs brgya po rnams// sku ni phyag rgya chen po la// gsung ni sngags kyi dam tshig ste// thugs ni phyag rgya chen por ldan// sku gsung thugs kyi phyag rgyar gsal// snang la rang bzhin med pa ni// me long nang gi gzugs brnyan nam// chu zla nang gi gzugs brnyan 'dra// zhes gsungs
- 343a
so// ting nge 'dzin gyi dkyil 'khor bstan pa'i le'u ste bzhi pa'o// // de nas yang dag nges gsungs pa// dam pa rigs brgya'i lha tshogs kyi// skyed pa rtsa ba'i sngags bshad pa// dbus kyi lha tshogs bskyed pa ni// oM bud+d+ha be ro tsa na oM/ oM badz+ra dwe Sha ra ti oM/ oM badz+ra ak+Sho b+hu hUM/ oM badz+ra bud+d+ha lo tsa na hUM/ oM rat+na sam+b+ha ba tAM/ oM badz+ra paN+Da ra ba sa nI tAM/ oM badz+ra a mi ta b+hA hrIH/ oM badz+ra mA ma ki hrIH/ oM badz+ra a mo g+ha sid+d+hi hA/ oM badz+ra sa ma ya tA rA hA/ shar gyi dkyil 'khor rnams kyi sngags/ oM badz+ra sa mAn+ta b+ha dra hUM/ oM badz+ra d+ha rA hUM/ oM badz+ra satwa hUM/ oM badz+ra rA dza hUM/ oM badz+ra rA ga hUM/ oM badz+ra swa d+hu hUM/ oM badz+ra lA s+ye hUM/ oM badz+ra d+hU pe hUM/ oM badz+ra ang+ga sha hUM// oM badz+ra dI bi shwa ra ti hUM/ lho phyogs dkyil 'khor lha tshogs sngags/ oM many+dzu shrI ku mA ra mu la tAM/ oM badz+ra rat+na d+ha rA hUM/ oM badz+ra rat+na hUM/ oM badz+ra sUR+Ya tAM/ oM badz+ra ke tu hrIH/ oM badz+ra ha sa hA/ oM badz+ra mA le hUM/ oM badz+ra puSh+pe tAM/ oM badz+ra pA sha hrIH/ oM badz+ra su kha hA/ nub phyogs lha tshogs dkyil 'khor sngags/ oM sarba ta thA ga ta a ba lo ki ti ka ru Na ma hA rA dza hrIH/ oM pad+ma d+ha rA hrIH/ badz+ra d+harma hUM/ oM badz+ra tik+Sh+Na tAM/ oM badz+ra b+ha ShA hrIH/ oM badz+ra tsakra hA/ oM girti hUM/ oM badz+ra A lo ke tAM/ oM badz+ra s+pho Ta hrI/ oM badz+ra rA ga ra ti hA/ byang gi dkyil 'khor lha tshogs sngags/ oM badz+ra pA Ni sa man+ta hUM/ oM badz+ra
- 343b
karma d+ha rA hUM/ oM badz+ra karma hUM/ oM rak+Sha tAM/ oM badz+ra yak+Sha hrIH/ oM badz+ra san+ni hA/ oM badz+ra nr-i t+ye hUM// oM badz+ra gan+d+he tAM/ oM badz+ra g+haN+De hrIH/ oM badz+ra A be sha hA/ shar lho mtshams kyi lha tshogs sngags/ oM k+Shi ti gar+b+ha rat+na oM/ oM badz+ra nirti hUM/ oM d+harma ke tu hUM/ oM ke tI shwa ra rA dza tAM/ oM b+hA ha laM rA dza hrIH/ oM rat+na pra b+hA hA/ oM badz+ra kha T+wAM ka pra dza la ya hUM/ oM badz+ra a mo g+ha sha ra ya tAM/ oM badz+ra rA ga sa ma ya hrIH/ oM badz+ra g+haN+De dza la ya hA/ lho nub mtshams kyi lha tshogs sngags/ oM A kA sha gar+b+ha swA hA oM rat+na ni tre tAM/ oM A lo ke a gra pra be ho hUM/ oM mu dra rA dza pra b+ha ta tAM/ oM pra ti b+hA na rA dza ne hrIH/ oM pra ti b+ha na ku Ta ye ha/ oM badz+ra A prA baM hUM/ oM badz+ra ke tu tAM/ oM bi tA na d+ha hrIH/ oM tshar+tha hrIH/ nub byang dkyil 'khor lha tshogs sngags/ oM hrI ma hA me tri hUM/ oM pad+ma ni ti oM oM ka ma la rA dza ma hA rA dza hUM// oM pad+mo t+ta ma pad+ma d+ha ra tAM/ oM badz+ra ak+Sho b+h+ya hrIH/ oM a mo g+ha rA dza ya nAM/ oM bi ma le karma many+dzu Sha ya hUM/ oM dza li mi li hu ba tre ba tu sa ba tre tAM/ oM ta ka ru na dza la pra tsa pad+me hrIH/ oM tra sa ni bi tra sa ni ba tra sa ni hA/ byang shar dkyil 'khor lnga tshogs sngags/ oM sarba Ni ba ra Na bi shwa d+ha ra ya ba re oM/ oM karma ni te oM/ oM rat+ne sha dar rat+na d+ha ra hUM/ oM karma sid+d+hi rat+na d+ha rA ya traM/ oM A ra ha shA d+ha ra ya hrIH/ oM a tsa la ak+Sho b+hu d+ha rA ya hA/ oM dza ye dza ye ba ha sarba sha ni hUM/ oM dz+wa la pra
- 344a
dz+wa la dA hA pa tsa tAM/ oM gan+d+he tsu ru ma hA pa sha ra a ti ti hrIH/ oM ha ka hu ru na pra ka ri hA/ dkyil 'khor 'khyams la thub drug sngags/ oM mu ne kri swA hA/ oM mu ne trAM hUM swA hA/ oM mu ne sr-i swA hA/ oM mu ne praM swA hA/ oM mu ne k+ShaM swA hA/ oM mu ne ye swA hA/ dkyil 'khor sgo bzhir sgo ma'i sngags/ oM badz+ra aM ku sha dza/ oM badz+ra pA sha hUM/ oM badz+ra s+pho Ta baM/ oM badz+ra g+haN+De hoH/ dam pa rigs brgya'i rtsa ba'i sngags// sku bskyed gsal gdab bsnyen sngags yin// ces gsungs so// dam pa rigs brgya'i sngags bstan pa'i le'u ste lnga pa'o// // de nas yang dag nges gsungs pa// dbus kyi dkyil 'khor lha tshogs kyi// sku mdog phyag mtshan bstan pa ni// dbus su rnam par snang mdzad dkar// g.yas pa ye shes 'khor lo la// g.yon pa dngul dkar dril bu'o// zhabs ni mnyam pa'i skyil krung bzhugs// yum chen kun bzang bdag nyid dkar// g.yas pas yab kyi mgul nas 'khyud// g.yon pas dril bu 'dud pa'i tshul// shar du mi 'khrugs mthing ga la// phyag na rdo rje rtse lnga 'dzin// yum chen sangs rgyas spyan ma ni// rgyan dang cha lugs yab dang mthun// lho ru rin chen 'byung ldan ser// phyag na rin chen 'bar ba bsnams// yum chen gos dkar yab dang mthun// nub tu snang ba mtha' yas dmar// phyag na pad+ma bsnams pa'o// mA ma kI ni yab
- 344b
dang mthun// byang du don yod grub pa ldang // phyag na ral gri bsnams pa'o// dam tshig sgrol ma yab dang mthun// shar gyi phyogs kyi dkyil 'khor du// dbus su kun tu bzang po dkar// phyag na rdo rje rtse lnga bsnams// rdo rje dbyings phyug yab dang mthun// shar du rdo rje sems dpa' dkar// phyag na rdo rje rtse lnga bsnams// lho ru rdo rje rgyal po ser// phyag na rdo rje lcags kyu bsnams// nub tu rdo rje chags pa dmar// phyag na mda' gzhu 'gengs pa'o// byang du rdo rje legs pa ldang // phyag na rdo rje bsnams pa'o// shar du rdo rje sgeg mo dkar// phyag na 'gengs pa'i phyag rgya'o// lho ru rdo rje bdug pa ser// phyag na spos kyi sprin spro ba'o// nub tu rdo rje lcags kyu dmar// phyag na lcags kyu bsnams pa'o// byang du rdo rje me sgron ldang // phyag na gsal ba'i sgron me'o// lho yi phyogs kyi dkyil 'khor du// dbus su 'jam dpal gzhon nu ser// phyag na rin chen ral gri'o// rin chen dbyings phyug yab dang mthun// shar du rdo rje rin chen dkar// phyag na rdo rje rin chen bsnams// lho ru rdo rje gzi brjid ser// phyag na nyi ma'i dkyil 'khor bsnams// nub tu rdo rje rgyal mtshan dmar// phyag na rgyal mtshan bsnams pa'o// byang du rdo rje bzhad pa ldang // phyag na so 'phreng bsnams pa'o// shar du rdo rje phreng ba dkar// phyag na rin chen phreng ba
- 345a
bsnams// lho ru rdo rje me tog ser// phyag na me tog bsnams pa'o// nub tu rdo rje zhags pa ma/ phyag ni 'gugs pa'i phyag rgya'o// byang du rdo rje bde ma ldang // phyag na bsil yab bsnams pa'o// nub kyi phyogs kyi dkyil 'khor du// gtso bo spyan ras gzigs dbang dmar// phyag na pad+ma bsnams pa'o// pad+ma dbyings phyug yab dang mthun// shar du rdo rje chos ni dkar// phyag na pad+ma bsnams pa'o// lho ru rdo rje rnon po ser// phyag na ral gri bsnams pa'o// nub tu rdo rje smra ba dmar// phyag na rdo rje bsnams pa'o// byang du rdo rje 'khor lo ldang // phyag na 'khor lo bsnams pa'o// shar du rdo rje dbyangs mkhan dkar// phyag na pi waM bsnams pa'o// lho ru rdo rje mar me ser// phyag na mar me bsnams pa'o// nub tu rdo rje lcags sgrog dmar// phyag na pad+ma bsnams pa'o// byang du rdo rje gsal bkra ljang // phyag na rma bya bsnams pa'o// byang gi phyogs kyi dkyil 'khor du// gtso bo phyag na rdo rje ldang // phyag na rdo rje bsdams pa'o// las kyi dbyings phug yab dang mthun// shar du rdo rje las ni dkar// phyag na rdo rje rgya gram bsnams// lho ru rdo rje srung ba ser// phyag na go cha bsnams pa'o// nub tu rdo rje gnod sbyin dmar// phyag na mche ba bsnams pa'o// byang du rdo rje khu tshur ldang // phyag ni phyag rgya khu tshur mdzad// shar du rdo rje gar
- 345b
bskur dkar// phyag rgya sna tshogs bsgyur ba'o// lho ru rdo rje byug pa ser// phyag na spos chu bsnams pa'o// nub tu rdo rje dril 'khrol dmar// phyag na dril bu 'khrol ba'o// byang du rdo rje 'bebs ma ldang // phyag na bum pa'i chu rgyun bsnams// shar lho mtshams kyi dkyil 'khor du// gtso bo sa yi snying po dkar// phyag na rin chen snyems ma bsnams// rdo rje sems ma yab dang mthun// shar du rdo rje rgyal mtshan dkar// phyag na chu srin gser mdog bsnams// lho ru dbang phyug rgyal po ser// phyag na lcags kyu bsnams pa'o// nub tu bkod pa'i rgyan ni dmar// phyag na me tog bsnams pa'o// byang du rin chen 'od 'phro ldang // phyag na rin chen bsnams pa'o// shar du bde ba rgyas 'debs dkar// phyag na kha T+wAM bsnams pa'o// lho ru bde ba za byed ser// phyag na mda' gzhu 'gengs pa'o// nub tu bde ba rmongs byed dmar// phyag rgya thugs kar bsnol ba'o// byang du bde ba za byed ldang // phyag na dril bu bsnams pa'o// lho nub mtshams kyi dkyil 'khor du// gtso bo nam mkha'i snying po dkar// phyag na rin chen za ma tog/ rin chen dbyings phyug yab dang mthun// shar du snang ba'i mchog ni dkar// phyag na rdo rje bsnams pa'o// lho ru phyag rgya'i rgyal po ser// phyag na mda' gzhu bsnams pa'o// nub tu spos kyi glang po dmar// phyag na 'od kyi za ma
- 346a
tog/ byang du spobs brtsegs kun 'dren ldang // phyag na gser tog mdag pang lcags kyu bsnams// shar du khrus kyi lha mo dkar// phyag na khrus bum bsnams pa'o// lho ru rgyal mtshan lha mo ser// phyag na rgyal mtshan bsnams pa'o// nub tu bla re'i lha mo dmar// phyag na bla re bsnams pa'o// byang du gdugs kyi lha mo ljang // phyag na gser gdugs bsnams pa'o// nub byang mtshams kyi dkyil 'khor du// dbus su gtso bo byams pa dmar// phyag na klu shing pad+ma bsnams// pad+ma'i sems ma yab dang mthun// shar du pad+ma'i rgyal po dkar// phyag na pad+ma bsnams pa'o// lho ru pad+ma dam pa ser// phyag na pad+ma kha ma bye ba'o// nub tu rdo rje mi g.yo dmar// phyag na bsam gtan po ti bsnams// byang du thogs med rgyal po ljang // phyag na lcags kyu gser g.yu bsnams// shar du lha mo pad+ma dkar// phyag na dpal be'u bsnams pa'o// lho ru lha mo 'jigs byed ser// phyag na 'khor lo bsnams pa'o// nub tu lha mo skyon bral dmar// phyag na pad+ma bsnams pa'o// byang du lha mo rnam rgyal ldang // phyag na rgyal mtshan bsnams pa'o// byang shar mtshams kyi dkyil 'khor du// gtso bo sgrib pa rnam sel ldang // phyag na po ti bsnams pa'o// las kyi sems ma yab dang mthun// shar du rin chen dbang sdud dkar// phyag na rin chen zur
- 346b
brgyad bsnams// lho ru grub pa'i las ni ser// phyag na rin chen rgya gram bsnams// nub tu dga' ba ston pa dmar// phyag na rdo rje rgya gram bsnams// byang du mi g.yo mtha' ni ldang // phyag na rgya gram bsam gtan mdzad// shar du lha mo skyabs can dkar// phyag na gdu bu bsnams pa'o// lho ru lha mo dri med ser// phyag na bum pa bsnams pa'o// nub tu lha mo sgra sgrogs dmar// phyag na 'bud dung bsnams pa'o// byang du lha mo sgra sgrogs ldang // phyag na gser gyi nya bsnams pa'o// dkyil 'khor phyi yi bar khyams la// shar stod lha yi thub pa dkar// phyag na pi wang bsnams pa'o// shar du lha min thub pa sngo// phyag na go mtshon bsnams pa'o// lho ru mi yi thub pa ser// phyag na gseg shang par bu bsnams// nub stod byol song thub pa nag/ phyag na po ti bsnams pa'o// nub smad yi dwags thub pa dmar// phyag na rin chen sgrom bu bsnams// byang du dmyal ba'i thub pa nag/ phyag na me chu bsnams pa'o// de nas dkyil 'khor sgo bzhi ru// shar sgor rdo rje lcags kyu ma// phyag na lcags kyu bsnams pa'o// lho sgor rdo rje zhags pa ser// phyag na zhags pa bsnams pa'o// nub tu rdo rje lcags sgrog dmar// phyag na lcags sgrog bsnams pa'o// byang du rdo rje dril bu ldang // phyag na dril bu bsnams pa'o// de ltar phyogs bzhi mtshams bzhi
- 347a
yi// bde gshegs thams cad dam pa rigs brgyar 'dus// rigs brgya bsdus pa rgyal ba rigs lngar 'dus// de yang chos sku thig le nyag gcig dang du 'dus// zhes gsungs so// bde gshegs rigs brgya'i sku mdog phyag mtshan bstan pa'i le'u ste drug pa'o// // de nas yang dang nges gsungs pa// bde gshegs rigs brgya'i lha tshogs rnams// rgyan dang cha lugs mtshan dang dpe byad ldan// mnyam par ma 'dres 'ja' tshon ri mo 'dra// snang la mi rtog me long gzugs brnyan 'dra// sku mdog rigs kyi phyag rgya so sor gsal// gsung gi phyag rgya oM hUM trAM hrIHhA lnga/ so so'i rigs kyi yig/ 'brur gsal// thugs kyi phyag rgya phyag mtshan ni// g.yas pa so so'i phyag mtshan bsnams// g.yon pa thams cad dril bu bsnams// de ltar rigs brgya gsal bsgoms la// chos sku thig le gcig tu bsgom// sku gsung thugs su byin rlob cing // ye shes lnga yi dbang bskur bya// oM sarba ta thA ga ta kA la badz+ra swa b+hA ba At+ma ko&haM/ oM sarba ta thA ga ta wA ka badz+ra swa b+hA ba At+ma ko&haM/ oM sarba ta thA ga ta tsit+ta badz+ra sa b+ha ba at+ma kaT+TaH/ oM ma hA bu n+yat+ta dz+nyA na badz+ra swa b+hA pa at+ma ko&H/ oM ma hA ya daR+sha dz+nyA na badz+ra sa b+hA la at+ma kon+yaH/ oM ma hA sa ma hA dz+nyA na badz+ra swa b+hA wa sAt+ma koT+TaH/ oM sarba ta thA ga ta kr-i t+ya nuSh+TA na dz+nyA na badz+ra swa b+hA la
- 347b
At+ma ko&haM/ oM pra t+ya bek+Sha Na dz+nyA na badz+ra swa b+ha wa At+ma ko&haM/ de ltar byin brlabs dbang bskur nas/ phyag rgya chen po bsgrub par bya// dam tshig sems dpa' bskyed pa'o// zhes gsungs so// dam tshig gi dkyil 'khor bstan pa'i le'u ste bdun pa'o// // de nas rigs lnga'i sangs rgyas kyis dpal kun tu bzang po la gsol pa/ ting 'dzin dkyil 'khor de lags na// rang bzhin dkyil 'khor ji ltar bsgrub// de skad gsol pa gsan nas kyang // spyi dpal chen pos bka' stsal pa// rang bzhin dkyil 'khor dgug pa ni// thugs ka'i hUM gi 'od zer gyis// sprul pa'i lha mo 'phros pa yis// chos kyi dbyings kyi pho brang nas// dam pa rigs brgya'i lha tshogs la// snyan gsan phab ste spyan drangs la// mdun gyi nam mkhar bzhugs pa de// 'od kyi nang du spyan drangs la// dam tshig la ni ye shes bstim// gnyis su med par brtan par gzhug/ gzhal las khang gi sgo bzhi nas// thugs las sprul pa'i gsang yum bzhis// mnyes pa'i tshul gyis phyag kyang btsal// 'dod yon lha mo lha tshogs kyis// phyi nang gsang ba'i mchod pa rnams// mnyes pa'i tshul gyis tshim par mchod// mchod cing bstod pa dag par 'bul// bzlas pa'i 'phro 'du bya ba ni// oM A li kA li pany+tsa dz+nyA na sa twa kro d+ha mu na ye swA hA// dam pa rigs brgya 'dus pa'i
- 348a
sngags// lha rnams thugs kar nyi ma'i steng // ye shes sems dpa' gsal bkod la// de yi thugs kar zla ba'i steng // sngags kyi phreng ba gsal bkod de// 'od zer 'phro 'dus bsnyen pa bya// bdag gzhan don gyi bzlas pa rnams// gang 'dod tshad du phyin par bzlas/ de nas ting 'dzin gtong 'dod na// lha tshogs rnams la bshags pa bya// gtor ma byin gyis brlabs la gtang // bkra shis brjod cing phrin las bcol// de ltar bsgrub pa'i sbyor ba ni// zla drug zla ba bcu gnyis sam// lo gsum lo drug bcu gnyis kyis// rig 'dzin sa la nges par sbyor// zhes gsungs so// rang bzhin gyi dkyil 'khor bsgrub pa'i le'u ste brgyad pa'o// // de nas yang dag nges gsungs pa// rtags thon bsnyen bsgrub thon pa dang // cho ga'i rim pa rab rdzogs nas// de nas dkyil 'khor bsdu byas te// dam tshig sems dpa'i lha tshogs dang / ye shes sems dpa'i dkyil 'khor ni// gnyis med gcig la gnyis su dbye// ye shes sems dpa' gshegs su gsol// oM AHhUM muM gyi sngags brjod pas// bdag la zhal bstan dbyings su gshegs// dam tshig sems dpa'i dkyil 'khor de// sgo ba rim gyis byang nas bsdu// sgo ba thub pa drug la bsdu// thub drug byang shar dkyil 'khor la// mtshams bzhi'i dkyil 'khor rim
- 348b
gyis bsdu// phyogs bzhi byang nas rim par bsdu// shar nas dbus kyi dkyil 'khor la// mtshams bzhi'i dkyil 'khor rim gyis bsdu// dbus kyi lha tshogs byang nas bsdu// dbus kyi gtso bo nyid la bsdu// gtso bo thugs ka'i ye shes sems dpa' la// de yang rdo rje nas tsam la// de yang yi ge hUM la bsdu/ hUM yang rim gyis thig le la// thig le chos kyi dbyings su bsdu// de yi ngang du blo bzhag la// slar yang lha yi ting 'dzin du// skad cig langs te spyod lam bya// 'di ltar bskyed rdzogs don bsgoms na// nges par legs pa'i don mthong nas// rig 'dzin sa la rdzogs par sbyor// zhes gsungs so// dam pa rigs brgya'i sgrub thabs bstan pa'o// bde gshegs 'dus pa'i rgyud las mjug rdzogs rim gyi le'u ste dgu pa'o// // bde gshegs dam pa rigs brgya'i sgrub thabs bstan pa'i skabs te dang po'o// de nas spyi dpal chen po kun tu bzang po la/ rigs lnga'i sangs rgyas rnams kyis zhus pa/ e ma ho spyi dpal kun tu bzang // 'gro ba'i log rtog gzhom pa'i phyir// sangs rgyas bzhi bcu rtsa gnyis kyi// ye shes da pa'i sgrub thabs gang // sgri dpal yab kyis bka' stsol cig/ de skad gsol pa gsan nas kyang // spyi dpal yab kyis bka' stsal pa// nyon cig 'dus pa'i 'khor tshogs rnams// ma rtogs pa dang log
- 349a
par rtog/ phyogs rtog yang dag nyid ma rtogs// 'dul bar dgongs nas gsang ba dang // rang bzhin gsang ba'i don rnams ni// yi ge sgras btags ming tshogs la// brten pa'i tshig gis rab mtshon te// khong nas gsang sbas don 'byin pa// ston pa rdo rje'i thugs la gab// thos bsam bsgom la rab sbyangs te// shes rab mig ldan rnams kyis gzung // snod ldan ngang tshul bzang la bstan// lus dang longs spyod gtong la sbyin// slob dpon mnyes par bya ba dang // sgyu 'phrul dra ba'i dkyil 'khor du// dbang rnams rdzogs par byas pa yis// 'dod yon g.yeng ba kun spangs te// dka' thub spyod pas ma gdungs par// ting 'dzin thub pa'i sa phyogs su// rab tu bde ba'i bstan la 'dug/ byams dang snying rje dga' ba dang // btang snyoms bzhi po rab bsgoms nas// sems can rnams kyi don gyi phyir// sku gsung thugs ni bsgrub bya zhes// bdag ni bsam pa brtan byas te// rang snying sa bon 'od zer las// sprul pa'i mchod pa'i tshogs spros te// mdun gyi dkyil 'khor tshogs rnams dang // bla ma la sogs rnams mchod de// de nas sdig pa bshags pa dang // skyabs gsol la sogs byas nas ni// bgegs rnams ma lus gzhom pa'i phyir// sna tshogs hUM las bskyed pa yi// rdo rje'i sa gzhi bsam par bya// rnam rtog 'du
- 349b
shes kun spangs na// bgegs kyi sbyor ba yod mi 'gyur// de bas rnam rtog bgegs yin pas// yang dag rig pa nyid kyis bsrung // dang po stong nyid byang chub sems// skye 'gag med pa'i don gsal nas// snying rje'i yul gyis blangs nas ni// sa bon shin tu gsal bar gyur// rab tu brtan gyur a dkar las// shin tu phra ba'i a rnams spros// phyogs kun gang bar gsal gyur la// bsdus kyang 'phel 'grib med pa'o// de las ming tshogs gsal ba kun// spro zhing bsdu ba de bzhin te// 'di ni rdo rje dngos grub kyi// rten 'byung ye shes rgyu yin no// de nas mtha' dbus med pa yi// 'og min chos 'byung bsam par bya// de nas yaM las byung ba yi// rlung gi dkyil 'khor bsam par bya// de steng yi ge raM las ni// me yi dkyil 'khor bskyed par bya// de yi steng du baM bsams te// de las chu yi dkyil 'khor ro// chu yi dkyil 'khor steng du ni// yaM las ye shes sa gzhir brtags// rin chen 'bar ba ri rab steng // b+h+rUM las ye shes gzhal yas khang / ye shes chen po'i rang bzhin no// rgya rnams yongs su ma chad pa// bsod mas ye shes tshogs rgyas pas// kun tu gru bzhir gnas gyur pa// ye shes lhag pa'i glo 'bur mdzes// thams cad ngo bo gcig pa'i phyir// rtse mo kun tu 'dus pa yin// rin chen rgyan sogs bye brag
- 350a
gis// bsam mi khyab par spras par gyur// tshad med bzhi yi sgo khyud la// rnam thar brgyad kyi rta babs ldan// kun nas bskor ba'i kha khyer la// rol mo sna tshogs sprin phung bzhin// phyi dang nang med kun tu snang // 'khor lo rtsibs bzhi mu khyud dang / gru chad bzhi ldan par khyams dang // dkyil 'khor bzhi bcu gnyis kyis brgyan// dbus su mi 'jigs seng ge'i khri// brgya byin 'od gsal nyi zla dang // chags med pad+ma so sor mdzes/ gdan ni sum brtsegs dag tu gnas// seng ge'i gdan gyi dbus su ni// dam pa'i yi ge'i sa bon las// de las pad+ma rdo rjer btags// so so'i snying pos mtshon par bya// de las sangs rgyas sku ni spro// phyogs bcu'i 'jig rten khams rnams kyi// sems can don kun rdzogs mdzad nas// de nyid la ni thim par gyur// phyag rgya yongs su gyur pa las// kun bzang yum dang ldan pa ni// zla ba'i 'od ltar dkar zhing gsal// zhal gcig phyag gnyis rgyan gyis mdzes// sangs rgyas lnga yi dbu rgyan can// 'od zer rnam pa sna tshogs las// sprul pas sems can don rnams mdzad// kun tu bzang mo 'jo sgeg tshul// in+d+ra nI la'i kha dog 'dra// rgyan dang dbu rgyan yab dang mthun// phyag g.yas rdo rje thugs kar brten// g.yon pas dril 'dzin yum la 'khril// yum gyis pad+ma thugs kar
- 350b
brten// g.yon gyis nyi ma'i las su 'khril// dbu ni 'byo zhing 'dud pa'i tshul// de ltar yongs su bskyed pa ni// gnyis med chags pa'i sbyor bas drangs// de bzhin gshegs pa kun 'dus nas// yab la de bzhin gshegs rnams thim// rdo rje'i lam du phyung nas ni// yum gyi pad+ma'i mkha' dkyil du// byang chub sems kyi 'phro 'du las// ye shes dkyil 'khor rdzogs par sprul// de nas snying rje'i chags pa yis// sems can ma lus bsdus byas nas// dkyil 'khor phyi rol 'khod nas ni// de dag 'jug par gsol ba 'debs// gsol ba btab pa'i tshig brjod nas// thams cad dkyil 'khor 'jug par 'gyur// bdud rtsi'i 'od kyis reg par gyur// thams cad rang bzhin sangs rgyas shes// de ltar rgyal po'i byin rlabs kyis// rang lus rgyal ba'i dkyil 'khor che// rdo rje phung po'i yan lag ni// rdzogs pa'i sangs rgyas lnga ru grags// skye mched khams rnams mang po kun// byang chub sems dpa'i dkyil 'khor nyid// sa chu spyan dang mA ma ki/ me rlung gos dkar dam tshig sgrol// nam mkha' dbyings kyi dbang phyug ma// srid gsum ye nas sangs rgyas shing // thams cad ma lus chos so cog/ sangs rgyas nyid las gzhan ma yin// sangs rgyas nyid las gzhan pa'i chos// sangs rgyas nyid kyis mi brnyes so// de nas rgyal ba
- 351a
sangs rgyas rnams// so so bzhin du dgod par bya'o// yongs sbyangs gsung gi yi ge ni// yab kyi thugs kar zim gyur nas/ yum gyi pad+ma'i chags rlan gyis// yab yum gnyis med thig ler sbyor// de ltar rgyal ba snyoms zhugs nas// bde ba'i 'bru tshogs mngon 'dra ste// rgyu gcig pa dang yig 'bru dang // byin gyis brlabs dang mngon sum pa// rab tu rtog pa rnam bzhi yis// mngon rdzogs rgyal po de nyid nges// de ltar rtog pa rnam bzhi yis// rgyal ba'i sku ni mngon spyod las// bu sha rA ga'i kha dog 'dra// zhal gcig pa la phyag gnyis te// g.yas pa 'khor lo thugs kar brten// g.yon pa dril bu yum la 'khyud// thabs dang shes rab zhabs gnyis ni// mnyam pa'i brtul zhugs skyil krung bzhugs// mdun dang rgyab med kun tu zhal// mtshan dang dpe byad kun tu ldan// 'od zer 'bar ba'i tshogs chen las// thub pa'i dkyil 'khor sna tshogs spro// rgyal ba rigs lngas dbu brgyan cing // sna tshogs rgyan rnams kun gyis brgyan// btsun mo snang ba'i dbyings phyug ma// gzhon tshul 'khril ldem shin tu chags// cha lugs la sogs yab dang mthun// g.yon pa dril bu yab la brten// g.yas pa nyi ma las su 'khril// phung po dbang po rnam shes kun// rdzogs pa'i sangs rgyas nyid du bsgom// skye mched khams rnams byin
- 351b
gyis brlabs// sku gsung thugs kyi 'bru gsum gyis// 'od zer rnam pa mang po spros// phyogs bcu'i sku gsung thugs bsdus nas// bdag gi sku gsung thugs la ni// rgyal ba'i dkyil 'khor bzhugs par bsam// oM sarba ta thA ga ta ma hA kA ya badz+ra swa b+hA wa At+ma ko&haM/ oM sarba ta thA ga ta ma hA wA ka badz+ra swa b+hA wa At+ma ko&haM/ oM sarba ta thA ga ta ma hA tsit+ta badz+ra swa b+hA wa At+ma ko&haM/ de ltar sku gsung thugs gsum du// nga rgyal rab tu bskyed nas ni// yum gyi sku yi dkyil 'khor la// yig 'bru rnam gsum rnam shes la// yig 'bru'i byin brlab tshul bzhin bya// de nas yum ni byin brlab bya// oM AHhUM swA hA// gnas lnga dag tu dgod par bya// de ltar yab yum sku rdzogs nas// dkyil 'khor chen po rnam 'phrul phyir// gnyis med chags pa'i sbyor don du// rdo rje pad+ma byin gyis brlab// hUM las rdo rje rab tu shes// oM las byung ba'i nor bur bsam// oM las pad+mar bskyed par bya// oM sarba ta thA ga ta ma hA a nu rA ga Na badz+ra swa b+hA wa At+ma ko&haM/ bsnyen pa dang ni nye ba'i bsnyen// sgrub pa dang ni sgrub chen po// yum gyi pad+ma'i dkyil 'khor du// bde ba thugs kyi dkyil 'khor du// byang chub sems kyi byin rlabs las// yig 'bru rnams kyi 'phro 'du yis// sa bon mtshan ma sku rnams rdzogs// sum bcu drug gi dkyil 'khor 'gyur// de las 'gro ba
- 352a
rmongs pa la// bstan phyir dkyil 'khor bstan par mdzad// shar phyogs 'khor lo'i rtsibs steng du// bcom ldan rdo rje mi bskyod dang // yum chen kun tu bzang mo bsgom// lho phyogs 'khor lo'i rtsibs steng du// bcom ldan rin chen 'byung ldan dang // yum chen na bza' dkar mo bsgom// nub phyogs 'khor lo'i rtsibs steng du// bcom ldan snang ba mtha' yas dang // yum chen mA ma ki yang bsgom// byang phyogs 'khor lo'i rtsibs steng du// bcom ldan don yod grub pa dang // yum chen dam tshig sgrol ma bsgom// de yi phyi rim rtsibs mtshan la// shar phyogs sa yi snying po dang // yum du badz+ra lA s+ye bsgom// lho ru nam mkha'i snying po dang // yum du badz+ra mA le bsgom// nub phyogs spyan ras gzigs dbang dang // yum ni gi ra ti bsgom par bya// byang du phyag na rdo rje dang // yum du badz+ra nir ti bsgom// de yi phyi rim gru chad la// shar du sems dpa' byams pa dang // yum du badz+ra d+hU pe ma'o// lho ru kun tu bzang po dang // yum du badz+ra puSh+pe ma'o// nub tu sgrib pa rnam sel dang // yum du rdo rje mar me ma'o// byang du mkhyen rab 'jam dpal dang // yum du badz+ra gan d+he ma'o// sgo bzhir sgo ba sgo ma ni// shar sgor khro bo rnam par rgyal// yum du rdo rje ro langs ma// lho sgor khro bo gshin rje gshed// yum du rdo rje mi pham ma// nub sgor khro bo rtsa
- 352b
mchog dpal// yum du rdo rje ral gcig ma'o// byang sgor khro bo bdud rtsi 'khyil// yum du rdo rje spyan gcig ma'o// mtha' dbus med par khyab pa yi// dkyil 'khor bsam yas lhun gyis grub// dkyil 'khor yongs su rdzogs pa la// rgyal ba mchod pas mnyes par gyur// mnyes nas sems can don bya zhes// dkyil 'khor dam pa bstan gyur na// sems can ma rig kyis bsgribs nas// dkyil 'khor mthong ba'i skal med gyur// de las byang chub sems 'phros pas// oM sogs yi ge mngon par gyur// sa bon las ni phyag mtshan 'bar// de las thub pa'i skur rdzogs te// so so'i snying po brjod pa yis// mkha' dbyings sku gzugs gnas pa las// 'jig rten drug gi phyogs bcur 'phros// 'jig rten drug gi phyogs bcur ni// 'dul ba rnam bzhis 'gro don mdzad// bltams dang rab tu byung ba dang // mngon par sangs rgyas bdud btul dang // 'khor lo bskor ba'i cho 'phrul bstan// mya ngan 'da' sogs thub pa yi// spyod pa rjes mthun ston par mdzad// mngon shes drug gi cho 'phrul gyis// thams cad mkhyen pa nyid du son// sku dang gsung dang thugs rnams kyi// bye brag sna tshogs ston mdzad pas// 'gro ba so sor 'dul ba bzhin// byin rlabs 'dul ba ston par mdzad// so so'i bsam pa'i bye brag gis// lha dang mi yi theg pa
- 353a
sogs// theg pa rnam lnga so sor ston// rjes su bstan pas 'gro btul nas// 'gro ba sangs rgyas sar bzhag ste// slar byon khyams pa thub drug dgod// steng du lha yi thub pa la// shar phyogs mi yi thub pa'o// lho ru lha min thub pa la// nub tu yi dwags thub pa ste// byang du dmyal ba'i thub pa'o// 'og tu byol song thub pa'o// de ltar dkyil 'khor gsal bstan nas// khyad par kun tu bltas nas ni// sku ma bzhin du dmigs nas kyang // so so'i yab yum bye brag la// lus kyi dkyil 'khor rdzogs par dgod// phung po dbang po rnam shes kun// rnam smin oM du shes par bya// spyi bor yi ge oM bkod de// lce la A ni rab tu gnas// snying dang lte ba chu sor ni// hUM dang swA ha rim pa bzhin// mig dang rna ba sna dang lce// k+Shi traM hrIHdza rim bzhin bsam// me thi hUM dang mAM dang bzhi// mig sogs phyi rol rim bzhin bsam/ de ltar yi ge'i rnam pa ni// yab kyi sku la rim par bsam// yum gyi sku yi dkyil 'khor du// gzugs sgra dri ro reg bya sogs// rnam smin mAM sogs shes par bya// yum gyi dkyil 'khor nyid du bsgom// spyi bo mgrin pa gnyis su ni// lAM dang mAM gnyis rim par bsam// snying ga lte ba chu sor ni// pAM dang tAM dang mAM rnams dgod// mig dang rna ba sna lce la// hUM dang tAM hrIHAM rim bzhin// mig rna sna lce'i phyi rol du// dzaHhUM baM hoHrim
- 353b
bzhin bsam// sku gsung thugs su dbang bskur zhing // ye shes yongs su rdzogs bya'i phyir// rigs lnga'i dbu rgyan kun la bsam// thub pa lus kyi dkyil 'khor dang // byin rlabs dbang skur ma gsungs so// zhes gsungs so// sku phyag rgya bskyed pa'i le'u ste bcu pa'o// // de nas yang dag nges gsungs pa// sangs rgyas bzhi bcu rtsa gnyis kyi// sku bskyed gsal brtan rtsa ba'i sngags// oM dzi na dzi ka/ muM d+hA tI shwa rI/ hUM badz+ra d+h+rika/ swa rat+na d+hIka/ oM a ro li ka/ ha pradz+nyA d+hI ka/ laM dwe Sha ra ti/ maM mo hA ra ti/ paM rA ga ra ti/ taM badz+ra ra ti/ k+Shi he rA dza ya/ traM A gar+b+ha ya/ hri pad+ma pra da ma/ dzaM ku ru pA Na hrIH/ hUM lA s+ye sa ma ya stAM/ traM mA l+ye sa ma ya staM/ hI gI ra ti ra ga haM/ aM ni ra ti rA ga yA mi/ me d+ha rA ya swA hA/ b+hI nisma raM b+ha ya swA ha/ hUM swa rA dza ya swA hA/ mr-i shri a rA gA ya swA hA/ dza d+hA pe pra be sha/ hUM puSh+pe A be sha/ baM di pa pu gi ra/ ho g+han d+he tsit+ta ho/ oM mu ne kr-i swA hA/ oM mu ne sruM swA hA/ oM mu ne hUM trAM swA hA/ oM mu ne praM swA hA/ oM mu ne k+She swA ha/ oM mu ne ye swA hA/ oM pra dz+nyA na ta krita phaT/ hU ya mAn taM krita phaT/ hUM pad+ma na ta krita phaT/ hUM big+h+nAn ta krita phaT/ hUM badz+ra d+ha ra ma hA kro ti shwa rI dza la nI hUM phaT/ hUM rat+na d+ha ra ma hA kro ti shwa rI dza la nI hUM phaT/ hUM pad+ma d+ha ra ma hA kro tI shwa rI dza la nI hUM phaT/ oM karma d+ha ra ma hA kro tI shwa rI dza la nI hUM phaT/ hUM hUM hUM badz+ra tsit+ta
- 354a
oM/ a a a badz+rI b+ha dra sa man+ta a/ sku bskyed gsal brtan rtsa ba'i sngags// bzhi bcu rtsa gnyis snying po yin// zhes gsungs so// sangs rgyas bzhi bcu rtsa gnyis so so'i rtsa ba'i sngags bstan pa'i le'u ste bcu gcig pa'o// // de nas yang dag nges gsungs pa// bzhi bcu rtsa gnyis bzhugs tshul ni// brgya byin la sogs phyogs su gnas// mthing ga dkar po ser le brgan// ljang gu'i mdog tu 'tsher ba ni// gtso bo gdan la rdzogs pa'i tshul// 'khor rnams sems dpa'i tshul du bzhugs// so so'i sku mdog yab dang mthun// 'khor lo rgyal po rgyal mo dang // g.yas na mthong zos sdom pa dang // myong dang btsun mo'i tshogs su bcas// gru chad la ni mthong byed dang // thos byed snom byed myong byed rnams// btsun ma'i tshogs dang ldan par bsam// mdun dang rgyab tu byed pa dang // bya ba dag ni gnas par bstan// sgo khyud bzhi la 'joms pa ni// btsun mo'i tshogs dang ldan par gnas// yab yum bzhugs tshul phyag mtshan ni// rnam snang dkar po 'khor lo bskor// mi bskyod mthing ga rdo rje bsnams// 'byung ldan ser po rin chen bsnams// mtha' yas dmar po pad+ma bsnams// don grub ljang gu rgya gram bsnams// kun tu bzang mo dril bu bsnams// sangs rgyas spyan ni thor tshugs bsnams// gos dkar mo ni rin chen
- 354b
bsnams// mA ma ki ni pad+ma bsnams// sa snying dkar po rin chen myu gu bsnams// nam mkha'i snying po dkar po ral gri bsnams// spyan ras gzigs dbang dkar po pad+ma bsnams// phyag na rdo rje ljang gu dril bu bsnams// byams pa dmar skya gar gyi gun+d+he bsnams// kun bzang dkar po rin chen snyems ma bsnams// sgrib pa rnam sel sngon po po ti bsnams// 'jam dpal dkar ljang me tog ut+pal bsnams// mA le sngon mo rgya gram me long bsnams// lA s+ye sngon mo rin chen 'phreng ba bsnams// gIr ti dmar mo pi wang rgyud 'dren bsnams// nI ra ti ljang gu gar gyi cod pan bsnams// bdug pa'i sprin 'phro ma ni spos me bsnams// dga' ba'i mdangs ldan ma ni pad+ma bsnams// gsal ba'i 'od ldan ma ni mar me bsnams// ga na d+he ljang gu dag byed dri chab bsnams// dbu rnams 'byo zhing 'dud pa'i tshul// gnyis med dbyings kyi ngang du 'khril// mnyen lcug 'khril ldem gzhon tshul che// gsal 'tsher lhun sdug gzi byin 'bar// 'od zer 'phro ba'i tshogs chen po// 'bar ba'i phreng ba 'khrigs pa'i 'od// sgo bzhir sgo skyong yab yum ni// gshin rje gshed po dkar po thod dbyug bsnams// stobs chen sngon po rdo rje rtse gsum bsnams// rta mgrin dmar po thod sbrul pad+ma bsnams// bdud rtsi 'khyil pa ljang gu rgya gram bsnams// ro langs
- 355a
dkar mo 'gugs pa'i lcags kyu bsnams// mi pham sngon po rdo rje zhags pa bsnams// ral gcig dmar mo rdo rje lcags sgrol bsnams// khro gnyer ma ni ljang gu dril bu bsnams// dkyil 'khor 'khyams la thub pa drug/ lha yi thub pa dkar po pi wang bsnams// lha min thub pa sngon po go cha bsnams// mi yi thub pa ser po gseg shang bsnams// byol song thub pa ljang gu po ti bsnams// yi dwags thub pa dmar po sgrom bu bsnams// dmyal ba'i thub pa nag po me chu bsnams// de ltar sangs rgyas bzhi bcu rtsa gnyis kyi// phyag rgya chen por gsal bar bskyed// snang stong dbyer med dkyil 'khor ni// ye nas ma bcos lhun gyis grub// ces gsungs so// dam tshig gi dkyil 'khor bskyed pa'i le'u ste bcu gnyis pa'o// // de nas yang dag nges gsungs pa// thugs kyi sa bon 'od zer las// phyogs bcu'i dkyil 'khor spyan drangs te// phyogs bcu dus gsum dkyil 'khor tshogs// mi dmigs dbyings kyi dkyil 'khor nas// bde gshegs thams cad spyan drang ngo // lcags kyu la sogs phyag rgya bzhis// rang rang dbyer med dkyil 'khor la// 'jug pa'i mtshan nyid mnyam sbyor bas// phyogs dus kun nas gshegs pa yi// bsnyen pa'i dkyil 'khor rdzogs pa dang // nye bar gyur pa'i dam tshig mchog/ de ltar ye shes
- 355b
dkyil 'khor dang // dam tshig dkyil 'khor mnyam sbyor bya// dkyil 'khor kun la mnyam bltas nas// sgyu ma mig yor lta bur blta// de nas lha la mchod pa'i phyir// chos kyi dbyings dang mnyam sbyor zhing // mchod pa'i phyag rgya chen por bsgom// bdag gi snying ga'i sa bon las// 'od zer mang po'i zer 'phros te// phyogs bcu'i sangs rgyas thams cad kyi// mchod pa'i tshogs rnams kun 'dus te// bdag nyid kyis ni thugs kar thim/ rdo rje'i lam du phyung nas ni// byang chub sems kyi mkha' dbyings nas// byang chub sems kyi 'od zer las// mchod pa'i lha mo'i tshogs spros te// rgyal ba'i dkyil 'khor mchod par byed// de nas lha mo'i tshogs rnams kyis// de bzhin gshegs pa'i dkyil 'khor la// dgyes pa'i glu blang bstod par bya// de nas bsnyen bsgrub bzlas pa ni// lha rnams kun gyi thugs ka ru// zla dkyil steng du rang 'dra yi// ye shes sems dpa' gsal bsgoms la// de la bzlas pa'i sngags kyis bskor// oM bo d+hi tsit+ta ma hA su kha dz+nyA na d+hA d+hA a/ ye shes lnga yi 'od zer gyis// phar 'phros bde gshegs thams cad mchod// tshur 'dus dngos grub rnam gnyis bsdus// spro bsdu mgal me lta bur bskor// dus dang grangs dang mtshan ma yi// bsnyen pa'i rim pa rdzogs par bya// zhes gsungs so// ye shes rang bzhin gyi dkyil
- 356a
@'khor sgrub pa'i le'u ste bcu gsum pa'o// // de nas yang dag nges gsungs pa// de ltar rgyal ba'i dkyil 'khor ni// bskyed pa yongs su rdzogs byas te// slar yang bdag nyid thugs gar bsdu// de nas gsang ba'i dkyil 'khor bsgom// bde ba chen po'i dkyil 'khor ni// stangs dpyal gnyis sam yang na lnga// byas te dad ldan rab zhugs na// 'dod pa yid 'ong mnyam par 'gyur// cho ga lnga ni rdzogs byas shing // yo byad lnga ni rdzogs par ldan// sngags kyi yan lag lnga rdzogs pas// ma nyams 'jug la rab brtson na// zhag ni sum cu phrag drug gam// bcu gnyis bcu drug tshun chad kyis// dbang sgyur rigs kyi dam pa 'grub// de tshe bcu drug tshun chad kyis// sku lnga lhun gyis rdzogs pa ni// ye shes thig le nyid snang ba// bsam gyis mi khyab mtha' yas mchog/ phyogs bcu dus gsum rdzogs pa yi// zhing khams bsam yas rnam dag dang // rgya dang bral ba'i gzhal yas khang // 'khor lo rgyan dang rol mo'i tshogs// dkyil 'khor ma lus bsam yas kun// mthong na nye bar bsnyen pa dang // rgya chen gsungs pa'i don 'byung ba// mthun pa'i ye shes snang ba'o// gcig dang du mar bral ba yi// mtha' dang dbus med de bzhin nyid// sangs rgyas kyis kyang mi gzigs te/ rang byung ye shes gnas med snang // log par rtog pa rnam dag cing // ye shes dbyings las mi gzhan
- 356b
phyir// thugs rje chen pos 'brel pas nas// 'gro drug dus gnas ma lus snang // de ltar rgyal mchog dpal ldan pa'i// dkyil 'khor gsang ba bsgrub pa'i phyir// dkyil 'khor ldan pa'i dkyil 'khor gyi// dkyil 'khor la ni dkyil 'khor bsgom// dkyil 'khor dkyil 'khor las byung ba// thugs kyi dkyil 'khor dkyil 'khor mchog/ gsang ba'i thig le dkyil 'khor dbyings// 'byung ba'i shes rab rigs kyi yum// chen po rigs kyi de bzhin te// byang chub sems ni rdo rje'i tshogs// dbang po yul dus snang ba rnams// kun tu bzang po'i dkyil 'khor la// bdag nyid chen po lhag pa yi// thugs kyi ye shes sgyu mar snang // snying po thig le mnyam sbyor ba'i// bde ba'i ye shes rol mo yis// ye shes dgyes la mchod par 'bul// zag pa med pa'i bsod nams kyis// ye shes sgyu mar rab snang ba// rol mo'i dkyil 'khor mtha' yas mchog/ gsang ba'i thig le de nyid dbyings// de ni sangs rgyas kun gyi dngos// phyogs bcu dus bzhi mngon rdzogs pa'i// sku gsung yon tan phrin las thugs// ma lus bdag gi zhal mthong ba'o// dbang sgyur mchog nyid dam pa yin// dkyil 'khor la gnas dkyil 'khor nyid// rdzogs pa'i dkyil 'khor lhun gyis grub// rgyan du dkyil 'khor ma lus rdzogs// rdzogs pa'i dkyil 'khor mnyam
- 357a
sbyor ba// thugs kyi dkyil 'khor thugs kyis 'byung // phyogs dus dkyil 'khor 'dus pa'i mgon// sgyu ma'i dkyil 'khor mnyam sbyor ba// bya byed med pa'i dkyil 'khor spyod// ye shes rdzogs pa'i dkyil 'khor la// thos bsam bsgom la mnyam sbyor gyis// rang byung kun dam lhun gyis grub// 'di ni sangs rgyas thams cad kyis// 'da' bar mi mdzad dam tshig mchog/ gang zhig 'di la mos gyur na// sangs rgyas dkyil 'khor thams cad kyis// phyogs dus kun nas thams cad du// dkyil 'khor ma lus mnyes pa yis// nye ba'i sras su dgongs par 'gyur// gsang ba'i ye shes bsgom pa'i gnas// mkha' dbyings dang po dbyings nyi zla// ye shes rgyal po yab yum bsgom// gang zhig glang chen myos 'dra'i sems// mnyam par bzhag pas btul nas su// sngags dang phyag rgya rab brtan na/ dngos grub ya mtshan chen por 'gyur// ting nge 'dzin las langs nas su// spyod lam rnam par dag par gnas// snang ba'i dngos po so sor ni// lha yi dkyil 'khor shin tu bsgom// yang na sgyu ma la sogs tshul// zas la sogs pa bza' ba ni// rgyal ba'i byin rlabs mngon sum nas// bdud rtsi lngar ni byin brlabs te// lce yi dbang po rab sbyangs nas// ye shes dkyil 'khor thugs kar bkod// rgyal ba'i tshogs
- 357b
rnams tshims par byas// dam tshig nyams pa tshul bzhin bshags// yang na rgyal ba'i dkyil 'khor gyis// byin rlabs kyi ni rnam par bya// sems can thams cad mthong ba na// snying rje byams pa'i sems bskyed de// sangs rgyas nyid du bya'o zhes// smon pa'i sems ni khyad par can// blo can rnams kyis rtag tu bya// de ltar dus bzhi nyin mtshan du// rnal 'byor tshul la gnas pa yin// zhes gsungs so// rdzogs rim bstan pa'i le'u ste bcu bzhi pa'o// // bud+d+ha bzhi bcu rtsa gnyis bsgrub pa'i skabs te gnyis pa'o// de nas spyi dpal kun tu bzang po la// rigs lnga'i sangs rgyas la sogs pa rnams kyis 'di skad ces gsol to// e ma spyi dpal kun tu bzang // rigs lnga'i sgrub thabs bshad du gsol// de skad gsol pa gsan nas kyang // spyi dpal chen pos bka' stsal pa// nyon cig 'dus pa'i tshogs chen rnams// rigs lnga'i rigs 'dzin bsgrub 'dod na// dben par maN+Dal byi dor bya// bdud rtsi lnga yis chag chag gdab/ oM hUM swA AM hA/ dpa' bo 'bru lnga'i dmigs rten dgod// yang na rdul tshon dkyil 'khor bzhengs// 'khor lo rtsibs bzhi gru chad dang // sgo bzhi sgo khyud rgyan bcas bri// dang po byang chub sems bskyed de// bdag dang sems can thams cad kyang // byang chub snying po'i rgyu yin yang // rtog pas
- 358a
bsgribs pas 'khor bar 'khyams// rigs lnga'i dngos grub thob bya'i phyir// rdzogs pa'i byang chub sems bskyed do// de nas de bzhin nyid bsgom pa// chos rnams mi dmigs gdod nas dag/ stong zhing bdag med bsgom par bya// de nas kun snang ting nge 'dzin// gong gi don de ma rtogs la// khyab pa'i snying rje chen po bsgom// de nas rgyu yi ting nge 'dzin// rang sems dri med a dkar las// e yaM baM suM laM raM las// 'byung ba lnga yi mkha' dkyil du// rin po che yi ri rab brtseg/ de steng b+h+rUM las 'phro 'dus pas// kha dog sna lnga'i 'od phung las// rin chen sna lnga'i gzhal yas khang // 'bar ba'i 'khor lo bas bzhi mdzes// ye shes bzhi yi gru chad la// tshad med bzhi yi sgo yis mdzes// rnam thar brgyad kyi rta babs la// chos kyi dbyings kyi 'khor yug byas// phyi nang med pa'i gzhal yas bsgom// de dbus glang chen shar seng ge/ lho ru rta mchog nub rma bya// byang du shang shang khri brtsegs steng // nyi zla pad+ma'i gdan steng la// dbus kyi gdan steng a dkar bsam// 'phro 'dus don byas 'khor lor gyur// de las rnam par snang mdzad bskyed// yum du sangs rgyas spyan ma bsgom// yab yum gnyis ka sku mdog dkar// phyag na 'khor lo 'dzin pa la// zhabs gnyis mnyam pa'i skyil krung bzhugs// rgyan dang chas kyis sku la
- 358b
brgyan// yab yum gnyis su med par bsgom// yab yum gnyis kyi thugs ka nas// rigs bzhi sangs rgyas bskyed pa ni// shar du seng ge'i khri steng du// yab kyi thugs nas hUM 'phros pas// don gnyis byas nas rdo rjer gyur// de las rdo rje sems dpa' ni// sku mdog mthing ga 'bar ba la// zhal gcig phyag gnyis zhabs gnyis bzhugs// g.yas pa rdo rje thugs kar 'dzin// g.yon pa dril bu dkur brten pa'o// yum gyi thugs nas mAM 'phros pas// kun tu bzang mo yab dang mthun// lho phyogs rta yi khri steng du// yab kyi thugs nas sna 'phros pas// don gnyis byas nas rin chen 'bar// de las rin chen 'byung ldan ni// sku mdog ser po 'bar ba la// zhal gcig phyag gnyis zhabs gnyis bzhugs// phyag g.yas rin chen thugs kar 'dzin// g.yon pa dril bu dkur brten pa'o// yum gyi thugs las lAM 'phros pas// gos dkar mo ni yab dang mthun// nub phyogs rma bya'i khri steng du// yab kyi zugs nas AM 'phros pas// don gnyis byas nas pad+mar gyur// de las snang ba mtha' yas ni// zhal gcig phyag gnyis skra mdog dmar// zhabs gnyis mnyam pa'i skyil krung bzhugs// g.yas pas pad+ma thugs kar 'dzin// g.yon pa dril bu dku la brten// yum gyi thugs nas pAM 'phros pas// mA ma kI ni yab dang mthun// byang
- 359a
phyogs shang shang khri steng du// yab kyi thugs nas hA 'phros pas// de las don yod grub pa ni// zhal gcig phyag gnyis sku mdog ldang // zhabs gnyis mnyam pa'i skyil krung bzhugs// g.yas pas ral gri thugs kar 'dzin// g.yon pa dril bu dku la brten// yum gyi thugs nas tAM 'phros pas// dam tshig sgrol ma yab dang mthun// de ltar rigs lnga yab yum ni// mnyen lcug 'khril ldem gzhon tshul che// gsal 'tsher lhun sdug gzi byin 'bar// dbu rgyan phyag rgyan zhabs rgyan ldan// snang la rang bzhin med pa ni// me long nang gi gzugs brnyan nam// rnam mkha'i 'ja' tshon ji bzhin no// de ltar dam tshig bskyed byas nas// ye shes dkyil 'khor spyan drang ngo // gnyis su med par bstim byas nas// mnyes pa'i tshul gyis phyag 'tshal la// phyi nang gsang ba'i mchod pas mchod// bstod cing dngos grub gsol ba btab// gnyis su med pa'i bsnyen pa dbul// oM hUM swA AM hA/ lAM mAM pA mAM taM/ rigs lnga so so'i thugs ka ru// nyi zla ga'u kha sbyar te// so so'i yig 'bru gsal byas bzlas// phyogs bcu'i bde gshegs sku gsung thugs// yon tan phrin las dkyil 'khor mnyes// khams gsum sems can thams cad kyi// dug lnga spangs nas rigs lngar gyur// 'gro drug lam lnga'i sdug bsngal spang // sku lnga ye shes thob par
- 359b
bsgom// zhes gsungs so// de nyid rigs lnga phyi ltar sgrub pa'i le'u ste bco lnga pa'o// // de nas yang dag nges gsungs pa// de nyid rigs lnga'i nang sgrub ni// bde gshegs thams cad rigs lngar 'dus// rigs lnga bdag nyid phung po yi// khams dang skye mched 'byung lnga las// logs nas btsal zhing bsgrub tu med// rang nyid ye nas rigs lnga yin// gzugs kyi phung po de bzhin rigs// rnam shes phung po rdo rje'i rigs// tshor ba'i phung po rin chen rigs// 'du shes phung po pad+ma'i rigs// 'du byed phung po las kyi rigs// sha ni de bzhin gshegs pa'i rigs// rus pa rdo rje'i rigs yin te// drod ni rin po che yi rigs// khrag ni pad+ma rigs kyi yum// dbugs ni las kyi rigs kyi yum// kha dog dkar po de bzhin rigs// kha dog sngon po rdo rje'i rigs// kha dog ser po rin chen rigs// kha dog dmar po pad+ma'i rigs// kha dog ljang gu las kyi rigs// sa ni de bzhin rigs kyi yum// nam mkha' rdo rje rigs kyi yum// me ni rin chen rigs kyi yum// chu ni pad+ma rigs kyi yum// rlung ni las kyi rigs kyi yum// lus ni rnam shes de bzhin rigs// yid kyi rnam shes rdo rje'i rigs// mig ni rnam shes rin chen rigs// sna yi rnam shes pad+ma'i rigs// rna ba'i rnam shes las kyi rigs// lus kyi dbang po de bzhin rigs kyi
- 360a
yum// yid kyi dbang po rdo rje rigs kyi yum// mig gi dbang po rin chen rigs kyi yum// sna yi dbang po pad+ma rigs kyi yum/ rna ba'i dbang po las kyi rigs kyi yum// gti mug de bzhin gshegs pa'i rigs// zhe sdang rdo rje'i rigs su bshad// nga rgyal rin po che yi rigs// 'dod chags pad+ma'i rigs yin no// phrag dog las kyi rigs yin no// zhe sdang yul ni rdo rje'i yum// gti mug yul ni de bzhin yum// nga rgyal yul ni rin chen yum// 'dod chags yul ni pad+ma'i yum// phrag dog yul ni las kyi yum// phung po lnga dang 'byung ba chen po lnga// kha dog lnga dang yul lnga dbang po lnga// rnam shes lnga dang dug lnga ye shes lnga// gti mug rnam dag chos dbyings ye shes yin// de bzhin rigs kyi ngang du sangs rgyas so// zhe sdang rnam dag me long ye shes yin// rdo rje'i rigs kyi ngang du sangs rgyas so// nga rgyal rnam dag mnyam nyid ye shes yin// rin chen rigs kyi ngang du sangs rgyas so// 'dod chags rnam dag kun rtog ye shes yin// pad+ma'i rigs kyi ngang du sangs rgyas so// phrag dog ma spangs nan tan ye shes yin// las kyi rigs kyi ngang du sangs rgyas so// zhes gsungs so// rigs lnga nang sgrub kyi le'u ste bcu drug pa'o// // de nas yang dag nges gsungs pa// gsang sngags zab mo'i man ngag 'di// thabs lam zab
- 360b
mo'i sgo nas bsgrub// nyon mongs dug lnga lam du slong // gti mug de bzhin gshegs pa'i rigs// chos kyi dbyings kyi ye shes yin// zhe sdang rdo rje'i rigs yin te// me long lta bu'i ye shes yin// nga rgyal rin chen rigs yin te// mnyam pa nyid kyi ye shes so// 'dod chags pad+ma'i rigs yin te// so sor tog pa'i ye shes so// phrag dog las kyi rigs yin te// bya ba nan tan ye shes so// gti mug phra rags ci skyes kyang // gti mug mtshan nyid btsal bar bya// gti mug mtshan nyid ma grub pas// gti mug skye ba'i yul btsal bas// yul yang ma grub stong par 'dug/ de ltar rtogs shing shes tsam na// gti mug ma spangs de bzhin rigs// chos dbyings ye shes thob pa'o// zhe sdang phra rags ci skyes kyang // zhe sdang rang bzhin btsal bar bya// zhe sdang rang bzhin ma grub ste// zhe sdang skyes pa'i yul btsal bas// yul yang ma grub stong par 'dug/ de ltar rtogs shing shes tsam na// zhe sdang ma spangs rdo rje'i rigs// me long ye shes thob pa'o// nga rgyal phra rags ci skyes kyang // nga rgyal rang bzhin btsal bar bya// nga rgyal rang bzhin ma grub ste// nga rgyal skye ba'i yul btsal bas// yul yang ma grub stong par 'dug/ de ltar rtogs shing shes tsam na// nga rgyal ma spangs rin chen rigs// mnyam nyid ye shes thob pa'o// 'dod chags phra rags skyes tsam
- 361a
na// 'dod chags rang bzhin btsal bar bya// 'dod chags rang bzhin ma grub ste// 'dod chags yul yang stong par 'dug/ de ltar shes shing rtogs tsam na// 'dod chags ma spangs pad+ma'i rigs// kun rtogs ye shes thob pa'o// phrag dog phra rags ci skyes kyang // phrag dog rang bzhin btsal bar bya// phrag dog rang bzhin ma grub pas// phrag dog yul yang stong par 'dug/ de ltar rtogs shing brtan tsam na// phrag dog ma spangs las kyi rigs// bya ba nan tan ye shes thob// gti mug spangs na de bzhin rigs mchog spang // de bzhin ris spangs chos dbyings ye shes med// zhe sdang spangs na rdo rje rigs mchog spang // rdo rje rigs spangs me long ye shes med// nga rgyal spangs na rin chen rigs mchog spang // rin chen rigs spangs mnyam nyid ye shes med// 'dod chags spangs na pad+ma rigs mchog spang // pad+ma rigs spangs kun rtog ye shes med// phrag dog spangs na las kyi rigs mchog spang // las kyi rigs spangs nan tan ye shes med// dug lnga spangs na rigs lnga'i sku lnga med// rigs kyi sku lnga spangs pas sangs rgyas gdung rgyud bcad// grub par mi 'gyur dub pa'i skal bar 'gyur// dug lnga bsgrub na 'bras bu ye shes lnga// gti mug ma bkag ye shes klong gi lam// zhe sdang ma spangs ye shes rtogs
- 361b
pa'i lam// nga rgyal ma bkag ma nor rang gi lam// 'dod chags ma bkag chos kyi dbyings kyi lam// phrag dog ma spangs gnyis su med pa'i ngang // nyon mongs dug lnga ye shes lnga yi lam// de yang stong pa bde ba chen po lnga// 'bras bu skye med ngang du ma spangs lhun gyis grub// dug lnga rin chen dgos 'dod 'byung ba yin// zhes gsungs so// rigs lnga'i gsang bsgrub kyi le'u ste bcu bdun pa'o// // de nyid rigs lnga bsgrub pa'i skabs te gsum pa'o// de nas spyi dpal kun tu bzang po la// rigs lnga'i sangs rgyas la sogs pas zhus pa// e ma spyi dpal kun tu bzang // gsang chen rigs gcig ji ltar bsgrub// de skad gsol ba gsan nas kyang // spyi dpal chen pos bka' stsal pa// nyon cig 'dus pa'i tshogs chen rnams// sku gsung thugs kyi sgrub thabs 'di// khyad par mi mthun bye brag rnams// rang bzhin gcig la gsum tshang ba// rdo rje sems dpa' nyid du 'dus// rdo rje sems dpa' bsgrub 'dod na// dben zhing nyams dga'i gnas dag tu// maN+Dal byi dor byas nas ni// shel ltar gsal ba'i hUM bris la// dmigs pa'i rten du gzhag par bya// dang po de bzhin nyid ting 'dzin// cir yang mi rtog mi sems bsgom// de nas kun snang ting nge 'dzin// yongs la khyab pa'i snying rje bsgom// de nas rgyu yi ting nge
- 362a
'dzin// rang sems hUM du gsal bar bsgom// de las 'od 'phros bde gshegs mchod// sku gsung thugs la mchod pa phul// khams gsum sems can rtog sgrib sbyangs// tshur 'dus 'od du zhu ba las// dngul dkar rdo rje rtse dgur gyur// de la 'od 'phros zhu ba las// bdag nyid rdo rje sems dpar gyur// sku mdog dngul dkar lta bu la// zhal gcig pa la phyag gnyis pa// g.yas pa rdo rje thugs kar 'dzin// g.yon pa dril bu dku la brten// glang chen bsnol ba'i khri steng na// nyi zla pad+ma'i gdan steng na// rgyan rnams kun gyis brgyan par bsgom// mnyen lcug 'khril ldem gzhon tshul che// gsal 'tsher lhun sdug gzi brjid 'bar// de lta bu yi skur bsgoms te// spyi bor 'khor lo'i rtsibs steng du// oM dkar shel ltar 'tsher ba bsgom// mgrin par pad+ma 'dab bzhi'i steng // AHdmar dmar la drangs par bsgom// snying gar rdo rje rgya gram steng // mthing nag hUM gcig bsam par bya// de lta bu yi sgra de ni// 'dod chags can gyi 'jug sgo ste// zhi ba'i sgo nas 'jug pa'o// khro bo'i sgo nas 'jug pa ni// sku mdog mthing nag 'bar ba la// zhal gcig phyag gnyis zhabs gnyis bgrad// g.yas pa rdo rje thugs kar 'dzin// g.yon pa dril bu dku la brten// stag gi sham thabs sbrul gyis brgyan// glang chen ko rlon zhing
- 362b
lpags gsol// ming ni badz+ra he ru ka/ rdo rje khro bo zhes kyang bya// rdo rje dgyes pa zhes kyang bya// khro rngams gshe gtum 'bar ba'i gzugs// bskal pa'i me dpung klong na bzhugs// dus mtha'i me ltar bzod par dka'// 'od zer nyi ma 'bum gyi gzi// khro gnyer glog stong 'gyu ba brjid// thug choms ri rab 'bum snyil skad// skyugs pa'i 'thor rlung g.yeng ba che// de lta bu yi khro bo la// sku gsung thugs kyi yi ge dgod// zhe sdang can gyi 'jug sgo ste// khro tshul can gyi sku ru bsgom// sangs rgyas thams cad rigs brgyar 'dus// rigs brgya bsdus pas rigs lngar 'dus// rigs lnga rdo rje'i rigs su 'dus// rgyal ba rigs lnga la sogs pa// thabs kyi phyag rgya ma lus kun// chos sku rdo rjer ro gcig pas// ji ltar snang ba de ltar yin// de ltar rgyal ba gcig bsgoms pas// gcig nyid med la kun gyi ngang // rnal 'byor rig pa 'di ldan na// bde gshegs ma bsgoms gang yang med// ces gsungs so// gsang chen rigs gcig bsgrub pa'i le'u ste bco brgyad pa'o// // de nas yang dag nges gsungs pa// sku gsung thugs kyi sgrub thabs 'di// khyad par mi mthun bye brag rnams// rang bzhin gcig la gsum tshang ba// rdo rje sems dpa' nyid du 'dus// skye med shes rab dbyings kyi ngang // mi 'gyur mi shigs rdo rje'i don// 'gro don
- 363a
rdo rje sems dpar bzhad// chos rnams thams cad 'gro ba mtha' dag ni// sgra med don dam dbyings su ra gcig pas// de cad dus gsum rgyal ba'i chas cad de// kun tu bzang ba rje sems dpa'i ngang // de lta bu yi lha de ni// rang rig ye shes 'du 'bral med// rdo rje sems dpa'i rang bzhin yin// zhes gsungs so// rdo rje sems dpa'i rang bzhin bstan pa'i le'u ste bcu dgu pa'o// // de nas yang dag nges gsungs pa// oM ni bde gshegs kun gyi sgra// a ni bde gshegs kun gyi gsung // hA ni bde gshegs kun gyi thugs// mo ni khams gsum sems can lus/ ni khams gsum sems can dag/ hUM ni khams gsum sems can yid// oM gyis lus kyi sgrib pa sbyang // A~M gis ngag gi sgrib pa sbyang // hUM gis yid kyi sgrib pa sbyang // oM gyis sku yi dngos grub thob// gis gsung gi dngos grub thob// hUM gis thugs kyi dngos grub thob// ces gsungs so// gsang chen rigs gcig yig 'bru gsum gyi le'u ste nyi shu pa'o// // gsang chen rigs gcig bsgrub pa'i sku sa te gsum pa'o// // de nas bde bar gshegs pa thams cad thugs zhi ba mnyam pa nyid la gnas pa las/ de'i tshe de'i dus na bdud ma traM ka ru tra zhes bya ba de bdag tu rmongs pa dang / rtag pa la
- 363b
mngon par zhen pa'i dbang gis/ yang dag pa'i lam dang bral nas/ gab pa'i gsang ba dag ma rtogs par/ sbas pa'i gsang ba la mngon par 'chel nas/ rgyu dang 'bras bu la rmongs te/ srid pa'i sa bon rtsub mor gyur nas/ rab tu tsha ba'i dmyal bar skyes so// tsha ba'i sdug bsngal gyis gdungs nas/ shin tu grang ba'i dmyal bar skyes so// tsha ba dang grang ba'i 'jig rten gyi khams brgyud cing / bskal pa stong phrag bcu gnyis su nyams su myong ngo / de nas bdud ma traM ka ru tra des/ yan lag sna tshogs pa dang / gdug pa'i lag cha sna tshogs pa dang / nad bzhi brgya rtsa bzhis 'debs par byed pa'i lha'i rigs dang / lha ma yin/ tshangs pa dang / 'bras bu che ba man chad dbang du bsdus so// de lta bu'i gdug pa can de/ bde bar gshegs pa thams cad kyis mkhyen pas gzigs nas/ thugs rje'i byin rlabs sam/ bde ba gshegs pa thams cad kyi dgongs pa'i byin rlabs kyis/ bcom ldan 'das dpal che mchog he ru ka/ sku smug nag 'bar ba la/ dbu nyi shu rtsa gcig/ phyag bzhi bcu rtsa gnyis na zhi ba bzhi bcu rtsa gnyis bsnams pa/ dur khrod kyi rgyan gyis 'jigs par brgyan nas/ sku shin tu 'jigs pa'i cha lugs su bstan nas/ yum khro mo gnam zhal ma zhes bya ba/ dbu dgu phyag bco brgyad pa/ g.yas dang po rdo rje 'og ma na go rI ma
- 364a
brgyad/ g.yon dang po b+har+Na dmar gyis bkang ba/ 'og ma na pra men ma brgyad/ dur khrod kyi chas kyis brgyan pa/ shin tu gtsol 'dud par gyur te/ yab yum gnyis su med pa'i sbyor ba las/ bopo 'chol ba sna tshogs spros te/ stong khams khro bos bkang nas/ bdud ma traM ka ru tra la sogs pa'i dregs pa thams cad btul zhing bsgral te/ khog pa dur khrod kyi gzhal yas khang du gyur to// dkyil 'khor dgu pa 'khor lo rtsibs bzhi/ bar khyams gru chad sgo bzhi/ lcags rir bcas pa/ phyogs bzhi mtshams bzhi/ dbus dang bcas pa/ gzhal yas khang du grub pa'o// dkyil 'khor bzhi'i phyi rol yang / phyi khams sgo bzhi sgo rgyan dang bcas par gyur to// de'i phyi rim rak+ta khrag gi rgya mtsho 'khor yug gi phyi la rdo rje'i ra ba dang / me ri me dpung gi 'khor yug dang ldan par gyur to// de lta bu'i gzhal yas khang de yang phyi thod pa rnam gsum gyi brtsig pa/ nang dur khrod kyi rgyan sna tshogs kyis brgyan pa phyi rol na dur khrod kyi gnas brgyad yod pa/ de lta bu'i dur khrod kyi gzhal yas khang de'i dbus su yab che mchog he ru ka dang / yum khro mo gnam zhal ma gnyis gnas pa las yab yum gnyis kyi sku gsung thugs yon tan phrin las kyi sprul pa las/ shar du thugs kyi sprul pa badz+ra he ru ka dang / lhor sku'i sprul pa gshin rje gshed po dang / nub tu
- 364b
gsung gi sprul pa pad+ma dbang gi rgyal po dang / byang du phrin las kyi sprul pa rdo rje gzhon nu dang / shar lhor yon tan gyi sprul pa bla med he ru ka dang / nub byang du 'jigs pa'i stobs las sprul pa dregs pa kun 'dul dang / byang shar du brjid pa'i stobs kyi sprul pa stobs ldan nag po dang / lho nub tu rig 'dzin rdo rje'i tshogs bsam gyis mi khyab pa rnams kyang dus gcig tu lhags so// de dag thams cad kyang so so'i btsun mo'i 'khor du bcas pas 'khod de// rang gi 'khor rnams dang lhan cig tu gnas so// de ltar khro bo'i dkyil 'khor bsam gyis mi khyab par sprul to// khro bo mngon byung gi le'u ste nyi shu rtsa gcig pa'o// // de nas khro bo'i 'khor tshogs rnams kyis/ dpal chen po la phyag dang bskor ba byas te zhus pa/ e ma spyi dpal he ru ka/ khro tshogs kun gyi rje btsan po// shin tu khro zhing gtum pa yi// gdug byed log lha'i ru tra rnams// zhi bas phan par mi 'gyur te/ sangs rgyas thugs rje khros pa yis// 'khor ba'i gnas nas ji ltar 'dul// de skad gsol pa gsan nas kyang // spyi dpal chen pos bka' stsal pa// nyon cig 'dus pa'i tshogs chen rnams// dregs pas khengs pa'i ru dra rnams// zhi bas thul bar ma gyur pas// sangs rgyas thugs rje khros pa ni// thams cad 'jigs pa'i mchog yin/
- 365a
te// 'jigs byed chen po'i dkyil 'khor du// bka' bzhin bskyed la bsgrub bya'o// dang po khro bo bsgrub pa'i gnas// dur khrod chen po rab 'jigs la// gdug pa'i lha srin 'du ba'am// gcan gzan 'dab chags khros pa'i sa// gnam sa gru gsum sar gnas pa// rab tu 'jigs pa'i gnas chen der// gnas kyi bdag po mchod pa'i phyir// gtor ma gtang zhing glud kyang sbyin// bden pa bdar zhing bka' yang bsgo// sa sbyangs bka' sgrogs bsod nams bsags// phyi mtshams gcad cing dam sri mnan// sgo byang gdags shing dkyil 'khor brtsig/ bdud rtsi lnga yi chag chag gdab// ba su ta yi thag pa yis// dkyil 'khor dgu yi thig tu gdab// kun kyang 'khor lo rtsibs bzhi la// gru chad par khyams sgo bzhi ldan// kun kyang lcags ri ldan pa bri// de rnams phyi khyams dkyil 'khor la// sgo bzhi sgo rgyan rta babs ldan// 'dod yon rin chen pha gu dang / dra ba dra phyed 'khor yug dang // 'bar phreng rdor phreng ldan par bri// de yang dur khrod tshon rtsi'am// yang na sa tshon lnga la bya// dbus rnams mthing nag gru gsum la// zla gam dmar po gsum gyis mdzes// phyi rim ldang la 'od zer 'phro// 'khor lo rtsibs bzhi phyogs kyis dbye/ shar dkar lho ser nub dmar byang ldang // mu khyud thod phreng dkar por bya// gru chad ldang la bar
- 365b
'thams phyogs// bani rigs la brtsig pa lnga// kye moM lcags ri nag pa'o// dkyil 'bar dgu ka de bzhin za// h+yaM khams phyogs la grwa ban rigs// brtseg pa mthing dkar mer dmar ldang // 'dod can thams dmar pa gu mar// dra ba dra byed mthing la mda' yab ldang // sgo khyud rta babs mdzes pa'i tshan// phyi rol rak+ta'i rgya mtsho dmar// rdo rje'i ra ba mthing nag la// me ri'i phreng ba dam mer ro// de sar dkyil 'khor bris nas ni// nang chen bla ro'i gur yang dbub// ba sra nya ma phreng bas bskor// mda' bzhi ma long dar sna ba'i// ral gri bzhi dang thar pa bzhi// dkyil 'khor rgyan du dgram par bya// thacwa dag dang mar ze dgra/ thar pa dgu la sogs pa dgram// 'jigs byed chen po'i dkyil 'bar yin// zhes gsungs so// tsha ba rol pa'i sgrub thabs kyi rdul chen gyi dkyil 'khor gyi len hUM nyi bu rtsa gci pal// / de nas yang dag nges gsungs pa// phrin las thams su blang ba ni// dang po mtshams bcad bgegs bskrad la// phyogs mtshams 'jig rten lha ru gsal// brda' sgo dbye zhing brdal rgya 'tshal// dam bca' byin dbab bshags pa bya// mchod rdzas byin gyis brlabs shing dbul// de nas ting 'dzin rim pa bzhin// dang po de bzhin nyid bsgom pa// chos rnams sems kyi rang bzhin te// gdod
- 366a
nas ma skyes stong par bsgom// kun tu snang ba'i ting nge 'dzin// khyab pa'i snying rje sems can don// yongs la khyab par bsgom par bya// de nas rgyu yi ting nge 'dzin// ye shes sems dpa' tshon gang ba// thugs kar hUM dang ldan par bsgom// de las raM yaM khaM gsum gyis// dngos dang mtshan ma bsreg gtor bkrus// mthing nag e yi nam mkha' la// rgya gram rlung gi 'khor lo chags// rak+ta khrag gi rgya mtshor 'khyil// zhing chen 'bar ba'i sa gzhir chags// 'byung ba drod snyoms me dpung 'bar// keng rus chen po'i ri rab brtsig/ smug nag b+haM gyi 'phro 'du las// dur khrod chen po'i gzhal yas khang // pho brang dkyil 'khor dgu pa la// kun kyang 'khor lo rtsibs bzhir mdzes// gru chad khyams dang sgo bzhir ldan// phyi khyams sgo dang sgo khyud dang // mu khyud rdo rje 'bar phreng dang // dur khrod rgyan dang chas kyis brgyan// phyi nang med par gsal ba yi// ye shes lhun grub gzhal yas bsgom// de dbus byol song gtso brgyad khrir// ye shes sems dpa' babs pa las// spro bsdu'i cho ga gsum sbyor bas// che mchog he ru'i skur gsal bskyed// sku mdog smug nag 'bar ba la// dbu ni nyi shu rtsa gcig la// phyag ni bzhi bcu rtsa gnyis gdengs// phyag na bud+d+ha bzhi bcu gnyis// zhabs brgyad bgrad pas gdan brgyad gnon// dur khrod 'jigs
- 366b
pa'i chas brgyad gsol// rngom brjid chen po'i sku ru bsgom// g.yon phyogs mAM gyi 'phros 'dus las// khro mo gnam zhal dbyings phyug ma// dbu dgu phyag kyang bco brgyad de// khams chen bco brgyad rtsad bcad nas// stong pa bco brgyad dbyings la sbyor// g.yas pa thabs mchog gtso la 'khyud// g.yon pa dung dmar gtso la stob// yab yum gnyis med sbyor byas te// yab kyi gsang ba'i rdo rje la// oM las rtse lnga phaT kyis mtshan// yum gyi gsang ba'i pad+ma la// paM las 'dab bzhi AM gis mtshan// gnyis med rol pa'i brdas bskul te// phyag rgya bzhi yi sbyor ba bya// byang chub sems kyi sprin spros pas// mkha' las khro bo 'chol pa spros/ hUM hUM hUM hUM/ bi shwa kro d+ha dza la maN+Da la ha la ha la phaT phaT/ 'jig rten drug gi phyogs mtshams nas// bdud dang dregs pa rA tra rnams// thugs rje tshad med kyis bsgral nas// ma sring chung ma mdza' mo rnams// bran du bsdus nas bka' nyan gyur// 'khor bcas ma lus dbang du bsdus// de nas khro bo'i sprin bsdus nas// phyogs bzhi mtshams bzhir 'dus pa las// so so'i rigs kyi gtso bor gsal// btsun mo khrag 'thung yum rnams kyang // so so'i sku la 'khril bar bsgom// de nas dbus kyi gtso bo ni// che mchog yab yum thugs ka nas// yi ge hUM gi 'phro 'du las// shar du rak+Sha he ru ka/ rak+Sha kro
- 367a
d+hi shwa rI yum// lho tu gu h+ya he ru ka/ gu h+ya kro d+hi shwa rI yum// nub tu bi shra he ru ka/ bi shwa kro d+hI shwa rI yum// byang du yak+ka he ru ka/ yak+kha kro d+hi shwa rI yum// dkyil 'khor bar khyams phyogs mtshams su// shar du dri za 'dul byed lha// lho ru gshin rje 'dul byed do// nub tu klu gdon 'dul byed la// byang du gnod sbyin 'dul byed do// shar lhor me lha 'dul byed la// lho nub srin po 'dul byed do// nub byang rlung lha 'dul byed la// byang shar dbang ldan 'dul byed do// steng phyogs lha gdon 'dul byed la// 'og phyogs sa bdag 'dul byed do// sgo bzhir mthar byed sgo ba bzhi// shar du pradz+nyAn+ta krita la// lho ru ya mAn+ta kr-i ta do// nub tu pad+man+ta krita la// byang du big+h+nAn+ta kr-ita do// phyi rim lcags ri nag po la// bka' srung ce spyang ma brgyad de// che mchog lha tshogs nyi shu bzhi// gtso 'khor bka' srung bcas pa bsgom// shar gyi dkyil 'khor chen po ru// gtso bo badz+ra he ru ka/ badz+ra kro d+hi shwa rI yum// yab yum gnyis kyi thugs ka nas// yi ge hUM gi 'phro 'du las// shar du bud+d+ha he ru ka/ bud+d+ha kro d+hi shwa rI yum// lho ru rat+na he ru ka/ rat+na kro d+hi shwa rI yum// nub tu pad+ma he ru ka/ pad+ma kro d+hI shwa rI yum// byang du karma he ru ka/ karma kro d+hi shwa rI yum// dkyil 'khor bar khyams phyogs mtshams su// shar du go rI sed+ha gnyis// lho ru tso rI byA g+h+r-i gnyis// nub tu
- 367b
pra mo sri la gnyis// byang du bi tA shwa na gnyis// shar lhor puk+ka gr-i D+ha gnyis// lho nub g+hasma kang+ka gnyis// nub byang sma sha kA ka gnyis// byang shar tsaN+Da u lha gnyis// dkyil 'khor sgo bzhir gdong mo bzhi// shar du rta gdong lcags kyu ma// lho sgor phag gdong zhags pa ma// nub tu sbrul gdong lcags sgrog ma// byang du sbyang gdong thal byed ma// phyi rim lcags ri nag po la// bka' srung srin mo nyi shu brgyad// gtso 'khor bka' srung bcas par bsgom// lho phyogs dkyil 'khor chen po ru// gtso bo 'jam dpal gshin rje gshed// sbyor yum za byed be tA lI// sgrol yum e ka tsa tI ma// yab yum gnyis med byin rlabs las// 'khor lo'i rtsibs la gshed chen bzhi// shar du ya ma rA dza dang // sbyor yum g.yu yi ral gcig ma// sgrol yum nam gru re ma ti// lho ru myos byed 'bar ba dang // sbyor yum gtum mo ser nag ma// sgrol yum khrag gi mnga' bdag mo// nub tu gshed chen ma ru tse// sbyor yum lha mo 'od zer ma// sgrol yum gling bzhi kun 'byams ma// byang du ral pa tshar dgu ma// sbyor yum nag mo re ma ti// sgrol yum srin mo mgo 'phyangs ma// dkyil 'khor bar khyams phyogs mtshams su// shar du kong rtse brag 'joms dang // yum du rdo rje ral gcig ma// lho ru gshin rje ya ba ti// yum du dred kyi ab sham mo// nub tu gshin rje rmig pa
- 368a
dang // yum du sgeg mo bus 'gro ma// byang du lha mchog dud ka la// yum du smug nag ral gcig ma// shar lhor a ba glang mgo dang // yum du drang srong dkar sgyu ma// lho nub gshin rje mig dmar la// yum du khrag gi ral gcig ma// nub byang gshin rje til pa dang // yum du rlung lha spyan gcig kyang gsum ma// byang shar chos kyi rgyal po dang // yum ni spyan gsum mche gtsigs ma'o// steng du gshin rje nag 'joms dang // yum du shel gyi gdong dgu ma'o// steng du gshin rje phya sang la// yum du shel mig khro mo'o// 'og tu gshin rje dmar po ste// yum du nag mo ral gcig ma'o// 'og tu gshin rje thod dbyug dang // yum du dmar mo mgo dgu ma// sgo bzhir gshin rje'i sgo ba bzhi// shar du dung gi bya rgod mgo/ lho ru nag po stag gi mgo/ nub tu bse yi kang ka'i mgo/ byang du lcags kyi spyang ka'i mgo/ phyi yi lcags ri nag po la// ging bdud ma mo shan pa gnas// gtso dang 'khor du bcas pa bsgom// nub kyi phyogs kyi dkyil 'khor du// dbus su khro rgyal dbang chen po// yum du sgeg mo ral gcig ma// g.yas su las kyi rgyal po la// g.yon du las kyi rgyal mo'o// dkyil 'khor 'khor lo'i rtsibs bzhi la// shar du ye shes zil gnon la// yum du khro mo mi pham ma'o// lho ru las kyi khro bo zil gnon la// yum du rdo rje khro gnyer
- 368b
ma'o// nub tu ye shes ma mo zil gnon dang // yum du rdo rje spyan gcig ma'o// byang du khyud chen zil gnon dang // yum du rdo rje ro langs ma'o// dkyil 'khor phyi khyams phyogs bzhi ru// shar du pho rgyud zil gnon dang // yum du rdo rje las byed ma'o// lho ru mo rgyud zil gnon dang // yum du gshin rje las byed ma'o// nub tu klu rnams zil gnon dang // yum du klu mo las byed ma'o// byang du gza' rnams zil gnon dang // yum du gnod sbyin las byed ma'o// phyogs bzhi sgo bzhir sgo ma bzhi// shar sgor rdo rje lcags kyu ma// lho sgor rdo rje zhags pa ma// nub sgo rdo rje lcags sgrog ma// byang sgor rdo rje dril bu ma// phyi yi lcags ri nag po la// kham brgya dmus long khyi spyang dang // pho nya la sogs bka' srung dgod// pad+ma gsung gi lha tshogs rnams// gtso dang 'khor du bcas pa bsgom// byang phyogs dkyil 'khor chen po ru// dpal chen rdo rje gzhon nu dang // yum mchog 'khor lo rgyas 'debs ma// yab yum gnyis kyi byin rlabs las// dkyil 'khor 'khor lo'i rtsibs bzhi la// shar du bud+d+ha kI la ya// lho ru rat+na kI ya la// nub tu pad+ma kI la ya// byang du karma kI la ya// dkyil 'khor bar mtshams phyogs mtshams su// shar du rnam par rgyal ba dang // yum du rdo rje snyem ma'o// phra men stag dang bya rgod mgo/ lho ru gshin rje gshed po dang // yum du
- 369a
dur khrod bdag mo'o// sprul pa sha ba 'ug pa'i mgo/ nub tu khro bo rta mgrin dang // yum du rdo rje gtum ma'o// sprul pa byi la pu shud mgo/ byang du bdud rtsi 'khyil pa dang // yum du rdo rje rlu 'byin ma'o// sprul pa seng ge pha wang mgo/ shar lhor dbyug pa sngon po dang // yum du rdo rje sder mo'o// sprul pa g.yag dang bya rog mgo/ lho nub mi g.yo mgon po dang // yum du rdo rje gtun khung ma// sprul pa gzi dang khwa yi mgo/ nub byang gzhan gyis mi thub dang // yum du rdo rje mda' snyem ma// sprul pa sbyang ki khra yi mgo/ byang shar khams gsum rnam rgyal dang // yum du rdo rje skyod byed ma// sprul pa dom dang sre mo'i mgo// steng phyogs khro bo hUM kA ra// yum du rdo rje sgra 'byin ma// sprul pa phag dang smrig bu'i mgo/ 'og phyogs khro bo stobs po che// yum du rdo rje gsod byed ma// sprul pa dred dang byi la'i mgo/ dkyil 'khor phyogs bzhir sgo ba bzhi// shar sgor pu shud mgo can la// lho ru s+ya ka'i mgo can no// nub tu srin bya'i mgo can dang // byang du khra yi mgo bo can// phyi yi lcags ri nag po la// bse mo bzhi dang re ti bzhi// shA na bzhi dang ging bdud bzhi// shan pa bzhi la sogs pa dgod// phur pa phrin las lha tshogs kyi// gtso dang 'khor du bcas pa bskyed// shar lho mtshams kyi dkyil 'khor du// gtso bo bla med he ru ka/ yum du nyi
- 369b
bzhi bde mchog ma// dkyil 'khor 'khor lo'i rtsibs bzhi la// shar du rtag pa'i rgyal mo rnam snang gsal// lho ru rtag pa'i rgyal mo 'od gsal 'bar// nub tu rtag pa'i rgyal mo gnyen gsal 'bar// byang du rtag pa'i rgyal mo yang gsal g.yos// g.yas su rtag pa'i rgyal mo bkrag gsal ma// g.yon du srid pa bde 'gro ma// mdun du nyi zla thod phreng ma// zla gam bzhi la khros ma bzhi// shar du nyi ma khros pa la// lho ru khrag 'thung khros pa'o// nub tu bdud rtsi khros pa la// byang du srid gsum khros pa'o// mtshams su dgyes sde chen mo bzhi// shar du dkar mo mig gcig ma// lho ru nag mo mche ba can// nub tu dmar mo dbang sdud ma// byang du ser mo tshe 'phel ma'o// gru chad bzhi la ma bzhi'o// shar lhor rgyan gyi rgyal mo dang // lho nub dbyings phyug chen mo la// nub byang bdag nyid chen mo ste// byang shar gcig pu chen mo'o// khyams la sman mo bskyed par bya// byang du srid pa chags byed ma// nub tu srid pa cha snyoms ma// lho ru 'dod khams gtso mo ste// shar du e ka dza TI ma// shar du gling bzhi spyi phud ma// lho ru rin chen srid 'degs ma// nub tu pad+ma gar dbang ma// byang du rdo rje gar dbang ngo // shar lhor har ting dkar mo la// lho nub dun ting nag mo'o// nub byang shan ting dmar mo la// byang shar grub ting ser mo'o// shar du dkar mo
- 370a
@mche gtsigs ma// lho ru nag mo kha 'byams ma// nub tu dmar mo mchu 'jib ma// byang du ser mo rkang ldag ma// shar du srin mo skam pa mo// shar du srin mo dri snom ma// lho ru srin mo phor thogs ma// lho ru srin mo skos byed ma// nub tu srin mo g.yang gzhi ma// nub tu srin mo za ba mo// byang du srin mo gsod byed ma// byang du srin mo za byed ma'o// dkyil 'khor phyogs bzhir sgo ma bzhi// shar du lha yi sring mo la// lho sgor gshen rje'i sring mo'o// nub sgor klu yi sring mo ste// byang sgor gnod sbyin sring mo'o// phyi yi lcags ri nag po la// yang gab bzhi dang sbas ma bzhi// gdong mo bzhi dang phung gsum ma// gsang ba'i ma gsum pho nya gsum// ro kha ma gsum bsgom par bya// ma mo rbod gtong lha tshogs kyi// gtso dang 'khor du bcas pa bsgom// nub byang mtshams kyi dkyil 'khor du// gtso bo dregs pa kun 'dul dang // yum du khams gsum spyi 'dul ma// yab yum thugs kyi sprul pa las// g.yas su dbang phyug chen po la// g.yon du u ma de bI'o// rtsibs bzhi dbang chen yab yum bzhi// shar du ya ma rA/ dang // yum du za byed nag mo'o// lho ru gshin rje brang dkar dang // yum du nag mo re ma ti// nub tu srin po glog phreng can// srin mo sbal mgo khrag mig ma'o// byang du yak+Sha nag po dang // gnod sbyin mon mo
- 370b
nag mo'o// steng du gza' bdud rA hu la// gnam sman thog gi bu yug ma'o// 'og tu klu bdud mgo dgu dang // klu mo yak+Sha nag mo'o// dkyil 'khor bar khyams phyogs mtshams su// shar stod nor bu bzang po la// shar dbus gnam the dkar po'o// shar smad spyi bdud gu ru ma tse// lho stod srid pa'i rgyal mo la// lho dbus e ka dza Ti ma// lho smad nag mo mgyogs byed ma'o// nub stod ban chen bdud 'dul la// nub dbus srog zan dmar po'o// nub smad btsan 'gong dmar po'o// byang stod bi nA ya ka la// byang dbus kA la nag po dang // byang smad nag po bkrag med do// sgo bzhir dbang chen sde bzhi ste// shar sgor srog bdag tshang pa la// lho sgor rgyal po be dkar ro// nub sgor sku lha gsang ba la// byang sgor mgon po nag po bsgom// phyi yi lcags ri nag po la// lha srin sde brgyad dmag tshogs bsgom// byang shar dkyil 'khor chen po ru// dbus su stobs ldan nag po la// yum du 'byung lnga'i bdag mo'o// yab yum thugs kyi sprul pa las// dkyil 'khor rtsibs bzhi'i phyogs bzhi ru// shar du 'chi bdag nag po dang // yum du 'chi bdag nag mo'o// lho ru mi yi kha rlangs can// yum du nag mo khrag 'dzag ma// nub tu srin po gsod byed dang // yum du srin mo gsod byed ma// byang du gang ba bzang po dang // yum du sha za ral gcig
- 371a
ma'o// dkyil 'khor bar khyams phyogs mtshams su// shar du ma hA de ba la// lho ru thar pa nag po'o// nub tu rmu rje btsan po la// byang du kA la nag po'o// steng du gza' bdud nag po rA tu la// 'og tu klu rgyal sog ma med// dkyil 'khor sgo bzhir bka' nyan bzhi// shar sgor li byin har legs la// lho sgor khu le lag dgu'o// nub sgor rdo rje legs pa la// byang du yam shud dmar po'o// lho nub mtshams kyi dkyil 'khor du// rig 'dzin dkyil 'khor bsgom pa ni// dbus su che mchog rig 'dzin la// shar du yang dag rig 'dzin no// lho ru 'jam dpal rig 'dzin la// nub tu pad+ma rig 'dzin la// byang du phur pa'i rig 'dzin no// dkyil 'khor bar khyams phyogs bzhi ru// shar du lhun grub rig 'dzin la// lho ru phyag rgya'i rig 'dzin no// nub tu tshe yi rig 'dzin la// byang du rigs kyi rig 'dzin no// sgo bzhir rdo rje slob dpon bzhi// shar du dam tshig dbang gi slob dpon la// lho ru man ngag lung gi slob dpon la// nub tu shes rab rgyud kyi slob dpon te// byang du nyams chag skong ba'i slob dpon no// phyi yi lcags ri nag po la// dpa' bo dpa' mo mkha' 'gro rnams// bka' srung dag tu 'khod pa'o// dkyil 'khor phyi yi bar khyams la// dbang phyug nyi shu rtsa brgyad dgod// shar du mi sring tshangs ma
- 371b
dang // 'khrug mo dmar mo zhes bya dang // 'jug srid gzhon nu ma rnams so// lho ru dmar mo dbang sdud ma// zhi ba be con srin mo dang // za ba mo rnams bskyed par byed// nub tu dga' ma ra ro ma// gcig pu ma dang yid 'phrog ma// grub pa mo dang rlung mo'o// byang du gsod byed me mo dang // phag mo dang ni rgan byed ma// sna chen mo dang chu lha mo// sgo bzhir dbang phyug sgo ma bzhi// shar sgor nag mo lcags kyu ma// lho/ sgor ra ru zhags pa ma// nub sgor bum sna lcags sgrog ma// byang sgor gsus 'dzin dril bu ma'o// phyi yi 'khor yug rgya mtsho la// mkha' 'gro chen mo sum cu rtsa gnyis dang // sa bdag sum cu rtsa gnyis dang // ging chen bco brgyad lang ka dang // ma bdun sring bzhi 'bar ma brgyad// pho nya drug cu rtsa bzhi dang // 'bum phrag yangs pa'i mkha' 'gro ma'o// de ltar lha tshogs thams cad ni// sku mdog phyag mtshan ldan par bsgom// bskyed dang mthar phyin bya ba'i phyir// so so'i rtsa ba'i sngags las bskyed// ces gsungs so// ting nge 'dzin gyi dkyil 'khor bstan pa'i le'u ste nyi shu rtsa gsum pa'o// // de nas yang dag nges gsungs pa// rang bzhin dkyil 'khor bsgrub pa ni// 'og min chos dbyings pho brang nas// pho brang ye shes dgur gnas pa// dam tshig dkyil 'khor chen po ru// rang bzhin gnas nas spyan drangs
- 372a
te// chos sku dmigs med ngang las ni// longs spyod rdzogs pa'i skur gnas nas// dam tshig dkyil 'khor gnas chen du// gnyis su med par brtan bzhugs la// dam tshig ye shes gnyis med bstim// mi g.yo brtan par bzhugs su gsol// ye shes dkyil 'khor brtan par bya// gnyis su med pa'i tshul gyis ni// gzhal yas so so'i sgo rtsayang bzhi nas// gnyis med dbyings su phyag kyang 'tshal// de nas mchod pa'i rim pa ni// phyag rgya gar gyi mchod pa dang // 'dod yon phyi yi mchod pa dang // dam rdzas nang gi mchod pa dang // bdud rtsi sman gyi mchod pa dang // rak+ta dmar gyi mchod pa dang // rmad byung gtor ma'i mchod pa dang // zab mo sbyor sgrol mchod pa rnams// dkyil 'khor dgu yi lha la mchod// bshags pa bya zhing bstod pa bya// gnyis su med pa'i bzlas pa bya/ oM badz+ra kro d+ha ma hA shrI he ru ka hUM phaT/ oM ru lu ru lu hUM b+h+yo hUM phaT/ oM a kro te ka ya mAn+ta ka ha na ma tha b+hany+dza hUM phaT/ oM pad+man+ta kr-ita badz+ra kro d+ha ha ya grI ba hUM phaT/ oM badz+ra kI li kI la ya sarba big+h+nAM baM hUM phaT/ oM gu h+ya dz+nyA na shrI he ru ka gu h+ya dz+nyA na kro d+hI shwa rI s+t+waM ma ma yo gi nI ru lu ru lu b+h+yo hUM phaT/ oM kA la rU pa hUM phaT/ oM badz+ra tsaN+Da sarba duSh+TAn hUM phaT/ oM badz+ra sarba duSh+TAn hUM phaT/ oM badz+ra gu ru sarba sid+d+hi hUM phaT/ dbus su spro bsdu byed pa'i tshe// che mchog lha tshogs thugs ka
- 372b
nas// sngags kyi 'od zer spro bsdu bya// shar du spro bsdu byed pa'i tshe// yang dag lha tshogs thugs ka nas// sngags kyi 'od zer spro bsdu bya// lho ru spro bsdu byed pa'i tshe// gshin rje'i lha tshogs thugs ka nas// sngags kyi 'od zer spro bsdu bya// nub tu spro bsdu byed pa'i tshe// dbang chen lha tshogs thugs kar bya// byang du spro bsdu byed pa'i tshe// phur pa'i lha tshogs thugs kar bya// shar lhor spro bsdu byed pa'i tshe// ma mo'i lha tshogs thugs kar bya// lho nub sgro bsdu byed pa'i tshe// rig 'dzin lha tshogs thugs kar bya// nub byang spro bsdu byed pa'i tshe// dregs 'dul lha tshogs thugs kar bya// byang shar spro bsdu byed pa'i tshe// stobs ldan nag po yab yum gyi// thugs kar sngags kyi spro bsdu bya// bsnyen bsgrub lo zla zhag sogs bsgrub// rtags dang mtshan ma byung ba dang // dngos grub rim gyis blang bar bya// dus bzhir tshogs dang gtor ma gtong // lhag ma gtong zhing brtan ma bskyong // dkyil 'khor bsdu zhing smon lam gdab// phrin las las kyi kha tshar rnams// gang 'dod bya ba bsgrub par gsungs// zhes gsungs so// rang bzhin gyi dkyil 'khor sgrub pa'i le'u ste nyi shu rtsa bzhi pa'o// khro bo'i dkyil 'khor gsum gyi skabs te bzhi pa'o// // de nas spyi dpal kun bzang he ru ka la/ 'khor gyi rig 'dzin rnams kyis zhus pa/ e ma
- 373a
tso s+thi dpal he ru ka/ gsang sngags zhi khro rgya mtsho yi// sngags kyi bye brag bshad du gsol// de skad gsol pa gsan nas kyang // spyi dpal chen pos bka' stsal pa// nyon cig 'dus pa'i 'khor tshogs rnams// rdo rje dbyings kyi lha tshogs kyi// sngags kyi rim pa bstan pa ni/ hUM hUM hUM badz+ra tsit+ta oM/ a a a/ badz+rI b+ha dra sa man+ta oM/ kun bzang yab yum rtsa ba'i sngags/ oM dzi na dzi ka hUM badz+ra d+h+ri ka/ swa rat+na d+h+ri ka/ aM a ro li ka/ ha pradz+nyA d+hi ka/ rigs lnga yab kyi rtsa ba'i sngags/ laM te shwa ra ti/ mAM d+ha tI shwa ra ti/ maM mo ha ra ti/ paM rA ga ti/ taM badz+ra ra ti/ rigs lnga'i yum lnga'i rtsa ba'i sngags so// k+Shi hi rA dza ya/ traM A gar b+ha ba ya/ hri pad+ma pra da ma/ dz+hi ku ru pA Ni hri/ me d+ha rA ya swA hA/ b+hI nis+tha ram b+ha ya swA hA/ hUM swa rA dza ya swA hA/ muM shrI aM rA gA ya swA hA/ sems dpa' brgyad kyi rtsa ba'i sngags/ hUM lA s+ya sa ma ya s+t+waM/ traM mA l+ye sa ma sa s+t+waM/ hri gI ra ti ra go ha/ a ni ra ti rA ga sa ma yA mi/ dzaHd+hU pe pra be sha/ hUM puSh+pe A be sha/ baM dI pa su gi ri/ ho g+han+d+he tsit+ta/ sems ma brgyad kyi rtsa ba'i sngags/ oM mu ne kr-i swA hA/ oM mu ne sr-i swA hA/ oM mu ne hUM trAM swA hA/ au su ne br-i swA hA/ oM mu ne k+ShaM swA hA/ oM mu ne ye swA hA/ thub pa drug gi rtsa ba'i sngags so// oM ya man ta kr-ita phaT/ oM pra dz+nyAn+ta kr-ita phaT/ oM pad+man+ta kr-ita phaT/ oM big+h+nAMn+ta kr-ita phaT/ oM ma hA badz+ra d+ha ra ma hA kro ti shwa rI dza
- 373b
la nI hUM phaT/ oM ma hA pad+ma d+ha ra ma hA kro tI shwa rI dza la nI hUM phaT/ oM pad+ma d+ha ra ma hA kro d+hi shwa rI dza la nI hUM phaT/ oM ma hA karma d+ha ra ma hA kro tI shwa rI dza la nI hUM phaT/ sgo ba yab yum sngags so// rdo rje dbyings kyi sngags kyi le'u ste nyi shu rtsa lnga pa'o// // che mchog yon tan gyi lha tshogs kyi sngags bshad pa/ oM shrI ma ha kro d+ha hUM phaT/ oM ma hA kro tI shwa rI hUM phaT/ che mchog he ru ka yab yum rtsa ba'i sngags so// oM shrI ma hA rak+Sha he ru ka hUM phaT/ oM shrI ma ha g+hu h+ya he ru ka hUM phaT/ oM shrI ma hA bi shra he ru ka hUM phaT/ oM shrI ma hA yag sha he ru ka hUM phaT/ rigs bzhi yab kyi rtsa ba'i sngags so// oM rak+Sha kro d+hi shwa rI hUM phaT/ oM g+hu h+ya kro d+hi shwa rI hUM phaT/ oM bi shwa kro d+hi shwa rI hUM phaT/ oM yaka sha kro d+hI shwa rI hUM phaT/ rigs bzhi yum gyi rtsa ba'i sngags so// oM ma hA kro d+ha ga ra dza ga ra dza hUM phaT/ oM ma hA kro d+ha ha na ha na hUM phaT/ oM ma hA kro d+ha da ha da ha hUM Ta/ oM ma hA kro d+ha pa tsa pa tsa hUM phaT/ oM ma hA kro d+ha ban+d+ha ban+d+ha hUM phaT/ oM ma hA kro d+ha hu lu hu lu hUM phaT/ oM ma hA kro d+ha tiSh+Tha tiSh+Tha hUM phaT/ oM ma hA kro d+ha tshin+da tshin+da hUM phaT/ oM ma hA kro d+ha b+hin+da b+hin+da hUM phaT/ oM ma hA kro d+ha s+phoT sgros+phoT hUM phaT/ dregs pa 'dul ba khro bo bcu'i rtsa ba'i sngags so// oM ma hA kro d+ha ya mAn kr-ita hUM phaT/ oM ma hA kro d+ha pradz+nyAn+ta kr-ita hUM phaT/ oM ma hA kro d+ha pad+man+ta kr-ita hUM phaT/ oM big+h+nAn+ta kr-ita hUM phaT/ ta kr-ita sgo ba bzhi'i
- 374a
rtsa ba'i sngags so// che mchog yon tan gyi lha tshogs kyi rtsa sngags kyi le'u ste nyi shu rtsa drug pa'o// // yang dag thugs kyi lha tshogs kyi rtsa sngags bshad pa ni/ oM badz+ra shrI he ru ka hUM phaT/ oM badz+ra kro d+hI shwa rI hUM phaT/ badz+ra he ru ka yab yum rtsa ba'i sngags so// oM bud+d+ha shrI he ru ka hUM phaT/ oM rat+na shrI he ru ka hUM phaT/ oM pad+ma shrI he ru ka hUM phaT/ oM karmA shrI he ru ka hUM phaT/ rigs bzhi khrag 'thung rtsa ba'i sngags so// oM bud+d+ha kro d+hi shwa rI hUM phaT/ oM rat+na kro d+hi shwa rI hUM phaT/ oM pad+ma kro d+hi shwa rI hUM phaT/ oM karma kro d+hi shwa rI hUM phaT/ khrag 'thung yum bzhi rtsa ba'i sngags so// oM badz+ra go rI hUM phaT/ oM badz+ra tsau rI hUM phaT/ oM badz+ra pra mo hA hUM phaT/ oM badz+ra be ta lI hUM phaT/ oM badz+ra puk+ka sI hUM phaT/ oM badz+ra g+ha sa ma rI hUM phaT/ oM badz+ra sma sha nI hUM phaT/ oM badz+ra tsan+da lI hUM phaT/ go rI brgyad kyi rtsa ba'i sngags so// oM badz+ra seng ha mu khI hUM phaT/ oM badz+ra b+ha g+h+ra mu khI hUM phaT/ oM badz+ra shrI ga la mu khI hUM phaT/ oM badz+ra shwa nA mu khI hUM phaT/ oM badz+ra gr-id+d+ha mu khI hUM phaT/ oM badz+ra kang ka mu khI hUM phaT/ oM badz+ra ka ka mu khI hUM phaT/ oM badz+ra u lA ka mu khI hUM phaT/ phra men brgyad kyi rtsa ba'i sngags so// oM badz+ra Ar+ya te dza teng dzaH/ oM badz+ra a mu khe hUM/ oM badz+ra lo ga bam/ oM badz+ra b+hasmin pa la ya ba tu ho/ sgo ba bzhi'i rtsa ba'i sngags so// yang dag thugs kyi rtsa ba'i sngags kyi le'u ste nyi
- 374b
shu rtsa bdun pa'o// // de nas 'jam dpal sku'i lha tshogs kyi sngags bshad pa/ oM a kro te ka hUM phaT/ oM be ta lI rak+Sha many+dzu hUM b+h+yo hUM/ oM e ka dza Ti trag rag sha mu tra/ snying kha ra ka/ ru lu ru lu b+h+yo/ 'jam dpal gshin rje gshed po yab yum rtsa ba'i sngags so// oM ya ma rA dza ti tha li hUM phaT/ oM ya ma rA dza pre ta byi tri ti baM ma ra ta ka hUM phaT/ oM ya ma rA dza pre te dza la hUM phaT/ oM ya ma rA dza ka mak+She pre to ka hUM phaT/ gshed bzhi yab kyi rtsa ba'i sngags so// oM rag mo rag mo snying rtsa sha la ma b+h+yo/ oM rag mo rag mo khrag la mu sham b+h+yo/ oM rag mo rag mo ting laM ma b+h+yo/ oM rag mo rag mo ting ting ka la ma b+h+yo/ gshed bzhi sbyor ba yum gyi sngags so// oM te na te byid hUM/ oM ya ma na de byi hUM/ oM ya ma na ga te byi hUM/ oM kha rag di byi hUM/ gshed bzhi sgrol ba yum gyi sngags so/ oM ya ma badz+ra kro ta rag sha hUM phaT/ oM ya ma shrI ti hUM phaT/ oM ya ma ma hA pa ta hUM phaT/ oM ya ma hri ku ru hUM phaT/ oM ya ma pa ti hUM phaT/ oM ya ma Ar+ya da ra hUM phaT/ oM ya ma rag sha hUM phaT/ oM ya ma sarba pa ta hUM phaT/ oM ya ma a s+thi ram hUM phaT/ oM ma da na ri tsa hUM phaT/ oM ya ma de ba raM hUM phaT/ oM ya ma hri di baM hUM phaT/ phyogs skyong bcu gnyis rtsa ba'i sngags so/ oM ma ma ru lu ru lu b+h+yo/ oM rag mo rag sha ru lu b+h+yo/ oM yag mo ru lu b+h+yo/ oM ya ma rag sha hri ti snying ru lu b+h+yo/ oM ma ma rag sha ru
- 375a
lu b+h+yo/ oM rag mo ta na ru lu b+h+yo/ oM ma ma nA ga ru lu b+h+yo/ oM ba ya de ba ru lu b+h+yo/ oM yag mo ru lu ru lu b+h+yo/ oM ma ma badz+ra ru lu b+h+yo/ oM e ka rag mo ru lu b+h+yo// oM ka lI ra ka mo ru lu b+h+yo/ phyogs skyong yab yum rtsa ba'i sngags so// oM ya ma a ku sha dzaH// oM ya ma pA sha hUM/ oM ya ma sgo Ta baM/ oM ya ma g+haN+De hoH/ gshin rje sgo ba bzhi'i sngags so// 'jam dpal sku'i lha tshogs kyi rtsa ba'i sngags bstan pa'i le'u ste nyi shu rtsa brgyad pa'o// // pad+ma gsung gi lha tshogs kyi sngags bstan pa/ oM badz+ra ma hA kro d+ha ha ya gri wa hu lu hu lu hUM phaT/ oM e ka dza Ti/ gu h+ya ya sid+d+hi sa ma ya b+h+yoHdza/ oM badz+ra kro d+ha pa tsa la mu kha hUM dza/ oM badz+ra bag shu ta mu kha hUM dza/ pad+ma dbang chen yab yum sras dang lha bzhi'i sngags/ oM pad+ma kro ta ha na ha na hUM phaT/ oM badz+ra ma hA kro ta da ha da ha hUM phaT/ oM pad+ma kro ta pa tsa pa tsa hUM phaT/ oM pad+ma kro ta b+hin+da b+hin+da hUM phaT/ oM pad+ma kro ta ban+d+ha ban+d+ha hUM phaT/ oM pad+ma kro ta tshin+da tshin+da hUM phaT/ oM pad+ma kro ta gardza gardza hUM phaT/ oM pad+ma kro ta s+pho Ta s+pho Ta hUM phaT/ zil gnon khro bo brgyad kyi sngags so// oM gu h+ya kro d+hi hUM/ oM dz+nyA na kro d+hi hUM/ oM rA ga kro d+hI hUM/ oM tsi ta kro d+hi hUM/ oM badz+ra kro d+hI hUM/ oM ya ma kro d+hi hUM/ oM nA ga kro d+hi hUM/ oM ya ga mo kro d+hi hUM/ zil gnon khro mo brgyad kyi sngags so// shrI badz+ra aM ku sha dzaH/ hrIHbadz+ra pA sha hUM/ hrIHbadz+ra s+pho Ta baM/
- 375b
hrIHbadz+ra g+haN+De hoH// dbang chen sgo ba bzhi'i sngags so// dbang chen lha tshogs rtsa sngags bstan pa'i le'u ste nyi shu rtsa dgu pa'o// // phur pa phrin las kyi sngags bshad pa/ oM badz+ra ki li ki lA ya shrI ku mA ra hUM phaT/ oM tip+ta tsakra ru lu ru lu b+h+yo/ rdo rje gzhon nu yab yum rtsa ba'i sngags so// oM bud+d+ha ki la ya hUM phaT/ oM rat+na ki la ya hUM phaT/ oM pad+ma ki la ya hUM phaT/ oM karma kI la ya hUM phaT/ sras mchog rigs bzhi rtsa bapaba'i sngags so// oM badz+ra kro d+ha hUM kA ra hUM phaT/ oM badz+ra kro d+ha bi dza ya hUM phaT/ oM badz+ra kro d+ha nI la daN+Da hUM phaT/ oM badz+ra kro d+ha ya mAn ta ka hUM phaT/ oM badz+ra kro d+ha Ar+ya a tsa la hUM phaT/ oM badz+ra kro d+ha ha ya grI wa hUM phaT/ oM badz+ra kro d+ha a pa ra dzi ta hUM phaT/ oM badz+ra kro d+ha a mr-i ta kuN+Da li hUM phaT/ oM badz+ra kro d+ha trai lo kya bi dza ya hUM phaT/ oM badz+ra kro d+ha ma hA ba la hUM phaT/ khro bo yab bcu'i rtsa ba'i sngags so/ oM badz+ra kro d+hi ra ba ya tI hUM/ oM badz+ra kro d+hi la se ki hUM/ oM badz+ra kro d+hI Na na pa kak+ka sa tI hAM/ oM badz+ra kro d+hi shwa sha na ba ta Ti hUM/ oM badz+ra kro d+hi mu sa la hAM/ oM badz+ra kro d+hi tsaN+Da li hUM/ oM badz+ra kro d+hi sa b+ha ti hUM/ oM badz+ra kro d+hi sa b+hA mi ta hAM/ oM badz+ra kro d+hi rmA ra Na hUM/ oM badz+ra kro d+hi tsun+da ya ti hUM/ khro mo bcu'i rtsa sngags so/ oM badz+ra sA ka ra mu kha hUM/ oM badz+ra b+ha g+h+ra mu kha hUM/ oM badz+ra tsa ma ra mu kha hUM/ oM badz+ra ha ri Na mu kha hUM/ oM badz+ra di pI mu kha hUM/ oM badz+ra pag shu mu kha hUM/ oM
- 376a
badz+ra shwa na mu kha rbA/ oM badz+ra sid+d+ha mu kha hA/ oM badz+ra ta rak+Sha mu kha rbA/ oM badz+ra rak+Sha mu kha thA/ za byed pa bcu'i sngags so// oM u saM ka ma mu khA hA/ oM badz+ra gr-id+ha mu khI hA/ oM badz+ra ka ka mu khAT+Ta/ badz+ra u lU ka mu khI hUM/ oM badz+ra pA la sa mu khI hUM/ oM badz+ra pak+Sha ti mu khI hUM/ oM badz+ra pa tI mu khI hUM/ oM badz+ra ti ti la mu khI hUM/ oM badz+ra na ku la mu khI hUM/ oM badz+ra mU Shi ka mu khI hUM/ gsod byed ma bcu'i rtsa ba'i sngags so// oM badz+ra yag sha ta hUM/ oM badz+ra pa ya be hUM/ oM badz+ra ba ya ta hUM/ oM badz+ra ma ra Na hUM/ sgo ba bzhi'i rtsa sngags so// phur pa phrin las kyi sngags kyi le'u ste sum cu pa'o// // ma mo rbod gtong gi lha tshogs kyi sngags bshad pa/ hUM badz+ra shrI he ru ka hUM a a/ oM nyi bzhi mu kha le kro d+hI shwa rI b+ha ga pad+ma rgya/ bde klong 'dus 'dus na snying za sha yu ti ni hUM b+h+yo dzaHdzaH/ bla med he ru ka yab yum rtsa ba'i sngags so// 'gri pa mu hUM ha/ dza la ra ma pa ha/ b+hi sha san ti ha/ b+hi yang yang te ha/ ma hA laM te ha/ rtag pa'i rgyal mo lnga'i rtsa sngags so// oM badz+ra kro d+hi shwa rI b+ha ga pad+ma rgya hUM hUM/ oM badz+ra sha na ti pad+ma ga ru ti b+h+yo/ oM mu tri Ni b+h+yo/ yau shan triNI b+h+yo/ ba ga dun tri Ni b+h+yo/ kha mun dan tri Ni b+h+yo/ oM badz+ra sAR+Ya bi to a to ye/ oM pad+ma bi to a to ye/ oM badz+ra kha rag bi to a to ye// oM badz+ra sring 'gro bi to a to ye/ oM badz+ra a ke ma a ke b+h+yo/ oM badz+ra ta ke ma ta ke
- 376b
b+h+yo/ oM badz+ra ni la ni la b+h+yo/ oM badz+ra lan ta lan ta b+h+yo/ ye shes kyi rje mo bcu bzhi'i rtsa ba'i sngags so// oM badz+ra zangs 'dra mu ra sha/ badz+ra kha rag snying kha rag b+h+yo/ trag rag sha b+h+yo/ trag rag sha mun+na ba na kha mun tra pa rag sha b+h+yo/ pra ga ra ti ta b+h+yo/ pra g+hi ling gi sha b+h+yo/ b+h+yo hAM ka ri ka/ ba rod da rod ni la chu maM ta/ kha ting kha/ da la tsa la/ pad+ma tsan da/ ma bur rag to/ ding baM ding baM/ e A ral+li/ nu byi ru lu ru lu b+h+yo/ trag rag sha trag sha b+h+yo a ti b+h+yo/ byi ti b+h+yo/ bu ting b+h+yo/ mu ting b+h+yo/ shan ting b+h+yo/ dun ting b+h+yo/ ha ra ting b+h+yo/ grub ting b+h+yo/ ti ba b+h+yo/ a pa ra ta la b+h+yo/ da la du la b+h+yo/ di la ma ma yams b+h+yo/ srid pa sman mo'i rtsa sngags so// ma mo rbod gtong gi lha tshogs kyi sngags kyi le'u ste sum cu so gcig pa'o// // de nas slob dpon rig 'dzin gyi sngags bshad pa/ oM badz+ra gu ru hUM/ oM rat+na gu ru hUM/ oM pad+ma gu ru hUM/ oM karma gu ru hUM/ oM badz+ra yo gi ni hUM/ oM rat+na yo gi ni hUM/ oM pad+ma yo gi nI hUM/ oM karma yo gi nI hUM/ rig 'dzin brgyad kyi rtsa ba'i sngags so// rig 'dzin rtsa sngags kyi le'u ste sum cu rtsa gnyis pa'o// // de nas 'jig rten gyi lha tshogs kyi sngags bshad pa/ oM badz+ra tsaN+Da sarba duSh+TAn hUM phaT/ dregs pa kun 'dul yab yum gyi rtsa sngags so// oM ma hA de ba e dzaHb+h+yo/ u ma de ba e dzaHb+h+yo/ ya ma ya dzaHb+h+yo/ ya man dan ti ya
- 377a
dzaHb+h+yo/ du khrag du dzaHb+h+yo/ dun ting du dzaHb+h+yo/ rak+ka rA dzaHb+h+yo/ rak+Sho ra dzaHb+h+yo/ yak+Sha k+Sha dzaHb+h+yo/ yag mok+Sha dzaHb+h+yo/ rA hu la pa tsa b+h+yo/ a se la a dzaHb+h+yo/ nA ga phu dzaHb+h+yo/ nA ga kro ti shwa rI pu dzaHb+h+yo/ de ba a dzaHb+h+yo/ tri ba sha li tri dzaHb+h+yo/ tig sna 'dre rum rtsa ma dzaHb+h+yo/ ma ma ru lu ma dzaHb+h+yo/ e ka dza ti thag dzaHb+h+yo/ d+ha ki ni lam pa b+h+yo/ ru tra nr-i dzaHb+h+yo/ a bi shuk+tA dzaHb+h+yo/ ha shaM tri dzaHb+h+yo/ bi na ya ga u dzaHb+h+yo/ tir thi ka za dzab+h+yo/ mun mun pa dzaHb+h+yo/ gaing ka ra tri dzaHb+h+yo/ rA tsa tso dzaHb+h+yo/ badz+ra sar+b+ba tri dzaHb+h+yo/ ma hA ka la shrI dzaHb+h+rU~M/ 'jig rten mchod bstod kyi lha tshogs kyi sngags kyi le'u ste so gsum pa'o// / de nas dmod pa drags sngags kyi lha tshogs kyi sngags bshad pa/ oM badz+ra sarba duSh+Than hUM phaT/ stobs ldan nag po yab yum rtsa sngags so// sa ma ya tsit+ta hriM hr-i dza/ du phrag du tsit+ta hri hri dza/ dun ting du tsit+ta hriM hr-i dza/ rak+Sha tsit+ta hriM hr-i dza/ rak+Sho ra tset+ta hri hri dza/ yag shak+Sha tsat+ta hr-i hr-i dza/ lag mo k+Sha tsi&hr-i hr-i dza/ de ba a tsit+ta hr-i hri dza/ ru tra ni tsat+ta hr-i hr-i dza/ mun pa mun pa tsiSh+Ta hr-i hr-i dza/ tir thi ka tha tsiSh+Ta br-i dza hr-i dza/ rA hu la pa tsit+ta hr-i hr-i dza/ nA ga pra tsiSh+Tar+tha hr-i dza/ rA dza tsa tsa tsit+ta hr-i hr-i dza/ haM sha ma tri tsit+ta hr-i hr-i dza/ badz+ra sA d+hA tsit+ta hr-i hr-i dza/ ya ma tri shu tsit+ta hr-i hr-i/ dmod pa drag sngags kyi le'u ste sum cu so bzhi pa'o// // de nas dpal gyi bka' sdod kyi lha
- 377b
tshogs rnams kyi rtsa sngags la/ ma nu yak+Sha sI b+h+yo/ brah+ma NI b+h+yo/ ro'u hrI b+h+yo/ beSh+Ta be b+h+yo/ ku mA rI ma ri b+h+yo/ in+d+ra NI b+h+yo/ bi ga laM b+h+yo/ a mr-i ta b+h+yo/ so'u mya b+h+yo/ dan+da daM b+h+yo/ rak+Sha sI b+h+yo/ bak+Sha sI b+h+yo/ ra ti badz+ra b+h+yo/ ru d+hi re man+ta b+h+yo/ e ka tsa rI NI b+h+yo/ ma no ha raM b+h+yo/ sid+d+hi kaM b+h+yo/ bA ya bI b+h+yo/ ma hA mA ra NA badz+ra b+h+yo/ aka ni b+h+yo/ ba ra hI b+h+yo/ tsa mur+b+hi b+h+yo/ pu ta naM b+h+yo/ ba ru Ne b+h+yo/ ma hA kA li b+h+yo/ tsa kA la b+h+yo/ kum+b+ha kar+Na b+h+yo/ lam+bo da ra b+h+yo/ dbang phyug nyi shu rtsa brgyad kyi sngags so// badz+ra DA ki ni b+h+yo/ rat+na DA ki nI b+h+yo/ pad+ma DA ki ni b+h+yo/ karma DA ki ni b+h+yo/ mkha' 'gro ma sum cu rtsa gnyis kyi sngags so// badz+ra king+ka ra b+h+yo/ rat+na king+ka ra b+h+yo/ pad+ma king+ka rA b+h+yo/ karma king+ga ra b+h+yo/ ging pho bco brgyad kyi sngags so// dza la 'di man ma gyi mor bzhag/ sUr+ya b+h+yo/ dza la ag+ni b+h+yo/ dza la ya mA b+h+yo/ dza la kro d+hi b+h+yo/ dza la b+ha rA b+h+yo/ dza la ya ma tik+Shita b+h+yo/ dza la yak+Sha ga ru Da ma b+h+yo/ dza la yak+ka bA ru NA b+h+yo/ 'bar ma brgyad kyi sngags so// ma ma b+h+yo rod rod b+h+yo/ ma ma ni la chu mi ta b+h+yo/ ma ma kha T+wAM ga b+h+yo/ ma ma d+ha la tsa la b+h+yo/ ma ma pad+ma tsan d+ha b+h+yo/ ma ma bu rag ta b+h+yo/ ma ma deng saM deng saM b+h+yo/ ma ma bdun gyi sngags so// ma ma b+h+yo/ ma ma b+h+yo/ ma ma b+h+yo/ ma ma b+h+yo/ sring mo bzhi'i sngags so// badz+ra rak+Sha sI b+h+yo/ rat+na rak+Sha sI b+h+yo/ pad+ma rak+Sha sI b+h+yo/ karma rak+Sha sI b+h+yo/ lang ka grub pa bco brgyad kyi sngags so// badz+ra las
- 378a
la b+h+yo/ rat+na las la b+h+yo/ pad+ma las la b+h+yo/ karma las la b+h+yo/ pho nya drug cu rtsa bzhi'i sngags so// in+d+ra ma ma b+h+yo/ ag+ni ma ma b+h+yo/ ya ma ma b+h+yo/ rag sha ma ma b+h+yo/ nA ga ma ma b+h+yo/ pa ya be ma ma b+h+yo/ yag sha ma ma b+h+yo/ I sha ma ma b+h+yo/ de ba ma ma b+h+yo/ nA ga ma ma b+h+yo/ mu la ma ma b+h+yo/ ma sa ma ma b+h+yo/ dun ting ma ma b+h+yo/ kang ka ma ma b+h+yo/ be ru ma ma b+h+yo/ so na ma ma b+h+yo/ rag ma ma b+h+yo/ kA la ma ma b+h+yo/ na ma ma b+h+yo/ sarba ma ma b+h+yo/ 'bum phrag yangs pa'i mkha' 'gro ma'i sngags so// dpal gyi bka' nyan gyi sngags kyi le'u ste sum cu so lnga pa'o// // de nas 'khor gyi bka' srung gis srog gi snying po phul ba/ badz+ra shro na sho rtse b+h+yo/ badz+ra a r+ts+tsa sa ma b+h+yo/ badz+ra dip+ta badz+ra b+h+yo/ badz+ra ma ka ra ya la b+h+yo/ badz+ra byi d+he badz+ra ni ka b+h+yo/ badz+ra kro ta ni ka b+h+yo/ ka ni ka ru te badz+ra b+h+yo/ badz+ra kro ti sti pa sta b+h+yo/ che mchog yon tan gyi bka' srung ce spyang ma brgyad kyi srog snying gi le'u ste so drug pa'o// // de nas yang dag thugs kyi bka' srung srin mo nyi shu rtsa brgyad kyis srog gi snying po phul ba/ tsa ma ra mu khI b+h+yo/ na ga si ra mu khI b+h+yo/ b+ha g+h+ra mu khI b+h+yo/ na ku la mu khI b+h+yo/ ti ti la mu khI b+h+yo/ rak+Sha mu khI b+h+yo/ ta rak+ShA mu khI b+h+yo/ ma ga ra mu khI b+h+yo/ bits+tsha mu khI b+h+yo/ pa tI mu khi b+h+yo/ shrI gA la mu khI b+h+yo/ b+ha g+h+ra mu khI b+h+yo/ gr-id+d+ha mu khI b+h+yo/ ha ya mu khI b+h+yo/ mU Shi ka mu khI b+h+yo/ ku ku mu khI b+h+yo/ bik+Sha ti
- 378b
mu khI b+h+yo/ ha Ni mu khI b+h+yo/ tsa ti mu khI b+h+yo/ bA la pa mu khI b+h+yo/ sA ka mu khI b+h+yo/ ka ta mu khI b+h+yo/ hasti mu khI b+h+yo/ kro ki lA mu khI b+h+yo/ tsha ga la mu khI b+h+yo/ bI na ra mu khI b+h+yo/ shra na mu khI b+h+yo/ srin mo nyi shu rtsa brgyad kyi srog gi le'u ste so bdun pa'o// // de nas 'jam dpal sku'i bka' srung rnams kyis srog gi snying po phul ba/ ging ka ra ging ka ra/ karma rak+Sha si karma rak+Sha hrIH/ tri ku ru kha rag kham/ d+ha sha ru tra ma ra ya/ ru tra thun ya/ rag sha thun ya/ gri thogs ging bzhis phul ba'o// bdun tri ni ra zung / ya tri ni ra zung / tri tsa ba la ni ra zung / chu shig yaM tri ni ra zung / dun tri/ pa tri/ dan tri/ sho ma tri/ dun dzaH/ ma ra ya tri dzaHdzaH/ ya ya/ thing thing / khram thogs bdud bzhi'i srog sngags so// tro ta ni tro ta ni hUM phaT/ pa tra pa tra hUM phaT/ shu la shu la hUM phaT/ d+ha sha g+h+ri ba d+ha sha g+h+ri ba hUM phaT/ sho thogs rtsis pa'i srog sngags so/ oM badz+ra d+ha ra yaM/ badz+ra snying go chod/ kha la mu zan da lo dun ting d+ha rA ya rbad/ oM badz+ra khrag ti tig rnar rbad/ oM badz+ra tsakra ru tri da ra ma rbad/ oM badz+ra shu tri da ra tri ya badz+ra hUM phaT/ rbad su rbad su/ rbad du rbad du/ da ra ka sha/ shwa pa ma ma/ nad gtong ma mo'i shan pa/ drag po gza'i shan pa/ glen pa klu'i shan pa/ myos pa btsan gyi shan pa bzhi'i srog sngags so// 'jam dpal sku'i bka' srung gi srog snying gi le'u ste sum cu so brgyad
- 379a
pa'o// // de nas pad+ma gsung gi bka' srung rnams kyis srog snying phul ba/ bud+d+ha badz+ra oM/ sarba badz+ra hAM/ rat+na badz+ra trA/ d+ha ra ma badz+ra hrI/ karma badz+ra ha/ g+ha h+ya badz+ra phaT/ kham rgya ma drug gi srog sngags so/ oM sho ri khA hi sho ri kha hi hUM phaT/ dmus long bcu drug gi sngags so// dIp+ta tsakra shwa na mu kha kha long kha/ ku ku rA tsa ra ga sha kha long ka hUM phaT/ khyi brgyad sbyang brgyad kyi sngags so// hUM hUM/ phaT phaT/ tri hUM phaT/ hrI hUM phaT/ ha hUM phaT/ pho nya bzhi'i srog sngags so// dzi na la te tse ram/ yak+Sha ku pan dza hUM phaT/ me 'brug rlung 'brug srog sngags so// pad+ma gsung gi bka' srung gi srog sngags kyi le'u ste sum cu so dgu pa'o// // phur pa phrin las lha tshogs kyi bka' srung gi srog gi snying po phul ba/ oM pra mun ta d+ha ti rA dza dza hUM/ oM badz+ra tsa mu na da ri dza dza hUM/ oM shu la da ri dza dza hUM/ oM ka mu na da ri dza dza hAM/ ma mo bzhi'i srog sngags so// oM shra na mu kha dza dza hUM/ oM shra na mu kha dza dza hUM/ oM br-i ka mu kha dza dza hAM/ oM sri gA la mu kha dza dza hUM/ shwa na bzhi'i srog sngags so// oM tad+ya thA/ trag rag+ga ru pi ru pi nan mug ti baM ma ru lu ru lu b+h+yo/ oM pad+ma da ri ru ma ti b+h+yo/ tsit+ta tsit+ta dgra bo snying la b+h+yo/ au ru lu ko'u me sen me nan dza dzaH/ oM yug te ru ru tsa ba la me dza dzaH/ re ma ti mched bzhi'i srog sngags so// srog rtsa la yam yam// snying rtsa la sgril
- 379b
sgril/ srog tsa la chum chum/ tsit+ta srog la tung tung / snying khrag shad zum ri li li rtsegs rtsegs/ 'ur 'ur/ shig shig/ gul gul/ myag myag/ sod sod/ d+ha ti ma ma shI g+h+raM karma ka ra ya/ mA ra si na pra marda ni hUM phaT/ bse'i skyes bu bzhi bdud bzhi ging bzhi'i srog sngags so// gcig tu dril ba'o// phur pa phrin las kyi bka' srung rnams kyi srog sngags kyi le'u ste bzhi bcu pa'o// // de nas ma mo rbod gtong gi bka' srung rnams kyis srog snying phul ba/ spyi ting kha la ma/ snying kha rag dza dzaH/ rag sha ma/ snying kha rag dza dza/ rag mo rag sha snying kha rag dza dza/ yang gab ma bzhi'i srog sngags so// ru lu snying khrag kha rag kha la rag sha ni rbad thum ri li li/ snying la rag sha na/ sha ti rbad thum ri li li/ nr-i sha ku ru rag sha kha ram ni/ ku ru ni ku ru kha tham/ trag rag sha kha mun+na/ snying kha rag b+h+yo/ phung byed sbas pa'i ma bzhi'i srog sngags so// ma ma rag mo snying rtsa la ma b+h+yo/ rag mo rag mo ru ru ro ru tsa pa la dgra bo snying la rag mo b+h+yo/ rag mo rag mo tsam tsam ma b+h+yo/ rag mo rag mo khrag la mu sha ma b+h+yo/ zor thogs gdong mo bzhi'i srog sngags so// trag rag sha mu tra b+h+yo/ ru lu ru lu ma rag mo/ snying kha rag b+h+yo/ ru lu ru lu ma ma snying gzer trag rag sha thun b+h+yo/ ma ma trag sha srog gzer thun rbad b+h+yo/ ma ma trag rag sha snying srog rtsa la thum thum b+h+yo/ zla gam
- 380a
dbang gi bdag mo ro kha ma bzhi'i srog sngags so/ ru ni dun ti ru la ya dza/ du ru dza la ni ha na dza// ru ma ra ma ha te dza b+h+yo dza/ 'brub khung las kyi bdag mo las kyi 'bar ma rtsis kyi ma mo nag mo phung gsum ma'i srog sngags so// ku ma rag sha na tri rbad/ sri ma ra du rbad ya/ ru ru ma ti rbad ya/ ba ya ru ru rbad ya/ chum chu ma ni ma tsa rbad ya/ sha ba ru pa ya/ chem chem rbad ya/ rbad bu rbad bu shag pa rbad ya/ rag sha thum rmugs rbad ya/ ru ru ra ti rbad ya/ bla srog snying gi bdag mo gsang ba'i ma gsum/ gsang ba'i pho nya gsum gyi srog sngags so// ma mo rbod gtong gi srog sngags kyi le'u ste bzhi bcu zhe gcig pa'o// // de nas slob dpon gyi bka' srung gyi srog sngags phul ba/ oM badz+ra DA ki nI b+h+yo/ oM rat+na DA ki ni b+h+yo/ oM pad+ma DA ki nI b+h+yo/ oM karma DA ki ni b+h+yo/ mkha' 'gro sde bzhi'i srog sngags so// oM badz+ra king ka ra ra tsa b+h+yo/ oM badz+ra rat+na king ka ra rA tsa b+h+yo/ oM pad+ma king ka ra rA tsa b+h+yo/ oM karma king ka ra rA tsa b+h+yo/ dpa' bo sde bzhi'i srog sngags so// rig 'dzin bka' srung gi srog sngags kyi le'u ste bzhi bcu zhe gnyis pa'o// 'jig rten 'das pa dang 'jig rten pa'i bka' srung gi sngags bstan pa'i skabs te lnga pa'o// // de nas spyi dpal chen po he ru ka la/ phyogs bcu'i rig 'dzin rnams kyis zhus pa/ e ma spyi
- 380b
dpal he ru ka/ bde gshegs bsgrub pa bka' brgyad kyi// lha tshogs zhi khro thams cad kyi// sku mdog phyag mtshan bstan du gsol// de skad gsol pa gsan nas kyang // spyi dpal chen pos bka' stsal pa// nyon cig 'dus pa'i tshogs chen rnams// che mchog yon tan 'dus pa'i lha tshogs la// gtso bo dpal chen che mchog he ru ka/ 'jigs pa'i dbu ni nyi shu rtsa gcig la// sprul pa'i phyag ni bzhi bcu rtsa gnyis te/ zhabs kyang dor thabs rnam pa brgyad du bgrad// sku ni spug nag 'bar ba shin tu brjid/ rtsa ba'i zhal ni sku yi mdog dang mtshungs// dbus kyi dbu drug mthing la rngams/ g.yas kyi rtsa zhal dkar la 'tsher// g.yon gyi rtsa zhal dmar la gdangs// g.yas kyi gnyis pa sngo la gtsigs// g.yon gyi gnyis pa ljang la rngams// g.yas kyi gsum pa dkar la gdangs// g.yon gyi gsum pa dmar la 'dril// g.yas kyi bzhi pa nag la gtsigs// g.yon gyi bzhi pa ldang la 'tsher// g.yas kyi lnga pa dkar la bzhad/ g.yon gyi lnga pa dmar la gshe// g.yas kyi drug pa sngo la gtsigs/ g.yon gyi drug pa ldang la 'dril// g.yas kyi bdun pa zur mig gzigs/ g.yon gyi bdun pa thur mig gzigs// phyag ni bzhi bcu rtsa gnyis na// zhi ba bzhi bcu rtsa gnyis bsnams// g.yas kyi phyag na yab rnams bsnams/ g.yon gyi phyag na yum rnams
- 381a
bsnams/ thub drug spel mar bsnams pa'o// bzhi bcu rtsa gnyis g.yas kyi dang po na// byed pa yid ni rdo rje kun bzang bsnams// bzhi bcu rtsa gnyis g.yon gyi dang po na// bya ba chos ni kun bzang mnyam gzhag 'phro// bzhi bcu rtsa gnyis g.yas kyi gnyis pa na/ rnam par snang mdzad chos kyi 'khor lo bskor// bzhi bcu rtsa gnyis g.yon gyi gnyis pa na// kun tu khyab pa dbyings phyug dril bu bsnams// bzhi bcu rtsa gnyis g.yas kyi gsum pa na// rdo rje sems dpa' mi bskyod rdo rje bsnams// bzhi bcu rtsa gnyis g.yon gyi gsum pa na// bskyed mdzad sangs rgyas spyan yang thor tshags bsnams/ bzhi bcu rtsa gnyis g.yas kyi bzhi pa na// rin chen 'byung ldan ser po mchod sbyin re skong bsnams// bzhi bcu rtsa gnyis g.yon gyi bzhi pa na// sdud byed mA ma kI yang thor tshugs bsnams// bzhi bcu rtsa gnyis g.yas kyi lnga pa na/ snang ba mtha' yas 'joms byed pad+ma bsnams// bzhi bcu rtsa gnyis g.yon gyi lnga pa na// bsreg mdzad gos dkar mo ni pad+ma bsnams// bzhi bcu rtsa gnyis g.yas kyi drug pa na// don yod grub pa mthar phyin rgya gram bsnams// bzhi bcu rtsa gnyis g.yon gyi drug pa na// skyod byed dam tshig sgrol ma ut+pal bsnams// bzhi bcu rtsa gnyis g.yas kyi bdun pa na// sa snying dkar po rin chen myu gu
- 381b
bsnams// bzhi bcu rtsa gnyis g.yon gyi bdun pa na// lA s+ye dkar mo me long rgya gram bsnams// bzhi bcu rtsa gnyis g.yas kyi brgyad pa na// nam mkha'i snying po gcod byed ral gri bsnams/ bzhi bcu rtsa gnyis g.yon gyi brgyad pa na// mA le sngon mo rin chen phreng ba bsnams// bzhi bcu rtsa gnyis g.yas kyi dgu pa na// spyan ras gzigs dbang phyag na pad+ma bsnams// bzhi bcu rtsa gnyis g.yon gyi dgu pa na/ gI ra ti dmar mo pi wang rgyud 'dren bsnams// bzhi bcu rtsa gnyis g.yas kyi bcu pa na// phyag na rdo rje 'joms byed rdo rje bsnams// bzhi bcu rtsa gnyis g.yon gyi bcu pa na// nI ra ti ljang gu gar gyi cod pan bsnams// bzhi bcu rtsa gnyis g.yas kyi bcu gcig na// rgyal ba byams pa dmar smyu gun+d+he bsnams// bzhi bcu rtsa gnyis g.yon gyi bcu gcig na// bdug pa'i sprin 'phro ma ni spos me bsnams// bzhi bcu rtsa gnyis g.yas kyi bcu gnyis na// kun tu bzang po rin chen snye ma bsnams// bzhi bcu rtsa gnyis g.yon gyi bcu gnyis na// dag pa'i mdangs ldan ma ni me tog bsnams// bzhi bcu rtsa gnyis g.yas kyi bcu gsum na// sgrib pa rnam sel klu shing lo ma bsnams// bzhi bcu rtsa gnyis g.yon gyi bcu gsum na// gsal ba'i 'od ldan ma ni mar me bsnams/ bzhi bcu rtsa gnyis g.yas kyi bcu bzhin// 'phags pa 'jam
- 382a
dpal ut+pal mthing ga bsnams// bzhi bcu rtsa gnyis g.yon gyi bcu bzhin// gan d+he ljang gu dag byed dri chab bsnams/ bzhi bcu rtsa gnyis g.yas kyi bco ldan// big+h+nAM ta kr-ita be con tho ba bsnams// bzhi bcu rtsa gnyis g.yon gyi bco lnga na// thugs dam skul mdzad ma ni lcags kyu bsnams// bzhi bcu rtsa gnyis g.yas kyi bcu drug na// ya mAn ta kr-ita 'joms byed thod dbyug bsnams// bzhi bcu gnyis g.yon gyi bcu drug na/ gnas nas spyan 'dren ma ni zhags pa bsnams// bzhi bcu rtsa gnyis g.yas kyi bcu bdun na// pad+ma ta kr-ita dral byed dgra sta bsnams// bzhi bcu rtsa gnyis g.yon gyi bcu bdun na// brtan par bzhugs mdzad ma ni lcags sgrog bsnams// bzhi bcu rtsa gnyis g.yas kyi bco brgyad na// pradz+nyAn+ta kr-ita gcod byed ral gri bsnams// bzhi bcu rtsa gnyis g.yon gyi bco brgyad na// rtog bral 'gyed mdzad ma ni g+haN+De bsnams// bzhi bcu rtsa gnyis g.yas kyi bcu dgu na// lha yi thub pa pi wang rgyud mangs bsnams// bzhi bcu rtsa gnyis g.yon gyi bcu dgu na// byol song thub pa chos 'chad pusti bsnams// bzhi bcu rtsa gnyis g.yas kyi nyi shu na// lha min thub pa thags bzang go cha bsnams// bzhi bcu rtsa gnyis g.yon phyi nyi shu na// yi dwags thub pa rin chen sgom bu bsnams// bzhi bcu rtsa gnyis g.yas
- 382b
kyi za ma na// mi yi thub pa shAkya gseg shang bsnams// bzhi bcu rtsa gnyis g.yon gyi tha ma na// dmyal ba'i thub pa me chu bsil drod bsnams// zhabs brgyad byol song gtso bo brgyad kyang brdzis// stag gzig seng ge dom rnams ni// g.yas kyi zhabs bzhi'i 'og tu mnan// glang chen ma he chu srin sbrul// g.yon gyi zhabs bzhi'i 'og tu mnan// lha brgyad g.yas kyi zhabs kyis mnan// klu brgyad g.yon gyi zhabs 'og mnan// nyi zla pad+ma'i steng na bgrad// yum chen gnam zhal dbyings phyug ma// sku mdog dud ka cir yang ston// dbu dgu rol pa'i ye shes dgu// stong pa bco brgyad phyag tu gdengs// g.yas kyi dang po rdo rje bsnams// g.yon gyi dang po b+han dmar dkrug/ g.yas brgyad go rI bum thogs brgyad// g.yon brgyad sed+ha khrag thogs brgyad// zhabs bzhi brkyangs bskums yab dang mthun// yab yum rgyan ni dur khrod chas// rgya byi'u lcags chas 'dul byed bse khrab chas/ gcan gzan gzig chas sprul pa rdo rje'i chas/ rin chen sbrul chas dpa' bo stag gi chas// gzi mdangs mi lpags chas dang dmar gsal khrag gi chas/ rtsal chen seng ge'i chas dang gdug pa dom gyi chas/ 'jigs pa'i rgyan chas rab tu brgyan pa'o// bcom ldan dpal chen rak+kha he ru ka/ dbu gsum smug nag dkar dang dmar ba'i zhal// g.yas g.yon dang po
- 383a
'khor lo pad+ma bsnams// bar ma gnyis ni ti ra rgyu zhags 'dren/ tha ma gnyis na khyung chen ba su 'dren/ rak+Sha kro d+hI shwa rI sku la 'khril/ g.yas pa 'khor lo g.yon pa dung dmar stob// bcom ldan dpal chen gu h+ya he ru ka/ dbu gsum ser nag mthing dkar dmar ba'i zhal// g.yas g.yon dang po rin chen thod khrag bsnams// bar ma gnyis na dgra sta rgyu zhabs 'debs// tha ma gnyis na stong gi 'jig rten bsnams/ gu h+ya kro d+hi shwa rI sku la 'khril// g.yas na rin chen g.yon pa dung dmar stob// bcom ldan dpal chen bi shra he ru ka/ dbu gsum dmar nag mthing ga dkar po'i zhal// g.yas g.yon dang po pad+ma b+han dmar bskyil// g.yas g.yon par ma stong gi 'jig rten bsnams// tha ma gnyis na dgra sta gshol yang 'dzin// yum chen bi shwa kro d+hi shwa rI ni// g.yas pa pad+ma g.yon pa dung khrag stob// bcom ldan dpal chen yak+ka he ru ka/ dbu gsum ldang nag dkar dang dmar ba'i zhal// g.yas g.yon dang po rgya gram b+han dmar dkrug/ bar pa gnyis na ral gri zhags pa 'dzin// tha ma gnyis na dgra sta thong gshol 'dzin// zhabs bzhi thabs dang shes rab brkyangs bskums bgrad// yag shwa kro d+hi shwa rI sku la 'khril// g.yas pa rgya gram g.yon pa dung khrag lto ba// dri za 'dul byed khro bo dkar po la// zhal gcig phyag gnyis
- 383b
'khor lo tri shUl bsnams// me lha 'dul byed dmar ser me dpal dbyug to bsnams// gshin rje 'dul byed mthing nag dgra sta zod dbyug bsnams// srin po 'dul byed spug nag ral gri zhags pa bsnams// klu rnams 'dul byed dmar po spu gri zhags pa bsnams// rlung lha 'dul byed dmar skya b+han+da rnga yab bsnams// gnod sbyin 'dul byed ljang gu rgya gram dril bu bsnams// bgegs rnams 'dul byed mthing ga dgra sta rtse gsum bsnams// lha gdon 'dul byed sngo skya mda' gzhu 'gengs/ sa bdag 'dul byed dud ka tho bzhags pa thogs// ya mAn+ta kr-ita dkar po lcags kyu bsnams/ pradz+nyAn+ta kr-ita ser po zhags pa bsnams// pad+man+ta kr-ita dmar po lcags sgrog thogs// big+h+nAn+ta kr-ita ljang gu dril bu bsnams/ che mchog yon tan lha tshogs kyi// sku mdog phyag mtshan bstan pa'i le'u ste bzhi bcu gsum pa'o// // yang dag thugs kyi lha tshogs kyi// sku mdog phyag mtshan bstan pa ni// bcom ldan dpal chen badz+ra he ru ka/ dbu gsum mthing nag dkar dang dmar ba'i zhal// phyag drug rdo rje kha T+wAM rde'u chung g.yas// ti ri'i dbyug pa dung dmar rgyu zhags g.yon// zhabs bzhi thabs dang shes rab brkyangs bskums bgrad// yum chen badz+ra kro d+hI shwa rI sku la 'khril// g.yas pa kha T+wAM g.yon pa dung khrag stob/ bcom ldan khrag 'thung bud+d+ha he ru
- 384a
ka/ dbu gsum smug nag mthing ka dmar ba'i zhal// ti ra'i dbyug pa rdo rje khyung chen g.yas// rgyu zhags b+han dmar ti ra'i ba su g.yon// zhabs bzhi thabs dang shes rab brkyangs bskums bgrad// yum chen bud+d+ha kro d+hI shwa rI sku la 'khril// g.yas pa yab 'khyud g.yon pa dung dmar stob// bcom ldan dpal chen rat+na he ru ka/ dbu gsum ser nag mthing ga dmar ba'i zhal// phyag drug rin chen byis dbyug dgra sta g.yas// stong gi 'jig rten b+han dmar gshol cu gnas cang ni g.yon// zhabs bzhi thabs dang shes rab brkyangs bskum bgrad// rat+na kro d+hI shwa rI sku la 'khril// g.yas pa yab 'khyud g.yon pa dung khrag stob// bcom ldan khrag 'thung pad+ma he ru ka/ dbu gsum dmar nag mthing ga dkar ba'i zhal// phyag drug pad+ma be con dgra sta g.yas// stong gi 'jig rten b+han dmar gshol ni g.yon// zhabs bzhi thabs dang shes rab brkyangs bskums bgrad// pad+ma kro d+hI shwa ri sku la 'khril// g.yas pa yab 'khyud g.yon pa dung dmar stob// bcom ldan khrag 'thung karma he ru ka/ dbu gsum ldag nag dkar dang dmar ba'i zhal// phyag drug rgya gram ral gri dgra sta g.yas// stong gi 'jig rten b+han dmar gshol ni g.yon// zhabs bzhi thabs dang shes rab brkyangs bskums bgrad// yum chen karma kro d+hi shwa rI sku la
- 384b
'khril// g.yas pa yab 'khyud g.yon pa dung dmar stob/ go rI b+han dmar byis dbyug g.yon// tsau rI mda' gzhu 'gengs ma ser// phra mo chu srin rgyal mtshan dmar// be ta byi za rdo 'phyar nag/ puk+ka dmar ser byis rgyu 'dren// g+hasma dung dmar khrag 'thung ljang / sme sha mthing nag byis snying za/ tsaN+Da ser skya byi lus 'bral// sed+ha ser mo zhing za seng // bya g+ha dmar mo lag bsnol stag/ sr-i gA nag mo byis ldag wa// shra na mthing ga sha 'drad sbyang // gr-ih+Na dmar mo dung gri rgod// kaM ka dmar spug zhing chung ngur// kAM ka nag mo b+han gri bya// u lU mthing ga lcags kyu 'ug/ rta gdong dkar mo lcags kyu 'dren/ phag gdong sngon mo mche zhags sdom// dmar mo spre'u gdong lcags sgrog sdom// thal byed ljang gu dril 'khrol sbyang // yang dag zugs kyi lha tshogs sku mdog phyag mtshan bstan pa'i le'u ste bzhi bcu zhe bzhi pa'o// // 'jam dpa' sku yi lha tshogs kyi// sku mdog phyag mtshan bstan pa ni// bcom ldan 'jam dpal gshin rje gshed// dbu gsum phyag drug zhabs bzhi bgrad// g.yas dkar g.yon dmar dbus nag zhal// rdo rje be con yang ral gri dgra sta g.yas// sdigs mdzub mdung thung b+han dmar g.yon// dur khrod chas brgyad sku la brgyan// zhabs bzhi gyad kyi dor stabs kyis// yi dwags ma he'i steng na bgrad// be ta nag mo sku la
- 385a
'khril// dgra sta 'phyar zhing dung dmar stob// sgrol byed e ka dza Ti ni// be DUr mdog sngon gsal 'tsher la// tri shUl g.yang gzhi g.yas na 'phyar// zod rlon tsit+ta g.yon na stob// ya ma rA dza gshin rje gshed// g.yas dkar g.yon dmar dbus mthing zhal// 'khor lo tri shUl lcags kyu g.yas// kha T+wAM dgra sta rgyu zhags g.yon// zhabs bzhi gyad kyi dor stabs bgrad// g.yu yi ral gcig g.yon nas 'khril// gtso la 'khyud cing dung dmar stob// sgrol yum nag mo re ma ti// ral gri ne'u le'i rkyal pa thogs// myos byed 'bar ba gshin rje gshed// g.yas dkar g.yon sngo dbus ser nag/ be con ral gri dgra sta g.yas// b+han dmar 'khor lo lcags kyu g.yon// zhabs bzhi gyad kyi dor stabs bgrad// gtum mo ser nag g.yon nas 'khril// gtso la 'khyud cing dung dmar stob// g.yas na sgrol yum ser nag la// chags gzhi khrag gi bdag mo ni// g.yas pa spu gri tsit+ta zhags pa g.yon// gshin rje gshed po ma ru tse// g.yas dkar g.yon sngo dbus dmar zhal// be con dbyug to kha T+wAM g.yas/ b+han dmar kha T+wAM rgyu zhags g.yon// zhabs bzhi gyad kyi dor stabs bgrad// g.yon na lha mo 'od zer ni// gtso la 'khyud cing b+han dmar stob// g.yas na gling bzhi gtsug 'byams ma// g.yas pa mi snying tshangs par bcug/ g.yon
- 385b
pa dung dmar b+han+da 'phyar/ ral pa tshar dgu gshin rje gshed/ g.yas dkar g.yon dmar dbus ldang zhal// be con gtun shing rgya gram g.yas// b+han dmar rgyu zhags 'khor lo g.yon// g.yon na ljang nag mgo 'phyangs ma// g.yas pa dgra sta g.yon dung khrag/ gshin rje nag 'joms mthing nag zhal// rdo rje rtse lnga g.yas pa na// dgra sta 'bar ba g.yon na thogs// zhabs gnyis gyad kyi dor stabs bgrad// nag mo ral gcig g.yon nas 'khril// g.yas pa yab 'khyud g.yon pa dung dmar stob// gshin rje phya sangs dkar 'tsher zhal// g.yas pa tshe yi bum pa 'dzin// g.yon pa rdo rje'i gshol yang bsnams// zhabs gnyis gyad kyi dor stabs bgrad// shel gyi gdong dgu g.yon nas 'khril// shel gyi gri thogs yab la 'khyud// g.yon pa dung dmar gtso la stob// kong tse brag 'joms dkar ser zhal// rdo rje brag nag g.yas pa na// me yi 'khor lo g.yon na thogs// zhabs gnyis gyad kyi dor stabs bgrad// shel mig khro mo g.yon na 'khril// g.yas pa lcags kyu yab la 'khyud// g.yon pa b+han dmar gtso la stob/ a ba glang mgo smug nag zhal// g.yas pa kha T+wAM lcags kyu g.yon// zhabs gnyis gyad kyi dor stabs bgrad// dkar skya mche gtsigs g.yon nas 'khril// g.yas pa skar mda' thogs nas 'khyud// g.yon pa b+han
- 386a
dmar gtso la stob// ya ba ti ni sngon nag zhal// g.yas na ral gri g.yon lcags kyu// zhabs gnyis gyad kyi dor stabs bgrad// g.yon du dred kyi ab sham 'khril// g.yas pa khram shing thogs nas 'khyud// g.yon pa b+ha na dmar gtso la stob// gshin rje mig dmar smug nag zhal// gcod byed ral gri g.yas pa na// ti ra'i dbyug pa g.yon na thogs// khrag gi ral gcig g.yon nas 'khril// g.yas pa yab 'khyud g.yon pa dung dmar stob// gshin rje rmig pa dud ka'i zhal// thod pa'i phreng ba g.yas pa na// g.yon pa lcags sgrog dmar po sdom// zhabs gnyis gyad kyi dor stabs bgrad// nag mo pus 'gro g.yon nas 'khril// g.yas pa yab kyi mgul du 'khyud// g.yon pa dung dmar gtso la stob// gshin rje til pa sngo nag zhal// g.yas pa spu gri 'bar ba thogs// g.yon pa b+han d+ha rak+tas bkang // zhabs gnyis gyad kyi dor stabs bgrad// g.yon nas spyan gsum mche gtsigs 'khril// g.yas pa yab kyi mgul nas 'khyud// g.yon pa dung dmar gtso la stob// gshin rje bdud 'joms spug nag zhal// rdung byed tho ba g.yas pa na// rak+ta b+han dmar g.yon na bsnams// smug nag ral gcig g.yon nas 'khril// g.yas pa yab kyi mgul nas 'khyud// g.yon pa dung dmar gtso la stob// chos kyi rgyal po dkar ser
- 386b
zhal// rdo rje rtse gsum g.yas pa na// g.yon pa bdud kyi khram shing thogs// zhabs gnyis gyad kyi dor stabs bgrad// rdo rje ral gcig g.yon nas 'khril// g.yas pa nyi zer zhags pa 'dzin// g.yon pa dung dmar yab la stob// gshin rje 'bar ba dmar po'i zhal// skye 'gro'i rtsis byang g.yas pa na// g.yon pa gtun shing 'bar ba thogs// zhabs gnyis gyad kyi dor stabs bgrad// dmar mo mgo dgu g.yas nas 'khril// g.yas pa yab 'khyud tri shU la 'dzin// g.yon pa b+han dmar gtso la stob// gshin rje thod dbyug mthing nag zhal// ti ra'i dbyug pa g.yas pa na// bdud kyi sho d+he g.yon na thogs// zhabs gnyis gyad kyi dor stabs bgrad// nag mo phag mgo g.yon nas 'khril// g.yas pa yab kyi mgul nas 'khyud// g.yon pa dung dmar gtso la stob/ dkar zhing 'tsher ba bya rgod mgo// rdo rje rtse lnga g.yas pa na// lcags kyu 'bar ba g.yon na thogs// mthing nag 'bar ba stag gi mgo/ rin chen dbyug pa g.yas pa na// rgyu zhags 'bar ba g.yon na thogs// le brgan 'bar ba kang ka'i mgo/ me yi pad+ma g.yas pa na// lcags sgrog 'bar ba g.yon na thogs// ljang nag 'bar ba spyang ki'i mgo/ rgya gram 'bar ba g.yas pa na// shel gyi dril bu g.yon na thogs// 'jam dpal sku'i lha tshogs kyi sku mdog phyag mtshan bstan pa'i le'u ste bzhi
- 387a
bcu zhe lnga pa'o// // pad+ma gsung gi lha tshogs kyi// sku mdog phyag mtshan bstan pa ni// bcom ldan dpal chen rta mgrin rgyal po ni// sku mdog dmar po bskal pa'i me ltar 'bar// dbu gsum g.yas dkar g.yon sngo dbus dmar zhal// phyag drug kha T+wAM rdo rje sbrul zhags g.yas// dril bu b+han dmar lcags sgrol g.yon na bsnams// dbu gtsug rta mgo ljang gu rta skad 'tsher// zhabs bzhi brkyangs bskums gdug pa'i klu rnams 'dul// yum chen e ka tsa ti sku la 'khril// sku mdog dmar nag spyan gsum sdang mig bgrad// g.yas pa kha T+wAM bsnams nas yab la 'khyud// g.yon pa dung dmar gtso la stob par byed// sprul pa'i phra men byi la pu shud mgo/ sku mdog dmar nag bskal pa'i me ri 'dra// g.yas pa lcags kyu g.yon pa phur bu 'debs// ye shes zil gnon khro bo'i rgyal po ni// sku mdog dmar nag ser yang zhal gsum phyag drug pa// dbu gsum g.yas dkar g.yon sngo sdang yang dbus dmar zhal// g.yas pa 'khor lo rdo rje rin po che// g.yon pa pad+ma ral gri dril bu bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen mi pham khro mo sku la 'khril// g.yas pa yab 'khyud g.yon pa dung dmar stob// las kyi khro bo zil gnon khro bo ni// dbu gsum
- 387b
g.yas dkar g.yon sngo dbus dmar zhal// phyag drug pad+ma dbyug to spu gri g.yas// kha T+wAM dgra sta rgya gram g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen khro gnyer dmar mo sku la 'khril// g.yas pa yab 'khyud g.yon pa dung dmar stob// ye shes ma mo zil gnon khro bo ni// dbu gsum g.yas dkar g.yon ljang dbus dmar zhal// phyag drug sdigs mdzub lcags kyu sbrul zhags g.yas// lcags sgrog kha T+wAM rnge'u chung g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen ro langs dmar mo sku la 'khril// g.yas pa yab 'khyud g.yon pa dung dmar stob// ye shes bya khyung zil gnon khro bo ni// dbu gsum g.yas dkar g.yon sngo dbus dmar zhal// phyag drug rdo rjes dang me khyung g.yas// nam mkha' chu rlung byang khyung g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum gcig spyan gcig dmar mo sku la 'khril// g.yas pa yab 'khyud g.yon pa dung dmar stob// pho rgyud zil gyis gnon pa'i khro bo ni// dbu gsum g.yas dkar g.yon sngo dbus dmar zhal// phyag drug rdo rje thog skam rgyu zhags
- 388a
g.yas// dung khrag thod rlon zhing dbyug g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen rdo rje las byed sku la 'khril// g.yas pa yab 'khyud g.yon pa dung khrag stob// mo rgyud zil gyis gnon pa'i khro bo ni// dbu gsum g.yas dkar g.yon ljang dbus dmar zhal// phyag drug rdo rje ral gri mda' ni g.yas// zhags pa sdigs mdzub gzhu ni g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen gshin rje las byed sku la 'khril// g.yas pa yab 'khyud g.yon pa dung dmar stob// klu rnams zil gyis gnon pa'i khro bo ni// dbu gsum g.yas dkar g.yon ljang dbus dmar zhal// phyag drug sbrul dkar sbrul ser sbrul dmar g.yas// sbrul khra sbrul sngo sbrul nag g.yon na bsnams// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// klu mo las byed dmar mo sgra la 'khril// g.yas pa yab 'khyud g.yon pa dung dmar stob// gza' rnams zil gyis gnon pa'i khro bo ni// dbu gsum g.yas dkar g.yon ljang dbus dmar zhal// phyag drug rdo rje ral gri zhags pa g.yas// dung khrag seng ldeng dbyug pa khyung chen
- 388b
g.yon// zhabs bzhi brkyangs bskums zil gnon tshul du bgrad// dbu gtsug rta mgo ljang gu rta skad 'tsher// yum chen gnod sbyin las byed sku la 'khril// g.yas pa yab 'khyud g.yon pa dung dmar stob// sgo ba dkar po lcags kyu thogs// sgo ba ser po zhags pa bsnams// sgo ba dmar po lcags sgrog thogs// sgo ba ljang gu dril bu thogs// pad+ma gsung gi lha tshogs kyi sku mdog phyag mtshan bstan pa'i le'u ste bzhi bcu zhe drug pa'o// // phur pa phrin las lha tshogs kyi// sku mdog phyag mtshan bstan pa ni// bcom ldan dpal chen rdo rje gzhon nu ni// dbu gsum phyag drug zhabs bzhi sku mdog mthing // g.yas dkar g.yon dmar dbus ni mthing nag zhal// g.yas gnyis rdo rje rtse dgu rtse lnga bsnams// g.yon gyi gnyis na kha T+wAM me dpung bsnams// tha ma gnyis na ri rab phur bu 'dril// dur khrod 'jigs pa'i chas brgyad sku la brgyan// 'khor lo rgyas 'debs mthing nag sku la 'khril// g.yas pa kha T+wAM thogs nas yab la 'khyud// g.yon pa dung khrag gtso la stob par byed// thugs kyi sras mchog bud+d+ha kI la ya// dbu gsum g.yas dkar g.yon dmar dbus mthing zhal// phyag drug g.yas g.yon dang po rdo rje dgra sta bsnams// bar ma gnyis na rgyu zhags ral gri bsnams// tha ma gnyis na ri rab phur bu 'dril// sku smad dngul phur
- 389a
zlum po e yi gdan la bzhugs// lho phyogs sras mchog rat+na ki la ya// dbu gsum g.yas dkar g.yon dmar dbus ser zhal// g.yas g.yon dang po me dang dgra sta bsnams// bar ma gnyis na ral gri be con bsnams// tha ma gnyis na ri rab phur bu 'dril// sku smad gser phur gru bzhi e yi gdan la bzhugs// nub kyi sras mchog pad+ma kI la ya// dbu gsum g.yas dkar g.yon ser dbus dmar zhal// g.yas g.yon dang po ral gri mdung thung bsnams// bar ma gnyis na mda' gzhu 'gengs shing 'phen// tha ma gnyis na ri rab phur bu 'dril// sku smad zangs phur zla gam e yi gdan la bzhugs// byang gi sras mchog karma kI la ya// dbu gsum g.yas dkar g.yon dmar dbus ljang zhal// g.yas g.yon dang po mdung dang gri gug bsnams// bar ma gnyis na lcags kyu ral gri bsnams// tha ma gnyis na ri rab phur bu 'dril// sku smad lcags phur zur gsum e yi gdan la bzhugs// hUM chen sngo skya ser dang dmar ba'i zhal// g.yas g.yon dang po rdo rjes dung khrag dkrugs// bar ma gnyis na mda' gzhu 'gengs shing 'phen// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums tshangs pa'i gdan la bzhugs// yum chen rdo rje sgra 'byin sku la
- 389b
'khril// g.yas pa be con g.yon pa thod khrag stob// yab kyi sprul pa phag gi mgo bo can// g.yas pa tho ba g.yon pa phur pa 'dril// yum gyi sprul pa smig bu'i mgo bo can// g.yas pa nyi zla g.yon pa phur bu 'dril// rnam rgyal dkar po sngo dang ljang ser zhal// g.yas g.yon dang po rdo rjes dung khrag dkrugs// bar ma gnyis na 'khor lo tri shU la// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdangs// zhabs bzhi brkyangs bskums brgya byin gdan la bzhugs// yum chen rdo rje snyems ma sku la 'khril// g.yas pa ral gri g.yon pa thod khrag stobs// yab kyi sprul pa stag gi mgo bo can// g.yas pa rdo rje g.yon pa phur pa 'dril// yum gyi sprul pa bya rgod mgo bo can// g.yas pa lcags kyu g.yon pa phur bu 'dril// khro rgyal dbyug sngon dkar dang dmar ba'i zhal// g.yas g.yon dang po rdo/ rjes dung khrag dkrugs// bar ma gnyis na me dpal dbyug to bsnams// za ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums drang srong gdan la bzhugs// yum chen rdo rje sder mo sku la 'khril// g.yas pa lcags kyu g.yon pa thod khrag stobs// yab kyi sprul pa g.yag gi mgo bo can// g.yas pa dbyug to g.yon pa phur pa 'dril// yum gyi sprul pa
- 390a
@bya rog mgo bo can// g.yas pa me dpal g.yon pa phur bu 'dril// khro rgyal gshin rje sngo sgra ldang sngon zhal// g.yas g.yon dang po rdo rjes dung khrag dkrugs// bar ma gnyis na thod dbyug dgra sta bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums grul bum gdan la bzhugs// yum chen dur khrod bdag mo sku la 'khril// g.yas pa thod dbyug g.yon pa thod khrag stobs// yab kyi sprul pa sha ba'i mgo bo can// g.yas pa dgra sta g.yon pa phur pa 'dril// yum gyi sprul pa 'ug pa'i mgo bo can// g.yas pa zhags pa g.yon pa phur bu 'dril// mi g.yo mgon po ljang sngon smug nag zhal// g.yas g.yon dang po rdo rjes dung khrag dkrugs// bar ma gnyis na ral gri zhags pa bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums bden bral gdan la bzhugs// yum chen rdo rje gtun khung sku la 'khril// g.yas pa tho ba g.yon pa thod khrag stobs// yab kyi sbrul pa gzig gi mgo bo can// g.yas pa ral gri g.yon pa phur pa 'dril// yum gyi sprul pa khwa ta'i mgo bo can// g.yas pa lcags kyu g.yon pa phur bu 'dril// rta mgrin dmar po dkar dang sngo ba'i zhal// g.yas
- 390b
g.yon dang po rdo rjes dung khrag dkrugs// bar ma gnyis na spu gri zhags pa bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums chu lha'i gdan la zhugs// yum chen rdo rje gtum mo sku la 'khril// g.yas pa spu gri g.yon pa dung khrag stob// yab kyi sprul pa byi la'i mgo bo can// g.yas pa zhags pa g.yon pa phur pa 'dril// yum gyi sprul pa pu shud mgo bo can// g.yas pa spu gri g.yon pa phur bu 'dril// 'dod rgyal dmar skra ser dang ljang dgu'i zhal// g.yas g.yon dang po rdo rjes dung khrag dkrugs// bar ma gnyis na ba dan rnga yab bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums rlung lha'i gdan la bzhugs// yum chen rdo rje mda' snyems sku la 'khril// g.yas pa tho ba g.yon pa dung khrag stob// yab kyi sprul pa sbyang ki'i mgo bo can// g.yas pa ba dan g.yon pa phur pa 'dril// yum gyi sprul pa khra yi mgo bo can// g.yas pa rnga yab g.yon pa phur bu 'dril// bdud rtsi 'khyil pa ljang nag dkar dmar zhal// g.yas g.yon dang po rdo rjes dung khrag dkrugs// bar ma gnyis na rgya gram dril bu bsnams// tha ma gnyis na ri rab phur bu 'dril// rdo rje'i gshog pa
- 391a
nam mkha'i mtha' mnyam gdengs// zhabs bzhi brkyangs bskums gnod sbyin gdan la bzhugs// yum chen rdo rje rlung 'byin sku la 'khril// g.yas pa dgra sta g.yon pa dung khrag stob// yab kyi sprul pa seng ge'i mgo bo can// g.yas pa rdo rje g.yon pa phur pa 'dril// yum gyi sprul pa pha wang mgo bo can// g.yas pa me sgron g.yon pa phur bu 'dril// khams gsum rnam rgyal dkar dang dmar ba'i zhal// g.yas g.yon dang po rdo rjes dung khrag dkrugs// bar ma gnyis na rdo rje sbrul zhags bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums bgegs kyi gdan la bzhugs// yum chen rdo rje gsod byed sku la 'khril// g.yas pa gri gug g.yon pa dung khrag stob// yab kyi sprul pa dom gyi mgo bo can// g.yas pa dril bu g.yon pa phur pa 'dril// yum gyi sprul pa sre mo'i mgo bo can// g.yas pa lcags kyu g.yon pa phur bu 'dril// stobs chen dud ka nag dang ljang gu'i zhal// g.yas g.yon dang po rdo rjes dung khrag dkrugs// bar ma gnyis na tho ba zhags pa bsnams// tha ma gnyis na ri rab phur bu 'dril// rdo rje'i gshog pa nam mkha'i mtha' mnyam gdengs// zhabs bzhi brkyangs bskums sa bdag gdan la bzhugs// yum chen rdo rje skul byed
- 391b
sku la 'khril// g.yas pa rtse gsum g.yon pa dung khrag stob// yab kyi sprul pa dred kyi mgo bo can// g.yas pa rdo rje g.yon pa phur pa 'dril// yum gyi sprul pa byi ba'i mgo bo can// g.yas pa sogs le g.yon pa phur bu 'dril// sgo ba dkar po lcags kyu pu shud mgo/ sgo ba ser po zhags pa skya ka'i mgo/ sgo ba dmar po lcags sgrog srin bya'i mgo// sgo ba ljang gu dril bu khra yi mgo// phur pa phrin las kyi lha tshogs kyi sku mdog phyag mtshan bstan pa'i le'u ste bzhi bcu zhe bdun pa'o// // ma mo rbod gtong lha tshogs kyi// sku mdog phyag mtshan bstan pa ni// bcom ldan bla med he ru ka/ sku ni mthing nag 'jigs tshul can// g.yas dkar g.yon dmar dbus mthing zhal// rdo rje sbrul khyung sbrul zhags g.yas// b+han+da zhing g.yab ga'u g.yon// dur khrod 'jigs pa'i chas kyis brgyan// zhabs bzhi bgrad pas ma mo gzir// yum chen kun tu bzang mo ni// bzhi zur zhabs brgyad phyogs mtshams gnon// mkha' bzhi bde klong gcig tu 'khyil// dbu gcig zhal lnga srid pa gsal// pha rol phyin drug phyag rgya la// dang po rdo rje dril bu 'bar// bar ma dril zhags b+han+da ldan// tha ma bdud rtsi g.yang gzhir ldan// sna tshogs bsgyur ba'i sku mdog la// na bza' sna tshogs shin tu 'bar// shar gyi mkha' 'gro seng ge'i gdong // rtag pa'i rgyal mo
- 392a
rnam snang gsal// sku mdog dkar mo 'bar ba la// na bza' dkar po shel ltar dag/ dbu gsum phyag drug zhabs bzhi bgrad// dang po rdo rje b+han+da 'bar// bar ma dgra sta gtun shing brdeg/ tha ma seng ge mchog chen snyod// lha yi mkha' 'gro ban glang gdod// rtag pa'i rgyal mo 'od gsal 'bar// sku mdog sngon mo 'bar ba la// na bza' ston po bai DUr+ya// dbu gsum phyag drug zhabs bzhi bgrad// dang po rin chen b+han+da 'bar// bar ma me dpal dbyug to la// tha ma stag mo zhing chung snyod// nub kyi mkha' 'gro phud ka'i gdong // rtag pa'i rgyal mo snyan mnyen yang gsal 'bar// sku mdog dmar mo 'bar ba la// na bza' dmar mo dbang gis mdzes// dang po pad+ma b+han+da 'bar// bar ma zhags pa tri shU la// tha ma ce sbyang zhing chung snyod// zhabs bzhi chu bdag steng du bgrad// byang gi mkha' 'gro rdo rje'i mchu// rtag pa'i rgyal mo yang gsal g.yos// sku mdog ljang gu 'bar ba la// na bza' ljang gu be DUR+Ya// dbu gsum phyag drug zhabs bzhi bgrad// dang po rgya gram b+han+da dmar// bar ma dbyug to rgyu phreng 'dzin// tha ma sbrang mo zhing chu snyod// zhabs bzhi gnod sbyin steng du bgrad/ nam mkha'i mkha' 'gro rdo rje mchu// rtag pa'i rgyal mo bkrag gsal 'bar// sku mdog ser mo 'bar ba la// na bza' ser po btso ma gser// dbu gsum
- 392b
phyag drug zhabs bzhi bgrad// dang po 'khor lo b+han+da 'bar// bar ma rgyal mtshan spu gri 'dzin// tha ma 'ug pa zhing chung stod// zhabs bzhir ya bdud steng na bgrad// srid pa bde 'gro khams gsum yum// sku mdog mthing nag 'bar ba la// dbu gsum phyag drug zhabs bzhi bgrad// g.yas gyi dang po 'khor lo bskor// g.yon gyi dang po rin po che// g.yas kyi bar ma g.yang gzhi brdeb// g.yon gyi b+han+da dmar gyi bkang // g.yas kyi tha ma tshe 'dzin cing // g.yon gyi tha ma lcags kyu thogs// zhabs drug rgyud drug sgo yang gcod// dkar mo nyi ma'i thod phreng can// na bza' sprin dkar brtsegs pa la// 'ja' tshon 'bar ba'i mtha' chag can// nyi zla stong gi thod phreng can// phyag na zangs lcags dkar nag la// snying brgyus pa yi zhags pa 'phan// nyi ma khros pa'i dbang mo che// sku mdog dkar mo 'bar ba la// sku la shel gyi go zu mnabs// phyag na shel gyi spu gri bsnams// khrag 'thung khros pa'i dbang mo che// sku mdog sngon mo 'bar ba la// na bza' g.yu yi go zu gsol// lag na thod pa khrag bkang bsnams// bdud rtsi khros pa'i dbang mo che// sku mdog dmar mo 'bar ba la// na bza' le brgan go zu mnabs// lag na bdud rtsi'i bum pa bsnams// srid gsum khros pa'i dbang mo che// sku mdog ljang nag 'bar ba la/ na bza' ljang gu
- 393a
be DUR+Ya// lag na zhing lpags rgyal mtshan thogs// dkar mo srid pa'i rgyan byed ma// lag na sgra yi zhags pa thogs// sngon mo dbyings phyug rgyal mo ni// lag na zhing gi dbyug pa thogs// dmar mo bdag nyid chen mo ni// lag na zhing gi rgyu zhags 'dzin// ser mo chen mo gcig pu ma// lag na mi yi g.yang gzhi brdeb// dkar mo chen mo mig gcig ma// lag na b+han+da zlum po thogs// mthing nag chen mo mche ba can// lag na b+han+da sul mang thogs// dmar mo dbang gi rgyal mo ni// lag na b+han+da lcang lo thogs// ser mo chen mo las kyi gtso// lag na b+han+da rgya gram thogs// srid pa'i ma mo chags byed mo// sku mdog mthing nag 'bar ba la// gos su mi lpags rlon pa gon// lag na mi snying rlon pa thogs// srid pa cha snyoms chen mo ni// sku mdog dmar mo chen mo ste// stag lpags rlon pa'i go zu la// mi lpags rlon pa'i na bza' bklubs// lag na thod pa khrag gis bkang // 'dod khams gtso mo chen mo ni// sku mdog sngon mo chen mo la// sku stod stag gi pags pa la// sku smad zangs kyi zhabs mas g.yogs// lag na khram shing nag po thogs// e ka tsa ti ral gcig ma// sku mdog dmar mo 'bar ba la// gos su sprin dkar go zu yi// mtha' ma 'ja' tshon 'bar bas 'khrigs// lag na kha T+wAM mi ro thogs// gling bzhi spyi phud chen
- 393b
mo ni// dkar mo sgeg pa'i cha byad ma// shel gyi go zu sku la gsol// lag na lcags kyi 'od phreng thogs// rin chen srid 'degs chen mo ni// cha byad sngon mo chen mo la// mu tig khu 'phang go zu can// lag na g.yu yi ga'u thogs// pad+ma gar gyi dbang phyug ma// sku yi cha byed dmar mo la// le brgan 'bar ba'i go zu can// lag na thod pa khrag bkang thogs// rdo rje gar gyi dbang phyug ma// sku mdog ser mo 'bar ba la// na bza' gser gyi go zu can// lag na ban+da khrag bkang thogs// har ting dkar mo chen mo ni// sku la shel gyi go zu gsol// lag na me yi dkyil 'khor thogs// dun ting nag mo chen mo ni// sku la g.yu yi go zu gsol// lag na sa yi 'khor lo thogs// shan ting dmar mo chen mo ni// sku la byi ru'i go zu gsol// lag na chu yi dkyil 'khor thogs// grub ting ser mo chen mo ni// na bza' ser po'i go zu gsol// lag na rlung gi 'khor lo thogs/ srin mo chen mo skams pa mo// sku mdog dkar mo go za can// lag na shel pur d+han+da thogs// srin mo chen mo phur thogs ma// sku mdog sngon mo go za sngo// lag na b+han+da khrag bkang thogs// srin mo chen mo g.yang gzhi mo// sku mdog dmar po go zu dmar// lag na b+han+da thod sbram thogs// srin mo chen mo za ba mo// sku mdog dmar mo go zu dmar// lag na b+han+da lpags
- 394a
rlon thogs// srin mo chen mo gsod byed ma// skra mdog ser mo go za sar// lag na b+han+da gri snod thogs// srin mo chen mo za byed ma// sku mdog ser mo go za sar// lag na b+han+da lcags kyuklu thogs// srin mo dri ma snom byed ma// sku mdog dkar mo go zu can// lag na b+han+da rlon pa thogs// shar gyi dkar mo mche gtsigs ma// lag na b+han+da dkar po thogs// lho yi nag mo kha 'byams ma// lag na b+han+da sngon po thogs// nub kyi dmar mo mchu 'jibs ma// lag na b+han+da dmar po thogs// byang gi ser mo rkang ldag ma// lag na b+han+da ser po thogs// gling bzhi mgyogs ma lha yi sring // dkar mo rdo rje rtse gsum thogs// mkha' la khyung lding gshin rje'i sring // sngon mo yi mgo thod dbyug thogs// dmar mo g.yag thod klu yi sring // dmar mo sbrul nag zhags pa thogs// nag mo sder chen gnod sbyin sring // ser mo ne le'i rgyal ba thogs// ma mo rgod gtong lha tshogs kyi sku mdog phyag mtshan bstan pa'i le'u ste bzhi bcu zhe brgyad pa'o// // 'jig rten mchod brten lha tshogs kyi// sku mdog phyag mtshan bstan pa ni// dpal chen dregs pa kun 'dul ni// dbu gsum phyag kyang drug pa ste// dbu gsum kham nag sbrul nag mthing // g.yas g.yon dang po rdo rjes dung khrag dkrugs// g.yas kyi gnyis pa lha brgyad
- 394b
mgo/ g.yon gyi gnyis pa klu brgyad mgo/ zhabs bzhi dregs pa'i snying gar brdzis// yum chen khams gsum spyi 'dul ma// g.yas pa rdo rje yab la 'khyud// g.yon pa dung khrag gtso la stob// lha srin sde brgyad gtso bo ste// dbang phyug ma hA de ba ni// sku mdog mthing nag 'bar ba la// na bza' mthing nag ber chen gsol// gri gug g.yas la tsit+ta g.yon// chibs su rtsal chen seng ge bcibs// btsun mo u ma de bI ni// sku mdog mthing nag 'bar ba la// na bza' ldang nag ber chen gsol// rtse gsum g.yas la thod khrag g.yon// chibs su 'degs pa'i glang chen bcibs// 'chi bdag gshin rje nag po ni// sku mdog nag po 'bar ba la// gcan gzan gdug pa'i lpags rlon gsol// be con g.yas la thod dbyug g.yon// chibs su ma he sngo nag bcibs// gshin rje gsod byed nag mo ni// sku mdog nag mo 'bar ba la// na bza' dar nag go zla gsol// phyag na srid pa'i 'khor lo bskor// bdud po skos rje drang dkar ni// sku mdog nag po 'bar ba la// na bza' dar nag ber chen gsol// khram shing g.yas la dgra sta g.yon// chibs su bdud rta nag po bcibs// bdud mo nag mo re ma ti// sku mdog nag mo 'bar ba la// na bza' dar nag go zu gsol// khram bam g.yas la nad rkyal g.yon// chibs su bong bu gA pa
- 395a
bcibs// srin po nag po glog phreng can// sku mdog nag po 'bar ba la// lus la glog gi phreng ba can// thog chen g.yas la glog chen g.yon// chibs su 'brug dang glog la bcibs// srin mo sbal mgo khrag mig ma// sku mdog dmar nag 'bar ba la// na bza' khrag gi lab nag gsol// khrag phur g.yas la khrag por g.yon// gnod sbyin yak+Sha me dpal ni// sku mdog mthing nag 'bar ba la// na bza' dar nag go zu gsol// rin chen g.yas la mtshon cha g.yon// chibs su stag mo rngams pa bcibs// gnod sbyin mon mo nag mo ni// sku mdog nag mo 'bar ba la// na bza' dar nag go zu gsol// spu gri g.yas la spyang mo g.yon// chibs su lcags kyi sbrang mo bcibs// gza' bdud chen po rA hu la// sku mdog dud ka mgo dgu pa// sku stod mi la sku smad sbrul// mda' gzhu g.yas la sbrul zhags g.yon// chibs su 'brug chen kha gdangs bcibs// gnam sman thog gi bu yug ma// sku mdog dmar skra 'bar ba la// na bza' gser gyi go zu gsol// thog chen g.yas la ser chen g.yon// chibs su 'brug mo yid mgyogs bcibs// klu bdud nag po mgo dgu pa// sku mdog nag po dud kha la// sku stod mi la sku smad sbrul// sbrul zhags g.yas la nad rkyal g.yon// chibs su chu srin nag po bcibs// klu mo
- 395b
yak+Sha sngon mo ni// sku stod dud kha nag po la// sku smad gdug pa sbrul du 'khyil// sbrul zhags g.yas la nad rkyal g.yon// chibs su rus sbal nag po bcibs// srid pa'i lha rab sham po ni// sku mdog dkar gsal gangs ri 'dra// sku la dar dkar ral ga gsol// dar mdung g.yas la shel gri g.yon// chibs su lha g.yag dkar po bcibs// skyes bu gnam the'u dkar po ni// sku mdog dkar gsal 'bar ba la// na bza' za 'og ber chen gso// dar mdud g.yas la ral gri g.yon// chibs su rta dkar phrum dmar bcibs// shar du spyi bdud gu rum rtse// sku mdog dkar gsal 'bar ba la// na bza' rgya byes dkar po gsol// ru mtshon g.yas la ral gri g.yon// chibs su rdo rta gro bo bcibs// ma mo srid pa'i rgyal mo ni// sku mdog dkar gsal 'bar ba la// na bza' dar dkar go zu gsol// 'khor lo g.yas la me long g.yon// chibs su 'brug mo ral chen bcibs// sngags srung e ka dza Ti ni// sku mdog mthing nag 'bar ba la// na bza' dar nag ber chen gsol// tsit+ta g.yas la spyang mo g.yon// chibs su dril rta nag po bcibs// dpal ldan nag mo mgyogs byed ma// sku mdog nag mo 'bar ba la// na bza' dar nag go zu gsol// tshon drub g.yas la nad rkyal g.yon// chibs su so bya rog po bcibs// ban chen
- 396a
rdo rje bdud 'dul ni// sku mdog dmar nag 'bar ba la// na bza' mthing nag ber chen gsol// khrag zun g.yas la nyung thun g.yon// chibs su dre'u rta kham nag chibs// brag btsan srog zan dmar po ni// sku mdog dmar po 'bar ba la// na bza' dar dmar ral ga gsol// bse mdung g.yas la mda' gzhu g.yon// chibs su btsan rta dmar po bcibs// btsan 'gong yam shud dmar po ni// sku mdog dmar po 'bar ba la// na bza' dar dmar klog pa gsol// shang lang g.yas la zangs zhags g.yon// chibs su zangs rta dmar po bcibs// bgegs rgyal bi na ya ka ni// sku mdog mthing nag 'bar ba la// na bza' dar nag ber chen gsol// kha T+wAM g.yas la thod khrag g.yon// chibs su rta nag rting dkar bcibs// mu stegs kA la nag po ni// sku mdog nag po 'bar ba la// na bza' dar nag ber chen gsol// rtse gsum g.yas la zod khrag g.yon// chibs su rtsal gyi seng ge bcibs// rmu bdud nag po bkrag med ni// sku mdog mthing nag 'bar ba la// na bza' dar nag ral ga gsol// shang lang g.yas la mda' gzhu g.yon// chibs su rmu rta mchong rgod chibs// srog bdag tshangs pa dkar po ni// sku mdog dkar gsal 'bar ba la// sku la bya rgod thul pa gsol// spu gri g.yas la
- 396b
nyi zer g.yon// chibs su seng ge dkar po bcibs// rgyal po chen po be har ni// sku mdog dkar gsal 'bar ba la// sku la dom gyi slog pa gsol// bdud zhags g.yas la spu gri g.yon// chibs su ban glang sna ring bcibs// skyes bu sku lha gsang ba ni// sku mdog dkar po 'bar ba la// skyen dkar stod kyi slog pa gsol// rdo rje g.yas la ru mtshon g.yon// chibs su ra skyes dkar po chibs// mgon po ma hA kA la ni// sku mdog mthing nag 'bar ba la// na bza' ljang nag ber chen gsol// gri gug g.yas la bing chen g.yon// chibs su bdud rta nag po bcibs// re re la yang 'khor g.yog ni// 'bum phrag gnyis gnyis 'khor dang ldan// sprul pa yang sbrul bsam mi khyab// ces gsungs so// 'jig rten mchod rten gyi lha tshogs kyi sku mdog phyag mtshan bstan pa'i le'u ste bzhi bcu zhe dgu pa'o// // dmod pa drag sngags lha tshogs kyi// sku mdog phyag mtshan bstan pa ni// lha mchog stobs ldan nag po ni// dbu gsum phyag drug zhabs bzhi bgrad// dbu gsum mthing nag drag po'i zhal// phyag drug g.yas g.yon dang po rdo rjes dung khrag dkrugs// g.yas kyi gnyis na lha brgyad tsit+ta bsnams// g.yon gyi gnyis na klu brgyad tsit+ta bsnams// zhabs bzhis dregs pa pho mo gzir// 'byung ba lnga yi bdag mo ni// zhal gcig/
- 397a
phyag gnyis sku mdog mthing // g.yas kyi phyag gis nam mkha' 'degs// g.yon gyi phyag gis sa gzhi gnon// zhal nas 'byung ba lnga yang 'char// 'chi bdag gshin rje nag po ni// zhal gcig phyag gnyis sku mdog nag/ thod pa g.yas la gri gug g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// 'chi ba dag nag mo btsun mo ni// zhal gcig phyag gnyis sku mdog nag/ thod pa g.yas la gri gug g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// bdud po me yi kha rlangs can// zhal gcig phyag gnyis sku mdog nag/ khram shing g.yas la bdud zhags g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// bdud mo nag mo khrag 'dzag ma// zhal gcig phyag gnyis sku mdog nag/ khram shing g.yas la thod rlon g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// srin mo nag po gsod byed ni// zhal gcig phyag gnyis sku mdog nag/ ral gri g.yas la zod khrag g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// srin mo nag mo gsod byed ma// zhal gcig phyag gnyis sku mdog nag/ gri
- 397b
ga g.yas la mi mgo g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// gnod sprin gang ba bzang po ni// zhal gcig phyag gnyis skra mdog sngo// ral gri g.yas la dar nag g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// gnod sbyin sha za ral gcig ma// zhal gcig phyag gnyis sku mdog sngo// dar nag g.yas la zhing lpags g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// lha chen ma hA de ba ni// zhal gcig phyag gnyis sku mdog dkar// ba dan g.yas la shel gri g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// rU tra thar pa nag po ni// zhal gcig phyag gnyis sku mdog nag/ mchod gtor g.yas la thun gtor g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// rmu rje btsan po mthu bo che// zhal gcig phyag gnyis sku mdog nag/ dar nag g.yas la zhags pa g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// mu stegs kA la nag po ni// zhal gcig phyag gnyis sku mdog nag/ kha T+wAM g.yas la tri shUl g.yon// zhing
- 398a
lpags rlon pa'i na bza' gsol// zhabs gnyis dam nyams dgra bgegs gzir// khyab 'jug chen po ra hu la// zhal gcig phyag gnyis sku mdog mthing // khram shing g.yas la dgra s+t+wa g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// klu rgyal sog ma med pa ni// zhal gcig phyag gnyis sku mdog ser// bum pa g.yas la rus sbal g.yon// sbrul lpags rlon pa'i na bza' gsol// zhabs gnyis dam nyams dgra bgegs gzir// rgyal po li byin har legs ni// zhal gcig phyag gnyis sku mdog dkar// shel gri g.yas la dar dkar g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// 'gong po khu le lag dgu ni// zhal gcig phyag gnyis sku mdog ser// sprul pa'i lag pa dgu yang 'gyed// zhing lpags rlon pa'i na bza' gsol// zhabs gnyis dam nyams dgra bgegs gzir// ze'u rang rdo rje legs pa ni// zhal gcig phyag gnyis sku mdog dkar// dar dkar g.yas la dar dmar g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// btsan rgod yam shud dmar po ni// zhal gcig phyag gnyis sku mdog dmar// btsan mdung g.yas la btsan
- 398b
gri g.yon// zhing lpags rlon pa'i na bza' gsol// zhabs gnyis dam nyams dgra bgegs gzir// re re la yang 'khor g.yog ni// 'bum phrag gnyis gnyis ldan pa la// sprul pa yang sbrul bsam mi khyab// dmod pa drag sngags kyi lha tshogs kyi sku mdog phyag mtshan bstan pa'i le'u ste lnga bcu zam pa'o// // che mchog yon tan rig 'dzin dang // yang dag thugs kyi rig 'dzin dang // 'jam dpal sku yi rig 'dzin dang // pad+ma gsung gi rig 'dzin dang // phur pa phrin las rig 'dzin dang // ma mo rbod gtong rig 'dzin dang // lhun gyis grub pa'i rig 'dzin dang // phyag rgya chen po'i rig 'dzin dang // tshe la dbang ba'i rig 'dzin dang // sa la gnas pa'i rig 'dzin dang // sa thob pa yi rig 'dzin tshogs// dur khrod rus pa'i rgyan cha yis// dbu rgyan phyag gdub zhabs gdub dang // dpung rgyan stod g.yogs smad g.yogs dang // rgyan dang chas kyis brgyan pa'o// dbang gi thor tshugs shigs se shig/ g.yas pa thams cad rdo rje 'dzin// g.yon pa dril bu dku la brten// sku bzhengs 'gyings bag spyod pa mdzad// rig 'dzin gyi sku mdog phyag mtshan bstan pa'i le'u ste lnga bcu gcig pa'o// // che mchog yon tan bka' srung ni// ce spyang dregs pa ma brgyad ni// shar gyi phyogs kyi ce sbrang ni// dbu ni seng ge'i mgo bo
- 399a
la// shel gyi ral pa shel phur can// ce spyang rgyug tshul 'gyings bag can// lag na shel gyi rde'u chung brdung // lho yi phyogs kyi ce spyang ni// dbu ni stag gi mgo bo la// gser gyi ral pa gser pur can// ce spyang rgyug tshul 'gyings bag can// lag na gser gyi rde'u chung brdung // nub kyi phyogs kyi ce spyang ni// dbu ni gzig gi mgo bo can// byu ru'i ral pa phur bu can// ce spyang rgyug tshul 'gyings bag can// lag na byu ru'i rde'u chung brdung // byang gi phyogs kyi ce spyang ni// dbu ni dom gyi mgo bo la// g.yu yi ral pa bur bu can// ce spyang rgyug tshul 'gyings bag can// lag na g.yu yi rde'u chung brdung // shar lho/ mtshams kyi ce sbyang ni// dbu ni sbrang mo'i mgo bo la// g.yu yi ral pa phur bu can// ce sbrang rgyug tshul 'gyings bag can// lag na g.yu yi rde'u chung brdung // lho nub mtshams kyi ce spyang ni// dbu ni bse yi kang+ka'i mgo/ bse yi ral pa phur bu can// ce spyang rgyug tshul 'gyings bag can// lag na bse yi rde'u chung brdung // nub byang mtshams kyi ce spyang ni// dbu ni dur bya ka ka'i mgo/ lcags kyi ral ba phur bu can// ce spyang rgyug tshul 'gyings bag can// lag na lcags kyi rde'u chung brdung // byang shar mtshams kyi ce spyang ni// dbu ni bse yi dred mo mgo/ zangs kyi ral pa phur bu can// ce spyang rgyug tshul zhungs se
- 399b
zhung // lag na zangs kyi rnge'u chung brdung // che mchog yon tan gyi bka' srung ce spyang ma brgyad kyi sku mdog phyag mtshan bstan pa'i le'u ste lnga bcu nga gnyis pa'o// // yang dag thugs kyi bka' srung ni// srin mo nyi shu rtsa brgyad de// sku mdog phyag mtshan bstan pa ni// shar gyi phyogs kyi srin mo drug/ smug nag g.yag gi mgo bo can// zhing dbyug g.yas la b+han dmar g.yon// dmar ser sbrul gyi mgo bo can// rtse lnga g.yas la b+han+da g.yon// ser nag gzig gi mgo bo can// spu gri g.yas la b+han dmar g.yon// dkar dmar sre mo'i mgo bo can// dung chen g.yas la b+han+da g.yon// ser nag pa wang mgo bo can// 'khor lo g.yas la b+han dmar g.yon// dmar ser dred kyi mgo bo can// zhing dbyug g.yas la b+han dmar g.yon// lho yi phyogs kyi srin mo drug/ dmar nag dom gyi mgo bo can// zhing dbyug g.yas la b+han dmar g.yon// sngo nag chu srin mgo bo can// zhing chen g.yas la b+han dmar g.yon// sngo nag sdig pa'i mgo bo can// glo snying g.yas la b+han+da g.yon// ser nag khra yi mgo bo can// rde'u chung g.yas la b+han dmar g.yon// srin mo dmar mo wa yi mgo/ rdo rje g.yas la thod khrag g.yon// mthing nag stag gi mgo bo can// zhing dbyug g.yas la b+han dmar g.yon// nub kyi phyogs kyi srin mo drug/ dmar nag bya rgod
- 400a
mgo bo can// lcags sgrog g.yas la b+han dmar g.yon// dmar nag rta yi mgo bo can// rdo dbyug g.yas la b+han dmar g.yon// dmar ser byi ba'i mgo bo can// rdo rje g.yas la b+han dmar g.yon// dmar nag khyi yi mgo bo can// zhing dbyug g.yas la b+han dmar g.yon// dkar dmar pu shud mgo bo can/ pad+ma g.yas la b+han+da g.yon// ljang ser sha ba'i mgo bo can// zhing chen g.yas la b+han dmar g.yon// byang gi phyogs kyi srin mo drug/ dmar nag khwa'i wa yang mgo bo can// rde'u chung g.yas la b+han dmar g.yon// ljang nag sbyin gyi mgo bo can// rgyu zhags g.yas la b+han dmar g.yon// dmar ser phag gi mgo bo can// rtse lnga g.yas la b+han+da dmar g.yon// dmar nag skya ka'i mgo bo can// rgyu zhags g.yas la b+han dmar g.yon// ljang nag ba glang mgo bo can// zhing gi bum ril g.yas na bsnams// g.yon na zod pa khrag gis bkang // sngo skya bya rog mgo bo can// zangs gri g.yas la b+han dmar g.yon// srin mo phyogs kyi sgo ma bzhi// nag mo khu byug mgo bo can// lcags kyu g.yas la b+han dmar g.yon// sngon mo ra yi mgo bo can// zhags pa g.yas la b+han dmar g.yon// dmar mo spre'u'i mgo bo can// lcags sgrog g.yas la b+han dmar g.yon// ljang nag sbrang mo'i mgo bo can// dril bu g.yas
- 400b
la b+han+da g.yon// yang dag thugs kyi lha tshogs srin mo nyi shu rtsa brgyad kyi/ sku mdog phyag mtshan bstan pa'i le'u ste lnga bcu rtsa gsum pa'o// // 'jam dpal sku yi bka' srung gi/ sku mdog phyag mtshan bstan pa ni// gri thogs ging gi bka' srung ni// shar phyogs ging chen dkar po ni// sku la dung khrab dkar po gsol// phyag na dung gi ral gri bsnams// lho phyogs ging chen ser po ni// sku la gser khrab ser po gsol// phyag na gser gyi ral gri bsnams// nub phyogs ging chen dmar po ni// sku la bse khrab dmar po gsol// phyag na bse yi gri yang bsnams// byang phyogs ging chen sngon po ni// sku la g.yu khrab sngon po gsol// phyag na g.yu yi ral gri bsnams// khram thogs bdud kyi bka' srung ni// shar bdud rol po ral pa can// phyag na bdud kyi khram shing bsnams// khrab bdag srog bdud mche ba can// phyag na bdun kyi khram shing bsnams// zla bdud yor po zhags pa can// phyag na bdud kyi khram shing bsnams// srog bdud gser gyi sta re can// phyag na bdud kyi khram shing bsnams// sho thogs rtsis pa'i bka' srung ni// nyi ma dang po'i rtsis byed ging // dkar po lag na sho rdo thogs// nyi ma gnyis pa'i rtsis byed ging // ser po lag na sho rnge thogs// nyi ma gsum pa'i rtsis byed ging // dmar po lag na sho rde thogs// nyi ma bzhi pa'i
- 401a
rtsis byed ging // sngon po lag na sho rnge thogs// srog gcod shan pa'i bka' srung ni// nad gtong ma mo'i shan pa ni// nag mo chen mo kha gdangs ma// lag na thun dang ral gri thogs// myos pa btsan gyi shan pa ni// dmar po 'jigs byed khro gtum can// lag na btsan gri dmar po thogs// glen pa klu yi bshan pa ni// sku mdog mthing nag sbrul lpags gsol// lag na sbrul gyi zhags pa thogs// gdug rtsub gza' yi shan pa ni// sku mdog nag po 'jigs pa'i tshul// g.yas na mdung nag dar nag 'phyar// g.yon na snying dang zhags pa thogs// 'jam dpal sku'i bka' srung gi sku mdog phyag mtshan bstan pa'i le'u ste lnga bcu rtsa bzhi pa'o// // pad+ma gsung gi bka' srung gi/ sku mdog phyag mtshan bstan pa ni// sku las sprul pa'i kham rgya mo// dung gi dred mo mgo gsum zhon// gsung las sprul pa'i kham rgya mo// zangs kyi 'phar ba mgo brgyad zhon// thugs las sprul pa'i kham rgya mo// lcags kyi sbrang mo mgo dgu zhon// yon tan sprul pa'i kham rgya mo// g.yu yi spyang mo rkang gsum zhon// phrin las sprul pa'i kham rgya mo// gser gyi seng ge rngam khri zhon// gnyis med sprul pa'i kham rgya mo// dung gi seng ge mgo dgu zhon// shar phyogs long ba rgyab sbrel ni// 'brug chen sngon po chibs su chibs// na bza' le
- 401b
brgan dpung thung 'bar ba yang gsol// lag na lcags kyu dgra sta thogs// lho phyogs long ba rgyab sbrel ni// lcags kyi sdig pa chibs su chibs// phyag na lcags kyi khyung chen bsnams// na bza' sa yi ras ma gsol// nub phyogs long ba rgyab sbrel ni// ban glang dkar po chibs su chibs// na bza' glu 'brug pags pa gsol// lag na sbrul gyi zhags pa thogs// byang phyogs dmus long rgyab sbrel ni// lcags kyi spyang mo rkang gsum zhon// na bza' zhing gi g.yang gzhi gon// lag pa sbrel nas gar stabs byed// shar gyi phyogs nas rgyug pa'i khyi// dung gi khyi mo ral pa can// lho yi phyogs nas rgyug pa'i khyi// gser gyi khyi mo ral pa can// nub kyi phyogs nas rgyug pa'i khyi// zangs kyi khyi mo ral pa can// byang gi phyogs nas rgyug pa'i khyi// g.yu yi khyi mo ral pa can// shar lho mtshams nas rgyug pa'i khyi// byu ru'i khyi mo ral pa can// lho nub mtshams nas rgyug pa'i khyi// mchong gi khyi mo ral pa can// nub byang mtshams nas rgyug pa'i khyi// bse yi khyi mo ral pa can// byang shar mtshams nas rgyug pa'i khyi// shel gyi khyi mo ral pa can// shar gyi phyogs nas rgyug pa ni// dung gi spyang mo ral pa can// lho yi phyogs nas rgyug pa ni// gser gyi sbrang mo ral pa can// nub kyi phyogs nas rgyug pa ni// zangs kyi spyang mo ral pa can// byang gi phyogs nas rgyug pa
- 402a
@ni// g.yu yi sbrang mo ral pa can// shar lho mtshams nas rgyug pa ni// mthing shul spyang mo ral pa can// lho nub mtshams nas rgyug pa ni// mu men spyang mo ral pa can// nub byang mtshams nas rgyug pa ni// mchong gi spyang mo ral pa can// byang shar mtshams nas rgyug pa ni// ra gan sbrang mo ral pa can// shar gyi phyogs kyi pho nya ni// dkar mo zla 'dab 'jigs pa'i gzugs// lho yi phyogs kyi pho nya ni// ser mo nyi 'dab 'jigs pa'i gzugs// nub kyi phyogs kyi pho nya ni// dmar po me 'dab 'jigs pa'i gzugs// byang gi phyogs kyi pho nya ni// sngon mo chu 'dab 'jigs pa'i gzugs// rlung 'brug sngon mo g.yu yi 'dab gshog can// me 'brug dmar mo me yi 'dab gshog can// klu 'brug sngon mo sbrul gyi gshog pa can// chu 'brug dkar mo sprin gyi 'dab gshog can// sna tshogs gzugs can rdo rje'i 'dab gshog can// pad+ma gsung gi bka' srung gi sku mdog phyag mtshan bstan pa'i le'u ste lnga bcu rtsa lnga pa'o// // phur pa phrin las bka' srung gi/ sku mdog phyag mtshan bstan pa ni// shwa na mu kha zhes bya ba// lcags kyi spyang mo mgo dgu pa// mi mo lcags kyi ral can zhon// lag na lcags kyi phur pa 'dril// sr-i ka mu kha zhes bya ba// gser gyi 'phar ba lce brgyad la// mi mo gser gyi ral can zhon// lag na
- 402b
gser gyi phur pa 'dril// sri gal mu kha zhes bya ba// zangs kyi wa mo rkang gsum la// zangs kyi mi mo ral can zhon// lag na zangs kyi phur bu 'dri la// shra na mu kha zhes bya ba// lcags kyi khyi mo ral pa can// mi mo lcags kyi ral can zhon// lag na dung gi phur pa 'dril// re ma ti zhes bya ba ni// nag mo ral pas stong khams khyab// g.yas na mchog gi phur pa 'dril// chibs su dril rta rkang gsum bcibs// re ma dza zhes bya ba ni// ser nag rma bya'i thul pa gsol// phyag na mchog gi phur pa bsnams// chibs su dril rta rkang gsum bcibs// re ma dzi zhes bya ba ni// dmar nag re lde nag po gsol// phyag na mchog gi phur pa bsnams// chibs su dril rta rkang gsum bcibs// re ma dzu zhes bya ba ni// ljang nag dar nag go zu gsol// phyag na mchog gi phur pa bsnams// chibs su dril rta rkang gsum bcibs// rdo rje ya byin zhes bya ba// mthing nag lcags phur ral pa can// chibs su bdud rta nag po bcibs// rdo rje de byin zhes bya ba// ser po gser phur ral pa can// lag na gser gyi phur pa 'dril// chibs su gza' rta ser po bcibs// rdo rje bse byin zhes bya ba// dmar mo bse phur ral pa can// lag na bse yi phur bu 'dril// chibs su btsan rta dmar po chibs// rdo rje phag byin zhes bya ba// ljang mo g.yu phur ral pa can// lag
- 403a
na g.yu yi phur pa 'dril// chibs su klu rta sngon po chibs// shar phyogs srin po'i skyes bu ni// srin po byad can phur pa'i lha// dkar po lag na phur pa 'dril// lho phyogs gshin rje'i skyes bu ni// gshin rje nag po phur pa'i lha// nag po lag na phur pa 'dril// nub phyogs ya bdud skyes bu ni// sog po mig ring phur pa'i lha// dmar po lag na phur pa 'dril// byang phyogs gnod sbyin skyes bu ni// mon pa gdong ring phur pa 'dril// shar bdud dkar po mche ba can// lag na dung gi phur pa 'dril// lho bdud sngon mo ral pa can// phyag na g.yu yi phur pa 'dril// nub bdud dmar po zhag pa can// phyag na zhags pa phur pa 'dril// byang bdud ldang nag ral gri can// phyag na ral gri phur pa 'dril// shar gyi phyogs kyi dmag dpon ni// phra ma rA dza srin po'i gtso// dkar po lag na phur pa 'dril// lho yi phyogs kyi dmag dpon ni// ya ma rA dza gshin rje'i gtso// sngon po lag na phur pa 'dril// nub kyi phyogs kyi dmag dpon ni// d+ha sha grI ba bdud kyi ging // nag po lag na phur pa 'dril// byang gi phyogs kyi dmag dpon ni// yak+kha grI ba gnod sbyin ging // ser po lag na gri yang thogs// phur pa phrin las kyi bka' srung gi le'u ste lnga bcu drug pa'o// // ma mo rbod gtong bka' srung gi/ sku mdog phyag mtshan
- 403b
bstan pa ni// mtsho sman rgyal mo dpal mo ldan// sku mdog sngon mo me long thogs// dkar mo chen mo dbu gsum ma// lag na b+han+da skam po thogs// srid pa'i bu mo dam tshig can// ser mo b+han+da skam po thogs// smug nag chen mo dbu lnga ma// lag na b+han+da rlon pa thogs// khram kha stong gi dbang mo che// dkar mo lag na b+han+da thogs// ri rab gling bzhi'i dbang mo che// ser mo lag na b+han+da thogs// theg chen sa gzhi'i dbang mo che// sdug mo lag na b+han+da thogs// rgya mtsho'i gling gi dbang mo che// lag na b+han+da sngon po thogs// gnam gyi ye d+ha ra chen mo ni// nag mo mun pa'i go zu can// lag na b+han+da khrag bkang thogs// bar gyi glog ma srin mo yang // khrag gi bud med dmar nag la// lag na b+han+da khrag bkang thogs// sa yi phung byed nag mo ni// mun pa'i bud med chen mo la// lag na b+han+da khrag bkang thogs// gsang ba'i ma mo rbod byed ma// nag mo chen mo lcags kyu thogs// pho nya lcags kyi khyi mo khrid// gsang ba'i ma mo 'khrugs byed ma// lag na khrag gi lcags kyu thogs// pho nya zangs kyi khyi mo khrid// gsang ba'i ma mo sgrol byed kyang // lag na 'gugs pa'i lcags kyu thogs// pho nya dung gi khyi mo khrid// ma mo chen mo ro kha ma// nag mo thod pa khrag bkang thogs// ma mo chen mo tsa muN+Di// smug mo thod pa khrag bkang thogs// ma
- 404a
mo chen mo nam gru ma// nag mo thod pa khrag bkang thogs// shar gyi stag srin zor ba gdong // dkar mo lag na zor ba thogs// lho yi bam srin dred mo'i gdong // ser nag lag na zor ba thogs// nub kyi kong srin ban glang gdong // dmar po lag na zor ba thogs// byang gis 'brog srin chu srin gdong // sngon mo lag na zor ba thogs// ma mo rbad gtong gi bka' srung gi sku mdog phyag mtshan bstan pa'i le'u ste lnga bcu bdun pa'o// // rig 'dzin rnams kyi bka' srung ni// rdo rje rigs kyi mkha' 'gro ma// dkar mo rdo rje thod pa thogs// rin chen rigs kyi mkha' 'gro ma// ser mo rin chen thod pa thogs// pad+ma rigs kyi mkha' 'gro ma// dmar mo pad+ma thod pa thogs// las kyi rigs kyi mkha' 'gro ma// sngon mo rgya gram thod pa thogs// 'jig rten las kyi mkha' 'gro ma// sna tshogs gri gug thod pa thogs// rdo rje rigs kyi dpa' bo ni// sngon po rdo rje thod pa thogs// rin chen rigs kyi dpa' bo ni// ser po rin chen thod pa thogs// pad+ma rigs kyi dpa' bo ni/ dmar po pad+ma zod pa thogs// las kyi rigs kyi dpa' bo ni// ljang gu rgya gram thod pa thogs// 'jig rten las kyi dpa' bo ni// sna tshogs bri dang thod pa bsnams// rig 'dzin rnams kyi bka' srung gi/ sku mdog phyag mtshan bstan pa'i le'u ste lnga
- 404b
bcu brgyad pa'o// // dpal gyi bka' sdod kyi sku mdog phyag mtshan bstan pa// dkyil 'khor phyogs mtshams skyong ba yi// dbang phyug nyi shu rtsa brgyad ni// srin mo smug nag thod rlon 'chang // tshangs pa dmar ser pad+ma 'dzin// lha chen dkar ljang tri shul 'dzin// gtogs 'dod sngon mo 'khor lo 'dzin// gzhon nu dmar mo mdung thung 'dzin// brgya byin dkar mo in+d+ra gdengs// rdo rje ser mo tsan dan 'thung // bdud rtsi dmar mo pad+ma 'dzin// zla ba dkar mo puN+Da ri// be con ldang nag dbyug to 'phyar// srin mo sngo nag zod khrag 'thung // za ba ser nag pa su 'dren// dga' ba dmar mo ka tar 'chang // stobs chen dkar mo gshol 'dzin ma// rdo rje ser mo spu gri gcod// 'dod pa dmar mo mda' gzhu 'gengs// nor srung dkar mo bum pa 'dzin// rlung lha sngon mo ba dan 'dzin// gsod byed dmar mo ral gri'o// me mo dmar ser gsal shing 'dzin// phag mo nag mo mche zhags thogs// rgan byed dmar mo zhing za ba// sna chen ljang nag zod khrag 'thung // chu lha sngon mo sbrul zhags 'dzin// rdo rje nag mo lcags kyu 'dzin// rdo rje ser mo zhags pa 'dzin// rdo rje dmar mo lcags sgrog sdom// rdo rje ljang nag dril 'khrol dgyes// mkha' 'gro sum cu rtsa gnyis ni// rdo rje rigs kyi mkha' 'gro brgyad// dkar po rdo rje lcags kyu thogs// rin
- 405a
chen rigs kyi mkha' 'gro brgyad// ser po rdo rje zhags pa thogs// pad+ma rigs kyi mkha' 'gro brgyad// dmar po rdo rje lcags sgrog thogs// las kyi rigs kyi mkha' 'gro brgyad// sngon po rdo rje dril bu thogs// rdo rje ging chen bco brgyad ni// rdo rje rigs kyi ging chen bzhi// dkar po lag na shel gri thogs// rin chen rigs kyi ging chen bzhi// ser po lag na gri yang thogs// pad+ma rigs kyi ging chen bzhi// dmar po lag na gri yang thogs// las kyi rigs kyi ging chen bzhi// sngon po lag na gri yang thogs// steng 'og ging chen rnam pa gnyis// sku mdog dkar nag 'od zer 'phro// lag na ral gri thogs pa'o// rdo rje lang ka bco brgyad ni// rdo rje rigs kyi lang ka bzhi// lag na rdo rje tri shUl thogs// rin chen rigs kyi lang ka bzhi// lag na rin chen tri shUl thogs// pad+ma rigs kyi lang ka bzhi// lag na pad+ma tri shUl thogs// las kyi rigs kyi lang ka bzhi// lag na rgya gram tri shUl thogs// steng 'og gnyis kyi lang ka ni// lag na sna tshogs tri shUl thogs// gnod sbyin snying nas 'dren pa'i 'bar ma brgyad// 'bar ma nyi ma'i zhags pa can// 'bar ma me 'bar glog phreng 'dzin// 'bar ma gshin rje skar mda' gtong // 'bar ma srin mo mdung thung 'phen// 'bar ma chen mo lce 'bebs ma// 'bar ma chen mo khyud thogs
- 405b
ma// 'bar ma rlung bdag ral gri sna// 'bar ma 'jigs byed ban glang sna// sa bdag chen mo sum cu gnyis// sa bdag bdud 'dul chen mo brgyad// sku mdog dkar gsal 'bar ba la// lag na lcags tho ba thogs// gza' bdag gza' 'dul chen mo brgyad// sku mdog ser mo 'bar ba la// lag na zhags pa phur bu thogs// sa bdag kla 'dul chen mo brgyad// sku mdog dmar mo 'bar ba la// phyag na lcags sgrog phur bu thogs// sa bdag btsan 'dul chen mo brgyad// sku mdog dmar mo 'bar ba la// lag na tri shUl phur bu thogs// phyi nang las byed pho nya ni// drug cu rtsa bzhi bstan pa ni// rdo rje rigs kyi pho nya bcu drug kyang // lag na rdo rje phur bu thogs// rin chen rigs kyi pho nya bcu drug kyang // lag na rin chen phur bu thogs// pad+ma rigs kyi pho nya bcu drug kyang // lag na pad+ma phur bu thogs// las kyi rigs kyi pho nya bcu drug kyang // lag na rgya gram phur bu thogs// ma mo bdun dang sring mo bzhi// ma mo chen mo rnam pa bdun// ma mo ye shes mkha' 'gro ma// phyag na gri gug zod khrag bsnams// ma mo ye shes shugs 'gro ma// phyag na gri gug b+han dmar thogs// ma mo ye shes rtag 'gro ma// phyag na zhing gi dbyug pa bsnams// ma mo ye shes za byed ma// nag mo zhing chen za ba'i tshul// ma mo ye shes kha 'bar ma/
- 406a
@/ nag mo me yi kha rlangs 'bar// ma mo chen mo re ma ti// nag mo phyag na nad rgyal bsnams// ma mo ye shes mkha' 'gro ma// sngon mo phyag na khram bam bsnams// sring mo chen mo rnam pa bzhi// sring mo byis pa'i dur byed ma// gling bzhi mgyogs ma lha yi sring // sring mo chen mo 'tsho byed ma// mkha' la khyung lding gshin rje'i sring // sring mo chen mo sdom byed ma// dmar mo g.yag thod klu yi sring // sring mo chen mo rlung 'byin ma// nag mo sder chen gnod sbyin sring // kun kyang phyag na thod khrag bsnams// 'bum phrag yangs pa'i mkha' 'gro ma// tshangs pa'i lha mo 'bum phrag gcig/ dri za chen mo 'bum phrag gcig/ drang srong chen mo 'bum phrag gcig/ grul bum chen mo 'bum phrag gcig/ srin mo chen mo 'bum phrag gcig/ klu mo chen mo 'bum phrag gcig/ rlung bdag chen mo 'bum phrag gcig/ gnod sbyin chen mo 'bum phrag gcig/ dbang ldan chen mo 'bum phrag gcig/ sa bdag chen mo 'bum phrag gcig/ sman bran chen mo 'bum phrag gcig/ sha za chen mo 'bum phrag gcig/ bdud mo chen mo 'bum phrag gcig/ dkar mo chen mo 'bum phrag gcig/ ser mo chen mo 'bum phrag gcig/ dmar mo chen mo 'bum phrag gcig/ sngon mo chen mo 'bum phrag gcig/ smug mo chen mo 'bum phrag gcig/ mthing nag chen mo 'bum phrag
- 406b
gcig/ nag mo chen mo 'bum phrag gcig/ la la gser gyi ri la gnas// la la rgya mtsho'i gting la gnas// la la gling chen bzhi la gnas// la la gling chung brgyad la gnas// la la gangs dkar rtse la gnas// la la sa yi 'og na gnas// la la nam mkha'i mthongs na gnas// la la dpag bsam shing la gnas// la la bar snang khams la gnas// la la gcan gzan sder chags zhon// la la rmig pa kha brag zhon// la la rmig pa zlum po zhon// la la gdong pa can la zhon// la la 'dab chags bya la zhon// la la rlung dang ser bu zhon// la la glog gi rkang la zhon// la la dgu tshigs gzhung la zhon// la la dus bzhi'i gung la rgyug/ la la nam gyi gung la rgyug/ la la nyi ma'i gung la rgyug/ la la zla ba'i zer la rgyug/ la la mun pa'i smag la rgyug/ la la grib so rta ru zhon// la la nam mkha'i mdangs la zhon// la la skya rengs mdangs la zhon// la la chu bo'i gzhung la zhon// la la gsal ba'i me long thogs// la la dar dkar g.yab mo thogs// la la lcags kyu 'bar ba thogs// la la zhags pa nag po thogs// la la be con nag po thogs// la la gcod pa'i spu gri thogs// la la mi mgo'i phor pa thogs// la la mi snying rlon pa thogs// la la mi lpags rlon pa thogs// la la ru mtshon nag po thogs// la la bdud kyi khram
- 407a
shing thogs// la la sho yi rde'u thogs// la la nad kyi rkyal pa thogs// la la mtshon gyi dru gu thogs// la la byang dmar bam po thogs// la la tri shUl rnon po thogs// la la dpal rtse 'bar ba thogs// kun kyang gdug pa'i lag cha thogs// kun kyang dbugs dang srog la dga'// kun kyang sha za khrag 'thung ma/ kun kyang mdangs 'phrog bcud len ma// rgyal po blon mo yang g.yog bcas// 'bum phrag yangs pa'i mkha' 'gro ma// phyi yi dur khrod gnas na gnas// zhes gsungs so// dpal gyi bka' sdod kyi srung ma'i sku mdog phyag mtshan bstan pa'i le'u ste lnga bcu dgu pa'o// // bsgrub pa bka' brgyad rig 'dzin dkyil 'khor dang bcas pa'i/ 'jig rten las 'das pa'i rtsa ba'i lha dang / 'jig rten pa'i bka' srung dang bcas pa'o// lha'i sku mdog phyag mtshan byung gnas gdab pa'i skabs te drug pa'o// // de nas spyi dpal kun tu bzang po la// 'khor gyi rig 'dzin rnams kyis zhus pa// e ma spyi dpal he ru ka/ blo ldan rnal 'byor gang zhig gis// bsgrub pa bka' brgyad dkyil 'khor lha// nyams su len par 'dod pa la// bskyed rdzogs 'bring po bshad du gsol// de skad gsol pa gsan nas kyang // spyi dpal chen pos bka' stsal pa// nyon cig 'dus pa'i 'khor tshogs rnams// rnal
- 407b
'byor bsdus la dga' ba la// bskyed rdzogs phrin las bsdus te bstan// dben zhing dgon pa'i gnas dag tu// bsgrub pa'i dkyil 'khor zhal phyes la// phyi mtshams bcad la nang mtshams bsdams// gsang ba'i mtshams bcad bshags dang brlabs// sngon du 'gro ba'i las rnams bya// de nas bskyed rim don la 'jug/ de bzhin kun snang rgyu las ni// 'byung ba lnga yi rim pa brtsigs// b+h+rUM las ye shes gzhal yas khang // dkyil 'khor dgu yi gzhal yas ni// kun kyang 'khor lo bzhi pas mdzes// khyams dang sgo bzhi lcags rir bcas// phyi khyams sgo bzhi rgyan dang ldan// lcags ri zlum po rdo rje'i ra// phyi rim bskal pa'i me 'bar bskyed// de nang gdan khri bskyed pa ni// dregs pa 'gro drug byol song gdan// dkyil 'khor kun gyi dbus su gding // dkyil 'khor dbus ma'i gdan steng du// rgyu yi ye shes sems dpa' babs// cho ga gsum gyi sbyor ba yis// che mchog he ru'i skur bskyed la// dbu dgu phyag kyang bco brgyad la// zhabs kyang rnam pa brgyad du bgrad// dbus kyi dbu gsum mthing la rngams// g.yas gcig dkar la g.yon gcig dmar// g.yas gcig dmar la g.yon gcig ldang // g.yas gcig dkar la g.yon gcig dmar// g.yas kyi dang po rdo rje bsnams// gnyis pa kha T+wAM rtse gsum bsnams// gsum pa gsang
- 408a
ba'i rnge'u chung bsnams// bzhi pa 'khor lo rtsibs brgyad bsnams// lnga pa rin chen 'bar ba bsnams// drug pa pad+ma 'dab brgyad bsnams// bdun pa ral gri rnon po bsnams// brgyad pa dgra sta kha leb bsnams// dgu pa 'dren pa'i zhags pa bsnams// g.yon gyi dang pos b+han dmar bsnams// gnyis pa zhing gi dbyug pa bsnams// gsum pa gser gyi thong gshol bsnams// bzhi pa me shel nyi ma bsnams// lnga pa chu shel zla ba bsnams// drug pa rin chen ri rab bsnams// bdun pa chu yi dkyil 'khor bsnams// brgyad pa me yi dkyil 'khor bsnams// dgu pa rlung gi dkyil 'khor bsnams// zhabs brgyad glang chen dregs pa brdzis// glang chen ko rlon ya bskor// zhing chen g.yang gzhi'i stod g.yogs la// dpa' gtum stag gi sham thams can// gdug pa sbrul gyis sku rgyan byas// thal chen khrag zhag mtshan mar btab// dbu la rigs lnga'i sangs rgyas dang // rdo rje dbyings kyi dkyil 'khor rdzogs// thod pa'i phreng bas dbu rgyan byas// bskal pa'i me dpung klong na bzhugs// 'bar ba'i gar dgu ldan par bsgom// yab kyi g.yon nas grib ma'i tshul// yum chen khro mo gnam zhal ma// zhal gcig phyag gnyis yab dang mthun// g.yas pa kha T+wAM yab la 'khyud// g.yon pa b+han dmar gtso la stob// gnyis su med
- 408b
par 'khril bar bsgom// yab yum mkha' gsang byin rlabs las// mkha' las khro bo 'chol ba spros// phyogs bcu'i dregs pa bsgral nas ni// slar 'dus dkyil 'khor brgyad la dgod// dkyil 'khor brgyad kyi gtso bor gsal// shar du badz+ra he ru ka/ lho ru 'jam dpal gshin rje gshed// nub tu rta mgrin rgyal po la// byang du rdo rje gzhon nu'o// shar lhor bla med he ru ka/ nub byang dregs pa kun 'dul la// byang shar stobs ldan nag po'o// so so'i yum bcas rdzogs par bskyed// lho nub rig 'dzin slob dpon yin// de nas gtso bo yab yum gyi// byang chub sems kyi 'od zer dang // rtsa ba'i sngags rnams brjod pa yis// so so'i 'khor tshogs rdzogs par bskyed// che mchog yab yum sprul pa ni// che mchog rigs bzhi yab yum bzhi// dregs pa phyogs skyong 'dul byed bcu// ta kr-ita sgo srung khro bo bzhi// bka' srung ce spyang ma brgyad bsgom// badz+ra he ru yab yum las// rigs bzhi'i khrag 'thung yab yum bzhi// go rI brgyad dang phra men brgyad// gdong mo sgo ma bzhi dang ni// bka' srung khro mo nyi shu brgyad// 'jam dpal gshin rje yab yum las// gshed bzhi sbyor yum sgrol yum bcas/ phyogs skyong bcu gnyis yum dang bcas// mgo brnyan sgo skyong gshin rje bzhi// bka' srung ging bdud rtsis pa dang // srog gi shan par bcas pa
- 409a
bsgom// pad+ma dbang chen yab yum las// las kyi sras mchog yab yum gnyis// zil gnon khro rgyal yab yum dang // sgo skyong pho nya sgo ba bzhi// bka' srung kham brgya ma drug dang // sbrul sku dmus long bcu drug dang // za byed dpal gyi khyi spyang dang // pho nya 'bar ba'i gshog pa bzhi// dur mo 'brug mo chen mo bzhi// rdo rje gzhon nu yab yum las// sras mchog rigs bzhi kI la ya// khro bo bcu dang khro mo bcu// za byed bcu dang gsod byed bcu// mgo brnyan sgo srung chen mo bzhi// bka' srung sho na bse mo bzhi// re ti mched bzhi bcu gnyis so// ging bzhi bdud bzhi shan pa bzhi// bla med he ru yab yum las// rtag pa'i rgyal mo rnam pa lnga// ye shes rje mo bcu bzhi dang // sman mo nyi shu rtsa brgyad dang // sgo skyong sring mo chen mo bzhi// bka' srung yang gab ma bzhi dang // sbas pa'i ma bzhi gdong mo bzhi// phung byed ma gsum ro kha ma gsum dang // gsang ba'i ma gsum pho nya gsum// dregs pa kun 'dul yab yum la// dregs pa nyi shu rtsa drug bskor// sgo skyong dbang chen dregs pa bzhi// stobs ldan nag po yab yum la// dregs pa can ni bco lngas bskor// sgo ba bka' nyan rnam pa bzhi// bka' srung so so'i 'khor g.yog ldan// rig 'dzin rdo rje thod pa rtsal// rigs kyi rig 'dzin drug dang ni// grub pa'i rig 'dzin rnam pa
- 409b
bzhi// sgo bzhir rtsa ba'i slob dpon bzhi// bka' srung dpa' bo dpa' mo dang // mkha' 'gro sde bzhir bcas pa'o// phyi khyams dbang phyug nyi shu bzhi// sgo bzhir dbang phyug sgo ma bzhi// phyi yi lcags ri 'khor yug la// mkha' 'gro ging dang lang ka dang // ma sring 'bar ma pho nya dang // mkha' 'gro 'bum phrag yangs pa rnams// rang bzhin dpal gyi bka' sdod pa'o// de ltar lha rnams gsal bskyed la// sku gsung thugs su byin brlab cing // ye shes lnga yi dbang yang bskur// rang bzhin gnas nas spyan drangs shing // gnyis su med par bzhugs su gsol// dgyes pa'i tshul gyis phyag byas la// mchod pa dbul zhing dgyes par bstod// so so'i snying po bzlas brjod 'bad// phrin las bcol zhing bshags pa bya// tshogs dang lhag ma'i las rdzogs nas// gtor ma gtor la dkyil 'khor bsdu// spyod lam bzhir yang lha bsgom bya// yang na rdzogs pa'i rim pa la// ma bcos rang gsal rang sar bzhag/ ces gsungs so// bskyed rdzogs 'bring po'i le'u ste drug cu zam pa'o// // de nas spyi dpal kun bzang he ru ka la// 'khor gyi rig 'dzin rnams kyis zhus pa// e ma spyi dpal he ru ka/ rnal 'byor blo dman gang zag la// bsdus pa'i bskyed rdzogs bshad du gsol// de skad gsol pa gsan nas kyang // spyi dpal chen
- 410a
pos bka' stsal pa// nyon cig 'dus pa'i tshogs chen rnams// rnal 'byor shin tu bsdus dga' la// bskyed rdzogs shin tu bsdus te bstan// phun sum tshogs pa'i gnas dag tu// 'du 'dzi spangs pa'i rnal 'byor pas// lha yi dkyil 'khor bsgom 'dod nas// sngon du 'gro ba'i las byas nas// de bzhin nyid kyi ting nge 'dzin// rang bzhin dngos med spros pa med// kun snang kun khyab snying rje'i ngadang // rgyu nyid mthing nag yi ge hUM// 'byung ba yum lnga'i dkyil 'khor brtsegs// keng rus ri rab rtse brgyad steng // dur khrod 'bar ba'i gzhal yas khang // tshom bu dgu yi dkyil 'khor bskyed// dregs pa nyi zla pad+ma'i gdan// kun la gdan du gding bar bya// gdan steng rgyu yi yi ge las// dpal chen khrag 'thung chen po'i skur// cho ga gsum gyis gsal bar bskyed// bdag nyid che mchog he ru ka/ mthing nag dbu gsum phyag drug pa// zhabs bzhi gyad kyi dor stabs bgrad// dbu gsum g.yas dkar g.yon dmar ba// dbus ni mthing nag sku dang mthun// phyag drug g.yas kyi dang po na// rdo rje rtse dgu bsnams pa'o// bar ma rdo rje rtse lnga pa// tha ma rdo rje gsum mo// g.yon gyi dang po b+han+da ni// lcang lo khrag bkang gsol ba'o// bar ma thod rlon dmar gyis bkang // tha ma thod skam dmar bkang ba'o// zhabs gnyis gyad
- 410b
bzhi yin nas kyi dor stabs so// sku stod glang chen ko rlon gsol// sku smad stag gi sham thabs can// zhing chen g.yang gzhi'i na bzar gsol// thod pa tshar gsum phreng bas brgyan// rdo rje'i gshog pa khyab par gdengs// khrag zhag thig le'i mtshan mas brgyan// thugs kar ye shes sems dpa' la// sngags kyi phreng bas bskor ba'o// yum ni zhal gcig phyag gnyis ma// g.yas pa gri gug yab la 'khyud// g.yon pa dung khrag gtso la stob// skra mdog rigs dang mthun pa la// ska smad gzigs gi sham thabs can// yab yum gnyis su med par 'khril// bskal pa'i me dpung klong na bzhugs// 'bar ba'i cha lugs 'jigs par bsgom// yab yum gnyis kyi thugs ka nas// phyogs bzhi'i mtshams bzhi'i dkyil 'khor du// mthing nag hUM gi 'phro 'du las// shar du badz+ra he ru ka/ lho ru 'jam dpal gshin rje gshed// nub tu pad+ma dbang chen no// byang du rdo rje gzhon nu ste// shar lhor bla med he ru ka/ lho nub rig 'dzin thod pa brtsal// nub byang dregs pa kun 'dul ba// byang shar stobs ldan nag po'o// yum rnams yab dang tshig rdzogs bskyed// so so'i 'khor tshogs rgya mtsho rnams// rang bzhin dag gis gnas pa las// sku mdog phyag mtshan gsal mi dgos// skad cig rdzogs pa'i tshul gyis bskyed// sku gsung thugs su byin brlabs
- 411a
shing // ye shes lnga yi dbang bskur bya// rang bzhin dkyil 'khor spyan drangs shing // gnyis su med par bzhugs su gsol// gnyis med ngang du phyag kyang btsal// bdud rtsi sman gyi mchod pa dang // gtor ma rak+ta bdud rtsis mchod// bstod cing phrin las bshags pa bya// bzlas pa bya zhing spro bsdu bya// oM ma ha kro d+ha hUM phaT/ oM badz+ra kro d+ha hUM phaT/ oM a kro te ka hUM phaT/ oM ha ya grI wa hUM phaT/ oM badz+ra kIki li kI la ya hUM phaT/ oM badz+ra ma hA kro d+ha hUM phaT/ oM ka la rU pa hUM phaT// oM badz+ra tsaN+Da sarba duSh+TAn hUM phaT/ oM badz+ra sarba duSh+TAn hUM phaT/ gsang ba sngags kyi bsnyen pa bya// tshogs dang lhag ma'i cho ga yang // rim pa bzhin du dbul bar bya// gtor ma gtong zhing gtor gzhung mnan// ye shes sems dpa' gshegs su gsol// dam tshig sems dpa' rang la bsdu// skad cig lhar bskyed spyod lam bya// zhes gsungs so// bskyed rdzogs shin tu bsdus pa'i le'u ste drug cu rtsa gcig pa'o// // de nas spyi dpal he ru ka la/ 'khor gyi rig 'dzin rnams kyis zhus pa/ e ma spyi dpal he ru ka/ rnal 'byor rgyun du bsgom pa la// rgyun gyi yi dam bshad du gsol// de skad gsol pa gsan nas kyang // spyi dpal chen pos bka' stsal pa// nyon cig 'dus pa'i 'khor tshogs rnams// sems can ye shes bskyed pa dang // rnal 'byor
- 411b
rig 'dzin bsgrub pa'i phyir// bde ba'i stan la rab 'dug nas// hUM las 'od zer 'phros pa las// phyi nang gsang ba'i 'od zer 'phros// bla ma dang ni yi dam lha// bde gshegs thams cad spyan drangs la// phyag 'tshal mchod cing bshags pa dang // rjes su yi rang gsol bskul gdab// skyabs gsol lus dbul dge rtsa bsngo// tshad med bzhi yang bsgom par bya// de nas stong pa'i ting 'dzin bsgom// 'od phung tshur 'dus bdag rang nyid// de yi nang du hUM gnas pa// de las tsa 'phros 'khor lor gyur// lto bar nyi bsam hUM de nyid// de las gnod mdzes rgyal por gyur// de thugs hUM gi 'phro 'du las// khro bo chen po bcu ru gyur// hUM bzhi'i gsang sngags brjod pa yis// khro bcu'i sprul pas gdug pa dgug/ sku gsung thugs kyi phur bus gdab// btul zhing sbyangs nas nam mkhar gyur// de las hUM gi 'phro 'du las// rdo rje'i gur dang ra ba dang // dra ba nyid du gyur pa'o// hUM gi 'phro 'dus slar la bzhu// stong pa nyid las 'od phung byung // de las nyi zla kha sbyar gyur// de steng rang sems yi ge hUM// 'phro 'dus 'od du zhu ba las// rdo rje dang ni dril bur gyur// de las bde gshegs 'dus pa'i sku// rdo rje khro bo he ru ka/ sku mdog mthing nag zhal gcig la// phyag gnyis rdo rje b+han dmar bsnams// zhabs gnyis brkyang bskum dor stabs
- 412a
kyis// pad+ma nyi zla'i steng na bgrad// yum yang yab dang mthun par bskyed// sku gsung thugs su byin brlabs shing // ye shes sems dpa' spyan drangs la// phyi nang bdud rtsi'i mchod pa 'bul// de ltar bsgom la bzlas pa bya// nyi steng ye shes sems dpa' yi// mtshan ma la sogs gsal bsgoms nas// 'od zer la ni yig 'bru bskyed// ma gsal bar du bzlas pa bya// oM AHhUM zhes bzlas pa bya// de nas rdzogs pa'i rim pa bsgom pa ni// lha nyid sems su shes par bya// rang nyid lha la lha nyid rang // bskyed rdzogs gsum gyi sa lam sbyang // zhes gsungs so// rgyun gyi rnal 'byor gyi bsdus don/ khro bo phyag rgya rkyang pa'i sgrub lugs kyi le'u ste drug cu rtsa gnyis pa'o// bsdus dang shin tu bsdus pa phyag rgya rkyang pa'i lugs kyi skabs te bdun pa'o// / de nas spyi dpal kun bzang he ru ka la zhus pa/ e ma spyi dpal he ru ka/ phyi sgrub rdul tshon dkyil 'khor la// brten nas sgrub pa ji ltar lags// spyi dpal chen pos bka' stsal pa// nyon cig 'dus pa'i tshogs chen rnams// bde gshegs bsgrub pa bka' brgyad lha// phyi ltar bsgrub na ji ltar bsgrub// phyi mtshams nang mtshams sngon 'gro rnams// mchod rdzas byin brlab la sogs bya// de nas ting 'dzin rnam gsum dang // 'byung ba rim brtsegs gzhal yas
- 412b
khang // gdan dang bcas pa bskyed nas ni// rgyu yi ye shes sems dpa' las// gtso bo che mchog he ru ka/ sku mdog phyag mtshan cha lugs ni// rgyas 'bring bsdus pa'i rim pa dag/ shar du yang dag lha tshogs la// lho ru gshin rje'i lha tshogs la// nub tu pad+ma'i lha tshogs so// byang du phur pa'i lha tshogs so// shar lho ma mo'i lha tshogs so// lho nub rig 'dzin slob dpon te// nub byang dregs pa kun 'dul la// byang shar stobs ldan nag po'o// phyi khyams dbang phyug nyi shu brgyad// 'khor yug dpal gyi bka' sdod do// de ltar bskyed cing gsal brtan bya// sku gsung thugs su byin brlabs shing // ye shes lnga yi dbang bskur bya// spyan drang bzhugs gsol phyag 'tshal mchod// bstod cing bshags pa dag par dbul// so so'i rtsa sngags bsnyen par dbul// 'od dang 'od zer spro bsdu bya// bskul zhing phrin las bcol bar bya// tshogs dang lhag ma'i cho ga rnams// rim pa bzhin du dbul bar bya// gtor ma gtong zhing gtor gzhong mnan// ye shes sems dpa' gshegs su gsol// dam tshig sems dpa' rang la bsdu// skad cig lhar bskyed spyod lam bya// ma bcos spros bral dang la gnas// de ni rdzogs pa'i rim pa'o// zhes gsungs so// phyi rdul tshon gyi dkyil 'khor la brten nas bsgrub pa'i rim pa ste le'u drug cu rtsa gsum
- 413a
pa'o// // de nas yang dag nges gsungs pa// nang bsgrub lus kyi dkyil 'khor la// brten nas bsgrub pa bshad pa ni// bde ba'i stan la 'dug nas ni// skad cig ma yi ting 'dzin las// che mchog he ru'i skur bskyed la// spyi bor rig 'dzin slob dpon bsgom// dpral bar 'jam dpal gshin rje gshed// mgrin par pad+ma dbang chen no// thugs kar badz+ra he ru ka/ lte bar rdo rje gzhon nu'o// gsang bar bla med he ru ka/ rkang g.yas dregs pa kun 'dul la// rkang pa g.yon la stobs ldan no// de rnams yum dang 'khor du bcas// rang bzhin 'khor du gnas par bsgom// de rnams thugs kar zla dkyil steng // yi ge hUM gi 'phro 'du yis// hUM ring hUM thung sgra las drangs// dregs pa kun 'dul stobs ldan nas// hUM gi 'od zer 'phros pa yis// rtsa'o che yi nang nas zhugs// bla med he ru'i thugs kar 'phros// de las rdo rje gzhon nu la// de las badz+ra he ru las// de las pad+ma dbang chen las// de las 'jam dpal gshin rje gshed// de las bla ma'i thugs kar ro// de las 'od zer 'phros pa yis// lus kyi mgo mjug khyab pa yi// nyon mongs dug lnga dug gsum dang // bag chags sgrib pa rtsad nas bcad// chos kyi dbyings su sangs rgyas pa'o// de ni bsnyen pa zhes bya'o// de nas bsgrub pa'i dus su ni// bla
- 413b
ma'i thugs nas 'od 'phros pas// 'jam dpal gshin rje'i thugs kar spros// de nas pad+ma dbang chen no// de las badz+ra he ru ka/ de las rdo rje gzhon nu'o// de las bla med he ru ka/ de las rtsa chen g.yas zhugs pas// dregs pa kun 'dul thugs kar spros// de las rtsa chen g.yon zhugs pas// stobs ldan nag po'i thugs kar 'phros// de las ging bdud gshin rje sogs// phyag na mtshon cha thogs pa 'phros// gzas pa'i dgra bgegs rtsad bcad nas// slar 'dus dregs 'dul stobs ldan gyi// thugs kar 'dus te 'khor ba ni// sgrub pa las sbyor zhes su bshad// de las 'od de yang 'phros pas// rim pa bzhin du 'od 'phros nas// spyi bo 'khor lo'i gshin rje dang // bla ma'i thugs kar 'phros nas ni// rnal 'byor pa yi ye shes de// zla ba ches pa lta bur rgyas// sgrub pa chen po zhes bya'o// bdag nyid gdod nas ma grub pa// rdzogs pa chen por la bzlas pas// sangs rgyas zhes kyang de la bya'o// de ltar yang yang spro ba ni// dam tshig sems dpa' zhes kyang bya// mar la spro bar byed pa ni// las kyi sems dpa' zhes kyang bya// de nas yar la bsdu ba ni// ye shes sems dpa' zhes bya'o// de ltar 'od zer spro bsdu yis// bag chags sgrib pa khad kyis 'bri// ye shes zla ba tshes ltar skye// de ni rdzogs chen rnal 'byor ro// bar 'dir tshig/
- 414a
chad 'dra song ngam dpyad// sbyor dus yab yum gnyis ka las// lha bkod 'od zer spro bsdu dang // yul gsum gsal bar gyur pa dang // 'jigs pa'i bdud bzhi gzhom pa dang // gsang ba'i dgra gsum gsod pa dang // 'gro drug g.yang sa bcad par bya'o// zhes gsungs so// nang lus kyi dkyil 'khor la brten te sgrub pa'i le'u ste drug cu rtsa bzhi pa'o// // de nas yang dag nges gsungs pa// gsang ba'i sgrub pa bstan pa ni// rig pa ye shes dkyil 'khor la// brten nas a ti yo gar bsgrub// ma nor ma bcos chos nyid ni// btsal ba'i bsam pa kun las 'das// thams cad dbyer med mnyam pa'i ngang // de bzhin nyid las khyad par 'phags// a ti'i de bzhin nyid ces bya// snang ba med pa'i chos nyid la// khyab dang ma khyab gnyis med de// kun tu snang las khyad par 'phags// a ti'i kun tu snang zhes bya// btsal ba med pa'i chos nyid las// ma bskyed par ni thams cad 'byung // rgyu nyid las ni khyad par 'phags// a ti'i rgyu yi ting 'dzin no// btsal ba med pa'i chos nyid las// bsgrub tu med pa'i 'bras bu shar// 'byung ba lnga las khyad par 'phags// a ti'i 'byung ba rim brtseg yin// 'gyur ba med pa'i chos nyid las// phyogs dang ris la mi gnas shing // mtha' dang dbus la mi dmigs
- 414b
pas// sems nyid ye nas 'gyur ba med// gzhal yas khang las khyad par 'phags// a ti'i gzhal yas khang zhes bya// mi dmigs bsam gtan dbyer med pas// ma bcos spros pa med pa'i dkyil// skye med yongs la khyab pa'i 'khor// 'gyur med don rtags mnyam pa'i ngang // mtshan ma'i dkyil 'khor las khyad 'phags// a ti'i dkyil 'khor bskyed ces bya// dbye ru med pa'i sems nyid kyi// phung po khams dang skye mched rnams// ye nas dbyer med rdzogs sangs rgyas// lha tshogs bskyed las khyad par 'phags// a ti'i lha tshogs bskyed ces bya// dngos med sems kyi ye shes kyis// mtshan ma'i snang ba dbyings su bskyod// a ti'i dbang bskur byin brlab bya'o// rang byung rig pa'i ye shes ni// btsal zhing bsam pas mi bskyod de// chos kyi dbyings su gshegs pa ni// spyan drangs don las khyad par 'phags// a ti'i lha tshogs spyan drangs yin// spros pa med pa'i chos nyid dang // btsal du med pa'i sems nyid ni// mnyam pa'i ngang du rtogs pas na// bzhugs su gsol las khyad par 'phags// a ti'i bzhugs su gsol zhes bya// thams cad dbyer med mnyam pa'i dbyings// 'du 'bral med par gnas pas na// phyag btsal ba las khyad par 'phags// a ti'i phyag btsal de la bya// chos nyid btsal du med pa las// chos can
- 415a
mchod pa'i rkyen du snang // sems nyid btsal du med pa las// skye mched khams rnams mchod par snang // nam mkha' dmigs su med pa las// 'byung ba sna tshogs mchod par snang // thams cad chos nyid rgyan du gsungs// mchod pa phul las khyad par 'phags// a ti'i mchod pa phul zhes bya// thams cad mi dmigs mnyam pa'i ngang // dmigs med bsam 'das brjod du med// bsnyen pa phul las khyad par 'phags// a ti'i bsnyen pa phul zhes bya// gnyis su med pa'i sems nyid kyis// thams cad bla med 'gyur ston pas// pho nya bkye las khyad par 'phags// a ti'i pho nya bkye zhes bya// khams gsum sems can thams cad dang // dus gsum gsum gnas pa'i sangs rgyas kyang // thams cad dbyer med dbyings su bsgral// dgra bgegs bsgral las khyad par 'phags// a ti'i dgra bgegs bsgral zhes bya// snang ba'i yul ni chos nyid la// stong pa'i sems ni ye shes che// gnyis su med par rtogs pas na// phur pa gdab la khyad par 'phags// a ti'i phur pa gdab ces bya// 'khor ba thams cad dong nas spusprug/ skye shi rtsad nas bcad pas na// tshogs mchod phul las khyad par 'phags// a ti'i tshogs mchod phul zhes bya// thams cad dbyings la bkod pas na// lhag ma'i mchod pa khyad par 'phags// a ti'i
- 415b
lhag mas mchod ces bya// ma skyes pa yi chos nyid kyis// skyes pa'i phung po skye rgyun bcad// mi dmigs pa yi nam mkha' yis// dmigs pa'i 'byung ba zil gyis mnan// thams cad skye shi'i rtsa ba bcad// gzir mnan byas las khyad par 'phags// a ti'i gzir mnan zhes kyang bya// 'khor ba'i rgyu nyid yang dag byang chub lam// thams cad mya ngan 'das las khyad par 'phags// skye med rdo rje lta bu'i nga nyid las// skye shi 'pho 'gyur med pas khyad par 'phags// de lta bu yi don la gnas pa yis// rtogs pa'i blo ldan rnal 'byor gang gnas pa// de yi don la 'dris na sangs rgyas yin// btsal du med pa'i don rtogs bsgom pa yin// a ti'i yo ga'i don rtogs ngo mtshar che// zhes gsungs so// gsang ba rig pa sems kyi dkyil 'khor la brten te sgrub pa'i le'u ste drug cu rtsa lnga pa'o// phyi bsgrub dang nang bsgrub dang gsang bsgrub bstan pa'i skabs te brgyad pa'o// // de nas spyi dpal chen pos ting nge 'dzin de las bzhengs te/ 'dus pa'i 'khor tshogs rnams la bka' stsal pa// nyon cig 'dus pa'i 'khor tshogs rnams// bde gshegs zhi ba'i sgrub pa ste// de yang rgyud 'di'i nang du 'dus// 'jam dpal sku yi sgrub pa ste// de yang rgyud 'di'i nang du 'dus// pad+ma gsung gi sgrub pa ste// de yang rgyud 'di'i nang du
- 416a
'dus// yang dag thugs kyi sgrub pa ste// de yang rgyud 'di'i nang du 'dus// che mchog yon tan sgrub pa ste// de yang rgyud 'di'i nang du 'dus// phur bu phrin las sgrub pa ste// de yang rgyud 'di'i nang du 'dus// ma mo rbod gtong sgrub pa ste// de yang rgyud 'di'i nang du 'dus// rig 'dzin slob dpon sgrub pa ste// de yang rgyud 'di'i nang du 'dus// 'jig rten mchod rten sgrub pa ste// de yang rgyud 'di'i nang du 'dus/ dmod pa drag sngags sgrub pa ste// de yang rgyud 'di'i nang du 'dus// de phyir bsgrub pa bka' brgyad 'dus// bka' brgyad 'dus pa'i rgyud ces bya// zhi ba khro bo thams cad 'dus// zhi khro 'dus pa'i rgyud ces bya// bde gshegs thams cad 'dus pas na// bde gshegs 'dus pa'i rgyud ces bya// rgyud 'dis dngos grub ster bas na// mi zad dngos grub gter gyi rgyud// gtad do 'khor tshogs 'dus pa rnams// tshong zhig rig 'dzin sa thob rnams// khyed kyis yongs su gzung bar gyis// zhes gsungs nas spyi dpal kun tu bzang po chos kyi dbyings su thim mo// rgyud yongs su gtad pa'i le'u ste drug cu rtsa drug pa'o// // lta ba thams cad kyi yang rtse/ man ngag thams cad kyi sdebs/ bstan pa thams cad kyi srog shing / sgrub pa thams cad kyi bcud/ phrin las thams cad kyi rtsa ba/ bsgrub pa bka' brgyad 'dus
- 416b
pa'i rgyud ces kyang bya/ khro bo 'dus pa'i rgyud ces kyang bya/ bde gshegs 'dus pa'i rgyud ces kyang bya/ dngos grub gter gyi rgyud ces kyang bya/ spyi dpal kun tu bzang po'i dgongs pa bkod pa'i mdo zhes kyang bya/ 'byed par byed la lde mig gi rgyud ces kyang bya'o// rgyud kyi mtshan bstan pa'i le'u ste drug cu rtsa bdun pa'o// slad kyi mjug bsdu ba'i skabs te dgu pa'o// rdzogs so// // rgyal po khri srong lde'u btsan gyi phyag dpe/ rgyas btab nas rin po che'i gter du sbas pa'o// gter rgya/ sbas rgya/ gtad rgya// // bka' brgyad chud gsang ba 'dus pa/ gter kha 'og ma/