Text
ff. 1b–418a · 834 folio sides
- 1b
/ rgyu gar skad du/ Ar+ya A kA sha gar+b+ha nA ma ma s+yAm+b+ha na sU tra/ bod skad du/ 'phags pa nam mkha' snying zhes bye ba theg pa chen pado/ / sangs rgyas dang /
- 2a
/ byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das ri kha la ti ka na/ gnas thub pa'i drang srong rnams kyi gnas na/ nyan thos chen po bgrang ba las 'das pa'i dge slong gi dge 'dun chen po dang thabs cig go/ 'di lta ste/ byang chub sems dpa'
- 2b
sems dpa' chen po gang+gA 'i klung gi bye ma snyed dpag tu med/ grangs med pa'i byang chub sems dpa'i dge 'dun chen po dang yang thabs cig tu bzhugs te/ de bzhin gshegs pa'i dpal gyi dam tshig lung bstan pa'i mthar phyin ma thag tu/ yang de'i tshe na/ nub phyogs naHbrgya byin thogs pa'i nor bu rin po che brgya phrag stong du mas bskor cing mdun du bdar ba'i yid bzhin gyi nor bu rin po che snang ste/ yang nor bu rin po che de'i 'od kyis/ stong gsum gyi stong chen po'i 'jig rten gyi khams 'di na/ gzugs su snang ba thams cad ma lus par mi snang bar gyur te/ de bzhin gshegs pa ma gtogs par gang lha dang / mi rnams dang / nyan thos rnams dang / gang byang chub sems dpa' rnams dang //
- 3a
gang sa dang / me dang / chu dang / rlung rnams kyi gzugs su snang ba'i 'byung ba chen po ji snyed pa'i 'byung ba chen po snang ba de dag thams cad ma lus par spangs par gyur cing / nor bu rin po che snang ngo // lhag ma dag kyang mtha' yas mu med pa/ brjod du med pa/ nam mkha' bzhin/ du snang ngo // bcom ldan 'das kyang shin tu lham me/ lhan ne/ lhang nger gyur to// gang yang sems can der 'dus pa de dag kyang / bdag kyang mi mthong ngo / / gcig la gcig kyang mi mthong ngo // de dag la 'byung ba chen po'i gzugs su snang ba thams cad 'gags nas/ yang mig tu snang bar ma gyur to/ / bdag bdag gis lus kyi gzugs dang / mtshan dang / dbyibs dang / reg pa yang mi dmigs par gyur te/ gang dang gang gis brtags pa de dang de dag stong par mthong ngo / / nyi ma dang / zla ba'i dkyil 'khor kyang mi mthong / skar ma'i gzugs dang / sa'i khams
- 3b
dang / chu'i khams dang / me'i khams dang / rlung gi khams kyang mig lam du snang bar ma gyur to// sgra dag kyang rna ba'i bu kar grag par ma gyur to// dri dag kyang sna la bro bar ma gyur/ to// sems dang sems las byung ba la yang nga dang / bdag gir bya ba dang / skye mched drug gi 'du shes mi 'byung bar gyur to// yang 'byung ba chen po dag kyang mi dmigs par gyur/ te/ phyogs gang dang / gang tu brtags pa de dang de'i phyogs thams cad du de bzhin gshegs pa'i sku'i mtshan dang / kha dog dang / dbyibs dang / gzugs su mthong bar gyur to/ / rgyang ma nas brgya byin thogs pa'i nor bu rin po ches bskor ba'i yid bzhin gyi nor bu rin po che snang ba las/ gzhan cung zad kyang mi snang bar gyur to// gang de na byang chub sems dpa' sa bcu la gnas pa/ dpa' bar 'gro ba'i ting nge 'dzin thob pa/ skye ba gcig gis thogs pa srid pa tha ma pa de dag gis ltas de mthong nas/ 'jigs par mi byed/ sngangs par mi byed/ skrag par mi byed de/ chos thams cad rang bzhin gyis yang dag pa'i mtha' dang / de bzhin nyid dang / stong pa nyid dang ldan par rtogs pas/ de'i phyir de dag 'jig par mi byed/ sngangs par mi byed/ skrag par mi byed do// gang lhag ma byang chub sems dpa' sems dpa' chen po de dag dang / nyan thos dag dang / lha dag dang / klu dag dang /
- 4a
gnod sbyin dag dang / dri za dag dang / lha ma yin dag dang / nam mkha' lding dag dang / mi 'am ci dag dang / lto 'phye chen po dang / grul bum dang / yi dgas dang / sha za dang / bsnyen srul po dang / lus srul po dang / mi dang / mi ma yin 'dus pa de dag thams cad 'jigs par gyur// sngangs par gyur/ skyo bar gyur nas/ tshu rol dang / pha rol la rmongs shing / sems 'khrugs nas/ de dag gcig la gcig kyang mi mthong / de na 'di ci zhig/ 'di ci lta bu zhig/ 'di ci'i rang bzhin zhes 'dri ba yang gang yang mi snang ngo / / yang de'i tshe na/ byang chub sems dpa' sems dpa' chen po tshangs pa'i gzer bu zhes bya bas/ bcom ldan 'das ga la ba der logs su thal mo sbyar ba btud te gsol pa/ chos kun gyi ni rang bzhin la// gang zag gang dag ma 'tshal ba/ gzugs phung la ni gnas gyur na// dbang po drug la rmongs par gyur// phung po gcig ni mi mthong zhing / gzugs kyi phung la rtog bgyed de/ 'di la gang zag kha cig ni// sangs rgyas chos la the tshom 'tshal// bcom ldan 'das kyis 'di dag la// chos kyi de bzhin mtshan nyid gsungs// de dag tshu rol pha rol la/ / bzod pa nam mkha'i mtshan 'tshal to// 'di na mnyam gzhag dpa' ba ste// brjod du med pa'i gnas lags so// rin chen chen po yid bzhin no// spyi bo la ni mchis/
- 4b
par gda'// nor bu rin chen brgya byin thogs// gang gis rgyang thag nas mthong ba// sems can de dag skal ba che// dpa' 'gro shin tu pha rol mchi// ston pa lta bar mchis pa rnams// de dag thams cad shes rab che// de ring 'dir ni zab mo'i gtam// mchi bar 'gyur pa gdon mi 'tshal// bcom ldan 'das gang dag 'dir phyin pa'i// sems can dag la dbugs dbyung mdzod/ / sems can yongs su smin pa'i phyir// 'di ni dpa' bo'i spyod yul lo// bcom ldan 'das kyis bka' stsal pa// ji skad smras pa de bzhin te// gang na kun gzhi thos 'gyur zhing // / shes rab kyis ni sems can gnas// de ni ting 'dzin spyod yul lo// de ni nam mkha'i snying po yi// byang chub sems dpa' spyod yul te/ snang ba med cing spros med pa'i// ting nge 'dzin ni de yis bstan/ / lta ba gnyis la gang chags pa// phyi phyir zhing ni rmongs par 'gyur// rtag dang chad la chags pa ni// pha rol tshu rol shin tu rmongs// lta ba gnyis po 'di dag las// rab tu grol bar su 'dod pa// brjod du med par bsgom par gyis// de ni myur du sa thob 'gyur// kye grogs po dag/ gzhan yang byang chub sems dpa' sems dpa' chen po las thog ma pa la de nyid brjod du yod pa'i 'du shes kyi tshul gyis/ / dmigs pa dang bcas pa'i pha rol tu phyin pa drug brjod par bya ste/ 'di lta ste/ ci nas kyang 'byung ba chen po rnams kyi rang
- 5a
bzhin skye zhing 'jig pa shes par byas nas/ de'i 'og tu gzod chos thams cad brjod du med pa'i ngo bo nyid mi skye ba/ mi 'gag pa/ mi dmigs pa/ cung zad kyang med pa'i 'du byed thams cad bsgom par bya ste/ ci nas kyang rtag pa dang / chad pa spangs par 'gyur ba dang / mi 'jigs mi sngangs/ skrag par mi 'gyur ba dang / chos thams cad la tshogs par dmigs pa'i sems su ma gyur par byas na/ de myur du pha rol tu phyin pa drug yongs su rdzogs shing / phyin chad kyang chad pa dang / rtag par mi gnas par 'gyur ro zhes bcom ldan 'das kyis bka' stsal nas/ 'khor der lhags pa thams cad kyang sngon gzugs kyi snang ba ji ltar mthong ba dang / thos pa dang / rtogs pa dang / shes pa de bzhin du 'khor der mthong bar gyur pa dang / de nas bcom ldan 'das kyis phyag g.yas pa brkyang ste/ 'di skad ces bka' stsal to// nam mkha'i snying po zhes bya ba'i byang chub sems dpa' sems dpa' chen po/ / ting nge 'dzin rgya mtsho dang mtshungs pa/ byang chub sems dpa'i bslab pa ri rab dang mtshungs pa/ ye shes nam mkha' dang mtshungs pa/ brtson 'grus rlung dang mtshungs pa/ bzod pa rdo rje dang mtshungs pa/ byang chub sems dpa' thams cad kyi rgyal mtshan gyi mchog lta bu/ mya ngan las 'da' ba'i gnas su 'gro ba rnams kyi ded dpon lta bu/ dge ba'i rtsa ba thams cad kyi
- 5b
/ ni gter lta bu/ sdug bsngal ba thams cad kyi ni bum pa bzang po lta bu/ mun par bcug pa rnams kyi ni nyi ma lta bu/ lam stor ba rnams kyi ni zla ba lta bu/ 'jigs pa rnams kyi ni ri rab lta bu/ nyon mongs pa'i nad kyis yongs su gdungs pa rnams kyi ni sman bcud kyi khu ba dam pa lta bu/ dge ba'i rtsa ba chad de lhung ba rnams kyi ni 'khar ba lta bu/ 'phreng bas 'tsho ba rnams kyi ni me tog lta bu/ sdom pa spyod pa rnams kyi ni me long lta bu/ ngo tsha ba dang 'dzem pa yongs su spangs pa rnams kyi ni gos lta bu/ mya ngan las 'da' bar 'gro ba rnams kyi ni zam pa lha/ bu/ pha rol tu 'gro ba rnams kyi ni gru lta bu/ mtho ris su 'gro ba rnams kyi ni skas lta bu/ tshig ngan pa dang skur pas nyen pa rnams kyi ni gdugs lta bu/ phas kyi rgol ba rnams kyi ni seng ge lta bu/ char pa rnams kyi ni chu lta bu/ bdud kyi dgra rnams kyi ni go cha lta bu/ bslab pa 'khrul pa rnams kyi ni mig 'byed pa lta bu/ dge ba'i rtsa ba'i 'bru thams cad kyi ni sa lta bu/ nad pa rnams kyi ni sman pa lta bu/ bkres pa rnams kyi ni 'bru lta bu/ skom pa rnams kyi ni zla ba'i nor bu lta bu/ ngal ba rnams kyi ni mal lta bu/ ting nge 'dzin dang ldan pa rnams kyi ni nyi ma'i nor bu lta bu/ byang chub kyi lam du zhugs pa rnams kyi ni shing rta lta bu/ skyed mo tshal na rtse ba rnams kyi ni rdzing bu lta bu/ byang chub kyi phyogs la brtson pa rnams kyi ni 'phreng ba lta
- 6a
bu de tshur 'ong ste/ rigs kyi bu de pha rol tu phyin pa rnams kyi ni 'bras bu lta bu/ rigs kyi bu de sa bcu dang ldan pa rnams kyi ni nor bu yid bzhin lta bu/ rigs kyi bu de dpa' bar 'gro ba'i ting nge 'dzin dang ldan pa rnams kyi ni kun tu 'tsho ba'i shing dang 'dra ba gcod pa'i phyir/ lta ba ngan pa'i sbyor ba thams cad kyi ni mtshon lta bu/ 'jom pa'i phyir bag chags kyi mtshams sbyor ba'i nyon mongs pa rnams kyi ni rdo rje lta bu/ bdud rnams kyis ni mi zlogs pa/ thabs can rnams kyi ni tshes grangs ye shes kyi ni 'byed pa'i sangs rgyas kyi chos thams cad kyi ni gnas/ rang rgyal ba rnams kyi ni 'phreng ba dang mtshungs pa/ nyan thos thams cad kyi ni gos dang mtshungs pa/ lha rnams kyi ni mig lta bu/ mi rnams kyi ni lam lta bu/ byol song du gyur pa rnams kyi ni skyabs/ yi dgas rnams kyi ni rten/ sems can dmyal ba pa rnams kyi ni mgon/ sbyin gnas kyi sems can rnams kyi ni snod tu gyur pa/ byang chub sems dpa' thams cad kyi ni shing rta lta bu/ rigs kyi bu de dus gsum du gshegs pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyi ni blon po lta bu/ chos kyi grong khyer gyi sgo srungs yin te/ rigs kyi bu de sangs rgyas kyi chos ma 'dres pa bco brgyad kyi bar gyis ni brgyan/ thams cad rdzogs pa'i
- 6b
sangs rgyas kyi ye shes dang ni ldan/ rigs kyi bu de de bzhin gshegs pa ma gtogs par/ sems can thams cad kyi mchod pa'i dam pa thams cad kyis mchod par bya ba yin gyis// da khyed 'di ltar lhags pa thams cad kyis bsu bar gyis shig/ mchod pa dang / bkur sti thams cad kyis de la ci nus par rin po che'i gdugs dang / rgyal mtshan dang / ba dan sna tshogs dang / me tog dang / dri dang / 'phreng ba dang / byug pa dang / lha'i gos dang / rgyan dang / snod sna tshogs kyis bkur stir gyis shig/ rim gror gyis shig/ bsti stang du gyis shig/ mchod par gyis shig/ lam gyi byi dor gyis shig/ brgyan par gyis shig/ bstod pa sna tshogs kyis bstod par gyis shig/ khyed thams cad kyang de lta bu'i yon tan thob pa dang / snod du gyur par ring po mi thogs par 'gyur ro// de nas 'khor lhags pa ma lus pa thams cad kun stan las langs nas/ byang chub sems dpa' sems dpa' chen po/ nam mkha'i snying po phyogs gang logs na snang ba'i phyogs de logs su mngon du phyogs nas thal mo sbyar te/ snying ni rab tu dga'/ bzhin ni rab tu 'dzum// mig kyang rab tu dang bas lta zhing 'dug par gyur pa dang / 'khor de na byang chub sems dpa' sems dpa' chen po dang / nyan thos chen po dang / lha'i dbang po dang / klu'i dbang po dang
- 7a
gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / drang srong lnga mngon par shes pa de dag thams cad 'di snyam du sems par gyur te/ bdag cag gis rigs kyi bu 'di la tshogs kyi mchog ji lta bu zhig gis bkur bstir bya snyam mo/ / de nas de'i tshe byang chub sems dpa' sems dpa' chen po nam mkha'i snying pos/ mi mjed kyi sangs rgyas kyi zhing 'di thams cad ma lus par rin po che bdun las byas shing / ri dang 'brog dang / ri skam dang / phug dang / grog po dang / ga yang sa dang / rtswa dang / rtsig pa dang / bong ba dang / gseg ma dang / dri nga ba la sogs pa med la/ lag mthil ltar mnyam par sprul to// des dpal dri za'i skad du brjod pa'i glu'i dbyangs dang / shing thams cad kyang rin po che sna bdun las byas te/ dri zhim pa dang / 'dab ma dang / me tog dang / 'bras bur ldan par sprul to// shing rlon dang / rtswa dang / skam shing dang / 'dab ma sa la gnas pa thams cad kyang rin po che sna bdun las byas par sprul to/ / mi mjed kyi 'jig rten gyi khams 'di thams cad na yang / nad ni rab tu med/ sems can dmyal ba dang byol song dang / gshin rje'i 'jig rten pa rnams kyi sdug bsngal ba thams
- 7b
cad kyang rab tu zhi/ sems can dag gis kyang zas dang / skom dang / gos dang / chos gos dang / rgyan dag thob par gyur to// de'i tshe gang mi mjed kyi 'jig rten gyi khams su gtogs pa'i sems can de dag thams cad kyang bsam pa yongs su rdzogs par gyur te/ bzang ba mdzes pa/ blta na sdug pa/ mdzes pa'i mdangs dam pa rdzogs pa dang ni ldan yan lag thams cad ni yongs su rdzogs/ rdul med pa rab rib dang bral bar snang ba'i dkyil 'khor gyi 'od kyis ni mdzes par byas/ nyon mongs pa rnams dang ni bral/ sems ni rab tu zhi/ dge ba thams cad la ni sems mos/ dkon mchog gsum la ni sems rab tu dang bar gyur nas/ 'khor der lhags pa'i sems can de re re'i lag pa gnyis ka na yang / nor bu rin po che thogs par mngon par sprul nas/ nor bu rin po che de re re las kyang so so'i tshul gyi 'od gzer gyi snang ba byung bar gyur te/ mi mjed kyi 'jig rten gyi khams 'di thams cad ma lus par snang ba chen po des khyab par gyur to/ / nor bu rin po che de las kyang sil snyan sna tshogs byung bar gyur to// nor bu rin po che sna tshogs kyi char yang mngon par bab par gyur to// gos bzang po sna tshogs kyi char dang / rgyan sna tshogs kyi char dang / me tog sna tshogs kyi char dang / dri sna tshogs kyi char dang / 'phreng ba sna tshogs kyi char dang / gdugs sna tshogs kyi char dang /
- 8a
snod sna tshogs kyi char dang / 'bras bu sna tshogs kyi char yang bab par gyur to// lha rdzas kyi gos dang / chos gos dang / gser gyi skud pa dang / mu tig gi se mo do dang / me tog pad+ma dang / ut+pa la dang / ku mu dA dang pun da ri ka dang / u ra gra sa ra dang / tsan ngan sbrul gyi snying po dang / shing ta ma la'i 'dab ma dang / tsan dan sbrul gyi mgo lta bu'i phye mas lam mer bkram par mngon par gyur to/ / lam de'i g.yas g.yon gnyi ga brgya byin gyi khang pa rnam par rgyal ba dang 'dra ba rin po che'i khang pa yang mngon par sprul te/ khang bden 'dod pa'i dbang po'i btsun mo gtso mo dang / sbas dang / dra ma dag yan lag lnga dang ldan pa'i sil snyan sgrogs shing / rtse dga' yongs su spyod pa de 'dra ba dag der sprul to// bcom ldan 'das kyi dbu'i spyi bo'i ste nam mkha' la lha rdzas kyi nor bu rin po che las byas pa'i tshangs pa chen po'i gdugs lta bu dpag tshad brgya tsam la rin po che'i dra ba'i skud pa dang / mu tig gi se mo dos brgyan pa mngon par sprul te/ rgyan de las kyang lha las 'das pa'i sil snyan yan lag brgyad dang ldan pa'i dbyangs kyi sgra byung ngo // rtswa dang / shing dang / 'dab ma dang / me tog dang / 'bras bu la sogs pa gang ci yang rung ste/ sa la gnas pa de dag thams cad las kyang lha las 'das pa'i yan lag lnga dang ldan pa'i sil snyan las bstod pa'i sgra 'byung ba grag ste/
- 8b
de gang gi rna bar thos pa'i sems can de dag bla na med pa yang dag par rdzogs pa'i byang chub las phyir mi ldog par gyur to// de nas 'khor de dag thams cad kyis/ byang chub sems dpa' sems dpa' chen po nam mkha'i snying po'i tshogs chen po de mthong ste/ shin tu ngo mtshar ba dang rmad du byung ba'i chos thob nas/ de dag 'di snyams du gyur te/ bcom ldan 'dra kyi spyan sngar skyes bu dam pa de'i stan ji lta bur bshams snyam mo/ / de nas de'i tshe bcom ldan 'das kyi spyan sngar rin po che las byas pa'i me tog pad+ma sdong bu ni dngul/ lo ma ni gser/ snying po ni rin po che a mra gar ba/ ze ba ni nor bu rin po che tshangs pa'i 'od zer las byas pa/ zheng du rgyang grags gcig tsam yod pa/ me tog pad+ma'i ze ba'i stan rnam pa brgya phrag/ stong du mas yongs su bskor cing mdun du bdar ba'i pad+ma byung nas/ pad+ma'i stan de la byang chub sems dpa' sems dpa' chen po// nam mkha'i snying po skyil mo krung bcas te 'dug par snang ngo / / de'i spyi bo la yang nor bu rin po che 'dug par snang ngo // de bzhin du byang chub sems dpa' sems dpa' chen po nam mkha'i snying po'i g.yog byang chub sems dpa' sems dpa' chen po dpa' bar 'gro ba'i ting nge 'dzin thob pa/ brgya byin thogs pa'i nor bu rin po ches brgyan pa/ brgya stong phrag mang po rnams kyang rang rang gi pad+ma'i ze ba'i stan la 'khod par snang ngo //
- 9a
de nas de'i tshe byang chub sems dpa' sems dpa' chen po byams pas/ byang chub sems dpa' sems dpa' chen po sman gyi rgyal po la 'di skad ces smras so// byang chub sems dpa' grags chen rnams/ / gang dag sngon du 'ongs pa ni// gus dang ldan pas phyag byas te// phyi nas stan la 'dug byed na// skyes bu dam pa 'di 'ongs nas// tshogs chen dag kyang bstan gyur na/ / ston la phyag kyang ma 'tshang bar// stan la 'dug pa lta bur snang // sman gyi rgyal pos smras pa/ skyes bu dam pa 'di nyid ni// sangs rgyas chos la rab gnas mthong // rtog pa kun la mi gnas pas/ / sems can du ni mi mthong ngo // byang chub sems dpa' byams pas smras pa/ yang dag mtha' la gnas pa'i phyir// da ltar sems can mi mthong na// tshogs chen de ni ci phyir bstan/ / the tsom gyur pa bshad par gsol// sman gyi rgyal pos smras pa/ kun tu rtog pa'i spyod yul can// byis pas don dam mi shes te// sems can smin par bya ba'i phyir// 'di ni dpa' bo'i thabs yin no// don dam gyis ni sdug bsngal ba// de dag rab tu dgrol ba'i phyir// mkhas pa kun rdzob bden pa yis// 'di 'dra ba yi tshogs bstan to// de nas bcom ldan 'das kyis/ byang chub sems dpa' sems dpa' chen po sman gyi rgyal po la legs so zhes bya ba byin te/ legs so legs so// skyes bu dam pa khyod kyis
- 9b
ji skad smras pa de bzhin te/ so sor skye bo byis pa lta bu'i sems can thams cad ji snyed pa de dag thams cad kyis kyang / rgyun tu zhugs pa gcig gi spyod yul dang / sbyor ba dang / rnam par grol ba mi shes so/ / yongs su brtag pa bzung nas/ gal te sems can thams cad rgyun tu zhugs par gyur na yang / de dag gis la ni cig phyir 'ong ba gcig gi spyod yul dang // sbyor ba dang / rnam par grol ba mi shes te/ de bzhin du lan cig phyir 'ong ba rnams kyis kyang phyir mi 'ong ba dang / phyir mi 'ong ba rnams kyis kyang / dgra bcom pa dang / dgra bcom pa rnams kyis kyang / rang sangs rgyas kyis mi shes te/ gal te sems can thams cad bse ru dang 'dra ba'i rang sangs rgyas su gyur kyang / de dag thams cad kyis/ byang chub sems dpa' mi skye ba'i chos la bzod pa thob pa gcig gi spyod yul dang / rnam par grol ba dang / don dam pa la brtag pa dang / sems can yongs su smin par bya ba'i sbyor ba mi shes so// yongs su brtag pa bzung na/ gal te sems can thams cad mi skye ba'i chos la bzod pa thob par gyur kyang / de dag gis byang chub sems dpa' so sor rig pa thob pa/ dpa' bar 'gro/ ba'i ting nge 'dzin thob pa gcig gi spyod yul dang / mos pa dang / don dam pa'i bden pa la brtag pa'i byin gyis brlabs mi shes so// rigs kyi bu byang chub sems dpa' sems dpa'
- 10a
chen po nam mkha'i snying po 'di yang / mi skye ba'i chos la bzod pa thob/ so sor rig pa thob/ dpa' bar 'gro ba'i ting nge 'dzin thob nas/ bskal pa dpag tu med pa 'das te/ ji ltar da ltar tshogs chen po 'dus pa'i sems can rnams kyi bsam pa dang / bag la nyal ba dag shes nas/ ji ltar 'dir sems can kha cig tshogs chen po 'dir 'ong zhing lta ba'i phyir/ 'dod chags dang bral ba'i sa la gnas par 'gyur ba dang / ji ltar rigs kyi bu de 'di nyid du mi snang bar gyur nas/ nub phyogs nas 'dir 'ong zhing nyan thos dang / rang sangs rgyas rnams dang thun mong ma yin pa mtha' yas pa'i nam mkha' mtha' yas skye mched kyi mngon par shes pa dang / ting nge 'dzin kyang bstan/ sems can thams cad kyang skyo bar byas nas/ de'i 'og tu sems can dpag tu med pa yongs su smin par bya ba'i phyir/ kun rdzob kyi bden pas bsgrub pa'i tshogs chen po yang bstan/ ting nge 'dzin gyi tshogs chen po yang bstan pa bzhin no/ / gal te rigs kyi bu de don dam pa'i bden pa mi skye ba'i tshogs ston du zin na/ lha dang bcas pa'i 'jig rten rmongs par 'gyur/ bslad par 'gyur ro// byang chub sems dpa' sa brgyad la gnas pa'i bar du yang bslang bar 'gyur bas 'di'i spyod yul dang / sbyor ba'i mtshan ma bstan par mi nus te/ de ltar chos zab mo'i yon tan la gnas so//
- 10b
rigs kyi bu de ni thabs shes pa la mkhas so// sangs rgyas kyi chos rgya mtsho thams cad la gnas so// the tshom med do// ye shes gzhan la rag ma lus pa la mkhas so// byang chub sems dpa' thams cad kyi rgyal mtshan gyi mchog rgyal po la 'os pa dang 'dra'o/ / rigs kyi bu byang chub sems dpa' nam mkha'i snying po de ni sems can thams cad mtho rasi dang thar par skye bar ston to/ / sems can thams cad kyi sems kyi nyon mongs pa'i nad las yongs su thar bar byed pa'o// lus kyi dug 'byung ba chen po'i nang gso bar byed pa'o// sems can gang dag lta ba ngan pas sdug bsngal bar gyur pa'i 'khor ba'i 'brog bslad nas/ / mtho ris dang thar par gnas pa'i thabs mi shes pa de dag kyang gal te/ byang chub sems dpa' nam mkha'i snying po'i ming rjod par byed/ phyag 'tshal bar byed/ dri 'bul/ a ka ru'i bdug pas bdug par byed na/ rigs kyi bu de ni de dag gi bsam pa dang / bag la nyal ba dang / de dag gi nyon mongs pa dang ldan pa'i lta ba sems dang 'brel pa ci 'dra ba dang / sngon gyi dge ba'i rtsa ba bskyed pa ci 'dra ba la yang rtog cing / sems sbyang ba ji lta bur bya ba'i rigs pa dge ba'i rtsa ba sangs rgyas la bskyed pa 'am/ chos la bskyed pa 'am/ dge 'dun la bskyed pa 'am/ bsod nams bya ba'i dngos po sbyin pa'i rang bzhin nam/ tshul khrims kyi rang bzhin nam/ bsgoms pa'i rang
- 11a
bzhin yang rung ste/ de dag thams cad rmi lam na'ang rung / sang ba'i tshe yang rung ste/ de bzhin du thabs mkhas pas mngon sum du lam drang po'i thabs kyis ston te/ thabs des lta ba ngan par byed pa smon lam ngan pa'i bsam pa dang / skyabs ngan pa dang / ngan par 'jug pa'i sems las myur du thar par byed do// ci nas kyang de'i lus dang / ngag dang yid gyi sbyor ba drang por 'gyur ba dang / smon lam drang po dang / dge ba'i bshes gnyen drang po dang bsten par 'gyur ba dang / myur du dri mi zhim pa dang / nyon mongs pa dang / sdig pa'i lta ba las yongs su thar bar 'gyur ba dang / de dag gi ngan song du 'gro ba'i sdig pa'i las thams cad smon lam gyi dbang dang / legs par spyad pa'i las kyis myur du byang bar 'gyur ba dang / de dag myur du bdag gi sems la dbang thob par 'gyur ba dang / zab mo'i bzod pa la gnas par 'gyur ba'i thabs ston to// gang yang sems can lus la nad sna tshogs kyis gzir ba dang / gang yang sems g.yengs pa dang / gang dag gi mig gi bar chad byas pa dang / lce bcings pa dang / gang dag la yan lag gang yang rung ba zhig nyams par gyur na/ gal te de dag gis nad rab tu zhi bar bya ba dang / nad med pa thob par bya ba'i phyir snying thag pa nas/ byang chub sems dpa' sems dpa' chen po// nam mkha'i snying po'i ming nas rjod par byed cing / a kar+ya
- 11b
dang / ta ka rus gdugs nas/ skyes bu dam pa nam mkha'i snying po la phyag 'tshal na/ rigs kyis bu ni de dag gi rmi lam na bram ze'i gzugs kyis mdun du 'dug gam/ brgya byin gyi gzugs sam dpal gyi gzugs sam/ dbyangs can gyi gzugs sam/ rgyal rigs kyi gzugs sam/ blon po'i gzugs sam/ dpa' bo'i gzugs sam/ sman pa'i gzugs sam/ pha'i gzugs sam/ ma'i gzugs sam/ khye'u'i gzugs sam/ bu mo'i gzugs kyis rmi lam na nad pa'i mdun du 'dug ste/ de'i nad zhi bar bya ba'i phyir sman dang yo byad du gyur pa thams cad de bzhin du ston te/ nad pa'i sbyor ba cig gis nad thams cad zhi bar 'gyur ro// de bzhin du gang zhal ta dang / longs spyod 'dod pa dang / gang kha ton dang / thos par 'dod pa dang / gang dben par 'dod pa dang / gang bsam gtan la bsam gtan byed pa dang / shes rab 'dod pa dang / gang yang grags par 'dod pa dang / gang bzo skyong bar 'dod pa dang / gang dbang phyug 'dod pa dang / gang gzugs 'dod pa dang / gang nor 'dod pa dang / gang dam pa 'dod pa dang / gang rigs 'dod pa dang / gang bu 'dod pa dang / gang g.yog 'dod pa dang / gang yon tan 'dod pa dang gang sbyin pa 'dod pa dang / gang tshul khrims 'dod pa nas/ gang shes rab kyi bar du 'dod pa dang / gang tshig 'jam po 'dod
- 12a
pa dang / gang sems can rnams dang 'thun par 'dod pa dang / gang sdig pa thams cad las thar par bya bar 'dod pa dang / gang sbyin pa la gzhog par 'dod pa nas shes rab la gzhag pa'i bar du 'dod pa dang / tshe ring bar 'dod pa dang / nye bar spyod pa dang / yongs su spyod pa dang mi 'bral bar 'dod pa dang / sems can ser sna can rnams gtong ba la gzhog par 'dod pa dang / ngang tshul ngan pa dag tshul khrims la gzhog par 'dod pa dang / le lo can dge brtson 'grus la gzhog par 'dod pa na/ de dag la rigs kyi bu 'di ni thabs ston par byed do/ / gang snying rje chen po dang ma bral zhing / bdag la lta zhing / sems can thams cad la btang snyoms su byed la/ bdag gi thabs gang gis sems can 'di dag bla na med pa yang dag pa'i byang chub la sems gzhag pa dang / thabs mkhas pa la dgod pa dang / tshangs pa'i gnas bzhi nas snying rje chen po'i bar la dgod par bya snyam du sems pa des/ byang chub sems dpa' nam mkha'i snying po la phyag bya'o/ / dgon pa 'am/ dbye 'am/ bla gab med pa las a ka ru dang / ta ka ru dang / kA la a nu sa ris bdug par bya'o// thal mo sbyar te phyog mtshams kun tu yan lag lngas phyag 'tshal nas/ sngags kyi tshigs 'di bzlas par bya'o// tad+ya thA/ su mri sha su mri sha/ kA ru NI ka/ tsa ra tsa ra/ bi tsa ra/ san tsa ra kA ru NIka/
- 12b
mur mu ra/ be ga d+ha ri/ mA mA tser+dz+nyA dza/ ma hA kA ru NI kA/ tsin tA ma Ni b+hu ra ya/ kA ru NI ka/ sarba shA me swa pA ya ang la d+hA ri sA gung gA gung / ru ti bi be ka gung / kA ru NI ka/ ra ya tra na ma ma A shA/ sarba phaT tsa ra a sho ka/ ga ti swA hA/ sngags 'di lan du mar bzlas te nyal bar bya'o// rigs kyi bu de ni de la mi'i gzugs sam/ ri dgas kyi gzugs/ sam/ bya'i gzugs sam/ bdag nyid du ston pa 'am/ de'i bsod nams kyi skal ba ji lta bu de 'dra ba'i gzugs sam/ tshig gis de la tshul gcig pa de 'dra ba'i thabs ston par byed de/ thabs gcig po des sems can khrag khrig brgya stong du ma dag yongs su smin par byed nus so// gang theg pa la mi gnas pa dang / gang nyan thos kyi theg pa la gnas pa dang gang rang sangs rgyas kyi theg pa la gnas pa'i sems can dag des thang cig yud tsam dang ldan pa'i shes rab dang / thabs cung zad kyis kyang / bla na med pa'i theg pa chen po la phyir mi ldog par gzhog pa nas/ ting nge 'dzin dang / bzungs dang / bzod pa sna tshogs dang / sa bcu la gzhog pa'i bar du nus te/ de ltar byang chub sems dpa' sems dpa' chen po la nam mkha'i snying po de ni thabs dang / ye shes dang / snying rje chen po bsam gyis mi khyab pa dang ldan no// rigs kyi bu nam mkha'i tshad ni la las gzung nus kyi/ rigs kyi bu
- 13a
de'i thabs dang / ye shes dang / byams pa chen po dang / snying rje chen po dang / ting nge 'dzin gyi stobs bskyed pa dang / sems can yongs su smin par byed pa'i tshad bzung bar ni mi nus te/ de ltar byang chub sems dpa' sems dpa' chen po nam mkha'i snying po de ni yon tan bsam gyis mi khyab pa dang ldan no// rigs kyi bu sems can gang g.yo med pa/ sgyu med pa/ yang dag pa'i nan tan dang ldan pa/ lta ba drang po dang ldan pa/ gzhan mi smod pa/ bdag mi stod pa/ phrag dog dang / ser sna spangs pa/ tshul 'chos pa med pa bsam pa lhag pa dang ldan pa de dag la ni/ rigs kyi bu 'di snying brtse bar byed de/ thabs dang / ye shes dang / brtson 'grus dang / brtul ba'i thabs kyang ston cing / sems can de thabs dang / ye shes dang / brtson 'grus dang / brtul ba des de 'dra ba'i sdug bsngal las yongs su thar pa dang / bla na med pa yang dag par rdzogs pa'i byang chub kyi sems skye bar byed do/ / dge ba'i rtsa ba thams cad kyang byang chub tu sngo bar byed do// bla na med pa yang dag par rdzogs pa'i byang chub las kyang phyir mi ldog par 'gyur ro// mthu dang brtson 'grus dang / brtul ba chen po des pha rol tu phyin pa drug yongs su rdzogs par bya ba'i phyir/ spro ba dang brtul ba chen por 'gyur/ myur du bla na med pa yang dag par rdzogs pa'i byang chub
- 13b
mngon par rdzogs par 'tshang rgya bar 'gyur te/ de ltar byang chub sems dpa' sems dpa' chen po nam mkha'i snying po de ni yon tan gyi chos dang / brtul ba bsam gyis mi khyab pa dang ldan pa/ sems can thams cad yongs su smin par byed pa'o// de nas bcom ldan 'das la byang chub sems dpa' byams pas 'di skad ces gsol to// bcom ldan 'das rigs kyi bu 'di ci'i slad du yan lag gi dam pa mgo bo la yid bzhin gyi nor bu rin po che 'chang zhing / de shin tu lham me/ lhang nger gda' la/ byang chub sems dpa' gzhan dag la de ltar ma lags/ / bcom ldan 'das kyis bka' stsal pa/ rigs kyi bu byang chub sems dpa' sems dpa' chen po nam mkha'i snying po 'di ni snying rje chen po dang ldan pa/ sems can la phan pa'i phyir zhugs pa/ sdug bsngal chen po las thar par byed pa ste/ sems can gang dag ltung ba'i rtsa ba byung ba ngan song du 'gro ba/ dge ba'i rtsa ba thams cad sprug par byed pa/ 'jig par byed pa'i sems can de dag la rigs kyi bu 'di ni sman du gyur pa'o// ma rig pa'i mun pa mun nag dang / lta ba ngan pa'i sdug bsngal bar gyur pa rnams la ni 'di nyi ma dang mtshungs pa'o/ / ltung ba'i rtsa ba 'chags su 'jug pa'o// de dag gi snying la the tsom yod pa 'dral bar byed pa'o// gang dag snying gi snod chag pa
- 14a
gyur pa/ ltung ba'i dngos por gyur pa/ phas pham pa'i sems can dge ba'i chos thams cad zhig par gyur pa/ ngan song du 'gro ba/ mgon med pa rten med pa/ mkhas pa thams cad kyis spangs pa rnams la ni/ rigs kyi bu 'di 'khar ba dang mtshungs pa la/ lam ston pa'o// sdig pa thams cad dang / dri mi zhim pa thams cad ston par byed pa 'khru bar byed pa'o/ / 'gro ba ngan pa'i lam las zlog par byed pa'o// shing rta dang mtshungs pa'o// mtho ris dang thar pa la 'jog par byed pa'o// rigs kyi bu 'di ni sems can gang dag sems shin tu 'dod par 'jug pa dang / gang dag shin tu khro ba dang / gnod sems dang / gnod 'chab pa dang / ser snas sems 'khrugs par 'gyur ba dang / gang dag shin tu gti mug gi mun par song ba dang / rgyu med par smra ba dang / 'jig rten pha rol gyis mi 'jigs par lta ba dang / gang dag nor sogs pas chog mi shes pa dang / gang dag mi dge ba'i chos bcu'i bar du rtag tu shin tu ldan pa'i sems can de dag gi ngan song gi sgo gcod par byed pa nas/ shing rta dang mtshungs pa'i bar du yin te/ sems can rnams mtho ris dang thar pa la gzhog par byed pa'o// de bas na de bzhin gshegs pa dgra bcom pa yang dag par rdzogs pa'i sangs rgyas rnams ma gtogs
- 14b
par/ rigs kyi bu 'di ni lha dang bcas pa'i 'jig rten gyis mchod par bya ba yin no// byang chub sems dpa' byams pas gsol ba/ bcom ldan 'das ltung ba'i rtsa ba gang dang ldan na// sems can rnams dge ba'i rtsa ba sprug par bgyid cing / ngan song du 'chi bar 'gyur ba dang / ltung ba'i dngos por 'gyur zhing / lha dang mi'i bde ba thams cad las phas pham pa de la rigs kyi bu 'di mtho ris dang thar pa'i bde bas tshim par bgyid pa'i ltung ba'i rtsa ba de dag gang lags/ bcom ldan 'das kyis bka' stsal pa/ rigs kyi bu rgyal rigs rgyal thabs spyi bo nas dbang bskur ba'i ltung ba'i rtsa ba ni lnga ste/ ltung ba'i rtsa ba de dang ldan na/ rgyal rigs rgyal thabs spyi bo nas dbang bskur ba'i sngon gyi dge ba'i rtsa ba thams cad sprug par 'gyur/ ltung ba'i dngos por 'gyur/ lha dang mi'i bde ba thams cad las phas pham par 'gyur/ ngan song du 'gro bar 'gyur ro// lnga gang zhe na/ rigs kyi bu rgyal thabs spyi bo nas dbang bskur ba/ mchod rten gyi rdzas 'phrog par byed/ dge 'dun gyi 'am/ phyogs bzhi'i dge 'dun la phul ba 'phrog par byed dam/ 'phrog tu 'jug par byed pa 'di ni ltung ba'i rtsa ba dang po'o// gang yang chos spong bar byed de/ nyan thos kyi 'byung bar bshad pa 'am/ rang sangs rgyas kyi 'byung bar bshad pa'am/ theg pa chen po'i 'byung bar bshad pa spong bar byed/ 'gog
- 15a
bar byed/ sbed par byed pa 'di ni ltung ba'i rtsa ba gnyis pa'o// gang yang nga'i phyir mgo dang khwa spu bregs nas/ gos ngur smrig bgos pa bslab pa 'dzin kyang rung / bslab pa mi 'dzin kyang rung / tshul khrims dang ldan yang rung / tshul khrims dang mi ldan yang rung ste/ de'i gos ngur smrig 'phrog cing khyim par byed dam/ lus la chad pas gcod par byed dam/ btson rar 'jug par byed/ srog dang dpral bar byed pa 'di ni ltung ba'i rtsa ba gsum pa'o// gang yang rgyal rigs kyi ched du bsams te/ ma'i srog gcod/ 5 dang bcom ldan 'das kyi nyan thos dgra bcom pa'i srog gcod par byed/ dge 'dun 'dus pa dbye bar byed/ ched du bsams nas/ de bzhin gshegs pa dgra bcom pa yang dag par rdzogs pa'i sangs rgyas la ngan sems kyis khrag 'byin par byed na/ mtshams med pa'i las 'di lnga las gang yang rung ba zhig 'byung bar byed pa 'di ni ltung ba'i rtsa ba bzhi pa'o// gang yang rgyal rigs rgyu med par smra bar gyur/ 'jig rten pha rol la btang snyoms su byed/ mi dge ba'i las kyi lam bcu blangs shing 'jug par byed/ gzhan yang sems can mang po dag mi dge ba'i las kyi lam bcu la 'doms par byed/ gzhog par byed/ gnas par byed pa 'di ni ltung ba'i rtsa ba lnga pa ste/ rigs kyi bu gang yang rgyal rigs rgyal thabs spyi bo
- 15b
nas dbang bskur ba la ltung ba'i rtsa ba 'di lnga las/ ltung ba'i rtsa ba gang yang rung ba zhig byung na/ rgyal rigs rgyal thabs spyi bo nas dbang bskur ba de sngon dge ba'i rtsa ba/ bskyed pa de thams cad sprug par 'gyur ro// ltung ba'i dngos por 'gyur zhing / lha dang mi'i bde ba thams cad las phas pham par 'gyur/ ngan song du 'gro bar 'gyur te/ byang chub sems dpa' nam mkha'i snying po ni de 'dra ba'i yul mtha' 'khob kyi nang du skye zhing 'byung bar ston te/ la lar ni dge sbyong gi gzugs dang / cha lugs dang / spyod lam la lar ni bram/ ze'i gzugs dang / cha lugs dang spyod lam ston to// gang dang gang gis bdag gis skye ba 'byung bar ston pa/ de dang de dag tu rgyal rigs de 'dra ba dag la chos 'chad par byed de/ sngon ma byung ba sngan chad ma byung ba thams cad mkhyen pas bshad pa/ zab mo zab pa'i mdo sde dang / gzungs dang / bzod pa dang / sa dag 'chad par byed/ ston par byed/ de'i phyir/ rgyal rigs rgyal thabs spyi bo nas dbang bskur ba de sngon gyi sdig pa mi dge ba'i las la ngo tsha bar byed/ smod par byed/ 'chags par byed/ gtong bar byed/ spong bar byed cing de sbyin pa dang / dul ba dang / sdom pa dang / brtul ba'i spro ba chen po la gnas shing / mtho ris la rten par 'gyur ro// byams pa blon po'i ltung ba'i rtsa ba'i yang lnga ste/ lnga gang zhe
- 16a
na/ gang yang blon po mdzod rten gyi rdzas 'phrog par byed dam/ phyogs bzhi'i dge 'dun gyi rdzas 'phrog par byed pa 'di ni ltung ba'i rtsa ba dang po'o// gang lung gro 'byed par byed/ gzhongs 'byed pa dang / grong khyer 'byed pa dang / yul 'byed par byed pa 'di ni ltung ba'i rtsa ba gnyis pa'o// gang yang blon po chos spong bar byed de// nyan thos kyi 'byung ba bshad pa'am/ rang sangs rgyas kyi 'byung ba bshad pa 'am/ thams cad mkhyen pa'i 'byung bar bshad pa spong bar byed/ 'gog par byed pa 'di ni ltung ba'i rtsa ba gsum pa'o// / gang yang blon po bcom ldan 'das kyi phyir/ rab tu byung ba la gartse bar byed na/ bslab pa 'dzin kyang rung / bslab pa mi 'dzin kyang rung / tshul khrims dang ldan yang rung / tshul khrims dang mi ldan yang rung ste/ de dag gi gos ngur smrig 'phrog par byed/ khyim par byed dam/ lus la chad pas gcod dam/ brtson rar 'jug par byed dam/ srog gcod par byed pa de ni blon po'i ltung ba'i rtsa ba bzhi pa'o/ / gang yang blon pos mtshams med pa lnga las mtshams med pa gang yang rung ba'i las byed cing / sogs pa 'di ni ltung ba'i rtsa ba lnga pa ste/ rigs kyi bu blon po gang ltung ba'i rtsa ba lnga po 'di dag las ltung ba'i rtsa ba gang yang rung ba zhig byung na/ blon po de sngon dge ba'i rtsa ba bskyed pa thams cad sprug par 'gyur ltung ba'i dngos por 'gyur/ lha dang mi'i bde ba thams cad
- 16b
las phas pham par 'gyur/ sems can dmyal ba la rten par 'gyur te/ de dag gi don gyi phyir/ byang chub sems dpa' nam mkha'i snying po de lta bu'i yul mtha' 'khob gzhan du gnas shing skye ba 'byung bar yang ston te/ la lar ni dge sbyong gi gzugs dang / na lugs dang / spyod lam gyis sems can rnams la chos 'chad la lar ni bu mo'i bar gyi gzugs kyis chos 'chad de/ gang dang gang dag tu skye ba 'byung bar ston pa de dang de dag tu yang blon po de 'dra ba dag la chos 'chad de/ sngon ma byung ba sngan cad ma byung ba/ thams cad mkhyen pas bshad pa/ zab mo zab ba'i mdo sde dang / gzungs dang / bzod pa dang / sa dag 'chad par byed/ ston par byed de/ de'i phyir blon po de sngon byas pa'i mi dge ba'i sdig pa'i las la ngo tsha bar byed/ smod par byed/ las kyi sgrib pa de yang 'chag par byed/ gtong bar byed/ spong bar byed de/ de sbyin pa dang / dul ba dang / sdom pa la brtul ba'i nan tan gyis gnas shing / mtho ris la rten par 'gyur ro/ / rigs kyi bu nyan thos rnams kyi ltung ba'i rtsa ba ni lnga pa'o// lnga gang zhe na/ srog gcod pa dang / ma byin par len pa dang / mi tshangs par spyod pa dang brdzun du smra ba dang / gang de bzhin gshegs pa'i sku 'jom zhing khrag 'byin par byed pa ste/ de lnga'o// gang nga'i nyan thos pa ltung ba'i rtsa ba de lnga las ltung ba'i rtsa ba gang yang rung ba zhig
- 17a
byung na/ rtag tu ji ltar bshad pa bzhin du/ de dag gi don gyi phyir/ byang chub sems dpa' nam mkha'i snying po de lta bu'i yul gzhan dag tu skye ba 'byung bar ston cing / la lar ni dge sbyong gi gzugs dang / cha lugs dang / spyod lam gyis 'chad de/ snga ma bzhin gyi bar du mtho ris la rten par 'gyur ro// theg pa chen po la gnas pa'i rigs kyi bu las thog ma pa'i ltung ba'i rtsa ba ni brgyad de/ ltung ba'i rtsa ba de dag gis 'khrug par gyur pa'i theg pa chen po la gnas pa'i las thog ma pa dag ni/ sngon dge ba'i rtsa ba skyed pa thams cad sprug par 'gyur/ ltung ba'i dngos por 'gyur zhing / lha dang / mi dang / theg pa chen po'i bde ba las phas pham par 'gyur/ ngan song du 'gro bar 'gyur/ dge ba'i bshes gnyen dang / bral zhing 'khor ba na yun ring du gnas par 'gyur ro// brgyad gang zhe na/ sems can gang dag sngon ngan par spyad pa'i rgyus nyon mongs pa/ rnyog pa lnga dang ldan pa'i 'jig rten gyi khams 'dir skyes nas/ de dag dge ba'i rtsa ba chung ngu dang ldan pa las/ dge ba'i bshes gnyen la bsten te gnas te/ theg pa chen po'i shin tu zab pa 'di nyan cing / rigs kyi bu de dag blo chung ngu zin gyis kyang / bla na med pa yang dag par rdzogs pa'i byang chub tu sems bskyed do// de dag gi nang nas byang chub sems dpa' las thog ma pa de shin tu zab pa stong pa dang ldan pa'i mdo sde
- 17b
'di nyan par byed/ lung sbyin par byed/ klog par byed de/ de dag ji ltar thos pa dang / de dag ji ltar kun chub pa bzhin du/ sems can gzhan sngon gyi blo dang 'dra ba dag gi mdun du don dang bcas/ yi 'bru dang bcas pas rgya cher dran par byed/ ston par byed pa dang / dka' ba ma byas pa'i byis pa lta bu'i so so'i skye bo de dag thos nas/ 'jigs par 'gyur/ sngangs par 'gyur/ skrag par 'gyur te/ skrag pas bla na med pa yang dag par rdzogs pa'i byang chub las ldog cing / nyan thos kyi theg pa la sems smon par 'gyur ba de ni/ byang chub sems dpa' las thog ma pa'i ltung ba'i rtsa ba dang po ste/ rigs kyi bu lhung ba'i rtsa ba des dge ba'i rtsa ba sngon bskyed pa thams cad sprugs par 'gyur/ ltung ba'i dngos por 'gyur/ mtho ris dang thar pa'i bde ba las phas pham par 'gyur/ de'i byang chub kyi sems bslus shing ngan song du 'gro bar 'gyur ro// de bas na 'di lta ste/ dper na/ rgya mtsho mching rnams chen po khad kyis gzhol ba de bzhin du// byang chub sems dpas sems can pha rol dang / gang zag pha rol gyi bsam pa dang / bag la nyal ba thog mar shes par bya ste/ byang chub sems dpa' rnams kyi bsam pa ji lta ba bzhin du rim gyis chos bshad par bya'o/ / byang chub sems dpa' nam mkha'i snying po yang de dag gi phyir de lta bu'i yul gzhan dag tu skye zhing 'byung bar ston te/ de'i phyir byang chub sems dpa' las thog
- 18a
ma ba de lta bu'i ltung ba'i rtsa ba 'byung bar gyur la/ ngan song gis 'jig skrag nas/ de dag gal te byang chub sems dpa' nam mkha'i snying po'i ming thos nas/ ltung ba de dag bshags pa'i phyir mthong bar 'dod na/ des tho rangs kyi thun la/ a ka ru 'am/ ta ka ru 'am/ bdug pas bdugs nas thal mo sbyar te/ byang chub sems dpa' nam mkha'i snying po'i ming nas brjod par bya'o/ / de'i skal ba ji lta ba bzhin du/ rigs kyi bu des sems can de mthong nas/ de ltar 'di lta bu'i gzugs su ston te/ la la'i mdun du ni tha mal par 'dug ste chos 'chad do// / la la'i mdun du ni bram ze'i gzugs kyis/ la la'i mdun du ni bu mo'i gzugs kyi bar du 'dug ste/ byang chub sems dpa' las dang po pa de'i ltung ba'i rtsa ba ji ltar byung ba de dag 'a chags su 'jug go/ bla na med pa theg pa chen po'i spyod pa zab pa/ thabs mkhas pa yang de la ston par byed do// ting nge 'dzin dang / bzod pa dang / gzungs dang / sa'i bar du yang 'jog par byed do// de'i phyir ngan songs thams cad las yongs su thar cing / bla na med pa yang dag par rdzogs pa'i byang chub las kyang phyir mi ldog par 'gyur te/ pha rol tu phyin pa drug la rdo rje bzhin du mthu che zhing / brtul ba bstan par 'gyur/ myur du bla na med pa yang dag par rdzogs pa'i byang chub tu yang mngon par rdzogs par 'tshang rgya bar 'gyur ro// gal te des bdag nyid mdun du mngon sum du ma bstan na//
- 18b
byang chub sems dpa' des skya reng 'byung ba'i dus kyi tshe langs te/ skya reng la gsol ba gdab par bya ste/ 'di skad pa rjod par bya'o// sa reng skya reng thugs rje chen po dang ldan pa skya reng khyod 'dzam bu'i gling 'dir sha ra ma thag tu/ bdag la thugs rjes dgab par mdzod cing // nam mkha'i snying po thugs rje chen po la bdag gi tshig gis gsungs te/ ci nas kyang de bdag gi rmi lam du ston cing / de'i slad du bdag ltung ba'i rtsa ba 'chags par 'gyur ba dang / 'phags pa'i theg pa chen po las thabs dang ldan pa'i ye shes kyi mig chen po thob par 'gyur bar mdzod cig ces bya ste/ des de'i tshe mal du gnyid log par bya'o// skya reng shar ma thag tu yang byang chub sems dpanam mkha'i nga chub sems dpa' las thog ma pa ltung ba byung ba de'i rmi lam du ston par byed de/ ye shes kyi thabs chen pos de'i ltung ba'i rtsa ba yang 'chags su 'jug go/ thabs dang ldan pa'i ye shes kyang snyan par byed de/ de'i phyir byang chub sems dpa' las thog ma pa de de nyid du/ byang chub kyi sems mi brjed pa zhes bya ba'i ting nge 'dzin thob par 'gyur ro// theg pa chen po la yang shin tu gnas par 'gyur ro// pha rol tu phyin pa drug kyang myur du yongs su rdzogs par 'gyur ro// gzhan yang byang chub sems dpa' las thog ma pa dag la la zhig la khyod kyis pha rol tu phyin pa drug la spyod mi nus/ khyod bla na med pa yang dag par rdzogs pa'i byang chub tu mngon par rdzogs
- 19a
par 'tshang rgya bar mi nus kyis/ khyod myur du nyan thos kyi theg pa 'am/ rang sangs rgyas kyi theg pa la sems skyed cig dang / de'i phyir khyod myur du 'khor ba las 'byung bar 'gyur ro zhes/ ji ltar sngar bshad pa'i bar du de skad ces zer na/ de ni byang chub sems dpa' las thog ma pa'i ltung ba'i rtsa ba gnyis pa'o// gzhan yang byang chub sems dpa' la thog ma pa la la zhig la/ kye khyod kyis so sor thar pa'i 'dul ba dang / tshul khrims dang legs par spyad pas ci zhig bya/ khyod myur du bla na med pa yang dag par rdzogs pa'i byang chub tu sems skyed cig/ theg pa chen po lhogs shig dang / de'i phyir nyon mongs pa'i rkyen gyis khyod kyi lus dang / ngag dang / yid kyis mi dge ba'i las gang cung zad kyang bsgrubs pa de dag de'i phyir dag cing rnam par smin par 'gyur ba med do zhes/ ji ltar sngar bshad pa bzhin gyi bar du de skad zer na/ de ni byang chub sems dpa' las thog ma pa'i ltung ba'i rtsa ba gsum pa'o// gzhan yang rigs kyi bu byang chub sems dpa' las thog ma pa la la zhig la/ rigs kyi bu khyod kyis nyan thos kyi theg pa'i gtam spongs shig/ mnyan cig/ ma glog shig/ gzhan la ma ston cig/ rigs kyi bu khyod kyis nyan thos kyi theg pa'i gtam sba bar gyis shig/ khyod ni de'i phyir 'bras bu chen po thob par mi 'gyur ro// khyod ni de'i phyir nyon mongs pa rnams mthar 'byin par byed
- 19b
kyang mi nus kyis/ khyod theg pa chen po'i gtam la dad par gyis shig/ theg pa chen po nyon cig/ khyod theg pa chen po lhogs shig/ gzhan la ston cig dang / de'i phyir khyod ngan 'gro dang / ngan song gi lam thams cad du 'gro bar mi 'gyur zhing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes de skad smras nas/ gal te de de'i tshig bzhin du byed cing lta ba'i rnam pa de lta bu len par byed na/ gnyis ka yang ltung ba'i rtsa bar 'gyur te/ 'di ni byang chub sems dpa' las thog ma pa'i ltung ba rtsa ba bzhi pa'o// gzhan yang byang chub sems dpa' las thog ma pa dag lce gnyis par 'gyur te/ gzhan du sems la gzhan du ston cing / theg pa chen po 'di yang sgra grags pa dang / tshigs su bcad pa dang / rnyed pa dang / bkur sti'i phyir 'dod par byed/ kha ton byed/ 'dzin par byed/ klog par byed/ 'chad par byed/ pha rol la yang thos pa tsam ston par byed cing / bdag ni theg pa chen po pa yin gyi/ gzhan ni ma yin no zhes de skad zer zhing / rnyed pa dang / bkur sti'i phyir gzhan la phrag dog tu byed la/ pha rol gang las nye bar spyod pa dang / yongs su spyod pa thob par 'gyur ba la/ de'i rkyen gyis de dag 'khrug par 'gyur/ de dag gi mi bsngags pa brjod par byed/ smod par byed/ brnyas par byed/ ngan du brjod par byed/ bdag stod par byed cing / de dag phrag dog gi rgyus bdag mi las bla ma'i chos dang ldan
- 20a
par 'chad par byed de/ de'i phyir dngos po des ltung bar 'gyur/ theg pa chen po'i bde ba las phas pham par gyur nas/ de'i phyir yang theg pa chen po las lci ba chen po'i ltung ba byung bar 'gyur te/ de'i phyir ngan song du 'gro bar 'gyur ro// dper na skyes bu la la zhig rin po che'i gling du 'gro 'dod de// rgya mtsho mching rnams chen por gru las song ba las// rgya mtsho mching rnams chen por gru nyid zhig par gyur pa de bzhin du/ byang chub sems dpa' las thog ma pa yang theg pa chen po'i rgya mtsho mching rnams brgal bar 'dod pa las/ phrag dog gi phyir brdzun smras nas/ de'i rkyen gyis de dag dad pa'i gru zhig cing / shes rab kyi srog dang bral ba thob par 'gyur ro/ / de lta bas na byang chub sems dpa' las thog ma pa phrag dog gi phyir brdzun du smras pa'i rkyen gyis ltung ba lci ba chen po 'byung bar 'gyur te/ de ni byang chub sems dpa' las thog ma pa'i ltung ba'i rtsa ba lnga pa'o/ / gzhan yang rigs kyi bu ma 'ongs pa'i dus na las thog ma pa'i byang chub sems dpa' khyim pa 'am/ rab tu byung ba dag zab pa stong pa nyid dang ldan pa'i mdo sde gzungs dang / bzod pa dang / ting nge 'dzin dang / sas brgyan pa'i skyes bu rigs pa chen po dang ldan pa/ tshegs chung ba'i byang chub sems dpa' rnams kyi spyod yul gyi theg pa chen po'i mdo sde de klog par byed/ 'don par byed/ kha don byed/ bklags nas gzhan la brgya cher ston par byed de/ bdag gis chos 'di dag rang gi blos rtogs nas/ nga snying rje ba'i phyir de ltar khyed la ston
- 20b
gyis/ khyed kyis ci nas kyang chos zab mo 'di la mngon sum du 'gyur ba de ltar sgoms shig dang / de ltar gyi nga bzhin du khyod kyang ye shes mthong bar 'gyur ro zhes smra zhing / chos 'di lta bu zab mo zab pa dag mngon par ni ma byas kyi/ bklags pa tsam gyis bstan to zhes ni mi zer bar rnyed pa dang / bkur sti'i phyir bdag 'tshong bar byed de/ de'i rkyen gyis dus gsum gyi de bzhin gshegs pa dgra bcom pa yang dag par rdzogs pa'i sangs rgyas rnams dang / byang chub sems dpa' sems dpa' chen po dag dang / 'phags pa'i gang zag gi spyan sngar nyes pa dang bcas par 'gyur/ ltung ba ci ba byung bar 'gyur/ lha dang mi rnams theg pa chen pos bslus par 'gyur te/ de ni de'i nyan thos kyi theg par mi 'gyur na theg pa chen po lta ci smos/ theg pa chen po la 'jug pa'i rtogs pa'i khyad par lta ci smos/ bla na med pa yang dag par rdzogs pa'i byang chub lta ci smosa'adi lta ste dper na/ skyes bu zhig 'brog dgon pa chen por song ba las/ bkres pa dang / skoms pa nyen cing ngal bar gyur nas/ de 'bras bu chen po dang ldan pa'i shing gi drung du zas kyi phyir 'dug nas des shing 'bras bu chen po dang ldan pa/ dri dang ldan pa/ ro dang ldan pa bor te/ dug gi shing ro med pa la 'dzegs nas dug gi 'bras bu za'o// zos nas 'chi ba'i dus byed de/ gang zag de yang dpe de dang 'dra bar brjod do// de bas na mir
- 21a
rnyed pa shin tu dkon pa rnyed nas/ dge ba'i bshes gnyen la gnas te/ theg pa chen la 'jug par 'dod pa la rnyed pa dang / bkur sti dang / grags pa'i phyir bdag stong/ gzhan smod pa byed pas ltung ba lci ba de 'dra ba 'byung bar gyur nas/ ltung ba'i rtsa ba de'i phyir shes pa thams cad kyis shin tu smad cing / ngan song du 'gro bar 'gyur te/ gang zag de 'dra ba ni rgyal rigs dang / bram ze dang / rje'u rigs dang / dmangs rigs thams cad kyis mi bsten par bya'o// gang de bsten par byed pa ni shes pa thams cad kyi nges pa dang bcas pa yin te// de yang byang chub sems dpa' las thog ma pa'i ltung ba'i rtsa ba drug pa'o// gzhan yang rigs kyi bu ma 'ong ba'i dus na/ rgyal rigs rnams kyi mdun du 'don pa'i phyag dar pa 'am// blon po'i phyag dar ba 'am/ dpa' bo'i phyag dar pa 'am/ sman pa'i phyag dar ba blun pa/ mkhas pas bsnyems pa/ nor che ba longs spyod che ba dag 'byung ste/ de dag sbyin pa'i bsod nams kyi dngos po rnam pa mang po dag byed par snang ste/ de dag gtor bas rgyags shing dregs nas/ snyems pa dang rgyags pas rgyal rigs dag kyang 'byed par byed/ dge sbyong dag kyang rgyal rigs dang 'byed par byed cing / de dag rgyal rigs la gnas/ dge sbyong dag kyang chad pas gcod par byed de/ nor gyi chad pas 'phrog par byed pas/ gnod pa de'i phyir dge slong de dag gis gang zag gi
- 21b
yang rung / dge 'dun gyi yang rung / phyogs bzhi'i dge 'dun gyi yang rung / mchod rten gyi yang rung ste/ phrogs nas de dag la skyes su 'bul bar byed/ phyag dar ba de dag kyang rgyal rigs la 'bul bar byed de/ de gnyis ka lhung ba'i rtsa ba'i 'gyur ro// 'di ni ltung ba'i rtsa ba bdun pa'o// gzhan yang rgyal rigs kyi phyag dar pa de dge sbyong dang bcas te/ nyes par 'gyur/ chos de lta bu dag kyang chos ma yin par 'dogs/ chos ma yin pa ni chos su 'dogs te/ chos spangs mdo sde dang 'dul ba'i bslab pa la mi lta/ ston pa nag po dang / ston pa chen po la mi lta/ byams pa dang / snying rje chen po dang / shes rab kyi pha rol tu phyin pa'i bslab pa dang / thabs kyi bslab pa dang / gang yang mdo sde gzhan dag las bslab pa bshad pa de yang spangs nas/ dge sbyong dag gtse ba'i phyir/ de 'dra ba'i chos dang mi ldan pa'i bya bar bya ba 'cha' bar byed de/ bya bar bya ba de dag gis dge slong dag gtse bar 'gyur/ zhi gnas dang lhag mthong la sbyor ba'i yid la byed pa gtong bar 'gyur/ bsam gtan pa de dag gnod sems mang bar 'gyur bas/ de'i phyir dge slong dag gi nyon mongs pa ma zhi ba zhi bar mi byed/ srab mor mi 'gyur te/ de'i tshe dge slong dag bsam pa nyams par 'gyur/ tshul khrims nyams par 'gyur/ spyod pa nyams pa dang / lta ba nyams pa 'gyur te/ de'i phyir lhod par 'gyur/
- 22a
phal cher lhod par 'gyur/ tshul khrims nyams par 'gyur/ dge sbyong ma yin na dge sbyong du yi dam 'tshal/ tshangs par spyod pa ma yin na tshangs par spyod par yi dam 'cha' zhing bong bu dang mtshungs pa dang / chos shin tu bsal bar 'chad par 'gyur te/ de dag la rgyal rigs 'khor dang bcas pas shin tu bkur sti byas pa dang / rim gro byas pa dang / mchod pa byas par 'gyur/ de dag gis dge slong spongs pa la brtson pa rnams kyi mi bsngags pa khyim pa la brjod pa dang / rgyal rigs 'khor dang bcas pa de yang dge slong spong ba la brtson pa de dag la zhe sdang zhing 'phya bar 'gyur ro/ / gang de na dge slong spong ba la brtson pa rnams kyi phan pa'i dang / longs spyod du bya ba de kha ton la brtson pa'i dge slong la 'bul bar byas pas/ de gnyi ga ltung ba'i rtsa bar 'gyur ro/ / de ci'i phyir zhe na/ dge slong bsam gtan pa ni zhing dam pa yin gyi/ kha ton pa dang zhal ta la gnas pa ni ma yin pa'i phyir te/ dge slong bsam gtan pa dag ni ting nge 'dzin dang / gzungs dang / bzod pa dang sa dag la snod du gyur pa/ sbyin gnas dam pa/ snod dam par gyur pa/ 'jig rten gyi snang bar byed pa/ lam ston par byed pa/ las kyi zhing dang nyon mongs pa'i zhing las sems can rnams sgrol bar byed pa/ mya ngan las 'da' bar 'gro ba'i lam la gzhog par byed pa'o// rigs kyi bu de ni tshegs ma byung ba/ 'jigs pa dang bral ba'i
- 22b
byang chub sems dpa' las thog ma pa rnams kyi ltung ba'i rtsa ba brgyad pa ste/ ltung ba'i rtsa ba de dag dang ldan na/ byang chub sems dpa' las thog ma pa sngon dge ba'i rtsa ba bskyed pa thams cad sprug par 'gyur/ ngan song du 'gro bar 'gyur/ lhung ba'i dngos por 'gyur/ lha dang mi'i bde ba thams cad las phas pham par 'gyur/ byang chub kyi sems kyis bsdus par 'gyur te/ rigs kyi bu de 'dra ba dag gi phyir byang chub sems dpa' nam mkha'i snying po ni/ de lta bu dag gi yul du skye zhing 'byung bar 'gyur te/ le lar ni dge sbyong gi gzugs dang / cha lugs dang / spyod lam gyis/ la lar ni bram ze'i gzugs dang / cha lugs dang / spyod lam nas/ byol song gi mtshan ma dang / spyod lam gyi bar du gzugs sna tshogs ston te/ rgya cher ji ltar dpa' bar 'gro/ ba'i ting nge 'dzin las 'byung ba bzhin klog par bya ste/ de dang de dag tu sems can de dang de dag la ji ltar mthun pa bzhin du chos 'chad par byed de/ sngon ma byung ba sngan chad ma byung ba/ thams cad mkhyen pas bshad pa'i mdo sde dang / ting nge 'dzin dang / bzod pa dang / sa 'chad pa te/ de'i phyir byang chub sems dpa' las dang po pa thabs mi shes pa ltung ba byung ba dag ngo tsha bar byed ltung ba des 'jigs par byed/ sdang bar byed/ skrag par byed/ ltung ba de dag 'chags par byed/ gtong bar byed/ spong bar byed/ spong bar byed do// gal te sems can de dag byang chub sems
- 23a
dpa' nam mkha'i snying po'i ming thos nas/ mthong bar 'dod cing / ngan song du lhung bas 'jigs te/ ltung ba'i rtsa ba bshags par 'dod na/ gal te de dag byang chub sems dpa' nam mkha'i snying po la phyag 'tshal zhing / de'i ming nas brjod na/ rigs kyi bu de dag gi skal ba ji lta ba bzhin du/ sems can de'i 'dun du tha mal pa'i tshul du 'dug pa 'am/ bram ze'i gzugs nas/ bu mo'i gzugs kyi bar gyis byang chub sems dpa' las thog ma pa de'i mdun du 'dug ste/ ltung ba'i rtsa ba de ji ltar byung ba 'chags su 'jug go// de'i thabs mkhas pazab mo dang / bla na med pa'i theg pa chen po la spyod pa yang ston/ sa dang sa dag tu yang ting nge 'dzin dang / gzungs dang / bzod pa la gzhog par byed de/ rim gyis lam yan lag brgyad kyi bar gyis gzhog par byed do/ / de nas de dag ngan song gi 'jigs pa chen po las shin tu thar par byed de/ bla na med pa yang dag par rdzogs pa'i byang chub las phyir mi ldog pa'i sa la gzhog par byed do/ / de ltar de glog dang mtshungs pa dang / pha rol tu phyin pa drug gi spyod pa la mthu che zhing brtul bar 'gyur ro// de bas na myur du bla na med pa yang dag par rdzogs pa'i byang chub tu mngon par 'tshang rgya bar 'gyur ro/ / gal te de dag la mngon sum du bdag ston par mi byed na/ gang de la gsol bar byed pa'i byang chub sems dpa' las thog ma pa nyes pa dang bcas pas
- 23b
tho rangs kyi thun la langs te/ kha shar phyogs su bstan te 'dug la/ lha'i bu skya reng la gsol ba gdab par bya ba 'di skad du brjod do// skya reng skya reng thugs rje chen po can/ skal ba chen po can khyod 'dzam bu'i gling du shar ma thag tu/ bdag la thugs rjes dadab par mdzod cig/ byang chub sems dpa' nam mkha'i snying po thugs rje chen po can la bdag gi tshig gis sbron te/ bdag gi rmi lam du yang de ston par 'gyur zhing / bdag gis thabs de ltung ba bshags par 'gyur ba dang / 'phags pa'i theg pa chen po la thabs dang ye shes thob par mdzod cig ces smras nas/ des de'i tshe mal du gnyid log par bya ste/ skya reng 'di 'dzam bu'i gling du shar ma thag tu/ byang chub sems dpa' nam mkha'i snying po 'dir 'ong bar 'gyur te/ byang chub sems dpa' las dang po pa de'i rmi lam na/ tha mal par mdun du 'dug ste/ lhung ba'i rtsa ba de yang 'chags su 'jug/ ye shes dang thabs chen pos thabs dang ye shes la mkhas pa gang dag gis/ byang chub sems dpa' las dang po pa de nyid du byang chub kyi sems mi brjed pa zhes bya ba'i ting nge 'dzin thob par 'gyur ba dang / theg pa chen po la shin tu brtan por gnas par 'gyur ba dang / de myur du pha rol tu phyin pa drug yongs su rdzogs par 'gyur ba dang / ring po mi thogs par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu'i thabs dang / shes rab kyang de
- 24a
/ la ston to// de bas na rigs kyi bu byang chub sems dpa' sems dpa' chen po nam mkha'i snying po 'di ni shin tu dpal ba las byung ba'i yid bzhin gyi nor bu rin po che yan lag gi dam pa mgo bo la 'dug par snang ngo / / de lta bas na byang chub sems dpa' sems dpa' chen po nam mkha'i snying po ni yon tan bsam gyis mi khyab pa dang ldan no// rigs kyi bu gzhan yang sems can gang / byang chub sems dpa' nam mkha'i snying po'i ming thos sam/ gzugs 'drir 'jug gam/ de la mchod pa byed dam/ rim gro byed dam/ bsti stang byed/ bkur sti byed/ mchod pa byed cing / me tog dang / dri dang / phreng ba dang / byug pa dang / gdugs dang / rgyal mtshan dang / ba dan rnam pa du ma dag gis bkur sti byed/ phyag 'tshal bar byed/ bdag gi srog kyang de la 'bul bar byed na/ sems can de dag ni mes dus byed par mi 'gyur/ chus ma yin/ mtshon gyis ma yin/ dug gi 'chi bar mi byed de/ de dag tshe zad pa ma gtogs par mi 'am/ mi ma yin pa sus kyang de de dag gi srog 'phrog par mi nus/ dus ma yin par mi 'chi/ nad bu can du mi 'gyur/ bkres pa dang / skom pas dus byed par mi 'gyur/ rgyal po'i chad pas chod par mi 'gyur/ 'chi ba'i dus la bab kyi bar du ltung ba'i rtsa ba 'byung bar mi 'gyur/ de dag mig gis gzugs mi mthong / rna bas sgra mi thos/ sna'i dri mi tshor/
- 24b
lce sa ro mi myong / lus kyi reg mi shes shing / da dung du dbugs phra mo 'byung ba dang 'jug par byed/ da dung du de'i lus la tshe dang / drod dang / rnam par shes pa 'jug par 'gyur ba de'i tshe/ de dag la byang chub sems dpa' nam mkha'i snying po tha mal par ston par byed de/ sems can gang sngon bram ze la gus par gyur pa de dag gi rnam par shes pa la ni/ rigs kyi bu de bram ze'i gzugs su ston to/ / gang 'dod pa'i dbang phyug la gus pa de dag la ni/ 'dod pa'i dbang phyug gi bar du ston pa nas/ gang mthu bo che la gus pa dang / gang dbang phyug chen po la gus pa dang / brgya byin la gus pa dang / 'khor los sgyur ba la gus pa dang / nyi ma dang / zla ba dang / gnas bsrung po dang / 'phags skyes po dang / mig mi bzang dang / ngal bsos po la gus pa dang / gang dag lha dang / ri dang / shing dang / chu mig dang / mtshe'u dang / lteng ka sna tshogs la gus pa'i bar du/ gang dang gang gi skyabs su song ba'i sems can de dag la/ de lta de ltar sems can de dag gi mdun du bstan nas/ gang gi bsam pa ci 'dra ba bzhin du de'i gzugs kyis 'di skad ces smra'o// 'phags pa'i bden pa bzhi dag la// gang dag shes rab kyis mthong ba/ / 'khor ba'i srid pa sgrol ba'i phyir// 'khor ba na ni de kun shes// sems can de dag gis chos 'di dag rnam par shes pas shes par byas nas/ mtho ris la rten par
- 25a
'gyur ro/ / sems can gang dag sangs rgyas la mngon par dad pa de dag gi mdun du 'dug ste/ sangs rgyas kyi gzugs bstan nas 'di skad ces smra'o// sangs rgyas ye shes bden pa yin// srid pa'i rgya mtsho gang sgrol ba// ye shes de la myur du reg/ sdug bsngal kun las grol bar 'gyur// de'i tshe sems can de dag sangs rgyas yid la byed pa'i sgras dga' zhing rangs nas 'chi ba'i dus byas te/ sangs rgyas kyi zhing rnyog pa med pa/ yongs su dag pa/ gang na sangs rgyas bcom ldan 'das bzhugs pa 'tsho ba gzhes pa/ chos kyang ston pa der skye bar 'gyur ro/ / de bzhin du chos dang dge 'dun la glog par bya'o// de lta bas na byang chub sems dpa' nam mkha'i snying po ni yon tan gyi chos bsam gyis mi khyab pa dang ldan no// gang yang ting nge 'dzin rnam pa sna tshogs pa sems kyis shin tu dbang du bya bar 'dod na/ des tho rangs kyi thun la byang chub sems dpa' nam mkha'i snying po la phyag 'tshal te/ mchod pa ci nus kyis bya'o/ / sems can thams cad la byams pa'i sems nye bar gzhag ste/ 'di skad ces brjod do// dgongs shig dgongs shig/ nam mkha'i snying po thugs rje chen po brnyes pa/ bdag la dran pa dang / ting nge 'dzin gyi rnal 'byor stsol cig/ 'di lta ste/ u mu ra na khe/ bag gA ni le/ sa mu dra a ba ta re na nA ya na ya/ ma hA kA ruNI ka/ a nu pa dzam d+hasmi ti/
- 25b
a g+hA dzam pa s+thi ti/ badz+rA dzam b+ha s+thi ti/ ko Shas+thi ti/ a nu pa ma smi ti/ bud d+ha ko Ti s+thi ti swA hA/ de 'dran pa dang / ting nge 'dzin la 'jug pa sbyin par byed do// gang yang sangs rgyas kyi/ bka' yang rung nyan thos kyis bshad pa yang rung ste/ gtsug lag sna tshogs klog par 'dod na/ des khrus byas te/ skya reng 'byung ba'i tshe/ byang chub sems dpa' nam mkha'i snying po la phyag bya'o/ / mchod pa ci nus kyis bya'o// sems can thams cad la byams pa'i sems su bya'o// 'di skad kyang brjod par bya'o// dgongs shig dgongs shig/ mkhas pa chen po sems can thams cad kyi nang na bsam gyis mi khyab pa/ rigs kyi bu nam mkha'i snying po gang zag gi mchog/ dran pa dang / ting nge 'dzin gyi rnal 'byor bdag la stsol cig / 'di lta ste/ a ni la dzi/ bi shan tu sha dzA bi ya ba na dza/ bi pa kli su me/ pa ta la dzA si/ s+tha na sha ra be/ shA sta kar ne/ hu ma hu ma ma hA ka ru NI ka swA hA/ gang rgya mtsho mching rnam chen por 'jug 'dod pa dang / gang khung du 'jug 'dod pa dang / gang bcud dam pa spyod 'dod par gyur pa dang / gang brtson rar bcug pa dang / gang mdza' ba dang bral ba dang / gang mi mdza ba dang phrad pa dang / gang dag mes 'jigs pa dang / chu dang / mtshon dang / drug dang / byang snyam dang / stag dang / seng ge dang / dug drag po dang / rkun po dang / gso
- 26a
can gyis 'jigs par bgyid pa dang / gang dam du bcings pa dang / gang chad pas bcad pa dang / gang gsod pa la thug pa dang / gang nad kyis btab pa dang nad kyis 'jigs pa dang / gang dag chos gos dang / bsod snyoms dang / mal stan dang / na ba'i rkyen gyi sman dang / yo byad kyis phongs pa de dag gal te byang chub sems dpa' nam mkha'i snying po'i ming nas brjod cing / mchod pa ci nus kyis byed la/ sems can thams cad la byams pa'i sems kyis gzhog cing / 'di skad du yang smra ste/ dgongs shig dgo shig/ thugs rje chen po dang ldan pa/ grags po chen po nam mkha'i snying po 'gro ba'i don bzhed pa thugs rje chen po dang ldan pa bdag la gzigs shig/ bdag 'di lta bu las rab tu thar pa mdzod cig/ skal ba stsol cig/ mthu chen po bdag ni sdug bsngal gyis nyam thag go// shin tu dbul lo// bdag ni khyod la gnas nas/ zhi ba dang bde ba'adi dang tshe rabs gzhan du thob par 'gyur ro zhes smras pa dang / byang chub sems dpa' nam mkha'i snying po gzugs tha mal pa nas/ bu mo'i gzugs kyi bar gyis sems can de dag gi mdun du 'dug ste/ dbugs 'byin par byed do// gang dag ci las 'jigs pa de dag de las rab tu thar par byed do// gang dag dbul bgos med pa dang / gang dag yo byad kyis brel ba'i bar du de dag la
- 26b
de lta de ltar bsam pa yongs su rdzogs par byed do/ / yo byad thams cad phun sum tshogs pa'i bar du 'gyur ro// rgyal po'i bu la la zhig gnas chen po'i dbang bskur ba thob par sems pa de/ gal te byang chub sems dpa' nam mkha'i snying po'i ming brjod cing phyag 'tshal la/ mchod pa dang rim gro byed pa la sogs te/ bram ze'i gnas chen po dang / khyim bdag gi gnas chen po dang / bzo'i gnas chen po dang / thos pa'i gnas chen po dang / sgom pa'i gnas chen po dang / gang mos pa'i gnas chen po'i bar du 'dod pa de dag gal te/ byang chub sems dpa' nam mkha'i snying po'i ming thos nas phyag 'tshal bar byed/ khrus byas te gos gtsang ma 'gos nas/ tho rangs kyi thun la/ byang chub sems dpa' nam mkha'i snying po la skyabs su song nas/ gsol ba gdab pa 'di skad du rjod par byed de/ nam mkha'i snying po thugs rje chen po dang ldan pa bdag la skal ba stsol cig/ bsam pa dang / sems pa thams cad dang / bsam pa yid bzhin rab tu rdzogs par mdzod cig/ gang sems shing gang gsol ba thugs rje chen po dang ldan pa khyod kyis mdzod cig ces brjod na/ de nas byang chub sems dpa' nam mkha'i snying pos lha'i rna ba'i khams rnam par dag pa mi las 'das pas skad de thos nas/ sems can de dag la bdag ci rigs par ston te/ de dag la de ltar thabs kyang ston to//
- 27a
byang chub sems dpa' sems dpa' chen po nam mkha'i snying po de ni de lta bu'i thabs kyi yon tan gyi chos dang ldan no// blo rgya mtsho 'ching rnam chen po dang ldan no// rigs kyi bu rgya mtsho 'ching rnam chen po'i thig pa ni la la zhig gis tshad bzung bar nus kyi byang chub sems dpa' sems dpa' chen po nam mkha'i snying po thabs dang ye shes la mkhas pa dang / thabs kyis sems can yongs su smin par bya ba'i tshad ni bzung mi nus so/ / rigs kyi bu phyogs bcu'i nam mkha' mtha' yas mu med pa thams cad kyi tshad ni la las bzung nus kyi/ byang chub sems dpa' sems dpa' chen po nam mkha'i snying po sems can yongs su smin par bya ba'i phyir/ rnam pa sna tshogs su sprul par byed pa ni tshad bzung mi nus te/ la lar ni sems can yongs su smin par bya ba'i phyir/ sangs rgyas kyi gzugs su sprul par byed do// la lar ni bram ze'i gzugs su byed cing / sems can ji lta bus 'dul ba de lta bu'i gzugs kyi bar du sprul par byed de/ de byol song du gtogs pa rnams kyi nang du ni byol seng gi gzugs su sprul par byed do// sems can dmyal ba pa rnams kyi nang du ni sems can dmyal ba pa'i gzugs su sprul par byed pa nas/ gshin rje'i 'jig rten pa rnams la gshin rje'i 'jig rten gyi gzugs kyi bar du sprul par byed do// kha cig la ni mngon sum du sprul pa sprul par byed/ kha cig la ni rmi lam du sprul par byed/
- 27b
cig la sdig pa'i las sprug pa'i phyir/ ngan song las bsgral ba'i phyir/ mtho ris la dgod pa'i phyir/ sems can rnams kyi don gyi phyir/ 'chi 'pho ba'i dus kyi tshe/ rnam par shes pa tha ma rgyu ba'i tshe/ gzugs sna tshogs su sprul par byed de/ de dag de la thog mar skyabs su song zhing mthong ste/ bde ba thob nas mtho ris kyi 'jig rten du gnas pa'i bde ba thob pa'i bar du 'gyur bas// de'i/ phyir sus kyang de'i sprul pa thams cad kyis tshad gzung bar mi nus so// de lta bas na byang chub sems dpa' sems dpa' chen po nam mkha'i snying po 'di ni thabs dang / ye shes kyi yon tan gyi chos bsam gyis mi khyab pa dang ldan no/ / sangs rgyas kyi yon tan chen po dang ldan no// de bas na rigs kyi bu de'i yan lag gi mchog mgo bo la yid bzhin gyi nor bu rin po che 'dug par snang ngo // de nas de'i tshe 'khor 'dus pa thams cad kyis byang chub sems dpa' sems dpa' chen po nam mkha'i snying po la ngo mtshar thob/ rmad du byung ba thob/ bla ma la bkur sti dang / bsti stang du bya ba thob par gyur nas/ thams cad kyis thal mo sbyar te/ byang chub sems dpa' sems dpa' chen po nam mkha'i snying po la mchod pa dang / bkur sti sna tshogs kyis bkur stir byed/ me tog dang / dri dang / phreng ba dang / byug pa dang / mar me dang / bdug pa dang / gdugs dang / rgyal mtshan dang / ba dan dang / chos gos dang / rgyan dang / gos dang / stod pa dang / glu dang / sil
- 28a
snyan dag gis mchod pa byed do/ / byang chub sems dpa' nam mkha'i snying po des kyang / de dag thams cad bcom ldan 'das la phul lo// phul nas bcom ldan 'das kyi/ zhabs la phyag 'tshal nas 'di skad ces gsol to// btsun pa bcom ldan 'das nyon mongs pa/ rnyog pa lnga dang ldan pa'i sangs rgyas kyi zhing 'dir sems can ma rig pa'i mun pa chen pos rmongs pa rnams la/ sangs rgyas kyis don ji ltar bgyi bar nus/ bcom ldan 'das kyis bka' stsal pa/ 'di lta ste/ rigs kyi bu nam mkha' ni ma bcings ma grol ba/ nyon ma mongs pa/ ma rmongs pa rang bzhin gyis dag pa'o// nam mkha' la rlung gi rkyen gyis na/ thul ba'i rdul gyis dkrigs shing yongs su ma dag pa'i mtshan du snang ste/ chus ni zhi bar byed dri ma med cing yongs su dag par 'gyur ro/ / gang na skar ma dang / gza' dang / nyi ma dang / zla ba'i bye brag mi mngon na ni/ skad cig dang thang cig dang / yud tsam dang / nyin mo dang mtshan mo dang / dus dang lo rnams kyi bgrang ba yang mi mngon no// rigs kyi bu de bzhin du de bzhin gshegs pa'i don dam pa stong pa nyid kyi dbang du song ba'i sems ni rang bzhin gyis dang ba yongs su dag pa yin mod kyi/ sems can rnams kyi glo bur du byung ba'i nye ba'i nyon mongs pa rnams kyis/ sems nye bar nyon mongs par byas te/ de dag gi phyir de bzhin gshegs pa thugs
- 28b
rje chen po chu dang mtshungs pas chos 'chad par mdzad do/ / sems nyon mongs par gyur pa'i sems can rnams kyi sems yongs su sbyong bar mdzad pas yongs su dag pa dang / de dag gi sems dri ma med par 'gyur te/ de'i phyir sems can de dag de bzhin gshegs pa'i nyi ma shar nas/ ye she kyi 'od zer gyis tshim par 'gyur ro// sangs rgyas kyi yon tan bsam gyis mi khyab pa la mngon sum du 'gyur te/ / 'di lta ste/ dran pa nye bar gzhag pa bzhi nas/ 'phags pa'i lam yan lag brgyad pa'i bar du gnas par 'gyur ro// sangs rgyas kyi chos ma 'dres pa bco brgyad kyi bar du gnas par 'gyur ro/ / sems can thams cad la snying rje ba la shin tu gnas par 'gyur ro// de dag las kyang 'jig rten du dgra bcom pa rnams 'byung bar 'gyur/ ro// rang sangs rgyas rnams dang / byang chub sems dpa' sems dpa' chen po rnams 'jig rten du 'byung bar 'gyur ro// de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro/ / rigs kyi bu de ji snyam du sems nam mkha' mig la gnas sam/ gsol pa/ bcom ldan 'das de ma lags so// ci mig gi rnam par shes pa la gnas sam/ bcom ldan 'das de ma lags so// ci mig gis kun tu reg pa la gnas sam/ bcom ldan 'das de ma lags so// gang yang nang du mig gis kun tu
- 29a
reg pa'i rkyen gyis tshor ba gsum 'byung ba de la nam mkha' gnas sam/ gsol pa/ bcom ldan 'das de ma lags so// de bzhin du na pa dang / sna dang / lce dang / lus la brjod par bya'o// rigs kyi bu de ji snyam du sems/ nam mkha' yid la gnas pa nas/ yid kyis kun tu reg pa'i rkyen gyis tshor ba gsum 'byung ba de la nam mkha' gnas sam/ gsol pa/ bcom ldan 'das de ni ma lags so// rigs kyi bu de ji snyam du sems/ sems can nam mkha' la gnas sam/ gsol pa/ bcom ldan 'das de ni ma lags so/ / rigs kyi bu de ji snyam du sems/ nam mkha' sems can la gnas sam/ gsol pa/ bcom ldan 'das de ma lags so// de skad ces bka' stsal nas/ bcom ldan 'das la byang chub sems dpa' sems dpa' chen po nam mkha'i snying pos 'di skad ces gsol to/ / bcom ldan 'das gcig la gcig mi rten to// gcig la gcig spyod yul ma lags so// bcom ldan 'das chos thams cad ni rtog pa ma mchis pa stong pa nyid de/ sgom btags pa yang dag pa'i mtha' de bzhin nyid du rtogs par bgyi'o// bcom ldan 'das nam mkha' ni 'di lta ste/ rang gi mtshan nyid tha mi dad pa/ mi rtog pa/ rnam par mi rtog pa/ mi g.yo ba/ gsob lags te/ myu gu ma mchis pa/ sa bon ma mchis pa/ 'bras bu ma mchis pa/ rnam par smin pa ma mchis
- 29b
pa/ yi ge ma mchis pa/ rlom sems ma mchis pa'o// bcom ldan 'das de bzhin du/ byang chub sems dpa' sems dpa' chen pos chos thams cad la de ltar rtogs na/ mi skye ba'i chos la bzod pa thob par 'gyur ro/ / 'di lta ste/ bcom ldan 'das/ bya ba rA dza/ man tak+kA ya/ dzi na dzA ya/ dza na ni/ ma mu ni ha ra/ An ya pha la/ gun gar b+ha/ ni ya ma bi na ya/ pu pa ya sha ta sha pa/ shA ma sha na/ ta thA ga ma/ sha mang gu/ ma du shi sha/ sha ma dze ta nA yi/ kle shan ta/ sang sho sha ne swA hA/ bcom ldan 'das kyis bka' stsal pa/ legs so legs so// rigs kyi bu khyod kyis mig las rgyal bar byed pa/ seng ge'i 'gros kyis phyir bsgyings pa'i gzugs 'dis sems can dag 'chi ba'i tshe/ rnam par shes pa'i tha ma la/ nyon mongs pa'i sgrib pa dang / las kyi sgrib pa dang / chos kyi sgrib pa sdug pa dang / sangs rgyas kyi zhing yongs su dag par gtong nus so// khyod ni 'jig rten gyi khams dpag tu med grangs med par 'gro ba dang / sems can rnams snying rje'i dbang gis grong dang / grong khyer dang / grong 'dab dang / ljongs dang / pho brang 'khor dang / rgyal po'i pho brang du/ gzugs dang / cha lugs dang / spyod lam sna tshogs kyis theg pa chen po'i mdo sde sna tshogs 'chad pa dang / sems can yongs su smin par bya ba dang / rgyal rigs kyi phyag dar ba nas/ dge sbyong gi phyag dar ba'i bar du sdig pa'i chos las
- 30a
spang ba dang / thams cad dge ba'i chos la gzhag par nus so// bcom ldan 'das kyis 'di bstan pa'i tshe/ lha dang mi'i skye dgu dpag tu med grangs med pa dag gis ting nge 'dzin dang / gzungs dang / bzod pa sna tshogs thob par gyur to// gzhan dag kyang sa bcu la ye shes skyes par gyur to// srog chags khri ni mi skye ba'i chos la bzod pa thob par gyur to/ / sems can dag gis gang dag rtsod 'gyur ba// de dag gi ni gzhi yi rtsa ba spongs// myur du mthong bar 'gyur ba dag gi ni// rtsa ba bzhi po thams cad 'gyur bar gyis// bcom ldan 'das kyis de skad ces bka' stsal pa dang / dge slong de dag dang / 'khor de thams cad dang / lha dang / mi dang / lha ma yin dang / dri zar bcas pa'i 'jig rten rnams dga' ste/ bcom ldan 'das kyis bka' stsal pa la mngon par bstong ngo // 'phags pa nam mkha'i snying po zhes bya ba theg pa chen po'i mdo rdzogs so// / rgya gar skad du/ Ar+ya badz+ra man Ta nA mA d+hA ra Ni ma hA yAn sU tra/ bod skad du/ 'phags pa rdo rje'i snying po'i gzungs zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das gangs kyi ri dang nye ba sna tshogs kyi grong gi rtswa'i spyil po na
- 30b
slong stong du tshangs pa'i dge slong gi dge 'dun chen po dang thabs gcig tu bzhugs te/ de nas bcom ldan 'das bsod snyoms kyi zas phyis len pa spangs te/ rtswa'i spyil por skyil mo krung bcas nas sku drang por bsrang ste/ dran pa mngon du gzhag nas bzhugs so// de nas de'i tshe bcom ldan 'das chos thams cad la mnyam pa nyid du gnas pa zhes bya ba'i ting nge 'dzin la snyoms par zhugs so/ / bcom ldan 'das snyoms par zhugs ma thag tu dge slong gi dge 'dun thams cad kyis/ bcom ldan 'das da ltar ga la bzhugs pa'i sku ma mthong ngo / / de nas sangs rgyas kyi mthus lha rnams kyi dbang po brgya byin dang / mi mjed kyi bdag po tshangs pa dang / gnas gtsang ma'i ris kyi lha'i bu sum khri nyis stong bcom ldan 'das ga la ba der dong ngo / / de nas lha rnams kyi dbang po brgya byin dang / mi mjed kyi bdag po tshangs pa 'di snyam du/ bcom ldan 'das da ltar gang na bzhugs snyam sems pa dang / bcom ldan 'das rtswa'i spyil po'i nang na ting nge 'dzin la snyoms par zhugs pa de dag gis mthong ngo // mthong nas bcom ldan 'das ga la ba der dong ste/ bcom ldan 'das kyi spyan sngar cang mi smra ba skyil mo krung bcas te 'khod do/ / gnas gtsang ma'i ris kyi lha'i bu rnams kyang cang mi smra bar bcom ldan 'das kyi spyan sngar de nyid du skyil mo krung
- 31a
/ smra sgyu sa kyis / rdzu zlas pa nga ma la ma / d ab dzi pa sa sa/ nga gsus da'i d+g+ha kyi khams cung chung seMs seM 'i theg pa pa'i gling dag ga pa lags su dag pa t heg pa la yang klub nags nas/ dri ma pa'am/ phyi mi gapa ma/ skye blagacig gis thogs pa yang du n+te/ nyid ga khong pa de dag thams cad rdzo gal ba dang / rtswa'i skyil po gal bangar ngong na byin pa dang / sangs rgyas kyi me sa mi gang nA mA~M gyis byar sngang la skyil mo zung brjes te 'khod // de nas po 'jam dpal gzhon nur gyur thos/ sems can thams cad kyi sems mgu bar byed pa zhes bya ba'i ting nge 'dzin la snyoms par zhugs so// de nas 'jam dpal gzhon cung rdzun pa ting nge 'dzi ril sems par zhugs mjug tu/ 'khor de dag thams cad sems rab tu dga' ba dang sems mgu ba dang / sems rangs bya dang / sems shin tu tshim skyes so/ / de nas de'i chu byang chub sems dpa' byams pas chos thams cad rab tu zhi par zhes bya ba'i ting nge 'dzin la snyoms par zhugs so// byang chub sems dpa' byam
- 31b
ba ting nge 'dzin de la snyoms par zhugs ma thag tu/ 'khor de dag thams cad kyi dbang po rnams rab tu zhi bar gnas so// de nas byang chub sems dpa' rin po che tog ces bya ba/ byang chub sems dpa' drug khri nyis stong dang lhan cig tu/ sna tshogs kyi grong ga la ba dang / rtswa'i spyil po ga la ba der song ste phyin ma thag tu/ bdag nyid steng gi nam mkha'i bar snang la 'dug pa snyam du shes te/ de steng gi nam mkha' de nyid la skyil mo krung bcas te 'dug go// de nas de'i tshe byang chub sems dpa' rin po che tog gi bkod pa chen po zhes bya ba'i ting nge 'dzin la snyoms par zhugs so/ / byang chub sems dpa' rin po che tog ting nge 'dzin de la snyoms par zhugs ma thag tu/ de nas bar snang thams cad me tog ut+pa la dang / pad+ma dang / ku mu da dang / pad+ma dkar pos kun tu khebs nas/ nyi ma dang / zla ba rnams kyi 'od kyang mi snang bar gyur to// de nas byang chub sems dpa' 'phags pa spyan ras gzigs dbang phyug/ byang chub sems dpa' drug khri nyis stong dang lhan cig tu steng gi nam mkha' las sna tshogs kyi grong ga la ba dang / bcom ldan 'das ga la ba der song ste phyin ma thag tu byang chub sems dpa' spyan ras gzigs dbang phyugs la 'dug ma nus nas/ de byang chub sems dpa' lhag ma de dag dang lhan cig tu steng gi bar snang la nam mkha' la skyil mo krung
- 32a
bcas te 'dug go/ / 'dug ma thag tu de'i tshe byang chub sems dpa' spyan ras gzigs dbang phyug sems can thams cad kyi nyon mongs pa 'joms pa zhe bya ba'i ting nge 'dzin la snyoms par zhugs so/ / byang chub sems dpa' spyan ras gzigs dbang phyug ting nge 'dzin de la snyoms par zhugs ma thag tu/ de nas 'khor de dag thams cad kyi 'dod chags dang / zhe sdang dang / gti mug dang / nyon mongs pa thams cad rab tu zhi bar gyur to// de nas de'i tshe bcom ldan 'das steng gi bar snang la 'phags nas 'dzum pa mdzad do// de nas bcom ldan 'das kyi zhal gyi sgo nas 'od zer kha dog du ma/ 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ngo / / de nas de'i tshe 'jam dpal gzhon nur gyur pas steng gi bar snang la/ gos phrag pa gcig tu bgos te/ pus mo g.yas pa'i lgang bar snang de nyid la btsugs nas/ bcom ldan 'das ga la ba de logs su thal mo sbyar ba btud de/ de bcom ldan 'das la 'di skad ces gsol to// bcom ldan 'das 'dzum pa mdzad pa'i rgyu ni gang lags rkyen ni gang lags bcom ldan 'das kyis bka' stsal pa/ 'jam dpal bar snang 'dir sangs rgyas khri rnams kyis byang chub sems dpa' rnams la/ rdo rje'i snying po'i gzungs zhes bya ba bshad
- 32b
de/ yang dag par rab tu bstan to// 'jam dpal gyis gsol pa/ bcom ldan 'das kyis da yang byang chub sems dpa' 'di rnams la rdo rje'i snying po'i gzungs bshad du gsol bcom ldan 'das kyis bka' stsal pa/ 'jam dpal chog go// rdo rje'i snying po'i gzungs la byang chub kyang med/ sangs rgyas kyi chos rnams kyang med na/ byang chub sems dpa' 'di dag ni byang chub mngon par rdzogs par 'tshang rgya bar 'dod do/ / rdo rje'i snying po'i gzungs la 'khor ba yang med/ mya ngan las 'das pa yang med na/ byang chub sems dpa' 'di dag ni yongs su mya ngan las 'da' bar 'dod do/ / rdo rje'i snying po'i gzungs la dge ba yang med/ mi dge ba yang med na/ byang chub sems dpa' 'di dag ni mi dge ba spong bar 'dong ngo // rdo rje'i snying po'i gzungs la pha rol yang med/ tshur rol yang med na/ 'di dag ni pha rol tu 'gro bar 'dod do// rdo rje'i snying po'i gzungs la zhing yang med/ zhing yongs su grub pa yang med na/ 'di dag ni zhing yongs su bsgrub par 'dod do/ / rdo rje snying po'i gzungs la bdud kyang med/ bdud du bdags pa yang med na/ 'di dag ni bdud 'dul bar 'dod do// rdo rje'i snying po'i gzungs la nyan thos kyang med/ nyan thos su bdagra pa yang med na/ 'di dag ni nyan thos kyi chos las 'da' bar 'dod ngo // rdo rje'i snying po'i gzungs la rang sangs rgyas kyang med/ rang sangs rgyas su bdags pa yang med na/ 'di dag ni rang sangs
- 33a
rgyas kyi chos las 'da' bar 'dod ngo / / rdo rje'i snying po'i gzungs la sems can yang med/ sems can du bdags pa yang med na/ 'di dag ni sems can rnams yongs su mya ngan las bzla bar 'dod do/ / rdo rje'i snying po'i gzungs la don kyang med/ don ma yin pa yang med na/ 'di dag ni don byed par 'dod do// rdo rje'i snying po'i gzungs la 'dod chags kyang med/ 'dod chags su bdags pa yang med na/ 'di dag ni 'dod chags spong bar 'dod do// rdo rje'i snying po'i gzungs la zhe sdang yang med/ zhe sdang du bdags pa yang med na/ 'di dag ni zhe sdang spong bar 'dod do/ / rdo rje'i snying po'i gzungs la gti mug kyang med/ gti mug tu bdags pa yang med na/ 'di dag ni gti mug spang bar 'dod do// rdo rje'i snying po'i gzungs la shes pa yang med/ mi shes pa yang med na/ 'di dag ni shes pa mngon sum du byed par 'dong ngo // rdo rje'i snying po'i gzungs la kun nas nyon mongs pa yang med/ kun nas nyon mongs par bdags pa yang med na/ 'di dag ni kun nas nyon mongs pa spang bar 'dong ngo // rdo rje'i snying po'i gzungs la rnam par byang ba yang med/ rnam par byang bar bdags pa yang med/ 'dul ba yang med/ 'dul ba ma yin pa yang med/ byams pa yang med/ snying rje yang med/ dga' ba yang med/ btang snyoms kyang med/ sbyin pa yang med/ ser sna yang med/ tshul khrims kyang med/ 'chal pa'i tshul khrims kyang
- 33b
med/ bzod pa yang med/ gnod sems kyang med/ brtson 'grus kyang med/ le lo yang med/ bsam gtan kyang med/ rnam par g.yeng ba yang med/ shes rab kyang med/ 'chal ba'i shes rab kyang med/ ltung ba yang med/ mi ltung ba yang med/ nyan thos kyang med/ rang sangs rgyas kyang med/ de bzhin gshegs pa yang med/ chos kyang med/ chos ma yin pa yang med/ zab mo yang med/ slob pa yang med/ shes pa yang med/ mi shes pa yang med/ thob pa yang med/ mngon par rtogs pa yang med/ 'khor ba yang med/ mya ngan las 'das pa yang med// dran pa nye bar gzhag pa rnams kyang med/ yang dag par spong ba rnams kyang med/ rdzu 'phrul gyi rkang pa rnams kyang med/ dbang po rnams kyang med/ stobs rnams kyang med/ byang chub kyi yan lag rnams kyang med/ lam yang med do// 'jam dpal rdo rje'i snying po'i gzungs thob par 'dod pa'i byang chub sems dpas so so'i skye bo'i chos rnams la gnas par mi bya'o// so so'i skye bo'i chos rnams gzung bar mi bya/ dor bar mi bya/ rnam par bsgrub par mi bya/ 'da' bar mi bya/ 'pho bar mi bya/ btang bar mi bya/ gnas par mi bya/ brtsam par mi bya/ mngon par 'byung bar mi bya/ le lor mi bya/ chags par mi bya/ mi chags par mi bya/ yongs su yi chang par mi bya/ reg par mi bya'o// so so'i skye bo'i chos rnams la kun nas nyon mongs par 'du shes
- 34a
bskyed par mi bya/ sbyin par 'du shes bskyed par mi bya/ gtang bar 'du shes bskyed par mi bya'o// so so'i skye bo'i chos rnams kyang sangs rgyas kyi chos su ma gtogs par blta bar mi bya/ sangs rgyas kyi chos rnams so so'i skye bo'i chos rnams dang sbyar bar mi bya/ so so'i skye bo'i chos rnams dang / sangs rgyas kyi chos rnams sbyar bar mi bya/ so so'i skye bo'i chos rnams dmigs par mi bya/ / nyan thos kyi chos rnams dang / rang sangs rgyas kyi chos rnams sbyar bar mi bya'o// sangs rgyas kyi chos rnams kyang gzung bar mi bya/ so so'i skye bo'i chos rnams kyang dor bar mi bya// so so'i skye bo'i chos rnams kyang bsrung bar mi bya/ sangs rgyas kyi zhing yongs su dag par la yang gnas par mi bya ste/ smon lam yang mi gtong ngo // de ci'i phyir zhe na/ 'jam dpal rdo rje'i snying po'i gzungs ni rnam par mi rtog pa ste/ 'dod chags su yang dag par 'du ba/ zhe sdang du yang dag par 'du ba/ gti mug tu yang dag par 'du ba/ bud med du yang dag par 'du ba/ skyes par yang dag par 'du ba/ lhar yang dag par 'du ba/ grur yang dag par 'du ba/ gnod sbyin du yang dag par 'du ba/ dri zar yang dag par 'du ba/ lha ma yin du yang dag par 'du ba/ nam mkha' lding du yang dag par 'du ba/ lto 'phye chen por yang dag par 'du ba/ sangs rgyas su yang dag par 'du ba/ chos su yang dag par 'du ba/ dge 'dun du yang dag par 'du ba/ nyan thos su yang
- 34b
dag par 'du ba/ rang sangs rgyas su yang dag par 'du ba/ sems can dmyal bar yang dag par 'du ba/ dud 'gro'i skye gnas su yang dag par 'du ba/ gshin rje'i 'jig rten du yang dag par 'du/ ba/ ngan par yang dag par 'du ba/ bzang por yang dag par 'du ba/ sar yang dag par 'du ba/ chur yang dag par 'du ba/ mer yang dag par 'du ba/ rlung du yang dag par 'du ba/ mig tu yang dag par 'du ba/ rna bar yang dag par 'du ba/ snar yang dag par 'du ba/ lcer yang dag par 'du ba/ lus su yang dag par 'du ba/ yid du yang dag par 'du ba ste/ 'jam dpal rdo rje'i snying po'i gzungs ni chos thams cad yang dag par 'du ba'o/ / 'jam dpal 'di lta ste dper na/ shar phyogs kyi nam mkha'i khams gang yin pa dang / lho phyogs kyi gang yin pa dang / nub phyogs kyi gang yin pa dang / byang phyogs kyi gang yin pa dang / 'og gi gang yin pa dang / steng gi nam mkha'i khams gang yin pa de dag thams cad nam mkha'i khams su yang dag par 'du bar 'gyur ba de bzhin du/ 'jam dpal rdo rje'i snying po'i gzungs 'di yang chos thams cad du yang dag par 'du bar 'gyur ro// de skad ces bka' stsal pa dang 'jam dpal gzhon nur gyur pas bcom ldan 'das la 'di skad ces gsol to/ / bcom ldan 'das ji ltar na 'dod chags gzungs kyi gzhi lags bcom ldan 'das kyis bka' stsal pa/ 'jam dpal 'dod
- 35a
chags zhes bya ba ni/ shar phyogs nas 'ongs te/ sems can rnams la kun nas nyon mongs par byed pa ma yin/ lho phyogs nas ma yin/ nub phyogs nas ma yin/ byang phyogs nas ma yin/ 'og nas ma yin/ steng gi phyogs nas 'ongs te sems can rnams la kun nas nyon mongs par byed pa ma yin no// nang nas skyes te sems can rnams la kun nas nyon mongs par byed pa ma yin/ phyi rol nas kyang ma yin no// 'jam dpal gal te/ 'dod chags nang nas langs te/ sems can rnams la kun nas nyon mongs par byed na ni/ de'i phyir sems can rnams kun nas nyon mongs pa can nyid du 'gyur te/ phyis kyang chos mngon par rtogs par mi 'gyur ro// 'jam dpal chos ni mi 'ong mi 'gro/ nang na mi 'dug/ phyi rol na yang mi 'dug/ gnyi ga med par yang mi 'dug ste/ de la bgrang ba gang yang med de/ des na 'dod chags ni gzungs kyi gzhi zhes bya'o// zhe sdang ni gzungs kyi gzhi'o// 'jam dpal gyis gsol pa/ bcom ldan 'das ji ltar zhe sdang gzungs kyi gzhi lags/ bcom ldan 'das kyis bka' stsal pa/ 'jam dpal zhe sdang ni ca co bton pa las 'byung ste/ ca co bton pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no// 'jam dpal gal te 'das pa las chos rnams 'byung du zin na rtag par 'gyur ro// 'jam dpal ma 'ongs pa'i rkyen rnams las kyang zhe sdang 'byung
- 35b
ba med do/ / da ltar gyi rkyen kyang 'dug pa med cing ma 'gags pa'o// 'jam dpal chos gang 'das pa las ma byung / ma 'ongs pa las kyang ma byung / da ltar gyi las kyang ma yin pa de ni dus gsum du yongs su dag pa'i gzungs kyi gzhi zhes bya'o/ / 'jam dpal gti mug ni gzungs kyi gzhi'o// gsol pa/ bcom ldan 'das ji ltar na gti mug gzungs kyi gzhi lags/ bcom/ ldan 'das kyis bka' stsal pa/ 'jam dpal gti mug ni ma rig pa las byung ste/ ma rig pa de yang sa'i khams dang ma 'dres/ chu'i khams dang ma yin/ me'i khams dang ma yin/ rlung gi khams dang ma yin/ nam mkha'i khams dang ma yin/ rnam par shes pa'i khams dang ma 'dres pa'o// 'jam dpal ma 'dres pa'i chos ni kun nas nyon mongs pa can du me'i khams 'gyur zhing / rnam par byang bar mi 'gyur ro// 'jam dpal gal te ma 'dres pa'i chos de kun nas nyon mongs pa can du 'gyur pa 'am/ rnam par byang bar 'gyur du zin na/ nam mkha' yang kun nas nyon mongs pa can du 'gyur zhing / rnam par byang bar 'gyur ro// de ci'i phyir zhe na/ 'jam dpal nam mkha' ni chos gang dang yang ma 'dres pa ste/ 'jam dpal gang ma rig pa dang ma 'dres pa/ mi 'pho ba/ 'dul ba ma yin pa/ sod pa ma yin pa/ ma byung ba/ dngos po med pa/ mi mthong ba/ mi snang ba/ gzung du med pa/ ma bcings pa/ ma grol ba/ tshad med pa/ ya ma brla/ gsob
- 36a
#/ gsog/ stong pa ni kun nas nyon mongs pa zhe 'am/ rnam par byang ba zhes brjod par bya 'am/ gsol ba/ bcom ldan 'das de ni ma lags so// bka' stsal pa/ 'jam dpal ma rig pa ma rig pa zhes de bzhin gshegs pas bstan pa/ de'i thog ma med ngo // rtag tu gcig pa nyid kyang med do// thog ma'i mtha' yang med/ tha ma'i mtha' yang med/ da ltar byung ba yang med de/ des na ma rig pa zhes bya'o// 'jam dpal chos gang med cing mi rnyed/ rnam par mi rig/ mi snang / mi chags rnam par mi chags/ zhe mi sdang / gti mi mug pa de/ chos gang la yang kun nas nyon mongs pa 'am/ rnam par byang ba 'am/ sgrib pa'i bya ba byed dam/ gsol pa/ bcom ldan 'das de ni ma lags so// bde bar gshegs pa de ni ma lags so// bcom ldan 'das gal te de ni ma rig pa'i chos gang yang kun nas nyon mongs pa'am/ rnam par byang ba 'am/ sgrib pa'i bgyi ba mi bgyid pa na/ ji ltar na bcom ldan 'das kyis ma rig pa kun nas nyon mongs pa zhes bka' stsal/ bcom ldan 'das kyis bka' stsal pa/ 'jam dpal 'di lta ste/ dper na/ gtsub shing dang / gtsub stan la yang bsten/ mi'i lag pas gtsugs pa la yang rten nas/ dub 'byung zhing me mngon par 'grub ste/ me de yang gtsub shing la yang mi gnas/ gtsub stan la yang mi gnas/ mi'i lag pas gtsugs pa la yang mi
- 36b
gnas so/ / 'jam dpal de bzhin du skyes bu gang zag rmongs pa la 'dod chags dang / zhe sdang dang gti mug gis yongs su gdang ba'i me 'byung ste/ yongs su gdung ba de yang / nang na yang mi gnas/ phyi rol na yang mi gnas/ gnyi ga med par yang mi gnas mod kyi/ 'jam dpal 'on kyang gti mug ces bya'o// de ci'i phyir zhe na/ 'jam dpal chos thams cad ni shin tu grol ba yin pa'i phyir te/ chos gang shin tu grol ba/ de ni gzungs kyi gzhi zhes bya'o// de nas bcom ldan 'das la 'jam dpal gzhon nur gyur pas/ 'di skad ces gsol to// bcom ldan 'das byang chub sems dpa' chos kyi sgo gang dang ldan na/ thams cad kyi rjes su song ba'i gzungs thob par 'gyur ba'i chos kyi sgo 'ga' mchis lags sam/ bcom ldan 'das kyis bka' stsal ba/ 'jam dpal byang chub sems dpa' chos kyi sgo gang dang ldan na/ thams cad kyi rjes su song ba'i gzungs thob pa'i chos kyi sgo yod de/ yi ge gcig las yi ge 'bum du bshad kyang / yi ge de'i mtha' mi rtogs te/ chos kyi sgo gang dang gang gis bshad pa'i chos kyi sgo de dang de las chos kyi sgo mtha' yas pa dag snang bar 'gyur zhing / spobs pa yang thogs pa med do// de spobs pa thogs pa med pa'i phyir chos kyi sgo thams cad brjod do/ / chos kyi sgo'i tshig gcig la chos kyi sgo'i tshig thams cad rjes su 'jug par byed do// chos kyi sgo'i tshig thams cad la chos kyi sgo'i tshig gcig/
- 37a
rjes su 'jug par byed do// 'jam dpal gyis gsol pa/ bcom ldan 'das chos kyi sgo de ji lta bu zhig lags/ bcom ldan 'das kyis bka' stsal pa/ 'jam dpal chos thams cad ni lha'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags// bka' stsal pa/ 'jam dpal chos thams cad ni dul ba'i sa la gnas pa ste/ de ni lha lta bur 'jug pa'i gzungs kyi gzhi'o// 'jam dpal chos thams cad ni klu'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni ming med pa/ yi ge yongs su chad pa/ yi ge med pa/ yi ges yongs su brjod pa ste/ de ni klu lta bur 'jug pa'i gzungs kyi gzhi'o/ / 'jam dpal chos thams cad ni gnod sbyin gyi sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni/ ma skyes pa'i phyir/ mi zad pa'i rnam par zhugs pa ste/ de ni gnod sbyin lta bur 'jug pa'i gzungs kyi gzhi'o// 'jam dpal chos thams cad ni dri za'i sgo ste/ de ni gzungs kyi gzhi'o/ / gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad tshad med grangs med dpag tu med nam mkha' dang
- 37b
mnyam pa'i bgrang ba las 'das pa ste/ de ni dri ba lta bur 'jug pa'i gzungs kyi gzhi'o// 'jam dpal chos thams cad ni lha ma yin gyi sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni med pa'i sgo ste/ ming du rig par bya ba ma yin/ gzugs su rigs par bya ba ma yin/ sgrar rig par bya ba ma yin/ drir rig par bya ba ma yin/ ror rig par bya ba ma yin/ reg par rig par bya ba ma yin/ yid du rig par bya ba ma yin/ sangs rgyas su rig par bya ba ma yin/ chos su rig par bya ba ma yin/ dge 'dun du rig par bya ba ma yin/ nyan thos su rig par bya ba ma yin/ rang sangs rgyas su rig par bya ba ma yin/ so so'i skye bor rig par bya ba ma yin zhing / 'jam dpal chos thams cad ni shin tu kun nas ma skyes pa'i tshul gyis rig par bya ba ma yin pa ste/ de ni lha ma yin lta bur 'jug pa'i gzungs kyi gzhi'o// 'jam dpal chos thams cad ni nam mkha' lding gi sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal chos thams cad ni 'ong ba med cing 'gro ba med pa ste/ mi rgyug pa rnam par mi rgyug pa/ mi 'gros pa/ mi 'gro ba/ mi 'ong ba/ mi 'pho ba/ mi skye ba/ mi rten pa/ mi gnas pa/ mi chags pa/ mi 'ching ba/ zhe mi sdang ba/ gti mi mug pa/
- 38a
mi 'gro ba/ mi gnas pa/ rab tu mi gnas pa ste/ 'jam dpal nam mkha' la chags pa med pa'i phyir/ chos thams cad ni gnas pa med pa'i sgo ste/ de ni nam mkha' lding lta bur 'jug pa'i gzungs kyi gzhi'o/ / 'jam dpal chos thams cad ni mi 'am ci'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags bka' stsal pa/ 'jam dpal chos thams cad ni byed pa po las log pa ste/ ma byas pa/ mi 'gyur ba/ byed pa po kun na btsal na mi rnyed pa ste/ 'jam dpal de ni mi 'am ci lta bu'i sgor 'jug pa'i gzungs kyi gzhi'o/ / 'jam dpal chos thams cad ni lto 'phye chen po'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na gzungs kyi gzhi lags/ bka' stsal pa/ 'jam dpal chos thams cad ni dri ma dang bral zhing shin tu 'od gsal ba ste/ sems can thams cad kyis kun nas nyon mongs pa can du bya ba 'am/ rnam par byang bar byar mi nus pa de ni/ rnam par dag pa'i gzungs kyi sgo'o/ / de ci'i phyir zhe na/ 'jam dpal chos thams cad rang bzhin gyis ma skyes pa'i phyir/ gtan tu yongs su mya ngan las 'das pa ste/ de ni lto 'phye chen po lta bur 'jug pa'i gzungs kyi gzhi'o/ / 'jam dpal chos thams cad ni bud med kyi sgo ste/ 'di ni gzungs kyi gzhi'o// gsol pa/ bcom ldan 'das ji ltar na/ de gzungs kyi gzhi lags/ bka'
- 38b
stsal pa/ 'jam dpal 'di lta ste/ chos thams cad ni dngos po med pa'i phyir mi bden pa/ skyes pa'i dbang po dang / bud med kyi dbang po dang bral ba ste/ de ni bud med ltar 'jug pa'i gzungs kyi gzhi'o/ / 'jam dpal chos thams cad ni skyes pa'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bka' stsal pa/ 'jam dpal rnam pa thams cad du skyes pa nyid ni mi dmigs te/ thog ma'i mthar yang mi dmigs/ tha ma'i mthar yang mi dmigs/ da ltar byung bar yang mi dmigs so// 'jam dpal gang dus gsum du mi dmigs pa la skyes pa yang med/ bud med kyang med de/ gzhan du na ming gi brdas brjod par zad do// ming de yang dben pa ste/ gzungs kyi brdas de dag btags so// gzungs de yang 'byung bachen po bzhi las gyur pa ste/ 'byung ba chen po bzhi rnams kyi skye ba yang mi dmigs so// chos thams cad ma skyes pa'i phyir/ chos thams cad gtan tu yongs su mya ngan las 'das pa ste/ de ni skyes pa lta bur 'jug pa'i gzungs kyi gzhi'o/ / 'jam dpal chos thams cad ni sems can dmyal ba'i sgo ste/ 'di ni gzungs kyi gzhi'o// gsol pa/ bcom ldan 'das ji ltar na de gzungs kyi gzhi lags/ bcom ldan 'das kyis bka' stsal pa/ 'jam dpal sems can dmyal ba gang du yang dag par 'du bar 'gyur/ 'jam dpal gyis gsol pa/ bcom ldan 'das
- 39a
sems can dmyal ba ni nam mkhar yang dag par 'du ba lags so/ / bcom ldan 'das kyis bka' stsal pa/ 'jam dpal 'di ji snyam du sems/ sems can dmyal ba rang gi rtog pa las byung ngam/ 'on te ngo bo nyid las byung / 'jam dpal gyis gsol pa/ bcom ldan 'das byis pa so so'i skye bo rang gi rtog pas sems can dmyal ba dang / dud 'gro dang / gshin rje'i 'jig rten du rig ste/ de dag ma mchis pa la sgro btags pa'i slad du/ ngan song du gnod pa tshor zhing sdug bsngal myong lags so// bcom ldan 'das bdag gis sems can dmyal ba ji ltar mi mthong ba de bzhin du/ sems can dmyal ba pa rnams mi mthong ste/ sems can dmyal ba pa'i sdug bsngal yang ma mchis so// bcom ldan 'das 'di lta ste/ dper bgyi na/ mi la la zhig gnyid kyis log pa'i rmi lam na/ bdag sems can dmyal bar ltung ba snyam du rig nas/ de de na lcags kyi bum pa/ rab tu khol ba shin tu 'bar pa 'dom du ma mchis pa'i nang na bdag bcug nas/ de de na sdug bsngal gyi tshor ba myong bar rab tu 'tshal te/ de yid sngangs shing yongs su gdung bar rig nas/ 'jigs skrag ste sngangs nas de slar sad pa dang / kye ma'o sdug bsngal lo// kye ma'o sdug bsngal lo/ / zhes cho nges 'debs nas de'i mdza' bshes dang / nye du dang / phu nu rnams kyis khyod ci sdug bsngal zhes dris pa dang / mi des de dag la 'di skad ces bdag ni sems
- 39b
can dmyal ba'i sdug bsngal ba myong ngo zhes smras nas/ yang de mdza' bshes dang nye du dang / phu nu rnams la gshe zhing tshig ste/ bdag ni sems can dmyal ba'i sdug bsngal myong na/ khyod kyis slar phyi phyir zhing nga la ci sdug bsngal zhes drir ci yod ces mchi na/ / de nas mdza' bshes dang / nye du dang / phu nu de dag gis mi de la 'di skad ces kye ma ma 'jigs shig/ mi khyod ni gnyi kyis log ste/ khyim 'di nas gar yang ma song ngo zhes bgyis pa dang / mi des slar dran pa rnyed nas/ bdag ni gnyid kyis log ste/ yang dag pa ma yin pa/ dngos po med pa de la bdag gis brtags pa lta zhi ste/ dngos po ci yang med do snyam bgyid nas/ de slar yang yid bde ba rnyed na/ bcom ldan 'das ji ltar mi de gnyid kyis log pa'i rmi lam na/ ma mchis pa la sgro btags nas/ bdag sems can dmyal bar mchis so snyam du rig pa de bzhin du/ bcom ldan 'das byis pa so so'i skye bo thams cad mchis pa ma lags pa'i 'dod chags kyis kun tu dkris pas/ bud med kyi mtshan mar rtog go/ de dag gis bud med kyi mtshan mar brtags nas/ bud med dang bdag lhan cig tu rtse dga' dgur spyod par rig ste/ de 'di snyam du/ bdag ni skyes pa/ 'di ni bud med do// 'di ni bdag gi bud med do snyam nas/ de sred pa'i 'dod chags kyis kun tu dkris pa'i sems kyis de longs spyod tshol bar sems gtong ngo // de gzhi de las 'thab pa dang / 'gyed pa dang / rtsod pa skyed de/ de'i dbang po rab
- 40a
tu khros pas kho na byung ngo / / de 'du shes phyin ci log pa des/ gum ma thag tu bskal pa stong phrag mang por bdag sems can dmyal ba'i sdug bsngal gyi tshor ba myong ba snyam du 'tshal to/ / bcom ldan 'das 'di lta ste/ mi de la mdza' bshes dang / nye du dang / phu nu rnams kyis 'di skad ces ma 'jigs shig ma 'jigs shig/ mi khyod ni gnyid kyis log ste/ khyim 'di nas gar yang ma song ngo zhes mchi ba ltar bcom ldan 'das sangs rgyas bcom ldan 'das kyis phyin ci log bzhis rnam par myos pa'i sems can rnams la chos bstan te/ 'di la bud med kyang med/ skyes pa yang med/ sems can yang med/ srog kyang med/ gso ba yang med/ gang zag kyang med/ chos 'di dag thams cad ni yang dag par ma yin pa'o// chos 'di dag thams cad ni med pa'o/ / chos 'di dag thams cad ni rnam par bsgrubs pa'o// chos 'di dag thams cad ni brtag pa'o// chos 'di dag thams cad ni stong pa'o// chos 'di dag thams cad ni skye ba med// pa'o// chos 'di dag thams cad ni 'gag pa med pa'o// chos 'di dag thams cad ni dngos po med pa'o// chos 'di dag thams cad ni ma 'brel pa'o// chos 'di dag thams cad ni rmi lam lta bu'o// / chos 'di dag thams cad ni sgyu ma lta bu'o// chos 'di dag thams cad ni chu zla lta bu ste/ 'di la su yang mi chags mi sdang mi rmongs te/ yang dag pa ma yin pa la ma rtog shig ces bstan pa dang / de dag
- 40b
gis de bzhin gshegs pa'i chos de thos nas/ chos thams cad la 'dod chags ma mchis par mthong ngo // chos thams cad la zhe sdang ma mchis pa dang / gti mug ma mchis pa dang / bsgrib pa ma mchis/ ba dang / chag pa ma mchis par mthong ngo // chos thams cad shin tu grol ba dang / gtan tu yongs su mya ngan las 'das par mthong nas/ de dag sems nam mkha' la gnas te/ 'gum pa'i dus bgyis so/ / 'gum pa'i dus bgyis ma thag tu/ phung po'i lha na ma mchis pa'i mya ngan las 'das pa'i dbyings su mya ngan las 'da' ba de yang de dang 'dra ste/ bcom ldan 'das bdag gis sems can dmyal ba de ltar mthong lags so/ / de nas bcom ldan 'das kyis 'jam dpal gzhon nur gyur pa la legs so zhes bya ba byin te// legs so legs so// 'jam dpal ji ltar khyod kyis sems can dmyal ba mthong ba de bzhin du blta'o/ / ji ltar khyod rnam par mi rtog pa de bzhin du/ mi rtag par blta'o// 'jam dpal sems can dmyal ba de ltar mthong na/ mi skye ba'i chos la bzod pa thob/ par 'gyur ro// sems can dmyal ba nges par bstan pa 'di bshad pa na/ byang chub sems dpa' dgu khri nyis stong mi skye ba'i chos la bzod pa thob nas/ de dag tshig mthun par 'di skad ces 'di ltar sems can dmyal ba'i chos rnams las/ sangs rgyas kyi chos rnyed par rung ba ni/ sangs rgyas kyi yul 'di ngo mtshar te/ legs so zhes zer to// de nas bcom ldan 'das la 'jam dpal
- 41a
gzhon nur gyur pas 'di skad ces gsol to/ / bcom ldan 'das gnyis su ma mchis pa'i sgo gang gis byang chub sems dpa' rnams chos thams cad sangs rgyas kyi chos su rtogs shing / gnyis lta bur mi bgyid pa/ gnyis su ma mchis pa'i chos kyi sgo byang chub sems dpa' rnams la bstan tu gsol/ de skad ces gsol pa dang / bcom ldan 'das kyi 'jam dpal gzhon nur gyur pa la 'di skad ces bka' stsal to/ / 'jam dpal de'i phyir kun nas nges par bstan pa zhes bya ba'i chos kyi sgo 'di ni chos kyi sgo gang gis byang chub sems dpa' rnams/ nyon mongs pa thams cad la sangs rgyas kyi chos rnams yang dag par 'gro bar byed pa'o/ / 'jam dpal gyis gsol pa/ bcom ldan 'das gnyis su ma mchis pa'i sgo de ji lta bu lags bcom ldan 'das kyis bka' stsal pa/ 'jam dpal de'i phyir legs par rab tu nyon la yid la zung zhig dang / nyon mongs pa thams cad rab tu rnam par phye ba zhes bya ba'i gzungs kyi sgo 'di ngas khyod la bshad do/ / bcom ldan 'das de ltar 'tshal lo zhes gsol te/ 'jam dpal gzhon nur gyur pa/ bcom ldan 'das kyi ltar mnyan pa dang / bcom ldan 'das kyis de la 'di skad ces bka' stsal 'jam dpal ma rig pa ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na ma rig pa byang chub lags/ bka' stsal pa/ 'jam dpal med pa'i
- 41b
phyir ma rig pa zhes bya'o/ / gang med pa de la skye ba med do// gang ma skyes pa de la kun nas nyon mongs pa med do// 'jam dpal kun nas nyon mongs pa can ma yin pa ni byang chub ste/ rang bzhin gyis 'od gsal ba/ rtag tu ma skyes pa'o// 'jam dpal de bzhin gshegs pas don gyi dbang 'di gzigs nas/ ma rig pa dang byang chub gnyis su med par ston to// 'jam dpal ngas ma rig pa 'di ma rnyed de/ de'i phyir ma rig ba zhes bstan to// 'jam dpal de ni ma rig pa lta bur 'jug pa zhes bya ba'i gzungs kyi sgo ste/ 'jug pa gang gis spobs pa myur bar 'gyur ba spobs parno bar 'gyur ba spobs pa zab mor 'gyur ba/ spobs pa ma chags par 'gyur ba/ spobs pa thogs pa med par 'gyur ba'o// 'jam dpal 'du byed rnams ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na 'du byed rnams byang chub lags bka' stsal pa/ 'jam dpal 'du byed rnams ni grangs med pa/ bgrang du med pa ste/ de'i phyir de dag gi tshad mi dmigs so/ / mi dge ba dang mtshungs par ldan na/ sems can dmyal bar skye ba ston mod kyi/ 'di nas kyang mi 'gro/ der phyir 'ong ba yang med do// 'jam dpal mi 'pho ba ni byang chub ste/ 'ong ba dang 'gro ba med do// 'jam dpal de ni 'du byed lta bur 'jug pa'i gzungs kyi sgo'o// 'jam dpal rnam par shes pa ni byang chub ste/ 'di ni gzungs kyi sgo'o// gsol pa/ bcom ldan
- 42a
'das ji ltar na rnam par shes pa byang chub lags/ bka' stsal pa/ 'jam dpal rnam par shes pa ni sgyu ma lta bu ste/ yang dag pa ma yin pa las byung bar de bzhin gshegs pas gsungs so/ / 'jam dpal ji ltar byis pa so so'i skye bo yang dag pa ma yin pa la gnas pa rnams kyis sgyu ma lta bu'i rnam par shes pa brtags shing rnam par bsgrubs nas bsdus pa de bzhin du 'jam dpal sangs rgyas kyi byang chub kyang sgyu ma lta bu ste/ byis pa so so'i skye bo rnams kyis brtags shing rnam par bsgrubs nas bsdus te/ de dag sangs rgyas kyi chos la lhag par dmigs shing / bdag cag sangs rgyas su gyur cig/ bdag cag sems can grol bar byed par gyur cig/ bdag cag 'jig rten gyi mchog tu gyur cig snyam du de dag gi sangs rgyas kyi byang chub nam mkha' dang 'dra ba la brtags nas rab tu dpyod do/ / 'jam dpal ngas ni byang chub kyi snying po la 'dug nas/ sangs rgyas sam/ nyan thos sam/ rang sangs rgyas sam/ so so'i skye bo'i chos gang yang ma dmigs te/ 'jam dpal de ni rnam par shes pa lta bur 'jug pa'i gzungs kyi sgo'o/ / 'jam dpal ming dang gzugs ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na ming dang gzugs byang chub lags bka' stsal pa/ 'jam dpal ming ni dngos po med par sgras brjod pa'o// 'jam dpal gzungs kyang byed pa po med pa ste/ 'jam dpal gang na byed pa po med pa de la bdag med do//
- 42b
'jam dpal bdag med pa ni sangs rgyas kyi byang chub ste/ ming gis bstan pa'o// ming de ni phyogs bcu kun tu btsal kyang mi snyed de/ 'jam dpal de ni ming dang gzugs lta bur 'jug pa'i gzus kyi sgo'o/ / 'jam dpal skye mched drug ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na skye mched drug byang chub lags/ bka' stsal pa/ 'jam dpal skye mched thams cad ni rang gi yul dben pa ste/ mig gi dbang po yang bdag gis gzugs blta'o snyam du de ltar mi sems so// rna ba'i dbang po yang bdag gis sgra nyan to snyam du de ltar mi sems so// sna'i dbang po yang bdag gis dri la bsnam mo snyam du de ltar mi sems so// lce'i dbang po yang bdag gis ro myang ngo snyam du de ltar mi sems so// lus kyi dbang po yang dag gis reg pa tshor ba'o// snyam du de ltar mi sems so// yid kyi dbang po yang bdag gis chos rnam par shes so snyam du de ltar mi sems so// mig kyang gzugs yul du mi shes/ gzugs kyang mig gi yul du mi shes/ rna ba yang sgra yul du mi shes/ sgra yang sna ba'i yul du mi shes/ sna yang dri'i yul du mi shes/ dri yang snga'i yul du mi shes/ lce yang ro'i yul du mi shes/ ro yang lce'i yul du mi shes lus kyang reg bya yul du mi shes/ reg bya yang lus kyi yul du mi shes/ yid kyang chos yul du mi shes/ chos kyang yid kyi yul du mi shes te/ 'jam dpal skye mched rnams ni phan tshun
- 43a
mi mthun pa/ g.yo ba med pa/ byed pa med pa/ phan tshun sems pa med pa/ phan tshun ngo bo nyid kyis stong pa'o// 'jam dpal chos gang ngo bo nyid kyis stong pa de ni byang chub ste/ de ni skye mched drug lta bur 'jug pa'i gzungs kyi sgo'o// 'jam dpal reg pa ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na reg pa byang chub lags/ bka' stsal pa/ 'jam dpal reg pa zhes bya ba ni/ gzugs 'dus te reg pa dang / sgra 'dus te reg pa dang / dri 'dus te reg pa dang / ro 'dus te reg pa dang / reg bya 'dus te reg pa dang / chos 'dus te reg pa'o/ / 'jam dpal gzugs 'dus te reg pa nas/ chos 'dus te reg pa'i bar gang yin pa de ni rten pa'o// gang rten pa de ni rkyen mang po las skye ba'o// 'jam dpal gang rkyen mang po las skye ba de ni tshogs kyi tshul du gnas pa'o/ / 'jam dpal tshogs kyi tshul gang yin pa de ni sgyu ma'i tshul lo// sgyu ma'i tshul gang yin pa de ni yang dag pa ma yin pa'i tshul lo// yang dag pa ma yin pa'i tshul gang yin pa de ni med pa'o/ / med pa gang yin pa de ni mi skye ba'o// mi skye ba gang yin pa de ni mi 'gag pa'o// 'jam dpal gang skye ba med cing 'gag pa med pa de ni sangs rgyas kyi byang chub ste/ de ni reg pa lta bur 'jug pa'i gzungs kyi sgo'o// 'jam dpal tshor ba ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na tshor ba byang chub lags/ bka' stsal
- 43b
pa/ 'jam dpal tshor ba zhes bya ba ni rnam pa gsum ste/ bde ba'i tshor ba dang / sdug bsngal gyi tshor ba dang / bde ba yang ma yin/ sdug bsngal yang ma yin pa'i tshor ba'o// 'jam dpal bde ba'i tshor ba ni nang na yang mi 'dug/ phyi rol na yang mi 'dug/ gnyi ga med par yang mi dmigs so// 'jam dpal sdug bsngal gyi tshor ba yang nang na yang mi 'dug/ phyi rol na yang mi 'dug gnyi ga/ med par yang mi dmigs so// 'jam dpal bde ba yang ma yin/ sdug bsngal yang ma yin pa'i tshor ba yang nang na yang mi 'dug/ phyi rol na yang mi 'dug/ gnyi ga med par yang mi dmigs so// 'jam dpal gyis gsol pa/ bcom ldan 'das 'o na ji ltar sems can rnams kyi bde ba'i tshor ba dang / sdug bsngal gyi tshor ba dang / bde ba yang ma lags/ sdug bsngal yang ma lags pa'i tshor bdag lags/ bcom ldan 'das kyi bka' stsal pa/ 'jam dpal 'du shes phyin ci log gis phyin ci log tu gyur pa'i byis pa so so'i skye bo rnams ni yang dag pa ma yin pa'i rkyen sna tshogs kyis bde'o snyam du 'du shes/ sdug bsngal lo snyam pa 'am/ bde ba yang ma yin/ sdug bsngal ba yang ma yin snyam du shes mod kyi/ 'jam dpal tshor ba thams cad sgyu ma'i rang bzhin te/ ma byas pa/ ma skyes pa/ rtag tum byung ba ste/ 'jam dpal rnam grangs des na/ tshor ba ni byang chub ste/ de ni tshor ba lta bur 'jug pa'i gzungs kyi sgo'o// 'jam dpal sred pa ni byang chub sI/ 'di ni gzungs kyi rgol/
- 44a
gsol pa bcom ldan 'das ji ltar na sred pa byang chub lags/ bcom ldan 'das kyis sred pa kun nas nyon mongs pa lags par bka' ma stsal lags sam/ bcom ldan 'das kyis bka' stsal pa/ 'jam dpal 'di ji snyam du sems/ mi bu med pa'i bu'i sred pa nang na 'dug gam/ 'on te phyi rol na 'dug gam/ 'on te phyogs dang mtshams rnams na 'dug/ 'jam dpal gyis gsol pa bcom ldan 'das de'i bu nyid kyang ma byung na/ bu'i sred pa nyid lta ga la mchis/ bcom ldan 'das kyis bka' stsal pa/ 'jam dpal gang gis tshe mi de 'du ba dang ldan te/ bu skyed cing sred pa skyed pa'i dus de yod/ tshigs de yod na 'jam dpal de ji snyam du sems/ mi de'i bu la sred pa shar phyogs nas 'ongs sam/ 'on te lho phyogs nas sam/ 'on te nub phyogs nas sam/ 'on te byang phyogs nas sam/ 'on te 'og nas sam/ 'on te steng gi phyogs nas sam/ 'on te nang na 'dug gam/ 'on te phyi rol na 'am/ gnyi ga med par gnas sam/ 'jam dpal gyis gsol pa/ bcom ldan 'das sred pa shar phyogs na mi dmigs/ lho phyogs na yang ma lags/ nub phyogs na yang ma lags/ byang phyogs na yang ma lags/ steng na yang ma lags/ 'og na yang ma lags/ nang na yang ma lags/ slad rol na yang ma lags/ gnyi ga ma mchis par yang mi dmigs lags so// bcom ldan 'das kyis bka' stsal pa/ 'jam dpal 'di ji snyam du sems/ sred pa de sus kyang byas
- 44b
sam/ byed du gtsug pa yin nam/ 'jam dpal gyis/ gsol pa/ bcom ldan 'das sred pa ni ma gyis pa ste/ sred pa la byed pa po gang yang ma mchis na/ bcom ldan 'das byis pa so so'i skye sa log pa dang ldan pa rnams kyis yang dag par ma lags pa la brtags so/ / bka' stsal pa/ 'jam dpal 'di ji snyams du sems/ yang dag pa ma yin pa de yod dam/ 'jam dpal gyis gsol pa bcom ldan 'das de ni ma lags so/ / bde bar gshegs pa de ni ma lags so// bka' stsal pa/ 'jam dpal med pa de la ci kun nas nyon mongs pa 'am/ rnam par byang ba yod dam/ gsol pa bcom ldan 'das de ni ma lags so/ / bka' stsal pa/ 'jam dpal chos gang shar phyogs nas mi rnyed/ lho phyogs nas kyang ma yin/ nub phyogs nas kyang ma yin/ byang phyogs nas kyang ma yin/ nang nas kyang yin/ phyi rol nas kyang ma yin/ gnyi ga med par yang mi dmigs pa de ni kun nas nyon mongs pa can du mi 'gyur zhing / rnam par byang bar mi 'gyur ba ste/ 'jam dpal de ni sred pa lta bur 'jug pa'i gzungs kyi sgo'o/ / 'jam dpal len pa ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na len pa byang chub lags/ bcom ldan 'das kyis len pa 'ching ba lag par bka' ma stsal lags sam/ bcom ldan 'das kyis bka' stsal pa/ 'jam dpal de ji snyam du sems/ byis pa so so'i skye bo rnams ci yang skyed dam/ gsol pa/ bcom ldan 'das skyed lags
- 45a
te/ gzugs dang / sgra dang / dri dang / ro dang / reg bya dang / 'dod pa'i yon tan 'di lnga skyed lags so// bka' stsal pa/ 'jam dpal 'di ji snyam du sems gzugs kyis gzugs skyed dam/ gsol pa/ de ni ma lags so// bcom ldan 'das kyis bka' stsal pa/ ci tshor bas tshor ba bskyed dam/ 'du shes kyis 'du shes skyed ngam/ 'du bya rnams kyis 'du byed rnam skyed dam/ ci rnam par shes pas rnam par shes pa skyed dam/ gsol pa bcom ldan 'das de ni ma lags so// bcom ldan 'das kyi bka' stsal pa/ 'jam dpal 'di ji snyam du sems/ chos gang zhig chos gang skyed par byed pa de yod dam/ gsol pa bcom ldan 'das de ni ma lags so// bcom ldan 'das kyis bka' stsal pa/ 'jam dpa' chos gang zhig chos gang zhig la 'ching ba'i bya ba byed dam/ gsol pa/ bcom ldan 'das de ni ma lags so// bka' stsal pa/ 'jam dpal de ltar chos thams cad skye ba med pa/ 'gag pa med pa/ sgrib pa med pa ste/ 'di dag ni gcig la gcig mi skyed do// gcig la gcig mi dmigs so// mi smra'o// bem po yin pa'i phyir/ ngag gi las 'byin par mi byed do// 'jam dpal rnam grangs de na/ len pa ni byang chub ste/ de ni len pa lta bur 'jug pa'i gzungs kyi sgo'o// 'jam dpal srid pa ni byang chub ste/ 'di ni gzungs kyi sgo'o// gsol pa/ bcom ldan 'das ji ltar
- 45b
na srid pa byang chub lags/ bcom ldan 'das srid pa dgag pa'i slad du/ nyan thos rnams la bcom ldan 'das kyis chos ma bstan lags sam/ bka' stsal pa/ 'jam dpal ngas srid pa bshad pa de ni dngos po med pa ste/ des na srid pa zhes bya'o// 'jam dpal gang gis chos thams cad dngos po med pa mthong ba de ni ci yang skyed par mi byed do// 'gag par mi byed do// chos thams cad nam mkha'i rang bzhin du mthong nas/ sangs rgyas kyi chos rnams la yang mi dmigs mi 'dor ro// 'jam dpal des na srid pa byang chub ste/ de ni sbri pa lta bur 'jug pa'i gzungs kyi sgo'o// 'jam dpal skye ba ni byang chub ste/ 'di ni gzungs kyi sgo'o// gsol pa/ bcom ldan 'das ji ltar na skye ba byang chub lags/ bcom ldan 'das kyis skye ba las yang dag par bzla ba'i slad du chos ma bstan lags sam/ bka' stsal pa/ 'jam dpal byang chub sems dpas skye ba yongs su btsal na/ skye ba med pa/ 'pho ba med pa/ 'byung ba med par mthong ngo // 'jam dpal rnam grangs des na skye ba byang chub ste/ de ni skye ba lta bur 'jug pa'i gzungs kyi sgo'o// 'jam dpal rdo rje'i snying po'i gzungs la 'jug pa'i sgo 'di ni 'jug pa'i sgo gang gis byang chub sems dpa' spobs pa myur du thob cing / spobs pa rno bar 'gyur ba dang / spobs pa zab mor 'gyur ba dang / spobs pa chags pa med pa dang / spobs pa thogs pa med par 'gyur ba'o//
- 46a
de nas bcom ldan 'das la 'jam dpal gzhon nur gyur pas 'di skad ces gsol to// 'di byang chub sems dpa' gang rnams kyis lags/ bcom ldan 'das kyis bka' stsal pa/ 'jam dpal 'di ni gang dag byang chub la ma zhugs pa rnams dang / gang dag byang chub tu sems ma bskyed pa rnams dang / gang dag sangs rgyas kyi chos rnams la mi dmigs pa dang / gang dag 'dod chags dang / zhe sdang dang / gti mug las bskyod par mi 'dod pa rnams dang / gang dag 'khor ba las 'da' bar mi 'dod pa rnams dang / gang dag sems can dgrol bar mi 'dod pa/ rnams dang / gang dag sangs rgyas kyi chos rnams khong du chud par mi 'dod pa'i byang chub sems dpa' de dag gis yin no// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das rigs kyi bu dang / rigs kyi bu mo gang la la zhig gzungs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher rab tu ston pa de la tshe 'di la yon tan ji snyed cig mchis par 'tshal bar bgyi/ bcom ldan 'das kyis bka' stsal pa/ de la lha dang / klu dang / gnod sbyin dang / dri za rnams bsrung bar shes par bya'o// de chos thams cad la the tsom med par shes par bya'o// de chos rab tu dbye ba'i shes pa dang ldan par shes par bya'o//
- 46b
'jam dpal gzungs 'di'i yon tan ni mtha' yas te/ bskal pa brgyar yang zad par byar mi nus so// bcom ldan 'das kyis chos kyi rnam grangs 'di bshad pa na/ byang chub sems dpa' khris rdo rje'i snying po'i gzungs 'di thob bo/ / las dang po pa'i byang chub sems dpa' sum khri nyis stong gis rjes su mthun pa'i chos la bzod pa thob bo// bcom ldan 'das kyis de skad ces bka' stsal nas/ 'jam dpal gzhon nur gyur pa dang / lha dang / klu dang / gnod sbyin dang / dri za de dag dang / lha dang / mi dang / lha ma yin du bcas pa'i 'jig rten yi rang te/ bcom ldan 'das kyis gsungs pa la mngon par bstod do/ / 'phags pa rdo rje'i snying po'i gzungs zhes bya ba theg pa chen po'i mdo rdzogs so// rgya gar skad du/ Ar+ya gu Na ra nasang ku su mi ta brid tsa nA ma ma hA yAn sU tra/ bod skad du/ 'phags pa yon tan rin chen me tog kun tu rgyas pas zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' stong phrag rab tu mang po rnams dang thabs gcig tu bzhugs te/ de'i tshe 'khor de nyid du/ byang chub sems dpa' sems dpa' chen po grong khyer yang
- 47a
pa'i lid tsa byi gzhon nu yon tan rin chen me tog kun tu rgyas pa zhes bya ba zhig 'dus par gyur te 'dug go/ de nas byang chub sems dpa' sems dpa' chen po yon tan rin chen me tog kun tu rgyas bstan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis byang chub sems dpa' sems dpa' chen po yon tan rin chen me tog kun tu rgyas pa la 'di skad ces bka' stsal pa/ yon tan rin chen me tog kun tu rgyas pa khyod/ de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa zhus shig dang / zhu ba de dang de nyid kyi lung bstan pas ngas khyod kyi sems rangs par bya'o// de nas byang chub sems dpa' sems dpa' chen po yon tan rin chen me tog kun tu rgyas pas/ bcom ldan 'das da ltar na 'jig rten gyi khams gzhan dag na/ sangs rgyas bcom ldan 'das rnams zhugs te/ 'tsho zhing gzhes
- 47b
pa de rnams kyi mtshan bzung na/ rigs kyi bu 'am/ rigs kyi bu mo myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dag bzhugs pa lags sam/ de skad ces gsol pa dang bcom ldan 'das kyis/ byang chub sems dpa' sems dpa' chen po// yon tan rin chen me tog kun tu rgyas pa la 'di skad ces bka' stsal to// yon tan rin chen me tog kun tu rgyas pa legs so legs so// yon tan rin chen me tog kun tu rgyas pa khyod da ltar dang / ma 'ongs pa'i skye bo mang po la phan pa dang / skye bo mang po la bde ba dang / 'jig rten la snying brtse ba dang / byang chub sems dpa' rnams dang / lha dang mi rnams kyi don dang / phan pa dang / bde ba'i phyir khyod de bzhin gshegs pa la don 'di zhu bar sems pa ni/ yon tan rin chen me tog kun tu rgyas pa khyod yang legs so/ / de'i phyir yon tan rin chen me tog kun tu rgyas pa khyod legs par rab tu nyon la yid la zung zhig dang ngas khyod la bshad do// bcom ldan 'das de ltar 'tshal lo zhes gsol nas/ byang chub sems dpa' sems dpa' chen po yon tan rin chen me tog kun tu rgyas pa/ bcom ldan 'das kyi ltar nyan pa dang / bcom ldan 'das kyi 'di skad ces bka' stsal to/ / yon tan rin chen me tog kun tu rgyas pa/ shar phyogs na chos thams cad kyi yon tan bkod pa'i 'jig rten gyi khams na de bzhin gshegs pa dgra bcom pa
- 48a
yang dag par rdzogs pa'i sangs rgyas yon tan rin chen dpag tu med pa bkod pa'i gzi brjid kyi rgyal po lta bu zhes bya ba zhig da ltar bzhugs te/ 'tsho zhing gzhes pa yod do// bskal pa de ni rgyas pa thams cad kun nas bsdus pa zhes bya'o// de na sems can rnams kyi tshe ni dpag tu med do// bcom ldan 'das de'i byang chub sems dpa' thams cad kyi 'khor dpag tu med do// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rin chen dpag tu med pa bkod pa'i gzi brjid kyi rgyal po lta bu de'i mtshan 'dzin pa'i rigs kyi bu 'am/ rigs kyi bu mo dad pa can ni bskal pa stong phrag drug cu'i 'khor ba bsnyil bar byed do// tshe rjes nas kyang sgrib pa med par ston pa zhes bya ba'i gzungs thob par 'gyur ro// sangs rgyas kyi zhing bye ba phrag bcu rnams kyi sangs rgyas bcom ldan 'das kyi spobs pa nye bar sgrub par mdzad do/ / chos ston pa na bag tsha ba yang med par 'gyur ro// de la 'di skad ces bya ste/ mi gang sangs rgyas mtshan 'di rjod byed pa/ de la yon tan 'di rnams myur du 'byung / / de la de bas lhag pa gzhan yang 'byung // de la bla med byang chub dka' ma yin// yon tan rin chen me tog kun tu rgyas pa lho phyogs na yon tan rin chen bkod pa'i 'jig/ rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas yon tan rin chen dpal bkod pa'i gzi brjid kyi rgyal po lta bu zhes bya ba zhig da ltar bzhugs te 'tsho zhing
- 48b
gzhes pa yod do/ / bskal pa de ni yon tan rgyas pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rin chen dpal bkod pa'i gzi brjid kyi rgyal po lta bu de'i mtshan 'dzin pa'i rigs kyi bu 'am/ rigs kyi bu mo dad pa can ni tshe rjes ma thag tu/ nyi ma'i dkyil 'khor gyi mtha' snang ba zhes bya ba'i ting nge 'dzin thob par 'gyur ro// sangs rgyas kyi zhing yon tan dpag tu med pa bkod pa yang yongs su 'dzin par 'gyur ro// tshe rjes ma thag tu skyes bu chen po'i mtshan sum cu rtsa gnyis thob par 'gyur ro// sangs rgyas kyi zhing gang dang gang du smon lam 'debs pa'i sangs rgyas kyi zhing de dang der skye bar 'gyur ro/ / skye ba gcig gis thogs pas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / spobs pa rgyun mi 'chad pa yang thob par 'gyur ro// de la 'di skad ces bya ste/ mi gang sangs rgyas mtshan 'di rjod byed pa// de la ting 'dzin bsam yas de skye zhing // sum cu rtsa gnyis mtshan ldan lus thob la/ / de ni byang chub skye ba gcig thogs 'gyur// yon tan rin chen me tog kun tu rgyas pa/ nub phyogs na mya ngan dang mun pa thams cad dang bral ba'i 'jig rten gyi khams na/ de bzhin gshegs ba dgra bcom pa yang dag par rdzogs pa'i sangs rgyas chos thams cad la spobs pa bkod pa'i dpal zhes bya ba zhig da ltar bzhugs te 'tsho zhing gzhes pa yod do/ / bskal pa de ni shAkya mngon par mdzes
- 49a
pa zhes bya'o/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad la spobs pa bkod pa'i dpal de'i mtshan 'dzin pa'i rigs kyi bu 'am rigs kyi bu mo/ / dad pa can ni mtshon gyis 'chi ba'i dus byed par mi 'gyur ro// dug gis ma yin/ chus ma yin te/ mes kyang 'chi ba'i dus byed par mi 'gyur ro// brdzus te skye bar 'gyur ro/ / tshe rjes ma thag tu yang shugs brgya pa zhes bya ba'i gzungs thob par 'gyur ro// de la 'di skad ces bya ste/ mi gang sangs rgyas mtshan 'di brjod byed pa/ 'di la mi de'i lus mes mi 'chi zhing / mtshon gyis min la chus min dug gis min/ de ni brdzus te skye ba kho nar 'gyur/ yon tan rin chen me tog kun tu rgyas pa/ byang phyogs na mun pa dang rdul dang bral ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas spobs pa dpag tu med pa bkod pa yang dag par spyad pa'i blo zhes bya ba zhig da ltar bzhugs te 'tsho zhing gzhes pa yod do/ / bskal pa de ni grags pa chen po 'dzin pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spobs pa dpag tu med pa bkod pa yang dag par spyad pa'i blo de'i mtshan 'dzin pa'i rigs kyi bu 'am/ rigs kyi bu mo dad pa can ni/ sangs rgyas bye ba khrag khrig phrag 'bum phrag bcu mnyes par byed
- 49b
par 'gyur ro/ / thams cad du rjes su song ba zhes bya ba'i gzungs kyang thob par 'gyur ro// zad mi shes pa'i za ma tog ces bya ba'i gzungs kyang thob par 'gyur ba nas/ bla na med pa yang dag par rdzogs pa'i byang chub mngon par rdzogs par 'tshang rgya ba'i bar du yang 'gyur ro/ / ngan song gsum po rnams su skye bar mi 'gyur ro// byang chub sems dpa'i spyad pa spyod pa na/ sangs rgyas kyi zhing gang dang gang du skye bar 'gyur ba de dang der/ ngan song du skyes pa'i sems can rnams yongs su thar par 'gyur/ bla na med pa yang dag pa'i byang chub las phyir mi ldog par 'gyur ro// de la 'di skad ces bya ste/ mi gang sangs rgyas mtshan 'di brjod byed pa// de yi yon tan bgrang bar mi nus shing // de ni byang chub thob par the tshom med// de la the tshom med par gzungs skye'o// yon tan rin chen me tog kun tu rgyas pa/ shar lho'i mtshams kyi phyogs na/ shin tu mdzes pa bkod pa'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas 'brug stong bsgrags pa'i sgra skad kyi rgyal po zhes bya ba zhig da ltar bzhugs shing 'tsho zhing gzhes pa yod do/ / bskal pa de ni yon tan 'byung gnas zhes bya'o// bcom ldan 'das de bzhin gshes pa dgra bcom pa yang dag par rdzogs pa'i sangs rgyas 'brug stong bsgrags pa'i sgra skad kyi rgyal po de'i mtshan 'dzin pa'i rigs kyi bu 'am/ rigs kyi bu mo dad pa can de ni tshe rjes ma thag tu mi 'jig
- 50a
pa bzhi thob par 'gyur ro/ / rdzu 'phrul gyi rkang pa bzhi thob par 'gyur ro// byams pa chen po dang / snying rje chen po thob par 'gyur ro// sangs rgyas kyi chos ma 'dres pa bco brgyad thob par 'gyur ro/ / de bzhin gshegs pa tshe dpag med kyi sangs rgyas kyi zhing gi yon tan bkod pa ci 'dra ba de lta bu thob par 'gyur ro// bud med kyi tshe rjes nas skyes pa'i lus thob pa 'gyur ro/ / de la 'di skad ces bya ste/ gang zhig rgyal ba'i mtshan 'di 'dzin byed pa'i// byang chub sems dpa' yon tan 'di dang gzhan// bsam gyi mi khyab rtag tu thob par 'gyur// byang chub sems dpa' sangs rgyas mang po mthong / / yon tan rin chen me tog kun tu rgyas pa/ lho nub mtshams kyi phyogs na/ bkod pa dpag tu med pa'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gser mchog 'od dpal zhes bya ba zhig da ltar bzhugs te 'tsho zhing gzhes pa yod do/ / bskal pa de ni chos thams cad yang dag par skyed pa zhes bya'o/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser mchog 'od dpal de'i mtshan 'dzin pa'i rigs kyi bu 'am/ rigs kyi bu mo dad pa can de'i mtshan thos pa des/ sangs rgyas bcom ldan 'das bye ba phrag dgu mnyes par byed par 'gyur/ sems can thams cad mchog tu 'gro bar byed pa zhes bya ba'i ting nge 'dzin thob par 'gyur ro// rgyu gang gis na/
- 50b
sems can thams cad mchog tu 'gro bar byed ces bya zhe na/ rigs kyi bu 'am/ rigs kyi bu mo gang la la zhig ting nge 'dzin 'di la gnas nas chos ston par 'gyur zhing / de chos ston pan+da/ tring / nge 'dzin de'i chos nyid thob pas/ stong gsum gyi stong chen po'i 'jig rten gyi khams na/ sems can gang dag 'khod pa de dag thams cad bde ba dang ldan par 'gyur te/ dper na/ de bzhin gshegs pa dgra bcom pa yang dag par rdzogs pa'i sangs rgyas yid 'ong gi sangs rgyas kyi zhing na/ sems can rnams gcig tu bde ba dang ldan zhing / sems can ngan song du skyes pa thams cad yongs su thar par 'gyur te/ de dag nas yongs su grol nas lha dang mi'i lus thob par 'gyur zhing / bla na med pa yang dag par rdzogs pa'i byang chub tu nges par 'gyur ba yin no// de la 'di skad ces bya ste/ gser mchog 'od dpal gyi ni mtshan 'dzin pa/ / de la gzi brjid dpal mdog stobs dbang po// tshe rabs kun tu rnyed par dka' ma yin// de la thogs pa med pa mtha' yas 'gyur// yon tan rin chen me tog kun tu rgyas pa/ nub byang mtshams kyi phyogs na/ sdig pa dang bral ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gzi brjid kyi rgyal po rnam mang dpal snang zhes bya ba zhig da ltar bzhugs te 'tsho zhing gzhes pa yod do/ / bskal pa de ni khyim rgyas pa zhes bya'o// bcom ldan 'das de bzhin gshegs pa dgra bcom pa yang dag
- 51a
p ar rdzogs pa'i sangs rgyas gzi brjid kyi rgyal po rnam mang dpal snang zhe sa de'i mtshan 'dzin pa'i rigs kyi bu 'am rigs kyi bu mo dad pa can de ni tshe rjes ma thag tu spobs pa dpag tu med pa bkod pa zhes bya ba'i gzungs thob par 'gyur ro/ / tshegs chung ngus de bzhin gshegs pa dgra bcom pa yang dag par rdzogs pa'i sangs rgyas tshe dpag med kyi sangs rgyas kyi zhing gi yon tan bkod pa 'dzin par 'gyur ro/ / sangs rgyas bye ba phrag brgyad cu'i chos ston pa yang thos par 'gyur/ 'dzin par 'gyur ro// de la 'di skad ces bya ste/ gang zhig rgyal ba de yi mtshan 'dzin pa// tshe dpag med kyi sangs rgyas zhing du ni/ / de ni tshe dpag med ldan chos shes 'gyur// skye gcig thogs par byang chub rdzogs 'tshang rgya// yon tan rin chen me tog kun tu rgyas pa byang shar mtshams kyi phyogs na/ mya ngan thams cad las rgal ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas bskal pa grangs med pa byang chub yang dag par sgrubs pa zhes bya ba zhig da ltar bzhugs te 'tsho zhing gzhes pa yod do/ / bskal pa de ni spobs pa bkod pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa bye ba grangs med par byang chub yang dag par bsgrubs pa de'i mtshan 'dzin pa'i rigs kyi bu 'am/ rigs kyi bu mo dad pa can de ni tshe rjes ma thag tu rnam par drug cu dang ldan pa'i sgra dbyangs kyi spobs
- 51b
baphun sum tshogs pa thob par 'gyur ro/ / sangs rgyas bye ba phrag brgyad cu la dge ba'i rtsa ba bskyed pa 'dzin par 'gyur ro// de la 'di skad ces bya ste/ sna dbyangs yan lag drug cu phun tshogs ldan// de ni kun/ tu shes pa'ang pha rol phyin// rgyal ba bye ba brgyad cu mchod byed pa'i// bsod nams gang yin bsam yas des thob 'gyur// yon tan rin chen me tog kun tu rgyas pa/ steng gi phyogs na yon tan dpag tu med pa bkod pa'i gzi brjid kyi 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gser bzang po dang / nam mkha' nges par sgrogs pa bkod pa'i 'od ces bya ba zhig da ltar bzhugs te 'tsho zhing gzhes pa yod do/ / bskal pa de ni tshad med len ces bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang po dang / nam mkha' nges par sgrogs pa bkod pa'i 'od de'i mtshan 'dzin pa'i rigs kyi bu 'am/ rigs kyi bu mo dad pa can ni tshul khrims kyi phung po dpag tu med pa yongs su sbyong bar 'gyur ro/ / ting nge 'dzin gyi phung po dpag tu med pa dang / shes rab kyi phung po dpag tu med pa dang / rnam par grol ba'i phung po dpag tu med pa dang / rnam par grol ba'i ye shes mthong ba'i phung po dpag tu med pa yongs su sbyong bar 'gyur ro/ / sa nas sa yang 'thong bar 'gyur ro// tshig gzung bar 'os pa nyid kyang thob par 'gyur/ spobs pa bul ba med pa phun sum tshogs pa yang thob par
- 52a
'gyur ro/ / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// yi ge dang brda'i sgra yang thob par 'gyur ro// rigs mthon po dang rigs chen po yang thob par 'gyur ro/ / mngon par shes pa lnga yang thob par 'gyur ro// tshe rabs dran par yang 'gyur ro// sangs rgyas kyi chos ma 'dres pa bco brgyad kyang thob par 'gyur ro// de la 'di skad ces bya ste/ gang zhig rgyal ba'i mtshan mchog 'dzin byed pa// de ni yan lag brgyad dbyangs phun sum thob// de ni sangs rgyas bral bar yong mi skye// mi de mi thogs byang chub 'tshang rgya 'gyur/ / yon tan rin chen me tog kun tu rgyas pa/ 'og gi phyogs na tha dad pa med pa nyid la dga' ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul la rnam par 'phrul pa'i gzi brjid kyi 'od ces bya ba zhig da ltar bzhugs te 'tsho zhing gzhes pa yod do/ / bskal pa de ni ye shes kun nas bsdus pa zhes bya'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul la rnam par 'phrul pa'i gzi brjid kyi 'od de'i mtshan thos pa'i rigs kyi bu 'am/ rigs kyi bu mo dad pa can de ni/ tshe rjes ma thag tu/ sangs rgyas yongs su bsgrub pa zhes bya ba'i gzungs thob par 'gyur ro// skye ba gcig gis thogs pa bla na med pa yang dag par rdzogs pa'i byang chu
- 52b
mngon par rdzogs par 'tshang rgya bar 'gyur ro/ / sangs rgyas bye ba phrag dgu bcu'i chos bstan pa yang thos par 'gyur ro// thos nas kyang thams cad kun tu 'dzin par 'gyur ro// de la 'di skad ces bya ste/ sangs rgyas mtshan 'dzin sangs rgyas bye ba phrag/ dgu bcu rnams kyis chos bston thos 'gyur zhing // skye ba gcig thogs bla na med pa yi// byang chub mngon par rdzogs par 'tshang rgya 'gyur// / de nas byang chub sems dpa' sems dpa' chen po yon tan rin chen me tog kun tu rgyas pa/ byang chub sems dpa' sems dpa' chen po yon tan rin chen thams cad dang ldan pa'i skad kyi gzungs thob par gyur to/ / byang chub sems dpa' bye ba phrag brgyad bcus bla na med pa yang dag par rdzogs pa'i byang chub las phyir mi ldog pa'i sa thob bo// lha dang mi'i skye dgu sum khris ni bla na med pa yang dag par rdzogs pa'i byang chub tu sems skyed do/ / bcom ldan 'das kyis de skad ces bka' stsal nas/ byang chub sems dpa' sems dpa' chen po yon tan rin chen me tog kun tu rgyas pa dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do// yon tan rin chen me tog kun tu rgyas pa'i le'u zhes bya ba rdzogs so// / rgya gar gyi mkhan po dzi na mi tra dang / pradz+nyA war ma dang / zhu chen gyi lo tsha ba ban d+he ye shes /
- 53a
la sogs pas bsgyur cing zhus te gtan la phab pa/ @rgya gar gang dru/ An+ta rad na dz+wa li pa'i bring nA nA ma mahA/ yAn sU tra/ bod skad du/ 'phags pa rin chen dra ba can gyis zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul yang pa na/ spre'u rdzing gi 'gram na/ khang pa brtsegs pa'i gnas na/ dge slong gi dge 'dun chen po dang thabs gcig tu bzhugs te/ byams pa la stsogs pa byang chub sems dpa' skye ba gcig gis thogs pa rnams dang / skye ba gnyis kyis thogs pa rnams dang / skye ba gsum gyis thogs pa rnams dang / skye ba bzhis thogs pa rnams dang / skye ba lngas thogs pa rnams dang / skye ba bcus thogs pa rnams dang / sum cu dang / bzhi bcu dang / skye ba stong gi bar rnams kyis thogs pa'i byang chub sems dpa' bye ba phrag bzhi bcu rtsa gnyis dang / dgra bcom pa bye ba phrag drug cu dang / lha bye ba phrag dgu bcu rtsa dgu la/ 'dod pa na spyod pa dang / gzugs na spyod pa'i lha'i bu rnams dang / rgyal po chen bo bzhi dang / lha'i dbang po rgya byin dang / me mjed kyi bdag po tshangs pa dang / lha'i bu shin tu dpal bzang ldan dang / lha'i bu zla ba'i 'od dang / lha'i bu nyi ma'i 'od dang / lha'i bu grags pa'i 'od dang
- 53b
lnga'i bu mngon par dga' ba dang / de dag dang gzhan yang lha'i bu bye ba phrag dgu bcu rtsa dgu dang / klu'i rgyal po ma gros pa dang / klu'i rgyal po rgya mtsho dang / klu'i rgyal po nor rgyas kyi bu dang / gzi can/ dang / klu'i rgyal po dga' bo dang / nye dga' bo dang / klu'i rgyal po btang bzung dang / klu'i rgyal po btang bzung chen po dang / lha ma yin gyi dbang po sgra can dang / lha ma yin gyi dbang po thams cad kyi 'khor dang yang thabs gcig go/ / de'i tshe grong khyer chen po yangs pa na/ sde dpon seng ge'i bu lid tsa byi stobs mtha' yas shes bya ba zhig gnas so// de'i tshe seng ge'i bu stobs mtha' yas de'i gzhon nu li rtsa byi rin chen dra ba can zhes bya ba/ sangs rgyas mang po 'bum la bsnyen bkur byas pa/ chos kyi tshul snang ba mtha' yas pa'i sgron ma dang ldan pa yang dag par 'dzin pa/ natshod lo brgyad lon pa 'dra ba zhig gnyid log ste/ de'i rmi lam du rmis pa/ lha'i bu yongs su dga' ldan gyi gnas nas babs nas/ tshigs su bcad pa'i dbyangs kyis bskul te mngon par smras pa/ sems can snying po rgyal ba sangs rgyas kyis/ / stong gsum 'jig rten snang bar mdzad nas bzhugs// bsod nams brgya bsags gser gyi mdog 'dra ba// bdag nyid chen po gzugs kyis ma lus mdzes// dkyil 'khor bye ba rab tshang gang yin pa/ / zla ba stong ngam yang na bye ba yi// 'od zer dag gis dkyil 'khor de snang byed// ji ltar gang+ga 'i klung gi bye ma snyed// de 'dra'i dkyil 'khor byed par tshang ba ni// shar phyogs dkyil
- 54a
'khor mchog ni snang byed cing / / de bzhin lho phyogs de bzhin nub phyogs dang / de bzhin byang phyogs dkyil 'khor mchog snang byed// 'jig rten mgon po 'od mdzad spu'i khung / / re re nas ni 'od zer gang dag 'byung // re re nas ni 'od byung de dag gis// zla ba'i dkyil 'khor thams cad mog mog mdzad// kun gzigs rnams kyi spu khung re re nas// 'od zer 'byung zhing / spu khung re re nas// 'od zer byung ba rnams kyis gang+gA'i klu// drug cu rtsa drug bye snyed rab gsal mdzad// de nas li tsa byi gzhon nu rin chen dra ba can/ de'i mtshan mo 'das nas/ pha stobs mtha' yas la smras pa/ yab ma dang sum lha'i bu yongs su dga' ldan/ dga' ldan gyi gnas nas babs nas/ bdag la tshigs su bcad pa'i dbyangs kyis bskul ba bgyis par gyur to// 'di lta ste de bzhin gshegs pa la mchod pa bgyi ba'i las brtsam pa'i slad du// yab la bdag gsol ba bgyid do// de nas lid tsa byi gzhon nu rin chen dra ba can gyis/ pha stobs mtha' yas la tshigs su bcad de smras pa/ sems can kun gyi ded dpon rdzogs sangs rgyas// 'jig rten mkhas pa bsam yas bdag nyid che// skyob pa de la khyod kyis mchod don mdzod// 'dren pa de ni 'jig rten 'byung bar dka'/ / ji ltar u dum bA ra'i me tog skye ba ni// mdog ldan mdzes shing shin tu dri zhim la/ dri rab ldan zhing rdul bcom nyon mongs med// de 'dra'i me tog mchog ni rnyed par
- 54b
/ dka'// de phyir bdag gis yab la gsol 'debs pa// de ni dgyes pa'i thugs kyis bdag la gnong // gang zhig 'jig rten mgon po 'od mdzad pa// don dam gzigs pa la ni mchod pa bgyid// lid// tsa byi stobs mtha' yas sems dga' bas// ling tsa byi seng ge zhes bya ba la smras pa/ sde dpon rgyal po la ni mchod mdzod de// bdag gi gzhon nu bstan la gnas par mdzod// 'dren pa shAkya seng ge mchod pa dang / gzhon nu mchog gi spro ba bskyed pa'i phyir// khyims pa bye ba drug cu brtson par gyur// brgya byin lha mig stong dang ldan pa dang // tshangs pa dang ni dbang phyug dbang sgyur lha// bdud kyi bu bo ded dpon bzang po dang / / bye ba sa ya'i lha dang ldan cig tu// yangs pa can gyi dga' bar thams cad zhugs// gser las byas dang de bzhin dngul gyi khri// bye ba phrag ni stong du tshangs pa dag/ rin chen bdun gyis de dag mdzes byas pa/ / re re yang ni bye ba stong du tshangs// khri yi g.yas dang g.yon du rin po che// rin chen sna bdun rgyal mtshan bzang po gtsugs// khri re'i tshad ni dpag tshad rangs par yod// rgyal mtshan dag kyang dpag tshad bye bar mtho// rgyal mtshan rnams kyi g.yas dang g.yon du ni// de'i drung dpag tshang bas mtho sngags bu dag/ rang bzhin gcig ste nor bu rin po che// bye ba las byas dpag tshad mtho bar 'phags/ / khri yi bar bar lha yi ba dan yang // dpag tshad bas kyang ring ba sha stag spangs// ba dan lnga ldi gser gyi dra ba dag/ dril bu ga yer ka dag gi mdzes par bas// khri rnams
- 55a
kyi ni 'og tu ka ba yang / / bya ba phrag stong bye ba lags par sbyar// gang gis 'di ru khri mchog de dag ni// brtan par byas pa sgo gtan gtsug pa bzhin// khri yi steng du gser las byas pa dang / / gser lta bur dang dngul dang bai DUR+Ya// de bzhin shel dang spug dang rdo snying dang // de bzhin rtsa ba dang ni khong pa nas// byung ba min pa'i mu tig gdugs dag byas// tsan dan shin tu dmar pos dmar bar bskus/ / re re dag ni bye ba stong du tshang // khri rnams dang ni khri la chu lta bu'i// mkha' rten dag kyang byas nas de la ni// gser gyi dra ba dang ni gser lta bu/ dngul dang bai DUR+Ya dang de bzhin shel// sdug dang de bzhin rdo'i snying po yi// mkha' rten so so byas nas de la ni// rin chen dril sgra shin tu snyan pa dang // rnam 'dren sgra ni rnam par grags pa yi// mchod pa'i don tu bdug par rab tu bzhag yangs pa can gyi steng gi bar snang la/ / gser gyi skud pa las byas bla re bres// gser gyi skud pa re re mchog tu bzang // rin chen chun 'phyang stong phrag bye ba sbyangs// mu tig rgyan 'phreng stong phrag bye ba yang / / re re gser las byas pa'i skud pas brgyus// yangs pa'i grong khyer gnas pa lid tsa byi// gang dag gang du 'dong ba der nyams dga'// de tshe sa ni skyes bu 'dun srid g.yogs// grong khyer yangs pa kun tu ras yug bkram/ / dra ba can gyis tsan dan dmar btags nas// ras rnams la ni legs par bsku ba byas// bye ba stong phrag bdun cu'i sil snyan dag/ rnam pa stong
- 55b
/ rnams g.yas kyi phyogs nas 'khrol// g.yon gyi phyogs su'ang bye ba bdun cu stong // shAkya seng ge mchod pa'i don tu brtson/ de 'dra'i bkod chen byas nas lid tsa byi/ gzhon nu dra ba can gyis de'i tshe/ / dga' ba'i sems kyi pha ma la smras pa// sangs rgyas spyan drangs slad du bdag mchi'o// grong khyer mchog nas mkhas pa de byung ste// rgyal bdag chen po ga la bar song nas// yon tan rgya mtsho'i zhabs la mgo bo yis/ / phyag 'tshal der ni gzhon nu phyogs gcig 'dug/ de nas lid tsa byi gzhon nu rin chen dra ba can yangs pa'i grong khyer chen po nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs cig tu 'dug go// phyogs gcig tu 'dug nas/ lid tsa byi gzhon nu rin chen dra ba can de la/ bcom ldan 'das kyis chos dang ldan pa'i gtam gyis yang dag par dga' bar mdzad/ yang dag par 'dzin du 'jug/ yang dag par gzengs bstod// yang dag par rab tu dga' bar mdzad do// de nas lid tsa byi gzhon nu rin chen dra ba can gyis bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das dge slong gi dge 'dun dang thabs gcig tu bdag gi der gdugs tshod gsol bar cig gnang / bcom ldan
- 56a
'das kyis lad pa bye gzhan nu rin chen dra ba can la thugs brtse ba nye bar bzung ste cang mi gsung bar gyur pas gnang ngo / / de nas lid tsa byi gzhon nu rin chen drang can/ bcom ldan 'das kyi cang mi gsung bar gyur pas gnang bar rig nas/ bcom ldan 'das la lan gsum bskor ba byas te/ bcom ldan 'das kyi thad nas song ngo // de nas lid tsaN+Di gzhon nu rin chen dra ba can/ lha'i dbang po brgya byin dang / mi mjed kyi bdag po tshangs pa dang / lha'i bu dpal bzang ldan dang lhan cig tu yangs pa'i grong khyer chen por zhugs so// spro ba dang / dag ba'i gzugs rnams kyis zhal zas ro brgya dang ldan pa'i rnam pa sbyor du bcug go/ sbyar nas de'i mtshan mo 'das pa dang / gdan bshams shing yangs pa legs par brgyan nas/ bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ ling tsa byin gzhon nu rin chen dra ba can gyis/ bcom ldan 'das la 'di skad ces gsol to// bcom ldan 'das gdugs tshod bab ste/ de'i dus la dbab par mkhyen na/ gdugs tshod lags te dus la bab lags so// de nas bcom ldan 'das snga dro'i dus kyi tshe smad g.yogs dang chos gos gsol/ lhung zed bsnams te/ dge slong gi dge 'dun dpag tu med pa dang thabs gcig tu steng gi bar
- 56b
snang la mi bdun gyi srid tsam du mngon par 'phags te/ yangs pa can gyi grong khyer chen por gshegs so// bskyod ma thag tu de bzhin gshegs pa de'i stong gsum gyi stong chen po'i 'jig rten gyi/ khams 'di thams cad rnam pa drug tu 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg/ rab tu ldeg/ kun tu rab tu ldeg/ 'ur bu'ur/ rab tu 'ur 'u ra/ kun tu rab tu 'ur 'ur/ chem chem/ rab tu chem chem/ kun tu rab tu che ma tsham ste/ lhas bco brgyad dang ldan pa rnams pa drug tu g.yos so// gzhan yang cho 'phrul bye ba sa ya brgya phrag stong snyed ston cing yangs pa can du gshegs so/ / de'i tshe lha bye ba sa ya brgya phrag stong du ma lha'i me tog ut+pa la dang / pad+ma dang / ku mu dra dang / pad+ma dkar po rnams dang lha'i rin po che las byas pa'i me tog rnams dang / lha'i a ga ru'i phye ma dang / rin po che'i phye ma dang / 'dzam bu chu bo'i gser dang / lha'i rin po che'i phye ma rnams kyis bcom ldan 'das la mngon bar gtor/ / mngon par rab tu gtor ro// lha'i sil snyan bye ba khrag khrig phrag 'bum mngon par rab tu dkrol to// lha'i rgyun dpag tu med pa rnams kyis brgyan to// steng gi bar snang la tsan dan dmar po shing rnga'i srog shing tsam gyi char gyi rgyun phab par gyur to/ / de nas bcom ldan 'das lid tsa byi gzhon nu rin chen dra ba can gyis gnas ga la ba der gshegs te byon na/
- 57a
gdan bshams pa de la bzhugs te/ dge slong gi dge 'dun dang / dge slong ma'i dge 'dun dang / dge bsnyen dang / dge bsnyen ma'i 'khor rnams dang thabs gcig na de nas lid tsa byi gzhon nu rin chen dra ba can bcom ldan 'das bzhugs par rig nas/ rang gi lag nas bca' ba dang / bza' ba dang / myang ba bzang po rab tu mang pos tshim par byed kyi gang bzhed pa stobs par byed do/ / de nas lid tsa byi gzhon nu rin chen dra ba can/ bcom ldan 'das kyis zhal zas gsol lags par rig nas/ lhung bzed blangs te chab phul nas phyag bcabs so/ / bye ba khrag khrig 'bum ri ba'i chos gos gsum gyis/ bcom ldan 'das la mngon par gsol to// dge slong gi dge 'dun dang / dge slong ma'i dge 'dun dang / dge snyen dang dge bsnyen ma'i 'khor rnams la yang / chos gos gsum gyis mngon par g.yogs te/ de ci'i phyir zhe na/ 'di ltar de ni bcom ldan 'das kyis mthus so// de nas lid tsa byi gzhon rin chen dra ba can gyis bcom ldan 'das la 'di skad ces gsol to/ / gal te zhu ba lung bstan pa'i slad du/ bcom ldan 'das kyis bdag la skabs byin/ bcom ldan 'das de bzhin gshegs pa/ bdag phyogs 'ga' zhig zhu'o// de nas bcom ldan 'das kyis lid tsa byi gzhon nu rin chen dra ba can la 'di skad ces bka' stsal to// gzhon nu khyod de bzhin gshegs pa la gang dang ga
- 57b
som nyid yod pa zhus shig dang / ngas des dang de'i zhu ba lung bstan pas sems rangs par bya'o// de nas lid tsa byi gzhon nu rin chen dra ba can gyis bcom ldan 'das la 'di skad ces/ gsol to// bcom ldan 'das 'jig rten gyi khams gzhan dag na/ sangs rgyas bcom ldan 'das sngon gyi smon lam dang ldan pa bzhugs shing 'tsho ba skyong ba gang dag gi mtshan thos pa tsam gyis byang chub sems dpa' theg pa la yang dag par gnas pa'i rigs kyi bu 'am/ rigs kyi bu mo som nyi ma mchis shing / the tsom ma mchis par 'gyur/ phyir mi ldog cing bla na ma mchis pa yang dag par rdzogs pa'i byang chub tu yang 'gyur/ tshe rabs dran pa dang yang ldan par 'gyur/ nam du yang ser sna'i sems dang lhan cig mi gnas/ byang chub sems dpa' 'khor gyis kyang yongs su bskor bar 'gyur/ nyan thos kyi 'khor dang bral bar 'gyur/ yon tan grangs med pa bye ba khrag khrig phrag 'bum gyis kyang yongs su bzung bar 'gyur/ sangs rgyas thams cad mngon par dgyes par bgyis pas sems can thams cad yang dag pa'i tshim par bgyid/ bdud thams cad shin tu skrag par bgyid/ sangs rgyas kyi zhing thams cad skyong / sems can thams cad kyi sems kyi bsam pa'i dri ma sel sems can thams cad chos dkar po la yang dag par skul/ lhas kyang yongs su bzung bar 'gyur/ byang chub sems dpa' kyang bsams par 'gyur/ de bzhin gshegs pas kyang byin gyis rlobs par mdzad/ nams kyang sangs
- 58a
rgyas bcom ldan 'das rnams dang 'bral bar mi 'gyur/ rnam pa thams cad kyi mchog dang ldan pas/ byang chub sems dpa'i spyod pa dag kyang yongasu rdzogs par 'gyur// sgra dpyad/ kyi rnam pa stong phrag brgyad cu rtsa bzhi yongs su rdzogs pa 'thob par 'gyur/ tshangs pa'i dbyangs su yang 'gyur/ 'jig rten gyi khams thams cad mthun pa'i sgra dbyangs dang ldan pa lta bzhugs lags sam/ de skad ces gsol pa dang // bcom ldan 'das kyis 'di tsa byi gzhon nu rin chen dra ba can la 'di skad ces bka' stsal to// bzhon nu legs so legs so// gang khyod de bzhin gshegs pa la don 'di 'dri bar sems pa ni spobs pa legs shing dpyod pa bzang ngo / / de'i phyir gzhon nu khyod legs par nyon la yid la zung shig dang / ngas khyod la bshad do// bcom ldan 'das de ltar 'tshal lo zhes gsol to/ / byang chub sems dpa' rin chen dra ba can sems rtse gcig tu bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// gzhon nu/ 'di nas shar phyogs logs na/ 'jig rten gyi khams mu tig can zhes bya ba zhig yod do// gzhon nu 'di lta ste/ srid pa'i rtse mo gang+gA'i klung gi byed ma snyed du gyur la/ de dag thams cad kyang rdul phra mo'i rdul snyed kyis yongs su gang bar gyur cing / de nas skyes bu 'ga' zhig byung bas de dag las rdul phra mo'i rdul gcig khyer te/ ji tsam du 'jig rten gyi khams srid
- 58b
pa'i rtse mo'i mthas gtugs pa de dag rdul phra mo'i rdul gyis yongs su gang ba'i rdul gyis gang ba ji snyed pa de snyed kyi sangs rgyas kyi zhing bye ba khrag khrig phrag 'bum 'das nas/ rdul phra mo rdul gcig rdzo na/ gzhon nu rnam grangs de dang / grangs de'i gzhis yun ring po 'das pas/ rdul phra mo'i rdul gyi phung po chen po'i mtha' de dag zad pa gtugs par 'gyur ram/ gzhon nu de ji snyam du sems/ 'jig rten gyi khams gang du skyes bu des rdul phra rab kyi rdul de dag bzhag pa 'am/ ma bzhag pa de dag bsam pa 'am/ grang ba 'am/ gzhal ba 'am/ nye bar brtag par sla 'am/ gsol pa/ bcom ldan 'das de ni ma lags te/ bcom ldan 'das de'i slad du gang zhig dpe 'di bshad pa la yang dag pa'i 'du shes skyed par 'gyur ba'i sems can ni shes pa'i phung po mchog dang ldan pa'i 'gyur lags so// gzhon nu 'jig rten gyi khams gang du skyes bu des rdul phra mo'i rdul de dag bzhag gam/ 'on te ma bzhag pa'i 'jig rten gyi khams de dag thams cad kyi 'og gi chu'i phung po nas bzung nas/ srid pa'i rtse mo la thugs gi bar gyi rdul phra mo'i rdul rnams kyis yongs su gang bar gyur la/ skyes bu gnyis pa zhig byung bas de dag las rdul phra mo'i rdul gcig khyer de/ ji tsam du 'jig rten gyi khams de dag gi rdul phra mo'i rdul de snyed kyi sangs rgyas kyi zhing bye ba khrag khrig phrag 'bum 'das nas rdul phra mo'i rdul gcig 'jog na/ gzhon nu rnam grangs des na yun rin po'i 'das pas rdul phra mo'i rdul bsags pa'i phung po chen po de 'dor bar
- 59a
'gyur ro/ / gzhon nu rnam grangs des na/ skyes bu phyi ma des grangs med brgya stong dgu bcu rtsa dgu bsgyur ba 'das nas/ sangs rgyas kyi zhing grangs med pa bye ba khrag khrig phrag/ 'bum snyed 'das pa na 'jig rten gyi khams mu tig can te/ de na de bzhin gshegs pa dgra bcom pa yang dag par rdzogs pa'i sangs rgyas rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po zhes bya ba bzhugs te/ 'tsho zhing gzhes la chos kyang ston to// gzhon nu byang chub sems dpa'i theg pa la yang dag par gnas pa'i rigs kyi bu 'am/ rigs kyi bu mo gang la la zhig de bzhin gshegs pa dgra bcom pa yang dag par rdzogs pa'i sangs rgyas rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po de'i mtshan la som nyi mi za zhing / ngas mthong ba la yang yid ches na/ de tshe 'das pa'i 'og tu/ 'khor los sgyur ba'i rgyal srid 'thob par 'gyur ro// de'i rgyal srid la yang sangs rgyas 'byung ba'i 'gyur zhing / de bzhin gshegs pa de mthong na kyang mchod pa dpag tu med pa byed par 'gyur/ tshangs par spyod par yang 'gyur/ mngon par shes pa lnga yang rtogs par khong du chud par 'gyur/ de bzhin gshegs pa mthong ma thag tu gzungs brgya 'khyil ba zhes bya ba 'thob par 'gyur/ gang+gA'i klung gi byed ma snyed kyi sangs rgyas dag la bsnyen bkur byed par 'gyur/ de snyed kyi bskal pa bye ba nyid du 'khor ba las phyir phyogs par byed par 'gyur/ de'i sems/
- 59b
shin tu rmongs pa med cing bla na med pa yang dag par rdzogs pa'i byang chub tu 'gyur/ sred med kyi bu'i lus ltar 'khregs pa'i lus su 'gyur/ rus dbyibs gcig la spri dza bzhi par 'gyur/ de'i lus kyi mdog gser gyi kha dog 'dra bar 'gyur/ skyes bu chen po'i mtshan sum cu rtsa gnyis kyis lus brgyan cing tshangs pa'i sgra dbyangs su yang 'gyur/ mi khom pa thams cad kyang spong zhing / dal ba phun sum tshogs pa yang 'thob par 'gyur ro/ / de nas bcom ldan 'das kyis don 'di nyid rgyas par bstan pa'i phyir/ tshigs su bcad pas bka' stsal pa/ gang zhig 'jig rten mgon po'i mtshan// thos nas som nyi mi za zhing / / ngas mthong ba la'ang yid ches pa// de ni yon gnas 'os pa yin// rtag tu 'khor los sgyur ba yi// rgyal srid 'thob cing sangs rgyas mthong // mthong nas dpag tu med pa dang / bsam gyis mi khyab mchod pa byed/ / rtag tu tshangs par spyod pa dang // mngon par shes rnams rtogs par 'gyur// sangs rgyas mthong nas brgya 'khyil pa'i// gzungs kyang de yis 'thob par 'gyur// ji ltar gang+gA'i bye ma snyed/ de snyed sangs rgyas mthong bar 'gyur/ de snyed bskal pa bye ba ru// 'khor ba dag ni spangs par 'gyur// gang zhig 'jig rten mgon po'i mtshan// tshogs dang dge 'dun dag la rjod// de yi sems ni// mi spongs shing / sangs rgyas byang chub rgyu byed do// rtag tu sred med bu 'dra zhing // rus dbyibs gcig la sI dza bzhi// lus ni gser gyi mdog 'dra zhing // sum cu rtsa gnyis mtshan 'chang 'gyur// gang zhig
- 60a
mtshan ni thos nas su/ / yan lag lnga yis phyag byas na// rtag tu tshangs pa'i dbyangs ldan zhing // mi khom pa yang spangs par 'gyur// gang zhig 'jig rten mgon po'i mtshan// thos nas som nyi mi za ba/ de ni byang chub la mi 'gong // de ni nams kyang som nyi med// gang zhig nyin mtshan bdun du ni// tshang bar rgyal ba'i mtshan 'dzin pa// sangs rgyas bsngags pa mtha' yas pa'i// mig ni rnam par dag par 'gyur/ / mi de yi ni sha yi mig/ lha yi mig tu rnam sbyong ste// gang+gA'i klung gi bye snyed kyi// sangs rgyas mang po mthong bar 'gyur// thams cad la ni mchod byed cing // thams cad las ni thos pa 'dzin/ / mig gis thams cad mthong nas su// mi rnams thams cad dbugs 'byin no// de bzhin gshegs pa'i mtshan thos pa// sngan chad bsam gyis mi khyab pa'i// bsnyen bkur sangs rgyas dag la byas/ / de dag thams cad rjes dran 'gyur// srog chags gang rnams mdun dag tu// mtshan ni bstan par byas gyur na// sems can gzhan gyis de mthong zhing // nges par byang chub 'gyur ba yin/ sangs rgyas la ni dad bskyed pas// mi khom thams cad rnam par spangs// rtsod dang 'gyed pa byas pas ni// mi khom rnams su skye bar 'gyur// thub pa chen po de yi mtshan// sems can gcig gcig thos byas na/ / rtsod pa dang ni 'gyed pa yang // yid la byed par mi 'gyur ro// gal te mnar med pa yi las// bskal par gnas par 'gyur ba dag/ klad nad tsam zhig bskyed nas su// las kun rnam par smin mi
- 60b
'gyur/ / de la mes ni mi 'tshig cing // chu'i nang du 'chi mi 'gyur// de la rgyal po rab khros kyang // sbyar ba nyid du zhi bar 'gyur// gang zhig thub pa'i mtshan 'dzin pa// rnams kyang long bzhar ba dang / zeng dang sgur dang lus nyams dang // nad ni mang por mi 'gyur ro// gnod sbyin dri za yi dgas dang // grul bum srin po mi rnams ni// sdig can ma rungs pa rnams dag/ mi de la ni gnod mi byed// gang zhig thub pa'i mtshan 'dzin pa/ / 'byung po dri za gnod sbyin rnams// klu dang lha rnams thams cad kyi// yid du 'ong zhing dga' bar 'gyur// 'dir ni skyob pa'i mtshan thos pa// shin tu bsags pa pad+ma dbyangs/ / ting 'dzin myur du thob par 'gyur// yon tan bye ba rab tu rdzogs// gang zhig 'jig rten mgon po'i mtshan// thos nas som nyi mi za ba// phyi ma'i dus kyi tshe dag tu// de yis byang chub 'di 'dzin to/ / thub pa chen po'i mtshan thos pa// sangs rgyas mya ngan 'das rnams kyi// legs par gsungs pa'i chos kyi tshul// 'dzin cing yang dag rab tu ston// sangs rgyas kun gyis legs gsung paba'i/ / chos de rnams ni des 'dzin to// bkod pa mchog ni des byas cing // sangs rgyas kun la bsnyen bkur byed// de nas 'chi ba'i dus byas nas// sangs rgyas bye ba des myur mthong sangs rgyas rnams kyis gsungs pa yi/ / chos rnams de dag 'dzin par byed// skyob pa de yi mtshan thos pa// srog chags bye ba yon tan gyis// 'dul bar byed cing rab tu 'god// thams cad byang chub phyir
- 61a
'jog go/ / nga yis mthong la'ang yid ches pa// skyob pa sangs rgyas thams cad kyi// rab tu bstan pa 'dzin 'gyur zhing // sangs rgyas rnams kyang mchod par 'gyur// sangs rgyas mkhyen la gang dad pa/ ngas mthong ba la'ang de yid ches// 'ching ba rnams las de rnam 'grol// klong las rgal cing 'jigs pa med// gang zhig dam pa'i chos spong ba// de ni bdud kyi sde yin no// 'gro ba lnga ru 'gro ba yi/ / sems can kun gyi ba spu gang // de ni ston pa'i pus mo yi// lhang gcig gi ba spur sdud// skyob pa 'jig rten mgon po yi// ba spu gcig gi khung bu nas/ ji ltar gang+gA'i bye ma snyed// de snyed 'od zer 'byin par mdzad// gang zhig 'jig rten mgon 'di yi// 'od zer mtha' yas la yid ches// tshe gcig gis ni sangs rgyas rnams// sangs rgyas bye ba mthong bar 'gyur// chos kyi rgyal po'i mdo sde 'di/ / bshad pa gang zhig thos gyur nas// nams kyang yid gnyis mi za ba// de ni nga dang 'dra bar 'gyur// yangs pa can du mdo sde 'di// bshad pa'i tshe na sus thos pa// de ni phyi ma'i dus su des/ / gzhan la yang dag rab tu ston// ji ltar gang+gA'i byed ma dag/ mi gang gis ni mang brjod pa/ de snyed 'jig rten khams rnams su// 'od zer gcig gis khyab par byed// sangs rgyas zhing rnams thams cad dag/ bgrang ba'i tshul gyis mi chod pa// gser rnams kyis ni bkang nas su// 'jig rten mgon la phul ba bas// 'di yi mtshan ni thos nas su// dga' ba bzang
- 61b
po skyes gyur te/ sangs rgyas phyag 'tshal zhes brjod pa// de ni bsod nams bsam mi khyab// 'jig rten mgon ni thams cad la// yang dang yang du phyag 'tshal ba// de yi bsod nams phung po ni// tshad// ni bshad par mi nus so// gang zhig 'jig rten mgon po'i mtshan// thos nas som nyi mi za ba// de yi lus ni 'od zer gyis// khyab cing rin po che ltar 'gyur// gang zhig thub pa'i mtshan 'dzin pa// de ni mtshan mo 'das gyur nas/ / lha yi tsan dan dmar po yi// dri zhim kha nas rab tu 'byung // skyob pa sems can snying po yi// sangs rgyas kyi ni mtshan thos pa// ba spu'i khung nas 'od zer dag/ bkye bas lus khyab mdzes par 'gyur/ / tshe rabs dag ni thams cad du// thos pa mang por 'gyur ba ste// kun dga' sangs rgyas ji 'dra ba'i// dpag tu med pa'i thos pa'ang 'dzin// 'jig rten snang byed des mthong na// / gzhal gyis mi lang dga' ba 'thob// byang chub spyad pa spyod pa na/ tshe rabs dag ni dran par 'gyur// rgyal ba'i thugs sras mthong nas kyang // gzhal gyis mi lang dga' ba 'thob// spos dang me tog byug rnams kyis/ / mchod bdag ni rgya chen byed// 'jig rten mgon po de yi mtshan// brjod pa 'dzin par mi byed de// bdud kyi phyogs dang sngon chad ni// mu stegs gyur pa ma gtogs so// nga yis tshul 'di bshad pa na/ / sngon ni gang gis 'di thos pa// phyi ma'i dus kyi tshe dag tu// de yi lag tu mdo sde 'thob// nga yi mdo sde dam pa 'di// bshad pa dag ni sus thos pa// sngon ni mchod cing bkur bsti byas//
- 62a
de yi lag tu 'di 'thob bo// gang gis smon lam btab pa ni// phyi ma'i dus kyi tshe dag tu// chos kyi rgyal pos gsungs pa yi// mdo 'di lag tu 'thob par 'gyur// gang zhig sems ni rtse gcig gis/ / sangs rgyas grangs med bkur bsti byas// mdo 'di la ni gang dad pa// de bas bsod nams 'di mang 'gyur// rtag tu gzugs bzang bsod nams ldan// shin tu 'jigs med longs spyod ldan/ / dran dang ldan zhing mtshan rnams kyis// mngon par brgyan pa dag tu 'gyur// de lta bas na mdo sde 'di// thos nas phyi ma'i dus kyi tshe// gzung zhing yang dag bstan pa dang // gzhan dag la yang bstan par gyis/ / gang gis sangs rgyas 'khor los sgyur// 'bum phrag dag la bkur byas pas// phyi ma yi ni dus dag tu// ngas 'thong ba la som nyi med// gang gis sngon ni 'jig rten mgon// grangs med pa la bsnyen bkur bas/ / de yis 'jig rten mgon 'di yi// thos shing mthong la'ang yid ches so// gang zhig mtshan 'di thos nas su// sangs rgyas kyi ni gzugs byed pa// de ni sangs rgyas thams cad kyi// bstan pa dang ni dam chos srung // gang zhig byang chub bstan spangs na// bskal pa bye ba dag tu ni// lug ltar lkugs cing mig nyags la// mig med pa dag tu yang 'gyur// gang zhig lag pa gcig gis mchod rten grangs med pa shig byas pas/ / gang gis mdo sde 'di spangs na// khyad ches sdig par 'ang 'gyur ro// de ltar bas na nga smra ba// phyi ma'i dus tshe 'di snyed nas// sangs rgyas ye shes bla med
- 62b
la/ / som nyi za bar mi byed cing // mdo sde 'di 'dra 'di thos nas// me tog spos dang 'phan rnams dang // gdugs dang phye ma gos rnams kyis// gus par byas te mchod pa gyis// de ni de bzhin gshegs pa yis/ / phyag mnyen shin tu 'jam pa yis// lid tsa byi yi mgo bo la// yang dang yang du byug pa mdzad// de yi rjes su lha rnams kyis// sgra skad chen po phyung gyur cing // lha yi me tog ku su ma// yid 'od gtor cing zhing 'di bkang / / lha rnams mkha' la 'dug nas su// klu dbyangs dpag tu med pa len// tshangs pa bdag ni bye ba yis// tsan dan dmar po'i char phab bo// de bzhin gshegs pas mdo sde 'di/ / gsungs tshe dra ba can thob te// sems ni rangs shing yid dga' nas// de bzhin gshegs la tshogs gsol pa// phyi ma'i dus su bdag gis ni// dge slong bgyis la mi 'jigs par// grong dang grong khyer rnams dag tu// mdo sde 'di ni bshad par gyid// sangs rgyas bka' bzhin bdag bgyid de// rdzogs sangs rgyas la dpal gyi gsungs// dpag tshad bye bar mchis nas su// 'di yi tshul ni bshad par bgyid/ / lha kun dang ni klu rnams dang // yang na mi 'am ci dang mi/ mi ma yin rnams mgron gnyer te// chos kyi sbyin pas tshim par gyi// bla na med pa'i mdo sde 'di// sangs rgyas kyis ni gsungs pa / lha ma yin tshogs dga' 'gyur nas// me tog dpag tu med pa 'thor// sangs rgyas kyi ni zhing 'di dag/ mi mchog shAkya seng ge yi// chos kyi rgyal po spu gcig gis// zhing rnams thams cad snang bar mdzad/
- 63a
sems can snying po'i bdag nyid can// ston pa yini ljags byung nas// gang+gA'i bye ma snyed dag gi/ zhing rnams bye ba khebs par mdzad// de bzhin phyogs bcu'i 'jig rten gyi// zhing rnams bye ba khebs mdzad de/ / gzhon nu rin chen dra ba can// dpa' bo dang ni li tsa byi// bye ba drug cu tsam dag gi/ lhan cig lhags la bka' stsol cing // de nas der ni ston pa yis// de dag chos la gzung ba mdzad/ / bde ba thams cad sbyin mdzad pa// sangs rgyas spyan ni thogs pa med// de bzhin gshegs rnams dpag med de// sangs rgyas chos la the tsom spangs// sangs rgyas ye shes thogs med de// dus gsum rnams la'ang 'jug par mdzad/ / chos rnams kun la mngab bsnyes pa// sangs rgyas la ni mi mkhyen med// phung po rnams ni med pa'o zhes// mi yi 'dren pa ston par mdzad// khams bzhi dag ni gsog dang 'dra// gang du 'ang sgral chags pa med// gzugs dang tshor ba 'du shes dang // sems pa dang ni 'du byed dang // rnam shes phung po'i snying po ni// med pa dag tu shes par bgyis// sangs rgyas kyis ni gsungs pa bzhin// de ltar phung po rnams phye ma/ / myur du gzungs rnams 'thob 'gyur zhing // shin tu rmongs pa med par 'gyur// chos rnams dag ni gsob dang 'dra// thams cad stong zhing bdag med do// rtsod pa med cing rmongs med pa// de skad de bzhin gshegs pa gsung / / gzhon nu lho phyogs logs na/ gzhon nu dpe snga ma lta bu las nyis gyur gyi rdul phra mo'i rdul bgrang ba'i tshul gyis// sangs rgyas kyi zhing bcu gnyis bdas pa na// de la zla bas
- 63b
brgyan pa zhes bya ba'i 'jig rten gyi khams yod do/ / de na de bzhin gshegs pa dgra bcom pa yang dag par rdzogs pa'i sangs rgyas me tog gi bod kyis rnam par rol pa mngon par mkhyen pa zhes bya ba bzhugs te// 'tsho zhing gzhes la chos kyang ston to// gzhon nu byang chub sems pa'i theg pa la yang dag par gnas pa'i rigs kyi bu 'am// rigs kyi bu mo gang la la zhig/ bcom ldan 'das de bzhin gshegs me tog gi 'od kyis rnam par rol pa mngon par mkhyen pa de'i mtshan thos nas som nyi mi za la/ / ngas mthong ba la yang yid ches na// de tshe 'das pa'i 'og tu/ 'od zer rab tu gtong ba zhes bya ba'i ting nge 'dzin pa thob par 'gyur// ting nge 'dzin gyi sgo bye ba khrag khrig 'bum phrag grangs med pa khrir 'jug pa 'thob par 'gyur// gzungs kyi sgo bye ba khrag khrig 'bum phrag grangs med pa drug cu po rgya mtsho lta bu zhes pa'i gzungs la stsogs pa nas// rin po che'i mdzod kyi gzungs la thug pa'i bar la 'jug pa 'thob cing / / byang chub kyi mthar thug gi bar du de dag la rmongs par yang mi 'gyur ro// 'chi ba'i dus kyi tshe shar phyogs nas sangs rgyas bye ba gshegs nas zhal ston par mdzad de/ phyogs thams cad nas kyang de dang 'dra'o// gang sangs rgyas bcom ldan 'das de dag gis chos gsung bar 'gyur ba de dag thams cad kyang 'dzin par 'gyur/ byang chub thob kyi bar du de'i chos kyi tshul de 'jig par mi 'gyur/ las dang po pa'i byang chub sems dpa' nas bzung nas/ bskal pa lnga brgyar 'khor ba las phyir phyogs par byas nas bla na med pa yang dag rdzogs pa'i byang chub la reg par
- 64a
'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// mi yi dbang po 'jig rten mgon/ skyob pa yi ni mtshan thos pa// bskal pa lnga brgya tham pa yi 'khor ba dag ni zlog par 'gyur/ / 'chi bdag gi dus tshe yang // sangs rgyas bye ba ston par mdzad// mthong nas dpa' bos phyag 'tshal te// chos kyang nyan cing 'dzin par 'gyur// de bzhin gshegs pa'i mtshan thos pa// spyad pa dam pa spyod pa na/ / de yis bstan pa'i chos gang dag/ bskal pa bye bar chud mi gzon// sangs rgyas kyi ni mtshan bsgrags pas// rin chen zhes bya'i ting nge 'dzin// stong phrag bdun cu de tshe 'thob// yon tan bye ba sgrogs par 'gyur// gang zhig thub pa'i mtshan 'dzin pa// ting nge 'dzin grangs med bye ba dang / de bzhin sa ya drug cu dag/ de la nye bar gnas par 'gyur// de bas mnyam bzhag dpa' bo yis// byang chub spyad pa spyod pa'i tshe// sems can mang po rnams dag ni/ / byang chub mchog la 'jog par byed// byang chub ma rtogs bar du ni// nam yang 'dod la mi sten te// sems can gzhan yang sangs rgyas kyi// mtshan bstan nas ni zlog par byed// gang zhig sangs rgyas mtshan thos nas/ / srog chags kun la 'di ston pa// nams kyang mi khong mi 'gyur zhing // de yi sa ba bsnyed mi dka'// shin tu bzang ba sangs rgyas dag/ 'byung ba mnyes par byas pas ni// nga yis mi khom gang bstan pa// de dag thams cad spangs par 'gyur/ / ji ltar 'dren pa mkhyen pa bzhin// gzhon nu gal te khyod shes na// ston pa'i mtshan ni gzung nas su// phyogs kun tu ni rab tu sgrogs// de bas gzhon nu gzhan dag la// mtshan 'di rab
- 64b
tu bston byas nas/ / yang dag byang chub 'di bzung zhing // 'jig rten gyi ni mgon du 'gyur// gang zhig sangs rgyas mtshan thos nas// g.yel ba med par 'di bzung ste// song nas gzhan dag la ston na// de ni byang/ chub mngon tu srung // gang zhig mdo sde 'di thos nas// gzhan dag la ni rab ston na// legs par gsungs pa'i chos kyi tshul// bstan pa 'di dag srung bar byed// gzhon nu nub phyogs logs na// gzhon nu dpe snga ma lta bu de las sum gyur gyi rdul phra mo'i rdul bgrangs pa'i tshul gyis de snyed kyi 'jig rten gyis khams dag 'das pa na/ / 'jig rten gyi khams rin chen bkra ba zhes bya ba zhig yod de// de na de bzhin gshegs pa dgra bcom pa yang dag par rdzogs pa'i sangs rgyas me tog rgyas pa sA la'i rgyal po zhes bya ba zhig bzhugs te/ tsho zhing bzhes la chos kyang ston to// gzhon nu theg pa chen po la yang dag par gnas pa'i rigs kyi bu 'am/ rigs kyi bu mo gang la la zhig de bzhin gshegs pa me tog rgyas pa sA la'i rgyal po zhes bya ba de'i mtshan thos nas som nyi mi za la/ / ngas mthong ba la yid ches na// de tshe 'das pa'i 'og tu chos lnga 'dzin par 'gyur te// lnga gang zhe na/ lus zhig nas sangs rgyas 'byung ba dang / der 'khor los sgyur ba'i rgyal po nyid dang / mngon par shes pa lnga dang / chos kyi rnam grangs kyi gzungs te/ de yang stong 'khyil pa'i gzungs dang / byang chub thob kyi bar du skyes bu chen po'i mtshan sum cu rtsa gnyis po de dag thob pa ste/ chos lnga po de dag 'thob par 'gyur ro// de nas bcom ldan 'das kyis don 'di nyid tshigs su bcad pas bka' stsal pa/ gang zhig mi li khyu mchog skyob pa'i mtshan// thos
- 65a
nas som nyi med cing dad bskyed na/ / de yis chos lnga de dag 'dzin 'gyur zhing // byang chub thob pa'i bar du 'jig mi 'gyur// gser gyi mdog 'dra gzugs dang ldan 'gyur zhing // 'khor los sbyar ba'i rgyal po dam mchog mkhas/ / bsod nams ldan pa sred med bu 'dra zhing // dam chos 'khor lo bar chad med paskor// bsod nams ldan pa bu stong yod 'gyur te// dpa' zhing rdul phod pha rol tshogs 'joms la/ yan lag mchog gi gzugs ldan mtshan gyis brgyan// mthu stobs che ba rgyal po gtso nyid 'dra// rgyal po'i chung ma gzugs bzang gzugs mdzes pa// gser gyi mdog 'dra mang po stong yod 'gyur// phyi nas nyal zhing sngar ni ldang byed de/ / rgyal po gtso la nams kyang skyo mi byed// rgyal bran gang dag de yi yul gnas shing // gang dag blon po'i khyim bdag gtso bo kun// rgyal po de mthong nas kyang skyo mi byed// de bas de ni bsod nams dam mchog ldan// mtha mchog lha rnam kyis kyang thub par dkag/ mi yi 'jig rten dag na gnod sbyin klu// de yi yul na sems can gang gnas pa// de yis thams cad byang chub snying por 'jog/ rgyal srid rgyas shing shin tu lo legs dang // de yi rgyal srid bde zhing sangs rgyas 'byung / / de dag la ni mchod pa dam pa byed// rgyal po bdag yul nams kyang sdang sems med// sangs rgyas mtshan mchog thos nas mkhas pa gang // som nyi za zhing mi dga' su zhig yod/ / mdo sde dam pa de yis ngas bshad pa'i// chos mchog 'di yis de la phan 'dogs 'gyur// gzhan du gang gis sngon gyi rgyal rnams kyi// chos spangs gyur pa 'am bdud kyis zin pa 'am// sems can snying po
- 65b
rgyal ba mchog dag ni/ / sngon chad spyod tshe khyad tu bsad ma gtogs// gzhon nu gang zhig rgyal po'i pho brang dang // lid tsa byi bkod dga' ba 'di dag dang // shAkya seng ge ni ma mthong ba// de dag sangs rgyas mtshan thos som nyi za/ / gzhon nu byang phyogs logs na/ sangs rgyas kyi zhing 'di nas/ gzhon nu dpe snga ma lta bu de las sum gyur gyis/ sangs rgyas kyi zhing drug cu 'das pa na/ 'jig rten gyi khams rin chen dra bas g.yogs zhes bya ba yod de/ / de na de bzhin gshegs pa dgra bcom pa yang dag par rdzogs pa'i sangs rgyas zla ba'i dkyil 'khor rnam dag ces bya ba bzhugs te// 'tsho zhing gzhes la chos kyang ston to// gzhon / nu theg pa chen po la yang dag par gnas pa'i rigs kyi bu 'am/ rigs kyi bu mo gang la la zhig de bzhin gshegs pa zla ba'i dkyil 'khor rnam dag de'i mtshan thos nas// som nyi mi za zhing ngas mthong ba la yang yid ches na/ de tshe 'das pa'i 'og tu rin chen 'byung gnas zhes bya ba'i ting nge 'dzin 'thob par 'gyur/ gang+gA'i klung bye ma snyed kyi sangs rgyas mthong bar 'gyur/ de snyed kyi bskal pa bye bar 'khor ba las phyir phyogs par 'gyur/ las dang po pa'i byang chub sems dpa' de/ bla na med pa yang dag par rdzogs pa'i byang chub la reg par 'gyur/ dbyangs snyan ldan zhes bya ba'i ting nge 'dzin kyang 'thob par 'gyur/ bla na med pa yang dag par rdzogs pa'i byang chub las phyir mi ldog par yang 'gyur ro/ / bud med gang la la zhig bcom ldan 'das de bzhin gshegs pa zla ba'i dkyil 'khor rnam dag de'i mtshan thos nas som
- 66a
nyi mi za zhing the tsom mi bskyed la/ ngas mthong ba la yang yid ches na/ de tshe 'das pa'i 'og tu bud med kyi dbang po rnam par spangs par 'gyur zhing // skyes pa'i dbang po 'thob par 'gyur/ / sems can mang po bla na med pa yang dag par rdzogs pa'i byang chub tu yang dag par 'jog par 'gyur// dbyangs snyan ldan zhes bya ba'i ting nge 'dzin kyang 'thob par 'gyur/ bla na med pa yang dag par rdzogs pa'i byang chub las phyir mi ldog par yang 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// gang zhig rkang gnyis dam pa de yi mtshan/ / thos nas nams kyang som nyi mi za ba// bskal pa bye ba gang+gA'i bye ma snyed// des spangs mya ngan med pa skye bar 'gyur// gang+gA'i bye snyed sangs rgyas du ma dag/ mthong nas de dag la ni mchod pa byed// de snyed sangs rgyas de yi tshe gcig gis// sangs rgyas mchod nas rgyal ba mya ngan 'da'// byang chub dam pa spyad mchog spyod pa na/ gang gis skyes bu khyu mchog mtshan thos nas/ nam kyang som nyi med cing 'dzin byed na/ / de 'dra'i khyad par de yis thob par 'gyur// gang gi mtshan mchog gtso bo 'di// thos nas som nyi mi za ba/ rang 'byung ye shes sangs rgyas nyid 'gyur zhing / mkhas pas dbyangs snyan ting nge 'dzin 'thob par 'gyur/ / byang chub dam pa spyang mchog spyod pa na// dag pa'i bdag nyid skyes pa'i dbang po 'thob// yon tan kun dang ldan zhing mdzes paste// de 'dra'i khyad par de yis thob par 'gyur// phyogs/
- 66b
rnams kun ni rab tu snang byed cing // sa yang mtha' yas zhing du song nas su// 'jig rten spyod pa thub pa che 'thong nas// mya ngan bral te byang chub phyir reg 'gyur// thub dbang chen po de bzhin gshegs pa ni/ de yi mtshan 'dir thos nas rdzu 'phrul mchog/ de 'dra'i khyad par dag ni thob par 'gyur// byang chub 'dod pa bzhin yang 'thob pa ni// dri bral byang chub 'dun pa bskyed nas su// rgyal ba'i mtshan 'di gzhan la'ang sgrogs par byed/ / zla ba'i dkyil 'khor rab tu gsal ba ltar// de yi yon tan dag kyang de 'drar 'gyur// sems can mang po du ma bsam mi khyab// byang chub mchog la mkhas pa de yis/ 'jog/ zla ba mkha' la gnas pa'i gzhal med khang // 'od zer mang po bsags pas mdzes pa ltar/ gang zhig de bzhin gshegs pa'i mtshan 'dzin pa/ de yi lus kyang de 'dra'i rnam pas mdzes// mkhas pa gang zhig rgyal ba'i mtshan thos nas// som nyi za zhing mi dga' su zhig yod// byang chub spyad mchog dam pa spyod pa na// chos 'di dag gis de la phan 'dogs 'gyur// thub pa chen po 'jig rten spyod mchod pas/ mkhas pa de ni phongs pa yo mi 'gyur// gzhon nu 'og gi phyogs na/ gzhon nu dpe snga ma lta bu'i rnam pa de bzhin du/ dgu bcu rtsa dgur bsgyur ba 'das nas 'jig rten gyi khams rgyal mtshan mchog gi bdag po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rab tu zhi ba mkhas pa'i gzi brjid dbyangs kyi dbang phyug gi rgyal po zhes bya ba bzhugs
- 67a
te/ 'tsho zhing gzhes la chos kyang ston to// gzhon nu theg pa chen po la yang dag par gnas pa'i rigs kyi bu 'am/ rigs kyi bu mo gang la la zhig de bzhin gshegs pa rab tu zhi ba mkhas pa'i gzi brjid dbyangs kyi dbang phyug gi rgyal po de'i mtshan thos nas som nyid mi za 'a/ / ngas mthong ba la yang yid ches na/ de tshe 'das pa'i 'og tu/ kun nas 'od zer zhes bya ba'i ting nge 'dzin 'thob par gyur/ 'chi ba'i dus kyi tshe yang sangs rgyas bye ba khrag khrig phrag 'bum du tshang ba dag mthong bar 'gyur/ shar phyogs su ji lta ba bzhin phyogs thams cad du yang de bzhin du sangs rgyas bye ba khrag khrig phrag 'bum du tshang ba dag mthong bar 'gyur/ / sangs rgyas bcom ldan 'das de dag gis chos gang bstan pa de dag thams cad kun tu 'dzin par 'gyur/ byang chub la thug gi bar du sangs rgyas grangs med pa bye ba khrag khrig 'a bum rnams kyis byin gyis brlabs par 'gyur/ las dang po pa'i byang chub sems dpa' de bskal pa bye ba khrag khrig 'bum phrag dgu bcur 'khor ba las phyir phyogs nas/ bla na med pa yang dag par rdzogs pa'i byang chub tu 'gyur ro/ / de nas bcom ldan 'das kyis don 'di nyid tshigs su bcad pas bka' stsal pa/ gang zhig 'jig rten rnam 'dren sangs rgyas kyi/ yon tan rgya mtshog mchog thos gyur pa/ / des ni sangs rgyas bye ba khri rnams la// myur du mchod pa bla med rab tu byed// mtha' yas dri med khyad par mchod byas shing // srid pa kun tu sangs rgyas che rnams kyi// nyi ma
- 67b
mdzad pa'i spyad pa spyod nas su/ / phyis na byang chub dran dbang des reg 'gyur// ji ltar gang+gA'i bye snyed rnam par 'dren// mang po dag ni tshe gcig gis mchod de// kun nas bod zer ting nge 'dzin thos nas// phyis ni byang chub mya ngan med rigs 'gyur// byang chub dri med byang chub chen thob nas// chos kyi 'khor lo dam pa rab tu skor// sems can sangs rgyas byang chub mchog gzhag nas// char chus me bsad/ ltar ni mya ngan bdag/ rkang gnyis 'dren pa mi 'dul kha lo sgyur// bsod nam zhing ste bsod nams phung po gcig/ de la mi yis dad pa tsam bskyed na// skad cig gi ni mi khom thams cad spong // gang zhig bde bar gshegs kyi mtshan 'don pa/ mi lus rnyed pa dal ba gcig thob nas// mtha' yas rgya mtsho de bzhin gshegs bzhugs la// mi yi mkhas pa bsod nams rab tu byed// sangs rgyas mtshan ni stong phrag brgya tsam du/ / goms byed de ni rjes mthun bzod pa 'thob// lha yi mig 'thob ji ltar nga yis ni// sangs rgyas mar me mdzad mthong me tog gi/ gtor ba byas nas bzod pa thob gyur pa// de 'dra'i bzod pa dag ni thob par 'gyur/ / 'jig rten mgon po bod mdzad thub pa yi// mtshan ni thos nas su zhig lung mi nod// gzhan du gang zhig mu stegs can gyur pa 'am/ phrag dog dag gis nyams pa'i mi ma gtogs/ / 'dren pa sangs rgyas kyi ni mngon sum du// 'di 'dra'i mdo sde bshad pa sus thos pa// de ni phyi dus dag tu 'di 'dzin cing // gzhan dag la yang rab tu ston par byed// gzhon nu steng gi
- 68a
phyogs na/ sangs rgyas kyi zhing 'di nas/ gzhon nu dpe snga ma lta bu de las gang+gA'i klung gi bye ma snyed 'das nas 'jig rten gyi khams shin tu rnam par bye ba zhig yod de// de na de bzhin gshegs pa dgra bcom pa yang dag par rdzogs pa'i sangs rgyas brtson 'grus grangs med pas yang dag par rab tu gnas pa zhes bya ba zhig bzhugs te/ 'tsho zhing gzhes la chos kyang ston to// gzhon nu theg pa chen po la yang dag par gnas pa'i rigs kyi bu 'am/ rigs kyi bu mo gang la la zhig de bzhin gshegs pa brtson 'grus grangs med pas yang dag par rab tu gnas pa zhes bya ba de'i mtshan thos nas som nyi mi za la/ ngas mthong sa yang yid ches nas/ de tshe 'das pa'i 'og tu nams kyang brtson 'grus dman par mi 'gyur/ nams kyang 'dod pa la sten par mi 'gyur/ nams kyang ma'i sdug bsngal gyis gos par mi 'gyur/ / pha'i sdug bsngal dang / gnyen gyi sdug bsngal dang / spun gyi sdug bsngal gyis gos par mi 'gyur/ sring mo'i sdug bsngal gyis gos par mi 'gyur/ nams kyang mdza/ ba dang / gnyen bshes dang / blon po dang / snag gi gnyen mtshams kyi sdug bsngal gyis gos par mi 'gyur/ nams kyang skyes bu chen po'i mtshan sum cu rtsa gnyis kyis lus ma brgyan par mi 'gyur/ namA kyang 'dod chags zhe sdang gti mug mang bar mi 'gyur/ nams kyang nang mang bar mi 'gyur/ nams kyang mya ngan mang bar mi 'gyur/ bde ba mtha' yas pas yongs su bzung bar 'gyur/ byang chub la
- 68b
thug gi bar du yon tan mtha' yas pa bye ba khrag khrig 'bum phrag grangs med pas yongs su bzung bar 'gyur ro/ / de nas bcom ldan 'das kyis don 'di nyid tshigs su bcad pas bka' stsal pa/ gang zhig 'jig rten mgon po'i mtshan/ thos nas som nyi mi za ba// nams kyang pha ma gnyen bdun gyi/ tshogs kyi sdug bsngal mi mthong ngo // steng gi phyogs na rkang gnyis mchog/ 'jig rten snang bar mdzad pa bzhugs/ / srid gsum gsal bar mdzad nas su// srog chags rnams la chos ston to// rdzogs sangs rgyas pa'i mtshan thos nas// de ni gzhan rnams rab bstan na// rtag tu sum cu rtsa gnyis kyi/ / mtshan dag gis ni brgyan par 'gyur// gang zhig thub pa'i mtshan 'dzin na// de ni shes rab mi nyams shing // byang chub spyad pa spyod pa'i tshe// byang chub sems dpa' la yang mchod// sangs rgyas kyi ni mtshan bstan pas/ / phyis ni byang chub spyod pa na// sangs rgyas bye ba bsam mi khyab// shes rab can gyi rtag chod 'gyur// sangs rgyas mtshan 'di gang thos nas// gzhan rnams la yang rab ston na/ / de 'dra'i bsod nams phung po yi// tshad ni bshad par mi nus so// de ltar mtshan 'di thos pa ni// phyi dus dag ni mang por yang // bla med sangs rgyas ye shes la// der ni som nyi za mi byed// gang gis rdzogs sangs rgyas mthong nas/ / bkur bsti rim gro byas pa ni// phyi ma'i dus su mdo sde 'di/ de yi lag tu thob par 'gyur// nga ni byang chub sems dpa' yis// bskor dang dra ba can sus mthong //
- 69a
des ni mdo sde 'di thos nas// de la som nyi za mi 'gyur// de bzhin gshegs pa dpag med de// sangs rgyas chos la the tsom spangs/ 'di ltar sngon gyi spyad pa ni/ bskal pa bye/ ba mang brgyar spyad// lag pa rkang pa gtong ba dang // rna ba sna dang mgo bo dang // bu pho bu mo yul 'khor dag/ byin la yid ni mi dga' med// gang zhig mdo sde 'di thos pa// phyi ma'i dus na rnyed nas ni gzhan dag la yang ston byed na/ / de ni mchod pa'i 'os su 'gyur// sangs rgyas kun gyi spyod yul ba// mngon rdzogs byang chub 'dod gang gis// nam yang 'jig rten mgon po yi// bstan la som nyi ma za shig/ de ltar mdo sde 'di thos nas// g.yo sgyu med pa'i mis zung la// 'chag pa dag tu yang dang yang // mdo sde 'di ni brjod par gyis// brjod byas zla ba gsum dag tu// tshangs par shin tu yang brjod na/ chos rnams thams cad 'dzin byed pa'i// gzungs kyi ye shes thob par 'gyur// de nas ling tsa byi gzhon nu rin chen dra ba can bcom ldan 'das kyis legs par gsungs par rig nas rin thang med pa'i ras bcos bu gser gyis brgyan bzung gcig/ bcom ldan 'das la mngon par gsol to// de nas bcom ldan 'das kyis de'i tshe rdzu 'phrul mngon par 'du mdzad pa ji lta dupus/ bcom ldan 'das kyi sku thams cad kyi ba spu'i khung bu thams cad nas 'od zer dag byung ste// shar phyogs kyi 'jig rten gyi khams dpag tu med grangs med pa ji snyed pa de dag thams cad snang bar gyur pa dang /
- 69b
sangs rgyas kyi zhing de dag na sems can gang dag skyes pa de dag gis sangs rgyas kyi zhing mthong ba dang sangs rgyas kyi zhing bdi na/ de bzhin gshegs pa'i 'khor gyi dkyil 'khor du sems can gang dag 'dus pa de ngag gis kyang sangs rgyas kyi zhing de mthong ba dang / de'i tshe gang+gA'i klung gi bye ma dgu bcu rtsa dgu snyed kyi sangs rgyas bcom ldan 'das rnams 'khor bzhi po la snang bar gyur pa de lta bu'i rdzu 'phrul mngon par 'du mdzad pa mngon par 'du mdzad do/ / de nas bcom ldan 'das kyis lid tsa byi gzhon nu rin chen dra ba can la bka' stsal pa/ gzhon nu khyod kyis shar gyi phyogs logs na/ sangs rgyas bcom ldan 'das 'di ltar bsam gyis mi khyab pa/ 'di ltar gzhal gyis mi lang ba/ 'di ltar thug pa med pa/ 'di ltar tshad med pa/ 'di ltar brjod kyis mi lang ba/ de dag mthong ngam/ gsol ba/ bcom ldan/ 'das mthong lags so// bde bar gshegs pa mthong lags so// bka' stsal pa/ rigs kyi bu 'di lta ste/ stong gsum gyi stong chen po'i 'jig rten gyi khams na/ lha dang / mi rnam kyi ming gi tshogs pas ni/ de bzhin gshegs pa rnams kyi mtshan ches mang ste/ re re la yang mtshan gyi tshogs grangs med bsam gyis mi khyab pa yod de/ 'di ltar de bzhin gshegs pa legs par rab tu zhi ba'i dpal dbyangs kyi dbang phyug kyi rgyal po zhes bya ba rnams dang / de bzhin du de bzhin gshegs pa zla ba'i dkyil 'khor rnam dag ces bya ba rnam dang / de bzhin du de bzhin gshegs pa me tog gi
- 70a
'od kyis rnam par rol pas mngon par mkhyen pa'i rgyal po zhes bya ba rnams dang / de bzhin du de bzhin gshegs pa me tog rgyas pa sA la'i rgyal po zhes bya ba rnams dang / de bzhin du de bzhin gshegs pa rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po zhes bya ba rnams te/ de bzhin gshegs pa gcig gi mtshan ji lta bar de bzhin gshegs pa so so// so so'i mtshan yang de dang 'dra bar mthong ngam/ gsol pa/ bcom ldan 'das mthong lags so// bde bar gshegs pa mthong lags so// de bzhin du lho phyogs dang / nub phyogs dang / byang phyogs dang / de bzhin du 'og gi phyogs dang / de bzhin du steng gi phyogs te/ de ltar phyogs bcu kun gyi phyogs re re na/ de bzhin gshegs pa'i mtshan gcig pa yang grangs ma mchis la/ de bzhin gshegs pa'i mtshad tha dad pa yang bzhugs so/ / bka' stsal pa/ gzhon nu khyod kyis 'khor los sgyur ba'i rgyal srid la gnas pa de bas kyang ches lhag pa'i sangs rgyas bcom ldan 'das dag mthong ngam// de nas lid tsa byi gzhon nu rin chen dra ba can mgu zhing dga' la yid rangs/ rab tu dga' zhing dga' ba dang yid bde ba skyes nas/ de'i tshe sa chen po g.yos par gyur to// sems can thams cad la phan pa dang / bde ba skyed pa dang / sems can thams cad kyi sems rab tu dga' ba dang / dge ba'i rtsa ba skyed pa'i snang ba chen po byung bar gyur to// lha bye ba khrag khrig 'bum phrag du ma dag nam mkha' la 'khod nas lha'i
- 70b
'dzam bu chu bo'i ser gyi phye ma rnams kyi gtor ro/ / tshangs pa bye ba khrag khrig 'bum phrag du ma dag gis kyang lha'i tsan dan dmar po'i phye ma rnams kyis// bcom ldan 'das la gtor mngon par gtor/ / mngon par rab tu gtor ro// lha bye ba khrag khrig 'bum phrag du ma dag gis kyang / lha'i me tog ut+pal dang / pad+ma dang / ku mu dA dang / pad+ma dkar po dang / man dar ba dang / man dar chen pos gtor/ mngon par gtor/ mngon par rab tu gtor to// lha bye ba khrag khrig 'bum phrag du ma dag gis kyang rin po che'i gdugs stong phul lo// lha bye ba khrag khrig 'bum phrag du ma dag gis kyang / bcom ldan 'das kyi zhabs la mgo bos phyag 'tshal nas 'dus te/ gnas bye ba khrag khrig 'bum phrag du ma dag rjes su dran no// 'di lta ste/ sangs rgyas bcom ldan 'das kyi byin gyi rlabs kyis kyang cho 'phrul bye ba khrag khrig 'bum phrag du ma dag rab tu bstan to/ / de la 'di skad ces bya ste/ bye ba brgya phrag du ma yin// lha rnams kho ra khor yug nas/ tsan dan dmar po zhib mo yis// rdzogs sangs rgyas la 'thor bar byed/ / brgya byin bye ba phrag stong dag/ mkha' la gnas nas 'dzam bu yi// chu bo'i gser phye mang po yis// de bzhin gshegs la mthor bar byed/ tshangs pa bye ba nyer lhags nas/ / tsan dan dmar po'i phye ma yis// rdzogs sangs rgyas la mthor byed cing / spa dbyangs snyan pa kun tu sgrogs// dri ma med pa'i 'od rig nas// nam mkha' la ni lha 'khod de// glu dbyangs dpag tu
- 71a
med pa len/ / mkha' la ras kyis g.yob par byed// nam mkha' la ni lha 'khod de// pad+ma brgya phrag stong blangs nas// 'jig rten gsal la ston byed cing // rgyal mtshan la sogs mchod pa byed/ / zla med rgyal mchog thub dbang la// rab tu yid dgas phyag 'tshal zhing // stong byed nor bu rin chen dang // mu tig rgyan 'phreng 'thor bar byed// mi ni bye ba 'bum tham pa// rgyal mchog zla med pa la mchod/ / sngon gyi gnas ni rjes dran zhing // thub mchog zla med mgos phyag 'tshal/ de nas 'jig rten snang mdzad pas// chos kyi rnga ni rab brdungs te/ de yi sgras ni zhing rab mang // byed ngag tu go bar byas/ / de yi tshe na sems can ni// bye ba grangs med kun nas lhags// de dag rdzogs pa'i sangs rgyas kyis// sangs rgyas ye shes bla med bkod/ de tshe gzhon nu dga' gyur nas/ tsan dan sbrul gyi snying po yi/ / gdan 'dul rin chen phye ma yis// gzhon nu sangs rgyas gtso la mchod// nor bu rin chen 'od cig ni// 'jig rten stong du gtong bar byed/ rin chen gcig las 'od zer ni// stong thog bye bar gtong bar byed/ / de bzhin rin chen ma lus las// 'od zer dag ni byung bar gyur// de dag gi ni de yi tshe// yangs pa can yang sdang bar byas/ rin chen rnam pa de skyed kyis// sangs / rgyas gcol mchod byed cing // rin po che yi phung po yang // thub pa che la 'bul bar byed// gdugs ni gang dag mu khyud bcas// mu tig 'phreng gis yongs brgyan pa// re re la yang mu khyud can/
- 71b
stong phrag nyi shu rtsa lcug/ 'di ba dra'i legs pa de yis ni// thub pa chel mchod pa byas// byang chub sems dpa' thams cad la// gser thags kyis ni gos phul lo// byang chub shing dag sprul nas/ su// de drung seng ge'i khri bshams la// stong phrag bye ba nyi shu lnga// de rnams la ni 'khod gyur pa// lo ni bye ba grangs snyed pa// bgrang ba dag tu mi chod pa'i// byang chub sems dpa' thams cad ni/ khye ba brgya phrag lpags par gyur/ / shar gyi phyogs nas bzung nas su// lho phyogs nub phyogs byang phyogs dang // 'og dang steng dang de bzhin du// phyogs dag gi yang mtshams nas lhags/ ji tsam mig gis mthong ba'i bar/ / de srid 'jig rten khams rnams su// skyob pa 'jig rten mgon po yi// gser gyi mdo 'dra'i 'od kyis gang // ston pa gang na bzhugs pa dang // chos ni gang na 'bar ba der// 'jig rten khams ni thams cad nas// byang chub sems dpa' nye bar lhags// de ltar mtha' yas dpag tu med// bsam gyis mi khyab mchod pa ni// rin chen dra ba lid tsa byi// gzhon nus de yi tshe na byas/ de nas bdag nyid chen po pa// lha dang klu dang mi rnams kyi// bdun du mi mchog shAkya yi// seng ges dbugs ni 'byin par mdzad// nga yi mdun du 'dug nas su// khyod kyis 'di 'dra'i mchod byas pa// gang+gA'i bye ma ji snyed pa// de snyed mchod pa dag gis mchod// rin chen dra ba can gyi phyir// mdo sde bshad pa sus rig pa// byang chub las ni mi ldog ste// sad
- 72a
rgyas smra ba'i mchog tu gyur/ / gang zhig mdo sde 'di 'dzin pa'i// bsod nams phung po'i tshad dag ni// 'di snyed sogs par 'gyur ro zhes// de ltar bshad par mi nus so// phyogs bcu'i 'jig rtenas dang chu// me dang rlung gi tshad dag na// 'di tsam zhes ni bshad par nus// bsod nams phung po bshad mi nus// dge slong ngam ni dge slong ma// dge bsnyen nam ni dge bsnyen ma/ / gang gis mdo sde 'di thos nas// lha dang klu dang lto 'phye che// sems can thams cad nyer lhags pas// de yi gzi brjid mi bzod de// me ni bsil bar 'gyur srid kyi/ yi gzi brjid nyams pa med// mdo sde 'di ni gang 'dzin pa// byang chub spyad pa spyod pa'i tshe// sems can kun gyis bsten byas shing // byang chub sems la bang mchod pa byed// gang zhig stob dang ldan pa'i mis/ / bye ba stong du bshags pa yi// sgra rtses stong gi 'jig rten khams// bskal pa bye bar bzung ba bas/ gang zhi phyi ma'i dus dag tu// sangs rgyas byang chub gleng gzhi ni// 'di 'dra'i rnam pas thos nas su/ / gzhan dag la yang ston byed na// gang zhig sngar ni rab bsgrags pa// 'di yi ngo mtshar chen po yi// brgya dang grangs dang bgrang ba dang // dper yang 'gyur ba ma yin no// phyi ma yi ni dus dag tu// 'di 'dra'i rnam pa seng ge'i sgra// bstan pa bla med thos 'gyur kyang // 'gal med don med 'gyur bar 'ong // 'jig rten mgon po rdzogs sangs rgyas// bong mdzod gang gis
- 72b
'dir mthong ba/ / phyi ma'i dus su nges thos nas// zhes gus par byed par 'gyur// gal te zhing rnams bye ba na// sems can gang dag 'khod de dag/ sangs rgyas ye shes ldan gyur la// gang+gA yi ni ma snyed/ / bskal pa du ma brgya dag tu// rim gro dag ni byed pa dang / ji ltar stong chen gyi ni 'jig rten khams// de snyed dag gi gtsugs lag khang mchog ni// dbul bya lha yi tsan dan dag las byas// yi gtsugs lag khang mchog re re la bang // bye ba phrag stong dag gis khang bzangs byas// bye ba phrag stong dag gi khang bzangs kyang // dbul bya lU yi rin chen dag las byas// re re'i khri dag bshams nas rim gro pa/ / bye ba phrag brgya shin tu tshang bar bkod// mkhas pas de ni rin chen dra ba dag/ blangs nas de tshe khri de brgyan pa rnams// gang+gA'i bye snyed bskal pa bye ba brgyar// thub chen 'jig rten spyod pa bzhugs pa yi/ / sangs rgyas gcig la dbul bya dbul ba dang // ji ltar gang+gA'i klung gi bye ma snyed// yongs su mya ngan 'das kyi mchod rten byas// ji ltar stong chen 'jig rten khams rnams su// sangs rgyas gcig gi mchod rten byas pa ni/ / rin chen rang bzhin lha yi sgo stong ldan// shin tu legs pa srid pa'i rtse srid mtho// ji ltar gang+gA'i klung gi bye ma snyed kyi// gdugs ni mchod rten gcig la 'bul bar byed/ de tshe re re'i gdugs la mu tig gi/ rgyan 'phreng bye ba rnams kyang shin tu bkram// ji ltar gang+gA'i klung gi bye ma snyed// bye ba'i 'phan dang rin chen sna tshogs kyi// rgyal mtshan byed pa phrag brgya gang+ga yi// bye snyed mchod
- 73a
rten dag la 'bul bar byed/ / sdang ba mdzad pa thams cad mkhyen cig gi/ mchod rten gcig la sil sman bye ba stong // dkrol cing gus pa mi ni sa ya dag/ bye ba phrag stong tshang ba 'bul pabar byed/ me tog gdugs brgya du ma mchod rten la 'bul ba/ thub pa che la de 'dra'i mchod pa nyin gcig bzhin// gang+gA'i bye snyed bskal pa stong du byed pa bas/ gang zhig mdo sde 'di las tshigs bcad cig thos nas/ / som nyi med cing 'dun pa skyed byed la/ rgyal ba'i mtshan 'di dag kyang rjod byed na// de bas bsod nams 'di ni bla med mchog/ mkhas pa ting nge 'dzin gyi ming thos shing // tshul khrin skyon med mtshan 'di 'dzin pa dang / / de bzhin sangs rgyas la ni mchod byed pa// des ni gang+gA'i bye snyed sangs rgyas mthong // thub chen rkang gnyis mchog gyur de bdag la// rgya chen mchod pa'ang yid kyis byas nas ni/ / rtag tu myos med chos kyang ston byed cing // bskal pa bye bar de ni rmongs med 'gyur// 'jig rten mgon pos mdo mchog rgyal po 'di// ston pa'i tshe na gang gis sngon mthong ba// rgyal ba mchog las 'di ni thos gyur nas/ / phyi ma'i dus su des ni dga' bas 'dzin// dring phyi sa'i bum pa mis 'dor ltar// 'dod pa skyon du bgrang ba spong byed cing / mkhas pa des 'byung zhing la mngon dga' ste/ rtag tu mos med dgon pa ston par byed// yangs pa'i grong khyer mchog tu gnas nas su// der ni bshad tshe gang gis nga mthong zhing // dra ba'ang nga la mchod byed mthong ba ni// phyi ma'i dus su mdo mchog 'di
- 73b
'dzin to/ / nga'i bu gang zhig rtag tu rjes 'brang zhing // byang chub zhi pa spyad mchog spyod pa na// sems can rnams ni rtag tu 'dul byed pa// phyi ma'i dus su mdo mchog 'di 'dzin to// sangs rgyas 'dren pa gzhal med dpag med kyi/ / spyad pa spyod tshe gang gis rim gro dang // de bzhin mchod pa mchog dag byas pa ni// de ni phyi dus rgyal mchog chos 'dzin to// gang zhig bskal pa bye bar tshangs spyad cing // 'jig rten mtha' yas don ni sngar spyad pa/ / gang zhig phyi ma'i dus su mdo sde 'di// thos pa'i bsod nams grangs su 'gyur ma yin// sangs rgyas 'khrugs med yang na tshe dpag med// sangs rgyas gzhal med dpag med de dag 'dir/ / sems can snying po gang gis mthong 'dod pa// mdo rje mdzes pa dpag med gzung ba gyis// tshe dpag med dang mi 'khrugs dri med 'od// seng ge dang ni tog dang de bzhin du// gang zhig sangs rgyas de kun mthong 'dod pa/ / phyi ma'i dus su rgyal mchog chos zung shig/ sangs rgyas byams pa dang ni dri med 'ong // bdag nyid chen po dang ni seng ge tog/ rab snang gtso bo de bzhin mthong 'dod pa// de ni phyi dus rgyal mchog chos zung shig/ 'di 'dra'i mdo sde khyab par 'phags mchog dag/ rin chen dra ba cad la nga yis bshad// phyi ma'i dus su de tshe khyod kyis ni/ bag med gnas la 'dug par ma byed cig/ phyi dus kyi ni tshe ru gyur pa na// tshul khrims skyon med rtag tu bag byos dang // de nas khyod ni 'chi ba'i dus byas nas// rgyal po 'od zer mtha' yas can gyi zhing // rin chen ldan zhes bya ba'i 'jig
- 74a
rten khams/ / steng gi 'jig rten khams su 'gro bar 'gyur// de nas khyod ni 'chi ba'i dus byas nas/ myur ba nyid du sangs rgyas byams pa mthong // bcom ldan 'das kyis de skad ces bka' stsal pa dang / yid tsa byi gzhon nu rin chen dra ba can dang // byams pa la sogs pa/ byang chub sems dpa' bye ba phrag bzhi bcu dang / dgra bcom pa bye ba phrag drug cu dang / lnga bye ba phrag dgu bcu dang / lha bye ba phrag dgu bcu dang lha ma yin bye ba phrag dgu bcu rtsa dgu rnams yid rangs te/ bcom ldan 'das kyis gsungs pa la mngon par bstod do// 'phags pa rin chen dra ba can gyis zhus pa zhes bya ba theg pa chen po'i mdo rdzogs so/ / / rgya gar gyi mkhan po dz+nyA na gar b+ha dang / lo tsa ba ban+d+he ye shes snying po sdes bsgyur ba// zhu chen gyi lo tsa ba ban+de dpal brtsegs kyis zhus te gtan la phab pa/ / rgya gar skad du/ Ar+ya rA dza a ba bA da ka nA ma ma hA yA na sU tra/ bod skad du/ 'phags pa rgyal po la gdams pa zhes bya ba theg pa chen po'i mdo/ / sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ de'i tshe yul ko sa la'i rgyal po gsal rgyal bcom ldan 'das
- 74b
la blta ba dang / phyag bya ba dang / mchod pa dang / bsnyen bskur bya ba dang / chos mnyan pa'i phyir rgyal po'i 'byor pa chen po dang / rgyal po'i mthu chen pos rol mo'i sil snyan len pa mang po dang / bram ze dang / khyim bdag brgya stong du mas yongs su bskor cing mnyan du yod pa nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba der song nas/ de gzhon du rung ba'i sa ji srid pa de srid du bzhon pa la zhon te/ bzhon pa las babs nas/ rkang gis kun dga' ra bar song ba dang / yul ko sa la'i rgyal po gsal rgyal gyis shing zhig gi drung na/ bcom ldan 'das mdzes pa blta na sdug pa dbang po zhi ba/ thugs zhi ba/ dul ba dang / zhi gnas mchog bsnyes pa/ dul ba dang / zhi ba'i mchog dang ldan pa/ bsrungs pa/ dbang po dul ba/ skyes bu glang po/ skyes bu seng ge/ skyes bu khyu mchog/ skyes bu cang mkhyen pa/ mtsho ltar dang zhing gsal la rnyog pa mi mnga' ba/ skyes bu chen po'i mtshan sum cu rtsa gnyis kyis sku legs par brgyan pa/ dpe byad bzang po brgyad cus sku rnam par mdzes pa/ gser gyi mchod sdong ltar mngon par 'phags pa/ dpal gyis 'bar zhing bzhugs par rgyang ring po nas 'thong ngo // mthong nas kyang ches yid dga' zhing sems mngon par dad nas/ des rgyal po rgyal rigs spyi bo nas dbang bskur ba/ yul la dbang ba'i mthu thob pa'i rgyal po'i mtshan ma lnga gang dag yin pa 'di lta ste/ ze'u ka dang / gdugs dang / ral gri dang / bsil yab nar
- 75a
bu'i yu ba can dang / lham ri mo can de dag bor nas/ bcom ldan 'das ga la ba der song ste phyin nas bcom ldan 'das kyis zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi gnang ste/ phyogs cig tu 'dug go/ de nas yul ko sa la'i rgyal po gsal rgyal gyis/ bcom ldan 'das la 'di skad ces gsol to/ / bcom ldan 'das ji nas bdag gi yun ring po'i don dang / sman pa dang / bde bar 'gyur ba de ltar bcom ldan 'das kyis bdag la gdams su gsol// de ltar bde bar gshegs pas bdag la rjes su bstan du gsol/ de skad ces gsol pa dang / bcom ldan 'das kyis yul ko sa la'i rgyal po gsal rgyal la bka' stsal pa/ rgyal po chen po khyod de bzhin gshegs pa la don 'di 'dri bar sems pa legs so legs so/ / rgyal po chen po de'i phyir chos kyis rgyal srid gyis shig/ chos ma yin pas ni mi bya'o// khyod chos dang mthun bar gyis shig/ chos ma yin pa dang mthun par ni mi bya'o// de ci'i phyir zhe na/ rgyal po chen po rgyal po 'am/ rgyal po'i blon po gang la la zhig chos spangs nas chos ma yin pas rgyal srid byed na/ de tshe 'di nyid la ya/ rabs kyis spad par bya ba yin no// byis kyang 'gyod par 'gyur ro// lus zhig ste shi nas ngan song ngan 'gro log par ltung bar sems can dmyal ba rnams su skye bar 'gyur ro//
- 75b
rgyal po chen po rgyal po 'am/ rgyal po'i blon po gang la la zhig chos ma yin pa spangs te/ chos kyis rgyal srid byed kyi/ chos ma yin pas ni mi byed na/ de tshe 'di nyid la ya rabs kyis bsngags par bya ba yin no/ / phyis bgyod par yang mi 'gyur ro// lus zhig nas kyang bde 'gro mtho ris kyi 'jig rten du lha rnams kyi nang du skye bar 'gyur ro// rgyal po chen po 'di lta ste/ dper na/ pha ma bu la snying brtse pas ni rtag tu bde zhing 'tshe ba med par 'dod do/ / rgyal po chen po de bzhin du rgyal pos kyang bran po dang bran mo dang / las byed pa dang / zho shas 'tsho ba dang / mdza' bshes dang / blon po dang / gnyen dang / grong khyer gyi skye bo dag rtag tu bsdu ba rnam pa bzhis bsdu bar bya'o// bzhi gang zhe na rgyal po chen po 'di lta ste/ sbyin pa dang / sman par smra ba dang / don spyad pa dang / don mthun pa'o// de ltar bran po dang / bran mo dang / las byed pa dang / zho shes 'tsho ba dang / mdzub bshes dang blon po dang / gnyen dang / grong khyer gyi skye bo sdud pa'i rgyal po des don gnyis bsdus shing 'du bar 'gyur ro// gnyis gang zhe na/ tshe 'di'i dang / tshe sna'i 'o// rgyal po chen po de la rgyal po ni pha ma dang mtshungs so// bran po dang / bran mo dang / las byed pa dang / zho shas 'tsho ba dang mdza' bshes dang / blon po dang / gnyen dang / grong khyer gyi skye bo ni rgyal po'i bu dang bu mo dang mtshungs so/ / rgyal po chen po 'di lta ste/ dper na/ skyes pa dang / bud med cig gnyid kyis log pa'i rmi lam na/ kun dga' ra ba nyams dga' ba dang / ri nyams
- 76a
dga' pa dang / nags tshal nyams dgab pa dang / chu klung nyams dga' pa dang / rdzing bu nyams dga' ba dang / yul nyams dga' ba dang / khang bzangs nyams dga' ba dag mthong / ba las de sad na ci yang mi mthong ngo // rgyal po chen po de bzhin du rgyal srid dang / srog dang rgyal po chen po'i rgyal srid kyi bde ba dang / rgyal po'i dbang phyug gi bde ba dang / 'dod pa'i bde ba dang / 'dod pa'i longs spyod kyi bde ba gang yin pa rmi lam dang 'dra'o/ / 'di lta ste/ glang po che dang / rta pa dang / shing rta dang / dpung bu chung dang / bud med dang / khang khyim dang / chung ma dam pa dang / gzhon nu dang / blon po dang / rtsis pa dang blon po chen po dang / spro ba dang 'khor dang / pha dang / ma dang / spun dang sring mo dang / chung ma dang / bu dang / bu mo dang na tshod dang / bran po dang / bran mo dang / las byed pa dang / zho shas 'tsho ba dang / mdza' bshes dang / gnyen dang / grong khyer gyi skye bo dang / 'gron bu dang / gser dang / nor bu dang rin po che dang / mu tig dang / bai DUR+Ya dang / dung dang man shel dang / byi ru dang sa le sbram dang / dngul dang / gos dang / rgyan dang nor dang / 'bru dang bang ba dang / mdzod la sogs pa de dag thams cad bor nas 'gro dgos so// de dag thams cad kyang mi rtag pa mi brtan pa yid brtan tu mi rung ba 'gyur ba'i chos can/ yun thung ba mi gnas pa g.yo ba 'gul ba 'jig pa skad cig pa mthar sdig pa/ zad pa dang rengs pa'i sgo mthar 'jig pa'i chos can mthar bgyes pa bajigs pa dang bcas pa gnod/
- 76b
pa dang bcas pa/ mya ngan dang 'khrug pa mang ba 'drul ba dang / 'brul pa dang 'chad pa dang / bgyes pa dang / bajom pa dang / rnam par 'jig pa'i chos can te/ rgyal po chen po de lta bas na mi rtag par lta zhing zad pa dang / dengs pa'i sgo yin par blta bar bya ste/ 'chi bas 'jigs skrag par bya'o// rgyal po chen po khyod chos kho nas rgyal srid gyis shig/ chos ma yin pas ni mi bya'o// khyod chos dang bathun par gyis shig/ chos ma yin pa dang mthun par ni mi bya'o// de ci'i phyir zhe na/ rgyal po chen po 'di lta ste dper na/ shing rnams la me tog dag byung nas/ 'bras bu rnams 'byung bar 'gyur ro// 'bras bu dag tu 'gyur nas/ 'bras bu dag kyang yal bar 'gyur ro// lo ma sngon por gyur pa las ser por 'gyur ro// ser por gyur nas yongs thams cad du med par 'gyur ro// rgyal po chen po 'di lta/ ste dper na/ me'i phung po chen po 'bar ba rab tu 'bar ba kun tu rab tu mched cing 'bar ba me lce gcig tu gyur pa ji ltar yun rings yang 'bar nas zhi bar 'gyur ro// nyi ma dang zla ba 'di ltar rdzu 'phrul che ba 'di ltar mthu che ba 'di ltar dbang che bar grags par rang gi gzi brjid kyis rnam par mdzes pa 'di gnyis kyang 'jig rten 'di snang bar byas nas nub par 'gyur ro/ / lha'i bu sprin sdud dam char 'bebs dag 'brug bsgrags sgra byung ste nam mkha' khebs par byas nas char gyi rgyun bab kyang char pa tha mar mi snang bar 'gyur ro/ / rgyal po chen po de bzhin du rgyal srid kyi bde ba dang / rgyal po'i dbang phyug gi bde ba dang /
- 77a
'dod pa'i bde ba dang / 'dod pa'i longs spyod kyi bde ba rnams kyang rmi lam dang 'dra'o// 'di lta ste glang po che dang rta pa dang / shing rta dang / dpung bu chung dang bud dang / khang khyim dang chu ma dam pa dang gzhon nu dang / blon po dang / rtsis pa dang / blon po chen po dang sgo ba dang 'khor dang / pha dang ma dang spun dang sring mo dang / chung ma dang / bu bo dang / bu mo dang na tsho dang bran po dang / bran mo ngang las byed pa dang / zho shas 'tsho ba dang / mdza' bshes dang blon po dang / gnyen dang / grong khyer gyi skye bo dang / bgron bu dang / gser dang / nor bu dang / rin po che dang mu tig dang bai DUR+Ya dang dung dang / man shel dang / byi ru dang / sa le sbram dang dngul dang / gos dang / rgyan dang / nor dang 'bru dang / mdzod dang / bang ba la sogs pa de dag thams cad bor nas 'gro dgos so// de dag thams cad kyang mi rtag pa mi brtan pa yid brtan tu mi rung ba 'gyur ba'i chos can/ yun thung ba mi gnas pa g.yo ba bgul ba mthar 'jig pa skad cig pa mthar 'jig pa zad pa dang / dengs pa'i sgo mthar pagyes pa'i chos can 'jigs pa dang bcas gnod pa dang bcas pa mya ngan dang 'khrug pa mang ba badrul ba 'brul pa 'chad pa 'bye ba/ 'gyes pa 'jig pa'i chos can te/ rgyal po chen po'i khyod kyis mi rtag par blta zhing zad pa dang dengs pa'i skor blta bar bya ste/ 'chi bas 'jigs skrag par bya'o// chos kyis rgyal srid gyis shig chos ma yin pas ni mi bya'o// khyod chos dang mthun par gyis shig chos ma yin pa dang mthun par ni mi bya'o//
- 77b
de ci'i phyir zhe na/ rgyal po chen po 'di lta ste dper na/ phyogs bzhi nas ri chen po sra ba bstan pa snying po dang ldan pa ma zhig pa mags pa/ 'phan med pa shin tu mkhregs pa gcig tu sdug pa/ bzhi gnam la reg cing sa zlog ste/ rtswa dang shing dang / shing gel ba dang / yal ga dang / lo ma thams cad dang sems can srog chags 'byung po thams cad bye mar ba thag cing phye mar 'a thag cing bong ba de dag las ni mgyogs pas 'bros pa 'am/ stobs kyis bzlog pa 'am/ nor gyis bzlog pa'am/ sngags dang rdzas dang sman rnams kyis bzlog par sla ba ma yin no// rgyal po chen po de bzhin du 'jigs pa chen po bzhi po 'di dag 'ong ste/ de dag las mgyogs pas 'bros pa 'am/ stobs kyis bzlog pa 'am/ nor gyis bzlog pa 'am/ rdzas dang sngags dang sman rnams kyis bzlog par sla ba ma yin no// bzhi gang zhe na/ rga pab dang na ba dang / 'chi ba dang rgud pa'o// rgyal po chen po rga ba ni dar la bab pa 'jom zhing 'ong / na ba ni nad med pa 'jom zhing 'ong / rgud pa ni phun sum tshogs pa thams cad 'jom zhing bong / 'chi ba ni srog bajom zhing 'ong ste/ de dag las ni mgyogs pas 'bros pa 'am/ stobs kyis bzlog pa 'am/ nor gyis bzlog pa 'am/ rdzas dang sngags dang spyan rnams kyis zhi bar bya bar slab ma yin no// rgyal po chen po 'di lta ste dper na/ ri dgas kyi rgyal po seng ge ri dgas kyi tshogs kyi nang du zhugs nas ri dgas bzung ste ji ltar 'dod pa bzhin du bya ba byed do// ri dgas de ni stobs po che'i kha mi bzang bas
- 78a
gzung bas dbang med par 'gyur ro/ / rgyal po chen po de bzhin du 'chi bdag gi gsal shing gis zug ste rgyags pa dang ni bral/ mgon ni med/ skyabs ni med/ dpung gnyen ni med// gshis ni 'jig/ tshigs ni 'bye 'a bral/ sha dang khrag ni skams/ lus ni nad kyis gdungs skom ni skom/ bzhin ni gyur/ rkang lag ni g.yo ba/ las ni mi nus/ mthu ni med/ kha chu dang snabs dang gcin dang ngan skyugs kyis ni lus la gos/ mig dang rna ba dang / sna dang lce dang lus dang / yid kyi dbang po dag ni 'gags/ skyigs bu ni 'byung / sgra ngar dar po ni 'thon/ sman pas ni bor/ sman dang / kha zas dang bzab pa dang thug pa thams cad kyis ni gles la bor te 'gro ba gzhan dag tu 'gro bar mal gyi tha ma la ni nyal/ thog ma med pa'i skye ba dang rga ba dang / na ba dang bachi ba'i 'khor ba'i rgyud du ni nub srog ni cung zad cig las/ gshin rje'i mis ni 'jigs skrag/ byur gyi dbang du ni song / dbugs rgyu ba ni bachad/ kha dang sna ni gdangs/ so ni gtsegs sbyin pa ni sbyin no zhes de skad gsol ba ni 'debs/ las kyi srid pa nas yang srid pa la ni 'jug/ gcig pu gnyis su med cing grogs ni med/ 'jig rten 'di ni 'dor/ 'jig rten pha rol du ni 'gro/ sgyus chen po ni bdegs/ mun pa chen por ni zhug/ g.yangs chen por ni lhung / khrod stug por ni 'jug/ gom pa chen por ni 'gro/ rgya mtsho chen pos ni khyer/ las kyi rlung gis ni bdas/ sa tshugs med pa'i phyogs su ni 'gro// g.yul ngo chen
- 78b
bopor ni 'jug/ gdon chen pos ni zin/ nam mkha' la ni 'chel/ pha ma dang phu nu dang sring mo dang / bu dang bu mos ni bskor/ dbugs ni 'chang/ nor bgo bshar bya zhes ni zer/ kyi hud ma/ kyi hud pha/ kyi hud bu zhes ni zer/ skra ni zhig ste sbyin pa dang dka' thub dang / chos pabab shig grogs su gyur pa na/ chos ma gtogs par skyabs gzhan med/ mgon gzhan med gnas gzhan med dpung gnyen gzhan med do/ / rgyal po chen po de'i tshe de'i dus na chos ni gling dang / gnas dang mgon dang rton par 'gyur ro// rgyal po chen po 'di lta ste dper na/ grang bas nyen pa la me dang mes rab tu gdungs par gyur pa la me gsod pa dang / tsha bas nyen pa la bsil ba dang / 'dron po dal ba la ni grib ma dang / rlung bsil ba dang / skom pa la chu bsil ba dang / lam du zhugs/ la gzhon pa dang / nyal ba la mal 'jam po dang / skom pa la chu grang mo dang / shin tu bkres pa la zla bzang po dang / mya ngan gyis non pa la dbugs 'byin pa dang / gdubs pa la sim par byed pa dang dgon par lam stor pa la lam mtshon pa dang / nad kyis btab pa la sman pa dang sman dang / nad g.yog byed pa dang chus khyer ba la gzings dang / 'dam du byings pa la 'jus dang / rgal dka' ba zlum pa dang / nyam nga ba la 'bab stegs dang / mun khung na sgron dang / rgya mtsho chen po la gru dang / lhags pas nyen pa la rlung med pa'i gnas dang / yul gzhan du song pa'i lam rgyags dang / dbul po la nor dang
- 79a
byed par 'dod pa'i grogs dang / bcod par 'dod pa la lag cha dang / gzhig par 'dod pa la rdo rje dang / g.yul ngor zhugs pa la go cha dang / 'jigs pa la stobs dang ldan pa'i grong dang / 'thab pa la dpung gnyen dang / dog pa la go 'byed pa dang / mu ge la nor dang ldan pa dag mgon dang skyabs dang gnas dang rten du gyur pa de bzhin du/ rgyal po chen po 'chi bdag gi gsal shing gis zug ste/ rgyags pa dang ni bral/ mgon ni med/ skyabs ni med/ dpung gnyen ni med/ gshin ni 'jig/ tshigs ni 'byed 'bral/ sha dang khrag ni skam/ lus ni nad kyis gdungs/ skom ni skom bzhin ni gyur rkang la ni g.yo ba/ las ni mi nus/ mthu ni med kha chu dang gcin dang ngan skyugs kyis ni lus la gos/ mig dang rna ba dang / sna dang lce dang / lus dang yid kyi dbang po dag ni 'gags/ skyigs bu ni 'byung sgra ngar ngar po ni 'thon/ sman pas ni bor/ sman dang kha zas dang bza' zas dang thug pa thams cad kyis ni gles la bor te 'gro ba gzhan du 'gro bar mal gyi tha ma la ni nyal thog ma med pa'i skye ba dang rga ba dang / na ba dang / 'chi ba'i 'khor ba'i rgyud du ni nub/ srog ni cung zad cig las/ gshin rje'i mis ni 'jigs skrag/ byur gyi dbang du ni song // dbugs rgyu ba ni 'chad/ kha dang sna ni gdangs/ so ni gtsegra/ sbyin pa sbyin no zhes de skad gsol ba ni 'debs/ las kyi srid pa nas yang srid pa la ni 'jug/ gcig pu gnyis su med cing grogs ni med/ 'jig rten 'di ni 'dor/ 'jig rten pha rol tu ni 'gro/ skye sa chen po ni
- 79b
'degs/ mun pa chen por ni zhugs/ g.yangs chen por ni lhung / khrod stug par ni 'jug dgon pa chen por ni 'gro/ rgya mtsho chen pos ni khyer/ las kyi rlung gis ni bangs/ sa tshugs med pa'i phyogs su ni 'gro ba ni chos ma gtogs par mgon gzhan med/ skyabs gzhan med dpung gnyen gzhan med do// rgyal po chen po chos ni de'i tshe de'i dus na gling chen po dang / gnas dang mgon dang skyabs dang dpung gnyen dang rton par 'gyur ro/ / rgyal po chen po de'i snyam du sems te/ kyi hud gang du 'gro bar 'gyur/ phyogs gang du 'gro bar 'gyur gang du yongs su 'dzin par byed par 'gyur/ bdag gi mar ni su zhig 'gyur snyam pa las des sems can dmyal bar skye ba mthong bar gyur na/ 'di lta ste/ mnar med pa dang / tsha ba dang / rab tu tsha ba la sogs pa'i sems can dmyal ba rnams su lo mang po lo brgya phrag mang po/ lo brgya stong phrag mang por sdug bsngal chen po sdug bsngal mi bzad pa/ drag po rtsub pa yid du mi 'ongs pa'i tshor bar myong ste/ ji srid du sems can dmyal ba myong bar 'gyur ba'i sdig pa mi dge ba'i las yongs thams cad du zad cing byang bar ma gyur pa de srid du 'chi ba'i dus byed par mi 'gyur ro/ / de dud 'gro'i skye gnas su skye bar mthong bar 'gyur na/ 'di lta ste rgya mtsho chen po'i nang du rlon dang / nya rlon ming la sogs pa srog chags gcig gis gcig bsod pa dang 'tshe ba dang dbang med par skye'o/ / bdag yi dgas kyi nang du skye bar mi 'gyur ram snyam na/ 'di lta ste/ lo mang po dang / lo brgya phrag mang po dang lo brgya stong phrag mang por chu'i sgra yang mi thos na/
- 80a
mthong ba lta ci smos par 'gyur ro// rgyal po chen po de ltar bas na khyod kyis mi rtag par lta zhing zad pa dang dengs par lta bar bya ste/ 'chi bas 'jigs skrag par bya'o// chos kyis rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang mthun par ni mi bya'o// de ci'i phyir zhe na/ rgyal po chen po khyod kyi lus 'di 'di ltar legs pa yongs su bsrungs/ / legs par yongs su bcad pa yang 'chi ba'i dus byed par 'gyur ro// yon tan thams cad ldan zhing shin tu yun ring por bza' ba dang bca' ba dang myang ba dang ngoms par 'gyur ba bsod pa gtsang ma mang pos tshim par byas te bskyed bskyed pa yang tha ma'i mal na 'dug pa'i tshe sman pas bor zhing / sman dang kha zas dang / bza' ba dang / thug pas kyang gles la bor nas bkres pa dang skom pas nyen cing yid mi bde bar 'chi ba'i dus byed par 'gyur ro/ / rgyal po chen po 'di ltar khyod kyis lus bkrus shing bskus te bdug pas bsgos me tog gi dri zhim pos bskos kyang gdon mi za bar dus su rang bzhin gyis lhan cig skyes pa'i dri nga ba 'byung bar 'gyur ro/ / rgyal po chen po 'di ltar yul ka shi pa'i ras dang / mon dar dar/ du gu la'i ras dang / dar dang / mda' ma dang / bal gos dang / so ras la sogs pa'i gos kyi bye brag gis g.yogs kyang tha ma'i mal na 'dug pa'i tshe snum rnam pa mang po dang / chus reg cing gos dri ma can gyon zhing 'chi ba'i dus byed par 'gyur ro// rgyal po chen po des ltar khyod khyim na bud med kyi
- 80b
nang na 'dug/ btsun mo'i 'khor gyi nang na 'du ste bud med kyi tshogs kyis bskor cing gar dang glu dang / rol mo'i sil snyan byed/ pheg rdob pa dang pi bang dang gling bu len rnga rdung zhing yid bde bar rtse dga' ste dga' dgur spyod pa yang 'chi bas 'jigs skrag nas shin tu yid mi bde zhing 'chi ba'i dus byed par 'gyur ro/ / rgyal po chen po de ltar khyod khyim gyi nang na spos dri zhim po'i bsku bas ni bskus/ gtan pa ni bcug skar khung ni legs par bcad byug pa mang pos ni byugs/ 'bru mar zhim po dang ldan pa'i mar me ni sbar/ dar gyi lda ldi mang po ni bres/ me tog dri zhim po'i sil ma mang pos ni chal bar bkang / pog por nas ni bdugs/ khri'i rtsa ba gser dang dngul dang / bai DUR+Ya las ni byas pa ti ka dang dre'u rdog gi stan dang stan nang tshangs can dang za 'og gi stan dang yul ka ling ka pa'i stan dang / steng du gding ba dang de'i steng du gding bas ni bkab/ g.yas g.yon du dar dmar po'i sngas ni bzhag pa'i khri la nyal ba yang bya rog dang / bya rgod dang wa dang / ro dang / sha dang rus pa dang skra dang khrag zhag dang chu ser dang / rnag gi gnas mchog/ tu 'jigs su rung ba'i dur sa chen por bor nas lus g.yo ba me dang shing sa la nyal du gdon mi za'o// rgyal po chen po 'di ltar yang khyod glang po che'i bya la kha 'am/ rta'i rgyab bam shing ta la zhon te dung dang rnga dang rdza rnga dang / khar rnga dang / rol mo sil snyan gyi bye brag len pa dang gdugs dang rgyal mtshan dang / ba dan dang rnam par rgyal ba'i ba dan ni bsgreng / bsil g.yab nor bu'i yu ba can dang / rnga yang dang shing ta la las byas/
- 81a
pa ni g.yob cing glang po che dang dpung bu chung ngu ma phyi bzhin 'brang / rgyal bu dang bram zes bslab pa phog pa'i blon po dang mdun na 'don dang skye bo thal mo sbyar ba brgya stong du mas ni phyag bya zhing rgyal bar spyon cig rgyal bar spyon cig ces snyan par brjod de phyir 'byung ba yang ring po mi thogs par g.yo ba med cing mal du shi nas mi bzhis bteg ste/ pha dang ma dang phu nu dang sring mo dang chung ma dang bu pho dang bu mo dang / bran po dang bran mo dang las byed pa dang / zho shas 'tsho ba dang / tshal za dang blon po dang grong khyer ba'i skye bo dag mya ngan gyi dbang du song ste lag pa bteg nas brang rdung zhing mchog tu snying rje bar kyi hud bu/ kyi hud mgon pokyi hud bu po/ kyi hud jom po zhes ngu zhing zham ring dang / grong khyer ba'i skye bo dag gis 'jigs pa dang bcas par mthong ste grong khyer gyi lho phyogs kyi sgor phyung nas sa'i 'og tu bcug gam/ 'brog dgon pa sa'i 'og tu bcug kyang bya rog dang bya rgod dang wa la sogs pas zos shing rus pa de dag mes bsregs sam chu ra bskur ram/ sa'i 'og tu bcug kyang rlung dang / nyi ma dang char pas phye mar byas te phyogs phyogs su 'thor zhing de nyid du rul bar 'gyur ro/ / rgyal po chen po de ltar sems can thams cad kyi lus kyang 'di bzhin du 'gyur ro// rgyal po chen po 'du byed thams cad ni de ltar mi rtag pa de ltar mi brtan pa/ de ltar yid brtan du mi rung ba de ltar 'gyur ba'i chos can te/ yun thung ba mi gnas pa g.yo ba/ 'gul ba skad cig pa mthar sdig pa/ zad pa dang dengs pa'i sgo/ mthar 'gyes pa/ 'jigs pa dang bcas pa gnod pa dang
- 81b
bcas pa mya ngan dang 'khrug pa mang ba 'drul ba 'brul pa 'chad pa 'bye ba mthor pa rnam par 'jig pa'i chos can no/ / rgyal po chen po de lta bas na mi rtag par blta zhing zad pa dang / dengs pa'i sgor blta bar bya ste/ 'dod chags kyis ma chags pa dang zhe sdang gis mi sdang ba dang gti mug gis ma rmongs pa dang rgyal srid kyi dbang phyug gi bde ba la ma chags pa dang / 'dod pa'i bde ba dang 'dod pa'i longs spyod kyi bde ba la ma chags pa dang / mi rtag par blta ba dang bag yod pa dang ma chags pa dang / mi bskam pa dang ma zhen pa dang ma mos pa dang srog snyems pa med par 'chi bas 'jigs skrag par bya'o// chos kho nas rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang mthun par ni mi bya'o// de ci'i phyir zhe na/ rgyal po chen po 'dod pa'i rnyed pa dang rab tu rnyed pa dang sogs pa dang / kun tu sogs pa dang rten pas 'dod pa dag gis ngom par mi smra ste/ gang dag 'phags pa'i shes rab kyis ngoms par 'gyur ba de dag ni ngoms so// rgyal po chen po 'di lta ste/ ma rig pa'i rkyen gyis 'du byed rnams dang / 'du byed kyi rkyen gyis rnam par shes pa dang rnam par shes pa'i rkyen gyis ming dang gzugs// ming dang gzugs kyi rkyen gyis skye mched drug/ skye mched drug gi rkyen gyi reg pa/ reg pa'i rkyen gyis tshor ba/ tshor ba'i rkyen gyis sreng pa sred pa'i rkyen gyis len pa/ len pa'i rkyen gyis srid pa srid pa'i rkyen gyis skye ba/ skye ba'i rkyen gyis rga shi dang mya ngan dang smre sngags 'don pa dang / sdug bsngal ba dang
- 82a
yid mi bde ba dang 'azug pa rnams 'byung bar 'gyur te de ltar sdug bsngal gyi phung po chen po baba' shig 'di 'byung bar 'gyur ro/ / de la ma rig pa 'gags pas 'du byed 'gag/ 282a2(mdo sde): byed 'gags pas rnam par shes pa 'gag/ rnam par shes pa bgags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa bgag/ reg pa bgags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang mya ngan dang / smre sngags 'don pa dang sdug bsngal ba dang / yid mi bde ba dang 'khrug pa rnams 'gags par 'gyur te/ de ltar sdug bsngal gyi phung po chen po 'ba' shig 'di yang 'gag par 'gyur ro/ / rgyal po chen po de lta bas na 'dod chags kyis ma chags pa dang / zhe sdang gis mi sdang ba dang / gti mug gis ma rmongs pa dang / rgyal srid kyi dbang phyug dang dbang gis dregs pa med par chos kho nas rgyal srid gyis shig/ chos ma yin par ni mi bya'o// khyod chos dang mthun par gyis shig/ chos ma yin pa dang mthun par ni mi bya'o// de ci'i phyir zhe na/ rgyal po chen po 'dod pa rnams kyi rnyed pa dang / rab tu rmed pa dang / ngoms par mi 'gyur ba'i bar du nga spu ste rab tu ngoms par mi 'gyur ro zhes nga smra'o// gang dag 'phags pa'i shes rab kyis ngoms par gyur pa de
- 82b
dag ni ngoms so/ / de nas bcom ldan 'das kyis de'i tshe tshigs su bcad pa 'di dag bka' stsal to// mi nyid 'di ni 'gro bar 'gyur/ 'chi bdag rab tu mi bzang 'ong // khyod kyi tshe 'di mi brtan gyis/ / rgyal po bag med ma byed cig/ nor ni gtang gi lus ni srung / yan lag gtang gi srog ni srung bar bya// nor dang yan lag rnams dang de bzhin srog/ thams cad gtang gi 'dir ni chos srung ngo // chos spyod pa ni chos la srung bar byed// dper na dbyar dus gdugs chen srung ba bzhin// chos spyod pa yi phan yon 'di yin te/ chos spyod pa ni ngan 'gror mi 'gro'o// chos ma yin pa spyod cing bag med pa// bdi nas shi 'phos ngan 'gro mi bzad 'gro// gang du gnas na 'chi bas mi tshugs pa// sa phyogs de ni yod pa ma yin te/ bar snang ma yin rgyal mtsho'i nang ma mchis// ri yi phug tu zhugs kyang mi phan no// 'chi bas 'jigs pa chen po de dang ni// phung po 'jig cing srog 'gags shes gyis la// 'chi med thob par khyod ni mos par gyis/ mya ngan 'das thos phyin cad 'chi mi 'gyur// bcom ldan 'das kyis de skad ces bka' stsal nas/ yul ko sa la'i rgyal po gsal rgyal dang / srog chags brgyad khri bzhi stong po de dag dang lha dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ / baphags pa rgyal po la gdams pa zhes bya ba theg pa chen po'i mdo rdzogs so// / bka' 'khor lo dang por gtog sa
- 83a
pa'o/ / @rgya gar skad du/ Ar+ya ma hA me g+ha su trAd/ da sha di ka bo d+hi satwa sa mud dra/ sa mA ga ma/ ma hod sa krI To nA ma pa/ ri brta/ bod skad du/ baphags pa sprin chen po'i mdo las/ phyogs bcu'i byang chub sems dpa' rgya mtsho 'dus pa'i dga' ston chen po la rtsa ba zhes bya ba'i le'u/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la/ 'od srung chen po la sogs pa/ dge slong gi dge 'dun chen po sa ya phrag brgyad dang / skye dgu'i bdag mo chen mo la sogs pa/ dge slong ma sa ya phrag drug dang lnga 'bum dang / byang chub sems dpa' sprin chen snying po la sogs pa/ byang chub sems dpa' sa ya phrag drug dang brgyad 'bum dang / seng ge la sogs pa li tsa byi gzhon nu sa ya phrag lnga dang brgyad 'bum dang thabs cig tu bzhugs so// de'i tshe rgyal po chen po 'phags skyes po la sogs pa rgyal chen bzhi pa'i lha'i bu 'bum phrag tshad med grangs med pa dag bcom ldan 'das ga la ba der song ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// lha'i bu de dag thams cad kyang theg pa chen po la mngon tu phyogs pa dang / theg pa chen po la yang dag par zhugs pa'i byang chub sems dpa' sems dpa' chen po sha stag go// yang de'i tshe sum cu rtsa gsum gyi/
- 83b
gnas nas/ lha'i dbang po brgya byin la sogs sum cu rtsa gsum gyi ris kyi lha'i bu 'bum phrag tshad med grangs med pa dag bcom ldan 'das ga la ba der dong ste lhags nas/ bcom ldan 'das kyi zhabs/ la mgo bos phyag 'tshal te/ phyogs gcig 'khod do// lha'i bu de dag thams cad kyang theg pa chen po la mngon tu phyogs pa dang / theg pa chen po la yang dag par zhugs pa'i byang chub sems dpa' sems dpa' chen po sha stag go/ yang de'i tshe 'phrul dga'i lha'i ris nas/ lha'i rgyal po rab 'phrul la sogs pa lha'i bu 'bum phrag tshad med grangs med pa dag/ bcom ldan 'das ga la ba der long ste lhags nas bcom ldan 'das kyi zhabs la mgo bos phyag 'tshal te/ phyogs gcig tu 'khod do// lha'i bu de dag thams cad kyang theg pa chen po la mngon par phyogs pa dang / theg pa chen po la yang dag par zhugs pa'i byang chub sems dpa' sems dpa' chen po sha stag go/ / yang de'i tshe gzhan 'phrul dbang byed kyi lha'i rig nas/ lha'i rgyal po dbang sgyur la sogs pa lha'i bu 'bum phrag tshad med grangs med pa dag/ bcom ldan 'das ga la ba der dong ste lhags nas// bcom ldan 'das kyi zhabs la mgo bos phyag 'tshal te/ phyogs gcig tu 'khod do// lha'i bu de dag thams cad kyang theg pa chen po la mngon tu phyogs pa dang / theg pa chen po la yang dag par zhugs pa'i byang chub sems dpa' sems dpa' chen po sha stag go// yang de'i tshe klu'i rgyal po pad+ma can la sogs pa klu'i rgyal
- 84a
po sa ya phrag gnyis dang brgyad 'bum la/ klu'i rgyal po re re yang 'khor klu 'bum phrag grangs med pa dag dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// klu'i rgyal po de dag thams cad kyang byang chub sems dpa' sems dpa' chen po ting nge 'dzin tha dad pa thob pa sha stag/ go/ yang de'i tshe gnod sbyin gyi rgyal po rnam thos kyi bu la sogs pa/ gnod sbyin gyi rgyal po sa ya phrag gsum dang drug 'bum la/ gnod sbyin gyi rgyal po re re yang 'khor gnod sbyin pabum phrag grangs med pa dag dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// gnod sbyin gyi rgyal po de dag thams cad kyang byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ yang de'i tshe dri za'i rgyal po dga' ba la sogs pa dri za'i rgyal po sa ya phrag gnyis dang brgyad 'bum la dri za'i rgyal po re re yang 'khor dri za ba bum phrag grangs med pa dag dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// dri za'i rgyal po de dag thams cad kyang byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go// yang de'i tshe lha ma yin gyi/
- 84b
rgyal po thags zangs ris la sogs pa lha ma yin gyi rgyal po sa ya phrag brgyad dang / brgyad 'bum la lha ma yin gyi rgyal po re re yang 'khor lha ma yin 'bum phrag grangs med pa dag dang / bcom/ ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// lha ma yin gyi rgyal po de dag thams cad kyang byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe nam mkha' lding gi rgyal po dri za'i glang po la sogs pa/ nam mkha' lding gi rgyal po sa ya phrag bzhi dang dgu pabum la/ nam mkha' lding gi rgyal po re re yang 'khor nam mkha' lding 'bum phrag grangs med pa dag dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ / nam mkha' lding gi rgyal po de dag thams cad kyang byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ yang de'i tshe mi 'am ci'i rgyal po legs mthong la sogs pa mi 'am ci'i rgyal po sa ya phrag dgu dang / brgyad 'bum la mi 'am ci'i rgyal po re re yang 'khor mi 'am ci 'bum phrag grangs med pa dag dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// mi 'am ci'i rgyal po de dag thams cad kyang byang chub sems dpa' sems
- 85a
dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe lto 'phye chen po'i rgyal po yon tan zla ba la sog pa/ lto 'phye chen po rgyal po 'bum phrag mang po la lto 'phye chen po'i rgyal po re re yang 'khor lto 'phye chen po 'bum phrag grangs med pa dag dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do/ / lto 'phye chen po'i rgyal po de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go// yang de'i tshe srin po'i rgyal po 'brog gnas la sogs pa/ srin po'i rgyal po sa ya phrag brgyad dang / brgyad 'bum la srin po'i rgyal po re re yang 'khor srin po 'bum phrag grangs med pa dag dang / bcom ldan 'das ga la ba der dong ste/ lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// srin po'i rgyal po de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe grul bum gyi rgyal po drod ldan la sogs pa/ grul bum gyi rgyal po sa ya phrag bdun dang brgyad 'bum la/ grul bum gyi rgyal po re re yang 'khor grul bum 'bum phrag grangs med pa dag dang / bcom ldan 'das ga la ba der dong ste lhags nas/ bcom ldan padas kyi zhabs la mgo bos phyag 'tshal te/ phyogs gcig tu 'khod do// grul bum gyi rgyal po de dag
- 85b
thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go// yang de'i tshe gcod byed kyi bu'i rgyal po glog legs btsun la sogs pa/ gcod byed kyi/ bu'i rgyal po sa ya phrag brgyad la/ gcod byed kyi bu'i rgyal po re re yang 'khor gcod byed kyi bu 'bum phrag grangs med pa dag dang / bcom ldan 'das ga la ba der dong ste/ lhags nas bcom ldan 'das kyi zhabs la mgo bos phyag 'tshal te/ phyogs gcig tu 'khod do// gcod byed kyi bu'i rgyal po de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe rig sngags 'chang gi rgyal po rin chen badzin la sogs pa/ rig sngags 'chang gi rgyal po sa ya phrag drug la/ rig sngags 'chang gi rgyal po re re yang 'khor rig sngags 'chang 'bum phrag grangs med pa dag dang / bcom ldan 'das ga la ba der dong ste/ lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe 'byung po'i rgya lo glang po'i snying po la sogs pa/ 'byung po'i rgyal po sa ya phrag gsum dang / brgyad 'bum la 'byung po'i rgyal po re re yang 'khor 'bum phrag grangs med dag dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe drang srong mes byin la sogs pa drang srong sa ya phrag dgu la/ drang srong de
- 86a
ngag thams cad kyang / mngon par shes pa lnga dang ldan pa sha stag ste/ bcom ldan 'das ga la ba der dong ste lhags nas bcom ldan 'das kyis zhabs la mgo bos phyag 'tshal nas/ phyogs gcig tu 'khod do// yang de'i tshe mnyan yod kyi grong khyer chen po nas/ ko sa la'i rgyal po gsal rgyal 'khor ba bum phrag du ma dang / dpung gi tshogs yan lag bzhi pa dag dang / bcom ldan 'das ga la ba der dong ste lhags nas/ de bzhin gshegs pa la rgyal mtshan dang / ba dan rnams dngar te/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// yang de'i tshe yul tsam pa nas/ khyim bdag legs sbyin khyim bdag 'bum phrag du ma dang lhan cig tu/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe grong dang / grong khyer dang / grong brdal dang / rgyal po'i pho brang thams cad nas yul bcu drug gi mi rnams bcom ldan 'das ga la ba der dong ste lhag nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// de dag thams cad kyang byang chub sems dpa' sems dpa' chen po sha stag go// yang de'i tshe mnyan yod kyi grong khyer chen po nas/ btsun mo ma li ka la sogs pa/ btsun mo khri drug stong dang / dge bsnyen ma sa ga la sogs pa/ dge bsnyen ma 'bum phrag du ma thams cad kyang / theg pa chen po la yang dag par zhugs
- 86b
pa sha stag go/ / bcom ldan 'das kyi zhabs la mgo bos phyag 'tshal nas/ phyogs gcig tu 'khod do// lha'i bu dbang phyug chen po la sogs pa/ gnas gtsang ma'i ris kyi lha'i bu 'bum phrag dum lha'i bu de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go// tshangs pa rin chen skyong la sogs pa/ tshangs pa 'bum phrag du ma yang bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// lha'i bu mo chu shing lta bu la sogs pa/ lha'i bu mo 'bum phrag du ma yang 'khor de nyid kyi nang du 'dus te/ gar byed cing glu len la lha'i bu mo re res kyang / de bzhin gshegs pa la bdugs dang / rgyal mtshan dang / ba dan dpe med pa dngar cing mngon par dngar ro/ / dngar cing mngon par dngar nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// lha'i bu mo de dag thams cad kyang bud med kyi skyon dang bral ba'i byang chub sems dpa' sems dpa' chen po sha stag go/ / lha'i ris re re nas kyang bu mo ba bum phrag du ma gar byed cing glu len te/ bcom ldan 'das ga la ba der dong ste lhags nas/ de bzhin gshegs pa la lha'i gdug kyi sprin dang / rgyal mtshan gyi sprin dang / ba dan gyi sprin dag dngar cing mngon par dngar te/ mngon par rab tu dngar ro// dngar cing mngon par dang ra ro mngon par rab tu dngar nas/ bcom ldan 'das kyi zhabs la
- 87a
mgo bos phyag 'tshal te/ phyogs gcig tu 'khod do// lha'i bu mo de dag thams cad kyang bud med kyi skyon dang bral ba'i byang chub sems dpa' sems dpa' chen po sha stag go// yang de'i tshe phyogs dang phyogs mtshams dag na/ dge slong gnas pa de dag kyang 'khor de nyid du 'dus par gyur te tshogs nas bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe rlung gi rgyal po chen po bzhi la 'di lta ste/ rlung gi rgyal po chen po rnam par mthor rlung zhes bya ba dang / rlung gi rgyal po chen po rnam par mthor rlung chen po zhes bya ba dang / rlung gi rgyal po chen po shug+sas dri ma med pa zhes bya ba dang / rlung gi rgyal po chen po rjes su cher chags zhes bya ba me tog dang / spos thams cad dang lhan cig ldan zhing / bcom ldan 'das ga la ba der dong ste lhags nas/ bcom ldan bdas kyi seng ge'i sgra'i chos snang ba'i sgo zhu bar byed do/ / sprin gyi rgyal po chen po 'bum phrag du ma yang glu dang rol mo'i sgra sna tshogs sgrogs shing / nor bu rin po che sna tshogs kyi char 'bebs te/ bcom ldan 'das ga la ba der dong ste lhags nas/ seng ge'i sgra'i chos kyi snang ba'i sgo zhu bar byed do// yang de'i tshe seng ge dpa' ba la sogs pa ngang pa'i rgyal po 'bum phrag grangs med pa dag la ngang pa'i rgyal po re re yang 'khor dang pa 'bum phrag du ma dang / bcom ldan 'das ga la ba der dong ste lhags nas/ bcom ldan 'das la ngang pa'i skad dpe med pa dag gis bstod nas/ bcom ldan 'das kyi zhabs la mgo bos
- 87b
phyag 'tshal te/ phyogs gcig tu 'khod do// ngang pa'i rgyal po de dag thams cad kyang / byang chub sems dpa' sems dpa' chen po// ting nge 'dzin tha dad pa dag la rnam par rtse ba sha stag go// yang de'i tshe rma bya'i rgyal po legs mthong la sogs pa/ rma bya'i rgyal po 'bum phrag grangs med pa la rma bya'i rgyal po re re yang 'khor rma bya 'bum phrag grangs med pa dag dang / bcom ldan 'das ga la ba der dong ste/ lhags nas/ rma bya'i sgra skad snyan pas/ bcom ldan 'das la mngon par bstod nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// rma bya'i rgyal po de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go// yang de'i tshe khu byug gi rgyal po sde la sogs pa/ khu byug gi rgyal po 'bum phrag grangs med pa la khu byug gi rgyal po re re yang 'khor khu byug 'bum phrag grangs med pa dag dang / bcom ldan 'das ga la ba der dong ste lhags nas/ khu byug gi skad snyan pas bcom ldan 'das la bstod de/ phyogs gcig tu 'khod do// khu byug gi rgyal po de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ yang de'i tshe ka la bing+ka'i rgyal po pad+ma'i 'dab ma 'dra ba'i mig la sogs pa ka la bing+ka'i rgyal po 'bum phrag grangs med pa la/ ka la bing+ka'i rgyal po re re yang 'khor ka la bita 'bum
- 88a
phrag grangs med pa dag/ ka la bing+ka'i sgra skad snyan pa 'byin cing / bcom ldan 'das ga la ba der dong ste lhags nas/ sangs rgyas kyi bstod pa yang dag pa dag gis bcom ldan 'das la bstod nas/ phyogs gcig tu 'khod do// ka la bdi'i rgyal po de dag thams cad kyang byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe shang shang te'u'i rgyal po rgyal ba la sogs pa/ shang shang te'u'i rgyal po 'bum phrag grangs med pa la/ shang shang te'u'i rgyal po re re yang 'khor shang shang te bu 'bum phrag grangs med pa dag dang / bcom ldan 'das ga la ba der dong ste lhags nas/ sangs rgyas bcom ldan 'das la lha'i sgra skad snyan pas bstod de/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// shang shang te'u'i rgyal po de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go// yang de'i tshe bya'i rigs 'dres pa la sogs pa tha dad pa grangs med pa la bya'i rigs 'dres pa re re la bya'i rgyal po 'bum phrag grangs med pa yod de/ bya'i rgyal po re re yang 'khor bya 'bum phrag grangs med pa dag dang / bcom ldan 'das ga la ba der dong ste lhags nas/ so so bya skad kyi rol mo'i sbrang pe med pa'i gdangs kyis/ sangs rgyas kyi yang dag pa'i stong pa dag gis bcom ldan 'das la mngon par bstod nas/ bcom
- 88b
ldan 'das kyi zhabs la mgo bos phyag 'tshal te/ phyogs gcig tu 'khod do// bya'i rigs 'dres pa de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe seng ge'i rgyal po rin po che pad+ma la sogs pa/ seng ge'i rgyal po 'bum phrag grangs med pa la seng ge'i rgyal po re re yang 'khor seng ge 'bum phrag grangs med pa dang / bcom ldan 'das ga la ba der dong ste lhags nas/ seng ge'i sgra skad rol mo'i sgra snyan pas/ bcom ldan 'das la sangs rgyas kyi yon tan yang dag pa dag gis bstod nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// seng ge'i rgyal po de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe spos kyi glang po rgyal po'i ri ka'i na bun lta bu zhes bya ba la sogs pa/ spos kyi glang po'i rgyal po 'bum phrag grangs med pa la spos kyi glang po'i rgyal po re re yang 'khor spos kyi glang po 'bum phrag grangs med pa dag dang / bcom ldan 'das ga la ba der dong ste lhags nas bcom ldan 'das la sangs rgyas kyi yon tan yang dag pa dag gis bstod de/ bcom ldan 'das kyi zhabs la mgo bos phyag 'tshal nas/ lan gsum bskor ba byas te/ phyogs gcig tu 'khod do// spos kyi glang po de dag thams cad kyang / byang chub sems dpa' sems dpa' chen po ting nge
- 89a
@'dzin pa dang padag la rnam par rtse bdas sdug to/ / yang de'i tshe sbrul dang / stag dang / ri dgas rigs tha dad pa 'dres pa thams cad bcom ldan 'das ga la bder dong ste lhags/ nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// sbrul dang / stag dang / ri dgas de dag thams cad kyang theg pa chen po la mngon du phyogs pa dang theg pa chen po la yang dag par zhugs pa'i byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe sha sbrang dang / sbrang bu mchu rings dang / sbrang ma dang / bi shu ka dang / nya dang / ru sbal dang / chu srin byis pa gsod dang / se sa ra dang / 'ug pa dang / sdig pa dang / srin gyi rigs grangs med pa'i yang grangs med pa dag dang / sdig sprul tha dad pa 'dres pa gnas pa thams cad dang / phag dang / khyi dang / wa dang / gzhan yang srog chags phra mo rnams/ bcom ldan 'das ga la ba der dong ste lhags nas/ sangs rgyas kyi yon tan yang dag pa dag gis/ bcom ldan 'das la mngon par bstod de/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// yang de'i tshe sbrul dang / myur du gdug pa dang / sbrul gzi gu dang / sbrul mi bzad pa'i gdug pa'i rigs 'bum phrag grangs med pa dag/ bcom ldan 'das ga la ba der dong ste lhags nas/ sangs rgyas kyi yon tan yang dag pa dag gis/
- 89b
sangs rgyas bcom ldan 'das la bstod de/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// yang de'i tshe lhun po dang / lhun po chen po dang / btang bzung dang / btang bzung chen po dang / khor yug dang / khor yug chen po dag dang / ri gzhan dag gi lha rnams rang rang khang par zhugs nas/ bcom ldan 'das ga la ba der dong ste lhags nas/ bcom ldan 'das la sangs rgyas kyi yon tan yang dag pa dag gis mngon par bstod de/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// lha de dag thams cad kyang / byang chub sems dpa' sems dpa' chen po ting nge 'dzin tha dad pa dag la rnam par rtse ba sha stag go/ / yang de'i tshe sman dang / nags kyi lha thams cad rang rang gi khang par zhugs nas/ bcom ldan 'das ga la ba der dong ste lhags nas/ bcom ldan 'das la sangs rgyas kyi yon tan yang dag pa dag gis bstod de/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// lha de dag thams cad kyang / byang chub sems dpa' chen po ting nge 'dzin tha dad pa dag la rnam par rtse ba sha stag go// yang de'i tshe byang chub sems dngapa ba sprin chen snying po'i 'khor rnams dang / byang chub sems/ dba' kha cig 'di snyam du sems te/ bcom ldan 'das kyis skad cig gcig la bskal pa brgya mtsho dpag tu med pa/ grangs med pa/ bsam gyis mi khyab pa/ mtshungs pa med pa/ gzhal
- 90a
du med pa tshad med pa/ brjod du med pa'i yang brjod du med pa la 'jug par mdzad pa de ni ji ltar shes par rung / bcom ldan 'das rdzogs par sangs rgyas pa'i bskal pa bye ba phrag ni ji snyed/ phyogs bcu'i 'jig rten gyi khams kun nas nyon mongs pa can dag tu ni/ thabs rnam pa sna tshogs la mkhas pa'i tshul gyi mtshams sbyor ba'i 'jig rten gyi spyod pa rnams dang / ye/ shes dang / gzigs pa dang / khams dang / rgyu dang / dmigs pa dang / nges pa'i tshig dang / bdags pa dang / rnam par gzhag pa'i byin gyi rlabs kyi stobs la sbyor ba dag gis/ sems can rgya mtsho ji snyed cig bla na med pa yang dag par rdzogs pa'i byang chub tu yongs su smin par mdzad cig gu snyam mo/ / yang de'i tshe byang chub sems dpa' sems dpa' chen po sgrib pa thams cad rnam par sel bapa sangs rgyas kyis gnang ste/ mi 'jigs pa thog pas/ byang chub sems dpa' sems dpa' chen po de dag gi sems kyi yongs su rtog pa sems kyis shes nas/ byang chub sems dpa' sems dpa' chen po sprin chen snying po la 'di skad ces smras so/ / sprin chen snying po sprin chen po'i mdo las/ de bzhin gshegs pa rnams kyi dga' ldan gyi gnas su skye ba rnam par gzhag pa'i byin gyi brla kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi dga' ldan gyi gnas na gzhugs pa rnam par gzhag pa'i byin gyis
- 90b
brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi dga' ldan gyi gnas nas 'chi 'pho rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi lha mo sgyu 'phrul gyi lhums su skye ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi lha mo sgyu 'phrul gyi lhumasu cha phra bar snang ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi lum bi ni'i skyed mos tshal du phyogs su gzigs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi lum bi ni'i skyed mos tshal du gsung brjod// pa rnam par bzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi lum bi ni'i skyed mos tshal nas/ grong khyer chen po ser skya'i gnas su gshegs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin
- 91a
gshegs pa rnams kyi dbang phyug chen po rim gro byed du bong ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi stobs kyis rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi byis pa'i rtsed mo rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi yi ge slob pa'i grwa gang du gshegs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi yi ge dang / bstan bcos dang / lag rtsis dang / brtsi ba dang / shod dgod pa bslab pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi shAkya'i bu mo sa 'tsho ma dam bcas pa thob par bya ba'i bslab pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi btsun mo'i 'khor na bzhugs pa rnam par gzhag pa'i byin gyi brlabs kyi
- 91b
stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi skyed mos tshal gyi sar gshegs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi rgan po dang / nad pa dang / shi ba dang / rab tu byung ba la gzigs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi rab tu 'byung ba'i phyir grong khyer chen po ser skya'i gnas nas/ mngon par 'byung ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// / sprin chen snying po sprin chen po'i mdo la/ de bzhin gshegs pa rnams kyi na bza' ngur smrig bzhes pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi dka' ba spyod cing bzhugs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi dka' ba spyod pa las bzhengs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang
- 92a
ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi khrus mdzad pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi zhal zas la longs spyod pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi byang chub kyi snying por gshegs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi byang chub kyi snying po la bzhugs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi bdud 'gugs pa rnam par gzhag pa'i byin gyi brlabs kyi stobs la sbyor ba zhes bya ba'i chos snang pa'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi bdud 'dul ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi mngon par rdzogs par byang chub pa rnam gzhag pa'i byin gyi brlabs kyi stobs la sbyor ba zhes bya ba'i chos snang
- 92b
pa'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi chos kyi 'khor lo bskor bar bskul ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi lan gsum du bzlas te/ chos kyi 'khor lo rnam pa bcu gnyis su bskor ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi me'i 'od dang / glog gi bod dang / zla ba dang / nyi ma'i 'od dang / nor bu'i bod dang / brgya byin dang / tshangs pa dang / 'jig rten gyi 'od rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi rgyal po'i bka' rnam par bzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi rigs bzhi rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po/ sprin chen po'i mdo la/ de bzhin gshegs pa rnams kyi long ba dang / 'phye bo dang / lkugs pa dang / 'on pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i
- 93a
sgo yod do/ / sprin chen snying po sprin chen po'i mdol/ de bzhin gshegs pa rnams kyi sems can dmyal ba dang / dud 'gro dang / yi dgas dang / gshin rje'i 'jig rten du skye ba rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi mi khom pa/ rnam pa sna tshogs su skye ba rnam par gzhag pa byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams/ kyi dge ba bcu'i las kyi lam rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi bsod nams bya ba'i dngos po rnam pa sna tshogs rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la de bzhin gshegs pa rnams kyi spyod pa dang / kun tu rgyu ba dang / gcer bu la sogs pa mu stegs byed pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi dug brgyad cu rtsa bzhi kun tu 'khrug pa rnam par gzhag pa'i byin gyi brlabs kyi stobs la sbyor ba zhes bya
- 93b
ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi 'phrog ma kun tu 'khrug pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi sor mo'i phreng ba'i nang kun tu 'khrug pa rnam par gzhag pa'i byin gyi brlab kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi gnod sbyin 'brog gnas kun tu 'khrug pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi klu'i rgyal po sogs ma med kun tu 'khrug pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi mu ge kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi chom rkun tu 'khrug pa rnam par gzhag pa'i byin gyi brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams
- 94a
kyi mings kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi klu'i gnas dag tu bye ma rab tu babar ba kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi klu'i gnas dag tu nam mkha' lding kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi dge 'dun gyi dben kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi brag 'phen pa dang / 'jog pa kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi glang po che nor gyi 'jug pa kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi bram ze'i bu
- 94b
mo sku byed kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos sdung ba'i sgo yod ngo do/ / sprin chen snying po sprin chen po'i mdo la/ de bzhin gshegs pa rnams kyi kun tu sgyu ma mdzes mas sgro btags nas/ kun tu rgyu kun tu 'khrug pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi shAkya gsod pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi nyan thos rnams kyi las su bya ba rnam par gzhag pa'i byin gyis brlabs kyi stob la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi rang gi lus la las su bya ba rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod sprin chen snying po sprin chen po'i mdo la/ de bzhin gshegs pa rnams kyi theg pa gsum rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod sprin chen snying po sprin chen po'i mdo la/ de bzhin gshegs pa rnams kyi 'jig pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do//
- 95a
sprin chen snying po sprin chen de'i mdol/ de bzhin gshegs pa rnams kyi lta bar 'gyur ba rnam par gzhag pa'i byin gyis brlabs kyi skyabs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdol/ de bzhin gshegs pa rnams kyi sgro btags pa rnam par gzhag pa'i byin gyis brlabs kyi stobs la sbyor ba zhes bya ba'i/ chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi las su bsgo ba rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi blangs pa dang dor ba rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi bdeg pa dang 'jog pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi 'dus byas rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi dngos gzhi rnam par gzhag pa'i byin gyis brlabs kyi stobs la sbyor ba zhes bya ba'i chos
- 95b
snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi gnas rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo lo/ do// sprin chen snying po sprin chen po'i mdo la/ de bzhin gshegs pa rnams kyi dngos po rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi gnyis rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi mtshan nyid rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi dmigs pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi mtha' rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi lus rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen
- 96a
po'i mdol/ de bzhin gshegs pa rnams kyi 'khor ba rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi brjod du med rnam par gzhag pa'i byin gyis brlabs kyi stob la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi kun nas nyon mongs pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi chags pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi rlom sems rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la/ de bzhin gshegs pa rnams kyi yod pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do// sprin chen snying po sprin chen po'i mdo la de bzhin gshegs pa rnams kyi ming rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod/ / sprin chen snying po sprin chen po'i mdo la/ de bzhin gshegs
- 96b
pa rnams kyi bdag tu rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams rgyu dang rkyen gyi rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin po'i mdo la/ de bzhin gshegs pa rnams kyi 'dres pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi yi ge rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi nga rgyal med pa rnam par gzhag pa'i byin gyis brlabs kyi stobs la sbyor ba zhes bya ba'i chos snang ba'i sgo yod do/ / sprin chen snying po sprin chen po'i mdo la/ de bzhin gshegs pa rnams kyi yul bsam gyis mi khyab pa rnam par gzhag pa'i byin gyis brlabs kyi stobs la sbyor ba zhes bya ba'i chos sdang ba'i sgo yod do/ / de la sogs pa de bzhin gshegs pa rnams kyi chos snang ba'i sgo bye ba khrag khrig brgya stong phrag gang+gA'i klung gi bye ma snyed yod do/ / de'i tshe bcom ldan 'das kyi mdzod spu nas 'od zer chags pa med pa/ 'jigs pa med pa'i rigs zhes bya ba'i bod zer gyi 'khor grangs med pa dag kyang byung ste/
- 97a
des phyogs bcu'i 'jig rten gyi khams rab 'byams thams cad snang ba chen pos khyab par byas te/ bdud kyi gnas thams cad mgo mog par byas nas sangs rgyas kyi khyu mchog tugyur pa bstan te/ sems can gyi khams mtha' yas pa bla na med pa yang dag par rdzogs pa'i byang chub tu yongs su smin par byas nas/ phyir log ste/ de bzhin gshegs pa la lan grangs med par bskor bar byas nas/ byang chub sems dpa' kun tu bzang po'i lus la phog par gyur to// de nas byang chub sems dpa' sems dpa' chen po kun tu bzang pos mi 'jig pa thob nas/ stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das kyis dga' ldan gyi gnas su skye ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis dga' ldan gyi gnas na bzhug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis
- 97b
'khor 'dir bsdu bar gsol/ bcom ldan 'das kyis 'chi 'pho rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis lha mo sgyu 'phrul gyi lhums su skye ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis lha mo sgyu 'phrul gyi lhums su cha phra bar snang ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis lum bi ni'i skyed mos tshal du sku bltam pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyi 'khor 'dir bsdu bar gsol/ bcom ldan 'das kyis lum bi ni'i skyed mos tshal du gom pa 'dor ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs
- 98a
pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis lum bi ni'i skyed mos tshal du phyogs su gzigs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu/ bar gsol/ bcom ldan 'das kyis lum bi ni'i skyed mos tshal du gsung brjod pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis lum bi ni'i skyed mos tshal nas grong khyer chen po ser skya'i gnas su gshegs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis dbang phyug chen po rim gro bgyid du mchi ba rnam par gzhag pa'i byin gyis brlabs kyi stobs la sbyor bas byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis stobs
- 98b
kyis rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis byis pa'i rtsed mo rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis yi ge slob pa'i grwa gang du gshegs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir/ bsdu bar gsol/ bcom ldan 'das kyis yi ge dang bstan bcos dang / lag rtsis dang / brtsi ba dang / shod dgod pa bslab pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis shAkya'i bu mo sa 'tsho ma/ dam bcas pa thob par bgyi ba'i bslab pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod
- 99a
pa de dag bcom ldan 'das kyis 'khor 'dir bsdu bar gsol/ bcom ldan 'das kyis btsun mo'i 'khor na bzhugs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis grong khyer chen po ser skya'i gnas nas/ bskyed mos tshal gyi sar gshegs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis rgan po dang / nad pa dang / shi ba dang / rab tu byung ba gzigs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis rab tu 'byung bar mngon par phyogs te/ grong khyer chen po ser skya'i gnas nas/ mngon par 'byung ba rnam par gzhag pa'i byin gyis brlabs kyi stobs la sbyor bas/ byang chub sems/ dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis na bza' ngur smrig bzhes pa rnam par gzhag
- 99b
pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis dka' thub spyod cing bzhugs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis dka' thub spyod pa las bzhengs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis khrus mdzad pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis zhal zas la longs spyod pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis byang chub kyi snying por gshegs pa rnam par gzhag pa'i byin gyis brlabs kyi stobs la sbyor bas/ byang chub sems
- 100a
dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis byang chub kyi snying po la bzhug pa/ rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das/ kyis 'khor 'dir bsdu bar gsol/ bcom ldan 'das kyis bdud 'gugs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis bdud 'dul ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis mngon par rdzogs par byang chub pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis chos kyi 'khor lo bskor bar bskul ba rnam par gzhag pa'i byin gyis brlabs kyi stobs la sbyor bas/ byang chub
- 100b
sems dpa'i gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis lan gsum du bzlas te/ chos kyi 'khor lo rnam pa bcu gnyis su bskor ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis zhugs kyi bod dang / glog gi 'od dang / zla ba dang / nyi ma'i 'od dang / nor bu'i 'od dang / brgya byin dang / tshangs pa dang / 'jig rten skyong gi 'od rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis rgyal po'i bka' rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis rigs bzhi rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor/
- 101a
@'dir bsdu bar gsol/ bcom ldan 'das kyis long ba dang / 'phye bo dang / lkugs pa dang / 'on pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis sems can dmyal ba dang dud 'gro dang / yi dgas dang / gshin rje'i 'jig rten du skye ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis phyogs bcu'i 'jig rten gyi khams kun nas nyon mongs pa can dag tu mi khom pa sna tshogs su skye ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis dge ba bcu'i las kyi lam rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis bsod nams bgyi ba'i dngos po rnam pa sna tshogs rnam par gzhag pa'i
- 101b
byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis spyod pa dang / kun tu rgyu ba dang / gcer bu pa la sogs pa mu stegs can rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis dug brgyad cu rtsa bzhi kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir/ bsdu bar gsol/ bcom ldan 'das kyis 'phrog ma kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis sor mo'i phreng ba kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/
- 102a
bcom ldan 'das kyis gnod sbyin 'brogs gnas kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla/ na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis klu'i rgyal po sog ma med kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis mu ge kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis chom rkun kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis mi ngas kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/
- 102b
bcom ldan 'das kyis 'khor 'dir bsdu bar gsol/ bcom ldan 'das kyis phyogs bcu'i 'jig rten gyi khams kun nas nyon mongs pa can dag gi klu'i gnas dag tu bye ma rab tu 'bar bkun/ tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa'i byang chub sems dpa' gang lags pa de dag bcom ldan 'das kyis 'khor 'dir bsdu bar gsol/ bcom ldan 'das kyis klu'i gnas dag tu nam mkha' lding kun tu 'khrug pa rnam par gzhag pa'i byin gyis brlab kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis dge 'dun gyi dben kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis brag 'phen pa dang / 'jog pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis glang po che nor gyis 'jug kun//
- 103a
tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis bram ze'i bu mo slu byed kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis kun tu rgyu ma mdzes mas sgro btags nas kun tu rgyu kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis shAkya gsod pa kun tu 'khrug pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das kyis nyan thos rnams kyi las su bya ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar
- 103b
gsol/ bcom ldan 'das kyis rang gis lus la las su bya ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das kyis bgrod pa ni gcig pur bas te/ gnyis sam gsum ma mchis la/ phyogs bcu'i 'jig rten thams cad na yang / bgrod pa ni gcig pur bas te/ gnyis dang gsum du ma mchis pa 'di ni chos nyid lags na/ bcom ldan 'das kyis phyogs bcu'i 'jig rten khams kun nas nyon mongs pa can dag tu theg pa gsum rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni 'jig pa ma mchis pa lags te/ 'jig pa rnam par dag pa lags so// de ci'i slad du zhe na/ 'jig pa'i rang bzhin las gzhan ma lags pa'i slad du ste/ 'jig pa'i rang bzhin las 'jig pa ma mchis pa gzhan ma lags kyi/ 'jig pa'i rang bzhin nyid/ 'jig pa ma mchis pa lags te/ 'jig pa'i rang bzhin gyis 'jig pa ma mchis pa shes pa des chos thams cad 'jig pa ma mchis pa lags na/ bcom ldan 'das kyi 'jig pa rnam par gzhag pa'i byin gyis brlabs kyi stobs la sbyor bas/ byang chub
- 104a
sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni stong pa ste lta bar gyur pa rnam par dag pa lags so/ / de ci'i slad du zhe na/ lta bar gyur pa'i rang bzhin las gzhan ma lags pa'i slad du ste/ lta bar gyur pa'i rang bzhin las stong pa nyid gzhan ma lags kyi/ lta bar gyur pa'i rang bzhin nyid stong pa nyid lags te/ lta bas gyur pa'i rang bzhin gyis stong pa nyid shes pa des chos thams cad stong pa lags na/ bcom ldan 'das kyis lta bar gyur pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor/ 'dir bsdu bar gsol/ bcom ldan 'das chos thams cad ni sgro btags pa ma mchis pa ste/ sgro btags pa'i rnam par dag pa lags so// de ci'i slad du zhe na/ sgro btags pa'i rang bzhin las gzhan ma lags pa'i slad du ste/ sgro btags pa'i rang bzhin las/ sgro btags pa ma mchis pa gzhan ma lags kyi/ sgro btags pa'i rang bzhin nyid/ sgro btags pa ma mchis pa lags te/ sgro btags pa'i rang bzhin gyis/ sgro btags pa ma mchis pa shes pa des chos thams cad sgro btags pa ma mchis pa lags na/ bcom ldan 'das kyi sgro btags pa rnam par gzhag
- 104b
pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa gang lags pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni las su bsko ba ma mchis pa ste/ las su bsko ba rnam par dag pa lags so// de ci'i slad du zhe na/ las su bsko ba'i rang bzhin las gzhan ma lags pa'i slad du ste/ las su bsko ba'i rang bzhin las/ las su bsko ba ma mchis pa gzhan ma lags kyi/ las su bsko ba'i rang bzhin nyid/ las su bsko ba ma mchis pa lags te/ las su bsko ba'i rang bzhin gyis/ las su bsko ba ma mchis pa shes pa des chos thams cad las su bsko ba ma mchis pa lags na/ bcom ldan 'das kyis las su bsko ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni blang ba dang / dor ba ma mchis pa ste/ blang ba dang dor ba rnam par dag pa lags so// de ci'i slad du zhe na/ blang ba dang / dor ba'i rang bzhin las gzhan ma lags pa'i slang du ste/ blang ba dang dor ba'i rang bzhin las blang ba dang dor ba ma mchis pa gzhan ma lags kyi/ blang ba dang dor ba'i rang bzhin nyid/ blang ba
- 105a
dang dor ba ma mchis pa lags te/ blang ba dang dor ba'i rang bzhin gyis/ blang ba dang dor ba ma mchis pa shes pa des chos thams cad blang ba dang dor ba ma mchis pa lags na bcom ldan 'das kyis blang ba dang dor ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni bdeg pa dang / 'jog pa ma mchis pa ste/ bdeg pa dang / 'jog pa rnam par dag pa lags so/ / de ci'i slad du zhe na/ 'deg pa dang 'jog pa'i rang bzhin las gzhan ma lags pa'i slad du ste/ 'deg pa dang / 'jog pa'i rang bzhin las 'deg pa dang / 'jog pa ma man+di/ pa gzhan ma lags kyi/ bdeg pa dang 'jog pa'i rang bzhin nyid/ bdeg pa dang / 'jog pa ma mchis pa lags te/ 'deg pa dang 'jog pa'i rang bzhin gyis/ 'badeg pa dang / 'jog pa ma mchis pa shes pa des/ chos thams cad bdeg pa dang / 'jog pa ma mchis pa lags na/ bcom ldan 'das kyis bdeg pa dang / 'jog pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir sdu bar gsol/ bcom ldan
- 105b
'das chos thams cad ni 'dus ma byas pa ste/ 'dus byas rnam par dag pa lags so// de ci'i slad du zhe na/ 'dus byas kyi rang bzhin las gzhan ma lags pa'i slad du ste/ 'dus byas kyi rang bzhin las 'dus ma byas gzhan ma lags kyi/ 'dus byas kyi rang bzhin nyid 'dus ma byas lags te/ 'dus byas kyi rang bzhin gyis/ 'dus ma byas shes pa des/ chos thams cad 'dus ma byas pa lags na/ bcom ldan 'das kyis 'dus byas rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni dngos gzhi ma mchis pa lags te/ dngos gzhi rnam par dag pa lags so/ / de ci'i slad du zhe na/ dngos gzhi'i rang bzhin las gzhan ma lags pa'i slad du ste/ dngos gzhi'i rang bzhin las/ dngos gzhi ma mchis pa gzhan ma lags kyi/ dngos gzhi'i rang bzhin nyid/ dngos gzhi ma mchis pa lags te/ dngos gzhi'i rang bzhin gyis/ dngos gzhi ma mchis pa shes pa des/ chos thams cad dngos gzhi ma mchis pa lags na/ bcom ldan 'das kyis dngos gzhi rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub
- 106a
/ tubagatu bdadag/ bcom ldan 'das kyis labar di bsdu bar gastsam/ bcom ldan 'das rgyas thams cad ni gnas ma mchis pa ste/ gnas rnam par dag pa lagasas/ de ci'i slad du zhe na/ gnas kyi rang bzhin las gzhan ma lags pa'i slad du ste/ gnas kyi rang bzhin las gnas ma mchis pa gzhan ma mchis pa lags te/ gnas kyi rang bzhin gyis/ gnas ma mchis pa shes pa des chos thams cad gnas ma mchis pa lags na/ bcom ldan 'das kyis gnas rnam par gzhag pa'i byin gyis brlabs kyi stobs la sbyor bas/ byang chub sems dpa gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni dngos po ma mchis pa lags te/ dngos po rnam par dag pa lags so// de ci'i slad du zhe na/ dngos po'i rang bzhin las gzhan ma lags pa'i slad du ste/ dngos po'i rang bzhin las dngos po ma mchis pa gzhan ma lags kyi/ dngos po'i rang bzhin nyid/ dngos po ma mchis pa lags te/ dngos po'i rang bzhin gyis/ dngos po ma mchis pa shes pa des chos thams cad dngos po ma mchis pa lags na/ bcom ldan 'das kyis dngos po rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor
- 106b
'dir bsdu bar gsol/ bcom ldan 'das chos thams cad ni gnyis su ma mchis pa lags te/ gnyis rnam par dag pa lags so// de ci'i slad du zhe na/ gnyis kyi rang bzhin ma lags pa'i slad du/ ste/ gnyis kyi rang bzhin las gnyis su ma mchis pa gzhan ma lags kyi/ chos thams cad gnyis kyi rang bzhin nyid/ gnyis su ma mchis pa lags te/ gnyis kyi rang bzhin gyis/ gnyis su ma mchis pa shes pa des/ thams cad gnyis su ma mchis pa lags na/ bcom ldan 'das kyis gnyis rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni mtshan nyid ma mchis pa lags te/ mtshan nyid rnam par dag pa lags so/ / de ci'i slad du zhe na/ mtshan nyid kyi rang bzhin las gzhan ma lags pa'i slad du ste/ mtshan nyid kyi rang bzhin las mtshan nyid ma mchis pa gzhan ma lags kyi/ mtshan nyid kyi rang bzhin nyid mtshan nyid ma mchis pa lags te/ mtshan nyid kyi rang bzhin gyis/ mtshan nyid mchis pa shes pa des/ chos thams cad mtshan nyid ma mchis pa lags na/ bcom ldan 'das kyis mtshan nyid rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis
- 107a
'khor 'dir bsdu bar gsol/ bcom ldan 'das chos thams cad ni dmigs pa ma mchis pa lags te/ dmigs pa rnam par dag pa lags so// de ci'i slad du zhe na/ dmigs/ pa'i rang bzhin las gzhan ma lags pa'i slad du ste/ dmigs pa'i rang bzhin las/ dmigs pa ma mchis pa gzhan ma lags kyi/ dmigs pa'i rang bzhin nyid dmigs pa ma mchis pa lags te/ dmigs pa'i rang bzhin gyis dmigs pa ma mchis pa shes pa des/ chos thams cad dmigs pa ma mchis pa lags na/ bcom ldan 'das kyis dmigs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni dbu ma'i lam lags te/ mtha' rnam par dag pa lags so// de ci'i slad du zhe na/ mtha'i rang bzhin las gzhan ma lags pa'i slad du ste/ dbu ma'i lam gzhan ma lags kyi mtha'i rang bzhin nyid dbu ma'i lam lags te/ mtha'i rang bzhin gyis dbu ma'i lam shes pa des/ chos thams cad dbu ma'i lam lags na/ bcom ldan 'das kyis mtha' rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom
- 107b
ldan 'das chos thams cad ni lus ma mchis pa lags te/ lus rnam par dag pa lags so// de ci'i slad du zhe na/ lus kyi rang bzhin las gzhan ma lags pa'i slad du ste/ lus kyi rang bzhin las/ lus ma mchis pa nyid gzhan ma lags kyi/ lus kyi rang bzhin nyid/ lus ma mchis pa lags te/ lus kyi rang bzhin gyis lus ma mchis pa shes pa des/ chos thams cad lus ma mchis pa lags na/ bcom ldan 'das kyis lus rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni 'khor ba ma mchis pa lags te/ 'khor ba rnam par dag pa lags so// de ci'i slad du zhe na/ 'khor ba'i rang bzhin las/ gzhan ma lags pa'i slad du ste/ 'khor ba'i rang bzhin las 'khor ba ma mchis pa gzhan ma lags kyi/ 'khor ba'i rang bzhin nyid/ 'khor ba ma mchis pa lags te/ 'khor ba'i rang bzhin gyis 'khor ba ma mchis pa shes pa des/ chos thams cad 'khor ba ma mchis pa lags na/ bcom ldan 'das kyis 'khor ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams
- 108a
cad ni brjod du med pas mchis pa lags te/ brjod du med pa rnam par dag pa lags so// de ci'i slad du zhe na/ brjod du med pa'i rang bzhin las gzhan ma lags pa'i slad du/ ste/ brjod du med pa'i rang bzhin las/ brjod du med pa ma mchis pa gzhan ma lags kyi/ brjod du med pa'i rang bzhin nyid/ brjod du med pa ma mchis pa lags te/ brjod du med pa'i rang bzhin gyis/ brjod du med pa ma mchis pa shes pa des chos thams cad brjod du med pa ma mchis pa lags na/ bcom ldan 'das kyis brjod du med pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni kun nas nyon mongs pa ma mchis pa lags te/ kun nas nyon mongs pa rnam par dag pa lags so// de ci'i slad du zhe na/ kun nas nyon mongs pa'i rang bzhin las gzhan ma lags pa'i slad du ste/ kun nas nyon mongs pa'i rang bzhin las/ kun nas nyon mongs pa ma mchis pa gzhan ma lags kyi/ kun nas nyon mongs pa'i rang bzhin nyid/ kun nas nyon mongs pa ma mchis pa lags te/ kun nas nyon mongs pa'i rang bzhin gyis/ kun nas nyon mongs pa ma mchis pa shes pa des/ chos thams cad kun nas nyon mongs pa ma mchis pa lags na/ bcom ldan
- 108b
/ 'das kyis kun nas nyan mongs pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag bcom ldan 'das kyis 'khor 'dir bsdu bar gsol/ bcom ldan 'das chos thams cad ni chags pa ma mchis pa lags te/ chags pa rnam par dag pa lags so// de ci'i slad du zhe na/ chags pa'i rang bzhin las gzhan ma lags pa'i slad du ste/ chags pa'i rang bzhin las/ chags pa ma mchis pa gzhan ma lags kyi/ chags pa'i rang bzhin nyid/ chags pa ma mchis pa lags te/ chags pa'i rang bzhin gyis/ chags pa ma mchis pa shes pa des/ chos thams cad chags pa ma mchis pa lags na/ bcom ldan 'das kyis chags pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni rlom sems ma mchis pa lags te/ rlom sems rnam par dag pa lags so// de ci'i slad du zhe na/ rlom sems kyi rang bzhin las gzhan ma lags pa'i slad duste/ rlom sems kyi rang bzhin las/ rlom sems ma mchis pa gzhan ma lags kyi/ rlom sems kyi rang bzhin nyid/ rlom sems ma mchis pa lags te/ rlom sems kyi rang
- 109a
bzhin gyis/ rlom sems ma mchis pa shes pa des/ chos thams cad rlom sems ma mchis pa lags na/ bcom ldan 'das kyis rlom sems rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu gsol/ bcom ldan 'das chos thams cad ni yod pa ma mchis pa lags te/ yod pa rnam par dag pa lags so// de ci'i slad du zhe na/ yod pa'i rang bzhin las/ gzhan ma lags pa'i slad du ste/ yod pa'i rang bzhin las yod pa ma mchis pa gzhan ma lags kyi/ yod pa'i rang bzhin nyid/ yod pa ma mchis pa lags te/ yod pa'i rang bzhin gyis yod pa ma mchis pa shes pa des/ chos thams cad yod pa ma mchis pa lags na/ bcom ldan 'das kyis yod pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni ming ma mchis pa lags te/ ming rnam par dag pa lags so// de ci'i slad du zhe na/ ming gi rang bzhin las gzhan ma lags pa'i slad du ste/ ming gi rang bzhin las ming ma mchis pa gzhan ma lags kyi/ ming gi rang bzhin
- 109b
nyid ming ma mchis pa lags te/ ming gi rang bzhin gyis ming ma mchis pa shes pa des/ chos thams cad ming ma mchis pa lags na/ bcom ldan 'das kyis ming rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol bcom ldan 'das chos thams cad ni bdag ma mchis pa lags te/ bdag rnam par dag pa lags so// de ci'i slad du zhe na/ bdag gi rang bzhin las gzhan ma lags pa'i slad du ste/ bdag gi rang bzhin las/ bdag ma mchis pa'i rang bzhin gzhan ma lags kyi/ bdag gi rang bzhin nyid bdag ma mchis pa lags te/ bdag gi rang bzhin gyis/ bdag ma mchis pa shes pa des chos thams cad bdag ma mchis pa lags na/ bcom ldan 'das kyis bdag rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni rgyu dang rkyen gyi bya ba ma mchis pa lags te rgyu dang rkyen gyi bya ba rnam par dag pa lags so/ / de ci'i slad du zhe na/ rgyu dang rkyen gyi bya ba'i rang bzhin las gzhan ma lags pa'i slad du ste/ rgyu dang rkyen gyi bya ba'i rang bzhin las/ rgyu dang rkyen rgya/
- 110a
bya ba ma mchis pa gzhan ma lags kyi/ rgyu dang rkyen gyi bya ba'i rang bzhin nyid/ rgyu dang rkyen gyi bya ba ma mchis pa lags te/ rgyu dang rkyen gyi bya ba'i rang bzhin gyis/ rgyu dang rkyen gyi bya ba ma mchis pa shes pa des/ chos thams cad rgyu dang rkyen gyi bya ba ma mchis pa lags na/ bcom ldan 'das kyis rgyu dang rkyen gyi bya ba rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni 'dres pa ma mchis pa lags te/ 'dres pa rnam par dag pa lags so// de ci'i slad du zhe na/ 'dres pa'i rang bzhin las gzhan ma lags pa'i slad du ste/ 'dres pa'i rang bzhin las/ 'dres pa ma mchis pa gzhan ma lags kyi/ 'dres pa'i rang bzhin nyid 'dres pa ma mchis pa lags te/ 'dres pa'i rang bzhin gyis/ 'dres pa ma mchis pa shes pa des/ thams cad 'dres pa ma mchis pa lags na/ bcom ldan 'das kyis 'dres pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni yi ge ma mchis pa lags te/ yi ge rnam par dag pa lags so// de ci'i
- 110b
slad du zhe na/ yi ge'i rang bzhin las/ gzhan ma lags pa'i slad du ste/ yi ge'i rang bzhin las/ yi ge ma mchis pa gzhan ma lags kyi/ yi ge'i rang bzhin nyid/ yi ge ma mchis pa lags te/ yi ge'i rang bzhin gyis/ yi ge ma mchis pa shes pa des/ chos thams cad yi ge ma mchis pa lags na/ bcom ldan 'das kyis yi ge rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni nga rgyal med pa ma mchis pa lags te/ nga rgyal med pa rnam par dag pa lags so// de ci'i slad du zhe na/ nga rgyal med pa'i rang bzhin las/ gzhan ma lags pa'i slad du ste/ rgyal med pa'i rang bzhin las/ nga rgyal med pa ma mchis pa gzhan ma lags kyi nga rgyal med pa'i rang bzhin nyid/ nga rgyal med pa'i rang bzhin gyis/ nga rgyal med pa ma mchis pa shes pa des/ chos thams cad nga rgyal med pa ma mchis pa lags na/ bcom ldan 'das kyis nga rgyal med pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol/ bcom ldan 'das chos thams cad ni yul bsam gyis mi khyab pa ma lags te/
- 111a
yul bsam gyis mi khyab pa rnam par dag pa lags so// de ci'i slad du zhe na/ yul bsam gyis mi khyab pa'i rang bzhin las/ gzhan ma lags pa'i slad du / yul bsam gyis mi khyab pa'i rang bzhin las/ yul bsam gyis mi khyab pa ma mchis pa gzhan ma lags kyi/ yul bsam gyis mi khyab pa'i rang bzhin nyid/ yul bsam gyis mi khyab pa lags te/ yul bsam gyis mi khyab pa'i rang bzhin gyis/ yul bsam gyis mi khyab pa ma mchis pa shes pa des/ chos thams cad yul bsam gyis mi khyab pa ma mchis pa lags na/ bcom ldan 'das kyis phyogs bcu'i 'jig rten gyi khams kun nas nyon mongs pa can dag tu yul bsam gyis mi khyab pa rnam par gzhag pa'i byin gyis brlabs kyi stobs la sbyor bas/ byang chub sems dpa' gang dag bla na med pa yang dag par rdzogs pa'i byang chub tu bkod pa de dag/ bcom ldan 'das kyis 'khor 'dir bsdu bar gsol de bzhin du stong pa nyid kyi sgor 'jug pa grang med pa dag la/ phan tshun gnyen por gyur pa 'dres pa'i tshul dag gis 'jug par bya'o// bcom ldan 'das kyis phyogs bcu'i 'jig rten gyi khams kun nas nyon mongs pa can dag tu thabs rnam pa sna tshogs la mkhas pa'i tshul gyis mtshams sbyor ba'i 'jig rten gyi spyod pa rnams dang / ye shes dang / gzigs pa dang / khams dang / rgyu dang / dmigs pa dang / nges pa'i tshig dang / gdags pa dang
- 111b
rnam par gzhag pa'i byin gyis brlabs kyi stobs la sbyor bas/ sems can rgya mtsho ji snyed bla na med pa yang dag par rdzogs pa'i byang chub tu yongs su smin par mdzad pa'i byang chub sems dpa' gang lags pa de dag/ bcom ldan 'das kyis 'khor 'dir bsdu bar gsol/ de skad ces gsol nas/ bcom ldan 'das kyis 'khor de dag gi lhags pa'i bsam pa thugs su chud de/ phyogs bcu'i byang chub sems dpa' rnams kyis mthong bar 'dod pa mkhyen nas/ bsam pa yongs su rdzogs par mdzad pa dang / byang chub sems dpa' de dag bsdu bar bya ba'i phyir/ zhabs gnyis kyi mthil nas/ bod gzer rgya mtsho'i sprin 'jig rten gyi khams rgya mtsho'i gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed phyung ngo // de bzhin du zhabs kyi sor mo'i tshogs re re dang / de bzhin du rje ngar gnyis dang / de bzhin du pus mo'i lhang gnyis dang / de bzhin du brla gnyis dang / de bzhin du sta zur dang / de bzhin du rtsib logs gnyis dang / de bzhin du lte ba khung dang / de bzhin du brag pa gnyis dang / de bzhin du dpung mgo gnyis dang / de bzhin du dpung pa gnyis dang / de bzhin du lag mthil gnyis dang / de bzhin du phyag sor gyi tshigs re re dang / de bzhin du gtsug tor dang / de bzhin du mdzod spu dang / de bzhin du dbu'i sgra nyag ma re re dang / de bzhin du mtshan re re dang / de bzhin du dpe byad bzang po re re dang / de bzhin du
- 112a
skugi phung du re re nas/ 'od zer rgyal mtsho'i sprin 'jig rten gyi khams rgya mtsho'i gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa skyed phyung ste/ shar phyogs su 'phros so// de las 'od zer gcig gis kyang / 'jig rten gyi khams rgya mtsho'i gang+gA'i klung lnga bcu'i bye ma snyed kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho snang ba chen pos khyab par 'gyur te/ 'jig rten gyi khams rgya mtsho gang 'od zer gcig gis khyab pa de gnyis kyis khyab par mi byed do// shar phyogs ji lta ba de bzhin du lho dang / nub dang / byang dang / de bzhin du byang shar gyi mtshams dang / de bzhin du shar lho'i mtshams dang / de bzhin du lho nub kyi mtshams dang / de bzhin du nub byang gi mtshams dang / de bzhin du steng dang / 'og gi phyogs su yang 'od zer rgya mtsho de dag thams cad 'phros so// de las 'od zer gcig gis kyang 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho snang ba chen pos khyab par gyur te/ gang gcig gis khyab pa de gnyis kyis khyab par mi byed do// yang de'i tshe shar phyogs kyi 'jig rten gyi khams rgya mtsho 'od zer de dag gis snang bar byas pa/ gang yin pa de dag las/ 'jig rten gyi khams re re nas/ byang chub sems dpa' rgya mtsho 'jig rten gyi khams rgya mtsho
- 112b
gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed lags so/ / byang chub sems dpa' re re'i 'khor kyang / byang chub sems dpa' rgya mtsho 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed lhags na/ 'khor byang chub sems dpa' sems dpa' chen po 'jig rten gyi khams rgya mtsho nyi shu rtsa lnga'i rdul phra rab kyi rdul 'bum phrag bye ba khrag khrig grangs med pa snyed lta ci smos/ 'khor byang chub sems dpa' sems dpa' chen po sangs rgyas kyi zhig bcu'i rdul phra rab kyi rdul 'bum phrag bye ba khrag khrig grangs med pa snyed lta ci smos/ 'khor sangs rgyas kyi zhing bcu'i rdul phra rab kyi rdul 'bum phrag bye ba khrag khrig brjod du med pa snyed lha ci smos/ 'khor 'jig rten gyi khams 'bum gyi rdul phra rab kyi rdul snyed lta ci smos/ 'khor 'jig rten gyi khams stong gi rdul phra rab kyi rdul snyed lta ci smos/ 'khor 'jig rten gyi khams lnga bcu'i rdul phra rab kyi rdul snyed lta ci smos/ 'khor 'jig rten gyi khams nyi shu rtsa lnga'i rdul phra rab kyi rdul snyed lta ci smos/ 'khor 'jig rten gyi khams bcu'i rdul phra rab kyi rdul snyed lnga ci spos 'khor 'jig rten gyi khams lnga'i rdul phra rab kyi rdul snyed lta ci smos/ 'khor 'jig rten gyi khams bcu'i rdul phra rab kyi rdul snyed lta ci smos/ 'khor gang+gA'i klung brgya'i bye ma snyed lta ci
- 113a
smos/ 'khor gang+gA'i klung lnga bcu'i bye ma snyed lta ci smos/ 'khor gang+gA'i klung nyi shu rtsa lnga'i bye ma snyed lta ci smos/ 'khor gang+gA'i klung bcu'i bye ma snyed lta ci smos/ 'khor gang+gA'i klung lnga'i bye ma snyed lta ci smos/ 'khor gang+gA'i klung gcig gi bye ma snyed lta ci smos/ 'khor gang+gA'i klung gi bye ma'i bzhi cha snyed lta ci smos/ 'khor gang+gA'i klung gi bye ma'i brgyad cha snyed lta ci smos// 'khor gang+gA'i klung gi bye ma'i bcu drug cha snyed lta ci smos/ 'khor gang+gA'i klung gi bye ma'i cha nyi shu snyed lta ci smos/ 'khor bye ba phrag brgya lta ci smos/ 'khor bye ba phrag lnga bcu lta ci smos/ 'khor bye ba phrag nyi shu rtsa lnga lta ci smos/ 'khor bye ba phrag bcu lta ci smos/ 'khor bye ba bra lnga lta ci smos/ 'khor byang chub sems dpa' sems dpa' chen po bye ba gcig lta ci smos te/ byang chub sems dpa' sems dpa' chen po de dag thams cad kyang bcom ldan 'das ga la ba der dong ste/ byang chub sems dpa' sems dpa' chen po re re kyang / nor bu rin po che'i rgyal po'i sprin bsod nams kyi tshogs rgya mtsho grangs med pa brjod pa/ stong gsum gyi stong chen po bcu'i tshad tsam gyi char gyis chags pa med cing sgrib pa med la ma 'dres pa'i nam mkha' khyab par phab nas/ bcom ldan 'das ga la ba der dong ste lhags nas/ byang chub sems dpa' sems dpa' chen po re re kyang nor bu rin po che'i rgyal po'i sprin ye shes kyi tshogs rgya mtsho grangs med pa brjod pa stong gsum gyi stong chen po
- 113b
bcu'i tshad tsam gyis/ de bzhin gshegs pa la gtor cing mngon par gtor ro// gtor cing mngon par gtor nas/ bcom ldan 'das la lan grangs med par bskor ba byas te/ phyogs gcig tu 'khod do/ / shar phyogs ji lta ba de bzhin du lho dang / nub dang / byang gi phyogs su yang de dang 'dra'o// shar lho'i mtshams su yang de dang 'dra'o// lho nub kyi mtshan su yang de dang 'dra'o/ / nub byang gi mtshams su yang de dang 'dra'o// byang shar gyi mtshams su yang de dang 'dra'o// steng du yang de dang 'dra'o// 'og gi phyogs su yang de dang 'dra ste/ 'jig rten gyi khams rgya mtsho gang dag 'od zer de dag gis snang bar byas pa de dag las 'jig rten gyi khams gcig nas kyang byang chub sems dpab rgya mtsho/ gang+gA'i klung lnga bcu'i bye ma snyed kyi rdul 'bum phrag bye ba khrag khrig grangs med pa snyed lhags so/ / byang chub sems dpa' re re yang 'khor byang chub sems dpa' rgya mtsho 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyis 'khor bskor na/ 'khor sangs rgyas kyi zhing bcu'i rdul phra rab kyi rdul 'bum phrag bye ba khrag khrig brjod du med pa snyed lta ci smos/ 'khor 'jig rten gyi khams brgya'i rdul za rab kyi rdul snyed lta ci smos/ 'khor 'jig rten gyi khams lnga bcu'i rdul phra rab kyi rdul snyed lta ci spos/ 'khor 'jig rten gyi khams nyi shu rtsa lnga'i rdul phra rab kyi rdul
- 114a
bskyed lta ci smos/ 'khor 'jig rten gyi khams bcu'i rdul phra rab kyi rdul snyed lta ci smos/ 'khor 'jig rten gyi khams lnga'i rdul phra rab kyi rdul snyed lta ci spros/ 'khor 'jig rten gyi khams gcig gi rdul snyed lta ci smos/ 'khor gang+gA'i klung gcig gi bye ma snyed kyi bar du lta ci smos/ 'khor bye ba phrag brgya lta ci smos/ 'khor bye ba phrag lnga bcu lta ci smos/ 'khor bye ba phrag nyi shu rtsa lnga lta ci smos/ 'khor bye ba phrag bcu lta ci smos/ 'khor bye ba phrag lnga lta ci smos/ 'khor byang chub sems dpa' sems dpa' chen po bye ba gcig lta ci smos te/ byang chub sems dpa' sems dpa' chen po re res kyang / nor bu rin po che'i rgyal po'i sprin pha rol tu phyin pa rgya mtsho grangs med pa brjod pa stong gsum gyi stong chen po bcu'i tshad tsam gyis char gyis chags pa med cing / sgrib pa med la ma 'dres pa'i nam mkha' khyab par phab nas/ bcom ldan 'das ga la ba der dong ste lhags nas/ byang chub sems dpa' re res kyang / nor bu rin po che'i rgyal po'i sprin sa rgya mtsho grangs med pa brjod pa/ stong gsum gyi stong chen po bcu'i tshad tsam gyis/ de bzhin gshegs pa la gtor cing mngon par gtor to// gtor cing mngon par gtor nas/ bcom ldan 'das kyi zhabs la mgo bos phyag 'tshal te/ lan grangs med par bskor ba byas nas/ phyogs gcig tu 'khod // yang de'i tshe phyogs bcu kun gyi phyogs cha re rer 'jig rten gyi khams rgya mtsho gang+gA'i
- 114b
klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho las/ 'jig rten gyi khams re re'i rdul phra rab kyi rdul re re la byang chub sems dpa' rgya mtsho/ 'jig rten gyi khams rgya mtsho'i gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed gnas par gyur te/ 'on kyang sems can su la yang gnod pa bam sgrib pa med do/ / 'jig rten gyi khams rnams dang / gling rnams dang / lhun po dang / lhun po chen po dang / btang bzung dang / btang bzung chen po dang / gangs dang / gangs chen po dang / khor yug dang / 'khor yug chen po rnams dang / rgya mtsho dang / rgya mtsho chen po rnams dang / lha'i gnas rnams dang / klung dang / mtsho bran dang / mtshe'u rnams dang / grong dang / grong khyer dang / grong brdal dang / ljongs dang / yul 'khor dang rgyal po'i pho brang rnams la yang / gnod pa 'am/ sgrib pa med do// sngon ji lta ba de bzhin du phyis kyang bya ba la 'jug par gyur to// byang chub sems dpa' rnams kyis kyang / bsam pa ji lta ba dang / 'dul ba ji lta ba de bzhin du/ de bzhin gshegs pa mngon sum du zhugs par mthong ngo // de ci'i phyir zhe na/ ma 'dres pa'i chos dang ldan pa'i phyir ro/ / de nas byang chub sems dpa' kun tu bzang po'i 'khor dang / byang chub sems dpa' kha cig 'di snyam du sems te/ bcom ldan 'das kyis phyogs bcu'i
- 115a
'jig rten gyi khams kun nas nyon mongs pa can dag tu thabs rnam pa sna tshogs la mkhas pa'i tshul gyis mtshams sbyor ba'i 'jig rten gyi spyod pa rnams dang / ye shes dang gzigs pa dang / khams dang / rgyu dang / dmigs pa dang / nges pa'i tshig dang / gdags pa dang / rnam par gzhag pa'i byin gyis brlabs kyi stobs la sbyor ba dag gis sems can gang dag bla na med pa yang dag par rdzogs pa'i byang chub tu yongs su smin par mdzad pa dag ci thams cad 'khor 'dir 'dus sam/ 'on te gzhan yang dag par mi 'dus pa dag kyang yod dam zhig gu snyam mo// de nas bcom ldan 'das kyis byang chub sems dpa' de dag gi sems kyi yongs su rtog pa thugs kyis mkhyen nas/ byang chub sems dpa' sems dpa' chen po kun tu bzang po la bka' stsal pa/ kye rgyal ba'i sras dper na/ nyan thos chen po rgya mtsho rdzu 'phrul dang ldan pa/ mngon par shes pa la rnam par rtse ba/ 'jig rten gyi khams rgya mtsho gang+gA'i klung lnga bcu'i bye/ ma snyed kyi rdul phra rab kyi rdul 'bum phrag bye ba khrag khrig grangs med pa snyed yod par gyur la/ nyan thos chen po de dag re res kyang / se gol gtogs pa re re la sems bskyed pa rgya mtsho/ 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed bskyed de/ nyan thos chen po re res kyang / sems bskyed par re res gom pa
- 115b
'dor ba rgya mtsho/ 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed song la/ gom pa re re bor bas kyang 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho 'da' bar byed de/ 'jig rten gyi khams rgya mtsho gang du nyan thos chen po gcig 'gro ba der gnyis mi 'gro ba de lta bu'i tshul gyis/ bskal pa rgya mtsho 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag byed khrag khrig grangs med pa snyed du 'gro bar byed de/ shar phyogs ji lta ba de bzhin du lho dang / nub dang / byang dang / de bzhin du sher lho'i mtshams dang / de bzhin du lho nub kyi mtshams dang de bzhin du nub byang gi mtshams dang / de bzhin du byang shar gyi mtshams phyogs song zhing / nyan thos chen po gcig gang du song ba der/ gnyis mi 'gro la/ de nas mi la la zhig gis/ 'jig rten gyi khams rgya mtsho de dag thams cad grong khyer gcig tu byas la/ srid pa'i rtse mor thug par ra bas kun nas bskor te/ lag mthil bzhin du mnyam par gyur cing rdo dang gseg ma dang / gyo mo med par byas nas/ bye mas bkang ste/ byur bur byas la de nas mi des bye ma'i grong khyer de nas/ bye ma 'bru re re nas blang la/ grong khyer de'i nang gi bye ma'i 'bru
- 116a
ji snyed yod pa de snyed kyi char bsres te/ brtsi ba'i thabs 'dis bye ma'i 'bru de dag thams cad char bsres la de nas mi de bye ma'i 'bru char bsres pa de dag thams cad shar phyogs su khyer te/ bye ma'i 'bru char bsres pa de dag ji snyed pa de snyed kyi 'jig rten gyi khams rgya mtsho 'das shing bye ma'i 'bru char bsres pa gcig bor te/ brtsi ba'i thabras 'dis bye ma'i 'bru char bsres pa de dag thams cad bor te/ shar phyogs su ji lta ba de bzhin du/ lho dang / de bzhin du nub dang / de bzhin du byang dang / de bzhin du shar lho'i mtshams dang / de bzhin du lho nub kyi mtshams dang / de bzhin du nub byang gi mtshams dang / de bzhin du byang shar gyi mtshams su bor la// de nas mi nges 'jig rten gyi khams rgya mtsho gang dag tu bye ma'i 'bru char bsres pa de dag bor ba dang / gang dag tu ma bor ba'i 'jig rten gyi khams rgya mtsho de dag thams cad grong khyer gcig tu byas la/ srid pa'i rtse mor thug par ra bas kun nas bkor te/ lag mthil bzhin du mnyam par gyur cing / rdo dang / gseg ma dang / gyo mo med par byas nas/ bye mas bkang ste byur bur byas la/ nga'i byang chub sems dpa' 'khor 'dir 'dus pa 'di dag ni bye ma'i grong khyer de las/ bye ma'i 'bru gcig tsam du zad do// nga'i byang chub sems dpa' 'dir ma 'dus pa ni/ grong khyer de'i nang gi bye me lhag ma ji snyed pa tsam mo//
- 116b
de'i lhag ma'i bye ma snyed kyi/ byang chub sems dpa' sems dpa' chen po thams cad kyang ming mthun la/ rus gcig pa sha stag yin na/ ming tha dad pa dang / rus tha dad pa lta ci smos/ bya chub sems dpa' de dag kyang dpa' bar 'gro ba'i ting nge 'dzin thob pa dang / sangs rgyas kyi sku'i kha dog yongs su grub pa mtha' yas pa la bsgrub pa'i gzungs thob pa dang / 'jig rten gyi khams yongs su dag pa du mar sangs rgyas 'byung ba ston pa dang / 'jig rten gyi khams kun nas nyon mongs pa can yongs su sbyong ba dang / sems can gyi khams bsam gyis mi khyab pa yongs su smin par byed pa'i khyu mchog tu gyur pa dang ldan pa sha stag go/ / de nas byang chub sems dpa'i 'khor de dag 'di snyams du sems te/ bdag cag gis byang chub sems dpa' de dag gis nang nas/ kha cig gi sems can yongs su smin par byed pa'i khyu mchog tu gyur pa mthong ba na ci ma rung snyam mo// de nas bcom ldan 'das kyis byang chub sems dpa' de dag 'khor de'i nang du bsdu ba dang / de dag gi sems can yongs su smin par byed pa'i khyu mchog tu gyur pa bstan pa'i phyir/ se gol gyi sgra mdzad do// de'i tshe shar phyogs kyi 'jig rten gyi khams rgya mtsho gang dag nas/ byang chub sems dpa' de dag 'khor der 'dus pa'i 'jig rten gyi khams rgya mtsho de dag gi 'dab kyi 'jig rten gyi khams rgya mtsho gang yin pa de dag gi ches pha rol 'jig rten gyi khams rgya mtsho
- 117a
gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho rnams 'gul/ rab tu 'gul/ kun tu rab tu 'gul/ g.yo/ rab tu g.yo/ kun tu rab tu g.yo/ ldeg/ rab tu ldeg/ kun tu rab tu ldeg/ che ma chem/ rab tu che ma chem/ kun tu rab tu chem chem/ 'khrug/ rab tu 'khrug kun tu rab tu 'khrug/ 'ur bur rab tu 'ur 'ur/ kun tu rab tu 'ur 'ur te/ 'jig rten gyi khams rgya mtsho'i 'jig rten gyi khams re re na/ shar phyogs dma' na nub phyogs mtho// nub phyogs dma' na shar phyogs mtho/ / lho phyogs dma' na byang phyogs mtho// byang phyogs dma' na lho phyogs mtho// byang shar mtshams kyi phyogs dma' na/ lho nub mtshams kyi phyogs mtho/ lho nub mtshams kyi phyogs dma' na/ byang shar mtshams kyi phyogs mtho// shar lho mtshams kyi phyogs dma' na/ nub byang mtshams kyi phyogs mtho// nub byang mtshams kyi phyogs dma' nashar lho mtshams kyi phyogs mtho/ / mtha' dma' na dbus mtho// dbus dma' na mtha' mtho ste/ shar phyogs ji lta ba de bzhin du/ lho phyogs kyang de dang 'dra'o// nub phyogs kyang de dang 'dra'o/ / byang phyogs kyang de dang 'dra'o// shar lho'i mtshams dang / lho nub kyi mtshams nub byang gi mtshams dang / byang shar gyi mtshams kyang de dang 'dra'o// steng dang 'og gi phyogs kyang de dang
- 117b
'dra'o/ / 'jig rten gyi khams rgya mtsho'i 'jig rten gyi khams gang dag nas/ byang chub sems dpa' de dag 'khor der 'dus pa'i 'jig rten gyi khams rgya mtsho de dag gi bdab kyi 'jig rten gyi khams/ rgyurgya mtsho gang yin pa de dag gi pha rol gyi yang ches pha rol/ 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho 'gul/ rab tu 'gul/ kun tu rab tu 'gul/ g.yo/ rab tu g.yo/ kun tu rab tu g.yo/ ldeg/ rab tu ldeg/ kun tu rab tu ldeg/ che ma chem/ rab tu chem che ma/ kun tu rab tu chem chem/ 'khrug/ rab tu 'khrug/ kun tu rab tu 'khrug/ bur 'ur rab tu 'u ra 'ur/ kun tu rab tu 'ur bur te/ 'jig rten gyi khams rgya mtsho 'jig rten gyi khams re re yang / shar phyogs dma' na nub phyogs mtho// nub phyogs dmabra na shar phyogs mtho// lho phyogs dma' na byang phyogs mtho// byung phyogs dma' na lho phyogs mtho// byang shar mtshams kyi phyogs dma' na lho nub mtshams kyi phyogs mtho/ / kye nub mtshams kyi phyogs dmapa na/ byang shar mtshams kyi phyogs mtho// shar lho mtshams kyi phyogs dma' na/ nub byeng mtshams kyi phyogs mtho// nu byang mtshams kyi phyogs dma' na/ shar lho mtshams kyi phyogs mgo// mtha' dma' na dbus mtho// dbus dma' na mtha' mtho bar gyur to// yang de'i tshe de bzhin gshegs pa'i/
- 118a
'khor gyi dkyil 'khor gyi kun nas phyogs bcu'i 'jig rten gyi khams rgya mtsho gang+gA'i klung lnga bcu'i bye ba snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho dag gi 'jig rten gyi khams brgya re re nas/ rdul phra rab kyi rdul re re la/ 'jig rten gyi khams rgya mtsho gang+gA'i klung lnga bcu'i rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho gnas par gyur te/ 'dzam bu'i chu bo'i gser gyi stegs bu rin po ches spras pas ni bskor/ rin po che'i tshang tsong gis ni mdzes par byas/ gdugs dang / rgyal mtshan dang / ba dan ni bsgreng / dril bu g.yer ka'i dra ba'i bla res ni bres/ tsan dan sbrul gyi snying pos ni byugs/ nor bu rin po che dbang gi rgyal po'i dra bas ni bkab/ rin po che 'thon kha chen po ni mig mangs ris su bris/ nor bu rin po che'i dra ba'i phyogs re re gnas kyang mu tig rgyan 'phreng kha dog sna tshogs pa/ kha dog du ma dang ldan pa/ 'bum phrag bye ba khrag khrig dpag tu med grangs med pa dag 'phyang ngo / / rin po che'i rgyan 'phreng kha dog sna tshogs pa/ kha dog du ma dang ldan pa 'bum phrag bye ba khrag khrig dpag tu med grangs med pa dag 'byung ngo // dar gyi lnga ldi kha dog sna tshogs pa kha dog du ma dang ldan pa 'bum phrag bye ba khrag khrig dpag tu med grangs med pa dag 'phyang ngo / / ras kyi lda ldi kha dog sna tshogs pa kha dog du ma dang ldan pa/ 'bum phrag bye ba khrag khrig dpag tu med
- 118b
grangs med pa dag 'byung ngo / / dar gyi chun kor kha dog sna tshogs pa kha dog du ma dang ldan pa/ 'bum phrag bye ba khrag khrig grangs med pa dpag tu med pa dag 'phyang ngo dril bu g.yer ka'i dra ba kha dog sna tshogs pa/ kha dog du ma dang ldan pa 'bum phrag bye ba khrag khrig dpag tu med grangs med pa dag 'phyang ngo // rin po che'i rgyan phreng dang / mu tig gi rgyan phreng de dag la/ rlung gis phyogs na yang lha'i sgra yid du 'ong ba dag 'byung ste/ rin po che'i rgyan 'phreng dang / mu tig gi rgyan 'phreng rlung gis phog pa de dag las lha'i sgra yid du 'ong ba 'byung ba de lta bu ni/ sil snyan gyi yan lag dpe med pa 'dun phrag bye ba rdung ba'i slob dpon gyis brdungs pa las kyang / de lta bu'i sgra snyan pa mi 'byung ngo // dril bu g.yer ka'i 'phreng ba rlung gis phog pa de dag las lha yul pa'i sgra yid du 'ong zhing zab pa 'byung ba de lta bu ni/ gser gyi snod 'dzam bu'i gling gi tshad tsam brdung ba las kyang de lta bu'i sgra zab cing yid du 'ong ba mi 'byung ngo // mig mangs ris re re la yang rin po che'i shing ljon pa re re yod de/ rin po che'i stegs bus ni bskor/ nor bu dang / mu tig dang / rin po che'i 'greng bas ni mdzes par byas/ gdugs dang / rgyal mtshan dang / ba dan ni bsgreng / rin po che'i rgyan 'greng gi rgyan dpag tu med grangs med pas ni brgyan dpag tu med pas kyang brgyan to/ / ras kyi lnga ldi'i rgyan dpag tu med grangs med pa dang / me tog gi lnga ldi'i rgyan dpag tu med grangs med pa dang / dril bu/
- 119a
g.yer ka'i dra ba'i rgyan dpag tu med grungs med pas kyang brgyan to// rin po che'i shing ljon pa re re'i drung na yang rin po che'i seng ge'i khri 'phang dpag tshad lnga brgya pa yod de/ rin po che'i stegs bus ni bskor/ nor bu dang mu tig dang / rin po che'i 'breng bas ni mdzes par byas/ gdugs dang / rgyal mtshan dang / ba da na ni bsgreng / dril bu g.yer ka'i dra bas bla res ni bres tsan dan sbrul gyi snying pos ni byugs/ me tog man+da ra ba dang / man+da ra ba chen po dang / man 'dzu sha dang / man 'dzu sha ka chen po dang / mdog mdzes dang / mdog mdzes chen po dang 'khor lo dang / 'khor lo chen po dang / sna ma dang / bar shi ka dang / ta ru ni dang / bal li dang / go ta ra ni dang / rab tu dri zhim pa dang / da ni ska ri dang / lha'i sna ma dang / ut+pa la dang pad+ma dang / ku mu dA dang / pad+ma dkar po dang / me tog chen po rnams ni bkram/ nor bu rin po che chen po glog gi sgron ma'i rgyan phreng gi brgyan dpag tu med grangs med pa dang / nor bu rin po che nyi zla'i sgron ma'i rgyan phreng gi rgyan dpag tu med grangs med pa dang / nor bu rin po che snang ba thams cad 'dus pa'i rgyan phreng gi rgyan dpag tu med grangs med pa dang / nor bu rin po che dbang gi rgyal po'i rgyan phreng gi rgyan dpag tu med grangs med pa dang / nor bu rin po che ze ba can gyi rgyan phreng gi rgyan dang / nor bu rin po che seng ge'i ze ba can gyi rgyan phreng gi rgyan dang / nor bu rin po che seng ge rgyal mtshan
- 119b
/ gyi rgyan phreng gi rgyan dang / nor bu rin po che brgya byin thogs pa'i rgyan phreng gi rgyan dang / nor bu rin po che lha thams cad kyi 'od kyi rgyan 'phreng gi rgyan dang / nor bu rin po che rdo rje'i bod kyi rgyun 'phreng gi rgyan dang nor bu rin po che pad+ma ral gyi rgyan 'phreng gi rgyan dang / nor bu rin po che chu 'dag gi rgyan phreng gi rgyan dang / nor bu rin po che bai DUR+Ya'i rgyan phreng gi rgyan dang / nor bu rin po che a na da snyil gyi rgyan phreng gi rgyan gyis kyang brgyan to/ / nor bu rin po che rdo'i snying po'i rgyan phreng gi rgyan gyis kyang brgyan to// nor bu rin po che dpal gyi snying po'i rgyan phreng gi rgyan gyis kyang brgyan to// nor bu rin po che mdzes bkod kyi rgyan 'phreng gi rgyan gyis kyang brgyan to/ / mu tig dkar po'i rgyan phreng gi rgyan gyis kyang brgyan to// mu tig mthon ka'i rgyun phreng gi rgyan gyis kyang brgyan to// mu tig ser po'i rgyan phreng gi rgyan gyis kyang brgyan to/ / mu tig dmar po'i rgyan phreng gi rgyan gyis kyang brgyan to// mu tig gser mdog gi rgyan phreng gi rgyan gyis kyang brgyan to// mu tig nam mkha' bdog gi rgyan phreng gi rgyan gyis kyang brgyan to/ / mu tig gi 'bru'i ngos re re dang / rin po che'i 'bru'i ngos re re nas kyang / sems kyi skad cig re re la 'od zer rgya mtsho'i sprin dpag tu med pa dang / grangs med pa dang / mtshungs pa med pa dang / gzhal du med pa dang / tshad med pa dag byung ngo // de la 'od zer rgya mtsho'i sprin kha cig las ni bsod nams kyi tshogs tha dad pa rgya mtsho grangs med pa'i khyad par bstan pa rjod pa
- 120a
dag 'byung ngo / / 'od zer rgya mtsho'i sprin kha cig las ni/ ye shes kyi tshogs tha dad pa rgya mtsho grangs med pa'i khyad par bstan brjod pa dag byung ngo // 'od zer rgya mtsho'i sprin la cig las ni pha rol tu phyin pa tha dad pa rgya mtsho grangs med pa'i khyad par bstan brjod pa dag byung ngo / / 'od zer rgya mtsho'i sprin kha cig las ni sa tha dad pa rgya mtsho grangs med pa'i khyad par bstan pa rjod pa dag byung ngo / / 'od zer rgya mtsho'i sprin kha cig las ni gzungs tha dad pa rgya mtsho grangs med pa'i khyad par bstan pa rjod pa dag byung ngo // 'od zer rgya mtsho'i sprin kha cig las ni rnam par thar pa tha dad pa rgya mtsho grangs med pa'i khyad par bstan pa brjod pa dag byung ngo / / 'od zer rgya mtsho'i sprin kha cig las ni/ so so yang dag par rig pa tha dad pa rgya mtsho grangs med pa'i khyad par bstan pa rjod pa dag byung ngongo/ / 'od zer rgya mtsho'i sprin kha cig las ni mngon par shes pa tha dad pa rgya mtsho grangs med pa'i khyad par bstan pa rjod pa dag byung ngo // 'od zer rgya mtsho'i sprin kha cig las ni smon lam tha dad pa rgya/ mtsho grangs med pa'i khyad par bstan pa rjod pa dag byung ngo // 'od zer rgya mtsho'i sprin kha cig las ni/ brtson 'grus rtsom pa tha dad pa'i rgya mtsho grangs med pa'i khyad par bstan pa rjod pa dag byung ngo // 'od zer rgya mtsho'i sprin kha cig las ni/ dbugs 'byin pa thob pa tha dad pa rgya mtsho grangs med pa'i khyad par bstan parjod pa dag byung ngo // 'od zer rgya mtsho'i sprin kha cig las ni byang chub sems la
- 120b
/ 'jug pa tha dad pa rgya mtsho grangs med pa'i khyad par bstan pa rjod pa dag byung ngo // 'od zer rgya mtsho'i sprin kha cig las ni de bzhin gshegs pa la 'jug pa tha dad pa rgya mtsho grangs med pa'i khyad par bstan brjod pa dag byung ngo / / 'od zer rgya mtsho'i sprin kha cig las ni sems can gyi bsam pa dang spyod pa la 'jug pa tha dad pa rgya mtsho grangs med pa'i khyad par bstan pa rjod pa dag byung ngo // 'od zer rgya mtsho sprin kha cig las ni 'jig rten gyi khams la 'jug pa tha dad pa rgya mtsho grangs med pa'i khyad par bstan pa rjod pa dag byung ngo / / 'od zer rgya mtsho'i sprin kha cig las ni bskal pa la 'jug pa la tha dad pa rgya mtsho grangs med pa'i khyad par bstan pa rjod pa dag byung ngo / / yang de'i tshe shar phyogs kyi 'jig rten gyi khams rgya mtsho gang yin pa de dag 'gul/ rab tu 'gul/ kun tu rab tu 'gul/ g.yo rab tu g.yo/ kun tu rab tu g.yo/ ldeg rab tu ldeg/ kun tu rab tu ldeg/ chem chem/ rab tu chem chem/ kun tu rab tu chem chem/ 'khrug/ rab tu 'khrug/ kun tu rab tu 'khrug/ 'ur 'ur/ rab tu 'ur bur/ kun tu rab tu 'ur bur ro// de nas 'jig rten gyi khams rgya mtsho de dag las/ 'jig rten gyi khams re re nas kyang / byang chub sems dpa' 'jig rten gyi kham rgya mchog ng+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed lhags so/ / byang chub sems dpa' sems dpa' chen po re re'i 'khor yang / byang chub
- 121a
sems dpa' rgya mtsho 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed lhags so/ / byang chub sems dpa' re res kyang / nor bu rin po che'i rgyal po'i sprin zungs rgya mtsho grangs med pa rjod pa/ stong gsum gyi stong chen po bcu'i tshad tsam gyi char gyis chags pa med cing sgrib pa med la ma 'dres pa'i nam mkha' khyab par byas nas/ bcom ldan 'das ga la ba der dong ste lhags na/ byang chub sems dpa' re res kyang / lha'i nor bu rin po che'i rgyal po'i sprin ting nge 'dzin rgya mtsho grangs med pa rjod pa'i stong gsum gyi stong chen po bcu'i tshad tsam gyis/ chags pa med cing sgrib pa med la ma 'dres pa'i nam mkha' khyab par byas te/ de bzhin gshegs pa la gtor cing mngon par gtor la/ mngon par rab tu gtor to/ / gtor cing mngon par gtor la/ mngon par rab tu gtor nas/ bcom ldan 'das kyi zhabs la mgo bos phyag 'tshal te/ lan grangs med par bskor ba byas nas/ rang rang gi smon lam las byung ba'i seng ge'i khri la 'khod do/ / shar phyogs ji lta ba de bzhin lho dang / nub dang / byang dang / shar lho'i mtshams dang / lho nub kyi mtshams dang / nub byang gi mtshams dang / byang shar gyi mtshams dang / steng dang / 'og gi phyogs kyi 'jig rten gyi khams rgya mtsho gang yin pa de dag kyang / 'gul/ rab tu 'gul/ kun tu rab tu 'gul/ g.yo rab tu g.yo/ kun tu
- 121b
rab tu g.yo/ ldeg rab tu ldeg/ kun tu rab tu ldeg/ chem chem/ rab tu chem chem/ kun tu rab tu chem chem/ bakhrug rab tu 'khrug/ kun tu rab tu 'khrug/ 'ur 'ur/ rab tu 'ur 'ur kun tu rab tu 'ur 'ur ro/ / 'jig rten gyi khams de dag re re nas kyang / byang chub sems dpa' rgya mtsho/ 'jig rten gyi khams gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed lhags so/ / byang chub sems dpa' re re'i 'khor yang / byang chub sems dpa' rgya mtsho/ 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed lhags so/ / byang chub sems dpa' re res kyang / nor bu rin po che'i rgyal po'i sprin rnams pa tha dad pa rgya mtsho grangs med pa rjod pa/ stong gsum gyi stong chen po bcu'i tshad tsam gyi char gyis/ chags pa med cing sgrib pa med la/ ma 'dres pa'i nam mkha' khyab par byas nas/ bcom ldan 'das ga la ba der dong ste lhags nas/ byang chub sems dpa' re res kyang nor bu rin po che'i rgyal po'i sprin so sor yang dag par rig pa rgya mtsho grangs med parjod pa/ stong gsum gyi stong chen po bcu'i tshad tsam gyis/ de bzhin gshegs pa la gtor cing mngon par gtor la/ mngon par rab tu gtor to// gtor cing mngon par gtor la/ mngon par rab tu gtor nas/ bcom ldan 'das kyis zhabs la mgo bos phyag 'tshal te/ lan grangs med
- 122a
par bskor ba byas nas/ rang rang gi smon lam las byung ba'i seng ge'i khri la 'khod do// yang de'i tshe bcom ldan 'das kyi gtsug tor dang / mdzod spu dang / mtshan dang dpe byad bzang po re re dang / spu'i khung po re re nas 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho'i rdul phra rab kyi rdul lta shin tu nyung gi de bas ches mang ba'i byang chub sems dpa' rgya mtsho dag byung ste/ de dag thams cad kyang lus 'dzam bu chu bo'i gser gyi mdog can gzi brjid nyi ma 'bum phrag bye ba khrag khrig grangs med pa bas lhags pa/ dpa' par 'gro ba'i ting nge 'dzin la rnam par rtse ba/ sangs rgyas kyi sku mdog yongs su grub pa mtha' yas pa bsgrub pa'i gzungs thob pa/ 'jig rten gyi khams sangs rgyas mi bzhugs pa dag tu sangs rgyas 'byung ba ston pa/ 'jig rten gyi khams kun nas nyon mongs pa can yongs su sbyong ba/ pad+ma'i stan la 'khod pa sha stag go// pad+ma re re yang rin po che thams cad kyis spras pa/ sdong bu rnam pa sna tshogs pa/ nor bu rin po che'i ze ba can gser gyi 'dab ma bkod pa shin tu rgyas pa'i gzugs can 'dzam bu chu bo'i gser gyi snying po dang ldan pa/ 'od kyi dkyil 'khor sna chog kyis/ phyogs thams cad kyi sprin snang bar byed pa/ kun nas 'od zer bkod pa/ sangs rgyas kyi yul mtha' yas pa'i gsung rjod pa'i 'od zer/ nor bu dang / mu tig dang / rin po che'i phreng ba rab tu 'gyed
- 122b
pas mdzes par byas shing / gdugs dang / rgyal mtshan dang / ba dan bsgreng ba sha stag go// de nas byang chub sems dpa' de dag gis 'od zer rgya mtsho 'bum phrag bye ba khrag khrig grangs med pa btang nas/ pad+ma de dag las babs te/ lha'i gdugs kyi sprin dang / rgyal mtshan gyi sprin dang / ba dan gyi sprin dang / me tog gi sprin dang / spos kyi sprin dang / rin po che'i sprin dang / rol mo'i sgra'i sprin dang / rgyan gyi sprin dang / seng ge'i rgyal mtshan gyi rtse mo'i sprin dang / lha'i sil snyan dang / pheg rdob pa dang / klu dbyangs kyi sgra'i sprin chags pa med cing sgrib pa med la ma 'dres pa/ stong gsum gyi stong chen po bcu'i tshad tsam gyis/ byang chub sems dpa' de dag la gtor cing mngon par gtor la/ mngon par rab tu gtor to// gtor cing mngon par gtor la/ mngon par rab tu gtor nas/ lan grangs med par bskor ba byas te/ bcom ldan 'das kyi zhabs la mgo bos phyag 'tshal nas/ lan grangs med par bskor ba byas te/ rang rang gi pad+ma'i stan la 'khod do// byang chub sems dpa' gang dag de bzhin gshegs pa'i sku'i nang du chud pa'i 'jig rten gyi khams rgya mtsho'i 'jig rten gyi khams dag nas byung ba de dag thams cad kyang / byang chub sems dpa' de dag gis bla na med pa yang dag par rdzogs pa'i byang chub tu yongs su smin par byas pa sha stag go/ / de nas 'khor de dag 'di snyam du sems te/ de bzhin gshegs pa'i sku'i nang du chud pa'i 'jig rten gyi khams rnams sangs
- 123a
rgyas kyi mthus/ bdag cag gis mthong ci ma rung snyam mo// de nas bcom ldan 'das kyi byang chub sems dpa' de dag gis sems kyi yongs su rtog pa thugs kyis mkhyen nas/ gtsug tor nas de bzhin gshegs pa'i sku'i nang du chud pa'i 'jig rten gyi khams ston pa zhes bya ba'i 'od zer 'khor 'od zer grangs med pa dag byung ste/ des phyogs bcu'i 'jig rten gyi khams rab 'byams thams cad snang ba chen pos khyab par byas nas/ bdud kyi gnas thams cad mog mog por byas so// sangs rgyas kyi rnam par 'phrul pa thams cad kyang bstan te/ sems can gyi khams mtha' yas pa/ yongs su smin par byas nas yang phyir log ste/ de bzhin gshegs pa dgra bcom pa yang dag par rdzogs pa'i sangs rgyas la/ lan grangs med par bskor bar byas nas/ byang chub sems dpa' de dag gi lus la phogs par gyur to// byang chub sems dpa' de dag gi lus la 'od zer des phog ma thag tu yang de'i tshe byang chub sems dpa' de dag thams cad kyis bcom ldan 'das kyi mdzod sru dang / gtsug tor dang / mtshan dang dpe byad bzang po re re dang / spu'i khung bu re re la 'jig rten gyi khams rgya mtsho gad+hA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho'i rdul phra rab kyi rdul lta shin tu nyung gi/ de bas ches mang ba'i 'jig rten gyi khams rgya mtsho dag names 'jig pa dang / chus 'jig pa dang /
- 123b
rlung gis 'jig pa dag mthong ste/ dper na 'jig rten gyi khams rgya mcho ga d+hA'i klung gi bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho srid pa'i rtse mor thug par rabs bskor te/ rdo dang gseg ma dang / gyo mo med cing lag mthil ltar mnyam par gyur nas/ rdul phra rab kyi rdul gyis gang ba la/ 'jig rten gyi khams gang dag tu mes 'jig pa dang / chus 'jig pa dang / rlung gis 'jig par mthong ba de dag ni/ ra ba de'i nang gi rdul phra rab kyi rdul gcig lta bur blta bar bya'o// 'jig rten gyi khams rgya mtsho de dag las/ 'jig rten gyi khams rgya mtsho gnas pa ni/ rdul phra rab kyi rdul lhag ma ji snyed yod pa tsam du blta bar bya'o// de la 'jig rten gyi khams rgya mtsho la la ni/ nor bu rin po che skar 'od las grub pa yin no// 'jig rten gyi khams rgya mtshol la ni/ nor bu rin po che glog gi sgron ma las grub pa yin no// 'jig rten gyi khams rgya mtsho la la ni/ nor bu rin po che nyi zla'i sgron ma las grub pa yin no// 'jig rten gyi khams rgya mtsho la la ni/ nor bu rin po che snang ba thams cad 'dus pa las grub pa yin no// 'jig rten gyi khams rgya mtsho la la ni/ nor bu rin po che dbang gi rgyal po las grub pa yin no// 'jig rten gyi khams rgya mtsho la la ni nor bu rin po che ze ba can las grub pa yin no/ / 'jig rten gyi khams rgya mtsho la la ni/ nor bu rin po che seng ge'i ze ba las grub pa yin no// 'jig rten gyi khams rgya mtsho la la ni/ nor bu rin po che seng ge'i rdza
- 124a
rje rtse mo las grub pa yin no/ / 'jig rten gyi khams rgya mtsho la la ni/ nor bu rin po che brgya byin thogs pa las grub pa yin no// 'jig rten gyi khams rgya mtsho la la ni/ nor bu rin po che lha thams cad kyi 'od las grub pa yin no/ / 'jig rten gyi khams rgya mtsho la la ni/ nor bu rin po che rdo rje'i 'od las grub pa yin no// 'jig rten gyi khams rgya mtsho la la ni/ nor bu rin po che pad+ma rA ga las grub pa yin no/ / 'jig rten gyi khams rgya mtsho la la ni/ nor bu rin po che chu 'dag las grub pa yin no// 'jig rten gyi khams rgya mtsho la la ni/ yid bzhin gyi nor bu rin po che las grub pa yin no// 'jig rten gyi khams rgya mtsho la la ni/ nor bu rin po che bai DUR+Ya las grub pa yin no// 'jig rten gyi khams rgya mtsho la la ni/ nor bu rin po che an da snyil las grub pa yin no// 'jig rten gyi khams rgya mtsho la la ni/ nor bu rin po che mthon ka chen po las grub pa yin no// 'jig rten gyi khams rgya mtsho la la ni/ nor bu rin po che rdo'i snying po las grub pa yin no// 'jig rten gyi khams rgya mtsho la la ni/ nor bu rin po che dpal gyi snying po las grub pa yin no/ / 'jig rten gyi khams rgya mtsho la la ni/ nor bu rin po che mdzes bkod las grub pa yin no// 'jig rten gyi khams rgya mtsho la la ni/ mu tig dkar po las grub pa yin no/ / 'jig rten gyi khams rgya mtsho la la ni/ mu tig gser mdog las grub pa yin no// 'jig rten gyi khan rgya mtsho la la ni/ mu tig nam mkha' mdog las grub pa yin no//
- 124b
'jig rten gyi khams rgya mtshal la ni/ nor bu rin po che bsod nams kyi tshogs rgya mtsha grangs med pa'i khyad par bstan brjod pa las grub pa yin no// 'jig rten gyi khams rgya mtshol la ni/ nor rin po che ye shes kyi tshogs rgya mtsho grangs med pa'i khyad par bstan pabarjod pa las grub pa yin no/ / 'jig rten gyi khams rgya mtsho la la ni/ nor bu rin po che pha rol tu phyin pa rgya mtsho grangs med pa'i khyad par bstan brjod pa las grub pa yin no/ / 'jig rten gyi khams rgya mtsho la la ni/ nor bu rin po ches rgya mtsho grangs med pa'i khyad par bstan pa brjod pa las grub pa yin no// 'jig rten gyi kham rgya mtsho la la ni/ nor bu rin po che gzungs rgya mtsho grangs med pa'i khyad par bstan pa rjod pa las grub pa yin no// 'jig rten gyi khams rgya mtsho la la ni/ nor bu rin po che rnam par thar pa rgya mtsho grangs med pa'i khyad par bstan pa rjod pa las grub pa yin no/ / 'jig rten gyi khams rgya mtsho la la ni/ nor bu rin po che so so yang dag par rigs pa rgya mtsho grangs med pa'i khyad par bstan pa brjod pa las grub pa yin no/ / 'jig rten gyi khams rgya mtsho la la ni/ nor bu rin po che mngon par shes pa rgya mtsho grangs med pa'i khyad par bstan pa rjod pa las grub pa yin no// 'jig rten gyi khams rgya mtsho la la ni/ nor bu rin po che smon lam rgya mtsho grangs med pa'i khyad par bstan parjod pa las grub pa yin no// 'jig rten gyi khams rgya mtsho la la ni/ nor bu rin po che brtson 'grus rtsom pa rgya mtsho grangs med pa'i khyad
- 125a
par bstan pa rjod pa las grub pa yin no/ / 'jig rten gyi khams rgya mtsho la la ni/ nor bu rin po che dbugs 'byin thob pa rgya mtsho grangs med pa'i khyad par bstan pa brjod pa las grub pa yin no/ / 'jig rten gyi khams rgya mtsho la la ni/ nor bu rin po che byang chub sems dpa' la 'jug pa rgya mtsho grangs med pa'i khyad par bstan pa brjod pa las grub pa yin no// 'jig rten gyi khams rgya mtsho la la ni/ nor bu rin po che de bzhin gshegs pa la 'jug pa rgya mtsho grangs med pa'i khyad par bstan pa brjod pa las grub pa yin no// 'jig rten gyi khams rgya mtsho la la ni/ nor bu rin po che sems can gyi bsam pa dang / spyod pa la 'jug pa rgya mtsho grangs med pa'i khyad par bstan pa brjod pa las grub pa yin no// 'jig rten gyi khams rgya mtsho la la ni/ nor bu rin po che 'jig rten gyi khams la 'jug pa rgya mtsho grangs med pa'i khyad par bstan pa brjod pa las grub pa yin no/ / 'jig rten gyi khams rgya mtsho la la ni/ nor bu rin po che bskal pa la 'jug pa rgya mtsho grangs med pa'i khyad par bstan pa brjod pa las grub pa yin no/ / 'jig rten gyi khams rgya mtsho la la ni/ 'jig rten gyi khams kyi rdul phra mo re rel zhing bsam gyi mi khyab pa/ zhing thams cad kyi rdul snyed du sna tshogs su gnas pa dag snang ngo / / zhing re re na yang sangs rgyas bcom ldan 'das bsam gyis mi khyab pa dag snang bar gyur te/ zhing thams cad kyi rdul snyed kyi kha dog du gnas pa dag snang ngo // sangs rgyas bcom ldan
- 125b
bdas de dag sngon byang chub sems dpa'i spyad pa spyod pa na/ sangs rgyas bcom ldan 'das gang dag gis byang chub tu sems skyed du gtsug pa dang / byang chub sems dpa'i spyod pa slob tu gtsug pa'i sangs rgyas bcom ldan 'das de dag kyang snang bar gyur to/ / sangs rgyas bcom ldan 'das de dag sngon byang chub sems dpa'i spyad pa spyod pa na/ byang chub tu sems skyed du bcug pa'i sangs rgyas bcom ldan 'das gang yin pa de dag kyang snang ngo / / de bzhin du sangs rgyas bcom ldan 'das gcig nas gcig tu brgyud pa phyi ma'i mthar thug pa'i bar du bstan kyang / sangs rgyas gcig nas gcig/ tu brgyud pa de dag gi mtha' bstan par mi nus so// sangs rgyas bcom ldan 'das re re la yang 'khor gyi dkyil 'khor rgya mtsho dpag tu med/ grangs med pa dag snang ngo // byang chub sems dpa' de dag gi byang chub sems dpa'i spyod pa rgya mtsho rnam pa sna tshogs bstan pa gang yin pa de dag kyang thos so/ / byang chub sems dpa' de dag gi mngon par rdzogs par byang chub pa yang snang ngo // de dag gi byang chub sems dpa'i 'khor gyi dkyil 'khor rgya mtsho dag kyang snang ngo / / byang chub sems dpa' de dag gi byang chub kyi spyod pa rgya mtsho rnam pa sna tshogs bstan pa gang yin pa de dag kyang thos so// byang chub sems dpa' de dag gi mngon par rdzogs par byang chub pa dag kyang snang ngo // sangs rgyas bcom ldan 'das re re'i byang chub sems dpa'i 'khor gyi dkyil 'khor dpag tu med/ grangs med
- 126a
pa dag kyang snang ngo / / de dag gi byang chub sems dpa' spyod pa rnam pa sna tshogs gang yin pa de dag kyang snang zhing thos so// de bzhin du ma 'ongs pa'i sangs rgyas bcom ldan 'das de dag gi sangs rgyas gcig nas gcig tu brgyud pa yang bskal pa rgya mtsho 'jig rten gyi khams thams cad kyi rdul phra rab kyi rdul snyed kyi bar du bstan kyang mthar byin par mi 'gyur ro/ / de ci'i phyir zhe na/ sku dang ye shes chags pa med pa brnyes pa'i phyir ro// de nas byang chub sems dpa'i 'khor de dag 'di snyam du sems te/ byang chub sems dpa' gang dag chos kyi rnam grangs 'di thos nas/ mos par byed cing 'chang ba dang / klog pa dang / 'don pa dang / 'don tu 'jug pa dang / mar me dang / gdugs pa dang / spos dang / me tog 'phreng dang / byug pa dang / phye ma dang / chos gos dang / gdugs dang / rgyal mtshan dang / ba dan la sogs pas mchod pa de dag gi bsod nams ji snyed cig 'phel bar 'gyur zhig gu snyam mo// de nas bcom ldan 'das kyis byang chub sems dpa' de dag gi sems kyi yongs su rtog pa thugs kyis mkhyen nas/ 'jam dpal gzhon nur gyur pa la bka' stsal pa/ 'jam dpal 'jig rten gyi khams rgya mtsho gang+gA'i klung lnga bcu'i bye ma snyed kyi rdul phra rab kyi rdul 'bum phrag bye ba khrag khrig grangs med pa snyed kyi 'jig rten gyi khams rgya mtsho'i rdul phra rab kyi rdul shin tu nyung gi/ de bas ches mang ba'i
- 126b
byang chub sems dpa' rgya mtsho dag gi dge ba'i rtsa ba pha rol tu phyin pa lnga las byung ba/ bskal pa dpag tu med grangs med pa'i bar du bskyed pa yang / chos kyi rnam grangs 'di la mos pa'i byang chub sems dpas tha na dud 'gro'i skye nas su gyur pa la zan chang gcig tsam yongs su btang bas/ byang chub sems dpa' de dag gi dge ba'i rtsa ba pha rol tu phyin pa lnga las byung ba de zil gyis gnon par 'gyur ro/ / 'jam dpal dper na/ zla ba yar gyi ngo tsha bcwo lnga'i nam phyed kyi dus na zla ba'i dkyil 'khor gyis 'di ltar mtho ba dang mtshungs pa med pa dang / che bas skar ma'i 'khor thams cad zil gyis gnon te/ lham me lhan ne/ lhang nger 'dug go// 'jam dpal de bzhin du/ chos kyi rnam grangs 'di la mos pa'i byang chub sems dpa' 'di ltar dge ba'i rtsa ba mtho ba dang mtshungs pa med ba dang / ches byang chub sems dpa' 'jig rten gyi khams thams cad kyi rdul snyed kyi dge ba'i rtsa ba pha rol tu phyin pa lnga las byung ba rnams zil gyis gnon te/ lham me ldan ne/ lhang nger 'dug rga 'jam dpal byang chub sems dpa' gang la las/ stong gsum gyi stong chen po'i 'jig rten gyi khams su gtogs pa'i sems can thams cad dbyug pas bsnun nam/ mtshon gyis btab ste/ bdog pa thams cad phrogs pa bas/ 'jam dpal byang chub sems dpa' gzhan zhig gis byang chub sems dpa' la gnod sems dang / za ba dang / khro ba'i sems bskyed de/ bsnyas
- 127a
pa'i sems kyang bskyed na/ 'di ni de bas ches sdig pa mang po 'phel bar 'gyur ro// de ci'i phyir zhe na/ byang chub sems dpa' byang chub sems dpa' la gnod sems dang / tha ba dang / khro ba'i sems bskyed pa dang / bskus pa'i sems bskyed pas ni/ chos kyis phongs par 'gyur ba'i las byas par 'gyur te/ chos ma yin pa yongs su bzugs par 'gyur ro/ / chos ma yin pa yongs su 'dzin pa ni sangs rgyas kyi gdung gcod par byed pa yin/ sangs rgyas rnams ma byung na/ rgyal chen bzhi'i lha'i ris rnams 'byung bar mi 'gyur ro// sum cu rtsa gsum pa rnams dang / 'tha' bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams dang / bdud kyi ris rnams kyang 'byung bar mi 'gyur ro/ / brgya byin dang / tshangs pa dang / 'jig rten skyong thams cad kyang 'byung bar mi 'gyur ro// zla ba dang / nyi ma thams cad kyang 'byung bar mi 'gyur ro// 'khor los sgyur ba dang / stobs kyis 'khor los sgyur ba rnams kyang 'byung bar mi 'gyur ro// mi'i 'jig rten yang 'byung bar mi 'gyur ro// de ci'i phyir zhe na/ de dag thams cad ni rdzogs pa'i sangs rgyas dang phrad pa las 'byung la/ sangs rgyas bcom ldan 'das rnams ni/ byang chub sems dpa' las 'byung ba'i phyir ro// de bas na sangs rgyas thams cad la mchod par 'dod pas ni
- 127b
byang chub sems dpa' rnams la mchod par bya'o/ / byang chub sems dpa' rnams la mchod pa byas na/ sangs rgyas thams cad la mchod par 'gyur ro// byang chub sems dpa' rnams la bkur sti byas na/ sangs rgyas thams cad la bkur sti byas par 'gyur ro// 'jam dpal byang chub sems dpa' gang la las sangs rgyas bcom ldan 'das 'jig rten gyi khams thams cad kyi rdul snyed la lha'i zhal zas ro brgya dang ldan pa dang / lha'i na bza' phul te/ sbyin pa de lta bu bskal pa rgya mtsho gang+gA'i klung gi bye ma snyed kyi 'jig rten gyi khams kyi rdul snyed kyi bar du phul la/ byang chub sems dpa' gzhan zhig gis ni/ byang chub sems dpa' la dmigs pa gang yang rung ba zhig gis/ byang chub tu sems bskyed de/ bdug pa las dmigs pa 'am/ mar me las dmigs pa 'am/ me tog la dmigs pa 'am/ spos las dmigs pa 'am/ gzhan gang yang rung ba zhig las dmigs te/ byang chub tu sems bskyed na/ 'di ni de bas ches grangs med par bsod nams 'phel bar 'gyur na/ gzhan skyed du 'jug pa gang yin pa dag lta ci smos te/ 'di ni de bas bsod nams ches grangs med par skyed par 'gyur ro// snga ma des ni bsod nams mngon par 'du byed pa 'di'i rgyu'i char yang mi phod/ stong gi char yang mi pod/ 'bum gyi char yang mi phod/ bye ba'i char yang mi phod/ bye ba rgya'i char yang mi bod/ bye ba stong gi char yang mi phod/ bye ba 'bum gyi char yang mi phod de/ dpe dang rgyur yang
- 128a
mi bzod do/ / 'jam dpal byang chub sems dpa' gang la las/ sems can thams cad byang chub kyi sems la bkod la/ byang chub sems dpa' gzhan zhig ni stong pa nyid la mos par gyur na/ 'di ni de bas ches grangs med par bsod nams 'phel bar 'gyur na/ gzhan mos pa skyed du 'jug pa gang yin pa dag lta ci smos te/ 'di ni de bas bsod nams ches grangs med pa skyed par 'gyur ro/ / bsod nams mngon par 'du byed pa snga ma de ni bsod nams mngon par 'du byed pa 'di'i brgya'i char yang mi phod/ stong gi char yang mi phod/ 'bum gyi char yang mi phod/ bye ba'i char yang mi phod/ bye ba brgya'i char yang mi phod/ bye ba stong gi char yang mi phod/ bye ba 'bum gyi char yang mi phod/ dpe dang rgyur yang mi bzod do// 'jam dpal byang chub sems dpa' gang la las byang chub sems dpa' zan bcad dam/ khros te tha na byang chub sems dpa' glang po cher skyes pa de'i dge ba'i rtsa ba sangs rgyas la bskyed pa gcig bcad la 'jam dpal byang chub sems dpa' gzhan zhig/ gis ni/ chos kyi rjes su 'brang ba dang / don gyi rjes su 'brang ba dang / brgyad pa dang / rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas 'jig rten gyi khams thams cad kyi rdul snyed kyi zan bcad de/ khros nas lhung bzed dang / chos gos med par byas la/ sems can thams cad long bar byas na/ mi dge ba'i las 'di ni snga ma'i mi dge ba de'i brgya'i
- 128b
char yang mi bod pa nas/ dpe'i bar du yang mi bzod do// bcom ldan 'das kyis de skad ces bka' stsal nas/ dge slong dang / dge slong ma dang / dge bsnyen dang / dge bsnyen ma de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi ma yin pa rnams dang / phyogs tha dad pa nas lhags pa'i byang chub sems dpa' rgya mtsho grangs med/ tshad med pa rnams yi rangs te/ bcom ldan 'das kyis gsungs pa la mngon par bstod do// mdo'i rgyal po chen po sprin chen po'i le'u re re la/ chos snang ba'i sgo stong phrag gang+gA'i klung grangs med pa'i bye ma snyed yang dag par 'du ba sdang ba'i dkyil 'khor gyi dpal gyi glog gis gsal bar byas pa'i le'u chen po'i tshogs mtha' yas pa gang+gA'i klung gi bye ma snyed las dga' ldan na gnas pa la sogs pa/ 'jig rten grangs med pa dang mthun par 'jug pa'i stobs la sbyor ba'i mthu las byung bas dbang byed cing / phyogs bcu'i byang chub sems dpa' rgya mtsho 'dus pa'i dga' ston chen po la rtse ba zhes bya ba'i le'u ste sum cu bdun pa rdzogs so/ / / rgya gar gyi mkhan po su ren dra bo d+hi dang / zhu chen gyi lo tshu ba dan d+he ye shes sdes zhus te gtan la phab pa/ @rgya gar skad du/ Ar+ya a pa lo ki ni nA ma ma hA yA na sU tra/ bod skad du/ 'phags pa spyan ras gzigs zhes bya ba theg pa
- 129a
chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgong su bo'i ri la/ dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs so// de nas bcom ldan 'das kyis byang chub sems dpa' blo gros rnam par dag pa la bka' stsal pa/ blo gros rnam par dag pa/ tshul khrims yongs su dag pas/ de bzhin gshegs pa yongs su dag go// blo gros rnam par dag pa/ ting nge 'dzin yongs su dag pa dang / bzod pa yongs su dag pa dang / phan pa'i dngos po yongs su dag pas/ de bzhin gshegs pa yongs su dag go// blo gros rnam par dag pa/ byams pa yongs su dag pas/ de bzhin gshegs pa yongs su dag go/ / blo gros rnam par dag pa/ snying rje yongs su dag pas/ de bzhin gshegs pa yongs su dag go// blo gros rnam par dag pa/ dga' ba yongs su dag pa dang / bca snyoms yongs su dag pas/ de bzhin gshegs pa yongs su dag go// blo gros rnam par dag pa/ rnam par grol ba yongs su dag pa dang / rnam par grol ba'i ye shes yongs su dag pas/ de bzhin gshes pa yongs su dag go/ / blo gros rnam par dag pa/ stobs yongs su dag pas/ de bzhin gshegs pa yongs su dag go// blo gros rnam par dag pa/ mi 'jig pa yongs su dag pa dang / sangs rgyas
- 129b
kyi chos yongs su dag pa dang / rnam pa thams cad mkhyen pa'i ye shes yongs su dag pas/ de bzhin gshegs pa yongs su dag go// blo gros rnam par dag pa/ de ltar de bzhin gshegs pa yongs su dag pa la su zhig me tog dang / 'phreng ba dang / spos dang / gdugs dang / rgyal mtshan dang / ba dan dang / rol mo'i sgra dang / byug pa rnams kyis bsti stang du byed pa de'i bsod nams kyi phung po'i mtha' rtogs par mi nus te/ de'i mtha' ni theg pa gsum la/ theg pa gang yang rung bas mya ngan las 'das pa'i mthar thug pa ma gtogs par bsod nams kyi phung po de phyi ma'i mtha' yang zad par mi nus so// de ci'i phyir zhe na/ blo gros rnam par dag pa ji ltar de bzhin gshegs pa sangs rgyas kyi chos thams cad kyis tshad med pa de bzhin du de bzhin gshegs pa la yon phul ba yang tshad med do// mtha' yas so/ / bsam gyis mi khyab bo// mtshungs pa med do// dpag tu med do// grangs med do// dpag gis mi lang ngo // brjod du med do// blo gros rnam par dag pa su zhig/ de bzhin gshegs pa de ltar bzhugs te/ mtsho zhing gzhes pa la bsti stang byed pa dang / bla mar byed pa dang / ri mor byed pa dang / mchod pa dang / rjed pa dang / phyi ma'i tshe phyi ma'i dus lnga brgya tha ma la su zhig de bzhin gshegs pa yongs su mya ngan las 'das pa'i ring bsrel yungs 'bru tsam la bsti stang byed pa dang / bla mar byed pa dang / ri mor byed pa dang / mchod pa dang / rjed pa dang / yang dag par sems nye bar gzhan
- 130a
@ste/ byang chub tu gzhol ba'i sems bskyed pas phyag 'tshal ba dang / phyag byed pa dang / bsti stang byed pa dang / bla mar byed pa dang / ri mor byed pa dang / mchod pa dang / rjedapa dang / gsol ba dang / bsngags pa dang / skor ba byed pa des phan yon lnga yongs su bzung bar 'gyur te/ lnga gang zhe na/ dran pa dang ldan par 'gyur ba dang / rtogs pa dang ldan par 'gyur ba dang / ngo tsha shes shing khrel yod pa dang ldan par 'gyur ba dang / myur du sangs rgyas bcom ldan 'das mthong bar 'gyur ba dang / mthong nas kyang dad pa skyed par 'gyur ba ste/ phan yon lnga po de dag yongs su bzung bar 'gyur/ ro// de chos bzhi dang ldan pa 'gyur te/ bzhi gang zhe na/ de bzhin gshegs pa'i bstan pa 'dzin pa dang / de yang ji skad bstan pa bzhin du bsgrub pa dang / bsgrubs nas kyang sangs rgyas bcom ldan 'das rnams dang nye bar 'gyur ba dang / myur du sangs rgyas kyi zhing yongs su dag par skye bar 'gyur ba ste/ chos bzhi po de dag go// blo gros rnam par dag pa byang chub sems dpa' chos bzhi dang ldan na bdud dam/ bdud kyi ris kyi lha'i bu rnams kyis mi brdzi bar 'gyur te/ bzhi gang zhe na/ rigs mtho zhing rigs che ba dang / btsas ma thag tu sangs rgyas bcom ldan 'das rnams yid la byed pa dang / phyi ma'i dus na dam pa'i chos 'dzin pa dang / rtag tu de bzhin gshegs pa dgra bcom pa yang dag par rdzogs pa'i sangs rgyas rnams kyis byin gyis brlabs par 'gyur ba ste/ blo gros rnam par dag pa
- 130b
byang chub sems dpa' chos bzhi po de dag dang ldan na/ bdud dam bdud kyi ris kyi lha'i bu rnams kyis mi brdzi bar 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / srog chags kun la phan pa'i phyir// byang chub tu ni sems bskyed nas// 'jig rten mgon gyi mchod rten la// su zhig bskor ba byed pa ni// tshe rabs dag ni thams cad du// byang chub spyad pa spyod pa'i tshe/ / dran dang ldan zhing blo gros ldan// bsod nams ldan zhing 'jigs med 'gyur// mchod rten bskor ba byas na ni/ tshe rabs dag ni thams cad du/ lha dang klu dang gnod sbyin dang / srin po rnams kyis mchod par 'gyur// ngas ni gang dag bstan pa yin// mi khom brgyad po de dag spong // sangs rgyas 'byung ba rab mdzes pa// mnyes par byed 'di dal ba gcig/ mdog ldan gzugs ni phun sum tshogs/ / mtshan gyis legs par brgyan pa dang // mthu dang stobs dang ldan par 'gyur// le lo tsan du de ma 'gyur// de ni phyug cing nor cher 'gyur// bsod nams ldan zhing brdzi ba med// 'jig rten sgron ma mnyes byas nas/ / yang dang yang du bsti stang byed// bdag med stong pa'i chos thos na// de ni chos la rmongs mi 'gyur// myur du dang pa thob bamyur zhing // chos don ji bzhin mkhas par 'gyur// tshong dpon khyim dang rgyas pa dang // phyug po rnams su skye bar gyur// dpa' zhing sbyin pa'i bdag por 'gyur// gtong ba btang zhing ser sna med// 'dzam bu'i gling na gang yang rung // khyad par can gyi rigs mdzes
- 131a
pa/ / der ni brtan pa de skye ste// dma' ba dag ni rnam par spangs// mchod rten bskor ba byas na ni// skye ba thams cad kun tu yang // dbang cher grangs pa'i khyim bdag dang // dpal dang gzi brjid gzi ldan 'gyur// bram ze sA la che badra dang // tshul khrims ldan zhing mang thos dang // rgyal rigs sA la chen 'dra dang // phyug cing nor chen ldan par 'gyur// ris bskor rgya mtsho tshun chad kyi/ / sa kun la ni gang smon pa// gling bzhi dag gi dbang phyug bla// rgyal po chos dang ldan par 'gyur// 'khor los sgyur ba rdzu 'phrul che// rin chen bdun dang ldan par 'gyur// rgyal srid gnas nas sangs rgyas la/ / yang dang yang du bsti stang byed// 'di nas shi 'phos mtho ris su// song nas sangs rgyas bstan la dang // lhun po'i zom gyi dbang phyug po// lha yi dbang po brgya byin 'gyur// lha dbang shin tu 'thab bral dang / / de bzhin du ni dga' ldan dang // lha dbang shin tu 'phrul pa dang // dbang sgyur 'jigs pa med par 'gyur// mchod rten bskor ba byas na ni// de ni tshangs pa'i 'jig rten du// tshangs pa'i dbang phyug mkhas 'gyur zhing / / lha rnams bye bas mchod par 'gyur// 'jig rten mgon gyi mchod rten la// mi gang bskor ba byed pa yi// bsngags pa bskal pa bye bar yang // brjod pas zad par bya mi nus/ su zhig byang chub sems bskyed nas// ston pa'i mchod rten phyag 'tshal ba// de ni bskal pa bye bar yang // nams kyang long zhing 'theng mi 'gyur// 'jig rten mgon gyi mchod rten la// mngon du bskor ba byeng
- 131b
pa ni/ / bung ba sngon po mdzes 'dra yi// rnam par dag pa'i mig thob 'gyur// mchod rten bskor ba byas na ni// de ni nges par rtag tu yang // mthun pa'i don kun thos 'gyur zhing // don min rnams ni spangs par 'gyur/ / mchod rten bskor ba byas na ni// mthu dang stobs dang ldan par 'gyur// de ni le lo med 'gyur zhing // rtag tu bag yod ldan par 'gyur// mchod rten bskor ba byas na ni// brtson 'grus brtan ning mthu brtan la/ / brtan zhing rnam par gnon brtan dang // de ni myur du mkhas par 'gyur// me dang dug dang mtshon gyis de// nams kyang 'chi dus byed mi 'gyur// mkhas pa tshe ni rdzogs rdzogs su// zad par byas nas 'chi dus byed/ / mchod rten bskor ba byas na ni// pho brang 'khor dang yul 'khor dang // grong brdal rnams su longs spyod dang // gzugs kyi khyad par 'phags par 'gyur// byang chub spyad pa spyod pa'i tshe/ / de ni 'dod pa mi bsten cing // lus kyang gtsang la gos gtsang zhing // gtsang ma'i chos la gnas par 'gyur// blo gros rnam par dag pa// byang chub sems dpa'i theg pa la yang dag par zhugs pa gang gis de bzhin gshegs pa'i mchod rten mthong nas dad pa bskyed de/ / pus mo gnyis ka'i lha nga sa la btsugs nas phyag 'tshal zhing phyag byed de/ de bzhin gshegs pa skyes bu chen po'i mtshan sum cu rtsa gnyis kyis sku legs par brgyan pa de/ ci 'dra bar bdag gi lus kyang de dang 'dra bar gyur cig ces de la mos pa bskyed na/ blo gros rnam par dag pa/ bsod nams kyi phung po de'i mtha' brjod par
- 132a
mi nus te/ bla na med par yang dag par rdzogs pa'i byang chub la gnas pa'i phyir ro// bsod nams kyi phung po de ni rgyal po nyid dam/ brgya byin nyid dam/ tshangs pa nyid dam/ rang sangs rgyas nyid dam/ yang dag par rdzogs pa'i sangs rgyas kyi theg pa bla na med pas kyang zad par bya bar mi nus so// de ci'i phyir zhe na/ blo gros rnam par dag pa/ rigs kyi bu nges bsod nams kyi phung po bsam gyis mi khyab pa yongs su bzung ba'i phyir ro/ / blo gros rnam par dag pa 'di lta ste dper na/ de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa/ grong khyer ram/ gtsug lag khang ngam/ grong du 'jug kyang rung / 'chag kyang rung / 'greng yang rung / 'dug kyang rung / chos ston kyang rung / stong gsum gyi stong chen po'i 'jig rten gyi khams na/ sems can lha 'am/ klu 'am/ gnod sbyin nam/ dri za 'am/ lha ma yin nam/ nam mkha' lding ngam/ mi 'am ci bam/ lto 'phyed chen po 'am/ mi 'am/ mi ma yin pa sems can gyi grangs su ma gtogs pa shing ngam/ ri 'am/ khung bu 'am/ bu ga 'am/ bya skyibs kyang rung ste/ de bzhin gshegs pa ga la ba de logs su 'dud pa dang / rab tu 'dud pa dang / kun tu 'dud mi byed pa de gang yang med de/ jiltar de bzhin gshegs pa dge ba'i rtsa ba thams cad dang ldan pa la byed pa de bzhin du/ rigs kyi bu de dag grong ngam/ grong khyer ram/ grong brdal lam/ yul 'khor ram/ pho brang 'khor na rgyu ba la/
- 132b
sems can rnams 'dud/ rab tu 'dud/ kun tu 'dud par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to// 'jig rten sangs rgyas ji ltar 'gyur zhes mos bskyed de/ / sangs rgyas mchod rten la ni pus mo gnyis 'dzugs dang / su zhig byang chub gzhol nas phyogs rnams kun 'gro ba// de 'gro tshe na 'jig rten gsum po bdud pa byed// mi rnams gtso bo rang 'byung gang du 'gro byed pa/ / de logs su ni rtswa dang shing dang sdong lcug dang / sman dang shing lo rnams dang 'bras bu 'dab ma dang / yid 'ong dri ldan me tog rnams ni bdud par 'gyur// bcom ldan 'das mchod rten rnams la pus mo btsugs pa ni/ / de la mi yi dbang po kun kyang 'dud par 'gyur// gnod sbyin dbang dang klu dang lha yi rgyal po dang // tshangs pa'i dbang po thams cad rkang par gtugs par byed/ / bcom ldan mchod rten rnams la pus btsugs phyag byas na// dpa' zhing stobs dang ldan pa'i 'khor los sgyur bar 'gyur// gser gyi mdog ldan mtshan rnams kyis ni go char 'gyur/ / mthu chen bla mar bya zhing thub par dka' bar 'gyur// de yi yul na sems can gang dag gnas gyur pa// de dag thams cad byams pa'i sems dang dga' bar 'gyur// de la sems can gang yang sdig pa mi skyed de/ skye bo tshogs chen dga' zhing yid du 'ong bar 'gyur// bcom ldan mchod rten dag la pus btsugs phyag 'tshal ba// de la sems can kun gyi rgyal po
- 133a
rab 'dud/ / lha dang klu dang mi dang lto 'phye chen po 'dud// bskal pa mtha' yas rnams su dbugs phyin thob par 'gyur// bcom ldan mchod rten dag la pus btsugs phyag 'tshal ba/ gang tshe rgyal ba dam pa byung bar gyur pa'i tshe// de bzhin gshegs pa rnams dang nye bar 'gyur ba thob// 'dren pa gzhal yas rnams la mchod pa byed par 'gyur// 'jig rten sangs rgya gyur ces mos pa bskyed nas ni/ / bcom ldan mchod rten rnams la pus btsugs phyag 'tshal ba// bskal pa bye ba khrag khrig brgya grangs zad 'gyur na// de ni ring por mi thogs byang chub mtshungs med thob// gang zhig sangs rgyas bye ba khrag khrig rgya stong la// bskal pa bye ba gzhal yas bsti stang byed pa bas// gang zhig phyi dus mi bzang bskal pa 'di la ni// mchod rten phyag 'tshal de yi bsod nams ches mang ngo / / sangs rgyas dam pa sbyin gnas mtshungs pa med gyur pa// spyod pa dam pa spyad nas khyad par brnyes gyur pa// mi yi khyu mchog de la 'dir ni mchod byas na// rnam par smin pa dam pa mtshungs med rang bzhin 'gyur/ / byang chub tu ni sems bsngo ste/ me tog 'phreng ba byas nas su// mchod rten dag la su 'bul ba// de ni nams kyang phongs mi 'gyur// mi yi nang nas shi 'phos nas// sum cu rtsa gsum 'gro bar 'gyur/ / der ni rin chen sna tshogs kyi// gzhal med khang pa thob par 'gyur// mchod rten 'phreng ba 'dir phul na// khang bzangs dag dang khang brtsegs pa// lha yi bu mos bsten
- 133b
pa rnams/ / sum cu gsum du spyod par 'gyur// yan lag brgyad ldan chus gang zhing // gser gyi bye ma bdal gyur pa// bai DUR+Ya dang shel dag gi/ lha yi rdzing bu thob par 'gyur// der ni lha yi dga' spyad nas/ / mkhas pa tshe tshad rdzogs par 'gyur// lha yi 'jig rten shi 'phos nas// mi nang longs spyod ldan par 'gyur// dge ba'i rtsa ba de nyid kyis// mkhas pa bag yod gyur nas ni/ / de bzhin gshegs pa mnyes byas te// rkang gnyis mchog la mchod pa byed// mchod rten 'phreng ba 'bul byed pa// de ni 'dod chags mi 'phrogs zhing // zhe sdang gis kyang 'phrogs mi 'gyur// deni nams kyang rmongs mi 'gyur// rkang gnyis mchog la mchod byas na// de ni tshe rabs thams cad du// chags pa med cing zhe sdang med// bkram pa med cing dbang po bsdams// mchod rten 'phreng ba 'bul byed pa/ / tshe rabs bye ba stong rnams dang // khrag khrig dag ni brgya bgrangs pa// kun tu bkur stir byas par 'gyur// mchod rten 'phreng ba 'bul byed pa// de ni 'khor los sgyur bar 'gyur// brgya byin lha yi dbang phyug 'gyur// tshangs pa'i 'jig rten tshangs par 'gyur// 'jig rten mgon po skyob pa la// dar gyi dbul ba phul byas na// lha yi dag dang mi rnams kyi// don rnams thams cad grub par 'gyur/ / dma' pa'i rigs ni rnam spangs te// der ni de skyed 'gyur ma yin// phyug cing nor chen ldan pa dang // 'jig rten dbang phyug de 'gyur ro// de bzhin gshegs la mchod byas na// gzugs
- 134a
dang don dang longs spyod dang / / kha dog dang ni 'byor pa dang // kun tu grags dang ldan par 'gyur// de ni tshe rabs dran 'gyur zhing // 'dod chags kyis kyang 'phrogs mi 'gyur// 'dod pa rnams kyi skyon shes shing // tshangs par spyad pa spyod par 'gyur// de bzhin gshegs pa mchod byas na// gzugs rnams dang ni sgra dag dang // ro rnams kyis kyang mi tshugs shing // sdig pa'i las ni byed mi 'gyur/ / rnam par 'dren pa mchod byed na// de ni spos dang me tog gis// nams kyang 'phongs par mi 'gyur zhing // dran ldan shes rab ldan par 'gyur// de bzhin gshegs la su mchod pa/ / de yi nor gyi phung po la// rgyal po dang ni chom rkun dang // me dang chus kyang reg mi 'gyur// 'jig rten mgon po'i mchod rten la// dar gyi dbul ba su 'bul ba// de ni skam dang mya ngan dang / / nang bu can du gzhar mi 'gyur// 'jig rten sgron ma mchod byed pa// tshe rabs dag ni thams cad du// mya ngan med cing gnod med dang // 'khor los sgyur ba 'byor chen 'gyur// 'dren la mchod pa byas na ni/ / rkang pa lag pa mnyen 'gyur zhing // yan lag rnam par dag 'gyur la// gzugs dang kha dog ldan par 'gyur// sdig pa'i las ni rnam spangs te// byang chub spyad pa spyod par byed/ / gang dag 'jig rten rab dkon pa// rkang gnyis mchog rnams mthong bar 'gyur// bskal pa bye ba stong rnams dang // khrag khrig dag ni brgya bgrangs par// mchod cing bde la
- 134b
shes rab ldan/ / byang chub dam pa 'tshang yang rgya// 'jig rten mgon po skyob pa la// 'phreng ba'i khang pa byas na ni// de ni g.yog 'khor mi phyed cing // rgyal po 'byor pa chen por 'gyur// 'phags pa rnams kyis gang spangs pa/ / sdig pa'i las ni spong bar byed// rdzogs sangs rgyas kyis bshad pa yi// dge ba'i las la bsten par byed// lha 'am 'on te klu rnams sam// 'jig rten dag na gang mkhas pa/ / de dag dga' zhing mgu ba dang // bsti stang byas shing bsngags par 'gyur// brten pa de ni gar skyes par// bsod nams gzi brjid shin tu brjid// yul 'khor dag dang grong khyer dag/ rigs der bsti stang byed par 'gyur ro// sangs rgyas gzhan gyis mi thub pa// rkang gnyis mchog la su mchod pa// de dag mthu stobs che ba dang // g.yog 'khor chen pos mdzes par 'gyur/ / byang chub tu ni sems bsngos te// baphreng ba'i gtsug lag khang byas na// sangs rgyas rnams kyis gang bsngags pa'i// 'byor pa dag ni de thob bo// de ni 'theng dang zhar ba dang / smaspang dang ma rungs mi 'gyur gnas// gang dang gang du skyes par yang // mtshan rnams kyis ni brgyan par 'gyur// sems can dbul po rnams mthong na// de ni nor gyis sdud par byed// de ni nor dang ldan 'gyur zhing / / de ni byang chub sdud pa spyod// blo gros chen pos sa 'di kun// yongs su btang ba byas nas kyang // dman pa'i sems su mi 'gyur zhing // de ni rnams kyang 'phongs
- 135a
mi 'gyur/ / gang dag byang chub mngon zhugs pa// de dag bu dang bu mo dang // chung ma dge zhing bzang mo dag/ gtang nas mya ngan byed mi 'gyur// de ni sngon du 'gro 'gyur zhing bkri ba med la mthong na dga'/ / phrag dog dang ni nga rgyal gyis// nams kyang de la gnod mi 'gyur// gang dag byang chub rab zhugs pa// de dag phrag dog med cing des// bzod pa'i pha rol phyin par 'gyur/ / phan pa 'dod cing yon tan ldan// gang dag byang chub mngon zhugs pa// 'jig rten kun na de rin chen// de dag 'byung ba shin tu dkon// smad pa med pa'i sbyin gnas 'gyur// sa 'di dag ni rim gyis su// bgrang bar bya zhing dpag par nus// de dag rnams kyi yon tan mtha'// tshig gis bstan par mi nus so// sems can dag ni thams cad kyi// dus gsum sems ni shes par nus/ / de dag rnams kyi yon tan mtha'// tshig gis bstan par mi nus so// rgya mtsho chen po bzhi po dag/ skra ni bye ba stong gshegs pa'i// sgra yis zad par bya bar nus// de dag yon tan zad mi nus/ / sa rnams thams cad byer rlags pa// rab tu phra rdul shes par nus// sangs rgyas sras po de dag gi/ yon tan mtha' ni brjod mi nus// chu klung thams cad rab 'bab pa/ rgyun las bzlog ste 'gro yang srid// sangs rgyas sras po de dag gi/ yon tan mtha' brjod de lta min// sems can dag ni thams cad kyi// sngon gyi lus rnams ji snyed pa// bgrang bar bya zhing
- 135b
dpag par nus/ / de dag yon tan zad mi 'gyur// sngon gyi lus rnams thams cad la// spu 'phreng ji snyed yod pa rnams// bgrang bar bya zhing dpag par nus// de dag yon tan zad mi 'gyur// 'gro ba lnga por 'khor ba yi// sems can kun gyi spu rnams ni// bgrang bar bya zhing dpag par nus// de dag yon tan zad mi 'gyur// sa 'di ji snyed thams cad pa// chu yi phung por gnas gyur kyang / de ni bgrangs zhing dpag par nus// de dag yon tan brjod mi nus// mar me mdzad nas bzung nas ni// ma 'ongs bskal pa ji snyed pa// de yi bar du shing ljon rnams// ji snyed ma 'ongs 'byung 'gyur ba// de dag 'bras bu me tog rnams// de dag zad par shes par nus// bskal pa bye ba stong rnams dang // khrag khrig dag ni brgya bgrangs par// brtson pa zhig gis de dag gi/ bsngags 'breng yid du 'ong brjod kyang / / sangs rgyas sras po de dag gi/ yon tan mtha' ni brjod mi nus// sangs rgyas sras po de dag la// mi gang mi dga' byed pa de// lha dang mi ni spangs nas su// de dag dmyal ba spyod yul 'gyur// byang chub sems dpa' rnams la ni// mi gang la la gnod byed pa// mig med pa 'am long ba dang // sdug bsngal dpung gnyen med par 'gyur// shi 'phos nas ni mnar med 'gro// de ni 'bar zhing 'jigs skrag 'gyur/ / lus ni chen por gyur nas kyang // sdug bsngal tshor ba myong bar 'gyur// tshe rabs de dang de dag tu// de lus dpag tshad tsam 'gyur te// de dag phrum ltar zlum gyur la// kun nas yongs su
- 136a
@bza' bar 'gyur/ / de tshe lus la mgo bo ni// lnga stong yod par 'gyur 'gyur zhing // mgo bo de dag re re las 'ang // lde ni lnga rgyu tham pa yod// gcig la'ang thong shol brgya dag gis// lce ni rab tu rmo bar 'gyur// sdig pa'i las ni rnam smin gyis// mi bzad chen por gshegs par 'gyur// mnar med de nas shi 'phos nas// de ni tsha dang rab tsha bar// blo gros ngan pa tshor ba myong // de sngon nyes byas 'bras bu yin/ / byang chub sems dpa' rnams la ni// ma bsdams gang zhig gnod byed pa// de la dud 'gro'i skye gnas dang // dmyal ba'i san dkon ma yin// tshe rabs bye ba stong rnams dang / / khrag khrig dag ni brgya bgrangs par// sdug bsngal tsher ba myong 'gyur zhing // des ni bzang po rnams mi mthong // sangs rgyas sras po skyo ba rnams la// gnod pa dag ni byas 'gyur na// a la gartan 'jigs pa yi/ / shin tu gdug pa'i sbrul du skye// de ni bkres dang skom pas nyen// sdig pa'i las rnams byed pa 'gyur// de ni zas kyang mi rnyed de// nams kyang 'brangs par za mi myong // shi 'phos gshin rje'i 'jig rten du/ / de ni rtag par gtun du rdung // dge slong dag la gnod byas pas// nams kyang skabs ni rnyed mi 'gyur// de nas shi 'phos dus byas te// mi yi lus ni thob gyur na// ngan de ni dmus long 'gyur// gnod sems ldan zhing sdom pa med// de ni nyes par spras byas te// 'phags pa rnams la skur btab pas// mi yi nang nas shing phos nas// ngan song dag tu myur
- 136b
'gro/ / byang chub sems dpa' rnams la ni// ma bsdams gang zhig gnod byed pa// bskal pa bye ba stong dag tu// nams kyang sangs rgyas mthong mi 'gyur// rdzogs sangs rgyas kyi sras rnams la// gang zhig chos bzhin bsrung byed pa// des ni ngan 'gro kun spangs te// myur du bzang 'gror 'gro bar 'gyur// phyug cing nor chen ldan pa dang // stobs dang ldan zhing 'jigs pa med// dran dang ldan zhing shes rab ldan/ / bde zhing ngo tsha khrel ltas ldan// gang du 'jigs rten rnams kyi sgron// yongs su mya ngan 'das gyur pa// sangs rgyas mchod rten mthong nas ni// yang dang yang du bsti stang byed// rdzogs sangs rgyas kyis gsungs pa yi// 'di 'dra'i chos 'di thos gyur nas// sangs rgyas sras po rnams la ni// su zhig phyi phyir dad mi byed// gang gis sangs rgyas stong rnams dang // brgya dang bye/ ba bgrangs dag la// bskal pa gang+gA'i bye ma snyed// de snyed bskal par bkur ba bas// 'jig rten mgon gyis gsungs pa yi// dam chos 'jig tshe gang zhig gis// nyin dang mtshan du 'dzin byed pa// de ni bsod nams khyad par 'phags// chos 'jig dus na chos 'dzin pa// sngon gyi sangs rgyas thams cad dang // sangs rgyas ye shes rab gnas pa// nga la des ni mchod pa byas// dam pa'i chos ni 'jig pa'i tshe/ / ston pa'i bstan pa bsrung byed pa// bskal pa bye ba stong rnams su// de ni nams kyang chud mi 'gyur// lus kyis bde ba myong 'gyur zhing // de ni nad kyis btab mi 'gyur// de ni yid du mi 'ong
- 137a
bas/ nams kyang 'phrogs par mi 'gyur ro// ston pa'i bstan pa bsrung byas na// bzod pa phun sum tshogs pa dang // des dang gsal dang gnyen pa dang // sems can rnam la byams sems 'gyur/ / 'jig tshe rgyal ba mchog gi chos bzung bas// bde dang dga' thob mdzod ni mang por 'gyur// sngon gyi rim gro bya ba thob 'gyur zhing // mi khom brgyad po ma lus zad par spong / 'jig tshe rgyal ba mchog gi chos bzungs pas// dper na nam mkha' skar mas yongs gang ltar// rtag tu mtshan gyis go char byas pa dang // rab tu tshig snyan yid 'ongs dbyangs ldan 'gyur// 'jig tshe rgyal ba mchog gi chos bzungs pas/ / gang na yid bde med cing rab sdug pa// rigs dman de ni de yis spangs par 'gyur// phyug cing shin tu bde la longs spyod ldan// 'jig tshe rgyal ba mchog gi chos bzung bas// / mthu dang stobs dang ldan zhing brtson 'grus ldan// mi dman sa rnams kun tu rnam par rgyu// sangs rgyas rgya stong dag la bsnyen bkur byed// 'jig tshe rgyal ba mchog gi chos bzung bas// mchog tu rab mdzes gzungs ldan shes rab ldan/ / mi yi 'jig rten mchog tu bsnyen bkur 'gyur// rgyal po mkhas pa mdzangs pa rnams kyis bsngags// 'jig tshe rgyal ba mchog gi chos bzung bas// mchog tu gzungs mdzes blta na sdug pa dang // skyed pa bud med lha rnams dga' ba dang // bde zhing mkhas la bsngags shing shes rab ldan// ston pa stobs bcu mnga' ba lha yi was// gang gi mdun
- 137b
du mdo 'di rab bshad pa/ / mi de'i lag tu mdo sde 'di 'dra 'di// phyi ma'i dus kyi tshe na thob par 'gyur// gang zhig ston pa mi mchog gzugs byed pa// ras 'dri rtsigs ngos 'dri 'am gser las byas/ / de yi chos kyi khyad par gang yin pa// de dag ma lus rab tu bstan gyis nyon// de ni bsta min long bar gzhan min 'gyur// sgur por mi 'gyur yan lag mi lhug min// de ni gzugs dang / ldan zhing kha dog ldan// sum cu rtsa gnyis mtshan gyis go char 'gyur// lus ni rnam par dag cing khyad par thob// stobs pa thob cing sgra snyan yid du 'ong // shes bzhin ldan zhing 'jig rten kun gyi gtso// / de mthong sems can bde zhing dga' bar 'gyur// sdig byed mi 'gyur zhe sdang med sems ldan// g.yo med mi rku rgyal po 'khrug mi byed// mthu dang ldan zhing dbang cher grags par 'gyur// byams/ la gnas shing mi dman sems dang ldan// 'dren pa'i sku gzugs sku rab mdzes byas na// de ni mchog 'gyur skye bo mang mchod 'os// blo ldan phyug cing che nyid rgya cher ldan// dbang ldan 'khor los sgyur ba'i rgyal por 'gyur/ / 'dren pa'i sku gzugs rab tu mdzes byas na// lha yi dbang po dbang phyug dbang thob pa// lhun po'i zom na dbang thob brgya byin 'gyur// bdag po lhun po'i zom na rgyal srid ston/ / de ni dran dang blo gros mi ldan min// de ni rtogs mos shes rab tshar bar 'gyur// 'jig rten kun na dbugs phyin thob 'gyur te// 'di ni ye shes ldan zhing dmyal ba spangs// sems can sIng
- 138a
po mtshungs med mchod byas nas/ / dud 'gro'i skyes gnas gshin rje'i yul mi 'gro// ngan 'gro gsum po des ni rnams spangs te// bdag der phyis mi skye bar shes par 'gyur/ 'dren pa'i sku gzugs rab tu mdzes byas nas// dbang ldan dbang phyug nyid kyi lhar 'gyur te// mi dman dga' ba'i sems kyis sangs rgyas mchod// rgyal ba mchog gi bstan la dad par 'gyur// tshangs pa'i 'jig rten dbang thob tshangs par 'gyur/ / yid bor shin tu mdzes pa'i spos dang can// 'dzam bu'i gling gser 'od byed dga' 'gyur ba'i// gzhal med khang mchog blta sdug thob par 'gyur// de ni ded dpon stobs bcu ldan pa po/ / sems can snying po mtshungs 'dra med pa thob// kha dog mtha' yas 'jig rten kun na gsal// gser steng rin chen bai DUR+Ya dang mtshungs// su zhig dga' ba'i yid kyis me tog blangs/ / dang skyes 'jig rten mgon la char du gtor// de ni mi yi 'jig rten bsod nams ldan// rgyal srid gnas nas rgyal ba mchog bskur 'gyur// mya ngan skam shing tha ba drir ldan lus/ / yan lag legs gnas mtshungs med thob par 'gyur// skye bo mang pos blta ba'i bos yin te// dmyal ba dgra rtsa 'dod pa spong bar 'gyur// spyad pa rnam par spyod tshe 'dod pa la// ngan skyugs khung ltar smad par shes par 'gyur/ / tshungs spyod dge ba khyad par 'phags la spyod// dga' ba'i sems kyis rtag tu spyod par 'gyur// bskal pa mtha' yas mang du de kha nas// rab mdzes ut+pal bsung
- 138b
ni 'byung bar 'gyur/ / de yi lus ni gser gyi mdog 'dra zhing // tsan dan lta bur dri zhim dang kyang 'byung // spyad pa rnam par spyod tshe bro ba dang // tha ba d+hi skyon gti mug gnod mi byed// dman pa med pa'i sems kyis dbugs phyin rnyed/ / bag yod lha yi nang na rgyal po thob// gang tshe rgyal ba mya ngan 'das pa na// de ni gus pas de dag chos kyang 'dzin// mi dman dga' ba'i sems kyis sbyin pa sbyin/ / bcom ldan mya ngan 'das pa'i ring bsrel mchod// rgyal ba mchog gi bstan pa 'jig dus tshe// rab tu dga' bas ston pa'i chos tshul 'dzin// des ni chos mchog mdzes pa de spyad pas// gnod pas 'chi ba'i dus byed gzhar mi 'gyur// gal te sems can thams cad sangs rgyas shing // nyon mongs med pa gser mdog stobs bcur gyur// de dag bskul pa bye ba khrag khrig brgya stong du/ / rgyal ba mchog la mchod pa'i bsngags brjod nus// 'jig rten kun tu sdig pa'i las spangs te// dga' ba'i sems kyis mchog gi las byas shing // rlabs chen spyod tshecho don ni legs byas nas/ / 'jig rten mthu chen rdzogs pa'i sangs rgyas 'gyur// gang gis spos chu yungs 'bru tsam blangs te// bcom ldan mchod rten rnams la bdug byed pa/ yi phan yon brjod kyis sems dang zhing // rdul dang dri ma spongs la mnyan par gyis// de ni bsod nams ldan zhing phyogs kun rgyu// nad med gyur cing blo brtan bag yod la// spyad pa rnam par
- 139a
spyod tshe mya ngan 'dul/ / skye bo mang po dga' zhing yid du 'ong // rgyal po thob nas rgyal ba mchog bkur 'gyur// mthu chen rab mkhas 'khor los sgyur 'gyur te/ gser gyi mdog ldan mtshan gyi go cha can// 'jig rten kun na yid 'ong dri ldan thob// de la yid mi bde dang sdug bsngal med// spyad pa spyod tshe longs spyod nyams mi 'gyur// phyug cing nor ldan mdzod ni rab tu mang / / mya ngan med 'gyur 'jig rten kun tu rgyu// skye bo mang po lhags te de la 'dri// rgyal ba mchog gi bstan pa khyad 'phags chos// tshig rab brjod cing the tsom sel bar byed/ / chos thos yid bde slar yang slu bar byed// sdig pa'i las med blo rgya che dang ldan// rgyal bas gsungs pa'i chos mchog khyad 'phags pa// dga' bar 'gyur la rtag tu mkhas byas te/ / mig kyang sbyor zhing mun pa sel bar byed// 'dod chags mi chen zhe sdang che ma yin// mi yi 'jig rten gti mug che ma yin// de ni tshangs spyad dag pa mchog 'di spyod// mi yi don ni dpag tu med pa byed// bcom ldan mchod rten rnams la spos bdugs na// de la gnod par sems pa su yang med// de ni nams kyang longs spyod nyams mi 'gyur// blta bar bos shing nor chen ldan par 'gyur/ / bskal pa bye ba khrag khrig brgya rnams su// sems ni rnam dag sdig pa rnam dag cing // zhi zhing rab zhi zhi dul ldan gyur nas// mi dman sems kyis byang
- 139b
chub mtshungs med thob/ / sems can bye ba khrag khrig brgya mtha' yas// mya ngan med bde zhi ba mchog bkod cing // 'khor lo mtshungs med 'jig rten kun bskor nas// phyi nas nyon mongs rdul med mya ngan 'das/ / su zhig dga' mgu sems kyis gos kyis ni// bcom ldan mchod rten rnams la mchod byed pa// de ni gos mdzes bye ba stong rnams dang // khrag khrig brgya bgrangs mtha' yas/ rtag tu rnyed// bcom ldan mchod rten gos kyis dkris byas na// de ni btsas ma theg tu gos mchog thob// lce yi khyang 'phags dar gos rab bzang rnyed// btsas ma thag ta de lus shin tu bde/ gang zhig gos kyis bcom ldan mchod rten dang // 'dren pa mtshungs med rnams la mchod byed pa// de 'dir mtshungs pa med pa'i lus thob ste// sum cu rtsa gnyis mtshan gyi me tog rgyas// bcom ldan mchod rten gos kyis dkris byas na// lag mthil nas ni mu tig phreng mdzes pa// sna tshogs dag dang seng ge'i phreng ba dang // gser skud rab mdzes bskal pa mtha' yas 'byung // bcom// ldan mchod rten gos kyi dkris byas na// lha 'am gru 'am mi 'am lto 'bye che// su yang de la ma dang skyed mi byed// rtag tu tshangs par spyod pa mchog 'di spro// bcom ldan mchod rten gos kyis dkris byas na/ / stong gi 'jig rten khams kun zil gnon te// 'dzam gling gser gyis gser ni zil mnan bzhin// skye dgu'i don ni dpag tu med pa byed// gal te rin chen rab mchog sna bdun gyis// stong gi
- 140a
zhing kun rab tu bkang ba yin/ / de 'dra'i dpal 'di zad par bya nus kyi// rgyal ba'i mchod rten gos gcig phul ba min// nor bu rin chen zla ba'i 'od rnams kyis// bye ba khrag khrig brgya stong zhing bkang ba/ / de 'dra'i dpal 'di zad par bya nus kyi// rgyal ba'i mchod rten gos gcig phul ba min// 'jig rten sangs rgyas 'gyur zhes mos bskyed de// bcom ldan mchod rten ba dan phul byas na/ / de ni skye bo mang po'i mchod pos 'gyur// byang chub mchod spyod dam pa zhi ba spyod// bcom ldan mchod rten pa ngan phul byas na// dag cing mchog gi lus ni thob 'gyur te// dper na gser ltar shin tu dkar 'gyur zhing // lha yis bsngags la mchod cing bla mar byed// de yi lus ni gser gyi mdog 'drar 'gyur// ras kyi gos dngal ba bzang rab dang // du gu la dang ka shi pa rnams dang / / shin tu mdzes pa'i gos kyang rnyed par 'gyur// 'dzam bu'i gling na rigs mchog dam pa gang // phyug cing che nyid bdag dbang nor mang ba// de dag tu ni rtag tu de skye ste// dman shing mchog tu dbul ba rnam par spangs/ / de la sems can su yang phrag dog med// sems can gnod par sems pa gzhan mi 'byung // gzhan gyi sdig pa'i las la de smod de// rtag tu bag yod tshul khrims rnam ngag 'gyur/ / 'dzin pa med cing ser sna med par 'ong // gtong ba rab btang mya ngan med pa thob// de ni srog phyir gzhan la sbyin mi byed// bong pa med byed rtag tu bag yong 'gyur/
- 140b
sangs rgyas stobs bcu ded dpon mthong nas ni// dga' ba'i sems kyis gdugs dang ba ngan dang // mar me rnams kyis bcom ldan 'das la mchod// byang chub spyod mchog 'di ni rtag par spyod// mi yi 'jig rten bla mar bsnyen bkur byed// lha nang lha yi ngag dang mi yi gtso// yid 'ong spos mdzes blta na sdug pa dang // nor bu shes 'dra sna tshogs ldan pa thob// ri rab rtse mor lha nang rab tu gsal// lha kun slob mar gyur nas mngon du 'dud// chos kyis de dag yid bde skyed par byed// de la dad mchog gzha' gsang thob par 'gyur// de nas shi 'phos mi yi 'jig rten du// rgyal po dam pa stobs ldan 'khor los sgyur/ / de la sems can su yang sdig mi skye// skye bo mang po dga' zhing yid 'ong 'gyur// rdul bsal sems can mchog la rgyal mtshan phul// ring por mi thogs nor mang rnyed par 'gyur/ / shes rab mtha' yas mdzod ni mang ldan 'ong // sems chung mi 'gyur dman pa'i sems mi 'gyur// longs spyod rnyed nas bgyed cing bdag kyang sbyor// de ni 'jigs med yid mi bde ba med// rgyal po dga' nas grong dang yul 'khor bskyed// de la sems can su yang sdig mi skye// gtso bo khyad par 'phags pa mdzod mang zhing // khyim bdag rin chen sna tshogs lus brgyan 'gyur// rgyal po'i bu'am de bzhin blon po 'ong / / rgyal por gyur na stobs ldan brdzi ba med// brnyes pa'i rigs dman thams cad yongs su spong // longs spyod khyad 'phags rigs mchog rnyed nas ni// rtag tu bag yod
- 141a
sems ni zhum mi 'gyur/ / 'dod pa rnams ni ngan skyugs khung ltar spong // khyad 'phags gzugs dang mtshan rnams rab tu thob// khyad 'phags rigs dang de bzhin dbang phyug nyid/ / di yi g.yog 'khor rtag tu mi phyed 'gyur// skye bo mang pos mdun du bdar bar 'ong // de ni gzhan la gnod pa'i sems mi skye// sems ni rab dang rtag tu bag yod ldan// de la me dang dug dang mtshon mi tshugs/ / skye bo tshogs tshan gyis ni blta bar 'gyur// rab tu dga' zhing thub pa'i chos la spyod// shes bzhin ldan nas yid bde skyed par byed// 'dzin pa med cing chags med sems dang ldan/ / chags med gyur nas de la mi mthun med// de yi lus gtsang kun nas nyon mongs med// rnam dag sems ldan de ni bden par smra// 'jig pas nyes pa rnams la yid bde skyed/ / sems can rnams kyi skyabs dang dpung gnyen 'gyur// de ni bdag don rgya chen byas nas su// gzhan yang sangs rgyas ye shes rdzogs la 'god// shing dbang shing mchog dam pa'i drung song nas/ / mtshungs med mchog zhing byang chub tshang yang rgya// sangs rgyas mchod rten mar me gcig phul na// 'di nas bzung ste srid pa'i rtse mo'i bar// sangs rgyas zhing ni 'dzam gling gser gyis gang // de 'dra'i dpal de zad par bya mi nus// bcom ldan mchod rten mar me phul byas na// de yi lus ni mdog ngan yod mi 'gyur// gzugs mchog sra zhing lag pa gzu ba 'dra// snang ba thob nas 'jig
- 141b
rten kun tu rgyu/ / gal te rgyal ba dam par byung gyur na// de bzhin gshegs pa rnams dang nye bar 'gyur// nye dur 'gyur ram yang na bur yang 'gyur// de ni ye shes phung po myur du thob// gal te khrag khrig brgya stong sangs rgyas zhing / / yungs bcu dag gis byung ngur gang gyur pa// bzang ba dang ni gzhal zhing brjod par nus// bde gshegs mar me gcig phul de lnga min// sangs rgyas dam pa mtshungs med byin pa'i gnas/ / spyod pa mchog spyad khyad par brnyes gyur pa// mi mchog de la mchod pa 'dir byas pa// rnam par smin pa dam pa gzhal yas 'gyur// gal te mi mjed 'jig rten khams 'di kun// nor bu rin chen bai DUR+Yas gang ba// zad par bya nus sangs rgyas mchod rten la// mar me gcig phul dpal de zad mi 'gyur// kar sha pa Na sa mi mjed 'jig rten khams// 'og nas srid pa'i rtse mo bar gang ba/ / zad par bya nus sangs rgyas mchod rten la// mar me gcig phul dpal de zad mi 'gyur// sangs rgyas zhing stong de dag tsan dan gyis// 'og nas srid pa'i rtse mo bar gang ba// zad par bya nus sangs rgyas mchod rten la/ / mar me gcig phul dpal de zad mi 'gyur// tshangs pa'i 'jig rten yod pa'i lha ras kyi// gos kyis sangs rgyas zhing stong gang gyur pa// zad par bya nus sangs rgyas mchod rten la/ / mar me gcig phul dpal de zad mi 'gyur// klu dang lha min mi dang lto 'phye che// lha yi lha rdzas nor bu rin chen mang // zad par bya nus sangs rgyas mchod rten la// mar
- 142a
me gcig phul dpal de zad mi 'gyur/ / lha yi 'jig rten yod pa'i lha yi spos// de dag mi mjed 'di kun gang gyur pa// zad par bya nus sangs rgyas mchod rten la// mar me gcig phul dpal de zad mi 'gyur/ / phyogs dang phyogs mtshams tshad ni shes par nus// nam mkha'i khams 'di'i tshad kyang shes par nus// sangs rgyas mchod rten mar me gcig phul ba'i// de 'dra'i dpal de zad par bya mi nus/ / sangs rgyas dam pa mi mchog bzhud pa'i tshe// 'dren pa mtshungs pa med la dang byas te// ston pa'i sku la nye zer mi 'bab par// me tog ma li ka bdugs bcom ldan phul/ / des ni las mdzes dam pa gus byas pas// lha dbang brgya byin du ni lan 'bum gyur// 'jig rten kun tu tshangs pa'i bdag por gyur// rgyal ba'i mchod rten la ni 'bum phul nas// 'khor los sgyur ba'i rgyal po stobs ldan gyur/ / stong phrag bcu la dbang b.rang gyur te// nor chen rab tu mdzod mang tshong dpon gyur// khyim bdag blo ldan bsod nams ldan par gyur// bde gshegs mi mchog bye ba nyi shu dag/ ngas ni mnyes byas gzims chan bza' yis// mi mchog dag la bla mar bsti stang byas// de dag gtsug lag khang la spos kyis bskus// nga yi kha dog ngan pa kun med gyur// ngas ni tshe dang grang dang ngal ba spangs// sangs rgyas spyan sngar dman med sems gyur cing // de dag mchod pa dam pa mchog gis mchod// rgyan gyis brgyan pa'i gdugs mdzes blta sdug pa// su zhig
- 142b
bcom ldan mchod rten 'bul byed pa/ / de 'dir lus ni mtshungs pa med 'gyur te// sum cu rtsa gnyis mtshan gyis go char 'gyur// gang gis rgyal ba'i sku ni rab 'bar zhing // khyad par 'phags pa'i gzugs dang sems 'dra dang / / 'dzam gling gser ltar rab mdzes lta na sdug/ mtshan gyis me tog rgyas pas mngon tu gang // mngon par shes pa thob cing dbang cher grags// byang chub spyod mchog dam pa zhi ba spyod/ / de ni nams kyang longs spyod 'grib mi 'gyur// lhas kyang bsti stang bya zhing mchod par 'ong // brtan pa 'dod pa'i longs spyod gzhar mi dka'// tshul khrims rnam dag rab mkhas tshangs par spyod/ / yi dam bcas nas nags dang nags 'dab song // mngon shes thob cing khyad par thob par 'gyur// bcom ldan mchod rten rnams la gdugs 'bul ba// ji/ lta bur yang byang chub sems mi 'dor// byams la gnas shing mi dman sems su 'gyur// de yi shes pa rnams kyang nyams pa med// rol mo'i sgra yis mi mchog mchod byas na// mya ngan med cing dbang ldan rgyal por 'ong / / mi yi 'jig rten yid 'ong sgra ldan 'gyur// de sgra yan lag tshang zhing dag par 'ong // bcom ldan mchod rten rol mo'i sgra byas na// shes bzhin ldan zhing mig ni rnam dag 'gyur/ / rna ba rnam par dag cing sems kyang dga'// sna yi dbang po mchog dang ldan par 'gyur// de yi lce ni rab mdzes blta na sdug/ thob mar rab mnyen mdzes shing sgra
- 143a
yid 'ong / / dper na lha yis rin chen byu ru 'dra// sgra skad yan lag bye ba dpag med 'byin// bcom ldan mchod rten rol mo'i sgra byas na// nams kyang sbrul du mi 'gyur lce med min/ / gzhar ba sgur po ya yo can mi 'gyur// lus ni khyad par 'phags shing shin tu mdzes// bcom ldan mchod rten rol mo'i sgra byas na// lha 'am klu 'am mi 'am lto 'phye che// su yang de la ma dang skye mi 'gyur// dbugs phyin thob nas 'jig rten kun du rgyu// bcom ldan mchod rten rol mo'i sgra byas na// de ni ma ning za mar gzhar mi 'gyur// nams kyang mdze dang sha bkra mi 'byung zhing / / bsngags par 'os pa'i lus ni thob par 'gyur// bcom ldan mchod rten rol mo'i sgra byas na// lce ring 'gyur zhing lus kyang che bar 'gyur// gser gyi gzugs ltar kha dog 'bar bar 'ong / / ting 'dzin brtan zhing shin tu rtogs par 'gyur// bcom ldan mchod rten rol mo'i sgra byas na// lha nang bdag por 'gyur zhing dbang phyug 'gyur// mi yi 'jig rten skyes na dga' bar 'ong / / brtson 'grus ldan zhing bag yod 'bar bar 'gyur// bcom ldan mchod rten rol mo'i sgra byas na// de la su yang yid mi bde mi skyed// de la su yang tshig rngub smrab med/ phra ma thams cad spangs shing yang dag smra// bsod nams 'dod pa su zhig phyags thogs te// bcom ldan mchod rten gus par 'phyag byed pa// de ni spang cing mi gtsang lus mi 'gyur/
- 143b
spu khung nas tsan dan dri ngang 'byung // bcom ldan mya ngan 'das pa'i mchod rten phyags// bskal pa bye ba khrag khrig brgya stong du// yan lag ma smad khyad 'phags lus thob cing // mdzes la mtshan gyis/ go char byas par 'gyur// bcom ldan mya ngan 'das pa'i mchod rten phyags// lha yi tsan dan khyad 'phags rab mdzes pa'i// gzhal med khang mchog yid 'ong dri ldan thob// de ni de la gzhar yang sred mi skyed/ / bcom ldan mya ngan 'das pa'i mchod rten phyags// yid bong dri ldan mchog tu blta sdug pa'i// lha yi bu mo bye ba stong 'thob cing // de ni de la nams kyang chags mi skyed// bcom// / ldan mya ngan 'das pa'i mchod rten phyags// bskyed mos tshal mchog yod pa'i rdzing bu ni// yan lag brgyad ldan chu gtsang mdzes gyur pa// me tog ut+pa las ni rgyas pa thob// bcom ldan mya ngan 'das pa'i mchod rten phyags/ / de yi g.yog 'khor rtag tu mthun 'gyur zhing // mi dman sems can lha yi sgra yang thos// lha mo rnams kyi glu dbyangs snyan sgra thob// bcom ldan mya ngan 'das pa'i mchod rten phyags/ / 'jig rten kun du skyes tshe bdag nyid kyis// 'di nas shi 'phos ngan 'gror mi 'gro zhing // mi yi 'jig rten sangs rgyas mthong bar shes// bcom ldan mya ngan 'das pa'i mchod rten phyags// de ni lha la snyan pa'i gtam byas te// sangs rgyas ye shes rdzogs la lha bkod nas// shi ba'i dus byas 'dzam bu'i gling du skye// bcom ldan mya ngan 'das pa'i mchod rten phyags// btsas ma thag
- 144a
tu bskal pa mtha' yas dran/ / sngon gyi sangs rgyas gtso rnams bkur ba dang // de dag mtshan dang yon tan chos kyang dran// 'jig rten sangs rgyas ji ltar 'gyur zhes te// mos pa bskyed nas mchod rten rtswa skyes sel/ / de yi phan yon de dag ngas bshad kyis// tha ba dri sol dang ba'i sems kyis nyon// mthu chen skyes bu dam pa khyad 'phags pa// rgyal ba dam pa ma 'ongs dus na mthong / / de dag mchod pa dam pa mchog gis mchod// de ni gzha' gsang dad pa dam pa thob// sangs rgyas stobs bcu ded blon des mthong nas// 'dren pa mtshungs pa med pa mchod pa byed// mtshan gyis go char byas pa'i sangs rgyas su// 'gyur zhes thugs dgyes de dag lung yang ston// grong khyer yangs pa nyams dga' mchog gnas shing // nga ni chos ston gang gis mthong gyur pa// dag phyi dus rab tu 'jigs pa'i tshe// rgyal mchog mya ngan 'das pa'i chos 'dzin 'gyur// mchod rten rtswa skyes sel bar byed pa ni// rgyal ba dam pa mi thul mthong 'dod pa'i// rgyu dang sa bon 'gyur ba 'di yin no/ / 'dod dang dmyal dang dud 'gro'i skye gnas spong // byang chub sems dpa' gang gis mdo mchog 'di// phyi ma rab 'jig dus na 'dzin byed pa// de ni 'jig rten sangs rgyas lha yi lha// bsod nams khyad 'phags mtshungs med zhing du 'gyur// 'di bshad tshe na gang dag 'dir mchod dang // tshul 'di bshad pa gang dag thos pa dang // gang dag mdo mchog 'di ni 'dir bzung ba// de dag
- 144b
phyi ma'i dus na 'dir 'di 'dzin/ / gang dag phyin chad mdo mchog 'di 'dzin pa// de dag rtag tu dang mthun pa'i sras// sangs rgyas bye bas de dag bsngags brjod kyang // de dag bsngags pa mthar ni phyin mi 'gyur/ / gang dag phyi dus rgyal ba'i chos 'dzin pa// sangs rgyas bye ba khrag khrig brgya mtha' yas// bskal pa bye bar bzhugs te de dag gis// bsngags pa brjod kyang mtha' mar phyin mi nus// dri zhim yid 'ong spos kyis cho ga bzhin// sangs rgyas mchod rten la ni su skud pa// de ni thob rnyed 'jig rten kun tu rgyu// de ni sa 'dir snying po blangs par 'gyur// rgyal ba'i mchod rten spos byug phul byas na/ / bcom ldan 'das kyi bstan pa 'jig 'gyur tshe// 'dzam bu'i gling du skye bar mi 'gyur zhing // de ni de tshe mtho ris bdag por 'gyur// rgyal ba'i mchod rten spos byug phul byas na// dri mi zhim dang mi gtsang smad pa rnams/ / rtag tu spong zhing tshul khrims phung por gnas// de ni rtag tu tshangs spyod mchog 'dir spyod// rgyal ba'i mchod rten spos byug phul byas na// 'di nas shi 'phos mtho ris lha dbang 'gyur/ / rin por mi thogs don stong rnams la rtog/ lha rnams la ni rgyu chen don kyang byed// rgyal ba'i mchod rten spos byug phul byas na// gang gi tshe na mi yi 'jig rten na// zhe sdang med sems 'jam zhing mnyen 'gyur ba/ / de tshe den 'dzam bu'i gling du gnas// rgyal ba'i mchod rten spos byug phul byas na// khyad 'phags tshig ldan sgra dbyangs yid 'ong 'gyur// skye bo mang po yid 'ong
- 145a
dga' zhing bkur/ / de yi kha bzhin rtag tu gsal bar 'gyur// rgyal ba'i mchod rten spos byug phul byas na// de ni ngan song sa rnams ma lus spong // de bzhin gshegs dang nye bar thob par 'gyur/ / dad pa thob cing rtag tu bde la dga'// rgyal ba'i mchod rten spos byug phul byas na// rgyal po stobs ldan 'khor los sgyur bar 'gyur// blon po tshong dpon khyim bdag bsod nams ldan/ / chos rje bong mdzad sangs rgyas su yang 'gyur// dgab pa'i sems kyis mgu ba'i shugs bskyed de// bcom ldan mchod rten nor bu'i dra ba 'bul// de ni rgyal po mtshan gyi go cha can mthu che bla ma 'khor los sgyur bar 'gyur/ / blta bos mtshan gyi go cha ldan gyur nas// gzhal med khang chen rab mdzes blta sdug pa// kha dog sna tshogs dpag med ldan pa dang // rin chen khang bzangs che bos dag pa thob/ / rgyal po'i pho brang khyad par 'phags gyur pa// skyes pa bud med dag gis gang ba dang // mnyam zhing legs byas rab mdzes blta sdug pa/ dra bas sna tshogs bde byed de 'jug thob/ rgyal mtshan pa dan gsal bas mdzes byas shing // gdugs bres shin tu mdzes la blta sdug dang // mu tig dra ba phreng ba de 'dra ba'i// rgyal srid yon tan khyad 'phags gzhan yang thob// de yi yul na gzhan nor bajig byed pa/ / chom rgan g.yo ldan g.yo can gnas mi 'gyur// sems can rgya chen blo mchog ldan pa dang // phan byed byams sems ldan pa de na5// shi 'phos bag yod de ni lhar
- 145b
/ 'gro ste// dkar nag gang yin bdag cag ji ltar gnas// 'di nas shi 'phos ji ltar ming skye zhes// blo ldan de ni mtho ris 'di gnas 'gyur// sangs rgyas sbyin gnas myur du mthong 'gyur te/ mthong nas mchod cing mtshungs med bsti stang byed// sangs rgyas mthong nas byang chub mos skyed cing // rdul bral rnams la phyir zhing bsti stang byed// ye shes mtha' yas ldan dang mthu chen 'gyur// khyad par sa gnas 'phags pa'i sems can 'gyur// bcom ldan 'das la dad pa'i sems bskyed nas// 'di 'dra'i dpal 'di phyir zhing myong bar 'gyur// nga yi bya ba 'di ni brjod par bya// ngas brjod 'di la the tsom ma skyed cig/ sangs rgyas dka' spangs mnar med 'gror 'gyur zhing // phyin chad sdug bsngal nyon mongs gyur ta re// 'jig rten sgron ma mtshungs med bsod nams zhing // de yi mchod rten brgya su sel ba// bag yod gyur nas de ni bdud brgya 'dral// dus rnams kun tu ngan song sa yang spong // rtag tu sangs rgyas rdul bral bsti stang byed// rtag tu stobs ldan lo sgyur bar 'gyur/ / mi yi 'jig rten skyes na bsod nams ldan// rgyal po kun gyis mchod pa'i gnas su 'gyur// lha nang lha yi dbang po mchod gnas 'gyur// der ni myur du lha yi tshe yang tha dpal ldan gser gyi gzhal med khang pa rnyed/ / lha yi bde ba mtshungs med dbang phyug nyid// gzugs dang sgra dang dri rab ro mchog dang // reg bya dpal ldan lha yi 'jig rten thob// mthu chen ldan dang
- 146a
blta ba'i bos su 'gyur/ / lha mo rnams la 'dod pa'i sred mi skyed// bcom ldan mchod rten brgya bsal byas na// 'di nas shi 'phos mi yi 'jig rten 'gro// yan lag legs gnas khyad par 'gro bar 'gyur/ / nam yang bstan bcos mi nyung mang po thob// bcom ldan mchod rten brgya bsal byas na// de ni mi khom brgyad po kun spong zhing // de ni ngal 'gyur de bzhin khyad par 'phags/ / de ni sangs rgyas mtshungs med mchod pa byed// bcom ldan mchod rten brgya bsal byas na// bag yod blo gros brtan la dpa' bor 'gyur// 'dod pa'i yon tan dag la dga' mi skyed// mi dman sems kyis mngon par 'byung bar 'gyur// bcom ldan mchod rten brgya bsal byas na// de ni nams kyang byang chub sems mi 'dor// tshul khrims skyon med shin tu bsdams par 'gyur// rnam dag 'dod chags bral ba'i chos kyang thob/ / bcom ldan mchod rten brgya bsal byas na// de yi mdog ngan dus rnams kun tu spong // 'chal pa'i shes rab ma lus rnam par spong // shes rab brgya chen gyur nas spyod la gnas/ / bcom ldan mchod rten brgya bsal byas na// kha zas gtsang ma dag kyang rnyed 'gyur la// khyad 'phags kha ton ldan zhing blta sdug la// reg dang ldan zhing rab mdzes gos rnams thob/ / dad pa'i shugs bskyed bcom ldan mchod rten la// me tog skam po nyal nyi la phyags byas na// 'dod pa smad pa sdug bsngal byed pa spong // stobs bcu mnga' ba'i ded dpon mnyes par
- 146b
byed/ / mchod rten me tog rnyis pa su 'phyags pa// de ni mdzes shing rnam dag lus su 'gyur// skye bo mang pos mchod 'os blta bos 'gyur// de la rgyal po gnod par sems mi 'gyur// bcom ldan mchod rten dag la snga rabs mis/ / me tog phul ba skam po phyags byas na// ngan song sa yi las ngan thams cad gcod// byang chub sems dpa' tshul khrims phung por gnas// mchod rten me tog rnyin pa su 'phyag pa/ / bag yod mya ngan rnams dang skyon rnams spong // nad rnams du ma ma lus rnam par spong // bskal pa mtha' yas rnams su dbugs byin thob// mchod rten me tog rnyis pa su 'phyag pa/ sbyin gnas mtshungs med sangs rgyas thob par 'ong // tshungs med thob cing lha mis mchod 'os 'gyur// rnam dag lus ldan rgyan gyis brgyan par 'gyur// lha yi me tog rab mdzes man+da ra// mtshungs med/ pa ta la yang su 'bul dang // mchod rten me tog nyal nyil su 'phyag pa// de dag rnam smin 'dra ste mchog tu gyur// mchod rten me tog rnyis pa su 'phyag pa// de lus dug gis mi tshungs mtshon mi tshungs// me 'bar bod 'phro phung po ches mi tshugs// nor gyi phung po rkun pos brku mi 'gyur// mgu zhing rab tu dga' ba'i shugs bskyed de// bcom ldan mchod rten me tog skam phyags na// de yi bsod nams bzung bar gang gyur pa/ / grangs sam cha yang brjod par sla ma yin// mchod rten me tog rnyis pa su 'phyag pa// sum cu rtsa gnyis mtshan gyis go char 'gyur// mi yi 'jig rten na ni rtag tu
- 147a
dga'/ / mthu dang ldan zhing yid 'ong sgra skad 'byung // mchod rten me tog snyis pa su 'phyag pa/ chos mchog rab mdzes yang dag spyod byed cing // de lus rnam par dag pa chen bor 'ong / / ring por mi thogs 'jig rten sangs rgyas 'gyur// 'jig rten sangs rgyas 'gyur byar mos bskyed de// ston pa'i mchod rten thal sbyar phyag 'tshal ba// 'jig rten dag na bla mar bkur bya/ / de ni mdzes shing blta na sdug par 'gyur// de 'dir rgyal srid thob nas lha klu mi// lto 'phye che dang 'jig rten thams cad 'dud// steng gi 'jig rten khams kun rgyas gyur/ phyag nyid du dbang thob rgyal srid ston/ / de yi yul na sems can gang gnas pa// de kun sangs rgyas ye shes rdzogs la 'god// de ni ngan song sa yang rnam par spongs// de dag rnams kyi don mchog dam pa byed// bsod nams blo gros dran ldan mchod pos 'gyur// dbugs phyin thob nas 'jig rten kun tu rgyu// de yi g.yo 'khor yid 'ong sgra skad ldan// bsam pa ji bzhin de dag dga' ba skyed// sems can rnams la mi lhod zhi tshig ston/ / de la su yang dbang phyug med mi byed// skye bo tshogs chen dag gis blta 'os 'gyur// de yi g.yog kyang sgra dbyangs yan lag dag/ sangs rgyas mchod rten thal sbyar phyag 'tshal ba/ / sbyin dang snyan par smra dang don spyod dang // don mthun pa dang skye bo mngal byed// spyod shing brgyad kyang khro ba'i dngos mi skyed// sangs rgyas mchod rten thal sbyar phyag 'tshal lo//
- 147b
mtho ris 'jig rten gnas shing lha dbang 'gyur// mir gyur na yang mi yi rgyal por 'ong // de ni gzhar yang yongs su nyams mi 'gyur// sangs rgyas mchod rten thal sbyar phyag 'tshal ba// de ni gzhar yang ngan song phyis mi lhung / / 'jig rten 'dir de rtag tu 'dod pa spongs// nor can nang na phyug cing mdzod mang 'gyur// yon tan ldan la tshig gcig su smra ba// de ni mi rigs sngags la gzhar mi spyod/ / mi yi 'jig rten gnas min spyod mi 'gyur// de la sems can mi ngoms dga' bar 'gyur// yid 'ong dbyangs ldan pho brang 'khor gshegs shing // 'jig rten mgon po sgo gtan bzhugs/ pa'i tshe// su zhig shugs bskyed me tog blangs te gtor// de ni brgyan nas rgyal ba dam pa mthong // rang gi khyim du stobs bcu bsnyen bkur byed// de yi bshos gsol chos bzang ston pa mdzad// dad pa skyes nas mi mchog bsnyen bkur byed// gos kyang thogs te rnam par 'dren la 'bul// sangs rgyas byang chub mtshungs med mchog thob nas// stobs bcu ldan zhing g.yo ba med gyur la// byang chub sangs rgyas sdug bsngal skye bo 'grol// 'jig rten kun tu mtshungs med sangs rgyas shog/ de yi smon lam 'di 'dra 'di dang ni// sangs rgyas ye shes de sems dga' mkhyen nas// stobs bcu 'dzum mdzad 'jig rten thams cad du/ / mtshungs med sangs rgyas 'gyur zhes lung ston to// skyes bu dam pa mchog gi gsung thos nas// bde gshegs mchog gsung gzhan du mi 'gyur te/
- 148a
bdag ni rgyal ba mchog 'gyur dogs med ces// dga' zhing mgunas par snang kun tu rgyu// 'jig rten lha yi lhar gyur sangs rgyas su// khyad 'phags mtshungs med sbyin gnas 'gyur ba dang / / de sems spyod dang dga' bar gnas mkhyen nas// de la stobs bcu mnga' bas bzhes par gyur// bde gshegs mchog gis gos ni bzhes rig nas// de ni shugs skyes rab dga' sems mgu ste/ / mtshungs med 'jig rten mgon la bltas nas ni// 'jig rten sangs rgyas bdag 'gyur mos pa skyed// skye shi pha rol sems can bsgral bar bya// grol nas skye bo mang po 'dus byas dgrol// 'jig rten kun na long ba'i mig bdag gyur// snang ba thob nas mun pa rab rib bsal// de ltar phan yon dam pa 'di thos nas// me tog phreng ba rgyal mtshan gos mchog dang // rol mo sgra dang gdugs dang byug bdug gis/ / mgon po mchog la sangs rgyas 'gyur bas gyis// bcom ldan 'das kyis de skad ces bka' stsal nas// dge slong de dag dang / blo gros rnam par dag pa la sogs pa/ byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yid rangs te// bcom ldan 'das kyis gsungs pa la mngon par bstod do// 'phags pa spyan ras gzigs zhes bya ba theg pa chen po'i mdo rdzogs so/ / / rgya gar gyi mkhan po dzi na mi tra dang / dA na shi la dang / zhu chen gyi lo tsa ba ban+d+he ye shes sdes bsgyur cing tha
- 148b
skad gsar chad kyis kyang bcos nas bstan la phab pa/ / / rgya gar skad du/ Ar+ya rang nA lo ka nA ma d+hA ra Ni ma hA yA na sU tra/ bod skad du/ 'phags pa dkon mchog ta la la'i gzungs zhes bya ba theg pa chen po'i mdo/ / bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong du tshang ba thams cad kyang dkar po'i chos yongs su rdzogs pa// seng ge'i sgra chen po sgrog pa/ ye shes kyi tshogs dpag tu med pa tshol ba la mkhas pa sha stag gi dge slong gi dge 'dun chen po dang // thabs cig tu bzhugs so// byang chub sems dpa'i dge 'dun chen po 'di lta ste/ byang chub sems dpa' sems dpa' chen po kun tu bzang po dang / byang chub sems dpa' sems dpa' chen po lag na phyag rgya rin po che dang / byang chub sems dpa' sems dpa' chen po rtag tu brtson dang / byang chub sems dpa' sems dpa' chen po yon tan gyis brgyan pa dang / byang chub sems dpa' sems dpa' chen po bsod nams mngon bsgrags dang // byang chub sems dpa' sems dpa' chen po blo gros chen po dang / byang chub sems dpa' sems dpa' chen po yon tan bkod pa dang / byang chub sems dpa' sems dpa' chen po rdo rje'i blo gros dang / byang chub sems dpa' sems dpa'
- 149a
chen po rdo rje'i snying po dang / byang chub sems dpa' sems dpa' chen po rdo rje'i 'od dang / byang chub sems dpa' sems dpa' chen po rdo rje'i mtshon cha dang / byang chub sems dpa' sems dpa' chen po rdo rje'i sra ba dang / byang chub sems dpa' sems dpa' chen po sa 'dzin dang / byang chub sems dpa' sems dpa' chen po gzugs kyi blo gros dang / byang chub sems dpa' sems dpa' chen po don kun mthong dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob dang / byang chub sems dpa' sems dpa' chen po blo gros brtan pa dang / byang chub sems dpa' sems dpa' chen po lag na rdo rje dang / byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' sems dpa' chen po ngan song spong dang / byang chub sems dpa' sems dpa' chen po mya ngan dang mun pa thams cad 'joms pa dang / byang chub sems dpa' sems dpa' chen po rab kyi rtsal gyis rnam par gnon pa dang / byang chub sems dpa' sems dpa' chen po mi len mi 'dor ba dang / byang chub sems dpa' sems dpa' chen po tsan dan snying po dang / byang chub sems dpa' sems dpa' chen po blo gros rgya mtsho dang / byang chub sems dpa' sems dpa' chen po 'byung dka' dang / byang chub sems dpa' sems dpa' chen po dga' byung dang / byang
- 149b
chub sems dpa' sems dpa' chen po spyod pa'i blo gros dang / byang chub sems dpa' sems dpa' chen po spobs pa brtsegs dang / byang chub sems dpa' sems dpa' chen po mgyogs pa'i snying po dang byang chub sems dpa' sem dpa' chen po byam pa dang / de dag la sogs pa byang chub sems dpa' sems dpa' chen po rnam par thar pa bsam gyis mi khyab pa la gnas pa/ dpa' bar 'gro ba'i ting nge 'dzin gyis nges par byung ba/ dbyangs sgra thogs pa med pa sangs rgyas kyi zhing dpag tu med pa zil gyis gnon pa la mkhas pa/ mi 'jigs pa la gnas pa/ rjes su chags pa dang / khong khro ba dang bral ba yid du 'ong ba'i dbyangs dang ldan pa/ khams gsum la ma chags pa/ g.yog 'khor mi phyed pa dang ldan pa/ thams cad mkhyen pa nyid las nges par skyes pa/ ting nge 'dzin dang / snyoms par 'jug pa tshad med pa dang ldan pa/ re ba thams cad yongs su skong ba/ shes rab kyi pha rol tu phyin pa rtogs par khong du chud pa/ lus dang ngag dang yid kyi las kyi mtha' don yod pa la mos pa/ thams cad mkhyen pa nyid la mngon par brtson pa/ ting nge 'dzin dang spyod pa tshad med pas byin gyis brlabs pa/ mi 'jigs pa thob pa/ stong pa nyid kyi spyod yul ba/ mtshan ma med pa la gnas pa sha stag dang yang thabs gcig go/ / de nas byang chub sems dpa' sems dpa' chen po kun tu bzang po zhes bya ba 'khor de nyid du 'dus par gyur te 'dug pa des/ bcom ldan 'das kyi zhabs la mgo bra
- 150a
phyag 'tshal nas/ bcom ldan 'das la 'di skad ces gsol to// bcom ldan 'das chos kyi dbyings ji ltar rtogs par bgyi/ bcom ldan 'das kyis bka' stsal pa rigs kyi bu chos kyi dbyings ni dngos po med par rtogs par bya'o/ / rigs kyi bu chos kyi dbyings ni nam mkha' dang mtshungs pa dang / spros pa med pa dang / ma spros pa dang / blang ba med pa dang / dor med pa dang / dngos po med pa dang / gnas pa med pa ste/ de ltar rtogs par bya'o// byang chub sems dpa' kun tu bzang pos gsol pa/ bcom ldan 'das ci lags/ chos kyi dbyings 'byung ba lags sam/ bcom ldan 'das kyi bka' stsal pa/ rigs kyi bu chos kyi dbyings ni 'byung ba med pa'o// rigs kyi bu chos kyi dbyings ni bsam gyi mi khyab pa'o// rigs kyi bu chos kyi dbyings ni dngos po med par rtog pa ste/ dngos po gang du yang brjod par bya ba ma yin zhing bstan par bya ba ma yin pa'o// byang chub sems dpa' kun tu bzang pos gsol pa/ bcom ldan 'das byang chub la rnam pa du mchis/ bcom ldan 'das kyis bka' stsal pa/ rigs kyi bu byang chub kyi rnam pa ni tshad med de/ de ni tshad dang ldan par bstan par mi nus so// byang chub sems dpa' kun tu bzang pos gsol pa/ bcom ldan 'das ci lags/ chos kyi dbyings rnam par rtog par bgyid dam/ bcom ldan 'das kyis bka' stsal pa/ rigs kyi bu chos kyi dbyings ni rnam par mi rtog go// byang chub sems dpa'
- 150b
kun tu bzang pos gsol pa/ bcom ldan 'das gal te chos kyi dbyings rnam par mi rtog pa lags na/ byis pa so so'i skye bo rnams ci'i slad du rtog par bgyid/ bcom ldan 'das kyi bka' stsal pa/ rigs kyi bu byis pa so so'i skye bo thams cad ni rtog pa dang / rnam par rtog pa dang / yongs su rtog pa las byung ba'o// byang chubams dpa' kun tu bzang pos gsol pa/ bcom ldan 'das de bzhin gshegs pa rnams kyis byang chub 'di ni zab lags so/ / bcom ldan 'das kyis bka' stsal pa/ rigs kyi bu de de bzhin te/ ji skad smras pa bzhin no// rigs kyi bu gzhan yang chos thams cad spros pa med pa ni byang chub ces bya'o/ / de nas 'jam dpal gzhon nur gyur pa 'khor de nyid du 'dus par te 'dug pa des/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das kyis dkon mchog ta la la zhes bgyi ba'i gzungs bshad du gsol/ bcom ldan 'das kyis bka' stsal pa/ rigs kyi bu byang chub sems dpa' kun tu bzang po chos thams cad la thogs pa med pa'i spobs pa la gnas pa 'di la dris shig dang / 'dis khyod la ston par 'gyur ro// de nas 'jam dpal gzhon nur gyur pas bcom ldan 'das la mngon du phyogs te 'dug nas/ sor mo bcu'i thal mo sbyar te/ bcom ldan 'das la 'di skad ces gsol to// thams cad mkhyen cing thams cad gzigs pa/
- 151a
bcom ldan 'das nyid kyis ci'i slad du mi bshad/ bcom ldan 'das kyis bka' stsal pa/ rigs kyi bu gang na byang chub sems dpa' yon tan 'di lta bu dang ldan pa dag 'khod pa de na de bzhin gshegs pa rnams btang snyoms su bzhugs so/ / 'jam dpal gyis gsol pa/ bcom ldan 'das de bzhin gshegs pa rnams ni btang snyoms su bzhugs pa ma lags so// bcom ldan 'das kyis bka' stsal pa/ rigs kyi bu nga ni sems can gyis khams yal bar 'dor ba ma yin te/ rigs kyi bu 'on kyang byang chub sems dpa' rnams kyi bstan pa ni bstan pa tshad med cing bstan pa bsam gyis mi khyab bo/ / de nas 'jam dpal gzhon nur gyur pas yang bcom ldan 'das la 'di skad ces gsol to// bcom ldan 'das kyis dkon mchog ta la la zhes bgyi ba'i bzungs bshad du gsol/ bcom ldan 'das kyis bka' stsal pa/ rigs kyi bu byang chub sems dpa' kun tu bzang po 'di la dris shig dang / 'dis khyed la ston par 'gyur ro// de ci'i phyir zhe na/ rigs kyi bu skyes bu dam pa 'di ni ye shes kyi tshogs la gnas pa'o// 'jam dpal gyis gsol pa/ gal te de bzhin gshegs pas bdag la dgongs na/ bdag gis skyes bu dam pa 'di la dri bar bgyi'o/ / bcom ldan 'das kyis bka' stsal pa/ 'jam dpal khyod ting nge 'dzin rdul phra rab kyi rdul snyed thob pa yin na/ de bzhin gshegs pa la gsol ba gdab ci dgos/ rigs
- 151b
kyi bu khyod ni sangs rgyas kyi chos thams cad la skal ba dang ldan pa yin no/ / 'jam dpal gyis gsol pa/ bcom ldan 'das bdag gis sangs rgyas kyi chos gang dag kun tu bstan pa dang / bsgoms pa dang / mang du bgyis pa de thams cad ni/ de bzhin gshegs pa'i skyes bu'i mthur rig par bgyi'o// bcom ldan 'das kyis bka' stsal pa/ rigs kyi bu legs so legs so// khyod kyi tshig 'di legs par smras te/ 'on kyang 'jam dpal nga khyod la gsol ba 'debs kyis khyod byang chub sems dpa' kun tu bzang po la dris shig/ de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das byang chub sems dpa' kun tu bzang po 'di ni shin tu zab mo ston pa ste/ theg pa chen po rtogs par khong du chud pa lags so/ / bcom ldan 'das kyis bka' stsal pa/ rigs kyi bu khyod kyang chos thams cad kyi dbang phyug gi rgyal po yin gyis bdag la ma srung shig/ yang rigs kyi bu khyod ni stong pa nyid la gnas pa/ ting nge 'dzin bsam gyis mi khyab pa dang ldan pa'o// de nas 'jam dpal gzhon nur gyur pas byang chub sems dpa' kun tu bzang po la sor mo bcu'i thal mo sbyar te phyag 'tshal nas/ byang chub sems dpa' kun tu bzang po la 'di skad ces smras so// kye rgyal ba'i sras khyod kyis bdag la skabs phye na/ khyod la bdag yi ge 'bru gnyis shis 'dri'o// byang chub
- 152a
sems dpa' kun tu bzang pos smras pa/ rigs kyi bu de'i dus la dbab par shes na dris shig/ de nas 'jam dpal gzhon nur gyur pas/ byang chub sems dpa' sems dpa' chen po kun tu bzang po la 'di skad ces smras so/ / kye rgyal ba'i sras sangs rgyas sangs rgyas zhes bya ba'i gzhi'i don gang yin/ byang chub sems dpa' kun tu bzang pos smras pa kye rgyal ba'i sras/ sangs rgyas kyi gzhi'i don ni med pa'i don to// sangs rgyas kyi gzhi'i don ni dngos po med pa'i don to// sangs rgyas kyi gzhi'i don ni bsam gyis mi khyab pa'i don to/ / sangs rgyas kyi gzhi'i don ni mi mnyam pa dang mnyam pa'i don to// sangs rgyas kyi gzhi'i don ni spros pa med pa'i don to// sangs rgyas kyi gzhi'i don ni ma spros pa'i don to// sangs rgyas kyi gzhi'i don ni blangs pa med pa'i don to/ / sangs rgyas kyi gzhi'i don ni dor ba med pa'i don to// sangs rgyas kyi gzhi'i don ni nam mkha' dang mtshungs pa'i don to// sangs rgyas kyi gzhi'i don ni bsnyed du med pa'i don te/ rigs kyi bu sangs rgyas kyi chos rnams kyi rang bzhin ni de lta bu yin no// 'jam dpal gyis smras pa kye rgyal ba'i sras gal te chos thams cad spros pa med pa yin na/ 'o na sangs rgyas kyi chos rnams zhes ji skad bstan/ byang chub sems dpa' kun tu bzang pos smras pa// kye rgyal ba'i sras bstan pa 'di ni bstan tu med pa'o// 'jam
- 152b
dpal gyis smras pa/ kye rgyal ba'i sras bstan tu med na ci zhig bstan/ byang chub sems dpa' kun tu bzang pos smras pa/ 'jam dpal bstan tu med pa ni btags te bstan to/ / 'jam dpal gyis smras pa/ kye rgyal ba'i sras btags pas ci zhig 'dogs par byed/ byang chub sems dpa' kun tu bzang pos smras pa/ 'jam dpal btags pas ni dngos po yang mi 'dogs/ dngos po med pa yang mi 'dogs so// 'jam dpal gyis smras pa/ kye rgyal ba'i sras gal te btags pas dngos po yang mi 'dogs/ dngos po med pa yang mi 'dogs na// theg pa gsum po dag ji ltar bstan/ byang chub sems dpa' kun tu bzang pos smras pa/ 'jam dpal khyod chos kyi dbyings chags pa med pa la chags par ma byed/ de ci'i phyir zhe na/ 'jam dpal de bzhin gshegs pas/ chos thams cad ni dngos po med pa'o zhes bstan pa'i phyir te/ gang dngos po med pa'i phyir zhe na/ phung po lnga mi dmigs pa'i phyir ro// 'jam dpal gyis smras pabyang chub spros pa dang bcas pa yin nam/ 'on te spros pa med pa yin/ byang chub sems dpa' kun tu bzang pos smras pa/ rigs kyi bu byang chub ni spros pa dang bcas pa yang ma yin/ spros pa med pa yang ma yin te/ 'di ltar byang chub dang spros pa dang bcas pa dang / spros pa med pa de ni gnyis su med de gnyis su dbyer med do// de nas bcom ldan 'das kyis/ byang
- 153a
chub sems dpa' sems dpa' chen po kun tu bzang po la/ rigs kyi bu bsam gyi mi khyab pa bstan pa 'di legs so legs so zhes bya ba byin no// gtam 'di brjod pas lha dang bcas pa'i 'jig rten 'di la rmongs par 'gyur ro/ / 'jam dpal gyis gsol pa/ bcom ldan 'das chos bstan pa 'di lta bu'i rnam par 'tshal bar mi rung ngo // bcom ldan 'das kyis bka' stsal ba rigs kyi bu de de bzhin te/ ji skad smras pa bzhin no// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das chos thams cad btag/ pa 'dis btags pa lags sam/ bcom ldan 'das kyis bka' stsal pa/ rigs kyi bu de de bzhin te/ ji skad smras pa bzhin no// de nas bcom ldan 'das la byang chub sems dpa' kun tu bzang pos 'di skad ces gsol to/ / bcom ldan 'das rnam par dag pa'i sgo 'di ni mos par gyi dka' ba lags so// bcom ldan 'das kyis bka' stsal pa/ rigs kyi bu de de bzhin teji skad smras pa bzhin no/ / de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das byang chub sems dpa' kun tu bzang pos/ rnam par dag pa'i sgo bstan pa 'di legs par spras lags so// bcom ldan 'das kyis bka' stsal pa/ rigs kyi bu de de bzhin te/ ji skad smras pa bzhin no// rigs kyi bu gzhan yang 'di ni
- 153b
chos thams cad kyi rgyu mthun pa yin no/ / 'di ni chos kyi char chen po yin no// de nas shing sA la chen po lta bu'i bram ze mnyam pa nyid du gnas pas/ bcom ldan 'das la 'di skad ces gsol to/ / bcom ldan 'das byang chub ni mnyam pa nyid bsam gyi mi khyab pa lags te/ de la yi ge mi dmigs/ tshig 'bru mi dmigs so// bcom ldan 'das kyis bka' stsal pa/ rigs kyi bu de de bzhin te/ chos kyi dbyings la tshig 'bru mi snang don kyang mi snang ngo // de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das stong pa nyid kyi rgyu mthun pa gang lags/ rnam pa gang lags/ rtags gang lags/ mtshan ma gang lags bcom ldan 'das kyis bka' stsal pa/ 'jam dpal stong pa nyid ni brjod du med pa/ bsnyad du med pa ste/ brjod du med pa'i chos nyid 'di la mos pa gang yin pa de stong pa nyid ces bya'o// stong pa nyid de ni yi ge med pa ste/ de'i phyir stong pa nyid ces bya'o// stong pa nyid de ni bsnyad du med pa ste/ de'i phyir stong pa nyid ces bya'o// rigs kyi bu chos thams cad ni chos kyi ngo bo nyid kyis stong ngo // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ / bcom ldan 'das byang chub sems dpa' bsam gyis mi khyab pa'i chos la gnas pa rnams kyi rnam par 'phrul pa la gzigs/ bcom ldan 'das kyis bka' stsal pa
- 154a
tshe dang ldan pa shA ra dwa ti'i bu sems dang po bskyed pa'i byang chub sems dpa'i shes pa ni mchog yin gyi/ dgra bcom pa'i shes pa ni de lta ma yin no// de ci'i phyir zhe na/ dgra bcom pa ni sangs rgyas kyi chos rnams las ring du gnas la/ byang chub sems dpa' de ni sangs rgyas bcom ldan 'das su 'gyur ba'i phyir ro// de nas bcom ldan 'das la byang chub sems dpa' chos thams cad kyi dbang phyug gi rgyal pos 'di skad ces gsol to/ / bcom ldan 'das ji ltar bcom ldan 'das kyis gsungs pa'i don bdag gis 'tshal ba ltar na/ nyan thos kyis ni nyan thos kyi chos rnams ma thob pa nyid lags so/ / bcom ldan 'das kyis bka' stsal pa/ rigs kyi bu nyan thos kyis nyan thos kyi chos rnams ma thob pa ni ma yin te/ 'on kyang nyan thos la byang chub sems dpa' dang lhan cig tu dris pa lan gdab pa 'am/ spyod pa'i byin gyis brlab par bya ba'i nus pa dang mthug la yodade nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das shA ra dwa ti'i bu 'di ni de bzhin gshegs pas shes rab dang ldan pa rnams kyi mchog tu bstan pa lags na/ bstan pa 'di gang la bstan pa lags/ bcom ldan bdas kyis bka' stsal pa/ 'jam dpal ngas gang bstan pa 'di ni bstan pa med pa'o// de nas 'jam dpal gzhon nur gyur pas/ gnas brtan shA ra dwa ti'i bu la 'di skad ces
- 154b
smras so/ / gnas brtan gyis nyan thos kyi chos rnams thob bam/ smras pa de ni ma yin no// 'jam dpal gyis smras pa/ 'o na ci khyod so so'i skye bo 'am/ smras pa de ni ma yin no// 'jam dpal gyis smras pa/ 'o na khyod ci slob pa 'am/ smras pa de ni ma yin no// 'jam dpal gyis smras pa/ 'o na khyod ci shes rab dang ldan pa'i mchog yin nam/ smras pa/ de ni ma yin no// 'jam dpal gyis spras pa/ gal te btsun pa shA ra dwa ti'i bu so so'i skye bo yang ma yin slob pa yang ma yin/ shes rab dang ldan pa'i mchog kyang ma yin na// de nyid khyod dmigs pa can du 'gyur ro// ra dwa ti'i bus smras pa/ rigs kyi bu kho bo ni skyes bu dam pa rgya mtsho ltar gting dpag dka' ba khyod dang 'gyed par mi byed do// 'jam dpal gyis smras pa/ btsun pa shA ra dwa ti'i bu khyod ni rgan rabs thu bo mchog yin gyis/ btsun pa shA ra dwa ti'i bu de skad ma zer cig/ gnas brtan gyis smras pa/ rigs kyi bu rgas pa'i dngos po ni ci yang thob par mi 'gyur/ mngon par rtogs par mi 'gyur ro/ / rigs kyi bu don de nyid shes par bya ba'i phyir khyod la dpe bya'o// rigs kyi bu 'di lta ste dper na/ rdo rje ngan don gyis kyang ri brag chen po rnam par 'jig go/ rigs kyi bu de bzhin du khyod kyi rdzu khung bu gcig na shes rab 'dug pa gang yin pa de ni kho bo lta bu'i sems can rdul phra rab kyi rdul snyed rnams la med do/ / rigs kyi bu don de nyid shes par bya ba'i phyir yang khyod la dpe bya'o// rigs kyi bu
- 155a
'di lta ste dper na/ ba glang glang po che shin tu mi bzad pa chen po de yang / mi stobs dang ldan pas lcags kyu chung ngus dul bar byed do// rigs kyi bu de bzhin du khyod ni stobs dang ldan pa/ kho bo ni nyam chung ba ste/ glang po che chen po 'di lta bu dang kho bo 'gyeng ga la nus de nas bcom ldan 'das la gnas brtan shA ra dwa ti'i bus 'di skad ces gsol to// bcom ldan 'das 'di lta ste dper na/ mi dmus long gis ni shul du mchis pa'am/ grong khyer mthong bar yang rngo mi thog na/ khyim nas khyim du mchi ba'i rdo lta ga la thog ste de ni gnas ma yin no// de bzhin du glang po che chen po 'di lta bu 'di dag gi mdun na bdag ni dmus long dang mtshungs par mthong ste/ sangs rgyas kyi chos 'di dag ni de tsam du rgya che ba lags so// bdag ni sangs rgyas kyi chos rnams kyi snod du ma gyur te/ de ci bgyir yang ma mchis so// bcom ldan 'das kyis bka' stsal pa/ shA ra dwa ti'i bu de skad ma zer cig/ shA ra dwa ti'i bu 'di lta ste dper na/ de bzhin gshegs pa'i 'od kyis sems can ji snyed cig la reg pa de dag thams cad sangs rgyas kyi chos rnams thob pa yin no/ / shA ra dwa ti'i bu de bzhin du khyod ni ting nge 'dzin mtha' yas shing bsam gyis mi khyab pa thob pa yin no/ / bcom ldan 'das kyis chos kyi rnam grangs 'di bshad pa na/ lha dang mi'i skye dgu las sems can dgu khri nyis stong gis chos mngon par rtogs par gyur to//
- 155b
de nas byang chub sems dpa' chos kyi blo gros byang chub sems dpa' ting nge 'dzin dkon mchog ta la la sbyor ba mtha' yas pa zhes bya ba de la snyoms par zhugs so// byang chub sems dpa' chos kyi blo gros snyoms par zhugs ma thag tu/ phyogs bcu'i phyogs re re'i 'jig rten gyi khams sangs rgyas kyi zhing stong phrag bcu'i rdul phra rab kyi rdul snyed kyi pha rol nas/ sangs rgyas bcom ldan 'das sangs rgyas kyi zhing stong phrag bcu'i rdul phra rab kyi rdul snyed kyis zhal mngon par bstan to/ / sangs rgyas bcom ldan 'das de dag thams cad kyang mtshan rdo rje'i snying po zhes bya bar mthun pa sha stag go/ phyogs gcig ji lta bar phyogs bcu rnams nas kyang de bzhin te/ sangs rgyas bcom ldan 'das de dag gis de la 'di skad ces bka' stsal to// chos kyi blo gros khyod de ltar byang chub sems dpa' ting nge 'dzin sbyor ba mtha' yas pa la snyoms par zhugs pa legs so legs so/ / rigs kyi bu 'di lta ste/ bcom ldan 'das de bzhin gshegs pa rnam par snang mdzad 'di nyid kyi sngon gyi smon lam dang / sngon gyi byin gyis brlabs dang / khyod nyid kyi dge ba'i rtsa bas nye bar brtan pas/ 'di lta ste/ chos thams cad bstan par bya ba dang / sangs rgyas kyi ye shes rnam par sbyang ba dang / sangs rgyu kyi ye shes rnam par 'phel bar bya ba dang / chos kyi dbyings su 'jug par bya ba dang / sems can gyi khams rnam par dgrol bar bya ba dang / chags pa med pa'i ye shes
- 156a
la 'jug cing chung bar bya ba dang / kun tu sbyor bar bya ba dang / skad thams cad rjod par bya ba dang / thams cad mkhyen pa'i ye shes la 'jug par bya ba dang / chos thams cad la sgrib pa med par bya ba dang / dus gsum thams cad yongs su shes pa'i chos bstan pa la 'jug par bya ba'i phyir/ phyogs bcu nas de bzhin gshegs pa sangs rgyas kyi zhing stong phrag bcu'i rdul phra rab kyi rdul snyed thams cad kyang mtshan mthun pa 'di dag thams cad khyod la byin gyis brlob kyis/ rigs kyi bu 'di lta ste/ byang chub sems dpa' rnam par gzhag pa bcu las rtsom ste/ sangs rgyas kyi mthu dang / sangs rgyas kyi byin gyis brlabs kyis chos bstan pa 'di la spobs pa skyed cig/ de nas sangs rgyas bcom ldan 'das de dag gis byang chub sems dpa' chos kyi blo gros la thog pa med pa'i ye shes kyi snang ba dang / sgrib pa med pa dang / chod pa med pa dang / brjod pa med pa'i chos nyid dang tha dad pa med pa'i ye shes dang / kha na ma tho ba med pa dang / zil gyis mnon pa dang / zhum pa med pa dang / 'phrogs pa med pa'i chos nyid dang / brjod pa bzang po nye bar sgrub pa mdzad do// de ci'i phyir zhe na/ 'di ltar ting nge 'dzin 'di nyid kyi chos nyid thob pa'i phyir ro/ / de nas sangs rgyas bcom ldan 'das de dag gis phyag g.yas pa brkyang ste/ byang chub sems dpa' chos kyi blo gros kyi mgo la
- 156b
nyug pa mdzad de/ sangs rgyas bcom ldan 'das de dag gis byang chub sems dpa' chos kyi blo gros la reg ma thag tu de nas ting nge 'dzin de las langs nas/ byang chub sems dpa' de dag la smras pa/ kye rgyal ba'i sras dag/ byang chub sems dpa' rnams kyi rigs 'di ni 'di lta ste/ chos kyi dbyings kyis klas pa dang / nam mkha'i khams kyi mthas gtugs pas rgya che ba'o// kye rgyal ba'i sras dag/ 'di ltar byang chub sems dpa' sems dpa' chen po rnams ni 'das pa'i sangs rgyas bcom ldan 'das rnams kyi rigs su skye ba yin/ ma byon pa'i sangs rgyas bcom ldan 'das rnams kyi rigs su skye ba yin/ da ltar byung ba'i sangs rgyas bcom ldan 'das rnams kyi rigs su skye ba ma yin no// de nas byang chub sems dpa' de dag gis/ byang chub sems dpa' chos kyi blo gros la 'di skad ces smras so/ / kye rgyal ba'i sras/ gang dag 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rigs su skye ba'i byang chub sems dpa' sems dpa' chen po de dag ni gang yin/ gang las bsams te de skad smras/ kye rgyal ba'i sras byang chub sems dpa' rnams kyi byang chub sems dpa' rnam par gzhag pa bcu po de dag gang yin pa de shod cig/ de skad ces smras pa dang / byang chub sems dpa' chos kyi blo gros kyis/ byang chub sems dpa' de dag la 'di skad ces smras so// kye rgyal ba'i sras dag/ byang chub sems
- 157a
dpa' rnams kyi byang chub sems dpa' rnam par gzhag pa ni bcu po 'di dag ste/ de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ / gsung ngo // gsung bar 'gyur ro// bcu gang zhe na/ 'di lta ste/ sems dang po bskyed pa'i byang chub sems dpa' rnam par gzhag pa dang / las dang po pa dang / rnal 'byor spyod pa dang / skye bar skyes pa dang / sbyor ba phun sum tshogs pa dang / bsam pa phun sum tshogs pa dang / phyir mi ldog pa dang / gzhon nur gyur pa dang / rgyal tsha ba dang / dbang bskur ba thob pa'i byang chub sems dpa' rnam par gzhag pa'o/ / kye rgyal ba'i sras dag/ byang chub sems dpa' rnams kyi byang chub sems dpa' rnam par gzhag pa ni bcu po de dag ste/ de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ / gsung ngo // gsung bar 'gyur ro// kye rgyal ba'i sras dag/ de la sems dang po skyed pa'i byang chub sems dpa' rnam par gzhag pa gang zhe na/ kye rgyal ba'i sras dag/ 'di la sems dang po skyed pa'i byang chub sems dpa' ni sangs rgyas bcom ldan 'das rnams mthong ma thag tu gzugs bzang ba 'am/ mdzes pa 'am/ kha dog bzang po rgyas pa 'am/ rgya che ba 'am/ gzi brjid che ba 'am/ rdzu 'phrul gyi rnam par 'phrul pa 'am/ kun rjod pa'i rnam par 'phrul pa'am/ rjes su bstan pa'i rnam par 'phrul pa mthong ngam/ sems can sdug bsngal ba dag mthong ngam/ de bzhin
- 157b
gshegs pa'i bsngags pa rgya cher thos na/ / 'di lta ste/ rnam pa thams cad mkhyen pa'i ye shes bdod cing / thog ma nyid du bla na med pa yang dag par rdzogs pa'i byang chub tu sems bskyed do// sems bskyed ma thag tu de nyid kyis bsnyen par dka' ba'i gnas bcu yongs su bzung bar 'gyur te/ bcu gang zhe na/ 'di lta ste gnas dang gnas ma yin pa shes pa dang / 'das pa dang / ma 'ongs pa dang / da ltar byung ba'i las dang / chos yang dag par blangs pa shes pa dang / thams cad du 'gro ba'i lam shes pa dang / khams du ma sna tshogs shes pa dang / mos pa rnam par grol ba du ma shes pa dang / dbang po mchog dang mchog ma yin pa shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang ldan pa thams cad shes pa dang / sngon gyi gnas rjes su dran pa'i shes pa dang / lha'i mig gi shes pa dang / zag pa zad pa'i shes pa ste/ bsnyen par dga' ba'i gnas bcu po de dag yongs su bzungs par 'gyur ro// kye rgyal ba'i sras dag 'di ni sems dang po bskyed pa'i byang chub sems dpa' rnam par gzhag pa'o// kye rgyal ba'i sras dag/ sems dang po bskyed pa'i byang chub sems dpa' sems dpa' chen po de sangs rgyas mchod pa dang / byang chub sems dpa'i bde ba'i yo byad la sbyar bar bya'o// de la 'jig rten gyi bdag por 'gyur ba dang / mchog tu bya ba dang / zil gyis mi non pa dang / sangs
- 158a
rgyas dpag tu med pa dang phrad pa dang / rab tu zhi ba'i ting nge 'dzin la rnal 'byor tu bya ba dang / 'khor ba'i 'khor lo rnam par bzlog pa dang / dam pa'i chos kyi 'khor lo rab tu bskor ba dang / sems can sdug bsngal ba yongs su bskyab pa yang brjod par bya'o// de ci'i phyir zhe na/ 'di ltar sems bskyed ma thag pa de nyid kyis/ shas cher sangs rgyas kyi chos thams cad la sbyor zhing gong du gnas gang dag thos pa'i gnas de dag la yang bdag nyid sbyor gyi gzhan gyi dring la mi 'jog pa thob pa'i phyir te/ / kye rgyal ba'i sras dag/ 'di ni sems dang po bskyed pa'i byang chub sems dpa' rnam par gzhag pa'o/ / kye rgyal ba'i sras dag/ de la las dang po pa'i byang chub sems dpa' rnam par gzhag pa gang zhe na/ kye rgyal ba'i sras dag/ 'di la las dang po pa'i byang chub sems dpa' ni sems can rnams la thog ma nyid du sems rnam pa bcu bskyed de rnam pa bcu gang zhe na/ 'di lta ste/ phan par bya ba'i sems dang / bde bar bya ba'i sems dang snying brtse ba'i sems dang / gnyen pa'i sems dang / sdug pa'i sems dang / phan bdags pa'i sems dang / kun tu bsrung ba'i sems dang / snyoms pa'i sems dang / slob dpon gyi sems dang / ston pa'i sems te/ sems rnam pa bcu po 'di dag bskyed do// kye rgyal ba'i sras dngag 'di ni las dang po pa'i byang chub sems dpa'o// kye rgyal ba'i sras dag
- 158b
las dang po pa'i byang chub sems dpa' de lung mnod pa dang / kha ton la sbyor bar bya'o// mang du thos nas rab tu dben pa la sbyar bar bya'o// rab tu dben par gyur nas dge ba'i shes gnyen la mngon par dga' ba la sbyar bar bya'o/ / dge ba'i bshes gnyen la mngon par dga' nas bka' blo bde ba la sbyar bar bya'o// bka' blo bde bar gyur nas dus shes pa la sbyar bar bya'o// dus shes par gyur nas mi 'jigs pa la sbyar bar bya'o/ / mi 'jigs par gyur nas don shes pa la sbyar bar bya'o// don shes par gyur nas/ chos kyi rjes su 'brang ba la sbyar bar bya'o// chos kyi rjes su 'brang pabar gyur nas/ brjed pa med pa'i chos nyid la sbyar bar bya'o// rmongs pa med par gyur nas chos rnam par dgod pa la sbyar bar bya'o// de ci'i phyir zhe na/ 'di ltar sems bskyed ma thag pa de nyid kyis shas cher sangs rgyas kyi chos thams cad la mngon par brtson par byed cing gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras dag/ 'di ni las dang po pa'i byang chub sems dpa' rnam par gzhag pa'o// kye rgyal ba'i sras dag/ de la rnal 'byor spyod pa'i byang chub sems rnam par gzhag pa gang zhe na/ kye rgyal ba'i sras dag/ rnal 'byor spyod pa'i byang chub sems dpa' ni dmigs pa rnam pa bcus chos rnams rtogs par byed do// bcu gang zhe na/ 'di lta ste/ chos thams
- 159a
cad la mi rtag pa nyid du rtogs par byed pa dang / chos thams cad la sdug bsngal ba nyid dang / bdag med pa nyid dang / stong pa nyid dang / g.yo ba med pa nyid dang / dbugs 'byin pa med pa nyid dang / gnas med pa nyid dang / rnam par rtog pa med pa nyid dang / rtsol ba med pa nyid dang / mngon par 'du byed pa nyid du rtogs par byed de/ chos kyi rjes su 'brang bar gyur pa'i phyir sbyor ba yang mi byed/ mi sbyor ba yang mi byed de/ kye rgyal ba'i sras dag/ 'di ni rnal 'byor spyod pa'i byang chub sems dpa'o// kye rgyal ba'i sras dag/ rnal 'byor spyod pa'i byang chub sems dpa' de ni sems can gyi khams brtag pa la sbyar bar bya'o/ / chos kyi dbyings brtag pa la sbyar bya'o// 'jig rten gyi khams brtag pa la sbyar bar bya'o// sa'i khams brtag pa la sbyar bar bya'o// chu'i khams dang / me'i khams dang / rlung gi khams dang / nam mkha'i khams dang / gzugs kyi khams dang / gzugs med pa'i khams brtag pa la sbyar bar bya'o// de ci'i phyir zhe na/ 'di ltar de ni shas cher chos rnams la snang ba 'jug cing gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras dag/ 'di ni rnal 'byor spyod pa'i byang chub sems dpa' rnam par gzhag pa'o// kye rgyal ba'i sras dag/ skye bar skyes pa'i byang chub sems dpa' rnam par gzhag pa gang zhe na/ kye rgyal ba'i
- 159b
sras dag/ 'di la skye bar skyes pa'i byang chub sems dpa' ni yongs su sbyang ba byed pa bcus gsung rab 'phags par skyes pa yin te/ bcu gang zhe na/ 'di lta ste/ chos nyid las phyir mi/ ldog pa dang / sangs rgyas la mi phyed pa'i dad pa mthar thug par 'gyur ba yongs su grub pa dang / chos nges par sems pa dang / sems can la rnam par dpyod pa dang / zhing la rnam par dpyod pa dang / 'jig rten la rnam par dpyod pa dang / las la rnam par dpyod pa dang / rnam pa smin pa la rnam par dpyod pa dang / 'khor ba la rnam par dpyod pa dang / mya ngan las 'das pa la rnam par dpyod pa ste/ yongs su sbyong ba byed pa bcu po de dag gis de dag gis gsung rab 'phags par skyes pa yin te/ kye rgyal ba'i sras dag/ 'di ni skye bar skyed ba'i byang chub sems dpa'o/ / kye rgyal ba'i sras dag/ skye bar skyes pa'i byang chub sems dpa' de ni 'dus pa'i sangs rgyas kyi chos mnyam pa nyid rnam par dpyad pa la sbyar bar bya'o// ma byon pa'i sangs rgyas kyi chos mnyam pa nyid rnam par dpyad pa la sbyar bar bya'o/ / da ltar byung ba'i sangs rgyas kyi chos mnyam pa nyid rnam par dpyad pa la sbyar bar bya'o// sangs rgyas thams cad kyi chos mnyam pa nyid rnam par dbyang ba la sbyar bar bya'o/ / 'das pa'i sangs rgyas kyi chos yang dag par 'grub pa rnam par dpyad pa la sbyar bar bya'o// mabyon pa'i sangs rgyas kyi chos yang dag par bzub
- 160a
pa rnam par dpyad pa la sbyar bar bya'o/ / da ltar byung ba'i sangs rgyas kyi chos yang dag par 'grub pa rnam par dpyod pa la sbyar bar bya'o// sangs rgyas thams cad kyi chos yang dag par 'grub pa rnam par spyad pa la sbyar bar bya'o/ / 'das pa'i sangs rgyas kyi chos yongs su 'grub pa mnyam pa nyid rnam par dpyad pa la sbyar bar bya'o// ma byon pa'i sangs rgyas kyi chos yongs su 'grub pa mnyam pa nyid rnam par dpyad pa la sbyar bar bya'o/ / da ltar byung ba'i sangs rgyas kyi chos yongs su 'grub pa mnyam pa nyid rnam par dpyad pa la sbyar bar bya'o// sangs rgyas thams cad kyi chos yongs su 'grub pa mnyam pa nyid rnam par dpyad pa la sbyar bar bya'o/ / de ci'i phyir zhe na/ 'di ltar de de ni shas cher dus gsum mnyam pa nyid du rtogs par byed cing gong du gnas gang dag thos pa'i gnas de dag la yang bdag nyid sbyor gyi gzhan gyi dring la mi 'jog pa thob pa'i phyir te/ / kye rgyal ba'i sras dag/ 'di ni skye bar skyes pa'i byang chub sems/ dpa' rnam par gzhag pa'o// kye rgyal ba'i sras dag/ de la sbyor ba phun sum tshogs pa'i byang chub sems dpa' rnam par gzhag pa gang zhe na/ kye rgyal ba'i sras dag/ 'di la sbyor ba phun sum tshogs pa'i byang chub sems dpa' ni dge ba'i las gang ci rtsom yang de thams cad sems can thams cad yongs su bskyab pa dang / sems can thams cad la phan par 'dod par bya ba dang / sems can thams cad
- 160b
la bde bar sbyar ba dang sems can thams cad la snying brtse bar bya ba dang / sems can thams cad rab tu thar bar bya ba dang / sems can thams cad la gnod pa med par bya ba dang / sems can thams cad drang bar bya ba dang / sems can thams cad dad par bya ba dang / sems can thams cad gdul bar bya ba dang / sems can thams cad yongs su mya ngan las bzla ba'i phyir rtsom ste// kye rgyal ba'i sras dag/ 'di ni sbyor ba phun sum tshogs pa'i byang chub sems dpa'o// kye rgyal ba'i sras dag/ sbyor ba phun sum tshogs pa'i byang chub sems dpa' de la gnas bcu yang dag par brjod par bya ste/ bcu gang zhe na/ 'di lta ste/ sems can mtha' yas pa dang / sems can dpag tu med pa dang / sems can grangs med pa dang / sems can bsam gyis mi khyab pa dang / sems can mtshungs pa med pa dang / sems can gzhal du med pa dang / sems can stong pa nyid dang / sems can g.yo ba med pa nyid dang / sems can med pa nyid dang / sems can rang bzhin med pa nyid do// de ci'i phyir zhe na/ 'di ltar de shas cher mngon par zhen pa med pa la sems 'jog cing gong du gnas gang dag thos pa'i gnas de dag la yang bdag nyid sbyor gyi gzhan gyi dring la mi 'jog pa thob pa'i phyir te/ kye rgyal ba'i sras dag/ 'di ni sbyor ba phun sum tshogs pa'i byang chub sems dpa' rnam par gzhag pa'o// kye rgyal ba'i sras dag/ de la bsam pa phun sum tshogs pa'i byang chub sems dpa' rnam par gzhag gang
- 161a
zhe na/ kye rgyal ba'i sras dag/ 'di la bsam pa phun sum tshogs pa'i byang chub sems dpa' ni chos bcu thob pa na/ sangs rgyas kyi chos rnams la bsam pa nges pa yin te/ bcu gang zhe na/ 'di lta ste/ sangs rgyas kyi bsngags pa 'am/ bsngags pa ma yin pa 'chad kyang rung / sangs rgyas kyi chos rnams la bsam pa nges pa yin/ chos kyi bsngags pa'am/ bsngags pa ma yin pa 'chad kyang rung / byang chub sems dpa' rnams kyi bsngags pa 'am/ bsngags pa ma yin pa 'chad kyang rung ste/ sangs rgyas kyi chos rnams la bsam pa nges pa yin/ byang chub sems dpa' spyod pa'i bsngags pa'am/ bsngags pa ma yin pa 'chad kyang rung ste/ sangs rgyas kyi chos rnams la bsam pa nges pa yin/ sems can gyi khams chung zhes 'chad pa 'am/ sems/ can gyi khams rgya che'o zhe 'am/ sems can gyi khams kun nas nyon mongs pa can zhe 'am/ sems can gyi khams kun nas nyon mongs pa can ma yin zhe 'am/ sems can gyi khams gdul bla zhe 'am/ sems can gyi khams gdul dka' zhe'am/ chos kyi dbyings chung zhe 'am/ chos kyi dbyings rgya che zhe'am/ 'jig rten gyi khams dag 'jig ce'am/ mi 'jig ce'am/ chos kyi dbyings yod ce/ 'am/ chos kyi dbyings med ces 'chad kyang rung ste/ sangs rgyas kyi chos rnams la bsam pa nges pa yin te/ kye rgyal ba'i sras dag 'di ni bsam pa phun sum tshogs pa'i byang chub sems dpa'o// kye rgyal
- 161b
ba'i sras dag/ bsam pa phun sum tshogs pa'i byang chub sems dpa' de la chos kyi rjes su 'jug pa bcu yang dag par brjod par bya ste/ bcu gang zhe na/ 'di lta ste/ chos thams cad mtshan ma med pa nyid du yang dag par brjod par bya ba dang / chos thams cad mtshan nyid med pa nyid dang / dngos po med pa nyid dang / med pa nyid dang / brdzun pa nyid dang / dben pa nyid dang / ngo bo nyid me panyid dang / sgyu ma lta bu nyid dang / rmi lam lta bu nyid dang / rnam par rtog pa med pa nyid du yang dag par brjod par bya'o// de ci'i phyir zhe na/ 'di ltar de mi 'phrogs pa'i phyir shas cher lhags pa'i bsam pa rnam par 'phel ba'i chos can du gyur cing / gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te// kye rgyal ba'i sras dag/ 'di ni bsam pa phun sum tshogs pa'i byang chub sems dpa' rnam par gzhag pa'o// kye rgyal ba'i sras dag de la phyir mi ldog pa'i byang chub sems dpa' rnam par gzhag pa gang zhe na/ kye rgyal ba'i sras dag/ 'di la phyir mi ldog pa'i byang chub sems dpa' ni dmigs pa bcu thos na/ sangs rgyas kyi chos rnams las phyir mi ldog ste/ bcu gang zhe na/ 'di lta ste/ sangs rgyas yod do zhe'am/ med do zhes thos kyang sangs rgyas kyi chos rnams las phyir mi ldog pa dang / chos yod do zhe'am med do zhes bya ba dang / byang chub sems dpa' yod do zhe'am med do zhes bya ba dang /
- 162a
byang chub sems dpa'i spyod pa yod do zhe bam med do zhes bya ba dang / byang chub sems dpa' byang chub sems dpa'i spyod pa la nges par 'byung ngo zhe 'am nges par mi 'byung ngo zhes bya ba/ dang / de bzhin gshegs pa dag 'das so zhe 'am ma 'das so zhes bya ba dang / de bzhin gshegs pa dag ma byon to zhe'am ma byon pa ma yin no zhes bya ba dang / de bzhin gshegs pa dag da ltar byung ba'o/ zhe 'am da ltar byung ba ma yin no zhes bya ba dang / sangs rgyas kyi ye shes zad do zhe 'am mi zad do zhes bya ba dang / dus gsum po dag mtshan nyid gcig ces 'am mtshan nyid gcig pa ma yin no zhes thos kyang sangs rgyas kyi chos rnams las phyir mi ldog pa ste/ / kye rgyal ba'i sras dag/ 'di ni phyir mi ldog pa'i byang chub sems dpa'o// kye rgyal ba'i sras dag/ phyir mi ldog pa'i byang chub sems dpa' de la chos kyi rgyun bcu yang dag par brjod par bya ste/ bcu gang zhe na/ 'di lta ste/ chos thams cad gcig pa nyid dang / tha dad pa nyid du yang dag par brjod par bya'o// mang ba dang gcig pa nyid dang / yi ge la don sgro btags pa dang / don la yi ge sgro btags pa dang / dngos pos dngos po med pa sgro btags pa dang / dngos po med pas dngos po sgro btags pa dang / mtshan ma mtshan ma med pa sgro btags paM dang / mtshan ma med pas mtshan ma sgro btags pa dang / mtshan nyid kyis mtshan nyid med pa sgro btags pa dang / mtshan nyid med pa mtshan nyid sgro btags pa yang dag par brjod
- 162b
par bya'o/ / de ci'i phyir zhe na/ 'di ltar de shas cher chos thams cad la mkhas pa yongs su smin pa'i tshul la nges par byung zhing / gong du gnas gang dag thos pa'i gnas de dag la yang bdag nyid sbyor gyi/ gzhan gyi dring la mi 'jog pa thob pa'i phyir te/ kye rgyal ba'i sras ngag/ 'di ni phyir mi ldog pa'i byang chub sems dpa' rnam par gzhag pa'o// kye rgyal ba'i sras dag/ de la gzhon nur gyur pa'i byang chub sems dpa' rnam par gzhag pa gang zhe na/ kye rgyal ba'i sras dag/ 'di la gzhon nur gyur pa'i byang chub sems dpa' ni chos rtogs pa bcu dang ldan pa yin te/ bcu gang zhe na/ 'di lta ste/ lus kyi las 'bras bu yod pa dang ldan pa yin/ ngag gi las 'bras bu yod pa dang ldan pa yin/ yid kyi las 'bras bu yod pa dang ldan pa yin/ sems bskyed pa tsam gyis skye ba mngon par bsgrub pa yin/ sems can gzhan dang gang zag gzhan rnams kyi bsam pa shes par byed cing mos pa la rtog pa yin/ sems can gyi khams tha dad pa rab tu shes pa yin/ bdod pa'i khams tha dad pa rab tu shes pa yin/ gzugs kyi khams tha dad pa rab tu shes pa yin/ gzugs med pa'i khams tha dadang rab tu shes pa yin/ dus ji lta ba bzhin du 'gro ba'i phyir mngon par shes pa myur ba yin te/ kye rgyal ba'i sras dag/ 'di ni gzhon nur gyur pa'i byang chub sems dpa'o// kye rgyal ba'i sras dag/ gzhon nur gyur pa'i byang chub sems dpa'
- 163a
de la chos mngon par bsgrub pa bcu yang dag par brjod par bya ste/ bcu gang zhe na/ 'di lta ste/ sangs rgyas kyi zhing yongs su shes pa dang / sangs rgyas kyi zhing rab tu g.yo bar bya ba dang / sangs rgyas kyi zhing byin gyis brlab pa dang / sangs rgyas kyi zhing rnam par dpyad pa dang / sangs rgyas kyi zhing du 'gro ba dang / 'jig rten gyi khams grangs med par 'gro ba dang / dri ba grangs med pa dri ba dang / yid kyi lus mngon par sgrub pa dang / sgra skad la sbyor ba tshad med pa dang / sems bskyed pas sangs rgyas kyi zhing grangs med pa yongs su 'grub pa yang dag par brjod par bya'o/ / de ci'i phyir zhe na/ 'di ltar shas cher mngon par sgrub pa mkhas pa la sbyor zhing / gong du gnas gang dag thos pa'i gnas de dag la yang bdag nyid sbyor gyi gzhan gyi dring la mi 'jog pa thob pa'i phyir te/ kye rgyal ba'i sras dag/ 'di ni gzhon nur gyur pa'i byang chub sems dpa' rnam par gzhag pa'o// kye rgyal ba'i sras dag/ de la rgyal tshab kyi byang chub sems dpa' rnam par gzhag pa gang zhe na/ kye rgyal ba'i sras dag/ 'di la rgyal tshab kyi byang chub sems dpa' ni chos rtogs par bya ba bcu la mkhas pa yin te/ bcu gang zhe na/ 'di lta ste/ sems can gyi skye ba rtogs par bya ba la mkhas pa yin/ nyon mongs pa rgyu ba rtogs par bya ba la mkhas pa yin/ bag chags kyi mtshams sbyor ba rtogs par bya ba la mkhas pa yin/ spyod yul la sbyor ba rtogs par bya
- 163b
ba la mkhas pa yin/ chos nyid rtogs par bya ba la mkhas pa yin/ nye bar spyad pa rtogs par bya ba la mkhas pa yin/ 'jig rten gyi mkhas pa rnam par dbye ba rtogs par bya ba la mkhas/ pa yin/ sngon gyi mtha' dang phyi ma'i mtha' dang / da ltar byung ba shes pa rtogs par bya ba la mkhas pa yin/ kun rdzob kyi bden pa la nges par rtogs pa rtogs par bya ba la mkhas pa yin/ don dam pa'i bden pa rtogs par bya ba la mkhas pa yin te/ kye rgyal ba'i sras dag/ de ni rgyal tshab kyi byang chub sems dpa'o// kye rgyal ba'i sras dag/ rgyal tshab kyi byang chub sems dpa' de la gnas bcu yang dag par brjod par bya ste/ bcu gang zhe na/ 'di lta ste/ rgyal po'i pho brang 'khor la mkhas pa yang dag par brjod par bya'o// rgyal po'i pho brang 'khor du kun tu spyang pa dang rgyal po'i pho brang 'khor du 'jug pa dang / rgyal po'i pho brang 'khor du rnam par dpyad pa dang / chos kyi rgyal po'i dbang bskur ba dang / chos kyi rgyal po'i byin gyis brlabs dang / chos kyi rgyal po'i pha rol gnon pa dang / chos kyi rgyal po'i gnas dang / chos kyi rgyal po'i bka' lung yang dag par brjod par bya'o// de ci'i phyir zhe na 'di ltar de'i sems shas cher chos thams cad la sgrib pa med par bsgrub la 'jug cing gong du gnas gang dag thos pa'i gnas de dag la yang bdag nyid bsgrub kyi gzhan gyi dring la mi 'jog pa thob pa'i phyir te/ kye rgyal ba'i sras dag/ 'di ni
- 164a
rgyal tshab kyi byang chub sems dpa' rnam par gzhag pa'o/ / kye rgyal ba'i sras dag/ 'di la dbang bskur ba thob pa'i byang chub sems dpa' rnam par gzhag pa gang zhe na/ kye rgyal ba'i sras dag/ 'di la dbang bskur ba thob pa'i byang chub sems dpa' ni/ shes pa mngon par sgrub pa bcu dang ldan pa yin te/ bcu gang zhe na/ 'di lta ste/ 'jig rten gyi khams grangs med pa rab tu g.yo bar byed pa mang ba yin/ 'jig rten gyis khams grangs med pa byin gyis brlob pa mang ba yin/ 'jig rten gyi khams grangs med pa sems gcig gis/ 'da' bar byed pa mang ba yin/ 'jig rten gyi khams grangs med pa yongs su sbyar ba byed pa mang ba yin/ sems can grangs med pa'i sems gcig gis rnam par rig par byed pa mang ba yin/ 'jig rten gyi khams grangs med pa la rnam par lta ba mang ba yin/ sems can grangs med pa'i sems kyi spyod pa la sems gcig gis rnam par dpyod pa la mkhas pa yin/ sems can grangs med pa'i dbang po sems gcig gis rtogs par byed pa la mkhas pa yin/ sems can grangs med pa 'dul ba la mkhas pa yin/ sems can grangs med pa rnam pa thams cad mkhyen pa nyid kyi sems la 'dzad pa la mkhas pa yin no/ / kye rgyal ba'i sras dag/ rgyal tshab kyi sa la gnas pa'i byang chub sems dpa' man can gang gis kyang dbang bskur ba thob pa'i byang chub sems dpa'
- 164b
de'i lus kyi las shes par mi nus ngag gi las shes par mi nus/ yid kyi las shes par mi nus/ rdzu 'phrul shes par mi nus/ rdzu 'phrul la rnam par lta ba shes par mi nus/ 'das pa'i dus la rnam par lta ba shes par mi nus zhing mngon par 'du byed pa shes par mi nus/ blos rnam par lta ba shes par mi nus/ sems kyi yul shes par mi nus/ ye shes kyi spyod yul shes par mi nus te/ kye rgyal ba'i sras dag/ 'di ni dbang bskur ba thob pa'i byang chub sems dpa'o// kye rgyal ba'i sras dag dbang bskur ba thob ba'i byang chub sems dpa' de la sangs rgyas bcom ldan 'das dag gnas bcu yang dag par brjod par mdzad de/ bcu gang zhe na/ 'di lta ste/ dus gsum shes pa dang / sangs rgyas kyi chos shes pa dang / chos kyi dbyings dbyer med pa shes pa dang / chos kyi dbyings mtha' dang dpung med pa dang / 'jig rten gyi khams thams cad rgyas par dgang ba dang / 'jig rten gyi khams thams cad snang bar byed pa dang 'jig rten gyi khams thams cad byin gyis brlab pa dang / sems can thams cad yongs su shes pa dang / chos thams cad mngon par shes pa dang / sangs rgyas kyi ye shes mtha' yas pa brjod par mdzad do/ / de ci'i phyir zhe na/ 'di ltar de ni shas cher thams cad mkhyen pa nyid la sems 'jug pa'i phyir te/ kye rgyal ba'i sras dag/ 'di ni dbang bskur ba thob pa'i byang chub sems dpa'
- 165a
rnam par gzhag pa'o/ / byang chub sems dpa' chos kyi blo gros kyis/ byang chub sems dpa' sems dpa' chen po rnams kyi byang chub sems dpa' rnam par gzhag pa b cu bshad ma thag tu de nas de'i tshe sangs rgyas kyi mthus phyogs bcu phyogs re rer yang sangs rgyas kyi zhing stong phrag bcu'i rdul phra rab kyi rdul snyed kyi 'jig rten gyi khams rnam pa drug tu g.yos/ rab tu g.yos/ kun tu rab tu g.yos so// 'gul/ rab tu 'gul/ kun tu rab tu 'gul to// ldeg/ rab tu ldeg/ kun tu rab tu ldeg go/ 'ur 'ur/ rab tu bur bur/ kun tu rab tu 'ur bur ro/ chem chem/ rab tu chem chem/ kun tu rab tu chem chem mo// 'khrugs/ rab tu 'khrugs/ kun tu rab tu 'khrugs so// sangs rgyas kyi mthu dang chos nyid thob pas lha'i me tog gi sprin gyi char yang mngon par bab po/ / lha'i bdug pa'i sprin gyi char yang mngon par bab bo// lha'i spos kyi sprin gyi char yang mngon par bab bo// lha'i phye ma'i sprin gyi char dang / lha'i phreng ba'i sprin gyi char dang / lha'i gos kyi sprin gyi char dang / lha'i rin po che'i sprin gyi char dang / lha'i pad+ma'i sprin gyi char dang / lha'i rgyan 'phreng gi sprin gyi char dang / lha'i rgyan gyi sprin gyi char yang mngon par bab bo/ / lha'i sil snyan rnams kyang ma dgrol bar sgra byung ngo // lha'i snang ba yang rab tu byung ngo // lha'i nga ro yang grag go// gling bzhi pa 'dir ri rab kyi rtse mor lha'i dbang po'i
- 165b
khang par ji lta ba de bzhin du 'jig rten gyi khams thams cad du yang chos bstan pa 'di khyab par gyur nas byung ste lhag chad med do/ / tshig 'bru 'di dag nyid kyis don 'di nyid ston to// sangs rgyas kyi mthus sangs rgyas kyi zhing stong phrag bcu'i rdul phra rab kyi rdul snyed kyi 'jig rten gyi khams rnams kyi pha rol nas byang chub sems dpa' sangs rgyas kyi zhing stong phrag bcu'i rdul phra rab snyed lhags te/ phyogs bcu rgyas par bkang nas/ 'di skad ces 'dzer to// kye rgyal ba'i sras de ltar khyod byang chub sems dpa'i chos nyid 'di ston pa legs so// legs so// kye rgyal ba'i sras bdag cag kyang ming chos kyi blo gros shes bya ba sha stag ste/ 'jig rten gyi khams chos kyi sprin ces bya ba dag nas/ de bzhin gshegs pa'i mtshan chos kyi blo gros bzang po zhes bya ba sha stag gi thad nas 'dir byin to/ / sangs rgyas kyi byin gyis brlabs kyis de dag thams cad du yang chos bstan pa 'di byung ste/ 'khor 'di lta bu dag gi nang du tshig 'bru 'di dag gis don 'di nyid ston te lhag chad med do// kye rgyal ba'i sras bdag cag ni khyod kyi dbang du gyur te/ sangs rgyas kyi mthus/ 'jig rten gyi khams 'dir phyin to// bdag cag ji ltar 'jig rten gyi khams 'dir phyin pa de bzhin d u phyogs bcu'i 'jig rten gyi khams thams cad kyi gling bzhi pa thams cad du ri rab kyi rtse mor lha'i dbang po'i khang pa rnams su yang byang chub sems dpa' sangs rgyas kyi zhing bcu'i rdul phra rab kyi rdul
- 166a
skyed byin par gyur / bam pa gnyis pa/ nas sa sa rgyas kyis byas byang chub sems dpa nas kyi thams kyis bcur rnam par bltas te/ thams cad dang ldan pa'i 'khor dang / chos kyi dbyings la yang rnam par bltas nas/ de'i tshe tshigs su bcad pa 'di dag smras so// rang byung shin tu rnam dag blo mnga' bamadzes shing gzugs kyi stobs dang ldan 'gyur ba/ / rnyed dka' mtshan gyis brgyan pa mthong gyur nas// byang chub don du bstan pa sems 'jog byed// do zla med pa'i rdzu 'phrul stobs rnams dang / kun rdzob bzang dang rjes su bstan pa dang // sdug bsngal bzang rlung 'jig rten 'gro mthong nas// byang chub don du bstan pa sems 'jog byed// yon tan kun gyi 'byung gnas de bzhin gshegs/ / kun tu bzang po'i yon tan thos gyur nas// nam mnga'i dbyings 'dra 'gyur ba med pa yi// byang chub don du bstan pa sems 'jog byed// gnas rnams ji snyed gang dag yod gyur dang / rang bzhin gnas pa'i gnas rnams gzhan dag kyang // gzhan min dngos por rnam par rtogs bya'i phyir// byang chub don du bstan pa sems 'jog byed// 'das dang ma 'ongs da ltar dus dag na// dge dang mi dge las rnams gang yod pa// de dag rgyu rnams rtogs par bya ba'i phyir// byang chub don du bstan pa sems 'jog byed// ting nge 'dzin bsam gtan rnam thar spyod pa dang // de bzhin
- 166b
snyoms 'jug rnam dag mthar thug pa/ / de dag gnas skabs rtogs par bya ba'i phyir// byang chub don du bstan pa sems 'dri 'jog/ 'jig rten brtson 'grus stobs dang dbang po rnams// 'dra ci 'dra de yi de dang der// rim pa de dag rtogs par bya ba'i phyir// byang chub don du bstan pa sems 'jog byed// 'jig rten kun gyi mos pa ci 'dra dang // lhag pa'i bsam pa tha dad rnam gsum nas/ / bstan bcos du ma rtogs par bya ba'i phyir// byang chub don du bstan pa sems 'jog byed// rnam pa sna tshogs rnam pa du ma khams// gang dag 'jig rten gsum 'dir yod kun gyi// khams kyi rang bzhin rtogs par bya ba'i phyir// byang chub don du bstan pa sems de 'jog/ chos 'dir kun tu 'gro bar gang gyur cing // dge ba'i 'jug pa gang yang rab 'jug pa// yang dag rang bzhin/ rtogs par bya ba'i phyir// byang chub don du brtan pa sems 'jog byed// zhing rnams thams cad ji ltar 'byung ba dang // sems can ji ltar sa la 'byung 'gyur zhes// chags med mig ni rab tu dbye ba'i phyir/ / byang chub don du brtan pa sems 'di 'jog/ 'das pa'i dus dang da ltar byung dus na// sems can ris dngos mtshan nyid gang yod dang // sngon gyi gnas rnams rtogs par bya ba'i phyir/ / byang chub don du brtan pa sems 'di 'jog/ ji ltar 'gro bar sems can 'ching byed pa// kun tu sbyor ba 'jig rten gang yod pa'i// nyon mongs zad pa rtogs par bya ba'i phyir// byang
- 167a
chub don du brtan pa sems 'di 'jog/ 'jig rten gsum na tha snyad gang btags dang // ngag lam sngags tshul spyod pa gang yod pa// brda yi bden pa rtogs par bya ba'i phyir/ byang chub don du brtan pa sems 'di 'jog/ chos rnams thams cad brjod du med pa ste// stong pa mig yor rang bzhin ngo bo nyid// don dam bden pa rtogs par bya ba'i phyir// byang chub don du brtan pa sems 'jog byed/ / zhing rnams dag tu sa g.yo bstan pa dang // rgya mtsho dag kyang rnam par 'khrugs pa dang // de bzhin gshegs kyis rdzu 'phrul brtan pa'i phyir// byang chub don du brtan pa sems 'di 'jog/ 'od zer rtse mo re las 'od zer rnams/ de bzhin phyogs bcu kun tu rab tu 'gyed// de dag 'od gcig rtogs par bya ba'i phyir// byang chub don du brtan pa sems 'jog byed/ / zhing mang bsam gyis mi khyab gang yod pa// de dag rang gi lag tu mngon sprul te// sgyu ma'i tshul de rtogs par bya ba'i phyir// byang chub don du bstan pa sems 'jog byed/ / zhing rnams ji ltar de bzhin sems can kun// gnod pa med par lag pa'i mthil bzhag nas/ chos rnams srog med rtogs par bya ba'i phyir// byang chub don du brtan pa sems 'di 'jog/ rgya mtsho rnams na ji snyed chu yod pa// skra rtse'i thigs pa'i nang du 'jug par byed// ma lus mthar thug rtogs par bya ba'i phyir// byang chub don du brtan pa sems 'di 'jog/ zhing
- 167b
/ rnams kun na phra rab rdul gyi bag/ gang yod de dag ma lus bgrang byed cing // phra rab rdul grangs rtogs par bya ba'i phyir// byang chub don du brtan pa sems 'jog byed// 'jig rten 'di na 'das dang de bzhin du/ / ma 'ongs sreg pa'i bskal pas 'jig pa rnams// bskal pa zad pa rtogs par bya ba'i phyir// byang chub don du brtan pa sems 'di 'jog/ dus gsum dag gi de bzhin gshegs rnams dang / / ston pa rang rgyal thos las byung rnams kyi// chos kyi rang bzhin rtogs par bya ba'i phyir// byang chub don du brtan pa sems 'di 'jog/ brjod du med pa'i 'jig rten khams kyi rnams/ / skra yis bcings nas ma lus srang la 'debs// dngos po'i rang bzhin rtogs par bya ba'i phyir// byang chub don du brtan pa sems 'di 'jog/ khor yug ri bo bsam gyis mi khyab pa/ / sgra yis bcings nas ma lus srang la 'debs// rags dang phra ba rtogs par bya ba'i phyir// byang chub don du brtan pa sems 'di 'jog/ lus pa med pa'i 'jig rten khams rnams su// skad cig gcig la dbyangs kyis go bar byed// dbyangs kyi yan lag dag pa bstan pa'i phyir// byang chub don du brtan pa sems 'di 'jog/ 'jig rten kun gyi sgra rnams ci 'dra ba// skad cig gcig la skad cig rjod byed cing / / zhi ba'i rang bzhin rtogs par bya ba'i phyir// byang chub don du brtan pa sems 'di 'jog/ 'jig rten gsum po ma lus rtogs par byed// sems can kun
- 168a
gyis rab tu rnam par shes/ / lce yangs rgya chen rtogs par bya ba'i phyir// byang chub don du brtan pa sems 'di 'jog/ zhing rnams kun tu brjod dang 'dra bar yang / skad cig gcig la lta gyur sel bar byed// rnam rtog chos rnams rtogs par bya ba'i phyir// byang chub don du brtan pa sems 'jog byed// 'dir ni zhing rnams thams cad ma lus par/ de bzhin gshegs pas gang zhig rang byung gi/ chos rnams skad cig gcig la rtogs pa'i phyir// byang chub don du brtan pa sems 'di 'jog/ rdul phran tha dad lta bur 'jig rten khams// rnam pa kun tu mngon par sprul byed cing // yid las byung ba de dag rtogs pa'i phyir// byang chub don du brtan pa sems 'jog byed// 'das dang de bzhin ma byon sangs rgyas rnams// ji snyed gang dag 'jig rten bzhugs so cog/ sems kyis skad cig gcig la rtogs pa'i phyir// byang chub don du brtan pa sems 'jog byed// tshig gcig brjod kyang bsam gyis mi khyab pa'i// bskal pa zad kyi de la nyams pa med/ / tshig rab dbye ba rtogs par bya ba'i phyir// byang chub don du brtan pa sems 'di 'jog/ phyogs bcu rnams kyi 'jig rten thams cad kyi// 'gro ba ci 'dra ldog pa ci 'dra ba/ / sems kyi skad cig gcig la rtogs pa'i phyir// byang chub don du brtan pa sems 'jog byed// phyogs rnams kun tu 'gro yang lus kyis sam// ngag gam yid kyis gang
- 168b
dubang chags pa med/ / dus gsum stong pa nyid du rtogs pa'i phyir// byang chub don du brtan pa sems 'di 'jog/ byang chub sems ni ji ltar bskyed pa bzhin// gzhal yas bskal par phyog su rgyu byed cing / / sangs rgyas spyan sngar mchod par bya'o zhes// 'di ni mi ldog rnams kyis bstan pa yin// phyogs bcu dag ni 'jig rten tha dad par// 'jig rten bdag por rgyal ba'i sras 'gyur ba/ / gang yang rung ba dam pa sgrog par byed// 'di ni mi ldog rnams kyis bstan pa yin// byang chub don tu srid par spyad spyod tshe// byang chub sems dpa'i bde sbyar gang yin pa// de yi bsngags pa rtag tu rjod par byed/ / 'di ni mi ldog rnams kyis bstan pa yin// chos mchog chos rab phul tu phyin pa dang // khyab par 'phags chos bla med gang yod pa// de dag byang chub sems dpa' rnams la ston/ / 'di ni mi ldog rnams kyi bstan pa yin// yon tan kun ldan de bzhin gshegs pa yi// tshe nyid 'di ni yod kyi gzhan med pa// 'di ni byang chub sems dpa' sbyor bar byed/ / 'di ni mi ldog rnams kyis bstan pa yin// tshad med gzhal yas bsam gyis mi khyab pa'i// sangs rgyas rnams dang phrad 'gyur ci 'dra ba// byang chub sems dpa' de la ston par byed/ 'di ni mi ldog rnams kyis bstan pa yin// ting 'dzin gang dag ji snyed yod pa dang // de bzhin ting 'dzin rgyud kyi rnam pa rnams// de dag bde gshegs sras la rjod par byed// 'di ni mi
- 169a
ldog rnams kyis bstan pa yin/ / 'khor ba'i 'khor lo rnam par zlog pa dang // dam pa'i chos kyi 'khor lo rab skor ba// 'jig rten kun gyis rtag tu ma bskor ba/ byang chub sems dpa' rnams la de bstan bya// shin tu sdug bsngal 'jig rten thas cad dang // ngan song rnam sa dag tu gnod gyur pa'i// gnas dang skyabs dang dpung gnyen 'gyur ba de// byang chub sems dpa' rnams la bstan par bya// gang zhig byang chub don tu sems 'jog pa// de ni dang po'i byang chub sems dpar bstan// bslabs pa'i gdams ngag ji bzhin nges byas pa/ ji bzhin rnam par gzhag 'di de yi yin// nang bral rnams kyis bstan pa ji bzhin du// 'jig rten kun la phan pa bya ba'i phyir// de ltar thog ma su zhig sems bskyed pa// 'di ni gnyis te dang po'i las can no/ / phan pa thob byed sems dang rab dang bde// gnyen dang sdug dang de bzhin sdud sems dang // kun tu bsrung ba'i sems dang snyoms pa'i sems// slob dpon sems dang snyoms par ston pa'i sems/ / de 'dra dag la sems gnas gyur pa de// lung nod kha ton byed par sbyar bar bya// mang du thos nas dgon par gnas su gzhug/ dben par gyur nas dge bshes bsten du gzhug/ dge bshes rnams la bka' blo bde bar bya// dus tshod shes la shes bzhin ldan par bya// dus shes gyur nas shin tu 'jigs med bya/
- 169b
'jigs pa med nas don la brtson par bya// don shes gyur nas de bzhin chos brjod bya// chos rnams kun la rmongs gyur med par bya// mongs pa med par gyur nas rgyal ba'i sras legs par gsungs pa'i chos la gnas par bya/ / 'di ni dang po'i las can brjod pa ste// byang chub zhugs pa'i byang chub sems dpa' yin// 'di ni gdams pa 'di ni bstan pa ste// 'di la su slob de ni sangs rgyas sras/ / byang chub sems dpa' gsum pa gang yin pa// chos kyi rgyal po'i bstan pa rab tu sbyor// mi rtag nyid dang sdug bsngal stong nyid dang // bdag med pa dang g.yo ba med pa dang / / de bzhin chos 'di thams cad bdag min dang // mngon par 'du byed med dang dben pa dang // 'di dag thams cad rtog pa med yin par// byang chub sems dpa' de ltar rtog par byed/ / sems can khams dang chos kyi dbyings la yang // brtag par bya phyir de ni gzengs yang bstod// 'jig rten ni mtha' yas mu med ces// de ltar de ni dpyod du gzhug par bya// 'di nas sa dang rgyu dang de bzhin me// rlung dang nam mkha' ji snyed yod pa dang // phyogs na 'dod dang gzugs dang gzugs med pa// de dag rnams la de ni dpyod du gzhug/ rgya chen chos rnams kun dang / khams rnams kyi// rang bzhin ma lus mthar thug brtag bya ba// de ni sangs rgyas sras po sbyor byed la// phan par bya phyir rjes su bstan pa yin// byang chub sems dpa' skye bar gang skyes pa/
- 170a
bstan la skyes shing rab tu 'byung bar byed// blo ldan de ni dngos me dngos po rtogs// dam chos gnas su skyes te legs par skyes// de ni rang gis sa las yod mi ldog/ sangs rgyas mthar thug yin par 'dzin pa ste// rtag tu chos la nges par sems dang ldan// sems can rang bzhin ci 'drar rnam par dpyod// las dang 'jig rten dag dang zhing rnams dang // rnam par smin dang 'khor dang mya ngan 'das/ / rnam par dbye ba rgyal ba'i sras kyis shes// de thugs skyes pa'i byang chub sems dpar brjod// thams cad mkhyen pa 'das dang byung rnams dang // ma byon dag kyang chos rnams rnam dpyad nas/ / grub dang gang yang legs skyes mthar thug dang // rang byung rnams kyi grub pa ci 'dra ba// sangs rgyas dam pa de dag thams cad ni// dus gsum mnyam nyid rjes su zhugs pas shes/ / nam yang mnyam nyid byed brag 'byed mi byed// de ni dus gsum tha dad med par 'jug/ gang gi phan yon rnam pa 'di 'dra ba// de ni byang chub sems dpa' bzhi pa ste/ 'di dag rab bsgrubs byang chub sems dpa' de// byang chub don tu nges par 'byung bar 'gyur// de ni byang chub sems dpa' lnga pa ste// sbyor ba phun sum tshogs par brjod pa yin// thab la mkhas pa'i rjes su zhugs pa ste/ / bsod nams las dag brtsoms pas mthar phyin byed// de ltar bsod nams rab tu ci byed kyang // 'jig rten kun gyi rten du 'gyur ba dang // phan par 'dod dang
- 170b
bde ba thob byed dang / / snying brtse ba dang skye dgu 'grol 'gyur byed// 'jig rten gnod gyur gdul bar bya ba'i phyir// 'dren par byed cing rab tu dad pa byed// sems can mang po thams cad gdul 'dod dang / mya ngan 'das pa'i sems kyis mthu yang che// 'jig rten thams cad tha ma med pa dang // de bzhin dpag tu med cing grangs med dang // mtshungs med bsam yas mnyam med gzhal yas dang / stong pa mi g.yo med pa'i rang bzhin shes// de ni byang chub sems dpa' lnga pa ste// sbyor ba phun tshogs phan dang snying brtser ldan// de la rjes su bstan pa 'di 'dra ste// yon tan kun dang ldan pa rnams kyi bstan/ / de ni sems can mtha' yas thams cad dang // chos kyi ngo bo nyid la rmongs pa med// shin tu blo ldan rtog bral rnam rtog med// 'jig rten lha dang bcas pas dbyer mi phyed// sangs rgyas chos dang byang chub sems dpa' dang / / spyod pa'i bsngags dang bsngags pa ma yin dang // sems can chung ngam yang na che'o zhes// thos par gyur kyang bsam las nub pa med// sems can nyon mongs can nam rnam dag gam/ / gdul bla zhe 'am gdul bar dka' zhe 'am// chos dbyings chung zhe'am yang na rgya che zhe 'am// 'jig par 'gyur zhe 'am 'chags par 'gyur zhe 'am// chos dbyings yod ce 'am med ces thos gyur kyang / / dus gsum rtogs pa'i byang chub sems dpa' de// nges par sems shing thams cad rnam dpyod de// sangs rgyas chos 'dir bsam pa shin tu nges// mtshan ma med dang
- 171a
mtshan nyid med pa dang / / dngos med rang bzhin rdzun zhing dben pa dang // sgyu ma'i rang bzhin mig yor 'dra ba yi// chos mchog zhi ba 'di 'dra nyan par byed// de ltar mi ldog byang chub sems dpa' ni/ / sangs rgyas chos dang byang chub sems dpa' dang // spyod pa yod dam med ces nges par dpyod// 'byung ngam mi 'byung zhe na'ang phyir mi ldog/ de bzhin gshegs pa 'das zhe 'am ma 'das zhe 'am/ / ma byon ce 'am ma byon ma yin zhe 'am// byung ngam ma byung zad dam mi zad dam// de bzhin mtshan nyid gcig gam mtshan nyid med// gcig dang tha dad rnam pa mang po dang // don dang tshig 'bru dngos dang dngos med pa// thams cad sgro btags rnam pa gzhan nyid du// mi ldog byang chub sems dpa' yid ces byed// mtshan ma med dang mtshan ma yod pa dang // mtshan nyid med dang mtshan gyis mtshon pa dang / / rnam par phye ba phan tshun sbyar ba rnams// thos nas 'di la mthar thug 'jug par byed// gzhon nur gyur pa'i byang chub sems dpa' ni// lus dang ngag dang de bzhin yid kyis kyang / / 'bras bu yod pa'i las rnams byed 'gyur zhing // ji ltar 'dod bzhin 'dir ni skye ba ston// pha rol rnams kyi bsam pa rtogs byed cing // de dag rnams kyi mos pa dpyod par byed/ / sems can spyod dang rjes su mthun chos dang // zhing rnams 'jig dang 'chags pa rnams kyang shes// ji ltar 'dod bzhin myur du mngon shes thob// phyogs rnams kun tu yid ni 'jug par byed//
- 171b
bde gshegs bsngags pa'i chos rnams thos nas kyang // de la dri ni nur bar 'gyur ba med// yongs su shes dang zhing g.yo byed pa dang // de bzhin byin gyis brlabs dang rnam dpyod dang // ji/ ltar skad cing grangs med 'gro 'gyur ba// zhing du 'gro bar bya ba brjod par bya// de ni dri ba grangs med 'dri bar byed// lus rnams ci 'drar yid kyi lus kyang ston// de la sgra skad sbyor ba 'jam klas dang / sems gcig la yang sangs rgyas grangs med brjod// byang chub sems dpa' rgyal tsha ba gang yin pa// sems can rnams kyi 'jug pa ji bzhin shes// de dag nyon mongs rgyud dang bag chags dang / spyod yul gang yin sbyor ba gang yin dang // tha dad chos dang rgyu ba ci 'dra dang // 'jig rten rnam par phye dang sngon mtha' dang // brda yi bden dang don dam bden pa dag/ ma lus rtogs par bya la mkhas pa yin/ / pho brang 'khor la mkhas pa tshar 'byin te// de yang ji ltar kun tu spyad pa dang // gan pa dang de bzhin 'jug par dang // pho brang 'khor ni ci 'dra dpyad pa dang // dam chos rgyal po'i dbang bskur ci 'dra dang / / byin gyi brlabs dang gzhan gnod ci 'dra dang // chos la 'jug dang bka' lung brjod bya ste// 'di ni rgyal tshab sa la 'jug pa yin// de tsam gyis na de yi mthar thug ste// ji skad bstan bzhin gzhan du 'gyur ba med/ / tshe yi 'du byed nam zhig 'dor ba na// tshul ldan rgyal tshab rgyal bar mngon du phyogs// dbang bskur gang yin bde gshegs sras gcig ste// thu bo khyad
- 172a
'phags mthar phyin bdag nyid can/ / skra thigs gcig gis chu tshad gzung du rung // 'di ni bsam pa bgrangs pas rtogs ma yin// rgyal sras rnams kyi spyod pa 'di 'dra ste/ / 'di ni sems can la las zhing rnams kun// phra rab rdul du rlags nas ma lus bgrang // grangs med 'di snyed cig ces gcod byed pa// de kun 'dir ni byang chub sems dpas shes/ / 'das dang de bzhin ma byon sangs rgyas dang // gang dag phyogs bcu dag na bzhugs pa dang // rang sangs rgyas dang de bzhin nyan thos kyi// sa bon gyur pa byang chub sems de skye// thog mar byang chub sems zhes gang brjod pa/ / de ni ji lta'i tshul du'ang grangs med de// 'jig rten khams 'di kun kyang khyab gyur na// de las gong du brjod du ci zhig yod// de nas byang chub sems dpa' kun tu bzang pos/ byang chub sems dpa' chos kyi blo gros la 'di skad ces smras so// rigs kyi bu khyod kyis dkon mchog ta la la'i gzungs bshad pa legs par smras so/ / rigs kyi bu sangs rgyas kyi yon tan rnams ni bsam gyis mi khyab ste/ gang dag chos kyi rnam grangs 'di'i ming thos pa'i sems can de dag thams cad mkhyen pa nyid du nye bar gyur pa yin na/ / gang dag chos kyi rnam grangs 'di 'dzin pa dang / klog pa dang / kun chub par byed pa dang / de bzhin nyid du sgrub par byed pa lta smos kyang ci dgos te/ de dag nges par sangs rgyas su 'gyur ro//
- 172b
chos kyi blo gros kyis smras pa/ kye rgyal ba'i sras de de bzhin no// ji skad smras pa bzhin te/ shes rab zab mo dang ldan pa de dag ni de bzhin gshegs pas dbang bskur ba yin par rig par bya'o/ / byang chub sems dpa' kun tu bzang pos smras pa// rigs kyi bu 'am/ rigs kyi bu mo gang la la zhig gi rna lam du 'di lta bu'i chos 'di dag grags par 'gyur ba'i skye bu dam pa de dag kyang sangs rgyas kyis chos rnams la lung bstan par rig par bya ba yin na/ chos kyi rnam grangs 'di gang dag gis lag tu thog pa lta smos kyang ci dgos/ de na tshe dang ldan pa shA ra dwa ti'i bus bcom ldan 'das kyi zhabs la mgo bos phyag 'tshal te/ 'di skad ces gsol to// bcom ldan 'das gzigs su gsol/ bdag gis 'di lta bu'i chos 'di dag ma 'tshal bas/ bdag ni dmus long dang 'dra lags so/ / bcom ldan 'das bdag gcig pu dmus long lta bur gyur pa yang ma lags kyi/ bcom ldan 'das sems can gang dag gis chos kyi rnam grangs 'di ma thos pa de dag thams cad kyang dmus long lta bur gyur pa lags so/ / bcom ldan 'das kyis bka' stsal pa/ gnas brtan de de bzhin te/ ji skad smras pa bzhin no// shA ra dwa ti'i bus gsol pa/ bcom ldan 'das kyis bsam gyis mi khyab pa nyid bshad du gsol/ bcom ldan 'das kyis bka' stsal pa/ shA ra dwa ti'i bu song la/ brgya byin dang / tshangs pa dang / 'jig rten skyong
- 173a
pa thams cad bskul cig/ de bzhin gshegs pa bka' yang sgrogs shig/ chos kyi phyag rgya dam pa dkon mchog tA la la zhes bya ba'i gzungs 'di yang 'khor der sgrogs shig/ de nas tshe dang ldan pa shA ra dwa ti'i bus de bzhin gshegs pa'i bka' thos nas/ dkon mchog ta la la'i gzungs 'di'i don gyi phyir yongs su skom pas// brgya byin dang / tshangs pa dang / 'jig rten skyong ba de dag la don 'di skabs brjod de chos nyan pa thams cad 'du bar gyis shig/ de bzhin gshegs pa dkon mchog ta la la'i gzungs 'chad cing bsam gyis mi khyab pa nyid kyang ston par 'gyur gyis 'du bar gyis shig/ khyed phyis 'gyod par gyur ta re/ kye grogs po dag mdo sde rin po che 'di lta bu dag 'jig rten du 'byung ba ni shin tu rnyed par dka'o/ / de nas skad cig de nyid la brgya byin dang / tshangs pa dang / 'jig rten skyong ba thams cad 'dus nas/ bcom ldan 'das la lan gsum bskor ba byas te/ bcom ldan 'das kyi spyan sngar 'khod nas/ thal mo sbyar te/ bcom ldan 'das la gsol ba btab pa/ bcom ldan 'das kyis dkon mchog tal la'i gzungs bshad/ gsol/ de nas bcom ldan 'das kyis cang mi gsungs par gyur pas gnang ba mdzad do// brgya byin dang / tshangs pa dang / 'jig rten myong ba thams cad kyis lan gnyis lan gsum
- 173b
du gsol ba btab na yang / bcom ldan 'das cang mi gsung bar gyur to// de nas bcom ldan 'das la tshe dang ldan pa shA ra dwa ti'i bus 'di skad ces gsol to// bcom ldan 'das kyis dkon mchog ta la la zhes bgyi ba'i gzungs bshad du gsol/ bde bar gshegs pas bshad du gsol/ de nas bcom ldan 'das kyis de'i tshe zhal nas ljags kyi dbang po phyung ste/ rigs kyi bu gang la la dag dkon mchog ta la la'i gzungs 'di'i don gyi phyir/ de bzhin gshegs pa la gsol ba 'debs pa de dag thams cad ni bla na med pa yang dag par rdzogs pa'i byang chub las phyir mi ldog par 'gyur ro zhes/ stong gsum gyi stong chen po'i 'jig rten gyi khams su dbyangs kyis go bar mdzad do// de nas bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ / tshe dang ldan pa shA ra dwa ti'i bu khyod song la/ 'jam dpal gzhon nur gyur pa la gsol ba thob shig/ de'i tshe 'jam dpal gzhon nur gyur pa/ shing p+lag sha dang sbru la'i drung gzhan zhig na/ skyil mo krung bcas shing lus mi g.yo bar 'dug ste/ nyi ma bye ba khrag khrig brgya stong pas lhag pa'i kha dog bkod pa chen po dang ldan pa'i khang pa brtsegs pa na/ brgya byin dang / tshangs pa dang / 'jig rten skyong ba rnams kyis yongs su bskor cing mdun gyis bltas nas 'dug par gyur te/ gser gyi kha dog lta bur lus dang dpal gyi lham me lhan ne lhang nger
- 174a
'dug go/ de nas tshe dang ldan pa shA ra dwa ti'i bus 'jam dpal gzhon nur gyur pa ga la ba der song ste phyin nas/ 'jam dpal gzhon nur gyur pa la 'di skad/ ces smras so// rigs kyi bu de bzhin gshegs pa ni khyod la chos bshad par gsol ba bdebs so// de nas 'jam dpal gzhon nur gyur pas/ tshe dang ldan pa shA ra dwa ti'i bu la 'di skad ces smras so/ / btsun pa shA ra dwa ti'i bu de bzhin gshegs pa zhes bya ba'i gzhi'i don 'di gang yin/ shA ra dwa ti'i bus smras pa/ rigs kyi bu khyod ni shes rab zab pa ste/ kho bo ni khyod dang 'gyed mi nus so/ / 'jam dpal gyis smras pa/ khyod snying las chung ngur 'dug shig dang / khyod kyis ji ltar bzod pa de bzhin du bstan par bya'o// shA ra dwa ti'i bus smras pa/ rigs kyi bu kho bo nyan gyis khyod kyis shong shig/ de nas 'jam dpal gzhon nur gyur pas ting nge 'dzin de las langs te/ stong gsum gyi stong chen po'i 'jig rten gyi khams dbyangs kyis go bar byas so// de nas de'i tshe stong gsum gyi stong chen po'i 'jig rten gyi khams na/ gnas gtsang ma'i ris kyi lha'i bu gnas 'og min gyi bar gyi lha'i bu ji snyed 'khod pa de dag thams cad 'dus par gyur te// rgyal po chen po bzhi dpung dang g.yog tu bcas pa yang gnod sbyin bye ba du ma dang lhan cig 'dus par gyur to/ / brgya byin dang / tshangs pa dang / 'jig rten skyong ba rnams kyang 'dus par gyur to// chos bdod pa rnams dang /
- 174b
chos 'dod pa ma yin pa'i gang zag rnams kyang 'dus par gyur to// lha'i bu mo mang po yang 'dus par gyur to// dge slong gi 'khor dang / dge slong ma'i 'khor dang / dge bsnyen gyi 'khor dang / dge bsnyen ma'i 'khor dang / de bzhin du sum cu rtsa gsum pa'i bar gyi 'khor dang / 'thab bral gyi 'khor dang / dga' ldan gyi 'khor dang / 'phrul dga'i 'khor dang / gzhan 'phrul dbang byed kyi lha'i 'khor dang / tshangs pa'i 'khor dang / de bzhin du 'og min gyi bar gyi lha'i 'khor rnams 'dus par gyur to// de bzhin du nyan thos kyi tshogs kyang 'dus par 'gyur te// 'di lta ste/ tshe dang ldan pa rab 'byor dang / tshe dang ldan pa 'od bsrungs chen po dang / tshe dang ldan pa mo'u 'gal gyi bu chen po dang / tshe dang ldan pa shA ra dwa ti'i bu dang / tshe dang ldan pa ka t+ya'i bu chen po dang / tshe dang ldan pa ma 'gags pa dang / tshe dang ldan pa ga ya 'od bsrungs dang / tshe dang ldan pa gsus po che dang / tshe dang ldan pa lam phran brtan dang / tshe dang ldan pa nam gru dang / tshe dang ldan pa chu klung 'od srungs dang / tshe dang ldan pa lteng rgyas 'od srungs dang / tshe dang ldan pa byams ma'i bu gang po dang / tshe dang ldan pa sgra gcan zin dang / tshe dang ldan pa bzang skyong dang / tshe dang ldan pa rlangs pa dang / tshe dang ldan pa kun dga' bo dang / de dag dang nyan thos chen po gzhan dag dang / grags 'dzin la sogs pa dge slong ma lnga brgya yang 'dus par gyur to// khams kyi rgyal po dang / stobs kyi 'khor los sgyur ba dag kyang 'dus par gyur to//
- 175a
rgyal rigs dang / bram ze dang / khyim bdag gi 'khor dag kyang 'dus par gyur to// de nas tshe dang ldan pa shA ra dwa ti'i bus/ bcom ldan 'das la lan gsum bskor ba byas te 'di skad ces gsol to/ / bcom ldan 'das deng 'di ltar 'khor chen po 'dus pa 'di su'i mthu lags/ de ji ltar 'tshal bar bgyi/ bcom ldan 'das kyis bka' stsal pa/ dang ldan pa shA ra dwa ti'i bu 'di ni dkon mchog ta la la'i gzungs kyi mthu yin no// shA ra dwa ti'i bus gsol pa/ bcom ldan 'das dkon mchog ta la la'i gzungs mnyan par 'tshal lo// bcom ldan 'das kyis bka' stsal pa/ shA ra dwa ti'i bu song la/ 'jam dpal gzhon nur gyur pa dang / byang chub sems dpa' kun tu bzang po la gsol ba thob cig/ de nas tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras so/ / rigs kyi bu khyod kyis ting nge 'dzin rin po che bstan pa dkon mchog ta la la 'di shod cig/ 'jam dpal gyis smras pa/ btsun pa shwa ra dwa ti'i bu dkon mchog ta la la'i gzungs 'di nyan par 'gyur ba su yin/ shA ra dwa ti'i bus spras pa/ 'khor bzhi 'dus pa 'di dag dang / brgya byin dang / tshangs pa dang / 'jig rten skyong ba rnams 'dus pa 'di dag ste kho bo yang nyan pa'i phyir 'ongs so/ / de nas 'jam dpal gzhon nur gyur pas/ gnas brtan shA ra dwa ti'i bu la 'di skad ces smras so// gnas brtan shA ra dwa ti'i bu chos
- 175b
nyan pa 'di dag ni sgra ma byung ba sha stag na kho bos su la chos bshad nyan pa ni su yin/ 'chad pa ni su yin/ gnas brtan gyis spras pa/ skyes bu dam pa khyod kyis shod cig/ kho bos mnyan to// 'jam dpal gyis spras pa/ btsun pa shA ra dwa ti'i bu bshad ces bya ba de gang gi tshig bla dgas yin/ smras pa/ 'jam dpal bshad pa zhes bya ba de ni stong pa nyid kyi tshig bla dgas so// smras pa/ shA ra dwa ti'i bu stong pa nyid gang gi tshig bla dgas yin/ smras pa/ bajam dpal stong pa nyid ni tshig med pa yin no// 'jam dpal gyis smras pa/ btsun pa shA ra dwa ti'i bu gal te stong pa nyid tshig med pa yin na/ ci zhig bshad par bya/ btsun pa shA ra dwa ti'i bu chos thams cad ni bstan du med pa yin te/ de dag ni bstan tu med cing mnyan du med do// gnas brtan gyis smras pa/ rigs kyi bu khyod kyis ji lta bu bstan pa/ de thams cad ni stong pa nyid bstan pa/ mtshan ma med pa bstan pa/ smon pa med pa bstan pa/ blang ba med pa bstan pa/ dor ba med pa bstan pa/ spros pa med pa bstan pa ste/ ma spros pa bstan pa yin no// de nas thams cad dang ldan pa'i byang chub sems dpa'i 'khor de dang / brgya byin dang / tshangs pa dang / 'jig rten skyong ba de dag kyang rab tu dga' nas/ mgrin gcig tu 'jam dpal gzhon nur gyur pa dang / tshe dang ldan pa shA ra dwa ti'i bus dkon mchog ta la la'i gzungs 'di legs par bshad do// zhes leg so zhes bya ba byin no//
- 176a
de nas tshe dang ldan pa rab 'byor gyis/ 'jam dpal gzhon nur gyur pa la 'di skad ces smras so// 'jam dpal byang chub sems dpas dkon mchog ta la la'i gzungs ji ltar gzung bar bya/ klag par bya/ kun chub par bya/ gzhan dag la yang rgya cher yang dag par bshad par bya/ bajam dpal gyis smras pa/ rab 'byor gzungs 'di ni skye ba med par yid la bya'o// dngos po med pa dang / mtshan nyid med pa dang / spros pa med pa dang / dor ba med par yid la bya'o// 'jam dpal gzhon nur gyur pas chos kyi rnams grangs 'di bshad pa na/ 'khor de'i nang nas byang chub sems dpa' dgu bcu rtsa gnyis kyis dpa' bar 'gro ba'i ting nge 'dzin thob par gyur to/ / lha dang mi drug cu rtsa gnyis ni mi skye ba'i chos la bzod pa thob par gyur to// de nas byang chub sems dpa' kun tu bzang po stan las langs te/ bla gos phrag pa gcig tu gzar nas thal mo sbyar te/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po rnams kyi snying rje chen po ji 'dra ba zhig lags/ bcom ldan 'das kyis bka' stsal pa/ rigs kyi bu 'di la byang chub sems dpa' sems dpa' chen po rnams kyi snying rje chen po ni/ gang khams gsum pa yongs su mi gtong ba ste/ 'di ni snying rje chen po yin no// gang sems can thams cad la sangs rgyas kyi zhing kun tu ston pa 'di ni snying rje chen po ni yin no// gang sems can
- 176b
/ tshul khrims 'chal pa yongs su 'dzin pa 'di ni snying rje chen po yin no// gang shes rab kyi pha rol tu phyin pa mi 'dor ba 'di ni snying rje chen po yin no// gang sems can thams cad kyi don gyi phyir lus dang / srog yongs su gtong ba 'di ni snying rje chen po yin no// gang 'dod chags spyod pa'i sems can rnams la byams pa yang dag par rjod pa 'di ni snying rje chen po yin no// gang sems can stobs dang ldan pa rnams la byams pa 'di ni byang chub sems dpa' sems dpa' chen po rnams kyi snying rje chen po yin no/ / rigs kyi bu gzhan yang byang chub sems dpa' sems dpa' chen po sems can thams cad la zhe 'gras pa med pa'i sems su bya'o/ / 'dre ba med pa mang du bya'o// de nas bcom ldan 'das la byang chub sems dpa' kun tu bzang pos 'di skad ces gsol to// skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang / bde bar 'gyur ba'i slad du/ bcom ldan 'das kyis dkon mchog ta la la zhes bgyi ba'i gzungs bshad du gsol/ sems can thams cad la sman pa dang / thugs rtse ba mnga' ba/ bcom ldan 'das kyis bshad du gsol/ de nas bcom ldan 'das kyis tshangs pa'i dbyangs kyis/ byang chub sems dpa' de dag la 'di skad ces bka' stsal to// khyed kyi nang na phyi ma'i dus lnga brgya pa tha ma la dam pa'i chos nub
- 177a
pa'i dus kyi tshe chos kyi rnam grangs 'di yang dag par rab tu ston par spobs yod/ de nas byang chub sems dpa' kun tu bzang po dang / byang chub sems dpa' 'a dngal gzhon nur gyur pa dang / byang chub sems dpa' spyan ras gzigs dbang phyug dang / byang chub sems dpa' mthu chen tho ba dang / byang chub sems dpa' ngan sang sdong dang / byang chub sems dpa' sman gyi rgyal po dang / byang chub sems dpa' spobs pa brtsegs pa dang / byang chub sems dpa' chos thams cad kyis mngon 'phags rgyal po dang / byang chub sems dpa blo gros mi dad pa dang / byang chub sems dpa' blo gros rgya mtsho dang / byang chub sems dpa' rin chen ze ba ldan dang / byang chub sems dpa' nar bu'ong dang / byung chub sems dpa' gtsug nor zacan dang / byang chub sems dang pa rnam par lnga dang / byang chub sems dpa' bltar mi mthong dang / byang chub sems dpab rtag tu lha dang / byang chub sems dpa' lag nang rje / byang chu ba sems dpa rin chen phung po dang / byang chub sems dpa' dkon mchog 'byung gnas dang / byang chub sems dpa' chos dpal dang / byang chub sems dpa' tog dpa 'angs phying chubasems pa na dang la dang / byang nabasems dpa bsod nams dpas dang / byang chub sems dang 'a da dpa dang / byang chub sems dpa' chos kyi bla zas dang / byang
- 177b
sems dpa' bdud rtsi blo gros dang / byang chub sems dpa' bsam yas blo gros dang / byang chub sems dpa' bsod nams kyis brgyan dang / byang chub sems dpa' yon tan gyis brgyan dang / byang chub sems dpa' mtshan gyis rgyan dang / byang chub sems dpa' rtag tu dgod cing dbang po thams cad rab tu dga' ba dang / byang chub sems dpa' ri'i rtse mo rdol pa'i rgyal po dang / byang chub sems dpa' spobs pa mkhas dang / byang chub sems dpa' rtag tu lag brkyang dang / byang chub sems dpa' sa 'dzin dang / byang chub sems dpa' spobs pa myur dang / byang chub sems dpa' rnam mkha'i snying po dang / byang chub sems dpa' zla ba'i snying po dang / byang chub sems dpa' nyi ma'i snying po dang / byang chub sems dpa' zla ba dri ma med pa'i snying po dang / byang chub sems dpa' nyi gdugs snying po dang / byang chub sems dpa' mngon 'phags rgyal po dang / byang chub sems dpa' lhun po chen po dang / byang chub sems dpa' blo gros brtan pa dang / byang chub sems dpa' spob pa dpa' ba dang / byang chub sems dpa' sems dpa' chen po byams pa dang / de dag la sogs pa byang chub sems dpa' bye ba khrag khrig brgya stong phrag drug cu rtsa gnyis kyi grin gcig tu tshig tu smras pa/ bcom ldan 'das slang ma'i cha slad ma'i dus lnga brgya pa tha ma la/ dam pa'i chos nub pa'i dus kyi tshe/ bdag cag thams cad 'dus shing tshogs te/ dkon mchog ta la la zhes bgyi ba'i gzungs yang
- 178a
dag par bshad par spo lags so/ / bcom ldan 'das kyis bka' stsal pa/ rigs kyi bu dag legs so legs so rigs kyi bu dag 'di ni bya dka' ba ste/ go cha 'di'adra ba 'di ni shin tu bya dka' ba'o/ / de nas bcom ldan 'das kyis byang chub sems dpa' kun tu bzang po la 'di skad ces bka' stsal to// rigs kyi bu skye bo mang po la phan pa dang skye bo mang po la bde bar 'gyur ba dkon mchog ta la la'i gzungs nyon cig/ de nas bcom ldan 'das kyi bkod pa chen po'i seng ge'i khri la bzhugs te sngags bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ / tad ya thA/ oM maM/ b+ha ra Te b+ha ra Te/ b+ha ra b+ha ran te swA hA/ de nas bcom ldan 'das kyi a la la chos a la la chos a la la chos shes lan gnyis lan gsum du ched du brjod pa ched du brjod pa mdzad do/ / de nas bcom ldan 'das la byang chub sems dpa' kun tu bzang pos 'di skad ces gsol to// bcom ldan 'das chos chos shes bgyi ba 'di'i gzhi'i don gang lags/ bcom ldan 'das kyis bka' stsal pa/ rigs kyi bu chos thams cad kyi gzhi'i don ni gzhi med pa'i don to// chos thams cad kyi gzhi'i don ni dngos po med pa'i gzhi'i don to/ / chos thams cad kyi gzhi'i don ni nam mkha'i gzhi'i don to// chos thams cad kyi gzhi'i don ni blang ba med pa'i gzhi'i don to// chos thams cad kyi
- 178b
gzhi'i don ni dor ba med pa'i gzhi'i don to/ / de nas byang chub sems dpa' kun tu bzang pos gsol pa/ bcom ldan 'das 'on ci'i slad du chos thams cad ces bgyi/ bcom ldan 'das kyis bka' stsal pa/ rigs kyi bu chos thams cad ces bya ba ni/ mig dang / rna ba dang / sna dang / lce dang / lus dang / yid dang / de bzhin du khams rnams dang / skye mched rnams dang / rten cing 'brel par 'byung ba ste/ rigs kyi bu 'di ni chos thams cad ces bya'o// rigs kyi bu gzhan yang chos thams cad ni bzod ma nas ma skyes pa'i phyir stong pa'o// de nas yang 'jam dpal gzhon nur gyur pas/ byang chub sems dpa' kun tu bzang po la 'di skad ces smras so// kye rgyal ba'i sras/ dkon mchog ta la la'i gzungs 'di ji ltar gzung bar bya// de skad ces smras pa dang byang chub sems dpa' kun tu bzang pos/ 'jam dpal gzhon nur gyur pa la 'di skad ces smras so// de bzhin nyid bstan pa dang / skye ba med pa'i de bzhin nyid dang / 'byung ba med pa'i de bzhin nyid dang / mtshan nyid med pa'i de bzhin nyid dang / nam mkha'i de bzhin nyid dang / dngos po med pa'i de bzhin nyid dang / ngo bo nyid kyi de bzhin nyid dang / dngos po med pa'i ngo bo nyid kyi de bzhin nyid kyi de bzhin nyid du gzungs 'di gzung bar bya ste/ rigs kyi bu dkon mchog ta la la'i gzungs 'di gzung ba dang / kun tu gzung ba dang / bsgom pa dang / rnam par dpyad pa dang / gdags pa dang /
- 179a
rab tu gzhag pa dang / rnam par dgrol ba dang / rnam par dbye ba dang / gsal bar bya ba ni 'di 'dra ste/ rigs kyi bu 'di ni dkon mchog ta la la'i gzungs bsgom pa dang / rnam par brtag pa'i don no// de nas tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal khyod chos kyi rnam grang 'di la yang dag par zhugs nas yun ji srid cig lon/ 'jam dpal gyis smras pa/ shA ra dwa ti'i bu 'dod chags dang zhe sdang dang / gti mug rnams yun ji srid cig nas zhugs pa srid do// shA ra dwa ti'i bus smras pa/ rigs kyi bu 'dod chags dang zhe sdang dang / gti mug rnams yun ji srid cig nas zhugs/ bajam dpal gyis smras pa/ shA ra dwa ti'i bu'i sa'i khams yun ji srid cig nas zhugs pa srid do// shwa ra dwa ti'i bus smras pa/ rigs kyi bu sa'i khams yun ji srid cig nas zhugs/ 'jam dpal gyis smras pa/ shA ra dwa ti'i bu rig pa dang ma rig pa yun ji srid cig nas zhugs pa srid do// shA ra dwa ti'i bus smras pa/ rigs kyi bu rig pa dang ma rig pa yun ji srid cig nas zhugs/ 'jam dpal gyis smras pa/ shA ra dwa ti'i bu nam mkha'i khams yun ji srid cig nas zhugs pa srid do// shA ra dwa ti'i bus smras pa/ 'jam dpal nam mkha'i khams yun ji srid cig nas zhugs/ 'jam dpal gyis smras pa/ shA ra dwa ti'i bu dngos po med pa'i ngo bo nyid kyi chos thams cad yun ji srid cig nas zhugs
- 179b
pa srid do/ / de nas tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras so// kho bo skyes bu dam pa 'di lta bu dag dang gtam bya ba'i nus pa ga la yod rigs kyi bu 'di lta ste dper na/ khyi dang byi la thams cad dam/ wa thams cad kyis kyang ri'i rgyal po ri rab gzhig par mi nus so// rigs kyi bu de bzhin du shA ra dwa ti'i bu 'dra ba'i nyan thos thams cad kyis kyang / byang chub sems dpa'i bstan pa gcig gi mtha' yang rtogs par mi nus na/ 'jam dpal gzhon nur gyur pa'i bstan pa lta smos de nas byang chub sems dpa' kun tu bzang pos/ 'jam dpal gzhon nur gyur pa la 'di skad ces smras so// 'jam dpal bzhud la phyi ma'i tshe phyi ma'i dus na/ mdo sde'i rgyal po 'dzin pa chos smra ba de dag la kun tu bsrung ba dang yongs su bsrung ba mdzad par/ de bzhin gshegs pa la gsol ba thob shig/ de nas 'jam dpal gzhon nur gyur pas rang gi chos kyi stan las langs nas/ bcom ldan 'das la 'di skad ces gsol to/ / gang dag chos kyi rnam grangs 'di 'dzin pa dang / klog pa dang / kun chub par bgyid pa dang / gzhan dag la yang rgya cher yang dag par ston par bgyid pa/ chos smras pa de dag gi yon tan gyi khyad par rnams bshad du gsol/ bcom ldan 'das kyis bka' stsal pa/ 'jam dpal dge slong mdo sde'i rgyal po 'dzin pa chos smra ba de dag ni nga'i chos kyi sku la nges par 'byung bar
- 180a
'gyur ro/ / de dag ni sangs rgyas kyi byang chub thob par 'gyuraro// de dag ni sangs rgyas kyi chos rnams la nye bar 'gyur ro// de dag la bdung dang bdad kyi rigs kyi lha'i bum lta ba rnams kyis glags mi rnyed par 'gyur ro/ / rigs kyi bu gang su dag chos smras pa'i dge slong de la se gol gtogs pa gcig tsam srid cig mi byams pa'i sems bskyed pa de dag ni mir 'gyur ba las kyang ring du gyur pa yin na/ sangs rgyas kyi byang chub las lta smos kyang ci dgos/ 'jam dpal gzhan yang gang dag mdo sde'i rgyal po 'di 'dzin pa'i dge slong rnams la ma dad pa'i sems bskyed pa de dag ni so thags ngan par 'gyur/ lce dang sna med par 'gyur/ rkang lag phyi phyogs su 'gyur/ lus nang bu can du 'gyur/ mig med par 'gyur ro// shes rab 'chal pa'i rang bzhin can du 'gyur/ brtson 'grus chung bar 'gyur te/ 'jam dpal 'di dag ni mi gti mug pa de dag gi skyon du 'gyur ba'o// 'jam dpal mdor bshad na/ de dag 'chi ba'i dus kyi tshe/ de dag gi spu'i khung bu re rer yang sems can dmyal ba'i sdug bsngal dpag tu med pa 'jug go/ gal te mir skyes na yang rtag tu dmus long du 'gyur/ lce med par 'gyur ro// 'jam dpal gzhan yang gang dag chos kyi rnam grangs 'di spong ba de dag ni/ tshe 'di nyid la lus mdze can du 'gyur/ mchu 'jigs 'jigs ltar 'dug par 'gyur/ lus zhom par 'gyur/ lus gcer bur 'gyur/ lus skam por 'gyur/ yi
- 180b
dgas 'dra bar 'gyur ro/ / 'jam dpal gzhan yang mi gti mug pa de dag gang du skye bar 'gyur ba de dag gi gnas ni/ ngas sangs rgyas kyi ye shes bsam gyis mi khyab pas mkhyen to// 'jam dpa' gzhon nur gyur pas gsol pa/ bcom ldan 'das kyi lung bstan du gsol/ bde bar gshegs pas bstan du gsol/ bcom ldan 'das kyis bka' stsal pa/ 'jam dpal kha rog de skad ma 'dri shig/ 'di la lha dang bcas pa'i 'jig rten mos par 'gyur te/ skrag par 'gyur/ dngang bar 'gyur/ rab tu dngang bar 'gyur ro// 'jam dpal gyis gsol pa/ sems can/ 'di dag gis 'di lta bu thos nas/ slan cad nam yang dam pa'i chos spong bar mi 'gyur bar bgyi ba'i slad du thugs brtse bar dgongs te/ bcom ldan 'das bshad du gsol/ bcom ldan bdas kyis bka' stsal pa/ 'jam dpal sa'i 'og na sems can dmyal ba yod pa'i ming la 'di lta ste/ tsha ba dang / rab tu tsha ba dang / thig nag dang / kun tu 'bar dang / rab tu 'bar dang / reg dka' dang / drag po dang mchu rnon dang / lcags kyi thu lum dang / lcags kyi be con dang / mun khung dang / mgo bstod dang / spyi'u tshugs dang spre'u gdong dang / rtag tu rab 'bar dang / rul ba dang / rtag tu dring dang / rab 'joms dang / nges 'jom dang / shin tu gnod 'byung rnams te/ 'jam dpal mi gti mug pa de gang du skye bar 'gyur ba'i sems ca
- 181a
dmyal ba ni 'di dag go/ de nas bcom ldan 'das la byang chub sems dpa' kun tu bzang pos 'di skad ces gsol to// bcom ldan 'das chos sba/ ba de 'di nas shi 'phos nas gang du skye bar 'gyur/ bcom ldan 'das kyis bka' stsal pa/ kun tu bzang po khyod kyis zhu ba de legs par zhus so// kun tu bzang po rigs kyi bu 'am/ rigs kyi bu mo chos smra ba de 'di nas shi 'phos nas/ bcom ldan 'das de bzhin gshegs pa spobs pa bsam gyi mi khyab pa'i sangs rgyas kyi zhing 'jig rten gyi khams rab tu brgyan par skye bar 'gyur te/ 'jig rten gyi khams de na byang chub sems dpa' kun nas mdzes pa sha stag go// 'chi ba'i dus kyi tshe rigs kyi bu de la sangs rgyas bye ba phrag bcu gnyis mngon du 'gyur ro// rigs kyi bu mdor na rigs kyi bu de'i phan yon ni grangs med/ dpag tu med de/ de dag ni bskal pa stong dag gis kyang brjod par mi nus so// byang chub sems dpa' kun tu bzang pos gsol pa/ bcom ldan 'das slad ma'i dus na gang dag chos kyi rnam grangs 'di spong bar 'gyur ba'i sems can ji lta bu dag 'byung bar 'gyur/ bcom ldan 'das kyis bka' stsal pa/ kun tu bzang po 'di lta bu chos 'di dag spong bar 'gyur ba'i sems can de dag ni phal cher rab tu byung ba dag 'byung ba ste/ 'di skad du 'di dag ni snyan dngags sbyar ba yin gyi 'di dag ni de bzhin gshegs pas gsungs pa ma yin no// 'di
- 181b
ngag ni rang bzor byas pa yin te/ mdo sde 'di dag ni sngon nam yang ma thos so zhes 'dzer cing de dag chos kyi rnam grangs 'di spong bar 'gyur ro// spangs nas kyang 'thol zhing 'chags par mi 'gyur te/ de dag chos spangs pas 'chi ba'i tshe sems can dmyal ba kun tu 'bar ba mi bzad par skye bar 'gyur ro/ / skyes ma thag tu lcags kyi 'khor los mi gti mug pa de dag gi mgo bcad nas sa la ltung bar 'gyur ro// de ltar gyur nas kyang bskal pa mang po/ bskal pa brgya phrag mang po dang / bskal pa stong phrag mang por dmus long du 'gyur ro// gal te bskal pa brgya dag 'das nas mir skye bar gyur na yang tshe rabs thams cad du dmus long du skye bar 'gyur zhing lce med pa dang / gdong phyin phyogs su 'dug pa dang / ltag sgur dang / mjid pa nub pa dang / rkang gyol dang / nga ro khyi skad lta bu dang / rtag tu bkres shing skoms pas nyen pa dang / lus skams pa dang / kha mnam pa dang sems can thams cad kyis mthong ngam/ thos na yid du mi 'ong bar skye bar 'gyur ro// de nas thams cad dang ldan pa'i 'khor des mgrin gcig tu smras pa/ bcom ldan 'das ma 'tshal ba bdag cag gis mdo sde 'di lta bu dag spangs pa dang / chos smra ba de dag la khros pa'i sems kyis bltas par gyur pa rnams nongs pa la nongs par 'chags so/ / bcom ldan 'das bdag cag ji ltar byis par gyur pa dang / ji ltar rmongs par gyur pa dang / ji ltar shes rab 'chal par gyur pa dang / ji ltar blo chung bar gyur pa rnams 'chags shing mchis
- 182a
na sangs rgyas bcom ldan 'das rnams dgongs su gsol/ de nas nyan thos chen po de dag dang / brgya byin dang / tshangs pa dang / 'jig rten skyong ba de dag dang / dge slong dang / dge slong ma dang / dge bsnyen dang / dge bsnyen ma de dag spangs nas/ bcom ldan 'das bdag cag ni bstan pa 'di lta bu 'di thos nas rab tu spangs lags so// bcom ldan 'das kyis bka' stsal pa/ grogs po dag de de bzhin no// ji skad smras pa bzhin te/ khyed kyis skrag par bya ba'i rigs so// grogs po dag nga thams cad mkhyen pa'i ye shes bsnyes pa yin na/ nga nyid kyang skrag na/ gang dag nga'i slob ma rnams lta ci smos/ rigs kyi bu dag chos 'di ni zab pa ste/ de ni mi 'am mi ma yin pa 'am/ lha 'am klu 'am/ gnod sbyin nam/ dri za 'am/ sus kyang rnam par dkrug par mi nus na/ dge sbyong ngam/ bram ze gzhan dag gis lta ga la nus te ci smos/ rigs kyi bu dag chos kyi rnam grangs 'di ni lha dang bcas pa'i 'jig rten gyi mchod rten du gyur pa ste/ rigs kyi bu dag dper na/ dkon mchog za ma tog ji lta bar mdo sde'i rgyal po 'di yang de bzhin du blta bar bya'o/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das 'di ni legs par gsungs pa legs so/ / bcom ldan 'das dge slong de lta bu de dag gis dad pas stsal ba ji ltar yongs su 'ju bar 'gyur/ bcom ldan 'das kyis bka' stsal pa/ bajam dpal gang dag chos kyi
- 182b
rnam grangs 'di spong ba dang / chos smra ba de dag la mi byams pa'i sems bskyed pa de dag ni nyi ma gcig gam/ se gol gtogs pa gcig srid tsam zhig dad pas byin pa yongs su spyad pa'am/ tha na dge 'dun la phul ba'i sa la mchil ma thal cig 'dor du yang ngas ma gnang ngo / / de nas bcom ldan 'das la tshe dang ldan pa shA ra dwa ti'i bus 'di skad ces gsol to// bcom ldan 'das mtsham ma mchis pa lnga po dag 'di dang nye ba lags sam ring ba lags/ bcom ldan 'das kyis bka' stsal pa/ gnas brtan shwa ra dwa tI'i bu kha rog de skad ma 'dri shig/ de ci'i phyir zhe na/ shA ra dwa ti'i bu mtsham med pa snga po dag ni bla'i/ chos kyi rnam grangs 'di spangs pa ni nam yang de lta ma yin no// shA ra dwa ti'i bu mtshams med pa lnga byed pa ni mtshams med pa lnga po dag myur du zad par byas nas mir skye bar 'gyur ro// dam pa'i chos spong ba'i gang zag de ni nam yang sangs rgyas kyi chos rnams thob par mi 'gyur te/ de ni bdag kyang phung la gzhan yang phung bar byed par 'gyur ro// de nas tshe dang ldan pa shA ra dwa ti'i bu bcom ldan 'das kyi spyan snga na ngu zhing 'di skad ces smras so/ / e ma 'o dam pa'i chos spong ba'i sems can rnams ni sdug bsngal lo// las kyi sgrib pa 'di lta bu dag ni bdag gis rmi lam na yang mthong bar ma gyur cig/ / bam po gsum pa/ de nas bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de snyam ma/
- 183a
sems shig/ ngas chos bstan pa ni 'byung ba dang bcas pa yin na/ 'jig rten ni las bdag gir bya ba/ rang gi las kyi bgo skal la spyod pa/ rang gi las brtan par bya ba ste/ sems can dag rang rang gi las rnams kyis sdug bsngal gyis tshor ba myong gi/ de la de bzhin gshegs pas ni ma lan no// shA ra dwa ti'i bu ngas ni dge legs su 'gro ba'i lam bshad de/ bde bar 'gro ba dang / 'jigs pa med par 'gro ba dang / mya ngan las 'das par 'gro ba dang / 'chi ba med par 'gro ba'i lam bshad na/ bon kyang sems can 'di dag ni lus kyis nyes par spyod pa dang ldan/ ngag gis nyes par spyod pa dang ldan/ yid kyis nyes par spyod pa dang ldan zhing 'phags pa rnams la skur pa 'debs pa dang / log par lta ste/ log par lta ba'i las dang chos yang dag par blangs pa'i rgyus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye ste/ de la de bzhin gshegs pas ni ma lan no// shA ra dwa ti'i bu sems can thams cad la nga'i snying rje 'di lta bu skye ste/ ngas sems can gcig gi don du yang bskal pa 'am bskal pa las lhag par sems can dmyal ba'i sdug bsngal rnams myong bar bya'i/ sems can gcig po ni yongs su btang bar mi bya'o snyam ste/ shA ra dwa ti'i bu de bzhin gshegs pa'i snying rje chen po ni de 'dra'o/ / shA ra dwa ti'i bu 'di lta ste dper na/ mi zhig la bu gcig pa gzugs bzang ba mdzes pa blta na sdug pa kha dog bzang po rgyas pa mchog dang ldan pa zhig
- 183b
yod la/ de rkyen 'ga' zhig dang phrad nas/ 'chi ba'i dus byas par gyur na/ mi de bu la sems pas sdug bsngal zhig yid mi bde bar gyur te ngu zhing smre sngags 'don to// shA ra dwa ti'i bu de bzhin du de bzhin gshegs/ pa dgra bcom pa yang dag par rdzogs pa'i sangs rgyas kyang sems can sdug bsngal ba dag la bu cig pa bzhin du dgongs pa mdzad de/ de bzhin gshegs pa dag nyon mongs pa rnams dang / lhan cig gnas pa ni ma yin no/ / shA ra dwa ti'i bu 'di lta ste/ dper na/ rgya mtsho chen po ni shi ba'i ro dang lhan cig mi gnas so// shA ra dwa ti'i bu de bzhin du de bzhin gshegs pa dag kyang nyon mongs pa rnams dang lhan cig mi gnas so/ / shA ra dwa ti'i bu 'di lta ste/ dper na sgyu ma mkhan nam/ sgyu ma mkhan gyi slob ma mkhas pas lam po che'i bzhi mdor skye bo'i tshogs chen po mngon par sprul te/ bya ba dag ston kyang bya ba de dag ni yul na mi gnas/ phyogs na mi gnas te/ ma skyes ma 'gags shing 'gags par mi 'gyur ro// shA ra dwa ti'i bu de bzhin du de bzhin gshegs pa rnams kyang sems can rnams yongs su smin par mdzad cing / 'dod chags kyi spyod pa yang ston te mdzad pa ston kyang spyod pa de dag ni yod pa ma yin no// dper na nam mkha'i khams ni rnam par rtog pa med cing spros pa med pa'o// de bzhin du de bzhin gshegs pa'i sku la yang rnam par rtog pa med cing spros pa med pa'o/ / 'on kyang sems can rnams dang mthun par de de bzhin gshegs pa rnams mthun par mdzad de/ sems can rnams ji ltar 'dul bar 'gyur ba de bzhin du
- 184a
de bzhin gshegs pa rnams mthun par 'jug go/ / shA ra dwa ti'i bu de bzhin gshegs pa la 'khrul pa mi mnga'o// de bzhin gshegs pa la mi mkhyen pa mi mnga'o// de bzhin gshegs pa/ la bsnyel ba mi mnga'o// shA ra dwa ti'i bu nga ni lha dang bcas pa'i 'jig rten gyi thu bo dang / gtso bo dang / rab dang / mchog dang / phul dang / bla ma dang / bla na med pa dang / gong na med pa dang mi mnyam pa dang mnyam pa yin te/ shA ra dwa ti'i bu tshig smras pa 'di ni bden pa'i rjes su mthun pa'o// rab tu byung ba 'am/ khyim pa'ang rung ste/ sems can gang dag chos kyi rnam grangs 'di spong ba de dag thams cad ni sems can dmyal ba'i sdug bsngal 'di lta bu dag rnyed par 'gyur ro/ / de nas tshe dang ldan pa rab 'byor gyis bcom ldan 'das kyis bstan pa 'di thos nas thal mo sbyar te/ bcom ldan 'das la 'di skad ces gsol to/ / bcom ldan 'das sems can de dag gis ni rnyed pa nongs par rnyed do// gang dag chos kyis rnam grangs 'di spong bar 'gyur ba de dag gi lce ci 'dra ba zhig tu 'gyur ba lags bcom ldan 'das/ kyis bka' stsal pa/ rab 'byor de dag gi lce ni dpag tshad 'bum par 'gyur te/ de la lcags kyi thong gshol 'bar ba rab tu 'bar ba/ kun tu rab tu 'bar ba/ kun tu rab tu mched cing 'bar ba me lce gcig tu gyur pa bye ba phrag lnga brgyas rmo bar 'gyur ro/ / de ci'i phyir zhe na/ 'di ltar des ngag ma bsrungs pa'i phyir te/ rab 'byor mi gti mug pa de dag gis las kyi sgrib pa ni de lta bur 'gyur ro//
- 184b
de nas sangs rgyas kyi mthus thams cad dang ldan pa'i 'khor des de bzhin gshegs pas bstan pa ni rmad du byung ba chen po lags so zhes ched du rjod pa ched du brjod do// de nas bcom ldan 'das la lha'i dbang po brgya byin gyis 'di skad ces gsol to/ / bcom ldan 'das bdag gis chos smra ba'i dge slong de dag phrag pa la bkur bar bgyi'o// me tog dang / bdug pa dang / spos dang / phreng ba dang / byug pa rnams kyis mchod par bgyi'o// gdugs lan gsum mtshan lan gsum du phyag bgyi'o// bsnyen bkur bgyi'o// bsti stang bgyi'o// bla mar bgyi'o// ri mor bgyi'o/ / mchod par bgyi'o// brjed par bgyi'o// gsol bar bgyi'o// bsti stang bgyi ba dang / bla mar bgyi ba dang / gus pas bsrung bar bgyi'o// de ci'i sladadu zhe na/ de dag ni bcom ldan 'das kyi sras te chos kyi sku las nges par 'byung ba'i slad du'o/ / bcom ldan 'das 'di lta ste dper na/ rgyal po rgyal rigs spyi bo nas dbang bskur ba'i bur gyur pa/ gzugs bzang ba/ mdzes pa blta na sdug pa de ni 'og ma thams cad kyis mchod pa'i 'os dang phyag bgyi ba'i 'os lags so/ / de bzhin du chos smra ba de dag kyang lha dang bcas pa'i 'jig rten gyi mchod pa'i 'os dang phyag bgyi ba'i 'os lags so/ / de nas bcom ldan 'das kyis byang chub sems dpa' kun tu bzang po la 'di skad ces bka' stsal to// rigs kyis bu lha'i dbang po brgya byin gyis chos smra/
- 185a
pa'i dge slong de dag snying las rgyung ngur bya ba dang / yongs su bskyang ba dang / kun tu bsrung ba dang / bsgrub pa'i phyir tshig 'di legs par smras so// byang chub sems dpa'/ tubazang pos gsol pa/ bcom ldan 'das bdag gis kyang rigs kyi bu 'am/ rigs kyi bu mo de dag kun tu bsrung bar bgyi'o// yongs su bskyab pa dang / yongs su bzung ba dang / zhi ba dang bde legs su 'gyur bar bgyi'o/ / dpag tshad brgya khor yug tu yongs su bskyang bar bgyi'o// de nas bcom ldan 'das kyis byang chub sems dpa' kun tu bzang po la rigs kyi bu tshig 'di legs pa smras pa legs so legs so zhes bya ba byin no/ / de nas bcom ldan 'das kyis tshangs pa'i dbyangs kyis tshigs su bcad pa 'di bka' stsal to// gzhan la phan dang bde ba byed pa bsags pa po// rnam pa sna tshogs rab mdzes mchog rab tshig ldan pa/ shin tu dri med bzhin ldan khyod kyi bsam pa mchog/ yon tan rin chen mi mnyam mnyam pa'i tshig legs smras/ de nas bcom ldan 'das la byang chub sems dpa' kun tu bzang pos 'di skad ces gsol to/ / bcom ldan 'das byang chub sems dpa' sems dpa' chen po dag chos du dang ldan na/ dkon mchog ta la la'i gzungs thob par 'gyur/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po dag chos gcig dang ldan na/ dkon mchog ta la la'i gzungs thob bo// chos gcig po gang zhe na/ 'di
- 185b
lta ste/ sems can thams cad la khong khro ba med pa'o// kun tu bzang po byang chub sems dpa' sems dpa' chen po dag gi chos gnyis te/ gnyis gang zhe na/ 'di lta ste/ phrag dog med pa dang / rlom sems med pa ste/ kun tu bzang po 'di dag ni byang chub sems dpa' sems dpa' chen po dag gi chos gnyis so// kun tu bzang po gzhan yang byang chub sems dpa' sems dpa' chen po ni sems can thams cad la dbang po gnod par mi 'gyur ro/ / rigs kyi bu gzhan yang byang chub sems dpa' sems can thams cad la thams cad kyi thams cad du rnam par 'tshe ba bskyed par mi bya'o// byang chub sems dpa'i yon tan brjod pa 'di bshad pa dang / dkon mchog ta la la'i gzungs kyi khyad par gyi yon tan yongs su brjod pa bshad pa na/ lha dang mi'i skye dgu las sems can dpag tu med pas gzungs thob par gyur to// dkon mchog ta la la'i gzungs kyi khyad par gyi yon tan yongs su brjod pa'i le'u'o// // de nas tshe dang ldan pa kun dga' bo stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btung nas/ bcom ldan 'das la 'di skad ces gsol to// bcom ldan 'das chos kyi rnam grangs 'di ni zab lags so/ / bcom ldan 'das kyis bka' stsal pa/ kun dga' bo de de bzhin te/ gzugs zab pa'i phyir zab bo// tshor ba dang / 'du shes dang / 'du byed dang / rnam par shes pa zab pa'i phyir
- 186a
zab bo/ / stong pa nyid zab pa'i phyir zab bo// nam mkha' zab pa'i phyir zab bo// kun dga' bos gsol pa/ bcom ldan 'das bdag gis chos kyi phung po brgyad khri bzhi stong de bzhin gshegs pa las mngon du thos na/ chos kyi rnam grangs 'di lta bu ni nam yang ma thos so// bcom ldan 'das kyis bka' stsal pa/ chos kyi rnam grangs 'di ni shin tu thos par bya dka' ba yin no// kun dga' bos gsol pa/ slad ma'i tshe slad ma'i dus lnga brgya tha ma la dam pa'i chos nub pa'i dus kyi tshe/ sems can mang po dag sangs rgyas kyi mdzad pa bgyid par 'gyur ba/ bcom ldan 'das kyis chos kyi rnam grangs 'di byin gyis brlab tu gsol/ bcom ldan 'das kyis bka' stsal pa/ kun dga' bos chos kyi rnam grangs 'di byin gyis brlabs zin te/ de bzhin gshegs pa shAkya thub pa ngas chos smra ba de dag kyang byin gyis brlabs so/ / kun dga' bo gang la la zhig chos kyi rnam grangs 'di yi ger 'dri ba de ni mig na bar mi 'gyur/ lce na par mi 'gyur/ snun par mi 'gyur/ so na bar mi 'gyur/ lag pa dang rkang pa na bar mi 'gyur/ klad pa na bar mi 'gyur/ rna ba na bar mi 'gyur/ lus dman par mi 'gyur/ lus dri mi zhim par mi 'gyur/ pha rol gyi gnod pas 'chi ba'i dus byed par mi 'gyur ro// de la mi dang mi ma yin pa thams cad srung bar 'gyur ro/ / 'di nas shi 'phos nas kyang de spros pa thams cad yongs su spangs nas bde 'gro mtho ris kyi 'jig rten du lha rnams kyi nang du skye bar 'gyur ro// kun dga' bos gsol pa/ bcom
- 186b
ldan 'das chos 'di bshad pa'i tshe/ bdud par chad mi bgyid pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo bdud thams cad chos kyi rnam grangs 'di la bar chad byed mi nus te/ kun dga' bo gang gi tshe bdud sdig can 'di snyam du bdag dkon mchog ta la la'i gzungs 'chad pa la bar chad byed du 'gro'o snyam pa'i sems bskyed pa de'i tshe/ bdud sdig can gyis rang gi khyim kun tu babar bar mthong ste/ kun dga' bo chos kyi rnam grangs 'di de ltar zab bo// kun dga' bo sa phyogs gang na chos kyi rnam grangs 'di spyod pa'i sa phyogs de mchod rten du 'gyur/ phyag bya ba'i 'os su yang 'gyur ro// kun dga' bos gsol pa/ gal te de bzhin gshegs pas phyogs gang na bzhugs pa'i sa phyogs de nyid na chos kyi rnam grangs 'di yang gnas par gyur la/ bdag de bzhin gshegs pa la blta ba'i slad du mchis shing mchis nas kyang / sngar de bzhin gshegs pa la phyag bgyis nas slad kyis chos kyi rnam grangs 'di la phyag bgyis na nongs pa ci mchis/ bcom ldan 'das kyis bka' stsal pa/ kun dga' bo gang gi/ tshe khyod kyis chos kyi rnam grangs 'di lta bu bkol te nga la phyag 'tshal ba de'i tshe khyod nyid nyes pa dang bcas par 'gyur ro// kun dga' bo gzhan yang nga lha dang bcas pa'i 'jig rten gyi thu bo dang / gtso bo dang / mchog dang / dam pa yin mod kyi/ kun dga' bo ngas sngar chos kyi rnam grangs 'di thos nas/ phyis byang chub mngon par rdzogs par sangs rgyas so// kun dga' bos gsol pa/ bcom ldan 'das de bzhin gshegs
- 187a
pas gang las ting nge 'dzin rin chen dkon mchog ta la la bstan pa 'di gsan pa/ de bzhin gshegs pa'i gong na su mchis/ bcom ldan 'das kyi bka' stsal pa/ kun dga' bo mi'i 'jig rten dang / lha'i 'jig rten dang / dri za'i 'jig rten na nga'i gong na su yang med de/ 'on kyang byang chub sems dpa'i spyad pa spyod pa na/ ngas bcom ldan 'das de bzhin gshegs pa ye shes thogs pa med pa'i snying po gser bzang po bsam gyis mi khyab pa'i 'od zer du ma'i lte ba rgyas pa las mngon du thos te/ kun dga' bo bye dka' ba chen po bye ba khrag khrig brgya stong du ma myong nas/ ngas chos kyi rnam grangs 'di thos te/ de'i tshe de bzhin gshegs pa des nga lung bstan to// kun dga' bo de lta bas na khyod kyis sngar chos kyi rnam grangs 'di la phyag bgyis la phyis nga la phyag tshol cig/ de nas brgya byin dang / tshangs pa dang / 'jig rten skyong ba de dag thams cad kyis mgrin gcig tu tshig 'di skad ces smras so// a la la chos/ a la la chos chos rnams kyi rnam par 'phrul pa a la la'o/ / sems can gang dag chos kyi rnam grangs 'di'i ming thos pa de dag kyang phyag bya ba'i 'os yin na/ gang dag 'dzin pa dang / klog pa dang kun chub par byed pa dang / gzhan dag la yang rgya cher yang dag par rab tu ston pa lta smos kyang ci dgos te/ de dag ni de bzhin gshegs pa zhes brjod par bya'o// de nas bcom ldan 'das kyis brgya byin dang / tshangs pa dang / 'jig rten skyong ba de dag la kye
- 187b
grogs po dag khyod kyis tshig 'di legs par spras pa legs so legs so zhes legs so zhes bya ba byin no/ / de nas bcom ldan 'das kyis zhal nas ljags kyi dbang po byung ste/ stong / gsum gyi stong chen po'i 'jig rten gyi khams ljags kyi dbang pos snang bar byas nas/ byang chub sems dpa' kun tu bzang po la 'di skad ces bka' stsal to// sems can gang dag chos kyi rnam grangs 'di mi thos pa de dag ni ji ltar mi dmus long gis nyi ma'i snang ba mi mthong ba dang / ji ltar tshong pa thabs mi shes pa dang ji ltar mi dbul po gzhan gyi ngor lta ba dang 'dra ste/ de dag gi don du ngas dpe 'di dag byas na ci nas sems can rnams chos rin po che'i phung po 'di 'dra ba las ring du mi 'gyur bar bya ba'i phyir/ chos kyi rnam grangs 'di'i ched dang / sems can thams cad kyi don tu khyod la gsol ba 'debs na rigs kyi bu khyod spro 'am/ de nas byang chub sems dpa' kun tu bzang po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ ngu zhing byang chub sems dpa' kun tu bzang po rang gi chos kyi stan las langs ma thag tu/ de nas de'i mod la stong gsum gyi stong chen po'i 'jig rten gyi khams 'di rnams pa drug tu g.yos/ rab tu g.yos/ kun tu rab tu g.yos so// 'gul/ rab tu 'gul/ kun tu rab tu 'gul to// ldeg/ rab tu ldeg/ kun tu rab tu ldeg go// 'ur bur/ rab tu 'ur bur/
- 188a
kun tu rab tu bur bur ro// chem chem/ rab tu chem chem/ kun tu rab tu chem chem mo// 'khrugs rab tu 'khrugs/ kun tu rab tu 'khrugs so// 'jig rten du snang ba chen po yang byung bar gyur to/ / de nas byang chub sems dpa' kun tu bzang pos/ sor mo bcu thal mo sbyar te ngu zhing bcom ldan 'das la 'di skad ces gsol to// bcom ldan 'das bdag spo lags so/ / bde bar gshegs pa bdag spro lags so// bcom ldan 'das khyod ni thams cad mkhyen pa sems can thams cad la phan par bzhed pa thugs rje chen po dang ldan pa lags kyi steng du bdag ni de bzhin gshegs pa las skyes pa lags na/ ci'i slad du de bzhin gshegs pa'i bka' ltar mi bgyid/ bcom ldan 'das de bzhin gshegs pa'i bka' ni bdud rtsi'i bka' lags na bdag de bzhin gshegs pa'i bka' dang pagal bar bgyid pa'i mthu bdag la ga la mchis/ bcom ldan 'das bdag gis ni byas pa gzo bar bgyi ba lags kyi/ byas pa mi gzo bar bgyi ba ma lags so/ / de nas bcom ldan 'das kyis byang chub sems dpa' kun tu bzang po la legs so zhes bya ba byin te/ kye rgyal ba'i sras legs so legs so// khyod ni de bzhin gshegs pa rnams kyi sras thu bo dang / gtso bo dang / mchog dang / dam pa dang / phul yin te/ chos kyi rnam grangs 'di khyod la yongs su gtad ngo // 'di ni nga'i ston pa yin te de'i phyir khyod kyis bsrung bar bya'o//
- 188b
dus dus su bsti stang gyis shig/ rin po che'i sdong du chug la phrag la thogs shig/ phyi ma'i tshe phyi ma'i dus na dge slong sdig pa can de dag la yid ma rton cig/ rigs kyi bu 'di ni khyod la rjes su bstan pa'o// byang chub sems dpa' kun tu bzang pos gsol pa/ bcom ldan 'das rab tu byung ba ci 'dra ba de dag 'byung bar 'gyur/ bcom ldan 'das kyis bka' stsal pa/ rigs kyi bu kha rog de skad ma 'dri shig/ byang chub sems dpa' kun tu bzang pos gsol pa/ sems can mang po la sman par bgyid par 'gyur lags na/ bcom ldan 'das kyis bshad du gsol/ bde bar gshegs pas bshad dugasol/ bcom ldan 'das kyis bka' stsal pa/ kun tu bzang po bshad kyis nyon cig/ 'khor rgya mtsho lnga bu 'di dang / 'jam dpal dang spyan ras gzigs dbang phyug la sogs pa/ byang chub sems dpa' sems dpa' chen po grangs med dpag tu med pa thams cad yid la byed pa gzhan thong la/ phyi ma'i tshe phyi ma'i dus na rab tu byung ba ci 'dra ba dag 'byung bar 'gyur ba de dag nyon cig/ de nas bcom ldan 'das kyis byang chub sems dpa' kun tu bzang po la 'di skad ces bka' stsal to// kun tu bzang po rab tu byung ba/ dam pa'i chos sun 'byin pa/ khyim la chags pa/ rnyed pa la chags pa/ gtsug lag khang la chags pa/ gnas la chags pa/ lhung bzed dang / chos gos la chags pa/ khyim sun par byed pa/ sdig pa'i chos kun tu spyod pa/ de dag 'byung ste/ kun
- 189a
tu bzang po mi gti mug pa de lta bu dag gi don tu ngas mdo 'di yongs su gtad kyis mdo 'di nub par gyur ta re de nas phyogs bcu nas lha dang / klu dang / gnod sbyin dang / dri za thams cad lhags te/ bcom ldan 'das la 'di skad ces gsol to// bcom ldan 'das bdag cag kyang thams cad 'dus shing tshogs te/ ji srid 'tsho'i bar dang / dam pa'i chos ji srid gnas kyi bar du chos kyi rnam grangs 'di yongs su bskyang bar bgyi'o/ / chos smra ba'i dge slong de la yang yongs su bskyang bar bgyi'o// bsti stang du bgyi'o// btsun par bgyi'o// rim gro bgyi'o// mchod pa bgyi'o// brjed par bgyi'o// gsol ba bgyi'o// de nas bcom ldan 'das kyis byang chub sems dpa' kun tu bzang po la sogs pa byang chub sems dpa' bye ba phrag dgu bcu rtsa gnyis po de dag la yang dag par bskul ba'i tshigs su bcad pa 'di dag gsungs so/ / yon tan pha rol phyin pa de dag gi/ yon tan kun bshad thams cad nga las nyon/ / nga rgyal rgyags dang bag med spang byos la// dga' zhing mgu ba'i yid kyis mnyan par gyis// ma ga d+ha 'dir shing dbang byang chub drung // rang byung mi yi seng ge bzhugs shes grags// ting 'dzin rnam par thar pa mchog la gnas// shing rgyal chen po de yi drung na bzhugs// phyogs bcu'i zhing rdul snyed dang de thabs cig/ skyes bu dam pa rnams kyis dpa' bo bskor// sangs rgyas
- 189b
phal chen zhes bya'i ting nge 'dzin/ / ting 'dzin de la mi yi dbang po gnas// mi dbang de ni snyoms par zhugs rtogs nas// 'jam dpal gzhon nu shar gyi phyogs logs nas// sangs rgyas zhing / bcu'i rdul snyed lhan cig tu// skyes bu dam pa rnams dang rgyal drung 'ongs// de bzhin sbyar te phyogs bcu'i zhing kun nas// sangs rgyas sras po dpal zhes bya ba kun// phyogs bcu'i zhing rdul snyed dang lhan cig tu/ / skyes bu dam pa rnams dang lhags par gyur// der 'dus gyur nas 'jig rten phan 'dod pa// 'jam dpal grags pa mtha' yas ldan rnams la// sems can dam pa bzang po'i dpal gyis dris/ / sangs rgyas sras kyi spyod gang yon tan ci// de nas sems dpa' 'jam dpal zhes bya ba// rnyog pa med pas byang chub yon tan dang // bden yangs yon tan ldan gyi spyod yul gtsang / / sems can dam pa bzang po'i dpal la dris// sangs rgyas sras po rnams kyi spyod yul gtsang // rgyal bas bstan pa bdag gis 'dir spras kyis// khyod kyang sangs rgyas sras kyi yon tan dang / / spyod pa gang dag yin pa brjod par gyis// bzang po'i dpal gyis spras pa rgyal sras nyon// yon tan mtha' yas ldan de'i yon tan las// dpe tshul cung zad tsam zhig brjod par bya/ / rgya mtsho'i thigs pa bzhin du shin tu chung // byang chub gzhir 'gyur ba yi rang byung sems// thog ma nyid du bskyed pa gang yin pa// de yi yon tan bsngags pa mtha' yas te// mtshungs med
- 190a
kyis kyang yongs su brjod mi spyod/ / pha rol phyin dang sa yi yon tan rnams// bskal pa mang por spyad pa ci smos te// phyogs bcu'i rgyal ba kun gyis de dag gi/ yon tan chu bo zad par mdzad mi spyod/ / yon tan mtha' yas rnams kyi yon tan las// dpe tshul cung zad tsam zhig brjod pa ste// mkha' la bya rjes 'dra bar chung ba dang // sa chen rnams las rdul phran gcig dang mtshungs/ / byang chub yon tan gnas kyi sems skye ba// rgyu med ma yin gyi na ma yin gyi// rgyal dang rgyal ba'i chos dang dge 'dun la// dang dang dang ba bskyed nas sems skye ste// de ni 'dod dang longs spyod rgyal srid dang / / bdag la bde dang snyan dang grags phyir min// 'gro ba'i sdug bsngal ma lus zhi bya'i phyir// 'jig rten phan pa byed pa'i sems skye'o// rtag tu sems can phan pa bya phyir dang / zhing rnams sbyong dang sangs rgyas mchod pa dang // chos yongs gzung dang sangs rgyas byang chub dang // ye shes rnam par sbyang phyir sems de skye// rgyal ba kun dang chos dang de bzhin du// 'phags/ pa'i tshogs la rtag tu dad pa dang // dang zhing mos dang gus pa rab bskyed nas// bla ma gus par mchod phyir sems de skye// rgyal dang rgyal ba'i chos la dang gyur cing // sangs rgyas sras kyi spyod la dang byed la/ / byang chub bla na med la dad gyur nas// skyes bu chen po rnams kyi sems skye'o// dad pa'i stobs kyis mi bdag gyur pa rnams// bsam yas rgya chen mchod pas mchod byas shing // chos dang
- 190b
de bzhin mi phyed dge 'dun la/ / bsam yas mchod pas mchod nas sems skye'o// dad pa sngon 'dren ma ltar skyed pa des// yon tan thams cad bsrung zhing 'phel bar byed// dogs pa sel cing chu bo rnams las sgrol/ / dad pa bde ba'i grong khyer mtshon pa yin// dad pa rnyog pa med cing sems dang byed// nga rgyal spong zhing gus pa'i rtsa ba yin// dad pa gter dang nor dang rkang pa'i mchog/ lag pa bzhin du dge sdud rtsa ba yin// dad pa yongs su gtong la dga' bar byed// dad pa rgyal ba'i chos la rab dga' skyed// dad pa yon tan ye shes khyab par byed// sangs rgyas go 'phang ston cing thob par byed/ / dbang po rno zhing rab tu gsal bar byed// dad pa'i stobs la gzhan gyis mi brdzi zhing // nyon mongs rnam par sel ba'i gzhi rten yin// dad pa rang 'byung yon tan rnams kyang tshol/ / dad pa chags pa'i sgo la chags pa med// mi dal spangs shing dal ba'i mchog cig yin// dad pa bdud kyi lam las 'da' byed cing // thar pa'i lam mchog ston par byed pa yin/ / yon tan zhing gi sa bon ma rul ba// dad pa byang chub zhing ni rnam par skyed// ye shes khyab par yon tan 'phel bar byed// dad pa rgyal ba thams cad ston pa yin// dad pas mos pa'i khyad par dga' rnams kyi/ / de la spyod pa rim gyis brjod par bya// 'di 'dra'i chos ni 'jig rten rab dkon te// rgya mtsho'i nang na rin chen rgyal po bzhin// gang dag rtag tu sangs rgyas dang gus pa// de dag tshul
- 191a
khrims bslab pa yong mi 'dor/ / gang dag tshul khrims bslab pa mi 'dor ba// yon tan ldan de yon tan ldan pas bstod// tshul khrims byang chub sems ston byed pa ste// slob pa'i sa yi yon tan rnams la sbyor// tshul khrims bslab pa 'dor bar mi byed pa// de dag rgyal bas bsngags pa'i 'os su 'gyur// gang dag rtag tu sangs rgyas dang gus pa// de dag rgyal la mchod pa rgya chen byed/ / gang dag rgyal la mchod pa che byed pa// de dag sa ng+yas dad pa bsam mi lug// gang dag rtag tu chos la dang gus pa// de dag rgyal ba'i chos nyan ngoms pa med// gang dag rgyal ba'i chos nyan mi ngoms pa/ / de dag chos la mos pa bsam mi khyab// gang dag rtag tu dge 'dun dang gus pa// de dag mi ldog dge 'dun dad pa yin// gang dag mi ldog dge 'dun rab dad pa// dag dad pa'i stobs kyis mi ldog 'gyur// gang dag dad pa'i stob kyis mi ldog pa// de dag dbang po rno zhing rab tu gsal// gang dag dbang po rno zhing rab gsal ba// de dag sdig pa'i grogs po rnam par sbas/ / gang dag sdig pa'i grogs po rnam spangs pa// de dag chos ldan grogs kyis yongs su gzung // gang dag chos ldan grogs kyis yongs gzung ba// de dag dge ba rgya chen sogs par byed// gang dag dge ba rgya chen sogs byed pa// bdag nyid chen po de dag rgyu stobs ldan// bdag nyid chen rgyu stobs gang ldan pa// de dag mos pa'i khyad par rgya chen 'gyur// gang dag mos pa'i khyab par rgya che ba/
- 191b
de dag rgyal ba kun gyis rtag byin rlabs// gang dag rgyal ba kun gyis byin brlabs pa// de dag byang chub don tu sems kyang skye// gang dag byang chub don tu sems skye ba// de dag drang srong chen po'i yon tan brtson/ / drang srong chen po'i yon tan gang brtson pa// de dag rigs mtho sangs rgyas rigs su skye// gang dag rigs mtho sangs rgyas rigs skyes pa// de dag mnyam zhing sbyor dang mi sbyor spangs// mnyam zhing sbyor dang mi sbyor gang spangs pa/ / de dag dad dang bsam pa rnam par dag/ gang dag dang dang bsam pa rnam dag pa// de dag lhag pa'i bsam pa dam pa mchog/ gang dag lhag bsam dam pa mchog ldan pa/ / de dag rtag tu pha rol phyin pa spyod// gang dag rtag tu pha rol phyin spyod pa// de dag theg pa chen po 'di la zhugs// gang dag theg pa chen po 'dir bzhugs pa// de dag sangs rgyas rnams la sgrub pas mchod/ / gang dag sgrub pas sangs rgyas mchod byed pa// de dag sangs rgyas rjes su dran mi phyed// gang dag sangs rgyas rjes dran mi phyed pa// de dag rtag tu sangs rgyas bsam yas mthong // gang dag sangs rgyas bsam yas rtag mthong ba// de la nam yang sangs rgyas mi bzhugs min// gang dag nam yang sangs rgyas mi zhugs min// de dag par skabs chos las nyams mi 'gyur// gang dag par skabs chos las mi nyams pa/ / de dag spobs pa sgrib pa med par 'gyur// gang dag spobs pa sgrib pa med gyur pa// de dag chos rab ston pa mtha' yas 'gyur// gang dag chos rab ston pa mtha'
- 192a
yas pa/ / de dag 'gro la byams shing phan par 'dod// gang dag 'gro la byams shing phan 'dod pa// de dag snying rje chen po'i rtsa ba brtan// gang dag snying rje chen po'i rtsa brtan pa// de dag chos dga' dga' ba'i dbang por 'gyur// gang dag chos dga' dga' ba'i dbang po can// de dag 'dus byas skyon gyis yal bar bor// gang dag 'dus byas skyon gyis yal bor ba// de dag nga rgyal rgyags med bag med min/ / gang dag nga rgyal rgyags med bag med min// de dag rtag tu bdag dang gzhan don brtson// gang dag rtag tu bdag gzhan don brtson pa// de dag 'khor bar yongs su skyo ba med/ / gang dag 'khor bar yongs su mi skyo ba// de dag rtun pa dam pa mchog dang ldan// gang dag rtun pa dam pa mchog ldan pa// de dag mngon shes rnam par dag pa skyes// gang dag mngon shes rnam par dag skyes pa/ / de dag 'gro ba'i spyod pa mang po rtogs// gang dag 'gro ba'i spyod pa mang rtogs pa// de dag 'gro ba yongs su smin byed mkhas// 'gro ba yongs su smin byed gang mkhas pa// de dag 'gro ba sdud shes cho ga mkhas/ / 'gro ba sdud shes chog su mkhas pa// de dag bsdu ba'i dngos po bzhi la brtson// gang dag bsdu ba'i dngos po bzhir brtson pa// de dag 'gro ba'i don ni mtha' yas byed// gang dag 'gro don mtha' yas byed gyur pa/ / de dag shes rab thabs la rten pa yin// gang dag shes rab thabs la rten gyur pa// dpa' bo de dag bla med lam la gnas// dpa' bo gang dag bla med lam gnas pa//
- 192b
de dag bdud dpung rnams kyis yongs mi tshugs// gang dag bdud dpung rnams kyis mi tshugs pa// de dag bdud kyi lam las rab tu 'das// gang dag bdud kyi lam las rab 'das pa// de dag mi ldog pa ni rjes su thob/ / gang dag mi ldog ma ni thob gyur pa// de dag mi skye bzod pa thob pa yin// gang dag mi skye bzod pa thob gyur pa// 'jig rten sgron de rgyal bas lung bstan to// 'jig rten sgron gang rgyal bas lung bstan pa/ / de dag rgyal ba kun dang mngon sum gnas// rgyal ba kun dang mngon du su gnas pa// de dag rgyal gsang rnam 'phrul cho ga mkhas// rgyal gsang rnam 'phrul cho ga su mkhas pa// de dag rgyal ba kun gyis dgongs pa yin/ / gang dag rgyal ba kun gyis dgongs gyur pa// de dag yon tan kun gyis legs par brgyan// gang dag yon tan kun gyis legs brgyan pa// de dag bsod nams dam pas lus kyang sbyangs/ / bsod nams mchog gis gang lus rnam sbyangs pa// de dag gser gyi ri bo 'dra bar 'bar// gser gyi ri bo 'dra bar su 'bar ba// de dag sum cu rtsa gnyis mtshan rnams rdzogs// gang dag sum cu rtsa gnyis mtshan rdzogs pa/ / de dag lus rnams dpe byad bzang pos spras// gang dag lus rnams dpe byad bzang spras pa// de dag lus kyi 'od ni mtha' yas so// gang dag lus kyi 'od ni mtha' yas pa/ / de dag 'od zer bkod pa bsam mi khyab// gang dag bong bkod bsam gyis mi khyab pa// de dag 'od las pad+ma rnams kyang 'byung // gang dag bong las pad+ma rnams byung ba// de dag rgyal gzugs
- 193a
pad+ma'i gdan 'khod par/ / phyogs bcu'i 'jig rten dag tu ston byed cing // don yod gnas pa sems can 'dul bar byed// gang dag rgyal gzugs pad+ma'i gdan 'khod par/ phyogs bcu'i 'jig rten dag tu ston byed cing // don yod gnas pa sems can 'dul byed pa// de dag mngon shes rnam 'phrul mtha' yas so// gang dag mngon shes rnam 'phrul mtha' yas pa// de dag bsam gyis mi khyab zhing rgyu zhing / / bsam gyis mi khyab chos rnams ston par byed// sems can bsam gyis mi khyab tshim par byed// gang dag bsam gyis mi khyab chos ston cing // sems can bsam gyis mi khyab tshim byed pa/ / de dag so so rigs shes stobs rnams kyis// bsam pa ji bzhin 'jig rten sems can 'dul// gang dag so so rig shes stobs rnams kyis// bsam pa ji bzhin 'jig rten sems can 'dul/ / de dag rtag tu lus dang ngag dang yid// ye shes sngon du 'gro zhing rjes su 'brang // gang dag rtag tu lus dang ngag dang yid// ye shes sngon du 'gro zhing rjes 'brang ba/ / de dag smon lam stobs kyis ci 'dod par// sems can rgyud na gzugs ni ston par byed// gang dag smon lam stobs kyis ci 'dod par// sems can chung na gzugs ni sngon byed pa// de ngag tshig rnams rjod par byed pa'i tshe/ / dbyangs kyi yan lag bsam yas sgra 'byung ngo // gang dag tshig rnams rjod par byed pa'i tshe// dbyangs kyi yan lag bsam yas sgra 'byung ba// de dag 'gro ba
- 193b
ma lus kun gyis sems/ / skad cig gcig la sems kyis rnam par shes// gang dag 'gro ba ma lus kun gyi sems// skad cig gcig la sems kyis rnam shes pa// de dag nam yang mi 'chi skye mi 'gyur/ / nyon mongs rgyu ba'ang 'byung bar 'gyur ma yin// gang dag nam yang mi 'chi mi skye zhing // nyon mongs rgyu ba 'byung bar mi 'gyur ba// de dag yon tan chos nyid ye shes lus// chos kyis rab tu phye bas 'jig rten rgyu/ / gang dag yon tan chos nyid ye shes lus// chos kyis rab phye 'jig rten rgyu byed pa// de dag sa bcu rnams dang dbang bcu dang // pha rol phyin dang rnam thar mchog la gnas// gang dag sa bcu rnams dang dbang bcu dang // pha rol phyin dang rnam thar mchog gnas pa// de dag dbang skur bkod dang rnam 'phrul dang // ting 'dzin mchog la gnas pa rjes su thob// gang dag dbang bskur bkod dang rnam 'phrul dang / / ting 'dzin mchog la gnas pa rjes thob pa// de dag phyogs bcu'i rgyal ba thams cad las// dbang bskur thams cad ma lus nod par byed// gang dag phyogs bcu'i rgyal ba thams cad las/ / dbang bskur thams cad ma lus nod byed pa// de dag spyi bor phyogs bcu'i sangs rgyas kyis// phyag mthil bdud rtsi can gyis dbang bskur to// gang dag spyi bor phyogs bcu'i sangs rgyas kyis/ / phyag mthil bdud rtsi can gyis dbang bskur ba// mthu brtan de dag nam mkha' lta bur ni// ma lus khyab byas phyogs rnams kun na gnas// mthu brtan gang dag nam mkha' lta bur ni// ma
- 194a
lus khyab byas phyogs rnams kun gnas pa/ / mtshungs med de dag spyod yul lhar bcas kyi// 'jig rten rnams kyis shes par yongs mi nus// mtshungs med gang dag spyod yul lhar bcas kyi/ / 'jig rten rnams kyis shes par mi nus pa// de dag rtun pa kun dang mthong ba dang // ming thos pa dang spobs pa don yod do// gang dag rtun pa kun dang thong ba dang // ming thos pa dang spobs pa don yod pa/ / skyes chen de dag sbyin pa sbyin byed kyi// sbyin pa thams cad don yod 'gyur ba yin// skyes bu dam pa de dag rnams kyi mthus// chos kyang gnas shing byams pa nyams mi 'gyur/ dge ba'i las lam rab tu spyod 'gyur te// dkon mchog mthu yang dam pa mchog tu 'gyur// rdo rje 'khrig pa'i rin chen mchog yod pa// de yi mthu yis rgya mtshor rin chen rnams// mi zad mi 'grib 'phel bar mi 'gyur te/ / de bzhin yon tan mtha' yas yon tan chu// gang na sangs rgyas med pa'i zhing gyur pa// der ni byang chub rnam par sangs rgyas ston// phyogs rnams gang ni chos kyang med gyur pa/ / phyogs der chos kyi gter ni ston par byed// de dag rtog med rnam par mi rtogs cing // de dag lhun gyis grub par phyogs kun tu// zla ba lta bur snang ba rab ston cing // thabs stong ngag gis sems can 'dul bar byed/ / de dag skad cig re la phyogs bcu yi// 'jig rten kun tu byang chub sangs rgyas ston// 'khor lo skor dang mya ngan 'das zhing dang // ring bsrel rab tu rgyas
- 194b
pa'ang dpa' bo ston/ / mkhas pa de dag nyan thos rang rgyalas// sangs rgyas bkod pa rnam 'phrul mtha' yas pa// bskal pa bsam mi khyab par ston byed cing // theg gsum sgo nas sems can 'dul bar byed/ / mos pa kun gyi bsgrub pa shes pa rnams// khye'u dang bu mo bud med lus rnams dang // lha mi lha min klu dang gnod sbyin dang // grul bum lto 'phye chen po'i gzugs rnams ston// / rgya mtsho'i phyag rgya ting nge 'dzin gyi sgos// dpa' bo de dag 'gro ba'i gzugs spyod dang // rtags dang spyod dang sgra skad 'jug pa dag/ ji snyed thams cad ma lus ston par byed// de dag zhing bkod bsam gyis mi khyab pas/ / phyogs bcu'i rgyal ba kun la mchod par byed// gang dag zhing bkod bsam gyis mi khyab pas// phyogs bcu'i rgyal ba kun la mchod byed pa// de dag 'od zer bkod pa bsam yas shing / / sems can 'grel pa'i ye shes mtha' yas so// gang dag 'od zer bkod pa bsam yas shing // sems can 'grel pa'i ye shes mtha' yas pa// de dag lus dang ngag gi rnam 'phrul dang / / yid kyis rnam par 'phrul pa bsam mi khyab// gang dag lus dang ngag gi rnam 'phrul dang // yid kyi rnam 'phrul bsam gyis mi khyab pa// de dag sbyin dang tshul khrims rnam 'phrul dang // bzod dang brtson 'grus rnam 'phrul bsam mi khyab// gang dag sbyin dang tshul khrims rnam 'phrul dang // bzod brtson rnam 'phrul bsam gyi mi khyab pa// de dag sangs rgyas phal chen ting 'dzin sgos//
- 195a
bsam gtan rnam par 'phrul dang shes rab dang // thabs dang mngon shes rnam 'phrul bsam mi khyab// yon tan kun gyis rnam 'phrul mtha' yang yas// de dag phra rab rdul 'jug ting nge 'dzin/ / rdul rnams kun la mngon par sgrub byed cing // rdul cig steng na zhing rnams bsam mi khyab// ston par byed kyang rdul la 'phel ba med// rdul de'i steng du sangs rgyas bcas zhing dang / sangs rgyas med pa'i zhing yang kha cig ston// nyon mongs rnam dag dog pa kha cig dang // yangs shing phra dang che ba'i zhing yang ston// zhing rnams la la 'jig dang 'chags pa dang // la la steng g.yogs med dang mthun pa dang / / la la tshol pa smig rgyu lta bu dang // la la mig 'phrul lta bur gyur pa rnams// ji ltar rdul gcig steng du ston byed pa// de bzhin rdul rnams ma lus kun la ston drang srong ting 'dzin rnam 'phrul 'di 'dra ste/ / grags pa mtha' yas rnam thar 'di 'dra'o// de dag rgyal mchod rnam 'phrul ting nge 'dzin// rgyal ba kun la mngon par grub byed cing // lag pa'i mthil du stong gsum rgyas bkang ste/ / skyes bu chen po rnams la mchod pa byed// phyogs bcu dag na me tog phreng ba dang // spos byug rin chen rin chen ji snyed pa// de dag byang chub shing drung bzhugs pa yi// rgyal rnams mchod phyir lag pa'i mthil nas byin// gos dang phye ma rin chen ji snyed dang // rgyal mtshan pa dan gdugs mchog sna tshogs dang // gser gyis brgyan pa'i rin chen bla re rnams/
- 195b
de dag lag pa'i mthil nas char du 'bebs// phyogs bcu dag na yo byad mtha' yas gang // drang srong chen po rnams la mchod 'os pa// de dag lag pa'i mthil nas char 'bebs shing // byang / chub shing drung bzhugs pa'i rgyal ba mchod// phyogs rnams dag na rol mo ji snyed pa// rnga dang rdza rnga sgra snyan pi bang dang // sil snyan sgra dang sgra chen gling bu rnams// de dag lag pa'i mthil nas rab tu sgrogs/ / phyogs bcu kun gyis dpe zla med rnams kyi// yang dag yon tan bsngags pa sna tshogs dang // bstod pa'i tshigs bcad bsgrub pa sna tshogs pa// de dag lag pa'i mthil nas rab tu sgrogs/ / 'od zer gang dag las dge sa yongs bsags pa// lag pa g.yas nas yongs su 'gyed byed cing // spos chus rgyal ba'i zhing rnams thams cad du// 'debs shing 'jig rten sgron ma rnams la mchod/ / 'od zer bkod dang ldan pa mdzes pa'i 'od// pad+ma'i rgyan phreng bsam yas rab 'chang ba// pad+ma mtshan rab gzugs can du ma dag/ lag nas rgyal ba rnams la mchod pa byed/ / me tog phal chen me tog bla re dang // me tog bkod pa'i 'od zer rab bkye ste// me tog sna tshogs kun tu bkram byas shing // bdag nyid chen po de dag rgyal ba mchod// bdug pa phal chen bdug pa'i bla re dang / / bdug pa bkod pa'i 'od zer rab bkye ste// bdug pa sna tshogs kun tu bkram byas shing // bdag nyid chen po de dag rgyal ba mchod// phal chen spos dang spos kyi
- 196a
bla re dang / / spos kyi bkod pa'i 'od zer rab bkye ste// sna tshogs spos rnams kun tu bkram byas shing // bdag nyid chen po de dag rgyal ba mchod// 'phreng ba phal chen 'phreng ba'i bla re dang / / 'phreng ba bkod pa'i 'od zer rab bkye ste// 'phreng ba sna tshogs kun tu bkram byas shing // bdag nyid chen po de dag rgyal ba mchod// phye ma phal chen phye ma'i bla re dang / phye ma bkod pa'i bod zer rab bkye ste// phye ma sna tshogs kun tu bkram byas shing // bdag nyid chen po de dag rgyal ba mchod// na bza' phal chen na bza'i bla re dang // na bza' bkod pa'i 'od zer rab bkye ste/ / na bza' sna tshogs kun tu bkram byas shing // bdag nyid chen po de dag rgyal ba mchod// phal chen gdugs dang gdugs kyi bla re dang // gdugs kyi bkod pa'i 'od zer rab bkye ste/ sna tshogs gdugs rnams kun tu bkram byas shing // bdag nyid chen po de dag rgyal ba mchod// rin chen phal chen rin chen bla re dang // rin chen bkod pa'i bor zer rab bkye ste// rin chen sna tshogs kun tu bkram byas shing / / bdag nyid chen po de dag rgyal ba mchod// pad+ma phal chen pad+ma'i bla re dang // pad+ma bkod pa'i 'od zer rab bkye ste// pad+ma sna tshogs kun tu bkram byas shing // bdag nyid chen po de dag rgyal ba mchod/ / rgyan 'phreng 'phel chen rgyan 'phreng bla re dang // rgyan 'phreng bkod pa'i 'od zer rab bkye ste// rgyan 'phreng sna tshogs kun tu bkram byas shing // bdag nyid chen po de dag
- 196b
rgyal ba mchod/ / rgyal mtshan mchog bkod 'od zer rab bkye ste// de dag rgyal mtshan dkar dmar ser po dang // sngo dang rgyal mtshan bkod pa sna tshogs pa// du mas rgyal ba'i zhing rnams brgyan ba byed/ / nor bu'i dra ba sna tshogs bkod pa'i gdugs// dar gyi lnga ldi pa dan rab sbyangs shing // dril g.yer dra ba rgyal ba'i gsung sgrogs pa// de bzhin gshegs kyi dbu la de dag 'dzin/ lag pa'i mthil nas mchod pa bsam yas rnams// rgyal ba gcig la de dag byed pa ltar// rgyal ba ma lus kun la'ang de bzhin te// drang srong ting 'dzin rnam 'phrul de 'dra'o// de dag 'gro ba sdud pa'i ye shes kyis/ / rnam par 'phrul dang ting 'dzin mchog bsgrubs shing // bya ba dag dang bsnyen bkur kun gyi sgo// thabs stong dag gis sems can 'dul bar byed// kha cig de bzhin gshegs pa mchod sgo dang / / sbyin pa bsam gyis mi khyab gtong sgo dang // sbyangs pa'i yon tan tshul khrims kun sgo dang // bzod pa mi zad mi 'khrugs sgo dag dang // kha cig brtul zhugs dka' thub brtson sgo dang / / bsam gtan rab tu zhi bar gnas sgo dang // don la rnam nges shes rab sgo rnams dang // spyod pa kun ldan thabs kyi sgo dag dang // tshangs pa'i gnas pa dag dang mngon shes sgo// bsdu ba'i dngos pos phan par 'dod sgo dang / / bsod nams bsags dang ye shes sgo dag dang // bden dang brten dang rnam par thar sgo dang // kha cig stobs dang dbang po lam sgo dang // nyan thos theg
- 197a
pas rnam par sgrol sgo dang / / rkyen gyi theg pas rnam par dag sgo dang // theg pa mchog gi rnam par 'phrul sgo dang // kha cig mi rtag nyid dang sdug bsngal sgo// kha cig bdag med srog med sgo dag dang / / mi sdug 'du shes 'dod chags bral sgo dang // zhi 'gog ting nge 'dzin gyi sgo yis 'dul// 'gro ba'i spyod pa'i sgo rnams ji snyed pa// de snyed chos kyi sgo la rab zhugs ste/ de dag kun tu rnam thar sgo dag nas// bsam pa ji bzhin 'jig rten sems can 'dul// gang dag kun tu rnam thar sgo dag nas// bsam bzhin 'jig rten sems can 'dul byed pa// de dag sus kyang mtshan mar gzung mi nus/ / ting 'dzin rnam par 'phrul pa de 'dra'o// de dag dga' ba dkod pa'i ting 'dzin mchog/ 'gro ba thams cad yongs smin mthun byed pa// dga' bde spro ba rab dga' kun ldan pas/ / bsams pa bstan nas sems can 'dul bar byed// gang du lo nyes 'jig rten yod byang gang // bde byed thams cad rab tu dkon 'gyur ba// der ni kun gyis bsams bzhin bya/ ba yis// sbyin pa sbyin zhing 'gro ba'i don rnams byed// de dag zas skom mchog dang ro mchog dang // gos dang bgo ba rin chen sna tshogs dang // rgyal srid nor dang bdag phangs yongs gtong bas// sbyin la mos pa'i 'gro ba 'dul bar byed/ / brtan pa de dag mtshan mchog lus spras shing // gos dang rgyan mchog bgos shing brgyan byas te// 'phreng bas spyad cing spos kyis bskus pa yi// gzugs
- 197b
rnams bstan pas sems can 'dul bar byed/ / mthong na dga' tshim rab tu dga' rnams la// blo mchog de dag gzugs mchog gzugs bzang ba// gzugs kyi dam pa yongs su ston byed cing / / gzugs la mos pa'i sems can 'dul bar byed// de dag ka la bing+ka'i sgra snyan dang // khu byug kun la ngang pa'i sgra skad dang // rnga dang tshangs dang mi 'am ci yi sgras// mos pa kun la/ de bzhin chos kyang ston// stong phrag brgyad cu rtsa bzhi gang yin pas// rgyal ba gang dag 'gro ba'i don mdzad pa'i// chos kyi bye brag sgo mo de dag gis// bsam pa ji bzhin 'jig rten sems can 'dul/ / de dag bde dang sdug bsngal grogs kyang byed// don dang gnod pa'i grogs kyang de bzhin byed// bya ba kun la grogs su 'gyur byas shing // grogs kyi sgo nas sems can 'dul bar byed/ sdug bsngal gnod pa 'dus byas skyon gyi rnams// grogs kyi don du de dag bzod byed cing // 'gro ba kun la phan don bde don tu// de dag grogs don gnod pa dang du len// gang na mngon/ 'byung med cing chos med de// dgon par 'gro dang thar pa mi dmigs pa// der ni rgyal srid 'byor pa rab spangs te// zhi ba'i yid kyis gnas med mngon par 'byung // de dag khyim dang 'ching dang sred pa'i nas/ / 'gro ba thams cad yongs su dgrol ba'i phyir// 'dod pa'i dga' ba kun la mi gnas par// mngon par 'byung zhing thag pa rab tu rjod// de dag spyod pa bcu rnams rjod byed cing //
- 198a
skyes chen rnams kyis chos spyod gang yin dang // drang srong rnams kyi spyod gun ma lus par// yongs su brjod cing 'gro ba'i don rnams byed// gang na sems can dpag med tshe ldan zhing / / bde dang ldan la nyon mongs chung yod pa// dir ni rga bas nyen cing nad pu can// bdag la dbang med 'chi ba'i dbang gyur ston// 'dod chags 'bar zhing zhe sdang rab 'bar la// 'jig rten gti mug me chen rab 'bar zhing / / rga dang na dang 'chi ba rab 'bar ba'i// 'jig rten bstan nas sems can 'dul bar byed// de dag sangs rgyas stobs bcu brtson bzhi dang // chos kyi khyad par bco brgyad rnams kyis kyang / / sangs rgyas che ba'i bdag nyid rjod byed cing // sangs rgyas yon tan rnams kyis 'gro don byed// de dag kun brjod rdzu 'phrul rjes bstan pas// zugs kyi byin rlabs stobs kyis thams cad du/ / de bzhin gshegs pa'i rdzu 'phrul ston byed cing // rdzu 'phrul rnam par 'phrul pas sems can 'dul// de dag thabs tshul rnam pa sna tshogs kyi// 'jig rten rgyu zhing 'gro ba'i don rnams byed/ / 'jig rten mi chags chu la pad+ma bzhin// dga' zhing dad par byed la rnam par rgyu// de dag snyan dngags mkhan rgyal snyan dngags sbyor// gar mkhan rnga mkhan gying dang rol mo mkhan/ / zhags mdzes rgyan 'phreng thogs shing gar byed dang // sgyu ma mkhan po gzugs med kun tu ston// grong pa grong dpon kha lo sgyur ba 'gyur// de bzhin ded dpon tshong dpon
- 198b
khyim bdag 'gyur/ / rgyal po blon po mdun 'don po nya dang // sman pa 'jigs med bstan bcos cho ga mkhas// de dag dgon par ljon shing chen por 'gyur// sman dang rin chen mi zad gter rnam dang / / yid bzhin nor bu 'dod 'byin sdong po dang // lam gol dong ba rnams la lam ston 'gyur// 'jig rten byung nas mi ring shes gyur cing // sems can las kyi tshul rnams mi shes pa// de dag kun la rmongs chos tshong thabs dang / / sna tshogs bzo rnams 'jig rten brjod par byed// 'tshe med gnod pa med pa'i sbyor ba gang // sems can bde byed mkhas pas rab bsngags pa/ rig stobs sman dang bstan bcos sna tshogs kun// drang srong de dag rnams kyis rab tu brjod// gang la lhar bcas 'jig rten mos 'gyur ba// drang srong spyod mchog dam pa gang yin dang // brtul zhugs dka' spyad dka' thub mchog kun kyang / / mkhas pa de dag rnams kyis rab tu brjod// de dag spyod can kun rgyu mu stegs can// gdung ba go'u ta ma dang mi smar spyod// cer bu gos med lhur len dge sbyong la/ / mu stegs can gyi slob dpon mkhas par ston// de dag kun tu 'tsho ba'i chos 'dzin dang // bla na yod dang bla na med rnams dang // ral pa ring dang gzhon nu'i brtul zhugs can// de dag tu yang slob dpon 'gyur ba yin// nyi ma'i rjes lha dka' thub lnga ldan dang // khyi dang ba glang brtul zhugs ri dgas spyod// gle'u can dag dang mu stegs sum cu pa// de dag tu yang de dag
- 199a
slob dpon 'gyur/ / lha ye shes la 'jug pa dga' rnams dang // mu stegs nye reg yul du rgyu rnams su// rtsa ba 'bras bu chu spyod gyur nas kyang // bsam yas chos la de dag dam pa mchog/ cog pur 'dug dang gcig pu rgyu ba dang // tsher ma rdza dang thal bar nyal ba dang // gang dag gtun shin mal can gnas pa dang // de dag tu yang de dag slob dpon 'gyur// pha rol mu stegs can rnams ji snyed pa/ / de dag bsam pa mos pa rtogs byas shing // bstan dka' mi bzang drag shul dka' thub kyis// mu stegs can gyi sdug bsngal spang bar 'dul/ 'jig rten lta bas 'khrugs pa shes byas nas/ / lta ba ngan la gnas pa'i mu stegs can// kun la phra ba'i gzhi dang thabs tshul gyis// de dag rnams la bden pa ston par byed// la lar 'gro lding pa yi sngags kyi gzhi/ / shin tu gsang ba'i gzhi yis bden pa ston// la la dag la gsal zhing drang tshig gis// la la dag la lha yi gsang tshig gis// la la dag la yi ge dbye tshig dang // don la rnam nges rdo rje'i tshig rnams dang / / rgol ba 'dul ba shes pa'i tshig rnams dang // bstan bcos thub med thar pa'i tshig rnams kyis// la la dag la mi skad tshig rnams dang // kun la 'jug pa'i tshig nges tshig rnams kyis/ / la la dag la lha tshig nges tshig dang // klu yi nges tshig gnod sbyin nges tshig gis// la la srin po 'byung po sha za dang // dri za grul bum lto 'phye chen tshig dang // mi tsi lha min mkha'
- 199b
/ rdzing tshig rnams kyis// bden pa bstan cig thar par 'dren pa byed// de dag bden dang nges tshig tshul shes te// de ltar rgyal ba'i chos rnams ma lus pa'i// chos nyid bsam yas tshig lam shes pas ston/ / de dag ting 'dzin rnam 'phrul de 'dra'o// / bam po bzhi pa ste tha ma/ de dag 'gro bde mchog gi ting nge 'dzin// 'gro ba kun la mngon par sgrub byed cing / / 'od zer bsam gyis mi khyab rab bkye ste// 'od zer bkye nas sems can 'dul bar byed// mthong na legs pa'i 'od zer rab gtong zhing // sems can ji skad bod zer de shes pa/ / de dag mthong legs don med ma yin te// bla na med pa'i ye shes mchog gi rgyu// mi rnams kun la sangs rgyas yongs bstan cing // chos kyang yongs su bstan te lam bstan cing / / rgyal ba'i sku gzugs mchod rten bstan byas pas// des na mthong lags 'od zer grub par 'gyur// lha yi 'od zer zil gyis gnon pa yi// bod zer 'od byed ces bya rab gtong zhing rdul dang mun pa thams cad bsal byas te/ / 'jig rten phan pa'i 'od de rab tu sdang // sems can gang dag 'ong nges bskul byas pa// de dag rgyal ba mchod phyir sgron ma 'dzin// de dag rgyal ba mchod phyir smon bzung bas/ / 'jig rten sgron ma mdzad pa'i rgyal bar 'gyur// 'bru mar mar me mar gyi mar me dang // rtswa shing 'dam bu 'ong ma'i sgron ma dang // spos dang bcud len rin chen sgron ma
- 200a
dag/ rgyal ba rnams la phul nas bod byed thob// sgrol zhes bya ba'i 'od zer rab gtong zhing // sems can gang dag 'od nges bskul byas pa// de dag sreng yangs srid pa'i rgya mtsho las/ / sems can bsgral ba'i don tu go ca gyon// gang dag sred yangs srid pa'i rgya mtsho las// sems can bsgral ba'i don du go gyon pa// de dag chu bo bzhi las rab tu sgrol// mya ngan med pa bde ba'i grong khyer ston// stegs dang zam pa du ma byas pa dang // chu klung lam la sgrol ba'i grub 'byin te// 'dus byas sum phyung zhi ba bsngags byas pas// des na sgrol ba'i 'od zer grub par 'gyur/ / skom pa sel ba'i 'od zer rab gtong zhing // sems can gang dag 'od des bskul byas pa// 'dod pa'i yon tan skom pa rab spangs shing // chos la mos pa'i ro ni don tu gnyer/ / 'dod pa'i yon tan skom pa rab spangs te// chos mos ro la don tu gnyer gyur pas// bdud rtsi char pa 'bebs pa'i sangs rgyas 'gyur// 'jig rten skom pa'i srid pa rnam par sel// rdzirdzi dang chu klung khron pa chu dngango dang // mtsho rnams byang chub don tu byed btsud de// 'dod pa smad cing bsam gtan bsngags byas pas// des na srid bsrel ba grub par gyur// dga' bar byed pa'i 'od zer rab gtong zhing / / sems can gang dag 'od des bskul byas pa// dga' bas rgyas shing byang chub mchog don tu// rang byung 'gyur bar bya zhes sems bskyed do// thugs rje ldan pa'i
- 200b
su gzugs mtshan brgyan pa/ / pad+ma'i gdan la bzhugs pa rnams byas shing // rtag tu sangs rgyas yon tan rnams brjod pas// des na dga' byed 'od zer grub par gyur// mgu bar byed pa'i 'od zer rab gtong zhing / / sems can gang dgra bod des bskul byas pa// rtag tu sangs rgyas la ni dga' mgu zhing // chos la dga' mgu dge 'dun dga' mgu'o// de dag rtag tu sangs rgyas dga' mgu zhing / / chos la dga' mgu dge 'dun dga' mgu nas// sangs rgyas chos dang 'phags pa'i tshogs rnams dang // rtag tu 'grogs thob bzod pa bla med thob// sangs rgyas rjes dran chos dang tshogs mchog la/ / sems can mang po bskul cing dran byas la// byang chub sems kyi yon tan rab brjod pas// des na mgu byed 'od zer grub par 'gyur// bsod nam bsags pa'i 'od zer rab gtong zhing / / sems can gang dag 'od des bskul byas pa// bla na med pa'i byang chub don gnyer cing // sbyin pa sna tshogs du ma sbyin par byed// gtan pa med pa'i mchod sbyin de byed tshe/ / slong ba rnams kyi bsam pa rdzogs byas te// bsam pa thams cad sbyin pa byin byas pas// bsod nams bsags pa'i 'od zer grub par gyur// ye shes ldan pa'i 'od zer rab gtong zhing / / sems can gang dag 'od des bskur byas pa// chos gcig sgo mo nas ni du ma yi// chos kyi sgo rnams yud kyis khong du chud// chos kyi dbye ba sems can 'dzin btsud de/
- 201a
don la nges pa'i ye shes rnams phye zhing // chos kyi tshig don brjod pa byas pas na// des na ye shes ldan des 'od zer grub// shes rab smon pa'i 'od zer rab gtong zhing / sems can gang dag 'od nges bskul byas pa// stong pa bdag med ma skyes ma byung zhing // rang bzhin med pa'i chos la rab tu 'jug/ bdag po med chos stong pa byed med pa// sgyu ma smig rgyu chu zla mtshungs 'dra zhing / / rmi lam mtshungs la gzugs brnyan 'dra ba dag/ bstan pas shes rab sgron ma de grub bo// chos kyi rnam 'phrul 'od zer rab gtong zhing // sems can gang dag 'od des bskul byas pa/ / mi zad mdzod kyi gzungs ni thob gyur nas// de bzhin gshegs pa kun gyi mdzod kyang 'dzin// chos 'dzin rnams la yongs su phan btags te// drang srong rnams la chos kyis bsrung byas shing / / 'gro ba chos kyis rjes su gzungs byas pas// chos kyi rnam 'phrul 'od zer grub par gyur// gtong dang ldan pa'i 'od zer rab gtong zhing // sems can 'jungs pa gang dag des bskul ba// longs spyod mi rtag mi brtan shes gyur nas// de dag rtag tu gtong la dga' mos 'gyur// ma dul gdul dka'i sems can ser sna can// nor rnams rmi lam sprin dang 'drar shes nas// dga' ba'i yid kyis sbyin pa spel byas pas/ / des na gtong dang ldan pa'i 'od grub bo// yongs su gdung med 'od zer rab gtong zhing // khrims 'chal sems can gang dag des bskul pa// tshul khrims
- 201b
rnam par dag la gnas gyur nas/ / rang byung 'gyur bar bya zhes sems skyed do// dge ba'i las lam yongs su dag pa dang // tshul khrims la yang sems can mang 'dzud cing // byang chub sems kyang yang dag 'dzin 'jug pas/ / yongs gdung med pa'i 'od zer de grub bo// bzod pa bkod pa'i 'od zer rab gtong zhing // mi bzod sems can gang dag nges bskul ba// khro dang tha ba nga rgyal lo spangs shing / / de dag rtag tu bzod mos dga' bar 'gyur// sdig ldan rnams kyi nyes byas bzod byas te// byang chub don tu 'khrug pa ma byas shing // bzod pa'i yon tan rtag tu bsngags brjod pa/ des na bzod pa bkod pa de grub bo// sbyangs dang ldan pa'i 'od zer rab gtong zhing // le lo'i sem can gang dag des bskul pa// rigs par brtson pa dkon mchog gsum rnams la// sbyor ba skyo med mchod pa byed par 'gyur/ / rigs par brtson pa dkon mchog gsum rnams la// sbyor ba skyo ba med pas mchod byas nas// de dag bdud bzhi'i lam las rab 'das te// byang chub bla med myur du reg par 'gyur/ / sems can mang po brtson 'grus 'dzin bcug ste// dkon mchog gsum la mchod pa rab byas nas// zad pa'i dus na dam chos yongs gzung bas// des na sbyangs dang ldan pa'i 'od thob bo/ / zhi bar byed pa'i 'od zer rab gtong zhing // rnam 'khrugs sems can gang dag des bskul ba// de dag chags med sdang med rmongs med cing // rtog par gyur nas mnyam gzhag
- 202a
sems su 'gyur/ / sdig pa'i grogs po skyon ldan spyod can dang // 'dre ba yongs su rnam par spang byas te// dgon pa rab zhi bsam gtan bsngags brjod pas// des na zhi bar byed pa'i 'od grub bo/ / shes rab bkod pa 'od zer rab gtong zhing // shes 'chal sems can ji snyed des bskul ba// bden dang rten dang rnam thar tshul rnams dang // dbang po shes pa rtogs par khong chud 'gyur/ / bden dang rten dang rnam thar tshul rnams dang // dbang po shes pa rtogs par khong chud cing // nyi ma'i sgron ma'i ting 'dzin thob gyur nas// shes rab snang bar mdzad pa'i rgyal bar 'gyur/ / rgyal srid nor dang bdag phangs yongs btang ste// byang chub don du chos gang btsal byas pa// chos de gus par byas nas rab bshad pas// shes rab bkod pa'i 'od zer de grub bo/ / sangs rgyas ldan pa'i 'od zer rab gtong zhing // sems can gang dag 'od des bskul byas pa// sangs rgyas stong phrag du ma bsam yas rnams// pad+ma dam pa rnams la bzhugs par mthong / / sangs rgyas che dang sangs rgyas rnam thar dang // sangs rgyas rnam 'phrul mtha' yas brjod byas shing // sangs rgyas stobs dang rdzu 'phrul rab brjod pas// des na sangs rgyas ldan pa'i 'od grub bo/ / mi 'jigs sbyin pa'i 'od zer rab gtong zhing // 'jigs nyen sems can gang dag des reg pa// 'byung po gza' dang gsang brdeg bcing ba dang // nad 'gro 'jigs pa
- 202b
kun las thar bar 'gyur/ / mi 'jigs sbyin pas sems can gang bsgrubs dang // srog chags gsod las bzlog pa byas pa dang // 'jigs pa skyabs tshol rnams la bskyabs byas pas// mi 'jigs sbyin pa'i 'od zer nges grub bo/ / bde ba kun byed 'od gzer rab gtong zhing // nad pa na ba gang dag des reg pa// rnam pa kun tu nad kyi sdug bsngal bar// bsam gtan ting 'dzin bde ba rnams kyang thob/ / nad gsos 'bras bu sman dang rtsa ba dang // rin chen bcud len spos dang byug pa dang // bu ram sbrang rtsi 'o ma mar ngag dang // 'bru mar zas skom byin pas de thob bo/ sangs rgyas ston pa'i 'od zer rab gtong zhing // tshe zad tha mar gang dag des bskul ba// sangs rgyas rjes dran sangs rgyas mthong bar 'gyur// de dag shi 'phos sangs rgyas bzhugs shing 'gro/ / 'chi ba'i dus su sangs rgyas dran byas te// dga' byed rgyal ba'i sku gzugs bstan byas shing // 'chi kar sangs rgyas skyabs su gtang brjod pas// sangs rgyas ston pa'i 'od zer de thob bo/ / chos rab brjod pa'i 'od zer rab gtong zhing // sems can gang dag 'od des bskul byas pa// chos nyan glog cing yi ger 'dri ba byed// de dag rtag tu chos la dga' mos 'gyur/ / chos kyi mu ge byung tshe chos brjod de// chos tshol rnams kyi bsam pa rdzogs byas shing // 'dun pa bskyed de chos la brtson gyis shes// brjod pas chos rab brjod pa de thob bo//
- 203a
sangs rgyas sras rnams yongs su bskul ba'i phyir// dbyangs dang ldan pa'i 'od zer rab gtong zhing // 'jig rten gsum na sgra rgyu ji snyed pa// kun kyang de bzhin gshegs pa'i gsung du thos/ / gsang bstod sgra yis drang srong che bstod de// rgyal ba'i gsung sgra don tu sil snyan dang // sgra chen dril bu sbyin rnams 'gro kun la// rab tu bsgrags pas dbyangs ldan 'od grub bo/ / 'chi med sbyin pa'i 'od zer rab gtong zhing // sems can gang dag bod des bskul byas pas// bag med spyod pa thams cad rab spangs te// yon tan kun la brtson pa nyams su len// 'dus byas rtag tu bde ba med pa ste// sdug bsngal 'tshe ba du mas yongs su gang // 'gog pa rtag tu bde zhing zhi skyed ces// brjod pas 'chi med sbyin pa de thob bo// khyad par ldan pa'i 'od zer rab gtong zhing / / sems can gang dag 'od des bskul byas pa// rgyal ba rnams kyi tshul khrims khyad par dang // ting 'dzin khyad par shes rab khyad par thos// thub chen rgyal po'i khrims kyi mchog gyur cing / ting 'dzin mchog dang shes rab mchog gyur ces// byang chub don tu bstod cing bsngags brjod pas// des na khyad par ldan pa'i 'od grub bo// rin chen bkod pa'i 'od zer rab gtong zhing / sems can gang dag 'od des bskul byas pa// rin chen mi zad gter rnams thob gyur nas// drang srong che la rin chen dam pas mchod// rgyal dang rgyal ba'i mchod rten rin chen phul// skye bo nyon mong
- 203b
rin chen rnams kyis bsdus/ / rgyal ba rnams la rin chen rab phul bas// rin chen bkod pa'i 'od zer grub par gyur// spros rab sdang ba'i 'od zer rab gtong zhing // sems can gang drag 'od nges bskul byas pa/ / mi la med spos yid 'ong tshor gyur nas// sangs rgyas yon tan rnams la nges par 'gyur// mi dang lha yi spos dang byug pa yis// mi yi gtso la mchod pa rab byas te// spos la rgyal ba'i gzugs dang mchod rten dag/ byas pas spos rab snang ba de grub bo// sna tshogs bkod pa'i 'od zer rab gtong zhing // rgyal mtshan ba dan gdugs mchog sna tshogs dang // sil snyan bsgrags shing spos kyis gdugs pa yis/ / pho brang dam pa mdzes byas me tog bkram// sil snyan ngag gis rgyal ba rnams bsdu zhing // me tog byugs pa bdug spos phye ma dang / rgyal mtshan ba dan gdugs mchog rnams kyis mchod// des na sna tshogs bkod pa grub par gyur// shin tu dang byed 'od zer rab gtong zhing // sa rnams lag mthil bzhin du gnas par byed/ mchod rten drang srong gnas rnams spyad byas pas// des na shin tu dang byed 'od grub bo// sprin dang ldan pa'i 'od zer rab gtong zhing // spos kyi char 'bebs sprin rnams kun tu gnas// mchod rten 'khor sar spos kyi chus btab pos/ / sprin dang ldan pa'i 'od de rab tu thob// lhab lhub bkod pa'i 'od zer rab gtong zhing // gcer bu gos yod rgyan dang ldan par 'gyur// gos dang
- 204a
kha go brgyan 'phreng sna tshogs dag/ sbyin pa byas pas lhab lhub bkod pa grub// ro mchog ldan pa'i 'od zer rab gtong zhing // bkres pa kha zas ro mchog thob par 'gyur// zas dang skom dang ro mchog sna tshogs rnams// byin pas ro mchog ldan pa'i 'od grub bo// nor rnams ston pa'i 'od zer rab gtong zhing // dbul po dag gis rin chen gter rnams thob// dkon mchog gsum la gter bzhi'i mi zad pa/ / dbul ba byas pas nor ston 'od thob bo// mi rnams spyod pa'i 'od zer rab gtong zhing // de tshe long ba sna tshogs gzugs rnams mthong // rgyal ba dag dang rgyal ba'i mchod rten la/ / mar me phul bas mig sbyong 'od zer grub// rna ba rnams skyong 'od zer rab gtong zhing // rna ba nyams pas sgra mang thos par 'gyur// rgyal ba rnams dang rgyal ba'i mchod rten la/ / sil snyan phul bas rnga skyong 'od zer grub// sna rnams sbyong ba'i 'od zer rab gtong zhing // sngon 'chang ma tshor dri zhim tshor bar 'gyur// rgyal ba rnams dang rgyal ba'i mchod rten la/ spos rab phul bas snga skyong 'od zer grub/ lce rnams sbyong ba'i 'od zer rab gtong zhing // sgra snyan yid 'ong rnams kyis sangs rgyas bstod// mi snyan brlang par smra ba rnam spangs te// 'jam par sprasmras pas lce skyong 'od zer grub/ / lus rnams sbyong ba'i 'od zer rab gtong zhing // dbang po nyams pa dbang po ldan par 'gyur// rgyal ba rnams dang rgyal ba'i mchod rten la// lus gtung
- 204b
byas pas lus rnams sbyong ba thob/ / sems rnams sbyong ba'i 'od zer rab gtong zhing // smyos pa thams cad sems dang ldan par 'gyur// ting 'dzin dbang rjes sems 'gro byas pas na// sems rnams sbyong ba'i 'od zer de grub bo// gzugs rnams sbyong ba'i 'od zer rab gtong zhing // mi dbang rnams kyi bsam yas sku thong ste// sku gzugs ri mo sna tshogs mang po dang / mchod rten brgyan byas gzugs skyong 'od grub bo// sgra rnams sbyong ba'i 'od zer rab gtong zhing // sgra ni sgra min stong par rab tu shes// rkyen las byung bas brag cha 'dra'o zhes// sgra rnams bstun pas 'od zer de grub bo/ / dri rnams sbyong ba'i 'od zer rab gtong zhing // dri nga thams cad dri zhim mchog tu 'gyur// spos rab mchog chus rgyal ba'i mchod rten dag/ khrus byas byang chub zhing gi 'od de yin/ / ro bro sbyong ba'i 'od zer rab gtong zhing // dug can dug med ro yi mchog tu 'gyur// sangs rgyas nyan thos bcas dang pha ma la// ro mchog thams cad phul ba'i 'od de yin// reg rnam sbyong ba'i 'od zer rab gtong zhing / / reg na rtsub pa 'jam zhing bde bar 'gyur// mdung thung rtse gsum ral gri mda' chen char// 'phreng ba 'jam pa pad+ma ut+pal 'gyur// bcos bu'i ras mang 'jam zhing reg bde rnams/ / rgyal ba rnams kyi gshegs shul bting bkram ste// me tog byug pa na bza' 'jam rnams dang // 'phreng ba bla re phul ba'i 'od de yin// chos rnams sbyong ba'i 'od
- 205a
zer rab gtong zhing / / 'jig rten phan mdzad rgyal ba thams cad kyi// spu rnams kun nas chos rnams bsam mi khyab// byung ba thos nas mos pa thams cad tshim// rkyen las byung bas ma skyes ngo bo nyid/ / rgyal ba rnams kyi sku ni chos sku ste// chos nyid mkha' bzhin rtag tu gnas so zhes// brjod pas chos rnams sbyong ba thob par 'gyur// 'od zer sgo mo de dag la sogs pa/ / drang srong rnams kyi spu yi sgo gcig nas// 'od zer gang+gA'i bye ma snyed 'byung ste// kun kyang las sbyor tha dad tshul can no// ji ltar de dag spu yi sgo gcig nas// 'od zer gang+gA'i bye ma snyed 'byung ba/ / ma lus spu rnams kun nas de bzhin te// drang srong ting 'dzin rnam 'phrul 'di 'dra'o// yon tan gang gis 'od zer gang grub pa'i// yon tan de grogs sngon cad gang gyur pa// dedag nyid las 'od zer rab 'byung ste// drang srong ye shes rnam 'phrul 'dod 'dra'o// de dag bsod nams sngon grogs gang yin la// rjes su yi rang gsol ba sus btab dang // gang gis mthong ste dge ba bsags gyur pas/ / de dag kun gyis 'od zer de dag shes// gang dag bsod nams byas shing dge bsags dang // gang dag yang yang sangs rgyas rnams mchod cing // sangs rgyas yon tan bdun te don gnyer ba// de dag kun la 'od zer de dag skul// dper na dmus long nyi ma mi mthong yang // de med ma yin 'jig rten kun tu 'char// mig dang ldan pas shar
- 205b
bar shes gyur nas/ / kun kyang rang rang so so'i las la 'jug/ de bzhin skyes chen 'od zer de dag kun// rab tu 'byung yang log pas nyen gyur cing // mos nyams bal ba rnams kyis mi mthong/ ste/ blo gros yangs pa rnams la de dag mod// dper rgyan nor bu gzhon pa gzhal med khang // bcud kyis len dang rin chen byug pa spos// de dag skye bo che la yod mod kyi// phongs par gyur pa rnams la de dag med/ / de bzhin skyes chen 'od zer de dag mod// de dag yod kyang log par nyen gyur cing // mos pa nyams pa rnams kyis mi mthong ste// blo gros yangs pa rnams la de dag mod/ gang dag 'od zer dbye ba 'di thos nas// dad cing mos la dang ba skyes gyur na// bdag ni yon tan che rgyur mi 'gyur zhes// de dag dogs dang som nyi mi bskyed do// de dag g.yog 'khor bkod pa rnam 'phrul pa/ / ting 'dzin dam pa mngon par sgrub byed cing // byams bcugan tu tha snyed rnams kyis// 'an ring sangs rgyas sras rnams ston par byed// 'od bkod de dag pad+mas tshogs pa/ / stong gsum tshad tsam byin gyis brlabs byas nas// skyil krung bcas pa'i lus kyis kun khyab ston// ting 'dzin rnam par 'phrul pa 'di 'dra'o// de dag zhing bcu'i rdul skyed pad+ma gzhan/ / 'khor dang bcas pa byin gyis brlabs byas shing // sangs rgyas sras kyis thams cad yongs su bskor// de dag ting 'dzin ting 'dzin med par gnas// drang srong de yis sems
- 206a
can gang dag rnams/ / yongs su smin byas sangs rgyas legs bsgrubs pa// de dag pad+ma chen po de bskor cing // kun kyang thal mo sbyar nas lta zhing 'khod// gang dag ting 'dzin gnas par rab zhugs pa/ / skyes chen rnams kyis chos nyid 'di yin te// rang gi slob mas kun kyang yongs bskor nas// skar ma'i tshogs kyis zla ba bskor ba bzhin// de dag ji ltar phyogs gcig rab 'jug cing / / zham ring sangs rgyas sras rnams ston byed pa// de bzhin phyogs rnams ma lus kun tu ston// ting 'dzin rnam par 'phrul pa 'di 'dra'o// de dag phyogs kyi dra ba khyab gnas pa'i/ / ting 'dzin dam pa mngon par sgrub byed cing // kha cig mnyam gzhag kho cig ldang bar yang // phyogs rnams kun tu rang gi lus ston to// de dag shar gyi phyogs su mnyam gzhag cing / nub kyi phyogs nas dpa' bo rnam par ldang // nub kyi phyogs su mnyam par gzhag gyur cing // bdag nyid chen po shar gyi phyogs nas ldang // de bzhin phyogs bcu rnams su rab tu 'jug/ gzhan gyi phyogs su mnyam par gzhag gyur la/ / ye shes yon tan phyug po gzhan nas ldang // drang srong ting 'dzin rnams 'phrul 'di 'dra'o// shar phyogs sangs rgyas zhing rnams gang yin pa// grangs med ma lus dag na rang byung ba// de dag spyan sngar zhabs drung de dag rnams// zhi ba'i ting nge 'dzin la gnas par snang // phyogs der mnyam par gzhag pa bstan byas nas// dpa' bo nub
- 206b
kyi zhing rnams ma lus par/ / rnam par ldang zhing mngon sum rgyal kun la// mchod pa du ma rab tu byed par snang // nub phyogs sangs rgyas zhing rnams gang yin pa// grangs med ma lus dag na bzhugs sangs rgyas/ / de dag spyan sngar zhabs drung de dag rnams// zhi ba'i ting nge 'dzin la gnas par snang // phyogs der mnyam par gzhag par bstan byas nas// dpa' bo shar gyi zhing rnams ma lus par/ / rnam par ldang zhing mngon sum rgyal kun la// mchod pa du ma rab tu byed par snang // de bzhin phyogs bcu dag gi zhing rnams su// phyogs rnams ma lus kun tu brtan pa 'jug/ kha cig mnyam gzhag kha cig langs gyur cing / / 'jig rten sgron ma rnams la mchod byed snang // de dag mig gi lam la mnyam gzhag cing // gzugs kyi lam las bdag nyid chen po ldang // gzug rnams bsam gyis mi khyab ston pa na/ / de la lhar bcas 'jig rten rmongs par 'gyur// gzugs kyi lam la mnyam par gzhag gyur la// mig ni ma skyes ma byung rang bzhin te// stong pa byed pa med par rab ston cing / / mig gi lam nas dran ldan rnam par ldang // de dag rna ba'i lam la mnyam gzhag cing // sgra'i lam nas bdag nyid chen po ldang // gang la lhar bcas 'jig rten rmongs 'gyur bsgra dang skad rnams kun la rab tu zhugs/ / sgra yi lam la mnyam par gzhag gyur cing // rna ba ma skyes ma byung rang bzhin te// stong pa byed pa med par rab ston cing // rna ba'i lam nas dran
- 207a
ldan rnam par ldang / / de dag sna yi lam la mnyam gzhag cing // dri yi lam nas bdag nyid chen po ldang // gang du lhar bcas 'jig rten rmong 'gyur ba// dri mchog dam pa 'jug par rab tu zhugs/ / dri yi lam la mnyam par gzhag gyur cing // sna ni ma skyes ma byung rang bzhin te// stong pa byed pa med par rab ston cing // sna yi lam nas dran ldan rnam par ldang // de dag lce yi lam la mnyam gzhag cing / / ro mchog kun gyi lam nas rnam par ldang // gang du lhar bcas 'jig rten rmongs 'gyur ba// bdag nyid chen po ro mchog rnams dang ldan// ro mchog rnams la mnyam par gzhag gyur cing / / lce ni ma skyes ma byung rang bzhin te// stong pa byed pa med par rab ston cing // lce yi lam nas dran ldan rnam par ldang // de dag lus kyi lam la mnyam gzhag cing // reg pa'i lam nas bdag nyid chen po ldang // gang du lhar bcas 'jig rten rmongs 'gyur ba// 'jig rten bde ba skyed pa'i reg la zhugs// reg pa'i lam la mnyam par gzhag gyur cing // lus ni ma skyes ma byung rang bzhin te/ / stong pa byed pa med par rab ston cing // lus kyi lam nas dran ldan rnam par ldang // de dag sems kyi lam la mnyam gzhag cing // chos kyi lam nas bdag nyid chen po ldang / / gang du lhar bcas 'jig rten rmongs 'gyur ba// chos la gnas pa'i 'jug pa rab tu zhugs// chos lam rnams la mnyam par gzhag gyur cing // sems ni mi skyes ma byung rang
- 207b
bzhin te/ / stong pa byed pa med par rab ston cing // sems kyi lam nas dran ldan rnam par ldang // de dag byis pa'i lus la mnyam gzhag cing // lang tsho shugs la gnas pa rnams las ldang / lang tso shugs gnas rnams la mnyam gzhag cing // rgas shing 'khogs pa'i lus las rnam par ldang // rgas shing 'khogs pa'i lus la mnyam gzhag cing // dad pa'i dge bsnyen ma'i lus las ldang / / dge bsnyen dang ma'i lus la mnyam gzhag cing // dad pa'i dge bsnyen lus las rnam par ldang // dad pa'i dge bsnyen lus la mnyam gzhag cing // dge slong ma'i lus las rnam par ldang / / dge slong ma'i lus la mnyam gzhag cing // dge slong mang du thos pa'i lus las ldang // dge slong mang thos lus la mnyam gzhag cing // slob dang mi slob lus las rnam par ldang // slob dang mi slob lus las mnyam gzhag cing / / rkyen gyi sangs rgyas lus las rnam par ldang // rkyen gyis sangs rgyas lus la mnyam gzhag cing // sangs rgyas sku mchog rab las rnam par ldang // sangs rgyas sku mchog rab la mnyam gzhag cing / / lha yi lus gzugs las ni rnam par ldang // lha yi lus gzugs la ni mnyam gzhag cing // rdzu 'phrul chen po'i klu yi lus las ldang // rdzu 'phrul che klu'i lus la mnyam gzhag cing / / 'phrul chen gnod sbyin lus las rnam par ldang // 'phrul chen gnod sbyin lus la mnyam gzhag cing // 'byung po kun gyi lus las rnam par ldang // 'byung po
- 208a
kun gyi lus la mnyam gzhag cing / / smra yi sgo gcig nas ni rnam par ldang // spu sgo gcig la mnyam par gzhag gyur cing // spu sgro thams cad nas ni rnam par ldang // spu sgo kun la mnyam par gzhag gyur cing // skra rtse gcig gi khyon las rnam par ldang // skra rtse gcig gi khyon la mnyam gzhag cing // skra rtse kun gyi khyon la rnam par ldang // skra rtse kun gyi khyon la mnyam gzhag cing / / phra rab rdul gyi rdul las de dag ldang // rdul gcig la ni mnyam par gzhag gyur cing // ma lus rdul rnams kun las rnam par ldang // rdul rnam ma lus kun la mnyam gzhag cing / / rgya mtsho'i rdo rje'i gzhi las rnam par ldang // rgya mtsho'i rdo rje'i gzhi la mnyam gzhag cing // nor bu'i shing tog dag las rnam par ldang // shing tog rnams la mnyam par gzhag gyur cing / / rgyal ba rnams kyi 'od zer sgo nas ldang // rgyal ba'i 'od zer sgo la mnyam gzhag cing // rgya mtsho'i chu'i chu klung rnams las ldang / rgya mtsho'i chu klung rnams la mnyam gzhag cing // bdag nyid chen po me'i lam las ldang // me'i lam la mnyam par gzhag gyur cing // rlung gi lam las dran ldan rnam par ldang // rlung gi lam la mnyam par gzhag gyur cing // bdag nyid chen po sa yi gzhi las ldang // sa yi gzhi la mnyam par gzhag gyur cing // lha kun gzhal med khang las rnam par ldang //
- 208b
lha kun gzhal med khang la mnyam gzhag cing // dran ldan de dag mkha' las rnam par ldang // yon tan bsam yas bsags pa de dag gi/ ting 'dzin rnam thar de dag bsam mi khyag rgyal ba kun gyis bskal pa bsam yas su/ / bshad pa mdzad kyang zad par mdzad mi sbyong // 'gro las rnam smin bsam gyis mi khyab ste// rgyal ba kun gyis de dag gsungs pa ni// klu yi rnam 'phrul sangs rgyas rnam 'phrul dang / / bsam byed bsam gtan rnam 'phrul bsam mi khyab// de dag la yang dpe stan brjod par bya// de dag 'dra ba'i dpe lta cang med de// mkhas shing rig pa'i skye bo dpe rnams kyi/ / bstan na myur du don rnams shes par 'gyur// rnam thar brgyad kyi dbang la gnas pa yi// nyan thos gcig tu gyur nas mang por 'gyur// mang por gyur nas phyir yang gcig gyur te/ / mkha' la bsam gtan 'cha' zhing 'bar bar byed// smad nas me 'bar stong nas chu yi rgyun// stod nas me 'bar smad nas chu yi rgyun// 'gro dang 'greng dang nyal dang 'dug pa dang / / lus 'phrul skad cig gcig la bsam mi khyab// de ni snying rje che dang mi ldan zhing // byang chub mi tshil 'jig rten yang 'dor yang // lus kyi rnam 'phrul bsam yas ston byed na// 'jig rten phan 'dod ci phyir ston mi byed// nyi zla mkha' las rnam par rgyu 'dod cing // phyogs rnams kun gyi chu yi dang ngag dang // mtsho mtshe'u tshe bran snod dang rin chen dang // rgya mtsho chu klung rnams
- 209a
su gzugs bstan ston/ / de bzhin gzugs rnams bsam gyis mi khyab pa// skyes bu dpa' bo phyogs bcu kun tu ston// ting 'dzin rnam thar kun gyi tshul la mkhas/ de la de bzhin gshegs pa rang byung dbang // ngang pa'i mtsho la yan lag bzhi pa'i dmag/ de dag so so rang gi gzugs bstan mthong // ral gri mda' chen gzhu dang mda' rnams dang // go gyon gzhon dang theg par bcas su mthong / / gang gi gzugs gang gnas gang cha byad gang // de dang de dag de ltar chu las mthong // 'on kyang chu la byams sdang rnam rtog med// drang srong ting 'dzin rnam 'phrul 'di 'dra'o/ / rgya mtsho'i lha mo sgra ldan zhes bya ba// sems can rgya mtshor ji snyed skyes rnams kyi// sgra yi yan lag dbyangs kyi tshul mkhas te// rang gi skad kyis skad kun tshim par byed/ / sgra ldan chags sdang gti mug can de yang // skad rnams kun gyi sgra yi tshul mkhas na// gzungs dang chos kyi stobs la dbang thob rnams// lhar bcas 'jig rten ci phyir mgu mi byed/ / tum bu ru yi chung ma dbyangs ldan ma// tshangs pa'i bu mo yid las byung ba de// bden dang dam bcas mi 'tshe dga' rnams kyi// sems dang yid dang kha yi sgor 'jug ste// dpyang ldan chags bcas zhe sdang can de yang / / brtul zhugs grub mthun dbyangs kyi yan lag gis// yid 'ong skad kyis 'jig rten mgu byed na// ye shes yon tan phyug rnams cis mi byed//
- 209b
rig sngags tshul mkhas sgyu ma'i mkhan po na// sna tshogs gzugs mang mtha' yas ston pa byed// nyin mtshan yud dang zla ba lo brgya dang // khyim bzang rgyas pa shin tu mdzes pa ston// 'dod chags sdang ldan sgyu ma'i mkhan po yang / / sgyu ma'i 'phrul gyis 'jig rten mgu byed na// bsam gtan mngon shes rnam thar rab brlabs pa// spyod tshul mkhas rnams ci phyir mgu mi byed// lha dang / lha min dbang po 'thab pa'i tshe// dga' ldan lha yis lha min pham byas na// de dag 'jigs pas gdugs bcas gzhon bcas shing // theg bcas dmag bcas go gyon bzhin du 'byer// 'dod chags sdang ldan lha dbang de dag kyang / / lus kyi rnam 'phrul bsam yas ston byed na// dbang phyug rdzu 'phrul dbang gnas dpa' bo rnams// lus kyi rnam 'phrul ci phyir ston mi byed// rdo rje 'chang ba'i glang po sa srung bu/ / dbang po'i 'khor gyur rdzu 'phrul chen po de// mgo bo sum cu rtsa sum mngon sprul cing // mgo rnams kun la'ang mche ba drug drug ste// mche ba de dag so so re re la'ang / / rdzing bu chus gang bdun bdun sprul pa byed// rdzi 'u de la'ang pad+ma sna tshogs pa// rnam par bkod pa bdun bdun sprul pa byed// pad+ma de la'ang lha yi bu mo dag/ sgyu rtsal kun shes bdun bdun sprul pa byed/ / de dag rtsed mo glu gar tshul la mkhas// sum cu rtsa sum dbang po de dang rtse// glang po de yang lus ni bsgyur byas te// lha rnams kun dang
- 210a
'grogs shing 'dri bar byed/ / spyod pa'i tshul dang longs spyod kun yang mthun// glang po mchog gi rnam 'phrul de lta snang // glang po chags sdang gti mug ldan de yang / 'di 'dra'i rdzu 'phrul rab tu ston byed na// shes rab thabs kyi stongs la sbyangs pa rnams// ting 'dzin brgya yis rnam 'phrul cis mi byed// sgra gcan ji ltar 'dod bzhin lus 'phrul te/ / rdo rje'i gzhi la rkang pa 'jog byed cing // rgya mtsho lte bar phyin pa tsam du ston// ri rab rtse dang nyid kyi mgo yang snyom// sgra gcan chags sdang gti mug ldan de yang // 'di 'dra'i rdzu 'phrul rab tu ston byed na/ / 'jig rten sgron ma bdud rnams rab 'jom pa// rdzu 'phrul mtha' yas ci rab ston mi byed// brgya byin rnam 'phrul bsam yas rab snang ste// lha dang lha min dbang po g.yul 'gyeng tshe/ / lha min bye ba 'phyes pa ji snyed pa// de snyed brgya byin rang gis lus las sprul// lha min dbang dang lha min phal kun gyis// brgya byin rang gi mdun na 'dug par shes// de nirdo rje 'chang bas bzung ngo zhes/ / lha min dbang po kun yang mgo myos gyur// 'jigs par byed pa'i mig stong rab bstan te// rdo rje me lce 'bar ba thogs byed cing // lus la go bgos gzi brjid bstan dka' ba'i/ / brgya byin mthong nas lha min dbang po 'byer// de yang bsod nams phal pa'i mthu stobs kyis// lha rgyal don tu rnam par 'phrul byed na// 'gro ba ma lus kun gyi skyabs gyur
- 210b
pa/ bsod nams mi zad rnams lha cis mi 'phrul// lha la skul ma bdebs pa lha yi rnga// lha las rnam par smin pas grub gyur pa// lha rnams bag med gnas par shes gyur nas// rnga de nam mkha' las ni sgra sgrog ste/ / 'dod pa thams cad mi rtag ther zug min// tha shal mi brtan dbu ba'i ngo bo nyid// sgyu ma smig rgyu chu zla mtshungs shing 'dra// srid pa thams cad rmi lam sprin dang mtshungs/ / bag med thams cad dgra bcas mya ngan can// 'chi ba'i lam yin mi 'chi'i lam ma yin// ji snyed su dag bag med gnas gyur pa// de dag 'chi bdag chu srin chen pos zin// sdug bsngal rtse ba yongs 'dzin thams cad yin// skye ba thams cad 'phags pa rnams kyis smad// 'dod pa'i yon tan rnams kyis yul la rmongs// chos kyi stobs la rtag dga' gyis shes / skul/ rnga des bskul nas brgya byin lha rnams dang // lha yi mdun sa chos bzang 'dug nas su// gtam gang zhi zhing 'dod chags bral mthun pa// chos kyi gtam de lha rnams kun la rjod// rnga de gzugs med bstan tu mi rung yang / / de ltar rnga sgras don chen rab byed na// bsam pa ji bzhin gzugs ni yod ston rnams// 'gro ba kun gyi don chen cis mi byed// lha dang lha min dbang po g.yul 'gyed tshe/ / lha yi bsod nams khyad par mthu stobs kyi// lha la skul ma 'debs pa'i rnga yi sgra// lha rnams ma 'jigs shig ces sgra 'byin te// rnga yis bskul nas lha rnams rab dga' zhing /
- 211a
skrag pa med de stobs kyang skyes par gyur// lha min dbang po skrag pas nyen pa rnams// 'jigs nas dmigs bcas de yi mong la 'byer// de ltar sgra skad 'byin pa'i rnga 'dra ba/ / 'gro ba kun gyi skyabs dang dpung gnyen po// nyon mongs bdud bcom snying rje che ldan rnams// zhi ba'i sgra bsgrags nyon mongs sel bar byed// dbang po'i lha yi bu mo dgu bcu gnyis/ dbang po'i sprul pas kun kyang dga' bar 'gyur// gcig kyang bdag dang brgya byin rtse bar shes// gcig ltar lha mo kun kyang de bzhin no// lha mo kun dang dga' bar gnas snang yang // chos bzangs bdun sa na yang de bzhin 'dug/ lha rnams kun la chos rab ston snang zhing // brgya byin skad cig gcig la rnam par 'phrul// brgya byin chags sdang gti mug ldan pa yang // sprul pas rang gi 'khor rnams dga' byed na// 'gro don mi skyo sbyor rnams ci yi phyir// rdzu 'phrul stobs kyis 'jig rten mgu mi byed// bdud kyi dkrugs ma 'gro ba'i dbang sgyur ba// de yi dbang du sems can 'di kun 'dong / / las dang nyon mongs kun tu zhugs pa yis// so so'i skye bo thams cad bdud nges bcings// chags sdang gti mug ldan pa'i bdud de yang // 'gro ba thams cad dbang du 'gyur byed na/ / dbang bcu dbang thob rnams lta ci smos te// 'gro ba thams cad rang gi phyogs mi gzhog/ stong gsum gnas kyi bdag po tshangs pa yang // stong gsum tshangs
- 211b
gnas ji snyed yod pa na/ / de dag kun na 'dug par rab snang zhing // tshangs pa'i sgra dbyangs shin tu yid 'ong sgrogs// tshangs de 'jig rten pa yi tshangs lam gyi// bsam gtan mngon shes rnam par 'phrul byed na/ / 'jig rten rab 'das bla na med pas yi// bsam gtan rnam par gnas pa cis mi 'phrul// dbang phyug chen po'i shes pa'i rnam 'phrul ltos// rgya mtsho'i sprin gyis char thigs rab bkye ba/ / skad cig gcig la thams cad bgrang ba byed// thigs 'ga'i zer kyang ma shes de med na// bslab pa bskal pa bsam yas rab bslabs te// byang chub bla med ye shes thob pa rnams/ / ci phyir skad cig gcig la sems kyis ni// 'gro ba ma lus kun gyi sems mi shes// sems can las smin bsam gyis mi khyab pas// 'jig rten 'di kun rlung / las yongs su byung // rgya mtsho ri dang lha yi gzhal med khang // rin chen rnam phye sa bon bkram ba'ang byung // rlung las sprin byung char pa'ang kun tu 'bab// rlung gis sprin kyang rab tu zhi bar byed// 'jig rten lo tog 'phel bar 'ang rlung byed de// rlung ni 'gro ba kun la phan pa skyed// rlung de pha rol phyin la ma bslabs shing // sangs rgyas yon tan rnams la ma bslabs kyang // 'jig rten rnam smin pas ma yas ston byed na/ / dam pa thos nas ci phyir ston mi byed// rgya mtsho'i 'brug sgra'i sprin gyi chu tshogs ni// bya skad ri dgas skang dang skyes pa dang // bud med bu mo khye'u skad ji
- 212a
snyed pa/ / kun gyi sgra brnyan sems can rnams la sgrog/ de ltar sgra bstan rang bzhin med shes nas// sgrib pa med pa'i spobs dang ldan 'gyur zhing // 'gro ba kun la sgra brnyan brjod byas nas/ / yid 'ong sgra yis 'jig rten mgu bar byed// rgya mtsho 'di la ngo mtshar rmad kyi chos// 'gro kun rgya dang mtshungs pas rgya mtsho ste// chu dang 'byung po rin chen yod mi zad chu rnams bzung bas ngoms par 'gyur ba med/ / de bzhin de dag 'gro kun rgya 'dra ste// bsod nams bsam gtan rnam par thar rnams dang // shes rab ye shes yon tan kun mi zad// bsod nams yon tan sogs pas ngoms pa med// rgya mtsho'i klu ni rnam par rtse ba na// sa yi gzhi nas dbang sgyur gnas kyi bar// gling bzhi bcas par sprin chen rgyas 'gengs te// de dag kun kyang sna tshogs bkod pa mang / / de ni dbang sgyur gnas su 'jam gling gi/ gser gyi mdog gi sprin rnams rnam par sgrub// 'phrul dgar mu tig dmar po'i mdog lta bu// dga' ldan gnas su kha ba ba mo'i mdog/ 'thab bral gnas su mthon ting bai DUR+Ya// sum cu gsum du rdo'i snying po 'dra// skyong ba'i gnas su shel gyi mdog lta bu// rgya mtshor rdo rje mi phyed 'khregs 'dra ba// mi ci gnas su spos mchog 'khrigs lta bu/ / klu yi gnas su pad+ma'i mdog 'dra ba// gsang ba'i gnas su dang ba'i bya gar mdog/ lha min gnas su ri brag mdog 'dra ba// byang du gser gyi'o//
- 212b
zer mdog ston te// gling rnams gzhan du sna tshogs bkod pa ston// 'dzam bu'i gling du ri sngon 'dra ba ste// gang na ci mtho sprin rnams de bzhin no// dbang sgyur gnas su gser sprin des bstan nas/ / nyi ma'i mdog 'dra klog kyang rab tu 'gyed// 'phrul dga'i gnas su zla 'od bzang 'dra dang // dga' ldan gnas su 'dzam bu'i gser mdog 'dra// 'thab bral gnas su ba ba mo'i mdog/ sum cu gsum du gser gyi 'od zer 'dra// skyong ba'i gnas su dpal gyi snying po'i mdog/ rgya mtshor mu tig dmar po'i mdog 'dra bkod// mi ci gnas su mthon ting bai DUnuR+Ya/ / klu yi gnas su dpal gyi snying po'i mdog/ gsang ba'i gnas su shel gyi mdog 'dra ba// lha min gnas su rdo yi snying po 'dra// byang du nor bu skar mdog kha mdog 'dra// gling gzhan rnams na'ang bkod pa zhan dang gzhan/ / 'dzam bu'i gling du zla ba'i nor bu 'bar// sprin gyi mtshan nyid mthun pa'i glog kyang bgyed// de ni dbang sgyur gnas su tshangs sgra sgrog/ 'phrul dga'i gnas su rnga sgra sgrog par byed/ / dga' ldan gnas su sil snyan rol mo'i sgra// 'thab bral gnas su lha yi bu mo'i sgra// sum cu gsum du mi ci mang po'i skad // skyong ba'i gnas su dri za'i skad du ste/ / rgya mtshor ri 'thab sgra skad 'dra ba'o// mi ci gnas su gling bu kun nal smra// klu yi gnas su ka la bing+ka'i sgra// gsang ba'i gnas su klu li bu mo'i sgra// lha min gnas su lha yi rdza
- 213a
rnga'i sgra/ / mi yi gnas su rgya mtsho gling bu'i sgra// de ni dbang sgyur gnas su lha spos zhim// me tog sna tshogs bkod pa'i char yang 'bebs// 'phrul dga' zla ba zla bzang 'dra ba yi/ / me tog man+dar 'phreng dang byug pa 'bebs// dga' ldan gnas su nor bu chen po'i mdog/ rgyan gyi dam pa rin chen sna tshogs dang // gtsug gi nor bu zla ba 'dra ba dang / gser mdog 'dra ba'i dar la'i char yang 'bebs// rgyal mtshan gdugs dang ba dan sna tshogs dang // 'phreng ba rnams dang rgyan dang byug pa dang // mu tig dmar dang gser dang dar la dang // sil snyan yid 'ong 'thab bral gnas su 'bebs// sum cu gsum du yid bzhin nor bu mchog/ skyong ba'i gnas su tsan dan snying po'i mchog/ gur kum sil ma lha shing ta ma la/ spos chu'i rgyun dang me tog rab tu 'bebs// skyong ba'i gnas su klu yi dbang po de// nyam stobs skye ba'i kha zas skom gyi rnams// kha dog dri zhim ro dang ldan pa dang // de min rin chen bsam yas char yang 'bebs/ / de ni rgya mtsho chen por rgyun tu yang // char rgyun mi 'chad mnya' shing tsam dag dang // rnam rgyal chen po mdzod rnams mi zad pa// rin chen dkod pa mtha' yas char yang 'bebs/ / mi ci gnas su rgyan 'phreng sna tshogs dang // pad+ma ut+pal ras dang rin chen dang // me tog par sha ma li phye ma spos// pi bang gling bu sgra snyan rdza rnga 'bebs// klu yi gnas su
- 213b
/ mu tig dmar po ste// gsang bar nor bu rin chen skar mdog 'dra// lha min gnas su ral gri mda' chen dang // dgra 'dun gzhu dang ste'u ka'i char pa 'bebs// byung du de ni rgyan 'phreng rin chen dang / me tog par sha ma li'i tsam pa'i 'phreng // ku ran gtsang dang a ti mug ta 'bebs// gling gzhan rnams na'ang sna tshogs char pa 'bebs// 'dzam bu'i gling du chu gsal dang ba yi// char rnams chos bzhin phra ba'i rgyun tu 'bebs// me tog 'bras bu sman dang spos dang shing // lo tog bde byed 'jig rten rnams su skyed// de ltar sprin bkod bsam gyis mi khyab dang // glog 'byin 'brug sgrog bkod pa'i char 'bebs kyang / / gnas nas mi g.yo rnam par rtog pa med// klu yi rnam 'phrul de ltar bsam mi khyab// rgya mtsho'i chun gnas pa de ltar yang // klu yi rnam 'phrul bsam yas ston byed na/ / chos kyi rgya mtshor zhugs pa'i yon tan phyug/ rnam 'phrul mtha' yas ci phyir sten mi byed// bag tsam smos pa'i dpe tshul 'di dag gis// skyes chen de dag rnam kyi brjod pa byas/ / dpa' bo de dag dpe rnams kun dang bral// de dag 'di 'dri'i rnam thar dbang gyur ro// blo gros dam pa blo gros rgya chen ldan// ma nor blo gros mtha' yas blo gros can// ye shes mchog ldan khyad par blo can gyi/ / rnam thar mchog rnams 'di lha rnams kyis spyad// rnam thar dam pa 'di dag sus thos nas// yid ches 'dzin cing 'jig rten sgrog byed pa// de dag ngo mtshar rmad
- 214a
byung chos ldan te/ / de dag dka' byed mi yi 'jig rten na// 'di 'dra chos 'dir gang dag dang gyur pa// sems can so so'i skye bo'i tshogs na dkon// gang dag dge bsags bsod nams byas gyur pa/ / de dag rgyu yi stobs kyis 'di la dang // gang dag nyan thos theg la'ang yid ches pa'i// mi dag mi yi 'jig rten rnams na nyung // de bas rkyen gyi theg par rab tu nyung // theg pa chen por de dag de bas nyung / / theg pa che la zhugs pa de dkon te// gang dag chos 'dir dad pa'ang rab dkon na// 'jug cing 'dzin pa smos kyang ci dgos te// gang dag de bzhin sgrub pa smos ci dgos/ / gang dag stong gsum ri dang rgya mtshor bcas// phyi ma'i bskal par mgo bos bdeg byed kyang // chos 'dir dad pa'i bya dka' ci 'dra ba// de 'dra de ni de la yod ma yin// la las stong gsum rdul snyed sems can la/ / bde ba kun gyi bskal par bsnyen bkur yang // chos 'dir dad pa'i bsod nams ci 'dra ba// bsod nams khyad par de 'dra de la med// la las zhing bcu ri dang rgya mtshor bcas/ / lag pa'i mthil du bskal par mkhar 'dzin kyang // chos 'dir dad pa'i bya dka' ci 'dra ba// de 'dra de ni de la yod ma yin// la las zhing bcu'i rdul snyed sems can la// bde ba kun gyis bskal par bsnyen bkur kyang // chos 'dir dad pa'i bsod nams ci 'dra ba// bsod nams khyad par de 'dra de la med// la las zhing bcu'i rdul snyed sangs rgyas rnams// bde
- 214b
ba kun gyis bskal par bsnyen bskur bas/ / gang gis chos kyi le'u 'di bzung byas pa// bsod nams de ni de bas khyad par 'phags// rnam thar de dag rab tu bstan pa'i tshe// phyogs bcu'i zhing rnams thams cad g.yos par gyur/ / bdud kyi gnas rnams mog mog byas gyur cing // sgra rab phyung bas ngan song rab tu zhi// phyogs bcu kun gyi mi yi seng ge rnams// de dag kun gyis mngon par zhal bstan te/ / phyag brkyang mdzad nas yon tan mtha' yas pa// bzang po dpal gyi mgo la gzhag par gyur// phyag gi mthil gyis mgo la byug mdzad de// rnam thar 'di dag legs par bshad pa legs/ / khyod kyis legs bstan rjes su nged dgyes zhes// sangs rgyas de dag kun gyis gsum brjod do// de nas bcom ldan 'das kyis tshigs su bcad pa bstan pa 'di dag bka' stsal nas/ / cang mi gsung bar gyur to// de nas stong gsum gyi stong chen po'i 'jig rten gyi khams 'di na gang dag 'khod pa'i lha thams cad dang // mi dang mi ma yin pa de dag thams cad kyis/ / de bzhin gshegs pas 'di legs par bka' stsal to// kye ma de bzhin gshegs pas chos kyi 'khor lo bskor ba gnyis pa 'di mdzad do// chos bstan pa 'di sngon ma thos so/ / sems can gang dag chos kyi rnam grangs 'di rnyed par 'gyur ba de dag ni shin tu dkon te// sems can de dag ni dge ba'i rtsa ba ngan ngon dang ldan pa ma yin no// sems can
- 215a
de dag ni sangs rgyas mang po la bsnyen bkur byas pa yin no/ / sems can de dag ni lha dang bcas pa// bdud dang bcas pa// tshangs pa dang bcas pa'i 'jig rten la mchod rten lta bur 'gyur te/ / de dag ni bdud dam// bdud kyi ris kyi lha rnams sam// rab tu byung ba rnams sam// khyim na gnas pa rnams sam// de bzhin du rgyal po rnams sam// blon po chen po rnams sam/ / khyim bdag rnams kyis gtse bar mi nus so zhes ca co dang gzha'i sgra phyung ngo // de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das mdo sde dkon mchog 'di lta bu dag 'jig rten du 'byung ba ni rnyed par bka' ba lags te// 'on kyang de bzhin gshegs pa'i mthus chos 'di lta bu dag 'jig rten du byung zhing // de bzhin gshegs pa'i mthu nyid kyis sems can de dag gis kyang thos lags so// de nas bcom ldan 'das kyis ljags kyi dbang po phyung nas// tshe dang ldan pa kun dga' bo la bka' stsal pa/ / kun dga' bo khyod kyis chos kyi rnam grangs 'di zung shig/ chongs shig/ lhogs shig/ kun chub par gyis shig/ de nas tshe dang ldan pa kun dga' bos/ bcom ldan 'das la lan gsum bskor ba byas te// 'di skad ces gsol to// bcom ldan 'das bdag gis chos kyi rnam grangs 'di bzung lags te// slan cad mi bskyud par bgyid do//
- 215b
bcom ldan 'das kyis de skad ces bka' stsal nas// thams cad dang ldan pa'i byang chub sems dpa'i 'khor dang // byang chub sems dpa' 'phags pa kun tu bzang po dang // 'jam dpal gzhon nur gyur pa dang / / tshe dang ldan pa shA ra dwa ti'i bu dang // nyan thos chen po gzhan dag dang // lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ / shin tu rgyas pa chen po'i mdo// 'phags pa sangs rgyas phal po che las// dkon mchog ta la la zhes bya ba'i gzungs kyi chos kyi rnam grangs rdzogs so// / rgya gar gyi mkhan po su ren dra bo d+hi dang / zhu chen gyi lo tsa ba ban d+he ye shes sdes bsgyur cing zhus te gtan la phab pa// / rgya gar skad du/ Ar+ya kar ma A ba ra Na bi shud d+he nA ma mahA yA na sU tra/ bod skad du/ 'phags pa las kyi sgrib pa rnam par dag pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yangs pa can gyi a mras bsrungs pa'i tshal na/ dge slong lnga brgya tsam gyi dge slong gi dge 'dun chen po dang thabs gcig tu bzhugs te/ byang chub sems dpa' sems dpa' chen po sum khri nyis stong la/ 'di lta ste/ byang chub
- 216a
sems dpa' sems dpa' chen po nga rgyal rnam par 'joms dang / 'od kyis rnam par rtse ba mngon par shes pa dang / me tog pad+ma lta bu dang / bod zer rab tu 'gyed pa'i rgyal po dang / rtag tu bu don ltar bris pa'i lus can dang / som nyi thams cad mgu byed dang / rin chen bkod pa'i rgya mtsho blo gros dang / me tog sna tshogs gnas dang / sgra dbyangs rnam par dag pa'i rgyal po dang / 'od zer rgyal po'i sgron ma dang / dpal gyi snying po gser 'od dang / dbang po dang yul thams cad rab tu 'dul ba dang / sgra dbyangs mngon par sgrogs pa'i rgyal po dang / gzi brjid yid 'ong kun bsdus dang / byang chub sems dpa' sems dpa' chen po 'jam dpal gzhon nur gyur pa dang / de la sogs pa byang chub sems dpa' sems dpa' chen po sum khri nyis stong dang yang thabs gcig go/ / de nas de'i tshe dge slong dri med 'od ces bya ba yangs pa can gyi grong khyer chen por bsod snyoms kyi phyir rgyu ste/ mthar chags su bsod snyoms kyi phyir rgyu ba na/ khyim gyi rgyus mi shes pas smang 'tshong ma'i khyim zhig du song ngo // dge slong de smad 'tshong ma'i khyim gyi nang du song ma thag tu/ smad 'tshong ma des/ bdag dge slong 'di dang mi nyal du mi gtang ngo / / gal te ma grub na ni bdag 'chi bar 'gyur ro snyam du de la 'dod chags kyi sems skyed de/ des dge slong nang du 'ongs ma thag tu sgo bcad nas/ dge slong de la 'di skad ces
- 216b
smras so/ / bdag dang lhan cig tu mi nyal du mi rung ngo // gal te mnyal na ni kho mo 'chi bar 'gyur ro zhes smras so// de nas dge slong dri med 'od kyi smad 'tshong ma de la 'di skad ces smras so/ / sru mo kho bo ni sangs rgyas kyis bslabs pa chen po bcas pa la bslab dgos te/ 'khrig pa'i chos byed mi phod kyis thong shig/ kho bo ni shi yang bla'i 'khrig pa'i chos ni mi byed do/ zhes byas so// de nas smad 'tshong ma de nyid snyam du sems te/ bdag gis gsang sngags dang / sman gang gis dge slong 'di 'gug nas/ gdon mi za bar bdag dang lhan cig tu dga' ba nyams su myong bar 'gyur ba'i gsang sngags dang sman dag dge slong 'di la sbyin gor ma chag go snyam mo/ / de nas des dge slong de la smras pa/ bdag kyang sangs rgyas kyis bcas pa'i bslab pa bzhig pa 'am nyams par ni bgyi bar mi 'tshal gyis/ thugs brtse ba'i slad du bsod snyoms bzhes shig ces byas nas de nang du song ste/ rig sngags dang gsang sngags stobs bskyed pa dag gis zas de la bsngags nas/ dge slong de'i lhung bzed kyi nang du zug so// zas blugs ma thug tu/ dge slong de de'i mod la tshul bzhin ma yin pa'i rnam par rtog pa skyes te/ de kun tu rtog cing shas cher gdung ba skyed do// de nas smad 'tshong ma des dge slong de'i bzhin gyi mdog gyur par mthong nas/
- 217a
lag pa g.yas pas dge slong de bzung ste/ mal du khrid nas de dang lhan cig tu nyal po byed do// de nas dge slong de smad 'tshong ma de dang lhan cig tu dga' ba'i rtse nga mo de nyams su myong nas/ bsod snyoms de blangs te/ gtsug lag khang du song nas/ kye ma bdag ni tshul khrims kyi phung po chen po las nyams par gyur gyis bdag tshul khrims nyams pas dad pas byin pa longs spyod pa'i 'os ma yin te/ bdag ni sems ca dmyal ba chen por ltung bar 'gyur ro snyam nas/ de dge slong grogs po rnams kyi thang du 'ongs nas/ bdag ni tshul khrims 'chal par gyur te/ dge slong ma yin par gyur pas/ ni sems can dmyal bar ltung bar 'gyur ro zhes smras so// dge slong grogs po de dag gis de la 'di skad ces smras so/ / khyod ci'i phyir tshul khrims 'chal par gyur/ des kyang de dag la ji ltar gyur pa bzhin du bsnyad do// de nas dge slong grogs po de dag gis dge slong dri med 'od de la 'di skad ces smras so/ / tshe dang ldan pa dri med 'od byang chub sems dpa' sems dpa' chen po 'jam dpal gzhon nur gyur pa zhes bya ba/ nyes pa tham cad las byin pa la mkhas pa/ sgrib pa thams cad sel ba la mkhas pa/ mi skye ba'i chos la bzod pa thob pa/ bcom ldan 'das kyis kyang bstod cing bsngags la snyan par brjod pa yod
- 217b
kyis/ tshe dang ldan pa tshur shog/ 'o bu cag 'jam dpal gzhon nur gyur pa ga la ba der 'dong ngo // de ni khyod kyi 'gyod pa de bsal nus so// de nas dge slong dri med bo de zas de ma zos par dge slong grogs po de dag dang lhan cig tu 'jam dpal gzhon nur gyur pa ga la ba der dong ste lhags nas/ 'jam dpal gzhon nur gyur pa dang lhan cig tu mngon du yang da par mgu ba dang / yang dag par dga' bar 'gyur ba'i gtam rnam pa sna tshogs byas nas/ 'jam dpal gzhon nur gyur pa la ji ltar gyur pa de bsnyad do// de skad ces smras pa dang / 'jam dpal gzhon nur gyur pas/ dge slong dri med 'od de la 'di skad ces smras so// dge slong khyod zas 'di dri zo shig dang / zas zos zin pa'i 'og tu/ bcom ldan 'das la zhus te/ bco ldan 'das kyis ji skad lung bstan pa'i don bzhin du gzung bar bya'o/ / de nas dge slong dri med 'od dang / dge slong de dag zan blo zin pa'i 'og tu/ 'jam dpal gzhon nur sngar pa dang lhan cig tu/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'khod de// de nas dge slong dri med 'ong ngo tsha ste/ bcom ldan 'das la gsol ma nus so// de nas 'jam dpal gzhon nur gyur pa stan las langs te/
- 218a
gos phrag pa gcig tu bzar nas/ pus mo g.yas pa'i lhu nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la ji ltar gyur pa de thams cad gsol to/ / de skad ces gsol nas/ bcom ldan 'das kyis dge slong dri med de la 'di skad ces bka' stsal to// dge slong khyod kyis de lta bu byas pa bden nam/ gsol pa/ bcom ldan 'das de mang lags so// bcom ldan 'das kyis bka' stsal pa/ dge slong khyod kyis ci bdag gis 'dod chags spyad do snyam du snga nas bsams sam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ dge slong 'dod chags yid la byed pa ma skyes par khyod kyis 'dod chags ji ltar spang / gsol pa/ bcom ldan 'das bdag gi 'dod chags kyi sems ni slad kyis skyes lags so/ / bka' stsal pa/ dge slong sems des khyod kyi 'dod chags spyang ngam/ gsol pa/ bcom ldan 'das de ni de lta lags so/ / bcom ldan 'das kyis bka' stsal pa/ dge slong ci sems kun nas nyon mongs pas sems can rnams kun nas nyon mongs pa can du 'gyur la/ sems rnam par dag pas rnam par dag par 'gyur ro zhes ngas chos ma bstan tam/ gsol pa/ bcom ldan 'das de ni de lta lags so// bcom ldan 'das kyis bka' stsal pa/ dge slong 'di ji snyam du sems/
- 218b
ci khyod kyis gnyid log pa'i rmi lam na/ kun tu rtog pa'i tshe 'dod chags spyad pa myong ngam/ gsol pa/ bcom ldan 'das myong lags so// bcom ldan 'das kyis bka' stsal pa/ dge slong sems kyis 'dod chags spyad pa khyod kyis mi shes sam/ gsol pa/ bcom ldan 'das de ni de lta lags so// bcom ldan 'das kyis bka' stsal pa/ dge slong ci khyod kyis rmi lam gyi sems dang / gnyid mo log pa'i sems 'di la bye brag dang / tha dad du dbye ba zhig yod par mthong ngam/ gsol pa/ bcom ldan 'das bdag gis ni rmi lam gyi sems sam/ gnyid ma log pa'i sems la tha dad du bgyi ba cung zad kyang ma mthong lags so// bcom ldan 'das kyis bka' stsal pa/ dge slong 'di ji snyam du sems/ chos thams cad ni rmi lam lta bu zhes ngangs ma bstan tam/ gsol pa/ bcom ldan 'das de ni de lta lags so// bcom ldan 'das kyis bka' stsal pa/ dge slong 'di ji snyam du sems/ ci rmi lam de yang dag pa yin nam gsol pa/ bcom ldan 'das de ni ma lags so// bcom ldan 'das kyis bka' stsal pa/ dge slong 'di ji snyam du sems/ tsi rmi lam gyi sems gang yin pa dang / gnyid ma log pa'i sems gang yin pa 'di gnyis med pa ma yin nam/ gsol pa/ bcom ldan 'das ma mchis lags so// bde bar gshegs pa ma mchis lags so// bcom ldan 'das kyis bka' stsal pa
- 219a
dge slong 'di ji snyam du sems/ ci med pa de gzhig na yod dam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ dge slong 'di ji snyam du sems/ ci med pa gang yin pa de la skye ba yod dam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ dge slong 'di ji snyam du sems/ ci skye ba med pa skye bam/ 'gag pa 'am/ kun nas nyon mongs pa can nam/ rnam par byang bar 'gyur ram/ gsol pa/ bcom ldan 'das de ni ma lags so// bcom ldan 'das kyis bka' stsal pa/ dge slong 'di ji snyam du sems/ ci skye ba med pa'i chos rnams sems can dmyal bar 'gro bar 'gyur ram/ dud 'gro'i skye gnas sam/ gshin rje'i 'jig rten du 'gro bar 'gyur ram/ gsol pa/ bcom ldan 'das skye ba ma mchis pa nyid kyang ma mchis pa lags na/ ngan 'gror mchi bar 'gyur ba lta ga la mchis/ bcom ldan 'das kyis bka' stsal pa/ dge slong chos thams cad ni de ltar 'od gsal ba yin na// byis pa so so'i skye bo rnams ni yang dag pa ma yin pa'i chos rnams brtags/ phyin ci log la brtags/ gsob dang / gsog lta bu'i chos thams cad la brtags pas/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ro// dge slong gzhan yang chos thams cad ni yang
- 219b
dag pa ma yin pa ste/ rnam par bsgrubs na nye bar gnas pa'i mtshan nyid do// dge slong chos thams cad ni sbyar ba ste/ 'dod chags dang / zhe sdang dang / gti mug rnams kyang byis pa so so'i skye bo de dag gis kun nas bskyed pa yin no/ / dge slong chos thams cad ni brtags pa ste/ phyin ci log las byung ba yin no// dge slong chos thams cad ni med pa ste/ smig rgyu lta bu'i ngo bo nyid yin no/ / dge slong chos thams cad ni ya ma brla ste nam mkha' dang 'dra'o// dge slong chos thams cad ni dngos po dang bral ba'i phyir dngos po med pa'o// dge slong chos thams cad ni nam mkha' ltar zab pa'i phyir zab pa'o/ / dge slong chos thams cad ni dngos po mi dmigs pa'i phyir yangs pa'o// dge slong chos thams cad ni shin tu dben pa'i phyir mi gnas pa'o// dge slong chos thams cad ni yul thams cad gsog yin pa'i phyir mi rten pa'o/ / dge slong chos thams cad ni shin tu gsog yin pa'i phyir rtsa ba med pa'o// dge slong chos thams cad ni nyon mongs pa mi dmigs pa'i phyir kun nas dkris pa med pa'o/ / dge slong chos thams cad ni rang bzhin gyis ma skyes pa'i phyir yongs su gdung ba med pa'o// dge slong chos thams cad ni dben pa'i phyir sgrib pa med pa'o/ / dge slong chos thams cad ni rang bzhin gyis sdang ba med pa'i phyir zhe sdang med pa'o// dge slong chos thams cad ni rang bzhin gyis bod gsal ba'i phyir gti mug med
- 220a
pa'o/ / dge slong chos thams cad ni mig yor lta bu ste/ rnam par smin pa med pa'o// dge slong chos thams cad ni log par snang ba'i phyir sgyu ma lta bu'o// dge slong chos thams cad ni yang dag pa ma yin par kun tu brtags pa'i phyir gnas pa med pa'o/ / dge slong chos thams cad ni byis pa so so'i skye bo rnams kyis med bzhin du sgro btags pa'i phyir rnam par spongs par byed pa'o/ / dge slong chos thams cad ni rkyen phan tshun 'gal ba'i phyir skye ba med pa'o// dge slong chos thams cad ni lam chad pa'i phyir chags pa med pa'o// dge slong chos thams cad ni nyon mongs pa yang dag pa ma yin pa'i phyir nyon mongs pa med pa'o/ / dge slong chos thams cad ni nam mkha' ltar yongs su dag pa'i phyir dri ma med pa'o// dge slong chos thams cad ni ci las kyang dben pa'i phyir ci yang ma yin pa'o/ / dge slong chos thams cad ni ngo bo nyid kyis ma skyes pa'i phyir dul ba'o// dge slong chos thams cad ni sngon gyis mtha' dang / phyi ma'i mtha' dang / dbus yongs su bcad pa'i phyir mi bden pa'o// dge slong chos thams cad ni gcig la gcig rgyur 'gyur ba med pa'i phyir grol ba'o// dge slong chos thams cad ni rba dang / shing dang / rtsig pa dang / bong ba dang 'dra ba'i phyir bems po yin no// dge slong chos thams cad ni nam mkha' dang tshul 'dra ba'i phyir ngo bo med pa'o// dge slong chos thams
- 220b
cad ni chags pa med pa'i phyir mnyam pa'o/ / dge slong chos thams cad ni nam mkha'i lus dang chad pa stong pa dang 'dra ba'i phyir gzung du med pa'o// dge slong chos thams cad ni ye shes dang ldan pa rnams kyis yongs su btsal ba'i phyir thob pa med pa'o/ / dge slong chos thams cad ni dus gsum yongs su dag pa'i phyir dus med pa'o// dge slong chos thams cad ni mun par chags pa med pa'i phyir sbyor ba med pa'o/ / dge slong chos thams cad ni sgrib pa las dben pa'i phyir zug rngu med pa'o// dge slong chos thams cad ni mya ngan las 'das pa dang mtshungs pa'i phyir bde ba'o/ / dge slong chos thams cad ni 'jigs pa dang bral ba'i phyir 'jigs pa med pa'o// dge slong chos thams cad ni tshu rol mi dmigs pa'i phyir pha rol ma yin no// dge sbyong chos thams cad ni grangs su bgrang ba med pa'i phyir dpag tu med pa'o// dge slong chos thams cad ni mtshan ma gsob yin pa'i phyi mtshan ma med pa'o// dge slong chos thams cad ni smon pa chad pa'i phyir smon pa med pa'o/ / dge slong chos thams cad ni 'du byed brdzun pa'i chos nyid yin pa'i phyir mngon par 'du byed pa med pa'o// dge slong chos thams cad ni rnam par rtog pa nye bar zhi ba'i phyir spros pa med pa'o/ / dge slong chos thams cad ni gnas dang bral ba'i phyir gnas med pa'o// dge slong chos thams cad ni rtag tu dang ba'i phyir rnyog pa med pa'o//
- 221a
dge slong chos thams cad ni skye ba mi dmigs pa dang / skye ba gsob yin pa dang / skye ba gsog yin pa dang / skye ba stong pa yin pa dang / skye ba zhi ba yin pa'i phyir yongs su mya ngan las 'das pa'o/ / dge slong de'i phyir chos 'di dag ni ji skad bstan pa de kho na bzhin te/ dge slong nga byang chub kyi snying po la 'dug pas ni/ chos gang gi skye ba 'am/ 'jig pa'am/ kun nas nyon mongs pa 'am/ rnam par byang ba 'am/ sgrib pa 'am/ kun nas dkris pa 'am/ 'gyod pa 'am/ yid la gcags pa'i chos rdul tsam yang mi dmigs so// de ci'i phyir zhe na/ dge slong chos thams cad ni rtag tu kun nas nyon mongs pa can ma yin pas rang bzhin gyis yongs su dag pa'i phyir ro/ / de nas dge slong dri med 'od kyis chos kyi rang bzhin 'di thos nas tshim zhing mgu la yid rangs te/ / rab tu dga' zhing dga' ba dang yid bde ba skyes te// sgrib pa med par shin tu dga' bar gyur nas// bcom ldan 'das ga la ba de logs su thal mo sbyar ba btud nas// bcom ldan 'das la tshigs su bcad de gsol pa/ / kye ma kye ma sangs rgyas mthu che ba// lhar bcas 'jig rten skyabs ni khyod lags te// ma bslabs bzhin du yon tan kun gyis 'phags// sdug bsngal kun 'grel khyod la phyag 'tshal lo/ / skyabs ma mchis pa rnams kyi skyabs khyod mdzod// 'dren pa ma mchis rnams kyi 'dren khyod mdzod// zhi gyur bde ba'i lam la gnas pa po// sangs rgyas mthu chen
- 221b
khyod la phyag 'tshal lo/ / khyod ni 'jig rten long ba'i sgron ma lags// mig ma mchis pa rnams la mig stsol khyod// sems can ma bsgral rab tu sgrol mdzad khyod// dpa' bo mthu chen khyod la phyag 'tshal lo/ / chags dang sdang la khyod ni chags mi mngag/ sred la chags rnams sdug bsngal 'grel pa khyod// 'khor ba'i 'khor ba mi bden thugs su chud// ye shes stobs 'phags khyod// la phyag 'tshal lo// rtog dang rnam rtog rnams kyi rtag mi chags// ye shes bsam mi khyab pas grol ba po// 'jig rten gsum mchog dri med nyon mongs grol// dri med dag pa'i sems can khyod phyag 'tshal/ / byang chub la ni bdag kyang zhugs bgyis la// sems can sdug bsngal skyabs ma mchis rnams dgrol// 'di 'dra'i ye shes bdag gis thob gyur cing // theg pa dman pas zag ba bas ma 'gyur/ / bskal pa bye ba khrag khrig bsam yas kyis// sdug bsngal bas bgyi byang chub yong mi spong // skar ma'i tshogs kyi nang na dgung zla ltar// 'jig rten mgon po bdag gis de 'drar mthong / / ji ltar bsam pa dman pa'i mi 'ga' zhig/ rgya mtsho chen po'i nang du phyin gyur kyang // rin chen mang po mi len spong bgyid cing // mching du'i nor bu blangs nas mchi bar bgyid// de bzhin gang dag sangs rgyas rnam 'phrul stobs/ / thos kyang 'dir ni byang chub sems mi skyed// byang chub spangs nas nyan thos 'tshal ba gang // de dag ye shes yangs la 'jug mi 'gyur// 'dir ni mi zhig
- 222a
byis pa'i rang bzhin can/ / rgyal po 'bangs kyis bskor ba mthong gyur kyang // de ni blon po'i thabs la sems bskyed na// de yi shes pa yangs par mi 'jug ltar// de ltar sangs rgyas yon tan che nyid dang / / ye shes rnam par 'phrul pa thos gyur kyang // shes pa dman pa la ni 'dun skyed pa// de ni le lo can te sems kyang zhum// theg pa dman pas 'jig rten ma chags pa// mtshan mo srin bu me khyer snang ba 'dra// nyi ma'i gzi brjid kyis ni las bgyid pa// sdang ba thob nas mun dang bral bar 'gyur// sangs rgyas sgras ni mtho ris mchi bar 'gyur// sangs rgyas spras ni bzang 'gror mchi bar 'gyur/ / 'jig rten 'di na sangs rgyas sgron ma'i mchog/ lhar bcas 'jig rten 'di ni snang bar mdzad// wa yi khrod na seng ge mthong gyur na// wa yi skad la mdun pa skyed pa dang // seng ge'i rnam par 'phrul pa spong bgyid cing / / wa yi chos kyis dga' ba skyed pa ltar// de bzhin gang dag nyan thos khrod dag tu// skyes bu khyu mchog seng ge rnam 'phrul mthong // theg pa dman la dga' ba skyed pa ni/ de dag phyogs gcig pa yi rdzu 'phrul lags// ye shes 'tshal ba'i mis ni dus kun tu// 'jig rten don du sdug bsngal mang 'grel pa// nyan thos mang po'i sa min gang lags pa'i// shes dam pa mchog ni btsal bar bgyi/ de nas dge slong dri med 'od kyis tshigs su bcad pa spobs pa smras pa 'di thos nas/ lha'i bu bzhi khri nyi stong bla na med pa yang dag par rdzogs
- 222b
pa'i byang chub tu sems bskyed nas/ de dag gis bcom ldan 'das dang / 'jam dpal gzhon nur gyur pa dang / dge slong dri med 'od la me tog man+da ra ba dag gis gtor te/ tshig 'di skad ces smras so// dge slong legs so legs so// 'di ltar sangs rgyas kyi byang chub rjes su 'dzin pa 'di ni/ de bzhin gshegs pa la byas pa gzo ba nyid yin no// de nas bcom ldan 'das kyis de'i tshe 'dzum pa mdzad do/ / 'di ni sangs rgyas bcom ldan 'das rnams kyi chos nyid de/ nam 'dzum pa mdzad pa de'i tshe/ bcom ldan 'das kyi zhal gyi sgo nas 'od 'phro ba 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu kha dog du ma dang / kha dog sna tshogs byung ste/ de dag gis 'jig rten gyi khams mtha' yas mu med pa dag 'od kyis khyab par byas nas/ tshangs pa'i 'jig rten gyi bar du song ste/ nyi ma dang zla ba'i 'od kyang mog mog por byas nas phyir log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu mi snang bar gyur to/ / de nas tshe dang ldan pa kun dga' bo stan las langs te/ chos gos phrag pa ya gcig tu bgos nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btung nas/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzog pa'i sangs rgyas rnams
- 223a
rgyu ma mchis/ rkyen ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo// dge slong dri med 'od 'dis lhag pa'i bsam pa de lta bus byang chub tu sems bskyed de/ de'i phyir ngas dge slong dri med bong 'di bla na med pa yang dag par rdzogs pa'i byang chub tu lung bstan par bya ste/ kun dga' bo dge slong dri med 'od 'di ni/ ma 'ongs pa'i dus bskal pa bcu 'das pa na/ sangs rgyas bye ba phrag nyi shu rtsa gnyis la mchod pa byed par 'gyur te/ de bzhin gshegs pa dgra bcom pa yang dag par rdzogs pa'i sangs rgyas byams pa las mi skye ba'i chos la bzod pa thob par 'gyur ro/ / bskal pa bzang po'i sangs rgyas bcom ldan 'das thams cad la yang mchod pa byed par 'gyur te/ de'i 'og tu mngon par byung nas/ de bzhin gshegs pa yon tan pad+ma rnam par grags spyod seng ge'i sgra sgrogs zhes bya bar 'gyur ro// kun dga' bo de bzhin gshegs pa dgra bcom pa yang dag par rdzogs pa'i sangs rgyas yon tan pad+ma rnam par grags spyod seng ge'i sgra sgrogs de'i sangs rgyas kyi zhing yang rin po che sna bdun las grub par 'gyur la/ nyan thos dang rang sangs rgyas med de/ byang chub sems dpa' 'ba' shig 'du bar 'gyur ro/ / sangs rgyas kyi zhing der yang phyir mi ldog pa'i 'khor lo zhes bya ba'i chos ston par 'gyur ro// de dag kyang myur ba nyid du bla na med pa yang dag par rdzogs pa'i byang chub mngon par rdzogs par 'tshang rgya
- 223b
bar 'gyur te/ sangs rgyas kyi zhing yang ye shes kyi khyad par gyis yongs su sbyong bar 'gyur ro// 'jig rten gyi khams de yang rnam grangs mtha' yas ldan zhes bya bar 'gyur ro// de nas bcom ldan 'das kyis tshe dang ldan pa kun dga' bo la bka' stsal pa kun dga' bo 'di lta ste dper na/ nyi ma shar ba na mun pa thams cad med par 'gyur ro// kun dga' bo de bzhin du/ gang dag gis chos kyi rnam grangs 'di thos pa de dag gis ni kun nas snang ba thob par 'gyur te/ chos thams cad la yang sgrib pa med pa thob par 'gyur ro// de nas bcom ldan 'das la tshe dang ldan pa kun dga' bos 'di skad ces gsol to/ / bcom ldan 'das ji tsam gyis na sgrib pa dang / sgrib pa ma mchis par 'gyur ba lags/ bcom ldan 'das kyis bka' stsal pa/ kun dga' bo thong shig/ gnas 'di 'dri bas khyed la ci zhig bya/ kun dga' bo gal te de bzhin gshegs pas sgrib pa dang / sgrib pa med pa thams cad bshad du zin na/ lhar bcas pa'i 'jig rten rmongs par 'gyur ro/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das sgrib pa dang / sgrib pa ma mchis pa gang thos na/ byang chub sems dpa' rnams lnga brgya tha ma la bab pa'i tshe/ 'jig rten pa'i chos rnams la 'dod pa skyed par mi 'gyur ba de bshad du gsol/ bcom ldan 'das kyis bka' stsal pa/ 'jam dpal sgrib pa zhes bya ba la/
- 224a
'dod chags ni sgrib pa'o// zhe sdang ni sgrib pa'o// gti mug ni sgrib pa'o// sbyin pa ni sgrib pa'o// tshul khrims ni sgrib pa'o// bzod pa ni sgrib pa'o// brtson 'grus ni sgrib pa'o// bsam gtan ni sgrib pa'o// shes rab ni sgrib pa'o// sangs rgyas su 'du shes pa ni sgrib pa'o// chos su 'du shes pa ni sgrib pa'o// dge 'dun du 'du shes pa ni sgrib pa'o// stong pa nyid du 'du shes pa ni sgrib pa'o/ / mtshan ma med par 'du shes pa ni sgrib pa'o// smon pa med par 'du shes pa ni sgrib pa'o// mngon par 'du byed pa med par 'du shes pa ni sgrib pa'o// skye ba med par 'du shes pa ni sgrib pa'o// byang chub tu 'du shes pa ni sgrib pa'o// 'jam dpal mdor na kun nas nyon mongs pa 'am/ rnam par byang bar dmigs pa de dag thams cad ni de'i sgrib pa yin par blta bar bya'o// 'jam dpal gyis gsol pa/ bcom ldan 'das sbyin pa ji ltar sgrib pa lags/ tshul khrims dang / bzod pa dang / brtson 'grus dang / bsam gtan dang / shes rab ji ltar sgrib pa lags/ bcom ldan 'das kyis bka' stsal pa/ 'jam dpal chos thams cad la ni sgrib pa med mod kyi/ 'on kyang byis pa so so'i skye bo rnams kyi rang gi rtog pas sbyin pa yang sgrib pa'i bya ba byed do// tshul khrims dang / bzod pa dang / brtson 'grus dang / bsam gtan dang / shes rab kyang sgrib pa'i bya ba byed do// de ci'i phyir zhe na/ 'jam dpal byis pa so so'i skye bo rnams ni/ sbyin pa sbyin pa na sems can
- 224b
ser sna can rnams ma dad par byed de/ de dag ma dad pa des khong khro ba dang / tha ba'i nyes pa skyed par byed do// khong khro ba dang / tha ba'i nyes pas sems can dmyal bar ltung bar 'gyur ro// de dag tshul khrims bsrung ba na/ tshul khrims 'chal pa la smod cing brnyas par byed la/ bsngags pa ma yin pa brjod do// de dag las de dag gi bsngags pa ma yin pa thos pas so so'i skye bo mang po dag ma dang / par byed de/ de dag ma dad pa des ngan 'gror 'gro bar 'gyur ro// de dag bzod pa sgom pa na/ bdag cag ni bzod par smra ba yin gyi gzhan 'di dag ni gnod sems kyi sems dang ldan pa yin no zhes bzod pa'i rgyags pas myos pa de dag bag med pa'i gzhi las byung ba'i sdug bsngal rnams skyed par 'gyur ro/ / de dag brtson 'grus rtsom pa na bdag sgrogs shing / dge slong dag 'di dag ni le lo// can du gnas pa yin te/ brtson pa med par dad pas sbyin pa longs spyod par byed do// de dag gis ni chu ri'i chu yang longs spyad mi 'os so snyam ste/ de dag brtson 'grus rtsom pas/ bdag la ni stong par byed/ gzhan la ni spong bar byed de/ de dag ni byis pa yin zhes nga smra'o// de dag bsam gtan la snyoms par 'jug pa na/ bsam gtan gyi dga' ba de la chags pa skyed par byed cing / de dag 'di snyam du sems te/ bdag cag ni mnyam par gzhag pas gnas pa yin gyi/ dge slong dag gzhan 'di dag ni sems g.yengs pas gnas pa yin te/ 'du 'ji la dga' bas gnas
- 225a
pa yin no/ / 'du 'dzi la dga' bas 'di dag sangs rgyas su ga la 'gyur te/ 'di dag ni sangs rgyas kyi byang chub las ring ngo snyam mo// de dag 'du shes yid la byed pa des ji tsam du brnyes par gyur pa'i sems skyed par byed pa de snyed kyi bskal par 'khor ba yongs su 'dzin par 'gyur ro/ / phyis de dag gis gang du byang chub la spyod pa na gal te de dag mang du thos pa yin du zin kyang de ngag gis chos thams cad ni yi ge med pa la rnam par shes pa yod par brtags te/ shes rab tu dmigs nas pha rol khyad du gsod par byed pa de dag ni mi shes pa'o zhes nga smra'o// mi shes bzhin du smra ba'o zhes nga smra'o/ / skyes bu dam pa ma yin pa'o zhes nga smra'o// rnam par rtog pas nyams pa'o zhes nga smra'o// gal te de dag theg pa chen po la zhugs par gyur na yang / de dag 'di snyam du sems te/ bdag cag ni 'jig rten na gtso bo yin no// bdag cag ni 'jig rten na phul yin no// bdag cag ni 'jig rten na mchog yin no// snyam mo// gal te de dag gis nyan thos kyi theg pa pa dag mthong na/ de dag la ma dad pa skyed cing sdod pa dang / 'phya ba dang / bsngags pa ma yin pa rjod par byed de/ bsam pa ngan pa dang / nyes par rjod pa des na/ ngan 'gror 'gro ba thob par 'gyur ro/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das byang chub sems dpa' sangs rgyas kyi chos rnams
- 225b
kyi bsngags parjod par mi bgyid lags sam/ bcom ldan 'das kyis bka' stsal pa/ 'jam dpal 'di ji snyam du sems ci byang chub sems dpa' sems can thams cad la dga' bzhin du blta ba dang / phan pa'i dngos po'i rang bzhin bskyed par mi bya 'am/ 'jam dpal gyis gsol pa/ bcom ldan 'das de ni de ltar lags so// bcom ldan 'das kyis bka' stsa la pa 'jam dpal 'di ji snyam du sems/ byang chub sems dpa' sems can nyan thos kyi theg pa pa 'am/ rang sangs rgyas kyi theg pa pa 'am/ theg pa chen po pa 'ga' tsam yang yongs su spangs sam/ 'jam dpal gyis gsol pa/ bcom ldan 'das de ni ma lags te/ byang chub sems dpa' sems can thams cad la sems snyoms pa lags pas/ byang chub sems dpa' ni sems can 'ga' yang yongs su ma gtang lags so/ / bcom ldan 'das kyis bka' stsal pa/ 'jam dpal 'di lta ste dper na/ sman pas ni rgyal po 'am/ tshong dpon nam/ khyim bdag gam/ mi dbul po 'am/ sems can 'ga' tsam yang yongs su spangs pa med do// sman pa de ni 'di ltar sems snyoms pas nye bar gnas pa yin te/ ji ltar byas na sems can 'di dag nang dang bral bar 'gyur zhig gu snyam mo/ / 'jam dpal de bzhin du byang chub sems dpa' sems dpa' chen po ni sems can thams cad la snying rje 'jug cing sems snyoms nye bar gnas pa yin te/
- 226a
'di snyam du sems can 'di dag thams cad ji ltar byas na sangs rgyas kyi chos rnams la nges par 'byung bar 'gyur zhig gu snyam mo// 'jam dpal 'di lta ste/ dper na/ spyan ba ni sman dpyad kyi rgyud rgyun ma chad na dga' zhing mgu la yi rangs par 'gyur ro/ / 'jam dpal de bzhin du byang chub sems dpa' sems dpa' chen po ni sangs rgyas kyi gdung brgyud ma chad na dga' zhing mgu la yid rangs par 'gyur ro/ / 'jam dpal sems can thams cad ni sman pa dang 'dra ba ma yin no// 'jam dpal gso bar byed pa'i sman pa ni dkon no// 'jam dpal de bzhin du sems can thams cad ni sangs rgyas dang 'dra ba ma yin te/ byang chub kyi sems ni dkon no// byang chub kyi phyir go cha bgo ba ni sems can thams cad kyis mi bzod do// dper na le lo can rnams ni bdag gis sman pa bya'o snyam du sman po'i chos rnams la lhag par dmigs pa med do/ / de bzhin du sems can thams cad ni byang chub tu sems bskyed mi nus te/ le los bdag nyid nad par byed do// 'jam dpal rang byung ni dkon no/ / gzhan la rag las pa ma yin pa'i ye shes ni dkon no// sems rgya che ba ni dkon no// sangs rgyas kyi chos rnams la lhag par dmigs pa ni dkon no// de nas bcom ldan 'das la 'jam dpal gzhon nur gyur pas 'di skad gsol to/ / bcom ldan 'das ji ltar byang chub sems dpa' chos thams cad la sgrib pa ma mchis par rnam par dag par 'gyur ba lag
- 226b
de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal byang chub sems dpa' chos thams cad 'dod chags kyi chos su mthong ba gang yin pa des ni/ las kyi sgrib pa rnam par dag pa thob par 'gyur ro// chos thams cad zhe sdang gi chos su mthong ba des ni las kyi sgrib pa rnam par dag pa thob par 'gyur ro// chos thams cad gti mug gi chos su mthong ba des ni las kyi sgrib pa rnam par dag pa thob par 'gyur ro/ / 'jam dpal gzhan yang byang chub sems dpa' 'dod pa'i yon tan lnga po dag la mngon par dga' zhing mi gtong mi spong la/ sangs rgyas kyi chos rnams kyang 'dod pa'i ngo bo nyid du mthong ba des ni las kyi sgrib pa rnam par dag pa thob par 'gyur ro// 'jam dpal gzhan yang byang chub sems dpa' ni sgrib pa lnga po dag gis byang chub tshol bar byed de/ tshol ba dang byang chub kyang thob pa med cing / sgrib pa rnams kyang med pa des ni las kyi sgrib pa thams cad rnam par dag pa thob par 'gyur ro// 'jam dpal gzhan yang byang chub sems dpa' gang kun nas mnar sems kyi gzhi dgu po dag la byams pa thob par 'gyur ro// gang la de'i kun nas mnar sems kyi gzhi skye bar 'gyur ba de dang de la tshul bzhin du so sor rtog par byed cing / bdag nyid kyang mi dmigs/ gzhan yang mi dmigs/ byams pa yang mi dmigs te/ 'di ltar chos thams cad mi dmigs pa de ni byams pa'i mchog yin
- 227a
no/ / de ltar byang chub sems dpa' bzod pa dang ldan pa ni sgrib pa med pa nyid thob par 'gyur ro// 'jam dpal gzhan yang byang chub sems dpa' gang ltung ba la ltung ba med par/ mthong ba dang / 'dul ba ma yin pa la 'dul bar mthong ba dang / kun nas nyon mongs pa la rnam par byang bar mthong ba dang / 'khor ba'i khams la mya ngan las 'das pa'i dbyings su mthong ba des ni las kyi sgrib pa rnam par dag pa thob par 'gyur ro/ / 'jam dpal gzhan yang byang chub sems dpa' gang 'dod chags kyi khams la mya ngan las 'das pa'i dbyings su mthong ba dang / zhe sdang gi khams la mya ngan las 'das pa'i dbyings su mthong ba dang / gti mug gi khams la mya ngan las 'das pa'i dbyings su mthong ba des ni/ las kyi sgrib pa rnam par dag pa thob par 'gyur ro// 'jam dpal gzhan yang byang chub sems dpa' sems dpa' chen po/ / gang chos thams cad la sangs rgyas kyi chos su yang dag par mthong ba des ni/ las kyi sgrib pa rnam par dag pa thob par 'gyur ro// 'jam dpal gzhan yang byang chub sems dpa' gang chos thams cad nam mkha'i gzhi las byung bar mthong ba des ni/ las kyi sgrib pa rnam par dag pa thob par 'gyur ro// 'jam dpal gzhan yang byung chub sems dpa' gang ser sna'i chos rnams dang / sbyin pa'i chos rnams la gnyis su mi 'byed pa dang / 'chal pa'i tshul khrims kyi chos rnams dang / tshul khrims kyi chos rnams la gnyis su mi
- 227b
'byed pa dang / gnod sems kyi chos rnams dang / bzod pa'i chos rnams la gnyis su mi 'byed pa dang / le lo'i chos rnams dang / brtson 'grus kyi chos rnams la gnyis su mi 'byed pa dang / rnam par g.yengs pa'i chos rnams dang / bsam gtan gyi chos rnams la gnyis su mi 'byed pa dang / 'chal pa'i shes rab kyi chos rnams dang / shes rab kyi chos rnams la gnyis su mi 'byed pa des ni las kyi sgrib pa rnam par dag pa thob par 'gyur ro/ / 'jam dpal gzhan yang byang chub sems dpa' gang nyon mongs pa thams cad la sangs rgyas kyi chos rnams su mos pa de ni las kyi sgrib ba rnam par dag pa thob par 'gyur ro/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das byang chub sems dpa' ji ltar nyon mongs pa thams cad la sangs rgyas kyi chos rnams 'jug par bgyid lags/ bcom ldan 'das kyis bka' stsal pa/ 'jam dpal 'di ji snyam du sems/ chos 'ga' tsam yang chos 'ga' tsam la kun nas nyon mongs pa'i bya ba byed dam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ bajam dpal 'di ji snyam du sems/ chos 'ga' tsam yang chos 'ga' tsam la rnam par byang ba'i bya ba byed dam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ bajam dpal 'di rdzi
- 228a
snyam du sems/ khyod kyis mi skye ba'i chos la bzod pa ji ltar thob/ 'jam dpal gyis gsol pa/ bcom ldan 'das bdag gis ni nyon mongs pa thams cad la mi skye ba'i chos la bzod pa thob lags so/ / de ci'i slad du zhe na/ bcom ldan 'das nyon mongs pa thams cad ni nam mkha'i gzhi las byung ba'i slad du ste/ bcom ldan 'das bdag gis ni chos 'ga' tsam yang yongs ma 'tshal cing ma spangs la/ ma bsgoms shing mngon sum du ma bgyis lags so// bcom ldan 'das byis pa so so'i skye bo thams cad ni sangs rgyas kyi chos rnams dang bral ba yang ma lags/ rtogs pa yang ma lags te/ bcom ldan 'das nyon mongs pa spang ba'i slad du/ sangs rgyas kyi chos rnams la dmigs pa de dag ni phongs par 'gyur ba lags so// de nas bcom ldan 'das kyis/ 'jam dpal gzhon nur gyur pa la legs so zhes bya ba byin te/ 'jam dpal gnyis su med pa'i chos la gnas pa bstan pa 'di ni legs so legs so/ / 'jam dpal sngon byung ba 'das pa'i dus bskal pa grangs med pa'i ches grangs med pa/ gzhal du med pa/ tshad med pa/ bsam gyis mi khyab pa/ dpag tu med pa'i pha rol pas kyang ches pha rol tu gyur pa de'i tshe de'i dus na 'jig rten gyi khams shin tu dri ldan zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar
- 228b
gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das nyi ma'i snying po 'od zer dri ma med pa zhes bya ba 'jig rten du byung ngo / / 'jam dpal de bzhin gshegs pa dgra bcom pa yang dag par rdzogs pa'i sangs rgyas nyi ma'i snying po 'od zer dri ma med pa de'i sku tshe'i tshad ni bskul ba dgu stong thub par gyur to/ / 'jig rten gyi khams de'i sems can gang yin pa de dag ni dman pa la mos par gyur to// rgya chen po la mos pa ni nyung bar gyur to// de bzhin gshegs pa de yongs su mya ngan las 'das pa'i dam pa'i chos ni lo stong gi bar du gnas par gyur to/ / de'i sku gdung rnams kyang 'di lta ste dper na/ nga'i sku gdung ji ltar rgyas par 'gyur ba bzhin du rgyas par gyur to// 'jam dpal de'i tshe dge slong dpas byin zhes bya ba tshul khrims kyi phung po la gnas pa/ ngo tsha shes shing bslab pa 'dod pa/ mang du thos pa zhig byung ste/ dge slong de mdzes shing blta na sdug la kha dog bzang po rgyas pa mchog dang ldan no/ / de nang par smad g.yogs bgos nas/ lhung bzed dang chos gos blangs te/ grong khyer chen po rnam par rgyal bar bsod snyoms kyi phyir song ngo // de grong khyer de na bsod snyoms kyi phyir rgyu zhing tshong dpon gyi khyim zhig tu song ba dang / tshong dpon gyi khyim de na yang tshong dpon gyi bu mo gzugs bzang zhing mdzes la blta na sdug pa mi lo ma btang ba zhig yo/
- 229a
de nas tshong dpon gyi bu mo des dge slong bas sbyin mthong nas/ de 'dod chags kyi sems skyes te/ 'di snyam du sems so// gal te bdag gi dge slong dbas sbyin 'di bdag gi khyim thab tu ma thob na ni bdag 'chi bar 'gyur ro snyam nas/ su la yang bsnyad ma nus te/ de 'dod chags kyis yongs su gdungs pa de nyid kyis nang zhugs par gyur to// de nas dge slong dbas sbyin bsod snyoms kyi phyir rgyu ba byas nas/ gtsug lag khang du song ngo // bu mo de'i pha yang 'chi ba'i dus byas so// de nas bu mo de'i mas bu mo de la khyod ci'i phyir 'di ltar nubar gyur ces smras na/ de cang mi smra zhing kha zas mi za bar bdug/ de nas bu mo debi ne ru ldangs bde ba dang sdug bsngal la mtshungs par spyod pa rnams kyis/ bu mi de la khyod ci'i phyir 'di ltar na bar gyur ces dris so/ / des smras pa/ bdag gis dge slong che ge mo zhig mthong nas/ de la bdun pa'i 'dod chags skyes te/ bdag dge slong de dang phrad na ni nad 'di las gsos par 'gyur ro/ / ji ste phrad par ma gyur na ni 'chi bar 'gyur ro// de nas bu mo de dag gis bu mo de las thos nas de'i ma la bsnyad do// de nas de'i ma 'di snyam du sems te/ gal te dge slong dpas sbyin dang phrad par ma gyur na ni ci byar yang med kyis/ bu mo 'di ni 'chi bar 'gyur ro snyam mo// yang 'di snyam du bsams te/ bdag gis bu mo 'di dge slong dpas sbyin las
- 229b
lung nod du gshug gor ma chag go/ / 'on kyang dge slong dpas byin de khyim 'dir rtag tu bong bar 'gyur ro snyam mo// de nas dge slong dpas byin yang grong khyer rnam par rgyal bar bsod snyoms kyi phyir rgyu zhing tshong dpon gyi khyim der yang bsod snyoms kyi phyir song ste/ de'i nang du zhugs pa dang / tshong dpon gyi bu mo nyam chung bar 'gyur pa mthong nas/ des bu mo 'di ci'i phyir nyams chung zhing na bar gyur ces smras so/ / bu mo de'i mas smras pa/ bu mo 'di chos nyan par 'dod pa las/ bdag gis bgegs byas nas de'i phyir 'di na par gyur to// de skad ces smras nas/ dge slong dpas byin des/ bu mo de'i ma la 'di skad ces smras so// khyod bu mo 'di chos nyan pa la bgegs ma byed cig/ des smras pa/ gal te slob dpon gyis bu mo 'di la lung 'bog na ni/ bdag bu mo 'di chos nyan pa la bgegs mi bgyid do/ / dge slong dpas byin gyis smras pa/ bu mo 'di la bdag gis lung dbog par bya'o// bu mo'i mas smras pa/ slob dpon rtag tu khyim 'dir gshegs shig/ dpas byin gyis smras pa/ 'ong bar bya'o// de nas bu mo des dge slong gi tshig thos nas/ tshul bzhin ma yin pa yid la byed pa de las rtse zhil bar gyur te/ bdag gis kyang ci nas bdag 'dod pa bzhin byed par 'gyur bar chags par 'gyur bar bya'o snyam mo/ / de nas bu mo des dge slong de la 'di skad ces smras so// bdag la thugs brtse ba'i slang
- 230a
du slob dpon khyim 'dir gshegs par gsol lo/ / de nas dge slong dpas byin des cang mi smra bas khas spangs nas/ bsod snyoms khyer te gtsug lag khang du song ngo / / de nas bu mo de'i mas bu mo de la 'di skad ces smras so// bu mo khyod da phyin chad rgyan gyis brgyan par gyis la/ tsan dan gyis lus byug pa dang / gos kha dog sna tshogs bgo bar gyis la/ ci nas khyod kyi dbang du 'gyur ba de bzhin du khyod kyis nan tan byos shig/ des kyang de bzhin du nan tan byas so// de nas dge slong dpas byin yang dang yang du khyim der 'ong zhing yid brtan par gyur to/ / des rtag tu mthong bas bu mo de la 'dod chags kyi sems bskyed de/ de 'dod chags yid la byed pa de dang lhan cig gnas nas/ 'dod chags kyis kun nas dkris par gyur to/ / de bu mo de dang lhan cig tu shin tu 'dres par gnas shing 'dug par gyur te/ der 'dris shing der mngon par dga' nas/ yang dang yang du gnas par gyur to/ / de nas dge slong dpas byin de bu mo dang lhan cig tu 'dra zhing 'dug pa/ sngon bu mo de gang gis bslangs pa'i khyim thab des thos so// dge slong dpas byin de bu mo de dang lhan cig tu yang dang yang du 'dug pa dang / de 'di snyam du sems te/ dge slong dpas byin 'di bdag gis thabs kyis gzung ste gsang do snyam mo// dge slong dbas byin des kyang bu mo de
- 230b
khyim thab kyis bdag bsad par byas shes thos nas/ de 'di snyam du sems te/ bdag gis bu mo 'di'i lag tu gang gis tshongs dpon gyi bu pho de 'chi bar 'gyur ba'i drug bskur gor ma chag snyam mo/ / de nas dge slong dpas byin des bu mo de'i lag tu dug byin te 'di skad ces smras so// gal te bdag khyod kyi snying du sdug na ni/ dug 'dis khyim thab 'di gsod cig de nas bu mo des dge slong de las dug de blangs nas/ kha zas dang sbyar te bran mo'i lag tu bskur nas khyod song la/ nga'i khyim thab de la 'di byin cig ces byas so// de nas bran mo des dug dang sbyar ba'i kha zas de tshong dpon gyis bu pho de la byin no// de nas tshong dpon gyis bu des kha zas dug dang sbyar ba de zos nas shi'o// de nas dge slong dpas byin des tshong dpon gyi bu de shi'o zhes thos so/ / thos nas kyang de 'gyod pa chen po skyes te/ bdag gis ni 'jigs su rung ba'i las byas so// bdag gis ni las mi bzad pa byas te/ 'di ltar bdag gis 'dod pa yang yongs su spyad la/ mi yang gsod du bcug na/ bdag gi 'gro ba ni gang yin/ bdag gi tshe phyi ma ni gang yin zhi gu/ bdag ni sems can dmyal bar ltung bar 'gyur ro snyam nas/ de'i lus yongs su gdung bar gyur te/ bdag ni shi nas gdon mi za bar sems can dmyal bar 'gro bar 'gyur ro snyam nas/ de 'di snyam du sems te/ bdag sdug bsngal 'di las thar par byed nus pa su zhig
- 231a
yod snyam mo/ / de gtsug lag khang nas gtsug lag khang du 'gro zhing rgyu ste/ shing bcad pa bzhin du sa la bgyel nas/ kyi hud kyi hud bdag ni sems can dmyal ba par gyur to zhes tshig tu smra'o/ / de'i tshe gtsug lag khang gangs shes bya ba zhig yod de/ de gtsug lag khang de ga la bar song ste phyin nas/ gtsug lag khang gi slar song ste/ sa la 'gyel nas kyi hud kyi dud bdag ni sems can dmyal ba par gyur to zhes tshig tu smra'o/ / de nas byang chub sems dpa' sems dpa' chen po 'jigs sgrol gtsug lag khang de'i nang du 'gro bas/ dge slong sa la 'gyel pa mthong nas des de la smras pa/ dge slong khyod ci'i phyir sa la 'gyel/ des de la smras pa/ bdag ni sems can dmyal ba par gyur to// bdag gis ni 'jigs su rung ba'i las byas so/ / bdag gis 'khrig pa yang byas la/ mi yang bsad do// de nas byang chub sems dpa' 'jigs sgrol gyis/ dge slong rabs byin de la smras pa/ dge slong ma 'jigs shig dang / ngas khyod 'jigs pa med par bya'o// de nas dge slong dpas byin des/ 'jigs pa med pa'i sgra thos nas/ dgag zhing mgul yi rang bar gyur to// denas byang chub sems dpa' 'jigs sgrol gyis/ dge slong dpas byin des las bslang nas/ lag pa g.yas pa nas bzung nas nag sug po zhig gi nang du song ngo song nas/ de nags sdug pa der
- 231b
'dug go/ / de nas byang chub sems dpa' sems dpa' chen po 'jigs sgrol ta la'i srid tsam gyi nam mkha' la 'dug nas/ dge slong de la 'di skad ces smras so// dge slong khyod nga la yid ches sam/ / de nas dge slong des thal mo sbyar nas tshig tu smras pa/ bdag ni bcom ldan 'das dang mjal to// bdag ni bde bar gshegs pa dang mjal to// de nas de'i tshe byang chub sems dpa' sems dpa' chen po 'jigs sgrol sangs rgyas thams cad kyi yul la 'jug pa'i sgo de bzhin gshegs pa'i ye shes kyi phyag rgya zhes bya ba'i ting nge 'dzin la snyoms par zhugs so/ / de ting nge 'dzin la snyoms par zhugs ma thag tu de'i lus las de bzhin gshegs pa'i sku gser gyi mdog can skyes bu chen po'i mtshan sum cu gnyis mngab pa de dag phyung ngo // de bzhin gshegs pa'i sku de dag gis kyang / nags stug po de dag thams cad kyang khyab par gyur te/ de bzhin gshegs pa'i sku de dag gis gsung mthun par tshigs su bcad pa 'di dag gsungs so// / chos rnams 'di dag gzugs brnyan 'dra ba ste// chu nang zla ba snang la med pa bzhin// byis pa sems ni rmongs shing skrag gyur nas// 'dod chags dug dang de bzhin zhe sdang rtog/ chos rnams mkha' 'dra rtag tu dag cing gsal/ / myang ngan 'das shing gnas med zhi ba yin// 'di na tshor ba po dang byed pa med// chos rnams 'di dag zhi gsog snying po med// nang du btsal kyang 'dod chags ma rnyed de//
- 232a
zhe sdang sus kyang rnyed par ma gyur na// byis pa'i skye bo bdag ni chags snyam sems// su yang 'di na chags par gyur pa med// rmi lam du ni bdag gis gzugs mthong snyam// de la chags shing sdang la rmongs par gyur// mtshon cha thogs shing gsad par rtsol ba na// gsod pa po dang mtshon cha ci yang med// de bzhin 'di na byis pa 'dod pa spyod// 'thab mo dag kyang 'gyed ci gsod par byed/ / gti mug dbang gis skrag cing rmongs par gyur// bdag ni chags so snyam ste dga' bar 'dzin// 'jig rten 'di dag thams cad rmi lam bzhin// chos rnams gsog ste stong zhing snying po med/ / smig rgyu 'dra zhing sprin dang mtshungs pa ste// 'dod chags mtshan nyid med cing gti mug zhi// chos rnams 'di dag rtswa dang rtsig pa bzhin// sems ni nang na med cing phyi rol med// bdod chags srog dang sems can gso ba min// zhe sdang gang zag ma yi dngos po med// chos rnams 'di dag rkyen dang rgyu las grub// rgyu rkyen de la rmongs shing byed pa med// chu zla 'dra bar byas pa ma yin te/ / lus kyang med de 'dod chags gsog yin no// sgyu mas bsgrubs pa yin te stong pa nyid// byis pa dngos por 'dzin pas dpyad cing brtags// sgyu ma gsog ste med cing stong pa yin// 'di na 'dod chags zhe sdang gti mug med// chos 'di thams cad mtshan nyid med pa ste// rtsa ba mi dmigs bzod nas rab tu zhi// mtha' ma gzung med dben zhing snying po med// 'dod chags 'od gas
- 232b
gti mug rab tu zhi/ / 'din byis pa gzugs brnyan mthong ba na// 'di ni bdag yin snyam du sems par byed// gsog dang gzung du med la yod min dang // snying po med pa de la log par rtog chos rnams 'di dag mig yor 'dra ba ste/ / 'dod chags gti mug zhe sdang gzung du med// sgyu ma rmi lam chu zla lta bu ste// 'di la su yang chags shing sdang ba med// yul 'di dag ni dug med stong pa ste/ dngos por dmigs pa thams cad gzung du med// 'di dag brtags pa'i chos can yod ma yin// dngos po mi dmigs ca nas rab tu zhi// sgyu ma 'dod chags zhe sdang gti mug med// 'di la nams kyang yod par 'gyur ma yin/ / chos rnams sgyu ma 'dra zhing rmi lam 'dra// thog ma mi dmigs thams cad yod ma yin// ji ltar chu la zla ba snang bzhin du// der ni nam kyang zhugs par gyur pa med/ / de bzhin byis pa sdang zhing chags gyur kyang // 'di na 'dod chags med cing zhe sdang med// 'dod chags gzung du med cing zhe sdang med// gti mug 'od gsal rkyen rnams stong pa ste// sems can dmigs su med cing srog kyang med// chos 'di gsog ste zhi la snying po med// mig kyang med de rna ba med pa yin// snga yang mi snang lce yang de bzhin te// 'di dag bems po'i chos can snying po med/ / byis pa'i skye bo rmongs byed mos par byed// nam mkha' la ni ji ltar mtha' med cing // zad par mi 'gyur skye ba med pa bzhin// chos rnams 'di dag thams cad de bzhin te// nam
- 233a
mkha'i chu ltar dag cing rnam par dag/ chos rnams rnam pa sna tshogs brtags pa ste// brtags na de yang nams kyang yod ma yin// byis pa phung po 'di dag 'dra bar 'dzin// de yang de la nams kyang yod ma yin/ / shes ldan dngos dang dngos med rnam 'jig cing // chos nyid 'di dag thams cad zhi bar mthong // thams cad ma skyes gzung du med par mthong // de yi lus ni nams kyang yod ma yin/ / chos rnams 'od gsal grol zhing rab tu grol// zhi zhing mi gnas mya ngan 'das gyur la// de la nams kyang gzung du med pa ste// shes ldan de ltar rtogs na grol bar 'gyur// de nas nags khrod der byang chub sems dpa' 'jigs sgrol las chos mnyan pa'i phyir// lha'i bu bzhi khri nyis stong lhags par gyur pa de dag gis tshigs su bcad pa bstan pa de dag thos nas/ / mi skye ba'i chos la bzod pa thob par gyur to// dge slong dpas byin de yang kun nas bkris pa dang bral bar gyur te/ de bzhin gshegs pa'i sprul pa bkod pa de dag mthong nas/ byang chub/ kyi tshul dang ldan pa'i sems kyis chos kyi rang bzhin rab tu rnam par 'byed pas mi skye ba'i chos la bzod pa thob par gyur to// 'jam dpal khyed kyis de'i tshe de'i dus na/ byang chub sems dpa' 'jigs/ sgrol zhes bya ba de gzhan zhig yin pa snyam na de ltar mi blta'o// de ci'i phyir zhe na/ byang chub sems dpa' byams pa de'i tshe de'i dus na// byang chub sems dpa' 'jigs sgrol zhes bya bar gyur to//
- 233b
'jam dpal khyod kyis de'i tshe de'i dus na// dge slong dpas byin zhes bya ba gzhan zhig yin pa snyam na de ltar mi blta'o// de ci'i phyir zhe na/ de bzhin gshegs pa rin chen zla ba byang chub kyi spyad pa spyod pade/ de'i tshe de'i dus na/ dge slong dpas byin zhes bya bar gyur to// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'dra dge slong dpas byin de byang chub tu mngon par rdzogs par sangs rgyas lags sam/ bcom ldan 'das kyis bka' stsal pa/ 'jam dpal mngon par rdzogs par sangs rgyas zin te/ de ni nub phyogs logs su sangs rgyas kyi zhing 'di nas/ sangs rgyas kyi zhing gang+gA'i klung gi bye ma snyed 'das pa na/ 'jig rten gyi khams 'od zer rtag pa zhes bya ba der de bzhin gshegs pa rin chen zla ba zhes bya bar gyur to/ / 'jam dpal chos 'di dag gi sgrib pa med pa dag ji tsam 'dod pa dag kyang yongs su longs spyad la/ srog gi bar chad kyang byas bzhin du mi skye ba'i chos la bzod pa thob par gyur pa la ltos/ / de ci'i phyir zhe na/ 'di ltar de'i khams gsum pa thams cad yang dag pa ma yin par shes shing / sems can thams cad mig yor dang 'dra bar shes pa'i phyir ro// 'jam dpal sgyum lta bu'i sems la gnas pa la ni chos gang la yang sgrib pa med do/ / 'jam dpal yang byis pa so so'i skye bo rnams ni rang gi rtog pas sems can dmyal ba dang / dud 'gro'i skye gnas dang / gshin
- 234a
rje'i 'jig rten du ltung bar 'gyur te/ med pa'i chos rnams la yongs su brtags pas/ sdug bsngal 'bum phrag mang po nyams su myong bar 'gyur ro// nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das byang chub sems dpa' gang / chos kyi rnam grangs 'di 'dzin pa dang / 'chang ba dang / kun chub par bgyid pa dang / bsti stang bgyid pa de/ tshe 'di nyid la yon tan ji snyed cig thob par 'gyur lags/ bcom ldan 'das kyis bka' stsal pa/ 'jam dpal 'di ji snyam du sems nyi ma'i dkyil 'khor shar ba na/ 'dzam bu gling pa'i mi rnams la/ yon tan gyi phan yon ji tsam du 'gyur/ 'jam dpal gyis gsol pa/ bcom ldan 'das yon tan gyi phan yon dpag tu ma mchis shing / snang ba tshad ma mchis par 'gyur te/ des ni mi rnams sug las dag bgyid par 'gyur lags so// bcom ldan 'das kyis bka' stsal pa/ 'jam dpal de bzhin du chos kyi rnam grangs 'dis ni/ byang chub sems dpa' de'i nyon mongs pa thams cad bsal nas/ shes rab kyi snang ba tshad med pa skyed par byed do// chos thams cad la yang sgrib pa med pa thob par 'gyur ro/ / yongs su gdung ba dang bral zhing kun nas dkris pa yang med par 'gyur ro// de la chags pa med pa'i spobs pa yang myur du mngon sum du 'gyur ro// bdud dang phyir rgol ba thams cad
- 234b
kyis kyang mi brdzi bar 'gyur ro/ / chos kyang ston te/ spobs pa mthar thug pa med pas ston par 'gyur ro// 'jam dpal 'di lta ste/ dper na/ me byung na rA dang shing thams cad sreg par byed do// 'jam dpal de bzhin du chos kyi rnam grangs 'dis yang nyon mongs pa thams cad sreg par byed do// 'jam dpal 'di lta ste dper na/ ri'i rgyal po gangs kyis ri nag po thams cad zil gyis gnon to// 'jam dpal de bzhin du byang chub sems dpa' chos kyi rnam grangs 'di la mkhas pas ni pha rol rgol ba thams cad chos dang ldan pas tshar bcad nas/ zil gyis gnon par byed do// 'jam dpal 'di lta ste dper na/ 'khor los sgyur ba'i rgyal pos ni khams kyi rgyal po rnams zil gyis gnon to// 'jam dpal de bzhin du byang chub sems dpa' chos kyi rnam grangs 'di la gnas pas ni gang zag tshig dang yi ge 'bru sna tshogs thams cad la mkhas pa rnams zil gyis gnon to/ / 'jam dpal 'di lta ste dper na/ dge slong 'dul ba 'dzin pa ni ltung ba thams cad 'dul ba la mkhas pa yin no// 'jam dpal de bzhin du byang chub sems dpa' chos kyi rnam grangs 'di la mkhas pa ni/ phyogs bcu'i sems can thams cad kyi 'gyod pa sel bar byed do// 'jam dpal 'di lta ste dper na/ nyi ma'i dkyil 'khor shar na mun pa mun nag thams cad med par 'gyur ro/ / 'jam dpal de bzhin du byang chub sems dpa' chos kyi rnam grangs 'di la mkhas pas ni/ sems can thams cad kyi nyon mongs pa
- 235a
sel bar byed de/ ye shes kyi snang ba yang byed par 'gyur ro// de ci'i phyir zhe na/ 'jam dpal chos kyi rnam grangs 'di la slob pa gang yin pa de ni lhag pa'i shes rab la slob pa yin pa'i phyir ro/ / de nas bdud sdig can/ bcom ldan 'das ga la ba der song ste phyin nas/ bcom ldan 'das la 'di skad ces gsol to// bcom ldan 'das khyod ni thugs rje chen po dang ldan pa lags te/ sems can thams cad la sman pa dang / thugs brtse ba can lags na/ bcom ldan 'das bdud kyi gnas thams cad rab tu g.yos te/ bdag kyang mya ngan gyi zug rngus zug lags kyis/ bcom ldan 'das yang chos kyi rnam grangs 'di mi bshad par gsol/ bcom ldan 'das bdag gis kyang / chos kyi rnam grangs 'di ci nas 'dzam bu'i gling du spyod par mi 'gyur ba de ltar bgyi'o/ / ci nas chos kyi rnam grangs 'di su yang 'dzin par mi 'gyur/ 'chang bar mi 'gyur/ kun chub par bgyid par mi 'gyur ba de lta bur yang bgyi'o// ci nas chos kyi rnam grangs 'di la lam ngan par 'du shes par 'gyur bar yang bgyi'o/ / de dag shin tu rgyas pa'i mdo sde dag la log par lta ba'i 'du shes su 'gyur bar yang bgyi'o// dge slong de dag ci nas chos kyi rnam grangs 'di spong bar 'gyur ba'i kun nas dkris pa 'ga' 'byung bar yang bgyi'o/ / de nas sangs rgyas kyi mthus lha'i dbang po brgya byin bcom ldan 'das kyi spyan sngar 'dug nas/ des
- 235b
bcom ldan 'das kyi zhabs la mgo bos phyag 'tshal te/ bcom ldan 'das la me tog man+da ra ba dag gis gtor nas/ bcom ldan 'das la 'di skad ces gsol to// bcom ldan 'das gal te bdud sdig can chos kyi rnam grangs 'di nub par bgyid pa'i slad du rtsol bar gyur na/ bcom ldan 'das bdag gis chos kyi rnam grangs 'di gzung bar bgyi/ bcang bar bgyi/ kun chub par bgyi'o/ / bcom ldan 'das dang / btsun pa kun dga' bo yongs su mya ngan las 'das pa'i 'og tu yang / bdag gis chos kyi rnam grangs 'di 'dzam bu'i gling du spyod par 'gyur bar bgyi'o// chos smra ba de la yang rgyal po bzhi gnod sbyin gyi tshogs kyi 'khor dang bcas pa rnams bsrung ba dang / bskyab pa dang / sba ba bgyid du stsal bar 'tshal te/ chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa gang lags pa de la/ bdag gis kyang bsrung ba dang / bskyab pa dang / sba bar 'tshal lo// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zung shig/ chongs shig lhogs shig/ kun chub par gyis shig/ gzhan dag la yang rgya cher ston cig/ de ci'i phyir zhe na/ kun dga' bo 'di ni chos thams cad kyi chos kyi me long yin pa'i phyir ro// gsol pa/ bcom ldan 'das de bzhin gshegs pas ji skad bka' stsal pa bzhin du chos kyi rnam grangs
- 236a
'di dag gis bzungs lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di las kyi sgrib pa rnam par dag pa zhes bya bar zungs shig/ sgrib pa med pa'i ye shes la 'jug pa zhes bya bar yang zung shig/ chos kyi rnam grangs 'di shad pa na/ dge slong drug cus len pa med par zag pa rnams las sems rnam par grol lo// byang chub sems dpa' brgyad cus ni mi skye ba'i chos la bzod pa thob par gyur to// bcom ldan 'das kyis de skad ces bka' stsal nas/ 'jam dpal gzhon nur gyur pa dang / tshe dang ldan pa kun dga' bo dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa mngon par bstod do// 'phags pa las kyi sgrib pa rnam par dag pa zhes bya ba theg pa chen po'i mdo rdzogs so// rgya gar gyis mkhan po 'dzin mi tra dang / pradz+nyA bar ma dang zhu chen gyi lo tsa ba ban+d+he ye shes sde la sogs pas bsgyur cing zhus te gtan la phab pa/ rgya gar skad du/ Ar+ya rat+na tsan+d+ra pa ri brid tsha nA ma ma hA yA sU tra/ bod skad du/ 'phags pa rin chen zla bas zhus pa zhes bya ba theg pa chen po'i mdo/ bam po
- 236b
dang po/ / thams cad mkhyen pa la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la/ shA ri bu dang / mo'u 'gal gyi bu chen po la sogs pa dge slong 'bum phrag bdun cu rtsa gnyis kyi dge slong gi dge 'dun chen po rnams dang / thabs gcig tu bzhugs so// byang chub sems dpa' dgu khri la 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po blo gros mi zad pa dang / byang chub sems dpa' sems dpa' chen po blo gros rgya mtsho dang / byang chub sems dpa' sems dpa' chen po blo gros mtha' yas dang / byang chub sems dpa' sems dpa' chen po blo gros brtan pa dang / byang chub sems dpa' sems dpa' chen po khams gsum rnam par gnon pa dang / byang chub sems dpa' sems dpa' chen po lag na rin po che dang / byang chub sems dpa' sems dpa' chen po sman gyi rgyal po dang / byang chub sems dpa' sems dpa' chen po rin chen 'byung gnas dang / byang chub sems dpa' sems dpa' chen po dga' sdug dang / de dag la sogs pa byang chub sems dpa' dgu khri dang / lha'i bu bye ba khrag khrig 'bum phrag du ma dag dang rgyal po chen po bzhi dang / lha rnams kyi dbang po brgya byin g.yog 'khor lha'i bu 'bum phrag du ma dang bcas pa dang / mi mjed kyi
- 237a
bdag po tshangs pa g.yog 'khor tshangs ris kyi lha'i bu 'bum phrag du ma dang bcas pa dang / klu'i rgyal po rgya mtsho dang / klu'i rgyal po ma dros pa dang / klu'i rgyal po e la'i 'dab dang / klu'i rgyal po kun tu grags dang / de dag la sogs pa klu 'bum phrag du ma dang / gnod sbyin gyi sde dpon chen po 'brog gnas dang / kha spu can dang / rtsi sman dang / bong bu dang / de dag la sogs pa gnod sbyin gyi sde dpon 'bum phrag du ma dang thabs gcig tu bzhugs so/ / de nas bcom ldan 'das snga dro'i dus kyi tshe/ sham thabs dang chos gos gsol te/ lhung bzed bsnams nas/ rgyal po'i khab kyi grong khyer chen por bsod snyoms la gshegs so// de'i tshe rgyal po gzugs can snying po'i sras khye'u rin chen zla ba zhes bya ba/ glang po che lta ba brgyad pa zhes bya ba/ rin po che sna bdun gyis brgyan cing gser gyi dra bas g.yogs pa/ dril bu g.yer ka sbyangs pa/ gser gyis spras pa'i dar gyi lda ldi mang pos mdzes par byas pa/ bdug pas bdugs pa/ me tog sil mas gtor ba/ rgyal mtshan dang / ba dan bsgrengs pa/ gdugs dang dra bas brgyan pa/ rin po che'i shing ljon pas mdzes par byas pa/ stegs bu bdun gyis kho ra khor yug nas bskor ba la zhon nas/ rgyal po'i 'byor pa chen po dang / rgyal po'i mthu chen po dang ldan pas/ rgyal po'i khab kyi grong khyer chen po nas byung ste/ sems can tham
- 237b
cad la sbyin pa dag sbyin zhing song ba las/ gzhon nu rin chen zla bas thag ring po zhig nas bcom ldan 'das mdzes pa/ dad par bya ba/ dbang po dul ba/ thugs dul ba/ kha dog bzang po/ rgyas pa mchog dang ldan pa/ dul ba dang / zhi ba'i mchog/ dul ba dang zhi ba dam pa'i pha rol tu phyin pa/ gtso bo chen po// dbang po bsrungs pa/ dbang po thul pa/ mtsho ltar dngas zhing gsal la/ rnyog pa med pa// skyes bu chen po'i mtshan sum cu rtsa gnyis mnga' ba/ dpe byad bzang po brgyad cus brgyan pa'i sku gser gyi mchod sdong ltar 'phags la/ dpal gyi mchog gis lam me/ lhan ne/ lhang nge ste/ gshegs pa mthong ngo // mthong nas kyang sems dad par gyur to// sems dad par gyur nas/ glang po che'i steng nas skyen par babs te/ bcom ldan 'das kyi zhabs la phyag 'tshal te/ bcom ldan 'das la lan gsum bskor ba byas nas phyogs gcig tu 'dug go/ bcom ldan 'das la zhe sa dang bcas/ gus pa dang bcas pas phyogs gcig tu 'dug nas/ rgyal po gzugs can snying po'i sras khye'u rin chen zla bas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / bcom ldan 'das rigs kyi bu 'am/ rigs kyi bu mo dad pa can gang dag gis phyogs bcu'i de bzhin gshegs pa dgra bcom pa yang dag par rdzogs pa'i
- 238a
sangs rgyas bcu po dag gi mtshan thos na/ bla na med pa yang dag par rdzogs pa'i byang chub las phyir mi ldog par 'gyur ba de lta bu bcom ldan 'das kyis bshad du gsol/ bde bar gshegs pas bshad du gsol/ de skad ces gsol ba dang / bcom ldan 'das kyis rgyal po gzugs can snying po'i sras khye'u rin chen zla ba la 'di// skad ces bka' stsal to// gzhon nu legs so legs so// gzhon nu khyod 'di ltar skye bo mang po la phan pa dang / skye bo mang po la bde ba'i phyir dang / 'jig rten la snying brtse ba dang / skye bo'i tshogs phal po che'i don dang / lha dang mi rnams la phan pa dang / bde ba'i phyir zhugs pa dang / da ltar dang / ma 'ongs pa'i byang chub sems dpa' sems dpa' chen po rnams yongs su gzung ba'i phyir zhugs te/ gzhon nu khyod de bzhin gshegs pa dgra bcom pa yang dag par rdzogs pa'i sangs rgyas la don 'di zhu bar sems pa legs so// gzhon nu khyod kyi zhu ba bzang ste/ spobs pa dge'o// de'i phyir gzhon nu khyod legs par rab tu nyon la yid la zung shig dang bshad do// sems rtse gcig tu rna blags te sems sdus la som shig dang / don de ngas khyod la bshad do/ / de nas rgyal po gzugs can snying po'i sras khye'u rin chen zla bas bcom ldan 'das la legs so zhes gsol nas/ bcom ldan 'das kyi ltar nyan pa dang /
- 238b
bcom ldan 'das kyis de la 'di skad ces bka' stsal to// gzhon nu sangs rgyas kyi zhing 'di nas/ shar phyogs su sangs rgyas kyi zhing bye ba khrag khrig 'bum phrag dpag tu med/ grangs med/ bsam gyis mi khyab/ gzhal du med pa snyed 'das pa na/ 'jig rten gyi khams mya ngan med pa zhes bya ba zhig yod de/ 'jig rten gyi khams mya ngan med pa zhes bya ba de sangs rgyas kyi zhing dpag tu med pa ji snyed cig 'das pa na yod ce na/ gzhon nu dper na/ stong gsum gyi stong chen po'i 'jig rten gyi khams 'di srid pa'i rtse mo'i bar du bye mas yongs su gang bar gyur la/ nas mi la la zhig gis bye ma de las 'bru re re nas blangs shing / shar phyogs kyi sangs rgyas kyi zhing re rer bye ma 'bru re 'jog par byed pa de lta bu tshul gyis bye ma de thams cad shar phyogs su yongs su zad cing yongs su gtugs par gyur kyang / sangs rgyas kyi zhing de dag gi tshad dam/ mtha' rtogs par mi nus pa'i sangs rgyas kyi zhing bye ba khrag khrig 'bum phrag dpag tu med/ grangs med pa de snyed 'das pa na/ 'jig rten gyi khams mya ngan med pa zhes bya ba yod de/ 'jig rten gyi khams de yang lag mthil ltar mnyam par gyur pa rin po che sna bdun gyis leg par brgyan pa gser gyi sa gzhir 'dug cing mig mangs ris su bris pa/ rin po che'i shing ljon pas brgyan pa/ sems can dmyal ba dang / dud 'gro'i skye gnas dang / yi dgas dang
- 239a
lha ma yin gyi tshogs rnams med pa/ rtswa dang / shing skam dang / tsher ma dang / rdo dang / gseg ma dang / gyo ma dag med pa/ ngam grog dang / g.yang sa med pa/ me tog sil ma dag bkram pa yin te/ de na de bzhin gshegs pa dgra bcom pa yang dag par rdzogs pa'i sangs rgyas dpal bzang po zhes bya ba da ltar bzhugs shing 'tsho la gzhes te/ byang chub sems dpa'i tshogs kyis bskor cing byang chub sems dpas mdun gyis bltas pa/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das skyes bu chen po'i mtshan sum cu rtsa gnyis kyis brgyan pa'i sku/ gser legs par btsos shing / legs par dul ba lta bu/ rin po che'i rgyun legs par bkod pa bzhin du/ 'khor gyi nang na mdzes par bzhugs shing / thog mar dge ba/ bar du dge ba/ tha mar dge ba'i chos ston to/ / 'di skad ces kyang ston te/ 'di ltar sa'i khams ni med par mi 'gyur ro// de bzhin du chu'i khams dang / me'i khams dang / rlung gi khams dang / skye dgu'i bdag po tshang papa dang / gzugs dang / tshor ba dang / 'du shes dang / 'du byed dang / rnam par shes pa med par mi 'gyur ro zhes ston to// gzhon nu gzhan yang de bzhin gshegs pa dgra bcom pa yang dag
- 239b
par rdzogs pa'i sangs rgyas dpal bzang po bla na med pa yang dag par rdzogs pa'i byang chub mngon par rdzogs par sangs rgyas nas ni bskal pa bye ba phrag drug cu lon no/ / gzhon nu gzhan yang sangs rgyas kyi zhing de na nyin mo dang / mtshan mo'i ming yang med de/ 'dzam bu'i gling gi brtsi ba'i thabs 'dis dper bya ba ni ma gtogs so// sangs rgyas kyi zhing de thams cad kyang rtag tu de bzhin gshegs pa de'i 'od kyis snang bar 'dug go/ gzhon nu gzhan yang de bzhin gshegs pa de chos bstan pa re res kyang sems can bye ba khrag khrig phrag 'bum dpag tu med pa dag mi skye ba'i chos la bgod par mdzad do/ / bzod pa dang po dang / bzod pa gnyis pa dang / bzod pa gsum pa la ni de'i nyis 'gyur nyis 'gyur 'god par mdzad do// gzhon nu gzhan yang de bzhin gshegs pa dgra bcom pa yang dag par rdzogs pa'i sangs rgyas de'i sngon gyi smon lam gyi stobs bskyed pas/ sangs rgyas kyi zhing gzhan dag na gang dag sngon gyi rgyal ba rnams la lhag par bya ba byas shing / dge ba'i rtsa ba bskyed pa'i sems can dag gi lus la bod kyis reg pa de dag kyang mi skye ba'i chos la bzod pa thob bo// gzhon nu gzhan yang rigs kyi bu 'am/ rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs rgyas dpal bzang po de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur ro// gzhon nu 'di/
- 240a
nas lho phyogs su sangs rgyas kyi zhing bye ba khrag khrig 'bum phrag grangs med pa snga ma ji snyed pa de snyed 'das pa na/ 'jig rten gyi khams dga' pa zhes bya ba gzhig yod de/ la mthil ltar mnyam pa zhes bya ba nas snga ma bzhin du sbyar ro/ / de nas de bzhin gshegs pa dgra bcom pa yang dag par rdzogs pa'i sangs rgyas tsan dan dpal zhes bya ba da ltar bzhugs shing 'tsho la gzhes te/ byang chub sems dpas bskor cing / byang chub sems dpas mdun gyis bltas pa la thog mar dge ba/ bar du dge ba tha mar dge ba'i chos ston to zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro/ / gzhon nu de la ji snyam du sems/ ci'i phyir de bzhin gshegs pa de tsan dan dpal zhes bya zhe na/ gzhon nu de bzhin gshegs pa de'i sangs rgyas kyi zhing de thams cad tsan dan gyi khang pa brtsegs pa yongs su khyab pas na/ de'i phyir de bzhin gshegs pa de'i mtshan tsan dan dpal zhes bya'o// gzhan yang rigs kyi bu'am/ rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs rgyas de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur ro/ / gzhon nu 'di nas nub phyogs su sangs rgyas kyi zhing bye ba khrag khrig 'bum phrag grangs med pa snga ma ji snyed pa de snyed 'das pa na/ 'jig rten gyi khams bzang po zhes bya ba zhig
- 240b
yod de/ lag mthil ltar mnyam par gyur pa zhes bya ba nas/ snga ma bzhin du sbyar te/ ji ltar gong du bstan pa bzhin no// de na de bzhin gshegs pa dgra bcom pa yang dag par rdzogs pa'i sangs rgyas snang ba mtha' yas zhes bya ba da ltar bzhugs shing 'tsho la gzhes te/ byang chub sems dpas yongs su bskor cing / byang chub sems dpas mdun gyis ltas pa la/ thog mar dge ba/ bar du dge ba/ tha mar dge ba'i chos ston to// 'di skad ces kyang chos ston to zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro// gzhon nu gzhan yang rigs kyi bu 'am/ rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs rgyas de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / 'od de yang nyams su myong ngo // gzhon nu 'di nas byang phyogs su sangs rgyas kyi zhing bye ba khrag khrig 'bum phrag grangs med pa snga ma ji snyed pa de snyed 'das pa na/ 'jig rten gyi khams 'khrug med ces bya ba zhig yod de/ lag mthil ltar mnyam par gyur pa zhes bya ba nas/ thams cad snga ma bzhin du sbyar ro// de na de bzhin gshegs pa dgra bcom pa yang dag par rdzogs pa'i sangs rgyas tog gi dpal zhes pa da ltar bzhugs shing 'tsho la gzhes te/ byang chub sems dpas yongs su bskor cing / byang chub sems dpas mdun gyis bltas
- 241a
pa la chos ston to zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro// gzhon nu gzhan yang rigs kyi bu 'am/ rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs rgyas de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing lha dang bcas pa'i 'jig rten gyi rgyal mtshan lta bur 'gyur ro/ / gzhon nu 'di nas shar lho'i phyogs mtshams su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi khams zla ba snang ba zhes bya ba zhig yod de/ lag mthil ltar mnyam pa zhes bya ba nas snga ma bzhin du sbyar ro// gzhon nu de la ji snyam du sems/ ci'i phyir 'jig rten gyi khams zla ba snang ba zhes bya zhe na/ 'jig rten gyi khams de thams cad de bzhin gshegs pa de'i 'od kyis snang bar byas pas na/ de'i phyir 'jig rten gyi khams de zla ba snang ba zhes bya'o// de na de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal zhes bya ba da ltar bzhugs shing 'tsho la gzhes te/ byang chub sems dpas yongs su bskor cing / byang chub sems dpas mdun gyis bltas pa la/ chos ston to zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro// rigs kyi bu 'am/ rigs kyi bu mo yang rung /
- 241b
de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur ro// gzhon nu 'di nas lho nub kyi phyogs mtshams su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi khams tog dang ldan pa zhes bya ba zhig yod de/ lag mthil ltar mnyam par gyur pa zhes bya ba nas/ snga ma bzhin du sbyar ro// de na de bzhin gshegs pa dgra bcom pa yang dag par rdzogs pa'i sangs rgyas rin po che'i mchod sdong zhes bya ba da ltar bzhugs shing 'tsho la gzhes te/ byang chub sems dpas yongs su bskor cing / byang chub sems dpas mdun gyis bltas pa la chos ston to zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro// rigs kyi bu 'am/ rigs kyi bu mo yang rung de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / 'jig rten gyi khams na rin po che ltar mngon par 'phags par 'gyur ro// gzhon nu 'di nas nub byang gi phyogs mtshams su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi khams sgra ldan zhes bya ba zhig yod de/ lag mthil ltar mnyam par gyur pa zhes bya ba nas/ snga ma bzhin du sbyar ro// gzhon nu de la ji snyam du sems/ ci'i phyir 'jig rten gyi khams de sgra ldan zhes bya zhe na/ 'jig rten gyi khams de sgra 'di lta bu dag dang ldan te/
- 242a
lta ste/ sangs rgyas kyi sgra dang / chos kyi sgra dang / dge 'dun gyi sgra dang / stong pa nyid kyi sgra dang / mtshan ma med pa'i sgra dang / smon pa med pa'i sgra dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi sgra dang / rnam par shes pa'i sgra dang / rnam par grol ba'i sgra dang / rnam par grol ba'i ye shes gzigs pa'i sgra rnams dang ldan no/ / gzhon nu 'jig rten gyi khams de sgra de lta bu dag dang ldan pas na/ de'i phyir 'jig rten gyi khams de sgra ldan zhes bya'o// de na de bzhin gshegs pa dgra bcom pa yang dag par rdzogs pa'i sangs rgyas me tog dpal zhes bya ba da ltar bzhugs shing 'tsho la gzhes te/ byang chub sems dpas bskor cing / byang chub sems dpas mdun gyis bltas pa la chos ston to zhes bya ba nas/ rnam par shes pa med par mi 'gyur zhes bya ba'i bar du snga ma bzhin du sbyar ro// rigs kyi bu 'am/ rigs kyi bu mo yang rung / de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / me tog ltar mi dge ba'i chos rnams kyis kyang gos par mi 'gyur ro// gzhon nu 'di nas byang shar gyi phyogs mtshams su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi khams bde ldan zhes bya ba zhig yod de/ 'byor pa dang / rgyas pa dang / bde ba dang / lo legs pa
- 242b
dang / skye bo dang / mi mang pos gang zhing / lag mthil ltar mnyam par gyur pa zhes bya ba nas/ snga ma bzhin du sbyar ro// de na de bzhin gshegs pa dgra bcom pa yang dag par rdzogs pa'i sangs rgyas mngon par shes pa chung ngu dang / 'bring dang / chen pos rnam par rol pa zhes bya ba da ltar bzhugs shing 'tsho la gzhes te/ byang chub sems dpas bskor cing / byang chub sems dpas mdun gyis bltas pa la chos ston to zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro// rigs kyi bu 'am/ rigs kyi bu mo yang rung / de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / byang chub sems dpa'i spyod pa dang / tshul thams cad la mkhas shing pha rol tu phyin pa'i shes pa yang yongs su 'dzin par 'gyur ro/ / gzhon nu 'di nas 'og gi phyogs su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi khams/ yangs pa dang ldan pa zhes bya ba zhig yod do// gzhon de la ji snyam du sems/ ci'i phyir 'jig rten gyi khams de yangs pa dang ldan pa zhes bya zhe na/ 'jig rten gyi khams de lag mthil ltar mnyam par gyur la/ ri med cing khor yug dang / khor yug chen po med de/ sangs rgyas kyi zhing de na ri zhes bya ba'i ming yang ye med pas na/ de'i phyir 'jig rten gyi khams de yangs pa dang
- 243a
ldan pa zhes bya'o/ / de na de bzhin gshegs pa dgra bcom pa yang dag par rdzogs pa'i sangs rgyas snang ba'i dpal zhes bya ba da ltar bzhugs shing 'tsho la gzhes te/ byang chub sems dpas bskor cing / byang chub sems dpas mdun gyis bltas pa la chos ston to zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro/ / rigs kyi bu 'am/ rigs kyi bu mo yang rung / de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / nye bar len pa'i nyon mongs pa thams cad zad pa yang rjes su 'dzin par 'gyur ro/ / gzhon nu sangs rgyas kyi zhing 'di nas steng gi phyogs su sangs rgyas kyi zhing bye ba khrag khrig 'bum phrag grangs med dpag tu med/ bsam gyis mi khyab gzhal du med pa de snyed 'das pa na/ 'jig rten gyi khams zla ba can zhes bya ba zhig yod de/ 'jig rten gyi khams zla ba can zhes bya ba de sangs rgyas kyi zhing dpag tu med pa ji snyed cig 'das pa na yod ce na/ gzhon nu 'di lta ste/ stong gsum gyi stong chen po'i 'jig rten gyi khams 'di srid pa'i rtse mo'i bar du bye mas yongs su gang bar gyur la/ nas mi la la zhig gis bye ma de las 'bru re re nas blangs shing / steng gi phyogs kyi sangs rgyas kyi zhing re rer bye ma 'bru re re 'jog par byed pa de lta bu'i tshul gyis bye ma de thams cad steng gi phyog
- 243b
su yongs su zad cing yongs su gtugs par gyur kyang / sangs rgyas kyi zhing de dag gi tshad dam/ mtha' rtogs par mi nus pa'i sangs rgyas kyi zhing bye ba khrag khrig 'bum phrag dpag tu med/ grangs med pa de snyed 'das pa na/ 'jig rten gyi khams zla ba can zhes bya ba de yod de/ 'jig rten gyi khams de yang lag mthil ltar mnyam par gyur pa/ rin po che sna bdun gyis legs par brgyan pa/ gser gyi sa gzhir 'dug cing mig mangs ris su bris pa/ rin po che shing ljon pas legs par brgyan pa/ sems can dmyal ba dang / dud 'gro'i skye gnas dang / yi dgas dang / lha ma yin gyi tshogs rnams med pa/ rtswa dang / shing skam dang / tsher ma dang / rdo dang / gseg ma dang / gyo mo dag med pa/ ngam grog dang / g.yang sa med pa/ me tog sil ma dag bkram pa yin te/ de na de bzhin gshegs pa dgra bcom pa yang dag par rdzogs pa'i sangs rgyas nor dpal zhes bya ba da ltar bzhugs shing 'tsho la gzhes te/ byang chub sems dpas bskor cing / byang chub sems dpas mdun gyis bltas pa/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur pa/ bla na med pa/ lha dang mi rnams kyi ston pa/ sangs rgyas bcom ldan 'das skyes bu chen po'i mtshan sum cu rtsa gnyis kyis brgyan pa'i sku/ gser legs par btsos shing
- 244a
legs par dul ba lta bu rin po che'i rgyan legs par bkod pa bzhin du 'khor gyi nang na mdzes par bzhugs shing / thog mar dge ba/ bar du dge ba/ tha mar dge ba'i chos ston to/ / 'di skad ces kyang ston te/ 'di ltar sa'i khams med par mi 'gyur ro// de bzhin du chu'i khams dang / me'i khams dang / rlung gi khams dang / skye dgu'i bdag po tshangs pa dang / gzugs dang / tshor ba dang / 'du shes dang / 'du byed dang / rnam par shes pa med par mi 'gyur ro zhes ston to// rigs kyi bu 'am/ rigs kyi bu mo yang rung / de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / chos rin po che bla na med pa yang thob par 'gyur ro// gzhon nu de ltar na rigs kyi bu 'am/ rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs rgyas spyod pa dang / yon tan phun sum tshogs pa dang / ye shes phun sum tshog pa dang / tshul khrim dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa phun sum tshogs pa dang ldan pa de dag gi mtshan thos na/ bla na med pa yang dag par rdzogs pa'i byang chub las phyir mi ldog par 'gyur ro/ / gzhon nu sngon byung ba 'das pa'i dus na/ bskal pa grangs med pas kyang ches grangs med pa yun ring po tshad
- 244b
med pa 'das pa de'i tshe/ rin chen 'byung zhes bya ba'i bskal pa zhig byung ste/ der de bzhin gshegs pa dgra bcom pa yang dag par rdzogs pa'i sangs rgyas rigs pa dang zhabs su ldan pa bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rgya mtsho'i dpal zhes bya ba zhig 'jig rten du byung ste/ / der de bzhin gshegs pa dgra bcom pa yang dag par rdzogs pa'i sangs rgyas bcu po 'di dag thams cad lhan cig tu mthun par dge ba'i rtsa ba bskyed de/ zas dang / skom dang / bza' ba dang / bca' pa rnam pa sna tshogs dang / me tog dang / spos dang / me tog 'phreng dang / byug pa dang / gdugs dang / rgyal mtshan dang / ba dan gyi rnam pa dpag tu med grangs med pas bcom ldan 'das de la mchod pa rgya chen po byas nas/ thams cad kyi lhan cig tu mthun par bla na med pa yang dag par rdzogs pa'i byang chub tu sems bskyed de/ thams cad kyis nyi ma gcig tu skad cig thang cig yud tsam gcig la mi skye ba'i chos la bzod pa thob par gyur to/ / de nas de dag gis rim gyis byang chub sems dpa'i spyod pa la spyad nas/ byang chub kyi phyogs dang mthun pa'i chos rnams yongs su rdzogs par byas te/ skad cig thang cig yud tsam gcig la rang rang gi sangs rgyas kyi zhing rnams su/ bla na med pa yang dag par rdzogs pa'i byang
- 245a
chub tu mngon par rdzogs par sangs rgyas so/ / skad cig thang cig yud tsam gcig la de dag gis chos kyi 'khor lo bskor to// thams cad kyi tshe'i tshad kyang mnyam mo// gzhon nu de bzhin gshegs pa dgra bcom pa yang dag par rdzogs pa'i sangs rgyas de dag thams cad kyang nyi ma gcig tu/ skad cig thang gcig yud tsam gcig la yongs su mya ngan las 'da' bar 'gyur ro/ / de skad ces bka' stsal pa dang bcom ldan 'das la rgyal po gzugs can snying po'i sras khye'u rin chen zla bas 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag gi sku tshe'i tshad ni ngo mtshar lags te/ bcom ldan 'das de bzhin gshegs pa de dag gis ni sems can rnams la thugs brtse ba'i slad du/ sku tshe'i tshad tsam du ring ba bzhes lags so// bcom ldan 'das gzhan yang rigs kyi bu 'am/ rigs kyi bu mo gang de bzhin gshegs pa de rnams kyi sku tshe'i tshad 'di la de bzhin du 'dzin cing yid ches la spong bar mi 'gyid/ 'dor bar mi bgyid pa de la bsod nams ji tsam skye bar 'gyur lags/ bcom ldan 'das kyis bka' stsal pa/ gzhon nu stong gsum gyi stong chen po'i 'jig rten gyi khams 'di dang de bzhin gshegs pa bcu po de dag gis sangs rgyas kyi zhing de dag dang / sangs rgyas kyi zhing bcu gcig po rnams lha'i rin po che sna bdun
- 245b
gyis yongs su bkang nas/ de bzhin gshegs pa dgra bcom pa yang dag par rdzogs pa'i sangs rgyas rnams la nyin gcig bzhin du sbyin pa byin te/ de lta bur bskal pa grangs med par sbyin pa sbyin par byed la/ rigs kyi bu 'am/ rigs kyi bu mo gang gis mtshan 'di rnams dang / sku tshe'i tshad 'di rnams thos na/ de bzhin du 'dzin cing yid ches la spong bar mi byed smod par mi byed de/ mos par byed cing mthun par byed na/ bsod nams kyi phung po snga ma des bsod nams kyi phung po de'i brgya'i char yang mi phod/ stong gi cha dang / dpe'i bar du yang mi bzod do// de nas lha rnams kyi dbang po brgya byin dang / mi mjed kyi bdag po tshangs pa dang / rgyal po chen po bzhi dang / lha'i bu dbang po dang / dbang phyug chen po dang / dpal ldan legs dang / dga' ldan dang / lha'i bu yongs su dga' ldan gyis 'di ltar chos kyi rnam grangs 'di dang / de bzhin gshegs pa bcu po de rnams la mchod pa bya ba'i phyir/ de bzhin gshegs pa la lha'i me tog dang / tsan dan gyi phye mas gtor/ mngon par gtor/ rab tu gtor to// tshig 'di skad ces kyang smras te/ bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa dang / 'chang ba dang / klog pa dang / rjod par bgyid pa de dag ni phyag bgyi ba'i 'os lags so// bcom ldan 'das tha na chos kyi rnam grangs 'di gang
- 246a
dag gi sdug pa na mchis pa de dag ni/ bla na med pa yang dag par rdzogs pa'i byang chub las phyir mi ldog par 'gyur ba lags so// bcom ldan 'das chos kyi rnam grangs 'di rigs kyi bu 'am/ rigs kyi bu mo gang dag gis rna lam du grag par 'gyur ba de dag ni bdud sdig can gyi dbang du mchi bar mi 'gyur lags so// de nas bcom ldan 'das la rgyal po gzugs can snying po'i sras khye'u rin chen zla bas tshigs su bcad pas gsol pa/ / phung po med pa bcom ldan 'das// khyo kyi legs gsungs dpag tu med// bdag dang lhar bcas 'jig rten rnams/ / khyod kyi 'di la yi rang ngo // 'jig rten mgon po 'das pa dang // gang dag da dung ma byon dang // phyogs rnams ma lus gang bzhugs pa'i// sangs rgyas rnams la/ skyabs su mchi// sangs rgyas kun gyi yul gcig pa// chos dang dge 'dun zhi ba'i mchog/ yon tan legs pa bsam mi khyab// dge 'dun la yang skyabs su mchi// byang chub sems dpa' 'jigs med pa/ / gang dag bzod la rab gnas shing // gang dag gzungs la gnas pa dang // gang dag mtshungs med stong nyid tshul// mtshan nyid kyi ni mdo sde dang // byang chub rgyur 'gyur sde sdod dang / / mthun par 'jug pa'i mdo sde la// legs bslabs byang chub sems rnams ltar// thub pa bdag ni byang chub kyi// spyod pa spyod cing slob par 'tshal// rang byung de dag ji bzhin du//
- 246b
zhing gi bkod pa rnam dag dang // spyod dang spyod yul ting 'dzin dang // de dag gi ni yon tan dang // drang srong mchog rnams sku tshe'i tshad// gsungs pa gang lags rdzogs par bgyi// de nas bcom ldan 'das kyis lha'i bu de dag dang / rin chen zla ba gzhon nur gyur pa la legs so zhes bya ba byin nas/ tshigs su bcad pa 'di dag bka' stsal to// 'jig rten mgon po de rnams kyi/ / mtshan ni gang zhig 'dzin byed pa// ma 'ongs dus na de dag kun// rkang gnyis rnams kyi mchog tu 'gyur// nga yis ji skad gsungs pa bzhin// drang srong mchog bzhugs de dag ltar/ / de dag tshe yang bskal pa ni// bye ba bsam yas snyad du 'gyur// gang zhig skyob pa de dag gi/ mtshan 'di dag ni 'dzin de la// me dang chom rkun dug rnams dang // mtshon gyi tshugs par mi 'gyur ro// mtshan 'di dag ni 'dzin byed na// chu chen dag gis de mi 'chi// rgyal po'i gnod pas ma yin te// de ni nams kyang chos mi spong // mtshan mo thun tshod dang po dang / / gung dang tha ma'ang de bzhin te// dus gsum dag tu mtshan spogs dang // drang srong mchog ni de dag gi/ mtshan rnam snga dro sgrogs byed cing // nyi ma'i gung la sgrogs byed dang / mkhas pa nug par sgrogs byed pa// rmi lam bzang po mthong bar 'gyur// mtshan rnams bzung nas de'i 'og tu// bskal pa bye ba stong rnams su// sngon chad sdig pa ci bsags pa//
- 247a
mi dge thams cad bshags par bya// de yis lus ngag yid kyi las// mi dge gang dag byas gyur na// mtshan rnams gzung nas de'i 'og tu// nyes byas dag kyang bshags par bya/ / yan lag lnga yi gtugs nas ni// rgyal rnams byang chub sngon rol du// dug gsum dge ba ci bsags pa// de kun rjes su yi rang bya// 'jig rten rtsa lag rnams kyis ni/ / byang chub brnyes nas chos gsungs dang // lus can gang dag 'jig rten gyi// mgon po rnams la mchod byed pa// de la rgyal ba'i sras rnams kyis// nyin mtshan dus gsum yi rang bya/ / des na bdag gzhan don byed pa'i// pha rol phyin pa rdzogs par 'gyur// bcom ldan 'das kyis de skad ces bka' stsal nas/ rgyal po gzugs can snying po'i sras khye'u rin chen zla ba dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yid rangs te/ mngon par bstod do// 'phags pa rin chen zla bas zhus pa zhes bya ba theg pa chen po'i mdo rdzogs so// / rgya gar gyi mkhan po bi shud+d+ha sing ha dang / lo tsa ba ban d+he dge ba dpal gyis bsgyur/ rgya gar gyi mkhan po bid+ya ka ra si ma ha dang / zhu chen gyi lo tsa ba ban d+he de wa tsan tras zhus te gtan la phab pa// @#rgya gar
- 247b
skad du/ bud d+ha a nu s+thi ti sa ma d+hi sa mu dra nA ma ma hA yA na sU tra/ bod skad du/ sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la gus par phyag 'tshal lo// 'di skad bdag gis thos pa phu gcig na/ bcom ldan 'das ser skya'i gnas shing n+ya gro ta'i gzhal med khang na bzhugs so/ / de'i tshe shAkya ming chen zhes bya bas/ sangs rgyas dang dge slong gi dge 'dun rnams spyan drangs te/ dbyar zla gsum mchod pa byas so// tshul nas byung nas/ de'i tshe yab zas gtsang ma dang / go'u ta mi 'khor dang bcos te/ dge 'dun gyi gnas khang du lhags nas/ sangs rgyas kyi dge slong gi dge 'dun rnams la mchod cing phyag 'tshal te/ tshems shing dang sran che phul nas dga' bo la 'di skad ces smras so// bdag cag bcom ldan 'das gang na zhugs par 'gro na rung ngam zhes gsol pa dang / de nas dga' bos de bzhin du bcom ldan 'das la gsol to// bcom ldan 'das kyis dga' bo la bka' stsal pa/ rgyal po yab 'dir phyin na/ dam pa'i chos gleng ba la spobs pa skyed par 'gyur du nges kyis/ khyod song la dge slong rnams kyang sbron cig/ bskyed mos tshal du song la/ tshe dang ldan pa 'od srung chen po dang / shA ri'i bu dang / mo'u 'gal ya na dang / ka t+ya ya
- 248a
na dang / ma 'gags pa la sogs pa dang / byang chub sems dpa' byams pa dang / bzang skyong la sogs pa skyes bu dam pa bcu drug kyang / dus gcig tu 'dus shig par sbron cig ces bka' stsal pa'i gsung dbyangs kyis phyogs bcu kun tu grags par gyur to/ / de'i tshe lha'i dbang po dang / gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / klu'i dbang po la sogs pa thams cad 'khor dang bcas te 'dus par gyur to/ / de'i tshe rgyal po yab kyang shAkya ming chen la sogs pa shAkya'i bu khri phrag sum cu rnams dang 'grogs te/ lhan cig du bcom ldan 'das kyi gzhal med khang du lhags so// de'i tshe bcom ldan 'das kyi gzhal med khang la de dag gis shel gyis ri bo dang 'dra bar mthong ste/ mgrin gcig tu bcom ldan 'das la spyi bos gtugs nas phyag 'tshal to// mgo ma gteg pa'i bar du sangs rgyas kyi spyan snga na/ rin po che sna tshogs las byas pa'i pad+mo chen po gcig yod par gyur te/ pad+mo de'i steng ni 'od kyi khang pa chen po brtsegs pa chen po gcig yod par mthong ngo / / rgyal po yab kyis de lta bu de dag mthong nas/ rab tu dga' ba'i sems skyes te/ ngo mtshar rmad do zhes bsngags nas/ bcom ldan 'das la lan gsum du bskor ba
- 248b
byas te/ phyogs gcig tu 'khod do// de nas rgyal po yab 'dug pa las langs te/ bcom ldan 'das la 'di skad ces gsol to// bcom ldan 'das ni bdag gi sras lags te/ bdag ni de bzhin gshegs pa'i yab lags na/ bdag gis sangs rgyas kyi gzugs kyi sku mthong ba na/ phyi rol 'ba' zhig ni mthong gi/ nang gi don ni ma mthong ngo // don grub khyod khab na bzhugs pa'i tshe/ bram ze mtshan mkhan gyis bltas na/ mtshan sum cu rtsa gnyis dang ldan par mthong ngo // da mngon par rdzogs par sangs rgyas nas 'od zer mngon par snang ba ni/ sngon pas khri phrag du mas 'phags na/ bcom ldan 'das yongs su mya ngan las 'das pa'i 'og tu ma 'ongs pa'i sems can dag ji lta bur sangs rgyas kyi sku'i gzugs dang / mtshan dang / de bzhin gshegs pa'i 'od zer rtag ma'i tshad brtag par bgyi ba lha'i mchog gis bdag dang phyi ma ma 'ongs pa'i sems can rnams kyi slad du rnam par phye ste bshad du gsol/ de'i tshe bcom ldan 'das kyis gzugs kyi sku kun tu ston pa zhes bya ba'i ting nge 'dzin la mnyam par gzhag go/ ting nge 'dzin de las bzhengs nas/ 'dzum pa mdzad de/ sangs rgyas dag gis chos nyid kyis 'dzum pa mdzad na/ kha dog rnam pa lnga dang ldan pa'i 'od zer zhal gyi sgo nas byung ngo // kha dog rnam pa lnga po de dag las bong kha dog lnga brgyar gyur nas/ zhal gyi sgo nas byung ste/ rgyal
- 249a
po yab kyi spyi bo la reg par byas so/ / rgyal po yab kyi spyi bo nas 'od des 'od kyi khang pa brtsegs pa snang bar byas so// 'od kyi khang pa brtsegs pa la gzhal med khang snang bar gyur nas/ mi mjed kyi 'jig rten gyi khams kyang snang bar gyur te/ phyir bcom ldan 'das kyi gtsug tu nub bo// de nas bcom ldan 'das kyis rgyal po yab la bka' stsal pa/ legs par nyon la rab tu yid la zung shig dang / ma 'ongs pa'i sems can rnams kyis sangs rgyas mthong bar 'gyur ba'i chos de bzhin gshegs pas bshad par bya'o// bcom ldan 'das de ltar bgyi'o zhes gsol nas/ rgyal po yab bcom ldan 'das la phyir nyan to// de nas bcom ldan 'das kyis de la 'di skad ces bka' stsal to// 'dzam bu gling na seng ge'i rgyal po bye ma la zhes bya ba yod de/ seng ge'i chos kyis lo bzhi bcur tshang na pho mo gdod phrad de/ lhan cig 'khril ma thag tu mchong zhing sgra sgrogs te/ 'gre zhing lus rdebs kyang snang ba med do/ / seng ge de'i phru gu ma'i mngal na 'dug pa'i tshe na yang / ri dgas kyi rgyal po de nyid dang tha dad pa med do// rgyal po chen po 'di ltar shes par gyis shig/ mngal na gnas pa'i tshe sgra sgrogs shing / 'phur ba ltung ba dang 'gro ba bog par gyur pa ni mi srid do// rgyal po yab kyis gsol pa/ bcom ldan 'das ri dgas kyi rgyal po de'i phru gu ma'i mngal na
- 249b
mchis pa'i tshe na/ mgo dang / mig dang / mche ba dang / sder mo dang / ral pa dang / lung lo la sogs pa kun pa dang 'dra 'am/ bcom ldan 'das kyis bka' stsal pa/ rgyal po chen po pha dang mi 'dra ba med de/ mthu rtsal ni pha'i brgya stong gi char yang mi phod ngo // bcom ldan 'das kyis bka' stsal pa/ rgyal po chen po de bzhin du phyi ma ma 'ongs pa'i rigs kyi bu 'am/ rigs kyi bu mo la sogs pa thams cad las gang yang rung / lus drang por bsrang ste/ sems rtse gcig tu nang du yang dag par gzhag nas/ sangs rgyas kyi gzugs kyi sku rjes su dran par byed na/ gang zag de'i sems ni sangs rgyas kyi thugs dang 'dra bas sangs rgyas dang tha mi dad de nyon mongs pas shin tu nyon mongs kyang nyes pa thams cad kyi zil gyis mi non te/ phyi ma ma 'ongs pa'i dus na chos kyi char chen po 'bebs par rig par bya'o/ / rgyal po yab gzhan yang 'di lta ste shing e ran Da zhes bya ba ni shing tsan dan dang / lhan cig tu ma ri zhes bya ba'i ri la skye'o// go ra shi sha zhes bya ba'i tsan dan ni/ e ran da'i tshal na skye ba tshad du ma phyin cing sa'i 'og na 'dug pa'i tshe na/ myu gu dang sdong bu dang / yal ga dang / lo ma ni 'dzam bu gling gi 'od ma'i myu gu dang 'dra bas 'jig rten pa dag gis mi shes te/ 'di skad du ri 'di la e ran da 'bab shig skye'i/ tsan dan ni med do zhes zer ro// e ran da ni shin tu dri mi zhim ste/ dri mi zhim pa'i tshad ni ro
- 250a
rul pa/ zhigs pa ltar dpag tshad bzhi bcu'i bar du bro'o// de'i me tog ni kha dog leb rgan du 'dug la kun gyi yid du 'ong ngo // de la la zhig gis zos na spros te 'chi'o// gor shir sha zhes bya ba'i tsan dan tshal de na skye mod kyi/ tshad du ma phyin pas dri bsrung yang mi bre'o// bags kyis skyes te ston gyi zla ba'i grangs tshang nas sa las 'phags te/ tsan dan gyi sdong por gyur pa na/ 'jig rten pa bdag gis gor shir shwa zhes bya ba'i tsan dan 'ba' zhig gis dri zhim po bro bar tshor gyi/ e ran da'i dri ngan pa nam du yang mi bro'o// rgyal po chen po sangs rgyas rjes su dran pa dag kyang de dang 'dra ste/ rjes su dran pa'i sems des na byang chub rnam pa gsum yang mthong bar 'gyur ro// gzhan yang rgyal po yab 'dzam bu gling dang gling bzhin/ bya nam mkha' lding gi rgyal po yang dag dbyangs shes bya ba yod de/ bya thams cad kyi dbang por gyur pa/ bya de'i rnam par smin pa'i las kyis zas su klu za ste/ nyin re rims kyis 'dzam bu gling na klu'i rgyal po gcig dang klu bran lnga brgya za'o/ / phyid nyin yang shar gyi lus 'phags gling du klu'i rgyal po gcig dang klu bran lnga brgya za'o// de bzhin du nub kyi ba glang spyod du yang klu'i rgyal po gcig dang klu bran lnga brgya za'o/ / de bzhin du rims kyis byang gi sgra mi snyan du yang klu'i rgyal po gcig dang klu bran lnga brgya za ste/ de bzhin du gling bzhir mthar gyis 'khor zhing brgyad stong gi bar du za'o//
- 250b
de nas nam mkha' lding gi rgyal po de dus zad nas 'chi ba'i ltas mngon du byung nas/ klu thams cad kyang kha dang lus kun nas gdug pa 'byin pas/ zas mi rnyed de ltogs ma ri gzar po kun la rgyu zhing shin tu mi bde bar gyur te/ rdo rje'i ri la phyin pa dang cung zad cig bstis nas rdo rje'i ri las babs te/ chu chen po'i gting du phyin par song ngo // chu chen po'i gting nas rlung gi 'khor lo thug go/ / rlung gis bus nas phyir yang rdo rje'i ri la phyin par gyur te/ de bzhin du yan man du lan bdun song nas gdod 'chi ba'i dus byed do// shi ba'i dus byas nas de nyid kyis gdugs pas/ rin po che'i ri bcu la me 'bar ste/ de'i tshe klu'i rgyal po dga' bos de ltar 'bar zhing mchig pa mthong nas shing rta'i 'khor lo tsam gyi char chen po bab ste/ me de dag rab tu zhi bar byas so/ / de nas bya de'i phung po zhig ste sha zad nas snying 'bab shig lus so// snying de yang snga ma bzhin du lan bdun gyi bar du yan man du song nas/ gdod rdo rje'i ri'i rtse mor chags so/ / de dag klu'i rgyal po dga' bos rnyed na gtsug gi nor bur 'dogs so// 'khor lo sgyur ba'i rgyal pos snyed na yid bzhin gyi nor bu rin po cher 'gyur ro// rgyal po chen po gang rigs kyi bu 'am/ rigs kyi bu mo gang sangs rgyas rjes su dran pa yang de dang 'dra'o// rgyal po chen po gzhan yang ri kha ba can la shing a 'ga' ta zhes bya ba yod de/ derje
- 251a
'bras bu ni rab tu che la/ tshig gu ni shin tu chung ngo // shing de'i 'bras bu thog ma ri spos kyi dad can las rlung gis bus nas ri kha ba can la phyin par gyur to// dgun gyi dus na srin po dang gnod sbyin dag ni de'i rkag rkog na gnas te/ de dag gis mi gtsang ba dang byi sas bkang ba'i steng du rlung drug pos khu ba phyugs te bkab nas/ phyis kyis gcong rong dpag tshad lnga bcu pa dag tu gyur to/ / lud kyi dug kyis 'bras bu de skyes nas rtsa ba dang / sdong bu dang / yal ga dang / lo ma dang / me tog kyang rgyas te/ dpyid kyi dus su rlung gi mthus kha ba bzhu nas shing gi sdong po 'ba' shig lus so/ / shing de'i 'bras bu'i kha dog dang dbyibs ni 'dzam bu gling na dper byar med de/ 'bras bu de'i dbyibs zlus la tshe khyad dpag tshad phyed tsam mo/ / de dag bram ze dag gis zos na rig 'dzin gyi lam thob cing mngon par shes pa lnga dang ldan la/ tshe yang bskal pa gcig thub ste de'i bar du mi rgas mi 'chi'o// 'jig rten pa gzhan dag gis zos na rgyun tu zhugs pa thob par 'gyur ro/ / lhan cig phyir mi ldog pas zos na dgra bcom par 'gyur zhing rigs pa gsum dang mngon par shes pa drug thob bo// mi la la zhig gis 'bras bu de rnyed de 'dzam bu gling du lud kyis btab pa'i sa la rmos na mtho khyad shing ta la gcig gi srid du skye'o// shing de'i ming ni u ru la ta zhes bya ste/ shing tog ni
- 251b
ta lig ces bya'o/ / 'bras bu de che khyad bre lnga shong ba'i bum pa tsam mo// 'dzam bu gling gi mis zos na tsha ba'i nad la phan par 'gyur/ rgyal po chen po rigs kyi bu 'am/ rigs kyi bu mo gang sangs rgyas kyi spyod yul nang du yang dag par 'jog cing yid byas pa yang de dang 'dra'o/ / rgyal po chen po gzhan yang brgya byin gyi kun dga'i ra ba na shing pa ring tsi tra zhes bya ba skyes te/ lha'i bu mo dag gis mthong na lus dang sems mi bzod pa tsam du rab tu dga' bar 'gyur ro// brgya byin gyis mthong na 'dod pa'i 'du shes skyes te/ lha'i bu brgyad khri bzhi stong rnams kyang bde ba la reg par 'gyur ro/ / shing de skye ba na shing gi yal ga dag thur du gug nas sa'i 'og tu song ba las kyang me tog gi kha 'bus nas 'bras bu skye'o// 'bras bu'i kha dog ni gser gtso ma ltar 'dug la/ 'od zer shin tu lhang nger 'bar zhing me tog dang lo ma mi rnyis mi ltung ste/ kha dog rnam pa bcu dang ldan zhing 'od zer 'bar la rol mo'i sgra dag 'byung ngo // sngon gyi dus su sa las 'phags nas mtho khyad dpag tshad stong phrag sum brgya sum cu rtsa lngar skyes te/ lha rnams kyis mthong na rab tu dga'o// rgyal po chen po sangs rgyas rjes su dran pa'i ting nge 'dzin la mnyam par gzhag pa/ nyon mongs pa'i sa la gnas pa yang de bzhin te/ de skye zhing 'byung ba na ji ltar rin po che'i shing de mdzes shing lta 'dod pa dang 'dra'o// rgyal po chen po gzhan
- 252a
yang bskal pa'i thog ma'i tshe/ me'i bskal pa gcig byung / chu'i bskal pa gcig byung / sa'i bskal pa gcig byung ste/ sa'i bskal pa grub nas de'i tshe 'od gsal gnam gyi lha dag 'jig rten 'di na rgyu zhing chu'i nang na khrus byed do/ / khrus byed pa na chen po bzhi'i dngas ma mo mtshan gyi nang du song bas/ lus la bde bar reg ste/ mo mtshan nas ba byung ngo / / mo mtshan nas khu ba byung ba rlung brgyad kyis bus pas 'dam gyi nang du song ste/ rang sgo ngar gyur to// lo brgyad stong lon pa dang sgo nga de rdol te/ de la bu mo lus mdog sngo la gnag byakhyad 'ang dang 'dra ba gcig byung ngo / / bu mo de la mgo dgu brgya dgu bcu rtsa dgu yod de/ mgo gcig la yang mig stong yod de/ kha dgu brgya dgu bcu rtsa dgu yod de/ kha re re na yang mche bzhi bzhi yod do/ / mche ba de dag las kyang gnam lcags dang 'dra ba'i me 'bar ro// lag pa nyis brgya nyi shu rtsa bzhi yod de/ lag pa de dag re re na yang dgra cha re re thogs so// lus kyang khyad ri rab lhun po tsam ste/ rgya mtshor zhugs nas chu la thal mos rdebs shing rtse'o// rlung 'khyil pa zhes bya bas rgya mtsho'i dngas ma bus nas/ chu'i dngas ma mo mtshan du song ste mngal du bur chags par gyur to/ / lo brgyad ljon pa dang bu po gcig btsas te bu de'i lus ma bas bzhir 'gyur gyis ring la che'o// bu de la mgo dgu yod de/ mgo gcig la yang mig stong yod do// kha nas
- 252b
kyang me 'byung ngo / / lag pa ni dgu brgya dgu bcu rtsa dgu/ rkang pa ni brgyad yod de/ rgya mtsho'i nang nas lha ma yin gyi rgyal po thag bzangs ris zhes bya'o// zhes ming btags pa'i sgra rang byung ngo // zas su ni 'dam dang pad+mo'i rtsa ba za ste/ cher skyes nas lha'i bu dag la lha'i bu mo mang pos bskor ba mthong nas ma la 'di skad ces smras so// lha thams cad la 'dod pa'i zla yod na bdag 'ba' shig la med do zhes 'dzer to/ / de nas mas bu la smras pa/ ri spos kyi ngang can la lha dri za zhes bya ba yod de/ lha de'i bu mo shin tu tshul tu shis shing sdug la/ lus mdog kyang shel dkar po ltar 'jam zhing / lus kyi ba spu'i bu ga thams cad nas rol mo'i sgra rang 'byung ba zhig yod de/ de kho mo'i yid la bab na khyod kyi yid du 'ong ngam/ lha ma yin gyis ma la smras pa/ legs so shin tu legs so/ / slong du song shig ces bsgo'o// de nas lha ma yin gyi ma/ ri spos kyi ngad can la song nas phyin pa dang / ri de'i lha la 'di skad ces smras so// kho mo la bu gcig yod de/ mthu stobs kyi dbang du 'gyur ba gling bzhi'i khams na dpe zla med kyis/ khyod la bu mo yod pa kho mo bu'i mna' mar bslang ngo zhes smras pa dang bu mos kyang thos pa dang lha ma yin la 'gro bar dga' ste de nas lha ma yin gyis chung mar blangs so/ / chung mar blangs nas rab tu dga' bar gyur te/ bu mo dang lus reg nas ring po ma lon par mngal du chags par gyur to// lo brgya stong lon pa
- 253a
dang bu mo gcig btsas so/ / bu mo de'i lus byad mdzes la sdug pa ni 'jig rten na bskrun du med de kha dog gi nang na kha dog dam pa'i mdog dang ldan te/ ngo la mnga' brgyad khri bzhi stong gis brgyan pa/ g.yas nas kyang brgyad khri bzhi stong / g.yon nas kyang brgyad khri bzhi stong mdun nas kyang brgyad khri bzhi stong / rgyab nas kyang brgyad khri bzhi stong gis shin tu brgyan te/ lha ma yin gyis kyang ngo mtshar rmad kyi ya mtshan du 'dzin to// ji ltar skar ma'i nang na zla ba ltar ngo mtshar rmad du gyur pas/ brgya byin lha'i dbang pos thos pa dang / lha ma yin la bu mo slong ba'i pho nya btang ngo / / de la lha ma yin gyis 'di skad ces smras so// khyod lha'i rnam par smin pa'i bsod nams kyis bdag rin po che sna bdun gyi gzhal med khang na 'dug par byas na/ bu mo chung mar sbyin no zhes smras so/ / de nas brgya byin gyis tshig de thos pa dang / rab tu spro ba'i sems skyes te/ mgo'i cod pan phung nas rgya mtsho'i logs su bstan pa dang / dge ba bcu'i rnam par smin pa'i dbang gis/ lha ma yin de rin po che'i gzhal med khang na 'dug par gyur to// de nas lha ma yin gyi rgyal po rab tu dga' mgu rangs nas/ bu mo chung mar byin no/ / de nas brgya byin gyi bu mo de dag rin po che rnam pa drug gi khang pa brtsegs pas bsus te/ khang pa brtsegs pa de'i nang na pad+mo chen po dang / lha'i bu mo brgyad khri bzhi stong snyed sprul te
- 253b
byung ba bshams nas/ bu mo rnams dper na/ mi stobs po che zhig gi lag ngar brkyang ba las bskum pa tsam gyi srid du/ brgya byin lha'i dbang po'i gzhal med khang du phyin par gyur to// de'i tshe lha'i gzhal med khang yang sngon pas brgya stong gis lhag par mdzes par gyur pas/ brgya byin gyis chung ma'i ming yang yid du 'ong ba zhes btags so// lha thams cad kyang ngo mtshar rmad ces yod su bsngags par gyur to/ / shar phyogs su bltas na nub phyogs kyang sa ler snang / lho phyogs su bltas na byang phyogs kyang sa le snang ste/ blon po sum cu rtsa gnyis rnams kyang yid du 'ong ba mtho ban dga' bas yongs su brgyan te/ ba spu'i khung bu thams cad nas kyang dga' zhing bde'o// de nas de'i tshe brgya byin lha'i dbang po kun dga'i ra ba na lha'i bu mo rnams dang rdzing bur zhugs te rtse ba na/ yid du 'ong ba/ phrag dog skyes te/ gnod sbyin lnga pa'i steng du mngags nas pha la 'di zhes sbran to// brgya byin bdag la ni mi gnang gi/ lha'i bu mo rnams dang rang dga' zhing rtse zhes spring bas/ phas tshig de thos pa dang / zhe sdang gi sems skyes te/ dmag rnam bzhi bshams nas/ brgya byin la brgal ba'i phyir/ rgya mtsho chen po'i nang nas 'greng ste/ ri rab lhun po la skur rten bcad nas/ lag pa dgu brgya dgu bcu rtsa dgu po kun gyis ri rab lhun po dang / rgya mtsho chen po bzhi bskul zhing dkrugs pas brgya byin rab tu 'jigs shing skrag nas nyam thag par
- 254a
gyur to/ / de'i tshe pho brang gi lhas lha'i dbang po la 'di skad ces smras so// kye rgyal po chen po ma bsnyengs shig/ snga ma 'das pa'i sangs rgyas rnams kyis gsungs pa/ shes rab kyi pha rol tu phyin pa zhes bgyi ba mchis te/ lha'i dbang pos de 'dzin 'chang nas 'don cing yi dam chen por byed na/ lha ma yin gyi dmag rang zhi bar 'gyur ro zhes smras pa dang / de'i tshe brgya byin gyis lha'i gzhal med khang du song nas/ spos rnam pa sna tshogs bsregs te/ yi dam chen por bzung nas/ shes rab kyi pha rol tu phyin pa rig pa chen po'i sngags/ zla na med pa'i sngags/ mi mnyam pa dang mnyam pa'i sngags/ bden te mi brdzun pa dag 'dzin to// 'di bzung bas mngon par rdzogs par 'tshang rgya bar yang 'gyur zhe na lha ma yin gyi dmag kyang rang zhi bar gyur cig ces smras ma thag tu/ lha'i dbang po brgya byin gyi dge ba'i rnam par smin pa'i bsod nams kyis steng gi nam mkha' las ral gri'i 'khor lo bzhi lha ma yin gyi steng du rang lhung ngongo/ / de'i tshe lha ma yin gyi rgyal po'i rna ba dang / sna dang rkang lag kyang du mar chod de/ rgya mtshor lhung nas rgya mtsho chen po yang khrag gis dmar por gyur to// de nas lha ma yin gyi rgyal po 'jigs shing skrag ste/ 'bros pa'i gnas med nas pad+mo rtsa ba'i bu gar zhugs so// de dag 'dod chags dang / zhe sdang dang / gti mug can gyi lha ma yin gyi rdzu 'phrul gyi stobs
- 254b
kyis kyang de lta bu dag nus na sangs rgyas kyi chos rnam par dag pa bsam gyis mi khyab pa la zhugs pa lta ci smos te/ rgyal po chen po rigs kyi bu 'am/ rigs kyi bu mo gang sems rtse gcig tu sangs rgyas kyi spyod yul yid la byed na/ ting nge 'dzin gyi rgya mtsho thams cad la mnyam par 'jog par 'gyur te/ gang zag de'i bsod nams ni brjod cing dpag tu med pas/ sangs rgyas/ rnams dang spyod yul gcig par 'gyur ro// dpe drug ces bya ba'i le'u ste dang po'o// // de la ji ltar na sangs rgyas kyi spyod yul rjes su dran pa zhe na/ sangs rgyas bcom// ldan 'das 'jig rten du byung ba'i chos ni rnam pa gnyis yongs su brgyan te/ gnyis de gang zhe na/ 'di lta ste/ sngar mdo sde bcu gnyis yongs su rgyas par bstan nas/ skye po mang po dag klog pa dang / 'don pa dang / khong du chud par byed pa rnam pa mang po 'di dag ni chos kyi sbyin pa zhes bya'o// gnyis su ni gzugs kyi sku dam pa 'dzam bu gling dang / phyogs bcu'i 'jig rten gyi khams kun tu bstan nas/ sems can mang po dag sangs rgyas kyi gzugs kyi sku mtshan sum cu rtsa gnyis dang / dpe byad bzang po rgyad cu nyams pa med pas yongs su brgyan nas/ mdzes pa mthong nas rab tu dga' ba'i sems skyes nas rjes su spyod pa'o// mtshan de dag rgyu gang las byung zhe na/ de yang sngon dka' ba spyod pa brgya stong mang po dang /
- 255a
rol tu phyin pa rnams dang / byang chub kyi tshogs bsags pa las mtshan de dag brnyes par gyur to// bcom ldan 'das kyi rgyal po yab la bka' stsal pa/ rjes su dran pa gang zhe na/ sems can la la ni sangs rgyas rjes su dran par 'dod pa dang / la la ni de bzhin gshegs pa la rtog par 'dod pa dang / sangs rgyas mthong bar 'dod pa dang / mtshan bzang po la rnam par rtog par 'dod pa dang / de bzhin gshegs pa'i 'od/ shes par 'dod pa dang / sangs rgyas kyi sku'i nang logs rig par 'dod pa dang / sangs rgyas kyi thugs rjes su dran pa slob par 'dod pa dang / de bzhin gshegs pa'i gtsug tor rjes su dran pa slob par 'dod pa dang / sangs rgyas kyi zhabs kyi mthil 'khor lo rtsibs stong dang ldan pa rjes su dran pa slob par 'dod pa dang / de bzhin gshegs pa bltams pa'i dus kyi mtshan shes par 'dod pa dang / de bzhin gshegs pa khab na bzhugs pa'i dus kyi mtshan shes par 'dod pa dang / de bzhin gshegs pa rab tu byung ba'i dus kyi mtshan shes par 'dod pa dang / sangs rgyas dka' ba spyod pa'i dus kyi mtshan shes par 'dod pa dang / de bzhin gshegs pas bdud btul ba'i dus kyi mtshan shes par 'dod pa dang / de bzhin gshegs pas bla na med pa yang dag par rdzogs pa'i byang chub tu mngon par rdzogs par sangs rgyas pa'i dus kyi mtshan shes par 'dod pa dang
- 255b
de bzhin gshegs pas chos kyi 'khor lo bskor ba'i dus kyi mtshan shes par 'dod pa dang / de bzhin gshegs pa'i skyes bu'i mtshan gsang ba'i gnas sbugs su nub pa'i mtshan shes par 'dod pa dang / de bzhin gshegs pa'i sum cu rtsa gsum gnam du gshegs te/ yum sgyu ma la chos bstan pa'i dus kyi mtshan shes par 'dod pa dang / de bzhin gshegs pa sum cu rtsa gsum gnam nas babs pa'i dus kyi mtshan shes par 'dod pa dang / de bzhin gshegs pa gshegs pa dang / bzhengs pa dang / bzhugs pa dang / gzims pa dang / spyod lam bzhi'i 'od gzer gyi mtshan shes par 'dod pa dang / de bzhin gshegs pas kun shi la'i grong khyer du gyang btul ba'i dus kyi mtshan shes pa 'dod pa dang / de bzhin gshegs pa 'brog dgon pa'i srin btul ba'i dus kyi ba spu'i bu ga'i 'od zer gyi mtshan shes par 'dod pa yang yod do/ / rgyal po yab de bzhin gshegs pa yongs su mya ngan las 'das nas 'khor rnam bzhi dang / lha dang / klu dang / gnod sbyin la sogs pa/ sems rtse gcig par 'dod pa dang / yid la byed par 'dod pa dang / rnal 'byor par 'dod pa dang / ting nge 'dzin la mnyam par 'jog par 'dod pa yang yod do/ / rgyal po yab de la ji ltar na sems rtse gcig tu byed pa zhe na/ sems can la la ni de bzhin gshegs pa'i sku'i mtshan phun sum tshogs pa dang ldan pa rjes su/
- 256a
dran pa la mos/ sems can la la ni de bzhin gshegs pa'i mtshan mang po las mtshan re re nas rjes su dran pa la mos/ sems can la la ni de bzhin gshegs pa'i mtshan bzang po la yas mthar gyis rjes su dran pa la mos/ sems can la la ni de bzhin gshegs pa'i mtshan bzang po mas mthar gyis rjes su dran pa la mos/ sems can la la ni de bzhin gshegs pa'i 'od gzer rjes su dran pa la mos/ sems can la la ni de bzhin gshegs pa gshegs pa rjes su dran pa la mos/ sems can la la ni de bzhin gshegs pa bzhengs pa rjes su dran pa la mos/ sems can la la ni de bzhin gshegs pa bzhugs pa rjes su dran pa la mos/ sems can la la ni de bzhin gshegs pa gzims pa rjes su dran pa la mos/ sems can la la ni de bzhin gshegs pa bsod snyoms bzhes pa rjes su dran pa la mos/ sems can la la ni de bzhin gshegs pa bltams pa rjes su dran pa la mos/ sems can la la ni de bzhin gshegs pa btsun mo bzhes pa rjes su dran pa la mos/ sems can la la ni de bzhin gshegs pa rab tu byung ba rjes su dran pa la mos/ sems can la la ni de bzhin gshegs pa dka' ba spyod pa rjes su dran pa la mos/ sems can la la ni de bzhin gshegs pas bdud btul ba rjes su dran pa la mos/ sems can la la ni de
- 256b
bzhin gshegs pa mngon par rdzogs par byang chub pa rjes su dran pa la mos/ sems can la la ni de bzhin gshegs pas chos kyi 'khor lo bskor ba rjes su dran pa la mos/ sem can la la ni de bzhin gshegs pa sum cu rtsa gsum gnam du gshegs te/ yum sgyu ma la chos bstan pa rjes su dran pa la mos/ sems can la la ni de bzhin gshegs pas 'brog dgon pa'i srin brtul ba rjes su dran pa la mos/ sems can la la ni de bzhin gshegs pas na ga ha lar klu rnams btul te/ sku'i gzugs brnyan bzhag pa rjes su dran pa la mos/ sems can la la ni de bzhin gshegs pa ku shi'i grong khyer na gnyen gyi bu gcer bu pa la sogs pa/ ston pa drug dang / rkun ma ma rungs pa dang / tshul khrims 'chal pa can/ ngan par lta ba la bkur sti byed pa dag btul ba rjes su dran pa la mos pa yang yod do// de bzhin du rgyal po yab nga yongs su mya ngan las 'das nas/ skye bo mang po dag gi spyod pa dang / las ji snyed pa dang / sems dang 'du shes ji snyed yod pa dag/ ci dang cis 'dul ba mi mthun te/ sems can de dag gi sems dang 'du shes ji ltar lta ba bzhin du/ rims kyis sems rtse gcig tu yid la byed pa dag nga da ltar bzhugs pa la yid la byed tha dad pa med par bstan par bya'o/ / 'di lta ste/ nyi ma shar ba'i tshe mun pa thams cad snang bar
- 257a
'gyur na/ dmus long dag gis ni ci yang ma mthong ngo // phyi ma ma 'ongs pa'i dus kyi nye gnas su gyur pa dag/ chos rnam pa gsum la nan tan du bya'o// gsum gang zhe na/ mdo sde shin tu zab mo rnams kha ton du bya ba dang / tshul khrims yongs su dag par bsrung zhing bslab pa mi nyams par bya ba dang / shin tu sems rtse gcig tu bya zhing sems mi g.yeng ba'o/ / de la ji ltar na sems rtse gcig tu yod la bya ba zhe na/ la la ni de bzhin gshegs pa'i gtsug tor rjes su dran zhing yid la byed par mos/ la la ni de bzhin gshegs pa'i ba spu'i khung bu'i mtshan rjes su dran zhing yid la byed par mos/ sems can la la ni de bzhin gshegs pa'i dbu 'dab kyi mtshan rjes su dran zhing yid la byed par mos/ la la ni de bzhin gshegs pa'i zhal gyi dpral ba yangs shing mnyam pa'i mtshan rjes su dran zhing yid la byed par mos/ sems can la la ni de bzhin gshegs pa'i smin mtshams kyi mdzod spu dkar po'i mtshan rjes su dran zhing yid la byed par mos/ la la ni de bzhin gshegs pa'i smin mtshams kyi 'od gzer gyi mtshan rjes su dran zhing yid la byed par mos/ la la ni de bzhin gshegs pa'i spyan khyu mchog gi mig lta bu'i mtshan rjes su dran zhing yid la byed par mos/ la la ni de bzhin gshegs pa'i shangs drang zhing mtho ba'i mtshan rjes su dran zhing yid la byed par mos/ la la ni de bzhin
- 257b
gshegs pa'i shangs kyi dbyibs bya rig pa'i rgyal po'i mchu bu'i mtshan rjes su dran zhing yid la byed par mos/ sems can la la ni de bzhin gshegs pa'i zhal gyi ag tsom lcong mo'i dbyibs lta bu las 'od gzer 'byung ba rjes su dran zhing yid la byed par mos/ sems can la la ni de bzhin gshegs pa'i zhal gyi spros dang dkan gyi mtshan rjes su dran pa la mos/ sems can la la ni de bzhin gshegs pa'i sgros kyi kha dog 'bim pa'i 'bras bu ltar dmar ba rjes su dran pa la mos/ sems can la la ni de bzhin gshegs pa'i mchu'i sgros me tog pad+ma'i 'dab ma ltar kha dog dmar smag la shing tog 'bim pa'i mdog lta bu la 'od 'bar ba rjes su dran pa la mos/ sems can la la ni de bzhin gshegs pa'i tshems bzhi bcu po'i mtshan rjes su dran pa la mos/ sems can la la ni de bzhin gshegs pa'i tshems dkar zhing mnyam la thags bzang ba'i mtshan rjes su dran pa la mos/ sems can la la ni de bzhin gshegs pa'i tshems kyi ri mo'i mtshan rjes su dran pa la mos/ sems can la la ni de bzhin gshegs pa'i tshems ri mo'i sa bcad pa me tog u dum 'bar ba lta bu'i mtshan rjes su dran pa la mos/ sems can la la ni de bzhin gshegs pa'i zhal gyi dkan la ri mo brgyad khri bzhi stong mngon par gsal ba rjes su dran pa la mos/ sems can la la ni de bzhin gshegs pa'i zhal gyi rnyil gong 'og gnyis me tog u dum 'bar ba'i
- 258a
sdong bu'i mdog lta bu rjes su dran pa la mos/ sems can la la ni de bzhin gshegs pa'i mgur bai DUR+Ya'i sbubs ltar me tog pad+ma brtsegs pa dang 'dra ba'i mtshan rjes su dran pa la mos/ sems can la la ni de bzhin gshegs pa'i yangs shing ring ba'i ljags kyi mtshan pad+mo'i lo ma lta bu la/ kha dog rnam pa lnga dang / ri mo lnga mngon par gsal ba dang / ljags kyi 'og gi rtsa bcu las 'od mang po 'byung ba dang / ljags kyi dbang pos zhal yogs pa'i yangs shing ring pa'i ljags kyi mtshan rjes su dran pa la mos/ sems can la la ni de bzhin gshegs pa'i mgur gyi tshogs gsum mnga' ba'i 'od gzer gyi mtshan rjes su dran pa la mos/ sems can la la ni de bzhin gshegs pa'i mgur nam mkha' lding gi rgyal po'i mig lta bu'i mtshan rjes su dran pa la mos/ sems can la la ni de bzhin gshegs pa'i mgur gyi gsang ba'i mtshan rjes su dran pa la mos/ sems can la la ni de bzhin gshegs pa'i dbu'i nyag ma brgyad khri bzhi stong snyed kyi mtshan rjes su dran pa la mos/ sems can la la ni de bzhin gshegs pa'i dbu g.yas su 'khyil ba'i mtshan rjes su dran pa la mos/ sems can la la ni de bzhin gshegs pa'i sku'i ba spu'i bu ga re re spu nyag ma re re 'khyil zhing skyes pa las 'od gzer 'byung ba rjes su dran pa la mos/ sems can la la ni de bzhin gshegs pa'i dbu'i pags pa'i kha dog rdo rje dang / le brgan
- 258b
lta bur snang ba rjes su dran pa la mos/ sems can la la ni de bzhin gshegs pa'i dbu'i gtsug tor rjes su dran pa la mos/ sems can la la ni de bzhin gshegs pa'i dbu'i klang bshel lta bu las 'od gzer 'byung ba rjes su dran pa la mos/ sems can la la ni de bzhin gshegs pa'i snyan shal ring po las 'od 'byung ba'i mtshan rjes su dran pa la mos/ sems can la la ni de bzhin gshegs pa'i snyan gyi mchog ma'i mtshan rjes su dran pa la mos/ sems can la la ni de bzhin gshegs pa'i snyan gyi spu nyag ma bdun 'khyil zhing skye ba'i mtshan rjes su dran pa la mos/ sems can la la ni de bzhin gshegs pa'i sku'i sgrog rus mnyam par gang ba'i mtshan las 'od gzer gyi khang pa brtsegs pa 'byung ba rjes su dran pa la mos/ sems can la la ni de bzhin gshegs pa'i sku'i mtshan khung mnyam par gang ba'i mtshan las yid bzhin gyi nor bu rin po che lnga lngas sku'i mtshan khung bteg pa rjes su dran pa la mos/ sems can la la ni de bzhin gshegs pa'i phyag/ ngar zlum pa bal glang gi rgyal po'i sna lta bu'i mtshan rjes su dran pa la mos/ sems can la la ni de bzhin gshegs pa'i phyag gi gru mo'i klu'i rgyal po'i sgra bcings pa lta bu ri mo ma nyams pa la tshigs tshigs na klu 'khyil ba lta bur snang ba dang / phyag mthil gyi ri mo go rims ma nor ba dang / phyag sor gyi rtse mo la 'khor lo'i rtsibs bcu gnyis dang ldan pa'i mtshan mngon par snang ba rjes su dran pa la
- 259a
mos/ sems can la la ni de bzhin gshegs pa'i phyag gi sen mo zangs kyi kha dog lta bu las bong kha dog rnam pa brgyad mngon par snang ba rjes su dran pa la mos/ sems can la la ni de bzhin gshegs pa'i phyag sor 'brel ba'i mtshan brkyang na snang ba/ bskum na mi mngon pa mu tig gi dra ba lta bur mngon zhing gsal/ 'dzam bu'i chu klung gi gser bas lhag pa kha dog gsal zhing mig gi spyod yul las 'das pa'i mtshan rjes su dran pa la mos/ sems can la la ni de bzhin gshegs pa'i phyag sor mo bcu'i sor mo'i thog ma la/ ri mo g.yung drung mnga' ba'i mdon/ 'khor lo rtsibs stong dang ldan pa'i mtshan la me tog brgya stong mang po sna tshogs 'dres pa lta bu rjes su dran pa la mos/ sems can la la ni de bzhin gshegs pa'i phyag mthil gyi ri mo gsal ba ni dbang phyug gi lha'i gzhal med khang dang 'dra la/ phyag mthil mnyam pa'i ni lha dang mis bskrun du med cing phyag mthil gyi dbus na 'khor lo rtsibs stong dang ldan pa mnga' ba'i mtshan las phyogs bcu'i ngos su nor bu rin po che sna tshogs kyi 'od 'byung zhing / 'khor lo'i 'og na dbang phyug gi mig dang 'dra ba'i ri mo dkar gnag 'byes shing mngon par gsal ba rnam pa bcu mnga' ba rjes su dran pa la mos/ sems can la la ni de bzhin gshegs pa'i phyag gi bol bai DUR+Ya lte bu las kha dog rnam pa lnga dang ldan pa'i 'od phyag sor 'brel ba'i nang du
- 259b
/ 'jug pa lta bu rjes su dran pa la mos/ sems can la la ni de bzhin gshegs pa'i phyag dang zhabs lha'i na bza' ltar 'jam zhing mnyen pa rjes su dran pa la mos/ sems can la la ni de bzhin gshegs pa'i phyag phyi nang du 'chang du rung ba'i mtshan rjes su dran pa la mos/ sems can la la ni de bzhin gshegs pa'i thugs ka'i dpal gyi be'u dang g.yung drung gi mtshan las nor bu rin po che gsum gyi 'od 'byung ba rjes su dran pa la mos/ sems can la la ni de bzhin gshegs pa'i sku'i lte ba nor bu rin po che phyi ling ga lta bu'i mtshan rjes su dran pa la mos sems can la la ni de bzhin gshegs pa'i sku'i rtsib ma che chung mnyam zhing mtshams 'brel ba'i mtshan las 'od gzer byung ba rjes su dran pa la mos/ sems can la la ni de bzhin gshegs pa'i sku'i rus pa'i tshigs klu 'khyil ba ltar 'brel zhing thags bzang ba'i mtshan rjes su dran pa la mos/ sems can la la ni de gshegs pa'i sku'i rus pa lu gu rgyud brkyang ba dang / bskum pa la mi gnod pa'i mtshan rjes su dran pa la mos/ sems can la la ni de bzhin gshegs pa'i sku'i rus pa shel dang kha bas kyang dper mi bzod par dkar la 'od le brgan lta bu rnam par bzhag par 'bar zhing ri mor snang la dril bu lta bu rjes su dran pa la mos/ sems can la la ni de bzhin gshegs pa'i sku'i gsang ba'i gnas sbubs su nub pa'i mtshan las 'od gzer gyi
- 260a
rgyal mtshan snang ba rjes su dran pa la mos/ sems can la la ni de bzhin gshegs pa'i zhabs kyi byin pa ri dgas e ne ya'i rgyal po'i byin pa lta bu'i rjes su dran pa la mos sems can la la ni de bzhin gshegs pa'i zhabs kyi ngar gdong drang ba'i mtshan las 'od gzer 'byung ba rjes su dran pa la mos/ sems can la la ni de bzhin gshegs pa'i zhabs kyi bol 'dzam bu chu klung gi gser gyi mdog lta bur gsal la spu skyes pa mdzes shing / zhabs kyi sor mo 'brel ba'i bar na dar la'i ri mo ltar ri mo snang la bod kyi kha dog dang ldan pa rjes su dran pa la mos/ sems can la la ni de bzhin gshegs pa'i zhabs kyi sen mo'i mtshan zangs kyi kha dog lta bu la sen mo'i thog ma la seng ge lnga'i kha mnga' ba rjes su dran pa la mos/ sems can la la ni de bzhin gshegs pa'i zhabs kyi sor mo'i thog ma dung gi ri mo lta bu'i mtshan dang 'jug sel gyi phyag rgya'i ri mo lta bu rjes su dran pa la mos/ sems can la la ni de bzhin gshegs pa'i zhabs kyi mthil mnyam par gang ba/ s+phu nya ga ma tsam yang mi chud par 'khor lo rtsibs stong dang ldan pa/ nye'u shibs su gshegs pa/ rdo rje'i rtse mo lta bu'i mtshan dang zhabs kyi rting pa tshangs pa'i rgyal po'i gtsug lta bu dung gi ri mo dang 'dra ba rjes su dran pa la mos pa yang yod de/ de dag la sogs pa ni yas mthar gyis rjes su dran pa la mos pa zhes bya'o// de la sems can la la ni
- 260b
bzlog ste mas mthar gyis rjes su dran pa la mos pa yang yod de/ de ni zhabs mthil gyi 'khor lo rtsibs stong dang ldan pa'i mtshan nas mthar gyis zhabs kyi sor mo la rjes su dran pa dang / de bzhin du mthar gyis dbu'i gtsug tor gyi bar du mtshan re re dang / dpe byad re re dang / gzugs re re nas mthar gyis rjes su dran pa ni bzlog ste mas mthar gyis rjes su dran pa zhes bya'o// sems can la la ni de bzhin gshegs pa'i sku gser btso ma'i mdog lta bu 'dzam bu gling na kha dog mchog dam par 'dzin pa/ nyi ma brgya stong 'tshar ba'i gser gyi ri lta bu rjes su dran pa la mos pa yang yod/ sems can la la ni de bzhin gshegs pa'i sku mtho bcu drug pa mtshan gyis brgyan pa rjes su dran pa la mos pa yang yod/ sems can la la ni de bzhin gshegs pa'i 'od zlum po la 'dom gang ba rjes su dran pa la mos pa yang yod/ sems can la la ni de bzhin gshegs pa'i sku kun nas 'od 'tsher ba rjes su dran pa la mos pa yang yod/ sems can la la ni de bzhin gshegs pa'i chos ston pa'i bltas mdzad pa rjes su dran pa la mos pa yang yod de/ sems can la la ni de bzhin gshegs pa'i sku lte ba'i dpal be'u mtshan lhag gi mtshan dang 'og gi mtshan las nyi ma'i dkyil 'khor 'char ba rjes su dran pa la mos pa yang yod do/ / mtshan bzang po rjes su dran pa gleng ba zhes bya ba'i le'u ste gnyis pa'o// /
- 261a
bcom ldan 'das kyis rgyal po yab la bka' stsal pa de la ji ltar na de bzhin gshegs pa'i gtsug tor rjes su dran pa zhe na de bzhin gshegs pa'i gtsug tor rus pa zlum zhing gdugs kha sbub pa ltar 'dug la shin tu dkar ba'o/ / dbu'i pags pa srab mo ni/ le brgan du snang la/ dbu'i pags pa stug po ni kha dog rdo rje lta bur snang ngo // dbu'i 'dab ni kha dog gser btsa ma lta bur snang / dbu'i klad pa ni shel gyi kha dog tu snang ngo // de la rtsa bcu bzhi ri mor bris pa bzhin du 'dug la 'od rnam pa bcu bzhi dang ldan no// 'od de yang rtsa ltar mngon par snang zhing / klad pa dang / rtsa kun nas 'od 'khyil ba dag 'byung ste/ spyi gtsug gi rus pa la reg go/ spyi gtsug gi rus pa las kyang thal nas dbu'i rtse mor 'khyil cing thug go/ 'od kha dog rnam pa bcu bzhi dang ldan pas dbu 'khor bar bskor to/ / dbu 'dab kyi mtshan gser gyi mdog lta bu las kyang 'od byung nas/ 'od kyi kha dog rnam pa bcu bzhi'i nang du 'jug go/ 'di dag ni de bzhin gshegs pa'i rgyal po'i pho brang du bltams pa'i gtsug tor dang / sha'i do ker zhes bya'o// spyi bo'i gtsug na tshangs pa chen po'i mtshan lnga po dag ni/ bltam pa'i tshe na yang yum sgyu ma dang / go'u ta mi dag gis kyang bltar mi mthong ngo // tshangs pa'i mtshan lnga po las 'od byung pos tshangs pa'i 'jig rten la thug nas/ de las kyang 'das te/ bla ma'i phyogs kyi
- 261b
'jig rten gyi khams tshad med pa las 'das nas/ sprin gyi khang pa rtsegs par snang bar gyur to// de ni sangs rgyas kyi spyod yul yin gyi/ sa bcu pa'i byang chub sems dpas kyang mthong ba'i yul ma yin no/ / ding 'dir yab la gtsug tor gyi mtshan bshad pa 'di gang gis thos par gyur pa de dag sangs rgyas kyi 'phags pa'i gtsug gi mtshan la shin tu brtag cing yid la bya'o// mtshan de'i 'od zer ni stong gsum gyi stong chen po'i 'jig rten gyi khams kyi sa chen po'i rdul shin tu phra ba snyed de rdzogs par ni bshad par mi nus so// ma 'ongs pa'i dus kyi skye bo dag gis 'di dag thos nas the tsom med pa'i sems kyis bcom ldan 'das mngon du bzhugs pa mthong ba dang 'dra bar/ mtshan 'di yid la byas na/ 'phags pa'i spyi gtsug gi 'od mig btsums na yang mthong bar 'gyur te/ sems la 'dris pa'i mthus/ sangs rgyas 'jig rten na bzhugs pa bzhin du mngon sum du gsal bar 'gyur ro// mtshan rjes su dran par byed pa na mang por mi brtag ste/ gcig rtogs nas yang gcig la brtag go// gnyis la 'dris nas yang gsum la brtag par bya'o// de bzhin du yan man du lan bcu drug sems la 'du shes 'dris par rab tu gsal bar bya ste/ de nas gdod sems gnas par bya ba'i phyir dmigs pa gcig la yang sems nye bar gzhag go// de nas lce dkan la sbyar te lus drang por bsrang nas zhag
- 262a
bcu bzhi lon pa dang / gdong lus dang sems shin tu sbyang bar 'gyur ro// de nas dmigs pa la sems gzhag ste/ phyir yang sangs rgyas kyi spyi gtsug la brtag go// sangs rgyas kyi spyi gtsug mtshan brtag pa'i thabs ni sngar ba spu'i khung bu nas 'jug go// bcom ldan 'das kyis rgyal po yab dang dga' bo la bka' stsal pa/ shin tu legs par nyon la yid la zung shig dang / de bzhin gshegs pa nga'i dbu la dbu'i sgra nyag ma brgyad khri bzhi stong mnga' ba ni/ g.yas g.yon bye cing g.yas su 'khyil la bar mtshams gsal ba la zur bzhi dod cing / dbu'i nyag ma re re'i bu ga nas bod rnam pa lnga 'khyil cing 'byung ba yang kha dog rnam pa bcu bzhi dang ldan pa'i 'od kyi nang du 'jug go// bsngon rgyal po'i pho brang na/ ma mas nga'i dbu gsil te/ de'i tshe go'u ta mi bdag gi drung du 'ongs nas/ bdag la khyod bltam pa'i tshe'ang ngo mtshar rmad du bgyi ba'i bltas mang po byung na/ la la zhig bdag la khyod kyi sras kyi dbu ring ngam thung ci tsam zhes 'dri ba mchis na/ bdag lan mi ljon gyis/ dbu ring thung ci tsam mchis/ gcal 'tshal lo zhes zer nas nga'i dbu'i nyag ma drangs te mthos gcal nas/ mtho phyed dang bcu gsum byung ngongo/ / phyir btang ma thag g.yas su 'khyil cing dung gi ri mo 'dra bar gyur to// btsun mo blangs pa'i tshe yang / dbu bsil nas sngar dbu skra ring thung gcal ba'i tshe yang mtho phyeng dang bcu gsum du
- 262b
las med na/ da ci tsam skyes snyam nas drangs te gcal na/ mtho phyed dang bcu bzhi byung ngo // nga rab tu byung nas lha rnams kyis dbu skra khyer ba na yang mtho phyed dang bcu bzhi las med do// rgyal po yab sangs rgyas kyi dbu'i mtshan lta bar 'dod dam/ rgyal po yab kyis gsol pa de bzhin no// bcom ldan 'das bdag mthong bar 'tshal lo// de nas bcom ldan 'das kyis phyag gis dbu nas drangs pa las/ shing n+ya gro ta'i gzhal med khang nas rgyal po'i pho brang la thug/ de nas grong khyer lan bdun 'khor bar gyur te/ kha dog ni mthing ka bai DUR+Ya lta bu'o// sangs rgyas dbul 'khor mang po kun gyis kha dog rnam pa du ma dang ldan pa'i 'od byung bar mthong ste/ rdzogs par ni bde bar bshad mi nus so// 'od de dag re re kyang thams cad du spong bar gyur pa ni/ bai DUrma mthon mthing gi kha dog lta bu'o/ / bai DUR+Ya'i kha dog lta bu'i 'od la sprul pa'i sangs rgyas grangs med pa zhugs so// de lta bu'i mtshan bstan nas dbu dang 'ong phyir yang g.yas su 'khyil zhing / sangs rgyas kyi dbu la dung gi ri mo lta bur gyur to/ / de ni de bzhin gshegs pa'i dbu'i mtshan yang dag pa zhes bya ste/ gang dge slong ngam/ dge slong ma 'am/ dge bsnyen nam/ dge bsnyen ma sogs pa sangs rgyas kyi dbu'i mtshan rtog par 'dod na/ de lta blta bar bya'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni/ log par mthong ba/
- 263a
myos shing 'khrul pa'o// sems sbyor ba zhes bya'o// ngan par lta ba zhes bya'o// phyin ci log gi sems shes bya ste/ ting nge 'dzin thob ces bya ba'i gnas med do// rgyal po yab sangs rgyas kyi dbu'i mtshan yang dag pa ni 'di dag yin te/ dbu'i mtshan rtogs nas dbu 'dab kyi mtshan la brtag par bya'o// sangs rgyas kyi dbu 'dab ni gser btso ma'i kha dog lta ba las mu tig dmar po'i kha dog lta bu'i 'od 'khyil cing 'phyang ba lnga stong snyed kyis gsal zhing mdzes pas rnam par spras shing dgod pa de'ang gyen tu 'khyil zhing dbu la rnam par bskor ba/ spyi bo'i gtsug la'ang lan lnga bskor ba ni/ ji ltar lha'i ri mo mkhan gyis ri mor bris pa ltar zlum la bar thags mnyam par phra khyang kha che dar gyi nyag ma tsam la/ kha che dar gyi nyag ma tsam de dag gi bar bar tsam ni sprul pa'i sangs rgyas bzhugs la/ sprul pa'i byang chub sems dpa' 'khor dang / lha dang / klu la sogs pa'i gzugs brnyan thams cad snang ngo // de dag kun gyi kha dog dang dbyibs kyang nyi ma'i dkyil 'khor lta bu ste/ sangs rgyas kyi dbu 'dab kyi mtshan la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o/ / rgyal po yab 'di dag ni de bzhin gshegs pa'i dbu'adab kyi mtshan yang dag pa rjes su dran pa zhes bya'o// de la ji ltar na de bzhin gshegs pa'i zhal
- 263b
dpral ba yangs shing mnyam pa'i mtshan rjes su dran zhe na/ sangs rgyas kyi zhal dpral ba yangs shing mnyam pa'i mtshan la/ mtshan rnam pa gsum mnga'o// de ni mdzod spu dkar po'i mtshan la sogs pa yin te/ sangs rgyas thog ma bltams pa'i tshe na/ rgyal po yab dang / btsun mos rgyal bu blangs te/ drang srong mi dkar ba'i drung du rgyal bu'i mtshan bstan pa na/ drang srong chen po tshal bu can des rgyal bu'i smin mtshams kyi mdzod spu dkar po g.yas su 'khyil cing skye ba dang / mdzod spu dkar po'i drung na bar rim du ma mnga' ba mdzod spu dkar po dang 'dra bar 'khyil ba ltas mkhan gyis mthong nas/ ltas mkhan gyis mdzod spu de brkyang ste mthos gcal na mthong lnga byung ngo // de yang bai DUR+Sha'i sbu bu ltar 'dug la btang ma thag tu g.yas su 'khyil nas/ shel sgong ltar kha dog rnam pa brgya stong snyed kyi 'od zer tshad med pa snang bar gyur to/ / de ni byang chub sems dpa' thog ma bltams pa'i tshe'i mdzod spu dkar po'i mtshan zhes bya'o// lo brgyad lon nas go'u ta mas yang rgyal bu'i smin mtshams kyi mdzod spu ji tsam zhig skyes snyam nas/ lag pas drangs nas bltas na smin mtshams kyi mdzod spu bai DUR+Ya dkar po'i sbu gu ltar dkar la drang zhing spu'i thog ma la kha dog rnam pa lnga dang ldan pa'i 'od byung ste/ phyir yang spu'i rtse mo'i bu gar zhugs par mthong nas go'u ta mi yang lhag par sdug cing yid du 'ong bar gyur te/ kun la bdag gi sras kyi mdzod spu dkar po'i mtshan 'di lta bu
- 264a
zhig mnga'o zhes brjod do/ / kun gyis mthong nas btang ma thag tu phyir yang g.yas su 'khyil to// de ni byang chub sems dpa'i gzhon nu'i tshe'i mdzod spu dkar po'i mtshan zhes bya'o/ / de la ji ltar na byang chub sems dpa' btsun mo blangs pa'i tshe'i mdzod spu dkar po'i mtshan zhe na/ grags 'dzin gyi phas mtshan blta ba'i ltas mkhan btang nas/ rgyal bu'i mtshan bltas pa na/ mtshan sum cu rtsa gnyis ri mo bris pa dang 'dra ba'i ni bdag gis mthong gi/ mdzod spu dkar po'i mtshan 'ba' shig ni ma rtogs na/ mtshan mkhan des 'di zhes smras so// sa'i lha rgyal bu mtshan kun kyang gser gyi 'khor lo sgyur ba'i rgyal po'i mtshan dang 'thun na/ mdzod spu dkar po las bong rnam pa mang po byung ba ni bdag gis mi rig na/ brkyang ste blta na rung ngam zhes gsol pa dang / rgyal pos de la 'di skad du ji ltar bde bar ltos shig ces gsungs pa dang / de'i tshe ltas mkhan gyis lag pas mdzod spu nas drangs pa las mdzod spu de las bal glang gi rgyal po'i nu ma las 'o ma byung ba lta bu zhig/ ltas mkhan gyi mig du phog nas lhas mkhan de'i mig yongs su dag par gyur te/ mdzod spu de las 'khor lo sgyur ba'i rgyal po stong snyed/ rin po che sna bdun dang bu stong du ldan pa dag mthong bar gyur te/ lhas mkhan de sngangs shing ngo mtshar du gyur nas/ rgyal bu la 'di zhes gsol to// sa'i lha bdag gis mdzod spu dkar po drangs te ring
- 264b
ngam thung ji tsam pa blta snyam na/ ci'i slad du ba glang gi rgyal po'i nu ma las 'o ma byung ba ltar bdag gi mig tu phog pa snyam na/ yang dag par mthong ngam/ 'on te rmi lam mam/ 'on te spyos sam/ ci lags rgyal bu'i mtshan bzang po thams cad kyang brjod de/ 'khor los sgyur ba'i rgyal po brgya stong snyeng la/ rin po che sna bdun dang / bu stong dang / dmag rnam bzhir ldan pa dag phyogs bzhi nas byung ba mthong ste/ bdag gi sems kyang rab tu dga' bar gyur pa ni/ ji ltar bram ze dag tshangs pa'i 'jig rten gyi bde ba thob pa bzhin no// de skad gsol nas mdzod spu de dag btang ma thag tu phyir yang g.yas su 'khyil to/ / de'i tshe na ltas mkhan lo tog par ta des de lta bu'i dngos po mthong nas/ yan lag lnga sa la gtugs te rgyal bu la phyag 'tshal nas/ rgyal bu'i mtshan bzang po bdag gis mi rig go// bdag gis mtshan mthong ba ltar na mtshan gcig gis kyang gling bzhi la dbang mdzad cing de'i dbang por 'gyur te/ rgyal bu'i mtshan ni dbang po chen po ltar dbang dang rdzu 'phrul dang mthu stobs ni bsnyad du ma mchis shing dpag tu ma mchis pas/ bdag gis 'tshal ba'i yul ma lags so// rgyal bus gsungs pa/ 'o bo'i mtshan khyod kyis mi rig na/ phyir yul du song la rang gi rgyal po la de bzhin du smros shig ces gsungs pa dang / de nas mtshan lta ba'i mtshan mkhan de'i phyir yul du
- 265a
song nas/ bdag gi rgyal po la de bzhin du gsol to// de nas rgyal po des de skad kyi tshig thos nas/ ba glang zhon te 'khor brgya stong mang po dang chas te/ grong khyer ser skya'i gnas rgyal po zas gtsang ma'i pho brang gang na bar 'ongs nas/ rgyal bu'i lag pa chus bkrus te/ bdag gi bu mo bzhes su gsol zhes smras nas phyag 'tshal te/ sa'i lha rgyal bu bdag gi bu mo 'di bzhes te/ phyag dar dang chag chag bgyid du stsal bar gsol lo// mtshan mkhan gyis mthong ba'i mdzod spu'i mtshan bzang po yang bdag lta 'tshal na rung ngam zhes gsol ba dang / rgyal bus de la ji ltar bde bar ltos shig ces gsungs so// de nas grags 'dzin gyi phas rgyal bu'i mdzod spu dkar po lag pas bzung ste drangs pa dang / mdzod spu dkar po de shel gyi rgyal mtshan ltar khrem gnyer gyi tshigs thad kar 'bab par mthong zhing / de'i bar rim dag na tshangs pa chen po'i rgyal po dang / brgya byin lha'i dbang po dang / rgyal ba'i lha'i sras po tshad med pa brgya stong gi rnams lding ba'i khang bu dang bcas te/ 'dug par mngon sum du mthong ba ni/ ji ltar me long yongs su dag pa la bdag gi bzhin mthong ba bzhin no/ / de ltar mthong nas rab tu dga' mgu rangs te/ phyir btang ma thag tu sngon bzhin du g.yas su 'khyil nas/ smin mtshams na bod gzer 'tsher zhing phyogs bzhir bang rim du
- 265b
song ngo / / de ni byang chub sems dpab btsun mo bzhes pa'i tshe mdzod spu dkar po'i mtshan zhes bya'o// bcom ldan 'das kyis rgyal po yab la bka' stsal pa/ sangs rgyas yongs su mya ngan las 'das nas/ 'khor rnams bzhi dag las gang zhig byang chub sems dpa'i gzhon nu'i tshe'i mdzod spu dkar po'i mtshan rtogs par 'dod pa 'am/ btsun mo blangs pa'i tshe'i mtshan rtog par 'dod pa dag/ de la de ltar blta'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o// bcom ldan 'das/ kyis rgyal po yab la bka' stsal pa/ de la ji ltar na de bzhin gshegs pa rab tu byung ba'i tshe'i mdzod spu dkar po'i mtshan zhe na/ nga rab tu byung ba na/ rgyal po yab dang yum gyi pho brang slas su mang pos btsal zhing bsrungs te sgo gtan 'dzud pa dang / sgo 'byed pa'i tshe'ang seng ge'i sgra rang 'byung bar byas nas/ skar khung gi mtshams na yang dril dbyangs te/ gser gyi lu gu rgyud sbrengs pas/ klu dang / yi dgas dang / gnod sbyin yang nang du mi chud do// de'i tshe 'jig rten skyong ba bzhis steng gi nam mkha' las rgyang ma nas 'di skad ces smras te/ sa'i lha rgyal bu dus la bab bo dka' ba spyod pa'i dus la bab ste/ bdag cag rgyal bu la mchod cing mchir ni sgra grags kyis dogs te nang du mi chud do zhes smras so// de'i tshe rgyal bus phyag gis mdzod spu dkar
- 266a
po brkyang ste/ 'jig rten skyong ba bzhi la reg par mdzad nas/ de las 'od kha dog sna tshogs pa la lha'i na bza' lta bu rab tu mnyen zhing 'jam pa yid du bong ba/ 'jig rten skyong ba bzhis mthong ba dang / sems rab tu dga' zhing mos par gyur to// dga' zhing mos pas mdzod spu de'i nang na/ sprul pa'i byang chub sems dpa' rgyal bu dang 'dra ba dag skyil mo krung bcas nas 'dug par mthong ngo / / byang chub sems dpa' de re re la yang 'khor byang chub sems dpa' chen po tshad med pa rnams kyis bskor bar mthong ngo // mtshan 'di bstan pa'i tshe// lha dang / klu dang / gnod sbyin la sogs pa tshad med pa'i rnams nang du chud par gyur to// de nas rgyal bus 'dod ldan la bka' stsal pa/ khyod song ste nga'i rta stod la khrid de/ shog shig ces gsungs pa dang / de nas 'dod ldan gyis gsol ba/ sa gzhi 'di dag na gom pa bdegs pa'i tshe/ sa 'di bgul zhing ba glang chen po 'am/ seng ge'i sgra lta bu rang byung na/ bdag gis ji ltar rta'i drung du mchi bar bgyi zhes gsol pa dang / de'i tshe rgyal bus mdzod spu dkar po brkyang ste/ pad+mo dkar po'i 'dab ma lta bu mtshams 'brel ba/ dkar khyad kyang grangs dang 'dra ba/ 'dod ldan gyis mthong bar byas nas de nyid kyi sems kyis chud cing rtogs par gyur te/ pad+mo'i 'dab ma de dag gi bar na sprul pa'i byang chub sems dpa' skyil mo krung bcas te 'dun
- 266b
/ po rtog pa'i tshe/ thams cad so so nas 'di snyam du/ byang chub sems dpa' bdag 'bab shig gi rtswa ni bzhes kyi/ gzhan gyi ni ma yin no// snyam sems so// de'i tshe mdzod spu dkar po'i nang na/ byang chub sems dpa' khri phrag stong snyed skyil mo krung bcas te bzhugs pa dag/ so so nas de dag gi chu blang nas shing de'i drung na bzhugs par lha'i sras po thams cad kyis mdzod spu dkar po'i nang na mtshan de lta bu mthong ngo / / de'i tshe lha'i bu bkra shis dpal gyis/ 'di skad ces bstod do bsngags so// shin tu legs so// mchog tu rgyal ba'i bla mar gyur pa byams pa dang / snying rje chen po yongs su bsgoms pa dang / byams pa dang snying rje chen po'i shugs kyis/ skyes bu chen po'i mtshan dam pa thob par gyur te/ dam pa de las sprul pa tshad med pa rnams kyis lha'i bu thams cad kyi smon lam yongs su rdzogs shing / rtsod pa med par byang chub tu sems bskyed par gyur to// de'i tshe brgya byin dang tshangs pa la sogs pa'i lha rnams kyis/ byang chub sems dpa' shing drung na bzhugs par mthong nas/ so so nas mchod pa bya ba'i phyir/ zil dngar gyi mchod pa 'bul lo// de'i tshe byang chub sems dpa' mu stegs can gyi ston pa drug po dag gdul ba'i phyir lha rnams kyi mchod pa yang ma bzhes so/ / lha rnams kyis byang chub sems dpa bzhugs pa'i shing drung na/ gso ma dang khre rang skyes par byas kyang byang chub sems dpa' mi gsol te/ lha'i bu thams cad kyis 'di skad du//
- 267a
mtshan gyi ltas mang po zhes bya ste/ sangs rgyas yongs su mya ngan las 'das nas/ 'khor rnam bzhi la de bzhin gshegs pa rab tu byung ba'i tshe mdzod spu dkar po'i mtshan bzang po rnams la rtog par 'dod pa dag/ de la de ltar lta'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o// bcom ldan 'das kyis rgyal po yab la bka' stsal pa/ de ltar na bka' ba spyod pa'i tshe'i mdzod spu dkar po'i mtshan zhe na/ de'i tshe pho brang nas byung ste/ ga ya'i grong khyer nas ha cang mi ring ba na/ byang chub kyi shing a sho da'i drung du bzhugs par dgongs pa las/ lha'i bu bkra shis dpal la sogs pa/ lha'i bu brgya stong gi rnams 'di snyam du byang chub sems dpa' nges par 'dir bzhugs par dgongs te/ gal te bzhugs par gyur na/ gdon mi za bar bzhugs pa'i gdan dgos snum bsdam nas/ bdag cag gis lha'i rtswa brngas te/ gding ba'i phyir lha'i rtsa yongs su dag pa mnyen zhing 'jam pa/ bkra shis zhes bya ba byang chub sems dpa' la phul nas bting ste zhugs so// de'i tshe lha'i bu rnams kyis/ byang chub sems dpa'i sku'i mtshan kun brtags nas yid du 'ong ste/ gzhan yang smin mtshams kyi mdzod spu dkar po zlu ma la g.yas su 'khyil ba de las kyang kha dog rnam pa mang po dang ldan pa'i 'od rnams mtshan kun tu zhugs par mthong ngo // lha'i bu dag mdzod spu dkar
- 267b
po rtog pa'i tshe/ thams cad so so nas 'di snyam du/ byang chub sems dpa' bdag 'da' shig gi rtswa ni bzhes kyi/ gzhan gyi ni ma yin no// snyam sems so// de'i tshe mdzod spu dkar po'i nang na/ byang chub sems dpa' khri phrag stong snyed skyil mo krung bcas te bzhugs pa dag/ so so nas de dag gi rtswa blang nas shing de'i drung na bzhugs par lha'i sras po thams cad kyis mdzod spu dkar po'i nang na mtshan de lta bu mthong ngo / / de'i tshe lha'i bu bkra shis dpal gyis/ 'di skad ces bstod do bsngags so// shin tu legs so// mchog tu rgyal ba'i bla mar gyur pa byams pa dang / snying rje chen po yongs su bsgoms pa dang / byams pa dang snying rje chen po'i shugs kyis/ skyes bu chen po'i mtshan dam pa thob par gyur te/ dam pa de las sprul pa tshad med pa rnams kyis lha'i bu thams cad kyi smon lam yongs su rdzogs shing / rtsod pa med par byang chub tu sems bskyed par gyur to// de'i tshe brgya byin dang tshangs pa la sogs pa'i lha rnams kyis/ byang chub sems dpa' shing drung na bzhugs par mthong nas/ so so nas mchod pa bya ba'i phyir/ zil dngar gyi mchod pa 'bul lo// de'i tshe byang chub sems dpa' mu stegs can gyi ston pa drug po dag gdul ba'i phyir lha rnams kyi mchod pa yang ma bzhes so/ / lha rnams kyis byang chub sems dpa bzhugs pa'i shing drung na/ gso ma dang khre rang skyes par byas kyang byang chub sems dpa' mi gsol te/ lha'i bu thams cad kyis 'di skad du//
- 268a
rigs kyi bu 'di zhag grangs mang du zas ma zos na/ nyam dung stobs kyang 'bri ste/ tshe'i bar chung du 'gyur na/ ji ltar bla na med pa'i byang chub 'grub par 'gyur zhes/ gcig la gcig gtam 'dziran to// byang chub sems dpa' de'i tshe/ ting nge 'dzin gyi spyod yul dbang po thams cad zhi bzhes bya ba'i ting nge 'dzin la mnyam par gzhag no// zhwa'i bu rnams kyis mchi mchar bzhin du glags ras/ byang chub sems dpa' la gshos gsol cig ces gsol ba btab pa'i tshig gi sgras/ stong gsum gyi stong chen po'i 'jig rten gyi khams kun tu zhugs pa gyur kyang / byang chub sems dpas mtsher ro// de'i tshe lha'i bu yid du 'ong ba zhes bya ba zhig gis/ byang chub sems dpa'i 'og nas dra skyes pa dag gis thal byung du phug nas/ gru mo la thug par skyes pa mthong ste/ lha'i bu rnams la smras pa/ rigs kyi bu 'di ni ngo mtshar rmad du rung ste/ 'di lta bu'i dka' ba spyod cing zhag grangs mang du shos ma gsol te/ bos pa'i sgra yang ma thos la/ srul du skyes pa yang me tshor ro zhes spras nas/ lag pa g.yas pas mdzod spu dkar po bzung ste drangs nas/ mdzod spu dkar po de shin tu mdzes shing drang la ring khyung mtho phyung dang @ lnga byung ste/ lha'i rin po me dkar po ltar yongs su dag pa la phyi nang du thal byung bar sdang zhing / mdzod spu'i nang na 'ong 'bum phrag brgya snyed rab tu mdzes pa brjod par dka'o// 'ong de dag gi nang na
- 268b
sprul pa'i byang chub sems dpa' dka' ba spyod pa grangs med pa bzhugs pa 'di dang tha mi dad pa mthong yang / byang chub sems dpa' chung ngur ma gyur la/ mdzod spu dkar po yang chen por ma gyur par mthong ste/ lha'i bu de dag gis de lta bu dag mthong nas/ ngo mtshar rmad do zhes bstod do// mdzod spu dkar po yang btang ma thag tu phyir yang g.yas su 'khyil nas 'od zer dang bcas te mi snang bar gyur te/ de'i tshe lha rnams kyis mdzod spu dkar po la mig mi 'dzum pa brtags na/ mdzod spu dkar po las sbubs lnga zhal gyi sgor zhugs te/ de'i nang nas zil dngar rgyun mi 'chad par zhal gyi nang du 'bab cing 'bo ste/ sku kun tu rgyu ba ni/ bai DUR+Ya'i ri bo ltar phyi nang gsal bar mthong ngo // byang chub sems dpa' khri phrag brgya stong skad kyang / sku'i nang nas mngon par snang ngo // lha rnams kyis de lta bu dag mthong nas/ rab tu dga' ba skyes te thal mo sbyar nas bdag cag sngar ni gti mug gis mdongs pas/ skyes bu 'di'i tshe ring po mi thogs so zhes smras pa las mtshan bzang po 'di las bltas na gdon mi za bar mngon par rdzogs par 'tshang rgya ste/ the tsom ma mchis so// bla na med pa'i shes rab kyi nyi ma ring po mi thogs par 'jig rten du shar bar 'gyur ro zhes smras nas/ lan brgya stong du bskor ba byas te/ so so'i gnas gnas su phyir song ngo // de skad ces smras pa'i sgra dbyangs kyis 'dod pa'i khams su grags par gyur to// rgyal
- 269a
po yab sangs rgyas yongs su mya ngan las 'das nas/ 'khor rnam bzhi las de bzhin gshegs pa'i dka' ba spyod pa'i tshe'i mdzod spu dkar po'i mtshan rtag par 'dod/ pa dag de la de ltar blta'o// gang gis de lta bur mthong ba de ni/ yang dag par mthong ba'o// gang gis te de lta ma yin par mthong ba de ni/ log par mthong ba'o// mtshan rjes su dran pa zhes bya/ baba'i le'u ste gsum mo// / sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo/ bam po gnyis pa de nas bcom ldan 'das kyis rgyal po yab la yang 'di skad ces bka' stsal to/ / de la ji ltar na byang chub sems dpa' bdud btul ba'i tshe'i mdzod spu dkar po'i mtshan zhe na/ de'i tshe bdud sdig pa can gyis lha'i mig gis rgyang ma nas bltas na/ 'dzam bu'i gling na shAkya'i bus rgyal srid mchil ma bzhin du bor nas/ byang chub kyi shing drung na bzhugs te/ sku skams shing rgyun rings kyi nang pa ltar nyam chung la rid de/ gser btso ma'i kha dog lta bu'i 'od zer 'ba' shig ni 'phags par gsal ba la/ spyan gyi 'bras bu ni khron pa'i gting gi skar ma bzhin te/ rgong zhing gnag pa/ rus pa'i tshigs gcig la cig rten cing / klu 'khyil ba'i ri mo yang nyams par mthong nas/ bdud sdig pa can rab tu dga' bar gyur te/ 'di skad ces smras so// dge
- 269b
skyong go'u ta mnyam chung la rid de/ rus pa yang rtswa rul pa dang dra ste/ bod gsal ba ltar byed kyang 'tsho ba'i dbang pos ring po mi thub la/ byang chub chen po yang mi 'grub pas/ de ma rung bar bya ba'i phyir gang na bar 'gro'o zhes smras nas/ mig bskrad de rab tu khros nas gnod sbyin gyi rnams la dmag dpung rnams rings par sdus shig/ bdag cag 'dzam bu gling du go'u ta ma la rgol du 'dong ngo zhes bsgo'o/ / de'i tshe bdud kyi rgyal po'i bu pa ta la zhes bya bas pus mo'i lha nga sa la btsugs nas/ pha la 'di skad smras so// rgyal po zas gtsang ma'i sras de thog ma btsas pa'i tshe nas/ lha thams cad kyis yongs su bsrungs te/ 'od zer yang lha'i gnas kun tu khyab bo// skyes bu de ni byams pa dang / snying rjer ldan pa lags pas/ thams cad kyi/ skyabs su gyur te/ da ltar skye bo mang po'i phyir byang chub kyi shing drung na bzhugs na/ yab rgyal po ci slad du de la ngan sems dang 'khu ba'i sems bskyed ces smras pa dang / bdud kyi rgyal po khros nas bu la 'di skad du/ bu glen pa shes pa med pa khyod/ dge sbyong go'u ta ma byang chub kyi yon tan khyad par can dang ldan zhes ma zer cig/ dge sbyong go'u ta mnyam chung la rab tu rid te/ rus pa yang skams nas da ci yang mi nus pa la/ byams pa dang snying rjer ldan no zhes ci'i phyir smra/ pa ta las yang smras pa/ dge sbyong go'u ta ma rid pa ni kha zas ma zos pa'i phyir te/ kha dog
- 270a
dang 'od zer la brtags na rdo rje'i ri bo ltar 'od rab tu 'bar te/ lo drug gi bar du dka' ba spyod kyang thugs ma gsos so// zhal mdangs la bltas na 'jigs shing snga gong ba'i mdangs su gyur pa med kyis/ rgyal po chen po lha'i pho brang na bzhugs pa'i rigs kyi/ rgol zhing gshegs pa'i mi rigs so// de nas bdud sdig pa can gyis smras pa/ khyod kha rog shig mang du smra mi dgos so zhes bsgo'o// de'i tshe gnon sbyin gyi bdag po shi da zhes bya ba bdud kyi rgyal po gang na bar 'ongs nas/ bdud la spyi bos gtugs te phyag 'tshal nas/ 'di skad ces smras so// lha'i rgyal po dmag gi dpung rnams ji skad du bsgo zhing bsdu bar bgyi/ bdud sdig pa can gyis smras pa/ khyod kyis nga'i tshig 'dis gnam rim pa drug dang / yi dgra kyi rgyal po dang / gzhan yang sde brgyad dang / 'brog dgon pa'i yi dgas dang / dmyal ba bcwa brgyad dang / gshin rje'i 'jig rten la sogs pa'i 'khor kun tu skad kyis sgrogs te/ thams cad kun nas dge sbyong go'u ta ma ga na bsdus shig ces bsgo'o// de'i tshe de bzhin du bsgo ba dang / yi dgas kun phyogs bzhi nas sprin ltar langs te 'dus so// yi dgas la la ni ba glang gi mgo can la/ rna ba bzhi bcu yod pa/ rna ba de dag gi nang na lcags kyi mda' skyes la/ me rab tu 'bar te mtho khyad dpag tshad gcig tu phyin pa/ rA bco brgyad yod pa la
- 270b
rA'i rtse mo la ri bteg ste/ ri'i steng na klu yod pa/ klu'i kha na lcags kyi thu lum khyer ba yang yod do// yi dgas la la ni wa mgo can la mig stong phrag bcu yod pa/ mig gi rdzi spa ra zhing ring la gnam lcags ltar 'bar ba/ spyi bo na kha yod pa/ kha nas me rab tu 'bar ba/ lus kyi spu thams cad ral gri'i tshal ltar 'dug pa yang yod do// yi dgas la la ni nam ma la spyi tshugs 'gro la rkang pa bcu gnyis yod de/ / rkang pa'i rting pa la ral gri 'khor lo stong thogs pa/ mgo ri rab ltar che ba mgo'i steng na ral gri yal ga can lnga brgya thogs te/ me rab tu 'bar ba yang yod do/ / yi dgas la la ni lto bas 'phye ste 'gro ba yang yod de/ khor yug gi ri khur du thogs shing dgu ste 'ong ba yang yod/ yi dgas la la ni mgrin pa gcig la kham po yod de/ kha gcig gi nang na lce stong yod la/ lho'i thog na tsher ma ma rungs pa skyes shing spu'i rtse mo yar 'greng la spu'i thog ma las khrag 'bab cing / kha nas tsher ma dag 'byin pa mgyogs par nam mkha' las 'ong ba yang yod do/ / 'byi sha tsa'i gdon skad ngan chen po 'byin cing / kha'i dbugs sprin ltar 'byung la lcags kyi thu lum char bzhin du 'bebs shing yung tsam thang cig gis phyin pa yang yod do/ / grul bum gyi gdon sa phung la sgyur rten bcas nas/ mi sdug pa'i bzhin ngan pa 'byin pa yang yod do// 'byung po'i gdon rab tu gnag la ring de/
- 271a
mgo la zangs chen po khyer nas nang na lcags kyi thu lum 'bar la/ lag pa na ral gri'i 'khor lo thogs te/ rkang pa g.yon pas ni khyi mnan/ rkang pa g.yas pas ni spyang ku mnan te brgyags te 'ong ba yang yod do/ / 'bar ba'i bdag po rnams rgyu ba ni bse rtsi ltar gnag la/ mdun ni zla ltar dkar zhing mig me'i phung po ltar 'bar ba/ sgra rab tu 'dzings par 'dug la tshir ma'i phung po ltar gzings pa/ mche ba 'greng la ral gri'i so ltar rno ba/ sor bcu sder mo mdung rtse ltar rab tu rno ba/ rkang pa'i sngar mo bcu ral gri sno ba lta bur bdug la/ lcags kyi sprul gyis mgo dkris pa/ rab tu myur bar brgyugs te 'ong ba yang yod do// 'brog dgon pa'i gdon gyi bdag po chen po gas pa/ 'grin pa gcig la mgo drug yod pa/ brang la drug yod pa/ pus mo na ngo gnyis yod pa/ lus la spu khyab par skyes te/ mde'u ltar rno ba/ lus sprugs pa na mi la 'phen cing 'dzugs pa/ mag bgrang na rab tu me 'bar zhing dmar la khrag 'dzag pa ltas ngan gyi grangs su gtogs pa dag mgyogs par brgyags te bong ba yang yod do/ / yi dgas la la ni stag gi mgo can la/ mig bcu gnyis yod pa/ rna ba glang gi sna ltar 'dug la/ sna bcu gsum yod pa/ 'phrag pa g.yon pa la ni ri khyer/ 'phrag pa g.yas pa pa ni me khyer ba/ lag pa na ral gri rnon po thogs pa/ rkang pas seng ge gnon cing skad ngan chen po
- 271b
'byin pa dag brgyugs te 'ong ba yang yod do/ / yi dgas la la ni gzugs sprin ltar 'dug la gnam lcags ltar 'bar zhing sprin 'phungs pa lta bu'i mgo can la/ sprin 'phungs pa'i kha na klu brgya stong snyed yod de/ lus mi sdang bar 'dug pa 'ba' shig byin par snang zhing / phyogs bcu nas gdon thams cad sprin lta 'dug pa yang yod do// bu mangs kyi bdag mo yang bu rnams dang chas nas so so nas pha bong dpag tshad bcu pa zur mangs can/ 'jigs su rung ba re re thogs te 'ong ba yang yod do// yi dgas la la ni dgus te 'jug ma 'greng du bcug nas/ sna sa la snom zhing sna'i nang nas me rab tu 'bar la/ me'i nang nas kyang gdon mang po rdzus te 'byung zhing ngo bkab nas brgyugs te 'ong ba yang yod do// de'i tshe bdud kyi rgyal pos gnod sbyin dang / yi dgas kyi tshogs thams cad la ltas nas smras pa/ gnod sbyin dang / yi dgas kyi dpung thams cad kyang sprin ltar 'dus shing tshogs na/ dge sbyong go'u ta ma dge ba des/ gal te na sngags shes kyang srid kyis dmag rnam bzhi yang myur du bsham mo zhes smras nas/ bdud kyi rgyal po'i nor bu las dmag rnam bzhir sprul to// 'di lta ste/ ba glang gi tshogs dang rta'i tshogs dang / shing rta'i tshogs dang / rkang tang gi tshogs rnams te dgra cha rnams nags tshal ltar bshams nas/ rab tu 'jigs su rung ba steng gi nam mkha' las babs te/ byang chub kyi shing gi mtha' dang nye bar
- 272a
ljags so/ / bdud kyis yang 'di snyam du bsams te/ gal te dmag 'di rnams kyis kyang dge sbyong go'u ta ma 'di mi thub kyang srid kyis snyam bsam nas rin po che'i cod pan phud de sa'i 'og logs su gzas pa dang / cod pan gyi 'od zer gyis thal byung du gshin rje'i 'jig rten gyi sprul pa srung ma'i steng du/ skad chen pos 'bod cing yi dgas kyi rnams la smras pa/ khyed dmyal ba'i srungs ma dang / gshin rje'i rgyal po dang / mtshams med pa'i dmyal ba'i mtshon gyi 'khor lo dang / me'i shing rta dang / me mur la sogs pa thams cad kyang 'dzam bu gling du dge sbyong go'u ta ma de ma rung bar bya ba'i phyir/ kun steng du thon cig ces sgrogs so// mtshams med pa'i sems can dmyal ba ni chu zheng gab par dpag tshad brgya stong snyed de/ mtha' ma lcags kyi mkhar rim pa bdun gyis bskor to/ / de la bar chad bco brgyad yod do// mtha' ma ral gri'i tshal rim pa bco brgyad kyis bskor to// de'i 'khor du gtogs pa shar phyogs kyi ngos na yang dmyal ba chen po bco brgyad yod do/ / de bzhin du lho phyogs kyi ngos na yang 'khor du gtogs pa bco brgyad yod do// nub phyogs kyi ngos na yang 'khor du gtogs pa bco brgyad yod do// byang phyogs kyi ngos na yang 'khor tu gtogs pa bco brgyad yod de// de'i 'og nas me tsha ba rang 'bar bas/ lcags kyi mkhar dang lcags kyi dra ba kun bsregs te/ 'bar bar byas nas//
- 272b
de'i 'khor du gtogs pa kun kyang 'bar te/ de'i 'og na bar chang bco brgyad yod pa las kyang thal bar byed do// skye bo gang zhig mtshams med pa lnga byas pa dag/ lus kyis de'i nang yod su gang ste/ sdug bsngal rnam pa sna tshogs pa nyin mtshan du bar chad med par myong ste/ de'i nang na gnas stong pa cung zad tsam yang med do// bskal pas 'khru bar byed pa'i tshe/ sgo bzhi rang bye nas dmyal ba pa de dag so so'i mig lam na sgo'i phyi rol na/ ral gri'i nags tshal snang ba la shin tu bsil ba'i nags tshal du mthong nas/ bar chad gcig nas gnyis su 'phags/ gnyis nas gsum du 'phags te/ bar chad kun nas 'phags nas/ shar sgo logs su brgyugs pa dang / srungs ma srin pos mdung rtse kha phrag pa thogs te/ mig tu btsugs pas mig gi 'bras bu chu bzhin du sa la bo'o/ / de'i tshe de nyid du 'gyel nas phyir yang bar chad bco brgyad yod pa kun tu lus kyis gang ste/ bskal pa chung ngu gcig gi bar du rgyal bar gyur nas de nas gdod ldang ngo / / de nas yang lho phyogs kyi sgo dang / sgo bzhi car du yang snga ma bzhin no// de ltar nyin mtshan du yang sdug bsngal chen po bskal pa gcig gi bar du myong nas/ bskal pa de zad nas de nas phyir yang dmyal ba chu ngur skye'o// dmyal ba chu ngu dang / de ma yin pa'i dmyal ba gzhan gyi gzugs dang / che chung gi tshad dang / rnam par smin pa'i 'bras
- 273a
khu'i khyad par dang / gzugs bye brag dang / rnam par smin pa sna tshogs pa ni/ byams pa'i ting nge 'dzin ces bya ba'i nang nas/ rgyas par 'chad do// dmyal ba'i srung ma shar phyogs kyi ngos na brgya stong yod do/ / phyogs gsum gyi ngos kyang grangs de bzhin no// srungs ma de re re'i mgo yang ri ltar 'dug la/ de la ral gri'i 'khor lo dang mdung rtse kha brag pa sha stag skyes so/ / de dag gi rna ba bong bu'i rna ba lta bu rnam pa brgya stong snyed yod de/ rna ba de dag kun gyi nang nas dud pa dang / me lce 'byung ngo // de dag gi kha dang mche ba yang srin po bas brgya stong gis lhag par mi sdug la ra ni glang gi rwa 'dra ste/ rwa'i thog ma la ral gri skyes so// de yang phyogs lnga nas mthong ba yang mi mthun te/ de dag gi lus dmar ba dang gnag pa la sogs pa sha stag go/ / de'i lus kyi gzugs khyi rngon can lta bu la/ 'jug ma bzhi brgya yod de/ 'jug ma'i thog ma la rnag khrag dang ngar skyugs zag go// sbrul lcags kyi mchu can gyis lus la dkris te/ lag na mdung rtse kha brag pa thogs shing / rkang pa'i mthil gyis mtshon gyi 'khor lo gnon te/ mtshon de'i rtse mos zug cing zug pa yang snying dang rkan la thug go// de dag rlung ltar mgyogs pas/ so so'i lag na mdung rtse kha brag pa thogs pa des/ dmyal ba'i rkeng du gzer te/ mdung gi kha la khyer nas brgyugs te 'ong ngo // mtshams med pa'i dmyal ba'i
- 273b
yang ji ltar lus kyi phyin grib ma 'brang ba bzhin du/ dmyal ba'i phyi bzhin 'brang ste/ thang cig yud tsam gyis byang chub kyi shing drung du dus gcig tu 'dus shing lhags nas gnod pa'i sems bskyed do/ / de'i tshe byang chub sems dpa' lhag par byams pa'i thugs la mnyam par gzhag te mi g.yo bar gyur to// de nas bdud kyi rgyal pos khros pa'i tshul gyis chos dgra cha phyar te/ sgra skad chen po phyung nas/ dmag gi dpung rnams la smras pa/ khyed rnams kyis myur du dge sbyong go'u ta ma skrod cig/ steng nas 'brug gi sgra sgrogs la/ lcags kyi thu lum gyi ser ba pob shig/ mtshon gyi 'khor lo dang mtshon chas chal bar gtogs shig ces smras so// de'i tshe nam mkha' stong pa dang / ngos bzhi nas bdud kyi dmag rnam bzhis dus gcig tu mtshon gyis btab ste/ me'i mangs 'phangs kyang byang chub sems dpa' la nye bar yang ma gyur to// de'i tshe byang chub sems dpa' dal gyis phyag g.yas bteg nas/ smin mtshams kyi mdzod spu brkyang ste/ bog ma'i phyogs su gzas pa dang / mtshams med pa'i dmyal ba pa rnams la mdzod spu dkar po'i nang nas shing rta'i srog shing tsam gyi chu byung nas me'i steng du bo ste/ dmyal ba'i me chen po bags kyis zhi nas dud pa tsam du gyur pa mthong ba dang / dmyal ba pa de dag gi sems kyang cung zad cig rtas par gyur te/ de dag so so nas skye ba brgya dang / skye ba stong dang /
- 274a
skye ba brgya phrag stong gi dus na sdig pa ci byas pa thams cad dran par gyur to// de'i tshe dmyal ba'i srungs ma rnams kyis mdung rtse kha brag pa gdeg par gzas nas/ stobs dang mthu ci g.yos pas brtsal kyang 'gul ma nus te/ de ma thag tu mdung rtse kha brag pa'i rtse mo la/ dngul gyi ri lta bu'i khang bu brgya stong snyed yod cing seng ge dkar po 'khyil cing nyal ba dang / seng ge'i steng na pad+mo dkar po la byang chub sems dpa' dam pa mang po dag/ lhag par byams pa'i thugs la mnyam par gzhag nas/ ri rab lhun po ltar yongs su brgyan pa mthong ste/ dmyal ba'i srungs ma de dag gis mdungs la bor ba dang / mdung gi ma rtse las rin po che sna bdun gyi pad+mo skyes so// yang de las kyang 'od zer dkar po byung ste/ dmyal ba pa rnams dang / dmyal ba'i srungs ma glang gis mgo can dang / gshin rje dang / dmyal ba'i srungs ma gzhan thams cad kyang dngul gyi ri ltar snang zhing dkar por gyur to// de yang glog gi 'od ltar yud tsam skad cig mthong bar zad do// dmyal ba pa rnams kyi dbang po drug las me rab tu 'bar ba dang / tshigs dang / rus pa dang / rtswa kun me 'bar zhing lcags gzer zug pa dang / 'dral zhing gshegs pa dang / rab tu sdug bsngal ba mang po kun dus gcig tu/ mdzod spu dkar po'i mtshan la logs su thal mo sbyar te phyag 'tshal bas/ de dag thams cad kyi sems gsal bar gyur te/ mdzod spu dkar po'i nang na bdag
- 274b
/ dang 'dra ba yang yod la/ pad+mo'i gdan la bzhugs shing dmyal ba'i spyi bo nas chu blug ste/ de dag gi tsha ba'i nyon mongs pa la sogs pa kun zhi bar mthong nas/ thams cad kyis 'thun par dus gcig tu sangs rgyas la phyag 'tshal lo zhes brjod par gyur to/ / de'i rgyu de'i rkyen gyis dmyal ba'i kha na ma tho ba zang de thal byung mir skyes so// de dag kyang dbang po dang ldan zhing rab tu byung ba dang / rab tu byung bas nyon mongs pa 'bum phrag nyi shu snyed bcom par gyur te/ rgyun tu zhugs pa thob bo// de nas bdud kyis de ltar gyur pa mthong ba dang / mya ngan gyis yid blong zhing 'khrugs nas phyir song ste khri la nyal to/ / de'i tshe bdud de la bu mo gsum yod de/ chen mo ni dga' byed ces bya'o// bar ma ni dga' sems ces bya'o// tha chung ni kun mdzes shes bya'o// bu mo gsum gyis/ pa de ltar gyur pa mthong ba dang / pus mo sa la btsugs te thal mo sbyar nas phyag 'tshal te/ pha la 'di skad ces smras so// pha rgyal po ci'i phyir 'di lta bur thugs ngan cher mdzad cing mi dgyes zhes smras pa dang / phas bu mo rnams la spras pa/ dge sbyong go'u ta ma des shin tu dam bcas nas/ byang chub kyi shing drung na 'dug ste/ nga'i 'khor kun bshig pas de'i phyir nga ni mya ngan byed do/ / bu mos gsol pa/ rgyal po bdag cag gis de bslu zhing gzhig nus kyis rgyal po mi dgyes su ma mdzad cig ces spras nas rab tu chas te/ rin po che sna tshogs kyi cod pan thogs
- 275a
shing tshul du shis la mdzes pa ni/ bdud kyi 'khor las brgya stong gis shin tu 'phags te/ mig zur gyis lta ba dang / bslu zhing 'brid pa'i tshul ston pa dang / sa mo do'i bod ni gnam rim pa drug kun zil gyis non pa rin po che'i shing rta bcas te rin po che bla re bres nas/ lha'i me tog sna tshogs sbyangs te/ me tog gi nang kun na sprul pa'i shel gyi bu mo rol mo'i cha byad thogs shing sil snyan dkrol nas glu dbyangs kyi sgra sgrogs so/ / 'jig rten na de lta bu'i dga' ba dang / bde ba gzhan med de/ bu mo de dag gcig la yang 'khor bu mo lnga brgya snyed do// rgyal mtshan dang / ba dan bsgreng nas bla rer bres te/ sprin ltar lding zhing lus kyi ba spu'i bu ga thams cad nas spos kyi dri bsung 'thul zhing / kha dog rnam pa brgya stong snyed rab tu 'tsher zhing 'bar bas 'gro ba mang po'i mig rab tu gang bar byed do/ / bu mo de dag kun tshul du shis shing gom pa dal gyis byang chub sems dpa'i drung du 'ongs nas/ thal mo sbyar te/ byang chub sems dpa' la phyag 'tshal nas yan bdun bskor te/ byang chub sems dpa' la 'di skad ces gsol to// rgyal bu thog ma bltams pa'i tshe na/ lha mang pos bsrungs nas rin po che bdun yang 'dus na ci'i slad du lha'i thabs btang ste/ shing gi drung 'dir bzhugs/ bdag cag ni lha'i bu mo lags te/ phyug cing yid du 'ong ba ni dpe dang zla med de/ lus mdog gi kha dog
- 275b
bzang po ni gnam gyi rim pa drug dag na yang zla ma mchis so/ / bdag cag gi lus ngan pa 'di rgyal bu khyod la dbul gyis bzhes shig/ bdag cag gis chag chag dang phyag dar dang / go re long kun bgyi'o// bdag cag ni sku mnyel ba'i thabs dang / cho ga yang 'tshal te/ khyod la bsnyen cing g.yog bgyi bar gsol gyis/ bdag cag gis gsol ba bzhin du bzhes su gsol lo/ / rgyal bu yun ring mor shing drung na bzhugs pas sku mnyel bar gyur gyis/ gzims shing mnyel ba sho ba'i rigs so// zil dngar gyi zhal zas kyang gsol cig ces rin po che'i snod kyi nang du lha'i zas ro brgya stong dang ldan pa phul nas/ de'i tshe rgyal bu rab tu zhi bas sku dang thugs ma g.yos te/ mdzod spu dkar po bstan pa dang / bu mo de gsum gyis bdag bdag gi lus kyi nang na rnag khrag dang / ngar snabs bu ga dgu nas zag pa dang / rtsa dang / rus pa dang / lus kyi gzhi thams cad dang / rgyu ma dang / long ka dang / tshos pa dang ma tshos pa'i gnas kun kyang mthong bar gyur to/ / de ma thag tu srin bu rnam pa mang po rgyu zhing brgyug pa mthong ste/ grangs ni brgya stong snyed do// srin bu phra mo ni dgu khri snyed de/ srin bu de dag rgyu zhing brgyug pa ni rgyu ma la thogs pa med par 'gro ste/ kun la kha bzhi bzhi yod pas kha gdangs te 'gro'o// srin bu chen po yang long ka'i nang du brgyug cing 'gro ste/ de nas byung nas pho ba'i nang du 'jug
- 276a
go/ grang pa'i nad skyes pa ni pho ba'i kha log cing 'gags pas/ srin bu nang du mi chud do// de bas na zas kyang mi 'ju'o// mcher pa dang / mkhal ma dang / mchin pa dang / glo ba dang / snying dang / mkhris pa dang / mid pa dang / lkog ma dang / de dag kun gyi bar bar nas kyang srin bu bzhi bzhi skyes te/ sprul bzhi 'dus pa ltar 'dug la/ kun nas 'jib cing za'o/ / tshigs rnams ma zad nas khu ba zag ste/ mig nas 'ong ba ni mchi ma'o// sna nas zag pa ni snabs so// kha nas zag pa ni mchil ma ste/ pags pa stug po dang pags pa srab mo dang / rgyus pa dang / rkang dang / rtsa kun nas srin bu phra mo grangs med pa skyes shing za ste/ bshad kyis mi rdzogs so// bu mo de dag de nyid du skyugs nas kha nas skyugs pa zad mi shes pa byung ba dang / bu mo bdag gi lus nyid la g.yas su ni sbrul gyi mgo skyes/ g.yon du lnga'i skyes/ dbus su ni khyi'i mgo skyes te/ mgo'i steng na sprul rul pa'i ro rnam pa dgu byung ste/ ji ltar 'du shes dgu brtags pa bzhin no// 'du shes dgu gang zhe na gcig tu ni shi bar 'du shes pa ste/ de yang mau shi ba'i ro rengs te ci yang shes pa med pa ltar/ bdag gi lus phangs pa 'di yang de dang 'dra bar 'gyur te/ de dang tha mi dad par 'du shes pa ni shi bar 'du shes pa zhes bya'o// gnyis su ni bsngos par 'du shes pa ste/ de yang mi shi ba'i ro zhag cig
- 276b
gam/ zhag bdun lon nas/ bam zhing sngo la gnag par gyur pa ltar/ bdag gi lus phangs pa 'di yang de dang 'dra bar gyur te/ de dang tha mi dad par 'du shegs pa ni bsngos par 'du shes pa zhes bya'o/ / gsum du ni rnags par 'du shes pa ste/ de yang mi shi ba'i ro rul cing zhig par gyur nas/ rnag khrag rab tu zag la yid du mi 'ong zhing bltar mi bzod pa ltar/ bdag gi lus phangs pa 'di yang de dang 'dra bar 'du shes pa ni/ rnags par 'du shes pa zhes bya'o// bzhir ni dmar bar 'du shes pa ste/ de yang mi shi ba'i ro// lus kun chub par myags pa shin tu zag par ltar/ bdag gi lus phangs pa 'di yang de dang 'dra bar 'du shes pa ni/ dmar bar 'du shes pa zhes bya'o// lngar ni zos par 'du shes pa ste/ de yang mi shi ba'i ro la khwa dang / stag dang / spyang ki la sogs pa za zhing sbrang mas gang nas 'bur gyur te/ sha phyeng zad zad pa'am/ lus phyed tsam lus pa ltar/ bdag gi lus phangs pa 'di yang de dang 'dra bar 'du shes pa ni/ zos par 'du shes pa zhes bya'o// drug tu ni rus pa 'brel bar 'du shes pa ste/ de mi shi ba'i ro sha dang pags pa ni zad nas rgyus pa dang / rus par 'brel ba 'ba' shig lus te/ shing spung pa bzhin du 'dug la rgyus pa'i dbang gis so sor ma gyes pa ltar/ bdag gi lus phangs pa 'di yang de dang 'dra bar 'du shes pa ni/ rus pa 'brel bar 'du shes pa zhes bya'o// bdun du ni
- 277a
bral bar 'du shes pa ste/ de yang mi shi ba'i ro rgyas pa yang rul zhing myags la rus pa 'ba' shig sil mar gyur nas 'thor ba ltar/ bdag gi lus phangs pa 'di yang de dang 'dra bar 'du shes pa ni/ bral bar 'du shes pa zhes bya'o// brgyad du ni tshig par 'du shes pa ste/ de yang mi shi ba'i ro ched du sregs pa 'am/ me shor te tshig pa yang rung ste/ 'khums nas shin tu yid du mi bong ba ltar mi bzod pa ltar/ bdag gi lus phangs pa 'di yang de dang 'dra bar 'du shes pa ni/ tshig par 'du shes pa zhes bya'o// dgur ni ke rus su shes pa ste/ rus pa yun ring du lon pa rnyings shing skams pa/ lo lnga bcu lon pa 'am/ lo brgya lon pa 'am/ lo nyis brgya 'am lo sum brgya lon pa shin tu dkar por gyur pa de/ nyi mas gdungs pas rus pa de las me 'bar te tshig par gyur pa/ rlung gis bus nas sa'i khams la zha bar gyur pa ltar/ bdag gi lus pangs pa 'di yang de dang 'dra bar 'du shes pa ni// keng rus su 'du shes pa ste/ 'di ni 'du shes dgu'i phyogs tsam zhig bshad pa zhes bya'o// de ni byang chub sems dpa' thog ma shing drung na bzhugs pa'i tshe/ mi sdug par rtog pa'i sgo thog mar bstan pa yin no/ / de'i tshe bdud kyi bu mo de gsum so so nas bdag cag gi khur du rgan mo shin tu rgan pa sgra skya la ngo la gnyer ma brtsegs pa la/ kha yo ba so rdo ba mdog snum
- 277b
zhing gnag pa/ 'khams pa/ shi ba'i ro khyer ba dang / pad na byis pa chung ngu'i ro bu ga dgu nas rnag khrag zag la rnag khrag de'i nang nas srin bu rtsangs pa 'dra ba rgyu ba khyer ba mthong po// bu mo de dag gis de lta bur gyur pa mthong nas/ shin tu ngo mtshar rmad du skrag par gyur te/ phyir log nas mgo smad de/ lte ba la bltas na lte ba'i nang na klu drug yod par mthong ste/ klu de'i kha nas ni me yang 'bar la chu yang 'dzag go/ / rna ba nas rlung 'byung la lus lcags sam/ rdo 'dra bar sra bar mthong ngo // bdag gi mo mtshan yang rab tu rtsog cing dman la mi sdug pa dang / brtsog cing dman pa de'i nang na yang srin bu phra mo mang po gnas shing srin bu de dag kyang mgo bzhi pa la/ mgo gnyis ni gyen du bltas te za zhing 'jib bo// srin bu de dag gi kha nas gdug pa lnga 'byung ste/ gdug pa de lnga'i rtsa yang snying rtsa dang / lkog ma la zug go// dbang po drug nas rtsa bran dgu bcu rtsa dgu yod pa la khu ba byung ste/ khu ba de srin bu de dag gi mgo la zag pas/ srin bu rnams kyis za bar thong ngo // bu mo de dag skye ba grangs med pa nas log par g.yem pa'i kha na ma tho ba mang po byas pa'i las de'i rgyu de'i rkyen gyis de lta bu'i mi gtsang zhing mi sdug pa'i lus thob par gyur to/ / srin bu gzhan yang lag pa'i gdu bu ltar gcig 'brel cing kor kor bar 'dug pa la kha mang po yod de/ de dag gi kha nas gdug pa lnga 'byin te mo mtshan la za zhing 'jib bo// bu mo de dag 'das pa'i dus na log
- 278a
par g.yem pa dang / de bzhin gshegs pa la yang slu bas de lta bu'i lus btsog pa la de 'dra ba'i mi sdug pas brgyan par gyur te/ bu mo de dag gis de lta bu dag mthong / nas/ sems la sdug bsngal gyis rab tu gdungs pa ni ji ltar snying la mangs phog pa dang 'dra bar gyur te/ phyir 'gro ba na yang sa la gog cing rnga rid kyi stabs bzhin du song ngo // thog ma gom pa bor na lha tshigs kun nas me 'bar ro/ / de dag gi sgra yang ser por gyur te/ tsher ma'i tshal ltar 'dug pas rang gi lus la rab tu dkris so// de'i tshe de dag skad chen pos 'bod de/ shugs 'byin cing bdud kyi rgyal po'i drung du phyin to/ / bdud kyi rgyal pos de ltar gyur pa mthong ba dang / rab tu khros nas ral gri phyar te/ gdod nas mchong zhing rgal ba las/ bdud kyi bu gcig gi bshugs te smras pa/ rgyal po chen po rma med par bdag la rma ma 'byin cig/ byang chub sems dpa' ni spyod pa yongs su dag pas sa gzhi ltar bskul dka' na/ ga la shig shes smras kyi// de'i tshe byang chub sems dpas mdzod spu dkar po'i 'od zer bstan pa dang / bdud kyi 'khor thams cad lus dang sems rab tu dga' zhing bde bar gyur te/ ji ltar dge slong dag gis bsam gtan gsum pa thob pa bzhin no/ / yi dgas rnams kyis ni mdzod spu dkar po'i rtse mo la byang chub sems dpa' chen po brgya stong snyed yod par mthong ste/ byang chub sems dpa' de dag thams
- 278b
cad kyang lhag par byams pa'i thugs la mnyam par gzhag la so so nas phyag g.yas pa gteg ste/ phyag g.yon pa'i phyag sor gyi rtse mo nas 'o ma bcus nas rab tu 'bar ba'i me la btang bar mthong ngo / / de nas me dag zhi bar gyur te/ rab tu bsil ba dang rang 'grangs shing ngoms pa dang / sems rab tu dga' zhing rangs nas byang chub tu sems bskyed do// de lta/ sems bskyed pa'i mthus yi dgas kyi sdug bsngal dang bral nas/ yi dgas de dag so so nas bdag bdag gi lus shel dkar po dang 'dra ba dang / bai DUR+Ya'i ri dang 'dra ba dang / shel gyi ri dang 'dra ba dang gser gyi ri dang 'dra ba dang / spug gi ri dang 'dra ba dang / lus kyi ba spu'i khung bu thams cad kyang mu tig gi phreng ba lta bur gyur pa dang / mig rab tu gsal la dag pa ni nor bu rin po che dang 'dra ba dang lus la 'bar ba'i me dang / dud pa thams cad ni rin po che sna tshogs kyi sprin lta bur gyur la/ lag na thogs pa'i mtshon cha ni rin po che sna bdun gyi khang pa brtsegs par 'gyur garin po che sna bdun gyi khang pa brtsegs pa de'i nang na lha'i stan rab tu 'jam pa bting ste/ sngas dang bcas pa dang / g.yas g.yon na sprul pa'i tshangs pa'i rgyal po 'khor du gyur pa dang / sprul pa'i byang chub sems dpa'i sprul pa'i khang pa brtsegs pa la bzhugs shing so so nas sdig pa can dag gi rnam par smin pa 'chad de/ khyed la sogs pa sngon 'das pa'i dus na/ kha na ma tho ba'i las byas pas/ 'di lta bu'i lus
- 279a
gzugs mi sdug pa thob par gyur to zhes de skad ces 'chad par thos so/ / de'i tshe yi dgas de dag thams cad la la ni bla na med pa'i byang chub tu sems bskyed do// la la ni nyan thos dang / rang sangs rgyas kyi 'bras bu srung la la ni mA 'ongs pa'i dus na lha dang mi'i bde ba'i mchog thob par mthong ngo // de'i tshe bdud kyi rgyal po de ma thag tu phyir yang gnas su song ba dang / mdzod spu dkar po yang phyi bzhin du byung nas gnam rim pa drug po kun tu phyin te/ lha'i bu dang lha'i bu mo mang po kun gyis mdzod spu dkar po khong stong du gyur pa la rab tu zlum pa bstan pa ni yid du 'ong ba tshangs pa'i rgyal po'i mtshan lha ngu la mdzod spu khong stong gi sbubs na gang+gA'i klung gi bye ma brgya stong snyed rin po che'i pad+mor gyur la/ pad+mo de re re la yang mdzod spu dkar po'i khab pa brtsegs pa tshad med grangs med pa yod de khang pa brtsegs pa de dag la sprul pa'i byang chub sems dpa' dag bzhugs shing / mdzod spu dkar po'i skyes bu chen po'i mtshan gyi 'od zer gtong ba yang de bzhin no/ / byang chub sems dpa' de dag gi spyi bo la pad+mo yod de/ pad+mo de yang gser btso ma'i kha dog lta bu ste/ pad+mo de la snga ma 'das pa'i sangs rgyas bdun po bzhugs so/ / sprul pa'i sangs rgyas de dag kyang so so nas bdag bdag gi mtshan 'chad de/ mdo sde dag las 'byung ba dang / khyad par med par mthong ngo // lha'i bu la la sngon dge ba'i
- 279b
rtsa ba cher ba skyes pa dag gis ni/ sprul pa'i byang chub sems dpa'i ba spu'i khung bu gcig nas kyang byang chub sems dpa' re re byung ste/ de dag gi spyi bo la sprul pa'i sangs rgyas bzhugs pa yang snga ma bzhin no/ / sprul pa'i sangs rgyas de dag de'i tshe smin mtshams nas/ rin po che rnam pa brgyas yongs su brgyan pa'i 'od zer gyi khang pa brtsegs pa lha dang mi'i 'jig rten gyi khams na dog dpe zla med pa sprul te byung ngo / / sprul pa'i khang pa brtsegs pa de dag las sprul pa'i sangs rgyas bzhugs pa yang snga ma bzhin no// sprul pa'i byang chub sems dpa'i de dag gi lus kyi spu'i bu ga nas kyang lha dang mi'i 'jig rten thams cad kyi ngo mtshar rmad kyi ya mtshan thams cad kyang sprul te byung ngo / / sprul pa de dag gi rkang pa'i drung nas sprul pa'i 'od zer gyi khang pa brtsegs pa byung nas de dag las lha'i gzhal med khang 'dod pa'i khams kyi gnam rim pa drug lnga shin tu 'phags pa/ bdud kyi rgyal po'i gnas pas mchog tu 'phags par gyur pa/ tshangs pa chen po'i lus kyi rgyan dang / gnas las kyang lhag pa sprul te byung ngo // tshangs pa rnams kyi spyi gtsug gi mtshan yang sprul pa'i byang chub sems dpa'i rkang pa'i 'khor lo'i mig na/ yod par gyur to// de ltar mdzod spu dkar po'i mtshan bstan po des/ gzugs med pa'i khams dang lha'i gnas thams cad kyang snang bar byas pa ni/ rin po che dkar po 'am/
- 280a
shel lam me long yongs su dag pa dang 'dra bar gyur te/ lha'i bu thams cad kyis ngo mtshar du gyur pa'i mtshan de lta bu mthong nas/ lha'i bde ba la ma chags te byang chub tu sems bskyed par gyur to/ / bdud kyi rgyal po'i slas stong phrag bcu gnyis snyed kun gyis bdud kyi rgyal po sdig pa can gyi lus mi ro 'am 'gal du ma lta bur gyur pa mthong nas/ byang chub sems dpa' mdzod spu dkar po'i mtshan la bltas pa tsam gyis dpe med par rab tu dga' zhing tshim par gyur nas/ bdud sdig pa can la 'di skad du khyod kyis sngon bstan cing byas pa thams cad ni dbang du gyur pa ste/ bdag nyid kyang ma rung bar byas la/ pha rol gzhan yang yongs su ma rung bar byas so zhes spros zhing brgyad pa'i cho ga smras so// de skad ces smras pa'i tshe lha'i bu dang lha'i bu mo grangs med pa brgya phrag stong snyed bla na med pa'i byang chub tu sems bskyed par gyur to/ / bcom ldan 'das kyis rgyal po chen po la bka' stsal pa/ ngo mtshar rmang du gyur pa'i mtshan rnam pa mang po sna tshogs pa de dag kyang / byang chub sems dpa'i smin mtshams kyi mdzod spu dkar po 'ba' shig las byung gi/ sku'i yan lag gi yon tan gzhan las ni ma yin no/ / sangs rgyas yongs su mya ngan las 'das nas/ 'khor rnam bzhi dag las gang la la zhig gis skad cig yud tsam gcig tu 'du 'dzi spangs te/ sems rtse gcig tu byang chub sems dpa'
- 280b
bdud btul ba'i mdzod spu dkar po'i mtshan rjes su dran par byed na/ de bskal pa grangs med pa'i las kyi sgrib pa bsal cing byang nas/ mi dge ba bcu'i nyon mongs pa'i sgrub pa yang med par 'gyur la/ tshe 'di nyid la sangs rgyas kyi sku'i gzugs bstan sa ler mngon sum par mthong bar gyur to// de ltar rjes su dran par bya ba'i spyod yul rnam pa sna tshogs pa ni bde bar bshad par mi nus so// nga yongs su mya ngan las 'das nas/ de bzhin gshegs pas bdud btul ba'i tshe/ smin mtshams kyi mdzod spu dkar po'i mtshan rtog par 'dod pa dag gis de la de ltar blta'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// de la ji ltar na de bzhin gshegs pa mngon par 'tshang rgya ba'i dus kyi skyes bu chen po'i mtshan dang / sangs rgyas pa'i skyes bu'i mtshan/ mi yo ba'i skyes bu'i mtshan dang / rnam par grol ba'i skyes bu'i mtshan dang / 'od zer gyi skyes bu'i mtshan dang / ye shes yongs su rdzogs pa'i skyes bu'i mtshan dang / pha rol tu phyin pa rnams yongs su rdzogs pa'i mtshan dang / dpa' bar 'gro ba la sogs pa'i ting nge 'dzin rgya mtsho snyed kyi mtshan zhe na/ byang chub sems dpa' sems dpa' chen pos lhag par byams pa'i thugs kyi ting nge 'dzin las bzhengs nas/ rab tu zhi ba zhes bya ba'i ting nge 'dzin la zhugs so// rab tu zhi ba'i ting nge
- 281a
'dzin las bzhengs nas/ dpa' bar 'gro ba'i ting nge 'dzin la zhugs so// dpa' bar 'gro ba'i ting nge badzin las bzhengs nas/ shes rab sgron ma'i ting 'dzin la zhugs so/ / shes rab sgron ma'i ting nge 'dzin las bzhengs nas/ chos kyi mtshan nyid kyi ting nge 'dzin la zhugs so// chos kyi mtshan nyid kyi ting nge 'dzin las bzhengs nas/ 'od zer gyi mtshan nyid kyi ting nge 'dzin la zhugs so// 'od zer gyi mtshan nyid kyi ting nge 'dzin las bzhengs nas// seng ge'i nga ro'i ting nge 'dzin la zhugs so// seng ge'i nga ro'i ting nge 'dzin las bzhengs nas/ seng ge rnam par bsgyings pa'i ting nge 'dzin la zhugs so// seng ge rnam par bsgyings pa'i ting nge 'dzin las bzhengs nas/ rgya mtsho'i blo gros kyi ting nge 'dzin la zhugs so/ / rgya mtsho'i blo gros kyi ting nge 'dzin las bzhengs nas/ kun tu ye shes kyi ting nge 'dzin la zhugs so// kun tu ye shes kyi ting nge 'dzin las bzhengs nas/ gzungs kyi phyag rgya'i mtshan nyid kyi ting nge 'dzin la zhugs so// gzungs kyi phyag rgya'i mtshan nyid kyi ting nge 'dzin las bzhengs nas/ sku kun tu ston pa'i ting nge 'dzin la zhugs so/ / sku kun tu ston pa'i ting nge 'dzin las bzhengs nas/ chos kyi dbyings nyid kyi ting nge 'dzin la zhugs so// chos kyi dbyings nyid kyi ting nge 'dzin las bzhengs nas
- 281b
seng ge'i nga ro'i stobs kyi rgyal po'i ting nge 'dzin la zhugs so/ / seng ge'i nga ro'i stobs kyi rgyal po'i ting nge 'dzin las bzhengs nas/ bdud bcom pa'i mtshan nyid kyi ting nge 'dzin la zhugs so/ / bdud bcom pa'i mtshan nyid kyi ting nge 'dzin las bzhengs nas/ stong pa nyid kyi shes rab kyi ting nge 'dzin la zhugs so// stong pa nyid kyi shes rab kyi ting nge 'dzin las bzhengs nas/ stong pa nyid la mkhas pa'i mtshan nyid kyi ting nge 'dzin la zhugs so// stong pa nyid la mkhas pa'i mtshan nyid kyi ting nge 'dzin las bzhengs nas/ stong pa nyid chen po'i ye shes kyi ting nge 'dzin la zhugs so/ / stong pa nyid chen po'i ye shes kyi ting nge 'dzin las bzhengs nas/ gnas thams cad du gzugs kyi skus khyab pa'i ting nge 'dzin la zhugs so// gnas thams cad du gzugs kyi skus khyab pa'i ting nge 'dzin las bzhengs nas/ sems kyi mtshan ma zhi ba'i ting nge 'dzin la bzhugs so// sems kyi mtshan ma zhi ba'i ting nge 'dzin la ba bzhengs nas/ byang chub sems dpa' sems dpa' chen po'i rdo rje'i mtshan nyid kyi ting nge 'dzin la zhugs so/ / rdo rje'i mtshan nyid kyi ting nge 'dzin las bzhengs nas/ rdo rje'i spyi gtsug gi ting nge 'dzin la zhugs so// rdo rje'i sde gtsug gi ting nge 'dzin las bzhengs nas/ ting nge 'dzin thams cad kyi rgya mtsho la zhugs so// ting nge 'dzin thams cad kyi rgya mtsho las bzhengs nas/ gzungs thams cad kyi
- 282a
rgya mtsho'i ting nge 'dzin la zhugs so/ / gzungs thams cad kyi rgya mtsho'i ting nge 'dzin las bzhengs nas/ sangs rgyas thams cad kyi spyod yul rgya mtsho'i ting nge/ 'dzin la zhugs so// sangs rgyas thams cad kyi spyod yul rgya mtsho'i ting nge 'dzin las bzhengs nas/ sangs rgyas thams cad kyi rnam par grol ba dang / rnam par grol ba'i ye shes ston pa'i rgya mtsho'i ting nge 'dzin la zhugs so/ / rnam par grol ba dang rnam par grol ba'i ye shes ston pa'i ting nge 'dzin gyi rgya mtsho'i las bzhebs nas/ de nas gdod rdul phra rab grangs med pa'i ting nge 'dzin rgya mtsho snyed kyi sgor zhugs so/ / ting nge 'dzin mang po grangs med pa rgya mtsho snyed kyi sgo nas bzhengs nas/ zhi ba 'gog pa'i ting nge 'dzin la zhugs so// zhi ba 'gog pa'i ting nge 'dzin las bzhengs nas/ de nas rdo rje lta bu'i rnam par grol ba chen po'i ting 'dzin gyi mtshan nyid kyi sgor snyoms par zhugs so// de'i tshe snying por byang chub pa'i gnas kho ra khor yug tu dpag tshad brgyad cu tshun chad rdo rje lta bur gyur te/ kha dog shin tu dkar ba ni mthong ba'i yul du ma gyur pa'o// mtshan 'di bstan pa'i tshe na/ byang chub sems dpa'i smin mtshams kyi mdzod spu dkar po'i 'od zer yang shin tu gsal zhing drang la/ shar phyogs logs su srid du mtho bco lngar gyur te/ zur bcu dod pa/ bu mo byi ka dang 'dra ba'i bu mo lnga bstan to// gzhan yang lha dang / klu dang / gnod sbyin la sogs pa grangs
- 282b
med pa brgya stong dang / byams pa la sogs pa bskal pa bzang po'i byang chub sems dpa' dang / bzang skyong la sogs pa tshad med pa grangs med pa dpag tu med pa rdul phra mo snyed kyi byang chub sems dpa' chen po rnams kyang mtshan de dag las snang bar gyur to/ / mtshan de mngon par bstan pa na/ sangs rgyas kyi byang chub kyi shing sA la zung yang mdzod spu dkar po'i byin gyis rlabs kyis/ shing de yi rtsa ba las rin po che'i pad+mo rang skyes te/ pad+mo de yang chu zheng du dpag tshad bzhi bcu yod de/ pad+mo de yi kha dog gser btsom lta bu la snying po ge sar ni rdo rje'o// de la sangs rgyas kyi smin mtshams kyi 'od zer gyis pad+mo'i khang pa brtsegs par snang bar byas nas/ 'og gi phyogs su rdo rje'i sa gzhi la thug gi bar du snang bar byas so// rdo rje'i sa gzhi de las rdo rje'i gdan gnyis rab skyes te/ rdo rje'i gdan gnyis gcig la gcig reg cing 'khrol ba na/ de'i sgras stong gsum gyi stong chen po'i 'jig rten gyi khams rnam pa drug tu / cher g.yos so// rdo rje'i gdan des mas gyen tu pad+mo'i rtsa ba brtan de pad+mo'i rtsa ba la thug go// pad+mo'i rtsa ba de yang rdo rje'i rnam pa gsum las gyur pa yin te/ gcig la gcig reg na 'khrol lo/ / rtsa ba de yang 'og tu rdo rje'i gzhi la zug ste yan man du lan du mar thug go// mdzod spu dkar po'i 'od zer gyis lan bcur bskor nas/ rdo rje'i gdan yang mi 'khrol mi g.yo'o// bcom ldan
- 283a
'das gdan de la bzhugs nas/ sgrib pa gsum yongs su bsal te/ byang chub tu mngon par sangs rgyas so// sangs rgyas kyi dgongs pa dang spyod yul ni rgyas par bshad du bde bar mi nus so/ / gal te rgyas par bshad na yang skyes bu thams cad dang sa bcu pa'i byang chub sems dpa'i bar gyis kyang shes par mi nus te/ shes pa'i yul ma yin no// de bas na mdzod spu dkar po'i mtshan las/ mtshan bzang po grangs med pa zhig mnga' yang gsangs te ma bshad do// de ltar mdzod spu dkar po'i 'od zer gyi mthu las byang chub kyi shing de'i yal ga ni rdo rje'o// rtsa ba yang rdo rje ste/ ze ba ni rin po che sna bdun no// ze ba de las 'od zer 'byung de dag gi so so nas sangs rgyas bdun po la skor ro// sangs rgyas kyi sku las kyang rin po che'i bla re dag sprul te byung ngo / / shing de'i lo ma dang 'dab ma ni gser btso ma'i kha dog lta bu'o// me tog ni rin po che'i kha dog rnam pa brgya dang ldan pa ste/ me tog de las 'od zer brgya stong snyed 'bar ba ni/ lha'i ran po che'i 'od las kyang 'das so/ / de'i 'bras bu ni rin po che dkar po ste/ mtshe ma gnam gyi rin po che dkar po las kyang 'das so// 'bras bu'i 'od zer las nor bu rin po che'i dra bar gyur te/ shing de'i steng nas g.yogs shing brgyan to/ / dra ba de'i mig na yang rin po che'i 'ja' lta bu 'phyang zhing de la rin po che'i dril bu 'khrol lo// grwa bzhin rin po che'i khang pa brtsegs pa chen po re re yod de
- 283b
khang pa brtsegs pa de yang mtho khyad 'jig rten gyi khams tshad med pa las shin tu 'das so/ / 'jig rten gyi khams las 'das nas kyang / rin po che'i khang pa brtsegs pa chen por gyur te/ rin po che'i khang pa brtsegs pa de yang phyogs bcur rgya yongs su ma chad pa ste/ de dag rgyas par bshad du bde bar mi nus so// de dag mthol mdzes pa ni dper na/ ri rab lhun po brgya stong ldan cig tu bcer ba tsam mo/ / khang pa brtsegs pa de'i nang na yang rin po che'i gdugs chen po rdo rje las grub pa kha dog rnam pa sna tshogs kyis rnam par bkod pa/ 'od zer mchog dam pa dang ldan pa yod de/ 'od zer de las kyang ba dan dang bla re grangs med pa brgya stong mang po byung ste/ ba dan dang bla re las rin po che'i gdugs kyi sprin gyi char 'bab bo// rin po che'i gdugs kyi sprin las rgyal mtshan dang / ba dan gyi sprin gyi char 'bab bo// rgyal mtshan dang ba dan gyi sprin las rol mo'i rnam pa'i sprin gyi char 'bab bo// rol mo'i sprin las rin po che'i 'od kyi sprin gyi char 'bab bo// rin po che'i 'od kyi sprin las spros kyi sprin gyi char 'bab bo/ / spos kyi sprin las seng ge'i bu dran gyi char 'bab bo// seng ge'i ba dan gyi sprin las me tog gi ze ba'i sprin gyi char 'bab bo// me tog girje ba'i sprin las me tog gi 'phreng ba'i sprin gyi char 'bab bo/ / me tog gi 'phreng ba'i sprin las dbyangs dam pa'i sprin gyi char 'bab bo// dbyangs dam pa'i sprin las tshigs su bcad pa'i sprin gyi
- 284a
char 'bab bo/ / tshigs su bcad pa'i sprin las rin po che'i mchod pa'i yo byad rnam pa sna tshogs pa'i sprin gyi char 'bab par gyur to// mchod pa'i yo byad rnam pa sna tshogs pa de dag byung ba yang byang chub kyi shing dang mdzod spu dkar po'i mtshan gyi 'od zer las byung ngo / / de las 'od zer dkar pos la reg pa na/ dkyil 'khor gyi 'gram rdo rje'i sa gzhi las rdzing bu bdun yod par gyur te/ rdzing pu de'i nang na yon tan mchog dang ldan pa'i chus gang ngo // chu de yang kha dog rnam pa bdun dang ldan te/ kha do gso so nas mthong bar gsal lo// kha dog de yang 'od rnam pa bcu dang ldan te/ 'od des byang chub kyi shing yongs su snang bar byed do// rdzing de'i 'gram yang rin po che rnam pa sna tshogs las byas pa/ mu gcig cing yang rin po che sna brgya las te/ rin po che de gcig la yang 'od zer rnam pa brgya stong snyed byung ngo // rdzing de'i gting yang rdo rje dang / nor bu rin po che'i bye mos yongs su bkram ste/ chu de las me tog skyes pa ni gser btso ma'i kha dog lta bu'o/ / me tog gi 'dab ma la 'od brgya stong du 'bar te/ 'od kyi dkyil 'khor du gyur to// rdzing de la yur ba bdun bdun yod/ de las kyang zil dang ro gyi chu rang 'bab po/ / chu ka kun na gser gyi me tog skyes te/ me tog de'i 'dab ma mthar chags su 'brel la/ me tog gi ze ba las kyang chu rnam pa mang po 'bab ste/ rin po che
- 284b
rnam pa mang po brgyad khri bzhi stong snyed kyis yongs su brgyan to/ / yur ba de dag kyang gcig nas gcig du 'bab ste/ chu de 'bab pa na 'od kyang rjes bzhin du 'bar zhing byang chub kyi shing snang bar byed do/ / byang chub kyi shing gi 'dab ma re re la yang rin po che'i me tog yod do// me tog des 'jig rten gyi khams kun tu khyab po// me tog de dag la yang rin po che brgya stong mang po'i khang pa brtsegs pa sprul te/ phyogs bcu'i 'jig rten gyi khams tshad med par khyab po// sangs rgyas kyi sman mtshams kyi mdzod spu dkar po'i 'od las rin po che'i pad+mo zlum po dpag tshad gcig pa gcig byung ngo / / de lta bu 'dab chags su bla ma'i phyogs kyi 'jig rten gyi khams tshad med pa grangs med pa brtsi zhing bgrang du med pa rdul phra rab snyed las 'das so/ / me tog gi rim pa de dag gi bar kun nas sangs rgyas kyi sku gser btso ma'i mdog lta bu la sku tshad mtho bcu drug pa dkyil mo krung bcas te/ pad+mo'i khal brtsegs pa'i nang nabazhugs par mthong zhing rdo rje'i gdan dang / byang chub kyi shing yang snga ma bzhin te/ tha dad pa med do// de bzhin du phyogs bcu'i 'jig rten gzhan yang shes par bya'o// yang mdzod spu dkar po las rin po che'i pad+mo byung ste/ pad+mo snga ma bas brgya stong gis lhag pa la bcom ldan 'das shAkya thub pa dang tha mi dad pa bzhugs shing / pad+mo'i 'dab ma re re
- 285a
la yang sangs rgyas kyi sku tshad mtho bcu drug pa zhi ba la mnyam par gzhag ste/ thugs mi g.yo bar bzhugs so// de dag gis kyang 'od zer bkye ste shar phyogs kyi 'jig rten gyi khams tshad med grangs med pa brgya stong snang bar byas nas/ 'jig rten gyi khams kun gser gyi kha dog lta bur gyur to// sems can 'gro ba mang po kun gyis kyang sprul pa'i sangs rgyas kyi smin mtshams kyi 'od las gzhan yang rin po che'i 'od zer tshad med pa brgya stong mthong ste/ 'od de dag re re la yang sprul pa'i sangs rgyas tshad med grangs med pa brgya stong snyed bzhugs par mthong ngo / / de'i tshe/ lha dang / klu dang / lha ma yin dang / gnod sbyin la sogs pas 'od zer de dag mthong nas/ sangs rgyas la lan stong du skor ba byed do/ / 'od des phyogs bcu'i 'jig rten gyi khams snang bar byed pas/ phyogs bcu'i 'jig rten gyi khams dag mtho ba dang / dma' ba dang / chen po dang / chung du thams cad mngon sum du snang ba ni/ ji ltar me long yongs su dag pa la bdag gi bzhin mngon du snang ba bzhin no// de'i tshe bdud bsdig pa can 'khor lha dang / klu dang / lha ma yin dang / gnod sbyin khri phrag brgyad cu snyed kyis mdzod spu dkar po drang la rab tu 'bar ba mtho bco lngar gyur pa mthong ngo // phyogs bcur 'od snang bar gyur pa dag gis 'khor mang po dag gi mig zil gyis
- 285b
non pa ni/ nyi ma khri phrag du mar shwar ba dang 'dra ste/ bde bar bshad du mi nus so// 'od de las tshad med grangs med pa brgya stong snyed kyi sgrub pa'i shAkya thub pa'i smin mtshams kyi mdzod spu dkar po mtho bco lnga las mi ring bar mthong ngo / / mdzod spu re re la yang grangs med pa'i 'od zer 'byung zhing / 'od de dag re re la yang sprul pa'i sangs rgyas tshad med pa yod par mthong ste/ sprul pa'i sangs rgyas kyi smin mtshams na yang de bzhin no// mdzod spu dkar po'i 'od kyi khrem nyer gyi bar nas 'od mang po byung ste/ 'od des de bzhin gshegs pa'i zhal dpral ba mnyam zhing yangs pa'i mtshan snang bar byed do/ / dpral ba'i dbu'i sgra yang shin tu mdzes shing 'jam la gyen du 'greng ste/ dbu'i skra'i rtsa ba yang tshangs pa'i gtsug gi nor bu'i mdog lta bu ste/ so so'i skye bo rnams kyi sems yongs su tshim par byed do// spu'i thog ma las 'od zer gser btso ma'i kha dog lta bu rab tu mdzes pa byung ste/ dbu'i sgra 'dab kyi mtshan snang bar byed do/ / de'i 'od rnams kyang 'khyil cing 'phyang la snyun lnga thug nas/ so sor gyes te dbu'i gseb kyi mtshan kun snang bar byas nas/ dbu dung go ri mo lta bu la lan brgya stong du mar bskor ro/ / dbu'i lhag rus las gser btso ma'i kha dog lta bu'i pad+mo skyes te/ nyi ma'i 'od zer gyis phog nal 'bye'o// pad+mo'i 'dab ma'i bar na brgya byin
- 286a
gyi gzhal med khang dang 'dra ba mngon sum du snang ngo / / kha dog kyang rnam pa tha dad pa ste/ de dag gi bar na sprul pa'i sangs rgyas tshad med pa bzhugs so// sangs rgyas gcig cig yang byang chub sems dpa' dang lha'i 'khor bdun bdun gyis bsnyen bkur byed la/ de dag kun gyi lag na rin po che'i pad mo dkar po'i nang na yang dkar ba thogs so// pad+mo de 'od kha dog rnam pa lnga dang ldan te/ 'od kyi kha dog lnga char yang mngon par gsal la/ sprul pa'i sangs rgyas kyi rjes su gnas mi nor bar 'byung ngo // de dag ni de bzhin gshegs pa thog ma mngon par sangs rgyas pa'i smin mtshams kyi mdzod spu dkar po'i mtshan zhes bya'o/ / mdzod spu dkar po'i 'od las gtsug tor gyi 'od 'byung ngo // thog ma rgyal po'i khab tu bltams pa na yang 'od de nyi ma ltar mngon par gsal yang mngon par mthong ba ni ma yin no/ / 'od zlum po 'dom gang ba'i mtshan ni mdo gzhan las bshad pa bzhin no// de'i tshe sde brgyad rnams kyis mdzod/ spu dkar po'i 'od mthong ba yang so sor mi mthun te/ la las ni mdzod spu dkar po sangs rgyas dang 'dra ba mthong / la las ni byang chub sems dpa' dang 'dra bar mthong / la las ni mdzod spu dkar po bdag nyid kyi pha ma dang 'dra bar mthong ste/ 'jig rten thams cad kyis bla mar bya ba'i gnas de dag thams cad mdzod spu'i thog ma la mngon sum du mthong ngo // mthong nas rjes su
- 286b
yi rang te/ la la ni bla na med pa'i byang chub tu sems bskyed do// la la ni nyan thos dang / rang sangs rgyas su sems skyed do// de ltar gnod sbyin de dag gis mdzod spu dkar po'i mtshan mthong nas/ ngan sems med cing byams pa'i sems dang ldan par gyur to// bcom ldan 'das kyi bka' stsal pa/ rgyal po yab de bzhin gshegs pa'i mdzod spu dkar po ni thog ma bltams pa nas mngon par sangs rgyas kyi bar du dngos po phra mo rnams ni mthong zhing bltar snang ngo / / mngon par sangs rgyas nas mdzod spu dkar po'i 'od zer gyi mtshan phun sum tshogs pa ni/ mdo sde dag las bcom ldan 'das kyis rgyas par bshad do// mdzod spu dkar po'i 'od zer gyi mtha' nis bcu pa'i byang chub sems dpas gdod mthong ngo // sngar 'jig rten pa dang sbyor ba'i phyir dngos po cung zad bstan pa mthong bar ni dka' ba ma yin no/ / bcom ldan 'das kyis rgyal po yab dang dga' bo la bka' stsal pa/ legs par nyon la rab tu yid la zung shig/ ma 'ongs pa'i dus na nye gnas su gyur pa rnams shes par gyis shig/ nga yongs su mya ngan las 'das nas dge slong gang zhig 'di skad du/ de bzhin gshegs pa'i mdzod spu dkar po'i mtshan de sngon byang chub sems dpa'i spyad pa spyod pa na/ spyod pa gang spyad pas thob par gyur ces 'dri ba yod na/ khyod de la 'di skad du bcom ldan 'das kyi mdzod spu dkar po'i mtshan na/ bskal pa chen po tshad
- 287a
med pa grangs med pa'i bar du ser sna med pa'i sems kyis gtong zhing pha rol tu mi dmigs nor zas kyi dngos por mi gyu ste/ sems ci la yang ma chags pas sbyin pa byin pa dang / lus dang / sems kyis lus kyi spyod lam bsdams te/ mig dang 'dra bar tshul khrims yongs su bsrungs nas nang gi sems rab tu zhi bas 'khrul par nas lhung bar mi mthong bapa dang / sems chen po dang 'dra bar rten te mi g.yo bas gal te gang zag gcig gis/ mtshon cha brgya stong mang po thogs nas lus dmyal gtubs sam/ gang zag la las tsher lhug gis zhus shing btsogs kyang byang chub sems dpa' la/ thog ma nas zhe sdang gi sems mi 'byung ba dang / gang zag la la mgo gcig la lce stong yod par gyur te/ lce de gcig kyang skad stong smra zhing tshig rnam pa sna tshogs kyis smros shing sma phab kyang / byang chub sems dpa'i mdangs kyang mi 'gyur te/ ji ltar pad+mo yongs su dag pa dang 'dra ba/ ci la yang chags pa med pa dang / lus dang sems la nyams bag med pas/ ngal ba dang skyo ba med pa'i yid kyis mgo'i thod la me 'bar ba bzhin du brtson pa ni/ ji ltar lus kyi ba spu'i khung bu nas shu ba ma rungs pa byung nas/ sman pa mkhas pa tshol ba dang 'dra ba/ nyin mtshan phyed par brtson pa dang / sems ci la yang ma chags pa ni bai DUR+Ya ltar phyi nang yongs su dag cing lus bsdams
- 287b
nas/ sems bsdus te mig btsums shing / thal mo sbyar nas drang por bsrang ste/ mnyam par 'jog pa dang / sems rgya mtsho dang 'dra bar mi 'khrug mi g.yo ba dang / rdo rje'i ri ltar mi shigs mi tshems pa dang / de lta bur yid la byed kyang sems me shi ba bzhin du rab tu zhi ba dang / ci yang shes par mi byed pa'i bsam gtan rjes su mi 'brang ba dang / rnam par rtog pa med kyang chos la mi rtog pa ma yin pa dang / sems kyi shes rab rno zhing brtul zhugs phod pa thabs mkhas pas yongs su sdud kyang chos chen po dang / chung ngu na gang la yang rab tu phra ba'i mtshan ma yod par mi lta ba'i sems can de ni pha rol tu phyin pa zhes bya'o/ / gzhan yang byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / byams pa chen po dang / snying rje chen po dang / dran pa'i gnas gsum dang / yon gtan gyi mchog mang po las mdzod spu dkar po'i mtshan thob par gyur to zhes gyis shig nga yongs su mya ngan las 'das nas/ sangs rgyas kyi nye gnas su gyur pa'i rnams// nyes pa thams cad spangs te 'du 'dzi mang po yongs su btang nyung ngu smra ba'i chos la mos par byas te/ bya ba'i dngos po mang po yongs su btang nas/ nyin zhag gcig la dus drug ste/ dus gcig gi yang cung zad dam/ cung zad kyi yang skad cig tsam/ sangs rgyas
- 288a
kyi mdzod spu dkar po'i mtshan dran par byas te/ sems la mngon sum du 'khrul cing nor pa med par gsal bar byas la drang por 'dug ste/ rgyun mi 'chad par mdzod spu dkar po'i mtshan dran par byas na/ mtshan bzang po mthong yang rung / ma mthong yang rung ste/ gang zag de dag ni 'khor ba'i nyes pa gang+gA'i klung gi bye ma'i rdul phra mo bye ba khri phrag dgu bcu rtsa drug snyed spangs par 'gyur ro/ / gzhan yang gang zag la las mdzod spu dkar po'i mtshan thos nas/ sems mi skrag cing the tsom mi za bar dga' bar dga' ba'i sems kyis dad par byed na/ gang zag de yang bskal pa stong phrag brgyad cu snyed kyi 'khor ba'i nyes pa spangs par gyur ro// dge slong ngam dge bsnyen ma 'am/ dge bsnyen ma 'ga' zhig tshul khrims kyi rtsa ba bzhi nyams sam/ kha na ma tho ba'i sdig byas sam/ mtshams med pa lnga'i sdig byas na/ shin tu rgyas pa'i mdo sde la bskur pa ma gtogs te/ gang zag/ des 'gyod tshangs byas la nyin mtshan dus drug du lus dang / sems kyis brtson pa ni/ dper na mi zhig tshal stug po'i dbus na 'dug lA/ phyogs bzhi nas me byung ste/ rlung drag pos bus nas/ 'tshig la thug pa las gang zag de 'di snyam du sems te/ gal te bdag me 'dis 'tshig par 'gyur na/ mi des ma tshig par lus kyi yan lag kun bshig par
- 288b
'gyur gyis/ bdag gis ji ltar me 'di zhi bar bya snyam nas blos dpyod do// gal te blos ma dpyad na ni gdon mi za bar de nyid du dus byed par 'gyur na/ mkhas pa gang zhig blo dang ldan pas thabs sna tshogs kyis bdag gi tshe'i skyabs nus te/ gal te tshe'i bar chad du ma byung na/ gang zag de la ci la yang mi phangs par bya'o snyam du sems pa bzhin du/ ri chen po bsnyil ba ltar yan lag lnga sa la gtugs te/ mchi ma blags nas/ bcom ldan 'das gang na ba'i logs su thal mo sbyar te/ de bzhin gshegs pa'i yon tan dang mdzad pa rnam pa mang po la bstod cing bsngags te mchod pa byas nas/ 'gyod tshangs kyi chos 'don cing dran pa mngon sum par de bzhin gshegs pa'i smin mtshams kyi mdzod spu dkar po'i mtshan yid la byas te/ zhag gcig nas zhag bdun gyi bar du yid la byas na sdig lci ba rnam pa bzhi po dag 'bri zhing srabs par 'gyur ro// bdun gsum byas na sdig byas pa yang dang yang 'byang bar 'gyur ro// zhag bdun bdun gyi bar du byas nas gdod las su bya ba'i rnams byas te/ mdo sde gzhan dag las kyang 'byung ngo // dge slong gang zhig kha na ma tho ba'i sdig byas nas/ mdzod spu dkar po'i mtshan la brtags kyang gnag cing mi gsal na/ mchod rten du zhugs te sku gzugs kyi sman mtshams la zhag gcig nas zhag gsum gyi bar du rtogs la/ thal mo sbyar te mchi ma blags nas//
- 289a
sems rtse gcig tu shin tu rtogs par brtags nas/ gdod dge 'dun gyi nang du song la nyes pa ci byas pa 'thol cig de ltar byas na 'di ni sdig pa byang ba zhes bya'o// sdig pa snga ma snga po byas pa ni mdzod spu dkar po'i 'od zer gyi mtshan zhag brgyad brgya yid la byas nas/ gdod las su bya ba'i chos gzhan bya'o// bcom ldan 'das kyis bka' stsal pa/ rgyal po yab de bzhin gshegs pa la mtshan bzang po grangs med pa zhig mnga' ste/ mtshan de re re'i nang na yang mtshan phra mo brgyad khri bzhi stong snyed mnga'o// de snyed kyi mtshan dang dpe byad mnga' ba yang mdzod spu dkar po'i yon tan gyi phyogs cung zad tsam yang med do/ / de bas na ma 'ongs pa'i skye bo ngan pa rnams kyi phyir/ mdzod spu dkar po'i mtshan shes rab chen po'i 'od zer gyis nyes pabazhi bar byed pa rjes su dran pa'i chos bshad de/ gang ngan par lta ba rab tu sdig che ba'i dag kyang nyes pa rjes su dran pa'i chos/ mtshan phun sum tshogs pa 'di thos na zhe sdang gi sems skye ba'i gnas med do/ / ci ste skyes na yang mdzod spu dkar po'i mtshan gyi 'od zer gyi zil gyis non te/ tshig 'di thos pa tsam gyis bskal pa gsum gyi sdig pa 'byang zhing // skye ba tha mar sangs rgyas rnams kyi spyan dang ra skye bar 'gyur ro/ / de lta bu la sogs pa 'od zer rjes su dran pa 'od zer brgya stong snyed kyi spyod yul dam pa ni rgyas par bshad du med de/ mdzod spu dkar po
- 289b
rjes su dran pa na mtshan bzang po rnams kyang mthong bar 'gyur ro/ / de la de ltar blta'o// gang gis de lta bur mthong ba de ni yang dag par mthong ba'o// gang gis de lta bu ma yin par mthong ba de ni log par mthong ba'o/ / de ji ltar na dbu dpral ba yang sa shing mnyam pa rjes su dran pa zhe na/ de bzhin gshegs pa'i dbu dpral ba mnyam zhing yangs pa'i mtshan 'od zer gyi dkyil 'khor gnyis dang ldan pa/ 'od zer gyi dkyil 'khor gyi khrem nyer gyi bar na/ nor bu rin po che'i 'khor lo rtsibs stong dang ldan pa lha 'jug sel gyi ri mo lta bu yod la/ ri mo de dag gi nang na yang gser btso ma'i kha dog dang ldan pa'i 'od rang byung nas smin mtshams kyi mdzod spur zhugs te/ mdzod spu la lan bdun bskor nas phyir dbu'i dpral ba'i ba spu'i khung bu kun tu zhugs te/ dbu'adab la thug nas mtshan kun nas khyil zhing 'phyang ba snyan la thug go/ de nas dbu'i nyag ma kun tu zhugs te/ dbu nyag ma gcig la yang lan bdun bdun bskor nas/ lhag pa'i rus pa nas byung ste mdun gyi pad+mo'i mtshan la'ang lan bdun bskor ro// lan bdun bskor ba yang ri mor bris pa ltar mngon par gsal la kha dog rnam pa bdun dang ldan te kha dog gcig la yang me tog bdun bdun skyes so/ / me tog gcig la yang sangs rgyas bdun bdun bzhugs so// sangs rgyas gcig la yang 'khor byang chub sems dpa' bdun gyis
- 290a
bskor te/ bsnyen bkur dang / mchod pa dang / bskor ba byed do// de ltar dbu'i dpral ba yang sa la mnyam zhing / tshe'i mtshan gsum dang / dbu'i 'dab kyi mtshan dang / dbu'i ba spu'i khung bu'i mtshan dang / dbu'i klad pa'i mtshan rnams so// dbu'i klad pa'i nang nas kyang 'od zer bcu bzhi rtsa las mngon par snang ste/ phyi nang mngon zhing gsal la blta na yid du 'ong ba nyi ma'i 'od lta bu las le brgan dang / rma spel bskod pa/ kha dog shin tu mdzes shing phra ba de yang lhag pa'i rus pa nas byung ste snga ma bzhin du/ lan gsum gsum bskor ro/ / ri mo de dag gi bar bar na sangs rgyas gcig dang / byang chub sems dpa' gnyis kyang g.yas g.yon na bzhugs te snga ma bas lhag par mthong zhing mngon par gsal lo// de la ji ltar na de bzhin gshegs pa'i spyan g.yas g.yon gyi mtshan gnyis zhe na/ 'di lha ste/ zla ba tshes pa lta bu la spu mthar chags su skyes shing sdug srab ran pa dang / zla ba 'khyims pa lhur 'khor ba kha dog smug po la spu'i thog ma bai DUR+Ya mthon mthing gi 'od lha bu ste/ 'jig rten gyis dper bya ba las 'das so// spyan gyi smin ma'i 'od 'bar ba yang dbu'i nyam kun tu zhugs te/ dbu'i sgra'i rtse mor thug nas/ dung gi ri mo lhar 'khyil zhing / de dag bung ba'i 'dab ma 'am/ rma bya'i mdongs kyis kyang bskrun du mid do// dper na sol ba'i phung po dang / bai DUR+Ya'i 'od du bskrun pa bzhin
- 290b
te/ de yang phyir yas thur du gug cing 'phyangs te/ lhag pa'i rus pa'i gnas kun tu zhugs so// de nas phyir byung zhing 'khyil nas 'od kyis dbul lan bdun du bskor ro// ri mo de dag re re'i bar na sprul pa'i sangs rgyas re re bzhugs te/ 'khor byang chub sems dpa' gnyis gnyis dang / dge slong gnyis gnyis kyi bsnyen bkur byed do// de dag kyang so so na pad+mo/ ge sar la bzhugs shing / snga ma bas lhag par yid du 'ong la mngon par gsal lo// spyan gyi smin ma'i 'og gi ri mo gsum dang / spun gyi gra nas kyang 'od sngon po dang / ser po dang / dmar po dang / dkar po dang bzhi 'khyil cing 'byung ste/ spyan gyi rus par zhugs nas/ spyan gyi smin ma'i thog ma nas byung ste/ snga ma bzhin lhag khung nas byung nas 'od la lan bzhi bskor te/ 'od zer de yang shin tu mngon zhing gsal lo/ / 'od kha dog ser po la ni/ sprul pa'i sangs rgyas kyi sku yang gser btso ma'i kha dog lta bur ser ro// 'od kha dog dkar po la ni sprul pa'i sangs rgyas kyi sku yang dngul gyi mdog lhar dkar ro/ / 'od kha dog sngo po la ni sprul pa'i sangs rgyas kyi sku yang rdo rje'i mdog ltar sngo'o// 'od kha dog dmar po la ni sprul pa'i sangs rgyas kyi sku yang byi ru 'am/ pad+ma rA ga'i mdog lhar dmar po/ / de dag kyang 'od zer 'khyil la snga ma bas lhag par shin tu gsal lo// de la ji ltar na de bzhin gshegs pa'i spyan gyi rdzi ma'i mtshan zhen/ de bzhin gshegs
- 291a
pa'i spyan gyi rdzi ma ni/ lcug 'og gnyi ga nas skyes te/ de dag so so nas nyag ma lnga brgya snyed do// de shin tu 'jam la yid du 'ong ba ni/ me tog u dus 'bar ba'i ze ba bu ste/ spu nyag ma re re'i rtse mo la yang shel gyi kha dog lta bu'i 'od re re byung nas mtshan bzang po kun gyi nang du zhugs nas dbul lan cig skor te/ lhag khung nas byung nas 'od snga ma rnams la bskor to/ / de dag gi nang na pad+ma sngon po bai DUR+Ya'i mdog lta bu yod de/ pad+mo de'i steng na tshangs pa'i rgyal po lag na gdugs sngon po thogs pa yod do// mtshan 'di byung ba na sangs rgyas kyis spyan yang lhag par dkar nag bye ste/ dkar ba yang rin po che dkar po bas brgya stong gis lhag par dkar ro// sngob yang pad+mo sngon po dang / bai DUr+ya mthon mthing bas brgya stong gis lhag par sngo'o// spyan lhag 'og gnyis ga 'dzum pa ni/ khyu mchog rgyal po'i mig lta bu'i spyan gnyis kyi thog ma la 'od pad+mo sngon po'i kha dog 'dra ba rab phra ba gnyis byung ste/ dbu'i nyag ma la lan re bskor nas lhag nas phyir byung ste/ / 'od kyi pad+mo grangs med pa kun snang bar byas nas/ pad+mo'i kha 'bu bar byed cing 'od kyang lhag par gsal bar byed do// de ltar mtshan dam pa yon tan tshad med pa dang ldan pa ni de bzhin gshegs pa'i spyan zhes bya ste/ de bzhin gshegs pa'i spyan gyi mtshan la rtog par 'dod pa dag de ltar rjes su dran par bya'o de ltar rjes su dran par byed na nyes pa kun zhi zhing byang bar 'gyur ro// mig
- 291b
btsums te lus drang bar 'dug la de bzhin gshegs pa'i spyan la zhag gcig nas zhag bdun gyi bar du brtags na/ phyi ma ma 'ongs pa'i dus na rtag tu sangs rgyas mthong ba dang / nam du yang long ba 'am/ zhar bar mi 'gyur pa dang / yul mtha' 'khob dang / ngan par lta ba'i yul sangs rgyas kyi chos med pa'i gnas su mi skye ba dang / rtag tu shes rab dang ldan zhing gti mug can du mi 'gyur ro/ / bcom ldan 'das kyis rgyal po yab la bka' stsal pa/ de bas na mkhas pa shes rab can dag 'doms shing 'thom pa spong bar 'dod na/ sangs rgyas kyi spyan rjes su dran par bya'o// sangs rgyas la spyan lnga zhig mnga' ste/ rjes su dran par bya ba 'dir chos kyi nang nas sngar sha'i spyan yongs su dag cing 'od rab tu gsal ba bshad do// smra na rjes su dran par byas te/ sems la gsal bar gyur ba na/ de las byung ba'i khyad par gyi spyod yul ni rgyas par bshad du sla ba ma yin no// sangs rgyas kyi spyan gyi spyod yul bzhin du thang gcig yud tsam gcig rjes su dran par byed dam/ sku gzugs kyi spyan la rtogs par brtags na/ ma 'ongs pa'i dus na skye ba lnga brgya'i bar du dbang po gsal zhing dag pa dang / mig gi dbang po la nad med pa dang / gzhan yang bskal pa chen po bdun snyed kyi 'khor ba'i nyes pa yongs su spangs par 'gyur ro/ / bcom ldan 'das kyis dga' bo dang 'khor rnam bzhi la bka' stsal pa/ sangs rgyas kyi spyan rjes su dran pa nam du yang ma gtang
- 292a
shig/ sangs rgyas kyi spyan rjes su dran par byas na/ gdon mi za bar tshad med pa'i yon tan dam pa thob par 'gyur ro// dbu'adab dang zhal dpral ba yangs pa dang / dbu dung gi ri mo lta bu dang / spyan gyi gru dang / spyan gyi smin ma dang / spyan gyi rdzi ma dang / spyan gyi ri mo la sogs pa'i mtshan mang po 'di dag gi 'od zer skad cig tsam mthong bar gyur na/ bskal pa drug cu snyed kyi 'khor ba'i nyes pa thams cad spong bar 'gyur zhing / skye ba phyi ma la sangs rgyas byams pa mthong ste/ bskal pa bzang po'i sangs rgyas stong dag gis kyang byin gyis brlob cing skyob par 'gyur zhing // sems kyang pad+mo lhar cis kyang mi 'gog pa dang / nam du yang ngan song gsum dang / mi khom pa brgyad kyi gnas su mi skye'o// gal te mtshan rnam la brtag kyang mi mthong na/ mchod rten gyi nang du zhug te brtag go// mchod rten gyi nang du zhugs nas/ 'di ltar 'od zer rnams kyang sems la 'du shes par byas te/ thal mo sbyar na pus mo btsugs la shin tu rtogs par zhag gcig nas zhag gsum gyi bar du 'khrul pa med par brtags na/ tshe'i dus byas ma thag tu dga' ldan gnam du skyes te/ sangs rgyas byams pa mtshan gyis mdzes par brgyan pa'i skus ci dang cis 'dul ba bzhin du/ de dang des chos ston pa mthong bar 'gyur ro/ / de dag mthong nas lus dang sems rab tu dga' rangs shing yang dag pa'i chos rnams chud cing rtogs par 'gyur ro// rgyal po yab de la de ltar blta'o// gang gi de lta bur mthong ba de ni yang
- 292b
dag par mthong ba'o/ / gang gis de lta ma yin par mthong ba de ni log par mthong ba'o// sangs rgyas rjes su dran pa'i ting nge 'dzin gyi rgya mtsho zhes bya ba'i mdo/ bamatho gsum pa/ bcom ldan 'das kyis rgyal po yab la 'di skad ces bka' stsal to// de la ji ltar na sangs rgyas kyi snyan rjes su dran pa zhe na/ sangs rgyas kyi snyan ni rab tu 'phyang la snyan gyi nang nas spu nyag ma bdun 'khyil cing skye ba las khremanyer gyi mtshan dang ldan pa ste/ rgyal po'i khab tu bltam nas/ thog ma snyan 'bugs pa'i tshe na/ snyan gnyis kyi bu gnas phyi nang du me tog skyes shig me tog dang spu nyag ma bdun las 'od rnam pa lnga brgya byung ngo / / 'od lnga brgya de dag las kha dog rnam pa lnga brgya ste/ kha dog de gcig la yang sangs rgyas lnga brgya snyed do// sangs rgyas de gcig la yang 'khor byang chub sems dpa' lnga lnga dang / dge slong lnga lnga'o// de yang 'od de dag gis g.yas nas rim pa lngar bskor te/ bla 'og mtshams mnyam zhing sangs rgyas kyi snyan 'tsher ba yid du 'ong ba ni/ rin po che'i pad+mo nyi zer la dpyangs pa lta bur shin tu 'tsher ba'o// sangs rgyas 'jig rten na bzhugs pa'i tshe/ 'khor mang po thams cad kyis mtshan de dag mthong bar gyur te/ de dag na sangs rgyas kyi snyan gyi 'od zer ces bya'o/ / rgyal po yab 'khor rnam bzhi las gang zhig 'du 'dzi yongs su spangs te/ sangs rgyas kyi snyan gyi mtshan yang dag par rjes su dran par yid la byas na/ gang dag
- 293a
de skye ba'i gnas kun na rna ba'i dbang po yongs su dag cing dri ma med par 'gyur bla na med pa'i gsung rab dam pa bcu gnyis kyang rtag tu rna lam na thos par 'gyur ro/ / thos nas kyang / dad cing yid ches pa dang / ji lta ba bzhin du nan tan du spyod par 'gyur ro// de bskal pa brgyad cu snyed kyi 'khor ba'i nyes pa yang yongs su spong bar 'gyur ro// gal te mi mthong na snga ma bzhin du mchod rten gyi nang du zhugs te/ gzugs brnyan gyi snyan la zhag gcig nas zhag bcu bzhi'i bar du brtags na/ sngar bshad pa'i yon tan mang po kun thob par 'gyur ro// de bas na mkhas pa dag rab tu brtson pa'i sbyor bas sangs rgyas kyi snyan rjes su dran pa nam du yang mi gtang bar bya'o/ / gal te nad kyis zin na yang skyes te 'dug gam/ yang na nyal na yang sangs rgyas kyi snyan yongs su dag pa'i mtshan rjes su dran par bya'o/ / de ltar gzugs brnyan gyi snyan la snga ma bzhin du 'du shes shing yid la byed pa la/ sems mi nur bar rtse gcig na skye ba'i gnas phyi mar rtag tu gzugs thob pa'i skyes bu dag/ bdag gi 'khor du 'gyur zhing nor bu brgyus pa ltar chos thos par kun dran zhing 'dzin par 'gyur ro// de la de ltar blta'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o/ / de la ji ltar na de bzhin gshegs pa'i zhal 'gram pa zur phyin pa'i mtshan rjes su dran pa zhe na/ de bzhin gshegs pa'i zhal 'gram pa la ri mo drug
- 293b
yod do/ / g.yas g.yon 'dra la lhun mnyam pa ste/ de las 'od zer dam pa 'tsher ba ni 'dzam bu'i chu klung gI gser gyi 'ong bas kyang shin tu lhag pas/ sangs rgyas kyi zhal gyi mtshan shin tu snang bar byed de/ dper na// nyi zla brgya stong bsdus pa lta bu ste/ de ni de bzhin gshegs pa'i zhal 'gram pa zur phyin pa'i mtshan zhes bya'o// bcom ldan 'das yongs su mya ngan las 'das nas/ sangs rgyas kyi nye gnas su gyur pa gang sems rtse gcig tu yid la byed na/ bskal pa brgya snyed kyi 'khor ba'i nyes pa yongs su spong ste/ sangs rgyas mngon sum du mthong bar 'gyur gyis the tsom mi bya'o// de la de ltar blta'o// gang de lta bur mthong ba de ni/ yang dag par mthong ba'o// gang gis de lha ma yin par mthong ba de ni log par mthong ba'o// de la ji ltar na de bzhin gshegs pa'i zhal seng ge lhar glal ba'i mtshan zhe na/ sangs rgyas kyi zhal gdangs pa na seng ge'i rgyal po'i kha lhar gru bzhi la mnyam zhing zur phyin te/ zhal gyi grwa gnyis nas/ 'od rnam pa gnyis gser btso ma'i mdog lta bu/ snga ma bas brgya stong gis lhag pa 'byung zhing / snyan gyi khung bur zhugs nas phyir yang dbu'i nyag ma re re nas bskor te/ slar lhag khung nas byung nas/ 'od snga ma 'khyil cing zlum pa la bskor te/ ri mo de'i bar na sprul pa'i sangs rgyas gsum gsum bzhugs te/ sprul pa'i sangs rgyas de re re la yang 'khor tshangs pa'i rgyal po gnyis kyis bsnyen bkur byed do// de dag ni
- 294a
de bzhin gshegs pa'i zhal seng ge lhur glal ba'i mtshan zhes bya ste/ sangs rgyas yongs su mya ngan las 'das nas/ 'khor rnam bzhi las gang zhig gis de ltar rjes su dran par byas na/ bskal pa bcu snyed kyi 'khor ba'i nyes pa yongs su spong bar 'gyur te/ skye ba phyi ma'i gnas su de'i kha na me tog u dum la ra'i bsung bro zhing / smra ba'i tshig kun gyis yid ches par gyur te/ ji ltar sum cu rtsa gsum gyi lha thams cad brgya byin gyi tshig nyan pa bzhin no// de la de ltar blta'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o/ / de la ji ltar na de bzhin gshegs pa'i shangs kyi mtshan rjes su dran pa zhe na/ de bzhin gshegs pa'i shangs ni mtho la shin tu drang ba/ zhal gyi thad kar bar pa bya rig pa'i rgyal po'i mchu lha bu ste/ shangs kyi bu gu nas 'od zer 'byung zhing yang rgyu ba ni/ spyan dang / spyan gyi smin ma dang / smin mtshams kyi mdzod spu dkar po dang / dbu 'dab kyi mdzod spu'i mtshan kun snang bar byas nas/ spyi gtsug gi do ker la thug ste/ gser gyi rgyal mtshan dang 'dra'o// phyir yang lhag khung nas byung nas/ me tog rnam pa sna tshogs su gyur / me tog de dag las tshad med pa'i lha mang po kun lag na rol mo'i cha byad thogs pa dag sprul pa'i zha 'bring du gyur cing 'od snga ma la lan bcu bskor te/ zur tu rgyu ba ni sangs rgyas kyi zhal gyi
- 294b
a gcom nyag ma re re nas bskor te/ nyag ma de re re'i drung nas me tog kha byed pa khre'i 'brum du tsam lta bus// zhal gyi spros dang / zhal gyi rkan dang / tshems kyi bar dang / mgur gyi mtshan snang zhing mdzes par byas na/ sangs rgyas kyi thugs kar 'od zer gyi sprin du gyur te/ phyi nang gsal la yongs su dag cing rdul dang dri ma med pa ni/ dper na bai DUR+Ya'i snod kyi nang na gser btso ma'i 'od snang ba bzhin no/ / de dag ni de bzhin gshegs pa'i yongs su dag pa'i shangs kyi mtshan zhes bya ste/ bcom ldan 'das yongs su mya ngan las 'das nas/ sangs rgyas kyi nye gnas su gyur pa dag/ gang gis de ltar rjes su dran par byas na/ bskal pa stong snyed kyi kha na ma tho ba'i las ngan pa yongs su 'byang zhing / skye ba'i gnas phyi mar yang bsung dam pa snar rtag tu bro yang / de la sems mngon par mi chags te/ rtag tu tshul khrims kyi bsung gis lus brgyan par 'gyur ro// de la de ltar blta'o// gagong gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o/ / de la ji ltar na de bzhin gshegs pa'i zhal gyi ag tsom gyi mtshan rjes su dran pa zhe na/ de bzhin gshegs pa'i zhal gyi ag tsom nyag ma re re'i thog/ ma la yang 'od zer rnam pa gsum 'byung ste/ rma dang mthon mthing dang / le brgan gyi kha dog lha bu'o// de ltar 'od des zhal gyi grwa dang nang nas 'khyil cing mgur snang bar byas nas 'od zlum po
- 295a
snga ma la bskor ro/ / de la ri mo rnam pa gsum yod de shin tu gsal la kha dog gi nang na dam pa'o// ri mo de'i bar na nor bu rin po che re re yod do// nor bu rin po che de'i 'od kyang kha dog rnam pa brgya stong ste/ nor bu'i 'og na me tog dkar po sdong bu 'brel cing gcig gis gcig brtan to// de'ang lan gsum du bskor nas/ phyir yang zhal gyi ag tsom gyi gnas su zhugs so/ / de dag ni de bzhin gshegs pa'i zhal gyi ag tsom gyi 'od kyi mtshan zhes bya ste/ bcom ldan 'das yongs su mya ngan las 'das nas/ gang gis de ltar rjes su dran par byas na/ bskal pa sum cu snyed kyi 'khor ba'i nyes pa spong bar 'gyur zhing / skye ba phyi ma la lus kyi ba spu'i bu ga thams cad nas 'od zer 'tsher la/ 'khor ba'i khyim dang 'khor g.yog la sogs pa'i 'jig rten gyi dga' ba la mi chags te/ rtag tu rab tu 'byung ba la mos pa dang / sbyangs pa'i yon tan la dang bar 'gyur ro// de la de ltar blta'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// de la ji ltar na de bzhin gshegs pa'i zhal gyi sgros dmar zhing mdzes la/ bim pa'i 'bras bu lha bu'i mtshan zhe na/ de bzhin gshegs pa'i zhal gyi sgros gong ma dang 'og ma dang / tshems dang tshems mche ba dang / zhal gyi dkan las 'od cig car 'byung ba ni zlum po ste/ mu tig dmar
- 295b
po brgya stong snyed brgyus pa lta bu sangs rgyas kyi zhal gyi nang nas byung ste/ shangs kyi nang du zhugs so// shangs kyi nang nas byung ste/ smin mtshams kyi mdzod spu dkar po'i nang du zhugs so// mdzod spu dkar po'i nang nas byung ste/ zhal gyi ag tsom gyi nang du zhugs so// zhal gyi ag tsom nas byung nas 'od zlum po'i nang du zhugs te/ gong ma'i me tog rnams dang zhal gyi tshems bzhi bcu mdzes shing / 'od 'tsher bar byas so// de las kyang 'od kha dog dmar skya byung ste/ 'od gcig gis gcig snang bar gyur nas/ tshems bzhi bcu yang snang bar byas so// tshems bzhi bcu de yang shin tu thags bzang la khod snyoms te shel dkar po lha bu la gong 'og gnyi ga mnyam zhing rdo bar ma gyur pa ste/ tshems kyi bar gyi ri mo las 'od dmar skya lta bu'i kha dog 'byung ste/ de dag bcom ldan 'das 'jig rten na mngon par bzhugs pa na/ 'od kyi kha dog 'tsher ba des/ 'jig rten thams cad kyi mig zil gyis non par byed do// bcom ldan 'das yongs su mya ngan las 'das nas kyang / sems kyi mig gis 'od zer gyi kha dog la de ltar brtags te mthong bar bya'o// sangs rgyas kyi nye gnas su gyur pa gang gis de ltar rjes su dran par byas na/ / bskal pa nyis stong snyed kyi 'khor ba'i nyes pa yongs su spong bar 'gyur zhing / skye ba phyi ma'i gnas su yang kha dang mchu legs shig/ so bzang ba dang / so mi rdo ba dang /
- 296a
kha dog gi nang na kha dog mchog snyed kyang de la sems mi chags pa dang / rtag tu sangs rgyas dang / byang chub sems dpa' dang / rang sangs rgyas kyis chos 'chad pa thos shing / sems la the tsom med par 'gyur ro// de la de ltar blta'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par/ mthong ba'o// de la ji ltar na de bzhin gshegs pa'i ljags ring zhing che ba'i mtshan zhe na/ de bzhin gshegs pa'i ljags ni pha rol tu phyin pa bcu dang dge ba bcu las yongs su smin pa ste/ ljags kyi 'og dang / ljags kyi mtha' gnyis na nor bu rin po che gnyis gnyis yod do// rin po che de las zil dang ra gyi ro mchog ljags kyi dbang po la 'bab bo// lha dang mi'i 'jig rten dang sa bcu'i byang chub sems dpa' la yang de lta bu'i mtshan bzang po dang / ro mchog bro ba ni mi srid do// ljags kyi steng na ri mo lnga yod de/ de yang rin po che'i phyag rgya'i ri mo lta bu'o// ro mchog dam pa de lta bu dag ri mo de'i srubs su zhugs nas/ bai DUR+Ya'i sbu bas lta bu'i mgur du rgyu zhing / bcom ldan 'das bzhad pa'i tshe/ ljags kyi dbang po 'gul te re bro ba de'i dbang gis/ ljags las 'od kha dog rnam pa lnga dang ldan pa byung ste/ sangs rgyas kyi sku la lan bdun bskor nas gtsug tu nub bo// sangs rgyas kyi ljags byung ba'i tshe na/ pad+mo'i 'dab ma lta bu/ dbu 'dab
- 296b
la thug gi bar du sangs rgyas kyi zhal khyab par yog pa ste/ zhal gyi 'og na yang ri mo rnam pa sna tshogs pa yod do// ro mchog dam pa bro ba de dag ljags kyi dbang po la reg pa'i dbang gis 'od zer kha dog rnam pa bcu bzhi pa byung bar gyur te/ 'od kyi kha dog de re res kyang 'jig rten gyi khams tshad med pa snang bar byed do// 'od zer de re re las kyang 'od kyi kha dog brtsegs pa re re yod par gyur te/ de dag gi kha dog dang 'od zer dam pa ni shin tu yang mang ba ste/ 'od kyi khang pa brtsegs pa de re re la yang / yang thog grangs med pa yod do// yang thog de re re'i nang na yang sprul/ pa'i sangs rgyas tshad med pa sku skyil mo krung bcas te/ de la nyan thos dang / byang chub sems dpa' 'khor mang pos yongs su bskor cing bzhugs so// de dag kyang bla ma'i phyogs kyi 'jig rten gyi khams tshad med pa dag las shin tu 'das nas/ de yang sprul pa'i sangs rgyas gcig tu gyur to// sangs rgyas de'i sku ni mtho khyad ri rab lhun po tsam du snang ngo // de'i tshe na de dang 'dra ba'i sangs rgyas grangs med pa dang / tshad med pa dag kun gyi ljags kyi mtshan ston pa yang de dang 'dra'o// 'od de dag re res kyang 'og ma'i phyogs su mtshams med pa'i sems can dmyal ba rnams snang bar byed do/ / mtshams med pa'i sems can dmyal ba de yang gser gyi kha dog lta bur gyur nas sangs rgyas kyi ljags kyi mthus dmyal ba'i sdug bsngal skad cig rtse zhil bar gyur te/
- 297a
dmyal ba pa rnams kyang sngon gyi mi dge ba'i las ci byas pa kun dran par gyur to// de ltar 'og ma'i phyogs kyi 'jig rten gyi khams tshad med pa las kyang 'das nas// 'jig rten gyi khams re rer yang rin po che'i me tog gi shing gi 'dab ma sangs rgyas kyi ljags dang 'dra ba sprul te/ ljags kyi mtshan de las kyang 'od zer bkye ste/ 'od de dag gcig gis gcig snang bar byas nas/ de las sprul pa'i sangs rgyas su gyur to// sprul pa'i sangs rgyas de'i sku yang dngul gyi kha dog lta bur dkar la/ sku'i mtshan phun sum tshogs pa sha stag go// sprul pa'i sangs rgyas de dag re res kyang sangs rgyas kyi ljags che zhing ring ba'i mtshan byung ste/ de'i 'od la'ang sprul pa'i sangs rgyas bzhugs te/ de bzhin du sprul pa'i sangs rgyas grangs med tshad med pa'o// sprul pa'i sangs rgyas kyi 'od las dngul gyi ri rab tu gyur te/ de yang che zhing mtho la mdzes pa tshad med dpag tu med pa gcig tu gyur ro// ri rab ri'i rgyal po de la dngul gyi shing skyes te/ dngul gyi shing de'i me tog ni gser/ 'bras bu ni dngul lo// shing de re re'i drung na shel dkar po'i pad+mo re re yod de/ pad+mo de'i skyeng na sprul pa'i mi shel dkar po las byas pa re re yod do// mi de dag gi lte ba na sprul pa'i klu drug drug yod do// klu de dag kyang kha ni gnag lus ni dkar te/ sprul pa'i shel gyi mi dkar po grangs med pa stod do// de bzhin du 'og ma'i phyogs kyi 'jig rten gyi
- 297b
khams tshad med pa las 'das te/ snang bar byas nas 'og ma'i phyogs kyi 'jig rten gyi khams nas shel dkar po'i shing byung ste/ shing des mi mjed kyi 'jig rten la thug gi bar du skyes nas rab tu rgyas shing mdzes pas khams gsum gyi rtse mor thug go/ yal ga dang lo ma yang shin tu stug ste/ lo ma de gcig cing yang kha dog rnam pa dgu bcu rtsa brgyad dang ldan no// shing de'i lo ma de che khyad ni re res kyang 'jig rten gyi khams khebs so/ / 'dab ma de dag gi bar bar na gzhan yang lha ma srin sde brgyad la sogs te/ klu dang / ba glang dang stag dang / seng ge dang // gzing dang sprang ku dang / dom dang / dred dang / khyu mchog dang / ma he dang / sbrul gdug pa dang / gcan gzan khro bo la sogs ci yang med pa'i bag med do// spyod yul gzhan dag ni yid la byed de gnas pa dang / 'dug pa dag gis rang mthong bar 'gyur ro// 'od gcog gis ni shar phyogs kyi 'jig rten gyi khams kun snang bar byas nas/ shar phyogs kyis gzhi kun gser gyi kha dog lta bur gyur te/ ri brag dang chu shing thams cad las me 'bar ro// me'i 'od dang gser gyi 'od so so nas mi sgrib la/ gser gyi 'od kyi thog ma la sprul pa'i sangs rgyas dag bzhugs te/ sangs rgyas de 'dab chags su bzhugs pa ni/ shar phyogs kyi 'jig rten gyi khams tshad med pa dag ste/ ji ltar 'das bu 'am/ 'od ma'i tshal bzhin du bar mtshams med pa'o// sangs rgyas gcig
- 298a
cig yang 'khor byang chub sems dpa' tshad med pa snyed kyis zham 'bring byed do/ / byang chub sems dpa' de dag gi ljags kyi tshad ni phyung ba yang sangs rgyas dang tha mi dad de de ltar ljags kyi mtshan tshad med pa las 'od tshad med pa byung ste/ 'od kyi sprin tu gyur to// 'od kyi sprin de las rdul rab tu phra ba snyed kyi sprul pa'i sangs rgyas tshad med pa skyil mo krung bcas nas bzhugs te/ de dag gi 'od zer yang tshad med pa snyed do// 'od me'i dpal lta bu'i rtse mo la gnod sbyin lnga yod do// lag na ral gro rnon po thogs pa/ mgo la kha bzhi bzhi yod de kha nas me 'bar zhing brgyug go/ de bzhin du gnod sbyin gzhan yang tshad med grangs med pa ste/ shar phyogs kyi 'jig rten gyi khams tshad med pa'i bar du'o// 'od gcig gis ni lho phyogs kyi 'jig rten gyi khams tshad med pa snang bar byas nas/ thams cad bai DUR+Ya'i kha dog lta bur gyur to// bai DUR+Ya'i sa gzhir gyur pa la gser gyi me tog skyes so// gser gyi me tog las mu sa la gal ba'i me tog skyes so/ / mu sa la gal ba'i me tog las shel gyi me tog skyes so// shel gyi me tog las byi ru'i me tog skyes so// byi ru'i me tog las skur long gi me tog skyes so/ / sbur long gi me tog las rin po che'i me tog skyes so// rin po che'i me tog las gser btso ma'i me tog skyes so// gser btso ma'i me tog las rdo rje'i me tog
- 298b
skyes so/ / rdo rje'i me tog las yid bzhin gyi nor bu'i 'od kyi me tog skyes so// yid bzhin gyi nor bu'i 'od kyi me tog re re'i bar na yang kha dog rnam pa brgya stong dang ldan pa'i me tog yod de/ me tog gi ze ba gcig la yang sangs rgyas shAkya thub pa tshad med pa snyed skyil mo krung bcas nas 'khor byang chub sems dpa'i dge 'dun dang bcas bzhugs so// 'khor mang po de dag gi lus kyi ba spu'i bu ga kun nas kyang / me tog de dag dang 'dra ba dag byung ste/ me tog de re re la yang ngo mtshar rmad kyi cho 'phrul bstan pa yang gong ma bzhin no// sprul pa'i sangs rgyas de dag gis kyang che zhing ring ba'i ljags kyi mtshan phyung nas/ 'od zer bkye ba yang snga ma bas brgya stong gis lhag go// me tog de dag gi bar mtshams na rin po che'i gdan bzang po shin tu mtho zhing mdzes pa lha 'dod pa tshangs pa'i rgyal po'i khri bas shin tu 'phags pa yod de/ khri de dag re re'i steng na byang chub sems dpa' chen po'i sku'i mtshan dang ldan pa mdzes par brgyan pa byams pa dang 'dra ba dag bzhugs te/ de dag kyang che zhing ring ba'i ljags kyi mtshan ston to// ljags kyi mtshan gyi 'od zer las nor bu yid bzhin gyis dra bar gyur te/ sprul pa'i sangs rgyas dang 'khor mang po'i bla rer bres par gyur to/ / nor bu yid bzhin gyi dra bas mig nas/ rin po che sna bdun gyi 'od byung ste/ rin po che'i 'od kyi thog ma la yang spel pa'i
- 299a
sangs rgyas tshad med dpag tu med pa dag bzhugs so/ / sprul pa'i sangs rgyas de re re la yang dge slong gi 'khor gi 'khor tshad med pas bskor to// dge slong dag kyang gser gyi pad+mo la 'dug cing lus kyi mdog kyang gser lha bur gyur nas/ bde bar thal mo sbyar te/ sangs rgyas rjes su dran pa ting 'dzin la zhugs pa sha stag go/ de dag gi lus kyi ba spu'i gnas kyang gser gyi mdog lta bu'i 'od byung ste/ 'od de dag re re la yang sprul pa'i sangs rgyas re re bzhugs te/ 'od zer gyi ri lta bus dge slong de dag la bskor bar gyur to/ / sprul pa'i dge slong rnams kyis kyang / sangs rgyas de dag la yongs su bskor to// de bzhin du grangs mang zhing brjod du med pa'o// 'od zer gcig gis ni nub phyogs kyi 'jig rten gyi khams tshad med pa kun snang ba byas nas/ nub phyogs kyi 'jig rten gyi khams kyi sa gzhi kun shel gyi kha dog lta bur gyur to// shel lta bur gyur pa'i sa gzhi'i steng na rdo rje'i sprin yod do/ / rdo rje'i sprin gyi steng na rin po che dkar po'i sprin yod do// rin po che dkar po'i sprin gyi steng na mu tig dmar po'i sprin yod do// mu tig dmar po'i sprin gyi steng na mu tig dkar po'i sprin yod do/ / mu tig dkar po'i sprin gyi steng na mu tig smag po'i sprin yod do// mu tig smug po'i sprin gyi steng na mu tig sngon po'i sprin yod do// mu tig sngon po'i sprin gyi steng
- 299b
na mu tig le brgan gyi sprin yod do/ / mu tig le brgan gyi sprin gyi steng na 'dzam bu chu klung gi gser gyi bye ma'i sprin yod do// gser gyi bye ma'i sprin gyi steng na rdo rje yid bzhin gyi nor bu'i rdul phra mo snyed kyi sprin yod do/ / rdo rje yid bzhin gyi nor bu'i rdul phra mo snyed kyi sprin gyi steng na rin po che thams cad kyi kha dog dang 'od zer rdul phra rab snyed kyi sprin yod do// de bzhin du 'od zer dang sprin cig cing yang kha dog gsal zhing dam par gyur/ mig gi spyod yul las 'das pa khri phrag lnga bcu rtsa drug snyed de/ gang sems shin tu sbyangs shing zhi bar gyur pa de ni/ mtshan de dag dang ldan par 'gyur ro/ / de bzhin du de dag thams cad las gzhan yang sprul pa'i sangs rgyas tshad med pa rdul phra rab snyed bzhugs te/ sprul pa'i sangs rgyas de re re la yang sprul pa'i nye gnas kyi 'khor tshad med pa rdul phra rab snyed yod kyang / rdul de dag chen por gyur pa 'am/ sangs rgyas dang 'khor rnams chung bar gyur par mi snang ste/ mtshan phun sum tshogs pa ni ji ltar sangs rgyas shAkya thub pa dang 'dra bar ro/ / de dag kyang ljags kyi mtshan ston pa yang gong ma dang 'dra'o// 'od zer gcig gis ni byang phyogs kyi 'jig rten gyi khams tshad med pa kun snang bar byas nas/ byang phyogs kyi sa gzhi kun sbur long gi kha dog lta bur gyur te/ sbur long lta bu'i sa gzhi'i steng na/ rdo rje'i mchod rten yod do// mchod rten de gcig la yang mchod rten
- 300a
chung ngu brgya stong snyed kyis bskor to/ / de dang 'dra bar grangs med do// mchod rten nang gi chung ngu yang mtho khyad dpag tshad khri phrag lnga brgya lnga bcu'o// mchod rten de re re'i nang na yang / yang thog khri phrag du ma snyed yod do// yang thog de re re nas kyang rin po che tshad med dpag tu med pa'i kha dog dang ldan pa'i chu chen po 'bab bo// chu de la pad+mo chen po yod do/ / pad+mo de las kyang 'od zer chen po 'gyed do// 'od zer 'gyed pa de las kyang bsung zhim po bro ba ni rgya mtsho'i 'gram gyi tsan dan gyi dri bas brgya stong gis lhag go// dri bsung de las 'od zer dam par gyur to/ / 'od zer de dag las sprul pa'i sangs rgyas sku mdog mchog dam pa dang ldan pa/ rin po che gang bas kyang lhag pa dag bzhugs so// rin po che de dag thams cad dang / 'od zer sna tshogs pa ljags kyi mtshan las 'byung ba'i tshe/ yang thog de re re las kyang 'od zer tshad med pa dag 'byung ngo // 'od zer de re re la yang sprul pa'i sangs rgyas tshad med pa snyed bzhugs so/ / sprul pa'i sangs rgyas de re res kyang ljags kyi mtshan bstan te 'od zer tshad med pa las/ 'od kyi mchod rten dang spros kyi sprin du gyur nas byang phyogs kyi 'jig rten gyi khams tshad med pa brjod du med pa las shin tu 'das so/ / de dag kyang sangs rgyas rjes su dran pa'i ting nge 'dzin gyi rgya mtsho las byung zhing skyes pa'o//
- 300b
'od zer gcig gis ni shar lho'i phyogs mtshams kyi 'jig rten gyi khams tshad med pa kun snang bar byas nas/ shAr lho'i phyogs mtshams kyi sa gzhi kun mu sa la gar ba'i kha dog lta bur gyur to/ / mu sa la gar ba lta bur gyur pa'i sa gzhi'i skur long gi ri yod par gyur to// sbur long gi ri las rin po che sna bdun gyi tshal skyes so// rin po che sna bdun gyi tshal na rin po che sna bdun las grub pa'i chu mig rnam pa bcu yod do/ / chu de dag kyang rin po che'i kha dog rnam pa bcu dang ldan te/ chu de'i kha dog las 'od 'tsher zhing 'bar bas/ shar lho'i phyogs mtshams kyi 'jig rten gyi khams tshad med pa snyed snang bar byed do/ / 'od kyis snang bar byas pa de dag kun tu rin po che'i ri chen po yod par gyur to// ri de re re'i bar ram shing re re'i / drung na me tog man+da ra ba dang / man+da ra ba chen po skyes te/ me tog gi khang pa brtsegs par gyur pa kun na/ sprul pa'i sangs rgyas sku bai DUR+Ya lta bu la phyi nang du 'od gsal ba sha stag bzhugs so/ / de la rin po che sna tshogs kyi kha dog lta bu'i 'od kyis sku la lan stong du mar bskor to// 'od de re ra la yang sprul pa'i sangs rgyas tshad med pa bzhugs so// sprul pa'i sangs rgyas re re la yang 'khor byang chu sems dpa' la sogs pa tshad med pas bskor to/ / de dag thams cad kyang bai DUR+Ya'i kha dog lta bu'o// sprul pa'i sangs rgyas de re res kyang
- 301a
ljags kyi mtshan gyi 'od zer bkye ba las rin po che'i ri dpag tu med par gyur te/ rin po che'i ri de las 'od zer 'byung ba dang / cho 'phrul ston pa ni shar lhon phyogs mtshams kyi 'jig rten gyi khams tshad med pa las shin tu 'das so/ / 'od zer gcig gis ni lho nub kyi phyogs mtshams kyi 'jig rten gyi khams tshad med pa kun snang bar byas nas/ lho nub kyi phyogs mtshams kyi sa gzhi kun byi ru'i kha dog lta bur gyur to// byi ru'i sa gzhi lho bur gyur pa la shel sngon po'i yang thog yod par gyur to/ yang thog de nang gi chung ngu yang mtho khyad dpag tshad khri phrag lnga bcu snyed do// yang thog gcig la yang ka ba khri phrag bcu snyed yod do// ka bA re re yang rin po che'i kha dog khri phrag brgya dang ldan no/ / rin po che'i kha dog de gcig la yang grangs med pa snyed kyi 'od byung ste/ 'od de re re la yang rin po che'i shing tshad med pa brgya stong du mar sprul to// shing de re re'i drung na chu mig drug drug yod do// chu mig de yang rin po che'i shing gi rtsa bar zhugs nas/ shing gi yal ga na sna 'bo ste 'byung ba'i tshe na/ rin po che'i kha dog rnam pa drug dang ldan no/ / chu de re re la me tog pad+mo shin tu dkar ba re re skyes te/ pad+mo de'i steng na sprul pa'i sangs rgyas sku shin tu dkar ba rin po che dkar po thams cad pas lhag
- 301b
pa re re bzhugs so/ / su de la yang kha dog rnam pa lnga brgya dang ldan pa'i 'od dam pas yongs su bskor to// 'od zer de dag re re la yang sprul pa'i sangs rgyas grangs med pa bzhugs te/ sprul pa'i sangs rgyas re re la yang 'khor byang chub sems dpa' grangs med pa snyed do/ / yang thog gi ka ba thams cad las 'od byung ste/ 'od zer re re la yang sprul pa'i sangs rgyas grangs med pa bzhugs so/ / sprul pa'i sangs rgyas de dag kyang sku mdog sngo ba ni byi ru'i sa gzhi la 'chag cing gshegs so// sku mdog dkar ba ni shel sngon po'i yang thog na 'chag cing gshegs so/ / yang thog de dag gi nang na yang sprul pa'i sangs rgyas grangs med pa bzhugs te/ de dag gis kyang ljags kyi mtshan gyi 'od zer bkye nas/ 'od zer des kyang lho nub kyi phyogs mtshams kyi 'jig rten gyi khams tshad med brjod du med pa las 'das pa snang bar byas so/ / 'od zer gcig gis ni nub byang gi phyogs mtshams kyi 'jig rten gyi khams tshad med pa kun snang bar byas nas nub byang gi phyogs mtshams kyi sa gzhi kun sbur long gi kha dog lta bur gyur to/ / sbur long lta bur gyur pa'i sa gzhi la mu tig gi ri yod par gyur to/ / mu tig gi rir gyur pa la byi ru lta bu'i shing skyes te/ shing de'i 'dab ma ni shel dkar po'o// me tog ni yid bzhin gyi nor bu rin po che'o// ge sar dang
- 302a
ze ba ni gser btso ma ste/ shing de'i drung na rin po che sna bdun las grub pa'i seng ge yod do// seng ge de'i mig nas 'od zer chen po byung zhing / sbur long gis gzhir gyur pa kun snang bar byas nas/ sbur long gi sa gzhi las kyang pad+mo chen po gcig skyes te/ me tog de zlum por 'dug la kha dog dang / 'od zer yang tshad med dpag tu med do// me tog re ri'i steng na yang 'od zer gyi sprin yod de/ sprin de yang kha dog dmar bar 'dug la snying yang mu tig sngon po'i dri bas bla rer bres so// mu tig gi dra ba'i mig nas kyang gser gyi pad+mo skyes so/ / gser gyi pad+mo skyes pa de'i steng na sprul pa'i sangs rgyas sku mdog gser btso ma'i mdog lta bu re re bzhugs so// de la 'od zer kha dog sngon po dang / ser po dang dmar po dang / dkar po dang / ljang ku ste/ kha dog rnam pa lnga'i 'od zer gyis bskor bar gyur to// 'od de gcig gi nang na yang sprul pa'i sangs rgyas grangs med pa bzhugs te/ sprul pa'i sangs rgyas de re re la yang 'khor tshad med pa snyed do// sprul pa'i sangs rgyas de dag gis kyang che zhing ring ba'i ljags kyi mtshan phyung ba yang snga ma bzhin no// de ltar 'od zer gyis nub byang gi phyogs mtshams kyi 'jig rten gyi khams tshad med pa kun ljags kyi mtshan gyis snang bar byas pa ni mthar thug par mi nus so/ / 'od zer gcig gis ni byang shar gyi
- 302b
phyogs mtshams kyi 'jig rten gyi khams tshad med pa kun snang bar byas nas/ byang shar gyi phyogs mtshams kyi sa gzhi kun rdo rje'i kha dog lta bur gyur to// rdo rje lta bur gyur pa'i sa gnyil rin po che sna bdun las byung ba'i me tog skyes so/ / me tog de'i steng na 'dzam bu chu klung gi gser lta bu'i rgyal mtshan yod do// rgyal mtshan de'i dbu rtse la me tog gi tog yod do// me tog de yang rin po che tshad med pa brgya stong gi kha dog ldan la 'dab ma yang grangs med do/ / 'dab ma re re la yang rin po che'i bla re brgya stong snyed du gyur to// bla re'i grwa re re na yang rin po che sna bdun gyi rgyal mtshan re re yod do/ / rgyal mtshan gyi rtse mo kun na rin po che sna bdun gyi gdugs re re yod do// gdugs de gcig gis kyang byang shar gyi phyogs mtshams kyi 'jig rten gyi khams tshad med pa snyed khe ba sa la/ gdugs de gcig la yang gser gyi rgyal mtshan lnga lnga yod do// rgyal mtshan stong phrag du ma snyed la rin po che'i dril bu tshad med pa snyed do// dril bu de dag las sangs rgyas kyi mtshan la bsngags pa'i sgra dang / sangs rgyas la phyag 'tshal ba la bsngags pa'i sgra dang / sangs rgyas rjes su dran pa la bsngags pa'i sgra dang / 'gyod tshangs byed pa la bsngags pa'i sgra ste/ sgra dbyangs de dag byung nas rin po che'i bla re'i 'og gi sa gzhi las 'od zer chen po byung ngo // 'od zer de yang shin tu mdzes shing tshad med grangs med
- 303a
do/ / 'od de dag re re las sprul pa'i sangs rgyas re re skyil mo krung bcas nas/ rin po che'i bla re'i 'og na bzhugs so// gzhan yang la la ni steng gi nam mkha' las mngon par 'phags so/ / la la ni nub phyogs na mi snang bar gyur te/ shar phyogs su mngon par byung ngo // shar phyogs na mi snang bar gyur te/ nub phyogs su mngon par byung ngo / byang phyogs na mi snang bar gyur te/ lho phyogs su mngon par byung ngo // lho phyogs na mi snang bar gyur te/ byang phyogs su mngon par byung ngo // mtha' na mi snang bar gyur te/ dbus su mngon par byung ngo / / dbus nA mi snang bar gyur te/ mtha' na mngon par byung zhing gsal lo// la las ni sku chen pos nam mkha'i khams kun tu gang bar ston to// la las ni sku chen po las sgra chung ngu 'jig rten gyi khams yongs su gang bar ston to// nam mkha' la gshegs pa dang bzhengs pa dang / bzhugs pa dang gzims pa yang ston to/ / la la ni sku'i stod nas chu 'bab cing sku'i smad nas me 'bar la/ sku'i smad nas chu 'bab cing sku'i stod nas me 'bar te/ chu bzhin du sa la yang nub cing 'byung bar ston to/ / sa bzhin du chu la yang 'bying ba med par 'gro'o// sku stod dang / smad kyi chu de las kyang pad+ma shing rta'i 'khor lo tsam sha stag skyes te/ pad+mo de dag la sprul pa'i sangs
- 303b
rgyas skyil mo krung bcas nas bzhugs so/ / de ltar sprul pa'i sangs rgyas tshad med pa snyed grangs med pa snyed/ dus gcig tu steng gi nam mkha' la mngon par 'phags nas tshe 'phral/ rnam pa bco brgyad ston to// sku'i stong smad kyi me de las kyang gser gyi ri rab lhun po la rin po che sna bdun gyis brgyan pa/ nyi zla dang / gza' skar du bcas pa/ klu dang / gnod sbyin dang / rgya mtsho chen por bcas pa sprul te/ ri rab lhun po de dag gi drung na srid pa thams cad kyang mngon par snang ngo // de lta bu'i ri rab lhun po grangs med pa dang tshad med pa yod do// ri de'i rtse mo la yang sangs rgyas grangs med pa bzhugs shing / de dag gis kyang ljags kyi mtshan phyung nas/ ljags kyi mtshan gyi 'od zer gyis/ byang shar gyi mtshams kyi 'jig rten gyi khams tshad med grangs med brjod du med pa snyed snang bar byas so/ / 'od zer gcig gis ni bla ma'i phyogs su 'dzam bu gling nas/ rgyal po chen po bzhi'i gnas kyi bar du snang bar byas so// rgyal chen bzhi'i lha rnams kyis kyang bcom ldan 'das shAkya thub pa 'dzam bu'i gling gi mi'i nang na nyi ma lta bu de rin po che sna bdun gyi khang pa rtsegs pa na bzhugs shing 'khor mang po dang bcas te lha rnams kyi gnas su gshegs par mthong ngo / / lha rnams kyis de lta bu mthong nas byang chub tu sems bskyed do// gzugs med pa'i khams kyi bar gyi lha thams cad kyis kyang mtshan de dag mngon sum du
- 304a
'khrul pa med par mthong ngo / / gzugs med pa'i khams kyi bar gyi lha dag kyang mya ngan 'da' ba la mi bskur cing byang chub tu sems bskyed par gyur to// 'od zer gcig gis ni 'og ma'i phyogs kyi 'jig rten gyi khams tshad med pa snang bar byas te/ de na lha ma yin dang / gnod sbyin la sogs pa/ dri za rnams dang / grul bum rnams dang / nam mkha' lding rnams dang / lho 'phye chen po rnams dang / klu rnams dang / srin po rnams dang / gshin rje rnams dang / grib gnon rnams dang / kim pa'i ra rnams dang / mdangs 'phrog pa rnams dang / 'byung po'i gdon rnams dang / 'brog dgon pa'i 'byung po rnams dang / dmyal ba rnams dang / yid dgas rnams dang / gzhan yang skyugs pa za ba'i gdon rnams dang / ngar rnabs za ba'i gdon rnams dang / rnag khrag za ba'i gdon rnams dang / bshang gci za ba'i gdon rnams dang / 'og gi phyogs kyi ri'i lha dang / shing gi lha dang sa lha dang / chu'i lha dang / me'i lha dang / rlung gi lha dang / de la sogs pa'i lha dang / gdon stong phrag mang po rnams kyang yud tsam gcig gi lha'i lus su gyur te/ gnyen zhing mdzas pa dang / mdzes shing sdug par gyur nas/ dga' zhing bde ba ni ji ltar dge slong dag bsam gtan gsum pa la mnyam par gzhag pa bzhin no// lha ma yin la sogs pa'i gdon de dag
- 304b
thams cad so so'i dad pa dang / spyod pa ji lta ba bzhin du byang chub rnam pa gsum gyi sems bskyed par gyur to// yi dgas kyi rnams kyang ljags kyi 'od kyis phog na/ chu grang mos phog pa bzhin du/ sku tshigs kyi me kun rtse zhil bar gyur to// sku tshigs kyi me de dag kun zhi bar gyur pa dang / lcags khu yang sa la po ste/ me'i dpal yang sa'i nang du song ngo // de'i tshe yi dgas kyi rnams kha gdangs nas 'di skad du bkres so// shin tu lcogs so// lo brgya stong du ma'i bar du chu ma mthong ba las/ de ltar chu dang phrad de/ tsha bzhi nas rab tu bsil bar gyur pa 'di su'i mthu zhes smras so/ / de'i tshe steng gi nam mkha' las tshig 'di skad ces grags so// yi dgas glen zhing gti mug pa khyed mi shes sam sangs rgyas bcom ldan 'das kyis ljags kyi 'od zer bkye nas/ 'od des phog ma thag tu khyed kyi sdug bsngal gyis gdungs pa kun rtse zhil bar gyur to// zhes pa'i tshig grag par gyur to/ / de nas yi dgas de dag kun so so'i mdun na so so'i ma re re pad+mo'i steng na 'dug cing / bu bang du blangs nas nu ma bsnun par mthong ngo // yi dgas de dag kun nu zhos 'drangs par gyur nas/ byang chub mchog tu sems bskyed par gyur to// byang chub tu sems bskyed nas so so'i ma de dag sprul pa'i sangs rgyas re rer gyur to// sangs
- 305a
rgyas de dag gis kyang ljags kyi mtshan bkye nas yi dgas kyi rnams la skyabs mdzad do/ / bcom ldan 'das ljags kyi mtshan slar bsdus nas/ kha dog rnam pa stong dang ldan pa'i 'od zer gyis/ sangs rgyas la lan stong du bskor to// 'od de dag gi nang na yang sangs rgyas stong snyed bzhugs te/ phyir sangs rgyas kyi gtsug tu nub nas sangs rgyas kyi sku'i mtshan sum cu rtsa gnyis dang / dpe byad bzang po brgyad cu rnams mdzes par snang ste/ sku khyad par mdzes shing 'od 'tsher ba ni lham me lhan ne lhang nge ste nyi ma grangs med pa brgya stong mang po bas lhag par gsal zhing snang bar gyur to/ / bcom ldan 'das kyis rgyal po la yang bka' stsal pa/ de bzhin gshegs pa'i ljags kyi mtshan dang / ljags kyi yon tan dang / ljags kyi spyod yul la brtag pa'i dngos po ni 'di dag ste/ sangs rgyas yongs su mya ngan las 'das nas/ sangs rgyas rjes su dran pa dang / mtshan la rtog pa rnams kyis/ sangs rgyas kyi ljags mtshan ni sems dang / mig gi spyod yul yin par ni gong du bshad pa bzhin du shes par bya'o// gang gis de ltar rjes su dran par byas na bskal pa brgya phrag brgyad khri bzhi stong snyed kyi 'khor ba'i nyes pa spong bar 'gyur zhing / skye ba'i gnas phyi mar sangs rgyas khri phrag rgyad bcu snyed dang phrad par 'gyur ro// /
- 305b
sangs rgyas de dag gi spyan snga na sangs rgyas de dag gi ljags che zhing ring ba'i mtshan las 'od zer chen po 'byung ba mthong ba yang de bzhin te/ de nas byang chub tu lung bstan pa yang thob par 'gyur ro/ / bcom ldan 'das kyis dga' bo la bka' stsal pa/ khyod kyis nga'i bstan pa 'di gzungs su zung la ma brjed ma nyams par nga'i nye gnas rnams la 'di skad du bsgo shig/ lus dang sems drang por byas te/ 'dug la mnyam par gzhag nas/ che zhing ring ba'i ljags kyi mtshan rjes su dran par byed na/ sangs rgyas mngon tu bzhugs pa dang tha dad pa med do/ / sems can gang 'di skad du bshad pa thos na/ sems mi skrag cing the rtsom mi za la skur pa mi 'debs pa dang / sangs rgyas rjes su dran par byed pa la mi 'tshe ba dang / sangs rgyas rjes su dran par byed pa la brtson par gzhan 'debs pa dang / rim gro dang / bskur sti dang / bla mar byed pa dang // bstod cing bsngags pa brjod na/ des sangs rgyas rjes su dran pa yid la ma byas kyang / dge ba'i sems de nyid kyis bskal pa brgya stong snyed kyi kha na ma tho ba'i las ngan pa yongs su sel cing / skye ba'i gnas phyi mar sangs rgyas byams pa mthong ba nas snang mdzad ces bya ba'i bar du mthong ngo / / gzhan yang sangs rgyas stong rnams kyi dam pa'i chos 'chad pa thos shing / rtag tu de lta bu'i sangs rgyas rjes su dran pa'i ting
- 306a
nge 'dzin kyang thob par 'gyur ro/ / rgyal po yab de la de ltar blta'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o/ / de la ji ltar na de bzhin gshegs pa'i mgur gyi mtshan dang / sku'i sgrog rus mnyam par gang ba'i mtshan dang / thugs ka'i dpal be'u'i mtshan dang / ri mo g.yung drung gi mtshan rjes su dran pa zhe na/ ri mo'i bar nas 'od zlum po dag byung ngo // mgur zlum la baiDUR+Ya'i sbubs lta bu nas gser gyi rgyal mtshan 'phyang ba lta bu dang / srol mdung thig le pho sum yi ge i lha bu mngo ni gsal te/ thig le re re las kyang 'od gnyis gnyis 'byung 'o// 'od re ras kyang 'od zlum po snga ma la lan bdun bdun bskor to// ri mo de mngon par gsal zhing ri mo'i bar kun na pad+mo chen po yod de/ pad+mo de dag gi steng na sprul pa'i sangs rgyas bdun bdun bzhugs so// sprul pa'i sangs rgyas de re re la yang 'khor byang chub sems dpa' bdun bdun bsnyed do/ / byang chub sems dpa' de dag gi log pa gnyis na yid bzhin gyi nor bu rin po che re re thogs so// nor bu rin po che de me ltar 'bar zhing kha dog bai DUR+Ya'i mdog dang / gser btso ma'i mdog dang / pad+ma rA ga lta bu'i mdog dang // shel dkar po lta bu'i mdog dang / yid bzhin gyi nor bu rin po che'i kha dog lta bu'o// de lta bu'i
- 306b
'od kyis mgur yongs su bskor te/ 'di ni de bzhin gshegs pa'i mgur gyi mtshan gyi 'od zlum po zhes bya'o// thugs ka'i dpal be'u'i mtshan dang / ri mo g.yung drung lta bu'i mtshan dang / sku'i sgrog rus mnyam par gang ba'i mtshan dang / sku'i mchan khung gi nor bu rin po che'i mtshan bzang po de dag las kha dog rnam pa lnga brgya dang ldan pa'i 'od zer sna tshogs so so nas 'tsher zhing / gcig gis gcig mi sgrib ste/ 'od zer de dag kun gyis mgur gyi 'od la lan lnga brgyar bskor to// bskor ba'i ri mo'i kun nas sprul pa'i sangs rgyas lnga brgya snyed bzhugs so/ / sprul pa'i sangs rgyas re re la yang 'khor byang chub sems dpa' lnga brgya dang / dge slong lnga brgya yod do// de dag kun gyi lag na sbrang yab dkar po thogs shing / bsnyen bkur byed do// sprul pa'i sangs rgyas kyi 'od dang / byang chub sems pa'i 'od dang / dge slong gi 'od dang / 'od de dag las rin po ches ri rab lhun po dang / rgyal chen bzhi'i gnas dang / phyogs skyong ba rnams kyi gnas dang / lha gzhan dag gi gnas dang bcas pa dang / nyi ma dang / zla ba dang skar ma dang / klu'i gnas dang bcas pa dang / gnod sbyin gyi gnas dang bcas pa dang / lha ma yin gyi gnas dang bcas pa dang / gzhan yang rin po che'i ri bcu'i lha dang /
- 307a
rgya mtsho chen po bzhi'i lha dang / chu srin rnams dang / sde brgyad rnams dang / bram ze la sogs pa'i rnams kyi mchog dang / gtso bor 'dzin pa'i dngos po rnams dang / gzhan yang rig 'dzin dgu bcu rtsa lnga snyed dang / skye bo mang po'i rgyu dang / rkyen tu gyur pa'i pha ma dang / nye 'dun dang / lha la sogs pa de dag thams cad kyang sangs rgyas kyi 'od las mngon par snang bar gyur to/ / gzhan yang 'byung po tshad med pa brgya stong snyed kyi gzugs kyang 'od zlum po las mngon par snang ste/ de dag gi 'dzam bu gling gi mi rnams la sri zhus chos ston cing / 'od zer las snang ba'i gzugs brnyan de dag kun gyi mi rnams la so so nas 'di skad du nga ni khyod kyi pha'o// bdag ni khyod kyi ma'o// sngon khyod kyi ming ni 'di zhes bya'o// nga'i ming ni 'di zhes bya'o zhes smras te/ mang po de dag thams cad kyang / 'khor mang po'i bla mar bya ba'i gnas sha stag ste/ sangs rgyas kyi 'od zlum po la mngon zhing gsal bar snang ba ni/ ri mor bris pa 'am/ me long gi nang na bzhin snang ba 'dra ste/ mtshan de dag ni de bzhin gshegs pa'i 'od zlum pos sangs rgyas kyi mgur la bskor ba zhes bya'o// 'od de bla ma'i phyogs su yang 'dom gang / 'og ma'i phyogs su yang 'dom gang / g.yas su yang 'dom gang / g.yon du yang 'dom gang snang ste/ 'od zlum po las sprul pa'i
- 307b
sangs rgyas grangs med pa byung nas/ sems can thams cad kyi ngo mtshar rmad du gyur pa thams cad mngon zhing gsal bar snang bar gyur to// 'od zlum po'i spyang na gser bcom/ mdog lta bu'i dpal/ yid bzhin gyi nor bu rin po che dang 'dra bar mdzes shing / blta na sdug pa yod do// yid bzhin gyi nor bu'i dpal las me tog gi shing skyes te/ shing de'i kha dog sna tshogs te/ brgya stong gis bskrun du mi bzod do// shing de dag re re'i drung na ron po che'i pad+mo re re yod do// pad+mo de dag gi steng na sprul pa'i sangs rgyas sku gser gyi mdog lta bu re re bzhugs te/ bai DUR+Ya lta bu'i gdugs kyis bla rer bres so// 'od des sangs rgyas kyi sku yongs su gsal bar byas te/ de lta bu'i sprul pa'i sku dang gzugs ni grabs med tshad med do/ / bcom ldan 'das 'jig rten na bzhugs pa'i tshe na/ 'od zer 'dis 'dun yang dpag tshad gcig gser gyi mdog ltar snang bar gyur/ rgyab kyang dpag tshad gcig gser gyi mdog ltar snang bar gyur/ g.yas su yang dpag tshad gcig gser gyi mdog lhar snang bar gyur/ g.yon du yang dpag tshad gcig gser gyi mdog lngar snang bar gyur to// sems can la la zhig bdag gi lus dmar zhing skye ba'i ngag me mgang zag nga yang gsar gyi mdog ta snang ngo / /
- 308a
sangs rgyas shing drung na bzhugs pa na 'od lhang nge lham mer 'tsher ba ni dze ta'i tshal du gser gyi me tog chal par gtor ba bzhin no// gang zhig sangs rgyas kyi mgur gyi 'od la brtags na/ mdun du bltas na yang sangs rgyas mthong ngo // rgyab tu bltas na yang sangs rgyas mthong ngo // g.yas su bltas na yang sangs rgyas mthong ngo // g.yon du bltas na sangs rgyas mthong bar gyur te/ phyogs brgyad nas 'ongs pa'i mi dag gis/ sangs rgyas kyi mgur gyi 'od de mthong ba na/ 'di skad du dge sbyong go'u ta ma gser gyi ril 'chag cing / bdag gi mdun du gshegs so zhes zer ro// de ltar skye bo rnams so so nas rnam pa sna tshogs su mthong ba ni/ sangs rgyas kyi mgur gyi 'od ces bya'o// 'od de snang ba na sangs rgyas kyi dbu'i gtsug tor las 'od khri phrag du ma byung ste/ 'od de dag 'dab chags su bla ma'i phyogs kyi 'jig rten gyi khams tshad med pa snang bar byas nas/ lha dang mi'i 'jig rten dang / sa bcu pa'i byang chub sems dpa'i gnas kun gsal bar snang bar byas kyang / de dag kun gyis sangs rgyas kyi spyi gtsug mthong bar mi 'gyur ro// sangs rgyas kyi dbu g.yas su 'khyil ba dung gyi ri mo lta bu rab tu mdzes pa ni/ bung ba'i 'dab ma 'am/ rma bya'i mdongs kyis kyang dper byar mi bzod do// de las 'od zer stong snyed lham me lhan ne lhang nger 'tsher
- 308b
zhing 'bar te 'od 'byung ba na/ sangs rgyas kyi dbu dang dbu'i gtsug ter dang / dpu nang ga mtshan bzang po thams cad kyang shin tu snang bar byed do// sangs rgyas kyi zhal gyi 'od zer kun/ lha dang mo'i 'jig rten yongs su dag pa na/ bsod nams kyi rgyu las smin pa'i me tog dam pas kyang dper mi bzod par lhag par mdzes shing gsal lo// sangs rgyas kyi mgur dang / sangs rgyas kyi thugs ka dang / sangs rgyas kyi phyag la gang ra las 'od 'byung ba yang snga ma bas lhag par mdzes shing gsal lo// sangs rgyas kyi zhabs pus mo las 'o byung ba ni/ kha dog shin tu dkar ba ste/ de las kha bzhir gyes nas sku la 'khor ro// de las me tog dkar por gyur nas spyi gtsug gi 'od kyi nang du zhugs so// sku'i lte ba las kyang 'od rnam pa lnga byung ste/ 'od de gcig la yang kha dog rnam pa lnga lnga dang ldan ste/ sku'i mchan khung dang rtsib ma'i bar du zhugs nas/ ji ltar shel gyi sbubs su kha dog rnam pa sna tshogs dang ldan pa'i chu blugs pa bzhin te/ phyir yang 'phrag pa gnyis kyi gong nas 'phro ba dang / 'od 'bar ba ni ji ltar gser gyi nor bu yid bzhin gyi dpal lta bu'o// nor bu rin po che'i dpal de 'dab chags su gyur pa las pado'i mchog dma'o garig la yang sprul pa'i sangs na bdun bdun bzhugs pa ni/ ji ltar ri mo bris pa'am/ phyag rgyas
- 309a
btab pa bzhin du sangs rgyas kyi sku'i rjes su 'khor te/ gcig gis gcig sgrib par mi 'gyur ro// zhabs byin pa ri dgas e ne ya'i byin pa lta bu dang / klu 'khyil ba lta bu'i rus pa gcig la gcig lu gu rgyud du 'brel ba'i bar dang mtshams nas/ gser bco ma lta bu'i 'od rnam pa mang po 'byung ste/ 'od de dag re re yang lu gu rgyud kyi tshigs re ri'i nang nas 'byung zhing / tshigs re re'i nang du 'jug go// 'od de dag 'dus pa las 'od chen po gcig tu gyur te/ yid bzhin gyi nor bu rin po che lta bur gyur nas sangs rgyas kyi phyag gi gru mor 'khor zhing dbu'i gtsug tor gyi 'od dang gnyis su med par 'dres par byed do/ / zangs kyi kha dog lta bu'i zhabs kyi sen mo dang / zhabs kyi sor mo 'brel ba las kyang so so nas 'od 'bar zhing lham me lhan ne lhang nger 'tshe ba ni/ bai DUR+Ya 'am shel lta bu ste/ rin po che sna bdun gyi kha dog dang ldan no// sangs rgyas kyi zhabs kyi bol nas kyang / sangs rgyas kyi sku dang 'tsham pa'i yid bzhin gyi nor bu lta bu'i 'od snga ma dang 'dra bas 'od zlum po la bskor to/ / zhabs kyi mthil gyi 'khor lo'i mtshan dang / zhabs kyi rting pa ring ba'i mtshan las kyang me tog re re skyes te/ me tog de yang mdzes shing bzanga' ba ni zhing yongs su dag pa'i me tog u dum 'bar ba bzhin no// sangs rgyas kyi zhabs kyi rting pa las 'od 'byung bas zhabs kyi sor
- 309b
mo las byung ba'i 'od la lan bcu tshang bar bskor nas/ pad+mo chen por gyur to// pad+me de 'dab chags su 'bral ba la sprul pa'i sangs rgyas lnga lnga bzhugs so// sprul pa'i sangs rgyas re re la yang byang chub sems dpa'i 'khor lnga bcu snyed kyis bkor to/ / byang chub sems dpa' di dag re re'i spyi gtsug la yid bzhin gyi nor bu'i 'od 'bar ro// mtshan de dag bstan pa'i tshon sangs rgyas kyi sku'i ba spu'i bu ga thams cad nas 'od 'bar te/ ba s+phu re re nas kyang 'od zer phra mo brgyad khri bzhi stong skyed 'byung zhing spu'i 'od lhag par mdzes shing yid du 'ong bar byed do// de lta bu'i 'od rnam pa sna tshogs pa ni 'od rtag ma zhes bya'o/ / tshim par byed pa'i 'od ces bya'o// skye bo thams cad ji ltar mos pa bzhin du mthong bar byed par byed pa'i 'od ces bya'o// skye bo thams cad la snang ba'i mig sbyin pa'i 'od ces bya'o/ / 'od 'dom gang du 'bar ba la mtshan bzang po rab tu mang ste/ 'od de la sems can ku shi la zhes bya bas rtog pa'i dus na/ 'od kyang chung bar 'gyur ro/ / de bzhin du phyogs gzhan dag gi byang chub sems dpa' chen po rnams kyis sangs rgyas la rtog pa na de bzhin du 'od kyang che ste/ me tog sna tshogs zhes bya ba'i nang nas bshad pa bzhin no/ / bcom ldan 'das kyis rgyal po yab dang dga' bo la bka' stsal pa/ ngas khyed la sku'i mtshan dang 'od zer phun sum tshogs pa bstan to zhes bka' stsal
- 310a
nas bzhugs pa las bzhengs te/ yang dga' bo la bka' stsal pa// khyed dge slong rnam dang shA ri bu rnams kun longs la/ bcom ldan 'das gang na ba'i logs su thal mo sbyar te/ shin tu rtogs par de bzhin gshegs pa'i spyi gtsug gi 'od nas zhabs kyi 'od kyi bar dang / spyi gtsug nas zhabs kyi mthil mnyam par gang ba'i mtshan la ltos shig/ yang dge slong rnams la bka' stsal pa/ khyed rnams gzhan yang zhabs mthil mnyam par gang ba'i mtshan nas spyi gtsug gi bar dang / de bzhin gshegs pa'i sku'i 'od rnams dang mgur gyi 'od la rtogs shig yang bka' stsal pa/ sangs rgyas kyi ba spu'i bu ga re re nas lus kyi yan lag re re'i bar du so sor brtags te mngon zhing gsal bar ji ltar me long la ngo lta ba bzhin du rtogs shing / gang du dri ma dang bcas pa'i mi dge ba'i sems bskyed pa 'am/ sangs rgyas kyi tshul khrims nyams pa dag gis ni/ sangs rgyas kyi sku dang / 'od sol ba lhar gnag par mthong bar 'gyur ro// de'i tshe shAkya'i bu mang po'i nang nas shAkya'i bu lnga brgya rnams kyis/ bcom ldan 'das kyi gzugs kyi sku sol ba la byas pa lta bur gnag par mthong ngo // dge slong mang po'i nang nas dge slong brgya phrag bcus ni sangs rgyas kyi gzugs kyi sku khams la byas pa lta bur mthong ngo / / dge bsnyen mang po'i nang nas dge bsnyen bcu drug gis ni/ sangs rgyas kyi gzugs kyi sku ba grang
- 310b
nag po'i rkang pa lta bur mthong ngo / / dge bsnyen ma mang po'i nang nas dge bsnyen ma nyi shu rtsa bzhis ni/ sangs rgyas kyi gzugs kyi sku sol ba'i phung po lta bur mthong bar gyur to// de ltar 'khor rnam bzhi dag so so nas mi mthun par mthong ngo / / de'i tshe dge slong ma mang po'i nang nas dge slong ma lnga brgyas ni sangs rgyas kyi gzugs kyi sku dngul gyi kha dog lta bur mthong // 'khor mang po de dag las sbyangs pa'i yon tan bcu gnyis dang ldan pa'i dri ma dang bral ba rnams kyis ni/ sangs rgyas kyi gzugs kyi sku gser btso ma'i kha dog lta bu la 'od 'dom gang ba dang / mtshan sum cu rtsa gnyis dang / dpe byad bzang po brgyad cus yongs su brgyan pa/ sangs rgyas kyi sku la che ba'i yon tan brgya bzhi bcu dang ldan par mthong ngo // de ltar 'khor mang po dag so so nas/ sangs rgyas kyi sku dang 'od zer la rtog pa na mi mthun par mthong bar gyur te/ de'i tshe 'khor rnam bzhi dag sangs rgyas kyis gsungs pa thos pa dang / dus te mchi ma blags nas thal mo sbyar te bcom ldan 'das la 'di skad ces gsol to// bcom ldan 'das bdag cag gis ni sku gzugs bzang po ni ma mthong ngo zhes brjod de/ shAkya'i bu lnga brgyas ni rang gi skra 'bal nas/ lus sa la brdabs de sa nas khas pa 'ji saHsa nas so pa lar 'a raka gi rigs sa ses pa las
- 311a
'khor mang po kun gyis sku gser btso ma'i kha dog lta bur mthong na/ bdag cag 'ba' shig gis ni sangs rgyas kyis sku sol ba 'am/ thal ba las byas pa'i mi lta bur gnag pa dang / bram ze shin tu rid pa lta bur mthong na/ bdag cag gis sngon gyi mi dge ba'i las ci bgyis pa bcom ldan 'das kyis bdag cag la bshad du gsol zhes brjod nas/ so so'i sgra 'bal te ngu zhing sa la 'gyel to/ / de'i tshe de dag gi phas tshangs pa'i sgra dbyangs phyung ste/ de dag kun spro ba bskyed pa'i phyir/ shAkya'i bu rnams dang 'khor rnam bzhi la smras pa/ rigs kyi bu sangs rgyas bcom ldan 'das nyi ma lta bu 'jig rten du gshegs pas khyed rnams kyi mi dge ba'i las kyi rnam par smin pa yongs su sel bar 'gyur gyis/ khyed rnams longs la sangs rgyas la phyag 'tshol cig/ sangs rgyas ni shin tu dus mkhyen pas khyed la bshad par 'gyur ro zhes pa dang / de'i tshe de dag kun langs nas/ sangs rgyas la lan gsum du bskor nas/ zhabs la spyi bos phyag 'tshal lo// de nas shAkya'i bu de rnams dga' 'o gang na bar song ste/ phyag byas nas/ dga' bo la 'di skad smras so// btsun pa bdag cag 'dra bar shAkya'i rigs su skyes na/ khyod 'ba' shig shes rab rno la/ sangs rgyas kyi gsung rab 'dzin pa'i dper na/ snod gcig nas gcig tu bya ba bzhin te/
- 311b
rgyas kyi su yang ma mthang smra nas dag 'dung du byas de'i tshe som/ ldan 'das kyis tshangs pa'i dbyangs kyis shAkya'i bu rnams dang / 'khor mang po'i rnams la bka' stsal pa/ pa sags pa rnams ma du shag/ sngon 'das pa'i dus na bcom ldan 'das gsod skyabs zhes bya ba bzhin gshegs pa dgra bcom pa yang dag par rdzogs pa'i sangs rgyas 'jig rten du byung ste/ sems can yosu smin par mdzad nas sku mya ngan las 'das te/ chos kyi gzugs brnyan bzhugs pa'i dus na/ khyim bdag yon tan zla ba zhes bya ba ba wa brgya'i ba yang thams cad kun kyang shes rab rno zhing yid gzhungs la shes rab dang ldan pa 'jig rer gyi gtsudapa rib kyi zo dang / rtsal dang / gza' dang sar ma rjes la sogs te/ gang la yang mi shes pa med do// khyim bdag pa de ni sangs rgyas kyi chos la rang cag dbu rnams sangs rgyas brtag pa'i sems dang nga 'dra byung ba'i chos zab mo bcu gnyis bstan na/ bu rnams kyis chos thos pa dang je tsam du gyurarang bad cag gi pa 'i rgas shing mos pas dge sbyong rnams kyis bslabs sam/ bdag cag gi rtsis dang gtsug lag gang
- 312a
las kyang 'di lta bu'i tshig mi 'byung na/ pha khyod kyis ga las rnyed ces zer ro// de'i tshe khyim bdag des bu rnams la snying brtse ba'i phyir// sangs rgyas kyi chos bcabs te ma bshad do/ / de nas khyim bdag de'i bu de rnams dus gcig tu nad tshabs po ches btab ste/ khyim bdag de nyid kyis bltas na/ bu rnams kyang ring po mi thogs par dus byed par rtogs na/ bu rnams kyi mdun du mchi ma blags nas thal mo sbyar te/ 'di skad du khyed rnams ngan par lha ste/ dam pa'i chos la ma dad pas/ da mi rtag pa'i mtshon gyis khyed kyi lus la gcod cing nyam thag par gyur na/ khyed kyi skyabs su 'gyur ba sangs rgyas bcom ldan 'das gsod skyabs zhes bya ba'i mtshan nas brjod de phyag tshol cig ces smras pa dang / bu rnams kyi pha'i ngag mnyan pa'i tshul gyis sangs rgyas la phyag 'tshal lo zhes smras so// khyim bdag gis smras pa/ dam pa'i chos kyang rjod la phyag tshol cig/ dge 'dun yang brjed la phyag tshol ces smras pa las/ gsum car gyi mtshan nas rjod ma khom par/ bu rnams kyang tshe 'phos so// sangs rgyas kyi mtshan nas brjod pa'i bsod nams kyis mtho ris su rgyal chen bzhi'i lha'i gnas su skyes so/ / lha'i gnas nas tshe zad nas sngon gyi ngan par lta ba'i las kyis/ sems can dmyal ba pa chen por lhung ngo //
- 312b
dmyal ba chen por lhung nas dmyal ba'i srungs mas mdung rtse kha brag pa mig tu gtsug te sdug bsngal chen po myong ba na/ sngon khyim bdag pha des bstan pa'i tshig dran te/ sangs rgyas de dran pa'i mthus dmyal ba'i gnas nas thar te/ phyir mir skyes nas dbul zhing phongs par gyur to// sangs rgyas gser thub 'jig rten du byung ba'i tshe na/ sangs rgyas kyi mtshan ni thos kyi de nyid kyi sku ni mi mthong ngo / / sangs rgyas log par dang sel 'jig rten du byung ba'i tshe na/ yang sangs rgyas kyi sku ni mi mthong ngo // mtshan ni thos par gyur to// gtsug tor can byung ba'i tshe na yang sangs rgyas kyi sku ni mi mthong ngo / / mtshan ni thos par gyur to// rnam par gzigs byung ba'i tshe na yang sangs rgyas kyi sku ni mi mthong ngo // mtshan ni thos par gyur to/ / thams cad skyob byung ba'i tshe na yang sangs rgyas kyi sku ni mi mthong ngo // mtshan ni thos par gyur to// sangs rgyas 'od srungs byung ba'i tshe na yang sangs rgyas kyi sku ni mi mthong ngo / / mtshan ni thos par gyur te/ sangs rgyas drug gi mtshan thos pa de'i rgyu de'i rkyen kyis de ltar nga dang rigs gcig tu skyes so// gnas 'dir rigs gcig tu skyes mod kyinga'i sku mdzes shing mtshan dam pa dang ldan pa la khyed kyis bram ze shin tu ring ba lta bur mthong ngo / / nga'i sku gser gyi mdog lta bu la 'dzam bu chu klung gi gser gyis kyang dper mi bzod pa la
- 313a
khyed kyis sol ba 'am/ thal ba las byas pa lta bur mthong ngo zhes gsungs so// de na bcom ldan dadas kyis shAkya'i bu rnams la bka' stsal pa khyed rnams 'das pa'i sangs rgyas rnams kyi mtshan nas rjod la phyag tshol cig/ khyed kyis pha'i ming nas kyang rjod las yang 'das pa'i sangs rgyas rnams la phyag tshol cig/ nga'i mtshan nas kyang rjod la ba la yang phyag tshol cig/ ma 'ongs pa'i sangs rgyas byams pa la yang phyag tshol la/ sngon gyi ngan par lta ba'i mi dge ba kun shogs shing smros shig/ da ltar sangs rgyas ma ldan 'das 'jig rten na bzhugs pa dang / dge sbyong gyi 'khor thams cad 'dus pa'i 'phags pa'i dge 'dun rnams la nyes pa 'gyur cang sangs rgyas kyi spyan sngar 'thol zhing rab tu dgogs shig ces bka' stsal to/ / de nas de dag gis sangs rgyas dang / chos dang / dge 'dun gyi spyan sngar lus kyi yan lag lnga sa la brdabs pa ni/ ji ltar ri rab lhun po 'gyel ba bzhin te/ bcom ldan 'das la 'gyod cing 'thol nas sems kyi mig bye bar gyur te/ sangs rgyas kyi gzugs kyi sku rab tu mdzes shing gsal ba/ ji ltar rgya mtsho'i nang nas ri rab lhun po mngon zhing gsal ba ltar mthong bar gyur to/ / de ltar sangs rgyas mthong nas sems rab tu dga' bar gyur te/ bcom ldan 'das la 'di skad ces gsol to// bdag cag gis de bzhin gshegs
- 313b
pa'i mtshan sum cu rtsa gnyis dang / dpe byad bzang po brgyad cu dang / de bzhin gshegs pa'i sku gser gyi mdog lnga bu dang / mtshan dang dpe byad bzang po re re nas kyang 'od zer dam pa tshad med pa snyed mthong ngo / / zhes de skad smras nas de ma thag tu rgyun du zhugs pa'i 'bras bu thob par myur to// de nas de dag gis kyang yab rtsub po la smras pa/ bdag cag rnams sangs rgyas kyi chos la rab tu 'byung bar 'tshal lo/ / de nas bcom ldan 'das kyi yab rgyal po chen po la bka' stsal pa/ khyed rnams sangs rgyas la gsol cig ces bskyo'o/ / de nas de dag kun kyang bcom ldan 'das gang na bar song ste phyin nas 'di skad ces gsol to// bcom ldan 'ad bdag cag rab tu 'byung bar 'tshal lo// zhes gsol to/ / bcom ldan 'das kyis bka' stsal pa/ shAkya'i bu rnams legs par 'ongs so zhes bka' stsal pa dang / skra dang kha spu rang lhung ste dge slong du gyur to// gyon pa'i gos kyang chos gos su gyur to/ / thal mo sbyar nas sangs rgyas la phyag 'tshal lo// sangs rgyas la phyag 'tshal lo// zhes mgo ma bdag par dgra bcom pa'i 'bras bu thob nas rig pa gsum dang mngon par shes pa drug dang ldan par gyur to/ / bcom ldan 'das kyis rgyal po yab la bka' stsal pa/ rgyal po chen po dang shAkya'i bu rnams kyis sngon gyi sdig pa mi dge ba
- 314a
kun 'gyod cing 'thol nas/ dgra bcom par gyur pa gzigs sam/ rgyal pos gsol pa/ bdag gis mthong ngo // bcom ldan 'das kyis rgyal po la bka' stsal pa/ dge slong 'di dag kun sngon mi dge ba'i sems kyis/ sangs rgyas kyi chos la skur pa las/ de dag gi phas sangs rgyas la phyag 'tshal lo zhes brjod pa bstan pa tsam gyis/ skye ba kun tu sangs rgyas kyi mtshan thos nas/ nga 'jig rten du mngon par byung ba'i bar tu nga'i gzugs kyi sku dam pa mthong zhing 'phags pa'i dge 'dun rnams kyang mthong bar gyur to// sangs rgyas la nyes pa 'gyod cing 'thol bas sangs rgyas kyis gsungs pa yang thos so/ / nyes pa 'gyod cing bshags pas sgrib pa thams cad byang bar gyur nas/ dgra bcom pa'i 'bras bu thob par gyur to/ / bcom ldan 'das kyis dga' bo la bka' stsal pa/ nga yongs su mya ngan las 'das nas/ lha dang bcas pa'i 'jig rten dag gis nga'i mtshan nas brjod dam/ sangs rgyas la phyag 'tshal lo zhes brjod na de'i bsod nams tshad med par che ste/ dpag tu med pa dag thob par 'gyur na/ gang gis sangs rgyas rjes su dran pa dmigs pa la 'jog na sgrib pa thams cad yongs su 'byang bar 'gyur ba lta ci smos/ de nas yang bcom ldan 'das kyis dge slong brgya phrag bcu po la bka' stsal pa/ dge slong khyer rnams kyis
- 314b
sangs rgyas kyi sku khams lta bur mthong ba ni/ 'di lta ste/ khyed sngon sangs rgyas mar me mdzad kyi chos rnam par 'jig pa'i dus na khyed rnams rab tu byung ste/ rnal 'byor la zhugs pa las smyon pa'i slob dpon la yongs su ma dag pa'i sems bskyed de/ ston pa'i slob dngon de yang dgra bcom pa yin pas/ slob ma rnams kyi bsam pa shes nas smras pa/ rigs kyi bu khyed slob dpon dang / dge 'dun rnam la the tsom gyi sems ma skyed cig/ gal te the tsom gyi sems bskyed na khyed kyi tshul khrim rnam par dag kyang don med par 'gyur ro zhes gsungs pa dang / dge slong rnams kyis slob dpon gyi tshig de thos nas khros te zhe sdang gi sems skyes so/ / slob dpon gyis kyang slob ma'i bsam pa shes nas/ pags kyis bstan pa btang nas mi ston to// de'i tshe slob ma dge slong brgya phrag bcu po de dag tshe ring thung las so so nas 'chi ba'i dus byed du yang nye'o/ / de nas de dag gi ston pa dgra bcom pa chen po de ni/ sku mya ngan las ma 'das te/ de'i tshe slob dpon de slob ma rnams ga la bar phyin nas 'di skad ces smras so/ / dge slong khyed rnams thog ma nas chos thos pa de slob dpon dang // tshul khrims la the tsom za bzhin du/ sbyin bdag dad pa'i zas zos nas/ da khyed kyi skyabs su gyur pa su yin zhes smras pa dang / de dag kun gyis tshig de thos nas sems skrag cing shin tu spyi g.ya' bar gyur nas/ slob dpon la 'di skad
- 315a
smras s+ho/ / slob dpon chen po bdag cag la sgrib pa sbyang ba'i chos bstan du gsol/ slob dpon gyis smras pa/ khyed rnams cing la thug pas bgyod tshangs kyi chos mang po bstan kyang byed mi nus kyis/ khyed mar me mdzad de bzhin gshegs pa dgra bcom pa yang dag par rdzogs pa'i sangs rgyas mtshan bcu dang ldan pa'i mtshan nas rjod la phyag tshol cig ces bstan to/ / de'i tshe dge slong rnams kyang slob dpon gyis bstan pa'i tshig bzhin du sangs rgyas kyi mtshan nas brjod de phyag 'tshal to// de ltar sangs rgyas kyi mtshan nas brjod de phyag 'tshal nas de ma thag tu tshe 'phos so/ / dge ba'i sems de nyid kyis mtho ris kyi gnas sum cu rtsa gsum dga' ldan gyi gnas su longs spyod dang ldan par skyes so// lha'i gnas nas tshe dang bsod nams zad nas/ sngon gyi sprin bdag dad pa'i zas zos pa'i sdig pas 'jig rten du yi dgas kyi khams su skyes nas lo brgyad khri bzhi stong gi bar du me ma mur za bar gyur to// yi dgas kyi las de zad nas byol song gi khams su skyes so// byol song gi las zad nas phyir yang mir skyes te/ dbul phongs pas rab tu rgud par gyur to// de nas mir skyes nas sngon rab tu byung ba'i mthus/ sangs rgyas kyi mtshan thos shing dang pa'i sems g.yos nas sngon bzhin du/ sangs rgyas kyi mtshan nas brjod par gyur to// sangs rgyas
- 315b
kyi mtshan nas brjod pa'i bsod nams kyi rgyu dang rkyen gyis skye ba brgyad stong gi bar du sangs rgyas 'jig rten du byung ba dang phrad kyang mig gis sangs rgyas kyi gzugs kyis mi mthong na/ / chos thos/ pab lta ci smos te/ da ltar nga 'jig rten du byung ba dang phrad kyang nga'i sku khams las byas pa lta bur mthong bar gyur to// bcom ldan 'das kyis bka' stsal pa/ dge slong khyed rnams sngon the tsom gyi gnas ma yin pa la the tsom gyi sems bskyed/ dad pa bskyed pa'i gnas la ni ma dad pa'i sdig pa byas pas/ sangs rgyas rnams mi mthong zhing dam pa'i chos kyang ma thos par gyur to/ / nga rgyal po'i khab tu bltams pa'i nang na yang nga'i kha dog lta bu kha dog dam pa kha dog yang dag pa la khyed kyis khams lta bur mthong ba yin no// de nas dge slong rnams bcom ldan 'das kyis de skad ces gsungs pa thos nas/ so so nas 'gyod cing 'thol te/ phrag pa g.yas pa chos bzhin du phyung nas/ sangs rgyas gang na ba'i logs su thal mo sbyar nas 'di skad ces gsol to/ / bcom ldan 'das bdag cag sngon bskal pa grangs med pa'i pha rol na/ log par lta zhing slob dpon la ma dag pa'i sems skyed nas the tsom du gyur te/ sbyin pa dag dad pa'i sbyin pa'i chung gsan pa de'i rgyu de'i rkyen kyis sems can dmyal bar lhung ste/ de las thar kyang skye ba tshad med grangs med pa'i bar du sangs rgyas kyi sku ni mi
- 316a
mthong gi/ mtshan 'ba' shig ni thos so// da lhur yang bcom ldan 'das kyi sku khams lta bu la mtho lnga las mi ring bar mthong ngo // zhes 'dzen to// de'i tshe bcom ldan 'das kyis na bza' shang 'gag ji phye nas/ thugs ka'i dpal be'u phyung ste/ dge slong rnams la bstan to// dge slong rnams kyis dpal be'u'i ri mo gzungs su 'dzin cing nan tan du byas pas/ bcom ldan 'das kyi sku la bsod nams dang ye shes kyi tshogs kyis brgyan par rig par gyur te/ thugs ka'i ri mo g.yung drung las kyang sangs rgyas kyi yon tan brgyad khri bzhi stong snyed shin tu bsngags par/ dge slong rnams kyis mthong bar gyur nas/ de dag kun gyis bcom ldan 'das la 'di skad ces bstod do// bcom ldan 'das ngo mtshar rmad do/ / thugs ka'i dpal be'u'i ri mo las kyang tshad med pa'i don ston na/ sangs rgyas kyi thugs la yon tan mang po mnga' ba lta ci smos zhes de skad smras nas/ sangs rgyas ga la ba'i logs su ri bo 'gyel ba bzhin du yan lag lnga sa la gtugs te/ mchi ma blags shing ngus nas 'gyod cing 'thol bshags byas so// de nas bcom ldan 'das kyis 'jam pa'i dbyangs kyis spro ba bskyed de/ dge slong rnams kyi sems rab tu dag par byas so// sems rab tu dag par gyur nas
- 316b
ji ltar smin stug po la rlung drag pas bus nas/ phyogs bzhir gyes shing sangs pa bzhin du/ sngon gyi mi dge ba'i bag chags rnams yongs su bsal to// bcom ldan 'das kyi sku gser gyi mdangs can mtshan sum cu rtsa gnyis dang / dpe byang bzang po brgyad cu dang ldan pa mngon zhing gsal bar mthong bar gyur to// de ltar sangs rgyas kyi sku mthong nas sems rab tu dga' ste/ byang chub tu sems bskyed do// bcom ldan 'das kyis rgyal po yab la bka' stsal pa/ dge slong brgya phrag bcu po 'di rnams chos tshol ba la nan tan du byed cing rgyun mi gcod pas phyi ma ma 'ongs pa'i dus bskal pa bgrang ba dang / brtsi ba las 'das nas mngon par 'tshang rgya ste/ mtshan 'od snang zhes bya ba de bzhin gshegs pa dgra bcom pa yang dag par rdzogs pa'i sangs rgyas mtshan bcu yongs su rdzogs par 'gyur ro/ / de dag mngon par sangs rgyas nas zhing de'i sa gzhi yang gser gyi kha dog lta bu ste/ sa gzhi de la rin po che sna bdun gyi shing mngar ba la rin po che'i yang thog gis yongs su brgyan no/ / zhing de'i sems can thams cad kyang khrel la 'dzem pa dang / ngo tsha che ba dang / mi dge/ ba rnams 'gyod tshangs byed cing / de dag bla na med pa'i byang chub mchog tu sems bskyed pa sha stag go// de ltar sangs rgyas stong mthar gyis 'byung ba ni bskal pa bzang po'i byang chub
- 317a
sems dpa' stong mthar gyis mngon par 'chang rgya ba bzhin no/ / rgyal po yab dge slong 'di rnams sngon slob dpon dang / dge 'dun la the tsom zos pas kha na ma tho ba'i sdig pa chen po thob par gyur pa las/ sangs rgyas kyi mtshan nas brjod de phyag 'tshal lo zhes brjod pa'i bsod nams kyi 'bras bu smin pas/ da ltar nga'i spyan sngar bstan par gyur na// sangs rgyas rjes su dran par yid la byed pa lta smos kyang ci dgos zhes gsungs so/ / de nas dge slong ma rnams kyi nang nas sangs rgyas kyi sku dngul gyi kha dog tu mthong ba'i rnams 'dug pa las langs nas/ bla gos phyogs gcig tu byas te phyag 'tshal nas/ bcom ldan 'das la 'di skad ces gsol to// de bzhin gshegs pas ding sku'i mdog dang / 'od zer bshad pas sems can mang po'i kha na ma tho ba'i sdig pa sel bar 'gyur ro zhes gsungs na/ bdag cag gyis ci'i slad du thog ma skyes nas rab tu byung ba dang / da ltar gyi bar du sangs rgyas kyi sku dngul gyi mdog tu mthong zhing / dngul gyi me tog dang / dngul gyi 'od dang / rgyan dang / yod byad thams cad kyang dngul gyi kha dog tu mthong na/ bdag cag gis ci'i slad du/ de bzhin gshegs pa'i sku gser gyi mdog la 'od lham mer 'bar ba dang / mtshan sum cu rtsa gnyis bsod nams kyi 'bras bu las smin pa ma mthong bar gyur pa lags zhes
- 317b
gsol to/ / de'i tshe bcom ldan 'das kyis dge slong ma rnams kyis gsol pa la zhal 'dzum pa mdzad de/ gser gyi mdog su bu'i 'od zer zhal gyi sgo nas byung ste/ sangs rgyas kyi sku dngul gyi kha dog lta bu la lan bcu tshang bar bskor to/ / 'od zer de dag bstan pa na/ dge slong ma rnams kyis kyang / sangs rgyas kyi sku gser gyi kha dog lta bu la mtshan sum cu rtsa gnyis dang ldan pa 'od shin tu gsal bar mthong ste/ rgyas par shad du bde bar mi nus so// dge slong ma rnams kyis de ltar mthong nas/ smin mtshams kyi mdzod spu dkar po la brtags na g.yas su 'khyil ba mthong ste/ de ltar mthong nas dga' bar gyur pa dang de ma thag tu dgra bcom pa thob ste/ rig pa gsum dang / mngon par shes pa drug dang rnam par thar pa brgyad dang ldan par gyur to/ / dge slong ma rnams kyis kyang sngon gyi yun ring po'i gnas dran par gyur te/ sngon bsgral pa grangs med pa 'das pa'i sngon rol na/ sangs rgyas shAkya thub pa zhes bya ba 'jig rten du byung ngo // sangs rgyas de mya ngan las 'das pa'i 'og tu nye gnas rnams rab tu byung zhing rnal 'byor du spyod pa'i dge 'dun gyi nang na// gang zag gcig cig gi rgyu zhing sems can gyi don byed du song ba las/ yul dgon pa zhig na bu mo lnga brgya zhig rtse zhing 'dug pa mthong ngo // de'i tshe dge slong de spyod lam bsdams te/ mdzes pa
- 318a
tshul gyis gom pa dral bus su bu mo de dag gi drung du song nas/ gding ba bting ste 'dug go// bu mo de rnams kyis de dag mthong nas rab tu dga' ste 'di skad du/ yul stong pa lha dang drang song rgyu ba'i gnas 'di dag tu mi'i mchog dge slong 'dir 'dug pa 'di ni nges par ma rabs phal pa ma yin du nges kyis/ bdag cag mchod pa bya'o zhes smras nas/ so so'i dngul gyi gdu bu phud nas/ dge slong la gtor to// dge slong 'di brtson 'grus dang spyod pa'i yon tan du ldan pas gdon mi za bar 'tshang rgya bar 'gyur gyis/ de'i dus na bdag cag rnams kyis mthong bar sho gang shig ces smon lam btab bo/ / de'i tshe khyed rnams gdu bu bor ba la chags pa skyes pas skye gnas thams cad du dngul gyi ri la dbul gyi lha'i bu mo rin po cher skyes so// dge slong de la phyag 'tshal te/ dngul gyi gdu bu phul bas nga 'jig rten du byung ba dang phrad de/ bkrus pa bzhin du yongs su dag nas dgra bcom par gyur to// de'i tshe dge slong de ni da ltar gyi nga yin no// bu mo de dag kun ni khyed yin no/ / khyed sngon dge sbyong la mchod cing smon lam btab ste/ sangs rgyas la phyag byas pas/ skye ba thams cad du sangs rgyas dang phrad par gyur to// rgyal po yab mi'i rin po che sangs rgyas bcom ldan 'das ni kun la phan pa dang / skyabs su gyur pa'i bdag nyid yin te/ gang gis mtshan thos pa 'am/ phyag 'tshal zhing mchod pa cha cig phul ba tsam gyis kyang /
- 318b
bsod nams kyi rnam par smin pa'i 'bras bu chen po thob na/ sems rtse gcig tu sangs rgyas kyi sku yid la byed pa lnga ci smos zhes gsungs so// de nas yang dge bsnyen gyi 'khor las sangs rgyas bcom ldan 'das kyi sku ba glang nag po'i rkang pa lta bur mthong ba rnams 'dug pa las langs te bla gos phyogs gcig tu byas nas/ bcom ldan 'das gang na ba'i logs su thal mo sbyar te/ 'di skad ces gsol to// bdag cag yul 'dir skyes te/ bdag cag gi yul gyi rgyal bu rab tu byung nas mngon par 'tshang rgya'o zhes/ drang srong mi dkar bas kyang mtshan sum cu rtsa gnyis mnga' ba mthong ste/ bdag cag la yang 'di skad du sa'i lha rgyal bu 'di ni/ gdon mi za bar mngon par 'tshang rgya'o zhes smras te/ bdag cag gis kyang de skad thos nas/ sa phas rgyas la skabs su gsol te/ sangs rgyas kyi zhabs 'brang 'tshal zhing skyabs su mtsha ba gsum dang / nyan zhag ga khrams brgyad dang / lnga ma nos te mos pas bsrangs kyang bdag cag gi sngon gyi sdig lci ba'i las kyis sangs rgyas kyi gsung ni thos kyi sku ni mi mthong ngo / / bdag cag sangs rgyas lbu ba na rtag tu ba glang nag po'i rkang pa lta bur mthong na/ ci zhig gis mnar ces smras te/ brang rdung zhing ngus nas sa la 'gyel to// de nas de bzhin gshegs pas tshangs pa'i dbyangs kyis ji ltar pha bu la byams pas spro ba skyed pa bzhin du/ dge bsnyen rnams
- 319a
la bka' stsal pa/ chos kyi bu khyed longs shig/ bcom ldan 'das kyis khyed kyi the tsom yongs su bsapa te/ sgrib pa byung bar bya'o zhes gsungs nas/ bka' stsal pa khyed rnams sngon paskal pa grangs med pa 'das pa'i sngon rol na/ 'dzam bu gling gi khams na so so nas dbang dang ldan pa'i rgyal phran re re byed do// de'i tshe dge sbyong dag cig 'jig rten pa'o khe dang grags pa 'dod pa'i phyir/ khyed rnams la de bzhin gshegs pa'i gsung rab las 'gal ba'i ngan par lta ba'i chos bstan te/ chos rnams ni chos ma yin par bshad// chos ma yin pa rnams ni chos yin par bshad de/ khyed rnams de la yid ches shing rjes su dad par byed do// de dag gis de ltar chos ma yin pa log par bstan pas/ de dag tshe 'phos nas mtshams med pa'i sems can dmyal bar skyes so/ / khyed rnams log par bstan pa'i rjes su gzhol ba rnams kyang tshe 'phos nas/ mun nag gi sems can dmyal bar skyes so// sngon chos la mos pa bskyed pa'i dge ba'i mthus pa da ltar byung ba dang phrad nas/ khrims lnga 'dzin par gyur to// khyed rnams da sangs rgyas dang / chos dang / dge 'dun gyi spyan sngar sngon ngan par lta ba dang / log par bstan pa'i chos thos shing spyad pa kun 'gyod cing shogs la 'thol cig ces gsungs so// dge bsnyen rnams bcom ldan 'das kyis de skad ces gsungs pa thos nas// sangs
- 319b
/ rgyas la phyag 'tshal lo// chos la phyag 'tshal lo// dge 'dun la phyag 'tshal lo// zhes brjod nas/ sdig pa mi dge ba rnams sems kyi 'gyod pas 'thol zhing bshags so// de nas bcom ldan 'das kyis sman mtshams kyi skyes bu chen po'i mtshan gyi 'od zer bkye nas/ dge bsnyen rnams kyi sems snang zhing grol bar byas te/ 'thun par rgyun tu zhugs pa'i 'bras bu thob par gyur to/ / dge bsnyen de rnams kyis rgyun tu zhugs pa'i 'bras bu thob nas/ sangs rgyas kyi sku 'jig rten dpe zla med pa rab tu mdzes par mthong ste/ sangs rgyas kyi spyan sngar rab tu byung nas dgra bcom par gyur to// de nas dge bsnyen ma'i 'khor las sangs rgyas kyi sku sol ba'i phung po lta bur mthong ba'i rnams 'dug pa las la ngas nas/ bcom ldan 'das ga la ba de logs su thal mo sbyar te/ mchi ma blags nas skad kyis brnangs pa tsam du ngus te/ mgo la thal mos rdebs shing dbugs chad nas sa la 'gyel to/ / de'i tshe bcom ldan 'das kyis de ltar gyur pa gzigs nas/ tshangs pa'i dbyangs kyis bu mo rnams la spro ba bskyed de 'di skad du/ bu mo khyed rnams ci'i phyir 'di ltar mya ngan chen po byed cing 'di lta bur gyur ces bka' stsal pa dang / dge bsnyen ma'i rnams kyis sangs rgyas kyi gsung thos pa las dbang po'i rgyud kun
- 320a
grol bar gyur te/ thal mo sbyar nas bcom ldan 'das la 'di skad ces gsol to// sangs rgyas bcom ldan 'das sprin med pa'i nyi ma lta bu 'jig rten du gshegs nas thams cad du snang zhing shar te/ kun gyis zla bo rgyas pa dang 'dra bar mthong na/ bdag cag 'ba' shig gis ni ma mthong ngo // bcom ldan 'das kyis chos bstan pa'i tshe na/ gzhan/ kun gyis ni gsung dbyangs rnam pa brgyad mnga' bar thos na/ bdag cag gis ni 'on pa dang 'dra bar ci yang mi mthos so// btsun pa shA ri'i bus bdag cag la dus khrims lnga'i chos bshad pa dag tsam ni thos so/ / bdag cag sangs rgyas kyi zhabs 'bring 'khor du gyur pa lags nas/ sangs rgyas kyi sku bdag cag gis sol ba'i phung po dang 'dra bar mthong ngo // bcom ldan 'das kyi thugs rje chen pos bdag cag gi sgrib pa bsal te/ bdag gis kyang mthong bar mdzad du gsol lo// zhes gsol to// de nas bcom ldan 'das kyis gdan seng ge'i khri la zhugs pa'i zhabs brkyang nas/ 'khor lo rtsibs stong dang ldan pa'i mtshan dge bsnyen ma rnams la bstan nas/ dge bsnyen ma rnams kyis 'khor lo'i mtshan las pad+mo skyes pa la sprul pa'i sangs rgyas bzhugs pa yang mi nag po dang 'dra bar mthong ngo / / de nas yang lhag par sangs rgyas la thal mo sbyar te/ phyag 'tshal nas 'di skad du bcom ldan 'das bdag cog sangs rgyas
- 320b
kyi nye gnas su gyur nas yun ring por bsnyen cing mchis na ding gdod pad+mo bzang po dang sprul pa'i sangs rgyas dam pa la sol bas byugs pa dang 'dra bar nag por mthong na/ sngon sdig pa ji lta bu zhig bgyis nas/ 'di ltar mig mdongs par gyur pa lags zhes gsol pa dang / bcom ldan 'das kyis bka' stsal pa/ bu mo khyed rnams brtag par nyon la shin tu yid la zung shig dang / ngas khyed la sngon 'das pa'i dus na khyed byung ba'o lo rgyus bshad par bya'o// sngon gyi dus ring po tshad med pa 'das pa de'i tshe de'i dus na/ sangs rgyas rin chen gdugs gcog mar me'i rgyal po// zhes bya ba de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ngo // sangs rgyas de mya ngan las 'das nas gzugs kyi chos byed pa'i tshe na dge slong dag cig gis grong du bsod snyoms la zhugs nas/ / lhung bzed dang / mkhar gsil thogs te spyod lam mdzes par byas nas/ sprul 'tshong ma'i khyim sgor phyin to// de'i tshe sprul 'tshong ma dag gis dge slong gi lhung bzed blangs nas bsod snyoms kyis bkang ste/ dge slong la phul nas 'di skad du smras so// shAkya'i rigs kyi bu khyed mdog mi sdug pa ni sol ba las byas pa 'dra'o/ / lus la gos gyon pa ni sprang po dang 'dra ste/ khyed las mi sdug pa ni gnam gyi 'og na zla med de/ khyed rang bzhin gyis 'dod chags med ces zer gyi/ sus kyang khyed mi 'dod do zhes
- 321a
smras so/ / de'i tshe dge slong rnams kyis de skad kyi tshig thos pa dang lhung bzed nam mkha' la bsgyur te phyi bzhin du 'phur te song ngo // de nas bu mo rnams kyis de ltar gyur pa mthong nas/ rngos la khrel nas shin tu 'dzem zhing 'gyod pas 'thol te/ 'di skad du bdag cag deng dge sbyong la bsod snyoms phul bas/ phyi ma ma 'ongs pa'i dus na lus kyi dbang po dag cing / dge sbyong dang 'dra bar gyur cig ces smon lam btab bo// bcom ldan 'das kyis bka' stsal pa/ bu mo rnams de'i tshe dgra bcom pa la co 'bri ba'i bu mo de dag ni khyed yin te/ khyed rnams dge ba'i sems kyis dge slong la bsod snyoms phul bas bskul pa nyis stong gi bar du bza' btung gi longs spyod dang ma bral bar gyur to// dge sbyong la 'dod chags kyi tshig ngan pa smras pa de'i rgyu de'i rkyen gyis/ bskal pa chung ngu drug cu'i bar du mun nag gi sems can dmyal bar skyes so// smon lam btab pa'i dge ba'i sems ma stor bas ni/ nga 'jig rten/ du byung ba dang phrad de/ khrims lnga thos nas bsrungs par gyur to// dgra bcom pa la phul bas/ shA ri'i bu ni mthong gi nga'i sku ni ma mthong ba yin no// de nas bcom ldan// 'dis kyis de sa gsungs nas/ sku'i lce ba las 'ad+mo chen po gcig byung ste/ pad+mo chen po de las 'od zer gyi khang pa brtsegs pa yod par gyur to// 'od zer gyi khang pa coM/
- 321b
pa de la nyan thos kyi dge slong shA ri'i bu dang / mo'u 'gal gyi bu lta bu grangs med pa brgya stong snyed yod par gyur te/ sangs rgyas kyi 'od kyi khang pa brtsegs pa la mngon par shes pa'i dbang gis cho 'phrul chen po bco brgyad bstan to/ / bu mo rnams kyis de lta bu dag mthong nas/ shin tu dga' ba'i sems skyed de/ de nyid du shes rab kyi sems nye ba'i nyon mongs pa khri phrag nyi shu snyed bsregs te/ rgyun tu zhugs pa'i 'bras bu thob par gyur to// dge bsnyen ma rnams 'bras bu thob nas/ sangs rgyas kyi sku rab tu ma dzes shing 'od lhang nger 'tsher ba ni mthong gi/ sangs rgyas kyi smin mtshams kyi mdzod spu dkar po'i 'od zer gyi mtshan ni ma mthong ngo // bcom ldan 'das kyis rgyal po yab la bka' sprul pa/ chung ngu na bco bar bya ba'i phyir/ tshig ngan pa smras na yang 'bras bu thob kyi bar du mthong ba mi gsal lo// de lta bas na gang zag gi rnams ngag yongs su bsrungs te/ sems rtse gcig tu sangs rgyas rjes su dran pa'i ting 'dzin la mnyam par zhog shig/ sangs rgyas mthong bas bsod nams tshad med pa thob par 'gyur ro/ / de'i tshe bcom ldan 'das 'khor mang po rnams kyis sangs rgyas kyi sku'i gzugs dang / 'od zer mngon zhing gsal bar mthong bar bya ba'i phyir/ bcom ldan 'das
- 322a
kyis gzhal yas khang chen po shel gyi ri lta bu che chung dang / mtho dman ri rab dang dra ba sprul te/ de la lding ba'i khang bu brgya stong snyed sprul to// lding ba'i khang bu de dag las sangs rgyas dang tha mi dad pa'i gzugs brnyan snang bar gyur to/ / de'i tshe sangs rgyas kyi spyan ni rin po che'i pad+mo 'dab ma stong dang ldan pa gcig yod par gyur to// 'dab ma de re'i la yang 'od stong stong 'bar ro/ / 'od re re la yang sprul pa'i sangs rgyas stong stong bzhugs so// sangs rgyas re re la yang nye gnas kyi 'khor stong stong snyed do// bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas nye gnas su gyur pa'i rnams bya byed thams cad btang nas sdig pa'i kun spangs te/ dran pa rtse gcig tu sangs rgyas kyi 'od rtag mar yid la byas nas/ sangs rgyas mngon sum du ma gshegs kyang / sangs rgyas mthong ba zhes bya'o// sangs rgyas mthong bas sdig pa thams cad byang bar 'gyur te/ ji ltar smon pa bzhin du ma 'ongs pa'i dus na byang chub rnam gsum thob par 'gyur// dga' bo de la de ltar blta'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// sangs rgyas rjes su dran pa'i ting nge 'dzin gyi rgya mtsho zhes bya ba'i mdo//
- 322b
bam po bzhi pa/ bcom ldan 'das kyi rgyal po yab la bka' stsal pa/ de la ji ltar na de bzhin gshegs pa 'od rtag ma rjes su dran pa zhe na/ de bzhin gshegs pa'i phyi ma ma 'ongs pa'i so so'i skye bo rnams kyis phyir 'od zer cung zad tsam bstan pa 'di de bzhin du so so'i skye bo dag bslab cing rtag par bya'o/ / gang gis de ltar rtog na da ltar gyi de bzhin gshegs pa'i 'od zer gyi mtshan mthong ba dang tha mi dad do zhes gsungs so/ / de'i tshe bcom ldan 'das kyis spyi gtsug nas/ 'od zer kha dog rnam pa stong dang ldan pa bkye'o// kha dog de gcig kyang rnam pa brgya khri bzhi stong snyed du 'phros te/ 'phros pa de re re la yang sprul pa'i sangs rgyas brgyad khri bzhi stong snyed yod do// sprul pa'i sangs rgyas de dag gi sku'i tshad ni dpag tu med de/ sprul pa'i sangs rgyas de dag gi spyi gtsug nas kyang 'od zer gtong ngo / / 'od zer de dag rgyun ma chad par bla ma'i phyogs kyi 'jig rten gyi khams tshad med pa snang bar byas nas/ bla ma'i phyogs kyi 'jig rten gyi khams ni/ / sprul pa'i byang chub sems dpa' rdul phra rab snyed sprin ltar steng gi bar snang las babs nas/ sangs rgyas rnams la yongs su bskor to// bcom ldan 'das kyis 'od 'di bstan pa na/ phyogs bcu'i rdul phra rab snyed kyi 'jig rten gyi khams kyi sangs rgyas rnams kyang snang bar gyur te/ 'od des sangs rgyas rnams kyi spyi gtsug kyang
- 323a
snang bar byas so/ / sangs rgyas de dag gis kyang 'od zer bkye ste/ bcom ldan 'das shAkya thub pa'i spyi gtsug snang bar byas so// bcom ldan 'das kyis dga' bo la bka' stsal pa/ so so skye bo gang bcom ldan 'das shAkya thub pa'i spyi gtsug gi 'od zer la rtog par 'dod pa dag de ltar rjes su dran par bya'o// de ltar rtogs pa dag gal te dmigs pa 'dzin par gyur kyang rmi lam du mthong ba tsam gyis kyang / sems kyis 'du shes yin mod kyi/ kha na ma tho ba'i sdig pa tshad med pa brgya stong snyed byang bar 'gyur ro// gang gis de ltar/ rjes su dran par byed na/ lus 'di nyid kyis nges par byang chub sems dpa' chen po rnams mthong bar 'gyur ro// byang chub sems dpa' rnams mthong bas dam pa'i chos thos par 'gyur ro// chos thos pas gzungs chen po thos par 'gyur te/ gzungs thos pa de ni yongs su 'khyil pa'i gzungs shes bya'o// de la de ltar blta bar bya'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// bcom ldan 'das kyis rgyal po yab la bka' stsal pa/ de la ji ltar na de bzhin gshegs pa'i sman mtshams kyi 'od zer rjes su dran pa zhe na/ de bzhin gshegs pas phyi ma ma 'ongs pa'i skye bo dag gi phyir/ smin mtshams kyi 'od zer gyi phyogs gcig tsam bstan no zhes gsungs nas
- 323b
de'i tshe/ bcom ldan 'das kyis smin mtshams kyi mdzod spu dkar po'i mtshan gyi 'od zer de dag rnam pa brgyad khri bzhi stong snyed du 'phros te/ kha dog kyang rnam pa brgyad khri bzhi stong snyed do// 'od des phyogs bcu'i 'jig rten gyi khams tshad med pa kun snang bar byas nas/ 'od de re re la gser gyi ri re re sprul lo// gser gyi ri re re la yang gser gyi brag phug tshad med pa snyed de/ brag phug de re re'i nang na yang sprul pa'i sangs rgyas re re skyil mo krung bcas nas/ ting nge 'dzin la mnyam par gzhag ste/ nyan thos dang / byang chub sems dpa'i 'khor brgya stong snyed dang bzhugs so/ / de'i tshe gser gyi brag phug na bzhugs pa'i sangs rgyas de dag thams cad kyang smin mtshams nas/ skyes bu chen po'i mtshan mdzod spu dkar po'i 'od zer bkye nas phyogs bcu'i 'jig rten gyi khams tshad med pa kun snang bar byas te/ sa gzhi thams cad kyang gser gyi kha dog tu gyur to// gser gyi kha dog lta bur gyur par sa gzhi la gser gyi pad+mo skyes gser gyi pad+mo la yang sprul pa sangs rgyas re re bzhugs te/ de dag kyang mtshan 'thun par shAkya thub pa zhes bya'o// sangs rgyas de dag gi smin mtshams nas kyang 'od zer de lta bu bkye'o// 'od des phyogs bcu'i 'jog rten gyi khams kun snang bar byas pa ni/ ji ltar ri rab lhun po khri phrag brgya stong du ma lhan cig tu spubs pa lta bu'o// ri rab lhun po de dag la sangs rgyas thams
- 324a
cad mngon par snang ste/ sangs rgyas de dag kun gyi sku'i tshad kyang ri rab dang mnyam par snang ngo // sprul pa'i sangs rgyas de dag gi smin mtshams nas kyang / 'od zer bkye nas sprul pa'i sangs rgyas rnams la lan bdun tshang bar bskor te/ bcom ldan 'das shAkya thub pa'i smin mtshams su nub bo// 'od de smin mtshams su nub pa na/ sangs rgyas kyi sku'i ba spu'i bu ga kun nas sprul pa'i gzugs brnyan re re yod par gyur to/ / sprul pa'i gzugs brnyan de'i ba spu'i bu ga nas kyang sprul pa'i gzugs dam pa brgya khri bzhi stong snyed yod par gyur te de dag thams cad kyang stong gsum gyi stong chen po'i 'jig rten gyi khams na/ sems can thams cad kyi ngo mtshar rmad du bya ba thams cad du snang ngo // de ni de bzhin gshegs pa'i dpe byad bzang po brgyad cu'i nang na/ dpe byad bzang po gcig gi 'od zer yin te/ dpe byad bzang po brgyad cu'i 'od zer ni rgyas par bshad du bde bar mi nus so// de bzhin gshegs pas mdzod spu dkar po'i 'od zer gyi phyogs tsam zhig bstan pa na/ rgyal po yab dang 'khor brgya stong snyed dri ma dang bral te/ chos la chos kyi mig rnam par dag par gyur to// bcom ldan 'das kyis dga' bo la bka' stsal pa/ de bzhin gshegs pa'i smin mtshams kyi mdzod spu dkar po'i mtshan ni mdo sde gzhan las kyang bcom ldan 'das kyis rgyas par bshad de/ mtshan bzang
- 324b
po rnams kyi 'od dam pa'i sangs rgyas nyagacig gis gzigs kyi/ sa bcu'i byang chub sems dpas kyang mngon sum du gsal bar mi mthong ngo // de bas na sems can so so'i skye bo dag gi phyir phyogs tsam zhig bshad do/ / sangs rgyas yongs su mya ngan las 'das nas/ de la de ltar blta bar bya'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// sdig pa dag spong bar gyur pa ni gong du bshad pa bzhin te/ 'od zer mthong ba dag gis ni/ sangs rgyas khri phrag brgyad snyed mngon sum du mthong bar 'gyur ro/ / mdzod spu dkar po mthong ba ni sems kyi 'du shes kyis mthong ba'o// de la ji ltar na de bzhin gshegs pa'i zhal dpral ba yangs shing mnyam pa'i mtshan gyi 'od zer la rtog pa zhe na/ de bzhin gshegs pa'i zhal la dkyil 'khor gsum gyi mtshan dang / dbu 'dab kyi mtshan dang / smin mtshams kyi mtshan la sogs te/ mtshan re re las gser gyi 'od byung bar gyur te/ gser gyi 'od de las gser gyi khri grangs med pa yod par gyur to// khri de re re'i steng na byang chub sems dpa' stong stong bzhugs te/ de ni rnam par gzigs pa nas snang mdzad la thug gi bar du'o// byang chub sems dpa' stong po de dag thams cad kyang / 'od zer gtong zhing gser gyi khri la btsugs
- 325a
so/ / de bzhin du byang chub sems dpa' khri phrag brgya stong du ma ste/ gser gyi khri yang khri phrag brgya stong du ma'o// gser gyi khri de dag kun gyi steng na yang rin po che'i bla re bres so/ / rin po che'i bla re de re re'i 'og na yang 'od zer stong stong 'bar ro// 'od zer de re re la yang rin po che'i rgyal mtshan stong stong du gyur to// rgyal mtshan de re re la yang rin po che'i gdugs brgya stong du ma bres so/ / rin po che'i gdugs de dag la rin po che'i ba dan du ma dpyangs so// rin po che'i ba dan de dag kun gyi bar na/ sprul pa'i sangs rgyas tshad med pa dag bzhugs so/ / sprul pa'i sangs rgyas de dag thams cad kyang sdug bsngal dang / stong pa nyid dang / mi rtag pa dang / bdag med pa'i chos 'chad de/ de skad du 'chad pa'i tshe na phyogs bcu'i sangs rgyas thams cad kyang de skad ces 'chad do/ / bcom ldan 'das shAkya thub pas kyang sku'i tshad mtho bcu drug pa/ rnal 'byor can gyi mdun du bzhugs te/ phyag g.yas pa bteg nas 'di skad du/ shin tu legs so// rigs kyi bu shin tu legs so// khyed sangs rgyas kyi mtshan dang / dpe byad bzang po rjes su dran par byed pa shin tu legs so/ / ngas kyang sngon byang chub sems dpa'i spyod pa spyad pa'i tshe na yang khyod dang 'dra bar spyad do// khyod kyis sangs rgyas kyi spyod yul rjes su dran
- 325b
legs so/ / spyod yul 'di yang khyod kyi sems kyi rnam par rtog pa las shes so zhes de skad gsungs nas mi snang bar gyur to// zhal dpral ba'i 'od rnams ni phyir ning lhag par gsal te/ gzhan yang 'od zer brgya stong du ma dag 'byung ngo // 'od zer de dag gis rin po che'i khri la 'dug pa'i byang chub sems dpa'i rnams kyi gdong snang bar byas so// byang chub sems dpa' de dag gis gdong las kyang 'od zer bkye nas/ bcom ldan 'das shAkya thub pa snang bar byas so// mtshan 'di bstan pa'i tshe na/ rnal 'byor can gyis the tsom med par sangs rgyas kyi zhal mngon sum du yang dag par rtogs so/ / bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas/ sangs rgyas kyi nye gnas su gyur pa dag/ gang gis de ltar rtogs na sangs rgyas kyi zhal yang dag par mthong ba ste/ nga 'jig rten na bzhugs pa dang mi 'dra ba med do// / gang gis de ltar rjes su dran par byas na/ bskal pa khri phrag brgya'i 'khor ba'i nyes pa yongs su spong bar 'gyur zhing / skye ba'i gnas phyi mar sangs rgyas rnams mthong ba dang sangs rgyas kyi rigs su skye ba dang / sangs rgyas dang byang chub sems dpa'i 'khor du skye bar 'gyur ro// de la de ltar blta bar bya'o// gang gis de lta bur mthong ba de ni yang dag par
- 326a
mthong ba'o/ / gang gis da lta ma yin par mthong ba de ni log par mthong ba'o// de la ji ltar na de bzhin gshegs pa'i shangs kyi 'od zer la rtog pa zhe na/ shangs nang nas 'od zer rnam pa bzhir gyes te/ sangs rgyas kyi spyan dang / spyan gyi smin ma dang / spyan gyi rdzi ma'i nang du zhugs so// de nas yang 'od zer chen po byung ste/ 'od kyi dbyibs kyang klu 'am/ ba glang gi gzugs lta bur snang ste/ phyogs bcu'i 'jig rten gyi khams tshad med pa snyed snang bar byas nas/ sangs rgyas kyi spyan gyi nang du zhugs so// 'od 'di ston pa'i tshe na phyogs cu kun tu rab tu snang bar gyur nas/ de'i tshe rnal 'byor can dag gis phyogs bcu'i 'jig rten gyi khams kyi sa gzhi dang / steng gi nam mkha' la sangs rgyas kyis yongs su gang bar mthong ngo / / sangs rgyas de dag gis kyang so so'i spyan dang / spyan gyi rdzi ma dang / spyan gyi smin ma dang / shangs nas 'od zer chen po bkye ba yang gong ma bzhin no// sangs rgyas kyi spyan gnyis kyi 'od zer gyis phyogs bcu kun tu snang bar byas te/ sangs rgyas kyi spyan gyi nang du zhugs nas/ steng gi nam mkha' la 'od zer gyi khang pa brtsegs par gyur to/ / 'od zer gyi khang pa brtsegs pa de'i steng na 'od kyi sprin lding ngo // 'od kyi sprin de yang kha dog sngon po dang dkar po ste/ 'jig rten na dper byar med do// 'od kha dog sngon po'i nang na yang
- 326b
sprul pa'i sangs rgyas kyi sku yang sngon po bzhugs so/ / 'od kha dog dkar po'i nang na yang sprul pa'i sangs rgyas kyi sku yang dkar po bzhugs te/ sprul pa'i sangs rgyas de dag gi g.yas g.yon dang / phyogs mtshams na rin po che'i kha dog brgya dang ldan pa'i 'od kyi sprin lding ba ni/ ji ltar mngon par shes pa drug dang ldan pa dag nam mkha' la 'phur ba bzhin no// bcom ldan 'das kyis sku'i ba spu'i bu ga kun nas/ me tog gi shing rin po che 'od 'bar ba lha bu re re byung ngo // me tog gi shing de dag re res kyang tshangs pa'i 'jig rten la thug go// me to// de dag gi 'dab ma'i bar na nyan thos kyi dge slong khri phrag brgya stong du ma yod do// dge slong de dag gi lus la lhan pa stong dang ldan pa'i tshem bu gyon te/ lhan pa stong de la 'od zer stong 'bar ro// 'od zer de dag gcig gi nang na yang sprul pa'i sangs rgyas brgya stong du ma snyed bzhugs te/ de dag gi sku'i mdog kyang gser btso ma'i mdog lta bu'o// dge slong de dag 'od zer gyi sprin gyi nang du zhugs nas/ sangs rgyas kyi zhabs 'bring du dong ba ni/ klu 'am ba glang gi phyi bzhin du phrug gu song ba bzhin no// bcom ldan 'das kyis dga' bo la bka' stsal pa/ sangs rgyas yongs su mya ngan la sa 'das nas/ sangs rgyas kyi nye gnas su gyur pa dag yang dag pa'i sems kyis sangs rgyas spyan gyi 'od rjes su dran par byed na/ tshe 'di nyid la sgrib pa lci ba kun byang
- 327a
ste/ ma 'ongs pa'i dus na yang rtag tu sangs rgyas rjes su dran par byed cing / sangs rgyas kyi nyi ma dang mi 'bral bar 'gyur ro// gal te ma'i mngal na 'dug na yang rtag tu ting nge 'dzin las mi g.yo ste/ / mngal gyi gnas na 'dug pa'i tshe na yang phyogs bcu'i sangs rgyas kyis spyan gyi 'od zer bkye nas/ bdag gi lus snang bar gyur par mthong ngo // ma'i mngal na gnas pa'i tshe na yang rtag tu dam pa'i chos thos na btsas zin nas lha smos kyang ci dgos/ de la de ltar blta'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// gzhan yang bcom ldan 'das kyi shangs kyi bu gu nas 'od rnam pa gnyis byung ste// 'od des kyang phyogs bcu 'jig rten gyi khams kun snang bar byed do/ / 'od de re re las chu chen po re re byung ste/ chu chen po de yang nam mkha' la 'od kun gyi nang du 'bab bo// de ltar chu de 'bab pa na 'od de dag kyang thams cad kun tu gsal bar gyur to/ / 'od zer de re re las shel gyi ri re re yang yod par gyur to// shel gyi ri de dag la yang rin po che sna bdun gyi pad+mo skyes nas/ pad+mo de las kyang gser gyi kha dog lta bu'i chu gser gyi rgyal mtshan gyi gzugs lta bu 'bab bo/ / gser gyi rgyal mtshan lta bu'i chu de'i nang na yang sprul pa'i sangs rgyas tshad med pa khri phrag brgya stong du ma bzhugs so//
- 327b
sprul pa'i sangs rgyas de re re'i sku'i tshad kyang mtho bcu drug ste/ sku'i ba spu'i bu gnas kyang rin po che dam pa'i kha dog lta bu'i 'od brgyad khri bzhi stong snyed 'byung ngo // 'od de re re las kyang rin po che'i kha dog lta bu'i 'od zer gang+gA'i klung bcu'i bye ma snyed do/ / bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas sangs rgyas kyi nye gnas su gyur pa dag gang gis de ltar rjes su dran par byas na/ bskal pa stong snyed kyi mi dge ba'i las ngan pa kun yang dag par spong bar gyur zhing / skye ba'i gnas phyi mar sems ci la yang mi chags shing mngal gyi gnas su mi skye ste/ rtag tu rdzus te skye bar 'gyur ro// rdzus te skyes nas kyang lus kyi mtshan dang 'od phun sum tshogs pa dang ldan zhing sangs rgyas dang mi 'bral bar 'gyur ro/ / de la de ltar blta'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log ra mthong ba'o/ / de la ji ltar na de bzhin gshegs pa'i zhal gyi sgo'i 'od zer zhe na/ 'od zer de ni kha dog dkar po ste/ rin po che dkar po'i ri ltar phyi nang gsal zhing dag pa'o// rin po che'i ri de la sprul pa'i sangs rgyas sku gser btso ma'i mdog lta bur tshad med par bzhugs so// sprul pa'i sangs rgyas de dag gi zhal gyi sgo nas kyang 'od zer bkye ste/ 'od de yang
- 328a
kha dog rnam pa lngar gyur te/ phyogs bcu'i 'jig rten gyi khams kun snang bar byas nas/ sangs rgyas kyi zhal gyi sgor zhugs so// mtshan 'di bstan pa'i tshe na rnal 'byor can de nyid 'gro 'am/ sdod dam/ 'dug gam/ nyal na yang rtag tu de bzhin gshegs pas lus dang / tshor ba dang // sems dang / chos dran pa nye bar gzhag pa bzhi bshad pa thos shing spyod yul gzhan dag kyang 'chad de rnal 'byor can gyis thos par byed do/ / des thos nas kyang gzungs su 'dzin cing / mig btsums nas yid la byed do// 'od zer de'i shugs kyis dran pa nye bar gzhag pa bzhi'i chos kyi rnam grangs kyang thob par gyur to/ / de'i tshe na phyogs bcu'i sangs rgyas rnams dang / bcom ldan 'das shAkya thub pas ting nge 'dzin las ma bzhengs par phyag g.yas pa brkyang ste/ rnal 'byor can gyi spyi bo la byugs nas/ shin tu legs so// rigs kyi bu khyod yang dag par sangs rgyas rjes su dran pa'i ting nge 'dzin la zhugs so// zhes gsungs de la de ltar blta bar bya'o/ / gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o// de la ji ltar na de bzhin gshegs pa'i snyan gyi 'od zer zhe na/ de bzhin gshegs pa'i snyan las 'od zer rnam pa lnga byung ste/ 'od zer de yang kha dog rnam pa stong dang ldan no// kha dog de gcig la yang
- 328b
sprul pa'i sangs rgyas stong snyed bzhugs so/ / sangs rgyas de dag gis kyang 'od zer skyong stong bkye nas/ phyogs bcu'i 'jig rten gyi khams tshad med pa skyed snang bar byas te/ pad+mo chen/ po gcig tu gyur to// 'jig rten gyi khams pad+mo chen por gyur pa de'i tshad ni dpag tu med pa ste/ shes par mi nus so// gzhan du sangs rgyas kyi thugs kyi byin gyis brlabs ni ma gtogs so/ / pad+mo chen po'i 'jig rten de las sangs rgyas kyi zhing khams tshad med pa khri phrag brgya stong snang bar gyur to// byang chub sems dpa' chen po khri phrag brgya stong du ma snyed kyang pad+mo'i ze ba re re la 'dug par snang yang / dog cing 'dzer ba yang med la/ pad+mo'i ze ba yang chen por ma gyur la/ byang chub sems dpa' yang chung ngur ma song ste/ gcig la gcig gi 'od zer ma sgrib bo/ / byang chub sems dpa' de dag kun gyi rna ba yang gser gyi pad+mo nyi zer la dpyangs pa bzhin du shin tu gsal lo// rna ba de dag las kyang 'od zer rnam pa lnga 'byung ngo // mtshan 'di ston pa'i tshe na/ sangs rgyas kyi snyan gyi spu brgya byin gyi shing lta bur gyur te/ thams cad kyis blta na yid du 'ong bar gyur to// bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas/ sangs rgyas kyi nye gnas su gyur pa dag gang gis de ltar rjes su dran par byas na/ rtag tu sangs rgyas
- 329a
khri phrag brgya stong dang / byang chub sems dpa' rnams kyis dam pa'i chos ston pa thos te/ rna ba'i dbang po yong su dag par gyur to// de la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o// de la ji ltar na de bzhin gshegs pa'i mgur gyi mtshan gyi 'od zer zhe na/ mgur gyi mtshan las 'od zer rnam pa gnyis byung ste/ 'od de dag kha dog rnam pa brgyad khri dang ldan pas phyogs bcu'i 'jig rten gyi khams thams cad snang bar byas so/ / sems can gang zhig dge ba'i rtsa ba yongs su smin pa dag 'od 'dis reg pa na/ rten cing 'brel te byung ba bcu gnyis kyi don chud rtogs nas/ rang sangs rgyas su 'gyur ro/ / 'od des rang sangs rgyas kun gyi mgur snang bar byed de/ mtshan 'di lta bu dag bstan pa'i tshe na/ rnal 'byor can des mthong bar gyur pa ni/ phyogs bcu'i rang sangs rgyas thams cad kyi lhung bzed nam mkha' la 'phags nas/ cho 'phrul rnam pa bco brgyad mdzad pa dang / rang sangs rgyas thams cad so so'i zhabs re re'i 'og na/ rten cing 'brel par 'byung ba bcu gnyis bshad pa'i yi ge snang ba ni/ ma rig pa'i rkyen gyis 'du byed do// 'du byed kyi rkyen gyis rnam par shes pa'o// rnam par shes pa'i rkyen gyis ming dang
- 329b
gzugs so/ / ming dang gzugs kyi rkyen gyis skye mched drug go// skye mched drug gi rkyen gyis reg pa'o// reg pa'i rkyen gyis tshor ba'o// tshor ba'i rkyen gyis sred pa'o// sred pa'i rkyen gyis len pa'o/ / len pa'i rkyen gyis srid pa'o// srid pa'i rkyen gyis skye ba'o// skye ba'i rkyen gyis rga shi dang zlos pa'i mya ngan dang / sdug bsngal ba dang / 'khrug pa la sogs pa'o// yi ge 'bru de re re la yang 'od re re 'bar te/ 'od de re re la yang sgra dbyangs bcu gnyis snyed do// sgra dbyangs de yang la las ni sdug bsngal dang / stong pa nyid dang / mi rtag pa dang / bdag med pa 'chad do/ / sgra dbyangs la las ni rten cing 'brel te 'byung ba bcu gnyis 'chad de/ de ltar rang sangs rgyas de dag gi zhabs kyi 'og gi 'od bkye ba las yi ge de rnams yod pa ni shin tu gsal bar snang ngo / / de ltar mgo 'jug tu lan bcu gnyis stsol mar 'dug ste/ de dag ni 'khor ba'i rtsa ba zhes bya'o// 'od zer des rang sangs rgyas rnams snang bar byas nas phyir// sangs rgyas kyi mgur du zhugs te mi snang bar gyur to/ / gang gis de ltar rjes su dran par byas na/ skye ba phyi mar mi'i nang du mi skye ste/ dga' ldan gnam du skye zhing skye ba gcig gis thogs pa'i byang chub sems dpa' dang phrad nas/ dam pa'i chos rnams kyang thos par 'gyur ro// chos thos nas kyang lus dang sems rab tu dga' ste/ byang chub sems dpa' rten cing
- 330a
'brel te 'byung ba'i chos rnams la rtog cing de'i don rtogs par 'gyur ro/ / de la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o// de la ji ltar na de bzhin gshegs pa'i sku'i sgrog rus mnyam par gang ba'i mtshan gyi 'od zer zhe na/ mnyam par gang ba'i mtshan gyi 'od zer gyis phyogs bcur snang bar byas pa ni/ sbur long lta bu'i kha dog dang / gser btso ma'i mdog lta bu'o// sems can gang zhig 'od zer des reg na nyan thos su sems bskyed par 'gyur ro/ / nyan thos su gyur pa de dag gis mthong ba ni/ 'od zer de rnams stong du 'phros te/ 'phros pa'i de re re la yang kha dog rnam pa stong stong yod do// kha dog de gcig la yang 'od zer stong phrag bcu snyed de/ 'od zer de re re la yang sprul pa'i sangs rgyas re re'o// sprul pa'i sangs rgyas de re re la yang zhabs 'bring dge slong bzhi bzhi yod do// dge slong de dag kun kyang sdug bsngal dang / stong pa nyid dang / mi rtag pa dang / bdag med pa dang / bden pa bzhi dang / skyes bu brgyad kyi don dang / 'bras bu bzhi'i mtshan nyid dang / ting nge 'dzin gsum dag 'a de/ sems can rnams kyang chos de la rab tu 'byung bar rtsol lo// rab tu byung nas kyang / ring po ma thogs par dgra bcom pa thob par mthong ngo // 'od zer des phyogs bcu'i dgra bcom
- 330b
pa rnams kyi spro bo kun snang bar byas so/ / spyi bo de dag snang bar byed pa na/ dper na/ mi zhig gis sman gyi bum pa zhig thogs nas/ spyi bor drug pa bzhin no de'i kha dog dang dbyibs kyang mar/ gyi snying khu lta bu ste/ spyi bor zhugs nas phyi nang kun du thal byung du snang ngo // de'i tshe na rnal 'byor can de lus dang sems shin tu sbyangs par gyur nas/ sems shin tu dag cing 'du shes ngan pa mi 'byung ste/ nyon mongs pa dang nye ba'i nyon mongs pa'i mtshan nyid kun mi mthong ste gsal bar dgra bcom par gyur to// de nas 'od de gser gyi kha dog lta bu'i gdun grangs med par gyur te/ gdugs de dag re re la yang sangs rgyas bdun po brgya stong snyed de/ sangs rgyas bdun po de re re la yang byang chub sems dpa' dang / nyan thos kyi dge slong babazhi bzhi zhabs 'bring byed do/ / dge slong de dag kun kyang ting nge 'dzin chen po bzhi la zhugs so// ting nge 'dzin chen po bzhi la zhugs nas/ nyon mongs pa dang nye ba'i nyon mongs pa thams cad kyi gzugs mngon par ston to/ / de dag 'di lha ste/ lus kyi srin bu brgyad stong skyed 'phrul zhing byung nas srin bu phra mo rnam pa mang po yang rjes bzhin du 'byung ngo // de ltar gyur pa na/ me chen po yang lnga nas ba spu'i bu ga kun nas byung ste/ me chen po dedabyung ba yang thog ma yungs kar gyi 'bras bu tsam byung nas/ chung ngu las cher mchod de/ lus kun la
- 331a
me 'bar te/ lus me'i phung po lta bur gyur nasra/ srin bu rnams kyang me yis nye nas/ seng ge'i sgra lta bu sgrogs shing 'bod do// sgra sgrogs pa'i tshe na rnal 'byor can gyi sems skrag nas brgyal te sa la 'gyel to/ / ting nge 'dzin las phyir langs nas bdag gi lus me shor nas shing tshigs pa'i mgal dum lta bur mthong ngo // de ltar mthong na yang 'di ltar sems bskyed par bya ste/ sman chen por 'du shes bskyed do// de yang sngar lus su 'du shes bskyed de/ lus de nyid kyang spyi bo brtol te stong bar phyung la/ tshangs pa'i rgyal por 'du shes pa dang // brgya byin du 'du shes pa dang / lha'i lag na rin po che'i sman gyi bum pa thogs nas/ spyi bor ldugs par 'du shes bskyed do// spyi bor blugs pa na lus kun tu khyab cing / rtsa ba thams cad du zhugs nas rtsa dang / lus bai DUR+Ya'i sbubs lha bur mthong ste/ srin bu rnams kyang me tog snying pa lta bur mthong ngo // de'i tshe rtsa kun nas chu dag rgyu zhing 'byung ste// chus phyin pa kun tu me yang zhi bar gyur to/ / de nas rnal 'byor can de'i tshogs kun nas chu byung ba ni/ nam mkhar mda' 'phangs pa bzhin du tshangs pa'i 'jig rten la thug tu nye'o// de nas chu de rgyun mi 'chad par tshangs pa'i 'jig rten la thug nas/ bdag gi lus rgya mtsho chen po bzhi'i chu'i nang na 'dug par mthong ngo // srin bu'i rnams kyang smas shing mgo bsnang ba dang / yan
- 331b
lag chad pa dang / rkyang pa gyol por song bar mthong ngo // yang rnal 'byor can de'i sems las me chen po byung bas/ srin bu rnams kyi lus la phog pa dang / srin bu de dag mes rab tu 'jigs nas/ chu'i nang du song yang mede mi 'chi bar gyur te/ chu'i 'od gar phyin par me'i 'od kyang de'i rjes bzhin du 'bar ro// chu dang me gnyis kyi 'od kyang sems las byung ba tsam pas 'od de gnyis ka 'dres te/ gyen tu ni khams gsum kyi rtse mo la thug cing / 'og tu ni mtshams med pa'i sems can dmyal ba la thug ste/ 'jig rten gyi khams gcig chi ba bapar chu dang me de dag gis/ lho byang shar nub tu 'bab cing me yang rjes bzhin du 'bar ro// de'i tshe snying las spu nag po cig skyes te/ spu de'i thog ma las rlung chen po byung ste/ rlung de yang kha dog rnam pa bzhi'o// de dag kyang sems las byung ba ste/ rlung b+hai ram pa ltar dbyibs dang kha dog kyang dung ba 'dra ba'o// rlung nges chu thams cad bskyod de chu'i rlabs kyis/ g.yeng sa shing dkrugs pas dbu ba'i phung por gyur to// me yang de'i nang du song nas me'i mthus// lbu ba dus pa chab brom ltar sra bar gyur to// rlung gzhan dag byung bas rdul dang mi gtsang ba'i rdzas rnam pa dgu bcu rtsa brgyad bus te chab brom gyi stong du g.yogs so/ / mi gtsang bas g.yogs pas chab brom de zhig par gyur to// chab brim de zhig pa nas/ skyes bu mi brgyad
- 332a
lag na ral gri thogs shing 'phro nas bcad nas khyer te song ngo / / rdul dang mi gtsang ba rnams kyis skyes bu de dag kun sems myos par gyur te/ nyal te 'dug pa dang rlung dang / me dang / chu la sogs pa gcig tu 'dus pa las me'i mthus/ mi gtsang ba'i rnam pa kun bsregs te/ me'i nang nas sprul gdug pa bzhi kha nas nor bu rin po re re thogs pa byung ste/ nam mkha' la 'phur ro// gzhan yang klu chen po drug ri dgas phra mo bzhi kha na med cing rgyug ste/ klu rnams kyi mgo la shing skyes pa las gzugs med pa'i khams la thug go/ / de'i drung na rtswa phra mo shin tu 'jam pa yid du 'ong ba gser gyi kha dog can skyes nas shing de dag gi rtsa bar zhugs so// shing gi rtsa ba nas byungab ste/ sdong po'i nang du song ngo / / sdong po'i nang nas byung ste/ yal ga dang lo ma'i nang kun tu song ngo // yal ga dang lo ma'i nang nas byung ste/ me tog dang 'bras bu'i nang kun tu song ngo // shing de'i me tog ni dkar po dang / le brgan dmar po dang / mthon mtha' dang / ser po ste/ de'i 'bras bu yang ma smin gyi bar du kha dog rnam pa bzhi dang ldan no// ston gyi dus su smin nas/ gser gyi kha dog lta bur gyur to// 'od zer des nyan thos chen po rnams snang bar byas nas/ gzhan yang spyod yul tshad med pa brgya stong snyed mngon par ston to//
- 332b
de la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o// dge slong dag gang zhig ting nge 'dzin 'di la zhugs pa'i tshe/ lus chu shing gi sdong po dang 'dra bar snying po med pas/ ting nge 'dzin las byung ba'i tshe/ lus dang tshigs kun gtse zhing na'o// gal te de la sman gyis ma ga sos na smos te shi bar 'gyur gyis sman gyis gso bar bya'o/ / gang gis de ltar rjes su dran par byas na/ bskal pa grangs med pa'i 'khor ba'i sdig pa lci ba kun 'byang zhing / chu bo chen po ltar ring por mi thogs par dgra bcom par 'gyur ro/ / bcom ldan 'das kyis dga' bo la bka' stsal pa/ khyod kyis nga'i gsung rab yang dag pa 'di ma brjed ma nyams par dge slong rnams la rgyas par shod cig sngon cig/ de skad ces gsungs pa na dge slong lnga brgya'i rnams ting nge 'dzin chen po bani dang / dge sbyong gi 'bras bu bzhi yang thob par gyur to// de la ji ltar na de bzhin gshegs pa'i thugs ka'i dpal bre'u'i ri mo dang / g.yung drung gi mtshan dang / sku mchan khung gi yid bzhin gyi nor bu'i mtshan gyi 'od la brtag na/ de dag kun las 'od zer 'byung ba ni kha dog le brgan dang chug po ste/ de dag gi dbus na gser gyi me tog shin tu rgyas pa yod do// gser gyi me tog de yang grangs med pa'i khri phrag du mar gyur te/ me tog de re re la yang sprul
- 333a
pa'i sangs rgyas grangs med pa khri phrag brgya stong du ma snyed bzhugs so/ / sprul pa'i sangs rgyas de dag re res kyang 'od zer stong sgong 'gyed do// 'od de re re la yang sprul pa'i sangs rgyas re re ste/ de yang 'od gzer kha dog rnam pa lnga lnga dang ldan no// sems can gang dag 'od des reg par gyur na/ spro ba rnams ni dran pa rnyed par gyur to// dran pa 'khrugs pa rnams ni ting nge 'dzin thob par gyur to/ / na ba rnams ni sos shing bde bar gyur to// dbul phongs pa rnams ni rin po che rnyeng par gyur to// long ba rnams ni mig mthong par gyur to/ / 'on pa rnams ni sgra thos par gyur to// lkugs pa rnams ni smra shes par gyur to// zha theng ba rnams dang / g.yan pa can dang / mdze shu can rnams kyang sos shing byang bar gyur to/ / de nas 'od zer de phyogs bcu'i sangs rgyas kun gyi spyi gtsug tu zhugs par gyur te/ sangs rgyas rnams kyi thugs ka'i ri mo g.yung drung las kyang 'od zer brgya stong du ma snyed 'byung ngo / / 'od zer de re re la yang tshigs su bcad pa'i sgra dbyangs brgya stong du ma 'byung ba ni/ pha rol tu phyin pa drug bshad pa'i sgra'o// de ltar 'od zer las pha rol tu phyin pa drug bshad pa'i tshigs su bcad pa'i sgra ni grangs med pa snyed do/ / rnal 'byor can de de ltar sangs rgyas tshad med pa rnams kyis chos bshad pa thos pa dang / sprul pa'i
- 333b
/ sangs rgyas de re res kyang sprul pa'i mi rab tu mdzes pa byams pa'i gzugs dang 'dra ba re re sprub nas/ rnal 'byor can gyi sems spro bar bya ba'i phyir/ sprul pa'i mi de dag gis kyang 'di skad du shin tu legs so/ / rigs kyi bu sems rtse gcig tu yid la byas pas/ sangs rgyas kyi 'od zer mthong bar gyur te/ sangs rgyas kyi 'od zer las mtshan ma med pa'i sbyin pa dbashad pa dang / mtshan ma med pa'i tshul khrims bshad pa dang / mtshan ma med pa'i bzod pa dashad pa dang / mtshan ma med pa'i brtson 'grus bshad pa dang / mtshan ma med pa'i bsam gtan bshad pa dang / mtshan ma med pa'i shes rab bshad pa la khyod skrag par ma byed cig/ 'di ni 'das pa'i sangs rgyas rnams kyis kyang 'di ltar yid la byas pas/ chos 'di gnas par gyur te/ de'i mtshan nyid kyang mkhyen par gyur to// de'i mtshan nyid mkhyen pas 'khor ba'i mthas mi bsnyengs te/ dmyal ba chen po'i gnas na bzhugs kyang mtshams med pa'i dmyal ba'i bskal pa chen pos kyang tshig par mi 'gyur ro/ / dmyal ba rnams kyi don tu dmyal ba'i gnas na bzhugs kyang lha'i pho brang na bzhugs pa dang 'dra ste/ de bas na thugs ka'i ri mo dpal be'u'i mtshan ni yang dag pa'i mtshan gyi phyag rgya zhes bya'o// sangs rgyas bcom ldan 'das kyis bskal pa grangs med pa dpag tu med pa tshad med pa'i
- 334a
bar du phyag rgya 'di brlabs pas/ 'khor ba'i mthas mi bsnyengs shing 'dod pa rnam pa lnga la ma chags so// bcom ldan 'das kyis bka' stsal pa/ sangs rgyas yongs su mya ngan las 'das nas/ sangs rgyas kyi nye gnas su gyur pa dag gang gis/ sa pas rgyas kyi thugs kwa'i 'od zer gyi mtshan mthong ba ni/ bskal pa khri phrag bcu gnyis kyi 'khor ba'i nyes pa rnams yongs su spong bar 'gyur ro/ / gal te thugs ka'i mtshan la brtags te gsal bar mi mthong na/ mchod rten gyi nang du song la rtog sa shog/ de la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o// de la ji ltar na de bzhin gshegs pa'i phyag ngar gyi mtshan gyi 'od zer la brtags pa zhe na/ de bzhin gshegs pa'i phyag par zlum zhing drang la ring ba ni ba glang gi rgyal po'i sna lta bu'i mtshan dang / phyag sor bcu'i bar mtshams 'brel ba dang / phyag mthil gyi 'khor lo rtsibs stong dang ldan pa'i mtshan de dag kun las so so nas 'od zer brgya stong snyed 'byung ste/ 'od zer de gcig cing yang rnam pa stong stong dang ldan zhing le brgan gyi kha dog lta bu'o// de ltar 'od zer des phyogs bcu'i 'jig rten gyi khams tshad med pa snyed 'od kyis snang bar
- 334b
byas so/ / snang bar byas nas 'od de gser gyi chu lta bur gyur te/ gser gyi chu de'i nang na shel gyi kha dog lta bu'i chu bzang po zhig kyang yod de/ ying dgas rnams kyis mthong na tsha bzhi zhing rab tu bsil bar gyur to/ / byol song rnams kyis mthong na sngon gyi gnas dran par gyur to// ba glang smis pas ni seng ge'i rgyal po lta bur mthong ngo // seng ge rgyal pos ni nam mkha' lding gi rgyal po lta bur mthong ngo / / klu rnams kyis kyang nam mkha' lding gi rgyal po lta bur mthong ste/ byol song de dag gis so so nas bla mar gyur par mthong nas/ 'jigs shing skrag pa'i sems skyes te thal mo sgyur nas bsti stang byed do// bsti stang du byas pas tshe 'phos ma thag tu mtho ris kyi lhar ba skye'o// mi rnams kyis ni tshangs pa'i rgyal po 'am nyi zla 'am/ gza' skar lta bur mthong / mthong nas rab tu dga'o// de nas tshe 'phos nas dga' ldan gnam gyi lhar skyes so// rnal 'byor can gyis mthong na sems kyi mig dbye zhing / phyogs bcu'i 'jig rten gyi khams na/ sprul pa'i sangs rgyas kyis yongs su gang bar mthong ngo // sprul pa'i sangs rgyas de dag gis so so nas phyag las 'od zer bkye ste/ rnal 'byor can gyi mig la reg par byas pas/ mig de phye 'am btsums kyang sangs rgyas mang po dag mthong zhing // bdag gis
- 335a
lus kyang rin po che'i bum pa'i nang du mi gtsang bas grang ba dang 'dra bar mthong ngo / / gang gis de lta bur mthong ba ni mngon par shes pa drug thob kyang phyogs bcu'i 'jig rten gyi khams kyi sangs rgyas thams cad la mthar gyis bsnyen bkur byed par gyur te/ sangs rgyas de dag so so nas phyag gi 'od bkye ba yang gong ma bzhin du mthong bar gyur to/ / de la de lhur blta bar bya'o// gang gis de lta bur mthong ba de ni yang dag par mthong ba'o// gang gis de lha mo yin par mthong ba de ni log par mthong ba'o/ / de la ji ltar na de bzhin gshegs pa'i sku lte ba'i mtshan gyi 'od zer la tog zhe na/ de bzhin gshegs pa'i sku lte ba'i mtshan la rin po che'i pad+mo khri phrag du ma yod do/ / rin po che'i pad+mo de re re la yang 'dab ma khri phrag du ma yod do// 'dab ma de re re la yang kha dog khri phrag du ma yod do// kha dog de re re la yang 'od zer khri phrag du ma yod de/ mtshan 'di bstan pa'i tshe na/ 'khor mang po thams cad kyis de bzhin gshegs pa'i thugs kyi mtshan rnams kyang mthong ngo // de bzhin gshegs pa'i thugs ni pad+mo laM brgan lha bu ste/ pad+mo le brgan de la gser gyi pad+mo'i 'od kyis 'tsher bar byed cing / rin po che kha dog chug po 'od kyis kyang spras so// bai DUR+Ya dam pa'i sbubs lha bu
- 335b
sangs rgyas kyi thugs ka nas 'od dang bcas pas 'byung zhing / sangs rgyas kyi sku'i 'od zer gyi nang nas yang sprul pa'i sangs rgyas khri phrag du ma 'chag cing gshegs par mthong ngongo/ / sangs rgyas kyi sku lte ba'i 'od 'byung ba ni rab tu che ste re reb lhun po lta bu'o// 'od de'i bar bar na rin po che'i ri tshad med pa yod pa yang ri rab lhun po lta bu ste/ pad+mo de dag gi steng na yang sprul pa'i sangs rgyas mang po bzhugs te/ de dag kyang yid du 'ong zhing mdzes pa ni ri ra ba lhun po dang 'dra'o// sprul pa'i sangs rgyas de'i 'od zer kyang rnam pa stong snyed do// 'od de'i kha dog kyang stong phrag bcu snyed de/ / stong phrag bcu po de las 'od rnam pa khri phrag bcur 'phros so// khri phrag de gcig gis ni 'og ma'i phyogs kyi 'jig rten gyi khams kun snang bar byas so// khri phrag gcig gis ni bla ma'i phyogs kun snang bar byas so// khri phrag gcig gis ni shar phyogs snang bar byas so// khri phrag gcig gis ni lho phyogs snang bar byas so// khro phrag/ gcig gis ni nub phyogs snang bar byas so// khri phrag gcig gis ni byang phyogs snang bar byas so// khri phrag gcig gis ni shar lho'i phyogs mtshams snang bar byas so// khri phrag gcig gis ni lho nub kyi phyogs mtshams snang bar byas so/ / khri phrag gcig gis nub byang gi phyogs mtshams snang bar byas so// khri phrag gcig gis ni byang shar gyi phyogs mtsham
- 336a
snang bar byas te/ de bzhin du phyogs bcur pad+mo rnams kyang snang bar gyur to// pad+mo nang gi chu 'u yang rI rab lhun po stong phrag brgya stong snyed dang mnyam ste/ pad+mor rab lta bu de'i steng na yang byang chub sems dpa' stong phrag brgya snyed do/ / byang chub sems dpa' lus nang gi chu ngu yang ri rab lhun po dang mnyam mo// sprul pa'i byang chub sems dpa' de dag kun gyi lte ba nas kyang pad+mo chen po re re skyes te/ pad+mo de kyang stong gsum gyi stong chen po'i 'jig rten gyi khams yongs su khebs so// pad+mo de dag kun kha bye ba na so so nas 'dzam bu gling gi gser gyi kha dog lta bu'i 'od zer dang ldan no/ / gser gyi 'od de re re las kyang rdul phra rab snyed kyi sprul pa'i sangs rgyas shAkya thub pa dag byung ngo // shAkya thub pa de re re'i sku lte ba nas 'od zer chen po bkye ba yang gong ma bzhin no/ / de ltar 'od zer mang po 'dus pa las 'od zer gyi khang pa brtsegs par gyur te/ 'od zer gyi khang pa brtsegs pa de la sprul pa'i sangs rgyas gad+hA'i klung gi bye ma snyed bzhugs so/ / sangs rgyas de dag 'dab chags su bzhugs te/ de dag kun gyi sku'i lte ba nas kyang 'od zer ba skyes nas/ 'od zer rab tu 'bar ba des bla ma'i phyogs kyi 'jig rten gyi khams tshad med pa snyed snang bar byas so// snang bar byas pa'i 'jig rten gyi khams kyi grangs ni// stong gsum
- 336b
gyi stong chen po'i 'jig rten gyi rdul phra mo snyed do/ / 'jig rten gyi khams de dag na bai DUR+Ya dang shel las byas pa'i brag phug grangs med pa yod de/ brag phu de dag so so'i nang na yang / sangs rgyas khri phrag tshad med pa spang bzhugs so// sangs rgyas de dag gi so so'i lte ba nas kyang pad+mo chen po de re skyes pa yang snga ma bzhin no// pad+mo de las kyang 'od zer chen po byung ste/ 'od zer de dag gis sa bcu la gnas pa'i byang chub sems dpa' la reg pa dang / de ma thag tu dpa' bar 'gro ba'i ting nge 'dzin dang / rdo rje lta bu'i ting nge 'dzin la snyoms par zhugs par 'gyur ro/ / 'od des khams gsum gyi lha rnams la reg pa na bla na med pa'i byang chub mchog tu sems bskyed cing / sems kyi mig shin tu gsal bar gyur te/ sangs rgyas kyi mtshan bzang po kun mthong bar 'gyur ro/ / 'od zer des byang chub sems dpa' rnams la reg pa'i tshe na/ byang chub sems dpa' de dag gi ba spu'i bu ga kun nas mchod pa'i gdugs/ kyi sprin grangs med pa snyed dang / mchod pa'i yo byad rnam pa sna tshogs 'byung ngo // de las byung ba'i gdugs nang gi chung ngu yang 'dzam bu'i gling gi 'jig rten khebs so// rin po che'i mchod pa'i yo byad rnam pa sna tshogs 'byung ba ni bshad kyis mi rdzogs brjod kyis mi lang ste/ mchod pa'i yo byad de dag thams cad 'byung ba yang dpa' bar 'gro ba'i
- 337a
ting nge 'dzin gyi rgya mtsho las byung ngo / / bcom ldan 'das kyis dga' bo la bka' stsal pa/ rigs kyi bu 'am/ rigs kyi bu mo gang gis de ltar sems shing yid la byed pa'i tshe na/ de bzhin du yid la 'du shes pa dang / dngos po de dag rmi lam du mthong yang rung ste/ skye ba'i gnas thams cad du kun tu bzang po dang / 'jam dpal gzhon nur gyur pa dang rtag tu phrad par 'gyur ro/ / rnal 'byor can de'i rmi lam du yang 'das pa dang / ma byon pa dang / da ltar bzhugs pa dang / dus gsum gyi sangs rgyas rnams kyi chos 'chad pa dang / dpa' bar 'gro ba'i ting nge 'dzin dang / rdo rje lta bu'i ting nge 'dzin dang / sgyu ma lta bu'i ting nge 'dzin gyi rgya mtsho 'chad do// gnyid sad nas kyang yid la dran zhing mi brjed do// gang za de tshe 'di nyid la lha mo bkra shis mas g.yog byed par 'gyur zhing / bskal pa khri phrag bcu snyed kyi 'khor ba'i nyes pa yongs su spong bar 'gyur ro// de la de ltar blta bar bya'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// 'od zer de 'bum phrag gcig gis ni 'og ma'i phyogs 'dzam bu'i gling gi chu'i kha dog lta bur snang bar byas nas/ chu de dag gi nang na rin po che'i yang thog gang+gA'i klung gi bye ma snyed mang po yod do// rin po che'i yang thog de dag gi drung na rin po che'i mkhar dri
- 337b
za'i grong khyer khu bu dag kyang yod do/ / rin po che'i yang thog de'i steng na rin po che'i shing chen po 'od rab tu 'bar ba zhig yod de/ shing de'i yal ga dang / lo ma las me 'bar te me'i dpal gyis sra gzhi de nyid kyi bla 'og dang / phyogs mtshams kun tshig ste/ sa ga ni de nyid chu dang 'dra ba'i bai DUrgyur gyur to// bai n+d+han+da'i sa gzhi de'i phreng na bain+d+ha R+Ya'i shing mang skyes te/ shing de dag gi kha na klu chen po bzhi bzhi yod do// klu de dag gi spyi gtsug na yid bzhin gyi nor bu rin po che yod do// nor bu de'i 'od zer gyis klu'i lus dang shing de dag kun gser gyi kha dog lta bur snang bar byas so/ / klu rnams kyis lus sprug pa'i tshe na klu'i ba spu'i bu ga thams cad nas gser gyi kha dog lta bu'i 'od zer 'byung zhing / 'od zer des 'og ma'i phyogs kyi 'jig rten gyi khams tshad med pa snyed las 'das nas/ 'og ma'i phyogs kyi 'jig rten gyi khams tshad med pa snyed kyang gser gyi kha dog lta bur snang bar byas so// / gser gyi kha dog lta bur gyur pa'i sa gzhi'i steng na/ rdo rje'i pad+mo skyes te/ rdo rje'i pad+mo'i steng na lha mo gser gyi mdog can re re yod do// lha mo de re re la yang 'khor lha mo 'od zer can brgya stong snyed yod do/ / lha mo de dag kun kyang byams pa'i sems kyi ting nge 'dzin gyi rgya mtsho bsngags shing sgrogs so// bsngags pa'i sgras 'og ma'i phyogs nas
- 338a
steng gi phyogs kyi grong khyer ser rgyal drug gi bar du 'brug gi skad dang 'dra bar grags par gyur to/ / byams pa'i sems bsngags pa'i tshig gi sgra de grags pa'i chen/ klu rnams kyi ba spu'i thog ma re re las rin po che'i sprin rnams byung ste/ rin po che'i sprin de re re la yang sangs rgyas kyi zhing khams gang+gA'i klung gi bye ma snyed yod par gyur to// zhing de re re na yang sprul pa'i sangs rgyas rdul phra mo'i grangs snyed bzhugs so/ / sprul pa'i sangs rgyas de dag kyang so so nas 'od zer gong ma dang 'dra ba 'gyed do// 'od zer de dag byung ba'i tshe na/ 'og ma'i phyogs kyi 'jig rten gyi khams na gser gyi ri brgya stong snyed yod par gyur to/ / gser gyi ri de dag la rin po che'i brag phug khri phrag du ma yod par gyur pa ni/ ji ltar sprin chen po 'dus pa lta bu'o// / rin po che'i brag phug de dag gi nang na sprul pa'i sangs rgyas sku'i kha dog dkar po bzhugs te/ 'khor yang byang chub sems dpa' dang / nyan thos kha dog dkar po sha stag go// rin po che'i brag ri gser btso ma'i mdog can la rin po che sna tshogs kyis spras pa/ rnam par spras pa dag sangs rgyas kyi sku'i g.yas g.yon na yod do// gzhan yang rin po che'i gdugs dam pa ri rab lhun po dang mnyam pa dang / rin po che'i mkhar dri za'i grong khyer lta bu'i tshad med pa yod do// rin po che'i gdugs de re re'i bar na 'od zer brgya stong du ma snyed 'khyil cing 'byung ngo // 'od zer
- 338b
de dag las seng ge'i khri 'bum phrag du ma yod de/ seng ge'i khri de dag re re'i steng na yang byang chub sems dpa' bye ba khrag khrig phrag brgya snyed skyil mo krung bcas te bzhugs so// de'i tshe byang chub sems dpa' de dag rnams kyi ba spu'i bu ga kun nas 'od zer grangs med pa 'gyed do/ / 'od zer re re re la yang sprul pa'i sangs rgyas re re bzhugs so// sangs rgyas de'i sku drang la ring ba ni ri rab lhun po dang mnyam mo/ / sprul pa'i sangs rgyas de dag thams cad kyis so so nas tshigs su bcad pa brgya stong snyed kyis srog mi gcod pa'i legs pa dang bsngags pa brjod de/ srog mi gcod pa ni byams pa'i rtsa ba'o// byams pa ni sman dam pa ste/ 'khor ba'i nyes pa yongs su spong ba'o// byams pa ni mig yongs su dag pa ste/ lha dang mi'i lam yongs su ston pa'o/ / zhes sprul pa'i sangs rgyas de dag kun gyis byams pa'i sems kyis bsngags pa brjod nas/ so so nas 'di lta bu'i sprul pa'i ngag mdzad de/ baiDUR+Ya'i ri tshad med pa sprul nas ride la byang chub sems dpa' khri phrag brgya stong snyed yod de/ byang chub sems dpa' de re re la yang 'khor tshangs pa'i rgyal po khri phrag du ma snyed kyis bskor cing / rnal 'byor can gyi drung du lhags nas/ rin po che'i ri las gsung skad 'thun par tshig 'di skad du chos 'chad do// kye rigs kyi bu khyod sangs rgyas rjes su dran pa'i ting nge 'dzin gyi rgya mtshos byams pa la nan tan
- 339a
chen po bya'o/ / sangs rgyas dang / byang chub sems dpa' rnams kyang byams pa'i sems kyis sangs rgyas kyi blo gros chen po brnyes par gyur to// khyod kyang srog sa gcod pa'i khrims yongs su srung zhes byams pa dang / snying rje chen po la nAn tan du bya'o zhes 'chad cing ston to// de'i tshe gang zhig lha dang / klu dang / gnod sbyin gyi 'jig rten du bcas pa de dag thams cad la 'od 'dis reg par gyur pa 'am/ tshig 'di thos par gyur pa de 'di nas tshe phos nas skye ba phyi mar gdon mi za bar tshangs pa'i 'jig rten du skye'o// / bcom ldan 'das kyis dga' bo la bka' stsal pa/ khyod pa'i gsung rab 'di ma brjed ma nyams par dge slong gi rnams spyod du chu gang shig/ sangs rgyas yongs su mya ngan las 'das nas/ sangs rgyas kyi nye gnas su gyur pa gang zhig tshig 'di thos nas/ chos 'di sems shing yang dag par dran pa yid la byed dam snyoms par zhugs sam/ ting nge 'dzin las mi g.yo zhing sems phyir mi nur nas/ theg pa chen po'i sems bskyed na/ skyes bu de rmi lam na rtag tu 'od zer 'di mthong zhing sprul pa'i sangs rgyas kyis byams pa'i chos ston pa thos te/ sad nas kyang gzungs su 'dzin cing mi brjed pa dang / don zab mo la mkhas pa dang / chos nyid kyi don la sems pas byams pa'i ting nge 'dzin yang
- 339b
thob par 'gyur ro/ / de la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong / ba'o// sangs rgyas yongs su mya ngan las 'das nas/ sangs rgyas kyi nye gnas su gyur pa dag chos 'di sems pa 'am/ 'dzin par gyur pa de ni sems yongs su rnam par dag cing / sangs rgyas rnams kyi thugs dang 'dra bar rig par bya'o// de nas bskal pa khri phrag bcu snyed kyi 'khor ba'i nyes pa yongs su spong bar gyur la/ rtag tu tshangs pa'i 'jig rten du skye zhing / sangs rgyas rnams dang phrad pa dang / phrad nas kyang chos kyi 'khor lo skor bar gsol pa dang / chos thos nas kyang byang chub tu sems bskyed pa dang phyi ma ma 'ongs pa'i dus na mngon par 'tshang rgya bar 'gyur ro/ / 'od 'bum phrag gcig gis ni shar phyogs logs su shar phyogs kyi 'jig rten gyi khams tshad med pa snyed snang bar byas te/ shar phyogs kyi sa gzhi kun dkar khyad gangs kyi ri dang 'dra bar gyur to// gangs kyi ri lta bur gyur pa la rin po che dkar po'i 'od kyi sprin lding ngo // rin po che dkar po'i sprin gyi dbyibs kyang rin po che'i khang pa brtsegs pa lta bu ste/ rin po che'i dra bas bla rer bres shing / rin po che'i dril bu khri phrag du ma dpyangs so// rin po che'i dril bu dang dra ba'i mig nas 'od dkar
- 340a
po khri phrag bcu snyed 'byung ngo / / 'od zer dkar po de dag las gser btso ma'i khang pa brtsegs pa grangs med par gyur nas/ gser gyi khang pa brtsegs pa de re re'i steng na yang sprul pa'i sangs rgyas stong stong snyed bzhugs so/ / sprul pa'i sangs rgyas de re re la yang 'khor byang chub sems dpa' khri phrag bzhi bcu snyed do// sangs rgyas dang byang chub sems dpa'// de dag kun kyang byams pa'i chos srog mi gcod pa bstod cing bsngags te/ ston cing 'chad pa'i tshigs su bcad pa'i sgra yang khri phrag stong snyed do// de la de ltar blta bar bya'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas/ sangs rgyas kyi nye gnas su gyur pa dag gang gis de ltar rjes su dran par byas na/ bskal pa 'bum phrag bcu snyed kyi 'khor ba'i nyes pa yongs su spong bar 'gyur ro/ / 'od zer 'bum phrag gcig gis ni lho phyogs kyi 'jig rten gyi khams tshad med pa kun snang bar byas te/ de'i sa gzhi kun kyang kha dog le brgan la gser gyi 'od 'phro bar snang ste/ le brgan lta bu'i kha dog gi 'od kyis lho phyogs kyi 'jig rten gyi khams tshad med pa de rin po che dkar po'i 'od kyi sprin lta bur gyur to// kha dog le brgan dang dkar po dang / gser
- 340b
'od rab tu dbye zhing sprin gyi bar mtshams na sprul pa'i sangs rgyas mang po bzhugs te/ mu tig dkar po'i kha dog dang bai n+yaR+Ya sngon po'i 'od dang / gser dam pa'i pad+mas sangs rgyas kyi gdan du gyur to/ / gser gyi pad+mo'i steng na byang chub sems dpa' khri phrag brgya snyed bzhugs te/ thams cad 'thun par gser btso ma'i mdog lta bu'o// gzhan yang rin po che'i 'od zer khri phrag brgya snyed kyis sprin dkar po'i 'od zil gyis mnan te/ 'od de re re la yang sprul pa'i sangs rgyas lnga brgya snyed bzhugs te/ sprul pa'i sangs rgyas de dag thams cad kun gsung 'thun par srog mi gcod pa dang / byams pa dang / snying rje chen po bsngags shing stong de sgrogs so// de la de ltar blta bar bya'o// gang gis de lta bur mthong bde ni yang dag par mthong ba'o/ / gang gis de lha ma yin par mthong ba de ni log par mthong ba'o// bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas/ sangs rgyas kyi nye gnas su gyur pa gang gis chos 'di thos pa 'am/ chos 'di sems pa 'am/ chos 'di rjes su dran par byas na/ rtag tu rmi lam bcom ldan 'das shAkya thub pa mthong zhing / bcom ldan 'das kyi sku'i lte ba nas 'od gzer chen po bkye ba nas/ phyogs bcu'i 'jig rten gyi khams thams cad snang bar byas/
- 341a
'od gzer gyi mtshan ni snga mar bshad pa bzhin no// gang zag de skyes pa'i gnas thams cad du mngal gyi gnas spong bar 'gyur zhing / rtag tu yongs su dag pa'i 'jig rten du skye ba dang / mtho ris su yang rdzus te skye bar 'gyur ro// 'od 'bum phrag gcig gis ni nub phyogs kyi 'jig rten gyi khams tshad med pa kun snang bar byas te/ 'od de'i kha dog ni rnam pa sna tshogs pa ste/ nyi zla dang / skar ma lta bu'o// nyi zla dang skar ma lha bu'i bar bar na rin po che sna bdun gyi nor bu 'od 'bar pa grangs med pa yod do// nor bu de la la las ni 'od gzer lta bu'i chu 'bab/ nor bu de la la las ni 'od gzer lta bu'i me 'bar/ nor bu de la la las ni 'od zer lta bu'i shi'i skyes te/ shing de yang rin po che sna bdun gyi shing ste 'bras bu ni rdo rje'o/ / nor bu de la la las ni 'od gzer lta bu'i me tog grangs med pa skyes so// nyi ma dang zla ba'i 'od kyi nang na yang lha'i gzhal med khang dpag tu med pa rnam par rgyal ba yod de/ de na tshangs pa'i rgyal po 'khor dang bcas pa rnams tshangs pa kun ris kyi po che sna bdun dang ldan pa gnas so// skar ma'i 'od kyi nang na dbang phyug gi gzhal med khang dpag tu med pa yod de/ de na yang dbang phyug chen po 'khor dang bcas pa rin po che sna bdun dang ldan par snang ngo // lha'i gzhal med khang de gcig gi nang na yang tshangs pa'i rgyal po khri phrag brgya stong /
- 341b
snyed de/ tshangs pa'i rgyal po de re re la yang lha'i 'khor grangs med pa snyed do// dbang phyug gi lha chen po la sogs pa'i grangs ni shes par yang mi nus so// rin po che'i nor bu rnams las baiDUR+Ya'i 'od kyi nang na gser btso ma lta bu'i gzugs dam pa mdzes par snang zhing / gzugs kyi sku de yang rin po che dkar po'i gdan la bzhugs so// rin po che dkar po'i gdan la mu tig dmar po'i do shal 'phyang ngo / / mu tig dmar po'i 'od de'i nang na mu tig lA khu'i kha dog lta bu'i sprul pa'i sangs rgyas bzhugs te/ sprul pa'i sangs rgyas de dag dang lha rnams kyi gsung skad 'thun par srog mi gcod pa la nan tan du byed cing byams pa dang / snying rje chen po spyod pa la bstod cing bsngags pa brjod do// bcom ldan 'das kyis dga' bo la bka' stsal pa/ de la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o// sangs rgyas yongs su mya ngan las 'das nas/ sangs rgyas kyi nye gnas su gyur pa gang gis yid la 'du shes su byed pa'am/ sems kyis yang dag par rjes su dran par byasan rtag tu rmi laman yang sangs rgyas kyis byams pa'i chos ston cing 'chad pa mthong zhing thos te/ bskal pa 'bum phrag du ma snyed kyi 'khor ba'i nyes pa yongs su spong bar 'gyur ro//
- 342a
'od 'bum phrag gcig gis ni byang phyogs kyi 'jig rten gyi khams tshad med pa kun snang bar byas nas/ byang phyogs kyi sa gzhi de dag kun rin po che in+d+ra nI la'i kha dog lta bur gyur te/ de la spur long dang shel dkar po dang / mu tig sna tshogs dang / sdug dang / bai rgyun dang / gser la sogs pa rin po che rnam pa sna tshogs pas rnam par smras so// rlon po che de re re la yang 'od khri drug bcu snyed yod de/ 'od de re re las 'od kyi seng ge re rer gyur to// seng ge'i steng na rin po che sna bdun gyi gdugs re re yod par gyur te/ rin po che'i gdugs de yang shin tu mtho zhing mdzes pa ni ri rab lhun po dang 'dra'o/ / gdugs kyi snying po ni bai rAR+Ya dam pa ste/ rin po che rnam pa sna tshogs pa'i me tog gis yongs su brgyan to// me tog de re re la yang sprul pa'i/ sangs rgyas 'bum phrag du ma snyed bzhugs so// sangs rgyas de dag re re'i zhing yang 'dzam bu'i chu bo'i gser gyi kha dog lta bu'o// sangs rgyas rnams kyi dbu ni bai rlur+ya mthon mthing gi kha dog go/ skuni rin po che khri phrag du ma'i kha dog go/ phyag ni mu tig dmar po'i kha dog go/ phyag gi mthil ni pad+ma dkar po'i kha dog go// phyag gi sen mo rnams ni gser gtso ma'i kha dog go/ zhabs kyi byin pa ri dgas kyi rgyal po e n+ya ya'i rje ngar lta bu ni/ me tog u dum 'bar ba'i kha dog go// zhabs kyi mthil 'khor lo'i mtshan ni rin po che in dra nI la'i kha dog go/ zhabs kyi sen mo rnams ni zangs
- 342b
kyi kha dog lta bu la 'od 'bar ba'o/ / zhabs kyi mthil nas 'od rnam pa lnga bkye ste/ dbu 'dab kyi mtshan la thug nas spu'i ba spu'i bu ga thams cad du zhugs so// ba spu'i bu ga thams cad nas kyang 'od gcer mang po byung ngo / / ba spu'i bu ga'i 'od zer de gcig gi nang na mang byang chub sems dpa' khri phrag bcu snyed do// byang chub sems dpa' de dag kun gyi lte ba na pad+mo chen po re re yod de/ pad+mo de yang rin po che brgya las grub pa ste/ tshe khyad kyang ri rab lhun po tsam mo// pad+mo de yang chen po de'i steng na yang sprul pa'i sangs rgyas grangs med pa zhugs so// sangs rgyas de'i sku che khyad kyang pad+mo dang mnyam ste/ de dag kun gyi lte ba nas byung ba yang gong ma dang 'dra'o// mtshan 'di dag bstan pa'i tshe na rin po che'i 'od kyi seng ge rnams spungs shing 'drogs pa'i tshul bstan nas/ 'od gzer spros pa las/ seng ge rnams kyi spu'i thog ma la sangs rgyas kyi zhing 'bum phrag rgya snyed yod par gyur to// sangs rgyas kyi zhing gcig cing yang rin po che sna tshogs kyi pad+mo brgya stong snyed kyis rnam par bkod do/ / pad+mo de'i steng na yang byang chub sems dpa' chen po brgya phrag stong snyed bzhugs so// byang chub sems dpa' de dag kun gyi sku lte ba'i mtshan yang byang chub sems dpa' snga ma bzhin no/ / byang chub sems dpa' de dag gi kha dog mang po'i 'od gzer rnams 'dus pa las 'od kyi ri gcig tu gyur nas/ raM de mthol gsal ba ni gser gtso ma'i khang pa brtsegs
- 343a
ba lta bu'o/ / khang pa brdegs pa de'i grwa bzhin tshangs pa'i rgyal mtshan chen po bzhi yod de/ rgyal mtshan de'i zlog ma la sangs rgyas kyi lding khri phrag bzhi bzhi yod / zhing de re re na yang mchod rten chen po brgya phrag skyong skyed yod de/ mchod rten de nang gi chung ngu yang 'dzam du'i gling nas tshangs pa'i 'jig rten la thug ste// rin po che'i dbyig dam pa thams cad kyis yongs su brgyan to/ / rin po che'i mchod rten rnams dang / sprul pa'i byang chub sems dpa' de dag kun kyang / snying rje dang / byams pa dang / dga' ba dang / btang snyoms kyi chos rnams bstod cing bsngags pa sgrogs so// sems can gang dag 'od gzer 'di mthong zhing rtogs na/ shA ri'i bu dang 'dra bar blo gros chen por 'gyur zhing / dga' bopo dang 'dra bar thos pa 'dzin par 'gyur ro/ / bcom ldan 'das kyis dga' bo la bka' stsal da sangs rgyas yongs su mya ngan las 'das nas/ sangs rgyas kyi nye gnas su gyur pa dag/ mtshan 'di mthong bar 'dod na/ byams pa'i sems bskyed de/ srog mi bcod pa'i khrims yongs su srung zhing phyogs bcu'i skye bo thams cad kyi phyir/ spyad pa 'di spyod pa ni bsam gtan ma byas kyang / rtag tu rmi lam na yang gong du bshad pa'i 'od gzer dang / sprul pa'i mang po dag mthong bar 'gyur ro// bcom ldan 'das kyis dga' bo
- 343b
la bka' stsal pa/ gang dag tshig 'di gzungs su 'dzin pa de ni/ sangs rgyas kyi thugs yongs su 'dzin pa'o// gang gis 'di ltar rjes su dran par byed pa ni/ sangs rgyas kyi thugs rjes su dran par byed pa'o/ / sangs rgyas bcom ldan 'das kyi thugs ni/ byams pa dang snying rje'i bad+mag cid chen po'o// sku ni tshul khrims dang / ting nge 'dzin dang / shes rab dang rnam par grol ba dang / rnam par grol ba'i ye shes chen po smon pa dang / spobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad dang / snying rje bo dang / dran pa nye bar gzhag pa gsum gyis yongs su brgyan te/ gang de ltar rjes su dran par byed pa ni/ sangs rgyas kyi thugs yang dag par rjes su dran par byed cing 'dzin pa'o// bcom ldan 'das kyis dga' bo la bka' stsal pa/ rigs kyi bu de bzhin gshegs pa'i sku'i lte ba'i mtshan phyogs gcig tsam bshad pa yin te/ thugs kyi spyod yul ni gzhan las rgyas par 'chad do/ / de la de ltar blta bar bya'o// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o/ / sangs rgyas yongs su mya ngan las 'das nas/ sangs rgyas kyi nye gnas su gyur pa gang gis/ chos 'di yid la byed dam/ chos 'di 'dzin cing rjes
- 344a
su dran par byed na/ tshe 'di nyid la sdig pa mi dge ba'i las kyis bsgribs pa kun yongs su byang zhing dag par 'gyur ro// 'od 'bum phrag gcig gis ni shar lho'i phyogs mtshams snang bar byas te/ shar lho'i phyogs mtshams kyi 'jig rten gyi khams bar mtshams med par gser gyi 'khor lor gyur to// gser gyi 'khor lo de dag las 'khor lo grangs med par gyur te/ 'khor lo de re re la yang dag rin po che sna bdun dang bcas so// gser gyi 'khor lo de gcig cing yang 'khor lo sgyur ba'i rgyal po khri phrag brgya snyed do// 'khor lo sgyur ba'i rgyal po de re re la yang bu stong stong dang dmag rnam bzhi dang bcas so/ / rin po che sna bdun de las 'od zer chen po 'byung ba ni/ dud pa 'am sprin lta bu ste/ 'od de re re la yang pad+mo chen po re re yod do/ / pad+mo de yang gcig la gcig mtshams 'brel to// pad+mo'i mtshams dang bar kun nas nyi ma lta bu'i 'od chen po 'byung ste/ nyi ma lta bu'i 'od re re la yang gser gyi kha dog lta bu'i baglang re re yod de/ de la sprul pa'i byang chub sems dpa' re re bcibs so// ba glang de dag la bcibs pa'i tshe na brjod kyis mi rdzogs pa'i mtshan dang / dpe byad mang po 'byung ngo // byang chub sems dpa' chen po rnams kyi 'od gzer 'dus pa las sangs rgyas kyi sku gcig tu gyur te/ sangs rgyas kyi sku'i kha dog kyang gser btso ma lta bu sku'i tshad kyang dpag tu med gzhal du
- 344b
med pa'o/ / de dag kyang sku lte ba'i mtshan ston te/ de'i 'od gzer dang mtshan bzang po yang gong du bshad pa bzhin no// 'od kyi nang nas snang bar gyur pa thams cad kyang khrims lnga dang dge ba bcu bstod pa dang / chos dang 'dul ba dang / de bzhin gshegs pa'i mtshan dang dpe byad bzang po rjes su dran pa la bsngags pa brjod pa dang / 'khor lo sgyur ba'i rgyal po rnams kyang lag na gser gyi 'khor lo thogs te/ dge ba bcu'i chos sgrogs so// bcom ldan 'das kyis dga' bo la bka' stsal pa/ de la de ltar blta bar bya'o// gang gis de lta bur mthong ba de ni yang dag par mthong ba'o/ / gang gis de lha ma yin par mthong ba de ni log par mthong ba'o// sangs rgyas yongs su mya ngan las 'das nas// sangs rgyas kyi nye gnas su gyur pa dag 'di ltar sems shing 'du shes pa 'am/ yid la byed cing chos 'di rjes su dran par byed na/ bskal pa khri phrag nyi shu'i 'khor ba'i nyes pa 'byung zhing rtag tu mtho ris su skyes te/ dge ba bcu'i chos thos par 'gyur ro// 'od 'bum phrag gcig gis ni lho nub kyi phyogs mtshams kyi 'jig rten snang bar byas te/ lho nub kyi phyogs mtshams kyi 'jig rten gyi khams tshad med pa snyed/ / yid bzhin gyi nor bu rin po che sna tshogs su gyur to// nor bu de re re yang 'od gzer stong stong 'bar ro// 'od gzer de dag
- 345a
'dus pa las rin po che'i khang pa brtsegs pa dpag tu med par gyur to/ / khang pa brtsegs pa de'i grwa bzhin yang rin po che'i ri rab gling bzhi pa la nyi zla gza' sbyar dang bcas pa gling phran bcu gnyis kyis bskor ba 'od gzer mang po dang bcas pa re re yod do/ / ri rab lhun po de re re la yang rin po che'i brag phug 'od 'bar ba grangs med pa snyed do// brag phug de re re'i nang na yang sprul pa'i sangs rgyas tshad med grangs med pa snyed bzhugs so// sprul pa'i sangs rgyas de re re la yang 'khor byang chub sems dpa' tshad med pa zangs med pa snyed do/ / sprul pa'i sangs rgyas dang / byang chub sems dpa' de dag kun kyang dge ba bcu'i chos ston cing bsngags so// de la de ltar blta bar bya'o// gang gis/ de lta bur mthong ba de ni yang dag par mthong ba'o// gang gis de lha ma yin par mthong ba de ni log par mthong ba'o// bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas/ sangs rgyas kyi nye gnas su gyur pa dag/ 'di ltar sems shing 'du shes pa dang / yid la byed pa 'am/ chos 'di rjes su dran par byas na/ bskal pa khri phrag bcu gnyis snyed kyi 'khor ba'i nyes pa yongs su spong bar 'gyur zhing yongs su dag pa'i 'jig rten du yid la bsam pa bzhin du skye
- 345b
bar 'gyur ro/ / 'od 'bum phrag gcig gis ni nub byang gyi phyogs mtshams kyi 'jig rten snang bar byas nas/ nub byang gi phyogs mtshams kyi 'jig rten gyi khams tshad med/ pa snyed de dag 'od des shel sna tshogs kyi kha dog tu gyur te/ shel le brgan dang dkar po dang / ljang khu la gser dang bai n+daR+Ya dang pad+mo rA gas kyang mdzes par brgyan cing smras so// shel dang rin po che de dag gi 'od gzer las rin po che'i shing rta khri phrag du ma du ma snyed byung ngo // rin po che'i shing rta rnams kyi kha dog ji lta ba de bzhin du 'od kyi kha dog kyang de bzhin du 'bar ro/ / shing rta de dag gi srog shing ni gser btso ma'i kha dog go// de lta bu'i shing rta de dag gi steng na rin po che sna bdun gyi mchod rten dang / rgyal mtshan chen po yod de/ mchod rten dang rgyal mtshan gyi rtse mo la rin po che'i gdugs chen po yod do// gdugs de yang rim pa bcu snyed do// gdugs de las 'od gzer stong stong snyed 'bar ro/ / rin po che'i phreng ba mang pos kyang shin tu mdzes par brgyan te/ 'od gzer kyang de'i rjes su 'jug go// de nas yang phyir byung ba dang / de las sprul pa'i sangs rgyas mang po byung ste/ sangs rgyas de dag gi sku'i tshad kyang dpag tshad 'bum phrag khri snyed do// sangs rgyas de dag re re'i sku'i lte ba nas kyang 'od grangs med pa byung ste/ 'od des
- 346a
kyang phyogs bcu'i sangs rgyas rnams dang / sprul pa'i sangs rgyas thams cad snang bar byas so// sems can gang zhig la 'od gzer 'di reg par gyur pa de yang dran song gsum las yongs su thar te/ dran song gsum gyi nyes pas mi 'tshe bar 'gyur ro// 'od gzer do dga' khyil cing 'dus pa las 'od kyi khang pa brtsegs pa lta bur gyur te/ sprin ltar steng gyi bar snang la 'phags te 'od de'i nang nas sprul pa'i sangs rgyas brgya stong du ma snyed snang ngo // sprul pa'i sangs rgyas de re re la yang nye gnas kyi 'khor khri phrag brgya snyed de/ 'od srungs chen po lhar sbyangs pa'i yon tan bcu gnyis la dka' thub tu spyod cing sems ci la yang ma chags te/ 'jig rten las yongs su 'da' ba sha stag go/ de la de ltar blta bar bya'o/ / gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o// sangs rgyas yongs su mya ngan las 'das nas/ sangs rgyas kyi nye gnas su gyur pa dag 'di ltar 'du shes pa 'am/ sems shing yid la byed pa'am/ chos 'di rjes su dran par byas na/ gang zag des rtag tu sangs rgyas rnams mthong zhing myur du theg pa chen po'i chos kyi don rtogs pa dang / bskal pa'i khri phrag bcu snyed kyi 'khor ba'i nyes pa yongs su spong bar rig par bya'o//
- 346b
'od 'bum phrag gcig gis ni byang shar gyi phyogs mtshams snang bar byas te/ byang shar gyi phyogs mtshams kyi 'jig rten gyi khams tshad med pa snyed 'od kyis yongs su dag cing rnyog pa 'am/ dri ma med pa ni shel gyi sgo nga'i me long lhar phyi nang kun gsal bar byas so// 'od de dag gi nang nas phyogs bcu'i sangs rgyas kun kyang sku lte ba'i mtshan ston par snang ngo // sangs rgyas de dag re re'i sku lte ba'i 'od gzer gyis kyang phyogs bcu'i sangs rgyas kyi zhing tshad med pa snyed snang bar byas te/ sangs rgyas kyi zhing re rer yang sprul pa'i sangs rgyas rdul phra rab kyi grangs snyed bzhugs par gyur to/ / sangs rgyas de re re la yang rdul phra rab snyed kyi byang chub sems dpa' dag zhabs 'bring 'khor du gyur to// de ltar byang chub sems dpa' dag kyang lte ba'i mtshan ston to/ / 'od zer las gser gyi ka ba dang / rin po che'i gdung ma rnam par rgyal ba'i khang pa lta bur bres te/ de las rin po che'i yang thog dang / sprog ma dang sgrom bu dang / rin po che'i brgyan phreng tshad brjod du med pa rnyed de/ sprin lhar steng gi nam mkha' la 'phags te 'od rab tu 'bar ro// rin po che'i cha rgyan de dag kun las 'od zer so so nas 'bum phrag khri khri yod par gyur to/ / 'od zer 'bum phrag de re re la yang sangs rgyas kyi sku de snyed gcig tu gyur te snang ngo // sangs rgyas de re re'i sku la yang sprul pa'i 'od zer rdul
- 347a
phra rab snyed 'byung zhing / 'od de'i thog ma le yang sprul pa'i sangs rgyas sku yungs kar gyi 'bras bu tsam sha stag yod par gyur to// sangs rgyas sku phra mo de dag gi lte ba'i mtshan ston pa yang gong du bshad pa bzhin no/ / de ltar sku lte ba'i 'od zer rnams phyogs bcu kun tu snang bar byas nas/ phyir yang sangs rgyas kyi lte bar zhugs so// sangs rgyas rnams kyi lte ba nas byung nas byang chub sems dpa' rnams kyi snying kar zhugs so/ / byang chub sems dpa' rnams kyi snying ka nas phyir byung nas nyan thos rnams kyi spyi bor zhugs so// nyan thos rnams kyi spra bo nas phyir byung nas 'od kyi sprin chen po tshad med par gyur te/ de gser gyi kha dog rin po che rnam pa sna tshogs pas spras shing brgyan te/ sangs rgyas kyi zhabs kyi mthil du zhugs so/ / sangs rgyas rnams kyi zhabs kyi mthil du zhugs nas/ zhabs kyi mthil khor lo rtsibs stong dang ldan pa'i mtshan las kyang 'od zer chen po byung bar gyur to/ / 'od zer de yang pad+mo chen po lta bu ste/ pad+mo de 'dab chags su gyur te/ sangs rgyas la lan stong phrag bcu bskor nas/ zangs kyi kha dog lta bu'i zhabs kyi sen mo dang / zhabs kyi sor mo'i gong nas dbu'i gtsug tor la thug gi bar du yongs su brgyan te/ sangs rgyas kyi sku'i ba spu'i ga'i mtshan rnams pad+mo kha bye ba lha bu gyur nas/ ba spu'i bu ga gcig gi nang na yang
- 347b
pad+mo brgyad khri bani stong snyed yod par gyur to/ / pad+mo de gcig gi srang na yang sprul pa'i sangs rgyas brgyad khri ba'i spong sbed bzhugs so// sprul pa'i sangs rgyas re re re'i zhabs 'bring na yang 'khor byang chub sems dpa' brgyad khri bzhi stong snyed do/ / byang chub sems dpa' de dag re re'i smin mtshams kyi 'od zer gyi rnam pa las sgra dbyangs sna tshogs byung ste/ de yang sangs rgyas kyi sku'i yon tan dang mtshan dang / dpe byad bstod cing bsngags pa'i sgra'o// bcom ldan 'das shAkya thub pas 'od zer dang / sprul pa de dag bstan nas/ rgyal po yab la bka' stsal pa/ rgyal po chen po de bzhin gshegs pa'i gzugs kyi sku dang mtshan gyi khyad par ni 'di dag ste/ sangs rgyas kyi thugs ni ma gtogs kyi/ spyod yul gzhan ni gong du bshad pa dag go// bcom ldan 'das kyis de skad gsungs pa dang / de'i tshe rgyal po yang dug pa las langs te gos tshags bcom nas/ bcom ldan 'das la phyag 'tshal te lan bdun bskor ba byas nas pus mo sa la btsugs te thal mo sbyar nas/ bcom ldan 'das la 'di skad ces gsol to// de bzhin gshegs pa'i gzugs kyi sku dang / mtshan ni thams cad du khyad par bstan na/ bcom ldan 'das kyi thugs kyi mtshan dang / spyod yul ji lta bu dang / mtshan ci 'dra ba dang / nan tan ci mdzad pa dang / sangs rgyas kyi thugs kyi dgongs pa ji lta bu dang / thugs kyi 'od zer ji lta bu lags pa bstan du gsol
- 348a
zhes gsol pa dang / de'i tshe bcom ldan 'das kyis zhal 'dzum pa mdzad de/ ljags kyi mtshan gyi 'od zer yang sngar bshad pa bzhin du sangs rgyas la lan bdun bskor nas sangs rgyas kyi gtsug tu nub bo/ / de'i tshe de bzhin gshegs pa rnam par grol ba'i mtshag nyid kyi ting nge 'dzin la snyoms par zhugs nas/ rgyal po yab kyis de lta bur mthong bar byas so/ / bai DUR+Ya'i sbubs su gser btso ma gzugs mdzes pa gzhag pa ltar shin tu mdzes par snang bar byas te/ de ltar de bzhin gshegs pa'i sku mdzes pa gser btso ma lta bu'i thugs ka nas mgur du bai DUR+Ya'i sbubs nas zil dngar gyi ro dang 'od zer rgyu zhing 'bab te/ de bzhin gshegs pa'i thugs pad+mo le brgan lha bu la gser gyi pad+mos shin tu brgyan par mthong ngo // thugs pad+mo le brgan lha bu da pad+mo kha bye ba yang ma yin te/ dpal gyi be'u lta bu la rtsa brgyad khri bzhi stong snyed yod de/ rtsa de'i ri mo yang lha'i ri mo lha bu dang g.yung drung 'khyil ba lta bu ste/ ri mo'i bar mtshams kun na 'od zer brgyad khri bzhi stong bzhi stong snyed yod do/ / 'od zer de re re la yang kha dog brgyad khri bzhi stong snyed dang ldan no// kha dog gi rnam pa de re re la yang sprul pa'i sangs rgyas sku tshad med pa rdul phra rab kyi grangs sbed bzhugs so/ / sprul pa'i sangs rgyas de dag kun kyang rdo rje'i khang pa rtsegs pa na bzhugs par snang ngo // rdo rje'i khang pa
- 348b
brtsegs pa grangs med pa de dag las kyang gser gyi bdog lta bu'i 'od grangs med pa snyed 'byung ste/ rgyas par bshad du bde bar mi nus so// 'od de dag re re'i nang na yang sprul sangs rgyas grangs gong du smos pa bzhin du bzhugs so/ / sprul pa'i sangs rgyas de dag thams cad kyis kyang lhag che zhing ring ba'i mtshan phyung nas dbu 'dab la thug gi bar du yog ste/ 'od rab tu 'gyed do// sangs rgyas kyi ljags de re re la yang 'od zer khri phrag bcu snyed do// 'od zer de dag kyang spyir tshom bu rnam pa stong phrag bcur gyur nas/ 'od zer de re re la yang sprul ba'i sangs rgyas 'bum phrag brgya snyed skyil mo krung bcas te bzhugs nas/ sku kun tu khyab pa zhes bya ba'i ting nge 'dzin la snyoms par zhugs so// phyogs bcu'i sangs rgyas rnams kyi sku'i gzugs dam pa yang ting nge 'dzin gyi rgya mtsho 'dir snang bar gyur to/ / bcom ldan 'das ting nge 'dzin 'di la snyoms par zhugs pa'i tshe na/ grong khyer ser skya dang / n+ya kro d+ha'i gzhal med khang dang / 'dzam bu gling 'di rin po che'i pad+mo'i lta bur gyur to// pad+mo'i khab pa brtsegs par gyur pa'i steng na sher gyi rgyal mtshan chen po yod do// shel gyi rgyal mtshan gyi dbu rtse la shel gyi me long yod do/ / phyogs bcu'i 'jig rten gyi khams tshad med pa snyed kyi sangs rgyas kyi zhing yongs su dag pa thams cad kyang der snang bar gyur to// de'i tshe 'khor
- 349a
mang po thams cad kyis sangs rgyas rnams mthong bar gyur te/ la las ni sangs rgyas kyi sku nam mkha'i tshad dang mnyam pa gser gyi kha dog can du mthong ngo // la las ni sku ri rab lhun po dang 'dra ba rin po che sna bzhi las byas par mthong ngo // la las ni sangs rgyas kyi sku bai DUR+Ya'i kha dog lta bu la tshad kyang mtho brgya par mthong ngo // la las ni sangs rgyas kyi sku dngul gyi kha dog lta bu la khru brgyad stong snyed du ring bar mthong ngo / / la las ni sku dung gi mdog gam zla ba dri ma med pa lta bu la sku chag bzhi bcu rtsa dgu par mthong ngo // sangs rgyas shAkya thub pa'i sku ni tshad bzhin du mtho bcu drug par mthong ngo / / la las ni mtho bdun par mthong ngo // la las ni mtho gsum pas tshangs pa'i 'jig rten la thug gi bar du yongs su gang babar mthong ngo / / la las ni sor bdun pas 'jig rten gang bar mthong ngo // de dag kun kyang 'od zer dang mtshan dang / dpe byad kyis yongs su brgyan pa'o// la las ni yungs kar gyi 'brum bu tsam du mthong ngo / / la las ni gser gyi khre'i 'bras bu tsam du mthong ngo // yi dgas rnams kyis ni rdul phra mo tsam du mthong ste/ yi dgas rnams kyis de lta bur mthong ba dang / yi dgas lus chung ngu ma rnams rab tu dga' bar gyur to/ / mtshan dang dpe byad bzangs po rjes su dran pa rtogs pa'i le'u bzhi pa'o// // sangs rgyas rjes su dran pa'i ting nge 'dzin
- 349b
kyi rgya mtsho zhes bya ba'i mdo/ / bam po lnga pa// / de'i tshe sangs rgyas kyi thugs pad+mo la brgan lta bu las/ pad+mo'i 'dab ma'i bar dang / mtshams kun nas 'od zer ba dog dkar po brgyad khri bzhi stong snyed byung ste/ 'od des rgyud lnga'i sems can kun mtha' yas par thams cad snang bar byas so// 'od zer 'di dag byung ba'i tshe/ sdug bsngal gyis gdungs pa sems can mang po mngon tu snar bar gyur pa ni/ 'di lta ste/ mnar med pa'i sems can dmyal ba chen po dang / sems can dmyal ba chung ngu bco brgyad dang / rab tu grang ba'i sems can dmyal ba chen po bco brgyad dang / mun pa nag po'i sems can dmyal ba chen po bco brgyad dang / rab tu tsha ba'i sems can dmyal ba chen po bco brgyad dang / mtshon gyi 'khor lo'i sems can dmyal ba chen po bco brgyad dang / ral gri'i tshal gyi sems can dmyal ba chen po bco brgyad dang / me'i shing rta'i sems can dmyal ba chen po bco brgyad dang / shir tu dri mi zhim pa'i lcags khu khol ba'i sems can dmyal ba chen po bco brgyad dang / chu tshan khol ba'i sems can dmyal ba chen po bco brgyad dang / thal chu'i sems can dmyal ba chen po bco brgyad dang / mtshon gyi nags tshal gyi sems can dmyal ba khri phrag lnga brgya dang / ral gri'i sdong po'i sems can dmyal ba khri phrag lnga brgya dang tsher ma'i tshal gyi sems can dmyal ba khri phrag lnga brgya dang
- 350a
lcags kyi sdong po'i sems can dmyal ba khri phrag lnga brgya dang / lcags kyi thag zungs kyi sems can dmyal ba khri phrag lnga brgya dang / lcags kyi dra ba'i sems can dmyal ba khri phrag lnga brgya dang / lcags kyi khang pa'i sems can dmyal ba chen po bco brgyad dang / lcags kyi thu lum gyi sems can dmyal ba chen po bco brgyad dang / rdo zur mang gi sems can dmyal ba chen po bco brgyad dang / lcags khu 'thung ba'i sems can dmyal ba chen po bco brgyad dang / de dag la sogs pa sems can dmyal ba mang po dag yod par gyur to// bcom ldan 'das kyis dga' bo la bka' stsal pa/ de la ji ltar na mnar med pa'i sems can dmyal ba zhe na/ mnar med pa'i tshe grang gis gdungs pa dang mgon dang / skyabs med pa'i sgra skad du ni/ a byi zhes 'don to// a zhes bya ba ni med pa'o// byi ni mtshams so// a zhes bya ba ni med pa'o// byi ni skyabs so// a zhes bya ba ni mtshams med pa'o// byi ni mi g.yo 'o// a zhes bya ba ni rab tu tsha ba'o// byi ni rab tu gdung ba'o// a zhes bya ba ni rab tu grang ba'o// byi ni rab tu gdung ba'o// a zhes pa ni mi dal ba'o// byi ni mi sdod pa'o// sdug bsngal chen po las mi dal mi sdod pa'i phyir na mnar med pa zhes bya'o/ / a zhes pa ni me chen po'o// byi ni rab tu tsha ba'o// rab tu tsha ba'i me 'bar bas snying la gdungs pas mnar med pa'i
- 350b
sems can dmyal ba zhes bya'o/ / bcom ldan 'das kyis dga' bo la bka' stsal pa/ mnar med pa'i sems can dmyal ba chen po ni/ chu zheng gab par dpag tshad brgya stong snyed de/ mtha' ma yang lcags kyi mkhar me 'bar ba rim pa bdun gyis bskor to/ / 'og kyang lcags kyi dra ba me 'bar ba rim pa bdun no// 'og na bar chad 'bar ba bco brgyad yod de/ kho ra khor yug tu ral gri'i tshal rim pa bdun yod do/ / mkhar rim pa bdun gyi bar na yang ral gri'i nags tshal rim pa bdun yod do// 'og gi bar chang rim pa bco brgyad la/ bar chad de gcig la yang dra mig dang rim pa brgyad khri bzhi stong snyed yod de/ de'i grwa bzhi na yang zangs kyi khyi re re yod do// khyi de bzhi'i lus kyi tshad kyang dpag tshad bzhi bcu snyed do// mig ni glog ltar 'bar// mched ni ral gri lhar rno'o/ / so rnams ni mtshon gyi ri ltar 'dug la/ lce ni lcags kyi gze ma ltar rtsu ba la lus kyi spu thams cad las kyang me rab tu 'bar te/ de las dud pa rab tu drimi zhim pa ni/ 'jig rten gyi dri mi zhim pa gang gis kyang dper mi bzod pa dag 'khrigs so// sems can dmyal ba'i srungs ma bco brgyad yod do// mgo yang srin po'i mgo lta bu la/ kha yang srin po'i kha 'dra ba ste/ mgo la mig drug cu rtsa bzhi snyed yod do// mig nas lcags kyi thu lum dpag tshad phyed pa dag 'bebs so// khyi'i mche ba de ring khyad kyang dpag tshad bzhi sde
- 351a
mche ba de'i thog ma la me rab tu 'brar zhing / lcags kyi shing rta yang 'bar bar byed do// lcags kyi shing rta de'i 'khor ze re la yang de ltar 'bar ba'i mtshon gyi 'khor lo dang / ral gri'i 'khor lo rab tu rno ba dag 'byung ngo // me de snyed kyis mnar med pa'i sems can dmyal ba bsregs to// mnar med pa'i sems can dmyal ba yongs su gdungs so// dmyal ba'i srungs ma'i mgo la glang gi mgo brgyad yod de/ glang gi mgo gcig la yang rA bco brgyad yod do// rwa'i rtse mo de re re la yang me'i phung po re re byung ngo // me'i phung po de re re la yang me'i dra ba bar chad bco brgyad du gyur nas/ shing rta'i 'khor lo tsam gyi me'i ral gri'i 'khor lor gyur to// 'khor lo de 'dab chags su me 'bar ba'i nang nas dkrigs te/ mnar med pa'i sems can dmyal ba gshegs cing sreg go/ / lcags kyi khyi rnams kha gdangs shing lce lcags kyi gze ma dang 'dra ba phyung nas sa la phab pa'i tshe/ gdug pa'i lce me 'bar ba grangs med par gyur nas/ mnar med pa'i sems can dmyal ba la yongs su gang ngo // lcags kyi mkhar rim pa bdun gyi bar na lcags kyi rgyal mtshan 'bar ba grangs med pa yod do// rgyal mtshan gyi rtse mo nas lcags tshan gyi khu ba lud cing / chu mig drag po ltar 'bab ste/ mnar med pa'i sems can dmyal ba la yongs su gang ngo // mnar med pa'i sems can dmyal ba la sgo bzhi yod/
- 351b
de/ sgo'i them pa na phangs tshan 'bar ba brgyad cu brgyad cu snyed yod do// phangs kyi nang nas lcags tshan gyi khu ba lud cing 'bo ste/ mnar med pa'i sems can dmyal ba la yongs su gang ngo / / bar chad de re re na yang lcags kyi sbrul chen po brgyad khri bzhi stong snyed yod de/ kha nas gdug pa dang me 'byin to// sbrul gdug pa can des sems can dmyal ba'i lus la yongs su gang ste/ skad 'byin pa na 'brug ltar skad rab tu che ba sgrogs shing lcags kyi thu lum yang char bzhin du 'bebs pas/ mnar med pa'i sems can dmyal bar yongs su gang ngo // sems can dmyal ba'i sdug bsngal 'di ni sdug bsngal 'bum phrag brgyad khri snyed kun 'di na tshang bar yod do// sems can dmyal ba'i gnas de na lcags kyi srin bu khri phrag lnga brgyad snyed yod de/ srin bu gcig la yang kha brgyad khri bzhi stong snyed do// de'i kha nas me char bzhin du 'bebs pas/ mnar med pa'i sems can dmyal bar yongs su gang ngo // srin bu chen po de char bzhin du babs pa'i tshe na/ mnar med pa'i sems can dmyal ba'i me yang rab tu cher 'bar te/ me'i 'od kyis dpag tshad brgyad khri bzhi stong snyed kho ra khor yug kun snang bar byed do// mi des mnar med pa'i sems can dmyal ba nas/ rgya mtsho dang ri rab tu gdungs pa zhes bya ba la thug go// rgya mtsho'i gting nas kyang zhing rta'i srog shing tsam gyi lcags kyi smang du gyur nas
- 352a
mnar med pa'i sems can dmyal bar yongs su gang ngo / / bcom ldan 'das kyis dga' bo la bka' stsal pa/ rigs kyi bu sems can gang slob dpon dang / pha ma bsad ba dang / gnyen gyi drug brgyud la spyo zhing spong pa dang / gshe zhing brgyad pa dang / sems can nyon mongs pa rnams la snying mi brtse ba dang / g.yo sgyus log par 'tsho ba dang / sems can mang po'i srog bcad pa dang / mi dge ba bcu dang / mtshams med pa'i las byas pa dag/ 'chi 'pho'i dus byed pa na lcags kyi khyi rnams kha gdangs pa gser lta bu'i shing rta bco brgyad du sprul pa la/ steng yang rin po che'i gdugs bres pa lhar sprul te/ me lce thams cad kyang bu mo gzhon nur sprul nas/ spro ba skyod par gyur to// sdig pa can des rgyang nas mthong ba dang rab tu dga' ba'i sems bskyed de/ bdag der 'gro na re dga' snyam nas/ bdag der 'gro'o zhes smras pa dang / de ma thag tu rlung gi mthus rab tu grang bar gyur te/ skad chen po phyung nas me tsha ba zhig dang phrad na ci ma rung skam bsams te brjod nas/ shing rta de'i steng na 'dug cing / me tsha ba zhig dang phrad na re dga' snyam bsams pa dang / de ma thag tu nyam thag nas tshe 'phos te/ gser gyi shing rta 'bar ba'i steng na 'dug cing / bu mo gzhon nu rnams kyang lag na sta re rnon po re re thogs shing lus la gcod cing gshags pa/ shing rta'i 'og nas me rab tu 'bar te/ dper na stobs po che zhig lag ngar brkyang ba
- 352b
las bskum pa tsam gyi srid du/ mnar med pa'i sems can dmyal ba chen por lhung ngo // bar chad lhag ma nas me mgal bskor ba'i 'khor lo bzhin bar chad nang gi 'og mar phyin te/ bar chad kun tu lus kyis yongs su gang ngo / / zangs kyi khyis skad chen po phyung nas/ rus pa 'cha' zhing rkang 'jib bo// srungs ma srin pos ni lag na mdung rtse kha brag pa thogs nas mgo la btsugs te phyir bslang ngo / / de nyid du lus kun nas me 'bar/ mnar med pa'i sems can dmyal bar yongs su gang ngo // lcags kyi dra ba las ral gri 'bar ba char bzhin du 'bab ste/ khus kyi ba spu'i bu ga kun du zug go/ / de'i tshe sprul pa'i gshin rje 'ongs nas skad chen pos 'di skad ces smra'o// glen pa gti mug can dmyal ba'i sa bon khyod sangs rgyas dang chos dang slob dpon dang pha ma la sri nu ma byas te/ nga rgyal gyis chos log pa spyad pas khyod kyis skye ba'i gnas 'di ni mnar med pa'i sems can dmyal ba chen po zhes bya'o// khyed byas pa mi shes shing drin du mi gzo bas// ngo tsha ba dang khrel dang gzhung med pas 'di ltar sdug bsngal gyis gdungs par gyur pa 'di la da bde ba ci yod ces smras nas mi snang bar gyur to/ / de'i tshe na dmyal ba'i srungs mas sdig pa can de bar chad 'og ma nas bar chad lhag ma'i bar du bar chad brgyad khri bzhi stong snyed kun tu 'das nas/ kun la lus kyis 'gro zhing 'gro ste/ lcags kyi dra ba'i mthar phyin to// nyin zhag gcig gis lan re 'khor ro//
- 353a
mnar med pa'i nyin zhag gcig la ni 'dzam bu'i gling gi lo dang zla ba dang / zhag dang nyi mas bgrang ba'i bskal pa chung ngu drug cu snyed de/ de'i tshe'i tshad ni bskal pa chen po gcig go/ mtshams med pa lnga byas pa'i gang zag sdig pa can de dag 'chi 'pho ba'i dus byed pa na/ rlung gi mtshon cha 'bar ba lcags kyi shing rta dang dra ba bco brgyad kyis lus gtub gshag te/ me rab tu tsha bas snying la gdungs pas 'di snyam du bdag me tog sna tshogs dang ldan pa'i bsil grib can gyi shing chen po zhig gi 'og na rtse na re dga' snyam bsams pa dang / de ma thag tu mnar med pa'i sems can dmyal ba'i mtsho gyi nags tshal thams cad rin po che'i nags tshal lo ma dang / me tog dang / 'bras bu rgyas pa lha bur sprul pa rab tu dkrigs par gyur te/ me lce thams cad ni shing rtsa nas pad+mo lta bur sprul te spro ba bskyed pa dang / sdig pa can des mthong ba dang bdag gi yid la 'dod pa dang phrad do snyams bsams nas/ bu yug drag po bas kyang mgyogs par me'i pad+mo'i steng du 'dug par gyur pa dang / de mthag tu lcags kyi srin bu rnams kyang me'i nang nas byung ste/ rus pa dang / rkang gi nang du thal byung du song nas/ snying dang glad pa'i nang du yang thal byung du song ngo // 'phongs nas shing la 'jus te 'dzegs pa dang / thams cad ral gri 'bar bar gyur te yan lag dang rus pa kun dum bur chad de/ ral gri'i 'khor lo grangs med pa snyed kyang steng nas 'bab bo// me'i shing rta dang / lcags tshan
- 353b
'bar ba dang / sdug bsngal gyi dngos po bco brgyad kyang dus gcig tu 'dus nas ba su'o// de ltar gyur pa dang sa la 'gyel to// bar chad 'og mar lus pad+mo kha bye dang 'dra bar ral zhing gas pas yongs su gang ngo / / bar chad 'og ma nus bar chad gong mar rims bzhin du 'phar te/ me rab tu 'bar bas bsregs pas bar chad kun tu lus kyis gang ste/ tsha bas yongs su gdungs pas// mag dgrad kha gdangs te lce 'byin to// sdig pa can de la sdig pa'i las kyis ljags tshan gyi khu ba khri phrag brgyad stong dang / mtshon gyi 'khor lo brgya stong snyed 'bab cing 'bo ste/ spyi bor phog nas rkang mthil du thal byung du byung ngo / / sdug bsngal gyi dngos po rnams ni bshad pa bas kyang brgya stong gis lhag par mi zad do// mtshams med pa lnga byas pa'i sdig pa can de ni bskal pa yang lnga tshang bar sdug bsngal myong bar 'gyur ro/ / sems can gang tshul khrims kyi rtsa ba bzhi zhig pa dang / sprin bdag dad pa'i sbyin pa chud gsan pa dang / ngan par lta ba'i sems kyis chos la skur pa 'debs pa dang / las legs nyes kyi 'bras bu mi shes pa dang / shes rab kyi pha rol tu phyin pa ston cing 'chad pa dang slob pa'i bar chad byed pa dang / phyogs bcu'i sangs rgyas la dbang bzas pa dang / dge 'dun gyi dkor sdu la brlabs pa dang / mi rigs pa la mi tshangs par spyod pa dang / dge slong ma dang / ma sring du gyur pa'i gnyen pa la mi tshangs par spyod pa dang / khrel ba dang / ngo tsha med pa dang / gnyen gyi drug rgyud la spro zhing
- 354a
brgyad de mi rigs pa'i las byas pa'i sdig pa can de 'chi 'pho ba'i dus na yang rlung gi mtshon chas lus gshegs cing bde bar nyal du yang med de/ lcags mes bzhu ba bzhin du 'am thag nas sems kyang myos par gyur te/ mig lam na bdag gi 'khor yul dang / khyim dang gnas dang nor rdzas dang / zas snyoms la sogs pa thams cad mi gtsang ba dang / ngan skyugs kyis gang bar mthong ste/ de'i tshe sdig pa can de 'di skad du ci'i phyir gnas 'di dag na gnas bzang po ri dang tshal du ldan pa med dam/ ci ste 'di lta bu'i mi gtsang bas gang ba'i gnas 'dir bzhag ces smra'o de skad smras ma thag tu srungs ma srin pos mdung rtse kha brag pa'i kha nas/ mnar med pa'i sems can dmyal ba dang / ral gri'i tshal dang / me mur dang lcags tshan la sogs pa rnams rin po che'i shig dang / bsil ba'i rdzing bur sprul te khyer nas/ me lce rnams kyang gser gyi pad+mor sprul te/ srin bu lcags kyi mchu can rnams kyang bya ngur par sprul nas/ dmyal ba'i skad a byi zhes bya ba'i sgra ni glu dbyangs su sprul te/ spro ba bskyed do// sdig pa can des de lta bu dag mthong zhing thos pa dang / 'di skad du 'di lta bu'i gnas bzang por ci'i phyir bdag der mi 'dug snyam bsams pa dang / de ma thag tu me'i pad+ma'i steng du 'dug par gyur to/ / lcags kyi srin bu rnams kyang ba spu'i bu ga kun du zhugs te/ lus kun nas 'bugs shing ba'o// lcags kyi 'khor lo 'bar ba brgya stong snyed kyang mgo'i srang
- 354b
nas char bzhin du bab nas mdung rtse kha brag pa grangs med pa mig tu 'dzugs shing mig gi 'bras bu 'byin to/ / sems can dmyal ba'i zabs kyi khyi dang / lcags kyi khyi brgya stong mang po yang 'dus / de'i lus kham tshad du gshag cing snying la za'o// sdig pa can de'i lus de ma thag tu lcags kyi pad+mo lha bur gyur te bar chad bco brgyad po kun tu yongs su gang ngo // lus pad+mo lta bur gyur pa de re re la yang lus kyi yan lag pad+mo'i 'dab ma lta bu brgyad khri bzhi stong snyed yod do/ / yan lag de re res kyang bar chad de re re yongs su gang bar gyur te/ bar chad rnams kyang chen por ma 'gyur la/ sems can dmyal ba'i lus kyang chung ngur ma song ste/ de lta bu'i dmyal bar yongs su gang bar gyur to// sdig pa can des de lta bu'i dmyal ba chen por lo brgyad khri bzhi stong gi bar du sdug bsngal chen po blangs te/ de'i gnas nas shi ste yang dmyal ba'i shar phyogs kyi bar chad bco brgyad po kun nang du sdug bsngal chen po snga ma bzhin du len to// de bzhin du mnar med pa'i lho phyogs na yang bar chad bco brgyad/ / nub phyogs na yang bar chad bco brgyad byang phyogs na yang bar chad bco brgyad yod do// de dag kun tu gang shin tu rgyas pa'i mdo la bskur ba btab pa dang / mtshams med pa lnga'i sdog pa byas pa dang / mthun pa'i bar du dbyen byed pa dang / dge slong ma la mi tshangs par spyad pa dang / dge ba'i rtsa ba yongs su bcad pa dang / de la sogs pa'i sdig byas pa dag
- 355a
mnar med pa'i sems can dmyal bar lus kyis yongs su gang ste/ lus kyi yan lag bzhis kyang bar chad bco brgyad kun tu gang ngo // mnar med pa'i sems can dmyal/ ba 'di dag rtag tu de ltar 'bar ro// sems can dmyal bar sa bon btab pa gang zag de bskal pa zad du nye ba na/ dmyal ba'i shar phyogs kyi sgo byed nas sgo'i phyi rol na chu mig dang 'bab chu dang bsil ba'i rdzing bu dang / me tog dang 'bras bu'i tshal mang po snang bar gyur to// sdig pa can des de lta bu de dag mthong ba dang / mig nas me 'bar ba cung zad cig zhi nas par chad 'og ma nas 'phye zhing gog ste bar chad lhag mar phyin nas/ ral gri'i 'khor lo la 'ju ste bzung ba dang / nam mkha' las lcags kyi thu lum 'bar ba char bzhin du bab ste/ shar phyogs kyi sgor brgyugs so// sgro'i them par phyin nas srungs ma srin bu rag sha dang yag sha mdung rtse kha brag pas mig tu btsugs te phyir phul lo// lcags kyi khyi rnams kyis kyang bzung nas de nyid du bgyel te gi'o/ / shi ma thag tu phyir yang sos te dmyal ba'i lho sgo bye ba yang snga ma bzhin no// de bzhin du nub sgo dang byang sgor yang snga ma bzhin te/ de lta bur yang bskal pa phyed kyi bar du sdug bsngal myong bar 'gyur ro/ / mnar med pa'i sems can dmyal ba de nas shi ste rab tu grang ba'i sems can dmyal ba chen por skyes so// rab tu grang ba'i sems can dmyal ba
- 355b
de nas yang shi nas/ mun nag gi sems can dmyal ba chen por skyes te/ lo lho phrag brgya stong gi bar du ci yang mi mthong bar gyur to// de nas yang tshe 'phos nas srin bu chen po zhig gi skye ba blangs te lto bas 'phye zhing 'gro ste/ dbang po rnams yongs su mi gsal ba dang / shes pa med par gyur te/ sbyang gi brgya stong mang pos za bar gyur to// de nas yang tshe 'phos nas byol song gi khams su skye ba brgyud cing skyes te/ skye ba khri phrag lnga brgya'i bar du byol song gi lus len par 'gyur ro// de nas thar nas gzod kyis mir skyes na yang 'on pa dang / lkugs pa dang / zha ba dang / long ba dang / mdze dang // shu ba dang / g.yan pa dang / shu chen gyis gzir te/ dbul zhing phongs pa dang / rigs ngan par skye ba dang / gang ngan dgu thams cad 'tshogs par 'gyur ro// de ltar shin tu dman pa'i lus su skye ba lnga brgya'i bar du skyes te/ de nas yang phyir yi dwags kyi khams su skyes te gnas pa las/ de nas dge ba'i gshes gnyen byang chub sems dpa' chen po dang phrad de/ tshig 'di skad ces bsgo bar gyur to// khyod sngon skye ba grangs med pa'i sngon rol na kha na ma tho ba'i sdig pa dkon mchog gsum la skur pa btab pa dang / ma dad pa dang / ma mos pa dang / ma phyogs pas mnar med pa'i sems can dmyal ba chen por lhung ngo // dmyal ba'i sdug bsngal gyi dngos
- 356a
po yongs su gdungs pa ni bshad kyis kyang mi rdzogs so/ / da khyod byams pa dang snying rje chen po'i sems bskyed cig ces bsgo nas/ sangs rgyas la phyag 'tshal lo zhes slar bcug go/ / de nas sangs rgyas la phyag 'tshal lo zhes brjod pa'i bsod nams kyi mthus/ de nas tshe 'phos nas rgyal chen bzhi'i lhar skyes so// lha der skyes nas rab tu 'gyod de byang chub mchog tu sems skyed do/ / sangs rgyas kyi thugs rje'i 'od gzer gyis de dag mi gtong zhing yongs su 'dzin to// sras sgra gcan 'dzin dang 'dra bar de dag la byams shing thugs brtse ste/ 'di skad du rigs kyi bu sems can dmyal ba'i sdug bsngal las byol cig ces rjes su bstan pa mdzad do// bcom ldan 'das kyis rgyal po chen po la bka' stsal pa/ rgyal po chen po sangs rgyas kyi thugs kyi 'od zer chen po snang bar mdzad pa'i don rnams shes par 'dod na/ de ni gang zag mtshams med cing skyabs med pa'i skye bo rnams la rtag tu snang bar mdzad par shes par bya'o/ / sangs rgyas kyi thugs kyi dgongs pa ni rtag tu sdug bsngal ba'i gang zag sdig pa can rnams la dgongs te/ sangs rgyas kyi thugs rje'i byin gyis brlabs kyis/ gang zag sdig pa can sdug bsngal gyis gzir ba rnams kyang bskal pa bgrang ba las 'das nas/ byang chub tu sems bskyed par 'gyur ro// bcom ldan 'das kyis dga' bo la bka' stsal
- 356b
pa/ de la ji ltar na rab tu grang ba'i sems can dmyal ba bco brgyad ce na/ rab tu grang ba'i sems can dmyal ba ni/ chab brom gyi ri chen po brgyad khri bzhi stong snyed yod de/ ri de gcig la yang bar chad bco brgyad dang / ri chung ngu bco brgyad yod de/ shel gyi kha dog lta bu la rab tu grang ba'o// rab tu grang ba'i sems can dmyal bas ri de dag gi bar na yongs su gang nas/ gyo mo'i pad+ma lta bu la mtho khyad dpag tshad bco brgyad dang / chab brom gyi 'khor lo chu zheng gab par dpag tshad bcu gnyis pa steng gi nam mkha' las ser ba de bzhin du bab bo// de dag 'jig rten na gang snying rje'i sems med cing rku zhing 'phrog pa dang / sgyus 'phrog pa dang / mthus 'phrog pa dang / sems can gyi srog gcod cing sdig pa mang po byas pa'i gang zag de 'chi ba'i dus byed pa na gnas dang / 'du byed kyi dngos po thams cad me rab tu tsha ba dang / mtshon char gyur te/ sdig pa can de 'di snyam du bdag me rab tu tsha ba dang mtshon chas nyen par gyur pa dang / bdag chab brom gyi klong chen po zhog na nyal na ci ma rung snyam bsams pa dang / de ma thag tu dmyal ba'i srungs ma srin pos lag na chab brom gyi 'khor lo chen po thog te byA dkar po 'phur ba ltar nam mkha' las gom pa 'dor zhing 'ongs te spro ba skyed pa dang / sdig pa can des mthong ba dang tsha ba zhi zhing bsil bar gyur te/ de la sems kyis 'dod cing chags pa las tshe 'phos
- 357a
te chab brom gyi ri la skyes so/ / der skyes pa dang chab brom gyi ri chen po rnams bsil g.yab kyis g.yabs pa bzhin du grang ba dang sdug bsngal ba thams cad ba spu'i bu ga kun tu song ngo / / bar chad bco brgyad po kun tu lus kyis gang nas lus dang yan lag kun gas shing ral te bye nas pad+mo dmar po lta bur gyur te/ chab brom gyi 'khor lo chen pos lus la yongs su khebs te/ phyogs mtshams brgyad kyi cha ba brom gyi ri rnams kyang dus gcig tu 'dus nas byol ba dang bzur ba'i sa med de/ tshig tu a byi dang a la la zhes bya ba 'bod do// de'i tshe sdig pa can de 'di snyam du bdag nam zhig gi dus na rab tu grang ba 'di las thar te/ phyir yang me'i nang du skye grang snyam bsams pa dang / de'i dmyal ba'i lcags kyi bya rnams kyis kha nas me phyung ste/ phyogs mtshams dang steng 'og kun nas chab brom bzhu ste/ sdig pa can gyi klad pa brtol nas klad pa bzhibs pa dang / de nyid du dmyal ba'i srungs mas mdung rtse kha brag pa sa la brdabs te yang sos shig ces bos pa dang / de ma thag tu yang sos nas phyir yang me rab tu tsha bas gdungs pa dang / 'di ltar bdag gi lus la mes rab tu gdungs par gyur chab brom snga ma des me 'di bsad na ci ma rung snyam bsams pa dang / dmyal ba'i srung sa mas chab brom 'khor los sdig pa can de blangs nas bar chad gcig nas phyung ste/ bar chad
- 357b
gzhan gyi nang du bcug nas bar chad bco brgyad po kun tu ma phyin pa'i sa med de/ kun tu sdug bsngal 'dra bar spyod do// rab tu grang ba'i sems can dmyal ba'i tshe'i tshad ni rgyal chen bzhi'i gnas kyi nyi ma dang / zla bas bgrang ba'i lo khri phrag brgya stong snyed kyi bar du gnas so// de las thar nas kyang rigs ngan par skyes te/ dbul zhing phongs pa dang / byad gzugs ngan pa dang / skye ba lnga brgya'i bar du gzhan gyi bran khol du skyes te/ gos kyis lus mi yog pa dang / zas kyis lho mi khengs pa dang / tshe thung zhing nad mang bar 'gyur ro// de nas sdig sgrib kyi rnam smin bri nas gzod dge ba'i bshes gnyen chen po dang phrad de/ byang chub tu sems bskyed par 'gyur ro// bcom ldan 'das kyis dga' bo la bka' stsal pa/ de la ji ltar na mun nag gi sems can dmyal ba zhe na/ mun nag gi sems can dmyal ba zhes bya ba ni/ ri nag po rim pa bco brgyad dang / mun pa'i dra ba nag po rim pa bco brgyad dang / lcags kyi tshal rim pa bco brgyad dang / lcags kyi bla re rim pa bco brgyad mun pa'i 'jig rten dang bcas pa yod do// mun pa'i ri de dag kun kyang mtho khyad dpag tshad brgyad khri bzhi stong snyed yod do/ / bla re rim pa gcig la yang sdug khyad dpag tshad brgyad khri bzhi stong yod do// bla re'i rim pa re re'i bar na yang khor khor yug tu ri nog
- 358a
bco brgyad kyis grib mar bsgribs so/ / 'di ni 'jig rten na skye bo dang / gang zag glen zhing gti mug can dag sangs rgyas dang / chos dang 'phags pa'i dge 'dun dang mchod rten chen po brgyad dang / ma hA bo d+hi la sogs pa la bsngos pa'i me mar dang snang ba'i sgron ma brkus pa dang / pha ma dang / slob dpon dang bla ma'i snang ba brkus pa dang / chos dang chos kyi mkhan po la bskur pa btab pa dang / 'jig rten gyi gtsug la mkhas pa la yang brnyas smod byed pa dang / legs nyes kyi ngo mi shes pa dang / sdig pa mang po byas pas 'chi 'pho ba'i dus byed pa'i tshe na/ mig na glog lta bu 'gyur zhing 'bar ba rgyun mi 'chad par gyur pa dang / 'di snyam du bdag nyes pa ci byas nas 'di ltar rtag tu mig mi mthong bar gyur pa yin snyam bsams nas/ nyi zla'i 'od kyang mthong bar mi 'dod do// tha ma 'chi ba'i dus byed pa na/ dmyal srungs srin pos lcags kyi khri la lcags kyi bla re bres pa khyer te/ sprin 'du ba bzhin du nam mkha' las babs so/ / de'i tshe nam mkha' las gzugs mi snang bar sgra 'di skad du grags so// rigs kyi bu gnas 'di rab tu mun pa gnag na/ khyod 'gro 'dod dam zhes grags pa dang / sdig pa can des thos pa dang gnas der 'gro bar dga' ba'i sems bskyes te/ de ma thag tu 'phos nas lcags kyi khri la 'dug par gyur nas/ bya ngang pa'i rgyal po 'phur
- 358b
ba ltar chas te/ mun nag gi sems can dmyal bar lhung ngo // der phyin nas ral gri'i 'khor lo mang po lhag 'og gnyis nas 'phen te/ lus gtub cing gshag go/ lcags kyi bya chen po mchu rno zhing ring ba dag kyang / ri nag po de las babs nas mchu rnon pos thal byung ngu zug cing phug go/ de lta bu'i sdug bsngal chen po lo 'bum phrag lnga brgya'i bar du myong bar gyur te/ 'jig rten gyi nyi ma rab tu med pa dang / phan tshun du brgyug cing snang ba tshol lo// de'i tshe rkang pa'i 'og nas lcags kyi spyang chen po dang / gze ma rnon pos rus pa dang rkang la thal byung ngu zug/ cing phug go// de lta bu'i sdug bsngal chen po lo 'bum phrag lnga brgya'i bar du myong bar gyur to// 'jig rten gyi nyi ma dang zla bas bgrang ba'i lo dang bskal pa'i tshad ni rgyal chen ris bzhi'i lha dang mnyam mo/ / sdig pa can de mun nag gyi khams der ni nag po kun la phan tshun du mgo bo thug pas klad pa rlugs te lcags kyi khyi rnams 'ongs te bldags so// mig gi 'bras bu yang sa la lhung ste/ dmyal ba'i srungs ma srin pos mdung rtse kha brag pa thogs te mig gi 'bras bu blangs nas phyir mig tu 'dzud do// sdug bsngal chen po de lta bu dag myong nas/ ci ste thar na yang dbul zhing 'phongs pa dang dbang po lnga mi gsal ba dang shes pa med pa dang lus la nad mang ba dang / kun gyis mi 'dod par 'gyur ro// de lta bu'i rnam par smin pa yang
- 359a
skye ba lnga brgya'i bar du myong bar 'gyur ro/ / de nas gzod dge ba'i bshes gnyen chen po dang phrad nas byang chub tu sems bskyed par 'gyur ro// bcom ldan 'das kyis dga' bo la bka' stsol pa/ de la ji ltar na rab tu tsha ba'i sems can dmyal ba chen po bco brgyad ce na/ rab tu che ba'i sems can dmyal ba bco brgyad ces bya ba ni/ mnar med pa'i dmyal ba chen po bzhin du/ lcags kyi mkhar me rab tu 'bar ba rim pa bdun dang / lcags kyi dra ba rim pa bdun dang / gzhan yang sdug bsngal gyi dngos po ma rungs pa tshad med pa dag yod do/ / gang zag la las dkon mchog gsum la mtshams med pa lnga'i sdig byas pa dang / slob dpon la rku ba dang / slob dpon gyi zas la gtsang sbra ma byas pa dang / slob dpon gyi khri stan la 'dug pa dang / slob dpon la brnyas shing smod pa dang / slob dpon la g.yo sgyu byed pa dang / slob dpon la skur pa 'debs pa dang / slob dpon la rdeg pa dang / slob dpon la bsod pa dang / slob dpon la dug ldung ba la sogs pa'i sdig pa byas pa dang / gzhan yang gang zag slob dpon dang / bla ma dang / pha mas bsrun pa bzhin du mi byed cing log pa'i sems bskyed pa dang / byas pa mi shes pas drin du mi gzo ba dang / gzhan yang mchod rten dang lha khang dang / sku gzugs bshig
- 359b
pa dang / dkon mchog gi dkor srung brkus pa dang / pha ma dang / phu nu dang / ming sring dang gnyen 'dun du gyur pa la sogs pa la 'tshe zhing gsod pa dang / chos ma yin pa rnam pa mang po b yas pa'i sdig pa can de 'chi 'pho ba'i dus byed pa na mnar med pa'i sems can dmyal ba'i srung ma bco brgyad kyis so so nas mdung rtse kha brag pa'i khal bar chad re re khyer te 'ongs pa las sems can dmyal ba de dag gis bar chad de/ rin po che'i gdugs la bdud rtsi char spel ma 'bab pa lta bu la/ char gyi thigs pa me tog dang 'dra bar mthong ba dang / sdig pa can d e sdig pa'i rnam par smin pas rab tu tsha ba'i mes snying la gdungs pa'i tsha bas nyen pa las 'di snyam du bdag gdugs kyis bkab pa'i 'og na 'dug cing char gyi thigs pa 'dis phog na ci ma rung snyam bsams pa dang / de ma thag tu tshe 'phos nas rdo 'phangs pa tsam gyi srid du ra la gri'i khrel 'dug par gyur to// ral gri rnon po la me rab tu 'bar ba grangs brjod du med pa snyed dkrigs shing bsdams te/ rin po che'i gdugs de yang mtshon cha sna tshogs kyi 'khor lo dang gdugs su gyur te/ steng nas ba ba ste spyi bo nas thal byung du phyed tshul du gshegs shing dral te dum bu brgya stong du mar gtubs so char gyi thigs pa me tog tu mthong ba de yang steng gi phyogs nas lcags kyi thu lum 'bar ba char bzhin du babs ste/ ba spu'i bu ga kun tu song ba dang /
- 360a
lus me'i phung por 'bar ro// srungs ma srin po bco brgyad kyis kyang mdung rtse kha brag pa thogs te sdig pa can gyi mig tu 'dzugs shing / snying la mtshon gyis 'debs pas/ de nyid du 'gyis te shi'o// de ma thag tu phyir yang sos nas ral gri'i khri dang 'khor lo'i steng du 'dug cing rlung drag po bas mgyogs par sems can dmyal ba chen por lhung ngo // de tshe dmyal ba'i srungs ma srin pos gshin rje'i gnas dang bcas te steng gi nam mkha' la 'dug nas 'di skad ces smra'o/ / sems can dmyal ba'i sa bon khyod/ sangs rgyas dang / chos dang 'phags pa'i dge 'dun dang / pha ma dang slob dpon dang gnyen 'dun du gyur pa la mtshams med pa lnga dang / de dang nye ba lnga dang mi dge ba bcu'i sdig byas pa dang / chos ma yin pa'i sdig pa mang po byas pa'i las kyi rnam par smin pas khyed kyi skye ba'i gnas 'di ni lce 'byin pa'i sems can dmyal ba zhes bya ste/ khyed bskal pa gsum gyi bar du sems can dmyal ba'i sdug bsngal chen po myong bar 'gyur ro zhes smras so/ / sdig pa can de'i sdug bsngal gyis rab tu gdungs pa'i tshad ni sngar bshad pa bzhin no// gal te de las thar na yang ngan song gsum gyi nang du skye ba brgyud de/ de las thar te phyir mir skyes na yang ngan dgu 'tshogs par 'gyur ro// de nas gzod dge ba'i bshes gnyen chen pos
- 360b
byang chub tu sems bskyed do/ / bcom ldan 'das kyi dga' bo la bka' stsal pa/ de la ji ltar na mtshon gyi 'khor lo'i sems can dmyal ba bco brgyad zhe na/ mtshon gyi 'khor lo'i sems can dmyal ba ni/ phyogs bzhin ral gri dang / mtshon cha'i ri yod do// ri de dag kun gyi bar na ral gri dang / spu gri ka ma la dang / mdung dang shag ti la sogs pa nags tshal bzhin du dkrigs te/ steng gi nam mkha' las ral gri dang / spu gri'i 'khor lo chen po khri phrag brgyad brgya'i rnams mthar gyis rang bzhin du 'bab bo// sems can gang gzhan la 'tshe bar dga' zhing sems can gyi srog gcod par 'dod pa dang / sdig pa mang po byas pa dag 'chi ba'i dus byed pa'i tshe na grang nad kyis shin tu nyon mongs nas khong par sman chen por zhugs te rdo bzhin du sra zhing rab tu gang bar gyur pa dang / 'di snyam du bdag gi lto ba 'di gli 'am/ ral gri'am/ spu gri rnon po zhig gis bral te nad 'di thang la phyung na tsa ma rung snyam bsams pa dang / de ma thag tu dmyal srungs srin pos spyi bo ya ral gri dang / spu gri'i 'khor lo thogs te/ sdig pa can gyi drung du 'ongs nas spro ba bskyed de tshig 'jam pos 'di skad du/ bdag la 'di lta bu'i spyad rnon po dge yod na/ khyod kyi lus la nad yod pa 'di ngas bcad cing dbyung na rung ngam zhes smras pa dang / sdig pa can des tshig de thos nas 'khor
- 361a
lo rnon po de dag mthong ba dang / rab tu dga' ste 'di skad du bdag ni rab tu tshim par gyur to snyam bsams pa dang / de nyid du tshe 'phos te mtshon gyi 'khor lo'i ri la skyes nas/ ba glang rmig pa brgyug pa bzhin du mtshon gyi ri la 'gyel bar gyur to// de nas phyogs bzhi'i ri yang phan tshun dus nas mtshon gyi nags tshal gyis gtum cing dmyal te de nyid du yang shi'o/ / dmyal srangs srin pos sdig pa can de mtshon gyi ri la bdas pa dang / ri'i rtse mor ma phyin par lus kyi yan lag kun dum bur chod kyang / dmyal srungs kyis 'jigs pas tshon gyi ri la gog ci'i 'gro'o/ / ri'i rtse mor phyin pa dang dmyal ba'i srungs ma srin pos mtshon gyi sdong po bteg ste sdig pa can de la brdeg go/ de'i tshe lcags kyi khyi dang lcags kyi srin bu rnams kyis kyang snying dang / klad pa dang / rkang la 'jib cing za ste/ phung po zhig nas sha kun zad pa dang phyir yang sos so// de nas yan lag bzhi la ral gri'i 'khor los zug bzhin du ri'i rtse mo nas phyir babs so/ / de lta bur nyin zhag gcig la lan khri phrag drug cu ni 'chi/ lan khri phrag drug cu 'tsho'o// de ltar sdug bsngal rnam pa bco brgyad kyis yongs su gtug pa ni rgyal chen ris bzhi'i lha'i tshe tshad bzhin du gnas so/ / gal te de las thar na byol song gi khams su skyes te skye ba lnga brgya'i bar du zas su rtswa dang shing za bar
- 361b
'gyur ro/ / de las thar na yang skye ba lnga brgya'i bar du rigs ngan par smra ba brgyud cing skye bar 'gyur ro// de nas gzod dge ba'i bshes gnyen chen po dang phrad nas byang chub tu sems bskyed par 'gyur ro/ / bcom ldan 'das kyis dga' bo la bka' stsal pa/ de la ji ltar na ral gri'i tshal gyi sems can dmyal ba zhe na/ ral gri'i tshal gyi sems can dmyal ba zhes bya ba ni/ kho ra khor yug du dpag tshad lnga bcu snyed la/ bar mtshams med par ral gris bsnyams pa'i nang na ral gri sdong po yod pa'i grangs ni 'bras kyi zhing ngam 'od ma 'am/ 'dam bu'i tshal bzhin no// ral gri'i sdong po de gcig cing yang mtho khyad dpag tshad bzhi bcu yod do// ral gri'i 'khor lo brgyad khri bzhi stong snyed ni lo ma ltar 'phyang/ ral gri'i 'khor lo brgyad khri bzhi stong snyed ni me tog lhar rgyas so// ral gri'i 'khor lo brgyad khri bzhi stong ni 'bras bu lhar gyur la/ lcags can 'bar ba brgyad khri bzhi stong snyed ni sdong po'i yal ga lhar gyur to/ / de yang sems can gang 'dod chags zhe sdang gti mug gsum gyi dbang du song ba sems can gyi srog gcod pa la dga' zhing mos pa'i sdig pa can de 'chi ba'i dus byed pa na/ lus la tsha grangs rnam pa gnyis kyi nad kyis btab nas 'di snyam du/ bdag gi lus dang yan lag kun bar bar na ni shin tu tsha bar bar na ni shin tu grang nas
- 362a
lus kun 'dar zhing rengs te rdo 'am shing lhar gyur pa 'di la rdo rje'i mtshon cha lta bu zhig gis gtubs te/ tsha grang gi nad 'di bcad na brjod kyis mi lang bar shin tu dga' zhing tshim par 'gyur ro snyam sems so/ / de'i tshe dmyal spangs srin po glang gi mgo can gyis lus bsgyur te/ sdig pa can gyi pha ma 'am/ gnyen bshes lha bur sprul nas 'ongs 'di skad du khyod kyi yid la sems pa lhar bdag la cho ga gsang ba zhig yod na/ khyod nyan nam mi nyan zhes smras pa dang / sdig pa can de rab tu dga' nas mos par gyur te/ la gor myur du sgrub/ par 'dod do// de ltar bsams ma thag tu lkugs chad de tshe 'phos nas dpag chen gyi mda' 'phangs pa bzhin du ral gri'i me tog gi nang du skyes te lus gtub cing dmyal te dum bu sran ma tsam du gyur pa dang / lcags kyi bya rnams kyang lcags sdong po'i kha nas babs te/ mig gi 'bras bu dang snying 'byin cing klad pa yang 'jib bo// gzhan yang dmyal srungs srin pos lag na sta re chen po thogs te/ mgo bcom nas klad pa rlug pa la lcags kyi khyi rnams 'ongs te bldag go// de ltar shi nas yang sos pa dang / phyir yang sos te lcags kyi shal ma ri'i sdong po la 'dzeg tu bcug go/ / sdong po'i rtse mor ma phyin par lus dang yan lag rdul bzhin du lhags so// de bzhin du sdong po de nyid la nyin yang lan re/ mtshan yang lan re 'dzeg ste/ nyin zhag
- 362b
gcig la lus rdul bzhin du gyur pa'i grangs ni brjod par sla ba ma yin no/ / sems can gyi rgyal po mi gsad pa la sogs pa'i sdig pa can de la de ltar rnam par smin par gyur te/ de nas thar na yang lo 'bum phrag brgyad kyi bar du byol song gi khams su skye ba brgyud cing skyes te/ rtag tu khal lci ba khur zhing shi nas kyang pags pa bshu zhing sha khrag za bar 'gyur ro// de nas mir skyes na skye ba lnga brgya'i bar du rigs ngan pa dang / nad mang ba dang / tshe thung ba dang / shin tu dbul zhing phongs par gyur to// de nas dge ba'i bshes gnyen chen po dang phrad nas gzod byang chub tu sems bskyed par gyur to/ / bcom ldan 'das kyi dga' bo la bka' stsal pa/ de la ji ltar na me'i shing rta'i sems can dmyal ba bco brgyad ce na/ me'i shing rta'i sems can dmyal ba zhes bya ba ni/ zangs re re yang che khyed dpag tshad bzhi bcu ste/ de'i phyi nang na me rab tu 'bar te/ 'og na yang lcags tshan 'bar ba'i 'phang lo chen po bco brgyad yod de/ steng na yang me'i 'khor lo chen po dgu bcu rtsa bzhi snyed 'bar ro/ / sems can gang sangs rgyas kyi nye gnas su gyur pa'i gang zag gam/ tshangs pa la rjed pa 'am/ khyim nas rab tu byung ba dag bcu drug po 'am/ khyim pa yang rung ste log par 'tshe zhing g.yo sgyu dang sdig pa mang po byas pa'i gang zag de 'chi 'pho ba'i dus byed pa na/ rlung gi khams g.yos nas ba spu'i bu ga kun tu song ste
- 363a
lus chab brom ltar rab tu grang bar gyur pa dang / 'di snyam du bdag nam zhig gi dus na rab tu 'bar ba'i me'i phung de'i nang na 'dug cing grang ba'i nad 'di rab tu zhi bar gyur na cim rung snyam bsam pa dang / dmyal ba'i srungs ma srin por ga shas me'i shing rta gser gyi pad+mor sprul te/ srin po nyid kyang khye'u gzhon nu lha bur sprul nas/ lam na me'i shing rta pad+mor sprul pa dang / sbrang yab dkar po thogs te/ lus bsgyur zhing gar stabs dang sdig pa can gyi drung du 'ongs nas 'dug pa dang / sdig pa can de rab tu dga' ba'i sems skyes te/ gser gyi pad+mo lta bu de la 'dug par dga' ba dang / de ma thag tu tshe 'phos nas skad cig ma dang po la me'i shing rta'i steng du phyin te/ lus dang yan lag kun nas kyang me rab tu 'bar nas/ me'i phung por lhung ste tshig cing thal bar 'gyur ro/ / srungs ma srin pos sos shes bos pa dang phyir yang sos so// de nas me'i shing rtas lus bsreg shing bshags pa ni nyin zhag gcig la lan bco brgyad ste/ lus rdul bzhin du phye mar gyur pa la/ lcags tshan gyi khu ba char bzhin du bab pa dang phyir yang sos so// de nas zangs tshan na lcags khu khol ba'i nang du yang gting nas kha'i bar du mar 'byung zhing mes shing rtas lus gshag ste nyin zhag gcig la lan khri phrag drug cu ni 'chi/ / lan khri phrag drug cu ni 'tsho ste/ de las thar nas kyang shin tu dman pa'i rigs su skyes te/ dbul
- 363b
shing 'phongs pa dang / gzhan gyis bkol ba dang / gzhan gyi dbang du 'gyur zhing bdag la dbang med par 'gyur ro// de las thar nas sngon khyim nas byung ba'i dge ba'i bsod nams// kyis dge ba'i bshes gnyen dang phrad de/ gzod byang chub tu sems bskyed nas chos bstan pa dang / de dag sems kyis chud cing yid kyis rtogs te dgra bcom par gyur to// bcom ldan 'das kyis dga' bo la bka' stsal pa/ de la ji ltar na shin tu dri mi zhim pa'i lcags khu khol ba'i sems can dmyal ba bco brgyad ce na/ dri mi zhim pa'i lcags khu khol ba'i sems can dmyal ba zhes bya ba ni tshe khyud dang / dpag tshad brgyad cu ste/ lcags kyi mkhar ma 'bar ba rim pa bco brgyad yod de/ mkhar de gcig cing yang bar chad bco brgyad yod do/ / bar chad de gcig cing yang ngos bzhin ral gri'i nags tshal 'bar ba yod la/ steng 'og dang phyogs mtshams kun nas kyang ral gri'i so rab tu bltams te/ ral gri'i so'i steng na yang lcags kyi gze ma 'bar ba bltams te/ ga ze ma dang ral gri'i bar dang mtshams na lcags tshan gyi srin bu grangs med pa yod do// srin bu de gcig la yang mgo brgya stong snyed yod de/ mgo de gcig la yang mchu brgya stong snyed yod do// mchu'i thog ma la yang lcags kyi srin bu rtsangs pa brgya stong snyed yod de/ rtsangs pa de dag gis kha nas shin tu dri mi
- 364a
zhim zhing khol ba'i lcags khu 'byin te/ lcags mkha' 'bar ba'i nang yongs su gang ngo // steng nas kyang lcags tshan 'bar ba'i dra ba dang bla rer bres te/ de'i steng na yang lcags kyi bya chen po yod do// de dag 'jig rten na gang zag dus khrims brgyad bshig pa dang / dge tshul po mo dang / dge slong ma'i khrims pa shig pa dang / dge bsnyen dang / dge bsnyen ma dang / dge slong dang / dge slong ma la sogs pa'i 'khor bdun po'i tshul khrims bshig pa dang / gzhan yang dge 'dun dang pha ma dang / slob dpon gyi zas la mi gtsang ba'i lag gis reg pa dang / gtsang sbra ma byas shing phri gzhod byed pa dang / 'khor rnam pa bzhi las gang zhig mi gtsang ba'i lus kyis dge 'dun gyi stan la 'dug pa dang / mi dge ba'i las byas nas 'gyod tshabs ma byas par/ dge 'dun dang lhan cig tu stan gcig la 'dug pa dang / kha zas lhan cig tu za ba dang / dge 'dun dang lhan cig tu gso sbyin byed pa dang / de la sogs pa'i mi dge ba'i las ngan pa mang po byas pa dag tshe 'pho ba'i dus byed pa na lus gla rtsi ltar shin tu dri mi zhim zhing mi bzod de/ 'di snyam du bdag nam zhig gi dus na gnas gang na dri bsung ngan pa 'di mi bro bar 'gyur zhing / spos kyi dri ngan zhim blo bdag gis lus la rlung chen po phog na ci ma rung snyam bsams pa dang / de ma thag tu srungs ma srin pos lag na
- 364b
bum pa ri mo can gyi nang spos kyis bkang ba lta bu sprul pa thogs te/ sdig pa can gyi drung du 'ongs nas 'dug pa dang / de la shin tu 'dod cing chags pa skyes pa dang / de nas lkugs chad de tshe 'phos nas rlung drag pos sa bus pa bzhin du dri mi zhim pa'i lcags khu khol ba'i sems can dmyal bar lhung ngo / / rab tu dri mi zhim pa'i lcags kyi srin bu ma rungs pa rnams kyis kyang / lce'i rtsa ba dang srog rtsa la 'jib cing za'o// de lta bur nyin zhag gcig la lan khri phrag brgya dgu bcu ni 'chi/ lan khri phrag brgya dgu bcu ni 'tsho'o// de las thar nas kyang ngan la dbul zhing phongs pa'i rigs su skyes te/ gzhan gyi dbang du gyur pa dang / skye ba blangs pa'i tshe na yang rgyal po ngan par lta ba can gyi khams su skye zhing sdug bsngal sna tshogs lus la mnar bar gyur te/ 'brum bu sna tshogs dang / shu chen gyis lus la gos gyon pa bzhin du 'gyur ro// de yang 'jig rten gyi mi chos bcu drug spyad pa'i dge ba'i rgyu tsam gyis dge ba'i bshes gnyen dang phrad de gzod rab tu byung nas spyod pa la zhugs te/ dgra bcom par 'gyur zhing rigs pa gsum dang mngon par shes pa drug dang / rnam par gro ba brgyad thob par 'gyur ro// bcom ldan 'das kyis dga' bo la bka' stsal pa/ de la ji ltar na chu tshan khol ba'i sems can dmyal ba zhe na/ chu tshan khol ba'i sems can dmyal ba zhes bya ba ni/ zangs chen po bco brgyad yod de
- 365a
zangs de gcig cing yang che khyad dpag tshad bzhi bcu yod do/ / de na lcags kyi dra ba rim pa bdun gyis bskor zhing bla rer bres te me rab tu 'bar ba'o// zangs chen po dedag kun gi nang na/ chu tshun khol ma lcags khu 'bar ba lta bus yongs su gang ngo // de'i 'og na srin po lnga brgyas ni rdo thal gyi me 'bud de/ zangs de dag kun sreg go// rdo ba'i me lce rgyun mi 'chad par 'bar ba ni lan cig 'bar nas/ nyin zhag drug cu'i bar du mi 'chi ste/ dmyal ba'i nyin zhag drug cu de 'dzam bu gling gi nyi ma dang zla bas bgrang ba'i lo khri phrag bcu gnyis so/ / de ltar zangs tshan 'bar ba'i nang nAs chu tshan khrol ma lcags khu 'bar ba lha bu skar mda' wAr gnam du yar te/ me'i 'khor lor gyur nas phyir yang zangs kyi nang du lhung ngo / / gang zag la la sangs rgyas kyi tshul khrims bshig cing lhar rjed pa dang / sems can gyi srog gcod cing sha khrag za ba dang / ri dang 'brog la me btang nas sems can mang po bsregs pa dang / gson por mer bcug nas bsregs pa dang / sdig pa mang pos byas pa dag che ba'i dus byed pa na lus dang sems myos te dbang po kun 'gags nas/ lus bar bar ni me'i phung po lhar tsha/ bar bar ni chab brom gyi phung po lhar grang ste/ 'di snyam du lus chu dron zhig gi nang du zhugs te bkrus na ci ma rung snyam bsams pa dang / de ma thag tu
- 365b
dmyal ba'i srungs ma srin pos g.yog 'khor lta bu zhig tu sprul nas chu dron gyi snod chen po thogs te/ sdig pa can gyi drung du 'ongs pa dang / chu dron de'i nang du 'jug par dga' zhing chags pa'i sems skyes so/ / de nas tshe bos nas zangs khol pa'i nang du skyes te/ de ma thag tu tshogs shing myags nas rus pa las ma lus so// de nas mdung rtse kha brag pas blangs te/ phyir byung ba dang lcags kyi khyi rnams kyis rus pa 'chos pa dang / de ma thag tu phyir skyugs nas yang sos te snga ma bzhin no// srungs ma srin pos phyir yang zangs kyi nang du ded pa dang / zangs khol ma des 'jigs nas ral gri'i sdong po la 'jus pa dang / sha dang rus pa kun dum bur chad de zangs khol ba'i nang du lhung ngo // srog bcad pa'i dbang gi nyin zhag gcig la lan gang+gA'i klung gi byed ma snyed ni 'chi lan gang+gA'i klung gi byed ma snyed ni 'tsho'o/ / de las thar nas byol song gi khams su skyes te/ byol song gi nang na yang gang tshe thung ba'i gnas su skye ba khri phrag brgya stong gi bar du brgyud cing len no/ / de nas yang phyir mir skyes nas rnam par smin pa rnam pa gnyis yongs su smin pa gyur te/ nad rab tu mang ba dang tshe shin tu 'thung bar 'gyur ro/ / de'i 'khor du gyur pa rnams kyang tshe thung zhing nad mang bar 'gyur ro// de nas kyang bskal pa brtsi ba dang bgrang ba las 'das nas/ gzod dag pa'i bshes
- 366a
gnyen dang phrad de khrims lnga 'dzin cing pha rol tu phyin pa drug spyod par 'gyur ro/ / bcom ldan 'das kyis dga' bo la bka' stsal pa/ de la ji ltar na thal chu'i sems can dmyal ba zhe na/ thal chu'i sems can dmyal ba zhes bya ba ni/ bcom ldan 'das kyis chur dpag tshad nyis brgya zheng du dpag tshad bcu gnyis snyed de/ 'og nas kyang ral gri'i so rab tu bltams la 'gram yang ral gri'i sdong pos yongs su bltams te/ 'og gi gting nas kyang me mur zabs su 'dom nyi shus bkang ba'i steng thal bas g.yogs te/ 'jig rten na gang zag gti mug can pha dang ma la bsku 'phrog byed pa dang / bskyed pa'i drin ngo mi shes shing lan glon pa'i sems med pa dang / bla ma dang slob dpon dang phu nu dang gnyen bshes la brku 'phrog pa slob dpon dang pha ma dang / mi bla mas bstan pa bzhin du mi byed cing 'dod chags kyi dbang du gyur nas khrel ba dang ngo tsha ba med pa dag/ 'chi 'pho ba'i dus byed pa na lus rab tu gtse zhing grang ba'i nad kyis khong pa lkugs kyis gang ba dang / 'tshangs shing rab tu mi bde bar gyur pa las 'di snyam du bdag gi lus 'di ltar rab tu brtse zhing lkugs kyis tshangs pa 'di la thal chu 'jam po zhig gis bkrus sam bshal na ci ma rung snyam sems pa dang / de ma thag tu srungs ma srin po 'bar bas bdag gi bu dang chung mar sprul te/ lag na me mur gyi snod thal
- 366b
bas bkang ba thogs te drung du 'ongs pa dang / sdig pa can des de mthong ba dang / rab tu dga' ba'i sems skyes te/ de ma thag tu tshe 'phos pa dang thal chu'i sems can dmyal bar lhung ngo/ / de nas ral gri'i sdong po'i bar kun na srin po lag na ral gri'i sol me 'bar ba rnon po thogs pa mang po yod de/ srin po de dag kun gyis ral gris gzas pa dang / 'jigs shing skrag nas thal ba'i nang du bros so/ / der yang gom pa bor ma thag tu thal ba'i nang nas ral gri'i so bltams pas rkang pa kun dum bur sran ma tsam du chad de/ ral gri'i sdong po las kyang ral gri char bzhin du bab nas/ ba spu'i bu ga kun tu zug go// dmyal srungs srin pos mdung rtse ba brag pa thogs te de'i snying dang klad pa phyung nas shi ma thag tu phyir yang sos so// lhar sdig pa can des sdig pa mang po byas pa'i las kyi dbang des de lta bu'i nya ni zhag gcig la lan khri phrag lnga brgya ni 'chi/ lan khri phrag lnga brgya ni 'tsho'o// bkres shing skom pas yongs su gdungs te kha gdangs pa dang / ral gri'i sdong po las ral gri char bzhin du 'bas ste/ kha dang spyi bor zug pas lto ba dang / rus pa yang thal byung du gshags te shi nas tshe 'phos so/ / sngon sangs rgyas dang / chos dang / dge 'dun gyi mtshan thos pa tsam gyis de las thar nas phyir yang mir skyes te/ rigs ngan pa dang dbul zhing phongs par 'gyur ro//
- 367a
de nas 'jig rten mi rtag par shes nas gzod rab tu byung bar gyur te/ mngon par shes pa drug dang / rnam par grol ba brgyad thob par gyur te/ gal te sangs rgyas mi bzhugs na yang rang sangs rgyas su 'gyur ro/ / bcom ldan 'das kyis dga' bo la bka' stsal pa/ de la ji ltar na mtshon gyi tshal gyi sems can dmyal ba khri phrag lnga brgya zhe na/ mtshon gyi tshal gyi sems can dmyal ba zhes bya ba ni/ khor yug tu tshe khyad dpag tshad brgya stong snyed yod de/ de'i nang ral gri'i sdong pos yongs su gang ste/ de'i lo ma ni spu gri dang / 'khor lo'o// 'bras bu ni lcags kyi thu lum ste/ ral gri'i sdong po mtho khyad kyang dpag tshad nyi shu rtsa bzhi'o// sems can gang pha ma la sri zhu mi byed pa dang / slob dpon dang / bla ma la sri zhu mi byed cing gnyen btsun du mi blta ba dang / ngan du smra ba dang / dkon mchog gsum la skur pa btab pa dang / sems can mang po la 'tshe zhing gnod pa byed cing snying rje'i sems med pa'i sdig pa can de dag 'chi 'pho ba'i dus byed pa na rnyog cing yid kyis gnas kun chags pa dang / 'di snyam du bdag gi rnam shes 'di thams cad kun la chags shing / lus rab tu na yang snying gi chags shing mi gtong na/ gri rnon po zhig gis chags pa'i snying 'di bcad na ci ma rung snyam bsams pa dang / dmyal ba'i srungs
- 367b
ma srin pos de ma thag tu g.yog bran gyi lus su sprul nas drung du 'ongs te/ lag na me long thogs te sdig pa can de la 'di skad du/ khyod kyi snying ci la yang chags pa de me long 'di la ltos zhes smras pa dang / sdig pa can des bltas pa dang / me long de'i nang na ral gri dang spu gri rnon po yod par mthong nas 'di snyam du nga ni mtshon rnon po 'dis bdag gi snying dngos po kun la chags pa 'di gcad do snyam nas rab tu dga' ba dang / tshe 'phos te yi dgas kyi lus blangs nas ral gri dang / spu gri'i nags tshal gyi nang du skyes so// skyes ma thag tu lcags tshan gyi thu lum gyis spyi bor phog nas thal byung du rkang pa'i mthil du phyung ngo / / des khong pa nas glo snying dang rgyu long dang / nang grol kun tshig cing rul nas sa la 'gyel te/ dmyal ba'i srungs mas mdung rtse kha brag pa sa la brdabs te/ sdong po la 'dzeg tu bcug go// mtshon gyi sdong po de'i khar phyin ma thag tu lcags tshan gyi srin bu mang pos btogs shing zos pa dang shin tu skrag cing sbyangs nas sdong po gcig nas gcig tu mchongs te/ lus rdul bzhin du lhags so// de bzhin du mthar gyis sdong po kun la mchong zhing nyin zhag gcig la lan khri phrag brgyad ni 'chi lan khri phrag brgyad ni 'tsho'o/ / de las thar nas kyang yul mu ge can dang / bskal pa zad du nye ba'i 'jog rten du bran khol gyi rigs su skyes
- 368a
kha dang lkugs kyi dri ma mi zhim pa dang / kun gyis mi 'dod par 'gyur ro// de ltar bskal pa brtsi ba dang bgrang ba las 'das nas/ gzod dge ba'i bshes gnyen dang phrad de byang chub tu sems bskyed par gyur to/ / bcom ldan 'das kyis dga' bo la bka' stsal pa/ de la ji ltar na tsher ma'i tshal gyi sems can dmyal ba khri phrag lnga brgya zhe na/ tsher ma'i tshal gyi sems can dmyal ba zhes bya ba ni/ dpag tshad brgya stong gi nang lcags kyi tsher mas yongs su gang ste/ lcags kyi tsher ma de gcig gi rtsa ba na yang lcags kyi tho ba dang / ti tsa dang skam pa grangs med pa yod do// de dag 'jig rten na so so'i skye ba dang / gang zag gti mug can dag zha gcod pa'i tshig smra ba dang / phra ma smra ba dang / dkon mchog gsum la 'khyal pa smra ba dang / ngan tu rjod pa dang / mdo sde zab mo dang bka' yang dag pa'i bden pa la bden pa ma yin par smra ba dang / mi khyad par can la ngan tu smod pa'i sdig pa can de 'chi ba'i dus byed pa na lce dang / kha skams shing lkugs thung ba dang / 'di snyam du tsher ma rnon po zhig gis bdag gi lce dang rtsa dang / yan lag kun nas khrag dang / chu ser phyung na ci ma rung snyam bsams pa dang / srungs ma srin po des sdig pa can gyi pha ma'i lus su sprul te/ lag na nor bu zla ba zhes bya ba la tsher
- 368b
/ mra rnon po yod par sprul nas/ sdig pa can de'i khar gzhug par gzas pa dang / nor bu de la chu 'bab cing 'dzag par sdig pa can des mthong nas rab tu dga' ste/ bdag gi yid la 'dod pa dang phrad do snyam nas dga' ste/ dbugs chad nas tshe 'phos so// de yang glog gi yud tsam gyis/ tsher ma'i tshal gyi sems can dmyal bar skyes so/ / der skyes nas dmyal srungs srin pos lag na skam pa 'bar ba thogs te/ lce drangs nas phyung ngo // de la lcags kyi glang chen po la lcags kyi thong chen po bshal te lce kun dral to/ / de nyid du tsher ma'i tshal dang / tsher ma'i sdong po rnams kyang dmyal ba'i rlung chen pos bskyod nas/ de'i lus la 'jug cing brdeg ste/ gshag cing 'dral lo// nyin zhag gcig la lan drug brgya ni 'chi// lan drug brgya ni 'tsho'o// de las bskal pa zad nas mir skyes na yang gzugs byad ngan pa dang / bzhin mdog mi sdug pa dang dbang po mi gsal zhing dog lcags su smra ba dang / lus la mdze dang shu ba la sogs pa'i nad rnam pa mang pos gzir cing rnag khrag mang po lus la 'dzag pa dang // skye balnga brgya'i bar du kun gyis mthong mi 'dod par 'gyur ro/ / de las tshe 'phos nas phyir skye ba mi'i lus thob na yang smra ba'i tshig dang ngagasus kyang mi nyan par 'gyur ro//
- 369a
de nas dge ba'i bshes gnyen chen po dang phrad nas gzod byang chub tu sems bskyed par 'gyur ro// bcom ldan 'das kyis dga' bo la bka' stsal pa/ de la ji lhar na lcags kyi sdong po'i sems can dmyal ba chen po khri phrag lnga brgya zhe na/ lcags kyi sdong po'i sems can dmyal ba zhes bya ba ni/ ljags kyi sdong po'i dbyibs kyang me'i ri lta bu ste mtho khyad kyang dpag tshad drug brgya srid do/ / 'og na me rab tu 'bar te/ me de'i nang na lcags tshan 'bar ba'i khri yod do// de'i steng na mtshon gyi 'khor lo yod do// mtshon gyi 'khor lo'i bar na lcags tshan 'bar ba'i sran bu dang / lcags tshan 'bar ba'i bya yod do// 'jig rten na gang zag glen zhing gti mug can dag/ 'dod chags kyi bag chags che pa 'dod pas log par spyod pa la dga' ba/ dus dang gnas ma yin pa la mi tshangs par spyod pa'i las byas pa dang / gzhan yang dge slong ngam/ dge slong ma 'am/ dge bsnyen nam/ dge bsnyen ma 'am/ bram ze 'am/ de la sogs pa tshangs par spyod pa dag/ gal te dus dang gnas ma yin pa la mi tshangs par spyad pa dang / 'dod pas log par g.yen pa'i las ngan pa spyad pa'i sdig pa can de 'chi ba'i dus byed pa na/ gzhu lhar rengs te rab tu 'dar zhing brtse nas mi bzod par gyur pa dang / 'di snyam du bdag gi lus
- 369b
'di lcags kyi sdong po chen po zhig la drang por mi 'gul bar bsdams na ci ma rung snyam bsam pa dang / de ma thag tu dmyal srungs srin pos g.yog bran gyi lus su sprul te/ lag na lcags kyi 'khar ba thogs nas sdig pa can de la 'di skad du/ khyed kyi lus sra zhing rengs par gyur pa de ngas mnyen par bya yis/ khyod 'khar ba 'di la 'jus shig ces smras nas spro ba bskyed pa dang / sdig pa can de rab tu dga' bar gyur nas lpags chad de tshe 'phos so// lcags g.yabs pa tsam gyi tshod na lcags kyi sdong po'i thog ma la skyes so// de la me rab tu 'bar bas gdungs shing bsregs pa dang / shin tu 'jigs shing skrag nas 'og tu bltas pa na/ lcags kyi khri'i steng na skyes pas bu mo sdug gu 'dug par mthong ba dang / bud med kyis na skyes bu bzang po shin tu yid tu 'ong ba zhig 'dug pa lha bur mthong ste// chags pa'i sems skyes nas lcags kyi sdong po'i kha nas babs snyam ste mchongs pa dang / lcags kyi sdong pos lus thal byung du phrag nas/ lcags tshan gyi dra bas kyang mgo dkris so// lcags kyi srid bu rnams kyis ni 'jib cing za'o/ / de nas lus dum bu mang por chad de lcags khri 'bar ba de'i steng du lhung ba dang / yan lag kun nas me rab tu 'bar te/ lcags kyi srin bu rnams kyang mig gi nang
- 370a
dang dbang po kun gyi nang dang / pho mos kyi mtshan ma kun gyi nang du 'jug cing ba'o// srin bu de dgal khri phrag dgu brgya yod do// srin bu de gcig gi mgo la yang mchu cu gnyis yodade/ mchu nyid las kyang me rab tu 'bar zhing ngo'i lus la la bzhing 'jib bo// gang zag lnga la zhig gis 'dod pas log par grisem pa'i lus kyis gang dag tshul khrims can gyi khrims bshig pa dang / mi dge ba spyad pa'i las kyi rnam par smin pas de lta bur nyin zhag gcig la lan khri phrag dgu brgya ni 'chi/ lan khri phrag dgu brgya 'tsher/ / ci s+ye de las thar nas yang skye ba lnga brgya'i bar du bribri ba dang / phrag ron gyi lus su skyes te/ de las thar nas kyang skye ba lnga brgya'i bar sakyu bum pa'i lus su skye'o// de nas mir skyes nA yang skye ba lnga bcu'i bar du ma ning dang mtshan med dang mtshan gnyis dang // mtshan 'gyur du smras te/ tso ste dbang po dang ldan na yang 'khor ngan pa'i ngang tshul can chod pa dang bcas pa'i bu skad drung bra cha sri nu med cing blo rgan pa dang / bran g.yog bka' blo mi bde ba'i 'khor thob par 'gyur ro// de nas gzod dge ba'i bshes gnye dang phrad nas byang chub tu sems bskyed par gyur to/ / bcom ldan 'das kyis dga' bo la bka' stsas pa/ de la ci sngags kyi thags zangs kyi sems can dpral ba
- 370b
phrag lnga brgya zhe na/ lcags kyi thags zangs kyi sems can dmyal ba zhes bya ba ni/ lcags kyi khri me rab tu 'bar ba chu zheng du dpag tshad bzhi pa gcig yod de/ de'i steng na lhag kyi 'khrul 'khor 'bar ba grangs med pa las lcags kyi mda' gzhu khri phrag stong snyed yod par gyur te/ mda' de nyid las me rab tu 'bar ro// 'jig rten na gang zag glen zhing gti mug can 'dod chags kyi dbang gis 'dod pas log par spyod pa dang / pha ma la sri zhu mi byed pa dang / slob dpon dang bla ma la bkur sti mi byed pa dang / legs par ston pa la mi gzhol ba dang / sems can gyi srog bcad pa dang / bcod pa la dga' ba dang rnam par smin pas 'chi ba'i dus byed pa na/ lus kun 'gul te brtse nas mi bzod de bu ga drug nas zag pa rnams zag pa dang / sdig pa can des 'di snyam du bdag gi nyal ma la 'di rab tu sba zhing mugs te/ tsha bar gyur na bdag shin tu sra zhing grang ba'i mal bde bar nyal te/ gnyid cig log na ci ma rung snyam bsams pa dang / dmyal srungs srin pos mdung rtse kha brag pa'i kha nas lcags kyi khri la lcags kyi bar tang bting ba khyer te 'ongs pa dang / sdig pa can des de mthong ba dang rab tu dga' ba'i sems skyes te/ lcags kyi khril par tang bting ba de la nyal bar dga' ba dang de ma thag tu dbugs chad nas tshe 'phos so// de nas lcags kyi thag zabs kyi sems can dmyal
- 371a
bar skyes te lcags 'khrul 'khor 'bar ba khri phrag brgya stong snyed lha 'og nas 'phen zhing dus gcig tu 'khrul zhing g.yos so/ / de las lcags kyi gzhu grangs med pa las lcags tshan gyi mda' grangs med pa zhig sdig pa can gyi snying la phog nas rab tu sdug bsngal bar gyur to/ / de lta bur nyin zhag gcig la lan khri phrag drug brgya ni 'chi/ lan khri phrag drug brgya ni 'tshe'o/ / de las thar nas kyang skye ba lnga brgya'i bar du byol song gi khams su skye'o// de las thar te mir skyes na yang dbul zhing phongs pa dang / rigs ngan par skyes te/ rtag tu gzhan gyis bkol ba dang / / dgra sdang bas zin cing btson chas dam por 'dzud pa dang rtag tu brdeg cing 'tsheg par 'gyur ro// de nas gzod dge ba'i bshes gnyen dang phrad nas byang chub tu sems bskyed par 'gyur ro/ / bcom ldan 'das kyis dga' bo la bka' stsal pa// de la ji ltar na lcags kyi dra ba'i sems can dmyal ba zhe na/ lcags kyi dra ba'i sems can dmyal ba zhes bya ba ni/ dmyal ba chen po'i gnas de nyid na/ lcags tshan 'bar ba'i dra ba rim pa brgyad cu rtsa dgu snyed yod do// dra ba de re re'i bar dang mig na khab dpal ma khri phrag brgya stong snyed yod de/ khab de dag kun gyi rtse mo la lcags kyi 'khrul 'khor 'bar ba grangs med pa 'khrul zhing rab tu 'bar ro// de dag 'jig rten sems can gang dkon gsum la smod cing log
- 371b
par lta ba dang / brdzun du smra zhing g.yo dang sgyus log par 'tshe zhing pha rol 'brid par byed pa dang rtag tu mi dge ba'i las byed par sems pa'i sdig pa can de 'chi ba'i dus byed pa'i tshe na/ lus dang yan lag kun rab tu g.ya' zhing brtse ste/ 'di snyan du khab rnon po spar gang gis lus kyi srin bu 'di dag brtsogs na ci ma rung snyam bsams pa dang / dmyal ba'i srungs ma srin pos sman pa'i lus su sprus te/ lag na gtsags khab rnon po thogs nas 'di skad du bdag ni khyod kyi nad 'tsho bar byed pa'o zhes smras te/ sdig pa can de'i sems spro ba bskyed de dga' ma thag tu lkugs chad de tshe 'phos so// de dag de nas lcags kyi dra ba'i sems can dmyal bar skyes nas dra ba dang 'khrul 'khor rnams la drud cing 'dre'o/ / 'khrul 'khor rnams bskul zhing bskyod pa las khab dpal ma lta bu'i lcags tshan 'bar ba grangs med pa ba spu'i bu ga kun tu zug ste/ / de bzhin du lcags tshan gyi dra ba'i bar dang dra mig gcig nas gcig tu skad cig ni 'chi/ skad cig ni 'tsho'o// de las thar nas mir skyes na yang yul 'tha' 'khob tu sangs rgyas kyi chos med pa'i gnas su skye ste/ 'jig rten gyi tshig snyan pa bza' po yang mi thos na yang dag pa'i chos lta ci smos te mi thos so// gal te mi skyes na yang ngan song gsum gyi nang du brtsi'o/ / bskal pa brtsi ba dang bgrang ba las 'das nas gzod dge ba'i bshes gnyen dang phrad de chos thos par gyur kyang sems kyis chud cing rtogs par mi 'gyur ro// bcom ldan 'das kyis dga'
- 372a
la bka' stsal pa/ de la ji ltar na lcags kyi khang pa'i sems can dmyal ba chen po bco brgyad ce na lcags kyi khang pa'i sems can dmyal ba zhes bya ba ni/ gshin rje'i 'jig rten du song ba'i nang na sdug bsngal gyi mchog go/ / de la lcags kyi ri chen po gcig yod de/ che khyad dpag tshad nyi shu rtsa lnga'o// ri de la lcags kyi thu lum 'bar ba khri phrag lnga brgya yod de/ thu lum de dag re re la che khyad dpag tshad bcu gsum mo/ / gzhan yang ri de la ral gri'i sdong po dang mtshon gyi nags tshal khri phrag brgyad stong snyed do// lcags kyi ri de'i shar phyogs na lcags kyi khri mon ring po yul mnyam dka'i pre ka tsam cig yod de/ de'i nang nas dus pa nag po dri mi zhim pa bsam gyis mi khyab pa byung ngo / / 'jig rten na gang zag dug gsum gyi dbang gyur pa ser snas yongs su bcings pa 'dod cing chags pa'i sems rdo bas sra ba/ rtag tu g.yo dang sgyus 'tsho zhing gzhan la 'tshe ba dang / sems can mang po'i srog bcad pa dang / sems can mi rtag pa la mi sems shing nor zas kyi dngos po la shin tu 'phangs par 'dzin pa/ pha ma dang slob dpon dang bshes gnyen dang bu dang chung ma dang 'khor la yang sbyin pa yongs su mi gtong ba dge ba'i rtsa ba yongs su bcad pa dag 'chi ba'i dus byed pa na dbang po kun nyams te smra yang mi shes nas/ yid la 'di snyam du bdag shi ba'i 'og tu bdag gi zas dang nor la spyod pa 'di dag lcags kyi thu lum 'bar bar gyur cig/ nga'i khyim na 'dug pa 'di dag mun nag tu gyur cig ces smras sam bsams ma thag tu/ srungs ma srin pos ser san can zhig gi lus su sprul te/
- 372b
de'i nor zas kun bsdus nas sdig pa can de'i drung du bsregs pa lta bur sprul pa dang / sdig pa can de rab tu dga' ba'i sems skyes nas ldugs chad de tshe 'phos so// de nas lcags kyi ri me 'bar ba de la skyes nas/ lcags kyi khri mon du lcags khu blugs pa bzhin du phyin nas lcags khang 'bar ba'i nang na lcags kyi srin bus za zhing mtshon gyi nags tshal gyis gtub cing 'dral lo// dud pa nag po de 'khrigs te mig ci yang mi mthong nas/ me dang mtshon gyis 'jigs nas mgo la lcags kyi ri khyer bzhin du phan tshun du brgyug cing snang ba tshol lo// lcags kyi thu lum 'bar ba spyi bor phog nas rkang mthil du 'byung ste/ skad cig ma tsam gyis ni 'chi/ skad cig ma tsam gyis ni phyir yang 'tsho'o// de las thar nas kyang yi dgas kyi khams su skyes te/ lus che zhar ring ba ni dpag tshad bcu'i srid do// kha ni phra khyad khab tsam mo// lto ba ni che khyad ri rab tsam ste zas su ni lcags khu 'thung zhing lo brgyad stong gi bar du yi dgas chen po de'i lus su gnas so/ / de nas kyang yi dgas kyi khams su skye ba brgyud de ngar snabs za ba'i yi dgas dang / rnag khrag za ba'i yi dgas dang / bshang gci za ba'i yi dgas su skye'o// de las thar nas kyang khyi dang phag gi lus su skye'o// de las thar nas kyang dbul zhing phongs pa dang / bran khol gyi ris su skyes te zas dang longs spyod kyis rab tu phongs par 'gyur ro/ / de nas dge ba'i bshes gnyen dang phrad de/ gzod byang chub tu sems bskyed par gyur to// bcom ldan 'das
- 373a
/ kyis dga' bo la bka' stsal pa/ de la ji ltar na lcags kyi thu lum gyi sems can dmyal ba zhe na/ lcags kyi thu lum gyi sems can dmyal ba zhes bya ba ni/ dpag tshad brgyad cu snyed lhags kyi mkhar du gyur pa'i nang na bar chad brgyad cu rtsa brgyad yod do/ / bar chad re re'i nang na yang mtshon gyi ri bo lnga lnga yod do// steng gi phyogs nas kyang mtshon gyi 'khor lo bltams te/ de'i 'og na lcags kyi spru chen po brgya snyed yod do/ / sbrul de kha gdangs pa'i tshe na yang kha nas me 'bar te lce 'byin pa'i tshe na yang lce'i thog ma la ral gri rnon po 'bar ba yod do// 'jig rten na gang zag sdig pa can dag sbyin pa byed pa la gshe shing smod pa dang / dge ba sogs pa'i mi dang dkon mchog gsum du gyur pa la 'tshe zhing ngan du smod pa dang / dge ba dang gso sbyin byas pa la rnam par smin pa'i rgyu dang 'bras bu med do zhes zer ba'i sdig pa can de/ 'chi 'pho ba'i dus byed pa na gnyal ba rengs nas mgo sgyur bar mi nus te lha mi 'dod cing smra yang mi nus nas kha bub tu 'gyel te 'di snyam du bdag gis bsags pa'i nor dbyig thams cad bdag dang 'grogs na cim rung snyam bsam pa dang / dmyal srungs srin pos chung ma'i lus su bsgyur te/ lag na lcags kyi thu lum 'bar ba thogs pa rin po che'i snod yid bzhin zhes bya bar sprul te drung du 'dug nas/ 'di skad du bdag khyod kyi phyin 'gro'o zhes smras nas shin tu chags pa'i tshul ston pa dang / de la dga' nas dbugs chad de tshe 'phos pa dang / lcags mkhar 'bar ba de'i nang du skyes te tshe bas rab tu gdungs nas phan tshun du spyug
- 373b
cing 'bros pa dang lcags kyi sbrul gdug pa can gyis kha nas gdug pa phyung ste/ lus la bkris pa dang / mgo dang lus kyi yan lag kun nas me 'bar bar gyur to// de nas yang sdig pa can des 'di snyam du lha bdag la byams na gnas nas char pho ba shig ces smon pa dang / bsams ma thag tu steng nas/ lcags tshan gyi thu lum char bzhin du bab nas spyi bor phog pa dag kyang rkang mthil du byung ngo // de las thar te mar skyes na yang shin tu dbul zhing phongs pa dang / dA dang mgon skyabs med pa dang / dig lkugs dang dbang po ma tshang bar 'gyur te/ de lta bu'i sdug bsngal len pa'i tshad ni lcags kyi khang pa'i sdug bsngal bshad pa dang 'dra'o/ / de nas gzod dge ba'i bshes gnyen dang phrad nas byang chub tu sems bskyed par gyur to// bcom ldan 'das kyis dga' bo la bka' stsal pa// de la ji ltar na rdo zur mang gi sems can dmyal ba zhe na/ rdo zur mang gi sems can dmyal ba zhes bya ba ni/ rdo brag gi ro chen po nyi shu rtsa lnga yod de/ ri de gcig la yang chab brom gyi rdzing chen po brgyad brgyad yod do// rdzingab de re re'i nang yang klu gdug pa can lnga lnga yod de gnas so/ / 'jig rten na gang zag sdig pa can so so'i skye bo dang gzhan yang dge slong dang dge slong ma dang / dge bsnyen dang / dge bsnyen ma dang / dge tshul can pho mo dang / kun tu rgyab rnam pa dgu bcu rtsa lnga la sogs pa gang zhig chos rnams ni chos ma yin par bshad pa dang / chos ma yin pa rnams ni chos su bshad pa dang / nyes pa byung yang 'thol tshangs mi byed pa dang / rnam par
- 374a
smin pa la mi 'dzem ste sems spre'u dang 'dra ba dag/ sdig pa yongs su smin te 'chi ba'i dus byed pa na khong pa ldugs kyis gang ste shin tu rgyas par gyur nas/ chu'i dngos po yang mi thar te 'di snyan du rdo zur mang zhig gis/ bdag gi gre bar btsabs na ci mi rung snyam bsams pa dang / de ma thag tu dmyal srungs srin pos sman pa'i lus su sprul te/ lag na rdo zur mangs thogs pa yang sman gyi ril bur bsgyur nas sdig pa can gyi khar bcug nas la tshums shig ces smras pa dang / de la dga' ba'i sems skyes nas lkugs chad de tshe 'phos pa dang rdo ba'i ri'i bar du skyes te/ rdo brag zur mangs can grangs med pa rgyab tu phog nas brang du phyung ngo / / dmyal ba'i srungs mas mdung rtse kha brag pa khar btsugs te phye nas rdo tshan 'bar ba khar bcug go/ de ma thag tu lus me'i phung por 'bar ro// de ltar nyin zhag gcig la lan khri phrag bcu ni 'chi/ lan khri phrag bcu ni 'tsho'o// de nas tshe 'phos nas thig nag po'i sems can dmyal bar skyes so// thig nag po'i sems can dmyal ba zhes bya ba na/ lcags kyi ri chen po brgyad brgyan yod de de'i khor yug tu lcags kyi sdong po skyes te de la lcags thag lug gu rgyud kyis btags nas sdig pa can de la khur du skur ro/ / sdig pa can de dag lcags kyi ri dang sdong po de dag khur nas lcags thag gi ram pa la 'gror bcug go/ sdig pa can des ma theg nas de la lhung ste lcags khu khol ba'i zangs kyi nang du lhung ngo // de nas yang srin pos phyir phyung ba dang / bkres skom pas gdungs pas
- 374b
thugs can kyi su lum bzhing sngags su 'byung ngo / / debyung nyin zhagagacig pa des dung sdug bsngal khri phrag dgu cu snyed myong bar 'gyur ro// de las par mir skyes na yang gzhan gyi thas pos du byab 'gyur ro/ / de nas dge ba'i bshes gnyen dang phrad de theg pa chen po'i chos bstan pa dang / ras dkar po tshon du bsgyur sra ba bzhin du dgra bcom par gyur te/ rig pa gsum dang mngon par she/ ba drug dang / rnam par grol ba brgyad thob par 'gyur ro// bcom ldan 'das kyi dga' bo la bka' stsal pa/ de la ji ltar na lcags khu 'thung ba'i sems can dmyal ba bco brgyad ce na/ lcags khu 'thung ba'i sems can dmyal ba zhes pa pa ni zangs kyi shing rta 'bar ba rnam pa sna tshogs yod do/ / shing rta de re re'i steng na yang zangs kyi thu lum 'bar ba drug stong drug stong snyed yod de/ sems can gang ma dge ba'i sems can che zhing ser sna'i dpa' gyur pa chos log par 'chad pa dang / ngan par lha zhing pa dang ma la gnyen zhing btsun par mi lta ba dang / sbyin pa mi gtong ba dang pha rol pos nor bas rnyed pa dang / bdog pa che ba dag mthong na sems kyi sdug bsngal chen po byed gang zag de 'chi 'pho ba'i dus byed pa na nad kyi rnam pas rab tu nyon mongs te/ sha khrag zad pa dang bla ba rdol byed pa dang / bkres shing skom pas kyang gdungs te 'di skad du bdag shing tog cig za bar 'dod do zhes smra ste/ de skad smras ma thag tu dmyal ba'i srangs ma srin pos zangs kyi shing rta'i nang zangs kyi thu lum gyis bka' ba'i shing tog tu sprul
- 375a
nas sdig pa can gyi drung du 'ongs te spro ba bskyed pa dang / de mthong ba nas rab tu dga' ba'i sems skyes te/ 'di snyam du bdag shing tog bzang po 'dri zar bcug nas chog mi shes na ci ma rung snyam sems nas spro ba dang lkugs chad de tshe 'phos so/ / de ma thag tu zangs kyi ri la zangs kyi shing rta 'bar ba'i steng du skyes par gyur to// de nas gnya' ba shing rta'i bar du bcug ste/ srin pos lcags kyi skam pa thogs te sdog pa can gyi kha phye nas lcags khu khar blugs so// de nas brgyal te sa la 'gyel ba dang kha nas bkres so// shin tu bkres so zhes 'bod do// de nas srin pos yang kha phye ste khar lcags kyi thu lum 'bar ba bco brgyad bcug pa dang lus kyi yan lag kun nas me rab tu 'bar te phan tshun du brgyug go/ / de lta bur nyin zhag gcig la nyin lan cig mtshan lan cig 'chi ste/ de la dmyal ba'i srangs ma srin po glang gi mgo can dang / gnod sprin phag gi mgo can gyis 'di skad du bsgo'o// mnar med sems can dmyal ba khyod rnams sngon log pa dang ngan par lta zhing g.yo dang sgyus log par 'tsho ste/ sdig po mi dge ba'i las mang po byas pa'i rgyu dang rkyen gyis btso bsregs dang grang 'dar dang / dra gshegs dang / lcags khu dang thu lum 'bar ba 'di dag yongs su smin par 'gyur ro// gal te rab tu byung ba'i dus na yang nyes pa phra mo byung ba 'gyod tshangs ma byas te sbyin bdag dad pa'i sbyin pa chud gsan pa de'i rgyu de'i rkyen gyis lcags kyi thu lum za zhing lcags khu 'thung bar 'gyur ro/ / sdig pa can de dag kun gyis
- 375b
'jig rten gyi chu'i ming yang mi thos mi mthong bar 'gyur ro/ / de nas thar nas yang skye ba lnga brgya'i bar du ngan dgu 'tshogs par 'gyur zhing rig lkugs dang zhwa 'theng dang smra ba mi bde ba dang / spobs pa chung bar 'gyur ro/ / sngon gyi las ngan pa'i bag chags kyis kha bas zos pa'i steng du yang sol ba dang bong ba za bar 'gyur ro// de nas gzod dge ba'i bshes gnyen dang phrad de byang chub tu se/ bskyed par gyur to// sangs rgyas kyi thugs brtag pa'i 'od zer las rnam par smin pa bshad pa'i le'u ste lnga pa'o// sangs rgyas rjes su dran pa'i ting nge 'dzin gyi rgyum/ zhes bya ba'i mdob ma po drug pa/ de'i tshe sems can nyon mongs pa mang po dag de ltar gyur pa dang / bcom ldan 'das kyis de skad ces bka' stsal cing bstan nas/ bcom ldan 'das kyis thugs rje chen po byams pa'i thugs ka nas 'od zer kha dog dkar po rnam pa bcu thugs las phyung ste/ phyogs bcu'i 'jig rten gyi khams kun snang bar byas so// 'od de rnam pa re re las kyang sprul pa'i sangs rgyas tshad med pa rin po che'i pad mo la bzhugs so/ / de'i tshe 'khor mang po thams cad kun gyis sangs rgyas kyi 'od zer de la so sor mthong ba tha dad de/ 'khor de la las ni yid bzhin gyi nor bu lha bur mthong ngo / / la las ni shel gyi ri lta bur mthong ngo // la las ni chu thams cad kyi rang bzhin du mthong ngo // la las ni rin po che'i rnam grangs su mthong ngo // la las ni sman rnams kyi rang bzhin du
- 376a
mthong ngo / / la las ni pha dang ma lta bur mthong ngo // la las ni bla ma dang slob dpon lta bur mthong ste/ de'i tshe sems can sdug bsngal ba rnams la dgongs pa'i phyir sprul pa'i sangs rgyas rnams kyi snying thugs kar byung nas 'od dang bcas te phyir yang sku'i lte bar zhugs so/ / de nas yang phyir thugs kar byung nas rin po che'i grur zhugs nas rgyud lnga'i sems can sdug bsngal gyis gdungs pa'i gnas kun tu gshegs te 'od dang bcas par byung ngo / / de'i tshe rgyud lnga'i sems can sdig pa can sdug bsngal gyis gdungs pa de dag kun gyis sprul pa'i sangs rgyas rnams kyi thugs dang sangs rgyas rnams so so'i pha ma 'am/ dge ba'i bshes gnyen dang gnyen bshes lta bur mthong ste/ bags kyis 'jig rten las 'das pa'i chos kyang bshad pa thos par gyur to// de'i tshe steng gi nam mkha' las 'di skad kyi sgra chen po byung nas 'khor mang po rnams la bsgo ba/ khyed rnams de bzhin gshegs pa'i thugs rjes su dran par gyis shig/ sangs rgyas kyi thugs ni byams pa chen po ste/ byams pa chen po ni sdug bsngal gyis gdungs pa'i sems can rnams la dgongs shing dmigs so/ / bcom ldan 'das kyis dga' bo la bka' stsal pa// de la ji ltar na byams pa'i thugs zhes bya ba ni sdug bsngal gyis gdung ba'i sems can yong su 'dzin pa'o/ / sdug bsngal gyis gdungs pa zhes bya ba ni ngan song gsum du yongs su 'khor ba'o// bcom ldan 'das kyis de skad ces bka' stsal cing bstan pa'i tshe/ 'khor mang
- 376b
po rnams kyis kyang sems can dmyal ba dang / yi dgas dang byol song du gyur pa rnams mthong bar gyur pa dang / 'khor rnams kyis dge ba'i rnam par thar pa'i ting nge 'dzin gyis sems can de dag kun gyi sngon gyi skye gnas dran par gyur te/ sdug bsngal gyis gdungs pa'i sems can de dag kun 'khor mang po rnams kyi sngon bskal pa grangs med pa'i sngon rol na bdag bdag gi pha ma dang gnyen bshes yin par mthong ngo // de ltar mthong nas mchi ma blags te sangs rgyas la phyag 'tshal nas/ bcom ldan 'das la 'di skad ces gsol to// bcom ldan 'das bdag cag rnams sangs rgyas kyi byin gyis brlabs kyis sdug bsngal ba sems can 'di dag kun bdag gi pha ma dang slob dpon dang gnyen pashes su mthong bar gyur to zhes gsol ba dang / bcom ldan 'das kyis 'khor mang po rnams la bka' stsal pa/ rigs kyi bu dag khams gsum gyi sems can lam rgyud drug tu sgyu ma'i 'khrul 'khor bzhin du 'khor bas/ pha dang ma dang bu dang chung ma dag gnyen bshes su ma gyur pa gang yang med de/ khams gsum 'khor ba'i gnyen bshes yin na de la gnod pa'i sems tsam yang mi bskyed na/ gnod pa dngos su lha ci'i phyir bya zhes gsungs pa dang / de'i tshe zas gtsang ma la sogs pa'i 'khor mang po rnams kyis bcom ldan 'das la 'di skad ces gsol to/ / bcom ldan 'das byams pa'i thugs kyi ting nge 'dzin zhes bgyi ba ci lta bu lags/ de dag bcom ldan 'das kyis phyogs gcig tsam bshad du gsol zhes gsol ba dang / bcom ldan 'das kyis
- 377a
'khor mang po rnams la bka' stsal pa/ 'di lta ste/ byams pa'i sems kyi ting nge 'dzin zhes bya ba ni/ 'di ltar 'du shes bskyed par bya'o// srid pa gsum gyi sems can thams cad la pha ma dang bu tsha'i 'du shes su bzhag ste/ yid la byed pa dang bsgom zhing dmigs pa'i tshe na/ sems can de dag kun bdag gi pha ma dang bu tsha dang chung ma dang gnyen bshes su gyur pa shin tu 'phangs shing gces pa yid la sdug pa dag/ sdug bsngal gyis gdungs par gyur pa la shin tu brtse ba'i yid kyis brtag cing dmigs te yid la bya'o// sems can gang dag nad dang sdug bsngal gyis nyon mongs pa dag mthong na de'i skyabs ji ltar bya snyam bsam mo/ / de dag kun gyi sdug bsngal spangs nas bde 'gro'i mtho ris la bkod par dmigs so// 'du shes de las su rung bar grub nas 'du shes gnyis la 'jug par bya'o/ / 'du shes gnyis la 'dris nas gsum la 'jug par bya'o// gsum la 'dris nas khang pa gcig gi nang gang ba la 'jug par bya'o// khang pa gcig gi nang gang ba la 'dris nas/ dge 'dun gyis gnas khang gcig gi nang gang ba la 'jug par bya'o/ / dge 'dun gyi gnas khang gang ba la 'dris nas/ kho ra khor yug tu dpag tshad gcig gi nang gang ba la 'jug par bya'o// dpag tshad gcig gi nang gang ba la 'dris nas/ lho'i 'dzam bu gling gi nang gang ba la 'jug par bya'o// 'dzam bu'i gling gi nang gang ba la 'dris nas/ gling gsum gang ba la 'jug par bya'o// de ltar gling chen po/
- 377b
bzhi'i nang gang ba la 'dris nas/ de bzhin du mthar gyis rgya bskyed de/ phyogs bcu'i 'jig rten gyi khams thams cad yongs su gang ba la 'jug par bya'o// de la ji ltar blta zhe na/ shar phyogs kyi sems can thams cad ni pha lta bur blta'o/ / nub phyogs kyi sems can thams cad ni ma lta bur blta'o// lho phyogs kyi sems can thams cad ni phu bo lta bur blta'o// byang phyogs kyi sems can thams cad ni nu bopo lta bur blta'o/ / 'og ma phyogs kyi sems can thams cad ni bu dang chung ma lta bur blta'o// steng gi phyogs kyi sems can thams cad ni slob dpon dang bla ma lta bur blta'o// phyogs mtshams gzhan gyi sems can rnams ni/ / dge slong dang bram ze dang // gnyen bshes su blta'o// sems can de dag kun kyang sdug bsngal gyis yongs su gdungs pa dang / nad chen pos gzar ba dang // mtshon gyi nags tshal dang rab tu tsha ba dang / rab tu grang ba dang lcags tshan la sogs pas rab tu gdungs shing sdug bsngal bar lha ste/ de lta bur mthong nas de la snying brtse ba dang snying rje ba'i yid kyis sdug bsngal de las 'don pa'i phyir/ bdag rin po che'i pad+mos bteg ste/ de dag gi drung du 'dug nas lus mnyes shing bkrus te nad rnams bsal bar 'du shes bskyed do// dmyal ba'i me la yang snying rje chen pos mchi mchar bzhin du phab ste/ me de dag kun bsad par 'du shes bskyed do// yi dgas rnams la ni bdag gi lus las khrag phyung ste/ khrag de dag kyang 'o mar bsgyur nas yi dgas rnams la byin te/ chog cing 'grangs pa
- 378a
dang rab tu tshim par 'du shes bskyed de/ de la chos bshad pa dang / sangs rgyas la bstod pa dang / dge slong gi dge 'dun la yongs su bstod pa dang / rjes su bsngags pa byed par 'du shes bskyed do/ / de yang lhag par snying brtse ba'i sems bskyed de skad cig tsam yang mi gtong ba ni/ byams pa chen po'i sems te shin tu yid la 'dzin cing dmigs pa dag rgyas par ni byams pa'i ting nge 'dzin gyi nang nas bshad pa bzhin no/ / de ltar byams pa'i sems dang ldan par bsgom pa ni byams pa chen po zhes bya'o// byams pa bsgoms nas snying rje chen po bsgom par bya'o// snying rje zhes bya ba ni khams gsum gyi sems can sdug bsngal gyis gdungs pa dag mthong ba dang bdag gi snying la mdas phog pa 'am/ mig gi 'bras bu sa la lhung ba tsam du rab tu snying rje bskyed do// sems can tsha bas gdungs pa dang bkres shing skom pa bdag mthong na/ bdag gi lus las khrag char bzhin phab ste/ de dag sdug bsngal las gnod par bsam mo// de lta bur snying rje la yang sgo khri phrag brgya stong snyed yod de/ rgyas par ni snying rje chen po'i ting nge 'dzin las bshad pa bzhin no// de ltar byams pa dang / snying rje bsgoms nas dga' ba chen po bsgom par bya'o// dga' ba chen po zhes bya ba ni/ sems can rnams rab tu bde zhing skyid pa dag mthong na bdag nyid kyis nyams su myong ba dang / 'dra bar rab tu dga' ba'i sems bskyed do// de ltar dga' ba bskyed nas btang snyoms chen po bsgom par bya'o// btang snyoms zhes bya ba ni sems can de dag kun snang ba dang / mi snang ba dang / 'ongs pa dang / song
- 378b
ba yang sems las byung ba tsam mo/ / sems las byung ba ni rten cing 'brel te byung ba las zhes bla dgas su btags so// de ltar sems dang 'du shes ni nam mkha'i me tog lhar phyin ci log las byung ba de/ sdug bsngal dang kun 'byung yang 'du shes las byung la/ bde ba yang 'du shes las byung bas sems ni chu shing gi sdong po dang 'dra ste snying po med pa'o// 'di dag rgyas par ni mdo sde dpe bcu las bshad ba bzhin no/ / gang gis de ltar rjes su dran par byas na/ lus dang sems kyi dngos po yang mthong ste/ chos thams cad dben pa nyid du mthong ngo // de ni byang chub sems dpa'i rnams kyis lus dang tshor// ba dang sems dang / chos dran pa nye bar gzhag pa zhes bya ste/ chos 'di la brten pas byang chub kyi phyogs kyi chos sum cu rtsa bdun yang bsgoms par 'gyur ro// gang chud pa len pa ni nyan thos kyi chos zhes bya'o/ / chud pa mi len pa ni byang chub sems dpa'i chos zhes bya'o// de skad ces bka' stsal nas// de bzhin gshegs pa'i thugs kyi 'od zer rnams lhag par gsal bar snang ste/ de bzhin gshegs pa'i thugs kyi 'od zer las rin po che'i pad+mo dag skyes so/ / rin po che'i pad+mo re re la yang rin po che'i pad+mo gang+gA'i klung gi bye ma snyed yod do// pad+mo de re re la yang sprul pa'i sangs rgyas sku'i tshad sangs rgyas shA thub pa dang 'dra ba tshad med pa grangs med pa dpag tu med pa snyed bzhugs so/ / mtshan 'di mngon par bstan pa'i tshe na/ sangs rgyas kyi sku'i ba spu'i bu ga nas rin po che'i pad+mo brgyad khri bzhi stong snyed
- 379a
yod par gyur to/ / pad+mo de re re'i steng na yang sprul pa'i sangs rgyas sku'i tshad dpag tu med tshad med gzhal du med pa brgyad khri bzhi stong snyed bzhugs so// sprul pa'i sangs/ rgyas de dag kun gyi spu'i bu ga dang thugs las 'od zer bkye ba yang sngar gong du bshad pa bzhin no// de ltar 'od gzer des phyogs bcur snang bar byas nas/ sangs rgyas kyi spyi ge tsug tu zhugs te/ phyir sangs rgyas kyi smin mtshams kyi mdzod spu dkar po nas byung ngo // mdzod spu dkar po nas byung nas phyogs bcu'i 'jig rten du gser gyi rgyal mtshan lta bur snang bar byas te/ phyogs bcu'i 'jig rten gyi sa gzhi kun gser gyi kha dog tu snang bar byas na sprul pa'i sangs rgyas rnams kyang slar bcom ldan 'das kyis zhal du bsdus so// de nas phyir yang sangs rgyas kyi zhal nas byung ste phyogs bcur snang bar byas so/ / de nas slar yang thugs kar zhugs te/ thim pa las thugs ka nas byung nas phyogs bcu kun tu gsal bar byas so// de nas yang slar 'dus te sangs rgyas kyi lta bar zhugs so/ / 'od zer de dag lte bar zhugs pa na/ bcom ldan 'das kyi sku bai DUR+Ya lta bu phyi ning du gsal zhing chu dang sa pa ltar mi g.yo bar gyur pa dang / kham gsum gyi rgyud lnga'i sems can thams cad de bzhin gshegs pa'i thugs kyi 'od zer las snang bar gyur to/ / sprul pa'i sangs rgyas rnams kyang rin po che'i khang pa brtsegs pa na rin po
- 379b
/ che'i gru la bzhugs pa ltar de bzhin gshegs pa'i thugs kyi bar na rgyu zhing gshegs par ston no// sprul pa'i sangs rgyas de dag kun kyang so so nas sreg ma gcod pa la bsngags pa sangs rgyas rjes su dran pa la bstod pa dang / chos rjes su dran pa la bstod pa dang / dge 'dun rjes su dran pa la bstod pa dang / tshul khrims rjes su dran pa la bstod pa dang / sbyin pa rjes su dran pa la bstod pa dang / lha rdzas su dran pa la bstod pa dang / 'dum pa la gus pa rnam pa drug la bstod pa dang / byams pa'i ting nge 'dzin la bstod cing bsngags pa dag ston ring 'chad do/ / dran pa de drug gis dge ba'i chos rnams skye bar 'gyur te/ dran pa 'di drug ni sangs rgyas rnams kyi rgyu'o// sangs rgyas kyi thugs ni rjes su dran pa drug gi zugs so// 'dun pa la gus pa drug gi rgyu las chos rnams thob par gyur te/ mngon par rdzogs par 'tshang rgya bar 'dod pa dag sangs rgyas kyi thugs ltar bslab par bya'o// bcom ldan 'das kyis de skad ces bka' stsal pa dang / de bzhin gshes pa'i sku'i 'od lhag par snang zhing gsal bar gyur te/ sangs rgyas kyi sku dang sku'i 'od zer las sprul pa'i sangs rgyas dang rin po che'i rgyan dang me tog dang / pad+mo grangs med pa brjod du med pa rnams kyang lhag par gsal bar gyur to// rin po che'i rgyan dang me tog dang / pad+ma dang / 'od zer gyi rnam grangs mang po ni me tog sna tshogs
- 380a
khyi ma las bshad pa bzhin no/ / gang gis de bur mthong bde ni meng dag par mthong ba'o// gang gis de snya ma yin par ma thong dzin lag par mthong ba/ bzhin gshegs pa yongs su mya ngan 'das nas sangs rgyas kyi niganas su gyusbyar pa rnams rjes su dran pa drug mngon du pyad pa ni sangs rgyas rjes dran pa'i sems zhes bya'o// dbazhin gshegs pa'i thugs rjes su dran par byas na/ bskal pa ni zag bcu gnyis kyi 'khor ba shes pa yongs su spong bar 'gyur ro// gang de ltar rjes su zan par byed pa ni gang nas sa du skye ba'i gnas thams cad du/ ngan par zla bar mi 'gyur ba dang / sems lag yo dang sgra med pa dang / rtag tu blan med pa'i sangs rgyas dang byang chub sems dpa' rnams dang zad par 'gyur ro/ / gal te yul mtha' 'khob sangs rgyas kyi chos med pa'i gnas su skyes na yang / sangs rgyas rjes sudran pa'i yon tan dang byin gyis brlabs kyis chos kyi don rnams long du chud cing rang sangs rgyas su 'gyur ro/ / de'i tshe bcom ldan 'das kyis zhud ces bka' stsal nas/ sku'i 'ang sar bsdus te sdam bzhin du bzugs so// de nas bcom ldan 'das kyis rgyal po yang la bka' stsal pa/ 'di lta ste/ skyes bu chen po'i tshen mdzod sru dkar po'i 'od par dang / gzhan yang mtshan thams cad la dbu'i gtsug tor man chad dang / zhabs kyi khor
- 380b
lo yan chad nas brtag pa dang / rnam pa sna tshogs su brtag pa dang / spu'i tshad mtho bcu drug pa dang / 'od zlum po 'dom gang ba la brtag pa'i sems bskyed de/ mthong zhing rtogs na la na ma tho ba'i las ngan pa kun byang bar gyur pa ni gong du bshad pa bzhin no/ / bcom ldan 'das kyis bka' stsal pa/ rigs kyi bu dag gal te sbyin bdag dad pa zhig mngon par shes pa lnga dang ldan te/ yid bzhin gyi nor bu rin po che 'chang zhing phyogs bcu'i 'jig rten gyi khams kun tu 'gro ba'i dbang thob nas/ 'jig rten gyi khams gcig gi sems can gyi grangs kyang bgrang du med pa la/ phyogs bcu'i 'jig rten gyi sems can tshad med grangs med dpag tu med pa dag thams cad dgra bcom pa gyur te/ dgra bcom pa de dag la sbyin bdag chen po des/ bskal pa brtsi ba dang bgrang ba las 'das pa'i mthar thug gi bar du yo byad rnams kyis rgyun ma chad par mchod cing sbyin pa byin na/ de'i bsod nams rab tu mang ba yin nam zhes bka' stsal pa dang / rgyal po yab kyis gsol pa/ bcom ldan 'das phyogs gcig gi dgra bcom pa la mchod pa byas kyang gsod nams dpag tu ma mchis na/ phyogs bcu'i dgra bcom pa la mchod pa byas pa lha mos kyang ci dgos/ bcom ldan 'das kyis yab rgyal po la bka' stsal pa/ gal te skyes bu zhig gis ngan par lta ba'i skye bo grangs snga ma pas mang ba skang dgra bcom pa'i lam la bcud de/
- 381a
rig pa gsum dang mngon par shes pa drug dang rnam par grol ba brgyad thob par byas pa bas/ gang zhig gis sangs rgyas kyi mdzad spyod la byang chub tu sems bskyed de/ skad cig thang cig tsam rjes su dran par byas pa'i cha tsam mi phod do// bcom ldan 'das kyis de skad ces bka' stsal pa na/ shAkya'i bu khri phrag sum bcu rnams kyis bla na med pa a dag par rdzogs pa'i byang chub tu sems bskyed de/ nyan thos dang / rang sangs rgyas kyi lam la mi 'jug par yi dam bcas nas bcom ldan 'das la 'di skad ces gsol to// bcom ldan 'das kyi sku'i yan la gnas ba spu'i bu ga gcig gi bar na yang tshad ma mchis pa'i sprul pa'i sangs rgyas dag ston gyi/ nan thos rnams ni sa bon chog pa dang 'ja ste/ de lta bu dag ma mchis so/ / tshad med pa bzhi pa rtag pa'i le'u ste drug pa'o// // de nas bcom ldan 'das 'khor mang po'i nang nas bzhengs te nam mkha' la gom pas gshegs so/ / de dag rgyal po yab kyis mthong bar gyur pa dang / rab tu dga' ba'i sems skyes te sangs rgyas kyi zhabs 'bring du song ngo // de bzhin gshegs pa'i zhabs bteg pa'i tshe na/ zhabs kyi mthil gyi 'khor lo rtsibs dang ldan pa'i mtshan las/ 'khor lo'i rtsibs kyi bar kun nas rin po che'i pad+mo rnam pa sna tshogs char bzhin du 'bab bo// pad+mo de
- 381b
gcig las kyang pad+mo khri phrag brgyad khri bzhi stong snyed du sprul to/ / pad+mo da re re la yang pad+mo'i khang pa brtsegs pa re rer gyur to// pad+mo'i kheng pa dang 'dab ma de dag re res kyang phyogs bcu'i 'jig rten gyi khams tshad med pa steng khebs par gyur to/ / pad+mo de gcig cing yang 'dab ma brgyad khri bzhi stong snyed dang ldan no// bcom ldan 'das shAkya thub pa nam mkha' la gem pa 'dor ba de'i tshe na/ rin po che'i me tog char bzhin du bab ste/ pad+mo de dag las kyang rdul phra rab snyed kyi sangs rgyas tshad med pa yang nam mkha' la gom pa 'dor zhing gshegs so/ / rgyal po yab kyis de lta bu dag mthong nas kyang rab tu dga' ba'i sems lhag par skyes te/ phyir mi ldog pa'i 'bras bu thob par gyur nas yan lag lnga sa la gtugs te/ sangs rgyas la phyag 'tshal lo// de nas 'khor mang po'i rnams kyis de lta bu'i dngos po dag mthong nas/ bcom ldan 'das la 'di skad ces gsol to// bcom ldan 'das phyogs bcu'i 'jig rten gyi khams na sprul pa'i sangs rgyas grangs ma mchis par gyur pa de rnams las sangs rgyas yang dag pa ni gang lags/ sprul pa'i sangs rgyas ni gang lags zhes gsol pa dang / bcom ldan 'das kyis 'khor mang po'i rnams la bka' stsal pa/ sangs rgyas bcom ldan 'das ni stong pa nyid kyis zhi ba'i gnas rnam par thoba'i ting nge 'dzin la
- 382a
snyoms par zhugs te/ dgongs pa la mnga' bsnyes pas/ yang dag par na sprul pa zhes bya ba med do da ji lta zhe na/ de bzhin gshegs pa'i thugs kyang stong pa nyid kyis zhi ba yin la/ stong pa nyid kyis zhi ba'i rnam par grol bar snang ba'i rgyal po zhes bya ba'i ting nge 'dzin la snyoms par zhugs te/ ting nge 'dzin de'i mthus sangs rgyas bcom ldan 'das tshad dang grangs gzhal du med pa snyed kyi sku sbrul lo/ / gzhal du med pa'i sku zhes bya ba ni/ thams cad mkhyen pa'i ye shes so// thams cad mkhyen pa'i ye shes zhes bya ba ni/ chags pa med pa'i ting 'dzin to// chags pa med pa'i ting nge 'dzin gyi sgo nas de bzhin gshegs pa'i spyod lam ston te/ gal te bsod snyoms la gshegs sam/ rgyu zhing spyod pa 'am/ gshegs pa'i sgo gnyis nas kyang sems can la phan pa dang bde ba'i don mdzad do// de la sems can la la ni sangs rgyas 'jig rten na bzhugs pa'i tshe// sangs rgyas gshegs pa'i zhabs kyi mthil gyi 'khor lo'i rtsibs stong dang ldan pa'i mtshan mthong na/ bskal pa stong snyed kyi kha na ma tho ba'i sgrib pa kun byang bar 'gyur ro// sangs rgyas yongs su mya ngan las 'das nas ting nge 'dzin la mnyam par gzhag ste/ bcom ldan 'das gshegs pa'i 'du shes yid la byas na yang bskal pa stong snyed kyi kha na ma tho ba'i las ngan pa kun byang
- 382b
bar 'gyur ro/ / gshegs pa yid la ma byas nas/ sangs rgyas kyi zhabs kyi rjes yid la byas sam/ sku gzugs gshegs pa yid la byas na gom pa re res kyang bskal pa stong snye kyi kha na ma tho ba'i las kyi sgrib pa kun byang bar 'gyur ro/ / bcom ldan 'das kyis dga' bo la bka' stsal pa/ khyod dang nas de bzhin gshegs pa'i gsung 'di gzungs su zung la sangs rgyas kyi nye gnas su gyur pa rnams la yang go bar bsgos shig/ de bzhin gshegs pa yongs su mya ngan las 'das nas sangs rgyas kyi sku'i gzugs mtshan dang ldan par bri bar bya'o// de ma yin pa gzhan yang sprul pa'i sku gzugs tshad med pa dang sku'i 'od dang zhabs kyi rjes kyang bri bar bya'o/ / kha tshar phra mo 'am/ shel gyi nor bu yang smin mtshams kyi mdzod spu kyi gnas su gdags te/ sems can rnams kyis kyang mtshan de mthong bar bya'o// mtshan de mthong nas dga' ba'i sems bskyed pa tsam gyis skal pa khri phrag gang+gA'i klung gi bye ma snyed kyi 'khor ba'i nyes pa yongs su spong bar 'gyur ro/ / de skad ces bka' stsal nas de bzhin gshegs pa sla ra ga dan la bzhugs so// de nas bcom ldan 'das la rgyal po yab kyis gsol pa/ sangs rgyas 'jig rten du gshegs nas phan pa dang bde ba'i don mang po zhig mdzad nas skye bo mang po rnams la phan pa dang bde bar gyur pa dag shin tu legs so zhes
- 383a
gsol to/ / de nas yang bcom ldan 'das kyis rgyal po yab la bka' stsal pa/ sngon yul mnyan du yod pa na khyim bdag skyabs med pas spyi zhes bya ba dang / chung ma gnang ba byin zhes bya ba dang gnyis/ zan mo byi ti la zhes bya ba dang 'jig rten na 'tshon nam shin tu 'grubs pas khyim bdag gis bran mo de la nor dbyig dang bang mdzod thams cad kyang gtad de byung ba dang / 'thor ba dang / sdud pa dang / bya ba thams cad kyi dbang yang bskur ro// khyim bdag skyabs med zas sprin gyis sangs rgyas dang dge slong gi dge 'dun rnams spyan drangs nas yo byad thams cad sbyar to/ / de'i tshe dge slong nad bdag cig slong zhing 'dod pa mang bar gyur pa dang / bran mo rgan mod gser sna byed pas sangs rgyas dang / chos dang dge 'dun rnams la gshe zhing smod nas 'di skad ces smos so// bdag gi jo bo khyim bdag 'di ni gti mug gis rmongs pas dge sbyong gi rgyus bkrus te/ slong phod 'di rnams ni tshol bas mchog mi shes na/ ji ltar bya zhes smras nas/ yang 'di skad kyi smon lam ngan pa btab bo// bdag nam zhig gi dus na/ sangs rgyas kyis mtshan dang dge 'dun gyi ming yang mi thos pa dang / skra dang kha spu zegs nas kha dog ser por bsgyur ba'i gos gyon pa 'di dag mi mthong bar gyur cig ces smras pa'i tshig ngan pa
- 383b
mi gzhan dag gis zos par gyur nas/ de bzhin du mthar gyis yul mnyan du yod pa'i mi thams cad kyis kyang thos par gyur pa dang / btsun mo phreng ldan mas kyang thos par gyur btsun mos thos pa dang 'di skad du ci'i phyir skyabs med zas sbyin pad+mo bzang po dang 'dra ba/ kun gyis blta bar 'dod pa 'dril bran mo sbrul gdug pa can lta bus baspangs par gyur ram ci zhes smras nas khyim bdag skyabs med zas sbyin la bsgo ba/ khyod kyis chung ma gnang ba byin de la smra rgyu zhig yod pas tshur thong shig ces smras so// de'i tshe khyim bdag gis rkang ma gnang ba byin zhes bya ba de mgyogs par rgyal po'i pho brang du btang nas phyin pa dang / des btsun mo la phyag 'tshal te/ phyogs gcig tu 'greng ngo // btsun mo 'greng ldan mas 'dug shig ces bsgo nas stan bting ba la 'dug pa dang / 'di skad ces smras so// khyod khyim na zan mo rgan mo zhig tshig ngan pas 'phags pa la skur pa 'debs zhes zer na ci'i phyir de mi skrod ces bsgo'o// gnang byin des gsol pa/ de bzhin gshegs pa nyi ma dang 'ja ba 'jig rten du gshegs nas phan pa dang bde ba'i don mang por mdzad de/ bdud sdig to can sor mo'i phreng ba can dang / rkun ma ma rungs pa dang / rigs ngan khi gu yan chad sangs rgyas kyis btul na/ zan mo rgan mo 'di lta smos kyang ci 'tshal zhes btsun mo la de skad ces gsol pa dang / btsun mo des rab tu
- 384a
dga' ba'i sems bskyed de gnang ba byin la 'di skad du srungs rgyas dang dge slong gi dge 'dun rnams spyan 'dren gyis/ khyod kyis zan mo ngan par lta ba de pho zang du mthong shig ces bsgo'o/ / de'i phyir nyin mo pho brang gi nang du sangs rgyas dang dge slong gi dge 'dun rnams spyan drangs nas mchod pa byas so// de'i tshe khyim bdug des zan mo de'i lag tu gser gyi bum pa'i nang dug ser gyi nor bus bkang ste/ sangs rgyas dang dge slong gi dge 'dun rnams lo mchod cig ces rgyal po'i pho brang du bskur to// de'i tshe bran mo rgan mo de rab tu dga' bar gyur te/ rin po che'i bum pa thogs nas rings par chags so// de'i tshe btsun mo phreng ldan mas zan mo rgan mo de 'ongs pa mthong nas/ 'di snyam du sems te/ zan mo ngan par lta ba 'di sangs rgyas kyis mi 'dul lam ci bdag gis zan mo 'di btul ba mthong na chos kyi bde ba thob tu gdon mi za'o snyam bsams so/ / de'i tshe bcom ldan 'angs rdzu 'phrul gyis sgo chen por gshegs te/ zhabs 'bring dga' bo ni g.yon rol nas 'ong ngo // gnyen dga' bo ni ge kha sa rol nas 'ong ngo // sgra gcan zin ni phyi nas 'ong ngo // de'i tshe zan mo rgan mo des sangs rgyas gshegs pa mthong ba dang skrag cing dngangs te/ smyi g.ya' bar gyur nas/ 'di snyam du ma rungs pa chen po 'di yang bdag gi phyi bzhin du 'ongs pa lta zhig snyam ste/ phyir nur nas sgo chen
- 384b
po bsnyegs pa las/ sgo chen po yang 'gags par gyur to// khyi rgyu ba'i khung du 'dzul te thos pa las/ khyi rgyu ba'i khung dgags par gyur nas/ srang phra mo gzhan du yang mthar par gyur to/ / de nas de ma thag tu sgo chen po de nyid bye bar mthong nas/ rgan mo ngan par lta ba des sangs rgyas mthong mi 'dod pas/ mgo g.yogs kyang ma phan te/ me long la gzugs brnyan snang ba dang 'dra khar gyur to/ / mgo bsgyur te shar phyogs su bltas na yang shar phyogs nas sangs rgyas mthong bar gyur to// lho phyogs su bltas na yang lho phyogs nas kyang sangs rgyas mthong bar gyur to/ / nub phyogs su bltas na yang nub phyogs nas kyang sangs rgyas mthong bar gyur to// byang phyogs su bltas na yang byang phyogs nas kyang sangs rgyas/ mthong bar gyur to// yar gnam du bltas na steng gi nam mkha' las sangs rgyas mthong bar gyur to// kha bub tu sa la 'al te sa la bltas na yang sa las sangs rgyas kyis gang bar mthong pabar gyur to/ / thal mos ngo bkab na yang sor mo bcu'i bar nas sangs rgyas mthong bar gyur to// rgan mo des mig btsums na yang sems kyi mig gis 'jig rten drug gi phyogs bcu sprul pa'i sangs rgyas kyis gang bar mthong ngo / / mtshan 'di mngon par bstan pa'i tshe na mnyan du yod pa'i grong khyer gyi rigs ngan gyi bu mo nyi shu rtsa lnga dang / bram ze'i bu mo lnga bcu la sogs te
- 385a
rigs sna tshogs kyi bu mo btsun mo zeng ldan ma'i 'khor na/ spyir bu mo lnga brgya zhig yod pa las/ gang sangs rgyas kyi chos la ma dang de skur cing daphya ba'i rnams kyi kyang sangs rgyas bcom ldan 'das nam mkha' la gom pa sa gshegs te/ zan mo rgan mo de la grangs med pa'i sprul pa'i sku bstan pa de dag mthong nas rab tu dga' ba'i sems skyes te ngan par lta ba'i dra ba dral to zhes brjod de/ bcom ldan 'das kyi zhabs la mgo bos phyag 'tshal to// de'i tshe bcom ldan 'das kyis tshangs pa'i dbyangs kyis bu mo rnams spro ba bskyed de bka' stsal pa/ chos kyi bu mo rnams khyed cag sangs rgyas shAkya thub pa'i mtshan nas brjod la phyag tshol cig/ khyed kyis nga'i mtshan nas brjod dam nga'i rjes su dran par byas nas// rnam par grol bar 'gyur ro zhes bka' stsal pa dang / bu mo rnams kyis skad 'thun par sangs rgyas shAkya thub pa la phyag 'tshal lo zhes smras so// de'i tshe sangs rgyas kyi smin mtshams kyi mdzod spu dkar po'i 'od gzer bkye nas/ bu mo rnams kyi sems snang bar byas te/ bu mo rnams kyis sangs rgyas gshegs pa'i spyod lam mdzes pa dang / zhabs kyi 'og nas pad+mo cha bzhin du 'bab pa dang / pad+mo gdugs lta bur gyur pa dang / sprul pa'i sangs rgyas 'dam bu'i tshal lam/ 'od ma'i tshal ltar grangs dpag cing brjod du med pa dag bu mo rnams
- 385b
kyis mthong nas/ bla na med pa yang dag par rdzogs pa'i byang chub tu sems bskyed do// zan mo rgan mos de ltar sangs rgyas mthong yang ngan par lta ba dang / ma dad pa' sems ma mod kyi/ 'on kyang bskal pa khri phrag brgyad du snyed kyi 'khor ba'i nyes pa byang bar 'gyur na/ gang dad pa'i sems dang bcas te/ bsti stang gis phyag byed pa dang / mched pa smos/ de nas de'i tshe zan mo rgan mo des de ltar sangs rgyas rnams mthong ba dang lam gyi srang rnams kyang phyir byed par snang ngo // de nas bran mo rgan mo yang rings par byar khyim du song nas/ jo mo la 'di skad ces smras so// bdag deng ma rungs pa chen po dag sbyong go'u ta ma dang phrad de/ dge sbyong gis rgyal po'i pho brang gi khab sgor mag sngar rdzu 'phrul rnam pa sna tshogs bstan te/ lus gser gyi ri lta bu la/ me tog rnam pa sna tshogs kyis brgyan pa/ mig pad+mo sngon po lta bu la 'od zer khri phrag du ma 'bar ba/ rdzogs/ par bltar mi snang zhing brjod du med pa ste/ dge sbyong gi rdzu 'phrul lta bu ni 'jig rten na dpe bla med de/ jo mo khyod na so gzhon te thor bu na de lta bu dag gzigs par mi bzhed dam zhes smras nas/ shing sbom gyi steng du 'phags pas nang du zhugs te/ ras dkar pos mgo dkris te/ de lta bu'i mun pa nag po'i gnas su nyal lo// de'i tshe bcom ldan 'das slar rgyal bu dza
- 386a
ta'i tshal du gshegs pa las/ btsun mo phreng ldan mas 'di skad ces gsol to// bcom ldan 'das bud med ma rung ma ngan par lta ba 'di btul te slar gshes par gsol zhes gsol pa dang / bcom ldan 'das kyis slar btsun mo phreng ldan ma la bka' stsal pa/ rgan mo 'di sdig pa rab tu che bas de bzhin gshegs pa la gdul ba'i rgyud dang thabs de las med de/ sgra gcan 'dzin dang 'dra ste rgyu 'thun no// deng bcom ldan 'das kyis cho 'phrul gyis gshegs pa dang / rdzu 'phrul mang por bstan pa 'di ni/ rgan mo 'di'i sdig pa 'byung ba'i phyir ro zhes bka' stsal nas slar gshegs so/ / slar gshegs pa na sgra gcan 'dzin la 'di skad ces bka' stsal to// khyod khyim bdag skyabs med zas sbyin gyi khyim du song la/ rgan mo ma rungs ma 'di thul cig zhes gsungs so// de skad ces bka' stsal pa na dge slong gi dge 'dun brgya phrag phyed dang bcu gsum rnams kyang bcom ldan 'das kyi phyi bzhin mchi bar gsol to/ / de'i tshe sgra gcan 'dzin sangs rgyas kyi byin gyis brlabs kyis yid bzhin zhes bya ba'i ting nge 'dzin la snyoms par zhugs te/ bcom ldan 'das la phyag 'tshal nas/ lan bdun bskor te/ 'khor los sgyur ba'i rgyal por sprul nas/ zhabs 'bring g.yas nas dga' bo// g.yon nas bsnyen dga' bor bcas te/ 'khor
- 386b
dge slo brgya phrag byed dang bcu gsum ni bu stong du bsgyur/ dga' bo ni rin po che gter la dbang ba'i blon po rin po cher sbrul/ bsnyen dga' bo ni demag dpon rin po cher bsgyur te/ rin po sna bdun dang / dmag rnam bzhi dang ldan par chas so// de'i tshe gser gyi 'khor lo rin po che zhig steng gi nam mkha' la rin po che'i pad+mos bteg ste/ khyim bdag skyabs med zas sbyin/ gyi khyim ga la ba de logs su lding ngo // gnod sbyin rnams kyis nam mkha' las 'di skad ces smras so// 'phrul gyi rgyal po 'jig rten du byung ste/ sdig pa mi dge ba kun zhi nas/ dag pa'i chos rnams grangs par 'gyur ro zhes smra ba'i tshig rgan mo des thos nas rab tu dga' ba'i sems skyes te/ 'phrul gyi rgyal po 'jig rten du gshegs na// yod bzhin gyi nor bu rin po che char bzhin du 'bab pas/ da ni bdag la slong ba med do snyam bsams so// de'i tshe 'khor los sgyur ba'i rgyal pos dril dkror/ rnga'i sgra 'byin cing / chos kyi rung chen po yang bsgrags te/ rin po che'i khyogs la 'dug nas/ khyim bdag skyabs med zas sbyin gyi khyim du song ngo // bran mo rgan mo des thos nas rab tu dga' ba'i sems skyes te/ 'phrul gyi rgyal po 'di 'jig rten du byung nas phan pa dang bde bar 'gyur ba mang po yod de/ legs nyes kyi bye brag kyang phyed pas dge sbyong gis kyang bslus par mi 'gyur ro snyam bsams nas shing sgrim nas
- 387a
byung ste/ 'phrul gyi rgyal po la gus par phyag 'tshal to// de nas rgyal pos rin po che'i gter la dbang ba'i blon po la bka' stsal pa/ khyod song la rgan mo la 'di skad gyis shig/ khyod sngon gyi bsod nams dang ldan pas/ rgyal po'i mtshan dang ldan te/ khyod bud med rin po cher ba zhes dgos so// zhes sgos shig/ de skad tshig rgan mo la bsgob dang / de'i tshe slar rgan mos 'di skad ces gsol to// bdag ni rigs dma' lang na te/ shin tu dman pa lags na/ rgyal po chen pos bka' stsal pa la rab tu dga' mod kyi bud med rin po cher ni bdag mi rung ngo / / gal te rgyal pos dgongs te bka' stsal na bdag gi jo bo la bka' stsal te/ bdag zan mo las phyung shig par gsol to// de nas rgyal pos khyim bdag skyabs med zas sbyin la 'di skad ces pa ka' stsal to/ / khyod kyi zan mo rgan mo 'di mtshan dang ldan te/ nga'i bud med rin po cher rung gis zhes so zhes bka' stsal to/ / skyabs med pas sbyin gyis gsol pa/ bka' stsal pa bzhin du rgyal po chen po la dbul lo// rgan mos de skad du btang ba'i tshig thos nas skrag par dga' bar gyur to// de'i tshe 'phrul gyi rgyal pos yid bzhin gyi nor bu rin po che rgan mo la bstan pa dang / rgan mo yang bud med rin po che lta bur gyur te/ rab tu dga' nas 'di skad du dge sbyong la sogs pa ni
- 387b
nga rgyal gyi tshig chen po smra zhing nga'i chos bzang po zhes smra mod kyi mngon rtags gcig kyang ma mchis te/ 'phrul gyi rgyal po 'jig rten du gshegs nas phan pa dang bde ba'i don mang por mdzad de/ bdag lta bu'i bran mo ngan pa yang bud med rin po cher bsgyur to zhes smras nas/ lus kyi yan lag lnga sa la gtugs te 'phrul gyi rgyal po la phyag 'tshal to// de nas rin po che'i gter la dbang ba'i blon pos/ rgyal po'i yul chos dang khrims dang / dge ba bcu'i chos kyi bya ba bka' btags te bsgrags so// bud med rin po che des dag pababadu zos nas rab tu dga' ste/ 'di skad du 'phrul gyis rgyal po'i bstan pa'i don rnams la mi dag ba med do zhes smras nas/ rgyal po la phyag 'tshal te/ nyes pa 'gyod pas sems skyes so/ / de ltar dul bar gyur nas/ sgra ga can 'dzin la sogs pa rnams phyir dge slong brgya phrag phyed dang bcu gsum du bsgyur ba/ rgan mos mthong nas 'di skad du sangs rgyas kyi chos rnam par dag pa ste/ sems can yongs su mi gtong bas bdag lta bu'i ngan pa yang bkrol te btul to zhes smras nas/ khrims lnga 'dzin par gsol to// de nas sgra gcan 'dzin gyis skyabs su 'gro ba gsum dang / khrims lnga bshad nas rgan mos thos pa dang / phyag 'tshal ba las mgo ma bteg par rgyun tu zhugs pa'i 'azas bu thob par gyur te/ se'i lga
- 388a
rnams kyang sa'i nang nas byung ste/ skyabs med zas sbyin la shin tu legs so// ngan par lta ba'i drab bcad do// de bzhin gshegs pa 'jig rten du gshegs pa'i don na 'di lta bu'o zhes smras so/ / de'i tshe sgra gcan 'dzin gyis rgan mo de dag khrid de rgyal bu dze ta'i tshal du phyin pa dang / de bzhin gshegs pa'i sku gser gyi kha dog lta bu mthong nas rab tu dga' ste/ thal mo sbyar nas sangs rgyas la phyag 'tshal nas 'thol ba sangs byas te/ rab tu 'byung bar gsol to// bcom ldan 'das kyis sgra gcan 'dzin la bka' stsal pa/ khyod kyis rgan mo 'di khrid la dge slong ma'i gnas su rab tu phyung shig ces bka' stsal to// dge slong ma'i gnas su ma phyin kyi bar du sgra gcan 'dzin gyis sdug bsngal dang / stong pa nyid dang mi rtag pa dang bdag med pa la sogs pa'i chos rnams bshad nas bstan pa las rgan mos thos pa dang skra yang rang lhung te/ dge slong mar gyur nas rig gsum dang mngon par shes pa drug dang / rnam par grol ba brgyad thob ste/ steng gi bar snang la cho 'phrul rnam pa bco brgyad bstan to// rgyal po gsal rgyal dang btsun mo zad ldan mas de ltar gyur pa mthong nas rab tu dga' ba'i sems skyes te/ legs sor rab tu legs so// bcom ldan 'das sangs rgyas kyi nyim 'jig rten du shar bas ma rig pa'i mun pa thams cad yongs
- 388b
subasal nas ngan par lta ba dag kyang yang dag pa'i lam la bkod do zhes de skad smras te/ de bzhin gshegs pa la phyag 'tshal nas 'di skad ces gsol to// bcom ldan 'ad ga 'di sngon sdig pa ci bgyis nas/ rigs ngan cing bran mor skyes te shin tu dman par gyur pa lags/ bsod nams ci bsags nas/ bcom ldan 'das dang 'jal te ras dkar pa tsho na zhe na sla ba bzhin du dgra bcom pa thob par gyur pa lags/ bcom ldan 'das kyis rgyal po la bka' stsal pa/ rtag par 'on la legs par yid la zung shig/ dang de bzhin gshegs pas rgyal po chen po la sngon bskal pa grangs med pa 'das pa'i yun ring po'i gtam gleng bar bya'o/ / sngon 'das pa'i dus na sangs rgyas bcom ldan 'das rin chen gdugs gcig mar me rgyal po zhes bya ba de bzhin gshegs pa mtshan bcu dang ldan pa 'jig rten du byung ste/ sangs rgyas de yongs su mya ngan las 'das nas/ gzugs kyi chos byed pa na/ rgyal po rin chen sna tshogs me tog 'od ces bya ba'i sras mthong dga' zhes bya ba rab tu 'byung bar gsol nas/ rgyal pos rab tu 'byung bar gnang ste/ rgyal bu de rab tu 'byung bar dgon pa'i ri la dge slong gi gnas su song nas rab tu 'byung bar gsol/ to// de'i tshe na dge slong yid gzhungs la shes rab dang dbang po gsal ba don zab mo'i mtshan nyid la mkhas pa zhig yod de/ de'i slob mar rab tu byung ngo // gzhan yang dge slong yon tan me tog 'od
- 389a
ces bya ba chos ston cing 'chad pa la mkhas pa/ gsang slob rnams nos 'chad cing ston pa mkhas pa zhig kyang yod de// de las par chad 'ji ba'i mkhan po byos te/ rgyal bu dge slong de/ gnyis la rab tu byung mod kyi nga rgyal gyis rnam par gzung bas/ slob dpon chen pos shes rab kyi pha rol tu phyin pa stong pa chen po'i don shin tu zab mo bshad pa las/ chos log par bstan ces thetsom bos par gyur to/ / de nas slob dpon chen po de tshe 'phos nas rgyal bu dge slong de 'di skad du/ bdag gi slob dpon chen po de ni shes rab dang mi ldan te/ stong pa don med pa 'ba' shig ston gyis bdag gang nas gang du skye ba'i gnas tham cad du mthong bar mi 'dod do/ / bdag gi bar chud 'ji ba'i mkhan po khyod ni shes rab dang sgozla par ldan te/ bdag gang nas gang du skye ba'i gnas thams cad du dge pa'i bshes gnan du gyur cig ces smras so/ / dge slong rgyal bu des de skad du smras nas/ chos ni chos ma yin par bshad/ chos ma yin pa ni chos su ba shad cing / dge 'dun gyi 'khor la ston te/ thams cad ngan par lta ba la btsud do/ / tshul khrims yongs su bsrungs te/ spyod lam mnyams na yang lta ba nor bas tshe 'phos ma thag tu mda' 'phangs pa bzhin du mnar med pa'i sems can dmyal ba chen por skyes so// bskal khri khrag brgyadan cu'i bar du sdug bsngal gyis gdungs nas/ de lba thar te phyir mir skyes na yang dbul zhing 'ongs pa dang / rigs ngan par skyes te skye ba lnga brgya'i bar du 'on pa dang gleng zhugs dang long par gyur te/ skyes
- 389b
stong nyis brgya'i bar du pha rol gyi bran mor gyur pa yin no/ / bcom ldan 'das kyis de skad ces bka' stsal pa na/ btsun mo phreng ldan ma'i 'khor na zan mo lnga brgya zhig yod pa rnams kyis kyang zhes pa 'thol zhing bshag te/ byang chub tu sems bskyed nas/ skye ba'i gnas phyi mar stong pa chen po shes rab kyi pha rol tu phyin pa'i don zab mo shes shing rtog par gyur cig ces smon lam btab bo// bcom ldan 'das kyi rgyal po gsal rgyal la bka' stsal pa/ de'i tshe de'i dus kyi slob dpon chen po de ni da ltar gyi nga yin no// bar chad 'dri ba'i mkhan po de ni sgra gcan 'dzin yin no// rgyal bu dge slong de ni rgan mo 'di yin no// nye gnas su gyur pa'i dge slong gi 'khor rnams ni ngan par lta ba'i bu mo lnga brgya byang chub tu sems bskyed pa 'di rnams yin no/ / bcom ldan 'das kyis de skad ces bka' stsal pa na/ mnyan du yod pa'i grong khyer gyi dge bsnyen stong zag nyi shus byang chub tu sems bskyed de/ sangs rgyas rjes su dran pa'i ting nge 'dzin thob nas ting nge 'dzin gyi nang nas sangs rgyas kyi chos bstan pa yang mthong ba dang thos par gyur to// de nas bcom ldan 'das kyis rgyal po yab la bka' stsal pa/ ngan par lta ba'i sdig pa can de dag kun gyis bcom ldan 'das gshegs pa mthong ba tsam gyis kyang tshad med pa'i bsod nams de lta bu thob par gyur na/ sangs rgyas gshegs pa 'am/ sku gzug gshegs pa rjes su dran par byed pa lta ci smos// yang rgyal po ab kyis bcom ldan 'das la 'di skad ces gsol to// sangs rgyas kyi
- 390a
yum sgyu ma'i lha mo sum cu rtsa gsum gnam du skyes pa la/ bcom ldan 'das 'od zer dang mtshan dang dpe byad dang ldan pas yum la chos ston cing gshegs pa'i tshul ji lta bur gshegs/ bcom ldan 'das kyis rgyal po yab la bka' stsal pa/ de bzhin gshegs pa ni 'khor los sgyur ba'i rgyal po bzhin du zhabs kyis 'dzam bu gling nas sum bcu rtsa gsum gnam du gshes te/ yum sgyu ma la gsong por smras nas dam pa'i chos ston to// de'i tshe 'khor gyi nang na byang chub sems dpa' sems dpa' chen po sa 'dzin zhes bya ba 'dug pa las langs nas dpa' bar 'gro ba zhes bya ba'i/ ting nge 'dzin la snyoms par zhugs so// ting nge 'dzin de'i mthus rdo rje'i mtha' la thug pa nas/ rdo rje'i 'khor lo rtsa ba yang rdo rje las byas pa/ me tog kyang rdo rje las grub pa'i me tog 'dab chags su 'dug pa'adzam bu gling gis gzhi'i steng du byung ngo / / de'i tshe klu'i rgyal po dga' bo dang bsnyen dga' bo dang / ma zos pa la sogs pa'i rgya mtsho'i mching rnams kyi klu'i rgyal po rnams kyis so so nas rin po che sna bdun thogs te/ byang chub sems dpa'as 'dzin gang na bar 'ongs te phyin pa dang / rin po che sna bdun phul te/ sangs rgyas bcom ldan 'das sum cu rtsa gsum gnam du gshegs pa'i rin po che'i them skas gsum byas so// g.yon ni dngul las byas/ / g.yas ni shel las byas/ dbus ni gser las byas te 'dzam bu gling gi sa gzhi'i mtshams rdo rje'i mtha' nas sum cu rtsa gsum gyi pho zang la thug pa'i bar du'o// rin po che'i them skas de re re yang mu ran rim
- 390b
pa bdun bdun no/ / mu ran de dag kyang rin po che rnam pa khri phrag brgya las byas te/ 'od zer yang khri phrag brgya yod do// 'od zer de re re la khang rin po che'i me tog khri zeg brgya snyed yod do// me tog pad+mo de re re'i rang na yang rol mo'i cha byad tshad med pa snyed rang byung ngo / / de'i tshe byang chub sems dpa' sa 'dzin gyi se gad+hA'i klung gi bye ma snyed kyi rin po che sna bdun gyi pad+mos sangs rgyas gshegs pa'i skas la bkod do// skas kyi mu g.yas ga ya man/ rin po che'i rgyal mtshan rnam pa sna tshogs bgreng nas rin po che'i ba dan tshad med pa snyed dpyad so/ / rin po che'i gdugs dang bla re khri phrag snyed ni bla rer zes so// sum cu rtsa gsum gnam gyi lha rnams kyis ni/ me tog man+da ra ba dang / man+da ra ba chen po dang / man dzu sha ka dang / man dzu sha ka chen po dang / ut+pa la dang / ku mu dA la sogs pa char bzhin du phab nas/ sangs rgyas gshegs pa'i skas la bkod de rgyal po ni lag na 'dug spos thogs nas/ tshangs pa'i 'khor dang bcas te skas kyi g.yas g.yon nas bstod do// bdug spos kyi dud pa dag bai DUR+Ya'i sprin lta bur gyur nas/ steng gi nam mkha' las mdu sres kyi sprin du gyur to/ / sprin gyi nang nas rol mo'i sgra dbyangs brgya stong du ma snyed sgrogs so// klu'i rgyal po dga' bo la sogs pas ni rgya mtsho'i 'gram gyi tsan dan la sogs pa'i spos sna tshogs kyi sangs rgyas la 'thor ro/ / spos kyi 'od 'tsher ba ni gser gyi kha dog lta bur gyur/ mtho khyad kyang srid pa'i rtse mo la gtugs te gser gyi khang pa brtsegs par gyur to// tshad med pa'i lha rnams
- 391a
kyis kyang rgyan dang lhab lhub kyis skas la brgyan te/ yo byad tshad med pa rnam pa mang po dag gis brgyan to// de'i ro bcom ldan 'das kyis 'dzam bu'i gling nas chos gos gsum bsnams te/ dga' bo dang bsnyen dga' bo dang / sgra gcan 'dzin la sogs pa dge slong lnga brgya rnams kyang zhabs 'bring du bcas bka' stsal to// bcom ldan 'das kyis napa bdag pa na sa rnam pa drug tu g.yos so/ / zhag phab pa na sa las rin po che'i pho brang tshangs pa'i rgyal po'i gzhal med khang lta bu byung nas/ gzhal med khang 'dab chags su nam mkha' la lding zhing bcom ldan 'das gshegs pa'i skas kyi g.yas g.yon brgyan to/ / byang chub sems dpa' sa 'dzin dang / byams pa la sogs sems dpa' stong gis ma mo sbyar te/ phrag du mas de bzhin gshegs pa'i yon tan tshad med pa la bstod do// de'i tshe tshangs pa'i rgyal po 'khor tshangs pa brgya stong du mas lag na bdug spos thogs shing rol mo tshad med pos sangs rgyas mchod cing g.yon rol nas 'greng ngo / / brgya byin lha'i dbang po la sogs pa lha'i bu tshad med pa dang lha'i bu mo brgya stong rnams kyis rang dung dang / rol mo dang glu dang ga rna rol nas 'greng ngo / / nyan thos dang dgra bcom pa rnams dang byang chub sems dpa' rnams ni sangs rgyas kyi g.yas rol nas mched pa byed do// de'i tshe bcom ldan 'das kyis 'od zer chan pa btang nas
- 391b
skas kyi mthar dang 'gram tshun chad snang bar byas te/ 'od zer de yang sprin lta bur gyur nas kha dog brgya stong du ma dang ldan te/ khang pa brtsegs pa yang yang thog lta bur gyur te// de'i nang na de bzhin ga pa bzhugs shing 'khor yang sprul pa'i sangs rgyas brgyad khri bzhi stong snyed kyis bskor to/ / de las yang sprul pa'i sangs rgyas sku'i ched sangs rgyas gzhan dang mnyam pa lnga brgya skar ni chos gos dang lhung bzed thog te/ spyod lam mdzes par gshegs so// sprul pa'i sangs rgyas de dag kyang so so nas 'khor dga' bo dang / bsnyen dga' bor bcas so// de'i tshe bdud sdig to can ang steng gi nam mkha las bdud kyi 'khor dang bcas te/ tshigs su bcad pa du mas de bzhin gshegs pa'i yon tan bsngags shing bstod do// brgya byin lha'i dbang po sa yum snu pa'i lha mo la smras pa de bzhin gsheg pa 'jig rten gyi mgon po ni yum la zin gyi lan glan pa'i slad du gnas 'dir gshegs so zhes yum la gsol pa/ yum sgyu mas bcom ldan 'das gshegs so zhes thos nas lha'i bu mo rnams lha'i rin po che dang / lha'i rol mo dang / lha'i me tog man+da ra ba dang / u dum bA ra'i me tog la sogs pa bskur te/ mdun na bcom ldan 'das la bsar bcug go// de'i tshe de bzhin gshegs pas zhabs bteg pa dang bzhag pa'i lam kun tu gzhal med khang grangs med par gyur to/ / gzhal med khang de gcig gi nang na yang sprul pa'i sangs rgyas lnga brgya rnyed skyil mo krung bcas te bzhugs so// de bzhin gshegs pa de re re la yang
- 392a
'khor byang chub sems dpa' yang lnga brgya snyed yod do/ / de'i tshe sku las 'phros pa'i sangs rgyas lnga brgya rnams dang / sangs rgyas shAkya thug par bcas te/ sum cu rtsa gsum gnas gyi gzhal med khang du gshegs pa na/ lha rnams rab tu dga' ste/ tshigs su bcad pa 'di skad smras so// sangs rgyas rnam par gzigs// bkra shis dam pa'i mchog/ 'od zer rab btang nas/ gnas 'dir gshegs par gyur// bde gshegs gtsug tor can/ bkra shis dam pa'i mchog/ grangs med sku sprul nas// gnas 'dir gshegs par gyur// sangs rgyas thams cad skyob// smin mtshams 'od bkye nas// kun tu snang gyur te// gnas 'dir gshegs par gyur// bde gshegs log dang sal// zhal nas 'od bkye ste// phyogs bcur snang byas nas// gnas 'dir gshegs par gyur/ / sangs rgyas gser thub kyang // grangs med sku sprul te// tshad med 'od bkye nas// gnas 'dir gshegs par gyur// bde gshegs 'od srungs de// rin chen khang brtsegs nas// mkha' las cho 'phrul ston/ / gnas 'dir gshegs par gyur// sangs rgyas shAkya yang // lnga brgya'i skur spros te// sprul pa grangs med dang // 'od bkye gnas 'dir gshegs// byams pa byang chub dang // bskal pa bzang po'i gtso// kun gyis 'od btang nas// gnas 'dir gshegs par gyur// bkra shis dpal gyi gnas// dga' sbyin 'dus ma byas/ bcom ldan gshegs pa'i sa// thub pa sku
- 392b
ba'i gnas/ / mya ngan 'da' ba'i khyim// mkhas pa pha rol phyin// ces brjod do// de'i tshe bcom ldan 'das sum cu rtsa gsum gnam gyi pho zang du gshegs nas smin mtshams kyi mdzod spu dkar po las 'od zer btang nas/ 'od zer de nyid rin po re sna bdun gyi gdugs chen por gyur te/ yum sgyu ma'i steng du bla rer bres so// rin po che sna bdun gyi khri rab tu mdzes pa dag yum gyi gdan du gyur nas de la yum bzhugs so/ / yum gyis sangs rgyas gsheg pa mthong nas/ thal me sbyar ha rab tu btud nas phyag 'tshal ba dang / sprul pa'i sangs rgyas lnga brgya rnams kyis kyang phyag brkyang ste yum la bteg go 'khor lha rnams kyis kyang yum las bzung ste/ phyag 'tshal du ma ster ro// sprul pa'i sangs rgyas khri bzhi stong snyed kyang gdan las bzhengs so// de'i tshe yum sgyu ma'i lha mo'i pho zang gi nang nas 'od zer khri phrag lnga brgya rnams mngon par byung nas/ 'od zer de las rin po che'i khang pa brtsegs par gyur te/ khang pa brtsegs pa de dag ra re'i steng na phyogs bcu'i sangs rgyas rnams bzhugs shing so so nas mtshan nas brjod de/ sangs rgyas kyi yum la gsong por smra zhing spro ba bskyed do// 'di lta ste/ shar phyogs kyi legs pa'i yon tan zhes bya ba'i de bzhin gshegs pas phyag na rin po che'i me tog bsnams nas/ bcom ldan 'das shAkya thub pa dang / yum sgyu ma'i lha mo la gter to// gter ba'i me tog rnams kyang steng gi nam mkha' la me tog gi gdus su gyur to// me tog gi gdugs kyi nangan
- 393a
sprul pa'i sangs rgyas khri phrag du ma thal mo sbyar te zhengs nas/ sangs rgyas kyi yum sgyu ma la gsod por gsung ngo // lho phyogs na tsan dan yon tan zhes bya ba'i de bzhin gsheg pas kyang phyag na rin po che'i pad+mo bsnams te/ bcom ldan 'das shAkya thub pa dang / yum sgyu ma'i lha mo la gtor to// de yang steng gi nam mkha'ang me tog gi gdugs su gyur to// gdugs kyi nang na sprul pa'i sangs rgyas grangs med pa snyed thal mo sbar te bzhengs nas/ yum sgyu ma la gsong por gsung ngo // nub phyogs na snang ba mtha' yas zhes bya ba'i de bzhin gshegs pas kyang phag na rin po che'i peng+ge bsnams nas/ bcom ldan 'das shAkya thub pa dang / yum sgyu ma'i lha mo la gtor to// de yang steng gi nam mkha' la me tog gi gdugs su gyur te/ gdugs kyi nang nas sprul pa'i sangs rgyas grangs mer pa snyed thal mo sbyar te bzhengs nas/ yum sgyu ma la gsong por gsung ngo // byang phyogs na legs pa'i mtshan zhes bya ba'i de bzhin gshegs pas kyang rin po che'i pad+mo bsnams nas btsem ya 'das shA thub pa dang / yum sgyu ma'i lha mo la gtor to// de yang stang gi nam mkha' la me tog gi gdugs su gyur to// gdugs de'i nang nas/ sprul pa'i sangs rgyas grangs med pa snyed thal me sbar ta bzhengs nas/ yum sgyu ma la gsong por gsung ngo // shar lho'i phyogs na mya ngan dang bral ba zhes bya ba'i de bzhin gshegs pa dang / lho nub kyi phyogs mtshams na rin chen gtong ba zhes bya ba'i de bzhin gshegs pa dang / nub
- 393b
byang gi phyogs mtshams na yon tan me tog ces bya ba'i de bzhin gshegs pa dang / byang shar gyi phyogs mtshams na theg pa gsum spyod ces bya ba'i de bzhin gshegs pa dang / bla ma'i phyogs na rgya che yon tan zhes bya ba'i de bzhin gshegs pa dang / 'og ma'i phyog na snang ba'i yon tan zhes bya ba'i de bzhin gshegs pa la sogs pa'i sangs rgyas de dag kun gyis kyang so so nas phyug na rin po che'i pad+mo ba snam te/ bcom ldan 'das shAkya thub pa dang / u ma sgyu ma'i lha mo la gtor to// gtor ba'i me tog de dag kyang steng gi nam mkha' la so so nas me tog gi gdugs su gyur to// so so'i me tog gi gdugs kyi nang nas sprul pa'i sangs rgyas grangs med pa stod zil mo sbyar te bzhengs nas/ yum sgyu ma la gsong por gsung ngo // de'i tshe sum cu rtsa gsum gnam gyo pho zang gi nang na sprul pa'i sangs rgyas kyis yongs su gang bar gyur to/ / de nas de'i tshe yum sgyu ma'i dbu'i gtsug nas mchod pa'i yo byad/ gdugs dang rgyal mtshan dang ba dan la sogs pa grangs med pa rang byung nas/ sangs rgyas de dag kun la mchod pa chen po byas so/ / gdugs dang / rgyal mtshan dang ba dan de dag gi nang nas sangs rgyas la bstod pa dang dam pa'i chos bsngags pa dang / dge slong gi dge 'dun bstan pa'i sgra dbyangs dag byung bar gyur to// bcom ldan 'das kyis dag 'ol bka' stsal pa/ 'di dag ni de bzhin gshegs pa 'dzam bu'i gling nas sum bcu rtsa gsum gnam du gshegs pa'i sku gzugs dang / mtshan dang dpe byad 'od zer
- 394a
dang / sprul pa'i dngos po ni 'di rnams yin no// de bzhin gshegs pa yongs su mya ngan las 'das nas sangs rgyas kyi nye gnas su gyur pa rag/ sar lta bur mthad par// ni yang dag par mthong ba'o// gang gis de lta ma yin par mthong ba de ni log par mthong ba'o// gang gis de ltar rjes su dran par byas na bskal pa chen po khri phrag gcig gi 'khor ba'i nyes pa yongasu/ spong bar 'gyur zhing // tshe 'phos pa'i dus byed pa na yang phyogs bcu'i sangs rgyas rnams mthong ste/ gdon mi za bar yongs su dag pa'i sangs rgyas kyi zhing du skye bar 'gyur ro// bcom ldan 'das kyi dga' bo la bka' stsal pa/ khyod kyis nga'i cho ga 'di gzungs su zung la phyi ma ma 'ongs pa'i skye bo rnams la rgyas par ston cig/ shod cig/ tshig 'di thos nas/ de na 'di sems pa de la phyogs bcu'i sangs rgyas rnams kyis dgongs shing skyob pa dang / tshe 'phos nas kyang nges par sangs rgyas kyi spyan sngar skye bar rig par bya'o// de nas yang bcom ldan 'das kyi rgyal po yab la bka' stsal pa/ de la ji ltar na de bzhin gshegs pa sum cu rtsa gsum gnas nas 'dzam bu gling du gshegs pa'i 'od zer dang / mtshan dang sprul pa gang zhen/ yang gshegs pa'/ na lha'i bu grang med pa dang / lha'i bu mo brgya stong mang po rnams kyis brgyal te/ de'i tshe bcom ldan 'das nyag cig 'od zlum po 'dom gang ba dang / gzhan yang de ma yin pa'i 'od zer stong gtang nas
- 394b
rin po che'i them skas la zhabs kyis gshegs pa las/ sangs rgyas kyi 'od zer gyi nang nas sangs rgyas bdun bdun gshegs par lha'i bu dang bu mo rnams kyi kyang mabong ngo // de'i tshe rgyal po e'u then bcom ldan 'das la rjes su dran zhing chags pas/ gser gyi sku gzugs shig byas te/ de la phyag 'tshal to// de nas bcom ldan 'das sum cu rtsa gsum gnam nas/ slar 'dzam bu gling du gshegs zhes pa thos nas rab tu dga' ste/ gser gyi sku gzugs kyang ba glang gi steng du bzhag ste/ bcom ldan 'das kyi mdun nas bsus so// de'i tshe dge slong ma pad+mo'i mdog ces bya bas kyang / bai DUR+Ya'i ri zhig sprul te/ ri de'i phug na skyil mo krung du 'dug nas yo byad tshad med pa mang po dang chas te/ bcom ldan 'das kyi mdun nas bsu bar chas so// de'i tshe gser las byas pa'i sku gzugs de yang ba glang las babs te/ sangs rgyas dang 'dra bar nam mkha' la zhabs kyis gshegs te/ zhabs kyi mthil gyi 'khor lo las me tog char bzhin du phab cing 'od zer btang nas bcom ldan 'das kyi mdun nas bsus so/ / de nas bcom ldan 'das de nyid du gshegs pa dang / gser gyi sku gzug des thal mo sbyar te bcom ldan 'das la phyag 'tshal lo// de'i tshe bcom ldan 'das kyis kyang sku gzugs kyi phyog/ su thal mo sbyar nas dbu btud do// de'i tshe nam mkha' las sprul pa'i sangs rgyas stong snyed kyis kyang sku gzugs ga la ba'i logs su thal mo sbyar nas/ pus mo btsugs so// de'i tshe bcom ldan 'das
- 395a
kyis kyang sku gzugs de la bka' stsal pa/ khyod phyi ma'i dus na sangs rgyas kyi mdzad pa chen po mdzad par 'gyur ro// nga yongs su mya ngan las 'das nas pa ga rur pa'o/ rnams khyod la gtams so// nam mkha' la bzhugs pa'i sprul pa'i sangs rgyas rnams kyis kyang gsung 'thun par de skad du gsungs so// sems can gang la las de bzhin pa shegs pa ye su mya ngan las 'das nas/ sangs rgyas kyi sku gzugs byas te/ me tog dang gdugs dang rgyal mtshan dang ba dan dang / spos la sogs pa'i mched pa'i ye bya sa ma che @ sangs rgyas rjes su dran pa'i rnam par dag pa'i ting nge 'dzin thob par 'gyur ro/ / sems can gang dag sangs rgyas gsheg pa'i mtshan dang dpe byad bzang po rnams yod la byas na/ rgyas mang po rnams mthong bar 'gyur ro// bcom ldan 'das kyis dga' bo la bka' stsal pa/ sangs rgyas yongs su mya ngan las 'das nas sangs rgyas kyi bcom ldan 'das sum cu rtsa gsum gnam du gshegs pa'i 'od zer dang mtshan dang dpe byad dang rgyus shes pa 'am/ sangs rgyas kyi sku gzugs mthong ba dag/ bskal pa chen po steng snad ku la na ma tha ba/ lci pa kun byang bar 'gyur ro// gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o// sangs rgyas rjesu dran pa'i ting nge 'dzin
- 395b
rgya mtsho zhes bya ba'i mdo/ / / bam po bdun pa/ bcom ldan 'das kyis dga' bo la bka' stsal pa/ de la ji ltar na de bzhin gshegs pa 'brog dgon pa'i yi dgra kyi bdag po chen po btul zhe na/ ngas mnyan du yod pa'i rgyal bu dze ta'i tshal gyi gzhal med khang nas gser gyi kha dog lta bu'i 'od zer btang nas/ mnyan du yod pa'i grong khyer gser gyi kha dog lta bur snang bar gyur to// yul mnyan du yod pa na khyim bdag nor dpal zhes bya ba zhig yod do// khyim bdag de la bu lo gsum lon pa zhig yod pa las/ khyim bdag gis bu de la skyabs su 'gro ba gsum bstan to// de'i tshe 'brog dgon pa'i yi dgas kyi bdag po bkres skom pas gdung nas/ mnyan du yod pa'i grong khyer du song nas/ byis pa chung ngu de bzung ngo // de'i tshe khyim bdag gi bu des sangs rgyas la phyag 'tshal lo zhes smras so// de skad ces brjod pas yi dwags kyi bdag po kha 'thams nas za ni ma nus te/ mig nas me phyung ste khye'u de la bsdigs so// yi dag kyi lus mi sdug pa ni snying ka na ngo gsum yod pa/ lteb na ngo gnyis yod pa/ pus mo gnyis na yang ngo re re yod pa las ba glang gi mgo lta bra la mche bgyen tu bgreng ba/ mig nas me rab tu bar ba de la khye'u des mthong nas/ khye'u de skrag ste/ sangs rgyas la phyag 'tshal lo// chos la phyag 'tshal lo/ / dge 'dun la phyag 'tshal lo// zhes smras so// de'i tshe bcom ldan 'das kyi 'phrul gyi snyan gyis khye'u des smras pa/ rgyang ma nas gsan nas/ zhabs 'bring du dga' bo dag khrid de/ nam mkha' la gom pas
- 396a
gshegs so/ / dga' bo zhabs 'bring du mchis pa phyir lus te/ ma slebs nas bcom ldan 'das kyis rin po che'i pad+mo sprul te/ pad+mo'i 'ad per gyis dga' bo bsus te/ dga' gro/ pad+ma la 'dug par byin gyis brlabs so// de'i tshe dga' bo 'dzam bu gling gi nang na sprul pa'i sangs rgyas kyis yongs su gang bar mthong ste/ sprul pa'i sangs rgyas de re re'i sku'i tshad kyang stong gsum gyi s tong chen po 'jig rten gyi khams dang mnyam pa'i sprul pa'i sangs rgyas dag kun kyang theg pa gsum 'chad cing byang chub sems dpa' rnams la sangs rgyas rjes su dran pa'i nan tan la brtson par gyis shig ces ston par mthong zhing thos so/ / dga' bos de lta bu dag mthong zhing thos nas/ sngon 'das pa'i sangs rgyas khri phrag dgu bcu rnams kyi chos kyi sde snod kun dran par gyur te// de'i tshe bcom ldan 'das kyis 'brog dgon par gshegs nas/ smin mtshams kyi mdzod spu dkar po'i 'od zer btang nas/ 'od zer des khye'u chung ngu skrag cing dngangs pa de'i lus la reg par byas so// khye'u des 'od zer de mthong ba dang / pha ma mthong ba dang 'dra bar 'jigs pa 'am/ bag tsha ba'i sems med do// de'i tshe 'brog dgon pa'i yi dgas kyi bdag pos/ pa beng chen po che khur 'phang nga mtho brgya nyi shu pa cig blangs te/ bcom ldan 'das la gzas nas/ mig nas me dang glog byung te/ 'brug gi sgra lta bu bsgrags nas/ ser ba che khyad bya nam mkha' lding gi sge btsam stag gis
- 396b
pa'i steng gi nam mkha' las bteg go/ / sangs rgyas kyi sku la ma reg par sprul pa'i sangs rgyas su gyur te/ sprul pa'i sangs rgyas de dag so so nas med pal zhes bya ba'i dang nge 'dzin la bzhugs so/ / me dpal gyis 'phrog dgon pa'i sa gnas kun rab tu 'bar bar byas kyang yi dgas kyi bdag po ma skrag ste/ nam mkha' las pha bong 'phangs so// pha bong de yang rin po che'i khang pa brtsegs par gyur te/ khang pa brtsegs pa de las sangs rgyas khri phrag du ma gsung 'thun par byams pa'i sems dang ldan pa bsngags shing bstod pa 'chad kyang / yi dgas kyi bdag po mthul to// de'i tshe de nyid du lag na rdo rje rdo rje gsor zhing ral gri phyar nas/ khro gnyer bskum mig ni l-ig ltar 'bar/ ag tsom yang mtshon ltar rno ste/ rdo rje yi dgas kyi bdag po la gzas pa dang / gnam sa kun tu dir ces grags pa'i skad chen po phyung bas yi dgas de skrag nas khye'u chung ngu de pang du blangs te/ bcom ldan 'das gang na ba de logs su pus mo btsugs nas/ sangs rgyas la phyag 'tshal te dgongs shig/ bcom ldan dus thugs brtse ba'i slad du bdag gi srog gi skyabs mdzod cig ces gsol to/ / de'i tshe lag na rdo rje'i rdo rje de nyid lcags kyi ro chen po ngos bzhi nas me 'bar ba'i rim pa bdun gyis bskor bar sprul to// yi dgas kyi bdag po de mes rab tu gdungs pa las pang na khye'u 'dug pa des lag pa bteg ste/ yi dgas kyi bdag po la smras pa/ sangs rgyas la phyag 'tshal lo zhes gyis shig/ kho bos kyang
- 397a
sangs rgyas zhes brjod pas 'chi ba las sos par gyur gyis/ khyod kyang sangs rgyas la phrag 'tshal lo zhes kyis shig ces brjod do// de'i tshe yi dgas kyi bdag po 'jigs skrag/ nas ma tsher bar sangs rgyas la phyag 'tshal lo zhes smras te/ bcom ldan 'das la 'di skad ces gsol to// dge sbyong go'u ta ma bdag gi srog gi skyabs mdzad du gsol lo zhes brjod do// de'i tshe/ bcom ldan 'das kyis tshangs pa'i gsung dbyangs kyi pha mas bu la smra ba lta yi dgas kyi bdag po'i spro ba bskyed do// lag na rdo rjes yi zhags kyi bdag po la smras pa/ khyod dang myur du sangs rgyas dang / chos dang / dge 'dun la skyabs su song shig/ khyod gal te skyabs su mi 'gro na khyod dang khyod kyi 'khor khri phrag brgya stong du bcas te rdul bzhin du phye mar rlag go/ de nas 'brog dgon pa'i yi dgas kyi bdag po 'jig shing sgra gnas yan lag lnga sa la gtugs te/ sangs rgyas la phyag 'tshal nas/ bcom ldan 'das la 'di skad ces gsol to// bcom ldan 'das bdag gi zas su mi sha 'tshal na/ da srog ma kum na ci zhig 'tshal bar gyi/ bcom ldan 'das kyis yi dgas kyi bdag po la bka' stsal pa/ khyod srog mi gcod par nus na/ nga'i nye gnas rnams chos med par ma gyur gyi bar du khyod kyi zas sbyin du gzhug go/ / nga'i byin gyis brlab kyis khyod 'grangs par yang bya'o// yi dgas kyi bdag pos de skad ces bka' stsal pa thos nas rab tu dga' ste
- 397b
thal mo sbyar nas de de bzhin gshegs pa las khrims lnga mnos so/ / khrims lnga mnos nas/ me'i ri rnams 'da' chags su sprul pa'i sangs rgyas kyis 'brog dgon par yongs su gang zhing / sprul pa'i/ sangs rgyas gcig cing / zhabs 'bring dga' bo re re yod par mthong ngo // sprul pa'i sangs rgyas de dag so so nas gsung 'thun par khrims lnga 'chad par thos so// 'brog dgon pa'i yi dgas kyi bdag pos lag na rdo rje la 'di skad ces gsol to/ / bdag yon tan can khyod kyi phyir bdud rtsi dang 'dra ba bla na med pa'i chos kyi ro myong bar gyur to// de'i tshe lag na rdo rjes rdo rje de nam mkha'i dbyings su bor ba dang / de bzhin gshegs pa'i byin gyis brlabs kyis rdo rje de gser gyi ri rab lhun po brgya phrag du ma gyur to/ / ri rab lhun po gcig la yang brag phug khri zhig du ma snyed yod// brag phug re re'i nang na yang sprul pa'i sangs rgyas khri phrag du ma 'chag cing gshegs so/ / sprul pa'i sangs rgyas de dag zhabs 'degs ma 'jog pa na zhabs kyi 'og na rin po che sna bdun gyi khang pa brtsegs pa rang byung ngo // khang pa brtsegs pa de dag re re'i steng na sprul pa'i sangs rgyas gang+gA'i klung gi bye ma snyed skyil mo krung bcas nas bzhugs par mthong ngo / / bcom ldan 'das kyis rgyal po chen po la bka' stsal pa/ de bzhin gshegs pa yongs su mya ngan las 'das nas/ sangs rgyas kyi nye gnas su gyur pa rnams de bzhin gshegs pas 'brog dgon pa'i yi dgas ji ltar btul ba'i dbang dang rdzu 'phrul shes par 'dod pa dag
- 398a
de la de ltar blta bar bya'o/ / gang gis de lta bur mthong ba de ni yang dag par mthong ba'o// gang gis de lta ma yin par mthong ba de ni log par mthong ba'o// de bzhin gshegs pa yongs su mya ngan las 'das nas/ sems can gang chos 'di sems pa 'am/ chos 'di rjes su dran par byed pa'am/ de ltar 'du shes yid la byed pa ni bskal pa khri phrag brgyad du snyed kyi 'khor ba'i nyes pa yongs su spong bar gyur zhing / gang nas gang du skyes kyang yi dgas kyi lus su mi 'gyur te rtag tu sangs rgyas dang mi 'bral zhing phrad par 'gyur ro ci ste sangs rgyas mi bzhugs pa'i dus su skyes na yang / rang sangs rgyas dang phrad par 'gyur ro// gal te rang sangs rgyas med na yang drang srong chen po dang phrad de/ yang dag pa'i lam ston par 'gyur ro// bcom ldan 'das kyis dga' bo la bka' stsal pa/ khyod rjes su dran par bya ba'i spyod yul 'di gzungs su zung la/ phyi ma ma 'ongs pa'i dus kyi sems can rnams la rgyas par ston cing / shog cig/ 'di ni sangs rgyas kyi mngon par shes pa'i spyod yul zhes bya ste/ dngos 'di las log na sangs rgyas la skur pa dang / byang chub kyi sa bon bcad pa zhes bya'o// gang chos 'di 'dzin pa la yi dgas dang gdon gyis mi tshugs te/ sangs rgyas thams cad kyis dgongs shing skyob par 'gyur ro// bcom ldan 'das kyis dga' bo la bka' stsal pa/ de la ji ltar na de bzhin gshegs su
- 398b
yul na ga ha la zhes bya ba na/ drang srong steng gi ra me tog tsam pa ka'i tshal/ klu gdug pa can gyi rdzing gi 'gram/ pad+mo sngon po'i chu mig gi byang phyogs kyi ro a na si zhes bya ba'i lho phyogs na srin po'i thig phug yod do/ / de'i tshe brag lug de na srin mo lnga zhig klu'i bu mor sprul te/ klu gdug pa can dang 'khrig nas/ klu'i gdug pas ni ser ba phab/ srin mos ni chos ma yin la spyod do// mu ge dang nad yama? byung nas lo bzhi'i bar du ma chad do/ / de'i tshe yul de'i rgyal po de 'jigs shing sgrog nas/ bdag gis lha la mchod pa byas kyang phan par ma gyur to// yul gyi sngags mkhan gyis klu gdug pa can la sngags byas kyang srin mo'i mthu tsha bas sngags kyis ma tshugs so/ / de'i tshe rgyal po de 'di snyam du lha 'am mi zhig gis srin mo 'di yang bskrad la/ klu gdug pa can 'di yang btul na/ bdag gi lus ma yin pa gzhan ci yang mi phangs so snyam bsams so/ / de'i tshe yul de na kun tu rgyu ba shes rab rno zhing mang du shes pa dang ldan pa zhig gis rgyal po la 'di skad ces gsol to// yul ser skya zhes bgyi ba na rgyal po zas gtsang ma'i sras shig thog ma bltams pa na/ lha thams cad kyis bsrungs te rin po che sna bdun dang ldan nas/ drang srong mtshan mkhan mid kar bas bltas na/ 'khor los sgyur ba'i rgyal por 'gyur te/ gling bzhi dbang bar 'gyur ro// de la mi la la dga' zhing mos par 'gyur na yang mngon par 'tshang rgya'o zhes lung bstan to// da ltar mngon par sangs rgyas nas shAkya thub pa zhes bgyi ba/ sku'i ched
- 399a
nim po bcu drug la mtshan sum bcu rtsa gnyis dang / dpe byad bzang po brgyad cur ldan zhing / zhabs ni pad+ma la 'dor zhing gshegs pa/ mgur dang sku kun nas 'od nyi ma lta bu ragasal zhing mdzes te/ gser gyi ri dang 'dra ba zhig bzhugs so zhes gsol to// rgyal pos de skad ces smras pa thos nas rab tu dga' ba'i sems skyes te/ bcom ldan 'das bzhugs pa'i sa phyogs su phyag 'tshal nas skyabs su gsol to/ / gal te kun tu rgyu 'dis smras pa bden te/ shAkya thub pa zhes bya ba'i de bzhin gshegs pa 'jig rten du gshegs pa lta srid dam/ bdag cag gi gtsug lag bshad pa las kyang bskal pa dgu 'das nas gdod sangs rgyas shAkya thub pa zhes bya ba zhig 'jig rten du 'byung ngo zhe na/ ci da ltar sangs rgyas 'jig rten na ji srid bzhugs sam/ ci ste bzhugs na ci'i slad du yul 'di'i phyogs su thugs brtse ba'i gnas su ma gyur snyam mo/ / de'i tshe steng gi nam mkha' las 'di skad du rigs kyi bu the tsom ma byed cig/ sangs rgyas shAkya thub pa shin tu brdzun pa'i brtson 'grus kyis bskal pa dgu las 'das so zhes smra ba'i sgra grags so/ / smra ba'i tshig thos nas bu mo sa la brdugs te/ bdug spos bsregs shing thal mo sbyar nas bsngags shing bstod te/ 'di skad du bcom ldan 'das mngon par mkhyen pa dang ldan pa bdag gis sems pa 'di mkhyen na/ byams pa dang thugs rjes yul 'dir gshegs par smon to// de'i tshe spos kyi dud pas sangs rgyas bzhugs pa'i gzhal
- 399b
med khang du phyin te/ bai DUR+Ya dkar po'i sprin du gyur nas/ de bzhin gshegs pa la lan bdun bskor te/ gser gyi gdugs su gyur to// gdugs kyi dril bu las 'di skad kyi sgra snyan pas/ sangs rgyas spyan 'dren pa dang / dge slong gi dge 'dun yang gshegs par gsol ba'i sgra skad byung bar gyur to// de tshe de bzhin gshegs pa thams cad mkhyen pa'i ye shes kyis gzigs nas/ dge slong gi dge 'dun rnams las mngon par she ba drug po thob pa dag zhabs 'bring du chos shig/ na ga ha la'i rgyal po phur pa phud de 'bod pa'i yul der 'dong zhes bka' stsal nas/ 'od bsrungs chen po 'khor lnga/ brgya dang bcas te/ bai DUR+Ya'i ri sprul nas/ ri de la 'bab chu dang chu mig dang / khrus kyi rdzing bu dang / rin po che sna bdun gyi shing dang / shing gi 'og na gser gyi khri brdugs pa la dngul gyi 'od 'bar te/ 'od las phug tu gyur pa'i nang na/ 'od srung chen po de na rtag tu mi nyal bar 'dug go/ slob ma rnams kyang sbyangs pa'i yon tan bcu gnyis la gnas so// ri de sprin mgyogs pa 'am/ rlung drag po ltar drang srong snying gi ri la phyin par gyur te/ mo'u 'gal yan chen po yang 'khor lnga brgya dang bcas ste/ klu 'khril pa brgya stong sprul nas/ de la 'dug cing klu'i kha nas me byung ste/ gser gyi khang pa brtsegs pa dang / rin po che sna bdun gyi khri dang / rin po che'i bla re dang / gdugs dang / rgyal mtshan dang / ba dan tshad med par sprul pa'i nang na mo'u 'gal ya na bai DUR+Ya'i mi lta bur phyi nang gsal bar 'dug pa dag drang srong
- 400a
snying gi ri la lhag so/ / shA ri'i bu yang mngon par shes pa'i mabus gangs kyi ri lta bu'i shel gyi ri sbrel te/ shel gyi phrag gi nang na dge tshul gyun te la sogs pa lnga dge tshul lnga brgya dang / rin po che sna bdun gyi lug tu bcas te/ gangs lta bu'i shel gyi ris bskor nas/ shA ri'i bu shel gyi dkar po'i phug gi nang nas gser gyi mi lta bur sprul te/ gser gyi kha dog gi 'od btang nas/ 'od rnam pa sna tshogs kyis thams cad zil gyis mnan te/ chos kyi sgra chen po yongs su sgrog cing dge tshul rnams nyan bzhin du yul der lpags so// ka t+yA ya na chen po yang 'khor dge slong lnga brgya dang / pad+mo gser gyi khang pa brtsegs pa lta bu mang po dag sprul te/ dge slong rnams de la 'dug nas lus kyi snad nas ni 'od zer chu lta bu byung te/ chu mig lta bu'i 'od zer pad+mo'i bar kun na 'bab kyang sa la mi zag go/ steng nas kyang yang gser gyi blar zes te/ dge slong rnams de'i nang na 'dug ste/ yul der lhags so// de ltar dgra bcom pa chen po brgya phrag phye dang bcu gsum rnams kyang so so nas 'khor dge slong lnga brgya dang bcas te/ mngon par shes pa yang shA rI bu dang mo'u 'gal ya na dang 'dra bar byas nas steng gi nam mkha' las 'phags nas/ ngang pa'i rgyal po ldings pa bzhin du yul der lhags so// de'i tshe bcom ldan 'das chos gos bsnabs lhung bzed bsnams nas// chos gos bting ba yang dga' bo'i lag tu bskur te/ bcom ldan 'das nam mkha' la gom pas gshegs so// bcom ldan
- 400b
'das gom pas gshegs pa na rgyal chen ris bzhi'i rgyal po dang / brgya byin lha'i dbang po dang / gzhan yang lha'i bu grangs med pa dang / lha'i bu mo brgya stong snyed kyis bcom ldan 'das la lan bdun bskor te phyag 'tshal nas zhabs 'bring du chas so/ / de'i tshe bcom ldan 'das kyis mgur nas gser gyi kha dog lta bu'i 'od zer btang nas/ 'od zer de las sprul pa'i sangs rgyas khri phrag brgya stong sprul to/ / sprul pa'i sangs rgyas de dag kyang so so nas de bzhin du mgur gyi 'od zer btang ste/ de bzhin du sprul pa'i sangs rgyas khri phrag brgya stong sprul te/ sprul pa'i sangs rgyas kyis 'dab chags su nam mkha'i khams yongs su bkang ste/ ngang pa'i rgyal po ldings pa bzhin du yul der gshegs so// yul der gshegs nas/ rgyal pos sangs rgyas bsus te sangs rgyas la phyag 'tshal lo/ / de'i klu'i rgyal po bcom ldan 'das 'khor dang bcas te gshegs pa mthong nas/ klu chen po bcu drug gis nam mkha' la sprin chen po bskyed nas 'brug sgra chen po bsgrags te/ ser ba phababo// mi gnas kyang klog dang me 'byin cing / kha nas kyang me byung ste/ skur mo dang / lus kyib spu'i khung bu kun nas dud pa 'phrul zhi me rab tu 'bar ro// srin mo lnga yang mi sdug pa'i gzugs bstan mig glog dang 'dra bar 'bar bzhin du de bzhin gshegs pa'i spyan sngar 'greng ngo / / de'i tshe klu'i bu zhig gis bltas nas/ steng gi nam mkha' la sprul pa'i sangs rgyas yongs
- 401a
su gang bar mthong ngo / / pha ma la 'di skad ces smras so// 'di ltar me dang gdug pas/ sangs rgyas gcig la gnod par bya bar chas na/ da ltar bar snang la sangs rgyas grangs med pa zhig bzhugs na zhes smras so/ / de nas klu gdug pa can gdug pa'i sems lhag par yang skyes te bu la skyo ba byas nas/ da ltar sangs rgyas gcig las med na mang po ga yod ces smras so/ / de'i tshe bcom ldan 'das kyis lag na rdo rjes rdo rje thogs pa grangs med pa'i lus sprul nas/ rdo rje mgo la me mgal bskor ba bzhin du me 'bar te/ me'i 'khor lo 'dab chags su steng gi nam mkha' las babs nas me rab tu 'bar ba lcags khu dang 'dra bas klu ma rung ba'i lus bsregs so/ / klu'i rgyal po de 'jigs shing skrag te/ 'bros khung med nas sangs rgyas kyi grib ma'i nang du zhugs so/ / sangs rgyas kyi grib ma rab tu bsil bas zil dngar gyi chus phog pa bzhin du/ klu'i tsha bzhi par gyur nas nam mkha' la ltos na steng gi bar snang la sangs rgyas kyis yongs su gang bar mthong ngo / / sprul pa'i sangs rgyas de dag kyang so so nas 'od zer grangs med pa stong ste/ 'od gcig gi nang na yang sprul pa'i sangs rgyas tshad med pa dag bzhugs so// sprul pa'i sangs rgyas de dag kyang so so nas/ 'od grangs med pa brgya stong snyed gtong ngo // 'od dag gi nang na yang lag na rdo rjes rdo rje gsor bas yongs su gang bar mthong ngo // klu rnams kyis sangs rgyas mthong nas rab tu dga'
- 401b
ba'i sems skyes so/ / lag na rdo rje mthong nas rab tu 'jigs shing skrag ste/ bal mo sbyar nas bsti stang du bcas te/ sangs rgyas la phrag 'tshal to// srin mong yang de bzhin gshegs pa la phyag 'tshal to/ / de'i tshe lha'i bu rnams kyis me tog man+da ra ba dang / man+da ra ba chen po dang / man 'dzu sha ka dang / man 'dzu sha ka chen po char bzhin du phab ste/ mchod pa byas nas lha'i rnga yang rang rdung zhing / lha rnams thal mo sbyar nas steng gi nam mkha' la sdod do/ / de'i tshe rgyal po de 'khor lnga stong dang bcas te/ bdug spos sna tshogs bsregs nas spyi bos sangs rgyas kyi zhabs la phyag 'tshal te gdan la bzhugs par gsol to// de'i tshe klu'i rgyal pos kyang rgya mtsho'i nang nas rin po che sna bdun gyi khri byung ste/ sangs rgyas la lag gis dar te/ phul nas kyang 'di skad ces gsol to// bcom ldan 'das bdag gi mgon dang skyabs mdzad cing lag na rdo rje 'di dag gi lus la mi gtse bar mdzad par ci gnang zhes gsol to/ / de'i tshe de bzhin gshegs pas tshangs pa'i dbyangs kyi sems bu la smras pa bzhin du klu'i rgyal po la slob bskyed do// klu'i rgyal po dang srin mo yang chos kyi rgyal por btul to/ / de'i tshe rgyal pos khri mthon po btsugs te/ gdan rab tu 'jam po bting nas ras dkar po'i yol bas bskor cing / mu tig gi dra bas bla rer bres nas/ bcom ldan 'das gdan de la bzhugs par gsol to/ / de'i tshe bcom ldan 'das zhabs bte gnas gshegs pa na/ ri dgas kyi rgyal po'ibyin pa lta bu'i zhabs kyi byin pa las/ 'od kha dog rnam pa lnga dang ldan pa byung ste/
- 402a
sangs rgyas la lan bdun bskor nas/ lha'i me tog dam pa'i bla rer gyur te/ me tog gi 'dab ma'i bar na sprul pa'i byang chub sems dpa' grangs med pa snyed thal mo sbyar te/ dbyangs du mas tshigs su bcad nas stod do// steng gi nam mkha' la sprul pa'i sangs rgyas bzhugs pa'i rnams kyi zhabs kyi byin pa las 'od bkye ba yang snga ma bzhin no// klu phra mo bcu drug lag na ri dang pa bong dang / gnam lcags thogs te/ sangs rgyas kyi spyan sngar lhags nas/ 'khor mang pos 'jigs sgrags ste/ sangs rgyas kyi 'od kyi nang du zhugs so// de'i tshe bcom ldan 'das kyis gser bcom lta bu'i phyag brkyang nas/ phyag sor 'brel ba'i za ba'i bar na rin po che chen po'i pad+mo char bzhin du phab ste/ 'khor mang po rnams kyis ni sprul pa'i sangs rgyas su mthong ngo // klu rnams kyis ni nam mkha' lding gi rgyal pos 'chag cing za ba lta bur mthong ste/ klu rnams nam mkha' lding gis 'jigs skrag nas sangs rgyas kyi grib ma'i pheg te zhugs te/ sangs rgyas la phyag 'tshal nas srog gi skyabs mdzad du gsol zhes smras so/ / bcom ldan 'das yol ba dang / nye bar gshegs nas dga' bo la gding ba zing shig ces bka' stsal to// dga' bos yol ba'i nang du song ste/ lag pa g.yas pa bteg nas phrag pa g.yon nas gting ba blangs pa'i tshe/ gding ba las gser gyi khang pa brtsegs pa rin po che sna bdun gyis spros pa/ khri phrag lnga brgyar gyur to// gting ba'i tshi gser gyi blo rin po che sna bdun gyis brgyan pa'i wa
- 402b
phrag lnga brgyar gyur to/ / gru bzhi sa la brkyang ba'i tshe grwa gcig la yang rin po chu sna bdun gyi pad+mo khri phrag lnga brgyar gyur ta/ pad+mas dadab chags su yol ba'i nang gang bar gyur to// de nas bcom ldan 'das rin po che sna bdun gyi khri la skyil mo krung bcas nas bzhugs so/ / pad+mo rnams kyi steng na yang sangs rgyas dag bzhugs par gyur to// dge slong rnams kyis bcom ldan 'das bzhugs par mthong nas/ sangs rgyas la phyag 'tshal te/ lan bdun bskor nas/ so so nas gding ba bting nas 'dug go// dge slong rnams gding ba ni bting ba thams dad bai rdzaR+Ya'i stan tu gyur to// dge slong rnams bai DUR+Ya'i stan la 'dug nas/ bai DUR+Ya'i stan las 'od byung ste/ bai DUR+Ya'i breg phug tu gyur to// dge slong rnams me'i 'od kyi ting nge 'dzin la snyoms par zhugs pas/ dge slong dag gi lus gser gyi kha dog lta bur gyur to// de'i tshe rgyal pos des sangs rgyas kyi byin gyis brlabs dang / cho 'phrul de lta bu dag mthong nas/ ngo mtshar rmad kyi dga' ba skyes te thal mo sbyar nas/ de bzhin gsheg pa la lan bdun bskor ba byas te/ phyag 'tshal nas/ sangs rgyas kyi cho 'phrul mang po mthong nas/ bla na med pa yang dag par rdzogs pa'i byang chub tu sems bskyed do// gzhan yang 'khor mang po rnams kyang byang chub tu sems bskyed du badrug go de'i tshe klu'i rgyal/ mdo 'di sngon rgyalas 'gyur ba'i 'jug ma rdzog pa sgyur 'phro lus par snang sde mkhas pas leg par ga kri 'tshal/
- 403a
rgya gar skad du/ AR+Ya par mAR+tha d+harma bi dza ya nA ma hA yA na sU tra/ bod skad du/ 'phags pa don dam pa'i chos kyi rnam par rgyal ba zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mngon par rdzogs par sangs rgyas nas/ ring por ma lon par g.ya'i ri la dge slong mngon par zhugs pa mngon par zhugs pa rnams dang / byang chub sems dpa' bye ba phrag dgu bcu rtsa dgu dang thabs cig tu bzhugs ste/ lha bye ba phrag nyi shu rtsa brgyad dang / dge slong dang / dge slong ma dang / dge bsnyen ma brgyad khri drug stong dang / gyad drug khri dang / gcer bu pa bye ba phrag bcu gnyis dang / drang srong chen po mngon par shes pa lnga dang ldan pa/ gdung ba lngas yan lag mchog pa lnga brgya/ yan lag dkar ba/ sha med cing rus mgo pags kyis yog pa/ lto zhar zhing skra'i khur kher ba lus dgu pa/ g.yang gzhi dang shing shum gyon pa/ lag na ril ba thogs pa brgyad khri bzhi stong dang yang thabs cig go/ rgal bar 'dun pa rnams dang yang zabs cig go// de nas bcom ldan 'das ri nag po rnams kyi nang na/ ri'i rgyal po ri reb ltar drang srong rnams kyi nang na/ lha ma me/ lhan ne/ lgang nge/ lug rnams kyi nang na/ glang po che'i rgyal po mche bajug pa 'jal/ srin bu me khyer gyi drung na/ nyi zla dang mtshungs shing / rtswa ka sha'i me tog gi nang na man+da ra ba'i yal gdang 'jal/ nam mkha' lding gi rgyal
- 403b
po bya rog gis bskor ba dang 'dra bar bcom ldan 'das drang srong rnams kyi nang na nyis 'gyur du mdzes so/ / de nas bcom ldan 'das rin po che gtong ba zhes bya ba'i ting nge 'dzin la skams par nus rdza 'phrul gyi cho 'phrul dpag tu med par mdzad cing / glo g.yas g.yon gnyis nas 'od zer phyung ste/ de bzhin gshegs pa bye ba dpag tu med pa phyung / byang chub sems dpa' bye ba dpag tu mer pa dang / brgya byin dang tshangs pa dang / 'jig rten skyong ba dpag tu med pa byung / dgra bcom pa brgya stong dpag tu med pa phyung / dge slong dang / dge slong ma dang / dge bsnyen dang / dge bsnyen ma bcu stong dpag tu med pa phyung / 'khor los sgyur ba dang / stobs kyis 'khor los sgyur ba dang / khams kyi rgyal po dang / rig sngags 'chang dpag tu med pa phyung / rgya dang ri brags pa dang / 'gro lding ba dang / lho pa phyogs dang / nags khrod pa dpag tu med pa phyung / rgyal rigs shing sA la chen po lta bu dang / bram ze dang / khyim bdag shing sA la chen po lta bu dang / mi gzugs dang / mdog dang / smra ba'i skad sna tshogs pa ji snyed pa dang / lha'i ris ji snyed pa de dag thams cad de bzhin gshegs pa'i sku las byung ngo // de nas 'khor chen po da the tsom du gyur nas/ phan tshun gdong du lta'o/ / byang chub sems dpa' rnams rab tu dga' ste/ rin po che'i char 'bebs pa nas/ rgyan thams cad kyi bar gyi char 'bebs so// de nas bcom ldan 'das rin po che gtong ba'i ting nge 'dzin
- 404a
las bzhengs te/ seng ge bsgyings pas phyogs bcur rnam par gzigs so// bcom ldan 'das kyis phyogs bcur gzigs ma thag tu de nas phyogs bcu'i sangs rgyas kyi zhing dag nas/ sangs rgyas bcom ldan 'das ji snyed sangs rgyas kyi spyan la snang ba de dag thams cad lag mthil du bzhag pa bzhin du/ mi mjed kyi 'jig rten gyi khams su kun tu snang ngo / / de bzhin gshegs pa thams cad kyis kyang bcom ldan 'das shAkya thub pas ji ltar byung ba de 'dra ba'i rdzu 'phrul gyi cho 'phrul phyung ste/ de bzhin gshegs pa rnams kyis sprul pa byung ba rje skyed pa de dag thams cad kyang / bcom ldan 'das ga la ba de logs su song ste phyin nas/ bcom ldan 'das kyi 'khor gyi nang du 'dus par gyur to// byang chub sems dpa' dpag tu med pa dag kyang dge slong dang / dge slong ma dang / dge bsnyen dang / dge bsnyen ma gang+gA'i bye ma snyed dag dang lhan cig tu de bzhin gshegs pa la mchod pa chen po dpe med pa thogos te 'dir lhags so// de bzhin du lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lho 'phye chen po dang / mi dang mi ma yin pa du ma dag kyang / bcom ldan 'das kyi rdzu 'phrul de mthong nas/ bcom ldan 'das ga la ba der dong ngo // de nas gang dag phyogs bcu nas lpags pa'i byang chub sems dpa' de dag gis mchod pa bla na med pas/ bcom ldan 'das la bsnyen
- 404b
bkur byas te/ pha rol tu phyin pa drug gis yongs su bsgrubs pa'i stan dag la 'khod do// mi dang mi ma yin pa'i bar du yang ci rigs pa'i stan dag la 'khod do// gang dag bcom ldan 'das kyi pa phyung ba de dag kyang mnar med pa yan chad 'og min gyi gnas man chad du mngon par phyung ste slar log go/ / phyogs bcu'i sangs rgyas rnams kyis sprul pa phyung ba ji snyed pa de dag thams cad ni/ bcom ldan 'das shAkya thub pa'i spu'i khung thams cad du nub bo// gang dag bcom ldan 'das kyi sprul pa phyung ba de dag ni/ sangs rgyas thams cad kyi sku rnams su nub bo// de nas byang chub sems dpa' sems dpa' chen po rgyal ba'i phung po zhes bya ba stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la bde logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do// kye ma mo rnams kyi ni 'dren pa yis// sngon chad ma byung mdzad pa sna tshogs 'di/ / kye dgu kun la myur du kun bstan pa dang // de yis bdud du thams cad mog mog bgyis// phan tshun dag tu tshig tu smra bgyid pa// kye ma'o shin tu ngo mtshar che zhes mchi// bdag cag ci zhig phyir 'dir lhags so/ / bdag cag bcom mo bdag cag bcom mo zhes mchi// dka' thub can bdag dka' thub can min gyur// nyam chung lus la pags pa tsam zhig las// bdag 'khogs
- 405a
bdag skams bde ba rnams las nyams/ / bdag cag rdzu 'phrul thob par gyur ma yin// yi ge ma mchis rdzu 'phrul sum rnams kyis// bstan pa'i dgra rnams mogo mog gyur pa mdzad/ / bstan pa'i 'dren pa khyod kyis de ring ni// sangs rgyas sras la dus ston chen po mdzad// 'khor 'di thams cad the tsom 'tshal bar gyur// dga' ba skyes shing sems kyang rab dga' ste/ gang zhig gnas nas lha tshogs bdag cag kyang // 'jig rten mgon po'i sangs rgyas gyur cig mchis// 'jam dbyangs sangs rgyas mang po bsnyen bkur bgyis// sangs rgyas sras po mtha' yas rnams kyis bskor/ / 'jam pa'i dbyangs ni 'khor gyi nang na mchis// cho 'phrul rnam pa phye ste bstan du gsol// 'di dag chos ni gang gi ltas shig lags// thub pa chos ni gang zhig gsung bar bzhed/ / 'khor 'di thams cad 'gyod cing mchis lags nas/ sems can thugs brtse slad du bdag la gsungs// de nas sangs rgyas kyis byin gyis brlabs kyis// 'khor da ni nang nas/ drang srong chen po me sgron zhes bya ba gcig gis/ byang chub sems dpa' rgyal ba'i phung po la 'di skad ces smras so// kye gzhon nu re shig kha rog shig/ kho bo'i dri ba dri bar bya'o// gal te kho bo'i dri ba khong du chub par byed na ni/ de thams cad mkhyen pa zhes bya ba'i ming dang yang 'thun no// don te sred med kyi bu dang / dbang phyug chen pos phyung ba'i 'gro lding ba rnams kyis sprul pa byed
- 405b
du zad na ni/ 'dir ngo mtshar yang ci che ste/ skyes bu ngan pa dang / sgyu ma mkhan rnams kyis ni 'di grub bo// de nas bcom ldan 'das kyis 'dzum pa'i zhal gyis/ zang srong ga tshegs la kun tu gzigs nas/ rbang srong chen po me sgron la 'di skad ces bka' stsal to// tshe dang ldan pa drang srong chen po ci nus kyis dri ba jis shig dang / rnam par byang bar bya'o// de nas bcom ldan 'das la drang srong chen po me sgron gyis 'di skad ces gsol to/ / kye go'u ta ma sems can gyi skye ba gang nas byung / ci'i slad du bskal pas sregs par 'gyur/ sems can rnams gnas gang du 'du bar 'gyur/ nang nas sems can phra ba khru gang tsam 'am/ mtho gang tsam mam/ mdzug mo tsam mam/ mthe bong tsam mam/ nas dang / gro dang / mon sran sde'u dang / mon sran gre'u dang / til dang / yungs 'bru tsam 'am/ sem can ji tsam zhig nang na mchis bka' stsol cig/ de nas bcom ldan 'das kyis drang srong chen po me sgron la/ drang srong chen po legs so legs so zhes/ legs so zhes bya ba byin no// drang srong chen po che bskal pa drug bcu pa'i bri ba 'bri 'di ni 'thun pa'o// de nas drang srong chen po rnams ngo mtshar du gyur te/ drang srong chen po me sgron gyi tshe'i tshad ni ma brjod par bdag cag lhan cig gnas gnas gnas pa rnams kyis kyang ma shes na 'dis ji ltar shes snyam mo/ / bcom ldan 'das kyis bka' sngal pa/ zang song
- 406a
chen po de'i phyir legs par rab tu nyon la yid la zung shig dang bshad do/ / drang srong chen po gang nga la sems can gyi skye ba gang nas byung zhes smras pa de ni/ yi ges brjod pa ma yin pa'o/ / sems can zhes bya ba ni ma rig pa'i rkyen las skye ba dang / rga sha'i bar du byung ba'o// drang srong chen po yang rgyu rkyen las sems can skye ste/ rgyu rkyen ni pha ma'o// drang srong chen po yang pha ma 'grogs pa ni de'i rgyu'o/ / gang gi tshe yongs su rtog pas kun nas bslad pa'i las kyi rlung rnams kyis bud med kyi 'grong du 'jug pa de ni de'i rkyen to// drang srong chen po yang sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa ni sems can no// nye bar len pa'i phung po lnga dang / khams bco brgyad ni sems can no/ / zang srong chen po sems can yang gzhan la las kyang gzhan ma yin/ las kyang gzhan la sems can yang gzhan ma yin no// drang srong chen po sems can ni 'grib pa ma yin/ 'phel ba ma yin no// zang srong chen pos gsol pa/ kye go'u ta ma gal te sems can la 'grib pa ma mchis/ 'phel ba ma mchis na/ ci'i slad du sems can khyi'i skye gnas nas shi 'phos te dbang sgyur du 'gyur/ bcom ldan 'das kyis bka' stsal pa/ drang srong chen po de ni ji skad smras pa de bzhin du ma yin no// gal te dbang sgyur dbang sgyur yin du zin na ni/ dbang med par 'chi ba'i
- 406b
mi rigs so/ / drang srong chen po gang rang gi lus kyi gtso bo ma yin pa ji ltar dbang sgyur du 'gyur/ drang srong chen po 'di lta ste dper na srin po me khyer 'di snyam du bdag gis 'dzam bu'i gling snang bar bya'o snyam du sems dpa'i rkyen gyis srin bu me khyer gyis 'dzam bu'i gling snang bar byed dam/ sems ma dul ba ni dbang sgyur yang dag pa ma yin no// drang srong chen po yang gal te dbang sgyur nyon mongs pa 'bri bar gyur na/ ni/ khyi la nyon mongs pa shas che bar 'gyur ro// gang gi tshe dbang sgyur dang nyon mongs pa dag khyil yang yod cing / dbang sgyur la yang yod pa de'i tshe/ sems can la 'grib pa yang mi dmigs 'phel ba yang mi dmigs so/ / drang srong chen pos gsol pa/ go'u ta mas nyon mongs pa 'grib par mdzad dam/ bcom ldan 'das kyis bka' stsal pa/ drang srong chen po ngas phyin cig log dag bzlog pa gang yang med/ 'grib par byas pa yang med do// drang srong chen pos gsol pa/ gal te de ltar na khyod kyang dbang sgyur ma lags so// bcom ldan 'das kyis bka' stsal pa/ drang srong chen po de de bzhin te/ ma byung ba'i phyir nga yang dbang sgyur ma yin no// drang srong chen pos gsol pa/ go'u ta ma bka' mchid 'di re shig zhog/ go'u ta ma'i sras kyis pha ma 'grogs pa las sems can skye'o zhes gsungs nas/ sems can mang du 'grogs pa las sems can skye ba nyung bar gyur pa 'di ji lta bu/ bcom ldan 'das kyis bka' stsal pa/ khyod la dpe bstan par bya'o// drang srong chen po 'di lta ste dper na/ sa bon gcig las
- 407a
shing skye bar 'gyur te/ 'bras bu gcig las kyang 'bras bu mtha' yas par 'gyur ro// de las res 'ga' ni gcig sa bon gyi 'os su 'gyur gyi lhag ma sa bon gyis 'os su mi 'gyur ba de ji lta bu/ drang srong chen pos gsol ba/ kye go'u ta ma rlung dang nyis mas shing tog rnams ma rungs par gyis so// bcom ldan 'das kyis bka' stsal pa/ drang srong chen pod de bzhin te/ las kyi rlung gis kyang sems can gyi 'bras bu rnams ma rungs par byas so/ / drang srong chen po kha cig ni mngal na gnas pa nyid kyi tshe/ srin bu rnams kyi zos so// kha cig ni las kyi rlung rnams kyis phye mar byas so/ / drang srong chen po shing gnyis pa ni nyung ngo // sems can gyi nyes pa ni ma // drang srong chen po yang sems can gyi khams ni yongs su rtog pas kun nas spang ba ste/ zang srong chen po sems can rnams kyi sems dang sems las byung ba'i 'jug pa ji snyed pa de snyed du srid pa la dmig te/ drang srong chen po de'i phyir sems can gyi khams ni yongs su rtog pas kun nas bslang ba'o zhes nga smra'o// drang srong chen pos gsol pa/ kye goru ta ma de de bzhin te/ zhu ba brjod pa 'di ni rnam par dag go/ ci'i slad du de bskal pas bsreg par 'gyur ba bka' stsol cig/ bcom ldan 'das kyis bka' stsal pa/ drang srong chen po chos kyi dbyings 'dus ma byas pa'i phyir bskal pas bsregs par 'gyur ro// drang srong chen po gal te bskal pas bsregs par mi 'gyur na/ chos kyi dbyings gnyis su 'gyur te/ la la mi
- 407b
rtag la/ la la rtag par 'gyur ro// de'i tshe de bzhin gshegs pa bden par smra bar mi 'gyur ro// drang srong chen po gang gi phyir 'di thams cad rtag pa ma yin/ brtan pa ma yin/ dbugs phyin pa ma yin pa de'i tshe/ de bzhin gshegs pa thams cad mkhyen pa zhes bya ba de'i ming thob bo// drang srong chen pos bram ze'i khye'u la smras pa/ 'di thams cad mkhyen par mtshan gsol pa/ ni 'thun no// bcom ldan 'das kyis bka' stsal pa/ drang srong chen po gal te bskal pas bsregs par ma gyur na/ 'di ni dus bzang po'i/ 'di ni dus ngan pa'o zhes bya bar dus tha dad pa med par 'gyur ro/ / zang srong chen po gal te yang bskal pas bsregs par ma gyur na/ legs par byas pa dang / nyes par byas pa'i las rnams kyi rnam par smin pa tha dad pa med par 'gyur ro/ / drang srong chen po yang 'di lta ste/ bskal pas bsregs pa de ni de bzhin gshegs la rnams kyi thabs mkhas pa ste// drang srong chen po sems can ji snyed bskal pas bsregs par 'gyur ba thos nas dad par 'gyur ba'i sems can de snyed de bzhin gshegs pas bsdu ba'i dngos pos sdud par 'gyur ro// drang srong chen po 'di lta ste/ dper na/ 'chu ba ldag pa'i sbrul ni mog gis kyang rngub/ rna ba dang sna dang / kha'i sgo nas kyang rngub bo// drang srong chen po de bzhin gshegs pa la yang de ltar lta ste/
- 408a
sbyin pas kyang sdud snyan par smra bar kyang sdud/ don spyod pas kyang sdud/ don 'thun pas kyang sdud do// drang srong chen po 'di lta ste dper na/ gser la gnod par bya'i phyir mer 'jug pa ma yin gyi/ gser du la ma ma yin pa 'di ji ltar na dul mar 'gyur snyam nas/ de'i phyir mer 'jug ste/ shin tu bsregs pa'i phyir rin po rma'i 'os su 'gyur ro// rin po ches spras pa de'i rin thang med par 'gyur te/ drang srong chen po de'i phyir gser brdung ba dang / bsregs pas rnam par sbyong ngo // drang srong chen po de bzhin du sangs rgyas bcom ldan 'das rnams kyang rgyu med par bsregs pa'i bskal pa mi 'byin te/ 'dir sems can gang la yang gnod par mi 'gyur ro// de nas bcom ldan 'das la drang srong chen po me sgron gyis 'di skad ces gsol toto/ / bcom ldan 'das bskal pas sregs pa'i me phyung yang sems can gang la yang gnod par mi 'gyur ba ni ngo mtshar to// bcom ldan 'das kyis bka' stsal pa/ drang srong chen po de bzhin gshes pa rnams ni/ sems can gang la yang gnod par mi mdzad do// drang srong chen po 'di lta ste dper na/ phyogs bcu rnams su char phra mo'i rgyun 'bab pa de bas na/ drang srong chen po de bzhin gshegs pa rnams dang / sa bcu la gnas pa'i byang chub sems dpa' rnams nye bar gnas te/ rang gi lag gis sems can thar par byed pa tshe mang po// drang srong chen po de'i tshe sems can de bzhin gsheg
- 408b
pa dang / byang chub sems dpa' de dag gi gzugs kyang mthong / kha dog mdzes pa yang mthong / bskal pas bsregs pa'i 'jigs pa las bdag nyid sgrol bar yang mthong nas dga' ba dang / mchog tu dga' ba skyes te/ 'di skad ces bdag cag kyang 'di ltar sgrol pa por gyur cig/ bdag cag kyang 'di ltar gzugs mdzes par gyur cig/ bdag kyang 'di ltar kha dog mdzes par gyur cig ces 'dzer to// kha cig ni yid byung nas sems rnam par grol te/ rgyun tu zhugs pa'i 'bras bu mngon sum du byed/ kha cig ni len cig phyir 'ong ba'i 'azas bu dang / phyir mi 'ong ba'i 'bras bu mngon sum du byed kha cig ni dgra bcom pa nyid/ kha cig ni rang byang chub/ kha cig ni mi skye ba'i chos la bzod pa rab tu thob/ kha cig ni phyir mi ldog pa'i sa gnon/ kha cig ni rgyal chen bzhi'i ros kyi nang lha rnams kyi nang du skye/ kha cig ni sum cu rtsa gsum du/ kha cig ni mtshe mar/ kha cig ni dga' ldan du/ kha cig ni 'phrul dga'/ kha cig ni gzhan 'phrul dbang byed kyi lha rnams kyi nang du skye'o/ / drang srong chen po rnam grangs 'di lta bur/ 'og min gyi bar gyi lha rnams kyi nang du skye'o// de bzhin du 'khor los sgyur ba rnams dang / stobs kyi 'khor los sgyur ba rnams dang khams kyi rgyal po rnams su 'gyur te/ drang srong chen po rgyal rigs dang / bram ze dang / khyim bdag rnams kyi rab tu yang 'gyur ro// drang srong chen po rnam grangs 'di lta bu de bzhin gshegs
- 409a
pa'i gzugs kyi sku mthong zhing / bdag nyid kya na rig pa chen po las sgrol bar mthong nas/ de bzhin gshegs pa la byas pa gze zhing byas pa shes par 'gyur ro/ de bzhin gshegs pa la chos nyid thos nas bslab pa'i gnas rnams la bag byed par 'gyur ro// thabs 'di ngan song du 'gro bar mi 'gyur ro// drang srong chen po yang sa bcu la gnas pa'i byang chub sems dpa' rnams kyi mig la sa'i khams ji snyed snang bar gyur pa de bas ni/ / sems can gyi khams gang 'khor ba la skyon chags par shes nas/ phung po ma lus pa'i mya ngan las 'das pa'i dbyin su mya ngan las 'da' bar byed pa ches mang ste/ drang srong chen po de'i phyir bskal pas bsregs par 'gyur ro// de nas drang srong chen po mi sgron gyi rang gi yid kyis rnam par dpyad nas/ tshig tu smras pa kye ma'o gang dag la drang srong chen po zhes 'bod pa/ shAkya'i sras 'di'i che ba nyid ni rgya che'o// bdag gis 'di la bgam pas kyang cho ga ste/ 'di ni thams cad mkhyen par mngon gyis/ bdag gis kyang 'di la yang dag pa'i ming gis bos par bya'o zhes smras so/ / de nas bcom ldan 'das la zang srong chen po ma sgron gyis 'di skad ces gsol to// yon tan gyi 'byung gnas su gyur cing mkhyen pa dpag tu ma mchis pa bam cad mkhyen pa zhes mtshan gsol pa/ sems can gnas gang du 'du bar 'gyur ba bdag la bka' stsol cig/ bcom ldan 'das kyis bka' stsal pa// drang srong chen po gnas med pa la sems can 'dul bar
- 409b
'gyur ro/ / mnyam pa nyid la sems can 'du bar 'gyur ro// drang srong chen po theg pa gcig gis 'byung ba la sems can 'du bar 'gyur ro// byang chub kyi snying po la sems can 'du bar 'gyur ro// drang srong chen po phung po ma lus pa'i mya ngan las 'das pa'i dbyings su sems can 'du bar 'gyur ro// drang srong chen po 'di lta ste/ dper na/ chu klung chen po tha dad pa dang / klung phran dang / klung chen po dag rgya mtsho chen por bab nas/ ro gcig tu 'gyur ro// drang srong chen po de bzhin du sems can gyi khams ji snyed zag pa zad pa byed pa de dag thams cad rnam par grol ba'i ngang du gyur pas 'du bar 'gyur ro// drang srong chen po 'khor bar 'du bas sems can 'du bar 'gyur ba ma yin pa'o zhes nga smra'o// drang srong chen po 'di lta ste dper na/ rlung gis bdas nas phye ma leb gyi byi zhwa la 'du bar 'gyur te/ rlung med na sos 'gyes so/ / drang srong chen po de bzhin du sems can dmyal bar 'gro bar 'gyur bas phan tshun las 'brel pa'i sems can gyi khams de dag kyang der 'du bar 'gyur ro// drang srong chen po rnam grangs 'di lta bu phan tshun kyis 'brel pa dag yi dgasu skye bar 'gyur ro/ / dud 'thor skye bar 'gyur te/ der de dag tu 'du bar 'gyur ro// zang srong chen po lha dang ma rnams su de dag 'du bar 'gyur ro// drang song chen pos gsol pa/ thams cad zil gyis gnon pa/ thams can mkhyen pa mir skyes pa 'di sems can che ge mo zhes bgyis pa zhig dang 'dus par gyur to// dud 'gror skyes pa 'di zhes bgyib nas
- 410a
yi dgas su skyes pa 'di dus par gyur to zhes bgyi ba'i bar du ji ltar 'tshal bar bgyi ba bka' stsal cig/ bcom ldan 'das kyis bka' stsal pa/ drang srong chen po sems can gang zhig sems can gang dang lhan cig tu/ sems can dmyal bar skyes nas 'dus par gyur pa des de mthong na yid mi bde bar 'gyur// de zhe sdang bar yang 'gyur/ des de mthong nas/ gal te na de glad pa na bar yang 'gyur// bshang ba dang / gci ba 'byung bar yang 'gyur te/ drang srong chen po 'di ni sems can dmyal bar skyes pa rnams kyi 'du ba'i mtshan nyid do// gang la la de ltar gyur pa des kyang / bdag dang 'di lhan cig tu sems can dmyal ba rnams na gnas gnas par mngon no zhes de ltar khong du chud par bya'o/ / drang srong chen pos gsol pa/ rigs gsal bar mdzad pa// thams cad mkhyen pa dud 'gro dang lhan cig gnas gnas pa rnams kyi mtshan mar 'gyur ba ji lta bu lags/ bcom ldan 'das kyis bka' stsal pa// rim skyes pa'i sems can rnams gang gi tshe/ phan tshun mthong ba na 'khor du 'dud par 'dzin cing 'di las bdag gis skyon ji ltar snyed snyam du skyon tshol ba 'di ni/ drang srong chen po dud 'gror skyes pa'i sems can rnams kyi 'du ba'i mtshan nyid de bdag dang 'di lhan cig tu dud 'gro'i nang na gnas gnas par mngon no/ / zhes de ltar shes par bya'o// drang srong chen po yi dgas su skyes pa rnams ni dri nga ba 'dod cing kha zas yang shin tu sred par
- 410b
'gyur ro/ / pha rol la sbyin par bsams kyang chags pa skye bar 'gyur ro// gang dag de yi dgas su skyes nas lhan cig dus par 'gyur ba de'i dbang phyug mthong nas phrag dog skye bar 'gyur/ gzhan gyi nor/ la 'dod par 'gyur te/ 'di ni yi dgas su skyes pa rnams kyi 'du ba'i mtshan nyid do// de la bdag dang 'di lhan cig tu yi dgas kyi nang na gnas par mngon no zhes de ltar shes par bya'o// drang srong chen po mir skyes pa gang la la zhig tshe rabs gzhan dag la 'dus par gyur pa ni des de mthong na/ 'dod chags kyi sems skye bar 'gyur te/ drang srong chen po ni mir skyes pa'i sems can rnams kyi 'du ba'i mtshan nyid do/ / de la bdag dang 'di mi rnams kyi nang na gnas gnas par mngon no zhes de ltar shes par bya'o// drang srong chen pos gsol pa// bcom ldan 'das gang dag lhar skyes te/ 'dus par gyur pa las mir skyes pa de dag gi ji lta bu lags/ bcom ldan 'das kyis bka' stsal pa/ drang srong chen po gang dag lhar skyes te 'dus par gyur pa de dag ni phan tshun mthong na lta ba la 'jug par 'gyur te/ des na bdag dang 'di lhar skyes te/ lhan cig 'dus par gyur to zhes shes par bya'o// drang srong chen po rnam pa de lta bu dag tu sems can 'du bar 'gyur ro// de nas drang srong chen po me sgron dga' mgu yi rangs nas/ bcom ldan 'das la 'di skad gsol to// bcom ldan 'das gang dag thams cad mkhyen pa nyid du smon par mi bgyid
- 411a
pa'i sems can de dag ni bslus pa'o zhes bdag 'chad do/ / de nas yang bcom ldan 'das kyis drang srong chen po me sgron la 'di skad ces bka' stsal to// drang srong chen po nang na sems can zhes bya ba phra ba ji tsam zhig yod ces nga la de skad ces zer ba ni/ drang srong chen po gang sems can du dmigs pa de sems can phra mor rnams par byed do// drang srong chen po 'di lta ste dper na/ la la zhig gis dmus long zhig la 'di skad du/ kye skyes bu kha dog dkar po zhes bya ba/ ci 'dra ba zhes smras na/ drang srong chen po 'di ji snyam du sems ma mthong ba'i phyir kha dog dkar po 'di 'dra'o zhes de smra bar nus sam/ drang srong chen pos gsol pa/ 'brel pa ga la mchis/ bcom ldan 'das kyis bka' stsal pa/ zang srong chen po de bzhin du ngas kyang dmus long ltar ma mthong ba'i phyir/ sems can zhes bya ba ni phra mo 'di lta bu zhig go zhes sems can brjod par mi nus so// drang srong chen po yang mig las sems can zhes bya ba mi rnyed do// / rna ba dang sna dang / lce dang lus dang / yid la sems can zhes bya ba mi rnyed do// drang srong chen po nye bar len pa'i phung po dag la sems can zhes bya ba mi rnyed do// drang srong chen po khams bco brgyad dang / rten cing 'brel par 'byung ba yan lag bcu gnyis pa dang / nang stong pa nyid la sems can zhes bya ba ma rnyed do// phyi stong pa nyid dang / phyi nang stong pa nyid la sems can zhu
- 411b
bya ba mi rnyed do/ / drang srong chen po mig ni ngan pa'o// 'jig pa'o// skad cig kyang mi gnas pa'o// de bzhin du rna ba dang / sna dang / lce dang / lus dang yid kyang ngan pa'o// 'jig pa'o// skad cig kyang mi gnas pa'o// drang srong chen po nye bar len pa'i phung po lnga ngan pa'o// 'jig pa'o// skad cig kyang mi gnas pa'o// zang srong chen po mi gtsang ba'i rdzas sum cu rtsa drug kyang ngan pa'o/ / 'jig pa'o// skad cig kyang mi gnas pa'o// sems can zhes bya ba yang med/ gzugs kyang med de/ drang srong chen po rdzas 'dus pa ni sems can zhes bya ba'i grangs su 'gro'o// yongs su rtog pa gang dag rdzas rnams rnam par 'byed pa de dag ni srog dang / gso ba dang / skyes bu dang / gang zag dang / shed las skyes dang / shed bu mi dmigs so// drang srong chen po gal te sems can yod du zin na/ de bzhin gshegs pa 'phags pa'i bden pa bzhi po dag gis shin tu chos ston par mi 'gyur ba zhig na// drang srong chen po gang gi phyir/ sems can med pa de'i phyir/ de bzhin gsheg pa nyid thob ste/ de'i phyir ji lta ji ltar yang dag par sgrub par byed de lta de ltar yang dag par 'grub bo// de nas bcom ldan 'das la drang srong chen po me sgron gyis 'di skad ces gsol to// bcom ldan 'das deng slan chad drang srong chen po ma sgron bdag thams cad mkhyen pa nyid du smon par bgyid do// bcom ldan 'das gal te bdag bskal pa mu ma mchi par sems can dmyal ba'i thugs kyi 'obs su
- 412a
gnas par 'gyur ba 'am/ ri rab 'og min gyi gnas tsam du gyur pa mthon po'i la de nas/ bdag gis bdag 'dor bar 'gyur ba'am/ gdung ba lnga bskal pas bsregs pa lta/ bur 'gyur ba 'am/ nyi ma bskal par gnas par 'gyur ba 'am/ bskal pa sum cu'i zla ba gcig tu sbyang bar 'gyur ba de lta bu'i dka' ba spyad par ni/ bcom ldan 'das bdag spro ste 'dun gyi/ thams cad mkhyen pa nyid kyi slad du ni brtson 'grus nyams par mi bgyid pa'o/ / drang srong mngon par shes pa lnga dang ldan pa ji snyed/ bcom ldan 'das kyi gan du lhags pa de dag kyang stan las langs te/ bcom ldan 'das la 'di skad ces gsol to/ / bcom ldan 'das bdag cag kyang deng slan chad bla na med pa yang dag par rdzogs pa'i byang chub tu smon par bgyi'o// rdo ci thog gis brtson 'grus brtsam par bgyi'o// / drang srong chen po rnams kyis tshig de skad smras ma thag tu/ bcom ldan 'das kyi smin mtshams nas 'dul ba can zhes bya ba'i 'od zer phyung / phyogs bcu'i sangs rgyas thams cad kyis kyang smin mtshams nas 'dul ba can zhes bya ba'i 'od zer phyung ste/ 'od zer de dag gi mthus sa chen po 'di rnam pa drug tu g.yos/ rab tu g.yos// 'gul rab tu 'gul/ ldeg rab tu ldeg ste/ shar phyogs mthon/ lho phyogs dma'/ nub phyogs dma' na/ byang phyogs mtho/ shar phyogs dma' na lho phyogs mtho/ nub phyogs mtho na byang phyogs dma'o// phyogs bcu'i sangs rgyas thams cad kyis/
- 412b
kyang de bzhin gshegs pa'i steng du me tog gi char phar/ rnga bo che rnams brdungs so// dri za'i bdag po ming du 'ong ba rnams kyis kyang yan lag lnga'i sil snyan gyis/ bcom ldan 'das la mngon par bstod do/ / lha'i bdug pa dri rab tu zhim po dag kyang rlung gi ngad bslang ste/ de bzhin gshegs pa'i gan du ngad ldang bar byed do// byang chub sems dpa' rnams rab tu dga' ste/ mchog tu bde ba'i sems kyis de bzhin gshegs pa'i steng du do shal dang / se mo do rnams mthor zhing rin po che'i char yang 'bebs/ me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dag gis kyang mchod pa byed do// lha'i tshogs rnams kyang rab tu dga' nas/ me tog man+da ra ba dang / man+da ra 'a chen po'i char 'bebs so// thams cad dang ldan pa'i 'khor de yang dga' mgu yi rang te/ ji ltar gyon gyon pa'i gos rnam de bzhin gshegs pa'i sku la gsol to// de nas 'dul ba can zhes bya ba'i 'od zer des 'og min gyi gnas man chad/ sems can dmyal ba chen po mnar med pa yan chad snang bar byas te/ phyogs bcu'i sangs rgyas thams cad la bskor ba byas nas slar log ste/ bcom ldan 'das kyi dbu'i gtsug tu nub bo/ / de nas bcom ldan 'das la tshe dang ldan pa rab 'byor gyis 'di skad ces gsol to// rgyu ma mchis par shAkya thub de ring 'dir// phyogs bcu dag tu 'od zer mi gtong ste// 'khor
- 413a
'di thams cad the tsom gyur lags na/ / thub pas rgyu dang byed de bdag lung ston// mi yi 'dren pa'i rnam par 'phrul mthong nas// dga' bar gyur cing spro ba che gyur te/ rab tu dag pas lhag par bstod bgyis nas/ / kha cig 'di na bcom ldan legs shes mchi// brgya byin tshangs pa 'jig rten skyong ba rnams// nam mkhar gnas 'byung po'i tshogs dang bstod// mkha' las lha'i me tog char du 'bebs/ / ma brdung rnga chen dag ni sgra yang 'byin// de nas bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor khyod kyis drang srong me sgron mthong ngam/ rab 'byor gyis gsol pa/ bcom ldan 'das mthong lags so// bcom ldan 'das kyis bka' stsal pa/ rab 'byor drang srong chen po me sgron 'di ma 'ongs pa'i dus na/ sangs rgyas stong 'das pa'i 'og tu bskal pa bzang po 'di nyid la zla ba can gyi 'jig rten gyi khams su de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya bar 'gyur ro/ / rab 'byor de bzhin gshegs pa rnam par gzigs kyi ming yang yid bzhin gyi nor bu rnam par dag pa'i bya ba byed par 'gyur ro/ / rab 'byor drang srong chen po brgyad khri ba ni stong gis chos kyi rnam grangs 'di thos ma thag tu phyir mi ldog pa'i sa rjes su thob ste/ rab 'byor de dag thams cad ni de bzhin gshegs pa byams pa'i gsung rab la sa bcu la gnas par 'gyur ro// bskal pa sum brgya'i 'og tu de
- 413b
/ bzhin gshegs pa dgra bcom pa gang dag par rdzogs pa'i sangs rgyas bdag bka' blo bde ba zhes bya bar 'jig rten du 'byung bar 'gyur ro// rab 'byor byang chub sems dpa' tshad med pa dag gi kyang chos kyi rnam grangs 'di thos ma thag tu dpa' bar 'gro ba'i ting nge 'dzin thob ste/ skad dang skad ma yin pa shes pa'i ting nge 'dzin dang / rgyal ba'i dbang bskur ba'i ti nge 'dzin dang / sgyu ma lta bu'i ting nge 'dzin dang / khams rnam par 'byed pa'i ting nge 'dzin dang / blo gros rgyal po'i ting nge 'dzin dang / rgya mtsho'i snying po'i ting nge 'dzin mnyen pa'i sa'i ting nge 'dzin dang / bsam pa'i snying po'i ting nge 'dzin dang 'od gsal ba'i ting nge 'dzin thob bo/ / rab 'byor lha bye ba phrag gang+gA'i klung gi bye ma snyed dag gis mi skye ba'i chos la bzod pa thob bo// dge slong dang / dge slong ma dang / dge bsnyen dang / dge bsnyen ma stong phrag tshad med pa dag gis dgra bcom pa nyid mngon sum du byas so/ / rab 'byor lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang mi dang / mi ma yin pa gang+gA'i bye ma snyed dag gis bla na med pa yang dag par rdzogs pa'i byang chub tu sems skyed do// rab 'byor de bzhin gshegs pas don gyi dbang de mthong nas 'dul can zhes bya ba'i 'od zer rnams phyung ngo / / de nas bcom ldan 'ad kyi nyid kyi ljags kyi dbang pos zhal khebs par mdzad de/ ljags kyi dbang po de las kha dog du ma/ kha dog tha dad pa'i 'od zer 'di lta ste/ sngon
- 414a
po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu dag byung ste/ de dag 'jig rten gyi khams mtha' yas mu med pa dag tu mngon par byung nas slar log ste/ bcom ldan 'das la lan gsum bskor ba byas nas/ bcom ldan 'das kyi zhabs gnyis su nub bo// de nas byang chub sems dpa' sems dpa' chen po blo gros mi zad pa stan las langs te bla gos phrag pa cig tu gzar nas/ pus mo g.yas pa'i lha nga sa la btsug te/ bcom ldan 'das ga la ba de logs su thal mo sbyar ba bzhud nas/ bcom ldan 'das la 'di skad ces gsol to// sangs rgyas bcom ldan 'das rnams ni rgyu ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags/ rkyen gang lags/ de skad ces gsol ba dang / bcom ldan 'das kyis byang chub sems dpa' blo gros mi zad pa la 'di skad ces bka' stsal to// rigs kyi bu ma dad pa rnams kyi don du ljags 'di lta bu ni brdzun mi gsung ngo snyam du bya ba'i phyir/ ljags kyi dbang pos 'dzum pa mdzad do// de nas bcom ldan 'das la byang chub sems dpa' blo gros mi zad pas 'di skad ces gsol bcom ldan 'das gang gis chos kyi rnam grangs 'di las tha na tshigs su bcad pa gcig tsam lung 'bog na/ rigs kyi bu 'am/ rigs kyi bu mo de dag bsod nams kyi phung po ji tsam bskyed par
- 414b
/ 'gyur/ bcom ldan 'das kyis bka' stsal pa/ rigs kyi bu phyogs bcu'i sangs rgyas bcom ldan 'das kyi sangs rgyas kyi spyan la snang bar 'gyur ba ji snyed pa de dag la yongs su mya ngan las 'das kyi bar du gang zhig gis bde bar sbyar ba thams cad kyi bsnyen bkur byas te/ yongs su mya ngan las 'das nas kyang rin po che sna bdun gyi mchod rten byed pa de bas/ gang zhig chos kyi rnam grangs 'di las tha na tshigs su bcad pa gcig tsam lung 'bog na/ 'di ches bsod nams mang du bskyed do// rigs kyi bu chos kyi rnam grangs 'di 'chad pa na/ gang zhig dang ba'i sems kyis legs so zhes bya ba sbyin pa de la/ sangs rgyas thams cad kyis bstod par 'gyur ro// gang gis 'di la rim gro byas pa des nga la rim gro byas par 'gyur ro// de nas bcom ldan 'das kyis thams cad dang ldan pa'i 'khor de la rnam par gzigs nas/ 'di skad ces bka' stsal to// rigs kyi bu dag nga ni bden par smra ba ste/ sa phyogs gang na chos kyi rnam grangs 'di grags pa'i sa phyogs de la/ sangs rgyas thams cad dgongs par 'gyur ro// rigs kyi bu dag chos kyi rnam grangs 'di ni 'dzam bu gling pa'i sems can rnams kyi sman du gyur par 'gyur ro// gang gis chos kyi rnam grangs 'di lan gsum brjod dam/ brjod du bcug na/ des ston pa la chos kyi 'khor lo rab tu bskor bar bskul bar 'gyur ro// rab 'byor gang zhig chos kyi rnam grangs 'di yi ger 'dri 'am/ yi ger 'drir
- 415a
'jug pa de bde ba dang bcas shing yid bde bde ba dang bcas bzhin du/ byang chub mngon par rdzogs par 'tshang rgya bar 'gyur ro// nges sangs rgyas thams cad kyi mdzod kyang bzung bar 'gyur ro/ / rigs kyi bu dag chos kyi rnam grangs 'di ni sems can rnams kyi rna lam du zag par mi 'gyur ro// sku gnas nas phas yongs su dag pa'i sangs rgyas kyi zhing rnams su skye ba de dag gi rna lam du chos kyi rnam grangs 'di grag par 'gyur ro/ / rab 'byor gang gis sangs rgyas stong la dge ba'i rtsa ba bskyed pa de'i rna lam du ches kyi rnam grangs 'di grag par 'gyur ro// rab 'byor rigs kyi bu 'am/ rigs kyi bu mo gang chos kyi rnam grangs 'di thos nas/ dang dam 'chang ngam/ klog gam be ngar/ gzhan dag la yang rgya cher yang dag pa ston par 'gyur ba de'i lag tu byang chub song ngo zhes bshad do/ / des mig lnga thob par 'gyur/ dbang po ma tshang bar mang gyur/ dran pa brjod pa med par 'chi ba'i dus byed par 'gyur/ sangs rgyas thams cad sgrub pa'i ting nge 'dzin thob par 'gyur/ rnam par snang mdzad rnam par sprul pa'i ting nge 'dzin dang / gzungs kyi snying po'i ting nge 'dzin dang / gtsug gi nor bu'i phyag rgya'i ting nge 'dzin dang / dbang bskur ba'i ting nge 'dzin dang / spyan ras gzigs kyi phyag rgya'i ting nge 'jas rab tu thob par 'gyur/ yi ge med pa'i tha ma tog gi
- 415b
gzungs thob par 'gyur/ chos thams cad la rnam par rgyal ba thob pa'i gzungs dang / the tsom rnam par sbyong ba'i gzungs dang / don dam pa rnam par nges pa'i gzungs thob par 'gyur te/ de la sogs pa'i gzungs dang / ting nge 'dzin gyi sgo brgya stong mtha' yangs pa thob par 'gyur ro// mngon par shes pa lnga dang ldan par 'gyur ro// bsams bzhin du 'chi 'pho dang / skye ba yongs su 'dzin par 'gyur ro// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpa' sangs rgyas mang po la bsnyen bkur byas pa khyod la/ chos kyi rnam grangs 'di yongs su btad kyis yang dang yang rgya cher yang dag par rab tu shod cig/ 'jam dpal khyod kyis de bzhin gshegs pa ji snyed cig la bsti stang byas pa dang / btsun par byas pa dang / rim gror byas pa dang / mchod pa byas pa de ji snyam du sems// 'jam dpal dge ba'i rtsa ba de la mtha' 'am/ mu yod dam/ dge ba'i rtsa ba de dpag par nus sam/ 'jam dpal gyis gsol pa/ bcom ldan 'das ma lags so// bde bar gshegs pa ma lags so/ / bcom ldan 'das kyis bka' stsal pa/ 'jam dpal gang gis smig ma lnga'i dus na/ chos kyi rnams grangs 'di 'jig rten gyi khams mi mjed
- 416a
'dir rgyas par byed par 'gyur ba de dag de las dge ba'i rtsa ba chen por 'gyur ro/ / 'jam dpal gal te khyod de bzhin gshegs pa mang po de snyed cig lan bza' dang / zhal zas dang / gzims cha dang / snyun gsos kyi sman dang / yo byad rnams kyis bsnyen bkur byed kyi chos kyi rnam grangs 'di ston par mi byed na// khyod da dung du yang de bzhin gshegs pa rnams la nyes pa dang bcas par 'gyur ro/ / 'jam dpal gal te khyod de bzhin gshegs pa gcig la'ang phyag mi byed kyi/ chos kyi rnam grangs 'di rgyas par byed na de bzhin gshegs pa thams cad la khyod kyis mchod pa'i bar du byas par 'gyur ro/ / bcom ldan 'das kyis de skad ces bka' stsal nas/ 'jam dpal gzhon nur gyur pa dang / drang srong chen po me smon dang / dge slong de dag dang / lha dang mi dang / lha ma yin dang / dri bar bcas pa'i 'jig rten yi rang te/ bcom ldan 'das kyis gsungs pa la mngon par bstod do// 'phags pa don dam pa'i chos kyi rnam par rgyal ba zhes bya ba theg pa chen po'i mdo rdzogs so// / rgya gar gyi mkhan po dzi na mi tra dang / dA na shI la dang / zhu chen gyi lo tsA ba ngan d+he ye shes sdes bsgyur cing zhus te/ skad gsar chad kyis bcos nas gtan la phab pa// rgya gar skad du/ Ar+ya tsa dur d+harma nir de shan
- 416b
/ nA ma mahA yA nA sU dzA/ bod skad du/ 'phags pa chos bani bstan pa zhes bya ba theg pa chen po'i mdo/ sangs rgyas dang byang chub sems dpa thams cad la phyag 'tshal lo// 'di skad bdag gis thos pa'i dus gcig na/ bcom ldan 'das sum cu rtsa gsum lha'i nang na/ lha'i 'dun sa chos bzangs na/ dge slong lnga brgya zam pa'i dge slong gi dge 'dun chen po dang byams pa dang 'jam dpal la sogs pa byang chub sems dpa' sems dpa' chen po rab tu mang po dang thabs cig tu bzhugs so/ / de nas bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa byang chub sems dpa' sems dpa' chen po chos bzhi dang ldan na// sdig pa chen po byas shing bsags pa zil gyis non par 'gyur ro/ / gzhi gang zhe na/ 'di lta ste/ rnam par sun 'byin pa kun tu spyod pa dang // gnyen po kun tu spyod pa dang / sor chud par byed pa'i stobs dang // rten gyi stobs so// de la rnam par sun 'byin pa kun tu spyod pa ni/ mi dge pa'i las spyad na de la 'gyid pa mang ba yin no// de la gnyen po kun tu spyod pa ni mi dge ba'i las byas nas kyang dge ba'i las la shin tu brtson pa'o// del sor chung bar byed pa'i stobs ni// sdom pa yang dag par blangs pas mi byed pa'i sdom pa thob pa'o// de la rten gyi stobs ni sangs rgyas dang chos dang dge 'dun la skyabs su 'gro ba dang / byang
- 417a
chub kyi sems mi gtong ba ste/ de stobs dang ldan pa la rten pas sdig pas zil gyis gnon par mi nus so// byams pa byang chub sems dpa' sems dpa' chen po chos bzhi pa de dag dang ldan na/ sdig pa byas shing bsags pa rin gyis non par 'gyur ro// byang chub sems dpa' sems dpa' chen pos mdo 'di rtag tu bklag par bya'o// kha ton du bya'o// bsam par bya'o/ / sgom par bya'o// mang du bya'o// des na nyes par spyad pa 'bras bu 'byin mi nus par 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa' chen po byams pa dang / dge slong de dag dang / byang chub sems dpa' de dag dang / brgya byin la sogs pa lha'i bu rnams dang / thams cad dang ldan pa'i 'khor de yi rang te/ bcom ldan 'das kyis gsungs pa la mngon par bstod do/ / 'phags pa chos bzhi bstan pa zhes bya ba theg pa chen po'i mdo rdzogs so// rgya gar gyi mkhan po su ren rnga bo d+hi dang / chen gyi lo tsA ba dan d+he ye shes sdes bsgyur cing zhus te gtan la grub pa/ rgya gar skad du/ Ar+ya tsa tur d+harma kan nA ma mahA yA na sUH 'od skad du/ 'phags pa chos bzhi pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa
- 417b
dus gcig na/ bcom ldan 'das mnyan yod na rgyal bu rgyal byed kyi tshil mgon med zas sbyin gyi kun dkyu' ra ba na/ dge slong stong gis brgya lnga bcu'i dge slong gi dge 'dun chen po dang rnams cig 'azhugs te/ byang chub sems dpa'i tshogs chen po dang yang thabs cig go/ de nas bcom ldan 'das kyis dge slong rnams la bka' stsal pa/ dge slong dag byang chub sems dpa' sems dpa' chen pos chos bzhi po 'di dag ji srid 'tsho'i bar du srog gi phyir yang yongs su mi gtong ngo / / bzhi gang zhe na/ dge slong dag byang chub sems dpa' sems dpa' chen pos ji srid 'tsho'i bar du/ byang chub kyi sems srog gi phyir yang yongs su mi gtong ba dang / dge slong dag byang chub sems dpa' sems dpa' chen pos ji srid 'tsho'i bar du dge ba'i bshes gnyen srog gi phyir yang yongs su mi gtong ba dang dge slong dag byang chub sems dpa' sems dpa' chen pos ji srid 'tsho'i bar du/ bzod pa dang des pa srog gi phyir yang yongs su mi gtong ba dang dge slong dag byang chub sems dpa' sems dpa' chen pos ji srid 'tsho'i bar du/ dgon pa la gnas pa srog gi phyir yang yongs su mi gtong ste/ dge slong dag byang chub sems dpa' sems dpa' chen pos ji srid 'tsho'i bar du chos bzhi po 'di dag srog gi phyir yang yongs su gtong bar mi
- 418a
/ byabacom ldan 'das kyis de skad ces bka' stsal/ bde bar gshegs pas de skad ces gsungs nas// ston pas gzhan yang 'di skad bka' stsal to/ / thams cad mkhyen nyid sems ni mi gtong zhing // mkhas pas rdzogs pa'i byang chub sems dpa' cig/ bzod dang des ba'i stobs la rab gnas te/ / dge ba'i bshes gnyen yongs su gtong mi bya// ri dgas rgyal po bzhin du 'jigs spangs te/ mkhas pas dgon gnas rtag tu bsten par bya/ / chos 'di dag la rtag tu rab gnas nas/ bdud rnams bcom nas byang chub de 'tshang rgya// bcom ldan 'das kyis de skad ces bkar stsal nasadage slong de dag dang byang chub sems dpa' de dag dang / thams cad dang ldan pa'i 'khor de'i ra te/ bcom ldan