Text

ff. 1a–366a · 731 folio sides

  1. 1a

    dam tshig thams cad kyi nyams chag skong ba'i lung / bshags pa thams cad kyi rgyud dri ma med pa'i rgyal po zhes bya ba bzhugs so//

  2. 1b

    rgya gar skad du/ sa ma ya sarba bi ti a nu sarba sa ni tan+t+ra bi ma la rA dza nA ma/ bod skad du/ dam tshig thams cad kyi nyams chag skong ba'i lung / bshags pa thams cad kyi rgyud dri ma med pa'i rgyal po zhes bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ ri ma la ya gnam lcags yod pa'i rtse mo/ seng+ge'i za 'gram lta bur gyur pa'i gnas/ dus gsum gyi rgyal ba rnams kyi byin gyis brlabs pa'i rin po che'i khang pa rang byung du grub pa na/ bcom ldan 'das gsang ba'i bdag po phyag na rdo rje/ sku gsum gyi ston pa rnams kyi gsung gi tshogs ma lus par sdud cing / byang chub sems dpa' dang / 'gro ba rnams kyi bla ma chen por gyur pa de la/ 'khor du

  3. 2a

    gyur pa theg pa chen po'i rigs can ni 'di lta ste/ lang ka'i bdag po blo gros thabs ldan dang / klu'i rgyal po gtsug na rin chen blo gros rgya mtsho dang / tshangs pa gtsug phud 'dzin blo gros mtha' yas dang / gnod spyir skar mda' gdong blo gros dad sel dang / dri ma med par grags pa blo gros rab zhi la sogs pas bskor te bzhugs so// de'i tshe rig 'dzin gyi rgyal po kuny+dza ras stan las langs te phyag rnal 'byor gyi lugs su byas nas/ 'di skad ces 'khor rnams kyis mgrin gcig tu gsol to// kye ho dpal ldan rdo rje gsang ba'i bdag/ bya spyod rnal 'byor bla med pa'i// rgyud la gnas pa'i rnal 'byor pa'i// gzhi 'dzin srung ba srog 'dra yi// nyams chag bskang bshags cho ga rnams// phyi rabs da

  4. 2b

    lha'i don du gsungs// zhes gsol to// de nas gsang ba'i bdag po dpal phyag na rdo rjes 'di skad gsungs so// kye ho dam pa'i rigs can rnams// dam tshig sa gzhi lta bu la// thams cad 'bras bu lo tog smin// gzhi srung so nam thabs 'bad pa/ khyod la bshad kyis legs par nyon// zhes gsungs nas/ mi zad pa rin po che'i gong bu zhes bya ba'i ting nge 'dzin la snyoms par zhugs nas 'di skad ces gsungs so// sngon 'das pa'i dus dran pa dpag tu med pa'i sngon rol nas/ ston pa chos kyi sku dang / longs spyod rdzogs pa'i sku dang / rdo rje lta bu'i sku dang / mngon par byang chub pa'i sku dang / sprul pa'i sku dang / sku lnga'i sangs rgyas rnams dang / sku bzhi'i sangs rgyas la sogs pa rnams kyis rgyud dag pa'i zhing byang chub sems dpa' rnams la gsungs pa'i rgyud sde mang po dang / rgyud ma dag pa la snang ba'i he ru ka rnams kyis/ ru tra la sogs pa rnams yang dag pa'i sa la lung bstan pa'i dus na/ 'gyod tshangs kyi smre sngags brjod pa dang / de'i 'khor gyi rig 'dzin pho mo mang pos gsungs pa'i bshags pa rnams gsang ba'i dam tshig skong ba'i cho gar gsungs pa dang / sangs rgyas dang / byang chub sems dpa' dang / rig 'dzin dang / rA tra 'khor dang bcas pa'i bshags pa rnams kyi rgyud chen po 'di gsungs so// gsung ngo // gsung bar 'gyur

  5. 3a

    ro// zhes gsungs so// de nas 'khor rnams kyis zhus pa/ dus gsum gyi sangs rgyas dpag tu med pas gsungs pa dang / rU tra la sogs pa dregs pa can dpag tu med pas 'gyod bshags phul ba dang / rig 'dzin rnal 'byor gyi dbang phyug chen po rnams kyis bshags pa'i thabs rnams bshad par zhu/ 'gro ba'i don du gsungs/ ma 'ongs pa'i sems can dang / rnal 'byor pa rnams la phan pa'i don du shod/ ces zhus so// de nas rdo rje 'dzin pa chen pos rnam par 'byed pa'i ting nge 'dzin la snyoms par zhugs nas/ gsang sngags pa rnams kyi bshags pa'i don dbye ba 'di gsungs so// kye ho yang dag par rdzogs pa'i sangs rgyas rnams kyi lam la gnas pa'i bla ma dam pa ni bzhi zhig yod de/ de yang gang zhe na/ phyi sgo 'dogs yongs su gcod par byed pa'i bla ma dam pa dang / nang rang byung gi ye shes ston par byed pa'i bla ma dam pa dang / gsang ba lhan cig skyes pa'i ye shes ston par byed pa'i bla ma dam pa dang / mthar thug de kho na nyid kyi chos thams cad shin tu rnam par dag pa'i de kho na nyid ston par byed pa'i bla ma dam pa'o// dam pa de dag gi lam la gnas par bya ba'ang rnam pa gsum yod de/ de yang gang zhe na/ gzhi dngos po gshis kyi gnas lugs ston par byed pa dang / lam nyams su len pa'i gdams ngag ston par byed

  6. 3b

    pa dang / 'bras bu mngon sum du gyur pa'i don ston par byed pa'o// dam pa de'i lam rnam pa gsum gang yang rung ba ma gtogs pa'i bshags pa bya ba dang / khyad par du yang ma dag pa'i snang ba dang / nyams kyi snang ba dang / dag pa'i snang ba rnams ma rtogs pa dang / kun gzhi rgyu'i rgyud dang / lam thabs kyi rgyud dang / phyag rgya chen po 'bras bu'i rgyud ma rtogs pa dang / rgyu'i rnal 'byor dang / lam gyi rnal 'byor dang / 'bras bu'i rnal 'byor ma rtogs pa dang / bde bar gshegs pa'i bka' yang dag pa lung gi tshad ma dang / rnal 'byor gyi dbang phyug nyams myong rjes su dran pa'i tshad ma dang / bla ma rdo rje slob dpon snyan khung brgyud pa man ngag gi tshad ma dang / dngos po'i mtha' rten cing 'brel bar 'byung ba lo rgyas kyi tshad ma ma rtogs pa dang / de dag rtogs par bya ba'i phyir 'di dag bshad de/ dbang gi chu bo ma nub pa dang / byin rlabs kyi brgyud pa ma nyams pa dang / gdams ngag gi sarga ma log pa dang / mos gus kyi bsam pa tshims par nus pa'i phyir/ phyi'i rten 'brel dang / nang gi rten 'brel dang / gsang ba'i rten 'brel dang / mthar zug de kho na nyid kyi rten 'brel bsgrigs nas/ bde bar gshegs pa'i bka' tshad ma dang / bla ma'i man ngag tshad ma dang / rang gi rig pa tshad mas gtan la phab ste/ blta ba'i dug phyung / bsgom pa'i

  7. 4a

    bdud rtsi bsten/ spyod pa la dor nas gsang sngags gsang ba'i lam la zhugs pa rnams la/ dam tshig nyams chags byung bar gyur na theg pa lam zhugs kyi bshags pa dang / na rag dong sbugs kyi bshags pa dang / brjod med dang / dam tshig nyi shu rtsa brgyad kyi bshags pa dang / rdo rje dpal chen dang / ye shes mkha' 'gro dang / zhi ba sangs rgyas dang / khro bo khrag 'thung dang / rA tra'i smre bshags dang / rgyud lung man ngag gi bshags pa dang / blta ba'i klong bshags dang / dbang bzhi rdzogs pa thabs lam gyi bshags pa dang / 'bras bu'i don rtogs sku gsung thugs su byung ba'i bshags pa rnams bshad par bya'o// zhes gsungs so// dri med rgyal po bshags pa'i rgyud las/ gleng gzhi dang gleng bslang ba'i le'u ste dang po'o// // de nas de bzhin gshegs pa thams cad kyis theg pa lam zhugs kyi bshags pa 'di gsungs so// oM dang por bdag dang khams gsum sems can rnams// yul la chags pa skye bar mi bgyid de// pha dang ma la brten nas gzugs su snang // rang dbang med par 'jig rten gnas 'di mthong // ma rig chung zhing gzhon pa'i dus mtshams na// gti mug dbang gis dge sdig don ma rtogs// 'dod chags dbang gis pha rol 'khor bar 'khyams// zhe sdang dbang gis sdig pa'i las rnams

  8. 4b

    bgyis// ngan song gsum du 'gro ba'i rgyu bsags te// mno bsam shes nas chos la skyabs su mchi// dang bas nya stong dus drug sgor zhugs te// nya stong tshes brgyad dus khrims mnos pa las// de la nyams pa'i skyon sems ma mchis te// nya stong tshul bzhin srung ba'i dge bsnyen la// nyams pa bka' yi chad pa byung na bshags// de nas yar la blo sems cher skyes nas// sbyangs pa'i yon tan bcu gnyis sgor zhugs sa// nyan thos sdom pa tshul bzhin mnos pa las// rtsa ba bzhi dang yan lag drug la sogs// nyis brgya lnga bcu'i khrims la skyon ma mchis// nyan thos 'dul khrims srung ba'i dge slong la// nyams pa bka' yi chad pa byung na bshags// de nas yar la blo sems cher skyes nas// rten 'brel bcu gnyis bsgrub pa'i sgor zhugs te// rang rgyal sdom pa tshul bzhin mnos pa las// 'khor ba rang bzhin med par mngon rtogs shing // snang srid sgyu ma lta bur shes pas na// de la nyams par bya ba'i skyon ma mchis// rang rgyal sdom pa srung ba'i dge slong la// nyams pa bka' yi chad pa byung na bshags// de nas yar la blo sems cher skyes nas// theg chen byang chub sems kyi sgor zhugs te// byang chub sems dpa'i sdom pa mnos pa las// smon 'jug kun rdzob don dam byang chub sems// sdom pa nyi shu'i tshul khrims skyon ma mchis// de

  9. 5a

    la nyams pa'i skyon lta ma mchis na// sdom brtson tshul bzhin srung ba'i dge slong la// nyams pa bka' yi chad pa byung na bshags// de nas yar la blo sems cher skyes nas// dag pa rnam pa gnyis kyi sgor zhugs te// kri ya'i dam tshig tshul bzhin mnos pa las// dkon mchog gsum dang rdo rje slob dpon dang // rdo rje spun dang rdo rje ming sring dang // de bzhin rang gi sngags dang phyag rgya rnams// de la nyams pa'i skyon lha ma mchis na// kri ya'i dam tshig srung ba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas// u pa ya yi dam tshig sgor zhugs nas// phyag rgya sngags dang man ngag sgrub pa yi// blta spyod kri yog tshul srung rnal 'byor la// nyams pa bka' yi chad pa byung na bshags// de nas yar la blo sems cher skyes nas// lta spyod rnam pa gnyis kyi sgor zhugs nas// yo ga'i dam tshig tshul bzhin mnos pa las// dkon mchog gsum dang de 'khor byang chub sems// rdo rje bla ma mched dang lcam dral dang // dbang thob rnal 'byor gzhan la mi smod cing // rang rtags phyag rgya rtag tu srung ba la// de la nyams pa'i skyon lta ma mchis na// yo ga'i dam tshig srung ba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas// thabs dang

  10. 5b

    shes rab gnyis kyi sgor zhugs nas// ma hA yo ga'i dam tshig mnos pa las// 'khor ba dang ni mya ngan 'das pa'i chos// yab lnga dang ni yum lngar sbyor bas na// rgyal ba'i dam tshig mchog tu gsungs pa las// ma hA yo ga srung ba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas// dbyings dang ye shes gnyis kyi sgor zhugs nas// a nu yo ga'i dam tshig mnos pa las// phyi nang snang srid dus gsum thams cad kun// rang rig ye shes dbyings las mi gzhan te// rdo rje dril bu phyag rgya 'chang byed cing // a nu yo ga srung ba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas/ khyab gdal chen po theg pa'i sgor zhugs nas// a ti yo ga'i dam tshig mnos pa las// med pa'i dam tshig dang ni phyal pa dang // gcig pu'i dam tshig dang ni lhun gyis rdzogs// grangs dang phyogs las 'das pa'i dam tshig la// rgyal ba rnams kyis dam tshig mchog tu gsungs// bsrung mtshams med pas med pa'i dam tshig la// gzung dang 'dzin pa med pas phyal pa yin// thams cad sems su 'dus pas gcig pu nyid// lhag ma med par 'dus pas lhun gyis rdzogs// de la nyams pa'i skyon lta ma mchis na// a ti yo ga srung ba'i rnal 'byor la// nyams

  11. 6a

    pa bka' yi chad pa byung na bshags// sde snod rnam pa gsum gyi bsrung bya ni// tshul khrims rnam par dag pas 'dul mthar phyin// rang dbang mngon du gyur pas mngon mthar phyin// shes rab rnam dag mdo sde'i mtha' ru phyin// phyi yi lha srin sde brgyad srung ma rnams// dam tshig nyams par gyur na mthol lo bshags// kri yog rnam pa gsum gyi bsrung bya ni// dag pa rnam gsum kri ya mtha' ru phyin// blta spyod gnyis med u pa ya mthar phyin// sum cu lha yi skur gsal rnal 'byor mtha'// dpal mgon bdun cu la sogs srung ma rnams// dam tshig nyams par gyur na mthol lo bshags// yo ga rnam gsum dam tshig bsrung bya ni// rtsa ba yan lag srung ba rnal 'byor che// sgrub pa khyad par dam tshig a nu'i mtha'// lhag pa'i dam tshig rnam bzhi rdzogs chen pa// nang dang gsang ba'i lha srin sde brgyad rnams// dam tshig nyams par gyur na mthol lo bshags// mtshan nyid sde snod gsum dang theg pa gnyis// phyi pa thub pa rgyud la kri yog gsum// nang pa thabs kyi rgyud la yo ga gsum// theg pa rim pa dgu yi dam tshig rnams// lta spyod 'brel bar spyod pa'i rnal 'byor la// mkha' 'gro bka' yi chad pa ci ste bcang // dbang phyug thugs kyi sprul pa ci ste dgye// rgyu 'bras ma spangs dge ba dang du blangs// sdig pa ma spyad

  12. 6b

    rnam par smin la 'dzem// bka' gzhung ma bor rgyud lung man ngag 'brangs// yal bar ma dor gzhung bzhin dang du blangs// lus ngag yid gsum btud nas gsang sngags chos// sgom sgrub spyod pa'i rnal 'byor dbang phyug la// dam tshig nyams chag byung na bskang gyur cig/ rtsa ba yan lag pham ltung nyes byas dang // sbom po phra mo la sogs nyes skyon rnams// skyon du gyur pa thams cad tshangs par mdzod// mchog dang thun mong dngos grub stsal du gsol// ye shes lha la rnal rtog mi mnga' yang // de 'khor bka' yi srung ma dam tshig can// thugs dang 'gal bar gyur na bzod par gsol// yun gyi sgrib pa mchis na sgrib pa sbyongs// 'phral gyi rkyen gegs mchis na rkyen gegs bzlog/ tshangs pa mchog gi dngos grub stsal du gsol// zhes gsungs so// dri med rgyal po bshags pa'i rgyud las/ theg pa lam zhugs kyi bshags pa ste le'u gnyis pa'o// // de nas gsang ba'i bdag po chen pos sngon gyi rnam par smin pa sbyangs pa lha'i bu'i rnal 'byor la/ bcom ldan 'das dpal kun tu bzang po chen pos bshad pa dang / phyogs bcu na bzhugs pa rnams kyis zhus pa ni 'di lta ste/ de nas phyogs bcu nas lhags pa'i rnal 'byor gyi dbang phyug chen po rnams dang / rig 'dzin pho mo bsam gyis mi khyab pa rnams kyis lhan cig tu brkyangs phyag

  13. 7a

    #/ 'tshal zhing / bcom ldan 'das dpal kun tu bzang po dang / che mchog he ru ka la sogs pa rigs lnga'i bde bar gshegs pa rnams la gsol pa/ bdag cag rnams rang bzhin sgyu 'phrul dra ba'i dkyil 'khor gyi byin gyis brlabs kyis rnal 'byor gyi gral du 'khod de/ gsang ba'i theg pa chen po 'di la spyod cing / bcom ldan 'das dpal kun tu bzang po dang / che mchog he ru ka la sogs pa rnams kyi zhal mthong zhing / phyag rgya chen po'i rig 'dzin gyi sa la lhun gyis grub par 'tshal ba rnams nyams pa dang / chag pa dang / bag chags ngan pas bsgribs te mchis pa la/ nyams chag dang rtog sgrib sbyang ba'i thabs gsol zhing zhu na gnang ba'i skabs dbye bar gsol zhes zhus pa dang / de nas dpal kun tu bzang pos phyogs bcu nas lhags pa'i rig 'dzin pho mo rnams la bka' stsal pa/ 'di lta bu'i bka' gsang ba las kyang shin tu ches gsang ba/ yang gsang thugs kyi man ngag 'di lta bu ni/ dus gsum gyi sangs rgyas rnams kyi gshegs shul/ rig 'dzin pho mo rnams kyi lam/ rnal 'byor pho mo rnams kyis sku gsung thugs kyi dngos grub sgrub pa'i gnas 'di lta bu'i bka' zab mo 'di thos par yang dka' na/ bsgom zhing sgrub pa dang / rtogs pa lta smos kyang ci dgos/ 'di lta bu'i bka' zab mo 'di ni bskal pa

  14. 7b

    dpag tu med pa'i sngon rol nas sbyangs sbyangs pa'i las 'phro dang / skal bar ldan pa 'ga' dang 'ga'i spyod yul yin gyi/ gang rung rung kun gyi thun mong ni ma yin no// de lta bu'i sgor zhugs pa'i rnal 'byor pa la nyams chag dang rtog sgrib sbyang ba'i thabs med pa ni ma yin te/ thabs ni yod do// nyan thos kyi theg pa ltar 'dul khrims nyams par gyur na/ rdza be'u chag pa bzhin slar gso ba'i thabs med pa ni ma yin gyi// gsang sngags kyi bka' gser dang 'dra ba 'di'i sgor zhugs pa'i rnal 'byor pho mo nyams chag byung ba rnams sbyang ba'i thabs yod de/ thugs yang dag pa'i bka' gsang ba 'di'i nyams chags byung na gser dngul zhom pa dang 'dra ste/ slar gso ba'i thabs ni yod do// de'i thabs ni ji lta bu zhe na/ rnal 'byor gyi spyi khrus ngan song dong sprugs zhes bya ba bzhugs so// de nas phyogs bcu nas lhags pa'i rnal 'byor gyi dbang phyug chen po rnams kyis/ bcom ldan 'das dpal kun tu bzang po la 'di skad ces gsol to// a la la ho// dpal kun tu bzang po// e ma ho ngo mtshar che'o// zhes lus kyi yan lnga sa la brdabs te/ brkyangs phyag lan stong du btsal nas 'di skad ces gsol to// dpal kun tu bzang po rnal 'byor pho mo'i nyams chag dag par byed pa'i spyi khrus zhes bya ba 'gro ba yongs la phan 'dogs pa'i man ngag ngan song

  15. 8a

    dong sprugs zhes bya ba bka' gsang ba las kyang shin tu ches gsang ba bdag cag rnams la bstan du gsol// zhes gsol pa dang / de nas ston pa kun tu bzang pos rnal 'byor pa rnams la bka' stsal pa/ bsnyen sgrub rnam pa bzhi'i sgor zhugs pa'i rnal 'byor pho mo rnams la spyir dam tshig gi bsrung mtshams bsam gyis mi khyab pa zhig bzhugs na/ de dag kun kyang rtsa ba'i dam tshig gsum du 'dus so// de yang lus ngag yid gsum du 'dus te/ lus ngag yid gsum gyi sgo nas nyams chag byung ba ni/ de bzhin gshegs pa'i sku gsung thugs kyi thugs rje'i byin rlabs kyis sbyong ba'i thabs ni bzhugs so// yid kyi sgo nas nyams chag byung na/ thugs kyi blta bas bskang ste/ rnal 'byor gyi gral 'dir 'khod pa rnams kyi yid dam sems ni don dam par thugs yang dag pa'i ye shes nyid yin la/ yang dag pa'i ye shes ni rang gi kun gzhi byang chub kyi sems yin te/ kun gzhi ma bcos pa la yid rang byung gi ye shes bde ba chen por shar ba ni bsrung du med pa'i dam tshig chen po ste/ kun gzhi de ltar yin phan chan kun gzhi bag chags dang bcas pas bskyed pa'i phung po dang / dbang po dang / rnam par shes par bcas pa yang ma byung ma skyes pa ye nas rang byung chen po yin te/ de ltar rtogs na rdo rje slob dpon dang / mched dang

  16. 8b

    lcam dral yang ye nas ma byung ma skyes pa yin te/ sku'i dam tshig nyams chag skongs so// de ltar phung po dang / dbang po dang / rnam par shes pa yang ma byung ma skyes phan chad des brjod par bya ba'i bzlas brjod dang / bsnyen sgrub dang / sku phyag rgyar bsgom par bya ba yang ye nas ma byung ma skyes pa ste/ gleng brjod dang rtsol bsgrub kyi mtha' las 'das pas/ gsung gi dam tshig nyams chag skongs so// de lta bu'i ye nas ma byung ma skyes pa'i don de lta bu 'di ni/ kun gyis ma rtogs shing rtogs par dka' bas/ rang bzhin gyis gsang ba chen po yin pas/ thugs kyi dam tshig nyams chag skongs so// de ltar rtsa ba'i nyams chag gsum bskangs phan chad/ yan lag gi dam tshig thams cad kyang ye nas ma byung ma skyes pas/ yan lag gi dam tshig thams cad kyi nyams chag skongs so// de ltar rtogs pa'i rnal 'byor pa rnams ni mi bsrung ba'i bsrung ba chen po ste/ de'i phyir na lus ngag yid gsum gyi sgo nas nyams chag byung ba rnams sku gsung thugs kyi thugs rjes bskongs so// de skad ces bka' stsal pa dang / de nas phyogs bcu nas lhags pa'i rnal 'byor pho mo rnams kyis ston pa kun tu bzang po la 'di skad ces gsol to// e ma ho ngo mtshar che'o// ston pa kun tu bzang po bsrung du med pa'i bsrung ba chen po bka' stsal pa ngo mtshar che'o// a la la

  17. 9a

    ho// zhes lus kyi yan lag lnga sa la rdeb cing brkyangs phyag 'tshal lo// de nas yang ston pa kun tu bzang po la bcom ldan 'das rigs lnga'i sangs rgyas rnams kyis 'di skad ces gsol to// ston pa kun tu bzang po de lta bu'i ye nas ma byung ma skyes pa de/ gdod ma nas rang shes rig pa'i rgyal po rang gis rang gsal bar shar ba rtogs pa rnams la bsrung du yang med la/ nyams chag bskang du yang med na/ de lta bu'i don ni ma rtogs par/ gsang sngags kyi sgor zhugs so 'tshal gyi rnal 'byor pa dang / rnal 'byor ma la las gsang sngags don gyi man ngag ni mgo ste/ la las ni tshogs kyi sbyang ki byed// la las ni g.yo sgyu dang gsog 'jog byed/ la las ni de bzhin gshegs pa'i bka' la ras chod byed pa rnams kyi don du nyams chag byung na bskang zhing bshags pa'i thabs ni ci mchis/ de dag la thugs rjes gzung ba'i thabs shig bstan du gsol zhes zhus pa las/ ston pa kun tu bzang pos 'di skad ces bka' stsal to// rnal 'byor pa blta ba dman zhing shes rab zhan pa rnams kyi don du nyams chag bskang zhing bshags pa'i thabs ni bzhugs so// de'i thabs ni rdo rje slob dpon dang / yi dam gyi lha dang / sgyu 'phrul zhi khro rab 'byams kyi dkyil 'khor dang / grub pa'i sa la bzhugs pa'i rig 'dzin pho mo rnams bdun

  18. 9b

    gyi nam mkha' la mngon sum du dmigs te/ mtshan nas brjod de lus sa la brdeb cing brkyangs phyag 'tshal na 'byang ba'i thabs yin no// de lta bas na nga'i gsang sngags spyad nyes pa'i dbang gis ngan song gsum du ltung bar dogs pa rnams kyi ched du/ 'gyod tshangs kyi bshags pa mdo tsam zhig bstan gyi khyed cag rnams kyis lus gcer bur phyung ste/ chos rab tu gyis la yan lag lnga sa la brdeb cing brkyangs phyag 'tshol cig/ de nas phyogs bcu nas lhags pa'i rnal 'byor pho mo rnams kyis chos rab tu byas te/ ston pa kun tu bzang po ltar mnyan pa dang / de nas ston pa kun tu bzang pos bka' stsal pa/ ho klong chen po stong gsum gyi stong chen po'i 'jig rten gyi khams 'di ni don dam par chos kyi dbyings/ yum gyi mkha' b+ha ga yangs pa'i klong / rang bzhin gyi dkyil 'khor rnam par dag pa na bzhugs pa'i bde bar gshegs pa 'khor rgyal ba rgya mtsho dang bcas pa rnams la phyag 'tshal lo// a la la ho/ kun gzhi gsang ba dag pa'i dbyings nas yid rang byung gi ye shes rang shes rig gi rgyal po yid byed pa po dus gsum gyi sangs rgyas thams cad kyi yab/ chags med skyon dang bral bas gdan pad+ma la bzhugs pa/ sangs rgyas dang sems can mnyam par mkhyen pas phyag mnyam pa'i phyag rgya can/ dkyil 'khor thams cad kyi mnga'

  19. 10a

    bdag/ bcom ldan 'das dpal kun tu bzang po la phyag 'tshal lo// a la la ho// 'di ltar snang ba'i chos thams cad don dam par chos kyi dbyings su sdud ma chos can mtshan ma'i skyon gyis ma gos pas gdan pad+ma la bzhugs pa/ kun la khyab par gnas pas phyag mnyam pa'i phyag rgya can/ chos bya ba mo dkyil 'khor thams cad skyed pa'i gzhi/ yum kun tu bzang mo la phyag 'tshal lo// a la la ho// chos rnams rnam dag ye nas lhun grub pas// bya ba byed dang yid chos rnam par dag/ nam mkha'i mtha' bzhin kun la snyoms mdzad pa// kun bzang yab yum gnyis la phyag 'tshal lo// don dam par sems can gyi rnam par shes pa'i phung po gnas su dag pa/ de bzhin gshegs pa thams cad kyi thugs kyi bdag nyid/ mi 'jigs pa seng+ge'i khri can/ stong pa nyid kyi ye shes kyis skye shi dang 'pho 'gyur gyi rtog pa mi mnga' bas phyag rgya rdo rje can/ bcom ldan 'das dpal rdo rje mi bskyod pa la phyag 'tshal lo// don dam par sems can gyi gzugs kyi phung po gnas su dag pa/ de bzhin gshegs pa thams cad kyi sku'i bdag nyid/ stobs glang po che'i khri can/ me long lta bu'i ye shes kyis kun la dbang bsgyur bas phyag rgya 'khor lo can/ bcom ldan 'das dpal rnam par snang mdzad la phyag 'tshal lo// don dam par sems can gyi

  20. 10b

    tshor ba'i phung po gnas su dag pa/ de bzhin gshegs pa thams cad kyi yon tan gyi bdag nyid/ shugs 'chang rta'i khri can/ mnyam pa nyid kyi ye shes las ma g.yos par che ba'i yon tan thams cad 'byung bas/ phyag rgya rin po che 'bar ba can/ bcom ldan 'das dpal rin chen 'byung ldan la phyag 'tshal lo// don dam par sems can gyi 'du shes kyi phung po gnas su dag pa/ de bzhin gshegs pa thams cad kyi gsung gi bdag nyid/ mdzes byed rma bya'i khri can/ so sor rtog pa'i ye shes kyis chos spyi dang rang gi mtshan nyid gsal la ma chags pas phyag rgya pad+ma can/ bcom ldan 'das dpal snang ba mtha' yas la phyag 'tshal lo// don dam par sems can gyi 'du byed kyi phung po gnas su dag pa/ de bzhin gshegs pa thams cad kyi phrin las kyi bdag nyid/ cang byed shang shang te'u'i khri can/ bya ba grub pa'i ye shes kyis phrin las mthar phyin pas phyag rgya rdo rje rgya gram can/ bcom ldan 'das dpal don yod grub pa la phyag 'tshal lo// chos sku nam mkha' bzhin du dbyer med kyang // gzugs sku 'ja' tshon bzhin du so sor gsal// thabs dang shes rab mchog la mnga' brnyes pa'i// rigs lnga bde bar gshegs la phyag 'tshal lo// don dam par 'byung ba nam mkha'i ngo bo gnas su dag pa/ yum chen mo kun tu bzang mo// dus

  21. 11a

    gsum gyi rgyal ba thams cad 'byung ba'i gnas/ yum chen mo nam mkha'i dbyings phyug ma la phyag 'tshal lo// don dam par 'byung ba sa'i ngo bo gnas su dag pa/ yum chen mo sangs rgyas spyan ma/ dus gsum gyi rgyal ba thams cad skyed pa'i gzhi/ yum chen mo rdo rje dbyings phyug ma la phyag 'tshal lo// don dam par 'byung ba chu'i ngo bo gnas su dag pa/ yum chen mo mA ma kI/ dus gsum gyi rgyal ba thams cad kyi yon tan gyi gter 'dzin ma/ yum chen mo rin chen dbyings phyug ma la phyag 'tshal lo// don dam par 'byung ba me'i ngo bo gnas su dag pa/ yum chen mo na bza' dkar mo/ dus gsum gi rgyal ba rnams kyi gsung mchog ma/ yum chen mo pad+ma dbyings phyug ma la phyag 'tshal lo// don dam par 'byung ba rlung gi ngo bo gnas su dag pa/ yum chen mo dam tshig sgrol ma/ 'gro ba rnams 'phags pa'i sa bcur sgrol ma// yum chen mo las kyi dbyings phyag ma la phyag 'tshal lo// ngo mtshar pho brang bde bar gshegs pa'i yum// dus gsum rgyal ba thams cad skyed mdzad ma// rigs kyi yum gyur rnams la phyag 'tshal lo// don dam par sems can gyi mig gi rnam par shes pa gnas su dag pa/ byang chub sems dpa' sa'i snying po// 'gro ba rnams bla na med pa'i gnas su skyed par byed pas phyag rgya rin po che'i myu gu can/ shar phyogs na

  22. 11b

    bzhugs pa'i byang chub sems dpa' rnams la phyag 'tshal lo// don dam par sems can gyi rna ba'i rnam par shes pa gnas su dag pa/ byang chub sems dpa' nam mkha'i snying po/ nyon mongs pa'i skye rgyun gcod pas phyag rgya ral gri can/ lho phyogs kyi byang chub sems dpa' rnams la phyag 'tshal lo// don dam par sems can gyi sna'i rnam par shes pa gnas su dag pa/ byang chub sems dpa' spyan ras gzigs dbang phyug/ nyon mongs pa'i skyon gyis ma gos pas phyag rgya pad+ma can/ nub phyogs kyi byang chub sems dpa' rnams la phyag 'tshal lo// don dam par sems can gyi lce'i rnam par shes pa gnas su dag pa/ byang chub sems dpa' phyag na rdo rje/ nyon mongs pa thams cad 'joms par byed pas phyag rgya rdo rje can/ byang phyogs kyi byang chub sems dpa' rnams la phyag 'tshal lo// don dam par sems can gyi mig gi dbang po gnas su dag pa/ byang chub sems dpa' byams pa/ nyon mongs pa'i gdung ba las rnam par rgyal bas phyag rgya klu shing mgo lcogs can/ shar lho mtshams kyi byang chub sems dpa' rnams la phyag 'tshal lo// don dam par sems can gyi rna ba'i dbang po gnas su dag pa/ byang chub sems dpa' sgrib pa rnam par sel ba/ nyon mongs pa chos nyid du mkhyen pas phyag rgya glegs bam po ti can/ lho nub mtshams kyi

  23. 12a

    byang chub sems dpa' rnams la phyag 'tshal lo// don dam par sems can gyi sna'i dbang po gnas su dag pa/ byang chub sems dpa' kun tu bzang po/ nyon mongs pa gnas su dag pa las dgos 'dod re ba yid bzhin du skong bas phyag rgya rin po che'i snye ma can/ nub byang mtshams kyi byang chub sems dpa' rnams la phyag 'tshal lo// don dam par sems can gyi lce'i dbang po gnas su dag pa/ byang chub sems dpa' 'jam dpal/ nyon mongs pa'i zug rngu mi mnga' bar shin tu mdzes pas phyag rgya me tog ut+pal can/ byang shar mtshams kyi byang chub sems dpa' rnams la phyag 'tshal lo// rnam shes dbang po dag pas sku gsung thugs// bde bar gshegs pa kun gyi sras mchog ste// sems dpa' chen po brgyad la phyag 'tshal lo// don dam pa sems can gyi mig gi yul gzugs su snang ba gnas su dag pa/ badz+ra lA s+ya ste/ de bzhin gshegs pa rnams la mchod pas mnyes par byed pa las mi 'gyur bas phyag rgya rdo rje khu tshur can/ rdo rje sgeg mo ma la phyag 'tshal lo// don dam par sems can gyi sna'i yul drir snom pa gnas su dag pa/ badz+ra mA le ste/ mchod pa rgyun mi chad par byed pas phyag rgya rin po che'i phreng ba can/ rdo rje phreng ba ma la phyag 'tshal lo// don dam par sems can gyi rna ba'i yul sgrar grag pa gnas su dag pa/

  24. 12b

    badz+ra gi ti ste/ sgra'i mchod pas mnyes par byed pas phyag rgya pi wang can/ rdo rje sgra dbyangs ma la phyag 'tshal lo// don dam par sems can gyi lce'i yul ror bro ba gnas su dag pa/ badz+ra nr-i t+ye ste/ phyag rgya'i mchod pas mnyes par byed par phyag rgya gar bsgyur can/ rdo rje gar bsgyur ma la phyag 'tshal lo// sgeg mo phreng thogs rin chen glu gar can// nam mkha' mnyam pa'i mchod pas rgyal ba mchod// byang chub lha mo'i tshogs la phyag 'tshal lo// don dam par sems can gyi dus 'das pa zhes bya ba gnas su dag pa/ badz+ra puSh+pe ste/ spyan gyi mchod pas mnyes par byed pas phyag rgya me tog can/ rdo rje me tog ma la phyag 'tshal lo// don dam par sems can gyi dus da lta ba zhes bya ba gnas su dag pa/ badz+ra d+ha pe ste/ shangs kyi mchod pas mnyes par byed pas phyag rgya bdug spos can/ rdo rje spos me ma la phyag 'tshal lo// don dam par sems can gyi dus ma 'ongs pa zhes bya ba gnas su dag pa/ badz+ra a lo ke ste/ sku'i mchod pas mnyes par byed pas phyag rgya mar me can/ rdo rje mar me ma la phyag 'tshal lo// don dam par sems can gyi dus phyis 'byung bar ma nges pa zhes bya ba gnas su dag pa/ badz+ra gan+d+he ste/ ljags byug pa'i mchod pas mnyes par byed pas phyag rgya byug pa can/ rdo rje dri chab ma la phyag 'tshal lo// bdug pa me tog mar me dri chab

  25. 13a

    ma// rgyal ba rgya mtsho rnams la mchod 'bul ma// mchod pa'i lha mo rnams la phyag 'tshal lo// don dam par sems can gyi lus kyi reg pa gnas su dag pa/ khro bo chen po gshin rje'i gshed po ste/ byams pa chen pos 'gro ba'i don tshar gcod par mdzad pas phyag rgya nr-i mgo gdengs pa can/ shar sgo'i bdag po la phyag 'tshal lo// don dam par sems can gyi lus kyi dbang po gnas su dag pa/ khro bo chen po stobs po che ste/ snying rje chen pos 'gro ba'i don dug lnga ye shes lngas 'joms par mdzad pas phyag rgya rdo rje rtse lnga can/ lho sgo'i bdag po la phyag 'tshal lo// don dam par sems can gyi lus kyi reg bya gnas su dag pa/ khro bo chen po rta mgrin te/ dga' ba chen pos 'gro ba'i don mdzad pas phyag rgya thod dbyug sbrul gyis dkris pa can/ nub sgo'i bdag po la phyag 'tshal lo// don dam par sems can gyi lus kyi reg shes gnas su dag pa/ khro bo chen po bdud rtsi 'khyil pa ste/ btang snyoms chen pos 'gro ba'i don mthar phyin par mdzad pas phyag rgya rdo rje rgya gram can/ byang sgo'i bdag po la phyag 'tshal lo// drag shul thabs kyis 'gro ba 'dul mdzad pa// tshad med bzhi ldan sgo bzhi thub par srung // ta kr-i ta sgo ba bzhi la phyag 'tshal lo// don dam par sems can gyi rtag par blta ba gnas su dag pa/ badz+ra ang+ku sha ste/ 'khor ba'i

  26. 13b

    nyon mongs pa thugs rjes 'dzin par byed pas phyag rgya lcags kyu can/ rdo rje lcags kyu la phyag 'tshal lo// don dam par sems can gyi chad par blta ba gnas su dag pa/ badz+ra pA sha ste/ 'khor ba'i nyon mongs pa thugs rjes 'dren par byed pas phyag rgya zhags pa can/ rdo rje zhags pa ma la phyag 'tshal lo// don dam par sems can gyi bdag tu blta ba gnas su dag pa/ badz+ra sgo Ta ste/ 'khor ba'i nyon mongs pa thugs rjes mi 'chor bar mdzad pas phyag rgya lcags sgrog can/ rdo rje lcags sgrog ma la phyag 'tshal lo// don dam par sems can gyi mtshan mar blta ba gnas su dag pa/ badz+ra g+haN+De ste/ 'khor ba'i nyon mongs pa thugs rjes thal bar rlog par mdzad pas phyag rgya dril bu can/ rdo rje dril bu ma la phyag 'tshal lo// rtag chad mthar phyin gsang ba yum gyi ngang // lcags kyu zhags pa lcags sgrog dril 'khrol ma// sgo ma chen mo bzhi la phyag 'tshal lo// don dam par sems can gyi lha'i 'jig rten du blta ba gnas su dag pa/ lha'i thub pa ste/ nyon mongs pa nga rgyal gnas su dag par mdzad pas phyag rgya pi wang can/ lha'i bcom ldan 'das la phyag 'tshal lo// don dam par sems can gyi lha ma yin gyi 'jig rten du blta ba gnas su dag pa/ lha ma yin gyi thub pa ste/ nyon mongs pa phrag dog gnas su dag par mdzad pas phyag rgya go cha can//

  27. 14a

    lha ma yin gyi bcom ldan 'das la phyag 'tshal lo// don dam par sems can gyi mi'i 'jig rten du blta ba gnas su dag pa/ mi'i thub pa ste/ nyon mongs pa 'dod chags gnas su dag par mdzad pas phyag rgya gseg shang par bu can/ mi'i bcom ldan 'das la phyag 'tshal lo// don dam par sems can gyi byol song gi 'jig rten du blta ba gnas su dag pa/ byol song gi thub pa ste/ nyon mongs pa gti mug gnas su dag par mdzad pas phyag rgya glegs bam po ti can/ byol song gi bcom ldan 'das la phyag 'tshal lo// don dam par sems can yi dwags kyi 'jig rten du blta ba gnas su dag pa/ yi dwags kyi thub pa ste/ nyon mongs pa ser sna gnas su dag par mdzad pas phyag rgya rin po che'i sgrom bu can/ yi dwags kyi bcom ldan 'das la phyag 'tshal lo// don dam par sems can gyi dmyal ba'i 'jig rten du blta ba gnas su dag pa/ dmyal ba'i thub pa ste/ nyon mongs pa zhe sdang gnas su dag par mdzad pas phyag rgya me chu can/ dmyal ba'i bcom ldan 'das la phyag 'tshal lo// steng 'og phyogs bzhi 'jig rten 'dul ba'i mgon// nyon mongs drug 'joms rgyud drug dag par sbyang // bcom ldan thub pa drug la phyag 'tshal lo// ho sgyu 'phrul rang bzhin gyi dkyil 'khor phyogs bcu na bzhugs pa thams cad la phyag

  28. 14b

    'tshal lo// a la la ho// rang bzhin gyi dkyil 'khor 'di ltar snang ba thams cad la yang phyag 'tshal lo// a la la ho// rang bzhin lhun gyis grub pa'i dkyil 'khor rdul gcig gi steng na rdul snyed kyi dkyil 'khor bsam gyis mi khyab cing / brjod kyis mi long ba'i lha rnams la rnal 'byor pa bdag cag gis lus rdul snyed du sprul nas lus ngag yid gsum shin tu gnong 'gyod dang bcas pas phyag 'tshal lo// a la la ho// gal te rnal 'byor pa gang zhig gis dkyil 'khor gyi lha de rnams kyi mtshan rna bar lan cig thos pa tsam gyis kyang dmyal ba chen por mi ltung ngo // de bas na gus pas phyag 'tshal lo// rang bzhin sgru 'phrul dkyil 'khor la// gang zhig gus pas phyag 'tshal na// nyams chag kun kyang 'byang bar 'gyur// dam tshig bskangs nas dngos grub 'thob// de skad ces ston pa kun tu bzang pos bka' stsal pa dang // phyogs bcu nas lhags pa'i rnal 'byor pho mo rnams kyis/ a la la ho// zhes brjod cing lus sa la brdeb cing brkyangs phyag lan stong du btsal bas rnal 'byor pa rnams kyis nyams chag bskangs nas phyag rgya chen po'i rig 'dzin gyi sa la bsnyen par gyur to// rnal 'byor ma rnams kyis kyang nyams chag bskangs nas/ sor chud pa'i rig 'dzin gyi sa la khad kyis bsnyen par gyur to// de nas yang bcom ldan 'das

  29. 15a

    dpal kun tu bzang pos 'di skad ces bka' stsal to// rnal 'byor gyi gral 'dir 'dus pa'i ston pa rdo rje slob dpon gyi bka' drin gyis/ lha spyod dang / dkyil 'khor dang / mar me gcig la blta ba'i rdo rje spun grogs rnams nyon cig/ sgyu 'phrul khro bo'i dkyil 'khor zhes bya ba/ thugs zhi ba chen po'i chos nyid kyi ngang las ma g.yos par sku thugs rje rol pa chen po khro bo'i cha lugs can/ phrin las rnam pa bzhis 'gro ba'i don mdzad pa rnams la yang phyag 'tshal zhing nyams chag skongs shig/ de nas rnal 'byor pa rnams kyis ston pa kun tu bzang po la gsol pa/ rol pa chen po khro bo'i dkyil 'khor de'i mtshan rnams bdag cag rnams la bstan du gsol/ a la la ho/ zhes gsol to// de nas bcom ldan 'das dpal kun tu bzang pos mtshan nas brjod de bka' stsal pa/ ho dgongs su gsol/ rang rig pa thabs kyi rgyal po khro bo thams cad kyi rje btsan chen po/ sangs rgyas thams cad kyi spyi dpal/ bcom ldan 'das bla na med pa'i dpal chen po/ che mchog he ru ka la phyag 'tshal lo// rdo rje lta bu'i sku dus gsum du 'gyur ba mi mnga' zhing / zhe sdang chen po'i thabs la mkhas pas dregs pa pho mo'i gdan la bzhugs pa/ khro bo thams cad kyi thugs kyi bdag nyid/ badz+ra he ru ka la phyag 'tshal lo// chos nyid stong pa

  30. 15b

    nyid kyi dbyings nas skye ba med pa'i sku brnyes pa gti mug chen po'i thabs la mkhas pas ma hA de wa'i gdan la bzhugs pa/ khro bo thams cad kyi sku'i bdag nyid/ bud+d+ha he ru ka la phyag 'tshal lo// chos nyid byang chub sems kyis longs spyod rdzogs pa'i sku brnyes pa/ nga rgyal chen po'i thabs la mkhas pas gshin rje'i gdan la bzhugs pa/ khro bo thams cad kyi yon tan gyi bdag nyid/ rat+na he ru ka la phyag 'tshal lo// chos nyid chags pa med pa'i dbyings nas byang chub sems dpa'i sku brnyes pa/ 'dod chags chen po'i thabs la mkhas pas klu'i gdan la bzhugs pa/ khro bo thams cad kyi gsung gi bdag nyid/ pad+ma he ru ka la phyag 'tshal lo// phrin las grub pa'i dbyings nas sprul pa mchog gi sku brnyes pa/ phrag dog chen po'i thabs la mkhas pas gnod sbyin gyi gdan la bzhugs pa/ khro bo thams cad kyi phrin las kyi bdag nyid/ karma he ru ka la phyag 'tshal lo// sbyor ba'i dbyings nas phyin ci log gi lta ba 'joms pa'i sku brnyes pa/ ga Na'i thabs la mkhas pas drang srong gi gdan la bzhugs pa/ rak+Sha he ru ka la phyag 'tshal lo// dam tshig gi dbyings nas myong byed ci rtog pa 'joms pa'i sku brnyes pa/ nyams pa bskang ba'i thabs la mkhas pas srin po'i gdan la bzhugs pa/ sa nu he ru ka la phyag 'tshal lo// gsang ba'i dbyings

  31. 16a

    nas skye gnas kyi rtog pa 'joms pa'i sku brnyes pa/ mtshan ma'i thabs la mkhas pas rlung lha'i gdan la bzhugs pa/ gu h+ya he ru ka la phyag 'tshal lo// sgrol ba'i dbyings nas reg bya'i rtog pa 'joms pa'i sku brnyes pa/ ta na'i thabs la mkhas pas bgegs kyi gdan la bzhugs pa/ yak+ka he ru ka la phyag 'tshal lo// 'jig rten 'das pa'i dus na sngon byung ba// gdug pa 'dul phyir dus las mi 'da' ba'i// he ru ka dpal rnams la phyag 'tshal lo// rang bzhin dag pa'i dbyings nas yum chen khro mo'i sku brnyes pa/ sku dpal du 'bar bas rngams pa'i cha lugs can/ gsung dpal du 'bar bas rngams pa'i gdangs skad can/ thugs dpal du 'bar bas thugs rje chen po can/ dpal 'bar khros pa'i rgyal mo che/ khro mo chen mo gnam zhal dbyings phyug ma la phyag 'tshal lo// chos nyid dbyings kyi phyag rgya las/ rnam par thar pa'i sgra brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/ badz+ra kro d+hi shwa rI ma la phyag 'tshal lo// mnyam nyid blang dor med pa'i dbyings nas rol pa ye shes kyi sku brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/ bud+d+ha kro d+hi shwa rI ma la phyag 'tshal lo// byams mgon chos nyid kyi dbyings nas thugs rje ye shes

  32. 16b

    kyi sku brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/ rat+na kro d+hi shwa rI ma la phyag 'tshal lo// chos nyid pad+ma'i dbyings nas skyon bral pad+ma'i sku brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/ pad+ma kro d+hI shwa rI ma la phyag 'tshal lo// las rab rol pa'i dbyings nas/ don grub mchog gi sku brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/ karma kro d+hi shwa rI ma la phyag 'tshal lo// drod las skyes pa 'joms pa las sprul pa ste/ rak+kha kro d+hi shwa rI ma la phyag 'tshal lo// mngal las skyes pa 'joms pa las sprul pa ste/ sa nu kro d+hi shwa rI ma la phyag 'tshal lo// brdzus nas skyes pa 'joms pa las sprul pa ste/ gu h+ya kro d+hI shwa rI ma la phyag 'tshal lo// sgo nga las skyes pa 'joms pa las sprul pa ste/ yak+ka kro d+hi shwa rI ma la phyag 'tshal lo// khro mo dbang phyug sku la 'khril mdzad cing // mkha' 'gro mi bzad 'bar ba'i sprin 'phro ma// gdug pa 'dul mdzad yum la phyag 'tshal lo// khro mo sngon mo bam dbyug 'dzin// go rI ma la phyag 'tshal lo// khro mo ser mo mda' gzhu 'dzin// tsau rI ma la phyag 'tshal lo/ khro mo dmar mo chu srin 'dzin// pra mo hA la phyag 'tshal lo// khro mo mthing nag rdo rje 'dzin// bai tA lI la phyag 'tshal lo// khro mo

  33. 17a

    dmar ser byis rgyu 'dren// puk+ka sI la phyag 'tshal lo// khro mo ljang gu dung khrag 'thung // g+hasma rI la phyag 'tshal lo// khro mo nag mo byis snying za// sle sha nI la phyag 'tshal lo// khro mo ser skya mchog lus 'brel// tsaN+Da lI la phyag 'tshal lo// bskal pa me ltar 'bar ba'i klong dkyil nas// ye shes sku mchog 'jigs byed gyad kyis bzhugs/ khro mo chen mo brgyad la phyag 'tshal lo// sing ha kha ro bsnol ser seng // seng+ge'i dbu la phyag 'tshal lo// byA g+h+ri mnan lta bsnol dmar stag/ stag gi dbu la phyag 'tshal lo// sri la nag mo byi ldag wa// wa yi dbu la phyag 'tshal lo// shra na 'dral lta mthing ga sbyang // sbrang mo'i dbu la phyag 'tshal lo// gr-i D+ha gri dmar rgyu 'dren rgod// bya rgod dbu la phyag 'tshal lo// kang+ka zhing phrag smar mgo ring // dur bya'i dbu la phyag 'tshal lo// ka ka kha ro ban gri nag/ bya rog dbu la phyag 'tshal lo// u l+ya mthing nag rdo rgyu 'ug/ 'ug pa'i dbu la phyag 'tshal lo// nam mkha'i lus can gar yang thogs med cing // 'dod rgur bskur ba'i gzugs can 'phrul mo che// phra men chen mo brgyad la phyag 'tshal lo// sgo ma sngon mo lcags kyu 'dzin// rta gdong ma la phyag 'tshal lo// sgo ma nag mo zhags pa 'dzin// phag gdong ma la phyag 'tshal lo// sgo ma dmar mo lcags sgrog 'dzin// seng gdong ma la phyag 'tshal

  34. 17b

    lo// sgo ma ljang gu dril bu 'dzin// sbrang gdong ma la phyag 'tshal lo// rdo rje gdong mo pho nya mgyogs ma bzhi/ shar lho nub byang sgo bzhi thub par bsrung // sgo skyong khro mo bzhi la phyag 'tshal lo// chos nyid rnam dag ngadang las cir yang snang // sna tshogs cir yang bsgyur ba'i sku mnga' zhing // srid gsum zhing du sbyor bas g.yang gzhi gsol// stong khams gnas sbor nyi zer zhags pa 'phen// sgor byed nyi zhags 'phen la phyag 'tshal lo// rnam rtog nad rnams rtag tu bsal ba'i phyir// mi 'bral cir yang bsgyur ba'i sku mnga' zhing // nyon mongs lnga gzhom thod khrag mdung thung 'phen// thugs rje thabs mkhas mi rnams gnas su spor// spor byed mdung zung 'phen la phyag 'tshal lo// ma rig sems can dbyings su gzud pa'i phyir// chos nyid bde ba'i sku las g.yos pa med// stong khams dbang sdud dung khrag thugs kar bsgril// brjid pa'i rol pas stong khams gnas su spor// spor byed dril 'khrol ma la phyag 'tshal lo// thugs rje byams pas kun la khyab pa yi// mdog bzang dkar ser zhi rgyas ldan pa'i sku// 'dod lnga dbang sdud dung khrag thugs kar 'dzin// lha rnams gnas spor rdo rje khyung chen 'dzin// spor byed khyung thogs ma la phyag 'tshal lo// sdug bsngal mi bzad yongs su gzhig pa'i phyir// mthing nag chen mo rngams pa'i sku mnga'

  35. 18a

    zhing // g.yul chen rab bzlog rdo rje skar mda' 'phen// lha min gnas spor dung khrag zhal du gsol// spor byed skabs mda' 'phen la phyag 'tshal lo// log par blta ba dbang du mdzad pa'i phyir// sku mdog dmar nag dbang drag 'joms pa'i zhal// phyi nang sgrib gnyis sbyangs nas bde ba'i phyir// rdo rje glog phreng yi dwags gnas su spor// spor byed glog phreng can la phyag 'tshal lo// gti mug rmongs pa dbang du mdzad pa'i phyir// dkar nag phyed ma zhi drag ldan pa'i sku// gti mug stongs mdzad thod khrag zhal du gsol// byol song gnas su spor bas bla k+Sha rdeb// spor byed bla k+Sha rdeb la phyag 'tshal lo// sdug bsngal brgyad dang bcu drug sbyang ba'i phyir// sku mdog ser nag drag po rgyas pa'i sku// dmyal ba stongs mdzad thod khrag zhal du gsol// dmyal ba gnas spor rdo rje ral gri 'dzin// spor byed ral gri 'dzin la phyag 'tshal lo// dbyings dang ye shes mnyam sbyor rol pa las// 'gro don mdzad pa'i thub pa chen po rnams// las ngan zhi bas 'dul bar mi 'gyur ba'i// rgyud drug rnams la dbang drag rol par mdzad// spor byed brgyad du mtshan gsol mi bzad ma// kun kyang 'jigs tshul che la snying rjer ldan// skam gsher spel ba'i gdan la brkyang bskum bzhugs// thod khrag mtshon cha 'dzin cing g.yang gzhi

  36. 18b

    gyon// ral pa dbyings 'bar bshug glus stong khams 'gengs// ha ha'i ga 'debs rgyud drug sems can skyong // rgyud drug 'khor ba'i sems can ci 'dra ba// lha mchog khyed kyi spyan sngar sa le ba'i// 'gro ba rigs drug sems can kun sbyangs nas// lha mchog khyed kyis dngos grub stsal du gsol// rnal 'byor dmar nag tri shUl 'dzin// g.yag mgo can la phyag 'tshal lo// rnal 'byor dmar ser rtse lnga 'dzin// sbrul mgo can la phyag 'tshal lo// rnal 'byor ser nag dbyug sdig 'dzin// gzig mgo can la phyag 'tshal lo// rnal 'byor dkar dmar dung dmar 'dzin// sre mo'i mgo la phyag 'tshal lo// rnal 'byor ser mo 'khor lo 'dzin// pha wang mgo la phyag 'tshal lo// rnal 'byor dmar skya bam dbyug 'dzin// dreg mgo can la phyag 'tshal lo// rnal 'byor dmar mo rgyu zhags 'dzin// dom mgo can la phyag 'tshal lo// rnal 'byor sngon mo bum pa 'dzin// chu srin mgo la phyag 'tshal lo// rnal 'byor sngo skya puN+Da 'dzin// sdig pa'i mgo la phyag 'tshal lo// rnal 'byor nag mo zod rlon 'chang / khra mgo can la phyag 'tshal lo// rnal 'byor dmar nag rgyu zhags 'dzin// wa mgo can la phyag 'tshal lo// rnal 'byor nag mo bam chen 'dzin// stag mgo can la phyag 'tshal lo// rnal 'byor dmar mo khog chen 'dzin// rgod mgo

  37. 19a

    can la phyag 'tshal lo// rnal 'byor dmar nag rdo dbyug 'dzin// rta mgo can la phyag 'tshal lo// rnal 'byor dkar dmar b+han+da 'dzin/ khyung mgo can la phyag 'tshal lo// rnal 'byor dmar ser byis bam 'dzin/ khyi mgo can la phyag 'tshal lo// rnal 'byor dkar dmar pad+ma 'dzin// pu shud mgo la phyag 'tshal lo// rnal 'byor dmar skya b+han+d+ha 'dzin// sha ba'i mgo la phyag 'tshal lo// rnal 'byor ldang nag rnga chung 'dzin// sbyang mgo can la phyag 'tshal lo// rnal 'byor dmar ser me sgron 'dzin// sbyin mgo can la phyag 'tshal lo// rnal 'byor ldang ser mche ba 'dzin// phag mgo can la phyag 'tshal lo// rnal 'byor ljang sngon dung khrag 'dzin/ khwa mgo can la phyag 'tshal lo// rnal 'byor dmar ldang bam chen 'dzin// ba lang mgo la phyag 'tshal lo// rnal 'byor ldang nag bdud rtsi 'dzin// sbrul mgo can la phyag 'tshal lo// rnal 'byor nag mo lcags kyu 'dzin/ khu byug mgo la phyag 'tshal lo// rnal 'byor sngon mo zhags pa 'dzin// ra mgo can la phyag 'tshal lo// rnal 'byor dmar mo lcags sgrog bsdams// seng mgo can la phyag 'tshal lo// rnal 'byor ldang nag dril bu 'dzin// skya ka'i mgo la phyag 'tshal lo// dpal gyi 'khor tshogs badz+ra a ra li// mkha' la shugs 'gro ma tshogs dbang phyug ma// rnal 'byor nyi shu brgyad la phyag

  38. 19b

    'tshal lo// zhe sdang tshul gyis zhe sdang 'joms mdzad pa// rdo rje gzhon nu'i sku la phyag 'tshal lo// 'dod chags tshul gyis 'dod chags 'joms mdzad pa// 'khor lo rgyas 'debs yum la phyag 'tshal lo// 'dod pa'i skyon spangs skye la dbang mdzad pa/ khro chen hUM kA ra la phyag 'tshal lo// ma byin len spang yo byad dbang mdzad pa/ khro chen rnam par rgyal la phyag 'tshal lo// srog gcod skyon spangs tshe la dbang mdzad pa/ khro chen gshin rje'i gshed la phyag 'tshal lo// phra ma'i skyon spangs chos la dbang mdzad pa/ khro chen rta mchog dpal la phyag 'tshal lo// ngag rtsub skyon spangs las la dbang mdzad pa/ khro chen bdud rtsi khyil la phyag 'tshal lo// log par blta spangs ye shes dbang mdzad pa/ khro chen dbyug sngon can la phyag 'tshal lo// rdzun gyi skyon spangs mos la dbang mdzad pa/ khro chen mi g.yo mgon la phyag 'tshal lo// ngag 'khyal skyon spangs sems la dbang mdzad pa/ khro chen 'dod pa'i rgyal la phyag 'tshal lo// gnod sems skyon spangs rdzu 'phrul dbang mdzad pa/ khro chen khams gsum rgyal la phyag 'tshal lo// brnab sems skyon spangs smon lam dbang mdzad pa/ khro chen stobs po che la phyag 'tshal lo// ye shes pha rol phyin ma ste// sgra 'byin ma la phyag 'tshal lo// shes rab pha rol phyin ma ste// rdo rje snyems la phyag 'tshal

  39. 20a

    lo// tshul khrims pha rol phyin ma ste// rdo rje sder la phyag 'tshal lo// bsam gtan pha rol phyin ma ste// dur khrod ma la phyag 'tshal lo// thabs kyi pha rol phyin ma ste// gtun khung ma la phyag 'tshal lo// brtson 'grus pha rol phyin ma ste// rab gtum ma la phyag 'tshal lo// sbyin pa'i pha rol phyin ma ste// mda' snyems ma la phyag 'tshal lo// smon lam pha rol phyin ma ste// skyod byed ma la phyag 'tshal lo// stobs kyi pha rol phyin ma ste// gsod byed ma la phyag 'tshal lo// bzod pa'i pha rol phyin ma ste// skul byed ma la phyag 'tshal lo// phyogs bcu dregs pa bsnol ba'i gdan steng nas// ye shes bskal pa me dpung 'bar ba'i klong // bdud 'dul yab yum rnams la phyag 'tshal lo// dmigs med chos kyi sku la phyag 'tshal lo// longs spyod rdzogs pa'i sku la phyag 'tshal lo// cir yang sprul pa'i sku la phyag 'tshal lo/ mi 'gyur rdo rje'i sku la phyag 'tshal lo// mngon par byang chub sku la phyag 'tshal lo// dus gsum rgyal ba rnams kyis bsgrubs pa yi// tshogs gnyis rdzogs nas yon tan mthar phyin pa// sku dang ye shes tshogs la phyag 'tshal lo// 'byung ba lnga la sku bzhengs ma// rtag rgyal lnga la phyag 'tshal lo// rang bzhin dbyings las grub pa mo// dbyings phyug lnga la phyag 'tshal lo// rgyu 'bras byang chub sems kyi sprul pa

  40. 20b

    ste// mkha' 'gro sum cu gnyis la phyag 'tshal lo// ga Na pa ti'i sprul pa ste// king ka ra la phyag 'tshal lo// lha mo dpal mo'i sprul pa ste// king ka rI la phyag 'tshal lo// 'jig rten khams la dbang mdzad ma// 'jigs byed dpal 'bar ral pa can// 'dod pa'i ro la chags pa mo// ma mo'i tshogs la phyag 'tshal lo// legs nyes bltang 'dzin dam tshig rjes gcod cing // bka' bzhin rjes su sgrub pa'i grogs mdzad ma// dam can rgya mtsho'i tshogs la phyag 'tshal lo// ston pa kun tu bzang po yis// de skad ces ni bka' stsal pa// gang gis sgyu 'phrul khro bo yi// dkyil 'khor lha la phyag 'tshal na// nyams chag kun kyang dag 'gyur te// mtshams med lnga yi sdig kyang 'byang // na rag gnas kyang dong sprugs te// rig 'dzin rgyal ba'i zhing du grags// zhes bka' stsal pa dang / phyogs bcu nas lhags pa'i rnal 'byor pho mo rnams kyis/ a la la ho// bcom ldan 'das kyis rnal 'byor gyi spyi khrus kyi chos bshad pa ngo mtshar che'o// zhes brjod de/ lus sa la brdeb cing brkyangs phyag lan stong du 'tshal lo// de nas dkyil 'khor gyi lha de rnams kyi mtshan rnal 'byor pho mo rnams kyis thos pa tsam gyis rtsa ba dang yan lag gi dam tshig nyams chag thams cad bskangs te/ de bzhin gshegs pa thams cad kyi sku dang / gsung dang / thugs dang /

  41. 21a

    yon tan dang / phrin las bsam gyis mi khyab pa dang ldan par gyur te/ yi ge 'khor lo tshogs chen gyi sa la lhun gyis grub par gyur to// de nas dus der dpal rdo rje sems dpa' zhes bya ba dus gsum gyi de bzhin gshegs pa thams cad kyi thugs rje ye shes kyi bdag nyid/ sku mtshan gyi me tog la dpe byad bzang po'i 'bras bus brgyan pa/ sangs rgyas kyi che ba'i yon tan stobs dang / mi 'jigs pa dang / gzungs dang / ting nge 'dzin la sogs pa mnga' ba/ gzhan yang dbu la rigs lnga'i sangs rgyas kyis dbang bskur ba/ dar dkar dang / pa ti dang / rin po che dang rgyan sna tshogs kyis brgyan pa/ gdan yang byang chub sems dpa' brgyad glang po cher sprul pa brgyad kyis rin po che'i khri btegs pa'i steng na/ pad+ma dang nyi zla brtsegs pa'i steng na sems dpa'i skyil mo krung du bzhugs pa/ sku blta bas chog mi shes pa ste/ shin tu lham me/ lhang nge/ lhan ni/ nam mkha'a'i 'ja' tshon nam/ me long nang gi gzugs brnyan ltar snang la rang bzhin med pa zhig/ 'og min chos kyi dbyings kyi pho brang nas/ mngon sum du byon te ston pa kun tu bzang po'i spyan sngar 'dug nas 'di skad ces gsol to// kye ston pa kun tu bzang po khyed kyis gsang sngags kyi sgor zhugs pa thams cad kyi nyams chag sor chud par bya ba'i ched du/ rnal 'byor

  42. 21b

    gyi spyi khrus 'gyod tshangs kyi cho ga bshad pa 'di ni rgyal ba sangs rgyas thams cad kyi yum/ rnal 'byor pa sngar 'das pa rnams kyi lam chen po/ da ltar gyi rnal 'byor pa ma rig pa rnams kyi mig 'byed pa/ ma 'ongs pa'i rnal 'byor pa rnams kyi 'dren shul te/ rnal 'byor spyi'i lam chen po 'di lta bu bka' stsal pa/ thugs rje che la ngo mtshar che lags so// de bas na bdag gis kyang yi ge brgya pa zhes bya ba/ bde bar gshegs pa thams cad kyi thugs kyi yang snying / nyams chag dang rtog sgrib thams cad sel bar byed pa 'di brjod kyi rnal 'byor pa nyams chag dang rtog sgrib can/ gsog 'jog dang / bag chags ngan pa can khyed rnams nyon cig/ oM badz+ra sa twa sa ma ya/ ma nu pA la ya/ badz+ra sa twa twe no pa tiSh+Tha/ dr-i D+ho me b+ha wa/ su to Sh+yo me b+ha wa/ a nu rak+to me b+ha wa/ su po Sh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaHku ru hUM/ ha ha ha ha hoH/ b+ha ga wAn sarba ta thA ga tA badz+ra mA me muny+tsa/ badz+rI b+ha wa/ ma hA sa ma ya satwa a/ 'di dag dus gcig la lan brgya rtsa brgyad bzlas na/ nyams chag thams cad bskangs te ngan song gsum du ltung ba las thar bar 'gyur ro// rnal 'byor pa gang zhig gis yi dam du bcas nas 'dod na/ mi de tshe 'di la yang dus gsum gyi sangs rgyas thams cad kyi sras kyi dam par dgongs nas srung skyob

  43. 22a

    mdzad la/ tshe 'phos nas kyang bde bar gshegs pa rnams kyi sras dam pa nyid du gdon mi za bar 'gyur ro// de skad ces gsol pa dang / phyogs bcu nas lhags pa'i rnal 'byor pho mo rnams kyis/ dpal rdo rje sems dpa' la brkyangs phyag lan stong du 'tshal zhing 'di skad ces gsol to// bcom ldan 'das dpal rdo rje sems dpa' bde bar gshegs pa thams cad kyi thugs kyi yang snying / nyams chag dang rtog sgrib thams cad sbyong bar byed pa'i yi ge brgya pa bka' stsal pa ngo mtshar che lags so// a la la ho/ de nas dpal kun tu bzang pos/ rdo rje sems dpa' la 'di skad ces bka' stsal to// rdo rje sems dpa' khyod kyis gsang sngags kyi sgor zhugs pa'i rnal 'byor pa rnams la phan gdags shing / nyams chag dang rtog sgrib thams cad sbyong bar byed pa yi ge brgya pa zhes bya ba bshags pa thams cad kyi rgyal po brjod pa legs so legs so// de nas phyogs bcu nas lhags pa'i rnal 'byor pho mo rnams kyis lus pus btsugs su bcas te/ 'gyod tshangs su smras pa/ ho dgongs su gsol/ bcom ldan 'das dpal kun tu bzang po dang / rigs lnga'i bde bar gshegs pa la sogs pa/ sgyu 'phrul zhi khro'i lha tshogs rnams ni thugs rje che la thabs mkhas pas kun la snyoms pa'i yab yum lags/ sngar 'das pa'i rig

  44. 22b

    'dzin gyi sa la bzhugs pa rnams ni dge ba'i bshes gnyen lags na/ bdag cag la sogs pa gsang sngags kyi sgor zhugs so 'tshal rnams kyis/ bde bar gshegs pa'i mdzad spyod dam pa klong du ma gyur cing / dgongs spyod dam pa gdengs su ma chud pa'i dbang gis bka' gsang ba chen po spyad nyes par gyur te/ rtsa ba dang yan lag gi dam tshig las 'gongs shing 'das par gyur pas/ la las ni de bzhin gshegs pa'i bka' ngo bo nyid kyis ma bcos pa la/ gzu lums dang ras gcod bgyis/ la las ni dam pa ston pa'i rdo rje slob dpon la snying nas smad pa dang / bka' brku ba dang / thugs dang 'gal ba'i las mang po bgyis/ la las ni dam tshig gcig pa'i rdo rje spun grogs la/ lha spyod log pa dang / ngan sems dang / 'phya sems dang / rku 'phrog dang / brdeg btsog dang / ngan du smra ba la sogs pa sku'i dam tshig nyams pa'i las bgyid/ la las ni dang po rdo rje slob dpon gyis lung phog ste/ bka' drin mnos pa las/ yi dam lha'i ting 'dzin ma gsal zhing / sgom sgrub rngo ma thogs pa dang / 'dzab dang bzlas brjod rgyun chad pa dang / bsnyen sgrub zab mo dus las yol te/ lo zla 'das pa la sogs pa'i las bgyis/ la las ni bka' gsang ba zab mo'i lha spyod mngon du phyung zhing / sbas pa'i gsang ba rnams dang / gsang bar

  45. 23a

    'os pa dang / gsang bar gnyer gtad pa rnams gzhan la spel ba la sogs pa sku gsung thugs kyi dam tshig nyams pa'i dbang gis lus ngag yid gsum 'tshig pa'i las bgyis pa 'di dag/ phyogs bcu'i sgyu 'phrul rang bzhin gyi dkyil 'khor dang / grub pa'i sa la bzhugs pa'i rig 'dzin pho mo rnams dang / ye shes dang las las grub pa'i legs nyes kyi bstang 'dzin cing / dam tshig gi rjes gcod pa'i dam can rgya mtsho rnams la mchod pa 'di la brten nas/ 'gyod tshangs su gsol ba'i mdo ni sku'i dam tshig las 'das pa'i dbang gis/ 'jig rten 'dir yang lus la mdze shu la sogs pa'i sdug bsngal 'byung zhing / tshe 'phos nas kyang dmyal ba chen po'i yang gting thar pa'i dus med pa'i gnas su lus gshag gtub la sogs pa'i sdug bsngal gyi rgyu 'di lta bu bsags pa rnams mthol zhing bshags so// gsung gi dam tshig las 'das pa'i dbang gis/ 'jig rten 'di dang phyi ma'i ngag dig lkugs la sogs pa ngag gi rgyu 'di lta bu bsags pa rnams mthol zhing bshags so// thugs kyi dam tshig las 'das pa'i dbang gis/ 'jig rten 'di dang phyi ma'i sems spro 'bog la sogs pa dang / ngan song gi rgyu bsags pa rnams mthol zhing bshags so// la las ni dbang ma mnos par slob dpon gyis bzung nas//

  46. 23b

    bka' zab mo la dbang zos te/ brdzabs pa dang / la las ni gab pa'i man ngag ma rtogs par/ sbas pa'i gsang ba la mngon par 'chel te/ gsang sngags kyi spyod pa zab mo bab col du spyad pas/ khra dang sbyang ki lta bu'i sdig las bgyis te/ dmyal ba mi bzad pa'i las bgyis pa rnams mthol zhing bshags so// la las ni ye shes kyi lha dang / rdo rje slob dpon gyi gsang ba'i dam tshig tshul bzhin du mnos pa las/ gsog 'jog gis bka' bslus te/ tshogs kyi spyang ki dang / khral gyi gsog 'jog dang / grogs zla la tshod yod pa dang / rngam chos kyi phud dang 'phags pa la bsngos pa la thug thub bgyis/ la las ni 'jig rten 'di'i skad cig yud tsam las ma rtogs pa/ 'jig rten phyi ma ma 'tshal te/ grogs kyi ngo dga' dang btsan thabs dang dregs chos kyi las bgyis te/ gsang sngags kyi gzhung ma bsnyegs pa mthol zhing bshags so// gzhan yang yan lag gi dam tshig nyi shu rtsa lnga la spyad par bya ba'i dam tshig lnga las 'das te/ ta na ga Na gnyis dang / ma byin par len pa dang / brdzun du smra ba dang / ngag 'khyal ba rnams las gzhung ma bsnyegs pa mthol zhing bshags so// mi spang ba'i dam tshig lnga las 'das te/ 'dod chags dang / zhe sdang dang / gti mug dang / nga rgyal dang / phrag dog rnams las gzhung ma bsnyegs pa mthol zhing

  47. 24a

    bshags so// dang du blang ba'i dam tshig lnga las 'das te/ dri chen dang / dri chu dang / dmar chen dang / mAM sa dang / rdo rje zil pa rnams las gzhung ma bsnyegs pa mthol zhing bshags so// shes par bya ba'i dam tshig lnga las 'das te/ phung po lnga dang / 'byung ba lnga dang / dbang po lnga dang / yul lnga dang / kha dog lnga la sogs pa rnams/ rigs kyi yab dang / rigs kyi yum dang / sems dpa' dang / sems ma dang / khro bo dang / khro mo dang / lha dang lha mo'i rang bzhin du ma 'tshal bar mthol zhing bshags so// bsgrub par bya ba'i dam tshig lnga las 'das te/ de bzhin gshegs pa'i rigs dang / rdo rje'i rigs dang / rin po che'i rigs dang / pad+ma'i rigs dang / las kyi rigs la sogs te/ rigs lnga'i bde bar gshegs pa rnams kyi sku gsung thugs kyi dngos grub thob par bgyid rgyu las/ 'bad rtsol dang brtson 'grus chung ba mthol zhing bshags so// gzhan yang bsgrub pa khyad par gyi dam tshig nyi shu dang / spyod pa rgyun gyi dam tshig bzhi dang / rang bzhin lta ba'i dam tshig bzhi dang / gal mdo nges pa'i dam tshig gsum la sogs te nang pa thabs kyi rgyud gzhung las 'byung ba'i dam tshig rnams kyi bsrung mtshams mi shes shing / gzhung dang 'gal ba ci bgyis pa thams cad mthol zhing bshags so// gzhan yang gsang sngags kyi

  48. 24b

    rgyud kun gyi lung las 'byung ba'i dam tshig dang / byang chub sems dpa'i sdom pa dang / nyan thos kyi 'dul khrims dang / 'jig rten pa'i khrims mna' las 'gal ba ci bgyis pa mthol zhing bshags so// gzhan yang bka' zab mo khyad du bsad de/ skye bo rang thad kyi dbang gis nor dang gsung gi dbang du btang ste/ dkon mchog gsum gyi sku dgra'i sngags bzlog byas pa dang / pra ti ha na dus kyi mchod pa chen po la bsngos pa dang / ma hA bo d+hi la sogs pa dkon mchog gsum gyi dkor la thug thub bgyis nas spyad pa dang / khyad par du yang tshogs mchod chen mo la bsngos pa dang / bsgom bsgrub zab mo la bsngos pa la sogs pa/ mchod pa'i yo byad thams cad la tshod yod bgyis te/ dngos su spyad pa dang / dbri gzhog bgyis te ngan song gi rgyu bsags pa mthol zhing bshags so// gzhan yang yan lag gi dam tshig stong rtsa brgyad las 'das te/ ngan song 'khor ba'i rgyu bsags pa thams cad mthol zhing bshags so// gzhan yang gsang sngags kyi sgor zhugs so 'tshal gyis/ ma rig pa'i dbang gis dam tshig ngo ma 'tshal te/ ma tshig nyams pa dang / las ngan sna tshogs spyad pas/ sdug bsngal sna tshogs kyi rgyu bsags pa mthol zhing bshags so// nya stong dang / dus drug dang / dus bzhi la sogs pa dus dam du bcas pa las 'das

  49. 25a

    te/ dus las g.yel ba'i nyams chag thams cad mthol zhing bshags so// gzhan yang chos spyod bcu'i sgo nas/ dge ba'i phyogs bgyis par dam bcas pa las rngo ma thogs pa dang / sdig pa mi dge ba'i las ci mchis pa thams cad mthol zhing bshags so// sgyu 'phrul ye shes rang snang gi lha la rtog pa mi mnga' yang / de'i 'khor du gtogs pa'i ye shes dang / las las grub pa'i legs nyes kyi bstang 'dzin cing dam tshig gi rjes gcod pa'i bstan pa gnyen po srung ba dang / chos skyong ba rnams kyi thugs dang 'gal ba ci bgyi pa thams cad mthol zhing bshags so// gzhan yang phyogs bcu dus gsum gyi rnal 'byor pa mched dang lcam dral rnams kyi thugs dang 'gal ba'i las ci bgyis pa thams cad mthol zhing bshags so// de ltar mthol bshags zab mo dang / 'gyod tshangs drag po shin tu gnod 'gyod dang bcas pa bgyis pas rtsa ba dang yan lag gi dam tshig nyams pa sor chud de nyams chag thams cad skongs par gyur cig/ bka' la ras chod byed cing / sbas pa'i gsang ba la mngon par 'chel ba dang / ta na bsgral ba gnas su ma rtogs pa dang / ga Na sbyor ba byin gyis ma brlabs pa la sogs pa/ gsang sngags sprad nyes pa'i dbang gis ngan song gi rgyu bsags pa thams cad byang zhing dag par gyur cig/ bsnyen sgrub zab mo

  50. 25b

    dam du bcas pa las/ rang nyams dang tshod yod du gyur te/ mchod pa lo zlar 'das pa dang / nya stong dus tshod las 'das pa dang / dge ba'i phyogs bgyid par dam bcas pa las rngo ma thogs pas/ ngan song gi rgyu bsags pa thams cad byang zhing dag par gyur cig/ dus kyi mchod pa chen po la bsngos pa'i yo byad dang / ma hA bo d+hi mchod rten chen po'i yo byad dang / bsgom bsgrub zab mo'i yo byad dang / gzhan yang phud la gzhogs shing / lhag la phri ba dang / khral la ngan pa dang / gsog 'jog gi las bgyid pas/ pre ta ka yi dwags kyi rgyu bsags pa thams cad byang zhing dag par gyur cig/ ma rig pa'i dbang gis sba lo dang / tshul 'chos kyis gsang sngags spyad nyes pa'i lha spyod zab mo gzhung ma bsrangs pa dang / yang dag pa yin nam ma yin snyam nas sems la rtog pa byung ba dang / yin par ngo shes kyang sems la sel zhugs te/ shes bzhin du ma spyad pas/ tiR+Ya ka byol song gi rgyu bsags pa thams cad byang zhing dag par gyur cig/ chos nyid don gyi lta ba ni ma rtogs/ kha 'byams tshig gi lta ba la gdengs su byas na/ dam tshig nyams pa can dang / dam 'dres can dang / dam med pa dang / sdig sgrib can dang / gsang sngags kyi snod du mi rung ba rnams la chos bshad pa dang / bskang ba dang / tshogs 'dres pa dang / tshig tu 'dzags shing spyod lam

  51. 26a

    rtsings pa dang / snod med pa la gsang sngags spel ba la sogs pa 'bag 'bog gi las bgyis pas/ phyi nang gi dam can rnams kyi thugs dang 'gal bas/ 'jig rten 'di'i rkyen du gyur te tshe thung zhing nad mang ba dang / phyi ma'i sgrib par gyur pa thams cad byang zhing dag par gyur cig/ gzhan yang bdag cag rnal 'byor pa 'dir 'tshogs shing 'dus pa rnams kyis/ 'gyod tshangs 'di la brten nas/ gsang sngags kyi sgor zhugs pa mtha' dag gi nyams chag dang / rtog sgrib thams cad byang zhing dag par gyur cig/ de lta bu'i 'gyod tshangs rnal 'byor kyi spyi khrus 'di dang / deng gi rgyu mchog tan gaN gyi mchod pa zab mo 'di la rten byas te/ 'gyod tshangs phul bas tshangs pa gnang bar gsol te/ slan chad kyang mi bgyid par gyur cig/ de ltar tshangs par gsol ba'i bden pa'i byin rlabs kyis/ bdag cag 'dir 'dus pa'i rnal 'byor pa mched lcam dral rnams dang / gzhan yang gsang sngags kyi sgor zhugs so 'tshal thams cad kyi sgrib pa byang ste/ phyag rgya chen po'i rig 'dzin gyi sa la lhun gyis grub par gyur cig/ bdag cag gi dus gsum gyi rdo rje slob dpon dang / gzungs ma dang / mched dang / lcam dral dang / pha ma dang / dam rdzas rgyu bsgral lo 'tshal la sogs pa thams cad kyang phyir mi ldog pa'i sa non te ye shes bla ma'i sa la

  52. 26b

    lhun gyis grub par gyur cig/ de lta bu'i bden pas sa chen po la gnas pa'i byang chub sems dpa' rnams ni shes bya'i bag chags phra mo man chad/ gnyen po rdo rje lta bu'i ye shes chen pos sbyangs te/ sa bcu rim gyis bgrod de mthar phyin nas bcu gcig kun tu 'od kyis 'thob par gyur cig/ rang byang chub rnams ni rten 'brel bcu gnyis mthar phyin pa'i 'bras bu bse ru'am ne tso lta bu 'thob par gyur cig/ nyan thos rnams ni bden pa bzhi mthar phyin pa'i 'bras bu dgra bcom pa 'thob par gyur cig khams gsum gyi sems can thams cad kyang chos dge ba bcu spyod par gyur te lha dang mi'i go 'phang 'thob par gyur cig/ lha dang mi rnams ni chos spyod bcu'i sgor zhugs te dkon mchog gsum gyi gdung 'dzin cing theg pa chen po'i sems bskyed nas/ gsang sngags rdo rje theg pa ma nor bar ston pa'i dge ba'i bshes gnyen tshad ma dang rtag tu 'grogs shing / des bstan pa'i don ma nor bar 'grel zhing rtogs nas rig 'dzin rnam gsum myur du 'grub par gyur cig/ de lta bu'i 'gyod tshangs la brten nas/ bdag cag gi man ngag gi don ston pa'i rdo rje slob dpon dang / dge ba'i bshes gnyen rnams kyang sku tshe ring ba dang / 'khor dang longs spyod 'phel ba dang / dgongs dpyod thams cad lhun gyis grub ste/ bstan pa'i sgron me

  53. 27a

    mdzad la yun ring du gnas par gyur cig/ bdag cag rnal 'byor pa 'dir 'dus shing tshogs pa rnams ni/ 'jig rten mthong ba'i chos 'di la/ tshe ring ba dang / nad med pa dang / dpal dang gzi mdangs dang / 'byor pa phun sum tshogs pa dang ldan te/ bsam pa thams cad yid bzhin du grub par gyur cig/ gsang ba'i theg pa chen po 'di yang bka' btsan zhing byin che ste dar zhing rgyas par gyur cig/ gsang sngags zab mo 'di dar ba'i yul khams la sogs te/ rgyal khams thams cad du dus kyi 'khrug pa zhi bar gyur cig/ mtshon gyi bskal pa nyams par gyur cig/ mi nad dang phyug nad thams cad rgyun chad par gyur cig/ char chu dus su phebs te/ lo phyugs rtag tu legs pa dang / sems can thams cad bde skyid phun sum tshogs pa dang ldan te bla na med pa'i byang chub 'thob par gyur cig/ dri med rgyal po bshags pa'i rgyud las/ nyams chag dang rtog sgrib sbyong ba'i bshags pa ste le'u gsum pa'o// // de nas de bzhin gshegs pa rnams kyi thugs rje dam tshig la gnas pa rnams kyis brjod med kyi bshags pa 'di gsungs so// oM ye shes sku mchog rang bzhin dkyil 'khor ni// zla rgyas bzhin du spros pa mi mnga' yang // thugs rjes nyi gsal 'od bzhin snyoms mdzad pa// 'dir gshegs bdag la

  54. 27b

    dgongs shing bzhugs su gsol// brjod med shes rab mi g.yo chos kyi sku// bde chen longs spyod rdzogs sku rigs lnga'i gtso// thugs rje thabs mkhas rgya cher rol pa yi// zhi khro sprul pa'i sku la phyag 'tshal lo// dngos su 'byor dang yid kyi rnam sprul pa'i// kun tu bzang po bla med mchod sprin gyis// mkha' dbyings rnam dag rgya cher yongs bkod de// phyi nang gsang ba'i mchod pa rgya mtshos mchod// kun tu bzang mo gsang ba'i b+ha ga la// rgyal ba'i dkyil 'khor rab 'byams ma lus kun// 'du 'bral med pa'i ngang du ro gcig pas// gnyis med byang chub sems kyis mnyes gyur cig/ sems kyi rang bzhin chos dbyings nam mkha' che// chos rnams rnam dag ye nas 'od gsal zhing // rnal 'byor nyid dbyings smra bsam las 'das pa// mnyam nyid byang chub sems la rtag tu 'dud// kun bzang rdzogs chen ye nas gdal ba la// phyi nang gsang ba bkod pa'i dkyil 'khor ni// snang srid rnam dag lha dang lha mo'i dbyings// 'byung dang 'byung 'gyur yab yum lhun rdzogs rnams// gsang chen rab dgyes gzungs chen bdag nyid ma// mkha' dbyings klong yangs pad+mar 'khyil pa ni// gnyis med thig le chen po 'od gsal ba// ma bcos spros med byang chub snying po'i sku// cir yang snang ba bde chen g.yung drung lha// 'du 'bral med pa gsang

  55. 28a

    ba'i dkyil 'khor 'dir// bdag nyid chen po rigs lnga yab yum dang // byang chub lcam dral khro bo khro mo'i tshogs// rdo rje lha mo tshogs rje tshogs kyi bdag/ rigs lnga dpal chen khro rgyal yab yum bcu// gnas dang yul gyi phyag rgya sgo ma bzhi// ye shes sprul pa'i lha tshogs mang po rnams// ma ltar byams shing sring ltar gdung la sogs// legs nyes bstang 'dzin dam tshig rjes gcod pa'i// phyi nang mkha' 'gro rnal 'byor ma yi tshogs// dbang gyur rdo rje dam can dgongs su gsol// thugs rje'i gdung 'tsho ba rnal 'byor bdag cag gis// 'gro ba'i don du byang chub sems bskyed de// bla med go 'phang bgrod par bya ba'i phyir// bstan pa rgya mtsho so so'i 'dul khrims dang // sku gsung thugs dang mnyam sbyor sdom pa'i mchog/ rdo rje 'da' dka' dam tshig gtan gyi gnyer// spyi dang khyad par lhag pa'i dam tshig rnams// snga phyir mnos shing gnyer du smras so 'tshal// yun du mi gtong 'da' bar mi bgyid la// don las gol zhing bzlog sems ma mchis kyang // gdod bya long yod snyam pa'i le lo yis// klong du ma gyur rtsal shugs chung ba dang / shes bzhin mi ldan bag med dbang gyur te// bsgom la mi brtson bsnyen sgrub g.yel la sogs// tshor dang ma tshor ma rig dbang gis ni// ston pa'i bka' dang dam las 'gal gyur te// rnal

  56. 28b

    'byor gang zhig dam tshig nyams pa dang // skad cig tsam yang phrad par mi bya zhes// bka' las byung yang de ltar ma lcogs te// gsang sgo 'chol bas dbye bsal dka' ba la// mngon shes chung bas skyon can ma rtogs te// nyams dang tshogs 'dres nyams pa bskang ba dang // nyams dang snod min rnams la chos bshad dang // nyams la mi 'dzem nyams pa'i skyon la sogs// nyams dang 'grogs shing nyams pa de dag gi/ nyams grib skyon gyis gos par gyur to 'tshal// tshe 'di'i rkyen dang yun gyi sgrib pa rnams// rang gnod 'gyod pa'i sems kyis mthol lo bshags// byams pa'i thugs rjes bdag la dgongs nas kyang // gnyis med dbyings las mi 'gyur bdag bkod de// mi dmigs btang snyoms ngang du bzhugs nas kyang // gnyis med don gyi tshangs pa stsal du gsol// don dam gnyis med spros dang bral ba la// rnam rtog gang yang dmigs par mi 'gyur te// kun rdzob sgyu ma tsam gyis dbang gis na// nongs pa mchis rnams rab gnod bzod par gsol// zhes gsungs so// dri med rgyal po bshags pa'i rgyud las// ye shes lha dang 'khon gcugs bshags pa ste le'u bzhi pa'o// // de nas rgyal ba thams cad kyi thugs rje'i dam tshig la gnas pa'i rig 'dzin yab kyi tshogs rnams kyis bshags pa'i rgyal po nyi shu

  57. 29a

    rtsa brgyad pa 'di gsungs so// ston pa rdo rje sems dpas gsungs pa yi// lung dang tan tra mang po mdor bsdus shing // gsang sngags ma hA yo ga'i sgor zhugs pa'i// mi 'da' rdo rje dam tshig gtan gyi gnyer// dam la gnas shing tshul bzhin bsrung ngo zhes// bka' gsang brgyud las de skad 'byung bzhin du// ma rig le lo sgyid snyom rkyen dbang gis// bka' las 'das shing dam las g.yel gyur pa// rang gnod 'gyod pa'i sems kyis mtho la bshags na// mi dmigs btang snyoms ngang du bzod par bzhes// rtsa ba sku gsung thugs kyi dam tshig las// sri zhu dad pa'i rtsal shugs chung ba yis// rdo rje slob dpon thugs dang 'gal ba dang // brtse gdung khrel 'dzem chung ba'i rang shugs kyis// mched dang lcam dral thugs dang 'gal ba dang // sngags dang phyag rgya le los rgyun bcad de// gsung gi dam las 'das par gyur pa dang // spyi gsang bzhi dang bar gsang brgyad la sogs// gsang bar 'os dang gsang bar gnyer gtad pa// gsang sgo yal bar btang ba la sogs te// rtsa ba'i dam las 'gal ba ci mchis pa// rang gnod 'gyod pa'i sems kyis mthol bshags na// mkha' ltar khyab pa'i thugs rjes bdag bzung nas// nyams pa'i skyon rnams bshags na byang ba dang // sku gsung thugs kyi dngos grub stsal du

  58. 29b

    gsol// mi spang ba yi dam tshig lnga po la// 'dod chags zhe sdang gti mug nga rgyal dang // phrag dog la sogs nyon mongs lnga rnams ni// gsang sngags bla na med pa'i spyod yul las// kun tu bzang po rol pa che ba'i rgyan// rigs lnga ye shes lnga yi rang bzhin la// ye nas yin pa de ltar ma rtogs te// log rtog dbang gis spangs pa bzod par gsol// dang du blang ba'i dam tshig lnga po la// mAM sa bshang gci khu ba rak+ta rnams// ye nas bdud rtsi lnga yi rang bzhin la// dus gsum sangs rgyas rnams kyis bsgrubs pa'i rdzas// rgyal ba rgya mtsho rnams kyi gshegs pa'i shul// ye nas rnam par dag pa'i rang bzhin la// gtsang sme rnam rtog brtul zhugs chung ba yis// chos nyid mnyam pa'i ngang du ma rtogs te// dam rdzas dang du ma blangs bzod par gsol// spyad par bya ba'i dam tshig lnga po la// skye shi med par rtogs pa'i blta ba dang // gnas dang dus dang ting 'dzin gsal ba yis/ khams gsum ma lus gnas nas bsgral ba dang // dus gsum 'du 'bral med pa'i blta ba dang // sngags dang phyag rgya ting 'dzin gsal ba yis// thabs dang shes rab mngon spyod sbyor ba dang // ser sna 'jur gegs can gyi zas dang nor// thabs mkhas 'od zer tshul du ma byin blang // sems can don du 'phags pa mchod pa dang // gsang sngags

  59. 30a

    lha spyod gzhan gyis mi rig phyir// gting dpag dka' phyir rdzun du smra ba dang // zhing bcu zhe bcad drag shul spyod pa'i sngags// bka' dang lung las de ltar 'byung bzhin du// spyad cing nyams su ma blangs bzod par gsol// shes par bya ba'i dam tshig lnga po la// phung po lnga dang rnam shes dbang po lnga// 'byung ba lnga dang 'dod pa'i yon tan lnga/ kha dog lnga dang sman lnga la sogs rnams// rigs lnga ye shes lnga yi rang bzhin dang // rigs kyi yum lngar shes par bya'o zhes// rgyal ba'i bka' las de ltar byung bzhin du// shes rab zhan pas de ltar ma rtogs te// bka' dang gzhung las 'gal ba bzod par gsol// bsgrub par bya ba'i dam tshig lnga po la// phyi nang snod bcud snang srid ma lus rnams// ye nas sangs rgyas lnga yi rang bzhin la// bdag gi dbyings las gzhan na mi bzhugs kyang // go rtogs rig pa'i la shugs chung ba yis// rtogs pa klong du ma gyur bzod par bzhes// tshogs kyi mchod pa lo zla 'das pa dang // tshogs kyi zhal zas 'byor tshogs chung ba dang // rdo rje slob dpon thugs dang 'gal ba dang // dam skongs mkha' 'gro'i thugs dang 'gal ba dang // brtse gdung khrel 'dzem chung ba'i rang shugs kyis// mched dang lcam dral thugs dang 'gal ba dang // lung dang bka' las 'das pa mthol lo

  60. 30b

    bshags// lta ba 'phangs ma chod par gyur pa dang // spyod pa la ma dor bar gyur pa dang // dam tshig nyams pa'i chad pa mi bzod pas// rdo rje srin pos snying khrag 'thung ba dang // tshe thung nad mang nor yal dgras 'jigs dang // mnar med dmyal ba shin tu skyi g.ya' bar// sdug bsngal mi bzod yun ring gnas pa rnams// bdag gis dam tshig bshags pa bgyis pa yis// nyams shing chag pa thams cad sor chud de// go 'phang chen po'i 'bras bu thob par shog/ dus gsum rgyal bas bdag la byin gyis rlobs// dam skongs mkha' 'gro mang pos bdag srungs shing // gnyis med gsang ba'i dbyings nas 'od shar te// mkha' ltar dag cing rnam rtog mi mnga' yang // sngon gyi thugs rje'i dbang gis bdag bzung ste// yid bzhin sku mchog bdag la bstan pa dang // rig 'dzin dngos grub dbyings nas bdag la stsol// lha dang lha min phyogs bcu'i rnal 'byor rnams// mi 'da' rdo rje dam tshig gtan gyi gnyer// rtsa ba gsum dang yan lag nyi shu lnga// tshor dang ma tshor ma rig dbang gis na// nyams pa'i skyon gyis gos par gyur to/ 'tshal// bdag gis dam tshig gdungs pa'i bshags pa 'dis// rnal 'byor dam tshig nyams pa bskangs gyur nas// go 'phang chen po'i 'bras bu thob par shog khams gsum 'khor ba'i sems can ma lus

  61. 31a

    rnams// mnyam nyid rdo rje'i gral du gnas par shog/ mkha' 'gro ma yi thugs rjes bdag bzung zhing // nyams pa'i skyon rnams gtan nas byang ba dang // sku gsung thugs kyi dngos grub stsal du gsol// zhes gsungs so// dri med rgyal po bshags pa'i rgyud las/ nyams grib bskang ba'i bshags pa ste le'u lnga pa'o// // de nas bcom ldan 'das thams cad kyi dam tshig la gnas pa'i rig 'dzin yum gyi tshogs rnams kyis bshags pa 'di gsungs so// ye shes lha dang mkha' 'gro dam tshig can// phyi nang srung ma ma lus dgongs su gsol// yun ring dus nas bsnyen cing bsgrubs pa'i lha// srung ma dam can ma lus dgongs su gsol// rdo rje slob dpon mched dang lcam dral dang // rig 'dzin sgrub po rnams kyang dgongs su gsol// rnal 'byor dam tshig bsrung bar zhal 'ches pa'i// sku gsum gdung 'tsho ba mas kyang dgongs su gsol// bkod pa'i rgyal po dam tshig 'bum sde las// yo ga rnam pa bzhi yi don ched du// mkhyen rab mchog tu gyur pa'i gsang bdag gis// nyi shu rtsa brgyad mdor bsdus grangs bstan pa// rtogs nas bsrung zhing bsgrub par dam bcas pa'i// tshul lam gzhung bzhin sgrub rdo ma thogs par// ma rig bdag cag lus dang ngag sems kyis// bag med tshul gyis dam las 'gal gyur te// ras

  62. 31b

    chod rang gar bsrung mtshams 'das pa dang // ma rtogs ma bsrungs sgrub pa'i rtsal chung bas// rtsa ba yan lag bcas pa'i dam tshig las// nyams chag 'gal 'khrul gyur pa mthol lo bshags// rdo rje slob dpon mched dang lcam dral la// log lta ngan sems rku 'phrog brdeg la sogs// ngan du smra zhing gnod pa dngos su bgyis// sku yi dam tshig nyams pa mthol lo bshags// yi dam lha yi ting 'dzin g.yel gyur cing // phyag rgya rnam bzhi gzhung bzhin ma gsal te// sngags dang bzlas brjod snying po bar chod pas// gsung gi dam tshig nyams pa mthol lo bshags// gsang bcu la sogs man ngag gnyer gtad pa// dam tshig nyams dang ma 'dres med pa la// tshig tu 'dzags shing spyod lam rtsings pa yis// thugs kyi dam tshig nyams pa mthol zhing bshags// spyad par bya ba'i dam tshig rnam pa lnga// sbyor sgrol ma byin len dang rdzun du smra// tshig brlang la sogs dam tshig smad lnga ni// gnyis su med pa'i ngang du mnyam sbyar nas// 'gro ba'i don du gzhung bzhin spyad rgyu la// bka' dang gzhung bzhin spyad par ma gyur te// ma rig log par spyad pa'i nyes byas kyis// spyad pa'i dam tshig nyams pa mthol shing bshags// mi spang ba yi dam tshig rnam lnga ni// 'dod chags zhe sdang gti mug nga rgyal dang // phrag dog la sogs nyon mongs rnam lnga

  63. 32a

    ni// ye nas rigs lnga'i rang bzhin yin pa'i phyir// rtogs nas spang du med par gnas rgyu la// de bzhin ma rtogs nyon mongs rang dgar spyad// mi spang dam tshig nyams pa mthol shing bshags// dang du blang ba'i dam tshig lnga po ni// dri chen dri chu dmar chen zil pa dang // sha chen la sogs dam rdzas rnam pa lnga// grub pa bzhi dang yin pa gsum la sogs// so so'i rnam par rtog pa kun sbyongs shing // dngos grub sgrub par byed pa'i thabs chen po// 'dzin rtog med par dang du blang rgyu la// gnyis med blta bas dang du ma blangs te// gtsang smer bltas nas tshul bzhin ma blangs pas// rten pa'i dam tshig nyams pa mthol zhing bshags// shes par bya ba'i dam tshig lnga rnams la// phung po lnga dang 'byung ba chen po lnga/ kha dog lnga dang yul lnga dbang po lnga// rnam shes lnga dang rigs lnga ye shes lnga// yab lnga yum lngar sbyor zhing shes pa yis// rtog pa khyad par can du bgyid rgyu las// rmongs shing 'khrul pas de ltar ma rtogs te// nyan thos la sogs theg pa 'og ma las// rtog pa khyad par can du ma gyur te// shes bya'i dam tshig nyams pa mthol zhing bshags// bsgrub par bya ba'i dam tshig rnam lnga la// rdo rje'i rigs dang de bzhin gshegs pa'i rigs// rin chen rigs dang de bzhin pad+ma'i rigs// las kyi rigs la sogs te

  64. 32b

    sangs rgyas lnga// 'di ni bsgrub par bya ba'i 'bras bu ste// sgom sgrub ting 'dzin le lo med pa yis// sgrub pa'i 'bras bu thob par bgyid rgyu la// 'bad pa'i rtsal chung sgom sgrub yun thung bas// sgrub pa'i 'bras bu da dung ma thob ste// bsgrub bya'i dam tshig nyams pa mthol zhing bshags// de la sogs te dam tshig chen po yi// gzhung dang 'gal bar gyur pas nyes byas shing // ye shes lha dang mkha' 'gro dam tshig can// ma sring rgya mtsho'i thugs dang ci 'gal ba// shin tu gnong zhing 'gyod pas mthol zhing bshags// rdo rje slob dpon mched dang lcam dral dang // rnal 'byor dam can thugs dang ci 'gal ba// dam las 'gal gyur 'gyod pas mthol zhing bshags// bdag gis rtse gcig zol zog med pa yis// sgyu med sems kyis bshags sbyang 'di brjod pas// bdag nyid nyams chag sgrib pa 'dir byang nas// tshe 'di nyid la rig 'dzin sa thob ste// byin rlabs rtsal 'phang gzi brjid nus mthu dang // sku gsung thugs kyi dngos grub stsal du gsol// zhes gsungs so// dri med rgyal po bshags pa'i rgyud las/ dam tshig nyi shu rtsa brgyad pa'i bshags pa ste le'u drug pa'o// // de nas sangs rgyas thams cad kyi dam tshig la gnas pa'i dpal chen po rnams kyis bshags pa 'di gsungs so// bcom ldan dpal chen khro rgyal phyag brnyan

  65. 33a

    ni// thabs mkhas thugs rje ye shes sprul pa dang // rang rgyud rnal 'byor dag pa'i grub pa can// rdo rje lcam dral mang po dgongs su gsol// kun tu bzang po rdo rje 'dzin pa yi// snying la gnas pa'i dam tshig byin brlabs pa// theg chen khyed kyis dang du bzhes nas kyang // zhal 'ches gang lags rjes su dgongs par mdzod// bdag gi mig la sogs te dbang po lnga// bems po'i rang bzhin rnam shes ma sbyangs pas/ khyed kyi sku gsung mi mthong mi thos te// min pa'i tshogs dang 'dra bar bcings mod kyi// 'on kyang yid ches sems 'di rtse gcig gis// mngon sum 'dra bar rtag tu rjes dran na// dus gsum kun nas ma bsgribs mkhyen pa yi// rdo rje lcam dral mang po bdag la dgongs// ye shes mngon shes ldan zhing thugs brtse ba// mthu rtsal rmad byung phan pa'i dgongs pa can// gzhan gyis ma bcol nyid kyis zhal 'ches pa// bden par gsungs pas bdag gi grogs mdzod cig/ gang dag byang chub sems dang ldan pa dang // sku gsung thugs kyi rnal 'byor spyod pa la// kun nas bsrung zhing re ba bskang ngo zhes/ khyed kyi thugs dam mi 'gyur de lags na// bdag la bla med byang chub sems mchis kyis// sku gsung rnal 'byor brtson par bgyid lags na// rdo rje dam can ma lus rgya mtsho yis// kun nas bsrung zhing re ba

  66. 33b

    bskang du gsol// theg chen rnal 'byor bskyang bar zhal 'ches pa'i// dus dang tshad mkhyen mthu dang ldan bzhin du// skyes mchog khyed kyang btang snyoms mdzad na ko/ dang po'i dam bcas 'gal bar mi 'gyur ram// gang gis gang la rang gis dam bcas pa// de yis de nyid don du gnyer dgongs pa// gzhan gyis bskul zhing gsol gdab mi 'tshal na// nyid kyi thugs dam 'bras bu mchis par mdzod// bdag gi dam tshig rdo rje'i mchog gsum po/ khyed kyi thugs dam mchog kyang de lags pas// rigs mi mthun kyang dam tshig gis bsdus na// lcam dral tshul du nye zhing gdung bar mdzod// sngon 'das dus na bstan pa 'jig la sogs// zhe sdang gdug pa'i dgra bgegs gar byung yang // khyed kyi thugs rje lhag par der phyung zhing // drag shul thabs kyis 'dul ba ji bzhin du// da lta dus ngan bstan pa 'jig la sogs// sdig pa'i 'bras bu smin par khyed mkhyen gyis// rdo rje lcam dral ma lus rgya mtsho yis// so so'i thugs dam chen po dgongs mdzod la// ji ltar 'tsham pa bzhin du phrin las mdzod// dbang phyug la sogs byed por khas 'ches kyang // de nyid dngos po lta bur byed mi nus/ khyed ni sgyu ma'i chos la mnga' brnyes pas// sgyu ma'i rang bzhin cir yang grub par mdzod// mi nus mngon shes mthu dang mi ldan yang // dam tshig chos

  67. 34a

    phyir srog lus phongs pa med/ khyed ni thogs med mthu dang ldan bzhin du// 'gro ba'i mgon skyabs ci phyir bskul las bshags// srid pa las kyi dus la ma bab ces// 'gro ba 'dul ba'i phrin las mi mdzad cing // thams cad kun la las kyi dbang btsan na// thugs rje'i byin rlabs su la ci zhig bgyi// gang zhig chos min 'gal bar spyod pa yang // 'bad pa'i 'bras bu med par mi 'gyur/ ram// shes rab snying rje thabs dang mi 'gal ba'i// re ba bskang ba lta zhig smos ci 'tshal// 'da' dka' rdo rje dam tshig mchog bsrung bar// grub pa khyed dang 'dra ba ma lags na// chos srung 'gro don bdag gis mi lcogs pas// byin rlabs mchog dang ldan par mdzad du gsol// dam tshig nyams pa la sogs nyes pa rnams// tshe rabs 'di la nyams su myong 'gyur ba// chos dbyings 'gro don bdag nyid bdag gis rtogs pa ru// chos la dbang bsgyur khyed kyis bzlog tu gsol// thugs rje brtse ldan rdo rje lcam dral la// 'di skad bskul zhing gsol lta mi 'tshal na// zhe sdang mtha' yi sems kyis mi gsol te// 'gro don byang chub sems kyis smre lags na// thugs dang 'gal bar gyur pa bzod par gsol// 'phags pa'i bka' chad bdag la mi gtong zhing // thugs rje chen pos tshangs pa stsal du gsol// dri med rgyal po

  68. 34b

    bshags pa'i rgyud las/ rdo rje dpal chen gyi bshags pa ste le'u bdun pa'o// // de nas bde bar gshegs pa thams cad kyis/ ye shes mkha' 'gro la sogs pa mkha' 'gro ma'i tshogs kyi bshags pa 'di gsungs so// oM ye shes mkha' 'gro dbang phyug khro rgyal gtso// bde chen gnyis med yum gyi dbyings su sbyor// bdag tu lta ba'i nga rgyal 'joms mdzad pa'i// dbang gyur rdo rje dam can dgongs su gsol// ta na'i gnas mchog sgrol ba gnas ma stobs// ga Na'i gnas mchog sbyor ba byin ma brlabs// dpal chen khro rgyal thugs dang ci 'gal ba// thugs rje che mnga' khyed la bzod par gsol// rmad du byung ba'i mchod pa tan gaN ni// ye shes lnga yi 'od zer rnam par 'phro// 'dod pa lnga yi yon tan bsam yas kyis// ye shes mkha' 'gro'i thugs dam bskang gyur cig/ dpal chen khro rgyal yab yum thugs rje yis// rtse gcig sgrub pa po yi grogs mdzod la// bar gcod byed pa'i dgra bgegs rdul du rlog/ grub pa'i 'bras bu dus 'dir stsal du gsol// hUM rdo rje mkha' 'gro dbang phyug go rI brgyad// sid+ha la sogs yul gyi phra men brgyad// rta gdong la sogs 'bar ma khro mo bzhi// dbang gyur rdo rje dam can dgongs su gsol// oM bsgom bsgrub dus las g.yel bar gyur pa yis// sgrub pa'i rdzas mchog bdud rtsi a mr-i

  69. 35a

    ta// dus drug mchod pa'i tshul du ma sbyar ba// bzod par gsol lo tshangs pa stsal du gsol// byang chub sems dang mAM sa rak+ta dang // dri chen dri chu go ku da ha na// gnyis med sbyar ba'i sman mchog a mr-i tas// rdo rje mkha' 'gro'i thugs dam bskang gyur cig/ 'bar ba'i sku mchog rdzogs pa'i dkyil 'khor du// bdud dang srin po ma lus 'dul ba'i phyir// rtse gcig sgrub pa po la zhal ston la// bar gcod byed pa'i dgra bgegs rdul du rlog/ oM sha za mkha' 'gro dbang phyug nyi shu brgyad// srid gsum rgyal mo dur khrod brgyad kyi yum// gtso mo mngon spyod ma bdun 'khor dang bcas// dbang gyur rdo rje dam can dgongs su gsol// mchod pa lo zla'i dus las 'das pa dang // rdzas dang phyag rgya dus 'dir ma rdzogs shing // sha khrag dmar gyi dam las g.yel gyur te// sha za mkha' 'gro'i thugs dang ci 'gal ba// bzod par gsol lo tshangs par stsal du gsol// dur khrod rdzas mchog thal chen ba su ta// sha khrag dmar gyi mchod pa rab sbyar te// b+han+d+ha'i snod du dmar chen bskyil ba 'dis// sha za mkha' 'gro'i thugs dam bskang gyur cig/ oM sngon tshe dpal chen khro rgyal spyan snga ru// sus kyang ma bcol nyid kyis zhal 'ches te// rtse gcig sgrub pa po yi grogs mdzod la// rnal 'byor dbang phyug chen po'i 'khor srungs shig/ oM las kyi

  70. 35b

    mkha' 'gro phyi yi rnal 'byor bzhi// bdag nyid chen mo la sogs ma mo'i tshogs// lha dang lha min phyogs bcu'i mkha' 'gro ma// dbang gyur rdo rje dam can dgongs su gsol// lta ba mtho bas spyod lam rtsings pa dang // nya stong gso sbyong dus las g.yel gyur cing // gnyid chang rmongs pas phyi mchod ma skongs pa// bzod par gsol lo tshangs par stsal du gsol// dam tshig lhag ma kha chu'i 'od zer 'phro// kun tu bzang po'i mchod sprin a mr-i ta// sha khrag bdud rtsi'i mchod pa chen po 'dis// las kyi mkha' 'gro'i thugs dam bskang gyur cig/ oM stong khams yongs su 'chol bar gyur mod kyang // bdag ni rdo rje'i dam las mi 'da' zhing // dpal chen bsgom bsgrub las la brtson lags na// skyes chen khyed kyi thugs dam mnyes gyur cig/ dur khrod klong dgu'i mkha' 'gro rnam bzhi'i tshogs/ khams gsum 'khor ba'i sdug bsngal ci 'dra ba// byams mgon khyed kyis thugs la de ltar gsal// dmyal tshogs me ltar 'bar ba zhi bar mdzod// thugs rje'i gdung 'tsho ba rig 'dzin bdag gis ni// dang por byang chub mchog tu sems bskyed nas// 'da' dka' rdo rje'i dam tshig mchog gsum po// rgyal ba'i bka' las 'da' bar mi bgyid la// gsang sngags 'chol bar gyur gyis gsal ka mod// nyams dang tshogs 'dris gyur pa bskang so

  71. 36a

    'tshal// blo sems rtul bas skyon can ma rtogs te// rang gnod 'gyod pa'i sems kyis mthol bshags na// grogs ngan nyams grib skyon gyis ma gos shing // nyams pa rnams la chad pa sgor bcad de// 'di phyi'i rkyen dang sgrib par mi 'gyur bar// phra men sbrul tshogs dbye bsal mdzad du gsol// zhes gsungs so// dri med rgyal po bshags pa'i rgyud las/ ye shes mkha' 'gro'i bshags pa'i le'u ste brgyad pa'o// // de nas longs spyod chen po'i dam tshig la gnas pa'i rnal 'byor gyi dbang phyug chen po rnams kyis chos nyid zhi ba'i bshags pa 'di gsungs so// kun bzang yab yum gsan cing dgongs su gsol// yid dang chos ni ye nas mngon sangs rgyas// kun bzang yab yum dgongs spyod de 'dra yang // de ltar bdag gis ma rig ma rtogs te// kun bzang yab yum thugs dang ci 'gal ba// thugs rje che mnga' khyed la bzod par gsol// rgyal ba rigs lnga gsan cing dgongs su gsol// phung po lnga ni ye nas mngon sangs rgyas// rgyal ba rigs lnga'i dgongs spyod de 'dra yang // de ltar bdag gis ma rigs ma rtogs te// rgyal ba rigs lnga'i thugs dang ci 'gal ba// thugs rje che mnga' khyed la bzod par gsol// rigs kyi yum rnams gsan cing dgongs su gsol// 'byung ba lnga ni ye nas mngon

  72. 36b

    sangs rgyas// rigs kyi yum lnga'i dgongs spyod de 'dra yang // de ltar bdag gis ma rig ma rtogs te// rigs kyi yum lnga'i thugs dang ci 'gal ba// thugs rje che mnga' khyed la bzod par gsol// sems dpa' brgyad rnams gsan cing dgongs su gsol// rnam shes brgyad ni ye nas mngon sangs rgyas// sems dpa' brgyad kyi dgongs spyod de 'dra yang // de ltar bdag gis ma rig ma rtogs te// sems dpa' brgyad kyi thugs dang ci 'gal ba// thugs rje che mnga' khyed la bzod par gsol// sems ma brgyad rnams gsan cing dgongs su gsol// yul bzhi dus bzhi ye nas mngon sangs rgyas// sems ma brgyad kyi dgongs spyod de 'dra yang // de ltar bdag gis ma rig ma rtogs te// sems ma brgyad kyi thugs dang ci 'gal ba// thugs rje che mnga' khyed la bzod par gsol// thub pa drug rnams gsan cing dgongs su gsol// nyon mongs drug ni ye nas mngon sangs rgyas// thub pa drug gi dgongs spyod de 'dra yang // de ltar bdag gis ma rig ma rtogs te// thub pa drug gi thugs dang ci 'gal ba// thugs rje che mnga' khyed la bzod par gsol// sgo ba bzhi rnams gsan cing dgongs su gsol// tshad med bzhi ni ye nas mngon sangs rgyas// sgo ba bzhi yi dgongs spyod de 'dra yang // de ltar bdag gis ma rig ma rtogs te// sgo ba

  73. 37a

    bzhi yi thugs dang ci 'gal ba// thugs rje che mnga' khyed la bzod par gsol// sgo ma bzhi rnams gsan cing dgongs su gsol// rtag chad mu bzhi ye nas mngon sangs rgyas// sgo ma bzhi yi dgongs spyod de 'dra yang // de ltar bdag gis ma rig ma rtogs te// sgo ma bzhi yi thugs dang ci 'gal ba// thugs rje che mnga' khyed la bzod par gsol// zhes gsungs so// de nas rnal 'byor ma'i tshogs rnams kyis zhi ba'i bshags pa 'di gsungs so// oM rang rig ye shes blo dang mi ldan pas// bdag gis phung po khams dang skye mched rnams// zhi ba'i dkyil 'khor lha ru sbyor ma 'tshal// sangs rgyas bzhi bcu gnyis la bzod par gsol// rang rig ye shes blo dang mi ldan pas// yid chos kun bzang yab yum sbyor ma 'tshal// ma rig rang sems bdag tu bzung bas nongs// kun bzang yab yum sku la bzod par gsol// rang rig ye shes blo dang mi ldan pas// phung po lnga po rigs lngar sbyor ma 'tshal// ma rig rang sems bdag tu bzung bas nongs// rgyal ba rigs lnga'i sku la bzod par gsol// rang rig ye shes blo dang mi ldan pas// 'byung ba lnga rnams yum lngar sbyor ma 'tshal// ma rig rang sems bdag tu bzung bas nongs// rigs kyi yum lnga'i sku la bzod par gsol// rang rig ye shes blo dang mi ldan pas// shes

  74. 37b

    bzhi dbang bzhi sems dpar sbyor ma 'tshal// ma rig rang sems bdag tu bzung bas nongs// byang chub sems dpa'i tshogs la bzod par gsol// rang rig ye shes blo dang mi ldan pas// yul bzhi dus bzhi sems mar sbyor ma 'tshal// ma rig rang sems bdag tu bzung bas nongs// byang chub sems ma'i tshogs la bzod par gsol// rang rig ye shes blo dang mi ldan pas// nyon mongs drug po thub par sbyor ma 'tshal// ma rig rang sems bdag tu bzung bas nongs// thub drug sprul pa'i sku la bzod par gsol// rang rig ye shes blo dang mi ldan pas// reg sogs rnam bzhi sgo bar sbyor ma 'tshal// ma rig rang sems bdag tu bzung bas nongs// sgo skyong khro bo bzhi la bzod par gsol// rang rig ye shes blo dang mi ldan pas// rtag chad mu bzhi sgo mar sbyor ma 'tshal// ma rig rang sems bdag tu bzung bas nongs// sgo skyong khro mo bzhi la bzod par gsol// rang rig ye shes blo dang mi ldan pas// ma rig dbang gis 'khrul pas nongs bgyis pa// nyon mongs las kyis yi dam lha spangs te// smra byed dbang gis slob dpon snying nas smad// nga rgyal dregs pas mched dang lcam dral dkrugs// srab la 'phyar bas gsang sngags gzhan la spel// ser sna'i dbang gis mchod pa dus las 'das// grogs ngan skyon gyis gsang ba'i

  75. 38a

    cho ga chag/ brtul zhugs chung bas bgegs srin tshar mchod// rngam zhing zug thub lhag phud nyams la sogs// tshe rabs thog ma med pa'i dus mtha' nas// tshe 'di'i lus bzung da lta yan chad du// sdig pa mi dge'i las rnams ci bgyis pa// dus rig dus mkhyen khyed la bzod par gsol// 'phags pa lags pas khyed kyis dang du bzhes// sems can lags pas bdag nongs 'khrul pa mchis// sku ma lags pas bshags na gnang bar mdzod// thabs la mkhas pas tshangs pa stsal du gsol// zhes gsungs so// de nas phyogs bcu nas lhags pa'i rnal 'byor gyi dbang phyug chen po yab yum thams cad kyis zhi ba'i lha tshogs la bshags pa 'di gsungs so// kun tu bzang po thugs mchog rin po che/ khams gsum dbang du sdud pa yab lags shing // don dam dbyings su sdud pa yum lags kyi// bdag lus sgyu mar ma rtogs sku bslus shing // bdag cag nyams chag sems la 'gyod pa skyes// kun bzang yab yum sku la bzod par gsol// rigs lnga sangs rgyas thugs mchog rin po che/ khams gsum dbang du sdud pa yab lags shing // don dam dbyings su sdud pa yum lags kyi// bdag lus sgyu mar ma rtogs sku bslus shing // bdag cag nyams chag sems la 'gyod pa skyes// rigs lnga yab yum sku la bzod par

  76. 38b

    gsol// sems dpa' sems ma thugs mchog rin po che// khams gsum dbang du sdud pa yab lags shing // don dam dbyings su sdud pa yum lags kyi// bdag lus sgyu mar ma rtogs sku bslus shing // bdag cag nyams chag sems la 'gyod pa skyes// sems dpa' sems ma'i sku la bzod par gsol// sbrul sku thub drug sku mchog rin po che// bcud kyi sems can khams gsum dbang du sdud// snod kyi 'jig rten don dam dbyings su sbyor// bdag lus sgyu mar ma rtogs sku bslus shing // bdag cag nyams chag sems la 'gyod pa skyes// sbrul sku thub pa drug la bzod par gsol// sgo bsgo ma thugs mchog rin po che/ khams gsum dbang du sdud pa yab lags shing // don dam dbyings su sdud pa yum lags kyi// bdag lus sgra mar ma rtogs su bslus shing // bdag cag nyams chag sems la 'gyod pa skyes// ba sgo ma rnams la bzod par gsol// zhes gsungs so// dri med rgyal po bshags pa'i rgyud las/ chos nyid zhi ba'i bshags pa ste le'u dgu pa'o// // de nas yang dag par rdzogs pa'i sangs rgyas kyi dam tshig la gnas pa'i rnal 'byor gyi dbang phyug chen po rnams kyis/ khro bo'i dkyil 'khor la bshags pa 'di 'gro ba'i don du gsungs so// oM dang po rang bzhin mnyam pa'i dkyil 'khor du// gzung 'dzin

  77. 39a

    gnyis kyi bdag dang ma bral bas// gnyis su med pa'i gnas lugs don ma rtogs// gnyis med chos kyi sku la bzod par gsol// don dam mi 'gag gsal ba'i go 'byed pa'i// zla gsal dang ba'i dbyings su sku bzhengs la// byang chub thig le'i 'od kyis khyab mdzad pa// kun snang dang ba'i sku la bzod par gsol// don dam skye ba med pa'i mkha' dbyings las// 'bras bu yon tan 'byung ba'i skur snang ba// dbang chen rim gyis bskyed pa'i bzhugs gnas rten// dbang chen gzhal yas gsal bar ma gyur pa// pho brang 'bar ba'i klong du bzod par gsol// bde chen nyid las phyag rgya'i skur snang zhing // ye shes drug gi phyag mtshan rang rang bsnams// ji ltar gsal ba'i ngang du ma gyur pa// 'jigs byed he ru ka la bzod par gsol// gnyis med sku la 'khril ba'i gzungs mchog ma// pad+ma'i don la chags pa'i mkha' dbyings su// gnyis med byang chub sems kyi 'od spro ba// kro d+hi shwa rI'i sku la bzod par gsol// thugs las skyes pa'i ye shes khro mo rnams// rnam shes dur khrod brgyad kyi mkha' 'gro ma// go rI la sogs thugs dang ci 'gal ba// gnas kyi ma brgyad sku la bzod par gsol// thugs rje zhi ba'i ngang las ma g.yos kyang // log rtogs mtshan mar 'dzin pa zhi ba'i phyir// mche gshog rngam pa 'bar ba'i

  78. 39b

    skur sprul pa// sing ha la sogs thugs dang ci 'gal ba// yul gyi phra men brgyad la bzod par gsol// pho brang brgyan dang ldan pa'i dkyil 'khor du// 'gugs dang 'ching dang sdom dgyes sgo ma bzhi// rta gdong la sogs thugs dang ci 'gal ba// sgo bzhi phyag rgya rnams la bzod par gsol// mngon spyod las las grub pa'i dbang phyug ma// dge dang mi dge gnyis kyi dbang mdzad pa'i// ma tshogs dbang phyug thugs dang ci 'gal ba// ma sring rgya mtsho rnams la bzod par gsol// rang bzhin lhun gyis grub pa'i dkyil 'khor du// thugs rje mnyam pa'i ngang las ma g.yos kyang // phra mo'i ting 'dzin gsal bar ma gyur pas// yon tan 'dzin pa rnams la bzod par gsol// bdag gis skye ba thog ma ma mchis nas// da lta'i lus 'di bzung ba yan chad du// ma rig dbang gis srid pa'i khams kun 'khor// ji srid mi lus blangs nas gar skyes kyang // mtshams med lnga dang de dang nye ba lnga// sdig pa'i las su gyur pa ci mchis pa// dngos kyis bgyis dang bgyid du stsal ba dang // de las rjes su yi rang bgyis pa rnams// byang ba thugs rjes bdag la dgongs nas kyang // tshangs par mdzad nas dngos grub stsal du gsol// zhes gsungs so// de nas dam tshig la gnas pa'i rnal 'byor gyi dbang phyug chen po rnams kyis 'di gsungs

  79. 40a

    so// hUM bskal pa dus mtha'i me ltar 'bar ba'i klong // dug lnga gnas gyur ye shes he ru ka/ dbyings kyi yum chen khro mo lnga dang sbyor// go rI la sogs nang gi mkha' 'gro bzhi// puk+ka la sogs kyi yi rnal 'byor ma// sid+ha la sogs za byed gdong can tshogs// kri ta la sogs mtshams kyi gshog pa can// 'bar ba'i bar khyams dbang phyug nyi shu brgyad// sgo bzhi 'gugs 'ching sdom dgyes sgo ma bzhi/ khrag 'thung lha tshogs sku yang ma gsal zhing // snying po grangs nyung phyag rgya gnas ma son// tshogs dang 'byor pas gnas su ma bskangs pa/ khro bo'i lha tshogs rnams la bzod par gsol// zhes gsungs so// de nas yang phyogs bcu'i rnal 'byor gyi dbang phyug pho mo rnams kyis/ he ru ka'i dkyil 'khor la bshags pa 'di gsungs so// oM dang por gsang mchog sdom pa 'di mnos nas// 'da' dka' khas blangs dam las g.yel gyur te/ khrag 'thung rigs lnga'i thugs dang ci 'gal ba// thugs rje che mnga' khyed la bzod par gsol// ga Na'i sbyor mchog rtog 'dzin par chad kyis// yum chen kro d+hi'i thugs dang ci 'gal ba/ khro mo dbyings phyug lnga la bzod par gsol// rdzas dang phyag rgya mngon du ma gyur te// sha za go rI'i thugs dang ci 'gal ba// gnas kyi ma brgyad sku la bzod par gsol// sha khrag mchod pa gzhung bzhin ma 'tshogs

  80. 40b

    te// sid+d+ha phra men thugs dang ci 'gal ba// yul gyi mkha' 'gro'i sku la bzod par gsol// shar lho nub byang sgo bzhi ma phyed de// rta gdong sgo ma'i thugs dang ci 'gal ba// ye shes sgo ma bzhi la bzod par gsol// 'da' dka' khas blangs 'khor drug ma thul te// ma bdun sring bzhi'i thugs dang ci 'gal ba// mkha' 'gro bcu gcig sku la bzod par gsol// longs spyod 'byams nas tshogs kyi phud nyams te// phud myal dbang phyug thugs dang ci 'gal ba// dbang mo nyi shu brgyad la bzod par gsol// gnas la ma brten bya byed 'byung 'jug gis// ti ra'i gnas myul thugs dang ci 'gal ba// gnas myul chen mo'i sku la bzod par gsol// sku mnyes pha ma'i tshul du ma gyur te// rdo rje slob dpon thugs dang ci 'gal ba// rdo rje rgyal po'i sku la bzod par gsol// ting 'dzin ma snyems zhi khro ma phyed de// rdo rje rgyal thebs thugs dang ci 'gal ba// ston pa sgron me'i sku la bzod par gsol// le lo byas pas phyag rgya rgyun chad de// karma las mkhan thugs dang ci 'gal ba// las kyi slob dpon sgra la bzod par gsol// sbyor ba'i tshe na tshad la ma phebs te// shes rab snyems ma'i thugs dang ci 'gal ba// gsang yum rig ma'i sku la bzod par gsol// sgrol ba'i tshe na ting 'dzin gnas ma stobs// skyes bu ging

  81. 41a

    chen thugs dang ci 'gal ba// sgrol ging bdag po'i sku la bzod par gsol// sbrul sku khro mo'i thugs su ma gyur te// 'gugs 'dren pho nya'i thugs dang ci 'gal ba// mgyogs byed las mdzad sku la bzod par gsol// le lo'i dbang gis brtse gdung rgyun chad de// byang chub mched lcam thugs dang ci 'gal ba// rdo rje ming sring sku la bzod par gsol// bre mo'i phyir na dam tshig nyams la sogs// phyi nang rjes gcod thugs dang ci 'gal ba// dam tshig bya ra byed la bzod par gsol// longs spyod gsol nas lhag ma'i phud nyams te// phyi 'khor brtan ma'i thugs dang ci 'gal ba// thugs rje che mnga' khyed la bzod par gsol// bzod par mdzad nas tshangs pa'i dngos grub stsol// dri med rgyal po bshags pa'i rgyud las/ khro bo'i dkyil 'khor khrag 'thung la bshags pa ste le'u bcu pa'o// // de nas yang dpal chen po he ru ka la sogs pa'i dam tshig la gnas pa'i gtso 'khor rnams kyis bshags pa 'di gsungs so// thugs rje chen po bcom ldan rdo rje sems// dri med dung mdog mchog tu gzugs bzang ba// rnam dag 'od gsal zla 'od dkyil na mdzes// ji ltar mkha' la nyi 'od 'bum brdal zhing // dpa' bo 'od zer stong 'bar lham me ba// srid pa gsum gyi sa mkhan ston par grags/ khams gsum 'gro ba

  82. 41b

    kun gyi gnyen gcig pu// byams mgon thugs rje'i lha khyod dgongs su gsol// bdag ni thog ma med pa'i dus mtha' nas// lam log lam stor srid pa'i 'khor bar 'khyams// sngon tshe las log sdig pa spyod pas nongs// sdig pa'i las rnams ci byas rang gnongs 'gyod// dar zhing drags pa'i las dbang de btsan pas// 'khor ba'i sdug bsngal rgya mtshor bying gyur te// zhe sdang 'bar ba'i mes ni rang rgyud bsregs// gti mug mun pa 'thibs pas shes rab ljongs// 'dod chags rgya mtsho'i 'dam du rnam shes bying // nga rgyal dregs pa'i ri bos ngan 'gror mnan// phrag dog rlung dmar 'tshubs pas 'khor bar g.yengs// bdag tu blta ba'i mdud pa dam pos bcings// 'dod pa me mdag dong 'dra'i 'obs su lhung // sdug bsngal drag po mi bzad char ltar 'bab// 'di 'dra'i sdug bsngal shin tu bzod dka' zhing // sdig pa'i las dbang drag po me 'bar bas// rnam shes dbang po'i myu gu gdungs gyur te// phung po sgyu ma'i lus kyis mi bzod na// byams mgon thugs rje can gyis bzod lags sam// bdag 'dra blun rmongs las ngan sdig po che// las kyi dbang gis 'dod khams rA trar skyes// skyes pas 'gyod do las la yi re chad// yi chad 'gyod kyang las la bcos su med// las kyi shugs ni chu bo'i rgyun dang 'dra// las

  83. 42a

    dbang chu klung 'phral du ga la ldog/ rnam smin thams cad rang gi las las byung // bka' la zhugs kyang bka' bzhin rngo ma thogs// lus ngag yid gsum sdig pa'i dbang du song // las kyi rlung dmar drag po des bdas pas// bdag ni de sngon bskal pa grangs med du// 'khor ba'i btson ra mun par 'khyams pa la// nye gnas khyed kyi thugs rje'i byin rlabs kyis// las dang nyon mongs sgrib pa'i gnas sbyangs nas// ma ltar byams pa'i zhabs drung da lta 'khod// nyi ltar 'od 'bar zla ltar mdangs gsal ba'i// thugs rje'i zhal nyid blta bas mi ngoms pa// thog ma med nas ma rig ling tog gis/ ldongs pa'i chu bur mig gis ma mthong na// 'gro ba'i mgon khyod de sngon gang na bzhugs/ las dbang drag po rab tu mi bzad pas// shin tu skrag cing skyi g.ya' rab 'jigs nas// dung dung gdung ba'i smre sngags 'di 'don cing // nyam zag phongs pa'i nga ros 'bod lags na// byams mgon zugs rjes dus 'dir ma dgongs na// nam zhig 'chi 'pho lus sems 'bral ba'i tshe// dge bshes grogs dang bral te gshin rjes khrid// de tshe 'jig rten nye dus mi stongs te// las kyi dbang gis bdag nyid gcig pur 'khyams// dus der bdag la mgon skyabs ma mchis na// gang gis phyi bshol dus las ma bzhes par// da lta nyid du

  84. 42b

    brtun te mngon spyod mdzod// las kyis mnar ba'i skye bo bdag 'dra ba// thog ma med pa'i dus nas log brtags pas/ khams gsum 'khor ba'i gnas las ma thar te// bskal pa grangs med skye ba ji snyed du// gdos bcas lus blangs grangs med zhig gyur te// sha rus bsags na 'jig rten gtos dang mnyam// rnag khrag bsags na rgya mtsho chen po tsam// las 'phro bsags na bsam 'das brjod mi lang // khams gsum bgrangs shing skye shi'i kha brgyud kyang // byas pa'i las rnams don med chud re zos// skye ba grangs med ji snyed de tsam gyi// skye ba gcig gcig kho na tsam gyi las// bla med byang chub don du rab spyad na// de tsam byas pa'i las la don rab yod// don gyis yang ye mya ngan 'das zin na// las kyi dbang btsan nyon mongs stobs che bas// sha khrag 'dus pa'i lus blangs 'khor bar 'khyams// sdug bsngal bzod dka' srid pa'i btson rar chud// mi bzod drag po'i sdug bsngal 'di lta bu// nyes byas thams cad rang gi las las byung // sdig pa'i las rnams byams mgon khyed la bshags// thugs rje chen pos las ngan rgyun bcad de// nyon mongs las kyi rlung 'di bzlog tu gsol// ma rig log pa'i las kyi dbang btsan pas// mi shes mun pa'i nang du gtan 'khyams na// ye shes sgron me'i zer gyis mi stongs sam// nyes

  85. 43a

    byas las kyi rnam smin ma bzod na// thugs rje chen pos phrin las mi mdzad dam// phyin ci log gi g.yang sar lhung lags na// thugs rje myur mgyogs phyag gis mi 'dzin nam// dug gsum bzod dka'i nad kyis gdungs lags na// thabs mkhas thugs rje'i sman gyis mi gso 'am// las kyi rnam smin sdug bsngal mer 'bar na// thugs rje bsil ba'i chu rgyun mi 'bebs sam// sdug bsngal 'khor ba'i 'dam du bying gyur na// thabs mkhas thugs rje'i lcags kyus mi 'dren nam/ khams gsum 'khor ba'i gnas su sbyangs sbyangs nas// nam zhig rang gis 'bras bu thob pa'i tshe// 'phags pa'i thugs rjes ci 'tshal don ma mchis// bdag nyid las 'phro'i dbang btsan bzhag na lta// thugs rje che zhes su la ci zhig bgyi// dpa' bo khyod la thugs rje'i stobs mnga' zhing // sngon byung 'brel ba'i las kyi 'phro btsan na// yal yol btang snyoms le lo ma mdzad par// snying nas da gzigs thugs rje rgyal ba'i lha// zhes dregs pa can rnams kyis bshags so// dri med rgyal po bshags pa'i rgyud las// rU tra'i smre bshags ste le'u bcu gcig pa'o// // de nas bcom ldan 'das longs spyod kyi bdag po chen po rnams kyis/ rgyud lung man ngag gi bshags pa 'di gsungs so// chos nyid dus gsum spros pa med pa la// 'dzin rtog

  86. 43b

    med pa'i rang rig ye shes kyis// dbyings dang ye shes gnyis su med pa las// yul dang dbang po gnyis su med par bshags// yum gyi b+ha ga dgyes pa'i pho brang du// yab kyi rdo rje gnyis med byang chub sems// thabs dang shes rab 'du 'bral med pa la// phyi nang snod bcud gnyis su med par bshags// ting 'dzin rnam gsum blo yi bdar bcad nas// phung po rnam shes yul dang dbang po rnams// lha dang lha mo'i dkyil 'khor gsal bsgoms nas// 'gro drug sems can rgyal ba'i dkyil 'khor du// gnyis su med par lhun gyis grub par mdzod// ces rgyud rnal 'byor chen po ltar bshags so// de nas lung ltar bshags pa 'di gsungs so// rtsa srog tsit+ta lus ngag yid gsum po/ gu h+ya gsang chen sku gsung thugs kyi mdzod// rdo rje klong dgu dpal chen he ru ka/ khams gsum sa dgu gnyis su med par bshags// ji ltar snang ba lha yi dkyil 'khor du// snying po brjod pas sku mchog rdzogs pa'i tshul// dbyer med mnyam nyid ngo bo nyid kyi sku// thabs la mkhas pas gnyis su med par bshags// phyi nang snod bcud gnyis med chos kyi sku// nga dang bdag gi ngo bo nyid mnyam pas// mtho ris ngan song rgyu 'bras rnam gnyis po// gnyis med bde chen klong du mthar phyin shog/ ces lung rjes su rnal 'byor ltar bshags so// de nas man

  87. 44a

    ngag ltar bshags pa 'di gsungs so// ji ltar snang ba kun bzang bde chen gnas// yod med rtag chad mtshan ma'i tshig las 'das// 'di ltar ma rtogs bdag nyid gang yin pa// de nyid ma spangs rtogs pa'i klong du bshags// dus gsum 'pho 'gyur tha tshig btags pa med// rtsol med bsgrub med nam mkha'i ngang du gnas// yang la khyab pas kun gyis 'dod dgur sbyar// phyin ci log rtogs byang chub lam du bshags// rtogs pa'i man ngag don du mi ldan na// tshig gis mtshon pas byang chub mi 'thob ste// rang sems ye nas sangs rgyas yin shes pas// rang byung ye shes klong du mthar phyin shog/ de ltar bshags na sgrib pa thams cad dang // nyon mongs las ngan ma spangs rang dag nas// 'bras bu yang dag sangs rgyas 'thob bo zhes// man ngag rdzogs pa'i rnal 'byor ltar bshags so// dri med rgyal po bshags pa'i rgyud las/ rgyud lung man ngag gi bshags pa ste le'u bcu gnyis pa'o// // de nas bcom ldan 'das kyis sangs rgyas thams cad kyi dgongs pa'i ngang nas lta ba'i klong bshags 'di gsungs so// chos kyi dbyings nyid spros pa med pa la// gzung 'dzin gnyis su blta ba yongs re gol// dngos po mtshan mar 'dzin pa nyon re mongs// spros med bde chen klong du bshags par bgyi// kun tu bzang po

  88. 44b

    bzang ngan med pa la// bzang ngan gnyis su blta ba zang re chad// gtsang dang sme bar 'dzin pa nyon re mongs// bzang ngan med pa'i klong du bshags par bgyi// mnyam pa nyid la che chung med pa la// sangs rgyas sems can blta ba yongs re gol// che chung gnyis su 'dzin pa nyon re mongs// mnyam nyid bde chen klong du bshags par bgyi// byang chub sems la skye shi med pa la// 'di dang phyi mar blta ba thang re chad// skye shi gnyis su 'dzin pa nyon re mongs// 'chi med g.yung drung klong du bshags par bgyi// thig le chen po gra zur med pa la// gzugs dang rdzas su blta ba thang re chad// gra zur gnyis su 'dzin pa nyon re mongs// kun nas zlum pa'i thig le chen por bshags// dus gsum 'gyur ba med pa'i ngang nyid la// thog ma tha mar blta ba yongs re gol// 'pho 'gyur gnyis su 'dzin pa nyon re mongs// 'gyur ba med pa'i thig le chen por bshags// rang byung ye shes btsal du med pa la// rgyu 'bras gnyis su blta ba zang re chad// rtsol bsgrub gnyis su 'dzin pa nyon re mongs// rtsol ba med pa'i rang byung klong du bshags// rig pa'i ye shes rtag chad med pa la// rtag chad gnyis su 'dzin pa snying re rje// yod dang med par blta ba nyon re mongs// rtag chad med pa'i ye shes klong du bshags// chos dbyings rnam dag

  89. 45a

    mtha' dbus med pa la// phyogs ris mtha' dbus spro bsdu zang re chad// mtha' dbus gnyis su 'dzin pa nyon re mongs// chos dbyings rnam dag mtha' dbus med par bshags// gzhal yas khang la phyi nang med pa la// phyi dang nang du blta ba zang re chad// yangs dog gnyis su 'dzin pa nyon re mongs// yangs dog phyi nang med pa'i klong du bshags// yum gyi mkha' dbyings mtho dma' med pa la// steng 'og gnyis su blta ba'i snying re rje// mtho dma' gnyis su 'dzin pa nyon re mongs// b+ha ga yangs dog med pa'i klong du bshags// chos kyi sku la dbye ba med pa la// yul dang sems su blta ba zang re chad// snod bcud gnyis su 'dzin pa nyon re mongs// gnyis su med pa'i ye shes sku ru bshags// rig pa'i ye shes nang nas ma shar bas// ma rig rmongs pa'i blo 'di snying re rje// gzugs med chos la dngos po mtshan mar 'dzin// ye shes rang bzhin klong du mthol lo bshags// skye ba med pa'i don de ma rtogs na// gang zag 'khrul pa'i blo 'di yongs re gol// skye med chos la nga dang bdag tu bzung // bde chen skye med klong du mthol lo bshags// chos nyid don de blo la ma gsal bas// snang srid sgyu ma yin par ma shes te// zang zing nor la chags pa'i sems ni skyes// chos nyid skye med chags pa med par

  90. 45b

    bshags// 'khor ba rang bzhin med par ma shes pas// dngos po mtshan ma'i chos la rtag par 'dzin// mi dge'i las kyis bde ba 'tshol byed pa// byang chub skyon bral klong du mthol lo bshags// mnyam pa'i don nyid mnyam par ma rtogs pas// gnyen bshes 'khrul pa'i grogs ni rtag par 'dzin// mi shes skye bo'i sems 'di yongs re gol// mnyam nyid chos nyid klong du mthol lo bshags// chos nyid bden pa'i don dang ma phrad na// bden pa'i don por mi dge'i las la brtson// ston pa'i bka' bor mi chos g.yeng bas bslus// chos nyid bde chen klong du mthol lo bshags// rig pa'i ye shes rang sar ma grol bas// rang rig don por g.yeng ba'i las la brtson// 'di 'dra'i don med sems can snying re rje// dbye bsring med pa'i klong du bshags par bgyi// ye shes lha tshogs srung ma dam can rnams// dam tshig gzhung bzhin sgrub pa'i rnal 'byor la// ma rtogs lta ba'i gol sgrib byung ba na// rang gnod 'gyod pa'i sems kyis mthol lo bshags// dri med rgyal po bshags pa'i rgyud las// grol lam lta ba'i bshags pa bstan pa'i le'u ste bcu gsum pa'o// // de nas bcom ldan 'das kyis longs spyod chen po'i dam tshig la gnas pa rnams la/ thabs lam dbang gis yongs su rdzogs pa'i bshags pa 'di gsungs so// oM bdag

  91. 46a

    lus gzhal yas khang du gnas pa'i nang // spyi mgrin snying ga lte ba gsang gnas su// dug lnga rnam dag rigs lnga yab yum sku// bskyed rim dbyings kyi lam du ma shes bshags// lus sems ye nas zung 'jug gnas pa la// snang phyogs stong phyogs zung 'jug ma shes te// mnyam gzhag rjes thob nyams len skyong ma shes// ngo bo nyid gsum lta ba'i klong du bshags// ye nas 'khor 'das dbyer med yin pa la// snod bcud gzhal yas khang dang lhar ma shes// 'byung bzhi'i chos la mnga' dbang ma brnyes pa// grub mtha' 'khor 'das dbyer med ngang du bshags// ye nas skye shi med par ma shes pas// ma rtogs 'chi dus snang ba bsgyur ba dang // 'od kyi gong bu sgra yi 'pho ma shes// 'da' kha 'chi brod dang du bshags par bgyi// lus kyi rtsa yi gtso bo phal pa rnams// ye nas sbrul skur gnas pa ma shes te// dbyibs kyi lha sku rang gsal bsgom ma shes// sbrul sku'i rang bzhin lhun grub 'bras bur bshags// lus rtsa bum pa'i dbang du ma shes pas// ma hA yo ga'i bskyed rim bsgom ma nus// bum dbang dam tshig nyams pa mthol lo bshags// tshangs par gyur nas bskyed rim dngos grub stsol// zhes phyi'i dbang gi bshags pa de skad gsungs so// de nas gsang dbang gi bshags pa 'di gsungs so// lus gnas

  92. 46b

    yi ge longs skur gnas pa la// 'khor lo rten dang ma rten man ngag gnad// bde ba nyams su len pa'i lam ma bsgoms// bdag la byin rlabs lam gyi ngang du bshags// nyon mongs dang ni rnam rtog snrel zhi rnams// gsal zhing yangs pa'i rang byung ye shes gnas// snying gar ro rkyang dbu ma zung 'jug bde// lta ba rang byung ye shes klong du bshags// sgra dbyangs ye nas skad du gnas pa la// 'gro ba rigs drug so so'i rang skad dang // gsung rab yan lag bcu gnyis yin ma shes// grub mtha' ma 'dres yongs rdzogs ngang du bshags// sems kyi 'od gsal ye nas 'du 'bral med// ma bsgoms rang chas yin par ma shes pas// 'chi dus rang gsal 'byung bar ma 'tshal ba// 'da' kha'i gdams ngag 'od gsal dang du bshags// lus gnas yi ge longs skur gnas pa la// lam du ma shes bde ba ma bsgoms pas// gtum mo'i drod kyi 'bras bu ma thos pa// 'bras bu longs spyod rdzogs pa'i ngang du bshags// gsang ba dbang gi gdams ngag shes gyur kyang // rang gi bde ba lam du ma longs te// gtum mo'i drod rtags lus la ma shar ba// gsang dbang dam tshig nyams pa mthol lo bshags// zhes nang gi gsang dbang gi bshags pa de skad gsungs so// de nas shes rab ye shes kyi dbang gi bshags pa 'di gsungs so// lus khams

  93. 47a

    bdud rtsi rang la gnas pa la// yum bdag 'dod pa'i byin rlabs mnyam pa dang // sbyor ba dngos gzhi rjes kyi bsdus rgyas rnams// ma bsgoms 'khor lo thabs kyi lam du bshags// bde ba ye nas rang la gnas pa la// go rim gnas dang spang bya ngo bo yi// bde ba rnam bzhi nyams su ma lon pa// bde bzhir blta ba lhan skyes ngang du bshags// bde ba rang la gnas par ma shes shing // sdug bsngal rkyen gyis bde ba ma bsgoms pas// bde stong rgya chung grub mtha' ma rtogs pa// lhan cig skyes pa bde ba'i ngang du bshags// bdag nyid rdo rje sems dpar ma shes pas// 'chi dus rang nyid der snang skur ma grub// 'khor lo bzhi yi bde ba ma 'byongs pa// 'da' kha rdo rje sems dpa'i ngang du bshags// ye nas bdud rtsi thig le chen po ni// chos sku dri ma med par gnas pa las// ma shes ma rtogs bdud rtsi ma sbyangs pa// 'bras bu chos kyi sku yi ngang du bshags// dri chen dri chu mAM sa rak+ta zil// 'byung ba bzhi ste khams kyi bdud rtsi dgu// bde ba mchog bde rnam rtog bral bde ba// lhan skyes ye shes dbang gi ngang du bshags// zhes gsang ba shes rab ye shes kyi dbang gi bshags pa de ltar gsungs so// de nas bde ba chen po'i dbang gi bshags pa 'di gsungs so// thabs dang shes rab gnyis ka rang gnas

  94. 47b

    kyang // thabs kyi rgyud dang shes rab rgyud dag dang // gnyis ka'i rgyud la dag par ma sbyangs pa// rdo rje'i rba rlabs lam gsum dang du bshags// lus ngag sems dang lus sems gnyis ka la// phan 'dogs rang la gnas par ma shes pas// rgyu mthun rnam smin skyes bu byed pa dang // dri ma med pa'i yon tan ma shes pa// lta ba'i chos rnams rnam dag ngang du bshags// lta ba rang gnas nyams su ma myong bas// 'jig rten 'das pa'i grub mtha'i rtags ma shar// bde stong rgya che'i grub mtha' ma rtogs pa// 'khor 'das chos rnams bde stong gcig tu bshags// sbyangs dang goms dang las la sbyar du med// ma rtogs dbang gis sbyangs goms las ma sbyar// srog rtsol rlung la goms par ma gyur pa// 'da' kha phyag rgya chen po'i ngang du bshags// ye shes thams cad ngo bo nyid kyi sku// ma sbyangs gnas lugs don du ma rtogs pas// lam bstan rdo rje rba rlabs lam ma bsgoms// 'bras bu ngo bo nyid kyi sku ru bshags// srog dang rtsol ba lnga yi bdag nyid la// rtsa ba phung po rnam shes yan lag sogs// rlung bcu srog shing gsum du ma rtogs pa// bde ba chen po'i dbang gis klong du bshags// zhes de kho na nyid bde ba chen po'i dbang gi bshags pa de skad gsungs so// dri med rgyal po bshags pa'i rgyud las/ thabs lam dbang gi bshags

  95. 48a

    pa ste le'u bcu bzhi pa'o// // de nas bcom ldan 'das yang dag par rdzogs pa'i sangs rgyas rnams kyis/ 'bras bu rang bzhin yongs su dag pa'i bshags pa 'di gsungs so// oM sdang stong zung 'jug spros bral chos kyi sku// sa thob yan chad theg chen phal rnams la// mtshan dang dpe byad snang ba longs sku dang // sbyor lam man chad kun la snang ba yi// mdzad pa tha dad ston pa sprul pa'i sku// chos dang gzugs sku dbyer med rdo rje'i sku// yon tan ma btsal lhun grub mngon byang sku// de ltar ma rtogs sku lnga'i ngang du bshags// don gsung chos rnams skye med ngang du gnas// skye med smra brjod thams cad gzhi ru 'gyur// rdo rje grag stong dbyer med 'dus ma byas// mngon byang sgra skad mtha' dag thams cad ni// rang byung ye shes ngo bo nyid du gsal// longs sku'i gsung ni rang gi yul rnams la// brda yi sgo nas 'khor la go brda sprod// sprul pa'i gsung ni yan lag drug cur snang // gsung lnga ye nas snang tshul ma rtogs pa// gsung lnga lhun grub ngang du mthol lo bshags// stong nyid ye shes dngos po med par gsal// me long ye shes rtog pa med par shar// mnyam nyid ye shes bzang ngan med par gsal// sor rtog spyi dang rang mtshan ma 'dres gsal// bya grub bdag gzhan don la rtsol med

  96. 48b

    gsal// gnas tshul ma rtogs thugs lnga'i ngang du bshags// rang rig byang chub sems nyid zhing khams ni// mnan na nem la bteg na 'phar la sogs// rang rig gzhal yas khang snang phyi nang med// rang rig 'od zer snang ste ba spu yi// bu ga re nas 'od zer drug cu 'phro// rig pa rang nyid gdan du snang ba ste// 'bras bu'i chos rnams thugs su chud pa'i rtags// rang rig nyid ni rgyan du snang ba ste// 'khor 'das ma spangs lhun gyis grub pa yi// yon tan ma rtogs chos nyid ngang du bshags// nyon mongs rnam par rtog pas sems khengs rnams// sangs rgyas mdzad pas rgyud mnyan zhi bar mdzad// rmongs zhing dbul dang phongs pa'i gang zag rnams// shes bya longs spyod mtha' yas rgyas par mdzad// mi phan mi dul gyong ba'i gang zag rnams// dbang gi las kyis bsdu zhing 'dul bar mdzad// thugs rje thabs kyis mi 'dul gdug pa rnams// mngon spyod drag pos mtshar ni gcod par mdzad// de ltar ma rtogs rigs rnams bdag po'i ngang // phyogs ris med cing lhun gyis grub par mdzad// gcig dang du ma'i ngo bo las grol ba// spang thob med par rang snang dag tu thob// las kyi rang bzhin dngos byas nyes pa zad// gdul bya gzigs pa'i sku gsung thugs la bshags// zhes sku gsung thugs yon tan phrin las lnga'i sgo nas yang

  97. 49a

    dag par bshags pa'o// de nas de bzhin gshegs pa longs spyod kyi bdag po rnams kyis 'di gsungs so// rtsa rnams 'gros thim dbyibs kyi lam dag pa// lus kyi sgrib byang bskyed rim sprul pa'i sku// yi ge'i 'gros thim sngags kyi lam dag pa// ngag gi sgrib byang rdzogs rim longs spyod sku// bdud rtsi khams kyi dngas ma bcud kyi lam// sems kyi sgrib dag dngas ma chos kyi sku// rlung gi 'gros thim mi shig rdo rje'i rlung // lus ngag yid dag ngo bo nyid kyi sku// de ltar gnas pa ma rtogs klong du ni// sku bzhi rlung la lhun grub dang du bshags// zhes thabs kyi 'bras bu'i bshags pa gsungs so// dri med rgyal po bshags pa'i rgyud las/ 'bras bu'i don ma rtogs pa bshags pa ste le'u bco lnga pa'o// // de nas gsang ba'i bdag pos yongs su gtad pa 'di gsungs so// oM sku gsung thugs kyi sprul pa rigs gsum mgon// de la gtad pas khams gsum sgron me yin// rigs lnga 'khor gyi mkha' 'gro sde bzhi rnams// de la gtad pas gsang sngags srung ma yin// sngon sbyangs gang zag chos kyi spyan ldan rnams// de la gtad pas bstan pa dar ba yin// gsungs pa'i rgyud chen lung dang mthun par gtad// de ltar ma byas bka' srung rnams la bshags// zhes gsungs so// de nas 'khor rnams mnyes nas sku gsung thugs

  98. 49b

    la bshags pa 'di gsungs so// dus gsum bde gshegs rgyal ba 'khor dang bcas// rdo rje dam can ma lus dgongs su gsol// dang por byang chub mchog tu sems bskyed de// sgrub pa'i rig 'dzin byang chub go 'phang du// sku gsung thugs kyi rdo rje bsgrub pa'i phyir// yi dam lha dang rdo rje slob dpon dang // gsang ba'i dam tshig grangs su mnos pa las// dam bcas bka' las 'da' ba mi bgyi ste// las dang skal pas dmyal bar skye bar 'gyur// 'dod chags zhe sdang gti mug nga rgyal dang // phrag dog la sogs shor nas nongs bgyis pa// rdo rje slob dpon ston pa'i sgron me la// snying nas smad cing dam tshig nyams pa dang // dam tshig gcig pa'i rdo rje spun rnams la// ngan sems log par blta ba la sogs pa// sku yi dam tshig nyams pa mthol lo bshags// yi dam lnga yi phyag rgya ma gsal zhing // sngags kyi bsnyen pa grangs las chad pa dang // dus drug las kyi mchod pa khyad par du// bsnyen sgrub bskang ba'i cho ga ma bgyis te// bka' ltar ma lcogs gzhung bzhin rngo ma thogs// gsung gi dam tshig nyams pa mthol lo bshags// rdo rje slob dpon byams pa'i bka' drin gyis// snyan khung brgyud nas sems kyi dkyil du bzhag/ thugs kyi man ngag byin pas dam tshig 'dres// gsang mtshams 'das nas 'chol bar smras la

  99. 50a

    sogs// thugs kyi dam tshig nyams pa mthol lo bshags// chos rnams mnyam pa nyid du ma rtogs te// yan lag dam tshig nyams pa mthol lo bshags// le lo sgom las gnyid kyi dbang gyur te// bsnyen sgrub dam tshig nyams pa mthol lo bshags// lus ngag yid kyi bsrung bya 'das pa yis// sku gsung thugs kyi dam tshig nyams par bshags// zhes gsungs nas rjes su yi rang ngo // de nas 'khor phal pa rnams kyis 'di skad gsungs so// rje btsun bla ma rnams kyi spyan lam du// yo byad 'byor tshogs chung ba mthol lo bshags// yi dam lha tshogs rnams kyi spyan lam du// mngon rtogs spong len bgyis pa mthol lo bshags// mkha' 'gro sde bzhi rnams kyi spyan lam du/ khas blangs dam bca' nyams pa mthol lo bshags// chos skyong srung ma rnams kyi spyan lam du// gtor ma lo zlar 'gyangs pa mthol lo bshags// dus gsum pha ma rnams kyi spyan lam du// drin la lan gyis ma lon mthol lo bshags// mched dang lcam dral rnams kyi spyan lam du// dam tshig brtse gdung chung ba mthol lo bshags// 'gro drug sems can rnams kyi spyan lam du// snying rje phan sems chung ba mthol lo bshags// so sor thar pa rnams kyi sdom pa dang // byang chub sems dpa' rnams kyi bslab pa dang // rig pa 'dzin pa bsngags kyi dam

  100. 50b

    tshig sogs// nyams pa thams cad mtho la bshags mi 'chab bo// mi sbed slan chad gcod cing sdom par bgyid// dus gsum byas bsags sdig sgrib mthol bshags na// tshangs par mdzad nas sku gsung thugs la sogs// mchog dang thun mong dngos grub stsal du gsol// zhes gsungs nas 'khor rnams rjes su yi rangs par gyur to// dri med rgyal po bshags pa'i rgyud las/ yongs su gtad pa'i bshags pa dang rjes su yi rang ba ste le'u bcu drug pa'o// // dam tshig thams cad kyi nyams chag skong ba'i lung / bshags pa thams cad kyi rgyud dri ma med pa'i rgyal po zhes bya ba rdzogs so// // rgya gar gyi mkhan po bi mA la mi tra dang / bod kyi lo tsA ba gnyags dz+nyA na ku ma ras bsgyur cing zhus te gtan la phab pa'o// // dus phyis yi ge rgyun 'phrugs pas ma dag pa rnams sngar gyi dpe khungs thub dag la gtugs shing gong ma'i gsung rgyun dang / gzhung don la dpyad de rang bzos ma bslad pa dge slong mtsho skyes bzhad pas brda tshig gnyis ka dpyis phyin pa zhus dag par bgyis te yid brtan du rung ba'i phyi mor bsngags pa dge bar bkra shis par gyur cig/ slar yang sngar nas khams dang por phyogs yig rgyun so sor gyes pas tshig 'bru 'ga' re chad lhag rnams zhib par bcos te yid brtan du rung bar bgyis pa'o// //

  101. 51a

    rgya gar skad du/ badz+ra te dza bin dza la tan+t+ra/ bod skad du/ rdo rje gzi ldan 'bar ba'i rgyud/ dpal rdo rje sems dpa' la phyag 'tshal lo// 'di skad bdag gis zos pa'i dus gcig na/ bcom ldan 'das byang chub kyi sems rdo rje yum gyi b+ha ga la/ 'khor byang chub sems dpa' rnams dang / thabs dang shes rab gnyis su med pa'i dgyes pa chen po la dbyer med par bzhugs so// de nas 'jig rten gyi khams 'di dag thams cad na bar du gcod pa'i bsam sbyor ngan pa bsam gyis mi khyab pa byung ste/ gang zag gi mi la log par spyod pa dang / bdud dang bgegs la log par spyod pa phyogs gcig tu gyur te/ de la mi la log par spyod pa ni/ mi dge ba bcu dang / mtshams med pa lnga dang / g+hu h+ya man+t+ra'i sku dag byed pa dang / gang zag chos spyod pa na yang / bka' la thugs thub tu spyad pas/ bden pa ma khrol bas/ snying rje'i lam dang ma 'brel bas zhe sdang gis srog gcod pa la mi 'dzem ste/ chos nyid dbyings dang bral bas 'dod chags kyis srog la btsongs/ bsam pa ma dag pa'i gti mug gis sems la btsal/ phrin las ma dag pa'i bab col gyis bslus/ gsang sgo med pa'i spyod pas bka' nyams te 'chal bas/ yid kun dang log pa'i srin po'am dmyal ba nyid du gyur pas phyi ma'i 'bras bu med pa'i phyir dus 'dir cung zad

  102. 51b

    kyi bsam pa mi 'grub cing / log pa'i bdud de dag kyang de'i grogs byed pa dang / bgegs dang bar chod byed pa'i rigs las kyang gzhi bya bar byas nas 'byung po phyir sha zan dang / 'byung po khrag 'thung mang po'i tshogs brgyad khri bzhi stong gi tshogs dang bcas nas/ rgyab brten dang 'phral gyi ded dpon du 'jig rten gyi nga rgyal dang dregs pa'i bsod nams spyod pas grub pa'i dbang ldan bgegs kyi gtso bo dang / chung ma dbang ldan drag mo dang bcas pa bzung nas byang shar gyi mtshams nas sems can thams cad kyi bdud gcod pa dang / tshe dang bsod nams dang srog la brku ba dang / rnal 'byor pa chos gzhung bzhin du spyod pa la gnas 'phrog pa dang / dam sri dang / bar chod dang / bsam sbyor ngan pa byed pa dang / de dag kyang shin tu 'dul dka' ba mi thul te gdul dka' bar gnas so// de bzhin du lha gdon dang dri za'i gdon gyi rigs bsam gyis mi khyab pa'i rgyab brten dang / dkar po'i phyogs la dregs pas spyod pa bsam gyis mi khyab pa'i gdon gyi rigs mang po dang / ded dpon du phyogs skyong ba'i brgya byin dang / chung ma in+d+ri bzung nas shar nas gong ma bzhin du bar gcod byed do// de bzhin du shar lho mtshams nas thab gdon dang / me las gyur pa'i gdon rigs mang po dang / ded dpon du mtshan ma'i sbyin sreg gi las las

  103. 52a

    grub pa'i me'i lha drang srong dang / chung ma me lam 'bar bar skyabs btsal nas gong ma bzhin no// lho phyogs nas ma mo'i gdon rigs dang / grul bum gyi gdon bsam gyis mi khyab pa/ 'jig rten gyi bsod nams drag por spyad pa las grub pa'i gshin rje ya ma ni/ chung ma gshin rje 'joms ma la skyabs btsal te/ lho nas gnod pa byed pa gong bzhin no// lho nub nas srin po'i gdon brjed byed kyi gdon bsam gyis mi khyab pa bsod nams mtshan mar spyad pa las grub pa'i bden bral dang / chung ma srin mo rkun mo la skyabs dang dpung btsal nas gnod pa gong ma bzhin no// nub nas klu gdon dang chu gdon la sogs rigs bsam gyis mi khyab pa bsod nams dngos por spyad pa'i chu lha wa ru na dang / chung ma chu mo stag ris la sogs pa la skyabs btsal nas nub nas gnod pa byed pa gong bzhin no// nub byang gi mtshams nas rlung gdon smyo byed dang / rig sngags 'chang gi gdon bsam gyis mi khyab pa rlung lha ba ya be dang chung ma rlung lha ba dan mo la skyabs btsal nas nub byang nas gnod pa byed pa gong ma bzhin no// byang nas gnod sbyin dang mi'am ci'i gdon la sogs pa gnod sbyin ku be ra dang / chung ma gnod sbyin sgra mo la skyabs btsal nas byang nas gnod pa byed pa gong ma bzhin no// 'og nas sa bdag dang gnyen

  104. 52b

    dang srin po pho mo mang po sa bdag phag chen po dang / chung ma sa'i lha mo brtan ma la skyabs btsal nas 'og nas gnod pa byed pa gong ma bzhin no// steng gi phyogs nas gza' skar gyi gdon mang po dang ya bdud pho mo 'jig rten gyi bsod nams phyogs ris la spyad pa'i nyi ma dang zla ba dang / chung ma nyi mo dang zla mo skyabs dang rgyab brten dang rje bor bzung nas steng gi phyogs nas sems can thams cad 'joms shing 'tshe ba dang gnod cing 'tshe ba dang rnal 'byor pa thams cad la nyams len zhing bar du gcod pa dang / gnas 'phrog ma dang / bsam pa mi 'grub par byed cing 'khod pa las/ byang chub chen po ngag gi dbang phyug gis bcom ldan 'das byang chub kyi sems rdo rje la lus zhing gi rdul snyed du sprul nas/ phyi nang gsang ba'i mchod pas mchod nas 'di skad gsol to// e ma ho bcom ldan 'das/ 'jig rten gyi khams 'di dag na/ bgegs dang phyogs skyong ba rnams rnal 'byor pa dang sems can rnams la ma rungs par bgyid na/ de dag gang gis gdul ba'i dus la bab pa lags/ bcom ldan 'das kyis bka' stsal pa/ 'di ni bsod nams dregs shing log par spyod pa'i mthu brtas pas/ rab tu gdul dka' ba las/ gang gis kyang mi thub pas 'di 'dul ba'i thabs ni/ ston pa zhe sdang rdo rje 'dzin gyi thugs la khro bo yab yum bcu

  105. 53a

    mngags te/ de'i mthu dang rdzu 'phrul gyi dpung ni gang gis kyang bskyod du med de/ 'di rnams sngon bskal pa grangs med pa'i dus byang chub sems dpa'i spyad pa spyod tsa na/ yul gyi ming dur khrod shing gcig na/ yab bram ze ke'u shu dang / yum bram ze mo dbyings ma gnyis la/ sras bram ze brgyad mnga' nas/ de brgyad la khyim thabs dus gcig tu btsal te/ chung ma re re dang bcas nas 'khod pa las/ de rnams rab tu phongs te/ de gcan gzan gdug pa dang / sha zan srin po dang / mi ma yin dang / sbrul gdug pa can dang / sbrang bu mchu ring dang / trai la ta la sogs pa'i gnas na nyon mongs pa las de rnams kyis byang chub mchog tu sems bskyed nas/ nam mkha'i dkyil mdzod nas byung ba'i yi ge bcu tham par smon lam btab pa/ bdag cag spad smad bza' bran bcu po 'di/ nam zhig mngon par rdzogs par sangs rgyas par gyur cig/ mngon par sangs rgyas par gyur nas kyang / de bzhin gshegs pa'i bzhugs gnas gzhal yas khang gi phyi'i sgo dang phyi'i srung mar gyur cig/ rnal 'byor pa thams cad kyi stongs dang grogs su gyur cig/ chos gzhung bzhin du byed pa dang / rnal 'byor dgongs spyod la gnas pa rnams kyi dpal du gyur cig/ de rnams la gnod cing bar gcod byed pa rnams kyi gnyen por gyur cig/ sems can na

  106. 53b

    zhing tsha ba rnams dang / sems can sdug cing nyam thag pa rnams kyi mgon du gyur nas/ bdud dang bgegs rnams 'dul zhing tshar gcod par gyur cig rnal 'byor gang zhig gis gzhung bzhin mi shes na yang / gsang ba'i don la mos pa dang / yi rang pas bdag cag gi snying po bzlas pa'am/ bskul tshig gis tha na tshig gcig tsam 'dzin pas kyang / de'i mthu dang grogs su gyur nas kyang / de'i stongs byed par gyur cig/ sems can gang dag dang gnod pas nyen te/ nyam thag cing phongs pas/ bdag gi don ma nor bar shes pa lta ci smos kyi/ mtshan tsam brjod pas kyang / gang la bya ba 'grub par gyur cig/ rnal 'byor pa shes rab zhen pa la las mchod pa dang yo byad phud la rlom pa la/ bdag cag gi bka' bden pa bdar ba tsam gyis dengs par gyur cig/ rnal 'byor pa'i bka' mi nyan cing / dam las zlog pa'i ma mo dang mkha' 'gro ma dang srin mo shas che ba bdag cag gi zab cing rgya che ba 'di lta ci smos te 'dzin pa'i grogs su yang 'khu ldog med par gyur cig/ gang sdig pa 'ba' zhig tsa na dmyal bar skye bar nges pa dang / ngan pa'i ngang tshul can thugs rje'i dpyang zag chad pa rnams bdag cag gi 'dug bzhin du bsgral nas/ bla na med pa'i lam la 'god par gyur cig ces smon lam cher btab bo// bram ze ke'u shus bdag nam zhig

  107. 54a

    mngon par rdzogs par sangs rgyas par gyur pa na/ de bzhin gshegs pa'i bzhugs gnas gzhal yas khang dang / de ltar bsgom pa'i gzhal yas khang gi steng phyogs nas khro bo hUM ka rar gyur te/ sku las ye shes kyi 'od zer nyi ma 'bum las lhag pa'i gzi brjid dang / chos nyid kyi thabs dang shes rab bzung du 'brel te steng gi gdon bgegs 'dul zhing tshar gcod pa dang / bar gcod nang du mi thar pa dang dngos grub phyir mi 'byung byed pa'i khro bo chen por gyur cig ces smon lam btab bo// bram ze mo dbyings mas bdag cag gsang sngags rdo rje theg pa'i sgor zhugs nas mngon par rdzogs par sangs rgyas par gyur cig/ nam zhig de ltar gyur nas kyang / de bzhin gshegs pa'i bzhugs gnas gzhal yas khang dang / rnal 'byor gyi gnas khang gi 'og phyogs nas bdag mo las phor gyur te/ shes rab kyi khro bo'i mtshan gyi rnam pa mang por gyur te/ sku las ye shes kyi 'od zer 'bum gyi gzi dang ldan te/ thabs dang shes rab dbyer med pas/ 'og gi gdon bgegs 'dul ba gong ma bzhin du gyur cig ces smon lam de lta bu btab bo// de bzhin du sras thu bo ka 'tshams brag ta ka bram ze 'di rnams kyi mtshan don ma nges kyang sor bzhag byas/ yas/ shar gyi khro bo gzi ldan gyi skur bsgyur nas/ shar gyi gdon bgegs 'dul bar smon lam btab

  108. 54b

    bo// de'i chung mas khro bo de'i yum du smon lam btab bo// de'i 'og ma bram ze si has/ lho'i gdon 'dul ba dang / chung mas de'i yum du sems bskyed pa yang de bzhin no// de ru ra ta nub/ bram ze me ka ras byang / bram ze pu tras shar lho/ bram ze rgyun shes kyis lho nub/ bram ze pra dz+nyA sa nub byang / de bzhin du tha chung bram ze lo ka tas/ bdag nam zhig gsang sngags kyi sgo nas mngon par sangs rgyas par gyur cig/ sangs rgyas par gyur nas kyang khro bo chen po khams gsum rnam rgyal ye shes kyi 'od zer nyi ma 'bum gyi gzi brjid dang ldan par gyur cig/ de bzhin gshegs pa'i bzhugs gnas gzhal yas khang dang / rnal 'byor pa'i gnas khang gi byang shar mtshams gnod cing bar gcod byed pa'i gdon bgegs gtso dang g.yog dang 'khor dang bcas pa 'dul zhing tshar bcad nas bsgral te rnam par shes pa gnas sbar te// gnas kyi byang shar nas gdon bgegs nang du mi gtong ba/ dngos grub phyir mi shor bar byed pa'i khro bo'i rgyal por gyur cig gi smon lam btab bo// de rnams kyi chung mas khro bo rnams kyi yum du smon lam btab pa/ thabs dang shes rab dbyings dang ye shes gnyis su med par gyur cig par smon lam btab bo// de nas bram ze khyo dang chung ma dang bcas pas bdag cag gi yul dang / gnas dang nor dang

  109. 55a

    longs spyod dang / lus dang srog dang tshe dang sha khrag la sogs pa 'di dag thams cad kyang / mi dang mi ma yin pa dang / lha dang lha ma yin la sogs pa'i rigs bsam gyis mi khyab pa dang / gong ma de dag la sogs pa rnams longs shig khyer cig/ so so ci ltar 'dod pa bzhin du zo 'tsho 'thung longs spyod cig/ zhes smras nas de dag la bkye'o// de dag gis kyang zos 'chos te/ rdul tsam yang med par byas pa'o// de nas bram ze pho mo de dag gis kyang / rnam par shes pa'i sems lha'i sras su bskyed nas/ lha ma yin gyi dpung bzlog go/ lha'i rgyal po'i sras de las kyang gnas 'phos nas/ 'od kyi 'od phung 'khyil bar gyur nas/ 'og min gyi gnas rigs lnga yab yum sbyor ba'i mtshams su zhugs nas/ rigs lngas thabs dang shes rab tu rol pa las/ thugs kyi dpa' be'ur gyur nas dbu'i rgyan du byin nas/ rin po che bstar la brgyus nas/ gsang ba'i mkha' gnyis las lam du phyung ste/ gnyis su med pa'i sras su gyur te/ gnyis ni byang chub kyi sems rnam gnyis su gyur// brgyad ni byang chub sems dpa' brgyad du gyur te// phyogs bcu'i 'phags pa thams cad kyang re ngoms skyes nas/ bsngags pa mdzad cing dbang bskur nas rgyal ba'i gdung rgyud 'dzin pa'i sras su gyur te/ byin gyis brlabs te tshad med pa bzhi'i sgo nas 'khor ba

  110. 55b

    ma stongs kyi bar du don mdzad pa'i tshe/ byang chub sems dpa' rnam gnyis dang / 'khor nye ba'i sras po brgyad dang mchod pa'i lha mo brgyad la sogs par phyung nas/ 'gro ba'i don mdzad pa'i zhi bas 'dul ba'i skal ba dang mi ldan pa'i bdud dang srin po dang / dgra dang bgegs 'dul zhing tshar gcod par mdzad tsam na/ rigs lnga yab yum gnyis su med pa'i byang chub sems las rdo rje 'dzin pa mthu stobs kyi mnga' bdag zhe sdang gi skur gyur nas/ nyi ma'i gdan la so sor bkod pa'i zhi khro phyed ma'i thugs ka nas/ khro bo bcu phyung / khro bo bcu'i sku mi mngon nam mkha'i dbyings na bzhugs nas thugs gsang ba'i mkha' nyi ma'i dkyil 'khor du byung nas/ yab yum thabs dang shes rab las/ 'jig rten gyi khams bsreg sbrang tshul bzhin du mdzad/ bdud dang dgra bgegs btul zhing tshar bcad nas/ ming yang mi grags par gyur nas/ de nas dngos po'i chos rtag pa ther zug yin pa'i phyir rim gyis bsdus nas thugs kar thim ste/ thugs mi gnas pa'i dbyings su bsdus te bzhugs pa'i sangs rgyas 'dul ba'i dus la bab bo zhes bka' stsal pas/ byang chub sems dpa' ngag gi dbang phyug gis/ ston pa byang chub kyi sems rdo rje la 'di skad ces gsol to// kye kye 'di'i dus la bab bo zhes pa dang / de nas rgyal ba'i byang chub sems rdo/

  111. 56a

    rjes hUM hUM hUM badz+ra d+h+r-ika hUM zhes bskul bas/ chos nyid kyi ngang las ting nge 'dzin rnam gsum gyis rgud sbyangs pas/ bcom ldan 'das zhe sdang thams cad 'dus pa'i gtso bo rdo rje 'dzin/ zhal gsum phyag drug zhabs sems dpa'i skyil mo krung du bzhugs pa/ phyag g.yas rdo rje dang rin po che dang 'khor lo bsnams pa/ g.yon dril bu dang pad+ma ral gri bsnams pa/ g.yas dkar g.yon dmar dbus mthing / sku zhi khro phyed ma las yid tsam khro bag tu bzhugs pa/ sku gsung thugs rdo rje lta bu'i byin gyi brlabs dang ldan pa/ che ba'i yon tan la sogs pa'i mgron mang pos brgyan te/ dang po raM yaM khaM gis bsregs sbyangs byas te/ nyid la nyid kyis 'di skad ces gsungs te/ hUM zhe sdang rdo rje khro rgyal gtso// mgon po sangs rgyas kun gyi dngos// thams cad dbyings su 'dul ba'i gtso// rgyal ba rnams kyi sras su bsngags// zhabs gnyis sems dpa'i skyil krung gis// 'jam pa'i stan la 'dug nas ni// zhe sdang rdo rje'i ting 'dzin gyis// gnas rnams bsrung phyir rnam par brjid// ces brjod pas de'i sku gzi brjid dang ldan pa 'jig rten pa'i phyogs skyong dang bdung dang bgegs rnams kyis mthong nas/ de rnams ri dwags rdzi tshor ba bzhin du rbas rong nge gnas so// de nas zhe sdang 'dul pa'i khro bos thugs ka nas nyi ma'i dkyil 'khor gyi steng du

  112. 56b

    hUM smug nag 'bar ba gcig tsar re 'thon pa las/ shrI badz+ra hUM ka ra hUM zhes brjod pas/ khro bo hUM ka ra mdog dmar nag dbyar gyi sprin dmar 'dra ba/ skra kham pa gyen du brdzes pa/ mig dmar ba/ kha bgrad pa/ mche ba gtsigs pa/ zhal gsum phyag drug pa/ g.yas dkar ba g.yon sngo ba dbus dmar ba/ phyag g.yas g.yon dang po gnyis hUM gi phyag rgya bcings pa g.yas rdo rje rtse dgu pa/ g.yon dril bu g.yas bar ma lcags kyu/ tha ma ral gri/ g.yon par ma dgra sta/ tha ma zhags pa 'dzin pa/ zhabs gyad kyi dor stabs can/ sku stod glang chen gyi ko rlon dang / mi'i g.yang gzhi dang / sku smad stag gi pags pa dang po ti tsi ti'i sham thabs dang / rdo rje ye shes kyi gshog pa dang / sbrul dmar bkra dang / ser bkra dang / sngo bkra dang / ljang bkra dag gis dbu rgyan dang snyan cha mgur chu dang sku chings dang / phyag zhabs kyi gdu bu byas pa/ thod pa skam po'i phreng bas dbu brgyan pa/ zod pa rlon pa'i phreng bas do shal se ral khar brgyan pa/ spyan bzlog pa b+hI ku Ti gnyer ma gyen du bsgreng ba/ snyan la dung gi khong seng can/ sku che la yan lag rags pa/ shin tu rngams la rab tu brjid pa zhig rgyal po chen po'i bka' bsgo ba blon pos bka' nod pa'i tshul du dma' breng nge/ rdo rje 'dzin chen po ci bka' stsal zhes gnas pa las/ rdo rje 'dzin pas phyogs

  113. 57a

    bcu'i khro bo bcu rnams sngon gyi smon lam gyi dbang gis sems can gyi don la byon pas/ de'i gdan shoms shig ces bka' stsal nas/ de nas dbang dang gzi byin bskyed pa 'di skad ces bsgo ba'o// hUM/ nyi ma'i dkyil 'khor dbus gnas par/ khro bo chen po hUM kA ra// sku che yan lag rags pa ni// dbyar gyi sprin phung lta bu'o// bskal pa'i me dpung ji bzhin du// 'od zer dang ldan rab tu 'bar// zhal gsum phyag ni drug pa ste// dang po'i phyag gnyis hUM rgya bcings// g.yas gnyis lcags kyu ral gri bsnams// g.yon gnyis zhags pa dgra sta 'dzin// g.yas brkyang g.yon bskum rab tu gnas// smin mtshams khro gnyer dmar ba'i spyan// zhal gsum mche ba gtsigs nas ni// rdo rje'i 'gros kyis rnam par bsgyur// hUM dang phaT kyi sgra sgrogs shing // 'di 'dra'i gzugs ni bskul byas na// nga yis de la bka' stsal lo// oM sum b+ha ni sum b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya ho b+ha ga bAn/ bid+yA rA dza hUM phaT zhes gzi byin bskyed nas dbang rtags zo ba lcags kyu gtad pa dang / hUM ka ras tho ba dang lcags kyu blangs te/ rang gi snying ga na nyi ma'i dkyil 'khor gyi steng du snying po 'di phyung ngo // hUM/ de las Tak+ki rA dza sum b+ha rA dza hUM phaT las khro bo Tak+ki rA dza sku mdog sngo nag/ g.yas dkar g.yon

  114. 57b

    dmar dbus mthing / phyag g.yas g.yon dang po gnyis hUM gi phyag rgya bcas pa/ phyag mtshan mi 'dzin pa gzhan phyag mtshan hUM kA ra 'dra ba gcig thon nas/ de'i mdun du jo bo la bka' nod pa 'dra ba gcig dbang chen po ci bka' stsal zhes sngo breng nge 'dug pa las/ hUM kA ras gong ma bzhin du bsgos nas/ dbang dang gzi byin 'di skad ces bskyed de/ dpa' bo drag shul che ldan pa'i// nga rgyal bsnyems pa'i drag shul can// 'od zer gzi ldan 'bar ba'i 'od// thogs med las rnams kun spyod cing // sum b+ha ni yi sngags brjod pas// hUM kA ras tho ba dang lcags kyu Tak+ki rA dza la gtad pa dang / Tak+ki rA dzas tho ba dang lcags kyuklu blangs nas/ spyan 'bar ba nyi zla'i 'od pas 'tsher ba/ zhal 'bar ba'i nga ros drag po'i sngags brjod pa/ sku 'bar ba'i cha lugs ri rab ltar brjid che ba/ bskal pa'i me dang nyi ma 'bum gyi gzi dang ldan pas/ zhabs 'bar ba'i cha lugs rdo rje 'gros kyi zhabs gar bor bar rdo rje'i ra ba dang / brtsigs par gyur pa dang spyan 'bar ba'i gar glog ltar 'gyu ba/ cir yang brnyes pa'i gzugs dang chas te gshegs pas bgegs dang phyogs skyong thams cad 'di skad ces 'khams te tshig smra'o// e ma lha'am klu'am 'on te sangs rgyas sam chos sam dge 'dun nam thugs rje'i bdag po ci mdzad pa lags zhes Tak+ki rA dza khro

  115. 58a

    bo 'dzum gyi phyag rgya bcas te/ hUM hUM zhes bya ba ba'i sgra brjod nas/ chom po sgo la rgol ba bzhin du sum b+ha ni rdo rje sder mo'i sngags brjod pas lcags kyus dbang ldan pho mo'i snying ga nas bzung nas tho bas 'bros mi nus par lhan ne lhan ne brdungs pas 'khor gyi bgegs thams cad had skrag ste/ dus chen po byung ba yin no zhes 'dzer zhing gcer bu lo 'phos pa'i lha rgod drag po bzhin du 'dar had de gnas pa las/ gyad chen pos sdong ro mang po bsgyur ba bzhin du/ 'khor gyi bgegs mang po thams cad 'gyel te/ g.yas nas kyang ling ling g.yon nas kyang ling ling mang po spungs te/ dper na rgas pa'i sdong ro mang po spungs pa bzhin du'o// de'i steng du bshan pas khog pa brtsegs pa bzhin du/ bgegs kyi ro mang po spungs pa'i steng du/ dbang ldan pho mo spyi bcings su byas te phyag rgya chen po bzhis mi shor bar dam du bcings te/ sngon gyi dam tshig rjes su dran/ 'gyod gnong gi smre sngags 'don/ phyis bka' mi bslu bar dam dang dmod bcas shing gnas so// de bzhin du phyogs bzhi mtshams brgyad steng 'og gi/ phyogs skyong bcu'i 'khor gyi gdon thams cad spungs pa'i steng du/ phyogs skyong pho mo spyi bcings su bsgyel nas/ gong ma de kho na bzhin bkod nas/ tho ba lcags kyu slar hUM kA ra la gtad nas/ 'byung ba lnga yi mkha'

  116. 58b

    kloslong dag pa 'dir// log par 'dzin pa'i phyogs skyong bgegs 'khor 'dus// dregs pa btul nas rim bzhin bting lags pas// 'bar ba'i sku las dkyil 'khor bskyed du gsol// zhes brjod nas hUM ka ra'i thugs kar thim mo// hUM ka ras kyang tho ba dang lcags kyu zhe sdang rdo rje la phul te/ gang na bting lags so zhe sdang rdo rje khro rgyal gtso// zhe sdang rdo rje thugs kyi dkyil 'khor nas/ khro bo rngam chen drag po sprul pa'i sku// shin tu mi bzad 'jigs pa'i mtshon cha can// 'jigs byed yum rnams mi mngon sbas pa ni// gsang ba'i dkyil 'khor 'od kyi dkyil 'khor nas// gdan gyi steng du dri med 'od gsal ba'i// nyi ma'i dkyil 'khor gdan la bzhugs su gsol// zhes brjod nas/ zhe sdang rdo rje'i thugs kar thim mo// de nas zhe sdang rdo rjes/ thugs chos nyid las ma g.yos pas/ mi pham khro gnyer ro langs ral gcig ma la sogs pa'i khro mo bcu po thams cad rgyu ma nor ba rtsa ba'i snying po yi ge ma bcur phyung / 'phro 'du rnam pa gsum las ma sAr+ya maN+Da la zhes pa'i sngags kyis byin gyis brlabs pas/ khro mo bcu yang nyi ma'i dkyil 'khor bcu tham par gyur te/ phyogs bzhi mtshams bzhi brgyad dang bla 'og bcur phyogs skyong bsgyel ba'i steng du/ rin po che gcal du spungs pa'i steng du/ 'phrul gyi me long phyis pa bzhag pa bzhin du lhang nge lhan

  117. 59a

    ne gnas pas/ ma rig pa'i mun pa thams cad dus gcig tu stongs te/ ye shes gsal ba'i 'od gsal phyogs bcur brdal lo// de nas zhe sdang rdo rje khro bo 'dus pa'i thugs ka nas/ smon lam las grub pa'i khro bo rnams hUM bcur sprul nas/ 'di skad ces bka' stsal to// gzugs chen 'bar bas 'jigs byed pa'i/ khro bo bcu dang phyung nas ni// hUM las bskyed pa'i nyi ma'i steng // sku stod zhal gsum phyag kyang drug/ sku smad lcags pur zur gsum pa// phyogs bcu'i dkyil 'khor phyogs rnams su// rim pa bzhin du kun tu gnas// bgegs rnams thams cad bshig pa'i phyir// gnod mdzes bka' stsal phur pas gdab// brjid pa'i tshul gyis bsgyings pa ste// 'bar 'phros ral pa gyen du brdzes// mi bzad 'bar ba'i 'jigs par gnas// zhes brjod nas/ hUM bcu tham pa la cho ga gsum gyis/ oM ya mAn+ta kr-ita badz+ra ma hA kro d+ha hUM phaT zhes bskyed pa rkyen gyis sngags kyis bskul nas/ shar phyogs brgya byin pho mo'i steng du/ khro bo gshin rje'i gshed po/ stod khro bo zhal gsum phyag drug pa/ smad lcags kyi phur pa zur gsum pa/ ngos gsum la thugs kyi hUM gsum pa/ zur gsum la drag pos 'joms pa'i phaT gsum dang ldan pa/ sku mdog dang phyag mtshan ji ltar mdzad kyi tan+t+ra las 'byung ba bzhin du gyur to// oM pradz+nyAn+ta kr-ita badz+ra ma

  118. 59b

    hahA kro d+ha hUM phaT/ oM pad+man+ta kr-ita badz+ra ma hA kro d+ha hUM phaT/ oM ya mAn+ta kr-ita badz+ra ma hA kro d+ha hUM phaT/ oM big+h+nAn+ta kr-ita badz+ra ma hA kro d+ha hUM phaT/ oM Ar+ya a tsa la badz+ra hUM phaT/ oM nI la daN+Da badz+ra hUM phaT/ oM Tak+ki rA dza badz+ra ma ha kro d+ha hUM phaT/ oM ma hA ba la badz+ra ma hA kro d+ha hUM phaT/ oM ka ma la kuN+Da li badz+ra ma ha kro d+ha hUM phaT/ oM shrI badz+ra hUM ka ra badz+ra ma hA kro d+ha hUM phaT/ zhes bskyed pa rkyen gyi sngags kyis bskul nas/ shar du rnam par rgyal ba'am dpal ldan gzhan gyis mi thub pa/ lhor gshin rje'i gshed po/ nub tu rta mgrin/ byang du bdud rtsi 'khyil pa/ shar lhor dbyug pa sngon po/ lho nub tu mi g.yo mgon po/ nub byang du 'dod pa'i rgyal po/ byang shar du stobs po che/ 'og tu khams gsum rnam par rgyal ba'am pad+ma 'khyil pa/ steng gi phyogs su hUM ka ra ste/ khro bo chen po bcu po 'di dag kyang / zhal gsum phyag drug pa/ sku mdog dang phyag mtshan rgyan dang cha lugs la sogs pa/ ji ltar mdzod las byung ba bzhin 'thon te phyogs skyong bcu 'khor dang bcas pa'i steng na seng+ge rnam par rol pa'i tshul gyis bzhugs pa las/ zhe sdang rgyal pos yang steng gi phyogs nas hUM kA ra la bka' stsal nas/ tho ba dang lcags kyu gtad nas phyogs bcu'i khro bo rnams la phur pa thob cig ces bsgo'o// hUM ka ras bdud rtsi 'khyil pa la de bzhin du bsgo nas/ bdud rtsi 'khyil pas de

  119. 60a

    bzhin du tho ba dang lcags kyu blangs te/ bka' tshig 'di skad ces brjod do// hUM/ khro bo'i rgyal po 'di dag gis// bgegs kun bkug nas rnam par 'jig/ blo ldan rab tu 'byor pa yis// cho ga bzhin du phur kun btab// rdo rje bdud rtsi 'khyil pa yis// rdo rje phur bu nyid gnas pa// ut+pal sngon po'i mdog 'dra ba// 'bar ba'i phreng ba 'khrigs pa'i 'od// lte ba man chad chas rnams ni// phur rtse lta bur rnam par bsgom// ro stod khro bo lta bu nyid// zhal gsum phyag kyang drug pa ste// bgegs kyi tshogs la 'og tu gzug/ de yi sngags ni brjod bya ste// rdo rje phur pa des btab nas// bgegs lus gzhan du mi g.yo ba'o// oM g+ha g+ha g+hA ta ya sarba duSh+TAM hUM phaT/ kI la ya kI la ya sarba big+h+nAM hUM phaT/ hUM hUM hUM badz+ra kI la ya badz+ra d+ha ra Adz+nyA pa ya ti kA ya wA ka tsit+ta badz+ra kI la ya hUM phaT/ zhes brjod nas/ khro bo gshin rje'i gshed lcags kyus sked pa nas bzung nas/ zor tshugs kyi steng du tho ba brgyab pas smad lcags kyi phur pa nyi ma'i steng du thal byung nas/ brgya byin pho mo dang dri za la sogs pa'i bgegs thams cad kyi snying la zug par gyur to// de bzhin du phyogs mtshams steng 'og bcur btab nas tho ba dang lcags kyu zhe sdang rdo rje la gtad/ slar yang byang gi phyogs su gong bzhin du 'khod pa las/ yang zhe sdang rdo rjes hUM kA ra la bka' stsal

  120. 60b

    pa/ steng gi phyogs su hUM zhes bskyed pas/ hUM kA ra steng gi phyogs nas babs te tho ba dang lcags kyu blangs te byang du bdud rtsi 'khyil pa la gong bzhin du gtad nas ston pa la tho ba dang lcags kyu slar phul te/ steng gi phyogs na gong du btab pa bzhin du 'khod do// de nas zhe sdang rdo rje sems dpa'i skyil mo krung la bzhugs te rdo rje tho ba thogs nas 'di skad do// rdo rje tho ba phyag bsnams mchog/ gnod mdzes rgyal po rnam par bsgom// hUM brjid 'bar ba'i blta ba yin// bgegs rnams thams cad phur pas btab// badz+ra tsakra dzi na tik+ta kro d+ha ha na hUM phaT zhes brjod nas/ zhabs rdo rje'i 'gros kyi tsham rngams mdzad nas/ thugs ka nas khro chung mang po mtshon cha 'bar ba skar mda' 'khrugs pa bzhin du byung bas khro bcu'i bar dang go mtshams dang go dmigs thams cad khro chung zhal gsum phyag drug phyag na mtshon cha mang po bsnams pa/ che ba dang chung ba grangs bsam gyis mi khyab pa/ bar mtshams dang go dmigs thams cad bkang ste/ tha na khab kyi rtse mo tsam yang gzugs pa'i sa med par gyur te/ de yang khro bo gnod mdzes kyi shangs 'bar ba dang / ba spu'i bu ga nas raM dmar po 'bar ba'i tsha tsha mgal bu dum bu tshig pa ltar babs nas 'di skad do// phyogs mtshams kun tu rdo rje'i me// rnam par 'phro ba rab bsams te// ma rungs pa

  121. 61a

    dag tshig byas nas// phyogs bcur rab tu 'phro bar 'gyur// phyogs mtshams phur pas btab nas ni// steng 'og yang dag byin gyis brlabs// 'bar ba'i 'phro 'du 'khrugs pa yis// rdul cha tsam yang med par bsreg/ dz+wa la raM dza la raM zhes brjod pas/ khro bo thams cad kyi sku las me dpung chen po dus tha ma'i bskal pa'i me 'bar ba ltar shin tu mched pas khyung gi sgo nga'i sbubs su zhugs pa'am/ rdo rje'i gur thabs su phub pa las/ me ri 'dab 'byor du gyur pas/ srid pa gsum gyi dngos po yang dus gcig tu tshig na gzhan bar du gcod pa'i bgegs lta ci smos kyi rab tu 'bar ba'i sreg pa'i me dpung du gyur to// de nas zhe sdang rdo rje 'dzin pas nyid la nyid dam pa'i tshig 'di skad do// phyogs bcu'i sangs rgyas thams cad kyi// sku yi sras su bdag bskyed nas// gsung mchog yig 'brur dbang bskur te// thugs kyi dbyig tu bdag bskyed pas// rnam rtog bdud ni ming yang med// rgyal ba'i dkyil 'khor chen po 'dir// dus gsum rgyal ba bzhugs pa'i gnas// rnal 'byor dgongs pa mthar phyin pa'o// zhes rol pa bskyed do// de ltar bstan pas phyi nang gi chos thams cad dang sems can thams cad khro bo bcu yis don ma mdzad pa dang khro bo bcu'i rang bzhin du sangs ma rgyas pa gang yang med do// de

  122. 61b

    nas gdon gyi rigs brgyad khri bzhi stong dang / sum brgya drug cu dang / gdon chen po bco brgyad dang / phal pa bcu dang / rigs chen po bzhi la sogs pa'i gdon thams cad dam la thogs pa las/ ngag gi dbang phyug gis bcom ldan 'das zhe sdang 'dzin pa la bgegs 'di rnams ma khrom pas/ khro bo bcu'i dgongs pa dang mi ldan pas rnal 'byor la bar du gcod pas de'i dgra bgegs la thabs ci mnga' ba bstan du gsol pa la/ zhe sdang rdo rje 'dzin pas bka' stsal pa/ bgegs 'di dag ni rnam par smin pa'i bgegs yin te de ni so so'i las ma rtogs pa yin/ gsang ba'i dgongs pa chen po 'dir ni las dang rnam par smin pa yang ga la 'byung gi/ thabs chen bla na med pa'i lam rnyed pas 'jigs shing 'dzem dgos med pa'i phyir dper na gangs kyi seng phrug skyes pa gcan gzan gyis mi 'jigs pa bzhin no// gong ma ltar ma grub pas kyang don 'di ltar ma gyur na yang mtshon cha 'bar ba'i mtshams 'dis kyang gang yang mi chod pa med de bdag nyid chen po brjid pa dang chas pas 'di skad gsungs so// hUM/ yang dag gsang ba'i dkyil 'khor du// spyan drangs gshegs su gsol ba dang // rnal 'byor dam can so sor gnas// 'dus pa'i 'khor las ma gtogs pa// kun kyang re ba bskangs zin pas// da lta nyid du so sor dengs// gal te

  123. 62a

    bka' las 'das gyur na// rdo rje 'chang gi rgyal khros pas// mkhar la char bzhin phab pas ni// brgyad khri bzhi stong gdon rnams kun// lus kyang dum bu brgyar gas nas// mgo yang tshal pa tshal par gshog/ snying yang chu ser phye ma bzhin// zhig par gyur yang gdon mi za// skye ba rnam bzhi lhan cig kyang // 'gro ris drug po so sor sgrol// mi ma yin la sogs pa yang // rang rang gnas su bde bar dengs// dus gsum rgyal ba'i bka' las ma 'da' zhig/ zhes sum b+ha ni'i sngags brjod pas// bgegs thams cad ras bal rlung gis gtor ba bzhin du gyur to// de nas rdo rje 'dzin pas 'jigs pa'i mtshon cha rnam pa sna tshogs pa las tho ba dang tsha tsha dang / me ri 'bar ba'i gur thabs su gyur nas rlung tsam yang rgyu ba'i skabs med pas 'di skad do// nga yi dkyil 'khor brtan bya'i phyir/ khro rgyal byin gyis brlabs las byung // mtshon cha rnam pa sna tshogs kyis// dkyil 'khor rim pa'i tshul bzhin srung // steng yang rdo rje'i bla re ste// rdo rje'i thog thog ser ltar 'gril// 'og kyang rdo rje'i sa gzhi ste// sa gzhi rdo rjes gcal du bkram// bar snang rdo rjes sprin ltar gtibs// rdo rje'i tsha tsha skar ltar 'khrugs// phyogs mtshams rdo rjes gtams pa las// rdo rje'i bskal pa'i me chen 'bar// rlung yang rgyu ba'i skabs med pas//

  124. 62b

    rje'i mtshams las ma 'da' zhig/ 'das na lha yang brlag 'gyur na// gdon bgegs 'das pa smos ci dgos/ oM badz+ra badz+ra hUM phaT/ steng yang 'khor lo'i bla re ste// 'khor lo'i thog thog ser ltar 'gril// 'og kyang 'khor lo'i sa gzhi ste// sa gzhi 'khor lo'i gcal du bkram// bar snang 'khor lo'i sprin phung gtibs// 'khor lo'i tsha tsha skar ltar 'khrug/ phyogs mtshams 'khor los gtams pa la// 'khor lo'i bskal pa'i me chen 'bar// rlung yang rgyu ba'i skabs med na// 'khor lo'i mtshams las ma 'da' zhig/ 'das na lha yang brlag 'gyur na// gdon bgegs 'das pa smos ci dgos// oM badz+ra tsakra tsakra hUM phaT/ steng yang ral gri'i bla re ste// ral gri'i thog thog ser ltar 'gril// 'og kyang ral gri'i sa gzhi ste// sa gzhi ral gri'i gcal du bkram// bar snang ral gris sprin ltar gtibs// ral gri'i tsha tsha skar ltar 'khrugs// phyogs mtshams ral gri'i gtams pa la// ral gri'i bskal pa'i me chen 'bar// rlung yang rgyu ba'i skabs med pas// ral gri'i mtshams las ma 'da' zhig/ 'das na lha yang brlag 'gyur na// gdon bgegs 'das pa smos ci dgos// oM tIk+Sh+Na hUM phaT/ steng yang rgya gram bla re ste// rgya gram thog thog ser ltar 'gril// 'og kyang rgya gram sa gzhi ste// sa gzhi rgya gram gcal du bkram// bar

  125. 63a

    snang rgya gram sprin phung gtibs// rgya gram tsha tsha skar ltar 'phro// phyogs mtshams rgya gram gtams pa la// rgya gram bskal pa'i me chen 'bar// rlung yang rgyu ba'i skabs med pas// rgya gram mtshams las ma 'da' zhig/ 'das na lha yang brlag 'gyur te// gdon bgegs 'das pa smos ci dgos// oM dzi na badz+ra dzi na badz+ra hUM phaT/ steng yang dbyug to'i bla re la// dbyug to'i thog dang ser ltar 'gril// 'og kyang dbyug to'i sa gzhi la// sa gzhi dbyug to'i bcal du bkram// bar snang dbyug to sprin ltar gtibs// dbyug to'i tshwa tsha skar ltar 'khrugs// phyogs mtshams dbyug tos gtams pa la// dbyug to'i bskal pa'i me chen 'bar// rlung yang rgyu ba'i skabs med na// dbyug to'i mtshams las ma 'da' zhig/ 'das na lha yang brlag par 'gyur// gdon bgegs 'das pa smos ci dgos// oM badz+ra mo ti baM hUM phaT/ zhes phur pa dang mtshon cha'i tshogs grangs med pa 'phros pas/ bar du gcod pa'i bdud de dag thams cad a rdza ka'i dog bu la/ til mar gyis brgyab pa bzhin du/ mgo tshal pa brgyar gas par gyur to// de nas yang rdo rje 'dzin pas sdang ba'i dgra bsgral ba dang / thugs rjes sems can gso ba'i phyir/ khro bo rdo rje gu lang gi bsad gso 'di skad gsungs so// ya tha tshangs pa'i gnas bzhi dang // srid pa'i rtse mo man chad

  126. 63b

    nas// ma tha dmyal ba'i sa gzhi dang // rdo rje gtams pa yan chad du// 'khor lo 'bar ba kun btang ste// phyogs mtshams kho ra khor yug tu// dpag tshad brgyad khri bzhi stong nas// nye ring med pa tshun chad du// log par blta ba'i dgra dang bgegs// kun kyang gsod par byed pa ru// rdo rje 'khor los gtubs nas kyang // rdul phran bzhin du brlag par bya'o// oM badz+ra tsakra tsakra hUM phaT/ dz+nyA na tsakra hUM phaT/ ha nA tsakra hUM phaT/ tip+ta tsakra hUM phaT/ pa tsa tsakra hUM phaT/ zhes gsungs pa tsam gyis/ mgo lus dum bu lnga lngar gtubs/ gzhob sgog rdog pas brdzis pa bzhin du gyur/ der spyan mig g.yas pa ldog ste/ 'di skad gsungs so// g.yas kyi spyan zur ldog pa yis// nyi ma'i dkyil 'khor 'bar ba las// ye shes 'od zer 'bar ba yis// shin tu drag cing rab gtums pas// gu lang dbang chen nye dbang bcas// nyi zla/ gshin rje tshangs par bcas// gdug par gyur pa'i mtshan ma kun// thams cad ma lus bsreg par bya'o// ma sUr+ya maN+Da la hUM gis dngos po thams cad bsreg go/ de nas klu dang sems can sngags zer gyis phog nas/ 'gyod pa skyes pa rnams slar gso ba'i phyir/ g.yon pa'i spyan 'bar ba las bdud rtsi byung ste/ 'di skad du/ g.yon pa'i spyan zur ldog pa yis// zla ba'i dkyil 'khor chen po las// bdud rtsi bsil

  127. 64a

    ba'i chu blugs pas// drag po'i sngags kyis skrag dngangs pas/ rul myags tshig nas brgyal ba rnams// gu lang dbang chen nye dbang dang // nyi zla gshin rje tshangs bcas pa// thal bar gyur pa gso bar bya'o// a tsan+d+ra maN+Da la hUM gis bdud rtsi'i chu rgyun gyis slar gsos/ dran pa rnyed par gyur nas/ thugs rje'i sras su byin gyis brlabs nas bzhag go/ de nas ngag gi dbang phyug gis thabs mkhas pa'i sgo nas/ de tsam du bas pa lags sam zhes gsol pa dang / rdo rje 'chang chen pos bka' stsal pa/ thabs mkhas pa'i sgo bsam gyis mi khyab pa mang yang / rgyud 'di las cher ma gsungs kyang 'di dag gi nang du ma gtogs pa'i gang zag chos spyod pa yin na yang / mkhan po dang rdo rje slob dpon la yang bslabs pa dang gus pa'i tshul ma byas par/ gsang sngags la rgyab nyan dang rkun bu dang / chos la thabs dang zol dang / gsog dang sbrus 'tsho ba rnams dang / gal te gsang ba'i sgor zhugs nas/ gsang ba'i don bstan cing phogs nas/ man ngag bstan par byas kyang de nyid la zungs su dar cig kyang mi 'dzin te/ brgyud cing mi gnyen par byas te/ kun la spel zhing bsgrags dang ston pa dang / mu stegs dang / skye bo phal pa la sogs pas gsang sngags blta zhing nyan pa las spyod pa'i don dang sbyar nas/ nyes pa tsam po che ba dang / rku

  128. 64b

    'phrog dang brnyas tshad tha na yi ge dang / dam tshig la sogs pa la dpya ba'i sgo rnam pa sna tshogs par 'dogs pa rnams ni bsal zhing spang bar lung las gsungs te/ de'i phyir chos skye ba med pa yin kyang / grong dang 'du 'dzi las dpag tshad dang rgyang grags zag ring ba btsal ba dang / dben zhing 'gol ba'i gnas btsal ba dang / thugs ye shes la rnam rtog med kyang log pa lung du ma bstan pas/ bkra shis pa'i gnas gzhung las 'byung ba bzhin du btsal ba dang / chos mnyan pa la ris med na yang / blun po thog rdzis dang bkres phongs kyi nang tshangs 'byung bas tho dang mtshams bcad pa dang dus dang gnas gsang ba dang / don zab mo kun gyis thun mong ma yin pas gzhung dang mthun pa dang / rigs rgyud bzang ba dang snod dang ldan pa'i grogs btsal ba dang / nang rtags dang mtshan ma ma thob kyi bar mi btang ba'i phyir/ dad pa dang 'byor pa cher dpag pa dang / bar chod dang ye 'drog gis mi tshugs par bya ba'i phyir/ skyon dang mi mthun pa'i 'tsho ba spangs te/ ting nge 'dzin khang bcad de le lo med pa'i brtson 'grus kyis zang chas gsungs te 'di skad do// rnal 'byor gsang ba'i don mchog 'di// skal ldan rnams las ma gtogs par// skal med shes rab zhan pa dang // snod ngan thos na 'jigs shing skrag/ nges pa'i don las gang log

  129. 65a

    par// nyan pa yod na rna ba bcad// blta ba 'dug na mig phyung ste// gdug pa yod na bsgral bar bya// spyod pa brlang po brtsam par bya// rdo rje 'dzin pa nyid kyis gsungs so// oM nA sha ya mA ra ya phaT/ ta tha na tsit+ta baM ri la mA ra ya dza/ zhes pas bar du gcod pa sgra ma grags par gyur to// ngag gi dbang po de lta bu'i gsang ba'i don 'di ni/ thun mong ma yin pa'i phyir/ dang po sangs rgyas nyid kyi bsgrub pa la/ de nas lha rnams kyi bsgrub pa la rim gyis spyod yul du bka' stsal pa/ mi phal rigs su snang na yang / mi phal pa dag lha dang 'dra ba'i spyod yul ma yin pas/ mtshams bcad cing / ma 'dres pa gsal bar bya ba ni gsang sngags kyi yang snying yin par gsungs so// ngag gi dbang po phyogs bcu'i sangs rgyas dang / byang chub sems dpa' thams cad la yang smon lam gyi sangs rgyas dang / smon lam gyi byang chub sems dpa' rnams thugs rje che'o// ye shes kyi lha'i nang nas kyang bsgrub thag nye ba'i sras brgyad dang / yab yum sems dpa' rnam gnyis kyi sprul pa khro bo bcu nye ste/ gang zhig khro bo bcu'i rus dang / ming dang / sngags dang / phyag rgya ci smos kyi/ khro bo gcig gi rjes su gzhol na yang bcu po kun bsgom zhing bsgrub pa dang 'dra bar de'i re ba skong bar mdzad do// khro bo 'di rnams 'phags pa thams cad kyi nang nas thugs rje

  130. 65b

    chen pos bstod/ sems can thams cad bu gcig pa dang 'dra bar mdzad na yang / rnal 'byor pa dam tshig la mi gnas pa dang / 'dod pas dus thams cad du brgyal te tshog pa'i dus med pa dang / ser sna dang chags pas bcings pa dang / bka' gnyan par mi sems zhing / bdag nyid che zhing btsan pa dang / thugs gsang ba gab pa las/ sbas pa'i don ma thos pa dang / rten dang mos tshad du byas pa'i dbang gis gang yang yid ma ches te/ 'di dag don gyi thog tu ma phebs pa/ mkhas shing rtogs pa'i man ngag can la/ dad pa dang dam tshig tu 'brel bas/ brtse ba gus pa'i sems kyis rgyu med pas phangs pa med par mi 'bul bar/ sbrus len cing nan tan dang zol gyis blangs te/ bka' gzhan nas khungs phyung ste/ de nyid slar smod cing che ba 'byin pa dang / gsang ba'i bka' nges pa 'dod pa tshol ba'i don du 'tshong ba dang / so so'i don kun la 'jug par 'dod cing / de'i tshul bzhin du gang yang mi byed pa dang / phal cher chos log pa dang / kho gshong dang sdeb sbyor la mos pa dang / rtsa ba dang yan lag gi dam tshig la mi gnas shing / phyi nang gsang ba'i dbang lugs bzhin ma nos pa dang / spyod pa gsang ba'i don 'di dag gsang mtshams med par ston pa dang / gsang ba nges pa'i don ltos pas rnams kyang nyams par gyur pa rnams la ji ltar

  131. 66a

    bsgrubs kyang de'i 'bras bu mi 'ong ste slar de nyid 'chi ba'i bdud la sogs pa'i gegs su 'gyur ro// de ci'i phyir zhe na/ de dag thugs rje dbri bkol mi mdzad kyang / dper na zas bcud can sems can rid pas mi 'ju ste/ 'chi ba'i dug tu 'gyur ba bzhin/ 'phags pa'i thugs rje chen po dam tshig nyams pa'i bdud du 'bab ste/ gang de nyid kyis de bzhin du dam bca' khas 'ches nas/ de nyid kyis de bzhin du ma byas pas de nyid kyi bdud du byung ba la/ nyams pa'i 'bras bu rdo rje bas sra bas/ gnyen po cis kyang bcos pa'i thabs med pa'o// de bas na dmyal ba'i sdug bsngal las 'phags pa'i thugs rjes mi 'gyur ba med na/ dam tshig nyams pa'i dmyal ba las 'phags pa'i thugs rjes der 'jug go/ de gang nor ba la 'gyod pas phan pa yod na chos nor ba'i las smin pa'i 'bras bu la 'gyod pas phan pa med do// ci la yang cung zad tsam sdod long yod kyang rdo rje dmyal ba'i sdug bsngal la skad cig tsam yang bsdad long med do// de'i phyir sdig pa thams cad kyi nang nas srog gcod pa che'o// de yang khams gsum gyi sems can thams cad srog bcad pa bas/ mtshams med pa lnga'i las byed pa che'o// mtshams med pa'i las bsdoms pa las/ chos log par spyod pa sdig che'o// de gang zhe na/ gong ma de

  132. 66b

    ltar spyod pa'o// de bas na rna bas thos pa la sdig che ba ni/ gsang sngags la rgyab nyan byed pa dang / rkun bu bsten pa dang / 'og 'bru byed pa'o// de ci'i phyir zhe na/ slob dpon las bka' ma thob cing / sangs rgyas la thug thub byas pas/ mig gis mthong ba la sdig 'go ba ni/ sngags kyi spyod pa brlang po dang / gsang bar spyad pa blang ba dang / gsang bar spyad pa'i dkyil 'khor la mi gtogs par blta ba'o// dri dang bro ba la snom pa la sdig che ba ni/ rnal 'byor gyi tshogs kyi longs spyod la rlom pa'o// bka' bcag pa sdig che ba/ slob dpon gyis bsgo ba mi nyan pa'o// khas blangs pa la sdig che ba/ g.yar gyis blangs pa ltar ma byas pa'o// bslus pa yin pa'i phyir de dag gis don du 'di gsungs te/ mtha' yas sems can thams cad kun// rgyal sras ma yin gang byed kyang // mnyam pa sangs rgyas sras med de// ci'i phyir zhe na ma rtogs pas// rang gis log par spyod pas so// bde gshegs nye ring mi mdzad kyang // 'phags pa'i bka' chad byung ba yang // gang zag nyid kyis rang phung bsgrubs// thar pa'i dus med 'ching ba'i rgyu// don la nyan par mi sems par// phan par 'dod nas don la 'jug/ ma rtogs dbang gis lhung gyur pas// ye nas ma btsal shin tu dgyes// zhes gsungs pas/ de'i phyir gsang tshig mi thub pa dang // gol ba

  133. 67a

    sdig tu 'gyur ba'i phyir// mtshams chod par bya dgos pas gzi ldan 'bar ba'i rgyud 'di ni/ zhal nas gsungs pa'i rgyud thams cad kyi nang nas/ yang shin tu yang thugs rjes gces la gal che ste/ dper na nad tsha grang la mkhas pa'i sman pas/ mi dang nang du phyed pa bzhin/ bka' dang mi mthun pa srong bar byed do// dper na 'khor los sgyur ba'i rgyal po ni/ sangs rgyas sa la zhugs kyang mi chos gdams ngag dang phan pa'i sgo nas/ sems can la nges pa'i stangs gcod pas phan 'dogs pa dang 'dra bar smon lam gyi khro bo 'di rnams nyid kyis che ba'i mchog brnyes kyang / sngon gyi thugs dam gyis sku ye shes kyi 'od zer 'bum gyi gzi dang ldan pas 'khor ba ma stongs kyi bar du/ gzhung dang ldan pas bsgrub nges pa rnams kyi stongs dang grogs mdzad/ mi ldan zhing gol ba rnams kyi bar gcod dang / log par spyod pa'i nyes pa 'gog pa'i phyir btsal ba dang / skrod pa dang / bcos pa dang / 'phro gcod pa dang / phyir mi lhung ba'i don du/ thugs ye shes kyi gzi mdangs ldan par mdzad pas/ gzi ldan 'bar ba'i rgyud ces 'di la btags so// de ltar gsang sngags 'di gsang ba thams cad kyi nang nas gsang ba ste/ de ci'i phyir zhe na/ gsang sngags par khas 'ches nas gsang sgo mi sdom na/ gsang ba med na sngags pa

  134. 67b

    phung bar 'ong ste/ sdig kyang de las che ba med cing / khro bo dang khro mo dang / pho nya dang phyag brnyan gyi bka' chad kyi gnas su 'gyur ro// gsang ba'i dam tshig nos nas dam tshig can zhes dam bcas nas/ bka' dam pa dang / sngags dam pa dang / gsang ba dam pa dang / dbang dam pa dang / spyod pa dam pa dang / phrin las dam pa dang / dam tshig dam pa dang / man ngag dam pa dang / rdzas dam pa med par zhabs rdol du spyad na/ nges tshig chu la sgyur/ gtan tshigs rlung la phyar/ lus ngag yid gsum shin tu rul tshig nyams te/ mnar med par skyes pa la khro bo 'di dag rngam chen dang thugs rje can du 'ong ste/ sdug kyang de las sdug pa med la/ snying yang de las rje ba med do// 'dir yang ma mo dang mkha' 'gro sgrol ba'i zhing bcur gyur nas/ phyi ma la thar pa'i dus med par 'gyur bas/ 'jig rten rtsal 'chang rnams kyis dpyas shing dbang mi bskur te/ rgyal ba rnams kyis kyang de la skabs phyed par mi nus te/ shin tu sdug bsngal ba mi bzod par myong ngo // 'di dag gsang zhing spyad legs na/ bsgrub pa'i 'bras bu ji ltar yang 'grub bo// ngag gi dbang po/ dper na sman pas rtsa dpyad kyis 'du ba rnam bzhi ngos ma zin pas/ tsha grang gi sman log par sbyar na/ 'chi bar byed par 'gyur ba bzhin/ gsang sngags 'di spyad nyes na ma rung bar

  135. 68a

    'gyur te/ gsang sngags dang drags nas spyad nyes pa'o// de ci'i phyir zhe na/ dar ba'i dbang gis bsrung ba'i rim pa med par/ brtse gdung chung zhing zhe 'dod pa'i dbang gis spyod pas nyams so// sngags 'du byed kyi dam pas na yang nyams so// de ci'i phyir zhe na/ mi shes pa'i dbang gis/ khe grags dang / sgro skur dang / bzhed par gyur pas nyams so// gsang sngags 'phyar zhing ngom pas spyad na yang nyams so// de ci'i phyir zhe na/ bka' smod cing gdeng ma zin pas dngos grub yal bas nyams so// gsang sngags spyod pa mi gzob par spyad na yang nyams so// de ci'i phyir zhe na/ 'phya sla ba dang 'chal rgad du gyur pas nyams so// gsang sngags gsang sgo med par spyad na de bas kyang nyams te/ ya ga dang sgro skur dang / mtshang tshig tu gyur pas nyams so// sngags shes rab brtul zhing ma shes pas spyad na nyams so// de ci'i phyir na don ma khrol bar the tshom dang rtog pa skye ba'i rgyur gyur pas nyams so// gsang sngags rgyu le lo dang sgra snyoms can gyis spyad na yang nyams te/ de ci'i phyir zhe na/ las su ma rungs pas sgro skur 'debs shing rdzun par spyod pas nyams so// de bas na sman pa mkhas pa 'dra ba'i/ sa ra sa dang tra dang / pradz+nyA dang sa ma ya dang / dz+nyA na dang / g+hu h+ya dang sin du ma dang / d+harma ta la dang ldan pa rnams kyis spyod pa

  136. 68b

    gsungs so// de yang 'di skad do// gsang ba bas kyang ches gsang ba/ yang gsang thugs kyi dkyil 'khor 'dir// nyan cing blta la mi dbang ba'i// bsgral ba'i zhing bcu'i sems can la// rnal 'byor bdud rtsi'i dam chu 'dis// lus sems rgyud la phog pas kyang // thal ba rdul bzhin brlag 'gyur zhing // blta ba'i rdo rje dug chen po// gzhan yang mi bzad pa yi dug/ dug kyang dug ste sman kyang sman// rtogs pa rnams la sman yin kyang // ma rtogs pa la dug tu 'gyur/ khu ba khrag tu dmigs nas kyang // rang sems dbang du btsugs nas kyang // tha tshig gnyen po srog bsrung phyir// gzhan gyi drin la mi gnas par// 'khor lo rdo rje gtor ba'o// oM badz+ra ya tha sarba hUM ta tha b+hi thaM kuN+Da li ha na ha na hUM phaT/ zhes sman gyi sgo nas mtshams bcad do// de nas rnal 'byor chen po phrin las rdzogs mdzad nas/ rnal 'byor tshogs la longs spyod cing / mchod pa dag par 'dul ba yang kun gyi thun mong ma yin te/ gnas yid du 'ong bar tshogs 'dus pa'i gnas rung bar/ slob dpon dgos ched kyi thabs lnga dang ldan pas/ mched lham dran pa'i snod drug yod pa dang / gzungs ma pha rol du phyin pa'i thabs rgyud dang ldan pa dang / rgyal tshab kar ma phyi nang la brda mjal ba dang / yon bdag bsam pa dag pa'i stobs gsum dang ldan pa dang /

  137. 69a

    mchod pa bshams sbyar gtsang sbra'i tshul shis pas/ gang yang ma spangs pa'i longs spyod chen pos rgyal ba mchod pas skad skong dgyes dgyes shing dgongs pa 'phel dngos grub thob pa'i rgyur 'gyur// gzhung 'di yang gar song song bab col du ma yin te/ rdo rje slob dpon rim gyis snang ba'i dbang ma nos pa/ chags shing 'jungs pas dad pa chung bas/ nga rgyal dang khengs pas dam la mi gnas pa/ shes rgya dang thos pa chung bas gtan tshigs nyung zhing don ma khrol ba/ ci la yang yid ma ches pas/ ras chod dang smyon thabs byed pa/ sems klung du ma phebs pas phyogs ris dang rtog pa can ma yin pa dang / gzungs ma thob pas g.yem zhing ngo tsha dang bral bas/ gsang med cing dpral ba 'thug pa'i 'phyar sham ltar song ba/ rgyal theb dang kar mas byed pa'i brda la shed ma bye ba dang 'dra ba dang / mched la mkho na brnyas dang / lkog 'phyas dang dad pa chung zhing brtse gdung med pa dang / mchod pa'i rgyu ma tshogs par phud nyams grangs nyung zhing char shor ba dang / mchod pa byin gyis ma rlobs shing chad dbang dang gnyid dbang du gtang ba dang / gnas grong dbus dang 'du 'dzi can du mchod cing bsgrubs kyang bsod nams dang grub pa thob par mi 'gyur te/ slar bar chad dang lus ngag yid gsum gyi sgrib par 'gyur bas/ tshe srog la gnod pa 'di

  138. 69b

    skad do// ma dag pa ni mtshams bcad do// las kyi gtsor ni bskang bshags bya// thang lhod med pas brtson 'grus 'byin// rnal 'byor mkha' la 'gro bar 'gyur// nga ni rdo rje 'dzin pa ste// sangs rgyas kun gyi mthu dbang bdag/ nga yi bka' las 'da' byed pa// de ma thag tu brlag par 'gyur// lha 'am 'on te bdud kyang rung // gnod par byed pa gang yin pa// rdul phran bzhin du brlags nas kyang // theg chen la yang dgod par bya'o// oM badz+ra ban+na tra tha tsam pa hUM phaT/ zhes pas/ tshogs kyi bar chad rdul cha tsam yang med par gyur to// de nas yang gsung gi dbang phyug gis gsol pa/ gsang ba'i theg pa mtha' ma rdzogs par byed pa'i mtshams bcad mtshams 'tshal lam mi 'tshal zhes gsol pa dang / rdo rje 'chang chen pos bka' stsal pa/ gang la yang mi rtog ma chags pa ni/ ci la yang mtshams bcad du med na/ de na gnas pa ni nyung gis/ de lta bu dang ma mi ldan pa sha stag mang bar gnas te/ rtogs pa chung zhing shes rab zhan pas ci spyod cing brtsam yang / dang por mtshams bcad pa dang / bar bar rdzogs rdzogs kyi skabs su/ smon lam gyis sangs rgyas rnams kyi rtsal bgos te/ gdod ci bya ba la nyes pa med cing mthar phyin par gyur te/ de ni dper na bshan thog dang / sku 'tsho ba dang ldan pa'i rgyal po ni/ cis kyang mi 'jigs shing bag tsha

  139. 70a

    ba mad la/ da dang mthun pa'i rgyal ba na/ Al brngubs dus thams cad du bag cha ba bzhin du/ zlab 'di dag ni rnal 'thung dang / thams can gang zang ba'i skabs dang dbang ma dad zan ltar bcol pa'i don mdzad de/ rnal 'byor pa gzhung dang mthun zhing klong du gyur pa rnams ni/ 'di ltar bskal kyang mi gsel lam bskul kyang de nyid la 'dris pas bag cha ba med la/ phal cher dang du ma blangs na bar chad du 'gyur bas nan tan du bya ba'i phyir ro// de bas na 'di skad do// bgegs zhes bya ba gzhan na med// bgegs ni rang gi sems las byung // rnam rtog ma yin mtshan pa ni// rgyal bas bltas kyang mi gzigs so// dngos grub par tshad gang yin pa// nor pas gnyis su bzang bas te// don gyis sran ni mabyin pas// bsod nams bral bar byed pa yin// de bas 'di rnams sun dbyung zhing // rang byu dngos grub bsgrub pa'i phyir// las kyang lha yaM gzhang gci ga// mes kyang ma rig dri ma spungs// rnam rtog med pa'i ye shes kyis// dug ni bdud rtsir 'gyur bar bshad// phal pas spyod pa'i rdzas pan pas// gsang bas spyad la sba bar bya// 'di ni rgyal ba thams cad kyi// bsang chen bsgrub pa'i rdzas yin pas// ji sngar dmigs pa bzhin du 'grub// rtsa la gtong bas grags dam bkang // bgags la zags

  140. 70b

    pas thal bar rlom// mi la babs pas dngos grub 'bebs// ya mtshan rmad du byung ba yi// rdzas 'dis bar chad brlag par 'gyur// oM badz+ra a mr-i ta sa ma ya hUM phaT/ zhes dngos grub bsgrub la bar du gcod pa'i mtshams bcad do// ngag gi dbang po/ mkhas par ma sbyangs pas dngos grub mi 'thob bo// slob dpon gyi bsgo ba ma nyan pas dngos grub mi 'thob bo// zol zog gis dngos grub mi 'thob bo// gsang 'chol bas dngos grub mi 'thob bo// dbang ma thob pas dngos grub mi 'thob bo// tshe thung bar 'gyur ro// de dag kyang ci phyir zhe na/ snod dri ma can gyi rdzas dang 'dra ste/ cir yang spyad du mi 'dod pa'i phyir ro// ngag gi dbang po/ dus nam zhig gi tshe gsang ba 'di dag gsang mtshams med par blta ste/ dar bar byed pa'i dus byung ba'i tshe/ gsang ba'i sgor zhugs nas gsang ba'i don bzhin ma spyad pas gsang ba'i bsgrub rtags kyi 'bras bu ma thob tsa na/ de la rgyud lung nas sngags 'di dag tshig gcig tsam du ston pa las/ de bzhin du ma grub pas brdzun to zhes skur pa btab nas/ rgyu'i chos la 'jug cing / sngags kyi mtshang 'bru zhing smod par 'gyur bas/ de'i phyir yang gsang zhing mtshams bcad pa'i rgyud 'di rab tu zungs su bzung ngo // ngag gi dbang po/ dus nam zhig tsa na/ sngags brdal ba chen por byung bas/ ta na la

  141. 71a

    sogs pa'i spyod pa dang / phrin las thams cad ma gsang bar skye bo mi nag kun la cha yod par byas pas/ sman chus mna' dgag pa brdung zhing gtag pa dang / bsgral zhing dmod byed la sogs pa brtsams/ mi nag la sogs pa rnams kyang 'di ltar spyod pa dang gnod pa dang nges pa 'di spyod pas/ 'di dag gi srog la ma phab na/ mtha' phung bar 'gyur zhes sems nas/ rnal 'byor pa srog dang phral nas// rnal 'byor pa'i sku dgra 'byung bas/ de'i bar chad gdul zhing bsgral ba'o// de'i don du yang khro bo bcu po 'di med du mi rung bas/ 'di'i don la rab tu brtson par bzung ngo // ngag gi dbang po/ dus gzhan zhig gi tshe na/ rnal 'byor gyi chos dbang ma thob par la las bshad/ la las bstan/ la las bstabs/ bsgrub pa'i mthu rtsal dang bral te/ 'khor gyi dbang phyug thams cad bros byer du ma brdzabs pas/ mu stegs dang log pa'i phyogs mtha' dag gis bstan pa la dgra dar bar byed de/ rgyu 'bras kyi theg pa la sogs pa ma rungs par byed cing / sangs rgyas kyi bstan pa nub par gyur pa'i tshe/ khro bo bcu po 'dis 'dul zhing / thugs rje dang thugs dam du ldan pas thabs mkhas pa'i dbang phyug yin pas khyad par gyi dam tshig tu yang dka' 'di gzung ngo // ngag gi dbang po dus yan 'ga'i tshe/ sangs rgyas bka' la dam mi

  142. 71b

    srung ba dang / lus dang srog dang tshe dang / nor dang longs spyod la brku zhing rlom pa mang ba'i phyir/ rnal 'byor thabs med cing mi mkhas pas/ mu stegs log chos la sogs pa spyad de/ sha za gshin rje dang / ma mo dang / bdud dang / byad stems dang / klu mi bsrun pa la sogs pa dang / yi dwags 'byung po la sogs pa'i dam rdzas dang / bskul ba dang / rbod gtong gi las byas pas/ lo nyes dang / sad dang / ser ba dang / btsa' dang / mu ge dang / mdze dang / 'brum bu dang / nad ngan pa dang / rims sna tshogs dang / smyo 'bogs la sogs pa 'phel bas/ bgegs dang ra tri dang / dgra mi tri dar bas sdug dus ngan pa la bab pa'i tshe thugs rje can gyi lha khro bo bcu las gzhan med pas/ log par blta ba 'dul ba dang / sems can gyi sdug bsngal thams cad zhi phyir khro bo 'di bcu yi dam du bcang zhing mchod do// ngag gi dbang po// dus dang phal pa'i gang zag rnal 'byor pa yang dag pa'i don mi 'tshol bas/ ras chod dang gzu lum dang / tho co dang smyo thabs kyi las byas te/ shes mi shes med par slob dpon ni kun byed/ mkhas mi mkhas med par ris ris su bzung nas kun 'chang bas dbang dang dam tshig dang / phrin las dang / gtan tshigs ni slob dpon la yang med/ nga rgyal che ba dang / khe dang dregs pa ni 'khor yan chad 'dzin pas/ man

  143. 72a

    ngag can gyi mkhas pa rnams kyang thugs ma mnyes pas/ thugs kyi man ngag bka'i thigs pa gsang ba nges pa'i don zab mo sbas te/ dmod pa btsugs so// rnal 'byor pa phal cher ras chod can mgo rmongs par bya ba'i phyir/ dkrugs 'chol pas/ gsang ba'i don dag bon sbrang ngam gtsug lag bzhin du brjod pas/ bka' las ma byung ba'i chos yin par rgyas btab pa'i las rtsing ngo // srog gcod pa la sogs pa mu stegs rgyang 'phen bzhin du spyad pas/ 'phral gyi sgo yon dang / gang zag gi bkur sti tsam la chags pas/ bdag dang gzhan gnyis ka'i 'bras bu chus khyer te/ 'bras bu ngan song gsum du skye nges pa'o// gang zag gdon gyis bslus pa dang 'dra ba la yang / gong du bstan pa'i smon lam gyi dbang gis/ skyabs dang dpung mgon khro bo bcu yin nges pas/ gnyen du blangs te/ rgyud 'di ltar shes par bya zhing yid la gzung ngo // ngag gi dbang po/ rnal 'byor pas chos zab mo'i snod dang mi ldan pa'i che/ yin rung min rung bka' la 'dogs so// de'i tshe snod dang ldan pa rnams ni nyung ste/ bka' btsan par sems nas don gsang zhing gsangs nas bsgrubs pas/ grub pa thob sa srid pa tsam gnas so// snod mi ldan par phal cher gyis spyad pas/ don gyi bden pa ma rig par gsang sngags la brten nas/ 'bras bu bde ba

  144. 72b

    'tshol zhes pa las gol te/ snying rje phar mi gtang bar zhe sdang phar gtang / byams sems par la mi bsgom par bkur sti tshur 'dod/ mkhas pa rang gis ma sbyangs par dpon por phar 'chol/ sbyin pa rang gis mi gtang bar bza' zhing spyad pa phar dga' bas bden pa'i chos lugs ni shor/ mi bden pa'i nga rgyal ni che/ gnyen pa'i dam tshig ni med/ mi gnyan pa'i rang mthong ni che/ don gyi man ngag ni nub/ mi dgos pa'i rtsing chos ma spangs pas/ ston pa'i bka' ni nub/ rtsa ba'i dam tshig ni gting nas nyams te 'phags pa'i zhabs 'dren/ sangs rgyas kyi bka' ni bslus par 'gyur tsa na/ nyes pa ci byas na brjod mi rung ba'i sdug bsngal myong bas/ sgo skur rang gi chos la btab/ dpe ngan byed la rung ba yod par smos/ spyi don las med kyi zer te ngan par brtag cing byas sngon nas sdod/ rtag tu re ba rlung gi 'khor los ded tsa na/ nyon mongs pa'i dgra me ma mur gyi 'obs steng na/ khras nyen pa'i bye'u mang po 'phur ba la/ thog dang glog gi rgyas bskor nas/ khro chu khol ma'i chu phab ste/ sdug bsngal log pa'i 'bras bu dus gcig tu smin tsa na yang / bskyab par bya ba'i thabs dang rgyab rten dang dpung gnyen du smon lam du btab pa'i khro bo bcu las/ phyogs bcu dus gsum gyi sangs rgyas rnams kyis kyang skabs dbye mi nus pas/ rgyud 'di dam tshig

  145. 73a

    nyams pa skong bar gsungs pa'o// ngag gi dbang po/ dus lnga brgya pa'i tshe rnal 'byor pa thos pa chung zhing / dad pa med pas sems can gyi nyon mongs pa'i nad kyi dbyings rgya mtsho tsam gnas pa la/ de 'dul ba'i sems can de bzhin gshegs pa'i bka' bdud rtsi'i rgya mtsho gsungs pa bzhin du/ chos nyung bar dgos pas/ phyi nang gi bka' 'di dag gang zag gi snod kyi rim pa dang sbyar nas/ 'drer mi gnang ba ni brda sbyor tshad mang du bya byed kyi spre'u zhugs pa bzhin du bsres bcos/ gong 'og gi phrin las thams cad phyis mi shes pa'i khrab sdebs pa bzhin du las kyi gong 'og thams cad zhal lce ba gshag bya ba bzhin rings par 'debs/ mi shes pa'i ltor bcug/ su la yang mi ster ba yin no// gsang ba yin no// gsang ngo zhes bris nas kun la ster/ nang na 'di gces zhes mnyam nyid kyi chos la khyad 'dor/ gang zag gi sprin tshig dang grub pa ma thob pa'i rang shes dang mngon shes med pa'i bcos mang bas/ de bzhin gshegs pa'i bka' la zug thub spyad pa'i sgrib pa chen pos bka' chad kyi gnas su gyur nas/ 'chi 'pho ba dang ltung nge ba byed po'i lce dang kha tshig la sdug bsngal myong ba yang / bshags pa dang sbyong ba dang sgrol ba'i smon lam gyis/ khro bo bcu las thugs rje che ba med pas pha ma ltar rgyud 'di

  146. 73b

    gzung ngo // ngag gi dbang po/ rnal 'byor pa chos la mos shing rjes su 'breng ba/ bka' bzhin du bgyid cing lus dang srog la yang mi blta bar rdo rje theg pa la mos/ mchod sgrub bsrung ba las/ shes rab kyi rgyud med pas gang ma 'byor ste/ long ba grogs shor ba dang 'dra ba la yang byang chub sems dpa' smon lam gyi khro bo 'di rnams ma bsgoms/ spyan ma drangs mchod pa ma byas kyang byon gshegs byin gyis rlobs dbang bskur dngos grub gsol bar mdzad pas/ mig gi 'bras bu dang 'dra bar khro bo bcu gzung bar bya'o// zhes bka' stsal pa dang / byang chub sems dpa' ngag gi dbang pos 'di skad ces gsol to// e ma dag pa shin tu thabs mkhas la thugs rje che ba'i rgyud 'di/ ston pa byang chub kyi sems kyi rdo rje dang de dang mi gnyis pa'i sras zhing khams thams cad 'dul ba'i gtso bo lag na rdo rjes bka' stsal pa 'di/ ma rig pa'i sems can rnams la nyi ma 'bum gyi gzi dang ldan pa rnal 'byor pa mtha' yas pa'i sems can thams cad la/ bu gcig pa la ma byams pa ltar mdzad pa ji ltar re ba ltar yid bzhin du skong ba thugs byang chub sems dpa'i cha byad du ldan pa/ nam 'khor ba ma stongs kyi bar du 'gro ba'i don mdzad pas/ sku khro bo'i cha lugs su bzhugs pas/ nga rgyal dregs pa can dang / gti mug rang

  147. 74a

    shes can dang / gol zhing chos spyod pa la rgol zhing gnod pa rnams tshar gcod par mdzad pa'o// gzi ldan 'bar ba smon lam gyi rgyud 'di rnal 'byor pa dang sems can thams cad kyi don du/ sangs rgyas zhing kun spyod par gyur cig par smon lam btab bo// 'khor rnal 'byor gyi dbang phyug rnams kyang dga' nas dong ngo // khro bo bcu'i smon lam gzi ldan 'bar ba'i mtshams kyi rgyud rdzogs so// // bla ma dgongs pa 'dus pa las/ dad brtson dang ldan pa'i skyes bus rgud 'chang ba'i thabs dang / rgyud kyi che ba bstan pa bzhugs// tsa chata th+yayA/ banyaya s+t+waM ha/ na mo gu ru d+he wa DAk+ki ni hUM/ dad pa dam tshig la gnas shing / bla ma yi dam mkha' 'gro la mos pa lam du byed pa'i rnal 'byor pho mo gang dag gis/ rgyud 'chang bar 'dod pas/ dus khyad par can nya stong brgyad gsum dang tshes bcu la sogs pa dang / gza' skar bzang po la babs pa'i tshe/ bkra shis la byin chags shing yid dang mthun pa'i gnas su bla ma yi dam mkha' 'gro'i dkyil 'khor bzhengs shing sku rten bkram/ phyi nang gi mchod pa dang / sman rag gtor gsum la sogs pa mchod pa'i yo byad bshams shing / bsgrub mchod ci 'grub la 'bad/ de nas rang nyid bris mkhan lus ngag yid gsum rgyud dag cing sems bskyed dang ldan pa'i ngang

  148. 74b

    nas/ rtsa ba'i spyi rgyud pad sdong brtsegs pa rin chen sna tshogs pa'am/ ma grub na tshon rtsi sna lngas bri/ sku rgyud shel gyi ri bo dngul lam dung btul ba'i khu bas bri/ gsung rgyud rin chen 'brug sgra zangs dang mtshal btul ba'i khu bas bri/ thugs rgyud nam mkha' klong yangs bai DUR+Ya dang mthing btul ba'i khu bas bri/ yon tan gyi rgyud bstan pa'i srog shing gser sbyangs pa'i khu bas bri/ phrin las kyi rgyud spu gri reg gcod skyes dar ma grir shi ba'i khrag dang dug dang rgya snag gi khu bas bri/ bla ma'i gsang rgyud bka'i bang mdzod/ yi dam gsang rgyud bka'i tha ram dang / mkha' 'gro gsang rgyud bka'i lde mig gsum/ bdud rtsi a mr-i ta dang / byang sems dkar dmar/ sin d+hA ra/ tsan+dan/ ga pur/ gur gum/ gi waM/ li shi/ ru rta/ dzA ti rnams sbyar zhing / gzhan yang byin rlabs kyi rdzas rnams mtshal dang bsres shing bri/ yi ge dbu can lhag chad med par bris te/ thams cad rang gi sor bzhi pa'i tshad du byas te glegs bam mgo zhabs ma dkrugs par phyogs gcig pa can du bris te/ so sor rigs mthun gyi dar kha dog can gyis gril ba la mchod pa'i rdzas rin po che sna tshogs/ 'bru sna tshogs/ sman sna tshogs/ dar sna tshogs dang bcas pa rin po che'i za ma tog gam ga 'ur bcol nas/ bla ma yi dam mkha' 'gro'i dkyil 'khor gyi dbus su khri'u'i khar bzhugs su

  149. 75a

    gsol/ de nas rang nyid dri bzang po'i chus kha lag gdong gsum dag par bkru/ gos gsar pa dri ma med pa gon cing / bde ba'i stan la gnas pas skyabs 'gro sems bskyed la sogs pa sngon du 'gro ba'i chos spyod bya/ yul phyogs kyi gzhi bdag dang / 'byung po'i tshogs la gtor ma byin la bden pa'i stobs brjod/ de nas bla ma yi dam mkha' 'gro'i sa ma ti dang ldan pas/ glegs bam gu gul gyi dud pas bdug cing / swa b+hA was stong par sbyangs pa'i ngang las/ glegs bam gyi bris gzhi gzhal yas khang rnam par dag cing bkod pa du ma dang ldan par gsal ba'i nang du/ yig 'bru'i ngo bo thams cad phyogs bcu dus gsum gyi sangs rgyas dang byang chub sems dpa' bla ma yi dam mkha' 'gro 'khor dang bcas pa'i rnam par gsal zhing / de dag thams cad kyang / rang rang gi rgyan cha lugs rnam 'gyur dang bcas pas// rgyud dgu po'i tshig 'bru saM skr-i ta'i skad du ti ri ri bklag par bsam pa la yang / chos gsung yig 'bru'i char sgra tshi li li babs pas glegs bam la thim/ gzhan yang bla ma yi dam mkha' 'gro sangs rgyas byang chub sems dpa' la sogs pa 'phags pa'i tshogs bsam gyis mi khyab pa byon nas glegs bam du bsams pa'i sku la thim par dmigs te/ gzhan du las kyi po ti bris pa'i rgyud tshig dgu po rab brgya rtsa

  150. 75b

    brgyad/ 'bring lnga bcu rtsa bzhi/ tha ma nyer bdun bklag pa'i dus/ dang po la rang nyid ston pa snang ba mtha' yas su bskyed de/ pad+ma'i ljags kyis bklag/ des 'gre bar/ gnyis pa la bdag nyid rnam snang // ljags 'khor lo/ gsum pa la bdag nyid 'od dpag med/ ljags pad+ma/ bzhi pa la bdag nyid rdo rje sems dpa'/ ljags rdo rje/ lnga pa la bdag nyid rin chen 'byung ldan/ ljags rin po che 'bar ba/ drug pa la bdag nyid don yod grub pa/ ljags sna tshogs rdo rje/ bdun pa la bdag nyid mtsho skyes rdo rje/ ljags gser gyi rdo rje/ brgyad pa la bdag nyid rta mgrin dbang chen/ ljags dngul gyi gri gug dgu pa la bdag nyid yum rdo rje phag mo/ ljags gnam lcags kyi ral grir bsams la bklag/ de tsam spros pa la mi dga' na/ bdag nyid ston pa snang ba mtha' yas/ ljags pad+ma dmar po 'dab ma can du bsams la// ha cang thal ba'i rnam pa can gang yang ma yin par bklag/ bar gyi thun mtshams rnams su gtor mchod dang tshogs kyi yo byad la sogs pa 'bul/ rnal 'byor pa'i lus ngag yid gsum dkyil 'khor gsum gyis ma ti dang ma bral zhing / skabs su dam tshig dang ldan pa'i grogs su yod pas rtsa ba gsum gyi bsnyen 'dzab brjod/ de ltar 'bad pas 'ja' dang 'od dang / zer dang / dri bzang gi dad pa dang / chos kyi sgra

  151. 76a

    dbyangs la sogs pa'i sgra dang / glegs bam la 'od 'bar ba la sogs pa'i lhas 'byung bar 'gyur ro// de nas mched dang lcam dral la sogs pa 'dus pa rgya mtsho la zab mo tshogs kyi 'khor lo dang yon 'bul ci 'grub byas shing / dus bzang po'i tshe snga dro dang por glegs bam rang gi spyi bor blangs pa tsam gyis phyogs dus kyi bla ma sangs rgyas byang chub sems dpa'/ yi dam zhi khro rab 'byams/ dpa' bo mkha' 'gro la sogs pa thams cad rang gi spyi bor spung gis byon nas byin gyis brlab/ dbang bskur mdzad de thams cad rang gi snying gar sib kyis thim par bsams la/ rnam par mi rtog pa'i ngang la mnyam par bzhag/ glegs bam nam du yang zhal ma phye bar rang gi mchan khung g.yon du drod dang skad cig kyang ma bral bar 'chang zhing dus dang rnam pa thams cad du dad pa mos gus kyi shugs bskyed la ci ltar 'dod pa'i don 'bras la gsol ba gdab/ de nas bkra shis kyi tshigs su bcad pa brjod/ bla ma yi dam mkha' 'gro la gtang rag gi mchod pa rgya chen po 'bral/ gzhan yang rjes kyi bya ba spyod pa thams cad spyi dang mthun la gzhan dad ldan gyi skyes bu gang dang gang la gdogs par 'dod pas kyang / tshul de dag la rdo rje slob dpon gyis gang gis 'chang ba de la glegs bam gyis dbang bskur nas gdags par bya'o// de

  152. 76b

    ltar khyad par rmad du byung ba'i rgyud 'di dag tshar gcig tsam bzhengs pa'i bsod nams kyis phung po dpag tu med de/ bde bar gshegs pa'i gsung rab mtha' dag bris pa'i bsod nams dang mnyam pa'o// rgyud kyi glegs bam gang gis mthong ba dang reg pa dang / de'i tshig 'bru thos pa thams cad ni bskal pa grangs med par bsags pa'i las kyi sgrib pa zad nas sangs rgyas kyi zhing du skye bar 'gyur ro// 'chang zhing kun chub par byed pas ni/ de gnas skabs tshe 'dir lha dang mi dang lha min thams cad kyis mchod pa'i gnas su 'gyur te/ bkur sti phu dud dpag tu med pa byed/ mi dang mi ma yin gyi gnod pa gang dang gang gis kyang mi tshugs shing lha 'dre thams cad kyis bsrung bar 'gyur ro// phyi nang gi bar chad nyer 'tshe thams cad bzlog par 'gyur ro// ci ltar 'dod pa'i thun mong gi dngos grub thams cad char bzhin 'bab par 'gyur ro// bdud dang bdud kyi rigs kyis cho 'phrul gnod par byed pa thams cad las rnam par rgyal bar 'gyur ro// 'du ba rnam bzhi'i nad kyis mi gnod par 'gyur ro// bgegs dang ma rungs pa thams cad nyer ma nus shing dbye bar 'gyur ro// dpa' bo dang mkha' 'gro dam can chos skyong srung ma thams cad kyis bsrung bar 'gyur ro// mi mthun pa'i phyogs ngan pa thams cad bzlog par 'gyur

  153. 77a

    ba la sogs pa'i yon tan bsam gyis mi khyab pa thob par 'gyur ro// nam 'chi ba'i tshe yang dus ma yin par 'chi ba'i 'jigs pa mi 'byung zhing / mnar gcod kyi sdug bsngal med par dga' bde spro ba'i 'dun pa dang bcas te 'chi zhing bla ma yi dam mkha' 'gro'i sun ma sprin gyi phung po gtibs pa ltar gtibs nas spos kyi dri/ rol mo'i sgra snyan pa'i dbyangs dang bcas pas bsus te/ bde ba can la sogs pa sangs rgyas kyi zhing khams rnam par dag pa rnams su skyes nas mngon par byang chub par 'gyur ro// rab dbugs chad pa'i dus der sgra dang 'od dang zer dang / 'ja' tshon dang me tog gi char la sogs pa'i lhas khyad par can dpag tu med pa 'byung zhing phung po la yang sku gdung ring bsrel la sogs pa 'byung ste/ de dag gang gis mthong ba'i 'gro ba thams cad kyang las kyi sgrib pa zad nas rnam par grol ba'i ye shes gzigs pa'i phung po brnyes par 'gyur ro// gang gi lus la rgyud kyi glegs bam bzhugs pa'i gang zag des/ 'gro ba gang gi lus la reg pa'i 'gro ba de dag kyang / lus kyi sgrib pa byang zhing / ngan song gi skye sgo chod nas thar pa'i sa bon thebs pa yin no// de ltar rgyud 'di dag mthong thos dran pa la sogs 'di dang gang 'brel bar gyur pa'i 'gro ba rnams bla med byang chub kyi lam sna zin pa'o// gzhan yang che ba'i

  154. 77b

    yon tan rdo rje'i ljags kyi dbang pos kyang brjod pas mi langs pa'o// de lta bu'i yon tan gyi che ba du ma dang ldan pa'i phyir/ de ltar brtson par bya'o// tha na rgyud de dag rnams tshar re bris te rang bzhin gyis bcangs pas kyang / yul ris rgyal khams thams cad bkra shis bde legs kyis khyab nas dpal phun sum tshogs pa la spyod par 'gyur ro// d+ha thim/ rgyud kyi bcangs thabs dang che ba'i yon tan brjod pa/ da lta mnga' bdag yab sras dang / ma 'ongs rjes 'jug rnams kyi don du/ bdag 'dra pad+ma 'byung gnas kyis bkod pa'o// skal ldan las can gsung gi sras dang phrad par shog/ sa ma ya/ rgya rgya rgya/ sbas rgya/ gtad rgya/ gter rgya/ smai/ guH/ d+ha thim// / zha zags bya g+ha na/ rba rgyan gsang ba brda'i skad du/ tham tham mtha

  155. 78a

    rgya gar skad du/ g+ha ru d+he wa DAk+ki ni sarba tsit+ta a mr-i to g+ha tan+ta rA dza pad+ma ku Ta nA ma/ bod skad du/ bla ma yi dam mkha' 'gro thams cad kyi thugs bcud 'dus pa'i rgyud kyi rgyal po pad sdong brtsegs pa zhes bya ba/ bcom ldan 'das dpal rang byung gi lha bde ba chen po gzi brjid mtha' yas pa la phyag 'tshal lo// 'di skad bstan pa'i dus gcig na/ dkar ser dmar ldang rab 'khrugs shing // le brgan zla gam 'bar ba'i dbus// sna tshogs 'od kyi tshong khang du// dus gsum sa ler mthong nas ni// skye rga na 'chi'i rba klong 'khrugs// mi bzod g.yo bas rab bskul zhing // thugs rje spro bsdu 'gyed pa'i tshe// ye thog dang por lhun gyis grub// sna tshogs las la dbang bsgyur byed// rdzu 'phrul dra ba phyogs bcur 'gyed// gsum snang dbyer med gcig mang pos// kun la khyab pa'i byang chub sems// gzugs sgra dri ro reg bya chos// yul bcas rgyan dang cha lugs ldan// rdo rdo pad+ma'i 'khor tshogs la/ srid dang sgo nga'i sbubs 'byed pa// lnga 'joms drug rdzogs gsum dang ldan// gnyis bsdus don 'byung gnyis las grol// bzhi rdzogs gtan la dbab par bya// rdo rje chos la sogs pa yi// rang byung sprul pa'i 'khor rnams kyis// bcom ldan 'das la 'di skad zhus// kye kye ston pa 'od mi 'gyur// gar bsgrub gnas kyi mtshan nyid

  156. 78b

    dang // gnas der gang zag ji lta bus// nyams su med pa'i chos ni gang // chos de bla ma gang la zhu// sgrub rdzas ji lta bu la brten// bsgrub pa'i grogs gang dus tshes nam// dkyil 'khor lha sngags rtags tshad dang // phrin las kha bsgyur ji lta bu// smin byed dbang dang dam tshig dang // grol byed gdams pa ngo spyod bcas// de yi lta bsgom spyod 'bras bu// chags lam gsang ba'i gdams pa stsogs// de ltar bskyed rdzogs thams cad kyi// mthar thug 'bras bu grub mtha' dang // sa lam chod tshul ji lta bu// ldan 'bras dus skabs bka' stsol cig/ de skad 'khor gyis zhus pa'i tshe// bcom ldan dpag med mtha' yas kyis// rang shar sprul pa'i 'khor rnams la// sna tshogs cho 'phrul 'di gsungs so// thugs bcud 'dus pa'i rgyud kyi rgyal po pad sdong brtsegs pa las// gleng gzhi'i le'u ste dang po'o// s+thi// gang zhol chu bo chen po'i 'gram// bran khol lha srin dzag rkun dben// bag dro byin chags DAk+ki rgyu// 'dod yon longs spyod gang dgos tshang // gnam sa dkar zlum zhi ba la// gru bzhi ser po rgyas pa nyid// dmar po zla gam dbang la ste// ngam nag gru gsum drag po'i gnas// gang la gang 'os yid dang mthun// so so'i rten 'brel rgyu rkyen 'dzom// gcer ba 'tsher ba kun dang bral// gzhan dbang ma song dben pa

  157. 79a

    mchog/ g.yer zhing mtho la nam mkha' yangs// khod snyoms dbyibs 'jam grong rgyang ring // 'jigs shing skyi g.ya' lha 'dre 'du// 'gol zhing gtsang sar rdzogs rim bsten// spyi dang bye brag gang la yang // gnas dang yul dang nye ba'i gnas// rgyal bas zhabs bcag bkra shis pa// yid dang mthun pa mchog tu gces// thugs bcud 'dus pa'i rgyud kyi rgyal po pad sdong brtsegs pa las/ bskyed rdzogs kyi bsgrub pa dang nyams len gyi gnas bstan pa'i le'u ste gnyis pa'o// s+thi// / 'di nyid nyams su len pa'i bu// dad dang brtson 'grus gtong phod che// blo yangs gsang thub rab tu brtan// dam gtsang gzhung bzang snying rus che// lus srog zed bor chags zhen med// tshe 'di mi gnyer gcig pur gnas// bla ma la gus grogs la brtse// chos phyir srog 'dor 'chi chos byed// shes rab che zhing rig pa myur// lhod chags zhi dul sgra sgo nyung // chad btsan mdo che gzhan phan bsgrub// rdzun dang g.yo sgyu phra ma chung // 'dod yon sred bral rtog pa med// snying rje che zhing sems bskyed ldan// gzhan dbang ma song rang dbang thob// 'byor ldan rigs rgyud bzang ba'am// yang na sgyid sdug sna tshogs myangs// tshe 'dis bya ba gang la yang // re ltos bral zhing kho thag chod// 'di min gzhan ltos bral bas bsgrub// thugs bcud

  158. 79b

    'dus pa rgyud kyi rgyal po pad sdong brtsegs pa las/ gang gis bsgrub pa'i gang zag bstan pa'i le'u ste gsum pa'o// s+thi// / dang du mi len spangs pa'i chos// 'dod chags zhe sdang gti mug dang // nga rgyal phrag dog la sogs kyis// dbang gyur rigs drug ngal ba'i rgyu// sgrub bya nyams len gcig dril chos// dang po nyan rang byang chub sems// stegs byas sa lam rim gyis bgrod// tha ma'i 'jug pa dang po nyid// kri u yo ga lha dang sngags// bskyed rim rtags rdzogs rang dbang thob// gzhan don phrin las rtsol bar ldan// 'bring pos brtan pa thob par bya// rdzogs dang rdzogs chen de sems pa// gnyis med rang grol 'ub chub don// bcings grol las 'das phyogs lhung bral// gsum ldan yang rab don spyod gcig/ bskyed rdzogs gnyis ldan bla med don// gzhan med dbang po dgu yi chos// 'di ni rang byung lhun rdzogs nyid// thams cad 'dus pa'i ngo bor grub/ thugs bcud 'dus pa'i rgyud kyi rgyal po pad sdong brtsegs pa las/ spang bya'i chos dang nyams su blang bya bskyed rdzogs kyi gdams pa bstan pa'i le'u ste bzhi pa'o// s+thi// / yid ches khungs btsun brgyud par ldan// rig pa'i gnas la ma rmongs shing // yid bzhin nor 'dra dgos 'dod ster// lam log 'khrul dang 'jigs las skyob// sgro bskyed blo

  159. 80a

    gzhol chos la bskul// der khrid de phyir bri klog slob// rkyen byed lung ston 'dren pa yis// slob dpon phyi yi bla ma nyid// bde gshegs bka' lung lag len slobs// bka' babs sgrub rgud rig pa 'dzin// slob dpon rgyud gtad de rjes bsnyegs// brgyud pa'i bla ma nang gi'o// mkhan slob sdom stsol sems bskyed phog/ smin byed dbang bskur chos sgo 'byed// grol lam khrid gdab rgyud bshad pa// gsang ba rtsa ba'i bla ma'o// tshe rabs las smon bla ma ni// mthong thos dran pas rab gdung zhing // des bstan gdams pa rgyud la phan// dgongs shing 'bral med 'grogs sems 'byung // lta bsgom spyod bral gdeng dang ldan// snying rje byang sems gzhan don 'grub// phyi nang chos la lag len mkhas// gzhan rgyud shes dang der khrid brtson// bskyed rdzogs brtan thob lung bstan ldan// 'byung la sbrul bsgyur bsad gso nus// gang la gang 'dul bye brag shes// gar 'dug btsal la spyi bos blang // de lta bu yi bla ma rnams// lus ngag yid gus bka' bzhin bsgrub// log sems spang zhing mnyes par bya// de 'bras rang bzhin yid smon 'grub// de las log pa bla ma'i gzugs// bdud kyi byin brlabs sbrul bsgyur ston// rnam thar shis shis 'dra na yang // mkhas pas legs brtags mi bsten 'dor// thugs

  160. 80b

    bcud 'dus pa'i rgyud kyi rgyal po pad sdong brtsegs pa las/ spang blang gi bla ma'i mtshan nyid bstan pa'i le'u ste lnga pa'o// s+thi// / yang dag don gnyer 'dod pa gang // snang srid rten 'brel rgyu rkyen las// 'byung phyir phyi nang gsang ba dang // gnas skabs la sogs rten 'brel rdzas// sku 'bag rdo rje dril bu dang // phyag rgya'i phu dung bum pa bzang // sna tshogs dar gyi pho long sogs// sku yi rten du gang dgos bcang // rkang gling thod lnga cang te'u// zhi rgyas dbang dang mngon spyod sogs// gang bsgrub las kyi phreng ba ni// dkar ser dmar nag la sogs gsung / kha T+wAM b+han por shel me long // rat+na'i za ma tog la sogs// gang 'thad thugs rten rdzas rnams kyang // lus dang grib ltar mi 'bral 'grogs// zhi ba til dang sman sna tshogs// rin chen dar sogs rgyas pa la// mtshal dang sin+d+hu le brgan dbang / khrag mtshon dug phur drag po la'o// gsang ba byang sems dkar dmar dang // sha lnga dang ni bdud rtsi lnga// dbang po sman rag gtor mar bcas// yid 'ong mtshan ldan mchog tu'o// gnas skabs rgyu rkyen rten 'brel rdzas// gang la gang dgos thams cad kyang // mngon zhen 'dzin chags med tshul gyis// don gnyis bsgrub phyir mkhas pas bcangs// dkyil 'khor lha dang mched lcam sogs// dgyes bskang phyi nang gsang

  161. 81a

    mchod rdzas// dgra bzlog go mtshon nad bzlog sman// de dag rnams kyang sta gon bya// thugs bcud 'dus pa'i rgyud kyi rgyal po pad sdong brtsegs pa las/ sgrub rten gyi rdzas bsten pa'i le'u ste drug pa'o// s+thi// / thabs grogs blo brtan snying rus che// gzhung bzang khrel che gsang tshig thub// dad brtson shes rab snying rje che// dam gtsang shes mthun ci sgra nyan// g.yo sgyu ser sna mngon zhen chung // gsang sngags la mos skrag sems med/ khog yangs nyon mongs shas chung ba'i// grogs dang ldan zhing bsgrub par bya// sgrub rten shes rab grogs mchog ni// yid 'ong bzhin mdzes sngags la da// ngag nyung gsang thub rnal 'byor gus// lus mnyen 'khril ldem dri bzang bro// lus thub dbyangs snyan bka' mi gcog/ g.yo sgyu ser sna rtog pa chud// rtsa bzang gsang rub nu ma mkhregs// blo yang tshig brtan gtong phod che// de las log pa'i bran khol rigs// nad gcod can dang gzhan dbang song // rigs ngan yun ring duHkhas mnar// gegs byed dngos grub mi 'byung spang // 'on kyang dngos grub stsol nus dang // mthong ba tsam gyis bde ba bskyed// rnal 'byor yid dang mthun gyur na// sgrub pa'i grogs gyur gang yang shis// spang 'os mi bsten 'os pa ni// thabs dang rten 'brel gang 'thad kyis// dang du

  162. 81b

    blangs shing rgyud smin bya// tshags tshud bde ba'i grogs su bsten// thugs bcud 'dus pa'i rgyud kyi rgyal po pad sdong brtsegs pa las/ bsgrub pa'i grogs bstan pa'i le'u ste bdun pa'o// s+thi// / ra ba bzhi yi yar ngo dag/ bkra shis bde legs 'byung bar byed// nya dang gnam stong tshes brgyad nyid// ltas bzang bcas te bsgrub pa 'phel// rgyu skar rgyal sogs yid smon 'grub// gza' dang zla ba yar gyi ngongo// gzhan phan brtson sogs dge ba rnams// cho ga yis ni bya ba brtsam// smin byed zla ba'i cha nyid de// grol bar byed pa nyi ma'i cha// gnyis ka'ang dus sbyor bzang po dang // shis pa'i gza' dang skar ma la'o// gzhan yang phrin las so so rnams// gcig nas stong gi bar dag tu// bsregs sogs kha bsgyur bya ba ni/ khyod kyi 'dod pa gang dgos brtson// bdud nyi dbul dang phung nyi nag/ de bzhin drag po'i gza' skar la// bstan pa bsrung dang rU tra btul// mnan bsregs 'phang dang gzir sogs shis// de bzhin bzang dang ngan pa dang // zhi rgyas dbang drag bya ba ni// so sor gang dang gang dag rnams// gza' skar tshes grangs dus kyang de// mdor na dang por legs brtags shing // dbang po'i bya ba shis pa ste// yang na rtog med gdeng ldan pas// bya ba gang yin nam yang rung // thugs bcud 'dus pa'i rgyud kyi rgyal

  163. 82a

    po pad sdong brtsegs pa las/ bsgrub pa dang las sbyor sogs kyi dus tshes bstan pa'i le'u ste brgyad pa'o// s+thi// / phyi nang gsang ba gnas skabs kyi// dkyil 'khor bya ba gang yin la// phyi snod sgyu lus dag bya'i phyir// byang chub bsgrub don gnyer bas 'bad// pho brang gling dgu 'dab brgyad mdzes// sgo khang rta babs khyud mor bcas// 'ja' gur dur khrod 'byung ba 'khrugs// mdzes bab lhun ldan brjid par dgod// 'byor tshogs rab 'bring tha ma yis// rin chen 'bru tshon gang 'byor dang // gzhal yas dar ldi tsa ka li// ras bris stegs bu rdul tshon gri// sgyu ma lus kyi grong khyer dang // rtsa rlung khams kyi dkyil 'khor dang // sa chu me rlung las grub rgyu// dngos sogs rab 'bring tha ma la'o// ma bcos lhun grub dkyil 'khor dang // lnga grol 'od lnga'i dkyil 'khor nyid// lug rgyud spro bsdu'i dkyil 'khor bcas// rab 'bring tha mar shes par bya// rgyas bsdus bsdus dang de nyid bsdus// sa brtag sa 'dul sa tshogs sogs// chag chag thig tshon byin rlabs rnams// rab tu shis pa'i bya ba ste// mkhas pas lha yi nga rgyal gyis// skad cig gcig rdzogs babs lugs sogs// gang byung gang dgos gnas nyid du/ gdeng ldan dkyil 'khor bya ba bsgrub// thugs bcud 'dus pa'i rgyud kyi rgyal po pad sdong brtsegs pa

  164. 82b

    las/ dkyil 'khor gyi bya ba bstan pa'i le'u ste dgu pa'o// s+thi// / bla med bsgrub don gnyer 'dod gang // byin rlabs dngos grub phrin las kyi// lha yi rnal 'byor 'di dag la// nang bcud dag phyir gsal bar blta// rab dang 'bring dang tha ma'i blos// ma bcos spros bral de nyid lha// rang byung gsal 'tsher lhun sdug lha// thugs rje zhal phyag gzugs snang lha// yab yum thabs shes zhi dang khro// dkar ser dmar ldang spug dang nag/ de bzhin kha dog sna tshogs pa// cha lugs phyag mtshan ma nges gsal// 'od dang 'od zer sna tshogs brgyan// sras dang sprul pa yang sbrul tshogs// mi zad gsal bar sku gsung thugs// yon tan phrin las phyir snang lha// gang zag blo yi khyad par gyi// so sos ji ltar 'dod pa'i lha// phrin las kha bsgyur sna tshogs kyang // ye shes lha gcig nges 'grub na// 'jig rten 'das dang ma 'das kyi// lha tshogs gang dang gang dag la// ci 'dod dngos grub zhu ba 'am// bskul sogs las rnams nges par 'grub// des na gcig dang du ma'ang rung // gsal stong 'dzin med ngang nyid las// sku mdog phyag mtshan rgyan cha lugs// mkhas pas chags bral ldan par blta// de nyid ldan pa'i rnal 'byor gyis// dur khrod 'dre ngan bsgrub gyur kyang // mchog dang thun mong 'bras bu gang // ci 'dod rang byung lhun grub

  165. 83a

    'byung // de nyid ma rtogs a 'thas blos// ye shes sems dpa' bsgrub gyur kyang // gnas skabs ldan 'bras phre'u las// yang dag 'bras bu srid mtha' tsam// yang na gzhan don blo nges dang // dad pa dam tshig ldan pa pos// mngon zhen bral bar bsgrub gyur kyang // ci 'dod 'byung bar rten 'brel lo// thugs bcud 'dus pa'i rgyud kyi rgyal po pad sdong brtsegs pa las/ lha bskyed cing bsgrub par bstan pa'i le'u ste bcu pa'o// s+thi// / lha bsgrub sngags kyi rnam grangs las// sgra brjod las 'das de nyid sngags// gsang ba skye med rdo rje'i bzlas// lhun grub 'byung sgra nang gi'o// phyi ltar rtsol bcas tshig 'bru'i sngags// dril dang gtso 'khor kha bsgyur sogs// bye brag so sor smra ba yang // gsal dag sgra zur ma nyams gces// oM AHhUM hrIHbadz+ra gu ru pad+ma sid+d+hi d+he wa DAk+ki ni/ bo d+hi tsit+ta/ ma hA su kha/ badz+ra ma hA kro d+ha/ shAn+ti ka/ hrIHma ha ri ni sa/ ra tsa hrIHya/ sarba sid+d+hi/ kA ya wA ka tsit+ta/ dz+nyA na satwa/ a mi de wa/ ma ma tsit+ta saM b+ha wa a d+hiSh+Tha naM/ ma ma A yur+dz+dza na/ sid+d+hi pha la hUM swA hA/ oM AHhUM gu ru shrI/ pad+ma badz+ra hrIH/ d+hud+ha ma g+ha ye DAk+ki ni na maHswA hA/ oM AHhUM/ gu ru shrI/ bud+d+ha thod phreng rtsa la/ be ro tsa na au/ sarba bud+d+ha DAk+ki ni hUM/ oM AHhUM/ gu ru shrI/ a k+Sho b+h+yo/ badz+ra su kha d+ha ri hUM/ oM AHhUM/ gu ru shrI/ pad+me b+ha sha ha/ DAk+ki ni ku ru

  166. 83b

    kul+le hrIHswA hA/ oM AHhUM/ gu ru shrI/ A tsar+ya ma hA badz+ra shAn ti pad+ma g+ha ru ti b+h+yoHDAk+ki ni hUM/ oM AHhUM/ gu ru shrI/ badz+ra ma hA kro d+ha a rtsig ne rtsig/ mA ma ru lu ru lu hUM b+h+yo hUM/ oM AHhUM/ gu ru shrI/ bud+d+ha ka pA li dpa' bo hUM/ bud+d+hi pra DAk+ki ni mA ma ru lu hUM swA hA/ oM AHhUM/ gu ru shrI/ badz+ra ma hA kro ta h+ya gr-i wa/ ma ma e ka tsa ti hUM/ oM AHhUM/ gu ru shrI/ badz+ra pA Ni ma ha kro d+ha/ ma ma sid+d+hi hUM/ oM AHhUM/ gu ru shrI/ yak+Sha sa ma ya/ hrIHma ha ri ni sa/ ra tsa hrIHya/ ma ma yo gi ni/ sarba duSh+Ta na hUM phaT/ shIn+ta ku ru swA hA/ puSh+TiM ku ru swA hA/ wa shaM ku ru swA hA/ sha truM mA ra ya phaT/ oM AHhUM/ sarba pany+tsa a mr-i ta hUM hrIHTha/ oM AHhUM/ ma hA rak+ta/ mU la rak+ta/ dza la maN+Da la hUM hrIHTha/ oM AHhUM/ ma hA ba l-i ta/ te dza ba liM ta/ b+ha la b+ha te/ gu h+ya ma hA shrI/ sa ma ya swA hA/ oM badz+ra ar+g+haM a/ puSh+pe pu/ d+ha pe d+hu/ A lo ke hrIHg+ha na d+he g+han/ ne wi d+ya a/ shap+ta hUM/ a b+hi Shany+tsa maM/ b+h+yAM rak+Sha hUM/ de la sogs te sngags kyi rigs/ bsgyur dang bsgyur kha'i rnam grangs rnams// rgyas bsdus rnam pa ma nges par// gang byed so so'i sham bu gdags/ 'bru 'bum grangs kyi bsnyen pa ste// dus kyi tshad ni lo gsum la// tshad ni rtags rdzogs bar du bzlas// de la nges med shes par bya// rgyal po'i pho nya lta bu dang // zla ba skar phreng mgal me'i tshul// bung ba tshang grol lta bu ste// 'dzab dgongs bzhi dang ldan par shes// phyi

  167. 84a

    nang che chung go rim dang // ring zung mgyogs bul drag dad zhan// skyon drug dor zhing tshul shes par// don 'bras ma smin bar du 'bad// spyir ni rnam grangs go rim dang // tshul can tshul min spang blang sogs// sngags kyi byed las gang yin rnams// so sor brtags te bya bar shes// ting 'dzin sngags dang bzlas brjod gsum// gcig mdangs gcig gis bskyed pa'i phyir// gsal dag brjod pa gtsang ba gces// de 'bras yid 'dod dngos grub 'byung // thugs bcud 'dus pa'i rgyud kyi rgyal po pad sdong brtsegs pa las/ sngags kyi rnam grangs bgrang tshul dang bcas pa bstan pa'i le'u ste bcu gcig pa'o// / spyi// / drod tshad rtags dang mtshan ma gnyis// mi rtog ting 'dzin de nyid thob// mngon zhen kun rdzob rdzun khung rdib// gding rnyed snang srid cir mi sems// dngos nyams rmi lam rab rib la// 'ja' 'od shel dang bum gter rnyed// dri bzang rol mo nyi zla shar// me tog khrus rgyan gos bzang gon// rdzing 'dor gzhan bkur ri mthon 'dzegs// sna tshogs 'bul skyel 'bru ljon dang // bla khams 'byung dar stobs rgyas ltas// zhal ston chos smra sngags nyams sad/ khyad par thun mong de sogs te// de las log pa ngan pa'i rigs// zhib brtag bye brag shes bya zhing // bzang ngan btang snyoms ngang la bzhag/ mdor na lus

  168. 84b

    ngag yid bde zhing // khams rgyas rtogs 'bar 'dod pa'i don// chos 'grub gnas skabs mthar thug gi/ byed 'bras 'byung ba mtshan ma'o// thugs bcud 'dus pa'i rgyud kyi rgyal po pad sdong brtsegs pa las// rtags dang mtshan ma bstan pa'i le'u ste bcu gnyis pa'o// s+thi// / lha dang bla ma grub nas ni// ci 'dod phrin las kha bsgyur brtson// byin rlabs 'dod pas bla mas ni// dad cing gdung bas las la sbyang // dngos grub 'dod pas yi dam lha// pho mo zhi drag gzhan phan blos// dril dang bye brag so so sogs// yid gnyis med par las la sbyar// zhi rgyas dbang dang mngon spyod sogs// bar chod sel dang bstan pa bsrung // ma mo DAk+ki chos skyong gi/ las sbyor dam tshig ldan pas 'bad// gzhan yang gnas skabs mthar thug gi/ phrin las kha bsgyur las phran rnams// dad dang brtson 'grus dam tshig ldan// yid gnyis bral ba'i rnal 'byor pas// 'jig rten 'das dang ma 'das kyi// lha dang bla ma la sogs dang // 'khor dang sprul pa yang sbrul gyi// bsgrub pa grub nas brtsam par bya// de grub mnyes par ma byas shing // 'dod pas las sbyor gang brtsams kyang // 'grub par mi 'gyur bar chad ni// mi rung ltas dang bcas te 'byung // de phyir lha dang bla ma nyid// grub na mnyes par bya ba dang // ma mo DAk+ki bran khol

  169. 85a

    bcas// thugs dam bskangs nas las la sbyar// thugs bcud 'dus pa'i rgyud kyi rgyal po pad sdong brtsegs pa las/ phrin las kha bsgyur dang las sbyor bstan pa'i le'u ste bcu gsum pa'o// / sgra// / lha dang sngags kyi de nyid don// ma rmongs bstan pa thob bya ste// mtshan nyid kun ldan bla ma yis// rang smin las ni gzhan smin brtson// dam tshig kun ldan dad pa'i gzhi// kun bslang skyes bu dam pa yis// lus dang longs spyod la sogs rdzas// dngos 'byor sprul cing maN+Dal dbul// dag byed nyid ni thog ma la// rig pa lnga yis lnga nyid bshig/ gsang ba shes rab tshig don bskur// yan lag mtha' rjes yongs su rdzogs// b+haM bi shwa bi shud+d+he kA ya a b+hi ShIny+tsa mAM// oM bud+d+ha a b+hi Shiny+tsa au/ oM badz+ra a b+hi Shiny+tsa hUM/ oM rat+na a b+hi Shiny+tsa tAM/ oM pad+ma a b+hi Shiny+tsa hrIH/ oM kar+m+ma a b+hi Shiny+tsa a/ oM AHhUM gu ru d+he wa DAk+ki ni sarba karmA a b+hi Shiny+tsa au/ oM sarba taM thA ga tA gu h+ya a b+hi Shiny+tsa AH/ au DAk+ki ni pradz+nyA su kha dz+nyA na a b+hi Shiny+tsa hUM/ oM sarba ta thA ga tA tsa tur a b+hi Shiny+tsa hr-iH// phyi nang gsang ba de kho na// lus la rdzas sbyin phyi rol pa// tshig sngags nang dbang ting 'dzin gsang // brda don sprad pa de kho na// bskur thob ma bskur thob pa nyid// bskur nas ma thob la sogs pa// dpon slob gnyis kyi spang blang rnams// dbang gi bye brag shes par bya// gsang

  170. 85b

    sngags rtsa ba dbang nyid de// de nyid rtsa ba dam tshig las// 'da' bar mi bya bsrung mtshams rnams// gnyis kas shes phyir dngos grub 'byung // shugs bcud 'dus pa'i rgyud kyi rgyal po pad sdong brtsegs pa las/ dbang bskur bstan pa'i le'u ste bcu bzhi pa'o// // s+thi// gsang dang sngags kyi de nyid don// bla na med pa kho na ste// de yi bla na med pa ni// dam tshig la gnas mchog tu bsngags// phrin las yon tan thugs gsung sku// bye brag gnas skabs mthar thug gi/ yan lag rtsa ba'i dam tshig dag/ nyi shu lnga dang lnga nyid gces// skyon yon spang blang gzhig byas la// ma nyams bsrungs na don 'bras 'grub// nyams na yun ring duHkha myang // de phyir de don legs shes bya// rdo rje theg par gyur to cog/ spyi dang bye brag gang la yang // bstan pa'i rtsa ba dam tshig ni// rnam pa mang po de bzhin no// thugs bcud 'dus pa'i rgyud kyi rgyal po pad sdong brtsegs pa las// dam tshig bstan pa'i le'u ste bco lnga pa'o// s+thi// / grol lam yang dag gcig nyid la// bden pa gnyis phyir bskyed dang rdzogs// rab 'bring tha ma'i blo can gyis// gnyis med rdzogs dang bskyed pa'o// 'khor 'das spyi gzhi yang dag don// ma bsgribs rjen pa bskyed pa la// ngo bo stong pa rdzogs pa ste// sna tshogs 'phro 'du gnyis su med// gzhi rdzogs

  171. 86a

    lam snang 'bras bu mthong // sgo yul yul can gsum 'dzom na// mngon sum 'phel zhing tshad la pheb// zad nas gnyis 'bras de nyid thob// nyag thag gcig chod yan lag skam// klong 'phyo sgrogs grol brtan pa tshugs// rtsal rdzogs mdzes pa'i rgyan gyis spras// 'od zer 'phro 'du las kun byed// rtsad chod pa yang su 'dod khyer// seng+ge ri rbab glang po skyong // kun pa la btang snyoms cir mi blta// nam mkha' ri bo rgya mtsho che// ma nor gcig cho ga blo bde ba'i// cod pan phog pa de nyid sogs// bsnyen cing mchod de bzlas pa 'bad// sta gon dang po'i bya ba'o// gnyis par dal dang rdzas bkod de// dmigs pa gsal zhing bsgrub la brtson// phyi nang gsang rtags rdzogs pa dang // rten 'chang rtag tu ma yengs blta// de nas gsum par las la sbyar// gang 'dod phrin las kha bsgyur gdags// 'dod don 'bras bu yid la bya// don grub gal ma mchis la bzhag/ bskyed rdzogs gnyis med dbang rab la// rdzogs rim gsum pa 'bring po nyid// tha mas bskyed rim bzlas pa 'bad// mthar thug bskyed rdzogs yang rtse yin// thugs bcud 'dus pa'i rgyud kyi rgyal po pad sdong brtsegs pa las/ grol lam bskyed rdzogs kyi gdams pa bstan pa'i le'u ste bcu drug pa'o// s+thi// / chags chen lam du zhugs pa

  172. 86b

    yi// bla med bcud kyi mthar zug 'di// sa lam myur bgrod skad cig gis// smin grol gnad kyi yang zhun 'di// dang po smin byed dal du gzhug/ gnyis par chags lam gsang khrid bsgom// gsum par nyams len gcig thog gzir// ngo sprod snang srid bde bar rol// le lo rnam g.yeng rab spang zhing // dben par DAk+ki'i dkyil 'khor bsham// mos gus gsol ba phur tshugs gdab// gsang ba'i dal zhugs dbang bskur bya// dga' dang mchog dga' mchog rab dga'// bde stong mi rtog ting 'dzin bzung // ma yengs 'bras bu ar la gtad// 'di ni nyag gcig gnyis med don// b+ho d+hi tsit+ta ma hA su kha dz+nyA na d+ha tu a b+hi Shiny+tsa maM/ sU lus g.yo 'gul sna tshogs kyis// las la dbang 'byor mnyen lcug bde// phyag bskor gar bsgyur spyod lam bya// sngon du 'gro ba shin tu gces// ro dbyung gsar bzung rgyu rngub cing // gyen mthur me srog kun la khyab// dbang dang 'byor thob las su rung // bar du gnad la dbab par bya// dmigs pa'i mda' bsnun 'phen byas te// dbab bskyil bzlog bkram dbang 'byor thob// rang gzhan sbyor bas las la sbyar// tha ma nyid de rim pas so// mthar thug don ston ye shes bskyed// ngo spyod rgyas gdab la sogs te// yang dag bla med 'bras bu'i mchog/ rang gzhan rnal 'byor rgyal pos

  173. 87a

    blta// thugs bcud 'dus pa'i rgyud kyi rgyal po pad sdong brtsegs pa las/ DAk+ki'i chags lam gsang ba bla med kyi gdams pa bstan pa'i le'u ste bcu bdun pa'o// s+thi// / bskyed rdzogs brtan pa thob pa yi// 'bras bu bcud du smin tshul dag/ gnas skabs mthar thug yang dag don// ngo bo dbyer med grub tshul ni// chad rtags yid gnyis las grol te// 'bras bu sku gsum bcud du smin// rang gzhan kun don las byed cing // don gnyis yang dag tshad du ldang // pha rol rgol ba sun 'byin nas// sna tshogs las la dbang 'byor te// yang dag sa la 'god pa dang // yang na dbyings su grol bar byed// dbang po gsum gyi khyad par las// 'di nyid dang ni bar do ru// gcig gi brgyud de sa chod nas// yang dag brtan pa mi g.yo 'gyur// gdos bcas nyid dang bral ba'i tshe// rdul bral mkha' dang 'od zer 'ja'// yig 'bru sku gdung ring bsrel sogs// sku gsum thob rtags mang 'byung 'gyur// 'bad pa don yod gcig cho ga nyid// 'di ni dus gsum rgyal ba'i bka'// la las rna ba'i dbang po ru// lan cig thos kyang don chen 'grub// thugs bcud 'dus pa'i rgyud kyi rgyal po pad sdong brtsegs pa las/ bskyed rdzogs kyi 'bras bu grub tshul bstan pa'i le'u ste bco brgyad pa'o// s+thi// / 'di la dbang spyod

  174. 87b

    rig pa'i bu// skye 'chi mi gos rdo rje'i sku// dri med mtsho dbus 'dab brgyad las// legs byung sbrul sku pad+ma 'byung // rgyal ba rnams kyi phrin las bdag/ sna tshogs spyod pa rlabs po ches// gdul bya'i mos blo tha da la// rnam pa bzhi yi don byed 'gyur// de sras sbrul dang yang sbrul dang // ma 'ongs don byed skyes bu ni// cho 'phrul ston pa la la zhig/ 'di nyid mtshan tsam 'dzin pa 'byung // de nas nyi ma'i zer zag ltar// snang sbrul khyab byed gnas skabs 'gar// 'phros pa'i phreng ba'ang re re tsam// mtha' nas mtha' ru 'byung bar 'gyur// tshul min 'chol bar 'byung srid kyi// tshul 'di nam yang 'jig mi mnga'// ci phyir rgyal ba'i gdung 'dzin pa// g.yung drung nyid du brtan pa'o// bstan pa dam pa 'di dang ni// don byed dam pa sprul par bcas// 'di 'phrad srid pa ma lus kun// mi nub dar rgyas gnyis ldan shog/ thugs bcud 'dus pa'i rgyud kyi rgyal po pad sdong brtsegs pa las/ ma 'ongs lung bstan dang smon lam gyi le'u ste bcu dgu pa'o// s+thi// / 'di ni bstan pa gang bab kyi// rin chen bzhus pa'i khu ba'am// yang na gang 'thad sman sogs kyis// bris shing lus la bcangs pas kyang // tshe 'dir lha dang mis mchod cing // bar du gcod pa'i bdud tshogs kyang // zhi ba'i las la gnas pa dang // bkur sti bcas te bsrung bar

  175. 88a

    'gyur// tshe 'phos ltas bzang mtshan mar bcas// nad gdon duHkha nyer zhi zhing // mtha' yas bkod sogs zhing khams su// bgrod 'gyur the tshom med gyur na// bsgrub cing nyams su blangs pas ni// bla med 'bras bu myur thob ste// rang gzhan don gnyis 'grub pa dang // 'bras bu lhun rdzogs smos ci dgos// de phyir bstan la zhugs rnams kyis// nyams su len dang gzhan la ston// 'bri klog 'chang zhing gsol ba gdab// de 'bras nus pa dpag par dka'// thugs bcud 'dus pa'i rgyud kyi rgyal po pad sdong brtsegs pa las/ che ba'i yon tan dang bcad thabs bstan pa'i le'u ste nyi shu pa'o// / s+thi// / de skad dpag med rgyal po yis// dbang po la sogs 'khor rnams la// rang bzhin klong nas rang babs su// pad+ma'i ljags kyis spras pa dang // byang chub sems dpa'i 'khor gyi tshogs// gzugs kyi snying po la sogs dang // ma mo mkha' 'gror bcas pa rnams// rjes su yi rang tshul gyis ni// e ma e ma bcom ldan 'das// yang dag don ldan bla na med// legs so legs so legs par smras// bstod bsngags du mas mngon par bstod// thugs bcud 'dus pa'i rgyud kyi rgyal po pad sdong brtsegs pa las/ rjes su yi rang zhing mngon par bstod pa'i le'u ste nyer gcig pa'o// s+thi// / bde bar

  176. 88b

    gshegs pa thams cad kyi gsung gi dbang phyug gzi brjid 'od dpag med kyi sprul pa rang byung du babs pa'i bka' dri ma med pa'i sku dang gsung dang thugs yon tan dang / phrin las mi zad pa dpal du 'bar ba'i dgongs pa mngon du phyung ba/ rgyud kyi rgyal po pad sdong brtsegs pa zhes bya ba rdzogs so// / sa ma ya/ rta nag dregs pa'i tshogs kyis bka' 'di srungs/ gter rkun dam nyams log lta can gyi dbang po sbubs/ skal ldan las can gsung gi sras dang 'phrad par shog/ sa ma ya/ rgya rgya rgya/ d+ha thim/ guh+ya/ sbrul skra gar gyi dbang phyug sangs rgyas gling pas/ yos kyi lo glang gi zla ba'i tshes brgyad/ yos kyi nyi ma nyi dros 'brug gi dus su/ bla dkar dung gi sgo mo nas/ klu btsan drag po yab yum gyi bsnyen bskur byas nas gter phul ba lags so// phyogs dus gnas skabs thams cad du bkra shis par gyur cig/

  177. 89a

    u rgyan gsang ba brda skad du/ shasa?H/ aHgAkya gyak+kar+Ya[:]rgya gar skad du/ g+hu ru d+he wa DAk+ki ni sarba ka ya tan+ta a ma la pa ra ta ni sr-iSh+Ta na ma/ bod skad du/ bla ma yi dam mkha' 'gro thams cad kyi sku rgyud shel gyi ri bo rnam par bkod pa zhes bya ba/ ye thog dang po'i sangs rgyas bcom ldan 'das mgon po 'od dpag tu med cing gzi brjid mtha' yas pa'i dpal la phyag 'tshal lo// e ma ho// ye klong chen po'i pho brang du// ston pa dpag med rgyal po la// gzugs kyi rdo rje la sogs pa'i// stobs ldan 'dus pa'i 'khor rnams kyis// thabs shes 'dus shing tshogs pa'i tshe// snang srid rol pa'i 'khor rnams kyis// gnad don bskyed pa'i don zhus pa// e ma e ma bcom ldan 'das// phyi nang snang srid rten 'brel kun// ye gdangs lha yi rol pa las// ma dag pa dang dag pa dang // ye dag chen po dag pa'i klong // sgyu ma lta bu'i sku bsgoms na// bla ma lha dang DAk+ki dang // de dang de sbrul yang sprul pa// rkang grangs mtshan bshad stsal du gsol// de bzhin byin gyis brlab tshul dang // dkar ser dmar sogs sku mdog dang // de bzhin rgyan dang cha lugs dang // rnam 'gyur mdzad pa phrin las dang // phyag mtshan 'dzin dang de tshul dang // dpa' bo yab kyi rgyu mtshan dang // dpa' mo yum gyi rgyu mtshan dang // de dag 'khor gyi rnam

  178. 89b

    grangs dang // 'khor bcas rnams kyi sprul pa dang // sprul pa de las yang sbrul dang // de dag rnams kyi rtogs brjod dang // de ltar lha rnams ji ltar bsgrub// lha de bsgrub pa'i dgos pa gang // bsgrub pa'i 'bras bu yon tan ci// ma bsgrub nyes pa ji ltar 'gyur// phyi ltar bsgrub na ji ltar bsgrub// nang ltar bsgrub na ji ltar bsgrub// gsang ltar bsgrub na ji ltar bsgrub// de bzhin de nyid ji ltar bsgrub// lha mchod thugs dam ji ltar bskang // bdag nyid lha ru ji ltar gsal// mdun du bskyed tshul ji lta bu// dam tshig sems dpa'i ngo bo gang // de bzhin ye shes sems dpa' gang // de nyid bsres na ji ltar bsre// dbang bskur rgyas 'debs ji ltar bya// de dag rnams kyi rgyu mtshan gang // bdag cag 'dus pa'i 'khor rnams la// dgongs pa bkrol nas stsal du gsol// bla ma yi dam mkha' 'gro thams cad kyi sku rgyud shel gyi ri bo las/ gleng gzhi'i dmig gi le'u ste dang po'o// s+t+rI// / de ltar ji bzhin zhus pa'i don// dpag med rgyas pos bka' stsal pa// kye ho 'dus pa'i 'khor tshogs rnams// gzugs kyi rdo rje la sogs nyon// 'gyur med ye shes rdo rje'i tshig/ rtog bral chen pos yid la zung // ye gdangs chen po'i cho 'phrul las// rol pa ye shes lhar snang ba// rkang grangs mtshan bshad ji ltar na// nges don bka'

  179. 90a

    de smos par bya// 'jug pa rnams ni sgro don du// rtsa ba smin dang grol ba dang // mchog dang thun mong bsgrub phyir dang // sna tshogs las kyi bye brag rnams// nges par 'dod la grangs mang yang // rnam par nges pa med mod kyang // gdul bya'i don du nges pa can// rkang grangs mtshan gyi 'jug sgo bstan// bla ma yi dam DAk+ki ste// kun don ye shes rol pa las// brda dang rtags kyi rim par spros// phyi dang nang dang gsang ba ste// tha ma 'bring dang rab kyi blo// nges pa can dang nges pa med// rab tu ma nges de bzhin nyid// nges pa can gyi lha smos pa// dpag tu med pa'i gzhal yas khang // mtshon bya mtshon par byed pa'i sku// lham mer lhang nger snang ba can// steng dang 'og tu rnam par rgyal// phyogs dang mtshams dang dbus dag dang // phyi ru gsal dang nang du gsal// bar ram yang ni de bzhin nyid// rnam par nges pa can du ste// gsal 'grib med pa rgyal ba'i sku// de bzhin che chung mtshan ma bral// rkang grangs gcig dang du ma sogs// mtshan 'dzin nor ba rnam par spang // nges pa med la lha rang nyid// gud na ma yin mtshan ma dral// brda dang rnam rol gar gyis mtshon// ye shes sgyu ma'i lhar snang ba// snang tsam nyid na brjod mtha' yas// de phyir rkang grangs cho 'phrul te// cho 'phrul nyid la cho 'phrul lo// rab tu nges

  180. 90b

    pa med pa las// de bzhin nyid la de bzhin sku// gcig pa nyid la du mar ro// dgag dang bsgrub pa ma mchis shing // ye klong kun chub phyag rgyar mtshon// rab tu 'khrugs pas du mar gsal// kun tu gdal ba gcig tu 'dus// 'di don 'phrul gyi yang zhun no// de ltar gsum gyi mtha' bcad phyir// kun gyi spyi phud bla ma ste// cho 'phrul du ma yi dam lha// kun don rmad byung mkha' 'gro nyid// 'khrul pa ngan rtogs dgag pa yi// thabs kyi rgyal pos 'di smras pa// dri med mtsho gleng ge sar rgyas pa'i steng // mngal gyis ma gos pad+ma badz+ra rtsal// bde ba'i ro 'byin lha lcam man+da ra// thabs shes bde stong gar gyi dbang phyug mchog/ rgyal ba yongs kyi thugs bcud 'dus pa ste// de yi rtsal las rnam 'phrul du mar snang // 'dus pa'i 'khor tshogs yab yum mched de brgyad// zhe sdang rdo rje nga rgyal rdo rje dang // 'dod chags rdo rje phrag dog rdo rje dang // gti mug rdo rje bde ba'i rdo rje dang // mtsho skyes rdo rje khrag 'thung rdo rje ste// dpa' bo yab kyi dgyes pa skong ba'i yum// skyod byed ma dang gshin rje 'joms ma dang // de bzhin sreg byed ma dang tsan+ti ka/ rmongs byed ma dang la ma man+da ra// gsod byed ma ste thabs shes yab yum tshul// mtha' bral rol pa'i ngang du rnam par gnas// bud+d+ha thod phreng rtsal dang bde yi yum// bud+d+ha DAk+ki rnam par rol pa ste// de

  181. 91a

    yi cho 'phrul 'gyed pa 'khor gyi tshogs// badz+ra thod phreng rat+na zod phreng rtsal// pad+ma zod phreng karma zod phreng rtsal// rdo rje mos pa rtsal dang myu gu rtsal// bzhad pa rtsal dang gar gyi dbang phyug ste// de dag rnams la gnyis med 'khril ba'i yum// rdo rje rin chen pad+ma las kyi rigs// bi shwa sarba dam tshig 'jig rten gyi// mkha' 'gro rnams dang gnyis med mnyam rol gnas// mi bskyod rdo rje bde ba'i dbyings phyug ma// yab yum gnyis kyi cho 'phrul spros pa las// pad+ma 'byung gnas blo ldan mchog gi sred// nyi ma 'od zer seng+ge sgra sgrog dang // pad+ma sam b+ha pad+ma rgyal po ste// shAkya seng+ge rdo rje gro bo lod// kun gyi dgyes skong sprul pa'i yum chen brgyad// ye shes rje mo bde ba'i rnal 'byor ma// bdag med lha mo rdo rje phra men ma// rgya mtsho gling gnas mkha' 'gro zhi ba 'tsho// shAkya de ma mkha' 'gro bdud 'dul ma// gdul bya'i re 'dod bskang zhing nyams dang ldan// pad+ma dbang chen rig byed lha mor bcas// bde stong rol pa'i cho 'phrul sprul pa'i 'khor// rdo rje nyi ma thogs med rgyal po dang // dbang chen nyi ma gser gyi nyi ma dang // rdo rje khro bo rdo rje hUM mdzad dang // ro langs bde ba rdo rje thog rgod 'bar// yum chen legs skyes phra men dbyings phyug ma// srid pa'i rgyal mo nyi khros dbang mo che// gar gyi dbang phyug las kyi dbang mo che// srid pa

  182. 91b

    chags byed 'byung ba lnga yi bdag/ bde stong zag med ro yis tshims par byed// dpa' bo chen po rig 'dzin thod pa rtsal// mkha' 'gro nyi zla stong gi thod phreng can// yab yum gnyis kyi cho 'phrul 'khor gyi tshogs// lhun gyis grub dang phyag rgya chen po dang // tshe la dbang dang rnam smin rig 'dzin te// dam tshig dbang dang man ngag lung dang ni// shes rab rgyud dang nyams chag skong ba ste// de dag rig 'dzin bzhi dang slob dpon bzhi// spyan gcig ma dang rnal 'byor dgyes sde ma// dbang gi lha mo rnal 'byor ro langs ma// dam tshig bdag mo rdo rje skul byed ma// skyod byed tshangs ma tshe 'dzin rgyal mo ste// de ltar yab yum rnams kun mchog la rol// rdo rje drag po khams gsum srid pa'i bdag/ yab yum gnyis kyi cho 'phrul 'bar ba las// ya ma rA dza skos rje drang dkar dang // srin mo glog phreng yak+Sha me dpal dang // gza' bdud spu gri klu bdud mgo dgu pa// dbang phyug chen po ma hA ka lA'i sku// za byed nag mo bdud mo re ma ti/ khrag mig ma dang mon mo mi srun ma// lcam gcig ma dang thog gi bu yug ma// u ma de bi lha mo dung skyong ma// bstan pa bsrung tshul yab yum 'jigs pa'i sku// sangs rgyas dpa' bo thod pa'i dum bu dang // sangs rgyas dpa' mo gnyis med 'khril ba las// sprul pa'i 'khor brgyad yab yum bcas pa yang // rdo rje

  183. 92a

    dpa' bo rin chen dpa' bo dang // pad+ma dpa' bo las kyi dpa' bo dang // 'dzin ging 'gugs byed sgrol ging gsod byed dang // stobs ging za byed rgyug ging las byed pa// rdo rje dpa' mo rin chen dpa' mo dang // pad+ma dpa' mo las kyi dpa' mo dang // rdo rje ging mo rin chen ging mo dang // pad+ma ging mo las kyi ging mo ste// 'khril zhing sbyor bas dpal gyi bka' lung nyan// rta mgrin dbang chen e ka tsa ti gnyis// gtso bo'i tshul las sprul pa'i 'khor brgyad po// ye shes zil gnon las kyi khro bo dang // ye shes ma mo zil gnon khyung zil gnon// pho rgyud zil gnon mo rgyud zil gnon dang // klu 'dul khro bo gnod sbyin 'dul byed de// yum chen mi pham ma dang khro gnyer ma// spyan gcig ma dang rdo rje rtsa 'jibs ma// rdo rje las byed gshin rje las byed ma// klu mo las byed gnod sbyin las byed ma// yab yum rnams kyang bde stong ye shes bskyed// lag na rdo rje gsang ba'i dbyings phyug ma// yab yum gnyis las sprul pa'i khro bo ni// rnam par rgyal ba dang ni gshin rje gshed// rta mgrin dbang chen bdud rtsi 'khyil pa dang // dbyig pa sngon po dang ni mi g.yo mgon// 'dod pa'i rgyal po khams gsum rnam par rgyal/ khro bo hUM ka ra dang stobs po che// rdo rje mda' snyems dur khrod bdag mo dang // rdo rje gtum mo rdo rje rlung 'byin

  184. 92b

    ma// rdo rje sder mo rdo rje gtun khung ma// rdo rje snyems ma rdo rje skul byed ma// rdo rje sgra 'byin rdo rje gsod byed ma// yab yum rnams kyang rang rang phrin las brtson// kun kyang gtso 'khor tshul du rnam par gnas// mun pa'i smag sel gsal snang ye shes ston/ khwa gdong phag gdong khyi gdong 'ug gdong ma// brtan byed pho nya mche ba 'joms byed ma// phyogs dang mtshams rnams dpal gyi lung bzhin nyan// dpa' bopo thod dbyug dpa' mo rab gtum ma// dpa' bo keng rus dpa' mo gtum mig ma// keng rus gtum po dpa' mo 'od ldan ma// dpa' mo mche gtsigs dpa' mo sna chen ma// su ra b+he ri dpa' mo brtan ma dang // 'od dpag med pa dpa' mo mi thung ma// rdo rje 'od ldan lang ka'i dbang phyug ma// rdo rje sku mchog dpa' mo shing grib ma// rdo rje gzhon nu dpa' mo sa srung ma// rdo rje ral pa dpa' mo 'od can ma// rab tu dga' ba dpa' mo rlung shugs ma// dpa' bo hUM mdzad dpa' mo chang 'thung ma// rab tu bzang po dpa' mo gtsug phud ma// rdo rje bzang po dpa' mo rab bzang ma// dpa' bo 'jigs byed dpa' mo rta sna ma// spyan mi bzang dang dpa' mo khwa gdong ma// stobs chen rgyal po tsakra'i shugs 'chang ma// rin chen rdo rje dpa' mo dung skyes ma// rta mgrin rgyal po dpa' mo glang sna ma// nam mkha'i snying po 'khor lo'i go ca

  185. 93a

    ma// dpa' ldan he ru ka dpal rab dpa' ma// pad+ma gar dbang dpa' mo stobs chen ma// rnam par snang mdzad dpa' mo 'khor bsgyur ma// dpa' bo sems dpa' dpa' mo brtson 'grus ma// dpal gyi bka' sdod lung gi pho nyar bcas// so so rang rang las kyi gnyer 'dzin cing // stobs shugs rtsal ldan drod nyal bstan pa bsrung // de sogs drang don dpag med ye shes lha// rtog pa sbyar la drang phyir rnam par spros// de ltar lha yi rkang grangs su// shes par gyis shig 'dus pa'i 'khor// nga yis drang por bshad pa la/ khyed kyis nges pa'i don du zung // slad du zung 'jug chen por sbyor// la zag dbyer med nyid du chod// bla ma yi dam mkha' 'gro thams cad kyi sku rgyud shel gyi ri bo las/ lha'i rkang grangs mtshan bshad pa'i le'u ste gnyis pa'o// s+thi// / yang ni 'dus pa'i 'khor rnams nyon// byin gyis brlabs la rnam mang yang // rnam pa lnga ru 'dus pa ste// snying rje byang chub sems sgoms pas// rang gi bsam rgyud byin gyis brlab// gang sdod u rgyan gnas su mos// sa phyogs thams cad byin gyis brlab/ khang pa gzhal yas khang du dmigs// gnas mal byin gyis brlab par bya// gang tshogs lha yi rnam par blta// ye shes lha ru byin gyis brlab// bza' btung bdud rtsir mos byas te// mchod

  186. 93b

    pa'i rdzas su byin gyis brlab// de ltar byin brlab rnam lnga las// spros pa'i yan lag bsam mi khyab// de ltar byin brlab lnga ldan pa'i// rnal 'byor spyod pa rmad du byung // 'di don ye shes rmad po che// med pa'i dbyings las dpag med snang // snang tsam nyid las rnam grol ba'i// gdeng thob lha yi rol par 'gyur// phyi nang snang srid dkyil 'khor nyid// gzhal yas khang dang lha rnams kun// spros la dga' rnams sna khrid phyir// 'jug pa'i thabs la snang ba yin// snang ba sprin ris 'dra ba la// mngon par zhen la lha mi snang // yang dag gnad kyi don bstan pa// sa mtshams sbyar bas shes par bya// rtog pas sbags pa'i lha rnams ni// byin gyis ma brlabs blangs las byung // rlangs pa sel ba'i nyi zer du// ye shes rab ldan rang snang ltos// e ma 'di ni thabs kyi gsang // ma dag 'khrul pa'i blo can la// rgyu don dgongs pa yang yang gsang / khor yug dag la lhang nger snang // de nas byin gyis brlab pa yang // gnad du che bas shes par bya// gang gis gtan la phebs nges kyang / snying gi khur du che ba yin// bla ma yi dam mkha' 'gro thams cad kyi sku rgyud shel gyi ri bo las/ byin gyis brlab pa'i gnad bstan pa'i le'u ste gsum pa'o// s+thi// / yang ni 'khor tshogs sems dpa' nyon// dkar ser dmar ldang la sogs pa'i//

  187. 94a

    kha dog sna tshogs 'bar ba ni// ye shes lha las mngon snang ba'i// gdul bya'i mos blo tha dad las// rab tu dkar zhing 'tsher ba dang // de bzhin dmar la dngas pa dang // nag la rngam pa'i rang bzhin can// ser gsal gser gyi mdog 'dra ba// la lar mthing nag 'jigs pa'i gzugs// sngo skya dang ni thal ba'i mdog/ yang ni char sprin mun rum bzhin// dmar ser gur gum mdog ltar 'tsher// smug nag dang ni rab tu ldang // dud pa'i mdog la rngam par snang // la la phyed gzugs ri mo can// 'ja' sna lta bur khra bo'i mdog/ de sogs kha dog rnam pa ni// gcig tu ma nges du mar snang // de yi dgongs don gnad rnams ni// thugs rje che ldan rnams kyis ni// gdul bya'i re 'dod bskang don du// rnam pa sna tshogs bstan pa dang // yang ni phrin las sna tshogs kyis// sgyur byed rim par spros pa ste// de phyir gang 'dod blo yis bsgyur// 'on kyang gzu lums dgag pa'i phyir// phyogs dang de bzhin phyogs bral ba// dkar ser dmar ldang mthing gar snang // 'gyur med dag pa de bzhin nyid// brda dang rtags kyi rim par yang // rab tu spro zhing bstan pa'o// rnam dag gzugs kyi sku rnams la// rnam par nges pa'i kha dog can// sbrul dang yang sbrul du mar snang // mdzad pa'i phrin las bsam mi khyab// nam mkhas

  188. 94b

    khyab pa'i gdul bya la// 'dul byed thabs kyi rgyal por spros// gdul bya'i snang tshul du ma la// 'dul byed bye brag bsam mi khyab// thabs mkhas snying rje'i cho 'phrul du/ kha dog sna tshogs snang ba'o// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i sku mdog gi rnam par nges byed bstan pa'i le'u ste bzhi pa'o// s+thi// / kye ho 'dus pa'i 'khor tshogs nyon// de ltar ye shes lha rnams kyi// rgyan dang cha lugs ji ltar na// sku gsum ye shes lnga ldan gyi// lha yi cho 'phrul sna tshogs las// rgyan dang cha lugs ma nges kyang // gdul bya'i bsam yid tshim slad du// rol pa'i cho 'phrul bstan pa ni// zhi ba'i tshul dang khro bo'i tshul// de bzhin zhi ma khro yi tshul/ khro bo la yang rnam pa dgu/ khro dang rngam dang rab tu khro// 'jigs gzugs bstan khro dang gis khro// dam tshig dbang gis khro ba dang // sprul pa lta bur khro ba dang // rnam 'gyur shugs kyis khro ba ste/ khro tshul yan lag bcas pa'o// rang bzhin babs kyis khro ba ste/ 'khor ba bsnyil phyir khros nas ni// spyod lam gtum pos log byed rnams// 'joms shing brlag par byed pa ste// ba s+phu spu gri'i so ltar gzengs// lag na 'joms byed mtshon cha thogs// rab tu drag rtsub ngar dang ldan// rngam pa'i tshul gyis khro ba ni// 'jigs tshul bcas nas am tsig

  189. 95a

    bstan// mig bgrad mche bas ma mchu bsdam// lag na mtshon thogs brdeg tshul ston// rab tu khros la dur khrod chas// stobs ldan glang chen ko rlon dang // mi yi pags pa khrag ris can// gcan gzan stag gi shun lpags rnams// stod khebs smad dkris sked la bcings/ khrag zhag thal ba'i tshom bus byugs// thod phreng sbrul gyi chun pos brgyan/ kha gdangs mtshe gtsigs mig gsum bgrad// lus la bskal pa'i mi chen 'bar// ha ha hUM hUM phaT phaT sgrogs// lag na mtshon cha'i char pa 'bebs// skal med la sogs 'joms pa'o// 'jigs pa'i gzugs bstan khro ba ni// sku che yan lag rags pa la// dpa' brjid ldan zhing 'gying ba can// mthong ba tsam gyis skrag pa'o// ngang gis khro ba rnam pa gnyis// ye shes lha yi ngang khro dang // las byed shan pa lta bu'o// ye shes lha yi ngang khro ba/ khro bo'i cha lugs du mar bcas// dgongs don g.yo ba med pa'o// las byed shan pa lta bu ni// nam yang brtse sems bral ba la// yang ni brnag pa'i dmigs med par// gang byed drag shul ldan pa'o// dam tshig dbang gis khro ba ni// gshis la khro ba med bzhin du// log spyod sgrol bar dam bcas pa// sngon tshe dpal gyi spyan snga ru// rU tra bsgral bar khas blangs nas// ji bzhin du yang khro ba la// gnas skabs dus stabs

  190. 95b

    bstun nas su// de la cha lugs nges pa med// sprul pa lta bur khro ba ni// zhi ba'i ngang las khro skur snang // gang la ci 'dul rnam 'gyur can// rnam pa sna tshogs spyod pa'o// rnam 'gyur shugs kyis khro ba ni// stangs stabs rnam pa mang po dang // rol pa'i cha lugs du mar bcas// drag po'i shugs kyis rtsub 'khrugs ston// ye shes lha yang skrag byed na// nyams pa rnams ni lta ci smos// thams cad brgyal zhing rengs par byed// ye nas khro bar bsngags pa'o// khro tshul yan lag bcas pa ni// gar dgu'i nyams dang ldan pa ste// mgo dang yan lag mang po yis// so sor las byed phrin las skyong // de ltar khro dgu gang la yang // lus stobs ldan zhing yan lag rags// so dang mche ba rab tu rno// kha gdangs mig bgrad khro gnyer bsdus// smin ma ag tshom me ltar 'bar// rkang lag sen mo lcags kyu 'gugs// skra dang ba spu mtshon char gzengs// dpa' rtags dur khrod chas rnams dang // dar dang rin chen du mas spras// me dpung 'bar ba'i klong nas 'gying // lus la sprul pa du ma 'gyed// zhi ba la yang rnam pa lnga// ye nas zhi dang gnas skabs zhi// gdul bya'i don du zhi ba dang // rnam 'gyur stabs kyis zhi ba dang // mngon par 'phags pas zhi ba dang // de yang ye nas zhi ba ni// gdod nas skye ba med pa'i klong // thugs rje kun snang nyi

  191. 96a

    'od gdal// chags bral nyon mongs ngang gis 'jil// rgyan dang cha lugs rnams ma nges// rol pa'i stabs kyis bzhugs pa'o// de bzhin gnas skabs zhi ba ni// mdzes shing yid 'ong rgyan gyis spras// gzhon sha chags shing bag dang ldan// kun ldan ye shes spyan rab mdzes// gdul bya'i don du zhi ba ni// sprul pa'i 'od zer phyogs bcur 'gyed// ye shes snang ba lam mer ston// gang la gang 'dul mdzad pa mdzad// rnam 'gyur stabs kyis zhi ba ni// thams cad yongs la khyab par brtse// log spyod byams pa'i shugs kyis 'dul// nyer zhi kun dang mthun pa ston// mngon par 'phags pa'i zhi ba ni// tshad med bzhi yi dpyang zag can// gdal ba chen po kun la snyoms// thang lhod skyo dub med pa'o// kun kyang cha lugs rgyan rnams ni// 'jam mnyen dar gyi cod pan dang // stod g.yogs smad dkris 'ja' snam ris// spyi gtsug mthon ka rin chen tog/ rtse bran phrog zhu pa tra can// mgur chu snyan yod 'khor lo ris// phyag zhabs dpung rgyan gdu bu dkris// se mo do dang do shal can// sna tshogs rin chen phra rnams kyis// stod smad sku yi rgyan du byas// gzhan yang rus pa'i phreng ba dang // sna tshogs dar gyi pho long spras// mnyen lcug zhi sgeg 'khril ldem can// bzhengs dang bzhugs dang stangs stabs kyi// skyil

  192. 96b

    krung la sogs rol par gnas// zhi ma khro yi rnam pa ni// gcig tu ma nges sna tshogs tshul// 'dzum la ngar ba'i rnam pa can/ khro la zhi ba'i cho 'phrul dang // sku ni zhi la rnam 'gyur khro// rnam 'gyur zhi la cha lugs khro// cha lugs zhi la stangs stabs khro// spyan dang zhal gyi rnam 'gyur yang // gcig zhi gcig khro phyed ma'i tshul// mche ba sbas pa'i so mdangs can// bzhad na spyan gyi rnam 'gyur khro// 'dzum zhing khro gnyer bsdus pa can// zhi zhi 'dra la khro zhing rngams// rngam rngam 'dra la rab tu zhi// g.yo ba'i rnam pas rol pa ste// kun kyang sbrul dang yang sbrul lo// de ltar zhi dang khro bo dang // phyed ma la sogs gang dang gang // rgyan dang cha lugs dpag tu med// la la gdul bya 'dul slad du// la la rnam rol gar gyi tshul// la la 'jug tshul tha dad de// longs spyod rdzogs dang sprul pa'i sku// nges dang ma nges de bzhin no// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i rgyan dang cha lugs bstan pa'i le'u ste lnga pa'o// s+thi// / yang 'dus sems dpa'i 'khor tshogs nyon// gsal snang ye shes lha rnams kyi// rnam 'gyur mdzad pa'i phrin las ni// phyi nang gsang ba bsam mi khyab// dbyings dang ye shes rnam rol pa// kun rdzob tsam du sna tshogs snang // don dam rnam nges yongs la 'dres// zhi bar mdzad

  193. 97a

    dang rgyas par mdzad// de bzhin dbang drag phrin las mdzad// sna tshogs las rnams dbang bskur mdzad// gang yang dngos dang dngos min gyi// 'khor dang sprul pas gzhan don mdzad// mos pa rnams la mos snang mdzad// ma mos pa la'ang de dag gi/ 'dul thabs cho 'phrul du ma yis// zhi dang drag dang phyed ma dang // brtse ba'i nyams kyis dpa' brtul ston// snang mdzad rol pa ye shes sku// gcig/ las du mar 'gyed pa dang // de las de bzhin rim gyis spros// mang po gcig tu dril nas ni// ci bzhin 'gro don thabs kyis brtson// sa 'og sa bla sa steng dang // de dang de las gzhan pa rnams// rnam par g.yo zhing las la sbyar// 'khrugs mar sna tshogs rol par ston// dpa' dang rol pa nyams kyis kyang // sku dang gsung dang thugs dang yang // mnyam rol sprul pa yang dang yang // rnam 'gyur mdzad pa'i phrin las kyis// lus la sku dang ngag la gsung // de bzhin sems la thugs kyi'o// rgyan gyi 'khor lo rab bskor bas// phyi nang gsang ba'i tshul gyis ni// bskal pa grangs 'das gdul bya la// rdzas rnams du mas 'dul thabs ston// thabs dang shes rab rnam gnyis kyi// rtsa ba yan lag bcas pa yi// rnam 'gyur dpag tu med pa yang // brda dang bcas pa'i phrin las rnams// char gyi rgyun bzhin 'bab par

  194. 97b

    byed// dmigs pa dang bcas dmigs pa bral// phyag rgya du mar yang yang spros// kun la cha yis snyoms par 'gyur// mdor na gang yang sku dang bcas// dkyil 'khor rim pa las kyi ni// 'jug dang 'pho ba'i rnam 'gyur las// sna tshogs las kyi cho ga 'byung // bkres pa la sogs gdung ba sel// duHkha'i gnas las de bzlog cing // mthar phyin grong mchog bgrod pa'o// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i rnam 'gyur mdzad pa'i phrin las bstan pa'i le'u ste drug pa'o// s+thi// / gzugs kyi rdo rje la sogs pa'i// ma nges sems dpa'i 'khor rnams nyon// ye shes rol pa'i lha rnams kyi// longs spyod rgyan gyi phyag mtshan dang // de dag tshul gyi rnam 'gyur ni// gdul bya'i re 'dod bskang don du// rnam pa sna tshogs dang ldan pa// brda dang rtags kyis kun spyod de// 'khor lo rdo rje rin po che// pad+ma rgya gram rnam pa lnga// bde gshegs mtshan nyid 'dzin pa'o// gri gug ral gri dgra sta dang // mda' gzhu zangs gri kha T+wAM ga/ mdung zung spu gri reg chod dang // chu gri dang ni mtshon cha yis// nyon mongs la sogs rnam rtog 'joms// phur pa tho ba gtun shing dang // thod dbyug tshon gyi gru gu dang // gnam lcags tho lum dug gi gri// ma rungs bdud dang ru tra 'dul// rgyu ma sbrul dang rdo rje yi// zhags pas

  195. 98a

    dug gsum 'ching bar byed// bum pa lhung bzed gter gyi sgrom// pad phor rin chen gzhong pa dang // pad+ma rA ga'i ga'u dang // b+han+d+ha skam rlon snod chen po// dngos grub rnam gnyis bcud char 'bebs// phyag mtshan zhing dbyug thong gshol dang // ba dan zhing gi rgyal mtshan dang // rnga yab be con khram shing ste// dpa' rtags nyon mongs g.yul rgyal rtags// rnga dang g+haN+De cang te'u dang // thod rngas chos gsung sgra sgrogs byed// po ti ut+pal rin chen phreng // sman gyi sdong po rin chen phreng // me long yid bzhin re 'dod bskang // nyi zla ri rab me dpung 'bar// chos 'byung rlung dang me thabs kyis// srid gsum gdar sha gcod par byed// sdigs pa mi ro khrag gi phur pa phor// lcags spyang rus sbal thog ser tsit+ta dang // lcags kyi par bu ne'u le'i rkyal pa ste// dregs pa las 'khol ma rungs 'joms pa'i rtags// me tog bdug spos mar me dri// zhal zas sgra dbyangs lha rnams kyi// dgyes pa bskang zhing mchod rdzas rtags// lcags kyu zhags pa lcags sgrog dril// 'gugs dang 'ching dang sdom pa dang // ma rungs pa rnams myos par byed// de las gzhan yang longs spyod kyi// mdzes byed phyag mtshan du mar bcas// rang snang rnam dag chos kyi sprin// thugs mchog ye shes rtags kyi rgya// rgyal ba rnams kyi gsang mdzod 'dzin// rnam

  196. 98b

    rol cho 'phrul dpag med pas// skyo dang dub med kun tu spyod// gang dang gang la spel byed cing // sgrib med yang dag kun la sbyor// brtul zhugs spyod pas 'gro don mdzad// e ma 'di dag rmad du byung // dgongs pa yongs rdzogs dkyil 'khor bkra// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i phyag mtshan gyi rnam par dbye ba 'dzin tshul bstan pa'i le'u ste bdun pa'o// / sgra// / sprul pa'i 'khor rnams gus par nyon// ye shes lha yi dkyil 'khor du// dpa' bo yab kyi rnam rol ni// thabs kyi ye shes tshul bstan pa// don la yab yum ris med kyang // snang tshul gdul bya 'dul don du// thabs dang shes rab 'du 'phrod pas// phan tshun phyi nang g.yas dang g.yon// gnyis sbyor nyon mongs bral ba ste// dag pa'i skad cig so ma la// ma dag lo 'dab skye ba na// g.yo med dag pa'i rang snang sku// 'di kun thabs kyi rgyal po yin// nyon mongs la sogs 'khor rnams 'jig/ phung po gang yang gtor ba'i rlung // 'di kun rab mchog ye shes yin// rtsal chen dpa' bo he ru ka/ yab kyi tshul du rnam par snang // bzang po'i sprul pa rang byung ba// gsal tsam ma yin che bar grags// dpal chen brtul zhugs nas stobs 'dzin// g.yul las rnam par rgyal ba ste// kun kyang 'joms pa'i dpal du

  197. 99a

    shar// dpal chen bde ba'i ye shes bskyed// dpa' bo srid pa'i rtse mo gnon/ khyod kyi sen mo'i khyon gyis kyang // nyon mongs g.yul las rgyal byed de// rdo rje'i cho 'phrul du ma las// sbrul dang yang sprusbrul de sprul zhing // 'dod chags dgra las rnam rgyal ba// 'dod chags dag pa'i ye shes kyi// 'dod chags ma spangs rang byung nas// 'dod pas 'dod pa nyid 'grub byed// des na dpa' bo e ma mtshar// yab kyi dkyil 'khor nyid la rdzogs// bzang po yang ni de yi pha// dbang rab gtso bo de bzhin byed// bla ma yi dam mkha' 'gro thams cad kyi sku rgyud shel gyi ri bo las/ ye shes lha la gdul bya'i don du dpa' bo yab kyi snang tshul bstan pa'i le'u ste brgyad pa'o// spyi// yang nyon 'dus pa'i 'khor rnams kun// ye shes lha yi dkyil 'khor du// dpa' mo yum gyi rnam rol ni// shes rab ye shes tshul bstan pa'i// yang dag don la yab dang yum// phan tshun rnam res byas mod kyang // yul gyi rnam par phyes nas ni// shes rab ye shes dag pa'i sku// mkha' klong yangs pa'i ngang nyid las// sgyu ma'i rtsal snang 'phro zhing 'du// nyid las byung zhing nyid la thim// nyid las ma g.yos byas gyur med// de phyir yum gyi rnam 'phrul las// 'gyed pa'i cho 'phrul sna tshogs kun// shar lho nub byang phyogs dang ni// de bzhin byang

  198. 99b

    shar la sogs mtshams// steng dang 'og sde phyogs bcu ru// rnam par 'phros pa'i rgyan dang bcas// 'das dang ma 'ongs da ltar yang // b+ha ga yangs pa'i klong las ni// byung dang 'byung 'gyur gnas pa nyid// de las gzhan yang dpa' bo yi// rgyud bskul thugs dam bskang ba ste// bde stong rol pa'i rnam 'gyur las// sbrul dang yang sbrul der sprul zhing // phyogs bcur dpag tu med 'gyed pa'i// rgyan gyi rnam rol mang po yang // kun tu snang zhing yang la spro// dga' bzhi ye shes spros dang bral// 'dod chags la sogs dug rnams kyang // nyid kyi klong las rang byung zhing // nyid kyi dbyings las rang sar thim// de ltar yang dag de las gzhan// g.yo ba med las rnam par g.yo// g.yo ba'i rlabs kyis yongs la khyab// yongs la khyab cing yongs la gsal// gsal ba thams cad sa ler snang // de yang bzang mo'i dgongs par ro// de ltar dpa' mo yum nyid las// snang ba ma 'gags rtsal ye shes// 'ub chub chen por 'dus pa'o// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i dpa' mo yum gyi snang tshul bstan pa'i le'u ste dgu pa'o// s+thi// / rnam rol sprul pa'i 'khor rnams nyon// ye shes dkyil 'khor lha rnams kyi// 'khor gyi rnam grangs yang dag brjod// sku dang gsung dang thugs dang yang // yon

  199. 100a

    tan phrin las byung ba yi// 'khor dang de yi yang 'khor dang // de las gzhan yang sprul pa'i 'khor// 'jig rten pa ltar snang ba ste// gcig bcu brgya stong khri 'bum nas// grangs kyis mi rdzogs mthar thug par// 'khor gyi rnam grangs de snyed de// rigs drug skye 'gro lha yi 'khor// gdul bya skye ba rnam pa bzhi// rgyud lnga lam gyi 'gro ba rnams// ye shes lha la nye bar 'khor// de dang de yi dpal rnams ni// dkar dang nag pa'i las kyi mthar// de yang 'khor dang lhan cig pas// bka' nyan gus sdod yin pa ste// nyid kyi cho 'phrul las byung tshe// 'khor dang 'das pa gnyis ka'o// gnas skabs yul don 'khor rnams ni// 'bar ba zhabs kyi gdan khri la// nye bar reg pa'i 'khor yin cing // gtso bo nyid las sprul pas so// gud na ma yin klong rdol bas// las kyi gnyer len bran gyi tshul// yang du yang du 'du 'phro ston// byed pa de bzhin las kun byed// che las chung snang gtso bo'i phyed// de phyed phyi rol rnams la ste// de dang rjes mthun las kyang bsgrub// rnam par rol la rnam mi gnas// rnam rol rgyan gyi 'khor lo bskor// zhi ba'i 'khor lo bskor ba dang // de bzhin rgyas dang dbang sogs dang // rim nas rim bzhin 'khor lo rnams// skyo dang dub med yang yang bskor// bar mtshams med par 'byung ba ste// de dang 'di

  200. 100b

    la nye bar gnas// rgyug dang 'phur dang 'jol ba dang // lag gis 'gro dang lto 'gro'i tshul// skad cig nyid la srid pa gsum// yongs su khyab pa'i bya ba byed// de bzhin re re la yang 'khor// grangs dang snyed kyi bka' nyan pa// sgo mtshams la sogs re re ni// brda tsam du ni snang ba dang // de phyir ming dang 'khor gyi grangs// de yi byed pa las dang bcas// de la spros shing de las sdud// de yi rnam grangs shes par bya// mdor na ye shes lha yi 'khor// 'jig rten pa dang 'jig rten 'das// sbrul dang yang sprul bsam mi khyab// rang rang blo yi spyod yul du// gang 'tshams par ni shes par bya'o// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i 'khor gyi rnam grangs bstan pa'i le'u ste bcu pa'o// spyi// / rang byung sprul pa'i 'khor rnams nyon// de ltar lha tshogs 'khor bcas kyi// sprul pa la ni rnam pa lnga// dngos su sbrul dang brdzus te sbrul// log par sbrul dang ngang gis sprul// rnam par 'gyur ba'i sprul pa'o// dngos su sprul pa dngos 'dra ba'i// gcig las brgya stong khri 'bum sogs// mtshan dang bcas pa dpag med pa// rgyan dang rol pa'i rnam 'gyur bcas// rnam pa gcig la kun tu snang // gdul bya re re'i snang tshul du// tshom bu tshom bu tshul du snang // brdzas te sbrul ni dngos ma

  201. 101a

    yin// rigs la rig byed mang po dang // dbus la sogs par snang bzhin du// yod pa ma yin med ma yin// yod med las 'das sgyu ma'i sku// snang la rang bzhin ma grub par// thugs rje'i zhal phyag rnam par gsal// che la rags dang phra zhing zhi ba// rgyan dang cha lugs rdzogs pa'o// log par sbrul ni zhi ba las/ khro bo gtum po'i tshul du byung // sku mdog la sogs dkar po dang // nag la rngams par ston pa dang // ma rungs dur khrod chas chen rnams// dar dang rin chen rgyan dang bcas/ khro zhing gtum par gnas pa la// zhi 'dzum lham me lhan ner ston// de ltar zhi las khro bo dang / khro bo las ni zhi ba ste// yab nyid yum du gyur pa dang // de bzhin yum nyid yab tu 'gyur// 'khor rnams gnas 'gyur gtso bo'i tshul// gtso bo gnas 'gyur 'khor du snang // de sogs rim pa bsam mi khyab// thugs rje ngang gis sprul pa ni// gang yin gtso bo g.yo med kyi// sku gsung thugs las 'od zer gyi// dkar dmar mthing ga'i rnam pa can// dngos dang dngos min 'dra ba yi// sprul pa dpag med bkyes nas ni// snang srid 'jig rten thams cad gang // so sor phrin las sna tshogs byed// yang ni so so'i gnas su thim// de bzhin gcig las gcig sprul zhing // mar me gcig las gcig 'phel bas// thams cad mar mes gang ba

  202. 101b

    dang // sdong po gcig las yal ga 'bum// so sor dgyes pa lta bur sprul// de yang gdul bya'i snang tshul de// zla ba la ni chu snod bzhin// gcig las mang por sbrul snang ngo // rnam par 'gyur ba'i sprul pa ni// thugs rje zhal phyag can gyi lha// sprul nas 'khor lo rdo rje dang // rin chen pad+ma rgya gram dang // ral gri kha T+wAM gri gug dang // phur pa dag tu sprul pa dang // sa bon hUM dang hrIHla sogs// yi ge'i rnam par sprul pa dang // de bzhin phyag mtshan yig 'bru las// thugs rje zhal phyag 'dzin pa yi// sku ru nges par ston pa dang // de bzhin me chu la sogs pa'i// 'byung ba'i rnam par sprul pa dang // rgyal blon btsun mo'i rnam pa'am// bran la sogs pa sprul pa ste// gdul bya gang dang gang 'dul ba// de dang de la der sprul nas// 'gro don spyod pa'i rnam 'phrul can// sangs rgyas mdzad pa bsam mi khyab// sprul pa la yang sprul pa dang // der sbrul la sogs brjod mtha' yas// rnam par 'gyur ba'i sprul pa rnams// dgongs pa'i klong nas rang byung ba'i// gcig dang du ma'i grangs mtha' zad// rnam par ma nges nges med do// bla ma yi dam mkha' 'gro thams cad kyi sku rgyud shel gyi ri bo las// ye shes lha yi gtso 'khor gyi sprul pa bstan pa'i le'u ste gcig pa'o// s+thi// / thugs rdol sprul pa'i 'khor rnams nyon// sprul pa de las yang sprul

  203. 102a

    ni// snang srid phyi nang snod bcud kyi// gang stong skye 'bri mang po las// chags 'jig gnas dang stongs sa yi// srid pa'i rtse nas na rag par// byed pa du mar bcas pa ste// lus dang lus kyi rnam 'gyur dang // ngag dang ngag gi rnam 'gyur dang // sems dang sems kyi rnam 'gyur dang // de las spros pa'i bde dang sdug/ rang babs btang snyoms bcas pa ste// rnam pa du mar snang ba kun// sprul pa de yi yang sprul nyid// bde gshegs snying po'i cho 'phrul te// rang rang so sos byas min par// 'dod 'tshams nyid las rab sbyar nas// skye dang 'gro 'ong lha dang lha// lha rnams nyid kyi rnam par 'phrul// de bzhin byed dang byed pa'o// sna tshogs las kyi bye brag kyang // de yi yang sbrul byed pa las// byed pa chu las chu rdol lam// nam mkha'i cho 'phrul ji bzhin no// srid pa 'di dag srin bya yi/ kha chu rang log zad mtha' med// dper na bud med sbrum ma la// bu dang bu mo de la yang // rim bzhin 'phel ba'i 'khrul 'khor ltar// snang srid 'di dag yang sprul te// sprul pa'i sprul pa yin par bya// yang sbrul de sbrul 'khor lo bskor// des na snang srid rgyal ba yi// dkyil 'khor nyid du shes par bya// bla ma yi dam mkha' 'gro thams cad kyi sku rgyud shel gyi ri bo las/ ye shes lha yi yang sbrul bstan pa'i le'u ste bcu gnyis pa'o// /

  204. 102b

    spyi// / gzugs kyi rdo rje la sogs pa'i// sprul pa'i 'khor rnams gus pas nyon// ye shes lha yi rtogs brjod ni// spros na brjod kyis mi lang yang // yang dag don rtogs 'di ltar brjod// e ma ngo mtshar chen po'i dpal// ye shes khro bo bzhad pa las// zhi bar snang zhing srid pa 'dul// mnyam par gnas dang mi gnas med// dkar la dngas dang ser gsal ba// dmar las ldang ba'i rang bzhin sogs/ kha dog sna tshogs 'bar ba'i 'od// sku yi cha las 'od kyi sku// sku dang sku yi rnam pa can// chags pa mi mang bral mi mnga'// gsal dang 'grib pa yong mi mnga'// de bzhin skye dang 'bri med pa// ye shes lus can de bzhin gshegs// rdo rje'i ye shes rdo rje 'chang // gzugs kyi rdo rje sra mkhregs pa// 'joms par byed cing 'jig par byed// srid pa'i gnas rnams skem byed pa'i// nyi ma 'bum gyi gzi brjid can// bskal pa grangs 'das mun sel ba'i// 'od kyi snying po phyogs kun brdal// bsnyel ba med cing dub pa med// rnam par sra zhing mkhregs pa can// 'jam mnyen 'od kyi gong bur gnas// dkar ser dmar ldang rab tu mkhregs// rgyang dang drung las khyad par bral// gzi brjid dpag tu med bzhin du// blta bar bzod cing gang gis mthong // bzhin gyi pad+ma'i dkyil 'khor bye// rnam rol bde ba'i dpal la spyod// ha ha dgyes

  205. 103a

    pa'i gad mo cher sgrog pa// kun tu tshangs pa'i dbyangs kyis khyab// sgra las chos kyi tshig gis kyang // smin par byed dang de grol ba'i// skrag pa med cing zhum pa med// 'bru las don nyid rnam par ston// brjod mtha' yas kyang don mthun spyod// yang mtha' zad pa'i skal dman pa'i// chos nyid skad las rnam kun 'byung // gdul bya 'du ba rab snang grags// rnam rol 'du ba nges par sel// 'bras bu 'byin cing rnam rol ba// de dag dbyangs kyi gar mkhan no// hUM hrIH/ mkha' klong yangs pa'i dkyil 'khor du// brtse ba'i lcags kyu rnon po yis// srid pa gsum po gdar sha gcod// mkhyen pa'i ral gri 'bar ba yi// 'od kyis ma rungs dra ba gcod// srid pa'i gcod snying drungs nas 'byin// 'gyur med g.yo 'gul bral ba'o// yongs khyab mkha' gsal bcom ldan gyis// mu mthar thug pa stongs byed cing // ri po thams cad rnam par 'jig khod mnyam chen po ting 'dzin gsal// sku gsum zhing rnams nges par snang // hoHhoHmi bzad rab 'khrugs dpal 'bar ba// ba spu'i mtshon cha rnam par gzengs// ral pa mi bzad mun ltar 'khrigs/ khrag gi rgyun 'dzag gdangs pa'i zhal// nyi ma 'bum gzi'i spyan rnams kyis// bud shing ma lus bsreg par byed// so dang sen mo spu gri yis// gzugs phung thams cad phye mar

  206. 103b

    gtub// sa 'og gnas nas steng gi phyogs// gzir zhing zil gyis gnon byed pa'i// rab tu 'khrug pa'i ye shes kyi// gnam lcags rdo rje 'bar ba las// sprul pa ma rungs rnam par 'joms// bskrad cing brdeg pa'i rnam pa can// rim pa bdun yang rab tu g.yo// steng gi phyogs rnams 'dar zhing 'phrigs// bla 'og tsha ba'i dpal gyis bsreg/ rgyun babs rba klong 'khrugs 'dra ba'i// cho 'phrul rab tu bstan nas kyang // ma lus g.yo bar byed pa'o// nam mkha' khengs pa'i rnam 'gyur can// gzi brjid dpal 'bar 'chang bar byed// ha ha drag tu rgod pa'i gad rgyangs kyis// g.yo bar byed pa'i rdzu 'phrul can// 'brug stong ldir 'dra'i ngar byung nas// he ru ka dpal dbyangs chen sgrogs// ngan byed phra mo rnam par nyams// sa 'og sa steng sa bla yi// rgyu byed yi dwags mang skrag byed// ngan song gnas gsum drungs nas 'byin// rnam rol dpa' shugs rtsal 'chang ba'i/ kha nas 'od 'bar rgya mtsho skem// drang srong dmod pa'i rigs sngags kyang // skad cig se gol gtogs pas bzlog/ rim pa bdun gyi khro bo yang // bsnyil bar byed pa'i nga ro can// hUM hUM brnag cing gzir ba'i rnam pa yis// 'phags pa'i tshogs kyang g.yo bar byed// dran pa rab tu 'phro ba yi// cho 'phrul du mas gang khyab pa// nyid kyi dpal be'u'i dbyings su

  207. 104a

    sdud// 'joms par byed cing mos par byed// rnam par rab tu gzir bar byed// rgol ba log rtog drungs nas 'byin// nyon mongs tha rgod gnas nas bzlog/ skem byed lcags kyu chen po yis// gnas ngan nges par 'dren pa po// hUM mdzad stobs chen a la la// zhi dang khro dang 'dzum pa dang // ye shes lha dang de yi 'khor// sbrul dang yang sbrul mdzad pa yi// rnam thar mtha' yas brjod las 'das// thugs chen nam mkha'i dkyil 'khor bzhin// gsung 'od 'bar ba tshangs pa'i sgra// lhun po sku chen gzi brjid 'bar// ye shes snang ba lam mer gsal// bkod pa du mar ldan pa ste// a la la mchog dgyes par mdzod// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i rtogs pa brjod pa'i le'u ste bcu gsum pa'o// spyi// sems dpa' rang byung 'khor rnams nyon// ye shes lha yi bsgrub tshul ni// rnam pa gcig tu ma nges te// rdzas dang dkyil 'khor la brten nas// dmigs bcas nyid du bsgrub pa dang // g.yeng ba med pa'i ting 'dzin gyis// 'dun pa bzung ste/ bsgrub pa dang // snying po srog gi gnad nas bskul// dam tshig dbang gis bsgrub pa dang // dad cing gdung ba'i ngang shugs kyis// rang dbang med par bsgrub pa dang // g.yel ba med pa'i brtson 'grus

  208. 104b

    kyis// thang lhod med par bsgrub pa dang // mchod dang bstod pa'i las rim gyis// dgyes pa bskangs nas bsgrub pa ste// de ltar bsgrub tshul rnam drug dang // de las gzhan pa'i grangs snyed kyis// bsgrub tshul rim pa mang bstan pa'i// ye shes lha dang lhan cig bya// dang pos ma dag 'khrul nor spang // gnyis pas shes pa drung nas 'don// gsum pas gsal dag sgra zur 'byung // bzhi pas log rtog the tshom spang // lnga pas nyin mtshan kha sbyar bslab// drug pas bdag 'dzin 'khri ba gcad// dang pos yo byad gtso bor ston// gnyis pas bskyed cho ga gtso bor ston// gsum pas rtags tshad gtso bor ston// bzhi pas lhag bsam gtso bor ston// lnga pas mtshams gcod gtso bor ston// drug pas longs spyod gtso bor ston// dang pos dus gnad gtan la dbab// gnyis pas ting 'dzin gtan la dbab// gsum pas grangs tshad gtan la dbab// bzhi pas zag chod gtan la dbab// lnga pas bsrung mtshams gtan la dbab// drug pas khrid rim gtan la dbab// de lta bu yi tshul gyis bsgrub// rim dang cig char rnam pa yis// ye shes lha yi bsgrub pa 'bad// thog ma bar dang mthar dge ba// rang nyid sgo gsum bag yod dang // ye shes lha ni sgrub byed gang // ring por mi thogs 'bras bu 'byung // bla ma yi dam mkha' 'gro thams cad kyi sku rgyud shel

  209. 105a

    gyi ri bo las/ ye shes lha ji ltar bsgrub pa'i tshul bstan pa'i le'u ste bcu bzhi pa'o// s+thi// / rang byung sprul pa'i 'khor rnams nyon// ye shes lha bsgrub dgos pa ni// lus sems dri mar bcas pa rnams// dri med rnam par dag byas nas// snang srid ro mnyam ngang nyid du// bde chen ye shes dag pa yi// snang zhing srid pa'i dkyil 'khor rnams// tshom bu gcig tu grol ba dang // rang rang rgya mtsho'i gnas las sgrol// duHkha rnams las rnam par thar// mchog don 'bras bu brnyes byas nas// sku gsum nyid du yang dag nges// thun mong dngos grub sna tshogs la'ang // zhi bas zhi bar byed pa dang // de bzhin rgyas pas rgyas par byed// dbang gi dbang yul dbang du ste// drag pos dgra bgegs rnams gsod 'gyur// de las gzhan yang las rnams kun// 'bras bu mi zad shugs las 'byung // de las 'og tu rnam par rgyal// sa 'og spyod dang de bzhin du// 'og nas steng du rnam par spyod// mkha' spyod gdon mi za bar 'grub// rang la gzhan dang gzhan la rang // gnyis ka lhan cig nyid 'grub byed// rigs dang rig pa 'dzin pa dang // gnas dang gnas bzang la sogs te// skad cig ma bgrod lhun gyis grub// ci 'dod sa la tshig chod du// nges pa'i gdeng dang bcas pas bgrod// rtsa ba dang ni yan lag gi// nying lag las

  210. 105b

    phran bcas pa yang // bsam 'phel yang dag don la reg/ pha rol dman par gyur rnams kyang // skad cig tu ni bdag nyid dang // lhan cig 'bras bu brnyes pa yin// yang dag bsam don gang yin/ rnams// 'di yis sbyor ro 'dus pa'i 'khor// rnam rol yid gnyis bral ba yi// nges pa can du'ang 'di 'gyur ro// ya nga'i gnas rnams rgyab kyis phyogs// gnas skabs thun mong la brten nas// mthar thug mchog la yang dag reg/ shugs kyis yang dag gang yin yang // thogs pa med par zad thal lo// sgo dang skur pa dang bral zhing // ngo mtshar bstod pa'i gnas su 'gyur// mtshan dang dpe byad 'bar ba yi// sku yi yon tan thams cad kyang // g.yel ba med par myur du myong // de bzhin gsung dang thugs mchog gi/ yon tan ma lus 'dir rtsol byed// e ma 'di ni bsam mtha' yas// legs pa spel nas nyes par sgrub// bla med la sogs don 'bras rnams// rang babs lhun gyis grub pa'o// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha nye bar bsgrub pa'i dgos pa bstan pa'i le'u ste bco lnga pa'o// spyi// / yang 'dus sems pa'i 'khor rnams nyon// lha bsgrub yon tan 'bras bu ni// gang gis brtson pa'i skyes bu de// lus nyid lha ru gyur nas kyang // tha mal la sogs mngon zhen

  211. 106a

    bral// gzugs sku rnam pa gnyis gyur pa'i// gzhan don ma brtson lhun gyis grub// ngag kyang yang dag sngags kyi sgra// 'khrul pa'i gtam zungs zad nas kyang // bla med chos kyi sgra sgrogs shing // mi snyan bral nas kun tu yang // snyan cing don mthun yang dag ldan// dgra yi dbang po chos kyi dbyangs// 'brel dang bcas pa rab sgrogs shing // kun tu yang dag go 'byed pa'o// dmyal dang yi dwags dud 'gro dang // mi dang lha min lhar gyur pa'i// so so'i skad du 'di nges nas// chos kyis rnam par grol byed pa// 'di nyid las ni yang dag 'byung // gnas skabs mthar thug don 'bras brnyes// yid kyang de bzhin 'khrul sangs nas// mkhyen dang brtse ba'i rang bzhin gyis// g.yo ba med pa'i 'gro don spyod// gcig la nges gtad mi mnga' zhing // mkha' ltar yongs la khyab pa yis// gang dang gang la de dang der// dgongs pas yongs khyab smin pa dang // grol ba nyid du yang dag nges// bla ma lha dang mkha' 'gro yi// nus pa'i stobs gang 'dir 'dus byed// mdor na lus ngag yid gsum po// sku gsum dkyil 'khor nyid gyur pas// sku gsum zhing du sbyor bar byed// sku gsum ye shes lnga ldan pa'i// bgrod pa gcig pa'i lam chen zhugs// phyir mi ldog pa'i ye shes brnyes// de sogs yon tan 'bras bu'i

  212. 106b

    rigs// rab 'bring tha ma'i tshul du ste// yang mtha' nyid las gzhan pa yi// rtsal chen 'grub par mi 'gyur ro// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha bsgrubs pas grub pa'i yon tan dang 'bras bu bstan pa'i le'u ste bcu drug pa'o// s+thi// / yang 'dus sprul pa'i 'khor rnams nyon// lha ma bsgrubs pa'i nyes pa ni// mchog don ye shes lta ci smos// gnas skabs lam gyi 'char tshul yang // 'di nyid bral bar 'grub mi srid// thabs dang bral ba'i 'dre bsgom ni// 'dab gshog chag pa'i mkha' lding bzhin// dmigs pa'i gnas su skyol mi nus// phyi nang snod bcud phung po kun// phung po nyid du gyur nas kyang // 'dod chags la sogs las la spyod// 'khrul zhing 'khor nas 'khor bar 'khor// 'bras bu lha mi'i nye lam tsam// smon pa'i dbang du gyur nas kyang // don gyi smon pa ma yin no// las kyi rtog sgrib 'thas pa'i mthus// zug rngu dang bcas yang yang myong // skye shi la sogs rba rlabs rnams// drag tu g.yo zhing 'khor bar 'khor// las kyi khung nas de mi thon// lha dang sngags kyis ma zin pa'i// skyes bu yang dag skyes bu ni// las kyi zhags pas dam bcings nas// las kyi kha brgyud yang dang yang // 'khrul pa'i lu gu rgyud du 'khor// nyes las rnam par grol min cing // gdan las

  213. 107a

    'phags par mi 'gyur ro// lha med nyes pa brjod mtha' yas// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha ma bsgrubs pa'i nyes pa bstan pa'i le'u ste bcu bdun pa'o// s+thi// / dbang po dran 'dzin 'khor rnams nyon// ye shes lha bsgrub brtson pa'i bu// phyi ltar bsgrub pa 'di lta bu// gnas ni rab 'jigs dur khrod gling // dus ni yar tshes bzang po'i tshe// lus ngag yid gsum rtsol ldan pas// dkyil 'khor la sogs rdzas bkram zhing // sngon 'gro dngos gzhi rjes dang bcas// lha gsal sngags dang bcas te bsgrub// rtags dang mtshan mas gtan la dbab// dad gdung nges shes bskyed nas ni// rang rgyud dul na 'grub pa ste// dngos grub blang sogs la'ang sbyang // bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha phyi ltar bsgrub pa'i tshul bstan pa'i le'u ste bco brgyad pa'o// hrI// / yongs 'dzin sprul pa'i 'khor rnams nyon// nang ltar ye shes lha bsgrub ni// bdag lus lha yi dkyil 'khor gsal// g.yeng ba med pa'i ting 'dzin gsal// skye med shub bu'i bzlas pa 'bad// rang snang rtogs pa'i gtor mchod 'bul// gsal snang dag pas gtan la dbab// snang srid sgyu mar shes pa na// ye shes lha nyid grub pa ste// ting 'dzin

  214. 107b

    'phro 'du'i las sbyor brtsam// gang la dmigs pa gnas su sbyor// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha nang ltar bsgrub pa'i tshul bstan pa'i le'u ste bcu dgu pa'o// / s+thi// / 'dus shing tshogs pa'i 'khor rnams nyon// gsang ba ltar du lha bsgrub pa// thabs kyi rim pa 'di lta ste// ye gdangs chen po'i dkyil 'khor du// rab gsal 'od kyi lha bkram zhing // skye med rdo rje'i bzlas pa bya// chu bo rgyun gyi rnal 'byor la// g.yo ba med par bsgrub pa yis// bdag gis bdag nyid gtan la phab// 'pho 'gyur med na grub pa ste// gang shar rol pa'i las sbyor bya// snang srid gzhir bzhengs chen por 'gyur// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha gsang ba ltar bsgrub pa'i tshul bstan pa'i le'u ste nyi shu pa'o// s+thi// / sems dpa'i 'khor rnams ma yengs nyon// de bzhin nyid ltar lha bsgrub pa'i// man ngag thabs kyi rgyal po bstan// rang snang dag pa'i dkyil 'khor du// rtsol bral chen po'i lha bkod de// 'byung 'jug rlung gi bzlas pa 'bad// shugs 'byung rang babs bsgrub pa brtson// 'khrul pa dag nas lha 'grub pas// blang dor bral ba'i las sbyor bya// 'khor 'das gnyis med ro gcig 'gyur// bla ma yi dam mkha' 'gro thams cad kyi

  215. 108a

    sku rgud shel gyi ri bo las/ ye shes kyi lha de kho na nyid ltar bsgrub pa'i tshul bstan pa'i le'u ste nyer gcig pa'o// s+thi// / dbang po sems dpa'i 'khor rnams can// lha mchod thugs dam bskang ba ni// phyi ltar thun mong rdzas kyis mchod// nang ltar dbang po rnam lngas mchod// gsang ba rtog tshogs rig pas mchod// de nyid spros bral dgongs pas mchod// bde stong ro mnyam dbyings su bskang // snang srid gzhir bzhengs chen po'i klong // blang dor bral na thugs dam bskang // bskang bya skong byed bskang ba'i yul// mnyam nyid rol pa chen por bskang // de ltar thugs dam bskangs pa yis// 'bras bu mchog dang thun mong kun// ye shes lha dgyes rtsol bar 'gyur// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha mchod cing thugs dam skong ba'i rim pa bstan pa'i le'u ste nyer gnyis pa'o// s+thi// / rang byung sprul pa'i 'khor rnams kun// bdag nyid lha bsgom 'di lta ste// gzhi gnas ye shes dbang po yi// steng 'og phyogs bcur mi blta zhing // nang du bkug pas ar la gtad// phung po khams dang skye mched kun// ye shes lha yi rol pa ste// ma skyes rang gsal lam me ba// thugs rje zhal phyag rgyan dang bcas// rang babs lhug par bzhag pa la// dad pa'i dbang

  216. 108b

    po gsal gdab pas// snang ba yab la stong pa yum// gnyis med zung 'jug chen po'i dbyings// gsal 'grib 'pho 'gyur med par blta// ngo bo bla mar gnas pa la// rang bzhin yi dam lha skur bzhengs// thugs rje 'gag med mkha' 'gror snang // bdag nyid las min lha med pas// ye grub babs su la thag bcad// bla ma yi dam mkha' 'gro thams cad kyi sku rgyud shel gyi ri bo las/ bdag nyid ye shes kyi lhar gsal ba'i tshul bstan pa'i le'u ste nyer gsum pa'o// s+thi// / 'dus pa'i 'khor tshogs ma yengs nyon// mdun du ye shes lha bskyed na// pho brang rin chen gzhal yas khang // gru bzhi sgo bzhi rta babs bcas// tshangs khang 'od kyi dra bas sbrel// sgrib g.yogs med par phyi nang gsal// rang bzhin 'od lnga 'khrigs pa'i dbus// sa bon yig 'bru phyag mtshan la// mngon par lhag pa'i sku bsgom zhing // gtso bo 'khor gyi sum 'gyur la// yang 'khor de yi phyed phyed gsal// rgyan dang cha lugs rnam par bkra// ngo bo bla ma chos sku las// rang bzhin yi dam longs spyod rdzogs// thugs rje sbrul sku mkha' 'gro ma// rnam grangs dam tshig rdzogs par gsal// snang la rang bzhin ma grub pa'i// 'od dang 'od zer 'phro 'dur bcas// rang snang dag pas gsal bar bya// bla ma yi dam mkha' 'gro thams cad kyi sku rgyud

  217. 109a

    shel gyi ri bo las/ mdun bskyed ye shes kyi lha bsgom pa'i tshul bstan pa'i le'u ste nyer bzhi pa'o// s+thi// / rang byung sems dpa'i 'khor rnams nyon// dam tshig sems dpa'i ngo bo ni// mos bsgyur blo yis bskyed pa ste// rkang grangs mtshan dang bcas pa ste// gtso bo nyid dang de yi yum// 'khor dang de yi yang 'khor dang // so sor tshom bur bcas nas ni// tshom bu dgu ru rnam par nges// spyi bo la sogs gnas rnams su// au sogs yi ge'i 'bru rnams bkram// sngon gyi rjes bzung tha tshig ltar// dam tshig dbang gis bskyed rnams so// rang las byung zhing rang nyid dang // dam tshig gcig tu gnas pa'i phyir// dam tshig sems dpa' zhes bya'o// bla ma yi dam mkha' 'gro thams cad kyi sku rgyud shel gyi ri bo las/ lha dam tshig pa bskyed par bstan pa'i le'u ste nyer lnga pa'o// s+thi// / rang shar sprul pa'i 'khor rnams nyon// ye shes sems dpa' zhes bya ba// gdod nas dag pa chos kyi sku// rang byung rang gsal longs spyod rdzogs// shar grol sbrul sku 'gro ba 'dul// rang babs byin rlabs bla ma mchog/ dngos grub gshis ster yi dam lha// phrin las rmad byung mkha' 'gro'i tshogs// snang ba'i rang bzhin yab kyi cha// stong pa'i bdag nyid yum mchog ste// mnyam par gnas pa zhi ba'i sku// hur byung thol

  218. 109b

    skyes khro skur bzhengs// rol pa'i ye shes zhi ma khro// de dag gdod nas lhun gyis grub// byas bcos byung ba de ma yin// ye nas shes rig rgyal por snang // de phyir ye shes sems dpa'o// bla ma yi dam mkha' 'gro thams cad kyi sku rgyud shel gyi ri bo las/ lha ye shes sems dpa'i bzhugs tshul bstan pa'i le'u ste nyer drug pa'o// s+thi// / rang grol 'dus pa'i 'khor rnams nyon// dam tshig pa dang ye shes pa// lha gnyis dbyer med bsre ba'i tshul// chu la chu bzhag ci bzhin du// de bzhin nyid la 'od kyi tshul// phan tshun tha dad ma yin par// dbyer med du ma ro gcig nyid// yin par shes shing yin tshul du// rnal 'byor rgyal po rnams kyis blta// bsre bya sre byed med pa dang // gzhag bya 'jog byed med pa ste// 'on kyang gnas skabs yul don du// bskyed pa'i dam tshig sems dpa' la// dbyings nas ye shes sems dpa' bkug/ chu la chu thim lta bur bsre// de bsres dang bsgom lhug par bzhag/ 'di kun thabs kyi yan lag ste// gdul bya 'gro ba 'dren phyir spro// kun kyang yang dag dgongs don spyod// cho ga'i yan lag ji bzhin pa// sprul pa rnams kyis spro bar gyis// bla ma yi dam mkha' 'gro thams cad kyi sku rgyud shel gyi ri bo las/ lha dam tshig pa dang ye shes pa bsre ba'i tshul bstan pa'i le'u ste nyer bdun pa'o// /

  219. 110a

    s+thi// / gzugs kyi rdo rje la sogs nyon// dam tshig ye shes sems dpa' gnyis// dbang bskur rgya yis 'di ltar gdab// rnam snang mi bskyod 'od dpag med// rin 'byung don yod grub pa ste// rigs rnams kun gyi gtso bo mchog/ sangs rgyas mnga' bdag rigs kyi lha// ji ltar snang ba'i rigs rnams la// rgyal thabs spyi blug rang dbang bskur// dag pa gsum gyis rgyas btab pas// 'bras bu sku lnga ye shes lnga// phung khams skye mched gnas dag nas// rang rang rigs kyis dbu brgyan nas// rigs bdag bdag po nyid kyis mtshan// 'od dpag med sogs de bzhin gshegs// dbang bskur rgyas gdab mtshon pa'o// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha dang rol pa gcig pa'i dbyings su dbang bskur rgyas gdab tshul bstan pa'i le'u ste nyer brgyad pa'o// / spyi// / rang byung sprul pa'i 'khor rnams nyon// de ltar bstan pa'i lha rnams kyi// rgyu mtshan rnam grangs dpag med kyang // gcig tu dril nas don ston pa// snod kyi 'jig rten la sogs pa// sgyu ma'i lus nyid gnas dag phyir// bzhugs gnas pho brang gzhal yas bstan// bcud kyi sems can gnas dag cing // sems nyid lha ru gnas gyur pas// ye shes lha yi rnam par bstan// gdul bya smin grol lam bgrod

  220. 110b

    phyir// ye shes bla ma'i ngo bor bstan// dgos 'dod re ba bskang ba'i phyir// yi dam zhi dang khro bor bstan// phrin las dmigs su bsgyur ba'i phyir// mkha' 'gro rol pa chen por bstan// rgyu rkyen rten 'brel phun tshogs phyir// de ltar 'phro 'du sna tshogs bstan// rtsa rlung thig le'i ngo bo yang // gzhal yas lha dang bcas pa bstan// phung po khams dang skye mched rnams// rang byung ye shes lha yi dang // ye shes rab rdzogs sku lnga'i zhing // spros bral lhun grub phyag rgya'i zhing // gzhi snang dag pa chos kyi dbyings// lhag med nyid du mya ngan 'das// sgra dang 'od du bcas nas kyang // sku gsum zhing du mngon du 'byung // gdul bya rnams la lhag mar bcas// sku gdung ring bsrel bzhag nas kyang // gzhan phan thabs kyis 'gro ba rnams// rim gyis 'dren par des byed do// yang mtha' bar do nyid du yang // rang snang ye shes lha dang phrad// rang ngo shes nas rnam par grol// de yang rgyu 'bras de yis yin// sprul pa las kyang sprul pa'i sku// skra dang mtshan dpes rab smras shing // las dag zhing la rab snang bas// byang chub mngon du de 'gyur zhing // de sogs dpal dang yang dag ldan// spyi phud nyid du snang bar byed// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha bsgrub pa'i rgyu mtshan gyi rim pa bstan pa'i le'u ste

  221. 111a

    nyer dgu pa'o// s+thi// / de ltar 'khor gyis zhus pa'i don// dpag med rgyal pos rab gsungs pas// sems dpa' gzugs kyi rdo rje dang // sgra yi rdo rje dri rdo rje// ro dang reg bya'i rdo rje dang // sems dpa' chos kyi rdo rje sogs// gdul byar gyur pa'i 'khor rnams la// tshims par gyur pa'i don gsungs pas// dga' zhing mgu nas thal mo sbyar// rangs pa'i sems kyis spyi bos 'dud// lha dang mi dang lha min dang // klu dang rig sngags 'chang la sogs// 'jig rten pa rnams yi rangs shing // bcom ldan 'das la mngon par bstod/ bla ma yi dam mkha' 'gro thams cad kyi sku rgyud shel gyi ri bo las/ rjes su yi rangs shing mngon par bstod pa'i le'u ste sum cu pa'o// spyi// / bde bar gshegs pa thams cad kyi gsung gi dbang phyug bcom ldan 'das 'od dpag med kyi sprul pa/ rang byung du babs pa'i rgyud kyi rgyal po shel gyi ri bo rnam par bkod pa zhes bya ba rdzogs so// // sa ma ya/ rgya rgya rgya/ bdag 'dra pad+ma 'byung gnas kyis/ sgra rang 'gyur du bkod pa'o// d+ha zim/ sbrul sku sangs rgyas gling pas bla dkar dung gi sgo mo nas gdan drangs pa'i zab chos phyogs dus kun tu dar zhing rgyas la yun ring du gnas par gyur cig/ masas ##\u0f7f/ u rgyan gsang ba brda skad du bstan pa/ rgya gar skad

  222. 111b

    du/ g+hu ru d+he wa DAk+ki ni sarba wA ka tan+ta rat+na gaN+DI ta nA ma/ bod skad du/ bla ma yi dam mkha' 'gro thams cad kyi gsung rgyud rin chen 'brug sgra zhes bya ba/ bcom ldan 'das chos gsung smra ba'i dbang po gzi brjid rgyal po mtha' yas pa'i dpal la phyag 'tshal lo// rnam par rgyan bkod mdzes pa yi// pho brang gzhal yas brtsegs pa na// mdzes byed rma bya'i khri steng du// ston pa dpag med rgyal po dang // dpa' bo bde sbyor mnyam bzhugs nas// dgongs pa chen po bzhugs pa'i tshe// nyid kyi sprul pa las byung ba'i// bde bar rol pa'i 'khor rnams kyis// snyan pa'i dbyangs kyis 'di skad zhus// e ma ston pa bcom ldan 'das// mi mnyam pa dang mnyam pa dang // yang dag ljags kyi pad+ma las// mnyam dbyangs chen po'i dpal mnga' ba'i// g.yang sa chen po gcod mdzad cing // sngags kyi sprin char 'bebs pa po// brtse ba'i thugs kyis 'dir dgongs shig/ ye shes dbyings kyi lha rnams kun// nye bar bsgrub par byed pa la// snying po sngags kyi bzlas brjod rnams// nges pa'i don du stsal du gsol// de yang sngags kyi ngo bo dang // nges tshig dbye ba rnam grangs dang // sngags dngos bgrang tshul bsnyen pa'i tshad// drod rtags dang ni bzlas pa'i tshe// dag dang ma dag skyon yon dang // sngags kyi bsgrub tshul rim pa rnams// ljags kyi

  223. 112a

    // dbang po bkram nas kyang // bdag cag yid kyi 'dod pa rnams// dus 'dir skong bar mdzad du gsol// e ma 'dus pa'i 'khor rnams nyon// dad dang dam tshig ldan pa yis// mchog don bsgrub 'dod rnal 'byor pas// ye shes lha dang dbyer med du// bsre bar 'dod na sngags la brtson// sngags pas sngags la mi brtson pa// sems kyi re ba skong mi 'gyur// gang gis sngags la brtson byed na// sngags kyi ngo bo ngos zin gces// de bzhin sngags kyi nges tshig kyang // gnad du che bas shes pa gces// sngags kyi dbye ba ma shes na// rang gis rang nyid 'ching bar 'gyur// rnam grangs ma shes sngags zlo ba// mun nag 'thom 'gros byed dang mtshungs// sngags dngos ngo yis ma zin na// sol ba gser du bsgrub dang mtshungs// sngags kyi bgrang tshul ma shes na// mtshon med g.yul du zhugs dang mtshungs// bsnyen tshad gtan la ma phebs na// nad ngos ma zin sman pa 'dra// sngags zlos drod rtags ma shes na// tshod med mda' rgyang 'phen pa 'dra// sngags kyi skyon yon ma shes na// dug dang 'dres pa'i kha zas 'dra// sngags kyi bsgrub tshul ma shes na// long bas long ba khrid byed 'dra// des na de dag rim pa rnams// shes par gyur pa'i sngags pa yis// lha bsgrub bsngags la 'bad pa na// stobs dang nus pa bsam mi khyab// mchog

  224. 112b

    dang thun mong la sogs pa'i// ji ltar yid la 'dod pa rnams// 'grub 'gyur 'di la the tshom med// 'jig rten 'das pa'i longs spyod kun// sngags la brtson pas 'grub gyur na// 'jig rten longs spyod smos ci dgos// des na snang srid 'khor 'das kyi// cho 'phrul nus stobs sngags kyis byed// sngags kyi nus stobs bsam mtha' yas// de phyir sngags pas sngags la brtson// bla ma yi dam mkha' 'gro thams cad kyi gsung rgyud rin chen 'brug sgra las/ gleng gzhi'i le'u ste dang po'o// s+thi// / rang byung sprul pa'i 'khor rnams nyon// ye shes lha rnams bsgrub pa la// snying po sngags kyi ngo bo bstan// yengs 'khrul med par yid kyis zung // ye shes lha sngags ngo bo dang // 'jig rten lha sngags ngo bo ste// ye shes lha sngags la yang gsum// bla ma yi dam mkha' 'gro ste// bla ma bla na gnyen po'i gtso// spyi phud dkon mchog rin chen pas// yongs kyi thog mar byung bas gces// de dag sngags kyi ngo bo ni// gdung bas gsol ba btab pa'i don// brjod pa sngags su byung ba ste// ngo bo g.yel ba mi mnga' bar// rjes su 'dzin pa byed pa'o// yi dam zhi ba khro bo dang // zhi ma khro dang rnam pa gsum// zhi ba g.yo med ting 'dzin ni/ khyab gdal chen po kun la spro// 'di bsgrub tshangs pa'i gnas gzhir 'gyur// ngo bo 'gyur med dgongs pa'i

  225. 113a

    klong // yengs 'khrul bral bar bsngags pa'o// khro bo rngam byed rab gtum pa// rdo rje 'bar ba ma rungs 'joms// 'di bsgrub 'byung po la sogs pa// ma rungs pa rnams skrag cing byer// ngo bo rtsub khro gtum pa ste// gnod byed dgra bgegs gnyen por bsngags// zhi khro las rnams yongs kyi bdag/ zhi bar 'dod pa zhi ba dang // de bzhin khro bar 'dod la khro// gang yang rgyas par byed pa dang // dbang mdzad dbang gi rgyal po ste// drag po rab tu drag par byed// ngo bo gang la'ang 'jug pa ste// sna tshogs las la bsngags pa'o// de ltar zhi dang khro la sogs// yi dam lha yi sa bon dang // snying po sngags su 'byung ba'i phyir// sngags kyi ngo bo yang dag brjod// mkha' 'gro'i sngags kyi ngo bo ni// srog gnad gnad nas bskul nas kyang // phrin las dmigs su bskul byed te// bka' nyan gus phyir bsngags pa'o// las byed pho nya bran gyi tshul// gang dang gang la 'jug byed pa// de dang de yi las la bsngags// dregs pa gtum dang dregs byed rngam// gang yang mkha' 'gro shugs kyis 'gro// srog yig gnad nas bos pa'i tshe// dbang tshig dbang gis dbang med du// de phyir dgug dang 'khril ba dang // 'du 'bral med par 'grogs pa dang // bka' nyan las la bsngags pa'o// 'jig rten lha sngags ngo bo la// phyi dang nang dang

  226. 113b

    gsang ba gsum// phyi ltar snang srid lha 'dre rnams// gnad nas bskul zhing las la rbad// dbang med bran du bkol ba'i phyir// gnad 'bebs dag tu bsngags pa'o// nang ltar dregs pa sde brgyad rnams// dpal gyi pho nya las mkhan du// gnyer gtad gang dmigs gnas su rgyug/ dam la gnas phyir srog nas 'dren// dam la gnas phyir bsngags pa'o// gsang ba rnal 'byor rang nyid dang // lhan cig dag tu skyes nas kyang // rtag tu 'bral med 'grogs byed cing // bsrung dang mgon skyabs byed pa dang // gnod cing 'tshe bar byed pa rnams// bsgral zhing bzlog pa'i mthu dpung can// de dag g.yel bar mi byed cing // dam la gnas nas bka' bzhin bsgrub// gnyer gtad las byed bran du 'gyur// 'dzin pa'i lcags kyu bya ba'i phyir// ming dang srog nas 'bod cing bsgrub// gzer du gdab phyir bsngags pa'o// mdor na sngags kyi ngo bo shes// ming dang srog nas drangs byas te// dam la gnas par byed pa dang // rang rang gnyen por rab bsngags pa'o// bla ma yi dam mkha' 'gro thams cad kyi gsung rgyud rin chen 'brug sgra las/ sngags kyi ngo bo bstan pa'i le'u ste gnyis pa'o// s+thi// / gzugs sgra la sogs 'dus pa'i 'khor// bla ma yi dam mkha' 'gro yi// sngags kyi nges tshig bstan gyis nyon// bla ma'i

  227. 114a

    sngags kyi nges tshig ni// thugs rje skul bar byed pa'o// yi dam sngags kyi nges tshig ni// dngos grub skul bar byed pa'o// mkha' 'gro'i sngags kyi nges tshig ni// las la bsngags pa byed pa'o// gang dang gang gi srog sngags rnams// bsnyen cing bsgrub pa tsam gyis ni// dngos su mthong dang cho 'phrul ston// rtags dang mtshan ma ngos bstan nas// 'dod pa'i don gang 'grub pas na// bzlas pa sngags kyi nges tshig yin// ming dang srog gi yi ge dang // mtha' bsgyur las kyi yi ge dang // log gnon gnad kyi yi ge rnams// bzlas dang bris dang bcangs la sogs// gang dang gang byas de dang de'i// las 'grub sngags kyi nges pa'i tshig/ don rab dbye bas shes par bya// bla ma yi dam mkha' 'gro thams cad kyi gsung rgyud rin chen 'brug sgra las/ sngags kyi nges tshig bstan pa'i le'u ste gsum pa'o// / // / sbrul sras 'dus pa'i 'khor rnams nyon// bla ma yi dam mkha' 'gro yi// sngags kyi dbye ba bstan par bya// bla ma'i mtshan nas 'bod pa dang // thugs srog gnad nas bskul ba dang // dam tshig gnyen po bsten pa dang // dgyes pa skongs par byed pa'i sngags// bla ma'i mtshan nas 'bod pa'i sngags// sgra don sngags kyi 'gyur dbus su// saM skr-i ta yi skad las drangs// g+hu ru ma hA bo d+hi sogs// rang rang

  228. 114b

    mtshan spel smos pa'am// rang rang bod skad la sogs kyis// gdung bas 'bod cing mtshan nas drangs// mos gus bskyed de gsol ba gdab// byin rlabs smin grol don 'bras sbyin// rang gzhan bde la 'god par 'gyur// thugs srog gnad nas bskul sngags ni// sku gsung thugs kyi srog yin te// oM AHhUM gi sgra las drangs// yid kyi gsung ba bskyed bya zhing // ngag nas thugs dam bskul bar bya// ma yengs chu rgyun lta bu yis// gnad nas bskul bas rjes 'dzin 'gyur// dam tshig gnyen po bstan pa'i sngags// sa ma ya las drangs nas kyang // g+hu ru'i skad kyis mtshams sbyar te/ A~M dang swA hA'i thems su gzhug/ dam tshig gnyen po dgyes dgongs shing // don 'bras myur du stsol bar 'gyur// dgyes pa skongs par byed pa'i sngags// tshig don gang gis 'gyur skad las// gdung zhing snyan pa'i dbyangs kyis bya// bstod bsngags la sogs gang rigs kyis// brda dang rtags kyi sgo nas kyang // de dag gis ni rab dgyes pas// bdag gi 'dod pa'i don 'bras 'grub// de yang hUM hrIH'i gdangs dang ni// e ma hoHla sogs pa yi// 'dren dang bcas pa shes pa yin// mdor na bla ma'i mtshan smos pa// bod kyi skad dang rgya gar skad// gnad srog yi ge 'bru gsum pa'o// rgyas gdab 'dren dang bcas par brjod// dad dang

  229. 115a

    ldan pa sus brtson pas// bla ma'i sku gsung thugs dang ni// rang gi lus ngag yid gsum po// dbyer med gyur nas nus stobs mnyam// rang gzhan don 'bras ci 'dod pa// myur du 'grub phyir shes pa gnad// yi dam sngags kyi dbye ba yang // spyi dang bye brag rnam mang zhing // spyir ni srog sngags mtshan sngags dang // dam tshig sngags dang las kyi sngags// las la 'jug pa'i sngags dang ni// nges med dmod spel smon lam sngags// srog sngags rang rang sa bon las// sgur byed yi ge dbyangs gsal can// gnad la dbab par byed rnams yin// de yang IM dang hUM phaT kyis// thems la bcug nas bgrang ba'o// mtshan sngags d+he wa zhes pa'am// lha yi mtshon byed mtshon gyi grangs// saM skr-i ta yi skad las drangs// thog mtha' can gyi thems la gzhug/ dam tshig sngags ni mtshan sngags mthar// sa ma ya yi sgra las drangs// las sngags de dag rnams kyi gsham// shIn+taM puSh+Ti la sogs pa'i// so sor gang 'dod las sngags gdags// yang yang ar la gtad pa gnad// las la 'jug par byed pa la// sngags mthar b+h+yo dang rbad sogs btags// hring hring dung dung gnad nas bskul// rgyug rgyug breng breng bcas pa ste// mtha' can rdzogs pa las 'jug sngags// myur du 'grub par 'gyur ba yin// nges med dmod mo spel tshig

  230. 115b

    dang // smon lam mtha' bsgyur bcas pa'i sngags// 'di dag dam tshig cha la gtogs// las myur brda yi sngags yin pas// gang 'dod gdags pa gnad yin cing // go rim ma log gces pa yin// mdor na yid la dam byed pa// spang blang med pa gnad dang ni// dam tshig dag las ma g.yos na// yi dam myur 'grub bsam gtan 'phel// bye brag yi dam lha yi sngags// gang la dmigs pa'i lha rnams kyi// rtsa sngags so sor nor 'khrul med// srog 'dren dang ni mtshan sngags te// skyes pa'i sa bon la sogs pa'i// gang yin sor gzhag dam du bcing // mdor na spyi dril rtsa ba dang // yan lag bcas pa 'di ltar ste// oM AHhUM hrIHbadz+ra g+hu ru pad+ma sid+d+hi d+he wa DAk+ki ni/ bo d+hi tsit+ta/ ma hA su kha/ badz+ra ma ha kro d+ha/ shin+taM ka/ hrIHma ha ri ni sa/ ra tsa hrIHya/ sarba sid+d+hi/ kA ya wA ka tsit+ta/ dz+nyA na sa twa/ a mi de wa/ ma ma tsit+ta saM b+ha wa a d+hiSh+Tha naM/ ma ma A yudz+dza na/ sid+d+hi pha la hUM swA ha/ dper na de 'dra'i tshul gyis ni// las grub spyi dril yin pa'i phyir// chu rgyun lta bur 'bad pa'i don// yang sras sems kyi gdeng 'cha' ba// bde legs yon tan spel bar byed// rang rang snying po'i mtshan don bcas// thog mtha' dbu zhabs thems la gzhug/ de ni yang dag gdams pa'o// de sogs bye brag gang yin pa// mkhas pas shes par byed pa gnad// mkha' 'gro rnams

  231. 116a

    kyi sngags la ni// srog yig ha ri ni sa la// las sngags mA ra ya sogs kyi// sham bur bcas pa las kyi sngags// DAk+ki ni yi sgra bzhin du// ming don gnad nas skul byed pa// thems dang bcas pas brtson pa ni// las kyi 'bras bu mchis par byed// dmod mor bcas pa'i sngags 'byung bas// dam tshig 'grel bar las la sbyar// phyi rol pa dang nang pa yi/ khyad par mgo mjug gnyis las byung // nga ro dang ni tshig drag can// na maHtad+ya thA las drangs// sa bon srog nas 'dren pa yang // rgyan dang bcas pa yi ger 'byung // de sogs nang pa'i sngags la ste// bram ze dang ni drang srong gi/ dmod sngags las yin thun mong pa// thun mong la 'jug gzhan las min// nga ro bral ba'i rgyan yig dang // bsdus pa'i yi ge ma dag rnams// nor ba yin gyi sngags pa min// las byed gnad la dbab pa yi// sngags dkrug bzlog pa la sogs rnams// bye brag phra mo'i sbyor ba bstan// lugs 'byung nang nas lugs bzlog bstan// de dag rnams kyi bye brag kyang // sgra dang dbyangs gsal don la 'byung // mkhas pas 'byin 'jug shes par bya// mdor na spyi dang bye brag gi/ sngags kyi dbye ba bsam mi khyab// phal cher las kyi byed pa gtso// las grub 'bras bu 'byung ba'i phyir// sngags rnams klong kyang yang dag ste// 'bras bu mi 'byin

  232. 116b

    sngags nor ba'i// zab zab 'dra yang mi brjod spang // gnad kyis zin pa'i ting 'dzin dang // nor 'khrul med cing sel ma zhugs// sngags dang bcas nas lha bsgrub pas// don 'bras bla med mchog la reg/ brjod pa rlung gi 'byung 'jug kun// A li ka li'i sngags kyi sgra// tha ma la ngag gi sgra don dag/ de la 'dris par sus byas pas// longs spyod sku ru rnam par grol// rlung gi gnad dang mi ldan zhing // sngags nor sgra tshig ma dag pa// lhag chad sel zhugs log par ltung // 'bras bu duHkha nyid du 'gyur// de phyir las dang las kyi rigs// rmad byung skrag pa med pa'i don// 'jig rten 'das dang ma 'das pa'i// las rnams sngags kyis 'grub pa'o// bla ma yi dam mkha' 'gro thams cad kyi gsung rgyud rin chen 'brug sgra las/ sngags kyi dbye ba bstan pa'i le'u ste bzhi pa'o// s+thi// / rang sbrul rig pa'i 'khor rnams nyon// sngags kyi rnam grangs mtha' yas kyang // bla ma dang ni yi dam lha// mkha' 'gro rnams kyi sngags la 'dus// de don sngags kyi rnam grangs brjod// bla ma'i sngags kyi rnam grangs la// nges pa can dang nges pa med// grangs dang yang dag de bzhin te// nges can rang rang gzhung las drangs// rgyud don gnad dang bcas pa'o// nges med rang rang thabs kyi blos// mtshan nas gzhi blangs

  233. 117a

    bsgrub nas kyang // oM dang hUM sogs thems bcug pas// rigs 'dra dbyangs gsal las bsgyur zhing // dag par bya ba'i sngags byung ba'o// drang don sngags kyi rnam pa ni// gang zag 'dod can don slad du// 'gyur can smon lam dag pas bya// dad pas kun nas bslang rnams so// yang dag de bzhin nyid kyi sngags// spros dang bral ba'i rnal 'byor pas// de nyid sngags kyi gnad ldan zhing // rlung gi yon tan mthar phyin te// rol pa sngags la mkhas pa'o// swA hA IM sogs sgra med kyang // sngags kyi nus pa don 'bras gang // rtsol med shugs las 'byung ba'o// yi dam lha sngags rnam grangs las// spyi dril dang ni so so ba// spyi dril d+he wa la sogs dang // sa ma ti yi sgra yis bskur// gcig 'grub rgyal ba yongs 'grub pa'i// rnam grangs gcig la 'dus pa yin// so sor byung ba'i lha sngags kyi// rnam grangs dpag tu med 'byung ba'i// rdo rje'i rigs dang rin chen rigs// pad+ma'i rigs dang las kyi rigs// de bzhin gshegs pa'i rigs rnams dang // sku gsung thugs dang yon tan dang // phrin las rmad po che yi rigs// rdo rje can gyi sngags byung ba// rang gnad srog yig bcas pa'o// gang yang dngos grub 'byin sogs kyi// sngags thems mtha' bsgyur mang po 'byung // grangs snyed ye shes klong 'byung zhing // gzhi 'bras

  234. 117b

    lam srong du ma'o// mkha' 'gro'i sngags kyi rnam grangs la// 'byung ba rnams kyi sgra las kyang // DAk+ki rang gnad srog sngags 'byung // dus kyi sbyor ba dang bcas pa'i// thabs dang shes rab spyod pa'i shugs// thams cad DAk+ki'i sngags kyi grangs// gnad kyi zin pa'i sngags pa yis// mkha' 'gro'i srog gnad rang sngags rnams// rang babs nyid las rang grags pas// rlung gi shugs dang bcas pa yin// de phyir sngags kyi rnam grangs ni// sgra yi rnam pa kun las 'byung // rang byung ma 'gags rtsal chen pas// las rnams shugs las 'byung ba yang // de dang de yi gnad kyis yin// de dang ldan par sus byas pas// mkha' 'gro ma bsgrubs lhun gyis grub// mdor na bla ma'i sngags kyi grangs// dad dang mos gus ldan pas zin// yi dam rnams kyi sngags grangs kyang // brtson 'grus ldan pas nges par zin// mkha' 'gro'i sngags kyi rnam grangs kun// dam tshig lag nas skyes bu yis// zin 'gyur de las gzhan du min// yan lag rnam grangs phra mo kun// de dag klong las rang byung 'gyur// tshig med rnam grangs mang po kun// sngags kyi rnam grangs ma yin pas// grangs su gtogs par mi 'gyur ro// gnad la yang dag 'byung bas na// sa bon srog yig re res kyang // ci 'dod 'bras bu 'byung ba'i phyir// tshig la mi ltos don

  235. 118a

    la ltos// don ldan sngags kyi rnam grangs kun// gcig la yang dag rdzogs pa'o// bla ma yi dam mkha' 'gro thams cad kyi gsung rgyud rin chen 'brug sgra las/ sngags kyi rnam grangs bstan pa'i le'u ste lnga pa'o// s+thi// / rang shar rig pa'i 'khor rnams nyon// sngags rnams dngos kyi rim pa ni// bla ma lha dang mkha' 'gro sogs// gang dang gang gi sngags bzla ba// thog mar kun la oM gyi 'jug/ de bzhin na mar 'jug pa dang // ta d+ya thA dang na mo dang // dkrug dang bzlog pa nges med par// spyi gzhung rnams kyis gtan dbab par// sngags brten tha ma hUM dang phaT// gnyis ka dang ni swA hA dang // hring dang b+h+yo dang rbad nan dang // dzaHla sogs pa rnam mang gis// mtha' brten bcas pa'i thems par du// gang dang gang rigs gtims pa yi// sngags rnams dang ni dmod mo dang // smon lam la nye bcas pa kun// sngags dngos yin pas shes par bzung // gzhan yang las kyi rnam grangs ni// sngags la nges med bsam mi khyab// thog mtha' med rnams sngags min zhing // drang srong rnams dang bram ze sogs// las kyi dmod sngags zhes byar grags// thun mong las kyi sgrub byed la// sngags kyi rigs byed mang du 'byung // yig 'bru gcig pa'i sngags 'byung ba// de dag gang byung skye med sngags// rang gnad

  236. 118b

    srog gi sngags su bshad// srog gi yi ge bsgrig pa rnams// sa bon las la 'jug pa'i sngags// tshig la ma sgro gnad la gzir// rang srog snying por bgrang ba'i sngags// dam tshig yi ge'i sngags yin zhing // mda' mdung la sogs so gcig pas// drag bsnun gang yin rnam par nyams// rdo gcig gis ni bya tshogs skrod// de bzhin srog gnad 'bru sngags kyis// rgyal po las byed gcig thub yin// don med sngags 'bru grangs mang yang // sngags min sngags kyi don la gol// gsang sngags rig sngags gzugs sngags sogs// sngags rnams gang la'ang gtogs min pa'i// sngags kyi gseb nas dbyung bar bya// 'khrul med mtshan nas grangs pa yi// sngags rnams ma nor gnad la gzir// don 'bras 'grub 'gyur yid gnyis med// bla ma yi dam mkha' 'gro thams cad kyi gsung rgyud rin chen 'brug sgra las// sngags dngos bstan pa'i le'u ste drug pa'o// s+thi// / yid kyi sems dpa' la sogs pa'i// rang byung 'dus pa'i 'khor rnams nyon// bzlas pa sngags kyi bgrang tshul la// phyi dang nang dang gsang bapab dang // de nyid du ni bgrang tshul te// de la spyi dang bye brag gnyis// spyir ni phyi ltar bgrang ba'i tshul// gsal la dag cing snyan pa yis// mchu sbyor sdebs dang bcas nas ni// phreng bas grangs tshad gtan la

  237. 119a

    dbab// nang ltar sngags kyi bgrang tshul ni// rdo rje shub bur bzlas nas kyang // don ma nor bar lce steng bsgril// drod dang mtshan mas gtan la dbab// gsang ba ltar du bgrang tshul ni// rang byung rlung gi 'gro 'ong dang // sprad pa'i bzlas pa nyer brtson te// phyi ru byung dang nang du 'jug khong du gnas pa rnam gsum gyi// rgyun chad med par 'khor lo'i tshul// bar mtshams med par bskor ba yis// rang gnad gtan la dbab par bya// de nyid sngags kyi bgrang tshul ni// skye med rdo rje'i bzlas pa ste// rang byung rig pa'i 'phro 'du las// rang babs gshis kyis gtan la dbab// sgra sgrags sngags kyi rol pa las// lhun grub rang rtsal 'bras bu smin// rtsol dang bral ba'i bzlas pa yis// rtsol bral rang byung ye shes brnyes// bye brag sngags kyi bgrang tshul ni// bla ma la ni mos gus kyi// gdung ba drag tu bskyed pa yis// gsol 'debs nga ro 'o dod 'bod// yi dam lha yi ting 'dzin ngar// gsal dag snying po sngags 'dzab sgrogs// mkha' 'gro ngar bskyed brtul zhugs dbyung // 'brug stong ldir 'dra'i drag sngags sgrogs// de ni phyi yi bgrang tshul te// thun mong las rnams myur 'grub 'gyur// rang dang bla ma dbyer med bsre// brjod tshig gal ma mchis su bskur// gsol 'debs gdung shugs mchi ma bklag/ sgra sgo

  238. 119b

    bsdams shing brjod pa sbyang // yi dam nang gsal lus la bkram// 'gro 'od rlung gi 'gros dang bstun// srog sngags sgra med shub bur bzlas// lus gnad g.yo med gtan la dbab// mkha' 'gro snang srid rol par blta// smra brjod thams cad sngags su shes// phrin las 'phro 'du'i dmigs pa bsgyur// gang shar rang lugs gshis la dbab// de ni nang gi bgrang tshul te// mchog dang thun mong las mi 'gyang // 'khrul phyir yul gyi spros pa bcad// rang sems chos sku bla mar blta// 'byung 'jug gnas gsum rlung la bslab// tha mal ngag gi sgra brjod spong // phung khams skye mched lhar shes pas// brjod pa sngags kyi rang sgrar grol// au sogs yig 'bru yid la bkram// dus kyi sa mtshams bcad du med// bdag lus 'byung ba'i grong khyer ni// ye byung mkha' 'gro'i cho 'phrul nyid// kun 'byung klong nas rang sgra sngags// ngag yid 'khrul pa gtan nas zad// de ni gsang ba'i bgrang tshul te// de dag gang gi brtson pa yi// skyes bu tha mal las sad nas// 'bras bu mchog la myur du reg/ g.yo ba med pa'i ngang nyid nas// 'khrul pa med pa'i ting 'dzin gsal// yengs pa med pa'i bzlas sngags bsgrub// gtang gzhag med par nus pa smin// lus nyid lha la ngag nyid sngags// yid chos 'pho 'gyur med par grol// bla ma

  239. 120a

    yi dam mkha' 'gro yi// sngags kyi bgrang tshul bla na med// 'bras bu yi grub gdeng chen rnyed// bgrang tshul phyi nang gsang gsum dang // de nyid sngags kyi bgrang tshul las// g.yo med don chen 'grub par 'gyur// bla ma yi dam mkha' 'gro thams cad kyi gsung rgyud rin chen 'brug sgra las/ sngags kyi bgrang tshul bstan pa'i le'u ste bdun pa'o// skr-i// / yang sbrul sems dpa'i 'khor tshogs kun// ye shes lha sngags bsnyen pa'i tshad// bstan phyir ma yengs gus par nyon// gtso 'khor dang ni sprul pa dang // yang sbrul rnams kyi bsnyen tshad la// grangs kyi tshad dang dus kyi tshad// rtags kyi tshad dang rnam pa gsum// grangs tshad gang yin gtso bo yi// snying po dag la 'bru 'bum ste// ming don sngags las de bzhin las// sa bon srog sngags de bcu 'gyur// 'khor gyi bsnyen pa 'bru khri ste// las kyi sngags la de las 'gyur// gnyis dang gsum sogs las dang bstun// rang gnad 'khor gyi srog sngags la'ang / khri la lnga 'gyur bzlas pas 'grub// 'on kyang sngags dang rnal 'byor gyi// dgra grogs khams dang bstun pa yi// grogs phrad 'bring la nang phrad rab// dgra dang phrad na tha ma ste// de yis 'gyur tshul mkhas pas dpyad// rab la rkyang pa 'bring khug pa// tha ma dag ni spang ba'am// yang na 'dun pa bsgyur bas

  240. 120b

    'grub// pha rol dgra la rang nyid grogs// de ni rab tu spang ba gces// rang nyid dgra la pha rol grogs// de byung bsten par btub tsam la// yang dag 'bras bu 'gyangs par 'gyur// sprul pa la ni ma nges pas// yang sbrul de bas nges pa med// la la gtso bo nyid dang mnyam// la la brgya stong 'grub pa'ang srid// ci phyir sprul pa yin phyir ro// dus kyi bsnyen tshad bstan pa ni// rang rang las kyi 'phen pa dang // dus gnad 'khor dang yo byad dang // gnas kyi khyad par la sogs dang // brtson 'grus dang ni dbang po'i khyad// rab 'bring za ma'i khyad par las// la la bdun zhag la sogs dang // de bzhin la la zla ba bdun// la la lo bdun la sogs dang // ji skad skal ba dman pas kyang // dung phyur dag gi dus tshad las// nyi khri de bzhin mtshan khri yis// bcu gcig lo la 'bras bu 'byung // la la bdun phrag bdun 'das nas// thun mong las kyi bya ba 'grub// de bzhin nyin zhag phrugs gcig ste// skya rengs kha sprod las la 'jug/ mdor na dus kyi tshad rnams la// 'pho 'jug gnas stongs khyad par gyis// phyi nang rten 'brel nyid dang bstun// phyi dus dang ni nang gi dus// rtsa dang rlung gi khyad par las// 'jug pa'i thig le grangs su bcad// de shes pa yis dus mi 'gyang // gtso bos mchog don ster bar byed// de la dus

  241. 121a

    don ster bar byed// de la dus gnad bsring bar bya// 'khor gyi thun mong las grub pas// de la dus tshad grangs tshad sbyar// yang 'khor sbrul dang yang sbrul gyi// bsnyen pa'i dus tshad gzung du med// de yi mtshan nyid mkhas pas brtag/ rtags kyis bsnyen tshad bzung ba ni// rab la dngos dang 'bring la nyams// tha ma rmi lam dag la 'byung // mchog la chos kyi sku yi rtags// 'bring la longs spyod rdzogs sku'i rtags// tha ma la ni sbrul sku'i rtags// rab la mchog rtags 'bring po la// thun mong ye shes grub rtags dang // tha ma la ni thun mong gi/ las kyi 'bras bu 'byung ba'i rtags// go rim ma log rim par 'byung // rten can rten la rten med rten// yang dag don rten la sogs pa// rtags kyis bsnyen pa tshad pheb 'gyur// lhag dang chad dang nor ba dang // 'khrul par 'byung dang go log dang // log pa'i rtags rnams 'byung ba ste// nus med brda ngan du ma dang // rnal 'byor lus ngag yid gsum po// nyams shing rgud pa du ma 'byung // de byung mkhas pas lugs 'byung dang // lugs bzlog sngags kyi 'khrul 'khor bcas// drag po'i las la gzud par bya// skong dang bshags dang gtor ma'i las// me dang mchod sbyin las la 'bad// grangs kyi tshad la grangs tshad bzung // dus kyi tshad ni dus gnad dbab// rtags la

  242. 121b

    rtags rnams ngo yis bzung // des ni bsnyen pa mthar phyin nas// sngags rnams gtan la phebs nas kyang // ye shes lha dang mjal bar 'gyur// de brnyes las kyi 'bras bu 'byung // 'jig rten dregs pa'i lha 'dre ni// ngang gis bka' nyan bran du 'gyur// bla ma yi dam mkha' 'gro thams cad kyi gsung rgyud rin chen 'brug sgra las/ sngags kyi tshad bstan pa'i le'u ste brgyad pa'o// s+thi// / rang byung rig pa'i 'khor rnams nyon// brtson 'grus ldan pa'i sngags pa yis// lha sngags tshad la phebs pa'i rtags// sngags kyi drod rtags 'byung tshul ni// legs par bshad kyis yid la bzung // mchog gi rtags dang thun mong rtags// las kyi kha bsgyur ran pa'i rtags// de las gzhan pa log min rtags// nges med nges pa can gyi rigs// dang po mchog gi drod rtags ni// lus dngos lha ru krong gis song // 'khrul pa zad nas ye shes brnyes// rnam par smin pa'i lus dag nas// 'gyur med g.yung drung rdo rje'i sku// skye ba ma 'phos grub pa dang // rang bsgyur sgra yi mngon shes thob// chos rnams ma bslabs ngang gis shes// gzhan gyi shes pa skur bar byed// skad cig lag pa brkyang bskum la// zhing khams dpag med nyul ba dang // sprul pa du mar 'gyed par nus// bskyed sdud cho 'phrul dpag med 'gyed// rang la rang dbang thob pa

  243. 122a

    yis// rgyal ba rnams kyi dgongs pa lon// snang srid chos la rang byan chud// ye shes snang ba lhug par 'char/ de sogs rnam grangs brjod las 'das// thun mong rtags la grangs mang yang // rjes su 'dzin pa dngos grub ster// dngos grub nye bar thob pa'i rtags// rnam pa gsum la 'dus pa ste// lha yi rjes su 'dzin pa'i rtags// ye shes snang ba lhug par 'char// gang dang gang gi sngags bzlas pas// spro zhing rig pa dngas pa dang // rtags dang mtshan ma shugs las 'byung // bag gro nyams dga' rig pa 'ur// skyo dub med par bsgrub la brtson// byin pheb rdzas la gzi brjid 'bar// de byung rjes su 'dzin pa'i rtags// thang lhod med par bsgrub la 'bad// dngos grub ster ba'i brod rtags ni// dngos nyams rmi lam la sogs dang // gzhan gyi brda la brgyud nas ni// bza' btung la sogs ster ba'i tshul// rgyan dang cha lugs stsal bar 'gyur// dngos grub nye bar thob rtags ni// phyi nang gzhan rkyen 'tshe dogs med// gzhan gyi yid 'ong bkur sti dang // phu dung du ma byed pa 'byung // blo bde bag pheb yid smon 'grub// pha rol bsgo ba'i bka' la nyan// ngag la nus pa 'bar ba dang // lus stobs yang rtsal rdzu 'phrul ston// phyi nang 'bu srin srog chags med// yid 'ong gzhon sha chags par 'gyur// mdor na

  244. 122b

    rnal 'byor lus ngag yid// gtan la phebs shing yon tan 'bar// bde legs yon tan dpal dang ldan// thun mong las rnams gang brtsam 'grub// gzhan gyis smon cing yid dga' byed// tshe rol spyod pa gang spyad kyang // gnad du 'gro zhing gzhan don 'byung // rang snang chos dang mthun par 'gyur// 'jig rten log spyod gtan tshigs bral// 'khrul pa'i bag chags ma lus sangs// zas nor longs spyod la sogs pa// mi 'dod bzhin du dbang med 'du// nyon mongs la sogs 'jig pa bral// mdor na rang dang gzhan gyi don// rtsol ba med par shugs las 'byung // las kyi kha bsgyur ran rtags ni// chu bo rgyas dang lo tog smin// gzhan gyi ded dpon byed pa dang / khrom chen 'dus dang dmag dpung g.yo// nyi ma sprin gyis 'khrugs pa dang // go bdar bso sgra 'debs pa dang // me chen me 'bar dud pa 'khrigs// char sprin 'khrigs shing glog dmar 'byin// me tog kha 'bus ldum ra gang // dkyil 'khor rgyan med bkrag 'od 'bar// DAk+kis las la skul ma 'debs// de ltar rim pa gang byung yang // las kyi kha bsgyur ran pa'am// sngags kyi sham bu gdags ran rtags// de las gzhan gyi log rtags ni// bsgrub la bar chad byed pa yi// bdud kyi cho 'phrul du ma dang // mi dang mi min la sogs pa'i// tho mtshams glags lta sna

  245. 123a

    tshogs byed// dngos nyams rmi lam la sogs pa// rnal 'byor lus ngag yid gsum la// mi rung ltas dang cho 'phrul rnams// mi 'dod bzhin du 'byung 'gyur zhing // bsgrub g.yel dam sel la sogs pa'i// mi 'dod log dgu du ma 'byung // de sogs nges med nges pa can// re re tsam la nges pa med// yang yang bstun na nges pa ste// rang babs gnad kyi zin pa gces// ci bder 'jog pa man ngag yin// mdor na sngags la brtson pa yis// gnas skabs mthar thug la sogs la// mchog dang thun mong 'byung ba yi// drod brtags dpag tu med pa 'byung // yang yang gtan la phebs nas ni// rtags rnams gang yang mi 'byung bar// dngas sangs chen po nyid du 'gyur// rtags med rtags kyi rgyal po yin// bla ma yi dam mkha' 'gro thams cad kyi gsung rgyud rin chen 'brug sgra las// sngags kyi drod rtags 'byung tshul bstan pa'i le'u ste dgu pa'o// s+thi// / sems dpa' la sogs 'khor rnams nyon// sngags bzlas dag dang ma dag pa'i// skyon dang yon tan rnams mang yang // dang po ma dag skyon can ni// bzlas pa yun du 'bad gyur kyang // nus pa mi 'byung ngal ba'i rgyu/ sgra nor sgra ma dag pa dang // shed med zur ma thon pa dang // ha cang ring dang thung ba dang // drags thal yang ni zhan thal dang // dal brel ma snyoms ya ma

  246. 123b

    zung // la la shub bur bzlas rgyu la// skad ngar skyes pa'i bzlas nor dang // la la 'dzab dbyangs lta bu la// shub bu'i bzlas pa byed pa dang // de sogs bye brag ma phyed par// nor ra res kyi bzla lugs kyis// yon tan mi 'phel skyon gyi rgyu// gsang sngags thams cad gsang thabs bzlas// rig sngags klog pa'i tshul du ste// gzungs sngags gang yang ldan pa la// de dag gsum la dbye ba'i tshul// bzlas tshul yun gyi skabs dang bstun// gzhan yang bzlas tshul rim pa rnams// yul dang yul can khyad par dang // rigs 'dra rigs min spang dang blang // de yi rgyu mtshon shes par bya// sngags la dam sel zhugs pa dang // lhag pa skyon can skyon med gnyis// zlos pa gang yang skyon med de// ma zlos lhag pa skyon du 'gyur// chad na gang yang skyon can no// bre mo dang 'dres bzlas pa la// nus rtags yun gyis 'gyangs par 'gyur// gnyid rmugs 'dres pa'i bzlas pa ni// bgegs kyi bar chad 'jug pa'i rgyu// log 'dod bsam pa'i bzlas pa ni// byang chub lam du 'gro mi srid// lam gyi 'chugs so med pa yi// bzlas pa yid bzhin nor bu yin// 'dod 'byung dbang gi rgyal po ste// sngags kyi rnal 'byor pas shes bya// yon tan ldan pa'i bzlas pa ni// sngags la nor 'khrul med pa dang // sgra la chad lhag med pa dang // bzla

  247. 124a

    lugs rang rang gzhung dang mthun// ring sar ring dang zung sar thung // de bzhin drag sar drag pa dang // de bzhin dal dang brel la sogs// rigs dang rigs mthun 'phrod pa yin// bzlas tshul yon tan mtha' yas bskyed// so so'i rtags dang nus pa dang // ci 'dod dngos grub 'byung bar 'gyur// spyi dang bye brag gang la yang // gsang nas sngags bzlas bsgrub pa yis// stobs 'byin yang dag las la sbyor// ma gsang 'chal zhing gang g.yel ba// stobs med nus pa mi 'byung phyir// de dang de yi bye brag rnams// mkhas pas legs par dpyad de 'bad// bla ma yi dam mkha' 'gro thams cad kyi gsung rgyud rin chen 'brug sgra las/ sngags bzlas pa dag dang ma dag pa'i skyon yon bstan pa'i le'u ste bcu pa'o// s+thi// / yang dag sprul pa'i 'khor rnams nyon// sngags kyi bsgrub tshul bshad par bya// rlung dang me yi sde tshan dang // chu dang sa yi sde tshan dang // de bzhin nam mkha'i sde tshan dang // bsdom dang phral ba'i rnam pa can// re re la yang lnga lnga las// phral ba'i sde la re re'o// sdom la rlung gi sde tshan la// ka ni rlung gi rlung yig go// kha ni rlung gi me yig ste// ga ni rlung gi chu yig ste// b+ha ni rlung gi sa yig yin// nga ni rlung gi nam mkha' yi// yi ge yin par shes par bya// de bzhin tsa tsha dza dz+ha nya// me yi rlung me chu sa mkha'// pa

  248. 124b

    pha ba b+ha ma dang lnga// chu yi rlung me chu sa mkha'// ta tha da d+ha na dang lnga// sa yi rlung me chu sa mkha'// Ta Sha Da D+ha Na lnga yang // nam mkha'i rlung me chu sa mkha'// phral ba'i sde tshan yi ge ni// ya ra la wa rnam pa bzhi// rlung me sa chu'i yi ge ste// sha ni me yi yi ge ste/ kha ni sgyur byed spyi la snyoms// sa ni sa yi yi ge la// ha dang a ni nam mkha' yi// yi ge yin par shes par bya// k+Sha ni nus pa skyed pa yis// yi ge yin pas kun la snyoms// ya sta thams cad sa ru bsdu// zhabs kyu chu la 'greng bu me// gu gu nam mkha'i khong du bsdu// na ro rlung la nga ro rnams/ lnga ldan yin pas mkha' khyab mkha'// me chu gnyis po dgra gshed la// de bzhin sa rlung dgra gshed yin// me rlung gnyis dang sa chu 'phrod// nam mkha' kun khyab kun la snyoms// de las gzhan yang 'byung ba'i sde// spyi mthun dgra grogs bskor bar bya// nang bsdeb nang dang nang 'phrad ni// srog yig yin par shes par bya/ khong nas byung dang rkan nas byung // so dang rkan dang lce rtsa dang // mnyam par 'byung dang sna nas 'byung // mchu nas 'byung dang bcas sbyor dang // ring dang thung dang sbosgom pa dang // phra dang ldir dang yang lci ste// stong pa'i yi ge la sogs pa// rlung me chu sa nam mkha' rnams// rkyang ded dang ni khug pa dang // gnyis sbyor gsum sbyor bzhi sbyor dang // lnga sbyor bsdeb kyi rim pa

  249. 125a

    rnams// rang rang khams kyi rigs dang ni// 'byung ba'i nang mthun bsdeb pa rnams// ma bu dang ni dgra grogs sprad// ma dang bu phrad bzang po la// dgra dang grogs phrad 'bring po ste// dgra gshed 'dom na tha ma ste// ring du spangs nas gnas bsgyur bya// nang phrad phal cher btang snyoms byed// dgra grogs ma bu'i bsdeb rnams ni// rigs mi mthun dang rigs mthun dang // gcig grogs gcig gis byed pa dang // gcig dgra gcig gis byed pa dang // gcig rkyen gcig gis byed pa yi// rgyu mtshan thams cad shes par bya// 'byung bsdeb gnad rnams ma 'chugs shing // rang rang khams dang bstun gyur na// nus stobs 'bar nas las myur 'grub// de nas de yi bsdeb log na// sngags kyi nus pas rang gshed byed// tshe dang srog la gzan pa dang // dbang thang longs spyod 'joms la sogs// nyes pa du ma 'byung bar 'gyur// des na sngags kyi bsgrub tshul rnams// go rim ma log shes pa yis// oM dang na mo la sogs pa'i// thog ma'i yi ge gnad che zhing // de nas rim bzhin dbu rten dang // gzhung gi sngags 'bru bsdeb dang bstun// mtha' brten dag la nges pa med// swA hA hUM phaT la sogs pa// gang yang las kyi shugs ltar sbyar// dkar ser dmar dang ljang gu dang / kha dog sdebs su bstan pa yang // dkar po chu la dmar po

  250. 125b

    me// ser po sa la ljang gu rlung // nam mkha' dag ni sngo dang mthing // de bzhin mchu sbyor sngags dang mtshungs// phyogs dang dbyibs kyi rnam pa yang // shar lho nub byang dbus dang lnga// rlung me chus nam mkha'o// de dang de yi rigs mthun rnams// lha dang lha mo la sogs dang // bsdeb kyi yi ge sprad nas ni// mthun phyogs bsgrub la mi mthun spang // des mtshon ming gi rnam grangs kyang // yi ge 'byung ba'i dgra gshed brtsi// mthun phyogs gdags la mi mthun dor// dag dang ma dag khyad par las// nus pa 'phel dang mi 'phel gyis/ khyad par shin tu che ba'i phyir// mkhas pas mtshan nyid gtan la dbab// bla ma yi/ dam mkha' 'gro thams cad kyi gsung rgyud rin chen 'brug sgra las// sngags kyi bsgrub tshul bstan pa'i le'u ste bcu gcig pa'o// spyi// / yang 'dus sems dpa'i 'khor tshogs nyon// lha dang de yi bsgrub sngags dang // brtson par byed pa'i rnal 'byor rnams// sngags kyi dam tshig ldan pa gces// sngags kyi rlung gi sdeb sbyor dang // lce dang mgrin pa sna dang ni// so dang rkan mchu rnams las 'byung // skye med yi ge nga nas te// de ltar de yi dam tshig tu// bza' btung zas dang brjod pa ngag/ skyon gyi rnam pa gang yang spang // de yang ri sgog gzhag lnga nyams// rlung gi sgog pas zhag dgu nyams// lce yi dbang pos nyes

  251. 126a

    gcig nyams// sga g.yer za thug khu ba yis// zhag gsum nyams par 'gyur ba yin// byin gyis ma brlabs sha dang chang // zhag lnga'i bar du nyams par 'gyur// mdor na dri ngan dku ba'i rigs// bza' dang btung ba gang yin kyang // zhag mang sngags kyi nus pa gsod// de phyir de dag spang bar bya// rdzun dang phra ma la sogs pa// ngag gi mi dge'i las rnams kyis// sngags kyi nus pa gtan brlag gam// mtha' yang yun ring 'gyangs par 'gyur// des na de dag gang yang spang // bzlas brjod sngags la brtson pa'i tshe// phus gdab 'jig rten bre mo yis// sngags kyi nus pa nyams pas spang // dmigs pa'i las sngags ma gtogs pa// mchil snabs kha chu la sogs pa// 'grul lam na bor nus pa gsod// yang na khong du btang ba'am// gtsang ma'i gnas su dor bar bya// smra ba bcad de sngags la brtson// khyad par dam tshig nyams pa dang // dme pho dam log la sogs pa'i// mi gtsang rigs dang ngag mi bsre// bsres shing sngags bzlas nyams par 'gyur// de dang de yi rigs rnams dang // sngags la gces pa'i dam tshig rnams// gsang ba 'os pa gsang ba dang // de bzhin gsang bar gnyer gtad dang // gsang tshig gang yang gsang thub gces// sngags kyi nus rtags thon pa yi// rtags

  252. 126b

    dang mtshan ma ci byung yang // shin tu gsang bar byed pa ni// dam tshig yin phyir thub par bsrung // gzhan yang sngags la gces pa yi// spyi dang bye brag dam tshig rnams// go rim ma log thub pa gces// bla ma yi dam mkha' 'gro thams cad kyi gsung rgyud rin chen 'brug sgra las/ sngags kyi dam tshig bstan pa'i le'u ste bcu gnyis pa'o// s+thi// / bcom ldan dpag med rgyal po la// sems dpa' rnams kyis gsol ba'i don// brtse bar dgongs nas rab gsungs pa// e ma e ma'o ngo mtshar che// dga' zhing spro bas mngon par bstod// yang dag sngags kyi don gang yin// gtan tshigs go rim gang lags pa// bdag sogs gdul byar gyur pa yi// rang rang jo dang gang 'tshams pa'i// ye shes lha dang de yi 'khor// 'jig rten 'das dang ma 'das pa'i// srog gnad rab tu bskul ba'i don// 'bru dang yi ge la sogs pa'i// g.yo ba med par rab snang ba// legs so legs so legs par gsungs// dga' zhing spro bas rjes yi rang // lha dang mi dang lha min dang // klu dang dri za la sogs pa'i// dga' zhing spro ba'i glu blangs te// a la bcom ldan mngon par bstod// snga ma yi dam mkha' 'gro thams cad kyi gsung rgyud rin chen 'brug sgra las/ rjes su yi rang zhing mngon par bstod pa'i le'u ste bcu gsum pa'o//

  253. 127a

    s+thi// / dus gsum sangs rgyas thams cad kyi gsung gi dbang phyug gis/ ljags kyi pad+ma la bkram/ dung gi tshems bar nas bshar/ mgul gyi bum pa nas dril// thugs kyi dpal be'u nas bton pa'i rgyud kyi rgyal po rin chen 'brug sgra zhes bya ba rdzogs so// // sa ma ya/ rgya rgya rgya/ sbas rgya/ gter rgya/ gtad rgya/ s+thi/ d+ha thim/ sbrul sku sangs rgyas gling pa'i gter ma'o// phyogs dus gnas skabs thams cad du dar zhing rgyas la yun ring du gnas par gyur cig// @#// u rgyan gsang ba brda'i skad du/ s+'u th+yak+ka/ b+h+yaH/ k+ShA sa// rgya gar skad du/ g+hu ru d+he wa DAk+ki ni sarba tsit+ta tan+ta ga ga na bar+d+ha bistA ra nA ma/ bod skad du/ bla ma yi dam mkha' 'gro thams cad kyi thugs rgyud nam mkha'i klong yangs zhes bya ba/ bcom ldan 'das thog med kyi mgon po 'od mi 'gyur ba/ gzi brjid mtha' yas pa'i dbang phyug gi rgyal po'i sku gsung thugs yon tan phrin las thams cad yongs su rdzogs pa'i snying po g.yo ba med pa la phyag 'tshal lo// zhing khams rnam par dag pa rgyan bkod pa'i pho brang brtsegs pa/ steng 'og phyogs mtshams dbus la sogs pa phyogs dang bral zhing / rgya yongs su ma chad pa/ gsal la 'od 'bar zhing rnam pa rab tu bkra ba rgyan gyi lhun po rab tu brjid pa'i zhing / snang yul du bkra ba las

  254. 127b

    kyang / gzung 'dzin ngos bzung dang bral ba'i klong yangs pa chen por/ gdod nas ting nge 'dzin rnam par g.yo ba mi mnga' zhing / dus gsum mnyam pa nyid du bzhugs nas/ phyogs bral gyi gdul bya la gsal 'grib med cing / mnyam par dgongs nas/ bzod par dka' zhing ltos pa med par gzigs nas/ mnyam pa chen po'i mdzad pa bsnyel ba med par mdzad pa'i ston pa bcom ldan 'das yangs pa chen po mtha' yas pa'i mgon la/ byang chub sems dpa'i sprul pa'i 'khor rnam par snang mdzad dang / mi bskyod pa dang / rin chen 'od mdzod dang 'dod chags bral ba dang / don rab 'dzin pa la sogs pa'i rigs lnga'i sems dpa' dang / chos dbyings rdo rje ma dang / gzugs rdo rje ma dang / sgra rdo rje ma dang / dri rdo rje ma dang / ro rdo rje ma dang / reg rdo rje ma ste rigs kyi sems ma la sogs pa/ sprul pa rang snang gi dkyil 'khor gyi rol pa las byung ba'i 'khor rnams kyis/ dus mi mnyam pa dang mnyam par byung ba rang byung dgongs pa klong gi 'od zer kun tu rnam par bkra ba'i tshe/ bcom ldan 'das kyi sku gsung thugs kyi dkyil 'khor las 'od zer dkar po dang / 'od zer dmar po dang / 'od zer mthing ga rab tu 'phro zhing 'khor sems dpa' dang / sems ma rnams kyi gnas gsum du thim pa'i tshe/ sprul pa rang byung gi 'khor rnams rang snang

  255. 128a

    gi dkyil 'khor las langs shing / gnas lugs kyi che ba rang la bstan pa'i don dam nam mkha'i klong yangs lta bu'i dgongs pa gtan la dbab par gsol bas/ de nyid du nyid kyi thugs yangs pa chen po mtha' yas pa'i dkyil 'khor nas/ 'od zer kha dog sna tshogs pa'i 'phro 'du phyogs thams cad du khyab par mdzad de gsungs pa/ e ma bsam brjod bral ba'i 'khor// sems dpa' dang ni sems ma nyon// nga yi klong las rab spros pa// nga yi klong las rang shar ba// dkyil 'khor nga yi dbyings las gsal// 'phro 'du nga yi dbyings las snang // rang byung nga la thams cad rdzogs// rdzogs pa'i ye shes don rab bzung // bla ma yi dam mkha' 'gro thams cad kyi thugs rgyud nam mkha' klongs yangs las/ gleng gzhi'i le'u ste dang po'o// s+thi// / rang snang sprul pa'i 'khor rnams nyon// spros med spros dang bral ba'i don// spros bral ye shes chen po ni// spros pa med pa'i rnal 'byor pas// sems kyi spros pa bcad de bsgom// de bsgom gnad du bsnun pa la// ngo sprod gtan la dbab don du// mtshan nyid ldan pa'i bla ma gces// dus gsum sangs rgyas ma lus kyang // mtshan nyid ldan pa'i bla ma la// gus btud 'bras bu rdzogs sangs rgyas// de phyir mtshan nyid kun ldan pa'i// bla ma de yi sku yi cha// mdzes shing bag dro lhun

  256. 128b

    chags pa// spyod lam gdul bya'i yid dang mthun// gang la gang 'dul thabs la mkhas// gsung gi cha yang 'jam zhing snyan// 'jig rten 'chal gtam bre mo nyung // nges don chos kyi gsung char 'bebs// rgyal ba rnams kyi gsung dang mthun// de bzhin thugs kyang mkha' ltar dag/ lha bsgom gzhi 'bras don dang ldan// rang 'dod bral zhing gzhan don la// brtse bas skyo dub med par brtson// mdor na/ mdzad pa'i rnam thar rnams// bla med theg mchog chos dang mthun// de ltar ldan pa'i bla ma btsal// rnyed nas lus ngag yid gsum gyis// dgongs dang mnyes pa mtha' dag bsgrub// bkur sti yon gyis dgyes par bya// thugs sun mi dbyung sdom la gnas// de yi rjes 'jug bka' srol 'dzin// de ltar bla ma bsten pa yi// bde legs bsam 'phel yid smon 'grub// bla ma yi dam mkha' 'gro thams cad kyi thugs rgyud nam mkha' klong yangs las/ mtshan nyid ldan pa'i bla ma btsal nas bsten tshul bstan pa'i le'u ste gnyis pa'o// s+thi// / mtshan nyid ldan pa'i bla ma la// phyi nang don 'dzom chos yod kyang // snod ldan slob ma ma 'dzom na// rnam grol 'bras bu mi 'byung phyir// gdul bya snod ldan slob ma gces// de yang dad brtson shes rab che// blo yangs ser sna 'dzin chags chung // chos spyod brtson 'grus

  257. 129a

    skyo dub med// bla ma la gus 'gro la brtse// dam tshig la gnas g.yo sgyu med/ khrel 'dzem ngo tsha chad gzhung btsan// 'jig rten chos la yid mi 'jug/ 'khrul phyir mi 'brang nyon mongs srab// yab yob mi byed 'gran sems bral// de sogs yon tan dpag med cing // bla ma mgo yi thod bzhin khur// mched dang grogs la dag snang che// gdams pa khong gi snying ltar 'chang // dam tshig mig 'bras lta bur btsa'// bsgo ba'i bka' nyan mnyen lcug ldan// brtsam pa mthar dbyung phyi thag ring // rang nyid pham khur gzhan sems 'dzin// de ltar 'dzin pa'i gang zag ni// skal ldan bde gshegs thugs kyi sras// snod kyi rab mchog gdams pa'i chos// lhug par sbyin cing thabs kyis bskyang // nyams len srang la rim gyis gcur// 'bras bu don mchog gtan la phab// rgyal ba rnams kyi nges lung sbyin// yon tan de las log pa yi// skyon gyi rnam pa mang tshogs pa'i// dam med slob ma rgyang zag bsring // de ltar blang dang dor ba yis// slob ma'i mtshan nyid legs par brtag/ bla ma yi dam mkha' 'gro thams cad kyi thugs rgyud nam mkha' klong yangs las/ mtshan nyid ldan pa'i slob ma brtag cing spang blangs bstan pa'i le'u ste gsum pa'o// s+thi// / mtshan nyid ldan pa'i bla ma yis// gnas dus khyad par can 'dzom tshe// snod

  258. 129b

    ldan rigs mthun slob ma la// spros bcas phyi yi bum dbang bskur// lus smin lha yi phyag rgyas gdab// ngag smin sngags kyi phyag rgyas gdab// sems smin chos kyi phyag rgyas gdab// dkyil 'khor yo byad rdzas tshogs pa// longs spyod rgyan gyi phyag rgyas gdab// zab mo g+ha Na'i yo byad kyis// ye shes lha yi dgyes pa bskang // stangs stabs gar gyis mnyes par bya// dpa' bo thabs kyi bde ba dang // dpa' mo shes rab stong nyid kyis// gnyis med rol pa'i rtsal la bslab// spros pa rnam pa sna tshogs kyis// bya ba du ma la zhugs pa'i// spros pa thabs kyis bcad nas ni// spros dang bral ba'i dkyil 'khor gyi// ngang du rim gyis gzung bar bya// dpa' bo yab dang dpa' mo yum// gnyis med rnam rol sems dpa' yis// ye shes myur du phab pa na// phab rtags 'dar dang 'khrab pa dang // yid rab g.yo zhing 'phar sogs 'byung // de la rab tu brtan sems bzung // spros bcas bum pa'i phyi dbang gis// 'bad pa dang bcas 'bras bu 'byung // bla ma yi dam mkha' 'gro thams cad kyi thugs rgyud nam mkha' klong yangs las// smin byed spros bcas bum dbang gi le'u ste bzhi pa'o// s+thi// / yang ni yang dag bshad bya ba// mtshan nyid ldan pa'i bla ma yis// snod ldan skyes bu nyer gcig la// yo byad dkyil 'khor la sogs

  259. 130a

    pa// dam rdzas rnam pa mang tshogs pa'i// smin byed spros med nang gi dbang // yab yum gsang ba'i dkyil 'khor la// brten nas rim gyis bskur bar bya// de yang phyi nang 'jug pa dang // dmigs pa'i 'phro 'du dag la bslab// slob mas dad bdun bskyed nas kyang // bla ma dgyes pa'i maN+Dal phul// gsol ba gdab cing gus pa bskyed// bla ma yab dang yum bcas pa'i// lha yi nga rgyal ldan pa pos// gsang ba'i ye shes bdud rtsi'i rgyun// thabs shes slob ma'i lce steng dbab// brda dang bcas pa'i ye shes bskyed// bde dang stong par ngo sprad pas// lus ngag yid gsum rab smin zhing / khyad par ngag la nus pa 'bar// dpal dang gzi brjid rab 'phro zhing // dbang don dran pas don 'bras 'grub// e ma zla gsang thig le yis// bde chen ye shes yang dag mchog/ 'bad med myur du skye bar 'gyur// de skyes spros med ngang la gzhag/ gzhag bya bzhag byed med bzhin du// rnam par rang grol lhug par 'char// de ni spros med nang gi dbang // gdul bya ngag grol ye shes brnyes// bla ma yi dam mkha' 'gro thams cad kyi thugs rgyud nam mkha' klong yangs las/ smin byed spros med gsang dbang gi le'u ste lnga pa'o// s+thi// / yang ni mtshan ldan bla ma yis// rgyu rkyen nus stobs ldan byas te// snod ldan skyes

  260. 130b

    bu bdun dag la// gsang ba shes rab ye shes dbang // shes rab gzungs la ma brten nas// bskyed rdzogs mnyam grol lhug par bskur// de yang bla ma he ru ka/ dpa' bo yum dang bcas pa la// rin chen dag pa'i maN+Da la sogs// dga' ston dgyes pa'i yon dbul zhing // thal mo sbyar nas gsol ba gdab// bla mas bde ba'i ye shes dbab// slob ma dad ldan skyes mchog gis// lus ngag yid gsum 'khrul 'khor sbyang // lus sbyangs ngag la phan pa dang // ngag sbyang sems la phan byas nas// dbab bskyil bzlog dang dgram pa la// mkhas shing goms pas dbang lung blang // pad+ma rdo rje mchu sbyor nas// ngo sprod rgya yis thebs par bya// dga' bzhi'i ye shes nyams ngos bzung // bde stong zag pa med pa yi// gnas lugs dang du mnyam par bzhag/ g.yo med rig pa'i 'khrul 'khor bskor// gsang don b+ha ga'i dkyil 'khor du// mnyam gnas bde ba'i lha mo la// mchod pa 'bul zhing dgyes pa bskang // bcud 'bras bde rol dngos grub blangs// ro myong bcud kyi 'khor lo bskor// bag chags sems kyi 'khrul pa bshig/ bdag po bsad nas longs spyod 'phrog/ ma rnams chos kyi dbyings su bskyal// e ma shes rab ye shes kyi// dbang don thugs kyi phur du 'chang // 'bras bu nus pa'i gdeng ldan 'gyur/ bla ma yi dam

  261. 131a

    mkha' 'gro thams cad kyi thugs chud nam mkha' klong yangs las/ sprin byed rab tu spros med shes rab pa shes kyi dbang gi le'u rtsa drug pa'o// !// / de nyid rab tu zlos med kyi// chag dbang snod ldan skyes bu la// mtshan nyid ldan pa'i bla mas bskur// gzhi rdzogs sems kyi dkyil 'khor du// rang byung rol pa'i lhar gsal zhing // mtha' bral don thob bla ma la// 'byor tshogs lus dang longs spyod kyi// maN+Dal ltos pa med par 'bul// gdung ba'i tshig gis gsol ba gdab// brda don tshig dbang ngo sprod gdab// nyams gsal ye shes 'khor lo bskor// 'khor 'das phyam gdal dpal gzhag/ don dam byang chub sems dkyil du// mtshan ma bral ba'i dbang mchog gis// lus ngag yid gsum smin nas kyang // phyi nang snod bcud brda don sprad// snang srid tshogs kyi 'khor lo bskor// bdag gzhan mnyam gsal dbyings kyi ngang // 'bras bu sku gsum ye shes lnga// zhing dang bcas par lhun gyis rdzogs// de ltar bzhi rdzogs dbang bsgrub pas// dpon slob dga' bde'i gsal nyams bskyang // gtang rag rtse dga' glu bro 'khrab// bkra shis bsngo sogs mtha' rgyas kyi// rim pas las rjes dbyings su bskyal// bla ma yi dam mkha' 'gro thams cad kyi thugs rgyud nam mkha' klong yangs las/ smin byed de kho na

  262. 131b

    nyid kyi tshig dbang rin po che'i le'u ste bdun pa'o// s+thi// / dbang rnams thob pa'i rnal 'byor pas// gsang chen dam tshig rim pa rnams// dang du blang zhing tshul bzhin bsrung // sku gsung thugs dang yon tan dang // phrin las rnam pa lnga nyid kyi// rtsa ba yan lag phra mor bcas// phyi dang nang dang gsang ba dang // de nyid la sogs gang dang gang // dus gsum lus ngag yid gsum gyis// mnyam sbyor rmad du byung ba'i klong // spang blang mtshan nyid shes byas pas// blang dor med par rab tshul dang // spang blang bcas pa'i 'bring po dang // bshags dang sdom bcas tha ma yis// sgrib pa med pa'i don sems bya// yun dang skad cig la sogs pa'i// dus kyi sa mtshams gcad pa dang // sa mtshams gcad du med tshul gyis// yang nas yang du dran shes bya// gal te nyams pa lo tshigs yol// 'gyur dang bcas pa'i chag nyams las// de 'gyur rang lo'i grangs tshad kyis// rdzas dang bcas pa'i bshags pas byang // ltung bar mi 'gyur sor chud nas// dngos grub yang dag brnyes pa yin// rang lo nges par nyams 'das na// des ni ma bshags na rag spyod// de phyir lo zla zhag dus kyis// nyams 'gyur sa mtshams ma 'das par// 'gyod de gang bshags bde legs 'gyur// ma nyams yon tan rtsis las 'das// nyams kyang bshags pas

  263. 132a

    yon tan 'byung // nyams kyang bshags par ma byas dang // bshags kyang bla mas ma gnang na// bla ma nyid dang bcas pa ni// rdo rje dmyal ba'i yang gting du// 'tshod pa'i sdug bsngal rtsis las 'das// bshags par byed dang ma nyams bsrung // sdom par byed pa'i thabs mchog ni// dpal dang ldan pa'i spyod yul lo// bla ma yi dam mkha' 'gro thams cad kyi thugs rgyud nam mkha' klong yangs las// dam tshig ma nyams par byed pa dang / nyams na bshags par bstan pa'i le'u ste brgyad pa'o// s+thi// / dgongs klong yang dag mchog gi don// grol byed rmad du byung ba las// rang snang rtsal chen rdzogs 'dod pas// gtan la dbab pa'i dang po ni// chos nyid rol pa ngos bzung ba'i// rnal 'byor rgyal po rnams kyis blta// gdod nas yang dag chen po la// spang blang gtang gzhag ming mtha' bral// de bzhin ngos 'dzin bya byed bral// chu gyen las 'das phyogs lhung bral// sgra bsam las 'das de bzhin nyid// le klong kun bzang rab snang zhing // brda dang rtags kyis mtshon du med// gzhi sdang rang gsal 'od chen po// spros dang bral ba'i ngang du gad la// e ma gdod nas rnam dag pa// sgra brjod bral ba a la la// bla ma yi dam mkha' 'gro thams cad kyi thugs rgyud nam mkha' klong yangs las/ gdod ma'i dgongs pa

  264. 132b

    ngos bzung ba'i le'u ste dgu pa'o// / spyi// / spyi gzhi chen po ngos gzung ba// rnam pa drug dang yang dag ldan// 'di ni 'dod chen gzhi nyid de// sna tshogs snang zhen 'chol bar rol// 'on kyang sna tshogs snang ba yi// ri mo dag la ngos bzung nas// du ma nyid du gzhir ma grub// kun tu mkhyen snang rang gsal la// yul dang yul can 'du 'phrod pa'i// brda las skad du grags pa bzhin// zad mtha' bral ba'i gzhi mar gyur// bsdus pas mig sogs dbang po la// de yul gzugs sogs rnam pa drug/ de las spros pa mang byung 'gyur// rnam pa du mar rab grags pa'i// nam mkha'i mtha' 'tshol ji bzhin no// bla ma yi/ dam mkha' 'gro thams cad kyi thugs rgyud nam mkha' klong yangs las/ gzhi sna tshogs su smra ba sun dbyung bar bstan pa'i le'u ste bcu pa'o// s+thi// / 'khor 'das spyi gzhi ngos 'dzin pa// rtogs na grol zhes lung ma bstan// ma rtogs 'khrul zhes sgro ma btags// btang snyoms lung ma bstan du gnas// dper na til la mar khyab bzhin// lo 'dab myu gu gang yang min// 'bras bu yin yang rgyur ldog bzhin// bde dang sdug bsngal gang yang min// rkyen gyis ma bslad cang mi spro// rkyen gyis nam bskul phra mo ldang // de la der snang 'byung ba ste// sna tshogs las kyi 'khrul 'khor srid// de sogs gang du'ang ma

  265. 133a

    yin la// sgro btags ming sogs min shes pas/ khong gyur yid spris sgong rgyar 'thum// de ni 'khor 'das spyi gzhi ste// rtogs te sangs rgyas gyur pa med// ma rtogs 'khor ba de ma 'khyams// btang snyoms nyid du gnas pa nyid// gti mug chen po'i mun snang la// ma rig 'thibs pa'i dra bas g.yogs// ye shes sgrib mun bag la zha// spyi gzhi mnyam pa nyid du'o// bla ma yi dam mkha' 'gro thams cad kyi thugs rgyud nam mkha' klongs yangs las/ 'khor 'das gnyis kyi spyi gzhi bstan pa'i le'u ste bcu gcig pa'o// s+thi// / ye thog dang po'i sangs rgyas ni// grol gzhi 'pho dang 'gyur med pa'i// rang byung rang grol dgongs pa'i klong // rnam dag chos kyi dbyings las gsal// 'phro 'du ye shes thugs rje yis// rtsal dang cho 'phrul du ma 'gyed// rang byung ye shes rang grol gyi// rang rtsal 'phro 'du 'od po che// kun khyab chen po gting mi g.yo// mdzad pa med pa'i 'od zer gyis// mkha' mnyam 'gro la mkha' ltar khyab// gdod nas rang shes rig pa'i klong // 'dod chags zhe sdang gti mug sogs// nyon mongs rang 'jil rang rtsal rdzogs// de bzhin de la ye shes kyi// rol pa rang rtsal cho 'phrul yang // de nyid de las ma g.yos par// re re la yang lnga lnga ru// 'brel pa 'od dang bcas par

  266. 133b

    snang // zang dang thal mar chos kun la// phyogs dang ris su ma chad khyab// thugs rje zhal phyag bcas pa yang // rgyan dang cha lugs mtshan dper bcas// gdul bya rab snang gdal bar snang // 'bring dang tha mar bcas pa ste// re re bzhin du gsum gsum ste// dgu la dgur snang gcig la gcig/ brgya sogs de bzhin rtsis 'das kyi// mthar thug yul dang yul can dang // rab gsal gang dang gang 'dul snang // 'khrul bya 'khrul byed las 'das shing // grol bya grol byed las 'das pa'i// 'khrul grol rang babs ming mtha' bral// ka dag lhun grub rol par bzhugs// ye thog bzang po'i grol gzhi ste// bya byed bya rtsol las 'das so// bla ma yi dam mkha' 'gro thams cad kyi thugs rgyud nam mkha' klong yangs las/ dag pa sangs rgyas kyi grol gzhi bstan pa'i le'u ste bcu gnyis pa'o// spyi// / ma rtogs sems can 'khrul gzhi ni// nga med pa la nga ru bzung // ngar 'dzin thol skyes lang long las// nga yi 'dzin pa zhugs pa ste// dper na sprin med nam mkha' la// thol skyes glo bur lhags pa'i sprin// gcig la gnyis 'phel cher rgyas nas// nam mkha'i khams kun khyab par byas// de las char dang tshubs ma'i tshogs// rtsis las 'das pa byung bzhin du// ming med pa la ming btags 'khrul// gcig las gnyis kyis ming gi

  267. 134a

    tshogs// phung po 'dus las grangs dang gzugs// rnam pa du mar g.yos pa yis// nga dang khyod dang phan tshun bcas// de las cher langs sred pa sogs// thun mong sna tshogs las su snang // dmigs pa can dang 'dzin pa'i rkyen// 'bras bu sna tshogs rgyu ru 'khrul// yul can bdag por 'dzin pa yis// rkyen las sna tshogs ming byung 'khrul// de la de dmigs sna tshogs blo// thol skyes de la der 'dzin zhugs// de ma thag tu bdag rkyen gyis// yul dang yul can sprul pa ste// phan tshun gcig la gcig ltos pas// rnga dang dbyug gu 'phrad pa las// sgra 'byung ma phrad mi grag ste// bdag ces kun rtog phra mo las// bdag ces gnyis su snang las 'khrul// de yis de bskyed de sogs 'byung // de nas rim nas rim bzhin du// lha mi la sogs 'gro ba dang // mngal dang sgong skyes la sogs pa'i// rnam pa sna tshogs skyes nas 'khrul// las kyi 'phen sdud dpag med spyod// skye rga na 'chi'i rba klong 'khrugs// ma rtogs 'khrul pa lu gu rgyud// bag la nyal gyi rlung langs pas// rab tu g.yo zhing 'khrugs pa yis// byer sdug las kyi 'khrul 'khor las// zad med 'phel med 'khor bar 'khor// spyi tsam las ni de bzhin te// sgos btsal las kyi mtha' gcod pa'i// srid pa'i sgo nga rdol bzhin du/ la la zad dang 'phel 'grib ston// la la

  268. 134b

    zad pa rang zad de// rang snang rang ngo shes nas ni// rgyu dang rkyen gyi mtha' gcod 'gyur// bla ma yi dam mkha' 'gro thams cad kyi thugs rgyud nam mkha' klong yangs las/ ma rtogs sems can gyi 'khrul gzhi bstan pa'i le'u ste bcu gsum pa'o// s+thi// / 'khrul pa de las zlog pa'i thabs// dang po sngon du 'gro ba'i las// 'khor 'das ru shan phye ba ste// lus sbyang sems la phan pa'i phyir// lus kyi gnad la goms bya zhing // sku gsum bdag nyid gnas pa yis// 'dug stangs rnam pa gsum la bslab// lus nyid grol ba rnam grol phyir// chos kyi sku yi bzhugs stangs su// rnam pa gsum du shes par bya// chos sku'i chos sku rnam rol las// gyad bzhi ar la gtad nas kyang // seng+ge gyad kyi mchod stabs bslab// chos sku'i longs sku'i stangs stabs la/ khro rgyal dpal chen rngam pa'i stangs// rkang lag grad de mkha' la gtad// chos sku'i sbrul sku'i 'dug stangs su// seng+ge 'gying bag bcas pa'i tshul// de ltar rnam gsum gang bslab kyang // a 'bras smin phrag mkha' la gtad// g.yo med dal brel med par bzhag/ de bzhin longs sku'i 'dug stangs su// glang chen nyal ba chos kyi sku// stag mo'i ngar stangs longs spyod rdzogs/ khyung chen mkha' lding sprul pa'i sku// de gsum gang la rtsal sbyang yang // a 'bras zur la phab cing

  269. 135a

    gzir// sbrul sku'i bzhugs stangs rnam pa gsum// chos sku drang srong tsog pu la// longs sku skyil dkrung mnyam par gnas// sbrul sku'i skyil krung gyen du bkyed// lag pa rgyab kyi ka chen btsug/ de ltar rnam gsum gang byed kyang // a 'bras sna phrag mthur du phab// mdor na rdo rje lus kyi gnad// rtsa gzhi rang babs klod nas kyang // g.yo med gdan la gnas par bya// mig gi a 'bras las mi bkol// ldeb btsum med par gnad la gzir// lus gcud 'phur dang mnye ba dang // skabs su sbyong ba'i las la brtson// mnyen lcug ldan pa'i gnas lugs kyis// gdar sha bcad nas gtan la phebs// yon tan ting 'dzin 'phel ba'o// bla ma yi dam mkha' 'gro thams cad kyi thugs rgyud nam mkha' klong yang las/ lus 'khor 'das ru shan dbye zhing gtan la dbab par bstan pa'i le'u ste bcu bzhi pa'o// s+thi// / sngon du 'gro ba'i spyod pa las// 'khor 'das ru shan byed pa'i thabs// ngag sbyang sems la phan pa'i phyir// ngag gi gnad la goms par bya// rlung ro drag po'i shugs phyung bas// mda' ltar steng 'og g.yas g.yon du// gsum gsum dag gis dbyung bar bya// de nas g.yo med gnas la dbab// gsang ba'i 'jam rlung nar gyis drangs// rdzogs nas lhod kyis glod la bzhag/ rdzing gi chu ltar

  270. 135b

    bskyil nas kyang // dgang nas cung zad bzhag pa la// nus pa rdzogs nas dal gyis dbyung // de ltar 'byin 'jug gnas byed pa// drag la yun thung ma yin cing // dal la rgyun bsring tshod dang sbyar// rang babs gshis la dbab pa gces// yang ni 'byin 'jug gang tshe yang // ched du ma yin rang lugs kyis// gtan la dbab pas las la sbyar// me dang chu dang rlung dag dang // nam mkha' sa yi rlung rnams kun// gang dang gang tshe so so yi// dus dang spyad de gnad la gzir// steng dang 'og dang phyogs mtshams dang // g.yas g.yon ring thung mnyam pa nyid// gang la gang dang de la des// sa mtshams rab tu shes pa gces// chu dus me dang me dus chu// rlung dus sa dang sa dus rlung // de ni 'khrul par byed pa'am// yang ni gang stongs khod mi snyoms// ma snyoms gang yang las mi rung // 'bras bu log par 'byung ba yin// me dus rlung dang rlung dus chu// sa dus nam mkha'i rlung shes pas// nam mkha' go 'byed kun la'o// g.yas g.yon 'pho dang 'jug pa'i dus// pho mo ma ning sbyor ba yi// grangs la bslab cing rtsal sbyang bya// 'di yi gnad dang ma ldan na// skyon gyi phung po bsags par 'gyur// des na de la rim gyis bslab// goms nas ru shan 'byed par 'gyur// bla ma yi dam mkha' 'gro thams cad kyi thugs rgyud nam mkha' klong yangs

  271. 136a

    las/ ngag 'khor 'das ru shan dbye zhing gtan la dbab pa bstan pa'i le'u ste brtsa lnga pa'o// s+thi// / yang ni sems gnad sngon 'gro'i las// 'khor 'das ru shan 'byed pa'i thabs// lus dang ngag gi gnad ldan pas// dang po dran bsam 'dzin pa spur// sngar byas 'das pa'i chos rnams kyi// rjes dpyod rtog pa du ma spro// phyir 'gyur byed pa du ma yi// mno bsam 'phro 'du dpag med bya// gang la gang dang de la de'i// rtsal snang 'khrul pa sna tshogs byed// da lha'i byed pa du ma yi// bsam blo dran zhes mang po dang // lcags kyu lta bur 'gugs pa dang // ral gri lta bur rno ba dang // phrug shad so mangs lta bu dang // glang chen lta bur 'gying ba dang // stag mo lta bur ngar ba dang // seng+ge lta bur rtsal ba dang / khyung phrug lta bur lding ba ste// skyi ser lta bur 'phyo la sogs// sna tshogs rnam pa du ma la// spro zhing bsdus pas ha sha bcad// bar du sems kyi spros pa bcad// sngar 'das zin pa'i rjes mi bcad// phyis 'byung cha med gdos thag bcad// da lta'i dran rig so ma la// cer gyis rang gi rang la gzir// yid bsam dran pa par pur sogs// glog ltar 'khyug cing bya ltar lding // phyi nang snang ba'i ri mo la// yo lang 'gyed pa'i shes rig 'di// byung gnas 'gro ba la sogs dang // dbyibs dang kha dog

  272. 136b

    rnam pa can// yod med yin min tha snyad dang // gcig dang du mar snang ba dang // skye 'chi dgag bsgrub 'dug mi 'dug/ phyi nang la sogs gtad khungs gang // yin min gyu log mtha' bcad de// gnas lugs khung du sbyar bar bya// des ni kho yi mtshangs rdol te// gnas lugs ngang la yin lugs kyi// ye gzhi'i steng du phebs par 'gyur// de ltar gtan la phebs pa'i ngang // ma bcos spros bslad mi bya bar// gang shar ngang la klod de bzhag/ bcing dang grol ba med par gzhag/ gzhag bya 'jog byed med pa dang // bya rtsol 'dzin pa med pa ste// nga dang nga yir med pa dang // bdag gzhan ris su ma phyes dang // bzang ngan rtogs pas ma sbags par// rang babs gshis kyi steng du klong // gnas lugs sems kyi ru shan phyed// 'khor 'das rgyab gyes don thog phebs// cog bzhag rgyal po'i ngang du thim// bla ma yi dam mkha' 'gro thams cad kyi thugs rgyud nam mkha' klong yangs las/ yid 'khor 'das ru shan dbye zhing gtan la phab pa'i le'u ste bcu drug pa'o// s+thi// / lus ngag yid gsum gnad gzir nas// gtan la pheb pa'i skyes bu la// gnas lugs ye gzhi'i ngo bo bstan// dkar dang nag po'i chos ma grub// 'khor dang 'das pa'i rkyen las 'das// steng 'og la sogs phyogs mtshams bral// dbyibs

  273. 137a

    dang che chung la sogs pa'i// gzugs kyi rnam pa ngos gzung med// gang nas gang du song ba dang // gang dang gang du 'ong ba dang // gang dang gang du sdod pa dang // 'gro dang 'dug pa la sogs te// rnam pa 'di dang 'di lta zhes// bltar med mtshon du med pa dang // ming dang yi ge'i tha snyad dang // bdag dang gzhan zhes bya ba dang // 'khor dang 'das pa nyid dang ni// de yi rgyu rkyen lo ma dang // rtsa ba sdong po yal ga sogs// gang du yang ni ma grub pas// brjod pa kun las 'das pa'o// bla ma yi dam mkha' 'gro thams cad kyi thugs rgyud nam mkha' klong yangs las/ sems gnas lugs kyi ngo bo gtan la phebs pa'i le'u ste bcu bdun pa'o// s+thi// / ngo bo stong pa'i rang mdangs las// rang bzhin gsal snang 'od du shar// rnam pa bkra ba rig byed gsal// sna tshogs snang dang snang yul dang // phra dang rags dang 'phrigs pa dang // rnam pa du ma'i gzugs 'char zhing // ring dang zung dang mnyam pa dang // lham me lhan ne lhang nge ba// re dang dogs pa med pa dang // phyogs dang ris su ma chad cing // yang ni rnam par snang ba la// gzung yul ma grub kun tu gdal// mig dang rna ba sna dang lce// lus dang yid kyi yul rnams kyis// gsal cha phra dang rags la sogs// ma 'gags so sor sa le ba// lham me hrig ge wa ler

  274. 137b

    snang // gzugs la rnam pa sna tshogs dang // de bzhin sgra dang dri dang ro// reg bya chos te gang dang gang // sgrib g.yogs med par rang shar zhing // ma 'dres so sor snang ba la// gcig dang du ma'i grangs mtha' zad// dpa' brtul ba dang stobs bskyed dang // skad cig srid rtsa mthar thug pa// me long gzugs brnyan chu zla bzhin// rang gsal bkrag mdangs 'od po che// bzhin gyi dkyil 'khor rab rgyas pa// ma byas byas pa med par snang // ma bris bris pa med par bkra// ma bzos bzos pa med par legs// ma phyin phyin pa med par sleb// ma bltas bltas pa med par mthong // ma nyan nyan pa med par thos// ma bsnam mnam pa med par dku// ma zos khros pa med par bro// ma reg reg pa med par tshor// ma dran dran pa med par rig/ snang srid bsam yul med par shar// ma bu chu dang 'o ma 'dres// rang snang dkyil 'khor nyid la rdzogs// e ma ngo mtshar snang ba'i chos// rang bzhin snang stong chu zla bzhin// byas byung med par rang snang ngo // bla ma yi dam mkha' 'gro thams cad kyi thugs rgyud nam mkha' klong yangs las/ sems kyi rang bzhin gsal stong 'dzin med du gtan la dbab pa'i le'u ste bco brgyad pa'o// spyi// / thugs rje rnam par 'gag med pa'i// rang gdangs 'od kyi dkyil 'khor las// 'char sgo ma 'gags cir yang

  275. 138a

    shar// shar dang grol ba du ma yang // rgya mtsho rba rlabs chu nyer bzhin// rtsol med rang shar rang grol ba// 'phro dang 'du ba'i cho 'phrul can// pra dang rags pa'i gya gyu ba// mthong ba med la rgyug cing spyod// rig rig po dang rur rur po// 'phro dang 'du dang gnas pa dang // sna tshogs ri mo ma bris kyang // bris la wal wal shar ba bzhin// yang ni gtang gzhag gzung 'dzin bral// 'phags pa'i thugs rje chen po yang // dkyil 'khor de las g.yos pa med// rigs drug 'khor ba'i rtog tshogs kyang // dkyil 'khor de las logs na min// 'das dang ma 'ongs da ltar gyi// bya byed bya ba du ma yang // sna tshogs shar grol sprul pa'i sku// mdor na 'phro 'du mang po dag/ rtsol med rang shar de bzhin gshegs// 'gag pa med las gang yang snang // de ltar gsal dang stong pa dang // rnam pa 'gag pa med pa kun// longs spyod rdzogs dang chos kyi sku// sprul pa'i sku ste sku gsum mo// rang byung nyid kyi dbyings las snang // snang zhing dkyil 'khor nyid la thim// de las de ltar grol zag bcad// yin min la sogs gang la yang // bya rtsol 'dzin pa med pa'i klong // rang babs lhug par klod la gzhag/ rab 'bring tha ma'i klod tshul gyis// sku gsum ye shes mngon du shar// 'gag pa song bar rtsal chen gyis// rab 'byams

  276. 138b

    gad la khyab mkha' ltar gnas// ngo bo rang bzhin thugs rje rnams// 'pho 'gyur med par ka nas dag/ ka dag chen po'i ye klong las// gang shar rol pa'i rtsal 'phros pas// 'od kyi gdul bya rnams la snang // gang la gang dang de la des// so sor re dang 'dod pa bskang // bskal pa du ma'i sangs rgyas kyi// rnam thar mdzad pa'i phrin las kun// skad cig de yi klong du rdzogs// rtsol ba med par der sangs rgyas// byas med 'gro don lhun gyis grub// e ma ngo mtshar thugs rje'i dpal// snang srid 'khor 'das chos rnams kun// skad cig de la khregs chod nas// btang snyoms phyal pa med par grol// bya rtsol 'dzin med rgya yan chos// 'di ni kun gyi yang rtse ste// seng phrug snying gi rtsal chen rdzogs// bla ma yi dam mkha' 'gro thams cad kyi thugs rgyud nam mkha' klong yangs las/ sems kyi rtsal ma 'gags par thugs rje'i 'char tshul dang / gnas lugs kyi steng nas yin lugs ngo sprad de/ sems kyi bzhag thabs kyi gnad bstan pa'i le'u ste bcu dgu pa'o// s+thi// / gnas lugs gzhi thog pheb nas kyang // ma bu 'dres pa'i rnal 'byor kun// yid dpyod 'dzin pa'i khungs 'byin pa// mngon sum rang gnad gtan la dbab// ye shes rang snang mngom sum gzir// gzhi gnas mchong gur smug po'i dbus// mtshan dang dpe byad dpal

  277. 139a

    'bar zhing // gsal dag sgrib g.yogs med pa'i sku// 'khor dang gtso bo la sogs pa'i// mu khyud rnam rig rab tu 'bar// nang gsal ye shes rig pa'i lha// lham me lhan ne lhang nge ba// mtshan dang dpe byad rdzogs pa de// snang ba dag pa rtsa yi lam// shel smug rkyen dang bral ba las// zang mar thal nas chu yi sgo// gzugs snang yul can b+h+r-i gu ta// ma bsgribs hu re dang gsal ba// tal mar don cing dbyings kyi yul// rkyen bral nam mkha' dag pa'i klong // mkha' dbyings ngang las 'char ba ste// 'khor dang sprul pa yang sprul pa// 'od dang 'od khyim zer dang bcas// 'khor lo nya mig zer zag ris// dra ba dra ba phyed pa dang // mig mang ris las zab gur bzhin// mda' mdung mtshon cha'i rnam par gzengs// de dag rnams kyi dkyil 'khor dbus// rma bya'i mdongs 'dra 'od lnga 'khrigs/ khyad par mngon sum ye shes kyi// ti la nyag gcig ye shes don// snum la 'dril zhing phra la grim// gsal 'tsher lhun sdug 'od po che// lu gu rgyud kyi 'khor dang bcas// mu tig chun 'phyang lta bur gsal// g.yo dang 'gul dang 'phrigs par bcas// mngon sum yang dag nges pa'i don// yid dpyod tshig gi mtha' las 'das// dpal dang yangs pa'i dkyil 'khor can// sangs rgyas kun gyi ye shes sku// sgrib bral rjen par lhang nger

  278. 139b

    snang // zhing khams yangs par tshom bu'i tshul// yid gnyis 'dun pa bral ba yang // 'khor 'das rgyab gyis yang dag snang // rdzogs pa'i sangs rgyas kun gyi gsang // gsang chen 'od du de 'bar ro// bla ma yi dam mkha' 'gro thams cad kyi thugs rgyud nam mkha' klongs yangs las// chos nyid ye shes mngon sum gyi snang ba ngos 'dzin pa'i le'u ste nyi shu pa'o// spyi// / mngon sum rig pa'i sku mthong nas// sku gsum 'dug stangs dgu ldan zhing // sems rig gtan la dbab byas te// snang ba'i thig le g.yo med de// gsal snang mig gi btson bzung nas// mdung tshugs 'ben la ma yengs gtad// thog mar yang yud lang long 'char// bar du de dag dal gyis pheb// tha ma g.yo med btsan sa zin// cher 'phel gong nas gong bzhin du// lnga lnga'am ni dgu la sogs// tshom bu lta bur cher snang zhing // yul khams yul gru khyab pa dang // yi ge'i tshogs dang phyag mtshan dang // phyed sku dang ni sku rkyang gi/ rnam pa du mar 'char ba ste// rim bzhin sku rkyang yab dang yum// longs spyod rdzogs pa'i cha lugs las// 'khor dang sprul par bcas te snang // dbu brtsegs phyag mang rnam pa can// che la rags shing phra la zhib// 'od sku 'ja' dang zer thag bcas// rim gyi rim gyis 'phel bar 'byung // dkar ser dmar ljang mthing ga'i mdog kha

  279. 140a

    dog sna tshogs snam bur 'gyur// dper na zla ba yar 'phel ltar// 'phel bar 'gyur dang bcas pa'o// bla ma yi dam mkha' 'gro thams cad kyi thugs rgyud nam mkha' klong yangs las/ nyams kyi mthong snang gong du 'phel ba'i tshul bstan pa'i le'u ste nyer gcig pa'o// spyi// / gong nas gong du 'phel ba yi// nyams kyi snang ba rdzogs nas ni// gang la zhen dang dngos bral bas// 'dzin pa med pa'i rang snang du// de dag che chung skye 'bri med// tshad la phebs nas g.yo 'gul bral// rnal 'byor lus ngag yid rnams ni// sgra brjod bral ba nyid du 'gyur// dpal ldan dkyil 'khor lhun gyis grub// ye shes rang snang 'khrul pa dag/ snang srid bya rtsol 'dzin pa bral// nyin dang mtshan mo'i snang mtha' zad// zas skom gos kyi zhen pa dang // nyon mongs chags sred ngang gis zhi// zla ba nya rgyas lta bu ste// de nas dgung la shul mi mtshon// ting 'dzin rtsal rdzogs mngon shes 'char// phyi dang nang med mnyam par gdal// tshogs drug cho 'phrul nyal gyis zhi// tshogs drug rang grol gtan la pheb// rig pa yang dag tshad la pheb// 'phel 'grib med par dkyil 'khor rdzogs// bla ma yi dam mkha' 'gro thams cad kyi thugs rgyud nam mkha' klong yangs las/ rig pa ye shes kyi dkyil 'khor tshad la pheb par bstan pa'i le'u ste nyer

  280. 140b

    gnyis pa'o// s+thi// / dbyings kyi dkyil 'khor rab rdzogs nas// phyi dang nang med kun tu yang // gdal ba chen po'i klong du zim// ye gzhi'i steng du rtsal chen rdzogs// chos zad blo zad 'khrul pa zad// zad pa'i dkyil 'khor mtha' yas nas// yod pa ma yin med ma yin// gnyis snang kun gyi mtha' las 'das// yod ces kun rdzob ma yin la// med ces byang du de ma chad// gang yang mtha' las 'das pa'o// sgro btags zhe na chos phra mo tsam// gtan du yod pa ma yin zhing // snang srid 'khor 'das chos rnams kun// nyid kyi klong du yangs par thim// rtsal chen yang med par rdzogs// dpa' shugs chen po'i dkyil 'khor zad// zad cing stong pa'ang ma yin te// ming gi rnam grangs las 'das nas// brjod bya rjod byed brjod pa las// 'das pa'i ngang du thim pa'o// re re'i snang tshul ma yin par// gting rdzogs yangs pa'i klong du dag/ phyi yi yul snang 'khrul zad par// nang gi ye shes yongs su rdzogs// ye shes dang ni nyon mongs kyang // dbye ba med par mnyam pa ni// chos nyid yangs pa'i ngang du zad// dpa' bar 'gro dang rdo rje 'dzin// mi g.yo gting gsal dngos 'dzin bral// tha snyad dri ma zad nas kyang // byas med byas pa kun las 'das// phung po kun kyang dus gcig zhig/ gsang chen bskal pa'i dkyil

  281. 141a

    'khor zhig/ yangs shing gsal la rnyog pa med// e ma sgrib g.yogs dang bral ba'i// mkhas pa'i tshig dang rdzun tshig dang // ya bag tsha re dang dogs// mtha' dbus la sogs 'gro ldog rnams// dus 'dir zung zad ye klong grol// kun chub rgyu yi he ru yang // dus 'dir snang tsam ma yin la// sgo btags nyid las 'das pa'o// zang ma dang ni thal ba nyid// bla ma lha dang DAk+ki ya// dkyil 'khor nyid kyang zad thal bar// snang ba rdzogs nas ye shes kyi// thugs rje zhal phyag skur shar bas// ye shes snang ba'i cha ma 'gags// 'dzin cha thams cad zad pa'o// bla ma yi dam mkha' 'gro thams cad kyi thugs rgyud nam mkha' klong yangs las/ chos nyid zad snang gi dkyil 'khor rdzogs nas/ 'dzin cha thams cad kyi mtha' rdzogs par bstan pa'i le'u ste nyer gsum pa'o// s+thi// / zag pa zad pa zhes bya bar// dang po 'dzin cha mtha' yas kyang // rtsal gyi dkyil 'khor rdzogs pa'i tshe// bag chags bcas pa'i 'dzin cha ni// phra mo tsam yang mi snang bar// dkyil 'khor dbyings su thim nas ni// 'dzin dang 'dzin pa zad pa las// chos nyid zad pa zhes bya ste// de ltar 'dzin pa rang zad nas// bdag tu rtog dang gzhan du rtog/ phyi nang gang dang bdag gzhan sogs// phan tshun dbye ba med klong du// gzhi snang ye shes zhes

  282. 141b

    bya ba// gsal la dag cing rnyog ma med// rab rib bag chags gtan zad pa'i// ye shes 'od gsal lam me ba// 'khor 'das yongs grol gdal ba las// dkyil 'khor du ma'i 'char sgo can// ye nas rab tu shes pa'i phyir// gzhi snang ye shes rnam par dag/ kun 'dus sems dpa'i rgyal po ste// ye shes rnams kyi rtsa ba zug/ 'di las 'phro dang 'du med kyang // gsal ba 'od kyi dkyil 'khor bkra// de las 'du dang 'phro ba yis// ye shes dbye ba du mar 'phro// gdul bya du ma'i spyod yul du// ye shes du ma'i dkyil 'khor yang // sku dang 'od du bcas par ro// bla ma yi dam mkha' 'gro thams cad kyi thugs rgyud nam mkha' klong yangs las/ gzhi snang gi ye shes bstan pa'i le'u ste nyer bzhi pa'o// s+thi// / gzhi snang ye shes chen po las// chos kyi dbyings kyi ye shes zhes// mtha' dbus med par mnyam gdal zhing // snang srid 'khor 'das dkyil 'khor rnams// sgrib g.yogs bral ba lam me ba// spyi zlum ye shes rab 'byams su// rang rdzogs sa ler shes pa ste// dbyings las rab snang thugs rje yi// rtsal 'phro zer gyis gdul bya yi// re dang 'dod pa bskang ba'o// de la chos dbyings ye shes nyid// spyi zlum mtha' dbus med pa'o// gti mug mi shes mun pa sangs// shes bya'i dkyil 'khor ma lus rgyas// gdod nas

  283. 142a

    rnam dag spros bral zhing // spros dang yang dag de bzhin nyid// chos dbyings rab 'byams ye shes so// bla ma yi dam mkha' 'gro thams cad kyi thugs rgyud nam mkha' klong yangs las/ chos kyi dbyings kyi ye shes bstan pa'i le'u ste nyer lnga pa'o// s+thi// / me long lta bu'i ye shes kyang // 'char sgo rnam pa du ma yi// rol pa ma 'gags sa le ba// rab rib mun pa rab sangs nas// snang ngor gsal tsam ma yin par// gting gsal ye shes chen po'i don// thams cad rang la rang bzhin snang // gsal la ma 'dres so sor snang // 'phro dang 'du dang rlabs g.yo ba// phyogs dang ris chad ma yin cing // 'khor mo yug la gsal ba ste// snang la rang bzhin ma grub gsal// gsal la 'dzin pa med par khyab// bdag dang bdag rkyen yul 'das par// sgo rnams gang yang ma 'gags shing // lhug pa nyid du snang ba las// me long lta bu'i ye shes te// bsgrib bya sgrib byed bsgrib pa las// 'das shing rang snang dkyil 'khor rdzogs// yul dang yul can gnyis mnyam par// gsal la ma 'dres shar ba'o// bla ma yi dam mkha' 'gro thams cad kyi thugs rgyud nam mkha' klong yangs las/ me long lta bu'i ye shes bstan pa'i le'u ste nyer drug pa'o// spyi// / mnyam pa nyid kyi ye shes ni// 'khor ba gting mtha' med pa dang // 'das

  284. 142b

    pa dkar po'i chos rnams kun// phan tshun phyogs su ma chad par// ris med mnyam nyid chen por gnas// gting gsal chen po'i gdangs las kyang // sna tshogs bkra ba'i 'phro 'du yang // mnyam nyid spang dang blang med par// ye shes gcig pa'i klong du grol// mnyam dang mi mnyam ris med la// mnyam pa nyid ces bya ba ste// de dag ye nas shes pa la// mnyam pa nyid kyi ye shes zhes// ming du btags par zad pa ste// don la yangs dang dogs med cing // phyogs dang ris dang nga khyod med// bzang dang ngan pa la sogs te// mdor na gnyis snang las 'das pas// gting gsal ye nas dag pa'i klong // mnyam pa nyid kyi ye shes so// bla ma yi dam mkha' 'gro thams cad kyi thugs rgyud nam mkha' klong yangs las/ mnyam pa nyid kyi ye shes bstan pa'i le'u ste nyer bdun pa'o// s+thi// / so sor rtogs pa'i ye shes ni// dbyings gsal chen po'i rol pa las// rtsal gyi 'phro 'du 'gyed pa dang // de dang de yi cho 'phrul las// rnam pa du mar snang ba kun// ma 'dres 'dres pa med bzhin du// gsal 'grib med par so sor snang // rang las rang nyid 'od shar bas// chags pa med cing bral med par// 'od snang las kyang 'od kyi mdangs// g.yos pa med par bkra lam mer// ye gdangs nyid du rab shes pas// rnam par rig bkra

  285. 143a

    'du dang 'phro// phra zhing grim dang yang zhing g.yo// so so nyid las so sor snang // srid bral gzhir snang 'phro 'du yis// ye shes dag pas rtogs dang grol// rnam par rig byed ma 'gags par// so so rtogs pa'i ye shes nyid// rang byung dbyings las rang shar ba'o// bla ma yi dam mkha' 'gro thams cad kyi thugs rgyud nam mkha' klong yangs las/ so sor rtogs pa'i ye shes bstan pa'i le'u ste/ nyer brgyad pa'o// s+thi// / bya ba grub pa'i ye shes ni// phrin las las kyang phrin las kyi// 'du 'phro rang snang rtsal po che// sbrul dang yang sbrul kun nas sbrul// gdul bya gdul ba 'dul byed kyis// dkyil 'khor sna tshogs rang snang zhing // 'bras bu yang dag de bzhin nyid// rtsol bral chen por lhun gyis grub// byas pa med kyang rang gshis las// rang byung 'dus ma byas su snang // de bas bya byed rtsol bral bas// bya ba byed cing byed pa bya// yang dag chen po grub pas ni// de ni yang dag ye gdangs su// shes dang rnam rig rnam par bkra// bya ba grub pa'i ye shes nyid// grangs mtha' las kyang rnam zad pa// bdag rtog ma yin gzhan ma yin// bdag gzhan ris la yod ma yin// yang dag yang grol las rnams zad// de las bya ba grub pa ste// ye shes nyid ni sgrib pa bral// kun nas yang yang bsgyur gzhi

  286. 143b

    med// rgyan dang bcas pa'i rol pa ste// 'di kun gtang gzhag med pa yin// bya ba med la byung ba med// byas pa med pas bsgyur gzhi med// de phyir 'khrul pa rang dag pas// ye shes rnam par grol ba'o// bla ma yi dam mkha' 'gro thams cad kyi thugs rgyud nam mkha' klong yangs las/ bya ba grub pa'i ye shes bstan pa'i le'u ste nyer dgu pa'o// s+thi// / yang dag ye shes bden ma mthong // bar ma do ru 'khyams pa la// bar do gnad kyi don bstan pa// bar ma do yi dbye ba dang // sa mtshams gnas lugs snang lugs te// skye gnas par do 'chi kha yi// bar do dang ni chos nyid kyi// bar do srid pa'i bar do ste// de ltar dbye ba rnam pa bzhi// de la bar do'i sa mtshams ni// ma la skyes nas 'chi kha yi// nad kyis btab pa tshun chad du// skye gnas bar do zhes bya ste// phyi nas 'byung bzhi rim gyis thim// nang dbugs chad pa tshun chad du// 'chi kha ma yi bar do yin// de nas nang gi dbugs chad nas// lhun grub snang ba tshun chad du// chos nyid par do'i sa mtshams yin// de nas mngal du chud pa tshun// srid pa bar do'i sa mtshams yin// de nas bar do'i gnas lugs ni// gdos bcas sha khrag lus grub pas// ye shes snang ba 'gag pa ste// phung po khams dang skye mched dang / rtog tshogs 'phro 'du du ma ste// yul dang yul can 'thab pa

  287. 144a

    ni// skye gnas bar do'i gnas lugs so// rlung mkhris ban kan 'dus pa sogs// 'chi rkyen gnad kyis 'byung ba rnams// rab tu 'khrugs shing lus ngag yid// sdug bsngal tshor ba dpag med myong // 'chi kha bar do'i gnas lugs yin// bdag dang bdag gir 'dzin pa yi// phung po lus kyi rten bor nas// rang las rang dbang dus der thob// skad cig chos nyid bden don mthong // chos nyid bar dor longs spyod las// chos nyid bar do'i gnas lugs yin// sngon gyi bag chags las dbang gis// gzugs gcig yod snyam srid pa'i lus// dbang po tshang zhing thogs pa med// yul rnams kun la thogs med rgyug/ rnam shes bya sgo rlung bskyod bzhin// dri za yid yud ban ma bun// srid pa bar do'i gnas lugs so// gnas lugs de las snang lugs ni// skye gnas bar do'i snang lugs su// rang bzhin babs kyi gnas pa las// phung po khams dang skye mched dang // nyon mongs la sogs rnams kun// yul las snang zhen kun tu spyod// 'chi kha bar do'i snang lugs kyang // shes pa rtse gcig mi gnas pas// smig sgra g.yo ltar ban bun dang // lang long zang zing du mar snang // rab tu g.yo zhing 'phrigs pa 'ong // chos nyid bar do'i snang lugs su// rang snang chos nyid rol pa'i klong // rang rtsal ma 'gags sna tshogs te/ kha dog sna

  288. 144b

    tshogs 'bar ba'i 'od// sku dang ye shes thig le dang // zer dang chos nyid rang sgra ste// 'ur ting sing khrol dpag tu med// 'byed dang phyed pa rang grol nyid// rang shar grol nas bden pa mthong // srid pa bar do'i snang lugs la// rmi lam nyid kyi snang ba ltar// yang yud phyad phyod sna tshogs pa// yid yul bden snang 'char ba ste// rigs drug gang dang gang skye bar// de dang de yi snang ba 'char// so sor dmigs yul rang rang gi/ las kyi 'phen sdud snang ba'o// de ltar bar ma do ru yang // rab 'bring tha ma yang mtha' yi// skyes bu rtsal sbyang lam sna bzung // skye gnas nyid nas bye brag dbye// nges par 'khrul pa'i snang ba dag/ ye shes rang rtsal ngo yis bzung // rab la shar grol 'bring po glod// za ma rang gi rang sa bzung // yang mtha' smon lam rtsal chen sbyang // 'phar dang bgrod la bzung bas kyang // g.yo ba med pa'i ting 'dzin gyis// gang la goms pa de 'grub 'gyur// 'bras bu nges pa'i gdeng chen ni// skad cig nyid la zin pa gces// bla ma yi dam mkha' 'gro thams cad kyi thugs rgyud nam mkha' klong yangs las/ bar do bstan pa'i le'u ste sum cu pa'o// s+thi// / nyams su len pa'i gnad bstan pa// rgyu dang rkyen las gyur pa yi// las kyi sgrib pa sbyong ba ste// lus kyis lus nyid ar la gtad// ngag gis ngag nyid

  289. 145a

    btson du bzung // sems kyis sems nyid gtan la phab// spyi 'dus sgo gsum gtan la dbab// nges shes chen po'i ting 'dzin gyis// 'dun pa bla ma 'bral med bsten// blo sna bsnyung zhing mi rtag bsgom// gzhan don blo bskyed rang 'khris bcad// 'dod yon zhen pa'i 'ching ba gcod// bag chags mngon zhen g.yeng la bor// gnas lugs ye shes dran bsam bzung // gang shar blo bral dang la gzhag/ 'khor gsum gang shar rgyas btab pas// ye klong nyid du mngon sangs rgya// 'bras bu rang babs lhun gyis grub// ma bcos yangs pa chen po'i don// sa chen rab tu gnon pa yin// bla ma yi dam mkha' 'gro thams cad kyi thugs rgyud nam mkha' klong yangs las/ nyams len gyi gnad bstan pa'i le'u ste so gcig pa'o// s+thi// / tshe rabs las kyi 'bras bu las// nag po zad pa'i sbyangs stobs kyis// rang grol phyag rgya chen po bstan// gnas lugs gzhi yi phyag chen ni// ngo bo mi g.yo 'gyur ba med// rol pa ma 'gags sna tshogs kun// chu zla me long gzugs brnyan ltar// bya rtsol 'dzin pa med par 'char// ye nas rab rib med pa'i klong // kun gsal gad la khyab 'od po che// sems can kun la thun mong snang / khyad par dal 'byor ldan pa yi// lus can kun la rtsal du zhugs// g.yo med gting gsal

  290. 145b

    chen po ste// nam mkha' rgya mtsho ri rgyal tshul// thogs dang gos pa med pa'o// bla ma yi dam mkha' 'gro thams cad kyi thugs rgyud nam mkha' klong yangs las/ gzhi gnas lugs kyi phyag rgya chen po bstan pa'i le'u ste so gnyis pa'o// s+thi// / bgrod byed lam gyi phyag rgya che// gang shar rnam pa sna tshogs kun// chu la ri mo bris pa dang // mkha' la bya tshogs 'gro ba'i rjes// mtsho la kha ba babs pa ltar// gang shar lam gyi rol pa rnams// gang shar rang grol phyag rgya che// snang yul ma 'gags gzung yul bral// ngang las ngang nyid thim pa ste// ngang shar rol pa'i gnad thebs pas// lam gyi 'char tshul ma 'gags pa'i// ma ma chen mor gnas pa'o// bla ma yi dam mkha' 'gro thams cad kyi thugs rgyud nam mkha' klong yangs las/ lam phyag rgya chen po shar grol gyi gnad bstan pa'i le'u ste so gsum pa'o// / sgra// / 'bras bu rang sangs rgyas pa'i sku// phyag rgya chen po yangs pa'i klong // gzhi las rnam par ma g.yos par// rang bab gshis la 'gyur med chos// lus ngag yid kyi rnam rol kun// mkha' la sprin tshogs dengs pa ltar// 'bad rtsol med par rang sa zin// g.yo 'gul med par gtan la pheb// re dogs med pas lam rtsal rdzogs// rgyu rkyen las 'das phyag rgya che// 'bras bu phyag rgya chen po ste// ma bcos

  291. 146a

    rang bab lhun gyis grub// dpe bral nam mkha'i dkyil 'khor bzhin// gting rdzogs chen por rab mnyam bzang // bla ma yi dam mkha' 'gro thams cad kyi thugs rgyud nam mkha' klong yangs las/ 'bras bu phyag rgya chen po bstan pa'i le'u ste so bzhi pa'o// s+thi// / de ltar gzhi lam 'bras bu yi// phyag rgya che la mnga' brnyes pas// nyams len lam gyi bogs dbyung ba// lus ngag yid gsum mnyam gnas pas// g.yo med bsam gtan ngang la bzhag/ tshogs drug yul la yid mi spro// gang shar mnyam pa nyid gnas pa// dmigs pa rtse gcig mi gtad par// phyam gad la ro gcig don la bzhag/ de la spyod lam ci bder spyod// phyi nang yul dang yul can kun// spang blang dgag bsgrub med pa'i ngang // 'gyu ba dngas sangs nyid gnas pas// spro bsdu'i spros pa rang chod de// re dogs blang dor las 'das 'gyur// nyon mongs la sogs rang sar dengs// ye shes dang gnas lhun gyis grub// gsal 'grib med pa'i nyams las kyang // sna tshogs shar grol rtogs pa 'char// blta ba'i gdeng chen rnyed pa 'byung // bsgom pa gshis lugs rang bab 'char// spyod pa 'bad rtsol las 'das 'byung // 'bras bu re dogs 'dzin pa bral// de kun lam gyi rtsal sbyong ste// bdag don rtogs pa'i ye shes kyis// ngang bsgom

  292. 146b

    gdal ba lhug par 'char// bla ma yi dam mkha' 'gro thams cad kyi thugs rgyud nam mkha' klong yangs las/ lam nyams len bogs dbyung ba bstan pa'i le'u ste so lnga pa'o// s+thi// / nyams len lam gyi rtsal 'byongs nas// cir snang grogs su shar nas kyang // 'bras bu btsan sa zin pa ni// snang srid 'khor 'das chos rnams kun// du ma ro gcig mnyam gnas pas// yangs pa chen po'i gnas lugs la// rang bab gshis la g.yo med bzhag/ rnam mkhyen rdzogs pa'i sangs rgyas dang // srid pa yang mtha'i sems can kun// mnyam nyid gcig pa'i ngang du ste// de bzhin gdeng ldan rnal 'byor pas// yar la re dang mar la dogs// re dogs med pa'i ting 'dzin gyis// snang srid thams cad rgya yis gdab// gtad pa med pa'i ngang la bzhag/ gsal 'grib med pa'i ngang la gzhag/ rang yan yin pa'i ngang la gzhag/ rang sa zin pa'i ngang la gzhag/ bcos bslad med pa'i ngang la gzhag/ blang dang dor ba med par gzhag/ de ltar de yi gnas lugs la// ye shes dang bsgom chen po zhes// 'bras bu btsan sa zin pa ste// rnam kun ye shes mchog gi don// lam 'gag sgrol nas dmigs su skyol// bla ma yi dam mkha' 'gro thams cad kyi thugs rgyud nam mkha' klong yangs las/ 'bras bu ye gzhi'i steng du btsan sa zin pa'i

  293. 147a

    le'u ste so drug pa'o// s+thi// / gzhi lam 'bras bu'i don ldan zhing // phyir mi ldog pa'i gdeng chen gyis// phrin las gzhan don 'byung byed pa'i// ngang las thugs rje'i rlabs g.yo zhing // lus la lus te rdo rje yi// rtsal chen pa lam g.yos pa ltar// cho 'phrul sna tshogs 'gyed pa dang // ya ma zung rnams ston pa'o// 'gag med gsung gi rtsal 'phros pas// sgra la dbang 'byor tshangs pa'i dbyangs// gdul bya dpag tu med rnams kyi// so so'i skad du rnam par sgrogs// chos rnams kun gyi de bzhin nyid// gdal bas don rtogs smin grol byed// 'gyur med rol pa ye shes thugs// sna tshogs 'gro ba'i lam rgyud du// re re la ni re rer snang // thams cad mkhyen lnga shugs las 'byung // 'gro 'dul rtsal snang dpag tu med// rtsol bral chen po'i 'gro don gyis// ngan song dong spug chen por ro// bla ma yi dam mkha' 'gro thams cad kyi thugs rgyud nam mkha' klong yangs las/ don thob the tshom med pa'i dgongs pa des 'gro don shugs 'byung du mdzad par bstan pa'i le'u ste so bdun pa'o// s+thi// / spyod pa spyod nas don 'byung ba// yang dag don ni yang dag bshad// gang gis nyams su len pa yi// ma bu dad brtson snying rjer ldan// phongs med bdag lus thed la bor// re ltos nyam nga bag tsha med// 'jig rten chos la

  294. 147b

    mthun mi 'jug/ snang ba'i chos la zhen mi chags// legs nyes rtsis gdab bral ba yi// yang dag nges pa'i chos la 'jug/ snang zhen 'khri ba rbad kyis bcad// gang la'ang nyam nga med par bya// spobs pa'i gzengs chen bstod pa gnad// bla ma yi dam mkha' 'gro thams cad kyi thugs rgyud nam mkha' klong yangs las/ nyams su len pa'i gang zag bstan pa'i le'u ste so brgyad pa'o// s+thi// / yang dag blang dor med pa yi// chos mchog nyams len brtson pa'i gnas// rab la dben zhing nyams dga' ba'i// 'bring la gnyen zhing rtsub pa ste// tha mar rang mthun stabs dang bstun// ya ma zung gi gnas rnams su// nyams len drod dang mi ldan spang // 'jig rten skye bos bgrod pa'i sa// yid gnyis 'jug pas mi bsten spang // dam nyams gnas mal mi gtsang sa// bsgrub la bar chad 'jug pas spang // mdor na skyon yon legs brtags te// dang po legs pa'i gnas mchog btsal// de nas rang la rang shes nas// yang la sogs 'jigs pa spang // de nas bstan pa thob pa yis// nges med gnas kyi bdam ris spang // tshong dus la sogs g.yeng ba'i sa// ma rungs lha 'dre mi gsum kun// 'gyu srang 'du sa chen po bsten// des ni yang dag don chen 'grub// nges pa rnyed nas gdeng chen thob// bla ma yi dam mkha'

  295. 148a

    'gro thams cad kyi thugs rgyud nam mkha' klong yangs las/ nyams len gyi gnas bstan pa'i le'u ste so dgu pa'o// s+thi// / tshul ldan legs pa'i skyes mchog de// dmigs pa'i gnas der slebs pa dang // rig pa rten dang phral nas kyang // sems nyid chos kyi dbyings su 'phang // mkha' ltar khyab pa'i ngang la gzhag/ gces 'dzin lus kyi gdung ba bcad// sa rdo lta bur lings kyis dor// snang srid 'khor 'das chos rnams kun// gyi na tsam du bun gyis bsgyur// gtad med rig pa dbyings su sbyar// phyi nang snang zhen 'khri ba bcad// yul med dmigs gtad bral bar bzhag/ rga nad 'chi sogs 'dun pa bshig/ rang bab dang du bskur la btang // cog bzhag chen por la zag bcad// mdor na gdal ba chen po'i ngang // mtha' bral yongs grol gnad la gzir// blang dor la sogs blo las bsgrung // bla ma yi dam mkha' 'gro thams cad kyi thugs rgyud nam mkha' klong yangs las rig pa rten dang phral nas blta ba'i la zag gcad par bstan pa'i le'u ste bzhi bcu pa'o// s+thi// / la zag chod pa'i dus nyid na// mi gtsang rdzas kyi phung po ste// bdag lus 'byung ba'i grong khyer bshig/ ye shes lha rnams dbyings su sbar// dag pa bdud rtsir dmigs pas bsgyur// thugs rje rtsal gyi dgongs pa yis// lhas 'dod lha la

  296. 148b

    mchod byas shing // 'dres 'dod 'dre la ltos med sbyin// len chags rigs drug sems can la// pham rgyal rtsod 'then med sems kyis// ya nga khu 'khrigs spangs la sbyin// re dang ltos pa med pa yis// gang la sbyin dang gang gis sbyin// gang ltar sbyin pa'i tshul rnams kyis// 'du 'phro chos nyid bden pa'i mthu'i// dpung dang bcas pa'i byin rlabs kyis// kun kyang bden 'bras mchog la reg/ bla ma yi dam mkha' 'gro thams cad kyi thugs rgyud nam mkha' klong yangs las/ bdag rtog 'khrul pa'i gces 'dzin bshig nas lha 'dre'i 'khrul cha bcad pa'i le'u ste zhe gcig pa'o// s+thi// / de ltar de la rab brtson pa// bdud dang bdud kyi rigs kyi lha// mi dang 'dre ru snang yang rung // cho 'phrul rnam 'phrul du ma yis// skabs tshol glags lta byed pa na// de dang de la dmigs pa gtad// bdag dang phan tshun dbyer med bsre// byams sems snying rje'i rtsal gyis bzung // bden mthong yang dag chos la gzud// slar yang dmigs pa sbrul bskur gyis// gang la gang dgos ci 'dod kyi// re ltos med pa'i sbyin pa btang // bdag gzhan re dogs nye ring gi/ blang dor 'dzin pa'i rtod phur phyung // gang dang gang du 'brel bcas pas// rnam dag rgyal ba'i zhing du bskyal// rnam grol legs pa'i lam la sbyor// byang chub chos kyi sa bon

  297. 149a

    gdab// las 'bras dkar po'i bag chags bzhag/ bla ma yi dam mkha' 'gro thams cad kyi thugs rgyud nam mkha' klong yangs las/ bdud ngos bzung zhing gnyen po byams snying rjes thog brdzis btang ba'i le'u ste zhe gnyis pa'o// s+thi// / gdod nas rnam dag ye shes mchog/ gtang gzhag bral ba'i gdeng thob nas// yul phyir bltas pas ya nga min// blo bral rang grol dbyings nyid las// snyems med ye grol gcig thag chod// dgongs klong mkha' ltar dag pa'i ngang // gzhi rtsa bral ba'i cog bzhag pa// cir snang rang sar grol ba yis// snang srid 'khor 'das gtan la phab// lha med 'dre med rang thag chod// snyems bral chos kyi dbyings su thim// ma la bu bzhag ji bzhin du// bza' ngan du ma ro gcig go/ bla ma yi dam mkha' 'gro thams cad kyi thugs rgyud nam mkha' klong yangs las/ snang srid 'khor 'das thams cad rang nyid kyi steng du la zag gcad de 'khor 'das gtan la dbab pa'i le'u ste zhe gsum pa'o// s+thi// / gnas skabs spyad pa spyod pa'i bus// bcos pa med par spyad pa'i thabs// rang 'khris thag pa rbad kyis bcad// gang shar yul la ltos pa bral// lus spyod rang lugs gtan la dbab// bcos med gzhi thog rang shar bas// gnas skabs yul gyi bya ba las// 'bad

  298. 149b

    dang rtsol ba med tshul gyis// shugs la spyod pa gnad yin zhing // ngag gi bre mo zungs zad pas// 'khrul pa yul phyir mi spro bar// smra brjod gtang gzhag med pa'i ngang // rang bab mal du tsan ne ba// ka ku shab shub med par gzhag/ ngag spyod bla med yang dag don// bklag dang sdebs su bsgrig par bya// yid dpyod nyon mongs rang gar min// rab 'bring tha ma'i blo can gyis// rang grol gnyen po 'bad med dang // 'bad bcas kyis ni lam du 'khor// gang la yang khu 'phrigs med// spyod pa babs mal nyid du spyod// spang blang dgag bsgrub med par gzhag/ rnam grol thabs dang ldan spyad pas// yang dag lam du 'jug pa'o// bla ma yi dam mkha' 'gro thams cad kyi thugs rgyud nam mkha' klong yangs las/ tshul chos 'dzin pa phral nas spyod pa rang bab tu bskyang bar bstan pa'i le'u ste zhe bzhi pa'o// s+thi// / yang dag don gyi lta ba dang // gnas lugs babs kyi ngang bsgom dang // bya rtsol bral ba'i spyod pa dang // gzhi thog phebs pa'i 'bras bu ste// gang dang gang la bsngags pa la// snyems kyi 'dun pa 'dug mi 'dug/ mi 'dug thag chod snyems bral te// snyems bdud mchod lam la 'khyam// rang snyems rang la skad cig gcad// gcad tshul gang shar rtog tshogs kun// bcing grol med pa'i lhug pa las// lhag ma

  299. 150a

    med par la thag gcad// lhag mar bcas pa'i dmigs pa yis// snyems dang bcas te yid gnyis 'gyur// 'dun pa gang la gang gtad pa// de dang de la der dmigs med// yangs dang dog pa med par yang // mi bzo bzo ba med par bzhag/ bzos pa'i chos kyang yid gnyis rgyu// re dang dogs par de 'gyur ro// 'khor dang 'das pa gang la yang // re ltos snyam snyems med par gzhag/ ltos pa can de re ba'i rgyu// de la shugs kyis dogs pa 'byung // re dogs ltos pa can gyis ni// lha bsgom spyod 'bras 'jur bus bcings// 'jur bu'i mdud pa rang grol nas// gnyis 'dzin grongs 'das grangs mtha' zad// ming dang ming tshogs phung po zhig/ gnyis 'dzin la 'das chen po'o// bla ma yi dam mkha' 'gro thams cad kyi thugs rgyud nam mkha' klong yangs las/ gnyis 'dzin blang dor gyi snyems thag gcad nas gnas lugs yang dag gi gdeng chen bca' ba'i le'u ste zhe lnga pa'o// s+thi// / 'bras bu yang dag mchog gi lam// bgrod par 'dod pa'i thog ma nyid// lus gnad rtsa ba'i dra ba brtag/ rgyu dang rkyen las byung ba ste// 'dus tshogs srid pa'i rtsa ba las// bag chags las kyi 'du 'phrod kyis// lus gcig blangs pa las kyi lus// rnam smin sha khrag phung po la// gnas lugs yang dag don bzhugs pas// ma dag

  300. 150b

    las kyi rgyu rlung gis// 'phro 'du bya byed du ma spyod// des kyang 'khrul 'khor nyid du 'khor// de dag 'khrul 'khor bshig pa'i thabs// byang chub rgyun rlung dag pa'i gzhi// 'phro 'dus rdo rje'i lus bsgrub pa// mi 'gyur g.yung drung rdo rje'i sku// thabs dang shes rab las byung ba'i// ye shes stsal las byung ba yis// sbrul dang yang sbrul gzhir snang zhing // sha khrag la sogs du ma'o// de las lam snang ye shes kyi// grong khyer rtsa yi dra mig ste// sdong po dang ni yal ga las// gyes shing mtshon pa mang du ste// 'khor lo lnga la sogs pa yi// stong phrag bdun cu rtsa gnyis kyang // zad ka zad ka'i khyim du gnas// so so'i gang dang gang gi rten// spyi bo dang ni rkang pa'i mthar// rnam par bkram nas don kun byed// grangs can dang ni grangs med pa// stobs dang stobs min khyad par ro// bla ma yi dam mkha' 'gro thams cad kyi thugs rgyud nam mkha' klong yangs las/ rdo rje lus gzhi rten du gyur pa las/ lam rtsal rtsa'i 'char tshul bstan pa'i le'u ste zhe drug pa'o// s+thi// / gnas pa rtsa la rgyu ba yi// rlung gi chags tshul rim pa las// rgyu dang rnam par rgyu ba dang // phra rags la sogs rnam mang yang // nyi khri tshig stong drug brgya las// rtsa ba yan lag gnyis la 'dus// rtsa ba lnga dang yan lag lnga// so sor las kun rnam par byed// nam mkha' rlung me chu dang

  301. 151a

    sa// stobs kyi rnam par rtsal byed pa// gyen mthur me mnyam srog dang ni/ khyab byed las kyi rlung dang bcas// 'phro 'du rnam par bkra ba las// las kun byed cing 'phen dang sdud// byer zug sgaskang gshongs sna tshogs las// phyi dang nang las kun tu rgyu// bzang ngan las kyi 'phro 'du kun// rba rlabs lta bur rab tu 'khrugs// byed pa byas shing las kyis las// las la rnam par spel ba dang // sdud pa dang yang 'khrugs mar ni// thog ma bar dang mtha' rim bzhin// g.yo ba can dang g.yo ba med// rab tu brtan pas las kun byed// las dang las ma yin pa dang // las las rnam par 'phros pa dang // byang chub lam gyi rtsal nyid kyang // de dang de las rnam par 'byung // phra mo la sogs thun mong gi/ sbyor ba dpag tu med pa yang // de yi rnam grangs thabs las 'byung // de dag mkhas pas shes par bya// kun rdzob dang ni don dam gyi// nor gyi snying po spel dang sdud// de dang de yi shugs las 'byung // g.yas dang g.yon du 'pho ba dang // mnyam par rab tu gnas pa las// de yi yan lag yab dang yum// gnyis med mnyam par gnas pa rnams// dus las ma g.yos las la sbyar// skye 'chi rgas rgud na sogs kyis// skye dang sdud pa'ang de dang de'i// byed pa phra rag las byung bas// btson du 'dzin dang rtsal sbyong dang // dus

  302. 151b

    la babs tshe las sbyor gyi// 'byin 'jug bsgyel ba'i las la gzab// mkha' la 'phur dang me yi las// chu dang brag la thogs med sogs// sna tshogs rdzu 'phrul thun mong dang // mngon sum gnad la mkhas byed dang // nyi zla btson du bzung ba yi// 'khrul 'khor la sogs gang dang gang // de dang de sogs las rnams kun// stobs chen de yi rtsal las 'byung // de dang de tshul brtson pas 'bad// bla ma yi dam mkha' 'gro thams cad kyi thugs rgyud nam mkha' klong yangs las/ rlung gi rgyu ba dang byed pa bstan pa'i le'u ste zhe bdun pa'o// s+thi// / yang dag rnam par nges pa dang // ma nges pa ste du ma yis// thig le gang dang stong pa dang // rgyu dang rnam par rgyu ba dang // rang babs gshis la gnas pa dang // 'phel dang mi 'phel la sogs kyang // rnam par rig byed 'phro 'du las// phra rags byed pa sna tshogs so// bcu drug grangs las byed can du// drug las rgyu dang 'bras bu nyid// byed pa'i rkyen las snang bar 'gyur// g.yo ba med pa brgyad nyid kyis// rnam par rig byed 'phro dang 'du// ye shes nyid dang sprul pa dang // yang sprul 'phro 'du yang yang ston// ma dag dug lnga dang yang gzhan// las kyi 'khrul 'khor sna tshogs bskyed// dag dang ma dag khyad par las// 'khrul 'khor zhig dang ma zhig gi// khyad par la sogs mang po dang // bde/

  303. 152a

    dang sdug bsngal btang snyoms byed// rnam par grol dang ma grol dang // rjes dang rjes dpag dag gis shes// ye shes rgyu ba don dam dang // las kyi rgyu ba kun rdzob la// thig le rnam gnyis gcig la gcig/ mdung khyim lta bur brten nas gnas// rgyu las ye shes skye ba dang // ye shes rtsal las rgyu 'byung bas// byed pa rkyen gyi 'phro 'du las// sangs rgyas nyid dang sems can dang // de las rnam par gyes pa yi// rnam grangs dpag tu med pa'i phyir// spel dang sbyar dang las la sbyar// mkhas pas gnad dang ldan pa yis// nges par le lo med par brtsam// mchog dang de bzhin thun mong sogs// gang 'dod 'bras bu nges par 'byung // bla ma yi dam mkha' 'gro thams cad kyi thugs rgyud nam mkha' klong yangs las/ kun rdzob rgyu'i thig le dang don dam ye shes kyi thig le bstan pa'i le'u ste zhe brgyad pa'o// / s+thi// / rtsa ni khyim dang 'dra ba la// rlung ni bdag po lta bu yis// nor dang 'dra ba'i thig le nyid// rtsal sbyang nyams su len pa'i gnad// lus ngag yid gsum gtan la dbab// pheb nas rim bzhin las la sbyar// bdag dang de bzhin gzhan zhig gi/ mtshan nyid rnam par ldan par sbyor// 'byongs nas kun rdzob don dam nyid// gnyis mnyam nyid du gtan la dbab// de ltar gtan la sus phebs pa// mchog

  304. 152b

    dang thun mong las kun 'byung // bla ma yi dam mkha' 'gro thams cad kyi thugs rgyud nam mkha' klong yangs las/ rtsa rlung thig le nyams su blangs nas gtan la dbab pa'i le'u ste zhe dgu pa'o// / s+thi// / rtsa nyid gtan la dbab pa la// lus kyi rtsal sbyang rab tu gces// til mar byugs dang 'phur ba yi// dang po sman dang dri sbyar bas// lus kyi mgo mjug dag par sbyang // de nas mnye dang bsrub pa dang // sbug dang bskor dang g.yug pa dang // rgyug dang mchongs dang mnyed pa ste// gcan gzan tshul dang mkha' lding dang // rta dang lug dang chu srin sogs// rnam 'gyur sprug pa'i las la yang // rnam par rol la sogs pa yi// rtsal sbyong 'khrul 'khor dpag med bslab// yang rtsal dang ni lus zungs kyi// shed skyed pa yi sbyor ba la// rab tu nyin mtshan med par 'bad// bla ma yi dam mkha' 'gro thams cad kyi thugs rgyud nam mkha' klong yangs las/ lus rtsal sbyong ba'i 'khrul 'khor bsten pa'i le'u ste lnga bcu pa'o// s+thi// / ngag gi rtsal sbyong rlung la bslab// ro rnams mda' ltar 'phang bas sbyang // gsar pa gzhu ltar bkug pas bzung // rdzing ltar me yis gnas su bskyil// dal ba phab cing drag tu gtsun// stod dang smad dang bar dag dang // yan lag rnams la rim bzhin dgram// ngal dang du ba dang g.yo ba dang // rab tu

  305. 153a

    'khrugs pa med par bya// gal te nas ni sor bzhag pa// slar yang bum lho'i las byed 'gyur// kun la de ltar ma yin gyis// skyes bu gang dang gang dag gi/ rgyud dang so sor gang rigs bstun// dar dang ma dar snyoms pa dang // bzang dang ngan dang tshod can te// gang dang gang rigs mkhas pas bslab// drag zhan la sogs 'gres kyis shes// brtson 'grus dang ni dbang po yi// byed pa stobs kyi khyad par yang // rigs dang mi rigs de bzhin dpyad// rlung gis gang dang stongs pa yi// lus rtsal stong ra'i dmigs pa gtad// g.yo bar gyur nas phab la bzhag/ gzhan gyi sbyor bas tshad la phab// bla ma yi dam mkha' 'gro thams cad kyi thugs rgyud nam mkha' klong yangs las/ ngag rtsal sbyong ba rlung la bslab pa'i le'u ste nga gcig pa'o// s+thi// / nyams pa med pa'i khams rnams la// zag pa med pa'i rtsal la bslab// dang po 'phel ba'i sbyor ba dang // de nas de dag dbab pa dang // bskyil dang bzlog dang dgram pa dang // tha ma las la sbyar ba yi// go rim yang dag rtsal chen sbyang // ting 'dzin dang ni 'khrul 'khor dang // kun la rlung gi sbyor ba dang // la lar rdzas kyi sbyor ba bsngags// gang dang gang yang de dang de'i// rtsol ba rab 'bring tha sogs sbyar// ngan dang bzang dang 'bring po las// byed pa gnad kyi man/

  306. 153b

    ngag mchog/ nyams pa med pa'i rtsal sbyong gis// las la ji ltar sbyor na'ang // nges par mchog la gnas par 'gyur// nyams par gyur pa'i rtsol ba yis// nyams pa chen por gyur nas ni// mchog dang yang dag mi ldan nas// thun mong rnams kyang de bzhin no// sman mar la sogs sbyor ba dang // lus ngag gnad las 'byung bas shes// bla ma yi dam mkha' 'gro thams cad kyi thugs rgyud nam mkha' klong yangs las// khams byang chub kyi sems rtsal sbyong bstan pa'i le'u ste nga gnyis pa'o// spyi// / lus kyi 'khrul 'khor la brten nas// rtsa rnams dag par byed pa dang // ngag gi rlung sbyor la brten nas// rlung rnams dag par byed pa dang // yid kyi thig le la brten nas/ khams rnams dag par byed pa ste// de dag sdebs dang bcas pa yis// lus ngag yid gsum lhan cig pas// bskyed dang rdzogs dang rdzogs pa che// lhan cig/ nyams su blang bar bya// dang po rtsal la su goms par// kun kyang zung du chud pa yin// zung 'jug dbu ma nyid dag pas// rtsa dag sprul pa'i sku nyid dang // rlung dag de bzhin longs spyod sku// thig le dag pa chos sku ste// sku gsum zung 'jug chen po yis// lus ngag yid gsum gnas dag nas// rdo rje gsum gyi bdag nyid can// 'bral ba med pa'i ye shes brnyes// gzhi bral gcig tu dril ba la// lam rtags

  307. 154a

    yon tan zhar la ste// dper na ljon shing rgyas pa la// yal 'dab shun lpags mi 'dod kyang // zhar la byung dang mtshungs pa ste// sa lam ma bgrod ye bgrod du// thabs 'dis 'gyur ro rnal 'byor pa// rtsa dag rlung dag thig le dag/ ye shes rol pa ngang gis 'char// rgyu dang rkyen las gyur pa dang // blta dang sgom spyod 'bras bu'i gnad// gcig las ma lus yongs su rdzogs// 'di phyi bar gyi gnas lugs kyang // nges don bcud du yang dag 'gyur// rtsa las yang dag rlung ldan pas// thig le'i las rnams 'grub pa ste// gcig dril rtsal gyi ye shes lnga// nyon mongs lngar bcas dbyer med pas// gnas dang ldan pa 'dis 'gyur ro// g.yo dang 'gyu ste bde stong gi/ zag med yon tan rab snang ngo // bla ma yi dam mkha' 'gro thams cad kyi thugs rgyud nam mkha' klong yangs las/ rtsa rlung thig le dbyer med du dril nas gtan la dbab cing nyams su len par bstan pa'i le'u ste nga gsum pa'o// s+thi// / nyams len gnad kyi thog ma nyid// rang gis lus rtsal legs sbyangs pas// goms shing 'dris nas brtan pa dang // rigs dang ldan pa'i mi mo la// brten nas sbyang bar byed pa yang // lus ngag yid gsum skyon med cing // yon tan mang po rab tshang zhing // dar la babs nas skyon ma zhugs// bde ba'i yon tan sbyin

  308. 154b

    nus pa// rnal 'byor rang rang yid mthun la// smin dang grol ba'i sgor zhugs shing // dal gyis thabs kyi lam la sbyang // dang por g.yo ba'i rtsal sbyang dang // bar du 'phel ba'i 'khrul 'khor dang // tha ma las la sbyar ba yis// mkhas pas yang dang yang gtsun la// bcud dang dngas ma yang dag blang // dga' ba bzhi yi ye shes las// legs par rim gyis gtan la dbab// dngas ma dang ni snyigs ma rnams// skyon sel yon tan bcas pas blang // snyigs ma'i snyigs ma yang yang dor// dngas ma'i dngas ma dbyings su bskul// bde dang sdug bsngal rnam pa gnyis// gnyis med gcig tu gyur nas kyang // mnyam nyid gdal pab chen por gnas// de ltar dang por rang lus dang // de nas rim par gzhan lus la// brten nas lam gyi rtsal sbyang zhing // gnyis med dbyings su bsre bar bya// de dang yang dag nges ldan pa'i// sna tshogs las kyi rim pa yang // mngon shes la sogs las la sbyar// gtan la pheb nas gzhan don spyad// 'bras bu sku gsum ngang du bskul// bla ma yi dam mkha' 'gro thams cad kyi thugs rgyud nam mkha' klong yangs las/ rang lus dang gzhan lus la brten nas nyams len gyi rtsal sbyang ba bstan pa'i le'u ste nga bzhi pa'o// s+thi// / nyams len gnad la gzir ba la// myong ba rnam pa gsum 'byung ste// dang po bde ba'i

  309. 155a

    ye shes 'char// lus med yod du mi tshor dang // lus la mtshon cha'i char babs kyang // bde ba'i ye shes 'phel grogs byed// zug rngu med pa'i yon tan gyi// rnam pa dpag med lus la 'byung // ngag la bde ba 'bar ba ni// rlung la rang dbang 'byor thob pas// ring dang thung dang gar gtad du// nges par lam du 'gro ba dang // nus pa'i stobs 'bar gre lce bde// snyan mthun rang gzhan kun dga' byed// yid bde zug rngu kun dang bral// dga' ba bzhi dang ye shes lnga// nyams kyi rtsal chen 'bar bar 'gyur// de ltar lus ngag yid gsum dang // de dang de yi rol pa las// bde ba zag bcas zag pa med// zung du 'jug pa la sogs pa'i// 'bras bu rnam par grol gyur te// mtshan dang dpe byad rgyan du byas// phyi nang gsang ba'i brda don 'phrod// bla ma yi dam mkha' 'gro thams cad kyi thugs rgyud nam mkha' klongs yangs las/ bde nyams 'char bar bstan pa'i le'u ste nga lnga pa'o// s+thi// / de nas myong ba gnyis pa la// phyi nang gzhan sogs gsal ba yis// nyams len gnad kyi ngos zin 'gyur// phyi ru gsal dang nang du gsal// de las gzhan par gsal ba ste// mngon sum pa dang nyams snang dang // rang bab 'od du gsal ba sogs// dbang po'i spyod yul gang la yang // nye ring med par gsal la

  310. 155b

    sogs// rnam par bkra la rig byed gsal// phyogs dang ris su ma chad pa// mnyam pa nyid du rang bab gsal// dgag dang bsgrub pa med par ni// sa le hrig ge lham me ba// lha yang zhal phyag sku mdog bcas// rgyan dang cha lugs gsal ba dang // 'od zer rab tu 'phro ba yang // rang snang zer dang bcas pa las// phyis 'byung ba dang yang dag gsal// gzung dang 'dzin pa med par gsal// g.yo 'khrul yang sa dog med par gsal// rang gzhan dbyer med 'dres par gsal// sangs rgyas sems can med par gsal// rab mnyam yangs pa chen po la// dgag dang bsgrub pa med par yang // rang snang dag pa nyid gsal bas// sgrib g.yogs mun sangs e ma ho// bla ma yi dam mkha' 'gro thams cad kyi thugs rgyud nam mkha' klong yangs las gsal nyams 'char bar bstan pa'i le'u ste nga drug pa'o// / s+thi// / gsum pa gnas lugs ma thog tu// stong nyams zhen pa med 'char ba// bde dang gsal ba g.yo med par// mi rtog stong pa'i ye shes kyis// mnyam nyid ngang la gnas par 'gyur// rags dang phra ba'i rang bzhin can// ngang du gnas pa ngang gis 'phro// 'du 'phro'i rol pa sna tshogs kyang // gzhag pa med par mnyam gnas pa// nam mkha'i cho 'phrul du ma yang // byas pa med par rang shar zhing // rang yal

  311. 156a

    rang sar dengs pa ltar// gzhi las snang ba'i dngos po kun// bde ba'i cho 'phrul du ma dang // de bzhin cho 'phrul lang long yang // gzhi nyid ngang du rang dngas pas// 'bad rtsol bral ba'i rang stong ste// dngos dang dngos min mtha' bral ba'i// ye shes rang grol rang shar nyid// dngos la de bzhin nyid snang ba// 'khrul pa dag pa'i 'du 'phro las// gzung 'dzin bcas pa ma yin no// ye stong dag pa'i kloslong rdol nas// nyag gcig de kun gshis la shar// shar ba de nyid rang bab grol// de ltar bde gsal stong pa'i ngang // mi rtog ye shes bla ma yin// bla ma yi dam mkha' 'gro thams cad kyi thugs rgyud nam mkha' klong yangs las/ stong pa nyid ye dag gad la khyab du bstan pa'i le'u ste nga bdun pa'o// s+thi// / bde stong zag pa med pa yi// ye shes rang sa zin pa'i gnad// gshis la g.yo ba med bzhin du// bcas bcos bzo med lhug pa'i klong // rang gsal nyid du gnas par gzhag/ bdag rkyen dang ni gzhan rkyen dang // de bzhin 'du 'phro du ma rnams// gcig la gcig brten yin pa'i phyir// de dag rang bab bcos med par// rang rang gnas las g.yo med du// da la la phab nas gzhag pa yis// dang por g.yo dang bar du gnas// tha ma brtan pa thob nas kyang // 'bras bu rgyu yi ye shes las// rtsal snang dpag

  312. 156b

    tu med shar bas// snying po chos sku mnyam pa nyid// longs sku gsal dag rkyen dang bral// sbrul sku rol pa 'gag med las// yang sbrul cho 'phrul bcas pa snang // sku gsum ye shes lnga nyid las// mya ngan 'das dang mya ngan 'da'// kun nas mya ngan 'das pa ba// rdzogs pa'i 'bras bu yang dag go/ gnas skabs yul gyi 'bras bu yang // tshe la dbang 'byor 'thob pa dang // longs spyod nyid la dbang 'byor pa// thun mong gang dang gang dag rnams// rtsol med rang byung lhug par ro// 'dod dang 'dod chags rnam bral yang // 'dod chags nyid las ma g.yos par// 'dod chags rang sar de grol zhing // chags pas chags pa dbang du ste// chags pas sems can rang grol 'gyur// de bas 'dod la chags bral ba// rang babs chags pa med par 'chang // chags pa'i 'bras bu bde gsal nas// mi rtog ye shes ting 'dzin skye// de nas kun nas kun bzang ba// yab yum la sogs dkyil 'khor gyi// gzhi snang nyid du mngon 'bras 'grub// e ma don dam kun rdzob kyi// dbye bsal mtshan 'dzin phra rags dang // 'khor ba'i yo lang du ma dang // de bzhin mya ngan 'das pa yi// thugs rje'i cho 'phrul ma lus pa// thams cad thams cad dbyings su nub// bla ma yi dam mkha' 'gro thams cad kyi thugs rgyud nam mkha' klong yangs las/ 'khor

  313. 157a

    'das thams cad bde stong zag med kyi dbyings su bsgral nas 'bras bu sku gsum ye shes lngar rdzogs par bstan pa'i le'u ste nga brgyad pa'o// s+thi// / yang dag bla med byang chub don// sku gsum ye shes bla ma yi// 'bras bu bsgrub par bla med pa'i// lam gyi 'gal rkyen par chad rigs// bdud dang bdud kyi rigs rnams kyi// cho 'phrul du ma bzlog pa'i thabs// rnal 'byor rgyal pos 'di ltar blta// gzhi las g.yos pa med pa'i ngang // lus ngag yid la ji ltar gyi// zang zing rnam pa ci byung yang // ci mi snyam pa rdo rje'i thugs// rtsal chen gnam lcags bu yug las// phra rdul rab tu gtor shes pas// ji mi snyam pa'i gdeng gis bcad// yangs dang dog dang phra rags sogs// lo ma sprul pa'i 'khor los bcad// sprul pa las kyang sprul pa yi// cho 'phrul de yang nga yis bcad// yod las med dang med las byung // de dag bdag rtog bshig las grol// mnyam yangs chen por ngang bzhag pas// kun kyang chu la chu thim ltar// de yod ma yin de med min// yod med blang dor las 'das pas// cho 'phrul bzlog pa'i dpa' bo yin// ya nga g.yang sa gcod pa yin// 'khu 'phrigs zhen pa bzlog pa yin// gegs sel gnad kyi mthar thug yin// de las gzhan yang lam gyi cha// rtsal gyi sbyor ba du ma dang // rdzas kyi rnam

  314. 157b

    grangs phra mo rnams// rang rang gnad thog mkhas pas dbab// dpa' bo g.yul la chas pa la// go mtshon lta bu'i man ngag go/ bla ma yi dam mkha' 'gro thams cad kyi thugs rgyud nam mkha' klong yangs las// byang chub lam gyi gegs sel ba'i le'u ste nga dgu pa'o// s+thi// / e ma e ma bcom ldan 'das// bcom ldan dpag med rgyal po kye// ma rtog log par rtog pa yi// skye 'gro ma lus 'dul don du// yang dag mthar zug theg pa'i chos// gdul bya gang dang gang 'tshams pa// so sor lta bsgom spyod 'bras bcas// gzhi snang ye shes chen po'i gnad// gdod nas dag pa'i yang snying mchog/ dri med lam mchog bgrod pa'i thabs// g.yo ba med pa'i ngang nyid las// sku las 'od byung phyogs bcur bkyes// gsung las chos kyi 'brug sgra sgrogs// thugs rje brtse ba chen po yis// bdag cag 'dus pa'i 'khor rnams la// lhang nger rtsal bas rjes yi rang // bdag cag sprul pa'i 'khor dang yang // yang 'khor gdul bya'i zhing gyur pa// lha dang klu dang gnod sbyin dang // mi dang dri za grul bum sogs// rjes su yi rang mngon par bstod// bla ma yi dam mkha' 'gro thams cad kyi thugs rgyud nam mkha' klong yangs las/ rjes su yi rang zhing mngon par bstod pa'i le'u ste drug cu pa'o// // / thugs kyi bcud dri ma med pa'i rgyud

  315. 158a

    kyi rgyal po nam mkha' klong yangs zhes bya ba/ bdag 'dra pad+ma 'byung gnas kyis bsgyur ba rdzogs so// rta nag dregs pa sde brgyad tshogs kyis bka'i bya ra mdzod// gter rkun bka' la ras chod gzu lum byed pa byung na dbang po snrubs/ sa ma ya/ rgya rgya rgya/ d+ha thim/ bdag 'dra sangs rgyas rdo rjes me mo yos kyi lo dgun zla tha chung glang zla'i tshes brgyad yos kyi nyi ma 'brug gi dus su bla dkar dung gi sgo mo klu btsan gyi gnas sgo nas gdan drangs pa'o// rdzas snod ni klus phul ba'i rdo rje'i 'dag pa las byas shing / lha'i gos kyis spun bsres shing / mthing rtsis byug pa'i ga'u ste/ 'di lus la bcangs pa tsam gyis mi ma yin pa rnams kyis mi mthong ba'i sgrib shing du 'gyur bas/ lha sras nyid kyi lus la bcang bar bya zhing / rgyud kyi shog dril lung bstan dkar chag them byang / gser gyi rdo rje nor bu rin chen rnams/ rtsa ba rgyud 'dzin gyi bu'i lag tu 'grim par byas sam/ mchog gi rnal 'byor pa gang rung gi lag tu gtad de// bstan pa'i btsas su ma 'phags par chongs shig/ de dag gal te ya bral zhing 'thor na byin rlabs kyi rgyud zam 'chad par 'gyur ro// // sa ma ya/ d+ha thim// /

  316. 158b

    @/ mu rgyan gsang ba brda'i skad du/ na/ \u0f7f\u0f7f/ thAH/ \u0f7fna bya/ muHrgya gar skad du/ g+hu ru d+he wa DAk+ki ni sarba gu Na tan+t+ra shA sa na yaSh+Ti nA ma/ bod skad du/ bla ma yi dam mkha' 'gro thams cad kyi yon tan gyi rgyud bstan pa'i srog shing zhes bya ba/ dkyil 'khor thams cad kyi mnga' bdag bcom ldan 'das dpal he ru ka gzi brjid mtha' yas pa'i dbang phyug gsung gi pad+ma la phyag 'tshal lo// bde gshegs rgyal ba thams cad kyi// sku dang gsung dang thugs rdo rje// mi 'gyur sprul pa'i 'khor tshogs kyis// rab tu bskor ba'i dkyil 'khor gtso// dpag med rgyal po snang mtha' yas// ston pa gzi brjid dpal 'bar ba// gtso 'khor mnyam par bzhugs pa'i dus// yang dag rnam par bkra ba yi// pho brang lhun por brtsegs pa'i gnas// rab bzang brtsegs pa'i khang bzangs su// gdul bya rnam pa du ma la// 'dul byed thabs kyi yan lag mchog/ sna tshogs las kyi yan lag tu// thun mong gang dang gang dgos rnams// ljags kyi dbang po la bkram nas// brtse bar dgongs nas gsung du gsol// de ltar gdung bas zhus pa yi// ston pas dgongs nas bka' stsal pa// zhi dang rgyas pa la sogs pa'i// sna tshogs thun mong las kyi rigs// phra mo'i sbyor ba rim gyis gsungs// bla ma yi dam mkha' 'gro thams cad kyi yon tan gyi

  317. 159a

    rgyud bstan pa'i srog shing las/ gleng gzhi'i le'u ste dang po'o// s+thi// / bla med byang chub bsgrub pa la// lam gyi mthun rkyen bsgrub bya'i phyir// thun mong thabs kyi las rnams kun// stobs dang ldan pa'i skyes bus brtsam// 'bras bu sku gsum byed pa'i lam// mthun rkyen thabs kyi yan lag tu// sna tshogs las kyi sbyor ba brtsam// de don 'grub gang 'bras bu gsum// gdon mi za bar smin par 'gyur// de ltar las kyi dang po ni// byin brlabs dngos grub phrin las rnams// 'byung phyir rtsa ba'i bsgrub pa bya// dad pa mos gus shugs byung la// bla ma rgyan dang cha lugs can// sku gsum ngo bo mtshan dpes spras// gnas lnga la sogs yan lag mthil// rtse gcig ma yengs mdung tshugs bsgom// bdag lus sgyu ma'i grong khyer 'di// yi dam zhi dang khro bo'i tshul// gang 'dod dpa' brjid ldan par bskyed// rtsa gnas pab spu'i grong khyer du// rigs kyi dpa' bo mkha' 'gro'i tshogs// grangs med rtsis las 'das pa yang // rang rang rgyan dang cha lugs bcas// rigs kyi mdog can phyag mtshan 'dzin// sbrul dang yang sbrul bcas pa yang // gzhan yang rang nyid dad pa'i lha// sprul pa la sogs dpag med rnams// snang la rang bzhin ma grub par// gsal la sgrib g.yogs med par bskyed// oM AHhUM hrIH/ badz+ra g+hu ru d+he wa DAk+ki ni sarba sid+d+hi

  318. 159b

    pha la hUM a/ sgra zur ma nyams dag par bzlas// mi skyo'i bar du phyi ltar te// snyan pa'i dbyangs kyis 'dzab tu sgrogs// de nas ngal dub skyo ba'i tshe// nang ltar gsang sngags shub bur bzlas// dmigs pa'i 'khrul 'khor rab tu 'bad// de dag klong du gyur pa dang // gsang ba skye med rdo rje yi// bzlas pa rlung gi 'khor lo bskor// bla ma yi dam mkha' 'gro la// dngos grub blang ba'i dmigs pa yang // dus gsum la sogs skabs su bya// des ni phyi nang gsang ba'i rtags// rab 'bring tha ma rim pa bzhin// dngos nyams rmi lam nyid du ste// rab 'bring tha ma 'di ltar 'byung // sku ston gsung sgrogs rnam 'gyur ston// de la sprul pa du ma'o// de dus rang sems rang bab klod// dgag bsgrub la sogs yid gnyis spang // 'di ni don chen dam pa ste// phyi nang gsang ba'i mchod gtor 'bul// rdzas dang dmigs pa la sogs pa'i// thabs kyi yan lag mang po yang // rig 'dzin mkhas pas rlung sems la// dbang 'byor thob pa rnams kyis bya// de nas zhi rgyas dbang drag sogs// las dang las kyi sbyor ba rnams// rang 'dod bral zhing skyo dub med// snying rje byang chub sems ldan pas// rang dbang thob nas rim gyis brtsam// dpa' shugs rang dang ldan par bya// bla ma yi dam mkha' 'gro thams cad kyi yon tan gyi rgyud bstan pa'i srog shing

  319. 160a

    las/ rtsa ba'i bsgrub pa bstan pa'i le'u ste gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rin chen tshe ni sring ba'i thabs// tho rangs mi tshig ma 'dres dus// bdag nyid snang ba mtha' yas sku// dmar gsal mdangs ldan mnyam gzhag mdzes// tshe bum bcud ldan rgyan gyis spras// longs sku'i cha lugs ldan pas bsnams// dus gsum rgyal ba bkug nas ni// bdag nyid tshe bum bcas la bstim// oM badz+ra dz+nyA na A yu She tshe b+h+rUM swA hA/ de ltar brgya stong la sogs bzlas// rin chen tshe yi dngos grub blang // pham gdal dmigs med ngang la bzhag/ tshe 'phel dngos grub 'byung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ tshe sring ba'i le'u ste gsum pa'o// / spyi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// bsod nams rgyas par byed pa'i thabs// zla rgyas bco lnga'i dus kyi tshe// bzhi mnyam dar ser dri med la// bdag lus rin chen gser gyis bris// yang snying rtsa ba'i sngags kyi mthar// puN+ya dz+nyA na puSh+Ti ku ru oM swA ha/ khri 'bum la sogs ci 'grub bzlas// sna tshogs dar dang

  320. 160b

    rin chen bcas// mi yis ma mthong lus la 'chang // bsod nams mnga' thang rab rgyas nas// 'gro ba'i kha lo yid bzhin bskur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bsod nams rgyas par byed pa'i thabs bstan pa'i le'u ste bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// longs spyod 'phel bar byed pa'i thabs// skar ma rgyal la brdungs pa yi// gser gyi byang bu mig dgu pa// g.yu yi phra can dar dmar dril// mi lag mi 'grims lus la 'chang // bde gshegs rigs lnga la sogs pa'i// bla ma yi dam mkha' 'gro rnams// yang yang bkug nas byang bur bstim// rtsa sngags pa su'i gsham can bzlas// dpal 'byor longs spyod 'phel bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ longs spyod 'phel ba'i thabs bstan pa'i le'u ste lnga pa'o// skr-i// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'gro ba 'du bar byed pa'i thabs// zangs kyi byang bu sor bzhi la// mtshal gyis snang ba mtha' yas sku// longs spyod rdzogs pa'i cha

  321. 161a

    lugs bri// zhwa 'am thod kyi nang du gzhug/ snang ba dbang sdud sngags bzlas pas// dga' mgu ldan pas 'gro ba 'du// bsam 'dun chos la gnas par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ 'gro ba dbang du bsdu ba'i thabs bstan pa'i le'u ste drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// dpal dang gzi brjid rgyas pa'i thabs// thabs shes byang sems dkar dmar la// rin chen mtshal gyis kha tshar btags// sman mchog rgyal po gser mdog can// sbyor ba bsres pa'i ril bu ni// ri dwags bra ba'i ril ma tsam// brgya dang rtsa brgyad byas pa la// rtsa sngags 'bum gyis ngar blud pas// nang ma brgya dang rtsa brgyad du// mi lag ma brgyud sto stong gtang // dkyil 'khor lha gsal dpa' bshugs bskyed// dpal dang gzi brjid rgyas par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dpal dang gzi brjid rgyas pa'i thabs kyi le'u ste bdun pa'o// spyi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// chos kyi snyan

  322. 161b

    grags thob pa'i thabs// rang lus gser gyi mchod rten bsgom// ngag ni A li kA lir bsgom// skye med sems kyi gnas lugs ni// sgra bsam brjod bral ngag la bzhag/ a A/ i I/ u U/ r-i r-I/ l-i l-I// e I/ o o/ aM AHka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ khri 'bum par du ngag bcad bzlas// chos kyi snyan grags 'thob par 'gyur// p+la ma yi dam mkha' 'gro thams cad kyi yon tan gyi rgyud bstan pa'i srog shing las/ chos kyi snyan grags thob pa'i thabs kyi le'u ste brgyad pa'o// spyi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'gro ba byams par byed pa'i thabs// nye ring med pa'i sems can la// byams dang snying rje la sogs pa// tshad med bzhi bsgom skyabs 'og gzhug/ rang nyid mtsho skyes rdo rjer bsgom// snying po sngags kyi 'dzab dbyangs bzlas// rang sems g.yo med ri rgyal ltar// g.yo 'gul med pa'i ngang la bzhag/ 'dod zhen la sogs dngos 'dzin spang // 'byor tshogs longs spyod tshogs su gtad// rlom sems zhe 'dod re dogs dor// 'gro ba tha dag byams shing 'du// yid 'ong bkur sti byed par 'gyur// bla ma yi dam mkha' 'gro thams cad kyi yon

  323. 162a

    tan gyi rgyud bstan pa'i srog shing las/ 'gro ba thams cad kyi byams par byed pa'i thabs kyi le'u ste dgu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mthu rtsal che bar byed pa'i thabs// rang nyid stobs kyi rgyal por bsgom// rtsa sngags ma hA ba la'i gsham// mang du bzlas shing lus rtsal sbyang // glang chen rkang dmar lus la byugs// rtag tu me dang nyi ma spang // lus la gcan gzan shun lpags gon// lus stobs rab tu rgyas par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ stobs dang mthu rtsal cher 'phel bar byed pa'i thabs bstan pa'i le'u ste bcu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// nad gdon sdig sgrib la sogs pa// mi mthun phyogs rnams zhi ba'i thabs// zhi ba'i sbyin sreg brtsam par bya// glang ma bal dkar la sogs pa// zhi ba'i shing rnams zlum por brtsig/ bdag nyid lha yi nga rgyal gyis// me sbar thab tu me lha dang // mos pa'i lha bskyed dkar por gsal// til sogs 'bru sna mang po dang // dkar gsum dag gi bsreg rdzas dbul//

  324. 162b

    sngags zhi ba'i sham bu can// mang du bzlas la ci 'dod kyi// zhi ba'i phrin las gzhol bar bya// ci 'byor mchod gtor la sogs kyis// lha rnams dgyes shing tshim par bskang // mi mthun phyogs rnams zhi bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ zhi ba'i sbyin sreg gi le'u ste bcu gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// tshe dpal longs spyod la sogs pa// yon tan rgyas par byed pa'i thabs// rgyas pa'i sprin sreg dag la 'bad// 'bras bu can gyi shing rnams la// de la bsreg thabs gru bzhi brtsig/ rang nyid rgyas pa'i lha bskyed de// me thab me lha sogs pa yi// mos pa'i lha rnams ser por bskyed// gser sogs rin chen la sogs pa// longs spyod 'byor pa'i rdzas rnams dbul// rtsa sngags rgyas pa'i sham bu can// mang bzlas 'dod don gsol ba gdab// rgyas pa'i phrin las gzhol bar bya// gzhan yang mchod bstod gang 'grub kyi// las la 'bad de thugs dam bskang // des ni rgyas pa'i las rnams grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rgyas pa'i sbyin sreg gi le'u ste bcu gnyis pa'o// /

  325. 163a

    s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// lha 'dre mi gsum la sogs pa// snang srid dbang du sdud pa'i thabs// 'di ltar dbang gi sbyin sreg bya// tsan+dan mdze mo shing sogs kyis// dbang dang zla gam dag tu brtsig/ rang nyid dbang gi nga rgyal gyis// zab tu lha rnams dmar por bskyed// me tog dmar po sna tshogs dang // mngar gsum la sogs bza' btung dbul// rtsa sngags dbang gi sham bu can// ci 'grub bzlas shing 'gugs pa yi// gang 'dod dmigs pa drag tu gzir// dbang du sdud pa'i phrin las gzhol// dbang rdzas dbang gi mchod sogs rnams// gang 'os dbul ba'i las rnams bya// gang dmigs dbang du 'du bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dbang gi sbyin sreg gi le'u ste bcu gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gnod byed dgra bgegs bsgral ba'i las// drag po'i las kyi sbyin sreg ni// brnag cing gtum pa'i 'dun pas bya// gang la dmigs pa'i rU pa bri// steng du seng ldeng la sogs pa'i// drag po'i shing gis

  326. 163b

    gru gsum brtsig/ me sbar khro bo'i nga rgyal gyis// thab tu drag po'i lha rnams kun// ljang gu la sogs mthing nag bskyed// dmigs bya'i rU pa zag rdzas dang // dug khrag sha chang la sogs dbul// rtsa sngags drag po'i sham can bzlas// bsgral zhing gzir ba'i las rnams bya// bsad cing brlag pa'i phrin las gzhol// dmigs bya gang yin thul bar 'gyur// gang yang las kyi kha skong rnams// rig rtsal ldan pas 'os par bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/ drag po'i sbyin sreg gi le'u ste bcu bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// sbyin sreg rnams kyi bya ba la// zhi ba la ni byang sems kyis// mi mthun pa'i phyogs ngan pa thams cad shAn+ti ku ru swA hA/ zhes pas zhi bar byed pa'i sngags// rdzas dang bcas pas brgya rtsa bzlas// rgyas pa la ni gzengs bstod de// tshe dpal longs spyod bsam 'dun thams cad puSh+TiM ku ru swA hA/ zhes pa rgyas par byed pa'i sngags// rdzas bcas brgya rtsa 'bul dang bcas// dbang la chags pa'i 'dun pa dang // 'gugs pa'i dmigs pas gzir nas kyang // snang srid lha 'dre mi gsum zas nor longs spyod thams cad ba shaM ku ru hring hring swA hA/

  327. 164a

    zhes pas brgya rtsa bzlas nas kyang // re re bzhin du bsreg rdzas 'bul// drag po la ni nga rgyal bskyed// drag cing rtsub pa'i shugs ldan pa'i// gnod byed dgra bgegs thams cad mA ra ya phaT/ ces pas gang dmigs ming nas brjod// thal mo brdab dang dmod bcol bya// dmigs pa drag tu gzir ba yis// gang dang gang gi las rnams 'grub// de sogs gang la gang rigs kyi// bya ba rig 'dzin sprul pas brtsam// bla ma yi dam mkha' 'gro thams cad kyi yon tan gyi rgyud bstan pa'i srog shing las/ las bzhi'i sbyin sreg gi kha skong gi le'u ste bco lnga pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// rang gzhan bsrung bar byed pa la// rang nyid 'os pa'i lhar gsal ba'i// spyi bo la sogs gnas rnams su// hUM kar rnam rgyal dbyug sngon can// gshin rje mi g.yo rta mgrin dbang // 'dod rgyal bdud rtsi khams gsum rgyal// stobs po che ste khro bo bcu// rab tu khros pa'i chas ldan bskyed// gzhan srung gang yin snying gar bkod// rgyas gdab hUM bcu ngar dang ldan// rtsa sngags sham bur bzlas par bya// skabs su rang srog snying po'i mthar// ma ma rak+Sha gdags par bya// rdo rje me ri pad ma dang // sna tshogs las kyi mtshon

  328. 164b

    cha yi// gur khang rab tu bskor bar bya// gnod byed gang gis mi tshugs bsrung // sra brtan rdo rje pha lam mo// bla ma yi dam mkha' 'gro thams cad kyi yon tan gyi rgyud bstan pa'i srog shing las/ srung ba'i le'u ste bcu drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// pha rol mi dang mi min gyi// byad zor rigs sngags bzlog pa'i thabs// gnam lcags 'bar ba las grub pa'i// 'khor lo rtsibs stong 'bar ba'i dbus// bdag nyid dbang chen 'bar bar bskyed// yongs dril rtsa ba'i sngags kyi mthar// gnod byed byed ma sarba mA ra ya bzlog byer/ ye ke tsit+ta mA ra ya b+h+yo b+h+yo/ rbad rbad byad ma rang gshed rang la phob/ byad ma rang byad rang la bzlog nr-i mA ra ya byad ma dza dza/ zhes pa drag la myur bzlas pas// gnam lcags 'khor lo g.yon phyogs su// drag tu 'khor bas byad ma rnams// lha srung bcas pa phye mar gtong // rdul phran tsam yang med par bsam// dgongs kyi nyi ma zer dang sprad// des ni byad zor rigs sngags bzlog/ bla ma yi dam mkha' 'gro thams cad kyi yon tan gyi rgyud bstan pa'i srog shing las/ bzlog pa'i le'u ste bcu bdun pa'o// s+thi// / dad brtson ldan pa'i rnal 'byor pas// bla ma yi dam mkha'

  329. 165a

    'gro yi// rtsa ba dang ni yan lag gi/ bsnyen sgrub gtan la pheb byas te// sdang ba'i dgra dang gnod pa'i bgegs// myur du gsad par byed pa'i las// brtul bzhugs ldan pas brtsam par bya// ro ras dug shog la sogs la// dmigs bya'i rU pa dug khrag gis// skye mched dod par bris pa la// nr-i las gang dmigs dgra bo bskyed// tri las gang dmigs 'dre bskyed cing // dmigs pas gnod byed bkug la bstim// dug khrag lcags phye til nag gi/ thun gyis brab cing drag sngags brjod// rang nyid dbang chen 'bar bar bskyed// oM ha ya g+hI wa hUM phaT/ dgra bgegs gnod byed mA ra ya/ srog dung tshal pa rbad/ nr-i tri tsit+ta mA ra ya myog rbad dza dza/ srog la a mu ka hur zum mA ra ya rbad phaT dza/ zhes pa drag myur bzlas pa yis// dbang chen 'bar ba'i thugs ka nas// sprul pa dpag med 'phros pa yis// mtshon thogs dgra gtub brlag par bsam// thul rtags las grub ling ro bsreg/ dgra bgegs gang la bya ba thul// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gsod pa'i las kyi le'u ste bco brgyad pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// gnod

  330. 165b

    byed dgra bgegs gnan pa'i thabs// mdze pho rabs chad thod pa ru// dmigs bya'i gzugs bri ming bcas gzhug/ rnam par shes pa bkug la bstim// lcags sgrog 'bar bas byad du gzhug/ drag po'i rdzas kyi thun brdeg cing // gnod byed che ge mo ka ya wA ka tsit+ta mA ra ya/ staM b+ha ya/ nA sha ya/ b+ha na d+ha ya/ nan nan/ oM laM hUM laM mA ra ya phaT/ ces pas drag tu bzlas nas kyang / ro ras nag pos dril par bya// tshon skud sna lngas byad du gzhug/ mchod rten rnying pa'i rmang du mnan// g.yo ba med par non par 'gyur// dus gza' drag po'i thebs dang sprad// bskal pa'i bar du ldang mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mnan pa'i le'u ste bcu dgu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// gnod byed skrod par byed pa'i thabs// rang nyid dbang chen 'bar ba yis// nga rgyal ldan pa'i mdun nyid du// yaM las rlung gi dkyil 'khor steng // dmigs bya gang yin spyi gzir bskyed// de la rnam shes bkug la bstim// gnod byed che ge mo ya me smug ga ta yaM yaM yaM phaT b+h+yo phaT b+h+yo/ zhes pa drag tu bzlas pa yis// rlung gi dkyil 'khor rab g.yos pas// dmigs bya rang dbang med

  331. 166a

    par bskyod// 'jig rten gzhan du byer bar dmigs// de ltar las sbyor lan gsum gyis// gang la byas pa yul gzhan du// dbang med las kyis bskyod par byed// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bskrad pa'i las kyi le'u ste nyi shu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gang zhig dbang du byed pa'i las// skye 'gro pho rnams 'gugs pa'i thabs// bdag nyid lha yi nga rgyal gyis// dmigs bya'i gzugs byas ming rus bcas// rang gi mal 'og dong du gzhug/ zangs phye rma bya'i khrag gis brab// rnam par shes pa dgug bstim zhing // che ge mo nr-i aM ku sha wa sh+yaM hring hring / zhes pa rtsa sngags sham bur gdags// zhag gsum bros bzhir ling+ga bton// sin+d+hu ra dang rgya skyegs dang // myos byed rang gi dri chu'i nang // spangs pa'i khu ba gang dmigs kyi// lus la gtor ram khong du btang // gang zab skyes pa dbang du 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ skyes pa 'gugs pa'i le'u ste nyer gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag

  332. 166b

    gi/ bsnyen sgrub gtan la pheb byas te// skye 'gro mo rnams 'gugs pa'i thabs// bdag nyid dbang chen 'bar bar bskyed// mdun du dmigs bya'i rU pa ni// bag zan dag la bzos pa'i nang // gang dmigs ming rus bris la gzhug/ zangs gzhong nang gzhug dgug bstim bya// che ge mo nr-i aM ku sha sarba hring hring / dung dung bud med kyi yid kyi rnam par shes pa wa sh+yaM ku ru hUM/ zhes pa zhag gsum bzlas pa'i tshe// d+ha du ra dang yungs kar dang // gong mo'i khrag gis thun brab cing // rus pa rang gi dri chus spangs// zhig nas dmigs bya'i 'grim lam gnan// rang dbang med par khug par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bud med 'gugs pa'i le'u ste nyer gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// gang zhig 'byung po 'gugs pa'i thabs// dug shog dag la gang dmigs kyi// 'byung po'i gzugs bris byad du gzhug/ pho ni gcan gzan thod par gzhug/ mo ni rU rus pa yang pa'i nang du gzhug/ bdag nyid khro bo'i nga rgyal gyis// dmigs bya dgug bstim yang yang bya// gnod byed che ge mo tri aM ku sha dzaHdzaHhUM baM hoHde ltar rtsa sngags sham bu can// bzlas

  333. 167a

    shing dug khrag zun gyis brab// 'byung po yi dwags phra mo rnams// rang dbang med par khugs nas ni// ci bcol las byed thul bar 'gyur// ling+ga lha rten 'og tu sba// las grub dang gnas bskyod pa yis// gnod na drag po'i las la sbyor// bla ma yi dam mkha' 'gro thams cad kyi yon tan gyi rgyud bstan pa'i srog shing las/ 'byung po 'gugs pa'i le'u ste nyer gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// nor rnams 'gugs par byed pa'i thabs// rang nyid lha yi nga rgyal gyis// zangs sogs rin chen za ma tog/ nang du 'bru sna rin chen dang // sman sna dar za ba la sogs pa// longs spyod rdzas dang nor gyi ming // rtsa sngags gsham can mtshal gyis bri// sna tshogs gzhug cing mdun du bzhag/ 'jig rten khams kyi gnod sbyin dang // nor bdag mang po bkug la bstim// rtsa ba'i sngags sham 'di dag btag/ sarba b+ha su sid+d+hi ba shaM ku ru ma ma hring hring / zhes pa zhag gsum bzlas pa yis// 'jig rten khams kyi zas nor rnams// nor bdag rnams kyi bkug nas kyang // bdag la 'bul zhing dngos grub 'phel// za ma tog ni rgyun du 'changs// las kyi 'bras bu mchis par 'gyur// bla ma yi

  334. 167b

    dam mkha' 'gro thams cad kyi yon tan gyi rgyud bstan pa'i srog shing las/ nor 'gugs pa'i le'u ste nyer bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// bza' btung 'gugs par byed pa'i thabs// bdag nyid lha yi nga rgyal gyis// mtshan ldan b+han+na'i snod nang du// chang dang a mr-i ta sbyar ba'i// nang du DAk+ki sde lnga bskyed// sgro bsdu'i dmigs pas bza' btung bkug/ DAk+ki mchod cing dngos grub blang // zhag gsum bar du sngags 'di bzlas// rtsa ba'i sngags dang bcas pa yi// sarba pi pa ti sid+d+hi sid+d+hi ma hA sid+d+hi dung dung swA hA/ lha dang lha mo tshogs kyis mchod// DAk+ki bdud rtsi de la bstim// dngos grub chen po'i rdzas su dmigs// bdud rtsi rang nyid rdzogs par btung // des ni bza' btung 'du bar 'gyur// gang byung longs spyod tshogs su 'gyed// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bza' btung 'gugs pa'i le'u ste nyer lnga pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gos rnams 'grub par byed pa'i thabs// rang nyid mos pa'i lhar gsal zhing // dkar ser dmar

  335. 168a

    ldang dar gyi rigs// sna tshogs ras snam la sogs kyi// cod pan ngos la yi ge b+h+rUM// rin chen gser ram mtshal gyis bri// rgod sgro can gyi mda' la btags// las byed dkyil 'khor mtha' mar gzug/ bla ma yi dam mkha' 'gro mchod// rtsa sngags bzlas shing dngos grub zhu// de dag mdzod kyi yang phug sba// rgyun du 'dod gsol smon lam gdab// dar zab snam ras la sogs pa// gos rnams shugs kyis 'du bar 'gyur// rang 'dod 'khri bcad zhen pa bsrung // bla ma yi dam mkha' 'gro thams cad kyi yon tan gyi rgyud bstan pa'i srog shing las/ gos 'gugs pa'i le'u ste nyer drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gzhan yang gang dang gang dag gi/ 'dod yon dmigs bya 'gugs pa'i thabs// bdag nyid lha yi ngar ldan pas// gang 'dod rdzas kyi gzugs dang ni// ming dang bcas pa gser gyis bri// dar dmar khung du dril byas te// 'dod pa'i lha mo de la bstim// rtsa sngags ha ri ni sa'i mthar// che ge mo wa shaM ku ru hring swA hA/ mang bzlas mchan khung g.yon du bcangs// ming byang tsan+dan dmar po yi// byang bu dag la bri ba ste// dbang sdud spel tshig dag kyang bkod// byang bu'i tshad ni sor

  336. 168b

    bzhi'o// des ni gang dmigs dngos su 'du// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rdzas 'gugs pa'i le'u ste nyer bdun pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// yid 'ong bu mo 'gugs pa'i thabs// bdag nyid dbang chen nga rgyal gyis// dri med dar dmar mtho skor la/ khye'u'i byang sems dkar po dang // rgya mtshal dang ni d+ha du ras// gang dgugs gzugs dang ming byang bri// nr-i dang bcas pa'i las sngags brjod// ha lo khug chos glang po'i sna// me tog gsum gyi khu bas byug/ rtsa ba'i sngags kyi mtha' bsgyur du// che ge mo nig nal nig nal pra mo thun pra mo thun// haM shang bram khug dung nr-i swA hA/ zhes pa zhag gcig bzlas nas ni// dbang shes gos kyi sbyar ba yis// gang 'dod yid 'ong bu mo 'du// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bu mo 'gugs pa'i le'u ste nyer brgyad pa'o// skr-i// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// zas nor longs spyod sris sme'i thabs// phyug po'i rang thag lte phye dang // btsad po'i rus phye skam

  337. 169a

    po dag/ bsre ba'i tsha tsha bzhengs pa gnyis// dar snas dril la ma skyed 'og/ rdza yi ga bur bcug la sba// rten 'brel de yi sbyor ba la// brten nas sris sme 'phel bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ sris 'phel bar byed pa'i le'u ste nyer dgu pa'o// spyi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// lha rnams kun gyis bkur ba'i thabs// zangs sogs rin chen byang bu la// lha rnams kun gyi gzugs bris te// dngos bskyed spyan 'dren bkug bstim bya// rtsa sngags bzlas shing dar snas bril// rang gi dmigs rten zhabs su sba// cung zad gnad la dbab par bya// des ni lha rnams kun gyis bkur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ lha rnams kun gyis bkur bar byed pa'i le'u ste sum cu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mi rnams kun gyis bkur ba'i thabs// tA la'i lo ma la sogs pa// gtsang ma'i shing gi lo ma la// skyes pa grir shi'i snying khrag gis// yi ge nr-i gcig bris pa'i mthar// yongs

  338. 169b

    'dus rtsa ba'i sngags kyis bskor// gzhan yang yi dam lha sngags dang // mtshal gyis A li kI li bri// de dag dar snas dril byas te// sa sna dgu yi tsha tsha dang // lhan cig lha rten zhabs su sba// rnal 'byor mi rnams yangs kyis bkur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mi thams cad kyis bkur bar byed pa'i thabs kyi le'u ste so gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mi ma yin gyis bkur ba'i thabs// bdag nyid lha yi nga rgyal gyis// spre'u dar ma'i thod pa ru// pha bong long bu'i logs drug la// mtshal gyis yi ge tri bris gzhug/ lha 'dre mang po'i ming byang yang // gser dang mtshal gyis bris pa rnams// za 'og khug ma'i nang du gzhug/ rtsa sngags bzlas shing bkug bstim bya// rang nyid gang du gnas pa yi// yi dam lha rten 'og tu sba// rtag tu mi ma yin gyis bkur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mi ma yin thams cad kyis bkur bar byed pa'i thabs kyi le'u ste so gnyis pa'o// spyi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan

  339. 170a

    la pheb byas te// blo dang shes rab 'phel ba'i thabs// ga bur tsan+dan dkar po dang // sman mchog rgyal po a ru ra// gser mdog rma med gcig dang ni// li shi dzA ti a ga ru// cu gang gur gum ka ra sbyar// ril bu nyer gcig byas pa rnams// dri med dar dkar khung du dril// pradz+nyA bar d+ha hrIH/ ma nu a nu b+ha ra yin nam ta ra At+ma naM/ sarba pradz+nyA sid+d+hi sA ha/ zhes pa rtsa sngags sham bu can// 'bum phrag bzlas pa'i ril bu de// rang lus drod dang ma bral 'chang // bsgrub tshe sha chang sgog sogs spang // zla ba yar 'phel dus dang sprad// blo dang shes rab 'phel bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ blo dang shes rab 'phel bar byed pa'i le'u ste so gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gre lce bde bar byed pa'i thabs// bdag nyid lha yi nga rgyal blta// lce ni pad dkar 'dab brgyad gsal// de steng shel gyi ral gri gcig/ sor bzhi 'od zer bcas par bsgom// ngag tu hI baM e brjod pas// ral gri'i 'od kyis lce la dkris// lce zhu ral gri pad dkar rnams// dbyer med gcig tu gyur nas kyang // dmigs bral ye shes ngang la gzhag/ nyer gcig las kyi sbyor

  340. 170b

    ba yis// gre lce rab tu bde bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gre lce bde bar byed pa'i thabs kyi le'u ste so bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mig sogs dbang po gsal ba'i thabs// rang nyid yi dam gsal ba yi// mig ni g.yas dang g.yon pa la// yi ge b+hi k+Sha dkar dmar bsgom// rna ba g.yas dang g.yon pa la// yi ge Sh+Ti sme sngo ldang bsgom// sna bug g.yas dang g.yon gnyis la// haM baM dmar dang ser por bsgom/ kha la yi ge d+hIHdkar bsgom// mdzod spu yi ge hrIHljang bsgom// snying kar yi ge hUM mthing bsgom// gsal gdab rang rang gnas su bstim// nya stong brgyad gsum dag la brtsam// lan re brgya dang rtsa brgyad dmigs// de ltar las kyi sbyor ba yis// dbang po thams cad gsal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dbang po gsal bar byed pa'i thabs kyi le'u ste so lnga pa'o// skr-i// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mngon par shes pa 'char ba'i thabs// bdag nyid

  341. 171a

    mos pa'i lhar gsal ba'i// tsit+ta pad+ma 'dab brgyad kyi// snying gar A li dkar po dang // ka li'i phreng ba dmar po gsal// A li g.yas la ka li g.yon// rab tu 'khor ba'i 'od zer ni// dkar dmar dpag tu med 'phros pas// bdag gi ma rig mun bsal zhing // mngon shes thogs pa med 'char zhing // dus gsum sa ler shes par dmigs// nangs par skya rengs shar ba nas// dgong mo skar ma tsag cig bar// rtag tu 'bad de mngon shes 'char// thun par ye shes sems dpa' yi// las sbyor dam pa mngon shes 'grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mngon par shes pa 'char bar byed pa'i le'u ste so drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// g.yul las rgyal bar byed pa'i thabs// bdag nyid lha yi nga rgyal bskyed// yan lag mthil bzhir rgyal chen bzhi/ yul 'khor srung dang 'phags skyes po// mig mi bzang dang rnam thos sras// rang rang bran dang bcas pa bskyed// skra dang ba spu mtshon char gsal// g.yul las rnam par rgyal ba yi// sbyor ba dmigs pa'i 'phro 'du bya// rtsa sngags stobs kyi dbang pos brjod// khams dang bstun

  342. 171b

    pa'i ru dar phyar// rigs dang mthun pa'i bdud rtsi gtor// g.yul las rab tu rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ g.yul las rgyal bar byed pa'i le'u ste so bdun pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rtsod pa las ni rgyal ba'i thabs// bdag nyid rma bya'i rgyal por bsgom// pha rol ha la 'bar bar bsgom// rang gi lce ni khab len rdo// pha rol lce ni lcags phye bsgom// ma yengs dmigs pas brtson par bya// bdag nyid rma byas dug zos pas// bkrag dang gzi mdangs rab tu rgyas/ khab len rdo yi lcags blangs pas// stobs dang nus pa rab tu rgyas// rngam pa'i shugs kyis gang rtsod pa// rang nyid rab tu rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rtsod pa las rgyal bar byed pa'i le'u ste so brgyad pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// tshong las rgyal bar byed pa'i thabs// bdag nyid yi dam lhar bskyed pa'i// spyi bo la sogs gnas lnga ru// nor bu dbang gi rgyal po

  343. 172a

    ste// dkar dmar mthing ser ldang ba'i mdog/ 'od dang gzi brjid 'bar bar gsal// pha rol rdzas kyi dngos po rnams// sna tshogs nor bu mching bu ltar// spu bar byed pa'i las sbyor tshe// bdag gi nor bu'i 'od zer gyis// pha rol rang dbang med par bkug/ rang rang nor bu lnga la bstim// rngam pa'i sbyor ba shes par bya// gang byas tshong las rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ tshong las rgyal bar byed pa'i le'u ste so dgu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rgyan las rgyal bar byed pa'i thabs// bdag nyid lha yi nga rgyal gyis// lag pa g.yas pas thabs chen lcags// g.yon pa shes rab zangs su gsal// thabs dang shes rab las sbyor gyis// gang yin rgyan gyi cho lo rtse// gsal stong bdag gzhan dmigs pa yis// snang dang mi snang nyi zla yi// sbyor ba brtsams pas bdag nyid rgyal// bdag nyid mi g.yo rab brtan cing // pha rol g.yo ba'i sbyor bas kyang // gang yin de las rgyal bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rgyan las rnam par rgyal bar byed

  344. 172b

    pa'i le'u ste bzhi bcu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// sgyu rtsal 'gran las rgyal ba'i thabs// bdag nyid dpag chen mda' gzhur dmigs// pha rol gtad pa'i 'ben du dmigs// ye shes lha yi las sbyor gyi// dmigs pa gnad la gzir ba'i tshe// gang dmigs de la phog nas kyang // phye ma rdul du song bar bsam// ma yengs dmigs pa'i rtsal bskyed cing // zhum pa med par 'gran pa yi// gang 'dren de las bdag nyid rgyal// bla ma yi dam mkha' 'gro thams cad kyi yon tan gyi rgyud bstan pa'i srog shing las/ sgyu rtsal las rgyal bar byed pa'i le'u ste zhe gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dpung las rgyal bar byed pa'i thabs// rang nyid ri rab lhun por bsgom// pha rol ri phran phra mor gsal// ri rab chen po'i mnga' 'og tu// ri phran lhag pa'i dbang med cing // stobs kyis zil gyis mnan dmigs shing // bdag nyid dpa' shugs nga rgyal bskyed// dpung 'joms las kyi sbyor ba bya// des ni dpung las rgyal 'gyur te// bdag nyid bcu phrag dpung gis kyang // pha rol 'bum phrag

  345. 173a

    dpung tshogs 'joms// bla ma yi dam mkha' 'gro thams cad kyi yon tan gyi rgud bstan pa'i srog shing las/ dpung las rgyal bar byed pa'i le'u ste zhe gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// don 'grub rnam par rgyal ba'i thabs// bdag nyid yi dam lhar gsal ba'i// g.yas su seng+ge 'gyeng ba dang // g.yon du stag mo ngar ba dang // mdun du glang chen stobs ldan 'gro// rgyab tu khro rgyal dmag dpung 'gyed// glad na mkha' lding rgyal po lding // de ltar rab tu gsal bsgom zhing // nyam nga med pa'i shugs kyis 'gro// gang yin las don myur 'grub bsam// don gang thogs pa med par 'grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/ don 'grub par byed pa'i le'u ste zhe gsum pa'o// skr-i// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rig sngags kun las rgyal ba'i thabs// bdag nyid dmigs med mkha' ltar blta// pha rol bdag la byad byed pa'i// rig sngags sbyor ba gang yin rnams// mun pa shin tu gnag par dmigs// rang gi bsgrub pa'i lha rnams ni// nyi

  346. 173b

    ma'i dkyil 'khor rab rgyas nas// mkha' la shar ba'i 'od zer gyis// mun pa thams cad rab bcom nas// nyi 'od snang ba rgyas dmigs dang // rtsa sngags bzlas sogs lus ngag yid// byang chub lam gyi chos la 'bad// nyin re lan re'i sbyor ba yis// rig sngags bye ba'i tshogs kyis kyang // bdag la sdigs par mi 'gyur ro// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rig sngags las rgyal bar byed pa'i thabs bstan pa'i le'u ste zhe bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// blo gros rnam par rgyal ba'i thabs// bdag nyid yi dam lhar gsal ba'i// snying gar smra ba'i seng+ge bskyed// mig g.yas zla ba'i dkyil 'khor la// g.yon pa nyi ma'i dkyil 'khor bskyed// de ltar gsal ba'i dad ldan pas// g.yo ba med pa'i ting 'dzin gyis// gang yin las dang bya ba rnams// zil gyis mnan nas brtsam par bya// gzhan snang mi bstun ya ma brla// snang srid bden par med par bzhag/ blo gros rnam par 'phel nas kyang // bsam 'dun gang spyod chos dang mthun// byang chub lam la chud par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ blo

  347. 174a

    gros 'phel bar byed pa'i le'u ste zhe lnga pa'o// s+thI// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// bdag nyid chos srid rgyal ba'i thabs// yi dam lha dmigs snying ga ru// rnam thos seng+ge zhon pa'i bu// seng+ge zhon pa'i 'jol ber can// lag na rgyal mtshan ne'u le 'dzin// sna tshogs rin chen rgyan gyis sprasgras// rang 'dra gnod sbyin 'bum sdes bskor// las byed pho nya skar ltar 'khrugs// kun kyang bdag gi chus srid skyongs// dpal dang dbang phyug spel bsam zhing // rtsa sngags 'dzab kyi 'brug sgra sgrogs// skabs su dmigs pa yang yang gsal// chus srid rim gyis rgyas nas kyang // gang bsam thun mong las 'bras 'grub// bla ma yi dam mkha' 'gro thams cad kyi yon tan gyi rgyud bstan pa'i srog shing las/ chus srid rgyal bar byed pa'i le'u ste zhe drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mi kha smra mchu bzlog pa'i thabs// bdag nyid lha yi nga rgyal gyis// sa sna dgu la bzos pa yi// mchod rten nag po khru gang la// bang rim dgu pa'i khang gseng du// tsan+dan byang bu mtho gang la// mi kha bzlog pa'i

  348. 174b

    dmod mo dang // ba ra sha ya d+hed dred thun b+h+yo/ sha sha ra li te pa shu tsi mi kha sgra mchu sarba b+h+yo b+h+yo bzlog bzlog/ ces pa bris pa gzhug par bya// gzhan yang dug khrag bal tshon dang // sngo ngad sga g.yer la sogs pa// sna tshogs mi kha'i rdzas kyis bkang // de la dar ras nag po yi// cod pan gzugs la khram ris bris// dus gnyen sgo khang steng du bzhag/ yang na rang gi khang pa yi// byang shar mtshams kyi zur du bzhag/ mi kha thams cad bzlog par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mi kha sgra mchu bzlog par byed pa'i le'u ste zhe bdun pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// nyams grib mi gtsang bsrung ba'i thabs// srad bu nag po gsum bsgril la// mdud pa nyer gcig byas nas ni// rtsa sngags sham du 'di skad gdags// kro ti ka li sarba pA paM/ maM du sa ma yA/ bi na se shud+d+he shud+d+he ma ha shud+d+he phaT swA hA/ zhes pa brgya phrag bzlas nas kyang // gu gul dud pas srad bu bdug/ gang gi lus la btags de la// grib dang mi gtsang 'jig pa med// bla ma yi dam mkha' 'gro thams cad kyi yon tan gyi rgyud bstan pa'i srog shing las/ nyams grib bsrung bar byed pa'i

  349. 175a

    le'u ste zhe brgyad pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'byung po'i sun ma bzlog pa'i thabs// bdag nyid lha yi nga rgyal gyis// rat+na'i rdo rje rtse lnga la// sna tshogs dar gyi cod pan gdags// sa man+ta yi srung sngags las// brgya rtsa bzlas shing rdo rje gsor// gang gnod phyogs su gdengs shing gzir// rdo rje khro rgyal 'bar bar bskyed// cod pan me ri 'bar ba las// yang sbrul me dang mtshon cha'i char// gnam lcags thog ltar rab 'bar zhing // gnod byed 'byung po'i sun ma rnams// rang rang gnas su bzlog bsam zhing // bsrung ba'i go cha brtan par dmigs// des ni phyin chad gnod mi 'gyur// rdo rje rang nyid gar gnas kyi// dben pa'i phyogs su dam par sba// skabs su dmigs pa drag sngags dang // rdo rje bcas pas gzir bar bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/ 'byung po'i sun ma bzlog par byed pa'i le'u ste zhe dgu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// nad rims kun gyis mi tshugs thabs// gla rtsi bong nga chu dag dang // mu zi ldong

  350. 175b

    ros shing kun dang // rta bon dri chen bya rgod tshil// de ltar dgu yi ril bu dang // pra ma d+hA ha ra/ ka ra shiSh+Ta k+ShaM ni/ a lik+Sh+ya g+ha g+ha sa ma tri sa ma tri b+h+yaHphaT/ de ltar rtsa sngags sham can la// stong bzlas bsrung bya'i mgul du btags// rdzas kyi khu bas sngags kyang bri// ril bu sran ma'i tshad dang sbyar// de dag lus la sus 'changs pa// rims nad 'go ba'i nad las skyob// nyams na yang yang gso bar bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rims nad kyis mi tshugs par byed pa'i le'u ste lnga bcu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// 'byung po dag gis mi tshugs thabs// stag ma be dkar 'om bu dang // skyer pa tsher nag seng lding dang // shug pa bal dkar sol nag ste// de ltar shing dgu sor bzhi la// rtsa sngags stong gis rab gnas bya// dar tshon sna lngas mi mngon dkri// mi lag ma brgyud bsrung bya yi// lus la ji srid gnas kyi bar// 'byung pos mi mngon sgrib shing ste// bsrung ba'i mchog tu gyur pa'o// bla ma yi dam mkha' 'gro thams cad kyi yon tan gyi rgyud bstan pa'i srog shing las/ 'byung pos mi tshugs shing sgrib par byed pa'i le'u ste pa gcig pa'o// /

  351. 176a

    s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mtshon gyi gnod pas mi tshugs zabs// gri lcags ral gri tshon gang la// gri khrag chu yi ngar blud la// dar dmar dag gis mi mngon gril// rtsa sngags dang ni bsrung ba'i sngags// ba ra pa ri thed/ yum yum yum thed/ khro tse thed/ rnor chum/ ma ma da yur rak+ShAM/ ka la sta hA/ stong phrag bzlas shing lag ma brgyud// gang la bsrung bar 'dod pa yi// lus la btags shing rab gnas bya// ji srid rdzas dang ma bral bar// de srid mtshon gyis mi tshugs bsrung // bla ma yi/ dam mkha' 'gro thams cad kyi yon tan gyi rgyud bstan pa'i srog shing las/ mtshon gyi gnod pa srung bar byed pa'i le'u ste nga gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mthu rtsal che bar byed pa'i thabs// bdag nyid lha yi nga rgyal gyis// ya so khro bo bcu ru bsgom// ma so khro mo bcu ru bsgom// lce ni gdug pa'i mtshon char bsgom// ba spu gser gyi rdo rje phyed// phyi 'bur rab ru gtams pa yis// go zhu lugs su gon bzhin bsgom// rtsa gnas lus kyi dra mig rnams// lcags zhun dag gis rab gang

  352. 176b

    nas// rkang rub lcags sdong lta bur bsgom/ khro chu 'bar ba ha la la// ma ha khro chu ha la b+h+rUM// ma ma kA ya rak+Sha pha la hUM swA hA/ zhes pa rtsa ba'i sngags dang bcas// zhag bdun smra ba bcad la bzlas// lus la lcags phye a ru ra// chang dang sbyar la yang yang byug/ lcags srog grub nas stobs kyi dpal// mthu rtsal rab tu rgyas par 'gyur/ bla ma yi dam mkha' 'gro thams cad kyi yon tan gyi rgyud bstan pa'i srog shing las/ mthu rtsal che bar byed pa'i le'u ste nga gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dug gis mi tshugs bsrung ba'i thabs// dug gis nges par shi ba yi// rus pa dang ni gser gyi mdog/ sman mchog skyon dang bral ba gcig/ cha mnyam btul ba'i phye ma la// dug spang khu bas ril gu sbyar// me dang nyi ma ma mthong bskam// ha la kA la phos phos/ ka ma tsi tri ha la phos// sarba ha la ka ma ra tsi dun phaT swA hA/ de dag rtsa sngags gsham la gdags// ston zla dar dmar khud du gtum// gang bsrung mgrin pa'i gnas su gdags// lo re bzhin du sngags rnams bsgyur// dug rigs thams cad bsrung ba ste// yod rlom ched du dug mi bza'// des ni dam tshig nyams pa'o// bla ma yi dam mkha' 'gro thams

  353. 177a

    cad kyi yon tan gyi rgyud bstan pa'i srog shing las/ dug gis mi tshugs shing srung bar byed pa'i le'u ste nga bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gtad dang khram gyis mi tshugs thabs// ming rus mi gcig mi dgu yi// skra sen mdze pho'i thod rus rnams// ro ras nag po'i khug mar gril// lcags byang mig dgu'i thems su zhugs// rang gi mal 'og dong du mnan// bdag nyid lha yi nga rgyal bskyed// pha rol gzhan la srung byed kyang // khyad par rtsa sngags bgrangs su gzhug/ des ni gtad dang khram las thar// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gtad khram gyis mi tshugs par byed pa'i srung ba'i le'u ste nga lnga pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gza' skar ngan pa skyob pa'i thabs// dur rdo mtshal gyi khram ris can// tshon skud sna lngas rgya gram bcing // gza' skar ngan pa'i 'jigs pa las// srungs sogs spel tshig gang 'dod kyang // bris nas de dang lhan cig dril// de ltar brgyad byas phyogs mtshams su// rang nyid gar gnas sa ru

  354. 177b

    skrasgra// gza' skar ngan pa'i 'jigs pa kun// sngon chad byung ba grol gyur zhing // phyin chad gnod pa mi byed bsrung // lo re bzhin du lan re bskur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gza' skar ngan pa las skyob par byed pa'i le'u ste nga drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// don gnyer phyogs ngan srung ba'i thabs// skyer ba'i byang bu mtho gang la// mtshal gyis b+h+yo phaT nyer gcig bris// ngos gcig dag la stag seng gzugs// skye mched dod pa mkhas pas bri// 'dom gang dbyig pa'i rtse la btag/ gar 'gro'i phyogs su gom dgu khyer// de nas byang bu ske la gdags/ phyogs ngan nyes pas gos mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/ phyogs ngan srung bar byed pa'i le'u ste nga bdun pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dus min 'chi ba bzlog pa'i thabs/ kham sa'i rang gzugs lus tshod bzo// de la'ang rang gi gos bkon zhing // lus kyi dri ma phyi la byugs// ming 'dra mkhan 'dra'i

  355. 178a

    ston mo btang // zhag gcig rang dang lhan cig nyal// de nas rang nyid mun par gab// lus la thal chen ro sol byug/ yi dam lha yi ting 'dzin bsgom// rU pa gru gsum deng du bdur// steng nas sa sna mang pos byibs// gza' dang skar ma bzang la gtad// shi bdur lugs dang mthun par bya// des ni dus min 'chi ba bzlog/ tshe tshad gnas su skyol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dus ma yin par 'chi ba bzlog par byed pa'i le'u ste nga brgyad pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gag lkog gnyen mdzes mi tshugs thabs// gang bsrung lcags kyi phag rgod ni// 'jigs pa ri rgyud tsam zhig bsgom// phag rgod so dang sha tshil dang // 1 sbal sdig pa'i sha bsres la// rtsa sngags khro chu'i sngags bzlas pas// ngar blud bsrung bya'i las la byug/ gnyen dang mdze lkog la sogs pa// sa bdag khros pa'i gnod pa bsrung // bla ma yi dam mkha' 'gro thams cad kyi yon tan gyi rgyud bstan pa'i srog shing las/ gag lkog gnyen mdze la sogs srung bar byed pa'i le'u ste nga dgu pa'o// s+thi// / dad brtson ldan pa'i rnal 'byor pas// bla ma yi dam

  356. 178b

    mkha' 'gro yi// rtsa ba dang ni yan lag gi/ bsnyen sgrub gtan la pheb byas te// char pa dbab par byed pa'i thabs// sbal gsob gri thal dag gis brgyang // klu rdzas mang po btab pa yi// chur spangs steng nas rdza yis bkab// klu rnams bkug cing rdzas la bstim// phyi rol klu la mchod gsol bya/ char pa dbab pa'i phrin las gzhol// b+ha ri sha ya pa ta li hUM hUM/ nA ga ra tsa tsit+ta phrom phrom du phu rbad ya nA ga ra tsa b+ha ri sha ya sarba sid+d+hi swA hA/ stong phrag them nas char pa 'byung // rtsa ba'i sngags dang sbrel la bzlas// de bar sha chang sgog pa spang // las grub bcas bshig gnas su bskyod// drag char myur du 'bab par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ char dbab par byed pa'i le'u ste drug cu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// char pa gcod par byed pa'i thabs// seng ldeng phur pa sor bzhi la// gri khrag dug gi khu ba yis// tsakra b+ha ri sha nA ga du tsit+ta rbad ram/ sa ma ya rbad swA hA/ rtsa sngags gsham can tshar gsum bri// la cha thang tshil nang du gtum// chu mig gnyen po'i gting du sba// ma bton bar du char pa chad// bla ma yi dam mkha' 'gro thams cad kyi yon tan gyi rgyud

  357. 179a

    bstan pa'i srog shing las/ char pa gcod par byed pa'i le'u ste re gcig pa'o// skr-i// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// sbud sna bzlog par byed pa'i thabs// khyi 'brug glang lug rus pa dang // rin chen sna lnga bsres pa'i sa// tsha tsha nyi shu rtsa gcig bzhengs// rab gnas gzungs sngags nang snying bcas// spud sna 'ong ba'i zad du bkram// stobs chen khro bo'i nga rgyal bskyed// shwa spud sprad sna bzlog par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las// spuspyad sna bzlog par byed pa'i le'u ste re gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// skyi 'dang ser ba bzlog pa'i thabs// seng ldeng phur pa khru gang la// dar nag ro ras cod pan btag/ phur pa'i logs la khro bcu'i sngags// oM badz+ra kro d+ha hAM ka ra hUM/ oM badz+ra kro d+ha b+hi dza ya hUM/ oM badz+ra kro d+ha ni la daN+Da hUM/ oM badz+ra kro d+ha ya mAn+ta ka hUM/ oM badz+ra kro d+ha Ar+ya a tsa la hUM/ oM badz+ra kro d+ha ha ya g+h+nAM wa hUM/ oM badz+ra kro d+ha a pa ra dzi ta hUM/ oM badz+ra kro d+ha a mr-i ta kuN+Da li hUM/ oM badz+ra kro d+ha trai lo kya bi dza ya hUM/ oM badz+ra kro d+ha ma hA

  358. 179b

    ba la hUM/ dag par dris te gu gul dang // dug khrag khu bas byugs byas te/ khro bcu'i sngags kyis rno ngar blud// khro bo spyan drang phur bar bstim// bdag nyid lha yi nga rgyal gyis// ser ba dbab dus phur pa gzir// sngags bzlas stangs stabs sdigs mdzub bstan// skye 'dang ser ba bzlog par gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ser ba gcod par byed pa'i le'u ste re gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// nor phyugs god kha srung ba'i thabs// rang nyid lha yi nga rgyal gyis// gcan gzan dar ma'i thod pa ru// nad gdon bgegs kyi rU pa la// tshon skud sna lngas byad du gzhug/ ro ras yugs sa'i dor rtas gril// dgug gzhug byas la bcug nas kyang // 'bru nag la sogs thun rdzas kyis// thod pa de dag khengs par bya// dmod bcol drag sngags gang 'os bzlas// rgya srang lam gsum bzhi mdor mnan// ro g.yam rdo rje rgya gram dang // 'byung ba me chus mnan la bzhag/ god sri za lam dgra la gtad// zor dang thun gyi las rnams bya// des ni god kha 'byung mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las//

  359. 180a

    god kha srung ba'i le'u ste re bzhi pa'o// s+thi// / dad brtson ldan pa'i rnal 'byor pas// bla ma yi dam mkha' gro yi// rtsa ba dang ni yan lag gi/ bsnyen sgrub gtan la pheb byas te// chom rkun 'ching bar byed pa'i thabs// bdag nyid lha yi nga rgyal gyis// dug shog ro ras mtho gang la// chom rkun dgra yi gzugs bris nas// zhing lpags khug ma'i nang du gtum// gnod byed sarba sha truM b+han+d+ha ya b+han+na ya/ sarba sha truM lo ka b+han+na ya/ ma ra Na/ da ha da ha/ pa tsa pa tsa/ staM b+ha ya/ nA sha ya b+han+na ya phaT/ ces pa rtsa sngags gsham la gdags// brgya phrag la sogs ci 'grub bzlas// zhing lpags gang bsrung gtso la gdags// de la gang 'khri thams cad bsrung // chom rkun dag gis gnod mi byed// bla ma yi dam mkha' 'gro thams cad kyi yon tan gyi rgyud bstan pa'i srog shing las/ chom rkun 'ching bar byed pa'i le'u ste re lnga pa'o// skr-i// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gcan gzan gdug pa'i kha 'ching la// dug shog dag la gcan gzan gzugs// lcags sgrog dag gis byad gzhug cing / kha gdong rdo rje rgya gram bri// lto bar tsakra rtsibs brgyad bskor// du na sa khaM a mu ka phaT/ rtsibs brgyad dang dag la 'bru brgyad

  360. 180b

    bkod// lto bar gcan gzan gang yin gyi// ming mthar mA ra ya chings bri// mtha' ma drag po'i sngags kyis bskor// gnod byed tsak+ShA mu khaM b+han d+ha ya/ tsakra war ti gcan gzan che ge mo mA ra ya/ du na sa khaM a mu ka phaT/ gcan gzan gdug pa'i kha sdoms/ lus rengs/ sems myos/ dbang po mA ra ya chings shig/ de ltar dmod pa'i drag sngags rnams// bris pa dag tu brgya phrag bzlas// de ni zha nye'i chu yis byug/ rang gshed rang rang rigs 'dra ba'i// mche ba can gyi thod par gzhug/ gcan gzan rgyu ba'i srang la mnan// des ni gcan gzan gdug pa 'ching // bla ma yi dam mkha' 'gro thams cad kyi yon tan gyi rgyud bstan pa'i srog shing las/ gcan gzan gdug pa'i kha 'ching bar byed pa'i le'u ste re drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dug sbrul khyi smyon la sogs pa// so dug can rnams srung ba'i zabs// gla rtsi bong nga nag po dang // rin chen gser dngul g.ya' dang ni// phyi tsher la cha phye ma rnams// dri chen dag dang lhan cig btul// ha la bI rtse kruM kruM/ shra na haM ba na ka ba tsi ha la ma ra Na phaT/ de ltar rtsa sngags bcas pa la// gzhan tshig ma 'dres stong phrag bzlas// thum po byas te lus la

  361. 181a

    btag/ des ni so dug thams cad bsrungs// bla ma yi dam mkha' 'gro thams cad kyi yon tan gyi rgyud bstan pa'i srog shing las/ so dug thams cad srung bar byed pa'i le'u ste re bdun pa'o// sgri// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// rmongs po srid dang 'phrad pa'i thabs// mi rta bong bu'i sa bon dang // g.yag lug ra gsum thug po yi// 'bras bu btul ba'i phye ma rnams// tsan+dan dkar dmar ga bur dang // dza ti a ru ra rnams btul// sbrang smyon dag gis ril bu bsgril// ri dwags gla ba'i ril ma tsam// pu tra sid+d+hi ku ru b+ha sa b+ha sa ma ri ted phob phob/ rtsa sngags bcas pa 'bum bzlas shing // lto stong gar chang dag gis phul// pho mo gang la btang gyur na// srid dang ldan par gdon mi za// bla ma yi dam mkha' 'gro thams cad kyi yon tan gyi rgud bstan pa'i srog shing las/ srid 'phel bar byed pa'i le'u ste re brgyad pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// srid 'phel pho ru bsgyur ba'i thabs// gdug pa sbrul gyi pags pa la// skyes pa'i sa bon mtshal bsres pas// ha k+Shi khram pu tra bi dza hring / gzab tu

  362. 181b

    bris te dar dkar gril// bud med sbrum ma'i lus la btag/ skar ma rgyal dang sprad pa gces// des ni srid rnams pho ru 'byung // bla ma yi dam mkha' 'gro thams cad kyi yon tan gyi rgyud bstan pa'i srog shing las/ srid pho ru bsgyur ba'i le'u ste re dgu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// rta phyugs la sogs srid 'phel bar// sre mo'i pags pa gsob bshus nas// gang gi srid 'phel 'dod pa yi// spu la srad bu byas nas kyang // dar tshon sna lngas de dag gril// gser dngul la sogs rin chen dang // 'bru sna rnams kyis gang ba byas// phyugs lhas la sogs ra ba yi// rta phyugs bres kyi steng du gdags// des ni rta phyugs srid 'phel nas// phyug po g.yang chen dag tu 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rta phyug la sogs nor gyi srid 'phel bar byed pa'i le'u ste bdun cu pa'o// skr-i// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mi dang rta phyugs la sogs pa'i// srid rnams srung bar byed pa'i thabs// zangs dang zha nye dung gi sho// mtshal byug dmar po dar dkar gril// sho shaM haM

  363. 182a

    dzI pa ra phaT du zad rbad pra ma ni pu tra d+ha ri rak+Sh+mI rar+b+h+yAM du swA hA/ rtsa sngags bcas pas brgya rtsa bzlas// srid dang ldan pa'i lus la gdags// srid la gegs med mthar phyin 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ srid srung bar byed pa'i le'u ste don gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// pha rol gdug byed ngag gnon thabs// zha nye'i byang bu mig dgu la// kha sbyor bar du dmigs bya yi/ rU pa lce brkyang brang khebs steng // mtshal gyis rdo rje rgya gram bkod// yan lag byed du bcug pa can// bris te zag pa'i rdzas dang bcas// byang bur gtims nas tshon skud gril// bdag nyid lha yi nga rgyal bskyed// dmigs bya'i rnam shes bkug la bstim// gang 'thad rA co'i nang du gzhug/ kho yi 'grims lam sa ru mnan// sgra mi shes te lkugs pa'am/ kha lce dag par gdon mi za// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ngag gnon par byed pa'i le'u ste don gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas

  364. 182b

    te// ngag mnan 'grol bar byed pa'i thabs// tsan+dan dkar po'i byang bu la// mtshal dang ga bur bsil ba'i chu// rang rang yi dam lha sngags dang // b+ha ga wa ti a pa ri mi ta/ wA ka sa ma ya b+h+yAM pra we sha ya phaT/ ces pa tshar gcig bris pa la// rang sngags stong gi rab gnas bya// nang ma nyer gcig de la ldag/ ngag mnan de las grol bar 'gyur// bla ma yi dam mkha' 'gro thams cad kyi yon tan gyi brgyud bstan pa'i srog shing las/ ngag mnan 'grol bar byed pa'i le'u ste don gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// ltas ngan cho 'phrul gtong ba'i thabs// bya rog 'ug pa wa spre'u sha/ sre mo'i skud bur gzhug par bya// yugs sa'i skra yi srad bu gdags// glad la bskor zhing sa la brdab// dmigs bya'i ming byang nang du gzhug/ a haM gul gul myag myag/ pra mo ni pra mo thun/ pra mo tra ma ni haM haM/ a ya ma du ru tsa sha na sa ma ya/ ku cho cho/ breng breng / rgyug rgyug pa ra ling phaT b+h+yo/ zhag bdun mun pa'i gling du bsgrub/ gang dmigs dgra yi ming spel yang // haM dang a yi bar du gzhug/ lha srin sde brgyad tshogs rnams kyis// cho 'phrul sna tshogs ston par 'gyur// dang po rang la 'byung ba ste// de byung dgra la dmigs pa rbad// skul

  365. 183a

    byed las kyi gtor ma btang // pha rol khu 'phrig slong bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ltas ngan cho 'phrul 'byed pa'i le'u ste don bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// ltas ngan cho 'phrul bzlog pa'i thabs// thod pa mtshan ngan dag gi nang // bra sran 'bru nag dag gis bkang // skyer pa tsher nag seng ldeng gi// phur pa mtho re byas pa la// sa ma ya ye ke tsit+ta rbad b+h+yo/ a ra li ye ke tsit+ta sa ma ya/ du ru ka sha pha ma sri tod pa we zlog byer zlog byer/ dug khrag dmigs bya mang du bri// de dag de yi nang du bcug/ steng na ro ras lding gur phub// rang gzhan gang yin khang phug sba// ltas ngan cho 'phrul gang yang bzlog/ sdigs par mi 'gyur par la sdigs// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ltas ngan cho 'phrul bzlog pa'i le'u ste don lnga pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mthun gnyis mi mthun 'byed pa'i thabs// rta rmig g.yag gi rA tse la// gang byed so so'i ming rus bri// bya

  366. 183b

    rog 'ug pa'i pags pas gtum// dmigs bya'i zag rdzas gang rnyed byugs// so so'i lha rten 'og tu mnan// myur du so sor 'bral bar 'gyur// las grub rdzas bton bshig par bya// ji ltar mthun yang 'bral bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dbye bar byed pa'i le'u ste don drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// dbye ba mthun par byed pa'i thabs// rgyun 'bab chu sna dgu blangs la// ba ra 'bri yi 'o ma dang // tsan+dan ga pur la sogs pa// dri bzang sna tshogs btab pa la// lha sngags gang yin 'bum bzlas pa'i// chu de gang gang mi mthun pa// rkang lag gdong sogs lus rnams bkru// dri khus sbrus pa'i rang rang gzugs// dug shing me la bsregs nas kyang // de la rang rang lus po bshur// lan gsum bsgyur bar gyur pa ni// ji ltar 'thab byed rtsod pa yang // mthun cing nyes pa grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dbye bar mthun par byed pa'i le'u ste don bdun pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag

  367. 184a

    gi// bsnyen sgrub gtan la pheb byas te// gnod byed khram la 'debs pa'i thabs// drag po'i shing la byas pa yis/ khram shing sor bzhi khru gang ba// dug khrag dag gis khyab par byugs// logs la stag re glang khrag dang // ro sol bsres pa'i snag tsha yis// gnod byed dgra bgegs che ge mo// lha yi khram la da thob cig/ de sogs sde brgyad khram yig bkod// ro ras nag pos gril byas la// sde brgyad 'gyu srang gnas su mnan// dmigs bya sde brgyad khram la 'debs// mi 'dod sna tshogs de la 'byung // bla ma yi dam mkha' 'gro thams cad kyi yon tan gyi rgyud bstan pa'i srog shing las/ dgra bo khram la 'debs par byed pa'i le'u ste don brgyad pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// khram la thebs pa phyi ba'i thabs// rang lus gzungs sngags chu yis bkru// gu gul dri chen dud pas bdug/ tsha tsha gnyis pa'i sa 'dag gis// mgo lus med par khyab par byug/ gcer bu phyogs bcur 'o dod 'bod// slar yang dur thal lus la byug/ dud 'gro mang po'i skad 'don zhing // bdag nyid che ge mo lha yi khram la thebs pa phyis// de'i 'gres yongs kyi khram phyis brjod// de nas rang gi dri chu yis// lus

  368. 184b

    bkru gu gul dud pas bdug/ gang gis khram la btab gyur kyang // lan gsum dag gis grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ khram kha phyi bar byed pa'i le'u ste don dgu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gnod byed byad du gzhug pa'i thabs// shi sgri'i srad bu 'dom gang bas// dmigs bya'i lus tshad rU pa bkyig/ rU pa 'bru nag sogs la bya// de yi snying gar ming byang gzhug/ bdag nyid lha yi nga rgyal gyis// dmigs bya'i rnam shes bkug la bstim// dus gnyen drag po nam phyed dus// rgya srang lam gyi gzhi mdor mnan// lha 'dre'i ming 'bod dmod bcol bya// steng du dpal gyi rta bro brdung // dmigs bya rengs dang 'khums nas kyang // lus ngag yid gsum nyams par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gnod byed byad du gzhug pa'i le'u ste brgyad cu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gang dag byad las grol ba'i thabs// bdag nyid lha yi nga rgyal gyis// bsrung bya

  369. 185a

    gang yin mdun du bzhag/ dang po byad zag sngo dmar gyis// mgo sogs yan lag bkyig tshul bya// mdun du dug shing hom me sbar// ral gri'i so la rtsa sngags mthar// hri hri ma ma pa sha pra yo ga na maHhri d+hi sarba pA paM yak+Sha kro d+ha ha la ha la hUM phaT/ ces pa brgya phrag bzlas pa yis// ral gri'i byad thag thams cad bcad// dug shing me la bsreg par bya// lha sngags bzlas pa'i chu dag gis// bsrung bya'i kha lag gdong sogs bkru// gu gul dkar po'i dud pas bdug/ byin brlabs can gyi lha rten la// phyag dang skor ba byed du gzhug/ byad du bcug las grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ byad du bcug pa las grol bar byed pa'i le'u ste gya gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gang dag rmugs par byed pa'i thabs// gang la byed pa'i ming rus bri// bya nag sgong sgog nang du gzhug/ dmigs bya'i rnam shes bkug la bstim// bong bu'i spangs dang sa nag bsre// gnag lce'i ga'u byas par gzhug/ khri lam chen po'i 'og tu mnan// dmigs bya rmugs shing 'thom par 'gyur// bla ma yi dam mkha' 'gro thams cad kyi yon tan gyi rgyud bstan pa'i

  370. 185b

    srog shing las/ dgra bo rmugs par byed pa'i le'u ste gya gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rmugs shing 'thib las grol ba'i thabs// rang gi dbang po'i rdzas rnams dang // sa sbyin bsres pa'i rU pa ni// mtho gang skye mched dod par bzo// de la mi gtsang rdzas kyis byugs// ming rus mi gcig dgu dag gi/ dri chen dri chu la sogs pa// ba ra 'bri yi 'o ma dang // chu sna mi gcig dgu bsres la// dri bzang kha tshar btab pas bkru// til dang nyung dkar dud pas bdug/ mthar ni rU pa chu yis bshig/ de dag phyogs mtshams kun tu dor// rmugs shing 'thib las grol bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rmugs 'thib las grol bar byed pa'i le'u ste gya gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gang dag rengs par byed pa'i thabs// g.yag lug rwa dang gcod dang ni// rgya dang glang bu sha ba dang // gnyen dang dgo ba'i rwa co dgu// brdar ba'i phye la khams bsre// dmigs bya'i rU pa brgyad pa can// mtho gang skye mched dod pa

  371. 186a

    la// shing rigs mi mthun dgu dag gis// rtsang thur byas te lus la btsug/ shi sgra'i skud pas rgya gram bcings// ri bo chen po'i rtse la bskul// g.ya' sgom byas pa'i nang du gzhug/ dmigs bya yan lag rengs par 'gyur// lus kyang g.yo 'gul mi shes 'byung // bla ma yi dam mkha' 'gro thams cad kyi yon tan gyi rgyud bstan pa'i srog shing las/ dgra bo rengs par byed pa'i le'u ste gya bzhi pa'o// / sgri// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rengs pa grol bar byed pa'i thabs// dmigs bya dong brus nang du gzhug/ steng na kha leb byas pa'i mthar// ming rus mi gcig mi dgu yis// bro brdung shing sna'i dud pa btang // de nas bton la gzungs chus bkru// ras dkar dag gis lus la phyi// dug dung yin nam gi khu ba dkar po yis// lus la A li kA li bkod// de ltar lan gsum byas pas grol// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rengs pa'i sbyor ba grol bar byed pa'i le'u ste gya lnga pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// mig nad sel bar byed

  372. 186b

    pa'i zabs// nang par mi tshig ma 'dres par// rang gi dri chu drod mo yis// mig bkru bskams nas lag pas mnye// so la chags pa'i dri ma yis// lag g.yon srin lag dag gis byug/ bskud de nang ma nyer gcig bya// mig skyon rab rib mi 'byung zhing // skyon med yon tan ldan par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mig gi dbang po gsal bar byed pa'i le'u ste gya drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// mgul nad zhi bar byed pa'i thabs// yung ba chu dag dkar po dang // ru rta tsan+dan dkar po rnams// bdud rtsi dbang po'i lag dang sbyar// ril bu sran ma 'bring tsam bya// rtsa sngags tha mar gdags pa'i sngags// ya ma sa du mu khaM/ b+ha ra b+he ya phaT/ ces pa stong phrag bzlas pa de// zo rangs dus su re re bstan// zhag re lo re'i mgul nad bsrung // sngon chad byung yang phan par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mgul nad zhi bar byed pa'i le'u ste gya bdun pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub

  373. 187a

    gtan la pheb byas te// so nad zhi bar byed pa'i thabs// shing kun star zhun lug mig pa// gna' ba'i klad pa skam po dang // gla rtsi bong nag a ru ra// mu zi nag dang me ru tse// sngags pa'i dri chen cha mnyam nas// gu gul dri chur spangs pa yi/ khu ba 'dam thag ril bu dril// sran tshad rul sum med par bskam// so nad rab tu gzir ba'i dus// khong du gsum btang gcig gis bdug/ lan gsum bskur bas so nad rigs// gang yin thams cad 'joms par 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ so nad zhi bar byed pa'i le'u ste gya brgyad pa'o// / sgo// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// lha gdon gnod pa bsrung ba'i thabs// dar dkar dri ma med pa'i khud// rin chen zur mang shel gril nas// rtsa ba'i sngags kyis rab gnas bya// bla ma yi dam mkha' 'gro dang // dam can chos skyong bkug la bstim// gsol mchod bkur sti rgya chen bya// mi lag mi brgyad lus la 'chang // lha gdon gnod pa dag las skyob// dar dkar dag la mtshal yig tu// rtsa sngags A li kA li dang // mos pa'i lha rnams mtshan sngags dang // rang rang gang 'dod dgod par bya// ye shes lha

  374. 187b

    yis skyob pa dang // 'jig rten lha rnams bran du 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ lha gdon gyi gnod pa srung bar byed pa'i le'u ste gya dgu pa'o// / s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// klu yi gnod pa srung ba'i thabs// wa dang grum pa phag gi sna// khyi dang sbrang ki stag gi brun// sha ba g.yag dang gtsod kyi rwa// lcags dang gser dngul rnam pa gsum// cha mnyam so sor dar gyis gril// lhan cig lcags kyi par bur bcug/ rtsa ba'i sngags dang khro bcu'i sngags// brgya stong la sogs mang bzlas la// par bu lus dang grib ltar 'chang // sa bdag klu yi gnod pa skyob// bla ma yi dam mkha' 'gro thams cad kyi yon tan gyi rgyud bstan pa'i srog shing las/ klu yi gnod pa srung bar byed pa'i le'u ste dgu bcu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gnod sprin gnod pa srung ba'i thabs// byi la nag po'i thod pa ru// gnod sbyin rnams kyi srog sngags dang // dar zab rin chen sna tshogs gzhug/ gnod sbyin bkug bstim yang yang bya// de nyid dar dkar dag gis

  375. 188a

    gtums// rang nyid gang du gnas pa'i sar// byang du sbas pas gnod sbyin gyi// gnod pa rnams las skyob par 'gyur// bla ma yi dam mkha' 'gro thams cad kyi yon tan gyi rgud bstan pa'i srog shing las/ gnod sbyin gyi gnod pa las skyob par byed pa'i le'u ste go gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// dri za'i gnod pa srung ba'i thabs// tsan+dan phye ma'i 'de gu la// sman sna dri bzang gang 'tshogs bsre// ril bu phreng ba lus la 'chang // mi rta khyi yi bshul chen dang // gla rtsi bsres pa'i 'di gu yis// rkang pa'i mthil la skabs su byugs// dri za'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ dri za'i gnod pa las srung bar byed pa'i le'u ste go gnyis pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// mkha' 'gro'i gnod pa srung ba'i thabs// grong pa'i chos kyis ma gos shing // yid 'ong bu mos bkal ba yis// srad bu sum bsgril sna lnga la// mdud pa lnga lnga byas nas ni// so so'i rigs kyi DAk+ki bskyed// mtshan sngags rak+Sha'i gsham

  376. 188b

    can la// rtsa ba'i sngags bcas brgya phrag gdab// mi lag ma brgyud bsrung bya yi// lus la srung byed srad bu gdags// ye shes DAk+kis bsrungs nas ni// 'jig rten mkha' 'gros gnod mi byed// bla ma yi dam mkha' 'gro thams cad kyi yon tan gyi rgyud bstan pa'i srog shing las/ mkha' 'gro ma yi gnod pa srung bar byed pa'i le'u ste go gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// drang srong gnod pa srung ba'i thabs// dza la b+ha ra'i so dang ni/ khyi so dar nag khud du gril// ha tri ru tra kha d+ha sa ma yA srog dung dung // nyi ma sa ti gza' kha Da ru tra tsit+ta hring hring // rtsa ba'i sngags dang sbrel te bzlas// brgya phrag grub nas lus la gdags// gang gi bcang ba'i mi de la// drang srong gza' yi gnod pa bsrung // bla ma yi dam mkha' 'gro thams cad kyi yon tan gyi rgyud bstan pa'i srog shing las/ drang srong gi gnod pa srung bar byed pa'i le'u ste go bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// srin po'i gnod pa srung ba'i thabs// dug shog dag la ra khrag gis// srin po'i gzugs bris yan lag sdom// k+Sha tri ni ra ti sa ma yA

  377. 189a

    srog dung dung tsit+ta rbad myog trag rak+Sha ya dam la ma 'da' swA hA/ srin po gnad la dbab pa'i sngags// rtsa ba'i sngags sham btags la bri// phyi dang nang bcas gang bar bya// ra yi pags pas gril nas ni// gang gi lus la btags de la// srin po'i gnod pa 'byung mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/ srin po'i gnod pa bsrung bar byed pa'i le'u ste/ go lnga pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// ma mo'i gnod pa bsrung ba'i thabs// gri thal ro/ ras khug mar blug/ ma ma ru lu b+h+yo/ ro ru tsa pa la a shug me hUM b+h+yo/ sa ma ya rak+taM swA hA/ rtsa sngags bcas pa brgya rtsa bzlas// til dang nyung dkar bcas pa yi// thum po lus la sus 'chang ba// de la ma mo'i gnod pa med// bla ma yi dam mkha' 'gro thams cad kyi yon tan gyi rgyud bstan pa'i srog shing las/ ma mo'i gnod pa srung bar byed pa'i le'u ste go drug pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// shi 'dre'i gnod pa srung ba'i thabs// zhing lpags khug mar dur khrod kyi// sa rdo btul ba'i phye ma la// gu

  378. 189b

    gul nyung dkar til nag bsre// chang gis sbrus pa'i ril bu bya// sngags pa'i dri chen dpung bskyed yin// ril bu sran ma rlon pa tsam// rtsa ba'i sngags kyis byin brlab bya// gang dag bsrung ba bya ba yi// lus la ril bu btag pas ni// shi 'dre'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ shi 'dre'i gnod pa srung bar byed pa'i le'u ste go bdun pa'o// / s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te/ gson 'dre srung bar byed pa'i zabs// bdag nyid lha yi nga rgyal gyis// btsan dug shing kun gu gul dang // chu dag spu nag rtsa ba dang // mu zi nag po sbrang ki'i brun/ khyi nag brun dang rkyang gi sbangs// sdig pa nag po'i sha rnams btul// dri chen dri chus ngar blud la// nam gnod dus der dud pa btang // gson 'dre'i gnod pa bzlog par 'gyur// ril bu byas nas bcangs pa na// gson 'dres mi tshugs bsrung bar 'gyur// rtsa ba'i sngags kyis rab gnas bya// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gson 'dre'i gnod pa srung bar byed pa'i le'u ste go brgyad pa'o// skr-i// / dad brtson ldan pa'i rnal 'byor pas// bla ma yi dam

  379. 190a

    mkha' 'gro yi// rtsa ba dang ni yan lag gi/ bsnyen sgrub gtan la pheb byas te// rgyal po'i gnod pa srung ba'i thabs// chos 'khor rnying pa'i sa dag dang // tshul khrims ldan pa'i dge slong dang // dam tshig ma nyams sngags pa yi// dri chen dri chu sbyar ba yi// ril bu ri bong ril ma tsam// mi sha gu gul spre'u sha rnams// thum po bsrung bya'i lus la gdags// ra tsa tri ling hur thum myag tsit+ta sa ma ya myog myog ra tsa baM ri li li mA ra ya rbad/ ces pa rtsa sngags dril ba la// stong phrag bzlas pas rdzas ngar blud// rgyal po'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rgyal 'gong gi gnod pa srung bar byed pa'i le'u ste go dgu pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// the'u rang gnod pa srung ba'i thabs// byi ba sre mo'i klad pa dang // pha bong long bu btul ba rnams// spang skam phye dang bsres nas ni// bra ba'i blud bu nang du blug/ nam dgos dus su dud pa btang // tri'u sha d+ha ra sha bing bing / tri'u sha sha sa ma ya srog dung dung tri ling rbad swA hA/ zhes pa rtsa sngags gsham la gdags// mang du bzlas shing rdzas ngar blud// the'u rang gnod pas

  380. 190b

    tshugs mi srid// bla ma yi dam mkha' 'gro thams cad kyi yon tan gyi rgyud bstan pa'i srog shing las/ the'u rang gi gnod pa srung ba'i le'u ste brgya tham pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// btsan gyi gnod pa srung ba'i thabs// shi skra'i srad bu khru gang la// mdud pa nyi shu rtsa gcig bya// mi rta khyi gsum khrag gis byugs// gang gi lus la bcang de la// btsan gyi gnod pa bsrung bar 'gyur// bla ma yi dam mkha' 'gro thams cad kyi yon tan gyi rgyud bstan pa'i srog shing las/ btsan gyi gnod pa srung bar byed pa'i le'u ste brgya dang gcig pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// gri bo'i gnod pa srung ba'i thabs// gri lcags btul ba'i phye ma la// mgar gyi sa mal til nyung dkar// dud pa gang du 'thul ba der// gri bo gang yang nyer mi nus// lus la btags kyang de bzhin no// bla ma yi dam mkha' 'gro thams cad kyi yon tan gyi rgyud bstan pa'i srog shing las/ gri bo'i gnod pa srung bar byed pa'i le'u ste brgya dang gnyis pa'o// s+thi// / dad brtson ldan pa'i rnal 'byor pas// bla ma yi dam mkha'

  381. 191a

    'gro yi// rtsa ba dang ni yan lag gi/ bsnyen sgrub gtan la pheb byas te// gshin rje'i gnod pa srung ba'i thabs// zangs lcags byang bu mig dgu la// shan pa nag po'i khrag gis byugs// dar sna lnga yi khud du gril// ka la rU pa ya mAn+ta ka sa ma ya rak+saM du swA hA/ rtsa ba'i sngags dang bcas pa la// brgya phrag bzlas shing rab gnas bya// bsrung bya'i lus la byang bu gdags// gshin rje'i gnod pa bsrung bar 'gyur// bla ma yi dam mkha' 'gro thams cad kyi yon tan gyi rgud bstan pa'i srog shing las/ gshin rje'i gnod pa srung bar byed pa'i le'u ste brgya dang gsum pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi/ bsnyen sgrub gtan la pheb byas te// grib gnon gnod pa srung ba'i thabs// gcan gzan stag gi thod rus la// hUM ya tik+saM b+ha ru ti phaT rbad b+h+yo/ zhes pa mtshal lam dngul gyis bri// ro ras nag pos gril ba de// gang gi lus la btags pa la// grib gnon 'byung po'i gnod pa skyob// bla ma yi dam mkha' 'gro thams cad kyi yon tan gyi rgyud bstan pa'i srog shing las/ grib gnon gyi gnod pa srung bar byed pa'i le'u ste brgya dang bzhi pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag

  382. 191b

    gi/ bsnyen sgrub gtan la pheb byas te// rmi lam ngan pa bzlog pa'i thabs// rmi lam ngan pa gang rmis kyang // sad ma thag tu har gyis langs// gnod byed gtsor byas sems can la// byams dang snying rje rgya chen bskyed// skyabs gnas dkon mchog rin chen la// dad pas skyabs 'gro gsol ba gdab// snang srid 'khor 'das chos rnams kun// bden med rmi lam sgyu mar blta// gang yang gza' gtad med par gzhag/ phaT gdab bsam sems med par nyal// rmi lam ji ltar ngan gyur kyang // sdigs par mi 'gyur sangs par dag/ bla ma yi dam mkha' 'gro thams cad kyi yon tan gyi rgyud bstan pa'i srog shing las/ rmi lam ngan pa bzlog pa'i thabs kyi le'u ste brgya dang lnga pa'o// s+thi// / dad brtson ldan pa'i rnal 'byor pas// bla ma yi dam mkha' 'gro yi// rtsa ba dang ni yan lag gi// bsnyen sgrub gtan la pheb byas te// ci bsam yid bzhin 'grub pa'i thabs// nang par zo rangs rlung ro dbyung // gsar ba bzung la mnyam par gzhag/ mnyam gzhag dang las rang rig b+h+rUM// 'od dang gzi brjid ldan pa la// rang gi snying gi ngo bo de// dgos 'dod thams cad 'byung ba yi// yid bzhin nor bu rin po che/ kha dog sna tshogs 'bar ba'i 'od// bkrag mdangs gzi brjid ldan par dmigs// de la bla ma yi dam dang // mkha' 'gro chos

  383. 192a

    skyong spyan drangs bstim// de ltar ma zin bar du bsgom// de la ma yengs zin pa dang // 'od kyis snang srid thams cad khyab// bdag don bsam grub re bskangs nas// longs spyod chos dang mthun nas kyang // bdag gzhan don 'bras gang bsams pa// rtsol med lhun gyis grub bsams nas// spros bral chen po'i ngang la gzhag/ de ltar nang re bzhin bsgoms pas// de nyid ji ltar bsams pa'i don// 'grub par gyur na gdon mi za// bla ma yi dam mkha' 'gro thams cad kyi yon tan gyi rgyud bstan pa'i srog shing las/ bsam don 'grub par byed pa'i le'u ste brgya dang drug pa'o// s+thi// rgyud 'di 'chang bar byed pa'i thabs// dus skar tshes grangs bzang po la// mthing shog rang sor bzhi pa'i tshad// gru bzhi mnyam nyid glegs bam la// rgyud tshig rin chen gser ram dngul// rat+na btul ba'i khu bas bri// gang yang lhag dang chad med pas// bris pa rang gi mdun bzhag ste// dam tshig yi ge'i 'bru rnams la// ye shes yig 'bru dgug la bstim// gzhan yang ye shes lha yi tshogs// sangs rgyas byang chub sems dpa' dang // bla ma yi dam mkha' 'gro rnams// mos pas spyan drang bkug la bstim// phyag 'tshal mchod dang bstod pa bya// ci 'dod yid smon gsol ba gdab// de nas sna tshogs dar gyis gril// dri bzang

  384. 192b

    sman dang lhan cig tu// ran+ta'i za ma tog tu gzhug/ 'bral med lus dang grib ma bzhin// rang gi mtshan khung g.yon du 'chang // nyon mongs rtog tshogs rab zhi nas// ye shes snang ba ngang gis 'char// gnas skabs rkyen dang bar chod sel// mthar thug mchog gi dngos grub 'byung // zhor la thun mong dngos grub kyang // rtsol med char gyi rgyun bzhin 'bab// nyes pa kun las grol nas kyang // bde legs yon tan dpal dang ldan// 'di dag lus la gnas pa yi// rnal 'byor lus rgya bral ba'i tshe// 'ja' 'od sku gdung ring bsrel 'byung // sa g.yos me tog char 'bab cing // sgra dang bcas te rtags bzang 'byung // gang dag ye shes rgyud drug po// gang gis bcang dang klog pa dang // 'bri dang kun tu sus chud pa// tshe 'dir bde legs dpal la skyob// tshul khrims 'chal dang dam tshig nyams// sdom pa gsum la 'gal ba rnams// sor chud nyes pas mi gos shing // bskal pa grangs med sdig pa 'dag/ tshe 'phos rig 'dzin rgyal ba'i zhing // skad cig nyid la bgrod par 'gyur// de don yang dag nyid la gnas// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rgyud 'chang ba'i thabs dang che ba'i yon tan bstan pa'i le'u ste brgya dang bdun pa'o// s+thi// / e ma dpag med bcom ldan

  385. 193a

    gyis// sku gsung thugs las mngon byung ba// bla med byang chub sgrub pa'i lam// mthun rkyen bsgrub cing 'gal rkyen bzlog/ thun mong las tshogs yid bzhin nor// gdul bya 'dul ba thabs kyi sgo// bdag cag 'dus pa'i 'khor rnams la// legs gsungs legs gsungs legs par gsungs// bdag dang yang sbrul sprul pa'i 'khor// nyid kyi stobs las mngon byung ba// lha dang mi dang lha ma yin// klu dang rig sngags 'chang la sogs// dri zar bcas rnams yi rangs nas// bcom ldan gsungs la mngon par bstod// bla ma yi dam mkha' 'gro thams cad kyi yon tan gyi rgyud bstan pa'i srog shing las/ rjes su yi rangs shing mngon par bstod pa'i le'u ste brgya dang brgyad pa'o// s+thi// / yon tan khyad par rmad du byung ba'i rgyud bstan pa'i srog shing zhes bya ba/ bdag 'dra pad+ma 'byung gnas kyis bskur ba rdzogs so// rta nag dregs pa sde brgyad tshogs kyis bka'i bya ra mdzod// sa ma ya/ rgya rgya rgya/ d+ha thim/ sprul pa'i sku mchog sangs rgyas gling pas/ dza dkar dung gi sgo mo nas bton pa'o// //

  386. 193b

    @/ bla ma dgongs pa 'dus pa las bla ma yi dam mkha' 'gro thams cad kyi drag sngags phrin las kyi rgyud spu gri reg chod bzhugs so// u rgyan gsang ba brda'i skad du/ bla mam smad d+ha klusa?m/ rgya gar skad du/ g+hu ru d+he wa DAk+ki ni/ sarba karma tan+ta k+Shu ra s+the sha ts+tshe da na nA ma/ bod skad du/ bla ma yi dam mkha' 'gro thams cad kyi phrin las kyi rgyud spu gri reg gcod ces bya ba/ bcom ldan 'das dpal chen rngam pa drag po gtum rngam rab tu khros pa'i sku gsung thugs yon tan phrin las mi zad pa rgyan gyi rgyal po la phyag 'tshal lo// snang srid rab tu g.yos nas ni// 'byung ba me rlung 'khrugs pa'i klong // bdud dang rA tra rab bsgral nas// sha khrag rgya mtshor 'khyil ba'i dbus// drag sngags mtshon cha'i gur khang du// dregs pa khyo shug bsnol ba'i steng // bcom ldan snang ba mtha' yas sku// gzi brjid rab 'bar skur bzhengs nas// stobs kyi dpa' shugs rab bskyed de// sku gsung thugs las 'od kyi zer// tsha tshwas snang srid stong khams gang // ma rungs pa rnams tshar gcod cing // sprul pa dpag med 'gyed pa'i tshe// 'khor gyi gtso mchog dbang chen rgyal// ha ya g+ni wa dgra bgegs gshed// rab tu khros pa'i stobs shugs can// sku la dur khrod chas kyis brgyan// spyi gtsug dbang skad rta mchog 'tsher// sbrul dang yang sbrul dpag med

  387. 194a

    'gyed// gsung gis rngam pa'i ngar sgrogs// hA phaT sgra yis stong gsum g.ya// ha ha'i gad mo cher 'byin cing // dgyes pa'i gdangs skad 'byung po skrag/ sgrol 'gyur med pa'i thugs klang nas// ngang gis ye shes rtsal 'byin yang // ma rungs pa la dug char 'bebs// brtse bas 'gro la rab dgongs nas// rdzu 'phrul shugs kyis drag por sprul// 'dus pa'i 'khor gyi gtso mchog gis// nyid kyi rdzu 'phrul rtsal bshig nas// bcom ldan 'das la 'di skad gsol// hrIH'bar ba'i klong nas skur bzhengs pa// yang dag don ldan bcom ldan 'das// sprul pa phyogs bcur 'gyed pa po// brtse bas bdag la deng 'dir dgongs// gdul bya rengs par gyur nas ni// ma dag log pa'i lam zhugs pa'i// lus ngag yid spyod ma rungs pa// sdang zhing gnod gdug rtsal phyung nas// yongs la 'tshe bar byed pa rnams// de dag 'dul bar byed pa'i thabs// drag po'i shugs kyis stsal du gsol// byams par gyur pa'i thugs mnga' zhing // zhi ba'i ngang las ma g.yos kyang // thabs kyis gdug pa 'dul slad du// rab tu khros pa'i shugs phyung nas// drag rbad las rnams stsal du gsol// zhes sogs myur du zhus pa'i tshe// bcom ldan rngam pa'i stangs stabs kyis// phyogs bcur gzigs shing gzi brjid kyis// snang srid ma lus rab tu

  388. 194b

    g.yos// ma rungs cho 'phrul bkyes nas ni// ljags zor rngam pas bka' stsal pa// nyon cig sprul pa dbang chen dpal// gdul bya ma rungs 'dul ba'i las// thabs kyi rgyal por ngas bshad kyi// thog mar brnag pa'i 'dun pas nyon// bar du rab tu khros pas nyon// tha mar drag shul spyod pas nyon// sngon 'gro dngos gzhi rjes rim bzhin// gtan la gang phebs brnag par byos// log pa'i lam zhugs gdul bya rnams// thabs kyis 'dul bar bya ba dang // bdud dang rU tra la sogs pa// lam gyi 'gal rkyen byed pa'i bgegs// dgra sogs 'joms pa'i las rnams kyang // drag shul ldan pas yang dag brtsam// 'bar zhing rab tu rngam pa yis// legs brjod las dang las kyi rigs// rab tu gsal don yang dag brjod// bla ma yi dam mkha' 'gro thams cad kyi phrin las kyi rgyud spu gri reg gcod las/ gleng gzhi'i le'u ste dang po'o// s+thi// / dgra bgegs log 'dren 'joms pa'i las// sngon du 'gro ba'i rim pa rnams// bcom ldan 'das kyis bka' stsal pa// gnas dang dus dang gang zag dang // dmigs bya gang yin ngos bzung dang // dmigs bya'i rU pa bya ba dang // thun rdzas dang ni bcas ka ste// drag sngags bsgrub par byed pa'i gnas// s+thi dang bye brag khyad par gsum// spyir ni rab 'jigs dur khrod

  389. 195a

    gnas// ngam nag skyi g.ya' hom khung 'dra// chu rong brag 'dab 'dre srin 'khrugs// bya gcan rngam pa ma rungs rgyu// gnam sa gru gsum ngam nag cing // dug dang dug shing mang po skyes// steng nas lhung la khad 'dra dang // 'og nas gyen du gzengs pa 'dra// sa rdo ri brag khros 'dra'i gnas// bye brag gnas ni bsam mi khyab// ye shes lha yi drag sngags gnas// spyi bo'i khrod du ma yin zhing // rab tu dben la bag phebs pa// bas mtha' yangs pa'i sa phyogs so// 'jig rten pa yi drag sngags gnas// dur khrod la sogs 'dre srin rgyu// rab gnas ma byas sa phyogs te// ngang gis 'jigs pa'i gnas su bsgrub// gzhan yang bye brag so so'i gnas// gang la gang rigs gnas su'o// khyad par drag sngags bsgrub pa'i gnas// rab ni sa dong mun pa ste// rim pa bdun gyi sa 'og na// las kyi gshin rje gnas pa'i phyir// stongs grogs mthu dpung byed pa'o// 'bring ni sa khebs brag phug stong // ngam nag mun pa rab tu 'khrigs// dregs pa sde brgyad gnas pa ste// byang phyogs kha blta'i phug pa shis// las rnams myur du 'grub par 'gyur// sku gsung thugs rten mi bzhugs gnas// yang na rab tu gnas zhig cing // 'byung pos bdag byas gtsug lag khang // mdor na 'jig rten dregs pa'i tshogs// rgyu zhing gnas pa'i sar

  390. 195b

    bsgrubs pas// gcig rgyab gcig gis byas pa yi// gang dang gang gis las byas pa'i// de dang de dag myur du 'grub// thogs pa med pa'i mthu thob 'gyur// de bzhin drag sngags bsgrub pa'i dus// dus gza' drag po rgyu ba ste// phung gsum bdud kyi nyi ma dang // dregs pa stobs ldan rgyu ba'i dus// gza' dang skar ma rtsub la sogs// gang dang gang gi rigs rnams la// de dang de yi rigs bstun nas// nam phyed srod dang mun pa 'khrigs// dus der drag po'i bsnyen sgrub dang // las la sbyar ba rab tu shis// zla ba mar gyi ngo dag la// las mtha' mnan bsreg zor las bya// yang ni sngags pa'i rgyud 'khrugs nas// rngam zhing ngar dang ldan pa'i dus// skad cig nyid der las sbyor brtsam// gnam lcags thog dang mtshungs pa ste// las gang thogs pa med par 'grub// rab tu g.yo ba'i dus dang ni// phyi nang 'byung ba 'khrugs pa dang // nyi zla sgra gcan 'dzom pa'i tshe// mngon spyod drag po'i las la 'jug/ des ni las rnams myur 'grub 'gyur// mngon spyod bsgrub pa'i gang zag ni// sems rgyud rab tu gtum pa las// blo stobs che zhing zhum pa med// lus rngam khro bo khros pa 'dra// mig rtsa dmar la ska lo gzing // spyod lam thug thub rab tu che// ngag nyung bzlas brjod sngags la brtson// sha khrag dmar la rab tu dad// drag po'i

  391. 196a

    las la rab tu brtson// rgyud rtsub khro gtum rab tu che// zhe nag 'dzin shes gtong mi shes// bstan la brtse zhing spyi sems che// bya ba gang yang mthar 'byung byed// brtson 'grus ldan zhing snying rus can// gar yang thogs med 'jug pa yi// gang zag de 'dras bsgrub pa na// myur 'grub dgra bgegs thul bar 'gyur// de las log pa'i gang zag rigs// 'jam la zhi dul ldan pa yi// blo sna thung ba'i rigs can gyis// bsgrubs kyang 'grub par mi 'gyur ro// dmigs bya ngos bzung rnam pa gnyis// dgra dang bgegs te dgra bo ni// spyi dang bye brag rnam pa gnyis// spyir ni sangs rgyas bstan pa la// gnag pa'i sems 'chang gdub rtsub can// dge 'dun spyi dgra byed pa dang // dkon mchog sde pa'i nor rnams 'joms// dkor cha 'joms shing dben gnas bshig/ byang chub sems dpa'i thugs dkrug bsam gtan bsgom pa'i gegs byed pa// bla ma dam pa'i sku la bsngos// sems can yongs la 'tshe ba byed// rtag tu sdig pa'i las la spyod// dge 'dun dbyen byed gnag sems byed// dkon mchog gsum la rgyab kyis phyogs// mdor na sangs rgya bstan pa yi// spyi dgra byed cing 'gro la 'tshe// dmigs bya de 'dra bsgral ba'i yul// bye brag rang nyid ma nyes par// do bsngo phod btsug brnyas pa 'chang // rkun

  392. 196b

    sna gtad cing dzag 'dral byed// brdung btsog 'phrog bcom rtsub 'khrug ston// len nyes med par zhe gcod cing // sku la bsngo zhing rigs la bsnyegs// gnag pa'i mthil 'cha' za lam gcod// mdor na rang la sdang byed cing // lus ngag yid sogs du ma yis// gnod cing sdang bar gang byed pa'i// rnal 'byor sgos dgra yin pa'i phyir// de dag myur du bsgral ba'i yul// rang gis ma nyes gzhan gyis btsug/ de dag bsgral ba'i yul yin no// bgegs ni las kyi mnar ba yi// lus sems ma rungs 'byung po'i rigs// ngang gis gzhan la gnod gyur cing // dkar po dge ba'i bar chad byed// tshe la rku zhing srog la 'jab// kha rje dbang thang dag la gnod// mtho ris thar pa'i gegs byed cing // 'khor ba ngan song rgyu sogs pa'i// bdud dang bdud kyi ris kyi lha// skabs tshol glags lta lus srog 'joms// bsgrub la bar chad sna tshogs byed// 'dre bdud 'byung po gang dang gang // dge ba'i las dang bsam pa la// bar chad byed pa gang yin pa// mi min de dag bsgral ba'i yul// de ltar dmigs bya ngos zin nas// dgra bgegs rU pa bya ba ni// 'bur du dod dang ris su bris// ming byang dag la gdags pa'o// dang po 'bur du btod pa ni// so so'i zag rdzas rjes sa dang // dur khrod dag gi sa dang ni// phung shul 'dre gnas dag gi sa// dug

  393. 197a

    khrag ro sol dur thal dang // dme ba rabs chad mdze po yi// bsdad shul 'grim lam khang sa ste// mdor na shin tu bkra mi shis// ngan pa las byung rdzas rnams las/ kham sa gnag lci bag phye dang // 'bru nag phye dang dur thal dang // rang rang las kyi sa sna sogs// gang dang gang las byung ba yi// rU pa che tshad lus dang mnyam// 'bring po dmigs bya'i khru gang ste// tha ma de yi mtho gang tshad// gzugs dang dbang po skye mched dod// rid la nyam zag stobs dang bral// yi mug ngu ba'i rnam 'gyur can// yan lag rengs sam 'khums pa'i gzugs// sha shor rus pa'i mkhrig ma zhig/ bgegs la yi dwags rnam pa can// gsus pa che la yan lag rid// mjing pa phra zhing mgo bo rgyas// mig ni gyen la a 'bras log kha bgrad lce brkyangs ma ne 'phyang // pho mo gang yin dbang po dod// gang yang lus kyi cha tshang bar// 'os pa'i tshon gyis mdog bsgyur zhing // rnam shes chags pa'i gta' yin pas// gzugs dang skye mched dod par bya// ris su bris pa'i ling+ga ni// gzhi ma ro ras dug shog dang // la la zhing lpags dag la ste// gang yin che tshad mda' gang la// 'bring po khru gang tha ma yang // mtho gang sor bzhi dag la bri// snag tsha phal cher dug khrag ste// rang rang gang rigs rdzas kyis bri// de yang skye mched dod pa la// dbang po tshang zhing

  394. 197b

    yan lag rdzogs/ kha mig bgrad cing skra lo gzing // rkang lag lcags sgrog byed du gzhug/ rang la rang gshed byed pa'i tshul// de ltar bris dang la la ni// dmigs bya'i 'dra 'bag gzugs su bkod// de dang de ltar bye brag rnams// rnam rig shes rab can dag gis// gang la gang 'os bkod par bya// de ltar bris pa'i snying ga ru// dgra la nr-i dang bgegs la tri// tha mar rang rang ming rus dang // dzaHhUM baM hoH/ ma ra ya khug dza/ yig mgo nang du bstan pa bri// dpral bar rus bri kha la ni// dung dung dza dza bri bar bya// baR+Ya la bla dgas bri bar bya// byin pa gnyis la nr-i tri bri/ 'doms la phaT dang rkang zhabs yi// yan lag dzaHhUM baM hoHbkod// spyi bor mA ra ya nan bri// g.yas su pha rgyud rtsad chod dang // g.yon du ma rgyud mngal nas skoms// mdun nam lto bar srid pa dkrug/ ces sogs dmod mo gang shes bri// tha mar las sngags gang 'os bkod// de'i mthar dzaHdang khram ris dang // sbal sbrul sdig pa 'dzings pas bskor// thar lam bros khung med pa'i tshul// 'byung ba 'khrugs pa'i klong du tshud// gzhi ma sa steng med pa can// rab tu gtams pa bri bar bya// de las gzhan yang rang rang gis// las mtha' dang ni bstun te bri// de ltar bris pa'i rU pa la// rang rang zag pa'i rdzas kyis byugs// sngags rnams mi bklag rang bab

  395. 198a

    bzhag/ mnga' thang nyams par bya ba'i phyir// mgo rting bzlog nas lteb pa dang // bzhag pa'i lugs kyang de bzhin bya// dug khrag la sogs rdzas ngan yang // gang rigs las kyi mtha' dang bstun// mdor na brnag par byed pa yi// dgra bgegs rU pa'i ling+ga ni// rang gzugs skye mched dod pa la// rab tu nyams pa'i tshul can bya// thun rdzas skam rlon rnam pa gnyis// skam thun rdzas ngan sna tshogs dang // ke tse shang tse nyung dkar dang // til dang 'bru nag sna tshogs dang // zha nye zangs lcags khro phye dang // rtsub pa'i rdo phye dkar nag dang // dug rigs sna tshogs 'bras bu dang // dur khrod las byung rdzas rnams dang // rang rang gshed rdzas sna tshogs so// rlon thun khrag la gzhi blangs pa'i// sna tshogs dug gi khu ba dang // yugs sa'i mngal khrag mdzo dril chu// mdze pho'i khrag rnams gang rnyed dang // mtsho lkugs chu mig lkugs pa'i chu// rabs chad pho mo'i mchil snabs dang // lkugs pa'i dri chen dri chu dang // de sogs rdzas ngan sna tshogs pa// phye ma ril bu spangs pa la// dri ngan rab tu bku ba can// shin tu gdug par byas pa'o// de nas bca' ga'i rim pa ni// shin tu nag pa'i gnas khang du// byang du kha bltas brub dong bcas// dur khrod la sogs sa rdzas kyis// stegs bu mda' gang gru bzhi'am// 'dom gang gru bzhi la sogs

  396. 198b

    pa'i// rigs dang rigs las byung ba bya// dpangs su khru gang byas pa la// dbus su brub dong gru gsum bya// yangs dog thod pa kha sbyor shong // de las gzhan yang gang rigs bya// phyi nang med par dug khrag dang // dur thal ro sol dag gis byugs// rdzas ngan rnam pa du ma yis// dkyil 'khor brub dang khyab par byugs/ kha bad bang rim lcags ri sogs// tha ma drag po'i rtsang gis bskor// rigs dang rigs mthun ldan pa'o// mkhas pas gang la gang rigs bya// mdor na 'jigs la rngam pa can// las kyi gshin rje'i pho brang ltar// zhing lpags mi mgo'i dra phyed dang // rgyu ma'i lnga ldi ro ras kyi// 'phan gdugs la sogs dur khrod kyi// pho brang rab tu 'jigs par bya// de las gzhan yang bcas kyi rigs// gang la gang dang de la de'i// bye brag rnam pa mang po dag/ mkhas pa rnams kyis dpyad de bya/ khro rgyal gtum po'i pho brang las// dregs pa sde brgyad 'du ba'i gnas// 'dre srin 'byung po 'tshogs pa'i sa// drag po las kyi hom yin pas// 'jigs la ya nga'i tshul can bya// de ltar byas pa'i hom khung du// dgra bgegs dmigs bya'i rU pa gzhug/ thod pa kha sbyor la sogs pa'i// ling snod rdzas ngan gang rigs kyi// nang du gzhug par byed pa'o// ming byang dag la 'di ltar gdab// drag po dag ni dug rigs kyi// shing las byas pa'i byang

  397. 199a

    bu la// dug khrag rdzas ngan sna tshogs kyis// dgra bo'i ming rus mkhan gsum bkod// sgo khyi yul 'brogs zhing dang // bang mkhar mi nor 'khor bcas kyi// nor 'khrul med pa'i ming bkod de// brub dong phyi nang bar khyams su// rnam pa mang du byas la bkod// gzugs dang bkram pa gang rigs bya// de nas snang srid lha 'dre la// gtor ma gser skyems btang nas kyang // bka' bsgo bden stobs drag tu brjod// ye shes lha la mkhyen gsol bya// 'jig rten lha la nyes pa bsgrag/ rang gis ma nyes bden pa brjod// kho yis nyes pa phra ma gzhug/ rang nyid lha yi nga rgyal bskyed// blta ba gnad du chud pa dang // ye shes lha yi sngags tshad bgrang // rang rang gnyen po stobs kyi lha// gang la gang rigs ldan pa gces// bla ma yi dam mkha' 'gro thams cad kyi phrin las kyi rgyud spu gri reg gcod las/ sngon du 'gro ba'i las rim bstan pa'i le'u ste gnyis pa'o// skr-i// / bcom ldan dpag med he ru kas// dbang chen 'bar ba la sogs pa'i// drag po 'dus pa'i 'khor rnams la// drag sngags dngos gzhi'i las gsungs pa// bsnyen dang sgrub pa las sbyor te// bsnyen pa la yang rnam pa gnyis// ye shes lha yi bsnyen pa dang // 'jig rten dregs pa'i bsnyen pa'o// ye shes lha yi bsnyen pa la// dkyil 'khor rnam pa gsum

  398. 199b

    ldan pa'i// grangs rtags dus tshad gtan la dbab// 'jig rten dregs pa'i bsnyen pa la// bdag nyid lha yi nga rgyal gyis// gnad la dbab pa'i tshul gyis ni// lha srin dregs pa gang yin pa// srog sngags g.yel med myur du 'bad// mngon sum rtags kyis gtan la dbab// rnal 'byor g.yo med ngang du bzhag/ de sogs bsnyen pa'i rim pa rnams// gong gnon yin pas tshags su gzhug/ de nas sgrub pa byed pa ni// dang po 'bod pa'i bsgrub pa dang // bar du zad pa'i bsgrub pa dang // tha mar bsad pa'i las rim ste// spyi dril rnams la nges pa med// man ngag rang rang gzhung du bya// dang po 'bod pa rnam pa gnyis// ting 'dzin sngags dang rdzas bcas la// brten nas ye shes lha 'bod bsgrub// grub nas gang 'dod phrin las sbyar// dmigs rten rdzas dang dkyil 'khor dang // skong rdzas gtor tshogs rang rang gi/ dgyes pa'i rdzas dang dmigs pa dang // drag po'i sngags kyi rim pa la// brten nas 'jig rten lha 'dre 'bod// bdag bskyed ye shes lha gsal gdab// che ba'i nga rgyal drag tu bskyed// 'jig rten lha 'dre/ mdun du dmigs// bran dang bka' nyan tshul du bya// mdor na rje dang 'bangs kyi tshul// de lta bu yi tshul du 'bod// rbad dang bsad pa'i bsgrub pa ni// zung 'jug yin pas 'di lta ste// dmigs bya bskyed dang

  399. 200a

    dgug pa dang // lha dbye srog dang phral ba dang // gzugs la dbab dang byad du gzhug/ thun gyis brab dang srog 'phrog las// gzugs phung lha la dbul ba dang // rnam shes sbar dang tshe lung dang // khrus lung dag gis las la sbyar// dang po dmigs bya bskyed pa ni// bdag nyid lha yi nga rgyal gyis// mdun du las kyi gshin rje yi// pho brang drag shul 'jigs pa'i gnas// gti mug mun pa nag po'i nang // zhe sdang rlung nag 'tshub pa'i dkyil// 'dod chags me dpung 'bar ba'i dbus// las kyi bshan pa rgyu ba'i sa// khro rgyal dmag dpung 'dus pa der// dmigs rten rU pa de nyid kyi// dgra bgegs gang yin sa bon las// mngon sum lam mer snang ba'i gzugs// shin tu rid la nyam thag pa// lag pa mya ngan phyag rgya bca'// skra gzing mig nas mchi ma 'bab// so gtsigs lce brkyangs ma ne 'phyang // yi mug tshul du gnas pa'am// yang na dgra bgegs gang yin kyang // rang gzugs rnam 'gyur cha lugs can// shin tu rgud pa'i rnam par gsal// de ltar brten la bskyed nas kyang // rnam shes rten la dgug pa ni// rang nyid dbang chen 'bar ba'am// mos pa'i khro bor bskyed bya ste// che ba'i nga rgyal ldan pa'i ngang // thugs ka la sogs gnas rnams nas// pho nya sprul pa'i las mkhan ni// lcags kyu zhags pa lcags

  400. 200b

    sgrog dril// dpag tu med pa'i spro bsdu yi// dgra bo zas la yengs pa'am// gnyid kyis non pa'i dus su dgug/ lag pa lcags kyu'i phyag rgya bca'// dkon mchog bden pa'i stobs brjod de// dmigs bya dgra bo gang yin gyi// rnam shes yi ge nr-i yi tshul// rang dbang med par bkug nas kyang // dmigs rten rU pa dag la bstim// gzhan yang dbang po gzugs phung bcas// drag tu bkug la gzugs la bstim// lus 'dar ngag dang ngas sems myos nas// mngon sum mdun du khugs par bsam// bgegs kyi sa bon tri las bskyed// dgug gzhug sngar dang 'dra ba las/ khyad par nam phyed nyin byed dgug/ rnam shes tri yi rnam pa can// dmigs rten rang gzugs dag la bstim// gzhan yang dgra bgegs 'gugs pa yi// sbyor ba'i rnam grangs dpag med bya// lha dbye grogs dang phral ba ni// rdzas ngan dud pas rU pa bdug/ dbye ba'i phyag rgya dmod mo dang // sngags rnams brjod cing dmigs pa gtad// pho lha dgra lha ma lha dang // zhang lha srog lha le'u'i lha// yul gyi rtse lha la sogs pa'i// mgon skyabs dpung grogs byed pa yi// rgyab brten dag dang phral bar bya// grogs med rten dang bral nas kyang // mgon skyabs dpung rogs med par bsam// de nas gzugs la dbab pa ni// lus la lus dang ngag la

  401. 201a

    ngag/ rnam par shes pa rten la bstim// de yang bye mtshan mo la// mar thim lta bur gyur nas kyang // lus ngag yid gsum gcig tu 'dres// de yang lus ngag yid gsum po// rnam par nyams nas rab tu myos// bkrag dang gzi mdangs yal nas ni// sngo la nyam pa thal ba'i mdog/ dbang po'i stobs bcud nyams par dmigs// de nas byad du bcug pa ni// dbang po yan lag byad du gzhug/ rnam shes gru gu lta bur bsgril// phyag rgyas yan lag bkyig pa dang // 'khyog 'gul med par bsdam pa'i tshul// tshon skud sna lnga la sogs pa// byad zag rnams kyis rU pa de// 'gul dbang med pa'i tshul gyis ni// rgya gram skor bu ris su bsdam// stobs dang gzi mdangs nyams nas ni// mkha' lding gdos kyi non pa ltar// g.yo 'gul med par gyur bsam mo// de nas thun gyis brab bya ste// skam thun rlon thun gang yin kyang // bsad sngags las kyis ngar blud de// thun rnams sprul pa las kyi mtshon// gnam lcags 'bar ba'i thog chen dang // dug dang nad kyi spyi 'dang char// rno ngar ldan pa'i mtshon char dmigs// rig pa'i ngar bskyed ting 'dzin bsar// las sngags drag po 'brug ltar bzlas// thun char drag po thog ltar dbab// ting 'dzin myur mgyogs glog ltar bskul// dmod mo ngan pa mda' ltar 'phen// brnag sems

  402. 201b

    zhe sdang mun ltar gtibs// srog gi shan pa rbab ltar bsgril// dus gsum dus drug thun lam blangs// de nas pho nya'i dmag drangs la// srog 'phrog bsad pa'i las la 'jug/ pho nya rbad cing phrin las bskul// las kyi shan pa ma rungs pa// sprul pa yang sbrul bcas rnams kyis// dmigs bya dgra bgegs gang yin pa// srog bcad dbugs 'gag lus po gtubs// sha zos khrag 'thung rus pa bcom// lhag rol tsam yang med par bsam// rul myags thal ba rdul du brlag/ bsad pa las kyi spu gri'i ngar// rab tu 'bar ba'i las byas bsam// de ltar rnam shes rten dang phral// srog dang bral ba'i gzugs phung de// ye shes las las grub pa yi// lha dang srung ma thams cad kyi// zhal du dbul zhing bstab par bya// 'dod chags khrag la hub kyis btab// zhe sdang rus la chem gyis bzas// gti mug sha la hab kyis rngam// dug gsum sha khrag rus pa'i tshogs// lha dang srung ma'i zhal du bstab// rdul cha phra mo tsam zhig kyang // ma lus zhal du thim par dmigs// de ltar gzugs phung lha la 'bul// las kyi lhag ma bsdu bar bya// de nas rnam shes sbar ba ni// bdag nyid lha yi thugs ka nas// ye shes sems dpa' tshon gang ba// rgyangs kyis thon nas dmigs bya yi// rnam par shes pa'i ngo bo ni/ khab len rdo yis lcags blang

  403. 202a

    bzhin// ye shes sems dpa'i thugs kar thim// ye shes sems dpa' rang nyid kyi// thugs kar thim nas gnyis med kyi// rang nyid chos kyi dbyings su gshegs// yang na ye shes sems dpa' de// dpag chen gnam mda' 'phang ba bzhin// chos kyi dbyings su gshegs par dmigs// tshe lung bdag gi thugs ka nas// yi ge a dkar 'phros pa yis// kho yi tshe srog bkug nas kyang // rang gi snying gar bstim pa yis// rang gi tshe srog bsnon par dmigs/ khrus lung rang gi gnas gsum nas// yi ge 'bru gsum 'phros pa las// ye shes bdud rtsi'i chu rgyun babs// dmigs bya'i lus ngag yid la phog/ de yi nyon mongs sdig sgrib rnams// rnam par byang de sgrib bral nas// ye shes chen por gyur par dmigs// de ltar gnas sbar tshe lung khrus// sgrib sbyang las sbyor gang byed kyang // ye shes lha yi nga rgyal bskyed// snying rje byang sems rgyud la bya// ye shes dag pa'i dgongs pas sbar// sgrib pa dag nas las rnams 'grub// byang chub lam gyi grogs su 'gyur// de ltar mngon spyod dngos kyi las// stobs chen rgyal pos brtsam pa na// gnod byed dgra bgegs brlag par 'gyur// yang dag las kyi mthar thug ste// gdul bya log sred gyur pa rnams// bsgral nas 'dren pa'i thabs mchog go/ bla ma yi dam mkha'

  404. 202b

    'gro thams cad kyi phrin las kyi rgyud spu gri reg gcod las/ dngos gzhi'i las rim bstan pa'i le'u ste gsum pa'o// s+thi// / gzi brjid mtha' yas bcom ldan 'das// ston pa dbang mchog rgyal po la// 'dus pa'i 'khor gyi gtsor gyur pa// dbang chen 'bar bas yang zhus pa// drag po'i las kyi mtha' sdud rnams// gdul bya'i 'khor la stsal du gsol// zhes pa stobs kyis zhus pa yis// ston pa gzi/ brjid dpal 'bar bas// drag po'i las rjes bka' stsal pa// ma yengs 'dus pa'i 'khor rnams nyon// gnod byed dgra bgegs bsgral la sogs// drag sngags las kyi rjes rnams ni// rang nyid ma nyes dpang gzug dang // kho yi nyes pa bsgrag pa dang // bzhes drangs za lam gtad pa dang // phrin brdzang mnan bsreg 'phen pa'o// rang nyid ma nyes dpang gzug pa// ye shes lha dang srung ma dang // snang srid lha 'dre rnams dang ni// yul lha gzhi bdag la sogs la// gtor ma gser skyems gsol mchod bya// bdag nyid lha yi nga rgyal bskyed// ho phyogs bcu'i rgyal ba sras bcas dang // bla ma yi dam mkha' 'gro'i tshogs// dam can chos skyong srung ma dang // ye shes dbyings kyi lha tshogs rnams// bdag la gsan cing dgongs su gsol// lha klu gnod sbyin la sogs pa'i// snang zhing srid pa'i lha 'dre rnams// 'jig rten

  405. 203a

    las las grub pa yi// sprul pa yang sbrul bcas pa ste// 'jig rten srung ma 'khor bcas rnams// bdag la gsan cing dgongs su gsol// phyogs mtshams steng 'og la gnas pa'i// yul gyi sa bdag gzhi bdag dang // rtsi shing nags tshal ri brag la// gnas shing rten bcas mi ma yin// snang srid lha 'dre ma lus rnams// bdag la gsan cing dgongs su gsol// rgyal po blon po btsun mo ste// mgo nag stong sde srid pa'i bdag/ pho mo 'gro ba ma lus pa// bdag la gsan cing dgongs su gsol// legs nyes gnyis kyi stangs gcod cing // bzang ngan gnyis kyi shan 'byed pa'i// mkhyen ldan rnams kyis gzu dpang mdzod// bdag ni ma nyes g.yo med de// thog ma med nas da lha'i bar// bla med byang chub chos spyod pas// 'dir yang theg mchog chos dang mjal// skyes nas da lha'i bar dag tu// mi dge spangs nas dge ba spyad// lus ngag yid gsum chos la spyod// las kyi rgyu 'bras khyad ma bsad// dkon mchog gsum po thod bzhin khur// dam can chos skyong rtag tu mchod// snang srid lha 'dre'i yi ma bcad// rigs drug pha ma sun ma phyung // tshe gcig byang chub bsgrubs lags kyang // las kyi dkar nag bden pa rnams// bden brdzun dbye ba khyed rnams kyis// bden rdzun shan 'byed mdzad du gsol// bdag la nyes pa

  406. 203b

    cung zad med// de phyir deng 'dir gzu dpang mdzod// bden pa can la mthu dpung bskyed// mi bden pa la bka' chad phob// ces sogs gang dang gang rigs pa'i// ma nyes dpang gzug gang shes brjod// de nas kho yi nyes pa bsgrag/ gnod byed dgra bgegs che ge mo// yar gyi lha la do bsngos shing // mar gyi 'dre la brnyas pa btsug/ bar gyi grogs la 'gran sems bcas// sangs rgyas bstan pa'i spyi dgra byas// dkon mchog gsum gyi dbu 'phang smad// bla ma dam pa'i sku la bsngos// gsang sngags gnyen gyi dam tshig bkral// chos 'khor gtsug lag dkor nor bcom// 'gro ba yongs la gnod pa bskyal// sdig pa mi dge sna tshogs spyad// las 'bras dkar po khyad du bsad// bstan pa yongs kyi rigs la bsnyeg/ rnal 'byor sngags 'chang bdag cag la// do brdos phod btsug gnod pa bskul// dkon mchog skyabs gnas mi bden zer// 'di yis las ngan sna tshogs spyad// 'di la bsgral ba'i zhing bcu tshang // nyes pa can gyi che ge 'dis// rang gis las byas rang la smin// 'di la bka' chad dbab tu gsol// zhes sogs nyes pa du ma bsgrag/ dgra dang bgegs gnyis so so yi// nyes pa bsgrag tshul shes par bya// de nas bzhes drangs gtor ma bskul// zor la sogs pa gang dang gang // 'os pa'i las sbyar skabs rnams

  407. 204a

    su// 'di ltar dmod bcol las rnams bya// ho dgra bo dam nyams bsgral ba'i zhing bcur gyur pa'i che ge mo 'di la bsad pa dang bsgral ba'i las tshang bas/ che ge mo 'di las kyi rlung dmar gyis rgyab nas bskyod du chug cig/ gti mug 'jigs pa'i mun nag gis mdun nas gtib cig/ 'dod chags rngam pa'i me dpung gi tsha ba'i dpal gyis gzhob du sreg gcig/ zhe sdang drag po'i ri rgyal lhun po'i 'og tu non cig/ phrag dog rngam pa'i chu srin gdug pa can gyi gre bar stim zhing / nga rgyal rtsub 'gyur gyi 'khor lo stobs chen gyi rtsibs la skyon cig/ shan 'byed las kyi gshin rjes khram la thob cig/ pho nya las byed 'jigs pa'i sha zan gyi khar chug cig/ nyon mongs las kyi rgya mtsho gting med kyi gting du sgyur cig/ mi bzad 'bar ba'i byad thag lcags sgrog gis byad du chug cig/ khro rgyal 'bar ba'i phyag mtshan las kyi mtshon cha'i char phob cig/ lan chags las kyi gzugs phung 'byung po 'dre srin 'tshogs pa'i btson dong du sbyar cig/ lhan cig skyes pa'i lha bdud du phob cig/ mnyam par 'ong ba'i bdud kyis bskos la thob cig/ gnam gyi 'ju thag dkar po gyen du chod cig/ rten pa sa'i rtod phur drungs nas phyung zhig/ che ge mo 'di yar gyi che gsum dang phrol cig/ mar gyi chung gsum dang phrol cig/ dkon pa'i tshe srog stung

  408. 204b

    zhig/ lta ba'i mig dang phrol cig/ bsam pa'i snying dang phrol cig/ rgyab brten dpung rogs dang phrol cig/ 'go ba'i lha dang phrol cig/ skyobs pa'i dpon dang phrol cig/ bsten pa'i rje dang phrol cig/ gnas pa'i yul dang phrol cig/ mdza' ba'i grogs dang phrol cig/ bsags pa'i nor dang phrol cig/ phung gsum bdud dang sprod cig/ gnya' non byur dang sprod cig/ sdang ba'i dgra dang spyod cig/ gnod pa'i bgegs dang spyod cig/ 'du ba'i nad dang spyod cig/ 'chi ba'i rkyen dang spyod cig/ pho bdud mo la phob cig/ mo bdud pho la phob cig/ rgyab kyi gos dang phrol cig kha'i zas dang phrol cig/ sgo'i chung ma dang phrol cig/ mtshan gyi bu dang phrol cig/ lag gi nor dang phrol cig/ bla mchod bdud du phob cig/ nye ba dgra ru slong zhig/ lha gshed bdud du thob cig/ pho rgyud rtsad nas chod cig/ mo rgyud mngal nas skoms shig/ chung rgyud drungs nas phyung zhig/ yar gyi che gsum la bab na seng chen gyi khog pa 'bus g.yeng ba bzhin du thong zhig/ mar gyi chung gsum la bab na lcug phran zor bas brngas pa bzhin du thong zhig/ pha spun nang tshan la bab na lug khyu la 'phar sbrang brgyab pa bzhin du thong zhig/ pha khu rgan rim la bab na sdong rgan rtsa ba nas 'gyel ba bzhin du thong zhig/ gzhon nu dar ma la bab na sgo nga brag la brgyab pa bzhin

  409. 205a

    du thong zhig/ mo btsun mdzangs ma la bab na me tog sad kyis khyer ba bzhin du zong zhig/ zas nor longs spyod la bab na me rdul rlung gi bskyod pa ltar thong zhig/ g.yo ba'i lus la bab na drag chen la thog phog pa ltar thong zhig/ smra ba'i lce la bab na bung ba theb kyis mnan pa ltar thong zhig/ bsam pa'i snying la bab na smyo 'bog can brgyal nad kyis thebs pa ltar thong zhig/ bya ba'i las la bab na/ shog sku rlung gis bskyod pa ltar thong zhig/ stod la tsha ba'i nad kyis gzir zhig/ smad la grang ba'i nad kyis gdungs shig/ bar du 'dus pa'i nad kyis dkrug cig/ klad khrag zho ltar dkrug cig/ lus sems bal ltar g.yeng zhig/ gzhogs g.yas pa skam du chug cig/ g.yon pa rul du chug cig/ chu dang gram thang skya mo'i bar du ya thod nyi ma 'de ru chug cig/ ma thod bye ma 'gam du chug cig/ che ge mo 'di la mi rung ba'i ltas ngan cho 'phrul sna tshogs thong zhig/ lus srog dbang thang dang bcas pa lhag ma med par myur du bzhes shig/ mi tshe ring po la dus ma 'debs par bzhes shig/ bar snang stong pa la tshad ma 'dzugs par bzhes shig/ skye rga na 'chi la khungs ma 'byin par bzhes zhig/ ces pa la sogs bzhes drangs shing / dmod mo sna tshogs rigs mthun brjod// de nas za lam gtad pa ni// dmigs bya'i rU pa khrag ris

  410. 205b

    can// srung ma'i gtor ma bcas pa 'bul// phrin las myur mgyogs brag tu bskul// dul mo brtul zhing las la rbad// de nas drag tu 'di skad brjod// ho/ ye shes dang las las grub pa'i srung rang rang gi srung ma'i ming nas brjod do// ma thugs dam can khyed rnams la/ dgra bo che ge mo 'di'i lus srog dbang zang chus srid dang bcas pa zas skal du gtad pa yin pas/ 'di'i sha zo/ khrag 'thung / srog chod/ dbugs longs/ las kyi mtha' bsdus la/ lo dang zla bar ma bzhag/ zhag dang za mar ma shor bar myur du sgrol cig/ che ge mo 'di'i lus srog la steng lha'i za lam gtod cig/ 'og klu'i za lam gtod cig/ drang srong gza'i za lam gtod cig/ ces sogs srung ma mang po dang // snang srid lha 'dre mang po yi// ming nas bos te za lam gtad// rigs dang rigs mthun bdud du dbab// de bzhin rang gshed rang dbab kyi// za lam gtad pa'i rim pa rnams// las mthun sprad pa'i drag sngags brjod// drang srong rnams kyi dmod pa 'dor// bgegs chen dag kyang gshed du dbab// las kyi rim pa drag myur 'bad// de nas nang rtags cho 'phrul dang // rtsub 'gyur sna tshogs 'byung ba dang // srung ma thams cad drag tu rbad// phrin las bskul zhing gnyer gtad bya// dgra la 'khu 'phrig slong ba yi// ltas ngan phrin bsgyel gtang bar bya// sna sel las

  411. 206a

    kyi gtor ma btang // dam can chos skyong la sogs pa// srung ma gnad la dbab bya zhing / kho la cho 'phrul 'byung tshul rnams// dug shog ro ras nag po la// phrin rdzong yi ge bris nas kyang // gshed dang sprad la gnas su bskul// gang la gang rigs gnad dang bstun// 'byung ba 'khrugs pa'i las sbyor rnams// bskrad dang dbye dang gzir la sogs// las mtha' mngon spyod drag tu gzir// rnam par nyams par byed pa'i las// drag shul 'jigs pa'i sbyor ba brtsam// las rjes dgra bgegs ling ro rnams// mdze pho rabs chad nag po dang // klo mon mtha' mi'i thod pa dang // gcan gzan dar ma'i thod pa ste// gang la gang rigs nang du brub// thun dang thal 'dam nag pos bcad// ro ching ro ras yugs sa yi// dor mas gril nas tshon skud kyis// byad du gzhug sogs dam par bya// dus gza' phud gsum dag dang sprad// la gnyen lung gnyen chu mdo dang / khrims lam bzhi mdo la sogs pa'i// lha 'dre ma rungs gnas pa'i sa// chu brag gtsug lag mchod rten zhabs// gang 'os sa ru gnan gtad bya// steng nas 'byung ba me chu dang // ro g.yam rang thag chag po la// ri rab rdo rje rgya gram bri// mnan gzir dmod bcol bcas pas mnan// mnan pa las kyi mtha' sdud kyi// las sbyor gnad la

  412. 206b

    dbab par bya// dgra dpung mnan dang bgegs dpung bshig/ smyo byed las kyi sbyor ba bya// yang ni las rjes bsreg pa ste// phung gsum bdud kyi nyi ma la// drag po'i shing gis hom khung brtseg/ dug khrag til nag 'bru nag sogs// thun rdzas rnam pa sna tshogs dang // dmigs bya'i rU pa gtor ma dang // sha khrag la sogs bsreg rdzas bcas// mtshon gyis gtubs la rim bzhin 'bul// me sbar lha bskyed las rnams bya// me nang drag po'i srung ma dang // pho nya las mkhan rngams pa bskyed/ kha gdangs nang du dmigs te phul// rang rang las sbyor sngags dang bcas// dmod pa'i tshig gis drag myur bsreg/ bar mtshams le lo ma zhugs shing // ting 'dzin zang lhod med par bya// dmigs bya lhag med bzhes shing bsreg/ ro ma thal sol rlung la 'phyar// yang na khrims lam dong du mnan// 'phen pa zor gyi las rnams ni// drag sngags las kyi gtor ma de// sde brgyad dregs pa 'gyu dus dang // phyogs sbrad dmigs pa'i ngar dang bcas// dug khrag mtshon cha'i char phab nas// dmigs bya dgra dang bgegs kyi steng // gnam lcags skyi 'dong 'bab pa ltar// rdul phran lta bur brlag dmigs te// las kyi sngags dang dmod mo'i tshig/ zor gyi las su brdeg par bya// rnal 'byor khro bo'i nga rgyal gyis// lus kyis dpa' shugs gzi brjid bskyed// ngag

  413. 207a

    tu zor las dmod pa gyer// yid kyis zhe sdang brnag sems bcas// rnam 'gyur tshom rngams 'jigs gzugs bstan// dul mo brtul zhing thal mo brdab// mchi ma phyung zhing 'o dod 'bod// dmod bcol las kyi spu gri gdags// dar chen bskyed pa'i rol mo bsgrag/ mi rung cho 'phrul 'gyed pa'i phyir// ro mgo bsgril zhing ro lag g.yab// zhing lpags dag kyang drag tu brdab// 'byung ba me chu la sogs gtor// de ltar drag po'i las kyi mtha'// rbad bskul mnan bsreg 'phen pa sogs// gang dang gang dag las sbyor rnams// gnas skabs tshul dang tshul min par// bye brag rim pa phyes la brtsam// las byas gnad du song ba dang // ma song rang la log pa dang // ma log nyes med gzhan la 'byams// de dang de yi la nye brtag/ bzlog pa byad ma gnad la dbab// rdugs pa dag la yang yang bsgyur// 'byams la dmigs bskur gsal shing btsug/ rang dang pha rol dmigs bya yi// lha dang srung ma khams rigs bstun// 'gyangs na las kyi spog cho ga bya// mthun la bzur zhing mi mthun sprad// gzhan yang dus dang gnas skabs dang // yul dang yul can gang yin pa// rigs dang mi rigs shes par bya// bla ma yi dam mkha' 'gro thams cad kyi phrin las kyi rgyud spu gri reg gcod las rjes kyi las rim bstan

  414. 207b

    pa'i le'u ste bzhi pa'o// s+thi// / gsung gi dbang phyug dpal 'bar ba// ston pa dpag med rgyal po yis// de skad 'dus pa'i 'khor rnams la// mngon spyod drag sngags las rnams kun// thog ma bar dang mtha' rim bzhin// bstan pa'i don du legs par gsungs// de nas dbang chen 'bar ba sogs// drag po las kyi 'khor rnams kyis// rang rang dpa' ba'i rtsal phyung zhing // sprul pa rang gzugs bcas pa bstan// gdangs skad snyan pa'i shugs dag gis// mgrin gcig tu ni mngon par bstod// hrIHdus gsum sangs rgyas thams cad kyi// gsung gi dbang phyug mtha' yas sku// 'od dang gzi brjid dpal 'bar shing // mthu dang rdzu 'phrul stobs mnga' ba// yangs pa'i dkyil 'khor rgyas pa'i spyan// le brgan ljags kyi dbang po la// tshangs pa'i dbyangs kyi 'bru bkod de// gdul bya dag dang ma dag pa// gnyis mnyam chen po'i ngang du bstim// brjod pa'i tshig la 'bras bu'i don// rmad du byung ba e ma ho/ khyod sku snang ba'i gzi brjid kyis// rab tu rgyas shing g.yos pa las// 'gro ba'i ma rig mun sel ba// snang ba'i ye shes sgron me sbar// ngo mtshar 'di dag dpal du che// gang la gang 'dul phrin las kyis// de dang der ston rnam par mdzad// dpag tu med pa'i sprul pa yis// snang srid 'khor 'das yongs la khyab// dpal 'bar

  415. 208a

    chen po'i sku la bstod// e ma khyod gsung snyan pa yis// sgra dbyangs phyogs rnams yongs la khyab// 'dul bya rnam pa du ma la// rang rang skad kyis gsung rdol bas// don la ma g.yos sgra tshig gsung // log pa'i lam du gang 'khyams pa// legs pa'i lam la yang dag bkod// dbyangs kyi sprul pa yang sbrul las// don dang bcas pa'i sgra tshig gis// 'dod 'byung yid bzhin char chen phab// ma dag log spyod gnas su bsgyur// yang dag mdzad pa mthar phyin mdzad// 'gag pa med pa'i gsung las kyang // rgyun chad med pa'i chos char gyis// nyon mongs me yis gdungs pa la// ye shes bsil ba'i sprul pa bstan// 'brug stong ldir 'dra'i nga ro yis// mu stegs lta ngan pham par mdzad// ston pa dbang phyug gsung la bstod// e ma khyod thugs yangs pa'i klong // mkha' ltar dag pa'i bcom ldan 'das// nyi ma sprin bral 'bum gyi gzi// thugs rje brtse ba'i 'od zer gyis// dra bas nye ring med par gsal// brtse chen ye shes rnam dag pa// gcig dang du ma dang bral bas// grangs las 'das pa'i snang ba 'gyed// 'di dag rgyal dang rgyal rnams kyis/ kha lo bsgyur mdzad mngon 'phags pa// bsam gyis mi khyab gdul bya yi// bsam pa nyid kyi dgongs pa las// dkyil 'khor rgyas pa'i 'phro 'du shar// brtse dang mi brtse gnyis bral

  416. 208b

    zhing // de bzhin mkhyen dang mi mkhyen pa'i// phyogs su ma lhung ris ma chad// zung du ma 'brel ya ma chad/ khang mnyam yangs pa'i pho brang du// thugs kyi snang ba rnam par snang // rnam par bkra zhing rnam par 'phro// don rnams kun dang yang dag pa// 'khor 'das gnyis med gcig tu gdal// thug pa med pa'i dkyil 'khor nas// zag pa med pa'i 'od zer gyis// mtha' med 'gro ba re re zhing // snang ba'i dkyil 'khor rdzogs mdzad de// yang dag 'khor lo de snyed kyang // dus mtha' med par rab tu bskor// de dag khyed kyi thugs mtha' yas// sku mtha' yas dang gsung mtha' yas// yon tan phrin las mtha' yas dpal// g.yo med dgongs klong mtha' yas pa'i// thugs rje ye shes khyod la bstod// e ma ho/ dpal dang ldan pa'i bcom ldan 'das/ khyod kyi sku gsung thugs dkyil nas// shar zhing sprul pa'i yi ge dag/ tshig don gsal bar mngon phyung ba// bdag sogs gdul bya grol ba'i mgon// thogs med rgyal pos bka' stsal pa// snying dang spyi bor yang dag 'chang // ngo mtshar thod du 'di khur ro// bkod pa mtha' yas gsung tshig la// 'di kun mngon par spyod pa'i rtsal// ma rig gnyid las slong ba'i sgra// bdag 'dzin zhen pa gcod pa'i gri// nyon mongs gcong nad 'byin pa'i sman// 'khor ba'i rgya mtsho sgrol ba'i

  417. 209a

    gru// thar pa'i sa chen bgrod pa'i skas// dgra bgegs log 'dren 'dul ba'i mthu// nyes pa kun las rnam grol ba// rdzu 'phrul ye shes rtsal mchog ste// mchog dang thun mong 'byung ba 'di// bdag cag yang dag spyi bos len// dgongs pa bkrol la rjes yi rang / khro rgyal dbang chen dpal 'bar dang // bdag cag yang dag 'dus pa'i 'khor// lha dang mi dang lha ma yin// klu dang rig sngags 'chang rnams dang // drang srong bram ze mi'am ci// dri za grul bum la sogs te// bdag cag rjes su yi rangs shing // bcom ldan 'das la mngon par bstod// dza ma yi dam mkha' 'gro thams cad kyi phrin las kyi rgyud spu gri reg gcod las/ rjes su yi rangs shing mngon par bstod pa'i le'u ste lnga pa'o// s+thi// / phrin las drag pos dgra bgegs bdud dang log sred can gyi gdul bya 'dul ba'i rgyud kyi rgyal po spu gri reg gcod ces bya ba/ bdag 'dra pad+ma 'byung gnas kyis dur khrod chen po bsil ba'i tshal du bskur ba rdzogs so// sa ma ya/ rgya rgya rgya/ kha tha ma/ d+ha thi/ rta nag dregs pa sde brgyad tshogs kyis bka' 'di bsrungs// gter rkun dam nyams log lta bka' la ras gcod byed// rnal 'byor chos la gnas dang rjes 'jug rnams la gnod// bstan la 'tshe byed bdud rigs gdug pa can rnams kyi// lus ngag

  418. 209b

    yid gsum stobs dang rdzu 'phrul dbang po nyams par gyis// sha khrag zhal du stob cing lhag ma med par mdzod// bka' 'di'i bdag po u rgyan gsung sras rjes 'jug gi/ dam can rgya mtsho rnams kyis rtag tu srung ma dam par gyis// bka' gsang 'di nyid phyogs dus kun tu dar rgyas mdzod// bkra shis bde legs dpal 'bar kun tu khyab par shog/ sprul pa'i sku mchog gter ston sangs rgyas gling pas dza dkar dung gi sgo mo klu btsan gnas pa'i sa nas gdan drangs pa'o// // @#// u rgyan gsang ba brda'i skad du/ an r+tha rtsa ma ga rdzas/ bod skad du/ bla ma'i gsang rgyud bka'i bang mdzod ces bya pabapa/ byin rlabs thams cad 'dus pa'i bcom ldan 'das bla ma sku gsum gyi bdag nyid dpal he ru ka bde ba chen po la phyag 'tshal lo// kun 'dus rig pa chos kyi sku// yongs khyab gsal ba longs spyod rdzogs// sbrul bsgyur ston mdzad sprul pa'i sku// yang dag nges don rdzogs pa'i dpal// rang snang rnam dag ye grol ba// bskur gzhi bral ba'i sems nyid de// sangs rgyas ma yin sems can min// bcing grol kun la 'das pa ste// gtan la phab nas yang dag rtogs// gud du ma yin rang rtsal rdzogs// bdag lus rtsa yi ri bo la// bskyod pa rlung gis rab g.yos shing // khod snyoms ye shes thig le 'phro// rang bab

  419. 210a

    gshis las ma g.yos dang // nyam pa med pa'i ting 'dzin gyis// dam tshig ye shes gnyis mnyam bsre// smin par byed dang grol byed dang // bde stong yang dag skad cig rdzogs// 'khrul pa gzhi la yongs rdzogs pas// ye shes bla ma'i sa chen nyid// rtsol med skad cig nyid la gnon// de skad nga yi rang rig la// sprul pa'i 'khor la yang dang yang // sgrib pa med pa'i tshig gis bshad// rgyas pa'i don dang bsdus pa'i don// rnam par rab tu 'phros rnams la// 'di kun rang byung gzhi tshig go/ bla ma'i gsang rgyud bka'i bang mdzod las/ gleng gzhi'i le'u ste dang po'o// // 'dir bdag sprul pa'i 'khor rnams la// byin rlabs yongs su 'dus pa yi// dbang don yang dag bshad kyis nyon// dbang gis smin par ma byas na// grol bar byed pa'i zab lam chad// cho ga'i rgyal pos dbang bskur te// 'di ltar smin grol sa la gnas// de phyir dbang 'di sus bskur ba// mtshan nyid kun ldan bla mas bskur// rang rig rtogs pa'i gding la gnas// zhen pa'i ro la mngon ma chags// gzhan don thugs rje'i rtsal dang ldan// bskyed rdzogs brtan pa thob pas bskur// de bzhin gang la bskur ba'i yul// gsang sngags brda yi snod rung ba// blo yangs dad brtson dam tshig gnas// bla mas ji ltar bka' stsal pa// lus ngag yid rtsol ldan pas

  420. 210b

    bsgrub// 'jig rten chos la yid mi 'jug/ gtong phod che zhing mched la brtsi// yid gnyis the tshom bral la bskur// nya stong tshes brgyad gza' skar bzang // phyi nang mthu rkyen 'dzom pa'i dus// bla ma dang ni slob ma gnyis// gcig yul gcig la 'dres dus der// smin byed dbang gi dus mchog go/ sa gtsang rab dben mkha' 'gro 'du// yid 'ong byin chags 'tshe dogs bral// lha 'dre mi gsum yongs kyis bsngags// mthun rkyen 'dzom pa'i gnas mchog tu// rtsal dang ldan pa'i bla ma yis// dkyil 'khor gsum la gnas pa'i ngang // legs par sa yi cho ga brtsam// 'byung po 'dul zhing byin chen dbab// de nas dkyil 'khor las la brtson// gtor mchod la sogs phyi nang dang // gsang ba'i rdzas dang dbang bskur rdzas// go rim ma log legs par bsham// thog mar dge ba sngon 'gro'i las// rnal 'byor lus dang ngag yid gsum// rang ngos bzung bas gtan la phab// gsang sngags spyod pa nges 'byung spyad// de nas bdag bskyed mdun bskyed la// dam tshig ye shes bsre bsnan zhing // bzlas pa'i rkang grangs rdzogs par 'bad// mchod pa sman rag gtor sogs 'bul// bar du dge ba'i dngos gzhi ni// bdag nyid 'jug pa'i dbang blang zhing // slob ma sta gon la gnas pas// dkyil 'khor 'jug pa'i cho ga 'bad// de nas

  421. 211a

    bum par bcud dbab pa// spro bsdu'i dmigs pa ma yengs bya// lus ngag yid bde bsam gtan pas// rtags dang mtshan ma gtan la phab// dang po bum pa sbyin byas te// rig pa'i dbang lngas sgrib pa sbyang // lus nyid lha ru smin byas nas// rnam grol 'bras bu ye shes dbab// de nas gsang ba'i dkyil 'khor bstan// gsang mtshan rdo rje'i ming nas 'jug/ mtshan nyid ldan pa'i pho mo ni// bdun las mi mang don mthun gtad// gsang dbang mchog ni bskur ba ste// yab yum rdo rje pad+ma las// legs 'byung dngos grub mchog don ni// lce yi dbang pos blang bar bya// rdo rje 'bar ba'i dam tshig ni// bka' la mi 'da' thub par bsrung // ngag gi dbang po smin byas nas// longs spyod ye shes mchog la reg/ gsum pa shes rab ye shes kyi// bde stong smin byed dbang bskur bas// thabs dang shes rab sbyor ba yi// bcud kyi snying po don gyi mchog/ skal par ldan pa'i skyes bu gang // dga' ba bzhi yi ye shes kyis// bde stong zag med ting 'dzin 'phel// lam snang 'bras bu skad cig rdzogs// nyon mongs rnam grol snang ba yis// mngon sum rang rtsal dkyil 'khor rdzogs// sku dang gsung dang thugs dang yang // yon tan phrin las rtsal chen gyis// rtsa ba yan lag bcas pa yi// dam tshig nyid la gnas par bya// 'di don

  422. 211b

    mchog gi sa la reg/ bzhi pa snang srid gzhi bzhengs kyi// don dbang tshig gis brda sprod pas// lus ngag yid gsum gtan la dbab// 'khor 'das chos rnams ma lus pa// rang snang dkyil 'khor rang la rdzogs// spros bral chen po de bzhin gshegs// rgyal tshab dam par dbang bskur bas// gzhi rdzogs sems kyi dkyil 'khor la// byas dang byung ba med pa dang // snang dang mi snang med pa dang // thams cad gad la khyab lhun 'byam mo// de ltar sku gsum ye shes lnga// gzhi bral lhan cig snang ba ste// skal bar ldan pa'i lus ngag yid// rab tu smin cing ye shes pheb// bla ma ltar bcas dgyes pa yi// mchod gsol me tog maN+Dal 'bul// rin chen dbang gi mtha' rten du// 'khor lo rdo rje rin chen dang // pad+ma rgya gram la sogs sbyin// rang gzhan smin pa'i las la brtson// rdo rje rgyal por mnga' dbang bskur// grangs 'das bka' yi chos kyi sgo// de ltar smin par byas nas phye// 'di kun gsang ba'i de don te// dam tshig chen po'i don la spyod// rang srog mig gi 'bras bu ltar// rab tu gces pas dam par bsrung // 'di ltar rgyal ba'i gdung rgyud 'dzin// skad cig rig 'dzin sa la reg/ tha mar dge ba rjes mchog ni// rdzogs pa'i ye shes rang snang ba// ye shes lha gshegs dam tshig bsdu// spros bral chen po'i ngang nyid nas// rdo rje'i glu

  423. 212a

    blangs bde nyams skyong // dga' ston gtang rag rim gro 'bad// rdo rje slob dpon dgyes mchod bskang // dal bsdu dge ba'i shis pa brjod// yang dag snying po dbyings su bsngo// bla ma'i gsang rgyud bka'i bang mdzod las/ smin byed dbang bskur bar bstan pa'i le'u ste gnyis pa'o// // bla med yang dag ston pa yis// nyid kyis sprul pa'i 'khor rnams la// lus ngag yid gsum grol byed pa'i// bskyed rim lha yi gnad gsungs pa// nyon cig snang can rig pa'i 'khor// snang ba 'khrid pa'i sna zag tu// 'khor ba ru log byed pa'i thabs// ye shes lha la rig pa gtad// lhun grub rang gsal 'od kyi sgra// snang stong sgyu ma'i rang gzugs can// longs spyod rdzogs dang sprul pa'i sgra// chos sku rol pa'i rtsal las snang // shar lho nub byang steng 'og phyogs// de bzhin mtshams la sogs pa dang // 'das dang ma 'ongs da ltar dang // dus gsum dus med dus kyi dbyings// phyi rol 'byung ba 'dus pa'i mkhar// rnam par snang ba'i gzugs brnyan rnams// rang snang rnam dag gzhal yas khang // sems can skye 'gror gyur pa yang // 'byung ba'i dngas ma 'dus pa yis// phung po la ni gzugs can dang // las kyi dbang btsan dkar nag chos// gzugs med yid kyi lus la sogs// bag chags rang snang bcas pa ste// dag pa

  424. 212b

    rtsal gyi ye shes lha// ma dag sna tshogs las spyod pa'i// 'gro ba drug sogs yul can bzung // 'dzin pa'i rtod phur ma zhig par// bag chags sna tshogs 'khrul pa'i lus// yid kyi dbang po'i spyod yul la// nang du 'byung ba'i rang rtsal las// bdag lus sgyu ma'i grong mkhar du// rnam par snang ba'i gdos pa can// rnam pa du ma'i gzugs su chags// rtsa dang rlung dang khams dang yang // rnam par rgyu dang mi rgyu ba// 'das dang ma 'ongs da ltar gyi// las 'bras byas byung byed pa'i mthus// dkar dang nag dang 'chol par yang // las kyi 'phro 'du byed pa ste// rang snang rnam par dag shes na// ye shes lha yi gzhal yas su// ngo bo stong pa chos kyi sku// rang bzhin rang gsal longs spyod rdzogs// thugs rje'i rtsal snang 'phro 'du ba// rang byung sprul pa'i skur grol bas// 'khrul snang rang dag lha yi sku// dkar ser dmar ldang la sogs pa// sku mdog sna tshogs 'od dang bcas// zer gyis 'gro ba 'dul ba'o// yongs khyab chen po'i lhar grub ste// de ltar ma rtogs 'khrul pa'i blo// gzung 'dzin rang snang 'khrul phyir brgyud// de dag/ 'khrul 'khor bshig bya'i phyir// dang po de bzhin nyid kyi ngang // kun tu snang ba'i ting 'dzin las// rgyu yi yi ge rnam par spros// de las bdag nyid dam tshig pa// mos bskyed sku mdog phyag mtshan bcas// che

  425. 213a

    dang chung dang rang mtshams par// yid kyis rnam par sprul zhing bskyed// gdod nas dag pa ye shes sems// bkug bstim rnam par rol pas spyad// 'phro dang 'du ba'i rang bzhin gyis// gtad gzhag med par rnam par gnas// yang dag lha tshogs de bzhin gshegs// rim dang skad cig dran rdzogs su// tha ma rab kyi blo yis gsal// rang sngags mtshan bcas snying po dang // mtshan ma med pa'i rang sngags kyis// gnad la dbab pa'i mchu sbyor dang // 'byin 'jug gnas pa'i 'gro 'ong gis// rang snang gtso 'khor btson du bzung // dbyer med gcig tu gtan la dbab// nus pa'i rtsal chen sbar bar bya// gnam sa ri rab g.yo bar bya// rgya mtsho hub kyis gdab pa dang // nyi zla cha lang lta bur brdab// 'byung ba'i dkyil 'khor thams cad kyang // phyi nang gsang ba'i rim gyis dkrug/ phyi nang snang srid dbang du byas// 'jig rten 'das dang ma 'das pa'i// lha rnams rang dbang bran du bya// bdag dbang kho yis ma yin zhing // kho nyid bdag gi dbang du ste// cho 'phrul gar gyis gtan la phab// de ltar bskyed pa'i ye shes kyi// rang snang gnad la phab nas kyang // 'khrid pa'i sna zag la brten nas// 'khrul pa'i g.yul ngo rim gyis bzlog/ bag chags ri bo thabs kyis bsgyel// phrin las dmigs su ngang gis bsgyur// sna

  426. 213b

    tshogs las la dbang byed pa// bdag nyid lha yi shugs ldan pas// gang yang thogs pa med 'grub 'gyur// gang la gang 'dul thabs ldan pas// de la der ston las la sbyar// rang gzhan rnam dag zhing la spyod// e ma 'di ni gsang chen gyi// gsang ba'i yang gsang rmad po che// gdul bya mos blo'i yul du snang // bla ma'i gsang rgyud bka'i bang mdzod las/ grol lam bskyed rim gyi le'u ste gsum pa'o// // yang ni ston mchog rgyal po yis// rang byung sprul pa'i 'khor rnams la// grol byed rdzogs rim 'di gsungs pa// nyon cig rang byung rang rtsal 'khor// snang zhing srid dang de las gzhan// dngos dang dngos min gnyis snang chos// gzugs dang ming gi mtha' can kun// la 'das chen po'i dbyings su thim// 'di kun blta ba'i rgyal po yin// gdod nas dag pa'i gding chen bca'// bcos bslad med par gtan la dbab// bcing grol med pa'i gnas lugs la// bcos bslad med par rang gzhag nas// g.yo 'gul med par gtan la phab// blang dor med pa'i ngang nyid la// rang bab lhug par bzhag pa yis// yengs 'khrul rkyen dang bral ba'i don// khor yug par mtshams med par 'char// snang srid rol pa rang grol thob// 'di kun bsgom pa'i rgyal po yin// rang rtsal rig pa'i cho 'phrul kun// rang shar

  427. 214a

    rang la grol ba'i gnad// g.yo 'gul 'pho 'gyur med par gzhag/ rang lugs bab la rtsal chen 'bar// bzang dang ngan dang dkar nag chos// gang yang blang dang dor med par// rang snang rang grol chen por bzhag/ mnyam pa nyid las mnyam snang ba// byed pa med las thams cad byas// gang yang dgag dang bsgrub med par// bab la spyod pa'i rnam 'gyur can// 'di kun spyod pa'i rgyal po yin// kun gsal kun tu snang ba'i chos// bcos bslad med par rang gshis su// 'gyur ba med par ngang du phyam// lus ngag yid la rnam rol pa// sku gsum bslab pa nyid la gnas// phra mo'i las kun rnam par snang // rang byung gzhi las g.yos med par// lam gyi rtsal chen rab rdzogs par// phyi nang 'khrul pa'i blo zad de// rang byung bcud du rab smin pas// 'bras bu rtsol med gzhi la phebs// 'di kun 'bras bu'i rgyal po yin// re dogs med pa'i rtsal chen gyis// mtha' bral dbyings la kun spyod skyong // bya ba byas shing byed pa byas// bya rtsol snang ba'i chos la 'das// snang srid 'khor 'das ma lus pa// skad cig rang byung dbyings su rdzogs// de las snang stong ye shes kyi// rtsal chen 'bar ba sna tshogs kyi// nyid las rang byung snang ba ste// 'khor dang 'das pa'i spyi mes yin// de las rnam par rol pa yis// gzhi snang ye shes

  428. 214b

    g.yos ma g.yos// byad dang me long rten 'brel yin// rgyu dang rkyen las ma g.yos pa'o// g.yo ba med las g.yos pa dang // med las nga yir 'dzin snang ba// lugs 'byung dang ni lugs bzlog ste// mdung khyim par snang 'ja' ris bzhin// cho 'phrul rnam par de 'phrul pas// la la 'khor lo'i rtsibs la bskyon// ma rig la sogs 'thibs pos non// la la ye shes rang rtsal rdzogs// mkhyen dang brtse ba'i bdag nyid can// la la gzhi las g.yos med par// bzang dang ngan sogs rtsal ma 'phros// bag la nyal du gnas pa'o// de dang de yi gnas dpyad de// skye 'bri la sogs yang dag shes// dgongs dang yang dag dgongs pa dang // gnyen dang ldem dang drang po dang // dgongs pa'i cho 'phrul yang dag las// 'du dang 'phro ba'i chos rnams kyi// gtang gzhag med la de bzhin spyod// bla ma'i gsang rgyud bka'i bang mdzod las/ grol lam rdzogs rim gyi le'u ste bzhi pa'o// // yang gsang zung 'jug ston pa yis// zung du 'jug pa'i chos rnams kun// zung du 'jug pa'i 'khor rnams la// zung du 'jug phyir yang dag bstan// 'khor dang 'das pa'i chos rnams kun// spyi dang bye brag khyad par yang // zung du 'jug pa chen po ste// snang ba ma 'gags bskyed pa dang // stong pa mtha' bral rdzogs pa yang // gnyis med chen por

  429. 215a

    zung du 'jug/ ma byas rang byung chos rnams dang // rtsol byas byung ba'i chos rnams kyang // 'gag med zung du 'jug pa'o// rgyu las byung ba'i chos rnams dang // rkyen gyis bsgyur ba'i chos rnams kyang // gnyis med zung du 'jug pa ste// mdor na gnyis dang gnyis chos kun// gnyis med spros bral zung 'jug chos// de phyir bde dang stong pa'i chos// zag med klong du zung chud pas// thabs kyi dpa' bo stobs ldan dang // shes rab dpa' mo stobs bral ba// lhan cig gnas pa'i cho 'phrul gyis// snang stong ye shes nyid snang ba// 'khrul 'khor ba yi rnam 'phrul gyis// 'khor 'das yongs grub ye rdzogs dpal// rnal 'byor rgyal po rnams kyis blta/ khyim gyi dkyil 'khor chen po la// yid bzhin nor mchog rab snang ba// rgyu byed bdag po'i cho 'phrul dang // 'gro dang 'ong dang gnas pa'i stobs// nyi ma zla ba sgra gcan 'dzin// gling bu'i sgra las drangs nas ni// steng dang 'og tu rnam par bcing // 'phro ba dgag cing gnas pa spyod// rnam par rgyu dang rgyu ba ni// dgag dang mi dgag blang dor med// de dag yid kyi skyes bus bsad// nyi ma dag tu yang dag ldan// zla ba dag tu yang dag snang // zla ba dbyings su bskyod de bcing // nyi ma 'og tu gnas pa sbar// 'bar dang 'dzag pa'i cho 'phrul kun// srog gi gnas su yang dag

  430. 215b

    sbasgra// kun lam rtsal gyi 'phro ba ni// bskyed pa'i cha dang yang dag ldan// 'du bar byed pa rdzogs pa'i don// mnyam gnas zung du 'jug pa ste// gzhi las 'phags shing lam du gnas// 'bras bu dbyings su phyin pa yi// zil zer bas kyang pa char gyi rgyun 'babs pas// dbang dang dbang yul yongs la khyab// dbang la khyab pas rnam par gsal// dbang yul la khyab cho 'phrul snang // de kun sgyu ma'i zhing khams te// dag pa gsum gyi rtsal 'phar bas// ma dag cho 'phrul thabs kyis gnon// rang las shar ba'i rang rtsal gyis// rang byung chen po'i dkyil 'khor bkra// rgyu las byung ba'i dngos po ni// ye shes rol pa'i rtsal chen 'bar// 'od kyis snang mun ma lus pa// bsal nas rnam par rab tu bkra// mtha' yas gdal ba'i rtsal las kyang // glang chen stobs la seng+ge'i rtsal// nya ltar 'phyo dang glog ltar 'khyug/ gnam lcags thog/ chen 'bar ba'i shugs// lo brgyad byis pa'i ngang tshul can// phyi nang gsang ba'i de nyid shes// srid pa tha ma'i lus gyur pas// thun mong mthong snang sna tshogs snang / khyad par ye shes mig can la// rnam par bkra ba'i gzugs snang ba// mtshan dang dpe byad yang dag ldan// sku gsum nyid las ma g.yos pas// zung 'jug rtsal du shar ba'o// g.yo dang 'gul dang ldeg pa dang // 'od kyi dra bas khengs pa

  431. 216a

    dang // lha dang mi dang lha ma yin// dri zar bcas pa thams cad kyang // dga' zhing mgu nas mngon par bstod// bla ma'i gsang rgud bka'i bang mdzod las/ grol lam bskyed rdzogs zung 'jug gi rim pa'i le'u ste lnga pa'o// // rdo rje'i sku la pad+ma'i ljags// rnam grol de bzhin yang dag thugs// rtsol med rang byung bcom ldan 'das// thogs med rgyal po 'od mi 'gyur// smin grol zab mo'i chos rnams ni// snang ba'i 'khor la char du phab// phyir mi ldog pa'i 'bras bu smin// rtsal chen lam gyi lo 'dab rgyas// dpag chen bzhin du mkha' la spyod// e ma ngo mtshar rmad byung ba// sku gsung thugs la mngon par bstod// bla ma'i gsang rgyud bka'i bang mdzod las/ rjes su yi rang zhing mngon par bstod pa'i le'u ste drug pa'o// // byin rlabs rang byung du bstan pa bla ma'i gsang rgyud bka'i bang mdzod ces bya ba rdzogs so// // sa ma ya/ rgya rgya rgya/ sbas rgya/ gtad rgya/ gter rgya/ kha tha ma/ d+ha thim/ rgya rgya rgya/ oM rgyan gsung sras sbrul sgra sangs rgyas gling pas snga dkar dung gi sgo mo nas bton pa shu b+he// /

  432. 216b

    @#/ u rgyan gsang ba brda'i skad du/ an r+thardza ma h+yaMH/ khAswa/ bod skad du/ yi dam gyi gsang rgyud bka'i tha ram zhes bya ba/ bcom ldan 'das dpal zhi ba dang / khro bo dang / rngam pa dang / yab dang / yum dang / sras dang / 'khor dang / sprul pa dang / yang sbrul du bcas pa la phyag 'tshal lo// dkar ser dmar ldang 'khrigs pa'i klong // dpal chen rngam pa'i dkyil 'khor nas// zhi ba'i ngang las khro skur bzhengs// rnam 'gyur cha lugs sprul pa can// bzhad pa'i nga ros stong khams gang // brtse ba'i thugs rje cher 'gyed pa// dpal chen stobs kyi rgyal po yis// nyid kyi sku yi dkyil 'khor nas// rang byung sprul pa'i 'khor shar zhing // mdun du rnam par bkod pa las// gsang chen tha ram 'di gsungs pa// a la la ho// snang srid 'khor 'das spyi dpal gtso// spyi gtsug dbyings kyi dkyil 'khor du// rab tu gsal ba'i 'od shar ba// gcig tu bzlum dang dum bur 'thor// zlum po nyid kyi klong du thim// de kun rang rtsal rdzogs pa'i mgon// dum bur 'thor ba kun tu khyab// nam mkha'i khams kun rab snang byas// mi mngon dbyings nas rnam par snang // me las me dang chu las chu// rlung las rlung dang sa las sa// nam mkha' g.yo med yongs la khyab// khyab bdag rang bzhin dkyil 'khor can// ral pa'i cod pan rab gzeng

  433. 217a

    pas// sa 'og sa steng sa blar khyab// sprug cing rnam par sprugs pas kyang // 'gro ba'i lo tog smin mdzad de// s+thi phud dang por gyur pa'o// yi dam gsang rgyud bka'i tha ram las/ spyi gtsug rnam par blta ba'i le'u zhes bya ba ste dang po'o// // a la la ho// snang srid 'khor 'das spyi dpal gtso// mgrin snang gsung gi dkyil 'khor du// sgra yi bkod pa rab snang ba// smra ba'i dbyangs dang yang dag ldan// lha dang lha min mi dang ni// dud 'gro yi dwags dmyal ba'i mthar// nyid kyi gsung gi dbang po yis// khyab cing so so'i mthun snang du// skad dang sgra don bcas pa mdzad// sa dang rdo dang shing bu dang // me chu rlung la sogs pa yi// skad dang sgra las mngon pa'i tshig/ gsung dang bcas te yang dag snang // pad+ma'i ljags dang dung gi tshems// bum pa'i dkyil du dril ba yang // rnam par bkra ba'i le brgan las// ma 'dres snying po'i tshig tu gsal// de kun yang dag gsang ba'i mgon// mang po gcig tu dril ba dang // gcig las rnam pa du ma spros// rigs drug 'gro ba'i snang ba yang // so so pa la so so yi// lus ngag yid rgyud smin pa dang // yang dag de bzhin nyid bstan te// rnam grol ye shes bde chen bstan// rang la rang snang nyid brdal bas// lha mi la sogs 'gro ba yi// rang snang snang ba'i dal rgyas nas// rnam par blta

  434. 217b

    dang rnam par smra// bsags pa thams cad zad pa ste// de nas bsag pa mi mnga' la// bsags 'bras myur du 'jig pa'o// snying po sngags spyod gsang bstan pa// gsang zhing rnam par gsang ba yi// gsang ba'i snying po mchog la reg/ kun rdzob mtha' yang de bzhin stong // de yang ljags kyi dbang po yi// longs spyod mgrin pa'i dkyil 'khor las// gsang sngags dkyil 'khor rab 'khrugs pas// stobs kyi nus pa rnam par smin// bkrol ba med kyang rang grol dang // bcing ba med kyang zhig pa'o// rab tu 'khrugs par gyur rnams kyang // 'khrugs pa med la de bzhin gshegs// sa lam bkod pa dus gcig rdzogs// spyi phud gnyis par gyur pa'o// yi dam gsang rgyud bka'i tha ram las/ mgrin pa rnam par blta ba'i le'u ste gnyis pa'o// // a la la ho/ snang srid 'khor 'das spyi dpal gtso// gsang gter thugs kyi dkyil 'khor du// mkhyen brtse'i bkod pa rab snang ba// 'gyur med za ram nyag gcig don// rgyan gyi bkod pa du ma dang // cho 'phrul rnam pa sna tshogs dang // rab tu 'khrugs pa'i sems dpa' dang // rnam par brtse ba'i sems ma dang // gnyis med rol pa'i ye shes te// nam mkha' yangs pa'i dkyil 'khor du// rnam pa sna tshogs rab 'char ba// rang byung rang la rnam par thim// sbrul dang bsgyur dang stabs pa dang // rnam

  435. 218a

    par rab tu 'khrugs pa yang // nyid las ma g.yos nyid kyi rtsal// 'di bdag yangs pa'i dpa' shugs gsal// 'phro dang 'du dang 'khyil pa dang // dgag pa dang ni stsal ba dang // rnam par rab tu g.yo ba can// gti mug las kyang gti mug dang // zhe sdang las kyang zhe sdang nyid// nga rgyal las kyang nga rgyal ba// 'dod chags nyid kyang 'dod chags pa// phrag dog nyid kyang dbang byed pa// las kyi las te las kyis las// lcags kyis lcags rnams gcod pa dang // de bzhin shing gi shing bsreg pa// rdo yis rdo gcog rang rang mthus// rang rtsal rang gi nus pa 'jig/ bdag gis bdag po nyid 'joms byed// bdag gis bdag nyid yang dag bstod// byas pa yis ni byas pa 'jig/ sems kyi sems sun sems kyis 'byin// las kyis las ni 'joms pa'o// las kyis las kyang sog pa ste// rigs mthun nang gis rigs mthun 'joms// dpa' shugs bskyed pa de bzhin ltar// rgyal ba'i thugs la thugs rje yi// rol pa rnam par rol spros pas// gdul bya gdul bya dag gis 'dul// ye shes rgyas pa'i dkyil 'khor ni// ye shes rgyas pa nyid kyis mthong // rang byung dag pa rang byung gis// yang dag mthong nas yang dag ston// de mthong rgyun mar mthong bas mthong // rig pas rig pa rtogs pas rtogs// dkar pos

  436. 218b

    dkar po nyid byed la// nag pos nag po nyid byed do// nga las nga byung nga yis shes// nga las nga byung nga yis bsgribs// nga las nga byung nga yis bsal// thams cad nga yi dkyil 'khor du// 'du dang 'phro bar byed shes pas// shes dang shes pa nyid shes byas// mkhyen pas yang dag mkhyen pa la// rtsal gyis rtsal yang 'byin par byed// ji ltar nam mkha'i dkyil 'khor du// nam mkha' nyid du rab snang ba// rab rib rab rib nyid la ste// rab rib rab rib nyid kyis so// de ltar rnam par bkod pa'i dpal// spyi phud gsum par gyur pa'o// yi dam gsang rgyud bka'i tha ram las/ thugs ka rnam par blta ba'i le'u ste gsum pa'o// // a la la ho// snang srid 'khor 'das spyi dpal gtso// srid pa'i bdag po nyid bdag dpal// srid las srid pa'i lugs 'byung ba// bdag gis srid pa 'dir ston byed// las kyis 'phen pa'i las rnams kun// las kyis 'ching ba'i dra ba gcod// ma dag pa dang dag pa dang // shin tu dag dang yang dag dag/ dag pa gsum gyi dag pa yis// las kyi sgri ba pa rnam par bcing // bcings pa rnam par grol ba yi// ye shes gzigs pa'i phung po yis// rnam par nges pa rnyed par 'gyur// phung po khams dang skye mched dang // bsags pa'i las kun yang dag pas// srid pa'i mtsho las rnam par grol// bdag dang

  437. 219a

    bdag gir 'dzin pa dang // bdag gi snang ba rab rgyas pas// de kun bdag las grol ba yang // srid pa'i 'ching las grol ba ste// bdag dbang rkyen gyis rnam bskyod pas// srid pa nyid 'khrul 'khor lo ni// yang nas yang du yang bskor bas// de dag zag pa gcod pa yang // srid pa'i 'ching las grol ba ste// 'dam las skyes pa'i pad+ma ni// 'dam gyi skyon gyis ma gos pa// 'dam med pad+ma mi 'byung yang // pad+ma nyid las pad+ma yi// sa bon 'dam gyis bskyed nas byung // 'khor bar gnas pa'i mi gang dag/ 'khor ba'i 'jigs pa grol byed pa// 'khor bar nyid du rang gnas pas// 'khor skyon ma gos de dag kyang // srid pa'i dra ba chod las so// de ltar srid pa'i dra ba dag/ gcod par byed pa'i sa mkhan ni// dngos can gsal ba'i rang 'od kyis// rang snang 'od du rab 'bar ba// rang rig rang byung chen po'i rtsal// 'gro 'dul thabs kyi rgyal po yis// sna tshogs rtsal gyis snang bar byed// rol pa'i cho 'phrul 'bar ba las// thabs kyi cho 'phrul rab snang ba// mdzad pa'i rnam sbrul rtsal shar zhing // ye shes snang bar rab rgyas byed// bdag rtog 'ching ba'i srid pa dang // gzhan 'dzin dbang yul srid pas bcings// gzung dang 'dzin pa rab spangs nas// srid pa'i dra ba kun las grol// yar dang mar du zang thal bas// de

  438. 219b

    dag srid las rnam grol ba// mar du thal ba rab 'gags nas// snang byed rab tu thal bar 'gyur// bar du rnam par lding byed kyang // srid las rnam grol lding las grol// de dang de sogs dkar nag chos// srid las grol dang ma grol dbang // las kyi 'ching ba dag ma dag/ 'ching ba dag pas srid las grol// 'ching ba ma dag srid par 'khor// des na srid pa'i 'khor lo ni// bshig pa'i rten 'brel zab mo ni// thabs kyi sbyor ba rnams las 'byung // thabs ni thabs ldan chen pos gsungs// de la yang dag brten nas byas// bla ma dang ni 'brel pa yis// ye shes rtsal las 'byung bar 'gyur// de ni dpal dang ldan par 'gyur// sbri phud bzhi par gyur pa'o// yi dam gsang rgyud bka'i tha ram las/ srid pa'i 'khor lo rnam par blta ba'i le'u ste bzhi pa'o// // a la la ho// snang srid 'khor 'das spyi dpal gtso// gsang ba mchog las legs byung zhing // gsang las yang dag gsang bar ldan// gsang ba'i dkyil 'khor las byung zhing // 'khor ba rnams kyang gsang ba las// byung zhing 'khor ba'i 'khor bar 'khor// de bzhin mya ngan 'das pa yang // gsang ba'i dkyil 'khor las byung zhing // mya ngan 'das dang mya ngan 'da'// gsang ba'i 'khrul 'khor 'dzin kyang 'jig pa can// gsang ba'i gnas la rnam par

  439. 220a

    gnas// bde ba'i ye shes gang bskyed pa// gsang chen sgo yi rnam rol las// 'byung ldog gnas pa rnam par byed// steng dang 'og dang bar dag dang // sdong po gsum dang yal ga dang // 'khor lo lnga la sogs pa yi// stong phrag bdun cu rtsa gnyis kyang // bkra shis gang ba'i rdzu 'phrul gyis// rnam par g.yo dang mi g.yo ba'i// ting 'dzin yang dag 'phel 'gyur zhing // de la rnam par rgyu ba yi// rtsa ba lnga dang yan lag rnams// rnam par gyes pa'i rnam grangs su// nyi khri chig stong drug brgya dag/ las dag byang chub nyid gyur nas// yang dag ye shes zla 'od bzang // zla ba rnam par dkar bar 'phel// nyi ma'i stobs kyang rab 'bar bas// 'bar 'dzag stobs mnyam sbyor ba yis// rnam grol 'bras bu mchog la reg/ g.yas g.yon steng 'og rnam bcings pas// gang gi thigs pas rgya mtsho dkrug/ rlangs pa'i 'od zer stong khams khengs// 'dzag pa med pas 'dzag pa 'phel// 'og nas bcings te steng du bskyod// sgra gcan dag gis mnyam gnas pa// yongs khyab ngos bzung bral ba yi// mchog don rnam par bsgyings bltas pas// yang dag mchog la yang dag par// gnas pa'i stobs kyang de las 'byung // mdor na gnas dang spyod pa dang // 'gro dang 'ong dang 'dug pa dang // khyim dang bdag po nor byas par// ro mnyam gcig

  440. 220b

    dang khang mnyam pas// gsang ba'i gnas las legs par 'byung // las grub mchog dang thun mong ba// mthar thug las kyang mthar thug nyid// gnas skabs las kyang gnas skabs kyi// 'dod 'byung dpal dang gsang bar ldan// 'bras bu de las ye shes lnga// sku gsum mchog la rnam par gnas// ye nas gnas pa'i bdag nyid la// gnas par shes shing gnas par 'gyur// gsang mchog yid bzhin mchog gi gter// de las shul mtshon gzhal du med// yang dag bcud du gsang ba smin// de phyir gsang ba yang dag pas// la lar dbang med thabs kyis gsang // la lar go med ye gsang ste// la lar rmad du byung bas gsang // la lar sgom phye bas gsang // dam med log par lta byed la// gsang ba gnyen phyir yang dag gsang // de ltar gsang ba rnam bkra ba'i// thabs dang shes rab mchog la reg/ spyi phud lnga par gyur pa'o// yi dam gsang rgyud bka'i tha ram las/ gsang ba mchog gi dkyil 'khor rnam par blta ba'i le'u ste lnga pa'o// // a la la ho// dngos grub yid bzhin gsang ba mchog gi rgyud/ bka'i tha ram zhes bya ba rdzogs so// // sa ma yA/ rgya rgya rgya/ sbas rgya/ gtad rgya/ gter rgya/ kha za ma/ d+ha thim/ rgya rgya rgya/ bdag 'dra gar gyi dbang phyug rol pa ye shes kyis dza dkar dung gi sgo mo nas gdan drangs pa'o//

  441. 221a

    u rgyan gsang ba brda'i skad du/ Ta maHswa mun tsaHtha/ bod skad du/ mkha' 'gro'i gsang rgyud bka'i lde mig ces bya ba/ chos sku skye ba med pa'i dbyings las/ longs sku gsal dag rnam par bkra ba'i gzi brjid kyi/ sbrul sku 'gro 'dul thabs kyi rgyal mo/ bcom ldan 'das bde ba'i dbang mo che dpal 'bar brtse ba'i sgra dbyangs ma la phyag 'tshal lo// bcom ldan bde ba'i dbang mo che'i// b+ha ga yangs pa'i dkyil 'khor nas// rnam par rol pa'i rtsal 'gyed ma// sbrul dang yang sbrul dpag med kyis// sa dang bar snang g.yo byed ma// sku gsung thugs las rang byung ba'i// sna tshogs mkha' 'gro 'khor dang bcas// kun kyang rab 'jigs dur khrod chas// dar dang rin chen rus pas spras// lag na gri thod kha T+wAM 'dzin// sku yi rigs dang gsung gi rigs// thugs kyi rigs dang yon tan rigs// phrin las rigs dang rnam lnga lnga// rdo rje'i rigs dang rin chen rigs// pad+ma'i rigs dang las kyi rigs// de bzhin rigs dang rnam pa lnga// dkar ser dmar ldang mthing ga ste// ye shes las las grub pa yi// 'khor dang yang 'khor bcas rnams kyang // sna tshogs las byed cho 'phrul 'gyed// rnam 'gyur gar gyi rol pa can// stangs stabs gcig tu ma nges shing // gdul bya'i don du nges med ston// dgongs pa'ang gcig tu ma nges

  442. 221b

    par// gang la gang 'dul thabs ldan pas// 'gro 'dul thugs rjes yongs la khyab// de ltar gtso 'khor bcas pa rnams// dur khrod rab 'jigs klong yangs su// lhan cig rnam par rol pa'i tshe// gtso mo'i sku las sprul pa'i 'khor// dkar mo rigs kyi DAk+ki mas// ye shes bskyed pa'i tshul zhus pas// bcom ldan 'das mas bka' stsal pa// rdo rje lus kyi lde mig bstan// gtso mo'i gsung las sprul pa'i 'khor// dmar mo rigs kyi DAk+ki mas// bzlas pas sngags kyi tshul zhus pas// bcom ldan 'das mas bka' stsal pa// gsung dbyangs ngag gi lde mig gsungs// gtso mo'i thugs las sprul pa'i 'khor// sngon mo rigs kyi DAk+ki mas// gnas lugs dgongs pa'i don zhus pas// bcom ldan 'das mas bka' stsal pa// thugs mdzod gnas lugs lde mig gsungs// gtso mo'i yon tan sprul pa'i 'khor// ser mo rigs kyi DAk+ki mas// bsnyen dang bsgrub pa'i gnad zhus pas// bcom ldan 'das mas bka' stsal pa// bsnyen sgrub las kyi lde mig gsungs// gtso mo'i phrin las sprul pa'i 'khor// ljang nag rigs kyi DAk+ki/ mas// sna tshogs phrin las don zhus pas// bcom ldan 'das mas bka' stsal pa// sna tshogs las bsgyur lde mig gsungs// nyid kyi sprul pa'i 'khor gyi tshogs// ye shes las las grub 'dus

  443. 222a

    nas// mgrin gcig dbyangs kyis zhus pa ni// cho 'phrul rtags kyi byung tshul zhus// bcom ldan 'das mas bka' stsal pa// rtags dang cho 'phrul lde mig gsungs// mkha' 'gro gsang rgyud bka'i lde mig las/ gleng gzhi'i le'u ste dang po'o// // bcom ldan 'das mas bka' stsal pa// sku las sprul pa'i mkha' 'gro nyon// rang cag gtso 'khor bskyed 'dod na// rang 'dod bral ba'i brtse sems kyis// gnas bzang dur khrod rab 'jigs bsgom// rang snang rtsal gyi cho 'phrul las// ye shes chen po'i me rlung gis// bdag lus 'byung ba'i grong khyer bshig/ skad cig yengs med dmigs pa yis// hrIHdang ma las gtso mo ni// dmar nag zhal gcig phyag gnyis ma// zhal gcig khro zhal 'jigs rngams can// zhal gcig rtog med phyag gi gdong // rab tu khros pa'i gad rgyangs sgrogs// phyag g.yas gri gug nam mkhar phyar// g.yon pas zod khrag thugs kar bsgril// brkyang bskum ro yis gdan la 'gying // rnam 'gyur gar gyi rol pa can// dur khrod rin chen rus pa dang // sna tshogs dar gyi cod pan sgraspras// nu ma 'bur zhing b+ha ga rgyas// lang tsho dar la bab pa'i tshul// ral pa nag po gyen mthur las// dril bu g.yer kha'i sgra dbyangs 'khrol// dpa' bo las kyi tshul can du// mchan khung khru mo kha T+wAM ga/ gtso

  444. 222b

    mo chen mo dpal 'bar ma// rang 'od 'khrigs pa'i dbus na bzhugs// de yi phyogs bzhir bskyed pa'i 'khor// shar du rdo rje rigs kyi 'khor// yi ge ha las byung ba yi// sngon mo'i mdog can mkha' 'gro ma// rdo rje gri gug thod pa 'dzin// lho phyogs rin chen rigs kyi 'khor// yi ge ri las byung ba yi// ser mo'i mdog can mkha' 'gro ma// rin chen gri gug thod pa 'dzin// nub phyogs pad+ma rigs kyi 'khor// yi ge ni las byung ba yi// dmar mo'i mdog can mkha' 'gro ma// pad+ma gri gug thod khrag 'dzin// byang phyogs las kyi rigs kyi 'khor// yi ge sa las byung ba yi// ljang gu'i mdog can mkha' 'gro/ ma// rgya gram gri gug thod pa 'dzin// kun kyang rnam 'gyur gar stabs can/ khros pa'i tshul la dur khros chas// rang rang thabs kyi dpa' bo dang // mnyam rol kha T+wAM mchan khung 'khyud// so sor rang rang rigs kyi 'khor// 'jig rten 'das dang ma 'das pa'i// mkha' 'gro dpa' bo mang pos bskor// kun kyang cha lugs rnam 'gyur kun// gcig tu ma nges sna tshogs ston// sgrub pa po yi grogs mdzad cing // dam tshig can gyi bstan pa bsrung // nyams pa can la chad pa gcod// rang 'od 'khrigs pa'i klong dkyil na// de ltar gtso 'khor bskyed pa ste// gdul bya'i snang tshul tha dad pas// lus grub rtsa grub lhan cig

  445. 223a

    pas// gzhal yas ma bskyed ngang gis gsal// rtsa grub de la thig les khyab// sna tshogs rigs kyi mkha' 'gro ma// ma bskyed rang bzhin lhun gyis grub// de ltar rtsa dang thig le'i bdag/ byang chub sems kyi rgyun rlung gis// bskyed bya skyed byed skyed mkhan rnams// rtsol bral rang byung rnam par dag/ des na dam tshig ye shes kyang // gnyis med lhan cig skyes pa'i phyir// gnyis med gnyis su med par rol// 'on kyang rig rtsal cho 'phrul las// chu la chu bzhag rnam pa can// dgug bstim dmigs pa'i bye brag kyang // gang 'os rnam 'gyur sna tshogs spro// de ltar dam tshig ye shes bskyed// mkha' 'gro gsang rgyud bka'i lde mig las/ mkha' 'gro'i gtso 'khor bskyed pa'i tshul bstan pa'i le'u ste gnyis pa'o// // bcom ldan 'das bka' stsal pa// gsung las sprul pa'i mkha' 'gro nyon// mkha' 'gro gtso dang 'khor rnams kyi// bzlas pa sngags kyi tshul lugs ni// rtsa ba yan lag rnam pa gnyis// rtsa ba gtso mo'i bzlas pa ste// oM badz+ra b+ha ra hI/ DA ki ni hrIHswA hA/ phyi nang gsang bar rab grags pa'i// 'dzab dang shub bu'i bzlas pa dang // skye med rdo rje'i bzlas pa ste// rab 'bring tha ma'i blo can gyis// 'byin 'jug gnas pa rlung gi grangs// rang byung rtsol bral bsnyen pa yis// ye shes mkha' 'gro ngang gis 'grub// rtsol

  446. 223b

    bcas 'bad pa nyid dag gis// 'jig rten 'khrul gtam spangs nas ni// dad brtson dam tshig ldan pa yis// yang dag rtsa ba'i bsnyen pa ni// grangs dang dus dang rtags rnams ni// yang dag gsungs la 'bad par bya// phyi nang rlung gi sbyor ba dang // rang babs gnas lugs 'khrul 'khor gyis// dmigs pa snying ga'i 'khor lo bskor// sa bon dag la rab bskor bas// dga' ba 'khyil pa ye shes bskyed// spyi bo la sogs gnas lnga ru// sngags kyi ye shes sems dpa' dbab// bde stong dang du mnyam par bzhag/ spangs rtogs ye shes grub pa ste// dril dang bsgrag dang gtor ba dang // gnad la nges par dbab pa yis// bcom ldan 'das ma nyid dang ni// rnal 'byor dbyer med gcig gyur pas// 'phro 'dus 'khor rnams dam la btags// dmigs pa'i gnad kyis rab tu gzir// yan lag 'khor gyi bsnyen pa ste// srog gi yi ge nyid bstan pa// rdo rje rin chen pad+ma las// rim bzhin ha ri ni sa ste// a yis yang dag dbu brnyes shing // hUM gis sdud cing phaT kyis gtor// sdud pas snying gi dkyil du ste// gtor ba rtsa gnas lus la'o// a ha ri ni sa hUM phaT/ 'di bdun yang dril srog gi sngags// gnad 'bebs ye shes dbab dang bcas// A be sha ya hrI hrI gdags// srog yig dam du bcangs pa'o// rang rang mtshan sngags

  447. 224a

    bstan pa ni// oM badz+ra DA ki nI hUM phaT/ oM rat+na DA ki ni hUM phaT/ oM pad+ma DA ki nI hUM phaT/ A~M karma DA ki ni hUM phaT/ de ltar rigs bzhi dag la ni// rigs bsdus pa yi gtso mchog tu// oM bud+d+ha DA ki/ ni hUM phaT/ kun khyab ye shes gdal khyab bo// de ltar srog yig mtshan sngags te// gtso 'khor rab tu dril nas ni// gnad la gzir ba'i sngags bstan pa// oM badz+ra b+ha ra hi/ hrIHma DA ki nI ha ri ni sa/ sarba sid+d+hi pha la hUM a/ de ltar rtsa srog yang dag ldan// dngos grub bcas pa de nyid kyi// las kyi 'bras bu mchis par 'gyur// gtso 'khor gnad la phebs pa yis// so so'i sbyor ba nyid dang ni// rlung gi gnad la yang dag dbab// srog gi gnad du yang yang bskul// rlung gi rta la rab skyon pas// gang la gang 'dul thabs kyi cha// shAt+ti ba shaM puSh+Ti dang // mA ra ya yi las mtha' sbyar// de las spros pa'i yan lag tu// ngar dang ldan pas gang dang gang // so sor gtan la dbab pas 'bad// rtsol bcas rtsol bral nyid dag dang // stobs dang ldan pas shes par bya// gzhan yang gsung las rab grags pa// bstod dang gnad nas bskul ba'i las// so sor rdzas dang bcas pas kyang // gang la gang rigs shes par bya// mkha' 'gro gsang rgyud bka'i lde mig las/ bzlas pa sngags kyi rim pa bstan pa'i le'u ste gsum

  448. 224b

    pa'o// // bcom ldan 'das mas bka' stsal pa// thugs las sprul pa'i mkha' 'gro nyon// yang dag don gyi gnas lugs ni// gud na yod pa ma yin cing // rang gsal rang byung bde chen chos// gdod nas rnam dag ye shes nyid// spros bral chos kyi skur bzhugs pas// rang byung nyid las de ma 'das// gsal la dag cing rnyog pa med// me long chu zla'i rnam pa can// mdzes shing yid 'ong mtshan dper ldan// snang stong longs spyod rdzogs skur bzhugs// de yang rang las gud du min// thugs rjes 'gro 'dul rtsal po che// yangs pa che la longs spyod cing // cir yang sprul pa'i rnam 'gyur can// 'phro dang 'du dang dpa' shugs can// gnas dang longs spyod yang rtsal can// gdul bya 'dul ba'i thabs stobs can// sna tshogs sprul pa'i skur bzhugs pa// de ltar sku gsum rang byung dang // de las rnam par rab 'phros pas// yang dag gnas lugs rdzu 'phrul mchog/ bsam gyis mi khyab yang dag ldan// rnam par rig bkra shes par bya// mkha' 'gro gsang rgyud bka'i lde mig las/ yang dag don gyi gnas lugs bstan pa'i le'u ste bzhi pa'o// // bcom ldan 'das mas bka' stsal pa// yon tan sprul pa'i mkha' 'gro nyon// bsnyen pa dang ni sgrub pa'i don// dang po bsnyen pa'i las la 'jug/ lus ni sna tshogs mkha' 'gro/

  449. 225a

    yi// stangs stabs rnam 'gyur dag la bslab// 'khrul 'khor gnad la rab tu gzir// ngag ni log gtam smra ba bcad// rlung gi rtsol ba dang ldan pas// bzlas pa sngags kyi gnad la gzir// yid ni mi 'gyur dang ldan pas// sngags kyi 'khrul 'khor la sogs pa// lha dang bcas pa'i ting 'dzin gzir// de ltar lus ngag yid gsum po// yengs med lha yi srang la gcur// sku gsung thugs kyi dkyil 'khor du// g.yo ba med pa'i gnad la gzir// lus ngag yid gsum gtan thub pas// ye shes byin chen pheb pa dang // rtags dang cho 'phrul sna tshogs 'byung // de nas sgrub pa'i las la 'jug/ gza' skar dus tshod shis pa la// yid 'ong gnas su dkyil 'khor bri// phyi nang gsang sogs rdzas rnams dang // mchod gtor thugs dam skong rdzas rnams// bkod pa phun sum tshogs par bsham// mtshams kyi rim pa dam par bcad// dgyes par byed pa mchod pa'i rdzas// 'du bar byin pa brten pa'i rdzas// las la rgyug pa mngag pa'i rdzas// sna tshogs rdzas kyi bye brag rnams// dur khrod rdzas la gzhi blangs pas// bag gro phyin chags brjid par bkram// de ltar rten rnams rdzogs pa dang // rang nyid sgo gsum mnyam gnas pas// sgrub pa'i las la 'jug par bya// bdag bskyed mdun du bskyed pa yi// lha yi ting 'dzin gsal

  450. 225b

    bar bsgom// de nas bzlas pa'i las la 'jug/ smra ba bcad de yengs med 'bad// thun par dmigs pa'i 'khrul 'khor bskor// mchod dang gtor ma bstod pa bya// ye shes dbab cing phrin las gzhol// de ltar rtags rdzogs par du ste// dus la ma g.yel bsgrub par bya// phyi nang gsang rtags rdzogs nas kyang // bsgrubs rjes las kyi mtha' sdud dang // dmigs su bsgyur ba'i rim pa rnams// rang rang gnas skabs skabs dang bstun/ bsgrub pa'i snying po lon par bya// mkha' 'gro gsang rgyud bka'i lde mig las/ bsnyen dang sgrub pa'i las bstan pa'i le'u ste lnga pa'o// // bcom ldan 'das mas bka' stsal pa// phrin las sprul pa'i mkha' 'gro nyon// phrin las mkha' 'gro kha bsgyur sna tshogs ni// bsnyen dang sgrub la brtan thob nas// gang dang gang gis zhi ba'i las// bdag nyid rdo rje mkha' 'gro yi// nga rgyal ldan pas sna tshogs brtsam// de bzhin rgyas pa'i las rnams kyang // bdag nyid rin chen mkha' 'gro yi// nga rgyal ldan pas sna tshogs brtsam// dbang byed dbang gi las rnams kyang // bdag nyid pad+ma mkha' 'gro yi// nga rgyal ldan pas sna tshogs brtsam// drag po mngon spyod las rnams kyang // bdag nyid las kyi mkha' 'gro yi// nga rgyal ldan pas sna tshogs brtsam// de las gzhan pa'i sna tshogs kyang // bdag nyid sangs

  451. 226a

    rgyas mkha' 'gro yi// nga rgyal ldan pas brtsam par bya// gzhan phan bsam pa'i las sbyor gyi// brtsam pa mthar phyin rang don kun// shugs 'byung 'gag pa med par 'grub// rang 'dod khengs pa'i las sbyor ni// tshe lo dgu khri dgu 'bum par// 'bad kyang ngal ba don med yin// sgrib pa med pa'i bsam gtan gyis// gang dang gang gi las bsgrubs kyang // dngos dang sprul pa yang sbrul gyi// dngos sam sprul pa'i tshul can gyis// las gang myur du 'grub par 'gyur// pho nya las kyi sngags pa yis// sngags la brten pa thob nas kyang // legs phyogs dkar ba'i 'dun pa yis// legs brtson don grub rgyal po'o// mkha' 'gro gsang rgyud bka'i lde mig las// las kha bsgyur gyi rim pa bstan pa'i le'u ste drug pa'o// // bcom ldan 'das mas bka' stsal pa// 'jig rten 'das dang ma 'das pa'i// mkha' 'gro sprul pa'i 'khor rnams nyon// DAk+ki bsnyen cing bsgrub pa yi// rtags dang mtshan ma'i rim pa ni// phyi dang nang gi rten 'brel du// rnam pa bsam gyis mi khyab 'char// rab la dngos dang 'bring la nyams// tha ma rmi lam dag la 'char// sku bzhi ye shes lnga sbrul dang // yang sbrul grangs las 'das pa ste// sku dang gsung dang thugs thob rtags// so so'i rigs dang rigs 'dra ba// mkha' dag shel dang bum gter

  452. 226b

    dang // rin chen 'bru yi phung po'am// char du bab sogs dpag med dang // bza' btung la sogs longs spyod rdzas// sbyin dang 'bul ster bkur sti byed// ma sring mdza' mo bud med rigs/ rgyan mdzes gos bzang gus shing 'dud// grogs dang brtse dga' rjes su 'brang // dga' ba'i rnam 'gyur dpag med ston// rigs pa dngas shing bde stong 'bar// bde legs yon tan 'phel ba yi// rnam 'gyur brda rtags dpag med 'byung // sgra 'od zer dang mdzes pa'i gzugs// rigs dang rigs 'dra dpag med 'byung // gzhan yang cho 'phrul rnam pa ni// phyi nang 'byung ba'i nyer len dang // las dang las rnams 'thab pa dang // rtsa rlung thig le'i gang stong dang // de dag 'khrul pa'i cho 'phrul las// lus ngag yid kyi dkyil 'khor du// bsam gyis mi khyab 'byung ba ste// rang rang blo yis legs par dpyad// bzang la rnam par mi spro zhing // ngan la sgrags pa bskyed mi byed// gang dang gang gi rtags dang ni// cho 'phrul rnam pa gang la yang // ched med gal ma mchis su gzhag/ rnam par 'chol ba'i rigs rnams dang // nges pa can dang nges pa med// de sogs gang dang gang la yang // bsam gyis mi khyab brtag dka' bas// rnal 'byor lus ngag yid nyams gtso// lus ngag yid gsum dbang 'byor bas// snang srid gtan la phebs pa ste// 'bras

  453. 227a

    bu sku gsum ye shes lnga// bzang mo'i klong du smin cing grol// bsgyur med 'khrul 'khor la zag bcad// 'pho 'gyur med par gtan la phebs// mkha' 'gro gsang rgyud bka'i lde mig las// rtags dang cho 'phrul bstan pa'i le'u ste bdun pa'o// // de nas nyid las sprul pa'i 'khor// dkar mo sku dang dmar mo gsung // sngon mo thugs kyi rigs rnams dang // ser mo yon tan rigs dang ni// ljang gu phrin las rigs rnams te// ye shes dbyings kyi mkha' 'gro'i tshogs// dngos dang sprul pa yang sbrul 'khor// las las grub pa'i mkha' 'gro ma// dngos dang sprul pa yang sprul te// 'khor gyi mkha' 'gro mtha' yas rnams// dga' zhing spro ba'i rnam 'gyur gyis// lus kyis gar stabs sna tshogs bstan// ngag gis bstod bsngags glu dbyangs sgrogs// yid kyis bsam gtan rang bzhin sprul// bcom ldan 'das ma'i sku gsung thugs// yon tan phrin las bcas pa la// rnam 'gyur du mas mngon par bstod// lha dang bcas pa'i 'jig rten kun// g.yo dang 'gul dang brdeg pa dang // 'od kyi dra bas khengs pa dang // lha dang mi dang lha ma yin// dri zar bcas pa thams cad kyang // dga' zhing gus pas mngon par bstod// mkha' 'gro gsang rgyud bka'i lde mig las/ rjes su yi rang zhing mngon par bstod pa'i le'u ste

  454. 227b

    brgyad pa'o// // phrin las mthar byin rmad du byung ba mkha' 'gro gsang chud bka'i lde mig ces bya ba rdzogs so// sa ma ya/ rgya rgya n+ya/ sgras bya/ gtad rgya/ gter bya/ kha zam/ d+ha bim/ sbrul smra gyi dbang phyug gis/ mos lo dgun zla ba chung gi chos brgyad yos kyi dus su bla dkar klu bcan gyi gnas nas gdan drangs pa'o// sa 'brug gi lo stag gi zla ba na chos kyi bka' bkrol nas 'brug gi zla ba la bka' rdzogs srang rdzogs ma thun yab bram gyi byang sems dkar dmar dang bcas pa/ bdag cag rtsa ba'i tha btsa lnga/ chos bdag car gcig dang / las can brgya dang rtsa brgyad rnams la rim par gnang ba lags so// /

  455. 228a

    u rgyan gsang ba'i skad du/ ma a thakhwa' chang sa byaH/ rgya gar skad du/ bud+d+ha sarba pu tra e ka/ g+hu h+yA pu ri sa ma tan+t+ra nA ma/ bod skad du/ sangs rgyas thams cad kyi sras gcig po/ gsang ba gcod pa sa bon gyi rgyud ces bya ba/ dran pa kun gyi thog ma yi// dngos mdzad sangs rgyas thog ma la// dang po nyid du phyag 'tshal lo// 'di skad bdag la sogs pa yi// sangs rgyas bye ba dung phyur gyi// dgongs pa nyid dang grangs med par// thugs kyi snying po ji lta bar// gsung zhing bstan pa'i dus gcig na// mya ngan 'das pa'i thog mar ni// 'di ni nyag gcig rnal ma yi// don gyi sa bon rnams su ni// nges pa'i snying po nyid du yang // gsungs so bstan to bshad pa yin// bstan pa'i gsung ni rgya mtsho kun// la la gnas skabs yul don du// la la ma 'ongs 'jug don yin// la la 'dul don tha dad nyid// snying gi snying po tshig 'ga' las// kun gyis grub pa ma yin no// bstan pa 'phel byed sa bon du// 'di kun bzhag cing byin brlabs las// rang byung nyid du thugs las rdol// de phyir sangs rgyas thams cad kyi// thugs kyi sras ni gcig par yang // rang byung chen po'i 'phel dang bcas// 'byung ba'i sgra dang bral bar byung // 'di ni bstan pa gang byung du// 'od dang bcas te 'byung ba yin// gang la bab par gyur pa'i mi// bstan pa kun gyi

  456. 228b

    bdag por 'gyur// 'di la ldem por bstan pa med// sus kyang bshad cing nyan med par// rang byung dgongs pa klong rdol du// nyi ma sprin las thon pa bzhin// sus kyang ma bsgribs rang byung ngo // 'di la 'byung bzhi'i gnod med pas// nam mkha' dag la 'bar bar snang // sangs rgyas 'bras bu sus thob par// 'di nyid de la snang ba yin// 'di ma mthong ba'i sangs rgyas ni// gcig kyang 'byung ba snga phyir med// de phyir bstan pa rnams kyi btsas// sangs rgyas kun gyi sras gcig po// myang 'das 'thob pa'i sna zag yin// dgongs pa rang thog 'bebs pa yi// gnad kyi tshig tu 'di nyid byung // 'jig rten khams ni gang du yang // sangs rgyas nyid ni sus thob pa// de tshe 'di ni lan gsum du// nam mkha' dag la 'phar ba dang // rang 'od lnga po 'di las 'byung // 'di 'dzin rnal 'byor skal che bas// lan gsum 'di yi tshig kun kyang // lhag dang chad pa med par ni// rdo rje'i lce yis sus brjod pa// 'di yang de dang mnyam par yang // 'gyur ba 'di la the tshom med// de phyir bstan pa'i rgyud rnams kun// thams cad dus gcig bsgoms shes kyang // 'di mi snang bar grol ba med// 'di ni sa bon rang 'phel bas// bstan pa'i bdag po gang sangs rgyas// 'di nyid sa bon med par ni// bstan pa'i gsung ni tshig tsam yang // lce yi dbang pos

  457. 229a

    brjod mi nus// de tshig 'di la ma brten par// rdul cha tsam yang 'byung ba min// bstan pa gcig gi snyigs ma la// byin rlabs tshig ni 'di kun kyang // gang la snang ba'i mi des kyang // ma mthong rgyud dang bstan bcos ni// lce yi dbang pos brjod par nus// sems can kun gyi bsam pa dang // sangs rgyas kun gyi dgongs pa dang // ci ltar mthun pa'i chos kun ni// 'di yis ston par nus pa yin// sangs rgyas kun gyi thugs dang gcig/ rdo rje 'dzin pa'i dgongs pa dang // dbyer mi phyed par 'dis 'gyur ro// de phyir bstan pa'i me ro yin// rang byung tshig gi rgyal po 'di// so so'i sems can skye gzugs la// so so'i brda skad ji lta bar// 'di nyid de ltar snang ba yin// de phyir rang byung yi ger ni// thog ma bab kyis grub nas byung // rang byung bcom ldan 'das la yang // 'di ltar rdzogs pa'i lugs su snang // chos kyi sde snod nyid du ni// 'di tshig ye nas rang shar bas// thog ma dran pa'i gzhir gyur te// dran pa thams cad ma stongs par// tshig 'di kun kyang snang ba yin// dran zad tshig 'di zad par ni// rdo rje zhes ni tshig 'di kun// 'byung ba'i rkyen dang bral bas na// rdo rje kun 'byung gsang sngags yin// thabs lam du mas mtshon pa'i phyir// rang thabs bsgom pa 'di las byung // snying po rang 'dul bstan pa'i

  458. 229b

    bcud// gzhi nyid kyi ni bab yin no// chos kun mnyam pa'i nan tan tshig/ rang gnad du ni 'di kun shar// 'di la nus pa gcig nyid med// bsgom dang bsgrub pa'i rtsa bar yang // 'di sngags 'khrul pa'i tshig ma yin// ma 'khrul sngon thog nyid kyi gzhi// 'di las 'phros pa spros pa'i rgyud// rgyu las 'bras bu rang byung bzhin// 'di nyid las ni tshig kun kyang // dran bsam bral ba'i ngang nyid las// byas pa med par byung ba yin// 'od zer 'dzin pa'i skyes bu la// 'di ni snang bar 'gyur ba'o// de las 'phel nas grangs 'ga' 'byung // gsang ba'i bden pa gcig pa nyid// grangs med rdo rje 'chang rnams kyi// thugs rdol nyag gcig dgongs don gcig/ 'dzin med yangs pa'i rtod phur yin// thod brgal theg bab kun gyi gnad// rang sa 'byed pa'i lde mig mchog/ 'di ni bde ba'i sa bon 'dzin// sangs rgyas rnams kyi shes rab yin// mkha' mnyam dag pa'i gnad gzer 'dis// bstan pa kun gyi rtsa ba 'dzin// 'di yi grangs sna bzung bas ni// lha min g.yul rnams rang log tu// 'di tshig bzung ba tsam gyis 'gyur/ khams gsum g.yul kun 'dis bzlog go/ rigs drug rnams kyi 'bros khung 'geg/ mya ngan 'das pa'i grong khyer du// 'jug par byed pa'i 'khor lo yin// srid pas bcings pa rnams la ni/ 'di yis grol bar byed

  459. 230a

    pa'o// dam pa'i snying po gdung rgyud du// rang bzhin du ni bab las byung // 'dis ni bla ma'i sku mi spang // snying la nyi ma'i 'od brdal bas// phyogs bcur khyab pa'i mun pa ni// 'di yis rang sangs nyid du 'gro// lhag par gnas pa'i ye shes ni// 'di yis mchog tu ston par byed// dkon pa'i mchog rnams skyed pa'i yum// sems dal bsam gtan ngang gis 'grub// chos sku'i snang ba dus gcig tu// ston par byed pa'i sgron ma'o// phyin ci log las yang dag tu// dag par byed pa'i chu rgyun yin// theg pa kun gyi mthar thug tu// skyel bar byed pa'i shing rta'o// zos bsam bsgom pa'i rgyang shing du// 'jug par byed pa'i dngos po yin// sde snod thams cad 'dzin pa yi// mnyen lcug ldan pa'i lcags kyu'o// rnal 'byor dag pa'i dkyil 'khor te// lam du 'jug pa'i sa mkhan yin// mngal rnams khung sgo 'geg par byed// thar pa'i skas ni rang 'jug yin// rnam dag 'od kyi mthongs 'byed pa// chos rnams kyi re gnas pa// bdud dang mu stegs mgo non yin// shes rab rmugs pa'i gsal 'debs so// smon 'jug kun gyi srog shing yin// lha dang sngags kyi mdo mdud do// dkyil 'khor rnams kyi bskyed shing ngo // lha bsgom log pa'i dag byed khrus// man ngag snying po rdzogs pa'i sa// rdo rje theg pa'i grangs rdzogs nas// 'di

  460. 230b

    ni thig le nyag gcig go/ 'gro rnams lam la 'dzud pa'o// theg pa'i rgyal po yongs rdzogs kyi// yon tan byung tshul rang byung ngo // le'u dang po'o// // e ma ho/ gsang mdzod rang bzhin tshig 'di yang // rang byung ye dag chen por ni// spel tshig gsang ba 'di ltar snang // ye thog dang po'i sangs rgyas ni// dang po mngon 'phags dran pa mgon// phyag rgya rang dran 'khor lo ni// gzhi las 'phags pa'i khyad par tshig/ spyi phud sngon gyi thog mar gyur// 'di dus khrag khrig bdun cu yi// phyag rgya 'di ni dam pa'o// snying pos brgyan pa'i bskal pa la// sde snod dang po'i sangs rgyas mgon// mnga' mdzad phyag rgya 'khor lo la// 'khor ni 'dzin pa bye ba lnga'i// phyag rgya 'di ni dam pa'o// spyi mes dang po pha rol mgon// dkyil 'khor snying po rab spros pas// bskal pa gser gyi yi ge la// sa ya drug gi phyag rgyar bzung // sngon thog dang po 'phags pa mgon// phyag rgya dang po nyid snang bas// bskal pa 'od zer 'gyed pa la// bdun 'bum gyi ni 'bras bu'o// 'jig rten dra ba mgon po yi// spros bral phyag rgya 'di spros te// bskal pa me tog mdzes pa la// bstan pa'i 'bras bu phyal yas las// phyag rgya 'di ni dam pa'o// snying po stong gi spyi phud mgon// snying po dam pa'i 'khor lo las// bskal pa rtsod pa'i snying po la// grangs med bzhi yi snying po'o//

  461. 231a

    'od ldan dang po sems can mgon// spros med snying po rang sgra las// bskal pa snang ba'i sgron ma la// ban bun stong gi phyag rgyar bzung // mdzes pa'i dang po 'gro ba'i mgon// yang dag snying po rnam spros te// bskal pa rags pa'i yan lag la// nyar nyer brgya yi grangs kyis ni// phyag rgya 'di ni dam pa'o// thugs brtse'i snying po nyan thos mgon// phyag rgya yang dag lam spros te// bskal pa dung gi sgra dag la// grang phreng bcu yi dam par ro// mi pham zang ma sgra bral mgon// yang dag nges pa'i rgyud las ni// bskal pa dra ba'i 'od zer las// dung phyur bdun gyi lam rgyal bzung // snying po sems rnal bdud rtsi mgon// nges pa'i sa bon rab bsgrags pas// bskal pa tshangs pa'i dbyangs can la// 'bur rdul bdun gyi nges par bzung // rang bzhin drag po ldeng gdeng yang 'dzin mgon// phyag rgya 'khor lo gdan spros te// bskal pa smra ba'i gzhi dag la// phyal phyol dgu yis dam par bzung // gsang ba'i phyag rgya lha min mgon// yang gsang 'khor lo rnam spros te// bskal pa'i bum pa reg ldan la// yal yol drug cu'i snying po'o// rim pa lnga pa gtsug phud mgon// bla med snying po yang spros pas// bskal pa yang gsal rab 'byams la/ khrag khrig bye ba dgu brgya yi// bla na med pa'i gsang ba'o// 'jig rten thog ma shes rab

  462. 231b

    mgon// bde chen snying po yang spros te// bskal pa bkod pa chen po la// 'bum phrag drug cu rtsa bzhi yi// lha yi lhar ni 'di nyid do// 'chang ba rnams kyi thog ma mgon// nges pa'i 'bras bu 'di spros te// bskal pa rin chen spungs pa la// sa ya dgu bcu'i mgon po yi// rgyas par bsngags te dam par ro// yang rjes 'byung ba me 'od mgon// dngos por bsgyur ba'i phyag rgya ni// snying po nyid du spros pa las// bskal pa rab tu g.yo med la// rab mtha' bcu yi mgon po yi// snying po snying gi dngas mar ro// chags med rdul bral dri med mgon// gsang chen nges pa nyid du ste// bskal pa g.yo sgyu bral ba la// bye ba dgu khri'i grangs mgon gyi// 'du ba'i phyag rgya nyid du'o// dran pa dri med bsam gtan mgon// dri med nges pa'i gsang tshig spros// bskal pa mthar ldan seng+ge la// nyal nyil sum cu'i rgyal ba yis// 'di ni bden tshig dam par ro// dam pa'i skyes bu chos kyi mgon// sangs rgyas shes rab sa bon spros// bskal pa gdung ba sel ba la// sang seng dgu khri'i gdung 'phel bas// dam pa'i phyag ni yang dam du'o// spyi phud stong gi ye thog mgon// sngags kyi rtsa ba 'di sngags pas// bskal pa dung gi snying po la/ kha g.yel stong gi gdung 'phel bas// gsang chen dam par rab bzung ba'o// sangs rgyas dra ba mgon po yi// phyag rgya nyid du

  463. 232a

    gdung bzung bas// bskal pa bye ba'i snying po la// nyag zag dgu khri'i gdung 'dzin pas// 'di nyid snying po'i don du'o// yang dag gsang ba pad+ma mgon// snying gi snying po dkyil bzung byas// bskal pa yongs su brtse ba la// dang ding stong gi yang 'phel bas// 'di ni snying po yang dag spros// sems can snying brtse me tog mgon// dran gzhi dang po rab bzung bas// bskal pa yod par rab mchog la// rdul da dgu yi gsang 'dzin pas// gsang chen stong gi dam par ro// bskal pa dra ba nyi 'od mgon// dam pa'i snying por nges babs pas// bskal pa glang po yongs rdzogs la// rang rdul nyid kyi rjes 'dzin pas// stong nyid gsal ba'i mig tu spros// yongs rdzogs 'khor lo rigs kyi mgon// sems kyi dngos po dam par bzung // bskal pa bla na med pa la// khrag khrig drug cu'i yang 'phel bas// gsang chen 'khor lo nyid du'o// dri med dag pa chos kyi mgon// yang gsang nges pa'i lung 'di spros// bskal pa gcod pa rang grol la// nyal nyil nyid kyi 'phel gdung gi/ rim pas mngon par rab spros pa'o// yang gsang dang po thog ma mgon// rdo rje yang dag gsal thub pas// bskal pa khyung chen gshog rdzogs la// 'bum phrag lnga yi gdung 'phel bas// phyag rgya rang rdzogs nyid du'o// snang mdzad dang po mar me

  464. 232b

    mgon// bla med rdo rje snying po spros// bskal pa mda' yi yongs bzung la// rnga yab gsum gyi gdung 'phel bas// rigs ldan rnams kyi phyag tu bzung // yid shes dang po gnas gsum mgon// snying thig rtsa ba'i dngas mar spros// bskal pa reg pa'i stobs can la// kha g.yel drug gi gdung 'phel bas// gong 'phel phyag rgya dam par spros// dpa' bo 'jigs sangs dngas pa'i mgon// dri ma med pa'i snying du babs// bskal pa dran bsam bral ba la// yal yol stong gi gdung 'phel las// 'di kun skyon dang bral bar ro// drag po chags bral bde ba'i mgon// chags med rang rig phyag rgyar spros// bskal pa mya ngan bral ba la// dung phyur gsum gyi gdung 'phel bas// med pa rnams kyi dang por ro// chos sku dngos dag dri med mgon// dam pa gsung gi snying por spros// bskal pa zil gyis gnon pa la/ sa ya nyid kyi gdung 'phel bas// 'di kun yang dag nyid du'o// yang sangs rgyas pa sgyu ma mgon// tshig bral bde ba'i snying po spros// bskal pa chos kyi 'khor lo la// bye ba dgu yi gdung 'phel bas// nges pa'i lam gyi thog mar ro// stong pa nyid ni dge ldan mgon// gsang ba'i yang gsang chen por spros// bskal pa pad+ma brtsegs pa la// kha g.yel lnga yi gdung 'phel bas// snang ba rnams kyi thog mar ro// skyes bu

  465. 233a

    byed pa 'od zer mgon// 'bras bu rdzogs pa'i rim par spros// bskal pa dang ba'i dbyangs can la// rdul mtha' bzhi yi gdung 'phel bas// 'di kun mngon par rang 'thad do// shes rab mi rnyed sgyu 'phrul mgon// sems nyid thog ma'i dkyil 'khor spros// bskal pa lha yi phyag sor la// nyal nyi la bdun gyi gdung 'phel bas// snying po rang dag gnad du'o// bde ba dam pa dngos grub mgon// gsang chen snying po dam par spros// bskal pa yan lag med pa la// sang seng drug gi gdung 'phel bas// 'di kun yang dag dam par ro// dngos po yang dag stong pa'i mgon// skyob pa dam pa'i phyag rgya spros// bskal pa grangs mtha' log pa la// stong phrag dgu yi gdung 'dzin pas// rdzogs pa'i sangs rgyas nyid du'o// chos kyi grags pa gnyis med mgon// yang gsang rang byung tshig 'di spros// bskal pa yongs su grol byed la// nyal nyil gsum gyi gdung 'phel bas// mnyam pa rang gnas nyid du'o// ye nas gsang ba dri med mgon// byin rlabs rang byung yi ge spros// bskal pa seng+ge rtsal sprugs la// khrag khrig bdun gyi gdung 'phel bas// 'di kun dam pa'i thugs dkyil du'o// mi pham dang po sangs rgyas mgon// gsang ba thugs kyi bu gcig par// bskal pa dga' bas myos pa la// dung phyur phyed dang dgu gdung

  466. 233b

    gi/ 'di nyid dmigs med rang dam mo// dran spangs mngon 'phags rang bzhin mgon// 'byung ba'i sgra dang bral bar spros// bskal pa 'du ba chen po la// kha g.yel lnga yi gdung 'phel bas// 'di tshig rang byung gsal bar ro// bar ma'i dang po skye med mgon// 'di ni phyag rgya rang stobs te// bskal pa khu byug rang byung la// thar ther gsum gyi rtags shar bas// 'di tshig rab tu bsngags pa'o// 'jig rten grangs bskal ut+pal mgon// gsang chen rab rgyas phyag rgya spros// bskal pa rab tu mthong ba la// 'bum phrag dgu yi gdung 'phel bas// 'di kun snying gi dkyil du pheb// 'das pa'i dang po dra ba mgon// snying po gsang ba yang dag spros// bskal pa bud med rang 'dul la// phyal phyol dgu yi rgyal ba yi// 'di tshig rang rig dam par ro// gnyis 'das dang po zhing khams mgon// rdo rje chen po'i gsang tshig spros// bskal pa rang sgra zad pa la// sa ya gnyis kyi gdung 'phel bas// 'di tshig gzigs dang rab mkhyen bzung // drug mtha' thog ma gnyis pa mgon// 'dul tshig snying po bla ma spros// bskal pa dge ldan chen po la// 'bum phrag lnga yi gdung 'phel bas// snying po rnams kyi yang snying du// mdzad pa bzhi thog thod rgal mgon// bla na med pa'i nges lung spros// bskal pa seng bram ze yang ge bsgyings pa la// khri phrag dgu

  467. 234a

    yi gdung 'phel bas// 'di kun gsal ba'i tshig tu'o// mtha' bral yongs rdzogs skyon bral mgon// bral gsang tshig 'di phyag rgya spros// bskal pa skyed par byed pa la// stong phrag dgu yi gdung 'phel bas// med tshig rdzogs par yang dag bzung // ye rdzogs dang po sgyu ma mgon// yang gsang 'bar ba 'od zer spros// bskal pa rab tu 'phags pa la// khrag khrig gnyis kyi gdung 'phel bas// 'di ni nges pa'i gsang chen po// dri ma dngos bral bde ba'i mgon// 'di nyid lam rgyal dam par spros// bskal pa g.yang sa chen po la// khri phrag bdun gyi gdung 'phel bas// 'di tshig rim pa dang por spros// 'dus pa rnams kyi thog ma mgon// nges pa'i gsang chen rab bsngags te// bskal pa gser 'od dam pa la// yang 'phel dgu khri'i mgon po yis// 'di kun gsang chen snying du bab// yang 'byed stong gi dang po mgon// gsang ba'i snying po yang gsang spros// bskal pa le lo ye dag la// zer zag dgu yi gdung 'phel bas// 'di yang snying thig gsang bar phab// gsang ba kun gyi sngon thog mgon// phyag rgya snying gi dkyil du spros// bskal pa dri med bzang snying yang po la// nyar nyer lnga dgu yang yi gdung 'phel bas// 'di tshig bla med snying la phab// ston pa'i dang po nam mkha' mgon// yang bsdus rang byung tshig 'di

  468. 234b

    spros// bskal pa mthar chags chen po la// nyal nyil drug gi gdung 'phel bas// 'di nyid bsam gtan 'khor lo bzung // stong pa'i yang mdzad dam pa mgon// 'di kun g.yo med rang byung tshig/ rdzogs pa dngos dag bskal pa la// 'bum phrag dgu yi yang gdung gis// 'di kun nges pa'i 'bras bur spros// dang po gsang 'dzin dngos grub mgon// 'di yang mdzad chen dag par spros// bskal pa grangs brdal gsang chen la// kha g.yel gsum gyi gdung 'phel bas// 'di kun yang dag lam nyer bzung // dri med rang zad 'byung bral mgon// dkyil 'khor kun dag rtsa ba spros// bskal pa mo mtshan rgyun gcod la// thar ther brgya yi gdung 'phel bas// gsang ba'i yang zhun theg par bzung // mos chen rnams kyi dang po mgon// snying po mig dag phyag rgya spros// bskal pa 'khor ba'i mun sel la// 'bum phrag lnga yi yang gdung gis// 'di nyid spros te dam du'o// sems rig kun gyi spyi phud mgon// nga med sngon du phyag rgya spros// bskal pa snga mo mo stong ldan la// bye ba dgu yi gdung 'phel bas// nges shes kun gyi thog mar bzung // bslab gnas kun gyi dang thog mgon// phyag rgya mig ldan stong du spros// bskal pa sgyu ma snang mdzad la// yal yol gsum gyi yang gdung gis// 'di tshig gong ma'i gong mas bzung // rim pa sngon gyi

  469. 235a

    skyed byed mgon// bab byung med snang phyag rgya spros// bskal pa snying rje kun 'dus la// sang seng lnga yi gdung 'phel bas// snying po gsang ba chen por bzung // 'jigs pa kun bral seng ge mgon// sangs rgyas sras ni gcig pa spros// bskal pa bzang po rab gang la// stong phrag bdun gyi gdung 'phel bas// 'byung ba'i rang sgra bral bar bzung // rdzogs pa'i yang thog tha ma mgon// don dgongs nyartag gcig rnal du bzung // bskal pa rtsod ldan chen po la// brgya phrag dgu yi gdung 'phel bas// 'di tshig gcod dang bral bar bzung // dran pa zad pa ye shes mgon// snying po rang tshig gcig par go/ bskal pa rtsod dang ldan pa la// bcu phrag dgu yi gdung 'dzin pas// nges pa'i phyag rgya dam par bzung // de ltar brjod kyis mi langs pa'i// sangs rgyas rnams kyi byin rlabs las// rang byung chen po'i yi ger ni// gnas pa'i ka dag chen po yi// bab las 'di kun rang byung shar// byin brlabs rim pa 'di kun kyang // thog ma bab las rang bstan no// le'u gnyis pa'o// // e ma/ rang byung chen po'i tshig las kyang // 'di ltar khyad par byung tshig ni// bab las byung zhing shar ba las// rang gsal chos rnams rang byung tshig/ phyis ni 'di ltar yang dag go/ rgyud dang de yi rang 'grel lo// lha sngags la sogs phyag rgya

  470. 235b

    bcu// de las 'di tshig phrag g.yas su// snang ba yin no don la sems// snang mdzad don kun rang rdzogs te// tshig kun bdag por rang byung bas// dgongs pa nyid ni dang po las// tshig rtsom mkhas pa 'di las ni// grangs las 'das rnams 'byung ba yin// bdag 'dzin bdag med sngon thog las// mthar 'dzin 'dod pa dgag pa'i phyir// mngon sum rjes su dpag pa yis// gtan tshigs cha 'dzin tshig kun 'byung // yid dpyod blo zhen dgag pa'i phyir// kun rdzob don dam grangs phye sogs// tshig ni 'di kun byin rlabs las// 'di ltar rtsom pa'i dpa' bo mkhas// sems ni mthar zhen blo dgag phyir// phung po grangs dang khams sogs dang // bstod dang yod med chos dang ni// chos min ci ltar brtsi ba yi// tshig kun 'di la rab brtson thob// 'jig rten mthun 'jug drang ba'i phyir// sgra dang rig pa du ma yang // 'di yi rang byung tshig las shar// phyir 'gyur theg pa'i rang grangs kyis// dbang po'i 'jug sgo gsal ba'i phyir// rim pa'i 'jug srel bcu gcig ni// 'di yi yon tan bab las snang // rang 'od ci ltar yod pa'i tshig/ 'di las spros so nye bar bsdus// grags dang ma grags tshig bcud ni// 'di las yang gsang chen por yang // gyur te snang ba gyur pa yin// lha mis ci ltar 'dod pa'i tshig/ sgo drug thob 'dod rang

  471. 236a

    bkod tshig/ sngags lung sems dpa'i lung rab snang // 'di las gsang chen gnad du grags// de bzhin skye 'jig bstan chos dang // yod dang med smra bde grangs spros// mtha' gnyis rab 'byed yod snang phyir// dran sems nyid kyi sde grangs ni// 'di kun las byung sems kyi lung // 'jug pa chen po'i shing rta yang // snang ba'i mdzad 'phros kha lo ni// 'di tshig dam pa'i 'khor lo'o// grags pa'i sngags dang de spel tshig/ ram pa mdo sde rang grags tshig/ bkod pa rnams kyi thog mar ni// 'di las 'phros so phan sems ldan// lung rgyas theg pa kun dngos so// gzhi rtsa rtsal gyi nan tan tshig/ 'di kun rgyan gyi rgyal po las// kha lo bsgyur ba'i dpa' bo yin// byed pa'i las rgyas dkyil 'khor 'jug/ dpe med pa yi sgra yi zer// grangs mtha' 'geg byed seng phrug go/ bcos pa'i yang cha de 'phel bzung // dpa' bar 'gro ba'i las rgyas so// mtho dman snyoms pa'i dge 'bras lung // dpe bral rnams kyi dang po'o// de ltar spros tshig du ma yi// 'khor lo 'dzin pa'i sprul pa'o// mkha' gsal mkha' dag klong chen gyi// spros pa rnams kyi yang spros las// skye sgo rab tu spangs pa yi// bla med 'dren pa'i dang por byung // bde bas bde ba 'byed pa yi// rigs mthun kun gyi gsang chen yin// rigs la gnas shing

  472. 236b

    rigs 'byed pa'i// gtso bo gtso bos blangs pa'o// ka dang rtogs dang rab tu dgongs// rim par rgyas dang de rjes ni// 'di las rab tu 'phel ba yin// rab tu rtogs phyir dkyil 'khor gyi// dam pa rnams ni 'di las sprul// thams cad las kyi mtha' rgyas kyang // 'di las rab tu yang 'phel lo// 'di tshig byin rlabs brgyud pa yang // rab tu 'phel phyir 'byung ba'o// le'u gsum pa'o// // e ma ho/ 'di ltar yang gsang don nyid la// 'jug par 'dod pa'i skal ba rab// sngon du lus ngag yid rnams kyi// mngon par zhen pa bzlog pa'i phyir// sngon du spyod pa brtsam par bya// lus ni rgyug dang nyal ba dang // langs dang yan lag bskyod pa dang // bskor ba dang ni phyag bya dang // yan lag bskor dang mgo bsgril dang // ji ltar dran pa'i las rnams dang // gar dang phyag rgya bsgyur ba dang // ji ltar dmigs pa'i las rnams bya// 'di ltar su yis byas pa'i mi// lus kyi mngon zhen rang bcad nas// lus kun ru shan phyed par ni// 'di yis 'gyur ro sprul pa'i sku// de 'das ngag gi spyod pa brtsam// sngags dang kha ton chos kyi sgra// yod dang med dang snang ba dang // yid dpyod tshig ni sna tshogs brjod// byol song sna tshogs brda skad dang // skad kyi rnam pa sna tshogs pa// 'di ltar su yis byas pa'i mi// ngag gi mngon zhen rang

  473. 237a

    chod nas// 'khor 'das ru shan 'dis phyed do// de 'das nyid kyi 'og tu yang // sems kyi spyod pa brtsam par bya// dga' dang mi dga' bde sdug dang // rtag dang mi rtag la sogs pa// blta bsgom spyod pa'i bsam pa dang // chos dang chos min la sogs dang // 'dod chags zhe sdang gti mug dang // dge dang mi dge la sogs pa'i// bsam spyod rnam pa sna tshogs bya// 'di ltar su yis byas pa'i mi// sems kyi mngon zhen rang chod nas// 'khor 'das ru shan phyed pa'o// de ltar sngon du 'gro byas nas// mngon sum don la blta ba'i phyir// lus dang ngag yid rab tu gtsun// lus ni seng+ge lta bu dang // drang srong dang ni glang chen tshul// 'di la g.yo bar ma byas na// sangs rgyas sum stong nyid dang yang // skal ba dag ni mnyam pa yin// ngag ni ji ltar lkugs pa bzhin// su dang brda tsam nyid mi bya// 'di ltar su yis byas pa'i mi// sems kyi 'phro 'du rang chod do// 'di ltar lus ngag sus gtsun pa// chos kyi dbyings kyi snang ba la// 'di yis goms par 'gyur ba yin// de ltar lus la sogs pa yi// gnad kun rab tu gzir ba yis/ rig pa nyid dang mngon sum du// bla ma'i lung las shes pa yin// dbyings dang rig pa'i lta stangs ni// sgrib byed bral ba'i nam mkhar blta// dbyings kyi nang du lu gu rgyud// rnam par bzhag

  474. 237b

    cing 'bral mi bya// 'di ltar su yis mthong ba'i mi// thog ma'i kun tu bzang po dang // skal ba nyid ni mnyam pa'o// de nas thig le mthong ba yin// de gtad snang ba gong 'phel bas// rang ngo mthong las 'di ltar ro// yar mtshams las ni sor bzhi las// bral ba'i skyes bu skal bzang pa// 'khor bar 'jug pa ga la srid// gru chad rnam par gang snang ba// sprul pa'i yon tan 'di yis 'grub// mthong ba'i yul tsam gang snang ba// tshom bu la ni de bzhin no// phyir snang 'gag pa gang yin pa// skad cig ma ni bcu drug la// 'di yang de ltar 'gyur ba'o// ma smin la sogs thig le dang // de bzhin sku la thug gi bar// drug dang bcu dang lnga gsum la// gdon mi za ste longs skur ro// nang lus zad pa'i sar phyin tshe// sor mo la sogs de bzhin snang // 'di gtad 'byung ba rang dengs so// skye dang 'jug pa'i khyad par gyis// chos kun zad pa'i rang sa la// ci yang 'dzin pa med par ni// gnas pa yin no sprul pa'i sku// 'di ni 'jug pa'i shugs kyis dbang // skye ba'i rang dbang sus thob pa// de yang de la gtad nas ni// yang dus 'di ltar byas pa na// snang ba'i rang sgra sil skad de// sngon du log ste 'khrul par snang // 'dis ni sems can don kun byed// rig pa mnyam par gcig pa'i phyir// stong phrag gsum rnams sems can gyi// 'pho ba chen

  475. 238a

    po 'dis 'grub bo// de bzhin rim dang cig car gyis// lus ni 'di yis 'grub pa yin// de kun lus zad tshad las grol// 'di kun 'bras bu nges pa'o// lam mchog dkyil 'khor chen po 'grub// 'di ltar thabs las yang dag byung // sangs rgyas 'grub par 'dod pa'i mis// 'di thabs ldan na de bzhin no// gzhan spyod snyems byed nyid yin pas// dngos po mthong ba ma yin na// de phyir 'di kun dkon pa'i tshig/ rtag tu rin chen gter 'di ltos// 'di ltar zad pa la spyod na// 'dis ni sangs rgyas stong phrag gsum// 'di yis legs par zhal mthong yin// 'di tshig gsang ba nyid las byung // skyes bu rnams kyis 'di ltar bya// gsang chen yang gsang dam pa'o// le'u bzhi pa'o// // e ma ho/ 'di ltar 'dod 'byung skyes bu gang // thabs kyi yan lag 'di lta bu// rnam pa sna tshogs nyid la ni// 'di ltar de yi sngon du sbyangs// sems kyi rim pa ci sbyangs pa// 'dis ni mi rtag sems la 'byor// ji ltar sgra yi rnal 'byor pas// sa chu me rlung 'byung ba bzhi'i// sgra don rnams la goms pa yis// rigs drug rnams kyi rang skad kyi// mngon shes 'char ba 'dis 'grub bo// zhag rim dus ni rnam drug gi// 'di yi skad kun rang dus shes// 'dres pa med par sus shes pa// ma 'ongs da ltar 'dus pa

  476. 238b

    yi// sems rgyud ji ltar shes par 'gyur// gzhan gyi don byed sprul pa pos// 'di la sngon du ma sbyangs na// sprul pa'i sa bon 'jog par ni// nus pa nyid ni mi 'thob bo// des na 'byung ba'i sgra la bslab// bya byed zhen pa bzlog pa'i phyir// lag ni bya byed sna tshogs bya// de bzhin 'dus byas rnam pa ni// dbang po'i mngon zhen bzlog pa ste// yul rnams goms pa'i gnad kyis sbyangs// 'di ltar gnyid dang rmi lam gyi// dus bzhi 'byung ba'i gnad kyis dbye// tshad ni gnad la phebs pas bzung // thig le phyi nang bslab bya'i phyir// gang zag rnam pa gnyis don bya// bcos ma 'dus byas bsgom pa yis// dang po sems g.yeng zhen pa dgag/ 'bras bu cig char ma yin pas// snang ba rim gyis goms par bya// mig sman la sogs sgo lnga yi// sman gyi rim pa sbyar bar bya// 'di kun gsang ba'i thabs yin no// lam gyi rtags ni lus las ni// mngon par phyi rol snang gyur pa'i// sman nyid kyang ni de bzhin no// 'di kun 'jig rten drang don du// skal pa can gyi spyod yul lo// 'di yi thabs ni sna tshogs par// gzhan gyi 'dod yon mtha' dgag phyir// rab tu gsang bar byung ba'o// le'u lnga pa'o// / khams la bslab pa'i thabs yod pas// dran rdzogs phyag rgya'i ngang du sbyor// dbang po'i zhen pa bzlog pa'i phyir// karmA rag+na g+hi haM ti// phung po'i

  477. 239a

    zhen pa bzlog pa'i phyir// b+he ga ra na so gang gling // yul kun zhen pa bzlog pa'i phyir// bu ka ri la b+hi d+hu tri// sems kyi dngos po sbur ba'i phyir// raM ba ka la sa mi khye// byung tshor gnas su gcad pa'i phyir// ma tang phar pher ras rmis te// 'dus 'tshogs snang ba ngos gzung phyir// kha Ta re ka sa rmig rlung // rig pa btson rar gzhug pa'i phyir// a ke ra na b+he tsag sha/ 'khrul pa'i rang rgyud khungs gcad phyir// ya ri mu Da sa g+hu li// rigs drug rim gyis bsgral ba'i phyir// ya sing ra rlung pa la ya// 'khor ba dong nas 'don pa'i phyir// mA ma ko ling sa ma ta// chos can thur du gzhug pa'i phyir// g+ha ring yaM pa ri maM ti// rol pa'i byung khungs sbur ba'i phyir// bu ga sid+d+ha pha g+ha la// zhen pa'i phreng thag gcad pa'i phyir// ra mi sa pI khe ta ba// lug rgyud ar la gtad pa'i phyir// be khu ma la pa taM ki/ lha yi phyag rgya blta ba'i phyir// sa ma nyi wa d+he ra ya// lha bsgom log pa dag bya'i phyir// badz+ra satwa tre to me// sa lam dus gcig gcad pa'i phyir// g+he ba su g+har rnam ste// yid dpyod lta ba khungs gcad phyir// d+harmA pa te sa g+hA li// gsum lam du bslang ba'i phyir// rasma sa ma kha rgad tshe// snang ba dngos su blang ba'i phyir// ru pa sa mi mi ta laM// sgra yi zhen pa mtha' gcad phyir// nga tig pa yang ka la sa// bsam gtan chen po'i sa non

  478. 239b

    phyir// ga tsha pa la sa i taM// phrin las mtha' ru dbyung ba'i phyir// karma e ka a nu sa// sangs rgyas mngon zhen bzlog pa'i phyir// sang kri ma ma karma ta// sangs rgyas rnams kyi gnas btsal phyir// nga la khe pa ki li saH/ 'di kun rang byung tshig tu'o// le'u drug pa'o// // e ma ho/ bcom pa dang ni ldan pa dang // 'das pa yang dag lam yin no// 'di tshig lam min gdams pa yin// bstan cing bshad med brjod ma yin// gdams pa ma yin byin rlabs yin// bris shing bkod med rang byung yin// gnas dang dus med sngon thog yin// chos min snying po thugs gsang yin// sus kyang nyan med dang shar yin// zos pa med cing rang bsgrags yin// byas pas 'di kun ma yin tshig/ 'di yod 'gro ba sangs rgyas yin// pha rol mthong ba'i gsang chen las// sems yod ma yin sprul pa yin// 'khor ba'i spyi mdud dgrol ba'o// shes bya ma yin lam sna zag/ stong pa ma yin mngon sum yul// yod med ma yin thabs gsang ba// lha med 'di la sngags yod min// pha rol phyin pa drug gi gzhi// bsnyen gnas la sogs 'di tshul lo// de bzhin du yang bye brag smra// don dam kun rdzob gzugs kyis so// gzugs kyi rtsa ba 'di nyid rang // lha'i rnal 'byor 'di sngags yin// lung chen rnams kyi dam pa 'di// chos rnams ro gcig 'dres

  479. 240a

    pa'i rten// sku gsung thugs kyi dbye ba yis// bla med 'khor lo bskor ba'i gnas// dbang po rnams kyi dmigs gtad yin// shes rab rnams kyis rtogs pa'i gnas// sku gsum lam du slong ba'i rten// thig le mngon du 'byin pa'i mig/ thar pa'i skas kun slong bar byed// lam du 'jug pa'i sa mkhan yin// skal ldan 'dzin pa'i lcags kyur snang // chos sku rang 'jog gnas lugs yin// sangs rgyas kun gyis phyag byed gnas// yul snang gcod pa'i ral grir snang // grol ba rnams ni 'di nyid la// rnam par brten nas grol ba'o// le'u drug pa'o// // sangs rgyas thams cad kyi sras gcig po// bstan pa thams cad kyi btsas su rang byung ba/ rang byung yi ge chen por bskal pa kun gyi thog mar rang byung ba/ byin rlabs las rang bkod pa/ sbrul sku'i sa bon 'phel bar byed pa/ rab tu dkon pa'i tshig rdzogs so// // sa ma ya/ g+huh+ya/ s+thi/ rgya rgya rgya/ sbas rgya/ gtad rgya/ gter rgya/ kha za ma/ d+ha thim/ sbrul sku sangs rgyas gling pas pra ri phrag mo che nas gdan drangs pa'o//

  480. 240b

    bka' brgyad bde gshegs 'dus pa las/ rtsa ba'i rgyud kyi rgyal po bzhugs/ bi rgya gar skad du/ b+ha ga bAn su ga ta sarba sa mu dA ya tan+t+ra ma hA rA dza nA ma/ bod skad du/ bcom ldan 'das bde bar gshegs pa thams cad 'dus pa zhes bya ba'i rtsa ba'i rgyud kyi rgyal po chen po/ bcom ldan 'das dkyil 'khor thams cad kyi mnga' bdag dpal kun tu bzang po la phyag 'tshal lo// 'di skad bdag gis thos pa'i dus gcig na/ 'og min gyi gnas chos kyi dbyings kyi pho brang / sku gsung thugs gsang ba mchog gi gnas/ ye nas rnam par dag pa'i rgyan gyis brgyan pa/ dpe dang tshad las 'das pa'i sa/ phyi nang med par phyogs bcur 'khrigs pa/ rnam par dag pas bklubs pa/ thog ma dang mtha' ma med pa ye nas rang byung gi gnas na/ bcom ldan 'das dpal kun tu bzang po/ chos kyi sku skye ba med pa spros pa dang bral ba/ don dam pa ma bcos pa'i thig le chen po'i ngang la mnal te bzhugs so// de nas dbyings kyi yum kun tu bzang mo shes rab kyi ngang las bzhengs te/ bcom ldan 'das gsang ba mchog gi bdag po// dgongs pa chos kyi dbyings na bzhugs pa la/ glu 'dis bskul lo// e ma ho/ stong nyid rnam par dag pa'i klong yangs nas// snyoms pa'i thugs rje 'byung bar mi dmigs kyang // shes rab don dam chos sku

  481. 241a

    dag pa las// ma 'gags thabs kyi snying rje nam mkha' ston// hoHzhes bskul to// de nas bcom ldan 'das gsang ba mchog gi bdag po des/ chos thams cad de bzhin nyid mnyam pa chen po zhes bya ba'i ting nge 'dzin la snyoms par zhugs pa dang // yum kun tu bzang mos glu 'dis bskul to// e ma ho/ ma ltar byams pa'i snying rje chen po ni// mkha' ltar go yangs 'byed cing kun la khyab// rig pa'i snying rje nam mkha'i dbyings rum nas// longs spyod rdzogs pa'i sku mchog bstan du gsol// hoHzhes bskul to// de nas bcom ldan 'das gsang ba gsum gyi bdag po des/ chos thams cad thugs rjes kun la khyab pa zhes bya ba'i ting nge 'dzin la snyoms par zhugs so// de nas yang / yum kun tu bzang mos glu 'dis bskul to// e ma ho// ye shes sku mchog nyi ma lta bu las// sprul pa'i cho 'phrul rdo rje'i gar mdzad cing // brjid pa'i sku mchog rdo rje 'bar ba las// thugs rje rol pa'i sku mchog bstan du gsol// hoHzhes bskul lo// de nas bcom ldan 'das gsang ba gsum gyi bdag po des/ chos kyi sku skye ba med pa las/ longs spyod rdzogs pa'i sku/ mtshan dang dpe byad kyis brgyan pa/ sprul pa'i sku dkyil 'khor thams cad kyi bdag por sku bzhengs pa dang / yum kun tu bzang mo la slar glu 'dis bskul to// e ma hong

  482. 241b

    ni rang byung ba'i// rigs kyi rigs te rigs kyis gtso// dkyil 'khor kun gyi byed pa po// sangs rgyas kun gyi bdag nyid yin// zhes gsungs so// de nas yum kun tu bzang mos glu 'dis bskul to// e ma ho/ bde mchog bde ba yis// byang chub sems ni rab spros pas// thugs bskul rgyud dbyangs dbyings su thim// byang chub sems kyi thig le gsal// hoH/ zhes bskul ba dang / yab kyis bskul pa/ e ma sangs rgyas thams cad kyi// yi ge gsang gi phyag rgya'i tshogs// spros pas gsung bskul rang rgyud dang // bsdus pas chos kyi phyag rgya'i don// zhes bskul pas/ yum gyis bskul ba/ e ma ho/ bde gshegs kun gyithugs kyi thugs// rtogs par dka' ba'i snying po'i don// bde gshegs rnams kyi thugs rgyud bskul// 'gro ba kun gyi shes sa 'grol// thugs kyi phyag rgyar bsan pa'o// zhes bskul nas/ yab yum gnyis su med pa'i mkha' nas/ bde bar gshegs pa'i 'khor rgyal ba rgya mtsho gzhal yas khang dang bcas pa sprul to// de yang bde bar gshegs pa thams cad kyi gnas pho brang lhun gyis grub pa/ rgyu bsod nams dang 'bras bu ye shes kyi tshogs rdzogs shing / thugs rje chen pos thams cad la khyab pas mtha' dang dbus med pa kun tu rgyas shing / rgya yongs su ma chad pa/ stong pa nyid dang / mtshan ma med pa dang / smon pa med

  483. 242a

    pa dang / 'dus ma byas pa'i phyir ye shes kyi sgo bzhi dang ldan pa/ rnam par thar pa brgyad kyi ka ba dang bcas pa/ gcig dang du ma dang bral zhing spros pa med pas dkyil 'khor zlum po/ chos kyi 'khor lo 'gro ba yongs la bskor ba'i phyir/ kun gyi pho brang ye shes kyi 'khor lor gnas pa/ yon tan gyi tshogs ma lus pa rgyas shing / thugs rje'i rlabs dang ldan pas/ ye shes kyi dkyil 'khor las/ 'od zer sna tshogs 'phro ba/ ye shes chen po mnyam pa nyid las mi 'da' bas tA la'i ljon shing dang / sems can gyi re ba yid bzhin du skong bas/ dpag bsam shing gis brgyan pa/ thams cad la dbang bsgyur ba'i phyir/ lha chen po rnams kyis bskor ba/ mi shigs shing mi 'gyur bas rdo rje'i ra ba dang / nyon mongs pa bsreg pa'i me ri 'bar ba'i ra bas yongs su bskor ba sprul to// de lta bu'i ye shes lnga dang sku gsung thugs kyi yon tan bsam gyis mi khyab pa'i gzhal yas khang der/ lha thams cad kyi gnas su/ rang bzhin gyi ye nas 'od gsal ba'i nyi zla'i gdan dang / ma chags pad+ma'i gdan/ sa bon gyi tshul gyis 'phros par gyur to// khyad par du mi 'jigs pa bzhis bdud bzhi 'joms pa'i rtags su/ dbus su seng ge'i khri dang // stobs bcu dang ldan zhing mi dge ba bcu 'dul ba'i rtags su/ shar du glang po che'i khri

  484. 242b

    dang / rdzu 'phrul gyi rkang pa bzhis 'gro ba 'dul ba'i rtags su/ lhor rta'i khri dang / dbang bcu mthar phyin pas rgyal ba'i rtags su/ nub tu rma bya'i khri dang / phrin las rnam bzhis 'gro ba 'dul ba'i rtags su// byang du shang shang gi khri dag sprul zhing bkod do// der bde bar gshegs pa rigs lnga/ byang chub sems dpa'i tshogs dang bcas pa sprul te/ chos thams cad bdag med pa dang / byang chub kyi sems dag pa'i phyir/ de bzhin gshegs pa'i rigs sku mdog dkar po/ de bzhin nyid la cis kyang bsgyur du med pas/ rdo rje rigs sku mdog mthing ga/ yon tan gyi gter zad mi shes shing / thams cad 'byung gnas yin pas/ rin po che'i rigs sku mdog gser lta bu/ chos nyid chags pa dang / chags par bya ba med pas/ pad+ma'i rigs sku mdog dmar po/ phrin las thams cad yongs su rdzogs par bya ba'i phyir/ las kyi rigs sku mdog ljang gur gnas pa'o// de bzhin gshegs pa de dag kyang // srin po'i 'khor lo rgyun gcod pas/ de bzhin gshegs pa'i rigs kyi phyag na ye shes kyi 'khor lo// cis kyang mi shigs shing mi 'gyur bas/ rdo rje'i rigs kyi phyag na rdo rje/ dgos 'dod kyi re ba skong ba'i rin po che'i rigs phyag na rin po che dang / 'khor ba'i skyon gyis ma gos pa'i pad+ma'i rigs kyi phyag na pad+ma/ mtha' bzhi gnon pas las kyi

  485. 243a

    rigs kyis phyag na rdo rje rgya gram bsnams nas/ mnyam pa nyid kyi skyil krung dang / rdo rje'i skyil krung dang / rin po che'i skyil krung dang / pad+ma'i skyil krung dang / las kyi rigs kyis skyil krung gi bzhugs pa/ so so rang rang gi gdan gyi steng du sprul to// 'khor gyi byang chub sems dpa' dang sems ma rnams ni/ chos thams cad mnyam pa nyid du sbyor bas/ sems dpa'i skyil krung du bzhugs nas/ rang rang gi rigs kyi sku mdog dang phyag mtshan dang rtags rnams so sor 'dzin par sprul to// de dag thams cad kyang / sku mnyen pa dang / lhug pa dang / 'khril ba dang / ldem pa dang / gzhon tshul can dang / gsal ba dang / 'tsher ba dang / lhun sdug pa dang / brjid chags pa dang / gzhan yang thun mong gi rgyan/ dbu rgyan/ rin po che'i 'phreng ba dang / me tog gi phreng ba dang / snyan cha dang / mgur chu dang / do shal dang / so mo do dang / phyag gdub dang / zhabs gdub dang / dar gyi cod pan dang / chos gos dang / stod g.yogs dang / smad g.yogs dang / smad dkris dang / mdzad pa dar gyi gsang gos dang bcas te/ 'od kyi dkyil 'khor kha dog sna tshogs las/ sna tshogs su 'phro ba lta bus brgyan nas phyogs su 'khod do// de ltar bde bar gshegs pa rdo rje'i rigs dang / rin po che'i rigs dang / pad+ma'i rigs dang / las kyi rigs dang /

  486. 243b

    de bzhin gshegs pa'i rigs lnga/ so so'i btsun mo dang / 'khor gyi sems dpa' dang / sems ma dang / so so'i 'khor tshogs til gyi gang bu bzhin du bsam gyis mi khyab pa yum kun tu bzang mo'i mkha' nas/ rang rang gi dkyil 'khor dgu rgyan dang bcas pa thon te/ ye shes rang gnas kyi lha tshogs/ snang la rang bzhin med pa/ lham me lhan ne lhang nger gsal bar gyur to// bde bar gshegs pa thams cad 'dus pa'i rgyud las gleng gzhi'i le'u ste dang po'o// // de nas bcom ldan 'das dpal rdo rje sems dpas/ bcom ldan 'das dpal kun tu bzang po la 'di skad ces gsol to// e ma ho bcom ldan gsang bdag che// rigs kyi rigs te rigs kyi gtso// dkyil 'khor kun gyi byed pa po// bde bar gshegs pa kun 'dus pa'i// zhi ba dam pa rigs brgya yi// sgrub thabs bdag la bshad du gsol// zhes gsol pa dang / bcom ldan 'das dpal kun tu bzang pos bka' stsal pa// nyon cig khyab bdag rdo rje sems// 'du 'dzi spangs pa'i rnal 'byor pas// dam pa rigs brgya bsgrub 'dod pas// bkra shis yid 'ong dben pa'i gnas// shar ri dma' la lho ri gzhol// nub ri mtho la byang ri skyob// mdun na me tog snam bu yod// bya rgyal khu byug sgra yang grags// rtse shing me tog yal ga skye// dri zhim spos kyi ngad ldan

  487. 244a

    pa// 'dod pa'i longs spyod bsgrub pa'i gnas// der ni zhi ba rigs brgya bsgrub par bya// dkyil 'khor stegs bu gru bzhi la// dri sna lnga yi chag chag gdab// tshon skud sna lnga'i srad bu yis// thig ni bcu drug dag tu gdab// de las dkyil 'khor chen po dgu// 'khor lo rtsibs brgyad gru chad dang // bar khyams sgo bzhi ldan pa la// phyi rim par khyams sgo bzhi dang // rta babs rgyan dang khor yug ldan// tshon sna lnga yis legs par bri// de la phyag mtshan yig 'bru'am// yang na sku yi gzugs brnyan dgod// thog mar byang chub sems bskyed de// yan lag bdun gyi tshogs bsags te// ting 'dzin rnam gsum rim bsgoms shing // rgyu yi ting 'dzin 'bras bu las// de nyid byang chub sems su gyur// 'byung lnga yum lnga'i dkyil 'khor dag/ byang chub sems las rim bzhin bskyed// phyag rgya'i dkyil 'khor ldan pa yang // bde gshegs lha tshogs bcu phrag bcu// phyag rgya thig le ldan par bsgom// rang sems yi ge a dkar nyid// nyi zla pad+ma'i gdan la lhung // spro bsdu las ni 'khor lor gyur// de yi 'phro 'du'i rang bzhin las// dkyil 'khor kun gyi gtso bo la// rnam par snang mdzad kun bzang yum// rigs rnams kun gyi bdag por brtag/ mi bskyod pa dang sangs rgyas spyan// rin chen 'byung ldan gos dkar mo// de bzhin

  488. 244b

    snang mtha' mA ma kI// 'dod pa'i don grub dam tshig sgrol// rang gi rigs kyi cha bzung ste// 'dud pa'i tshul gyis 'khor du bskyed// cho ga yongs rdzogs de nas ni// kun bzang rdo rje dbyings phyug ma// 'jam dpal dang ni rin chen dbyings// spyan ras gzigs dbang pad+ma'i dbyings// rdo rje 'chang dang las dbyings ma// shar lho nub byang go rim bzhin// dkyil 'khor gtso bor bskyed byas te// rdo rje rin chen pad+ma dang // sna tshogs rdo rje'i gzugs 'dzin pa'o// sa snying rdo rje sems ma dang // mkha' snying rin chen sems mar bcas// byams pa pad+ma'i sems mar bcas// sgrib sel las kyi sems ma ni// rin chen snye ma za ma tog/ klu shing pu ti mtshan mar 'dzin// shar lho la stsogs mtshams rnams kyi// dkyil 'khor gyis ni gtso bor brtag/ khyad par so so'i 'khor rnams kun// shar nas bzung ste gong bzhin bskyed// rdo rje sems dpa' rdo rje 'dzin// lha mo sgeg pa mo dag dang // rdo rje rgyal po lcags kyu 'dzin// de bzhin bdug pa mo dag dang // rdo rje chags pa mda' dang gzhu// 'dzin cing de bzhin lcags kyu ma// rdo rje legs pa rdo rje dag/ 'dzin mdzad rdo rje me sgron ma// shar gyi dkyil 'khor 'khor lo la// kun tu bzang po'i 'khor du bskyed// rdo rje rin chen rin chen 'dzin// de bzhin du ni phreng ba mo// rdo rje gzi brjid nyi ma'i

  489. 245a

    'od// 'dzin par mdzad dang me tog ma// rdo rje rgyal mtshan zhags pa ma// rdo rje bzhad pa so phreng 'dzin// bde ma rlung g.yab 'dzin pa ni// lho phyogs 'jam dpal dkyil 'khor la'o// rdo rje chos ni pad+ma 'dzin// dbyangs mkhan pi wang 'dzin ma dang // rdo rje rnon po gcod pa'i gri// 'dzin mdzad rdo rje mar me ma// rdo rje smra ba lce 'dzin cing // rdo rje lcags sgrog thogs ma dang // de bzhin rdo rje 'khor lo ni// 'khor lo 'dzin dag gsal bkra ma// rma bya 'dzin pa nub phyogs kyi// spyan ras gzigs dbang 'khor du'o// rdo rje las ni rgya gram 'dzin// de bzhin rdo rje gar bsgyur ma// rdo rje srung ba go cha 'dzin// phyug pa spos kyi chu 'dzin ma// rdo rje gnod sbyin zhes bya ba// mche ba 'dzin cing dril 'khrol ma// rdo rje khu tshur 'dzin ma dang // 'bebs ma bum pa'i chu 'dzin rnams// byang gi dkyil 'khor 'khor lo la// phyag na rdo rje'i 'khor du'o// rdo rje rgyal mtshan chu srin 'dzin// bde ba rgyas 'debs kha T+wAM ga/ dbang phyug rgyal po lcags kyu 'dzin// bde ba za byed mda' dang gzhu// bkod pa'i rgyan ni me tog 'dzin// bde ba rmongs byed phyag rgya bsnol// rin chen 'od 'phro rin chen dang // bde ba tshe 'phel dril 'khrol ma// shar lho mtshams kyi dkyil 'khor du// sa yi snying po'i 'khor du bskyed// snang ba'i 'od ni rdo rje 'dzin// khrus kyi lha mo bum

  490. 245b

    pa 'dzin// phyag rgya'i rgyal po mda' gzhu nyid// 'dzin mdzad rgyal mtshan lha mo dang // spos kyi glang po za ma tog/ 'dzin mdzad bla bre'i lha mo dang // spobs brtsegs kun 'dren lcags kyu ni// 'dzin dang gdugs kyi lha mo rnams// lho nub mtshams kyi dkyil 'khor du// nam mkha' snying po'i 'khor du'o// pad+ma'i rgyal po pad+ma 'dzin// lha mo pad+ma dpal be'u ste// pad+ma dam pa kha phye ba'o// lha mo 'jigs byed 'khor lo 'dzin// rdo rje mi g.yo po ti 'dzin// skyon bral phyag na pad+ma'o// thogs med rgyal po lcags kyu dag/ 'dzin mdzad rnam rgyal lha mo ni// rgyal mtshan thogs pa nub byang gi// byams pa'i 'khor du bskyed par bya// rin chen dpang sdud rin po che// lha mo skyab can gdugs 'dzin cing // grub pa'i las kyi rgya gram gyis// rin chen 'dzin cing lha mo ni// dri med ma yi bum pa 'dzin// dga' ston me long rgya gram 'dzin// lha mo sgra sgrogs dung 'bud pa'o// mi g.yo'i mtha' ni bsam gtan mdzad// lha mo thogs med gser nya 'dzin// byang shar mtshams kyi dkyil 'khor du// sgrib pa rnam sel 'khor du bskyed// sems dpa'i dkyil 'khor 'di dag kun// gtso bo rigs kyi mdog yin te// dkyil 'khor bye brag re re la// rigs kyi sku mdog so sor bsgom// dkyil 'khor phyi yi bar khyams la// shar stod lha yi thub pa ni// dkar po pi wang

  491. 246a

    'dzin pa bskyed// shar smad lha min thub pa ni// sngon po phyag na go mtshon bsnams// lho phyogs mi yi thub pa ni// ser po gser shang par bu 'dzin// nub stod byol song thub pa ni// nag po po ti 'dzin par byed// nub smad yi dwags thub pa ni// dmar po rin chen sgrom bu 'dzin// byang du dmyal ba'i thub pa ni// ljang gu me dang chu bsnam pa'o// shar sgor rdo rje lcags kyu ma// lho sgor rdo rje zhags pa ma// nub sgor rdo rje lcags sgrog ma// byang du rdo rje dril 'khrol ma// rigs kyi mdog dang ldan pa ni// so so'i gnas su bskyed par bya// de ltar bde gshegs thams cad kyi// sku bskyed de nas spyan drangs la// bzhugs su gsol te phyag kyang 'tshal// phyi nang mchod pa ci 'byor dbul// bstod de gsol ba gdab nas ni// sngags kyi bzlas pa'i 'phro 'du bya// oM A li ka li dz+nyA na pany+tsa sa twa kro ta mu na ye swA hA/ thog mtha' oM dang phaT bzhag nas// bar na yig 'bru bcu bzhi gnas// dam pa rigs brgya 'dus pa'i sngags// thams cad 'grub par byed pa yin// sku gsung thugs kyi dngos grub 'thob// phyogs bcu dus gsum bde gshegs rnams// nges don dam pa rigs brgyar 'dus// bde gshegs kun gyi dngos grub 'thob// ces gsungs so// bde bar gshegs pa thams cad 'dus pa'i rgyud las/ dam pa rigs brgyar

  492. 246b

    sgrub pa'i thabs bstan pa'i le'u ste gnyis pa'o// // de nas dpal rdo rje sems dpas yang zhus pa// kye ma gsang bdag kun tu bzang // gdul bya 'dod chags can dag la// bde gshegs sangs rgyas bzhi bcu gnyis// ye shes bskyed pa'i sgrub thabs gang // bcom ldan 'das kyis bka' stsal pa// zhi ba sangs rgyas bzhi bcu gnyis// rnal 'byor skal ldan bsgrub 'dod na// dben zhing dgon pa'i gnas dag tu// dkyil 'khor 'khor lo rtsibs bzhi la// rin chen ka ba brgyad kyis mdzes// lhag pa'i ye shes glo bur can// khyams dang sgo khyud rnam par mdzes// dbus su pho brang zlum po la// chu shel dag la hUM gnas pa// dmigs pa'i rten du mkhas pas bzhag/ ras bal stan la 'dug nas ni// shar gyi phyogs su kha bltas te// yul gsum gsal bar gyur pa dang // rin chen 'bar ba'i gzhal yas khang // phyi nang med par kun tu gsal// seng+ge glang chen rta dang khyung // nam mkha' lding gi khri steng na// nyi zla pad+ma rin po cher// rnam snang rdo rje sems dpa' dang // rin chen 'byung ldan snang mtha' yas// don yod grub pa rigs mchog lnga// kun bzang yab yum 'dod las chags// sems dpa' sems ma mchod tshul can// sa snying nam mkha'i snying po dang // spyan ras gzigs dbang kun tu bzang // dung ltar dkar ba de dag/

  493. 247a

    kyang // rin chen myu gu ral gri dang // pad+ma rin chen snye ma 'dzin// phyag na rdo rje dril 'dzin ldang // byams pa dmar skya g+hu d+he'o// sgrib sel mdog sngon po ti 'dzin// 'jam dpal dkar ljang ut+pa la// lA s+ye sngon mo me long 'dzin// mA le ser mo rin chen phreng // pi wang rgyud 'dren gI rti dmar// ni rti ljang gu cod pan 'chang // me tog ma dang bdug pa'o// mar me dag byed dri chab ma// gnyis med dbyings nga du 'khril// thub drug ta kr-ita sgo ba brgyad// thod dbyug rnam rgyal gshin rje gshed// stobs chen rdo rje rtse gsum mo// rta mgrin thod sbrul pad+ma 'chang // sna tshogs rdo rje bdud rtsi 'khyil// ro langs mi pham ral gcig ma// khro gnyer ma ste yum 'di dag/ lcags kyu zhags pa lcags sgrog dril// rim bzhin thogs pa phyogs kyi mdog/ 'od zer 'bar ba'i tshogs chen po// 'bar ba'i phreng bas 'khrigs pa'i 'od// zhi ba'i tshul dgu bstan pa yis// chags pa can la dngos grub ster// oM bo d+hi tsit+ta ma hA su kha dz+nyA na d+ha tu a/ thog mtha' oM dang AHbzhag nas// bar na bcu gnyis grangs mdzes pa// bzhi bcu rtsa gnyis snying po yin// de nas stong nyid yin shes ni// rang gi sems su rnam par brtag/ rtag pa'i spyod lam la zhen pa// snang la ma zhen sgyu mar gnas// dag pa'i yul du longs spyod byed// rang gi sems las byung

  494. 247b

    bar rdzogs// rnal 'byor yo byad rnam gnyis so// rang las byung zhing rang las spyod// des na rnal 'byor dbang phyug che// gsang ba'i sgra gsum sod pa dang // 'jigs pa'i bdud bzhi chom gyur nas// 'gro drug g.yang sa chod pa yi// tshad dang ldan par gyur pa na// sangs rgyas bzhi bcu rtsa gnyis brtag/ bde gshegs kun gyi ngo bo ste// rang las byung zhing rang las grol// zhes gsungs so// bde bar gshegs pa thams cad 'dus pa'i rgyud las/ zhi ba bzhi bcu rtsa gnyis sgrub pa'i thabs kyi le'u ste gsum pa'o// // rdo rje sems dpas yang zhus pa// e ma spyi dpal kun tu bzang // de nyid rigs lnga sgrub pa'i thabs// nyon mongs rnams kyis gnyen po che// legs pa nyid du bshad du gsol// spyi dpal chen pos bka' stsal pa// de nyid rigs lnga bsgrub 'dod pas// yid 'ong dben pa'i sa phyogs su// maN+Dal byi dor gnas nas su// bdud rtsi rnam lngas chag chag gdab// dpa' bo 'bru lnga'i dmigs rten dgod// yul gsum gsal bar gyur pa dang // dkyil 'khor 'khor lo rtsibs bzhi la// gru chad sgo bzhi rgyan gyis mdzes// phyi nang med par kun tu gsal// seng+ge glang rta rma bya khyung // nyi zla pad+ma'i gdan stengs su// dbus su rnam par snang mdzad de// shar du rdo rje sems dpa' la// lho ru rin chen 'byung ldan yin// nub tu snang ba mtha' yas

  495. 248a

    so// byang du don yod grub pa ste// rang rang rigs kyi kha dog la// 'khor lo de bzhin rdo rje dang // rin po che dang pad+ma dang // ral gri g.yas ni rim bzhin 'dzin// g.yon pa kun ni dril bu bsnams// yum rnams yab dang gnyis med 'khril// de ltar brtan pa thob pa dang // gsang ba'i snying po lnga yis sbyangs// oM oM hUM swA aHhA yang byung hUM trAM hrIHa// phyogs bcu'i sangs rgyas thams cad ni// don mtshon rgyal ba rigs lngar 'dus// rigs lnga dbang po 'bru lngar 'dus// 'bru lnga yi ge ar 'dus shing // de nyid skye med klong du thim// bde gshegs dgongs bcud nges don 'dis// sku lnga ye shes rnam lnga yis// dngos grub dam pa 'thob par 'gyur// zhes gsungs so// bde bar gshegs pa thams cad 'dus pa'i rgyud las/ de kho na nyid rigs lnga sgrub pa'i le'u ste bzhi pa'o// // rdo rje sems dpas yang zhus pa// spyi dpal chen po kun tu bzang // bde bar gshegs pa kun 'dus pa'i// gsang chen rigs gcig sgrub pa'i thabs// legs pa nyid du bshad du gsol// spyi dpal chen pos bka' stsal pa// nyon cig rdo rje sems dpal che// gsang chen rigs gcig bsgrub 'dod pas// phun sum tshogs pa'i gnas dag tu// dkyil 'khor byi dor byas nas ni// dri zhim spos kyis chag chag gdab// mthing ga hUM yig

  496. 248b

    dmigs pa'i rten// yul gsum gsal bar gyur pa dang // bdag nyid rdo rje sems dpa' ni// sku mdog dkar po shel ltar dwangs// g.yas pas rdo rje thugs kar 'dzin// g.yon pas dril bu dgu la brten// nyi zla pad+ma'i gdan la bzhugs// rgyan dang cha lugs ldan par bsgom// de yi spyi bo mgrin pa dang // snying ga gnas ni gsum po ru// 'khor lo pad+ma rdo rje'i steng // oM dang AHdang hUM dag gis// yig 'bru gsum gyi 'phro 'du yis// bde gshegs sku gsung thugs bskul zhing // khams gsum sems can thams cad kyi// sgrib pa rnam gsum sbyang phyir bzlas// phyogs bcu'i sangs rgyas de bzhin gshegs// rigs brgya rigs lnga ji snyed rnams// gsang chen rigs gcig 'di la 'dus// snying po yi ge 'bru gsum gyis// sku gsung thugs kyi dngos grub 'thob// zla gcig zla drug bcu gnyis kyis// lhun gyis grub pa'i sa la sbyor// gdeng chen thob pa zla ba gcig/ brtan pa thob par zla ba drug/ stobs su gyur pa bcu gnyis yin// mthun par kun la spyod la 'jug/ dngos grub 'thob par gdon mi za// zhes gsungs so// bde bar gshegs pa thams cad 'dus pa'i rgyud las/ gsang chen rigs gcig sgrub pa'i thabs kyi le'u ste lnga pa'o// // rdo rje sems dpas yang zhus pa// e ma spyi dpal kun tu

  497. 249a

    bzang // rigs lnga'i bye brag de dag rnams// rnam par phye ste bsgrub pa gang // phyi ma'i don du rim bzhin gsungs// kun tu bzang pos bka' stsal pa// nyon cig rdo rje sems dpa' che// rnam par snang mdzad de bzhin gshegs// de bzhin rigs mchog bsgrub 'dod pas// hUM chen gser gyi mdog 'dra ba// de bzhin rigs kyi sa bon te// sna yi rtse la gtad par bya// dmigs pa yul gsum gsal ba dang // mkhas pa rnam par snang mdzad nyid// sku mdog dkar po 'od zer 'bar// gsal 'tsher lhun sdug gzi byin 'bar// phyag na gser gyi 'khor lo bsnams// glang chen seng yin nam bsnol ba'i gdan la bzhugs// de ltar gsal zhing brtan pa des// gsang ba'i dgra gsum sod pa dang // 'jig pa'i bdud bzhi chom ma chom// 'gro drug g.yang sa chod mchod// tshad dang ldan nam mkhas pas brtags// tshad dang ldan par gyur pa na// rnam par snang mdzad nyid du brtag/ ces gsungs so// de bzhin rigs mchog bsgrub pa'o// rdo rje sems dpa' de bzhin gshegs// rdo rje'i rigs mchog bsgrub 'dod pas// tshon gang hUM yig shel gyi mdog/ rdo rje rigs kyi sa bon te// sna yi rtse la gtad par bya// de la dmigs pa gsal brtan nas// yul gsum gsal bar gyur pa dang // mkhas pas rdo rje sems dpa' nyid// sku mdog

  498. 249b

    mthing ga 'od chen 'bar// g.yas g.yon rdo rje dril bu bsnams// glang chen bsnol ba'i gdan la bzhugs// de ltar gsal zhing brtan pa des// tshad dang ldan par gyur pa na// mkhas pas rdo rje sems dpar brtag/ ces gsungs so// rdo rje rigs mchog bsgrub pa'o// rin chen rigs mchog de bzhin gshegs// rin chen 'byung ldan bsgrub 'dod pas// hUM chen btso ma gser gyi mdog/ rin chen rigs kyi sa bon te// sna yi rtse la gtad par bya// de la dmigs pa gsal brtan nas// yul gsum gsal bar gyur pa dang // mkhas pas rin chen 'byung ldan nyid// sku mdog ser po 'od zer 'bar// phyag gnyis rin chen dril bu 'dzin// shugs 'chang rta yi khri la bzhugs// de ltar gsal zhing brtan pa des// tshad dang ldan par gyur pa na// rin chen 'byung ldan nyid du brtag/ ces gsungs so// rin chen rigs mchog 'grub pa'o// pad+ma rigs mchog de bzhin gshegs// snang ba mtha' yas bsgrub 'dod pas// dmar po hUM gi ngo bo las// pad+ma rigs kyi sa bon te// sna yi rtse la gtad par bya// de la dmigs pa rab brtan nas// yul gsum gsal bar gyur pa dang // mkhas pas snang ba mtha' yas nyid// sku mdog dmar la 'od zer 'bar// phyag gnyis pad+ma dril bu bsnams// rma bya bsnol ba'i gdan la bzhugs// de ltar

  499. 250a

    gsal zhing brtan pa des// tshad dang ldan par gyur pa na// snang ba mtha' yas nyid du brtag/ ces gsungs so// pad+ma rigs mchog bsgrub pa'o// las kyi rigs mchog de bzhin gshegs// don yod grub pa bsgrub 'dod pas// ljang gu hUM gis sa bon las// las kyi rigs kyi sa bon te// sna yi rtse la gtad par bya// de la dmigs pa rab brtan nas// yul gsum gsal bar gyur pa dang // mkhas pas don yod grub pa nyid// sku mdog ljang gu 'bar ba la// g.yas pas rgya gram g.yon dril bu// gsal 'tsher lhun sdug gzi byin 'bar// mkha' lding shang shang khri steng na// nyi zla pad+ma'i gdan la bzhugs// de ltar gsal zhing brtan pa des// tshad dang ldan par gyur pa na// don yod grub pa nyid du brtag/ ces gsungs so// las kyi rigs mchog bsgrub pa'o// bde bar gshegs pa thams cad 'dus pa'i rgyud las// zhi ba phyag rgya chung par bsgrub pa'i le'u ste drug pa'o// // zhi ba'i skabs te dang po'o// de nas dpal kun tu bzang po de// chos thams cad stong pa chen po/ sku gsung thugs mi dmigs pa mnyam pa nyid kyi nga la bzhugs pa la/ yum kun tu bzang mo skad cig gis/ gsang ba'i yum khro mo gnam zhal mar gyur nas/ gsang ba'i glu 'di blangs te bskul to// ho yod med stong pa shin tu rnal 'byor mthus// chos

  500. 250b

    kyi dbyings las dam tshig nye bar bzhengs// ye shes rgya mtsho rnam par grol ba'i klong // mi gnas mi dmigs chos kyi dbyings nas bzhengs// zhes bskul bas/ dpal kun tu bzang po stong pa nyid kyi ngang las// che mchog he ru ka'i sku mngon par phyung nas/ gsang ba'i yum gnam zhal ma la gzigs te/ rol pa'i chos sna tshogs mdzad do// de nas yum gyi rol pa chen po'i glu 'dis gsol ba btab bo// tshogs chen gnyis rdzogs don dam dbyings kyi lha// longs spyod rdzogs mdzad rol pa chen po yis// che mchog he ru ka bzang dpal chen khyod// thabs kyi rol pas bde chen dbyings nas bzhengs// zhes bskul bas/ cho 'phrul chen po'i rnam pas kun la khyab par mdzad do// de nas yang / yum gyis yab la cho 'phrul 'byung ba'i glu 'dis gsol ba btab bo// ho ye shes sgyu ma rnam par rol pa'i sku// thabs dang shes rab che la mnga' brnyes pa'i// thugs rje'i sprul pa mang po 'byung ba'i gnas// bde gshegs bde bar gshegs mdzad sku bzhengs shig/ ces bskul bas/ dpal chen po 'jigs byed 'bar ba'i skur bzhengs so// de nas yum kun tu bzang mo 'khor dang bcas pa de dag thams cad kyis mgrin gcig tu glu 'dis bskul te gsol ba btab bo// e ma ho yid bzhin sku mchog nyi ma lta bu las// byams pa'i byin rlabs che

  501. 251a

    mchog gar mdzod cig/ gzi byin sprin phung rol pas bsgyings pa'i sku// thogs med che mchog rol pa'i cho 'phrul ston// e ma ho yid bzhin gsung mchog nyi ma lta bu las// bsnyen pa'i byin rlabs che mchog brjid mdzod cig/ yan lag rgya mtsho mi mdzad bkod pa'i gsungs// seng+ge'i sgra yis gsang sngags rgya mtsho ston// e ma ho ye shes snying po nyi ma lta bu las// ye shes byin rlabs che mchog de mdzod cig/ thig le spros bral rnam par mi rtog thugs// rnam grol de nyid nges pa'i cho 'phrul ston// mi shes blun rmongs 'dam byings 'khor ba rnams// sdug bsngal rgya mtshor bcings pa thabs kyis grol// ma rig mun pas ldongs pa don gyis phye// 'khor ba'i rgya mtsho rol pa'i rlung gis sgrol// nad dang mthun pa'i sman btang ji bzhin du// gdul bya'i don du sku bzhengs 'gro ba sgrol// zhes bskul lo// de nas 'jigs byed chen po dpal chen he ru kas/ chos nyid gdal ba chen po'i ngang // kun gzhi ye nas 'das pa'i dbyings nyid las/ skye ba'i cho 'phrul du ye shes lnga'i rang bzhin/ yum gyi mkha' klong rnam par dag pa 'byung ba rnam pa lnga brtsegs pa ni/ e yaM ra suM ko raM/ kun stong nam mkha'i rang bzhin yi ge e yis mtshan pa dang // 'jig rten 'degs byed rlung gi dkyil 'khor yaM gis mtshan pa dang / thams cad skyed

  502. 251b

    byed khrag gi rgya mtshor yis mtshan pa la 'dod khams gnas ris nyi shu rdzogs par gsal/ 'degs byed brtan pa'i zhing chen gyi sa gzhi sum gyis mtshan pa la gzugs khams gnas ris bcu bdun rdzogs par gsal ba// 'byung ba drod snyoms bskal pa'i me ri ram gyis mtshan pa dang / 'jig rten rten byed kyi ri rab kaM gyis mtshan pa la/ gzugs med skye mched mu bzhi rdzogs par gsal ba/ keng rus ri rab chen po'i kha bad la/ rin po che mu tig 'bar ba bkram pa la/ nyan thos kyi theg pa yongs su rdzogs pa/ rin po che asma gar b+ha 'khrigs pa la/ rang sangs rgyas gyi theg pa yongs su rdzogs pa/ nor bu rin po che 'bar ba'i brag gtams pa la/ byang chub sems dpa'i theg pa yongs su rdzogs pa/ de lta bu'i steng na ye shes lnga dang ldan pa b+han+d+ha 'bar ba'i gzhal yas khang / mtha' dbus med par kun tu khyab pa/ tA la'i skyed shing dang gser gyi cong tsong 'khrol ba/ dkyil 'khor chen po theg pa yongs su rdzogs pa dgu dang ldan pa/ brjod par dka' ba'i dur khrod chen po/ rak+ta'i rba klong 'khyil ba/ rus pa'i phung po 'khrol ba/ khrag zhag gi zham chu 'bab pa/ b+han+da gsar rnying brtsegs pa/ lha chen po tshangs pa'i ka gdung / lha bran gyi dral grab/ zhing gi rkang rtsib kyi dral bu/ zhing lpags kyi thog phub pa/ zhing chen rlon pa'i 'phan gdugs/ rgyu ma'i lnga

  503. 252a

    ldes brgyan pa/ dra ba dang dra ba phyed pa dang / rta babs chen po bzhi pa/ dur khrod kyi me ri dmar nag dang / rdo rje'i ra bas bskor ba la/ sngags kyi theg pa yongs su rdzogs pa/ dbus kyi pho brang rdo rje'i brag chen gtams pa la/ pad+ma dmar po 'dab ma stong du ldan pa la/ rnal 'byor gsum gyi theg pa yongs su rdzogs pa/ de ltar ma chags pad+ma 'bar ba'i khar/ thabs dang shes rab nyi zla'i steng du/ lha brgyad klu brgyad bsnol ba'i gdan la/ byol song gtso bo brgyad kyi khri bshams pa ni/ dpa' gtum chen po stag gi khri dang / 'jigs byed chen po seng+ge'i khri dang / gdug pa chen po gzig gi khri dang / gtum pa chen po dom gyi khri dang / stobs kyi rgyal po glang po che'i khri dang / brjid pa'i rgyal po ma he'i khri dang / 'jigs par byed pa chu srin gyi khri dang / zhe sdang gi rgyal po sbrul gyi khri ste/ khyad par ngo mtshar rmad du byung ba'i byol song chen po brgyad kyi khri steng du/ srid pa'i 'khor lo log pa'i lam gyi dra ba gcod pa'i 'khor lo'i gdan la/ chos kyi sku las longs spyod rdzogs pa'i sku dpal che mchog he ru ka zhes bya ba/ dbu nyi shu rtsa gcig dus gsum gyi sangs rgyas kyi sa rnams yongs su gnon pa/ phyag bzhi bcu rtsa gnyis kyi g.yas dang g.yon zhi ba'i lha bzhi bcu rtsa gnyis/ yab yum thabs dang shes rab kyi tshul du bsnams pas/ sangs

  504. 252b

    rgyas thams cad kyi yang rje bor gyur pa/ rgya bye chen po lcags kyi chas dang / bse khrab dbang gi chas dang / gcan gzan gzig gi chas dang / sprul pa rdo rje chas dang / bdug pa sbrul gyi chas dang / dbang po stag gi chas dang / gzi mdangs zhing lpags kyi chas dang / dmar gsal khrag gi chas dang / rtsal chen seng+ge'i chas dang / gtum pa dom gyi chas te/ dpal gyi chas bcus brgyan pa'i skur yongs su bzhengs so// de ltar 'jigs byed chen po'i sku dang gzhal yas khang la chos thams cad yongs su rdzogs pa la yum dang 'khor rnams kyis 'di skad ces bstod do// e ma ho/ chos kun sku la yongs rdzogs chos kyi sku// sprin med mkha' la skar tshogs brgyan pa'i sku// rdzogs pa chen po'i che mchog he ru ka/ rdo rje phyag 'tshal he ru ka dpal la'o// zhes bstod pas/ yab che mchog gis yum khro mo gnam zhal ma la dgyes pa chen po'i mdangs kyis gzigs te/ yum gyis sku la dgyes pa'i mchod pa phul bas/ yum gyi mkha' las byang chub kyi sems kyi 'od zer las/ sprul pa'i khro bo bsam gyis mi khyab pa phyogs bcu thams cad du 'phros pas/ 'jig rten gyi dregs pa can lha chen po nyi shu rtsa gcig las stsogs pa thams cad bsgral te/ btul zhing tshar bcad nas/ slar phyogs mtshams brgyad du 'dus pa las/ shar du thugs las sprul pa badz+ra he ru ka/

  505. 253a

    zhes bya ba dang / lhor sgra las sprul pa'i gshin rje gshed po zhes bya ba dang / nub tu gsung gi sprul pa dpal rta mgrin dang / byang du phrin las kyi sprul pa rdo rje gzhon nu dang / shar lhor brjid pa'i stobs can bla med he ru ka dang / nub byang du 'jigs pa'i stobs can dregs pa kun 'dul ba dang / byang shar du gyad kyi stobs chen gyi sprul pa stobs ldan nag po dang / lho nub rig 'dzin rdo rje chos las stsogs/ so so'i 'khor tshogs yum dang bcas pa 'dus te/ khams gsum srid gsum thams cad 'jigs par byed pa khro bo'i tshogs pho brang dgu dang bcas pa/ yab yum gyi mkha' las sprul te gsal bar gyur to// bde bar gshegs pa thams cad 'dus pa'i rgyud las/ khro bo mngon byung gi dkyil 'khor sprul pa'i le'u ste bdun pa'o// // de nas rigs bzhi'i he ru kas/ dpal chen po la phyag dang bskor ba byas te zhus pa/ e ma spyi dpal he ru ka/ sangs rgyas kun gyi yang rje bo// shin tu khro zhing gtum pa yi// gdug byed log lha can rnams la// zhi bas phan par mi 'gyur te// sangs rgyas thugs rje khros pa yis// 'khor ba'i gnas ngan ji ltar 'dul// dpal chen yab kyis bka' stsol cig/ de skad gsol pa gsan nas kyang // che mchog yab kyis bka' stsal pa// nyon cig rigs bzhi'i he ru ka/ dregs pas

  506. 253b

    khengs pa'i rA tra rnams// zhi bas thul bar ma gyur nas// sangs rgyas thugs rje khros pa ni// thams cad 'jigs pa'i mchog yin te// 'jigs byed chen po'i dkyil 'khor du// bka' bzhin du ni bsgrub par bya// gang zhig khro bo bsgrub pa'i gnas// dur khrod chen po rab 'jigs pa// gnam sa gru gsum par gnas pa// ri ni sog po khros pa 'dra// shing dang gcan gzan rgyu ba'i gnas// rab tu 'jigs pa'i gnas de ru// dur khrod sa la maN+Dal bya// bdud rtsi lnga yis chag chag gdab// ba su ta yi skud pa yis// thig ni bcu drug dag tu gdab// de las dkyil 'khor chen po dgu// kun kyang 'khor lo rtsibs bzhi la// gru chad par khyams sgo bzhir ldan// de dag phyi khyams sgo rnams dang // sgo rgyan lcags ri ldan pa ni// tshon sna lnga yis legs par bri// dur khrod rgyan dang mchod pa'i tshogs// dkyil 'khor rgyan rnams legs par dgod// rdul tshon dkyil 'khor de dag kyang // so so'i lha tshogs ldan par bsgom/ khyad par byol song khri steng du// ye shes sems dpa' 'bab gyur te// spro bsdu cho ga gsum sbyor bas// bdag nyid che mchog he ru ka/ sku mdog smug nag 'bar ba la// 'jigs pa'i dbu ni nyi shu gcig/ bde gshegs zhi ba bzhi bcu gnyis// phyag tu bsnams nas zhabs brgyad bgrad// dur khrod 'jigs pa'i chas kyis brgyan// rngam

  507. 254a

    brjid skur bskyed mnyes pa'i yum/ khro mo gnam zhal dbyings phyug ma// dbu dgu phyag kyang bco brgyad de// stong pa bco brgyad dbyings dang sbyor// g.yas pa thabs mchog gtso la 'khyud// g.yon pa dung khrag stob byed pa'i// yab yum gnyis med sbyor byas te// mkha' las khro bo 'chol bar spro// slar yang khro bo'i sprin bsdus nas// phyogs bzhi mtshams bzhir 'dus pa las// so so'i dkyil 'khor gtso bopor bskyed// rang rang rigs kyi 'khor rnams kun// gsal zhing ma 'dres rdzogs par dgod// dbus kyi dkyil 'khor chen po ru// gtso bo che mchog yab yum la// che mchog rigs bzhi yab yum dang // dregs pa 'dul byed khro bo bcu// ta kr-ita sgo ba bzhi dang bcas// shar gyi dkyil 'khor chen po ru// badz+ra he ru yab yum la// rigs bzhi khrag 'thung yab yum dang // ko ri ma brgyad phra men ma// gdong mo sgo ma bzhi dang bcas// lho yi dkyil 'khor chen po ru// gshin rje gshed po yab yum la// gshin rje gshed bzhi yab yum dang // phyogs skyong gshin rje pho mo dang // gshin rje'i sgo ba bzhi dang bcas// nub kyi phyogs kyi dkyil 'khor du// gtso bo rta mgrin yab yum la// bka' nyan phra men sprul pa dang // zil gnon khro brgyad yab yum dang / pad+ma'i sgo ba bzhi dang bcas// byang gi dkyil 'khor chen po ru// rdo rje

  508. 254b

    gzhon nu yab yum la// sra mchog rigs kyi phur pa bzhi/ khro bo bcu dang de yi yum// za byed bcu dang gsod byed de// phur pa'i sgo ba bzhi dang bcas// shar lho mtshams kyi dkyil 'khor du// bla med he ru yab yum la// rtag pa'i rgyal mo rnam pa lnga// ye shes las kyi rje mo dang // srid pa'i sman mor bcas pa dang // nub byang dkyil 'khor chen po ru// dregs pa kun 'dul yab yum la// dregs pa'i tshogs kyis bskor ba dang // byang shar mtshams kyi dkyil 'khor du// dpal chen stobs ldan yab yum la// sngags bdag 'khor gyis bskor bar byed// lho nub mtshams kyi dkyil 'khor du// rig 'dzin phyag na rdo rje la// sgrub pa'i rig 'dzin brgyad dang bcas// dkyil 'khor phyi yi khyams la ni// dbang mo nyi shu rtsa brgyad dang // phyi yi lcags ri dur khrod la// mkha' 'gro sum cu rtsa gnyis dang / ging chen bco brgyad lang ka dang // ma bdun srid bzhi'i 'bar ma brgyad// sa bdag mo ni sum cu gnyis// pho nya drug cu rtsa bzhi dang // 'bum phrag yangs pa'i mkha' 'gro dang // dpal gyi bka' nyan thams cad dgod// de ltar ting 'dzin lha yi tshogs// sku bskyed spyan drang bzhugs su gsol// gus pa'i sgo nas phyag 'tshal te// mchod cing bstod la phrin las bcol// tshogs dang lhag ma'i mchod pas mchod// sngags kyi bzlas pa 'phro 'du bya// oM badz+ra

  509. 255a

    tsan d+ha sarba duSh+TaM ta ka ha na da ha pa tsa hUM phaT// thog mtha' oM dang phaT bzhag nas// bar na grong khyer bcu bdun gnas/ khro bo spyi yi snying po yin// sngags kyi dngos grub 'thob par byed// ces gsungs so// bde bar gshegs pa thams cad 'dus pa'i rgyud las/ khro bo 'jigs byed chen po'i dkyil 'khor yang dag par spros pa'i le'u ste brgyad pa'o// // de nas dkyil 'khor de dag gi/ bsgrub pa bsdus pa yang dag bshad// dben zhing dgon pa'i gnas de ru// bsgrub pa'i dkyil 'khor zhal phyes la// sngon du 'gro ba'i las rnams bya// de nas bskyed pa'i don la 'jug/ dang po de bzhin nyid kyi dbyings// gnyis pa kun tu snang ba'i ngang // rgyu yi ting 'dzin rim pa las// 'byung ba lnga yi dkyil 'khor brtseg/ de steng b+h+rUM las gzhal yas khang // rigs rnams so so'i dkyil 'khor kun// kun kyang 'khor lo rtsibs brgyad bcas// phyi rol khyams chen gcig nyid la// sgo bzhi rgyan dang dur khrod dang // rdo rje'i ra ba me 'od kyi// rim pa dag gis yongs su bskor// de nas gdan gyi dbye ba ni// dregs pa 'gro drug byol song ste// dkyil 'khor de yi dbus su gding // rgyu yi ye shes sems dpa' las// cho ga gsum gyi sbyor ba yis// che mchog he ru'i sku bskyed bya// dbu dgu phyag ni bco brgyad pa// zhabs kyang rnam par

  510. 255b

    brgyad du bgrad// rtsa ba'i zhal gsum mthing nag rngams// lhag ma sna tshogs pa yi mdog/ rdo rje kha T+wAM rnge'u chung dang // 'khor lo rin chen pad+ma che// ral gri dgra sta zhags pa ni// g.yas pa'i phyag tu rim shes bya// b+han dmar zhing dbyug thog gshol dang // nyi ma zla ba ri rab dang // chu me rlung gi dkyil 'khor rnams// de bzhin g.yon pa'i phyag na'o// gnam zhal shes rab dgyes par 'khril// dur khrod chas kyis sku brgyan cing // 'bar ba'i gar dgur ldan par bskyed// yab yum gnyis med byin rlabs las// mkha' las khro bo 'chol par spro// slar 'dus dkyil 'khor brgyad pa dgod// gtso bo rnams kyi skur brtag bya// byang chub sems kyi 'od zer dang // so so'i sngags kyi phreng ba las// dkyil 'khor lha tshogs spro bar bya// gtso bo che mchog yab yum la/ dregs pa phyogs skyong 'dul byed bcu// badz+ra he ru yab yum la// ko ri phra men brgyad rnams spro// 'jam dpal gshin rje yab yum la// phyogs skyong bcu gnyis yum dang bcas// pad+ma dbang chen yab yum la// zil gnon khro bo yab yum brgyad// rdo rje gzhon nu yab yum la// 'jigs byed khro bo khro mor bcas// bla med he ru yab yum la// ye shes rje mo bcu bzhi'o// dregs pa kun 'dul yab yum la// dregs pa dbang chen sde brgyad bcas// stobs ldan nag po yab yum

  511. 256a

    la// drag po sde brgyad 'khor gyis bskor// drug pa rdo rje 'dzin pa la// grub pa'i rig 'dzin rnam pa brgyad// phyi khyams dbang phyug nyi shu brgyad// phyi yi lcags ri khor yug la// mkha' 'gro ging dang lang ka dang // ma sring 'bar ma pho nya dang // mkha' 'gro 'bum phrag yangs pa dang // rang bzhin dpal gyi bka' sdod pa'o// de ltar ngo bo gsal bskyed nas// sku dang gsung thugs byin brlabs shing // ye shes lnga yi dbang bskur la// rang bzhin gnas nas spyan drangs te// mchod bstod phrin las bcol bar bya// yang na chos nyid de bzhin nyid// ma bcos rang gsal dngapal bzhag/ yang dag pa yi lam 'di la// gang dag 'jug dang mos pa de// lhun gyi grub pa'i las la sbyor// tshe gcig nyid la the tshom med// bde bar gshegs pa thams cad 'dus pa'i rgyud las/ sgrub pa yang dag par bsdus pa'i le'u ste dgu pa'o// // de nas yang dag de nyid don// shin tu bsdus te bshad par bya// phun sum tshogs pa'i gnas de ru// 'du 'dzi spangs pa'i rnal 'byor pas// sngon du 'gro ba'i las byas nas// ting nge 'dzin gyi bye brag dang // 'byung ba yum lnga'i dkyil 'khor dang // keng rus ri rab rtse brgyad par// dur khrod 'bar ba'i gzhal yas khang // tshom bu dgu yi dkyil 'khor bsgom// dregs pa nyi zla pad+ma'i gdan// kun la khyab

  512. 256b

    par shes par bya// gdan steng rgyu yi byin rlabs las// bdag nyid che mchog he ru ka/ mthing nag dbu gsum phyag drug pa// zhabs bzhi gyad kyi dor stabs bgrad// dbus kyi zhal ni sku dang mtshungs// g.yas dang g.yon pa dkar dang dmar// rdo rje de bzhin ka pA la'i// bye brag rnam pa gsum gsum nyid// phyag drug gis ni 'dzin par mdzad// dur khrod chas kyis lus la brgyan// gnyis med yum dang lhan cig sbyor// bskal pa'i me dpung klong na bzhugs// 'bar ba'i cha lugs 'jigs par bsgom// yab dang yum gyi thugs ka nas// phyogs bzhi mtshams bzhi'i dkyil 'khor du// mthing nag hUM gi 'phro 'du las// shar du badz+ra he ru ka/ gshin rje gshed ni de bzhin lho// nub tu rta mgrin rgyal po ste// byang du rdo rje gzhon nu'o// shar lhor bla med he ru ka/ nub byang dregs pa kun 'dul ba// stobs ldan nag po byang shar du// lho nub rig 'dzin grub pa yin// rtsa ba'i dkyil 'khor rtsibs bzhi la// che mchog rigs bzhi yab yum dang // rigs bzhi'i khrag 'thung chen po bzhi// gshed bzhi sbyor ba'i yum dang bcas// las kyi sras mchog bka' nyan dang // de bzhin rigs bzhi'i sras mchog dang // dbyings kyi yum dang rig 'dzin bzhi// dregs pa'i sde dpon bzhi bzhi dag/ me long nang gi gzugs bzhin du// snang la ma nges so

  513. 257a

    sor brtag/ gang zhig de ltar goms pa dang // phrin las rgya mtsho yongs la sbyar// mtshams med spyod pa'i skye bos kyang // bsgrubs na 'grub par gdon mi za// bde bar gshegs pa thams cad 'dus pa'i rgyud las/ bsgrub pa shin tu bsdus pa'i le'u ste bcu pa'o// / khro bo spyir bsgrub pa'i skabs te gnyis pa'o// de nas yang rigs bzhi'i he ru kas zhus pa/ e ma spyi dpal he ru ka/ phyogs bcu'i bde gshegs thams cad kyi// yon tan 'dus pa'i sgrub pa'i thabs// dpa' bo chen pos bshad du gsol// de skad gsol ba btab nas kyang // dpal chen yab kyis bka' stsal pa// che mchog yon tan bsgrub 'dod pas// dur khrod dben pa'i gnas chen du// dkyil 'khor byi dor byas nas kyang // bdud rtsi lnga yis chag chag gdab/ khrag chen thal chen bsres pa yis// mthig nag hUM yig mkhas pas bri// de nyid dmigs pa'i rten du gzhag/ yul gsum gsal bar gyur pa dang // dur khrod chen po'i gzhal yas khang // 'byung ba rnam pa lnga brtsegs shing // keng rus chen po'i ri rab steng // 'jigs pa'i dur khrod dkyil 'khor ni// rtsibs bzhi gru chad khyams dang bcas// sgo bzhi gru chad rgyan ldan la// phyi nang med par gsal ba'i nang // lha brgyad klu brgyad bsnol ba dang // byol song gtso bo brgyad kyi steng // hUM las che

  514. 257b

    mchog he ru ka/ khro mo gnam zhal yum dang bcas// yon tan 'dus pa'i sku yin te// 'khor lo'i dbus su bskyed par bya// bcom ldan rak+Sha he ru ka/ smug nag dkar dang dmar ba'i zhal// 'khor lo de bzhin pad+ma dang // ti ra'i rgyu zhags 'dab chags khyung // ba su 'dren cing yum dang bcas// shar gyi rtsibs la mkhas pas bskyed// dpal chen g+hu h+ya he ru ka/ ser nag mthing dang dmar ba'i zhal// rin chen zod khrag dgra sta dang // rgyu zhags stong gi 'jig rten rnams// bzung nas yum dang sbyor bar mdzad// lho yi rtsibs la bskyed par byed// bcom ldan b+hi shwa he ru ka/ dbu gsum dmar nag mthing ga dkar// pad+ma b+han dmar 'jig rten dang // dgra sta dang ni gshol bsnams nas// shes rab yum dang bcas pa ni// 'bad pas nub kyi rtsibs las bskyed// bcom ldan yak+kha he ru ka/ ljang nag dkar dang dmar ba'i zhal// sna tshogs rdo rje zod khrag bcas// ral gri zhags pa dgra sta dang // zong gshol thogs nas yum dang sbyor// byang gi rtsibs la bskyed par bya// phyi rim lha yi snam bu la// phyogs skyong 'dul ba'i khro bo bcu// 'khor lo tri shUl bsnams pa yi// dkar po'i mdog can shar du'o// dgra sta thod dbyug thogs pa yi// mthing nag 'jigs pa lho ru bskyed// dmar po spu gri zhags pa can// de bzhin nub kyi phyogs

  515. 258a

    su'o// rdo rje rgya gram dril bu 'dzin// ljang gu byang du bskyed par bya// me dpal dbyug to bsnams pa yi// dmar po shar lho'i mtshams la'o// ral gri zhags ldan nag po che// lho dang nub kyi mtshams su ste// dmar sku b+han+d+ha rnga yab bsnams// nub byang dag gi mtshams su'o// dgra sta dang ni rtse gsum 'dzin// mthing ga byang shar mtshams su bskyed// sngo skya mda' gzhu 'gengs pa dang // dud kha tho ba zhags pa bsnams// steng dang 'og tu bskyed bya ste// rang gi phrin las mtshan dang ldan// lcags kyu zhags pa lcags sgrog dril// rim bzhin thogs pa'i ta kr-ita bzhi// 'bar gsal rngams pa bskyed byas la// gsang sngags 'di yang bzlas par bya// oM badz+ra kro ta ma hA shrI he ru ka hUM phaT/ thog mthar oM dang phaT bzhag nas// bar na grong khyer bcu gnas pa// che mchog 'khor bcas snying po yin// sku gsal 'od zer 'phro 'du bya// de nyid sems nyid yin shes nas// logs nas che mchog bsgrub tu med// dad ldan 'bad pa'i sgrub pa pos// yon tan rig 'dzin 'thob par 'gyur// bde bar gshegs pa thams cad 'dus pa'i rgyud las/ che mchog yon tan sgrub pa'i le'u ste bcu gcig pa'o// // de nas 'khor gyi nang nas badz+ra he ru ka bzhengs te 'di skad ces zhus so// e ma spyi dpal he ru ka/ thugs kyi sgrub pa

  516. 258b

    bshad du gsol// dpal chen yab kyis bka' stsal pa// yang dag thugs kyi sgrub pa pos// dur khrod chen po rab 'jigs pa// dben pa'i gnas su 'dug nas ni// dkyil 'khor byi dor byas pa la/ khrag chen dag gis chag chag gdab// ro ras dag la hUM gnas pa// dmigs pa'i rten du mkhas pas bzhag/ yul gsum gsal bar gyur pa dang // dur khrod chen po rab 'jigs pa// khrag gi rgya mtsho 'jigs pa'i dkyil// keng rus chen po'i ri rab kyi// steng na 'bar ba'i klong dkyil na// ye shes chen po'i gzhal yas khang // phyi dang nang med kun tu gsal// 'bar ba'i 'khor lo rtsibs bzhi pa// gru chad khyams dang sgo bzhir ldan// thod sbrul sna tshogs nyi zlas mdzes// 'bar ba'i khro bo mang po 'khrugs/ khyu mchog ma he stag dang gzig/ gtum pa'i dom gyis sbar bas ni// dbang phyug lha chen la sogs bzung // nyi zla pad+ma zhing gi gdan// rim gyis gsal bar bskyed steng du// hUM las badz+ra he ru ka/ mthing nag dkar dang dmar ba'i zhal// zhabs bzhi brkyangs bskums rab tu bgrad// rdo rje kha T+wAM rnge'u chung g.yas// ti ra'i dbyug pa thod khrag dang // rgyu ma'i zhags pa g.yon na bsnams// kro tI shwa rI dgyes par 'khril// de bzhin gshegs pa thams cad kyi// thugs kyi rang bzhin 'dus pa yis// dkyil 'khor gtso bor bskyed par

  517. 259a

    bya// bcom ldan bud+d+ha he ru ka/ smug nag mthing ga dmar ba'i zhal// ti ra'i dbyug pa rdo rje khyung // rgyu zhags b+han dmar ba su 'dzin// bud+d+ha kro tI shwa rIr bcas// shar gyi rtsibs la bskyed par bya// bcom ldan rat+na he ru ka/ ser nag mthing ga dmar ba'i zhal// rin chen byis dbyug dgra sta g.yas// ri rab thod khrag thong gshol bsnams// rat+na kro ti shwa rIr bcas// lho yi phyogs su mkhas pas bskyed// bcom ldan pad+ma he ru ka/ dmar nag mthing ga dkar ba'i zhal// pad+ma be con dgra sta dang // ri rab stong gi 'jig rten dag/ 'dzin par mdzad cing yum dang ldan// nub kyi rtsibs la bskyed par bya// bcom ldan karma he ru ka/ ljang nag dkar dang dmar ba'i zhal// sna tshogs rdo rje ral gri dang // dgra sta la sogs de bzhin du// bzung nas karma kro tIr bcas// mos las byang gi phyogs su'o// dkyil 'khor lha yi snam bu la// ko seng phra men 'di dag dgod// go rI b+han dmar byis dbyug sngo// tso rI mda' gzhu 'gengs ma ser// pra mo chu srin rgyal mtshan 'phyar// be tA byi za rdo 'phyar nag/ puk+ka dmar ser byis rgyu 'dren// g+hasma dung dmar khrag 'thung ldang // sma sha mthing nag byi snying za// tsan d+ha ser skya byis lus 'brel// seng ha ser mo zhing za ser// byA grI dmar mo lag bsnol stag/ sri la nag mo byis ldag

  518. 259b

    wa// shra na mthing ga sha 'drad sbrang // gr-i D+ha dmar mo dung gri rgod// kang ka dmar smug zhing khur dur// ka ka nag mo b+han gri bya// u lU mthing ga lcags kyu 'ug/ rta gdong dkar mo lcags kyu 'dren// phag gdo sngon mo mche zhags bsdam// sbrel gdong dmar mo lcags sgrog bsdam// thal byed ljang gu dril 'khrol sbyang // 'bar 'phro gsal bas thams cad 'phros// dgra bgegs 'dul ba'i gnyen por brtag/ gsang ba'i snying po 'di yang bzlas// au ru lu ru lu hUM b+h+yo hUM phaT// thog mtha' au dang phaT bzhag nas// bar na 'bru bdun grong gnas pa/ khrag 'thung lha rgyud srog snying yin// zhe sdang can gyi snod dag gi/ 'bar ba gtum khro rngams pa'i gzugs// drag shul can gyis spyad pa'i phyir// dgra bgegs 'dul phyir bsgrub par bya// thugs kyi rig 'dzin thob par 'gyur// bde bar gshegs pa thams cad 'dus pa'i rgyud las// yang dag thugs kyi bsgrub pa'i le'u ste bcu gnyis pa'o// / de nas 'jam dpal gshin rje gshed pos 'di skad ces zhus so// e ma spyi dpal kun tu bzang // sku yi sgrub thabs bshad du gsol// de skad gsol pa gsan nas kyang // dpal chen yab kyis bka' stsal pa// 'jam dpal sku yi sgrub pa la// dur khrod chen pa'i sa phyogs su// dkyil 'khor byi dor byas pa la// bdud rtsi lnga yis chag chag gdab/ khrag chen go

  519. 260a

    ro tsa na yis// mthing nag hUM yig mkhas pas bri// dmigs pa'i steng du gzhag par bya// yul gsum gsal bar gyur pa dang // dur khrod chen po rab 'jigs pa/ khrag gi rgya mtsho 'jigs pa'i dkyil// keng rus chen po'i ri rab kyi// steng na dur khrod gzhal yas khang // rtsibs bzhi gru chad khyams dang bcas// sgo bzhi lcags rir bcas pa ni// phyi dang nang med chos kyi dbyings// ma he chu glang zhing gi gdan// steng du 'jam dpal gshin rje gshed// dus gsum bde gshegs thams cad kyi// sku yi sprul pa hUM las skyed// dbu gsum phyag drug zhabs bzhir bgrad// g.yas dkar g.yon dmar dbus ser zhal// rdo rje ral gri dgra sta g.yas// sdigs mdzub mdung thung b+han dmar g.yon// dur khrod chas brgyad sku la brgyan// be tA nag mo sku la 'khril// dgra sta phyar nas thod khrag stong // sgrol yum e ka dza TI ma// be DUr mdog sngon gsal la 'tsher// tri shUl g.yang gzhi g.yas na 'phyar// zod rlon tsiN+Da g.yon na stob// 'jigs byed yab yum 'di dag kyang // dkyil 'khor gtso bor brtag par bya// ya ma rA dza gshin rje gshed// zhal gsum dkar dmar mthing gi mdog/ 'khor lo tri shUl lcags kyu dang / kha T+wAM dgra sta rgyu zhags thogs// g.yu yi ral gcig sku la 'khril// sgrol ba'i yum mchog re ma ti// mdog nag

  520. 260b

    ral gri ne le 'dzin// shar gyi rtsibs la bskyed par bya// myos byed 'bar ba gshin rje gshed// zhal gsum dkar sngo ser nag zhal// be con ral gri dgra sta dang // b+han dmar 'khor lo lcags kyu bsnams// gtum mo ser nag g.yon du 'khril// sgrol yum khrag gi bdag mo ni// spu gri tsit+ta zhags 'dzin nag/ lho yi rtsibs la bskyed par bya// gshin rje'i gshed po ma ru rtse// zhal gsum dkar sngo dmar ba can// be con dbyug to kha T+wAM dang // thod khrag 'khor lo rgyu zhags 'dzin// lha mo 'od zer sku la 'khril// sgrol yum gling bzhi gtsug 'byams ma// mi snying thod khrag thogs pa ni// nub kyi rtsibs la bskyed par bya// ral pa tshar dgu gshin rje gshed// dkar dang dmar dang dbus mthing zhal// be con gtun shin rgya gram dang // thod khrag rgyu zhags 'khor lo bsnams// sbyor ba'i yum dang gnyis su med// ljang nag sgrol byed mgo 'phyang ma// dgra sta zod khrag thogs pa ste// mkhas pas byang gi rtsibs la bskyed// de nas phyi yi snam bu la// phyogs skyong gshin rje bcu gnyis po// gshin rje nag 'joms mthing nag zhal// nag mo ral gcig g.yon nas 'khril// gshin rje phya sangs dkar ser mdog/ tshe bum rdo rje thong gshol 'dzin// shel gyi gdong dgu dgyes par 'khril// de bzhin kong tse brag 'joms ni// rdo rje brag

  521. 261a

    nag me'i 'khor lo// shel mig khro mo yum dang sbyor// a ba glang mgo smug cing nag/ kha T+wAM ga dang lcags kyu dag/ bzung nas dkar skya mche gtsigs ldan// sngo nag 'jigs byed ya ba ti// ral gri lcags kyu thogs nas ni// dred kyi ab sham ma dang 'khril// gshin rje mig dmar smug nag mdog/ ral gri ti ra'i dbyug pa 'chang / khrag gi ral gcig sku la 'khril// dmigs pa dud kha zhes bya ba// thod phreng lcags sgrog dmar po sdoms// pus 'gro nag mo yum dang bcas// gshin rje tel pa sngo nag mdog/ spu gri b+han+d+ha khrag bkang dag/ 'dzin cing spyan gsum yum la sbyor// bdud 'joms gshin rje smug cing nag/ rdung byed tho ba b+han d+har bcas// smag nag ral gcig dgyes par 'khril// chos kyi rgyal po dkar ser mdog/ rdo rje rtse gsum khram shing 'chang // rdo rje ral gcig ma dang sbyor// gshin rje 'bar ba dmar po che// rtsis byang gtun shing lag na thogs// sku la ma mo mgo dgu 'khril// zod dbyug ces bya gshin rje'i mtshan// mthing nag dbyug pa sho rde'u// bzung nas phag mgo ma dang sbyor// gshin rje'i gshed gyur 'di dag kyang // zhabs gnyis gyad kyi dor stabs kyis// rang gi gnas su legs bzhugs par/ khro chen gtso bos dgod par bya// de bzhin dkyil 'khor sgo rnams su// dkar zhing 'tsher ba bya rgod

  522. 261b

    mgo/ rdo rje lcags kyu 'dzin pa dang // mthing nag 'bar ba stag gi mgo/ dbyug pa zhags pa thogs pa dang // le brgan 'bar ba kang ka'i mgo/ me yi pad+ma lcags sgrog bcas// sbyang ki'i mgo can ldang zhing nag/ rgya gram shel gyi gri gug 'dzin// shar nas bzung ste bkod nas kyang // 'bar gsal sku yi 'phro 'du bya// gsang sngags snying po 'di yang bzlas// oM a kro te ka ya mAn ta ka ha na ma tha b+hany+dza hUM phaT/ thog mthar oM dang phaT bzhag nas// bar na bco lnga'i grong mdzes pa// gshin rje'i lha rgyud srog snying yin// skur gsal 'od zer 'phro 'du bya// ting 'dzin gyad du gyur pa dang // gshin rje gshed kyi lha rnams kun// mkhas pas rang gi sems su brtags// sku yi rig 'dzin 'thob par 'gyur// bde bar gshegs pa thams cad 'dus pa'i rgyud las/ 'jam dpal sku'i sgrub thabs kyi le'u ste bcu gsum pa'o// // de nas dpal rta mgrin gyis 'di skad ces gsol to// e ma spyi dpal khro bo'i rje// pad+ma gsung gi sgrub thabs gang // spyi dpal yab kyis bka' stsal pa// pad+ma gsung gi sgrub pa pos// ri bo 'dus pa'i sa phyogs su// dkyil 'khor byi dor byas pa la/ khrag chen mtshal gyis hUM yig bri// dmigs pa'i rten du mkhas pas gzhag/ yul gsum gsal bar gyur pa dang // dur khrod 'bar ba'i gzhal yas

  523. 262a

    khang // lha chen brgyad kyi ka ba la// gza' chen brgyad kyi gdung ma bres// rgyu skar rnams kyi thog gis phub// sbrul nag klu yi bla bre dang // phyi nang med pa'i gzhal yas khang // klu chen brgyad kyi khri steng du// pad+ma dbang gi rgyal po ni// sku mdog bskal pa'i me ltar 'bar// g.yas dkar g.yon sngo dbus dmar zhal// rdo rje kha T+wAM sbrul zhags g.yas// dril bu b+han dmar lcags sgrog dag/ g.yon na bsnams te rta mgor bcas// zhabs bzhi gdug pa'i klu rnams gnon// yum chen e ka dza Ti ma// dmar nag spyan gsum sdang mig bgrad// phyag g.yas kha T+wAM yab la 'khyud// g.yon pa thod khrag gtso la stob// bde bar gshegs pa kun gyi gsung // yang dag bsdus pa'i skur bskyed bya// rdo rje pad+ma gar gyi dbang // byi la dang ni pu shud mgo// sku mdog bskal pa'i me ltar 'bar// lcags kyu phur bu lag char 'dzin// shar nas bzung ste rim bzhin du// 'khor lo'i rtsibs la brtag par bya// lho yi dkyil 'khor phyi khyams la// ye shes zhi ba zil gnon pa'i/ khro bo phyag na rdo rje dang // 'khor lo de bzhin rin chen g.yas// pad+ma ral gri dril bu g.yon// de bzhin las kyi khro bo dag/ zil gnon pad+ma spu gri dang // dbyug to kha T+wAM dgra sta dang // sna tshogs rdo rje 'dzin pa'o// ye shes ma mo thams cad kun// zil gnon khro bo chen po ni// sdigs

  524. 262b

    mdzub lcags kyu sbrul zhags g.yas// lcags sgrog kha T+wAM rnge'u chung g.yon// ye shes khyung chen zil gnon khro// rdo rje sa dang me khyung g.yas// nam mkha' chu rlung bya khyung g.yon// pho rgyud zil gnon khro rgyal gtso// rdo rje zod skam rgyu zhags dang // dung khrag thod pa rlon pa dang // zhing gi dbyug pa 'dzin pa'o// srid pa'i mo rgyud thams cad kun// zil gnon rdo rje ral gri mda'// zhags pa de bzhin sdigs mdzub dang // gzhu rnams phyag na go rim bzhin// 'jig rten srid pa'i klu rigs bzhi// zil gyis gnon pa'i khro bo ni// phyag na dkar ser dmar ba'i sbrul// de bzhin khra sngo nag po 'chang // gza' chen brgyad po zil gnon pa'i// khro rgyal rtsa ba'i phyag nyid na// rdo rje ral gri zhags pa dang // dung khrag dbyug pa khyung bsnams pa'o// zil gnon khro bo 'di dag kun// g.yas dkar g.yon ljang dbus dmar zhal// sku ni bskal pa me yi 'od// dbu gtsug rta mgo ljang gu yi// skad kyis gdug pa so sor 'dul// zhabs bzhi brkyang bskum gdul bya kun// ma lus zil gyis gnon par byed// rang rang yum dang mnyam par sbyor// dkar dang ser dang de bzhin dmar// ljang gu'i mdog can 'jigs pa'i gzugs// lcags kyu zhags pa lcags sgrog dril// rim bzhin thogs pa'i sgo bar bcas// 'bar gsal rngams pa lhan ner

  525. 263a

    bsgom// gsang ba'i snying po 'di yang bzla// oM badz+ra ma hA kro ta ha ya gri wa hu lu hu lu hUM phaT/ thog mtha' au dang phaT bzhag nas// bar na bcu bzhi'i grong mdzes pa// pad+ma'i lha rgyud snying po yin// dbang gi thugs dam rgyud bskul zhing // phrag 'thung lha tshogs dgyes pa dang // rnal 'byor nyams chag sdig sgrib sbyong // ye shes lha dang gnyis su med// gsung gi rig 'dzin thob par 'gyur// bde bar gshegs pa thams cad 'dus pa rtsa ba'i rgyud las/ pad+ma gsung gi sgrub thabs kyi le'u ste bcu bzhi pa'o// // de nas dpal rdo rje gzhon nus 'di skad ces gsol to// e ma spyi dpal khro bo'i rje// phrin las sgrub thabs bshad du gsol// dpal chen yab kyis bka' stsal pa// phur pa phrin las bsgrub 'dod pas// gnam sa gru gsum par gnas pa// dkyil 'khor byi dor byas nas ni// bdud rtsi lnga yis chag chag gdab// mthing nag hUM yig mkhas pas dri// yul gsum gsal bar gyur pa dang // dur khrod chen po'i gzhal yas khang // rtsibs bzhi sgo bzhi khyams dang ldan// de nang dregs pa khyo shug dang // phyogs skyong nyi zla'i gdan steng du// hUM las rdo rje gzhon nu ni// g.yas dkar g.yon dmar dbus mthing zhal// sku mdog bai DUr+ya yi mdog/ rtse dgu rtse lnga'i rdo rje che// phyag g.yas de bzhin g.yon pa na/ kha T+wAM ga dang me dpung

  526. 263b

    bsnams// mtha' gnyis ri rab phur pa 'dril// zhabs bzhi gyad kyi dor thabs bgrad// dur khrod chas kyis sku brgyan nas/ kha T+wAM thod pa khrag gis bkang // phyag tu bzung nas dgyes pa'i yum// rgyas 'debs ma dang lhan cig nyid// phrin las 'dus pa'i skur bsgom bya// gtso bo yab yum byin rlabs las// 'khor lo'i lha tshogs bskyed bya ba// shar du bud+d+ha kI la ya// zhal gsum dkar dmar mthing ga'i mdog/ rdo rje dgra sta rgyu zhags dang // ral gri thogs pa zlum zhing sgeg/ lho phyogs rat+na kI la ya// dkar dang de bzhin dmar ser zhal// bing dang dgra sta ral gri dang // be con bsnams te gru bzhi'i gzugs// nub tu pad+ma kI la ya// zhal gsum dkar ser dmar ba'i gzugs// ral gri mdung thung mda' dang gzhu// mtshan mar 'dzin pa dbang gi gzugs// byang phyogs karma kI la'i zhal// dkar dmar ljang gu'i mdog can te// mdung dang gri gug lcags kyu dang // ral gri thogs pa drag po'i sku// 'jigs byed chen po 'di dag kun// mtha' gnyis ri rab phur pa 'dril// rdo rje'i gshog pas nam mkha' khengs// gru gsum e yi gdan la bzhugs// phyi yi khyams la bskyed bya ba// 'jigs pa'i khro bcu yum dang ldan// kun kyang zhal gsum phyag drug pa// tshangs la stsogs pa zhabs bzhis mnan// rtsa ba'i phyag gis rdo rje dang // thod khrag

  527. 264a

    dkrug cing mtha' gnyis kyis// ri rab phur bu 'dril mdzad cing // rdo rje'i gshog pas nam mkha' khyab// hUM mdzad sngo skya ser dmar zhal// mda' gzhu 'gengs shing sgra 'byin yum// be con thogs dang sprul pa yi// phra men phag dang rmig bu'i mgo/ rnam rgyal dkar po sngo ljang zhal// rdo rje dung khrag snyems ma ni// ral gri 'dzin cing sprul pa yi// phra men stag dang bya rgod mgo/ dbyug sngon dkar dang dmar ba'i zhal// me dpal dbyug to 'dzin mdzad cing // rdo rje sder mo lcags kyu'o// sprul pa g.yag dang bya rog mgo/ gshin rje sngo sku ljang sngon mdog/ thod pa'i dbyug pa dgra sta thogs// dur khrod bdag mo thod dbyug 'chang // sprul pa sha ba 'ug pa'i mgo/ ljang sngon smug nag mi g.yo mgon// ral gri dang ni zhags pa 'dzin// rdo rje gtun khung tho ba 'dzin// sprul pa gzigs dang khwa ta'i mgo// rta mgrin dkar dmar sngo ba'i zhal// spu gri zhags pa 'dzin mdzad cing // rdo rje gtum mo spu gri thogs// sprul pa byi la pu shud mgo/ 'dod rgyal dmar ser ljang gu'i mdog/ ba dan rnga yab 'chang dang yum// rdo rje mda' snyems tho ba 'dzin// sprul pa spyang dang khra yi mgo/ bdud rtsi 'khyil ba ljang dkar dmar// rdo rje rgya gram dril bu bsnams// rdo rje rlung 'byin dgra sta thogs// sprul pa seng+ge pha wang mgo/ dkar dmar nag pa'i

  528. 264b

    zhal mdog can/ khams gsum rnam rgyal rdo rje sbrul// rdo rje gsod byed yum gri gug/ phra men dom dang sre mo'i mgo/ stobs chen dud kha gnag dang ldang // tho ba zhags pa phyag na ste// rdo rje skul byed rtse gsum 'dzin// sprul pa dred dang byi la'i mgo/ lcags kyu 'dzin dkar pu shud mgo/ zhags 'dzin gser mdog skya ka'i gdong // srin bya'i gdong dmar lcags sgrog thogs// dril 'khrol ljang gu khra gdong ste// ma lus gsal bar sku bskyed la// gsang sngags snying po 'di yang bzla// oM badz+ra kI li kI la ya sarba big+h+nAn baM hUM phaT// thog mtha' A~M dang phaT bzhag nas// bar na bcu gnyis grong mdzes pa// phur pa'i lha rgyud snying po yin// spro bsdus phur pa'i 'phro 'du bya// phrin las rnam bzhi las la sbyar// dgra bgegs gdug pa tshar bcad nas// phrin las rig 'dzin thob par 'gyur// bde bar gshegs pa thams cad 'dus pa rtsa ba'i rgyud las/ phur pa phrin las sgrub pa'i le'u ste bco lnga pa'o// // de nas bla med he ru kas 'di skad ces gsol to// e ma spyi dpal khro bo'i rje// ma mo rbod gtong sgrub pa'i thabs// phrin las las la bskul ba'i phyir// rim bzhin bdag la bshad du gsol// de skad gsol pa gsan nas kyang // dpal chen yab kyis bka' stsal pa// ma mo rbod gtong bsgrub 'dod pas// dur khrod chen po'i sa phyogs

  529. 265a

    su// dkyil 'khor byi dor byas nas ni/ khrag chen dag gis chag chag gdab// thal chen gyis ni hUM bris la// dmigs pa'i rten du mkhas pas gzhag/ yul gsum gsal bar gyur pa dang // dur khrod 'bar ba'i gzhal yas khang // gru chad khyams dang sgo bzhir bcas// zhing chen bla res brgyan pa'o// zhing chen zhing chung gdan steng du// bdag nyid che mchog he ru ka/ sku ni mthing nag 'jigs tshul can// g.yas dkar g.yon dkar dbus mthing zhal// rdo rje sbrul khyung sbrul zhags g.yas// b+han+na zhing g.yab ga'u g.yon// dur khrod 'jigs pa'i chas kyis brgyan// srid pa'i ma mo zhabs bzhis gzir// yum chen kun tu bzang mo ni// bzhi zur zhabs brgyad phyogs mtshams gnon// mkha' bzhi bde klong gcig tu 'khril// dbu gcig zhal lnga srid pa gsal// pha rol phyin drug phyag rgya yis// rdo rje dril bu dril zhags dang // b+han+da bdud rtsi g.yang gzhi bsnams// sna tshogs 'gyur ba'i sku mdog la// gnyis med bde bas yab dang sbyor// mkhas pas cho ga ji bzhin du// dkyil 'khor gtso bor bskyed par bya// rtag pa'i rgyal mo rnam pa lnga// dbu gsum phyag drug zhabs bzhi bgrad// phyag drug g.yas kyi dang po na// rigs kyi mtshan ma so sor 'dzin// de bzhin g.yon na thob pa'o// rnam snang gsal dang 'od

  530. 265b

    gsal 'bar// snyan gsal 'bar dang yang gsal g.yos// bkra gsal 'bar zhes bya ba ni// ming gis mtha' dang yang dag ldan// shar gyi mkha' 'gro seng gdong ma// sku mdog dkar mo shel ltar dag/ dgra sta dang ni gtun shing brdeg/ seng+ge mchog chen tha mas stod// lho yi mkha' 'gro ba na glang gdong // sku mdog sngon mo 'bar ba la// me dpal dbyug pa'i tho ba dang // tha ma stag mo zhing chung stod// nub kyi mkha' 'gro bu dag yang pu dka'i gdong // sku mdog dmar mo mdzes tshul can// zhags pa dang ni tri shU la// ce sbrang dang ni zhing chung stod// byang gi mkha' 'gro rdo rje'i mchu// sku mdog ljang gu 'od du 'bar// dbyug to rdo rje rgyu phreng 'dzin// sbrang mo'i kha ru zhing chung stod// nam mkha'i mkha' 'gro rdo rje'i mchu// sku mdog btso ma'i gser ltar gdong // 'khor lo dang ni b+han+da 'bar// rgyal mtshan dang ni spu gri 'dzin// za ma 'ug pa zhing chung stod// srid pa'i bde 'gro khams gsum yum// sku mdog mthing ga 'bar ba la// dbu gsum phyag drug zhabs bzhi bgrad// 'khor lo rin chen g.yang gzhi brde ba// zod khrag tshe bum lcags kyu thogs// dkar mo nyi zla'i zod phreng can// zangs lcags dkar nag zhags pa 'phen// rdo rje nyi ma mdog dkar zhing // phyag na shel gyi spu gri thogs// rdo rje khrag 'thung zhes bya ba// sngon po thod pa

  531. 266a

    khrag can 'dzin// rdo rje bdud rtsi dmar mo ni// las na bdud rtsi'i bum pa 'dzin// ljang nag rdo rje srid gsum ma// lag na zhing lpags rgyal mtshan thogs// dkar mo srid pa'i rgyan byed ma// lag na srid pa'i zhags pa thogs// sngon mo dbyings phyug rgyal mo ni// lag na zhing gi dbyug pa'o// dmar mo bdag nyid chen mo ni// lag na zhing gi rgyu zhags 'dzin// ser mo chen mo gcig pu ma// lag na mi yi g.yang bzhi brde ba// dkar mo chen mo mig gcig ma// lag na b+han+da zlum po thogs// mthing nag chen mo mche ba can// lag na b+han+da sul mang bsnams// dmar mo dbang ni rgyal mo ni// lag na b+han+da lcang lo can// ser mo chen mo las mkhan ma// lag na b+han+ta rgya gram thogs// srid pa'i ma mo chags byed ma// mthing nag mi snying rlon pa thogs// ting 'dzin de bzhin cha snyoms ma// dmar mo thod pa khrag gis bkang // 'dod pa'i khams kyi dbang phyug ma// mdog sngon bdud kyi khram bam thogs// e ka dza TI ral gcig ma// dkar mo kha T+wAM ga mi ro// gling bzhi kun gyi spyi phud ni// dkar mo lcags kyu 'od phreng can// rin chen srid 'degs mdog sngon mo// lag na g.yu yi ga'u'o// pad+ma gar dbang le brgan mdog/ thod pa khrag bkang thugs kar 'dzin// de bzhin rdo rje gar dbang phyug/ ser mo me yi dkyil 'khor

  532. 266b

    can// ha ra ting dkar mo chen mo ni// lag na me yi dkyil 'khor thogs// dun ting nag mo khro mo'i gzugs// lag na sa yi dkyil 'khor 'dzin// dngos po'i cha byad dmar mo la// lag na chu yi dkyil 'khor thogs// grub ting ser mo gser gyi mdog/ lag na rlung gi dkyil 'khor 'dzin// bdag nyid chen mo gcig pu ma// dbyings phyug brgyan gyi rgyal mo ni// zhing gi rgyu zhags g.yang gzhi brde ba// srad bu'i zhags pa thod pa 'dzin// skam pa mo dang phor thogs ma// g.yang gzhi mo dang za ba dang // gsod byed ma dang za ba mo// de bzhin dri ma snom byed ma// srin mo chen mo 'di dag kyang // dkar sngo dmar dang ser ba'i gzugs// thod pa sna tshogs 'dzin ma'o// shar gyi dkar mo mche gtsigs ma// lag na b+han+d+ha dkar po thogs// lho yi nag mo kha 'byams ma// lag na b+han+d+ha sngon po thogs// nub kyi dmar mo mchu 'jib ma// lag na b+han+da dmar po thogs// byang gi ser mo rkang ldag ma// lag na b+han+d+ha ser mo thogs// gling bzhi mgyogs ma lha yi sring // dkar mo rdo rje rtse gsum thogs// mkha' la khyung lding gshin rje'i sring // sngon mo mi thod dbyug pa thogs// dmar mo g.yag thod klu yi sring // dmar mo sbrul nag zhags pa thogs// nag mo sder thogs gnod sbyin sring // ser mo ne'u le'i rkyal pa thogs// mkha' 'gro'i tshogs

  533. 267a

    bcas gsal bskyed la// gsang sngags snang po 'di yang bzla// ma~M gu h+ya dz+nyA na gr-i he ru ka gu h+ya d+ha na kr-i t+ta shA ra k+Sha// ma ma ma ga na ru lu ru lur+b+ha b+hU hU~M phaT/ mi dang phaT kye thog mtha' brtan// bar na nyer brgyad grong gnas pa// ma mo 'khor bcas srog snying yin// ma mo rnams kyi zhal du yang // bdud rtsi blugs la las la dgye// rbod gtong las rnams 'grub par 'gyur// zhes gsungs so// bde bar gshegs pa thams cad 'dus pa rtsa ba'i rgyud las/ ma mo rbod gtong sgrub pa'i le'u ste bcu drug pa'o// // de nas dpal dregs pa kun 'dul gyis 'di skad ces gsol to// e ma dpal chen thabs la mkhas// 'jig rten mchod bstod sgrub pa'i thabs// ma rungs gdug pa 'dul ba'i phyir// dpa' bo chen pos bshad du gsol// de skad gsol ba gsan nas kyang // dpal chen yab kyis bka' stsal pa// 'jig rten mchod bstod bsgrub 'dod pas// gdub rtsub lha 'dre gnas pa'i sar// dkyil 'khor byi dor byas nas ni/ khrag sna tshogs pas chag chag gdab// sna tshogs khrag gis e dbyibs bri// dmigs pa'i rten du mkhas pas gzhag/ yul gsum gsal bar gyur pa dang // dur khrod 'bar ba'i gzhal yas khang // 'khor lo rtsibs bzhi bar khyams dang // sgo bzhir bcas pa gsal ba la// gdug pa'i gcan

  534. 267b

    gzan 'dab chags 'khor// shin tu 'jigs pa bskyed nas ni// dpal chen dregs pa kun 'dul ni// dbu gsum phyag kyang drug pa ste/ kham nag smug nag mthing nag zhal// dang po rdo rje dung khrag dang // lha brgyad de bzhin klu brgyad kyi// mgo bo de bzhin phyag gnyis pa'i// 'og ma dag gis 'dzin pa'o// dregs pa'i snying ga zhabs kyis brdzis// yum chen khams gsum spyi 'dul ma// rdo rje dung khrag thogs pa ni// dregs pa 'dul ba'i g.yen por bsgom// ma rungs 'dul byed de yi 'khor// dregs pa'i sde rnams bskyed par bya// mthing nag ma hA de ba ni// gri gug dang ni tsit+ta 'dzin// rtse gsum thod pa khrag bcas pa'i// u ma de ba'i yum dang bcas// gshin rje nag po srog gi bdag/ be con thod pa'i dbyug pa 'chang // gsod byed nag mo'i lag pa na// srid pa'i 'khor lo bskor ba dang // mthing nag bdud rnams kun gyi bdag khram shing dang ni ti ra'o// bdud mo nag mo re ma ti/ khram bam dang ni nad rkyal thogs// nag po glog phreng srin gyi gtso// thog dang srid pa 'khrugs pa'i 'od// 'dzin dang srin mo khrag mig ma// dmar nag khrag phur thod pa 'chang // gnod sbyin me dpal mthing nag sku// rin po che dang mtshon 'dzin pa// ma mo nag mo de yi yum// spu gri sbrang mo phyag gnyis na'o// gza' bdud chen po rA hu la// dud kha mda'

  535. 268a

    gzhu sbrul zhags bsnams// gnam sman thog gi bu yug ma// dmar skya thogs dang ser ba 'bebs// klu bdud nag po mgo dgu po// dud kha sbrul zhags nad rgyal thogs// klu mo nag mo zhes bya ba// mo gzugs klu bdud cha lugs can// srid pa'i lha rnams kun gyi gtso// dkar po dar mdung shel gyi gri// gnam gyi lha chen skyes bu'i bdag/ dkar po lhan ldan yang dkar ral gri 'dzin// sku mdog dkar po spyi yi bdud// dar mdung ral gri phyag char 'chang // ma mo srid pa'i rgyal mo ni// me long tsakra 'dzin pa dkar// sngags srung e ka dza Ti ma// mthing nag g.yu spyang tsit+ta 'dzin// dpal ldan nag mo mgyogs byed ma// tshon drug dang ni nad rkyal thogs// dmar nag rdo rje bdud 'dul ni/ khrag dang nyung dkar thun 'bebs pa'o// srog zan dmar po btsan gyi rje// bse mdung mda' dang gzhu yi mtshon// srid pa'i btson 'gong dmar po ni// shang lang zangs kyi zhags pa bsnams// mu stegs ka la nag po ni// rtse gsum thod pa khrag can 'dzin// mthing nag bgegs kyi rgyal po ni// kha T+wAM thod pa lag tu 'chang // dmu bdud yongs kyi rje bo ni// mthing nag shang lang mda' dang gzhu// tshangs pa lha rnams kun gyi gtso// spu gri nyi ma'i zer thogs pa'o// pho rgyud rgyal po yongs kyi bdag/ mdog dkar zhags pa spu gri

  536. 268b

    'dzin// gsang ba sku lha'i gtso bo dkar// rdo rje dang ni ru mtshon 'chang // mgon po ma hA kA la ni// mthing nag beng dang gri gug thogs// dregs pa'i ded dpon sum cu po// sna tshogs gos gon re re'ang // 'bum phrag gnyis gnyis 'khor dang bcas// sprul pa yang sbrul bsam mi khyab// gsal 'tsher 'bar ba'i skur bsgoms te// snying po 'di yang bzlas par bya// oM badz+ra tsaN+Da sarba duSh+TAM hUM phaT// thog mtha' oM dang phaT bzhag nas// bar na grong khyer brgyad gnas pa// 'jig rten mchod bstod bsgrub pa'i sngags// dregs pa can gyi sde brgyad kyi// bstan pa bsrung zhing sku dgra 'dul// 'gras pa'i dgra rnams sgrol bar 'gyur// bde bar gshegs pa thams cad 'dus pa rtsa ba'i rgyud las/ 'jig rten mchod bstod sgrub pa'i le'u ste bcu bdun pa'o// // de nas stobs ldan nag pos 'di skad ces gsol to// e ma dpal chen thabs la mkhas// dmod pa drag sngags sgrub pa'i thabs// gdug pa ma lus bsgral ba'i phyir// dpa' bo chen pos bshad du gsol// de skad gsol pa gsan nas kyang // dpal chen he rus bka' stsal pa// dmod pa drag sngags bsgrub 'dod pas// srog chags bsad pa'i ri shur 'dra'i ri yang 'dra'i sa// dmar po khrag gi mdog 'dra'i ngos// dkyil 'khor gru gsum 'bar ba la// srin po khros pa'i

  537. 269a

    gzugs bris la// dmigs pa'i rten du mkhas pas gzhag/ yul gsum gsal bar gyur pa dang // shin tu 'jigs pa'i dkyil 'khor ni// tsakra rtsibs dang sgo bzhir bcas// rab tu gsal ba'i dbus nyid du// bdud bgegs nyi zla pad+ma'i khar// lha mchog stobs ldan nag po ni// dbu gsum phyag drug zhabs bzhir bgrad// sku mdog mthing nag 'jigs pa'i zhal// phyag na rdo rje dung khrag dang // lha brgyad klu brgyad tsit+ta bsnams// zhabs gnyis dregs pa pho mo gzir// 'byung ba lnga yi bdag mo ni// mkha' 'degs sa gzhi gnon pa'i phyag/ zhal nas 'byung ba lnga 'char ma// yum dang gnyis med sbyor byed pa'i// drag sngags gtso bo bskyed par bya// drag sngags sde dpon bco brgyad po// rang gi sngags las bskyed bya ste// 'chi bdag gshin rje nag po ni// thod pa gri gug 'dzin mdzad cing // thod pa gri ga 'dzin yum ldan// bdud nag me 'bar zhes bya ba/ khram shing bdud zhags thogs pa dang / khram shing thod rlon 'dzin pa yi// yum dang srin po gsod byed ni// ral gri thod 'chang de yi yum// gri gug me mgo thogs pa'o// gnod sprin gang ba bzang po ni// mdog sngon ral gri dar nag 'phyar// dar nag zhing lpags 'dzin pa'i yum// ma hA de wa sku mdog dkar// ba dan shel gri 'dzin pa dang // thar pa nag po

  538. 269b

    zhes bya ba// mchod gtor thun gyi gtor ma 'chang // mthing nag btsan po zhes bya ba// dar nag dang ni zhing lpags thogs// mu stegs nag po zhes bya ba/ kha T+wAM ga dang tri shUl 'dzin// du ba mjug ring gza' yi gtso// nag po khram shing dgra sta 'chang // rgyal po har mdzes zhes bya ba// mdog dkar shel gri dar dkar 'dzin// mdog ser 'gong po yongs kyi gtso// sprul pa'i lag pa 'gyed pa dag/ mdog dkar rdo rje mdzes pa ni// dkar dang dmar ba'i ru mtshon thogs// 'jig rten btsan gyi rgyal po ni// btsan gyi mdung dang gri 'dzin pa'o// klu rgyal sog ma med ces pa// dmar po bum pa rus sbal ldan// dregs pa dmod pa'i mtshon cha can// srin po'i gzugs can mtshon cha thogs/ kha nas dmod pa'i drags sngags zlos// gang la dmigs pa'i srog lus gcod// de lta bu ni gsal ba dang // snying po 'di yang bzlas par bya'o// oM badz+ra sarba duSh+TAM hUM phaT// thog mthar oM dang phaT bzhag nas// bar na grong khyer drug gnas pa// dmod pa drag sngags snying po yin// de nas drag sngags gang 'dod bsgrub// gdon mi za bar grub 'gyur te// rdo rje'i brag kyang tshal bar 'gas// zhes gsungs so// bde bar gshegs pa thams cad 'dus pa rtsa ba'i rgyud las/ dmod pa drag sngags bsgrub pa'i le'u ste bco brgyad pa'o// // de nas dpal chen

  539. 270a

    po ting nge 'dzin las bzhengs pa dang / der sprul zhing 'dus pa'i 'khor/ khro bo dang / khro mo rnams dang / grub pa'i rig 'dzin gyi tshogs lhun gyis grub pa dang / phyag rgya chen po dang // tshe la dbang ba dang / sa la gnas pa ste/ so so'i bsgrubs pas grub pa'i sku la rus pa'i rgyan dang / rin po che'i dbu rgyan dang / phyag gdub dang / zhabs gdub dang / dbu rgyan dang / stod g.yogs dang / smad g.yogs dang / dbang gi thor tshugs dang bcas pa/ phyag na rdo rje dril bu bzung ba sha stag ste/ rgyal ba rgya mtsho'i rig 'dzin dang bcas pa de dag/ bcom ldan 'das kyis gsungs pa la rjes su yi rangs shing mngon par dag 'o// khro bo sgos sgrub kyi skabs te gsum pa'o// // bcom ldan 'das bde bar gshegs pa thams cad 'dus pa zhes bya ba'i rtsa ba'i rgyud kyi rgyal po chen po/ le'u bco brgyad zhi khro 'dus pa'i rgyud rdzogs so// // rgya gar gyi mkhan po slob dpon chen po pad+ma 'byung gnas dang / bod kyi lo tsA ba bdag bai ro tsa nas bskur zhing zhus te gtan la phab pa'o// shog ser gyi bu la lha brag tu bshus so zer ba 'dug//

  540. 270b

    kla maHhrIHrgya gar skad du/ b+ha ga wAn sarba su ga ta sa mu da yot+ta ra tan+t+ra nA ma/ bod skad du/ bcom ldan 'das bde bar gshegs pa thams cad 'dus pa phyi ma'i rgyud ces bya ba/ bcom ldan 'das dpal kun tu bzang po che mchog he ru ka la phyag 'tshal lo// 'di skad bdag gis thos pa'i dus gcig na/ 'og min chos kyi dbyings kyi pho brang / dur khrod chen po 'bar ba'i gzhal yas khang / phyi nang rgya khyon tshad med pa'i rgyan gyis brgyan pa'i nang na/ bcom ldan 'das dpal kun bzang he ru ka la/ 'khor khro bo dang khro mo dang / rig 'dzin pho mo bsam gyis mi khyab pa dang / 'jig rten gyi dregs pa pho mo rnams dang thabs cig tu bzhugs so// de'i tshe 'khor 'dus pa chen po'i nang nas rig 'dzin pho mo rnams kyis 'di skad ces gsol to// kye ma bcom ldan spyi dpal rje// slob dpon slob ma'i mtshan nyid dang // smin par byed pa'i lam dang ni// phyag rgya sgrub pa'i thabs la sogs// rtsa ba'i rgyud du ma gsungs pa// phyi ma yi ni rgyud chen 'dir// sems can rnams la sman pa'i phyir// gtso bos rim bzhin bshad du gsol// a la la ho/ zhes phyag dang bskor ba byas te zhus so// nges par 'byung ba phyi ma'i rgyud las zhus pa'i le'u ste dang po'o// // de nas bcom ldan 'das dpal kun tu bzang po he ru kas 'khor rnams la 'di skad

  541. 271a

    ces bka' stsal to// kye ma 'dus pa'i 'khor rnams nyon// gsang sngags sgo ni slob dpon te// slob dpon mnyes par ma byas shing // dbang rnams thob par ma byas nas// nyan pa la sogs brtsam pa rnams// 'bras bu med cing brlag par 'gyur// bde gshegs rjes 'brangs slob dpon te// de yi mtshan nyid bshad par bya// phyi nang gsang ba'i dbang thob cing // sngags rnams ma 'dres so sor mkhyen// shes rab che zhing brtson 'grus che// phyi nang rgyud shes cho ga skong // thabs kyi spyod pa sna tshogs la// gang dang gang la ma rmongs shes// las kyi bye brag thams cad la// lhag chad med pa thams mkhas shes// gsang ba mchog gi thabs rnams sbed// che mchog he ru'i slob dpon yin// sku gsung thugs kyi dam tshig rnams// shin tu 'dus pa chen po ste// 'di las 'da' bar mi byed pa// yan lag dam tshig mchog tu len// spyod pa'i bye brag thabs yin pas// mi spong mi 'dor 'bad bsrung ba// mdog dkar gzugs dag stobs dang ldan// ga bur dri ldan ri mo 'chang // rtag par sems can don la dga'// sems can sgrol ba'i thabs la mkhas// skad gdangs dung sgra yod pa ni/ khrag 'thung he ru'i slob dpon yin// phyi nang chos la ma rmongs mkhyen// khyad par shes rab phun sum tshogs// rig pa'i gnas

  542. 271b

    mchog ma 'gags shes// chos spyod bcu rnams lhag par brtson// slob dpon 'khur zhing mched la gdung // sems can ci dga'i spyod pa byed// thabs kyi bye brag rnams la mkhas// gcig gam thams cad mtshan nyid 'dzin// don mthong dga' ba mtha' dag yod// gshin rje gshed po'i slob dpon yin// lam gyi thabs rnams khyad par ston// rtag par bzlas shing 'phro 'du dga'// snying po sngags la dad mos che// blo gsal rig pa khyad par yod// spyod lam rnams bzhi'i seng+ger spyod// glu gar rol mo rnams la dga'// mchod pa'i bye brag thabs mchog mkhas// lung bstan bka' bzhin byed cing gzo// spun la gdung zhing sems can 'dud// pad+ma dbang chen slob dpon yin// phyi nang rnam rtog mi skye shing // rgyud dang mdo sde dag la mkhas// thabs mkhas ting 'dzin drod tshad brtson// sde snod gsum la ma rmongs dang // rtog bcas the tshom ma lus sel// gsang ba sbas pa'i thabs rnams mkhyen// dad pa rnams la skyo dub med// gsang ba'i sde snod drug rnams kun// rtog bcas snod ngan rnams la sbed// gsang ba'i chos rnams sems la 'chang // 'bad pa'i stobs kyis man ngag 'tshol// rtsa bar bcas pa bsrung byed pa// rdo rje phur pa'i slob dpon yin// thos brtson yon tan kun gyis brgyan// mdo sde 'dul ba mngon pa

  543. 272a

    gsum// de yi thabs kyis 'dul zabs rnams// de yi spyod pa ma 'gags mkhyen// byams dang snying rje gang 'dul ba// rjes su mthun pa'i thabs mchog gis// ji lta ji ltar 'dul mdzad pa// thabs mkhas dad ldan ting 'dzin gsal// gnyis med blo ldan brtul zhugs che// mngon rdzogs rgyal po'i slob dpon yin// lta spyod ting 'dzin brtson 'grus che// thabs mkhas man ngag zab mo 'chang // mkha' 'gro chos skyong bran ltar chags// 'jig rten mchod bstod slob dpon yin// yi dam lha yi bsnyen pa rdzogs// sngags kyis sbyor ba dag la mkhas// drag po sngags kyi rtsal thob pa// dmod pa drag sngags slob dpon yin// de nas slob ma'i mtshan nyid bshad// dpa' zhing snying stobs shin tu che// phyi nang 'dus pa'i chos la mkhas// lhun sdug phrin las dag la dga'// dgongs pa nyams lon mu stegs bzlog/ lha log sun 'byin yang dag dgod// bde ba'i lam ston thabs la mkhas// bzo mkhas rig gsal bla ma bsten// 'dzin la mkhas shing brjed med pa// ut+pal zhes bya'i gang zag de// che mchog he ru'i slob mar bzung // rtsa ba dang ni yan lag gi// dam tshig ma nyams thub par bsrungs// shes rab che zhing dad pas dpa'// ston pa'i bka' lung dag pa gnas// slob dpon 'khur zhing spun la

  544. 272b

    gdung // nyon mongs sbyongs shing snying rje che// spyod gzob lus la ga bur dri// tsan+dan zhes bya'i gang zag de/ khrag 'thung rol pa'i slob mar gzung // thabs dang stobs kyi rtsal 'chang zhing // rin chen sna tshogs sbyin par gtong // spyod yangs byung lam lhun sdug ngag snyan bde// ji ltar ji lta'i spyod pa yis// de lta de lta'i slob dpon 'khur// bla ma shes rab dgos 'dod skong // nga bdag skyon spangs dad brtson che// dam tshig ldan zhing shes rab ldan// rgyud thos legs par ston pa ni// gshin rje gshed po'i slob ma yin// dge bcu rtag spyod mi dge spangs// bde 'jam khro ba'i sems mi 'byung // glu gar rol mo sna tshogs ston// mdog mdzes tsan+dan dri bzangs dang // stod smad phyed cing sked pa phra// yan lag bde 'jam 'bar 'bur med// skra mtho sen mo zangs 'dra dmar// sbyor ba'i yan lag thabs la mkhas// dad ldan brtson 'grus snying rje che// pad+ma zhes bya'i gang zag de// pad+ma dbang chen slob mar bzung // gong gi yon tan thams cad rdzogs// rgyal po sde bcas kun gyis bstod// mu stegs sde pas bsngags pa brjod// sde pa bzhi yis spyi bor 'khur// rdo rje phur pa'i slob ma yin// dkyil 'khor mtha' dag las la mkhas// gsang bskur kyang drug gab sbas man ngag thub// slob dpon 'khyar zhing spyod pa yangs// mngon rdzogs ma mo'i

  545. 273a

    slob mar bzung / khong gdug zhe gnag zhe sdang che// sha khrag dmar la longs spyod byed// lus dang srog la mi blta bsgrub// 'jig rten mthu yi slob mar bzung // g.yo sgyu chung zhing yid ches che// sdod la brtson zhing bsgrub bsran che/ khor gdug yid ches sngags la brtson// drag sngags dmod pa'i slob ma yin// zhes gsungs so// nges par 'byung ba phyi ma'i rgyud las/ slob dpon dang slob ma'i mtshan nyid bstan pa'i le'u ste gnyis pa'o// // gang zag gi mtshan nyid kyi skabs te dang po'o// // de nas gzhan yang bshad bya ba// nyon cig rig 'dzin pho mo rnams// rdo rje dbyings kyi dbang 'dod pas// byang ri skyob cing lho ri gzhol// shar gyi ri dma' nub ri mtho// ri brag dmar pos mtha' ma bskor// mdun na me tog snam bu yod// bya rgyal skad ni sgrog pa'i gnas// der ni ting 'dzin bsgom par bya// bzhi bcu rtsa gnyis rim bzhin du// lha gsal 'phro 'du'i tshogs byas la// so so'i snying po bgrangs nas ni// sku gsung thugs dang yon tan dang // phrin las rnams su dbang bskur bya// che mchog yon tan dbang bskur ba// dur khrod chen po rab dben par// maN+Dal byi dor byas nas ni// bdud rtsi lnga yi chag chag gdab// mtshan ldan bdud rtsi lnga sbyar nas// che mchog lha tshogs gsal byas la// sku

  546. 273b

    gsung thugs dang ye shes lnga// yon tan phrin las dbang bskur bya'o// yang dag thugs kyi dbang bskur ba// dur khrod chen po rab dben pa// sha na khram sbyang rgyug pa'i sar// bya gcan sha za mang po 'khor// mi ro mang po mkhar du brtsigs// shin tu ya nga'i gnas su ni// lnga bcu rtsa brgyad lha tshogs rnams/ khro gtum gdug pa'i sprin tshogs kyi// gnas nas rab tu gsal bar bsam// so so'i snying po bgrangs nas ni// sku gsung thugs su byin brlabs nas// yon tan phrin las dbang bskur ro// 'jam dpal sku yi dbang bskur ba// dur khrod chen po'i sa phyogs su// maN+Dal byi dor byas pa la// bdud rtsi lnga yis chag chag gdab/ khrag chen go ro tsa na yis// steng du mnan la byugs par bya// gshin rje'i lha tshogs gsal byas te// 'bar gsal rngam pa'i hUM gi tshogs// so so'i snying po bzlas nas ni// sku gsung thugs dang yon tan dang // phrin las lnga ru dbang bskur bya// pad+ma gsung gi dbang bskur ba// nub tu kha bltas zla gam dbyibs// me tog snam bu yod pa'i sar// dkyil 'khor byi dor byas nas ni/ khrag chen dag gis chag chag gdab// dbang gi lha tshogs gsal byas nas// dmar po hrIHyi tshogs bsams nas// so so'i snying po bzlas nas ni// sku gsung thugs dang yon tan dang // phrin las lnga ru dbang bskur ro// phrin las

  547. 274a

    phur pa'i dbang bskur ni// gnam sa gru gsum dbus gnas par// ce spyang bsad shul 'dra ba ru// mi ro gsar rnying yod pa'i sar// 'bar 'phro gsal ba'i ting 'dzin gyis// phrin las lha tshogs gsal byas nas// 'bar ba rngam pa'i tshogs chen las// so so'i snying po bzlas nas ni// sku gsung thugs dang yon tan dang // phrin las lnga ru dbang bskur bya// ma mo rbod gtong dbang bskur ba// dur khrod chu gling rkang gcig pa// ma tshogs dbang phyug 'du ba'i sar// sha chen khrag las byas pa yi// dmar po snying gi mchod tshogs bshams// rkang chen gling bu 'bud pa dang // b+han+d+ha'i cha lang brdab pa dang // tshil chen dud pa chen po gtang // gang bsgrub yi dam byed pa la// srog gi snying po bgrangs nas ni// bka' mi 'da' bar dbang bskur bya// 'jig rten mchod bstod dbang bskur ba// srog chags bsad pa'i shul 'dra ba// dmar po khrag gi mdog 'dra'i sar// maN+Dal gru gsum 'bar ba la// srin po khros pa'i gzugs byas te// de steng slob ma gzhag par bya// mkhas pas de ltar dbang bskur nas// rag sha rag sha ma laM rag sha hri kha rag sha hri// 'jig rten rang rgyud dregs pa can// bran bzhin 'khol bar dbang bskur ro// drag sngags dmod pa'i dbang bskur ba// brag ri sbrul nag 'greng ba'i sar// chu gsum 'dus pa'i sum

  548. 274b

    mdo la// dred po dred mo langs pa 'dra// rkang gcig gnod sbyin gnas pa'i sar// dkyil 'khor byi dor byas pa la// sbrul nag khrag gis chag chag gdab// che mchog he ru bdag bsgoms la// drag po'i gsang sngags bzlas shing bskur// s+thi yi dbang bskur sngags ni 'di'o// oM na maHsarba ta thA ga ta kA ya badz+ra swa b+ha wa At+ma ko&haM/ AHna maHsarba ta thA ga ta bA ga badz+ra swa b+hA wa At+ma ko&haM/ hUM na maHsarba ta thA ta tsit+ta badz+ra swa b+hA wa At+ma ko&haM/ tAM na maHsarba ta thA ga ta a nu rA ga Na swa b+hA wa At+ma ko&haM/ hrI na maHsarba ta thA ga ta karma badz+ra swa b+hA wa At+ma ko&hUM/ sku gsung thugs dang yon tan dang // phrin las lnga yi dbang bskur ro// zhes gsungs so// nges par 'byung ba phyi ma'i rgyud las/ dbang skur ba'i le'u ste gsum pa'o// // dbang gi skabs te gnyis pa'o// de nas gzhan yang bshad bya ba// nyon cig 'dus pa'i tshogs chen rnams// dngos la gnas shing tshor med pa// ma rig rmongs pa'i gti mug de// spangs pas 'bras bu 'byung mi 'gyur// spyad pas chos nyid don gsal 'gyur// ma rig pa yi gti mug de// spangs pas bden pa'i tshig mi rnyed// spyad pas 'od gsal chos kyi dbyings// ye shes chen por gnas par 'gyur// che mchog yon tan bsgrub par bya// de yi don ni spyad bya ba// oM ma hA shrI he ru ka hUM phaT/ gsang sngags yi ge

  549. 275a

    dgu pa ni// che mchog he ru'i snying po ste// gsal ba'i dkyil 'khor rab rdzogs pa// rang bzhin grub pa'i byin dbab phyir// gsang sngags zab mo rab spyod pas// dbyings nas dkyil 'khor spyan drangs mchod// rang rang gnas su bder bzhugs pa// dbang bskur byin dbab thams cad rdzogs// yang dag dpa' bo'i sku lhun grub// ye shes lnga ldan sangs rgyas sku// sku gsung thugs kyi bdag nyid can// bde bar gshegs pa'i rang bzhin no// sangs rgyas lnga yi rab tu 'khrigs// de yis bsam gtan thams cad rdzogs// che mchog he ru'i phyag rgyar bshad// ces gsungs so// nges par 'byung ba phyi ma'i rgyud las/ che mchog phyag rgya'i le'u ste bzhi pa'o// // de nas gzhan yang bshad bya ba// nyon cig 'dus pa'i tshogs chen rnams// zhe nas sdang ba'i ngan sems bde// spangs pas 'bras bu 'byung mi 'gyur// sprad pas chos dbyings ye shes thob// yang dag thugs kyi bsgrub par bya// de yi don ni bshad par bya// rtsa ba brgyud ni snying po'i mchog/ oM ru lu ru lu hUM b+h+yo hUM/ bde gshegs gzhal yas bsod nams rdzogs// de yi rjes 'gro snang ba dag/ snang ba dag pa'i ye shes te// ru lu 'phro 'du sbyor bas so// 'khor ba rnam grol byang chub sems// 'di ltar snang ba'i chos nyid ni// ngo bo nyid kyis ma skyes pa// gzugs

  550. 275b

    dang sgra la sogs pa yi// rab tu bdag gsal dngos med bsgom// chos dbyings me long ye shes te// de la sems brtan gsal gyur ni// yang dag thugs kyi phyag rgya yin// zhes gsungs so// nges par 'byung ba phyi ma'i rgyud las/ yang dag thugs kyi phyag rgya'i le'u ste lnga pa'o// // de nas gzhan yang bshad bya ba// nyon cig 'dus pa'i tshogs chen rnams// yongs su khengs pa'i nga rgyal de// nga 'o nga yi sems 'char zhing // de yis log pa'i lam gnas shing // spangs pas mu stegs lam du 'gro// spyad pas chos nyid chen po yin// rtog med bde ba'i lam gnas shing // ye shes chen por der gnas 'gyur// 'jam dpal gshin rje bsgrub par bya// oM a kro te ka hUM phaT/ snying po a kro 'bru bdun ni// gshin rje gshed po'i snying po ste// rtog med bde ba'i lam gnas shing // ye shes chen por der gnas 'gyur// byang chub sems nyid dam pa ste// yang dag rin chen 'bar ba yin// yon tan snying po dam pa lon// gshin rje gshed po'i rgya ru bstan// zhes gsungs so// nges par 'byung ba phyi ma'i rgyud las gshin rje gshed kyi phyag rgya'i le'u ste drug pa'o// // de nas gzhan yang bshad bya ba// nyon cig 'dus pa'i tshogs chen rnams// 'dod la chags pa'i rang bzhin gyis// de yis 'bras bu rlag par byed// spangs pas don rnams rnyed

  551. 276a

    pa med// rab tu bcings nas gnas ngan len// yongs su dag pa'i 'dod chags de// spyad pas 'bras bu chen po thob// so sor rtog pa'i ye shes gsal// pad+ma dbang chen bsgrub pa gyis// oM ha ya grI ba hUM phaT/ yi ge bdun pa dbang chen sngags// zla ba'i dkyil 'khor sngags bcas pa// 'phro 'dus gyur pa'i dam tshig ni// le brgan lta bur gyur pa ste// 'khor ba'i bag chags rtog bcas dang // gnas ngan len pa thams cad kun// gdod nas sangs rgyas nyid gnas pas// dag dang ma dag gnyis med de// de yi rang bzhin sangs rgyas so// bden pa'i snying po rang bzhin pas/ khyab pa'i ye shes chen po des// lha yi gnas su bsgom par bya// pad+ma'i phyag rgyar bshad pa yin// zhes gsungs so// nges par 'byung ba phyi ma'i rgyud las/ pad+ma gsung gi phyag rgya'i le'u ste bdun pa'o// // de nas gzhan yang bshad par bya// nyon cig 'dus pa'i tshogs chen rnams// log pa'i sems can phrag dog che// spangs pas 'bras bu 'byung mi 'gyur// spyad pas chos nyid don gsal 'gyur// nan tan ye shes chen po 'grub// phur pa phrin las bsgrub par bya// de yi don ni bshad bya ba// oM badz+ra kI li kI la ya hUM phaT/ kI la ya ni 'bru dgu pa// rdo rje phur pa'i snying po yin// don dam snying po yongs su grub pa'i tshe// bzlas dang ma bzlas tshig

  552. 276b

    gi tha snyad yin// ye nas bzlas pa rang byung chen po yin// ngo bo nyid kyi sngags kyi rang bzhin no// de 'dra bzlas pa don gyi snying po yin// ma bcos rang byung snying po sngags tshig ste// zab mo bzlas pa yin zhes rgya ru bstan// de yis brtan byas dam pa'i byang chub sems// ye shes lnga gsal don dam dbyings nas spyod// rten 'brel lus ni byin rlabs nyon mongs bsreg/ phra mo'i ting 'dzin yi dam dngos su gsal// bzlas pa mthar phyir 'bras bu chen po yin// rang gi bzlas pa yin zhes rgya ru bstan// rnal 'byor dam pa rnams kyis 'di bzlas na// gang gis bzlas kyang snying po len par byed// sngags kyi snying po ma lus thams cad kun// ye nas snang dang mi snang med// rtag dang chad dang yod med dang // brjod dang smra bsam yul las 'das// rang bzhin gnas pa'i snying po de// ye shes mchog tu gyur pa las// rang gi rang bzhin de bzhin de// bden pa'i snying po rang bzhin pas// yang dag don du mkhas pas brtag/ phrin las phur pa'i phyag rgyar bstan// zhes gsungs so// nges par 'byung ba phyi ma'i rgyud las// phrin las phur pa'i phyag rgya'i le'u ste brgyad pa'o// // de nas gzhan yang bshad bya ba// nyon cig 'dus pa'i tshogs chen rnams// ma mo'i don la mos pa yis// bla med he ru bsgrub par bya// oM ma hA kro d+ha hA

  553. 277a

    phaT// gsang sngags yi ge 'bru bdun pa// bla med he ru'i gsang sngags yin// mkha' dbyings dag pa'i rang bzhin ni// brtan pa'i don rnams dag pa ste// dag pa nyid na dag pa med// mi shigs pa yi ngo bo la// dngas ma'i sa bon las byung ba// brtan pa'i rang bzhin 'od 'bar bas// gsal ba'i 'od dang bcas pa ste// yang dag don chen zab mo'i mchog/ gsal ba nyid na gsal ba med// rdzogs pa'i sangs rgyas thams cad kyi// mngon rdzogs rgyal po'i phyag rgyar bstan// zhes gsungs so// nges par 'byung ba phyi ma'i rgyud las// ma mo zod gtong gi phyag rgya'i le'u ste dgu pa'o// // de nas gzhan yang bshad bya ba// nyon cig 'dus pa'i tshogs chen rnams// rnal 'byor bstan pa srung byed na// dregs pa kun 'dul bsgrub par bya// oM badz+ra tsaN+Da sarba duSh+TAn hUM phaT/ ye shes bcu pa'i gsang sngags ni// dregs pa kun 'dul gsang sngags yin// spro bsdu'i sngags kyi rim pas g.yos pa'i tshe// rnam dag rang gi ngo bo de nyid len// ngo bo nyid dang rang gi rang bzhin med// bdag dang tshogs bcas ma lus de bzhin de// ye shes tshogs chen rdzogs pa'i rang bzhin no// de thob 'bras bu mthar phyin bde bas gang // gshed mas srog la 'debs pa'i rgya ru bstan// zhes gsungs so// nges par 'byung ba'i phyi ma'i rgyud

  554. 277b

    las/ 'jig rten mchod bstod dregs pa kun 'dul phyag rgya'i le'u ste bcu pa'o// // de nas gzhan yang bshad bya ba// nyon cig 'dus pa'i tshogs chen rnams// rnal 'byor sngags la mos pa la// dmod pa drag sngags phyag rgya bstan// oM badz+ra sarba duSh+TAM hUM phaT// stobs kyi yi ge brgyad pa ni// stobs ldan nag po'i gsang sngags yin// nyi ma'i dkyil 'khor dbus su gsal byas na// rang gi sngags bcas dmod pa'i yi ge ste// 'byung ba lnga 'khrugs sdug bsngal nyams su myong // ma bcos rang byung nges pa'i snying po yin// gsad pa ldog med srog sngags rgya ru bstan// zhes gsungs so// nges par 'byung ba phyi ma'i rgyud las/ dmod pa drag sngags stobs ldan nag po'i phyag rgya'i le'u ste bcu gcig pa'o// // bsgrub pa bka' brgyad phyag rgya'i skabs te gsum pa'o// bcom ldan 'das bde bar gshegs pa thams cad 'dus pa las/ nges par 'byung ba phyi ma'i rgud ces bya ba/ le'u bcu gcig pa rdzogs so// // rgya gar gyi mkhan po slob dpon chen po pad+ma 'byung gnas dang / lo swa ba be nas bsgyur cing zhus te gtan la phab pa'o// rgyal po khri srong lde btsan gyi phyag dpe/ rin po che'i gter du sbas so// //

  555. 278a

    rgya gar skad du/ su ga ta sa mu dadA ya man+ta tan+t+ra ut+ta rot+ta da nA ma/ bod skad du/ bde gshegs 'dus pa'i sngags rgyud/ phyi ma'i phyi ma zhes bya ba'o// bcom ldan 'das dpal kun tu bzang po he ru ka la phyag 'tshal lo// 'di skad bdag gis thos pa'i dus gcig na/ 'og min chos kyi dbyings kyi pho brang na/ bcom ldan 'das dpal kun tu bzang po he ru ka la/ 'khor khro bo dang khro mo dang / rig 'dzin rnams kyis bskor te bzhugs pa las/ de'i tshe rdo rje chos la sogs pa'i rig 'dzin rnams kyis bskor ba lan stong byas te/ 'di skad zhus so// e ma spyi dpal chen po lags// ma 'ongs rnal 'byor sgrub pa pos// sngags kyi dngos grub thob bya'i phyir// sngags kyi de nyid bshad par zhu// zhes gsol pa dang / bcom ldan 'das spyi dpal chen pos bka' stsal pa/ ma 'ongs rnal 'byor don ched du// sngags kyi don rnams zhu ba legs// don grub dngos grub 'thob pa ni// sngags kyi bzlas pas 'grub pa yin// de yang sgrub thabs rnam pa brgyad// che mchog yon tan bsgrub pa dang // yang dag thugs kyi bsgrub pa dang // 'jam dpal sku yi bsgrub pa dang // pad+ma gsung gi bsgrub pa dang // phur pa phrin las bsgrub pa dang // ma mo rbod gtong bsgrub pa dang // 'jig rten mchod bstod bsgrub pa dang // dmod pa drag sngags

  556. 278b

    bsgrub pa dang brgyad// 'di rnams bsgrub pa bka' brgyad yin// oM badz+ra kro ta ma hA shrI he ru ka hUM phaT/ gsang sngags yi ge bcu gnyis pa// che mchog yon tan snying po yin// oM ru lu ru lu hUM b+h+yo hUM phaT/ gsang sngags yi ge 'bru dgu pa// yang dag thugs kyi snying po yin// oM a kro te ka ya mAhA ka ha na ma tha b+hany+dza hUM phaT/ gsang sngags yi ge bcu bdun pa// 'jam dpal sku yi snying po yin// oM pad+man+ta kr-ita badz+ra kro d+ha ha ya grigrI ba hUM phaT/ gsang sngags yig 'bru bcu bzhi pa// pad+ma gsung gi snying po yin// oM badz+ra kI li ki la ya sarba big+h+nAM baM hUM phaT/ gsang sngags yig 'bru bcu bzhi pa// phur pa phrin las snying po yin// oM gu h+ya dz+nyA na shrI he ru ka gu h+ya dz+nyA na kro d+hi shwa rI s+t+waM/ ma ma yo gi ni ru lu ru lu hUM b+h+yo hUM phaT// gsang sngags yi ge sum cu pa// ma mo rbod gtong snying por bshad// oM badz+ra tsaN+Da sarba duSh+TAn hUM phaT/ gsang sngags yi ge bcu pa ni// 'jig rten mchod bstod snying por bshad// oM badz+ra sarba duSh+TAn hUM phaT/ gsang sngags yi ge brgyad pa ni// dmod pa drag sngags snying por bshad// bka' yi gsang rgyud thams cad rnams// bsdus pas bsgrub pa brgyad du 'dus// sngags kyi gtan tshigs tshad ma 'di// thabs kyi rgyal por gnas pa'o// 'di dang ldan pa'i rnal 'byor gang // sngags kyi dngos grub rang la shar// yid bzhin nor bu ma btsal

  557. 279a

    rnyed// bya ba'i las la the tshom med// 'di dang mi ldan rnal 'byor gang // phyogs 'ga' tsam la brten pa rnams// sngags kyi de nyid ma rtogs par// bya ba'i las rnams kun la rmongs// zhes gsungs so// sngags kyi de kho na nyid bstan pa'i le'u ste dang po'o// // de nas rig 'dzin rnams kyis zhus pa// spyi dpal chen po thabs la mkhas// thabs dang shes rab yi ge las// sngags kyi na ya brtsi ba'am// yi ge btu ba ji ltar lags// de skad gsol pa gsan nas kyang // spyi dpal chen pos bka' stsal pa// nyon cig 'dus pa'i tshogs chen rnams// skye ba med pa'i rang bzhin las// skye ba'i cho 'phrul bstan pa ni// thabs dang shes rab yi ge ste// thabs ni rdo rje'i rang bzhin la// shes rab pad+ma'i rang bzhin no// thabs dang shes rab gnyis med pas// sngags kyi sgra ni sna tshogs 'byung // de yi rnam pa 'di ltar bshad// ka kha ga g+ha nga // tsa tsha dza dz+nya nya// Ta Tha Da D+ha Na/ ta tha da d+ha na// pa pha ba b+ha ma// ya ra la wa/ sha Sha sa ha k+ShaHsgra'i gnas brgyad nas byung ba 'di rnams ni/ thabs rdo rje'i yi ge yin te/ sde tshan brgyad pa'o// a A/ i I/ u U/ r-i r-I/ l-i l-I/ e I/ o au/ aM a/ sde tshan brgyad dang sbyar ba yis// dbyangs kyi yi ge bcu drug po 'di rnams ni/ shes rab pad+ma'i yi ge'o// gnyis su med pa'i rang bzhin

  558. 279b

    las// yi ge btu ba 'di ltar bshad// thams cad kun gyi dang po la// dbyings yig gnyis pas 'og tu brgyan// dbyangs yig bcu gsum steng du brgyan// de la dbyangs yig bco lnga pas// steng du thig les mdzes par brgyan// 'di ni ye shes lnga rdzogs yin// sngags rnams kun gyi mgo la bzhag/ oM/ pa tshan gsum pa gzhag par bya// de dang tsa tshan gsum par ldan// ya tshan gsum pas 'og tu brgyan// ka tshan dang po gzhag par bya// ya tshan gsum pas 'og tu spras// de la dbyangs yig bcu gsum brgyan// ta tshan yi ge dang po bzhag/ mtshan yi ge lnga pa bzhag/ sha tshan yi ge bzhi pa bzhag/ sha tshan yi ge dang po bzhag/ ya tshan gsum pas 'og tu spras// de la dbyangs yig bzhi pas brgyan// sha tshan yi ge bzhi pa bzhag/ de la dbyangs yig bcu gcig brgyan// ya tshan yi ge gsum pa bzhag/ de la dbyangs yig lnga pas brgyan/ ka tshan yi ge dang po bzhag/ sha tshan yi ge bzhi pa bzhag/ de la dbyangs yig drug pas brgyan// steng du thig les mdzes par brgyan// pa tshan yi ge gnyis pa bzhag/ de steng Ta tshan dang por ldan// rin po che yi phra yis bcad// oM badz+ra kro ta ma hA shrI he ru ka hUM phaT/ gsang sngags yig 'bru bcu gnyis pa// che mchog yon tan snying po de// gtso 'khor bcas pa'i sngags su bshad// ye shes lnga rdzogs dbu ru

  559. 280a

    bzhag/ ya tshan yi ge gsum pa bzhag/ de la dbyangs yig lnga pas brgyan// ya tshan yi ge bzhi pa bzhag/ de la dbyangs yig lnga pas brgyan// ya tshan yi ge gsum pa bzhag/ de la dbyangs yig lnga pas brgyan// ya tshan yi ge bzhi pa bzhag/ de la dbyangs yig lnga pas brgyan// sha tshan yi ge bzhi pa bzhag/ de la dbyangs yig drug pas brgyan// steng du thig les mdzes par byas// pha tshan yi ge gsum pa bzhag/ de 'og sha tshan bzhi pas spras// de la ya tshan dang pos spras// de la dbyangs yig bcu gsum brgyan// sha tshan yi ge bzhi pa bzhag/ de la dbyangs yig drug pas brgyan// steng du thig les mdzes par brgyan// pa tshan yi ge gnyis pa bzhag/ de dang Ta tshan dang por ldan// rin po che yi phra yis spras// au ru lu ru lu hUM b+h+yo hUM phaT/ oM dang phaT kyi thog mtha' brten// gsang sngags yi ge 'bru bdun pa// yang dag zugs kyi snying po ste// gtso 'khor bcas pa'i sngags su bshad// ye shes lnga rdzogs dbu ru bzhag/ thams cad kun gyi dang po bzhag/ ka tshan yi ge dang po bzhag/ ya tshan gsum po 'og tu spras// de la dbyangs yig bcu gsum brgyan// ta tshan yi ge dang po bzhag/ de la dbyangs yig bcu gcig brgyan// ka tshan yi ge dang po bzhag/ ya tshan yi ge dang po bzhag/ pa tshan yi ge lnga pa bzhag/ de la dbyangs yig

  560. 280b

    gnyis pas brgyan// ta tshan yi ge lnga par ldan// ta tshan yi ge dang po bzhag/ ka tshan yi ge dang po bzhag/ sha tshan yi ge bzhi pa bzhag/ ta tshan yi ge lnga pa bzhag/ pa tshan yi ge lnga pa bzhag/ ta tshan yi ge gnyis pa bzhag/ pa tshan yi ge gsum pa bzhag/ de dang tsa tshan lnga par bzhag/ tsa tshan yi ge gsum pa bzhag/ sha tshan yi ge bzhi pa bzhag/ de la dbyangs yig drug pas brgyan// steng du thig les mdzes par bya// pa tshan yi ge gnyis pa bzhag/ de dang Ta tshan dang por ldan// rin po che yi phra yis bcad// oM a kro te ka ya mAn+ta ka ha na ma tha b+hany+dza hUM phaT/ gsang sngags yi ge bcu bdun pa// 'jam dpal sku yi snying po ste// gtso 'khor bcas pa'i sngags su bstan// ye shes lnga rdzogs dbu ru bzhag/ pa tshan yi ge dang po bzhag/ de dang ta tshan gsum par ldan// pa tshan yi ge lnga pa bzhag/ de la dbyangs yig gnyis pas brgyan// de dang ta tshan lnga par ldan// ta tshan yi ge dang po bzhag/ ka tshan yi ge dang por bzhag/ de la dbyangs yig bdun pas brgyan// de dang ta tshan dang por ldan// pa tshan yi ge gsum pa bzhag/ de dang tsa tshan gsum par ldan// ya tshan gsum pas 'og tu spras// ka tshan yi ge dang po bzhag/ ya tshan gsum pas 'og tu spras// de la dbyangs yig bcu gsum brgyan// ta tshan yi ge dang po bzhag/ sha tshan yi ge bzhi

  561. 281a

    pa bzhag/ ya tshan yi ge dang po bzhag/ ka tshan yi ge gsum pa bzhag/ ya tshan gsum pa 'og tu spras// de la dbyangs yig bzhi pas brgyan// pa tshan yi ge gsum pa bzhag/ sha tshan yi ge bzhi pa bzhag/ de la dbyangs yig drug pas brgyan// steng du thig les mdzes par brgyan// pa tshan yi ge gnyis pa bzhag/ de dang Ta tshan dang por ldan// rin po che yi phra yis bcad// oM pad+ma na kr-ita badz+ra kro d+ha ha ya gri ba hUM phaT/ gsang sngags yi ge bcu bzhi pa// pad+ma dbang chen snying po ste// 'khor dang bcas pa'i sngags su bshad// ye shes lnga rdzogs dbu ru bzhag/ de nas pa mtshan gsum pa bzhag/ de dang tsa tshan gsum pa bzhag/ ya tshan gsum pas 'og tu brgyan// ka tshan yi ge dang po bzhag/ de la dbyangs yig bzhi pas brgyan// ya tshan yi ge bzhi pa bzhag/ de la dbyangs yig gsum pas brgyan// ka tshan yi ge dang po bzhag/ de la dbyangs yig bzhi pas brgyan// ya tshan yi ge bzhi pa bzhag/ de la dbyangs yig gsum pas brgyan// ya tshan yi ge dang po bzhag/ sha tshan yi ge gsum pa bzhag/ ya tshan yi ge gsum pa bzhag/ de 'og pa tshan gsum pas spras// pa tshan yi ge gsum pa bzhag/ de la dbyangs yig gsum pas brgyan// de dang ka tshan bzhi pa dang // ta tshan yi ge lnga gnyis ldan// dbyangs kyi yi ge gnyis pas

  562. 281b

    tog dkar po'i gtor ma zhi// chan dang ldong ros zho dang phrum// gser phye me tog ser po rgyas// gro dang bu ram mar zangs phye// ram bu rak+ta me tog dbang // sran can lcags phye sha dang khrag/ me tog nag po'i gtor ma drag/ mar dkar til dkar nas dkar chan// mngar gsum tsan dan dkar po'i shing // zhi bar byed pa'i sreg rdzas so// mar rnying zho dang bu ram sbrang // rgun 'brum star ka nyungs kar dang // dri zhim ser shing rgyas pa'o// tsha ba'i mar dang zar ma dang // ske tshe shang rtse dmar ba'i shing // dbang sdud 'gugs pa'i sreg rdzas so// mar nag tshil chen rnams// ske tshe yungs nag khrag sna dang // dug dang thal chen phye ma gsum// dug shing nag po tsher mas gsod// dmigs pa med de bdud rtsis dbul// shing rnams ye shes mos bskyed do// ling ga sgra tshil shing shun la// ci 'dra dbang po 'dod pas bya// rin chen shing las mi mthun shing // phur pa sor brgyad bcu gnyis tshad// rgya mdud rtse mo las dang sbyar// byin gyis rlabs dang ldan pa yis// dkyil 'khor la bskor gzungs la gdab// ral gri tho ba'i las yang bya// rin chen la sogs shing rnams la// gzar bu mtho bzhi las dang sbyar// yang na rnal 'byor lag pas bya// rgyan gos las bzhin phyogs su bsdad// rdzas bsag la sogs gsang bar bya// lha bskyed mchod bstod rdzogs

  563. 282a

    brgyan// ta tshan yi ge lnga pa bzhag/ ka tshan yi ge dang po bzhag/ ya tshan yi ge gsum pas spras// de la dbyangs yig bcu gsum brgyan// ta tshan yi ge bzhi pa bzhag/ de la dbyangs yig bzhi pas brgyan// sha tshan yi ge dang po bzhag/ ya tshan yi ge gnyis par ldan// ya tshan yi ge gsum pa bzhag/ de la dbyangs yig bzhi pas mdzes// sha tshan yi ge gsum pa bzhag/ de la ta tshan dang pos spras// ya tshan yi ge gnyis par ldan// steng du dbyangs yig bco lngas mdzes// pa tshan yi ge lnga gnyis bzhag/ ya tshan yi ge dang po bzhag/ de la dbyangs yig bcu gsum mdzes// ka tshan yi ge gsum pa bzhag/ de la dbyangs yig gsum pas mdzes// ta tshan yi ge lnga pa bzhag/ de la dbyangs yig bzhi pas mdzes// ya tshan yi ge gsum pa bzhag/ de la dbyangs yig lnga pas brgyan// ya tshan yi ge bzhi pa bzhag/ de la dbyangs yig lnga pas brgyan// ya tshan yi ge gsum pa bzhag/ de la dbyangs yig lnga pas brgyan// ya tshan yi ge bzhi pa bzhag/ de la dbyangs yig lnga pas brgyan// sha tshan yi ge bzhi pa bzhag/ de la dbyangs yig drug pas brgyan// steng du thig les mdzes par bya// pa tshan yi ge bzhi pa bzhag/ ya tshan yi ge dang por ldan// de la dbyangs yig bcu gsum spras// sha tshan yi ge bzhi pa bzhag/ de la dbyangs yig drug

  564. 282b

    pas brgyan// steng du thig les mdzes par bya// pa tshan yi ge gnyis pa bzhag/ de la Ta tshan dang por ldan// rin po che yi phra yis bcad// oM gu h+ya dz+nyA na shrI he ru ka gu h+ya dz+nyA na kro d+hI shwa rI stAM/ ma ma yo gi nI ru lu ru lu hUM b+h+yo hUM phaT/ gsang sngags yi ge sum cu pa// ma mo rbod gtong snying po yin// 'khor dang bcas pa'i sngags su bshad// ye shes lnga rdzogs dbu ru bzhag/ pa tshan yi ge gsum pa bzhag/ de dang tsa tshan gsum par ldan// de 'og ya tshan gsum pas spras// tsa tshan yi ge dang po bzhag/ de dang Ta tshan lnga par ldan// Ta tshan yi ge gsum pa bzhag/ de 'og sha tshan gsum pas spras// ya tshan yi ge gsum pa bzhag/ de 'og pa tshan gsum pas spras// ta tshan yi ge gsum pa bzhag/ de la dbyangs yig lnga pas brgyan// sha tshan yi ge gsum pa bzhag/ de 'og Ta tshan dang pos spras// de la dbyangs yig gnyis pas brgyan// de dang ta tshan lnga par ldan// sha tshan yi ge bzhi pa bzhag/ de la dbyangs yig drug pas brgyan// de steng thig les mdzes par bya// pa tshan yi ge gnyis pa bzhag/ de dang Ta tshan dang por ldan// rin po che yi phra yis bcad// oM badz+ra tsaN+Da sarba duSh+TAM hUM phaT/ gsang sngags yi ge bcu pa ni// 'jig rten mchod bstod snying po de// 'khor dang bcas pa'i sngags su bstan// ye shes lnga rdzogs dbu ru bzhag/ pa tshan yi

  565. 283a

    ge gsum pa bzhag/ de dang tsa tshan gsum par ldan// de 'og ya tshan gsum pas spras// sha chen yi ge gsum pa bzhag/ ya tshan yi ge gsum pa bzhag/ de 'og pa tshan gsum pas spras// ta tshan yi ge gsum pa bzhag/ de la dbyangs yig lnga pas brgyan// sha tshan yi ge gsum pa bzhag/ de 'og Ta tshan dang po bzhag/ de la dbyangs yig gnyis par ldan// de dang ta tshan lnga par ldan// sha tshan yi ge bzhi pa bzhag/ de la dbyangs yig drug pas brgyan// de steng thig les mdzes par brgyan// pha tshan yi ge gsum pa bzhag/ de dang Ta tshan dang por ldan// rin po che yi phra yis bcad// oM badz+ra sarba duSh+TAM hUM phaT/ gsang sngags yi ge brgyad pa ni// dmod pa drag sngags snying po ste// 'khor dang bcas pa'i sngags su bstan// zhes gsungs so// sngags kyi yi ge btu ba'i le'u ste gnyis pa'o// // spyi sngags kyi skabs te dang po'o// // de nas rig 'dzin rnams kyis gsol pa/ spyi dpal chen po kun tu bzang // spyi sngags btu ba de lags na// so so'i sngags kyi phreng ba rnams// dpa' bo chen pos bshad du gsol// de skad gsol pa gsan nas kyang // dpa' bo chen pos bka' stsal pa// nyon cig 'dus pa'i tshogs chen rnams// so so'i snying po bshad kyis nyon// rdo rje dbyings kyi lha tshogs kyi// sngags kyi rim pa 'di rnams

  566. 283b

    so// oM bud+d+ha be ro tsa na oM/ oM badz+ra de ti sha ya sha ra ti oM/ oM badz+ra ak+Sho b+h+ya hUM/ oM badz+ra bud+d+ha lo tsa na hUM/ oM rat+na sam+b+ha ba tAM/ oM badz+ra ban+d+ha ra li ni tAM/ oM badz+ra a mi tA b+ha hrIH/ oM badz+ra mA ma kI hrIHoM badz+ra a mo g+ha sid+d+ha a/ oM badz+ra sa ma ya tA rA hA/ oM badz+ra sa man+ta b+ha dra hUM/ oM badz+ra d+ha ra hUM/ oM badz+ra satwa hUM/ oM badz+ra rA dza hUM/ oM badz+ra rA ga hUM/ oM badz+ra sA d+hA tAM/ oM badz+ra lA s+ye hUM/ oM badz+ra d+hU pe hUM/ oM badz+ra a~M ku sha hUM/ oM badz+ra dI bai shwa ra ti hUM/ oM many+dza shrI ku m+ba ra mu la tAM/ oM rat+na d+ha ra hUM/ oM badz+ra rat+na hU~M/ oM badz+ra sUr+ya tAM/ oM badz+ra ke tu hrIHoM badz+ra ha sa ha/ oM badz+ra mA la~M hUM/ oM badz+ra pran+de tAM/ oM badz+ra pa shaM hrIHoM badz+ra su kha hA/ oM sarba ta thA ga @ta a ba lo ki te ka ru Na ma hA rA dza hrIHoM pad+ma d+ha ra hrIH/ oM badz+ra d+harmA hUM/ oM badz+ra tik+Sh+Na tAM/ oM badz+ra b+hA ShA hrIHoM badz+ra tsakra hA/ oM badz+ra gIrti hUM/ oM badz+ra A lo ke tAM/ oM badz+ra s+pho Ta hrIHoM badz+ra rA ga ra ti hA/ oM badz+ra pA Ni sa man+ta hUM/ oM badz+ra karma d+ha ra hUM/ oM badz+ra karma hUM/ oM badz+ra rak+Sha tAM/ oM badz+ra yak+Sha hrIHoM badz+ra san+ni hA/ oM badz+ra nr-i t+ye hUM/ oM badz+ra gar+b+he tAM/ oM badz+ra g+haN+Te hrIHoM badz+ra A be sha hA/ oM k+Shi ti gar+b+ha rat+na oM/ oM badz+ra nirti hUM/ oM d+harma ke tu hUM/ oM ke tI shwa ra rA dza tAM/ oM pad+ma la pad+ma d+ha ra hrIH/ oM rat+na pra b+ha hA/ oM badz+ra kha T+wAM ga pra la ya hUM/ oM badz+ra a mo g+ha sha ra ya taM/ oM badz+ra rA ga sa ma ya hrIH/ oM badz+ra g+har+the dza la ya hA/ oM A kA sha gar+b+ha sA

  567. 284a

    hA/ oM rany+dza ni tret+ta/ mo ya lo ka a gra pra bar+ha rbA/ o mu dra ra dza pra b+ha ta d+ha/ maM pra ti b+ha na ra dza nem+b+ha ma pra ti b+hA na ku Ta ye hA/ oM badz+ra a b+ha ba tAM/ oM badz+ra ke tut+tha/ au badz+ra bi ta na b+h+yAM/ oM tshaSh+Ta!/ oM hrI ma ha me tri hAM/ oM pad+ma ni ti oM/ oM ka ma la rA dza ma hA rA dza hAM/ oM pad+ma ma la pad+ma d+ha ra traM/ oM badz+ra ak+Sho b+hu hrIH/ oM a mo g+ha rA dza ya hAHoM bi ma li karma many+dzu Sha ya hUM/ oM dza li mi li hu lu ba tre ba tu sa ba tre tAM/ oM ta ka ru na dza la pu tsa pad+me hrIH/ oM tra sa ni bi tra sa ni bi tra sa ni ha/ oM sarba ni ba ra Na bi sho d+ha ya ba re oM/ oM karma ni te hUM/ oM rat+ne shwa ra rat+na d+ha ra hUM/ oM karma sid+d+hi rat+na d+ha rA ya tAM/ oM A ra ti shAs+t+ra d+ha ra ya hrIH oM a tsa la ak+Sho b+hu d+ha ra ya ha/ oM dza ya dza ye ba te sarba sha ni hAM/ oM dz+wa la pra dza la da ha pa tsatAM/ oM gan+d+he tsu ru ma hA pa shar a ti te hrIHoM ha ka hu ru na pra ka ri hA/ oM mu ni kr-i swA ha/ oM mu ne hUM truM swA hA/ oM mu ne swA hA/ oM mu ne praM swA hA/ oM mu ne k+ShaM swA hA/ oM mu ne ye swA hA/ oM badz+ra aM ku sha dzaH/ oM badz+ra pA sha hUM/ oM badz+ra s+pho Ta baM/ oM badz+ra g+haN+De hoHdam pa rigs brgya'i sngags so// hUM hUM hUM badz+ra tsit+ta oM/ a a a badz+rI b+ha dra sa man+ta au/ oM dzi na dzi ka/ hUM badz+ra D+hau ka/ sA rat+na T+wAM ka/ AM A ro li ka/ hA pradz+nyA D+hau ka/ lAM dwe Sha ra ti/ mU d+hA tI shwa rI/ mAM mo ha ra ti/ byaM rA ga ra ti/ tAM badz+ra ra ti/ k+Shi hi rA dzA ya/ tAM A gar+b+hA ya/ hrIHpad+ma bA da ma/ dzi ku

  568. 284b

    ru pA Na/ me tri d+ha ra Ni sA hA/ b+hi nisma raM b+hA ya swA hA/ hUM swa rA dzA ya sA hA/ muM shrI AM rA gA ya sA hA/ hUM lA s+ye sa ma ya stAM/ traM mA le sa ma ya ho/ hrI girti rA go&haM/ aM nirti rA ga yA mi/ dzaHd+hu pe pra we sha/ hUM puSh+pe A be baM dI ba su gi rI/ hoHgan+d+he tsit+ta/ oM mu ne kri swA hA/ oM mu ne hUM trAM swA hA/ oM mu ne sruM swA hA/ oM mu ne praM swA hA/ oM mu ne k+ShaM swA hA/ oM mu ne ye swA hA/ oM ya mAn+ta kr-ita phaT/ oM pradz+nyAn+ta kr-ita phaT/ oM pad+man+ta kr-ita phaT/ oM big+h+nAM ta kr-ita phaT/ oM ma hA badz+ra d+ha ro ma hA kro d+hi shwa rI dza la ni hUM phaT/ oM ma hA rat+na d+ha ro ma hA kro d+hi shwa rI dza la ni hUM phaT/ oM ma hA pad+ma d+ha ro ma hA kro d+hi shwa rI dza la ni hUM phaT/ oM ma hA karma d+ha ro ma hA kro d+hi shwa rI dza la ni hUM phaT/ rdo rje dbyings kyi lha tshogs kyi le'u ste gsum pa'o// // che mchog yon tan gyi lha tshogs kyi sngags bstan pa/ oM badz+ra ma hA kro d+ha hUM phaT/ oM ma hA kro d+hI shwa rI hUM phaT/ oM shrI ma hA rak+Sha he ru ka hUM/ phaT/ oM shrI ma hA gu h+ya he ru ka hU~M phaT/ oM shrI ma hA bi sha he ru ka hUM phaT/ oM shri ma hA yak+sha he ru ka hUM phaT/ oM rak+Sha kro d+hi shwa rI hUM phaT/ oM gu h+ya kro d+hA shwa rI hUM phaT/ oM be sha kro d+hi shA rI hUM phaT/ oM yak+Sha kro d+hI shA ra ts+tsha phaT/ oM ma hA kro d+ha gardza gardza hUM phaT/ oM ma hA kro d+ha ha na ha na hUM phaT/ oM ma hA kro d+ha da ha da ha hUM phaT/ oM ma hA kro d+ha pa tsa pa tsa hUM phaT/ oM ma hA kro d+ha ban+d+ha ban+d+ha hUM phaT/ oM ma hA kro d+ha hu lu hu lu hUM phaT/ oM ma hA/

  569. 285a

    kro d+ha tiSh+Tha tiSh+Tha hUM phaT/ oM ma hA kro d+ha sIn+da snin+da hUM phaT/ oM ma hA kro d+ha b+hin+da b+hin+da hUM phaT/ oM ma hA kro d+ha s+pho Ta s+pho Ta hUM phaT/ oM ma hA kro d+ha ya man+ta kr-ita hUM phaT/ oM ma hA kro d+ha pradz+nyAn+ta kr-ita hUM phaT/ oM ma hA kro d+ha pad+man+ta kr-ita hUM phaT/ oM ma hA kro d+ha big+h+nAMn+ta kr-ita hUM phaT/ che mchog yon tan gyi sngags kyi le'u ste bzhi pa'o// // yang dag thugs kyi lha tshogs kyi sngags bstan pa/ oM badz+ra shrI he ru ka hUM phaT/ oM bud+d+ha shrI he ru ka hUM phaT/ oM rat+na shrI he ru ka hUM phaT/ oM pad+ma shrI he ru ka hUM phaT/ oM karma shrI he ru ka hUM phaT/ oM badz+ra kro d+hi shwa rI hUM phaT/ oM bud+d+ha kro d+hi shwa rI hUM phaT/ oM rat+na kro d+hi shwa rI hUM phaT/ oM pad+ma kro d+hi shwa rI hUM phaT/ oM karma kro d+hi shwa rI hUM phaT/ oM badz+ra go rI ha/ oM badz+ra tsau rI ha/ oM badz+ra pra mo he ha/ oM badz+ra be ta lI ha/ oM badz+ra puk+ka sI ha/ oM badz+ra g+hasma rI ha/ oM badz+ra sma sha nI ha/ oM badz+ra tsaN+Da li ha/ oM badz+ra sed+ha mu khI he/ oM badz+ra b+ha g+h+ri mu khI he/ oM badz+ra sr-i ga la mu khI he/ oM badz+ra shwa na mu khI hi/ oM badz+ra gr-id+d+ha mu khI he/ oM badz+ra kaM ka mu khI he/ oM badz+ra kA ka mu khI he/ oM badz+ra u lU ka mu khI he/ oM badz+ra AR+Ya te dza tang dzaHoM badz+ra a mo ka hUM/ oM badz+ra lo ka ba/ oM badz+ra b+hasmi ba la ya tu hoHyang dag thugs kyi sngags kyi le'u ste lnga pa'o// // 'jam dpal sku'i lha tshogs kyi sngags bstan pa/ oM a kro te ka ya mAn+ta ka hUM phaT/ oM be tA li rak+ta ma na hUM b+h+yo hUM/

  570. 285b

    e ka dza ti trag rak+Sha kha mun tra snying kha rag ma ru lu ru lu b+h+yo/ 'di man sngags sor bzhag/ oM ya ma rA dza pre ta tho la yang hUM phaT/ oM ya ma rA dza pre ta byi tri ti pi mar ta ka hUM phaT/ oM ya ma rA dza pre ta dza la hUM phaT/ oM ya ma rA dza ka la k+She pre to da k+She tra hUM phaT/ oM rag mo rag mo snying rtsal sha ma b+h+yo/ oM rag mo rag mo khrag la mu sha ma b+h+yo/ oM rag mo rag mo ting laM ma b+h+yo/ oM rag mo rag mo ting ting ka la ma b+h+yo/ oM he ma d+he bI hUM/ oM ya ma d+he bI hUM/ oM nA ga b+he bI hUM/ oM kha ra ga de bI hUM/ oM badz+ra ya ma rak+Sha kro d+ha hUM phaT/ oM ya ma hrIHSh+T+r-iHhUM phaT/ oM ya ma ma hA ba ta hUM phaT/ oM ya ma hri ku ru hUM phaT/ oM ya ma pa ti hUM phaT/ oM ya ma Ar+ya d+ha ra hUM phaT/ oM ya ma rag sha hUM phaT/ oM ya ma sarba sa ta hUM phaT/ oM ya ma a mr-i ta laM hUM phaT/ oM ya ma d+harma rA dza hUM phaT/ oM ya ma de ba dza la raM hUM phaT/ oM ya ma hrIHSh+T+rIHbaM hUM phaT/ oM ma ma rag mo ru lu b+h+yo/ oM rag mo rak+Sha ru lu b+h+yo/ oM ma ma yag mo ru lu b+h+yo/ oM ma ma rak+Sha hrIHSh+NIHsnying ru lu b+h+yo/ oM ma ma rak+Sha ma ti ru lu b+h+yo/ oM rag mo ta na ru lu b+h+yo/ oM ma ma nA ga ru lu b+h+yo/ oM ma ma ba ya de ba ru lu b+h+yo/ oM yag mo yag mo ru lu b+h+yo/ oM ma ma badz+ra e ka ru lu b+h+yo/ oM ma ma rag mo ru lu b+h+yo/ oM kA lI rag mo ru lu b+h+yo/ oM ya ma aM ku sha dzaH/ oM ya ma pA sha hUM/ oM ya ma s+pho Ta baM/ oM ya ma g+haN+De hoH'jam dpal sku'i lha tshogs kyi sngags kyi le'u ste drug

  571. 286a

    pa'o// // pad+ma gsung gi lha tshogs kyi sngags bstan pa/ oM badz+ra ma hA kro d+ha ha ya grI ba hu lu hu lu hUM phaT/ oM e ka dza Ti gu h+ya sid+d+hi sa ma ya b+h+yo dza/ oM badz+ra kro ta pa tsa la mu kha hUM dza/ oM badz+ra pak+Sha ti mu kha hUM dza/ oM pad+ma kro d+ha ha na ha na hUM phaT/ oM pad+ma kro d+ha da ha da ha hUM phaT/ oM pad+ma kro d+ha pa tsa pa tsa hUM phaT/ oM pad+ma kro d+ha b+hin+da b+hin+da hUM phaT/ oM pad+ma kro d+ha ban+d+ha ban+d+ha hUM phaT/ oM pad+ma kro d+ha ts+tshin+da ts+tshin+da hUM phaT/ oM pad+ma kro d+ha gardza gardza hUM phaT/ oM pad+ma kro d+ha s+pho Ta s+pho Ta hUM phaT/ oM gu h+ya kro d+hI hUM/ oM dz+nyA na kro d+hI hUM/ oM rak+Sha kro d+hI hUM/ oM tsit+ta kro d+hI hUM/ oM badz+ra kro d+hi hUM/ oM ya ma kro d+hi hUM/ oM nA ga kro d+hi hUM/ oM yak+Sha kro d+hi hUM/ oM badz+ra aM ku sha dzaH/ oM badz+ra pA sha hUM/ oM badz+ra s+pho Ta baM/ oM badz+ra g+haN+De hoHpad+ma gsung gi lha tshogs kyi le'u ste bdun pa'o// // phur pa phrin las kyi lha tshogs kyi sngags bstan pa/ oM badz+ra kI li kI la ya shrI ku mA ra hU~M phaT/ oM dip+ta ta tsakra ru lu ru lu b+h+yo/ oM badz+ra kI li kI la ya hUM phaT/ oM rat+na kI li ki la ya hUM phaT/ oM pad+ma ki li ki la ya hUM phaT/ oM karma ki li kI la ya hUM phaT/ oM badz+ra kro d+ha hAM ka ra hUM phaT/ oM badz+ra kro d+ha bi dza ya hUM phaT/ oM badz+ra kro d+ha nI la daN+Da hUM phaT/ oM badz+ra kro d+ha ya mAn+ta ka hUM phaT/ oM badz+ra kro d+ha AR+Ya a tsa la hUM phaT/ oM badz+ra kro d+ha ha ya grI ba hUM phaT/ oM badz+ra kro d+ha a pa ra dzi ta hUM phaT/ oM badz+ra kro d+ha a mr-i ta kuN+Da

  572. 286b

    li hUM phaT/ oM badz+ra kro d+ha tre lo kya bi dza ya hUM phaT/ oM badz+ra kro d+ha ma ha ba la hUM phaT/ oM badz+ra kro d+hi ra ba ya ti hUM/ oM badz+ra kro d+hi lA se ki hUM/ oM badz+ra kro d+hi ta ta tra yang na pa ti hUM/ oM badz+ra kro d+hi sh+ma sha na brti hUM/ oM badz+ra kro d+hi mu sa la ti hAM/ oM badz+ra kro d+hi tsaN+Da li hAM/ oM badz+ra kro d+hi sa bya ti hAM/ oM badz+ra kro d+hi sa bya mi ta hA/ oM badz+ra kr-i d+hI mA ra Na hA/ oM badz+ra kro d+hi tsun+da ya ti hUM/ oM badz+ra sA ka ra mu kha hUM/ oM badz+ra b+ha g+h+ra mu kha hU~M/ oM badz+ra ma ra mu kha hUM/ oM badz+ra ha ri Na mu kha hUM/ oM badz+ra di pI mu kha hUM/ oM badz+ra pi DA la mu kha hUM/ oM badz+ra shA na mu kha hUM/ oM badz+ra sid+d+ha mu kha hUM/ oM badz+ra ta rak+Sha mu kha hUM/ oM badz+ra rak+Sha mu kha hUM/ oM badz+ra u e nu pa yang pi ka mu khi hUM/ oM badz+ra gr-in+d+ha mu khI hUM/ oM badz+ra ka ka mu khI hUM/ oM badz+ra u lA mu khI hUM/ oM badz+ra bA ya sa mu khI hUM/ oM badz+ra yak+Sha ti mu khI hUM/ oM badz+ra pa tI mu khI hUM/ oM badz+ra ti ti la mu khI hUM/ oM badz+ra na ku la mu khI hUM/ oM badz+ra mu Shi ka khai ts+tsha/ oM badz+ra mak+Shi NaM thA/ oM badz+ra b+hai ra ba nyA/ ma 'an pa ma a we Tha thA/ oM badz+ra mA raNI tAM/ thar pa phrin las kyi sngags kyi le'u rtse brgyad pa la// / ma mdzad gtong gi sngags bstan pa/ ma hA badz+ra ru ka hUM a a/ oM nyid bzhi mu kha le kro d+hI shwa rI b+ha ga pad+mar+ya bde klong 'dus 'dus na snying dza sha yu ti ni hAM b+h+yo/ gri ba mu hAM ha/ dza la raM ba ha/ b+hi sha san ti ha/ b+hi yang yang te ha/ ma hA laM te ha/ oM badz+ra kro d+hi shwa

  573. 287a

    rI b+ha ga pad+ma r+ya hUM hA/ oM badz+ra shIn+d+ra pad+ma ka ru ting b+h+yo/ oM mu tri ni b+h+yo/ mo shan+ti ni b+h+yo/ b+ha ga dun tri ni b+h+yo/ kha mun dan tri ni b+h+yo/ oM badz+ra sAR+Ya bi to a to ye/ oM badz+ra pad+ma bi to a ho ye/ oM badz+ra kha rag bi to a to ye/ oM badz+ra sring 'gro bi to a to ye/ oM badz+ra a ko a ke b+h+yo/ oM badz+ra ta ko ta kai b+h+yo/ oM badz+ra nI la nI la b+h+yo// oM badz+ra lan+ta lan+d+ha b+h+yo/ oM badz+ra dza traM mu raM shwa/ badz+ra dza traM mu raM shwa/ badz+ra kha rag snying rag ma b+h+yo/ trag rak+ka trag rak+Sha b+h+yo/ trag rak+Sha kha mun tra baM kha ma na trag rak+Sha b+h+yo/ pra ka ra tiSh+Tha b+h+yo/ pra gi baM gi sha b+h+yo/ b+h+yo hAM ka ro ka/ ba rod d+ha rod/ ni la chu mi haM/ kha T+wAM ga/ da la tsa la/ pad+ma tsan+ta/ ya gur ra ga to// ding saM ding saM/ e A ral+li/ pu byi ru lu ru lu b+h+yo/ trag rag sha trag rag sha b+h+yo/ a ting b+h+yo/ byi ting b+h+yo/ su ting b+h+yo/ mu ting b+h+yo/ badz+ra shin+taM b+h+yo/ dun+ti b+h+yo/ ha ra ti b+h+yo/ grub ti b+h+yo/ ti yaM b+h+yo/ a brta la b+h+yo/ d+ha la du na b+h+yo/ di la ma ma yas b+h+yo/ ma nu rak+Sha si b+h+yo/ brah+ma NI b+h+yo/ ko'ut+ti b+h+yo/ ko'u ma ri b+h+yo/ biSh+Ta be b+h+yo/ in+da NI b+h+yo/ bing+ga lI b+h+yo/ a mr-i ta b+h+yo/ so'u s+ya b+h+yo/ daN+Da de b+h+yo/ rak+ta sI b+h+yo/ b+hak+Sha si b+ho/ ra ti badz+ra b+ho/ ru d+hi ra maD+b+hi b+h+yob+hob+h+yo/ e ka tsa ri NI b+h+yo/ ma no ha raM b+h+yo/ sid+d+hi ka b+h+yo/ pa ya bI b+h+yo/ ma hA mA ra Na b+h+yo/ badz+ra ag+ni b+h+yo/ wa ra hI b+h+yo/ mur+t+ti b+h+yo/ su ta ni b+h+yo/ ba ru NI b+h+yo/ ma hA ka lI b+h+yo/ tsa ka lI b+h+yo/ kum+b+ha kar+Na b+h+yo/ li bo da ra b+h+yo/

  574. 287b

    rborgod gtong sngags kyi le'u ste dgu pa'o// // 'jig rten mchod bstod kyi sngags bstan pa/ oM badz+ra tsaN+Da sarba duSh+TAM hUM phaT/ ma hA de ba e dzaHb+h+yo/ u ma de bI e dzaHb+h+yo/ ya ma ya dzaHb+h+yo/ ya ma dan+ti ya dzaHb+h+yo/ ya ma ru lu ma dzaHb+h+yo/ e ka dza Ti trag dzaHb+h+yo/ du phrag du dzaHb+h+yo/ dun ti du dzaHb+h+yo/ ra tsa tsa dzaHb+h+yo/ gi ka ra tri dzaHb+h+yo/ badz+ra sA d+hA tri dzaHb+h+yo/ rA hu la tri dzaHb+h+yo/ rag+ga ra dzaHb+h+yo/ rag mo ra dzaHb+h+yo/ yak+Sha rak+Sha dzaHb+h+yo/ ya ga mo k+Sha dzaHb+h+yo/ ma hA ka la shrI dzaHb+h+yo/ rU tra nr-i dzaHb+h+yo/ mun mun pa dzaHb+h+yo/ tir+thi ka tha dzaHb+h+yo/ de ba a dzaHb+h+yo/ a se la a dzaHb+h+yo/ tig sna 'dre ruM tsa dzaHb+h+yo/ a b+hi shuk+ShA dzaHb+h+yo/ tri pa sha li tri dzaHb+h+yo/ haM shaM tri dzaHb+h+yo/ bi nA ya ka u dzaHb+h+yo/ d+hA ki ni maM dzaHb+h+yo/ nA ga phu dzaHb+h+yo/ nA ga kro d+hi shwa rI phu dzaHb+h+yo/ 'jig rten mchod bstod sngags kyi le'u ste bcu pa'o// // dmod pa drag sngags kyi sngags bstan pa/ oM badz+ra sarba duSh+TAM hUM phaT/ ya ma ya tsit+ta hrI hU~M dzaHdzaH/ ma ma sngags 'das grangs dang ma 'phrigs pas lhag gas/ ru lu ma tsit+ta hrI hrI dzaHdzaH/ tir+thi ka tha tsit+ta hrIM hU~M dzaHdzaH/ du phrag du tsit+ta hrI hU~M dzaHdzaH/ dun taM du tsit+ta hrIM hU~M dzaHdzaH/ de ba a tsit+ta hrI hU~M dzaHdzaH/ rA tha nr-i tsit+ta hrI hrI dzaHdzaH/ rak+ka ra tsit+ta hrI hrIM dzaHdzaH/ rag mo ra tsiSh+Na hrIHhrIHdzaHdzaH/ yak+Sha k+Sha tsit+ta hrI hrIHdzaHdzaH/ yag mo k+Sha tsit+ta hrI hrI dzaHdzaH/ ra dza tsa tsit+ta hrI hrI dzaHdzaH/ yaM tri shu tsit+ta hrI hrI dzaHdzaH/ mun mun ba tsit+ta hrI hrI dzaHdzaH/

  575. 288a

    badz+ra sA d+hA tri tsit+ta hrI hrIM dzaHdzaH/ he shaM tri tsit+ta hrI hrI dzaHdzaH/ ra hu la pa tsit+ta hrI hrI dzaHdzaH/ nA ga phu tsit+ta hrI hrI dzaHdzaH/ dmod pa drag sngags kyi sngags bstan pa'i le'u ste bcu gcig pa'o// // bsgrub pa bka' brgyad kyi sngags kyi bye brag gi phreng ba bstan pa'i skabs te gnyis pa'o// // de nas rig 'dzin rnams kyis zhus pa/ e ma spyi dpal chen po lags// sngags kyi bshad pa dgos pa rnams// de don rgyas par bshad du gsol// de skad gsol pa gsan nas kyang // spyi dpal chen pos bka' stsal pa// oM badz+ra kro d+ha ma hA shrI he ru ka hUM phaT/ thog mtha' oM dang phaT bzhag nas// bar na bcu gcig grongs mdzes pa// che mchog yon tan srog sngags yin// oM ni ye shes rnam pa lnga// badz+ra rdo rje/ kro d+ha khro bo/ ma hA chen po/ shri dpal/ he ni dgyes pa/ ru dbang drag/ ka phrin las/ hUM ni ye shes khro bo la// phaT ni rnam rtog gcod pa'o// de ni don chos nyid dang sbyar te bshad pa'o// oM ni ye shes rnam pa lnga yi snying po'o// badz+ra mi 'gyur ba'i rdo rje/ kro d+ha khro bo/ ma ha shri he ru ka yab che mchog yum gnam zhal// hUM bsdus phaT gtor ba'o// de ni yab yum gnyis kyi snying por bstan pa'o// oM badz+ra zhi ba rdo rje dbyings kyi lha tshogs phyag mtshan gyi sngags/ kro d+ha mthar byed khro bo'i sngags// ma hA shrI che mchog yab yum gyi sngags/ he ru ka rigs

  576. 288b

    bzhi yab yum gyi sngags/ hUM dreg pa 'dul ba'i khro bo bcu'i sngags/ phaT sgo ba bzhi yi sngags so// de ni lha tshogs rnams kyi snying por bstan pa'o// rnal 'byor dbang chen thob 'dod pas// ma la ya yi sa phyogs su// ting 'dzin brtan po thob gyur nas/ khrag 'thung 'phros pa'i lha rgyud gsal// de ltar yig 'bru bcu gsum mo// che mchog yon tan lha tshogs kyi// srog dang srog gi snying por bstan// de ltar srog thob snying po rdzogs// thun mong dngos grub gang 'dod 'grub// de ltar spyad cing gnas pa ni// rang gi sems nyid der 'phrul bas// sems kyi mtshan nyid gdod nas dag/ rgyu dang rkyen las rag ma lus// sems kyi cho 'phrul thams cad kyang // ye nas lhun gyis grub pas na// dper na mtshal dang khu ba 'dra// mtshal dmar khu ba dmar ba bzhin// thun mong dngos grub thob nas ni// mchog gi dngos grub chen po 'thob// tshe gcig sangs rgyas sa la sbyor// zhes gsungs so// che mchog yon tan gyi sngags kyi dgongs pa'i le'u ste bcu gnyis pa'o// // de nas yang dag bshad bya ba// yang dag thugs kyi 'dzab dgongs la// oM ru lu ru lu hUM b+h+yo hUM phaT/ thog mtha' oM dang phaT bzhag nas// bar na yig 'bru bdun gnas pa/ khrag 'thung lha rgyud srog snying yin// oM ni ye shes rnam pa lnga// ru ni chags pa chen po'o// lu ni kun bzang yum gyi

  577. 289a

    mkha'// ru ni nyon mongs dbang sdud pa// lu ni srid gsum dbang du sdud pa'o// hUM ni dgyes pa chen po'o// sprul pa mang po 'gyed pa'o// b+h+yo ni chos kyi dbyings 'jig rten gnas 'gyur ba'i yi ge yin pa'o// hUM tha ma yon tan rin po che nor bu rin po che/ phaT ni chos kyi dbyings bde ba chen par bskul ba'o// de ni sngags kyi don dang sbyar te bstan pa'o// khrag 'thung drug cu rtsa brgyad snying por bstan pa ni// oM ni khrag 'thung yab yum bcu'i snying po'o// ru lu gong ma go rI brgyad// ru lu 'og ma phra men brgyad// hUM ni 'jigs byed khro bo bcu// b+h+yo ni dbang phyug ma nyi shu brgyad/ hUM sgo ba bzhi/ phaT spro ba'o// khrag 'thung lnga bcu rtsa brgyad kyi snying por ston pa ni/ oM khrag 'thung yab yum bcu/ ru lu gong ma go rI brgyad// ru lu 'og ma phra men brgyad/ hUM sgo ba bzhi/ b+h+yo dbang phyug ma nyi shu rtsa brgyad/ hUM tha mas dbang du sdud pa/ phaT kyi las byed pa'o// yang dag don gyi lha dgur ston pa ni// oM dpal chen yang gyi srog tu gnas// ru lu gong ma yum gyi srog tu gnas// ru lu 'og ma go rI ma brgyad kyi srog tu gnas/ hUM dang pos lha dgu po de dbang du sdud pa'o// b+h+yo ni las la skul bar byed pa'o// hUM tha mas mkha' 'gro ma thams cad dbang du sdud par byed pa'o// phaT ni snang srid thams cad rang dbang med par dbang du sdud par byed

  578. 289b

    pa'o// dpal chen po yab yum gyi snying par ston pa ni/ oM ni dpal chen po'i snying po'o// ru lu gnyis yum gyi snying po'o// hUM thugs dam gyi rgyud skul ba/ b+h+yo las la 'gyed pa/ hUM drag tu skul ba/ phaT gdug pa sgrol ba/ 'jig rten pa'i srog gi snying por bstan pa ni/ oM gtso bo badz+ra he ru ka/ sku mchog dmar po'i ngo bor gnas// ru lu go rI ma mo brgyad po yang // srin mo brgyad kyi ngo bor gnas// ru lu sing ha'i phra men brgyad po yang // srin mo brgyad kyi ngo bor gnas// hUM khro bo chen po bcu po yang // ging chen bco brgyad kyi ngo bor gnas// hUM rta gdong sgo ba bzhi po yang // bse mo bzhi yi ngo bor gnas// b+h+yo dbang phyug nyi shu rtsa brgyad kyang // srin mo nyi shu rtsa brgyad kyi ngo bor gnas// phaT 'jig rten dregs pa las la 'gyed// 'bru brgyad sngags kyi 'phro 'du yi// 'jig rten dregs pa gnad nas bskul// 'bru dgu sngags kyi 'phro 'du la// 'od dang sgra dang gzugs kyang ston// gnad nas bskul cing las la sbyar// thams cad sems kyi cho 'phrul te// bsdus pas hUM gi ngo bor gnas// rab tu dben pa'i dur khrod gnas// hUM las badz+ra he ru ka/ yab yum gnyis su med par gyur// ru lu sngags kyi 'phro 'du yis// bde gshegs thugs dam rgyud bskul nas// sku gsung thugs kyi dngos grub bsdu// dngos grub rang dbang bya ba dang // 'gro ba'i don

  579. 290a

    rnams bya ba dang // phrin las thams cad 'grub par 'gyur// zhes gsungs so// yang dag thugs kyi sngags kyi 'dzab dgongs bstan pa'i le'u ste bcu gsum pa'o// // 'jam dpal sku yi 'dzab dgongs la/ oM a kro te ka ya mAn+ta ka ha na ma tha b+hany+dza hUM phaT/ thog mtha' oM dang phaT bzhag nas// bar na yig 'bru bco lnga gnas// gshin rje'i lha rgyud srog snying yin// oM ye shes rnam pa lnga dang ldan pa// a skye ba med pa/ kro skye ba med pa las skye ba'i cho 'phrul byung ba/ te rig pa'i ye shes kyi gti mug dag pa/ ka karma las kyi rgyal po/ ya yan pa chen po/ man ngag sod gnon pa/ ta bde ba dag pa/ ka thugs rje chen po/ ha dgyes pa chen po/ na ngan song stong pa/ ma kun gyi gzhi/ tha thugs dam bskul ba/ b+ha nya thugs rjes sgrol ba// dza thugs rjes 'gugs pa/ hUM thams cad sdud pa/ phaT thugs rjes rnam rtog thams cad gcod pa'o// don chos nyid dang sbyar te bshad pa'o// oM ye shes rnam pa lnga dang ldan pa ste/ ya man+ta ka'i snying po'o// a yum bi ta li'i snying po'o// kro e ka tsa ti'i snying po'o// te ral pa tshar dgu'i snying po'o// ka ya ma ra tsa'i snying po'o// ya myos byed 'bar ba'i snying po'o// man Ar+ya me ru'i snying po/ ta kong rtse brag 'joms kyi snying po/ ka ban glang mgo can gyi snying po/ ha ya ba ti'i snying po/ na rmig pa'i snying po/ ma lha

  580. 290b

    mchog dud kha'i snying po/ tha a ba glang mgo'i snying po/ b+ha nya mig dmar gyi snying po/ dza chos kyi rgyal po'i snying po/ hUM bdud 'joms kyi snying po/ phaT rtol ba'i snying po/ lha bcu bdun gyi snying por bstan pa'o// oM ye shes lnga dang ldan pas sngags kyi mgo 'dren pa'i// a kro te ka gtso bo yab yum gsum gyi snying po'o// ya mAn+ta ka gshed bzhi'i snying po'o// ha na ma tha gshed bzhi'i yum gyi snying po'o// b+hany+dza hUM ni phyogs skyong yab yum bcu gnyis kyi snying po'o// phaT sgo ba bzhi'i snying po/ lha rgyud dang sbyar te bstan pa'o// oM a kro te ka gshin rje gshed po'i snying po/ ya mAn+ta ka gshed bzhi'i snying po/ ha na ma tha b+hany+dza hUM phaT/ mthar byed brgyad kyi snying po/ ya mAn+ta ta ka gshed mthar byed dang bcas pa'i snying por bstan pa'o// oM ye shes lnga dang ldan pas sngags kyi mgo 'dren pa'o// a kro te ka gdug pa thams cad 'dul ba'o// ya mAn+ta ka gnod par byed pa'i mgo chom/ ha na ma tha rgyob sod/ b+hany+dza hUM phaT/ b+hanya kyis chings/ dzas khug hUM gis sdus/ phaT kyis gtor/ gdug pa 'dul ba'i sngags su bstan pa'o// oM a kro te ka ya mAn+ta ka gtso bo'i snying po/ ha na ma tha b+hany+dza yum e ka dza Ti'i snying po/ hUM sngas shig phaT gtor cig yab yum gnyis kyi snying por bstan pa'o// dur khrod chen po'i sa phyogs su// ting 'dzin brtan par gyur pa na// 'jig rten lha tshogs

  581. 291a

    gsal byas nas// yig 'bru bcu bdun 'bum du gdon// ma gshin 'bum sde'i srog nyid kyang // rang dbang med par 'thob par 'gyur// thams cad gshin rje'i dkyil 'khor che// gshin rje gshin rje ma rig pa// gshin rje ma spangs rang sa grol// 'jam dpal sku'i 'dzab dgongs bstan pa'i le'u ste bcu bzhi pa'o// // pad+ma gsung gi 'dzab dgongs la/ oM pad+mAn+ta kr-ita badz+ra kro d+ha ha ya grI ba hUM phaT/ thog mtha' oM dang phaT bzhag nas// bar na bcu bzhis grong mdzes pa// pad+ma dbang chen lha rgyud snying po yin// oM ye shes lnga dang ldan pa// pad mi 'gyur ba'i rig mAn byams pa chen po/ ta bde ba chen po/ kr-ita dga' ba chen po/ badz+ra btang snyoms chen po/ kro mi 'gyur ba'i rdo rje/ d+ha bdag nyid chen po/ ha bdag gi sku/ ya 'dren pa chen po/ gr-i gcod pa chen po/ ba dag pa'i sku/ hUM sdud pa chen po/ phaT gcod pa chen po// de ni don dam chos nyid dang sbyar te bshad pa'o// oM ye shes rnam pa lnga/ pad mAn+ta kr-ita pad+ma dbang chen gyi snying po/ badz+ra kro d+ha zil gnon gyi khro bo brgyad kyi snying po/ ha ya gri ba yum rnams kyi snying po/ hUM bka' nyan las byed kyi snying po/ phaT sgo ba bzhi'i snying po/ pad+ma dbang chen lha rgyud dang sbyar ba'o// oM ye shes lnga pad+ma na pad+ma'i rigs/ ta kr-ita rta mgrin/ badz+ra rdo rje/ kro d+ha khro bo/ ha ya grI ba rta mgrin/

  582. 291b

    hUM gtums sod/ phaT gsod sngags/ lha 'dre'i dmag dpung gzhom par bstan pa'o// oM ye shes lngas 'khol ba/ pad mAn+ta kr-ita pad+ma dbang chen/ ha ya grI ba gsung rta skad dang ldan pa/ hUM sde brgyad las la gzud cing dbang du sdud pa/ phaT las la skul ba'o// dam can ji bzhin skul ba dang sbyar ba'o// oM ye shes rnam pa lngas sreg pa/ pad+mAn+ta kr-ita pad+ma dbang chen/ badz+ra kro d+ha rdo rje khro bo/ ha ya grI ba rta mgrin/ hUM stobs kyis klu gdon thul/ phaT sod/ nA ga klu 'dul ba'i don du bzlas pa'o// de ltar gnyen po'i don ston pa// dpal gyi rta skad zengs gsum dang // ma mo'i 'gying skad zengs gsum dang // rnal 'byor brda skad zengs gsum gyis// dang pos snang srid thams cad kun// rta mgrin dbang gi lha ru byung // gnyis pas snang srid sha khrag gyur// gsum pas ma sring dbyings nas bskul// bstan pa'i mkhar spre'u rtsig pa'o// 'di lta bu yi don rtogs na// shin tu 'jigs pa'i dur khrod du// dbang chen rta yi nga rgyal gyis// gang dag gnas par byed pa des// rta mgrin dbang gi sbyor ba yis// lha srin las la 'di yis 'khol// lha 'dre'i dmag dpung 'di yis 'joms// sa bdag klu rnams 'di yis thul// drag sngags bsnyen pa 'di yis skyol// gsung gi dngos grub 'di yis

  583. 292a

    'thob// dbang mchog sku yang 'di yis mthong // gsang sngags zab mo'i man ngag 'di// skal med rmongs pa'i gang zag dag/ kun la bstan par ma gsungs so// pad+ma gsung gi sngags kyi dgongs pa'i le'u ste bco lnga pa'o// // phur pa phrin las 'dzab dgongs la// oM badz+ra kI li kI la ya sarba big+h+nAn baM hUM phaT/ thog mtha' oM dang phaT bzhag nas// bar na bcu bzhi'i grong mdzes pa// phur pa lha rgyud snying po yin// oM ni gzhi rtsa ba thams cad kyi mchog/ de bzhin gshegs pa rnams kyi gdung 'tshob pa mya ngan las 'das pa'i thugs/ byang chub kyi sems so// badz+ra ni dbyings gting mtha' med pa nas skye 'gro gzugs su snang ba thams cad phur bu'i sku gsung thugs kyi phyag rgyar gyur nas/ mi gnas par mya ngan 'das pa'i byang chub sems so// kI li kI la ya ni/ de ltar sku gsung thugs kyi 'od zer gyis bsgral nas// chags pa med par mya ngan 'das pa'i byang chub ste/ chos nyid chags pa med pa'i byang chub kyi sems kyis mtho ris dang ngan song las mi stong pas zin pa las mi 'da' ba'i byang chub sems so// sarba ni yum gyi dbyings las skye 'gro gzugs su snang ba thams cad lhag pa'i byang chub sems las mi gnas pas/ shes rab yang dag pa'i byang chub kyi sems so// big+h+nAM ni yab kyi mkha'i byang chub kyi

  584. 292b

    sems las bskyed pa'i rgyu thabs byang chub kyi sems so// baM ni de ltar thabs shes rab gnyis su med pa'i mya ngan las 'das pa'i chos nyid byang chub sems so// hUM ni rgyud lnga gnas su dag nas/ 'bras bu sku lngar lhun gyis grub pas/ mthar thug chos nyid kyi byang chub sems so// phaT ni de ltar 'bras bu lhun gyis grub pa'i phrin las te/ ma btsal rdzogs pa mya ngan las 'das pa'i byang chub sems so// phur pa rtse gcig pa de'i don phyi mo nas rang bzhin gyis gnas pa zhes bya'o// lha tshogs sngags su bstan pa ni// oM ni dpal chen yab yin te// badz+ra zhes pa yum yin no// kI ni ye shes khro bo la// li ni dbyings kyi khro mo yin// kI ni thabs kyi mche ba can// lA ni shes rab gshog pa can// ya ni sras mchog khro bo yin// sarba thams cad sdud pa'o// big+ha ni dgra dang sgrib pa yin// nan ni bgegs rnams 'ching ba yin// baM ni dbang du sdud pa ste// hUM ni phyag brnyan sgo ma bzhi// phaT ni sgrol ba'i phrin las rdzogs// dkyil 'khor gsum du bstan pa ni// dang po oM dang badz+ra ni// bdag nyid rtsa ba'i dkyil 'khor ro// kI li kI la'i yi ge bzhi// phyogs bcu khro bo'i dkyil 'khor ro// ya ni rdzas kyi dkyil 'khor ro// sarba thams cad ma lus pa// big+h+nAM bgegs zhes bya ba ste// baM gyis chings la hUM gis bsdus// phaT kyis mi gnas sreg par

  585. 293a

    byed// bcu gcig 'dus pa'i sngags su bstan// oM ni ye shes rnam pa lnga// badz+ra ye shes rdo rje yin// ki li ki la ya dang lnga// rang bzhin dag pa'i phur pa'o// sarba big+h+nAM thams cad bgegs// gyis non la hUM gis bsdus// phaT kyis mi gnas sreg par byed// nyams dga' ba yi gnas dag tu// mthing nag hUM las sku bskyed pa// rdo rje gzhon nu'i nga rgyal gyis// rnal 'byor rig pas rtags bzlas na// gsang sngags byin rlabs dngos grub dang // log 'dren sgrol ba'i sangs rgyas mthu// 'thob par 'gyur bar the tshom med// ces gsungs so// phur pa phrin las kyi sngags kyi dgongs pa'i le'u ste bcu drug pa'o// // ma mo rbod gtong 'dzab dgongs la// oM gu h+ya dz+nyA na shrI he ru ka/ gu h+ya dz+nyA na kro d+hI shwa rI stAM/ ma ma yo ge ni ru lu ru lu b+h+yo hUM phaT/ thog mtha' au dang phaT bzhag nas// ba ra na grong khyer nyi shu brgyad// srid pa ma mo'i srog snying yin// dben pa chen po'i sa phyogs su// bdag nyid bla med he ru ka'i// nga rgyal brtan por bzung byas nas// 'jig rten 'das dang ma 'das pa'i// ma mo mkha' 'gro thams cad kun// rang dbang med par las la gzud// gang dang gang la dmigs pa yi// las rnams de dag thams cad kun// skad cig tsam gyis 'grub par 'gyur// oM ye shes lnga/ gu h+ya yab/ dz+nyA na ye shes/ shrI

  586. 293b

    dpal/ he dgyes pa/ ru dbang sdud/ ka phrin las/ gu h+ya yum gyi mkha'/ dz+nyA na yum gyi ye shes/ kro d+hI yum/ shwa rI dbyings/ staM dbyings su thim pa/ ma chos kyi dbyings/ ma rig pa'i ye shes/ yo gi ni rnal 'byor pa/ ru lu mkha'/ ru lu dbyings/ b+h+yo las/ hUM sdus/ phaT gcod pa'o// sngags kyi don chos nyid du bshad pa'o// au ye shes lnga// gu h+ya dz+nyA na shrI he ru ka yab kyi snying po/ gu h+ya dz+nyA na kro d+hi shwa rI dbyings kyi yum drug gi snying po/ ma ma yo gi nI rang bzhin rnal 'byor ma rje mo bcu bzhi'i snying po'o// ru lu ru lu sman mo sum cu'i snying po/ b+h+yo dbang phyug ma nyi shu rtsa brgyad kyi snying po'o// hUM dbang du sdud pa/ phaT las la 'gyed pa'o// ma chen bdun cu rtsa lnga'i snying por bstan pa'o// oM ye shes lnga 'dus pa/ gu h+ya dz+nyA na ye shes gsang ba'i thugs// shrI he ru ka dpal chen po/ gu h+ya dz+nyA na gsang ba'i yum/ kro d+hI shwa rI yum gyi tshogs/ s+t+waM ni thams cad dbang du sdud/ ma ma yo gi nI ma mo dbang du sdud cing 'khol// ru lu ru lu ma mo mkha' 'gro las la 'dzud pa/ hUM gis dbang du sdud/ b+h+yo yis las la 'khol/ phaT kyi thams cad sgrol bar byed// mkha' 'gro ma'i sngags su bstan pa'o// oM gu ya dz+nyA na shrI he ru ka gu ya dz+nyA na kro ti shwa rI shrI s+t+waM/ ye shes kyi mkha' 'gro ma'i snying po'o// ma ma yo gi nI rang bzhin gyi rnal 'byor ma'i snying po'o// ru lu ru lu b+h+yo ni

  587. 294a

    las kyi mkha' 'gro ma'i snying po'o// hUM dbang du sdus/ phaT las las bskul ba'o// mkha' 'gro rnam bzhi'i snying por bstan pa'o// ma mo rbod gtong gi lha tshogs kyi sngags kyi dgongs pa'i le'u ste bcu bdun pa'o// // 'jig rten mchod bstod kyi 'dzab dgongs la/ oM badz+ra tsaN+Da sarba duSh+TAM hUM phaT/ thog mtha' oM dang phaT bzhag nas/ bar na 'bru brgyad grang gnas pa// dregs pa 'dus pa'i snying po yin// oM ye shes lnga/ badz+ra rdo rje/ tsaN+Da gtum po/ sarba thams cad/ duSh+Ta stobs che ba/ hUM dbang du bsdus/ phaT kyis las la 'dzud pa'o// sngags kyi sgra don bstan pa'o// oM badz+ra tsaN+Da dregs pa kun 'dul gyi snying po/ sarba duSh+TAM dregs pa can sum cu'i stobs/ hUM yum khams gsum spyi 'dul ma/ yab yum gyi bar du dregs pa can bcug pa stobs dbang du sdud pa'o// phaT kyis stobs 'phrog pa'o// dregs pa dbang du sdud pa'i tshul du bzlas pa'o// oM ye shes lnga dang ldan pa/ badz+ra rdo rje/ tsaN+Da gtum po/ sarba thams cad/ duSh+TAM gnon pa/ hUM dbang du sdud pa/ phaT kyis gcod pa'o// drag sngags su bstan pa'o// dben pa chen po'i sa phyogs su// rnal 'byor stobs dang ldan pa yis// dregs pa dbang du bsdu 'dod na// bdag nyid khro chen skur bsgoms la// 'jig rten dregs pa gnad la bor// dbang du bsdus te dam stsal la// phrin

  588. 294b

    las rgya mtsho kun la sbyar// zhes gsungs so// 'jig rten mchod bstod kyi sngags kyi dgongs pa bstan pa'i le'u ste bco brgyad pa'o// // dmod pa drag sngags 'dzab dgongs la// oM badz+ra sarba duSh+TAM hUM phaT/ thog mtha' oM dang phaT bzhag nas// bar na grong khyer drug gnas pa// dregs pa gzir ba'i snying po yin// oM ye shes lnga/ badz+ra rdo rje/ sarba thams cad/ duSh+TAM gnon pa// hUM sdud pa/ phaT gcod pa'o// sngags kyi don bstan pa'o// oM badz+ra stobs ldan nag po'i snying po'o// sarba dregs pa can sngags bdag bco brgyad/ duSh+TAM gzir cing gnon pa/ hUM 'byung ba lnga'i bdag mo/ yab yum gyis dregs pa can bar du bcug la gzir ba'o// phaT kyis gzir zhing gcod pa'o// dregs pa can gzir ba'i don du bzlas pa'o// oM ye shes lnga'i rang sngags/ badz+ra rdo rje/ sarba thams cad/ duSh+TAM dregs pa can gyi stobs so// hUM zil gyis gnon pa thugs 'dus pa/ phaT gcod pa'o// drag sngags gzir gnon du bzlas pa'o// bdag nyid stobs ldan gsal ba las// dregs pa ma lus gzir byed cing / khams su dregs pa gnad la bor// de nyid sde brgyad las la dgye// bstan pa'i bsrung mar dbang bskur ro// zhes gsungs so// dmod pa drag sngags kyi dgongs pa bstan pa'i le'u ste bcu dgu pa'o// // sgrub pa bka' brgyad kyi

  589. 295a

    'dzab dgongs sngags kyi don bstan pa'i skabs te gsum pa'o// // ma tshang bskong ba'i rgyud ces bya ba le'u bcu dgu pa skabs gsum pa/ rdzogs so// rgyal po khri srong lde'u btsan gyi phyag dpe/ rin chen gter du sbas/ gter rgya/ sbas rgya/ gtad rgya/ 'di la tshig sna nyung zhing le'u bcu gnyis par bka' sdod kyi sngags bstan pa'i le'u nyi shu pa zhig snang yang don tshan gzhan ni 'di nyid rgyas par 'dug go// ma tshang kha bskang ba'i rgyud// bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku gsung thugs rnam par dag pa'i bdag nyid chen po 'gyur ba med pa rdo rje'i rang bzhin can/ dus gsum gyi 'dod pa ma lus pa thams cad bsgrub par nus pa/ yid bzhin gyi nor bu rin po che'i gter mi zad pa'i dbyings lta bu/ srid pa dang zhi ba'i chos ma lus pa skad cig tsam la thugs su chud pa/ ye shes kyi thig le chen po sna tshogs su rnam par 'phrul pa'i ngo bo nyid rnam par snang ba ste/ 'og min gyi gnas thun mong ma yin pa'i nam mkha'i khams kyi gtos chen po rdo rje btsun mo'i b+ha ga yangs pa'i dbyings/ rang bzhin lhun gyis grub pa'i gnas mchog chen po yon tan chen po bsam gyis mi khyab pa'i pho

  590. 295b

    brang / ye shes kyi gzhal med khang kha dog dang dbyibs dang / 'dod pa'i yon tan rgya chen pos mdzes shing / rnam par bkra bar byas pa/ dus gsum gyi sangs rgyas dang byang chub sems dpa' sems dpa' chen po thams cad kyi 'byung gnas su gyur pa de na bzhugs te/ de'i tshe 'khor 'dus par gyur pa ni/ de bzhin gshegs pa rnam par snang mdzad chen po dang / de bzhin gshegs pa rdo rje sems dpa' chen po dang / de bzhin gshegs pa rin po che'i 'byung gnas chen po dang / de bzhin gshegs pa snang ba mtha' yas chen po dang / de bzhin gshegs pa gdon mi za bar grub pa chen po dang / de dag gi yum chen mo kun tu bzang mo dang / sangs rgyas kyi mig can ma dang / rdo rje dbyings ma dang / bzod pa chen mo dang / dam tshig gi lha mo dang / gzhan yang byang chub sems dpa' sems dpa' chen po kun tu bzang po dang / 'jam dpal dang / spyan ras gzigs dbang phyug dang / lag na rdo rje dang / sa'i snying po dang / nam mkha'i snying po dang / byams pa dang / sgrib pa rnam par sel ba dang / byang chub sems ma rdo rje dbyings phyug ma dang / rin po che'i dbyings phyug ma dang / pad+ma'i dbyings phyug ma dang / las kyi dbyings phyug ma dang / rdo rje sems ma dang / rin po che'i sems ma dang / pad+ma'i sems ma dang / las kyi sems ma dang / de dag gi yang 'khor

  591. 296a

    gyi dam par gyur pa/ byang chub sems dpa' rdo rje sems dpa' dang / rdo rje rgyal po dang / rdo rje chags pa dang / rdo rje mdzes pa dang / rdo rje gzi brjid dang / rdo rje rin chen dang / rdo rje rgyal mtshan dang / rdo rje bzhad pa dang // rdo rje chos dang / rdo rje rnon po dang / rdo rje smra ba dang / rdo rje 'khor lo dang / rdo rje las dang / rdo rje bsrung ba dang / rdo rje gnod sbyin dang / rdo rje khu tshur dang / rdo rje rgyal mtshan dang / dbang phyug rgyal po dang / bkod pa'i rgyan dang / rin chen 'od 'phro dang / snang ba'i 'od dang / phyag rgya'i rgyal po dang / spos kyi glang po dang / spobs pa brtsegs pa dang / pad+ma'i rgyal po dang / pad+ma dam pa dang / rdo rje mi g.yo ba dang / thogs med rgyal po dang / rin po che'i dbang sdud dang / grub pa'i las dang / dga' bar ston pa dang / mi g.yo ba'i mtha' dang / de dag gi byang chub sems ma sgeg pa mo dang / bdug pa ma nga/ lcags kyu ma dang / me 'od ma dang / phreng ba ma dang / me tog ma dang / zhags pa ma dang / rlung g.yab ma dang / dbyangs mkhan ma dang / mar me ma dang / lcags sgrog ma dang / gsal bkra ma dang / sbyar ma dang / chu 'dzin ma dang / dril 'khrol ma dang / 'bebs byed ma dang / bde ba rgyas 'debs ma dang / bde ba za byed ma dang / bde ba rmongs byed ma dang / bde ba tshe 'phel ma dang / khrus kyi lha mo dang /

  592. 296b

    rgyal mtshan gyi lha mo dang / bla re'i lha mo dang / gzugs kyi lha mo dang / lha mo dpal be'u ma dang / 'jigs byed ma dang / skyon bral ma dang / mdangs can ma dang / skyabs can ma dang / dri med ma dang / sgra sgrogs ma dang / thogs med ma dang / gzhan yang lha'i byang chub sems dpa' dang / mi'i byang chub sems dpa' dang / lha ma yin gyi byang chub sems dpa' dang / yi dwags kyi byang chub sems dpa' dang / byol song gi byang chub sems dpa' dang / dmyal ba'i byang chub sems dpa' dang / gzhan yang rdo rje lcags kyu can dang / rdo rje zhags pa can dang / rdo rje lcags sgrog can dang / rdo rje dril bu can dang / de dag la sogs pa phyogs bcu'i nam mkha'i khams ma lus pa khyab pa'i zhing khams kyi bkod pa dang / gzhal yas khang gi 'khor lo la snang ba dang / yab dang yum gyi rnam pa gnyis su med pa dang / thabs kyi rang bzhin du snang ba dang / shes rab kyi ngo bor bzhugs pa dang / de bzhin du de dag so so'i rang bzhin dang / gzugs dang / tshor ba dang / 'du shes dang / 'du byed dang / rnam par shes pa dang / mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam

  593. 297a

    par shes pa dang / lus kyi rnam par shes pa dang / yid kyi rnam par shes pa dang / sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams dang / zad par gyi khams dang / ma lus par snang ba'i khams la sogs pa rnam par dag pa'i rang bzhin du gnas pa/ dpag tu med pa/ grangs med pa/ bsam gyis mi khyab pa/ gzhal du med pa/ brjod du med pa/ dngos po'i rdul phra rab kyi tshad du gyur pa rnams dang thabs cig tu bzhugs so// de nas bcom ldan 'das des rab tu 'dus pa'i 'khor gyi tshogs chen po de dag dang / gzhan yang 'jig rten las 'das pa'i chos thams cad kyi rang bzhin rnam par dag pa dang / dri ma dang bcas pa dang / sems dang sems las byung ba dang / stong pa nyid dang / shin tu stong pa nyid dang / ma rig pa dang / stong pa nyid chen po dang / chu'i tshogs dang / gzhi'i khyad par dang / lam gyi rang bzhin dang / zabs dang shes rab kyi byed pa dang / mthong ba dang / goms pa dang / spyad pa dang / thob pa dang / snyoms par 'jug pa dang / 'gog pa dang / bgrod pa dang / spangs pa dang / sbyangs pa dang / bsgyur ba dang / shes pa dang / mngon du gyur pa dang / dbang du gyur pa dang / so sor rig pa dang / rtogs par bya ba dang / klong du gyur pa

  594. 297b

    dang / bskyod pa dang / 'jig pa dang / 'gyur ba dang / mi g.yo ba dang / brtan pa dang / phyogs dang / dus dang / khams dang / rigs dang / byed pa dang / las dang / bsam pa dang / skye gnas dang / 'chi 'pho bapa dang / len pa dang / 'dod pa'i srid pa dang / gzugs kyi srid pa dang / yid kyi srid pa dang / tha mal pa dang / log pa dang / phyogs tsam nyid dang / nye ba dang / yang dag pa dang / mthar thug pa dang / mchog tu snang ba dang / mngon du gyur pa dang / thun mong du snang ba la sogs pa yul dang / snang ba dang / dngos po dang / srid pa dang / zhi ba dang / mya ngan las 'das pa'i chos thams cad la rag ma lus shing yang dag par gzigs pas rnam par gzigs par mdzad do// de nas yum chen mo kun tu bzang mo la sogs pa ji snyed du 'dus pa'i 'khor rnams kyis 'di nyid kyi don dang len pa'i chos rnams rang gi ngo bo stong par mthong ba ni/ dper na nam mkha'i mtshan nyid ni/ gzhan gyis brtag par dka' zhing gzhal bar mi nus pa bzhin du mthong nas bcom ldan 'das la 'di skad ces gsol to// oM chos dbyings don dam spros bral rang bzhin las/ gzugs dang mtshan ma'i 'dzin pa mi mnga' yang / stong pa'i shes rab ma 'gags spros bral ba'i// chos sku lhun grub mnyam nyid bzhengs su gsol// AHgdod nas dag pa'i ye shes

  595. 298a

    tshogs las grub// bsam gyis mi khyab mtshan dang dpe byad ldan// longs spyod rdzogs pa'i sku mchog bstan du gsol// hUM rnam par dag pa'i smon lam mthus grub cing // byams dang snying rje'i thugs kyang rab bskyed pa'i// sna tshogs rigs kyi rang gi mchog gyur yul// sprul pa sku yi rigs kun dbyung du gsol// hrIHma 'gags skye med ngo bo stong nyid sgra// yan lag drug cu gsung dbyangs dpag med pas// bstan pa rgya mtsho so so'i bye brag tu// kun gyi lam gyur sde snod de gsungs shig/ hA mi 'gyur thugs kyi dgongs pa dpag med las// gnod sdig zhi dang 'dod pa'i don rgyas dang // phal pa dbang bskur gdug byed tshar gcod pa'i// kun gyi don spyod phrin las de mdzod cig/ ces bskul bas/ de ma thag tu bcom ldan 'das nyid kyis sku gsung thugs kyi gnas thams cad nas 'od zer gyi dra ba sangs rgyas kyi zhing gi yon tan bkod pa zhes bya ba'i ting nge 'dzin dang ldan pa'i 'od zer gyi dra ba chen po bkye ste/ nam mkha'i khams ma lus pa thams cad snang bar mdzad pa dang / 'khor 'dus pa de dag gis kyang phyogs bcu'i sangs rgyas kyi zhing / nam mkha'i khams thams cad til gyi gang bu bzhin du gang bar bzhugs nas/ lham me lhang nge lhan ne ba mthong bar 'gyur to// de ltar 'dug pa'i khyad par du yang / yang

  596. 298b

    dag par rdzogs pa'i sangs rgyas gangs chen mtsho rnam par snang mdzad kyi sangs rgyas kyi zhing stug po bkod pa'i gnas nas/ yang dag par rdzogs pa'i sangs rgyas de nyid kyi/ sku gsung thugs kyi rnam par 'grub pa'i 'jig rten gyi khams cad na yang / sangs rgyas de dag gi 'khor gyi thog mar 'dug par mthong bar gyur to// de bzhin du shar gyi phyogs kyi nam mkha'i khams na yang dag par rdzogs pa'i sangs rgyas mi 'khrugs pa bkod pa'i sangs rgyas kyi zhing mngon par dga' ba'i gnas na/ yang dag par rdzogs pa'i sangs rgyas de nyid kyi/ sku gsung thugs kyi rnam par 'phrul pa'i 'jig rten gyi khams thams cad na yang / sangs rgyas de dag gi 'khor gyi thog mar 'dug par mthong bar gyur to// de bzhin du lho phyogs kyi nam mkha'i khams na yang dag par rdzogs pa'i sangs rgyas rin chen 'byung gnas kyi sangs rgyas kyi zhing rin chen yod pa'i gnas na/ yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang sangs rgyas de dag gi 'khor gyi thog mar 'dug pa mthong bar gyur to// de bzhin du nub kyi phyogs kyi nam mkha'i khams na/ yang dag par rdzogs pa'i sangs rgyas snang ba mtha' yas kyi sangs rgyas kyi zhing bde ba can gyi gnas na yang dag par rdzogs pa'i sangs

  597. 299a

    rgyas de nyid kyi sku gsung thugs kyi rnam par 'khrul pa'i 'jig rten gyi khams thams cad na yang / sangs rgyas de dag gi yang 'khor gyi thog mar 'dug pa mthong bar gyur to// de bzhin du byang phyogs kyi nam mkha'i khams na yang dag par rdzogs pa'i sangs rgyas gdon mi za bar grub pa'i sangs rgyas kyi zhing pad+ma brtsegs pa'i gnas na/ yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang sangs rgyas de dag gi 'khor gyi thog mar 'dug pa mthong bar gyur to// de bzhin du 'og gi phyogs kyi nam mkha'i khams kyi yang dag par rdzogs pa'i sangs rgyas pad+mo dam pa'i dpal gyi sangs rgyas kyi zhing pad+mo can gyi gnas na/ yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang / sangs rgyas de dag gi 'khor gyi thog mar 'dug pa mthong bar gyur to// de bzhin du steng gi phyogs kyi nam mkha'i khams na yang dag par rdzogs pa'i sangs rgyas dga' ba'i dpal gyi sangs rgyas kyi zhing rdul dang bral ba'i gnas na/ yang dag par rdzogs pa'i sangs rgyas de nyid kyi sku gsung thugs kyi rnam par 'phrul pa'i 'jig rten gyi khams thams cad na yang / sangs rgyas de dag 'khor gyi thog mar 'dug pa

  598. 299b

    mthong bar gyur to// de la sogs pa phyogs bcu'i nam mkha'i khams kyi mthas gtugs shing 'byams klas pa thams cad kyi sangs rgyas kyi zhing rdul phra rab snyed kyi sangs rgyas de dag gi sku gsung thugs kyi rnam par 'phrul pa las byung ba'i 'jig rten gyi khams thams cad na yang / sangs rgyas de dag gi 'khor gyi thog mar rang nyid 'dug pa mthong bar gyur to// sangs rgyas kyi zhing de dag thams cad na 'tsho zhing gzhes pa'i sangs rgyas bcom ldan 'das de dag thams cad kyang so so nas/ phyogs bcu'i sangs rgyas dang byang chub sems dpa'i tshogs thams cad rang gi 'khor gyi dkyil 'khor du bkod par gzigs so// 'jig rten gyi khams de dag thams cad kyi sems can gyi khams bsam gyis mi khyab pa rnams kyi nyon mongs pa dang khams dang bag la nyal gyi khyad par gti mug gi dbang du gyur pa dang / zhe sdang gi dbang du gyur pa dang / nga rgyal gyi dbang du gyur pa dang / 'dod chags kyi dbang du gyur pa dang / phrag dog gi dbang du gyur pa dang / ser sna'i dbang du gyur pa dang / khro bo'i dbang du gyur pa la sogs pa rnams kyi don bsgrub pa'i phyir/ gdul bar bya ba'i 'khor kha cig la ni de bzhin gshegs pa'i rigs su bzhugs par mdzad do// de bzhin du kha cig la ni rdo rje'i rigs dang / kha cig la ni rin po che'i rigs dang kha cig la ni

  599. 300a

    pad+ma'i rigs dang / kha cig la ni phrin las kyi rigs dang / kha cig la ni sbyin pa chen po'i rigs dang / kha cig la ni khro bo chen po'i rigs la sogs pa rnams kyi sku gsung thugs rdo rje las byung ba'i 'khor gyi dkyil 'khor dang bcas pa'i rnam par 'phrul pa bsam gyis mi khyab par rab tu bstan to// de nas phyogs bcu'i dkyil 'khor gyi rnam par snang ba'i gzhal med khang na rang bzhin sangs rgyas kyi zhing gi bkod pa de dag so so'i gtso bo chen po rnams la so so'i 'khor rnams kyis rang gi bstan pa'i sde snod gsung dbyangs mi zad pa'i yan lag bsam gyis mi khyab pa rnams zhu zhing 'gro ba sems la snang bar gyur to// de dag thams cad kyi yang gtso bo sangs rgyas thams cad kyi yab rje bo// kun tu bzang po nyid la zhu zhing 'dri ba sems la snang bar gyur nas/ thams cad kyis mgrin gcig tu 'di skad ces gsol to// e ma dpal chen kun bzang mchog/ dus gsum sangs rgyas thams cad kyi// sku gsung thugs kyi phrin las dang // yon tan dpag med ji snyed pa// ma lus khyod kyi zugs la gnas// blo ldan rnams kyis bsgrub bya ba// nyid kyi sngon du bya ba dang // phyi ma phyi ma rab 'byed pa'i// rgyud rnams su ni legs bshad las// ma tshang ba rnams kha bskangs shing // the tshom som nyi gcad pa'i phyir// ma lus rdzogs

  600. 300b

    pa'i tshul gyis ni// ji ltar rigs pa'i yan lag rnams// thugs rje chen pos bstan du gsol// zhes gsol to// phyogs bcu'i sangs rgyas thams cad kyis thugs zhi ba chen po las phyung ba gleng gzhi'i le'u ste dang po'o// // de nas bcom ldan 'das rnam par snang mdzad la sogs pa phyogs bcu dus gsum gyi de bzhin gshegs pa thams cad dang / byang chub sems dpa' sems dpa' chen po thams cad dang / rig pa 'dzin pa'i skyes bu chen po rnams kyis de bzhin gshegs pa thams cad kyi dbang phyug dang / sku dang gsung dang thugs kyi gsang ba ma lus pa bstan pa dang / rigs dang dngos po thams cad kyi dam tshig ji lta ba bzhin du mthong zhing thos la rab tu rtogs te/ mngon sum du gyur bzhin du phyi ma'i dus kyi rig pa 'dzin pa'i skyes bu rnams kyi don du dgongs par mdzad nas/ bcom ldan 'das la slar gsol pa/ kye ma kun tu bzang po yi// sku dang gsung dang thugs nges pa// rang bzhin gsang ba'i mtshan nyid ni// rdo rje gsum las 'gyur med kyang // ma lus sems can khams snang ba// dus gsum rdo rje sangs rgyas gsum// thugs kyi dbang phyug gnas gyur pa// kun tu bzang po rdzu 'phrul che// 'di ni shin tu ngo mtshar che// bsam pa'i yul las rab 'das te// ma lus 'khor ba'i chu bo'i rgyun// mya ngan 'das par bar chad

  601. 301a

    med// shin tu rnyed pa dka' ba nyid// mngon sum myur du sgrub byed pa// bde bar gshegs pa kun 'dus rgyud// bstan pa'i mchog gyur gang bshad de// rtogs shing mthong bar dka' ba'i don// mnyam par 'dod na phan don du// mgon mdzad khyod la gsol ba na// bde bar gshegs zhes gang la bya// thams cad 'dus pa ji ltar gzhag/ rgyud ces bya ba ji lta bu// de la dbye ba ji ltar bshad// rang gi ngo bo ji ltar lags// zhi bar gnas pa ci yi phyir// bcom ldan zhes ni gang la brjod// rigs brgya dbye ba ci yi phyir// dam par brjod pa ci zhig lags// bsdu ba'i rim pa ji yan lag yang tsam zhig/ bdag cag de don nyan 'tshal na// bcom ldan 'das kyis bshad du gsol// de nas ston pa kun tu bzang // 'khor rnams bskul ba'i don gsan nas// sku gsung thugs kyi rdo rje las// nges par phyung ste bka' stsal pa// nyon cig 'dus pa'i 'khor gyi tshogs// gang gis spang bya ma lus spang // thob par bya ba mtha' dag brnyes// mi 'gyur sku gsung thugs rdzogs pa// bde ba chen po zhes bya ste// de yul 'bras bur gshegs pa'o// thun mong ba dang khyad par gyi// myur zhing 'jug pa'i bde ba ni// dka' spyad sdug bsngal mi gnas pa// 'dis 'gro lam gyis gshegs pa'o// sems can bde gshegs rgyu dang

  602. 301b

    bcas// rang bzhin rnam par dag pa'i sems// gnas skabs glo bur dri ma can// gzhi nyid bde ba 'dir gshegs pas// bde bar gshegs zhes brjod pa yin// rnam pa bcu brtsegs gnas pa gsum// ji snyed pa yi bde bar gshegs// thams cad ma lus yul de la// 'dus pa'i tshogs pa yin par bshad// gzhi dang lam dang 'bras bu rnams// rgyu dang thabs dang mthar thug tu// 'brel ba'i don dang ldan pas rgyud// rang bzhin thabs lam 'bras bu yis// rgyud gsum du ni bye brag dbye// ma bcos ma bsgyur ma bslad cing // skye 'gag rtag chad 'gro 'ong dang // yod med mtha' dang bral ba yis// dbyer med zung 'jug rang ngo tsam// gdul bya 'dod chags can don du// mdzes bya yon tan ldan pa yis// tshul dgus phyi rol drang ba'i phyir// sku gsung thugs ni zhi bar gnas// phyi nang gsang ba'i bdud bcom zhing // yon tan phun sum tshogs ldan pas// rang gzhan gnyis med don rdzogs la// bcom ldan zhes su brjod pa yin// nyon mongs khams dang phung po dang // dbang po yul dang bcas pa yis// rang gi rigs dang dbye ba mchog/ legs sbyar rigs brgyar 'gyur ba'o// sgrub byed lus ngag yid gsum ni// mi dge rtsa ba yan lag bcas// bsgrub bya lam gyi khyad par du// mthar thug sdom byed dam pa'o// de dag nye bar bsdu ba

  603. 302a

    ni// bsnyen sgrub las kyi khyad par te// rgyas bsdus rab tu bsdus pa yang / dbang gnyis kyang // de dag de nyid 'brel ba'o// de nas 'khor gyis yang zhus pa// kye ma kun tu bzang po che// dkyil 'khor zhes ni gang la bya// bskyed pa'i rim pa ci zhig lags// de bzhin rdzogs rim ji ltar gdags// rnal 'byor zhes ni ci la bgyi// thabs zhes bya ba ji lta bu// shes rab kyang ni gang zhig lags// don dam kun rdzob ji lta bu// dbyer med du ni 'dod pa gang // de kho na nyid ji ltar mthong // gsang ba rang ni ci zhig gnas// bcom ldan 'das kyis bka' stsal pa// chos dbyings don gyi snying po dkyil// rig pa'i ye shes sna tshogs 'khor// rang bzhin gzugs brnyan ting nge 'dzin// brda dang tha snyad bsam mi khyab// bsgrub bya sbyang ba'i gzhi nyid ni// skye gnas bzhi las srid pas na// tshul mthun bskyed pa'i rim pa bzhis// blo rim rtogs pa bskyed rim mo// de nyid srid pa bar do'o// shes rdzogs tshul gyis ston pa rnams// mngon par sangs rgyas tshul bzhin du// sgrub byed de ni rim par 'gyur// rten gyur tha mal shes pa'i rgyud// ma bcos rang bzhin rnal ma la// thabs dang shes rab mnyam par sbyor// 'di ni rnal 'byor mchog gi rgyud// 'bad rtsol dmigs pa mtshan mar bcas// mtshon du yod pa tsam nyid thabs// dus gsum

  604. 302b

    mi dmigs de nyid kyang // brda thabs byin gyis brlab pa dang // gnad du mtshon pas gang rtogs pa// ma mthong shes pa shes rab yin/ blo dang blo min khyad par gyis// don dam kun rdzob zhes su bstan// rang bzhin tshogs pa rgyu 'bras kyis// chu dang 'o ma du ba me// rta dang skyes bu ji bzhin du// tha dad gcig pa dbyer med de// dkyil 'khor lha dang sngags la sogs// snang dang stong pa tha dad med// thams cad rang gi ngo bos stong // gsal bcas de nyid kho na'o// gsang ba zhes bya sku dang gsung // thugs kyi gsang ba mthar thug pa// sbas pa dang ni dgongs pa dang // sgra tsam min dang nges pa'o// de nas 'khor gyis yang zhus pa// kye ma ston pa kun tu bzang // lha zhes bya ba ci zhig lags// de bzhin sngags kyi don chen ci// snying po zhes pa ji lta bu// ting 'dzin zhes pa ci phyir gdags// gzhal med khang zhes gang la bya// mchod pas kyang ni ci zhig bya// phyag rgya'i mtshan nyid ji lta bu// ye shes kyang ni gang zhig lags// dbang bskur zhes pa ci phyir brjod// phrin las bshad pa'i don ched ci// bcom ldan 'das kyis bka' stsal pa// mthar thug pa dang gnas skabs su// phan byed nus pa lha yin no// gang las shes dang gang las skyob// shes shing skyob pa sngags kyi don// yon tan mthar thug gang ston pa// thabs chen bshad pa snying

  605. 303a

    por 'gyur// sgrib med ye shes myur du rdzogs// ting nge 'dzin zhes bya ba yin// rgya khyon yon tan tshad med pas// gzhal med khang par de 'gyur ro// bsgrub bya sgrub byed gang mnyes pa// de ni kun gyi mchod pa yin// phyi nang gsang ba'i chos rnams la// de nyid rgyal btab phyag rgya'o// rtog med bde dang gsal bas khyab// gang la gnas pa ye shes yin// lus ngag yid la nyon mongs pa'i// dri ma 'khrud byed dbang du brjod// zhi 'phel chags dang khro bo yis// bsam pa gnas 'gyur phrin las so// de nas 'khor gyis yang zhus pa// byang chub sems chen ji ltar lags// rig pa 'dzin pa'i skyes bu ci// sangs rgyas zhes pa gang zhig lags// de don blta ba ji lta bu// bsgom par bya ba ci zhig lags// spyod pa spyad pa ji tsam zhig/ dam tshig gnod pa gang la bya// bsnyen pa zhes pa'i dgos pa ci// sgrub pa yis ni ci zhig 'grub// rgyas gdab kun ni ji ltar 'tshal// bcom ldan 'das kyis bka' stsal pa// ma skyes ma 'gags zhi bar gnas// ngo bo dngos min gter chen mchog/ snying rje stong pa dbyer mi phyed// 'di ni byang chub sems chen yin// lus ngag yid gsum ngang gis dril// mi phyed don gyi rdo rje de// chos kun rig pa'i rjes su gnas// de ni 'dzin byed skyes bur 'gyur// ji snyed don bya bya ba yang kun spangs nas// blang bya ma

  606. 303b

    lus rab tu brnyes// ma rig thib po rab sad cing // dgongs pas shes bya rab tu rgyas// de la tshul bzhin ma nor mthong // yang dag don rtogs blta ba'o// phyi rol don gyi rtog pa log/ nyon mongs phra ba tsam gyis kyang // mi brdzi goms stobs skyed byed pa// mthong ba nyid la bsgom pa'o// dang po'i las dang bsgom pa dang // brtul zhugs 'chang dang mnyam gzhag dang // rang gi sems la gang spyod pa// mi spyad ma mthong de spyod yin// rin chen sa gzhi bzang lta bu// skyon med gzhan bskyed nus par ldan// nyes pa'i rtsa ba nges par spong // mi 'gal ston pa dam tshig go/ sangs rgyas kun gyi thabs chen gsang // brtsam zhing phan 'dogs ma rungs 'dul// bsod nams tshogs dang bskyed rim 'brel// bsgrub bya nyer gyur bsnyen pa ste// mchog gyur pa dang thun mong las// dkyil 'khor gsum 'phros cher bsgrub pa'o// rgyu dang 'bras bu phan tshun du// sku gsung thugs kyi rdo rje yis// tha dad gcig tu gang bsdus nas// gcig gis gcig gsal rgyas 'debs so// de nas 'khor gyis yang zhus pa// 'dod chags zhe sdang gti mug ci// snying rje zhes pa gang zhig lags// sems can don du ji ltar spyad// rig pa'i brtul zhugs ji ltar spyad// zung du 'jug pa'i spyod pa gang // bdag nyid ji ltar byin gyis brlab// bzlas pa'i rnal 'byor ji lta

  607. 304a

    bu// dngos grub zhes ni gang la bya// tshe 'di'i 'grub tshul ji ltar 'byung // bar ma dor ni su zhig grol// skye bar brgyud la thogs pa gang // bcom ldan 'das kyis bka' stsal pa// 'dod chags so sor rtog pa ste// zhe sdang gsal ba'i ye shes te// gti mug chos dbyings snang ba'o// nyon mongs ye shes de bzhin no// sems can chos dang dmigs med kyis// snying rje gsum las yongs mi 'da'// sbyor ba goms pa brtan byas nas// gsad gso sbyin dang snyan pa dang // bzhi yis rnam bsdu khams gsum gyi// bdag tu skad cig tsam gyis 'gyur// de ni sangs rgyas thams cad kyi// rig pa'i brtul zhugs bla na med// gang la bsngags pa'i 'khor ba dang // mi 'bral mi spang dam tshig yin// don dam kun rdzob thabs shes rab// snang zhing stong pa 'khor ba dang // mya ngan 'das la sogs pa'i chos// thams cad dbyer med zung 'jug go/ rang gis rang rig ye shes de// rig mthong rtogs pas rang byin brlab// 'gog pa'i rdo rje dbugs dbyung rngub// 'jug gnas ldang ba khyad par gyis// 'bru gsum rang gi ngo bor gnas// kun rdzob pa la bzlas pa yin// mngon shes drug sogs thun mong ste// byang chub rdo rje mchog yin no// smin dang grol bas mthu stobs rdzogs// mngon du gyur pas tshe 'dir bsgrub// le lo dang bcas

  608. 304b

    bar ma do// shin tu so sos skye ba bgrang // de nas 'khor gyis yang zhus pa// de dag bsgrub pa'i thabs gang lags// de yi dngos nyid ji lta bu// so so 'dor ba'i rtogs pa gang // bsam gtan zhes pa ji lta bu// rlung gi rnal 'byor ji ltar lags// de nyid 'dzin pa gang la gnas// rjes su dran pa'i yan lag gang // ting nge 'dzin du gang zhig bshad// bcom ldan 'das kyis bka' stsal pa// rab tu bsnyen pa'i cho ga/ dang // nye bar bsgrub dang de bzhin tshe// phrin las spyod pas thabs su 'gyur// byang chub sems gzhi stong pa dang // sa bon tshul du nges 'byung zhing // gzugs rtags yi ge mtshan mar bcas// thabs dngos thun mong nyid du 'gyur// mchog tu gyur pa 'di lta ste// phyi nang dbang po yul grub pa// rang gnas shes pas so sor 'dor// snyoms 'jug thams cad byin gyis rlobs// rtog spyod dga' bde rtse gcig/ nyid// gsang bcu byung yang rab sbyor spro dang bsdu// rang shes rig cing de zad pas// dngos gzhi mngon shes lnga la dbang // ye shes lnga yi rang bzhin rlung // 'byung ba lnga dang tshul 'drar snang // gang bu snom byed rtse la bzhag/ rang gzhan byang chub sems dpar snang // rang gi snying po gnas su bsam// dbang por lam bsrungs zlum por bkod// gzung bya dri ma dang bral bas// de nyid ye shes sems dpar gsal// mi

  609. 305a

    'gyur byang chub sems bsgoms pas// mtshan ma lnga bstan srog gi lam// nam mkha'i khams la so sor bstan// 'od kyi dkyil 'khor snang ba yin// thabs dang shes rab dbyer med pa'i// dngos bsdu gzugs kyi nang du bsam// skad cig ma yi ye shes gsal// sgrib pa ma lus sel bar byed// de nas 'khor gyis yang zhus pa// rang rig byang chub sems ni gang // de yi rgyu ni ji lta bu// gang zhig gis ni rkyen du 'gyur// 'bras bu 'dod pa ji ltar 'grub// 'byung ba'i dus ni ji tsam na// tshul ni ji ltar 'byung bar 'gyur// nges dang 'grub par byed pa gang // nye bar mtshon pa'i dpe gang yin// dgos pa yang ni ci zhig lags// mtshan nyid mtshon tshul ji lta bu// bcom ldan 'das kyis bka' stsal pa// gzhi dang ngo bo mtshan nyid rnams// ma lus lhun gyis grub bdag nyid// mtha' bral ma spangs ma thob pa// sgro skur dang bral byang chub sems// lhan cig skyes dang bdag tu blta// kun tu brtags pa'i cho 'phrul gyis// nyon mongs nyer len mtshungs par ldan// bag nyal kun sdang rgyu yin no// lhan cig byed rkyen bsod nams dang // de ma yin dang mi g.yo'i las// legs nyes phra rags mang nyung gis// mya ngan 'das dang 'khor bar sbyar// 'bras bu lus dang longs spyod dang // chos dang 'phen pa'i skal ba yis// ji

  610. 305b

    ltar bsams dang smon lam dang // 'jug pa'i las kyi khyad par byed// dus ni dus gsum thams cad du// 'khrul dang ma 'khrul gnas de nyid// 'dod dang mi 'dod la sogs pa'i// gnas skabs so sor 'byung ba'o// tshul ni yang dag log pa dang // nges dang ma nges snang mi snang // sna tshogs kyis ni bral ba dang // thob pa'i bde sdug tha dad myong // ma bcos rgyun gyi skad cig ma// gcig gis dus gsum dus med par// rtogs dang ma rtogs phyogs gcig gis// kun la khyab pa nges par 'grub// rtsa me 'khor lo la sogs bzhin// rin chen rgyur byed stong sgra dang // gsal dri ma g.yos sna tshogs lus// mtshon pa dpe yi nye phyogs yin// rang gi ngo bo thog ma yin// rnam par rtog bral rnal 'byor te// rten sogs rgyu 'bras 'gog pa la// log pa dgag pa'i gol ba'o// gcig dang du mar 'dzin pa dang // mtha' brgyad bral ba'i bdag nyid can// brda thabs byin rlabs gtan tshigs kyis// nyams su myong bas mtshan nyid shes// de nas 'khor gyis yang zhus pa// rgyud rnams kyi ni ston pa gang // de dag gnas kyang ci 'dra zhig/ de bzhin thugs kyi khyad par gang // 'khor gyi mtshan nyid ji lta bu// dus ni ji tsam zhig na 'byung // rig pa'i rjes 'dzin ji lta bu// gleng slong zhes bya gang zhig lags// don du gnyer ba gang la bya// de dag bye

  611. 306a

    brag dbye ba gang // lam gyi yan lag gang gis bsdu// bcom ldan 'das kyis bka' stsal pa// kun tu bzang po don gyi mchog/ skyon med thams cad 'dus pa yin// lnga drug gcig gnyis gsum bzhis bsdus// gdul bya'i rigs la sna tshogs snang // gsang ba'i b+ha ga nam mkha'i khams// mtha' bral bsam mi khyab la bzhugs// skal yod skyes bu'i rigs kun la// nges dang ma nges lnga dang ldan// thugs kyi khyad par bye brag med// ma bstan ma gsungs par gnas kyang // tha dad sku dang gsung gi tshogs// bdag la nye bar ston par mthong // nyan pa po ni dus gsum gyi// sangs rgyas byang chub sems dpa' dang / nyan thos rang rgyal lha la sogs// rim bzhin rang la bstan pa 'khor// dus dang bral ba'i dus gsum nyid// dus bzhi mnyam pa nyid du sbyor// rdzogs gnyis gsum dang rtsod pa la// gang rigs tha dad so sor 'byung // ji ltar mos pa de yis 'dul// de nas rig pa 'dzin pa dag/ phyi nang gsang ba'i tshul gyis te// nyan thos byang chub sems dpa' dang // brtul zhugs 'dzin pa'i tshul gyis te// cig char rim dang thod rgal dang // dman dang mchog dang bar ma dang // rgyu dang lam dang 'bras bu'i tshul// las dang mos pa spyod pa dang // lam gyi sa yis yon tan bsdus// dang po pa dang kun

  612. 306b

    tu spyod// brtul zhugs dang ni mnyam gzhag gis// rig pa 'dzin pa'i spyod pa bsdus// mthar thug pa ni thun mong yin// rgyud kun gyi ni gleng bslang ba// e baM ma yA shru ta b+ha ga bAn kA ya bA ka tsit+ta saM mu di ta// badz+ra ba man ta yang na ta/ 'di nyid kyi ni sgras brjod pa'i// yon tan ma lus gleng gzhi'o// de yis gleng bslang nyid du 'gyur// gzhi dang lam dang 'bras bu dag/ 'di yi don du gnyer bya yin// shes bya gshis dang lam gang zag/ thob bya 'bras bu dag gis dbye// bsod nams dang ni ye shes kyi// tshogs dang smin dang grol ba dang // bskyed dang rdzogs dang shin tu rdzogs// rnal 'byor gsum gyis rab phye ba'i// lam gyi yan lag rab tu bsdus// ma 'ongs pa yi dus dag tu// byang chub sems dpa' tshul chen po// dpa' bo skyes mchog 'jig rten mgon// bsam sbyor phun sum tshogs pa yis// dus gsum sangs rgyas yab kyi gdung // legs 'dzin bsam gyis mi khyab pa// ji ltar 'byung ba gsungs pa yis// the tshom med par don bsgrub 'gyur// zhes bka' stsal pas/ phyogs bcu dang dus gsum gyi de bzhin gshegs pa dang / byang chub sems dpa' ma lus pa thugs kyi dgongs pa gcig tu bsdus pas/ khams gsum dang 'gro ba rigs drug tu snang ba'i sems can gyi khams dpag tu med pa'i don bsgrub cing ma grol ba rnams grol ba

  613. 307a

    dang / ma bsgral ba rnams bsgral ba dang / dbugs ma phyin pa rnams dbugs dbyung ba dang / yongs su mya ngan las ma 'das pa rnams yongs su mya ngan las 'da' ba'i phyir brtson par spyod cing gnas par bzhugs so// phyogs bcu'i sangs rgyas thams cad kyi bstan pa'i tshul nye bar spyad pa'i le'u ste gnyis pa'o// // de nas bcom ldan 'das de nyid kyi sku dang gsung dang thugs kyi snying po gsang ba 'di dag nyid kyi sku gsung thugs kyi rdo rje las phyung ngo // moM hUM trAM hrIHha/ man+t+ra mo dzi na dzika/ hUM badz+ra d+h+r-ika/ sA rat+na d+h+r-ika/ aM A ro li ka/ ha pra dz+nyA d+hi ka/ mr-i lAM mAM baM taM/ a hUM mAM d+hA tI shwa ri/ laM de Sha ra ti/ maM mo ra ti/ pAM rA ga ra ti/ tAM badz+ra ra ti/ oM bai ro na tsa Na hUM/ oM badz+ra a k+Sho b+h+ya hUM/ oM rat+na saM b+ha wa tAM hUM/ oM a mi ta b+hA hrIHhUM/ oM a mo g+ha sid+d+hi hA/ oM sa man+ta b+ha dra hUM/ oM bud+d+ha lo tsa na hUM/ oM paN+Da ra pa sa na hUM/ oM ma ma ki d+harma hUM/ oM sa ma ya ta rA hUM// e ma sangs rgyas kun gyi bdag/ ma bcos rang gi ngo bo nyid// bsam gyis mi khyab ye shes tshogs// gti mug rnam dag rgyal po che// oM// e ma rang byung bde chen thugs kyi mchog/ bdud las rgyal ba'i 'byung gnas te// zhe sdang mi 'gyur longs spyod ldan// hUM// e ma yon tan rin chen dam pa'i gter// yid bzhin 'byung ba zad mi shes// re skong nam mkha'i ting 'dzin

  614. 307b

    mdzod// nga rgyal rang gnas che ba'i mchog/ tAM// e ma rnam dag gsung ni mtha' las 'das// dri med nam mkha' lta bur grags// skyon bral chos kyi yi ger snang // 'dod chags skyon bral bla na med// hrIHe ma dam tshig don rnams kun sgrub pa'i// nyon mongs srid 'joms mthar 'byin pa// phrin las chen po rdzogs mdzad pa'i// phrag dog las kyi rtsol ba bral// ha// zhes ched du brjod pas ched du brjod pa mdzad nas// dkyil 'khor gyi gtso bo dam par dbang bskur ro// de nas rigs so so'i dkyil 'khor gyi 'khor lo rnams kyang rang rang gi snying po de kho na nyid kyis phyung ba ni/ oM badz+ra sa man+ta b+ha dra hUM/ kun tu bzang po'i snying po'o// oM badz+ra d+ha tI shwa rI hUM/ rdo rje dbyings phyug ma'i snying po'o// oM badz+ra sa twa hUM/ rdo rje sems dpa'i snying po'o// oM badz+ra rA dza hUM/ rdo rje rgyal po'i snying po'o// oM badz+ra rA ga ra ti hUM/ rdo rje chags pa'i snying po'o// oM badz+ra sA d+hA huM/ rdo rje legs pa'i snying po'o// oM badz+ra lA s+ye hUM/ rdo rje sgeg mo'i snying po'o// oM badz+ra d+hU pa hUM/ rdo rje bdug pa ma'i snying po'o// oM badz+ra aM ku sha dzaHhUM/ rdo rje 'gugs ma'i snying po'o// oM badz+ra dI pa sha ra ti hUM/ rdo rje me sgron snying po'o// oM many+dzu shrI ku mA ra mu la trAM hUM/ 'jam dpal gzhon nu'i snying po'o// oM rat+na d+ha rA hUM/ rdo rje dbyings phyug ma'i snying po'o// oM badz+ra rat+na hUM hUM/ rdo rje rin chen gyi snying po'o// oM

  615. 308a

    badz+ra swar+b+ba d+hAT+Ta/ rdo rje gzi brjid kyi phreng za'o// oM badz+ra ka tu dz+dzahA/ rdo rje rgyal mtshan gyi snang za'o// oM badz+ra hA sa ha hA/ rdo rje bzhad pa'i phreng bal// oM ma ma hAr+tha/ rdo rje phreng ba ma'i snang zan/ badz+ra puSh+pe trAM hUM/ rdo rje me tog ma'i snying po'o// oM badz+ra pA sha hrIHhUM/ rdo rje zhags pa ma'i snying po'o// oM badz+ra su kha hA hUM/ rdo rje bde ba ma'i snying po'o// oM lo ke shwa rA ya hUM/ spyan ras gzigs kyi snying po'o// oM pad+ma d+ha rA hUM/ pad+ma dbyings phyug ma'i snying po'o// oM badz+ra d+harma hUM hUM/ rdo rje chos kyi snying po'o// oM badz+ra tik+Sh+Na traM hUM/ rdo rje rnon po'i snying po'o// oM badz+ra ba sha hrIHhUM/ rdo rje sba ba'i snying po'o// oM badz+ra tsakra ha hUM/ rdo rje 'khor lo'i snying po'o// oM badz+ra gi ti hUM hUM/ rdo rje dbyangs mkhan ma'i snying po'o// oM badz+ra A lo ke trAM hUM/ rdo rje mar me ma'i snying po'o// oM badz+ra s+pho Ta hrIHhUM/ rdo rje lcags sgrog ma'i snying po'o// oM rA ga ra ti hrIHhUM/ rdo rje gsal sgron ma'i snying po'o// oM badz+ra pA Ni sa man+ta hUM/ lag na rdo rje'i snying po'o// oM badz+ra karma d+ha rA hUM/ rdo rje dbyings phyug ma'i snying po'o// oM badz+ra karma hUM hUM/ rdo rje las kyi snying po'o// oM badz+ra rak+Sha trA hUM/ rdo rje srung ba'i snying po'o// oM badz+ra yak+Sha hrIHhUM/ rdo rje gnod sbyin gyi snying po'o// oM badz+ra san+ti hA hUM/ rdo rje khu tshur gyi snying po'o// oM badz+ra nirti hUM hUM/ rdo rje gar sgur ma'i snying po'o// oM badz+ra gan+d+he trAM hUM/ rdo rje byug pa ma'i snying

  616. 308b

    po'o// oM badz+ra g+han+d+he hrIHhUM/ rdo rje dril bu ma'i snying po'o// oM badz+ra A be sha ya ha hUM/ rdo rje 'bebs ma'i snying po'o// oM badz+ra k+Shi te gar+b+ha ya hUM/ sa'i snying po'i snying po'o// oM badz+ra su kha nirti hUM/ bde ba rgyas 'debs ma'i snying po'o// oM d+harma ke tu hUM hUM/ chos kyi rgyal mtshan gyi snying po'o// oM rA dze shwa rA ya traM/ dbang phyug rgyal po'i snying po'o// oM pad+ma maN+Da la hrIHhUM/ bkod pa rgyan gyi dam pa'i snying po'o// oM rat+na ra smi ha hUM/ rin chen 'od 'phro'i snying po'o// oM badz+ra sa ti hUM/ rdo rje sems ma'i snying po'o// oM rat+na sa tI hUM/ rin chen sems ma'i snying po'o// oM d+harma sa tI hUM/ chos kyi sems ma'i snying po'o// oM karma sa tI hUM/ las kyi sems ma'i snying po'o// oM badz+ra kha gar+b+ha hr-i da ya hUM/ nam mkha'i snying po'i snying po'o// oM a mo g+ha shwa rA ya hUM/ bde ba za byed snying po'o// oM A lo ka pra b+ha hUM/ snang ba mchog gi snying po'o// oM mu dra rA dzA trAM hUM/ phyag rgya'i rgyal po'i snying po'o// oM pra ti b+hA na rA dza sI hUM/ spobs pa'i rgyal po'i snying po'o// oM pra ti b+hA na ku Ta ye hA hUM/ spobs pa brtsegs pa'i snying po'o// oM de bi sho d+ha ni hUM hUM/ khrus kyi lha mo'i snying po'o// oM de bI ke tu twAM hUM/ rgyal mtshan lha mo'i snying po'o// oM de bI bi tA na hrIHhUM/ bla re'i lha mo'i snying po'o// oM de bI tshat+ta hA hUM/ gdugs kyi lha mo'i snying po'o// oM ma hA mai tri sa ma e hUM// byams pa chen po'i snying po'o// oM mu ka ra ga sa ma

  617. 309a

    hrIHhUM/ bde ba rmongs byed ma'i snying po'o// oM pad+ma rA dza ya hUM hUM/ pad+ma'i rgyal po'i snying po'o// oM pad+mo t+ta ma sa ka la trAM hUM/ pad+ma dam pa'i snying po'o// oM badz+ra a tsa la hrIHhUM/ rdo rje mi g.yo ba'i snying po'o// oM a mo g+ha rA dza hA hUM/ thogs med rgyal po'i snying po'o// oM de bI pad+ma bAn hUM hUM/ lha mo pad+ma can gyi snying po'o// oM de bI b+hi ra bA trAM hUM/ lha mo 'jigs byed ma'i snying po'o// oM de bI a do ShA hrIHhUM/ lha mo skyon bral ma'i snying po'o// oM de bI bi dza yA hA hUM/ lha mo rnam rgyal ma'i snying po'o// oM sarba pa ri sho d+ha ya hUM/ sgrib pa rnam par sel ba'i snying po'o// oM badz+ra gan+d+he dza la ya hUM/ bde ba tshe 'phel ma'i snying po'o// oM rat+ne shwa ra hUM hUM/ rin chen dbang phyug gi snying po'o// oM karma sid+d+hi traM hUM/ grub pa'i las kyi snying po'o// oM A ra ta shA s+t+ra hrIHhUM/ dga' bar ston pa'i snying po'o// oM a tsa la ak+Sho b+hu ha hUM/ mi g.yo ba'i mtha'i snying po'o// oM dza ya ba te sarba she ne hUM hUM/ lha mo skyabs can ma'i snying po'o/ oM de bi pra tsa la bi ma le trAM hUM// lha mo dri med ma'i snying po'o// oM ba sha pa ta tsi ta si hrIHhUM/ lha mo lcags sgrog ma'i snying po'o// oM de bi ka ru na pra ga ri hA hUM/ lha mo thogs med ma'i snying po'o// oM de ba mu ni hUM/ lha'i thub pa'i snying po'o// oM ni Na mu ni tAM hUM/ lha min thub pa'i snying po'o// oM nr-i ye mu ni tAM hUM/ mi'i thub pa'i snying po'o// oM nr-i ye mu ni nr-i hUM/

  618. 309b

    dud 'gro'i thub pa'i snying po'o// oM pre ta mu ni pro hUM/ yi dwags thub pa'i snying po'o// oM tiR+Ya mu ni k+She hUM// oM na ra ka mu ne sruM swA hA/ dmyal ba'i thub pa'i snying po'o// oM badz+ra aM ku sha dzaHoM badz+ra pA sha hUM/ oM badz+ra sgos+pho Ta baM/ oM badz+ra g+han+de hoH/ sgo srung bzhi'i snying po'o// dang po rgyu yi snying po ste// gsum sogs bskyed pa'i snying po'o// ma lus rdzogs pa bzlas pa'i sngags// 'di bshad zhi ba'i lha rnams kyi// snying po'i kha skong nyid du bshad// de nas rdo rje 'dzin pa yis// de yi nga rgyal ldan pa yis// dkyil 'khor sa yi dbus gnas te// bzhugs pa'i 'dug stangs bstan bya ba// rkang g.yas brla dang byin pa'i dbus/ g.yon pa legs par bzhag nas kyang // de nyid steng du g.yas bzhag pa// dang po rdo rje'i skyil krung yin// g.yon gyis g.yas pa'i byin par mnan// pus mo gnyis ni sar phab pa// zhi ba'i tshul dang ldan pa'i sku// gnyis pa pad+ma'i bzhugs stabs yin// rkang pa g.yas pas g.yon pa yi// brla yi steng du cung zad mnan// de nyid g.yon pa'i 'og tu gzhag/ gsum pa sems dpa'i skyil krung yin// g.yon pa yis ni skyil krung phyed// legs bcas de yi drung nyid du// rkang pa g.yas pa drang por bzhag/ dpa' bo'i bzhugs stabs bzhi pa'o// gdan steng rkang pa gnyis ka yis// zur du drang por bsrang bar bya// mnyam zhing

  619. 310a

    brtan par bzhag pa ni// lnga pa bzang po'i bzhugs stangs so// mtho gang tsam gyis rkang pa gnyis// bar bzhag stan la 'dug nas ni// tsog pur bar bzhag bzhugs pa ni// tsog pu'i 'dug stangs nyer drug pa// rkang g.yas sems dpa'i skyil krung phyed// brtan cing g.yon pa sgeg bcas kyang // bdun pa rol pa'i bzhugs stangs so// de dag dbus dang phyogs bzhir bstan// dang pos rigs kyi phyag rgya bstan// gnyis pa yis ni lha mo ste// gsum pas sems dpa' rnams kyi'o// bzhi pa rdo rje khro bo rnams// lnga pas phyi rol sems dpa' ste// drug pas bran dang pho nya'o// bdun pas 'jig rten sbyong rnams so// de dag phyag rgya so sor bstan// de nas phyi rol bskor bya ba// gom stabs rnam pa bdun yin te// dang po dbus su rkang mtheb dang // rting pa mnyam por cig la bcer// rang gi thad kar legs bzhag pa// mthun pa'i stabs su nga yis bshad// de nas shar du gshegs nas ni// g.yas pa'i brla dang pus mo bsrang // g.yon gyi byin pa brlar bcar nas// bar mtho lngar bzhag g.yas brkyang yin// lhor ni g.yon brkyang de las bzlog/ thad kar bzhag nas g.yas g.yon par// rkang mthil lnga yis tshad bzhag pa// de dag lho nub tu yang sbyar// nub tu zlum po pus mo gnyis// so so'i gnas su lag gnyis

  620. 310b

    bzhag/ chu bya'i gshog pa ltar gnas pa// nub dang nub byang gnyis kar sbyar// byang gi phyogs su sa ga'i stabs// sor mo rnams ni phyir bstan zhing // pus mo'i lha nga zad kar brgyang // rkang mthil nyi shu rtsa drug khyon// g.yon pa'i brlar ni rkang mthil gtad// rkang gcig yin te byang shar mtshams// g.yon pa'i sor mo g.yas kyis mnan// rus sbal stabs kyis shar lhor brtsam// de dang sbyar la lag pa'i gar// dang po la ni lnga yin te// rdo rje'i gar stabs bsrung ba'i tshul// steng 'og gnyis su lan gsum gsum// rdo rje gsor ba de yi gar// lag gnyis ro bzung za ba'i tshul// phyogs blta rdo rje ro langs stabs// rdo rje'i stabs sam gtun shing gis// bgegs brdung ltar byed gtun shing stabs// g.yon pa'i khu tshur snying gar bstan// g.yas pas rdo rje ba dan phyar// dpung mgor bzhag pa ba dan stabs// gnyis pa'i dus su bstan bya dgu// g.yon pa dkur brten g.yas pa yis// rdo rje 'phen tshul de yi stabs/ kha yi steng 'og lag gnyis gdengs// gnyis bcas 'jigs pa ltar byed pa// rdo rje 'jigs su rung ba'i stabs// g.yon pa rtse gsum snying gar bzhag/ g.yas pa khu tshur dbyig pa ltar// 'degs byed rtse gsum sar 'jog pa// stobs chen 'degs pa'i gar stabs so// rdo rje khu tshur gnyis

  621. 311a

    bkan te/ khar bzhag ha ha yi ge bzhis// dgod tshul rdo rje gad mo'i stangs// g.yon pa'i khu tshur mdzub mo bsgreng // g.yas pas rdo ba 'phen tshul ni// rdo rje rdo yi gar thabs so// de las mkhrig ma gnyis mdud pa// rdo rje zhags pa'i thabs yin no// g.yon pa dkur brten g.yas pa yi// khu tshur mthe bong nang nas bton// bsgreng ba rdo rje be con thabs// de nyid las ni g.yas pa yis// mdung rtse gcig pa'i tshul byed pa// rdo rje rtse gcig gar thabs so// de las rdo rje gdub bu 'degs// bgegs gsod tshul du byed pa ni// rdo rje gdub bu'i thabs su bshad// gsum pa g.yon brkyang dus ni bcu// rang gi kha ni 'og phyogs bltas// gdangs shing lag gnyis mkhrig mang mdud/ kha yi drung bzhag seng+ge'i stabs// de nyid las ni phyogs kun blta// lce 'gyur/ seng+ge'i glal ba yin// g.yon gyis rdo rje phur bu bzung // bgegs kyi steng bzhag g.yas pa yis// rdo rje khu tshur zo ba yis// brdung tshul rdo rje zo ba'i stabs// rdo rje sgeg mo'i gar dang ldan// mgo ni g.yon gyi phyogs 'dud cing // bskor ba bud med sgyu 'phrul stabs// rdo rje bsdams pas snying ga nas// 'dra byed rdo rje dral ba'o// khu tshur mthe'u chung gnyis bsgreng bzlog/ kha 'gram gnyis bzhag mche ba'i tshul// rdo rje mche ba'i stabs su bshad// g.yon pa'i khu tshur

  622. 311b

    shugs kyi tshul// g.yas kyi dpung mgor ral gri 'degs// rdo rje ral gri'i thabs yin no// g.yon mdzub mo dang g.yas pa yi// mdzub mo gnyis mdud g.yas mdzub mo// lcags kyu ltar byas lcags kyu'i stabs/ khu tshur gnyis kyis g.yas phyogs su// 'degs tshul rdo rje mdung thung thabs// g.yon pa dkur brten g.yas pa yi/ khu tshur thag mdung bskor ba'i tshul// lan gsum thag mdung 'phen thabs so// bzhi pa zlum po'i gar thabs ni// dgu ste lag pa g.yon brkyang ba// da drung g.yas pa'i mthe chung bskum// ba dan tshul byas rdo rje'i gar// phyogs bzhir sa gnon la sogs pa'i// so so'i phyag rgyas gsal byas pa// sgo bzhi byin gyis rlabs pa'i thabs// g.yon pa dkur brten g.yas sdigs mdzub// bsgreng ba rdo rje 'khyil pa'i thabs// g.yas pa rdo rje snying gar 'dzin// g.yon gyi dril bu rna bar dkrol// rdo rje sgra yi thabs su bshad// snying khar rdo rje khu tshur gnyis// mthe'u chung mdzub mo rdo rje mdud// 'khor lo bskor ba de nyid thabs// snying gar pad+ma kha 'byed tshul// pad+ma kha phye'i stabs yin no// g.yon gyis gzhu 'dzin gzhu yi tshul// mda' 'gengs tshul ni g.yas pa yis// rna ba'i drung 'gengs mda' gzung thabs// de nyid 'phen tshul byed pa ni// rdo rje mda' 'phen thabs yin no// rkang gcig dang por bshad de

  623. 312a

    bzhin// g.yas dang g.yon sogs lan gnyis bskor// bdun pa rus sbal gar stabs ni// g.yon pa dkur brten g.yas pa yi// rdo rje snying gar gtod de 'jog/ de dag legs spyad phyogs kun bskor// sa gzhi bsrung ba'i las yin no// de nas bdag nyid bsrung bya ba// dkyil 'khor gtso bo'i ngang nyid las// phyi dang nang gi khrus byas te// chos rnams stong pa nyid du bsam// bdag med don la mos par bya// mgrin pa hrIHlas pad 'dab brgyad// mdun gyi 'dab ma lce yin te// de nyid hUM las rdo rje ni// rtse lnga dkar por bsam byas la// badz+ra dzi hA zhes pas bstan// lag gnyis mthil du a las ni// zla ba'i dkyil 'khor re re bsgom// de steng hUM las rdo rje ni// rtse lnga sor mo rnams su bsam// hasta badz+ras brtan par byas// rang gi snying gar nyi ma la// yi ge hUM gyur rdo rje ni// sngon po rtse lnga hUM gis mtshan// de las 'od 'phros khro tshogs byung // bgegs rnams tshar bcad tshur 'dus pas// rang la thim pas khro bo'i sku// rdo rje 'dzin par grags par gyur// mthing ga zhal gcig phyag gnyis pa// phyag g.yas rdo rje rtse lnga 'dzin// g.yon pa sdigs mdzub me 'bar bcas// dpal 'bar mo dang bcas pa bsgom// ched brjod bstod pas brtan par bya// nga rgyal ldan pas sor mo rnams// phan tshun bsnol te rdo rje bsdams// oM gr-ih+Na

  624. 312b

    badz+ra sa ma ya hUM baM/ de yi rab tu brtan par bya// de nyid mgo yi phyogs lngar bzhag/ oM badz+ra dza la a na lA ka hUM a b+hi Shiny+tsa maM/ de yis rigs bdag dbang bskur blang // rdo rje lag pa g.yas g.yon 'byud yang gyis// mtheb mdzub gnyis la oM hUM bsam// btsun mdud ka nan bcings pa ni// rdo rje khu tshur mkhrig mar bsnol// snying ga mgrin pa lhag pa dang // spyi gtsug rgyab dang lte ba dang // dpral ba la sogs gnas dgur ni// rdo rje'i mdud pa dam bcas nas// lhag ma lus la dra bar bcing // de nas lag g.yon sdigs mdzub bsgreng // g.yas pas rdo rje gsor bya zhing // oM badz+ra dz+wa la a na lArka hUM/ zhes brjod bgegs la rdo rje bsnun// sor mo phan tshun bsnol ba de// nang du 'bar ba lta bur bsgreng // oM badz+ra dz+wa la a na la ha na da ha pa tsa ma tha b+hany+dza ra Na hUM phaT/ zhes pas bgegs rnams bsregs par bsam// rdo rje spyan gyi nga rgyal gyis// sor mo bsnol bsdam sa la bzhag/ oM badz+ra ne tri ban+d+ha sarba big+h+nAM// 'od kyi zhags pas bgegs rnams bcing // bdag nyid rab tu bsrung bar bsam// de nas phyogs kun bsrung ba ni// rdo rje can gyi nga rgyal gyis// sngar bzhin phyag rgya sa la bzhag/ oM badz+ra dr-i D+ho me b+ha ba rak+Sha hUM// 'og phyogs bgegs kun bcing par bsam// rdo rje khu tshur me ltar bskor// lcags kyu lta bu spyi bor bzhag/ oM badz+ra hu lu hu lu

  625. 313a

    hUM phaT// 'jigs byed kyis ni steng phyogs bcing // rdo rje gnod sbyin nga rgyal gyis/ khu tshur mthe bong gnyis brkyang la// 'dzub mo mche ba ltar byas te// oM badz+ra yak+Sha hUM// zhes pas steng phyogs mnan te bcing // rdo rje gtsug tor nga rgyal gyis/ khu tshur gnyis bcings mthe'u chung sbrel// mdzub mo rtse sprad spyi bor bzlog/ oM b+h+rUM badz+ra b+han+da paM// rdo rje zhags pa'i nga rgyal gyis/ khu tshur mkhrig mar mdud cing bskor// oM badz+ra pA sha hrIH// de nyid mtshungs pas shar phyogs bcing // rdo rje ba dan nga rgyal gyis// mthe bo bsnol te mdzub mo bsgreng // mthe chung ba dan ltar byas nas// oM badz+ra pa tang ki pa taM ki ni ri Ta// de yis nub phyogs bgegs bcing ngo // rdo rje dus mtshams nga rgyal gyis// rdo rje gnod sbyin zhal ngo bstan// oM hrIHbadz+ra kA li ru Ta ma Ta// byang phyogs bgegs kun de yis bcing // rdo rje rtse mo'i nga rgyal gyis/ khu tshur ri bo 'degs ltar bya// oM badz+ra shi kha re ru Ta ma Ta// lho yi phyogs su bgegs bcing ngo // rdo rje las kyi nga rgyal gyis/ khu tshur gnyis bcing mkhrig ma bsnol// mthe'u chung sbrel te mdzub mo bsgreng // oM hUM badz+ra karma// rdo rje ra bas bskor bar bsam// rdo rje sor mo bsdam byas nas// oM druM badz+ra b+han+d+ha paM// phyi rol rdo rje'i dra mig bsam// rdo rje las kyi nga rgyal gyis// de nyid kyi ni phyag rgya dang // oM badz+ra b+hany+dza sum+b+ha ni

  626. 313b

    hUM// de yis rdo rje rgya gram bskor// lus ngag yid kyi bya ba rnams// ma lus rdzogs par ldan byas nas// srung ba'i yan lag rim bzhin 'grub// de nas mkha' la 'khor lo bsam// mchod pa'i lha rnams rang las sprul// yan lag bcu yis kun mnyes bya// rten yul de dag rang la bsdu// rnam smin phung po 'od kyis sbyang // bsod nams mthar zug de la dmigs// de nas ye shes tshogs bsgom phyir// mngon par byang chub rnam pa lnga// ye shes lnga dang sbyar te bsgom// rjes la rten la gzhal med khang // 'byung ba'i gzhi dang bcas la bsgom// de nas so so'i rigs kyi gdan// gang ltar bsngags pa de bzhin bsam// de la lha rnams rgyu dang rkyen// thabs dang yan lag gdag gis dbyung // gsum gsum thabs gsum dgu yang bzhi dang gsum dang rgyu// kun rdzogs cho ga yan lag yin// de la gsal brtan dmigs pa bya// ye shes lha rnams de bzhin dgug/ bar snang khams dang gzhal yas khang // chos bdun drug gis de mnyes bya// de nas ma lus bslab bya blang // sdom pa dang ni dam tshig gzung // mchod bstod bshags dang phrin las bcol// bzod pa'i yul dang nyes pa bshags// dus rnams kun tu mnyes par bya// de nas rang gi gnas su gshegs// bkra shis smon lam chen po gdab// de yi dge ba mthar thug bsngo// de nas bsam

  627. 314a

    gyis mi khyab pa'i// byang chub sems dpa'i rjes su bslab// phrin las bzhi la dus sbyar dmigs// phyi nang gsang dang ma nges pa'i// srid pa zhi ba chos nyid snang // ma lus khams dang rigs dang blo// bsam pa nyon mongs yang dag brjod// rnam shes yul dang bcas pa dang // phung po rnam grol rigs kyi sku// las dang kha dog ye shes gzugs// phrin las gdul bya'i khyad par las// ji ltar rigs pa'i tshul dag gis// bla med lam la yang dag gnas// rgyu 'bras lnga dang drug la sbyar// zhes bshad rigs brgyad bsdus pa'o// yan lag bshad pa'i kha skong yin// zhi ba chen po'i yan lag gi// khyad par bshad pa'i le'u'o// // de nas bcom ldan rdo rje 'dzin// gang du 'dod chags rnam dag pa'i// skyes bu 'dul ba'i don gyi phyir// zhi ba'i lam gyi rnal 'byor dag/ rim pa bzhin du bka' stsal pa// thog mar 'jig rten thun mong ste// rjes su theg pa la zhugs bya// de nyid las kyang khyad par du// bsam pa che la rab tu sbyar// de bzhin du ni rab tu dpag/ sngon du song bcas rnal 'byor bzhis// bskyed pa'i rim pa de mthar dbyung // brtan cing gnas pa dang po las// de nyid shes par bya ba'i yul// lus la brtan pa'i phung po dang / khams dang skye mched 'byung ba rnams// rigs brgya lnga dang bzhi bcu gnyis// gsum dang gcig tu

  628. 314b

    bsdu ba dag/ yongs su shes pas gsung grub pa// de ni rdo rje'i bzlas par 'gyur// de yis sems kyi ting nge 'dzin// mthar thug dang ni rmi lam dang // sgyu ma lta bu'i lam la slob// de yis dbang bskur yongs rdzogs nas// rang bzhin 'od gsal snang bar byed// yon tan srid dang zhi la sogs// gnyis su snang ba dbyer med pa'i// zung du 'jug pa rtogs par 'gyur// mi slob lam ni rab tu rdzogs// de ltar ming yang dmigs bshad lam gyi rnam// yan lag phyogs gcig tsam nyid las// phun sum tshogs pa ma yin no// de nyid rim par bstan pa las/ khams kyi mngon bskyed phung po yang // sha rgyus rtsa dang pags pa dang // skra dang dri ma lha rus rkang // khu ba rdul dang khrag chu ser// rnag zhag ngar snabs bshang dang gci// mchil ma klad pa rkang mar dang // gnye rgyu mkhal long mkhris lgang ba// glo snying mtsher ba pho ba dang // bad kan srin bu phyi dang nang // skra dang ba spu sen mo dang // mgo dang yan lag nying lag sogs// snang ba'i phung po khams skye mched// lhan cig gnas pa phung po yin// phrad par shes dang blta ba dang // ma rig bag chags sred len rgyun// nyon mongs tshogs ni bsags las byung // rtsa ba'i lnga phung 'di dag ni// gtso bo sangs rgyas lngar shes bya// skye mched sems dpa' chen po'i tshogs// sa chu me rlung

  629. 315a

    stong pa nyid// spyan ma gos dkar sgrol mkha' dbyings// lnga dang gcig dang gsum gyis bsdus// khyad par rigs brgyar dbye ba yang // gzugs nyid rnam par snang mdzad las// bye brag ring zung phra sbom sogs// phyi nang gnyis snang la sogs pa// de nyid gtso bo'i rang bzhin no// bdag gzhan gnyis sogs rnams rin 'byung / kha dog sna tshogs mtha' yas te// 'od snang nus pa don grub yin// rig bcas rig med mi bskyod pa'o// tshor phung rin chen 'byung gzugs las// 'dus mkhris las tshor mi bskyod pa// bad kan rlung sogs rin chen 'byung // mtha' yas kyi ni bde bar tshor// sdug bsngal tshor ba don grub yin// btang snyoms rnam par snang mdzad do// 'du shes phung po mtha' yas gtso// mi bskyod rkang gnyis par 'du shes// bzhi pa rin chen 'byung ba'o// rnam med 'og dpag med pa yin// mang por snang ba don grub ste// g.yo med rgyu bral rnam snang mdzad// de bzhin 'du byed don grub gzugs/ khyad par rnam snang lus 'du byed// ngag gi snang ba 'od dpag med// yid ni mi bskyod pa yi gzugs/ khams kyi 'du byed rin 'byung ste// thar pa don yod grub pa'o// rnam shes mi bskyod pa yin te// mig dang rna ba sna dang lce// lus kyi rnam par shes tshogs kun// snang mdzad rin chen 'od dpag med// don yod mi bskyod

  630. 315b

    rang gi gzugs// 'di dag gtso 'khor yab kyi dngos// dang po sum cu nyid du 'gyur// khams kyi dbye bar snang ba yang // lci zhing sra bas rten byed sa// bud+d+ha lo tsA nyid yin no// brlan dang gsher pas rab tu sdud// chu yi khams ni mA ma kI// tsha dro smin zhing skem byed pa// me ni gos dkar ma yi khams// bskyod 'degs rngub dang 'byung ba dag/ yang dang g.yo byed sgrol ma'i khams// go 'byed yangs pa'i yon tan ni// stong nyid mkha' dbyings kun tu bzang // rus pa skra dang bshang ba dang // snying dang mchin pa rnam snang mdzad// spu dang sen mo rnag rin 'byung // so dang lpags sha 'od dpag med// rkus pa rtsib rus don yod grub// dri ma rgyu mkhris mi bskyod pa// nang gi khams lnga'i dbye ba ni// ri rab rnam snang mdzad byin rlabs// shar lho nub byang gling bzhi yang // rim bzhin rigs kyi byin rlabs yin// de dag phyi yi sa khams so// chu khams mA ma kI yi gzugs// bad kan mchi ma rnam snang mdzad// gcin rdul khrag dang kha chu dag/ go rim byin gyis rlabs pa'i rigs// phyi rol rgya mtsho rnam snang mdzad// 'bab chu chu bo bkod ma dang // lteng ka rnams kyis rigs bzhir 'gyur// gos dkar mo nyid me khams la// mgo bo me drod rnam snang mdzad// snying ga lte ba yan lag dang // lto ba'i me rnams so sor ris// rdo las byung ba'i gtso bo

  631. 316a

    ste// rgyun bzhag me shel gtsub shing dang // nags kyi me yis phyi yi rigs// rlung khams sgrol ma'i khams rang bzhin/ khyab byed rlung ni gtso bos bsdus// srog 'dzin mthur 'byin rgyu ba dang // me mnyam rim pa'i byin rlabs gnas// steng 'og dbus rlung gtso bo ste// phyogs bzhi rang gi rigs phyi rol// kun bzang mkha' dbyings phyi nang gi/ stong pa lnga dang phyogs lngar shes// skye mched sems dpar sbyar ba yang // mig gi skye mched sa'i snying po// de la rigs kyi lngar phye ba// snying po dag ni mi bskyod mthing // ser nag rin 'byung me'i rang bzhin// 'bras dkar chu ni 'og dpag med// g.yo 'gyur rlung ni don grub bo// gzugs snang 'dzin byed rnam snang la// rang byin rlabs pa'i skye mched lnga// rna ba phyag na rdo rje ste// phra rags gzugs ni mi bskyod pa// gtsor gyur rang bzhin rnam snang mdzad// bu ga mtha' yas 'od pabag med// g.yo byed rtsa ni don yod grub// sgra rnams 'dzin byed rin 'byung ngo // sa yi skye mched nam mkha'i snying // phra gzugs rang bzhin nang dbus dang // sna bug dri 'byed rim bzhin du// mi bskyod rnam snang rin 'byung dang // don grub mtha' yas rang byin rlabs// lce yi skye mched 'jig rten dbang // gzugs dang rang bzhin rtsa ba dang // gtso rtse yang mo ro yi khyad 'dzin rnams// shar dbus lho nub byang gi

  632. 316b

    gtso// sgrib pa rnam sel lus skye mched// ngo bo rus pa sha dang lpags// reg snang lnga ni snang mdzad de// lho nub byang shar rim pa dag/ yid kyi skye mched 'jam dpal te// lus la brten pa'i rnam shes tshogs// kun gyi bdag dang yul du gyur// phyi dang nang dang sbyar ba ni// dbang po yul dang skye mched rnams// byang chub sems dpa'i dkyil 'khor che// gzugs sgra dri ro reg yul rnams// lnga dang bcu ni rlung rang bzhin// srog sel gyen rgyu mnyam khyab byed// lha rnams yang dag nges par rgyu// rtsa ba dang ni yan lag tshul// dang po phung po la brten spyod// gnyis pa rnams ni dpa' bor gnas// phyi dang nang gi las kun bsgrub// rtsa ba gsum ni rten bcas shing // kun gyi rnam shes ma lus gnas// srog 'dzin tshul du rtag par rgyu// dang po srog gi rlung zhes bya// bshang gci khu ba khrag 'og rlung // thur du 'dren sel de nyid do// dbang po'i sgo dang yan lag gis// myong reg la sogs mnyam gnas te// za 'thung sgra sogs stod du 'byin// 'gro zhing sdod bskyod gyen gyur grags/ khyab 'dzin 'gro ldog tshogs kun gnas// de la khyab byed rlung du bshad// shar sogs dbus gtso rang bzhin gnas// snying 'doms lkog ma lte ba dang // tshigs rnams la ni rab tu brten// yan lag rnam pa lnga nyid kyang // ldang rgyu mig gi skye mched la// snang ba

  633. 317a

    sgrib bral yid yul mthong // rol dang 'gying bag sgeg nyams bcas// rjes su chags dang mngon longs spyod// sdug dang mi sdug btang snyoms gzugs// phyi nang byed pa'i las kun bsgrub// dbus shar nas brtsams rim bzhin gtso// rna rgyu sgra ste rna ba'i yul// 'ur 'ur mgo dang sgra 'byin dang // rtag par rgyan sgra glu dang ngu// yi ge brjod pa gnas kyi rgyu// chu shing lag dang rol mo sogs// phrin las bzhi yi brjod sgra dag/ gtso 'gyur rim pa sngar bzhin no// sna yi skye mched yang dag rgyu// ma lus dri dang yan lag dri// kun 'dzin nang gi bro zas dri/ khyad par dri dag mi bskyod pa// gzhan dag dbus lho nub byang rim// lce yi rnam shes rab tu rgyu// mngar kha bska dang lan tshwa tsha rim gyi// dngos rgyu lus kyi yon tan te// bstan nas 'khyud dang sgo reg dang // rngub dang gnyis rab sbyor ba yis// gnas rnams gsum dang dbu ma'i gnas// dbus lho nub byang shar sogs kyis// go rim gyis ni yul lnga yin// ye shes lnga yis rab phye ba// rten gsum dag cing grol ba la// rnam rtog bag chags ma lus sbyangs// chos dbyings rnam dag ye shes so// dngos po ma lus gzugs brnyan bzhin// cig char snang shes me long 'dra/ khams gsum bsam pa snod bcud tshogs// sems rtogs ngang du mnyam de

  634. 317b

    nyid// dus gsum phyi nang chos kyi dngos// ji bzhin ma 'dres rtogs pa de// rang bzhin sgo gsum las rdzogs spyod// ma lus grub pa'i ye shes te// rang gi rigs las byung ba yi// de bas phung po skye mched khams// gtso bos byin brlab so so'i rigs// yum dang sems dpa' lha mo dang // sems ma thub pa sgo srung ste// dam pa'i rigs ni rnam brgya ste// phung po skye mched yul dang bcas/ khams lnga 'byung bzhi rnam dag pa// rgyal ba bzhi bcu rtsa gnyis yin// phung po de nyid rigs lnga ste// lus ngag yid ni sku gsung thugs// rdo rje gsum ni rdo rje 'chang // gsang ba chen po'i rigs gcig go// rtsa ba'i nyon mongs rnam lnga la// khyad par shas che gnyen po ni// rnam dag phyag rgya'i tshig bsgrub ste// zhi ba bsgrub mchog kha bskang yin// // de nas ston pa rdo rje 'dzin// ji ltar rnal 'byor lus kyi lha// nges pa'i snang ba thob gyur nas// phung po khams dang skye mched dang // 'byung bzhi rnam shes yul dang bcas// dngos grub kun gyi thun mong du// lha dang stong pa rnal 'byor gsum// rags pa las ni phrad gyur pa// ngag gi sgra dang rdo rje yis// bzlas pa'i sngags kyi de kho na// srog 'gyur kun gyi dngos grub bshad// phung po nga bdag rang bzhin can// 'od lnga'i 'phro 'du dpag med las// shin tu phra ba'i rnal 'byor bsgom// ri rab rtse yi

  635. 318a

    dmigs pa lta// sku gsung thugs kyi yi ge gsum// 'od dang 'dug dang 'gro ba la// mgrin pa snying ga lte gsang gnas// steng du 'gro la sogs pa dag/ dbugs las rig pa nyi shu lnga// bsdus pa'i gzugs brnyan steng sgo las// lnga dang bcu sogs phyi dang nang // byang chub sems rgyu mkha' la gnas// 'gro rnams kun gyi rnam shes rten// rtsa ba yan lag lnga dang bcu// yul gsum g.yas g.yon dbus la gnas// las bzhi la sogs gsum gyis spyod// 'jig rten 'jig rten 'das snang ba// ma lus dbugs spro rnam shes kyi// rtsa ba nyid kyis byin gyis brlabs// nam mkha' dang mnyam sa bon te/ kha dog ting denge 'dzin la sogs// spangs pa'i dngos grub dam pa ste// sangs rgyas byang chub sems dpa'i tshul// 'od ldan gzhal med khang du bzhugs// sna tshogs phrin las spyod pa ni// don chen byed dang steng 'og 'gro// btang snyoms gnas dang khyab par byed// 'gro dang rnam 'gro yang dag 'gro// rab 'gro nges 'gro khyad par gyis// lha nyan snom myang reg dang bsam// rang gzhan longs spyod bsam mi khyab// gzhal med khang par gnas pa'i lha// rten byed pad+ma 'dab brgyad dbus// mi bskyod pa yi rang bzhin bzhugs// 'og sgo pad+ma bzhi dbus na// gsang gnas rin chen 'byung ldan te// steng 'gro bcu gnyis pa yi sar// 'od

  636. 318b

    dpag med pa'i ngo bo nyid// don grub drug cu rtsa bzhi dbus// snyoms mdzad me yi rang bzhin no// khyab gnas phyi rol yan lag brten// rnam snang mdzad pa de bzhin no// 'gro ba zhes bya gzugs la spyod// rnam 'gro sgra yin yang dag 'gro// dri spyod rab 'gro ro myang zhing // nges 'gro dag ste de dag ni// nyi zla rol mo la sogs pa'i// gnas nas gshegs te rang longs spyod// lha dang lha mo 'od zer bcas// 'byung ba ye shes lnga bdag gis// bskul te bzlas pa gsum du byed// gzhal med khang gi steng sgo la// rlung me sa dang chu rang bzhin// rang rang gi ni 'gro byed bzhi// g.yas nas drod bcas steng 'og dmar// pad+ma rigs kyi bzlas pa yin// g.yon na snyoms byed dbugs dang bcas// 'od zer ljang gu las rig bzlos// thun mong 'og 'gro sa yi gzhi// rin chen rigs kyi 'od zer zlos// rin chen shel bag dkar po'i 'od// mi bskyod rang bzhin bzlas pa yin/ khyab chen kun 'gro rten pa dang // rten bcas kun tu snang mdzad zlos// dkyil 'khor kun tu sdud pa'i dus// don gnyis mthar phyin gnas par bya// 'gro ba'i bzhon pa de nyid shes// sngags zhes bya ba gnyis pa ste// ji ltar sangs rgyas kun gyi gsung // yi ge sgra yi brjod pa dag/ lnga bcu'i yan lag kun rnams kyang // rtsa ba ma skyes gcig yin te// ma bcos pa las

  637. 319a

    gsum du 'gyur// tha mal pa la 'gro 'ong nas// dang po'i las la yang dag gzugs// gzhi yis sems can khams bskyed cing // lam rdzogs dril la phyi nang 'gro// rang bzhin grub pa'i bzla ba gsum// nyon mongs kun sbyang phrin las spyod// oM AHhUM/ dus gsum thams cad 'di la gsal// gnas dang rab tu byed pa la// dang po'i thun la lnga yin te// gnyis pa nyi shu rtsa lngar bzlas// gsum la brgya gnyis nyi shu ltar// bzhi pa la ni dgu brgya ste// lnga pa nyi khri chig stong dang // drug brgya zhag gcig dag la bzlas// 'di ni shin tu phra ba'i lam// bzhon par bcas te phrin las 'grub// gsung tshig ma lus 'di yis zlos// ngag gi rnal 'byor rdzogs 'dod pa'i/ lam gyi kha skong bshad pa'o// // de nas bcom ldan rdo rje 'dzin// dus gsum sangs rgyas thams cad kyi// yon tan mchog la rab dgongs shing // dam tshig rdzas kyi bsgrub pa bshad// rigs lnga'i dam tshig lnga yi dngos// ye shes lnga rdzogs grub pa'i rdzas// rtsa brgyad yan lag stong dang bcas// phyi nang gsang ba'i de nyid las// rang bzhin spyad dang bsgrubs las byung // phan dang nus mthu dpag med kyang // tha mal rnam rtog dbang gyur te// dngos su spyad par ma nus pa// dri dang kha dog ro bsgyur phyir// rtsa ba lnga las yan lag go/ cha mthun rgyal blon 'khor

  638. 319b

    rnams kyis// dbye ba bsdu ba rab sbyar te/ khrol bu phye ma gong bu la// nga yi dkyil 'khor sbyar ba yis/ byin gyis brlabs te rtags phyung ba// bsgrubs pa'i longs spyod yon tan yin// rang bzhin gnas pa'i yon tan la// longs spyod sgo nas bsgrub pa ni// spyi dang bye brag so so ste// dang po rten gyi gang zag ni// nga yis rab stan mtshan nyid ldan/ khyad par bla ma mnyes byas shing / dbang rdzogs thob cing dam tshig ldan// lha dang mkha' 'gro nyer gnas pa// sgrub 'byor lus srog gtong phod cing // brtul zhugs brtson 'grus ldan pas brtsam// 'byung bzhi'i nus pa rgyas shing 'phel// ston zla gsum ni dus kyis mchog/ dka' thub brtul zhugs 'dzin pa dang // grub pa mchog brnyes rnam snang rgyu// rang dang bla ma kha bskang ba// don grub byang chub sems kyi rgyu/ ma dang sring mo bu mo dang // mtshan nyid kun ldan snang mtha' yas// gnas bdun pa dang bu chung dang // mtshan nyid kun ldan rin 'byung yin// sangs rgyas yab yum rang nyid dang // gzhon nu lo brgyad ma chad rnams// mi bskyod bsgrub pa'i rgyu yin no// grogs ni mngar gsum tsha ba gsum// bzang drug 'bras bu gsum dang ni// yung ba spang rtsi se rgod shun// ka ra ga bur khyi'u ro tshan/ khyi gu dkar mig ma bye'i sha/ so rtog bong nga skye bar shun// bse ru brag zhun bar pa

  639. 320a

    ta// ser thig phra lo ut+pal sngon// de dag sbyar zhing bsgrubs spyad na// rims nad dug nad khrag nad sel/ bdud rtsi tsong zhi brag zhun dang // ba lu'i lo ma tsha ba gsum// se 'bru gcan gzan sha sbyar te// bsgrubs shing spyad na mchin nad sel// bdud rtsi tsong zhe sdig srin dang // se 'bru sug smel tsha rigs rnams// sbyar bsgrubs mkhal ma'i nad kun sel// bdud rtsi bzang drug shu dag dkar// seng ldeng khaN+Da thang chu dang // ga bur ka ra cong mu zi// bse ru rgya ru gnag rgod 'bras// tha kar rdo rje bong bu'i sha/ sbyar te bsgrubs pas mdze nad sel// mtsho 'bras zo sha sbyar sha spos// sbyar zhing bkrus na kha spu dang // smin ma skye bar byed pa yin// bong 'bras bong nag spang btsir khu// khyi nag phag nag brun mu zi// ka ra sil sman zang chu rnams// chu grang gis sbyangs bkrus shing spyad// 'brum bu'i nad rnams thub cing sel// bdud rtsi dang ni tsha ba gsum// gnag rgod mkhris pa bya rgod tshil// mar rnying dang sbyar zhag dgur bsgrub// ril bu byas te rtag tu bsten// grang bas mi tshugs gos su 'gyur// bdud rtsi bya dang skong rtsi dang // mu zi gla rtsi drod gsum tsha// mar rnying dang sbyar zhag gsum bsgrub// rtags phyin rkang la byugs pa na// sa chu grang lcags kyis mi tshugs// bdud rtsi gser srang drug cu bzhi// mar srang de dang mnyam par

  640. 320b

    sbyar// ru rta bcu drug srang dang mnyam// bzang drug srang brgyad 'bras gsum mnyam// zla ba bcu bsgrub longs spyad na// rkang mgyogs dngos grub rnyed par 'gyur// bdud rtsi dug sbyar byang ba'i shar// do thal zangs lcags rdo phye dang // wa sbyang mdze khrag sha rus rnams// shang tshe skye tshe yungs kar nag/ rgya gram lam dang chu 'gram sa// gangs dang ri mtho mchod rten sa// rdo lcags rin chen sna lnga'i phye// ldong ros gla rtsi sha tshil chen// rta bong mu zi tsher ma'i shing // zi ra gu gul dkar nag dang // g.yi sbyang phag dang bong bu'i brun// gzhan yang thun rdzas drag po'i rdzas// ser ba khu 'phang gangs chu dang // drag po'i snod du zhags gsum bsgrub/ khyab 'jug dang sdebs longs spyod na// thog ser drag po 'bab par 'gyur// de la sogs pa las kyi tshogs// gso spyang bcos ma gang bsngags pa// rtsa ba yan lag tshul du spyad// bsgrubs pa ma yin rang bzhin gyis// nus pa dpag med ston bya ba// rgyal po lta bur bsgrub pa ni// dri chen chu rgyun bzangs dang // sbal te mtheng tshigs tsam du skam// rin po che'i snod ngang pa yi// sgo nga'i dbyibs 'dra sbra gu can// steng du btso bo'i snod yin no// bcud bcas gang ba 'og gi snod// steng btso bar bsdams kha bcad pa'i// bzang skyobs bzang drug ngan skyobs dug/ tsha 'bras drug ni longs spyod skyobs// sbyor ba

  641. 321a

    mthar phyin khyad par du// gla rtsi mu zi shing kun tshal// sga tsha ti tsa seng phrom dang // mgron thal tshil chen yungs kar dang // bdud rtsi sbyar te zhag bdun du// bsten na klu gdug gdon las thar// cong zhi gu gul shu dag gnag/ pi ling thar nus gag lhog sel// ka ra sbrang rtsi sle tres dang // shing mngar gla rtsi shu dag kar// sbyar bsten glo nad rnying pa sel// yungs kar sgog skya mi rus rnying // zhag bzhir bsten na 'brum nag sel// tsan dan a ru a par gsum// sbyar ba zhag bzhis mig nad sel// sbrang rgod mkhris pa sbyar bskus na// za gu thor pa'i nad kun sel// se rgod me tog yungs kar dang // sbyar bas dug nad sel zhing srung // lo nyung kha ser btsong sgog skya// sbyar bas sbyar dug sel bar byed// rgya tshil byi ba'i klad pa dang // 'bras bu gsum dang bzang po drug/ rtsa ba lnga bskol bcud rnams la// dri ro kha dog nus pa dang // zhu ba'i rjes sogs legs par btsir// thabs ni srul dang gdul ba dang // dbye dang dbyung dang btso ba dang // btsir dang skam dang bsnur ba yis// phye ma ril bu lde gu dang // zan dang tshod ma zug pa dang // chang dang mar khu sman mar dang // 'gam phye zan dron 'o ma mar// de dag las gyur rgyal po dang // blon po bram ze dmangs rigs dang // rigs ngan gdol pa bu chung

  642. 321b

    dang // smyon pa lta bu'i gnas skabs kyis// tha dad sgrub pa gang zag gi// blo dang dbang po bsam pa yis// rab tu phye ba'i khyad par gyis// sna tshogs bsgrub pa'i thabs su 'gyur// bye brag so so'i bsgrub pa ni// rnam par snang mdzad rang gi rgyu/ khyad par gtso bo'i sgrub thabs ni// sngon du 'gro ba'i tshogs rdzogs nas// mar dang 'o ma mnyam blugs te/ khams dang longs spyod mthun pa la// kun sbyor rdzas dang ting nge 'dzin// sngags dang bcas pas bsgrub par bya// tsha ba gsum dang 'bras bu gsum// dkar gsum mngar gsum yan lag bcas// snod bzang bcas te longs spyod bya// phye ma bcud kyis len sgrub yin// sha bzang gsar dang bdud rtsi gnyis// bca' lga bung bu ri yis brgyan// zla ba gcig tu srul zhing bsgrub// sha ltar longs spyod bsten cing spyad/ khyad par gdul zhing bsgrub pa ni// tsha ba gsum dang 'bras bu gsum// mar dang phye bzang gdab cing btso// bshos gtsang lta bur bsgrub cing spyad// sna tshogs 'o mas sbyar ba ni// de nyid grub pa'i longs spyod yin// mngar gsum gyis sel de nyid do// nas brus dang bcas mthun par bsgrub// bdud rtsi skam legs zhing phabs dang // bcas pa zhag gsum mnan cing bsgrub// chang bzhin du ni longs spyod btung // tsha 'bras cong zhi mar rnying dang // brag zhun dang sbyar sman

  643. 322a

    mar sgrub// mngar dang 'o mar tsha 'bras rnams// sbyar ba 'gam byer bsgrub pa yin// gzhan yang ril bu phye ma dang // sman mar khaN+Da lde gu dang // gong bu bcud len la sogs pa// dri ro nus pa'i skyobs bsdus pa// 'u su sgog sku mar rnams te// dang po gnyis pa mngar gsum yin// nus pa tsha gsum rtsa ba lnga// spyir spyad rtsa brgyad yan lag stong // dkyil 'khor sbyor ba'i khyad par gyis// bsgrubs pa'i khyad par 'bras bu ni// gtsang sme dang bral longs spyod nus// thun mong 'du zhing khyad par rdzogs// rtsa ba chen po'i sgrub pa yin// rdo rje'i rigs kyi sgrub thabs ni// rtsa ba rgyu yi khyad par las// mi rta khyi dang bya la sogs// srog chags che phra gang rung ba'i// byang chub sems kyi rtsa ba dang // gshegs lam bzhugs gnas 'bras bu dang // chu ba tshil dang rkang mar dang // thal kar rdo rje mtshan ma dang // cong zhi brag zhun la sogs rnams// mtshan ldan snod sbyar legs par bsgrub// rtsa ba cong zhi cu gang yin// rin chen rigs su bsgrub pa ni// sngags pa'i rgyu ldan mang nyung ran// chu tshod kyis ni legs par btso// rdul dang phral te legs par btsag/ srang bcu 'o ma mar pre gsum// mar blug chu tshod bzung zhing gdu// bcad tshod zin par bsgrub par bya// tho rangs dus su longs spyod bza'// glo bur dag tu bza' ba ni// skyes pa bud med

  644. 322b

    mtshan dang ldan// dar gzhon sha tshil legs par dbye// ma rul ba de chu ser dbyung // kham pa'i nang bcug mer bsreg btso// yang na nas sran tsam brdungs la// grod pa'i nang du khu ba gdu// sha bzang shing kun khyad pa blang // ba glang glang chen rta dang khyi// yan lag dag tu gyur pa'o// pad+ma'i rigs su sgrub pa ni// rang dang bla ma'i phyag rgya'i rdzas/ khyad par gzhon nu skyon med kyi// pad+ma'i rak+ta tshogs tshad de// yan lag a shwa gan+d+ha dang // 'bri mog nye shing ra mo shag/ tsan dan dmar po btsod rgya skyegs// star bu shing tog ser le brgan// rgun 'brum shing mngar me tog mngar// tshogs tshad mtshal dang dmar po'i rigs// rigs dang mthun par nye bar bsgrub/ khyad par sku gsum bsgrub pa blang // tsan dan dang ni li shi'o// glo bur shangs kyi bu gar bsgrub// las kyi rigs kyi bsgrub pa ni// bar ma snod gzhan grang du gzhug/ bdud rtsi bsings pa'i chu dang bsre// bzang drug gla rtsi a ru ra// zhi ba brtags kha tshar btab la bsgrub// yang ni dri chu bsgrub pa'i thabs// rdza yi dong bu cha gnyis bya// bar du gzer gyi them bu gzhug/ do nong nang par brje zhing btung // dang po yis ni khrus bya zhing // bar gyi bdud rtsi spyad cing sgrub// tha ma'i rdzas de phyi ru bor// 'bras bu gsum ni bcud kyis len// 'di dag khyad par dam tshig ni// tsha

  645. 323a

    sngo sha rul sgog btsong dang // chang nyes sred pa'i nyi ma me// bsgrub pa 'jigs pa'i rdzas kun spang // yon tan dang pos lus rdzogs shing // gsum pa mdze dang rlung thub ste// gnyis pas sems gsal 'brum bu thub// bzhi pas bkrag bzang rgyu gzer thub// lnga pas sa bdag bad kan te// phyi nang gsang ba gsum gyis ni// nye bar rgyun du sgrub byed na// bdud rtsi rnam lnga tsha ba gsum// mar rnying dang sbyar zla drug bsgrub// tsha grang nad kyi gnyen po rnams// skyobs dang grogs kyis legs sbyar ba// yun du bsgrub pa phyi bshad de// pho sha 'am ni mu zi dang // tshul bzhin legs sbyar nang du bsgrub// phyag rgya'i grogs dang bcas pa ni// gsang ba chen po'i bsgrub pa yin// kun la chos gsang dam tshig ste// dngos grub mchog thob 'bras bu yin// las tshogs so sor sgrub pa ni// bdud rtsi dri chen rgyu bzang dang // tsan dan ka ra 'bras bu gsum// yungs kar skyer pa'i bar shun dang // sbyar ba legs bsgrubs longs spyad na// sbyar dug rlung nad thams cad sel// dom mkhris tsha ba gsum gyis bsgrubs// mgul nad gag pa la sogs sel// bdud rtsi dkar dmar tshil chen dang // gla rtsi bzang drug cha mnyam bsgrubs// zhag bdun gyis ni rtags phyung ste// longs spyod mdze nad thams cad 'joms// rtsa ba'i bdud rtsi phul gang

  646. 323b

    gdul// bdud rtsi srang gnyis mar srang gcig/ a ru chus spangs 'o mar sbyar// grib skam byas te bzang drug dang // tsan dan dkar dmar tsha ba gsum// 'bras gsum tsong zhi bu ram spang // bal bu shug pa'i khaN+Dar bcas// tshad ldan bsgrubs te longs spyad na// 'du ba bzhi sel longs spyod rgyas// bdud rtsi 'bras gsum pa le ka/ bzang drug tig ta ba sha ka/ tsan dan dkar dmar gla rtsi dang // sbrang rtsi cong zhi skyer khaN+Da// sbyar bsgrubs longs spyod mkhris nad sel// bdud rtsi tshil chen 'bras bu gsum// mar dang bu ram sbyar bsgrubs na// snying rlung mgo 'khor la sogs sel// bdud rtsi mkhris pa tshogs tshad dang // stag snag kyang sbyar sha dug sel bar byed// khyi mig khu dang nyung sa bon// brag zhun mar khu sbyar ba yis// me dug sel zhing srung bar byed// ga bur yungs kar pho bya tshan// lug gzhon smad sha gdus pa yis// dug nad sel zhing srung bar byed// mar khu rta dkar khrag sbyar bas// stod na sha mdzer nad las thar// gu gul nag po mu zi dang // ti tsha sbyar bas 'bras nad sel// se 'bru shu dag gu gul gnag/ sbyar bas pho lhog sel bar byed// khyi lud gu gul nag po dang // mar khu sbyar byug sha ro sel// phag tshil gur gum sbyar byugs pas// sha 'phar sel te gla rtsi dang // mu zi gu gul sbyar ba yis// phol mid rus nad sel bar

  647. 324a

    byed// tsha ba gsum sbyar grang nad sel// mkhris pa dri chus tsha ba sel// skyer shun gla rtsi yung ba dang // gu gul shu dag nga nag/ spu ma ru rta mu zi yis// lhog pa'i rigs kun bsrungs shing sel// de dag nad zhi byed pa ste// gdon zhi byed pa'i las kun ni// mi rta khyi yi sha dang khrag/ lham rnying tshil chen rta'i mchin pa// ra khrag dang bcas rgyal gdon zhi// bya sha nal bu'i klad pa dang // dre'u'i khrag sbyar ma mo/ zhi// btsan dug ba lang btsan zhi byed// sbrel sha khyi lud rgyal phran no// nag po brgyad sbyar klu zhi byed// gdon gzhan bdud rtsi nyid kyis zhi// rgyas pa'i las su bya ba ni// bdud rtsi mar khu rtag bsten na// 'dzam gling bye ba phrag brgya yi// longs spyod kun la dbang byed 'gyur// mu zi cong zhi ra mo sha/ sbyar na tshe yi dngos grub 'byung // ba mar 'o ma mu zir sbyar// rgas pa'i mtshan ma thams cad sel// dbang gi las su sgrub pa yang // ra dkar 'o ma sin+d+hu ra// pad+ma rak+ta sbyar byas na// mo rigs thams cad dbang du byed// cong zhi byang chub sems sbyar na// pho rigs thams cad dbang du 'gyur// lteng khu dri ma mar nag gsum// sbyar bsten yul khams dbang du byed// sgrol phyir mnan dang bskrad dang dbab// byugs dang zos pas drag po 'grub// rbod gtong gnod pa ma lus bzlog/ phrin las rnam bzhi'i las tshogs yin// gzhan yang log

  648. 324b

    gnon bsgrub pa ni// grang 'byam byung na rgya thal dang // btsod dang sgog skya pi pi ling // chang dang sbyar te bsten pas thub// 'bras zan tsha ba gsum yang rung // nas tshig zan nam chang yang rung // ma zhu'i sgregs ngan byung ba na// tsha sna gsum gyi sbyor ba bya// ma zhu na ni sgog skya'am// dri chu'i thang du gtang bar bya// bdud rtsi chen po ma zhu na// dri chu bar dang tsha sbyar btang // rlung skyes mar ram tsho khu btang // mkhris pa skye na ka ra ste// bad kan la ni ru rta ste// grang ba la ni tsha ba gsum// tsha ba skyes na cu gang ngam// gur gum btang bar bya ba yin// dri chen la ni dri chu ste// de ma zhu na snabs yin te// thig le dkar dmar de nyid do// mkhris par lhung ba'i rtags byung na// tig ta ba le ba sha ka/ bdud rtsi cong zhi sbyar bar bya// bad kan a ru ra yi thang // rlung la 'bras gsum tshil chen no// tsha grang la sogs de bzhin sbyar// skyugs bro gnyid med 'phyos pa la// chu phul bdun la mar phul phyed// 'o ma phul gang mnyam du gdu// rlung skyes skrangs la sogs pa sel// 'bru gsum gyis ni kun byin brlab// srin log dang po byung ba la// sgog skya'i chu skol gtang bar bya// skyug log 'o ma lud mar btang // gso na tsam pa bag tsam ste// srog rtsa'i srin ldang mgo khra yis// bdud rtsi bsgrub la rang shugs thon// mchin sbom sdig pa 'bu shun dang // mi tshil ra

  649. 325a

    tshil phag tshal dang // bzang drug cha sna tshogs chad la// ril bu ril ma tsam bzhi gtang // de dus 'gyel na 'chi 'gyur te// sman pa mkhas pas gtar kha bya// sman gyis gtar bas khrag dbyung ste// de thon tshe tshad nyi zla 'dra// de nas bsgrub pa bya ba ni// dang po bdag gi lus sbyang phyir// sngon 'gro nad dang zas brda ste// a ru ra ni cha bzhi la// ba ru skyu ru phyed phyed do// bzang drug ga bur tsan dan sogs// rtsa ba'i bdud rtsi dang sbyar te// rlung la bu ram dang sbyar te/ khrag mkhris chen ka ra'o// grang ba tsho khu ram nye ba// de dag ril bu'i sbyor ba'o// bdud rtsi phye ma zo mar sbyar// 'ol gom phyi ma'i bsgrub pa'o// bdud rtsi dron mo sha chen sbyar// mnan zhing sgrub pa shar bsgrub pa'o// nyung khu shu la ram nye dang // l+ya ba'i khaN+Da bdud rtsir sbyar// gsum mam lnga ru lde gur bsgrub// 'o ma dang sbyar bskol ba ni// 'o thug bdud rtsir bsgrub pa yin// rak+ta bzang po rnams dang sbyar// de nyid bsgrub pa chen por 'gyur// phye bza' dang sbyar bskol zhing btso// zan dron chen por bsgrub cing spyad// de la phabs bzang gdab cing bsgrub// ma babs ma langs bar du ste// rtags bzang byung na chu bzang sbyar// de ni btung ba'i mchog tu 'gyur// ra mgo lta bu'i chu bsings na// grang ba'i nad rnams ma lus sel// skam nyung khaN+Da a ru

  650. 325b

    ra// gser mdog rnam par rgyal ba dang // re'u ral khye'u'i tshan dang sbyar// dug rnams ma lus 'joms pa'i mchog/ brgya byin lag ni 'o mar sbyar// bzhin sha kha dog mdangs ldan 'gyur// mu zi sgog skya tsong zhir sbyar// bad mkhris sel zhing gzhon nur 'gyur// shu dag kar sbyar de bsgrubs na// gzugs mdog la sogs ldan par 'gyur// drag zhun dang sbyar mchin nad sel// dug 'joms stobs dang ldan par 'gyur// nye shing rang skyar rkang mgyogs 'grub// ra mo shags kyis mkha' la 'gro// lcam pa sbyar bsgrubs mkhal nad sel// a sha an d+ha 'o mar sbyar// bcud len bsgrub pa chen po yin// gze ma bdud rtsi'i chang gis ni// grang rlung mtha' dag sel bar byed// dzA ti bu ram bong nga dang // tsha ba gsum dang mar khus bsgrubs// zas dang ma 'dres longs spyad na// glo snying la sogs stod nad sel// gser gyi me tog mkhris nad sel// bzang drug phyir bsgrubs khrag nad do// gser mdog gis ni dug rigs 'joms// lug mig gis ni sa rnams mthong // bskor bzlog chen pos mdze nad 'joms// de dag dang po'i las can te// mdog ni dkar gsum mthun pa ste// mngar gsum gyis ni ro dang ldan// ga bur gla rtsi dri yin no// ji ltar rigs pas bsgrub pa yi// goms dang bcos pa'i bsgrub sgrub pa pos kyang pas so// bdud rtsi

  651. 326a

    rnam lnga myur du bsgrub// spyir 'gro yon tan bstan pa ni// dpag med bsam gyis mi khyab ste// zla drug sbyor bas mdze nad gso// bcu gnyis gzungs thob thos pa 'dzin// lo gnyis bsgrubs pas mthu rtsal ldan// nor rdzas dbang 'gyur lo gsum gyis// gzhi yi mdze dang rim nad 'joms// lha dang lha min dbang du sdud// lnga yis seng+ge glang chen dang // rma bya mkha' lding dag dang mtshungs/ tshe ring nad med rig rgyud 'phel// drug gis sa gsum nor rnams thob// spyan lnga sku lnga ye shes 'grub/ tshig gcig chad dam// bslab bya kun la ring gyur skong // mtshams med la sogs sdig sgrib sel// brgyad kyis bsad gso'i rdzu 'phrul 'grub// dgu yis rig 'dzin phyir mi ldog/ bcu yis sa bcu yongs su rdzogs// bcu gsum gyis ni sa bcu gsum// mchog gi 'bras bu yongs su rdzogs/ khyad par bdud rtsi dri chen grub// rnam snang chos dbyings ye shes brnyes// byang chub sems kyis rdo rje sems// me long lta bu'i ye shes 'gyur// rak+ta snang ba mtha' yas dang // so sor rtog pa'i ye shes so// dri chu don yod grub sku dang // bya ba grub pa'i ye shes so// mAM sa rin chen 'byung ldan dang // mnyam pa nyid kyi ye shes so// gzhan yang bye brag mar khu dang // sbyar ba'i yon tan dpag tu med// phyi nang gsang gsum sbyor ba'ang // yon tan bsam gyis mi khyab

  652. 326b

    bo// rgyal blon dmangs ltar bsgrub pa yang // yon tan chen po rdzogs pa yin// bye brag so so'i bsgrub pas kyang // lung ston la sogs yon tan 'char// bsrung bya rgyud la gdams pa la// the tshom yid gnyis ma mos dang // zas ngan bsten dang 'bru mar byug/ me dang nyi ma spyad nyes dang // dam tshig snod mi ldan pa yi// grogs ngan bsten pa spang bar bya// rang la rtags med gzhan la ston// tshul bzhin ma bsgrubs longs spyod pa// phra mo'i rnal 'byor bsgrub pa dang // las kyi tshogs su sbyar ba rnams// ma 'ongs skyes bu rnams kyis brtag/ yon tan bdud rtsi bsgrub pa las/ khyad par kha skong bshad pa yin// // de nas bcom ldan he ru ka/ rnal 'byor gsum dang rab ldan pa'i// rim pa gnyis kyis bsdus pa'i lam// 'bras bur bcas pa rab bshad pa// phun sum tshogs pa'i gnas dag tu// lam gyi lha yi rnal 'byor gyis// phyi nang bsrung ba rim bzhin brtsam// 'byor ldan yo byad byin gyis brlab// bsod nams tshogs chen bsag bya'i phyir// phung po khams dang skye mched la// rang rig lha yi bdag po dgod// phyag rgya'i tshogs kyis rgyas btab ste// mnyes pa mtha' dag rab sbyangs nas// lhan cig skyes pa'i ye shes de// dbab cing bstan pa'i 'phro 'du bya// de nas bzlas pa'i rnal 'byor gyis// sku gsung thugs kyi sgrub thabs

  653. 327a

    la// dkyil 'khor gsum gyi nga rgyal gyis// rtog pa mtha' dag bsal bar bya// de nyid bsal ba'i tshad ldan zhing // skad cig tsam gyis don byed nus// gsal 'phro 'bar ba'i nyams ldan zhing // dngos grub mtshan ma brtag par bya// mthong dang thos dang snang ba dang // shes bya'i yul du gyur par dmigs// 'jig rten chos kyi rtog pa bzlog/ thun mong du ni bsnyen par 'gyur// rim pa chen por bsgrub pa yang // zhi bar gnas dang drag shul spyod// mos pa dag dang 'dun par sbyar// sgro dang bsdu ba de bzhin no// bdag nyid gcig pa nas brtsams nas// thabs dang shes rab rang bzhin dang // rigs lnga dang ni bcu dang gnyis kyang bzhis// nyi shu dang ni de rjes drug/ sum cu bzhi bcu lnga bcu dang // drug cu brgyad dang de bzhin du// rim pa so sor phye ba dag/ dpa' bo 'khor lo tshom bur gnas// grangs nges pa dang bsam mi khyab// bsdus pa dang ni rgyas pa la// 'phro 'du rim pa bzhin du bslab// zhal phyag rnams kyi rnam pa yang // gcig dang gnyis dang gsum dang drug/ dgu dang bco brgyad nyi shu gcig/ bzhi bcu rtsa gnyis la sogs pa'i// rtsa ba yan lag tshul dag gis// rigs lnga rtsa ba'i tshul du dgod// shin tu goms pa'i rnal 'byor gyis// phyogs bcu nam mkha'i gzhal med khang // stong gsum 'jig rten khams kyi

  654. 327b

    tshogs// ma lus snang ba de yis brgyan// 'gro rgyud drug dang lnga dag dang / khams gsum khyab par ji snyed pa// bde bar gshegs pa'i dkyil 'khor 'dus// dngos dang blo yi yul du bslab// snga ma dag gis rim bstan nas// phyi ma de bzhin slob pa ni// rim gyis gnas pa'i bsgrub chen po// bco brgyad dang ni bzhi bcu gnyis// lnga bcu drug cu rtsa brgyad kyi// so sor yang ni bdag gi lus// phung po lnga ni phyi dang nang // rnam shes brgyad ni yul dang bcas// 'byung bzhi 'du shes bcus bsdus pa'i// de dag ngo bo so sor bsgom// phyi rol dbang po'i yul dang bcas// 'byung ba chen po lnga yi bdag/ rnam shes skye mched yan lag dang // nying lag sha dang khrag la sogs// don snying snod bcas rang gi dngos// de dag tshul las mi 'da' ba'i// rab tu spros pa grangs med mtha'// slob pa lus kyi rim pa ste// de dang rjes mthun sgra dang skad// rtog pa sgra brjod de bsgrub pa// oM ru lu ru lu hUM b+h+yo hUM// badz+ra he ru ka zhes nas// g+han+d+he ho yi bar dag tu// sngon 'gro 'jug dang bcas te sbyar// lha dang mthun pa'i zhag grangs su// sku gsung thugs kyi dkyil 'khor bsgom// glu gar phyag rgya shes rab dang // thabs su sbyor ba byang chub sems// lus ngag yid kyi brda la sogs// longs spyod kun ldan mchod par bya// bsnyen pa sngon song bsgrub pa bzhi// rnal

  655. 328a

    'byor rjes su rnal 'byor dang // rnal 'byor che dang rdzogs pa yi// rnal 'byor dag gi tshul bzhin bya// dang por brtags pa'i gnas dag tu// lus kyi cha mnyam gcig gam gnyis// phyi nang nus dang sbyar la gzugs// tshul du nges pa bzhin du bri// sku gsung thugs kyi mtshan ma dgod// yo byad gsum du cha bgos te// mchod sbyin bsngo ba'i yul dang sbyar// 'jigs byed pho brang dkyil 'khor bskyed// phyogs skyong dregs pa'i gtso chen rnams// yab yum nyi shus gdan du gzir// bar du gcod pa de bzhin bsal/ thun mong mchog gi bsrung ba brtsam// phyi dang nang du 'dzin pa bzlog/ rA tra chen po tshul bzhin mnan// dbab dang bca' dang bshags pa dag/ nga yis sngar bshad bzhin du brtsam// 'khor lo khyams dang sgo rnams la// rigs bzhi yum dang byas pa dang // ma sring bcu drug pho nya bzhi// 'jigs byed dkyil 'khor de lus la// sku gsung thugs kyi lha rnams bsgom// 'khor lo rdo rje rin po che// pad+ma ral gri dril bu yis// yab yum gnas su rgyas btab cing // tshogs pa gsum gyis gang bsngags pa// rigs lnga la ni nyi shu lnga// sku gsung thugs dang yon tan dang // phrin las rdzogs tshul ji bzhin par// bskyed dang dgug gzhug rim pas bstan// bzlas brjod 'phro 'du'i bsnyen pa yis// de bzhin

  656. 328b

    bsgrub pa dag la yang // bskul dang bsdu ba dag la yang // smra ba'i skyon bcu bral ba yis// 'bar 'phro gsal 'bar nus shes bya// gzugs sgra dri ro reg dang 'od// so so'i yul la de nyid bstim// dngos grub dang ni bar chad brtag/ de nyid bzlog pa'i sbyor ba brtsam// 'byung chen bzhi yi las la sbyar// thabs dang thugs rje las byung ba'i// byin rlabs kyis ni yul rnams kun// chos nyid zhi ba'i ting nge 'dzin// gnyis med thabs kyis ma lus bsgral// dbyings dang ye shes 'du 'bral med// sgyu ma'i tshul du gzhan la snang // byas dang grub pa gang yang med// ma bcos sems kyi rang bzhin la// bya dang byed pa na dang bral// bdag nyid don rtogs de bsgral bya// mtshan ma'i rtog pa ma lus kun// phyir gyur snang ba kun las bzlog/ bsgom bzlas bsgyur ba'i goms stobs kyis// brtse ba dang bcas gzhan gyi don// rnal 'byor tsam du de bshad do// dad pa dbang dang 'brel ba yis// lam gyi rtsa ba de nyid las// gsang ba chen po'i dbang bzhin du// rjes su bstan pa'i rnal 'byor bdag/ byin gyis rlabs kyi khyad par ni// phyi nang yon tan mtshan nyid rdzogs// rang byin brlab pa'i nus pa can// snod bcud chas gos ting 'dzin ldan// mos pa'i 'dun pa ches g.yos pa// de nyid dbang phyug rdzogs gyur nas// nga rgyal gsum

  657. 329a

    dang bcas pa yis// rdo rje pad+ma mnyam sbyor ba'i// byang chub sems kyi yon tan spros// rgyal ba'i dkyil 'khor ma lus la// mnyes pa mchog gi mchod pa sbyar// tshul mthun lus kyi dkyil 'khor la// gnas dang bcas pa'i dga' ba bzhi// 'khor lo dang bcas gsal byas te// sbyangs shing bgrod pa'i sa dang lam// sku dang ye shes 'bras bur bcas// rtags rnams srog dang rten gyis sbyar// lnga dang bcu sogs nyi shu lnga// brgya phrag gnyis dang lngar de bzhin// nyi khri tshig stong drug brgya'i bar// 'gro ldog sdog cing gsal ba rnams// dbu ma gsum du nges par 'du// rang bzhin yon tan gsum gyis brgyan// 'dam skyes gnyis 'byung 'thung yang sgra stobs ldan// dpe yi chos mthun skye bar 'gyur// bsdam bya sdom par byed pa yi// lhan cig skyes pa'i ye shes de// dpe don rtags kyis sbyar byas nas// bde dang gsal dang mi rtog pa// thabs dang shes rab gnyis su med// sa chen nyi shu rtsa gcig gi/ yon tan dag dang ldan par gzhug/ rnam shes tshogs dang yul rnams kun// 'od gsal ngang du snyoms 'jug cing // phyi srog dbu mar gzhug pa la// gnas pa che chung brgyad kyis mtshon// yon tan gsum nyid shas che chung // cha mnyam skye ba'i mtshan nyid dbye// tha dad dam tshig tshogs par sbyar// rnam par mi rtog ci nus

  658. 329b

    bslab// bzlog gzung bcas pa sngon du sbyar// bla ma slob ma mtshungs ldan pas// yon tan mtshan ma de nyid ni// snod dang ldan la sbyin par bya// rjes su slob ma de nyid kyang // yum dang ldan pa'i sbyor ba yis// lus kyi 'khor lo byin dbab cing // chags dang rjes chags yul rnams la// dpa' mo'i dkyil 'khor nges par brtag/ dga' dang skye dga' mchog tu dga'// bral ba dang ni skad cig bzhi// rnam par bskyod sogs de dag la// chos dang longs spyod sprul pa dang // bde chen zag med dam pa bzhi// 'khor lo bzhi la rim bzhin dbab// dbab dang bskyil dang gzung dang bzlog/ sku gsung thugs kyi sbyor ba brtsam// ma lus thabs dang shes rab dang // mnyam pa nyid du rab tu sbyor// phung po de bzhin gshegs pa lnga// 'byung ba lnga ni yum lngar sbyor// rnam shes tshogs brgyad ma mo ste// yul brgyad phra men brgyad du sbyor// rtag chad mu bzhi khro mo bzhi// 'du shes bcu ni khro bcur sbyor// bde 'gro'i yon tan ma lus mthong // dbyings dang ye shes gnyis med lam// rnal 'byor rig pa'i ngang du sbyor// mnyam pa nyid du bsgom zhing gsal// goms pa mthar phyin bar chad med// gsang ba thabs dang shes rab dbang // sngon 'gro shes rjes tshul du 'brel// bskyed rim bsgom dang mtshan rdzogs dang // tha dad med pa'i mnyam sbyor

  659. 330a

    dang // rang rig nges pa dag gis ni// dbang bzhi'i lam du nges pa la// smin par byed pa'i gzhi yin te// rjes su spyod pa mtha' dag gis// lam sbyang rdzogs pa'i rnal 'byor la// lus kyi khog pa gzhal yas khang // don snying rigs lnga yab yum ste// snod drug sha khrag drod dbugs dang // dbang po mig sogs rnam shes rlung // rtsa dang bcas pa ma grub dang // sgal tshigs yan lag nyid lag ni// lhu tshigs dum bu ma lus rnams// gtso dang 'khor gyi tshul du mthong // bdag ci 'dra bar de bzhin gzhan// sgyu ma rmi lam bzhin du mnyam// lus ngag yid kyis dben gyur pa'i// sgyu ma'i sku de bsam gtan gyi// bye brag spyod pa dang bcas pas// 'od gsal stong nyid la gnas te// rang gzhan mngon sum gyur pa la// rtog pa che 'bring tha ma'i dus// snang ba rags dang bar ma dang // thim pa'i rim gyis phra ba dag/ skye 'gyur yang na mi skye srid// lus sems snang ba gzhal med khang // rten dang brten par bcas pa ste// 'du byed ma lus phyag rgyar gsal// sgra brjod dbyangs dang drug yin te// dran dang rtog pa gang snang nyid// mnyam nyid mya ngan 'das dgongs te// theg pa spyi gcod rab tu brjod// ye shes rang la snang ba ni// 'od gsal don gyi mchog yin te// sku dang ye shes 'du 'bral med// rang gzhan don gyi rtsol ba

  660. 330b

    spangs// 'khor bar rtog dang mya ngan 'das// dbyer med zung du 'jug pa la// he ru ka dpal zhes su brjod// srid zhi chags bral mya ngan 'das// dpal 'bar kro d+hI shwa rI ma// rtsa ba yan lag de bzhin no// sngon du gnas pa bzhi yin te/ khyad par bstan ldan yang pa lam yin no// spyod pa dang ldan lam zhes bya// bsags thob rten gyur de nyid sku// ma lus ma nor gsal ba ni// de yi ye shes chen po yin// smon lam thugs rje'i stobs sad pa// phrin las mdzad pa'i tshul yin no// rang bzhin gyis ni yang dag de// sa lam tshul du grub pa ste// 'bras bu chos sku gcig pu nyid// gzugs sku sangs rgyas bde chen 'dus// yon tan rnal 'byor zab mo ni// sku gsum ngang du rtogs pa yin// gzhi ni mkha' 'gro sgyu ma ste// bde mchog bde bar gyur pa'o// rnal 'byor spyod par rung rnams kyis// the tshom med par spyad pa las// byis pa so so'i skye bo dang // theg pa dman la gzhol rnams kyis/ mthong thos 'jigs shing skrag par 'gyur// de bas myur du bgrod pa'i lam// 'di tshe sangs rgyas bsgrub bya ba// sku gsum sa la goms par sbyang // ma nor thugs kyi bsgrub pa la// rim gnyis dbang bzhis bsdus pa'i lam// 'bras bu dang bcas mthar zug tshul/ kha skong dag tu bshad pa yin// // de nas rdo rje 'dzin pa'o// rin chen

  661. 331a

    dbyings kyi rgyal po de// rang gi rigs kyi dbang phyug po// 'khor lo bzhi las tha ma'i las// 'khrul zhing 'khor ba rab tu gcod// yab yum phyi nang gsang ba gsum// tshul bcu dang ni 'od zer bkye// ru bzhi rdo rje rgya gram tshul// gnad skabs 'bru ded bsnur 'gros so// dang po pho mo rnam gnyis bzhi// ya ma rA dza sa do me ya// mo yi mo g.yon sa 'og nang // mo yi pho g.yas gnam steng phyi// pho yi gnyis las pho yi mo// ya ma rA dza sa k+She ya// g.yon la 'og nang rnam grangs so// pho yi pho g.yas gnam ste phyi// zhi rgyas g.yon la dbang drag g.yas// pho mo so sor bskor bar bya// 'khrul lugs bzhi la pho mo bzhi// don gyis tshang ba de nyid do// phyi nang gsang ba gnyis yin te// bsnyen sgrub las sbyor dbye ba dang // phyi nang gsang ba'i bdag nyid do// dang po spyi dang khyad par las// spyir sbyar phyi gsum bsnyen pa ste// rgya brgyad cha yin nam mtsho bzhir phye bzlas pa dang // sum cu rtsa gnyis dag tu dril// brgyad bskor g.yas su bskor nas su// g.yas bskor gnas su bzlog ste drang // de nyid rtags dang dus grangs su// dam bcas pa ni bsnyen pa'o// de yi rtags phyin bsgrub pa ste// dngos grub sha dang bdud rtsi'i rdzas// ma lus longs spyod ldan pa dang // gzugs brnyan la ni sku gzugs bkod// gsang ba nang gi gsang ba gsum//

  662. 331b

    khri khrag re res dngos grub blangs// the tshom som nyi med par spyad// gnyis pa khyad par las sbyar ba// dkyil 'khor dbus su e gru gsum// sum brtsegs bris te steng zur la// skyed phu gsum la ga'u bzhag/ 'khor lo legs bris nag por sba// phyi nang gsang ba'i nyi ma bzhir// so so rang gi las la sbyar/ khyad par bsnyen sgrub las sbyor la// 'bru brgyad g.yon bskor bsnyen pa ste// gzhi snying gcig dril bsnyen sgrub yin// g.yas bskor bsnyen pa'i las sbyor ro// bsnyen sgrub gsum sbyar spyir sbyar nyid// nang gi bsgrub pa bcu bdun pa// bsgrub pa'i bsnyen pa dag tu 'gyur// dang po a kro te ka'o// ya ma me da k+She bcu bdun// bsgrub pa'i yang ni bsgrub pa yin// ya ma k+She da bcu bdun pa// g.yas bskor bsgrub pa'i las sbyor ro// las rim kun la de bzhin sbyar// las sbyor nyid la dbye ba ni// 'bru ded bdun la g.yon bskor bas// las la sbyor ba'i bsnyen pa'o// de nyid g.yas bskor las bsgrub pa'i// dam tshig ral gcig phyag mtshan ni// las kyi las su bshad pa yin// 'khrul tshul bcu yi bye brag ni// bzhi snying dril dang so sor phye// dang po rtsa ba dril ba dang // las kyi kha skong dril ba las// rtsa ba bzhi snying gcig dril ba// thog ma brgyad gcig dril ba ni// ya ma rA dza sa do me ya// ya me do ru Na yo da ya// ya da yo ni ra ya k+She

  663. 332a

    ya// yak+She yats+tsha ni ra ma ya// zhes pas rtsa ba brgyad las ni// sum cu rtsa gnyis dril ba yin// bdun bzhi gcig tu dril ba ni// ya ma rA dza sa do me// ya me do ru Na yo // ya da yo ni ra ya k+She// k+She yats+tsha ni rA ma// nyi shu rtsa brgyad gcig tu dril// drug bzhi gcig tu dril ba ni// ya ma rA dza sa do// ya me do ru Na yo// ya ta yo ni ra ya// k+She ya tsa ni rA ma// nyi shu rtsa bzhi gcig tu dril// lnga bzhi gcig tu dril ba ni// ya ma me da k+She// rA dza sa do// ru Na yo ni// ra yats+tsha ni// lnga bzhi bcu bdun dag tu dril// las kyi kha skong dril ba ni// ya ma rA dza sa do me ya/ hrIHshrI a mu kaM b+hA ma ya// rtsa ba dam tshig yang snying dang // las sngags bzhi snying gcig tu dril// so sor dbye ba drug yin te// ya ma rA dza sa do me ya// sa ma rA dza sa do me// ya ma rA dza sa do// ya ma rA dza sa/ ya ma rA dza/ ya ma rA/ brgyad bdun drug lnga bzhi gsum du// bzlas pa bye brag drug yin no// dang po ji bzhin gzhan de bzhin// g.yon bzhin du ni g.yas bzlog bzlas// 'khrul pa bcu la sa zin dgu// yi ge zad pa gcig ste bcu// bdun bskor g.yas g.yon ru bzhi ste// bdun bskor ya nas me yi bar// ya yi bzlas lugs rdzogs de bzhin// gcig las bdun du 'gyur ba las// nyi ma dang po bzhi bcu dgu// bzlas pas dang po'i yi ge zad// gnyis pa la

  664. 332b

    sogs de bzhin sbyar// ru bzhi zad pa'i pho brang dbus// ya nyid lnga 'gyur dag tu bzlas// ma me da k+She// bzhi bzhir 'gyur bas spyir bcu dgu// de yis dbus kyi lnga zad cing // phyi rim nyi ma gnyis pa ste// man chad gsum la bzhi bzhi ste// nyi ma gsum la bcu gnyis te// dbus mtha' zad pa'i ru bzhi'o// ru gcig nyid la bcu drug tu// bzlas pas bzhi po bzhir 'gyur te// de las ltos pa'i ru bzhi yin// nyi ma gnyis pa'i yi ge res// bcu drug sogs pa'i drug cu bzhir// 'gyur bas gnyis pa'i yi ge zad// gsum pa bzhi pa de bzhin sbyar// las skabs gnyis zhes bya ba ni// gnam thus dang ni bsnur 'gros te// dang po sngar bshad gnyis pa ni// rus sbal lta bur bsnur 'gros te// ya ma me da k+She/ rA dza sa do/ ru na yo ni/ rA ya tsa ni/ gcig rjes gcig gis gnon la brtag/ 'od zer snang ba rnam brgyad ni// rtsa ba nyi ma shar lta bu// a kro bcu bdun 'khrul lngar khyab// bya rgod gzan la 'dzums lta bu// ya ma ye da bcu bdun pa// gzas pa'i yul la skar mda' bzhin/ khri mun chud pa'i btson bzhin du// dril ba mi gsal kun la khyab// lcags sgrog bcug pa sems gzhungs bzhin// bcu drug kun dang 'brel zhing 'jug/ skyes bu go mtshon bstar ba bzhin// sems dpa' de ni gzhan la stong yang skor// lcags

  665. 333a

    gzer mi 'tshor gzer bzhin du// a mu ka sogs dgu tshe yis// dbang zang bla tshe 'dzin par byed// lha dbang gis brdeg thog bzhin du// dmigs pa thogs med myur byed pa// lce rtse ka ba ya yis brdeg/ spu gris rtsol med gnyis byed ltar// so so'i sngags kyis ma lus gcod// 'od zer brgyad kyi cho 'phrul yin// 'bru ded g.yas g.yon nyin mtshan du// bzlas pas bsnyen sgrub brtags phyin nas// thogs med las la sbyar bar byed// sngags 'khrul mtsho bsdeb bstan pa yang // gzhi dang dngos po thabs 'bras bu// dang po yab yum phyi nang gsang // 'od zer brgyad dang bzlas lugs bcu// ru bzhi rdo rje rgya gram ste// lnga lnga dag ni bzhi lnga'o// dngos gzhi mo yi mor bsdeb dang // mo yi pho bsdeb pho yi mo// pho yi phor bsdeb dang po ste// gnyis pa phyi nang gsang ba gsum// re re'ang de bzhin gsum gsum ste// rnam grangs so sor bsdeb par bya// sum cu rtsa gnyis nyi shu brgyad// brgyad gsum bcu bdun brgyad bdun drug/ lnga bzhi gsum ste bzlas lugs bcu// gsum pa'i sngags mtsho bsdeb pa'o// nyi ma bya rgod btson skyes bu// lcags gser thog dang spu gri'i so// 'od kyi dpe brgyad rang mtshor bsdeb// lnga tshan bzhi dang bzhi tshan bzhis// rdo rje rgya gram ru bzhi'i bsdeb// thabs ni mo yi pho nyid dang // mo yi mo la sum

  666. 333b

    cu gnyis// g.yon bskor yi ge log ma log/ khyad par phye ste mtsho bsdeb bya// pho yi pho dang pho yi mo// g.yas su bskor ba sngar bzhin no// phyi yi phyi brgyad phyi yi nang // sum cu rtsa gnyis phyi gsang la// legs par brtags te sngags mtsho bsdeb// nang phyi yi ge dgod phyung ba// nang gi nang ni g.yon bcu bdun// nang gi gsang ba bcu bdun g.yas// yi ge dang ni sngags tshig bzlog/ nang gi gsum ni sngags tshig bsdeb// gsang gsum phyi gsal yi ge dang // sngags tshig rnal ma dag tu ste// gsang nang yi ge bzlog pa la// tshig ni rnal ma g.yas su bskor// gsang bzhi snying las kha bskang nas// gsum dril gsang ba'i mtsho bsdeb thabs// yi ge sum cu rtsa gnyis pa// ya ma rA dza sa do me ya// ya me do ru Na yo da ya// ya da yo ni/ ra ya k+She ya/ ya k+She yats+tsha ni rA ma ya// yi ge nyi shu rtsa brgyad la// ya ma rA dza sa do me// ya me do ru Na/ yod// ya da yo ni ra ya k+She// ya k+She yats+tsha ni rA ma// yi ge nyi shu rtsa bzhi pa// ya ma rA dza sa do// ya me do ru Na yo// ya da yo ni ra ya/ k+She yats+tsha ni rA ma/ yi ge bcu bdun pa bzhi'o// ya ma me ta k+She/ rA dza sa do/ ru Na yo ni/ ra yats+tsha ni// yi ge brgyad pa 'di nyid do// ya ma rA dza sa do me ya/ bdun drug lnga bzhi gsum rim bzhin// ya ma rA dza sa do me/ ya ma rA dza sa do/ ya ma me da k+She/ rA dza sa do// ya ma rA/ bzlas lugs bcu

  667. 334a

    bsdeb dang po bzhin// nyi ma gsum pa la sogs sbyar// g.yon pa bzhin du g.yas de bzhin// g.yon pa tshig bzlog 'bru ma bzlog/ 'bru bzlog tshig ni rnal ma ste// g.yas pa la yang de bzhin sbyar// bzlas lugs bcu yi mtsho bsdeb dngos// oM a kro te ya mAn+ta ka ha na ma tha b+hany+dza hUM phaT/ ya ma me ta k+She/ rA dza sa do// ru Na yo ni/ ra ya tsa ni/ oM hrIHSh+T+rIHbi kr-i tA na na hUM phaT phaT sa ma ya/ nyi ma dang po nas bzhi'i bar// rtsa ba bzhi snying dril ba'o// r-i r-I l-i lAM/ ya ma ra ni ts+tsha ya k+She/ gnyis pa man chad g.yos bskar sbyar// bdun pa bzhi snying gcig dril bas// nyi shu rtsa brgyad de nyid do// a mu ka ka pa ye/ rtsa ba'i dam tshig yang snying ngo // 'od zer brgyad kyi mtsho bsdeb yin// ya ma me da k+She/ ya me da k+She ma/ ya ma k+She da me/ ya da k+She ma me/ rA dza sa do/ do ru Na yo/ yo ni ra ya/ yats+tsha ni rA/ ru bzhi rdo rje'i mtsho bsdeb bo// de ltar bsdeb pa'i 'bras bu gsum// dang po bsnyen sgrub gsum bsdeb pa// mo yi mo ni bsnyen pa ste// mo yi pho dang pho yi mo// bsgrub pa yin te pho yi pho// las la sbyar ba'i mtsho bsdeb yin// phyi yi phyi dang nang gi phyi// gsang ba'i phyi rnams bsnyen pa'o// nang nas gsum bsgrub gsang gsum las// 'od zer brgyad kyi las sbyar ba// nyi ma bya rgod btson ni bsnyen// skyes bu go mtshon g.yon bskor bsgrub// go mtshon g.yas

  668. 334b

    bskor btson lcags gzer// gser thog spu gri bzhi dril bas// bzhi snying gcig tu dril ba'i las// de la bzhi ni bsnyen pa ste// brgyad nas gsum gyi bar du phye// g.yon du bskor bas bsgrub pa'o// brgyad nas gsum phye g.yas bskor ba// thams cad las la sbyar ba'o// dbus su nyi shu bskor bsnyen te// tha ma bcu drug bskor bsgrub pa'o// lnga bzhi g.yas su tshang bar bskor// las la sbyar ba yin de ltar// mtsho bsdeb 'bras bu dang po'o// gnyis pa phrin las bzhi bsdeb la// mo yi mo ni zhi ba ste// mo yi pho rgyas pho'i mo dbang // pho yi pho ni drag po'o// phyi yi phyi nang gnyis zhi ba// phyi gsang nang phyi gnyis rgyas te// nang gi lhag ma gnyis dbang yin// gsang ba gsum ni drag po'o// bzhi snying gcig dril zhi ba ste// brgyad nas bdun pa g.yas bskor rgyas// brgyad nas gsum du phye ba dbang // de dag g.yon bskor drag po'o// phrin las so so'i kha skong sbyar// rtsa ba nyi ma tsan+d+ra zhi// bya rgod 'dzums 'dra rgyas pa ste// spu gri so gril lta bu dbang // lhag ma rnams ni drag po'o// lnga bskor bzhi ni zhi ba ste// gnyis pa bcu drug rgyas pa'o// gsum pa bcu drug dbang yin te// bzhi pa bcu drug drag po'o// de ltar 'khrul lnga phrin las bzhi// mtsho bsdeb 'bras bu gnyis pa yin// gsum pa sku gsung thugs bsdeb pa// mo yi pho mo gnyis ni sku// pho yi mo gsung

  669. 335a

    pho'i pho thugs// bzhi snying gcig tu dril ba sku// brgyad nas gsum du g.yon rnams gsung // de nyid g.yas bskor thams cad thugs// nyi ma bya rgod gzan 'dzums sku// lcags sgrog khri mun gnyis ni gsung // lhag ma rnams ni thugs yin no// 'khrul lnga sku gsung thugs gsum du// mtsho bsdeb 'bras bu gsum pa'o// gzhan yang bsnyen pa zhi ba dang // sku gsung rnams ni yul du bshad// bsgrub pa dang ni rgyas pa dang // dbang dang gsung ni thabs zhes bya// las la sbyar dang drag po dang // thugs ni 'bras bur bsdus pa yin// de ltar 'khrul 'khor mtsho bsdeb la// ngo bo kun gzhi bag chags dang // bcas pa rnam dag gshin rje gshed// dbyings dang ye shes gnyis med pa'i// chos kyi sku yi dngos yin mod// srog dbugs mdangs 'phrog nges pa'i tshig/ de nyid kyang ni gcod pa ste// 'khor bas gcod cing 'khrul pas 'khor// gsang sngags bcu bdun pa yin te// a kro te ka hrIHSh+Ti'o// ro langs mtha' sdud dang bcas pa'i// 'khrul dang 'khor ba rnam gnyis las// dang po phyi nang gsang gsum dang // ru bzhi dag tu 'khrul pa'o// phyi nang gsang gsum dngos yig bdun// rnam pa gcig po bcu bdun las// bcu gsum gnyis dang nyi shu brgyad// bcu gnyis gnyis dang bcu bdun no// bzhi po gnyis dang bdun yin/

  670. 335b

    te// gsum gnyis lnga dang bzhi gsum las// ya ma ya me ya da ya k+She/ zhes pas phyogs kyi dbu gzung nas// g.yon bskor bzlas pa sum cu gnyis// de ni g.yon du 'khrul pa'o// ya k+She ya da ya me ya// g.yas bskor so gnyis g.yas 'khrul lo// ya nas me dang ya nas k+She// ya nas k+She dang ya nas me// de ltar bdun bskor dril ba ni// gnam thus bzhi snying gcig dril ba// nyi shu rtsa brgyad dag tu 'khrul// ya nas yo dang ya nas do// ya nas yo dang ya nas da// drug drug drug bskor dril ba ni// las kha bskang te nyer bzhir 'khrul// ya nas k+She ra do ru drug bzlas pa// las kha bskang ba'i drug 'khrul yin// ya nas k+She ra do ru ni rA ni// de yis mgo 'jug lnga dang bzhir// bskor ba tshig dril bcu bdun 'khrul// ya nas ya yi bar du brgyad// nyi ma dang po bzlas pas 'khrul// ya nas me yi bar du bdun// gnam thus yin te bdun du 'khrul// ya nas do ru drug bzlas pa// las kha bskang ba'i drug 'khrul yin// ya nas k+She ru lnga 'khrul pa// bzlas pa dbus kyi lte bar 'khrul// ya nas dza ru bzhi bzlas pa// gnyis pa yin te bzhir 'khrul pa'o// ya ma rA ni shar phyogs kyi// las sdebs bzlas pa gsum du 'khrul// de ltar g.yon gyi bsnyen sgrub nas// g.yas kyis gsad cing rnam shes dpral// bzlog pa g.yas bskor g.yon rjes

  671. 336a

    dpag/ g.yas su bskor cing 'khrul pa yin// bca' gzhi 'khor lo stegs bu gnyis// gzhi dang gnag spug bskor zabs dang // bsnyen sgrub gsang sngags tshang bar dgod// dur khrod ro ras legs par btul// snag tsha dug sna tshogs pa dang // mi khyi ra gsum grir shi ba'i/ phrag dang bsres pas bris pa rgyu// lcags dang mi rkang mi bsad mda'// de ni smyu gu'i rgyu yin no// 'khor lo rim pa bzhi dang ldan// thig bzhi btab pas re mig dgu// phyi rim bcu gnyis bcu drug la// sum cu gnyis dang ldan par bya// dbus su ya ma me da k+She// shar du rA dza sa do// lho ru ru Na yo ni// nub tu yo ni ra/ byang du rA yats+tsha ni/ gdug pa'i yi ge bcu mnan dgod// phyi rim dbyangs yig bcu drug dgod// de yi phyi rim thod phreng dang // phaT kyis bskor te g.yon yin no// de bzhin yi ge'i bzlas lugs bzlog/ bskor phreng thams cad g.yas su'o// 'khor lo gnyis bris kha sbyar te// steng la mnan pa'i 'khor lo bris// 'og la bsreg pa'i 'khor lo'o// gtso bo'i skur gsal ljags rdo rje ni// rtse lngar gdengs khong seng can// nang nas sngags dpal me 'dra bas// ga'u'i 'khor lo la gzhug bya// yang na lcags sdig me stag bzhin// 'phros nas ga'u'i dmigs la bstim// sha zos khrag 'thung rus pa 'chos// las bsgrub dur khrod sha rus

  672. 336b

    nyab// ting 'dzin dmigs pa gnad la brdeg/ 'khrul lugs gong ma'i 'khor lo'o// ru bzhi'i 'khrul 'khor lte ba la// lnga ste phyi rim bcu gnyis la// yi ge bcu gnyis zad par bzlas// bzhi bskor bcu drug dag tu shes// dang po dbus su 'khrul zhing bskor// ya nas k+She dang ya nas ma// ya nas me dang ya nas da// dang po'i nyi ma bsnyen pas so// rA tsa sa do/ do ru Na yo/ yo ni ra ya bcu gnyis pa'o// nyi ma gsum pa bzhi pa'o// 'khrul 'khor snga ma bzhin du sbyar// ya ma k+She da me/ dbus kyi g.yas su 'khrul pa yin// rA ni ts+tsha ya/ ya ra ni yo/ yo Na ru do/ do sa tsa ra/ g.yas bsad nyi ma gnyis pa'o// phyi rim nyi ma gsum las med// yi ge zad pa'i bzhi tsho bzhi// de la ltos nas ru bzhir bshad// de ni 'khor lo bcas pa yi// de nas dkyil 'khor bca' gzhi ni// gnas ni dur khrod skyi g.ya' dang // shan dmar ri dang chu gling dang // rkang gcig brag nag ri bo dang // de la sogs pa drag por bsgrub// ro dang ro zas ro gos sogs// stag gzig g.yi sbyang lung sde dang // ce spyang sbrang bu tre la sogs// de dag gnas sar dkyil 'khor bca'// sa ni lung shul dag nas blang // gru gsum rdo rje zla kham la// 'khor lo rtsibs brgyad dag gis bskor// sgo bzhi mu khyud bzhi dang ldan// gru gsum rtse la rdo rje bri// dgra bgegs ming rus cha re

  673. 337a

    gzug/ zla kham bca' lugs gsum gyi rten// 'khor lo'i rtsibs la gshed chen dgod// rtsibs brgyad phyogs su gshin rje'o// phyag mtshan be con la sogs dgod// sgo bzhi la sogs gnas rnams su// ci rigs par ni lha rnams dgod// las kyi kha tshar bstan pa ni// a kro bcu bdun sku yi sngags// hrIHSh+T+r-iHbcu bzhi thugs kyi sngags// kA la brgyad ni gsung gi sngags// sa ma bcu ni yon tan no// phrin las g.yon gyi bzhi snying dang // rtsa ba phyi nang gsang ba gsum// 'od zer brgyad dang ru bzhi'o// phyi nang gsang ba gnas gsum dang // gnam thus 'bru ded gnyis ka la// g.yon gyi las kyi dus su ni// a mo ka b+ha ma rak+ta mur tsa mA ra ya/ zhes pa g.yu sbyang gdags par bya// g.yas bsad pa la ka ba ye// gdags bya phyi ma g.yon gyis 'dren// phyi nang gsang gsum 'od zer brgyad// ru bzhi rnams ni rang gzhung ste// 'bru ded g.yon bskor ru khugs chung // g.yas bskor 'bru ded ru khugs che// gnam gcig 'du carba ru g.yas bzhir ded// g.yas su nyer brgyad chen po che// las kyi kha skong ro langs sngags// oM du ru sa ma ra tsa ni/ rtsa ba'i dam tshig yang snying sngags// sngar bzhin du ni skad bcur 'gros dang yang par bya// oM dur sa k+She ya ra ni// oM du ra sa yo na ru// oM du ra sa me do sa dza/ sngags mjug rnams ni

  674. 337b

    sngar bzhin sbyar// ar gtad thabs kyi sgo bzhi ni// ya ma ra/ ya me do/ ya da yo/ ya k+She ya/ mtha' sdud sngar bshad bzhin du'o// ya ma rA dza sa do me/ me do ru Na yo da/ da yo ni rA ya k+She/ k+She ya ts+tsha ni rA ma/ mjug gsum sngar bzhin sbyar bar bya// ngan sngags mtsho bsdeb bdun bstan pa// dang po gzir ba'i las bya ste// yungs kar lcags phyes brab cing 'dis// oM a kro d+he ka ya mAn+ta ka hrI shrI many+dzu kA la rU pa/ a mu kaM dgra bgegs hrIHg+h+r-iHka ba ye/ tr-i na a te a te/ khri'am 'bum gyis khugs chen bzlas// de yang chungs na/ oM a kro d+he ka ya man+ta ka shrI many+dzu ka la rU pa dgra bgegs hrIHSh+T+r-iHa mu ka kri na u ne u ne u ne/ u u u/ si da ye bya tsa ye/ du ru ye/ tsi tra ya/ ha la ye/ myags thum ri la rbad/ stong ngam khri bzlas gzir bar bya// dbye ba gsum ni lha lnga ste// 'tshe byed mgon byed skyob par byed// grogs byed srung bar byed pa yi// yul lha pho lha dgra lha dang // ma yi lha dang srog gi lha// g.yag dgar yul lha'i rtags yin te// yugs sa'i zhabs ma bsregs la skad// pe ti sha ya phaT zhes pa// hrIHSh+T+r-iHbcu pa de la gdags// zhang blon byung na pho lha ste// glang rog rwa bsreg sngar bzhin dbye// khwa spyang dgra lha'i rtags yin te// tshil chen khyi lud bsreg pas dbye// bud med ri dwags mo lha sman/ ra dang til nag rta bon po// bsregs te mo lha dang

  675. 338a

    dbye bzlas// ting 'dzin mi gsal srog lhas bgegs// til nag gu gul sbyar bas bdug/ sngar gyi sngags kyi gang yin pa// phye zhig ces btags so sor dbye// rigs kyi gnyen dang dbye ba ni// ya ma me da k+She/ rA dza sa do/ ru Na yo ni/ ra ya ts+tsha ni/ pha khu bu dang nu la sogs// pho ti sha yang che ge mo phye phaT/ rus gnyen dang ni dbye ba'o// ya ma k+She da me zhes pa// g.yas bzlog ma dang sru mo dbye// dgug pa nyi ma dang po la// ya ma rA dza sa do me ya/ nr-i A kaR+Sha ya hUM dza/ gnyis pa la ya me do ru Na yo da ya/ A yur+N+Na na A kaR+Sha ya hUM dza/ gsum pa la/ ya da yo ni ra ya k+She ya/ ti ya nr-i A kaR+Sha ya hUM dza/ bzhi pa la/ ya k+She ya tsA ni/ rA ma ya/ rU pa skan+na hUM dza/ zhes pas rim bzhin dgug par bya// bla rtags nyams su blang ba ni// sha ba'i bla dang lug dang gnyen// phag gi bla dang byi la dang // g.yag dang ba glang rta dang gla// ra yi bla zhes rab tu grags// srod la sha ba nam phyed gnyis// tho rang nyi ma phyed la ste// gnyis ni srod dang rta ni gung // ra ni nyi ma nub kar rgyu// de nas bla sngags bstan pa ni// ya ma rA dza sa do me// badz+ra kI li kI la sha tri sha tri/ pa ta kI la ya/ mA ra ya hUM phaT/ ya me do ru/ Na yo da/ badz+ra kI la ya/ mu ru kI la ya/ mA ra ya hUM phaT/ ya da yo ni/ ra ya k+She/ badz+ra kI la ya/ ku ru ku ru/ kI li kI la ya/ mA ra

  676. 338b

    ya hUM phaT/ yak+She ya ts+tsha ni mA ra ya/ oM kI li kI la ya/ thu ma mA ra ya thA/ ki li kI la ma ra Ni hUM phaT/ oM hrIHSh+T+r-iHbi kri tA na na badz+ra kI li kI la ya// ruM ru ruM ru/ kI li kI la ya mA ra ya hUM phaT/ oM hrIHSh+T+r-iHbi kri tA na na hUM phaT/ badz+ra ki li kI la ya mA ra ba ra shu/ ta na ta na/ pa ra pa ta ya/ kI li ki la ya/ ma ra Ni hUM phaT/ oM hrIHSh+Tau bi kri NA na na hUM phaT/ badz+ra kI li kI la ya/ ro ti ro ti sho ba ra ya/ kI li kI la ya/ mA ra ya phaT/ bla rnams gzugs la phyir brab pa/ oM badz+ra kI li kI la ya/ shre tra ku kung la yang hUM phaT/ tri badz+ra mA ra ya hUM phaT/ de rnams kun la re re la// bdun bdun bzlas shing dus bzhir gdab// de nas thun gyis brdeg pa ni// byang nas lhor bltas sa gsum la// ling+ga 'am ni 'khor lor brdeg/ byang gi/ ya ma rA ni tsa ya k+She ya/ a mu ka che ge mo'i snying bam ri la rbad ya/ nub kyi ya k+She ya ra mi yong ya/ a mu ka che ge mo sha tAM sa pa mu to rbad ya/ lho'i ya da yo Na/ ru do me ya/ a mu ka che ge mo ra ya/ khrag tu rbad ya/ shar gyi ya ma do sa dza rA ma ya/ a mu ka che ge mo mo ga ya khrag tu rbad ya/ thun brdeg pa'i sngags yin no// de nas phur pas gdab pa ni// gtso bo gshed kyi skur bsgoms la// oM nr-i mA ra ya/ mA ra du/ ya ma snying / ya ma khrag tshal pa baM ri la/ duM bu duM bu/ dgra bgegs mA ra ya dza/ oM nr-i mA ra ya naM/ b+hin b+hig ma na yang ya ta ki ra tsa/

  677. 339a

    be tA li/ kro d+hI shwa rI/ snying khrag chod/ rtsa la 'jig/ khrag la rngubs/ ki li kI la ya/ baM ri la rbad/ ya ma rA dza sa do me/ snying la me dun b+h+yo/ ya ma do ru Na/ yo da snying la me dun b+h+yo/ ki li ki la ya rbad ya/ ya da yo ni ra ya k+She ya snying la dun b+h+yo/ kI li kI la ya rbad ya/ ya k+She ya ts+tsha ni rA ma ya snying la dun b+h+yo/ kI li kI la ya rbad ya/ sngags dang phur pa'i thun gyis brdeg khyad par las kyi 'khrugs bsdeb ni// sde brgyad spyi bsgrub yang snying bgrang // rtags byung gsum mam lnga nas ni// gang byed bgrad ste bzlog pa'o// dang po rtsa ba'i yi ge gsum// de nas rtsa ba'i skur bskyed de// de yang mnan na lnga pa bzlas// mtshan sngags sngon du yang byung 'di mtshan bu gang gi yin ma nges// de nas rtsa ba'i snying po ste// kun gyi thun mong mthun par bsgrub// dbang du bsdu zhing dam tshig bstan// phrin las bcol nas dgug bya ste// bla dang rang gi snying po bzlas/ khugs nas gang yin las la sbyar// sngags 'khrugs sdebs kyi las bya ba// rtsa ba bskyed rgyud dgod par bya// srog gi snying po drang ba ste// mchod pa rtsa ba'i snying po'o// dbang du bya ba dbyangs yi ge// dmigs pa nye ba'i snying po'o// mi 'da' ba ni dam tshig ste// las gang bsgrub pa de nyid do// sngags kyi 'khrul ni rtsa ba dang // dam tshig las sbyar snying po dang // yang snying rnams ni mgo bor

  678. 339b

    bgrang // mjug la gdab pa kun la brdeg/ grangs mang nyung ni rtags mtshan dang // dam tshig sngags dang dbyangs yig sngags// rtsa sngags mgo mjug khyab par gdab// 'khrul 'khor sngags kyis 'khrul pa ni// spyi dang so so gang bsgrubs kyang // phyi nang gsum du sku gsung thugs// nyin par ya ya yang a hri yis drang // mtshan mo ma a e hi yang hri yis drang // de yang mtshan rtags bzang ngan sbyar// nye bar ma gyur sgrib sbyangs bshags// bskang dang bzlas pa drag tu bya// bya nag byung na tshur log rtags// myur du bzlog pa'i snying po bzlas// cho 'phrul chen gnyen po gtang // de yang las la mi 'gro na// dbang du bsdu zhing re re bgrang // grub rtags byung na dam tshig dang // dbang dang yang snying sum sbrel bzlas// nyan par gyur na phyag rgya bstan// dam tshig bsre zhing phrin las bcol// rak+ta stabs la srog snying phrog/ ldog med 'gyur nas bsad gso dang // dge sdig las kyi dbang bskur te// de nas gang bcol phrin las 'grub// las sngags bzlas shing phros pas sgrol// spyir bstan phan gnod gang byed kyang // rtsa ba dam tshig yang snying las// bzhi snying dril ba la sogs pa'i// gang dmigs de las 'phral rtags 'byung // mjug tu las sbyor mtha' bsdu ba// gong 'og gang 'os blang zhing spyad// dam tshig spyi dang bye brag dang // gzhi dang gnyen

  679. 340a

    bzhi la sogs pa// spyi gsum dgu drug tshangs par spyad// gdong mo bzhi yang stong pa'i gzhi la sogs pa la// las mtha' sum cu tshang ba dang // dgug dang dbye dang bskrad pa dang // dgar dang gtong dang rmongs pa dang // smyo 'bros la sogs las tshad spyad// mon mo shel mig ma yi sngags// cho 'phrul thun zor las la bsngags// bsad pa'i las dgu nyi shu gnyis// bcu bdun gsum sogs gang byed kyang // dang po rtsa bas sku bskyed bya// sku rdzogs bsgrub gzhung so so dang // gsum mam lnga ru bsnyen pa gzug/ las grub rtags byung las bzhi spyad// dam tshig rtsa ba las so so// yang snying las sngags dril la bzlas// ya ni gshin rje ma ma mo// ra ni srin po k+She gnod sbyin// ni ni drang srong sa sa bdag/ tri ni the 'gong oM ye shes// oM hUM phaT gsum lhun gyis grub// ya dang rbad ni gsad pa yin// dzaH'gugs mA ra ya gsad pa// mi 'byed ra glog sa'i bsgrub pa// swA ha mchod pa zhi rgyas te// a i u 'gugs dbang du sdud// e bskyed oM rgyas oM khyab zhing // ya a hrIHma i ti/ oM ba gI shwa ri mr-i/ a nr-i su tri pre du/ rnam par sa pa rlung 'dra ba'i// lcags kyu'i rnam pas bkug nas kyang // srin bu me khyer 'drar bcug ste// myur bul ma gsal 'byams pa dang // ngan dang 'dres dang lhag chad dang // sna tshogs g.yeng ba'i skyon spangs

  680. 340b

    te// bsgrub par bya ba thabs yin no// 'khrul 'khor lde mig kha skong yin// // de nas rgyal po rdo rje 'dzin// dbang gi rgyal po'i skur gyur nas// skye bo 'dod chags can don du// gsung gi bsgrub pa rab bstan pa// dbang gi rgyal po rnam pa gnyis// 'khor ba pa dang mya ngan 'das// don dam kun rdzob snang ba la// gnas lugs gshis kyi rang bzhin dang // gdul bya thabs kyi snang ba'o// thog ma chos rnams ma lus kun// yang dag bden pa de bzhin nyid// ma nor ma bcos ma btsal ba// ma skyes ma 'gags ma dmigs pa'i// snying po byang chub sems kyi ngang // 'khor ba'i skyon gyis ma gos shing // yon tan gyis kyang ma reg pa// rnal ma rang byung mtshan nyid bral// brjod med bsam 'das chos kyi sku// byang chub chen po de nyid do// bsgrub tu med de mthong du yod// btsal du med de rtogs su yod// bsgrub tu med de snang du yod// gnas lugs don gyi rta mgrin yin// thabs la phyi nang gsang ba gsum// sgrub byed gang zag blo ldan yin// shes rab dman pa rnams kyis ni// bla ma bkur zhing dbang blangs te// gsang ba chen po'i snod rung bya// shes rab sgron ma'i don gyis bstan// gzhi lam 'bras bur yid ches bya// kun rdzob tsam du snang ba ni// dri med sems ni gtsang ma'i rgyu// blta ba ting 'dzin de yi rkyen// man+ta ma hA mu dra yin nam mun+da

  681. 341a

    'bras bu bstan// gnas ni dben gnas pas mtha' sogs// nub tu phyogs pa'i nyams dga' zhing // dmar gsal zla ba kham pa 'dra// me tog dmar pos brgyan cing spras// dbang dang ldan pa'i rtags thob cing // yon tan phun tshogs gnas de ru// brtag dang bslang dang sbyang ba dang // gzung dang bdag gir bya ba yis// sa yi cho ga byin brlab bya// sa yi bdag po mnyes byas nas// bar chad bgegs bsal phyi mtshams bcad// bsod nams tshogs bsags las la 'bad// zhi ba'i las kyis bshags sbyang bya// phyi nang gsang ba'i rdzas bsags te// byin gyis brlab pa rgya cher bya// bsnyen pa'i mchod pa'i las gzhi la// tsan dan dmar dang rak+ta dang // dbang la shis pa'i byug cing brgyan// nub tu kha bltas gos dmar bgo/ ting 'dzin shes rab dang bcas pas// rgyud dag phyi nang gsang gsum ldan// tshad med bzhi ldan bsgom pa ni// gdod nas grub dang rtogs pa gnyis// dang po gzhir gnas rtogs pa bsgrub// rang byung ye shes nyi ma de// rnam rtog sprin bsgribs nyon mongs char// dug chur bab pa'i rgya mtsho las// bag chags gzhir bcas las rnams kyis// myu gu rgyas te phung po lnga// 'bras bur smin pa bzlog pa'i phyir// ting 'dzin ma nor de bzhin nyid// sems 'od ye shes rlung gi mthus// sprin sbyang

  682. 341b

    mkha' la nyi ma shar// sems rtog ye shes chos skur snang // bde chen lhun grub kun tu 'od// stong nyid ye shes go cha yis// snying rje kun snang ting nge 'dzin// sems can sdug bsngal rgya mtsho de// ye shes nyi 'od 'bar bas bskam// thams cad snying por yongs bsgral te// las dang nyon mongs dri ma rnams// thugs rje chu bo'i rgyun gyis bcus// chags med pad+ma can gyi sa// longs spyod rdzogs sku 'gag pa med// gsal byed ye shes go cha rdzogs// de nyid rang la rang sems dngos// bskyed rgyu yi ge dmar gsal hrIH/ thong gshol gyis ni zhing la rlog/ 'od zer 'phro 'du'i rlung gis ni// bag chags rnam rtog ma lus gtor// rgyu yig 'khor lo tshogs chen la// thugs rje sna tshogs sprul pa'i sku// bye brag rtogs pa'i go cha bgos// de las thugs kyis phyag rgya 'phros// 'bar ba'i me yis nyon mongs bsreg/ 'phro 'du byin rlabs shar ba yis// mngon par byang chub bla ma'i sa// mnyam pa nyid kyi go cha bgos// phyag mtshan 'phro 'du rdo rje'i sku// phung po gdos pa'i sgrib bcom nas// sku yi phyag rgya yongs rdzogs gsal// sa non rdo rje'i sku thob pas// nan tan ye shes go cha bgos// de dag thabs dang shes rab las// gtso bo yab yum skur snang ba// rgyal thabs spyi blugs rang rig rtsal// ma 'gags sbyangs pa thob byas la// 'bru gsum gyis ni dug

  683. 342a

    gsum sbyang // de las gnas pa'i sku gsung thugs// 'od srung gis ni las gnyis bsgrub// sbyangs shing mnyes pa de bsgrubs nas// sku ni gzi brjid sprin phung rol// gsung gi yan lag 'brug stong ldir// thugs ni spros bral lhun gyis grub// oM sarba ta thA ga ta kA ya bA ka tsit+ta badz+ra swa b+hA ba At+ma ko&haM/ 'bru lnga 'phro 'du'i 'od kyis ni// rgyud sbyang mnyes pa'i las kyis ni// rigs lnga sangs rgyas ye shes lnga// rang bzhin grub pa'i dbang bskur bya// oM ma hA shUn+ya ta dz+nyA na A daR+sha dz+nya na/ pra t+ya be k+Sha Na dz+nyA na/ sa man+ta dz+nyA na/ kr-i t+yA nA Sh+TAn dz+nyA na/ badz+ra swa b+hA wa At+ma ko&haM/ de nas sprul pa'i dkyil 'khor dbyung // byin gyis brlab cing brda yis bskul// byang chub sems kyi 'od zer spros// gnyis med dgyes pa'i sbyor ba las// b+h+rUM 'phros pa las gzhal med khang // pho brang zla kham dbang gi dbyibs// 'khor lo khyams dang sgo bzhir bcas// so so'i gnas su gdan dang ldan// yab yum rigs kyi dbang chen bzhi/ khro bo khro mo sgo srung bcas// rang sngags ldan pas gsal bar blta// bka' sdod pho nyar bcas te dmigs// dam tshig rten la ye shes tshogs// spyan drang gnyis med bzhugs shing mchod// bstod dang bshags sbyang phrin las bcol// byer zhud le lo rab spangs pas// yi dam bcas pa'i bsnyen rdzogs nas// sgrub pa'i dkyil 'khor

  684. 342b

    gzugs bstan bri// mchod pa bstar te bsgrub pa brtsam// mchog dang thun mong rtags thon nas// phrin las gang 'dod de dang sbyar// las kyi lhag chad ma lus bskang // mang nyung rgyun dang dus tshig su// dgongs nyams spyod lam bstan par sbyar// snang sems dbang gi snang ba 'byung // de ni phyi ltar bsgrub pa'o// nang sgrub shes rab ting 'dzin ldan// bdag nyid dbang gi rgyal po'i sku// dngos su gsal rdzogs ngo bo yis// 'jig rten lha srin dregs pa can// rtsol med rang dbang nyid du bsdu// gzugs snang ba dang sgra grag pa// dran reg dbang gi sku gsung thugs// yon tan rdzogs te dgos 'dod 'byung 'gro don phrin las bsam yas pa// bsam pa dang ni smon pas rdzogs// gsung mchog nang du bsgrub pa'o// gsang sgrub dmigs pa'i longs spyod kyis// yon tan ma lus rang la rdzogs// longs spyod rdzogs pa'i snang ba'o// shes rab chen pos zag bcad pa'i// 'dus ma byas te lhun gyis grub// mkhyen pa thugs rje dang bcas pa// chos sku nyid du 'grub pa ste// don dam kun rdzob snang ba yis// gzhan don mthar phyin sprul pa'i sku// ting nge 'dzin dang shes rab kyis// bskyed rdzogs gsum gyi sa la sbyang // rtsol med lhun grub gzhan don spyad// 'bras bu gzhan nas mi btsal te// rang la gnas pa de nyid

  685. 343a

    yin// gzhan snang rnam 'phrul yan lag ste// rang sems dbang gi rgyal po la// bcos shing bsgrub tu ga la yod// las dang nyon mongs bag chags 'dam// skyon gyis ma gos pad+ma'i rigs// bsnyen sgrub yan lag nus pa'i sngags// gtso bor brjod pas gsung bsgrub yin// rang rig sems kyi rgyal po de// rang dbang lhun grub dbang gi rgyal// de dag gsang bar bstan pa'o// oM pad+ma na ta kr-i ta ha ya grI ba e ka dza ti sa ma ya ru lu ru lu hUM b+h+yo hUM A ra li dza/ phyi nang gsang ba'i khyad par las// gdul bya thabs kyi rim pa las// gso bsad phrin las dmigs dang sbyar// blta ba don gyis thag bcad cing // ting nge 'dzin gyis dbang bsgyur nas// phrin las yan lag gtsor mi bsgrub// rtog pa'i ngo bo sems nyid du// snang ba thams cad dbyer med na// thun mong dngos grub dam pa yin// dbang gi dkyil 'khor rang la snang // rig pa'i rgyal po rang dbang thob// rang rig bde bar gnas pa ni// dbang gi bsgrub pa'i mthar zug ste// mchog gi dngos grub rtsa ba yin// lta ba ting 'dzin bsgom ldan nas// spyod pas la dor rta skad gsum/ khams gsum dbang du bsdu ba dang // dam tshig rjes su bskul ba dang // drag po'i las 'jug dang po yin// rang rgyud che ba'i rngam skad dang // byin rlabs rdzas len brda skad dang // phrin

  686. 343b

    las bsgrub pa'i gying skad gsum// lus ngag yid kyi brda gsum ste// se gol dang ni thal mo'i brda// sprugs pa dang ni ngu 'bod brda// lha dang bsgom pa'i brda rnams kyis// spyod pa'i rtog pa bsdus pa ste// gsung gi bsgrub pa dpag med kyang // ngag gi brda las byung ba ste// ngag gi lus la rab tu brten// bskyed pa'i rim pa bsnyen par bcas// sku dang gsung du dril te bsgrub// dgongs pa'i rta skad thengs gsum las// spyod pa bsnyen sgrub gsum sbyar te// rdzogs pa'i rim pa dpe yi chos// 'gros dgu dang ni skad bcu gsum// don rtags mtshon pa dang sbyar ba// sku gsung thugs su dril te bsgrub// gsang sngags bsnyen bsgrub rab rdzogs nas// dam tshig can rnams bskul ba dang // dregs pa'i dmag dpung gzhom pa dang // gdug pa'i tshogs rnams gdul ba dang // bskyed rdzogs gsum dang dgongs pa bzhi// rtsa ba yan lag gsung la bsdus// dbang mchog sgrub pa'i kha skong bshad// // de nas bcom ldan rdo rje 'dzin// sangs rgyas kun gyi phrin las bdag/ rab tu sgrub byed bla na med// blo dang ldan la nges par bstan// 'khor ba'i sa la snying brtser bskyed// mya ngan 'das la dgod pa dmigs// dge ba'i 'bras bu rdzogs par spyad// bar du gcod pa'i 'byung po bsal// dam tshig ldan la phrin las bcol// gnas kyi

  687. 344a

    dam pa nges par gzung // gzugs brnyan rten gyi pho brang brtsig/ bri dang bsgom pa mchog tu sbyar// sku gsung thugs dang yon tan dang // phrin las dmigs pa'i rten la dgod// dngos grub gnyis kyi dmigs pa bya// rim pa gnyis kyi gzhi bca' zhing // bsnyen pa gsum gyis mthar phyung ste// dam tshig lha dang gnyis med bsgrub// mtshan ma gsum gyis gtan la dbab// dus la bab na phrin las sbyar// bka' sdod pho nya bran la sogs// spro zhing gzugs la brtan par dbab// gab sbas kyis ni gsal ba gsung // mthong bar byas nas gnas bdun gdab// yab yum sras kyi sngags rnams dang // phrin las sngags kyis dbab par bya// gzer dang mnan pa'i tshul du spyad// don du ma gyur bskang bshags bya// spogs pa cho ga bdun gyis bya// las kyi lhag chad ma lus bskang // sdig pa sbyang zhing gnas nas sbar// rtags kyis spro bar gyur pa na// dmigs pa gsum ni mtshon gyis bsgral// zhal zas bstab cing mtshon gyis gtub// gnan pa'i phrin las ma nor spyad// bka' sdod pho nya mnyes bya'i phyir// gtor ma rim pa bzhin du dbul// ji ltar 'dod pa'i dngos grub blang // dkyil 'khor bsdus te spyod lam bsgom// bsrung zhing rtog pa gzhom pa'i phyir// go cha bgo zhing gnas su btab// mdo sde bklag cing mchod rten

  688. 344b

    bzhengs// snying rjer ldan pas rab tu gsang // brnag pa kho na nyid du bya// gzhan yang thugs kyi gsang chen 'di// gnod cing gdug pa myur bsgral phyir// gzhung dang mthun pa'i gnas dag tu// mtshan nyid ldan pa'i sgrub pa pos// tshad med rnam pa bzhi ldan pas// bar chad med par bsgrub pa'i phyir// zangs lcags tsher ma can gyi shing // dbang dang mngon spyod gnyis kyi rgyu// sor brgyad dang ni bcu gnyis tshad// mgo dang skyed pa bcu drug dngos// zur gsum chu srin kha nas dbyung // yab yum sras kyi grangs dang mnyam// byin gyis brlab pa tshul bzhin bya// dmigs pa mi brjed gzungs dang skrag/ rtags dang ldan pa'i bsnyen pa bya// dkyil 'khor zla gam gru gsum bcas// 'khor lo rtsibs brgyad sgo khyams mdzes// sgrub rdzas yan lag ma lus dgod// dbang byin brlab kyis gzi byin bskyed// rang gi gnas su bzhugs su gsol// nye bar byed pa'i bsnyen pa dbul// stong nyid snying rje'i snying po hUM// sems kyi dkyil 'khor 'byung ba lnga// phyi nang gsang bar rang sngags 'phro// rten gyur gdan dang bcas pa la// 'bar ba'i sku mchog gtso dang 'khor// don dam kun rdzob tshul du byung // zhe sdang rdo rje gzhon nu'i sku// sprul pa bye ba 'bum dang bcas// rang sngags phyag mtshan dang bcas pa// bran dang bka' nyan pho nya'i

  689. 345a

    tshogs// sprul pa dang bcas phrin las mdzad// gnod cing 'gal ba myur du sgrol// dmigs pa drag po'i pho brang du// 'gugs 'dren sdom sgrol pho nya yis// ting 'dzin gsal bas gnas su dbab/ khros pa'i phrin las thams cad brtsam// gzugs phung lhag ma pho nyas rol// rdul phran tsam yang ma lus bsam// de la rang dang dmigs pa yi// lus ngag yid gsum gsal ldan pas// drag shul dpag med spyad gyur na// rdo rje'i brag kyang 'joms par 'gyur// rigs ldan phung po smos ci dgos// las mjug 'phang bsreg gnan pas bsdu// // de nas rdo rje 'dzin rgyal po// mngon rdzogs yab kyis dbang bsgyur te// 'byung ba lnga yi bdag nyid las// brten pa rten dang bcas par bskyed// bdag nyid thig ler mnyam sbyar nas// rnam pa gsum gyi ting 'dzin bsgom// dmigs med bsam 'das rnam par dag/ ma skyes chos kyi dbyings su snang // snying rje nam mkha'i ngo bo las// blang dor med par kun tu snang // med pa'i ngangal mngon gsal ba'i// dbyings las shar ba'i yi ge hUM// bdag gi dbugs las gyur pa yi// 'og phyogs rlung gi sa bon brten// bdag gi brag las gyur pa yi// de steng chu yi sa bon brtan// bdag gi sha las gyur pa yi// de steng sa yi snying po yin// bdag gi drod las gyur pa yi// me yi sa bon

  690. 345b

    phyogs kun khyab// bdag gi sems kyi ngo bo las// nam mkha'i dbyings kyi dkyil 'khor bsgom// dbyings las 'byung lnga rgyu yis bskyed// mkha' la rlung brten 'byung ba lnga// bdag nyid du ni gsal ba las// sa bon las ni dkyil 'khor bsgom// b+h+rUM las thod rlon gzhal yas khang // ka zhu thod skam ka gdan byas// lha rnams gdung bres klu rnams phyam// gza' rnams kha bad rgyu skar dral// klu rgyal rigs bzhi sbrul nag brgyan// 'khor lo sa bon gyis sbyangs nas// rtsibs brgyad pa ru rab tu gsal// pad+ma'i sa bon 'od kyis sbyang // 'dab brgyad pa ru de nyid snang // 'od kyis mtha' dbus rab tu gsal// gdan gyi sa bon gyis sbyangs nas// brnag pa'i dri za grul bum dang // klu dang gnod sbyin la sogs pa// byi chings bsnol ba'i gdan steng du// de stangs pho mo bcu bzhi bsgyel// dkyil du rgya mtsho thod phreng gnyis// shar dang nub tu mgo bsnol ba'o// rdo rje khros dang dge rje mo// shar gyi phyogs su bsnol te gding // rin chen khros dang ral gcig ma// lho yi phyogs su bsnol te bzhag/ pad+ma khros dang dmar mo gnyis// nub kyi phyogs su mgo bsnol ba'o// rnam 'phrul ser mo las mkhan gnyis// byang gi phyogs su bsnol ba'o// rgyan gyi rgyal mo me yi phyogs// dbyings phyug ma ni bden bral phyogs// bdag nyid ma ni rlung lha'i phyogs//

  691. 346a

    phyogs// gcig pu ma ni dbang ldan phyogs// rim gro bskyed cing 'khor rnams mnan// b+ha ga bcu bzhi'i gdan steng na// bdag nyid byang chub thig le las// snying po ye shes mngon du shar// byed pa po ni kun tu bzang // rnam par thar pa'i dbu ldan zhing // ye shes drug gi phyag rgya can// mtshan dang dpe byad yang dag ldan// rdzu 'phrul bzhi yi zhabs kyis bzhugs// bdag gi gzugs kyi ngo bo las// rnal 'byor nyid bzhi bde mchog ma// bya ba mo ni chos kyi dbyings// chos nyid rtag pa thugs kyi dkyil// 'od zer lnga po rtse nas 'phro// 'byung ba lnga yi zhal mnga' zhing // ye shes drug gi phyag rgya can// phyogs mtshams gnon pa'i zhabs brgyad kyis// ma bgrod par ni srid par khyab// dus bzhi 'char ba'i b+ha ga la// skye 'gag med pa'i klong du thim// srid pa gsum gyis sku brgyan cing // spyi dpal mchog la 'di skad gsungs// hUM ye shes snying po bla na med// bla med khrag 'thung dpal gyi dpal// 'jigs byed gsang ba'i rdo rje ni// mkha' klong kun gyi gter gyi dbyibs// mkha' klong bde ba'i lam mchog ni// skye 'gro kun gyi thar pa'i lam// sangs rgyas kun gyi thugs dam skong // bcom ldan bde ba'i longs spyod 'di// 'dzum mdangs bcas pas dbul lags kyis// dgyes pa'i rdo rje gsor nas kyang // re skong bdud rtsi'i char

  692. 346b

    chen phob// mnyam bzhag ye shes pad+ma'i dbyings// 'byung gnas skye 'gro bde bar dbab// rin chen dkyil 'jam klong yangs su// spyi dpal rdo rje gsang ba'i bdag/ re skong bdud rtsi'i char chen phob// hUM b+ha ga pad+ma'i dkyil 'khor 'dir// 'dab brgyad pad+ma'i dkyil 'khor ldan// phyi lcags nang bstan sgo bar bcas// rin chen dkyil 'khor gdan btings nas// bla med rdzu 'phrul lde mig gis// lcags khrol lcags phye gdan la bzhugs// rin chen brtsegs pa'i ga'u ru// bla med khrag 'thung sku bsil nas// srid gsum 'gro ba'i bag chags bkrus// hUM mi dmigs pa la dmigs pa che// ma chags pa la bde ba che// thar pa de ba'i b+ha ga'i dbyings// blang dor med pa'i klong yangs su// srid pa'i bag chags bkru ba'i phyir// spyi dpal bla na med pa yi// gsang ba'i don ldan lde mig gis// rnam par thar pa'i sgo phye ste// ye shes chu bos khrus chen mdzod// oM thabs las byung ba dbyings kyi lam// dbyings las thabs chen bla na med// dbyings dang ye shes sbyor ba las// bdud rtsi chen po'i char chen spro// phyogs bcu'i rgyal ba mnyes par mchod// rnal 'byor mkha' 'gro'i tshogs su spro// 'gro drug sgrib sbyong phyag rgya che// mu stegs bdud 'dul za byed che// dbang po gsal byed ye shes sgron// 'dod chags byang chub sems su spro// byang chub

  693. 347a

    sems kyi thig le las// ma bkag lhun gyis rdzogs pas na// thams cad thig le nyid kyi ngang // gnyis med sbyor ba'i thig le che// g+hi sa mu hUM ha/ dza la raM pa ha/ b+hi sha san+ti ha// ma hA laM te ha/ oM badz+ra kro d+hi shwa rI b+ha ga pad+mar+ya hUM hUM/ oM badz+ra shin+taM pad+ma ka ru ting b+h+yo/ oM mu tri ni b+h+yo/ oM shan+ti ni b+h+yo/ b+ha ga dun tri ni b+h+yo/ kha mun dan tri ni b+h+yo/ oM badz+ra sUr+ya bi to a to ye/ oM badz+ra pad+ma b+he to ye/ oM badz+ra kha rag b+hi to a to ye/ oM badz+ra sring 'gro bi to a to ye/ oM badz+ra a kai a kai b+h+yo/ oM badz+ra ta ke ta ke b+h+yo/ oM badz+ra ni la ni la b+h+yo/ oM badz+ra lan+ta lan+ta b+h+yo/ oM badz+ra dza traM mu rang sha/ badz+ra kha rag snying kha rag ma b+h+yo/ trag rak+Sha trag rak+Sha b+h+yo/ trag rak+ta kha mun+na saM kha mun+na ba rak+Sha b+h+yo/ pra ga ra tiSh+Tha b+h+yo/ pra gi beng gi shaM b+h+yo/ b+h+yo hUM ka ri ka/ ba rod da rod/ ni la chu mi ha/ kha T+wAM ga da la tsa la/ pad+ma tsan+na/ ma gu ra ga to/ ting saM ting saM b+h+yo/ e A ra li/ bu byi ru lu ru lu b+h+yo/ trag rak+Sha trag rak+Sha b+h+yo/ a ting b+h+yo/ byi ting b+h+yo/ su ting b+h+yo/ mun ting b+h+yo/ shAn+ti b+h+yo/ dun+ti b+h+yo/ ha ra ting b+h+yo/ grub ting b+h+yo/ te baM b+h+yo/ a pa ra d+ha la b+h+yo/ d+ha la du na b+h+yo/ d+hi na ma ma ya b+h+yo/ nyi shu rtsa brgyad gzhan dang sbyar// gnyis med sbyor ba'i thig le che// byang chub sems kyi 'od zer las// 'byung ba lnga yi 'phro 'du byung // bdag gi sa yi ngo bo las// sa bon las ni sku bskyed pa// mkha' 'gro bstan

  694. 347b

    ma sel ma'i mchog/ mi 'jigs sa yi dbu gsum gyis// dug gsum dbyings su sgo 'byed cing // pha rol phyin drug phyag rgya las// dngas ma'i sbyin pa rtag tu gtang // mtshon du med pa'i sku mdog la// dkar la dang ba'i na bza' gsol// rdzu 'phrul bzhi yi zhabs dag gis// sa bdag gdan la brkyang bskum bzhugs// bdag gi rlung las gyur pa yis// sa bon las ni skur bskyed pa// mkha' 'gro yang gsal sems ma'i mchog/ thogs pa med pa'i dbu gsum gyis/ khams gsum thig ler sgo 'byed cing // pha rol phyin drug phyag rgya las// sbyin pa chen po rtag tu gtang // sna tshogs 'gyur ba'i sku mdog la// na bza' ljang gu bai DUr+ya// zhabs bzhi brkyang bskum gnod sbyin gnon// bdag gi chu las sku bskyed pa// mkha' 'gro mnyen gsal sems ma'i mchog/ dbu gsum dug gsum dbyings su 'dul// pha rol phyin drug phyag rgya 'gyed// dmar mo dbang gi na bzas brgyan// zhabs bzhi brkyang bskum chu bdag gnon// bdag gi me las sku bskyed pa// mkha' 'gro 'od gsal sems ma'i mchog/ stobs ldan dbu gsum srid gsum sbyang // phyag drug dngas ma'i longs spyod 'gyed// rin chen sngon mo'i na bzas brgyan// zhabs bzhi brkyang bskum gshin rje gnon// bdag gi bkrag las sku bskyed pa// mkha' 'gro bkrag gsal sems ma'i

  695. 348a

    mchog/ rdo rje'i dbu gsum skye 'gro sgrol// phyag drug sku mdog sna tshogs la// btso ma gser gyi na bza' gsol// zhabs bzhi brgya byin gdan la bzhugs// bdag gi gsang ba'i thig le las// hUM dang mAM las sku bskyed pa// gtso bo'i gdan du 'khor rnams gsal// snying rtsa dbu ma'i cho 'phrul yin// g.yas g.yon gser nyi 'od chen las// bde 'gro nyi zla thod phreng gnyis// snying rtsa phyogs bzhi'i drangs ma las// gsang ba sbas pa'i ma mo bzhi// nang gi rtsa bzhi kha dog bzhi// khros ma bzhi dang dgyes sde bzhi// lte ba pho ba'i rtsa las ni// srid pa chags byed cha snyoms bskyed// chungs pa snod kyi rtsa drug las// e ka dza Ti spun drug bskyed// srog rtsa zangs kyi sbu gu las// re ma ti ni mched gsum byung // bshad kha rlung 'doms rtsa gnyis las// nam mkha'i rgyal dang spyi 'gro ma// mgrin pa dbang po'i rtsa bdun las// las kyi srin mo bdun du bskyed// lag pa g.yas g.yon stod rtsa bzhi// sring mo bzhi ru bskyed pa'o// smad rtsa la ni dmag gi rgyal// rgyangs pa smad kyi rtsa las ni// dbang mo nyi shu rtsa brgyad po// rang gi gnas la bskyed par bya// byed pa po dang bya ba mo// srid pa'i sngon du byung ba yin// 'byung ba lnga yi rgyal mo lnga// sangs rgyas nyid las shin tu bgres// skyed pa'i rje mo bcu bzhi ni// pha dang med spun bcu

  696. 348b

    gsum// ma ma mkha' 'gro lnga bcu lnga// byang chub sems kyi theg le las// ral pa'i khyad par cer yang snang // bdag nyid che ba rab tu bsgom// ma shes theg le chen po dang // gsang chen bde ba'i lam mchog dang // man ngag rdzogs pa'i dkyil 'khor gyis// dbyings kyi yum chen drug po ni// chags pa'i gdan du gding bar bya// 'od chen kha dog sna tshogs kyis// srid pa bde 'gro chen mo dang // nyi zla thod phreng gdan du gding / khros pa'i dbang chen ma mo bzhi// chags pa'i gdan du gding bar bya// srid pa'i dngas ma brgyad po las// sbas pa'i ma mo bzhi po dang // thugs kyi dgyes sde ma bzhi rnams// mngon sum gdan du gding bar bya// bde chen gsang ba'i dkyil 'khor gyis// srid pa chags byed cha snyoms mnan// srid pa rang lugs gnyug ma yis// e ka dza ti spun drug mnan// chags pa'i dbang chen dmar mo yis// 'dod khams gtso mo spun gnyis mnan// srin mo spyi yi mdor bsdus kyis// nam mkha'i rgyal mo spun gnyis mnan// dbang mo spyi yi mdog gsal gyis// 'jig rten srin mo bdun rnams mnan// g.yas g.yon thabs dang shes rab kyis// dmag gi rgyal mo spun bzhi mnan// srid pa 'jug byed phra mo yis// dbang mo nyi shu rtsa brgyad mnan// rtsa dang lus la gnas pa de// shi sa bstan phyir gdan du

  697. 349a

    bting // lcags kyu'i phyag rgyas snying nas drangs// drag po'i sngags kyis gnan par bya// hA mu kha le ha ha he he hA phaT nan// kro d+hi shwa ri b+ha ga shan+thi nan// sUr+ya pad+ma kha rag sring 'gro nan// mu tre shan+d+he dan+ti dun+ti nan// ta ko ta ko ni la tan+ta nan// ma ma hUM b+h+yo nan// ma ma duSh+TAn/ pad+ma rak+ta/ pra be sha nan/ nan phaT/ mngon rdzogs rgyal po'i rtsa gnas la// cha mthun ma mo rnams bsdus te// tsita nan/ tra ta phaT/ zhes pa'i drag sngags brjod pa yis// che mchog lugs kyi he ru ka'i// ral gri rtsa lam nang du zhugs// rtsa sul gnas pa'i ma mo yi// snying gshegs khrag chen mngon rdzogs kyi// ljags kyi steng du phul ba yis// mngon rdzogs mdangs dang ldan par gyur// ma mo rnams ni myos shing 'thibs// bdag gi snying khrag zhal du rngub// lce steng bzhag pa phyi rol yin// che ba'i nga rgyal 'di skad bskyed// hUM nga ni khrag 'thung kun gyi rje// nga ni ma mo kun gyi yab// nga ni srid gsum snying rje'i mchog/ nga ni mkha' 'gro kun gyi gtso// thams cad kun gyi snying khrag bdag/ khyed kyi snying khrag nga la yod// nga yi dbang du gyur par gyis// dzah+Na ti baM ma ma b+h+yo ma ma b+h+yo// ru lu ru lu rag mo b+h+yo/ gdan gyi sku rnams bsgyel nas ni// bdud rtsi chen po khar blugs te// oM badz+ra a mr-i ta tsit+ta hUM/ de nas gdan las bslang byas te// sgrub pa'i las rnams byed par

  698. 349b

    bsgom// rang lus rtsa yi dkyil 'khor la// ma mo las kyi shi sa bstan// de nas ma mo thams cad kun// 'jig rten snang ba'i lugs bshad pa// nam mkha' stong pa'i yi ge las// mthing nag gru gsum yi ge e// ljang nag 'bar ba'i sa bon las// rdo rje rgya gram dkyil 'khor bskyed// chags pa dbang gi sa bon las// rba klong 'khrugs pa'i dkyil 'khor bskyed// thugs rje 'bar ba'i sa bon las// sreg byed 'bar ba'i dkyil 'khor bskyed// snyoms mdzad byams pa'i sa bon las// rab 'byams brdal ba'i gzhi ru chags// zhe sdang rol pa'i sa bon las// ri rab brtsegs pa'i dkyil 'khor snang // yon tan 'bar ba'i sa bon las/ khong seng srog gi ljon shing bskyed// e waM ma ya'i sa bon las// gling bzhi gling phran rim pa bzhin// yon tan gser gyi ri bdun dang // snying rje rol pa'i mtsho bdun ldan// sprul pa las kyi mkha' 'gro ma// ri rab de la bskor te gnas// ce zla gza' dang skar ma rnams// ri rab de la bskor zhing bya// ri rab gzu yi bram rtse la// 'khor 'das chos dbyings rgyal mo ste// tshangs pa kun sgrol brgyad// yum gyi zhabs brgyad bgrad pas brdzis// dpag bsam shing dang bad shing la// a 'bras skyong gi sgo lnga pa// shing lo pad+ma lnga lnga gnas// yum lnga sku yi phyed nub bzhugs// ri rtse bum pa'i shing mtshams

  699. 350a

    na// brgya byin rkang pa g.yas g.yon las// gser gdug nyi zla'i phreng bas bskor// de steng rgya mtsho thod phreng bzhugs// ri rab bum pa'i lcog bzhi la// b+hI gi ri ti'i pho mtshan te// sgo gnas bzhi yi cho 'phrul las/ khros pa'i dbang chen bu mo bzhi// brkyang bskum zur gyi stabs kyis bzhugs// ri rab lcog bzhi'i phyi rol na/ khyab 'jug 'khor lo'i lte ba la// bdud rtsi'i chu mig bzhi skyes par// rgyal chen bzhi dang dgyes sde bzhi/ khrus byed phyed nub tsam du bzhugs// ri rab bum pa'i gru bzhin// stobs bzang ser skya'i snying ga na// sbas pa'i ma chen bzhi po ni// gan rgyal gnas te bdud rtsi sku// rje mo 'jig rten snang lugs yin// dpag bsam shing gi sked pa la// phya mkhan pho bar chags byed dang // cha snyoms gnyis ni lto sbyor gnas// dpag bsam shing gi rtsa ba na// ka la yak+Sha'i og mtshams na// nam mkha'i rgyal mo spun gnyis bzhengs// dpag bsam shing gi rtse mo la// tshangs pa dkar po'i lag pa la// dza ti spun gnyis mnyam gzhag sdod// ri rab rmang gi 'gram bzhi la// sa bdag phag gi lte ba na// gru 'degs bzhi ni gyad kyi tshul// ri bdun rol mtsho bar pa la// phung byed klu bdun nor bu'i gnas// srin mo bdun ni lding thabs 'phyo// pad+ma shing gi sum cha na// mgo med snying la bgegs kyi rigs// stong phrag brgyad

  700. 350b

    cu'i cho 'phrul 'gyed// 'dod pa khams kyi gtso mo gsum// de steng brkyang bskum brjid pa'i tshul// phyi rim bang rim bzhi po la// rgyal chen bzhi yi spyi bo na// pad+ma brgyad la srid bzhi dang // dmag dpon mo bzhi 'gying pa'i tshul// dpag bsam shing gi rtsa ba na// keng rus khros pa'i gdan steng na// ri brag gru gsum 'bar ba la// bka' sdod nyi shu rtsa brgyad gnas// mdor na ri rab rgya mtsho dang // gling bzhi lha yi gnas gzhan rnams// ma lus srid pa'i ma mo yi// rgyud dang lam dang 'bras bur snang // 'jig rten snang ba'i tshul yin no// de nas gsang ba gab pa'i gter// bdag nyid che mchog lus gnas pa'i// rkang pa rlung sogs 'khor lo bdun// lus kyi ljon shing rim pa la// yum drug rje mo dman mo dang // ye shes sbas pa'i ma mo sogs// brgyad cu rtsa gsum rtsa la rdzogs// gzhung lam srog rtsa bsgril ma la// rang bzhin dkyil 'khor rtsa 'gyur bas// bshang kha rlung dang 'doms su me// gzhu dang drag po'i tshul du gnas// rgyal mo spyan gnyis g.yas g.yon rtsa// lte ba'i gzhi rtsa kha sprod la// srid pa chags byed rgyal mo gnas// pho ba dngas snyigs 'byed rtsa la// thig le dang bcas nang du bskor// zas 'ju bas ni cha snyoms ma// lam rgyud lnga yi bag chags ni// sbyong byed snying gi 'khor lo la// rang gi sa bon phrin las bzhi// kun gzhi

  701. 351a

    yid sgo nyon mongs lnga// a sogs sbyangs pa'i yon tan bdun// dbang po bzhi po mi dbang bzhi// rnam shes sbas pa'i ma mo bzhi// ma bu sbyor ba'i tshul du gnas// snying gar 'khor 'das bskyed pa'i gzhi// 'byung ba lnga yi mkha' 'gro ma// rtag pa'i rgyal mo lnga yi rtsa// 'od zer rtse la rang bzhin gnas// mar rtse'i rtsa la mu kha le// gser mdung nyi ma'i 'od chen gnyis// phra men ma dang thod phreng gnas// nang gi 'od la dgyes sde bzhi// mgrin pa longs spyod cha snyoms ma// yan lag bdun gyi kha sprod dbus// srin mo bdun ni bza' btung spyod// rang bzhin bcu drug kha sprod la// mig dang rna ba sna dang lce// za byed ma mo yul longs spyod// bde chen 'khor lo byang chub sems// tshangs pa'i gdung bzhi rgya gram bris// rtsa 'dab so gnyis kha sprod gnas// srin mo'i mang po'i gnyen po sbas ma bdun// srog rtsa rgyu byed sked pa la// snying rje pad+ma gar dbang gnyis// 'dod khams gtso gsum 'dud pa'i tshul// byang chub sems lam rtsa stod la// dza ti spun drug gnon pa'i tshul// rtsa sman mkha' 'gro nyi shu brgyad// yan lag bzhi la sring mo bzhi// smad la dmag gi rgyal mo bzhi// gsang bzhi tshul gnyis mkha' 'gro'i tshogs// chos kyi mkha' 'gro sna tshogs pa'o// snying nang 'od kyi dkyil 'khor la// rtsa ba mi shigs rdo rje'i dbyibs// bye brag

  702. 351b

    lnga yi 'od 'bar ba// thogs med rtsa ba 'byung lnga'i gtso// kun bzang las ni rgyal mo lnga// rig pa las ni dngas ma lnga// kun gzhi sems rtsa sgo lnga'i rtsa// gzhi rtsa 'dzin pa'i rtsa yin te// dug lnga me lce lnga yi rtse// ma rig pa yi rtsa ba las// 'gro ris sa bon lnga yi rtse// rig pa ma 'gags rtsa ba las// ye shes chen po'i rtse mo lnga// mngon rdzogs yab kyi rtsa ba las// rigs lnga'i bde chen rtse mor gsal// 'byung ba lnga ni da pa'i bskos// rgyal mo lnga ni sprul par shar// gsang ba'i gter du dngas ma lnga// yon tan sgo lnga'i rnam shes yin// 'khor ba skyed pa nyon mongs lnga// 'bras bu 'gro ba drug tu snang // 'dul byed gnyen po yi shes lnga// 'bras bu longs spyod rdzogs pa'i sku// snying rtsa gcig la 'dab ma lnga// de yi rtse mo brgyad du sbyor// nyi zla kha sbyor zhal gyi dkyil// hUM mAM bcud kyi thig le gnas// yum drug rje mo bcu bzhi'i gnas// rang bzhin thig le 'od gsal ba// ye shes ye nas rgyal bar gnas// dngas ma lnga las rgyal mo lnga/ kha dog lnga la nyi zod phreng // gser nyi phra men rgya mtsho ste// shes rab snying rje'i bdag nyid can// rnam shes bzhi la ma bzhi sbas/ khros pa'i bu mo 'od rim la// chos kyi 'khor lo nyi shu la'o// steng 'og dkar dmar thabs shes rab// rta mgrin dbang gi sgo bsrung ma bzhi yang zhing // 'byung ba lnga zhig 'od

  703. 352a

    du zhu// ma mo lnga bcus gsang dbang bskur// rnam shes lnga la ye shes lnga// dug lnga'i rtsa ba dbang gis bcad// 'gro ba lnga yi bag chags sbyangs// gsal ba'i ye shes kha dog ldan// pho brang rigs lnga'i dkyil 'khor rdzogs// dbu la 'dus pa'i yab yum rdzogs// mdun rgyab gser gyi nyi ma la// phra men ma dang thod phreng nyid// 'joms byed bag chags gnas sbyangs pa// sbas ma bzhi dang khros ma bzhi// thod phreng dgyes sde ma bzhi'i ngang // mkha' 'gro nyi shu'i dkyil 'khor la// hUM sras drug gi longs spyod mdzad// dbang gi rgyal pos sgo bsrung zhing // rgyu gcig dbyings nas phyung nas ni// 'od zer sngags kyi phreng ba yis// snying phugs zhal nas sngags kyi 'od// bzhu brtul gyis ni thig ler gyur// srog snying rten yang de la bsdu// rlung dang raM gyis sgra phyung nas// thig le skye med dbyings su thim// bdag nyid la bzla'i don du bya// 'di ni thugs kyi dam tshig ste// yon tan gab pa'i gter du bshad// bshad lugs 'di ldan rnal 'byor ni// ma mo thugs kyi dngos grub thob// des na snying gi lung zhes bya// de nyid las ni rnal 'byor pa// rnam par grol ba'i lugs bshad pa// chos nyid ye shes rang byung dang // yon tan bzhi bsdus grub pa'i rtsa// 'khor lo bdun dang rtsa ba'i srog/ rtsa brgyad stong dang 'khor lo brgyad// nyes rnol

  704. 352b

    yang / po gnyis dang rdzogs pa'i lung // rim gyis bshad dang bye brag dbye// blta bsgom spyod 'bras 'khor 'das kyi// sa bon so so'i gnas su byung // 'khor 'das sa bon hUM rim spro// rtsa thig bzhi ldan dkyil 'khor na// thig le skye 'chi'i sdug bsngal spong // shrI ma hA su kha badz+ra bo d+hi hUM ho/ 'bru gcig gtad ltas yang spyod rnam bzhi la// sku gsung thugs su zad chod de// chags sdang nga rgyal phrag dog gi/ gnas bsgyur bsgom bsgrub rnam pa las// gti mug chen po yang dag nyid// sku lnga mngon shar gsung lngar grags// thugs lnga yon tan phrin las lnga// rang gzhan lhun gyis grub par snang // rang gnas gnyis med ye shes dang // mngon rdzogs rgyal po che ba'i mchog/ dpal 'bar yum dang gnyis su med// snang stong gnyis med ye shes la// chos kyi 'khor lo 'bru bcu po// sna tshogs rig pa'i cho 'phrul rten// gsang ba'i gdung bzhi dgyes sde bzhi// 'khor lo nang gi rtsa bzhi po// rang rig ye shes rgyal po la// sems can chen po lnga yi khri// sprul pa'i cho 'phrul kun gyis mchod// dpal gdeng gsang rdzogs bcu bcu bzhi// mi gnas bde ba'i dkyil 'khor ldan// 'dab brgyad dbus na rtse lnga pa// rgya gram phra bkod sa bon las// 'bru bcu don gyi phreng bar ldan// gnas 'dzin la phab 'od 'phro 'dus// 'bur bzhi mdzes pas thugs rgyud

  705. 353a

    bskul// gtso chen de la gu h+ya bzung // lam du bde ba rgyas par bya// 'od zer 'jig rten khams su spro// yul gnyis ma grub stong par gsal// 'od kyi 'khor lo gnas bzhi la// 'dab bzhi'i lte ba rdo rjer bcas// yab yum mtshon pa'i snying pos bskor// 'od zer gnyis kyis brgyud bskul bas// 'khor ba'i sa bon so sor sbyang // 'dus pas sna tshogs gcig tu gyur// rlung dang lhan cig phyi rol 'phros// rang lus 'dzin pa'i snang ba sbyangs// snang la rang bzhin ma grub pa'i// dbyings kyi yum chen bco lnga po// thugs 'od btso ma'i gser la bsdu// rlung ni skye med a la bsdu// drangs ma'i mkha' 'gro ma rnams kun// rig pa'i rtsal gyi thig ler bzhu// smin byed stobs kyi ma la bsdu// rtsa ba'i mkha' 'gro lnga bcu drug/ bsdu thabs leb rgan 'bar bar bzhu// stobs kyis 'dzin pa'i til la bsdu// hUM chen 'bar bas ri rab bsregs// nyi zla'i dkyil 'khor nyid du gsal// ma mo rdzogs pa gsum ldan pas// rten gyi gang zag rang rgyud 'grol// rnal 'byor thugs su gab pa grol// rnal 'byor grol lugs zhes su bshad// bdag nyid che mchog he ru ka/ khro mo bzhi bcur bcas pa yi// drag po'i sngags su bshad pa ni// khru brgyad pa yi dkyil 'khor du// a yi 'phro 'dus stong par sbyang // rdo rje phur bus bsrung bar

  706. 353b

    bya// byang chub sems kyis chag chag gdab// ba su ta yis thig gdab cing // ha lngas sbyangs pa'i tshon gyis bri// dbus su thig bzhi'i le tshe lnga// phyi rol 'khor lo rtsibs chen bzhi// rtsibs ri'i steng du rtsibs brgyad pa// rin po che yi phur pa rnams// rang rigs 'khor lo'i rtsibs la dgod// phyi rol drag po sngags kyi rdzas// ji ltar bsngags pa bzhin du dgod// de nas stong pa'i rang nyid las// snying rje sprul pa'i ye shes shar// rgyal ba'i thugs kyi snying por 'gyur// e gzugs ye shes chen po ste// yaM dbyibs shes rab bdag nyid can// baM klong snying rje'i ngo bo ste// raM 'bar brtson 'grus nyid du ldan// laM ni bsam gtan brdal ba'i sa// kai ni zhe sdang 'joms mdzad brtsegs// b+h+rUM las sna tshogs gzhal yas khang // oM ni gcod pa chen po las// ba las chags pa med pa 'byung // a ni gsal ba'i bdag nyid rgyu// me ni sreg pa'i bdag nyid rgyu// ru ni 'joms pa'i yul du bsdogs ston yang // hUM dang mAM las yab yum gyur// oM sarba ta thA ga ta shrI he ru ka hUM phaT/ kro d+hi shwa rI sa ma ya hUM dza/ rnam thar dbu ldan stong pa'i phyag rdzu 'phrul zhabs dang thabs kyi gshog/ dur khrod brgyad du ldan par bskyed// yab yum gsang gnas byin brlabs nas// mkha' la gsang ba'i yum bzhi bskyed// le tshe bzhi la gsang ba'i yum// 'di skar sngags rnams ma phye sor bzhag pa ra

  707. 354a

    ma Na phaT/ dkar mo nyi ma'i ga'u can// shar gyi le tshe dag la'o// rat+na s+pha ra Na phaT/ ser mo rin chen 'od 'bar lho// pad+ma ga ra b+ha ya phaT/ dmar mo pad+ma'i bcud 'dzin nub// ga bi tra tha phaT/ ljang gu rdo rje rgya gram byang // shar gyi 'khor lo rtsibs brgyad la// spyi dpal bcu yi khro bo ste// badz+ra gar b+ha kI la ya phaT/ dkar po li yi rgyal por shar// rat+na gar b+ha kI la ya phaT// 'jigs byed rin chen 'dzin pa lho// pad+ma gar b+ha ki la ya phaT/ gar dbang dmar po pad 'dzin nub// karma gar b+ha ki la ya phaT/ gar mdzad ljang gu rgya gram byang // mo N+ya mthalang ki la ya phaT/ srog 'od ser skya me 'od can// ka ru gar b+ha kI la ya phaT/ srin po 'joms byed mche 'dzin dmar// lo ka ki la ya phaT/ skyob byed rgyal sngon ba dan can// b+ha du kI la ya phaT/ 'jigs skyabs ldang skya thod dbyug 'dzin// karma kI la ya phaT/ rim bzhin mtshams kyi rtsibs la'o// gsod byed mthing ga zhing dbyug 'dzin// yak+Sha ki la ya hUM phaT/ ngur 'jigs mthing ga spu gri thogs// sarba duSh+TAM phaT/ gnyis char dbus kyi lte ba la'o// 'jigs byed dkar po nyi ma'i 'od// sa shrI phaT/ shar gyi sgo yi phyogs su'o// sngon mo chu yi 'khor lo can/ ka he phaT/ chu yi dkyil 'khor lho yi sgor// dmar nag me 'khor nub tu'o// ljon sha phaT/ 'bar ba dud kha rgya gram

  708. 354b

    can// byang gi sgo la bsgom par bya'o// de nas gzhan yang bskyed bya ba// gser bur yum gyi mkha' nas gdon// rak+Sha ki la ya phaT/ dmar nag sbrul 'dzin gnod mdzes rgyal// lho yi 'khor lo'i dbus su'o// bi dza ya bi sha kI la ya hUM phaT/ snang byed dkar po 'khor lo can// shar gyi 'khor lo'i rtsibs la'o// bi shwa gu Na ki la ya hUM phaT/ yon tan snying po khro bo che// ser po rin chen 'dzin pa lho// te sha kI la ya phaT/ dmar po gzi ldan 'bar ba ni// 'das kyi bing chen nub phyogs rtsibs// ke sha ki la ya phaT/ lhun grub snang byed ldang nag mchog/ thod phreng 'dzin pa byang gi rtsibs// bi sha kI la ya phaT/ me 'khor dmar po kha T+wAM 'dzin// be shi kI la ya phaT/ za byed brtul zhugs ral gri can// hi sha kI la ya phaT// skyod byed rlung gi ba dan can// sngo sangs rlung rgyal sbrul zhags thogs// du she kI la ya phaT/ gzi 'bar ljang skya gri gug can// 'di dag rim bzhin rtsibs mtshan la'o// ka sha phaT/ rta mgo lcags kyu dkar po shar// pha ga sha phaT/ phag mgo zhags pa sngon po lho// rung hi phaT/ dred mgo lcags sgrog dmar// nub// rak+Sha gri phaT/ sbrang mgo ljang gu dril bu byang // rim bzhin sgo bzhi bsam par bya// nub kyi 'khor lo la bskyed pa// hUM kA ra kI la ya hUM phaT/ hUM bde chen dkar ser thod 'dzin dbus// bi dza ya phaT/

  709. 355a

    rnam rgyal dkar po ni le can// nI la daN+Da phaT/ dbyug pa sngon po be con can// ya man+ta kr-ita phaT/ gshin rje gshed ser zhags pa can// a tsa la nA za phaT/ mi g.yo dmar ser ral gri can// ya grI ba phaT/ rta mgrin dmar mo thod sbrul can// nub kyi 'khor lo rim bzhin bsam// phyogs bzhi yin te mtshams bzhi ru// a pa ra dzi ta tiSh+Tha phaT/ 'dod rgyal ljang gu dbyug tho can// a mr-i ta phaT/ bdud rtsi 'khyil ljang rgya gram can// tre lo kya phaT/ khams gsum ldang skya sdigs mdzub can// ma hA pa la phaT/ stobs chen dud pa gtun shing 'dzin// de dag bsgom zhing sgo bzhi ru// 'jigs byed khro bo bzhi bskyed pa// dza la phaT/ dkar po khra mgo sder mo thogs// ke ru ru phaT/ skya ka'i mgo can sbrul 'dzin sngo// rig sha phaT/ bya rog mgo can dung dmar 'dzin// bak+Sha ti phaT/ pu shud mgo can ljang gri gug/ phyogs bzhi'i sgo bzhir rim par bsam// byang gi phyogs kyi 'khor lo la// phrin las rdzogs pa'i khro bcu bskyed// lcags phur la rten mkha' la gdon// badz+ra ta kr-ita kI la ya phaT/ b+hi nu thal kha ti ra 'dzin/ kha thun rak+Sha kI la ya phaT/ stobs bzang sngo nag gri gug 'dzin// he ma ra ti kA la ya phaT/ gzi ldan dkar po 'khor lo 'dzin// ru pi su tra ki la ya phaT/ 'jig rten 'od sngo me dpung can// rak+kha se traM kI la ya

  710. 355b

    phaT// stong gsum khyab byed dmar thod khrag/ ho he kha rag kI la phaT/ hUM sgra dud kha ro dbyug 'dzin/ da dur phra ti kI la ya phaT/ shugs sgrol ljang nag khrung khrung 'dzin// hUM baM su kI la ya phaT/ skar mda' gdong ser bya khra 'dzin// gar b+ha kI la ya phaT/ glog srin sna tshogs mdog 'ja' thogs// rag sha kro d+ha kI la ya phaT/ mdangs 'phrog sngo sangs rlung g.yab thogs// rag sha phaT/ 'jigs byed dri za dkar stong gsum// gar+b+he phaT/ stong gsum grags gnag lcags mdung thogs// ru se phaT/ khrag gi mtsho skems dmar lcags sgrog/ ki ta ra ta phaT/ khrag lag ljang nag khram shing thogs// dbus dang phyogs mtshams sgo bzhir bsam// de la nam mkha'i 'khor lo dbab// 'bru brgyad sngags kyis dbang byin brlab// mchod pa gsum stob mnyes pa'o// oM shrI he ru ka kro d+hi shwa rI sa ma ya/ badz+ra kI la ya hUM phaT/ yab yum bsnyen pas gsang ba yi// ma mo bzhi bskul yum bzhi yis// 'khor lo bcu tshan sum cu gnyis// de yi khrag 'thung lha rnams bskul// so so'i 'phro 'dus 'gro don mdzad// khri phrag gnyis dang stong phrag bzhi// 'bum phrag bzhi yis so sor bzlas// bsnyen rdzogs bsgrub pa'i las chen ni// shar phyogs 'khor lo'i lte ba la// ling+ga nub tu kha mgo brtan yang bltas la// tshon skud gsum gyis btags nas kyang // ming rus snying dang

  711. 356a

    dpral bar bris// rten bzang kun la bka' bsgo zhing // gsal ba gsum dang ldan byas te// 'byung ba'i snying po gsum gyis sbyang // yan lag nying lag phur pas brdeg/ ral gris gtubs te shar du bsreg/ tsakra rtsibs bcur ldan pa la// sde tshan bcu yi 'khor lo bskor// gcod byed 'phen byed sngags kyis brgyan/ khyi yi grod par ling+ga gzhug/ tshon sna lnga yis bcings shing gdags// yungs kar rgyal pos brdeg cing brab// oM shrI he ru ka da la du na rbad/ kha 'dar li rbad/ myogs mugs rbad phaT/ grod pa 'phar 'gul rtags byung nas// ki gang drag po rgyu dus 'phang // sngags gsum gyis ni rten gsum bshig/ lho yi tsakra rgyas pa'i las// 'brub khung rgyas pa'i dbyibs ldan la// ling+ga'i yan lag hUM lnga dgod// dpral bar phaT dang snying ga ru// mA ra ya bkod gsal grub brtan// a yi 'od kyis yon tan bsdu// phyogs bcur khro bo bcu yis dbab// sgo bzhir seng ldeng phur pa yi// mtshon gyis btab ste lho ru bsreg/ sde tshan bzhi yi 'khor lo bskor// gcod khang 'bad bang sngags kyi phreng bas bskor// ne le'i rgyal par ling+ga gzhug/ dug lcags zangs kyi thun gyis brab// oM shrI he ru ka dur pa la hUM rbad/ rak+ta dza dur b+h+yo/ ki la thun tr-i chu srog la mA ra ya rbad/ rtags byung nyi ma'i zer la 'phar// nub kyi 'khor lo'i lte ba

  712. 356b

    la// gsang chen khro bo zangs phur te// nub phyogs pad+ma zla kham du// yan lag lnga la hUM phaT bskor// shes rab snying rjes phyogs bcur dbab// rnam shes hUM gis sa ru bsdu// nub tu dbang gi sbyin bsreg bya// gdeng chen khro bcu so so'i sngags// gcod dang phab pa'i sngags kyis brgyan// ra snying nang du lcags phyes brab// oM shrI he ru ka srog la thum ling / kha thum srog la bsdus bsdus/ khrag la thim mA ra ya rbad// rtags phyung skya rengs zer la 'phang // byang gi 'khor lo'i lte ba la// lcags phung rdzogs chen khro bo bskyed// byang gi pho brang grub gsum gyi// rgya gram bsnol mar ling+ga gzhug/ lus kyi phyogs bcur khyab par gdab// sgo bzhi'i phur pa yan lag la'o// hUM gi has bsdus mkha' la dbab// 'phang gtub bsreg pa sngar bzhin bya// yon tan sngags brgyan tshom bu bcur// tsakra sarba hUM phaT gdab// bya rog snod du sbal khra'i gzugs// nang du dmigs bsal skye ches brab// oM shrI he ru ka mu la tang kham snying la rbad// ba b+ha da rod tshe la rbad/ nA ga b+hA ba rus pa dur ling rbad/ rtags byung nam gyi phyed la sba/ 'di ni drag po'i sngags lugs te// ma mo las kyi kha skong yin// gzhan yang dbang drag las spyod na// gru gsum zla kham gsum dang bcas// phyi khyams rgyas pa mdzub gang ste// me 'od thod pa'i phreng bas brgyan// b+han+da'i

  713. 357a

    nang du mu gas bkang // phur pa rdzas kyi gtso bo bzhag/ chags byed chags snyoms gnyis la bri// bdun la ma bdun b+hu bdun bri// lha grangs ldan pa de ru dgod// byin gyis brlab pa'i lha bsgom pa// dbyings kyi yum drug mgo bo la// rnal 'byor bcu bzhi'i ngos la'o// bum par bla med he ru ste// lte bar chags 'jig spun gnyis so// skye la dza ti ma mo drug/ lte ba'i dkyil la re ti gsum// dpal logs gsum la dgyes sde ma// bzhi dang sring bzhi bsgom par bya// zur gsum la ni dbang mo ste// rtse mor ma bdun la sogs bsam// bdag nyid phra men rgya mtsho ma// dbu gcig zhal lnga mkha' 'gro lngar// bsgom pa mche ba gtsigs shing bzhad// sprul pa bstim la mchod cing bsnyen// ma mo bdun gyi rten la dbab// dkar nag mtshams su la shan dbye// sems la bsdus te rtsa sngags la// badz+ra bo d+hi dza la b+ha ga la ru na ho tra ki la ya badz+ra hu du na ma ra Na phaT/ phur pas gdab ste mkha' la dbab// gting dpag med pa'i gnas su bstim// b+ha ya tsit+ta s+t+waM/ laM laM sa ma ya ho// 'di yis don ldan drag shul spyod// shin tu bskangs te bshad pa'o// // de nas rdo rje 'dzin rgyal po// yang dag rdzogs pa'i sangs rgyas nyid// sku gsum bde chen ngang nyid las// 'jigs byed 'bar ba'i gzugs su bstan// 'jig rten dregs pa

  714. 357b

    'dul ba'i phyir// stong phrag brgyad cu'i rgyud kyi sde/ khyad par sprul pa'i sde brgyad la// lha klu ma mo gshin rje btsan// bdud dang rgyal po gnod sbyin gsal// dbye dang spro dang bsdu ba la// dang po stong phrag brgyad cu'o// de las sum brgya drug cu ste// tha ma brgyad kyi sde yin te// dbye ba phyi nang gsang ba la// yang gsang gter dang drag po sngags// sbas pa dang ni las byed dang // btags chags dang ni brgyad yin te// lha dang lha min dri za dang // mkha' lding lto 'phye mi'am ci// klu dang lus sul po rnams ni// phyi ltar btags shing chags pa yin// rgyal po bdud dang gshin rje klu// gnod sbyin srin po ma mo btsan// de bzhin nang du btags shing chags// ma sangs ging dang dgra lha dang // chu bdud mu stegs mkha' 'gro dang // 'gong po the brang zhes bya ba// gsang bar btags shing chags pa yin// nang gi rnam shes kun gzhi dang // yid dang yid kyi rnam shes las// dbang po lnga yi dngas mar bcas// gsang ba'i lam la rgyu ba dag/ yang gsang gter du sbas pa'o// khyad par sbas pa zhes bya ba// 'dod chags zhe sdang gti mug dang // nga rgyal phrag dog ser sna dang / khro dang gnod pa'i sems rnams ni// kun gyis mi mthong rab tu sbas// drag rtsal lha dang 'thur med bdud// gshin rje gshor dang rgyal po dregs// gnod sbyin shan pa srog gcod

  715. 358a

    srin// gdug pa klu dang glen pa gza'// rang rang drag po'i sngags su 'gyur// las kyi khyad par byed pa ni// smyo 'bogs brgyal nad snying rlung dang // mdze shu rims nad yams nad dang // pho log glang thabs gzer ba dang // mtshon 'khrug gdug dang rtsod pa dang // gri dang gnam bab rang gshed dang // de la sogs pa'i drag shul spyod// rang gi las kyi khyad par kun// myur du spyod pa zhes bya'o// dpa' ba dang ni mi sdug dang // phrin skyel snying 'byin rgyal po'i las// dregs chen spyi dang dpung bsdebs te// glo bur srog 'bebs bdud kyi las// las kyi 'khrul 'khor dmigs bsal nas// klad 'khor myos byed gshin rje'i las// thog dang ser ba sbyin thang las// ri rab bsnyil nus gza' yi las// rgya mtsho'i dbyings nas klong brtol nas// mdze nad gag gtor klu yi las// grir 'thibs rma khrag btsan gyi las// za 'drang za 'dud 'dzin byed cing // rmongs shing rgud byed gnod sbyin las// glo bur srog gcod drag shul ni// srin po'i las su bsngags pa yin// rims nad yams nad gzer nad dang / khrag 'khrug rmod pa ma mo'i las// de dag gnod pa'i las yin te// phan byed de las bzlog par 'gyur// btags shing chags pas dbye ba ni// lha lam dgra lha rgyal po ging // bdud las rmu bdud mu stegs dang // rA tra rnams su

  716. 358b

    btags shing chags// ma mo las ni mkha' 'gro dang // lha mo srin mo mon mo dang // bal mo klu mor btags shing chags// btsan las yab rje yam shud dang // ge gos ze brang rnams su btags// gza' la rog ti khyab 'jug dang // byi tri pa tra la sogs brgyad// gnod sbyin las ni mon pa dang // 'gong po ya bdud the 'gong rnams// srin po las ni drag byed kun// gshin rje las ni yi dwags tshogs// shin tu btags shing chags pa ste// rnam grangs bsdus pas phye ba'o// rgyas par phye ba 'di ltar bshad// lha las dregs pa'i lha chen brgyad// klu las gdug pa'i klu chen brgyad// gza' las gza' brgyad de bzhin te// gshin rje las kyang phyogs bsrung dang // ma mo las kyang ma bdun dang // srid pa'i gtso dang brgyad yin no// gnod sbyin nor 'dzin sde dpon brgyad// srin po brgyad las srin po yin// bdud las rje bdun gtso dang brgyad// 'di dag rang rigs yon tan dang // rgyud mtha' rdo rje 'dzin gyis ni// tha dad so sor bshad de bzhin// gdul bya'i rigs dang 'dul byed kyi// ston pa'ang de bzhin shes par byos// 'di dag nang gi bskyed tshul yang // ma mo kun gzhi'i rnam shes las// gshin rje yid kyi rnam shes te// bdud ni nyon mongs can gyi yid// mig gi rnam shes lha yin no// rna ba'i rnam shes srin por

  717. 359a

    snang // sna yi rnam shes bdud du ste// lce yi rnam shes gnod sbyin yin// lus kyi rnam shes btsan dang gza'// dran rtog gzugs sgra dri ro reg/ byed pa'i las rnams de yi 'khor// phan gnod nus pa lha yin te// mi gtong 'bebs pa bdud ces bya// gshin rje yi dwags gshin gyi rje// gdug cing blun pas klu zhes bya// gnad du phog cing mi 'chor bas// gza' zhes bya bar grags pa yin// rten bskyed gzhir gyur ma mo ste// gnod pa ster byed gnod sbyin no// yan lag phyogs su dbye ba yang // gdug rtsub che bas lha ma yin// gang du'ang 'byung bas 'byung po ste// lha min kun sbrul mi'am ci// yid kyis dri snom dri za dang // stobs ldan khro gtum srin po yin// mkha' la spyod pas mkha' 'gro ste// zas yid btags pas yi dwags yin// kun gyis bkur bas rgyal po yin// gzhan gyis bstod pas btsan yin no// lta spyod log pa mu stegs yin// dgra las rgyal gyur dgra lta ste// bcos par mi nus rmu zhes bya// mthu stobs rmad byung ma sangs ste// gtum zhing stobs kyi dgong po yin// ngan g.yo'i sgra ldan ze brang ngongo// gzhan yang rnam grangs bsam mi khyab// gzhan yang sprul pa yang sbrul dang // sum sbrul la sogs bsam mi khyab// gtso 'khor bka' nyan las byed kyi// sde brgyad dag tu dbye bar bya// gnas dang rten

  718. 359b

    pa'i khyad par yang // g.ya' ri gangs ri khang pa brtsegs/ khang bzang nyams dga' lha bsgrub ste// ri brag brag nag rab tu khros// byang phyogs mngon par bdun bsgrub bo// rgya mtsho mtsho dang rdzing dang ni// ne seng rgyas par klu bsgrub gnas// sum brtsegs brag nas phyogs ma nges// lho gzhol mkha' chen gshin rje bsgrub// ris 'dus rtse dang chu 'dus mdo// lung pa che 'phro gza' bsgrub gnas// nags chen dur khrod ma mo ste// gling rgyas ri ljongs gnod sbyin gnas// gtsug lag khang chen gsar dang rnying // lha yi khyad par phyogs gzhan bsgrub// ri thang mtshams dang khang mtho rtser// phyogs mthun bye brag sngar bshad zad yang bzhin// brag dmar khros rtsar btsan rnams bsgrub// de dag la sogs gnas gzhan yang // rnal 'byor rig pas legs par brtag/ snang yul phyi yi bsgrub pa'i rdzas// rta dre'u ra lug bya dang khyi// bya rgod rgyal mtshan mtshams par yang gcan gzan gzugs// shing bzangs lo 'bras ldan pa rnams// lha yi rgyal po bye brag mnyes// tsa ra khyi dang 'dab chags rta// nag po'i chas zhugs bdud mnyes 'gyur// shel sprug gro mo sman sna tshogs// dkar mngar blo bcud klu yin te// srog chags mo rigs nag chags dang // ba dan pheg rdob dung dang rnga// gdugs dang rgyal mtshan phreng ba dag/ ma mo yum rnams mnyes pa'i

  719. 360a

    rdzas// rig bcas mda' mdung ba dan dmar// rgyal mtshan bzhon pa'i ri btsan rten// zod mkhar khram shing ba lang sna// dur khrod dkyil 'khor gshin rje la// ra nag mig dmar sha khrag sna// sbrul lpags mda' gzhu gza' rnams kyi'o// rin chen ga'u gzhon pa sngo// dkor cha sna tshogs gnod sbyin rten// mtshon cha sha khrag so ma dang // dur khrod longs spyod srin po dngos// 'dab chags ru mtshon rta dmar dang // mtshon cha drag po ri btsan rten// de la sogs pa dregs pa can// spyi dang khyad par bye brag gis// gang la shis shing bsngags pa dag/ brtul zhugs can gyis brten par bya// rin chen 'bru sna bcud kyis lha// so ba khre 'bras 'bru nag bdud// klu ni rtsi bcud sman gyis rten// gnod sbyin rin chen chu gtsang ste// gza' ni sha khrag rnying pas rten// de nyid sna tshogs mo rigs te// srin po'ang de nyid so mas mi yang / so// gri btsan bya btsan gyis rol sha/ gshin rje keng rus chu glang sha/ 'di dag mchod pa'i rdzas su bsngags// bsgrub pa'i thabs kyi khyad par las// dmigs pa'i gnas dang mthun pa'i rdzas// so sos mchod cing bsten par sbyar// 'jig rten pa dang tshul mthun pas// 'jig rten mchod rten zhes su bshad// // drag po'i sngags kyi bsgrub pa yang // phyi nang gsang ba gnad dang bcas// gtso chen sku

  720. 360b

    gsung thugs rdo rje// byang chub sems kyis bsgrub bya ba// thun mong khyad par bsgrub pa'i phyir// rang sngags ming dang smos par bcas// bsdu dang spro zhing las la sbyar// rnam pa sbyor ba rtags rnams kyis// mngon du phyung ba de nyid dang // sgrogs shing dbab pa rten sbyong ba'i// brtul zhugs ting nge 'dzin dag ni// stobs dang mi 'jigs rig pa yis// don kun bsgrub pa de shes bya// 'jig rten 'jig rten 'das pa'i rigs// gang la gang gis de ngo bo// gnyis med rig pa 'dzin pa'i thugs// rnam 'phrul nges pa'i blo stobs ni// 'khor ba dang ni mya ngan 'das// dbyer med dgongs pa'i khyad par che// bsrung bya sdom pa'i bye brag kyang // dregs chen lha yi bye brag la// rten du rung ba mi brnyas shing // lus kyi longs spyod gzhom mi bya// rgyu dang mi rgyu'i nag po'i phyogs// mi bskrad mi brlag bdud la bsdam// gshin rje'i rigs 'khyal ma mo brnyes// klu lnga sha khrag sgog btsong bsrung // mkhon yugs mi gtsang mo rgyud 'khrugs// phra men rdzas nag gnod sbyin te// byams sems phan spangs srin po la'o// gdug byed mi brnyas btsan la'o// cho 'phrul nus pa mi bzlog gza'// 'jig rten gnas pa drag po'i sngags// dmod pa'i tshul du sngags zlos na// shin tu dgos par bstan pa yang // bla snying gter dang gdab phur dang // bcing dang

  721. 361a

    bsreg dang mnan dang sba// gnas dus thebs dang ldog pa dang // bsrung mtshams drod tshad rtags rigs rnams// gtso chen bsdus pa'i las yin no// lha bdud srin po gnod sbyin dang // rgyal po gshin rje mo rigs te// gza' klu la sogs sde brgyad tshogs// nyi rdo khro chu gri lcags dang // nor bu pha wang long bu'i rdo// mu men g.yu sbram bla snying rdo// shel mkhar chu shing phur pa dang // gri lcags gser gyi thur ma dang // gri mtshon byi thur rkang thur dang // zangs thur la sogs snying zur yin// tsher ma can dang chu shing dang // seng ldeng lcags dang mchog phur dang // dug shing bse dang gri lcags zangs// mthun pas rab phye snying phur bya// mi dang dud 'gro phra men dang // rin chen phra men rang snod bcas// zangs lcags gri yi thod pa dang // stag gzig byi la ne le dang // hu lu rang grub snod rnams ni// so so'i bcing sdom bla snod yin// mdzes pa'i gzhi la rang sngags gri// zur ma rdo dang bcas la dril// mthun pa'i rdzas dang snod du stsal// snying phur rnams la 'bru gsum dgod// so sor rigs pa'i srad bus bsdam// sgrub pa po yi lus la gdags// sde brgyad gnad kyi rtsa ba yin// dben gnas gtsug lag khang rnying 'og/ ngam grog phug dang phug stong dang // brag nag brag dmar khros pa dang // gangs ri'i mtshams dang shing

  722. 361b

    gcig drung // ri yi rdzong dang 'dus rtse dang // mtshe'u lu ma lcags lcig dang // lung pa'i mdo dang chu mig nag/ dur khrod sa yi srubs chen dang // mi shes gdug pa'i gnas rnams su// so so'i las gnyer gtad par bya// dus bzhi'i zla ba dang po dang // de yi tshes grangs brgyad gsum la// skya rengs nyi ma 'char ka la// lha dang rgyal pos las byed 'gyur// klu ni bdun gsum nam langs nas// nub dang gnyis kyi zer la'o// ma mo gnyis gsum nyin mtshan gung // btsan ni 'bring bzhi'i drug gsum la// nang nub nyi ma dmar zag la'o// gnod sbyin dgu gsum srod dang 'jing // gsum bzhi nyi shu dgu la'o// srod kyi 'jing ni bdud kyi dus// gshin rje bcu gsum nyi shu lnga// de dag la sogs 'gro zhing rgyu// sde brgyad dregs pa'i las rnams kun// phyi nang gsang ba'i dbang thob cing // spyi dang khyad par sdom pa'i mchog/ mtshungs ldan ye shes pa rnams grub// dus grangs mtshan ma'i bsnyen pa rdzogs// rdo rje 'dzin pa'i man ngag ldan// phyi nang gsang ba'i dam rdzas tshogs// bsrung sdom ma nyams tshad dang ldan// brtson 'grus phun sum tshogs ldan pas// 'di dag 'grub cing thebs pa'i rgyu// de nas bzlog tshul de nyid do// dam bca' khas blangs dus las 'das// sdom rim bslab pa'i tshul mi ldan// bsgrub bya sgrub byed the

  723. 362a

    tshom bcas// yon tan ma rdzogs las la 'jug/ dmigs dang sbyor ba go rim nor// ngan sems gdug pa'i bsam pa skyes// pha rol sgrol ba drag po rnams// bzlog rgyu rkyen dang bcas par 'gyur// dmigs pa'i mtshan ma ma rdzogs dang // rten med ting 'dzin ma gsal dang // rang rig phur pa ma thebs pa// mtshan ma bzhi gcig la gzhan sdom yang / la gzhan don rnams// 'byams te don med skyon du 'gyur// phyi nang gsang ba'i dbang rdzogs shing // bsnyen sgrub ting 'dzin nus pa ldan// lhag sems bzang zhing las 'jug brtul// dmag dpung che zhing dmigs pa drag/ gtsang zhing brtul zhugs che bas thebs// gang gis gang la dmigs pa yi// sku gsung thugs kyi mtshan ma mthong // kun gyis bstod cing dbang bskur dang // phyag dang bsnyen bkur gus pa byed// spro zhing rlom pa'i dpa' gdeng ldan// 'di ni phrin las nus pa'i rtags// mkhan po slob dpon rgyal po dang // rje dpon la sogs gong mar byung // nye yang dbang du ma 'dus rtags// spyan grogs pa tshan mnyam gnyis dag/ mnyes na las byed rung ba'i rtags// bran 'bang khol g.yog bu tshar byung // bskol zhing rbad pas mchog pa'i rtags// gar yang rung ste bka' nyan cing // las byed tshul du byung ba ni// drag pa'i las sbyor bya ba yin// dmag 'dren skyogs

  724. 362b

    'cha' las la 'dzud// dar 'phyar dung 'bud rol mo chas// dbu che dag gis grogs byed na// rbad pa las la tshud pa'i rtags// gsod cing ling dzag 'gyed pa dang // shing gcod brag gshog mkhar bsgyel dang // mes bsres chus 'khrungs sa gnon dang // rlung gis khyer dang rang bzhin zhig/ gsad pa'i las kyi don 'grub rtags// sha za khrag 'thung ston mo za// bshad dang longs spyod byed la sogs// don grub gsad las zin pa'i rtags// rtog pa thugs rjes bsgral ba dang // zhe sdang nus pas bsgral ba dang // man ngag thabs kyis bsgral ba las// bye brag thun mong khyad par dag/ so so'i mthun tshogs man ngag bzhin// bsnyen sgrub rbad gsad las sbyor la// sbyor dngos rjes kyi bya ba dag/ thog ma bar dang mtha' ma'i bar// rtsa ba dang ni yan lag gi// 'brel zhing tshang la brtson pas spyad// las mjug mnan zhing gtad pa las// bsnyen sgrub gnas lugs skye gnas dang // las khung rang gnas gnad 'gro la dang // spyi dang phyi yi sku gcod bya// tshad dang khugs dang bstim dang spyad// kun la man ngag rig ldan bya// gnyen po dngos gzhi bsgrub pa dang // dril dang dbye dang gnas skrod dang // dril dang 'phang ba rgud pa dang // 'thibs dang gzer dang mtha' la gtad// gzhug dang bskyil dang rjes gcad pas// dbab pa gnas su

  725. 363a

    brdeg par bya// chos nyid bden pa'i blta ba dang // ting 'dzin dmigs gsal bsgom pa dang // dpa' bo brtul zhugs spyod pa dang // rab gnad sngags kyi drag shul dang // 'thad rigs bden pa'i tshig stobs dang // rang gshed thabs kyi yon tan dang // bsod nams tshogs kyi dpung bskyed dang // gnyen po stobs la sogs pas bzlog/ bsrung bar bya ba'ang de bzhin no// lus gnas dang ni bdag po gnyer// dus rdzas thabs dang rjes gcad dang // bsrung dang nus pa rdzogs pas mnan// thabs shing rdzas dang sngags dus lha// ting 'dzin ldan pas bsreg par bya// bsham dang bsgrub dang bshe ba dang // phyogs dus ma nor lam phye bas// dbang gzugs mkhyen gsol ldan pas 'phang // gzhi gnas sngo ba'i gsar zhing bsgrub// bsnyen pa bsgyur dang drag sngags dkrug/ rdzas kyis bdug dang shi sar bstan// nyams pa gso zhing bskang ba dang // ngag bkrol lha phye bsnyen sgrub dang // las sbyor lan gsum bsgyur bas spogs// mdor na ma grub bar du ni// brnag cing bsgrub pa man ngag gnad// rang bzhin 'khor 'das chos rnams kun// rang gzhan snang ba rtog pa ste// sde brgyad la sogs lha dang srin// ma lus rang gi sems snang bas// gzhan nas grub pa yod ma myong // sems kyang rtog pa tsam nyid

  726. 363b

    sa// dbyibs dpa' dag dngos pa dang // mtshan pa'i rtsa ba sangs ma grub// rang gi nga ba cad kyis kyang // de cad kyang na ngas thang \u0f7f// ma gang cung zad med ma yin// blang pa can pa rgyas kyi // / smras par mtha' 'dzin rgyu nas spang // sangs rgyas rnams kyi thugs snying po// 'di nyid ngang la gang gnas pa// 'jig rten dregs pa dbang du bsgyur// rtsa ba 'di yin yan lag gzhan// kun gyis 'di la blta bya/ zhing // bsgom dang rab tu spyad par bya// gtso bor sangs rgyas bstan la dmigs// rang sems dpal dang gdeng ldan pas// ting nge 'dzin gyi grogs su spyad// dam tshig sdom pa bsrung sbyor ba// mchog dang thun mong dngos grub gzhi// ting 'dzin 'phro 'du gsal ba yis// mngon sum 'dod pa bzhin du sgrub// man ngag the tshom spyad pa yis// 'jig rten rtog pa ngan pa ldog/ lus sems bde ba 'khor g.yog pas// rang bzhin rten 'brel rdzas kyis 'grub// bcol bskul dam bdar rbad pa'i grogs// bla srog gis ni dbang med spro// bla rtags kyis ni dus mi 'gyur// bsgrub 'phel dben gnas yo byad yin// yon tan yin te skyon rnams kyang // bsnyen sgrub tshul mthar ma phyin pas// dregs pa rang la ldog par 'gyur// gsang sbyor mi nus dus las g.yel// rten rdzas med la rten mi 'du// pha rol mtshan rtags ma shes pas// dus

  727. 364a

    min phyal bar 'gyur ba yin// gnad la ma phebs las mi byed// dka' ba ma spyad the tshom skyes// gzhan la bsgrags pas 'khor la gnod// bsrung sdom mi ldan don med spyod// bsam ngan gdug pas ngan 'gror 'khrid// nyon mongs zhe sdang drag po yis// gnyen pos ma bsgyur rU trar skyes// las rim 'chol pas rang la ldog/ rkyang pa ya bral sgrub pa yis// gnod pa bskyed cing las mi 'grub// mkhas par ma sbyangs dmus long 'gro// sngags bsdeb med pas yid spyod de// sngar myong med na the tshom yin// de bas grub rtags ldog rtags dang // rang gnod gzhan gnod rtags rnams kun// ma nor ma 'khrul gtan la dbab// rlung 'tshub chu chen gshin rje rbad// mi dang dud 'gro nag po'i tshogs// las kyi rU tra byung dang 'gro// mo tshogs ma mo'i rtags yin te// thog ser cho 'phrul gnod sbyin no// mgo tug mi mang gnod sbyin te// mtsho rdzing nya sbrul sba lcong klu// bya khyi nag tshogs bdud 'gong tshogs// pho rigs dmag dpon srog bdag gying // gtsug lag khang rnying sde dang bcas// rgyal po dang ni dkor bdag rtags// mi rta zhub gon rang 'phyar ba// lha btsan byung zhing 'gro ba'i rtags// mtshon cha sgyogs dang 'ur rdo sogs// las kyi srin po mon pa'i brtags// ri dwags gcan gzan las gshin rje// kun tshogs pa ni kun gyi

  728. 364b

    rtags/ 'jug yang // mkhas pas dbye bsal rbad sogs bya// ngan pa'i rtags byung rang rang gi/ gnyen po'i stobs kyis myur du gzhi la// gshin rje gshed kyi 'khrul 'khor spyad// ma mos thun zor las kun spyad// gza' lcam ma sangs chu rom 'bab// klu la las 'jug gtad par bya// gnod sbyin gyis ni yo byad spel// lha yi 'khor gyis rtsal drag ste// rgyal pos glo bur sgro 'bog gtong // ging zhes bya ba myur mgyogs te// dgra lhar bcas pas cho 'phrul gtong // gshin rje mon pas bla srog brku// ging phran bstod gnod kyang pas rdzas mi 'byor// de dag la sogs lha srin gyi// bye brag bsam gyis mi khyab pas// las gnyer lha tshogs so sor bsgrub// rang gi rigs dang las kyi gnyen// ma shis glo bur sbyar mi bya// dngos grub kun 'byung log par 'gyur// de bas rdo rje 'dzin gyi bka'// ma nor ma 'khrul legs spyad de// brtson 'grus drag pos bsgrub par bya// phyi ltar 'jig rten dregs pa can// nang du sems kyi cho 'phrul yin// gsang spyod chos sku'i yon tan gyis// phrin las sna tshogs grub pa'o// snang ba'i 'dzin pa bde gshegs sku// sgra yi rnam rtog de yi gsung // dran rig yid ni dam pa'i thugs// tha dad dbye ba yod ma yin// zhes pa'i tshig gis bsnyad pa ni// 'jig rten gnas pa'i dregs pa can// sgrub pa kha skong tshul bkod

  729. 365a

    pa'o// de bas ma 'ongs phyi ma'i dus// lnga brgya pa yi snyigs ma la// bstan pa mdo sde spyod pa'i dus// u rgyan yul du skyes pa'i sras// lag na rdo rje 'byung gnas ni// tshig dang yi ger ston byed cing // byin gyis rlabs kyis spyod byed de// de nas rim pa'i tshul ldan pas// dge slong rdo rje 'dzin pa che// shAkya seng ge zhes bya bas// ma lus khong du chud byas te// sham b+ha la yi yul dag tu// rang byung gtsug lag khang chen du// 'jam dpal 'khor dang bcas la ston// de dag rang rig so so yis// mos pa'i rnam grangs spyod pa yis// 'bras bu thun mong mchog tu 'dzin// spyi 'dus rgyal po rgyud kyi mchog/ lung dang rtsa ba yan lag bcas// 'jam dbyangs skyes mtha'i rig pa 'dzin// byang chub sems dpa' gzhan don spyod// sa lam rim pa rdzogs la snang // de nas sprul pa bye phrag brgya// 'dzam bu gling rnams bye brag brgyar// las dang bsam pa byed pa dang / khams dang rigs mthun kho na ste// tshul gcig dag gi sbyor ba yis// yan lag byin gyis brlab pa dag/ mthun 'jug thabs kyis 'gro don spyod// brgyud pa'i dbang dang drod dag gis// 'di don rtogs shing spyod pa yin// de yid dus na rig pa 'dzin// skyes bu chen po'i gzugs can rnams// phyi rol pa yi chos mthun pa// rtog ge ngan pa'i tshig smra bas// 'di la phyir rgol

  730. 365b

    rtsod byed de// nga la lha sbyin rgol dang mtshungs// glags rnyed gyur pa ma yin no// mos spyod don gyi dbang dag gis// rnam par rtog pa gnyis snang la// tha snyad yi ge so sor ston// don mthar thug la skyon dang bral/ kha cig rnam rtog ngan pas bslus// log pa'i snang bas bsnyad gyur kyang // nyes pa'i lam la dbang ba'i dus// drangs shing gnod 'gyod yid dag gis// sems dang ldan pas 'jug byed pa// dka' thub mthar phyin la sogs 'byung // de lta bas na rgyud chen 'di// dus gsum sangs rgyas kyis bshad pas// bsam gyis mi khyab bsdur mi nus// rig pa 'dzin pa'i byang chub sems// rnal 'byor rnams kyi don bsgrub phyir// bsdus pa'i tshul gyis bstan par bya// zhes pa'i tshig gis bsnyad pa ni// 'jig rten gnas pa'i dregs pa can// sgrub pa kha skong tshul du bshad// ces bka' stsal to// de nas de bzhin gshegs pa thams cad kyis byin gyis rlabs kyi cho 'phrul rnam par bkod pa/ rgya chen po bsam gyis mi khyab pa de dag nyid kyi sku la bsdus te/ snod bcud kyi sems can thams cad kyi snang bar nus pa'i nang gi dbang po'i bdag nyid can du bzhag par gyur to// rnam pa dang rang bzhin du grags pa'i dngos po thams cad sku gsung thugs kyi yon tan la gnas par bya'o// dkyil 'khor thams cad kyi bdag nyid bcom

  731. 366a

    ldan 'das rnam par snang mdzad he ru ka chen po thugs kyi rig pa chen po'i yon tan dpag tu med pa'i don sngar bshad pa las/ ma tshang ba kha skong ba'i le'u rnam par bshad pa'o// // brda bar gshegs pa thams cad 'dus pa'i spyi rgyud las ma tshang ba kha skong ba'i rgyud rdzogs so// // rgya gar gyi mkhan po slob dpon chen po pad+ma 'byung gnas dang / bod kyi lo tsA bdag bai ro tsa nas bsgyur cing zhus te gtan la phab pa'o// / rgyal po'i bla dpe'o// gter rgya/ sbas rgya/ gtad rgya'o// //