Text

ff. 1b–391a · 780 folio sides

  1. 1b

    rgya gar skad du/ Ar+ya sam tsA ra pra ta bi d+hig ga dzu ti bi na yak+Shan ti nA ma ma hA lA/ na sU tra/ bod skad du/ 'phags p a yang dag por spyod pa'i tshulanam mkha'i mdog gis 'dul

  2. 2a

    ba'i bzod pa zhes bya ba theg pa chen po'i mdo/ / // bam po dang po/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das byed pa tsan nA/ rnyog pa sel ba zhes bya ba'i byed pa can gyi grong rdal du snang ba 'phel ba zhes bya ba'i ri la/ drang srong

  3. 2b

    rta rlung zhes bya ba dka' thub la gnas pa na/ dge slong gi dge 'dun brgya phrag phyed dang bcu gsum gyi dge slong gi dge 'dun chen po dang / byang chub sems dpa' sems dpa' chen po// de bzhin gshegs pa'i spyod yul la chags pa med pa'i ye shes kyis rnam par sprul pa/ tshad med pa'i byams pa chen po byin gyis brlabs kyi stobs rjes su thob pa/ tshad med pa'i snying rje chen po dang / sems can gyi chu bo kun tu 'chang bar rnam par sprul pa/ tshad med pa'i dga' ba'i byin gyis brlabs kyis stobs kyis/ sems can thams cad la bde ba'i dran pa'i char rab tu 'bab pas/ kun tu ngoms pa dang / tshad med pa'i btang snyoms kyi ye shwe kyis/ chos thams cad nam

  4. 3a

    mkha' dang mnyam par 'jug pa la mkhas pa chos kyi sprin dang / lhag mthong dang / rig pa dang / ye shes kyi stobs kyi ma rig pa'i mun pa'i mun pa chen po rnam par 'jig pa la mkhas pa/ bsdu ba rnam gzhis sems can rnams chu bo bzhi las bsgral bar bya ba'i ye shes dang / sems can thams cad la mtshungs par sems pa'i phyir/ byams pa dang khong khro ba med pas byang chub kyi phyogs kyi lam yongs su dag pa/ chos kyis yang dag par 'jug pa/ ye shes chen po la mkhas pa/ 'jig rten la mchog gi lam yang dag par ston pa/ sems can rnam par rgyas shing / dge ba'i rtsa bas yongs su sred pa'i chu bskam zhing ye shes kyi las kyi mtha' la rab tu 'jug pa/ mngon par shes pa chen po'i ye shes rnam par rtse ba mngon par shes pa zla ba lta bu/ sems can thams cad kyi sems mtshungs par shes pa'i bsam pa mngon par yang dag par mgu ba'i phyir/ thabs la mkhas pa 'phel ba

  5. 3b

    yang dag par ston pa/ nam mkha' dang mtshungs pa'i gzungs kyis tshad med pa'i snod chos rin po ches yongs su bkang zhing / byang chub sems dpa'i spyod pa'i phyir/ skye bo thams cad kyis nye bar 'tshe ba/ 'phags pa'i bden pa bzhis rkang pa'i shugs chen pos chos kyi tshul gyi lam zab mo rjes su zhugs pa/ mtshungs pa'i chos kyis gzhan gyi rgol ba thams cad tshar gcod pa/ bskal pa brgya stong grangs med pa'i mthar byang chub sems dpa'i spyod pa thug pa med cing rgyun ma bcad pa'i yon tan thams cad 'byung ba/ rlung dang mtshungs pa'i sems 'jig rten pa dang / 'jig rten las 'das pa'i chos thams cad kyis gos pa med pa/ bag chags thams cad rjes su 'brel pa nyon mongs pa rab tu spangs pa/ tshad med grangs med pa'i ting nge 'dzin dang / gzungs dang / bzod pas rnam par rtse ba la mkhas pa sha stag la 'di lta ste/ byang chub sems dpa' rta dang glang po che mi dkar ba zhes bya ba dang / byang chub sems dpa' ri rab kun tu snang ba zhes bya ba dang / byang chub sems dpa' ri rab zla ba zhes bya ba dang / byang chub sems dpa' rnam par bsgyings pa mi zad pa zhes bya ba dang / byang chub sems dpa' ye shes dpal zhes bya ba dang / byang chub sems dpa' mig sngon po zhes bya ba dang / byang chub sems dpa' ngur smrig seng ge sgra 'byin ces bya ba dang / byang chub sems dpa' nor gyi 'od kyi tshogs shes bya ba dang / byang chub sems dpa' ri

  6. 4a

    rab mtshams shes bya ba dang / byang chub sems dpa' rgyal mtshan rnam par sprul pa'i dbyangs shes bya ba dang / byang chub sems dpa' glog gi phung po zhes bya ba dang byang chub sems dpa' yon tan gyi gzi brjid dri ma med pa'i rgyal po zhes bya ba dang / byang chub sems dpa' ri rab stobs kun tu rgyas pa zhes bya ba dang / byang chub sems dpa' gtogs 'dod mthu po che zhes bya ba dang / byang chub sems dpa' byams pa dang / de la sogs pa byang chub sems dpa' stong phrag bcu dang / sngon du 'gro drang srong rta rlung dang / drang srong stong phrag sum cu dang / lha bran brgya stong phrag bco brgyad kyi sangs rgyas bcom ldan 'das la yongs su bskor nas lhan cig tu 'khod do/ / de nas bcom ldan 'das kyis/ tshe dang ldan pa legs par 'ongs pa la bka' stsal pa/ legs par 'ongs pa de bzhin gshegs pa'i seng ge'i khri bshams pa de la bdag 'dug ste/ nyan thos rnams la nyan thos kyi gtam smra bar 'gyur ro// bcom ldan 'das de bzhin no zhes gsol pa dang / tshe dang ldan pa legs par 'ongs pa phyir mnyan te/ bcom ldan 'das kyi phyir pho brang zlum po byas par gyur to// de nas bcom ldan 'das kyis 'kho thams cad dang ldan pa la rnam par kun tu bltas te/ pho brang zlum por bshams pa nyid du bzhugs so// de nas dge slong gzhan dag kyang stan las langs te/ bla gos phrag pa

  7. 4b

    gcig tu byas nas/ bcom ldan 'das gang na ba de logs su thal mo sbyar te/ phyag 'tshal nas bcom ldan 'das la 'di skad ces gsol to// bcom ldan 'das 'jig rten ces bgyi ba btsun pa bcom ldan 'das 'jig rten zhes bgyi ba ni gang lags/ de bzhin gshegs pas 'jig rten du btags pas brtags pa ji lta bu lags/ de skad ces gsol pa dang / bcom ldan 'das kyis dge slong de la 'di skad ces bka' stsal to/ / dge slong dag 'jig rten 'jig rten ces bya ba dang / de de bzhin gshegs pas 'jig rten du btags pas/ brtags pa'i ji tsam zhes dge slong khyod de skad 'dri 'am/ bcom ldan 'das de bzhin no// de'i phyir dge slong khyod legs par nyon la shin tu yid la zung shig dang ngas bshad do// btsun pa de bzhin no zhes gsol te/ dge slong de bcom ldan 'das la phyir nyan pa dang / bcom ldan 'das kyis de la 'di skad ces bka' stsal to// dge slong 'jig rten zhes bya ba ni 'jig rten rnam pa gnyis te/ snod kyi 'jig rten dang 'du byed kyi 'jig rten no/ / dge slong de la snod kyi 'jig rten ni gang / 'du byed kyi 'jig rten ni gang zhe na/ sa'i khams dang / chu'i khams dang / me'i khams dang / rlung gi khams ji tsam pa ni snod ces bya'o// dge slong de la nang gi sa'i khams yod de/ dge slong de la nang gi sa'i khams gang zhe na/ gang nang gi sra ba'i sra ba nyid zin pa ni 'di lta ste/ rus pa dang / sen mo dang / so'i bar du ste/ 'di dag ni nang

  8. 5a

    gi sa'i khams zhes bya'o/ / de la phyi rol gyi sa'i khams gang zhe na/ gang lus kyi phyi rol gyi sa'i khams ni 'di lta ste/ 'gron bu dang / gser dang / nor bu dang / mu tig dang / bai DUR+Ya dang / dung dang / rdo dang / bya ru dang / dngul dang / sa le sbram dang / gram bu dang / gseg ma dang / gyo mo dang / shing dang / rtswa dang / sman dang / phyag dar dang / 'di dag ni phyi rol gyi sa'i khams zhes bya'o/ / chu'i khams gang zhe na/ phyi rol gyi chu'i khams yod na/ nang gi chu khams kyang yod de/ de la nang gi chu'i khams gang zhe na/ lus 'di la chu dang chu'i khams kyi mkhris pa dang / bad kan dang / rnag dang / khrag dang / klad pa dang / klad rgyas dang / mchil ma dang / rdul dang / ngar snabs dang / snabs dang / rus dang / rkang dang / gcin yod pa kun tu len pa 'di ni/ nang gi chu'i khams zhes bya'o// de la phyi rol gyi chu'i khams gang zhe na/ gang lus kyi phyi rol gyi chu'i khams ni 'di lta ste/ chu dang / chu'i khams kyi snum pa dang / 'o ma dang zho dang / dngar ba dang / bu ram dang / shing gi ro dang / chang dang rtsab mo dang / bu ram chang dang / me tog chang dang / lus kyi phyi rol gyi chu'i khams ji tsam pa kun tu len pa 'di ni phyi rol gyi chu'i khams so// de la nang gi me'i khams gang zhe na/ lus 'di la gang skye bo'i mdog gi dro ba kun tu len pa des lus 'di dro ba nyid/ du ba dang / gdungs pa dang / rims dang / yongs su tshig pa dang / des

  9. 5b

    zos pa dang / 'thungs pa dang / 'chos pa dang / nyal ba de'i yang dag par yongs su smin par 'gyur ba 'di ni nang gi me'i khams zhes bya'o// de la phyi rol gyi me'i khams gang zhe na/ gang me'i gdung ba dang / nyi ma'i gdung ba dang / nor bu'i gdung ba dang / 'bru dang sman dang shing dang / rtswa'i dro ba dang / lci ba'i dro ba dang / phyag dar gyi dro ba dang / 'di dag ni phyi rol gyi me'i khams zhes bya'o/ / de la nang gi rlung gi khams gang zhe na/ gang lus 'di la gyen du rgyu ba'i rlung dang / thur tu rgyu ba'i rlung dang / ma zhu ba'i rlung dang / yan lag dang nying lag tu rgyu ba'i rlung dang / 'di ni nang gi rlung rnams zhes bya'o/ / de la phyi rol gyi rlung gang zhe na/ gang phyi rol tu yang dag par rgyu ba'i rlung dang / rnam par rgyu ba'i rlung dang / gyen du rgyu ba dang / grang ba dang / dro ba'i dmu rlung phyed pa mang po dang / sa 'dzin pa'i rlung dang / phyi rol gyi rlung gi khams gang yang rung ba 'di ni phyi rol gyi rlung gi khams zhes bya ste/ de ltar phyi dang nang gi 'byung ba chen po bzhi po 'di ni/ snod kyi 'jig rten zhes bya'o/ / 'di gang gi snad ce na/ nye bar len pa phung po lnga'i snod ngo do// dge slong phyi dang nang gi 'byung ba chen po bzhi po 'di dag la gang mos pa 'am/ dga' ba 'am/ byams pa 'am chags pa 'am/ rgya che ba 'am/ nga yir bya ba 'am/ bdag gir bya ba de thams cad spang bar bya'o zhes so sor bslab par bya'o// gang la la 'das pa dang / ma 'ongs pa dang / da ltar byung ba'i

  10. 6a

    phyi dang nang gi 'am/ che ba 'am/ phra ba 'am/ ngan pa 'am/ bzang ba 'am/ gang ring ba 'am/ gang nye ba 'am/ 'byung ba chen po bzhi po de thams cad de bzhin du so sor bslab par bya'o/ / gang la la 'byung ba chen po bzhi po de dag ni bdag gi ma yin/ bdag kyang de'i ma yin/ de yang bdag gi ma yin no zhes de ltar de bzhin du yang dag pa'i shes rab kyis ji lta ba bzhin du blta bar bya'o/ / dge slong dag dge slong gang la la 'byung ba chen po bzhi po 'di dag la de bzhin du yang dag pa'i shes rab kyis shin tu brtan par byed do// shin tu yid la byas pa'i dge slong de sred pa dang / rgud pa dang / lus kyi sbyor ba'i rgyun gcod cing sdug bsngal gyi mthar byed pa ste/ dge slong dag 'di ni snod kyi 'jig rten no// dge slong dag de la 'du byed kyi 'jig rten gang zhe na/ nye bar len pa'i phung po lnga'i 'du byed ces bya'o// lnga gang zhe na/ 'di lta ste/ gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po ste/ dge slong dag 'di ni 'du byed kyi 'jig rten no// dge slong dag sems can ji tsam pa gang sems can gyi bsdu bas yang dag par bsdus pa de thams cad phung po 'di dag gis bsdus pa dang ldan pa 'di ni/ 'du byed kyi 'jig rten zhes bya'o// dge slong dag nye bar len pa'i phung po lnga po de la gang mos pa 'am/ dga' ba 'am byams pa 'am/ chags pa 'am/ rgya

  11. 6b

    che ba 'am/ nga yir bya ba 'am/ bdag gir bya ba de thams cad spang bar bya'o zhes so sor bslab par bya'o// gang chung zad 'das pa dang / ma 'ongs pa dang / da ltar byung ba'am/ phyi 'am nang gi 'am/ che ba 'am/ phra ba 'am/ ngan pa 'am/ bzang ba 'am/ gang ring ba 'am/ gang nye ba'i gzugs de thams cad bdag gi ma yin/ bdag kyang de'i ma yin/ de yang bdag ma yin no zhes de ltar de bzhin du yang dag pa'i shes rab kyis ji lta ba bzhin du blta bar bya'o/ / gang la la 'das pa dang / ma 'ongs pa dang / da ltar byung ba 'am/ phyi'i 'am/ nang gi 'am/ che ba 'am/ phra ba 'am/ ngan pa 'am/ bzang ba 'am/ gang ring ba 'am/ gang nye ba'i tshor ba dang / gang la la 'du shes dang / gang la la 'du byed dang / gang chung zad rnam par shes pa de thams cad ni bdag gi ma yin bdag kyang de ma yin/ de bdag ma yin no zhes de ltar de bzhin du yang dag pa'i shes rab kyis ji lta ba bzhin du blta bar bya ba 'di ni/ dge slong dag snod kyi 'jig rten dang / 'du byed kyi 'jig rten zhes bya'o/ / de nas byang chub sems dpa' kun tu snang ba 'khor der 'dus par gyur te 'dug par gyur pa des/ byang chub sems dpa' phung po rnam par 'jig pa la smras pa/ tshe dang ldan pa phung po rnam par 'jig pa bcom ldan 'das kyis phung po lnga po 'di 'jig rten du bstan pa ni 'di lta ste/ gzugs kyi phung po dang / tshor ba'i phung po dang / 'du shes dang / 'du byed dang /

  12. 7a

    rnam par shes pa'i phung po'o// tshe dang ldan pa phung po lnga po de dag ni ji lta bu/ gzugs kyi phung po ni gang / 'dod pa'i khams mig dang / gzugs kyi 'dod chags dang bral ba yang dag par gzhol ba dang / de bzhin du rna ba dang / sna dang / lce dang / lus dang / yid kyang mig dang / gzugs kyi 'gog pa yang dag par gzhol ba zhig gam/ gzugs dang gzugs med pa'i khams kyi mig dang / gzugs kyi 'dod chags dang bral ba yang dag par gzhol ba dang / de bzhin du rna ba dang / sna dang / lce dang / lus dang / yid kyi mig dang / gzugs kyi 'dod chags dang bral bas yang dag par gzhol ba ni gang ci gzugs kyi phung po 'dod pa'i khams mig dang / gzugs kyi 'dod chags dang bral ba yang dag par gzhol ba dang / rna ba dang / sna dang / lce dang / lus dang / yid kyang mig dang / gzugs kyi 'dod chags dang bral ba yang dag par gzhol ba dang / gzugs dang gzugs med pa'i khams mig dang / gzugs kyi 'dod chags dang bral ba yang dag par gzhol ba 'am/ 'on te tshor ba dang / 'du shes dang / 'du byed dang / rnam par shes pa 'dod pa'i khams mig dang / gzugs kyi 'dod chags dang bral ba yang dag par gzhol ba dang / gzugs dang gzugs med pa'i khams mig dang / gzugs kyi 'dod chags dang bral ba yang dag par gzhol ba 'am/ ci 'das pa gzugs kyi phung po 'am/ mig dang gzugs kyi

  13. 7b

    'dod chags dang bral ba yang dag par gzhol ba dang / rna ba dang / sna dang / lce dang / lus dang / yid nas mig gi bar du'am/ gzugs dang gzugs med pa'i khams mig dang / gzugs kyi 'dod chags dang bral ba yang dag par gzhol ba zhig gam/ 'on te tsher ba dang / 'du shes dang / 'du byed dang / rnam par shes pa yang dag par gzhol ba zhig gam/ 'on te da ltar byung ba gzugs kyi phung po 'am/ mig dang gzugs kyi 'dod chags dang bral ba dang / rna ba dang / sna dang / lce dang / lus dang / yid kyang gzugs dang gzugs med pa'i mig nas yid kyi bar du yang dag par gzhol ba zhig gam/ 'on te tshor ba nas yid kyi bar du'am/ 'on te ma 'ongs pa gzugs kyi phung po 'am/ mig dang gzugs kyi 'dod chags dang bral ba dang / de rna ba nas yid kyi bar du yang dag par gzhol ba zhig gam/ 'on te tshor ba nas yid kyi bar du'am// de nas byang chub sems dpa' phung po rnam par 'jig pas/ byang chub sems dpa' kun tu snang ba la 'di skad ces smras so// rigs kyi bu 'god pa'i chos ltos/ mig gi bu gar gzugs kyi phung po dang / 'dod chags dang bral ba 'phos pa'ang ma yin/ mig gi bu gar tshor ba dang / 'du shes dang / 'du byed dang / rnam par shes pa'i phung po dang / 'dod chags dang bral ba 'phos pa yang ma yin/ skye mched ni mi rtog rnam par mi rtog cing

  14. 8a

    @#ldang ba'ang ma yin/ phung po ni ngag gi lam dang / dbyangs dang / sgra dang / brjod pa las yang dag par shin tu 'das pa'o// de ci'i phyir zhe na/ rigs kyi bu chos thams cad ni skad cig ma ste/ dngos po dang bral ba'o// chos thams cad ni dbyangs med pa'o// dbyangs dang bral ba'o// chos thams cad ni nam mkha'i lam ste mtshan ma med pa'o// chos thams cad ni yi ge med pa'o/ / smon pa med pa'o// chos thams cad ni skye ba med pa'o// stong pa'o// chos thams cad ni thob pa med pa'o// tshig med pa'o// chos thams cad ni rtog pa dang bral ba'o// mi khom pa'o/ / chos thams cad ni chags pa dang bral ba'o// rkyen med pa'o// chos thams cad ni sbyor ba dang bral ba'o// dmigs pa med pa'o// chos thams cad ni lta ba dang bral ba'o// mtshan nyid dben pa'o/ / chos thams cad ni dmigs pa dang bral ba'o// bdag med pa'o// chos thams cad ni bdag dang bral ba'o// brjod du med pa'o// chos thams ni yi ge dang bral ba'o// rab tu zhi ba'o/ / chos thams cad ni chos nyid mi thob pa'o// mi snang ba thob pa'o// chos thams cad ni snang ba dang bral ba'o// shin tu yul med pa'o// chos thams cad ni yul dang bral ba'o// shin tu rtsa ba med pa'o/ / chos thams cad ni dbang po med pa'o// shin tu rang bzhin med pa'o// chos thams cad ni spyod pa rnam par dag pa'o// gnyen po med pa'o// chos thams cad ni sems

  15. 8b

    meng pa'o/ / chags pa dang bral ba'o// chos thams cad ni shin tu 'phros pa'o// phun sum tshogs pa dang bral ba'o// chos thams cad ni 'jungs pa med pa'o// spros pa med pa'o// chos thams cad ni shin tu bsam gtan dang ldan pa'o/ / g.yo ba dang bral ba'o// chos thams cad ni shin tu sgrib pa med pa'o// rdul dang bral ba'o// shin tu bral ba'o// chos thams cad ni nyon mongs pa dang bral ba'o/ / stobs chung ba'o// chos thams cad ni rtsom pa dang bral ba'o// dngos po med pa'o// chos thams cad ni dngos po dang bral ba'o// byed pa med pa'o// chos thams cad ni las mi ston pa'o/ / tshor ba med pa'o// chos thams cad ni nam mkha' dang ldan pa'o// thos pa med pa'o// chos thams cad ni dbyangs dang bral ba'o// gzung du med pa'o// chos thams cad ni rang bzhin gyis sdug pa'o// shes pa med pa'o// chos thams cad ni tshor ba chags pa med pa'o// smig rgyu lta bu'o// chos thams cad ni 'du shes dang bral ba'o// brag cha lta bu'o/ / chos thams cad ni ngo bo nyid med pa'o// gzugs brnyan lta bu'o// chos thams cad ni rab tu snang ba'i 'od rnam par dag pa chu zla lta bu'o// chos thams cad ni gzugs brnyan dang bral ba'o/ / gzugs brnyan la rten pa'o// chos thams cad ni sprin mi dmigs pa'o// nam mkha' dang mnyam pa'o// chos thams cad ni gzugs brnyan no// bstan du med pa'o//

  16. 9a

    dngos po med pa'o// dngos po dang bral ba'o// mtshan nyid med pa nas mtshan nyid med pa dang / mtshan nyid dang bral ba dang / mnyam pa'i mtshan nyid dang / mtshan nyid gcig pa dang mtshan nyid med pa'i bar du'o/ / chos thams cad ni bdag med pa'o// chos thams cad ni bdag tu mi dmigs pa'o// ngar sems pa med pa'o// rten med pa'o// brjod du med pa'o// chos thams cad ni yi ge med pa'o// rigs kyi bu 'du byed thams cad ni skad cig ma zad pa dang bral ba'o// zhes nyon mongs pa dang 'khrug pa med par bya/ ba'i phyir/ bdag dang gzhan la gnod pa med pa dang / spros pa med pa'i bzod pa bsgom par bya'o// 'di la rigs kyi bu/ byang chub sems dpa' de'i dbang gi bzod pa bsgom pa na yang dag par spyod pa'i tshul nam mkha'i mdog gis 'dul ba'i bzod pa zhes bya ba thob bo/ / bzod pa 'di thob pa'i byang chub sems dpa' skad cig ma gcig dang yang dag par ldan pa tsam gyis// sangs rgyas kyi zhing rdul shin tu phra ba snyed las lhag par lus yongs su sprul to// sangs rgyas kyi zhing rdul shin tu phra ba snyed kyi phyogs bcu stong pa dang / rnyog pa lnga yi sangs rgyas kyi zhing du song ste/ sangs rgyas kyi zhing re rer yang rdul shin tu phra ba snyed kyi rnam pa sna tshogs kyi char gtong ba ni 'di lta ste/ zas kyi char ram/ skom gyi char ram/ gos sam/ lhab lhub bam

  17. 9b

    dri'am me tog gam/ rin po che sna tshogs kyi char kyang rab tu 'ong ngo // gang sems can zas dang skom de yongs su zos pas/ zang zing med pa'i dga' ba dang / bde ba thob pa'i sems can de/ 'du byed thams cad ni mi rtag pa/ sdug bsngal ba/ bdag med pa/ stong pa nyid kyi dran pa dang tshul khrims thob bo// khyim gyis bcings pa thams cad dang / 'dod pa'i yon tan lnga spangs te byung nas/ ri'i sul dang / khyim med pa stong pa'i nags tshal stug por gnas par 'gyur ro// drang srong gi cha byad kyis rtswa dang rtsa ba dang / 'bras bu'i zas la gnas par 'gyur ro// nye bar len pa'i phung po lnga po de dag la mi bzad par mos shing / brtson 'grus rtsom pa la spro bar byed do// nye bar len pa'i phung po lnga po 'di dag la nad dang / shu ba dang / zug rngu dang / mi rtag pa dang / sdug bsngal ba dang / stong pa dang / bdag med par yid la byed do// mngon par shes pa lnga thob bo// tshangs pa dang 'jig rten la gzhol bar 'gyur ro// de bzhin du gos nas rin po che yongs su sbyang ba'i bar du yongs su spyod par byed do/ / de shes pas zang zing med pa'i dga' ba dang / bde ba thob pa nas tshangs pa dang / 'jig rten gyi bar du gzhol bar 'gyur ro// byang chub sems dpa' de l tar de bzhin du gang yang dag par spyod pa'i tshul nam mkha'i mdog gis 'dul ba'i bzod pa 'di dag thob pa de snyim pas me tog nam mkha' la gtor ba'i me tog de phyogs bcu'i sangs rgyas kyi zhing rdul

  18. 10a

    shin tu phra ba snyed kyi stong pa dang / rnyog pa lnga'i sangs rgyas kyi zhing du skad cig ma gcig gis song ba'i me tog re re la yang sangs rgyas kyi zhing gi rdul shin tu phra ba snyed kyi chos kyi sku brjod pa'i dbyangs 'byung ba ni 'di lta ste/ chos thams cad dbyangs med pa'o// bdud bzhi'i yul las 'da' ba'o// chos thams cad ni nam mkha'i lam mo// gnas yang dag par spong ba'o// yi ge med pa'o/ / chos thams cad ni chags pa yang dag par gzhol ba'o// mi skye ba'o// chos thams cad ni nyon mongs pa yang dag par gzhol ba'o// ma 'gags pa'o// chos thams cad ni sngon gyi dam tshig mi gtong ba'o/ / mtshan nyid med pa'o// chos thams cad ni chags pa yang dag par gtong ba'o// rkyen med pa'o// chos thams cad ni kun tu sbyor ba yang dag par gtong ba'o// gnas med pa'o/ / chos thams cad ni rtsom pa med pa'o// chos thams cad ni bdag gir bya ba dang / nga yir bya ba yang dag par gtong ba'o// chos thams cad na dben pa'o// 'du 'dzi yang dag par gtong ba'o/ bdag med pa'o// chos thams cad ni bdag dang bral ba nas brjod du med pa'i bar du/ rab tu zhi ba'o// mi snang ba thob pa'o// mi gnas pa'o// shin tu yul med pa'o// shin tu rtsa ba med pa'o// shin tu rang bzhin med pa'o// gnyen po med pa'o// kha zas med pa'o// shin tu 'thor ba'o// 'jungs pa med pa'o// shin tu bsam gtan byed pa'o// shin tu sgribs pa med pa'o//

  19. 10b

    shin tu 'ong ba med pa'o// nyam chung ba'o// dngos po med pa'o// byed pa med pa'o// tshor ba med pa'o// zag pa med pa'o// 'dzin pa med pa'o// rnam par shes pa med pa'o// smig/ rgyu lta bu'o// brag cha lta bu'o// mig yor lta bu'o// chu zla lta bu'o// gzugs brnyan lta bu'o// nam mkha' dang mnyam pa'o// dngos po med pa'o// mtshan nyid med pa nas mtshan nyid med pa dang mtshan nyid dang bral ba dang / mnyam pa'i mtshan nyid dang / mtshan nyid gcig pa dang / mtshan nyid med pa'i bar du'o// chos thams cad ni bdag med pa'o// ngar sems pa med pa'o/ / gzungs du med pa'o// brjod du med pa'o// chos thams cad ni skad cig ma'o// 'du byed zad pa dang bral ba'o zhes bzod pa'i sems bsgom par bya'o// chos thams cad ni skad cig ma zhes zhi ba'i sems bsgom par bya'o/ / mnyam pa'i sems dang rnam par zhi ba'i sems dang / 'dzin pa med pa'i sems dang / 'byung ba med pa'i sems dang / sgrib pa med pa'i sems dang / chod pa med pa'i sems dang / phyin ci ma log pa'i sems dang / rten med pa'i sems dang / mnyam par gzhag pa'i sems dang / sdug bsngal gyi sems bsgom par bya'o/ / de bzhin du nye bar zhi ba stong pa phyi dang nang gi 'jig pa brjod pa'i chos kyi sgo dang / tshad med grangs med pa'i chos kyi sgo me tog de dag la 'byung bar 'gyur

  20. 11a

    ro/ / sems can de yang chos kyi sgo de thos nas/ zang zing med pa'i dga' ba dang / bde ba thob pa des 'du byed thams cad ni mi rtag pa/ sdug bsngal ba/ bdag med pa stong pa nyid kyi dran pa dang tshul khrims thob bo/ / khyim gyi bcing pa thams cad dang / 'dod pa'i yon tan lnga yang dag par spangs te byung nas ri'i sul dang / khyim med pa stong pa'i nags tshal stug por gnas par 'gyur ro/ / drang srong gi cha byad kyis 'bras bu dang / rtsa ba dang / rtswa'i zas la gnas par 'gyur ro// nye bar len pa'i phung po lnga po de dag la mi bzad par mos shing / brtson 'grus rtsom pa la spro bar byed do// nye bar len pa'i phung po lnga po 'di dag la nad dang / shu ba dang / zug rngu dang / mi rtag pa dang sdug bsngal ba dang / stong pa dang / bdag med par yid la byed do/ / mngon par shes pa lnga thob bo// tshangs pa dang 'jig rten la gzhol bar 'gyur ro// rigs kyi bu byang chub sems dpa' 'di 'dra ba'i bzod pa bsgom pa de na mi dmigs/ sems can mi dmigs/ srog mi dmigs gsob mi dmigs/ gang zag mi dmigs/ gzugs mi dmigs/ tshor ba ma yin/ 'du shes ma yin/ 'du byed ma yin/ rnam par shes pa'ang mi dmigs/ mig mi dmigs/ rna ba yang ma yin/ sna yang ma yin/ lce yang ma yin/ lus kyang mi dmigs/ yid kyang mi dmigs so// gzugs mi dmigs/ sgra mi dmigs/ drim

  21. 11b

    dmigs/ ro mi dmigs/ reg mi dmigs/ chos mi dmigs/ yid mi dmigs/ lus mi dmigs/ tshig mi dmigs/ sems mi dmigs so// stong pa nyid mi sogs pa/ mtshan ma med pa/ thug pa khams gsum gtong ba med pa/ mngon par 'du mi byed pa ma skyes pa/ ma bsgoms pa/ ma byang ba'i bzod pa 'di smras so// ma byas pa/ bya ba med pa/ de sngon gyi mtha' la bya ba med pa/ phyi ma'i mtha' la 'das pa med pa/ dbus kyi mtha' la yang dag par med pa/ mi gnas pa mi dmigs pa/ yid la mi byed pa'i bzod pa bsgom pa na/ byang chub sems dpa' sems dpa' chen po yang dag par spyod pa'i tshul nam mkha'i mdog gis 'dul ba zhes bya ba'i bzod pa thob bo/ / byang chub sems dpa' bzod pa 'di thob pas/ ji lta bur gong du bshad pa'i rtsal 'di 'dra ba bya bar 'gyur ro/ / byang chub sems dpa' phung po rnam par 'jig pas 'di bstan pa ston cing brjod pa na/ byang chub sems dpa' rnam par mi rtog pa zhes bya bas legs so zhes bya ba byas te/ byang chub sems dpa' mang po dag cang mi smra bar gyur nas/ bcom ldan 'das cang mi gsung bas zhal gyis bzhes par gyur pa dang / nas dge slong drug cu tsam 'di snyam du sems te/ rigs kyi bu phung po rnam par 'jig pa ci la bsams te/ rnam pa 'di lta bu'i sgyu ma 'dra ba'i 'du byed thams cad ston/ gal te gzugs

  22. 12a

    bdag med pa mi snang ba/ kun nas ldang ba med pa/ yid la mi byed pa/ mi rtog pa/ rnam par mi rtog pa/ dmigs pa med pa/ rgyu ba med pa 'am/ 'on te 'di lta bu ci sems can nam/ srog gam/ skye ba 'am/ gso ba 'am/ gang zag gam/ shed las skyes pa 'am shed can nam/ byed pa po 'am/ tshor ba po 'am/ tshor ba gzhan nam/ skye ba 'am/ yang dag par skye ba 'am/ gang mi dga' ba 'am/ mi 'byung ba med par 'gyur ba 'am/ de bzhin gshegs pa ni gang du byung / snying rje chen po ni gang na/ chos 'chad pa ni su zhig chos kun shes pa ni gang zhig/ bslab pa sdom pa ni gang na gnas/ gal te phung por mi 'gyur na/ de ltar khams dang skye mched rnams kyang dge ba rnams kyi chos kyi 'bras bu rnam par smin par mi 'gyur na/ legs par byas pa dang / nyes par byas pa'i las kyi 'bras bu ni gang du smin/ de bzhin gshegs pa dgra bcom pa yang dag par rdzogs pa'i sangs rgyas ni gang du 'byung / nyan thos dang / rang rgyal ba rnams dang / lha dang mi rnams dang / gang gzhan yang sems can gyi lus skye mched drug gis bzung ba ni gang du 'byung / bdag ni stan las langs te 'gro bar bya/ snyam mo// de nas dge slong drug cu tsam stan las langs te dong nas/ dge slong gzhan dag kyang cang mi smra bar gyur pa dang / de nas byang chub sems dpa' phung po rnam par

  23. 12b

    'jig pa bcom ldan 'das la ngo tsha zhing mi spobs pa dang gnong par gyur to/ / de nas byang chub sems dpa' lag na mar me/ 'khor de nyid du 'dus par gyur pa des/ byang chub sems dpa' phung po rnam par 'jig pa la 'di skad ces smras so/ / don gyi dbang gang mthong ba na 'khor smra ba dang bcas pa la chos kyi tshul rnam pa 'di lta bu zab mo yang dag par ston/ rigs kyi bu bcom ldan 'das kyis mdo sde gzhan las gang zag lnga rnams la chos kyi gtam dang / gtam ngan pa dang / dad pa med pa la dad pa'i gtam dang / gtam ngan pa dang / 'jungs pa la gtong ba'i gtam dang / gtam ngan pa dang tshul khrims ngan pa la tshul khrims kyi gtam dang / gtam ngan pa dang / le lo can la brtson 'grus kyi gtam dang / gtam ngan pa dang / 'chal pa'i shes rab la shes rab kyi gtam dang / gtam ngan pa'o zhes 'di ltar gsungs so// yang bcom ldan 'das kyis mdo sde gzhan las bstan pa// mtshams med par byed pa rnams la stong pa'i gtam mi smra bar bya'o// log par lta ba'i lus can rnams la lus dran pa nye bar gzhag pa mi smra bar bya'o/ / brkam pa rnams la tshor ba dran pa nye bar gzhag pa mi smra bar bya'o// nga rgyal dang dregs pa dang kha zas la chags pa rnams la sems dran pa nye bar gzhag pa mi smra bar bya'o/ / ngo tsha ba'i chos kyi rtsa ba spong ba rnams la chos dran pa nye bar gzhag pa mi smra bar bya'o// mi thob par 'dod pa rnams la lhar skye ba'i yon tan

  24. 13a

    mi smra bar bya'o/ / 'dod pa la spyod pa'i lhar skye ba yang dag par zhugs pa rnams la mdangs 'phrog pa'i gnod sbyin skye ba'i yon tan mi smra bar bya'o// gzugs la spyod pa'i lhar skye ba bzung ba rnams la 'dod pa'i spyod pa'i lha dang dpal mi smra bar bya'o/ / gzugs med pa'i khams su skye ba yang dag par zhugs pa rnams la gzugs la spyod pa'i yon tan mi smra bar bya'o/ / gzugs la spyod pa'i lhar skye ba bzung ba rnams la 'dod pa spyod pa'i lha'i bde ba mi smra bar bya'o// nyan thos kyi theg pa la yang dag par zhugs pa rnams la rang sangs rgyas kyi yon tan mi smra bar bya'o/ / rang sangs rgyas kyi theg pa la yang dag par zhugs pa rnams la nyan thos kyi yon tan dag mi smra bar bya'o// theg pa chen po la yang dag par zhugs pa rnams la rang sangs rgyas kyi yon tan mi smra bar bya'o/ / byang chub sems dpa' pha rol tu phyin pa la mngon par brtson pa rnams la bsdu ba'i dngos po rnam pa bzhi mi smra bar bya'o// byang chub sems dpa' tshangs pa'i rnam par spyod pa la mngon par brtson pa rnams la tha dad pa yang dag par shes pa bzhi mi smra bar bya'o/ / byang chub sems dpa' 'khor smra ba med pa la rnam pa 'di lta bu zab mo zhi ba stong pa nyid kyi gtam mi smra bar bya'o/ / nyan thos dang rang sangs rgyas kyi theg pa pa'i 'khor rnam pa 'di lta bu'i smra ba dang bcas pa'i mdun du yang dag par spyod pa'i tshul nam mkha'i mdog gis 'dul ba'i bzod pa zab mo

  25. 13b

    'di mi smra bar bya'o/ / de nas byang chub sems dpa' 'khor mang po de thams cad dang ldan pas mgrin gcig tu legs so zhes bya ba byas so// bcom ldan 'das kyis kyang byang chub sems dpa' lag na mar me la legs so zhes bya ba'i tshig gis spro ba yang dag par bskyed do/ / legs so legs so shes rab che// rnam par shes pas mchog gcod pa// mtshan nyid thabs dang chos rnams kyi/ / dus ni khyod kyis rab tu shes// 'khor rnams shes pa ci 'dra ba// de 'dra'i tshul du ston par byed// nyan thos rang rgyal theg pa la// chos 'di brjod par mi byed do// nam mkha' mtshungs shing mnyam pa yi/ / byang chub sems dpa'i mdun dag tu// chos 'di rab tu bstan pas na// tshul 'di rab tu shes par 'gyur// nam mkha' ji ltar mtho byed la// dma' ba med cing gzugs med pa/ shes rab pha rol phyin spyod pa'i// byang chub sems dpa'i mtshan nyid med// bskal pa grangs med pa dag gi/ 'das pa'i rgyal ba'i spyan sngar ni// smra ba med pa'i 'khor rnams la// khyod kyi chos 'di thos pa dang // ji ltar rgyal ba des bstan pa'i// grags pa chen po'i bzod pa 'di// brtson 'grus brtan pa'i sems can la// 'jigs med pa 'di rab tu bstan// byang chub sems dpa' rab dag cing / / yon tan rgya mtsho mtha' med pa// skal pa ldan pa'i mdun du ni// chos 'di yang ni bar tu bstan// nyan thos theg pa mngon brtson dang // rang rgyal dag gis mngon

  26. 14a

    dga' la/ / chos 'di rab tu bstan pas na// de nyid 'tshang rgyar mi 'gyur ro// mi shes pas ni spong ba dang // mos pa med par skyes pas na// bsod nams mang po 'byung med cing / ngan 'gror yang ni myur du 'gro// ting 'dzin bzod pa'i gzungs kyis ni// gal te de lus dbyangs byas te// byang chub lam la brtson bya'i phyir// la la thabs dang bral ba la// 'khor dang / gang zag rnams kyis kyang // sems kyis rtog par mi byed do// 'chal pa'i shes rab snod min la// stong pa'i zhi ba smra bar byed// de yang myur du spangs pas na// mun pa'i phung pos bsgribs pa dag/ gzhan dag gi ni gnas bcu la// myur du yang ni 'gro bar 'gyur// dmyal ba yi dgas byol song du// lha ma yin dang lus srul po// gnod sbyin srin po gtum po yang // yang dang yang ni 'dir skye'o/ / mi gyur dka' byed thob pa dag/ gal te ji ltar thob na yang // smad pa'i gdol pa rnams dang ni// 'on pa long ba zhar ba dang // rtag tu nad dang nyam chung ba// skur pa 'debs shing mchod pa med/ / zas dang skom dang bral ba ste// mkhas pa rnams kyis smad par 'gyur// pha dang ma la bskur sti med// nyes par byas pa rtag tu spyod// sems can rnams la snying rje med/ / ngan 'gror yang ni 'gro bar 'gyur// 'dir ni rab tu song ba yi// dge slong drug cu tsam 'di dag/ yid kyis rtog pa zhe sdang ba// ngan 'gror yang ni myur du 'gro// lus dbang byas

  27. 14b

    pa'i sems can 'di/ / gang gis bzod pa 'di bstan cing // thabs la mngon sum ma yin pa// des ni dge slong de song ngo // ye shes thabs dang ldan pa dang // pha rol sems la lta ba yin// 'jig rten la ni sgron 'dzin pa// sems can kun la phan par smra// thams cad don gyi rjes shes pa// thog mar yang ni 'khor ltos la// ci 'drar 'gyur ba'i 'khor rnams la// de 'drar bar ni chos kyang shod/ de nas yang byang chub sems dpa' lag na rin po ches 'di skad ces smras so// rigs kyi bu ji lta bur nyan thos kyis/ bcom ldan 'das kyi seng ge'i khri ba shams nyan thos 'dul ba'i phyir smra bar 'gyur ro zhes bdag gis yongs su shes so/ / rigs kyi bu yang 'dis sngon ma thos pa yang dag par spyod pa'i tshul nam mkha'i mdog gis 'dul ba'i bzod pa bstan pa na/ yang bcom ldan 'das kyis ji lta bur bdag la thugs brtse ba'i slad du/ yang dag par spyod pa'i tshul nam mkha'i mdog gis 'dul ba'i bzod pa yon tan gyis dmigs pa sbyor ba rgyachen pos bshad par bdag kyang bcom ldan 'das la gsol ba gdab cing / bdag dang sems can gzhan la yang thugs brtse ba'i slad du rjes su gzung bar 'gyur snyam mo// nas byang chub sems dpa' lag na mar mes byang chub sems dpa' lag na rin po che la 'di skad ces smras so// rigs kyi bu gang gi dus la bab par shes/ de nas byang chub sems dpa'

  28. 15a

    lag na mar me stan las langs te/ bla gos phrag pa gcig tu byas te/ bcom ldan 'das gang na ba de logs su thal mo sbyar te phyag byas nas/ bcom ldan 'das la tshigs su bcad pa 'di dag gis mngon par bstod do/ / thub pa tshangs pa rab tu dga' mdzad pa// ye shes nyams pa'i 'gro la sgron ma 'dzin// grol dang rig la khyod ni dang bar mdzad/ / rdul dang bral ba'i chos kyi sgo 'di ston// rgyal ba nyi ma 'gro la mar me mdzad// sems can du ma la ni snang mdzad pa// lam rnams rab stor lam ni khyod ston pa// mchog gi chos kyi sgo 'di bstan par mdzod/ / nam mkha'i rang bzhin yongs su dag pa'i thugs// thugs dam mi g.yo ji ltar ri brtan bzhin// thub pa 'jig rten zla ba'i 'od 'dra ba// tshul mdog bzod pa'i dge ba 'di yang ston/ / snying rje gnas shing 'gro la bzod mdzad pa// khyod kyi cho ga shes pa ni mchog tu che// rga shi nad gsum rab tu zhi mdzad pa// bzod pa mchog gi yon tan 'di yang ston/ thub pa seng ge mu stegs 'jig par mdzad// 'gro ba dga' mdzad ka la bing+ga'i skad// mu stegs can gyi 'khor mangs rnam 'jig pa// mar me'i bzod pa 'di yang bstan par mdzod// sa dang mnyam pa bzod pa mchog gi thugs/ / bde dang sdug bsngal reg la khro mi mdzad// mthon po ma yin da ltar mthong min pa// yongs smin gzigs te bzod pa 'di yang gsungs// ye shes mchog

  29. 15b

    gis nga yi nga rgyal gyi/ / rlung langs lta bu'i nyon mongs dgra yang gtor// des ni bzod pa'i dam pa 'di thob pa// lam gyi mi yis srid pa'i chu yang bskams// khyod kyis lta ba lcug ma sred tu tshig/ klu lta bur ni chos kyi char gtong ba// des ni 'khor 'di dga' bar gyur pa ste// yongs su smin pa gzigs shing bzod 'di gsungs// sems can rnams la rnam grol yon tan skyed// bzod pa mchog gi yon tan 'di ston cing / / bdag gi bsam pa dri ma med bzod 'gyur// de thob pa yi yon tan 'di mtha' yas// spyod yul nam mkha'i mdog gis 'dul ba yi// thub pas 'das pa'i bzod pa 'di gsungs dang / / da ltar gyi'ang bzod pa 'di gsungs pa// thugs rjer dgongs khyod bzod pa 'di yang gsungs// bcom ldan 'das kyis byang chub sems dpa' rin chen lag nacang mi gsung bas zhal gyis bzhes so/ / de nas bcom ldan 'das 'di snyam du dgongs te/ sngon gyi de bzhin gshegs pa dgra bcom pa yang dag par rdzogs pa'i sangs rgyas de gang na yang dag par spyod pa'i tshul nam mkha'i mdog gis 'dul ba'i bzod pa bstan par nga yang dgongs so snyam/ lha bran gyis gsol pa/ spos kyi ngang ldan pa'i ri la sngon yang dag par rdzogs pa'i sangs rgyas kyis/ bzod pa 'di bstan nas ji lta bu spos kyi ngad ldan pa'i ri la sngon gyi yang dag par rdzogs pa'i sangs rgyas kyis/ yang dag par spong pa'i tshul nam mkha'i mdog gis

  30. 16a

    'dul ba'i bzod pa 'di bshad par 'gyur ro zhes/ bcom ldan 'das bdag nyid ye shes bstan pa la 'jug go// de nas yang bcom ldan 'das skar mda'i bdag po zhes bya ba'i ting nge 'dzin la snyoms par zhugs nas/ ting nge 'dzin des bcom ldan 'das drang srong gi brtul zhugs dang / spyod lam dang / mtshan ma dang / dbyibs kun tu snang ste/ drang srong de yang rgan po dang / rgas pa dang / 'khogs pa dang / skra ril pa'i ral pa 'chang ba dang / ag tsom ring po dang / dbyug pa dang / ril ba dang / gtsang ma 'dzin me'i sbyin sreg chen po 'bar ba byed do/ / de las kyang 'od kyi phung po kha dog sna tshogs dang / kha dog mtha' yas pa dang / kha dog brgya stong du ma dang / kha dog rgya chen po shin tu yongs su dag pa dri ma med pa'i 'od 'byung ngo / / de'i 'od snang bas phyogs bcu'i stong pa dang / rnyog pa lnga'i sangs rgyas kyi zhing mtha' yas mu med pa'i skar ma dang / rin po che dang / glog dang / 'od dang / lha dang klu dang gnod sbyin dang / lha ma yin gyi 'od kyang mi mngon mi snang ngo // sems can dmyal ba dang / byol song dang / yi dgas kyi lta ba yang mi mngon mi snang ngo // de'i tshe drang srong thub pa ma gtogs par sems can rnams kyi sgra dang / brjod pa dang / dbyangs dang tshig dang / yi ge dang / chung ngu nas dang / chu dang me dang / rlung gi sgra yang mi grag go// de'i tshe na phyogs bcu'i sangs rgyas kyi zhing

  31. 16b

    mtha' yas mu med pa na/ sems can gang la la theg pa chen po la yang dag par zhugs pa de dag thams cad dang drang srong gi brtul zhugs dang / lus dang mtshan ma dang / dbyibs kun tu snang ngo // yang theg pa chen po la yang dag par zhugs pa'i drang srong ma gtogs par/ nyan thos sam/ nyan thos dang / rang rgyal ba'i theg pa pa'i drang srong ni kun tu mi snang ngo // yang theg pa chen po la yang dag par zhugs pa'i drang srong des/ nyan thos dang / rang sangs rgyas mi mthong zhing / nyan thos dang rang sangs rgyas kyi theg pa pa yang mi mthong ngo // de'i tshe na gang yang nyan thos 'khor der 'dug pa des de bzhin gshegs pa mi mthong zhing de byang chub sems dpa' yang yang dag par mi mthong ngo / / gang yang 'dir 'dug 'dug pa 'dus par gyur pa gzhan du na cung zad gzugs snang ba'ang yang dag par rjes su mi mthong snang ba rgya chen pos ni 'jig rten thams cad khyab par yang dag par rjes mi mthong ngo / / de nas nyan thos chen po des kun shes ko'u 'di n+ya la smras pa/ gnas brtan ko'u 'di n+ya bcom ldan 'das gang na/ ko'u di rgyas smras pa/ bcom ldan 'das da ltar gang na ba zhes bya ba ni mi shes so// mi mthong ngo // de nas nyan thos chen po des 'od srungs chen po la smras pa/ sbyangs pa smra ba'i nang na/ bcom ldan 'das kyis khyod mchog tu bstan na/ bcom ldan 'das da ltar gang na bsoms shig/ 'od srungs chen pos smras pa/ bcom ldan 'das da ltar gang na zhes bya ba

  32. 17a

    mi shes so/ / mi mthong ngo // de nas nyan thos chen po des/ tshe dang ldan pa shA ra dwa ti'i bu la smras pa/ gnas brtan shA ri'i bu shes rab dang ldan pa'i nang na bcom ldan 'das kyis khyod mchog tu bstan na/ bcom ldan 'das gang na ba soms shig/ shA ri'i bus smras pa/ tshe dang ldan pa sangs rgyas kyi zhing mtha' med pas/ bcom ldan 'das da ltar gang na zhes bya ba mi shes so/ / mi mthong ngo // de nas nyan thos chen po des/ mo'u 'gal ya na la smras pa/ tshe dang ldan pa mo'u 'gal ya na rdzu 'phrul dang ldan pa'i nang na bcom ldan 'das kyis khyod kyang mchog tu bstan na/ bcom ldan 'das da ltar gang na ba soms shig/ mo'u 'gal ya nas smras pa/ gang gi tshe tshe dang ldan pa 'od srungs chen pos smras pa/ de nyid na bdag gis stong gsum gyi stong chen po'i 'jig rten gyi khams ni rdzu 'phrul gyi stobs kyis rjes su shes kyi/ bcom ldan 'das da ltar gang na bzhugs pa gang du bzhud ces bya ba ni mi mthong ngo // mi shes so// de nas nyan thos chen po des tshe dang ldan pa ma 'gags pa la smras pa/ lha'i mig gi nang na bcom ldan 'das kyis khyod kyang mchog tu bstan na/ bcom ldan 'das da ltar gang du bzhud/ gang na gnas/ spyod pa ni ci 'dra ci 'dra bar spyod/ khyod kyi lha'i mig gis ltos// ma 'gags pas smras pa/ kho bos 'phags pa'i shes rab kyi mig gis mtha' yas mu med pa'i sangs rgyas kyi zhing rnam

  33. 17b

    par bltas na/ bcom ldan 'das da ltar gang na bzhugs/ gang du bzhud ces bya ba bdag kyang mi shes so// mi mthong ngo // des smras pa/ yang tha dad par yang dag par shes pa thob pa'i nyan thos kyi ye shes gang la'ang mi 'jug gi/ bzod pa thob pa'i byang chub sems dpa'i ye shes de la ni 'jug go// bdag gis bcom ldan 'das da ltar gang du bzhud/ gang na bzhugs zhes byang chub sems dpa' la dri snyam pa dang / de nas nyan thos chen po des/ byang chub sems dpa' gcig kyang yang dag par rjes su ma mthong ngo // tshe dang ldan pa shA ri'i bus smras pa/ tshe dang ldan pa 'di la rigs kyi bu gzhan zhig gis/ phung po bshad par byas pa de na/ dge slong drug cu tsam po stan las langs te dong bas/ tshe dang ldan pa bcom ldan 'das thugs mi dgyes nas btang snyoms shing 'phags pa sangs rgyas kyi spyod pas rig kyi bu dang thabs gcig tu spyod do/ / bdag cag ni rang rang gi spyil por zhugs shing / bsam gtan bya snyam ste/ de nas nyan thos chen po de dag rang rang gi spyil por zhugs nas bsam gtan byed do/ / de nas de'i tshe de'i dus na/ phyogs bcu'i sangs rgyas kyi zhing tshad med grangs med pa na/ theg pa chen po la yang dag par zhugs pa'i sems can de/ bdag drang srong gi cha byad du mthong nas de 'di snyam du sems te/ gal te bdag cag drang srong du gyur pa na/ gang drang srong las shin tu khyad par 'phags pa ste/ bdag cag gi mkhan por gzung

  34. 18a

    ngo zhes/ bdag cag rnam par blta bar bya'o// snyam pa de dag thams cad rnyog pa sel ba zhes bya ba byed pa can gyi grong rdal na/ drang srong chen po shAkya thub pa rgas pa 'khogs pa gtugs pa'i rnams pas/ me tog dang / 'bras bu dang / sman dang / zas dang / skom rnam pa sna tshogs kyis me la gtor ba thag mi ring bar mthong nas de 'di snyam du sems te/ drang srong chen po 'di nus pa chen po mthu chen po 'di'i mthus snang ba chen po 'byung ngo / / drang srong 'di gang na ba de logs su nye bar 'gro zhing / drang srong gi brtul zhugs dang / spyod pa'i rjes su bslab par bya'o/ snyam mo// // bam po gnyis pa/ de nas de'i tshe de'i dus na/ byang chub sems dpa' drang srong bye ba khrag khrig brgya stong bcom ldan 'das kyi thad du/ nye bar dong ngo // de nas byang chub sems dpa' drang srong ting nge 'dzin dang / bzod pa dang / bzung dbang du byas pa de sems rtse gcig pa'i stobs kyis/ bcom ldan 'das la mchod pa'i las kyi phyir/ brtson pa de nyid kyi tshe mi mjed kyi 'jig rten gyi khams 'dir gang lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa la la theg pa chen po la yang dag par zhugs pa de thams cad drang srong gi cha byad kyis/ drang srong shAkya thub pa'i thang du der nye bar dong ngo // 'khor thams cad dang ldan

  35. 18b

    pa de/ bcom ldan 'das ji lta bur spos kyi ngad ldang ba'i ri la bzhud nas/ de na yang dag par spyod pa'i tshul nam mkha'i mdog gis 'dul ba'i bzod pa 'di ston pa'i phyir/ chos can dang chos kyi 'khor lo gnyis la yang 'jug par bzhed pa'i bcom ldan 'das kyi thugs sems kyis shes so/ / bdag cag ni bcom ldan 'das kyi don gyi phyir/ lam brgyan pa sbyang bar bya zhing / lam nges drang srong gi mchog spos kyi ngad ldang ba'i ri la nye bar 'gro bar bya'o snyam ste/ de nas klu'i rgyal po dga' bo dang / bsnyen dga' bo dang / rgya mtsho dang / nor na dog dang / 'jog po dang / yid 'ong la sogs pa/ klu'i rgyal po bye ba phrag cu drug cu tsam lhan cig tu drang srong gi cha byad kyis/ lha rdzas kyi rin po che gser dang / dngul dang / bai DUR+Ya dang / shel dang / byi ru dang / a sma gar pa dang mu sa ra gal pa la sogs pa rin po che sna bdun gyi shing ta la'i 'phreng ba gser gyi shing la dngul gyi lo ma dang me tog dang / 'bras bu dang / dngul gyi shing la gser gyi lo ma dang / me tog dang / 'bras bu nas/ mu sa ra gal ba'i shing gi bar du rin po che sna bdun gyi lo ma dang / me tog dang / 'bras bu'i 'phreng ba'i rgyan gyis lam de brgyan par sprul to// shing ta la'i 'phreng ba de la lha rdzas kyi gos stong phrag bye ba rnam pa du ma rnam pa sna tshogs mngon par rab tu 'phyang ngo / / lha de dag kyang drang srong gi cha byad kyis dka' thub kyi gnas nas/ spos kyi ngang ldang ba'i bar du lam gyi zheng dpag

  36. 19a

    tshang bcu pa sbyangs so/ / lam gyi mu gnyis su lha rdzas kyi gseb nas mu sa ra gal ba'i bar du rin po che sna bdun gyi stegs bur sprul to// gser gyi shing ta la dngul gyi snying po 'phyang ba nas/ mu sa ra gal ba'i bar du smra bar bya'o// 'og logs su bai DUR+Ya bzang po nas gong logs kyi gnas su shel gyi bar du/ rgya chen pos smra bar bya'o// sprin gyi lha'i bu drang srong gi cha byad kyis/ lam gyi mu gnyis su rdzing rnyog pa med pa rin po che sna bdun gyi them skas can gyi rdzing de dag la gser gyi bye ma gdal ba/ rdzing de dag la yang lha rdzas kyi me tog ut+pa la dang / pad+ma dang / ku mu da dang / puN+Da ri ka dang / a ti mu ta ka dang / tsam pa ka dang / a sho ka dang / mu tsu kun da dang / man dzu sha ka dang / pa da li dang / pa ri sha ka 'gan da nub ska ri dang / su ma ra dang / a mra dang / 'dzam bu dang / mrin la dang / mchog tu dri zhim pa rnam pa sna tshogs su mngon par sprul to// sa bla rnam gyi gnod sbyin drang srong gi cha byad kyis lam sbyor bar byed do// gzhan 'phrul dbang byed kyi lha'i bu yang drang srong go cha byad kyi lam gyi mu gnyis la lha rdzas kyi rin po che sna bdun gyi rgyal mtshan mchog 'dzin to/ / rgyal mtshan gyi mchog de dag la lha rdzas kyi gos dang / du sha dang / rgyan rab tu 'phyang ngo // 'phrul dga'i lha'i bu yang drang srong gi cha byad kyis lha rdzas rin po che sna bdun gyi khang bu brtsegs ma mngon par sprul to/ / khang bu brtsegs ma de dag gi phyogs bzhi kun tu rin po che sna bdun bgyis so// khang bu brtsegs ma de la yang

  37. 19b

    lha rdzas kyi du sha sna tshogs byung ngo / / gos sna tshogs dang / rgyan sna tshogs mngon par rab tu 'phyang ngo // me tog sna tshogs kyis kun tu gtor to// khang bu brtsegs ma de la lha rdzas kyi rol mo rgya chen po yid du 'ong ba sna tshogs byung ngo / / sangs rgyas kyi byin gyis brlabs kyi rol mo dkrol ba dang / glu'i sgra bsgrags pa des/ stong gsum gyi stong chen po'i 'jig rten gyi khams 'di thams cad sgras khyab par gyur to// klu'i bu mo brgya stong phrag drug cu rtsa brgyad lam mdzes pas/ bcom ldan 'das la mchod pa'i las kyi phyir/ drang srong gi rgyan thams cad kyis brgyan nas/ rin po che sna tshogs kyi char phab bo// dga' ldan lha'i bu brgya stong du ma yang drang srong gi cha byad kyis 'di lta ste/ lha rdzas kyi me tog man+da ra ba dang / man+da ra ba chen po dang / tsam pa ka dang / pa ri ya ta dang / 'dzo sha dang / 'dzo sha ka chen po dang / ro tsa dang / ro tsa ka chen po dang / bal la dang / bal la chen po dang / tsakra dang / tsakra chen po'i 'od dri ma med pa/ 'dab ma brgya pa/ 'dab ma stong pa/ 'dab ma brgya stong pa/ kun nas 'od/ kun nas dri kun nas rnam par rgyu ba'i dri rtag tu me tog 'od snang ba/ kha dog mtha' med pa/ bltar 'os pa/ mig gis mngon par dga' ba/ rnam pa sna tshogs kyis bcom ldan 'das kyi don dang / bcom ldan 'das kyis mchod pa'i las kyi phyir lam de mdzes par byas so/ / char pa'i sprin gyi lha'i bu brgya stong du ma dag kyang drang srong gi cha byad kyis chu las skyes pa dang / thang las skyes pa'i me tog gi char rab tu phab bo// klu'i dbang po brgya stong du ma yang drang srong gi cha byad kyis

  38. 20a

    yang dag par gnas shing 'di lta ste/ mu tig sngon po'i char dang / go shir sha'i snying po'i char la sogs te/ char sna tshogs rab tu phab bo// gang la la stong gsum gyi stong chen po'i 'jig rten gyi khams 'dir sngon byang chub tu sems bskyed pa'i lha 'am/ lha'i dbang po 'am/ klu 'am/ klu'i dbang po nas/ gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po dang / yi dgas dang / sha za dang / grul bum dang / grul bum gyi dbang po dang / brgya byin dang / tshangs pa dang / 'jig rten skyong ba'i bar du de thams cad drang srong gi cha byad kyis me tog sna tshogs dang / 'phreng ba sna tshogs dang / dri sna tshogs dang / byug pa sna tshogs dang / rol mo dkrol ba sna tshogs dang / brdung ba dang / glu sna tshogs yongs su bzung nas/ bcom ldan 'das spyan mi 'dzum pa'i zhal la rnam par blta ba'i phyir 'khod do/ / gang la la stong gsum gyi stong chen po'i 'jig rten gyi khams 'dir lha'i bu mo 'am/ gnod sbyin gyi bu mo 'am/ nam mkha' lding gi bu mo 'am/ lha ma yin gyi bu mo 'am/ mi 'am ci'i bu mo 'am/ lto 'phye chen po'i bu mo de thams cad drang srong gi cha byad kyis bcom ldan 'das la mchod pa'i las kyi phyir/ rol mo brdung ba dang / dkrol ba dang / glu yongs su bzung ste/ dmar po dang / dkar po dang le brgan dang / shel gyi kha dog gi gos kyi char khad kyis rab tu phab bo// mi 'am ci'i bu mo brgya stong du ma yang drang srong gi cha byad kyis bcom ldan 'dal mchod pa sna tshogs kyi las kyis phyir brtson no//

  39. 20b

    tshangs pa'i dbang po sngon byang chub tu sems bskyed pa bye ba khrag khrig brgya stong du ma yang drang srong gi cha byad kyis bcom ldan 'das la bstod cing spyan sngar 'khod do// brgya byin gyi dbang po brgya stong du ma yang drang srong gi cha byad kyis phyag 'tshal bar byed cing / mi 'am ci'i dbang po brgya stong du ma yang drang srong gi cha byad kyis bstod cing phyag 'tshal lo// dri za'i dbang po brgya stong du ma yang drang srong gi cha byad kyis rab tu gsal ba'i sems kyis zhal la rnam par blta'o/ / klu'i dbang po brgya stong du ma yang drang srong gi cha byad kyis dus dang mthun pa'i tsan dan gyi phye ma'i char chen po rab tu 'bebs so// lha ma yin gyi dbang po brgya stong du ma yang drang srong gi cha byad kyis phyogs bzhir rlung mchog tu 'jam pas kun tu reg pa mchog tu dri zhim pa/ mchog tu 'jam pa gtong ngo // gnod sbyin gyi dbang po brgya stong du ma yang drang srong gi cha byad kyis me tog gi gdugs 'dzin to/ / gnod sbyin gyi dbang po brgya stong du ma drang srong rgan por gyur nas/ gser gyi dbyug pa'i gdugs 'dzin cing / bcom ldan 'das kyi g.yas logs su 'khod do// bcom ldan 'das la de bzhin du blta'o// grul bum brgya stong du ma yang drang srong rgan por cha byad kyis/ gser gyi dbyugs pa'i gdugs 'chang zhing / bcom ldan 'das kyi g.yon logs su 'khod de/ bcom ldan 'das la de bzhin du blta'o/ / nam mkha' lding gi dbang po brgya stong du ma yang drang srong gi cha byad kyis/ nam mkha'i dkyil du gser gyi 'phreng ba 'phyang bar gyur to// lha'i bu mo brgya stong du ma yang

  40. 21a

    drang srong gi cha byad kyis/ me tog gi chu bo'i char chen po mngon par rab tu 'bebs so// klu'i bu mo brgya stong du ma yang drang srong gi cha byad kyis/ mu tig dmar po'i char mngon par rab tu 'bebs so/ / dri za'i bu mo brgya stong du ma yang drang srong gi cha byad kyis/ mu tig dkar po'i char mngon par rab tu 'bebs so// gnod sbyin gyi bu mo brgya stong du ma yang drang srong gi cha byad kyis tsan dan gyi phye ma'i char mngon par rab tu 'bebs so/ / lha ma yin gyi bu mo brgya stong du ma yang drang srong gi cha byad kyis rgyan gyi char mngon par rab tu 'bebs so// nam mkha' lding gi bu mo brgya stong du ma yang drang srong gi cha byad kyis 'dzam bu chu klung gi gser gyi char mngon par rab tu 'bebs so/ / lte 'phye chen po'i bu mo brgya stong du ma yang drang srong gi cha byad kyis/ nam mkha'i dkyil rgyan par byed do/ / sa'i gnod sbyin brgya stong du ma yang drang srong gi cha byad kyis dbyangs gtong bar byed do// bar snang gi gnod sbyin brgya stong du ma yang drang srong gi cha byad kyis na mkha' la 'byin to// bdud brgya stong du ma yang drang srong gi cha byad kyis/ lhung lhung ldegs kyi sgra 'byin pa la 'jug go// drang srong lha brgya stong phrag brgyad cu rtsa bzhi rang bzhin gyis brtan pa'i brtul zhugs yang dag par spyod ba dang / drang srong stong phrag brgyad cu rtsa bzhi rang bzhin gyis brtan pa'i brtul zhugs yang dag par spyod pa dag lha rdzas kyi me tog man+da ra ba chen po blangs te/ bcom ldan 'das kyi don gyi phyir

  41. 21b

    rnyog pa sel ba nas spos kyi ngad ldang ba'i ri'i bar du mtshams sbyor ba rab tu byin no/ / de nas bcom ldan 'das bzhud pa'i zhabs kyis/ me tog gi snying po kun tu gnon par 'gyur ro// lha'i bu nyi ma dang zla ba brgya stong phrag du ma yang drang srong gi cha byad kyis/ me tog gi chu bo'i cher mngon par rab tu 'bebs so// dri za bye ba khrag khrig brgya stong du ma yang drang srong gi cha byad kyis rol mo dkrol bas/ zang srong thub pa'i sku la 'od gzer bye ba brgya stong 'byung ngo // de nas lha'i bu yon tan can zhes bya ba spos kyi ngad ldang ba'i ri la gnas pa/ lha bran brgya stong phrag brgyad cu rtsa bzhi dang lhan cig du drang srong gi cha byad kyis/ bcom ldan 'das gang na bde logs su thal mo sbyar te/ phyag 'tshal nas/ bcom ldan 'das la mgrin gcig tu tshigs su bcad pa 'di dag gis mngon par bstod do/ / sems can mi bsrun grol byed rkang gnyis mchog/ mnyes dka' rgyal ba gzugs ngan 'dren mdzad cing // sdug bsngal gzir la bde ba'i mchog sbyin pa// rgyal ba rkang gnyis dam pa 'dir gshegs gsol// sred pa rab spangs rnam thar gsum ston cing // 'gro la dus gsum nang na ye shes kyis// bslab pa gsum ston dri ma gsum spangs pa/ khams gsum las 'das thub pa 'dir gshegs gsol// 'gro la phyin ci log bzhi rnam pa grol// 'khor bzhi dag gis zhabs la snyen bkur cing // 'gro la 'phags pa'i bden bzhi rab ston/

  42. 22a

    pa/ zla ba pas kyang lhag pa 'dir gshegs gsol// thub pa phung po lnga 'dir ba ston pa// 'dod pa lnga las skye bo rnams grol zhing // 'phags pa'i shes rab yan lag lnga ston pa/ / 'gro ba lnga yi btson ra rnam par dkrol// dbang po drug tu gnas bskyon med cing // sred lus drug la shin tu rnam grol shes// sum cu rtsa drug dran ston sems can mchog spos kyi ngad ldang ri 'dir gshegs su gsol/ / rgyal ba mnyam gzhag rab tu dul ba'i thugs// shin tu bsgoms pa byang chub dam pa mchog/ ye shes sems can bye ba rab dul mdzad// kha lo rab sgyur spos ngad ri 'dir spron// rgyal ba ye shes sems can rab ston pa// ye shes kyis ni 'jig rten snang mdzad nas// khyod ni mun pas bsgribs la ye shes ston// thub pa dgon pa'i gnas 'dir gshegs su gsol/ / 'dzam bu gling 'dir sangs rgyas byung ba dag/ 'di la sngon gyur la la thar 'dod cing // mi yi dbang po byang chub 'dir thob pa// mi yi 'dren mkhan// khyod ni 'dir gshegs gsol// sbyin dang 'dul ba stong zhing dul ba'i thugs// sems can nang na gtso bo stobs bcu'i mchog/ sems can dbul la gnyen pa 'phags pa khyod// spos kyi ngad ldang ri 'dir gshegs su gsol/ / bar 'ga' khyod kyis lo drug dka' mdzad cing // bar 'ga' rgyal ba bdud phyir shing la bzhugs// dpa' bo tshul gcig tu ni lam ston pa// thub

  43. 22b

    pa 'dir gshegs bzod pa rab tu ston/ / wa ra NA sir 'khor longam pa bskor// shes rab dam bdag gi mdzod cig gsungs// 'jig rten thams cad 'di la khur bor ba/ spos kyi ngang ljang ri 'dir bzod pa gsungs/ / de nas bcom ldan 'das la lha du mas mdun du bdar cing / byang chub sems dpa' du mas bskor nas/ gdan las bzhengs pa dang de nyid kyi tshe na/ stong gsum gyi stong chen po'i 'jig rten gyi khams lan drug tu rab tu g.yos so// stong gsum gyi stong chen po'i 'jig rten gyi khams 'dir gang sems can nyan thos sam nyan thos kyi theg pa pa 'am/ rang sangs rgyas sam/ rang sangs rgyas kyi theg pa pa'am/ gang yang sems can gzhan thams cad gang nam mkha' la rgyu ba 'am/ gangs la rgyu ba 'am gang chu la rgyu ba de thams cad dran pa rgya chen po so sor thob bo/ / stong gsum gyi stong chen po'i 'jig rten gyi kham 'di lag mthil du skyes pa snang ba rgya chen pos khyab par mthong ngo // mig gis gzugs la ni cung zad kyang snang bar mi 'gyur ro/ / gang yang sems can dka' thub ngan pa'i rnal 'byor dang ldan pa de yang ngo mtshar chen po thob bo// 'di lta ste// me'i brtul zhugs can dang / zla ba'i brtul zhugs can dang / nyi ma'i brtul zhugs can dang / 'jig rten gsum gyi brtul zhugs can dang / de la sogs pa'i sems can gang la la lta ba nyam nga ba rnam pa sna tshogs thob pa/ log pa la lta ba can/

  44. 23a

    de thams cad dka' thub ngan pa spangs nas/ phyogs dang phyogs mtshams su bltas so// ci'i rgyu ci'i rkyen gyis na rnam pa de bu'i sa g.yo ba 'di dang / snang ba chen po 'di 'jig rten du byung bar 'gyur/ de nas bcom ldan 'das drang srong chen po'i spyan snga na/ gang me'i phung po chen po 'dug pa de yungs kar gyi 'bru tsam du mngon par sprul te/ phyogs bcu'i sangs rgyas kyi zhing rnam par dag pa dang / rnam par ma dag pa tshad med grangs med pa rnams su gtor to// sangs rgyas kyi zhing 'dir gang sangs rgyas bcom ldan 'das dag bzhugs te 'tsho skyong ba'i sangs rgyas de dag gi spyan sngar mer snang ba de/ me tog man+da ra ba chen por kun tu gnas pa 'dug par gyur to// 'khor ji tsam pa 'dus pa dang / gang sngon byang chub tu sems bskyed pa de thams cad zang srong gi cha byad kyis/ sangs rgyas bcom ldan 'das de dag gi spyan sngar 'khod do// shar phyogs kyi sangs rgyas kyi zhing 'di nas/ sangs rgyas kyi zhing chu bo gang+gA gnyis kyi bye ma snyed las shin tu 'das te/ de na rgyal mtshan dang ldan pa zhes bya ba'i 'jig rten gyi khams der/ de bzhin gshegs pa dbang gi rgyal mtshan gyi dpal zhes bya ba bzhugs te 'tsho skyong ba chos kyang ston to// de na de bzhin gshegs ba dbang gi rgyal mtshan gyi 'khor de las byang chub sems dpa' sems dpa' chen po ye shes dpal zhes bya ba dang / byang chub sems dpa' sems dpa' chen po bza' shing gi ra ba'i dpal zhes bya

  45. 23b

    ba de drang srong gi gzugs dang / lus dang dbyibs kyis bdag mthong ngo // gzhan yang theg pa chen po la yang dag par zhugs pa'i rigs kyi bu thams cad drang srong gi gzugs dang lus dang / dbyibs kyis mthong ngo // mthong nas de bzhin gshegs pa dbang gi rgyal mtshan gying bal la yongs su zhus pa/ bcom ldan 'das ci'i rgyu ci'i rkyen gyis na/ gang me tog mer snang ba be dbyig pa 'di bcom ldan 'das kyi spyan sngar 'dug par gyur/ theg pa chen po 'di dag la yang dag par zhugs pa'i rigs kyi bu de thams cad zang srong gi cha byad 'dzin par grub/ de nas bcom ldan 'das de bzhin gshegs pa dbang gi rgyal mtshan gyi dpal gyis/ rigs kyi bu de dag la 'di skad ces bka' stsal to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba nub phyogs kyi mi mjed kyi 'jig rten gyi khams na 'dug cing / rnyog pa lnga'i 'jig rten du 'jug pa na/ dge slong dang / dge slong ma dang / dge bsnyen dang / dge bsnyen ma 'khor bzhi dag la theg pa gsum gyi chos ston par byed do// de bzhin gshegs pa de da ltar yang dag par spyod pa'i tshul nam mkha'i mdog gis 'dul ba'i bzod pa bstan par 'dod pas/ de bzhin gshegs pa sgron ma dang ldan pa zhes bya ba'i ting nge 'dzin la snyoms par zhugs nas/ de'i rdzu 'phrul rnam par sprul to// gsol pa/ bzod pa 'di'i thog

  46. 24a

    ma'am/ tha ma'am/ ji lta bu zhig/ bka' stsal pa/ bzod pa 'di ni mu stegs can thams cad la 'jug pa'o// de ltar mi mjed kyi sangs rgyas kyi zhing der/ sems can chu bo bzhis khyer ba rnams las sgrol bar byed pa'o// chu bo bzhi gang zhe na/ 'dod pa'i chu bo dang / lta ba'i chu bo dang / srid pa'i chu bo dang / ma rig pa'i chu bo 'di dag las sems can sgrol bar byed pa'o/ / dad pa mi phyed pa bzhi yang dag par len du 'jug pa/ 'jug par byed pa/ so sor dgod par byed pa'o// bzhi gang zhe na/ sangs rgyas la dad pa mi phyed pa/ sems can rnams yang dag par len du 'jug pa/ 'jug par byed pa/ so sor dgod par byed pa'o// bsdu ba'i dngos po rnam bzhi la sems can rnams sbyor byed pa'o// tshul khrims kyi phung pos sems can rnams 'dod pa'i chu bo las sgrol bar byed pa'o// ting nge 'dzin gyi phung pos sems can rnams lta ba'i chu bo las sgrol bar byed pa'o// shes rab kyi phung bos sems can rnams ma rig pa'i chu bo las sgrol bar byed pa'o/ / rnam par grol ba'i phung pos sems can rnams srid pa'i chu bo las sgrol bar byed pa'o// sangs rgyas la dad pa mi phyed pas sems can rnams theg pa chen pos sgrol bar byed pa'o/ / chos la dad pa mi phyed pas/ sems can rnams rang sangs rgyas kyi theg pas sgrol bar byed pa'o// dge ba'adun la dad pa mi phyed pas/

  47. 24b

    sems can rnams nyan thos kyi theg pas sgrol bar byed pa'o// 'phags pa yid du 'ong ba'i tshul khrims kyis lta bar song ba thams cad spong ba la ston par byed pa'o// sbyin pas sems can rnams/ tshe'i rgya mtsho las sgrol bar byed pa'o// ngag snyan pas lta ba'i rgya mtsho las sgrol bar byed pa'o// don bya bas sems can rnams nyon mongs pa'i rgya mtsho las sgrol bar byed pa'o// don mthun pas sems can rnams shes rab kyi pha rol tu sgrol bar byed pa'o/ / byang chub sems dpa' de dag gis gsol pa/ btsun pa bcom ldan 'das bdag cag la bka' stsal du gsol/ de bzhin gshegs pa shAkya thub pa de la blta ba dang / phyag 'tshal ba dang / bsnyen bkur ba'i phyir bdag cag nye bar mchi'o// de bzhin gshegs pa dbang gi rgyal mtshan gyi dpal des yang rigs kyi bu gang gi dus la dbab par shes na zhes bka' stsal pa dang / de nas rigs kyi bu ye shes dpal dang / bza shing gi ra ba'i dpal de gnyis dang / byang chub sems dpa' bye ba phrag drug tu ldan cig tu/ bcom ldan 'das de bzhin gshegs pa dbang gi rgyal mtshan gyi dpal de la/ zang srong gi cha byad kyis rkang pa gnyis la spyi bos phyag 'tshal nas/ g.yas phyogs nas bskor ba byas te 'khod do/ / skad cig ma gcig tsam gyis mi mjed kyi sangs rgyas kyi zhing du lhags nas/ bcom ldan 'das drang srong shAkya thub pa'i spyan sngar 'dug ste/ thal mo sbyar nas phyag 'tshal

  48. 25a

    'khod par gyur to/ / de la sogs pa byang chub sems dpa' tshad med grangs med pa rnams drang srong gi cha byad kyis/ shar phyogs kyi sangs rgyas kyi zhing rnam par dag pa dang rnam par ma dag pa tshad med grangs med pa 'dir skad cig ma gcig gis lhags so/ / de bzhin du lho phyogs kyi sangs rgyas kyi zhing 'di nas sangs rgyas kyi zhing chu bo gang+gA'i bye ma skyed las shin tu 'das te/ de na rirab kyi rgyal mtshan zhes bya ba'i 'jig rten gyi khams der de bzhin gshegs pa ri rab chen po zhes bya ba bzhugs te/ 'tsho skyong ba chos kyang ston to// sangs rgyas kyi zhing de na byang chub sems dpa' mngon par shes pa zhes bya ba dang / byang chub sems dpa' klog gi mchog ces bya ba dang / byang chub sems dpa' de gnyis drang srong gi cha byad dang / lus dang gzugs dang / dbye bra kyis bdag mthong ngo / / sngon ma byung ba'i thub pa chen po gzhan yang drang srong gi cha byad kyis mthong nas/ de bzhin gshegs pa ri rab chen po de la yongs su zhus pa de bzhin du ji lta bur gong du bshad pa nas/ de bzhin du nub phyogs kyi sangs rgyas kyi zhing 'di las shin tu 'das pa'i bar du ste/ de na 'dus pa zhes bya ba'i 'jig rten gyi khams der de bzhin gshegs pa dpal snang ba zhes bya ba bzhugs te/ 'tsho skyong ba chos kyang ston to// de na byang chub sems dpa' sems dpa' chen po don yod par mthong ba dang / ku mu da'i glang po zhes bya ba gnyis kyang ji ltar gong du bshad pa

  49. 25b

    gnas/ byang phyogs kyis ras rgyas kyi zhing 'di nas sangs rgyas kyi zhing chu bo gang+gA gsum gyi bye ma snyed las shin tu 'das pa'i bar du ste/ den rgyan gcig ces bya ba'i 'jig rten gyi khams der/ bzhin gshegs pargyan po che zhes bya ba bzhugs te/ 'tsho skyong ba chos kyang ston to// de na byang chub sems dpa' sems dpa' chen po rdul dang bral ba'i 'od dang / tshangs pa'i 'od ces bya ba gnyis kyang ji ltar gong du bshad pa nas/ 'og gi phyogs kyi sangs rgyas kyi zhing 'di nas/ sangs rgyas kyi zhing du chu bo gang+gA gcig gi bye ma snyed las shin tu 'das pa'i bar du ste/ de nas me tog chen po zhes bya ba'i 'jig rten gyi khams der/ de bzhin gshegs pa ye shes kyi rgyal mtshan chen po zhes bya ba bzhugs te/ 'tsho skyong ba chos kyang ston to// de na byang chub sems dpa' ye shes dpal zhes bya ba dang / byang chub sems dpa' dpal chen po zhes bya ba gnyis kyang ji ltar gong du bshad pa nas/ yang steng gi phyogs kyi sangs rgyas kyi zhing 'di nas/ sangs rgyas kyi zhing chu bo gang+gA bdun gyi bye ma snyed nas shin tu 'das pa'i bar du ste/ de na 'od snang ba zhes bya ba'i 'jig rten gyi khams de na/ de bzhin gshegs pa dgra bcom pa yang dag par rdzogs pa'i sangs rgyas kyi ma'i snying po zhes bya ba bzhugs te/ 'tsho skyong ba chos kyang ston to// de na byang chub sems dpa' chos kyi dbyangs dang / bdud rtsi dbyangs shes bya ba'i byang chub sems dpa' gnyis kyang ji

  50. 26a

    snyed gong du bshad pa bzhin no/ / de'i tshe byang chub sems dpa' drang srong gi cha byad 'dzin pas mi mjed kyi sangs rgyas kyi zhing thams cad dang ldan pa 'di kun tu rgyas nas de bzhin gshegs badrang srong chen po shAkya thub pa gang na ba de logs su thal mo sbyar te phyag 'tshal nas 'khod do/ / mi mjed kyi sangs rgyas kyi zhing 'dir sems can gang la la theg pa chen po la yang dag par ma zhugs pa ni/ drang srong gi cha byad kyis ma gyur pa'o// rgyan de dag la nyan thos sam/ nyan thos kyi theg pa pa'am/ rang sangs rgyas sam/ rang sangs rgyas kyi theg pa bas kyang mi mthong na/ sems can gzhan gyis mthong bar mi 'gyur ba lta ci smos/ de nas bcom ldan 'das drang srong chen po gdan de las bzhengs te thub pa dbang po'i 'gros dang / tshangs pa dbang po'i 'gros dang / tshangs pa drang srong gi 'gros dang / mnya' shing du blta ba'i 'gros dang / nye bar zhi ba'i 'gros dang / rab tu zhi ba'i 'gros dang dge slong rnams mos pa chen po'i 'gros dang / lha dga' ba'i 'gros dang / gnod sbyin dul ba'i 'gros dang / lha ma yin dga' bar byed pa'i 'gros dang / klu dul ba'i 'gros dang rgyal ba nyon mongs pa med pa'i 'gros dang / rnam par grol ba'i 'gros ci 'dra ba de 'dra ba'i 'gros su bzhud cing / sangs rgyas chen po rnam par 'phrul pa'i 'gros dang / rgya chen po'i

  51. 26b

    'gros dang / sangs rgyas kyi byin gyis brlabs chen po'i 'gros su bcom ldan 'das spros kyi ngad ldang ba'i ri la me tog gi ze ba la zhabs 'deg pa dang / 'dor bas bzhud nas spod kyi ngang ldang ba'i ril byon to/ / dka' thub kyi gnas gtsang ma dri tha dad pa med cing / dri ma med pa'i phyogs su 'gro sel gyi lha mo chen mo 'od 'dres pa zhes bya ba gang na bden/ bcom ldan 'das bzhugs te/ glang po'i rnam par lta ba'i tshul gyis rnam par bltas par gyur pa de'i dus na yang 'di brjod do// la la gang 'dir brtan dang ldan pa la// byang chub dam pa mchog tu sems skyed pa// bdag gis yang dag spyod pa bstan pa'i phyir/ / de dag thams cad bdag gi mdun du 'ong // byang chub sems dpa' nyon mongs spangs me gang // da dung du yang 'khor ba'i bde 'dod cing // chos la bdag med rab tu mi shes pa/ / bdag ni de dag thams cad 'ong na ston// kun tu sbyor ba spangs med gang dag kyang // sgyu ma'i phung ltar shin tu sngon mthong zhing // thabs la mkhas par yang ni mi shes pa/ / de dag thams cad 'ong na bdag ston to// brtson 'grus ldan pa bsod nams mdzod mang po// thabs la mkhas pas sems can rnams 'dul zhing // shes rab/ ngarom byin mchog tag spyong pa// bzod can mas phyir dag thams cad 'ong / gang gis sangs rgyas du ma sngon bsnyen bsung // 'dus byas thams cad 'di la rten pa med// chum

  52. 27a

    lta bur rab tu su ston pa/ / rang bzhin rnam par 'jug pa 'dir yang 'ong // gang rnams thabs dang yang dag spyod phyir zhugs// thams cad dngos la sems pa rten med cing / mtshan ma spangs la rtog par 'gyur med pa// dran par byed pa dag ni 'dir yang 'ong // bdag gis bzod pa mchog 'di rab bstan nas// ji ltar sdug bsngal kun la mi gnas pa// chos kyi 'khor lo la yang khyod myur 'jug/ srid mtsho las kyang sems can rab thar byed// phyogs bcur thub pa'i dbang po gang dag kyang // 'gro ba rnam la phan phyir 'khor lo bskor// da dung theg pa'i dam tshigs gang 'dod pa/ / bdag gi gan du byang chub sems dpa' mthong // lan gnyis su yang 'khor lo bdag bskor te// phyir mi ldog pa sems can bye bkod pa// rnam par grol ba'i blo mtshan rab thogs shing / / bdag bdag zhing rnams su yang 'gro bar 'gyur// sangs rgyas zhing 'dir 'ongs pa gang dag kyang // byang chub mchog gi spyod phyir bzod pa bstan// nyan thos rang rgyal theg pa can mthong ste/ / de bas mu stegs gzhan kun 'dir 'dul lo// sangs rgyas bcom ldan 'das kyi dbyangs kyi dkyil 'khor de yang de ltar bcom 'das kyi yi ge dang don dang / tshig brjod pa'i dbyangs kyi dkyil 'khor phyogs bcu'i sangs rgyas kyi zhing mtha' yas mu med par song ngo / / de na sems can gang la la theg pa chen po yang dag par zhugs bde thams cad nyan cing de phyogs

  53. 27b

    bcur yang lta bar 'gyur ro/ / bdag cag gis blta ba'i sems can de sems can gang gi dbyangs kyi dkyil 'khor de ltar yid du 'ong ba de ltar dga' ba/ de ltar mngon par dga' ba/ de ltar zab cing sems can gyi dbugs 'byin pa/ de ltar tshim pa de ltar 'khor ba'i pha rol tu 'gro ba/ don dang tshig dang yi ge brjod pa'i dbyangs kyi dkyil 'khor de bzhin du smra bar bya ba ji lta ba der/ phyogs bzhi kun tu bltas te/ sangs rgyas kyi mthus spos kyi ngad ldang ba'i ri la drang srong thub pa dbang po zhi zhing / thugs zhi ba dul ba dang / zhi ba'i mchog thob pa/ gser gyi phung po ji ltar 'bar ba la drang srong bye ba khrag khrig brgya stong mang pos mngon sum du phyag 'tshal te/ ha cang yang mi ring bar mthong ngo // mthong nas kyang de dag 'di snyam du sems te/ drang srong 'di ni mthu chen po zang srong gi 'khor chen po 'di ni snying rje chen po dang ldan par 'gyur ba zhig snyam ste/ gal te snying rje dang ldan par 'gyur ba zhig rjes su 'gro'o// drang srong gi cha byad dang / lus dang dbyibs kyis bdag gi lus su gyur pa de dag mthong nas/ de dag 'di snyam du sems te/ bdag cag kyang drang srong du gyur na/ drang srong chen po de la bsnyen bkur bya ba dang / phyag 'tshal ba'i phyir nye bar 'gro'o// de dag kyang sems bskyed ma thag pas phyogs bcu'i sangs rgyas kyi zhing tshad med grangs med pa las/ drang srong gi cha byad tshad med grangs med bsam gyis mi khyab mtshungs pa med cing

  54. 28a

    dpag tu med pa chu bo gang+gA'i bye ma snyed kyis/ byang chub sems dpa' sangs rgyas kyi zhing 'dir mngon par lhags so// byang chub sems dpa'i rnam par 'phrul pa'i tshogs sna/ tshogs kyis drang srong thub pa la mchod pa byas nas/ drang srong thub pa gang na bde logs su thal mo sbyar nas phyag 'tshal nas bstod de 'khod do// la la smon lam gyi dbang dang / la la ngan du spyod pa rkyen gyis gang yang ngan song du skyes pa de dag sangs rgyas kyi mthus drang ba so sor thob nas/ drang srong gi cha byad kyis kun tu 'khod do// drang srong chen po thub pa'i dbang po gang na ba de logs su yang thol mo sbyar te 'khod do/ / de nas byang chub sems dpa' blo gros kyis tshogs mtha' yas pa'i rgyal po sangs rgyas kyi mthus 'di snyam du sems te/ shAkya thub pa bzhugs shing ji lta bur 'khor yang dag par 'ong ba la yang dag par spyod pa'i tshul nam mkha'i mdog gis 'dul ba'i bzod pa 'di gang na ston par 'gyur/ de nas de nyid kyi tshe na/ shar phyogs kyi na mkha'i lam las khang pa brtsegs pa blta na sdug pa rin po che sna bdun gyis gang ba sna tshogs 'di lta ste dper na/ brgya byin lha'i dbang po zhes bya ba'i khang pa brtsegs pa lta bu/ bye ba khrag khrig brgya stong phrag drug cu lhags so/ / de nas byang chub sems dpa' blo gros kyi tshogs mtha' yas pa'i rgyal po khang pa brtsegs pa de mthong nas de 'di snyam du sems te/ bdag gis khang pa brtsegs pa 'di lta

  55. 28b

    ste dper na/ tshangs pa mi mjed kyi bdag po'i khang pa brtsegs pa dbyangs zhi ba 'di 'dra bar sprul te/ zang srong thub pa gang na bzhugs pa 'dir/ bdag bzod pa 'di bstan snyam pa dang / de nyid tshen lho phyogs kyi rnam kha'i lam las khang pa brtsegs pa blta na sdug pa rin po che sna bdun gyis gang ba sna tshogs 'di lta ste/ dper na tshangs pa mi mjed kyi bdag po'i khang pa brtsegs pa dbyangs zhi blta bu/ bye ba khrag khrig brgya stong phrag drug cu lhags pa mthong nas/ byang chub sems dpa' blo gros kyi tshogs mtha' yas pa'i rgyal po de 'di snyam du sems te/ bdag gis 'di lta ste dper na/ tshangs pa chen po glog gi 'od ces bya ba'i khang babartsegs bde 'dra bar mngon par sprul te/ bcom ldan 'das de na bzhugs shing chos ston to snyam pa dang de nas de nyid kyi tshe na nub phyogs kyi na mkha'i lam las khang pa brtsegs pa 'di lta/ ste dper na/ tshangs pa glog gi 'od ces bya ba'i khang pa brtsegs pa blta na sdug pa rin po che sna bdun gyis gang ba sna tshogs khrag khrig brgya stong phrag drug cu lhags so// de nas byang chub sems dpa' blo gros kyi tshogs mtha' yas pa'i rgyal po 'di snyam du sems te/ bdag gis khang pa brtsegs pa 'di lta ste/ dper na/ tshangs pa ri rab kyi 'od ces bya ba'i khang pa brtsegs pa de 'dra ba mngon par sprul te/ bcom ldan 'das de na bzhugs shing chos ston to snyam pa dang / de nas de nyid kyi tshe na/ byang phyogs nas na mkha'i lam las khang pa brtsegs pa blta na sdug pa/ rin po che sna bdun gyis

  56. 29a

    gang ba sna tshogs 'di lta ste dper na/ tshangs pa chen po ri rab kyi 'od ces bya ba'i khang pa brtsegs pa/ dor ba med pa dang ldan pa khrag khrig brgya stong phrag drug cu lhags so// de nas yang de'i tshe na khang pa brtsegs pa khrag khrig brgya stong du ma namakha' la 'khod do// de nas byang chub sems dpa' byams pa 'di snyam du sems te/ khang pa brtsegs pa de dag tu/ bcom ldan 'das kyi don gyi phyir seng ge'i khri la rnam par bltas te/ bcom ldan 'das kyi don gyis phyir seng ge'i khri bshams pa'i khang pa brtsegs pa gang zhig snyam ste/ de nas byang chub sems dpa' byams pas/ byang chub sems dpa' gzi brjid dri ma med pa la 'di skad ces smras so// rigs kyi bu khang pa brtsegs pa 'di dag gang du lhags/ su'i byin gyis brlabs/ byang chub sems dpa' gzi brjid dri ma med pas/ byang chub sems dpa' byams pa la smras pa/ rigs kyi bu de bas na/ chos kyi sgos chags pa thams cad rgyun bcad pa'i phyir/ dpung mi sgrub kyi 'di gnyis kyi 'khor ba 'khyil ba'i sgrub bopo/ rigs kyi bu 'di gnyis ni 'gro ba dang 'ong ba'o// 'di gnyis ni 'byung ba dang 'jig pa zhes bya ste/ gang mi skye mi 'byung ba de 'gro ba dang 'ong ba'i 'du shes kyang med do// de 'jig pa thams spangs nas/ mi skye ba'i chos la bzod pa thob bo// 'khor ba'i rgyun gcod pa 'di ni gnyis su med pa'i chos kyi sgo'o// gang 'gro ba dang 'ong ba zhes bya ba 'di gnyis na 'gro ba dang 'ong ba'o// rigs kyi bu

  57. 29b

    gang bdag tu sgor dogs pa med pa dang / srog dang gso ba dang / gang zag dang / shed las skyes pa dang / shed can dang / 'gro ba dang / 'ong ba'i 'du shes su 'jug pa med/ 'di ni gnyis su med pa'i chos kyi sgo la 'jug pa'o/ / rigs kyi bu gang skyes pa 'am/ ma skyes par rtog pa 'di ni gnyis pa'o// gang 'byung ba dang 'gog par rnam par mi rtog cing / 'gro ba dang 'ong bar dmigs pa med pa dang / tha dad par bya ba med pa dang / 'gyur ba med pa dang / rnam par byang ba med pa 'di ni rigs kyi bu gnyis su med pa'i chos kyi sgo la 'jug pa'o// nyon mongs pa dang / rnam par byang ba dang / phung po skye ba dang / 'jig pa'i mtshan nyid 'di ni gnyis pa'o// gang phung po yongs su shes shing / skye ba dang 'jig pa'i mtshan nyid spangs pa/ rlom sems thams cad bcom pa/ gzugs kyi 'gog par 'gro ba'i lam 'di ni gnyis su med pa'i chos kyi sgo la 'jug pa'o// 'gul ba dang rlom zhing sems par rig pa 'di ni gnyis pa'o// gang tshor ba'i 'gul ba med cing rlom sems med pa/ g.yo ba med cing yid la mi byed pa 'di ni/ gnyis su med pa'i chos kyi sgro la 'jug pa'o// rigs kyi bu gang tshor bar shes pa dang / tshor ba kun 'byung bar shes pa dang tshor ba'i 'gog par shes pa dang / tshor ba 'gog par 'gro ba'i lam du shes pa 'di ni gnyis pa'o// rigs kyi bu gang yang tshor ba kun 'byung ba 'gog par 'gro bar mi shes pa dang / gzugs kyi phung po

  58. 30a

    dang / tshor ba'i phung po'i mtshan nyid tha dad par mi shes pa dang / mnyam pa'i mtshan nyid dang / mtshan nyid med pa dang / mtshan nyid tha dad pa dang / mtshan nyid gcig pa dang / mtshan nyid mang por mi shes pa 'di yang rigs kyi bu gnyis su med pa'i chos kyi sgo la 'jug pa'o// yang rigs kyi bu gang phung po dang khams dang / skye mched la nyan thos dang / rang byang chub 'dod pa dang bla na med pa thams cad mkhyen pa'i ye shes 'dod pa 'di ni gnyis pa'o/ / rigs kyi bu gang yang nyan thos dang / rang sangs rgyas kyi theg pa dang / thams cad mkhyen pa'i ye shes kyi phung po dang / khams dang / skye mched la rten par mi shes pa dang / yi ge'i tshig gi lam thams cad ni gnas med pa yi ge med pa/ spros pa med par rab tu shes pa 'di yang rigs kyi bu gnyis su med pa'i chos kyi sgo la 'jug pa'o/ / rigs kyi bu gang dge ba dang / mi dge bar 'du shes kun tu shes pa dang / pha rol dang / tshu rol du shes pa 'di ni gnyis pa'o// rigs kyi bu gang dge ba dang / mi dge ba 'di yang mtshan ma med pa kun nas ldang ba dang / mi zad pa kun tu rtogs pa 'di yang rigs kyi bu gnyis su med pa'i chos kyi sgo la 'jug pa'o// rigs kyi bu gzhan yang tshu rol ni zad pa'o// pha rol ni phyin ci log ste gang tshu rol dang / pha rol na rtog pa dang / 'dzin pa dang / dkrol ba 'di ni gnyis pa'o// gang yang tshu rol dang pha rol la 'dzin pa med pa dang dkrol ba med pa dang / ci la'ang brtags

  59. 30b

    pa med pa dang / btang ba med pa 'di ni gnyis su med pa'i chos kyi sgo la 'jug pa'o// rigs kyi bu gzhan yang gang phung po dang / khams dang / skye mched la zag pa dang / bcas pa dang / zag pa med pa 'am zhes rtog pa 'di ni gnyis pa'o/ / gang yang khams dang / skye mched la zag pa dang bcas pa zhes rtog pa med pa dang / zag pa med pa'i 'du shes su bya ba'ang med pa dang / 'du shes dang / 'du shes med min thob pa'ang med pa 'di yang gnyis su med pa'i chos kyis sgo la 'jug pa'o// rigs kyi bu gang phung po dang / khams dang skye mched la 'dus byas dang / 'dus ma byas su rtog pa 'di ni gnyis pa'o/ / gang yang de 'du byed skye mched thams cad la mi rtog cing / rnam par mi rtog pa dang / chos thams cad na mkha' dang mnyam par yang dag par rjes su mthong bar 'di yang / rigs kyi bu gnyis su med pa'i chos kyi sgo la 'jug pa'o// rigs kyi bu gang yang 'jig rten pa dang / 'jig rten las 'das pa'i chos la bsnyems pa bde gnyis pa'o/ / gang la la 'jig rten pa dang / 'jig rten las 'das pa'i chos la mi 'jug mi 'gro// rnam par mi 'gro/ mi rgal zhing / 'gro ba yang med/ rnam par 'grol ba med pa'ang gnyis su med pa'i chos kyi sgo la 'jug pa'o/ / rigs kyi bu gzhan yang gang la la ming dang gzugs las phung po dang / khams dang / skye mched 'byung bar rab tu shes pa 'di ni gnyis pa'o//

  60. 31a

    phung po dang khams dang / skye mched dang / ming dang gzugs bral ba la sgyu ma'i rang bzhin gyis lta ba kun tu 'gro zhing kun tu mi 'gro// yongs su mya ngan las ma 'das pa/ 'di yang / byang chub sems dpa'i gnyis su med pa'i chos kyi sgo la 'jug pa'o// rigs kyi bu gzhan yang gang rnam par shes pa 'byung bar rab tu shes pa 'di ni gnyis pa'o// gang yang 'byung ba med pa skad cig ma dang / skad cig ma ma yin pa la 'dus byas thams cad du myur du rab tu shes pa 'di yang gnyis su med pa'i chos kyi sgo la 'jug pa'o// rigs kyi bu gzhan yang bdag gir bya ba dang / rnam par shes par yongs su shes pa dang / nga yir bya ba dang / skye mched la chags pa 'di ni gnyis pa'o// gang la la bdag dang bral ba'i rnam par shes pa thob pa// bdag gi rang bzhin lta ba gnyis dang bral ba/ skye mched nyams pa med pa/ bdag gir bya ba dang / nga yir bya ba dang bral ba 'di yang gnyis su med pa'i chos kyi sgo la 'jug pa'o// gang la la rig pa dang / rnam par grol bar rtog pa 'di ni gnyis pa'o// rigs kyi bu ma rig pa ni rgyu ba med cing bdag med pa'o// rig pa ni glog gi rang bzhin can no// rnam par grol ba yang na mkha'o// na mkha' yang mi rtog pa/ rtogs par byed pa med pa/ spros pa med pa 'di yang gnyis su med pa'i chos kyi sgo la 'jug pa'o// gang rnam par shes pa dang / gzugs kun tu spyod pa 'di ni

  61. 31b

    gnyis pa'o/ / gzugs nyid kyang rnamakha' bzhin du spong ste/ na mkha' yang 'jig pa med do// gzugs 'jig pa stong pa nyid gzugs kyi mtshan nyid rab tu rgyu ba stong pa nyid kyi rang bzhin yang stong pa do/ / tsher ba dang / 'du shes dang / 'du byed kyang de bzhin no// rnam par shes pa rab tu rgyu ba med pa ni/ nam mkha' ji lta bur mun pa med cing snang ba med pa/ rnam par shes pa'ang de bzhin no// rnam par shes pa'i 'jigs pa stong pa ma yin te/ rnam par shes pa'i rang bzhin nyid kyang stong pa'o// de bzhin du nye bar len pa'i phung po lnga yang na mkha'i rang bzhin ltar stong ngo // na mkha' ji lta bu 'dod chags med/ / zhe sdang med/ gti mug med/ mi mtho mi dma'/ mi rtog rnam par mi rtog/ mi 'gro rnam par mi 'gro bar/ de ltar sems pa'i byang chub sems dpa' ni chos thams cad ji lta ba bzhin du rab tu shes so/ / phung po dang / khams dang / skye mched la yang 'dod chags med/ zhe sdang med/ gti mug med/ mi mtho mi dma'/ mi rtog rnam par mi rtog/ mi 'gro rnam par mi 'gro zhing / nyan thos dang / rang sangs rgyas dang / bla na med pa yang dag par rdzogs pa'i byang chub kyang mi rtog rnam par mi rtog/ mi 'gro rnam par mi 'gro ba 'di ni/ rigs kyi bu byang chub sems dpa'i gnyis su med pa'i chos kyi sgo la 'jug pa'o/ / byang chub sems dpa' gzi brjid dri ma med pas/ 'di bstan pa ston pa na/ byang chub sems dpa' khrag khrig dgu bcu rtsa

  62. 32a

    mi skye ba'i chos la bzod pa thob par gyur to/ / byang chub sems dpa' khrag khrig phrag bzhi bcu rtsa drug gnyis su med pa'i chos kyi sgo la 'jug pa thob par gyur to// btso/ ldan 'das kyang sgron ma dang ldan pa zhes bya ba'i ting nge 'dzin las bzhengs nas/ bcom ldan 'das kyi drang srong gi cha byad ji tsam pa mi snang bar gyur te/ sangs rgyas kyi skus tshan rabs sum cu rtsa gnyis kyis sku yang dag par brgyan te bzhugs so/ / de ltar de bzhin du gang gzhan la la dag kyang drang srong gi cha byad mi snang bar gyur te/ sngon gyi lus ji lta ba bzhin du 'khod nas bcom ldan 'das kyis yang byang chub sems dpa' gzi brjid dri ma med pa la legs so zhes bya ba byin te/ rigs kyi bu khyod kyis ji lta bur bstan pa de bzhin du gnyis su med pa'i sgo 'di bstan par bya ba legs so legs so/ / rigs kyi bu khyod ni chos kyi sgo 'di la lus dbang du btsugs te/ de ltar khyod kyis tshad med pa'i sems can rnams bla na med pa yang dag par rdzogs pa'i byang chub tu bkod do/ / gzhan yang lha dang / klu dang / gnod sbyin dang / lha ma yin dang / na mkha' lding dang / mi 'am ci dang / mi dang mi ma yin pa rnams/ bcom ldan 'das la mchod pa sna tsho gas byas so/ / / bam po gsum pa/ de nas de'i tshe 'jam dpal gzhon nur gyur pa bla gos phrag pa gcig tu zlar nas/ bcom ldan 'das gang na pa

  63. 32b

    de logs su thal mo sbyar te phyag 'tshal nas/ bcom ldan 'das la chos bstan du gsol ba'i phyir/ tshigs su bcad pa'i yon tan 'di dag gis bstod do// rgyal ba mi mnyam zhing mdangs dag khyab pa/ / nyon mongs 'gra zhi 'di la mngon par gnas// thub pa shin tu rnam grol 'dir bzhugs shing // khyod kyis 'gro la bzod pa'i mchog 'di ston// rab tu zhi thugs brtul zhugs yongs su dag/ thub pa mchod byin bgyis pa bzod dge gsungs// 'gro la bde byin drang srong shes rab 'chang // gti mug 'jig mdzad 'di la bdud rtsi char/ 'di la lha klu sems can mi mang po// shin tu gsal yid myur du zhing gang pa// 'gro ba thams cad khyod zhal lta zhing 'dug/ nyon mongs yongs su spangs te dam chos gsungs// sngon chad rgyal ba khyod kyang kun spyod brtan/ / mig gnyis rkang pa lag pa lce byin zhing // pags pa mgo khrag yan lag dam 'bru nor// glang rta pu grong shing rta rin chen rnam mang byin// zas skom mal dang bran po bran mo byin/ / gnyen dang 'gro la sdug bsngal rtag thar byed// bsam pa rdzogs shing sems can dga' mdzad pa// khyod kyis mchod sbyin brgya byas sems can phyir// sangs rgyas mang la sngon chad dge mchod byas/ / byams sems rtag pas ther zug sbyin la dga'// brtul zhugs brtan pas ri rab ji bzhin 'bar// 'gro la bstan phyir bzod pa 'di bstan gsol// ngan song

  64. 33a

    gsum spangs sems can mtho ras khrid/ / khyod kyis brtan pa'i smon lam sngon rtag byas// 'gro ba byang chub sdug bsngal zhi mchog reg/ rgyal ba sngon chad je bzhin byang chub de thob bo/ / snying rje dpal chus sa rnams ma lus gang // nyon mongs dri gsum the tshom thams cad zhi// lam gang zhi bas byang chub thob ston pa// ji ltar chos rtogs 'di la khyod kyi dus// shin tu sgom yid 'gro la chos char phob// bdud rtsi'i ros ngoms yang dag yon tan gsungs// lam gang zhi des 'gro ba byang chub reg/ zhing mangs 'di la sems can yang dag 'ongs// rga shi dag las rnam thar gang yod pa/ / thub pa chen pos chos 'di gsungs du gsol// nam mkha'i mdog gis 'dul ba'i bzod pa ston// de nas sgyu ma smig rgyu spros par 'gro// 'jam dpal gzhon/ nur gyur pa la bcom ldan 'das cang mi gsungs pas zhal gyis bzhes nas/ de nas bcom ldan 'das 'di snyam du dgongs te/ bdag rnam pa de lta bu'i ting nge 'dzin la snyoms par zhugs nas/ ting nge 'dzin la snyoms par zhugs pa gang gis khang pa brtsegs pa ji snyed pa de snyed du lus mngon par sprul nas/ khang pa brtsegs pa thams cad na 'dug ste/ 'khor 'di dag kyang yang dag par dga' zhing skyo bar bya'o snyam pa dang / de nas bcom ldan 'das 'od shin tu rnam par bkod pa zhes bya ba'i ting nge 'dzin la snyom par zhugs te/ mnyam par gzhag

  65. 33b

    pa'i thugs kyis khang pa brtsegs pa ji snyed bde snyed du/ sangs rgyas bcom ldan 'das rang rang zhugs te bzhugs so// de nas byang chub sems dpa' ngo mtshar dang ldan pas/ byang chub sems dpa' dgra rnam par 'grel pa la 'di skad ces smras so// rigs kyi bu khang pa brtsegs pa tshad med pa 'di dag ni gang na/ rigs kyi bu de bzhin gshegs pa bdag khang pa brtsegs pa na bzhugs pa ni gang / sangs rgyas kyi byin gyis brlabs kyis khang pa brtsegs par sangs rgyas kyi sku bzhugs par yang dag par mthong ba ni gang de nas byang chub sems dpa' dgra rnam par 'grel pas/ byang chub sems dpa' ngo mtshar dang ldan pa la 'di skad ces smras so// rigs kyi bu de bzhin gshegs pa zhes bya ba'i tshig 'di ni smra/ ba med pa'o// ma rigs pa yang sangs rgyas kyi chos la spros pa med do// rigs kyi bu ci 'das pa'i sems kyis byang chub thob bam/ smras pa rigs kyi bu ma yin no// smras pa ci ma 'ongs pa'i sems kyis byang chub thob bam/ smras pa rigs kyi bu ma yin no// smras pa ci da ltar byung ba'i sems dang bsam pa'i gnas yod dam/ smras pa rigs kyi bu med do// smras pa gal te re shig sems dang bsam pa'i gnas pa med na/ rnam par mi gnas pa'i dngos po la ji ltar byang chub thob/ smras pa rigs kyi bu ci dus gsum gyi chos thams cad spangs pas/

  66. 34a

    de'i tshe cis kyang chos khong du chud pa med dam/ smras pa rtag pa dang / chad pa yongs su spangs pa/ mi 'gro ba mi skye ba mi 'gog pa mi reg pa/ 'dus byas dang 'dus ma byas la gnas pa med pa'o/ / dngos po thams cad nam mkha' dang mnyam pa la byang chub 'gro ba med do// ji ltar nam mkha' la 'das pa dang / ma 'ongs pa dang / da ltar byung ba med cing / snyems pa med pa de bzhin du/ byang chub kyang 'das pa dang / ma 'ongs pa dang / da ltar byung ba med do// ji ltar nam mkha' la rtog pa med cing / rnam par rtog pa med pa de bzhin du sangs rgyas kyi byang chub kyang rtog pa med cing rnam par rtog pa med do/ / ji ltar nam mkha' la mun pa med cing / snang ba med pa de bzhin du/ sangs rgyas kyi chos rnams kyang mun pa med cing snang ba'ang med do/ / ji ltar nam mkha' la gzugs med cing bstan du med pa de bzhin du/ sangs rgyas kyi chos rnams kyang gzugs med cing bstan du yang med do// ji ltar nam mkha' ma skyes ma 'gags pa de bzhin du/ sangs rgyas kyi chos rnams kyang ma skyes ma 'gags so// ji ltar nam mkha' la 'gro ba med pa de bzhin du/ sangs rgyas kyi chos rnams kyang 'gro bar dmigs pa med do// / ji ltar nam mkha' la gnas pa med pa de bzhin du/ sangs rgyas kyi chos rnams kyang gnas pa med do// ji ltar nam mkha' la reg pa med pa de bzhin du/ sangs rgyas kyi chos rnams kyang reg pa

  67. 34b

    med do/ / ji ltar nam mkha' la lam du dmigs pa med pa de bzhin du/ sangs rgyas kyi chos rnams kyang ci la yang lam du dmigs pa med do// ji ltar nam mkha' la dngos po med cing mtshan nyid med pa de bzhin du/ sangs rgyas kyi chos rnams kyang dngos po med cing mtshan nyid med do// ji ltar nam mkha' la brjod du med cing / yi ge med pa de bzhin du/ sangs rgyas kyi byang chub kyang brjod du med cing yi ge med do/ / ji ltar nam mkha' la rtag pa med cing chad pa med pa de bzhin du/ sangs rgyas kyi chos rnams kyang rtag pa med cing chad pa med do// ji ltar nam mkha' la lus med cing 'byung ba med pa de bzhin du/ sangs rgyas kyi chos rnams kyang lus med cing 'byung ba med do// ji ltar nam mkha' la gzung du med cing gnas pa med pa de bzhin du/ sangs rgyas kyi chos rnams kyang gzung ba med cing gnas pa med do/ / ji ltar nam mkha' la rten pa med pa gnas pa med pa dmigs pa med pa rnam par rtog pa med pa/ 'deg pa med pa rnam par rig pa med pa/ 'gro ba med pa 'ong ba med pa rtsa ba med pa/ mtha' med pa 'khrug pa med pa/ yongs su gdung ba med pa brtags pa med pa dgrol ba med pa/ mthong ba med pa rtog pa med pa mun pa med pa dngos po med pa mtshan ma med pa/ sprul pa med pa de bzhin du/ rigs kyi bu sangs rgyas kyi chos rnams kyang rten pa med pa nas mtshan ma med pa'i bar du'o// rigs kyi bu sangs rgyas kyi chos rnams ni mi skye bar bsgrags pa'o// sangs rgyas kyi

  68. 35a

    chos rnams ni gnyis su med pa'i cha shas so/ / chos kyi dbyings la gnas pa'o// sangs rgyas kyi chos rnams ni sems can gyi khams su yang dag par 'dus pa'o// sang rgyas kyi chos rnams ni nam mkha'i khams su yang dag par 'dus pa'o/ / rigs kyi bu sangs rgyas kyi chos rnams ni rtog pa dang kun tu rtog pa la yang dag par 'dus pa'o// sangs rgyas kyi chos rnams gnas dang / rnam pa'i gnas dang / rab kyi gnas su yang dag par 'dus pa'o// sangs rgyas kyi chos rnams ni shes pa dang / mi shes pa dang / rab tu shes pa dang / rnam par shes pa dang / nye bar shes pa la yang dag par 'dus pa'o// sangs rgyas kyi chos rnams ni mtshan nyid med pa yang dag pa'i mtshan nyid dang / rnam pa'i mtshan nyid dang / nye ba'i mtshan nyid dang / rjes su yi rang ba'i mtshan nyid la yang dag par 'dus pa'o/ / sangs rgyas kyi chos rnams ni 'das pa med pa dang / rnam par 'das pa dang / 'das pa dang / rjes su 'das pa la yang dag par 'dus pa'o// sangs rgyas kyi chos rnams ni blang ba dang dor ba dang / kun du blang ba dang / nye bar blang ba la yang dag par 'dus pa'o// sangs rgyas kyi chos rnams ni snang ba dang / kun du snang ba dang / rjes su snang ba dang / yang dag par snang ba med pa dang / rab tu snang ba med pa la yang dag par 'dus pa'o// sangs rgyas kyi chos rnams ni yang dag pa dang / shin tu yang dag pa dang / rjes su yang dag

  69. 35b

    pa dang / kun tu yang bla ma yin pa dang / rab tu yang dag pa ma yin pa la yang dag par 'dus pa'o// sangs rgyas kyi chos rnams ni kun tu smra ba dang / rnam par smra ba dang / shin tu smra ba dang // / rjes su smra ba dang / rab tu smra ba dang / nye bar smra ba la yang dag par 'dus pa'o// sangs rgyas kyi chos rnams ni kun tu rig pa dang / rnam par rig pa dang / mtshungs par rigs pa dang / rjes su rig pa la yang dag par 'dus pa'o// sangs rgyas kyi chos rnams ni kun du gzugs dang / rnam par gzugs dang / mtshungs par gzugs dang / yang dag par gzugs dang / nye ba'i gzugs la yang dag par 'dus pa'o// rigs kyi bu sangs rgyas kyi byang chub ni kun du spyod pa dang / rnam par spyod pa dang / mtshungs par spyod pa dang / rjes su spyod pa dang / bar spyod pa la yang dag par 'dus pa'o// rigs kyi bu byang chub ni kun tu brjod pa dang / rnam par brjod pa dang / rjes su brjod pa dang / mtshungs par brjod pa dang / nye bar brjod pa la yang dag par 'dus pa'o/ / rigs kyi bu byang chub ni bgrang ba dang rnam par bgrang ba dang mtshungs par bgrang ba dang / rjes su bgrang ba dang / nye bar bgrang ba la yang dag par 'dus pa'o// byang chub ni kun tu yod pa dang / rnam par yod pa dang / rjes su yod pa dang / nye bar yod pa la yang dag par 'dus pa'o// rigs kyi bu byang chub ni spros pa med pa dang / rnam par spros pa dang

  70. 36a

    spros pa dang bral ba dang / rjes su spros pa dang / nye bar spros pa la yang dag par 'dus pa'o// rigs kyi bu ji ltar nam mkha'i khams la gzung du med pa de ltar sangs rgyas kyi byang chub blta bar bya'o/ / rigs kyi bu la la nam mkha' spros pa bya ba dang / tshad du bya ba dang / rnam par bgrang bar bya ba dang / brgyan par bya ba dang / ri mor bya bar nus sam rig kyi bu mi nus so/ / smras pa nam mkha' ji lta ba ltar sangs rgyas kyi chos kyang de bzhin te/ nam mkha' cis kyang spros par mi nus pa ji lta ba ltar sangs rgyas kyi chos kyang de bzhin du cis kyang spros par mi nus so/ / rigs kyi bu khang pa brtsegs par bcom ldan 'das bdag bzhugs pa ni gang / sangs rgyas kyi sku bzhugs pa ni gang na zhes bya ba khyod ci'i phyir de skad smra/ de ltar spros par byed ces byang chub sems dpa' dgra rnam par 'jig pas/ gnyis su med pa'i chos kyi sgo 'di bstan pa na/ byang chub sems dpa' khrag khrig phrag lnga bcu rtsa bdun mi skye ba'i chos kyi bzod pa thob par gyur to/ / byang chub sems dpa' khrag khrig phrag bzhi bcu rtsa gnyis de bzhin gshegs pa'i gsang ba'i rjes su 'jug pa gnyis su med pa'i chos kyi sgo so sor thob cing / sangs rgyas kyi zhing thams cad kyang rgyas par gyur to/ / sa dang nam mkha' la gnas pa'i sems can gyis legs so zhes bya ba byin te/ skyes bu dam pa de bzhin gshegs pa'i gsang ba'i rjes su 'jug pa gnyis su med pa'i

  71. 36b

    chos kyi sgo 'di ston pa bstan pa legs par bshad pa legs so legs so/ / de nas de nyid kyi tshe na/ bcom ldan 'das 'od zer 'byung ba'i bdag po zhes bya ba'i ting nge 'dzin las/ bzhengs te/ khang pa brtsegs pa gcig na/ bcom ldan 'das bzhugs par yang dag par mthong ba ma gtogs par sangs rgyas kyi sku de dag dang / khang pa brtsegs pa de dag kyang mi snang bar gyur nas/ 'khor thams cad dang ldan pa de ngo mtshar thob par gyur to// de nas byang chub sems dpa' rgyal po mang po'i mchog gis/ byang chub sems dpa' drang srong rnam par 'a pa la 'di skad ces smras so/ / rigs kyi bu khang pa brtsegs pa 'di dag ni gang nas 'ongs/ yang gang du 'gro// de nas byang chub sems dpa' drang srong rnam par 'grel pas/ byang chub sems dpa' rgyal po mang po'i mchog la 'di skad ces smras so// rigs kyi bu khyod da dung 'gro ba dang / 'ong ba'i 'du shes su 'jug go// byang chub sems dpa' rgyal po mang po'i mchog gis smras pa/ rigs kyi bu 'di ltar 'ongs so zhes bya ba 'di ni glo bur gyi tshig go// rigs kyi bu 'gro'o zhes bya ba 'di ni bdag med pa'i tshig go// byang chub sems dpa' dgra rnam par 'grel pas smras pa/ rigs kyi bu glo bur gyi tshig dang / rigs kyi bu bdag med pa'i tshig gis kyang rigs kyi bu nga yir bya ba dang / bdag gir bya ba'i tshig go// skyes bu gang zag nga yir bya ba dang / bdag

  72. 37a

    gir byab la chags pas brin ci log bzhi ga mi rtag pa la rtag par 'du shes pa dang / sdug bsngal ba la bde bar 'du shes pa rnal 'byor gyi rjes su ldan pa dang / mi gtsang ba la gtsang bar 'dra shes pa dang / bdag med pa la bdag tu 'du shes par rnal 'byor gyi rjes su ldan pa la zhugs pa'o// skyes bu gang zag sems phyin ci log la zhugs pas sgrib pa lngar 'gyur ro// lnga gang zhe na 'di lta ste/ 'dod pa sred pa'i sgrib pa dang / chags sems dang / rmugs pa dang gnyid dang / le lo dang rgod pa dang / 'gyod pa dang / the tshom gyi sgrib pa spangs pa med par 'gyur ro// rigs kyi bu gang la la sgrib pa lnga po 'di dag tu 'gyur ba de mtshams med pa lnga yang dag par spyod do/ / mtshams med pa ma spangs pa'i skyes bu gang zag lha dang mi'i nang du 'gro bar yang dag par rjes su mi mthong na// nyan thos kyi byang chub lta ci smos/ gang la nyan thos kyi byang chub med pa de la rang sangs rgyas kyi byang chub dang / sangs rgyas kyi byang chub lta yang ci smos/ gang lang yir bya ba dang / bdag gir bya ba ma spangs pa de la rtag pa dang / chad pa yang spangs pa med do// gang gang zag chad par lta ba can du gyur pa de/ de dge ba'i las dang / dge ba la spyod pa mtshungs par spyod pa lta ga la 'gyur/ gang yang rtag par lta ba can du 'gyur ba de thar pa la bsngos pa mtshungs par spyod pa dang / dge ba la spyod par lta ga la 'gyur/ rtag par lta ba dang / chad par lta ba'i skyes bu gang zag ni lha dang mi'i nang du skye

  73. 37b

    bar yang dag par rjes su mi mthong na/ nyan thos dang rang byang chub lta ci smos te/ bla na med pa yang dag par rdzogs pa'i byang chub kyang ga la mthong / nga yir bya ba dang / bdag gir bya blta bar song ba/ gnas pa med pas/ nyan thos dang rang sangs rgyas kyi theg pas ma 'dres pa'i 'khor ji lta bur yang dag par 'ongs pa smra ba med pade dang / rigs kyi bu khyod kyang smra ba med pa mthong ngo / / byang chub sems dpa' lag bzangs kyis smras pa/ rigs kyi bu ci 'gro ba dang / 'ong bar 'du shes pa yid la mi bya 'am gal te yid la mi bya na/ byang chub sems dpa'i sprin pa'i gnas rnams la byin len dang / yo byad kyi ji ltar bsnyen bkur bya/ pha dang ma rnams rim gro'i gnas dang / nad pa rnams la ji ltar bsnyen bkur bya/ smras pa rigs kyi bu spros pa med pa ni 'di lta ste/ gnas dang nye ba'i gnas dang / rab kyi gnas dang / gnas gzhan dang / rim gro'i gnas dang / kun tu 'gro ba dang / lhag par 'gro ba dang / nye bar 'gro ba dang / rjes su 'gro ba dang / gzhan du 'gro ba 'di'i tshig de dag thams cad ni spros pa med pa'o// de ci'i phyir zhe na/ rigs kyi bu rtog pa dang / rnam par rtog pa dang / rjes su rtog pa dang / nye bar rtog pa dang / rab tu rtog pa 'di dag gis 'khor ba 'dren no// gzhog go// sgrub bo// me tog ni lha dang mir skye ba'o// 'bras bu ni ngan song gsum du 'gro ba la yang dang yang du 'chi 'pho skye ba dang / skad cig ma'i

  74. 38a

    chos brgyad la yang dag par gzhol ba dang / 'di dag ni nyes pa'o// gang spyod pa dang / rnam par spyod pa dang / nye bar spyod pa dang / rjes su spyod pa 'di dag gi dngos po thams cad ni 'phags pa'i bzod pa spangs pa'i phyir sgrub bo/ / smras pa rigs kyi bu gang sangs rgyas kyi yon tan bsgrub pa'i phyir/ dge ba la spyod pa de ci 'phags pa'i bzod pa 'khrug par 'gyur ram/ smras pa rigs kyi bu gang dge ba'i chos la nyung ngu 'dod cing sdig pa la mang du 'dod pa ni 'phags pa'i bzod pa la 'khrug pa'o// rnam par 'jig pa'o// 'thor ba'o// gti mug pa'o// / gang de dge ba'i chos yongs su spangs pa de 'dod pa'i rtog pa zhes smras so// gang 'dod pa'i rtog pa de kun tu spod pa'i bzod pa la 'khrug pa dang / 'jig pa'o// de bzod pa'i tshogs med pa 'di ni yongs/ su spang ba'o// rigs kyi bu ngag dang yid dang drug gi skye mched kyi sdom pa dang / mngon par 'du mi byed pa dang / brjod du med pa dang / rtsol ba med pa dang / rtog pa med pa dang / rnam par rtog pa med pa dang / dmigs pa med pa dang / sems dang yid kyis dmigs pa med pa ste/ de ni 'phags pa'i bzod pa'i tshogs so// gang yang sems kyi rnam par las dang / lus kyi rnam par las dang / ngag gi rnam par las de thams cad 'phags pa'i bzod pa la gti mug dang yongs su spang ba'i phyir sgrub bo// gzhan yang chos kyi bya ba 'am/ mi 'gul ba 'am/ mtshan nyid dam/ rtog par

  75. 38b

    'phags pa'i bzod pa la gti mug dang / yongs su spangs pa'i phyir sgrub bo// gang yang lus dang ngag dang yid kyi bya ba med pa dang / 'gyur ba med pa dang / mtshan nyid med pa dang / rdeg pa med pa de 'phags pa'i bzod pa'i tshogs sgom pa'o/ / gnyis su med pa'i chos kyi mtha'i rjes su zhugs shing yang dag pa'i mtha' dang ldan no// cung zad du na nyon mongs pa thams kyi mtha' da chos thams cad kyi yang mtha'o/ / gang de ltar rab tu shes pa de bzod pa bsgom pa'o// gang yi ge la 'khrug pa med pa dang / nyon mongs pa thams cad thul ba dang / brjod du med pa la g.yo ba med pa dang / smra ba thams cad la chags pa med pa dang / gang mi skye mi 'byung bar bsgrags pa'i chos rab tu shes pa de bzod pa bsgom pa'o// gang chos kyi khams la gnas pa dang / sems can gyi khams la yang dag par gzhol ba dang / chos kyi khams dang / sems can gyi khams kyang mtshungs pa'i khams su bzung ste/ tha dad par mi byed pa dang / mtshan nyid kyi khams kyang 'drug par mi byed pa de bzod pa bsgom pa'o/ / gang chos thams cad dmigs pa med cing bdag dang gzhan med pa mi skye ba'i phyir snang ba med pa/ gzung du med dpa/ kun nas ldang ba med pa/ lus med pa bsgom pa skye ba mi 'byang ba/ 'chi 'pho med parten pa med pa 'gyur ba med pa/ yod par rtog pa dang med par rtog pa dang bral ba/ snod ma yin pa yongs su rtog pa med pa/ 'dod chags dang bral ba/ rdul dang /

  76. 39a

    bral ba/ rigs spangs pa/ rang bzhin yongs su dag pa/ dri ma med pa/ nyon mongs pa med pa sgro btags pa med pa/ kun nas langs pa med pa 'khrug pa med pa'i chos thams cad med par ji lta ba bzhin du rab tu shes pa de bzod pa bsgom mo/ / gang rkyen dang bral ba dang / rab tu rgyu ba nye bar zhi ba dang / lam ma rungs pa las yang dag par shin tu 'das pa dang / 'byung ba med pa dang / 'jug pa med pa dang / rings pa med pa dang / yul thams cad la rnam par dmigs pa med pa dang / rnam par shes pa'i lam las shin tu yang dag par 'das pa dang / brtags pa med pa dang / bkrol ba med pa dang 'ong ba med pa dang / gnas med pa dang / gnas pa med pa dang / sa bon med pa dang / rtsa ba med pa dang / yid brtan pa nye bar zhi zhing rab tu zhi ba dang / yongs su gdungs pa med pa dang / shin tu mthar thug pa dang / yang srid pa kun nas ldang ba med pa dang / mya ngan las 'da' ba la mngon par dga' ba dang / 'di 'dra bar yid la byed pas bzod pa yongs su rdzogs par 'gyur ro/ / rtog pa dang rnam par rtog pa dang / kun tu rtog pa dang / yang dag par rtog pa dang / nye bar rtog pa dang / 'gro ba dang / kun tu 'gro ba dang / mngon du 'gro ba dang / nye bar 'gro bar yid la byed pas/ bzod pa bsgom par mi 'gyur ro// rigs kyi bu 'ongs pa zhes bya ba 'di ni yang dag par 'dren pa'i tshig go// rigs kyi bu gang la badren pa

  77. 39b

    med cing yang dag par 'dren pa med pa de la 'gro ba med cing 'ong ba yang med do/ / 'gro ba med pa dang 'ong ba med pa'i kun gzhi kun tu gzhom pa'i phyir/ gnyis su med pa'i chos kyi sgo'i bzod par sgor mo/ / rigs kyi bu bong ngo zhes bya ba las kyi mtshan nyid la dmigs pa 'di ni/ bzod pa bsgom pa yongs su spang ba'i phyir yang dag par bsgrub bo// rigs kyi bu 'gro'o zhes bya ba'i las kyi mtshan nyid kyi rgyu 'di ni/ mtshan nyid med pa mtshan nyid dang bral ba'i bzod pa bsgom pa zhes bya ba'o// 'ong ngo zhes bya ba'i smon lam gyi mtshan nyid kyi rgyu 'di ni/ bzod pa bsgom pa'i phyir yang dag par sgrub kyi 'di ni bzod pa bsgom pa ma yin no/ / rigs kyi bu 'gro'o zhes bya ba 'di ni smon lam zad pa dang / med pa dang zhi ba'i bzod pa bsgom pa zhes bya'o// rigs kyi bu 'ong ngo zhes bya ba 'byung ba'i mtshan nyid 'di ni bzod pa la gti mug pa yin gyi bzod pa mi sgom pa ma yin no/ / rigs kyi bu 'gro'o zhes bya ba dmigs pa med pa dang / 'gal ba'i mtshan nyid 'di ni bzod pa bsgom pa zhes smras so/ / rigs kyi bu 'ong ngo zhes bya ba rnam par dmigs pa'i sgo'i mtshan nyid 'di ni bzod pa bsgom pa ma yin gyi/ bzod pa la 'khrug pa yin no// 'gro'o zhes bya ba rnam par dmigs pa zad pa'i mtshan nyid dang / nye bar zhi ba 'di ni bzod pa bsgom pa zhes smras so// rigs kyi bu 'ong ngo zhes bya ba'i kun gzhi'i mtshan nyid 'di ni bzod pa la 'jig pa yin gyi/ bzod pa sgom pa ma yin no// rigs kyi bu

  78. 40a

    'gro'o zhes bya ba'i kun gzhi nub pa dang / zhi ba 'di ni bzod pa bsgom pa zhes smras so// rigs kyi bu 'ong ngo zhes bya ba 'byung ba'i mtshan nyid 'di ni bzod pa yongs su spang ba yin gyi/ bzod pa bsgom pa ma yin no// 'gro'o zhes bya ba rgyu zad pa'i mtshan nyid 'di dang / rnam par zhi ba 'di ni bzod pa bsgom pa'o zhes smras so// rigs kyi bu 'ong ngo zhes bya ba brda dang tha snyad kyi tshig gi mtshan nyid 'di ni bzod pa bsgom pa ma yin no/ / 'gro'o zhes bya ba tha snyad rnam par zhi ba'i gnas 'di ni bzod pa bsgom pa'o zhes smras so// rigs kyi bu 'ong ngo zhes bya ba sngon gyi mtha' dang / phyi ma'i mtha' mi shes pa'i chu bor bying ba 'di ni bzod pa la gti mug pa yin gyi/ bzod pa bsgom pa ni ma yin no// 'gro'o zhes bya ba sngon gyi mtha' dang / phyi ma'i mtha' shes pa dang / mi shes pa rab tu spangs te/ rgya chen po nye/ bar zhi ba 'di ni/ bzod pa bsgom pa'o zhes smras so// rigs kyi bu 'ong ngo zhes bya ba lus dang ngag dang / yid kun spyod pa'i mtshan nyid 'di ni bzod pa bsgom pa ma yin no// 'gro'o zhes bya ba sred pa'i 'du byed nye bar zhi ba 'di ni/ bzod pa bsgom pa'o zhes smras so// rigs kyi bu 'ong ngo zhes bya ba rnam par shes pa nye bar zhi ba dang / rnam par spyod pa chags pa med pa tshig gi mtshan nyid 'di ni bzod pa bsgom pa ma yin no/ / 'gro'o zhes bya ba rnam par shes pa rnam par dmigs pa dang / rnam par spyod pa nub pa 'di ni/ bzod pa bsgom pa'o zhes smras so'ang ngo zhes bya ba ming dang gzugs kun nas ldang ba'i

  79. 40b

    tshig gi mtshan nyid 'di ni/ bzod pa bsgom pa ma yin no// 'gro'o zhes bya ba ming dang gzugs nye bar zhi ba 'di ni/ bzod pa bsgom pa'o zhes smras so// 'ong ngo zhes bya ba 'dul ba dang / kun nas ldang zhing 'dod pa'i yon tan gyi gnas kyi mtshan nyid 'di ni/ bzod pa bsgom pa ma yin no// 'gro'o zhes bya ba dbang po drug nye bar zhi zhing nub pa 'di ni/ bzod pa bsgom pa'o zhes smras so// 'ong zhes bya ba reg pa'i chu bo bsgom pa gzhan gyi tshig gi mtshan nyid 'di ni/ bzod pa bsgom pa ma yin no// 'gro'o zhes bya ba reg pa'i chu bor nye bar 'gro ba 'di ni/ bzod pa bsgom pa'o zhes smras so/ / 'gro'o zhes bya ba tshor ba gsum gyi rgyun gcod pa 'di ni/ bzod pa bsgom pa'o zhes smras so// 'ong ngo zhes bya ba sred pa'i kun gzhi la 'jug pa 'di ni/ bzod pa bsgom pa ma yin no// 'gro'o zhes bya ba sred pa gtong ba dang / nub pa 'di ni bzod pa bsgom pa'o zhes smras so// rigs kyi bu 'ong ngo zhes bya ba nye bar len pa la 'jug pa'i tshig gi mtshan nyid 'di ni/ bzod par bsgom pa ma yin no/ / 'gro'o zhes bya ba nye bar len pa sel ba 'di ni/ bzod pa bsgom pa'o zhes smras so// 'ong re zhes bya ba bsgom pa mngon par 'jug pa'i tshig gi mtshan nyid 'di ni/ bzod pa bsgom pa ma yin no/ / 'gro'o zhes bya ba khong du chud pa chags pa'i lam 'di ni/ bzod pa bsgom pa'o zhes smras so// rigs kyi bu 'ong ngo zhes bya ba yang dang yang snying por 'jug pa'i tshig gi mtshan nyid 'di ni

  80. 41a

    bzod pa bsgom pa ma yin no/ / 'gro'o zhes bya ba skye ba zad pa 'di ni bzod pa bsgom pa'o zhes smras so// bong ngo zhes bya ba yang dang yang rga bar 'jug pa'i tshig gi mtshan nyid 'di ni/ bzod pa sgom pa ma yin no// 'gro 'o zhes bya ba rga ba zad pa spang ba spang ba'i phyir bzod pa bsgom pa'o zhes smras so// rigs kyi bu 'ong ngo zhes bya ba yang dang yang shi ba'i chu'i chu bor lhung ba'i gnas kyi mtshan nyid 'di ni/ bzod pa bsgom pa ma yin no// 'gro'o zhes bya ba shi ba'i chu bo las rgal ba 'di ni bzod pa bsgom pa'o zhes smras so// rigs kyi bu 'ong ngo zhes bya ba mya ngan dang smre sdugs 'don pa dang / yid mi bde ba dang / 'khrug par 'jug pa'i gnas kyi mtshan nyid 'di ni/ bzod pa bsgom pa ma yin no// 'gro'o zhes bya ba sdug bsngal dang 'khrug pa thams cad nye bar zhi ba 'di ni/ bzod pa bsgom pa'o zhes smras so// rigs kyi bu 'ong ngo zhes bya ba 'du byed kyi sdug bsngal thams cad skye ba dang rga shi dang / 'chi 'pho skye ba dang phrad pa dang 'bral ba'i sdug bsngal skye ba'i gnas kyi mtshan nyid 'di ni bzod pa bsgom pa ma yin no/ / 'gro'o zhes bya ba 'du byed kyi sdug bsngal thams cad nye bar zhi ba 'di ni/ bzod pa bsgom pa'o// rigs kyi bu 'ong ngo zhes bya ba ni/ sdug bsngal thams cad skye zhing phyin ci log bzhi kun nas ldang ba'i rang bzhin no// dge ba thams cad sgom pa la gegs byed pa'o// rigs kyi bu 'gro'o zhes bya ba ni thams cad nye bar zhi ba'o// sdug

  81. 41b

    bsngal gyi byin log gi gnyen pa'o/ / rigs kyi bu de bas na 'ong ngo zhes zhes bya ba'i tshig ni nyon mongs pa thams cad kun tu 'dren pa'o// zhes smras pa yin no// 'gro'o zhes bya ba ni nyon mongs pa'i bag chags kyi rjes su 'brel pa thams cad 'dren pa med pa'o zhes smras pa yin no/ / rigs kyi bu de bas na brjod du med pa la g.yo ba med de// brjod pa thams cad la yang chags pa med do// yi ge'i ches kyi dbyings la 'khrug pa med do/ / gzung ba med pa dang / kun nas ldang ba med pa dang / lus med pa dang / 'byung ba med pa dang / 'du byed thams cad la dmigs pa'i rgyun chad pa dang / yang par rtog pa dang / med par rtog pa dang bral ba'i byang chub sems dpa'i bzod pa yongs su rdzogs par byed do// byang chub sems dpa' dgra rnam par 'grel pas 'di ston pa bstan pa na/ sngon du 'gro ba la lag bzangs la sogs pa byang chub sems dpa' bye ba khrag khrig brgya stong phrag dgu bcu rtsa dgu mi skye ba'i chos kyi bzod pa thob bo/ / sangs rgyas kyi zhing thams cad dang ldan pa/ sa dang rnam mkha' khyab pa 'di la gnas pas/ mgrin gcig tu legs so zhes bya ba byin te/ rigs kyi bu ji lta bur khyed kyang chos zab mo'i tshul gyi rjes su zhugs shing / byang chub sems dpa'i kun nas yon tan blar rol pa mngon par shes pa chags pa med pa'i spobs pa dang ldan pa/ gang gi phyir khyod kyis bdag cag la 'di 'dra ba'i chos kyi char rab tu phab pa legs so legs so// de nyid kyi tshe na

  82. 42a

    phyogs bcu nas 'dus pa'i lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po mang po lha rdzas kyi me tog dang 'phreng ba dang dri dang / byug pas byang chub sems dpa' dgra rnam par 'grel pa mchod pa'i las kyi phyir 'dun cing brtson no// de'i lus la me tog dang / 'phreng ba dang / dri dang / byug pas gtor bas rigs kyi bu yang de ltar ting nge 'dzin gyi stobs kyis/ rin po che sna tshogs su byin gyis brlabs te phung po phyogs gcig tu bzhag nas bcom ldan 'das kyi slad du rin po che sna bdun gyi seng ge'i khri 'bang du dpag tshad stong zhang du dpag tshad bcu pa lha rdzas kyi gos kyis bting ba/ blta na sdug pa rnam pa sna tshogs byung ngo // sangs rgyas kyi zhing 'dir mu stegs can gzhan dka' thub dang / brtul zhugs dang spyod pa dang / spyod lam la brtson par byin gyis brlabs pa ji snyed pa dang / gang yang phyogs bcu'i stong pa dang / rnyog pa lnga'i sangs rgyas kyi zhing mtha' yas mu med pa na/ mu stegs can gzhan dka' thub dang / brtul zhugs dang / spyod pa dang / spyod lam la brtson par byin gyis brlabs pa dka' thub pa ngan pa de dag thams cad rin po che sna bdun gyi seng ge'i khri yang dag par mthong ngo // la la dka' thub lnga padag nyi ma dang zla ba la phyag 'tshal bar yang dag par mthong ngo // la la chu 'dzin pa dang / la la 'dam 'dzin pa dang / chu dang 'dam 'dzin pa dang / la la sgra 'dzin pa dang

  83. 42b

    ag tshom 'dzin pa dang / skra dang ag tshom 'dzin pa dang / la la rkang pa 'degs pa dang / lag pa 'degs pa dang / la la nags tshal gyi rtsa ba dang / 'dab ma za ba dang / tsher ma'i sngang la ba dang / la la rus pa'i phye mas lus bskus pa dang / mi'i mgo'i 'phreng ba dang / mgo lag mthil na 'chang ba yang dag par mthong ngo // la la phyugs kyi brtul zhugs can dang / khyi'i brtsapa wasa? can dang / phag gi brtul zhugs can dang / ri dgas kyi brtul zhugs can dang / bya'i brtul zhugs can dang / me'i brtul zhugs can dang / zla ba'i brtul zhugs can dang / ma yi zhugs can dang / chu'i brtul zhugs can dang / 'jig pa'i brtul zhugs can dang / dka' thub rnam pa sna tshogs kyi nad gsas/ de la sogs pa mu stegs can gzhan la la dka' thub dang brdul zhugs dang / spyod pa dang / spyod lam la brtson par byin gyis brlabs pa dka' thub ngan pa sna tshogs de dag thams cad de'i tshe seng ge'i khri yang dag par mthong ngo // seng ge'i kha de'i steng gi bar snang la/ rin pa che sna bdun gyi gdugs zheng du dpag tshad stong phrag bcu par byin gyis brlabs so// gdugs de la lha rdzas kyi rin po che'i rgyan sna tshogs su yang dag pa rgyan de dag las logs pa'i tshig gi tha snyad sna tshogs byung bani 'di lta ste/ chad par lta ba dang / rtag par lta ba dang / 'jigs tshogs kyi lta ba dang / mthar 'dzin pa'i lta ba dang / tshul khrims

  84. 43a

    dang / brtul zhugs snyems pa'i lta ba dang / 'dod pa la bde ba skye ba'i lta ba 'byung ngo // 'thab cing gcig la gcig 'tshog pa dang / mgo gcod pa dang mig 'byin pa'i lta ba dang / dge ba bcu'i las kyi lam lta ba spros pas lta bar song ba drug cu rtsa gnyis kyi lta ba'i tshig gi tha snyad kyi dbya byung ngo // gang yang phyogs bcu'i sangs rgyas kyi zhing yongs su dag pa tshad med grangs med pa dag nas/ sangs rgyas kyi zhing 'dir lhag pa'i byang chub sems dpa' de dag sgra de nyan to// seng ge'i khri la sems can tshul khrims dang brtul zhugs ngan pa sna tshogs sbyor ba'i rjes su ldan pa de dag kyang lta'o/ / kye ma kyi hud lta ba nyon mongs pa thob pa 'di dag rnyog pa lnga'i mi mjed kyis sangs rgyas kyi zhing du yang dag par mthong ba gang zhig ces de mchog tu skyo ba'i yid kyis 'di snyam du sems par gyur to/ / bdag cag rang rang gi sangs rgyas kyi zhing du 'gro'o snyam ste/ de dag sangs rgyas kyi zhing 'di las 'gro bar 'dod kyang / de dag rab rang gi phyogs gang du 'gro bar mi shes nas/ de dag gis byang chub sems dpa' dgra rnam par 'grel pa gang na ba de logs su thal mo sbyar te phyag 'tshal nas 'di skad ces smras so// rigs kyi bu bdag cag ni sangs rgyas kyi zhing 'di nas rang rang gi sangs rgyas kyi zhing du 'gro bar 'dod pa ni/ rigs kyi bu sangs rgyas kyi zhing 'di shin tu lta ba stug pos bsgribs shing dag pa thob pas/

  85. 43b

    bdag cag kyang chung zad lus dang ngag dang / yid kyis 'khrul par 'gyur ba de'i phyir bdag cag myur du glo bar 'dod do// bdag cag kyang phyogs thams cad mgo 'khor bar gyur nas/ yang dag cag rang rang gi phyogs gang du 'gro ba mi shes na/ de'i phyir rigs kyi bu khyod bdag cag rang rang gi sangs rgyas kyi zhing du 'gro bar nus pa nyams su long shig/ de nas byang chub sems dpa' ngagra rnam par 'grel pas phyogs bcu'i sangs rgyas kyi zhing nas byang chub sems dpa' yang dag par lhags pa de dag la smras pa rigs kyi bu ci khyed cag theg pa chen po la yang dag par ma zhugs sam/ smras pa rigs kyi bu bdag cag ni bla na med pa yang dag par rdzogs pa'i byang chub tu yang dag par zhugs nas yun ring ngo / / rigs kyi bu byang chub 'dod pa'i rnams 'dul ba'i sems can yongs su smin par bya ba'i phyir/ smon lam gyi dbang gis sems can dmyal bar skye bar la brtson pa ni gor ma chags/ de bzhin du byol song dang yi dgas dang / rnyog pa lnga'i sangs rgyas kyi zhing dang / gnod sbyin dbul po dang / mi dbul po dang / gshed po dang / de bzhin du lta ba tha dad par song zhing dog pa rnyed pa'i mu stegs can gzhan la sems can yongs su smin par bya ba'i phyir/ smon lam gyi dbang gis der skye ba blangs pa 'di ni/ byang chub sems dpa' rnams kyi rtsal chen po zhes smras so// ji lta bu gnas de dang de dag tu brtson 'grus brtan pa pha rol gnon pas nye bar byin to// sems can rnams ni mi shes pa'i dge ba'i rtsa

  86. 44a

    padang gcig tu 'grogs pa/ tshe'i dgon par yang dag par rdzogs pa zhi pa'i lam rab tu nyams pa'o// sems can rnams ni srogs chags su gyur pa la mi dge ba bcu'i las la brtson pa'o/ / lta ba ngan pa rdzogs pa dang / 'jig rten pha rol gyis 'jigs pa med par lta ba dang rtag pa dang / chad par lta ba yang dag par rdzogs pa'i sems can la snying brtse ba'i phyir/ bdag gi lus dang / sems kyi sdug bsngal la mos so// sems can thams cad yongs su smin par bya ba'i phyir sems can gcig kyang pha rol phyin pa drug la rab tu mos par nus pa dang / dge ba bcu'i las kyi lam la las kyi lam gcig gis kyang sa bon bskyed cing 'dug pa dang / legs par smras pa gcig gis kyang rna bar go bar nus pas/ sems can re re'i phyir yang sdug bsngal rnam pa mang po bskal pa bye ba khrag khrig brgya stong mang po rnam pa du ma sna tshogs su mngon par brtson no/ / rigs kyi bu byang chub sems dpa' rnams kyi go cha gnyis te/ byang chub sems dpa' go cha gang gis bgos pa ni bsdu bzhi 'dzin cing / byang chub sems dpa' zhes kyang bya'o/ / gnyis gang zhe na/ sems can gyi go cha dang / sangs rgyas kyi zhing gi yon tan gyi go cha'o// rigs kyi bu de la byang chub sems dpa' rnams kyi sems can gyi go cha gang zhe na/ rigs kyi bu gang byang chub sems dpa' rnams shin tu brtan pa'i brtson 'grus kyis mos shing / pha rol gnon par 'gyur ba dang / pha rol tu phyin pa drug la brtson zhing byams pa bsgoms pas 'phongs pa

  87. 44b

    thams cad dang / mi dge ba'i rtsa ba dang 'grogs pa dang / mtshams med pa byed pa dang / dam pa'i chos spong ba dang / 'phags pa la bskur ba 'debs pa dang / yongs su dag pa'i sangs rgyas kyi zhing thams cad las bkar ba'i sems can yongs su smin par byed do/ / snying rje chen pos lta bar song ba drug cu rtsa gnyis las yongs su grol bar byed pa/ bdag gi kyang yang de bzhin du sems can nyon mongs pa'i skyabs su brlab par bya'o/ / bsdu ba'i dngos po rnam pa bzhi ste/ sbyin pa dang / ngag snyan pa dang / don bya ba dang / don mthun pas sems can mgu bar bya'o// sbyin pa'i bsdu ba'i dngos pos sems can mgu bar byed pa 'di lta ste/ zas dang skom nas mgo'i bar du byin pas/ gang sbyin pa byin pa'i byang chub sems dpa' de ni thabs la mkhas pas yongs su bsngos te/ pha rol tu phyin ba drug yongs su rdzogs par byed do/ / gang sbyin pa byin pa'i byang chub sems dpa' de ni mtshan ma yongs su byin pa 'di ni sbyin pa'i pha rol tu phyin pa'o// gang de ni dngos po la dmigs pa rab tu zhi ba 'di/ ni/ tshul khrims kyi pha rol tu phyin pa'o// dngos po thams cad med pa 'di ni byang chub sems dpa'i bzod pa'i pha rol tu phyin pa'o// gang dngos po yongs su btang ste/ dben par spyod pa'i phyir 'byung ba 'di ni byang chub sems dpa'i brtson 'grus kyi pha rol tu phyin pa'o/ / gang dngos po yongs su btang ste las thams cad la kun tu mi spyod pa 'di yang / byang chub sems dpa'i bsam

  88. 45a

    gtan gyi pha rol tu phyin pa'o/ / gang dngos po yongs su sbyin pa'i phyir bdag gi yid la mi byed mi sems shing dngos po de la dben par sems pa la/ rnam par smin par mi 'dod pas len pa dang / sbyin pa gnyis ma byung ba rnam par mi rtog kun nas mi ldang dngos po med rnam par bsal ba med pa 'di yang / byang chub sems dpa'i rang bzhin mi skye ba'i chos kyi bzod pa'i shes rab kyi pha rol tu phyin pa'o/ / yang byang chub sems dpa' thabs la mkhas pas dong rtse gcig byin pas kyang / pha rol tu phyin pa drug ji ltar yongs su rdzogs par byed/ rigs kyi bu 'di la byang chub sems dpa mtshan ma dang lhan cig pas 'di ltar slob ste/ lus med pa'i phyir longs spyod chen po'i sbyin pa rnam par mi sgrub/ longs spyod chen po'i rgyur sbyin pa rnam par mi spong // longs spyod chen po'i sbyin pa yang dag/ par mi shes te/ rang bzhin gyis stobs 'dzin pa 'di yang sbyin pa'i pha rol tu phyin pa'o// gang 'dod pa'i khams kyi rnam par smin pa mi 'dod pas sbyin pa byin pa'i rgyun bcad pa dang / de bzhin du gzugs dang / gzugs med pa'i rnam par smin pa mi 'dod pas sbyin pa'i rgyun bcad pa dang / brtson 'grus kyi mtshan nyid la mi 'jug pa dang / dran pa'i stobs kyi mi skye ma 'gog pa la dmigs pas sbyin pa byin pa 'di yang tshul khrims kyi pha rol tu phyin pa'o/ / gang sbyin pa ni g.yeng ba'i mtshan nyid dang dran pa'i yul la yang dag par rgyas pa dang / len pa dang dor ba med pa'i rang bzhin can gyi yul la mi khom par dmigs

  89. 45b

    shing snyems pa med pa 'di ni/ bzod pa'i pha rol tu phyin pa'o// gang yang sbyin pa de dmigs pa thams cad kun ldang ba dran pa nye bar gzhag pa'i ye shes dang / rnam par spyod pas lam mi mthun pa yod su spangs pa'i ye shes dang / nyan thos dang / rang sangs rgyas kyi lam la reg pa med pa'i ye shes dang / dma' zhing rab tu nyams pa'i lam dang / tshig pas gdungs pa'i rnams snying rje thams cad kyis yongs su bskyabs te zhi ba'i lam du bzhag pa dang / dben par spyod pa la bdag bde ba skyed cing / theg pa chen po yongs su gzung ba'i phyir sbyin pa byin pa 'di ni/ byang chub sems dpa'i brtson 'grus kyi pha rol tu phyin pa'o/ / gang sbyin pa de las thams cad la mtshan nyid mtshungs shing yul thams cad la ting nge 'dzin bsgrubs pas stong pa'i grong bzhin du rtog pa dang / mtshan ma thams cad blo med cing dngos po med par rtog pa dang / 'dod chags thams cad rkyen la rag las shing bla na med pa dang / rtog pa thams cad lus med cing mtshan nyid skad cig tu 'jig pa dang / gnas thams cad yod pa ma yin zhing mi 'gro rnam par mi 'gro/ kun nas mi ldang ba'i mtshan nyid du rtog pa 'di ni/ byang chub sems dpa'i bsam gtan gyi pha rol tu phyin pa'o// gang sbyin pa de bdag la sems pa med pa dang / dben par sems pa dang / rnam par smin pa 'dod par sems pa dang / len pa rnam par rtog par sems pa de las 'dod pa'i khams kyi phung po la mi gnas pa'i sbyin pa dang

  90. 46a

    sa'i khams la len pa dang / dor ba med pa'i sbyin pa dang / chu dang me dang rlung dang / nam mkha' dang / rnam par shes pa'i khams la blang ba dang / dor ba med pa'i sbyin pa dang / nyan thos dang / rang sangs rgyas 'dul ba'i phyir mi rtogs cing rnam par mi rtog pa'i sbyin pa dang / phung po dang / khams la nam mkha'i kun nas ldang ba dang / gzugs kyi rang bzhin la rnam par mi dmigs pa dang / rna ba dang sna dang lce dang / lus dang / yid dang / rnam par shes pa dang / chos la rang bzhin rnam par mi dmigs pa'i sbyin pa dang / dran pa'i stobs kyi sbyin pa dang brtson 'grus kyi stobs kyis rnam par mi rtog pa'i phyir mtshan ma rgyun mi bcad par sbyin pa byin pa dang / sbyin pa de sgrol ba rnam par mi dmigs ma skyes ma byung ba'i phyir 'dres pa med cing 'chi 'pho dang / skye ba'i sbyin pa 'di ni/ byang chub sems dpa'i shes rab kyi pha rol tu phyin pa zhes smras so// gzhan yang sbyin pa de bdag mi shes shing / longs spyod thams cad gdon mi za bar 'grub pa/ bde ba thams cad skye ba la bzod pa 'dren pa dang / brtson 'grus kyis sems can la mthar thug pa med cing / rnam par mi rtog pa dang / mtshan ma thams cad la blang ba dang / dor ba med pa dang / bsam gtan la 'dug pa med pa dang / khams gsum la shes rab dang / gnyis pa thams cad dang bral de dag gi thabs kyis/ byang chub sems dpa' dong rtse gcig sbyin pa byin te/ rnam pa de lta bu'i sems bskyed pa yongs

  91. 46b

    su bsngos pas/ pha rol tu phyin pa drug po 'di thams cad la gnas par 'gyur ro// nyan thos dang / rang sangs rgyas 'dul ba'i phyir shin tu brtan par mos par 'gyur ro// nyan thos dang / rang sangs// rgyas kyi theg pa la reg pa bskyed par byed do// mu stegs can 'dul ba'i phyir 'gro ba thams cad la 'jug gi lta ba la log par ni mi 'gyur ro// sems can thams cad nye bar 'tsho bar bya ba'i phyir sbyin pa'i las thams cad dang / thams cad mkhyen pa bsgrub pa'i dge ba bcu'i rtsa ba yongs su bsngo bar byed do// bdag gir bya ba'i lta ba thob pa de tshul khrims la nan tan du byed cing / dka' thub dang brtul zhugs yang dag par spyod par 'gyur ro/ / sems can dmyal ba dang / byol song gi skye gnas dang / gshin rje'i 'jig rten pa'i sems can yongs su smin par bya ba dang / sdug bsngal yongs su thar bar bya ba'i phyir dge ba'i rtsa ba yongs su bsngo bar byed do/ / bdag sems can dmyal ba dang / byol song gi skye gnas dang / gshin rje'i 'jig rten pa'i sdug bsngal gyi 'jigs pas skrag par mi 'gyur ro// bdag kyang de bzhin du snying rje chen po'i brtson 'grus brtan pa pha rol gnon pa'i smon lam gyi dbang gis der bsams bzhin du skye ba mtshungs par 'dzin to/ / sems can yongs su smin par bya ba'i phyir// bzod pa thams cad dang ldan par 'gyur ro/ / skad cig ma'i 'du byed thams cad brtag par bya'o// yul gces pa thams cad yang dag par mthong ngo // sems can thams cad yongs su smin par bya ba'i phyir dge ba'i rtsa ba

  92. 47a

    thams cad la brtan pa'i brtson 'grus pha rol la gnon par 'gyur ro/ / sems can thams cad yongs su smin par bya ba'i phyir slob dpon dang slob dpon ma yin pa thams cad la 'jug cing bsam gtan dang ting nge 'dzin la snyoms par zhugs pa'i rnal 'byor la mngon par brtson par 'gyur ro/ / mngon par 'du mi byed par brtags nas yul thams cad kyi bdud kyi lam spyad pas bdag tu lta bar byed do/ / sems can 'dul ba'i phyir shes rab 'byung bar 'gyur ro// byis pa'i yul la spyod pa thams cad la'ang bdag tu lta bar byed do// sems can yongs su smin par bya ba'i phyir/ 'jig rten thams cad kyi yul las shin tu 'das shing / bsam gtan byed do// 'jig rten thams cad kyi yul gyi lam spyod pa la yang yang dag par mthong ngo // sems can thams cad yongs su smin par bya ba'i phyir/ dngos po thams cad yongs su gtong bar 'gyur ro// sems can thams cad yongs su mgu bar bya ba'i phyir/ rigs kyi bu rnam pa de lta bu'i sems can gyi go cha dang / sems can yongs su smin pa'i rgyan dang / byang chub sems dpa'i bsdu ba'i dngos pos sems can dbul po dbul ba las yongs su thar bar bya'o// rigs kyi bu gzhan yang 'di ni sems can yongs su smin par byed cing / byang chub sems dpa' rnams la sbyin pa byin pa 'di ni/ sbyin pa'i pha rol tu phyin pa'o// ji lta bur bsams pas sems can yongs su mgu bar byed pa dang

  93. 47b

    yang na ni zang zing bsam pa'i sems can rnams zang zing gis yongs su smin par byed pa dang / chos 'dod pa'i sems can rnams ji lta bur sems can rnams la gzugs dang mthun par chos bstan pas/ sems can rnams yongs su mgu bar byed cing yongs su smin par byed pa 'di yang / byang chub sems dpa'i sbyin pa'i pha rol tu phyin pa'o// rigs kyi bu gzhan yang sems can yongs su smin pas zang zing gi sbyin pa yang byin pa'i len pa de dag la byams pa dang mthun par sems bskyed par bya ba de nyid kyis de dag yongs su smin par byed do/ / rab tu dga' ba skye ba'i blo dang / ldan pa'i sems skye bar 'gyur ba de nyid kyis de dag yongs su smin par byed do// snying rjes ci bya'o cog byed pa la brtson pa dge ba'i sems skye ba dang ldan par 'gyur ro// btang snyoms shing sdig pa mi byed pa/ dge ba'i sems skye bar 'gyur ba de nyid kyis de dag yongs su smin par byed do// ting nge 'dzin dang mthun pa dang ldan pa sems skye bar 'gyur ba de nyid kyis de dag yongs su smin par byed do// don la rten pa bdag med pa dang ldan pa'i sems skye bar 'gyur ba de nyid kyis de dag yongs su smin par byed do// de yang sbyin pa byin pa'i len pa rnams kyi sems dang bsam pa la dang por byang chub tu sems bskyed pa de nyid kyis de dag yongs su smin par byed do/ / la la len pa rnams la byang chub sems dpa'i spyad pa spyod pa de dag skyo ba skyed par byed pa de nyid kyis de dag yongs su smin par byed do// la la yang yun

  94. 48a

    ring po nas byang chub sems dpa'i spyad pa spyod pa rnams la ji ltar byang chub sems dpa' de dag gis nyan thos dang / rang sangs rgyas kyi theg pa la spyod pa'i rgyun gcod cing / bla na med pa yang dag par rdzogs pa'i byang chub las phyir mi ldog par 'gyur ba de lta bu'i chos ston cing rab tu ston pa de nyid kyis de dag yongs su smin par byed do/ / pa la yang phyir mi ldog pa rnams la ji lta bur skyes bu/ dam pa'i ting nge 'dzin dang / bzod pa'i gzungs thob pas/ mi rtag pa dang / sdug bsngal ba dang / stong pa dang / bdag med pa dang ldan pa rnam pa de lta bu'i chos ston cing rab tu ston pa de nyid kyis de dag yongs su smin par byed do/ / la la yang byang chub sems dpa' rnams la ji ltar byang chub sems dpa' de dag gis sangs rgyas kyi zhing yongs su dag pa rnams rgyun gcad cing nyon mongs pa dang rnyog pa lnga'i sangs rgyas kyi zhing du snying rje chen po skyed pa de lta bu'i chos ston cing / rab tu ston par de na smon lam byed do// de na bla na med pa yang dag par rdzogs pa'i byang chub tu mngon par 'tshang rgya zhing lta ba ngan/ padog pa rnyog pa'i sems can rnams theg pa gsum la sbyor bar byed do// yongs su mya ngan las 'da' bar byed/ thabs des sems can bye ba khrag khrig brgya stong mang po smin par byed do// rigs kyi bu byang chub sems dpa'i ba spu'i khung bu ji snyed pa de snyed kyi sbyin pa'i dngos po rnams yang na ni zang zing gi sbyin pa 'am/ yang na ni chos sbyin pa'i thabs kyis sems can yongs su smin par byed do//

  95. 48b

    / dam po bzhi pa/ rigs kyi bu gzhan yang byang chub sems dpa'ang gastan pa'i bsdu ba'i dngos pos kyang sems can yongs su smin par byed do// rig kyi bu den gang byang chub sems dpa' dga' ba'i mig gis blta ba dang / tshig snyan pas dga' bar bya ba dang / ngag 'jam pas slob pa po dang / chos nyan pa'i rnams snyan pa la sbyor bar byed do// sems can yongs su spyad pas/ sdig pa las phyir ldog par byed do// lta bar song ba thams cad las phyir zlog par byed do// bral ba bzhi'i sems can rnams bzhi la dgod par byed do// bzhi gang zhe na/ tshul khrims dang bral ba'i sems can rnams ngag snyan pa dang / 'jam pas tshul khrims la 'god par byed pa dang / sems can lta ba dang bral ba rnams yang dag pa'i lta ba la dgod par byed pa dang / sems can bsam pa dang bral ba rnams bsam pa yongs su sbyong bar byed pa dang / sems can cho ga dang bral ba rnams yang dag pa'i cho ga la dgod par byed pa'o// rigs kyi bu de na sems can tshul khrims dang bral ba rnams byang chub sems dpa'i ngag snyan pa'i bsdu ba'i dngos pos/ 'phags pa'i tshul khrims la ji ltar dgod par byed/ yang byang chub sems dpa' bden ba tshig mi rtsub pa/ de'i drung du slong ba po nye bar phyin pa'i sems can de dag kyang bsams pa shin tu yongs su mgu bar byed do// de dag la mtshungs par ngag snyan pas gtam smra bar byed do//

  96. 49a

    de dag kyang 'du bar byed do// sems can gang dge ba bcu pa las kyi lam dang ldan par 'gyur ba de dag thams cad ngag snyan pas dge ba bcu'i las kyi lam la yang dag par gzhog par byad/ dgod par byed pa/ 'dzud par byed pa/ tshul khrims ngan pa'i sems can rnams tshul khrims la yang dag par gzhog par byed/ dgod par byed 'dzud par byed do// sems can le lo/ can rnams nyan thos kyi theg pa la yang dag par gzhog par byed/ dgod par byed/ 'dzud par byed do// sems can bdag bde bar 'dod pa rnams rang sangs rgyas kyi theg pa la yang dag par gzhog par byed dgod par byed/ 'dzud par byed do// gzhan yang sems can le lo can rnams brtson 'grus rtson pa la dgod par byed do// 'dzud par byed do// ma dad pa'i rnams dad pa'i brtson 'grus la dgod par byed do/ / thos pa nyung ba'i rnams mang du thos pa dang / 'chal pa'i shes rab can rnams shes rab phun sum tshogs pa dang mi 'grogs pa'i sems can rnams 'grogs pa la sbyor bar byed do// gzhan yang sems can par mi shes shing mar mi shes te/ mgus pa rnams pha ma la gus shing nad pa la bsnyen bkur ba dang / drang srong la sbyor bar byed/ dgod par byed/ sems rtsub pa rnams byams pa la sbyor bar byed/ snying rje med pa'i sems can rnams snying rje la sbyor bar byed/ sems dma' ba can rnams dga' ba la sbyor bar byed/ sems kyis chags pa rnams pa'ang snyoms la sbyor bar byed/

  97. 49b

    sems can ngan song gsum du 'gro ba rnams tshul khrims la bkod pas/ lha'i bde ba skye ba la sbyor bar byed do// 'dod pa la spyod pa'i sems can gyi nang na lhar 'gro ba'i sems can rnams bsam gtam la bkod pas/ gzugs la spyod pa'i lha'i bsam gtan bde ba la sbyor bar byed do// sems can bsam gtan la chags pa rnams gzugs la 'jug pa snyoms par sbyor bar byed/ gzugs med pa'i khams su snyoms par 'jug pa la mngon par chags pa'i sems can rnams mi rtag pa dang / sdug bsngal ba dang / stong pa dang / bdag med pa la sbyor bar byed do/ / sems can bdag tu 'du shes pa la mngon par chags pa rnams nye bar len pa'i phung po lnga spong ba la mi 'jigs shing / dbu ba dang / smig rgyu lta bu dang / mda' dang ral gris 'phangs te gsod pa'i skyes bu lta bu'i sems can rnams la ston par byed do/ / rgyun tu zhugs pa'i 'bras bu la dgod par byed pa nas/ dgra bcom pa'i bar du dgod par byed do// gzhan yang sems can bstan pa ngan pa la rab tu mos shing / sangs rgyas dang chos dang dge 'dun la mngon par mos pa med pa'i sems can de dag sangs rgyas kyi yon tan ston par byed/ sangs rgyas la mi phyed par rab tu mos pa la rab tu gzhog par byed/ rab tu dgod par byed pa nas chos dang dge 'dun gyi bar du'o// gang log pa la lta ba'i sems can log par ston cing / phyi rol gyi mu stegs can gyi tshul khrims la yang

  98. 50a

    dag par zhugs pa'i sems can de dag skyabs gsum du 'gro ba la sbyor bar byed/ dge bsnyen pa'i sdom pa dang / rab tu 'byung ba'i sdom pa dang / 'phags pa'i 'jig rten pa dang / 'jig rten las 'das pa'i tshul khrims la sbyor bar byed 'god par byed do// dge ba bcu'i las kyi lam ni 'jig rten pa'i tshul khrims/ 'phags pa'i slob pa la sdom pa ni 'jig rten las 'das pa'i tshul khrims te/ mu stegs can gzhan gyi tshul khrims kyis ngan song gsum du 'gro ba'i sems can dag/ gang gis lha dang mir skye ba thob pa 'jig rten pa'i sems can la mngon par dgod par byed do// 'dod pa'i khams kyi lha rnams la'ang de nyid kyis de dag yongs sa su smin par byed de// sems can 'jig rten pa'i tshul khrims la zhugs pa'i rnams 'phags pa'i slob pa sdom pa'i tshul khrims// dgod bar byed do/ / gang gis zag pa med pa'i lam gyi 'bras bu thob pa de nyid kyis/ de dag yongs su smin par byed do// sems can nyan thos kyi theg pa pa rnams gang sangs rgyas kyi theg pa la sbyor ba byed pa de nyid kyis de dag yongs su smin par byed do/ / gang sangs rgyas kyi theg pa pa rnams kyang byang chub sems dpa'i yon tan gyi yul pha rol tu phyin pa drug gi tshul khrims la sbyor bar byed/ dgod par byed pa de nyid kyis de dag yongs su smin par byed do/ / byang chub sems dpa' thabs la mkhas pas sems camanyan thos dang / rang sangs rgyas kyi theg pa pa rnams 'phags pa byang chub sems dpa'i tshul khrims la sbyor ba

  99. 50b

    byed do/ / rigs kyi bu de la 'phags pa byang chub sems dpa'i tshul khrims gang zhe na/ sems can pha rol la gnon pa can gyi nang na byang chub sems dpa' sems can thams cad la gnod pa med par gnas pa dang / sems can ma byin par len pa can rnams kyi nang na/ byang chub sems dpa' gzhan gyi nor la mi rku ba'i sems kyis gnas pa nas/ pha rol gyi chung ma la mi g.yem pa dang / brdzun du smra ba la mi slu ba'i bar du'o/ / sems can thams cad la phra ma mi zer ba nas/ ngag mi rtsub pa'i bar du ste/ tshig 'khyal pa zer ba spangs pa dang / gnod sems 'dod pa spangs pa dang / chags sems spangs pa dang / sems kyi rnyog pa spangs pa'i phyir/ gzhan gyi bstan pa spangs pa dang / sangs rgyas dang chos dang dge 'dun gyi yon tan la gus par bya ba la mi bzad par mos shing nyan par 'dod pa dang / bslab pa la mi bzad par gus pa skyed pa dang / kha na ma thob cung zad tsam la 'jigs par lta ba dang / theg pa gzhan mi 'dod pas tshul khrims ma zhig pa dang / ma rungs par skye ba la yang dag par gnas pa rnams skyobs tshul khrims ma ral pa dang / nyon mongs pa'i bag chags spangs pas/ tshul khrims 'dres ma med pa dang / chos dkar po 'phel bas mkhas pas mi smod pa dang / dren pas smra ba dang / ting nge 'dzin kha na ma tho ba med pa dang / dbang po drug srung ba dang / 'dod pa dang chags sems kyi 'dod pa rab tu spangs pas bsam pa bsngags pa'o// lha dang mi mngon par mos

  100. 51a

    par bya ba'i phyir/ rtsod pa dang 'thab mo'i 'du 'dzican yongs su spangs pa de nyid kyis de dag yongs su smin par byed do// sems can yongs su bskyab pa'i phyir/ sems can snying rje med pa'i nang na 'dug pa la byams pa spyod par 'gyur ro/ / sdug bsngal thams cad bzod pa'i sems dang / ngan 'gror 'gro ba la zhum pa med pa'i sems dang / bdag 'khrul pa phyir byin pa dang / gzhan 'khrul pa la ni rtsod cing 'dor po de nyid kyis de dag yongs su smin par byed do// nyon mongs pa dang / rnyog pa lnga'i sangs rgyas kyi zhing 'dir sems can mtha' med par byed pa dang / dam pa'i chos spong ba dang / 'phags pa la skur pa 'debs pa dang le lo can dang / mi dge ba'i rtsa ba dang / lhan cig tu 'grogs pa'i nang na/ byang chub sems dpa' dge ba'i brtson 'grus brtsams par 'gyur ro/ / lus dang ngag dang yid yongs su sbyang ba'i phyir/ tshul khrims dang / thos pa dang / gtong ba dang / bsam gtan dang / tshad med pa'i las dang / gzugs med pa'i khams kyi dge ba'i rtsa ba la brtson 'grus brtsams par 'gyur ro/ / 'dod pa'i khams dang / gzugs dang gzugs med pa'i phung po nyon mongs pa'i bag chags kyi lta ba kun tu sbyor ba dang / tshul chos pa dang / kha gsag gi/ mtshan ma dang / 'jig tshogs kyi mtshan ma dang / mthar 'dzin pa'i lta ba yongs su sbyang ba dang / rab tu spang ba'i phyir rtsol ba de dang de dag gi dge ba'i rtsa ba la yang sems can sbyor bar byed/ dgod par byed

  101. 51b

    pa de nyid kyis/ sems can yongs su smin par byed pa ste/ rigs kyi bu byang chub sems dpa' rnams sems can yongs su smin par bya ba'i phyir/ brtson 'grus dang tshul khrims kyi sems kyi go cha la brtson pa 'di yang 'jig rten pa'i ngag snyan pa'i bsdu ba'i dngos po'o/ / gang gis go cha'i thabs la mkhas pas/ nyon mongs pa dang rnyog pa lnga'i sangs rgyas kyi zhing 'dir byang chub sems dpa'i skyes bu chen po'i rtsal gyi sems can mtshams med pa byed pa dang / dam pa'i chos spong ba dang / 'phags pa la skur pa 'debs pa dang / mi dge ba'i rtsa ba dang lhan cig 'grogs pa dag yongs su smin par 'gyur ro/ / ji ltar yang sangs rgyas kyi zhing yongs su ma dag par byang chub sems dpa' rnams rnam pa de lta bu'i skyes bu'i rtsal yod do// rigs kyi bu de'i tshe gzhung 'dis gang nyon mongs pa dang / rnyog pa lnga'i sangs rgyas kyi zhing du/ byang chub sems dpa' pha rol tu phyin pa drug spyad pa spyod cing / snying rje chen po dang ldan pa de dag/ byang chub sems dpa' zhes bya bar de ltar rig par bya'o// byang chub sems dpa'i ba spu'i khung bu ji snyed pa de snyed kyi ngag snyan pa'i ba spu'i dngos pos/ sems can yongs su smin par byed do// rigs kyi bu de la byang chub sems dpa' rnams kyi 'jig rten las 'das pa'i tshul khrims dang sems can yongs su smin pa dang / don bya ba'i bsdu ba'i dngos po gang zhe na/ rigs kyi bu nyon mongs pa dang / rnyog pa lnga'i sangs rgyas kyi zhing 'dir/ byang chub sems dpa' brtan

  102. 52a

    pa'i snying rje chen pos cings pa dang / bdag gi smon lam gyi khyad par gyis cings pa ni/ 'di lta ste dper na/ phyugs shing la btags pa ltar/ sdug bsngal myong bas na sems dang bsam pa la 'jigs pa 'am skrag pa 'am/ yongs su bsdigs pa skye bar mi 'gyur ro// de chung ngu na sems kyi skad cig ma gcig gis kyang / sems can yongs su smin par bya ba'i phyir snying rje chen po 'di bsgom pa na de ltar bslab bo/ / de 'di snyam du sems te sems can 'di gang sems can 'di ming tsam zhig gam/ sems can 'di phyin ci log tsam zhig gam/ gti mug pa tsam mam/ tha snyad tsam mam/ thog ma ma dag pa 'di sems can zhes bya ba'am/ yang dag pa ma yin par gti mug pa ma gtogs par shin tu mngon par mi sgrub pa dang / 'du byed sna tshogs kyi phyin ci log kun nas ldang ba rnams mngon par 'du bya ba na/ sdug bsngal ba dang / yid mi bde ba myong ba dang / 'dus byas thams cad kyi dngos po gar mkhan gyis tshon 'drab dang / rmi lam lta bu dang / rang bzhin gyi smig rgyu lta bu dang / 'khor ba la chags pa rnams bde bar 'dod cing mngon par 'du bya ba des/ sdug bsngal rnam pa sna tshogs myong ba dang / chos thams cad nam mkhri rang bzhin du mi shes pa na/ kun tu sbyor bas 'khrul pa dang / myos pa'i sngags bsngal sna tshogs kyi nad 'byung bar 'gyur ba dang / gang gis 'gro ba lnga'i 'khor ba la 'khor lo stug po lta bu'i sdug bsngal gyis yongs su

  103. 52b

    'khor ba de dag kyang / bdag cag gis phyin ci log bzhi spangs te ji lta ba bzhin du zhi ba'i lam la dgod par bya zhing / yang dag pa'i sdug bsngal thams cad kyis yongs su smin par bya ba zhig snyam pa dang // de sems can rnams la tshul bzhin du rtog ste/ sems can rnams la dmigs pa'ang med do// srog dang gso ba dang / gang zag dang / shed las skyes pa dang / shed can du dmigs pa'ang med do/ / sems can yongs su smin par bya ba'i phyir/ snying rje chen po yang rnam par mi spong ngo // bstan pa la mos pa dang / sems can rnams 'jig rten las 'das pa'i tshul khrims la sbyor bar byed/ thabs la mkhas pas dgod bar byed/ dgon pa dang / nags 'dab du 'dug pa'i phyir spyod par 'gyur ro// 'du 'dzi yongs su spangs shing / brtson 'grus brtsams pa nye bar len pa'i phung po lnga la lha dang mi mngon par mos par bya ba'i phyir/ yid la byed pa'i rnal 'byor dang ldan par 'gyur ro// gang yang phyag 'tshal ba dang / bsnyen bkur ba dang / 'du 'dzi spang ba'i phyir/ sems can de dag gi drung du nye bar byin nas chos ston te/ bag la nyal ba spang ba'i phyir/ 'gro ba lnga la mngon par chags pa rjes su smon pa rnam par byang ba'i phyogs la sbyor bar byed do/ / nyes pa mang po'i lta ba dang / nga yir bya ba dang / bdag gir bya ba dang / rtag pa dang / chags pa yongs su spangs pa'i phyir dgon pa'i gnas dang / sbyangs pa'i yon tan bcu

  104. 53a

    gnyis la rab tu gnas par byed pa de dag gi gan du gus pa skye bar 'gyur ro/ / de dag la'ang 'jig rten las 'das pa'i tshul khrims ston par byed pa ni/ sangs rgyas kyis gnang ba/ 'jig rten las 'das pa'i tshul khrims 'di'o// gang dang ldan pa'i sems can thams cad 'dod pa'i 'dod chags 'jig par byed do// gzugs dang gzugs med pa'i 'dod chags thams cad 'jig par byed do/ / bag la nyal ba dang / nga yir bya ba dang / bdag gir bya ba thams cad 'jig par byed do// myur du chos zab mo gting dpag dka' ba'i bzod pa thob bo// myur du bla na med pa yang dag par rdzogs pa'i byang chub tu mngon par 'tshang rgya'o/ / sems can 'jig rten pa'i tshul khrim can yang dang yang du sdug bsngal gyis zil gyis non cing / 'gro ba lnga'i 'khor lo la yang dag par gnas pa/ nga yir bya ba dang / bdag gir bya ba la rten pa dag byang chub kyi lam rab tu mi shes so// de bzhin du rdzu 'phrul chen po 'jig rten las 'das pa'i tshul khrims kyis sems can rnams dgos pa med pa ni gang na bdag gis gnas med cing / sems can dang / srog dang / gso ba dang / gang zag dang / shed las skyes pa dang / shed can gyis gnas med pa dang / gzugs kyi gnas med pa dang / tshor ba dang / 'du shes dang / 'du byed dang / rnam par shes pa'i gnas med pa dang / sa'i khams kyi gnas med pa dang / chu dang rlung dang ma dang / mig dang gzugs kyi mtshan ma la mi gnas

  105. 53b

    shing / rna ba dang sgra'i mtshan ma la mi gnas/ lce dang ro'i mtshan ma la mi gnas/ lus dang reg bya'i mtshan ma la mi gnas/ yid dang chos kyi mtshan ma la mi gnas/ lus dang ngag dang yid kyi mtshan ma la mi gnas/ nga yir bya ba'i rang bzhin gyis mtshan ma la mi gnas/ rtag pa dang chad pa'i mtshan ma la mi gnas/ 'jig tshogs kyi lta ba dang / mthar 'dzin pa'i lta ba la mi gnas/ rdeg pa dang / rnam par rtog pa dang / kun tu rtog pa dang / rab tu rtog pa dang / nye bar rtog pa la mi gnas/ mya ngan dang nye ba'i mya ngan dang / rjes su mya ngan dang / zad pa'i mya ngan dang / gnyis pa'i mya ngan la mi gnas/ stong pa nyid dang / smon pa med pa dang / mtshan ma med pa dang / khams gsum gyi rgyud la mi gnas mngon par du mi byed/ ma skyes ma byung / ma byas mngon par ma byas pa la mi gnas/ dus gsum la mi gnas/ sems dang yid kyi mtshan nyid la mi gnas/ nyon mongs pa dang / rnam par byang ba dang / tshig pa dang / rjes su tshig pa dang / skad cig tu 'jig pa'i mtha'i rdul la mi gnas/ mngon par mi shes pa dang mthun pa la mi gnas/ nyan thos kyi theg pa sdom pa la mi gnas/ rang sangs rgyas kyi theg pa la mi gnas/ mtshan ma la mi gnas shing / pha rol tu phyin pa drug la snyems par mi gnas kyi/ sems dang yid kyi rnam par shes pa'i rnam par spyod pa nam mkha' bzhin du gnas shing yang dag pa dang / yang dag pa ma yin pa'i rnam par spyod pa la mtshungs

  106. 54a

    par gnas so zhen pa gnyis su med pa rnam par dpyod pa dang / chags pa gnyis su med pa rnam par dpyod pa dang / ye shes gnyis su med pa rnam par dpyod pa dang / rnal 'byor gnyis su med pa rnam par dpyod pa dang / pha rol tu phyin pa gnyis su med pa rnam par dpyod pa dang / rtog pa gnyis su med pa rnam par dpyod pa dang / zag pa dang bcas pa gnyis su med pa rnam par dpyod pa dang / lam gnyis su med pa rnam par dpyod pa dang / nyon mongs pa med pa'i 'dren pa gnyis su med pa rnam par dpyod pa ste/ rigs kyi bu rnam pa de lta bu'i tshul khrims dang ldan pas/ rigs kyi/ bu chos zab mo'i bzod pa thob bo// thog ma med pa'i stong pa nyid rab tu byed pa'i ye shes la mkhas par 'gyur ro// shes rab snang bas byang chub kyi lam rnam par sbyong bar byed do// 'jig rten gyi chos kyis gos pa'ang med do/ / bdud kyi las kyis gos pa'ang med do// bag chags kyi rjes su 'brel pa'i nyon mongs pas gos pa'ang med do// phyogs bcur shes rab kyi snang bas ldan par 'gyur ro// shes rab kyi stobs skyes pas yul thams cad yongs su shes par 'gyur ro/ / sangs rgyas kyi chos thams cad la snang ba thob par 'gyur ro// 'dod chags kyi 'khor bas ldan pa dang / mya ngan las 'das pa dang / dngos po dang / dngos po med pa thams cad kyis nyon mongs pa dang rnam par byang ba yongs su shes pa dang / chags pa thams cad las yang dag par shin tu 'das pa dang / mya ngan las 'das par 'gro

  107. 54b

    ba'i spyod yul du 'gyur zhing / 'khor ba'i yul du yang yang dag par mthong ngo // dben pa'i spyod yul du'ang 'gyur zhing / 'du 'dzi thams cad la mngon par chags par yang yang dag par mthong ngo // bsam gtan gyi spyod yul du'ang 'gyur zhing / btsun mo'i 'khor du yang yang dag par mthong ngo // mngon par 'du mi byed pa'i spyod yul du'ang 'gyur zhing / 'du byed thams cad kyi yul du yang yang dag par mthong ngo / / ma skyes pa'i spyod yul du'ang 'gyur zhing / bdud bzhi'i yul gyi spyod yul du'ang yang dag par mthong ngo // 'phags pa'i skye bo'i spyod yul du'ang 'gyur zhing / 'phags pa'i skye bo yul ma yin par yang dag par mthong ngo / / 'jig rten gyi yul las yang dag par shin tu 'das par yang 'gyur zhing / 'jig rten thams cad kyi yul gyi spyod yul du'ang yang dag par mthong ngo // shes kyi spyod yul du'ang 'gyur zhing / byis pa'i yul gyi spyod yul du'ang yang dag par mthong ngo // yang dag pa'i mtha'i yul yang mngon sum du 'gyur zhing / nyan thos dang rang sangs rgyas kyi yul spyod pa la yang dag par dga' bas kyang / byang chub sems dpa'i yul la spyad pa spyod do// yul thams cad mtshan nyid med pa'i spyod yul la shes rab kyi pha rol tu phyin pa sgom par byed do// spyod pa dang mtshan nyid dang / dpe byang sangs rgyas kyi yul la yang dag par gzhol ba'i rnam par shes pa la brtson pas/ bdud bzhi'i yul la dbye bar 'jug pa shes par 'gyur ro// de bzhin gshegs pa la mchod cing rim gro pa'i da ba'i phyi sangs rgyas

  108. 55a

    kyi zhing thams cad du nye bar 'gro ba la brtson par 'gyur zhing / de bzhin gshegs pa thams cad kyi bstan pa'ang byed do// sangs rgyas kyi yul thams cad yongs su rdzogs par byed cing thams cad mkhyen pa'i ye shes kyi yul la'ang 'jug par byed do/ / dmigs pa thams cad kyi dge ba spyod pa la sems can yongs su smin par byed do// nyon mongs pa'i ri rnam par phye mar byed do// spros pa thams cad rab tu ded par byed do/ / lta ba thams cad rnam par 'jigs par byed do// sangs rgyas kyi chos thams cad la yang dgod par byed do// rigs kyi bu nyon mongs pa dang / rnyog pa lnga'i sangs rgyas kyi zhing na/ sems can mi dge ba'i rtsa ba dang lhan cig tu 'grogs pa rnams kyi nang na/ byang chub sems dpa' rnam pa de lta bu'i pha rol tu phyin pa drug spyad pa spyod pa'i tshe/ rnam pa de lta bu'i don bya ba bsdu ba'i dngos pos/ sems can rnams 'jig rten las 'das pa'i tshul khrims la sbyor bar byed do// dgod par byed do// yon tan gyis sangs rgyas kyi yon tan don bya ba la sems can rnams dgod par byed pa 'di dag kyang / byang chub sems dpa'i skyes bu chen po'i khur to// sems can gyi bsdu ba'o// sems can gyi tshogs so// sems can yongs su smin par byed pa'o// gang sems can shin tu dbul po las yongs su thar par byed pa'o/ / rnam par thar pa'i sgo gsum la dgod par byed pa'o// ji lta bur sangs rgyas kyi zhing rnam par ma dag par byang chub sems dpa' la la rnam pa de lta bu'i rtsa la byed cing /

  109. 55b

    byang chub sems dpa'i ba spu'i khung bu ji snyed pa de snyed kyi don bya bas sems can yongs su sman par 'gyur ro// rigs kyi bu gzhan yang byang chub sems dpa'i don mthun pas sems can yongs su smin pa'i rtsal chen po gang zhe na/ rigs kyi bu nyon mongs pa dang / rnyog pa lnga'i sangs rgyas kyi zhing 'dir/ byang chub sems dpa' pha rol tu phyin pa drug la spyad pa spyod pa na/ gang gi tshe bdag brtson par 'gyu ba yang na ni sbyin pa'i pha rol tu phyin pa/ yang na ni tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la brtson par 'gyur ba de dang der sems can rnams sbyor bar byed de/ gal te yang byang chub sems dpa' sbyin pa byin pas/ zas sam/ skom nas yan lag gi dam pa mgo'i bar du gtong bar 'gyur ba de/ de ltar sems can rnams la sbyin pa'i pha rol tu phyin pa'i yon tan ston pa de la sbyor bar byed do/ / gang gi tshe byang chub sems dpa' srog gcod pa spangs shing sems can rnams la snying rje ba de/ de ltar srog gcod pa zlog par byed/ sems can thams cad la snying rje bar sbyor bar byed de/ 'jig rten las 'das pa'i tshul khrims la dgod par byed pa nas/ yang dag par lta ba'i bar du smra bar bya'o// ji ltar yang byang chub sems dpa' bdag bzod pa'i yon tan dang ldan par 'gyur ba dang / ngag la nyal ba spang ba'i phyir/ bzod pa bsgom par byed pa nas mi skye ba'i chos kyi bzod pa thob pa'i bar du/ de la sems can rnams sbyor bar byed cing / mi skye ba'i chos kyi

  110. 56a

    bzod pa'i bar du dgod par byed do/ / ji ltar byang chub sems dpa' bdag brtson 'grus brtsams nas/ sems can yongs su smin par bya ba'i phyir/ dge ba'i lus kyi las byin gyis brlabs pa dang / dge ba'i ngag gis las dang / yid kyi las byin gyis brlabs pa nas/ dge ba'i rgyur 'du shes pa dang / zhi ba dang / snying rje chen po'i rgyur 'dus byas rnams rnam par mi spongs pa de la sems can rnams sbyor bar byed/ dgod par byed do// ji lta bur byang chub sems dpa' nyan thos dang / rang sangs rgyas 'dul ba'i phyir/ nyan thos dang / rang sangs rgyas kyi theg pa la gnas te/ bsam gtan la bsam gtan du byed do// de bzhin gshegs pa'i ting nge 'dzin yongs su rdzogs par bya ba'i phyir/ nyan thos dang / rang rgyal ba dang bral ba'i bsam gtan la bsam gtan du byed do/ / byang chub sems dpa' bdag med pa'i bsam gtan la bsam gtan du byed pa nas/ 'khyil ba dang ldog pa'i bsam tan thob pa'i bar du de la sems can rnams de dang de dag gi yon tan la sbyor bar byed/ dgod par byed do// ji lta bur byang chub sems dpa' bdag shes rab kyi pha rol tu phyin pa la mngon par brtson pa na/ thabs sna tshogs kyi shes rab kun 'byung bar byed do// ji ltar bdag mngon sum du 'gyur ba de ltar sems can rnam sbyor bar byed do// ji lta bur chos thams cad la ye shes thob cing / pha rol ma yin pa'i rkyen mngon par shes pa de ltar sems can gyi rgyu'i

  111. 56b

    phyir chos 'di dag 'byung ba 'di ni/ sems can yongs su smin par sbyor ba'i thabs la mkhas pa'i ye shes te/ gang gis las kyis sems can rnams dge ba'i rtsa ba bskyed par nus pa de'i bar du sbyor ba'i byin gyis brlabs pa'i phyir chags pa yang med do/ / sems can nyan thos kyi theg pa pa rnams nyan thos kyi theg pa la sbyor bar byed do// sems can rang sangs rgyas kyi theg pa pa rnams rang sangs rgyas kyi theg pa la sbyor bar byed do/ / sems can ji lta bur phra ba'i chos la ye shes mngon sum du 'byung bar 'gyur ba de ltar byang chub kyi spyod pa zab mo la sbyor bar byed do// las kyi rnam par smin pa la mkhas pa'i ye shes dang ldan pa'i dran pa rnam par mi spong ba 'di yang / byang chub sems dpa'i thabs la mkhas pas rab tu byed pa'i ye shre mngon par bsgrub pa'o// gang byang chub sems dpa'i chos dang / sems dbang byed par rab tu shes shing / skad cig mar 'jig pa'i mtshan nyid la yang rtog pa dang / sems can la snying rje chen po rnam par mi spong ba 'di yang / byang chub sems dpa'i thabs la mkhas pas/ sems can yongs su smin pa mngon par bsgrub pa'o// gang byang chub sems dpa' sems can stong pa nyid dang / don dam pa stong pa nyid la spyod pa thams cad kyi mtshan nyid du dmigs pa yang med cing / sems can rnams theg pa gsum la sbyor bar byed pa dang / sems can yongs su smin par sbyor ba'i rgyun ma bcad pa 'di yang byang chub sems dpa'i thabs la mkhas pra//

  112. 57a

    sems can yongs su smin par mngon par bsgrubs pa'o// gang byang chub sems dpa' lus dang ngag dang / yid kyi 'du byed bdag med pa dang ldan pas/ chos ston pa la dmigs pa/ med pa dang / nyan pa dang sgra dang / dbyangs la dmigs pa med pa dang / las kyi 'bras bu rnam par smin pa la dmigs pa med pa dang / sems can rnams la snying rje ba'i phyir yang sems can phyin ci log la yang dag par 'du ba med pa rnams la sems can gyi mtshan nyid kyi rjes su 'brel pa ston pa 'di yang / byang chub sems dpa'i thabs la mkhas pas/ sems can yongs su sbyang ba mngon par bsgrubs pa'o/ / byang chub sems dpa' rang bzhin gyis 'du byed par mi dmigs shing / gtong bar yang mi dmigs pa dang / len pa dang / rnam par smin pa'i 'bras bu yang ma yin la sems can la snying rje ba'i phyir/ yang sbyin pa byin par 'gyur la sems can rnams la sbyin pa'i 'bras bu rnam par smin par yang ston par byed pa dang / sbyin pa'i bsod nams bya ba'i dngos po la sbyor bar byed pa 'di yang / byang chub sems dpa'i thabs la mkhas pas/ sems can yongs su smin pa mngon par bsgrub pa'o// yang byang chub sems dpa' ji ltar sems can gyis lus brjod pa med pa dang / 'gyur ba med pa dang / mi gtsang ba'i gzugs brnyan lta bur rab tu shes pa dang / sems brag cha lta bur rtag pa dang / 'du byed sgyu ma'i rang bzhin ltar rab tu shes pa dang / sems can

  113. 57b

    rnams la snying rje chen po rab tu sbyor ba rnam par mi spong ba dang / sems can rnams lus dang ngag dang / yid kyi 'du byed la sbyor bar byed pa dang / rgyu dang 'bras bu yang dag par ston par byed pa 'di yang byang chub sems dpa'i thabs mkhas pas/ sems can yongs su smin pa mngon par bsgrubs pa'o// yang byang chub sems dpa' ji lta bur bdag med cing mngon par 'du mi byed pa'i tshul khrims la rtog par byed pa dang / spyod pa'i mtshan nyid kyang rab tu shes pa dang / 'di la sems can gyi btang snyoms su rab tu sbyor ba mi 'gyur ba dang / sems can rnams yang phung po gsum la sbyor bar byed pa ni/ lhag pa'i tshul khrims su slob pa dang / lhag pa'i sems dang / lhag pa'i shes rab la sbyor bar byed pa 'di yang / byang chub sems dpa'i thabs la mkhas pas/ sems can yongs su smin pa mngon par bsgrubs pa'o/ / yang byang chub sems dpa' 'di ltar lus dang ngag dang / yid kyi 'du byed skad cig tu 'jig pa'i mtshan nyid du shes te/ 'dus ma byas kyi gnas dang bral bar yang dag par rjes su mthong zhing / sems can rnams la ting nge 'dzin dang / bzod pa'i rgyu dang / 'bras bu mtshungs par ston pa de la sems can rnams sbyor bar byed pa 'di yang / byang chub sems dpa'i thabs la mkhas pas/ sems can yongs su smin pa mngon par bsgrubs pa'o// byang chub sems dpa' ji ltar yang blang ba med pa dang / dor ba med pa'i 'du byed thams cad shes shing / rgyu dang 'bras bur

  114. 58a

    yang rtog pa dang / chos thams cad skye ba dang / 'gog par dmigs pa med pa dang / rgyu dang rkyen gyi 'bras bu rnam par smin pa dang / bral bar rab tu mi shes pa dang / sems can// rnams yongs su smin par byed pa dang / snying rje chen po'i rgyun mi gcod pa dang / yang sems can rnams kyi nyon mongs pa rab tu spangs pa dang / phung po yongs su shes pa dang / ye shes mngon sum du bya ba'i phyir brtson 'grus brtsams pa dang / rgyu'i 'bras bu ston par byed pa dang / sems can le lo can rnams brtson 'grus la dmigs pa'i sdug bsngal 'dzin pa la sbyor ba 'di yang byang chub sems dpa'i thabs la mkhas pas/ sems can yongs su smin pa mngon par bsgrubs pa'o// byang chub sems dpa' ji ltar yang bsam gtan la bsam gtan du byed cing / 'du byed thams cad mi rtag par yang dag par rjes su mthong ba dang / sdug bsngal ba dang / bdag med pa dang / myong ba med pa dang / byas pa med pa dang / bya ba med pa dang / kun nas ldang ba med pa dang / skad cig tu zad pa med pa'i ye shes la mkhas pa'i 'du byed rnams yang dag par rjes su mthong ba dang / sems can rnam la yang phung po la rten pa'i bsam gtan tshangs par spyod pa mngon par shes pa thob pa'i rgyu dang 'bras bu ston pa dang / bsam gtan gyis nyon mongs pa spangs par byos shig ces de ltar las gzhan ma yin pas/ sems can rnams bsam gtan la sbyor bar byed pa dang / thob pa chen po thob/

  115. 58b

    par byos shig/ ces bsam gtan la sems sbyor bar byed pa 'di yang / byang chub sems dpa'i thabs la mkhas pas/ sems can yongs su smin pa mngon par bsgrubs pa'o// yang byang chub sems dpa' ji ltar blang ba med cing / dor ba med pa dang / chags pa dang / khong khro ba gnyis ka dang bral bas/ thams cad btang snyoms thob pa dang / nan tan dang / bdag tu shes pa dang mi skye ba'i chos kyi bzod pa dang / bsam gtan gyis dbang po la yid kyi 'du byed rnams rtogs par mi byed/ rnam par rtog par mi byed pa dang / sems can rnams la snying rje chen po rab tu sbyor ba yongs su 'grub pa rab tu mi spong ba dang / shes rab bsgom pa la brtson pas sems can rnams 'khor ba'i btson ra las rab tu thar par ston pa dang / sems can rnams thos pa dang / bsam gtan la brtson zhing tshol ba sgom pa la sbyor bar byed pa dang / yang byang chub sems dpa' ji lta ji lta bur dge ba'i chos kyi khyad par khong du chud pas/ 'khor ba'i 'dam las rgal bar 'gyur ba de lta de lta bur sems can rnams chos de dang de dag la yang dag par gzhog par byed/ sbyor bar byed/ dgod par byed pa 'di yang / byang chub sems dpa'i ye shes kyi thabs la mkhas pas/ sems can yongs su smin par bya ba'i phyir/ don 'thun pa bsdu ba'i dngos po mngon par bsgrubs pa'o/ / rigs kyi bu byang chub sems dpa'i ba spu'i khung bu ji snyed pa de snyed kyi sems can yongs su smin pa don 'thun pa'i bsdu ba'i dngos po'o// gzhan yang

  116. 59a

    nyon mongs pa rnyog pa lnga'i sangs rgyas kyi zhing dungan song gsum dang / ngan song du spyod pa'i nyes pa dang / sems can nyon mongs pa dang / tshe dang lta ba dang bskal pa'i rnyog pas byang chub sems dpa' rnyog pa lnga'i sangs rgyas kyi zhing 'di las smon lam gyi rgyun mi gcod cing / sangs rgyas kyi zhing gi yon tan gyi tshogs la mngon par mi 'dod pas/ sangs rgyas kyi zhing yongs su dag par smon lam mi byed do/ / yang nyon mongs pa dang / rnyog pa lnga'i sangs rgyas kyi zhing du pha rol tu phyin pa drug gis byang chub kyi spyad pa spyod pa na/ sems can mtshams med pa byed pa dang / dam pa'i chos spangs pa dang / 'phags pa la skur pa 'debs pa dang / mi dge ba'i rtsa ba dang lhan cig tu 'grogs pa rnams/ bsdu ba'i dngos po rnam pa bzhi po'i ngadag gis/ sems can rnams yongs su smin pa skyed par byed do/ / theg pa gsum la sbyor bar byed do// pha rol tu phyin pa drug la dgod par byed do// de yang 'dir de tsam gyi byang chub kyi spyad pa spyod cing / sems can yongs su smin pa skyed par byed do// 'dir yang 'dul ba 'dzin pas nas/ / bla na med pa yang dag par rdzogs pa'i byang chub tu mngon par 'tshang rgya ba'i bar du'o// byang chub thob pa na yang sems can mtshams med par byed pa nas/ mi dge ba'i rtsa ba dang lhan cig tu 'grogs pa'i bar du yongs su smin par 'gro zhing / sems can rnams theg pa gsum la yongs su smin par byed pa/ nyon mongs pa'i lta ba thams cad las yongs su thar par byed pa 'di'ang rigs

  117. 59b

    kyi bu nyon mongs pa dang / rnyog pa lnga'i sangs rgyas kyi zhing 'dir/ byang chub sems dpa' rtsal chen pos yongs su smin pa'i go cha'o// gang byang chub sems dpa' la las sangs rgyas kyi zhing yongs su dag par sems can gyi go cha rnam pa de lta bus/ sems can yongs su smin par bya bar mi nus pa 'di yang / rigs kyi bu byang chub sems dpa' chen po go cha de lta bu dang ldan pas/ sems can yongs su smin pa'o/ / yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo// le'u gsum pa'o// // rigs kyi bu de la byang chub sems dpa' rnams kyi sangs rgyas kyi zhing gi yon tan gyi tshogs gang zhe na/ rigs kyi bu nyon mongs pa dang / rnyogs pa lnga'i sangs rgyas kyi zhing 'dir/ byang chub sems dpa' sems dpa' chen po snying rje chen po dang ldan pa/ bar 'ga' ji zhig tu skyes pa na/ sems can mtshams med pa byed pa dang / dam pa'i chos spong ba dang / 'phags pa rnams la skur ba 'de bas pa dang / mi dge ba'i rtsa ba dang / lhan cig tu 'grogs pa rnams yongs su smin par byed/ dge ba'i chos thams cad la sbyor bar byed/ nyon mongs pa dang / lta ba'i bag chags thams cad las sems can yongs su smin par byed cing sems can re re'i don gyi phyir/ bskal pa'i sdug bsngal mang po bzod pa nas/ sems can de 'khor ba'i 'jam las sgrol ba dang / sangs rgyas gcig gi thang du

  118. 60a

    phul ba nas/ sangs rgyas bye ba khrag khrig brgya stong gi thad kyi bar du phul lo// gang gi tshe sems can dge ba'i rtsa ba la rten par 'gyur ba de/ sangs rgyas bcom ldan 'das la bya ba byas pa dang / rnam par rol pa mngon par shes pa dang / ting nge 'dzin gyi stobs kyi pha rol thob pas/ phyogs bcu'i sangs rgyas kyi zhing chu bo gang+gA'i bye ma snyed du rdzu 'phrul gyi stobs kyis nye bar 'a/ bar nus par 'gyur ro// de nas sangs rgyas bcom ldan 'das la bsnyen bkur to// de nas sangs rgyas kyi zhing gi yon tan gyi tshogs nye bar rtogs so// de nas yongs su dag pa'i sangs rgyas kyi zhing gi yon tan gyis tshogs chen po yang ji 'dra ba yang dag par rjes su mthong ngo / / de na yang rigs kyi bu de'i shin tu sred pa dang ldan pa skye bar 'gyur ro// rigs kyi bu de yang de bzhin gshegs pa de dag la yongs su zhus pas/ las cis na byang chub sems dpa' sangs rgyas kyi zhing yongs su dag par skye bar 'gyur ro// sangs rgyas la blta ba dang / chos mnyan pa dang / dge 'dun la bsnyen bkur bas 'bral ba med par 'gyur ro/ / nyan thos dang / rang sangs rgyas kyi theg pa pas 'dres pa med pa'o// nyon mongs pa thams cad kyis 'dres pa med pa'o// ting nge 'dzin dang gzungs kyi thams cad kyis 'bral ba med par 'gyur ro/ / nyon mongs pa dang / yang rnyog pa lnga'i sangs rgyas kyi zhing du mi skye ba ji tsam pa/ bla na med pa yang dag par rdzogs pa'i byang chub tu 'tshang mi

  119. 60b

    rgya'o/ / byang chub thob pa'i sangs rgyas kyi zhing de rgya che zhing / sangs rgyas kyi zhing gi yon tan gyi tshogs kyis rgyas par 'gyur ro// byang chub sems dpa'i theg pa chen po dag la yang dag par zhugs pas sangs rgyas kyi zhing de khyab par 'gyur ro/ / nyan thos dang / rang sangs rgyas kyi theg pa pa'i sems can gyis/ sangs rgyas kyi zhing bral bar 'gyur ro// sangs rgyas bcom ldan 'das de dag gis/ rigs kyi bu de la ji lta ba bzhin du gsungs pa/ las gang dang gang spyod pa dang / nan tan gang gis yon tan de dag thob par 'gyur ba de yang / rigs kyi bu de tshe tshe rabs rabs su yon tan dang spyod pa'i nan tan la brtson par 'gyur ba nas/ der skye bar 'gyur ba'i bar du'o// yon tan ji tsam pa thams cad yongs su rdzogs shing / sangs rgyas kyi zhing gi yon tan gyi tshogs rgya chen po thams cad kyis sangs rgyas kyi zhing du khyab par 'gyur ro/ / gang na rigs kyi bu bla na med pa yang dag par rdzogs pa'i byang chub tu mngon par 'tshang rgya ba de/ nyan thos pa ras dra rgyas kyi theg pa pas rnam par spangs te/ byang chub sems dpa' sems dpa' chen po dag pa rnams la theg pa chen po dag pa'i gtam smra bar byed kyi/ nyan thos dang sangs rgyas kyi gtam ni ma yin no// sems can dge ba'i rtsa ba bskyed pa dang / yongs su sbyang dbyas pa dang / byang chub sems dpa'i yon tan mang po dang ldan pa dang / sangs rgyas kyi yon tam tshad med pa la 'jug pa'i ye shes la mkhas pa rnams la chos ston par byed do//

  120. 61a

    gang dag la chos ston pa de dag thams cad sangs rgyas kyi zhing yongs su dag par skye bar bya ba'i phyir sngon gyi yongs su ma dag par ma yin no// pha rol tu phyin pa drug yongs su rdzogs par bya ba'i phyir/ sangs rgyas kyi zhing yongs su dag par byang chub kyi spyad pa bsngags par byed kyi/ yongs su ma dag par ni bsngags par mi byed do// sems can gyi bsam pa yongs su dag pas dge ba'i bshes gnyen de dag dang 'grogs shing / sten pa dang / sdom pa la dgod pa dang / yon sbyong ba bsngags par byed kyi yongs su ma dag par ni ma yin no// rigs kyi bu gang sangs r gyas kyi zhing yongs su dag par 'das pa'i de bzhin gshegs pa dgra bcom pa yang dag par rdzogs pa'i sangs rgyas de dag thams cad kyis sngon rnyog pa lnga'i sangs rgyas kyi zhing yongs su dag par thog mar sa bon bskyed na/ bla na med pa yang dag par rdzogs pa'i byang chub tu sems bskyed do// gang yang phyogs bcu'i sangs rgyas kyi zhing yongs su dag pa tshad med grangs med par nga ldan gyi sangs rgyas bcom ldan 'das bzhugs shing 'tsho skyong ba/ byang chub sems dpa' theg pa chen po dag pa la yang dag par zhugs pa rnams la/ theg pa chen po dag pa'i gtam smra ba'i de bzhin gshegs pa de dag thams cad kyis sngon nyon mongs pa dang / rnyog pa lnga'i sangs rgyas kyi zhing 'dir/ thog mar sa bon bskyed nas/ bla na med pa yang dag par rdzogs pa'i byang chub tu sems bskyed do// 'dir yang sngon

  121. 61b

    dge ba'i rtsa ba la/ brten par gyur to// mngon par shes pa gang gis sangs rgyas kyi zhing yongs su dag pa nas/ sangs rgyas kyi zhing gzhan du 'gro ba'i mngon par shes pa thob par 'gyur to// gang na sangs rgyas kyi zhing gi yon tan gyi tshogs tshad bzung ba dang / brtags pa der phyin chad kyang skye bar smon lam byas pas/ der bla na med pa yang dag par rdzogs pa'i byang chub kyi bar du mngon par 'tshang rgya'o// yang phyogs bcu'i sangs rgyas kyi zhing yongs su dag par phyis bla na med pa yang dag par rdzogs pa'i byang chub tu mngon par 'tshang rgya ba de dag thams cad kyis/ rnyog pa lnga'i sangs rgyas kyi zhing yongs su ma dag par thams cad kyi thog mar dge ba'i rtsa ba'i sa bon bskyed nas/ bla na med pa yang dag par rdzogs pa'i byang chub bo// gang gi tshe sems skyed pas mngon par shes pa thob pa ni sa rab nas sangs rgyas kyi zhing yongs su dag par bla na med pa yang dag par rdzogs pa'i byang chub tu mngon par 'tshang rgya ba'i bar du'o/ / gang yang phyogs bcu'i sangs rgyas kyi zhing yongs su dag par byang chub sems dpa' dag da ltar chos kyi sgra sna tshogs kyis/ nyon mongs pa sna tshogs dang bral zhing chos zab mo tshul la 'jug pa'i ye shes la mkhas pa dang / phyir mi ldog pa dang / gang yang chos zab mo'i bzod pa thob pas/ dga' ba dang bde ba myong bar 'gyur ro/ / gang yang da ltar khyed cag sangs rgyas kyi zhing du yongs su dag pa nas/ de bzhin gshegs pa shAkya thub pa'i sangs rgyas kyi zhing mi mjed kyi rnyog pa lnga'i sangs rgyas kyi zhing

  122. 62a

    'dir mngon par lpags par khyed cag thams cad kyis sngon thams cad kyi thog mar nyon mongs pa dang / rnyog pa lnga'i sangs rgyas kyi zhing du dge ba'i rtsa ba'i sa bon bskyed nas/ bla na med pa yang byar rdzogs pa'i byang chub tu sems bskyed do// thams cad kyi thog mar pha rol tu phyin pa drug la brtson par byas pa de la yang / mngon par shes pa gang gis phyis phyogs bcu'i sang rgyas kyi zhing yongs su dag pa gzhan du 'gro ba'i mngon par shes pa thob par gyur to/ / gang na sangs rgyas kyi zhing gi yon tan gyi tshogs kun tu shes shing rtogs pa der/ phyis skye ba mngon par shes pa'i smon lam byas pas/ de dag de nyid kyi nan tan gyis zhugs pas/ bsam pa ji snyed pa yongs su rdzogs so// sangs rgyas kyi zhing yongs su dag pa der skyes pa rnams sangs rgyas gzhan 'phel ba'i phyir/ yang rnyog pa lnga'i sangs rgyas kyi zhing yongs su ma dag pa 'di ni mi 'dod do// nyon mongs pas bsgribs pa dang / lta ba dog par thob pa 'di dag snod cing / 'di la snying rje chen po mi skyed pa de dag byang chub sems dpa' zhes bya'i/ sems dpa chen po zhes mi bya'o// rigs kyi bu 'di lta ste dper na/ gtar mkhan mkhas pa la la mchog tu dri mi zhim pa dang ldan pa'i sman gyi yo byad kyis/ mi zhar ba dang long ba rnams kyi mig gi nang cung zad tsam rab tu zhi bar byed do// zhi bar shes nas/ de dag gcig la gcig smras pa bdag cag gis gzugs

  123. 62b

    kyi snang ba la blta bar btsam ste/ bdag cag sgron mar gyur pa'i sman pa'i khyim 'di nas byung la 'gro bar bya'o snyam nas/ phyir 'ong ba yang med pa mang po de dag kyang sman pa'i khyim de las 'byung bar 'gyur ro/ / ji lta bur nang 'di rab tu zhi ba med de de dag mig gi nad yun ring por gnas pa bltas nas yang 'ong ngo // de dag kyang sman pa'i khyim der gnas par 'gyur ro// de dag yun ring bas kyang nad thams cad grol bar 'gyur ro/ / rigs kyi bu de bzhin du gang byang chub sems dpa' nyon mongs pa dang / rnyog pa lnga'i sangs rgyas kyi zhing du gang la 'dod chags dang / zhe sdang dang / gti mug dang nga rgyal dang / rgyags pa dang / lta ba ngan pas rtag tu gtse ba'i sems can de la/ la la dge ba'i bshes gnyen gyis yongs su bzung bar 'gyur ba de dag kyang ji ltar yon tan khong du chud pa de lta rnyog pa lnga'i sangs rgyas kyi zhing de las 'byol bar 'dod do/ / gang yang de las 'das shing / sangs rgyas kyi zhing yongs su dag par rnam par spyod pa de nyon mongs pa dang / rnyog pa lnga'i sangs rgyas kyi zhing du gdon mi za bar 'gro bar 'dod do/ / de dag kyang sangs rgyas kyi zhing dpag tu med pa/ grangs med pa/ rdul shin tu phra ba snyed las shin tu 'das pas/ yun ring po sdug bsngal 'dod par 'gyur ro/ / gang gi tshe de dag sangs rgyas kyi zhing yongs su mngag pa der/ bla na med pa yang dag par rdzogs pa'i byang chub tu mngon par 'tshang mi rgya ba 'di yang / byang chub sems dpa' rnams kyi

  124. 63a

    sangs rgyas kyi zhing gi yon tan gyi tshogs yongs su dag pa'o/ / rigs kyi bu de ci'i phyir zhe na/ nyon mongs pa dang rnyog pa lnga'i sangs rgyas kyi zhing du snga dro'i dus gcig gis kyang / tshul khrims bsrungs so// tshul khrims bsgoms so// sbyin pa byin no// bsam gtan la bsam gtan du byed do// brtson 'grus btsams so// bzod pa bsgoms so// shes rab kyi yon tan brtsams so// sangs rgyas kyi zhing yongs su dag par bskal pa brgya stong du'ang pha rol tu phyin pa drug la brtson pas spyad pa spyod pa yang ma yin no// rigs kyi bu de ci'i phyir zhe na/ gang yang nyon mongs pa dang / rnyog pa lnga'i sangs rgyas kyi zhing du thams cad kyi thog mar bla na med pa yang dag par rdzogs pa'i byang chub tu sa bon bskyed do// yang rnyog pa lnga'i sangs rgyas kyi zhing der 'gro zhing 'dir de tsam gyi brtson 'grus brtsams pa'i brtson 'grus kyis/ dge ba'i chos yongs su tshol ba la mngon par brtson par gnas so// gang de lta bu'i ye shes snang ba thob pade thams cad yul smra ba rnam par dpyod pa'i ye shes g.yo ba med par 'gyur ro/ / 'jig rten gyi chos rnams las 'phags par gyur to// sangs rgyas thams cad kyi zhing lta ba snang bar 'gyur ro// sems can gyi spyod pa brjod du med pa mngon par shes pa'i ye shes la mkhas par 'gyur ro// sems can lus ma rung ba dang / mi dge ba'i rtsa ba rnams dang lhan cig tu 'grogs pa rnams la yongs

  125. 63b

    su gtong ba yang med/ sems can lus nyon mongs pas dkrugs pa rnams ci 'dra bar mthong ba la sems kyi nad ci phan du rab tu zhi bar bya ba'i phyir/ de 'dra ba'i sems kyi sman gyi yo byad rab tu ston par byed do/ / gang gi nyon mongs pas sems can ngan du spyod pa dang ldan par mthong ba'i nyon mongs pa de dag bdag gis spangs te/ sems can de la snying rje chen po bskyed do// nyon mongs pa de dag spang ba'i phyir brtson pas/ sems can rnams 'dul bar byed do// ji ltar nyon mongs pa las yongs su thar bar bya zhes 'dod chags spyod pa rnams mi mdzes pa la rab tu sbyor ba rab tu zhi bar byed do// zhe sdang spyod pa rnams byams par rab tu sbyor ba dang / gti mug spyod pa rnams rten cing 'brel bar spyod pa dang / skal ba dang bcas par spyod pa rnams dbugs phyi nang du rgyu ba dran par rab tu sbyor ba dang / 'dod chags snrel zhing spyod pa rnams byams pa dang / mi dge bar rab tu sbyor ba dang / zhe sdang snrel zhing spyod pa rnams mi mdzes pa dang byams par rab tu sbyor ba dang / gti mug snrel zhir spyod pa rnams mi mdzes pa dang rten cing 'brel bar rab tu sbyor ba dang lta ba ngan pa thob pa rnams stong pa nyid rab tu thob pa dang / rkyen stobs can rnams la rjes su srung ba dang ldan par rab tu sbyor ba dang / rab tu gzung du med cing / dngos po med pa dang / sgrog pa med par shes pa rnams zab mo rnam par zhi bar rab tu sbyor ba dang / spros par shes pa rnams lhag mthong spros pa'i gtam rab tu sbyor bas zhi bar byed /

  126. 64a

    nges par 'dod pa rnams rims kyi smra ba dang / tshig zad pa rnams bsdu ba rab tu sbyor zhing / zhi gnas dang lhag mthong du rab tu sbyor ba dang lhag mthong la gus pa can rnams rnam shes mtha' yas skye mched rab tu sbyor ba dang / rnam shes mtha' yas skye mched la gus pa can rnams cung zad med pa'i skye mched rab tu sbyor ba dang / cung zad med pa'i skye mched la gus pa can rnams mtshan ma med par rab tu sbyor ba dang / smon lam la gus pa can rnams smon pa med par smra ba rab tu sbyor ba dang / tshul khrims la gus pa can rnams ngan song gsum las yongs su thar par rab tu sbyor ba dang / thos pa la nga rgyal can rnams srid pa thams cad 'byung ba med par rab tu sbyor ba dang / dgon pa la nga rgyal mngon par brtson pa rnams dang / sbyangs pa'i yon tan can du rgyal mngon par brtson par rnams tshad med par rab tu sbyor ba dang / phung po la rtag par 'du shes pa rnams 'byung ba dang / zad par rab tu sbyor ba dang / khams la bdag gir bya ba yongs su spangs pa rnams smig rgyu bar rab tu sbyor ba dang // skye mched yongs su spangs pa rnams lbu ba'i phung por rab tu sbyor ba dang / 'dod pa'i khams yongs su spangs pa rnams chu shing gi snying po med par rab tu sbyor ba dang / gzugs kyi khams yongs su spangs pa rnams 'du byed mi rtag par rab tu sbyor ba dang / gzugs med pa'i khams yongs su spangs pa rnams 'du byed thams cad sdug par rab tu sbyor ba dang / bsam gtan la dga' ba dang / bde ba yongs

  127. 64b

    nasu spangs pa rnams chos thams cad bdag med par rab tu sbyor ba dang / 'khor ba'i sdug bsngal 'dod pa rnams mya ngan las 'da' ba zhi bar rab tu sbyor ba dang / gzhan yang lam ngan pa yongs su spangs pa rnams dge ba bcu'i las kyi lam rab tu sbyor bas lta ba de dag rab tu zhi bar byed do/ / yid du 'ong ba'i skye bo yongs su spangs pa rnams mi mdzes par rab tu sbyor ba dang / gzugs la chags pa yongs su spangs pa rnams ro sngon por rab tu sbyor ba dang / sba la chags pa yongs su spangs pa rnams brag char 'byung ba dang / zad pa rab tu sbyor ba dang / dri la chags pa yongs su spangs pa rnams rlung du rtog par rab tu sbyor ba dang / ro la chags pa yongs su spangs pa rnams mi mdzes pa sna tshogs rab tu sbyor ba dang / reg pa la chags pa yongs su spangs pa rnams mi gtsang ba'i yan lag sum cu rtsa drug rab tu sbyor ba dang / snying rje med pa rnams byams par rab tu sbyor ba dang / gtong ba med pa rnams sbyin pa chen po lnga rab tu sbyor ba dang / gti mug gis bsgribs pa rnams kha ton rab tu sbyor ba dang / 'dul ba rnams 'phags pa'i rigs la dga' bar rab tu sbyor ba dang / sdug bsngal 'dul ba rnams rim gyis sems gcig tu 'dus par rab tu sbyor ba dang / 'du byed thams cad kyis mngon par spros pa rnams sgyu ma lta bur rab tu sbyor bas nyon mongs pa de dag zhi bar 'gyur ro/ / // bam po lnga pa/ gzhan yang sems can lnga dang mir skye

  128. 65a

    bar bsam pa rnams la dge ba bcu'i las yongs su dag par sbyor bar byed do/ / nyan thos kyi theg par bsam pa rnams la/ 'phags pa'i bden pa bzhi dang ldan par yid la byed pa sbyor bar byed do/ / rang sangs rgyas kyi theg par bsam pa rnams la/ rten cing 'brel bar smra ba yid la byed pa sbyor bar byed do// sems can theg pa chen po la yang dag par zhugs pa rnams la pha rol tu phyin pa drug sbyor bar byed do/ / thog mar sems bskyed pa rnams la lhag pa'i bsam pa phyir mi ldog pa'i sems sbyor bar byed do// sems can pha rol tu phyin pa drug spyod pa la yang dag par zhugs pa rnams snying rje chen po la yongs su mi skyo bas/ sems can rnams yongs su smin par bya ba'i phyir sbyor bar byed do// byang chub sems dpa' phyir mi ldog pa rnams la/ de'i 'og tu sangs rgyas kyi zhing gi yon tan gyi tshogs yongs su dag pa sbyor bar byed do/ / ji lta bur sangs rgyas kyi zhing yongs su dag pa gzhan du rnam par spyod cing / sangs rgyas kyi zhing gi yon tan gyi tshogs yongs su dag ba sbyor bar byed pa de dag de'i 'og tu mngon par shes pas rnam par rtse'o/ / ji lta bur sangs rgyas kyi zhing yongs su dag pa gzhan du rnam par spyod cing / sangs rgyas kyi zhing gi tshogs mngon par 'dod pa de dag de'i 'og tu mngon par shes pa rnam par rtse ba de la skye bar 'dod pa ji snyed pa der skye'o/ / yang sangs rgyas kyi zhing nyon mongs pa rnam par mi spyod cing / sangs rgyas kyi zhing gi yon tan gyi tshogs//

  129. 65b

    yongs su dag pa 'dod pa yang med pa der skye bar 'dod pa de ji tsam pa der skye'o// yang nyon mongs pa'i sangs rgyas kyi zhing du 'gro bar mi dod pa de la/ bla na med pa yang dag par rdzogs pa'i byang chub tu mngon par 'tshang rgya ba'i bar du'o/ / rnyog pa lnga'i sangs rgyas kyi zhing du sems can lta ba dog pa rnyed pa dang / mtshams med pa byed pa dang / dam pa'i chos spong ba dang / 'phags pa la skur pa 'debs pa dang mi dge ba'i rtsa ba dang lhan cig tu 'grogs pa'i rnams rgyun gcod do/ / sangs rgyas kyi zhing yongs su dag par sems can bsam pa yongs su dag pa rnams la/ sangs rgyas kyi bya ba byed cing / byang chub sems dpa' sangs rgyas kyi chos tshad med grangs med pa rnams la 'jug pa'i ye shes la mkhas pa rnams la chos ston par byed do/ / yang byang chub sems dpa' rnyog pa lnga'i sangs rgyas kyi zhing 'dir/ rnam pa de lta bu rtsal byed kyang / gang byang chub sems dpa' la la sangs rgyas kyi zhing yongs su dag par rnam pa de lta bu'i rtsal byed mi nus so// yang rnyog pa lnga'i sangs rgyas kyi zhing 'dir gal te byang chub sems dpa' sems can gcig gi 'dod chags kyi spyod pa stong phrag nyi shu rtsa gcig rab tu shes pa de ltar thabs rab tu sbyor ba stong phrag nyi shu rtsa gcig gis/ 'dod chags rab tu zhi bar byed pa dang / gal te sems can gcig gi zhe sdang spyod pa stong phrag nyi shu rtsa gcig rab tu shes pa de ltar thabs la mkhas pa stong phrag nyi shu rtsa gcig gi zhe sdang zhi bar byed pa dang / gal te byang chub

  130. 66a

    sems dpa' sems can gcig gi skal ba dang bcas par spyod pa stong phrag nyi shu rtsa gcig rab tu shes pa de bzhin du/ thabs la mkhas pa stong phrag nyi shu rtsa gcig gis zhi bar byed pa dang / byang chub sems dpa' gang gis sems can gcig gi skal ba dang bcas par spyod pa nyon mongs pa kun nas ldang ba rab tu zhi bar nus pa de ltar byang chub sems dpa' rtsal chen po byed do// gang sems can gcig gi nyon mongs pa'i rgyu spyod pa stong phrag brgyad cu rtsa bzhi rab tu shes pa'i byang chub sems dpa' de yang / sems can gcig gi dgos pas/ brtson 'grus brtan pa la mos shing pha rol gnon pa la/ thabs la mkhas pa stong phrag brgyad cu rtsa bzhi rab tu sbyor ba dang pha rol gnon pas gzir ba rnams/ byang chub sems dpa'i rtsal chen po 'di la ltos shig/ ji ltar sems can gcig gi nyon mongs pa rab tu zhi bar nus pa de ltar/ gnyis dang / gsum dang / bzhi nas gling gcig gi sems can yongs su tshangs pa re re'i dgos pas nyon mongs pa'i spyod pa'i mtshan nyid stong phrag brgyad cu rtsa bzhi rab tu zhi bar byed cing / gling gnyis pa dang / gling bzhi pa nas/ phyogs bcu'i sangs rgyas kyi zhing chu bo gang+gA'i bye ma snyed du sem can tham cad nyon mongs pa thams cad las yongs su thar par byed pa de ltar/ byang chub sems dpa' rnyog pa lnga'i sangs rgyas kyi zhing du bzod pa thob pa zhes bya'o// ji ltar yang byang chub sems dpa' sems can re re'i nyon mongs pa'i dbang po spyod/

  131. 66b

    pa stang phrag brgyad cu rtsa bzhis 'jug pa de ltar sems can gcig gis mos pa stong phrag brgyad cu rtsa bzhi rab tu shes shing / bri ba'i mtshan nyid rab tu shes pa dang / 'phel ba'i mtshan nyid rab tu shes pa dang / gnas pa'i mtshan nyid rab tu shes pa dang / rtogs pa'i mtshan nyid rab tu shes pa dang / mi rtag pa'i mtshan nyid rab tu shes pa dang / sdug bsngal gyi mtshan nyid rab tu shes pa dang / bdag med pa'i mtshan nyid rab tu shes pa dang / sems can gyi mtshan nyid rab tu shes pa dang / stong pa'i mtshan nyid rab tu shes pa dang / dben pa'i mtshan nyid rab tu shes pa nas/ de bzhin du mtshan nyid med pa'i bar du rab tu shes pa dang / mya ngan las 'das pa'i mtshan nyid du rab tu shes pa dang / sems can re re'i chags pa'i mtshan nyid sna tshogs brgyad cu rtsa bzhi rab tu shes pas/ de ltar byang chub sems dpa' sems can gyi spyod pa'i mtshan nyid mngon par shes par 'gyur ro// bsam pa'i tshul shes pas sems can nyon mongs pa dam pos bcings pa las yongs su thar par nus so/ / de bzhin du byang chub sems dpa' nyon mongs pa dang / rnyog pa lnga'i sangs rgyas kyi zhing du sems can yongs su smin par byed do// byang chub sems dpa' sems can mi dge ba'i rtsa ba dang lhan cig tu 'grogs pa rnams la snying rje chen po rgyun mi gcod cing / yongs su smin par bya ba'i phyir 'dug pa 'di yang byang chub sems dpa'i rtsal chen po'o// yang

  132. 67a

    byang chub sems dpa' dgra rnam par 'grel pas 'di bstan pa ston pa na/ phyogs bcu'i sangs rgyas kyi zhing tshad med par nas/ byang chub sems dpa' yang dag par lhag pa dang / byang chub sems dpa' chu bo gang+gA sum cu'i bye ma snyed mi skye ba'i chos kyi bzod pa thob par gyur to/ / byang chub sems dpa' chu bo gang+gA'i bye ma snyed kyis dga' bar byed pa zhes bya ba'i ting nge 'dzin thob pa de dag/ de bzhin gshegs pa shAkya thub pa gang na ba de logs su thal mo sbyar te phyag 'tshal nas mgrin gcig tu 'di ched du brjod pa ched du brjod do/ / chu bo gang rnams balnga dga' chu bos khyer// nga rgyal mngon pa'i nga rgyal yul la shes// nyon mongs rgya mtsho las ni mthar phyin med/ / lam gyi bdag cag kyang ni rnam par gnas// sems can gang rnams nyon mongs gtum pas gdungs// nyon mongs sangs rgyas zhing du rtag rnam mos// ngan song 'gro ba rtag tu sdug bsngal bsags/ / 'chad mkhan dam pa'i don gyi theg pa ston// bdag cag nyon mongs sems can rnams dgos pas// sangs rgyas zhing der smon lam byed 'gyur ba// nyon mongs zhing du bdag cag spyad pa spyod// sems can nyon mongs dam bcings grol bar byed/ / gang dag 'dod chags zhe sdang nga rgyal dregs// gti mug lam stor sdig pa rab byed pa// sdig pa thams cad las ni bdag cag zlog/ 'khor ba'i dgon pa 'jigs las rab tu sgrol// gang dmyal ba byol song yi dgas 'jig rten du// rtag tu 'dod med sdug bsngal myong ba dag/ bdag cag sdug bsngal thams cad las sgrol byed// nyon mongs sangs rgyas zhing du byang chub sprod// yang sangs rgyas kyi zhing ma lus

  133. 67b

    par khyab pa'i 'khor thams cad dang ldan pa des kyang legs so/ / de bya ba byin te/ skyes bu dam pa legs par spobs shing mchog tu rgya che ba'i brtson 'gru brtan pa la brtson pa/ pha rol gnon pa/ sems can yongs su smin pa'i chos kyi sgo bstan pa legs so legs so/ / gang chu bo gang+gA'i bye ma snyed kyi skyes bu dam pa 'dis/ sangs rgyas kyi zhing yongs su dag par byang chub kyi spyod pa bor te/ rnyog pa lnga'i sangs rgyas kyi zhing du spyod pa la brtson nono/ / sems can mtshams med par byed pa dang / dam pa'i chos spong ba dang / 'phags pa la skur pa 'debs pa dang / ma lus tshig pa dang / mi dge ba'i rtsa ba dang lhan cig 'grogs pa rnams yongs su smin par bya ba'i snying rje chen po bskyed do/ / nyon mongs pa'i sangs rgyas kyi zhing bla na med pa'i sangs rgyas kyi zhing du ston to// lus med pa phung po spong ba'i mtha' ston to// tshig tsam gyis skyes bu de dag brtson par 'gyur ba de dag la gang lha dang 'jig rten du bcas pas mchod pa mchog tu rgya chen po byed na/ de dag gi brtan pa'i brtson 'grus pha rol gnon pa 'di la brtson pa lta ci smos te/ ji ltar tshig gis dam bcas pa de ltar/ dgos pa thams cad yongs su rdzogs par 'gyur ro/ / de nas de nyid kyi tshe na de bzhin gshegs pa shAkya thub pas leg so zhes bya ba byin te/ skyes bu dam pa legs so legs so// rigs kyi bu ji ltar smra ba'i tshig tsam gyis rtson par 'gyur ba de de bzhin te/ de dag la gang lha dang 'jig rten du bcas par mchod pa mchog tu rgya chen po byed na/ de'i shes pas nyon mongs pa dang / rlog

  134. 68a

    pa lnga'i sangs rgyas kyi zhing du rnam pa de lta bu de dag gi rtsal chen po bya bar 'gyur ba lta ci smos te/ mtshams med par byed pa nas/ mi dge ba'i rtsa ba dang lhan cig tu 'grogs pa'i bar du rnam pa de lta bu'i brtan pa'i brtson 'grus pha rol gnon pa'i thabs la mkhas pas yongs su smin par 'gyur ro/ / ji ltar byang chub sems dpa' dgra rnam par 'grel pas/ da ltar sems can yongs su smin pa/ shes rab kyi thabs la mkhas pas chos kyi sgo bstan nas/ bcom ldan 'das kyis tshig 'di brjod ma thag tu/ de nas de nyid kyi tshe na/ stong gsum gyi stong chen po'i sadra rgyas kyi zhing gi sa chen po 'di lan drug tu g.yos so/ / lha rdzas kyi me tog gi char yang rab tu phab bo// lha rdzas kyi rol mo yang rab tu dkrol to// lha dang dri za dang / mi'i 'khor thams cad dang ldan pa de dag kyang / byang chub sems dpa' dgra rnam par 'grel pa dang / byang chub sems dpa' chu bo gang+gA'i bye ma snyed po de dag la mchog tu rgya che ba'i mchod pa'i las kyi phyir brtson no// ji snyed ye shes mdzod 'di bstan du gsol/ / ye shes phyir yang ston pa 'di nyid ston// mkhyen pa'i khyod kyis gang gi slob ston pa// thub shes pa yi smra ba 'di la 'jug/ mkhyen pa can gyis zhing mangs bye ba la// thob pa ye shes ston pa 'di la 'jug/ bdag ni ye shes 'brogs myur gnas shing // tshul 'di la yang ye shes lam rab ston// ji ltar byang chub spyod phyir shes 'gyur ba// rgyal ba ye shes rgyal mtshan

  135. 68b

    'di la 'jug/ ji ltar nam mkha' dri med stong pa'i chos// bdag dang 'thun pa'i gtam dag bstan du gsol// ston mkhan mi yi gtso bo 'di la mchog/ mchog tu yid du 'ong zhing mdzes pa stong ston pa nyid kyis nyon mongs dgra zil mnan/ / rtag pa dang ni chad pa thal bar byas// dpa' dang rtul pod gang zag dam pa mchog/ sred pa zhi ba gang zag dam pa mchog/ sred pa zhi zhing zhi gnas rab tu ston/ / rgyal ba rab tu zhi ba 'di la 'jug/ rgyal ba stong pa nyid zhi rab bstan gsol// rgyal ba stong pa nyid 'di la yang 'jug/ kha dogadung dang khab 'dra ba yi// zhi ba mdzes pa'i stong pa nyid bstan gsol nyan thos kyis ni 'di la tshegs rnams spangs/ / ston gyi nyi ma zla ba'i dkyil 'khor ltar// gtso bo dag gis shin tu gsal zhing mdzes// 'dir ni lam zhi stong pa nyid bstan gsol// brgya byin tshangs pa nyid ltar sgra dbyangs snyan/ / sems can dma' la thugs brtse thugs rjes yis// thub pa 'di ni stong pa nyid la 'jug/ mya ngan dang bral 'gro ba 'di la tshim// dma' ba spyod pa rtag tu byin rlabs pa// shes rab mang gzigs stong pa nyid zhi gsungs/ / sdig pa bcom zhing nyes tshogs dri ma med// 'dir ni 'gro la theg pa ngan pa spangs// dge ba'i mtshan nyid spyod yul rab nyams pas// kye ma'o da ltar stong pa nyid zhi gsungs/ / rma bya ngang pa ni tshe sgeg ga dbyangs// nyams pa'i phyogs cha can gyis dgra rnams 'jig/ tshigs su bcad pa 'di dag gis mngon par bstod nas// lha rdzas kyi me tog ut+pal dang

  136. 69a

    pad+mo dang / ku mud dang / pun+da rikas mngon par gtor to// 'phags pa yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo le'u bzhi pa'o/ / / de nas byang chub sems dpa' blo gros mtha' yas pa'i tshogs kyi rgyal pos bcom ldan 'das ji tsam du khang pa brtsegs pa na mi bzhugs pa de tsam gyi bcom ldan 'das kyi don gyi slad du/ lha rdzas kyi gser dang / lha rdzas kyi bai rlur+ya sngon po'i skas mngon par sprul te/ skas de dag gi ngos gnyis la bram ze'i byis pa tshe lo sum cu pa lta bu tshangs dbyangs dang ldan pa gser gyi dbyig pa dang / gdugs 'dzin pa tshangs pa'i spyod lam dang ldan pa stong phrag brgyad cu rtsa bzhi mngon par sprul to// de nas bram ze'i byis pa de dag bcom ldan 'das gang na ba de logs su thal mo sbyar te/ phyag 'tshal nas/ bcom ldan 'das la tshigs su bcad pa 'di dag gis mngon par bstod do// khyod ni rab nyon mongs la sngon thugs bskyed// nyon mongs theg pa byang chub phan pa'i rgyu/ nyon mongs zhing phyir rgyal ba bsnyen kyang bkur// nyon mongs thabs mdzad rgyal ba 'dir shegs gsol// nyon mongs spyod pa thams cad khyod kyis spangs// sems can nyon mongs la ni rtag tu gnyen// khyod ni nyon mongs lam las 'gro ba zlog/ nyon mongs rgal ba'i rgyus ni rtag tu mos// nyon mongs ma rungs khyod kyis rab tu zhi// bdag gi blos ni nyon mongs rbab bcad// 'gro ba rtag tu nyon mongs chu las

  137. 69b

    sgrol/ / nyon mongs sun 'byin rgyal ba 'dir gshegs gsol// nyon mongs zhing du byang chub dam pa reg/ ye shes sgron 'chang 'gro ba shes nyams pa'i// sems can thams cad la ni thar ston pa// nyon mongs ston spongs zhi phyir 'dir gshegs gsol/ / ye shes 'od zer gyis ni rnam thar bstan// khyod thugs brtse bas 'gro ba shes nyams khyab// ye shes kyis ni 'gro la mig ldan pas// rgyal ba ye shes nyi ma 'di gshegs gsol/ / mkhyen pas lha dang mi mang thar par mdzad// khyod kyis ye shes srog dang gang zag med// thub pa ye shes dpa' ba 'di la 'jug/ nyon mongs pa la sbyin mdzod dran pa gsungs// nyi ma zla ba mchog tu mdzes pa'i spyan// rgyal ba sems can thal mo sbyar la gsungs// thub pa byang chub mchog phyir bstan du gsol// 'phags pa thub pa 'di la 'jug pa gsungs// rgyal ba byang chub rgya can mdzes gzigs la/ / phyogs bzhi 'dir ni yang dag lhags mang la// stong pa nyid dang bzod spyod shes 'gyur gsungs/ rgyal ba dpa' stong 'di la shin tu 'dug/ bram ze'i byis pa de dag gis bcom ldan 'das kyi yon tan 'di smras ma thag tu bcom ldan 'das kyis legs so zhes bya ba byin te/ de nas zang srong thub pa gdan de las bzhengs pa dang / 'di nyid kyi cho thams cad dang ldan pa'i sangs rgyas kyi zhing chen po 'di lan drug tu g.yos so/ / lha dang klu dang / gnod sbyin dang / lha ma yin dang / mi 'am ci dang / lto 'phye chen po dums kyang / mi mjed kyis rba/

  138. 70a

    rgyas kyi zhing ma lus par lha rdzas kyi me tog gi char mngon par phab bo// b+ha rdzas kyi a ga ru dang / ta gar dang / dus dang 'thun pa'i tsan dan gyi char mngon par 'bab bo// lha rdzas kyi gos dang rgyan dang / yid bzhin gyis gos dang / nor bu dang / mu tig gis mo do dang / rin po che'i char mngon par phab bo// lha rdzas kyi rol mo brdung ba mngon par dkrol to// dbyangs kyis lhung lhung ldegs kyi sgra phyung nas/ 'di skad ces gsol to// bdag cag sngon ma bstan pa'i chos mnyan par bgyi'o// bdud kyi yul las yang dag par shin tu 'da' bar bgyi'o// nyon mongs pa'i yul gzhom par bgyi'o/ / ye shes kyi yul khong du chud par bgyi'o// zab mo stong pa nyid kyi lam khong du chud par bgyi'o// zhes gsol pa dang / de nas bcom ldan 'das khang pa brtsegs pa de dag la 'dzegs te/ seng ge'i khri bshams pa de nyid la bzhugs nas/ mi mjed kyi sangs rgyas kyi zhing thams cad dang ldan pa/ sa dang nam mkha' khyab pa'i 'khor kun cang mi smra bar gyur nas/ thal mo sbyar te sems rtse gcig tu drang srong thub pa la lha bar gyur to/ / de nas bcom ldan 'das kyis sangs rgyas kyi zhing thams cad ldan pa ma lus par/ sa dang nam mkha' khyab pa'i 'khor la rnam par gzigs nas/ de'i tshe tshigs su bcad pa 'di dag gsungs so/ / sems can ji snyed 'dir ni kun lhags pa// byang chub 'dod rnams yongs su chos tshol na// byang chub mchog gi spyod pa rab bstan gyis// de dag thams cad rtse gcig sems su nyon// sems

  139. 70b

    can la la gti mug sred pas bsgribs/ / phung po dag la'ang lta ba rnam kyi spong // gang dgad dung byang chub mchog spyod brtson// yang yang 'di la yon tan cung zad spyod// dbang po drug la stong pa mi lta ste// mtshan med pa'i 'dzin pa bdag la zung / / byang chub phyir ni chung zad brtson spyod kyi// shes rab yon tan thams cad spyod pa med// ji ltar me 'dod la la khyim gyi nang // btsal bas kyang ni med ga rnyed ma gyur// de ltar sems can la la byang chub 'dod/ / stong pa nyid ma bsgoms par shes thob med// de bas gang dag byang chub sdug 'dod pa// phung po khams dang skye mched mtshan ma dag/ rmi lam smig rgyu lta bu thams cad ltos// 'di ni byang chub dam pa mchog gi lam/ de nas bcom ldan 'das kyis/ byang chub sems dpa' bzang skyong la bka' stsal pa/ rigs kyi bu yang dag par spyod pa'i tshul nam mkha'i mdog gis 'dul ba'i bzod pa 'di la gnas pa'i byang chub sems dpa' bdud kyi yul thams cad las yang dag par shin tu 'das te/ nga yir bya ba dang / bdag gir bya ba thams cad kyi sred pa'i bag la nyal ba dang / mtshan ma med pa dang / ma rig pa lta ba thams cad spangs par 'gyur ro// 'jig rten gyi khams thams cad 'dres pa med pa dang / sems can gyi go cha dang / sems sgyu ma lta bu dang / tsher bdu ba dang rdul dang / nam mkha' dang / sprin lta bur rab tu shes so// mtshan ma dang / mtshan nyid thams cad nam mkha'i spros pa lta bur rab tu shes so// dge ba'i rtsa ba thams cad las 'das par 'gyur ro//

  140. 71a

    las yongs su zad cing sems can nye bar 'tsho bar yang 'gyur ro// dge ba'i rtsa ba bskyed pa dang / ma skyed pa'i gnyen lta bur 'gyur ro// sangs rgyas kyi chos thams cad la sgrib pa med pa ston/ par 'gyur ro// pha rol gyi rgol ba thams cad nam mkha' dang mtshungs par thul ba med par 'gyur ro// sangs rgyas kyi chos thams cad yongs su rgyas pa seng ge lta bu dang / rgya mtsho chen po lta bu'i chos chen po'i char gyi chu bo rab tu gtong ba dang / 'khrul pa med pa'i mngon par shes pa dang / chags pa med pa'i spobs pa dang / bstod pa dang rab tu bsngags par 'gyur ro// rigs kyi bu bzod pa 'di bsgoms pa nas/ lus dbang du btsugs pa'i bar du 'di las sangs rgyas kyi yon tan bsam gyis mi khyab par 'gyur ro// rigs kyi bu de la bzod pa 'di rnam pa gnyis te/ yang dag par spyod pa'i tshul gyi bzod pa dang / nam mkha'i mdog gis 'dul ba'i bzod par 'gyur ro// rigs kyi bu de la yang dag par spyod pa'i tshul gyi bzod pa gang zhe na/ rnam pa lnga ste/ rigs kyi bu yang dag par spyod pa'i tshul gyi bzod pa rnam pa lnga gang zhe na 'di lta ste/ gzugs dang / tshor ba dang / 'du shes dang / 'du byed dang / rnam par shes pa zhes bya'o// rigs kyi bu de la gzugs kyi phung po gang zhe na/ rigs kyi bu rnam pa brgyad de/ byang chub sems dpas tshul bzhin yid la byed pa/ brtags pa'i bzod pa bsgom par bya'o// rigs kyi bu brgyad gang zhe na/ gzugs zhes bya ba ni 'byung ba chen po bzhi'o// gzugs zhes

  141. 71b

    bya ba ni nad do/ / 'dod chags zhes bya ba ni rnam par 'jigs pa'i chos kyi mtshan nyid do// gang rnam par 'jig pa'i rang bzhin de ni mi rtag pa'o// de'i rang bzhin ni dngos po med pa'i stong pa nyid yongs su chad pa'o// phyi dang nang gi rab 'bring tha ma'i nyon mongs pa'i rgyun bcad pa'o// nam mkha' ji ltar thams cad dang ldan pa de bzhin du/ mi rtag pa dang / sdug bsngal ba dang / bdag med pa dang / stong pa'i mtshan nyid dang ldan pa'i bzod pa sgom par byed do/ / 'di ni byang chub sems dpa'i sems can yongs su smin pa nye bar 'tsho ba'i bzod par blta bar bya'o// rigs kyi bu gzhan yang gzugs de yang 'byung ba chen po bzhi ste/ rigs kyi bu 'byung ba chen po bzhi po 'di dag nang gi 'am/ phyi rol gyi'am/ che ba 'am/ phra ba 'am/ dma' ba 'am/ bde ba 'am/ gal te ring ba 'am/ gal te nye ba de dag thams cad mi 'gro rnam par mi 'gro/ mi skye mi 'byung / bdag med bdag gi med par rtag par bya'o// zad pa'i tshul dang / zhi gnas kyi mtshan nyid kyi tshul dang / rtog pa med pa dang / smon pa med pa'i tshul dang 'byung ba med cing mtshan ma med pa'i tshul gyis brtag par bya'o/ / ji ltar rdul shin tu phra ba kur 'byung ba dang / lus kun 'byung ba'i phyir/ nang gi sa'i khams sra bar brtag par bya'o// shin tu phra ba'i rdul gcig po de la ji ltar lhag mthong phra mos brtag/ rdul phra mo gcig po de la ji ltar mtshan nyid med pa'i nyon mongs pa thams cad kyi spyod lam du gyur par rab tu shes/ bdag med pa dang / rnam pa dang bral bar rab tu shes/ dngos po med pa dang / tshig gi

  142. 72a

    dang bral ba dang / dmigs pa med pa dang / sgra dbyangs thams cad dang bral bar rab tu shes/ bdag med pa dang bral ba dang / bdud kyi mtshan nyid rab tu shes/ yi ge med pa dang / rgyu dang rkyen dang bral bar rab tu shes/ dngos po med pa/ rgyu dang rkyen dang bral bar rab tu shes/ mtshan ma med pa las rdul shin tu phra bar rab tu shes/ ji ltar 'du byed thams cad rab tu zhi ba la rnam pa brgyad po de dag gis/ rdul shin tu phra mo gcig tu brtag go// de bzhin du gnyis pa dang / de bzhin du gsum pa nas/ nang gi lus thams cad kyi bar du gcig la yang so sor rnam pa brgyad po de dag gis/ rdul shin tu phra mo gcig tu brtag go/ / nang gis lus ji lta ba de bzhin du/ phyi rol gyi lus kyi sa'i khams kyang rnam pa brgyad po 'di dag gis/ so sor rdul shin tu phra bar brtag go// mtshan nyid med pa nas mtshan ma med ba'i bar du sa'i khams thams cad nang gi 'am/ phyi rol gyi'am/ che ba'am/ phra ba'am/ dma' ba 'am/ bde ba'am/ gang ring ba'am/ gang nye ba de dag thams cad zad pa'i chos su yang dag par rjes su mthong ngo / / gang zag pa 'di ni mi brtag pa'o// gang mi rtag pa 'di yang sdug bsngal ba'o// gang mi 'byung ba de bdag med pa'o// gang 'du byed thams cad kyi tshig gi lam dang bral ba de yang stong pa ste/ ji ltar phyi dang nang gi sa'i khams ji lta ba bzhin du stong par rab tu shes pa de ltar rab 'bring dang tha ma'i nyon mongs pa nye bar zhi bar 'gyur ro// nam mkha' ji ltar 'du shes med cing / tshor ba med pa de bzhin du

  143. 72b

    sa'i khams kyang 'du shes med cing / tshor ba med pa dang / mi rtag pa dang / sdug bsngal ba dang / stong pa dang / bdag med pa'i mtshan nyid dang ldan pa'i bzod pa sgom par byed pa 'di yang / byang chub sems dpa'i sems can thams cad yongs su smin pa nye ba tsho ba'i bzod pa lta bar bya'o/ / rigs kyi bu gzhan yang lus 'di la gsher ba'i mtshan nyid ni chu ste/ chu'i mtshan nyid phran tshegs sun skra'i rtse mo'i cha shas tsam du nang gi lus chu'i khams thams cad sor thigs pa tsam du lhamathong gi tshul gyis brtag go/ che ba 'am/ phra ba'am/ dma' ba 'am/ bde ba'i mtshan nyid med pa/ nyon mongs pa thams cad dang bral ba'i l ta ba bzhin du rab tu shes pa nas mtshan ma med pa'i bar du de dgazigs pa tsam du 'du byed thams cad nye bar zhi bar rab tu shes pa ji lta bur thigs pa gcig la rnam pa brgyad po de dag gis ji lta ba bzhin du brtag go/ / de bzhin du gnyis pa dang / de bzhin du gsum pa nas/ nang gi lus kyi chu'i khams thams cad rnam pa brgyad po de dag gis so so re re la thigs pa phra ba ji lta ba bzhin du brtag go// mtshan nyid med pa nas mtshan ma med pa'i bar du nang gi chu'i khams ji lta ba bzhin du/ phyi rol gyi chu'i khams che ba'am/ phra ba 'am/ dma' ba 'am/ bde ba 'am/ gang ring ba'am/ gang nye ba de dag thams cad zad pa'i chos su yang dag par rjes su mthong ngo / / gang zad pa'i chos de yang mi rtag pa'o// de yang rtog pa med pa'o// gang rtog pa med pa de'ang sdug bsngal ba'o// gang 'byung ba med pa de'ang bdag med pa'o// /

  144. 73a

    gang 'du byed thams cad kyi tshig gi lam dang bral ba de yang stong pa ste/ ji ltar nang dang phyi rol gyi chu'i khams ji lta ba bzhin du stong par shes pa de ltar rab 'bring dang / tha ma'i nyon mongs pa zhi bar 'gyur ro/ / nam mkha'i ji ltar gnas med cing spros pa med pa de bzhin du/ phyi dang nang gi chu'i khams kyang spros pa med cing / gnas med pa dang / mi rtag pa dang / sdug bsngal ba dang / stong pa dang / bdag med pa'i mtshan nyid dang ldan pa'i bzod pa bsgom par byed pa 'di yang / byang chub sems dpa'i sems can yongs su smin par nye bar 'tsho ba ste/ sa'i khams dang / chu'i khams ji lta ba de bzhin du/ me'i khams dang / rlung gi khams rgya chen pos byas so// rigs kyi bu gzhan yang 'byung ba chen po bzhi las gzugs ni the tshom gyi rgyu lta bu ste/ nang gi'am/ phyi rol gyi 'am/ che ba 'am/ phra ba 'am/ dma' ba'am/ bde ba'am/ gang ring ba 'am/ gang nye ba de dag thams cad dngos po med cing / gzugs brnyan lta bu dang / drug gi skye mched dbang du gyur pa/ sa'i khams dang / rnam par shes pa'i rgyu'i bar du'o/ / gang skad cig skad cig tu 'byung ba zad pa'i chos nyid dbang po de la zag pa dang / 'gog pa de ni 'byung ba zad pa nyid du brtag go// dngos po med pa dang / bdag med par dmigs pa tshig gi lam med pa dang / rnam par mi 'gro ba dang / ma skyes pa dang / ma byung ba dang / bdag med pa bdag gi med pa dang / zhi gnas kyi mtshan nyid kyi tshul dang / rtog pa med cing smon pa med pa'i tshul dang / mtshan ma

  145. 73b

    med pa'i tshul dang / lhag mthong gi tshul gyis brtag par bya'o// mtshan nyid med pa dang / nyon mongs pa thams cad dang bral ba dang / rnam pa dang bral ba dang / bdag med pa dang / yid kyi 'du byed dang bral ba dang / yi ge med pa dang / rgyu dang rkyen dang bral bar rab tu shes so// dngos po med pa shin tu skad cig ma dang bral bar rab tu shes so// 'du byed thams cad mtshan ma med pa dang / yul rgyun 'chad pa med par rab tu shes so/ / 'du byed thams cad gnas med cing / nye bar zhi bar rab tu shes so// rnam pa 'di dag gis gzugs dngos po med pa dbu ba'i phung po ltar brtag go// mtshan nyid med pa nas/ mtshan ma med pa'i bar du de dag thams cad zad pa'i chos su yang dag par rjes su mthong ngo // gang zad pa'i chos de mi rtag pa'o// gang mi rtag pa de ni rtog pa med pa'o// gang rtog pa med pa de'ang sdug bsngal ba'o/ / gang 'byung ba med pa de'ang bdag med pa'o// gang 'du byed thams cad kyi lam dang bral ba de'ang stong pa'o// gang nang dang / phyi rol gyi gzugs de dag lbu ba'i phung po lta bu dngos po med cing / gzugs brnyan lta bur stong pa ji lta ba bzhin du rab tu shes pa de ltar rab 'bring dang / tha ma'i nyon mongs pa nye bar zhi bar 'gyur ro// nam mkha' ji ltar dmigs pa med cing 'dus byas med pa de de bzhin du/ gzugs kyang lbu ba lta bur 'du shes med cing 'gyur ba med pa dang / tshor ba med pa dang mi brtag pa dang / sdug bsngal ba dang / bdag med pa dang / stong pa'i mtshan nyid dang bral ba'i bzod pa sgom par byed pa 'di

  146. 74a

    dang / byang chub sems dpa' sems can yongs su smin pa nye bar 'tshe ba'i bzod pas blta bar bya'o// rigs kyi bu gzhan yang gzugs ni phyi rol dang / nang gi gnas gang nye ba'i bar du rang bzhin gyis gzugs brnyan lta bu'i rgyu 'dra ba mngon par mi 'gyur ba dang / sgyu ma lta bu dang / lus mngon par mtshan nyid du brtag go// gzugs ni ci la yang chags pa med/ snyems pa'ang med/ blang ba dang / dor ba med par shes te/ gzugs ni gnyis su mi byed do// chos thams cad chos kyi dbyings la yang dag par gzhol bar shes pas/ 'byung ba chen po bzhi'i gzugs thams cad chung zad kyang dbyer med do/ / tshig gi lam thams cad gnas med par yang dag par shes so// gzugs ni gzhan du song ba'ang med cing / yul med pa dang / glo bur gyi sdug bsngal dang / rgyun bcad pa dang / rgyun ma bcad pa'i mdud pa gnyis dang bral ba dang / gzugs brnyan lta bu dang / med par brtag go// gzugs thams cad kyi mtshan nyid ni/ lbu ba'i phung po lta bur dmigs pa med pa dang / kun 'byung ba med pa dang / shin tu rang bzhin med par brtag go/ 'byung ba chen po bzhi rnam par dag pa/ rnam par mi rtog pa mi 'byung ba/ mngon par mi sgrub pa/ chos thams cad spros pa'i rgyun bcad pa/ thams cad du zhugs par med par brtag go/ / 'byung ba chen po bzhi'i gzugs kyi phung po'i mtshan nyid ni/ bsnyems pa med pa dang / gtong ba med pa dang / mun pa med pa dang / snang ba med pa dang / yid la mi byed pa dang

  147. 74b

    gnyis su med pa dang / sogs pa med pa dang / spobs pa med pa dang / gzugs brnyan lta bu dbyer med pa dang / dngos po med pa brtag go// gzugs 'byung ba chen po bzhi ni/ shin tu rnam par mi rtog ba dang / zad pa dang / lbub lta bur blta'o// rnam pa 'di dag gis gzugs la dngos po med par gzugs brnyan lta bur brtag go// mtshan nyid med pa nas mtshan ma med pa'i bar du 'du byed thams cad zad pa'i chos su yang dag par rje su mthong ngo / / gang zad pa'i chos de mi rtag pa'o// gang mi rtag pa de rtog pa med pa'o// gang rtog pa med pa de sdug bsngal ba'o// gang 'byung ba med pa de'ang bdag med pa'o// gang 'du/ byed thams cad kyi tshig gi lam dang bral ba de'ang stong pa ste/ ji ltar phyi dang nang ni gzugs lbu ba 'dra ba stong pa ji lta ba bzhin du rab tu shes pa de ltar rab 'bring dang / tha ma'i nyon mongs pa'ang nye bar zhi bar 'gyur ro/ / nam mkha' ji ltar zad pa med cing gzugs med pa dang bstan tu med pa de bzhin du zad pa med cing mtshan nyid med pa dang / gzugs med pa dang / bstan du med pa dang / lbu ba lta bur mi rtag pa dang / sdug bsngal ba dang / bdag med pa dang / stong pa'i mtshan nyid la dmigs pa'i mtshan nyid dang bral ba'i bzod pa bsgom par byed pa 'di yang / byang chub sems dpa'i sems can yongs su smin pa nye bar 'tshe ba lta'o/ / rigs kyi bu gzhan yang gzugs/ 'byung ba chen po bzhi'i mtshan nyid nang gi nas/ nye ba'i bar du gang smras pa de'i gzugs kyi mtshan nyid kyang mig yor lta bu dang / grib ma lta bu dang /

  148. 75a

    lbu ba lta bu gnas med pa dang / nam mkha' lta bu chags pa med pa dang / brjod du med pa dang / stsogs pa med pa nas/ khams gsum gyi 'khor ba bdag med pa lta bu dang / dus gsum gyi mtshan nyid thob pa dang / dmigs pa med pa dang / yi ge med pa dang / gnyis su med pa'i mtha' dang / rtag pa'i mtha' dang / kun tu bzung ba'i mtha' dang / zad pa med par spyad pa'i mtha' dang / nyon mongs pa med pa'i mtha' dang / yul med pa'i mtha' dang / rab tu rgyu ba med pa'i mtha' dang / smra ba med pa'i mtha' dang / gzugs brnyan lta bur gzugs de'i mtshan nyid du rab tu shes so// / 'dod pa'i khams dang / gzugs kyi khams de gnyis kyi gzugs kyi snang ba nam mkha' lta bu brtag go// mig or gyi mtshan nyid nam mkha' lta bur dngos por dmigs pa ste/ nam mkha' ji lta bur bzung du med cing / kun nas ldang ba med pa dang / dngos po med pa de ltar de bzhin du gzugs kyi mtshan nyid kyang mig yor lta bu dang / tshu rol dang pha rol bral ba'i nas med pa'o// gzugs kyi mtshan nyid ni mnyam pa'i mtshan nyid dang / sgra brnyan lta bu dang lbu ba'i phung po lta bu dang / chos kyi dbyings dang / nam mkha'i khams kyi sgra brnyan ni/ khams med pa dang / tha dad pa med pa dang / mtshungs pa med pa dang / 'khrug pa med pa'o/ / de ltar de bzhin du chos 'di dag nam mkha' lta bu'o// gzugs kyi snang ba de'ang med pa dang / bsags pa med pa dang / skye ba med pa dang / 'byung ba med pa dang / g.yo ba med pa dang / 'gyur ba

  149. 75b

    med pa dang / 'chi 'bo med pa dang / mi gnas pa dang / bdag dang gzhan gyi la mi len pa dang / yongs su mi rtog pa dang / chags pa med pa dang / byas pa med pa thams cad gzugs kyi snang ba'o// de ltar de bzhin/ du 'du byed thams cad kyi lam las shin tu 'das shing / mig gi rnam par shes pa'i lam kun nas ldang ba dbu ba'i phung po lta bu'i gzugs kyi snang ba mig gi rnam par shes pas stong pa de yang mig 'byung ba chen po bzhi'i rgyu'o/ / bdag med pa'i phyir 'byung ba chen po de dag kyang stong pa ste/ ji ltar gong du bshad pa bzhin du bdag tu dmigs pa'ang med do// mig gnyis ni dgun 'brum tsam ste/ mig re re la yang tshad med pa'i rdul shin tu phra ba'o/ / rdul shin tu phra ba la'ang 'byung ba chen po bzhi pa sogs so// 'byung ba chen po bzhi re re la'ang bdag tu mi dmigs shing / sems can du mi dmigs na/ de la rnam par shes pa'i gnas sam/ kun nas ldang ba'ang lam du shes pa lta ci smos/ rdul shin tu phra ba de dang de dag la ji lta ba bzhin du/ mig 'byung ba chen po bsags pa dang / dgun 'brum tsam du yongs su brtag go// yongs su brtags pa des de la mig gi rnam par shes pa'i gnas dang lam yang med do/ / des yang dag par yongs su ma brtags pas/ sems can mig yongs su brtags par 'gyur ro// gang mig gi rnam par shes pa stong par ji lta ba bzhin du shes pa de dag 'dod chags dang bral bar 'gro'o/ / ji ltar yang mig gi rnam par shes pa stong pa ji lta ba bzhin du rab tu shes pa de bzhin du khams gsum gyi mig gi rnam par shes pas stong pa ji lta ba bzhin du

  150. 76a

    shes par bya'o/ / ji ltar yang mig gis gzugs kyi snang ba lbu ba'i phung po lta bu ni/ phyi dang nang gi gzugs kyi mtshan nyid snang ba nas nye ba'i bar du/ de thams cad lbu ba'i phung po gzugs kyi snang ba 'byung ba chen po nam mkha' la mi rten par 'gyur ro/ / nam mkha' ji ltar dngos po med cing / mtshan nyid med pa dang / mtshan nyid kyis stong pa ltar gzugs kyi mtshan nyid snang ba lbu ba'i phung po lta bu de dag thams cad kyang snang ba'o/ / ji ltar gzugs gzhan gyis nam mkha' stong pa ltar/ nang dang phyi'i lus kyi mtshan nyid lbu ba lta bur snang ba nas nye ba'i bar du de dag thams cad gzugs kyi mtshan nyid snang ba yang stong pa'o/ / ji ltar mig gis rnam par shes pas stong pa nyid de bzhin du/ rna ba dang / sna dang / lce dang / lus kyang lus kyi rnam par shes pas stong ngo // 'dod pa'i khams dang / gzugs kyi khams thams cad kyi mig kyang mig dang mig gi rnam par shes pas stong pas stong pa ji lta ba bzhin du rab tu shes so/ / de bzhin du rna ba dang / sna dang / lce dang / lus dang / lus kyi rnam par shes pa stong pa nyid kyis stong pa ji lta ba bzhin du rab tu shes so/ / 'byung ba chen po lta bu mi rtog rnam par mi rtog cing / dmigs par yang dag par rjes su mi mthong ngo // sems can dang srog dang / gso ba dang / gang zag dang / shes las skyes pa dang / shed can dang / byed pa po dang / byed du 'jug pa dang / tshor ba po dang / tshor bar 'jug pa dang / skye ba dang / kun tu skye ba dang / kun nas ldang bar yang yang dag par

  151. 76b

    rjes su mi mthong ngo / / gzugs kyi mtshan nyid snang ba'i mtshan ma la mtshan mas mtshan ma las dmigs pa 'am med do// sems kyi gzung ba dang / btang ba dang / mngon sum du bya ba dang / khong du chud pa dang / gnas dang / kun nas ldang ba'i gnas dang / yid la byed pa'i gzugs kyi mtshan nyid snang ba dmigs pa med pa dang / stong pa nyid kyis stong pa ji lta ba bzhin du rab tu shes so// gzugs kyi phung po dang / nam mkha' dang / sems kyi rnam par shes pa tha dad par rab tu mi shes so// khams gsum thams cad stong pa nyid kyis stong par rab tu shes so// gang phyi rol dang nang gi nas nye ba'i bar du gzugs kyi mtshan nyid snang ba thams cad lbu ba'i phung po lta bur stong pa nyid dang / zad pa'i tshul dang / zhi gnas la/ tshe ba med pa'i tshul dang / rtog pa med pa'i tshul dang / mi skye ba dang / mi 'gog pa dang / 'byung ba med pa dang / mtshan ma med pa'i tshul gyis rtog go// nam mkha' dang bral zhing gnas med pa dang / tshig gi lam la bral bar rab tu shes so// nang dang phyi rol gyi 'du byed nas nye ba'i bar du gzugs kyi mtshan nyid thams cad 'jig pa'i chos dang / zad pa'i chos dang / dngos po rgyun 'chad pa stong pa dang / 'khrug pa rgyun chad pa ji lta ba bzhin du rab tu shes so// gang gzugs kyi mtshan nyid thams cad zad pa'i chos de yang mi rtag pa'o// gang rtag pa med pa de yang sdug bsngal ba'o/ / gang 'byung ba med pa de yang bdag med pa'o// gang 'du byed thams cad kyi tshig gi mtshan nyid kyi lam dang bral ba de yang stong pa ste/ gang phyi dang nang gi nas nye ba'i bar du gzugs

  152. 77a

    khyi mtshan nyid snang ba thams cad ji lta ba bzhin du rab tu shes pa de ltar rab 'bring dang / tha ma'i nyon mongs pa zhi bar 'gyur ro// 'di ni mngon par 'du byed pa'i mtshan nyid rgyun gcod par med pa'i brjod pa'o/ / nam mkha' ji ltar rlung med pa de bzhin du bag la nyal ba dang bral ba'i bzod pa'o// nam mkha' ji ltar 'gyur ba med pa de bzhin du/ gzugs kyi mtshan nyid snang ba med pa'i bzod pa'o// nam mkha' ji ltar gtses pa med cing gnod pa med pa de bzhin du/ sems dang rnam par rtog pa dang / rnam par dpyod pas gtses pa med cing gnod pa med cing bzod pa'o// nam mkha' ji ltar bag la nyal ba thams cad dang bral ba de bzhin du/ tshig gi lam thams cad bag la nyal ba dang bral ba'i bzod pa'o// nam mkha' ji ltar ma skyes ma 'byung ba de bzhin du/ mtshan nyid thams cad sngar ma skyes ma 'byung ba'i bzod pa bsgrubs pa'o// nam mkha' ji ltar spros pa med pa de bzhin du/ khams gsum gi bag la nyal ba thams cad spros pa med pa'i bzod pa'o// nam mkha' ji ltar khams gsum par gtogs pa de bzhin du/ gzugs kyi mtshan nyid snang ba khams gsum par gtogs pa yang mi rtag pa dang / sdug bsngal ba dang / stong pa dang / bdag med pa dang / mtshan nyid dmigs pa med pa'i mtshan nyid dang bral ba'i bzod pa bsgom par byed pa 'di yang / byang chub sems dpa'i sems can nye bar 'tshe ba'i bzod par blta bar bya'o// yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo sde le'u lnga pa'o//

  153. 77b

    / rigs kyi bu gzhan yang byang chub sems dpas tsher ba'i phung po yang tshul bzhin du brtag par bya'o// de la tshor ba'i phung po gang zhe na/ 'di lta ste/ tshor ba'i tshogs rnam pa drug ste/ mig gi 'dus te reg pa las skyes pa'i tshor ba dang / rna ba dang / sna dang / lce dang lus dang / yid kyi rnam par shes pa 'dus te reg pa las skye ba'i tshor ba ste/ 'di dag ni tshor ba'i phung po zhes bya'o// tshor ba'i phung po de la tshor ba rnam gsum du shes par 'gyur te/ gsum gang zhe na bde bar tshor ba dang / sdug bsngal bar tshor ba dang / bde ba dang sdug bsngal du yang mi shes par tshor ba ste/ 'di dag rnam gsum ni tshor ba'i phung po zhes bya'o/ / rigs kyi bu de la byang chub sems dpa' rnam pa brgyad po 'di dag gis/ tshor ba'i phung po tshul bzhin du brtag par bya'o// de la brgyad gang zhe na/ rigs kyi bu nyon mongs pa'i rtsa ba gsum ste/ 'dod chags dang / zhe sdang dang / gti mug ces bya'o// nyon mongs pa'i rtsa ba gsum po 'di dag gis/ sems can nyon mongs pa rnams 'dod chags dang bral ba/ zag pa zad pa dang bcas par mi 'gyur ro/ / nyon mongs pa'i rtsa ba gsum po 'di dag tshor ba rnam gsum la zhugs pa de la nyon mongs pa rnam par thar par 'gyur ro// de la tshor ba'i tshogs drug gis/ tshor ba rnam gsum tshul bzhin du brtag par bya'o/ / tshor ba rnam gsum gyis nyon mongs pa'i rtsa ba 'byung ba dang / las kyi rtsa ba dang / zad pa'i rtsa ba nub pa tshul bzhin du brtag par bya'o// de mig gis gzugs kyi mtshan nyid

  154. 78a

    snang ba dma' ba'am/ bde ba 'am/ che ba'am/ phra ba 'am/ gang nye ba'am/ gang ring bar mthong ba de la tshor ba 'byung ngo // gang gzugs bde ba 'am/ che ba 'am phra ba 'am/ gang ring ba 'am/ nye bar mthong ba de la/ tshor ba bsred pa'i gnas su chu'i chu bur lta bu dang / mngon par dga' ba 'byung bar 'gyur ba de la yang tshul bzhin du brtag par bya'o// ji ltar yang mig mig gis stong pa nas/ ji ltar gong du bshad pa'i bar du de glo bur dang / lus ma yin pa dang / gnas med pa dang / gzugs med pa dang / bstan du med pa dang / dngos po med pa dang / yi ge med pa tshor ba chu'i chu bur lta bur 'byung ngo / / 'dod chags kyis kun tu bsgribs pa 'byung ngo // slong ba po'am/ dgod pa po 'am/ kun du rgyu ba po'am/ bsogs par yang mi shes so// 'byung ba'i mtshan nyid bdag po med pa dang / 'gog pa yang bdag po med pa dang / mtshan nyid tshor ba la yang bdag po med pa ste/ mtshan nyid med pa'i chos 'di dag thams cad la yang srog med pa dang / srog dang bral ba dang / sems can med pa dang / sems can dang bral ba dang / gso ba med pa dang / gso ba dang bral ba dang / gang zag med pa dang / gang zag dang bral ba dang / 'dod pa med pa dang / dngos po med pa dang / mtshan nyid med pa dang / bdag po med pa dang / mtshan nyid 'jig pa dang / zad pa'i 'du byed kyi sdug bsngal dngos po med pa dang/ dus gsum gyi 'dod chags dang bral ba'i mtha' la des de dag stong ngo // brjod du med pa 'dod

  155. 78b

    chags kyi mtha' la des de dag stong ngo / / gnyis su med pa'i 'dod chags kyi mtha' la de de dag stong ngo // rgyun chad pa med pa 'dod chags kyi mtha' la des de dag stong ngo // rtag pa med pa 'dod chags kyi mtha' la des/ de dag stong ngo // mtshan ma med pa 'dod chags kyi mtha' la des de dag stong ngo // smon pa med pa 'dod chags kyi mtha' la des de dag stong ngo // tshor ba med pa 'dod chags kyi mtha' la des de dag stong ngo // byed pa po'i rnam pa med pa 'dod chags kyi mtha' la des de dag stong ngo / / shes pa med pa 'dod chags kyi mtha' la des de dag stong ngo // len pa med pa 'dod chags kyi mtha' la des de dag stong ngo // grol ba med pa 'dod chags kyi mtha' la des de dag stong ngo / / dngos po med pa 'dod chags kyi mtha' las des de dag stong ngo // mun pa med pa 'dod chags kyi mtha' la des de dag stong ngo // snang ba med pa 'dod chags kyi mtha' la des de dag spong ngo / / dus gsum gyi 'dod chags dmigs pa rnam par bsdogs so// gnas sam/ byed du 'jug pa 'am/ bsdogs par bya ba yang dag par rjes su mi mthong ngo // sems sgyu ma lta bu dang / dus gsum gyi 'dod chags dngos po dang / dngos po med pa yongs su chad par yang rnam par mi rtog go// ji lta ba bzhin du shes pa ci la yang chags pa med do// thams cad la mi rten pa dang / m-i gnas pa dang len pa med pa dang / 'phos pa med pa las gnyis su mi byed do// chos thams cad chos kyi dbyings su yang dag par gzhol bar shes pas cung zad kyang dbye bar mi byed do// de chags pa'i gzugs la sems lag pa dang

  156. 79a

    gzugs dang tshor ba gnyis bral ba'o/ / gang chags pa'i gzugs la tshor ba gang chu'i chu bur lta bu dang / gang 'byung ba zad pa 'jig par brtag pa 'di dag ni 'du byed rtag pa med pa'o// khams gsum las 'byung ba 'di yang smon pa med pa rnam par thar pa'i sgo'o// gang 'dod chags de la brjod du med pa'i tshor ba dang dus gsum gyi bsgom pa thob pa 'di yang 'du byed sdug bsngal rab tu byed pa'i ro'o// khams gsum gyi 'dod chags kyi kun gzhi tshor ba po med pa dang / nyon mongs pa med pa 'di yang mtshan ma med pa rnam par thar pa'i sgo'o// gang 'dod chags kyi kun gzhi tshor ba blang ba med cing dor ba med pa dang / tshig gi lam bdag med pa dang / yi ger dmigs pa med pa dang / khams gsum gyi tshor ba yul med cing / mig yor med pa 'di yang 'du byed rnam par zhi ba'i phyir ro// bdag med pa stong pa nyid rnam par thar pa'i sgo'o/ / gang khams gsum thams cad la tshor ba dngos po med pa dang / snang ba med pa dang / yi ge med pa dang / brjod du med pa dang / zad pa med pa dang / ci la yang chags pa med pa de ltar rab 'bring dang / tha ma'i nyon mongs pa rgyun chad par 'gyur ro// nam mkha' ji ltar sbyor ba med pa de bzhin du/ 'dod chags kun nas ldang ba dang / tshor ba sbyor ba med cing brjod du med pa dang / gnyis su med pa dang / sems dang / yid kyi rnam par shes pa la khams gsum gyi tshor bci la yang chags pa med pa dang / mi rtag pa dang / sdug bsngal ba dang / stong pa dang / bdag med pa dang / 'dod chags

  157. 79b

    kyi kun gzhi tshe rab mtshan nyid dmigs pa med pa dang / mtshan nyid dang bral ba'i bzod pa bsgom par byed pa 'di yang / byang chub sems dpa'i sems can nye bar 'tsho ba'i bzod par lta bar bya'o// de bzhin du rna ba la sgra/ snal dri/ lce la ro// lus la reg/ yid la chos te/ gang yid kyis 'das pa dang / ma 'ongs pa dang / da ltar byung ba'i 'dod chags kyi kun gzhi kun nas ldang ba yid du 'ongs pa'i chos rnam par shes shing / gzugs dang / sgra dang / dri dang / ro dang / reg pa mngon par dga' ba rjes su dran pa de la yang yid kyi rnam par shes pa 'byung ngo // tshor ba 'dod chags kyi kun gzhis bskyed do/ / de la yang byang chub sems dpa' de bzhin du yid kyi rnam par shes pa dang / tshor ba 'dod chags kyi kun gzhi tshul bzhin du rtog go// gzugs kyi dngos po rang bzhin gyis sgyu ma lta bu sems dang / yid kyi rnam par shes pa zhes bya ba 'di sems dang yid kyi sgras brjod do// gang 'das pa'i sems de 'gag pa dang / ma 'ongs pa'i ma 'byung ba dang / da ltar byung ba'i sems dang / yid rnam par shes pa gnas pa yang med do/ / skad cig tu 'jug pa dang / mi rtag pa dang / lus med pa dang / ngo bo nyid med pa dang / yi ge med pa dang / mtshan nyid med pa dang / bya ba med pa dang / 'gyur ba med pa dang / gzung du med pa dang / gtong ba med pa dang / mun pa med pa dang / snang ba med pa dang / gcig su ma yin pa dang / tha mi dad pa dang / gnyis su med pa dang gnyis lta bu med pa dang

  158. 80a

    dngos po med pa dang / snyems pa med pa dang / spros pa med pa dang / phul ba med pa dang / sel ba med pa dang / kun gzhi thams cad dang bral ba dang / chu zla lta bur dang / 'das pa dang ma 'ongs pa dang / da ltar byung ba'i cha'i gnas mngon par dga' ba'i phyi rol gyi dngos po sems dang / yid kyi rnam par shes pa rkyen ji lta bzhin du snang bar 'gyur ro// nam mkha'i ji ltar nyi ma dang / zla ba la snang ba med pa'i nam mkha' dang / snang ba gnyis kyis mtshan nyid med pa de ming tsam gyis brjod pa de bzhin du/ sems dang yid kyi rnam par shes pa la 'dod chags kyi gnas snang ba dang / brjod du med pa gnyis kyi mtshan nyid kyang ming tsam gyis brjod pa yang gnyis su med pa dang / gnas pa med pa dang / gzugs med pa dang / bstan du med pa dang / ngo bo nyid med pa dang / yi ge med pa dang / slong pa po med pa nas ston pa'i bar du 'dod chags kyi mtha' la des de dag stong ngo / / dus gsum gyi 'dod chags la kun gzhi rnam par bsogs so// 'di la gnas med pas ci yang chags pa med pa'i bar du de ltar rab tu 'bring dang / tha ma'i nyon mongs pa nye bar zhi bar 'gyur ro// nam mkha' ji ltar mun pa med cing snang ba med pa dang / mtshan nyid med pa de bzhin du/ yid kyi rnam par shes pa 'dod chags kyi kun gzhi yang mun pa med cing snang ba med pa dang / mtshan nyid med pa ngo bo nyid med pa dang / sems dang yid kyi rnam par shes pa ci la yang ma chags pa dang / khams gsum gyi 'dod chags kyi kun gzhi tshor ba mi rtag pa dang / sdug bsngal

  159. 80b

    ba dang / stong pa dang / bdag med pa'i mtshan nyid dang bral ba'i bzod pa bsgom par bya ba 'di la yang / byang chub sems dpa'i sems can yongs su smin pa nye bar 'tsho ba'i bzod pa yongs su blta bar bya'o// de bzhin du 'dod chags kyi rgyun gcod par yang 'gyur ro/ / rigs kyi bu gzhan yang byang chub sems dpas zhe sdang skye ba nyon mongs pa'i rtsa ba las zad pa nub pa tshul bzhin du brtag par bya'o// gang mig gis gzugs kyi mtshan nyid snang ba yid du 'ongs pa dma' ba nas/ nye ba'i bar du de la tshor ba chu'i chu bur lta bu mi sdug pa mngon par dga' ba med par 'byung ba'i tshor ba ste/ de la yang byang chub sems dpas tshul bzhin du rtog go/ ji ltar mig mig gis stong pa dang / mig gzugs rnam par shes pas stong pa nas/ ji ltar gong du bshad pa'i bar du'o// skad cig tu 'jig pa zad pa'i 'du byed dus gsum gyi zhe sdang gi mtha' la des de stong pa nas/ snang ba med pa'i bar du zhe sdang gi mtha' la des de stong ste/ dus gsum gyi zhe sdang dmigs pa rnam par ba sogs so// zhe sdang gi gnas med pa nas/ zhe sdang can gyi gzugs snang ba la sems gzhog pa dang / zhe sdang gi tshor ba dang gnyis bral bar 'gyur ba'i bar du'o/ / gang zhe sdang can gyi gzugs la zhe sdang gi kun gzhi 'byung ba dang / tshor ba chu'i chu bur lta bur 'byung ba zad pa 'jig par rtag pa 'di dag kyang 'du byed mi rtag pa zhes bya ba'i bar du bzod pa blta bar bya'o/ / de bzhin du rnabs sgra nas yid kyi chos kyi bar du yid kyis gang mi sdug pa dang / mi mdzes pa'i chos rnam par shes pa de la yang zhe sdang gi kun gzhi kun nas ldang ba'i tshe rab

  160. 81a

    kun nas 'byung bar 'gyur ro/ / de la yang byang chub sems dpa' zhe sdang gi kun gzhi yid bzhin gyi tshul kun du rtog par bya ste/ 'di dag ni gzugs med pa las ji lta bur gong ma bshad pa'i bar du'o/ / nam mkha' ji ltar khro ba med cing gshe ba med pa ltar/ zhe sdang gi kun gzhi'ang de bzhin no// yid kyi rnam par shes pa zhi ba de la zhe sdang med cing gshe ba med pa dang / ci la yang chags pa med pa dang / khams gsum thams cad kyi zhe sdang gi kun gzhi tshor ba mi rtag pa dang / sdug bsngal ba dang / stong pa dang / bdag med pa dang / mtshan nyid dang bral ba'i bzod pa sgom par byed pa 'di yang / byang chub sems dpa'i sems can thams cad yongs su smin pa nye bar 'tsho ba'i bzod pa yongs su smin par bya'o/ / rigs kyi bu gzhan yang byang chub sems dpa' mig gis nang gi'am/ gzugs gang ji snyed yong sa/ dag mthong nas/ gang yang 'di la 'das pa dang / ma 'ongs pa dang / da ltar byung ba'i gzugs yang dag par ma yin par kun du rtog pa mun par gyur pa/ 'dod chags kyi gnas/ zhe sdang gi gnas la rtag pa dang / bde ba dang sdug bsngal bather zug pa dang / bdag dang mi g.yo ba'i 'du byed du dmigs la/ khams gsum la dmigs pa'i nyon mongs pa'i rkun po skye zhing 'phel ba dang / khams gsum po thams cad bsdus nas/ rnam pa gnyis su nye bar 'gro// nye bar len pa'i byin gyis brlob// mngon par chags shing / rgyu dang rkyen grangs med/ dpag tu med pa la dmigs shing nye bar 'dzin te/ de la rang bzhin gyis

  161. 81b

    mi rtag pa dang / sdug bsngal ba dang / stong pa dang bdag med par mi ston/ skye ba dang / 'gog pa dang / 'jig par yang nye bar mi rtog gi/ bdag dang / srog dang / gso ba dang / gang zag tu dmigs shing rtag pa dang / chad par snyems te/ nang dang phyi'i rkyen la dmigs nas phung po dang / khams dang / skye mched rnams kyang yang dag par ji lta ba bzhin du rab tu shes so// rgyu dang 'bras bu dang / las dang rnam par smin pa'i kun nas ldang ba la dmigs pa dang / rnam par dpyod pa dang / rnam par dpyod pa med pa dang / 'khrug pa dang ma 'khrugs pa dang / nye bar zhi ba dang / yang dag par rtog pa yang yang dag pa ji lta ba bzhin du rab tu shes shing / bde ba dang / sdug bsngal gyi tshor ba dang bral ba/ shes rab kyi dbang po ma skyes pas/ chos la rnam par rtog pa 'di yang sdug bsngal yang med/ bde ba yang med pa'i tshor ba'o/ / de la byang chub sems dpa' nang dang / phyi'i mtshan nyid du snang ba dang / gzugs kyi mtshan nyid du snang ba gang ji snyed yod pa dag la yang dag pa nyid dang / de kho na nyid du brtag par bya'o// gang ji ltar sngar bstan pa'i 'dod chags kyi gnas dang / zhe sdang gi gnas la 'di ltar brtag pa 'am/ skad cig gis 'jig pa'i tshul dang / rtag pa 'am/ mi rtog pa'i tshul dang / bde ba 'am/ sdug bsngal gyi tshul dang / bdag gam bdag med pa'i tshul dang / khams gsum po thams cad kyi 'du byed dang / nyon mongs pa'i rgyun ma zhi ba dang / rgyu med pa dang / bdag po med pa'i rgyun ma zhi ba dang / gnyis dang

  162. 82a

    bral ba dang / mi sgri ba la mngon par mi chags pa'i tshul gyis yongs su rtog pa dang / khams gsum po thams cad dang / dus gsum gyi sdug bsngal yang med/ bde ba yang med ba'i tshor ba mi skye ba ni tshor ba gnyis mi skye ba'i mthar khong du chud par bya'o/ / de dag ni rtag pa'i mtha' dang / chad pa med pa'i mtha' dang / brjod du med pa'i rjes kyi rgyun gyi mtha' dang / lus med pa'i mtha' dang / gnas med pa'i mthar khong du chud par bya'o// tshig gi lam dang bral ba'i bag la nyal gyi sems dang / yid dang / rnam par shes pa la sdug bsngal yang med/ bde ba yang med pa'i tshor ba mi dmigs par so sor brtag par bya'o/ / yang de ltar zhi gnas kyi tshul gyis rgyu dang / rkyen dang / rgyu med pa dang / rkyen med pa'i lhag mthong rnam pa bcu gnyis ni/ yang dag pa'i shes rab kyi sa gti mug gi/ mun par blta'o// 'di la ma rig pa'i gnas tshul bzhin ma yin pa yid la byed pa ni gang / tshul bzhin ma yin pa yid la byed pa ni gang la dmigs lus dang ngag dang / yid kyi 'du byed la dmigs/ na ni lus de yang 'byung ba chen po bzhi la gnas pa/ 'byung ba chen po bzhi po de dag kyang g.yo ba med pa/ 'gyur ba med pa/ bdag med pa/ bdag gi med pa ste/ ji ltar sngar bstan pa bzhin no// tshig gi lam yang dmigs su med pa/ yi ge med pa ste/ bdag mi dmigs pa'i phyir gnas med pa'o// yid kyi rnam par shes pa yang gnas med pa/ mi gnas pa/ tshig gi lam tsam du brjod pa ste/

  163. 82b

    'di la bdag dang / yan lag can dang / gang zag med do// lus dang / ngag dang / yid kyi dmigs pa gnyis ga yang stong pa ste/ des na ma rig pa yang stong pa'o// lung du ma bstan pa'i sems// kyi rgyud kyang 'gro ba med pa'o// mtshan nyid du snang yang brjod du med pa'o// ma rig pa dang / srid pa'i sred pa dang / sems dang / yid kyi rnam par shes pa dang / khams gsum dang / dus gsum la dmigs pa yang yang dag pa'i mthas mi dmigs la/ dge ba dang mi dge ba yang dge ba'i mtshan nyid kyis med de/ des na ma rig pa ni stong pa'o// yang ma rig pa shin tu byang nas/ 'du byed la rtog ste/ skad cig ma gang la ma rig pa skye ba skad cig ma de nyid la mi gnas shing 'gag ste/ skad cig ma gnyis la mi gnas so// skad cig ma gcig la gnyis ga skye ba'am/ 'gag pa med kyi/ ma rig pa 'gags nas/ skad cig ma gnyis pa la 'du byed skye ste/ des na ma rig pa stong pa ste/ bdag med pa'i ngo bo'o// yang skad cig ma gang la 'du byed skye ba de la lus kyi 'du byed dang / ngag gi 'du byed dang / yid kyi 'du byed dang / 'du byed gsum 'gag go// yang lus kyi 'du byed skyes nas/ 'dod chags dang bral ba'i mtha'i gnas na ngag gi 'du byed skye'o// yang rnam par grol ba'i mtha' yang yid kyi 'du byed kyi rjes kyi rgyun gyis ngag gi 'du byed la 'jug go/ / lus kyi 'du byed ma skyes na/ ngag dang yid kyi 'du byed kyi 'jug pa mi sogs so// 'du byed nye bar len pa la yang dag par rtog par

  164. 83a

    lus kyi 'du byed nye bar 'tsho ba la rnam par dpyod cing chags par yang mi 'gyur ro/ / yid kyi 'du byed ma skyes na/ lus dang ngag gi 'du byed rnams kyi dus gsum gyi 'jug pa bsags ba bstsal du yang med do/ / ngag gi 'du byed ma skyes na/ lus dang yid kyi 'du byed rnams kyi dus gsum gyi 'jug pa bsags pa bsal du yang med do// yang 'du byed gsum gyi mtshan nyid kyi gnas de 'dra bas/ khams gsum na spyod pa'i rnam par shes pa'i gnas dang / snang ba thob par byed pa yang med/ sel bar byed pa yang med de/ de nas de dag stong pa'o// 'du byed kyi mtha' las skyes pa yang rang bzhin gyis bsal bas rnam par dag pa/ gnyis su med pa'i rjes su song ba/ smon pa med pa/ 'du byed rnam par bzhag pa/ nam mkha' ltar stong pa'o// lus kyi 'du byed kyang yang dag pa'i mtha'i rang bzhin bdag med pa ste/ sngon gyi mtha' dang / phyi ma'i mtha' dang / bar du yang ma byung ba dang / gnas med pa'i phyir stong pa'o// ngag gi 'du byed kyang tshig gi lam dang bral ba'i rjes su 'gro ba/ na mkha' ltar sgro btags pa ste/ khams gsum dang / gnyis dang bral bas stong pa'o// yid kyi 'du byed kyang thob pa med pa/ mngon sum du bya ba med pa/ dus gsum thams cad kyi mtshan nyid dang bral ba sems can med pa nas/ gang zag gi bar du med pa/ med pa la rnam par rtog pa/ gti mug gis rnam par bsgrubs pa/ mun pa med pa dang / snang ba med pa/ spros pa med pa/ yi ge med pa

  165. 83b

    stong pa nam mkha' dang mtshungs pa'o/ / 'du byed kyi rkyen gyis rnam par shes pa la la yongs su rtog par byed/ 'du byed rnams ni skyes nas 'gag pa yin gyi rnam par shes pa'i rgyun ni bkri bar bya ba med pa ste/ rnam par shes pa'i tshogs drug po 'di dag kyang 'dra ba dang / mi 'dra ba dang / bdag po med pa dang / skad cig ma dang / 'god pa'i mtshan nyid la mig gnas pa'o// yang rnam par shes ba ni rnam par dpyod pa'i mtshan nyid mi dmigs pa dang / nang dang phyi'i mi dmigs pa dang / dge ba dang mi dge ba mi dmigs pa dang / zag pa dang bcas pa dang / zag pa med pa'i mi dmigs pa dang / 'dus byas dang / dus ma byas mi dmigs pa dang / rgyu dang rkyen mi dmigs pa dang / khams gsum dang dus gsum gyi tshor ba mi dmigs pa dang / 'dod pa lnga'i yon tan nyams pa mi dmig pa dang / 'byung ba chen po bzhi mi dmigs pa dang / khams drug mi dmigs pa dang / bsgoms pa dang / tshul bzhin yid la byed pa dang / bar chad med pa'i lam nas phung po'i lhag ma dang bcas pa dang / phung po'i lhag ma ma lus pa'i bar gyis rnam par shes pa mi dmigs pas/ gzugs la nye bar bkri bar med pa nas/ yid kyi bar la nye bar bkri ba med pa/ sgyu ma snang ba lta bu rang bzhin med pa/ lus med pa/ gnas med pa'o// rnam par shes pa ni sngon gyi mtha' dang phyi ma'i mtha' dang / bar gyi mtha'i yang dag pa'i mtha' 'byung ba med pas nas/ gzugs kyi mtshan nyid gang du yang rnam par brtag pa'i gnas su snang

  166. 84a

    ba dang / spyod pa shes par mi nus te/ des na rnam par shes pa ni stong pa'o// yang rnam par shes pa'i rkyen gyis ming dang gzugs la rtog par byed de/ skad cig ma cig la rnam par shes pa skyes shing 'gag so nas/ ming dang gzugs skye'o// ming ni tshor ba dang 'du shes dang / 'du byed dang / rnam par shes pa dang / gzugs med pa'i phung po yang 'di dag go// phung po yang rdzas med pa'i don to/ / gzugs kyi mtshan nyid dang / dbyibs kyi snang ba la mi 'jug pas/ de dag ni ming zhes bya'o// gzugs shes bya ba ni 'byung ba chen po bzhi la gzugs shes bya'o// gzugs med pa'i phung po bzhi po 'di dag kyang dngos po med pa/ gnas med pa/ rdzas med pa/ mtshan nyid med pa/ mtshan nyid dang bral ba ste/ tshor ba'i rnam par smin pa'i mtshan nyid rab tu mi shes ba'o/ / rgyu dang rkyen la mi dmigs pa dang / 'bras bu 'grub par rab tu mi shes pa'o// chos 'di dag ni phan tshun nas 'du ba dang / gnas rnam par dbye ba rab tu mi shes pa'o// 'du byed dang / rnam par shes pa'i phung po'i rnam par smin pa nas/ rnam par phye ba'i bar du rab tu mi shes pa'o// de ci'i phyir zhe na/ chos 'di dag thams cad ni khams gsum las grol ba/ dus gsum las shin tu 'das pa/ mnyam pa med pa/ yongs su 'dzin pa med pa/ kha zas med pa/ dngos po med pa/ chags shing rnam par rtog pa med pa/ sgra med pa/ 'byung ba med pa/ gnyis su med pa rgyu ba

  167. 84b

    med pa/ kun gzhi med pa dbang du gyur pa med pa nas/ 'chi 'pho med pa rkyen med pa/ mtshan nyid med pa/ byas pa med pa/ rgyu med pa/ bdag gi med pa/ brjod pa med pa/ chad pa med pa/ rtag pa med pa/ bya ba med pa/ ming med pa'o// gnas med pas gzugs med pa'o// yid med pa'o// rnam par rtog pa med pa'o// rnam par smin pa med pa'o// rnam par shes pa med pa'o/ / gzhal ba med pa'o// mngon par 'grub pa med pa'o// dus gsum dang khams gsum thams cad kyi gzugs med pa'i phung po bzhi po 'di dag ni nam mkha' dang mtshungs pa'o// mtshan nyid med pa'o// rlung dang mtshungs pa'o// gtogs pa med pa'o// mig gi lam du brjod pa'i mtshan nyid do// dus gsum tha dad pa med cing 'gro ba med cing tshul gyis/ yang dag pa'i mtha'i rjes su ma zhugs pa'o/ / 'jug pa med pa'o// mun pa med pa'o// snang ba med pa'o// rang bzhin med pa'o// ngo bo nyid kyis rtsa ba med pa'o// yi ge med pa'o// de dag ni gang du yang bsgom pa dang / skyes pa dang ma skyes pa dang / 'ong ba dang / 'gro ba dang / bsags pa med pa'o// khams gsum thams cad ni gtam gyi dngos por btags pa'i mtshan nyid kyi 'jug pa med pa'o// blang ba med pa'o// dor ba med pa dang / gzugs med pa'i phung po bzhi po 'di dag ni mtshan nyid kyi 'jug pa med pa'o// phung po 'di dag ni mig gi gnas kyi dbyibs su mi gnas pa nas/ lus kyi gnas kyi bar gyi dbyiblas

  168. 85a

    su gnas pa ma yin no/ / lus kyi rnam par shes pa'i gnas kyi dbyibs su gnas pa ma yin/ sems dang yid dang rnam par shes pa'i gnas sel ba'i brda dang / mtshan ma rnam par gzhag par rnam par gzhag par ma yin no/ / gzugs med pa'i phung po bzhi po 'di dag ni gnas kyi dbyibs su gnas kyang gzugs med pa'i phung po bzhi po 'di dag ni/ gzugs kyi phung po'i gnas kyi dbyibasasu gnas pa ma yin no/ / khams gsum gyi las kyi mtshan nyid rnam par dpyod pa'i rjes su 'brel pa/ gzugs med pa'i phung po bzhi po 'di dag ni/ gnas kyi dbyibs su mi gnas pa'o// de dag ni bdag med pa nas/ gang zag gi bar du med pa'o// brjod du med pa'o// yi ge med pa'o// gzugs med pa'i phung po bzhi po 'di dag ni/ stong pa'i mtshan nyid kyis shin tu skad cig gis 'jig pa ther zug ma yin pa'o/ / gnas mi dmigs pa'i mtshan ma med pa'o// skad cig gi skye zhing 'bri ba'i tshul gyis smon pa med pa'o// 'gog pa med pas chags pa med pa'i shes rab 'jug pa ste/ des na phung po bzhi po 'di dag ni stong pa'o/ / gzugs kyi phung po 'byung ba chen po 'di dag kyang / ji ltar sngar bstan pa bzhin du stong pa'o// nye bar len pa'i phung po lnga po 'di dag kyang / skad cig ma'i rgyun gyi tshul gyi skye ba ma yin/ phan tshun las shin tu 'das shing mi gnas pa'i tshul gyis ma yin/ phan tshun du nye bar smon spongs pa ma yin/ phan tshun las shin tu 'da' ba ma yin no// skad cig ma dang po la gzugs med par ming skye ba ma yin/ skad cig

  169. 85b

    ma gnyis pa'i gnas la ming med par gzugs skye ba ma yin gyi/ skad cig ma gcig gis gnas la nye bar len pa'i phung po lnga po 'di dag thams cad skye zhing 'gag ste/ skad cig ma lhag ma gnyis po la gnas pa ma yin no/ / de ci'i phyir zhe na/ ji ltar sems las byung ba'i chos myur du 'gyur ba bzhin du bsgrubs par sla ba ma yin te/ de dag kyang dngos po med pa/ skad cig gis 'jigs pa gnas pa ma yin no/ / yang ming dang gzugs kyi rkyen gyis skye mched drug la rtog par byed de/ ming dang gzugs skyes shing 'gags nas/ skad cig ma gnyis pa la skye mched drug skye ste/ skye mched drug po 'di dag ni mig dang / rna ba dang / sna dang / lce dang / lus dang yid do// mig gi rnam par shes pa yang rna ba'i rnam par shes pa dang / 'dre ba dang / 'bral ba las sog pa ma yin/ gcig la gcig 'brel bar sel pa ma yin/ mig gi rnam par shes pa'i las kyi dmigs pa skyes pa/ rna ba'i rnam par shes pa skad cig mar bya bar mi nus// rna ba'i rnam par shes pa'i dmigs pa yang / mig gi rnam par shes pa'i dmigs pa'i rgyur mi skyed pa nas/ yid kyi rnam par shes pa'i bar du brjod par bya'o// mig gi rnam par shes yang rtag pa dang / mi rtag pa dang / 'dres te 'byung ba ma yin/ khams gsum gyi chad pa dang / rtag pa'i mtha' dang 'dres te 'byung ba ma yin/ chos thams cad dus gsum dang tha mi dad pa'i

  170. 86a

    mtha' nye bar len pa ma yin pa nas/ yid kyi rnam par shes pa'i bar du brjod par bya'o// mig gi rnam par shes pa ni bde ba dang / sdug bsngal gyi dngos po'i bdag gi mtha' dang 'dres te 'byung ba ma yin/ bdag dang bdag med pa ma yin/ sdug pa dang mi sdug pa ma yin/ 'dus byas dang / 'dus ma byas pa ma yin/ chad pa dang rtag pa ma yin/ mtshan ma dang mtshan ma med pa ma yin/ gnyis ma yin gnyis su med pa'i mtha' ma yin/ yang dag pa'i mtha' nye bar 'dzin pa ma yin pa nas/ yid kyi rnam par shes pa'i bar dag kyang ngo // mig gi rnam par shes pa la gzugs kyi mtshan nyid stong pa 'am/ mi stong pa zhes chags pa med/ sel ba med/ tha dad pa med/ bde ba dang / sdug bsngal dang / nang dang phyi'i rnam pa smig rgyu ba lta bu dang 'dres te 'byung ba ma yin// theg pa gsum dang / mi khom pa'i mtha' dang / 'jig tshegs kyi mtha' sel ba ma yin/ gsum gyis gus pa'i tshul du byed pa ma yin/ zad mi shes pa'i mtha' rnam par 'khyam pa ma yin pa nas/ yid kyi rnam par shes pa la tshor ba skad cig ma bden pa dang / mi bden pa nye bar 'gro ba med skyed pa nas yid kyi rnam par shes pa'i bar du brjod par bya'o// sgyu ma lta bu'i mig gi rnam par shes pa yod pa ma yin pa 'di la skad cig ma'i spyod pa nas/ shes pa med pa/ snang ba med/ yi ge med de/ skad cig ma'i mi skye ba dang / 'god pa dang / chos 'di dag ni skad cig ma cig la skye zhing 'gag

  171. 86b

    ste/ 'di la byed pa po dang / byed du 'jug pa dang / tshor ba po dang / tshor bar byed pa dang / skyed pa po dang / skyed par byed pa dang / ldang bar byed pa dang / ldang bar byed du 'jug pa dang / byin gyis rlob pa po dang / rnam par 'jig pa/ po med do// de dag ni skad cig ma dang po la skyes la/ skad cig ma gnyis pa la gnas pa ma yin/ skyes nas phan tshun du tha dad par byed pa ma yin/ rgyu med pa las byung ba ma yin te/ chos 'di dag ni skad cig gis 'jig pa'i mtshan nyid pas/ des na de dag ni stong pa'o// yang dag pa ma yin pa kun tu rtog pa las skye zhing 'gag ste/ des na de dag ni stong pa'o// skye mched drug gi rkyen gyis reg pa la rtog par byed de/ rnam par shes pa drug gi tshogs skyes shing bgags nas/ skad cig ma gnyis pa'i gnas la mig gi 'dus te reg pa nas/ yid kyi 'dus te reg pa'i bar dag gi 'dus te reg pa drug gi tshogs skye ba'i rgyu med do/ de la mig gi 'dus te reg pa ni/ mig gi rnam par shes pas yul la reg pa la gnas pa'i bya ba ste/ chags par bya ba'i phyir skad cig ma gnyis pa la 'byung ngo // de ni gnyis ka yang dngos po med pa ste/ nam mkha' la brtag pa'i mtshan nyid lta bu'o// mig gi yul gyi reg pa ni/ mig gi rnam par shes pa la gnas pa bya ba chags par bya ba'i don du skad cig ma gnyis la 'byung ba ni ma yin no// de bzhin du rna ba dang / sna dang / lce dang lus dang / yid kyang brjod par bya'o// mig gi rnam par shes pa'i rkyen gyis gzugs kyi 'dus te reg pa la dmigs pa la yod pa'i mtshan nyid kyi rang bzhin du chags

  172. 87a

    par bya ba'i phyir/ skad cig ma gnyis la 'byung ba nis yin no// de ni gnyis ka yang dngos po med pa ste/ nam mkha' la brtag pa lta bu'o// de bzhin du tshor ba dang / 'du shes dang / 'du byed rnams dang / rnam par shes pa yang brjod par bya'o// mig ni mig gis gnyis su med de/ gnyis ka yang dngos po med pa'i phyir ro// mig ni mig gis rnam par shes pas gnyis su med de/ gnyis ka yang dngos po med pa'i phyir ro/ / mig gi rnam par shes pa yang yul gyi 'dus te reg pa dang gnyis su med de/ gnyis ka yang dngos po med pa'i phyir ro// de bzhin du gnas pa'i bya ba yang chags par bya bas gnyis su med dngos po med de/ nam mkha' la brtag pa'i mtshan nyid lta bu'i phyir ro// dngos po 'di dag ni mtshan nyid med par rnam par brtag ste/ bya ba med pa/ chags pa med pa'i mtshan nyid zhe na/ ba med pa'o// dus gsum dang / khams gsum de dag thams cad ni/ chos kyi dbyings rnam par mi rtog pa/ chos nges par sems pa shes pa med pa/ sbyor ba las rnam par bzlog pa/ dga' ba med pa/ byis pa sems can ji lta ba bzhin du ming med pa/ rkyen med pa/ kha dog dang mtshan ma med pa/ gnas med pa/ rnam par dmigs pa med pa/ brjod du med pa yin na/ nam mkha'i rang bzhin lta bu las chos dang / chos kyi dbyings tha dad du byed do// rang gi rgyud kyi yongs su rtog pas/ chos kyi dbyings gcig la tshul sna tshogs kyis de ltar tha dad du 'byed do// ming dang rkyen dang / kha dog dang / mtshan dang /

  173. 87b

    dbyibs su 'dogs so// 'dod pa'i yon tan lnga ni skye ba med pa/ ldang ba med pa/ mtshan nyid med pa/ rnam par gzhag pa med pa'o// rnam par thar pa gsum ni dbyangs gcig pa'i rang bzhin gyi ngo bo nyid de/ dus gsum thams cad la rnam par mi rtog pa'i chos kyi dbyings nam mkha'i lam lta bu rnam par dpyad pa ste/ de nas mig gi yul dang mig gi rnam par shes pa'i yul gyi 'dus te reg pa dang / khams gsum thams cad la 'jug pa dang / mtshan dang / kha dog dang / dbyibs dang bral ba/ nam mkha' la brtag pa'i mtshan nyid lta bu la 'jug pa thams cad kyang chos kyi dbyings so// / de bzhin du rna ba dang / sna dang / lce dang / lus dang / yid kyi rnam par shes pa'i 'dus te reg pa yang gnyis su med pa ste/ gnyis ga yang dngos po med pa'i phyir ro// de na rnam par shes pa dang / 'dus te reg pa ldang ba ji snyed pa thams cad dang / khams gsum pa thams cad khong du chud pa dang / kha dog dang / mtshan dang / dbyibs khong du chud pa dang / nam mkha' la brtag pa dang / 'jug pa yang chos kyi dbyings so/ / gang reg pa'i skyed mched drug la rnam par dpyod cing 'brel par 'byung ba/ kun tu grong ba'i rnam par dpyod pa khong du chud pa chags pa thams cad brjod pas bcings pa bdud kyi dbang du song ba ni/ bdud kyi 'dod pa ji lta ba bzhin du byed pa'o// gang reg pa'i skye mched drug la mi dpyod cing / mi skye ba kun tu spong ba dang / kha dog dang / dbyibs thams cad sel ba dang / skad cig

  174. 88a

    gis 'jigs pa nam mkha' la brtag pa'i mtshan nyid lta bu 'di ni/ 'jig rten las 'das pa brjod du med pa'i ye shes khong du chud pa'o// gang gzugs la ro myang zhing / reg pa skye mched drug dang / 'dod pa'i yon tan lnga la rtag pa 'am/ mi rtag pa zhes dpyod pa khong du chud cing / chags pa thams cad brjod pa'i bar dag kyang bdud kyi 'dod pa ji lta ba bzhin du byed pa'o// / gang yang gzugs la ro myang ba dang / 'dod pa lnga'i yon tan dang / reg pa'i skye mched drug la rtag pa'am/ mi rtag pa zhes rnam par dpyod par nus par/ kun tu slong ba'i mtshan nyid yid la byed pa de ni/ chags pa thams cad yongs su bcad pa/ 'jig rten las 'das pa brjod du med pa khong du chud pa'i byang chub kyi lam rnam par sbyong ba'o// de bzhin du tshor ba dang / 'du shes dang / 'du byed rnams dang / gang yang rnam par shes pa dang / reg pa'i skye mched drug la rtag pa 'am/ mi rtag pa zhes dpyod pa khong du chud pa chags pa thams cad brjod pa'i bar de yang bdud kyi 'dod pa jig ba bzhin du byed pa'o/ / gang yang yid kyi rnam par shes pa dang / reg pa'i skye mched drug la 'dod pa'i yon tan lnga'i ro myang bar mi byed cing / mun pa yang med/ snang ba yang med de/ nam mkha' ltar gnyis lta bur bya bar ma yin pa 'di yang 'jig rten las 'das pa/ brjod du med pa/ khong du chud pa'i byang chub kyi lam rnam par sbyong ba'o// chos 'di dag ni 'du shes dang / sems pa dang /

  175. 88b

    skad cig ma'i rgyun gyis 'jug pa ma yin no// reg pa phan tshun 'dres nas 'byung bar byed pa yang ma yin no// skad cig ma'i rgyun gyis phan tshun skyed par byed pa yang ma yin no// 'gog par byed pa yang ma yin no/ / chos 'di dag ni skad cig ma dang po la skyes nas/ skad cig ma 'di nyid la 'jig ste/ skad cig ma gnyis pa la gnas pa ma yin no// de 'gags te/ reg pa'i skye mched drug dang / 'du shes dang / sems pa 'jig pa'i skad cig ma gnyis pa la tshor ba skye'o// de la tshor ba gang zhe na/ tshor ba'i tshogs drug go// mig gis reg nas tshor ba skye ste/ rna ba dang / sna dang / lce dang / lus dang / yid kyi 'dus te reg pa las skyes pa'i tshor ba skyes te/ de yang skad cig ma gcig ma yin/ las gcig rnam par dmigs pa'i skad cig ma ma yin/ tshor ba gsum ni bde ba'i tshor ba dang / sdug bsngal gyi tshor ba dang / bde ba yang med/ sdug bsngal ba yang med pa'i tshor ba ste/ dus gsum dang / khams gsum thams cad kyi reg pa'i skye mched drug la tshor ba rnam pa gsum po stong par khong du chud par bya ste/ ji ltar sngar bstan pa bzhin no// yang la la dag 'di skad ces yang reg pa'i skye mched drug las tshor ba rnam gsum ste/ skal ba mnyam pa'i phung po la rnam par dpyod pa la gnas pa de lta bu ni rtag par lta ba zhes 'dzer to/ / yang gang dag 'di skad ces gang reg pa'i skye mched drug las tshor ba rnam gsum skye ste/ phung po med pa'i tshig la gnas pa de lta bu'i chad pa zhes

  176. 89a

    zer te/ gnyis ka yang yongs su spang bar bya'o// de ci'i phyir zhe na/ phung po rnam ni rnam par mi rtog pa ste/ phyir ldog pa la gnas pa 'di ni bzod pa'o// 'di lta ste dper na/ 'byung ba chen po'i lus kyi phyi rol sems med pa de la ni/ bskyed par bya ba'i gzugs dang / mi bya ba'i gzugs dang glog gi snang bar byed/ lus kyi nang du ni snang bar mi byed/ glog ni gzugs kyi rkyen las skyes pa ma yin/ gzugs rnam par dmigs pa ma yin/ gzugs kyi gnas ma yin/ gzugs kyi ro myang bar byed pa ma yin/ glog gi gzugs phan tshun la 'jug pa ma yin/ gzugs mtshan mar 'dzin pa ma yin/ gzugs spangs nas snang bar byed pa ma yin/ klog gi gzugs kyi sa dang / 'thun par 'brel te byung ba ma yin/ gzugs la sogs pa dang / 'gag pa ma yin pa de bzhin du myur ba'i phyir reg pa'i skye mched drug la gzugs med pa'i phung po bzhi snang bar byed de/ 'di la tshor ba gsum dang / 'du shes dang / 'du byed rnam dag rnam par shes pa 'jug go/ / 'du shes dang / 'du byed dang / rnam par shes pa'i rnam par rig pas/ 'du byed kyi sdug bsngal bskyed pa ni ma yin no// tshor ba la gnas pa ma yin no// tshor ba sgrub pa ma yin no/ / tshor ba'i rjes su 'gro ba ma yin no// tshor ba la 'phel bar byed pa ma yin no// tshong ba'i ro myang ba'i phyir ma yin no// tshor ba mtshan mar 'dzin pa'i phyir ma yin no// tshor ba la kun gyi

  177. 89b

    dmigs pa'i phyir ma yin no/ / tshor ba'i ro myang ba dang mtshung shing 'dra ba'i phung po la 'du byed kyi sdug bsngal dang / sdug bsngal ba'i sdug bsngal skyed pa ma yin no// tsher ba skyes pa na 'du byed 'gag pa ma yin/ tshor ba 'gag pa na 'du byed rnams ba sogs pa ma yin no// 'di lta ste dper na/ grog ni nam mkha' bor nas gzugs rnams la snang bar byed pa ma yin te/ nam mkha' dang glog gnyis ka yang rdzas med cing brjod du med pa de bzhin du chos rnams dang / ming dang gzugs dang / tshor ba rnams kyang phan tshun tha dad par mi byed do// khams gsum thams cad kyang rdzas med pas/ brjod du med pa/ yi ge med pa ste/ skad cig ma'i rgyun gyi gnas ma yin/ phan tshun du gsogs shing 'phel bas/ chos kyi dbyings tha'ad du byed pa ma yin te/ des na de dag ni stong pa'o// skad cig ma gang la skyes pa skad cig ma de nyid la 'gag ste/ skad cig ma'i rgyun la gnas pa ma yin no// des na khams gsum dang / dus gsum dang / phung po dang / khams dang / skye mched thams cad byung ba med pa/ spyod pa med pa/ brjod du med pa/ stong pa'o// me tog gi glog gis brgyan pa 'di ni/ rgya mtsho'i phyag rgya zad mi shes pa snang ba'i chos kyi sgo'i gnas kyi tshul zhes bya'o// skad cig sa dang po la tshor ba skyes te 'gags nas/ skad cig ma gnyis pa la sred pa skye'o// de la sred pa gang zhe na/ sred pa'i tshogs drug te/ mig gi 'dus te reg pa nas yid kyi 'dus te reg pa'i bar gyi sred pa

  178. 90a

    'byung ngo / / gang gzugs la mngon par dga' ba/ gti mug gi zab bsgrub pa/ lus dang / gzugs dang / sgra dang / dri dang / ro dang / reg bya la 'jug pa thibs po ni nam mkha' bzhin no/ / gzugs la yongs su mi rtog pa'i tshor ba ni glog dang nam mkha' bzhin no// 'du shes ni rlung dang nam mkha' bzhin no// 'du byed rnams ni sprin med pa'i nam mkha' bzhin no// rnam par shes pab ni smig rgyu ba dang / nam mkha' bzhin no// gzug la yongs su mi rtog cing ther zug tu mos te/ mi rtag pa nyid du yong+ga su mi rtog pa 'di ni sred pa zhes bya'o// gzhan yang gzugs la sdug bsngal du yongs su mi rtog pa dang / sgra dang / dri la kun 'byung ba dang / 'gog par yongs su mi rtog pa dang / ro la lam du yongs su mi rtog pa dang / reg bya la skye ba dang / 'god pa brjod du med par yongs su mi rtog pa 'di ni sred pa'i gnas la chags pa khams gsum thams cad du 'phro ba dus gsum gyi dngos po la sred pa'i gnas shes bya'o/ / byi ba so so'i skye bo ngan pa rnams ni 'khor ba'i chu klung gi rgyun gyi shugs 'bab pa la mngon par brtson pa ste/ de la byang chub sems dpas gzugs la 'di ltar tshul bzhin gyis so sor brtag go bar bya ste/ 'byung ba chen po bzhi'i gzugs 'di na/ nang dang 'god pa'i mtshan nyid do/ / gang bar du rnam par 'jig pa'i mtshan nyid de ni mi rtag pa ste/ ji ltar 'byung ba chen po yongs su rtag pa sngar bstan pa de bzhin du so sor brtag go// 'dod pa'i yon tan lnga la

  179. 90b

    ni sdong po tshul du so sor brtag par bya'o/ / ji ltar sdong po la gnas bcas te/ mi gnas shing sa la gnas te/ gnas pa de bzhin du gzugs ni dbu ba'i gong bu lta bu ste/ gzugs dang gzugs med pa'i rnam par dmigs pas/ gzugs dang gzugs med pa la 'jug/ gzugs dang gzugs med pa mi 'bral/ gzugs dang / gzugs med pa'i las dang / gzugs dang / gzugs med pa spangs nas dbu ba'i gong bu ltar snying po med par brtags na stong pa ste/ 'jug pa dang mi 'jug pa ni ji ltar rlung 'dus pa'i rkyen gyis kha nas sgra 'byung ba yi ge med cing brjod du med pa de bzhin du/ khams gsum gyi sgra yang stong par khong du chud par bya'o// ji ltar rlung 'dus pa dang / nam mkha'i rlung dang / nam mkha'i dri med de stong pa de bzhin du/ khams gsum yang ji lta bur khong du chud par bya'o/ / ji ltar bum pa char pa'i thigs pas gang ba yang / de'i nang du sus kyang thigs pa blugs pa med/ bsgrubs pa med/ byas pa med/ byed du gtsug pa med de/ thams cad yongs su bzung ba dang / nye bar spyad pa dang bral ba de bzhin du/ khams gsum bdag dang bcas pa'i ro'i yon tan yang stong par khong du chud par bya'o// ji ltar bum pa gang yang nam mkha' dang 'dzes par bsgrubs pa med do/ / ji ltar nam mkha' la ma yin/ nam mkha' dang bum pa phan tshun reg pa dang bral ba/ sems med pa de bzhin du khams gsum gyi reg pa yang stong par khong du chud par bya'o// 'dod ni

  180. 91a

    yon tan lnga la gti mug gi 'khor los rung ba me tog gi dri la chags pa bzhin du/ gang yang 'dod pa'i sred pa dang / gang yang gzugs kyi sred pa 'di dag ni 'dod pa'i yon tan lnga'i tshul gyis/ stong par khong du chud par bya'o// gang yang gzugs med pa'i phung po bzhi la sred pa/ gzugs med pa ni yi ge med pa rang bzhin med pa ste/ cung zad ma yod pa'i tshul gyis ji ltar sngar bstan pa bzhin du stong par khong du chud par bya'o/ / ji ltar nam mkha' las brten te/ rlung rgya ba ni nam mkha' las rlung gis 'dres par byas shing chags pa yang med de/ nam mkha' las kyang rlung la ma yin zhing / gnyis ka yang brjod du med/ yi ge med pa de bzhin du/ gzugs med pa'i phung po yang phan tshun dngos po med par 'grub cing ldan pa ste/ phan tshun gnod pa dang sbyor ba dang / 'dre ba dang / chags pa dang / gnod par byed pa med pa de bzhin du/ phung po 'di dag kyang chos thams cad mi skye ba'i tshul gyis/ dngos po'i mtshan nyid du nye bar mi 'gro zhing / skye ba med par khong du chud par bya'o/ / ji ltar nam mkha' dang / rlung dang / glog yi ge med cing brjod du med de/ lhan cig tu rgyu yang phan tshun chags pa med pa de bzhin du/ mya ngan las 'das pa yang zad pa med do// ji ltar mya ngan las 'das pa zad pa yang ma yin/ mi zad pa yang ma yin pa de bzhin du/ chos thams cad kyang mya ngan las 'das pa dang mnyam ste/ mnyam pa yang med/ mi mnyam yang med la/ gnyen po mi

  181. 91b

    dmigs te/ gnyis su bya ba ma yin zhing chos thams cad chos kyi dbyings dang mtshungs par spyod par shes nas chos kyi dbyings dang / yang dag pa'i mtha' la skye ba dang / 'gag par cung zad kyang mi sems te/ des na chos kyi dbyings ni gnas med pa'i mtha' ste/ de ni yang dag pa'i mtha'o// gang yang dag pa'i mtha'i de ni chos thams cad kyi mtha'o// de ni dkyil 'khor gsum yongs su gcod pa'i mtha'o// de ni gcod pa med cing 'byed pa med pa'i mtha'o/ / de ni chad pa med cing rtag pa med pa'i mtha'o// ji lta ba bzhin gyi mtha' ste/ mtha' des chos thams cad mthar par gyur pa ste/ mtha' ji snyed dang / mtha' med pa ni mi gnyis pa ste/ sred pa'i sred pa mi dmigs pa'i phyir ro// srog dang / 'gro ba dang / gso ba dang / gang zag thams cad ni gnyis su med pa'i mtha'o// yang dag pa'i mtha' dang / 'jig tshogs kyi mtha' dang / sred pa sel ba yang mi gnyis pa'i mtha'o// de ltar na 'jig tshogs kyi mtha' dang / 'dod pa gcod pa yod do// de ltar rab tu shes na/ 'jig tshogs la lta ba'i cha nyi shur 'gyur ro// yang dag pa'i mtha' ni sred pa'i 'jug pa dang mtshungs pa nyid ma yin no// yang dag pa'i mtha' ni song ba med do// nam song ba na zad pa med 'gog pa med de/ shin tu mthar gyur pa de bzhin du sred pa yang mi zad pa'i sgo ste/ chos thams cad kyang mi zad pa'o// rang bzhin med pa'o// chos thams cad ma skyes par shes nas/ kun nas bskor ba thams cad gcod pa ni brjod du med pa'i don/ sangs rgyas kyi sku mtha'

  182. 92a

    yas pa yongs su 'grub pa kha sgyud ba bzod pa'i sgo'i gter gyi gzungs rab tu thob bo/ / gzungs de rab tu thob nas/ byang chub sems dpa' phyogs bcu'i sangs rgyas kyi sku mngon par sgrub pa ston te/ mig gi mnyam pa nyid las mi g.yo bar sems can rnams la 'chi 'pho dang skye ba yang ston la/ 'chi 'pho ba yang med/ skye ba yang med/ gang du yang 'gro zhing 'ong bar 'jug pa yang med// 'du byed rnams la rnams par rtog pa yang med do// de ltar don du gnyer zhing mngon par rtogs pa'i byang chub sems dpa' rnams skad cig la sred pa la zhugs nas/ skad cig ma gnyis pa la len pa mngon par 'grub bo/ / len pa gang zhe na/ len pa bzhi ste/ 'dod pa'i len pa dang / lta ba'i len pa dang / tshul khrims kyi len pa dang / bdag tu smra ba'i len pa'o// de la 'dod ldan pa gang zhe na/ 'dod pa'i ro myang bar byed pa dang / bde ba la mngon par dga' zhing mngon par chags zhen pa 'di ni/ 'dod pa'i len pa zhes bya'o// de la lta ba'i len pa gang zhe na// chad pa 'am/ rtag pa zhes bya ba nas lta bar song ba drug cu rtsa gnyis kyi bar de ni lta ba'i len par zhes bya'o/ / de la tshul khrims kyi len pa gang zhe na/ gang dag 'phags pa'i bstan pa'i tshul khrims dang / brtul zhugs dang / dka' thub dang / tshangs par spyod pa'i gnas dang / sbyangs pa'i yon tan dang / yo byad bsnyungs pa dang / gang yang zhugs pa 'thub pa dgu bcu rtsa lnga'i tshul khrims dang / brtul zhugs dang /

  183. 92b

    dka' thub dang / tshangs par spyod pa'i gnas dang / sbyangs pa'i yon tan dang / yo byad bsrungs pa 'di ni/ tshul khrims kyi len pa'o// gang dag 'di snyam du sems te/ bdag dang sems can dang srog dang / 'gro ba dang / shed las skyes pa dang / shed can dang / byed pa po dang / byed du 'jug pa dang / ldang bar byed pa dang ldang bar byed du 'jug pa dang / tshor ba po dang / skyed pa po dang / skyed tu 'jug pa byung zhing 'byung ba yod do snyam pa 'di ni/ bdag tu smra ba'i len pa zhes bya ste/ de dag ni len pa bzhi'o// de la byang chub sems dpa' brjod du med pa'i tshul gyis yang dag par ma yin pa dang ma byung bar rtog go/ / chos thams cad mtshan nyid gcig ste/ dbyer med pa'i tshul gyis dngos po med pa dang / brjod du med pa dang / tshig gi lam ma yin pa dang / chu zla lta bu dang / nam mkha' la brtag pa'i mtshan nyid dang / chos kyi dbyings dbyer med par yongs su rtog go// gang la 'dod pa'i ro myang zhing mngon par dga' ba de ni/ sdug bsngal la mngon par dga' ba'o// 'dod pa'i gnas so// mngon par zhen pa'o// byang chub sems dpa' gang mig gis shes par bya ba'i gzugs mdzes pa sdug pa yid du 'ong ba mthong na/ mig gi rnam par shes pa la me'i phung po ji lta ba bzhin du/ tshul bzhin gyis rtog ste/ mig gi rnam par shes pa'i rtag tu med pa'i phung po de yang rdzas med pas/ brjod du med pa/ yi ge med pa/ dngos po med pa mi dmigs par rtog go// mig gi rnam par shes pa de yang dngos po mi dmigs

  184. 93a

    pa'i phyir/ rdzas med pa/ mtshan nyid med pa'o// nam mkha' dang / me dang / mig de yang dngos po mi dmigs pas brjod du med cing yi ge med pa de bzhin du/ gzugs sdug pa nas 'dod pa dang ldan pa'i bar du mthong na/ mig gi rnam par shes pa de yang gzugs de gnyis ka dang bar gyi nam mkha'i bar du yang dngos po mi dmigs so// gang gis me mthong bar mig gis rnam par shes pa skyes nas/ de 'gags te skad cig ma gnyis pa la gnas pa ma yin no// skad cig ma gnyis pa la tshor ba skye ste/ ji ltar 'od 'phro ba'i phung po bzhin du dmigs so// tshor ba de yang brjod du med pa/ yi ge med pa/ mtshan ma dang bral ba'o// tshor ba skye ste 'gags nas/ skad cig ma gzhan gyis gnas la 'du shes skye ste/ me lce 'bar ba'i 'od 'phro ba bzhin du shes par bya'o// de yang 'du shes skyes nas 'gag pa'i bar du ste/ skad cig ma gnyis pa'i gnas la 'du byed rnams skye ste/ gang chung ngu dang / tshad med pa dang / gang ring ba dang / gang nye ba'i 'od 'phro ba bzhin du rab tu shes te/ 'du byed rnams skyes nas 'gags pa'i bar du'o/ / skad cig ma gzhan la rnam par shes pa skye ste/ ji ltar 'od 'phro ba'i phung po skye ba dang / 'jig pa bzhin du rab tu shes te/ rnam par shes pa de yang brjod du med pa/ yi ge med par gnas pa/ skad cig gis 'jig pa ste/ nam mkha' la brtag pa lta bu'o// de la me'i bar gyi nam mkha' de yang rdzas med pa brjod du med pa/ yi ge med pa'o// gal te 'od 'phro ba'i phung po gang

  185. 93b

    skyes nas/ 'bar ba dang / 'gag pa mthong ba thams cad kyang nam mkha' dang mtshungs pa'i mtshan nyid de/ brjod du med pa/ dngos po med pa ste/ 'od 'phro ba gcig kyang rkyen med pa grangs med pa'o// chos 'di dag thams cad ni skye zhing 'gag pa de bzhin du/ byang chub sems dpas 'dod pa'i yon tan lnga la skye ba dang / 'gag pa dang / nam mkha' la brtag pa lta bu dang / brjod du med pa dang / dngos po med pa rab tu brtag cing bzod pa bsgom par bya'o/ / don 'di dag ni bcom ldan 'das kyis gsungs te de la 'di skad ces bya'o// gzugs ni me yi phung po 'dra// 'dod pa yang dag nyid mthong nas// mig gis rnam shes 'dus ma byas/ / mig ni 'od 'phro 'dra bar shes// gnyis ka rdzas dang bral ba ste// brjod du med cing yi ge med// 'od 'phro smig rgyu 'dra ba ste// rnam par shes par sgyu ma 'dra// myur du skye zhing 'jig pa yang // gnyis ka dngos po med pa ste// skad cig nyid par 'od 'phro yi// dro ba tha dad shes pa med// skyes nas skad cig 'jig pa yi// tshor ba chu yi chu bur 'dra// 'du shes de yang me lce ltar// rab tu shes te mtshan nyid med/ / 'du shes dang ni 'du byed rnams// skad cig gnyis la 'gog pa'o// tshad med dag dang chung ngu yang // 'od 'phro'i phung po 'dra bar shes// 'du byed rnam ni 'gog pa ltar// de ltar rnam shes rjes su 'gro/ / 'gags nas kyang ni yang skye ste// 'od 'phro phung po 'dra bar shes// de ltar 'od 'phro rdzas med de// gzugs rnams mthong ba sgyu ma bzhin// myur zhing g.yo ba med bzhin du//

  186. 94a

    phung po lnga rnams rjes su 'jug/ nam mkha' la ni rgyu ba kun// me yi phung po 'bar ba 'dra// rdzas yod ma yin brjod med de/ de dag thams cad dngos po med// de ltar 'dod pa'i len pa yang / / 'dod pa'i yon tan lnga la dga'// skad cig 'jig pa'i rgyun dag kyang // thams cad stong pa dngos po med// byang chub sems dpa' 'jig med pa// de ltar 'dod pa rnams brtags nas/ / 'dod sems yongs su zad byed cing // tshul bzhin du ni bzod pa bsgom// 'dod pa rnam ni me 'dra ste// ro myang bya ba'i mi rigs ston// sgyu ma smig rgyu tshul gyis ni// tshor ba chu yi chu bur 'dra// gang gis 'dod pa shes byed pa'i// rnam par shes pa rgyu ma 'dra// thams cad nam mkha' 'dra ba yang // de ltar bzod pa rnam par bsgom// rigs kyi bu lta ba'i len pa gang zhe na/ rigs kyi bu gang phung po lnga la rtag par lta ba ste/ gnas su snyems pa dang / yang dag pa ma yin pa kun tu rtog pa dang / gti mug gi rnam par bsgrubs pas/ gzugs la rnam par rtog gzugs la mngon par chags/ gzugs kyi ro myang bar byed/ bde ba dang sdug bsngal bar rlom zhing snyems so// tshor ba dang 'du shes dang 'du byed rnams dang // rnam par shes pa la yang rtog pa nas snyems pa'i bar 'di ni rtag par lta ba zhes bya'o/ / rigs kyi bu de la chad par lta ba ni gang legs par byas pa dang / nyes par byas pa rnams kyi rgyu dang 'bras bu dang / rkyen chung gzon pa ste/ mdor na gang

  187. 94b

    cung zad 'jig rten dang / 'jig rten las 'das pa dang / zag pa dang bcas pa dang / zag pa med pa rnams kyi rgyu la dmigs pa'i las dang / bya ba dang / 'bras bu dang / spyod pa khong du chud pa snyems par 'gyur ba 'di ni chad par lta ba ste/ lta bar song ba drug cu rtsa gnyis kyi bar dag kyang ngo // gang yang 'jig rten gyi dang / 'jig rten las 'das pa dang / zag pa dang bcas pa dang / zag pa med pa dang / lta ba thams cad la gnas pa'i rtog pa skad cig mas klas pa/ skad cig mas 'jal ba/ dngos po thams cad dang ma 'dres pa// gnas khong du chud pa ste/ gang gnas pa de ni dngos po med pa'o// de mi 'gro ba'o// gang mi 'gro ba de kun nas nyon mongs pa ma yin/ rnam par byang ba ma yin/ 'byung ba ma yin/ 'jug pa ma yin/ gang 'byung ba ma yin/ 'jug pa ma yin pa de ni rdzas med pa'o// snang ba med pa'o/ / rtog pa med pa'o// 'gro ba med pa'o// 'ong ba med pa'o// dus gsum thams cad la skad cig tu rtog pa'o// spyod pa med pa'o// stong pa'o// brjod du med pa'o// ji ltar rdzas kyi mtsha nyid kyis dus gsum thams cad kyi skad cig ma dang / shin tu skad cig mas stong pa de bzhin du/ rigs kyi bu gang la la 'phags pa dang / 'phags pa ma yin pa dang / 'jig rten gyi dang / 'jig rten las 'das pa dang / lta ba kun nas bskor ba dang / rnam par mi rtog pa dang / kun tu rtog pa dang / nye bar rtog pa dang / rgyu dang / skye ba dang / lus dang / snod dang / lta ba snyems pa

  188. 95a

    thams cad skad cig ma ste/ dus gsum gyi lta ba ni shin tu stong pa'o// brjod du med pa'o// 'dul bar yang dag par 'dul ba ma yin pa'o// 'dul ba ma yin pa yang ma yin pa'o// tshul khrims dang / len pa dang / brtson 'grus dang / dga' ba dang / le lo yang dag par 'dul ba ma yin no// chags pa sel ba dang / shes rab ma yin no// 'chal pa'i shes rab ma yin no/ / ltung ba ma yin no// ltung ba med pa dang / g.yo ba yang yang dag par 'du ba ma yin no// thob pa ma yin no// thob pa med pa dang / g.yo ba ma yin no// 'jig rten gyi dang / 'jig rten las 'das pa dang / rnam par spyod pa dang / g.yo ba yang dag par 'du ba ma yin no// gnas la rnam par rtog pa'i lam ma yin no// 'dod pa'i yon tan lnga rnams dang / gzugs dang gzugs med pa'i khams dang / phung po ni blang ba med pa mang po lta bu'i mtshan nyid bsdu ba'i mtshan ma yin no// phung po dang / khams dang / skye mched la lta ba dang / g.yo ba yang dag par 'du ba ma yin no// lta ba thams cad ni gnyis su med pa'o/ / stong pa'o// rdzas med pa'o// brjod du med pa'o// 'di lta ste dper na/ me long gi dkyil 'khor la bzhin gyi dkyil 'khor snang ba yang / bzhin gyi dkyil 'khor de phung pos bskyed pa ma yin/ khams kyis bskyed pa ma yin/ skye mched kyi bskyed pa ma yin gyi/ tshul gcig ste/ yi ge med cing brjod du med pa de bzhin du/ rigs kyi bu 'phags pa dang 'phags pa ma yin pa dang / 'jig

  189. 95b

    rten gyi dang 'jig rten las 'das pa gang yang rung ste/ de dag thams cad ni phung pos bskyed pa ma yin/ khams kyis bskyed pa ma yin/ skye mched kyis bskyed pa ma yin te/ lta ba thams cad ni brjod du med cing / yi ge med pa'o// rigs kyi bu 'di lta ste/ dper na/ nyi ma'i rkyen gyis smig rgyu ba snang bar 'gyur ba yin/ smig rgyu ba phung po la gnas pa ma yin/ khams la gnas pa ma yin/ skye mched la gnas pa ma yin pa de bzhin du/ rigs kyi bu 'phags pa dang / 'phags pa ma yin pa dang / 'jig rten gyi dang / 'jig rten las 'das pa'i lta ba gang yang rung ste/ len pa dang bcas pa/ gti mug gis rnam par bsgrub pa'i rkyen gyis brjod du med pa yi ge med pa'o/ / don 'di dag ni bcom ldan 'das kyis gsungs te/ de la 'di skad ces bya'o// rkyen gyi rnams ni rkyen bcu ste// lta ba skyed pa mkhas pa yin/ / chos rnams stong par mi shes te/ log par lta ba'i spyod yul lo// lta ba dag ni brjod med cing // yi ge yod pa ma yin pas// dus gsum mnyam pa nyid dag ni// lta ba'i gzugs kyi lha ma yin/ bcu gsum rkyen la rag las pa// chos nyid tha dad ma yin te// mnyam pa nyid dang 'gal med la// lta ba skyed cing rtog par byed// lta ba'i len pa smig rgyu 'dra// tha dad ma yin yi ge med// byis pa dka' ba byed pa dag/ kun tu rtog par byin gyis rlob// rkyen gyis rnam pa bcu gsum mnyam// chad med rtag pa med pa yi// rnam par thar pa gsum bsgoms pas// mkhas pa 'gal bar mi byed do// lta ba thams

  190. 96a

    cad rgyu ba med/ / mtshan ma med pas bskyed pa ste// ji ltar gzugs rnams me long la// de ltar chos kyi chos nyid do// chos rnams thams cad tshul cig ste// dben pa stong pa nyid la gnas/ / mkhas pas lta ba thams cad kyi// kun nas ldang la mi rtog go// rigs kyi bu de la tshul khrims kyi len pa gang zhe na/ gang cung zad tshul khrims dang / dka' thub dang / brtul zhugs dang tshangs par spyod pa snyems shing rnam par dmigs te/ gnas la mngon par chags pa de dag thams cad ni lus dang / ngag dang / yid kyi las rnam par gzhig pa'i don gyi phyir/ 'khor ba las bskul ba'i don gyi phyir/ khams gsum las 'byung ba'i don gyi phyir/ de dang der lus la gnod pa dang ldan pa'i rjes su sbyor ba dang / sdom pa dang sdom pa ma yin pa la/ sbyor ba 'di ni/ tshul khrims kyi lan pa'o/ / rigs kyi bu de la gang lus la gnod pa dang ldan pa dang ldan pa la 'jug pa dag ni/ tshor ba gsum 'dres par byed pa 'phags pa ma yin pa/ don ma yin pa dang ldan pa 'di nyid bden gyi gzhan ni gti mug go snyam pa ni/ lus kyi tshul khrims snyems pa'o// de ci'i phyir zhe na/ lus 'di ni g.yo ba med pa/ 'gyur ba med pa/ nyon mongs pa thams cad dang ma 'dres pa'i phyir ro rigs kyi bu 'di lta ste dper na/ chu klung gang+gA'i bye ma ni g.yo ba med cing 'gyur ba med pa ste/ 'on kyang krung gi rang bzhin gyis 'dril ba de bzhin du/ chen po bzhi las 'gyur ba'i

  191. 96b

    lus kyang g.yo ba med cing 'gyur ba med pa ste/ 'on kyang blo bur gyi reg pa'i rkyen nye bar len pa dang bcas pa ste/ lus de la gnod pa dang 'brel pa sna tshogs la 'di lta ste/ zhags pa 'thub pa dgu bcu rtsa lnga'i sems can la sogs pa mchog dam par sbyor ro/ / gang dus gsum gyi lus dang / ngag dang / yid kyi 'du byed la snyems pa dang / gang tshul gcig pa mnyam pa nyid mi shes shing / lus dang ngag dang / yid sdom pa'i ngal ba mi skyed pa 'di yang zag pa dang bcas shing / nye bar len pa dang bcas pa'i 'du byed kyi sdug bsngal bzod pa 'khrugs par byed pa'o// rigs kyi bu de la tshul gcig pa mnyam pa nyid kyi bzod pa sgom pa gang zhes na/ gang sdom pa gsum rdul tsam yang mi skyed pa 'di ni/ tshul gcig pa mnyam pa nyid kyi bzod pa bsgom pa'o// gang 'di la nye bar len pa dang bcas pa'i sdom pa gsum gyi 'du shes bsnyems pa 'di yang zag pa dang bcas shing / nye bar len pa dang bcas pa'i 'du byed kyi sdug bsngal bzod pa 'khrugs par byed pa'o// gang 'di la dus gsum ro gcig cing tha mi dad pa dang / sdom pa gsum gyi skyed pa dang / rgyu ba med pa dang / kun nas nyon mongs pa med pa dang / rnam par byang ba med pa'i 'du byed rnams la rnam par rtog pa 'di ni tshul gcig pa mnyam pa nyid bsgom pa'o/ / gang yang pha rol tu phyin pa drug po mi gnyis pa'i gnas pa 'di dag la gnas su dmigs pa dang / dngos por dmigs pa dang / ye shes 'phel bar rtog pa

  192. 97a

    dang / dus gsum yang dag par bsgrubs pa snyems pa 'di yang zag pa dang bcas shing / nye bar len pa dang bcas pa'i 'du byed kyi sdug bsngal bzod pa 'khrugs par byed pa'o// gang pha rol tu phyin pa drug po 'di dag la gnyis su med pa'i gnas dang / dus gsum tha mi dad pa dang / mi skye ba dang / mi 'gags pa dang / chad pa med pa dang / rtag pa med pa dang / 'phel ba med par snyems bab 'di ni/ tshul gcig pa mnyam pa nyid kyi bzod pa bsgom pa'o// gang nyan thos dang / rang sangs rgyas kyi theg pa spangs te/ theg pa chen po btsal nas ro myang ba'i yon tan la mngon par chags shing reg nas/ snod dang / snod ma yin par chags 'bebs pa dang / sdom pa dang / sdom pa med pa la rnam par rtog pa dang / sems can dang srog dang / skye ba dang / gso ba dang / gang zag dang / byed pa po dang / byed du 'jug pa la rgyu dang / rkyen du dmigs pa dang / dge ba dang / mi dge ba'i 'bras bu la gnas shing snyoms pa 'di dag kyang zag pa dang bcas pa/ nye bar len pa'i 'du byed kyis sdug bsngal la bzod pa rnam par 'jig pa'o/ / gang yang nyan thos dang / rang sangs rgyas kyi theg pa'i dus gsum gyi sdom pa la rtog pa med pa dang / rnam par rtog pa med pa dang / 'dzin pa med pa dang / gtong ba med pa dang / bskyed pa med pa dang / bskyang ba med pa bla na med pa'i theg pa chen po'i dus gsum gyi sdom pa la yang rtog pa med pa dang / rnam par rtog pa med pa dang / 'dzin pa med pa dang / gtong ba med pa dang

  193. 97b

    bskyed pa med pa dang / bskyang ba med pa dang / tshangs par spyod pa'i dngos po la dmigs pa med pa dang / 'du byed thams cad kyi tshig gi lam la snyems pa med pa'i mtshan nyid la mi dmigs pa 'di dag kyang / tshul gcig gi mnyam pa nyid kyi chos thams cad mngon sum du 'byung ba med pa stong par ston pa'i bzod pa yongs su rdzogs pa yin no// 'di yang tshul khrims nye bar len pa la 'byung ba med cing 'gog pa med par blta'o/ / bcom ldan 'das kyi bzod pa bsgom pa'i don du gsungs pa de ni 'di skad brjod do// rigs dang mi rigs zhugs pa rnams// 'du byed rtag pa'i blo gros te// tshul khrims brtul zhugs byin brlabs las/ / yongs su 'khyams pas rab sdug bsngal// dngos po med pa'i phung po rnams// stong pa'i chos la byed pa med// bdag med chos la 'jug pa'i rnams// ji ltar bye ma bzhin du mthong / / 'du byed rnams la snyems pa yi// brtul zhugs rnal 'byor spyod kyi mthong // 'di la snying rje bskyed pas na// sems can bye ba rnam par 'dul// sgyu ma smig rgyu rmi lam dang // lus med cing ni gnas med pa// bdag med phung po ston pa dang / srogs chags rnams la chos kyang ston// chos kun tshul gcig bdag med pas// stong pa nyid pas skye 'gog med// srog chags rnams la bzod pa sdom/ / rtog pa rnam rtog the tshom bcad// bzod pa ma nor de bzhin nyid// tshul khrims brtul zhugs snyems pa yi// bcings pa thams cad gcod par 'gyur//

  194. 98a

    ltar me mar mun pa la// byung ba nas mun pa bsal ba la// bcings pa thams cad mthong ba yi// bzod pa nyi shu bas pa yi// mun nag der ni rab zhugs kyang // der ni sred pa skye mi 'gyur/ / bzod pa bsgom la dpa' ba yi// sred pa thams cad zod par byed// 'khor ba na ni yun ring por// 'khor bar gyur pa'i ma rnams kyang // sred pa las ni rnam par grol// de dag mya ngan 'das pa ni/ / bgrang bar yang ni mi chog ste// mtshon cha shin tu brlabs pas na// dgra rnams kun la 'jigs pa med// bzod pa shin tu bsgom pa des// nyon mongs thams cad rab tu 'joms// rigs kyi bu de la bdag tu smra ba'i nye bar len pa gang zhe na/ bdag ni rang bzhin gyis med pa yin mod kyi/ 'on kyang 'dod pa'i yon tan lnga la bdag tu smra bas rmongs nas bdag skyed de/ mig gi bdag tu rab tu shes/ mig gi rnam par shes pa yang bde ba dang / sdug bsngal la 'jug/ skye ba la mngon par chags par byed pa nas/ yid dag tu rab tu shes shing / yid kyi rnam par shes pa yang bde ba dang sdug bsngal la 'jug/ skye ba la mngon par chags par byed pa'i bar du 'di dag ni bden gyi/ gzhan ni gti mugo snyam pa'o// de ci'i phyir zhe na/ skye mched drug rang gi yul las bden pa ste/ rigs kyi bu mig ni 'di ltar bdag ni bdag gi ma yin te/ bdag dang bdag gi ma yin pas 'di ltar bdag ni bdag gis bskyed par mi 'gyur zhing / bdag gang yin pa bdag gi yang yin te/ bdag dang bdag gi ni mig yin no// de ltar mig kyang bdag yin par

  195. 98b

    rnam par shes pa skyed nas/ lus kyi reg pa'i bar du shes par bya'o snyam pa mi sems te/ 'on kyang mig gis gzugs ma skyed de/ snas kyang rna ba ma bskyed pa nas/ lus kyi reg pa'i bar du ma skyed de/ reg pas lus ma bskyed/ mig gis gzugs ma bskyed de/ mig gis gzugs dang / tshor ba dang / 'du shes dang / 'du byed rnams ma bskyed de/ mig gis mig gi rnam par shes pa yang ma bskyed mig gi rnam par shes pas kyang mig ma bskyed de/ yang mig gis rna ba'i yul rab tu mi shes te/ rna bas kyang mig gi yul rab tu mi shes pa nas/ yid kyis chos kyi yul rab tu mi shes te/ chos kyis kyang yid kyi yid rab tu mi shes so/ / skyed mched 'di dag thams cad ni/ 'dod pa'i yon tan lnga dang phung po lnga rnams kyis rgyu dang rkyen la dmigs pa'i ngo bo nyid las phyi dang nang gi phung po dang / skye mched 'di dag thams cad ni gcig la gcig rnam par rtog pa'i rgyus stong par 'gyur te/ 'dod pa'i yon tan lnga dang / phung po lnga rnams gcig la gcig rgyu dang rkyen du dmigs shing / rnam par rtog pa'i ngo bo nyid kyis gcig gis gcig stong ste/ gang nang gi phung po dang / skye mched rnams ni gcig gi yul du gcig mi 'gyur te/ de bzhin du nang dang / phyi'i dngos por ma yin te/ phyi'i yang nang gi phung po dang skye mched rnams yul du mi 'gyur ro/ / de ltar phyi dang nang gi dngos po thams cad gcig gi yul gcig ma yin zhing / gcig la gcig rgyu dang rkyen du dmigs shing / rnam par rtog pa'i yul du mi 'gyur mod

  196. 99a

    'on kyang srid pa'i tshul du ston te/ de yang rgyu ma'i tshul lo// sgyu ma'i tshul gang yin pa de ni de bzhin nyid ma yin no// gang de bzhin nyid kyi tshul ma yin pa de ni med de/ gang med pa de la ni skye ba med do/ / gang skye ba med pa de ni 'gag pa med do// rigs kyi bu chos thams cad la ni skye ba dang 'gag pa med do// 'on kyang byis pa so so'i skye bo thams cad ni dka' bar byed pa de/ gang la bdag med pa de skyed cing / de ltar mi dge ba'i rgyu dang rkyen la dmigs nas/ gzugs bskyed nas thar pa de las yongs su 'khyams nas/ ngan song du yun ring por mi 'dod pa'i 'bras bu so sor myong bar 'gyur ro// rigs kyi bu 'di lta ste/ dper na/ shing ni me ma yin la/ shing la me yang med de/ shing dang mer 'dres pa yang ma yin mod kyi/ 'on kyang ma 'dod pa'i mi zhig gis/ lag pa gnyis kyis shing la shing sbyar ba dang / de las me phyung nas/ shing de nyid tshig par 'gyur ro// rigs kyi de bzhin du phyi nang gi dngos po de dag thams cad kyang gcig gis gcig stong zhing gcig gi yul gcig ma yin la/ tshul gcig cing bdag med de stong mod kyi/ 'on kyang byis pa so so'i skye bo dka' ba byed pa rnams kyis bdag med pa'i chos stong pa la chags nas/ phan tshun nas bsdus pas na/ log par spyod pa gsum gyi rgyu dang rkyen bskyed de/ rgyu dang rkyen des ngan song gsum du mi 'dod pa'i 'bras bu so sor myong nas/ 'khor ba na yun ring por 'khor bar 'gyur ro// 'on kyang gang phyi nang

  197. 99b

    gi chos thams cad kyi ngo bo nyid bdag med cing stong pang rab tu shes pa de dag ni/ yang dag par spyod pa'i tshul gyi bzod pa 'di yongs sgra rdzogs nas/ myung bu na na med pa yang dag par rdzogs pa'i byang chus du mngon par 'tshang rgya'o/ / bcom ldan 'das kyis don 'di bsdus te gsungs pade la 'di skad bka' stsal to// bdag dang bdag gis byin rlabs pas// 'dod pa'i yon tan lnga la chags// mig ni bdag tu rab tu shes// rna ba sna dang de ltar yid// bde dang sdug bsngal rab tu shes// 'du byed kun la snyoms pas na// ngan song rnams kyang rab tu skyes// de bas de dag dka' bar byed/ chos rnams 'di dag byed med pa// spros med yi ge med pa ste// ji ltar 'jig pa'i me las ni// ngan song rnams ni skyed par 'gyur// 'dir tshogs gnas pa ji snyed pa// dge ba khyed la brjod par bya/ / chos rnams kun gyi de nyid la// bsgoms la bzod pa rtogs par byos// 'du byed rnams la rgyu med de// bdag gi rang bzhin med pas na// las kyi rgyu dang rkyen rnams kyang / gcig nas gcig tu mi shes so// phyi rol dang ni nang rnams kyi// chos rnams kun la bdag med de// zab cing zhi ba'i chos nyid ni// byis pa 'di ni mi shes so// ji ltar nam mkha'i chos rnams la/ / thams cad nye bar rtog pa med// mtshan dang mtshan ma med pa yi// de bzhin bzod pa rnam par sgom// phyi rol dang ni nang dag gi/ nam mkha' la ni snyems pa med// stong

  198. 100a

    pa'i bzod pa de sgom pa/ / de bzhin 'du byed blta bar bya// sangs rgyas thams cad mthong ba ni// thams cad chos la gti mug med// dge ba dun ldan 'gyur ba dag/ gang / ni de bzhin bzod pa sgom// chos kyi sbyin pa cung zad kyang // kun tu 'dzin cing mthong ba med// de ltar bzod pa gang sgom pa// snying po la ni gnas zhes bya// nye bar len pa'i rkyen gyis kyang // srid pa rtogs te nye bar len pa 'di bzhi ni skad cig ma'o/ / de la skye zhing 'gag pa'i nye bar len pa'i skad cig ma gnyis pas ni// srid pa nye bar skyed do// srid pa gsum ni 'dod pa'i srid pa dang / gzugs kyi srid pa dang / gzugs med pa'i srid pa'o// de la 'dod pa'i srid pa ni/ sems can rnams la rnam par slu ba ste/ sems can dmyal ba chen po brgyad dang / byol song dang / yi dgas dang / gling chen po bzhi dang / 'dod pa na spyod pa'i lha'i gnas drug po 'di dag ni gling bzhi pa'i 'dod pa'i srid pa zhes bya'o// gzugs kyi srid pa ni gzugs na spyod pa'i lha'i gnas bcu drug ste/ 'di ni gzugs kyi srid pa/ zhes bya'o// de la gzugs med pa'i srid pa ni// gzugs med pa na spyod pa'i lha'i gnas bzhi ste/ 'di ni gzugs med pa'i srid pa zhes bya'o// de la rigs kyi bu gang rgyu dang rkyen la dmigs nas ngan song gsum du srid pa de ni gcig tu tshul bzhin med pa'i yid la byed pa/ zag pa dang bcas pa/ 'dod pa'i yon tan lnga la snyems pa 'di la srid pa 'byang bar 'gyur ro// gang yang gzugs kyi khams kyi

  199. 100b

    gnas gzhan bcu gcig gi srid pa 'byung ba de yang / zag pa dang bcas pa dge ba'i rgyu'i srid pa ste/ gang 'di la gzugs kyi khams kyi gnas gzhan lnga'i srid pa 'byung ba'i rgyu de dge ba la dmigs pa'i rgyu bzod pa la dmigs pa'i dngos po rnams/ sa dang po nas sa bdun pa'i bar du de la skye bar 'gyur ro// gang yang gcig tu dge ba'i rgyu stong pa nyid sgom pa'i phyir bzod pa yongs su rdzogs pa ni/ sa brgyad pa dang sa dgu pa dang / sa bcu pa dang gcig tu dge ba'i rgyu de la srid pa 'byung bar 'gyur/ 'di ni dge ba dang / mi dge ba'i rgyus gzugs kyi dngos po mngon par 'byung ba de bzhin du/ nyon mongs pa'i rnyog pa lnga'i sangs rgyas kyi srid pa 'byung ba rnam par dag pa dang / yang sangs rgyas kyi zhing gcig gi dge ba'i rgyu'i srid pa 'byung ngo // dngos po dang dngos po med pa thams cad bsdus pa dang / bral ba 'di ni bzod pa bsgom pa'o/ / de ci'i phyir zhe na/ ji lta bur dngos po yod pa dang / dngos po med pa'i rang bzhin la rtog pa med pa dang / rnam par rtog pa med pa dang / kun nas spyod pa med pa 'di ni rgyu dang rkyen la dmigs pa dang / 'dres pa med pa dang / 'byung ba med pa dang / 'gog pa med par 'gyur ro// de la yang ji ltar byang chub sems dpa' nam mkha'i rang bzhin dag dngos po thams cad las ldog pa'i 'du byed thams cad dus gsum kun tu spyod pa'i bzod pa bsgom par byed pa ni/ dngos po dang dngos po med pa thams cad ces bya'o// sangs rgyas kyi zhing thams cad kyi gnas gzhan chu'i zla

  200. 101a

    ba dang mnyam par mthong ba ni/ gzhan gyi dring mi 'jog pa'i glog mgyogs pa yin no// dus gsum gyi dge ba'i rtsa ba thams cad kyi phyi ma'i mtha'i ye shes la mkhas par 'gyur ro// rigs kyi bu nyon mongs pa'i sangs rgyas kyi zhing 'di la byang chub sems dpa' pun+da ri ka skye bar 'gyur ro// snying rje chen pos brgyan pa brtan pa'i brtson 'grus yang dag par len pa'i phung po thams cad la dmigs pa med pa/ gzugs thams cad las phyir log pa/ chos thams cad 'byung ba dang zad pa la gnas pa med cing spyod pa med do// 'du byed thams cad la yang yid dang mtshan ma gnyis ka yang 'byung ba med par 'gyur ro/ / gnyis lta bu med pa'i dus gsum thams cad la dmigs pa med pa dang / nyon mongs po med pa'i chos kyi dbyings dang / yang dag pa'i mtha' mngon tu byed par 'gyur ro/ / dngos po gang la yang 'phel ba dang / 'bri bar rnam par rtog par 'gyur ba yang med/ tshad med pa'i sems dang yid gnyis rnam par dmigs pa dang bral ba la 'jug pa med pa dang // dus gsum thams cad kyi chos kyi dbyings tshul gcig par rab tu shes so// 'di la rigs kyi bu/ byang chub sems dpa'i gzugs dang ldan pa'i chos la gnas shing / dmigs pa med pa dang / chos thams cad bdag med pa dang / gang zag med pa'i phyir rnam par shes so// khams gsum thams cad la bdag po med pa'i dus gsum thams cad la nga ro dang / sgra dbyangs 'byung ba la so sor

  201. 101b

    gnas shing 'byung ba med par 'gyur/ srid pa thams cad tshul gcig gis dngos po med pa'i kun gzhi med pa dang / rgyu dang rkyen med pa rtag tu du byed thams cad dang bral ba la yang rtog pa med pa dang rnam par rtog pa med pa dang / 'byung ba med pa dang / 'gog pa med cing mngon sum du mi byed do// nyan thos dang / rang sangs rgyas kyi theg pa la yang rtog pa med pa dang / rnam par rtog pa med do/ / sems can rnams la 'khor ba dang / 'chi 'pho dmigs pa med do// rtag pa dang / chad pa spangs pa'i byang chub kyi sems snying rje chen po la dmigs pa dor ba med pa dang / rgyu med/ pa thams cad kun nas spang ba rnam par spyod pa stong par khong du chud par bzod pa bsgom par byed/ de nas srid pa thams cad rnam par spyod pa stug po gtong bar byed/ sangs rgyas kyi zhing thams cad kyi gnas gzhan dag chu'i zla ba dang 'dra bar mthong ba ni gzhan gyi rdzing mi 'jog pa'i glog mgyogs par 'gyur ro/ / dge ba'i rtsa ba thams cad dus gsum gyi phyi ma'i mtha' ye shes la mkhas par 'gyur ro/ / 'di lta ste dper na/ rigs kyi bu ma dros pa'i chus 'khor ba'i chu yongs su zag pa'i sa'i phyogs yang dag par 'tsho ba'i mig ces bya ba'i me tog chen po mchog tu blta/ na sdug pa'i dri zhim pos gang cung zad lha dang / klu dang / gnod sbyin rnams kyi lus kyi nyes pa sbom por 'gyur ba de yang ma zos par 'gro zhing / de yang dag par 'tsho ba'i mig me tog chen po'i sman

  202. 102a

    gyi dri bsnams pas mig gi nyes pa sbom po thams cad kyi nang dang / lus kyi nyes pa sbom po'i nad kyis kyang de yongs su dag par 'gyur ro// me tog chen po de'i sman gyi dris nyams pa med pa dang / stobs med pas rtog pa med pa dang / rnam par rtog pa med pa dang / dga' ba med pa dang / khro ba med pa 'di la de bzhin du dga' ba yang med par 'gyur ro// bdag 'di ltar yon tan dang ldan pas sems can rnams nad rab tu zhi ba de bzhin du/ rigs kyi bu snying rje chen po dang ldan pa'i byang chub sems dpa' sgribs pa med pa'i ye shes stong pa nyid kyi bzod pa'i go skabs 'dod par 'gyur ba/ srid pa thams cad kyi dngos po snying po la gnas pa 'chi 'pho dang / skye ba spyod pa shin tu 'dod par 'gyur/ de skye ba slu bar byed/ gang skye ba slu bar byed pa de chos thams cad slu bar byed/ gang chos pa thams cad slu bar byed pa de theg pa gsum spyod pa'i lam la 'jug pa'i stobs kyi rjes su thob pa slu bar byed do/ / de ci'i phyir zhe na/ phung po gcig nas gcig tu rnam par spyod pa'i byin gyis brlabs kyis byin gyis rlob pa yang med/ gcig nas gcig tu yang dag par 'du ba yang med/ bdag gi yul gnas pa yang med/ gcig nas gcig tu gnas pa la 'dug pa yang med/ skad cig mar kun tu spyod pa'ang med/ skad cig ma'i rgyud la gnas pa yang med// dus gsum thams cad kyi gzugs dang / gzugs med pa dang / tshad med pa dang / mi chung ba'i chos kyang med/ gang gcig nas gcig tu nye bar len pa dang / byin gyis rlob pa dang / 'jug pa dang

  203. 102b

    'dzin pa dang / 'gebs pa dang / nyams pa dang / rab tu snang ba ni rigs kyi bu 'di lta ste dper na/ nam mkha' la rlung skye ba med pa dang / byin gyis brlabs pa med pa nas/ rnam par rtog pa med pa'i bar du'o/ / yang rlung la nam mkha' skye ba med pa nas/ rnam par rtog pa med pa'i bar du ste/ rigs kyi bu de ltar de bzhin du chos thams cad la gcig nas gcig tu cung zad kyang skye ba med pa nas// rnam par rtog pa med pa'i bar du ji ltar chos thams cad la rgyu ba med pa dang / nye bar spyod pa med pa dang / tha dad pa med pa dang / snang ba med pa dang / skye ba med pa dang / 'gag pa med pa dang / chad pa med pa dang / rtag pa med pa dang / rtog pa med pa dang / rnam par rtog pa med pa de thams cad skye bar mi shes pa dang / nye bar skye ba med pa dang / rjes su skye ba med pa dang / bdag po rab tu mi shes so/ / ji lta bur nam mkha' la rlung skye ba dang / 'gog pa med pa de ltar de bzhin du phung po rnams skye ba zad pa rab tu shes so// de skye ba dang / yi ge med pa thams cad dang / dngos po med par rab tu shes so/ / de chos thams cad kyi rjes su song ba dang / yang dag pa song ba mi shes pa dang / shin tu 'das pa gcig nas gcig tu rnam par spyod par yang dag par rjes su mi mthong ngo // ci la yang chags pa med ro/ / brtags pa med do// bdang ba med do// chos thams cad tha mi dang par yang dag par rjes su mi mthong ngo // de dus gsum thams cad kyi chos thams cad la gnas pa'i sgo skye bar yang dag par rjes

  204. 103a

    su mi mthong ngo / / gang de ltar skye ba dang / lta ba bral ba de la chos thams cad gzhan la rag ma las pa'i ye shes kyi mdzod kyi chos dang ldan pa gnyis mngon du ma byung zhing / bdud bzhi las shin tu 'das pa de chos thams cad sogs pa yang dag par rjes su mi mthong ngo / / de chos thams cad dang bral bar/ khams gsum thams cad kyi skye ba las shin tu 'das pa ni yang skye ba med pa/ 'khog pa med pa/ 'chi 'pho med/ 'byung ba yang med do// zhing thams cad sprin mgyogs pa dang mnyam par mthong zhing / sems can rnams yongs su smin pa'i phyir nye bar song ngo // rigs kyi bu de ltar byang chub sems dpa' skye ba las shin tu zla ba'i phyir/ yang dag par spyod pa'i bzod pa bsgom par bya'o// de la rigs kyi bu gang gti mug skye ba'i rkyen kyis rga shi la rtog par 'gyur/ skad cig ma dang ldan pa'i skye bas rga ba la 'tsho bar byed/ skyes bu gti mug pa 'di'i 'du byed rnams phyi dang nang gi slu ba dang gzhan yang gnyis su med pa'i tshor ba ji snyed pa rnam par shes pas/ rga shi dang bral ba nas/ 'khrugs ba dang bral ba'i bar du rtog pa med/ rnam par rtog pa med cing / slu ba med pa de ltar de bzhin du/ tshe'i rlangs pa yang rnam par shes pa nam mkha' 'dra bar mnyam pa/ rnam par rtog pa med pa'i mnyam pa nyid dang / gnyis su med pa'i lus la slu ba med pas/ 'phags pa ma yin pa'i brdzun gnyis dang bral ba'o// ji ltar chos thams cad kyi dbyings/ rang bzhin gyis nyon mongs pa med pa'i rga shi 'dres

  205. 103b

    pa med pa de bzhin du/ mig gi rnam par shes pa rga shi slu ba'i 'dod chags la thug pa nas 'khrug pa'i bar du'o// de bzhin du rna ba'i rnam par shes pa ji snyed pa nas/ yid kyi rnam par shes pa rga shi slu ba nas/ 'dod chags 'a khrug pa la thug pa'i bar du/ de ltar 'dres pa med do// yang mig gi rnam par shes pa'i rga shi slu ba 'dod chags med pa'i mtha' nas 'khrug pa'i bar du'o// de bzhin du tshor ba dang / 'du shes dang / 'du byed dang / rnam par shes pa la 'dres pa med pa de bzhin du/ rga shi slu ba'i mtha' nas 'khrug pa'i bar du'o// yang mi rga ba nas 'khrug pa'i bar du yang dag par 'dus pa med do/ / de kho na nyid la dmigs pas na/ de bzhin du rna ba dang / sna dang / lce dang / lus dang / yid kyi rga shi nas 'khrug pa'i bar du yang dag par 'dus pa med do// de kho na nyid la dmigs pas na/ gzugs kyi rga shi nas 'khrug pa'i bar du yang dag par 'dus pa med do// de kho na nyid la dmigs pas na/ rnam par shes pa'i rga shi 'di ji snyed pa nas// 'khrug pa'i bar du kun tu chad pa'i 'dod chags dang bral ba'i mtha' tha dad pa med do// tshe'i rlangs pa yang rnam par shes pa'i rga shi nas/ 'khrug pa'i bar du 'dod chags dang bral ba'i mtha' kun tu chad pa'o/ / rigs kyi bu 'di la yang tshor ba'i phung po rnams de bzhin du/ byang chub sems dpas tshor ba'i phung po bsgom par bya'o// gang khams gsum na dus gsum gyi tsher

  206. 104a

    ba med pa 'byung ba zad pa la mi rtag pa dang / sdug bsngal ba dang / stong pa'i bzod pa 'di sgom par byed pa 'di la yang / byang chub sems dpa' sems can thams cad yongs su smin pa nye bar 'tsho ba'i bzod pa la blta bar bya'o/ / gzhan yang rigs kyi bu byang chub sems dpas 'du shes kyi phung po la yang tshul bzhin du brtag pa'i phyir bzod pa bsgoms par bya'o/ / de la 'du shes kyi phung po gang zhe na/ 'du shes kyi tshogs drug ste/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa'i 'du shes so/ / de la mig gi 'dus te reg pa ni gsum 'dus pa'i reg pa ste/ gang mig dang / rnam par shes pa dang / gzugs kyi 'du shes 'byung bar byed pa 'di ni/ gsum 'dus pa reg pa'i rkyen gyis 'du shes kun 'byung bar 'gyur ro/ / gang mig gi gzugs la yang byed pa med pa dang / rnam pa med pa dang / lbu ba'i phung po lta bur dus gsum thams cad kyi 'du byed stong pa ji lta ba bzhin du rab tu sbyor ba gsungs so// gang mig gi rnam par shes pa ni ci la'ang 'ong ba dang 'gro ba snyems par rab tu mi shes so// khams gsum thams cad yul dang gnas med pa/ mig gi rnam par shes pa des stong pa nas/ yid kyi rnam par shes bstong pa'i bar 'du shes bya'o/ / gang skye mched drug gi 'du shes 'byung ba de tshor ba'o// gang tshor ba de rtog pa'o// gang rtog pa de snyems pa'o// gang snyems pa de nye bar len pa'o// gang nye bar len pa 'byung

  207. 104b

    ba nas/ 'khrug pa'i bar du kun nas ldang ste/ de bas na byang chub sems dpa' 'du shes tshul bzhin du brtag pa'i phyir bzod par bsgom par bya'o// bzod pa'i bsgom pa'i reg pa yongs su shes pa'i phyir/ 'du shes yongs su shes pa yin no// yid kyi 'du shes kyi bar du bzod pa bsgoms pas/ 'du shes kyi tshogs drug bzod de sgom pa yongs su shes pa la rtog pa med/ rnam par rtog pa med/ nye bar mi 'gro ba/ nye bar len pa med byin gyis brlob pa med/ mngon par chags pa yang med do// 'du shes thams cad rang bzhin med pa yongs su chags pa'i bzod pa de bsgoms pa'i rjes su 'byung ba ji lta ba bzhin yongs su shes pa ci la yang chags pa med do/ / khams gsum thams cad kyi dus gsum gyi gnas pa med pa dang / gnas med pa dang / 'khrug pa med pa dang / zhig pa med pa dang / blang ba med pa dang / dor ba med pa dang / gnyis su bya ba med pa'i chos kyi dbyings la yang dag par gzhol ba'i 'du shes thams cad shes pa ni ci kyang dbye ba med do// de 'du shes thams cad nye bar len pa med pa'i yid ci la yang dmigs pa med pa ni/ so so yang dag par spyod pa'i tshul gyi bzod pa la sgom pa zhes bya'o// 'du shes thams cad ni mi rtag pa dang / sdug bsngal ba dang / stong pa'i bzod pa sgom par byed pa 'di la yang byang chub sems dpa' sems can thams cad yongs su smin pa nye bar 'tsho ba'i bzod pa la blta bar bya'o/ / rigs kyi bu byang chub sems dpa' yang 'du

  208. 105a

    byed yongs su shes pa'i bzod pa bsgom par bya'o/ / de la 'du byed gang zhe na/ 'di lta ste/ 'du byed rnam gsum mo// gsum gang zhe na/ lus kyi 'dra byed dang / ngag gi 'du byed dang / yid kyi 'du byed do// lus kyi 'du byed ni dbugs phyi nang du rgyu ba'o// ngag gi 'du byed ni rnam par rtog pa dang / rnam par dpyod pa'o// yid kyi 'du byed ni 'du shes dang sems pa'o/ / de la rigs kyi bu lus kyi 'du byed dbugs phyi nang du rgyu ba tshul bzhin du brtag par bya'o// lus thams cad stong phrag dgu bcu rtsa gnyis sam/ ba spu'i khung bu bye ba khrag khrig brgya stong phrag dgu bcu rtsa dgu lhag tsam gyi lus thams cad shin tu phra ba'i rdul dgu bcu rtsa dgu'i kha'i sgo nas/ shin tu phra ba'i rdul brgya stong phrag bcu sogs so// nyes pa med pa'i mi'i ba spu'i khung bu 'di gcig grangs pas/ lus thams cad kyi ba spu'i khung bu thams cad kyi sgo stong phrag dgu bcu rtsa dgu ji lta bur kha'i sgo nas dbugs rgyu ba de lta bur ba spu'i khung bu thams cad nas dbugs rgyu'o// zhes dbugs phyi nang du rgyu ba thams cad shes par bya'o// kha'i sgo thams cad nas dbugs phyi nang du rgyu ba'i phung po lnga dag 'byung ba dang / zad pa brtag pa'i phyir bzod pa bsgom par bya'o// de la ngag gi 'du byed gang zhe na/ gang rnam par rtog pa dang / rnam par dpyod pa skad cig mar 'byung zhing 'gog pa 'di la yang / skad cig ma nyi ma gcig la yang mi brgya stong phrag drug cu rtsa lnga skad cig mar 'ong

  209. 105b

    bar 'gyur ro/ / de re re la yang rnam par rtog pa dang / rnam par dpyod pa skad cig ma 'byung ba'i phung po lnga thams cad 'byung ngo 'gog go// phung po de re re la yang tshor ba rnam gsum 'byung ngo 'gog go/ / tshor ba de re re la yang 'byung ba'i yan lag bcu gnyis thams cad 'byung ngo 'gog go// 'byung ba'i yan lag de re re la yang bag la nyal ba dgu bcu rtsa brgyad 'byung bar 'gyur ro// bag la nyal ba de re re la yang khams gsum thams cad na spyod pa nyon mongs pa kun 'byung ba la blta bar bya'o/ / 'di dag ni ngag gi 'du byed do// de la 'du shes gang zhe na/ dbugs phyi nang du rgyu ba la rnam par rtog pa dang / kun tu nyon mongs pa dang / de phyi logs thams cad kyi mtshan mas kun tu nyon mongs pa 'di yang 'du shes so// de la sems pa gang zhe na/ gang sems pa dang / tshor ba dang / phung po dang / rnam par spyod pa dang / dbang po drug dang / rnam par 'phel ba 'di ni se gol gtogs pa tsam gyis kyang / 'dod chags kyi kun gzhi nyon mongs pa'i dbang po brgya las 'das pa 'byung bar 'gyur ro/ / zhe sdang gi kun gzhi brgya las 'das pa 'byung bar 'gyur/ gti mug gi kun gzhi brgya las 'das pa 'byung bar 'gyur/ cha shas spyod pa'i nyon mongs pa brgya las 'das pa 'byung bar 'gyur ba 'di ni/ rigs kyi bu lus dang / ngag dang / yid do// 'du byed dang / spyod pa dang / rnam par spyod pa dang / dbugs phyi nang du rgyu ba 'di dag la rnam par rtog pas 'du shes su sems

  210. 106a

    pa dang / bsam pa'i rjes su song ba la byin gyis brlabs pade la byang chub sems dpa'i dngos po de ltar rang bzhin dang / dus gsum ni lus dang / ngagra dang / yid do/ / 'du byed la dngos po med pa dang / mi zad pa ni chos kyi dbyings la nyon mongs pa med pa dang / chos kyi dbyings yongs su shes pa ni rnam par dag pa rjes su 'ong ba de ci dgos shes na/ chos kyi mtshan nyid rnam par dag pa de mtshan nyid mi rnyed pa dang / mi 'dzin pa dang / chos kyi dbyings su mi 'byung bar 'gyur ba de yang dag pa'i mthar mi sogs so// 'du byed kyi mthar mi rnyed pa dang / mi 'dzin pa mi 'gog par 'gyur ba ni de bzhin du/ 'du byed kyi mtha' dang / de chos kyi dbyings la snyems pa yang dag pa'i mtha' dang / de chos thams cad kyi mtha' dang / gang chos thams cad kyi mtha' dang / de 'du byed gsum dang / dus gsum yongs su gcod pa'i mtha' dang / de la mtha' yas pa mi gcod pa'i mtha' dang / rjes su mi gcod pa dang mi rtag pa'i mtha' dang / de lta bu'i mtha' ni dus gsum dang / mnyam pa'i mtha' dang / mthar 'gro ba dang / dus gsum dang / lus dang / ngag dang / yid gnyis su med pa'i mtha' dang / dus gsum thams cad kyi mtha' ni/ 'du byed gsum yang dag pa'i mtha' la gnyis su med pa'i mtha' dang / ci yang ma yin pa'i mtha' dang / reg pa yongs su shes pa'i gnyis su med pa'i mtha' dang / 'jig pa dang bral ba'i

  211. 106b

    mtha' dang / de bzhin du dbugs phyi nang du rgyu ba yongs su shes pa'i mtha' dang / de bzhin du nyi shu'i mtha' dang / rnam par rtog pa dang / rnam par spyod pa dang / shing ta la'i mgo bcud pa'i mtha' dang / 'du shes su mi chags par sems pa dang / skad cig ma'i mtha' sems pa'i mtha' dang / de ltar yongs su shes pa ni/ 'du byed gsum la rnam par mi gcod pa'i mthar yongs su shes pa ni/ 'di la dngos po dang / dngos po ma yin par skye ba'o// yang dngos las 'das pa zhes bya ba ni/ 'du byed thams cad la rnam par shes pa med pa dang / 'du byed thams cad la gnyis dang gnyis su med pa ni/ yang dag pa'i mtha'i chos kyi dbyings la 'jug pa dang / sogs pa dang / nye bar sogs pa dang bral bar 'gyur ro// 'di la 'du byed thams cad la byin gyis mi rlob pa'i mtha' dang / dus gsum du phyag 'tshal ba dang bral ba de yang dag par yongs su shes pa dang / yang dag pa'i mthar yongs su shes pa de ni/ chos thams cad yongs su shes pa zhes bya'o// yongs su bskor ba'i du byed gsum yongs su chad pa'o/ / rigs kyi bu gang dus gsum gyi 'du byed gsum mi gcod pa'i mtshan ma la dmigs pas/ bzod pa bsgom pa yongs su 'dzin to// rigs kyi bu 'du byed gsum dang / mtshan ma mi gcod pa dmigs pa spangs pas/ gnyis su med pa'i bzod pa bsgom mo// rigs kyi bu de'i phyir dus gsum dang / 'du byed gsum po yongs su shes pa'i bzod pa 'di ni/ so so yang

  212. 107a

    dag par spyod pa'i tshul gyi bzod pa bsgom par bya'o/ / rigs kyi bu gang 'du byed ni mi rtag pa dang / sdug bsngal ba dang / stong pa dang / bdag med par bzod pa bsgom par bya'o// 'di yang byang chub sems dpa'i nye bar 'tsho bas sems can yongs su smin pa'i bzod pa bsgom par blta bar bya'o// de la rigs kyi bu rnams par shes pa 'byung ba'i phung po gang zhe na/ rnam par shes pas drug gi lus dang / mig dang / reg pa ni rnam par shes pa zhes bya'o// gang yang rnam par shes pa'i lus drug dag dus gsum gyi reg pas/ dus gsum 'byung bas rnam par shes pa dang / dus gsum gyi rnam par shes pas rnam par gnas pa de phan tshun du rtog pa dang / rnam par rtog pa dang / kun nas ldang bar 'gyur ro// gang yul gyi sred pa la rtog pa dang / dmigs bzod par smra ba yongs su 'khrug pa'o// / gang mig dang gzugs kyi yul la sred pa la rnam par rtog pas/ bzod pa yongs su spangs pa'o// 'khrug pa'o// reg pa dang / tshor ba la rjes su gdungs pas/ de yul la sred pa'i bzod pa yongs su spangs pa'o/ / rnam par 'jigs pa'o// yid la rnam par dmigs pas 'du shes kyi zhing la sred pa'i bzod pa yongs su spangs pa'o// 'khrug pa'o// dus gsum dang / 'du byed gsum la nye bar chad yul la sred pa'i bzod pa yongs su spangs pa'o/ / 'khrug pa'o// 'du byed gsum dag mtshan mar nye bar 'dzin pa dang / rang gi yul gyi sred pa'i bzod pa yongs su spangs pa'o// 'khrug pa'o// 'du byed

  213. 107b

    dag kun nas ldang ba la dmigs pas/ rang gi yul la sred pa'i bzod pa yongs su spangs pa ni/ chos kyi dbyings la ci yang ma yin pa'i nyon mongs pa'i bzod pa thams cad yongs su spangs pa'o// rigs kyi bu chos kyi dbyings la kun tu nyon mongs pa med pa'i bzod pa de bsgom pa dang / rnam par shes pa'i lus drug gi yul du yid la mi byed do// de bzod pa bsgoms pa'i rang bzhin dang / sgyu ma lta bu'i sems kyi yul la yang dag par gzhol bas/ yul thams cad la rtog par 'gyur ro// de la so sor yang dag par spyod pa'i tshul gyis bzod pa bsgoms pas/ de la byang chub sems pa'i sngon gyi las la brtson par bya'o/ / gang yang byang chub sems dpas rnam par dbye ba yongs su byas pa dang / mchog gi dge ba'i rtsa ba yongs su ldang ba 'di ni/ nam mkha' la 'gro bas 'dul ba'i bzod pa yongs su rgyas par bsgom pa'i phyir/ 'di ni dus gsum dang / 'du byed thams cad kyi yul du yid la mi byed do// snyems pa med do// dus gsum dang / 'du byed thams cad dag kun nas ldang ba'i lam thams cad du yid kyi rnam par shes pa yang dag pa spyod do/ / de bzhin nyid ni dngos po med pa'o// dus gsum dang / 'du byed kyi rjes su 'jug pa dang / chos thams cad ni bsgom pa rab tu shes pa dang / bsgom pa dang bral ba dang / dbyangs ma yin pa dang / ngag ma yin pa dang / yi ge ma yin pa dang / rjes su 'byung ba med pa dang / 'gog pa med pa dang / mtshan nyid med pa dang //

  214. 108a

    so so'i theg pa ma yin pa dang / dmigs pa med pa dang / mtshan ma med pa dang / shin tu dben pa ma yin pa dang / brjod pa med pa dang / shin tu 'ardungs pa med pa dang shin tu zhi ba dang / skad cig mar shin tu dmigs pas rnam par bral ba dang / shin tu rnam par gnas pa dang / yul shin tu med pa dang / gtong ba'i sems shin tu med pa dang / rtsa ba shin tu med pa dang / dbang po shin tu ma yin pa dang / shin tu bral ba dang / gnyen po shin tu med pa dang / mtshan ma dang dngos po med pa dang / shin tu 'phrog pa med pa dang / shin tu 'thor ba dang / chos thams cad la shin tu dngos po med par rab tu shes pa ni/ byed pa po med pa dang / tshor ba po med pa dang / nyan pa med pa dang / 'dzin pa med pa dang / smig rgyu ba lta bur so sor snang ba dang / chu zla lta bu dang / gzugs brnyan lta bu nam mkha'i rang bzhin cung zad yang med pa dang / chos thams cad la bdag med pa ni mtshan nyid kyi gzhi dang / mnyam pa'i mtshan nyid dang / mtshan nyid gcig pa dang / mtshan nyid med/ pa la rten pa de chos thams cad la kun tu lta'o// de ltar shin tu 'du byed thams cad ni/ de bzhin du dus gsum la kun du spyod pa'i dngos po de'i bar du chos thams cad la de bzhin nyid du rten pa la kun du lha'o/ / 'di la yang byang chub sems dpa'i nye bar 'tsho bas sems can thams cad yongs su rgyas pa ni/ so so yang dag par spyod pa'i tshul nam mkha' la 'gro ba'i 'od kyis 'dul ba'i bzod par blta

  215. 108b

    par bya'o/ / rigs kyi bu byang chub sems dpa' de bzhin du gzugs kyi bzod pa bsgom pa'i phyir/ phyi nang gi 'jam pa dbugs tsam thams cad kyi nyon mongs pa rnam par sel bar thams cad du sems pa dang / yid bzhin yongs su rgyas par 'gyur ro// 'di la bzod pa thams cad ni nyan thos rang sangs rgyas kyi chos las kun tu 'das pa'o// 'di la bzod pa thams cad ni byang chub sems dpa'i spyod pa'i yon tan yongs su rdzogs par byed do/ / 'di la bzod pa thams cad ni sangs rgyas kyi chos kyi yon tan kun nas sdud do// 'di la bzod pa thams cad ni gzhan gyi rgol ba'i chos dang lhan cig par 'dzin to// 'di la bzod pa thams cad ni gti mug gi mun pa mun nag 'jig pa'i yid do// sangs rgyas kyi chos la dga' bar byed/ bsgribs pa dang sgrib pa thams cad kun tu zad par byed de/ sangs rgyas kyi zhing thams cad snang bar byed/ sangs rgyas thams cad la dad par byed/ pha rol tu phyin pa thams cad kyi pha rol tu 'gro ba mngon par shes pa thams cad la rnam par rol par byed pa/ ting nge 'dzin gyi gzung kyi bzod pa sgrub par byed pa 'di ni/ so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa'o// de la yang drang srong thub pa la so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa brjod pa dang 'chad pa ni/ brgya stong phrag drug cu brgyad kyi chu bo gang+gA'i bye ma snyed kyi phyogs bcu'i khung bur mnyam par 'gro ba ni/ byang chub sems

  216. 109a

    pa'i gom pas so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa so sor thob par 'gyur ro/ / byang chub sems dpa' me bcu rdul yal sum cu rtsa gcig gi ting nge 'dzin gyi skar mdo'i bdag po so sor thob par 'gyur ro/ / byang chub sems dpa' sa ya phrag dgu bcu rtsa gnyis rnams dpa' bar 'gro ba'i ting nge 'dzin so sor thob par 'gyur ro/ / byang chub sems dpa' mdor na/ de'i bar du chu bo gang+gA'i bye ma snyed kyi bar du rnam pa sna tshogs dang / rnam pa tha dad pa thams cad kyi ting nge 'dzin gyi gzungs kyi bzod pa'i / chos kyi sgo so sor thob par 'gyur ro// de nas yang bcom ldan 'das kyis sngags kyi tshig 'di brjod do// pra ma te bidz+rI b+hu ut+pA de/ u pad ta u mad de dza sa ma badz+rI b+ha swA hA/ lha sa ya khrag khrig brgya stong phrag dgu bcu rtsa brgyad 'dis/ so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa so sor thob par 'gyur ro// chu bo gang+gA'i bya ma dang mnyam pa'i lha rnams kyis phyir mi ldog pa'i byang chub so sor thob par 'gyur ro/ / yang bcom ldan 'das kyis sngags 'di brjod do// tad+ya thA/ sa mu dra ba te ma ru/ ba te nA pa na nI dA ni/ gau ru ra b+he/ Sha Di ni Shachin dzi ni/ A pri dza se ha dza b+hi b+hed sang skar thA swA hA/ sa ya grag bdun cu rtsa bdun gyi klu rnams la 'di dag bshad pa 'chad pas bzod pa so sor thob par 'gyur ro// chu bo gang+gA'i bye ma

  217. 109b

    mnyam pa'i klu rnams kyis byang chub kyis phyir mi ldog pa so sor thob par 'gyur ro/ / de la bcom ldan 'das kyis sngags kyis tshig 'di brjod do// tad+ya thA/ dza na me ga b+ha bA sud+hA bA su d+ha/ bo/ ba b+hA bo ba b+hA bo b+hA kha/ ga ba a kha ga ba b+hI dza ya b+h+yo swA hA/ sa ya stong phrag nyi shu rtsa gnyis kyi gnod sbyin rnams la bshad pa 'chad pas/ phyir mi ldog pa'i sa la 'jug par 'gyur ro// stong phrag brgya'i gnod sbyin rnams tshad med pa phyir mi ldog pa'i sa thob par 'gyur ro/ / bye ba khrag khrig brgya phrag stong gi lha ma yin rnams tshad med pa phyir mi ldog pa'i sa la zhugs so// sa ya phrag brgya stong gi nam mkha' lding dang / mi 'am ci dang / lto 'phye chen po rnams tshad med pa phyir mi ldog pa'i sa la 'jug par 'gyur ro// 'di la bcom ldan 'das kyis 'chad pa bshad nas phyogs bcu mtha' yas pa'i sa chen po rnam pa drug tu g.yos so/ / lha bran bye ba khrag khrig brgya phrag stong tshad med grangs med pa rnams nam mkha' las lha rdzas kyi me tog gi char 'bebs so// gang phyogs bcu tshad med grangs med pa'i sangs rgyas kyi zhing bye ba khrag khrig brgya stong gi sangs rgyas kyi zhing 'dir 'ongs shing / lha dang / klu dang / gnod sbyin dang / lha ma yin dang / nam mkha' ldi dang / mi 'am ci dang / lto 'phye chen po dang / mi dang mi ma yin pa'i 'khor thams cad dang ldan pa de yang dag par 'ongs nas de thams cad kyis dbyangs gcig tu legs so// zhes bya ba byas te/

  218. 110a

    de bzhin du tshig 'di brjod par byed do// legs so legs so// bcom ldan 'das lus thams cad rnam par 'jig pa dang / yul thams cad rab tu 'jig pa'i bzod pa bshad pa dang / gzhan la rag ma las pa bdun bzhi'i chos kyi bzod pa lhag par bshad pa ngo mtshar chen po ni sngon ma thos so// 'di la yang byang chub sems dpa' sems dpa' chen po dag gi spyod pa dang / bya ba'i gnas kyis las shin tu 'das pa'i tshogs 'dren par byed do// byang chub kyi phyogs kyi chos sum cu rtsa bdun gyi rin po che'i ker thams cad thob par byed pa'i bzod pa ston pa dang / thams cad mkhyen pa'i ye shes thams cad shes par byed pa dang / rnam pa thams cad kyi bzod pa bsgom pa 'di bshad pa ni/ byang chub sems dpa' sems dpa' chen po rnams brjod du med pa'i don snying rje chen po thob pa la 'jug go/ / thabs la mkhas pa sems can thams cad yongs su smin pa'i ye shes chen po kun tu bsags pa'i brtson 'grus dang / stobs kyi bzod pa rab tu bstan to// so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba theg pa chen po'i mdo/ / le'u drug pa'o// // de nas de nyid kyi tshe na/ shAkya thub pa de bzhin gshegs pa dgra bcom pa yang dag par rdzogs pa'i sangs rgyas rnams skar mda' nyi shu pa'i rgyun bcad de/ de bzhin gshegs pa'i gzugs su brtsams nas/ sems can rnams la chos ston to//

  219. 110b

    lha dang / dri za dang / mi'i 'khor de thams cad dang ldan pa de la ji lta bur sngon gyi gzugs kyi lus kyis gnas par gyur to// de nas bcom ldan 'das yang 'khor ba'i dkyil 'khor zhes bya ba'i ting nge 'dzin la mnyam par gzhag ste/ yang bcom ldan 'das 'khor ba'i dkyil 'khor gyi ting nge 'dzin la mnyam par zhugs ma thag tu/ de nas de nyid kyi tshe/ bcom ldan// 'das kyi smin mtshams kyi mdzod spu nas/ kha dog du ma kha dog sna tshogs kyi 'od zer des phyogs bcu chu bo gang+gA'i bye ma snyed kyi rnyog pa lnga'i sangs rgyas kyi zhing gi rang sangs rgyas kyi theg pa pa kun snang bar byas so/ / ji ltar sems can rnams 'od zer de lus la reg pa de ltar 'dod chags dang / zhe sdang dang / gti mug gi kun gzhi spangs pas/ de yang de ltar lus kyi gzugs bde ba dang ldan par 'gyur ro/ / 'di lta ste dper na/ bsam gtan gnyis la yang dag par zhugs pa'i dge slong dag de yang phyogs bzhi rnam par snang ba'i phyir/ bdag gang du rnam pa 'di 'dra ba'i bde ba dang / tsho rab 'byung bar 'gyur/ de yang sangs rgyas kyi mthus na/ dpag tshad che tsam na/ shAkya thub pa de bzhin gshegs pa 'khor dang bcas pa mi ring bar mthong ngo // mchog tu dang ba thob pa de sangs rgyas kyi mthus cung zad tsam gyis kyang / bcom ldan 'das kyi drung du nye bar phyin to// de nas de'i dus na yang phyogs bcu'i rnyog pa lnga'i sangs rgyas kyi zhing stong pa me bcu rdul

  220. 111a

    yal bye ba khrag khrig brgya stong phrag brgyad cu rtsa bzhi'i rang sangs rgyas kyi theg pa pa'i sems can 'di dag de ltar shAkya thub pa de bzhin gshegs pa'i drung du nye bar byin nas/ bcom ldan 'das kyi zhabs gnyis la spyi bos phyag 'tshal te/ bcom ldan 'das kyi spyan sngar chos mnyan pa'i phyir 'dug go// de la bcom ldan 'das kyis yang byang chub sems gdul dka' ba bos so// yul la chags pa rigs kyi bu// rtag tu dga' ba'i bya ba byed// shin tu shes med byis pa dag/ bde ba'i lam du de mi shes// mun pa'i phung pos de g.yogs so// 'khor ba yang ni mi 'dor ro// chung ba'i 'du byed spyod yul la/ / 'dod pa'i yon tan lnga la zhe na// de dag tshe yang mngon par 'dod// dug gi chu yang rab tu 'thungs// sdug bsngal tshor ba rjes su myong // 'khor ba la yang mngon par 'dod// sha dang khrag la yang ni za// 'khor lo de ltar rnam par gnas// yang dang yang du 'khor ba ni// mi zad yon tan du mi shes// longs spyod rnyed pa med zad pa// 'di la nyer gyi mtha' yang med// mi dge'i mdza bo spangs pa ni/ / mtshan ma'i sdug bsngal rab tu zhi// bzod pa bsgom la mkhas pa ni// nyon mongs thams cad rab tu zhi// srog chags bye ba 'dul byed pa/ ker bzhi yang ni thob pa'o// sems can sdug bsngal bde bar bkod/ / de ni chu zla 'dra bar 'gyur// 'gro ba'i mchog ni mya ngan 'das/ de nas yang byang chub sems dpa' spos shes pas// bcom ldan 'das la 'di skad

  221. 111b

    ces gsol to/ / de la yang bcom ldan 'das de bzhin du rigs kyi bu lo 'am/ rigs kyi mo dag mi 'jigs pa'i longs spyod so sor thob bam/ mi 'jigs pa'i bsod nams dang / mi zad pa'i shes rab dang / mi zad pa'i spobs pa so sor thob bam zhes/ de skad ces gsol pa dang / bcom ldan 'das kyis byang chub sems dpa' spos shes pa la 'di skad ces bka' stsal to// gang rigs kyi bu lo/ 'am// rigs kyi bu mo su zhig 'du byed thams cad la mi 'gro ba dang / mi 'dzin par shes pa de ltar/ 'du byed thams cad la bdag po dang / rgyu dang rkyen med pa mi sgrub pa/ byed pa nye bar lta bar 'gyur ro/ / de la dngos po med pa'i chos yod pa de 'du byed thams cad la rtog pa rnam par rtog pa/ mtshan mar 'dzin pa ma yin par 'gyur/ dpe byad bzang pos ma yin/ 'jig rten la cung zad kyang 'dzin pa ma yin/ gzugs la 'dzin pa ma yin pa de ni/ sgra dang / dri dang / ro dang / reg pa 'dzin pa ma yin/ 'dod pa'i yon tan lnga la nye bar mi len/ srid pa thams cad skye ba ma yin/ gang chags pa dang bral ba thams cad skye ba ma yin/ de dngos po ma yin/ yid la byed pa ma yin/ gang dngos po med pa dang / yid la mi byed pa don chags pa med pa'o// gang chags pa med pade ni yi ge dang bral ba'o/ / gang yi ge dang bral ba de ni phyir mi 'ong ba'o// de khams gsum thams cad grangs med pa'i dus gsum dang / bral ba'i sems so// gang de ltar chos ni 'ong ba yang

  222. 112a

    med/ nye bar 'ong ba med pa thob pa ni/ gang tshul gcig gi chos kyi tshul rab tu shes so// 'gro ba dang 'ong ba med pa nye bar thob pa med do// cung zad kyang chags par mi byed do/ / bcings pa yang med/ grol ba yang med/ 'dug pa yang med/ gnas pa yang med pa de chos thams cad so sor mi gnas pa'i sgor rab tu shes so// gang chos thams cad so sor gnas pa'i sgor rab tu shes so/ / 'chi 'pho med pa dang / skye ba med pa gang de ltar chos nye bar thob pa la rten par rab tu shes so// gang chos thams cad la rten pa med pas/ rnam pa sna tshogs thams cad dang bral lo/ / gang rnam pa sna tshogs thams cad dang bral bas/ de 'tshe ba dang / gso ba dang / gang zag dang / shed can dang / shed bdag dang bral lo// gang 'tsho ba dang / gso ba dang / gang zag dang / shed can dang / shed bdag dang bral bas/ de gsog dang / stong pa las ma 'das pa ni tshad med pa'i stong pa 'du byed thams cad du blta'o// gang rig kyi bu tshad med pa'i stong pa'i phyir de sems la shin tu sgom par byed do/ / 'di la zad pa med pa'i cho ga bzhi so sor thob bo// de zad pa med pas mnyam par len pa'i longs spyod du 'gyur ro// sems can yongs su smin pa'i bsod nams mi zad par 'gyur ro/ / spobs pa zad pa med pas chos ston par 'gyur ro// thabs ma zad pas ye shes la mkhas par 'gyur ro// sems can yongs su smin pa'i don gyis sems

  223. 112b

    can rnam par thar pa'i sgo yongs su bsogs pas/ yang dag pa'i mtha' mngon sum du byed do// chos thams cad la bdag med par rab tu shes so// snying rje chen po'i go chas sems can yongs su smin pa mi 'dor ro/ / sangs rgyas kyi zhing thams cad chu zla dang mnyam pa sems can yongs su smin pa'i don la 'jug go// chos thams cad la bdag med pas/ sems can gyi tshul khrims ting nge 'dzin du sgrub pa la mkhas pas sems can yongs su smin to/ / 'tsho bar 'gro ba dang / gso ba dang / gang zag la rtag tu gcod chu bo las brgal bar 'gyur ro// dus gsum thams cad kyi lus dang ngag dang / yid kyi 'du byed med pas/ sems can gyi tshe rgya mtsho las brgal bar 'gyur ba 'di ni/ byang chub sems dpa' sgrib pa med pa'i ye shes ston pa zhes bya'o// byang chub sems dpa' brgya stong phrag sa ya drug cu rtsa brgyad la 'di dag 'chad pa bshad pas/ chos kyi rjes su bzod pa thob par 'gyur ro// rang sangs rgyas kyi theg pa la sems can brgya stong phrag bye ba brgyad cu rtsa bzhi dag/ bla na med pa yang dag par rdzogs pa'i byang chub tu sems bskyed do// phyir mi ldog pa'i sar sems bskyed do// phyir mi ldog pa'i sa la so sor gnas par 'gyur ro// bcom ldan 'das kyis yang byang chub sems dpa' gnyen du lta ba de la bos so/ / rigs kyi bu de bzhin gshegs pa 'byung ba dang / mi 'byung ba la gnas pa'i chos nyid dang / chos kyi dbyings dang / chos

  224. 113a

    la gnas pa ni 'di lta ste/ ma rig pa'i rkyen nam/ 'du byed de'i bar du 'ba' zhig pa shin tu sdug bsngal gyi phung po chen po kun tu 'byung bar 'gyur ro// 'di lta ste/ ma rig pa 'gags pas/ 'du byed 'gags pa de'i bar du sdug bsngal gyi phung po 'gags par 'gyur ro// de bzhin gshegs pa'i rjes su 'byung bas/ sems can mngon sum du byas pa 'di dag chos kyi rkyen kyis byang chub thob bo/ / 'di la chos gzhan dag rnam par rgyas par kun tu mi sgrogs par 'gyur ro// gang la yang de bzhin gshegs pa 'jig rten du 'byung bas/ dgra bcom pa yang dag par rdzogs ba'i sangs rgyas kyis de'i dus na/ sems can rnam par rgyas par rab tu sgrog go ston no// yang dag pa de ltar gzhan ma yin pa'i sems can 'khor ba'i chu bo las brgal bar 'gyur ro// zhi ba dang // bde ba dang / mya ngan las 'das pa'i lam la so sor gnas so// 'di la yang lung bstan pa bshad pas/ me bcu rdul yal khrag khrig brgya stong phrag brgyad cu'i sems can dag rang sangs rgyas kyi rdul dang bral ba'i ting nge 'dzin so sor thob par 'gyur ro/ / rang sangs rgyas kyi theg pa so sor thob par 'gyur ro// so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba theg pa chen po'i mdo le'u bdun no/ / // de nas bcom ldan 'das kyis mi snang ba'i rgyan gyi ting nge 'dzin du zhugs so// de'i phyir de bzhin gshegs pa ting nge

  225. 113b

    'dzin du zhugs nas/ bcom ldan 'das kyi zhal gyi sgor kha dog sna tshogs kyi 'od 'byung ngo // phyogs bcu kun nas chu bo gang+gA'i bye ma dang mnyam pa'i rnyog pa ldan sangs rgyas kyi zhing las 'od byung ngo // phyogs bcu kun nas chu bo gang+gA'i bye ma dang mnyam pa'i rnyog pa ldan/ sangs rgyas kyi zhing gi 'od du 'gro'o// gang de la nyan thos dang / nyan thos kyi theg pa la 'gro ba'i sems can 'od la reg nas/ nyan thos dang / nyan thos kyi theg pa de la sems can de bzhin du/ gzugs dang lus dang / bde ba'i tshor ba 'byung bar 'gyur ro// 'di lta ste/ bsam gtan gsum pa'i ting nge 'dzin du 'jug pa/ dga' ba med pa'i dge slong des phyogs bzhir bltas nas/ bcom ldan 'das shAkya thub pas dpag tshad phyed tshun chad du bltas na/ spos kyi ngad ldang ba'i ri brgyan pa thams cad lta bar de ltar sngon gsungs so/ / rin po che sna bdun gyi rang bzhin gyi spos kyi ngad ldang ba'i ri byang chub sems dpas gang ba la blta'o// bcom ldan 'das kyi mthus/ de dag bcom ldan 'das shAkya thub pa gang na bder song ste/ skad cig yud tsam gyi skabs phye nas/ byang chub sems dpa' rnams bcom ldan 'das kyi spyan sngar 'khod par gyur to// nyan thos pa rnams dang / nyan thos pa'i theg pa can rnams kyi sems can rnams kyang / bcom ldan 'das gang na ba der dong ste phyin nas/ chos mnyan pa'i phyir bcom ldan 'das kyi spyan sngar 'bod do// gang yang nyan thos chen po'i theg pa de ku ru'i grong rdal dus

  226. 114a

    so nas bsdus te thim par gnas so/ / de yang 'od de yang dag par shes pa dang / de yang zang zing med pa'i dga' ba dang / bde bas tshim par byas pa yod pa de las lhan cig du langs te/ bcom ldan 'das spos kyi ngad ldang ba'i ri la zhugs pa mthong ngo // byang chub sems dpa'i tshogs dang / nyan thos kyi tshogs kyis bskor cing mdun du byas te/ rgyan chen po mthong nas de dag gzhan yang yang dag par shes so/ / btsun pa dgongs shig/ bdag ni de ltar de bzhin gshegs pa spos kyi ngad ldang ba'i ri la bzhugs shing / rgyan chen po dang / tshogs chen po'i 'khor gyis bdag kyang chos mnyan pa'i phyir/ bcom ldan 'das gang na ba der nye bar song ngo // de nas mi mjed kyi sangs rgyas kyi zhing 'di'i nyan thos chen po snyed pa dang / nyan thos dang / nyan thos kyi theg pa pa ji snyed de dag kyang / bcom ldan 'das la chos mnyan pa'i phyir 'khod do// tshad med grangs med dpag tu med pa'i nyan thos dang / tshad med grangs med dpag tu med pa'i nyan thos kyi theg pa'i sems can rnams chos mnyan pa'i phyir/ bcom ldan 'das kyi spyan sngar 'khod do// de nas bcom ldan 'das kyis/ tshe dang ldan pa rab 'byor la bos nas/ rab 'byor 'di ni smin pa dang / rnam par smin pa zhes bya'o// rab 'byor de tsam gyi bar du rnam par smin pa zhes bya'o// rab 'byor gyis gsol ba/ gang bcom ldan 'das rnam par smin pa'i mtshan nyid 'byung ba de bzhin du

  227. 114b

    de bzhin gshegs pa'i mtshan nyid rnam par smin pa nam mkha'i mdzod rgyas pa/ sems can gcig kyang mya ngan las 'das par mi 'gyur ro// de ci'i phyir zhe na/ sems can de thams cad kyang 'jigs shing 'jigs par 'gyur bas gcig gis kyang bla na med pa yang dag par rdzogs pa'i byang chub tu sems bskyed pa chung zad kyang med de/ de ltar de bzhin gshegs pa tshad med pa'i mtshan nyid re re la sa mtshan nyid rnam par smin pa la gzugs med pa dang / mtshan nyid med pa dang / dngos po med pa'i lus thams cad mtshan nyid dang bral zhing / sangs rgyas kyi chos thams cad nam mkha' dang 'dra bar mnyam zhing / gzugs med pa la so sor dgod pa med pa ni/ sangs rgyas kyi chos kyi bar du rnam par shes pa la so sor dgod do// sangs rgyas kyi chos la mig gi khams dgod pa med pa ni/ sangs rgyas kyi chos rnam par smin pa de'i bar du/ yid kyi khams la dgod pa med pas sangs rgyas kyi chos rnam par smin pa'o// gzugs kyi khams la dgod pa med pas/ sangs rgyas kyi chos rnam par smin pa de'i bar du reg pa so sor dgod pa med pa'o/ / yang sa'i khams so sor dgod pa med pas/ sangs rgyas kyi chos rnam par smin pa de'i bar du/ rlung so sor dgod du med pas/ sangs rgyas kyi zhing rnam par smin pa'o/ / 'dod pa'i khams so sor dgod pa med pas/ sangs rgyas kyi chos rnam par smin pa de'i bar du/ gzugs kyi khams so sor dgod pa med pas/ sangs rgyas kyi chos rnam

  228. 115a

    par smin pa'o/ / bdag dang gzhan du mi rten pa dang / nga rgyal la mi rten pa dang / yid la byed pa la mi rten pa dang / rtag pa la mi rten pa dang / chad pa la mi rten pas/ sangs rgyas kyi chos rnam par smin pa'o/ / yi ge'i phyi mo dang mtshan ma la mi rten pas/ sangs rgyas kyi chos rnam par smin pa'o// de ci'i phyir zhe na/ bcom ldan 'das mtshan nyid med pas/ bcom ldan 'das kyis chos thams cad bshad pa ni/ rang gi mtshan nyid dang bral ba stong pa'i tshul gyi spyod yul lo// bcom ldan 'das kyis bka' stsal pa/ legs so legs so// rab 'byor khyod de lngar rku shin tu smras pa ni/ rab 'byor gang yang de bzhin gshegs pa'i rnam par smin pa grub pa ni mtshan nyid med par 'gyur ro// de yang de bzhin gshegs pa'i sems can du 'dzin par 'gyur ro// srog tu 'dzin pa dang / gso bar 'dzin pa dang / gang zag tu 'dzin pa ste/ de yang rab 'byor de bzhin gshegs pa'i sems can du 'dzin pa'i mtshan nyid du 'gyur ro// de'i bar du 'dzin par 'gyur ro/ / yang de bzhin gshegs pa dang / nyan thos dang / rang sangs rgyas kyi khyad par du 'phags pa ma yin/ ye shes la mkhas par 'gyur ro// gang rab 'byor byang chub sem dpa'i thog mar sems bskyed pas/ dge ba'i rtsa ba'i mtshan nyid rnam par smin pa/ dben pa'i mtshan nyid la rnam par rtog par byang chub sems dpas brjod do// de ci'i phyir zhe na/ gang re

  229. 115b

    'byor byang chub sems dpa'i mtshan nyid kyi 'du shes dang / de la spros pa yongs su 'dzin pa'i 'du shes dang / gang la spros pa yongs su 'dzin pa'i 'du shes dang / nga rgyal gyi 'du shes dang mi rtag pa'i 'du shes dang / de la thams cad bde bar 'dod pa'i 'du shes dang / gang la bde bar 'dod pa'i 'du shes de la byams pa chen po dang / snying rje chen por mi 'gyur ro// rab 'byor gang la byams pa chen po dang / snying rje chen por bsam pa dang / sems par mi 'gyur ro// de la thar pa yongs su bsngos pas/ dge ba'i rtsa ba mi ldang ba las kyang thar ro// de bas na rab 'bor 'khor gsum yongs su dag pa dang / pha rol tu phyin pa drug la mi 'khrugs pas/ thar pa yongs su bsngos pa dge ba'i rtsa bar brjod do// de ltar nam mkha' la mi rtog go// rnam par mi rtog pa de ltar de bzhin du rtog pa dang / rnam par rtog pa thams cad spong bar byang chub sems dpas brjod do// 'di lta ste/ yang rab 'byor zla ba 'phel ba zhes bya ba'i sman gyi rgyal pos/ nad pa dang / na ba thams cad sel ba la zla ba 'phel ba'i sman gyi rgyal pos de bzhin du mi rtog par yang mi 'gyur ro/ / bdag gi nang thams cad bsal bas/ yang de'i nang de bzhin du rtog par yang mi 'gyur ro// bdag gi lus 'di la sman gyis sel bar 'gyur ro/ / phan tshun du rnam par rtog pa med cing mi rtog pa sa nad thams cad zhi ba de ltar de bzhin du/ rab 'byor gang byang chub sems dbas chung ngu na/ yang nga

  230. 116a

    rol tu phyin pa drug kun tu spyod do/ / gal te sbyin pa byin pa dang / shes rab ji snyed pa bsgom mo// dngos po de la rtog pa yang med/ len pa yang med de bas rnam par smin pa la rtog pa yang med/ yang gzugs la rten pa kun du spyod pa yang med pa nas/ rnam par shes pa'i bar du brtem ca kun du spyod pa yang med/ yang gzugs la brten cing kun tu spyod pa med pa nas/ reg pa bar du brten cing kun tu spyod pa yang med do/ / de'i ming du yang 'dzin par mi 'gyur ba nas/ gang zag gi bar du yang 'dzin par mi 'gyur ro// gang khams gsum thams cad yul med pa dang / g.yo ba dang chung ngu zhes bya ba ni/ pha rol tu phyin pa drug spyod do// 'di la yang byang chub sems dpa' rtog pa med cing rnam par rtog pa med pa/ nam mkha'i de bzhin du tshad med pa'i shes rab kyi phung por 'gyur ro/ / khams gsum thams cad ni nyon mongs pa spangs pas/ myur du bla na med pa yang dag par rdzogs pa'i byang chub tu 'tshang rgya'o// rab 'byor de bas na/ thar pa'i lam la 'dod pas/ sems can gyi 'du shes kyi dge ba kun tu spyod par mi bya ba nas/ gang zag gi 'du shes kyis dge ba kun tu spyod par mi bya'o// phung po'i 'du shes dang / khams dang / skye mched kyi 'du shes kyis dge ba kun tu spyod par mi bya'o/ / nga yir bya ba dang / bdag gir bya ba'i 'du shes kyis dge ba kun tu spyod par mi bya'o// 'dod pa'i 'du shes dang / gzugs yod pa'i 'du shes dang

  231. 116b

    gzugs med pa'i 'du shes kyi dge ba kun tu spyod par mi bya'o/ / de ci'i phyir zhe na/ rab 'byor de ltar sems can dang / nam mkha' dang / thar pa dang / rnam par smin pa'i mtshan nyid la bdag med pa zhes bya ba ni ma lus pa dang / tha mi dad par stong pa mya ngan las 'das pa zhes bya'o// 'di la bcom ldan 'das kyis lung bstan pa 'di smra ba'i tshe/ nyan thos dang / nyan thos kyi theg pa'i sems can me bcu rdul yal bye ba khrag khrig brgya stong phrag dgu bcu rtsa gnyis/ bla na med pa yang dag par rdzogs pa'i byang chub tu sems bskyed par 'gyur to// phyir mi ldog pa'i sa so ser thob par gyur to/ / de nas bcom ldan 'das kyis tshe dang ldan pa rab 'byor la bka' stsal pa/ rab 'byor rkyen gyi 'du shes lta bus chos thams cad shes te/ 'jig rten gyi sems can rnams rkyen dang 'du ba tshogs te/ byung ba'i shes rab tu shes pas/ tshe rgya mtsho las 'das so// mun pa'i phung po thams cad 'jig go// 'di lta ste/ mun pa'i zla ba rnams mun pa'i mtha' zad do/ / snang ba ni zla ba'i rkyen no// snang ba'i rkyen ni 'du shes so// 'du shes kyi rkyen ni 'du byed do// 'du byed kyi rkyen ni rnam par shes pa ste/ de'i bar du sdug bsngal gyi phung po 'byung bar 'gyur/ ro// de la nam mkha' snang bar mi rtog go// nam mkha' snang ba ma yin/ 'du shes snang ba ma yin par mi shes so// 'du shes snang bar mi rtog go// 'di la snang ba 'gog pas 'du shes

  232. 117a

    'gog go/ / 'du shes 'gog pas 'du byed 'gog pa de'i bar du sdug bsngal gyi phung po chen po yang 'gog par 'gyur ro// de'i dus gcig na yang bcom ldan 'das// kyis lung bstan pa bshad pa na/ sa ya brgya stong phrag brgyad bcu'i nyan thos kyi theg pa'i sems can rnams rang sangs rgyas kyi theg pa la sems bskyed do// rdul dang bral ba'i ting nge 'dzin so sor thob par gyur to/ / rang sangs rgyas kyi theg pa las phyir mi ldog par 'gyur to// de nas bcom ldan 'das kyis yang / tshe dang ldan pa rab 'byor la bka' stsal pa/ rab 'byor dge slong gi chos la dge sbyong gi chos zhes bya ba ji tsam gyi bar du dge slong zhes bya/ rab 'byor gyis gsol pa/ bcom ldan 'das dge sbyong gi chos zhes bgyi ba ni bslab pa gsum ste/ bcom ldan 'das dge sbyong gi chos zhes bgyi'o// bcom ldan 'das kyis bka' stsal pa/ de ltar de bzhin no// rab 'byor lhag pa'i tshul khrims bslab pa dang / lhag pa'i sems dang / lhag pa'i shes rab tu slob pa ni dge slong gi chos zhes bya'o// 'di la lhag pa'i tshul khrims bslab pa gang zhe na/ dge slong so sor thar pa la bsdam pa sdom par 'gyur ba dang / spyod pa'i spong yul gyi rdul mun sum tshogs pa kha na ma tho bas 'jigs pa la lta ba dang / kun nas 'byung ba la bslab pa slob pa'i tshig 'di dag ni/ rab 'byor lhag pa'i tshul khrims slob pa zhes bya'o// lhag pa'i sems

  233. 117b

    slob pa ni/ tshangs pa'i gnas pa bzhi la gnas pa 'di'i phyir/ byams pa'i sems dang ldan pa/ 'jig rten thams cad 'gengs pa de'i bar du rnam par rgyas par brjod pa 'di ni lhag pa'i sems slob pa zhes bya'o/ / lhag pa'i shes rab slob pa gang zhe na/ 'di ni 'phags pa'i bden pa bzhi ste/ bzhi gang zhe na/ 'di lta ste/ 'phags pa'i bden pa'i sdug bsngal dang / kun nas 'byung ba'i sdug bsngal dang / 'gog pa'i sdug bsngal dang / 'god pa la nan tan du 'gro ba 'phags pa'i bden pa'i sdug bsngal lo// 'phags pa'i bden pa'i sdug bsngal gang zhe na/ 'di lta ste/ skye ba'i sdug bsngal dang / rga ba'i sdug bsngal dang / nad kyi sdug bsngal dang / 'chi ba'i sdug bsngal dang / mi mdza' ba dang phrad pa'i sdug bsngal dang / mdza' ba dang bral ba'i sdug bsngal dang / 'dod pa mi rnyed pa'i sdug bsngal dang / mdor na nye bar len pa'i phung po'i sdug bsngal 'di ni/ 'phags pa'i bden pa'i sdug bsngal zhes bya'o// kun nas 'byung ba'i 'phags pa'i bden pa'i sdug bsngal gang zhe na/ gang la la smon pa'i 'dod chags dang ldan pa de dang der 'gyur ro// smon pa mngon par 'gyur ba de ma lus par so sor spong ba shin du mi 'byung ba zad pa med pa 'dod chags dang bral ba nye bar zhi ba 'di zhes bya'o/ / sdug bsngal 'gog par 'gro ba la nan tan byed pa'i 'phags pa'i bden pa gang zhe na/ 'di lta ste/ de bzhin du 'phags pa'i lam gyi yan

  234. 118a

    lag ni 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin 'di ni bden pa'i gtam brgyad ces bya'o// gang cung zad kyang 'das pa'i dus su 'gyur ba de ni/ de bzhin gshegs pa dgra bcom pa yang dag par rdzogs pa'i sangs rgyas de dag de bzhin gshegs pa'i yang de bzhin du nyan thos kyis yang dag pa'i phul bshad pa ni/ 'di lta ste/ 'phags pa'i bden pa bzhi'o// de bas na gang cung zad kyang phyogs bcu'i sangs rgyas kyi zhing tshad med grangs med pa la/ de bzhin gshegs pa dgra bcom pa yang dag par rdzogs pa'i sangs rgyas bzhugs so// 'tshe'o// skyong ngo // rnyog pa lnga'i sangs rgyas kyi zhing gi sems can la chos 'chad do// de dag de bzhin gshegs pas gzugs de bzhin du nyan thos kyi yang dag phul gyi chechos bshad pa ni 'di lta ste/ 'phags pa'i bden pa bzhi'o// cung zad kyang 'das pa'i dus su 'gyur ba de ni/ de bzhin gshegs pa dgra bcom pa yang dag par rdzogs pa'i sangs rgyas de dag kyang / de bzhin gshegs pa dgra bcom pa yang dag par rdzogs pa'i sangs rgyas kyis/ gzugs de bzhin du nyan thos kyis yang dag phul gyi chos bshad par 'gyur ba ni 'di lta ste/

  235. 118b

    'di ni 'phags pa'i bden pa bzhi'o// gang tshe 'das pa dang / ma 'ongs pa dang / da ltar byung ba thams cad de bzhin gshegs pa dgra bcom pa yang dag par rdzogs pa'i sangs rgyas 'di ni bden pa'i tshig go/ / de bas na 'di ni 'phags pa'i bden pa bzhi'i bar du lhag pa'i shes rab bslab pa 'di la yang / bcom ldan 'das kyis 'phags pa'i bden pa lung bstan pa bshad pas/ gang sems can bye ba khrag khrig stong phrag brgya tshad med grangs med pa'i nyan thos kyi theg pa'i sems can dag mi skye ba'i rjes su sa thob pa kha cig gis ni spyi bo// kha gcig gis ni bzod pa/ kha cig gis ni 'jig rten gyi mchog gi chos rnams khong du chud do// kha cig gis ni rgyun tu zhugs pa'i 'bras bu thob bo// kha cig gis ni phyir 'ong ba'i 'bras bu dang kha cig gis ni phyir mi 'ong ba dang / kha cig gis ni nyon mongs pa thams cad dang bral ba dgra bcom pa'i 'bras bu thob pa rdzogs so// // so so yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba theg pa chen po'i mdo le'u brgyad do/ / // de nas bcom ldan 'das kyis shin tu rnam par ba spyod pa dang ldan pa'i ting nge 'dzin du zhugs nas/ ting nge 'dzin log su bcom ldan 'das kyi sku'i ba spu'i khung bu thams cad nas/ kha dog sna tshogs dang / kha dog du ma dang / brgya stong

  236. 119a

    du ma'i kha dog gi 'od zer du ma sku las 'byung ngo / / de nas yang bcom ldan 'das kyis rnam pa sna tshogs la dka' thub pa dang / brtul zhugs ngan pa dag ri She'i cha byad la kun du blta'o/ / de la 'od byung bas phyogs bcu'i sangs rgyas kyi zhing chu bo gang+gA'i bye ma dang mnyam pa'i 'jig rten gyi rnyog pa lnga'i sangs rgyas kyi zhing snang bar byed do// gang yang chu bo gang+gA'i bye ma lta bu'i rnyog pa lnga'i sangs rgyas kyi zhing brtul zhugs dang / dka' thub ngan pa dang / mu stegs can gzhan rnams gang de dag bram ze la dad par 'jug pas/ gang sangs rgyas bram zer sprul te gnas so/ / de nas bram ze la dad par smra ba de bzhin no// bdag cag slob pa 'di ni bram ze de la dad pas bdag kyang bram ze la blta'o// dge ba dang yid bde ba skyes nas myur du langs te/ bram ze'i rkang pa la spyi bos phyag 'tshal te/ bram ze la thal mo sbyar te/ phyag byas nas 'di skad ces smras so// bcom ldan 'das lalta ba dang / phyag gyi ba dang / bsnyen bkur bya ba'i phyir bdag cag gi 'khor de bzhin du yun ring po nas khyod kyi slob mar 'dren no// bram ze sprul pa de smras pa/ bdag kyang gzhan mtshangs pa chen po dag gi bla mar yod pa'i lag pa bstan pa'i phyir/ bcom ldan 'das shAkya thub pa de bzhin du mi ring ba bzhugs so// smras pa/ bcom ldan 'das kyi mthus na

  237. 119b

    sems can de yang / bcom ldan 'das shAkya thub pa bram ze chen po spos kyi ngad ldang ba'i ri la dpag tshad phyed tsam na bzhugs pa la blta'o// de yang mchog tu dga' ba dang yid bde ba skyes pa des/ yud tsam gyis na spos dang ldang ba'i ri la gnas pa dag/ shAkya thub pa bram ze chen po la rkang pa gnyis la spyi bos phyag 'tshal te/ bcom ldan 'das kyi spyan sngar chos mnyan pa'i phyir 'khod do/ / gang dbang phyug la dad pa dang / gang brgya byin la dad pa dang / gang rgyal chen bzhi la dad pa dang / gang nyi ma dang zla ba la dad pa dang gang nag po dang / nag po chen po gzhon nu la dad pa nas/ me la dad pa'i bar du bsdus te/ de ltar mdun du 'od 'gro ba'i phung po byung bar gyur to// 'od 'gro ba'i phung po de las lha'i bu lus dang / gos kyi kha dog dkar po gzugs bzang po// mchog gi kha dog rgyas pas ldan pa byung bar gyur te/ ma lha'i bus 'di skad smras so// khyod ni bdag gi slob mar gor ma chag/ des smras pa/ bcom ldan 'das de bzhin no// me lha'i bus smras pa/ bdag la yang mo'i bdag po gzhan bla mar byed pa yod pas/ de ltar lag pas ston par byed do// bcom ldan 'das kyis mthus na/ sems can de yang bcom ldan 'das shAkya thub pa spos kyi ngad ldang ba'i ri la dpag tshad phyed tsam nas/ de bzhin du mi ring bar bzhugs pa la blta'o//

  238. 120a

    me'i phung po chen po de'i nang nas lus dang / skra dang gos kyi kha dog dkar po// gzugs bzang po blta na mdzes pa/ kha dog mchog tu rgyas pas ldan pa'i spyan sngar de yang ji snyed pa chos mnyan pa'i slad du 'khod do/ / de nas yang de'i dus na tshad med grangs med pa'i chu bo gang+gA'i bye ma snyed kyi mu stegs can tshul khrims dang brtul zhugs ngan paba'i rnams/ bcom ldan 'das kyi spyan sngar chos mnyan pa'i phyir 'khod do// de la gang bram ze la dad pa de bram ze la dang ba'i bram ze'i gzugs kyis bcom ldan 'das la blta'o// de ltar de bzhin du sems dang sems las skyes pas/ gal te bram ze chen po dang bdag gtam bya'o// gang bdag gi the tshom dang / nem nur dag bcom ldan 'das bram ze chen po la bdag yongs su zhu'o/ / ji ltar 'khor thams cad dang ldan pa 'di bram ze chen po la dad par 'gyur ro// gang de me'i brtul zhugs can nas me'i phung po'i nang nas/ lha'i bu lus dang skra dang / ges dkar po gzugs bzang po blta na sdug pa/ kha dog mchog tu rgyas pas ldan pa'i bar du blta'o// de ltar de bzhin du sems dang sems las skyes pa nas/ ji ltar 'khor thams cad dang ldan pa'i bar du me'i rdul zhugs can du 'gyur ro/ / de nas dri ma med pa'i gos gzhon nur gyur pas/ 'khor thams cad dang ldan pa la skad kyi dbyangs kyis gsol pa

  239. 120b

    bzang po'i zhal 'dir bram ze chen po ji snyed yang dag par byon pa'i rnams gson cig/ de ltar zang srong chen po shAkya thub pa de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi'i mkhan po sangs rgyas bcom ldan 'das tshol ba/ sems can thams cad dang chos thams cad kyi pha rol tu 'gro ba/ byang chub sems dpa' rnams kyi pha rol dka' thub dang / brtul zhugs dang / tshangs par spyod pa thams cad ston pa/ zag pa thams cad yongs su zad pa/ 'phags pa gang zag gi rgyal po// sems can thams cad bar sems pa med pa/ ded dpon mya ngan las 'das par 'gro ba/ dus gsum gyi sas rgyas thams cad yongs su shes pa/ bsod nams su 'gro ba'i bsod nams kyi mdzod tshad med pa'i ye shes kyi sems can thams cad kyi bsam pa rnam par shes pa/ grangs med pa'i spobs pas ma rig pa'i mun pa thams cad sel bar byed pa/ rnam par dag pa'i nga ro dang / dbyangs la nga ro yod pas bzod pas brgyan pa/ me tog gi mtshan nyid can/ lus dpe byang bzang pos phras pa/ gtan du mi phra ba'i gzugs ston pa/ rig dang mi mthun par ston pa/ gzugs kyi spyod yul dag dga' bar byed pa/ dge bar mos pa la mngon par dga' ba

  240. 121a

    shes rab mngon du byung ba med pa/ srid pa'i 'gro ba thams cad skam par byed pa/ gtsug lag thams cad kyi dam tshig dul ba med pa/ sku mnyam pa med pa 'dod pas gos pa med pa/ gzugs dang mtshan ma dang mtshan nyid thams cad la gos pa med pa// gzugs med pa las yang dag par shin tu 'das pa// sdug bsngal thams cad grol ba/ mdud pa spangs pa/ 'chi ba pho dang skye ba thams cad las phyir ldog pa/ sems can thams cad la sman par gyur cing / sdug bsngal rab tu gtor bar byed pa/ dus gsum gyi phung po rnam par grol ba/ skye mched dang / srid pa zad pa la chags pa med pa/ chu bo bzhi las brgal ba/ ye shes kyis ngoms pa med pa/ yang dag pa'i mtha' la so sor gan pa/ rig pa bsgrubs pa/ rig pa thams cad dang ldan pa gtong ba/ snying rje chen po can sems can rnams mya ngan las 'das pa'i lam la dgod pa/ bdud bzhi'i yul las yang dag par shin tu 'das pa/ sems can chen po brjod du med par khong du chud pa de thams cad khyod dga' ba skyed cig/ byams pa 'byung bar byos shig/ mi thob pa rnyed par dka' ba dang / skad cig ma'i dus rnyed dka' ba dang / dge ba la mos pa rnyed dka' ba dang / dge ba'i grogs po rnyed dka' ba dang / tshangs par spyod pa'i gnas rnyed dka' ba dang / dbang po yongs su rgyas pa rnyed dka' ba dang /

  241. 121b

    chos 'dod pa'i 'khor 'di 'dra ba rnyed dka' ba dang / dge ba'i grogs po la dmigs pa'i gtsug lag 'di 'dra ba rnyed dka' ba dang / chos nyan pa la dmigs pa 'di 'dra ba rnyed dka' ba khyod kyis thob pa ji ltar sngon ma thos pad nyon cig/ sus yongs su ma shes pa yongs su shes par 'gyur ro// lam sngon khong du ma chud pa khong du chud par gyur cig/ khyod sngon phung po dang/ khams dang / skye mched mngon sum du ma yin pa ded mngon sum du 'byung bar gyur cig/ khyod sngon 'phags pa'i lam gyi yan lag brgyad ma bsgoms pa dang sems bsgoms par gyur cig/ khyod zab pa ma zad pa zad par 'gyur ba dang / mun pa mun nag tu gyur pa'i 'khor ba rnams shes rab chen po'i snang ba dang ldan par gyur cig de nas khyod de ma thag tu dka' thub dang / brtul zhugs dang / tshangs par spyod pa thams cad kyi 'bras bu rnam par smin pa de bzhin du nyon cig/ ji ltar bcom ldan 'das drang srong chen po da ltar sems rtse gcig tu ston to// de nas mu stegs can de thams cad mgu zhing rangs pa dang / rab tu dga' ba'i sems kyis sems rtse gcig tu thal mo sbyar te/ bcom ldan 'das la mig mi 'dzum par blta bar gyur to// bcom ldan 'das kyis dri ma med pa'i gos gzhon nur gyur pa la bka' stsal pa/ rigs kyi bu ci 'dra ba'i tshul gyis na bzod pa so sor thob/ dam pa'i chos ci 'dra ba'i tshul gang dang gang gis

  242. 122a

    na sems can snying por gnas pa la 'gro bar gyur ro/ / tshul thams cad zad pa'i pha rol tu 'gro bar 'gyur ram/ ci ral pa yongs su grol bar 'gyur ram/ 'on te rus sam/ lus kyis byug pa dang / thal ba'i mal gyis yongs su 'grol bar 'gyur ram/ 'on te brgya byin dang / tshangs pa dang / zla ba dang / nyi ma me dang / bsten pa'i bar du snying por gnas pa la yongs su grol bar 'gyur ram/ 'jig pa rnam pa thams cad zad pa'i pha rol tu 'gro bar 'gyur ram/ de skad ces bka' stsal pa dang / dri ma med pa'i gos gzhon nur gyur pas bcom ldan 'das la 'di skad ces gsol to/ / btsun pa bcom ldan 'das sems can lta ba'i snyed pa 'dis snying por gnas pa la 'gro bar mi 'gyur ro// 'chi 'pho dang skye ba shin tu srid pa 'gro ba la brtag pa na srid pa kun tu sbyor ba'i pha rol tu 'gro bar mi 'gyur ro/ / sems can gyi mtha' 'di gnyis kyis/ gang so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa 'di yongs su nyams par 'gyur ro/ / gang yang 'dod pa dang / 'dod pa bde ba'i rjes su sbyor ba rang bzhin gyis 'gro ba ngan pa'i ma la brtson no// gang yang bdag la gnod par sbyor ba'i zhags pa thub pa dgu bcu rtsa lnga tshul khrims dang brtul zhugs ngan pa 'phags pa ma yin pa dang / don du mi 'gyur ba 'di gnyis kyi bzod pa yongs su nyams pa'i phyir 'jig par 'gyur ro//

  243. 122b

    nyon mongs pa'i phung po chen po 'byung bar 'gyur ro// btsun pa bcom ldan 'das de 'di bzod pa bsgom pa dag/ gang gis bzod pa thob pa mi shes so// gang la 'dod chags zhe sdang dang // nga rgyal 'chab pa rab tu gdas// phung po lnga dang mi ldan pas// byas pa shes la med par 'grol// pha ma dgra bcom stong pa ste// stong pa'i chos la bsten pas na// dngos po med cing 'dres med pa/ / tshul gcig gis ni grol bar 'gyur// tshor ba rnam gsum 'dres med cing / 'du byed gsum yang snyems pa med// ji ltar shes pa mchog gi phyir// srid pa zad la 'grol bar 'gyur// khams gsum dag ni snyems med pa// rigs pa gsum ni rab tu bslabs// tshor ba rnam gsum yongs shes shing // dus gsum la ni chags pa med// smon pa'i 'dod chags zad pa dang // brjod du med la grol bar 'gyur// ji ltar nyi zla nam mkha' rnams// rgyu ba la ni chags pa med// mtha' gnyis rnam par spangs nas ni// skye ba zad la 'grol bar 'gyur// snying rje chen po rnam gnyis spong / / sdug bsngal thams cad rab tu bkrol// blo gros rtog pa spangs pas na// snying por gnas pa rnam par bkrol// rtog dang rnam rtog spangs pa ni// bsod nams chags pa sdig pa med/ / sems can rnams ni snying brtse'i phyir// spyod pa chags la 'grol bar 'gyur// lha dang dri za mi rnams kyis// zang po'i lam ni mi shes so// de ltar shin tu rtogs pa'i phyir// spyod pa

  244. 123a

    chags la 'grol bar 'gyur/ / snying rje dang ldan yid gzhungs pa// sems can spyod pa rab mi shes// ye shes mchog dang ldan pas na// sems can sangs rgyas rab tu 'grol yang dri ma med pa'i gos gzhon nur gyur pas 'di bstan pa'i tshe/ yongs su sbyang pa sngon byas pa'i mu stegs can gzhan khrag khrig dgu bcu rtsa brgyad kyis/ so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa'ang so sor thob par gyur to/ / mu stegs can gzhan me bcu rdul yang stong / bla na med pa yang dag par rdzogs pa'i byang chub tu sems bskyed par gyur to// phyir mi ldog pa'i sa thob par 'gyur nas/ lha dang dri za dang mi 'khor thams cad dang ldan pa des/ dri ma med pa'i gos gzhon nur gyur pa la legs so zhes bya ba byin no// skyes bud dam pos shin tu legs par bshad pa legs so legs so/ / bcom ldan 'das des kyang dri ma med pa'i gos gzhon nur gyur pa la legs so zhes bya ba byin no// skyes bu dam pa khyod kyis sems can mang po yongs su smin par byas pa dang / legs par bshad pa legs so legs so// de nas bcom ldan 'das kyis sgra kun tu 'tsho ba'i me'i brtul zhugs can la bka' stsal pa/ sgra kun tu 'tsho ba las kyi sgrib pa rnam par dag pa/ las kyi snying pa rnam par dag pa zhes bya ba ni las kyi rnam par smin pa yid kyis bya ba la mgra pa med pa'o// chos tham cad la sems pa med pa'o// 'dod chags kyi mtha' la

  245. 123b

    sogs pa med pa'o/ / zhe sdang dang gti mug gi mtha' la sogs pa med pa'o// snyems pa med pa'o// nye bar 'gro ba med pa'o// nye bar len pa med pa'o// de yang dag pa'i mngon sum du mi byed pa'o/ / gang mngon sum du mi byed pa de rlom zhing sems pa med pa'o// gang rlom zhing sems pa med pa de gzung ba med pa'o// gang gzung ba med pa de chag pa med pa'o// gang chag pa med pa de dngos po med pa'o// gang dngos po med pa/ shes pa med pa'o// gang shes pa med pa de tshu rol dang pha rol tu'o// gang tshur rol dang pha rol pa de brjod du med pa'o// gang brjod du med pa de dngos po med pa'o// gang dngos po med pa de 'byung ba med pa de 'gog pa med pa'o/ / gang 'gog pa med pa de yi ge med pa'o// gang yi ge med pa de dus gsum dang skad cig mar bral ba'o// gang dus gsum dang skad cig mar b ral ba de so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa dang ldan pa'i gang byang chub sems dpas bdud thams cad kyi lam la yongs su sbyong bar byed do/ / gzhan yang sgra kun tu 'tsho ba gang byang chub sems dpa' nyan thos dang / rang sangs rgyas kyi theg pa la reg par mi byed de/ 'dus byas kyi chos la snyems pa med cing reg par mi byed 'di lta ste dper na/ nam mkha' dang chos thams cad la snyems pa med cing reg pa med pa de ltar de bzhin du/ byang chub sems dpa'i chos la snyems pa med cing reg pa med

  246. 124a

    de nas las kyi sgrib pa rnam par sbyong bar byed do/ / 'di ston pa bstan pa'i tshe/ chu bo gang+gA'i bye ma snyed kyi las sngon byas pa'i mu stegs can gzhan so sor yang dag par spyod pa'i tshul nam mkha' la 'gro ba'i 'od kyis 'dul ba'i bzod pa zhes bya ba so sor thob par gyur to/ / chu bo gang+gA bdun gyi bye ma rnyed kyi mu stegs can gzhan bla na med pa yang dag par rdzogs pa'i byang chub tu sem bskyed par gyur to/ / phyir mi ldog pa'i sa thob par gyur to// de nas bcom ldan 'das kyis bdud spong ba kun tu rgyal bka' stsal pa/ bdud spong ba gang khyim gyi gnas nas byu ba ste/ thar pa la mngon par brtson pa'i rkyen gyis chos dang chos nyid kyi rjes su rab tu mi shes so// yongs su grol ba med do// skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa'i rnams yongs su thar pa med do// phung po dang / khams dang / skye mched rnams rtag tu phyi ma'i mtha' 'khor ba'i chu klung rtag tu 'bab bo// ci 'dra ba'i yi dam gyis na rkyen gyis rab tu mi shes/ 'di lta ste/ de bzhin du khyod kyi gzugs dka' thub dang / brtul zhugs dang / tshangs par spyod pa'i 'bras bu med pa/ 'phags pa la spong pa ni ji ltar la la gos med pa dang / la la gos bor ba dang / la la rus pa'i rdul gyis byugs pa dang / la la thal bas byugs pa dang / la la sngog tshas byugs pa dang / la la khu chu byung bas byugs bdag

  247. 124b

    la la bad kan gyis byugs pa dang / la la nyal nyil gyis byugs pas 'khod do// la la sgri'i snam bu gyon to// la la bal gyi snam bu dang / la la smyig ma'i gos dang / la la rtswa'i 'dab ma'i gos dang / la la dur khrod pa'i gos dang / la la ming mkhan tsam gyi gos dang / la la bya'i gos dang / la la ba glang gi gling bu dang / la la phyag dar khrod kyi gos dang / la la pags pa dang / rnying pa'i gos gyon no/ / la la tshed ma za bar 'gyur ro// la la nas za ba dang / nas las byas pa za ba dang / spun pa za ba dang / bya za ba dang / ri dgas za ba dang / dug za ba dang / mar za ba dang / 'bras bu za ba dang / rtsa ba za ba dang / shun lpags za ba dang 'dab ma za ba dang / me tog za ba dang / la la yang 'bras bu'i ro za ba dang / la la pad+mo'i rtsa ba'i tshal pa za ba dang / rlung za ba dang / pags pa za ba dang khrag za ba dang / la la yang ngan skyugs skam po za bar 'gyur ba de nyin mtshan shin du gtong bar byed do// la la de bzhin du sa khar za ba len pa med cing lag pas ma yin/ khas ma yin/ lhung bzed las ma yin/ 'breng bus ma yin/ gtun bu'i bar las ma yin/ rtswa las ma yin zhing / nying rum las za ba so sor len pa med do// rje'u rigs kyi lag pa nas za ba so sor len pa med do// bram ze'i lag pa nas ma yin/ mtha' med pa'i lag pa nas ma yin/ byol song gi skye gnas kyi kha nas ma yin/ chu bor las ma yin/ sa la bzhag pa las ma yin/ ri'i kha las ma yin/ snod gcig

  248. 125a

    tu gnyis za ba ma yin/ bza' ba lag pas len pa med do// la la gsher ba las zab med do// gang la bud med sbrum pa med pa dang / gang na khyi gnas pa med pa dang / gang na cho ga med pa dang / gang na sbrang ma rgyu ba 'di la za ba med do// btsun pa khyod kyi phyir gang su zhig gis mchod ston de ltar byas so zhes de bzhin smras pa 'di zos pa med do// mar med pa dang / sha med pa dang / sgog pa med pa tshong kar byas te zos pa med do// 'chang 'thungs pa med do// sbrang rtsi dang / bu ram dang / rgun chang dang / mar 'thung zhing zas dang skom gzhan len pa yang med do/ / khyim gcig tu thams cad za'o// la la yang ril po gcig gis nyin mtshan shin tu gtong bar byed/ la la yang ril po gnyis las bdun gyi bar du nyin mtshan shin tu gtong bar byed/ la la yang ril po gcig gis nyin mtshan shin tu gtong bar byed/ la la nyin mtshan gsum dang / la la bzhi dang / la la lnga dang / la la drug dang / la la nyin mtshan bdun gyis shin tu gtong bar byed/ la la yang slong ba gcig gis nyin mtshan shin tu gtong bar byed/ la la gnyis dang gsum nas bdun gyi bar du slong bas nyin mtshan shin tu gtong bar byed/ la la tsher ma'i nang du mal byed pa dang / la la zhing gi rol dang / la la rus pa dang // la la thal ba dang / la la gram bu dang / la la rdo ba dang / la la gtun bu'i sdug bsngal gyi nang du mal byed par 'gyur ro// la la stan gyis

  249. 125b

    yongs su bskor ba dang / la la lag pa gyen du nyin mtshan shin tu gtong bar byed/ la la lag pa yan lag 'jus shing nyin mtshan shin tu gtong bar byed/ la la sgra dang / ag chom dang / la la rkang pa'i yan lag la 'jus shing nyin mtshan shin tu gtong bar byed/ la la chu'i nang du zhugs te/ nyin mtshan shin tu gtong bar byed/ la la rkang pa gcig gis zla ba ston pa na/ nyin mtshan shin tu gtong bar byed/ nyi mas skems pa na/ nyin mtshan lngas shin tu gtong bar byed/ la la sgra dang ag tsom 'thog pa dang ldan pas/ nyin mtshan shin tu gtong bar byed/ la la ral pa yang 'dzin par byed/ chu yang 'dzin par byed/ dbyig pa gsum spyod par byed/ la li ri la lhung bar byed/ la la me la lhung bar byed/ la la chu la 'jug par byed/ la la ri dang shing dang / lteng ka'i lha zan la phyag bya bas nyin mtshan shin tu gtong bar byed/ la la byol song gi skye gnas kyi brtul zhugs kyis nyin mtshan shin tu gtong bar byed/ sdig pa spong ba khyod kyis gzugs de bzhin du dka' thub dang / brtul zhugs dang / tshangs par spyod pa la gnas pa// phyogs dang mi mthun pa'i mya ngan las 'das shing 'phags pa smod gor chags/ btsun pa bcom ldan 'das de bzhin no// bcom ldan 'das kyis bka' stsal pa/ sdig pa spong ba khyod thar pa la yang phyogs dang mi mthun pa'i mya ngan las 'das pas 'phags pa la smod pa ni 'di lta ste/ 'dri mas dri ma bkrus pa dang / dmar pos

  250. 126a

    @dmar po bkrus pa dang / mun pas mun pa la zhugs pa dang / dug gis dug zos pa dang / tshig pas me'i nang du bcug pa de ltar de bzhin du khyod sdug bsngal mya ngan las 'das pa'i thar pa la brtson pas/ nyon mongs pa'i thal ba bya ba'i phyir/ khyod kyi gzugs de bzhin du mchog tu dka' ba spyod pa bdag la gnod pa'i rjes su sbyor bar 'gyur ro// phyi phyir yang nyon mongs pa sdug pos bcings shing btags par 'gyur ro/ / sdig pa spong ba bdag ni grangs med pa'i bskal pa las shin tu 'dos pa dang / shin tu grangs med tshad med pa'i rnam par rgyas par mngon par shes so// / gang bdag de'i dus de'i tshe na/ rnyog pa lnga'i sangs rgyas kyi zhing gi rgyal po bsod nams kyi 'od zer gyi mdzod ces bya ba dang / dbu ma'i gling bzhi dang / 'dzam bu'i gling gi dbang po yang lo stong gi bar du skye bar 'gyur ro/ / de'i tshe na yang sems can rnams shin tu rga shi'i bgegs su gyur to// de'i tshe na sangs rgyas 'byung ba med pa dang / sangs rgyas kyi bstan pa med pas/ yang de'i tshe na rang sangs rgyas su gyur pa yang med do/ / drang srong yang med de phyi ma'i dus na bdag dgon pa dang nags 'dabs nas 'byung bar gyur to// la la lha'i bya ba kha dog bzhi dang / lus kyi stobs dang lhan cig pa skyil mo krung bcas pa de la bdag dang / sems can bye ba khrag khrig brgya stong mang po blta bar gyur to// zla ba dang nyi mas bstod pa de la bdag gis dris pa gang bdag gis gzung zhing btang ste/

  251. 126b

    dgon pa dang nags 'dab du spyod cig ces khyod la ston pa su/ des smras pa/ bdag ni rga shi'i bgegs so// shu ba yongs su bzung ba dang / nad yongs su bzung ba dang / zug rngus yongs su bzung ba ste/ yongs su bzung bde thams cad bdag gis gtong ba dang / nags 'dab tu thar pa'i thabs mi shes pas nyin mtshan shin tu gtong bar 'gyur ro// de la bdag gis dri ba dris pa khyod la ston pa su/ des smras pa/ nyi ma dang zla ba gnyis bdag gis bstan te/ rga shi 'byung ba la bstan par yang mi shes so// bdag de ltar sems bskyed pas bdag gis sems can yongs su smin par 'gyur ro/ / bdag gang na bla na med pa yang dag par rdzogs pa'i byang chub mngon par 'tshang rgya/ gang bdag ni sems can rnams kyi lam 'di mthong ba yang med do// / bdag ni ma 'ongs pa'i dus na sgrib pa med pa'i ye shes rnam par grol ba'i las sgrib pa yang med do// bdag de las phyir log ste/ rang rgyal po'i pho brang du zhugs te/ bdag gis bud med kyi rtse ba'i rang bzhin thams cad spangs shing rgyal po'i dgos pa thams cad bor te/ nyin mtshan bdun du kha zas med par so so nas bsdus te thim pa gcig tu spyod par 'gyur ro// bdag de bzhin du smon lam bskyed do/ / gal te bdag sangs rgyas bye ba khrag khrig brgya stong mang po'i mdun du dge ba'i rtsa ba skyed pa ni/ bla na med pa yang dag par rdzogs pa'i byang chub tu bsngos par 'gyur ro//

  252. 127a

    de 'di sangs rgyas bcom ldan 'das dag dgongs shing / bdag ni gang phyogs bcu'i tshad med grangs med pa'i 'jig rten gyi khams gnas so// 'tsho'o// skyong ngo // snying rje chen po dang ldan pa'i sems can rnams la chos ston to/ / sangs rgyas bcom ldan 'das de'i sgrib pa med pa'i ye shes ston cing / bdag gi re ba yongs su rdzogs par byed/ ji ltar bdag de 'dra ba'i nye bar len pa rnyed par gyur pa gang gi thabs kyis/ gang la bdag da ltar sems can rnams kyi gnyen du gyur/ sems can rnams rga shi'i lam mthong bar gyur/ gal te bdag sangs rgyas bcom ldan 'das kyi dgongs pa med pa de ltar bdag zas dang / skom yongs su mi za ba nas bkres shing skom pas shi bar byas pa'i bar du mnar med pa'i dmyal ba chen po mi bzad par drag cing tsha ba'i sdug bsngal gyi tshor ba rnams tshor bar 'gyur zhing / sems can thams cad phyi ma'i mtha' la thug gi bar du 'khor ba ni chung ngu na/ sems can gcig kyang 'khor ba las sgrol ba med do// bdag kyang dmyal ba las yongs su sgrol ba med pa ni/ gang sngon gyi mtha' la thug pa dang / phyi ma'i mtha' la thug pa'i sems can rnams nyon mongs pa skye ba dang / sdug bsngal skye ba dang / sems can gyi sgrib pa dang / nyon mongs pa'i sgrib pa dang / las kyi sgrib pa dang / chos kyi sgrib pa bor bar 'gyur ro// yongs su smin pa med pa dang / nyams pa med pa yod pas/ ngan 'gro gsum gyi chos

  253. 127b

    rnam par smin pa de dag tham cad sems can rnams kyis dka' bar byas pa bdag gi lus dmyal bar skyes pas rnam par smin par 'gyur ro/ / gang yang phyi ma'i mtha' la thug pa'i sems can rnams ngan pag/ byas pa'i las bor te/ de yang bdag gi lus de ltar mnar med par skyes pa rnam par smin par 'gyur/ gang bdag gis dge ba bsags pa de sems can rnams dge ba'i las mngon par byed par bdag gi bsngos so/ / ji ltar sems can thams cad 'jigs pa med pa'i khang par gnas pa med par gyur pa de ltar bdag mnar med pa'i dmyal ba chen po las yongs su grol ba med do// sdig pa spong ba de nyin mtshan bdun du kha zas med par smon lam gyi khyad par spyod do/ / de'i dus na sdig pa spong ba byang phyogs su song ste/ sangs rgyas kyi zhing bye ba las shin tu 'das par gyur to// de la rnyog pa lnga'i sangs rgyas kyi zhing dge ba zhes bya ba'i sangs rgyas kyi zhing du gyur to/ / de la sangs rgyas bcom ldan 'das bzod pa'i mchog dpal brtsegs pa'i rgyal po zhes bya ba gnas so// 'tsho'o// skyong ngo // de theg pa gsum gyi chos rnams kyang 'chad do// de nas bcom ldan 'das de bzhin gshegs pa bzod pa'i mchog dpal gyi phung po'i rgyal pos/ byang chub sems dpa' gzi brjid dri ma med pa'i 'od dang / byang chub sems dpa' de dag la bka' stsal pa/ rigs kyi bu khyod lho phyogs kyi sangs rgyas kyi zhing bye ba dgu bcu rtsa gnyis kyi sangs rgyas kyi zhing 'di las 'das te song

  254. 128a

    shig dang / de nas sangs rgyas kyi zhing rab tu rnam par phye ba zhes bya ba ni/ gling bzhi pa'i dbus kyi rgyal po bsod nams 'od zer gyi mdzod ces bya ba zhig yod kyis/ de la me tog ban// du'i chun po 'di gnyis byin te/ bzod pa'i chos kyi gzhung 'di khrol cig/ nam mkha'i mdog gi sngags kyi tshig 'di rjod cig dang / sngags kyi tshig nges rgyal po de yang dag par spyod pa'i tshul nam mkha'i mdog gis 'dul ba'i bzod pa thobabo/ / bzod pa des rgyal po de dang / sems can thams cad kyi nyon mongs pa skye ba dang / sdug bsngal skye ba dang / sems can gyi sgrib pa dang / nyon mongs pa'i sgrib pa dang / chos kyi sgrib pa dang / las dang nyon mongs pa'i sgrib pa rab 'bring dang / tha ma ma lus par yongs su zad par 'gyur ro// rgyal po de yang sems can bye ba khrag khrig brgya stong dge ba'i bshes gnyen du lam ston pa bstan par gyur to/ / rgyal po de yang sems can bye ba khrag khrig brgya stong theg pa gsum gyi yongs su smin cing / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar byed do/ / de dag dang byang chub sems dpa' gzi brjid dri ma med pa'i 'od chen po dang / lha dang dri za 'khor thams cad dang ldan pa de yang / bzod pa'i mchog dpal gyi phung po'i rgyal po de la phyir mnyan nas/ de bzhin gshegs pa bzod pa'i mchog dpal gyi phung po'i rgyal pos bka' stsal pa/ rigs kyi bu rgyal po bsod nams 'od zer gyi mdzod de la 'di skad ces

  255. 128b

    smros shig/ rgyal po chen po ji ltar rang bzhin gyis nyon mongs pa med pa'i chos kyi dbyings gnyis su med pa'i chos kyi sgros yongs su shes par bya ba de ltar/ mig gi gzugs kyi sgo 'phos pa med cing / rnam par phye ba med pa gnyis su med pa ston par 'gyur ba nas/ yid kyi rnam par shes pa'i bar du 'phos pa med cing / rnam par phye ba med pa gnyis su med par ston par 'gyur ro// ci'i phyir zhe na/ chos thams cad sems can med pa ni sems can dang bral ba'o// chos thams cad srog med pa ni srog gi sgras bstan pa'o// chos thams cad gso ba med pa ni gso ba'i sgras bskyed pa'o/ / chos thams cad gang zag med pa ni/ gang zag gi sgras rnam par brjod pa'o// chos thams cad bsam gyis mi khyab pa ni/ bsam gyis mi khyab pa dang bral ba'o// chos thams cad 'dod chags dang bral ba'i mtha' ni dngos po med pa'o/ / chos thams cad nyes pa med pa ni rim dang bral ba'o// chos thams cad gti mug med pa ni lus dang bral ba'o// chos thams cad gnas pa med pa ni gnas par dmigs pa med pa'o/ / chos thams cad gnas med pa ni nam mkha'i rang bzhin lta bu'o// chos thams cad gsog ni yul la dmigs pa med pa'o// chos thams cad gso ba ni nyon mongs pa dang bral ba'o/ / chos thams cad 'gro ba ni byed pa po dang bral ba'o// chos thams cad blang ba med pa ni sems pa dang bral ba'o// chos thams cad rlom sems med pa ni sgyu

  256. 129a

    ma dang bral ba'o/ / chos thams cad spros pa med pa ni lus dang ngag dang yid kyi 'du byed dang bral ba'o// tad+ya thA/ bo de ni bdi ni bi di ni/ ba ni zhi ba ni Din pa ni rI ni traitritr-iSh+Ta ni triSh+Tha ni triSh+Ta ni/ u pA da ni u pA da ni u pA da ni/ nA pi ni nA pi ni nA bi ni/ mu dzi ni mu dzi ni mudz+ri ni/ a r-iSh+Ta ba riSh+Ta he taM gra ma/ mA gu sho ts+ra/ d+hi ri d+hi ri/ d+haSh+Te prad+haSh+Te/ u ru kAn te gam b+ha re/ a brta ni/ brta ni/ me bA A brta ni/ i hA ni/ brta ni/ kan te/ sarba kAn te/ hri da ya kAn te/ bi re dze/ bA ra dze/ bA ra dze/ ba ra ba ri dze/ skan d+he ba me/ a da ba ma a ya ta na ra he ba ru sa ra/ darma pal+lu/ d+harma ra dze ra/ pre k+Shi tre swA hA/ sems can ngan pa rnams lta ba dang 'dul ba'i phyir 'gro'o// bcom ldan 'das kyi bka' stsal pa/ rigs kyi bu gang gis dus la dbab par shes na song shig/ de nas byang chub sems dpa' de dag dang / byang chub sems dpa ba gzi brjid dri ma med pa'i 'od la me tog ban du'i chun po gnyis po skra'i ral pa la btags te/ rigs kyi bu stong phrag dgu bcu rtsa lnga dang lhan cig tu/ de bzhin gshegs pa dpal gyi phung po de la rkang pa gnyis sa la btsugs te/ spyi bos phyag 'tshal nas g.yas phyogs nas lan gsum bskor ba byas te/ yud tsam gyis sangs rgyas kyi zhing shin tu rnam par che ba nas/ grong khyer gang la gling bzhi pa'i dbus kyi rgyal po de 'dug pa der nye bar byin nas

  257. 129b

    de nub bdun pa'i tha ma la/ de dag gi mdun na 'dug par gyur nas/ de dag la ltas te 'di skad ces smras so// rgyal po chen po tshur spyon/ rgyal po chen po legs so// byang phyogs kyi sangs rgyas kyi zhing bye ba phrag dgu bcu rtsa gnyis kyi sangs rgyas kyi zhing 'di las 'das pa de na/ 'jig rten gyi khams bzod pa zhes bya ba yod de/ de na de bzhin gshegs pa bzod pa'i mchog dpal gyi phung ngozhe rgyal po zhes bya ba dgra bcom pa yang dag par rdzogs pa'i sangs rgyas bzhugs shing 'tsho skyong la chos kyang ston to/ / de bzhin gshegs pa de chos kyi gzhung 'di bstan pa'i phyir/ bdag cag khyod kyi gan du btang ngo / / rgyal po chen po ji ltar chos thams cad kyi dbyings rang bzhin gyi nyon mongs pa med pa gnyis su med pa'i sgos yongs su shes par bya zhing / chos kyi dbyings ji lta ba de ltar bdag gi khams dang / de ltar sems can gyi khams kyang gnyis su med pa'i sgos yongs su shes par bya'o// de ltar mig gis gzugs kyi sgo la yang 'phos pa med cing rnam par phye/ pab med pa gnyis su med pa'i chos ston par 'gyur ba nas/ yid kyi rnam par shes pa'i sgo'i bar du 'phos pa med cing rnam par phye ba med pa gnyis su med pa'i chos ston par 'gyur ro// de ci'i phyir zhe na/ rgyal po chen po chos thams cad sems can med pa ni/ sems can dang bral ba'o// chos thams cad srog med pa ni srog gi sgras bstan pa nas// chos thams cad spros pa med pa

  258. 130a

    nI lus dang ngag dang / yid kyi 'du byed dang bral ba'i bar du'o// tad+ya thA/ be di ni be di ni be di ni/ pa na DI ni pana? Di ni pan Di ni/ tri b+ha ni triSh+Ta ni triSh+Na ni/ u pA da ni u pA da ni u pA da ni/ nA di ni nA bi ni nA bi ni/ mu dzi ni mu dzi no mu dzi ni/ a riSh+TA ba niSh+Ta he tang gra ma/ mA hu sho tsa/ d+hi ri d+hi ri/ d+haSh+Te prang+gaSh+Te/ u ru kAn te/ gam b+he re/ A brta ni/ brta ni/ me bA A bar+t+ta nI/ i ha ni/ ba ni/ kAn te/ sarba kAn te/ hri da ya kAn te Shi ra dzi/ bA ra dza/ ba ra dze/ ba ra ba ri dz+re/ skan d+hA ba me/ e d+ha ba me/ a yata nar he ba shra sa re/ darba palgu/ d+harma ra dze ra/ pre k+Shi te swA hA/ rgyal po bsod nams kyi 'od zer mdzod la sems can de dag gi sngags kyi tshig 'di dag brjod ma thag tu de nas de nyid kyi tshe na/ sangs rgyas kyi zhing shin tu rnam par phye ba lan drug tu g.yos so/ / sil snyan bye ba khrag khrig brgya stong ma brdabs par rang 'khrol lo// lha rdzas kyi me tog dang / spos kyi phye ma'i char yang bab bo// sangs rgyas kyi zhing de na lha dang mi thams cad kun tu dga' ste ba spu'i khung bu g.yos shing / rga shi las thar par bsams par gyur to// de dag kyang bdag gi lus las me tog ban du'i thor tshugs bkrol te/ rgyal po bsod nams 'od zer gyi mdzod la phul nas smras so/ / de bzhin gshegs pa des me tog ban du btang zhing / mu stegs can sgrib pa'i phyir na mkha'i mdog gi bzod pa'i sngags kyi tshig brjod pa

  259. 130b

    'di dag kyang btang ngo / / rgyal po chen po khyod sngags kyi tshig 'di sgoms shig dang / rgyal po chen po sngags kyi tshig 'di dag gis/ yang dag par spyod pa'i tshul nam mkha'i mdog gis 'dul ba'i bzod pa thob par 'gyur ro/ / rgyal po chen po khyod bzod pa des sems can gyi sgrib pa dang / 'khrug pa dang / nyon mongs pa'i sgrib pa dang / las kyi sgrib pa dang / chos kyi sgrib pa dang / nyon mongs pa'i lA kyi sgrib pa rab 'bring dang / tha ma thams cad ma lus par yongs su zad par 'gyur ro// rgyal po chen po khyod kyang sems can bye ba khrag khrig brgya stong mang po la dge ba'i bshes gnyen du lam bstan pa ston par 'gyur ro/ / rgyal po chen po khyod sems can bye ba khrag khrig brgya stong grangs med pa mang po la theg pa gsum gyis yongs su smin par 'gyur zhing / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / de dag gi tshig ngas thos pas/ mchog tu mgu rangs rab tu dga' zhing yid bde ba skyes par gyur nas/ byang chub sems dpa' de dag la me tog dang / phreng ba dang / dri dang / spos dang / byug pa dang / gdugs dang / rgyal mtshan dang / ba dan dang / rol mo bkrol ba mchog tu rgya che ba rnam pa sna tshogs kyis de dag la mchod pa byas nas/ rkang pa gnyis sa la btsugs te spyi bos phyag 'tshal nas/ me tog ban du'i chun po de gnyis blangs te nga'i ral pa la

  260. 131a

    btags nas/ rnam pa 'di lta bu'i brtson 'grus kyi rang bzhin mchog tu rgya che ba'i stobs dang / mthu dang dran pa yang thob bo// ji ltar bkres pa dang / sgom pa tham/ cad kyis thams cad rgyun bcad nas/ byang chub sems dpa' de dag gi mdun du chos mnyan pa'i phyir 'dug pas/ de mchog tu dga' bar gyur to// rnam la de lta bu'i brtson 'grus kyis yang dag par spyod pa'i tshul nam mkha'i mdog gis 'dul ba'i bzod pa bsgom par 'gyur ba ni gang zhes byas pa dang / de dag gis smras pa/ rgyal po chen po chos bzhi dang ldan na/ rigs kyi bu bzod bsgom par byed do/ / bzhi gang zhe na/ phung po dang / khams dang skye mched la rten pa med pa dang / snying rje chen po'i thabs la mkhas pa rgyun mi gcod pa dang / rtag pa dang chad pa med pa dang / nyan thos dang / rang sangs rgyas kyi theg pa la mi 'dod pa dang / tshul cig gis chos thams cad nam mkha'i rang bzhin lta bur shes pa ste/ rigs kyi bu chos 'di bzhi dang ldan na/ yang dag par spyod pa'i tshul nam mkha'i mdog gis 'dul ba'i bzod pa 'di thob bo// 'di la lung bstan pa ni rgyal po de stan de la 'dug ste/ rigs dang mthun pa'i sgo nas 'od zer 'byung ba'i bzod pa thob par gyur nas/ byang chub sems dpa' de dag la rkang pa gnyis sa la btsugs te/ spyi bos phyag 'tshal nas mchod pa sna tshogs byas te/ g.yas

  261. 131b

    phyogs nas lan gsum bskor ba byas nas 'dug go/ / byang chub sems dpa' de dag kyang rang rang gi sangs rgyas kyi zhing du yang dag par zhugs so// de nas ngas zhang blon dang blon po dang / zhabs 'bring ba 'khor la shes par byas pa/ nga nyin zhag bdun du srid dang phyug po dang / longs spyod dang / kun tu spyod pa dang / khyim pa'i mtshan ma thams cad spangs te/ dka' thub kyi nags tshal du 'gro zhing / rga shi'i pha rol tu 'gro bar grogs po dag shes par gyis shig/ de skad ces bka' stsal pa dang / zhang blon dang / blon po dang / zhabs 'bring ba'i 'khor des 'di skad ces gsol to/ / rab tu byung ba'i lha'i dus de ni de ltar ma lags so// de ci'i slad du zhe na/ gang sems can bye ba khrag khrig brgya stong mang po de dag rga shi'i 'jigs pra/ dka' thub kyi nags tshal du dong ste/ bstan pa rnams la dmigs par yang mi 'gyur ro// gang la la sems can cig kyang 'phags pa bla ma'i mi'i chos kyi khyad par ma lus par khong du chud pa yang med do/ / ngas yang 'di skad ces smras so// da ni sems can thams cad kyi bstan par 'gyur zhing / rga shi'i pha rol gyi lam ston pa'o// ngas sems can thams cad bod pa'i phyir tshig 'di brjod ma thag tu de nas de nyid kyi tshe na/ stong gsum gyi stong chen po'i sa lan du ma g.yos so// lha bye ba khrag khrig brgya stong mang pos kyang legs so zhes bya ba byin no// lha rdzas kyi rol mo brdung ba

  262. 132a

    bye ba khrag khrig brgya skyong rab tu 'khrol lo/ / lha rdzas kyi me tog dang / spos dang / dri dang / phye ma dang / byug pa'i char sna tshogs rab tu bab nas/ lnga bye ba khrag khrig mang popos mgrin gcig tu 'di skad ces gsol to/ / skyes bu dam pa khyod kyis rnam pa de lta bu'i rtsal chen po bya bar nus shing skyes bu dam pa khyod kyis legs par bshad pa legs so legs so// skyes bu dam pa khyod dang bdag cag ni byams pa'i rjes su 'brang ba'i grogs por 'gyur ro// de ltar skyes bu dam pa khyod rga shi'i pha rol gyi lam bstan pa ston par gyur cig/ sdig pa spong ba de ni zhag bdun pa gnyis kyi bar du dben pas rje su rtog cing gnas pas/ zhag bdun na de dag gis yang dag par spyod pa'i tshul nam mkha'i mdog gis 'dul ba'i bzod pa 'di thob par gyur to// zhag bdun pa de las shin tu 'das nas/ gnod sbyin bye ba mang po sangs rgyas kyi zhing shin tu rnam par bye ba thams cad du sgra 'byin par gyur to// dbyangs kyi rjes su nyan par gyur to// sems can rnams la skyo ba skyed par byed pa ni/ kye sems can rnams longs shig/ gling bzhi pa'i dbus kyi rgyal po bsod nams 'od zer gyi mdzod gang na ba der nye bar song shig dang / de zhag bdun na byung ste dka' thub kyi nags tshal du song nas/ sems can rnams la rga shi'i pha rol tu 'gro ba zhi pa'i lam ston par 'gyur ro// de nga ni mkhar gyi rgyal po drug cu rtsa bzhi dang / bu dang bcas pa dang

  263. 132b

    mkhar gyi rgyal po'i bu khrag khrig dgu bcu gnyis dang / bgrang ba las shin tu 'das pa'i sems can dang lhan cig tu nyi ma bdun pa de las shin tu 'das nas byung ste/ khyim gyi longs spyod dang / rab tu spyad pa thams cad dang / khyim pa'i mtshan ma thams cad spangs shing sgra dang kha spu bregs nas/ me tog ban tu ji snyed pa ral pa la btags te gos kha dog bsgyur ba gyon nas dka' thub kyi nags tshal du dong ste/ de yang de la gnas nas bgrang ba las shin tu 'das pa'i sems can rnams la yang dag par spyod pa'i tshul nam mkha'i mdog gis 'dul ba'i bzod pa 'di bsgom pa'i lam ston to/ / sems can bye ba khrag khrig brgya stong mang po yun mi ring bas/ yang dag par spyod pa'i tshul nam mkha'i mdog gis 'dul ba'i bzod pa 'di thob par gyur to// de na dra ba grang ba las shin tu 'das pa'i sems can rnams nyan thos kyi theg pa la sbyor bar gyur to/ / de na ngas bgrang ba las shin tu 'das pa'i sems can rnams rang sangs rgyas kyi theg pa la sbyor bar gyur to/ / bgrang ba las shin tu 'das pa'i sems can rnams lha dang mi la sbyor bar gyur to// des bgrang ba las shin tu 'das pa'i sems can rnams phyogs bcu'i sangs rgyas bcom ldan 'das la bsnyen bkur bar gyur to/ / de na sangs rgyas bcom ldan 'das de dag gi spyan sngar ngas rnam pa 'di lta bu'i smon lam btab ste/ bdag da ltar sangs rgyas kyi zhing shin tu rnam par phye ba na/

  264. 133a

    sems can rnams rga shi'i pha rol tu 'gro ba'i bzod pa'i lam ston cig/ phyogs bcu'i nyon mongs pa dang / rnyog pa lnga'i sangs rgyas kyi zhing chu bo gang+gA'i bye ma snyed na/ sems can rnams rga shi'i pha rol tu 'gro ba'i bzod pa'i lam bstan par bya'o// sdig pa spong ba ji ltar yang nga rnam pa de lta bu'i spyod lam la brtson pa 'dis rtsal chen po byis par gyur to/ / de bzhin du bskal ba bar ma bdun las shin tu 'das pas phyogs bcu kun nas nyon mongs pa dang / rnyog pa lnga'i sangs rgyas kyi zhing chu bo gang ga'i bye ma snyed thams cad du kun tu rgyu'i cha byad kyis rnam pa de lta bu'i rtsal chen po byas so/ / ngas sangs rgyas kyi zhing re re la bgrang ba las shin tu 'das pa'i sems can rnams yang dag par spyod pa'i tshul nam mkha'i mdog gis 'dul ba'i bzod pa la bkod do/ / ngas bgrang ba las shin tu 'das pa'i sems can rnams byang chub kyi sems su sbyor bar gyur to// de bzhin du nyan thos kyi theg pa dang / rang sangs rgyas kyi theg ba dang / lha dang mi'i theg pa la sbyor bar gyur to// sdig pa spong ba dang bskal pa bar ma bdun gyis phyogs bcu'i stong pa dang / rnyog pa lnga'i sangs rgyas kyi zhing chu bo gang+gA'i bye ma snyed kyi sangs rgyas kyi zhing 'di re re la kun tu rgyu'i cha byad kyis/ rnam pa de lta bu'i rtsal chen po byas te/ phyis gling bzhi pa de dag tu bdud du gyur to// de na sems can la la'i mdun du tshangs pa'i gzugs kyis 'dug

  265. 133b

    par gyur pa ni/ de dag rtag par lta ba log par gzung ba las thar par bya ste/ la la brgya byin gyi gzugs dang / la la zla ba dang / nyi ma dang / dbang phyug gi gzugs nas/ la la 'od 'gro ba'i phung po'i bar du gzugs kyis mdun du 'dug par gyur to/ / ngas ji ltar sngon kun tu rgyu'i gzugs kyis yang dag par spyod pa'i tshul nam mkha'i mdog gis 'dul ba'i bzod pa 'di bsgom pa ston cing / ji ltar rang bzhin gyis nyon mongs pa'i chos kyi dbyings gnyis su med pa'i sgos yongs su shes par bya ba dang / bdag gi khams ji lta ba de ltar/ sems can gyi khams gnyis su med pa'i sgos yongs su shes par bya zhing / de ltar mig gi gzugs kyi sgo 'phos pa med cing rnam par phye ba med pa gnyis su med pa'i chos bstan par gyur to// de ci'i phyir zhe na/ chos thams cad sems can med pa ni sems can dang bral ba nas/ chos thams cad spros pa med pa ni/ lus dang ngag dang yid kyi 'du byed dang 'bral bar du'o// rgyal po bsod nams kyi 'od zer gyi mdzod ngas kun tu rgyu'i cha byad kyi rnam pa de lta bu'i bde ba'i lam 'di bsgom pa na/ sems can rnams la yongs su smin par bya ba'i phyir lta ba bskyed do// de'i 'og tu gling bzhi pa chags pa med pa de dag na/ sems can de dag la bdud la la tshangs pa'i gzugs nas me'i kha dog gi bar gyi gzugs kyis nye bar phyin to// sems can mchog tu ma rungs pa'i lta bar song ba

  266. 134a

    de dag la rnam pa de lta bu'i lam ston to/ / la la la 'di skad ces smras so// kye sems can rnams chur shog/ kye sems can rnams legs so// 'khor ba'i la ro/ tu 'gro ba dang / rga shi las thar par bya ba'i phyir khyod dge ba'i rtsa ba la brtson par gyis shig/ khyod 'ba' shig mya ngan las 'da' bar 'gro ba yongs su rdzogs pa'i phyir bdag ni khyod mya ngan las 'da' bar 'gro ba'i lam bstan par 'gyur ro/ / khyod gos med par nyin tshan de dag las yang dag par shin tu 'da' bar byos shig/ de thar pa thob par byos shig/ yang la la la 'di skad ces smras so/ / khyod 'di la grol zhing gos med par 'gyur ba nas/ pags pa'i gos kyi bar du gyon cig/ yang la la la 'di skad ces smras so// kye tshur shog/ lo ma za ba nas ma zhu pa dang / ngan skyugs kyi bar du za bar byos shig/ yang la la la 'di skad ces smras so// kye tshur shog/ khyed cag de bzhin du bum pa'i kha nas zas ma len cig pa nas zas za gcig gi bar du zo cig/ yang la la la 'di skad ces smras so// tshur shog/ khyod slong ba gcig gis nyim tshan yang dag par shin tu 'da' bar byos shig/ yang la la la 'di skad ces smras so// tsher ma'i mal dang stan la 'dug pa nas/ cog pu'i mal gyi bar du byos shig/ yang la la la 'di skad ces smras so// stan spangs par gyur pa nas/ rkang pa gnyis shing gi yal ga la

  267. 134b

    'khyud pa'i bar du nyin mtshan shin tu yang dag par 'da' bar byos shig/ yang la la la 'di skad ces smras so// chur shog khyed cag chu'i nang du zhugs pa nas nyi ma lnga pas yongs su skems pan/ nyin mtshan yang dag par 'da' bar byos shig/ yang la la la 'di skad ces smras so// khyed cag tshur shog skra dang kha spu dregs pa'i rjes su sbyor ba dang ldan pa rnams nyin mtshan yang dag par shin tu 'da' ba nas/ la la chu'i 'dam gcig gi bar du yang 'di ltar slob bo// khyed cag ri bo'i g.yang sa de las bdag rang lhung ba nas/ chu'i bar du lhung bar byos shig/ la la yang de ltar slob tu bcug go/ / khyed cag tshur shog/ ri dang / shing dang / lteng ka'i lha mor phyag 'tshal bar byos shig/ la la gnod sbyin gyi brtul zhugs nas/ byol song gi skye gnas kyi rtul bzhugs kyi bar du slob cing thar pa thob par byos shig/ yang la la la 'di skad ces smras so// tshur shog khyed cag ra ba skor ba la sems can du ma sed la/ des thar pa thob par byos shig/ la la de ltar slob bo// khyed cag 'di la lus sna tshogs bsad pa des thar pa thob par gyur cig/ yang la la la 'di skad ces smras so// mya ngan las 'da' ba khong du chud pa'i lam 'di ni 'di lta ste/ las thams cad zad pa thar pa'o// de ji lta zhes byas na/ ji ltar skyes bu 'dis mi dge ba'i las zad par 'gyur ba de bzhin du bsod nams kyang zad par 'gyur ro// gang gi tshe bsod nams dang

  268. 135a

    sdig pa 'di gnyis kyis ma lus pa yongs su zad par 'gyur ba de'i tshe/ phyis byang chub thob par 'gyur ro// la la la de ltar slob bo// de gnyis sbyor ba dang 'byung bar gyur/ pade thar pa ste/ la la ji ltar slob tu bcug go// dngos po med pade gnyis ni dngos po yod pa ma yin no// gnyis gang zhen/ chos dang chos ma yin pa zhes bya ba ni tshig gi lhag ma'o// lus 'di'i lus gzhan gyis chags pa med pa'i ye shes 'byung bar 'gyur ba de yang de bzhin du thar pa ste/ la la ji tsam pa de ltar slob par byed do// khyod kyis 'di la srog gcad par bya ba dang / ma byin par len pa blang bar bya ba nas/ log par lta ba'i bar du gyur cig ces de skad smra bas 'jig rten nam med do// 'jig rten na dgra bcom pa yang med do// 'jig rten pha rol dang / 'jig rten 'dir yang dag par song ba dang / yang dag par zhugs par bdag mngon par shes nas/ mngon sum du byas pa nye bar bsgrubs te rab tu shes so// bdag gi tshe zad nas tshangs par spyod pa la spyod do/ / bya ba byas so// srid pa kun tu sbyor ba yongs su zad pa'o// yang dag pa'i bka' shin tu rnam par grol ba'i sems so zhes bya ba des thar pa thob par 'gyur ro zhes bya ba nas// grangs can khyod rang bzhin gyis skyes bu de'i ye shes las thar pa thob par 'gyur ro zhes bya ba'i bar du sngon bdud kyis de bzhin du slob tu bcug go// de la rang bzhin zhes bya ba ni 'khor ba'i rgyu

  269. 135b

    rnams skyes bu dang / bdag gi don gzhan ma yin pa'o// de la gang gi tshe rang bzhin gyis bdag tu ti ba dang / rang bzhin gyis bdag tu 'gyur ba de'i tshe/ thar pa thob pa de bzhin du grangs can khyod kyis thar pa'o/ / de bzhin du khyod khyim gyi gnas nas byung zhing / chos dang / chos ma yin pa de nyid du rab tu shes so// des khyed cag thar par mi 'gyur ro zhes bcom ldan 'das kyis kun tu rgyu sdig pa spong ba la bka' stsal ba dang / kun tu rgyus gsol pa/ bcom ldan 'das de bzhin no// bde bar gshegs pa de bzhin no// bcom ldan 'das kyis bka' stsal pa/ sdig pa spong ba gang la la log par lta ba can thar par 'dod par byed pa de yang bdud kyi zhags pas btags par 'gyur ba ni/ nyon mongs pa'i bdud dang / phung po'i bdud dang / 'chi ba'i bdud dang / dbang sgyur ba'i bdud kyi zhags pas btags par 'gyur ro// sdig pa spong ba gang la la bdud bzhi la chags pa de dag gi tshangs par spyod par gnas pa la 'dres pa'o/ / gang dag tshangs par spyod par gnas pa la 'dres pa de dag rtag pa yongs su chad par byas pa/ rga shi'i chu bo bzhis khyer ro// des khyed cag tshangs par spyod pa la gnas pa 'bras bu med cing 'phags pa la smod pa 'di thar pa'i slu bar byos shig/ sdig pa spong ba de la chos dang chos ma yin pa ni/ 'di lta ste/ rtag pa med cing chad pa med pa'o// lus nam mkha' dang

  270. 136a

    mtshungs pa'o/ / nang med cing phyi rol med pa'o// 'du byed thams cad la dmigs pa'o// sems zhes bya ba 'di ni ming tsam mo// nam mkha' kun tu rtog pa'i mtshan nyid la 'jug pa'o/ / dge ba dang mi dge ba'i chos la sems dmigs pa med cing / sems la dge ba dang mi dge ba'i chos dmigs pa yang med do// ji ltar shing la rtog pa med pa de la me tog dang / 'bras bur rtog pa yang med do// de la yang me tog dang // 'bras bu dang shing du rtog par yang mi byed pa de bzhin du/ dngos po dang dngos po med pa 'di dag mi smra bar bya'o/ / gang gi phyir gcig la gcig mi rtog cing / rnam par mi rtog pa des chos thams cad yul med pa'o// chos thams cad gnyis su med cing gnyis lta bur med pa dang / mi rtog cing rnam par mi rtog pa'o/ / tshe dang rlangs pa dang / rnam par shes pa smig rgyu ba lta bur dmigs pa med pa'i tshul dang / brjod du med pa'i yang brjod du med pa'i tshul gyis bsgom par bya'o// chos thams cad bya ba med par 'jug pa ni/ byed pa po dmigs pa med pa las dmigs pa med pa'i tshul gyis bsgom par bya'o// chos thams cad mi shes pa ni/ srog tu dmigs pa las kun tu rtog pa med pa'i tshul gyis bsgom par bya'o/ / chos thams cad dmigs pa med pa ni kun tu dmigs pa'i tshul gyis bsgom par bya'o// chos thams cad dran pa dang bral ba

  271. 136b

    ni dran pa la dmigs pas sgom par bya'o/ / chos thams cad rang bzhin gyis yang dag par zhugs pa can ni/ phyi dang nang gi dmigs pa'i lta ba rnam par spangs pas bzod pa 'di bsgoms shig 'di ni stong pa nyid dang / mtshan ma med pa dang / smon pa med pa'i bzod pa'o// 'di ni lus dang ngag dang yid kyi las kyi 'du byed bag yangs kyi bzod pa'o// 'di ni nyon mongs pa'i dbang rab 'bring dang tha ma bag yang pa'i bzod pa'o/ / 'di ni log par lta ba dang / log pa'i lam thams cad smon lam gyi rnam par chad par byed pa'i bzod pa'o// 'di ni lta ba ngan pa la ma dog pa bsnyen pa dang / lam ngan par zhugs pa dang / bstan pa ngan pa'i yi dam yongs su smin pa'i bzod pa'o// 'di ni lags pa pha rol tu phyin pa'i bzod pa yongs su rdzogs par byed pa'i bzod pa'o/ / 'di ni mngon par shes pa rnam par rtse bar byed pa'i bzod pa 'di ni sangs rgyas kyi zhing grangs med pa na rnam par dpyod pa'i bzod pa'o// 'di ni bcom ldan 'das grangs med pa la bsnyen bkur byed pa'i bzod pa'o/ / 'di ni sangs rgyas bcom ldan 'das gcig la de bzhin du zhu ba grangs med pa yongs su zhu bar byed pa'i bzod pa'o// 'di ni chags pa med pa'i spobs pa grangs med pa la snang bar byed pa'i bzod pa'o/ / 'di ni byang chub kyi phyogs kyi chos sum cu rtsa bdun gyi chos la sgrib pa med pa'i ye shes thob par byed pa'i bzod pa'o// 'di ni

  272. 137a

    bdud bzhi rnam par 'jig pa'i bzod pa'o/ / 'di ni chos kyi 'khor lo 'jug par byed pa'i bzod pa'o// 'di ni mu stegs can dang bcas pa chos kyi gnod par byed pa'i bzod pa'o// 'di ni sangs rgyas kyi dgongs pa ma lus par yongs su thob par byed pa'i bzod pa'o// 'di ni mya ngan las 'da' bar byed pa chen po'i bzod pa'o// 'di ni lus phye mar byed pa'i bzod pa'o// 'di ni rigs kyi bu khyed cag gdon mi za bar nyan par byed pa'i bzod pa'o/ / sngon gyi tshul bstan pa 'di lung ston pa bstan pa na/ mu stegs can gzhan bla na med pa yang dag par rdzogs pa'i byang chub tu sems brtan par byas pa nyi shu rtsa bzhi bzod pa 'di thob par gyur to/ / sngon bla na med pa yang dag par rdzogs pa'i byang chub tu sems ma bskyed pa dgu bcu rtsa gnyis bla na med pa yang dag par rdzogs pa'i byang chub tu sems bskyed pa de las phyir mi ldog par gyur to/ / khrag khrig brgya stong phrag brgyad cu rtsa bzhi rigs dang mthun pa'i bzod pa thob par gyur to// de nas bcom ldan 'das la kun tu 'tsho me tog 'od kyi 'di skad ces gsol to/ / btsun pa bcom ldan 'das dran pa ci 'dra ba la rnal 'byor du bgyi/ dran pa dang ldan pa gang gis rang sangs rgyas kyi theg pa thob par 'gyur/ bcom ldan 'das kyis bka' stsal pa/ kye kun tu 'tsho ci khyod rkyen gyi chos dang chos kyi rjes rab tu mi shes sam/ gsol pa/ btsun pa bcom ldan 'das bshad du gsol/ bcom ldan 'das kyis bka' stsal pa/ kye ci khyod mig mig gi chags

  273. 137b

    sam/ 'on te mig mig gi rnam par shes pas chags sam/ 'on te mig gi rnam par shes pa mig gis chags pa nas/ yid chos kyis chags sam/ 'on te chos yid kyis chags pa'i bar du mngon par shes sam/ gsol pa/ btsun pa bcom ldan 'das mig mig gis chags nas/ chos yid kyis chags pa med pa'i bar du 'tshal lo// bka' stsal pa/ kye khyod 'di la chags pa ni chad par lta bar 'gyur ro// kye skyes bu gang zag gis chad par lta ba ni/ rga shi'i pha rol tu mi 'gro'o// yul bcu gnyis po 'di dag tu song ba ni/ gcig la gcig rkyen gyis rjes su 'brel ba'o// gsol pa/ btsun pa bcom ldan 'das ci kye me tog 'od ces bya ba dang / / mig mig gi rnam par shes pa'i gnas la 'dug pa nas/ bcom ldan 'das kyi ci chos yid kyi rnam par shes pa'i bar gyi gnas la 'jug gam/ me tog 'ong bkye zhes bya ba ni/ skyes bu gang zag gi tha snyad de/ de ni de'i rtag par lta bar 'gyur ro// me tog 'od skyes bu gang zag gi rtag par lta ba ni rga shi'i pha rol tu mi 'gro'o// me tog 'od chos rnams kyi chos nyid yod pa 'di dag mnyan nas/ rab tu gsol pa la mngon par chags pa ni rtag pa dang chad pa med pa'i dbus kyi lam mo// mig brten pa'i gzugs snang bar 'byung ba de la mig dang / rnam par shes pa dang / gzugs rnams 'dres nas dus gsum du 'dres par 'dug go/ mig mig gi rnam par shes pa la 'dres nas/ rus gsum du 'dres shing 'dug pa yang med do// mig

  274. 138a

    gi rnam par shes pa ni gang nas kyang mi 'ong gang du yang mi 'gro'o/ / 'jig pa'i mtshan nyid 'byung ba'i rkyen gyi rjes su nus na 'byung ba dang / rkyen 'gog pa las 'gog pa ni mig gi rnam par she ba'o/ / kye me tog 'od rnam pa de dag ni mig dang gzugs brten pa ste/ mig dang gzugs kyi rten gyis rnam par shes pa la gsum 'dus pa'i rkyen gyis reg par 'gyur ro// reg pa'i rkyen gyis tshor ba nas/ sdug bsngal gyi phung po chen po'i bar du kun tu 'byung bar 'gyur ro// mig 'gags pas gzugs 'gag/ mig dang gzugs 'gags pas mig gi rnam par shes pa 'gag ste/ mig gi/ rnam par shes pa 'gag pa nas sdug bsngal gyi phung po chen po'i bar du 'gag par 'gyur ro// de bzhin du rna ba dang / sna dang / lce dang / lus dang / yid kyi rkyen dang chos kyi rkyen gyis yid kyi rnam par shes par 'byung / las gsum 'dus pa ni reg pa ste/ reg pa'i rkyen gyis tshor ba nas/ sdug bsngal gyi phung po chen po'i bar du kun tu 'byung bar 'gyur ro// yid 'gags shing chos 'gags pas yid kyi rnam par shes pa yang 'gags so/ / yid kyi rnam par shes pa 'gags pas reg pa 'gags pa nas/ sdug bsngal gyi phung po chen po'i bar du 'gags par 'gyur ro// me tog bod dbus kyi lam zhes bya ba ni// byang chub kyi phyogs can gyi ye shes khong du chud par bya ba'i phyir rab tu gsal bar bya ba ste/ bcom ldan 'das kyis 'di bstan pa ston pa na/ kun tu batsho

  275. 138b

    ba me tog 'od dang / mu stegs can gzhan khrag khrig dgu bcu rtsa gnyis dang lhan cig tu rang sangs rgyas kyi theg pa la sems bskyed par gyur to// rang sangs rgyas kyi theg pa la ye shes thob par bya ba'i phyir/ phyir mi ldog pa'i sa yang thob par gyur to// yang bcom ldan 'das kyis sangs rgyas kyi zhing ma lus par sa dang / nam mkhas khyab pa la gnas pa'i 'khor thams cad dang ldan pa la shes par byas pa/ bzhin bzangs 'dir yang dag par lhags pa ji tsam pa nyon cig/ de nas sangs rgyas kyi zhing ma lus par sa dang / nam mkhas khyab pa la gnas pI 'khor thams cad dang ldan pa dang lha dang / dri za dang / mi dang / lha ma yin du bcas pa'i 'jig rten dag thal mo sbyar te/ kha dog dang / gzugs dang / dbyibs sna tshogs dka' thub dang brtul zhugs spyod pa'i spyod lam gyis/ bcom ldan 'das drang srong chen po la blta'o/ / de nas bcom ldan 'das ting nge 'dzin las bzhengs te/ sngon ji lta bu'i sangs rgyas kyi sku gzugs kyis yang dag par mthong nas/ sangs rgyas kyi zhing ma lus par sa dang nam mkhas khyab pa la gnas pa'i 'khor thams cad dang ldan pas lan gsum bskor ba byas te/ mgrin gcig tu gsol pa/ de bzhin gshegs pa dgra bcom pa yang dag pabapar rdzogs pa'i sangs rgyas la phyag 'tshal lo/ / de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo// phyag 'tshal lo// rnam pa de lta bur 'dus pa la

  276. 139a

    theg pa gsum gyis/ sems can yongs su smin to zhes lung chen po bstan pa sngon ma mthong mthos so// yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo le'u dgu pa'o/ / // bcom ldan 'das kyis bka' stsal pa/ gang sngon de bzhin gshegs pa dgra bcom pa yang dag par rdzogs pa'i sangs rgyas su gyur pa gang gis/ nyon mongs pa dang / rnyog pa lnga'i sangs rgyas kyi zhing du byung nas/ sangs rgyas kyi zhing bya ba byas pa'i sangs rgyas bcom ldan 'das de dag thams cad kyis/ sems can rnams la yang dag par spong pa'i tshul nam mkha'i mdog gis 'dul ba'i bzod pa 'di bstan to/ / gang yang ma 'ongs pa'i dus na/ nyon mongs pa dang / rnyog pa lnga'i sangs rgyas kyi zhing du 'byung bar 'gyur zhing / sangs rgyas kyi bya ba byed par 'gyur ba'i sangs rgyas bcom ldan 'das de dag thams cad kyis/ sems can rnams yongs su smin par bya ba'i phyir yang dag par spyod pa'i tshul nam mkha'i mdog gis 'dul ba'i bzod pa 'di ston par 'gyur ro/ / gang yang da ltar gyi sangs rgyas bcom ldan 'das phyogs bcu'i nyon mongs pa dang / rnyog pa lnga'i sangs rgyas kyi zhing tshad med grangs med pa na bzhugs shing 'tsho skyong ste/ sems can rnams la chos ston pa'i sangs rgyas bcom ldan 'das de dag thams cad kyis/ sems can yongs su smin par bya ba'i phyir yang dag par spyod pa'i tshul nam

  277. 139b

    mkha'i mdog gis 'dul ba'i bzod pa 'di ston to/ / bzhin bzangs byang chub sems dpa' rnams kyi dge ba'i rtsa ba spel ba'i phyir bzod pa 'di mang du byed do// byang chub sems dpa' gang gis dag ba'i rtsa ba chen po yongs su sbyang bar byas pa ni sems dpa' chen po zhes bya ste/ 'du byed thams cad las yang dag par shin tu 'das par yang 'gyur ro// sems can rnams yongs su smin par bya ba'i phyir 'du byed thams cad kyi spyod yul du 'gyur zhing / mya ngan las 'da' ba'i yul du song bar yang yang dag par mthong ngo // ngo bo nyid med pa dang / tshig gi lam med pa dang / stong pa nyid dang / dngos po med pa dang / mtshan ma mdo pa dang / mtshan nyid med pa dang / smon pa med pa dang / khams gsum las yang dag par shin tu 'das pa'i chos mtshungs pa nyid du shes te/ dben pa chags pa med pa'i yul du 'gyur zhing / 'du 'dzi'i yul du yang yang dag par mthong ngo // bsam gtan gyi yul la chags par 'gyur zhing / btsun mo'i 'khor gyi dbus kyi yul du song bar yang yang dag par mthong ngo / / mngon par 'du mi byed pa'i yul du 'gyur zhing / yul thams cad kyi spyod yul du yang yang dag par mthong ngo // yul las shin tu bdas par 'gyur zhing / bdud bzhi'i lam gyi yul du yang yang dag par mthong ngo / / 'phags pa'i skye bo'i yul du 'gyur zhing / 'phags pa ma yin pa'i skye bo'i yul du yang yang dag par mthong ngo // 'jig rten gyi yul las

  278. 140a

    yang dag par shin tu 'das par 'gyur zhing / 'jig rten thams cad spyod pa'i yul du yang yang dag par mthong ngo // rnam par shes pa'i yul la spyod yul du 'gyur zhing byis pa thams cad kyi yul du yang yang dag par mthong ngo / / de bzhin du 'di ni yon tan mang po thams cad kyi rjes su ston pa'i bzod pa'o// mngal gyi gnas thams cad las yongs su thar pa na skye ba yang med do/ / rgas pa yang med do// 'chi 'pho yang med do// 'byung ba yang med de/ yid kyi rang bzhin du 'gyur ro// lus kyi sang+yas kyi zhing thams cad na chu zla lta bur yang dag par mthong ngo / / gzugs dang / kha dog dang / mtshan dang / dbyibs sna tshogs kyi spyod lam gyis sems can rnams la chos ston to// sems can rnams yongs su smin par byed do// byang chub sems dpa' sems dpa' chen po rnams sangs rgyas kyi yon tan zab mo bsgrub par bya ba'i phyir/ de bzhin du bzod pa 'di la yon tan mang zhing smon pa mang ngo // gal te byang chub sems dpa'i rna bar bzod pa 'di 'ba' shig yang dag par shin tu gsal bar 'gyur na/ 'du byed thams cad la sems skad cig tu gnas par 'gyur ro// bdag dang gzhan la bzod pas bdag tu dmigs pa med pa nas/ gang zag gi bar du dmigs pa yang med do// ji ltar smra ba de ltar byed pas phan pa'i sems su 'gyur ro// chos thams cad nye bar rtog pas phyir mi ldog pa'i sems su 'gyur ro//

  279. 140b

    sdig pa thams cad mi byed pas dge ba'i sems su 'gyur ro// sems can thams cad kyi khur bkur bas sems chen por gyur gongan 'gro thams cad tshim pas byams pa chen po'i sems su 'gyu ro/ / theg pa gzhan mi 'dod pas zhi ba'i sems dang / nyon mongs pa'i rnyog pa thams cad sel bas nyon mongs pa med pa'i sems dang / rang bzhin gyis rab tu gsal bas rab tu gsal ba'i sems dang / dngos po med pas sgyu ma lta bu'i sems su song bas dngos po med pa'i sems su 'gyur ro// pha rol gyi bdud thams cad kyi rgol ba la g.yo ba med pas brtan pa'i sems su 'gyur ro/ / bzhin bzangs byang chub sems dpa' rnams mnyan pa tsam gyis bzod pa 'di mang du byed na/ sgom pa'i rnal 'byor dang ldan pas lta ci smos te/ tshang bar yongs su rdzogs pa shin tu bsgon pabalta smos kyang ci dgos/ 'di la bstan pa ston pa na/ sems can drug g.yos stong phrag brgyad cu rtsa bzhi bla na med pa yang dag par rdzogs pa'i byang chub tu sems skyes so// nyan thos kyi theg pa dpag tu med pa dang / rang sangs rgyas kyi theg pa dpag tu med pa la skyes par gyur to// de nas gang sngon de bzhin gshegs pa bzod pa'i mchog dpal gyi phung po'i rgyal po des/ rgyal po bsod nams kyi 'od zer de la me tog ban du bskur ba de dag ci 'dra bar gyur ces srog chags mang po de bzhin du sems dang bsam pa skyes so// de nas

  280. 141a

    bcom ldan 'das kyi thugs kyis sems can de dag gi sems so sor rnam par rtog pa mkhyen nas/ 'jam dpal gzhon nur gyur pa la bka' stsal pa/ 'jam dpal// shar phyogs kyi sangs rgyas bcom ldan 'das de dag ji tsam pa lnga rdzas kyi mig sgrib pa med cing ye shes ston pas mthong ngam/ gang ngas sngon rgyal po bsod nams 'od zer gyi mdzod du gyur pas byung ste/ kun tu rgyu'i cha byad kyis sems can yongs su smin par byas so// ngas thog mar bla na med pa yang dag par rdzogs pa'i byang chub tu sems bskyed du bcug go// ngas thams cad kyi thog mar sbyin pa nas/ shes rab kyi bar du sbyor du bcudrug go/ 'jam dpal gyis gsol pa/ bcom ldan 'das ci'i rkyen gyis kun tu 'dri/ bka' stsal pa/ 'jam dpal mngon du bya ba'i phyir ro/ / 'jam dpal gyis gsol pa/ btsun pa bcom ldan 'das ci la yang bya sla ba'i tshad bzung du ma mchis pa ni/ 'di lta ste/ 'di dag ni brgya'o// 'di dag ni stong ngo // 'di dag ni bye ba'o/ / 'di dag ni khrag khrig go/ 'di dag ni btang yas so// 'di dag ni brug g.yos so// 'di dag ni brug g.yos bye ba khrag khrig brgya stong brgya stong ste/ shar phyogs na da ltar sangs rgyas bcom ldan 'das de dag bzhugs shing 'tsho skyong ba sems can rnams la chos kyang ston to/ / sangs rgyas kyi zhing yongs su dag pa dang / yongs su ma dag pa der bzhugs shing chos ston pa

  281. 141b

    khyod kyis/ gang thams cad kyi thog mar bla na med pa yang dag par rdzogs pa'i byang chub tu sems bskyed du bcug go// khyod kyis thams cad kyi thog mar sbyin pa nas shes rab kyi bar du btsud do// btsun pa bcom ldan 'das de bzhin du lho dang / nub dang / byang gi phyogs dang / steng dang 'og gi phyogs su 'di dag ni khrag khrig nas/ thams cad kyi thog mar shes rab la btsud pa'i bar du/ ci la yang bya sla ba'i tshad bzung mi nus so// bcom ldan 'das kyis bka' stsal pa/ 'jam dpal de bzhin du/ shar phyogs kyi sangs rgyas kyi zhing yongs su dag pa dang ma dag pa na shes rab mngon du bya ba'i phyir/ gang ngas thams cad kyi thog mar byang chub tu sems bskyed du 'drug pa dang / btsud pa dang / bkod pa'i sangs rgyas bcom ldan 'das de dag ni/ ngas lha rdzas kyi mig gis mthong ngo / / 'jam dpal khyod kyis yongs su dris pa rgyal po bsod nams kyi 'od zer kun tu rgyu'i cha byad kyis/ sems can rnams la yongs su smin par byas pa ci la yang bya sla ba'i tshad gzung mi nus so/ / yang phyogs bcu'i sangs rgyas kyi zhing yongs su dag pa dang / yongs su ma dag pa'i tha dad pa na da ltar gyis sangs rgyas de dag bzhugs shing 'tsho skyong ngo / / gang rgyal po bsod nams 'od zer gyi mdzod ngas kun tu rgyu'i cha byad kyis/ thams cad kyi thog mar bla na med pa yang dag par rdzogs pa'i byang chub kyi sems su btsud do// bkod do//

  282. 142a

    de bzhin du sbyin pa nas shes rab kyi bar du btsud do// bkod par 'gyur ro// sangs rgyas bcom ldan 'das de dag thams cad sngon bdag gi yo byad shes pa'i rjes su dran pa 'gyur bas/ ji ltar 'khor thams cad dang ldan pa mngon sum du 'gyur na/ sangs rgyas re res kyang bdag la me tog ban du bskur cig/ bcom ldan 'das kyis tshig 'di bshad ma thag tu phyogs bcu ji tsam pa nas/ nam mkha' la me tog dmar po yang ma yin/ mi dmar ba yang ma yin pa'i sprin chen po 'ongs pa mthong nas/ skye bo'i tshogs chen pos ngo mtshar de lta bu 'byung ba 'di cir 'gyur zhes byas pa dang / de nas me tog gi char 'bab par yang dag par brtsams nas/ me tog dmar po yang ma yin/ dkar po yang ma yin par snang ba/ mchog tu shin tu 'jam pa mnyen pa/ ka tsa lin da lta bus kun tu reg pa/ bung ba dang / king shu ka lta bu'i kha dog gi me tog gi char de dag gling bzhi par ma lus par rab tu bab bo// skyes bu'i tshad tsam du sa thams cad khebs so/ / bcom ldan 'das kyis bka' stsal pa/ bzhin bzangs phyogs bcu'i sangs rgyas tha mi dad pa na/ me tog ban du ji tsam pa de tsam gyis da ltar gyi sangs rgyas bcom ldan 'das de dag bzhugs shing 'tsho skyong ba chos kyang 'chad do/ / de'i tshe rgyal po bsod nams 'od zer gyi mdzod ngas kun tu rgyu'i cha byad kyis thams cad kyi thog mar bla na med pa yang dag par rdzogs pa'i byang chub tu sems bskyed

  283. 142b

    du bcug go/ / ngas thams cad kyi thog mar sbyin pa'i pha rol tu phyin pa nas/ shes rab kyi pha rol tu phyin pa'i bar du yang dag par gzhog go// btsud do// bkod do// sangs rgya bcom ldan 'das de dag thams cad da ltar sngon gyi cho ga shes pa'i rjes su dran pas/ sangs rgyas re res kyang me tog ban du re re bdag la bskur ro// khyed cag thams cad mngon sum du gyur par gyur nas/ yang dag par spyod pa tshul nam mkha'i mdog gis 'dul ba'i bzod pa 'di bsgoms shig/ bzod pa 'di'i mthus gang 'das pa'i dus na phyogs bcu'i sangs rgyas kyi zhing tha mi dad par/ byang chub sems dpa' blon med pa yang dag par rdzogs pa'i byang chub tu mngon par sangs rgyas pa/ chos can dang chos kyi 'khor lo bskor ba/ sangs rgyas kyi dgos pa kun zad par byas pa/ 'byung ba med pa/ mya ngan zla ba'i khams na 'dug pa/ me tog ban du'i char 'di dag ji tsam pa 'di tsam gyi sems can pas tshe gcig gis yongs su smin par byas so// 'das pa'i dus na me tog ban du'i char 'di dag ji tsam pa de tsam gyi byang chub sems dpa' bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dag/ de'i tshe gang rgyal po bsod nams 'od zer gyi mdzod ngas thams cad kyi thog mar bla na med pa yang dag par rdzogs pa'i byang chub tu sems bskyed du bcug go/ / ngas thams cad kyi thog mar sbyin pa la sbyor bar byed cing bkod pa nas/ shes rab kyi bar du sbyor bar byed cing

  284. 143a

    bkod do/ / bzhin bzangs mthu chen po yang dag par spyod pa'i tshul nam mkha'i mdog gis 'dul ba'i bzod pa 'di ltos shig/ rigs kyi bu pho dang / rigs kyi bu mo byang chub 'dod pa rnams/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ yang dag par spyod pa'i tshul nam mkha'i mdog gis 'dul ba'i bzod pa 'di sgom par bya ba 'di la tshul bzhin du bya'o/ / yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo le'u bcu'o// / / de nas kun du rgyu shin tu rnam par phye ba'i 'od zer 'chang ba zhes bya ba de/ bcom ldan 'das gang na pa de logs su thal mo sbyar te phyag 'tshal nas/ bcom ldan 'das la tshigs su bcad pa 'di dag gsol to/ / shin tu rkang gnyis mchog gis bde byin pa// lta ba log zhugs 'gro la sgron ma 'dzin// chos kyi 'khor lo dag gi sgras 'jug pa/ ji ltar lta ba phra pab mngon 'chad 'gyur/ / dri ma gsum spangs mig gsum gtong phod pa// chos kyis 'gro ba thams cad tshim mdzad pa// khams gsum 'gro ba la ni sgron 'dzin pa// ji ltar lta ba'i dra ba srab par 'gyur/ / 'gro ba dag la gser dang zla ba yin// spun ni rab mdzes shin tu gsal ba'i zhal// bzod pa ji ltar thob pa'i spyod pa gsungs// ji ltar lta ba'i rgyun rnams 'jigs par 'gyur/

  285. 143b

    sems can 'gro ba sdig pa las zlog mdzad// sdig pa'i bsam bral lta ba dge ba la// tshe yi chu bo sdig pa sel 'gyur ba// sdig pa'i lha gsum ji ltar thar par byed// drang srong chen po dbang po thams cad bsdams/ / dad pas mos pa ltar ni gzhan la gnas// rnam par dpyod bdus rtsa ba shin spang phyir// lta ba'i bdud yod ji ltar zad par 'gyur// thams cad 'gro la khyed ni blo gros can/ / mchog gi bzod pa dag gi lam ston pa// bsam pa thams cad kyis ni 'gro 'di mgu// sdig pa'i lta ba ji ltar 'jig par 'gyur// 'phags pa'i rgyal po nyon mongs dgra sreg pa/ / lam gyi yan lag brgyad ni nye bar ston// 'gro la lha dang zla ba kun spangs pa// lta ba'i mun pa dag par ji ltar 'gyur// mi 'dul kha le sgyur zhing thugs rab dgyes// mi mchog rgyal po 'gro la bkra shis mdzad/ / lta ba dge la 'gro ba 'jug pa med// sdig pa lha la gang dag rgyun gcod med// bde gshegs 'dul dang bzod dang sdom la dgyes// 'gro ba'i the tsom sna tshogs de gzigs te/ / zla bar gyur pa'i chos kyi zla ba byin// sdig pa'i lta kun ji bzhin 'gyur ba med// gcig pu spyad pa rtag tu bsam gtan dgyes// de bzhin 'dir gnas dpag med 'khor dag la/ / sdig pa'i lta ba ji ltar yang reg med// chags med rgyal mtshan don 'di bshad du gsol// 'khor ba'i sdug bsngal rab tu zhi bar mdzad// wa ra NA sir dge ba'i 'khor lo bskor// srog

  286. 144a

    chags bye mang lha las thar mdzad pa/ / lta bar song ba thar mdzad chos gsungs gsol// lta ba spyod cing sdig pa'i blo gros can// srog chags stong phrag bcu gsum 'di dag gnas/ / sdig pa'i lha kun ji bzhin 'gyur med pa// bde gshegs yongs su bsngo ba ji ltar 'gyur/ de nas bcom 'das kyis byang chub sems dpa' nam mkha'i rang bzhin can la bka' stsal pa/ rigs kyi bu gang gi tshe bskal pa tshad med pa las shin tu 'das pas ston pa de'i tshe de'i dus na/ lho phyogs na sangs rgyas kyi zhing stong phrag nyi shu las shin tu 'das pa de na/ sangs rgyas kyi zhing blo gros dbyangs zhes bya ba rnyog pa lngas shin tu gang zhing / lta ba tha dad par song ba dog pa rnyed par gyur cig/ sems can kun tu gzir bar gyur pa de la de'i tshe dus na/ bcom ldan 'das de bzhin gshegs pa tshangs pa'i dbang po zhes bya ba/ dgra bcom pa yang dag par rdzogs pa'i sangs rgyas su gyur pa de'i stong gsum gyi nyan thos kyi tshogs 'dus ba chen por gyur pa dran nam/ ji ltar da ltar rgyal po bi bi sa ra nga'i yon bdag chen po yin pas/ des nang pod 'dzin pa'i rgyal po chen por gyur cing / de bzhin gshegs pa tshangs pa'i dbang por yang gyur to/ / de bzhin gshegs pa tshangs pa'i dbang po 'khor dang bcas pa la de ltar bdag nyi ma re re zhing yang me tog sna tshogs dang / dri sna tshogs dang / rin po che'i gdugs

  287. 144b

    sna tshogs dang / rol mo sna tshogs kyis mchod pa byas so// yang bcom ldan 'das de la de bzhin du nyan thos kyi dge 'dun dang bcas pas zla ba gsum tu yo byad kyis spyan drangs te/ lam srang/ gang na mi yod pa dag kha na ma tho ba med pa'i ston pa bya'o zhes lam srang du sgra 'byin du yang bcug go// lam srang de na bram ze gang+gA zhes bya ba nyi ma la dad pa can du gyur pa/ rkang pa gcig gis nyi ma la dga' zhing nyin mtshan ston pa na mngon par shes pa de bcom ldan 'das la skyabs su 'gro bar mi 'dod nas/ de ngas sbran par byas so// bram ze 'dis nga'i bya ba la nan tan du ma byas pas nyi ma bdun du mchog tu gnod pas gtso bo zhes bya ba nas/ rgyal po'i zhabs 'bring bas bzung ste btson rar bcug pa dang / bram ze des rtag tu nyin mtshan bdun du 'di lta bu'i smon lam btab bo/ / gal te de bzhin du tshangs pa'i dbang po mgo reg snam bu dmar po can thams cad shes par 'gyur ba'i de sbed pa'i gnas 'dir bdag gi gan du shog shig/ de'i 'og tu nyi ma thams cad shes par gyur pa gang dag btson ra nas thar par byed pa de btson ra 'dir zhugs shing / gang gi mthus bdag gi 'tsho ba ba rnyed bde la bdag skyabs su 'gro'o// de nas nyin mtshan bdun pa'i tha ma 'das pa na/ snga zo'i dus kyi tshe/ bcom ldan 'das de bzhin gshegs pa tshangs pa'i dbang po'i g.yas phyogs na ni nyi ma'i lha'i bu phyag 'tshal zhing 'dug/ g.yon phyogs na

  288. 145a

    ni zla ba'i lha'i bu phyag 'tshal zhing 'dug/ mdun na ni brgya byin dang tshangs pa phyag 'tshal zhing 'dug pa de btson rar bzhud nas/ de bzhin gshegs pa des bram ze nyi ma la dad pa can la bka' stsal pa/ bram ze ni mir gyur pa'i thams cad kyis shes pa'o// thams cad ston pa'o// lha thams cad kyis yid la byed pa'o// sems can thams cad la byams shing snying rje ba'o/ / 'khor ba'i btson ra dang / rga shi thams cad las yongs su thar bar byed pa'o// bram ze lta ba log pa'i rgyun chod cig/ bla na med pa yang dag par rdzogs pa'i byang chub tu smon lam thob shig/ chos kyi ros sems can thams cad bos shig/ lha dang mi dang skye dgu'i nang na sems can lta ba log pa rnyed pa rnams yongs su thar par byos shig de nas bram ze de dga' mgu yid bde ba skyes nas/ de bzhin gshegs pa tshangs pa'i dbang po'i zhabs gnyis kyi drung du 'ongs nas gsol pa/ btsun pa bcom ldan pa des sdig pa'i lta bar song ba'i nongs pa nongs par spangs te/ bcom ldan 'das dang / chos dang dge 'dun la bdag ni 'di ltar skyabs su mchi'o// de bzhin gshegs pas bka' stsal pa/ bram ze bla na med pa yang dag par rdzogs pa'i byang chub tu khyod kyi bsam pa thams cad yongs su rdzogs pa legs so legs so/ / gang gi phyir 'di la bram ze'i yon tan thams cad yongs su rdzogs

  289. 145b

    par 'dod pa dang / sems can thams cad la bde ba skye bar 'dod pa dang / khams gsum thams cad zil gyi mnan par 'dod pa dang / sangs rgyas thams cad la mchod par 'dod pa dang skye dgu thams cad zil gyis mnan par 'dod pa dang / rga shi las thar par bya bar 'dod pas bla na med pa yang dag par rdzogs pa'i byang chub tu sems bskyed par bya ba de ltar khyod grags pa brjod pa'i yon tan dang ldan par 'gyur ro/ / des gsol pa/ btsun pa bcom ldan 'das bdag bcom ldan 'das gshegs pa'i bar du/ bla na med pa yang dag par rdzogs pa'i byang chub tu sem bskyed par bya'o zhes ngas thos nas/ ngas bram ze de yo byad thams cad kyis bos pa dang / bram ze de yang zhag bdun du dben par zhugs nas smon lam gdab par bsams pa dang zhag bdun pa de las shin zhu 'das nas bcom ldan 'das de bzhin gshegs pa tshangs pa'i dbang po gang na ba der nye bar phyin te/ bcom ldan 'das de'i sman sngar smon lam btab bo// bcom ldan 'das kyis bka' stsal pa/ / nam mkha'i rang bzhin can gang bram ze nyi ma la dad pa can du gyur pa/ ngas btson rar bcug pa de ni gang / byang chub sems dpa' nam mkha'i rang bzhin gyis gsol pa/ bcom ldan 'das bdag ni bram ze nyi ma la dad pa can du gyur te/ bdag kyang bcom ldan 'das de bzhin gshegs pa tshangs pa'i dbang po de'i spun sngar smon lam btab bo//

  290. 146a

    bcom ldan 'das kyis bka' stsal pa/ rigs kyi bu gang sngon bcom ldan 'das de bzhin gshegs pa tshangs pa'i dbang po'i spyan sngar smon lam btab par gyur pa de brjod cig/ gsol pa/ btsun pa bcom ldan 'das gang gi tshe bdag sangs rgyas mchod pa dang / chos mnyan pa dang / dge 'dun la bsnyen bkur ba'i phyir/ stan las ldang bar 'dod pa bdag gi smon lam de bzhin du gyur to/ / gang gi tshe bdag stan las langs nas/ bdag gi lus la sa'i khams kyi rdul phra mo shin tu phra ba'i tshad ji tsam du 'gyur ba de tsam gyi semra can tham+ba cad wa sem+ba can re ro'i rtag par lta ba dang / chad par lta ba dang / phyin ci log bzhi kun nas ldang ba'i lta ba dang / srid pa'i lta ba dang / srid pa dang bral ba'i lta ba dang / 'jig tshogs kyi lta ba dang / mthar 'dzin pa'i lta ba dang / de la sogs pa dang / gang la la 'jig rten pa'i zag pa dang bcas pa nye bar len pa'i lta ba rnams dang / de tsam gyi sems can gcig gi sngon gyi mtha'i mu la lta ba thams cad ma lus par mngon par 'dus byas su 'gyur ba dang / de tsam gyi sems can re re'i 'khor ba bskal pa bye ba khrag khrig brgya stong snyoms par gyur cig ces bdag gis smon lam de bzhin du btab bo/ / sems can gcig gi sems dang / bsam pa la yang de la sogs pa'i lta ba bla na med pa yang dag par rdzogs pa'i byang chub tu mngon par rdzogs par sangs rgyas pa'i

  291. 146b

    bar du skye bar ma gyur cig/ yang bdag gis de tsam gyi mtha'i mu brtsams pa nas/ bla na med pa'i mya ngan las 'da' ba'i bar gyi phyir/ de la sogs pa'i lta ba kun 'phags par gyur pa/ de la sogs pa'i lnga ba de dag kyang ma lus par sems dang bsam pa la 'jug shig/ bcom ldan 'das gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe/ sems can thams cad las sems can re re'i de tsam gyi lta ba ma lus par sel ba 'di ni/ bcom ldan 'das bdag gi smon lam du gyur to// gang gi tshe sangs rgyas la blta ba nas/ dge 'dun la bsnyen bkur ba'i bar gyi phyir drag stan las langs pa de'i tshe sems 'di ltar bskyed de/ bdag gi lus kyi skra'i rtse mo'i cha shas tsam gyis chu'i khams gtor bar 'gyur ba ji tsam pa de tsam gyi sems can thams cad las/ sems can re re'i las kyi sgrib pa ma lus par yongs su zad par 'gro'o// sngon gyi mtha'i mu ji tsam pa la pha rol gyi pha rol tu phyin pa drug sgrib pa byas par 'gyur ba dang / las kyi sgrib pa dang / sems can gyi sgrib pa dang / dge ba'i sgrib pa dag 'phags shing 'dor bar ma gyur to// phyi ma'i mtha'i mu nas/ bla na med par yongs su mya ngan las 'da' ba'i bar du/ pha rol gyi sgrib par byed pa ma lus par 'phang bar 'gyur ro// gang yang bdag gis sngon gyi mtha'i mu la spyad pas/ pha rol gyi pha rol tu phyin pa drug la sgrib

  292. 147a

    par byas par 'gyur zhing / chos kyi sgrib pa dang / sems can gyi sgrib pa dang / dge ba'i sgrib par 'gyur ba dag phyis sems can rnams yongs su smin pa'i rgyus spang ba nas/ yongs su mya ngan las 'da' ba'i bar du de dag thams cad ma lus par yongs su zad par 'gro'o// gang gi tshe bdag bla na mod pa yang dag par rdzogs pa'i byang chub tu mngon/ par rdzogs par 'tshang rgya ba de'i tshe/ sems can thams cad las sems can re re'i de snyed kyi rnam pa de lta bu'i sgrib pa'i chos ma lus par 'phang bar bya zhing / sems can re re la yang myur du de tsam gyi ting nge 'dzin gyi gzungs dgod par bya'o/ / sems can thams cad mngal gyi gnas las yongs su grol bar bya'o// sems can thams cad rga shi 'byung ba'i rgya mtsho las sgral bar bya'o/ / zhes gang gi tshe bdag dge 'dun la bsnyen bkur ba'i bar gyi phyir stan las ldang bar bya ba 'di ni/ btsun pa bcom ldan pa das bdag gi smon lam du gyur to/ / gang gi tshe bdag stan gyi longs spyod dang / de ba'i yo byad spangs te/ bdag gi lus kyi skra'i rtse mopo che shas tsam du me'i khams gyur pa ji tsam pa de tsam gyi sems can thams cad las sems can re re'i sngon gyi mtha'i mun so/ da ltar gyi skye ba'i bar du gzhan la las kyis ma lus par mngon par 'dus byas par 'gyur ro// gang gi tshe phyi ma'i mtha'i mu nas/ bla na med par

  293. 147b

    mya ngan las 'da' ba'i bar du 'phangs shing sems can re re'i de tsam gyi ngan song gi las ma lus par sgrub par 'gyur ba nas/ bla na med par mya ngan las 'da' ba'i bar du bral ba mar par 'gyur ro/ / 'phags pa'i gdan pa di nas/ byang chub kyi snying por gdan gyi bar du bral ba med par 'gyur ro// gang yang bdag gis sngon gyi mtha'i mu la rnam pa de lta bu'i las bsgrubs pa mngon par du byas par 'gyur ro/ / gang yang mngon par 'du byed pa nas/ bla na med par mya ngan las 'da' ba'i bar du thams cad skye ba ma lus par yongs su zad par 'gyur ro// gang gi tshe bdag bla na med pa yang dag par rdzogs pa'i byang chub tu mngon par rdzogs par sangs rgyas pa de'i tshe/ sems can spyod yul ngan pa dang / dma' ba'i ngan 'gror gnas pa dag yongs su thar par bya ba nas/ pha rol tu phyin pa drug la dgod par bya ba'i bar du 'di ni btsun pa bcom ldan 'das bdag gi smon lam du gyur to// gang gi tshe bdag sangs rgyas la blta ba nas/ dge 'dun la bsnyen bkur ba'i phyir stan las langs te/ smon lam 'di lta bu byas te/ rlung gi khams bdag gi lus skra'i rtse mo'i cha shas tsam du 'gyur ba ji tsam du 'gyur ba ji tsam pa de tsam gyi sems can thams cad las/ sems can re re'i de tsam gyi sngon gyi mtha'i mu'i bar du gzhan la khams mtshungs pa med pa'i 'khrug par byed pa'i las

  294. 148a

    de dag thams cad ma lus par 'dus byas par 'gyur ro/ / yang 'khor ba na 'khor ba nas/ bla na med par yongs su mya ngan las 'da' ba'i bar khams 'khrug pa'i nang du ma gyur cig/ gang yang bdag gis sngon gyi mtha'i mu brtsams te/ gzhan la khams 'khrug par byed pa'i las ma lus par mngon par 'du bya bar 'gyur ba nas/ bla na med bar yongs su mya ngan las 'da' ba'i bar du 'phang bar bya'o/ / gang gi tshe bdag bla na med pa yang dag par rdzogs pa'i byang chub tu mngon par 'tshang rgya ba de'i tshe/ sems can thams cad las sems can re re la yang de tsam gyi ting nge 'dzin bsgrub pa'i tshul gyis/ khams 'khrug par ma lus par sel bar bya'o// sems can thams cad las sems can re re la yang de tsam gyi brtson 'grus la dmigs pa/ thabs la mkhas pa'i ye shes bslab par bya zhing / de tsam gyi chos kyi sgo stong yang rab tu bstan par bya'o// de tsam gyi sbyin pa'i pha rol tu byin pa la sbyor bar bya ba nas/ shes rab kyi pha rol tu phyin pa'i bar du sbyor bar bya'o// phyir mi ldog pa'i sa la dgod par bya'o// de tsam gyi sangs rgyas bcom ldan 'das rnams kyi sems can re re la yang bcol zhing gdams par bya ba 'di ni/ btsun pa bcom ldan 'das bdag gi smon lam du gyur to// gang gi tshe bdag sangs rgyas la blta bcwa

  295. 148b

    de bzhin du smon la ma byas pa'i bar du rkang lag gnyis sa la gzhag par bya'o/ / gang gi tshe bdag nam mkha'i khams mtha' yas mu med pa nyon mongs pas bcings pa'i bag la nyal ba thams cad kyis nyon mongs pa med pa ji tsam pa la nam mkha' la chags pa med par 'gro ba na/ sems can thams cad la sems can re re la yang de tsam gyi nyon mongs pas bcings pa'i bag la nyal grangs med pa brjod du med par ma lus par gyur cig/ de tsam gyi chos thams cad kyi tshul nam mkha'i rang bzhin lta bu la zhugs pa nas/ bla na med par yongs su mya ngan las 'da' ba'i bar du nyon mongs pa thams cad dang 'dres pa med par gyur cig/ chos thams cad la dran par med par 'gyur ba nas/ nam mkha'i khams mtha' yas mu med pa'i nyon mongs pas bcings pa'i bag la nyal bas nyon mongs pa med pa'i bar du/ de tsam gyi nyon mongs pas bcings pa'i bag la nyal ba thams cad ma lus pa dag par gyur cig/ de tsam gyi chos thams cad kyi tshul nam mkha'i rang bzhin lta bu nas/ bla na med par yongs su mya ngan las 'da' ba'i bar du 'jug par bya'o// bdag ni nam mkha' la kun du rtogs pas 'khor ba na/ bdag bla na med pa'i ye shes thob par bya ba'i phyir byang chub kyi spyod pa spyad par bya'o// sems can thams cad kyi nyon mongs pa'i rnyog pa sbyang bar bya ba nas/ bla na med pa yang dag rdzogs

  296. 149a

    pa'i byang chub tu mngon par rdzogs par 'tshang rgya bar bya ba'i bar du/ sems can thams cad las sems can re re la yang de tsam gyi bde ba'i chos thams cad mu med par bstan par bya'o/ / nam mkha'i rang bzhin lta bu'i pha rol tu phyin pa drug la bslab par bya zhing dgod par bya ba nas/ bla na med par yongs su mya ngan las 'das pa'i bar du/ sems can de dag/ chos kyi sgo nam mkha'i rang bzhin can pha rol tu phyin pa dang ldan pa/ bye ba khrag khrig brgya stong de dag tu dran pa nyams par ma gyur pa 'di ni/ btsun pa bcom ldan 'das bdag gi smon lam du gyur to// / gang gi tshe bdag sangs rgyas blta ba dang / chos mnyan pa dang / dge 'dun la bsnyen bkur ba'i phyir nye bar 'gro bar yang de bzhin du smon lam btab ste/ spyad pa na bdag gi rkang pa gnyis kyi mthil sa la reg pa ji tsam pa dang / gling bzhi pa'i sa nas bzung ste/ bla na med pa'i rdul shin tu phra bar 'gyur ba ji tsam pa de tsam gyi sems can thams cad las sems can re re la yang phyi ma'i mtha'i mu nas bzung ste/ pha rol gyi gnan yan lag ma tshang ba 'dod pa med par 'gyur ba yod cing / las kyi sgrib pa 'phangs par 'gyur ba sems can re re la yang de tsam gyi las de dag ma lus par 'gyur zhing 'khor ba na 'khor ba nas/ bla na med par yongs su mya ngan las 'da' nga'i bar du yan lag ma tshang ba med par gyur cig/ yang bdag gis mtha'i mu nas bzung ste/ pha rol gyi gan du yan

  297. 149b

    lag ma tshang ba'i las kyi sgrib pa ji tsam pa de tsam 'phangs par 'gyur ba de dag thams cad ma lus par yongs su zad par gyur cig/ bdag bla na med pa'i ye shes chen po thob pa'i rgyur byas te stobs lnga'i yan lag dang bral ba med par 'gyur ro/ / gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe/ sems can thams cad las sems can re re la yang de tsam gyi dbang po dang / stobs dang / byang chub kyi yan lag yongs su bskang bar bya ba'i phyir ting nge 'dzin gyi sgo bstan par bya'o// sems can thams cad theg ba gsum la lung ston cing / phyir mi ldog pa'i sa la yang dgod par bya ba 'di ni/ btsun pa bcom ldan 'das bdag gi smon lam du gyur to// gang gi tshe bdag sangs rgyas mthong zhing chos smra ba dang / dge slong gi dge 'dun mthong nas kyang de bzhin du smon lam btab bo// de 'gro ba lnga dang / gnas gsum dang / skye gnas bzhi la rnam par shes pa'i khams su 'gyur ba med ji tsam pa de tsam gyi sems can thams cad las sems can re re la yang sngon gyi mtha'i mu nas bzung ste/ gzhan la dbang po drug ma tshang ba'i las thams cad ma lus par 'phangs par gyur cig/ phyi ma'i mtha'i mu 'phang ba nas/ mchog tu rgya che ba dga' bar byed pa'i dbang po drug yongs su rdzogs pa thob par gyur pa/ bla na med par yongs su mya ngan las 'da' ba'i bar du dbang

  298. 150a

    po drug ma tshang ba med par gyur cig/ gang yang bdag gis sngon gyi mtha'i mu nas bzung ste/ gzhan la dbang po nyams pa'i las mngon par 'dus byas pa 'phangs bar 'gyur ba ma lus par 'dor ba med par gyur cig/ sems can rnams bla na med pa'i ye shes chen po thob pa'i phyir/ mchog tu rgya che ba blta na sdug pa dga' bar byed pa'i dbang po drug yongs su tshang bas brel ba med par 'gyur ro/ / gang gis tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe/ bdag gis sems can thams cad las sems can re re la yang las kyi sgrib pa ma lus par thal bar byas pa 'di ni/ bcom ldan 'das bdag gi smon lam du gyur to// gang gis tshe bdag sangs rgyas dang chos smra ba dang / dge 'dun gyi spyan sngar pus mo g.yas pa'i lha nga sa la btsugs nas 'di ltar sems bskyed par bya'o// bdag gis sngon gyi mtha'i mu nas bzung ste/ skad cig thang cig yud tsam gyis song bar gyur pa ji tsam pa sems can thams cad las sems can re re la yang de tsam gyi sngon gyi mtha'i mu nas bzung ba nas/ bdag mi dge ba bcu'i las kyi lam yang dag par bzung ste/ rnam par smin par 'jug cing / 'dor ba med par byas pa'i bar du ma lus par rnam par ma smin par gyur cig/ yang sems can re re la yang pha rol tu phyin pa drug rdzogs par bya ba'i phyir

  299. 150b

    de tsam gyis lus dang ngag dang / yid kyi 'du byed rnams dge ba la mngon par 'dus byas su gyur cig/ gang yang bdag gis sngon gyi mtha'i mu nas bzung ste/ dge ba bcu pa las kyil ma la rnam par smin par 'jug cing 'dor ba med par 'gyur ba ma lus par rnam par smin par gyur cig/ bdag ni rtag tu dge ba bcupa las kyi lam gyi 'bral ba med par 'gyur ba nas bdag bla na med/ pa yang dag par rdzogs pa'i byang chub tu mngon par rdzogs par 'tshang rgya ba'i bar du/ sems can thams cad las sems can re re la yang de tsam gyi dge ba dang mi dge ba'i 'dus byas kyi chos rab tu bstan cing / theg pa gsum gyis lung bstan par byas pa 'di ni/ bcom ldan 'das bdag gis smon lam du gyur to// gang gi tshe bdag sangs rgyas kyi spyan sngar pus morang sa la btsugs shing / chos smra ba'i mdun du lus mo g.yas pa'i lhang sa la btsugs te/ de lta bu'i smon lam btab pas/ bdag gi sngon gyi mtha'i mu nas bzung ste/ nyin mtshan med pa ji tsam pa sems can rnams las sems can re re la yang de tsam gyis ngan 'gro gsum sgrub pa'i las kyi sgrib pa ma lus par zad par gyur cig/ gang pha rol la bskyed par 'gyur ba bde 'gro gsum la nyon mongs pa med par 'gyur ba nas/ bla na med par yongs su mya ngan las 'da' ba'i bar du ngan 'gror skye bar ma gyur cig/ gang yang bdag gis sngon gyi mtha'i mu nas bzung ste/

  300. 151a

    ngan 'gro gsum bsgrub pa'i las mngon par 'dus byas pa 'dor ba med pa ma lus par zad par gyur cig/ smon lam gzhan gyi dbang gis sems can yongs su smin par bya ba'i phyir/ bla na med par yongs su mya ngan las 'da' ba'i bar du ngan 'gro gsum gyi ngan gror bskyed par mi bya'o// gang gi tshe bdag bla na med pa yang dag par rdzogs pa'i byang chub tu mngon par 'tshang rgya ba de'i tshe sems can rnams 'gro gsum las yongs su thar par bya ba'i phyir/ skyabs gsum las rnam par dgod par bya ba 'di ni/ btsun pa bcom ldan 'das bdag gi smon lam du gyur to/ / gang gi tshe bdag sangs rgyas dang / chos dang dge 'dun la yan lag lngas phyag 'tshal bar byed pa de bzhin du yang bdag gis smon lam btab bo// phyogs bcu'i sa'i khams mtha' yas mu med pa 'di re re la yang rdul shin tu phra ba ji tsam pa ltar chu'i khams dang / me'i khams dang / rlung gi khams dang / rnam par shes pa'i khams kyang de bzhin te/ sems can thams cad las sems can re re zhing yang sngon gyi mtha'i mu nas bzung ste/ ma rig pa'i rgyu nas rga shi'i rgyu'i bar bu las kyi mngon par 'du byed pa mngon par 'dus byas shing / 'dor ba med par 'gyur ba ma lus par zad par gyur cig/ / sems can re re la yang de tsam gyi rten cing 'brel bar 'byung ba'i chos kyi sgo'i tshul shes pa'i chos la su yang bla na med pa yongs su

  301. 151b

    mya ngan las 'da' ba'i bar du ma byed cig/ gang yang bdag gis sngon gyi mtha'i mu nas bzung ste/ ma rig pa'i rgyu nas rga shi'i bar du de tsam gyis las kyi mngon par 'du byed pa mngon par 'du byas par ma lus par yongs su zad par gyur cig/ yang bla na med pa'i ye shes chen po thob par bya ba'i bar gyi phyir/ rten cing 'brel bar 'byung ba'i chos kyis shes par bya ba dran par bya'o/ / gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe/ sems can thams cad las sems can re re la yang de tsam gyi rten cing 'brel bar 'byung ba'i chos la 'jug par bya ba 'di ni/ bcom ldan 'das bdag gi smon lam du gyur to// gang gi tshe bdag sangs rgyas dang chos smra ba'i spyan sngar pus mo'i lha nga gnyis sa la btsugs te/ lag pa gnyis thal mo sbyar nas mchog tu dga' ba'i mig dang / bzhin dang / dbang po thams cad gcig tu 'dus pas sbyin pa'i gnas de la rtag tu mchod par bya/ pa'i phyir nye bar byin te/ bdag nyid ni lus kyi ba spu'i khung bu ji tsam pa dang / sems can thams cad kyi ba spu'i khung bur gyur pa ji tsam pa de tsam gyi sems can thams cad las sems can re re zhing yang de tsam gyi las kyi 'bras bu thams cad zad par gyur cig/ nyon mongs pa'i dri ma thams cad spangs par gyur cig/ gti mug gi dri ma thams cad spangs par gyur cig/ ye shes

  302. 152a

    kyi dri ma thams cad sel bar gyur cig/ sems can re re la yang de tsam gyi bsod nams kyis yang dag par rgyan par gyur cig/ sems can re re la yang de tsam gyi 'jor pa brgya stong grangs med pa la phyi phyogs su byos shig/ sems can re re la yang de tsam gyi rdzu 'phrul gyi yul la ting nge 'dzin gyi sgo bsgrub pa rnam par rtse bar gyur cig/ sems can re re la yang de tsam gyi sangs rgyas bcom ldan 'das la bsnyen bkur bar gyur cig/ sangs rgyas re re las kyang chos kyi sgo brgya stong 'jug par gyur cig/ sangs rgyas re re'i spyan sngar yang de tsam gyi sangs rgyas kyi zhing gi yon tan tshogs kyi smon lam dag 'dzin par gyur cig/ sems can re re la yang sems can re re de tsam gyis dge ba'i rtsa ba la sbyor bar gyur cig/ sems can re re zhing yang gcig de tsam gyi dga' ba dang / yid bde ba thob par gyur cig/ sems can rnams re re la yang de tsam gyi sangs rgyas kyi zhing gi yon tan gyi tshogs las sangs rgyas kyi zhing phun sum tshogs par gyur cig/ sems can re re la yang srid pa skye ba ma lus par spangs par gyur cig/ sems can thams cad myur du bla na med pa yang dag par rdzogs pa'i byang chub tu mngon par rdzogs par 'tshang rgya bar gyur cig/ de tsam gyi drag las kyi stobs zad par gyur cig/ de tsam gyi nyon mongs pa'i dri ma byang bar gyur cig/ bdag gis de tsam gyi chu bo'i stobs nyams par

  303. 152b

    gyur cig/ bdag gis de tsam gyi ye shes kyi stobs nyams pa med par gyur cig/ bdag gis de tsam gyi bsod nams dang bsod nams kyi mdzod du gyur cig/ bdag gis de tsam gyi 'khor ba brgya stong grangs med pa phyi phyogs su gyur cig/ de tsam gyi rdzu 'phrul gyi yul la ting nge 'dzin gyi sgo bsgrub pa rnam par phye bar gyur cig/ srad tsam gyis ni de tsam gyi grogs bcu'i sangs rgyas bcom ldan 'das bzhugs shing 'tsho skyong ba la/ bsnyen bkur bar bya'o// sangs rgyas re re las kyang de tsam gyi chos kyi sgo stong la 'jug par bya'o// sems can re re la yang sems can thams cad kyis/ de tsam gyi dge ba'i rtsa bas brgyan par bya'o// sems can rnams yongs su smin par bya ba'i phyir/ bdag kyang lus dang ngag dang yid de tsam gyi snyan pa dang / dga' bar bya ba'i dge ba'i rtsa bas brgyan par gyur cig/ sems can de dang bdag lhan cig tu byang chub kyi spyad pa spyod pa na// bdag gis brjod pa tsam gyis kyang sems can de dag gi de tsam gyi srid pa skye ba ma lus par zad par bya'o/ / de tsam gyi lta ba log pa'i rnyog pa 'di rab tu zhi bar bya'o// de tsam gyi nyon mongs pa'i nad 'di rab tu zhi bar bya'o// de tsam gyi sems can lus dang / bsam gtan dang / dbang po ma tshang ba tshig gis snying ring ba rab tu zhi bar bya ba gcig brjod pa tsam gyis na/ sems can thams cad las sems can re re zhing yang de tsam gyi sbyin pa dge ba'i rtsa ba la dgod par bya ba nas/

  304. 153a

    shes rab kyi bar du dge ba'i rtsa ba la dgod par bya'o// bdag dang sems can thams cad kyi ba spu'i khung bu ji tsam du gyur pa bdag gis gcig brjod pas/ de tsam gyi sems can thams cad las sems can re re zhing sbyin pa'i dge ba'i rtsa ba la dgod par bya ba 'di ni/ btsun pa bcom ldan 'das bdag gi smon lam du gyur to// gang gi tshe bdag zas dang skom gyis sangs rgyas sam/ chos smra ba 'am/ dge slong gi dge 'dun nam/ dge slong gcig gam/ dge slong ma gcig gam/ dge bsnyen pa 'am/ dge bsnyen ma 'am/ pha 'am ma 'am/ phyi rol gyi drang srong ngam/ la la rigs kun nas bsnyen bkur ba'i mir gyur pa la stobs shing / chung ngu na byol song gi skye gnas su song ba la yang zas dang skom brim par bya ba de bzhin du yang smon lam btab pa nas/ sems can 'dul ba yongs su smin par bya ba'i bar gyi phyir/ bdag yun ring por 'khor ba na 'khor bar bya'o// gang chung ngu na skra'i nyag ma gcig tsam gyi zas dang skom yang yongs su len no/ / sems can brgya stong nas chu bo gang+gA'i bye ma tsam po zas dang skom 'dod pa yang dag par lhags par bdag gi gan du nye bar 'ongs pa ji tsam pa dang / kha dog gis 'dod pa ji tsam pa de tsam pa dang / ro ji tsam gyis don ji ltar 'dod pa de tsam gyi phun sum tshogs par 'dod do// gal te kha dog dmar po gcig dang / skye bo gnyis 'dod pa

  305. 153b

    nas/ kha dog stong phrag brgyad cu gcig la gcig 'dod pa de tsam gyi phun sum tshogs par gyur zhing / gcig la gcig nyams pa med par 'gyur ro// bdag ni sems can de dag ji tsam pa de tsam gyi zas/ dang skom zad pa med pa ji tsam 'dod pa brim par bya'o// gang bdag gi lag nas zas dang skom blangs pa de dag thams cad kyi lus kyi nad rab tu zhi bar 'gyur ro// gang yang zas dang skom de yongs/ su zas pa de thams cad kyi yid kyi nad rab tu zhi bar 'gyur ro// sdig pa'i lta ba thams cad rab tu zhi bar 'gyur ro// 'gro ba thams cad la sems can gyi mngal gyi gnas rgyun gcod par bya ba nas/ gang bdag gis zas dang skom zos shing / de bzhin du gos dang / mal stan dang / me tog dang / phreng ba dang / byugs pa dang / sman dang / gnas dang / nad g.yog dang / chung ngu na skra'i rtse mo'i cha tsam gyi bar du bdag gis gzhan la byin pa gang gis blangs pa de'i mngal gyi gnas ji tsam pa thams cad las/ bla na med par yongs su mya ngan las 'da' ba'i bar du yongs su thar par 'gyur zhing / bdag gis 'dul ba thams cad yongs su mya ngan las 'da' bar gyur cig pa 'di ni/ btsun pa bcom ldan 'das bdag gis smon lam du gyur to// gang gi tshe yang nyon mongs pa dang / rnyog pa lnga'i sangs rgyas kyi zhing du bdag 'khor ba na byang chub kyi spyad pa spyod par bya zhing / sems can rnams dma' bar spyod pa las yongs su thar par bya ba de'i tshe nyon mong/

  306. 154a

    pa dang / rnyog pa lnga'i sangs rgyas kyi zhing so sor bdag spyod pa dang / dka' thub dang / brtul zhugs yang dag par spyod pa bslab par bya'o// gang gi tshe dga' ldan gyi khang pa na/ bdag skye ba gcig gis thogs nas mi zad pa'i spyod lam dang / mi zad pa'i brtul zhugs dang / mi zad pa'i dka' thub yang dag par spyod pas brtson 'grus brtan pa la yi dam du sprad par bya'o// ji ltar sangs rgyas kyi zhing de na/ sa'i ro thogs pa'i bag chags zhes bya ba sa la bug tsam yang bral ba med par byung nas/ sangs rgyas kyi zhing de na gang sems can sha za de rma'i mtshan mas sa brko'o/ / sha yongs su spangs pas sa'i ro thigs pa'i bag chags de zos nas shin tu zhim zhing / ji shin tu zhim pa stong du 'gyur ba gang gi phyir 'dod pa dang / gang la 'dod pa dang / ji tsam gyi phyir 'dod pa de ltar thob par 'gyur ro/ / gang yang sa'i ro thigs pa'i bag chags de yongs su zos shing / gang chung ngu na bya dang ri dgas kyis kyang zos pas de dag thams cad kyi lus kyi gnas ngan len dang / ngag gi gnas ngan len dang / yid kyi gnas ngan len dang / nyon mongs pa'i bag chags kyi rjes kyi mtshams kyang thams cad kyis rgyun bcad par 'gyur ro// sangs rgyas kyi zhing thams cad na la la sha yongs su mi za zhing / / chung ngu na bya dang ri dgas kyis kyang khrag mi 'thung bar 'gyur ba de dag gi shing ro hi ni rnam par rgyal ba zhes bya ba byung bar gyur to// gang de'i lo ma

  307. 154b

    dang / lcug ma dang / yal ga bcad pa de las khrag kha dog dang ldan pa/ dri dang ldan pa/ ro dang ldan pa 'byung bar 'gyur ba la/ chung ngu na bya dang ri dgas kyi kyang khrag 'thungs pas de dag gi lus kyi gnas ngan len dang / ngag gi gnas ngan len dang yid kyi gnas ngan len dang / nyon mongs pa'i bag chags kyi mtshams thams cad/ thams cad kyis thams cad kyi rgyun bcad par 'gyur gyi/ ji ltar sangs rgyas kyi zhing de thams cad na/ la la khrag mi 'thung na ni chung ngu na bya dang ri dgas kyis kyang 'thung bar mi 'gyur ro// gang yang sangs rgyas kyi zhing 'dir 'o ma 'thung bar 'dod pa de dag gi phyir/ sangs rgyas kyi zhing de na shing rdul dang bral ba de skyes par gyur to// sangs rgyas kyi zhing gang na 'o ma 'thung bar 'dod pa de shing de'i lo ma lcug ma 'am/ yal ga bcad pa de las 'o ma mchog tu gsal ba/ kha dog dang ldan pa/ dri dang ldan pa/ ro dang ldan pa 'byung bar 'gyur ba de la gang bya dang ri dgas kyi bar du yongs su 'thungs pas/ de'i lus kyi gnas ngan len dang / ngag gi nas ngan len dang / yid kyi gnas ngan len dang / nyon mongs pa'i bag chags kyi mtshams thams cad/ thams cad kyis thams cad kyi rgyun bcad par 'gyur gyi/ ji ltar sangs rgyas kyi zhing thams cad la la shing gi 'o mde ma gtogs par 'o ma gzhan ni yongs su mi 'thung ngo // sangs rgyas kyi zhing de na chu'i rdzing du sems can skye'o//

  308. 155a

    mngal gyi gnas ni ma yin no// sangs rgyas kyi zhing der sems can dmyal ba thams cad dang / gshin rje'i 'jig rten rgyun chad par gyur pa de tsam na/ dga' ldan na mi bzad pa'i brtul zhugs dang / yang dag par spyod pa'i yid ma gyis yang dag par spyod par bya'o// sangs rgyas kyi zhing de na de ltar bud med yongs su dag pa'i sems kyi mtha' dang / ldan pa thob par bya ba'i phyir/ bud med kyi phrag dog dang 'jungs pa'i gnas su gyur pa dang / slu ba'i las kyi gnas yongs su zad par 'gyur ro// sangs rgyas kyi zhing de na bud med kyi lus thob par 'gyur ba de la sems can 'khrig pa'i chos kyis bral bar gyur cing / 'thab mo dang / 'khrug pa dang / brdzun du smra ba dang / brdzun dang phra ma dang / zhe gcod pa dang / tshig bkyal ba dang / gnod sems dang / chags sems dang / log par lta ba dang / mu ge dang / char mi 'bab pa dang / rkun po dang / ljags sgrogs dang / shing sgrogs dang / rkang sgril dang / ma rungs par tshol ba dang / rtag tu gzhan la gnod par byed pa dang bral ba sangs rgyas kyi zhing der rab tu zhi bar 'gyur ro// gang gi tshe bdag dga' ldan gyi khang par 'jug par bya zhing de na zla ba bcu ma'i mngal na gnas pa'i tshe sangs rgyas kyi zhing thams cad du mngon par shes pa rnam par rtse bar 'gyur zhing / thams cad kyang sngon byas pa'i dge ba'i rtsa ba rjes su dran par

  309. 155b

    'gyur ro/ / nam bdag zla ba bcu 'das nas ma'i mngal nas byung bden byang chub la zhag bdun pa bdun gyi bar du spyod par bya ba ni/ sangs rgyas kyi zhing de na de ltar sems can thams cad yongs su smin par bya'o/ / ji ltar bya dang ri dgas kyi bar du yang rga shi thams cad la skyo bas mi bzod pa'i brtul zhugs dang yon tan yang dag par spyod cing / dka' thub kyi nags tshal du mngon par chags pa'i sems su 'gyur ro/ / gang gi tshe bdag zhag bdun pa bdun las 'das nas/ bla na med pa yang dag par rdzogs pa'i byang chub tu mngon par 'tshang rgya bar bya/ zhag de nyid la chos kyi 'khor lo// bskor bar bya ba'o// chos kyi 'khor lo bskor ba de sems can bye ba khrag khrig brgya stong grangs med mtha' yas mu med pa theg pa gsum gyi yongs su smin par bya'o// sangs rgyas kyi zhing thams cad na lha thams cad la chos kyi 'khor lo bskor ba bstan par bya'o/ / gling thams cad na sems can rnams bzod pa dang / ting nge 'dzin dang / gzungs kyi brgyan par bya ba nas gling thams cad du zhag bdun pa bdun gyi bar du sems can rnams la chos bstan par bya'o/ / gang gi tshe sangs rgyas kyi zhing de na sems can byol song gi skye gnas can thams cad byol song gi skye gnas las yongs su thar par 'gyur zhing mi'i 'jig rten thob par 'gyur ro/ / sangs rgyas kyi zhing de na de dag la bdag nyi ma bdun la bdun du ting nge 'dzin dang / gzungs dang bzod pa bstan par bya bas thams cad

  310. 156a

    byol song gi skye gnas dang / gshin rdo'i 'jig rten par mi 'gyur zhing thams cad de las shi 'bo sa nas sangs rgyas kyi zhing der skye bar 'gyur ro// chung dran sems can gcig+sa kyang de nang na song gsum las shi 'phos nas/ sangs rgyas kyi zhing der skye bar 'gyur ro// yang chung ngu na sems can gcig kyang yang gang yon tan 'di dag gis yang dag par brgyan par byas pa med par/ sangs rgyas kyi zhing der gtong bar mi bya ste/ zhag bdun pa bdun pa de las 'das pas/ mya ngan las 'das pa'i khams su phung po'i lhag ma ma lus par mya ngan las 'da' bar bya bar tshangs pa'i dbang po de'i spyan sngar bdag gi smon lam de bzhin du btab par gyur to/ / btsun pa bcom ldan 'das gal te bdag ni rnam pa de lta bu'i smon lam grub pas/ ma 'ongs pa'i dus na rnam pade lta bu rtsal chen po bya bar yang nus par 'gyur ro/ / btsun pa bcom ldan 'das bdag sngon lta ba can de dag gi rgyun bcad de/ de ltar 'khor thams cad dang ldan pa/ ji ltar mngon du gyur par 'gyur ba la de ltar bdag bla na med pa yang dag par rdzogs pa'i byang chub tu lung bstan par bgyi'o/ / de bzhin gshegs pa tshangs pa'i dbang po des yang bdag la bka' stsam pa/ shin tu zab mo/ / shin tu ngo mtshar ba shin tu rgya che ba'i smon lam btab pa ni nam mkha' la 'brug zer bas/ chus sems can rnams tshims par byed/ chu'i rdzing dang lteng ka'i sgor yongs su

  311. 156b

    rdzogs par byed/ shin tu dro bas gdungs pa'i sems can rnams dang / sman dang le ma dang / nags tshal dang / shing gel po rnams tshim par byed/ rigs kyi bu nam mkha' la 'brug bsgrags pa de bzhin du/ shin tu zab mo'i smon lam 'dis 'khor thams cad dang ldan pa 'di dag la gzhog par byed do// rigs kyi bu mi bzad par brtson pa'i smon lam gyis rnam pa de lta bu smon lam 'grub/ par 'gyur ro// ma 'ongs pa'i dus na khyod sangs rgyas kyi zhing kun nas gzi brjid du bskal pa'i 'od chen por 'gyur ro// de na yang rigs kyi bu khyod 'jig rten du sangs rgyas su skye zhing de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bla na med pa/ skyes bu 'dul zhing kha lo sgyur ba/ lha dang mi'i ston pa/ sangs rgyas bcom ldan 'das dang / de bzhin gshegs pa dbyangs ma lus pa'i gnas dbang phyug gi rgyal po zhes bya bar 'gyur ro// de bzhin gshegs pa tshangs pa'i dbang po de la yan lag lngas zhabs gnyis la spyi bos phyag btsal ma thag tu bdag gi spyi bo sa la reg pa tsam gyis na/ de la de nyid kyi tshe na sangs rgyas kyi zhing stong phrag bcu'i sa chu zla bzhin du rab tu g.yos so// lha dang dri za dang / lha ma yin dang / mi'i 'khor thams cad dang ldan pa 'dis legs so zhes bya ba byin te/ 'di skad ces smras so// skyes bu dam pa chos chen po snying rje chen po can brtson 'grus brtan pa dang

  312. 157a

    brtson pa dang / mthu chen po shin tu dka' ba'i smon lam btab pa legs so legs so// btsun pa bcom ldan 'das khyod de na yo byad thams cad kyis/ de bzhin gshegs pa tshangs pa'i dbang po nyan thos kyi 'khor dang bcas pa la/ zla ba gsum du bsnyen bkur byas pa de ltar bdag nyi ma re re zhing yang bcom ldan 'das de la me tog dang / dri dang phreng ba dang / spos sna tshogs mchod pas mchod pa'i gnas su byas par gyur to/ / btsun pa bcom ldan 'das ji ltar khyod zla ba gsum pa de dag las shin tu 'das nas rgyal po'i longs spyod dang / kun tu spyod pa thams cad spangs te/ de bzhin gshegs pa tshangs pa'i dbang po de'i spyan sngar srog chags stong phrag bcu dang thabs cig tu skra dang kha spu bregs te/ gos ngur smrig gyon nas/ yang dag par dad pas rab tu byung ngo // de bzhin du bdag kyang rab tu byung ba nas/ bcom ldan 'das de bzhin gshegs pa yul gzhan du rgyu zhing gshegs pa'i bar du/ de na bdag kyang grong rdal gzhan du bsod snyoms kyi phyir phyin te/ grong rdal der mchod sbyin chen po so sor gnas par gyur to/ / de la yang srog chags mang po bsad par bya bar 'dod pa de la/ gal te bdag sems can 'di dag gsod pa las yongs su mthar na/ bdag nyid kyang bla na med pa yang dag par rdzogs pa'i byang chub tu mngon par 'tshang rgya bar mi bya zhing / rga shi'i chu bo las sems can yongs su smin par mi nus so zhes snying rje chen po skyes te/ der nye bar phyin

  313. 157b

    nas dris par/ kye gang phyir mchod sbyin 'di bya// de dag gis smras pa/ yul 'di char mi 'bab par 'gyur zhing / mu ge yang 'byung ba dang / 'dir sems can mang po nad kyis gos pa dang / long ba dang zhar bar 'gyur ba dang / nad kyi 'khor lo 'byung ba dang / rgyal po'i zhabs 'bring ba dang / blon po dang / grong dang / ljongs dang / mi'i 'chog gcig la gcig 'khrug pa/ rnam pa de lta bu'i ltas ngan pa de dag med par bya ba dang / nad rab tu zhi bar bya ba dang / kun 'dus par bya ba'i phyir mchod sbyin 'di bya'o// de nas de dag la bdag gis 'di skad ces smras so// bzhin bzangs sems can 'di dag gsod pa las yongs su thar par nus kyis/ mchod sbyin gyi ra ba 'dir ma gsod cig/ bdag khyod la mu ge dang / char mi 'bab pa dang / nad dang / nad kyi 'khor lo thams cad yongs su zhi bar bya'o/ / de dag gis smras pa/ dge sbyong go reg nus sam zhes pa dang / bdag gis sems can de dag la mchod sbyin gyi ra ba mi snang bar byas so// de la yang dag gis smon lam 'di lta bu btab ste/ bcom ldan 'das med par gsung bas/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar lung bstan pa de lta bu'i smon lam yongs su rdzogs par gyur cig/ gal te mchod sbyin 'di'i phyir smon lam yongs su dag pas bdag bsad de/ de dag gi lus thams cad kyi ba spu'i khung bu ji tsam pa de tsam gyi lha dang

  314. 158a

    klu dang / gnod sbyin yul yongs su skyong ba la lus 'di dbul bar bya zhing / bdag gi khrag shin tu rgya che ba/ mdangs can byang bar gyur nas/ yul yongs su skyong ba de dag kyang khrag 'di la yongs su 'thung bar gyur cig/ yongs su 'thungs pas/ yul skyong ba re re la yang yul 'dir de tsam gyi ltas ngan rab tu zhi bar gyur cig/ de tsam gyi bde ba dang / lo legs pa dang nad med pas 'thab mo dang / bcing ba dang / gnod pa dang / rtsod pa la 'jug pa'i gnyen por phun sum tshogs par gyur cig/ sems can re re zhing yang 'dir de tsam gyi bde ba dang yid bde ba skyes par gyur cig/ sems can rnams kyi yul 'dir de tsam gyi lus kyi gnas ngan len dang / ngag gi gnas ngan len dang / yid kyi gnas ngan len med par gyur cig/ yul ji tsam pa 'dir sems can thams cad de tsam gyi mchog tu bde bas tshim par gyur cig/ gang gi tshe bdag bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe/ sems can 'di thams cad rga shi las yongs su thar par bya'o/ / sems can thams cad kyi ba spu'i khung bu ji tsam par gyur pa de tsam gyi bskal pa chen po'i gling bzhi pa re re la mchod sbyin gyi ra bar mchod sbyin gyi phyir bdags bsad la/ gang mi dag mchod sbyin gyir ba'i phyir bsad par 'gyur ba dang / gang byol song gi skye gnas can thams cad kyi phyir/ bdag mchod sbyin gyi rab de dag tu bsad par byos shig/ de na

  315. 158b

    yul 'dir bdag gi lus mi snang bar gyur cig/ yul de na gsod pa drang / nad dang / mu ge dang / char mi 'bab pa dang / 'khor lo gnyis dang / shin tu grang ba dang / shin tu jo ba dang / drug dang byad stems dang / dus ma yin pa'i rlung dang / dus ma yin pa'i char dang / sbrang ma dang / sha sbrang dang / sbrul gdug pa dang / phye ma le ba gsod pa dang / sdom pa med pa'i longs spyod yongs su tshol ba dang / chos ma yin pa la chags pa dang / slu ba dang / phra ma dang / zhe gcod pa dang / tshig bkyil ba dang / chags sems dang / gnod sems dang / log par lta ba zhes bya ba 'di dag gi dngos po rab tu zhi bar gyur cig/ de na sems can rnams gcig la gcig dga' ba'i sems dang / 'jam pa'i sems dang / las su rung ba'i sems dang / gzung du med pa'i sems dang / sa dang mtshungs pa bral ba med pa'i sems dang / sbyin pa'i sems su gyur cig/ de na sems can rnams 'byung ba'i sems dang / tshul khrims kyi sems dang / zhi gnas kyi sems dang / brtson 'grus kyi sems dang / bzod pa'i sems dang / bsam gtan gyi sems dang / shes rab bsgom pa yongs su tshol ba'i sems su gyur cig/ gang la bdag mchod sbyin gyi phyir bsad par bya ba nas/ phyogs bcu'i stong pa dang / rnyog pa lnga'i sangs rgyas kyi zhing chu bo gang+gA'i bye ma snyed du rtsal chen po bya ba'i bar du bdag gi sngon gyi ltas de dag byung bar gyur cig/ nam mkha

  316. 159a

    las char 'bab par gyur cig/ ces bdag gis tshig de brjod ma thag tu de nas de nyid kyi tshe na/ bdag gi lus thams cad kyi ba spu'i khung bu las 'o ma zag cing nam mkha' las char yang rab tu 'bab bo/ / de na yang mchod sbyin can des mi gsad par bcom ldan 'das la 'dir dbang du gsol te/ yul de na thams cad kyang dpal phun sum tshogs pa de ba'i yo byad dang mthun par gyur to/ / nad dang 'thab mo dang mu ge dang / char mi 'bab pa mi snang bar byas te/ gang bdag mir gyur pas chu bo gang+gA'i bye ma snyed kyi mchod sbyin gyi ra ba la mchod sbyin byas pa/ bcom ldan 'das la dbang du gsol lo/ / ba glang gi gzugs kyis chu bo gang+gA'i bye ma snyed kyi mchod sbyin pa nas/ rta'i gzugs dang / g.yag gi gzugs dang / glang gi gzugs dang / phag gi gzugs dang / spang ki'i gzugs dang / phyugs kyi gzugs dang / bse'i gzugs dang / ma he'i gzugs dang / wa'i gzugs sdus pas bdag byol song gi skye gnas stong phrag brgyad cu rtsa bzhi la skye gnas re ri thob pas/ chu bo gang+gA'i bye ma snyed kyis 'khor la mchod sbyin byas so// phyogs bcu kun nas nyon mongs pa dang / rnyog pa lnga'i sang+yas kyi zhing chu bo gang+gA'i bye ma snyed du/ rnam pa de lta bu'i bde ba'i yo byad thams kyis sems can rnams bde bas tshim par byas pa/ rnam pa de lta bu'i rtsal chen po byas so// yang btsun pa bcom ldan 'das ngan pa'i dus kyi tshe nad pa la la zhig gi don

  317. 159b

    du ra'i rtsang sha 'tshal bar gyur la/ yul de nar ma mchis na/ de la bdag gis smon lam 'di lta bu btab ste/ gal te bdag bla na med pa'i shes rab chen po ma thob kyi bar du/ bdag gi smon lam 'di 'grub par gyur cig/ bdag shing chen po 'di la 'dzegs te bdag mchongs nas rdzus te rar skyes la lhas mi rnams la bsgo ba 'di ni/ nad pa rnams kyi sman du gyur pa yin gyi/ sems can de dag gis sha zo shig dang / de dag gi nad de zhi bar 'gyur ro// sangs rgyas kyi zhing gang du bdag 'jig rten du sangs rgyas su gyur pa der/ sems can rnams sha za bar ma gyur cig de na nad kyis reg pa rnams la sman du ma gyur pa'i dngos po med par gyur cig/ yid du mi 'ong ba'i sgra mi grag par gyur cig/ sangs rgyas kyi zhing de na sems can rnams longs spyod dang / kun tu spyod pas 'phongs par 'gyur ba'i sgra mi grag par gyur cig/ bdag da ltar ra'i gzugs kyis nad pa rnams bsnyen bkur byed pa de bzhin du/ ji srid du yun ring por 'khor ba na sems can rnams nad kyis reg par gyur la/ sha dang khrag dang / bo ma dang mar gyis sems can rnams kyi nad zhi bar 'gyur ba de srid kyi yun ring por sems can rnams kyi nad zhi bar bgyi ba'i slad du byol song gi skye gnas su gyur cig/ bdag shing de la 'dzegs nas bdag mchongs te/ de nas stong gsum gyi stong chen po'i 'jig rten gyi khams thams cad rnam pa drug tu g.yos la/ brgya byin dang / tshangs pa dang / lha bye ba khrag

  318. 160a

    khrig brgya stong gis lha rdzas kyi me tog dang / spos dang / phreng ba dang / a ka ru dang / ta ka ru dang / dus dang mthun pa'i tsan dan gyi phye ma'i char rab tu bab nas/ bdag gi mdun du thal mo sbyar te 'dug pa la 'di skad ces smras so// skyes bu dam pa sems can no cog dag gis bdag ma gsod cig dang / bdag gis sangs rgyas kyi zhing thams cad na sems can nad pa rnams nad thams cad las yongs su thar par bya'o/ / char mi 'bab cing mu ge 'byung ba thams cad dang / na ba dang / 'chi ba dang / 'thab mo dang rtsod pa nas mi dge ba bcu'i las kyi lam gyi bar las kyang thar bar bya ste/ dge ba bcu'i las kyi lam la sems can rnams sbyang bar bya'o// bdag shing de las mchongs pa lha rnams kyis bdag nam mkha' bar snang las bzung ste/ de na bdag gis sems can rnams bslabs nas/ sems can rnams chos la sbyor bar byas so// de na bdag gis sems can khrag khrig brgya stong phrag mang po lnga mngon/ par shes pa dang ldan par byas so// bdag gi tshig gis lha rnams kyis sangs rgyas kyi zhing de dag thams cad du sems can rnams dge ba bcu'i las kyi lam gyi bar la btsud cing so sor bkod/ do// btsun pa bcom ldan 'das bdag gi smon lam ni de lta bu lags so// de nas bcom ldan 'das kyis byang chub sems dpa' nam mkha' dbyangs la legs so zhes bya ba

  319. 160b

    byin nas/ rigs kyi bu khyod kyi smon lam de lta bur gyur te/ spyad par dka' ba spyod pa'i seng ge'i sgra de lta bu bsgrags pa ni legs so legs so// rigs kyi bu khyod ji ltar sngon gang+gA zhes bya ba nyi ma la dga' bar gyur pa de ngas bskul nas thog mar byang chub tu sems bskyed por ma gyur tam gsol ba/ btsun pa bcom ldan 'das bdag sngon lan 'ga' yang blan med pa yang dag par rdzogs pa'i byang chub tu sems bskyed par gyur pa ma mchis so/ / btsun pa bcom ldan 'das bdag thog mar byang chub sems dpar gyur pa ni 'di lags te/ btsun pa brtso ldan 'das bdag de bzhin gshegs pa tshangs pa'i dbang po'i thad du mchis te/ de'i tshe de ltar ji skad du brjod pa'i smon lam de lta bu btab bo// bcom ldan 'das kyis bka' stsal pa/ rigs kyi bu khyod gal te sngon byang chub tu sems bskyed par ma gyur na smon lam 'di lta bu sus bslabs/ gsol ba// de na bdag dben pa zhig tu mchis te/ dogs la mchis nas smon lam zhig gdab par sems pa na/ bdag gi rmi lam du de bzhin gshegs pa tshangs pa'i dbang pos smon lam de dag bsgo ba dang / des de bzhin gshegs pa de'i spyan sngar smon lam btab bo// de na bdag sems can rnams la snying rje skye ste/ 'khor ba'i skyon rtogs so// de phyis rjes su dpag ba des mchod sbyin smra ba bdag yongs su btang ba bgyis te/ smon lam de lta bu btab bo// bcom ldan 'das kyis

  320. 161a

    bka' stsal pa/ ci khyod lta bar song ba de dag zhugs sam/ gsol pa ma lags so// su zhig gi mthus/ gsol pa/ btsun pa bcom ldan 'das smon las kyi khyad pa gyis so/ / bcom ldan 'das kyis bka' stsal pa/ rigs kyi bu de de bzhin te/ smon lam gyi khyad par gyis sems can rnams lta bar song ba thams cad las yongs su 'grol gyi gzhan gang gi mthus kyang sems can rnams lta bar spong ba thams cad las yongs su 'grol bar mi 'gyur ro/ / rigs kyi bu byang chub kyi phyir lung bstan pa 'di su zhig gi dus gsum gyi gzugs kyi phung po nas/ rnam par shes pa'i phung po'i bar du yin nam/ 'on te dus gsum gyi bde ba dang / sdug bsngal dang / bde ba yang med/ sdug bsngal ba yang med pa/ tsher ba'i skye mched drug po dag gi yin nam/ 'on te tshor ba med pa yin nam/ byang chub kyi phyir lung bstan pa zhes bya ba 'di su zhig gi yin/ gsol pa/ btsun pa bcom ldan 'das 'di lta ste/ bdag la lung ston par gsol pa'am/ bdag la lung bstan pa 'am/ bdag bla na med pa yang dag par rdzogs pa'i byang chub tu lung bstan pa des mchis so// de ci'i slad du zhe na/ ji ltar nam/ mkha' 'di rdzas ma mchis/ dngos po ma mchis/ rang bzhin ma mchis/ cung zad kyang ma mchis/ yi ge ma mchis/ thob pa ma mchis/ brjod du ma mchis pa de bzhin du/ chos

  321. 161b

    'di dag kyang rdzas ma mchis shing / dngos po ma mchis pa nas/ brjod du ma mchis shing ma skyes pa'i bar du'o// btsun pa bcom ldan 'das dus gsum gyi gzugs 'byung ba ma mchis te/ lta ba'i mtshan nyid dang nye bar bral ba nas/ rnam par shes pa'i bar yang ma skyes pa'o// btsun pa bcom ldan 'das dus gsum gyi mig 'byung ba ma mchis shing / lta ba'i mtshan nyid dang nye bar bral ba nas/ dus gsum gyi nang gyi yid kyi bar dang / bde ba dang / sdug bsngal ba dang / bde ba yang ma mchis/ sdug bsngal ba yang ma mchis pa'i tshor ba yang ma skyes pa nas/ lta ba'i mtshan nyid dang bral ba'i bar du'o// btsun pa bcom ldan 'das bdag gis ni/ dus gsum gyi gzugs kyi yang dag pa'i mtha' dang / chos nyid la skyeb 'am/ gnas pa'am/ 'jig pa mi dmigs so// chos kyi dbyings la yang gnas par mi dmigs te/ ming dang gzugs kyang yang dag par rjes su mi mthong ngo // brdar btags/ pa tsam du yang gzugs kyi mtshan nyid yang dag par rjes su mi mthong ste/ de bzhin du tshor ba dang / 'du shes dang / 'du byed rnams dang / btsun pa bcom ldan 'das dus gsum gyi rnam par shes pa'i yang dag pa'i mtha'i bar la yang brdar btags pa tsam du yang rnam par shes pa'i mtshan nyid yang dag par rjes su mi mthong ngo / / bcom ldan 'das bdag

  322. 162a

    gis ni dus gsum gyi mig gi yang dag pa'i mtha' nas/ brda tsam du btags pa'i mig gi mtshan nyid nas/ dus gsum gyi nang gi yid kyi 'dus te reg pa de ba dang / sdug bsngal dang / bde ba yang ma mchis/ sdug bsngal yang ma mchis pa'i bar du yang yang dag par rjes su mi mthong ngo // btsun pa bcom ldan 'das bdag gi ni/ yang dag pa'i mtha' dang / chos nyid dang / chos skyon med pa nyid kyi skye ba dang / gnas pa dang / 'gog pa mi dmigs so// yid dang / chos kyi khams kyang mi dmigs so// bdag gis ni yid rnam par gnas pa'i mtshan nyid kyang yang dag par rjes su mi mthong ngo / / de ci'i phyir zhe na/ chos thams cad ni brag cha lta bu ste/ nam mkha' la brtag pa'i mtshan nyid lta bu 'ong ba med cing 'gro ba med pa/ gang la gang gis kyang ma bzung ba'o// chos thams cad mig yor lta bu/ smig rgyu lta bu/ rmi lam lta bu/ chu'i zla ba lta bu ste/ nam mkha' la brtags pa'i mtshan nyid lta bur 'ong ba med cing 'gro ba med pa/ / gang la gang gis kyang ma bzung ba'o// btsun pa bcom ldan 'das byang chub sems dpa' sems dpa' chen po'i ting nge 'dzin spangs pa'i mtshan/ nyid gzung ba ma mchis pa zhes bgyi ba zhig mchis te/ nyan thos dang / rang sangs rgyas thams cad dang mthun mong ba ma lags so// de la gzugs kyi mtshan nyid dang bral zhing yongs

  323. 162b

    su bzung du ma mchis pa'i ting nge 'dzin gang zhe na/ 'di lta ste/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang don dam pa stong pa nyid dang / 'dus byas stong pa nyid dang / 'dus ma byas stong pa nyid dang / rab tu stong pa nyid dang / thog ma dang tha ma med pa stong pa nyid dang / mi 'gyur ba stong pa nyid dang / rang bzhin stong pa nyid dang / rang gi mtshan nyid stong pa nyid dang / chos thams cad stong pa nyid dang / mi dmigs pa stong pa nyid dang / dngos po med pa stong nyid dang / ngo bo nyid stong pa nyid dang / dngos po med pa'i ngo bo nyid stong pa nyid dang / gzung ba de ni mtshan nyid dang bral ba/ yongs su gzung ba ma mchis pa zhes bgyi ba'i ting nge 'dzin te/ nyan thos dang rang sangs rgyas thams cad dang thun mong ba ma lags so/ / btsun pa bcom ldan 'das de ni rnam grangs 'dis kyang de skad brjod par bgyi ste/ 'di lta ste/ de ni ma mchis pa'i tshig bla dgas so// 'di lta ste/ bdag la ni bla na med pa yang dag par rdzogs pa'i byang chub tu lung ston te/ lung ston par 'gyur ro// lung bstan to// de ci'i phyir zhe na/ bdag ni lung bstan pa yang dag par rjes su mi mthong ngo / / brjod pa dang / lung bstan pa dang / 'khor ba yang yang dag par rjes su mi mthong ngo // mya ngan las 'da' ba dang / lam dang / lam ma lags pa dang / rnal

  324. 163a

    'byor dang / rnal 'byor ma lags pa dang / las dang / las ma lags pa yang yang dag par rjes su mi mthong ngo // 'di lta ste/ dper na de bzhin nyid kyi lamam mchis shing / phyin ci ma log pa de bzhin nyid dang / chos kyi dbyings dang / chos nyid dang / chos skyon med pa nyid kyi lam yang dag par rjes su mi mthong ba de bzhin du/ gzugs las yang dag par rjes su mi mthong ngo / / rnam par shes pa'i bar du yang dag par rjes su mi mthong ngo // mig yang dag par rjes su mi mthong ba nas/ yid kyi rnam par shes pa'i bar gyi lam yang yang dag par rjes su mi mthong ngo / / lung bstan pa brjod pa 'di'i skabs dang / go skabs kyang yang dag par rjes su ma mthong ngo // gang gzugs kyi lung bstan pa nas/ rnam par shes pa'i bar dang / mi gnas yid kyi bar gyi lung bstan pa dang / gang byang chub tu lung bstan pa yang dag par rjes su mi mthong ngo // bcom ldan 'das kyis byang chub sems dpa' shin tu bstan pa 'di bshad pa na/ kun tu rgyu shin tu rnam par phye ba'i las kyang de yang dag par rjes su ma mthong nas/ yang dag par spyod pa'i tshul nam mkha'i mdog gis 'dul ba'i bzod pa rab tu thob par 'gyur to/ / sems can gzhan mu stegs can nga rgyal bcom pa stong phrag bcu gsum po de dag ni/ bla na med pa yang dag par rdzogs pa'i byang chub tu sems

  325. 163b

    bskyed nas/ phyir mi ldog pa'i sa rab tu thob par gyur to// yang dag par spyod pa'i tshul nam mkha'i mdog gis 'dul ba'i bzod pa zhes bya ba theg pa chen po'i mdo le'u bcu gcig go// / de nas bcom ldan 'das sgra thams cad 'jug pa zhes bya ba'i ting nge 'dzin la snyoms par zhugs so// ting nge 'dzin des sems can gyi skye gnas stong phrag brgyad cu rtsa bzhi po de dag gi sgra brjod pa'i tshig stong phrag brgyad cu rtsa bzhi po ting nge 'dzin des skye gnas dang / sgra dbyangs kyi tshig brjod pa thams cad tshim par byed do// de la bcom ldan 'das kyis yi ge dang / smras pa nyon cig/ grogs po dag nyon cig/ grogs po dag lha dang mir skye ba thob par 'gyur ba dang / lam gang gis nyan thos kyi theg pa rnyed de sdug bsngal thams cad zad par 'gyur ba dang / reng sangs rgyas kyi theg pa rnyed pa dang / bla na med pa yang dag par rdzogs pa'i byang chub rnyed par 'gyur ba bde ba dang zhi ba'i lam ston cig/ bcom ldan 'das kyis sgra dbyangs brjod pa des/ phyogs bcu kun tu skad dang tshig gcig brjod pas/ yi ge dang / sgra dbyangs brjod pa stong phrag brgyad cu rtsa bzhi brjod pa'i grangs su 'gro'o// yi ge dang sgra dbyang brjod pa des/ sems can thams cad rang rang gi tshig khong du chud par 'gyur ro// phyogs bcu thams cad kyi sangs rgyas kyi zhing stong pa rnyog pa lnga dang ldan pa/ chu bo gang+gA'i bye ma snyed sgra dbyangs

  326. 164a

    kyis rgyas par byed do/ / chu bo gang+gA'i bye ma snyed kyi sangs rgyas kyi zhing stong pa rnyog pa lnga dang ldan pa de'i sems can ngan par song ba rna lam du yang grag go/ de nas sems can de dag rang rang gi tshig kun tu shes nas/ 'di snyam du sems te/ 'di ltar yid du 'ong ba/ 'di ltar snyam pa/ 'di ltar dga' bar 'gyur ba su'i tshig/ bdag cag la zhi ba dang bde ba'i lam ston pa'i sems can gyi snying po 'di su zhig/ lam gang bstan pas nas/ bla na med pa yang dag par rdzogs pa'i byang chub kyi bar du thob/ nyan thos kyis ni ci 'dra ba zhig/ rang sangs rgyas kyis yang ci 'dra ba zhig/ bla na med pa yang dag par rdzogs pa'i byang chub kyi sa'ang ci 'dra ba zhig/ lam gang thob na/ bdag cag lus kyi bde ba'i tshor ba thams cad byung zhig sdug bsngal thams cad byang ste/ lus kyi g.yeng ba thams cad srab par gyur/ de bas na bdag gis bsti stang du byas te/ mnyan par bya snyam mo// bcom ldan 'das kyis yang bka' stsal la/ grogs po dag bcu po 'di dag ni dge ba'i las kyi lam ste/ des lha dang mir skye ba rab tu thob/ sdug bsngal thams cad zad par 'gyur ba nyan thos kyi theg pa'ang thob/ sdug bsngal thams cad zad par 'gyur ba thob bo/ / dge ba'i las kyi lam des sems can thams cad kyi mchog dam pa/ khyad par can phul/ byams pa chen po// snying rje chen po// thams cad mkhyen pa'i

  327. 164b

    ye shes chen po thob par 'gyur ro/ / sems can thams cad la snying brtse zhing phan par byed par 'gyur ro// des dge ba'i las kyi lam bcu po gang zhe na/ dge ba'i las kyi lam gang dang ldanan/ sems can rnams myur du lha dang mir skye ba thob pa nas/ bla na med pa yang dag par rdzogs pa'i byang chub kyi bar du thob par 'gyur ba ste/ de la grogs po dag lha dang mi snyed pa nas/ dge ba'i las kyi lam la brtson par bya'o/ / sbyin pa sbyin no// tshul khrims srung ngo // 'du shes bcu bsgom par bya'o// bcu gang zhe na/ 'di lta ste/ rnam par bam par 'du shes pa bsgom par bya/ gang gis rgyun tu zhugs pa'i 'bras bu nas/ dgra bcom pa'i 'bras bu'i bar du thob cing / sdug bsngal thams cad zad par 'gyur ba dang / rnam par rnags par 'du shes pa dang / rnam par bsngos par 'du shes pa dang / rnam par dmar bar 'du shes pa dang / 'bus gang bar 'du shes pa dang / rnam par zos par 'du shes pa dang / rnam par 'thor bar 'du shes pa dang / keng rus su 'du shes pa dang / rnam par tshig par 'du shes pa dang / 'chi bar 'du shes pa bsgom par bya'o// gang gis rgyun du zhugs pa'i 'bras bu nas/ dgra bcom pa'i 'bras bu'i bar du thob cing sdug bsngal thams cad zad par thob ste/ mir gyur pa thob nas kyang yang gang gis rang sangs rgyas kyi sa rjes

  328. 165a

    su thob par 'gyur ba'i 'du shes bcu gnyis bsgom par bya ste/ bcu gnyis gang zhe na/ bsam gtan bzhi dang / tshad med pa bzhi dang / gzugs med pa'i snyo par 'jug pa bzhi dang / sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / smyoskyo ba rjes su dran pa dang / zhi gnas rjes su dran pa dang / dbugs rgyu ba rjes su dran pa dang / lcags mthong rjes su dran pa'i 'du shes 'di bsgom par bya'o// gang gis rang sangs rgyas kyi rjes su thob cing mir gyur pa thob nas kyang sbyin pa dang / dul ba dang / sdom pas sems can thams cad la bdud ci'i ros mgron bya bar bya'o// pha rol tu phyin pa drug yongs su rdzogs par bya'o/ / drug gang zhe na/ sbyin pa'i pha rol tu phyin pa yongs su rdzogs pa nas/ shes rab kyi pha rol tu phyin pa'i bar du yongs su rdzogs la/ bla na med pa yang dag par rdzogs pa'i byang chub tu mngon par sangs rgyas nas/ rnam pa de lta bu'i sgra skad dang dbyangs brjod pas sems can thams cad las dge ba'i bshes gnyen du 'di lta ste/ da ltar gyi bzhin du bde ba sbyin par 'gyur de nas sems can de dag 'di snyam du sems te/ bdag cag rnams ni gor ma chags par snying rje chen po dang ldan pa'i dge ba'i spobs pa mthong ngo snyam mo//

  329. 165b

    de nas bcom ldan 'das kyis sems can de dag gi sems kyi rnam par rtog pa thugs kyis mkhyen nas/ de'i tshe dpa' bar 'gro ba zhes bya ba'i ting nge 'dzin la snyoms par zhugs nas/ ting nge/ 'dzin des phyogs bcu'i chu klung gang+gA'i bye ma dang mnyam pa stong par gyur pa'i rnyog pa lnga'i sems can gyi khams ji snyed pa de snyed du/ sprul pa'i phyir sems can tshangs pa la mos pa de dag gi mdun du ni tshangs pa'i gzugs su so sor gnas shing chos ston to/ / la la bdag ni bla na med pa yang dag par rdzogs pa'i byang chub yang dag par len tu 'dzud la 'jug par byed cing so sor 'god do// / semangs can la la dag ni rang sangs rgyas kyi theg pa la'o// la la dag ni nyan thos kyi theg pa la'o// la la dag ni dge ba'i las kyi lam la sbyor bas lha dang mi rnams kyi phyir ro// gang dbang phyug la mos pa nas/ glang po la glang po'i gzugs kyi bar dang / rta la rta'i gzugs dang / yi dgas la yi dgas kyi gzugs dang / sems can dmyal ba la sems can dmyal ba pa'i gzugs kyis de dag gi mdun du 'dug ste chos ston to/ / sems can dmyal ba pa'i sems can la la dag ni bla na med pa yang dag par rdzogs pa'i byang chub yang dag par 'dzin tu 'jug pa nas/ lha dang mi'i bar dag la yang sbyor te/ sems can gang dag der sngon dge ba'i rtsa ba 'di dag skyed pa de dag ni de bas kyang bstan par byas so// sems can gang dag sngon dge ba'i rtsa ba ma bskyed

  330. 166a

    pa rnams ni der bskyed do/ / sems can gang dad pa'i rgyu des ngan song gsum po de dag nas shi 'phos nas lha dang mir skyes pa de'i tshe de'i dus na phyogs bcu'i chu klung gang+gA'i bye ma snyed kyi rnyog pa lnga'i sangs rgyas kyi zhing dag na/ sangs rgyas kyi zhing re re la yang tshad med grangs med pa'i chu klung gang+gA'i bye ma snyed kyi sems can bye ba khrag khrig brgya stong bla na med pa yang dag par rdzogs pa'i byang chub tu sems bskyed de dge ba'i rtsa ba bskrun no/ / la la dag ni phyir mi ldog pa'i sa rab tu thob bo// la la dag ni de lta bu'i bzod pa dang / ting nge 'dzin dang / gzungs rab tu thob ste/ bzod pa dang gzungs ji snyed thob pa'i stobs dang / rdzu 'phrul gyis mi mjed kyi sangs rgyas kyi zhing 'dir/ de bzhin gshegs pa shAkya thub pa'i gan du lhags so// gang rkyen la 'jug pa'i theg pa la sems bskyed de/ dge ba'i rtsa ba bskrun te/ sems can bye ba khrag khrig brgya stong chu klung gang+gA grangs med dpag tu med pa'i bye ma snyed dag las kha cig ni gang na sangs rgyas bcom ldan 'das bzhugs te 'tsho zhing skyong la sems can rnams la chos kyang ston pa'i sangs rgyas kyi zhing gzhan du dong ngo / / kha cig phyir mi ldog pa'i sa la gnas so// de bzhin du gang nyan thos kyi theg par sems bskyed cing dge ba'i rtsa ba bskrun pa'i sems can bye ba khrag khrig brgya stong chu klung gang+gA grangs med dpag tu med pa dang / de bzhin du sems can bye

  331. 166b

    ba khrag khrig brgya stong chu klung gang+gA grangs med dpag tu med pa'i bye ma snyed dang / gang sang+yas kyi zhing re re'i sems can gang dge ba bcu'i lam la rnam par gnas pa lnga dang mi'i lam thob par gyur pa/ / chu klung gang+gA grangs med dpag tu med pa'i bye ma snyed dang / sangs rgyas kyi zhing re re'i sems can bye ba khrag khrig brgya stong smon lam gyi dbang gis de nas shi 'phos nas de bzhin gshegs pa shAkya thub pa'i sangs rgyas kyi zhing 'dir skyes so/ / la la dag ni smon lam gyi dbang gis de nas shi 'phos nas/ gang na sangs rgyas bcom ldan 'das bzhugs te 'tsho skyong zhing / byang chub sems dpa' dag pa'i tshogs kyis bskor te chos kyang ston pa'i sangs rgyas kyi zhing yongs su dag pa gzhan dag tu skyes nas/ sangs rgyas kyi zhing de dang de dag tu sems can rnams kyi longs spyod dang / kun tu spyod pa dang / bde ba'i yo byad sna tshogs cho mtsho dgu grangs med dpag tu med pa 'byung ngo // de nas bcom ldan 'das ting nge 'dzin de las bzhengs nas/ de'i tshe ched du brjod pa 'di ched du brjod do// 'jig rten dag na mkhas pa gang // blo dang ldan zhing 'jigs pa med// byang chub de ni sems bsngos shing // bya bar dka' ba rnams kyang spyod/ / pa yi dngos por rnam par ston// sems can sdug bsngal smin par byed// bdud bzhi dag kyang 'dul byed pa// mya ngan 'das bzhi pa thob// sbyin pa sgom pasdom

  332. 167a

    pa yis/ sems can dag la las ston cing // theg pa gsum la sbyor ba yis// de dag thar pa'i skal ba thob// gang dag ngan 'gro gsum gnas dang / sdug bsngal gnod las thar byed cing / de dag sems ni dang byas nas// lha dang mir ni rab tu khrid// dge ba'i chos la rab sbyor zhing // gang dang gang la mos pa dag/ pha rol phyin zug rdzogs byas nas// de dag sangs rgyas mthun par 'gyur/ / de nas byang chub sems dpa' sems dpa' chen po byams pastan las langs te/ bcom ldan 'das gang na pa de logs su thal mo sbyar nas phyag 'tshal te/ bcom ldan 'das la 'di skad ces gsol to// bcom ldan 'das gang gi tshe/ bla na med pa yang dag par rdzogs pa'i byang chub tu mngon par sangs rgyas nas/ bcom ldan 'das 'dri ni chos kyi 'khor lo rab tu bskor ba gnyis pa ste/ bcom ldan 'das chos kyi rnam grangs 'di byin gyis brlab tu gsol// bcom ldan 'das cad mi gsung bar gyur pa dang / lha rdzas kyi sil snyan bye ba khrag khrig brgya stong yang rab tu 'khrol/ me tog gi char yang rab tu bab/ a ka ru dang / ta ka ru dang / dus dang mthun pa'i tsan dan dang / sbrul gyi snying po tsan dan gyi phye ma'i char rab tu bab/ lha rdzas kyi na bza' dang / yid bzhin gyis na bza' dang / dar gyi lnga ldi'i 'phreng ba dang / gser gyi lcag po dang / mu tig gi se mo do dang / dpung rgyan gyis

  333. 167b

    nam mkha'i dbyings kyang brgyan to/ / klu bye ba khrag khrig brgya stong mang po bcom ldan 'das la mchod pa'i las la brtson las/ mu tig gi se mo do rnam pa sna tshogs cho ma cho dgu'i char kyang rab tu phab bo/ / byams pa dang / 'jam dpal dang / kun tu bzang po la sogs pa yang byang chub sems dpa' phyogs bcu nas 'dus pa thams cad dang lhan cig tu stan las langs te/ bcom ldan 'das gang na ba der logs su thal mo sbyar nas/ bcom ldan 'das la tshigs mthun par 'di skad gsol to// btsun pa bcom ldan 'das 'gro ba slad ma dag la thugs brtse ba'i slad du/ chos kyi rnam grangs 'di byin gyis brlab tu gsol/ bcom ldan 'das kyis bka' stsal pa/ bzhin bzangs dag de skad ma zer cig/ ma 'ongs pa'i dus tha ma lnga brgya'i dus kyi bar dag tu gang de dag rigs bzhi'i 'khor mi dad pa dag 'byung ste/ spyod pa ngan pa tshul khrims ngan pa/ gzhogs slong byed pa/ thos pa nyung ba/ ser sna can/ spyod pa ma rungs pa/ sdig pa lta bar gnas pa/ rtag pa dang chad pa la lta ba phal cher 'byung ngo // 'jig rten pha rol la 'jigs par mi lta ba/ rgyu dang 'bras bu yod par mi 'dod pa/ gcig la gcig ngan du sems shing bdag bstod pa nas/ mi dge ba bcu'i lam gyi bar dang ldan pa dag 'byung ngo // rgyal po yang chos dang mi ldan par 'byung ste/ 'dod pa yongs su tshol bas ngoms

  334. 168a

    pa gzhan gyi 'khrul pa'i skabs tshol ba/ dge sbyong dang / bram ze dang / khyim na gnas pa mchod par 'os pa dag la brnyas ma shin byed cing / mchod pa'i 'os ma yin pa la dad de/ gzhogs slong can/ g.yo sgyu can/ tshul khrims ngan pa can/ zos pa nyung ba/ bsod nams chung ba/ snying rje chung ba/ yid mi gzhungs pa/ legs par zhugs pa'i dge sbyong dang / bram ze dang / khyim bdag rnams la rgyal po gus par byed cing zhe sar byed/ bla mar byed/ ri mor byed cing / kun tu 'dzin to// de dag kyang nyin mtshan du bde ba 'dor zhing / 'phral gang du rgyal po'i dgos pa ma rungs pa dag spyod de/ rgyal po yang 'jig rten pha rol la 'jigs par mi lta ba/ brdzun du smra ba mang ba 'byung ste/ rgyal po'i skyon de lta bus byang chub sems dpa' la la ni 'jig rten gyi khams gzhan du 'gro'o/ / byang chub sems dpa' sems dpa' chen po la la ni dgon pa dang / nags tshal gyi gnas su sbyangs pa'i yon tan dang / chog shes pa dang / btang snyoms la gnas so// gang yul de yongs su skyong ba'i lha de dag kyang yid mi dga' bar gyur te/ yul gyi phan pa dang / dgos pa thams cad yal bar 'dor ro/ / yul de yang 'khor gnyis kyis 'khrug par 'gyur ro// rgyal po'i nyes pas de na sems can rnams nad mang bar 'gyur te/ tshogs dang bral ba/ dran pa nyams pa/

  335. 168b

    chos ma yin pa tshol ba/ myur du rga ba/ myur du 'khogs pa/ myur du 'chi bar 'gyur ro// ma 'ongs pa'i dus tha ma lnga brgya'i bar dag tu 'di lta bu'i yul 'khrug par gyur na/ chos kyi rnam grangs 'di su la yongs su gtad/ ma 'ongs pa'i dus tha ma lnga brgya'i bar dag tu ri mor bya ba mi 'os pa/ 'chal pa'i shes rab can/ brlang ba brkam pa/ nor la dga'i/ chos la mi dga' ba/ mig la dad kyi/ dgos pa la ma yin pa/ mi sems pa/ gzhogs slong can/ brdzun che zhing gzhan 'drid par sems pa dag 'byung ngo // gang dge sbyong dang / bram ze dang / khyim na gnas pa/ mkhas pa chos 'dod pa chos smra ba/ de dag la ri mor mi byed/ mi lta'i/ brdzun zer ba'i tshig la dga' zhing skyes pa/ chos ma yin pa'i tshig thos na bya bar sems pa 'byung ngo / / gang bsod nams chung ba dang / shes rab chung ba dang / tshul khrims ngan pa can dang / gzhogs slong can dang / brlang ba dang / bdag stod pa dang / gzhan la smod pa dang / lta ba ma rungs pa dang / 'bral gang du sems kyis lus dang ngag mi sdom pa dang / chos 'dzin pa'i sems med pa dang / sdig pa la dga' ba'i sems dang ldan pa dang // dge sbyong dang / bram ze dang / khyim na gnas pa de dag kyang ri mor bya ba ma yin pa'i rgyal po dang / rgyal po'i zhabs 'bring ba la nor gyi phung pos rjes su 'dzin pa mi byed par 'gyur ro//

  336. 169a

    nor gyi stobs de dang brdzun du smra ba'i stobs des ri mor bya ba ma yin pa'i rgyal po'i zhabs 'bring ba rnams la yang mchod cing rim gro byed par 'gyur ro// ri mor bya ba ma yin pa'i rgyal po'i zhabs 'bring ba'i chog nyan cing byed de mchod pa nas/ rgyal po la mchod par gnas par 'gyur ba'i bar du'o// ri mor bya ba ma yin pa'i bar gyi nyes pas chos kyi phyogs tshar gcod par 'gyur ro/ / chos ma yin pa'i phyogs paslang bar 'gyur te/ byang chub sems dpa' sems dpa' chen po 'di dag kyang btang snyoms kyi bar la bsam gtan byed par 'gyur na/ ngas chos kyi rnams grangs 'di su zhig la gtad par bya/ gang yang ma 'ongs pa'i dus tha ma lnga brgya'i bar dam pa'i chos kyi gzugs brnyan gyi tshe na/ khyim gyi gnas nas byung ste/ bdag brtson par sems shing de dag mi dad pa dang / tshul khrims ngan pa dang / shes rab 'chal zhing khyim dang rigs dang gnas dang / yul dang / rnyed pas chos pa ser sna byed par 'gyur ro/ / gcig la gcig gnod par sems pa dang / gzhan gyi 'khrul pa'i skabs tshol ba dang / gzhan las rnyed cing rim gror byas na yid dga' ba dang / yul dam pa rnyed pa'i dge slong rnams la smod pa dang / gzhan gyi gnas dang / grong khyer dang / mkhan po dang / slob dpon la slu ba 'byung bar 'gyur ro// rnal 'byor yid la byed pa dang /

  337. 169b

    / so sor rtogs pa'i zhi ba dang / bde ba'i rgyun gcod pa dang / zas dang skom gyi ro la brkam pa dang / rnyed pa dang / bkur bsti la brtson pa 'byung ngo // khyim na gnas pa rnams la mchod ba byed par 'gyur te/ chos 'dod pa rnams brnyas ma shin byed pas chos smra ba'i dge 'dun rnams gtsug lag khang gi gnas spangs te/ dgon pa bas mtha'i mal stan dag na btang snyoms la bsam gtan 'cha' bar 'gyur ro/ / de ltar chos ma yin pa'i phyogs kyi tshe/ byang chub sems dpa' sems dpa' chen po la la dag ni 'jig rten gyi khams gzhan du dong ngo // la la dag ni dgon par btang snyoms kyi bar la gnas so// gang yul de yongs su skyong ba'i lha de dag kyang btang snyoms la gnas so// yul der mu ge dang / nad dang / 'thab mo yang 'byung ngo / / des sems can rnams gcig la gcig 'ching zhing gsod de/ de dag gcig la gcig 'jigs pas log par lta ba gzhan la skyabs su 'gro na/ ngas 'di lta bu'i zab mo chos thams cad kyi tshul gyi bzod pa 'di su zhig la yongs su btang bar bya/ / de nas byang chub sems dpa'i 'khor thams cad dang / nyan thos chen po de dag dang / lha dang dri za dang / lha ma yin mthu chen po de dag gis/ bcom ldan 'das la 'di skad ces gsol to// bcom ldan 'das zab mo'i chos kyi tshul la bzod pa 'di bdag cag gi sug par gtad du gsol/

  338. 170a

    pho brang gi 'khor gang dang yul gang na zab mo'i chos kyi tshul la bzod pa 'di rab tu spyod par 'gyur ba'i yul der bdag cag 'thab pa dang / rtsod pa dang / mu ge 'byung pa dang / dgung char mi 'bab pa dang / bro nad dang / gzhan gyi 'khor bzlog pa la spro bar bgyi'o// chos smra ba dang / chos 'tshal ba dang / chos dgod pa'i gang zag rnams bsrung bar bgyi'o/ / rgyal po dang / blon po dang / zhabs 'bring ba dang / grong rdal pa dang / ljongs na gnas pa rnams chos dang ldan pa la sbyar bar bgyi'o// bcom ldan 'das kyis bka' stsal pa/ bzhin bzang dag legs so legs so// spobs pa bzang ngo // brtson pa bzang ngo // 'jigs pa med pa/ khro ba mi snyan pa/ brnyas ma shin byed pa/ bkres pa dang skosgom pa/ dbyug pa'i 'tshog pa/ grang ba dang / tsha ba dang / rlung gis gdungs kyang dam pa'i chos kyi mig gnas pa'i bar du yul dang / grong khyer dang / grong rdal dang / 'or gyi grong dang / sangs rgyas kyi zhing thams cad du chos kyi mig 'di la brtson par bya ba dang / zab mo chos thams cad kyi sgo'i bzhi dang / bzod pa 'di rab tu bstan pa dang / bzod pa 'di la sems can kyang rab tu sbyor ba dang / gang bzod pa 'di sgom pa dang / klog pa dang / gzhan la yang lung 'bog pa dang / klog tu 'jug pa dang / gang yang nyan pa dang

  339. 170b

    dri ba dang / 'drir 'jug pa de dag la spro bar bya ba dang / chos dang ldan pa de dag kyang bsrung ba dang / skyab pa dang / sbed pa sgrub par khyed las su dag spro bar 'gyur de'i tshe byams pa la sogs pa byang chub sems dpa' stong phrag bcu bstan las langs te/ bcom ldan 'das ga la ba de logs su thal mo sbyar te phyag 'tshal nas/ 'di skad ces gsol to/ / btsun pa bcom ldan 'das bdag cag ni dam pa'i chos kyi spyan nas kyi bar du/ sangs rgyas kyi zhing thams cad du sems can rnams sbyar bar bgyi ba'i bar dang / gang chos kyi rnams grangs 'di glags bam la 'drir stsal pa de dag bdag cag chos dang ldan pa la sbyor bar bgyi ba la spro'o/ / bcom ldan 'das kyis bka' stsal pa/ rigs kyi bu dag skyes bu chen po'i byed pa bya ba dang / ji ltar rigs kyi bu khyed yang dag par spyod pa'i tshul nam mkha'i mdog gis 'dul ba'i bzod pa 'di thob pa ni legs so legs so// rigs kyi bu ji tsam du bzod pa 'di'i stobs dang / brtson pa yang dag par 'dzin cing brtson pa la dmigs pa de tsam du stobs dang / brtson pa yang dag par 'dzin pa la brtson par dmigs pas sangs rgyas kyi zhing thams cad dang / gling bzhi pa thams cad dang / yul dang / grong dang / grong khyer dang / ljongs thams cang du sems can rnams yongs su smin par byos shig/ rgyal po la ma

  340. 171a

    g.yo bar byos shig/ blon po dang / zhabs 'bring ba rnams kyang yal bar ma gtang shig/ rigs kyi bu gang rnyog pa lnga'i sangs rgyas kyi zhing du da ltar nas chos kyi rgyal mtshan 'phel bar 'gyur gyi bar du sems can yongs su smin par bya ba la mi skyo bar spro zhing / sdig pa 'dod pa leg par lta ba'i sems can rnams dge ba bcu'i las kyi lam la 'jug pa dang / rab tu 'god pa dang / nyes pa mang ba'i shas che ba'i sems can rnams khyim gyi gnas nas phyung ste/ zhi ba yang dag par 'dzin tu 'jug cing sbyor ba dang / bslab ba'i gnas la rab tu 'god pa dang / nyes pa mang pos nyen la lus dang ngag dang / yid sdom pa'i tshul can gyi sems can rnams bsam gtan dang / rnam par thar pa dang / gzungs dang bzod pa la sbyor zhing so sor 'god pa dang / dgon pa bas mtha'i mal stan la mngon par dga' la/ sems can yang de la sbyor zhing de dag phan pa la sbyor ba dang / ser sna can rnams sbyin pa la sbyor ba nas/ 'chal pa'i shes rab can sdig pa'i bas mtha'i spyod yul dang ldan pa/ lta ba thibs po la gnas pa rnams 'phags pa'i shes rab kyi stobs la sbyor zhing so sor/ 'god de/ sems can sdug bsngal sna tshogs kyis non pa rnams yongs su thar bar byed pa ni/ bsod nams kyi phung po rab tu mang bar 'phel lo// 'di la gang nyon mongs pa rnyog pa lnga'i

  341. 171b

    sangs rgyas kyi zhing du dam pa'i chos 'jigs pa'i dus nyin mtshan bdun du sems can yongs su smin par bya ba'i phyir skyo ba bzod cing / bzod pa'i stobs kyi mthu 'dis sems can yongs su smin par byed cing / chung ngu bzod pa 'di yang dag par len du 'dzud de/ sems can rnams la ston cing tshig tu 'don pa dang / glegs bam la 'drir 'jug pa ni bsod nams rab tu mang du 'phel te/ yongs su dag pa'i sangs rgyas kyi zhing dag tu byang chub sems dpa' grangs med pa chu klung gang+gA bcu'i bye ma snyed kyis pha rol tu phyin pa drug spyad pas ni bsod nams kyi phung bo de snyed du mi 'phel lo/ / de ci'i phyir zhe na/ 'di ltar byang chub sems dpa' de dag ni rang bzhin gyis snying rje chen po dang ldan pa'o// sems can chen po de dag ni dgos pa chen po la brtson papa dang ldan pa'o/ / sems can chen po de dag ni brtson 'grus che ba shes rab kyis brgyan pa'o// byang chub sems dpa' sems dpa' chen po de dag ni/ rab tu myur bar bla na med pa yang dag par rdzogs pa'i byang chub tu mngon par 'tshang rgya'o/ / gang nyon mongs pa rnyog pa lnga'i sangs rgyas kyi zhing du yang dag par spyod pa'i tshul nam mkha'i mdog gis 'dul ba'i bzod pa'i stobs bskyed pa 'dis/ sems can yongs su smin par byed pa nas/ glegs bam la 'drir 'jug pa'i bar du sbyor zhing dam pa'i chos 'jig pa na chos kyi sgron ma 'bar bar byed na/ de'i phyir byang chub sems dpa'

  342. 172a

    snying rje chen po dang ldan pa zhes bya ste/ myur du bla na med pa yang dag par rdzogs pa'i byang chub tu 'tshang rgya'o// bcom ldan 'das kyis nyon mongs pa'i sangs rgyas kyi zhing gi byang chub sems dpa'i spyod pa 'di bsngag pa de'i tshe/ byang chub sems dpa' sems dpa' chen po/ chu klung gang+gA'i bye ma snyed kyis bcom ldan 'das shAkya thub pa gang na ba de logs su thal mo sbar te phyag 'tshal nas/ bcom ldan 'das la 'di skad ces gsol to// bdun pa bcom ldan 'das bdag cag rnams ni sangs rgyas kyi zhing yongs su dag pa grangs ma mchis pa dag tu mchis te/ byang chub sems dpa'i spyad pa spyod par brtsams te/ da ltar nas ma mchis pa'i dus kyi bar du nyon mongs pa rnyog pa lnga'i sangs rgyas kyi zhing de dag gi sems can dge ba'i rtsa ba dang bral ba thams cad btang ste/ sangs rgyas kyi zhing yongs su dag par mchi bar sdom pa blangs pa las/ da ni bdag cag rnams bcom ldan 'das kyi spyan sngar sdom pa blangs te/ ma mchis pa'i dus na slar zhing sangs rgyas kyi zhing yongs su dag par byang chub kyi spyad pa spyod par mi bgyid do// smon lam gyi dbang gis bdag cag rnams yongs su ma dag pa nyon mongs pa rnyog pa lnga'i sangs rgyas kyi zhing du spyad pa spyod par bgyi'o/ / dge ba'i rtsa ba ma mchis pa'i sems can thams cad yongs su smin par bgyi'o// bcom ldan 'das kyis bka' stsal pa/ skyes bu dam pa dag brtson

  343. 172b

    'grus chen po la dmigs te/ byang chub sems dpa' gang de dag dge ba'i rtsa ba dang bral ba'i sems can thams cad yongs su smin par byed pa legs so legs so// snying rje chen po dang ldan zhing pha rol tu phyin pa chen po spyod de mngon par shes pa dang / bsdu ba'i dngos po chen po la gzhan la rag las shing ye shes chen po'i 'byung gnas dang ldan pa de dag ni/ byang chub sems dpa' sems dpa' chen po gang yongs su me dag cing nyon mongs pa rnyog pa lnga'i sangs rgyas kyi zhing dag tu pha rol tu phyin pa drug spyod cing / dge ba'i rtsa ba thams cad yongs su nyams pa'i sems can rnams dang / sdug bsngal thams cad kyis nyen pa'i sems can rnams yongs su smin par byed pa de dag ni/ byang chub sems dpa' sems dpa' chen po zhes bya'o// rigs kyi bu de lta bas na/ ci nas kyang yang dag par spyod pa'i tshul nam mkha'i mdog gis 'dul ba'i bzod pa 'dis/ sems can yongs su smin par gyis shig/ rigs kyi bu yul gang na yang dag par spyod pa'i tshul nam mkha'i mdog gis 'dul ba'i bzod pa 'di rab tu 'chad pa'i yul der yon tan gyi khyad par dang / dpal phun sum tshogs pa sna tshogs 'byung bar 'gyur ro// de'i tshe rgyal po yon tan dang bsngags pa bzhi 'byung ste/ bzhi gang zhe na/ rgyal po nad med par 'gyur ba dang / gnod pa nyung zhing tshe ring bar 'gyur ba dang / rdul dang bral zhing rgol ba dang dgra med par 'gyur ba dang / stobs dang rtsal thags thogs med cing dga' ba mngal chos

  344. 173a

    'dod par 'gyur te/ de ci'i phyir zhe na/ 'di ltar klu dang / brgya byin dang / tshangs pa dang / 'jig rten skyong ba dang / gnod sbyin gyi bdag po rnams kyis rab tu srung bar 'gyur te/ bzhin bzangs dag dang de la de ltar mnyam pa med do// brgya byin dang / tshangs pa dang / 'jig rten skyong ba dang / gnod sbyin gyi bdag po rnams kyis tshig 'thun gsol pa dang bcom ldan 'das de lnga lags te/ yul gang du brjod du bzod pa 'di 'chad par 'gyur ba'i yul de'i rgyal por 'gyur ba de'i slad bzhin du bdag cag 'brang zhing gnod pa las bskyab par bgyi'o// bro nad zhi bar bgyi'o/ / de'i tshe bskyang bar bgyi'o// de dgra las bskyang bar bgyi'o// dpal dang skal pa bzang po dang / chos la dga' ba nye bar bstan par bgyi'o// stobs dang / rtsal thags thogs ma mchis pa phun sum tshogs par bgyi'o/ / bcom ldan 'das kyis bka' stsal pa/ bzhin bzangs dag legs so legs so// khyed ji skad smras pa de bzhin du nyams su longs shig/ de ci'i phyir zhe na/ 'di ltar chos dang ldan pa'i rgyal po yul gang du chos dang ldan par 'gyur bar bdag cag mdangs dang / stobs dang / gzi brjid dang / 'khor 'phel bar 'gyur ro// de dag gis gsol pa/ bcom ldan 'das de de lta lags te/ yul gang du bzod pa 'di rab tu 'chad par 'gyur ba'i yul derang rgyal po'i zhabs 'bring ba dang / blon po rnams kyi yon tan dang

  345. 173b

    legs pa bzhi 'byung ste/ bzhi gang zhe na yul der rgyal po'i zhabs 'bring ba dang / blon po rnams phan tshun bzod pa dang / nges pa dang / dga' ba dang / gus pa'i sems su 'gyur ba dang / rgyal po yang byams par 'gyur ba dang / dge sbyong dang / bram ze dang / grong rdal gyi mi dang / ljongs kyi mi skyes pa dang / bud med dang / khye'u dang / bu mo rnams kyis yid du 'ong zhing dga' bar 'gyur ba dang / chos 'dod par 'gyur gyi rnyed pa mi 'dod te/ phyogs bcur grags pa'i sgra dang / tshigs su bcad pa rgya cher grags shing / tshe ring ba dang / bde ba dang / yid bde ba mang bar 'gyur bste/ yul gang du bzod pa 'di 'chad lar 'gyur ba de'i rgyal po'i zhabs 'bring ba dang / blon po rnams kyi yon tan dang / bsngags par 'gyur ba ni de dag go/ gzhan yang yul gang du bzod pa 'di 'chad par 'gyur ba'i yul der dge sbyong dang / bram ze rnams kyi yon tan dang bsngags pa bzhi 'byung ste/ bzhi gang zhe na/ yul dang dge sbyong dang / bram ze rnams chos gos dang bsod snyoms dang / mal cha dang / maba'i gsos spyan dang / yo byad dag rnyed par 'gyur ba dang / bsam gtan byed pa la brtson par 'gyur ba dang / ri la mngon par dga' zhing rab tu dbye par 'gyur ba dang / sems las 'byung ba'i bde pa bzhi la gnas pa rnyed par 'gyur ro// yul gang du bzod pa 'di 'chad par 'gyur ba'i yul de'i grong rdal dang / ljongs kyi mi rnams kyi

  346. 174a

    legs pa bzhi 'byung bar 'gyur te/ bzhi gang zhe na/ khron pa dang / chu mig dang / ldan par 'gyur ba dang / gnod pa med par 'gyur ba dang / las kyi mtha' 'grub par 'gyur ba dang / sbyin pa'i gnas snod du gyur pa rnams dang mi 'bral bar 'gyur ro// gzhan yang yul gang du bzod pa 'di 'chad par 'gyur ba'i yul der bud med rnams kyi legs pa ba'i 'byung bar 'gyur te/ bzhi gang zhe na/ yul de'i bud med phrag dog dang / khro ba rnam par spong bar 'gyur ba dang / skye bo thams cad la bzod par 'gyur ba dang / bu rnyed par 'gyur ba dang nad nyung bar 'gyur ba'o/ / gzhan du yang bud med gang bzod pa 'di nyan pa de la dad pa rnyed cing / chos smra ba la phan par zer ba de ni bud med du gyur pa'i tha ma yin te/ snying po byang chub kyi bar du bud med thob par mi 'gyur te/ gzhan du na bdag nyid kyis 'dod pa ni ma gtogs so// gzhan yang yul gang du bzod pa 'di 'chad par 'gyur ba dag na gzhan gyi 'khor dang / nang gi 'khor gyis yul la gnod par mi 'gyur ro/ / char mi 'bab pa dang / mu ge 'byung ba dang / dus ma yin pa'i rlung dang / char dang / grang dro dang / sha sbrang dang / sbrang bu mchu spyad dang sbrang ma dang / byi ba dang / 'gro ba khro bo dang / sbrul khro bo dang / gcan gzan khro bo dang / ro zo ba med pa dang / rtsub pa dang sre mo dang / mi bde bar reg pa dang / bza' ba dang

  347. 174b

    btung ba dang / gos dang / lcags sgrog dang / shing sgrog dang / dbyigs pa dang / gshe ba dang / mi snyan par zer ba dang / brdeg pa dang / dus ma yin par 'chi ba dang / nad kyi gnod pa yul den med par 'gyur ro/ / lha dang klu dang / gnod sbyin dang / lha ma yin dang / nam mkha' lding dag gis kyang yul de shin tu bsrung zhing bsgrub par 'gyur ro// rigs kyi bu d ag yul gang du yang dag par spyod pa'i tshul nam mkha'i mdog gis 'dul ba'i bzod pa 'di 'chad cing ston par 'gyur ba'i yul der gnod pa bcu po de dag gis yul thams cad mi gtse bar 'gyur ro/ / de ci'i phyir zhe na/ rigs kyi bu bzod pa 'di ni/ byang chub sems dpa' thams cad kyi byang chub kyi spyod pa mtha' dag yongs su rdzogs par byed pa/ pha rol tu phyin pa drug yongs su rdzogs par byed pa nas/ sangs rgyas kyi dgos pa mtha' dag yongs su thob par byed pa'o// bzod pa 'di'i ming 'ba' shig gang gis rna lam du thos pa yang snying po byang chub kyi byar du gang zag de mi khom pa brgyad dang bral bar 'gyur ro/ / gang gis bzod pa bsgom pa 'di thog thag nyan pa ni/ sangs rgyas kyis byin gyis brlabs te/ bla na med pa yang dag par rdzogs pa'i byang chub las phyir mi ldog par 'gyur te/ de ltar mthu che'o// rigs kyi bu de ltar byang chub sems dpa' rnams kyi dga' bar byed pa rgyan du byed pa/ pir mi ldog par byed pa

  348. 175a

    rnam par rtsen par byed pa/ 'jug par byed pa/ gzugs ni byed pa/ yongs su smin par byed pa/ 'bral bar byed pa/ byang chub sems dpa' rnams yongs su ngan las 'da' bar byed pa'o/ / bzod pa 'di de ltar bstan pa na/ phyogs bcu'i sangs rgyas zhing nas lhags pa'i byang chub sems dpa' sems dpa' chen po rnams kyis/ bcom ldan 'das la 'di skad ces gsol to/ / btsun pa bcom ldan 'das rang rang gi sangs rgyas kyi zhing du yang dag par spyod pa'i tshul nam mkha'i mdog gis 'dul ba'i bzod pa 'di sems can rnams la bshad de/ bla na med pa yang dag par rdzogs pa'i byang chub las phyir mi ldog par dgod par bgyi'o// bcom ldan 'das kyis bka' stsal pa/ rigs kyi bu dag gang gis dus la bab par sems na'o/ / de nas phyogs bcu nas 'dus pa'i byang chub sems dpa' sems dpa' chen po de dag gis/ byang chub sems pa'i rdzu 'phrul chen po dang / byang chub sems dpa'i rnam par 'phrul pa chen pos/ bcom ldan 'das la mchod pa byas nas 'di skad ces gsol to// btsun pa bcom ldan 'das me tog ban du 'di byin gyis brlab tu gsol// gnas dang / grong dang / grong khyer dang / ljongs gang du bzod pa 'di 'chad par 'gyur ba de dang de dag tu me tog ban du 'di rab tu spyod par 'gyur ro// bcom ldan 'das kyis bka' stsal pa/

  349. 175b

    rigs kyi bu dag de ltar de bzhin du gnyis ka byin gyis brlab par bya'o// sangs rgyas kyi zhing gang na rigs kyi bu po 'am/ rigs kyi bu mo de dag byang chub don du gnyer bar 'gyur ba dang / gling bzhi pa gang dang / yul dang / grong dang / grong khyer dang / ljongs dang / 'or gyi grong dag tu/ rigs kyi bu pho 'am/ rigs kyi bu mo dag byang chub don du gnyer bar 'gyur ba de dag tu bzod pa 'di sgom pa dang / 'chad pa dang / ston pa dang / 'dri ba dang / klog pa dang / zan pa dang / spyod par 'gyur ro// bzod pa 'di gang na spyod pa der me tog ban du 'di spyod par 'gyur ro// bcom ldan 'das kyis de skad ces bka' stsal pa dang / phyogs bcu nas lhags pa'i byang chub sems dpa' dang / lha dang mi dang / lha ma yin dang / dri zar bcas pa'i 'khor gyi 'jig rten thams cad/ bcom ldan 'das kyis gsungs pa la rab tu dga' ste mngon par bstod do/ / yang dag par spyod pa'i tshul nam mkha'i mdog gis 'dul ba'i bzod pa zhes bya ba theg chen po'i mdo rdzogs so// ma sa sa la/ n+da da pa na rnas pa sa rdzogs su/ ma ma hA yA na sU tra/ bod skad du/ 'phags pa chos kyi tshul zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal mo/

  350. 176a

    'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal na/ smig ma las byas pa'i 'khor gyi khyam na bzhugs te de'i tshe smig ma las byas pa'i 'khor gyi khyams su 'dus shing 'khod pa'i byang chub sems dpa' rab tu mang po dag 'di snyam du sems te/ bdag cag gis ji ltar gnas par bya/ ji ltar bsgrub par bya/ ji ltar rnal 'byor du bya/ ji ltar sems can rnams yongs su smin par bya snyam pa dang / de nas bcom ldan 'das kyis/ byang chub sems dpa' rab tu mang po de dag gi bsam pa mkhyen nas/ smig ma las byas pa'i 'khor gyi khyams ga la ba der gshegs te/ byon nas gdan bting ba la bzhugs so// bzhugs nas bcom ldan 'das kyis byang chub sems dpa' rab tu mang po de dag la 'di skad ces bka' stsal to/ / rigs kyi bu dag legs so legs so// khyed kyi rtog pa ni bzang po yin gyi dri ba ni mdzes so// spobs pa ni dge'o// yid la bya ba ni tshul bzhin no// rigs kyi bu dag de'i phyir legs par rab tu nyon la yid la zung shig dang / byang chub sems dpa' sems dpa' chen po rnams kyi tshul gang byang chub sems dpa'i spyod pa thams cad ston par byed pa dang / sangs rgyas kyi chos thams cad brjod par byed pa de lta bu'i chos kyi tshul de ngas khyed la bshad do// bcom ldan 'das legs so zhes gsol nas/

  351. 176b

    byang chub sems dpa' de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to// rigs kyi bu dag de lta bas na/ mya ngan las 'das pa'i bsams pa can du gyis shig/ 'khor bar sbyor ba can gyis shig/ 'khor ba dang mya ngan las 'das pa la yang gnas par ma byed cig/ de dag gis gsol pa/ bcom ldan 'das ji ltar na byang chub sems dpa' rnams mya ngan las 'das pa'i bsam pa can dang / 'khor bar sbyor ba can lags/ ji ltar 'khor ba dang mya ngan las 'das pa la yang mi gnas pa legs/ bcom ldan 'das kyis bka' stsal pa/ 'chi ba med pa'i bde ba la reg par bya ba'i phyir mya ngan las 'das pa'i bsam pa can yin/ dge ba'i rtsa ba bsags pa'i phyir 'khor bar sbyor ba can yin/ 'phags padang so so'i skye bo dang bsten pa'i phyir 'khor ba dang mya ngan las 'das pa la yang mi gnas te de ni tshul lo/ / rigs kyi bu de lta bas na rang gi sems yongs su sbyongs shig/ pha rol gyi sems srungs shig/ sems spangs shig/ sems dpa' ba can du gyis shig/ gsol pa/ bcom ldan 'das ji ltar na byang chub sems dpa' rnams rang gi sems yongs su sbyong bar bgyid pa lags ji ltar na gzhan gyi sems srung ba lags/ ji ltar na sems dpa' ba can lags bka' stsal pa/ nyon mongs pasel bas rang gi sems yongs su sbyong bar byed pa yin/ khong khro ba med pas

  352. 177a

    gzhan gyi sems srung ba yin/ byang chub kyi sems mi gtong bas sems dpa' ba can yin te de ni tshul lo// rigs kyi bud dag de lta bas na bya ba dang sa 'ga' bar ma byed cig bya ba ma yin pa la yang snang bar gyis shig/ bya ba la lan re ba med par gyis shig/ gsol pa/ bcom ldan 'das ji ltar na/ byang chub sems dpa' rnams bgyi ba dang mi 'gal bar bgyid pa lags/ ji ltar na mi bgyi ba la yang 'da' ba lags/ ji ltar na bgyis pa la lan re ba ma mchis pa lags/ bka' stsal pa/ bya ba dang 'gal bar mi bya ba ni rten cing 'brel bar 'byung ba'i chos la 'jug pa'am/ las kyi rnam par smin pa la yid ches par bya'o// bya ba ma yin pal snang ba ni snying rje chen po la 'jug pa'o// byas pa la lan re ba med pa ni lan du phan 'dogs par re ba med pa ste de ni tshul lo/ / rigs kyi bu dag de lta bas na dus ma yin par ni ma ldang shig/ dus la bab na ni ma nyal cig/ nyal ba rnams ni slong shig/ rtag tu ni nyol cig/ gsol pa/ bcom ldan 'das ji ltar na/ byang chub sems dpa' rnams dus ma lags par mi ldang ba lags/ ji ltar na dus la bab na mi nyal ba lags/ ji ltar na nyal ba rnams slong ba lags/ ji ltar na rtag tu nyal ba lags/ bka' stsal pa/ dus ma yin par mi ldang ba ni/ snod du ma gyur pa rnams la chos mi bstan pa'o// dus la bab na mi nyal ba ni snod du gyur pa las 'da' bar mi bya'o// nyal ba

  353. 177b

    rnams bslang ba ni dus dang dus ma yin pas bskul ba'o/ / rtag tu nyal ba ni snyoms par 'jug pa las mi nyal ba ste de ni tshul lo// rigs kyi bu dag de lta bas na yid brtan pa med par gyis shig/ yid brtan pa gzhig par gyis shig/ yid ma brtan pa rnams la yid brtan par gyis shig/ gsol pa/ bcom ldan 'das ji ltar na/ byang chub sems dpa' rnams yid mi rton pa lags/ ji ltar na yid brtan pa 'jig par bgyid pa lags/ ji ltar na yid ma brtan pa rnams la yid rton pa lags/ bka' stsal pa/ yid mi brtan ces bya ba ni gzugs med pa'i snyoms par 'jug pa rnams la yid mi gzhag pa'o/ / yid brtan pa gzhig par bya ba ni snyoms par 'jug par bzlog pa'o// yid dam brtan pa rnams la yid brtan par bya ba ni/ log par zhugs pa rnams la ste de ni tshul lo/ / rigs kyi bu dag de lta bas na nor dang ldan par gyis shig/ bya sa pa shes pa med par sbyor cig/ ci la yang na re bar ma byed cig/ rnyed pa chen pos nye bar 'tshe bar gyis shig gsol pa bcom ldan 'das ji ltar na/ byang chub sems dpa' rnams nor dang ldan pa lags/ ji ltar na byang chub sems dpa' byas pa 'tshal ba ma mchis par sbyor ba lags/ ji ltar na ci la yang lan mir ba lags/ ji ltar na rnyed pa chen pos nye bar 'tsho ba lags/ bka' stsal pa/ nor dang ldan pa zhes bya ba ni nor bdun dang ldan pa'o// byas pa shes pa med par sbyar ba ni ser sna can rnams sbyin pa la

  354. 178a

    sbyar ba dang / shes rab 'chal ba rnams shes rab la sbyar ba'o// ci la yang lan re ba med pa ni rang gi dgod pa la gnas kyang nan tan du bya ba'o// rnyed pa chen pos nye bar 'tsho ba ni/ bla na med pa yang dag par rdzogs pa'i byang chub tu yongs su bsngo bar bya sto de ni tshul lo// rigs kyi bu dag de lta bas na chags pa yang shes par gyis shig/ chags pa rnams la yang / cig/ chags pa la zhen pa rnams la yang ltos shig/ chags pa med pa yang srung shig/ gsol pa/ bcom ldan 'das ji ltar na byang chub sems dpa' rnams la chags pa 'tshal ba lags ji ltar na chags pa rnams la spyod pa lags/ ji ltar na chags par zhen pa la lta ba lags/ ji ltar na chags pa ma mchis pa bsrung ba lags/ bka' stsal pa/ chags pa shes par bya ba ni gzugs med pa'i snyoms par 'jug pa rnams so/ / chags pa rnams la spyod pa skye mched drug bcad pa'o// chags par zhen pa la lta ba ni/ so so'i skye bo yongs su smin par bya ba'o// chags pa med par bsrung ba ni skyon med par mi 'jug pa ste de ni tshul lo/ / rigs kyi bu dag de lta bas na 'jigs par gyis shig/ mngon par dga' ba med par gyis shig/ snying brtse ba med par gyis shig/ snying rje ba med par gyis shig gsol pa/ bcom ldan 'das ji ltar// byang chub sems dpa' rnams 'jigs par bgyid pa lags/ ji ltar na mngon par dga' ba ma mchis pa lags/ ji ltar na snying brtse ba ma mchis pa laH

  355. 178b

    ji ltar na snying rje ba ma mchis pa lags bka' stsal pa/ 'jigs shes pa ni nyan thos dang 'ang sangs rgyas kyisas 'jigs pa'o/ mngon par dga' ba med pa ces bya ba ni / gzugs med pa'i snyoms par 'jug pa rnams la dga'/ ba med pa'o// snying brtse ba med pa ni// phyi rol gyi dngos po rnams yongs su btang ba la'o// snying rje ba med pa ni/ nang gi dngos po mgo la sogs pa yong su btang ba la ste de ni tshul lo// rigs kyi budag de lta bas na bden pa yang khong du chud par gyis shig/ brdzun du smra ba yang ma spangs shig/ gsol pa/ bcom ldan 'das ji ltar na/ byang chub sems dpa' rnams bden pa khong du chud par gyid pa lags/ ji ltar na brdzun du smra ba mi spong ba lags/ bka' stsal pa/ bden pa khong du chud par bya ba ni nyan thos dang / rang sangs rgyas 'dul ba'i phyir ro// brdzun du smra ba mi spong ba ni 'dus byas thams cad la nye bar spyod pa'i phyir te de ni tshul lo/ / rigs kyi bu dag de lta bas na pha rol tu phyin pa bgyis te/ tshu rol gyi ngogs la blta bar gyis shig/ pha rol tu phyin par ma byed par pha rol gyi ngogs la blta bar gyis shig/ gsol pa/ bcom ldan 'das ji ltar na/ byang chub sems dpa' rnams pha rol tu phyin cing tshu rol gyi ngogs la blta ba lags/ ji ltar na pha rol tu phyin par mi bgyid cing pha rol gyi ngogs la lta ba lags/ bka' stsal pa/ pha rol tu phyin pa ni sems can thams cad kyi sems dang spyod pa dang bsam pa la'o// tshu rol gyi ngogs la lta ba ni sems can thams cad yongs su smin par bya ba'i phyir ro//

  356. 179a

    pha rol tu phyin par mi bya ba ni pha rol tu bsgral ba'i phyir ro// pha rol gyi ngogs la blta ba ni rtag tu mya ngan las 'da' ba la gzhol bar bya ba ste/ de ni tshul lo// rigs kyi bu dag de/ bas na/ rtag tu mi mthun par yA bgyis la rtsod pa med pa mchog tu yang gyis shig/ byams pa la yang gnas la skyon yang mthong bar gyis shig/ gsol pa/ bcom ldan 'das ji ltar na/ byang chub sems dpa' rnams rtag tu mi mthun par bgyid pa dang rtsod pa ma mchis pa mchog tu bgyid pa lags/ ji ltar na byams pa la gnas shing skyon yang mthong ba lags/ bka' stsal pa/ rtag tu mi mthun par byed pa ni dam pa'i chos yongs su gzung ba'i phyir ro/ / rtsod pa med pa mchog tu byed pa ni bsam pa dag pa'i phyir ro// byams pa la gnas pa ni sems can yongs su bskyab pa'i phyir ro// nyes pa mthong ba ni 'dus byas kyi dngos po thams cad de de ni tshul lo/ / rigs kyi bu dag de lta bas na/ zad pa yang zad par ma byed cig/ mi zad par yang ltung bar ma byed cig/ zad pa'i chos nyid kyang khong du chud par gyis shig/ gsol pa/ bcom ldan 'das ji ltar na/ byang chub sems dpa' rnams zad pa zad par mi bgyid pa lags/ ji ltar na mi zad par mi ltung ba lags/ ji ltar na zad pa'i chos nyid khong du chud pa lags/ bka' stsal pa/ zad pa zhes bya ba ni 'dus byas so// mi zad pa zhes bya ba ni 'dus ma byas so// de la byang chub sems dpas dge ba'i rtsa ba bsags pa'i phyir/ 'dus

  357. 179b

    byas kyang zad par mi bya'o/ / thabs la mkhas pas/ 'dus byas su yang ltung bar mi bya'o// zad pa'i chos nyid khong du chud par bya ba ni/ mi rtag pa'i mthar 'gyur ba ste de ni tshul lo// rigs kyi bu dag/ de lta bas na/ mun pa'i nang na yang gnas par gyis shig/ snang ba yang zin par gyis shig/ mi bya ba ni gyis shig/ bya ba ni yal bar zhog shig/ gsol pa/ bcom ldan 'das ji ltar na/ byang chub sems dpa' rnams mun pa'i nang na gnas pa lags/ ji ltar na snang ba zin pa lags/ ji ltar na mi bgyi ba bgyid pa lags/ ji ltar na bgyi ba yal bar gzhog pa lags/ bka' stsal pa/ mun pa zhes bya ba ni mi shes pa ste/ de la byang chub sems dpa' rnams kyi sems can mi shes pa rnams kyi don du bden pa thob par bya'o// snang ba zhes bya ba ni shes rab ste/ shes rab des kyang mun pa bsal bar bya'o// mi bya ba zhes bya ba ni mya ngan las 'das pa'o// bya ba zhes bya ba ni mngon par 'du bya ba med pa'o// de byang chub sems dpa' rnams kyis yal bar gzhag par bya ste de ni tshul lo/ / rigs kyi bu dag de lta bas na zab mo'i chos kyi snang ba la yang gnas par gyis shig/ snang ba'i chos rnams la yang brnyas par ma byed cig/ snang ba dang mi snang ba la yang ma gnas shig/ gsol pa/ bcom ldan 'das ji ltar na/ byang chub sems dpa' rnams zab mo'i chos kyi snang ba la gnas pa lags/ ji ltar na snang bar gyur pa'i

  358. 180a

    chos rnams la brnyas pa ma mchis pa lags/ ji ltar na snang ba dang mi snang ba la gnas pa lags/ bka' stsal pa/ zab ces bya ba ni rten cing 'brel par 'byung ba ste/ de la byang chub sems dpa' rnams kyis lta ba thams cad dang bral ba chos thams cad la rten cing 'brel par 'byung ba yin par rig par bya'o// chos gang dag rten cing 'brel bar 'byung bas snang bar gyur pa de dag la yang sems can yongs su smin par bya ba'i phyir brnyas par mi bya'o/ / snang ba dang mi snang ba la gnas par mi bya ba ni gnyis dang bral ba'i phyir te de ni tshul lo// rigs kyi bu dag de lta bas na gang yang dag par bsdu bar bya ba de la 'dod pa med par gyis shig/ yang dag par bsdu ba'i phyir yang brtson 'grus ma klod cig/ gsol pa/ bcom ldan 'das ji ltar na/ byang chub sems dpa' rnams gang yang dag par bsdu bar bgyi ba de la 'dod pa ma mchis pa lags/ ji ltar na yang dag par bsdu ba bgyi ba'i slad du brtson 'grus glad par mi bgyi ba lags/ bka' stsal pa// yang dag par bsdu ba zhes bya ba ni dge ba'i rtsa ba rnams so/ / de la 'dod pa med pa ni mi lta bar sems can rnams la btang ba'o// yang dag par bsdu ba la brtson 'grus mi glod pa ni dge ba'i rtsa ba la ngoms mi shes par brtson par bya ba ste de ni tshul lo/ / rigs kyi bu dag de lta bas na/ gting dpag dka' bar yang gyis shig/ spyod pa bsal ba la yang snang bar gyis shig/ gsol pa/ bcom ldan

  359. 180b

    'das ji ltar na/ byang chub sems dpa' rnams gting dpag dka' ba lags/ ji ltar na spyod pa la gsal ba la yang dga' ba lags/ bka' stsal pa/ gting dpag dka' ba zhes bya ba ni zab ba la snyoms par 'jug pa ste/ gang la nyan thos dang / rang sangs rgyas rnams kyis kyang gting mi rnyed pa'o// spyod pa gsal ba la yang snang ba zhes bya ba ni byis pa so so'i skye bo'i chos rnams dang / 'dra bar bya ba ste de ni tshul lo// rigs kyi bu dag de lta bas na/ lam las bzur bar gyis shig/ lam gol ba na yang snang bar gyis shig/ yang dag pa'i lam yang 'dor cig/ gsol pa/ bcom ldan 'das ji ltar na/ byang chub sems dpa' rnams lam las 'dzur ba lags/ ji ltar na lam gol ba na yang gda' ba lags/ ji ltar na yang dag pa'i lam mi 'dor ba lags bka' stsal pa/ lam las 'dzur ba zhes bya ba ni nyan thos dang / rang sangs rgyas kyi lam las 'byol ba'o// lam gol ba na snang ba ni sems can yongs su smin par bya ba'i phyir ro// yang dag pa'i lam mi 'dor ba 'di lta ste/ pha rol tu phyin pa drug gi lam ste de ni tshul lo// rigs kyi bu dag de lta bas na/ phyir mi ldog pa'i go cha yang bgo bar gyis shig/ thams cad las kyang phyir mi ldog par gyis shig/ phyir log nas kyang sgrol cig/ gsol pa/ bcom ldan 'das ji ltar na/ byang chub sems dpa' rnams phyir mi ldog pa'i go cha bgos pa lags/ ji ltar na thams cad

  360. 181a

    las phyir ldog pa lags/ ji ltar na phyir ldog nas sgrol ba lags/ bka' stsal pa/ phyir mi ldog pa'i go cha bgos zhes bya ba ni chos dang mthun pa'i dam bcas pa la gnas pa'o/ / thams cad las phyir ldog pa ni chos dang mi mthun pa'i dam bcas pa las ldog pa'o// phyir log nas bsgral ba ni dag pa'i chos thams cad kyis te de ni tshul lo// rigs kyi bu dag de lta bas na 'dum par gyis shig/ rtag tu bye bar gyis shig/ brtan par gyis shig/ blo rgod cing mi rgod par yang gyis shig/ gsol pa/ bcom ldan 'das ji ltar na/ byang chub sems dpa' rnams 'dum pa lags/ ji ltar na rtag tu bye ba lags/ ji ltar na brtan pa lags/ ji ltar na blo rgod cing mi rgod pa lags bka' stsal pa/ 'dum pa zhes bya ba ni bdud zil gyis mnan pa'i phyir ro/ / rtag tu bye ba ni gcig nas gcig tu brgyud cing mi gnas pa'i sems gzhan dang gzhan shes pa'o// brtan pa ni bsgrub pa la'o// blo rgod cing mi rgod pa ni dge ba'i chos gzhan dang gzhan la dmigs pa'i phyir te de ni tshul lo/ / rigs kyi bu dag de lta bas na/ rjes su chags par yang gyis shig/ rtag tu zhes 'gras par yang gyis shig/ yun ring por blta bar yang gyis shig/ byas pa mi gzo bar yang gyis shig/ gsol pa/ bcom ldan 'das ji ltar na/ byang chub sems dpa' rnams rjes su chags pa lags/ ji ltar na rtag tu zhe 'gras pa lags/ ji ltar/ yun ring por

  361. 181b

    lta ba lags/ ji ltar na byas pa mi gzo ba lags/ bka' stsal pa/ rjes su chags pa zhes bya ba ni theg pa chen po la'o// zhe 'gras pa zhes bya ba ni theg pa dman pa la'o// yun ring por blta ba ni 'khor ba yongs su bzung ba'i phyir ro/ / byas pa mi gzo ba ni sdig pa byas pa rnams la phyir lan mi glon pa ste de ni tshul lo// rigs kyi bu dag de lta bas na gtong ba yang shin tu thong shig/ ser sna can du yang gyis shig/ 'dzin pa'i sems kyang med par gyis shig/ gsol pa/ bcom ldan 'das ji ltar na/ byang chub sems dpa' rnams gtong ba shin tu gtong ba lags/ ji ltar na ser sna can lags/ ji ltar na 'dzin pa'i sems ma mchis pa lags/ bka' stsal pa/ gtong ba shin tu btang ba ni sems can thams cad yongs su mi btang ba'i phyir/ sbyin pa btang ba'o// ser sna can du bya ba ni snod du ma gyur pa rnams la'o/ / 'dzin pa med pa'i sems su bya ba ni/ chos la slob dpon gyi pe mkhyud med pa'i phyir te de ni tshul lo// rigs kyi bu dag de lta bas na gang dag spangs pa de/ dag ni yongs su zung shig/ gang dag yongs su bzung ba de dag ni yal bar zhog shig/ nad pa ltar yang gyis shig/ na ba rnams kyang gsos shig/ gsol pa/ bcom ldan 'das ji ltar na/ byang chub sems dpa' rnams gang dag yongs su 'dzin pa lags/ ji ltar na gang dag yongs su bzung ba de dag yal bar 'jog pa lags/ ji ltar na nad pa lta bur gyur pa lags/ ji ltar na

  362. 182a

    na ba rnams kyang gsol ba lags/ bka' stsal pa/ gang dag spangs pa de dag yongs su gzung ba ni log pa nyid du nges pa'i sems can sangs rgyas thams cad kyis spangs pa dag/ byang chub sems dpas yongs su bzung bar bya ba'o// gang dag yongs su bzung ba de dag yal bar gzhag pa ni/ slob pa dang mi slob pa thams cad do// nad pa ltar yang bya zhing na ba rnams kyang gso bar bya ba ni bsams bzhin du rga ba dang na ba bstan nas so so'i skye bo rnams la chos bstan pa ste de ni tshul lo/ / rigs kyi bu dag de lta bas na/ bdud kyi las rnams ni 'bar bar gyis shig/ sangs rgyas kyi chos rnams ni zhi bar gyis shig/ gsol pa/ bcom ldan 'das ji ltar na byang chub sems dpa' rnams bdud kyi las rnams ni 'bar bar bgyid pa lags ji ltar na sangs rgyas kyi chos rnams ni zhi bar bgyid pa lags/ bka' stsal pa/ bdud kyi las 'bar bar byed pa ni dge ba'i chos la brtson pa rnams la'o// sangs rgyas rnams kyi chos zhi bar byed pa ni// chos thams cad nyon mongs pa dang / nye ba'i nyon mongs pa med par sbyor ba ste de ni tshul lo// rigs kyi bu dag de lta bas na bdud rnams dang ni 'thab par gyis shig/ ston pa ni mtshol cig gsol ba/ bcom ldan 'das ji ltar na/ byang chub sems dpa' rnams bdud dang 'thab pa lags/ ji ltar na ston pa mi tshol ba lags/ bka' stsal pa/ bdud dang 'thab par bya ba ni

  363. 182b

    byang chub sems dpa' dag gang gi tshe/ sems can rnams yongs su smin par byed pa de'i tshe/ bar chad bya ba'i phyir bdud brtson par byed pa na'o// ston pa mi tshol ba ni dge ba'i chos thams cad dang ldan pa ste de ni tshul lo/ / rigs kyi bu dag de lta bas na/ gang dag nyan thos kyis smad par bya ba de khyed kyis ma smad cig/ gang la nyan thos mngon par dga' ba de la khyed dga' bar ma byed cig gsol pa/ bcom ldan 'das ji ltar na/ byang chub sems dpa rnams gang dag nyan thos kyis sman par bgyid pa de dag la mi smad pa lags/ ji ltar na gang la nyan thos dga' ba de la mi dga' ba lags/ bka' stsal pa/ nyan thos ni skye ba'i gnas rnams la smod de/ de dag khyed kyis smad par mi bya'o// nyan thos ni rang yongs su mya ngan las 'da' ba la mngon par dga' na/ de la khyed kyis mngon par dga' bar mi bya ste/ do ni tshul lo// rigs kyi bu dag de lta bas na/ 'jig rten na gnas par gyis shig/ 'jig rten gyi chos rnams myong bar gyis shig/ 'jig rten gyis kyang ma gos par gyis shig/ 'jig rten na thogs pa rnams kyang sgrol cig/ gsol pa/ bcom ldan 'das ji ltar na/ byang chub sems dpa' rnams 'jig rten na gnas pa lags / ji ltar na 'jig rten gyi chos rnams myong ba lags/ ji ltar na 'jig rten gyis mi gos pa lags/ ji ltar na 'jig rten du thogs pa sgrol ba lags/ bka' stsal pa/ 'jig rten na gnas par bya ba

  364. 183a

    ni 'dod pa dang / gzugs dang / gzugs med pa'i rnams su'o// 'jig rten gyi chos rnams myong bar bya ba ni 'jig rten gyi chos brgyad po dag go// 'jig rten gyis mi gos par bya ba ni bde ba dang sdug bsngal gyis mi bskyod pa'i phyir ro/ / 'jig rten du thogs pa bsgral ba ni khams gsum gyi btson ra nas 'don pa ste de ni tshul lo// rigs kyi bu dag de lnga bsan yang bar gyis shig/ lci bar gyis shig/ sdug bsngal bar gyis shig/ bde bar gyis shig/ gsol pa/ bcom ldan 'das ji ltar na/ byang chub sems dpa' rnams yang ba lags ji ltar na lci ba lags/ ji ltar na sdug bsngal ba lags/ ji ltar na bde ba lags/ bka' stsal pa/ yang ba ni sems can thams cad kyi bya ba ci yod pa la snying las su byed pa'o// lci ba ni yid dam la bstan pa'o// sdug bsngal bar bya ba ni mi mthun pa'i gnyen po rnams la'o// bde bar bya ba ni bsod nams byas pa'i phyir te de ni tshul lo// rigs kyi bu dag de lta bas na/ mi snang bar yang gyis shig/ thams cad du snang bar yang gyis shig/ byol bar bya ba rnams las ni byol cig/ bsdad par bya ba rnams la ni sdod cig/ gsol pa/ bcom ldan 'das ji ltar na/ byang chub sems dpa' rnams la mi gda' ba yang lags/ ji ltar na thams cad du gda' ba yang lags/ ji ltar na byol bar bgyi ba rnams la byol ba lags/ ji ltar na

  365. 183b

    bsdad par bgyi ba rnams la sdod pa lags/ bka' stsal pa/ mi snang bar bya ba ni ltung ba dang 'khrul pa thams cad las yang dag par 'das par bya'o// thams cad du snang bar yang bya ba ni// byang chub kyi phyogs kyi chos yang dag par bsgrub pa'i phyir ro// byol bar bya ba rnams las byol ba ni 'thab mo dang / rtsod pa rnams las so// bsdad par bya ba rnams la sdod pa ni/ sems can tshegs par bya ba'i phyir te de ni tshul lo/ / rigs kyi bu dag de lta bas na ma byas pa rnams la yang gnas par gyis shig/ byas pa rnams la yang gnas par gyis/ byas pa dang ma byas pa rnams la yang sems mnyam par gyis shig/ gsol pa/ bcom ldan 'das ji ltar na/ byang chub sems dpa' rnams ma bgyis pa rnams la gnas pa lags/ ji ltar na bgyis pa rnams la yang gnas pa lags/ ji ltar bgyis pa dang ma bgyis pa rnams la yang sems mnyam pa lags/ bka' stsal pa/ ma byas pa rnams la yang gnas pa ni dge ba'i rtsa ba yang dag par bsgrub pa'i phyir ro/ / byas pa rnams la gnas pa ni/ dge ba'i rtsa ba de'i gong ma'i chos dang sbyar bar bya ba'i phyir ro// byas pa dang ma byas pa rnams la sems mnyam par bya ba ni/ tshul khrims dang ldan pa dang tshul khrims 'chal pa rnams la bye brag med pa'i 'du shes su bya ba ste de ni tshul lo// rigs kyi bu dag de lta bas na/ snying po med pa las kyang

  366. 184a

    snying po tshol cig/ snying po la yang snying po med pa'i 'du shes bskyed cig/ snying po dang snying po med pa la yang spyod cig/ gsol pa/ bcom ldan 'das ji ltar na byang chub sems dpa' rnams snying po ma mchis pa la snying po tshol ba lags/ ji ltar na snying po la snying po ma mchis par 'du shes bskyed pa lags/ ji ltar na snying po dang snying po ma mchis pa la spyod pa lags/ bka' stsal pa/ snying po med ces bya ba ni/ lus dang srog dang longs spyod rnams te/ de las dam pa'i chos yongs su rdzogs par bya bas snying po btsal ba'o// / snying po zhes bya ba ni/ 'dus ma byas te/ sangs rgyas kyi chos la gzud pa'i phyir te de la snying po ma yin pa'i 'du shes bskyed par bya'o// snying po dang snying po ma yin pa la spyod pa ni/ 'dus byas dang 'dus ma byas kyis chos rnams la blo btang ba ste de ni tshul lo/ / rigs kyi bu dag de lta bas na/ dam bcas pa ni nyam par gyis shig/ tshul khrims ni ma nyams par gyis shig/ tshul khrims 'chal pa rnams la ni ltos shig/ tshul khrims dang ldan pa rnams ni yal bar zhog shig/ gsol pa/ bcom ldan 'das ji ltar na/ byang chub sems dpa' rnams dam bcas pa nyams par bgyid pa lags/ ji ltar na tshul khrims ma nyams pa lags/ ji ltar na tshul khrims 'chal pa rnams la lta ba lags/ ji ltar na tshul khrims dang ldan pa rnams

  367. 184b

    yal bar gzhog pa lags/ bka' stsal pa// dam bcas pa nyams par bya ba ni dge ba'i rtsa ba gong ma dang / gong ma la lhags par dmigs pa'i phyir ro// tshul khrims ma nyams par bya ba ni byang chub kyi sems la lhag par dmigs pa'i phyir ro/ / tshul khrims 'chal pa rnams la lta ba ni/ tshul khrims la sbyar ba'i phyir ro// tshul khrims dang ldan pa rnams yal bar bzhag pa ni bya ba byas pa'i phyir te de ni tshul lo/ / rigs kyi bu dag de lta bas na/ gzhan gyi nor la dga' bar gyis shig/ rang gi nor ni yongs su mthong shig/ nye bar gnas par gyis shig/ gsol pa/ bcom ldan 'das ji ltar na/ byang chub sems dpa' rnams gzhan gyi nor la dga' ba lags/ ji ltar na rang gi nor yongs su gtong ba lags/ ji ltar na nye bar gnas pa lags/ bka' stsal pa/ gzhan gyi nor la mngon par dga' ba zhes bya ba ni/ byang chub sems dpa' dang / nyan thos dang / rang sangs rgyas thams cad dang / sems can thams cad kyi bsod nams la rjes su yi rang bar bya ba'o/ / rang gi nor yongs su btang ba ni/ rang gi dge ba'i rtsa ba rnams sems can thams cad la yongs su gtang bar bya ba'o// nye bar gnas par bya ba ni byang chub tu yongs su bsngo ba'i phyir te de ni tshul lo/ / rigs kyi bu dag de lta bas na mchog tu phyin par yang gyis shig/ sems dma' bar yang gyis shig/ le lo can du yang gyis shig/ rtag tu brtson par yang

  368. 185a

    gyis shig/ gsol pa/ bcom ldan 'das ji ltar na/ byang chub sems dpa' rnams mchog tu phyin pa lags/ ji ltar na sems dma' ba lags/ ji ltar na le le can lags/ ji ltar na rtag tu brtson pa lags/ bka' stsal pa/ mchog tu phyin pa ni shes rab dang ye shes kyis so// sems dma' ba ni nga rgyal med pa'i phyir ro// le lo can ni nyan thos dang / rang sangs rgyas kyis thob par bya ba la'o// rtag tu brtson pa ni pha rol tu phyin pa rnams la ste de ni tshul lo// rigs kyi bu dag de lta bas na mi bsrun par yang gyis shig/ dul ba'i sa la gnas par yang gyis shig/ 'jigs par yang gyis shig/ seng ge'i rtsal gyis rnam par gnon par yang gyis shig/ gsol pa/ bcom ldan 'das ji ltar na byang chub sems dpa' rnams mi bsrun pa lags// ji ltar na dul ba'i sa la gnas pa lags/ ji ltar na 'jigs pa lags/ ji ltar na seng ge'i rtsal gyis rnam par gnon pa lags/ bka' stsal pa/ mi bsrun par bya ba ni bdud thams cad gdul ba'i phyir ro/ / dul ba'i sa la gnas pa ni sems can cang shes gdul ba'i phyir ro// 'jigs par bya ba ni sdig pa thams cad las so// seng ge'i rtsal gyis rnam par gnon par bya ba ni phas kyi rgol ba thams cad sma dbab pa'i phyir te de ni tshul lo/ / rigs kyi bu dag de lta bas na yid du 'ong bar yang gyis shig/ yid du mi 'ong bar yang gyis shig/ smad du med par yang gyis shig/ smad du

  369. 185b

    yod par yang gyis shig/ gsol pa/ bcom ldan 'das ji ltar na byang chub sems dpa' rnams yid du 'ong ba lags/ ji ltar na yid du mi 'ong ba lags/ ji ltar na smad du ma mchis pa lags/ ji ltar na smad du mchis pa lags/ bka' stsal pa/ yid du 'ong bar bya ba ni yon tan gyis phyug pa'i phyir/ sangs rgyas thams cad kyi thugs su byon pa'o// yid du mi 'ong ba ni mngon par shes pa thams cad kyis rnam par 'phrul pa'i phyir/ bdud thams cad kyi yid du mi 'ong ba'o// smad du med pa ni lus dang ngag dang / yid yongs su dag pa'i phyir ro// smad du yod pa ni mi dge ba'i chos thams cad la smod pa'i phyir te do ni tshul lo/ / rigs kyi bu dag de lta bas na/ rma byung ba rnams la rmam 'byin cig/ rma ma byung ba rnams la rma phyung shig/ ye shes tshol cig/ ye shes kyi bya ba rnams la dga' bar ma byed cig/ gsol pa/ bcom ldan 'das ji ltar na/ byang chub sems dpa' rnams rma byung ba rnams la rma mi 'byin pa lags/ ji ltar na rma ma byung ba rnams la rma 'byin pa lags/ ji ltar na ye shes tshol ba lags/ ji ltar na ye shes kyi bgyi ba rnams la mi dga' ba lags/ bka' stsal pa/ rma byung ba rnams zhes bya ba ni nyan thos dang rang sangs rgyas kyi sa ste/ de la rma dbyung bar mi bya'o// rma ma byung ba rnams zhes bya ba ni/ so so'i skye bo thams cad de/ de dag ni rmad byung bar bya'o// ye shes btsal bar bya ba ni zad pa

  370. 186a

    dang mi skye ba shes pa'o/ / ye shes kyi bya ba la dga' bar mi bya ba ni 'dus ma byas su ltung bar mi bya ste de ni tshul lo// rigs kyi bu dag de lta bas na mnyam par gzhag par yang gyis shig/ sems rnam par g.yeng bar yang gyis shig/ sems mi gnas par yang gyis shig/ rtag tu snyoms par zhugs par yang gyis shig/ gsol pa/ bcom ldan 'das ji ltar na/ byang chub sems dpa' rnams mnyam par gzhag pa lags/ ji ltar na sems rnam par g.yeng bar bgyid pa lags/ ji ltar na sems mi gnas pa lags/ ji ltar na rtag tu snyoms par zhugs pa lags/ bka' stsal pa/ mnyam par gzhag pa ni byang chub kyi sems kyis so// sems rnam bar g.yeng bar bya ba ni nyan thos kyi sems las so// mi gnas pa ni de la mi chags pa'i phyir ro/ / rtag tu snyoms par zhugs pa ni/ sems can thams cad la sems mnyam pa'i phyir te de ni tshul lo// rigs kyi bu dag de lta bas na bsreg par bya ba ni sre shig/ tshig pa ni bskyed cig/ skyes pa ni thong shig/ rnam par phye ba ni sdub shig/ gsol pa/ bcom ldan 'das ji ltar na/ byang chub sems dpa' rnams sreg par bgyi ba bsreg pa lags ji ltar na tshig pa rnams bskyed pa lags/ ji ltar na skyes pa rnams gtong ba lags/ ji ltar na rnam par phye ba rnams sdud pa lags/ bka' stsal pa/ bsreg par bya ba sregs pa ni nyen

  371. 186b

    mongs pa thams cad shes rab kyi mes bsreg pa'o/ / tshig pa bskyed pa ni/ thabs kyis phung po dang / khams dang / skye mched rnams gzung ba'o// skyes nas gtong ba ni sems can thams cad kyi bya ba ci yod pa la snying las su bya ba'o/ / rnam par phye ba bsdu ba zhes bya ba de ni yongs su bsngo ba'i tshig bla dgas so// rigs kyi bu dag de lta bas na/ dus ma yin pa ni dus su shes par gyis shig/ dus ni dus ma yin par shes par gyis shig/ dus dang dus ma yin pa la mkhas par yang gyis shig/ gsol pa/ bcom ldan 'das ji ltar na/ byang chub sems dpa' rnams dus ma lags pa la dus su 'tshal ba lags/ ji ltar na dus la dus ma lags par 'tshal ba lags/ ji ltar na dus dang dus ma lags pa la mkhas pa lags bka' stsal pa/ gang nyan thos kyi sa thob par bya ba'i dus de ni/ byang chub sems dpa'i dus ma yin no// pha rol tu phyin pa thams cad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par 'tshang rgya ba ni/ byang chub sems dpa'i dus so// dus dang dus ma yin pa la mkhas par bya ba ni/ dus bzhin du dge ba'i rtsa ba yang dag par bsgrub pa'i phyir te de ni tshul lo/ / rigs kyi bu dag de lta bas na/ 'byor pa ni phye shig/ ma 'byor pa ni sbyor cig/ 'byor pa dang ma 'byor pa la chags par ma byed cig/ gsol ba

  372. 187a

    bcom ldan 'das ji ltar na byang chub sems dpa' rnams 'byor pa byed pa lags/ ji ltar nam 'byor pa rnams ni sbyor ba lags/ ji ltar na sbyor ba dang / mi sbyor ba la ma chags pa lags/ bka' stsal pa/ 'byor pa ni phyin ci log bzhi 'khor ba'i 'dam dang 'byor pa ste/ de ni byang chub sems dpas dbye bar bya'o// ma 'byor pa ni mya ngan las 'das pa'i tshul bzhin yid la bya ba ste/ de ni byang chub sems dpas sbyar bar bya'o// 'byor pa dang ma 'byor pa la chags par mi bya ba ni/ nyan thos dang / rang sangs rgyas kyi spyod pa dang / so so'i skye po'i spyod pa la ma chags par bya ba ste de ni tshul lo/ / rigs kyi bu dag de lta bas na/ dbugs phyin pa rnams ni dbugs ma dbyung shig/ dbugs ma phyin pa rnams ni dbugs phyung shig/ gsol pa/ bcom ldan 'das ji ltar na/ byang chub sems dpa' rnams dbugs phyin pa rnams dbugs mi 'byin pa lags/ ji ltar na dbugs ma phyin pa rnams dbugs 'byin pa lags// bka' stsal pa/ dbugs phyin pa rnams dbugs mi dbyung ba ni yongs su smin pa'i sems can rnams yongs su smin par mi bya ba'o// dbugs ma phyin pa rnams dbugs dbyung ba ni yongasus smin pa'i sems can rnams yongs su smin par bya ba ste de ni tshul lo/ / rigs kyi bu dag de lta bas na/ rma byung bar yang gyis shig/ rma smras par yang gyis shig/ rma byung ba rnams ni

  373. 187b

    sos par gyis shig/ rma ma byung ba rnams ni rma ma 'byung shig/ gsol pa/ bcom ldan 'das ji ltar na/ byang chub sems dpa' rnams rma 'byin pa lags/ ji ltar na ma smras pa lags/ ji ltar na rma byung ba gso ba lags/ ji ltar na rma ma byung ba rma mi 'byin pa lags/ bka' stsal pa/ rma 'byung ba ni yan lag dang nying lag yongs su gtang ba'i phyir ro// ma smas par bya ba ni sems kyis so/ / ma byung ba rnams gso ba ni ltung ba byang ba rnams chos bzhin du bcos pa'o// rma ma byung ba rma mi dbyung ba ni srog gi phyir yang bslab pa las 'gal bar mi bya ba ste de ni tshul lo/ / rigs kyi bu dag de lta bas na/ nye bar 'tshor med par yang gyis shig/ sems can thams cad nye bar 'tsho bar yang gyis shig/ ma bsags pa rnams kyang bsogs shig/ bsags pa rnams kyang sgrogs shig/ bsags pa rnams kyang chud ma gzon cig/ gsol pa/ bcom ldan 'das ji ltar na/ byang chub sems dpa' rnams nye bar 'tshor ma mchis pa lags/ ji ltar na sems can thams cad nye bar 'tsho ba lags/ ji ltar nam bsags pa bsog pa lags/ ji ltar na bsags pa chud mi gzon pa lags/ bka' stsal pa/ nye bar 'tsher med pa ni bdud dang / mu stegs can thams cad kyis klags mi rnyed pa'o// sems can thams cad nye bar 'tsho ba ni dpag bsam gyi shing lta bu'o// ma bsags pa

  374. 188a

    bsogs pa ni dge ba'i rtsa ba bskyed pa'i phyir ro/ / bsags pa chud mi gzon pa ni dge ba'i sems skyes so cog byang chub tu yongs su bsngo ba ste de ni tshul lo// rigs kyi bu dag de lta bas na stobs chung bar yang gyis shig/ stobs dang ldan par yang gyis shig/ rten pa med par yang gyis shig/ dpung gnyen med par yang gyis shig/ gsol pa/ bcom ldan 'das ji ltar na/ byang chub sems dpa' rnams stobs chung ba lags/ ji ltar na stobs dang ldan pa lags/ ji ltar na rten pa ma mchis pa lags/ ji ltar na dpung gnyen ma mchis pa lags/ bka' stsal pa/ stobs chung ngu bya ba ni gnod par byed pa rnams la lan mi bya ba'o// stobs dang ldan par bya ba ni/ phan par mi byed pa rnams la bzod pas phan gdags pa'o/ / rten pa med par bya ba ni so so rang gis shes pas so// dpung gnyen med par bya ba ni gzhan gyi dring mi 'jog pa ste de ni tshul lo// rigs kyi bu dag de lta bas na dang bdag ni rnyog pa can du gyis shig/ rnyog pa can dag ni dang bar gyis shig/ rnyog pa med par yang gyis shig/ rtag tu dang bar yang gyis shig/ gsol pa/ bcom ldan 'das ji ltar na/ byang chub sems dpa' rnams dang bdag rnyog pa can du bgyid pa lags/ ji ltar na rnyog pa can dag ni dang bar bgyid pa lags/ ji ltar na rnyog pa ma mchis pa lags/ ji ltar na rtag

  375. 188b

    tu dang ba lags/ bka' stsal pa/ dang bdag rnyog pa can du bya ba ni/ mnyam par gzhag pa'i sems la dge ba'i rtsa ba dag gis bsgo ba'o// rnyog pa can dag dang bar bya ba ni nyon mongs pas rnyog pa'i sems byang chub kyi sems su dang bar bya ba'o/ / rnyog pa med par bya ba ni nyon mongs pa thams cad bsal ba'o// rtag tu dang bar bya ba ni sems can thams cad la sems dang ba ste de ni tshul lo/ / rigs kyi bu dag de lta bas na lugs las bzlog par yang gyis shig/ lugs bzhin du yang slobs shig/ spyi'u tshugs kyi rgyud kyang shes par gyis shig/ gsol pa/ bcom ldan 'das ji ltar na/ byang chub sems dpa' rnams lugs las bzlog par 'jugs pa lags/ ji ltar na lugs bzhin du slob pa lags/ ji ltar na spyi'u tshugs kyi rgyud 'tshal ba lags/ bka' stsal pa/ lugs las bzlog par 'jug par bya ba ni byis pa so so'i skye bo thams cad kyi spyod pa las phyir log pa'o// lugs bzhin du bslab pa ni byang chub sems dpa'i bslab pa thams cad la'o/ / spyi'u tshugs kyi rgyud shes par bya ba ni 'du shes med 'du shes med min gyi skye mched kyi snyoms par 'jug par las log ste/ 'dod pa'i khams su snang bar bya ba ste de ni tshul lo/ / rigs kyi bu dag de lta bas na/ bdud rtsi dang dug tu ma badres par gyis shig/ dug med pa rnams dang yang ma bsten cig/ dug dang ldan pa rnams

  376. 189a

    la bdud rtsi'i sbyin pa gyis shig/ gsol pa/ bcom ldan 'das ji ltar na/ byang chub sems dpa' rnams bdud rtsi dang dug tu ma 'dres pa lags/ ji ltar na dug ma mchis pa rnams dang mi bsten pa lags/ ji ltar na dug dang ldan pa rnams la bdud rtsi'i sbyin pa bgyid pa lags/ bka' stsal pa/ bdud rtsi zhes bya ba ni bag yod pa'o// dug ces bya ba ni bag med pa ste/ de la byang chub sems dpas bag yod par bya zhing / bag med pa'i sems dang ma 'dres par bya'o// dug med pa rnams zhes bya ba ni nyan thos rnams te/ de dag dang bsten par mi bya'o/ / dug dang ldan pa zhes bya ba ni so so'i skye bo rnams te/ de dag la bdud rtsi bstan par bya ste de ni tshul lo// rigs kyi bu dag de lta bas na mngon par dga' bar bya ba la ni mngon par dga' bar ma byed cig/ mngon par dga' bar mi bya ba la mngon par dga' bar gyis shig/ dga' ba dang 'dod chags dang ldan par yang gyis shig/ dga' ba dang 'dod chags yongs su gcad par yang gyis shig/ gsol pa/ bcom ldan 'das ji ltar na byang chub sems dpa' rnams mngon par dga' bar bgyi ba la mngon par dga' bar mi bgyid pa lags ji ltar na mngon par dga' bar mi bgyid pa la mngon par dga' bar bgyid pa lags/ ji ltar na dga' pa dang 'dod chags dang ldan pa lags/ ji ltar na dga' ba dang 'dod chags yongs su

  377. 189b

    gcod pa lags/ bka' stsal pa/ mngon par dga' ba zhes bya ba ni/ ngar 'dzin pa dang / nga yir 'dzin pa ste/ de dag la mngon par dga' bar mi bya'o// mngon par mi dga' ba ni bdud rnams kyis sangs rgyas kyi ye shes la ste/ de la mngon par dga' bar bya'o// dga' ba dang 'dod chags dang ldan par bya ba ni 'khor ba na sred pa ni zla yin pa'o// dga' ba dang 'dod chags yongs su gcad pa ni/ 'gog pa yongs su shes par bya ba ste de ni tshul lo// rigs kyi bu dag de lta bas na bcing bas bcings par yang gyis shig/ bcing bas bcings pa rnams kyang khrol cig/ grol ba rnams la yang bsnyen bkur gyis shig/ ma grol ba rnams kyi rjes su yang 'brang bar gyis shig/ gsol pa/ bcom ldan 'das ji ltar na/ byang chub sems dpa'/ rnams bcing bas bcings pa lags/ ji ltar na bcings pa rnams 'grol ba lags/ ji ltar na grol ba rnams la bsnyen bkur bgyid pa lags/ ji ltar na ma grol ba rnams kyi rjes su 'brang ba lags/ bka' stsal pa/ bcing bas bcings par bya ba ni bslab pa'i bcing bas so// bcings pa rnams 'grol ba ni sred pa'i bcing ba las so// grol ba rnams la bsnyen bkur bya ba ni/ nyan thos dang / rang sangs rgyas rnams la'o// ma grol ba rnams kyi rjes su 'brang bar bya ba ni/ byis pa so so'i skye bo rnams yongs su smin par bya ba ste de ni tshul lo//

  378. 190a

    rigs kyi bu dag de lta bas na 'dod par bya ba rnams la ni 'dod par gyis shig/ 'dod par mi bya ba rnams la ni 'dod par ma byed cig/ 'dod pa dang bral bar yang gyis shig/ gsol pa/ bcom ldan 'das ji ltar na/ byang chub sems dpa' rnams 'tshal bar bgyi ba rnams 'tshal ba lags/ ji ltar na 'tshal bar mi bgyi ba rnams mi 'tshal ba lags ji ltar na 'tshal ba dang bral ba lags/ bka' stsal pa/ byang chub sems dpa'i 'dod par mi bya ba ni/ nyan thos dang / rang sangs rgyas thams cad de/ de dag la 'dod par mi bya'o// lha dang bcas pa'i 'jig rten gyi khams 'dod par bya ba ni sangs rgyas bcom ldan 'das rnams te/ de dag la 'dod par bya'o// 'dod pa dang bral bar bya ba ni brgya byin dang tshangs par skye ba la ste de ni tshul lo/ / rigs kyi bu dag de lta bas na/ ji tsam du chung ba'i sa bon la yang ma brnyas shig/ zhing tshad med pa la yang mos par gyis shig/ thob pa chen po ni ma sgrub cig gsol pa/ bcom ldan 'das ji ltar na/ byang chub sems dpa' rnams ji tsam du chung ba'i sa bon la yang brnyas par mi bgyid pa lags ji ltar na zhing tshad ma mchis pa la yang mos pab lags/ ji ltar na thob pa chen po mi sgrub pa lags/ bka' stsal pa/ ji tsam du chung ba'i sa bon zhes bya ba ni ji tsam du chung ba'i dge ba'i rtsa ba ste/ de la brnyas par mi bya'o//

  379. 190b

    zhing tshad med pa la yang mos par bya ba ni sangs rgyas la phul ba'i sbyin pa tshad med pa la mos par bya ba'o// thob pa chen po mi sgrub pa ni sems can thams cad la sbyin pa'i phyir te de ni tshul lo// rigs kyi bu dag de lta bas na/ chags pa rnams ni khong du chud par gyis shig/ chags pa rnams la ni spyod cig/ chags pa la zhen pa rnams la ni ltos shig/ chags pa med par ni ma ltung zhig/ gsol pa/ bcom ldan 'das ji ltar na byang chub sems dpa' rnams chags pa rnams 'tshal ba lags/ ji ltar na chags pa rnams la spyod pa lags/ ji ltar na chags pa la zhen pa rnams la lta ba lags/ ji ltar na chags pa ma mchis pa nyid du mi ltung ba lags/ bka' stsal pa/ chags pa shes par bya ba ni theg pa dman pa la 'dod pa dang khong khro ba'i sems te de gnyis ni byang chub sems dpas bsrung bar bya'o/ / chags pa rnams la sprad pa ni 'dod pa dang / gzugs dang / gzugs med pa rnams su'o// chags pa la zhen pa rnams la blta/ ba ni/ chags pa med pa nyid du mi ltung ba ni mngon par 'du bya ba med pa ste de ni tshul lo// rigs kyi bu dag de lta bas na/ yang bar yang gyis shig/ khur chen po yang khyer cig/ ma blang pa ni ma len cig/ blangs pa ni nyams 'og tu chud par gyis shig/ gsol pa/ bcom ldan 'das ji ltar na/ byang chub sems dpa' rnams yang ba lags/ ji ltar na khur chen

  380. 191a

    po khyer ba lags/ ji ltar na ma blangs pa mi len pa lags/ ji ltar na blangs pa nyams 'og tu chud par bgyid pa lags/ bka' stsal pa/ yang bar bya ba ni nyon mongs pa thams cad do/ / khur chen po bkur ba ni sems can thams cad do// ma blangs pa mi blang ba ni nyan thos dang / rang sangs rgyas thams cad kyi theg pa'o// blangs pa nyams 'og tu chud par bya ba ni theg pa chen po ste de ni tshul lo/ / rigs kyi bu dag de lta bas na/ smad par yang gyis shig/ bstod par gyis shig/ nye bar bsnyen par yang gyis shig/ spang bar yang gyis shig/ gsol pa/ bcom ldan 'das ji ltar na/ byang chub sems dpa' rnams smod pa lags/ ji ltar na bstod pa lags/ ji ltar na nye bar bsnyen pa lags/ ji ltar na spang ba lags/ bka' stsal pa/ smad pa ni mi dge ba'i chos thams cad smad pa'o// bstod pa ni dge ba'i chos thams cad bstod pa'o// bsnyen pa ni 'phags pa'i lam mo// spang ba ni mimedage ba'i phyogs kyi lam thams cad de de ni tshul lo/ / rigs kyi bu dag de lta bas na/ grong dang / grong khyer dang / yul 'khor dang / pho brang 'khor dag tu ni/ bsam gtan gyi stobs ston cig/ dgon pa dang / bas mtha' rnams su ni nyon mongs pa chung bar ston cig/ gsol pa/ bcom ldan 'das ji ltar na/ byang chub sems dpa' rnams grong dang / grong khyer dang / yul 'khor dang /

  381. 191b

    pho brang 'khor rnams su bsam gtan gyi stobs ston pa lags/ ji ltar na dgon pa dang / bas mtha' rnams su nyon mongs pa chung bar ston pa lags/ bka' stsal pa/ grong dang / grong khyer dang / yul 'khor dang / pho brang 'khor dag tu phyin pa na/ gzugs dang / sgra dang / dri dang / ro dang / reg bya rags pa dag snang bar 'gyur te/ de dag ni bsam gtan gyi stobs kyis mnan par bya'o/ / dgon pa dang bas mtha' rnams na 'dug pa'i tshe/ nyon mongs pa gang dag skye bar 'gyur ba de dag ni dben pa'i yon tan gyis mnan par bya ste de ni tshul lo// rigs kyi bu dag de lta bas na chu'i nang du yang 'dug par gyis shig/ rtag par skom par yang gyis shig/ skom pa yang sol cig/ skom pa med par yang ma byed cig/ gsol pa bcom ldan 'das ji ltar na/ byang chub sems dpa' rnams chab kyi nang na mchis pa lags/ ji ltar na rtag tu skom pa lags/ ji ltar na skom pa bsal ba lags/ ji ltar na skom pa ma mchis par mi bgyid pa lags/ bka' stsal pa/ chu'i nang na 'dug par bya ba ni chos kyi chu la gnas par bya'o// rtag par skom par bya ba ni chos kyis skom par bya ba'o// skom pa bsal ba ni chos kyi bya ba sgrub pa'o// skom pa med par mi bya ba ni 'dus ma byas su ltung bar mi bya ba ste de ni tshul lo// rigs kyi bu dag de lta bas na/ gcig pu grogs

  382. 192a

    med par yang gyis shig/ g.yog mang po dang 'khor mang po dang ldan par yang gyis shig/ gsol pa/ bcom ldan 'das ji ltar na/ byang chub sems dpa' rnams gcig pu grogs ma mchis par bgyid pa lags/ ji ltar na g.yog mang po dang 'khor mang po dang ldan pa lags/ bka' stsal pa/ gcig pu grogs med par bya ba ni/ dge ba'i rtsa ba thams cad yang dag par sgrub pa la'o/ / g.yog mang po dang ldan par bya ba ni dge ba'i rtsa ba de dag sems can thams cad kyis nye bar 'tsho bar bya'o// 'khor mang po dang ldan par bya ba la 'khor mang po zhes bya ba ni/ byang chub kyi phyogs pa'i chos te de ni tshul lo// rigs kyi bu dag de lta bas na/ grol bar yang gyis shig/ btson rang chud par yang gyis shig/ pha rol tu phyin par yang gyis shig/ chu bo chen po'i nang du 'dug par yang gyis shig/ gsol pa/ bcom ldan 'das ji ltar na/ byang chub sems dpa' rnams grol ba lags/ ji ltar na btson rar tshud pa lags/ ji ltar na pha rol tu phyin pa lags/ ji ltar na chu bo chen po'i nang du gnas pa lags/ bka' stsal pa/ grol bar bya ba ni nyon mongs pa dang bdud kyi bcing ba thams cad las so/ / btson rang chud par yang bya ba yang ni bsams bzhin du skye ba rnams so// pha rol tu phyin par yang bya ba ni sems can thams cad kyi skad shes pa la'o// chu bo chen po'i nang

  383. 192b

    na gnas par yang bya ba ni/ chu bo bzhis khyer ba'i sems can sgrol ba'i phyir te de ni tshul lo// rigs kyi bu dag de lta bas na tshad yod pa la yang so sor rtog par gyis shig/ tshad med pa la yang mnyam pa nyid du khong du chud par gyis shig/ gsol pa/ bcom ldan 'das ji ltar na/ byang chub sems dpa' rnams tshad mchis pa la yang so sor rtog par lags/ ji ltar na tshad ma mchis pa yang mnyam pa nyid khong du chud par bgyid pa lags/ bcom ldan 'das kyis bka' stsal pa/ rigs kyi bu dag tshad yod pa zhes bya ba ni 'dus byas so// tshad med pa zhes bya ba ni 'dus ma byas ste/ de la byang chub sems dpas 'dus byas kyang spang bar mi bya ste/ 'dus byas su rtog pa'i nyon mongs pa rnams dang yang 'grogs par mi bya'o// 'dus ma byas la yang rtag par bya ste/ skyon med par yang 'jug par mi bya'o// 'dus byas dang / 'dus ma byas gcig pa'i mtshan nyid dang ldan pa'i shes rab kyis byang chub kyi snying por mnyam pa nyid du mngon par rdzogs par sangs rgyas par bya ste de ni tshul lo/ / tshul gyi tshig 'di dag bstan pa'i tshe/ lha'i bu brgyad stong ni byang chub tu sems bskyed par gyur to// byang chub sems dpa' lnga brgya ni mi skye ba'i chos la bzod pa thob par gyur to/ / bcom ldan 'das kyis de skad ces bka' stsal nas/ byang chub sems dpa' sems dpa' chen po rab tu mang po de dag dang / lha dang

  384. 193a

    mi dang lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do// 'phags pa chos kyi tshul zhes theg pa chen po mdo rdzogs so/ / / rgya gar gyi mkhan po pradz+nyA bar ma dang / zhu chen gyi lo tsa ba ban+de ye shes sde la sogs pas bsgyur cing zhus te gtan la phab po// @rgya gar skad du/ Ar+ya d+ham sa gI ti nA ma ma hA yAn suHbod skad du/ 'phags pa chos yang dag par bsdud pa zhes bya ba theg pa chen po'i mdo/ / // bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das khang pa brtsegs pa dpe med pa nam mkha'i spyod yul chos kyi dbyings kyi dkyil tha mi dad pa kun nas yangs pa/ rang gi bsod nams dang / ye shes kyi tshogs kyi rdzu 'phrul gyis sprul pa/ gnas gsum gyi mngon par 'du byed pa dang mi 'dra ba/ dpa thams cad las shin tu 'das pa/ de bzhin gshegs pa'i rnam par smin pa bsam gyi mi khyab pa las byung ba na/ dge slong stong nyis brgya lnga bcu'i dge slong gi dge 'dun chen po/ / phal cher dgra bcom pa so so yang dag par rig pa thob pa/ gnyis ka'i cha las rnam par grol ba sha stag dang / byang chub sems dpa'

  385. 193b

    sems dpa' chen po shin tu rnam par dag pa/ ting nge 'dzin la rtag tu spyod yul ba/ thams cad mkhyen pa'i ye shes kyi yul dang spyod yul la gnas pa/ chos kyi dbyings mtha' dang dpung med pa dam pa'i pha rol tu phyin pa/ byang chub sems dpa'i bar nag pa dang / bsam pa thams cad yongs su rdzogs pa/ byang chub sems dpa'i dbang thams cad shin tu rtog par khong du chud pa/ mthar thug pa'i gnas bcu thob pa/ yon tan gyi rgyan dpag tu med pas brgyan pa/ byang chub sems dpa'i ting nge 'dzin dang / gzungs dang bzod pa dang / so so yang dag par rig pa rtogs par khong du chud pa sha stag dang / lha dang klu dang / gnod sbyin dang / dri za dang / lha ma yin dang / nam mkha'i lding dang mi'am ci dang / lto phye chen po dang / brgya byin dang / tshangs pa dang 'jig rten skyong ba gzi brjid che ba/ brgya stong dang / g.yog brgya stong du ma dang yang thabs cig tu bzhugs so// de'i tshe na/ bcom ldan 'das chos thams cad kyi gor mis kyi tshul gyi sgo la 'jug zhes bya ba chos kyi rnam grangs chen po ston to/ / 'di lta ste/ 'phags pa rnams mthong bas dad pa thob par 'gyur ro// dad pa thob pas dge ba'i chos la 'dun pa mthong bar 'gyur ro// / dge ba'i chos la 'dun pas rgyun tu chud pa thob par 'gyur ro// rgyun tu chud pa thob pas don rnyed par 'gyur ro// don rnyed pas bdag po thob par 'gyur ro// bdag po thob pas smin pa thob par

  386. 194a

    'gyur ro/ / sbyin pas longs spyod chen po thob par 'gyur ro// tshul khrims kyis mtho ris thob par 'gyur ro// bzod pas kun tu mdzes par 'gyur ro// brtson 'grus kyis mngon par shes pa myur bar 'gyur ro/ / bsam gtan gyis sems las su rung bar 'gyur ro// shes rab kyis 'jig rten thams cad las mngon par 'phags par 'gyur ro// thabs kyis thams cad las 'byung bar 'gyur ro/ / smon lam gyis tshegs med par 'gyur ro// stobs kyis mi tshugs par 'gyur ro// ye shes kyis 'jig rten thams cad rton par 'gyur ro// mngon par 'byung bas 'phags pa nyid thob par 'gyur ro/ / rab tu 'byung bas gnod sems thams cad rab tu zhi bar 'gyur ro// bsod snyoms spod pas kha na ma tho ba med par 'gyur ro// dgon par gnas pas 'jigs pa med par 'gyur ro/ / nang du yang dag 'jogs pas bsam gtan dang / mngon par shes pa dang / tshangs po'i gnas thob par 'gyur ro// ji ltar thos pa'i chos la so sor rtog pa dang / yang dag par rab tu ston pas so sor yang dag par rig pa thob par 'gyur ro// dran pa la mkhas pas gzungs thob par 'gyur ro// spobs pa la mkhas pas/ khyad par lung ston pa'i ye shes thob par 'gyur ro// blo gros la mkhas pas chos dang don rab tu dbye ba'i ye shes thob par 'gyur ro// mos pa la mkhas pas mi 'jigs pa thob par

  387. 194b

    'gyur ro/ / phung po la mkhas pas shes rab rab tu dbye bar 'gyur ro// khams la mkhas pas rten cing 'brel bar 'byung ba za mo shes pas rab tu 'byed par 'gyur ro// skye mched la mkhas pas phyi nang la shin tu rmongs pa spongs par 'gyur ro/ / bden pa la mkhas pas sems can thams cad la mi slu bar 'gyur ro// yid la byed pa la mkhas pas sangs rgyas thams cad mnyes par byed par 'gyur ro/ / zhi gnas la mkhas pas sems zhi bar 'gyur ro// lhag mthong la mkhas pas sems dul bar 'gyur ro// nga rgyal med pas thams cad mkhyen pa'i ye shes yongs su rdzogs par 'gyur ro/ / khengs pa med pas yid rton par 'gyur ro// sems can thams cad la mi slu bas dbang gcig par 'gyur ro// dam bcas pa la brtan pas lha dang mi mgu bar byed par 'gyur ro/ / ji skad smra ba de bzhin du byed pas skyes bu dam pa'i chos yongs su rdzogs par 'gyur ro// nang du sems pas bde bar khong du chud par 'gyur ro// sems 'chos pas chos kyi rgyal srid thob par 'gyur ro// lus srung ba dang lus la mi lta bas sangs rgyas kyi sku thob par 'gyur ro// 'jam zhing snyan la phan par smra bas tshangs pa'i sgra skad sgrog pa'i dbyangs thob par 'gyur ro/ / dkon mchog gsum la dad pa mi phyed pas gnas ma yin pa mkhyen pa'i stobs thob par 'gyur ro// thams cad du legs par bya/

  388. 195a

    ba'i las byed pas las kyi rnam par smin pa mkhyen pa'i stobs thob par 'gyur ro// sems can ye shes kyi lam la sbyor ba dang / pha rol mi shes pa la mi brnyas pas dbang po mchog dang mchog ma yin pa mkhyen pa'i stobs thob par 'gyur ro/ / rten cing 'brel bar 'byung ba phrag pa khong du chud pas khams sna tshogs mkhyen pa'i stobs thob par 'gyur ro/ / sems can thams cad dkon mchog gsum la 'dzud pa dang / mos par byed pas mos pa sna tshogs mkhyen pa'i stobs thob par 'gyur ro// thams cad du spyod lam rnam par mi 'khrugs pa dang / sems can thams cad la mtshungs par chos ston pas/ thams cad du 'gro ba'i lam mkhyen pa'i stobs thob par 'gyur ro// sems can bsam gtan gyi lam la sbyor bas bsam gtan dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba mkhyen pa'i stobs thob par 'gyur ro// sems can lam stor ba rnams la lam nye bar ston pas lha'i mig mkhyen pa'i stobs thob par 'gyur ro/ / sems can thams cad la dran pa rab tu sbyin pas sngon gyi gnas rjes su dran pa mkhyen pa'i stobs thob par 'gyur ro/ / sems can thams cad la rnam par byang ba'i lam nye bar ston pas/ zag pa zad pa mkhyen pa'i stobs thob par 'gyur ro// sems can mang du thos pa la sbyor bas mi

  389. 195b

    / 'jigs pa thob par 'gyur ro// sems can theg pa chen po la sbyor bas sangs rgyas kyi chos ma 'dres pa thob par 'gyur ro// stong pa nyid sgom pas bag chags kyi mtshams sbyor ba spong bar 'gyur ro/ mtshan ma med pa sgrim pas chos thams cad la sgrib pa med pa'i ye shes thob par 'gyur ro// smon pa med pa bsgom pas chos thams cad la sosar rtog pa'i ye shes thob par 'gyu ro/ / zhes de ltar bcom ldan 'das chos thamacad kyi go rims kyis tshul gyi sgo la 'jug pa zhes bya ba'i chos kyi rnam grangs chen po ston to// 'khor de na byang chub sems dpa' gnyis khang pa brtsegs pa'i nang na g.yog mang po dang gnas shing 'khod de/ gcig ni rtsom pa med ces bya/ gcig ni blo gros rnam par gnon zhes bya'o// de gnyis der 'dus nas blo 'di snyam du gyur te/ byang chub sems dpa' rnams kyi chos yang dag par brjod pa blo gros yangs pa zhes bya ba yod de/ bdag cag gis yang dag par brjod par bya'o zhes smras nas/ byang chub sems dpa' sems dpa' chen po blo gros rnam par gnon gyis/ byang chub sems dpa' sems dpa' chen po rtsom pa med la 'di skad ces smras so// rigs kyi bu byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi 'byung ba ji ltar khong du chud par bya/ byang chub sems dpa' sems dpa' chen pos/ de bzhin

  390. 196a

    gshegs pa rnams kyi ngo bo nyid ji ltar khong du chud par bya/ de bzhin gshegs pa rnams kyi gzhan gyi rkyen gyis 'byung ba ji ltar khong du chud par bya/ rigs kyi bu byang chub sems dpas de bzhin gshegs pa rnams kyi gnas pa ji ltar khong du chud par bya/ rigs kyi bu byang chub sems dpas de bzhin gshegasapa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po ji ltar khong du chud par bya/ 'jug pa ji ltar khong du chud par bya/ dpe dang 'dra ba ji ltar khong du chud par bya/ rigs kyi bu ji ltar byang chub sems dpa' sems dpas sangs rgyas rnam pa du yod par khong du chud par bya/ byang chub sems dpas de bzhin gshegs pa dgra bcom pa yang dag par rdzogs pa'i sangs rgyas rnams kyi tha snyad du ston pa ji ltar khong du chud par bya/ rigs kyi bu byang chub semasad pas stong pa nyid ji ltar khong du chud par bya/ stong pa nyid kyi mi mthun pa'i phyogs ji ltar khong du chud par bya/ byang chub sems dpas stong pa nyid smra bar ji ltar khong du chud par bya/ byang chub sems dpas chos smra ba po ji ltar khong du chud par bya/ dpe rnams kyis chos smra ba ji ltar khong du chud par bya/ byang chub sems dpa' rnams kyi mi 'grogs pa ji ltar khong du chud par bya/ byang chub sems dpa' rnams kyi 'phrul pa chen po ji ltar khong du chud par bya/ dge ba rnams kyi rnam par

  391. 196b

    smin pa'i dbang ba ji ltar khong du chud par bya/ rigs kyi bu byang chub sems dpas zag pa med pa'i dge ba rnams kyi rnam par smin pa thob pa'i dbang ba ji ltar khong du chud par bya/ de skad ces smras pa dang / byang chub sems dpa' sems dpa' chen po rtsom pa med kyis byang chub sems dpa' sems dpa' chen po blo gros rnam par gnon la 'di skad ces smras so// rigs kyi bu khyod kyis byang chub sems dpa' sems dpa' chen po rnams kyi chos yang dag par rjes su brjod pa yang dag phul 'di dris te/ 'di lta ste/ chos yang dag par brjod pa blo gros rgya chen po 'di ni yang dag phul gyi gtam mo/ / rigs kyi bu nyon cig dang / sangs rgyas kyi mthu dang / sangs rgyas kyi byin gyis brlabs kyis chos yang dag par brjod pa blo gros chen po 'di bshad par bya'o/ / rigs kyi bu byang chub sems dpas chos kyi tshul la 'jug pa bcus/ de bzhin gshegs pa dgra bcom pa yang dag par rdzogs pa'i sangs rgyas rnams kyi 'byung ba khong du chud par bya ste/ bcu gang zhe na/ 'di lta ste/ rtsol ba'i rnam par rtog pa thams cad kun chad pa'i skye bar 'jug pa dang / sems dang yid dang / yid kyi rnam par shes pa gnas gyur pa thams cad 'jug pa dang / skye ba dang / 'jig pa las phyir log pa'i skye ba dang / 'jig pa 'jug pa dang / sngon gyi mngon par 'du byed pa'i gnon pas non pa'i rnam par smin pa

  392. 197a

    thams cad 'jug pa dang / chos kyi dbyings chags pa med pa yongs su sbyor ba bsags pa'i bsogs pa thams cad dang / smon lam grangs med pa brgya stong phrag bcus/ brtan pa'i rton pa thams cad dang / de bzhin gshegs pa thams cad kyi byin gyis brlabs kyis byin gyis brlabs pa'i sangs rgyas kyi byin gyis brlabs dang / ji ltar yongs su smin par byas pa'i dge ba'i rtsa ba'i shugs kyis 'phangs pa'i 'phen pa thams cad dang / byams pa chen po dang / snying rje chen po'i rgyu mthun pa shin tu rgyas pa dang / dus dang / gnas dang / sems can gyi bsam pa dang / dge ba yang dag par 'dod pa ji lta ba dang / lhag pa'i bsam pa'i dbang ji lta ba de bzhin du/ rnam pa tha dad par 'byung ba yin te/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi 'byung ba khong du chud par bya'o// rigs kyi bu byang chub sems dpas chos kyi tshul la 'jug pa bcus/ de bzhin gshegs pa dgra bcom pa yang dag par rdzogs pa'i sangs rgyas rnams kyi ngo bo nyid khong du chud par bya ste/ bcu gang zhe na/ 'di lta ste/ rang bzhin gyis dri ma med pa'i phyir de bzhin nyid kyi ngo bo nyid dang / dbyer med pa'i phyir chos kyi dbyings kyi ngo bo nyid dang / thams cad du song ba'i phyir yang dag pa'i mtha'i ngo bo nyid

  393. 197b

    dang / ngo bo nyid kyis dben pa'i phyir stong pa nyid dang / mtshan ma med pa dang / smon pa med pa'i ngo bo nyid dang / gzhan gyi rkyen gyi dbang gis zhugs pa'i phyir/ sgyu ma dang / smig rgyu dang / chu zla dang / sprul pa dang / brag cha dang / dri za'i grong khyer dang / mgal mes bskor ba'i ngo bo nyid dang / rdzas med pa'i phyir skye ba med cing 'byung ba med pa'i ngo bo nyid dang / rang bzhin gyis 'od gsal ba'i phyir chos thams cad rang bzhin gyi ngo bo nyid dang / rgyun ma chad pa'i phyir sngon gyi mthar ma byung ba dang / lus med pa'i phyir phyi ma'i mthar mi 'pho ba dang / sngon gyi mtha' dang phyi ma'i mtha' med pas da ltar byung ba la mi gnas pa ste/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi ngo bo nyid khong du chud par bya'o/ / rigs kyi bu byang chub sems dpas chos kyi tshul la 'jug pa bcus/ de bzhin gshegs pa dgra bcom pa yang dag par rdzogs pa'i sangs rgyas rnams kyi gzhan gyi rkyen gyis 'byung ba khong du chud par bya'o/ / bcu gang zhe na/ 'di lta ste/ chos kyi 'bras bu'i phyir bag yod pa'i sa bon/ dang kha na ma tho ba med pa'i phyir shes rab dang thabs kyis bskyed pa dang / legs par 'gro ba'i phyir tshul khrims kyi pha rol tu phyin pa'i rkang pa dang / bdud rtsi'i phyir byang chub kyi sems kyi 'tsho

  394. 198a

    ba'i dbang po dang / las legs par byed pa'i phyir zhi gnas dang lhag mthong gi lag pa dang / me long lta bu'i ye shes phun sum tshogs pa'i phyir las kyi rnam par smin pa la 'jug pa'i mig dang / legs par zhugs pa'i phyir pha rol tu phyin pa thams cad sgrub pa'i lte ba dang / nan tan snying por byed pa'i phyir bsdu ba'i dngos po'i skal tshigs dang / rnam par mi rtog pa'i phyir stong pa nyid sgom pa'i yan lag gi dam pa mgo dang / sems can thams cad la bya'o cog mi 'dor ba'i phyir yi ma bsad cing sgeg pa med la spro ba ste/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi gzhan gyi rkyen gyis 'byung ba khong du chud par bya/ rigs kyi bu byang chub sems dpas chos kyis tshul la 'jug pa bcus/ de bzhin gshegs pa dgra bcom pa yang dag par rdzogs pa'i sangs rgyas rnams kyi gnas pa khong du chud par bya ste/ bcu gang zhe na/ 'di lta ste/ nga yir ba med cing yongs su 'dzin pa med pa'i phyir gnod sems dang zhe sdang thams cad dang bral ba dang / rtsi sman lta bu'i phyir sems can thams cad rtag tu nye bar 'tsho ba dang / sngon dam bcas pa las ma nyams pa'i phyir bden pa yongs su skong ba dang / snying rje chen po yongs su spangs pa'i phyir sems can la blta ba dang / sems can gyi don 'ba' zhig

  395. 198b

    la brtson pa'i phyir de 'ba' zhig gi bsam pa dang / gzhan gyi sdug bsngal gyis gnod pa'i phyir bdag gi bde ba la mi lta ba dang / 'khor ba dang mya ngan las 'das pa ro gcig pa'i phyir mya ngan las/ 'das par rnam par rtog pa dang bral ba dang / lhun gyis grub pas bya ba byed pa gsal ba'i phyir yongs su mi skyo ba'i mtshan nyid dang / sha'i lus med pa'i phyir tshol ba thams cad dang bral ba dang / thams cad du mya ngan las 'das pa kun tu ston pa'i phyir thogs pa med pa'i mtshan nyid de/ rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams gnas pa khong du chud par bya'o/ / rigs kyi bu byang chub sems dpas chos kyi tshul la 'jug pa bcus/ de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/ bcu gang zhe na/ 'di lta ste/ nyon mongs pa dang shes bya'i sgrib pa thams cad spang ba'i mthar 'gro ba dang / gang zag dang chos dang / yul la bdag med par khong du chud pa dang / skye ba dang / chos kyi gnas gyur pa rnyed pa dang / sems can thams cad la sangs rgyas kyi mdzad pa byed pa lhun gyis grub pa rgyun ma bcad pa'i ye shes thob pa dang / de bzhin gshegs pa thams cad kyi chos kyi sku dbyer med pa thob pa dang / 'khor ba dang

  396. 199a

    mya ngan las 'das pa rnam pa gnyis su bsam pa dang bral ba dang / chos thams cad kyi rtsa ba yongs su dag pa dang / chos thams cad skye ba med cing 'gag pa med pa de'i dngos po bsgoms pa dang / de bzhin nyid dang / chos kyi dbyings dang / yang dag pa'i mtha' mnyam pa'i ye shes thob pa dang / chos thams cad kyi rang bzhin dang / mya ngan las 'das pa'i rang bzhin mnyam pa'i ye shes thob pa ste/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs/ pa'i sangs rgyas rnams kyi yongs su mya ngan las 'das pa chen po khong du chud par bya'o// rigs kyi bu gzhan yang byang chub sems dpas chos kyi tshul la 'jug pa bcus/ de bzhin gshegs padagra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/ bcu gang zhe na/ 'di lta ste/ nyon mongs pa thams cad kyi rtsa ba ni smon pa yin te smon pa las byung ba'o/ / de bzhin gshegs pa la ni smon pa de med de smon pa dang bral bas/ de bzhin gshegs pa yongs su mya ngan las 'das pa zhes bya'o// smon pa med pas de bzhin gshegs pa ni chos gang yang mi len to/ / mi len pas mi 'jug mi ldog ste/ len pa med pas de bzhin gshegs pa yongs su mya ngan las 'das pa zhes bya'o// gang 'jug pa

  397. 199b

    dang ldog pa yang dag par chad pa de ni chos kyi sku ste mi skye mi 'gag go/ / skye bo dang 'gag pa dang bral bas de bzhin gshegs pa yongs su mya ngan las 'das pa zhes bya'o// gang skye ba med pa dang 'gag pa'id paden cing yang brjod par bya bam yin te/ brjod par bya ba med pas de bzhin gshegs pa yongs su mya ngan las 'das pa zhes byar// 'dag dang sems can mdzad/ chos tsam 'di zhing 'gag pas chos kyi gnas gyur pa'i phyir/ de bzhin gshegs pa yongs su mya ngan las 'das pa zhes bya'o// nyon mongs pa dang / nye ba'i nyon mongs pa thams cad ni glo bur ba yin// te/ chos kyi dbyings ni 'ong ba med cing 'gro ba med pas de glo bur yang ma yin gnas pa yang ma yin te/ chos kyi dbyings mnyam pa'i phyir/ de bzhin gshegs pa yongs su mya ngan las 'das pa zhes bya'o/ / de bzhin nyid ni bden pa ste/ de bzhin nyid ma gtogs pa'i chos gzhan rnams ni brdzun pa'o// bden pa'i ngo bo nyid ni de bzhin nyid de de bzhin nyid ngo bo nyid ni/ de bzhin gshegs pa yongs su mya ngan las 'das pa zhes bya'o/ / yang dag pa'i mtha' spros pa med pa/ chos gzhan ni spros pa'i ngo bo nyid de/ yang dag pa'i mtha' mnyam pa'i phyir/ de bzhin gshes pa yongs su mya ngan las 'das pa zhes bya'o/ / skye ba med pa ni bden pa ste/ skye ba la sogs pa'i chos gzhan rnams ni mi bden pa log pa brdzun du slu ba'i chos can no// de bzhin gshegs

  398. 200a

    pa ni brdzun pa slu ba'i chos can yin te/ bden pa'i ngo bo nyid ni de bzhin gshegs pa yongs su mya ngan las 'das pa zhes bya'o// yang dgang ma yin pa ni mngon par du byed de/ yang dag pa la ni mngon par 'du bya ba med do// yang dag pa ni de bzhin gshegs pa'i chos kyi sku ste/ 'dus ma byas pa ni yongs su mya ngan las 'das pa zhes bya ste/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o/ / rigs kyi bu gzhan yang byang chub sems dpas chos kyi tshul la 'jug pa bcus/ de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/ bcu gang zhe na/ 'di lta ste/ sbyin pa dang / sbyin pa'i 'bras bu bdag med cing bdag gi ba med pa dang / sbyin pa dang / sbyin pa'i 'bras bu yongs su shes pas rnam par rtog pa gnas gyur pa phyin ci ma log pa ni/ de bzhin gshegs pa yongs su mya ngan las 'das pa zhes bya'o// tshul khrims dang / tshul khrims kyi 'bras bu bdag med cing bdag gi ba med pa dang / tshul khrims dang / tshul khrims kyi 'bras bu yongs su shes pas rnam par rtog pa gnas gyur pa phyin ci ma log pa ni

  399. 200b

    de bzhin gshegs pa yongs su mya ngan las 'das pa zhes bya'o/ / bzod pa dang / bzod pa'i 'bras bu bdag med cing bdag gi ba med pa dang / bzod pa dang / bzod pa'i 'bras bu yongs su shes pas rnam par rtog pa gnas gyur pa phyin ci ma log pa ni/ de bzhin gshegs pa yongs su mya ngan las 'das pa zhes bya'o// brtson 'grus dang / brtson 'grus kyi 'bras bu dag med cing bdag gi med pa dang / brtson 'grus dang / brtson 'grus kyi 'bras bu yongs su shes pas rnam par rtog pa gnas gyur pa phyin ci ma log pa ni/ de bzhin gshegs pa yongs su mya ngan las 'das pa zhes bya'o/ / bsam gtan dang / bsam gtan gyi 'bras bu bdag med cing bdag gi ba med pa dang / bsam gtan dang / bsam gtan gyi 'bras bu yongs su shes pas rnam par rtog pa gnas gyur pa phyin ci ma log pa ni/ de bzhin gshegs pa yongs su mya ngan las 'das pa zhes bya'o// shes rab dang / shes rab kyi 'bras bu dag med cing bdag gi ba med pa dang shes rab dang / shes rab kyi 'bras bu yongs su shes pa rnam par rtog pa gnas gyur pa phyin ci ma log pa ni// de bzhin gshegs pa yongs su mya ngan las 'das pa zhes bya'o// sems can tham cad sems can ma yin pa dang / chos thams cad bdag med pa dang / sems can du 'du shes pa'i phyin ci log dang bral zhing / chos 'du shes pa'i phyir phyin ci log dang bral ba ni/ de bzhin

  400. 201a

    gshegs pa yongs su mya ngan las 'das pa zhes bya'o/ / gang dag la sdud par 'gyur ba de ni tshol bar 'gyur ro// tshol ba la brtson pa de ni nyon mongs so// bdag la sdug pa dang bral zhing tshol ba thams cad dang bral ba ni phyir nyon mi mongs te/ nyon mongs pa med pa ni/ de bzhin gshegs pa yongs su mya ngan las 'das pa zhes bya'o// 'dus byas ni tshad dang ldan pa yin te/ 'dus ma byas ni tshad med pa'o// 'dus byas dang / 'dus ma byas kyi chos las rnam par grol zhing / 'dus ma byas kyi chos nyid thob pa tshad med pa'i chos ni/ de bzhin gshegs pa yongs su mya ngan las 'das pa zhes bya'o/ / de bzhin gshegs pas ni gang stong pa nyid las rnam par grol ba'i chos sam/ sems can gang yang ma gzigs te/ stong pa nyid ni chos so// / chos kyi sku ni de bzhin gshegs pa yongs su mya ngan las 'das pa zhes bya ste/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o/ / rigs kyi bu byang chub sems dpas chos kyi tshul la 'jug pabacus/ de bzhin gshegs pa dgra bcom pa yang dag par rdzogs pa'i sangs rgyas rnams kyi 'jug pa khong du chud par bya ste/ bcu gang zhe na/ 'di lta ste/ chos shin tu rnam par dag pa'i phyir

  401. 201b

    chos kyi gnas la gnas pa dang / rang gis dam bcas pa nyams su len pa'i phyir snying stobs che ba'i gnas la gnas pa dang / don mtshungs pa'i phyir bdag dang gzhan gyi don ro gcig pa dang rnam par mi rtog pa'i dbyings shin tu rnam par dag pa'i phyir shel gyi nor bu ltar rnam par mi rtog pa dang / gnod pa bsal ba'i phyir bde ba thob pa dang / nyon mongs pa'i dgra rab tu bcom pa'i phyir 'jigs pa med pa thob pa dang / chos thams cad la the tshom med pa'i phyir mi 'jigs pa thob pa dang / sems can thams cad la bsas pa mnyam pas phyir rgol ba bcom pa dang / mthu shin tu rnam par dag pa'i phyir sprul pa brgya stong du ma bgyid pa la mkhas pa dang / nam mkha' ltar shin tu rnam par dag pa'i phyir sgrib pa med par gzugs thams cad kun tu ston pa la mkhas pa ste/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi 'jug pa khong du chud par bya'o/ / rigs kyi bu gzhan yang byang chub sems dpas chos kyi tshul la 'jug pa bcus/ de bzhin gshegs pa dgra bcom pa yang dag par rdzogs pa'i sang+yas rnams kyi 'jug pa khong du chud par bya ste/ bcu gang zhe na/ 'di lta ste/ de bzhin gshegs pa 'di mnyam du 'khor ba ni nyes pa mang po'i skyon chags pas/ mya ngan las 'das pa ni yon tan dang ldan pa'o snyam du

  402. 202a

    mi dgongs kyi/ gzhan du na 'khor ba dang mya ngan las 'das pa mnyam pa nyid brnyes pas/ de bzhin gshegs pa mi 'khor zhing yongs su mya ngan las mi 'das la sems / can gyi don la mi phyogs pa yang ma yin no// de bzhin gshegs pa 'di snyam du sems can 'di dag ni blo phyin ci log pa nyon mongs pa dang / nye ba'i nyon mongs pas nyon mongs pa ste/ de dgangs// dgrol bar bya'o snyam du mi dgongs mod kyi/ gzhan du na sngon sgro btags pas 'phangs pa'i dbang gis sems can de dang de dag gi khams dang dbang po dang / mos pa ji lta ba bzhin du de bzhin gsheg pa'i mdzad pa'i mdzad pa de dang de dag lhun gyis grub cing rnam par mi rtog par 'jug go/ / de bzhin gshegs pa 'di snyam du ngas mdo'i sde 'am/ dbyangs kyis bsnyad pa'i sde 'am/ lung du bstan pa'i sde 'am/ tshigs su bcad pa'i sde 'am/ ched du brjod pa'i sde 'am/ gleng gzhi'i sde 'am/ rtogs pa brjod pa'i sde'am/ de lta bu byung ba'i sde'am/ skyes pa'i rabs kyi sde'am/ shin tu rgyas pa'i sde 'am/ rmad du byung ba'i sde 'am/ rnam par gtan la bab pa'i chos kyi sde 'di bstan no snyam du mi dgongs mod kyi/ lhun gyis grub cing rnam par mi rtogs par sems can de dang de dag la/ de bzhin gshegs pa'i chos bstan pa la 'jug go/ de bzhin gshegs pa 'di snyam du nga grong ngam/ grong khyer ram/ grong rdal lam/ tshong dus 'dir

  403. 202b

    bsod snyoms kyi phyir 'jug go snyam mam/ rgyal rigs sam/ bram ze'i rigs sam/ rje'u rigs sam/ dmangs rigs sam/ rgyal po'am/ rgyal bu 'am/ rgyal po'i blon po 'am/ sems can gang yang rung ba'i gan du gshegs so snyam du mi dgongs mod kyi/ de bzhin gshegs pa'i ye shes sngon du 'gro ba'i sku dang gsung dang thugs kyi 'phrin las de dag bzhin du 'jug go/ de bzhin gshegs pa la bkres pa dang skyems pa mi mnga'/ bshang gci mi mnga'/ skunyam chung ba ma yin mod kyi/ bsod snyoms spyod de zhal zas kyang gsol la yongs su gsol ba yang mi mnga' ste/ thams cad du rgyun gyis grub cing rnam par mi rtog par sems can yongs su smin par bya ba'i mdzad pa yang mi gtong ngo // de bzhin gshegs pa 'di snyam du sems can 'di ni tha ma/ 'di ni 'bring / 'di ni rangab ste/ 'di la ni tha ma/ 'di la ni 'bring / 'di la ni rab kyi gtam mdzad do snyam du mi dgongs mod kyi/ rnam par mi rtog par snod ji lta ba de bzhin du/ de bzhin gshegs pa chos ston pa de lhag chad med par 'jug go// de bzhin gshegs pa 'di snyam du sems can 'dis ngal bsti stang du ma byas mchod pa ma byas te/ mi snyan pa byas kyis/ nga 'di dang lhan cig tu cung zad kyang smra bar mi bya'i/ 'dis ni nga la bsti stang du byas/ mchod cing rim gror byas/ bstod cing bsngags kyi nga 'di dang lhan cig smra bar bya'o snyam du mi dgongs te/

  404. 203a

    de bzhin gshegs pa ni dgra zin la thugs snyoms par 'jug go/ de bzhin gshegs pa ni rgyags pa ma yin/ bag med pa ma yin/ rjes su chags pa ma yin/ khong khro ba ma yin/ brkam pa ma yin/ brkam par 'gyur ba ma yin/ zhen pa ma yin/ bsten par mdzad pa ma yin/ nye bar nyon mongs pa ma yin mod kyis/ spyod yul dben pa/ 'dod pa rnams las dben pa dben pa la mngon par dga' ba rnams kyi bsngags pa yang gsung ngo / / me long lta bu'i ye shes dang ldan pas/ de bzhin gshegs pa ni shes bya thams cad la mi mkhyen pa'am/ ma rigs pa 'am/ thugs su ma chud pa gang yang med de bya ba dang mi bya ba dag gzigs nas sems can de dang de dag la de bzhin du 'jug go/ de bzhin gshegs pa ni sems can gyi don phun sum tshogs pa la yang dgyes par mi 'gyur/ ma 'byor pa la yang mi dgyes par mi 'gyur te/ yang dag par zhugs pa rnams la ni sgrib pa med pa'i byams pa chen po 'jug/ log par zhugs pa rnams la ni sgrib pa med pa'i thugs rje/ chen po 'jug ste/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi 'jug pa khong du chud par bya'o/ / rigs kyi bu byang chub sems dpas chos kyi tshul la 'jug pa bcus/ de bzhin gshegs pa dgra bcom pa yang dag par rdzogs pa'i sangs rgyas rnams kyi dpe dang 'dra ba khong du chud par

  405. 203b

    bya ste/ bcu gang zhe na/ 'di lta ste/ dper na nyi ma ni sems can tha ma dang / 'bring dang / mchog dang / dad pa dang / ma dad pa thams cad la mtshungs par 'char zhing mtshungs par snang bar byed do// shin du de bzhin gshegs pa dgra bcom pa yang dag par rdzogs pa'i sangs rgyas kyang sems can tha ma dang / 'bring dang / mchog dang / dad pa dang / ma dad pa thams cad la mtshungs par 'char zhing mtshungs par ye shes snang bar mdzad do/ / 'di lta ste dper na/ nam mkha' ni thams cad du sems can thams cad la mi sgrib pa'i ngo bo nyid de/ gzhan du na glo bur gyi du ba dang / sprin dang / rdul dang / khug na dag gis bsgrib pa dang bcas pa kun tu snang ngo / / de bzhin du de bzhin gshegs pa yang nam mkha'i ltar sems can thams cad la mi sgrib pa'i ngo bo nyid de/ gzhan du na glo bur gyi sprin dang / du ba dang / rdul dang / khug rna lta bu'i ngar 'dzin pa dang / nga yir 'dzin pas bsgribs pa'i sems can rnams kyis/ de bzhin gshegs pa mthong zhing myong bar mi 'gyur ro// 'di lta ste dper na/ me ni shing thams cad la yod mod kyis/ rkyen dang rtsol ba ma tshang ba na mi 'bar zhing rang gi dgos pa rnams mi byed do// de bzhin du de bzhin gshegs pa yang shes bya thams cad la gnas mod kyi da pa la sogs pa'i rkyen dang / rtsol ba ma tshang na mi 'byung ste/ sangs rgyas kyi bya ba rnams kyang mi mdzad do// 'di lta ste dper na/ tshon tha dad pa snod cig gi nang du blugs te/ tshon mang po

  406. 204a

    de'i nang du ras tha gu tha dad pas phur te bcug na/ phur ma'i dbang ji lta ba bzhin du tshon chags kyang tshon de dag mi rtog rnam par mi rtog go// de bzhin du de bzhin gshegs pa dge/ ba'i rtsa ba sna tshogs kyi tshogs mang po yang mos pa'i tha gus ji ltar phur ba bzhin du/ sems can rnams kyis de bzhin gshegs pa mthong ste/ de bzhin gshegs pa'i yon tan yang len par byed/ do// 'di lta ste dper na/ chus gang ba'i klung ni bstod kyang dma' bar 'bab bo// zhe sdang zhing ngan du smras kyang dma' bar 'bab pa yin no// de bzhin du de bzhin gshegs pa yang bstod dam ngan du smras kyang ye shes kyi gshegs pa yin gyi/ nga rgyal gyis gshegs pa ni ma yin no// 'di lta ste dper na/ bu rab shing gtubs gshegs la/ gtubs gshegs na 'chos kyang dang ra ba'i ro de mi 'dor ro/ / de bzhin du de bzhin gshegs pa yang mchod kyang rung ma mchod kyang rung ste/ bsnyen pa na rnam par grol ba'i dngar ba'i ro mi 'dor ro// 'di lta ste dper na/ sa ni rnam par mi rtog cing 'gyur ba med par gnas te/ de la khe 'dod pa gang dag gis rmos nas yongs su spang ba byas te/ sa bon btab pa de dag gi lo tog phun sum tshogs par 'gyur ro// gang dag mi med yongs su spang ba mi byed/ sa bon mi 'debs pa de dag gi lo tog ni phun sum tshogs par mi 'gyur ro// de bzhin du de bzhin gshegs pa yang sa ltar rnam par mi rtog cing 'gyur ba med

  407. 204b

    par gnas te/ de la yon tan 'dod pa gang dag de bzhin gshegs pa la dad pa dang / dang ba dang / gus pa bskyed pa de dag gi yon tan gyi lo tog phun sum tshogs par 'gyur ro// gang dag de bzhin gshegapa la dad pa dang / dang ba dang / gus pa mi bskyed pa de dag gi yon tan gyi lo tog ni phun sum tshogs par mi 'gyur ro// 'di lta ste dper na/ la la zhig gis tsan dan dang ga pur la mi snyan pa byas te/ ngan du brjod nas rang gi lus bskus kyang / de la de tsan dan dang ga pur de dri zhim por byed kyi zing bar mi byed do// de bzhin du de bzhin gshegs pa dgra bcom pa yang dag par rdzogs pa'i sangs rgyas kyang ngan du smras te/ mi snyan par brjod nas bsnyen cing bsten te/ bsnyen bkur byed pa de dag de bzhin gshegs pas sangs rgyas kyi yon tan gyi dri dang ldan par mdzad do// 'di lta ste dpe/ na/ zam pa dang / stegs dang / khri lam ni sems can tha ma dang / 'bring dang / mchog thams cad la mi thogs pa dang bde bar 'gro bar byed pas mtshungs par gnas so// de bzhin du de bzhin gshegs pa yang sems can tha ma dang / 'bring dang / mchog thams cad la mi mnyam pa med cing / sgrib pa med pa dang / bde bar 'gro bas mtshungs par 'jug go/ 'di lta ste dper na/ ra'i rgyal po gangs ri la rtsi'i rgyal po mthong na mdzes pa zhes bya ba yod de/ de mthong ma thag tu sems can thams cad kyi nad thams cad med par 'gyur ro// de bzhin du de bzhin gshegs pa yang

  408. 205a

    mthong ma thag tu sems can thams cad kyi nad thams cad sel bar 'gyur te/ rigs kyi bu byang chub sems dpas chos kyi tshul la 'jug pa bcu po de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi dpe dang 'dra ba khong du chud par bya'o/ / rigs kyi bu byang chub sems dpas chos kyi tshul la 'jug pa bcus/ sangs rgyas rnam pa du yod pa khong du chud par bya ste/ bcu gang zhe na/ 'di lta ste/ rgyu 'thun pa'i sangs rgyas dang / rnam par smin pa las byung ba'i sangs rgyas dang / ting nge 'dzin gyi sangs rgyas dang / smon lam gyis sangs rgyas dang / sems kyis sangs rgyas dang / ngo bo nyid kyi sangs rgyas dang / longs spyod rdzogs pa'i sangs rgyas dang / sprul pa'i sangs rgyas dang / btags pa'i sangs rgyas dang / mdun du bzhag pa'i sangs rgyas so// de la rgyu 'thun pa'i sangs rgyas gang zhe na/ gang pha rol tu phyin pa rnams rgyu 'thun pa dang / pha rol tu phyin pa'i chos sgrub par byed pa yin te/ de gnyis las gang grub pa de ni bsgrubs pa'i sangs rgyas te/ de'i phyir rgyu 'thun pa'i sangs rgyas zhes bya'o// de la rnam par smin pa las byung ba'i sangs rgyas gang zhe na/ rgyu 'thun pa gang pha rol tu phyin pa rnams kyi rnam par smin pa yin te/ rnam par smin pa de las gang rnam par smin pa'i sangs rgyas kyi gzugs su 'byung ba'o// de yang sems can gyi byin gyis brlabs dang / chos kyi byin gyis

  409. 205b

    brlabs kyi phyir 'byung ste/ 'di ni rnam par smin pa las byung ba'i sangs rgyas zhes bya'o// de la ting nge 'dzin gyi sangs rgyas gang zhe na/ de bzhin gshegs pa ting nge 'dzin gang la snyoms par 'jug cing ting nge 'dzin gang la snyoms par zhugs nas/ lhun gyis grub cing rtsol ba mi mnga' bar sangs rgyas brgya stong 'byung ste/ ting nge 'dzin gyi byin gyis brlabs des ting nge 'dzin las byung bas na/ ting nge 'dzin gyi sangs rgyas zhes bya ste/ 'di ni ting nge 'dzin gyi sangs rgyas zhes bya'o// de la smon lam gyi sangs rgyas gang zhe na/ byang chub sems dpas gang sems can gang dang gang gzugs dang / kha dog dang / spyod lam ji lta ji lta bu gang dang gang gis 'dul bar 'gyur bar de dang de lta bu'i gzugs dang / kha dog dang / sprod lam gyis 'dul bar gyur cig ces smon lam btab nas/ de sangs rgyas kyis 'dul ba rnams ni sangs rgyas kyi gzugs kyis 'dul te/ smon lam de las byung bas lam gyi sangs rgyas zhes bya ste/ 'di ni smon lam gyi sangs rgyas zhes bya'o// de la sems kyi sangs rgyas gang zhe na/ gang byang chub sems dpas sems la dbang rab tu thob nas/ de sems la dbang ba des gang dang gang bsam de dang de bzhin du 'gyur te/ de sangs rgyas// kyis 'dul ba'i sems can rnams mthong nas/ bdag sangs rgyas kyi gzugs su gyur cig ces mos par byed de/ de sems las byung ba na sems kyi sangs rgyas yin te/ 'dul ba de

  410. 206a

    dag kyang rang gi sems yongs su dag pas sangs rgyas mthong zhing shes te/ 'di ni sems kyi sangs rgyas zhes bya'o// de la ngo bo nyid kyi sangs rgyas gang zhe na/ ngo bo nyid kyi sangs rgyas ni gnas ngan len gyi gnas gyur pa bsam gyi mi khyab pa dri ma med pa gzugs sna tshogs can/ chos kyi dbyings rnam pa tha dad pa/ gzugs dang byad dang dbyibs sna tshogs pa/ skyes bu chen po'i mtshan sum cu rtsa gnyis dang ldan pa'i sangs rgyas kyi gzugs su snang ba 'di ni ngo bo nyid kyis sangs rgyas zhes bya'o// de la longs spyod rdzogs pa'i sangs rgyas gang zhen/ gang byang chub sems dpa' rnams dang / longs spyod dang / kun spyod pa mtshungs pa dang / rnam pa dang / zas dang / smra ba dang / cho ga dang / spyod pa mtshungs pa 'di ni longs spyod rdzogs pa'i sangs rgyas zhes bya'o/ / de la sprul pa'i sangs rgyas gang zhe na/ 'di la sangs rgyas dang / byang chub sems dpas gzugs thams cad ston po'i ting nge 'dzin thob pa de dag ting nge 'dzin de la snyoms par zhugs te/ dbang po brjing snying rje chen pos bskul bas sangs rgyas kyi gzugs su sprul nas sems can rnams 'dul ba 'di ni sprul pa'i sangs rgyas zhes bya'o// de la btags pa'i sangs rgyas gang zhe na/ 'di la la la zhig slob dpon nam mkhan pa la sangs rgyas bzhin du lta/ sangs rgyas bzhin du bsnyen bkur byed de/ de slob dpon dang / mkhan

  411. 206b

    bod la sangs rgyas bzhin du lta zhing / sangs rgyas bzhin du bsnyen bkur byas pas/ de sangs rgyas kyi chos rnams rab tu 'dzin la yongs su rdzogs par byed de/ yongs su sgrub pa 'di ni btags pa'i sangs rgyas zhes bya'o/ / de la mdun du bzhag pa'i sangs rgyas gang zhe na/ 'di la la la zhig gis sangs rgyas kyi sku gzugs byas sam/ byed du bcug ste/ mchod cing rim 'gro bya ba thams cad kyis bsti stang du byed/ bla mar byed/ ri mor byed cing de sangs rgyas kyi chos rnams rab tu 'dzin la yongs su rdzogs par byed de/ yongs su sgrub pa 'di ni mdun du bzhag pa'i sangs rgyas zhes bya ste/ rigs kyi bu byang chub sems dpa' chos kyi tshul la 'jug pa bcu po de dag gis/ sangs rgyas rnam pa du yod pa khong du chud par bya'o// rigs kyi bu byang chub sems dpas de bzhin gshegs pa dgra bcom pa yang dag par rdzogs pa'i sangs rgyas rnams kyi tha snyad du ston pa rnam pa bcur khong du chud par bya ste/ rnam pa bcu gang zhe na/ 'di lta ste/ phung po ston pa dang / khams ston pa dang // skye mched ston pa dang / sems can ston pa dang / las ston pa dang / skye ba ston pa dang / rga ba ston pa dang / 'chi ba ston pa dang / shi ba'i nying mtshams sbyor ba ston pa dang / de rab tu zhi bar 'gyur ba'i mya ngan las 'das pa ston pa'o/ / de la ji ltar na phung po ston pa tha snyad du ston ce na/ gzugs kyi phung po ni don dam par yod pa ma yin no// gal te gzugs kyi phung po don dam

  412. 207a

    bar yod du zin na ni/ de yongs su btang bas srid pa chad par 'gyur te/ gang yongs su btang nas grol ba de la gnas pa 'am/ grol ba yod par 'gyur ba gzhig na/ de lta ma yin pas de'i phyir gzugs kyi phung po sten pa tha snyad du ston pa'o/ / de bzhin du tshor ba'i phung po ston pa dang / 'du shes kyi phung po ston pa dang / 'du byed kyi phung po ston pa dang / rnam par shes pa'i phung po ston pa tha snyad du ston pa yin te/ rnam par shes pa'i phung po ni don dam par yod pa ma yin no// gal te rnam par shes pa'i phung po don dam par yod du zin na ni/ de yongs su btang bas srid pa chad par 'gyur te/ gang yongs su btang bas grol ba de la gnas pa 'am/ 'gro ba yod par 'gyur ba zhig na de lta ma yin pas de'i phyir rnam par shes pa'i phung po ston pa tha snyad du ston pa'o/ / de bzhin du khams ston pa dang / skye mched ston pa ni tha snyad du ston pa'o// de la ji ltar na/ sems can ston pa tha snyad du ston pa yin zhe na/ sems can ni don dam par yod pa ma yin/ te/ de ni chos tsam du zad pas sems can med do// gal te sems can yod du zin na ni/ phung po 'gags pas nam mkha' bzhin du sems can phung po med par 'gyur la/ phung po bzhin du sems can yang 'dus byas su 'gyur ba zhig na/ de ltar ma yin pas de'i phyir sems can ston pa tha snyad du ston pa'o// de la ji ltar na/ las ston pa tha snyad du ston pa yin zhe na/ las rnams byed pa

  413. 207b

    yod pa yang ma yin/ med pa yang ma yin no// gal te las rnams byed pa zhig yod du zin na ni/ las rnams byed pa nam mkha' bzhin du ma byas par 'gyur la/ phung po bzhin du 'dus byas su yang 'gyur ba zhig na ma byas pa ni nam mkha' dang mtshungs te/ ma byas pa rnams byed par mi 'gyur ro// de'i phyir las gang la yang byed pa med do// de med pas na las yod par ga la 'gyur te/ de'i phyir las ston pa tha snyad du ston pa'o// de la ji ltar na/ skye ba ston pa tha snyad du ston pa yin zhe na/ skye ba ni don dam par yod pa ma yin no// gal te skye ba don dam par yod du zin na ni/ rtag par 'gyur te/ de lta na skye ba ni skye ba med par 'gyur ro/ / gang skye bas skye ba dang / skyes pas gzir ba de yang med par 'gyur te/ de'i phyir skye ba ston pa tha snyad du ston pa'o// de la ji ltar na/ rga ba ston pa tha snyad du ston pa yin zhe na/ rga ba ni don dam par yod pa ma yin no// gal te rga ba don dam par yod du zin na ni/ gang yang rgas par mi 'gyur te/ gang rgas pa de ni gzhon nu yang ma yin/ rgan po yang ma yin/ rnying pa yang ma yin la/ byis pa la yang rga ba med de/ de'i phyir byis pa ni rga bar mi 'gyur ro// rga ba med na ji ltar rga bar 'gyur/ de ltar rgas pa ni rga bar mi 'gyur ro// gal te rgas pas rga bar 'gyur na/ rga ba gzhon nur yang ji ste mi 'gyur/ de'i phyir rga ba ston pa tha snyad du ston pa'o// de la ji ltar na/ 'chi ba ston pa tha snyad du ston pa yin zhe na/ 'chi ba ni don dam par yod

  414. 208a

    pa ma yin no/ / gal te 'chi ba don dam par yod du zin na ni gzung bar 'gyur te/ gcig gis bzung bas srog chags gzhan thams cad mi 'chi bar 'gyur ba'i rigs na// mi 'chi bar yang mi 'gyur te/ 'chi ba ni ga las kyang mi 'ong / gang du yang mi 'gro bas/ 'chi ba ni stong pa ste/ de'i phyir 'chi ba ston pa tha snyad du ston pa'o// de la ji ltar na shi ba'i nyings mtshams sbyor ba ston pa tha snyad du ston pa yin zhe na/ shi ba'i nying mtshams sbyor ba ni don dam par yod pa ma yin no// gal te shi ba'i nying mtshams spor ba don dam par yod du zin na ni/ gang 'chi ba de nyid skye bar 'gyur ro/ / de ltar shi ba nyid skye bar gyur na ni// gang nying mtshams sbyor ba dang / gang du nying mtshams sbyor ba'i lus gnyis su 'gyur ro// gal te nying mtshams sbyor ba zhig yod// zin na ni/ phung po lnga rnams kyang yod par 'gyur ro// de ci'i phyir zhe na/ phung po las rnam par grol ba'i rnam par shes pa 'jug pa med de/ gzugs la nye bar 'gro zhing rnam par shes pa 'jug go/ rnam par shes pa ni tshor ba la nye bar 'gro/ 'du shes la nye bar 'gro/ 'du byed la nye bar 'gro zhing de la rten/ de la dmigs te/ rnam par shes pa 'jug go// mi rten pa'i rnam par shes pa ni skad cig tsam yang 'jug pa med do/ / ji ltar chos gnas pa bzhin du sa bon dang / myu gu ltar 'byung bas/ de'i phyir shi ba'i nying mtshams sbyor ba ston pa ni tha snyad du ston

  415. 208b

    pa'o/ / de la ji ltar na de zhi bar 'gyur ba'i mya ngan las 'das pa ston pa tha snyad du ston pa yin zhe na/ mya ngan las 'das pa ni don dam par yod pa ma yin te/ 'khor ba nye bar zhi ba ni mya ngan las 'das pa/ zhes bya'o// 'khor ba nyid mya ngan las 'das pa yang ma yin la/ 'khor ba las mya ngan las 'das pa tha dad du gyur pa yang ma yin te/ 'khor ba de yang rmi lam lta bu/ sgyu ma lta bu ste/ yod pas kyang ma yin/ med pas kyang ma yin/ yod med du gyur pas kyang mi 'byung ngo // ji ltar de yod pas kyang ma yin/ med pas kyang ma yin/ yod med du gyur pas kyang mi 'byung ba de bzhin du/ yod pas kyang ma yin/ med pas kyang ma yin/ yod med du gyur pas kyang mi ldog ste/ gzhan du na 'du shes dang / tshor ba 'gog pa ni mya ngan las 'das pa zhes bya'o/ / 'du shes de ni smig rgyu lta bu'o// tshor ba ni chu'i chu bur lta bu'o// smig rgyu dang / chu'i chu bur gyi 'byung ba dang ldog pa ji lta bar 'khor ba dang mya ngan las 'das pa yang de bzhin te/ de'i phyir de zhi bar 'gyur ba'i mya ngan las 'das pa ston pa ni tha snyad du ston pa yin te/ byang chub sems dpa' bcu po de dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi tha snyad du ston pa khong du chud par bya'o/ / rigs kyi bu byang chub sems dpas chos kyi tshul la 'jug pa bcus/ stong pa nyid khong du chud

  416. 209a

    par bya ste/ bcu gang zhe na/ 'di lta ste/ bdag med pa dang / sems can med pa dang / srog med pa dang / gang zag med pa dang / rje med pa dang / skye ba med pa dang / 'gag pa dang / mngon par 'du mi byed pa dang / byed pa med pa dang / bdag po med pa'o// de la ji ltar na/ bdag med pas stong pa nyid khong du chud par bya zhe na/ stong/ pa nyid ni dngos po yang ma yin/ dngos po med pa yang ma yin no// gal te stong pa nyid dngos po yin du zad na ni/ stong pa nyid 'dus byas dang mi rtag par 'gyur ro// ci ste stong pa nyid dngos po med pa yin du zin na ni/ stong pa mi stong par 'gyur te/ de'i phyir stong pa nyid dngos po yang ma yin/ dngos po med pa yang ma yin te/ de ltar bdag med pas stong pa nyid khong du chud par bya'o/ / de la ji ltar na/ sems can med pas stong pa nyid khong du chud par bya zhe na/ sems can ni stong pa yang ma yin/ mi stong pa ma yin no// gal te sems can stong pa ma yin no// srog gcod pa byas kyang sdig par mi 'gyur ro/ / 'on te stong pa ma yin na ni/ rtag par 'gyur ro// de lta bas na/ bcom ldan 'das kyang sems can ni rtag par yang ma yin/ mi rtag pa yang ma yin/ 'dus byas kyang ma yin/ 'dus ma byas kyang ma yin/ zhes gsungs te/ de ltar na sems can med pas stong pa nyid khong du chud par bya'o// de la ji ltar na/ srog med pas stong pa nyid

  417. 209b

    khong du chud par bya zhe na/ stong pa nyid ni mi 'tsho mi 'chi'o// de la mig ni bdag dang bdag gis stong ngo // gang bdag dang bdag gis stong pa de ni mi 'tsho mi 'chi'o// de bzhin du rna ba dang sna dang / lce dang / lus dang / yid ni bdag dang bdag gis stong ngo // gang bdag dang bdag gis stong pa de ni mi 'tsho mi 'chi ba ste/ de ltar srog med pas stong pa nyid khong du chud par bya'o// de la ji ltar na/ gang zag med pas stong pa nyid khong du chud par bya zhe na/ stong pa nyid ni gang zag tu bgrang ba ma yin/ stong pa nyid ni chos su bgrang ba ma yin no// phung po dang / khams dang / skye mched rnams ni stong pa yin te/ de dag bzung nas gang zag ces btags so// gang bzung nas btags pa de ni/ yod pa dang med pa zhes brjod par mi bya ba ma yin te/ de ltar gang zag med pas stong pa nyid khong du chud par bya'o// / de la ji ltar na rje med pas stong pa nyid khong du chud par bya zhe na/ stong pa nyid las rnam par grol ba'i chos gang yang med pas/ gang stong pa nyid kyi rjer 'gyur ba'i chos gang yang med de/ de ltar rje med pas stong pa nyid khong du chud par bya'o/ / de la ji ltar na/ skye ba med pas stong pa nyid khong du chud par bya zhe na/ stong pa nyid ni mi skye ste/ gal te stong pa nyid skyen ni/ stong pa nyid du mi 'gyur te de ltar na stong pa ni stong pa ma yin par 'gyur ro/ / gal te skyes pa mi stong ste/ stong pa nyid bdag nyid kyi skye na ni/ ma skyes pa de ni stong par mi 'gyur te/ de ltar skye ba med pas stong pa nyid khong du chud

  418. 210a

    par bya'o/ / de la ji ltar na/ 'gag pa med pas stong pa nyid khong du chud par bya zhe na/ gang skye ba de ni 'gag ste/ stong pa nyid ni skye ba ma yin no// gang mi skye ba de ltar 'gag pa 'gyur te/ de ltar 'gag pa med pas stong pa nyid khong du chud par bya'o// de la ji ltar na/ mngon par 'du mi byed pas stong pa nyid khong du chud par bya zhe na/ stong pa nyid ni mi bya mi byed do// phung po dang / khams dang / skye mched rnams ni stong pa yin te/ de dag bzung nas stong pa nyid du 'dogs so// de ltar mngon par 'du mi byed pas/ stong pa nyid khong du chud par bya'o// de la ji ltar na/ byed pa med pas stong pa nyid khong du chud par bya zhe na/ stong pa nyid ni gang gis kyang 'di lta 'di lta bur gyis shig ces byed du gzhug pa ma yin te/ de ltar byed pa med pas stong pa nyid khong du chud par bya'o/ / de la ji ltar na/ bdag po med pas stong pa nyid khong du chud par bya zhe na/ stong pa nyid ni yul ma yin zhing yul med pa/ sems dang yid dang / yid kyi rnam par shes pa dang bral ba ste/ de ltar bdag po med pas stong pa nyid khong du chud par bya'o// rigs kyi bu byang chub sems dpas chos kyi tshul la 'jug pa bcu po de dag gis/ stong pa nyid khong du chud par bya'o// rigs kyi bu byang chub sems dpas chos kyi tshul la 'jug pa bcus/ stong pa nyid kyi mi mthun pa'i phyogs khong du chud par bya ste/ bcu gang zhe na/ 'di lta ste/ ma rig pa mi mthun pa'i phyogs

  419. 210b

    dang / sred pa mi mthun pa'i phyogs dang / las mi mthun pa'i phyogs dang / rnam par shes pa mi mthun pa'i phyogs dang / len pa mi mthun pa'i phyogs dang / lta ba mi mthun pa'i phyogs dang / the tsom mi mthun pa'i phyogs dang / mchog tu 'dzin pa mi mthun pa'i phyogs dang / nga rgyal mi mthun pa'i phyogs dang / rgod pa mi mthun pa'i phyogs dang / rnam pa bcu po de dag ni stong pa nyid kyi mi mthun pa'i phyogs so/ / de la ma rig pa ni gnyis su bgrang ba dang rnam pa bzhi'o// gnyis su bgrang ba gang zhe na/ nyon mongs pa'i sgrib par bgrang ba dang / shes bya'i sgrib par bgrang ba'o/ / de la rnam pa bzhi gang zhe na/ 'dod pa la mngon par chags pa'i rgyu las byung ba dang / gzugs la mngon par chags pa'i rgyu las byung ba dang / gzugs med pa la mngon par chags pa'i rgyu las byung ba dang / dngos po med pa la mngon par chags pa'i rgyu las byung ba'o// de la sred pa ni gzhi gnyis dang rnam pa bzhi ste/ gzhi gnyis gang zhe na/ srid pa'i gzhi dang / longs spyod kyi gzhi'o// rnam pa bzhi gang zhe na/ 'dod pa la sred pa dang / gzugs la sred pa dang / gzugs med pa la sred pa dang / dngos po med pa la sred pa'o/ / de la las ni ldang po gcig dang / rnam pa gsum dang / rnam par smin pa gsum ste/ de la ldang ba gcig gang zhe na/ yid kyi las so// rnam pa gsum gang zhe na/ lus

  420. 211a

    las byung ba dang / ngag las byung ba dang / sems las byung ba'o// de la rnam par smin pa gsum gang zhe na/ gnag la rnam par smin pa gnag pa dang / dkar la rnam par smin pa dkar ba dang / dkar gnag 'dren ma la rnam par smin pa dkar gnag 'dren ma'o// de la rnam par shes pa ni rnam pa drug ste/ mig gi rnam par shes pa dang // rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'o// rnam pa drug po de dag ni rnam par shes pa ste/ phyin ci log la dmigs pa dang / phyin ci ma log pa la dmigs pa dang / dmigs pa med pa'o// de la phyin ci log la dmigs pa ni/ byis pa so so'i skye bo rnam par g.yengs pa sem phyin ci log tu gyur pa rnams kyi 'dod pa dang / gzugs dang / gzugs med pa'i rgyu las byung ba'o// phyin ci ma log pa dmigs pa ni/ nyan thos dang / rang sangs rgyas rnams kyi mya ngan las 'das pa'i rgyur 'gyur ba'o/ / de gnyis ka las rnam par grol ba ni/ byang chub sems dpa' rnams kyi dmigs pa med pa ste/ sangs rgyas kyi chos kyi rgyur 'gyur ba'o// de la len pa ni srid ba'i rgyu rnam pa bzhi ste/ 'dod pa'i len pa dang / lta ba'i len pa dang / tshul khrims dang brtul zhugs kyi len pa dang / bdag tu smra ba'i len pa'o// de la lta ba ni rnam pa gnyis ste

  421. 211b

    log pa'i shes pa can dang / dmigs pa can no// de la log pa'i shes pa can ni log par lta ba'o// dmigs pa can ni tha na mya ngan las 'das pa la yang dmigs shing mngon par dga' ba ste/ 'di ni dmigs pa can sangs rgyas rnams kyi smad pa'o// de la the tsom ni rnam pa gnyis te/ theg pa'i bar du gcod pa dang / nges par gyur pa'i bar du gcod pa'o// de la theg pa'i bar gcod pa'i the tsom ni the tsom gang gis myur du mngon par rdzogs par byang chub pa la the tsom za ba ste/ ha cang yun ring por bsdad pa 'dis ci zhig byas/ nyan thos kyi theg pa'am/ rang sangs rgyas kyi theg pas myur ba myur bar sdug bsngal mthar dbyung ngo snyam nas/ theg pa chen po spong ba 'di ni/ theg pa'i bar du gcod pa'i the tsom mo// de la nges par gyur pa'i bar du gcod pa'i the tsom gang zhe na/ the tsom gang gis nges par gyur pa la mi 'jug pa ste/ nges pa'i sa khong du chud par mi 'gyur ba 'di ni nges par gyur pa'i bar du gcod pa'i the tsom ste/ 'di ni the tsom rnam pa gnyis so// de la mchog tu 'dzin pa ni sbyin pa la sogs pa legs par spyad pa rnams la 'bras bu smin pa ste/ bdag sbyin pa dang tshul khrims la sogs pa 'di dag gis lha 'am/ lha la la zhig tu gyur cig ces bya ba la sogs pa thams cad ni log par smon pa ste/ 'di ni mchog tu 'dzin pa zhes bya'o// de la nga rgyal zhes bya ba ni snyems pa'i nga rgyal zhes bya ste/ 'di ni ngan to// bdag ni btsun

  422. 212a

    no/ / bdag ni de dang mnyam mo zhes bya ba la sogs te/ snyems pa ni nga rgyal zhes bya'o// de la rgod pa ni rnam pa gnyis te/ nyon mongs pa bskyed pa dang / shin tu bsnyegs pa'o/ / de la nyon mongs pa bskyed pa ni/ gzugs la gtsang bar yongs su btags nas/ lus dang ngag dang / yid kyis 'gal bar spyod pa ste/ gang 'phags pa rnams kyis smad pa yin no// de la shin tu snyegs pa ni nges par 'byin pa'i ma lam de nyid la shin tu snyegs pa dang / shin tu brgyug pa dang / bdag nyid snyems pa ste/ 'di ni rgod pa zhes bya'o// byang chub sems dpas chos kyi tshul la 'jug pa bcu po de dag gis stong pa nyid kyi mi mthun pa'i phyogs khong du chud par bya'o/ / // bam po gnyis pa// rigs kyi bu byang chub sems dpas chos kyi tshul la 'jug pa bcus stong pa nyid smra ba khong du chud par bya ste/ bcu gang zhe na 'di lta ste/ mi 'phrogs dang / rnam par mi 'gro ba dang / chags pa med cing chags pa dang bral ba yang ma yin pa dang / 'jug pa med cing ldog pa med pa dang / 'thab pa med cing rtsod pa med pa dang / 'bri ba med cing gang ba med pa dang / 'du byed thams cad rang bzhin gyis 'gags par bzod pa dang / chos gang yang so so'i skye bo rnams kyis ma bskyed/ sangs rgyas rnams kyis ma bkag go zhes thos na mi skrag pa dang / 'khor ba'i rang bzhin dang / mya ngan las 'das pa'i

  423. 212b

    rang bzhin de dag mtshungs so zhes thos na the tsom mi za ba dang / de bzhin gshegs pa'i sku ni rtag pa/ chos rnams ni mi zad pa'o zhes thos na 'jug pa'o// de la ji ltar na/ mi 'phrogs pas stong pa nyid smrab khong du chud par bya zhe na/ stong pa nyid smras pa ni mi gnas pa'i phyir/ 'jig rten gyi chos rnams kyis mi 'phrogs te/ rnyed pas dga' ba yang med/ ma rnyed pas mi dga' ba yang med/ grags pas yi sos pa yang med/ ma grags pas sro shi ba yang med/ smad pas zhum pa yang med/ bstod pas dga' bar sems pa yang med/ bde bas chags par 'gyur ba yang med/ sdug bsngal bas yid 'byung bar 'gyur ba yang med de/ gang de ltar 'jig rten gyi chos rnams kyi mi 'phrogs pa de ni/ stong pa nyid shes pa ste/ de ltar mi 'phrogs pas/ stong pa nyid smra ba khong du chud par bya'o/ / de la ji ltar na rnam par mi 'gro ba stong pa nyid smra ba khong du chud par bya zhe na/ stong pa nyid smra ba ni gang nas kyang rnam par mi 'gro// gang du yang rnam par mi 'gro/ de gang nas rnam par 'gro ba dang / gang du rnam par 'gro ba de stong pa nyid du mthong / stong pa nyid du shes so// gang du mi 'gro rnam par mi 'gro ba de yang stong pa nyid du shes te/ de ltar rnam par mi 'gro bas stong pa nyid smra ba khong du chud par bya'o// de la ji ltar na chags pa med cing chags pa dang bral ba yang ma yin pas stong pa nyid smra ba khong du chud par bya zhe na/ stong

  424. 213a

    pa nyid smra ba ni gang du yang chags pa'am/ mi chags pa med de/ de gang la chags pa dang / gang la mi chags pa de stong pa nyid du shes stong pa nyid du mthong zhing / gang chos la chags pa dang / chags pa med pa de yang stong pa nyid du shes te/ de ltar chags pa med cing chags pa dang bral ba yang ma yin pas/ stong pa nyid smra ba khong du chud par bya'o// de la ji ltar na/ 'jug pa med cing ldog pa med pas stong pa nyid smra ba khong du chud par bya zhe na/ stong pa nyid smra ba ni gang du yang mi 'jug/ gang nas kyang mi ldog ste/ de gang la 'jug pa dang gang nas ldog pa de stong pa nyid du shes/ stong pa nyid du mthong yang / byang chub kyi tshogs rnams la mi 'jug pa yang ma yin te/ gang de ltar na 'jug pa de ni stong pa nyid shes pa yin te/ de ltar na 'jug pa med cing ldog pa med pas stong pa nyid smra ba khong du chud par bya'o/ / de la ji ltar na 'thab pa med cing rtsod pa med pas stong pa nyid smra ba khong du chud par bya zhe na/ gang la la 'thab cing rtsod par byed pa de ni stong pa nyid mi shes te/ de gang dang 'thab cing rtsod par byed pa de stong pa nyid du shes/ stong pa nyid du mthong ste/ de ltar 'thab pa med cing rtsod pa med pas stong pa nyid smra ba khong du chud par bya'o// de la ji ltar na bri ba med cing gang ba med pa med pas stong pa nyid smra ba khong du chud par bya zhe na/ stong pa nyid smra ba ni chos gang yang bri ba 'am gang bar mi mthong ste/ des chos gang stong pa de 'bri ba 'am/

  425. 213b

    'phel bar yang dag par rjes su mi mthong ngo // su chos gang 'bri ba 'am/ 'phel bar yang dag par rjes su mthong ba de ni stong pa nyid shes pa ma yin te/ de ltar bri ba med cing gang ba med pas stong pa nyid smra ba khong du chud par bya'o/ / de la ji ltar na 'du byed thams cad rang bzhin gyis 'gags par bzod pas stong pa nyid smra ba khong du chud par byed zhe na/ stong pa nyid smra ba ni chos yang dag pa 'am/ yang dag pa ma yin par yang dag par rjes su mi thong ngo // gang yang dag par yang ma yin/ yang dag pa ma yin pa yang ma yin pa de ni ngo bo nyid kyis 'gags pa'o// gang ngo bo nyid kyis 'gags pa de ni rang bzhin gyis 'gags pa zhes bya'o/ / stong pa nyid smra ba ni chos gang yang skye ba'am/ 'gag par yang dag par rjes su mi mthong ste/ de ltar 'du byed thams cad rang bzhin gyis 'gags par bzod pas stong pa nyid smra bar khong du chud par bya'o/ / de la ji ltar na chos gang yang so so'i skye bo rnams kyis ma bskyed/ sangs rgyas rnams kyi ma bkag ces thos nas// mi skrag pas stong pa nyid smra ba khong du chud par bya zhe na/ stong pa nyid smra ba ni 'di ltar 'di dag ni so so'i skye bo 'di dag ni sangs rgyas so snyam du mi sems mod kyi/ sangs rgyas kyi chos mnyam pa nyid kyis so so'i skye bo'i chos mnyam pa nyid du shes so/ / gang so so'i skye bo'i chos ni tha ma/ sangs rgyas kyi chos rnams ni rgya che bar mthong ba de ni/ stong pa nyid shes pa ma yin te/ de ltar chos

  426. 214a

    gang yang so so'i skye bo rnams kyis ma bskyed/ sangs rgyas rnams kyisam bkag ces thos na mi skrag pas stong pa nyid smra ba khong du chud par bya'o// de la ji ltar mkhor ba'i rang bzhin dang / mya ngan las 'das pa'i rang bzhin de mtshungs so zhes thos na/ the tsom mi za bas stong pa nyid smra ba khong du chud par bya zhe na/ gang 'khor ba'i rang bzhin dang / mya ngan las 'das pa'i rang bzhin tha dad par mthong ba de ni stong pa nyid shes pa ma yin no/ / de ci'i phyir zhe na/ 'di lta ste/ 'khor ba'i de bzhin nyid dang / mya ngan las 'das pa'i de bzhin nyid de gnyis ka yang 'dus ma byas kyi mtshan nyid du mtshan nyid gcig ste/ gang 'di 'khor ba'i de bzhin nyid dang / mya ngan las 'das pa'i de bzhin nyid mtshungs shing bye brag med par mthong ba ni the tsom miza ste/ de ltar 'khor ba'i rang bzhin dang / mya ngan las 'das pa'i rang bzhin de dag mtshungs so zhes thos na the tsom mi za bas stong pa nyid smra ba khong du chud par bya'o// de la ji ltar na de bzhin gshegs pa'i sku ni rtag pa chos rnams ni/ mi zad pa zhes thos na 'jug pas stong pa nyid smra ba khong du chud par bya zhe na/ gang de bzhin gshegs pa'i sku rtag pa chos mi zad pa zhes thos na mi 'jug pa de ni stong pa nyid shes pa ma yin no/ / de ci'i phyir zhe na/ de bzhin gshegs pa'i sku ni de bzhin nyid dang stong pa nyid do// glo bur gyi nyon mongs pa dang / nye ba'i nyon mongs pa'i sku ma yin no// gang de ltar

  427. 214b

    shes pa de ni stong pa nyid shes pa ste/ de ltar de bzhin gshegs pa'i sku ni rtag pa chos rnams ni mi zad pa zhes thos nas 'jug pa bcus stong pa nyid smra ba khong du chud par bya ste/ rigs kyi bu byang chub sems dpas chos kyi tshul la 'jug pa bcu po de dag gis stong pa nyid smra ba khong du chud par bya'o/ / rigs kyi bu byang chub sems dpas chos kyi tshul la 'jug pa bcus chos smra ba po khong du chud par bya ste/ bcu gang zhe na/ 'di lta ste mang du thos pa dang / thos pa 'dzin pa dang / thos pa rgya mtsho dang / thos pa bsags pa yang yin la/ thos pa des mtho bar yang mi sems/ dma' bar yang mi/ sems pa dang / don dang chos dang / nges pa'i tshig dang / spobs pa phun sum tshogs pa yang yin la/ thos pa yongs su tshol ba'i brtson 'grus kyang mi nyams pa dang / dus shes pa dang / tshed shes pa dang / sman shes pa dang / chos shes pa dang / don shes pa yang yin la/ rgan pa rnams la sten pa yang mi 'dor ba dang / bstan bcos shes pa dang / de kho na shes pa dang / 'dul ba shes pa yang yin la gzhan la 'dri ba'i sbyor ba yang mi gtong ba dang / mgu sla ba dang / gso sla ba dang / cho ga dang / spyod pa mdzes pa phun sum tshogs pa yang yin la bla ma la rim gro byed pa'i spyod pa yang mi gtong ba dang / dul ba dang zhi ba dang / byang ba dang / mi 'jigs pa yang yin la/ khrel yod pa dang / ngo tsha shes pa'i sbyor ba

  428. 215a

    yang mi gtong ba dang / zab pa dang / gting dpag dka' ba'i don la mkhas pa yang yin la/ 'jig rten gyi 'jug pa rags shing slab la yang 'jug pa dang / sems can dang / mthun par bya ba'i phyir rang bzhin gyis drang ba dang / mnyen pa dang / 'grogs na bde bayang yin la/ sems can sdang ba dang / rab tu sdang ba dang / tshul khrims 'chal pa rnams dang lhan cig tu yang mi gnas pa dang / sbyin pa dang / dul ba dang / mi 'gyur ba dang / nges pa dang / cho ga dang / gnas pa dang mngon par dga' ba yang yin la/ thams cad du yang yid mi gnas pa dang / spyod yul yang rnam par mi rtog pa dang / bag la nyal ba dang / kun nas dkris pa dang / mdud pa dang / zug rngu 'byin pa yang yin la/ sems can gzhan gyi nyon mongs pa dag spong ba'i brtson 'grus kyang mi gtong ba ste/ rigs kyi bu byang chub sems dpas chos kyi tshul la 'jug pa bcu po de dag gis/ chos smra ba po khong du chud par bya'o// gzhan yang byang chub sems dngas chos kyi tshul la 'jug pa bcus chos smrab po khong du chud par bya ste/ bcu gang zhe na/ 'di lta ste/ 'dod pa thams cad dang bral ba yang yin la byang chub sems dpa'i tshogs thams cad la brtson 'grus kyang nyams par mi byed pa dang / chos rnams mo la pang yang shes la/ bdag pa thams cad yongs su gtong ba'i btsun 'grus kyang thams par mi byed pa dang / mi zad

  429. 215b

    pa'i chos mngon sum gyur pa yang yin la/ bzod pa dang nges pa yang nyams par mi byed pa dang / rtag tu ting nge 'dzin spyod yul ba yang yin la/ sems can thams cad kyi dge ba bya ba'i rtsom pa yang nyams par mi byed pa dang / zhi ba dang nye bar zhi ba la spyod yul ba yin la/ rnam par g.yengs te sems phyin ci yig tu gyur pa'i sems can yongs su smin par bya ba la rab tu brtson pa yang nyams par mi byed pa dang / gzungs dang / so so yang dag par rigs pa thob pa yang yin la/ thos pa tshol ba'i brtson 'grus kyang nyams par mi byed pa dang // chos kyi gter yang yin la legs par brjod pa gcig gi phyir dpag tshad brgya stong du 'gro ba'i brtson 'grus kyang nyams par mi byed pa dang / chos thams cad la gzhan gyi dring mi 'jog pa yang yin la slob dpon dang bla ma tshol ba'i brtson 'grus kyang nyams par mi byed pa dang / chos thams cad ma skyes ma 'gags pa la the tsom med pa yang yin la/ dam pa'i chos yongs su 'dzin pa'i brtson 'grus kyang nyams par mi byed pa dang / sems can dang sems can du btags pa yang mi dmigs la/ sangs rgyas kyi byang chub khong du chud par bya ba'i brtson 'grus kyang nyams par mi byed pa ste/ rigs kyi bu byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o// gzhan yang rigs kyi bu byang chub sems

  430. 216a

    dpas chos kyi tshul la 'jug pa bcus chos smrab po khong du chud par bya ste/ bcu gang zhe na/ 'di lta ste/ sbyin pa dang / snyan par smra ba dang / don spyad pa dang / don/ mthun spyod pas de'i tshig gzung ba yin/ byams pa chen po skyed pas de'i tshig 'jam pa yin/ dben pa'i rjes su mthun zhin 'dod chags med pa'i rjes su mthun la/ thar pa'i rjes su mthun pas dor/ tshig rjes su mthun pa yin/ zhi gnas dang mthun zhing lhag mthong dang mthun la lam dang mthun pas de'i tshig mthun pa yin/ gsang ba rnam par 'byed pas de'i tshig gsal ba yin/ sgra ngan pa med pa dang / don rdzogs pas de'i tshig dor dang yi ge mi 'dor ba dang ldan pa yin/ gti mug gi mun pa dang / 'khrul pa rnam par 'joms pas de'i tshig g.yo dang sgyu med pa yin/ chos thams cad mngon sum du gyur pa'i rgyu las byung bas de'i tshig the tsom med pa yin/ nyon mongs pa dang / nye ba'i nyon mongs pa thams cad spong ba'i rgyu las byung bas de'i tshig ba ga la nyal med pa yin/ dri ma med cing rtsom pa med pas de'i tshig kun nas ldang ba med pa yin te/ rigs kyi bu byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o/ / gzhan yang rigs kyi bu byang chub sems dpas chos kyi tshul la 'jug pa bcus chos smra ba po khong du chud par bya ste/ bcu gang zhe na/ 'di lta ste/ de'i chos ston pa dam pa'i chos yongs

  431. 216b

    su gzung ba la brten pa yin gyi/ rnyed pa dang bkur sti la brten pa ma yin pa dang / de'i chos ston pa sangs rgyas thams cad la brten pa yin gyi rang dga' la brten pa ma yin pa dang / de'i chos ston pa byams pa chen po dang / snying rje chen po'i rtsa ba can yin gyi/ nyon mongs pa dang / nye ba'i nyon mongs pa'i rtsa ba can ma yin pa dang / de'i chos ston pa so so'i rgyun gcod pa yin gyi/ sangs rgyas dang chos dang / dge 'dun gyi tshul gcod pa ma yin pa dang / de'i chos ston pa snying rje chen po'i rlan gyis brlan pa yin gyi/ bdag bde ba'i rlan gyis brlan pa ma yin pa dang / de'i chos ston pa stong pa nyid dang / mtshan ma med pa dang / smon pa med pa la nges par rtog pas zab pa dang // de'i chos ston pa chos kyi 'khor lo rab tu bskor ba dang mthun pas skye bo dge ba rnams dang mthun pa dang / de'i chos ston pa phung po dang / 'chi bdag dang / nyon mongs pa dang / lha'i bu tshar gcod pas bdud thams cad rnam par 'joms pa dang / de'i chos ston pa 'jig rten thams cad kyis mchod par 'os pas byang chub kyi snying por 'gro ba dang / de'i ston pa stobs dang / mi 'jigs pa dang / sangs rgyas kyi chos ma 'dres pa thob par byed pas/ thams cad mkhyen pa'i ye shes kyis rjes su 'gro ba yin te/ rigs kyi bu byang chub sems dpas chos kyi tshul la 'jug pa bcu po de dag gis chos smra ba po khong du chud

  432. 217a

    par bya'o/ / gzhan yang byang chub sems dpas chos kyi tshul la 'jug pa bcus chos smra ba po khong du chud par bya ste/ bcu gang zhe na/ 'di lta ste/ tshangs pa/ spyod pa'i yod byed la dga' ba yin gyi/ 'jig rten pa'i yo byad la dga' ba ma yin pa dang / 'phags pa'i skye bo'i tshul la mngon par dga' ba yin gyi/ 'phags pa ma yin pa'i skye bo'i tshul la dga' ba ma yin pa dang / 'phags pa ma yin pa'i skye bo yongs su smin par byed pa la dga' ba yin gyi/ bya ba ma yin pa dang bya ba ngan pa la dga' ba ma yin pa dang / chos kyi zos la mngon par dga' ba yin gyi/ zang zing gi zas la mngon par dga' ba ma yin pa dang / dgon pa dang / bas mtha' la mngon par dga' ba yin gyi/ grong dang / grong khyer dang / tshong dus kyi spyod yul la mngon par dga' ba ma yin pa dang / sangs rgyas kyi byang chub la mngon par dga' ba yin gyi/ nyan thos dang / rang sangs rgyas kyi byang chub la mngon par dga' ba ma yin pa dang shes bya'i sgrib pa spong ba la mngon par dga' ba yin gyi/ nyon mongs pa'i sgrib pa spong ba tsam la mngon par dga' ba ma yin pa dang / mtshan dang dpe byad bzang po dang / gzugs kyi lus yongs su sgrub pa la mngon par dga' ba yin gyi/ chos kyi sku mngon par rtogs pa tsam la dga' ba ma yin pa dang / stobs dang mi 'jigs pa dang / sangs rgyas kyi chos ma 'dres pa yang dag par

  433. 217b

    sgrub la mngon par dga' ba yin gyi/ 'phags pa'i bden pa mngon par rtogs pa tsam la mngon par dga' ba ma yin pa dang / sems can pha rol gyi dge ba'i rtsa ba yang dag par bsgrub pal mngon par dga' ba yin gyi/ bdag gi dge ba'i rtsa ba yang dag par sgrub pa la mngon par dga' ba ma yin pa dang / bag chags kyi mtshams sbyor ba spong ba la mngon par dga' ba yin gyi nyon mongs pa'i sgrib pa spong ba tsam la mngon par dga' ba ma yin pa ste/ rigs kyi bu byang chub sems dpas chos kyi tshul la 'jug pa bcu po de dag gis chos smra ba po khong du chud par bya'o/ / byang chub sems dpas chos kyi tshul la 'jug pa dpe dang ldan pa bcus chos smra ba khong du chud par bya ste/ bcu gang zhe na 'di lta ste/ dper na/ sa chen po ni sems can thams cad kyi 'tsho bar gyur kyang su las kyang lan cung zad kyang mi tshol lo/ / de bzhin du byang chub sems dpa' chos smra ba yang sa ltar sems can thams cad kyi 'tsho ba yin te/ su las kyang lan cung zad kyang mi tshol lo/ / 'di lta ste dper na/ chu ni rang gi yon tan rnams kyis sems can thams cad bde bar byed kyang su las kyang lan cung zad kyang mi tshol lo// de bzhin du byang chub sems dpa' chos smra ba yang rang gi yon tan rnams kyis sems can thams cad bde bar byed/ su las kyang lan cung zad kyang mi tshal lo// 'di lta ste dper na/ me'i khams ni rang gi yon tan rnams kya

  434. 218a

    sems can thams cad kyi 'tsho ba yin te/ sems can thams cad kyi 'tshe ba lo tog thams cad yongs su smin par byed kyang su las kyang lan cung zad mi tshol lo// de bzhin du byang chub sems dpa' chos smra ba yang rang gi shes rab kyi yon tan rnams kyis sems can thams cad kyi 'tsho ba yin te/ sems can thams cad kyi 'tsho ba dge ba'i rtsa ba'i lo tog rnams yongs su smin par byed kyang su las kyang lan cung zad kyang mi tshol lo/ / 'di lta ste dper na/ rlung khams ni rtswa dang shing gel ba dang / sman gyi tshogs dang / sems can gyi rgyud rnams rnam par bskyed kyang rnam par mi rtog cing mi 'gyur ro/ / de bzhin du byang chub sems dpa' chos smra ba yang sems can thams cad kyi skye ba'i lus dang / chos kyi sku rnam par bskyed kyang su las kyang lan cung zad kyang mi tshol lo/ / 'di lta ste dper na/ nam mkha'i khams ni mtha' yas shing mu med la sgrib pa med pa'i rang bzhin te/ sems can thams cad nye bar 'tsho yang rnam par mi rtog cing 'gyur ba med de gang la yang mi chags so/ / de bzhin du byang chub sems dpa' chos smra ba yang yon tan mtha' yas shing mu med la/ thams cad du sgrib pa med pa'i rang bzhin te/ sems can thams cad nye bar 'tsho yang rnam par mi rtog cing 'gyur ba med de gang la yang mi chags so/ / 'di lta ste dper / zla ba ni thams cad du sems can thams cad la rtag tu nges par snang zhing / 'jig rten skyong

  435. 218b

    yang 'jig rten gyi chas rnams kyis mi gos so/ / de bzhin du byang chub sems dpa' chos smra ba yang thams cad du sems can thams cad la rtag tu nges par snang zhing / 'jig rten skyong yang 'jig rten gyi chos rnams kyis mi gos so/ / 'di lta ste dper na/ nyi ma shar bas mun pa mun nag thams cad med par gyur te/ de'i 'od kyis snang bar byas nas sems can dag rang rang gi las rnams byed kyang nyi ma ni mi rtog rnam par mi rtog ste/ su las kyang lan cung zad kyang mi tshol lo// de bzhin du byang chub sems dpa' chos smra ba byung bas sems can thams cad kyi ma rig pa'i mun pa mun nag med par gyur te/ de'i 'od kyis snang bar byas nas sems can dag rang rang gi dge ba'i rtsa ba rnams byed kyang chos smra ba ni mi rtog rnam par mi rtog ste/ su las kyang lan cung zad kyang mi tshol lo/ / 'di lta ste dper na/ gru sra zhing brtan la legs par sbyar na mi zhig par chu bo chen po las sems can rnams sgrol nus te/ su las kyang gru btsas cung zad kyang mi tshol lo// de bzhin du byang chub sems dpa' chos smra ba yang shes rab brtan zhing / pha rol tu phyin pa sra ba snying rje chen pos legs par sbyar ba'i chos can yang sems can rnams 'khor ba'i chu bo chen po las sgrol nus te mi zhig kyang / su las kyang gru btsas cung zad kyang mi tshol lo// 'di lta ste dper na/ 'bab chu drag po 'jigs pa la zam pa dang stegs ni sems can tha ma dang 'bring dang / mchog rnams la

  436. 219a

    mtshungs par bde bar bya ba'i phyir gnas pa yin te/ de gang yang ngar 'dzin pa med cing nga yir 'dzin pa med do// de bzhin du byang chub sems dpa' chos smra ba yang 'khor ba brgal dka' ba/ mi bzad pa/ ma rungs pa/ ngan song du gzhon par 'bab pa la stegs dang zam pa chen por gyur cing sems can tha ma dang 'bring dang / mchog rnams la mtshungs par bde bar bya ba'i phyir gnas pa yin te/ de gang yang ngar 'dzin pa med cing nga yir 'dzin pa med do// 'di lta ste dper na/ sgron ma ni mun nag gi nang na sems can tha ma dang 'bring dang mchog rnams la mtshungs par snang bar byed de/ de gang la yang ngar 'dzin pa med cing nga yir 'dzin pa med do// de bzhin du byang chub sems dpa' chos smra ba yang ma rig pa'i mun nag 'khor ba'i khyim gyi nang du shes rab kyi sgron ma phyung nas/ sems can tha ma dang 'bring dang mchog rnams la mtshungs par snang bar byed kyang de gang la ngar 'dzin pa med cing nga yir 'dzin pa med de/ byang chub sems dpas chos kyi tshul la 'jug pa dpe dang ldan pa bcu po de dag gis chos smra ba khong du chud par bya'o/ / rigs kyi bu chos kyi tshul la 'jug pa bcus byang chub sems dpa' rnams kyi mi 'grogs pa khong du chud par bya ste/ bcu gang zhe na 'di lta ste/ dman pa la sems pa dang / dman pa la smon pa'i sems can dman pa rnams dang lhan cig mi 'grogs pa dang / sems can mi

  437. 219b

    rtson pa mi 'grus pa le lo can rtson 'grus med pa rnams dang lhan cig mi 'grogs pa dang / nga rgyal dang che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / cug zad snyam pa'i nga rgyal dang / mngon pa'i nga rgyal dang / log pa'i nga rgyal dang / nga rgyal gyis khengs pa'i nga rgyal can rnams dang lhan cig mi 'grogs pa dang / ser sna dang / 'chal ba'i tshul khrims dang / gnod sems dang le lo dang / rnam par g.yeng ba dang / 'chal ba'i shes rab kyi rang bzhin can gyi sems can rnams dang lhan cig mi 'grogs pa dang / 'dod pa la 'dun pa dang / gnod sems dang / rnam par 'tshe ba'i rnam par rtog pa rnams dang lhan cig mi 'grogs pa dang / rtog pa dang / rnam par rtog pa dang / kun tu rtog pa thams cad dang lhan cig mi 'grogs pa dang / sgrib pa dang / chod pa dang / kun nas dkris pa thams cad dang lhan cig mi 'grogs pa dang / nyan thos dang / rang sangs rgyas kyi yid la byed pa thams cad dang ldan cig mi 'grogs pa dang / rnyed pa dang / bkur sti dang / tshigs su bcad pa la mngon par dga' ba'i yid la byed pa thams cad dang lhan cig mi 'grogs pa dang / ngar 'dzin pa dang nga yir 'dzin pa rnams dang lhan cig mi 'grogs pa ste/ chos kyi tshul la 'jug pa bcu po de dag gis byang chub sems dpa' rnams kyis mi 'grogs pa khong du chud par bya'o//

  438. 220a

    rigs kyi bu gzhan yang byang chub sems dpa' ni yal bar 'dor ba bdu dang lhan cig mi 'grogs te/ bcu gang zhe na/ 'di lta ste/ dam pa'i chos yongs su 'dzin pa yal bar 'dor ba dang lhan cig mi 'grogs so/ / dam pa'i chos nyan pa yal bar 'dor ba dang lhan cig mi 'grogs so// sems can yongs su smin par byed pa yal bar 'dor ba dang lhan cig mi 'grogs so/ / dam pa'i chos kyi sbyin pa yal bar 'dor ba dang lhan cig mi 'grogs so// bla ma thams cad la rim gro bya ba yal bar 'dor ba dang lhan cig mi 'grogs so// bdud kyi las yal bar 'dor ba dang lhan cig mi 'grogs so// mu stegs can dkrug pa yal bar 'dor ba dang lhan cig mi 'grogs so// dam pa'i chos rab tu rnam par 'jig pa yal bar 'dor ba dang lhan cig mi 'grogs so/ / pha rol tu phyin pa yal bar 'dor ba dang lhan cig mi 'grogs so// phung po gsum pa'i yongs su bsngo ba yal bar 'dor ba dang lhan cig mi 'grogs te/ byang chub sems dpa' ni yul bar 'dor bar bcu po de dag dang lhan cig mi 'grogs so// byang chub sems dpa' rnams kyi 'phrul pab chen po rnam pa bcur khong du chud par bya ste/ rnam pa bcu gang zhe na/ 'di lta ste/ 'khor lo sgyur bar 'phrul pa dang / brgya byin du 'phrul pa dang / tshangs par 'phrul pa dang / nyan thos su 'phrul pa dang / rang sangs rgyas su 'phrul

  439. 220b

    ba dang / byang chub sems dpar 'phrul pa dang / sangs rgyas su 'phrul ba dang / sangs rgyas kyi zhing du 'phrul pa dang / byang chub kyi snying por 'phrul pa dang / 'khor chen por 'du ba ste/ bcu po de dag ni byang chub sems dpa' rnams kyi 'phrul pa chen por khong du chud par bya'o// byang chub sems dpa' rnams kyi 'phrul pa chen po 'di dag thams cad ni gzhan gyi bsam pa las gyur par blta'o/ / de la nam 'jig rten 'khor lo sgyur ba'i rgyal po gtso bor byed cing tshul khrims yang dag par 'dzin pa dang / smod pa gtso bor byed pa// de ni byang chub sems dpa' sems dpa' chen po 'khor lo sgyur ba'i bkod pa rnams sprul nas sems can gyi don byed do/ / de la 'khor lo rin po che ni rtsibs stong yod do// lha dang mi'i las shin tu 'das pa 'dzam bu chu bo'i gser las grub pa mgar bas mi brdungs la/ rang gi smon lam dang / bsod nams kyi rdzu 'phrul gyi mthu las byung ba blta bas mi ngoms pa'i gzugs can nam mkha' la 'gro ba ste/ 'khor los sbyar ba phal gzhan rnams kyi lta bu ma yin no/ / glang po rin po che ni chu zheng phun sum tshogs pa thal kar mche ba drug yod pa lta bas mi ngoms pa'i gzugs can nam mkha' la 'gro ba mgyogs pa'i shus phun sum tshogs pa sa srung gi bu dang / nam mkha' lding ltar mgyogs pa legs par spyod pa'i las kyi mthu las byung ba ste/ 'khor lo sgyur ba phal gzhan rnams kyi lta bu ma yin no//

  440. 221a

    rta rin po che ni thams cad sngob cang shes pa rta'i rgyal po sprin gyis shugs can dang mtshungs pa/ rlung ltar mgyogs pa yid bzhin gyi nor bu ltar bsam pa tsam gyis byin par byed pa nam mkha' la 'gro ba ste/ khor lo sgyur ba phal gzhan rnams kyi lta bu ma yin no// nor bu rin po che ni zur brgya pa bzo mkhan gyis ma byas pa/ 'od phun sum tshogs pa/ me dang nyi ma'i 'od zil gyis non pa/ gar dga' dgur 'gro ba phun sum tshogs pa/ 'dod dgu phun sum tshogs par sbyin pa/ bsam pa thams cad yongs su rdzogs par byed pa ste/ 'khor los sgyur ba phal gzhan rnams kyi lta bu ma yin no// bud med rin po che ni ha cang yang mi kar/ ha cang yang mi sngo// hang cang yang mi ring / ha cang yang mi thung / ha cang yang mi skem/ ha cang yang mi sbom pa/ 'dul ba'i cho ga phun sum tshogs pa bstan bcos dang / sgyu rtsal sna tshogs mngon par shes pa/ mnyen zhing zab la snyan par smra ba phun sum tshogs pa/ yid bzhin gyi nor bu dang mtshungs pa/ 'dzum pa dang / tshul phun sum tshogs pa dang / chos spyod pa la 'jug pa mtshungs pa med pa'i gzugs can te// 'khor lo sgyur ba lal gzhan rnams kyi lta bu ma yin no/ / khyim bdag rin po che ni lag na rdo rje dang 'dra ba chu zheng rnam thos kyi bu dang sred med kyi bu dang 'dra ba rtag tu mnyen zhing snyan la/ 'jam zhing yid du 'ong ba'i tshig 'byin

  441. 221b

    pa/ sha'i mig sgrib pa med pa dang ldan pa/ byams pa dang snying rje mnga' ba/ yid bzhin gyi nor bu 'dod dgur 'dzud pa/ mi rin po che dge ba'i rtsa ba skal ba mnyam pas grub pa ste/ 'khor lo sgyur ba la la gzhan rnams kyi lta bu ma yin no/ / blon po rin po che ni rin po che rigs ma lta bu/ dge ba'i rtsa ba rnams kyis gzugs brnyan du gyur pa/ sngar sdang zhing bsam pa dge ba/ bltas pa dang mi rig rig byas pas don go ba/ las bzang po dang rgyas pa dang / rdzogs pa dang ma smad pa byed pa/ nam mkha' la 'gro ba 'dod dgur 'gro ba 'byor pa ste/ 'khor lo sgyur ba phal gzhan rnams kyi lta bu ma yin no/ / de la sogs pa 'khor lo sgyur ba'i rin po che bkod pa thams cad sprul nas byang chub sems dpa' sems la dbang ba/ sems can thams cad la phan pa dang bde ba'i lhag pa'i bsam pa can mi rin po che/ kha na ma tho ba med pa'i las zab pa/ snum pa/ ldan pa'i lhag pa'i bsam pa dam pa chos chen po la gzhol ba/ 'khor lo sgyur ba chen po dge ba bcu'i las kyi lam la sten pa/ skyes bu chen po'i mtshan sum cu rtsa gnyis dang ldan pas/ sems can rnams yongs su smin par byed de/ 'di ni byang chub sems dpa'i 'khor lo sgyur bar 'phrul pa chen po zhes bya'o/ / nam 'jig rten brgya byin gtso bor byed pa de na/ brgya byin gyi gzugs su sprul nas/ sum cu rtsa gsum gyi khang par zhugs te/ bag yod pa'i gdam

  442. 222a

    gyis lha rnams yongs su smin par byed do/ / nam 'jig rten tshangs pa gtso bor byed pa de na/ tshangs pa'i gzugs su sprul nas/ rab tu zhi ba'i bsam gtan dang tshad med pa'i bsam gtan rnams kyis tshangs pa'i ris kyi lha rnams yongs su smin par byed do/ / nam sems can rnams nyan thos kyis 'dul ba yin gyi/ rang sangs rgyas kyis 'dul ba ma yin/ sangs rgyas kyis 'dul ba ma yin pa de na/ nyan thos kyi gzugs su sprul nas sdug bsngal zad par bya ba dang / mya ngan las 'das pa thob par bya ba'i phyir chos ston to// nam sem/ can rnams rang sangs rgyas kyis 'dul ba yin gyi/ nyan thos kyis 'dul ba ma yin/ sangs rgyas kyis 'dul ba ma yin pa de na/ rang sangs rgyas kyi gzugs su sprul nas/ rang sangs rgyas kyi byang chub kyi lam yang dag par rab tu ston te/ dben pa'i gtam dang / 'dod chags dang bral ba'i gtam dang / bsam gtan dang / ting nge 'dzin dang / snyoms par 'jug pa dang / rnam par thar pa dang / rdzu 'phrul gyi rkang pa'i gtam dang / sbyin gnas chen por dbang bskur ba'i gtam dang / rten pa'i gtam dang / rnam par thar pa'i tshul gyis sems can rnams yongs su smin par byed do/ / nam sems can rnams byang chub sems dpas 'dul bar gyur pa de na/ rang gi gzugs su gnas nas pha rol tu phyin pa drug dang / byin gyis brlabs bzhi

  443. 222b

    dang / byams pa chen po dang / snying rje chen po dang / gzungs dang / dbang dang / bzod pa dang / sa'i gtam gyis sems can de dag yongs su smin par byed do// nam sangs rgyas kyis 'dul ba'i sems can dbang po dang khams rgya che zhing rgyas par gyur pa de na/ sangs rgyas kyi gzugs su sbyar nas/ stobs dang / mi 'jigs pa dang / sangs rgyas kyi chos ma 'dres pa'i gtam rnams dang / sangs rgyas kyi rdzu 'phrul chen po rnams kyis sems can de dag yongs su smin par byed do// nam sems can rnams sangs rgyas kyi zhing rgya chen pos 'dul bar 'gyur/ ba de na/ stong gsum gyi stong chen po'i 'jig rten gyi khams lag mthil ltar mnyam pa/ 'jam pa ka tsa lin+di ka ltar reg na bde ba/ bai DUR+Ya sngon por gyur pa/ shel du gyur pa tsan dan sbrul gyi snying por gyur pa/ 'dzam bu'i chu bo'i gser du gyur pa/ rdo dang gsag ma dang / gyo mo med pa/ mtho dman med pa/ ngan song log par ltung ba med pa/ bud med rgyu ba med pa/ ri nag po med pa/ rin po che sna tshogs kyi ri rnams kyis mdzes par byas pa/ tsher ma dang ngam grog dang g.yangs med pa/ rin po che'i shing ljon pa dang / spos kyi shing sna tshogs kyis mdzes par byas pa sprul nas/ sems can de dag yongs su smin par byed do// nang ma sems can rnams byang chub kyi snying po rgya chen pos 'dul bar 'gyur ba de na/ byang chub kyi shing

  444. 223a

    dpag tshad bcu gnyis kyi tshad du mngon par sprul te rtsa ba shin tu zug pa/ sdong po ni 'dzam bu chu bo'i gser/ yal ni gser dang dngul dang bai DUR+Ya dang shel dang rin po che tha dad pa/ rin po che sna tshogs kyi lo mas mdzes par byas pa/ lha'i bu mo brgya stong du gnas par sprul nas sems can de dag yongs su smin par byed do// nam sems can rnams 'khor rgya chen pos 'dul bar 'gyur ba de na/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangasapa dang / 'jig rten skyong ba/ gzi brjid che ba gzi brjid che ba sprul/ nyan thos so so yang dag par rig pa thob pa/ gnyis ka'i cha las rnam par grol ba dang / byang chub sems dpa' sa bcu la gnas pa/ dpa' bar 'gro ba'i ting nge 'dzin thob pa rnams sprul nas sems can de dag yongs su smin par byed de/ rigs kyi bu chos kyi tshul la 'jug pa bcu po de dag gis/ byang chub sems dpa' rnams kyis 'phrul pa chen po khong du chud par bya'o/ / rigs kyi bu byang chub sems dpas chos kyi tshul la 'jug pa bcus dge ba rnams kyi rnam par smin pa'i dbang ba khong du chud par bya ste/ bcu gang zhe na/ 'di lta ste dper na/ chu zla ni nam mkha'i zla ba'i gzugs brnyan yin mod kyi/ chu zla ni yod pa ma yin no// de bzhin du dge ba mngon par 'du byed pa'i

  445. 223b

    rkyen las rnam par smin pa dge ba sna tshogs yid du 'ong ba byung ste/ 'di ltar nam mkha'i zla ba chu'i nang du mi 'pho ba de bzhin du/ dge ba'i las kyi srid pa 'du byed rnams/ yang srid pa'i 'du byed rnams su 'pho ba yang ma yin la/ las kyi srid pa'i rkyen las yang srid pa'i rnam par smin pa'i dbang ba nyid kyang 'byung ngo // 'di lta ste dper na/ rma bya'i mdongs gcig las srog chags rnams la gzugs du mar snang ngo / / de bzhin du byang chub sems dpa' rnams kyi dge ba mngon par 'du bya ba gcig las rnam par smin pa rnam pa du mar snang ste/ las kyi srid pa'i 'du byed de dag rma bya'i ljongs su mi 'pho mod kyi de'i rkyen las rma bya'i ljongs kyis rnam par smin pa'i dbang ba nyid kyang 'byung ngo / / de bzhin du dge ba'i las kyi srid pa bsags pa yang srid par 'pho ba ma yin yang / dge ba'i las kyi srid pa las rten nas/ yang srid pa'i rnam par smin pa'i dbang ba nyid kyang 'byung ngo // 'di lta ste dper na/ shin tu ngo mtshar rmad du byung ba'i dge ba mngon par 'du bya ba mngon par 'du byed pas/ nam mkha' las me tog gi 'char 'bab cing me tog de dag gzugs dang dri la sogs par dbang ba nyid du 'gyur yang / gang dge ba'i rtsa ba ngo mtshar rmad du byung ba byas pa de dag nam mkha'i me tog de dag tu mi 'pho ste/ ngo mtshar rmad du byung ba'i mtshan nyid kyang gzhan la/ me tog de dag gi mtshan nyid kyang gzhan no//

  446. 224a

    de bzhin du dge ba'i las kyi srid pa yang / yang srid pa'i dge ba'i 'pho ba yang ma yin la/ dge ba'i las kyi srid pa'i rnam par smin pa'i dbang ba nyid kyang 'byung ngo // 'di lta ste dper na/ shin tu chos spong ba rnams la sil snyan rnams ma bskyod par mchod pa'i las kyi phyir/ rang sgra 'byung ba yang chos spyod pa de sil snyan rnams su 'pho ba ma yin te/ chos spyod pa'i mtshan nyid kyang gzhan la/ sil snyan de dag gi mtshan nyid kyang gzhan mod kyi/ chos spyod pa'i rkyen gyis sil snyan rnams ma bskyod par rang sgra 'byung ngo // de bzhin du rab tu byas pa'i dge ba'i las kyi srid pa'i 'du byed rnams/ yang srid pa'i 'du byed rnams su 'pho ba ma yin te/ rab tu chos spyod pa'i rkyen gyis rab tu yang srid pa'i rnam par smin pa'i dbang ba nyid kyang 'byung ngo / / 'di lta ste dper na/ 'byung ba chen po'i dbang gis nam mkha' la 'ja' 'byung yang der 'byung ba chen po rnams 'pho ba yang ma yin la/ 'byung ba chen po'i rkyen gyis 'ja'i gzugs kyi rnam par smin pa'i dbang ba nyid kyang 'byung ste/ de la gang kha dog skya bor snang ba de ni sa'i khams kyi dbang ngo // de la gang kha dog sngon por snang ba de ni chu'i khams kyi dbang ngo // de la gang la dog dmar por snang ba de ni me'i khams kyi dbang ngo / / gang gzhu'i dbyibs ltar 'dug pa'am/ zlum por 'dug pa de ni rlung gi khams kyi dbang ngo // de bzhin du dge ba'i las kyi 'du byed

  447. 224b

    byas pa rnams kyi dge ba'i las kyi srid pa'i dbang gis/ yang srid pa'i rnam par smin pa'i dbang ba nyid 'byung ngo // 'di lta ste dper na/ 'khor lo sgyur ba'i dge ba bcu'i las kyi lam gyi sngon pa'i rkyen gyis rin po che sna bdun dang / 'bras sa bon ma btab ma rmos par 'byung yang / dge ba bcu'i las kyi lam gyi sdom pa rkyen du gyur pa de/ rin po che de rnams dang 'bras rnams su 'phos pa yang ma yin la/ dge ba bcu'i las kyi lam gyi sdom pa'i rkyen gyis 'khor lo sgyur ba'i dbang ba nyid kyang 'byung ngo // de bzhin du dge ba legs par byas pa shin tu thar phyin pa legs par brtsams pa las/ yang srid pa'i dge ba'i rnam par smin pa 'byung yang / las kyi srid pa yang srid par 'pho ba ma yin te/ de'i phyir rnam par smin pa mi 'dra ba zhes bya'o// 'di lta ste dper na/ lha rab tu dge ba dang ldan pa rnams kyi me tog man+dar bskyed mi dgos pa dang / gzhal med khang bya mi dgos dang / bdud rtsi'i zas bsgrub mi dgos par 'byung yang dag pa'i 'du byed kyi las kyi rnam par smin pa de dag 'pho ba ma yin te/ dge ba'i 'du byed kyi rkyen gyis lha'i rnam par smin pa'i dbang ba 'byung ngo // 'di lta ste dper na/ rdzu 'phrul chen po rnams kyi rdzu 'phrul mngon par 'du byed pa'i rkyen gyis sgribs pa med par dbang ba nyid 'byung ba yang / rdzu 'phrul mngon par 'du byed pa sgrib pa med par 'pho ba yang ma yin la/ rdzu 'phrul mngon par 'du byed pa'i rkyen gyis rdzu

  448. 225a

    'phrul dang ldan pa rnams kyis sgrib pa med pa yang 'byung ste/ ri la sogs pa 'pho ba yang med pa yin/ bsam pa can gyis sgrib pa med par 'gyur ba yang yin no// de bzhin du bag yod pa rnams kyi dge ba mngon par 'du byed pa'i rkyen gyis/ yang srid pa'i rnam par smin pa'i dbang ba nyid du 'byung ngo // 'di lta ste dper na// rlung gyi rkyen gyis me 'byung gi de med par mi 'byung ste/ me 'byung nas tshos par bya bar snang ba la sogs par rnam par smin pa'i dbang ba nyid 'byung yang / me'i dbang ba de rlung dang / shing rnams la mi 'pho la me le me'i dbang ba nyid yod pa yang ma yin no/ / de bzhin du rkyen thams cad las/ skyes pa'i dge ba dang mi dge ba'i rnam par smin pa yang so sor khong du chud par bya'o// 'di lta ste dper na rnal 'byor spyod pa'i dge slong dge ba zad pa med pa'i tshogs rnam par dag pa dbang rab tu thob pas zad par nam mkhar bsam pa tsam gyis de bzhin du 'gyur te/ sra ba dang / gsher ba dang / tsha ba dang / g.yo ba rnams dang / sngon po dang / ser po dang / dmar po dang / dkar po rnams kyis sgribs pa med par 'gyur yang sems kyi sgrib pa med pa nam mkha'i sgrib pa med par 'pho ba yang ma yin/ bsams pa tsam gyis sgrib pa med par 'gyur ba ma yin/ sems kyi sgrib pa med pa de dang mi ldan par sra ba la sogs pa'i sgrib pa med par 'gyur ba yang ma yin no// de bzhin du rkyen las

  449. 225b

    / byung ba'i dge ba dang mi dge ba thams cad kyi rnam par smin pa'i dbang ba nyid khong du chud par bya ste/ byang chub sems dpas chos kyi tshul la 'jug pa bcu po de dag gis dge ba rnams kyis rnam par smin pa'i dbang ba nyid khong du chud par bya'o/ / rigs kyi bu byang chub sems dpas chos kyi tshul la 'jug pa bcus/ zag pa med pa'i dge ba rnams kyis rnam par smin pa thob pa'i dbang ba nyid khong du chud par bya ste/ bcu gang zhe na 'di lta ste/ mngon par shes pa drug dang / rigs pa gsum dang / rnam par thar pa brgyad dang / zil gyi gnon pa'i skye mched brgyad dang / zad par gyi skye mched bcu dang / dbang bcu dang / bden pa bcu dang / mthar gyis gnas pa'i snyoms par 'jug pa dgu dang / stobs bcu dang / shes pa bcu'o// de la mngon par shes pa drug gang zhe na/ lha'i mig dang / lha'i rna ba dang / pha rol gyi sems shes pa dang / rdzu 'phrul bya ba shes pa dang / sngon gyi gnas rjes su dran pa'i shes pa dang / zag pa zad pa shes pa ste/ 'di dag ni byang chub sems dpa' rnams kyi mngon par shes pa drug go/ de la byang chub sems dpa'i lha'i mig gang zhe na/ dge ba'i tshogs thams cad bsags pa ma nyams pa/ chags pa med pa/ tshad med pa/ sgrib pa med pa/ gnas pa med pa/ rma med pa/ 'khrul pa med pa/ bstan tu med pa/ kha na ma tho ba med la/ 'jig rten pa thams cad dang / nyan thos

  450. 226a

    dang rang sangs rgyas rnams dang thun mongam yin pa/ bag chags kyi mtshams sbyor ba thams cad yang dag par bcom pa/ phrad par mthong ba/ phrad par lung ston pa ste/ lha'i mig skems can rnams mthong ste/ 'chi 'pho dang / skye ba dang / kha dog bzang po dang / kha dog ngan pa dang / tha ma dang / mchog dang / las nye bar 'gro ba ji lta ba dang / rgyu dang bcas pa dang / rnam par smin pa dang bcas pa yang dag pa ji lta ba bzhin du mthong ngo // de'i lha'i mig de ni sangs rgyas kyi ye shes thob par byed pa ste der nges pa yin no// de la byang chub sems dpa'i lha'i rna ba ni/ de lha'i rna ba sgrib pa med pa/ dge ba'i tshogs thams cad bsags pa/ byis pa so so'i skye bo dang / brgya byin dang / tshangs pa dang / 'jig rten skyong ba dang / lha dang / klu dang gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po thams cad dang nyan thos dang / rang sangs rgyas thams cad las khyad par du 'phags pa chod pa med pa/ 'od gsal bas sgra thams cad thos te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i sgra dang tha ma na sbrang bu dang / grog mo dang / sha sbrang dang / 'phags pa dang / 'phags po ma yin pa'i sgra rnams kyang thos te/ thos nas kyang 'phags pa ma yin pa'i sgra rnams la khong khro ba yang mi

  451. 226b

    byed/ 'phags pa'i sgra rnams la rjes su chags par yang mi byed/ so so'i skye bo'i sgra rnams la tha mar 'du shes pa yang ma yin/ nyan thos dang / rang sangs rgyas kyi sgra rnams la dam par 'du shes pa yang ma yin/ 'phags pa ma yin pa'i tshul la khong zo bar yang mi byed/ 'phags pa'i tshul la rjes su chags par yang mi byed/ sgra gang la yang yon tan du shes pa'am/ nyes par 'du shes pa ma yin te/ gzhan du sgra thams cad kyang brag cha lta bu dang stong pa dang / g.yo ba med pa dang / bdag dang bdag gi med cing dben par rab tu shes kyang / rna ba'i skye mched 'bad pa yang ma yin/ sgra'i skye mched 'bad pa yang ma yin te/ byang chub sems dpa' lha'i rna ba ni 'di lta bu ma yin no// de la byang chub sems dpa'i pha rol gyi sems shes pa ni/ rang gi sems yongs su shes pa dang ldan pa yin te/ de rang gi sems yongs su shes pa dang ldan pas/ sems can thams cad kyi sems kyi spyod pa rab tu shes te/ sems can gzhan rnams dang / gang zag gzhan dag gi 'dod chags dang bcas pa'i sems kyang 'dod chags dang bcas pa'i sems su yang dag pa ji lta ba bzhin rab tu shes/ 'dod chags dang bral ba'i sems kyang 'dod chags dang bral ba'i sems su yang dag pa ji lta bzhin du rab tu shes te/ shes nas kyang gang 'dod chags dang bcas pa'i sems de la khong khro bar yang mi byed/ gang 'dod chags dang bral ba'i sems de la rjes su chags par

  452. 227a

    yang mi byed/ gzhan du na 'dod chags dang bcas pa rnams la snying rje chen po rnyed do// 'dod chags dang bral ba rnams la byam sa pa chen po rnyed do// de bzhin du zhe sdang dang / bcas pa dang / zhe sdang med pa dang / gti mug dang bcas pa dang / gti mug med pa dang / sred pa dang bcas pa dang / sred pa med pa dang / len pa dang bcas pa dang / len pa med pa dang nyon mongs pa dang bcas pa dang / nyon mongs pa med pa dang / tshad dang ldan pa dang / tshad dang mi ldan pa dang mnyam par gzhag pa dang / mnyam par mi gzhag pa dang / rnam par grol ba'i sems dang / rnam par ma grol ba'i sems kyang yang dag pa ji lta ba bzhin du rab tu shes te/ shes nas kyang sems rnam par ma grol ba rnams la khong khro bar yang mi byed/ sems rnam par grol ba rnams la rjes su chags par yang mi byed de/ gzhan du na sems rnam par grol ba rnams la byams pa chen po rnyed do// sems rnam par ma grol ba rnams la snying rje chen po rnyed do// sems thams cad shes kyang sems de la sems des snyems pa yang med/ rlom sems kyang med do// de la pha rol gyi sems shes pa des sems can thams cad kyi sems dang spyod pa rab tu shes so/ / sems can de dag gyis ni byang chub sems dpa' des skabs ma phye'i bar du mi shes te/ nyan thos dang / rang sangs rgyas kyi lha'i ye shes kyis kyang mi shes na/ pha lo ba gzhan

  453. 227b

    rnams kyis shes par mi 'gyur ba lta ci smos te/ 'di ni byang chub sems dpa' pha rol gyi sems shes pa'o// de la byang chub sems dpa' ni bdag dang sems can gzhan rnams kyi sngon gyi gnas rnam pa du ma rjes su dran te/ de skye ba gcig kyang rjes su dran no// skye ba gnyis dang / skye ba brgya dang / skye ba brgya phrag stong nas/ de la bye ba khrag khrig brgya stong dpag tu med/ grangs med pa rjes su dran no/ / 'jig pa'i skal pa yang rjes su dran no// chags pa'i bskal pa'ang rjes su dran no// 'jig pa dang chags pa'i bskal pa yang rjes su dran pa nas/ bskal pa chen po bar ba khrag khrig brgya stong dpag tu med/ grangs med pa'i bar du rjes su dran te/ dran pa de la de bzhin gshegs pa dang / byang chub sems dpa' sa bcu la rab tu gnas pa rnams ma gtogs par lha dang bcas pa'i 'jig rten myos par 'gyur ro/ / 'di ltar bdag che ge mo zhig tu 'di 'dra bar gyur te/ rigs ni 'di zhes bya// rus ni 'di zhes bya/ mdog ni 'di lta bu/ ming ni 'di zhes bya/ kha zas ni 'di lta bu zhig za za/ tshe'i gnas pa ni 'di srid cig thub/ chu zheng ni 'di lta bu/ bde ba dang sdug bsngal ni 'di lta bu zhig myong ste/ bdag de nas shi phos nas gage mo zhig tu skyes/ de nas kyang shi 'phos nas 'dir skyes te/ rigs ni 'di zhes bya// rus ni 'di zhes bya mdog ni 'di lta bu/ ming ni 'di zhes bya// kha zas ni 'di lta bu zhig za za/ tshe ni 'di tsam

  454. 228a

    zhig thub/ chu zheng ni 'di lta bu/ bde ba dang sdug bsngal ni 'di lta bu zhig myong ngo zhes rjes su dran te/ bdag gi ji lta bar sems can thams cad kyi yang de bzhin te/ tha na sbrang ba/ dang / grog mo rnams kyi yang rjes su dran no// de'i dran pa de chags pa med pa/ rgyun mi 'chang po/ sgrib pa med pa/ thogs pa med pa/ dus su bskul ba med pa/ byams pa chen po dang snying rje chen po dang rab tu ldan pa/ zab pa/ gting dpag dka' ba/ bag la nyal ba med pa/ bag chags kyis mtshams sbyor ba rnam par dag pa/ bsod nams dang ye shes kyi tshogs thams cad kyis brgyan pa ste/ 'di ni byang chub sems dpa'i sngon gyi gnas rjes su dran pa'i shes pa zhes bya'o// de la byang chub sems dpa' rnams kyi rdzu 'phrul bya ba shes pa ni/ bsod nams dang ye shes thams cad kyis brten pa sgrib pa med pa/ lhun gyis grub pa/ rnam par ma brtags pa/ bskal pa bye ba khrag khrig brgya stong grangs med par sbyin pa dang / dul ba dang / mi gyur pa dang yang dag par sdom pa dang / nges pa dang / bsam gtan dang / ting nge 'dzin dang / snyoms par 'jug pa yongs su sbyang ba byas pa/ bdag dang / sangs rgyas dang / lha'i dbang dang ldan pa ste/ de rdzu 'phrul mngon du gyur pa mngon par 'du bya ba med pa/ sgrib pa med pa/ 'jig rten thams cad las khyad par du 'phags pa des sems can rnams kyi don byed de/ ji ltar

  455. 228b

    'dod pa de ltar byin gyis brlob bo/ / ji ltar 'dod pa de bzhin du yul rnams ston to// byang chub sems dpa' de'i rdzu 'phrul gyi dbang ni thams cad du thogs pa med par 'jug ste/ de gal te/ sems can gcig cig sems can thams cad kyi gzugs kyis 'dul bar 'gyur na/ sems can gcig po de'i mdun du sems can thams cad kyi gzugs snod ji lta ba bzhin du ston te/ sprul pa de dag thams cad kyang byed pa dang / kha zas dang / smra ba dang / spyod pa tha dad du 'jug go/ de 'dod na sems can thams cad kyi gzugs sangs rgyas kyi gzugs su mos na yang sems can thams cad kyi gzugs sangs rgyas kyi gzugs su 'gyur ro/ / sangs rgyas kyi gzugs sems can thams cad kyi gzugs su mos na yang / sangs rgyas kyi gzugs sems can thams cad kyi gzugs su 'gyur ro/ / 'jig pa'i bskal pa chags pa'i bskal par mos na yang / 'jig pa'i bskal pa chags pa'i bskal par 'gyur te/ sems can de dag gi kyang chags pa'i bskal par shes so/ / chags pa'i bskal pa 'jig pa'i bskal par mos na yang / chags pa'i bskal pa 'jig pa'i bskal par 'gyur to// sems can de dag gis kyang 'jig pa'i bskal par shes so/ / 'jig pa dang chags pa yang gzhan du 'gyur ba ma yin te/ mos pas de ltar yang 'gyur ro// de bzhin du bskal pa gcig

  456. 229a

    snga dro tsam du mos nu yang / de na sems can de dag gis bskal pa gcig snga rdo tsam du shes so// snga dro bskal pa tsam du mos na yang de de bzhin du 'gyur te/ de na sems can de dag gis de bzhin du shes te/ 'di ni byang chub sems dpa'i mos pa las byung ba'i rdzu 'phrul zhes bya'o// de la mngon par du gyur pa'i rdzu 'phrul ni gang / byang chub sems dpa'i bsam gyis mi khyab pa'i bsod nams dang / ye shes kyi dbang dang / lhun gyis grub pas bsgrib pa med par phun sum tshogs pa thams cad mngon tu 'gyur zhing 'grub pa ste/ 'di ni byang chub sems dpa'i mngon du 'gyur ba'i rdzu 'phrul zhes bya'o/ / de la byang chub sems dpa'i mngon par 'du byed pa med pa las byung ba'i rdzu 'phrul ni/ gang byang chub sems dpa' mi sems mi 'jug cing lhun gyis grub pas/ sems can de dag gis mos pa ji lta ba bzhin du byang chub sems dpa' de gzugs dang / spyod lam tha dad par mthong zhing shes te/ 'di ni byang chub sems dpa'i mngon par 'du byed pa med pa las byung ba'i rdzu 'phrul zhes bya'o/ / de 'jig rten gyi khams ji snyed na sems can rnams sangs rgyas 'byung bas 'dul ba'i 'jig rten gyi khams de snyed du sangs rgyas 'byung ba ston te/ dga' ldan gyis gnas nas 'chi 'pho ba dang / mngal du 'jug pa dang / bcas pa dang / mngon par 'byung ba dang / dka' ba spyod pa dang / byang chub kyi snying

  457. 229b

    por 'gro ba dang / bdud 'dul ba dang / byang chub rnam par 'tshang rgya ba dang / chos kyi 'khor lo rab tu bskor ba dang / yongs su mya ngan las 'das pa chen po ston pa rnams kyis sems can dag yongs su smin par byed de/ de ltar na byang chub sems dpa' rdzu 'phrul gyi yul tshad med pa yin te/ 'di ni byang chub sems dpa'i rdzu 'phrul bya ba shes pa zhes bya'o// de la byang chub sems dpa'i zag pa zad pa shes pa gang zhe na/ 'di dag ni zag pa bzhi ste/ bzhi gang zhe na/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ byang chub sems dpa' ni zag pa de dag yongs su spangs pa yin// ma 'ongs pa na mi skye ba'i chos can du 'gyur zhing phyir mi skye mi 'gag ste/ 'dul ba ji lta ba bzhin du sems can rnams la thams cad du skye ba yang ston pa 'di ni/ / byang chub sems dpa'i lam lhun gyis grub pas rgyun mi chad par 'jug pa zhes bya ste/ 'di dag ni byang chub sems dpa'i mngon par shes pa drug go// de la byang chub sems dpa'i rig pa gsum gang zhe na/ 'di lta ste/ lha'i mig gi rig pa dang / sngon gyi gnas rjes su dran pa'i rig pa dang / zag pa zad pa'i rig pa ste/ rig pa ni shes pa zhes bya'o/ / de la lha'i mig gi shes pa ni/ lha'i mig gi rig pa yin no// lha'i mig gi rig pa gang yin pa de na/ rnam par dag pa'i lha'i mchog rnams kyi yin te/ byang chub sems dpa' ni lha'i mig

  458. 230a

    gi rig pa de dang ldan pa yin no/ / rnam par dag pa'i lha ni nyan thos dang / rang sangs rgyas dang / byang chub sems dpa' rnams te de dag ni rnam par dag pa'i lha'o rnam par dag pa'i de dag gi mchog ni/ de bzhin gshegs pa dgra bcom pa yang dag par rdzogs pa'i sangs rgyas rnams te/ rnam par dag pa'i lha'i mchog rnams zhes bya'o// byang chub sems dpa' ni rnam par dag pa'i lha'i tshogs rnams kyi lha'i mig gi rig pa gang yin pa de thob ste/ nyan thos dang / rang sangs rgyas rnams kyi ltar ma yin pa 'di ni rig pa dang po'o// de la sngon gyi gnas rjes su dran pa'i rig pa ni/ de bzhin gshegs pa la sngon gyi mtha' mi mkhyen pa 'am/ ma rig pa 'am/ mi rtogs pa gang yang mi mnga'o// byang chub sems dpa' ni rig pa de thob ste/ nyan thos dang / rang sangs rgyas rnams kyi ltar ma yin pa 'di ni rig pa gnyis pa'o// de la zag pa zad pa'i rig pa gang zhe na/ zag pa bzhi ste/ bzhi gang zhe na/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ zag pa de dag byang chub sems dpas bag chags dang bcas par spong ba'i lam gyis mngon par rtogs te/ nyan thos dang / rang sangs rgyas rnams ltar nyon mongs pa'i sgrib pa spong ba'i lam gyis ni ma yin no// de zag pa zad nas sems can yong sbyi pa bya ba'i phyi bye ba'i gnas thams cad du skye ba yongs su 'dzin pa thogs

  459. 230b

    pa med pa yin te/ 'di ni byang chub sems dpa'i zag pa zad pa'i rig pa zhes bya'o// 'di dag ni byang chub sems dpa'i rigs pa gsum mo// de la rnam par thar pa brgyad gang zhe na/ gzugs can gzugs rnams la lta ba 'di ni rnam par thar pa dang po'o/ / nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o// sdug par mos pa 'di ni rnam par thar pa gsum pa'o/ / de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cig sna tshogs kyi 'du shes rnams yid la mi byed pas/ nam mkha' mtha' yas so snyam nas nam mkha' mtha' yas skye mched rdzogs par byas te gnas pa 'di ni rnam par thar pa bzhi pa'o// de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te gnas ba 'di ni rnam par thar pa lnga pa'o/ / de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched rdzogs par byas te gnas pa 'di ni rnam par thar pa drug pa'o/ / de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas nas

  460. 231a

    gnas pa 'di ni rnam par thar pa bdun pa'o/ / de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog ba rdzogs par byas gnas pa 'di ni rnam par thar pa brgyad pa'o/ / de la ji ltar na gzugs can gzugs la lta zhe na/ rten cing 'brel par 'byung ba dang / stong pa dang g.yo ba med par lta ba ste/ de ltar lta bas rnam par grol te/ de'i phyir rnam par thar pa zhes bya'o// nang gzugs med par 'du shes pas phyi rol gyi gzugs rnams la lta ba ni stong pa nyid dang / rten cing 'brel par 'byung ba dang / g.yo ba med par de ltar lta bas rnam par 'grol te/ de'i phyir rnam par thar pa zhes bya'o// sdug par mos pa yin te/ sdug pa zhes bya ba ni stong pa'o// mi sdug pa ni lta bar gyur pa'o/ / sdug par mos pas rnam par 'grol te/ de'i phyir rnam par thar pa zhes bya'o// de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkha' mtha' yas skye mched rdzogs par byas te gnas so zhes bya bal/ nam mkha' mtha' yas so zhes bya ba'i nam mkha' ni stong pa'o// de ltar mthong bas rnam par grol te/ de'i phyir rnam par thar pa zhes bya'o// rnam pa thams cad du nam mkha' mtha' yas

  461. 231b

    skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te/ gnas zhes bya ba la rnam shes mtha' yas zhes bya ba'i rnam par shes pa de ni thog ma med pa can du bshad de/ gang thog ma med pa can de ni stong pa'o// de ltar mthong bas rnam par 'grol te/ de'i phyir rnam par thar pa zhes bya'o// de rnam pa thams cad sunam shes mtha' yas skye mched las yang dag par 'das te/ ci yang med du snyam nas/ ci yang med pa'i skye mched rdzogs par byas te/ gnas zhes bya ba 'chis med zhes bya ba ni 'dod chags dang / zhe sdang dang / gti mug rnams so// ci yang med pa zhes bya ba ni de dag med pa'o// de ltar mthong bas rnam par 'grol te/ de'i phyir rnam par thar pa zhes bya'o// de rnam pa thams cad du ci yang med pa'i skye mched las yang dag par 'das te/ 'du shes med 'du shes med smin skye mched rdzogs par byas nas/ gnas zhes bya ba la 'du shes med ces bya ba ni stong pa'i phyir ro/ / 'du shes med min zhes bya ba ni rten cing 'brel par 'byung ba'i phyir ro// de ltar mthong bas rnam par 'grol te/ de'i phyir rnam par thar pa zhes bya'o// de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa rdzogs par byas nas gnas zhes bya ba ni de 'di snyam du sems te/ 'du shes ni smig rgyu lta bu

  462. 232a

    tshor ba ni chu'i chu bur lta bu ste/ 'du shes nyid tshor ba/ tshor ba nyid du shes yin pas/ 'di la shes pa po med/ tshor ba po med do snyam nas/ de ltar mthong bas rnam par// 'grol te/ de'i phyir rnam par thar pa zhes bya ste/ 'di dag ni rnam par thar pa brgyad do// de la zil gyis gnon pa'i skye mched brgyad gang zhe na/ gzugs can gzugs rnams la lta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched dang po'o// nang gzugs med par 'du shes pas/ phyir rol gyi gzugs kha dog bzang po dang / kha dog ngan pa rnams la lta zhing de dag zil gyis mnan nas shes/ zil gyis mnan nas mthong ba 'di ni zil gyis gnon pa'i skye mched gnyis pa'o// nang gzugs med par 'du shes pa'i phyi rol gyi gzugs tshad med pa dang / chen por 'gyur ba kha dog bzang po dang / kha dog ngan pa rnams la lta zhing / de dag zil gyis mnan nas shes/ zil gyis mnan nas mthong ba 'di ni/ zil gyis gnon pa'i skye mched gsum pa'o// nang gzugs med par 'du shes pas phyi rol gyi gzugs chung ngu kha dog bzang po dang / kha dog ngan pa rnams la lta zhing / de dag zil gyis mnan nas shes/ zil gyis mnan nas mthong ba 'di ni/ zil gyis gnon pa'i skye mched bzhi pa'o// nang gzugs med par 'du shes pas phyi rol gyi gzugs sngon po kha dog sngon po sngon po

  463. 232b

    ltabur ston pa 'od sngon po 'byung ba rnams la lta ste/ dper na zar ma'i me tog sngon po kha dog sngon po sngon po lta bur 'od sngon po 'byung ba de bzhin du/ nang gzugs med par 'du shes pas phyi rol gyi gzugs sngon po kha dog sngon po sngon po lta bur ston pa 'od sngon po 'byung ba rnams la lta zhing / de dag zil gyis mnan nas shes/ zil gyis mnan nas mthong ba 'di ni/ zil gyis gnon pa'i skye mched lnga pa'o/ / nang gzugs med par 'du shes pas/ phyi rol gyi gzugs ser po kha dog ser po ser po lta bur ston pa 'od ser po 'byung ba rnams la lta ste/ dper na dong ga'i me tog ser po kha dog ser po ser po lta bur ston pa 'od ser po 'byung ba de bzhin du/ nang gzugs med par 'du shes pas/ phyi rol gyi gzugs ser po kha dog ser po ser po lta bur ston pa 'od ser po 'byung ba rnams la lta zhing / de dag zil gyis mnan nas shes/ zil gyis mnan nas mthong ba 'di ni/ zil gyis gnon pa'i skye mched drug pa'o// / nang gzugs med par 'du shes pas/ phyi rol gyi gzugs dmar po kha dog dmar po dmar po lta bur ston pa 'od dmar po 'byung ba rnams la lta ste/ dper na ban d+hu dzI ba ka'i me tog dmar po kha dog dmar po dmar po lta bur ston pa 'od dmar po 'byung ba de bzhin du/ nang gzugs med par 'du shes pas/ phyi rol gyi gzugs dmar po kha dog dmar po dmar po lnga/

  464. 233a

    bur ston pa 'od dmar po 'byung ba rnams la lta zhing / de dag zil gyis mnan nas shes/ zil gyis mnan nas mthong ba 'di ni/ zil gyis gnon pa'i skye mched bdun pa'o/ / nang gzugs med par 'du shes pas/ phyi rol gyi gzugs dkar po kha dog dkar po dkar po lta bur ston pa 'od dkar po 'byung ba rnams la lta ste/ dper na skar ma pa wa sangs dkar po kha dog dkar po dkar po lta bur ston pa 'od dkar po 'byung ba de bzhin du/ nang gzugs med par 'du shes pas phyi rol gyi gzugs dkar po kha dog dkar po dkar po lta bur ston pa 'o dkar po 'byung ba rnams la lta zhing / de dag zil gyis mnan nas shes// zil gyis mnan nas mthong ba 'di ni/ zil gyis gnon pa'i skye mched brgyad pa'o// de la zad par gyi skye mched bcu gang zhe na/ 'di lta ste/ zad par sa dang / zad par chu dang / zad par ma dang / zad par rlung dang / zad par nam mkha' dang / zad par sngon po dang // zad par ser po dang / zad par dmar po dang / zad par dkar po dang / zad par rnam par shes pa ste/ 'di dag ni zad par gyi skye mched bcu'o// khams thams cad sa'i khams su mos na yang thams cad khams gcig tu 'di lta ste/ sa'i khams nyid du 'gyur ro// thams cad chu'i khams su mos na yang thams cad khams cig tu 'di lta ste/ chu'i khams nyid du

  465. 233b

    / 'gyur ro// thams cad me'i khams su mos na yang thams cad khams gcig tu 'di lta ste/ me'i khams nyid du 'gyur ro// thams cad rlung gi khams su mos na yang thams cad khams cig tu 'di lta ste/ rlung gi khams nyid du 'gyur ro// thams cad nam mkha'i khams su mos na yang thams cad khams cig tu 'di lta ste/ nam mkha'i khams nyid du 'gyur ro// thams cad sngon por mos na yang thams cad sngon po nyid du 'gyur ro/ / thams cad ser por mos na yang thams cad ser po nyid du 'gyur ro// thams cad dmar por mos na yang thams cad dmar po nyid du 'gyur ro/ / thams cad dkar por mos na yang thams cad dkar po nyid du 'gyur ro// thams cad rnam par shes par mos na yang / sa dang / chu dang / me dang / rlung dang nam mkha' dang / sngon po dang / ser po dang / dmar po dang / dkar po thams cad rnam par shes pa nyid du 'gyur te/ de'i phyir zad par gyi skye mched ces bya'o// zad par gyi skye ba 'phel bar byed pas/ de'i phyir zad par gyi skye mched ces bya'o// re re yang skye mched thams cad du 'gyur bas de'i phyir zad par gyi skye mched ces bya'o// bam po gsum pa/ de la byang chub sems dpa' rnams kyi dbang bcu gang zhe na/ 'di lta ste tshe la dbang ba dang / sems la dbang ba dang / yo byad la dbang ba dang

  466. 234a

    las la dbang ba dang / skye ba la dbang ba dang / rdzu 'phrul la dbang ba dang / mos pa la dbang ba dang / smon lam la dbang ba dang / ye shes la dbang ba dang chos la dbang ba ste/ de dag ni dbang bcu'o// de la bdud rtsi thob pa'i phyir tshe la dbang ba'o// sems tsam du yongs su shes pa'i phyir sems la dbang ba'o// lag na rin po che dang / nam mkha' mdzod rab tu rnyed pa'i phyir yo byad la dbang ba'o/ / bag chags dang bcas pa'i las kyi lam kun chad pa'i phyir las la dbang ba'o// ting nge 'dzin rnam par bzlog pa'i bsam gtan rnyed pa'i phyir skye ba la dbang ba'o/ / lhun gyis grub par bya ba la 'jug pa thob pa'i phyir rdzu 'phrul la dbang ba'o// zad par gyi skye mched thob pa'i phyir mos pa la dbang ba'o// bsam pa tsam gyis don thob pa'i phyir smon lam la dbang ba'o/ / ye shes sngon du 'gro ba'i lus dang ngag dang yid kyi las thob pa'i phyir ye shes la dbang ba'o// de bzhin nyid dang / chos kyi dbyings dang / yang dag pa'i mtha' mnyam pa'i ye shes dri ma med pa'i phyir chos la dbang ba'o// gzhan yang rigs kyi bu 'jig rten ni 'chi bas 'jigs skrag ste/ de'i gnyen por tshe la dbang ba'o// 'jig rten ni sems kun nas nyon mongs pas 'jigs skrag ste/ de'i gnyen por sems la dbang ba'o// 'jig rten ni yo byad kyis 'jig skrag ste/ de'i gnyen por yo byad la dbang ba'o// 'jig rten ni nyes par

  467. 234b

    / spyod pas 'jigs skrag ste/ de'i gnyen por las la dbang ba'o// 'jig rten ni ngan 'gros 'jigs skrag ste/ de'i gnyen por skye ba la dbang ba'o// 'jig rten ni kun tu tshol ba'i 'phongs pas 'jigs skrag ste/ de'i gnyen por rdzu 'phrul la dbang ba'o// 'jig rten ni dam pa'i chos kyis yongs su 'phongs par 'gyur ba'i las kyis 'jigs skrag ste/ de'i gnyen por mos pa la dbang ba'o/ / 'jig rten ni 'dod pa'i ching bas 'jigs skrag ste/ de'i gnyen por smon lam la dbang ba'o// 'jig rten ni the tshom gyi zug rngus 'jigs skrag ste/ de'i gnyen por ye shes la dbang ba'o/ / 'jig rten ni 'khor gyi nang na bag tsha bas 'jigs skrag ste/ de'i gnyen por chos la dbang ba'o// gzhan yang rigs kyi bu srog gcod pa spangs shing / sems can thams cad la khong khro ba'i sems med pa ni tshe la dbang ba thob par bya ba'i rgyu'o/ / bde ba rnams la sgrib pa med pa'i byams pa chen po dang / sdug bsngal ba rnams la sgrib pa med pa'i snying rje chen po ni sems la dbang ba thob par bya ba'i rgyu'o/ / sems snyoms shing dngos po thams cad yongs su gtong ba byang chub tu bsngo ba ni yo byad la dbang ba thob par bya ba'i rgyu'o// las dang bya ba la zhugs nas lus dang ngag dang yid yongs su dag pa'i las kyis/ las kyi bya ba las bdag gir bya ba la 'jug par ston pa ni las la dbang ba thob par bya ba'i rgyu'o// byang chub kyi sems

  468. 235a

    kyis yang dag par bsdus pa'i dge ba bcu'i las kyi lam ni skye ba la dbang ba thob par bya ba'i rgyu'o/ / rnyed pa dang / bkur sti dang / tshigs su bcud pa thams cad sbyin pa dang / gnon pa sbyin pa ni rdzu 'phrul la dbang ba thob par bya ba'i rgyu'o// sems can thams cad dkon mchog gsum la 'god cing 'dzud de/ mos par byed pa ni mos pa la dbang ba tho par bya ba'i rgyu'o/ / sems can thams cad kyi lus dang ngag dang / mi yongs su dag par sgrub pa ni smon lam la dbang ba thob par bya ba'i rgyu'o// zang ming med pa'i sems kyis chos pa ni ye shes la dbang ba thob par bya ba'i rgyu'o/ / sems can thams cad la chos mnyam pa nyid khong du chud par byed pa dang / chos mtshungs par ston pa dang / de bzhin gshegs pa'i rmi ni chos kyi sku ste/ zang zing gri sku ma yin no zhes yongs su 'byed pa ni chos la dbang ba thob par bya ba'i rgyu'o// rigs kyi bu 'di dag ni byang chub sems dpa' rnams kyi dbang bcu'o// la byang chub sems dpa' rnams kyi bden pa bcu gang zhe na/ 'di lta ste/ kun rdzob kyi bden pa dang / don dam pa'i bden pa dang / mtshan nyid kyi bden pa dang / rnam par dbye ba'i bden pa dang / phyi ste rtog pa'i bden pa dang / dngos po'i bden pa dang / nus pa'i bden pa dang / zad pa dang mi skye ba shes pa'i bden pa dang / lam la 'jug pa shes pa'i

  469. 235b

    bden pa dang / de bzhin gshegs pa'i ye shes kun 'byung ba'i bden pa ste/ 'di dag ni bden pa bcu'o// de la kun rdzob kyi bden pa ni tshad dang 'brel pa yul yongs su chad pa kun tu tha snyad/ dgas pa'i phyir/ gzhan gyi rkyen kyi dbang gis ston pa chung ba rgya chen po ma yin pa ste/ 'di ni kun rdzob kyi bden pa'o// de la don dam pa'i bden pa ni zab pa stong pa nyid dang rab tu ldan pa yul yongs su ma chad pa/ gzhan gyi rkyen gyis ma yin pa mnyam pa// mi mnyam pa med pa/ ma 'khrug pa/ rtsod pa med pa'i mtshan nyid dang / chos thams cad de bzhin nyid kyi mtshan nyid de/ 'di ni don dam pa'i bden pa'o// de la mtshan nyid kyi bden pa ni/ gnod pa'i mtshan nyid ni sdug bsngal ba/ rab tu skye ba'i mtshan nyid ni kun 'byung ba/ zhi ba'i mtshan nyid ni 'gog pa/ nges par 'byin pa'i mtshan nyid ni lam ste/ 'di ni mtshan nyid kyi bden pa zhes bya'o// gzhan yang chos thams cad rang bzhin gyis bdag med pa'i mtshan nyid du shes nas nges par gyur pa la 'jug ste/ mtshan nyid las gyur pa'i nges par gyur pa ni mtshan nyid kyi bden pa zhes bya'o// de bzhin du chos thams cad rang bzhin gyis zhi ba'i mtshan nyid dang / rang bzhin/ gyis dben pa'i mtshan nyid dang / rang bzhin gyis stong pa'i mtshan nyid dang / rang bzhin gyis mi skye mi 'gag pa'i mtshan nyid du shes nas/ nges par gyur pa la 'jug ste/ mtshan nyid las

  470. 236a

    gyur pa'i nges par gyur pa ni mtshan nyid kyi bden pa zhes bya'o/ / de la rnam par dbye ba'i mtshan nyid kyi bden pa ni chos thams cad mtshan nyid gcig pa las gzhan gyi dbang gis rnam par phye ste bstan pa'o/ / mtshan nyid gcig ces bya ba ni stong pa nyid kyi mtshan nyid do// de ltar chos thams cad stong pa nyid dang / mtshan ma med pa/ smon pa med pa mngon par 'du mi byed pa ma skyes pa/ ma 'byung ba ma 'gags pa/ 'di ni stong pa nyid de'i rnam par dbye ba ste/ rnam par dbye ba de dag thams cad kyang stong pa nyid kyi mtshan nyid do// de ltar stong pa nyid la slu bar mi byed pa de'i phyir rnam par dbye ba'i bden pa zhes bya ste/ 'di ni rnam par dbye ba'i bden pa zhes bya'o// de la bye ste rtog pa'i bden pa gang zhe na/ phral nas rtog pa ni phye ste rtog pa ste/ nges par sems pa rig pa/ mthong ba khong du chud pa/ mngon par rtogs pa shes pa/ shes bya la mi slu ba ste/ de'i phyir phye ste rtog pa'i bden pa zhes bya'o// de la dngos po'i bden pa ni/ dngos po shes pa ste/ dngos po de dag ni phung po dang / khams dang / skye mched rnams so// phung po dang / khams dang / skye mched de dag rten cing 'brel par 'byung ba dang / stong pa dang dngos po med par shes te/ de ltar shes nas nges par gyur pa la 'jug pas/ de'i phyir dngos po'i bden pa zhes bya'o// de la nus pa'i bden pa ni ye shes de dang / spong ba de dang / lam des/

  471. 236b

    nyon mongs pa spong bar byed pa dang / stobs dang / mi 'jigs pa dang / sangs rgyas kyi chos ma 'dres pa khong du chud pa dang / de bzhin gshegs pa thams cad kyi dbang po nyid khong du chud par nus pa ste/ de'i phyir nus pa'i bden pa zhes bya'o// de la zad par dang mi skye ba shes pa'i bden pa ni/ 'dus byas thams cad zad pa can du ston te / zad pa de yang mi zad la zad pa la zad pa med do/ / gal te zad pa la zad pa yod du zin na/ 'gog pa yang zad par 'gyur te/ de'i phyir zad pa zad par mi 'gyur ro// gang zad par mi 'gyur ba de mi skye ste/ 'di ni zad pa dang mi skye ba shes pa'i bden pa zhes bya'o/ / de la lam la 'jug pa shes pa'i bden pa gang zhe na/ ye shes kyi lam bsod nams dang / ye shes kyi tshogs bsags pa gang gis chos thams cad ma skyes ma 'gags par shes pa des 'jug cing 'dzud pa ste/ de'i phyir lam la 'jug pa shes pa'i bden pa zhes bya'o// de la de bzhin gshegs pa'i ye shes kun 'byung ba'i bden pa gang zhe na/ chos kyi sprin gyi sa dang / de bzhin gshegs pa'i sa'i bar ni/ de bzhin gshegs pa'i ye shes kun 'byung ba'i bden pa ste/ de bstan pa'i lam gyis mngon par rtogs pa'o// 'di dag ni byang chub sems dpa' rnams kyi bden pa bcu'o/ / de la byang chub sems dpa' rnams kyis mthar gyis gnas pa'i snyoms par 'jug pa dgu gang zhe na/ 'di la byang chub sems dpa' ni 'dod/

  472. 237a

    pa dag las dben pa/ sdig pa mi dge ba'i chos las dben pa/ rtog pa dang bcas pas/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ / de la 'dod pa rnams ni bsam gtan dang po'i mi mthun pa'i phyogs yin te/ gang sred pa de dag las dben pa'o// de la sdig pa mi dge ba'i chos rnams ni chags pa dang / zhe sdang dang / gti mug ste/ gzhi de las srog gcod pa dang / ma byin par len pa dang / 'dod pa la log par g.yem pa dang / brdzun smra ba dang / phra ma dang / ngag rtsub po dang / tshig bkyal pa dang / brnab sems dang / gnod sems dang / log par lta ba'o// 'di ni sdig pa mi dge ba'i chos rnams zhe bya ste/ de dag las dben pa ni bsam gtan dang po'o/ / rtog pa dang lhan cig pa ni rtog pa dang bcas pa ste/ rtog pa de dag gang zhe na/ gang dag bsam gtan dang po dang 'thun pa'i rtog pa ste/ de cho ga bzhin du rtog cing de dag kyang dul bas na/ de dag ni rtog pa zhes bya ste/ shes pa dang / khong du chud pa dang / dpyod pa dang / rab tu rtog pa dang / ting nge 'dzin 'du byed pa ni rtog pa'o// de la spyod pa gang zhe na/ bsam gtan dang po dang 'thun pa'i rtog pa de dag nyid la spyod pa dang / rnam par dpyod pa dang / nye bar dpyod pa dang / kun tu longs spyod pa dang / ting nge 'dzin du byed pa dang / sems rjes su

  473. 237b

    'gro ba ni dpyod pa zhes bya ste/ de dag dang lhan cig pa ni/ rtog pa dang bcas pa/ dpyod pa dang bcas pa/ bsam gtan dang po'o// dga' ba dang bde ba dben pa las skyes pa/ de'i phyir dben pa las skyes pa'i dga' ba dang / bde ba zhes bya'o// rdzogs par byas te gnas zhes bya la rdzogs par byas zhes bya ba ni sdom pa dang / sdom par byed pa dang / sbed pa dang sba bar byed pa dang / ro myang ba dang / mngon par dga' ba ste/ bsam gtan dang po de la gnas pa'i byang chub sems dpa' ni mi skye ba'i chos la bzod par khong du chud par bya ba'i 'dun pa dang / 'dod pa thob ste/ de mi skye ba'i chos la bzod pa'i 'dun pa dang / 'dod pa de bsam gtan dang po snying por 'du shes pa ma yin no// de bsam gtan gnyis pa la rtsom ste/ de bsam gtan dang po'i rtog/ pa dang / dpyod pa de dag zhi bar byed nye bar zhi bar byed/ de dag las sems rab tu zhi bar byed cing / bsam gtan gnyis pa yongs su grub pa'i rgyu tshol te/ de rtog pa dang dpyod pa dang bral bas/ nang yongs su dang ste sems kyi rgyud gcig tu gyur pas/ rtog pa med pa dpyod pa med pa dga' ba dang / ldan pa bsam gtan gnyis pa rdzogs par byas te gnas so// de la nang yongs su dang ba ni de'i bsam gtan gnyis pa'i mi mthun pa'i phyogs kyi chos gang yin pa de dag nye bar zhi

  474. 238a

    ba dang / dang ba yin te de'i phyir nang yongs su dang pa zhes bya'o// rgyud gcig tu gyur ces bya ba ni bsam gtan dang po'i rtog pa dang / dpyod pa de dag thams cad rab tu ni nas thams cad rab tu zhi nas rgya mtsho'i chu ltar ro gcig tu 'gyur ba thob pa'o/ / 'di lta ste dper na/ rgya mtsho chen por chu 'bab pa rnams ni 'di lta ste/ lan tsha'i ror ro gcig par 'gyu bde bzhin du/ byang chub sems dpa' bsam gtan gnyis pa la snyoms par zhugs pa'i bsam gtan dang po'i rtog pa dang / dpyod pa de dag thams cad zhi nas/ ro gcig tu 'gyur te/ de ting nge 'dzin ces bya'o// ting nge 'dzin de las de sangs rgyas dang chos dang dge 'dun la dga' ba skyes te/ de dkon mchog gsum la dga' bas dge ba'i chos rnams rdzogs par 'gyur ro/ / de las mi skye ba'i chos la bzod pa thob pa'i 'dun pa shin tu 'bar ba dang / shin tu 'od gsal ba dang / shin tu yid du 'ong ba thob po// de mi skye ba'i chos la bzod pa la 'dun pa des/ bsam gtan gnyis pa de la mi chags te/ bsam gtan gsum pa kun tu 'tshol lo// de 'di snyams du sems te/ dga' ba ni bus ma gtan gsum pa'i sgrib pa yin no snyam nas/ de dga' ba de las 'dod chags dang bral nas/ btang snyoms can dran pa yongs su dag pa/ 'phags pa rnams kyis gang de dga' ba med la

  475. 238b

    bde ba la gnas pa zhes brjod pa bsam gtan gsum pa rdzogs par byas te gnas so/ / ting nge 'dzin de las skyes pa'i dga' ba la 'dod chags dang bral ba thob pa ste/ gang de dga' ba med pa'i bde ba ni gtan tu bde ba ma yin gyi/ zad pa'i chos can 'jig pa'i chos can te/ de mi rtag cing mi brtan la ther zug ma yin zhing / de yid brtan du mi rung ngo snyam pa'i sems de lta bu thob po/ / de de ltar shes nas mi skye ba'i chos la bzod pa rab tu thob pa'i 'dun pa drag po chen po thob bo// de mi skye ba'i chos kyi 'dun pa drag po des bde ba dang sdug bsngal la mngon par chags pa mi skye'o/ / de bde ba yang spangs te/ snga nas sdug bsngal yang spangs shing / yid bde ba dang / yid mi bde ba yang nub pas/ bde ba yang ma yin sdug bsngal ba yang ma yin pa/ btang snyoms dang dran pa yongs su dag pa bsam gtan bzhi pa rdzogs par byas te gnas so// de bsam gtan bzhi pa la snyoms par zhugs bas gnyen pa'i sems so/ / yid du 'ong ba'i sems so// las su rung ba'i sems so// 'od gsal ba'i sems so// dran pa'i sems so// bde ba de sems can thams cad kyir mngon par smon to/ / de sems can thams cad la phan pa dang / bde ba la mngon du phyogs pas mi skye ba'i chos la bzod pa'i snang ba skye'o// de mi skye ba'i chos la bzon

  476. 239a

    pa'i snang ba skyes pa des/ bsam gtan bzhi pa sdug bsngal yang ma yin/ bde ba yang ma yin pa de la dga' bar mi 'gyur ro// gang btang snyoms dang dran pa yongs su dag pa'i bde ba de la yang chags par mi byed do/ / de la mi chags par de la nam mkha' nyid snang bar 'gyur ro// de thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkha' mtha' yas skye mched rdzogs par byas te gnas so/ / de 'di snyam du sems te/ mdor na 'di la gzugs ni rnam pa gnyis te/ 'byung ba dang / 'byung ba las gyur pa'o// de la byung ba'i gzugs ni sa'i khams dang / chu'i khams dang / me'i khams dang / rlung gi khams so// 'byung ba'i las gyur pa'i gzugs ni kha dog dang / dri dang ro dang reg pa ste/ de ltar gzugs rnam pa brgyad do// gzugs de dag gi 'du shes rnams las yang dag par 'das nas/ thogs pa'i 'du shes mi 'byung ste nub par 'gyur ro// gang na gzugs su 'du shes paden thogs par 'du shes pa ste/ de bas na gzugs kyi 'du shes rnams las yang dag par 'dus na thogs pa'i 'du shes rnams nub par 'gyur ro// thogs pa'i 'du shes

  477. 239b

    rnams nub na sna tshogs kyi 'du shes rnams yid la byed pa mi 'jug go/ / sna tshogs kyi 'du shes rnams yid la mi byed pas/ nam mkha' mtha' yas so snyam du 'jug go// de nam mkha' mtha' yas so snyam nas/ nam mkha' mtha' yas skye mched rdzogs par byas te gnas so// de la byang chub sems dpa' nam mkha' mtha' yas skye mched la snyoms par zhugs pa'i 'di snyam du sems te/ nam mkha' ni mtha' med pas mtha' yas so// gang la mtha' med pas de'i thogs ma yod par ga la 'gyur/ dbus yod par ga la 'gyur te/ de ltar chos thams cad ni thog ma dang / tha ma dang dbus med do snyam mo// de ltar snyoms par zhugs pa'i byang chub sems dpa' sems can rnams la ni snying rje chen po bskyed/ chos rnams la ni nam mkha' dang mtshungs pa nyid kyi shes pa 'jug ste/ de ni de'i don mi skye ba'i chos la bzod pa rtsom pa'o// de rnam pa thams cad nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te gnas so// de 'di snyam du sems te/ gang nam mkhar 'du shes pa 'di ni/ rnam par shes par 'gyur ba'o snyam nas/ de 'di snyam du sems 'di thams cad ni rnam par shes pa tsam ste/ rnam shes mtha' yas de yang yod pa yang ma yin/ med pa yang ma yin no snyam

  478. 240a

    du sems so/ / de de ltar snyoms par zhugs pas mi skye ba'i chos la bzod pa thob pa yin te/ yongs su grub pa ni ma yin no// thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye mched rdzogs par byas te gnas so// ci yang med ces byas pa la ci yang med zhes bya ba ni/ 'dod chags dang / zhe sdang dang / gti mug dang / rtog pa dang rnam par rtog pa dang / yongs su rtog pa dang / 'dus byas kyi chos thams cad dang / yang dag pa ma yin pa kun tu rtog pa las byung ba rnams ni ci yang med zhes bya'o/ / ci yang med pa ni ji skad du brjod pa de dag las chung ngur gyur/ phra bar gyur pa ni ci yang med pa zhes bya'o// de la gnas pa'i byang chub sems dpa'i mi skye ba'i chos la bzod pa ni shin tu 'bar ba/ shin tu 'od gsal ba yin no// de rgyu de dang rkyen de dang / gzhi de dang thob pa de'i phyir ci yang med pa'i skye mched la mi chags te de gong du rtsol lo/ / de gong du rtsol ba na 'di snyam du sems te/ 'di ni gang 'du byed rnams kyi phra ba la ci yang med par yongs su brtags pa ste de ni 'du shes med 'du shes med pa yang ma yin no snyam mo/ / de la 'du shes med pa ni stong pa'i phyir ro// 'du shes med pa yang ma yin pa ni rten cing 'brel par 'byung ba'i phyir ro// de 'du shes med 'du shes med min skye

  479. 240b

    mched mngon du gyur te/ de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas nas gnas so// de la gnas nas 'di snyam du sems te/ gang la 'du shes med 'du shes med min skye mched de la dga' ba ci zhig yod snyam nas de blo de las gong du bskyod do// de blo de las gong du bskyod nas skye ba med pa dang / 'gag pa med pa'i chos mngon du 'gyur te/ de chos thams cad ma skyes pa dang / ma 'gags par mthong ngo // de chos thams cad rang bzhin gyis 'gags par mthong nas mi 'jug mi ldog go/ / de de'i phyir mi skye ba'i chos la bzod pa yongs su dag pa yongs su dag yin no// de de las gong du lhun gyis 'grub pa rgyun mi 'chad par 'jug ste/ 'di dag ni byang chub sems dpa' rnams kyi mthar gyis gnas pa'i snyoms par 'jug pa dgu'o// de la byang chub sems dpa'i stobs bcu gang zhe na/ 'di lta ste mos pa'i stobs dang / so sor rtogs pa'i stobs dang / bsgom pa'i stobs dang / bzod pa'i stobs dang / ye shes kyi stobs dang / spong ba'i stobs dang / thos pa'i stobs dang / spobs pa'i stobs dang / bsod nams kyi stobs dang / bsgrub pa'i stobs so// de la mos pa'i stobs gang zhe na/ de la byang chub sems dpa'

  480. 241a

    gang dang gang mos par de de'i rang bzhin du 'gyur ro/ / de'i mos pa'i stobs de ni lha dang bcas pa'i 'jig rten gyi zil gyis gnon mi nus te/ 'di ni byang chub sems dpa'i mos pa'i stobs zhes bya'o/ / de la byang chub sems dpa'i so sor rtog pa'i stobs gang zhe na/ gang gi phyir byang chub sems dpa' ni 'dod chags skyes pa mi sdug pa bsgoms pas zhi bar byed do// zhe sdang skyes pa byams pa bsgoms pas zhi bar byed do// gti mug skyes pa rten cing 'brel bar 'byung ba sgoms pas zhi bar byed do// gshe ba dang mi snyan par zer ba rnams ni brag cha dang mtshungs par yongs su shes pas zhi bar byed do/ / bsod pa dang bcing ba dang go rar 'jug pa rnams ni las bdag gir bya ba shes pas zhi bar byed do// lus la bsdigs pa dang / lus la gnod pa dang / lus la nyam nga ba rnams ni gzugs brnyan dang mtshungs par shes pas zhi bar byed do// de ltar kun nas nyon mongs pa'i sgo ji snyed par byang chub sems dpa'i rnam par dag pa'i sgo yang de snyed du mthong ste/ 'di ni byang chub sems dpa'i so sor rtogs pa'i stobs shes bya'o// de la byang chub sems dpa'i stobs gang zhe na/ gang mos pas spyod pa'i sa dang / mthong ba'i sa la bar du gcod par byed pa'i chos de dag gi/ byang chub sems de la bar chad byed mi nus so// des mthong ba de dang lam de las lhar bcas pa'i 'jig rten gyis dpral bar mi nus

  481. 241b

    te/ 'di ni byang chub sems dpa'i bsgom pa'i stabs zhes bya'o// de la byang chub sems dpa'i bzod pa'i stobs gang zhe na/ gang gi phyir byang chub sems dpa' ni spyod kyang brag tsha'i sgra dang mtshungs par shes pa'i stobs kyis slar spro bar mi byed do/ / bsdigs shing brdegs kyang gzugs brnyan dang mtshungs pa nyid du shes pas slar mi sdigs mi rdeg go// gshe yang sems// sgyu ma dang mtshungs pa nyid du shes pa'i stobs kyis slar mi gshe'o// khros kyang rnam par dag par shes pa'i stobs kyis slar mi khro'o// 'jig rten gyi chos rnam par dag par shes pa'i stobs kyis 'jig rten gyis chos rnams kyis mi 'phrogs so/ / rten cing 'brel par 'byung ba rnam par dag par shes pa'i stobs kyis nyon mongs pa thams cad kyis mi brdzi'o// de ltar byang chub sems dpa' ni 'khrug pa'i sgo snyed mthong bar rab tu/ zhi bar sgo yang de snyed du mthong ste/ 'di ni bzod pa'i stobs zhes bya'o// de la byang chub sems dpa'i ye shes kyi stobs gang zhe na/ byang chub sems dpa' gang phung po dang / khams dang / skye mched shes pa de dag ni stong pa/ ma skyes pa ma 'gags pa'o// ye shes gang gis sangs rgyas kyi byang chub yang dag par sgrub pa de las mu stegs can dang / dmigs pa can thams cad dang / bdud thams cad sangs rgyas kyi gzugs su gnas pas kyang ye shes de la the tsom za

  482. 242a

    bar mi nus pa 'di ni byang chub sems dpa'i ye shes kyi stobs zhes bya'o/ / de la byang chub sems dpa' spong ba'i stobs gang zhe na/ gal te byang chub sems dpa' gnas gcig na gnas pa'i gan du sems can thams cad lhags te/ khang na zer mi snyan par brjod/ tshigs brlang ba rtsub po smra/ sangs rgyas dang chos dang dge 'dun gyi mi bsngags pa brjod kyang de sems can de dag la mi 'khrug cing yid mi bde bar mi 'gyur ro/ / 'gyod par mi 'gyur ro// bag la nyal bar mi byed do// lus gshegs gtubs kyang de bzhin du bag la nyal mi skyed do/ / sems can de dag kyang dkon mchog gsum la rab tu 'god do// 'di ni byang chub sems dpa'i spong ba'i stobs zhes bya'o// de la byang chub sems dpa'i thos pa'i stobs gang zhe na/ 'di la byang chub sems dpa' ni mang du thos pa thos pa 'dzin pa thos pa rgya mtsho thos pa bsags pa yin te/ byang chub sems dpa' ni thos pa'i stobs de lta bu dang ldan pa yin no// / gal te stong gsum gyi stong chen po'i 'jig rten gyi khams su gtogs pa'i sems can thams cad the tsom gzung ste/ byang chub sems dpa'i gan du lhags nas/ gang sems can gcig gi 'dri ba de bzhin gzhan mi 'dri bar thams cad kyis the tsom tha dad par lan cig tu dris kyang byang chub sems dpa'i thags thogs med par lan cig tu lan 'debs so/ / bskal pa brgya stong

  483. 242b

    du dris kyangade bzhin du lung ston te/ 'di ni byang chub sems dpa' thos pa'i stobs zhes bya'o// de la byang chub sems dpa'i spobs pa'i stobs gang zhe na/ gal te byang chub sems d pa' 'khor bya ba khrag khrig brgya stong du ma'i nang du chos ston cing thos par byed kyang de mi sems mi rtog par sems can gang dang gang gi 'dod pa ji lta ba bzhin du chos ston cing thos par byed kyang / byang chub semasad pa'i chos ston pa de don nyams par mi 'gyur/ tshig 'bru nyams par mi 'gyur/ tshig zlos par mi 'gyur/ thogs par mi 'gyur/ gcod par mi 'gyur ba 'di ni/ byang chub sems dpa'i spobs pa'i stobs zhes bya'o// de la byang chub sems dpa'i bsod nams kyi stobs gang zhe na/ gal te byang chub sems dpa' shing drung na gnas kyang rung / gtsug lag khang na gnas kyang rung / khyim stong pa na gnas kyang rung / bdud thams cad 'khor dang bcas te lhags nas bgegs bya ba dang / gtse ba'i phyir nan tan byed na/ de la bdud de dag bdag nyid 'jigs skrag myos shing gyes te/ bdag mgon med par shes nas 'bros par 'gyur ro// gang bdud de dag gi ral gri dang / mtshon rtse gnyis dang / mdung rtse gsum pa dang / rdo ba dang stare 'bab pa de dag byang chub sems dpa'i bsod nams kyi byin gyis man+da ra ba'i me tog dang / tsam pa ka dang / sna ma'i me tog dag dang / ut+pal dang /

  484. 243a

    pad+mar gyur nas 'bab bo// gang bdud de dag gi tshig rtsub po dang / tshig brlang po de dag ni byang chub sems dpa' la bstod par grag go// byang chub sems dpa' la ni namayang yid du mi 'ong ba'i yul drug snang bar mi 'gyur ro/ / bsam pa tsam gyis de'i phun sum tshogs pa thams cad nam mkha' las 'byung ngo // de yang de'i rang gi bsod nams kyi dbang gi nam mkha'i mdzod dang / lag na rin po che las phun sum tshogs pa thams cad 'byung ste/ sems can thams cad tsho bar 'gyur ro// de'i rang gi bsod nams kyi dbang lag na rin po che de ni tshe'i tshad bskal par gnas te brjod kyang / byang chub sems dpa'i bsod nams kyi stobs kyi mtha' rtogs par sla ba ma yin te/ 'di ni byang chub sems dpa'i bsod nams kyi stobs zhes bya'o/ / de la byang chub sems dpa'i bsgrub pa'i stobs gang zhe na/ byang chub sems dpa'i sgrub pa'i stobs ni rnam pa bcu'o// rnam pa bcu gang zhe na/ 'di lta ste sbyin pa bsgrub pa dang / tshul khrims bsgrub pa dang / bzod pa bsgrub pa dang / brtson 'grus sgrub pa dang / bsam gtan sgrub pa dang / shes rab sgrub pa dang / thabs sgrub pa dang / smon lam sgrub pa dang / stobs sgrub pa dang / ye shes sgrub pa ste/ 'di ni byang chub sems dpa'i sgrub pa rnam pa bcu zhes bya'o// byang chub sems dpa' rnams kyi

  485. 243b

    / rol tu phyin pa dang ldan pa'i sgrub pa gang ji snyed pa de dag thams cad ni sgrub pa bcu po 'di'i nang du 'dus par blta'o// de la byang chub sems dpa'i sbyin pa sgrub pa gang zhe na/ byang chub sems dpa' ni sbyir ba'i chos gang gis sems can rnams la gnod par 'gyur ba mi gtogs par sems can rnams la mi sbyin pa gang yang med do/ / byang chub sems dpa'i sems gang gis sbyin pa byin pa'i sems de la ni de bzhin gshegs pa dang / byang chub sems dpa'i bzod pa thob pa ma gtogs par sems can rnams la mi sbyin pa gang yang ma yin na shes par 'gyur ba lta ci smos te/ 'di ni byang chub sems dpa'i sbyin pa sgrub pa zhes bya'o// de la byang chub sems dpa'i tshul khrims sgrub pa gang zhe na/ byang chub sems dpa' rnams kyi tshul khrims sgrub pa ni rnam pa bcu'o// / rnam pa bcu gang zhe na/ 'di lta ste/ nyan thos kyi sdom pa'i tshul khrims sgrub pa dang / rang sangs rgyas kyi sdom pa'i tshul khrims sgrub pa dang / byang chub sems dpa'i sdom pa'i tshul khrims sgrub pa dang / dge ba'i chos thams cad sdud pa'i tshul khrims sgrub pa dang / dge ba'i bshes gnyen kun tu tshol ba mi gtong ba'i tshul khrims sgrub pa dang / dam pa'i chos yongs su 'dzin pa'i sdom pa'i tshal khrims sgrub pa dang / rtag tu gzhan gyi don sgrub pa'i sdom pa'i tshul khrims sgrub pa dang / byang chub tu yongs su bsngo bo'i sdom pa'i tshul khrims sgrub pa dang

  486. 244a

    rtag tu mnyam par gzhag pa'i sdom pa'i tshul khrims sgrub pa dang / bag chags kyi mtshams sbyor ba yang dag par 'joms pa la bzod pa'i sdom pa'i tshul khrims sgrub ba'o/ / byang chub sems dpa' rnams ni rnam par mi rtog pa'i tshul khrims can yin te/ de dag gi tshul khrims sgrub pa ni thams cad mkhyen pa ma yin pa rnams kyis shes par sla ba ma yin te/ 'di ni byang chub sems dpa'i tshul khrims sgrub pa zhes bya'o// de la byang chub sems dpa'i bzod pa sgrub pa gang zhe na/ byang chub sems dpa' rnams kyi bzod pa sgrub pa ni rnam pa gsum mo// rnam pa gsum gang zhe na/ 'di lta ste/ sdug bsngal dang du len pa'i bzod pa dang / gzhan gyis gnod par bya ba la mi 'byed pa'i bzod pa dang / chos la nges par sems dpa'i/ bzod pa'o// de la sdug bsngal dang du len pa'i bzod pa ni las bdag gir bya ba shes pa las 'jug pa'o// gzhan gyis gnod par byas pa la mi 'byed pa'i bzod pa ni sems can thams cad la bu cig pa bzhin du byams pa la 'jug go/ chos la nges par sems pa'i bzod pa ni/ chos thams cad skye ba med par shes pa la 'jug pa ste/ 'di ni byang chub sems pa'i bzod pa rnam pa gsum zhes bya'o/ / gang bzod pa 'di dag sgrub pa 'di ni byang chub sems dpa'i bzod pa sgrub pa zhes bya'o// de la byang chub sems dpa'i brtson 'grus sgrub pa gang zhe na/

  487. 244b

    'di la byang chub sems dpa'i gang dang gang du ji lta ji ltar dge ba'i chos rnams yongs su 'grub par bya ba'i phyir/ sbyor ba de dang der 'du shes pa de 'di ltar sbyor te/ bdag gis sems can thams cad kyi dge ba'i chos 'di yongs su bsgrub par bya'o snyam pa 'di ni byang chub sems dpa'i brtson 'grus pa zhes bya'o/ / de la byang chub sems dpa'i bsam gtan sgrub pa gang zhe na/ byang chub sems dpa' ni mnyam par ma gzhag pa'i chos gang yang dag par rjes su mi mthong ste/ de chos thams cad ni rang bzhin gyis snyoms par zhugs pa zhi ba/ sems dang yid dang yid kyi rnam par shes pa dang bral ba/ ma skyes ma 'gags shing mi g.yo ba thob par mthong ngo // de dag ni mnyam par gzhag pa gzhan rnam par g.yengs pa'o snyam du mi sems so// bdag dang gzhan las rnam par grol ba'i ting nge 'dzin gzhan yang yang dag par rjes su mi mthong la/ byang chub yang dag par sgrub pa'i brtson 'grus kyang mi nyams pa 'di ni byang chub sems pa'i bsam gtan sgrub pa'o/ / de la byang chub sems dpa'i shes rab sgrub pa gang zhe na/ 'di la byang chub sems dpa' ni gang rten cing 'brel bar 'byung ba las rnam par grol ba dang gang stong pa nyid las rnam par grol ba dang / gang mtshan ma med pa las rnam par grol ba dang / gang smon pa med pa las rnam par grol ba dang / gang nam mkha' las rnam par grol ba'i

  488. 245a

    chos de yang yang dag par rjes su mi mthong la/ byang chub kyi lam dang sems can yongs su smin par bya ba'i brtson 'grus kyang mi nyams pa 'di ni byang chub sems dpa'i shes rab sgrub pa'o/ / de la byang chub sems dpa'i thabs sgrub pa gang zhe na/ gang byang chub sems dpa' ni bdag kyang mi dmigs la/ rtag tu bdag nyid kyi srid pa yang spyod do// sems can yang mi dmigs la rtag tu sems can yongs su smin par byed pa'i brtson pa yang spyod/ nyon mongs pa yang mi dmigs la rtag tu dbang po rnams sbed pa yang spyod do// de la gang sangs rgyas kyi gzugs ma yin pa'i gzugs cung zad kyang snang bar mi 'gyur la/ rtag tu sangs rgyas mthong bar 'dod pa yang yin no// de la gang chos kyi sgra ma yin pa'i sgra gang yang grags par mi 'gyur la/ / rtag tu chos nyan pas ngoms mi myong ba yang yin no// 'khor ba yang mi dmigs la rtag tu 'khor bas 'jigs pa'i yid dang ldan pa yang yin no// mya ngan las 'das pa yang yang dag par rjes su mi mthong ba/ mya ngan las 'das pa khong du chud par bya phyir bdog pa thams cad yongs su gtong bar yang byed do// sangs rgyas dang byang chub kyang mi dmigs la/ sangs rgyas kyi byang chub khong du chud par bya ba'i phyir smon lam brgya stong mang po yang mngon par sgrub ste/ 'di ni byang chub sems dpa'i thabs sgrub pa zhes bya'o// de la byang chub

  489. 245b

    sems dpa'i smon lam sgrub pa gang zhe na/ 'di la byang chub sems dpa' ni chos gang yang 'dri ba 'am/ 'phel bar yang dag par rjes su mi mthong la sems can thams cad kyi dge ba'i rtsa ba rnams la yang rjes su yi rang nas/ bla na med pa yang dag par rdzogs pa'i byang chub tu bsngo bar byed do// rang gi dge ba'i rtsa ba rnams sems can thams cad dang thun mong du byas nas 'dis bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ bdag gi sangs rgyas kyi zhing 'di 'dra bar gyur cig/ 'khor phun sum tshogs pa ni 'di 'dra bar gyur cig ces/ bla na med pa yang dag par rdzogs pa'i byang chub tu yongs su bsngo bar byed do// de'i smon lam de yang yang dag par 'grub pa ste/ mi 'grub par mi 'gyur ro/ / de tshul khrims ma zhig pa ma nyams pa/ 'dren ma ma yin pa sra srer ma gyur pa mkhas pas bsngags pa bsrung ngo // de tshul khrims de la rab tu gnas pas sems kyis smon pa 'grub par 'gyur te/ 'di ni byang chub sems dpa'i smon lam sgrub pa zhes bya'o// de la byang chub sems dpa'i stobs sgrub pa gang zhe na/ gal te la la zhig sangs rgyas kyi gzugs su sbyar nas byang chub sems dpa'i gan du 'ongs te/ sangs rgyas kyi byang chub las zlog par byed 'dun pa zlog par byed dpral bar byed kyang / byang chub sems dpa' de 'dun pa ldog par

  490. 246a

    mi 'gyur te/ byang chub nyid rjes su dran no// byang chub kyi snying po rjes su dran no// bdud 'dul ba dang / chos kyi 'khor lo rab tu skor bar byed pa dang / snying rje chen po mngon tu byed do/ / sems can gang byang chub sems dpa' de 'dun pa bzlog par byed dbral bar byed/ rnam par zlog par byed na sems can de la byang chub sems dpa' khong khro bar mi 'gyur gyi/ sems can de la byams pa chen po dang / snying rje chen po bskyed de/ dad pa dang brtson 'grus dang / dran pa dang ting nge 'dzin dang / shes rab kyi stobs las kyang mi nyams te/ de'i phyir mi ldog pa'i stobs des sems can dpag tu med 'grangs med pa dag sangs rgyas kyi byang chub la rab tu 'god/ rab tu 'dzud de/ 'di ni byang chub sem/ pa'i stobs sgrub pa zhes bya'o// de la byang chub sems dpa'i ye shes sgrub pa gang zhe na/ 'di la byang chub sems dpa' ni 'di la skye ba 'am 'chi ba 'am/ rga ba gang yang med do// 'di dag ni chos tsam du zad de/ bdag dang drag gi dang bral ba'o zhes chos thams cad yang dag pa ji lta ba bzhin du rab tu shes te/ de ye shes kyi stobs de nyid kyis sems can dpag tu med grangs med pa dag ye shes kyi stobs de la rab tu 'god do/ / de sems can thams cad kyi chos nyid de las rnam par bzlog nas/ 'jig rten gyi chos rnams la rab tu 'jog mi nus te/ 'di ni

  491. 246b

    byang chub sems dpa'i ye shes sgrub pa'o/ / 'di ni sgrub pa rnam pa bcu ste/ 'di dag ni byang chub sems dpa'i stong cu zhes bya'o// de la byang chub sems dpa' rnams kyi shes pa bcu gang zhe na/ 'di lta ste/ sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / sdug bsngal la ches shes shing kun 'byung ba dang / 'gog pa dang / lam la chos shes pa dang / phung po shes pa dang / khams shes pa dang / skye mched shes pa dang / 'das pa dang / ma 'ongs shes pa dang / lam dang 'bras bu shes pa ste/ 'di dag ni byang chub sems dpa' rnams kyi shes pa bcu'o// de la sdug bsngal shes pa gang zhen gang sdug bsngal la sdug bsngal du shes pa/ sdug bsngal la kun 'byung bar shes pa/ sdug bsngal la 'gog par shes pa/ sdug bsngal lam du shes pa'o// gzhan yang sdug bsngal stong par shes pa/ sdug bsngal mtshan mi med par shes pa/ sdug bsngal smon pa med par shes pa/ sdug bsngal rten cing 'brel par 'byung bar shes pa/ 'jig rten skye ba 'di sdug bsngal bar shes pa ni sdug bsngal shes pa'o/ / gzhan yang ma rig pa shes pa/ sred pa shes pa// len pa shes pa ni sdug bsngal shes pa ste/ 'di ni

  492. 247a

    sdug bsngal shes pa zhes bya'o/ / de la kun 'byung ba shes pa gang zhe na/ gang gi sdug bsngal de kun 'byung bar 'gyur ba de shes pa ni kun 'byung ba shes pa'o/ / kun 'byung ba de sdug bsngal nyid du shes pa ni 'byung ba shes pa'o// gzhan yang sred pa shes pa ni kun 'byung ba shes pa yin te/ 'di ni kun 'byung ba zhes bya'o// de la 'gog/ pa shes pa gang zhe na/ gang ston gyi mthar mi 'pho ba shes pa/ phyi ma'i mthar mi 'byung bar shes pa/ dbus la mi gnas par shes pa'o// gzhan yang gang la 'das pa'i chos 'gag pa ma yin pa dang / ma 'ongs pa dang / de ltar byung ba'i chos 'gags pa ma yin par shes pa 'di ni 'gog pa shes pa zhes bya'o// de la lam shes pa gang zhe na/ gang sdug bsngal shes pa dang / kun pa byung ba shes pa dang / 'gog pa shes pa la tshol ba'i shes pa dang / thob par byed pa 'ashes pa 'di ni lam shes pa zhes bya'o/ / de la sdug bsngal la chos shes shing kun 'byung ba dang / 'gog pa dang / lam la chos shes pa gang zhe na/ de 'di snyam du sems te/ sdug bsngal gang yin pa dang / kun 'byung ba gang yin pa dang / 'gog pa gang yin pa dang / lam gang yin pa de dag ni chos tsam du zad do snyam pa 'di ni/ sdug bsngal la chos shes pa dang / kun 'byung ba dang

  493. 247b

    'gog pa dang / lam la chos shes pa zhes bya'o// de la phung po rnams shes pa ni gang phung po rnams la sgyu ma dang / rmi lam lta bur shes pa// gong bur shes pa/ phung por shes pa brtsegs par shes pa 'di ni phung po shes pa zhes bya'o/ / gzhan yang gzugs kyi phung po la dbu ba rdol po lta bur shes pa dang / tshor ba'i phung po la chu'i chu bur shes pa dang / 'du shes kyi phung po la smig rgyu lta bur shes pa dang / 'du byed kyi phung po la chu shing lta bur shes pa dang / rnam par shes pa'i phung po la sgyu ma lta bur shes pa 'di ni phung po shes pa zhes bya'o// de la khams shes pa gang zhe na/ sa'i khams ni chos kyi dbyings te chos kyi dbyings sra ba ni ma yin no// de bzhin du chu'i khams ni chos kyi dbyings te/ chos kyi dbyings gsher ba ni ma yin no/ / me'i khams ni chos kyi dbyings te/ chos kyi dbyings tsha ba ni ma yin no// rlung gi khams ni chos kyi dbyings te/ chos kyi dbyings g.yo ba ni ma yin te/ gang de ltar shes pa 'di ni khams shes pa zhes bya'o/ / gzhan yang phra ba shes pa dang / rags pa shes pa dang / rigs pa shes pa dang / chung ngu shes pa dang / chos thams cad kyi rtsub shes pa ni khams shes pa'o/ / gzhan yang sdug bsngal shes pa dang / kun 'byung ba shes pa dang / 'gog pa shes pa dang / lam shes pa 'di ni khams shes pa zhes bya'o//

  494. 248a

    gzhan yang khams ni gnyis te/ 'dus byas kyis khams dang / 'dus ma byas kyi khams so// de la 'dus byas dang / dus ma byas shes pa ni khams shes pa'o/ / gzhan yang mig gi khams dang / gzugs kyi khams dang / mig gi rnam par shes pa'i khams ni chos kyi dbyings te/ chos kyi dbyings ni lta ba'i ngo bo nyid ma yin/ rdzas kyi ngo bo nyid ma yin/ rnam par shes pa'i ngo bo nyid ma yin no// rna ba'i khams dang / sgra'i khams dang / rna ba'i rnam par shes pa'i khams ni chos kyi dbyings te/ chos kyi dbyings ni sgra 'dzin pa'i ngo bo nyid ma yin/ sgra bzung ba'i ngo bo nyid ma yin/ sgra rnam par shes pa'i ngo bo nyid ma yin no// sna'i khams dang / dri'i khams dang / sna'i rnam par shes pa'i khams ni chos kyi dbying/ te/ chos kyi dbyings ni snom pa ma yin bsnams pa ma yin rnam par shes pa ma yin no// lce'i khams dang / ro'i khams dang / lce'i rnam par shes pa'i khams ni chos kyi dbyings te// chos kyi dbyings ni ro la spyod yul pa ma yin/ ro bro ba ma yin/ lce'i rnam par shes pas thob pa ma yin no// lus kyi khams dang / reg bya'i khams dang / lus kyi rnam par shes pa'i khams ni chos kyi dbyings te/ chos kyi dbyings ni gong bu'i mtshan nyid ma yin/ reg pa'i mtshan nyid ma yin/ smig rgyu'i mtshan nyid ma yin no// yid kyi khams dang chos kyi khams

  495. 248b

    dang / yid kyi rnam par shes pa'i khams ni chos kyi dbyings te/ chos kyi dbyings ni skye ba dang / gnas pa dang / 'jigs pa'i mtshan nyid ma yin te/ gang de ltar shes pa 'di ni/ byang chub sems dpa'i khams shes pa zhes bya'o/ / de la byang chub sems dpa'i skye mched shes pa gang zhe na/ skye mched rnams la rgya che bar shes pa dang / zab par shes pa dang // dka' bar shes pa dang mdud par shes pa dang / zug rngur shes pa dang / 'jig par shes pa dang / chu bor shes pa dang / sbyor bar shes pa dang / rnam par 'ching bar shes pa ni skye mched shes pa ste/ 'di ni byang chub sems dpa'i skye mched shes pa zhes bya'o// gzhan yang gang skye mched rnams la grong stong du shes pa ste/ dper na/ grong stong pa bdag nyid bdag ni grong stong pa'o snyam du mi shes pa de bzhin du/ skye mched de dag kyang bdag nyid kyi bdag cag ni grong stong pa'o snyam du mi shes te/ gang 'di la de ltar shes pa'i 'don/ byang chub sems dpa'i skye mched shes pa zhes bya'o/ / gzhan yang byang chub sems dpa' ni 'di snyam du sems te/ skye mched bcu gnyis ni mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang

  496. 249a

    chos kyi skye mched de/ / 'di dag thams cad ni de tsam du zad de/ 'di la bdag dang bdag gi zhes bya ba med do snyam mo// gang de ltar shes pa 'di ni byang chub sems dpa'i skye mched shes pa zhes bya'o/ / de la byang chub sems dpa'i 'das pa dang / ma 'ongs pa shes pa gang zhe na/ gang 'das pa la 'gro ba med par shes pa dang / ma 'ongs pa la/ 'ong ba med par shes pa 'di ni 'das pa dang / ma 'ongs pa shes pa zhes bya'o// gzhan yang 'das pa la zad par shes pa dang / ma 'ongs pa la byed pa med par shes pa 'di ni// rigs kyi bu byang chub sems dpa'i 'das pa dang / ma 'ongs pa shes pa zhes bya'o// de la lam dang 'bras bu shes pa gang zhe na/ pha rol tu phyin pa drug po rnams shes pa 'di ni lam shes pa zhes bya'o/ / gang byang chub sems dpa'i sa bcu pa rnams dang / de bzhin gshegs pa'i sa shes pa 'di ni 'bras bu shes pa zhes pa ste// gang 'di shes pa 'di// ni byang chub sems dpa'i lam dang 'bras bu shes pa zhes bya'o// rigs kyi bu 'di dag ni byang chub sems dpa' rnams kyi shes pa bdu ste/ rigs kyi bu byang chub sems dpa' chos kyi tshul la 'jug pa bcu po de dag gis zag pa med pa'i dge ba rnams kyi rnam par smin pa thob pa'i dbang ba nyid khong du chud par bya'o/ / chos yang dag par brjod pa 'di yang dag par brjod

  497. 249b

    pan/ byang chub sems dpa'i sngon yongasu sbyang ba byas pa stong brag bdun bcu rtsa drug mi skye ba'i chos la bzod pa thob par gyur to// de nas byang chub sems dpa' blo gros rnam par gnon gyis byang chub sems dpa'i rtsom pa med la 'di skad ces smras so/ / rigs kyi bu khyod kyis byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa spobs par gyis shig/ de ci'i phyir zhe na rigs kyi bu 'di lta ste/ pha rol tu phyin pa'i gtam 'di lta ste/ pha rol tu phyin pa'i gtam 'di ni yang dag pur gyi gtam mo// rigs kyi bu de la pha rol tu phyin pa rnams ni gang / de dag yang dag par brjod pa ni gang / de skad ces smras pa dang / byang chub sems dpa' rtsom pa med kyis byang chub sems dpa' blo gros rnam par gnon pa la 'di skad ces smras so/ / rigs kyi bu pha rol tu phyin pa zhes bya ba ni/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa ste/ rigs kyi bu pha rol tu phyin pa ni 'di dag go/ de la

  498. 250a

    rol tu phyin pa de dag yang dag par brjod pa ni 'di lta ste/ sbyin pa'i rloms sems med pas/ sbyin pa'i pha rol tu phyin pa ste/ rgyun mi 'chad par bdog pa thams cad yongs su gtong bar mi byed pa yang ma yin no/ / tshul khrims kyi rloms sems med pas/ tshul khrims kyi pha rol tu phyin pa ste/ tshul khrims dang bslab pa dang / sbyangs pa'i yon tan dang yo byad bsnyungs pa thams cad la mi 'jug pa yang ma yin no/ / bzod pa'i rlom sems med pas/ bzod pa'i pha rol tu phyin pa ste/ rtag tu bzod pa dang des pa pa la yang mi 'jug pa ma yin no/ / brtson 'grus kyi rlom sems med pas/ brtson 'grus kyi pha rol tu phyin pa ste/ rgyun mi 'chad par dge ba'i rtsa ba thams cad yang dag par mi sgrub pa yang ma yin/ no// bsam gtan gyi rlom sems med pas/ bsam gtan gyi pha rol tu phyin pa ste/ rtag tu nges par sems pa lhur mi len pa yang ma yin no// shes rab kyi rlom sems med pas/ shes rab kyi pha rol tu phyin pa ste/ rtag tu thos pa tshol ba la yang mngon par mi brtson pa yang ma yin no// thabs kyi rlom sems med pas/ thabs kyi pha rol tu phyin pa ste/ mu ste kyi gnas thams cad dang / sems can thams cad kyi dge ba'i rtsa ba bya ba'i rtsom pa rnams ni mi snang ba yang ma yin no// smon lam gyi rlom sems pas/ smon lam gyi pha rol tu

  499. 250b

    byin pa ste/ sems can thams cad kyi dge ba'i rtsu ba sna tshogs kyi dge ba'i rtsa ba dang / bdag gi dge ba'i rtsa ba sna tshogs kyi sgo rnams sems can thams cad dang thun mong du byas te/ blo na med pa yang dag par rdzogs pa'i byang chub tu yongs su mi sngo ba yang ma yin no// stobs kyi rlom sems med pas/ stobs kyi pha rol tu phyin pa ste sred med kyi bu dang / lag na rdo rje'i gzugs rnams kyis nga rgyal dang / rgyags pa dang / dregs pas khengs pa'i sems can rnams mi gdul ba ma yin no// ye shes kyi rlom sems med pas ye shes kyi pha rol tu byin pa ste/ bzo'i gnas dang / sbyor ba'i gnas dang / las kyi gnas thams cad la mi 'jug pa yang ma yin te/ rigs kyi bu 'di ni byang chub sems dpa' rnams kyi pha rol tu byin pa dang / rab tu ldan pa'i chos yang dag par brjod pa'o// gzhan yang rigs kyi bu rnam par smin pa la yang re ba med la/ rnam pa thams cad kyis dngos po thams cad yo su gtong ba'i phyir yang brtson pa dang / tshul khrims la yang rnam par mi rtog la/ srog gi phyir yang bslab pa mi 'dral ba dang / mi thams 'i tshund kyang yin la// gnod ses kyi za ba dang ni sdang yang mi bskyed pa dang 'dod pa yang med la dge ba'i rtsa ba thams cad kyang rtsom pa dang / rnam par rtog pa yang med la bsam gtan dang / mngon par shes pa yang kun tu tshol ba dang / chos thams cad

  500. 251a

    la the tshom yang med la/ thos pa dang bsam pa dang / bsgom pa'i sbyor ba yang kun tu tshol ba dang // chos thams cad don du gnyer ba yang med la dge ba'i rtsa ba sna tshogs thams cad la yang dmigs pa dang / sems gang la yang mi gnas la smon lam thams cad kyang mngon par sgrub pa dang / nga rgyal dang / rgyags pa dang / dregs pa yang bcom la sra ba rdo rje ltar mi byed pa'i lus kyang sgrub pa dang / bstan bcos thams cad kyang shes la/ slob dpon dang / bla ma rnams kyang kun tu tshol ba 'di ni rigs kyi bu byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ / gzhan yang rig kyi bu sbyin pa la yang dga' la sems can ser sna can dang mthun par yang 'jug pa dang / tshul khrims la yang dga' la sems can tshul khrims 'chal pa dang mthun par yang 'jug pa dang / bzod pa la yang dga' la sems can gnod sems can sems phyin ci log tu gyur pa dang mthun par yang 'jug pa dang / brtson 'grus la yang dga' la sems can le lo can brtson 'grus chung ba brtson 'grus nyams pa dang mthun par yang 'jug pa dang / bsam gtan la yang dga' la sems can bya ba mang pos g.yengs pa sems phyin ci log tu gyur pa dang mthun par yang 'jug pa dang / shes rab la yang dga' la sems can blun po lug

  501. 251b

    / ltar lkugs pa'i rang zhin can rtag tu ma dad pa dang mthun par yang 'phru pa dang / thab la yang dga' la bya ba thams cad kyang don du mi gnyer ba dang / smon lam la yang dga' la sems can 'khor bas mus byung ba dang mthun par yang 'jug pa dang / stobs la yang dga' la sems can nyam chung ba mthu med pa dang mthun par yang 'jug pa dang / ye shes la yang dga' la sems can 'khor ba la mngon par dga' ba dang mthun par yang 'jug pa 'di ni/ rigs kyi bu byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o/ / gzhan yang rigs kyi bu byang chub sems dpa' sbyin pa'i pha rol tu phyin pas ni/ lag ni rin po che dang nam mkha'i mdzod thob bo// tshul khrims kyi pha rol tu phyin pas ni ngan song thams cad las shin tu 'da' ba dang / 'chi 'pho dang skye ba la dbang ba dang / cang shes pa'i sems thob bo// bzod pa'i pha rol tu phyin pas ni/ de bzhin gshegs pa'i sku mtshan dang dpe byad bzang pos legs par brgyan pa lta bas mi ngoms pa thob bo/ / brtson 'grus kyi pha rol tu phyin pas ni mngon par shes pa myur ba dang / chos thams cad la dbang byed pa thob bo/ / bsam gtan gyi pha rol tu phyin pas ni lus dang sems yid du 'ong ba dang / gzungs dang spobs pa rnam pa tha dad pa dang nyon mongs pa'i sgrib pa spong ba thob po// shes/

  502. 252a

    rab kyi pha rol tu phyin pas ni mi 'jigs pa dang / so so yang dag par rig pa bzhi thob bo// thabs kyi pha rol tu phyin pas ni bya smra ba dang lus dang ngag dang / yid kyi/ las kyi mtha' kha na ma tho ba med pa thob bo// smon lam gyi pha rol tu phyin pas ni skye ba thams cad du skye ba dran pa dang / ji ltar 'dod pa bzhin du 'gro ba dang / ji ltar 'dod pa bzhin du dga' bar 'gyur ba thob bo/ / spobs kyi pha rol tu phyin pas ni nyon mongs pa thams cad dang / bdud dang phas kyi rgol ba thams cad kyis mi brdzi ba dang / 'jig rten thams cad las mngon par 'phags pa thob bo/ / ye shes kyi pha rol tu phyin pas ni phung po dang 'chi bdag dang nyon mongs pa dang / lha'i bu'i 'dud las yang dag par 'da' ba tho ba ste/ rigs kyi bu 'di/ ni byang chub sems dpa' rnams kyi pha rol tu phyin pa dang rab tu ldan pa'i chos yang dag par brjod pa'o// gzhan yang rigs kyi bu byang chub sems dpa' ni sbyin pa'i bsngags pa smra ba yang yin la/ sbyin pa'i dag go snyam du yang mi bsnyems so// de bzhin du tshul khrims dang bzod pa dang brtson 'grus dang / bsam gtan dang shes rab dang thabs dang / smon lam dang stobs dang / ye shes kyi bsngags pa smra ba yang yin la/ ye shes kyis dag go snyam du yang mi bsnyems so// de ci'i phyir zhe na/ chos de dag thams cad ni

  503. 252b

    yang dag par bsgrubs nas spang bar bya ba'o/ / 'di dag thams cad ni yongs su brtags pa las byung ba'o// de bas na gang yongs su rtog pa dang / yongs su rtog pa las byung ba'i chos de dag ni spang bar bya'o/ / de bas na byang chub sems dpa' ni yongs su rtog pa dang / yongs su rtog pa las byung ba'i chos rnams kyis dag go snyam du mi bsnyems te/ gzhan du na rnam par mi rtog pa spros pa med pa'i yul gyis ye shes thob pas/ byang chub mngon par rdzogs par 'tshang rgya'o// smras pa/ rigs kyi bu byang chub ces bya ba 'di chos gang gi tshig bla dgas/ byang chub sems dpa' rtsom pa med kyis smras pa/ rigs kyi bu byang chub sems ces bya ba 'di ni rnam par mi rtog pa spros pa med pa'i chos kyi tshig bla dgas so// de la ngar 'dzin pa'i spros pa ni byang chub ma yin te// nga 'dzin pa nye bar zhi zhing spros pa med pa ni byang chub bo// nga yir 'dzin pa'i spros pa ni byang chub ma yin te/ nga yir 'dzin pa nye bar zhi zhing spros pa med pa ni byang chub bo// rga ba dang na ba dang / 'chi ba dang / sdug bsngal gyi rgyun gyi spros pa ni byang chub ma yin te/ rga ba dang na ba dang 'chi ba dang / sdug bsngal gyi rgyun nye bar zhi zhing spros pa med pa ni byang chub bo// ser sna dang 'chal ba'i tshul khrims dang / gcodang sems dang le lo dang / rnam par g.yeng ba dang / 'chal pa'i shes rab kyi spros pa ni byang chub ma yin te/ smin pa dang / tshul khrims dang bzod pa dang brtson

  504. 253a

    'grus dang bsam gtan dang / shes rab spros pa med pa ni byang chub po// lta ba dang rnam par rtog pa dang / smon lam gyi spros pa ni byang chub ma yin te/ stong pa nyid dang mtshan ma med pa dang / smon pa med pa dang spros pa med pa ni byang chub bo// gzhan yang rigs kyi bu chos thams cad ni byang chub bo// chos thams cad ni byang chub pa ma yin no// rnam grangs gang gis na chos thams cad byang chub yin la/ chos thams cad byang chub kyang ma yin/ smras pa chos thams cad kyi mnyam pa nyid dang chos thams cad kyi de bzhin nyid khong du chud pa ni byang chub bo/ / chos thams cad la ngar 'dzin pa dang / nga yir 'dzin pa la mngon par chags pa ni byang chub ma yin no// gzhan yang rigs kyi bu byang chub ces bya ba de ni nye bar zhi ba'i tshig bla/ dgas so// nye bar zhi ba zhes bya ba de ni chos thams cad kyi de bzhin nyid kyi tshig bla dgas so// smras pa/ rigs kyi bu de bzhin nyid de bzhin nyid ces bya ba de gang gi tshig bla dgas/ smras pa/ rigs kyi bu de bzhin nyid de bzhin nyid ces bya ba de ni stong pa nyid kyi tshig bla dwags te/ stong pa nyid de ni mi skye mi 'gag go/ smras pa/ gang bcom ldan 'das kyis kyang 'di skad du/ chos thams cad ni stong ngo zhes gsungs te/ de bas na chos thams cad ni mi skye mi 'gag go/ byang chub sems dpa' rtsom pa med kyis smras pa/ rigs kyi bu de de bzhin no// ji ltar khong

  505. 253b

    du chud pa bzhin te/ chos thams cad ni mi skye mi 'gag go// smras pa gang 'di bcom ldan 'das kyis 'dus byas kyi chos thams cad ni skye'o 'gag go zhes gsungs na/ de bzhin gshegs pas 'di ci las dgongs te gsungs/ smras pa/ rigs kyi bu 'jig rten gnas pa skye ba dang 'gag pa la mngon par chags pas/ de la de bzhin gshegs pa thugs rje chen pos 'jig rten dngang ba'i gnas gsal ba'i phyir tha snyad kyi dbang gis skye'o 'gag go zhes gsungs te/ 'di la chos gang yang skye ba dang 'gag pa med do// de bas na rigs kyi bu byang chub sems dpas sangs rgyas shes par bya/ sangs rgyas kyi chos rnams shes par bya/ sems can rnams shes par bya/ sems can gyi chos rnams shes par bya/ bdag shes par bya/ bdag gi chos rnams shes par bya'o// de nas byang chub sems dpa' sems dpa' chen po rtsom pa med kyis de'i tshe don de nyid tshigs su bcad pa 'di dag gis smras pa/ byang chub sems dpa' bag yod pas/ sangs rgyas 'byung dang sangs rgyas dang / sangs rgyas chos dang de dag ni// rang bzhin ci 'dra rab tu shes/ sangs rgyas 'jig rten mkhyen mchog ni/ / zag med dge ba'i phung po ste// sems can bsam pa'i dbang gis 'byung // sngon gyi 'du byed rgyu las skye// gang gis sangs rgyas rnam rtogs

  506. 254a

    pa/ / dpa' bo de ni pha rol phyin/ de ni thams cad yongs su shes// des ni thams cad khong du chud/ byang chub sus kyang ma byin te// gang gis kyang ni bzung ba med/ bdag gi chos rnams yongs shes pas// sangs rgyas la ni sangs rgyas brjod// gang gis bdag ni rang bzhin gyis// 'du shes tsam du rnam rig pa// de ni sangs rgyas ci 'dra dang // byang chub rang bzhin ci 'dra shes// 'gro ba thams cad 'du shes tsam// yongs su rtogs pa rnams kyis brjod// rmi lam sgyu ma la sogs mtshan// byang chub sems dpas rnam par gyi/ / ji ltar tshul 'di shes 'gyur zhes// gang zhig de snyam sems 'gyur na// dbang po'i rta rnams rab btul ba// mnyam gzhag de ni rab tu shes// de la dgra dang zin med de// dgos pa dang ni mi dgos med// dor ba med cing gzung ba med// yang dag chos brjod 'di 'dra'o// chos rnams kun la yang dag tshig/ chos rnams yang dag brjod ces bya// de ngag yang dag tshig min ni/ / de ni skyon chags chos shes brjod// 'dod chags chos dang 'dod med ni// dag pa rnams kyis mnyam par mthong // de bzhin zhe sdang gti mug ste// 'di ni chos rnams yang dag brjod/ / sems can kun la phan pa'i phyir// snying rje'i bdag nyid go bgos pa// gang zhig rang bzhin stong min pa// sems can rab tu mi mthong ste// de ltar chos nyid gang

  507. 254b

    shes shing / / rtag tu kun tu dri med la// 'jigs med thang la byin de dag/ sangs rgyas khong du chud par gyur// dper na sgyu ma'i mkhan po zhig/ sprul pazar bar bya phyir brjon// des ni snga nas de shes pas/ / sprul pa de la chags pa med// srid gsum sprul pa 'dra bar ni// rdzogs pa'i byang chub mkhas pas shes// 'gro ba'i ched du go bgos te// 'gro ba de ltar snga nas shes/ bdag ni yang dag ma yin zhing // sems can rang bzhin stong par mthong // kun tu song ba'i chos mthong nas// bzod pa thob ste thang la gnas// gang du'ang 'jug pa ma yin te// gang nas kyang ni ldog med pa/ / de ni 'jug med ldog med de// thang la gnas pa'i bram ze'o// nam zhig bsam pa mnyam pa yis// yang dag chos kyi dbying la gnas// de tshe sangs rgyas rnams kyis 'di/ / rdzogs pa'i sangs rgyas 'gyur lung ston// nam zhig bdag ni ji lta bar// de bzhin sangs rgyas lung bstan dag/ mthong gyur drim bor ba ni// rgyal ba rnams kyis lung ston to/ / sgrib pa med pa'i dbyings gnas nas// de nas mya ngan 'das la spyod// snying rje chen po'i bdag nyid ni// kun tu khan ma tho med// byang chub sems dpa' blo ldan gang // chos rnams yang dag brjod 'dod cing // yang dag chos brjod don gnyer de// yang dag chos brjod 'di bgrod do// sems can chen po des tshigs su bcad pa bstan pa 'di bshad pa na//

  508. 255a

    byang chub sems dpa' sum khri nyis sno nI/ mi skye ba'i chos la bzod pa thob par gyur to// lha'i bu brgyad skyong ni chos rnams la chos kyi mgu rdul dang bral zhing drim med pa rnam par dag go/ / / bam po bzhi pa// gzhan yang byang chub sems dpa' sems dpa' chen po rtsom pa med kyis/ byang chub sems dpa' sems dpa' chen po blo gros rnam par gnon la 'di skad ces smras so/ / rigs kyi bu byang chub sems dpas ni bden pa ces su byas te/ rigs kyi bu bden pa yang dag par brjod pa ni/ byang chub sems dpa' rnams kyi chos yang dag par brjod pa'o/ / rigs kyi bu de bden pa gang zhe na/ gang byang chub sems dpa' bla na med pa yang dag par rdzogs pa'i byang chub tu sems bskyed nas// sems de srog gi phyir yongs su mi 'dor zhing / sems can rnams la log par yang mi sgrub pa ste/ 'di ni byang chub sems dpa'i bden pa'o// gang byang chub sems dpa' bla na med pa yang dag par rdzogs pa'i byang chub tu sems bskyed nas/ phyis sems de 'dor zhing sems can thams cad la log par sgrub pa 'di ni/ byang chub sems dpa'i rab tu smad pa brdzun du smra ba'o/ / smras pa ji ltar na/ bla na med pa yang dag par rdzogs pa'i byang chub tu sems bskyed nas/ sems de phyis yongs su mi 'dor zhing / sems can thams cad log pa mi smrab pa

  509. 255b

    yin/ smras pa/ nam byang chub sems dpa' sdug bsngal gyi bden pa shes shing / kun 'byung ba'i bden pa dang / 'gog pa'i bden pa dang / lam gyi bden pa shes pa na/ de sems de yongs su mi 'dor zhing / sems can thams cad la yang log par mi sgrub pa yin no// de ci'i phyir zhe na/ byang chub sems dpa' bden pa yongs su shes pa dang ldan pa ni/ sangs rgyas kyi byang chub las phyir mi ldog go/ smras pa/ sdug bsngal ni gang shes pa ni ji lta bu/ smras pa/ len pa'i phung po lnga po rnams la yid du 'ong ba dang / yid du mi 'ong ba'i rnam par smin pa ni sdug bsngal 'di ni sdug bsngal zhes bya'o/ / nam sdug bsngal de rten cing 'brel bar 'byung ba dang / stong pa dang / g.yo ba med pa dang / bdag dang / bdag gi dang bral ba shes pa 'di ni/ sdug bsngal shes pa zhes bya'o/ / nam sdug bsngal de kun 'byung ba tsam dang / rdzas med pa dang / rdzas ma yin pa dang / snying po med pa dang bdag po med par mthong ba 'di ni/ kun 'byung bshes pa zhes bya'o/ / nam sdug bsngal de sngon gyi mtha' nas kyang ma 'ongs/ phyi ma'i mtha' yang mi 'pho// da ltar byung ba la yang mi gnas te/ thog ma med pa can yin la/ rang bzhin gyi 'gags pa/ rang bzhin gyis stong pa/ rang bzhin gyis dben par shes pa 'di ni 'gog pa shes pa zhes bya'o// smras pa/ rigs kyi bu 'gog pa zhes bya ba'i 'di gang gi tshig bla dgas/ smras pa

  510. 256a

    rigs kyi bu 'gog pa ni cir yang brjod par bya ba ma yin no/ / smras pa/ rigs kyi gal te 'gog pa ni cir yang brjod par bya ba ma yin na/ de ci'i phyir 'gog pa zhes bya'o// smras pa/ rigs kyi bu 'gog pa zhes bya ba ni glo bur gyi sgrub pa med pa yang dag pa ma yin pa// yod pa ma yin pa/ kun brtags pa ste/ nam yang dag pa ma yin pa de la kun tu mi rtog pa de ni 'gog pa zhes bya'o/ / yang dag pa ma yin pa kun tu rtog pa 'gag pa na/ chos gang yang 'jig par mi 'gyur te de'i phyir chos thams cad ni shin tu 'gags pa zhes bya'o// smras pa/ rigs kyi bu bcom ldan 'das kyis kyang / byang chub sems dpa' 'gog pa mngon gsum du mi byed do// byang chub sems dpa' gang 'gog pa mngon sum du byed pa de ni/ nyan thos dang / rang sangs rgyas kyi sar ltung ngo zhes gsungs na/ bcom ldan 'das kyis de ci las dgongs te gsungs/ smras pa/ rigs kyi bu mngon sum du byed ces bya ba 'di ni/ bstan du med pa mngon sum du mthong ba'i tshig bla dgas so/ / bcom ldan 'das kyis kyang 'gog pa ni bstan tu med pa'i chos so zhes gsungs so// chos gang bstan du med pa de ni mngon sum du bya bar mi nus so// de bsam na bcom ldan 'das kyis byang chub sems dpa' 'gog pa mngon sum du mi byed mi mthong ngo zhes gsungs te/ de la dgongs nas byang chub sems dpa' ni 'gog pa mngon sum du mi byed do//

  511. 256b

    nyan thos ni chos la mtshan mar 'dzin pa'i blos 'gog pa mngon sum du byed do// gnas so// kun shes so zhes gsungs so// dmigs pa dang yid la byed pa gang dag gis/ 'di ltar shes 'di ltar mthong 'di ltar nges par byed pa 'di ni lam shes pa zhes bya'o/ / gzhan yang rigs kyi bu sdug bsngal zhes bya ba ni ngar 'dzin pa'o// nga yir 'dzin pa de'i rgyu dang bcas pa gang 'byung ba 'di ni kun 'byung ba shes pa zhes bya'o/ / nam de'i 'byung ba'i chos gang yang so sor nges pa ma yin par mthong ba 'di ni 'gog pa shes pa zhes bya'o// gang de ltar rnam par mthong zhing tshol ba 'di/ ni lam shes pa zhes bya'o// gzhan yang rigs kyi bu gang snyem pa de ni sdug bsngal ba'o// de ci'i phyir zhe na/ rigs kyi bu bcom ldan 'das kyis snyems pa'i rang bzhin ni sdug bsngal lo/ zhes gsungs so// snyems pa ni thams cad du yang dag pa ma yin pa'o// de bas na snyems pa kun 'byung ba ni sdug bsngal kun 'byung ba'o// sdug bsngal med pa ni 'gog pa'o// e shes gang gis snyem pa de la mi snyems pa de ni lam mo/ / rigs kyi bu bdag gis bskal ba 'am/ bskal pa las lhag par byang chub sems dpa' rnams kyis bden pa shes pa bstan pa 'di'i mtha' rtogs par mi nus so/ / bden pa bstan pa 'di bshad pa na byang chub sems dpa' drug stong gis bden pa yongs su bsgom pa phyir mi ldog pa'i sa khong du chud do// bar snang

  512. 257a

    la gnas pa'i lha'i bu mo stong phrag bcu ni chos rnams la chos kyi mig rdul dang bral zhing dri ma med pa rnam par dag go/ de nas byang chub sems dpa' sems dpa' chen po blo gros rnam par gnon gyis/ byang chub sems dpa' sems dpa' chen po rtsom pa med la 'di skad ces smras so// rigs kyi bu byang chub sems dpa'i dran pa nye bar gzhag pa ni gang / dran pa ni gang / dran pa'i gnas ni gang / de skad ces smras pa dang / byang chub sems dpa' sems dpa' chen po rtsom pa med kyis byang chub sems dpa' sems dpa' chen po blo gros rnam par gnon la 'di skad ces smras so/ / rigs kyi bu byang chub sems dpa' rnams ni chos thams cad la mi skye ba'i shes pa dran pa yin no// byang chub sems dpa' rnams ni mi skye ba shes pa'i smon lam can yin te/ de dag gis dran pa de yang mi skye ba shes pas yongs su sbyang ba byas pa/ thams cad du mi bskyod pa drang ba mi g.yo ba gting dang 'gram mi rtog pa/ / 'jig rten pa dang / nyan thos dang / rang sangs rgyas thams cad kyis shes par dka' bo ste/ byang chub sems dpa'i dran pa gang gis sangs rgyas thams cad kyis gsungs pa kun 'dzin pa'i dran pa de ni/ de bzhin gshegs pa dgra bcom pa yang dag par rdzogs pa'i sangs rgyas kyi mngon sum mo// byang chub sems dpa'i dran pa de ni 'di

  513. 257b

    'dra'o/ / byang chub sems dpa'i dran pa de'i gnas ni rnam pa bcu ste/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa dang / sangs rgyas rjes su dran pa'i dran pa nye bar gzhag pa dang / chos rjes su dran pa'i dran pa nye bar gzhag pa dang / dge 'dun rjes su dran pa'i dran pa nye bar gzhag pa dang / tshul khrims rjes su dran pa'i dran pa nye bar gzhag pa dang / gtong ba rjes su dran pa'i dran pa nye bar gzhag pa dang / lha rjes su dran pa'i dran pa nye bar gzhag pa ste/ 'di dag ni dran pa nye bar gzhag pa bcu'o/ / de la byang chub sems dpa' rnams kyi lus dran pa nye bar gzhag pa gang zhe na/ 'di la byang chub sems dpa' 'di ltar lus 'di ni sngon gyi mtha' nas ma 'odra phyi ma'i mthar mi 'pho/ sngon gyi mtha' dang phyi ma'i mtha' la mi gnas te/ gzhan du na yang dag pa ma yin pa phyin ci log las 'byung ba/ byed pa po dang tshor ba po med pa/ thog ma medapa tha ma dang dbus med pa/ rtsa ba gnas pa med pa/ bdag po med pa/ nga yir ba med pa/ yongs su 'dzin pa med pa ste/ tshogs shes bya ba dang / lus shes bya ba dang / longs spyod ces bya ba dang / gnas shes bya ba dang / ro zhes bya ba dang / skye mched ces bya ba ni glo bur gyis tha snyad rnams kyis tha snyad du brtags pa'o// lus 'di ni snying po med pa ste/ ba

  514. 258a

    ma'i khu ba dang khrag las byung ba/ mi gtsang ba/ rul ba/ rang bzhin gyis dri mi zhim pa/ 'dod chags dang / zhe sdang dang / gti mug dang / 'jigs pa dang / sgyid lug pa/ rkun pos dkrugs pa dang / rtag tu 'jig pa/ 'bral ba/ 'brul ba/ rnam par 'thor ba/ rnam par 'joms pa'i chos can nad tha dad pa brgya stong gi tshang ngo snyam du sres la ldan pazhi bar 'jog go/ / gzhan yang rigs kyi bu byang chub sems dpa' ni 'di lta lus 'di ni nang pa dang / rkang sa dang / byin pa dang / brdad po// da do dang pa dang / lte ba dang / sgal tshigs dang / snying dang / rtsib logs dang / rtsi ba ma dang / lag pa'i thal mo dang / dpung pa dang / thal gong dang / mgrin pa dang 'gram pa dang / dpral ba dang / mgo'i thod pa 'dus pa tsam ste/ las 'byung ba'i byed pas bsags pas/ nyon mongs pa dang / nye ba'i nyon mongs pa dang / kun tu rtog pa dang / rnam par rtog pa tha dad pa brgya stong gi gnas so// 'di ni rdzas mang po 'dus pa 'di lta ste/ skra dang spu dang / sen mo dang / so dang rus pa dang / pags pa dang / sha dang lus dang rgyus pa dang / tshil dang / zhag dang / chu ser dang / mcher pa dang / gcin dang / phyi sa dang / pho ba dang / long ka dang / khrag dang / sngar snabs dang / mkhris pa dang

  515. 258b

    rnag dang / mchil ma dang / klad pa dang / klad rgyas rnams te/ de de ltar rdzas mang po 'dus pa yin no// de la lus shes ji skad du byas snyam du lus la dran pa nye bar 'jog go// de so sor rtog pa 'di snyam du sems te/ lus 'di ni nam mkha' dang mtshungs so snyam nas/ de lus la nam mkha' ltar dran pa nye bar 'jog go/ de thams cad nam mkha' ltar mthong ngo / / lus yongs su shes par byas pa las gang la yang dran pa mi 'jug go/ mi ldog go/ mi 'jug mi ldog pas zan pa la gnas pa zhes bya'o// de ltar dran pa la gnas pa ni 'di ltar lus ji lta bar byang chub kyang de bzhin du shes te/ 'di la thogs par bya ba med do// de ci'i phyir zhe na/ gang du thogs pa de thams cad ni tshul bzhin ma yin pa ste/ 'di ni byang chub sems dpa' lus dran po nye bar gzhag pa zhes bya'o/ / de la byang chub sems dpa'i tshor ba dran pa nye bar gzhag pa gang zhe na/ 'di la byang chub sems dpa'i 'di snyam du sems te tshor ba zhes bya ba ni khong du chud pa ste/ rig pa de yang phyin ci log pa dang / phyin ci ma log pa dang / de gnyis ka las rnam par grol ba'o snyam mo// de la byis pa so so'i skye bo sems g.yengs pa phyin ci log tu gyur pa rnams kyi tshor ba ni phyin ci log ste/ de dag ni mi rtag pa la rtag par tshor ro// sdug bsngal ba la bde bar tshor ro// bdag med pa la bdag tu tshor ro// mi gtsang ba

  516. 259a

    la gtsang bar tshor te/ 'di ni phyin ci log gi tshor ba'o// gang mi rtag pa la mi rtag par tshor ba dang / sdug bsngal la sdug bsngal du tshor ba dang / bdag med pa la bdag med par tshor ba dang / mi gtsang ba la mi gtsang bar tshor ba 'di ni nyan thos rnams kyi tshor ba'o// gang mi rtag pa la mi rtag pa dang / mi rtag pa yang ma yin par tshor/ ba dang / sdug bsngal la sdug bsngal yang ma yin/ bde ba yang ma yin par tshor ba dang / bdag med pa dang / bdag med pa yang ma yin par tshor ba dang / mi gtsang ba la mi gtsang ba dang / mi gtsang ba yang ma yin par tshor ba 'di ni/ byang chub sems dpa' rnams kyi tshor ba'o// byang chub sems dpa' de ltar tshor ba ni/ tshor ba po yang dag par rjes su mi mthong ngo / / de mi mthong bas tshor ba yang yang dag par rjes su mi mthong / de 'di snyam du sems te/ bcom ldan 'das kyis kyang 'dus byas thams cad ni tshor ba zhes gsungs so// gal te 'dus byas thams cad tshor ba ma yin na ni/ 'di la tshor ba po zhes bya ba ci zhig yod tshor ba ni ro tshor bar byed pa ma yin/ tshor ba dang tshor bar byed pa ma yin/ 'dus ma byas kyang 'dus byas tshetshor bar byed pa ma yin/ 'dus byas kyang 'dus ma byas las rnam par grol bar byed pa'i tshor ba gang yang med de/ de ltar tshor ba de dag tsher po med par yang dag par rjes su mthong ngo // 'di

  517. 259b

    la tshor bas rtsol ba gang yang yang dag par rjes su mthong ste/ byang chub ji lta bar tshor ba yang de bzhin du yang dag par rjes su mthong ba 'di ni/ byang chub sems dpa'i tshor ba dran pa nye bar gzhag pa zhes bya'o/ / de la byang chub sems dpa'i sems dran pa nye bar gzhag pa yang gang zhe na 'di la byang chub sems dpa' 'di snyam du sems te/ gang tshor ba de ni sems tsam mo// sems de ya gnas pa med pa gzung med pa lus med pa'o/ / gang gnas pa med pa gzung ba med pa lus med pa de'i gnas ji lta bu zhig yod snyam mo// sems kyis sems mi shes so// sems kyis sems mi mthong ngo / / gang la brten nas byung ba'i sems de yang gzhan la rag yas pa rang dbang med pa'o// sems ma gtogs par byang chub kyang mi shes so// de la byang chub sems tsam du shes pas sems la dbang thob bo/ / de sems la dbang bas theg pa chen po la dbang byed pa dang / sems can thams cad la yang sems snyoms pa dang / theg pa chen po la gzhan gyi dring la mi 'jog pa yin te/ 'di ni byang chub sems dpa' sems dran pa nye bar gzhag pa zhes bya'o// de la byang chub sems dpa'i chos dran pa nye bar gzhag pa gang zhe na/ 'di la byang chub sems dpa' dge ba 'am/ mi dge ba 'am/ kha na ma tho ba dang bcas pa 'am kha na ma tho ba med pa 'am/ zag pa dang bcas pa 'am/ zag pa med pa 'am/ 'jig rten pa 'am/ 'jig rten

  518. 260a

    las 'das pa 'am/ nyan thos kyi chos sam/ rang sangs rgyas kyi chos sam/ so so'i skye bo'i chos sam/ chos gang dang gang la dran pa nye bar 'jog pa'i chos de shin tu bzung ba shin tu yongs su sbyang ba byas pa/ shin tu bsags pa/ shin tu chub pa/ rang gi kha na las da/ shin tu dbang byed pa'i dran pa des skye ba med pa dang / 'gag pa med pa mnyam par byed de/ gang skye ba med pa dang / 'gag pa med pa las rnam par grol ba dang / gang rten cing 'brel par 'byung ba las rnam par grol ba dang / gang stong pa nyid dang / mtshan ma med pa dang / smon pa med pa las rnam par grol ba'i chos de yang dag par rjes su mi mthong ngo // de 'di snyam du sems te/ chos thams cad ni bdag po med pa ste/ dben pa'i rang bzhin can chos thams cad ni bdag med pa ste/ gnyis su med pa'i rang bzhin can/ chos thams cad ni sgrib pa med pa/ nam mkha'i rang bzhin can/ chos thams cad ni rnam par mi rtog pa ste/ sems dang yid kyi rnam par shes pa dang / chos thams cad ni rnam par grol ba'i ngo bo nyid de/ nyon mongs pa med pa'i rang bzhin can/ chos thams cad ni smra ba med pa ste/ brjod du med pa'i rang bzhin can/ chos thams cad ni yi ge med pa ste/ 'dus ma byas pa'i rang bzhin can/ chos thams cad ni grangs med pa ste grangs tham cad las shin tu 'das pa/ chos thams cangad ni drang ba ste/

  519. 260b

    spros pa thams cad las shin tu 'das pa/ chos thams cad ni sa bon med pa'i phyir rtsa ba med pa/ chos thams cad ni rtsa ba rnam par byang ba'i phyir skyon med pa/ chos thams cad ni lus med pa'i phyir 'ongs pa med pa/ chos thams cad ni gnas med pa'i phyir song ba med pa/ chos thams cad ni rang bzhin gyis stong pa'i phyir chags pa med pa/ chos thams cad ni rten cing 'brel bar 'byung ba'i phyir stong pa/ chos thams cad rnam par mi rtog pa'i phyir nges par 'byung ba/ chos thams cad ni ji ltar 'dod pa bzhin khong du chud pa'i phyir rang gi kha na las pa/ chos thams cad ni shes bya'i ngo bo nyid kyi phyir byang chub pa/ chos thams cad ni rdzas med pa'i phyir ming tsam pa/ chos thams cad ni bstan tu med pa'i ngo bo nyid kyi phyir lta ba dang bral ba/ chos thams cad ni lus med pa'i phyir btsongs pa med pa/ chos thams cad ni ngo bo nyid med pa'i phyir gro ba med pa/ chos thams cad de bzhin nyid kyi ngo bo nyid kyi phyir thibs po med pa/ chos thams cad ni chos kyi dbyings dbyer med pa'i phyir dbyings gcig pa/ chos thams cad ni yang dag pa'i mtha' dang mnyam pa'i phyir tha mi dad do// snyam du de ltar chos la chos kyi rjes su lta zhing gnas so/ / de ltar tshe so la chos kyi rjes su lta zhing gnas pa'i byang chub sems dpa' ni sems can tha dad du mi byed/ chos tha dad du mi byed/ theg pa tha dad du mi byed/ sangs rgyas tha dad du mi byed

  520. 261a

    sangs rgyas kyi zhing tha dad du mi byed/ tha ma dang mchog dang / bcings pa dang thar pa dang / 'khor ba dang / mya ngan las 'das pa yang dag par rjes su mi mthong spong ba med/ 'dzin pa med/ 'jug pa med/ ldog pa med/ len pa med/ 'dor ba med de/ mi g.yo ba thob cing gnas pa yin te/ byang chub sems dpa' sems dpa' chen po zhi ba la gnas pa de/ sangs rgyas kyi zhing tha dad pa na gnas pa'i sangs rgyas bcom ldan 'das rnams kyis gzigs nas/ bla na med pa yang dag par rdzogs pa'i byang chub tu lung ston ste/ de ni byang chub sems dpa'i chos dran pa nye bar gzhag pa zhes bya'o/ / de la byang chub sems dpa'i sangs rgyas rjes su dran pa'i dran pa nye bar gzhag pa gang zhe na/ 'di las byang chub sems dpa' sangs rgyas rjes su dran pa'i dran pa nye bar gzhag pa sgom ste/ sems can thams cad mngon du byas nas/ bdag kyang sems can thams cad kyi ched du bla na med pa yang dag par rdzogs pa'i byang chub yang dag par sgrub bo/ / 'di ltar gang de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i stobs bcu dang / mi 'jigs pa bzhi dang sangs rgyas kyi chos ma 'dres pa bco brgyad po de dag bdag gis bsgrub par bya'o/ / snyam du dran pa nye bar 'jog go/ dran pa des gang sangs rgyas bcom ldan 'das rnams kyi dran pa bsam

  521. 261b

    gyis mi khyab pa/ dri ma med pa/ rnam par dag pa/ 'od gsal ba bag la nyal ba med pa/ bag chags kyi mtshams sbyor ba thams cad yang dag par chad pa/ ye shes sngon du 'gro ba ye shes kyi dbang du gyur pa/ sangs rgyas thams cad kyi dbang du gyur pa/ chos kyi dbang du gyur pa/ lha'i dbang du gyur pa/ nges par gyur pa/ thams cad thob pa/ shes bya'i sgrib pa'i dri ma med pa/ nyan thos dang / rang sangs rgyas thams cad kyis mi rtogs pas/ rang bzhin gyis rnam par mi rtog pa/ lhun gyis grub pa/ mthu sgrib pa med pa thogs pa med par gnas pa/ sems can thams cad kyi bsam pa rgyas par byed pa/ nam mkha' ltar 'gyur ba med pa'i sangs rgyas rjes su dran pa de dag rjes su dran no// dran pa rin po che sangs rgyas rnams kyi nor sangs rgyas rnams kyi mdzod de dag rjes su dran te/ de'i phyir sangs rgyas rjes su dran pa zhes bya'o// sangs rgyas dran pa yang ma yin/ mi dran pa yang ma yin par thams cad du lhun gyis grub cing rnam par mi rtog pa'i dran pa de dag rjes su dran te/ de'i phyir sangs rgyas rjes su dran pa zhes bya'o// sangs rgyas ni sems can dang chos la tha dad pa'i 'du shes mi mnga' ba skye de dag gi dran pa rjes su dran pas de'i phyir sangs rgyas rjes su dran pa zhes bya'o/ / sangs rgyas ni mi rtog rnam par mi rtog/ me len mi 'dor mi 'khor yongs su mya ngan las mi 'da'/ mi skye ma

  522. 262a

    'gag pa ste/ de dag rjes su dran pas de'i phyir sangs rgyas rjes su dran pa zhes bya'o// gzhan yang sangs rgyas bcom ldan 'das rnams ni bsod nams dang // ye shes kyi tshogs chen po mnga' ba byams pa chen po dang / snying rje chen po'i spyod yul can/ sems can gyi phung po chen po'i skyabs su gyur pa/ mgon du gyur pa/ sman pa chen po zug rngu byin pa/ sems can thams cad la sems snyoms pa/ rtag tu ting nge 'dzin spyod yul ba/ 'khor ba dang / mya ngan las 'das pa las rnam par grol ba/ nyon mongs pa dang shes bya'i sgrib pa thams cad kyi pha rol tu phyin pa/ sems can chen po'i gnas/ sems can chen po'i rten/ rnam par 'dren pa/ chos kyi sku spyod yul ba/ thams cad du khong khro ba med pa'i sems dang ldan pa/ rtag tu sems can gyi don la dgyes pa/ sku dang gsung dang thugs rgya che ba phyed par lung ston pa/ sku dang gsung dang thugs kyi 'phrin las kyi mtha' kha na ma tho ba med pa/ bag chags dang bcas pa'i 'dod chags dang / zhe sdang dang gti mug bkrus pa/ bdud dang phyir rgol ba thams cad bcom pa/ rtsod pa med pa/ chos kyi mchog dang ldan pa/ rgya mtsho thams cad pas ches zab pa/ rab thams cad pas ches mtho ba/ sa bas ches brtan pa/ chu bas ches mnyen pa/ me bas ches 'barab/ rlung bas ches chags pa med pa/ nam mkha' bas ches dri med pa/ yid kyis

  523. 262b

    'gro babs ches mgyogs pa/ yid bzhin gyi nor bu pas ches khyad par du 'phags pa/ thams cad mkhyen pa sems can thams cad la mtshungs par sbyor ba/ chags pa thams cad dang / bral ba/ sems can thams cad la phan par brtson pa'i rgyun ma btud pa/ gzugs tshad med pa/ sgra tshad med pa/ yon tan tshad med pa/ yul tshad med pa/ bsam gyis mi khyab pa/ sangs rgyas kyi chos bsam gyis mi khyab pa dang ldan pa/ sems dang yid dang / yid kyi rnam par shes pa'i yul las yang dag par 'das pa/ rigs pa dang zhabs kyi sems dang ldan pa/ lam gsum gyi sdig pa rnams yang dag par chad pa/ snying rje chen po'i lhag pa'i bsam pa can/ sems can thams cad dang thun mong ba'i yon tan can/ sems can thams cad kyil ma lta bur gyur pa/ dgra zin la sems snyoms pa/ ste'u dang tsan dan du mtshungs pa/ sems can tha ma dang 'bring dang / mchog thams cad la thams cad du rtag tu gsal bar byed pa'i chos can pha rol dpag par dka' ba/ sems can chen po// longs spyod chen po// rigs pa dang zhabs su ldan pa chen po// chos gsung ba chen po// 'dul ba gsung ba chen po// skyes bu chen po/ / skyes bu chen po'i mtshan dang ldan pa/ 'jig rten thams cad zil gyis non pa/ 'jig rten thams cad kyi snang bar gyur pa/ rnal 'byor chen po la rnal 'byor pa

  524. 263a

    bsam gtan chen po spyod yul ba/ rnam par grol ba chen po phun sum tshogs pa/ bdag nyid che ba skye bo chen po'i zhabs bring ba dang ldan pa/ skye bo khyad par can gyi zhabs 'bring ba dang ldan pa/ lta ba dang nyan pa dang bsten pa dang / bsnyen bkur byed pa mi zlog pa bdag bde ba la mi lta ba/ gzhan gyi sdug bsngal zhi bar byed pa la dgyes pa/ chos la gzhol ba/ chos kyi nor can/ chos kyi zas can/ chos kyi sman can/ chos kyi gter can/ chos kyi dbang phyug chos kyi bdag po// chos kyi sbyin bdag rtag tu gtong ba la mngon par dgyes pa/ rtag tu bag yod pa/ rtag tu dben pa la mngon par dgyes pa/ thams cad du stegs dang zam par gyur pa/ rgyal po'i lam chen po dang 'dra ba/ nyi ma chen po dang 'dra ba/ tshangs pa chen/ po dang 'dra ba/ ye shes chen po'i rdo rje 'chang ba/ chos chen pos dbugs 'byin pa/ gzugs blta bas mi ngoms pa mthong bas mi ngoms pa ste/ sangs rgyas bcom ldan 'das de dag de ltar rjes su dran no/ / de ltar de dag rjes su dran pas de dag gi yon tan yongs su sgrub pa'i phyir sbyor ro// dran pa nye bar 'jog go// brtson 'grus rtsom mo// de'i phyir sangs rgyas rjes su dran pa zhes bya ste/ 'di ni byang chub sems dpa'i sangs rgyas dran pa'i dran pa nye bar gzhag pa zhes bya'o// de la byang chub sems dpa'i chos rjes su dran pa'i dran pa nye bar

  525. 263b

    gzhag pa gang zhe na/ 'di la byang chub sems dpa' 'di snyam du sems te/ gang sangs rgyas bcom ldan 'das de dag ni yon tan mtha' yas mu med pa ste/ de dag ni chos las skyes pa chos kyi bgo skal la spyod pa chos kyis sprul pa/ chos bdag por gyur pa chos las byung ba/ chos kyi spyod yul/ chos la rtog pa/ chos kyi grub pa ste/ grang sangs rgyas bcom ldan 'das rnams kyi mtshan dang dpe byad bzang po de dag kyang chos las skyes pa/ chos kyis rnyed pa/ chos kyis grub pa'o// gang de bzhin gshegs pa rnams kyi de bzhin gshegs pa'i stobs bcu dang / mi 'jigs pa bzhi po de dag kyang chos las skyes pa/ chos kyis rnyed pa/ chos kyis grub pa'o// gang de bzhin gshegs pa rnams kyi sangs rgyas kyi chos ma 'dres pabaco brgyad po de drag kyang chos las skyes pa/ chos kyis rnyed pa/ chos kyis grub pa'o// gang 'jig rten pa dang / 'jig rten las 'das pa'i bde ba yod pa de dag kyang chos las skyes pa/ chos kyis rnyed pa/ chos kyis grub pa'o// de lta bas na bdag sangs rgyas kyi byang chub tshol bas chos gtso bor bya'o// chos spyod yul ba dang / chos la rton pa dang / chos la gzhol ba dang / chos snying por byed pa dang / chos kyi rjes su mthun pa'i chos sgrub par bya'o snyam pa 'di ni/ byang chub sems dpa'i chos rjes su dran pa'i dran pa nye bar gzhag pa zhes bya'o//

  526. 264a

    gzhan yang byang chub sems dpa' 'di snyam du sems te/ chos ni sems can thams cad la mnyam par 'jug pas/ chos ni tha ma dang 'bring dang rab tu mthong nas 'as pa ma yin te/ de ltar bdag gis kyang chos dang 'dra ba'i sems su bya'o// chos ni phyogs su ma lhung bas chos ni ngor lta zhing 'jug pa ma yin te/ de ltar bdag gis kyang chos dang 'dra ba'i sems su bya'o/ / chos ni dus chad pa med pa 'di mthong ba la don yod pa rang gis rigs pas chos ni dus la lta zhing 'jug pa ma yin te/ de ltar bdag gis kyang chos dang 'dra ba'i sems su bya'o/ / chos ni mtho dman med pas chos ni rgya che ba la 'jug pa ma yin// dman pa la 'jug pa ma yin te/ de ltar bdag gis kyang chos dang mthun pa'i sems su bya'o// chos ni mchog dang tha ma dang bral bas chos ni rnam par dag pa la 'jug pa yang ma yin/ nyams pa la 'jug pa yang ma yin te/ de ltar bdag gis kyang chos dang 'dra ba'i sems su bya'o// chos ni zhing dang zhing ma yin pa'i lta ba dang bral bas/ chos ni 'phags pa la 'jug pa yang ma yin/ so so'i skye bo la 'jug pa yang ma yin te/ de ltar bdag gi kyang chos dang 'dra ba'i sems su bya'o/ / chos ni rtag tu rgyun mi 'chad par 'jug pas/ chos ni nyin mo 'jug pa ma yin/ mtshan mo 'jug pa ma yin/ mtshan mo 'jug la nyin mo mi 'jug pa ma yin te/ de ltar bdag

  527. 264b

    gis kyang chos dang 'dra ba'i sems su bya'o/ / chos ni gang la yang nam yang sdod pa ma yin pas chos ni 'dul ba'i dus las kyang mi 'da' ste/ de ltar bdag gis kyang chos dang 'dra ba'i sems su bya'o/ / chos ni thams cad du 'dod pa med pas chos ni sdang ba rnams la zhe 'gras pa yang med/ dad pa rnams rjes su chags pa yang med de/ de ltar bdag gis kyang chos dang 'dra ba'i/ sems su bya'o// chos ni bri ba yang ma yin gang ba yang ma yin te/ dpag tu med grangs med pas nam mkha' ltar 'bri ba yang ma yin/ 'phel ba yang ma yin te/ de ltar bdag gis kyang chos dang 'dra ba'i sems su bya'o/ / chos ni sems can rnams kyis bsrung ba ma yin gyi chos kyis sems can rnams srung ba ste/ de ltar bdag gis kyang chos dang 'dra ba'i sems su bya'o/ / chos ni skyabs yongs su tshol ba ma yin pas chos ni 'jig rten thams cad kyi skyabs yin te/ de ltar bdag gis kyang chos dang 'dra ba'i sems su bya'o// chos ni thogs da med pa'i mtshan nyid pas chos ni gang la yang thogs pa med de/ de ltar bdag gis kyang chos dang 'dra ba'i sems su bya'o// chos ni bag la nyal med pas bag la nyal mi 'jug ste/ de ltar bdag gis kyang chos dang 'dra ba'i sems su bya'o// chos ni rtag tu rnam par mi rtog pas chos ni 'khor bas 'jigs skrag pa yang ma yin/ mya ngan las 'das pa las rjes su

  528. 265a

    chags pa yang ma yin te/ de ltar bdag gis kyang chos dang 'dra ba'i sems su bya'o snyam mo// de ltar byang chub sems dpa' chos la chos ltar dran pa nye bar 'jog pas/ de'i phyir chos rjes su dran pa zhes bya te// rigs kyi bu 'di ni byang chub sems dpa'i chos rjes su dran pa'i dran pa nye bar gzhag pa zhes bya'o// de la byang chub sems dpa'i dge 'dun rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ dge 'dun ni chos smra ba/ chos spyod pa/ chos sems pa/ chos kyi zhing / chos 'dzin pa/ chos la rton pa/ chos la mchod pa/ chos kyi bya ba byed pa/ chos spyod yul ba/ chos spyod pa phun sum tshogs pa rang bzhin gyis drang baparang bzhin gyis dag pa/ snying rje ba'i chos can snying rje dang ldan pa rtag tu dben pa spyod yul ba rtag tu chos la gzhol ba/ rtag tu dkar po spyod pa'o snyam mo// gzhan yang byang chub sems dpa' 'di snyam du sems te/ bcom ldan 'das kyis dge 'dun rnam pa du mar gsungs pa ni 'di lta ste/ kun rdzob kyi dge 'dun dang / don dam pa'i dge 'dun dang / rngo ma shes pa'i dge 'dun dang / ngo tsha med pa'i dge 'dun dang / 'phags pa'i dge 'dun dang / cang shes kyi dge 'dun dpa/ phyir mi ldog pa'i dge 'dun no snyam mo// de la byang chub sem/

  529. 265b

    dpa' ni kun rdzob kyi dge 'dun bsdu ba'i phyir nan tan byed do// don dam pa'i dge 'dun la sten pa'i phyir nan tan byed do// ngo tsha shes pa'i dge 'dun rnam par 'a bar bya ba'i phyi mas byed do// ngo tsha med pa'i dge 'dun yongs su gdul ba'i phyir nan tan byed do/ / 'phags pa'i dge 'dun la mchod cing bsti stang bya ba'i phyir nan tan byed do// cang shes kyi dge 'dun la sangs rgyas bzhin du nan tan byed do// phyir mi ldog pa'i dge 'dun la chos kyi gtam gyi phyir nan tan byed do// gzhan yang byang chub sems dpa' 'di snyam du sems te/ rig pa 'dzin pa'i phyir sangs rgyas kyi sras rnams kyi dge 'dun no// phyir yid du 'ongs pa'i 'bras bu rab tu sbyin pa'i phyir/ zhing bzang po rnams kyi dge 'dun no// gnas ngan len dang bral ba'i phyir 'jigs pa med pa rnams kyi dge 'dun no// yongs su 'dzin pa gtong zhing 'dor ba'i phyir sems rnam par grol ba rnams kyi dge 'dun no/ / shin tu dul ba'i phyir cang shes rnams kyi dge 'dun no// ma 'dres pa'i phyir nyon mongs pa med pa rnams kyi dge 'dun no// sdig pa dang bral ba'i phyir ngo tsha shes pa rnams kyi dge 'dun no/ / bka' blo bde ba'i phyir slob ma rnams kyi dge 'dun no// bdag yongs su shes pa dang ldan pa'i phyir bdag gi ba med pa rnams kyi dge 'dun mo/ zhi ba'i phyir rgyags pa med pa rnams kyi dge 'dun no// 'dod pa nyung ba'i phyir phyin ci ma log pa rnams kyi dge 'dun no// rnam par rtog pa yang dag par bcad pa'i phyir nad med pa rnams kyi dge 'dun no//

  530. 266a

    pha rol tu son pa'i phyir thang la gnas pa rnams kyi dge 'dun no// thang la gnas pa'i phyir bde ba thob pa rnams kyi dge 'dun no// de kho na mthong ba'i phyir bag yod pa rnams kyi dge/ 'dun no// skyon ma chags pa'i phyir dgon pa pa rnams kyi dge 'dun no// rgya che ba'i phyir byang chub la gzhol ba rnams kyi dge 'dun no// bslab pa gsum gyi bya ba shes pa'i phyir bslab pa 'dod pa rnams kyi dge 'dun no/ / dran pa nye bar gzhag pa spyod yul ba'i phyir/ dran pa dang ldan pa rnams kyi dge 'dun no// yang dag pa'i spong ba spyod yul ba'i phyir brtson 'grus brtsams pa rnams kyi dge 'dun no/ / rdzu 'phrul gyi rkang pa spyod yul ba'i phyir ngel ba med pa rnams kyi dge 'dun no// dbang po spyod yul ba'i phyir mi phyed pa rnams kyi dge 'dun no// stobs spyod yul ba'i phyir tsher ma bkrugs pa rnams kyi dge 'dun no/ / byang chub kyi yan lag spyod yul ba'i phyir bsgribs pa med pa rnams kyi dge 'dun no// lam spyod yul ba'i phyir yang dag par lta ba rnams kyi dge 'dun no// bden pa spyod yul ba'i phyir 'phags pa rnams kyi dge 'dun no/ / bsam gtan spyod yul ba'i phyir mnyam par gzhag pa rnams kyi dge 'dun no// rten cing 'brel par 'byung ba spyod yul ba'i phyir chos kyi 'khor lo rab tu bskor ba rnams kyi dge 'dun no/ / snying rje chen po dang ldan pa'i phyir mi ldog pa rnams kyi dge 'dun no// bsod nams thams cad kyi tshogs bsags pa'i phyir skye ba gcig gis thogs

  531. 266b

    pa rnams kyi dge 'dun no snyam mo/ / de la byang chub sems dpa' 'di ltar dge 'dun rjes su dran pas 'di snyam du sems te gang dge 'dun yang dag pa'i yon tan de dag ni drug dang sems can thams cad kyis kyang bsgrub par bya'o snyam pa 'di ni/ byang chub sems dpa'i dge 'dun rjes su dran pa nye bar gzhag pa zhes bya'o// de la byang chub sems dpa'i tshul khrims rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang 'jig rten pa dang / 'jig rten las 'das pa'i phun sum tshogs pa gang ci yang rung ba de dag thams cad ni tshul khrims las byung bar blta'o/ / de ci'i phyir zhe na/ tshul khrims ni phun sum tshogs pa de dag thams cad kyi gnas yin no// 'di lta ste/ dper na/ sa ni sman dang / rtsa dang / nags tshal thams cad kyi gnas yin no// de bzhin du tshul khrims kyang phun sum tshogs pa de dag thams cad kyi gnas yin no// byang chub sems dpa' tshul khrims kyi gnas la rab// tu gnas pa ni/ lha dang bcas pa'i 'jig rten gyi sbyin gnas yin no// sbyin pa'i chos yongs su rdzogs par yang byed do// tshul khrims kyi gnas la rab tu gnas pa'i byang chub sems dpa' ni dga' ba skye'o/ / yid dga' bas 'gyod pa med do// 'gyod pa med pas mchog tu dga' ba thob bo// mchog tu dga' bas lus dang sems shin tu sbyangs par gyur to// lus dang sems shi

  532. 267a

    tu sbyangs pas bde ste/ ting nge 'dzin thob bo// yid mnyam par gzhag pas yang dag pa ji lta ba bzhin du mthong ba yin no// yang dag pa ji lta ba bzhin du mthong ba'i byang chub sems dpa' ni/ sems can rnams la snying rje chen po 'jug go snyam mo// de yang 'di snyam du sems te/ bdag gis sems can thams cad la ting nge 'dzin gyi sgo 'di dang / chos rnams yang dag pa ji lta ba bzhin du mthong ba bsgrub par bya'o snyam mo/ / de snying rje chen po des bskul bas lhag pa'i tshul khrims dang / lhag pa'i sems dang / lhag pa'i shes rab la bslab pa yongs su rdzogs nas/ bla na med pa yang dag par rdzogs pa'i byang chub mngon par rdzogs par 'tshang rgya'o// de bas na bdag gis kyang tshul khrims la gnas pa mi bskyod pa mi lhod par bya'o/ / sems can thams cad mngon du byas nas/ tshul khrims bsrung bar bya'o snyam mo// de ci'i phyir zhe na/ byang chub sems pa'i tshul khrims de ni/ sems can thams cad la phan pa dang bde ba'i gnas la mi gnas pa ma yin no/ / gzhan yang byang chub sems dpa' 'di snyam du sems te/ byang chub sems dpa'i mngon par 'byung ba'i tshul khrims ni gnod sems med pa yongs su rdzogs par byed do/ / byang chub sems dpa'i rab tu 'byung ba'i tshul khrims ni bdog pa thams cad yongs su gtong ba yongs su rdzogs par byed do// byang chub sems dpa

  533. 267b

    bslab pa dang / sdom pa yang dag par 'dzin pa'i tshul khrims ni lus dang ngag dang sems yongs su dag pa yongs su rdzogs par byed do// byang chub sems dpa'i nges par sems pa'i tshul khrims ni mngon par shes pa drug yongs su rdzogs par byed do/ / byang chub sems dpa'i nang du yang dag 'jog pa'i tshul khrims ni/ byang chub kyi phyogs kyi chos rnams yongs su rdzogs par byed de// / byang chub sems dpa'i chos nyan pa'i tshul khrims ni so so yang dag par rig pa bzhi yongs su rdzogs par byed do// byang chub sems dpa'i thos pa yongs su tshol ba'i tshul khrims ni nga rgyal med pa yongs su rdzogs par byed do/ / byang chub sems dpa' dge ba'i bshes gnyen la bsnyen bkur byed pa'i tshul khrims ni/ yon tan gyi chos thams cad chud mi za ba yongs su rdzogs par byed do/ / byang chub sems dpa'i pha rol tu phyin pa'i tshul khrims ni/ thams cad mkhyen pa'i ye shes yongs su rdzogs par byed do// byang chub sems dpa'i ji ltar thos pa'i chos rnams ston pa'i tshul khrims ni/ chos smra ba nyid yongs su rdzogs par byed do// byang chub sems dpa'i ji ltar thos pa'i chos rnams sems pa'i tshul khrims ni/ gzugs dang spobs pa thob pa yongs su rdzogs par byed do/ / byang chub sems dpa'i byang chub kyi sems kyi tshul khrims ni/ skye ba thams cad las yang dag par 'da' ba yongs su rdzogs par byed do// byang chub sems

  534. 268a

    dpa'i sems can thams cad la khong khro ba med pa'i tshul khrims ni/ byang chub kyi sems chud mi za ba yongs su rdzogs par byed do// byang chub sems dpa'i byang chub kyi sems chud mi za ba'i tshul khrims ni/ dkon mchog gsum chud mi za ba yongs su rdzogs par byed do snyam mo// de yang 'di snyam du sems te/ tshul khrims bsrungs pas bsrung ba thams cad bsrungs pa yin no snyam pa 'di ni/ / rigs kyi bu byang chub sems dpa'i tshul khrims rjes su dran pa'i dran pa nye bar gzhag pa zhes bya'o// de la byang chub sems dpa'i gtong ba rjes su dran pa'i dran pa nye bar gzhag pa gang zhe na/ 'di la byang chub sems dpa' 'di snyam du sems te/ gang ci gtong ba de thams cad ni 'di lta ste/ zang zing gi gtong ba dang / chos kyi gtong ba dang / gtong ba rnam pa gnyis kyi nang du 'dus so snyam mo// de la zang zing gi gtong bas ni/ byang chub sems dpa'i mtshan dang / dpe byad bzang po yongs su skong ba dang / sangs rgyas kyi zhing yongs su dag pa dang / sems can yongs su smin par byed pa rnam par dag pa yong su rdzog par byed do// chos kyi gtong bas ni stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad yongs su rdzogs par byed do/ / bag chags kyang yang dag par 'joms par byed do// gzhan yang zang zing gi gtong bas ni/ phung po thams cad nges par 'dor bar byed do//

  535. 268b

    chos kyi gtong bas ni nyan thos dang rang sangs rgyas thams cad kyi sa las yang dag par zla'o// gzhan yang zang zing gi gtong bas ni mi skye ba'i lus yongs su sbyor bar byed do// chos kyi gtong bas ni chos kyi skur yongs su sbyor bar byed do/ / gzhan yang rigs kyi bu byang chub sems dpa' sems dpa' chen po zang zing gi gtong bas ni/ pha ma las byung ba'i stobs sgrub par byed de/ stobs de ni de bzhin gshegs pa dang / sa bcu la gnas pa'i byang chub sems dpa' rnams ma gtogs par su la yang med do// chos kyi gtong bas ni rdzu 'phrul gyi stobs sgrub par byed de/ stobs de nide bzhin gshegs pa dang / sa bcu la gnas pa'i byang chub sems dpa' rnam ma gtogs par su la yang med do// gzhan yang zang zing gi gtong bas ni yongs su smin par byed do// chos kyi gtong bas ni rnam par thar par byed do/ / gzhan yang zang zing gi gtong bas ni tshogs sogs so// chos kyi gtong bas ni sgrol lo// gzhan yang zang zing gi gtong bas ni nor yongs su gtong ngo // chos kyi gtong bas ni thams cad gtong ngo // gzhan yang zang zing gi gtong bas ni nyon mongs pa'i sgrib pa las rnam par grol ba sgrub par byed do// chos kyi gtong bas ni shes bya'i sgrib pa las rnam par grol bsgrub par byed do/ / gzhan yang gtong ba gtong ba zhes bya ba 'di ni/ yongs su rtog pa gtong ba'i tshig bla dgas so// 'di lta ste/ yongs su rtog pa gtong ba de ni gtong ba rnams

  536. 269a

    kyi dam pa'o/ / de ci'i phyir zhe na/ yongs su rtog pa btang bas byang chub sems dpa' dag pa zhes bya'o// smras pa/ rigs kyi bu yongs su rtog pa zhes bya ba 'di ni gang gi/ tshig bla dgas/ smras pa/ rigs kyi bu yongs su rtogs pa zhes bya ba 'di ni yang dag pa ma yin zhing / med pa las sgro btags pa'i tshig bla dgas so// smras pa/ ji ltar na yang dag pa ma yin zhing med pa las sgro btags pa yin/ smras pa/ nam 'di ltar bdag ni chags pa/ bdag ni zhe sdang ba/ bdag ni gti mug pa/ bdag ni nyon mongs pa/ bdag ni rnam par dag pa/ bdag ni bcings pa/ bdag ni grol ba/ bdag ni 'khor ba/ bdag ni yongs su mya ngan las 'das pa'o// snyam pa la sogs par sgro btags pa thams cad ni yang dag pa ma yin zhing med pa las yongs su btags pa'o/ / de ci'i phyir zhe na/ 'di dag thams cad ni rgyu dang rkyen tsam ste/ 'di la bdag dang bdag gi med/ sems can med srog med/ gang zag med shes las skyes med shed bu/ med do// rgyu rkyen de dag kyang rang bzhin gyis stong pa/ rang bzhin gyi dben pa sems dang yid dang / yid kyi rnam par shes pa dang bral ba/ mi sems pa yongs su mi rtog pa/ kun nas nyon mos pa ma yin pa/ rnam par byang ba ma yin pa/ 'khor ba ma yin pa/ yongs su mya ngan las 'das pa ma yin pa'o// de la byang chub sems dpa' yod pa ma yin pa la sgro mi 'dogs shing

  537. 269b

    sgro 'dogs pa btang bas gtong ba phun sum tshogs pa zhes bya'o/ / nam chos de dag rjes su dran pa de na de'i gtong ba rjes su dran pa zhes bya/ gzhan yang rigs kyi bu byang chub sems dpa' rnams kyi gdong pa rnam pa gsum ste/ gtong ba dang / gtong ba chen po dang / shin tu gtong ba'o// de la byang chub sems dpa' rnams kyi gtong ba gang zhe na/ 'di lta ste/ bza' ba 'dod pa rnams la bza' ba sbyin pa dang / btung ba dang bzhon pa dang / gos dang mar me dang bdug spos dang / spos dang 'phreng ba dang / byug pa dang / phye ma dang / gos dang / gdugs dang rgyal mtshan dang / ba dan dang shing rta dang / rgyan la sogs pa sbyin pa ste/ sbyin pa gang sems can rnams la gnod pa dang / phongs par 'gyur ba de ma gtogs par byang chub sems dpa' dag sems can rnams mi sbyin pa gang yang med de/ 'di ni byang chub sems dpa' rnams kyi gtong ba zhes bya'o// de la byang chub sems dpa' rnams kyi gtong ba chen po gang zhe na/ 'di la byang chub sems dpa' gtong ba phun sum tshogs nas/ gtong ba chen po byed de/ 'di lta ste/ chung ma dang bu dang bu mo dang / yid du 'ong ba'i bran po dang / bran mo dang las byed pa dang / zho shas 'tsho ba dang / khyim dang rgyal srid rnams yongs su gtong ba 'di ni byang chub sems dpa'i gtong ba chen po zhes pa'o/ / de la byang chub sems dpa' rnams kyi shin tu gtong ba gang zhe na/ 'di la byang chub sems dpa'

  538. 270a

    gtong ba dang / gtong ba chen po phun sum tshogs nas shin tu gtong ba byed de/ 'di lta ste/ lag pa dang / rkang pa dang / rna ba dang / sna dang sha dang / rus pa dang pags pa dang / mig dang lce dang / mgo rus dang / rkang la sogs pa yongs su gtong ba ste/ 'di ni byang chub sems dpa'i shin du gtong ba zhes bya'o// de la byang chub sems dpa' des gtong ba dang / gtong ba chen po dang / shin tu gtong ba de dag rjes su dran nas/ bdag gis kyang dran pa de dag yongs su rdzogs par bya'o snyam pa 'di ni/ de'i gtong ba rjes su dran pa zhes bya ste/ 'di ni byang chub sems dpa'i gtong ba rjes su dran pa'i dran pa nye bar bzhag pa zhes bya'o// de la byang chub sems dpa'i lha rjes su dran pa'i dran pa nye bar gzhag pa gang zhe na/ 'di la byang chub sems dpa'i ni gang rnam par dag pa'i lha nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas de dag rjes su dran no// 'a'adi ltar de dag rjes su dran te sgrub pa dang / yon tan dang / skye ba dang / longs spyod dang / kun dpyod pa dang / rtsom pa dang / rab tu thob pa dang / yongs su grub pas kyang rjes su zan pa 'di ni lha rjes su dran pa'i dran pa nye bar gzhag pa zhes bya'o/ / gang lha de dag kyang rjes su dran no// 'di ltar de dag rjes su dran te// lha 'di dag ni las dge ba'i 'bras

  539. 270b

    bu las byung ba'o/ / dge ba'i las de dag ni 'di lta ste/ dge bcu'i las kyi lam mi dge ba las zlog pa rnams so// de las lha gang rnams kha dog dang ldan pa/ bde ba mang ba/ dbang po tshig mi ba de dag thams cad ni/ dge ba bcu'i las kyi lam gyi rnam par smin pa'o snyam ste/ de la byang chub sems dpa' lha'i bde ba de la rjes su yi rang nas/ sems can thams cad la phan pa'i phyir/ bla na med pa yang dag par rdzogs pa'i byang chub tu yongs su bsngo'o// lha'i bde ba de yang sems can thams cad kyir 'dod do// bde ba de sems can thams cad kyi 'dod pas dge ba'i rtsa ba de yongs su grub par bya ba'i phyir brtson 'grus chen po rtsom mo/ / ngan song rnams su skyes pa'i sems can dag la snying rje chen po snyed de/ de 'di snyam du bdag gis 'di ltar sems can thams cad lha'i 'jig rten du skye bar 'gyur ba'i las byed du gzung do/ / sems can gang dag lhar gyur pa de dag ni/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ / gang gis sems can rnams lha'i bde ba thob nas/ phyis nyams par mi 'gyur ba dang bde bar gyur nas 'di lta ste/ de bzhin gshegs pa'i nye bar zhi ba'i bde ba thob par 'gyur ba'i las de dag sems can rnams byed du gzhag go snyam du sems pa 'di ni byang chub sems dpa'i lha rjes su zin pa'i dran pa nye bar gzhag pa zhes bya ste/ rigs kyi bu de dag ni

  540. 271a

    byang chub sems dpa' rnams kyi dran pa nye bar gzhag pa bcu'o/ / de nas byang chub sems dpa' sems dpa' chen po rtsom pa med kyi/ de'i tshe don de nyid tshigs su bcad pa bdag gis smras pa/ gang phyir sdug bsngal ma gtogs par// stong pa nyid ni mi dmigs pas// sdug bsngal sdug bsngal mi blta ste/ sdug bsngal stong par blta bar bya/ / stong pa nyid ni lta 'dod pas// sdug bsngal yang dag blta bar bya// sdug bsngal stong pa nyid kyi don// stong pa nyid ni 'dus ma byas// sdug bsngal byas pa ma yin pas// sdug bsngal la ni byed pa med/ / sdug bsngal bral ba'i byed pa po// ma byung 'byung bar mi 'gyur ro// gal te sdug bsngal yang dag tu// kun nas sgrub pa med gyur te/ gal te sdug bsngal byas min na/ / 'di la kun 'byung ga la yod// sdug bsngal la ni 'ong med de// gang du yang ni 'gro min na// gang gis de yi chags 'byung ba// sdug bsngal med na ga la yod// gal te sdug bsngal kun 'byung ste/ sred pa kur 'byung bshad na ni// sred can sred yod ma yin na// med na kun 'byung ji ltar 'gyur// sdug bsngal la ni 'ong med de// 'ong ba med na cing zhig 'gro// 'ong dang 'gro ba med par ni// 'gog pa zhi ba zhes bstan to// chos rnams ngo bo nyid kyis zhi// rtsa bdag cing 'od kyang gsal// 'gog pa dang ni chos rnams mtshungs// thams cad mthar

  541. 271b

    gnyis rab tu spangs/ / sngon du skyes pa'i chos rnams kun// de ma thag tu 'gag par 'gyur// 'gag pa med par skye ba med// skye ba med par zad pa med// de ltar gang gi blo tshol ba// de ni chags med zag med lam/ / lam ni gzings dang 'dra bar bstan// mdor na gzings ni spang bar bya// gang ba sogs spang bar bya ba yin// chos de la ni ci zhig dga'// lam spangs thang la gnas pa de/ / rnal 'byor pa ni grol zhes brjod// des ni lam gyi ye shes kyis// gang phyir chos kun bsgoms pas na// grol ba'i mtshan nyid rab bstan pa// de ni gang du'ang rtsod pa med// skra dang ba spu sen mo so// sha dang rus pa khrag dang zhag/ tshil dang sha rgyas phyi sa dang / mkhris pa bad kan klad pa dang // mcher pa rgyas pa gnye ma dang // gcin gyi phung po lus shes brjod// rnal 'byol pas ni lus rnams la/ / yod min kun brtags tsam du mthong // 'di la byed dang tshor ba dang // mthong ba po ni gang yang med// lus shes bya ba rang bzhin gyis// grong stong dang ni 'dra/ ba'o// tshor ba myong bar bstan pa gang // tshor ba po las tshor ba gzhan// gud na yod pa ma yin na// gang gis de ni myong bar 'gyur// byang chub ci 'dra de bzhin du// zhi zhing dag la 'od gsal bar/ / tshor ba 'di la mkhas rnams kyis// dran pa de ltar nye bar gzhag/ lus las sems ni mi mthong ste// sems la yang ni sems de bzhin// de ltar shes na 'khrug pa med/

  542. 272a

    grol ba po ni dga' ba'ang med// sems tsam du ni rab mthong ste// kun tu rtog pa kun spangs kyang // sgrib pa med pa'i spyod yul can// rnal 'byor gtong ba'ang ma yin no// chos rnams rang byung ma yin te// gang gis kyang ni bsgrub pa med// grangs pa med cing yi ge med// de ni nam mkha' 'dra ba'i mtshan// chos 'di rtogs par khong chud nas// chos shes pa yi rnal 'byor can/ / mnyam pa nyid la rab gnas pa// 'jug pa med cing log pa'ang med// gang gi chos dran 'di lta ste// thams cad chos las mi g.yo ba// de dag pha rol phyin pa bstan// sangs rgyas bstan la sbyin pa spyod// sangs rgyas don rnams kun la mkhas// sgrib pa kun gyi dri ma med// dkar po thams cad yang dag spyod// sems can kun la phan par bzhed// rigs dang gzugs dang yon tan las/ / rdzogs pa'i byang chub mkhas pa gang // yang dag dran pa de dag ni// dkar po'i chos kyis rab tu rgyas// gang zhig rtag tu mnyam gzhag cing // chos la dran pa mi g.yeng ba/ / des ni 'das dang ma 'ongs pa'i// sangs rgyas thams cad mnyes par byas// dam pa'i chos la bstan bcos can// chos rjes dran pa spyod yul ba// byang chub sems dpa' brtul zhugs brtan/ / rdzogs pa'i byang chub brtogs par 'gyur// chos rnams ci 'ang de bzhin du// bdag 'gyur snyam du gang dran pa// byang chub sems dpa' mnyam gzhag des/

  543. 272b

    chos zan pa 'di shes par bya// nga yir med cing ngar 'dzin med// chos rnams ci 'dra de ltar bdag/ 'gyur ro snyam du dran pa ni// chos rjes dran pa 'di sgom yin// bla na med pa'i bsod nams zhing // / dge 'dun sangs rgyas slob ma rnams// sangs rgyas byang chub 'gyur ba dag/ rtag tu yang dag rjes su dran// rgya mtsho lta bur dpag dka' rnams// bdag gis rjes su dran pa yin// bsod nams rab tu gang bsags des/ / sems can de bzhin gshegs gyur cig/ mi ldog ngang tshul can rnams kyi// tshul khrims yang dag rjes dran pa// sems can kun la phan sems pa// mchog gis bsod nams gang bskyed nga / / sems can kun la phan 'dod phyir// de dag rdzogs pa'i byang chub bsngo// sems can kun la phan byed pa// de ni tshul khrims dran zhes bya// zang zing med par chos btang dang / / nyon mongs spangs pa'i gang dge ba// sems can kun la phan pa'i phyir// snying rje'i bdag nyid sngo bar byed// gtong ba rjes dran phun sum tshogs// zhi dang skye la rab gnas pa// mtshan ma med cing rtsol med pa/ / nyi ma bzhin du kun tu shar// lha rnams kun gyi dge ba gang // dge ba'i las lam rab byung ba// bde der sems can thams cad kyi// snying rje'i bdag nyid de ltar 'dod// gang gis 'jig rten lhar gyur nas// sangs rgyas bla na med 'gyur ba// bde ba de dag rtag tu bya// bdag gis de lta de ltar bsgrub// bam po lnga pa/

  544. 273a

    de nas byang chub sems dpa' sems dpa' chen po rtsom pa med pa dang // byang chub sems dpa' sems dpa' chen po blo gros rnam par gnon dang / gnyis ka g.yog dang bcas te/ bcom ldan 'das ga la ba der dong nas lhag pa dang / bcom ldan 'das kyi zhabs la mgo bos phyag 'tshal nas/ lan du ma bskor ba byas te/ bcom ldan 'das kyi rlung nas phyogs gcig tu 'dug go/ / g.yog dang bcas te phyogs gcig tu 'dug nas/ skyes bu dam pa de gnyis kyis bcom ldan 'das la 'di skad ces gsol to// bcom ldan 'das bdag cag gnyis 'dir gcig tu 'dus nas/ chos yang dag par brjod par bgyis na/ sangs rgyas bcom ldan 'das rnams ni mi mkhyen pa'am/ mi rigs pa 'am/ rnam par mi mkhyen pa cung zad kyang mi mnga' ba lags na/ bcom ldan 'das bdag cag gnyis kyis chos yang dag par brjod pa dang mthun par bgyis pa lags sam/ bcom ldan 'das kyis bka' stsal pa/ rigs kyi bu dag de de bzhin te/ ji skad smras pa de lta'o// sangs rgyas bcom ldan 'das rnams ni mi mkhyen pa 'am/ mi rig pa 'am/ rnam par mi mkhyen pa cung zad kyang mi mnga' ste/ sangs rgyas bcom ldan 'das rnams ni thams cad du sgrib pa mi mnga' ba'i ye shes can te/ rigs kyi bu khyed gnyis kyis chos yang dag par brjod pa dang mthun par byas so// rig kyi bu dag byang chub sems dpa' rnams kyi gang ci smra ba dang /

  545. 273b

    / kun smra ba de thams cad ni de bzhin gshegs pa'i byin gyis brlabs su rig par bya'o// rigs kyi bu dag legs so legs so// ji ltar khyed gnyis kyis byas pa de bzhin du/ chos yang dag par brjod bar bya'o/ / rigs kyi bu khyed gnyis kyis chos yang dag par brjod pa 'dis sangs rgyas kyi bya ba byas so// de bzhin gshegs pa yang khyed gnyis kyis chos yang dag par brjod pa la rjes su ma rang ngo / / de nas tshe dang ldan pa shA ri'i bus/ byang chub sems dpa' rtsom pa med la 'di skad ces smras so// rigs kyi bu khyed ci'i phyir rtsom pa med ces bya/ byang chub sems dpa' rtsom pa med kyis smras pa/ btsun pa shA ra dwa ti'i bu gang byang chub sems dpa'i lus dang ngag dang yid kyi las kyi mtha' ni shin tu byang ba/ bya ba thams cad la mi chags pa gang yang mi tshol ba cung zad kyang spa bar mi 'dod pa/ thob par mi 'dod pa/ 'das pa dang / ma 'ongs pa dang / da ltar byung ba de bzhin nyid du mnyam par mthong ba tha ma dang / 'bring dang rab kyi chos cung zad kyang yayang dag par rjes su mi mthong ba de ni rtsom pa med ces bya'o/ / btsun pa shA ra dwa ti'i bu chos thams cad ni gzod ma nas med pa'i phyir rtsom pa med pa'o// btsun pa shA ra dwa ti'i bu gal te chos 'ga' zhig gzod ma nas yod par gyur na ni/ de brtsam par bya na chos gang yang bzod ma nas yod pa ma yin te/ gzod ma nas med pa'i phyir/ chos thams cad ni brtsams pa med pa'o//

  546. 274a

    tshe dang ldan pa shA ri'i bus smras pa de ltar yin na khyod kyis chos yang dag par brjod pa de ji ltar byas/ byang chub sems dpa' rtsom pa med kyis smras pa/ btsun pa shA ri'i bus brtsams pa med pa nyid bdag gis chos yang dag par brjod par byas pa'o/ / btsun pa shA ri'i bu 'di ji snyam du sems/ gang khyod kyis dri ba dris pa 'di ji khyod kyis 'di brtsams te/ dris sam/ 'on te ma rtsam par dris/ de gal te khyod kyis brtsams te dris na ni ci la rten te brtsams/ gang rtsom pa dang bcas pa de ni 'dri ba ma yin no// rtsom pa yang gzhan la 'dri ba yang gzhan zhes ni bya bar mi 'thad do/ / ci ste ma brtsams par dris na ni/ khyod gtam 'di la zhugs pa yin no// tshe dang ldan pa shA ri'i bus smras pa/ rigs kyi bu gang bdag dang khyod kyi brjod pa de ji ltar blta bar bya/ byang chub sems dpa' rtsom pa med kyis smras pa// btsun pa shA ri'i bu 'di lta ste/ dper na sgyu ma sprul pa'i brjod pa ji lta bar de bzhin nyid dang / chos kyi dbyings la gnas pa'i byang chub sems dpa'i brjod pa yang de ltar blta bar bya'o/ / btsun pa shA ri'i bu sgyu ma sprul pa la ni sems dang sems las byung ba'i chos rnams med do// gang la sems dang sems las byung ba'i chos rnams med pa de ci zhig rtsom par 'gyur/ btsun pa sha ri'i bu/ sgyu ma mkhan gyi 'phen pa'i dbang gis sgyu ma sprul pa'i brjod par 'byung ba ji lta bar de bzhin

  547. 274b

    nyid dang / chos kyi dbyings la gnas pa'i byang chub sems dpa'i brjod pa yang de ltar blta bar bya'o// tshe dang ldan pa shA ri'i bus smras pa/ rigs kyi bu sgyu ma sprul pa ni byung ba yang ma yin/ ma byung ba yang ma yin na/ ci khyod kyang byung ba yang ma yin/ ma byung ba yang ma yin nam/ byang chub sems dpa' rtsom pa med kyis smras pa/ btsun pa shA ri'i bu de bzhin gshegs pas chos thams cad sgyu ma lta bur mngon par rdzogs par sangs rgyas nas rab tu ma bshad dam/ smras pa/ rigs kyi bu de de bzhin te/ de bzhin gshegs pas chos thams cad sgyu ma lta bur mngon par rdzogs par sangs rgyas na sa rab tu bshad do/ / byang chub sems dpa' rtsom pa med kyis smras pa/ btsun pa shA ri'i bu ji ltar sgyu ma byung ba yang ma yin/ ma byung ba yang ma yin pa de bzhin du/ sgyu ma lta bu'i chos de dag thams cad kyang byung ba yang ma yin/ ma byung ba yang ma yin par blta bar mi bya 'am/ btsun pa shA ri'i bu gal te byung ba'am/ ma byung ba zhig yod na ni/ sgyu ma lta bur yang bstan par mi 'gyur ro// tshe dang ldan pa shA ri'i bus smras pa/ rigs kyi bu khyod su'i ched du spyod/ byang chub sems dpa' rtsom pa med kyis smras pa/ btsun pa shA ri'i bu kho bo ni don na mdon ma yin pa'i ched la yang mi spyod do/ / de ci'i phyir zhe na/ gang don gyi ched la spyod pa de ni dmigs pa la spyod pa'o// dmigs pa la spyod pa de ni sangs rgyas

  548. 275a

    rnams mnyes par byed pa ma yin no/ / de ci'i phyir zhe na/ dmigs pa la spyod pa ni rjes su mthun pa'i bzod pa yang mi thob ste/ bzod pa med na sangs rgyas mnyes par byed pa ma yin no/ / 'on te don ma yin pa'i ched la spyod na ni/ log par lta ba la spyod pa'o// log par lta ba ni don med pa'o// tshe dang ldan pa shA ri'i bus smras pa/ rigs kyi bu gang dag don dang / don ma yin pa'i ched la mi spyod pa de dag gang du spyod/ byang chub sems dpa' rtsom pa med kyis smras pa/ btsun pa shA ri'i bu byis pa so so'i skye bo rnams gang la spyod pa de nyid la de dag la de dag spyod do/ / smras pa/ rigs kyi bu byis pa so so'i skye bo rnams gang la spyod/ byang chub sems dpa'i rtsom pa med kyis smras pa/ btsun pa shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams gang la spyod pa de nyid la byis pa so so'i skye bo thams cad kyang spyod mod kyi/ de bzhin gshegs pa dgra bcom pa yang dag par rdzogs pa'i sangs rgyas rnams gang la spyod pa de nyid la bdag cag kyang spyod do snyam du mi sems so/ / tshe dang ldan pa shA ri'i bus smras pa/ rigs kyi bu sangs rgyas kyi yul la ni byis pa so so'i skye bo rnams kyi go skabs med na/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams gang la spyod pa de nyid la byis pa

  549. 275b

    so so'i skye bo rnams kyang spyod de 'di ni 'gal lo/ / byang chub sems dpa' rtsom pa med kyis smras pa/ tshe dang ldan pa shA ri'i bu sangs rgyas kyi yul shes sam/ shA ri'i bus smras pa/ sbrang bu 'dra ba bdag lta bus sangs rgyas kyi yul shes par ga la nus mod kyi/ 'on kyang rigs kyi bu de bzhin gshegs pa las thos nas ni/ nyan thos rnams kyis kyang shes te/ rigs kyi bu sangs rgyas kyis yul ni mtha' yas mu med do/ / sangs rgyas kyi yul las rnam par grol ba'i yul ni gang yang med do// byang chub sems dpa' rtsom pa med kyis smras pa/ btsun pa shA ri'i bu gal te sangs rgyas kyi yul las rnam par grol ba'i yul med na/ ci'i phyir khyod kyis sangs rgyas kyi yul la byis pa so so'i skye bo rnams kyi go skabs med ces smras/ tshe dang ldan pa shA ri'i bus smras pa/ de bzhin gshegs pa rnams ni 'jig rten gyi yul las yang dag par 'das pa'o// byis pa so so'i skye bo rnams ni 'jig rten nyid la spyod pa'o// de bas na sangs rgyas kyi yul la byis pa so so'i skye bo rnams kyi go skabs med do/ / byang chub sems dpa' rtsom pa med kyis smras pa/ btsun pa shA ri'i bu 'di ji mnyam du sems/ de bzhin gshegs pas ci zhig mngon par rdzogs par sangs rgyas/ gang du bzhugs nas su'i don mdzad smras pa/ rigs kyi bu gang de bzhin gshegs pas mngon par rdzogs par sangs ma rgyas pa'i chos

  550. 276a

    gang yang med de/ chos thams cad mngon par rdzogs par sangs rgyas nas/ sems can rnams kyi don mdzad cing 'dus byas nyid la spyod do// byang chub sems dpa' rtsom pa med kyis smras pa/ gal te de ltar shes na/ ci'i phyir de bzhin gshegs pa 'jig rten gyi yul las yang dag par 'das shes smras/ de ni gnas brtan shA ri'i bus khong du ma chud do// btsun pa shA ri'i bu/ gal te de bzhin gshegs pa rnams 'jig rten gyi yul las yang dag par 'das su zin na/ de bzhin gshegs pas ci zhig mngon par rdzogs par sangs rgyas shing / gang bzhugs nas su'i don mdzad par 'gyur te/ 'di la gnas brtan shA ri'i bus smras pa ni shin tu nyams so// de skad ces smras pa dang / tshe dang ldan pa shA ri'i bu/ byang chub sems dpa' sems dpa' chen po rtsom pa med la 'di skad ces smras so/ / rigs kyi bu bdag ni 'di ltar byang chub kyi sems dang / thams cad mkhyen pa'i ye shes las shin tu nyams shing / nyan thos kyis la yang shin tu gnas pas bdag ni sngon nas kyang nyams so/ / rigs kyi bu bdag ni khyed kyi spobs pa 'di la rjes su yi rang ngo // sems can thams cad kyang khyod kyi spobs pa 'di thob par gyur cig/ gtam brjod pa 'di bstan pa na/ byang chub sems dpa' brgyad khri ni mi skye ba'i chos la bzod pa thob par gyur to// lha'i bu drug stong ni chos rnams la chos kyi mig rdul dang bral zhing dri ma med pa rnam

  551. 276b

    par dag go/ dge slong lnga stong ni nyan thos kyi sems las log nas/ bla na med pa yang dag par rdzogs pa'i byang chub tu sems bskyed de/ de dag bcom ldan 'das kyis sangs rgyas kyi zhing tha dad pa rnams su byang chub mngon par rdzogs par 'tshang rgya'o zhes lung bstan to/ / de nas bcom ldan 'das la byang chub sems dpa' sems dpa' chen po rtsom pa med kyis 'di skad ces gsol to/ / bcom ldan 'das byang chub sems dpa' sems dpa' chen po ji ltar na/ bzung ba dang 'dzin pa la mkhas pa lags/ bcom ldan 'das kyis bka' stsal pa/ gang gi tshe byang chub sems dpa' rnams kyis thams cad yang dag par shes pa de'i tshe/ bzung ba dang 'dzin pa la mkhas pa yin no// byang chub sems dpa' rtsom pa med kyis gsol la/ bcom ldan 'das thams cad ji ltar blta bar bgyi/ bcom ldan 'das kyis bka' stsal pa/ rigs kyi bu rmi lam dang / sgyu ma dang / dri za'i grong khyer dang / smig rgyu dang / mgal mes bskor ba dang / skraska shad 'dzings pa dang / sprul pa dang brag cha dang / gzugs brnyan lta bur thams cad blta bar bya'o// byang chub sems dpa' rtsom pa med kyis gsol pa/ bcom ldan 'das gang rmi lam dang / sgyu ma dang dri za'i grong khyer dang / smig rgyu dang / mgal me bskor ba dang / skra shad 'dzings pa dang / sprul pa dang / zag cha dang / gzugs brnyan lta bur blta ba thams cad

  552. 277a

    gang lags/ bcom ldan 'das kyis bka' stsal pa/ rigs kyi bu thams cad ces bya ba na mig dang / gzugs dang / rna ba dang / sgra dang / sna dang dri dang / lce dang ro dang / lus dang / reg bya dang / yid dang chos rnams te/ rigs kyi bu de dag ni gang rmi lam dang / sgyu ma dang / dri za'i grong khyer dang / smig rgya dang / mgal mes bskor ba dang / skra shad 'dzing pa dang / sprul pa dang / zag cha dang / gzugs brnyan lta bur blta bar bya ba ni thams cad do// de la 'dzin pa ni mig dang / rna ba dang / sna dang / lce dang / lus dang / yid rnams so// bzung ba ni gzugs dang / sma dang dri dang ro dang reg pa dang / chos rnams te/ gzung ba dang 'dzin pa'i chos 'di dag rnam pa dang tshul thams cad kyis shes pa dang / khong du chud pa dang / ston nus pa de ni thams cad mkhyen pa zhes bya'o/ / thams cad mkhyen pa gang yin pa de ni/ bag la nyal ba med pa/ nyon mongs pa med pa/ ngar 'dzin pa med/ nga yir 'dzin pa med par na mkha' dang mtshungs pa/ mi 'gyur ba/ sems can thams cad la sems mnyam pa/ sems can thams cad la phan pa'i sems dang ldan pa/ thams cad dben pa'i sems dang ldan pa/ thams cad du lhun gyis grub pa/ lhun gyis grub pa'i chos can sems can gyi snying po// sems can thams cad kyi don la sgrib pa med pa'i chos can/ snying rje chen po dang ldan pa/ si spyod pa'i chos

  553. 277b

    can/ yang dag par rdzogs pa'i sangs rgyas zhes bya'o// byang chub sems dpa' rtsom pa med kyi gsol pa/ bcom ldan 'das byang chub sems dpa' sangs rgyas bcom ldan 'das rnams kyi chos nyid 'di khong du chud par 'chal bas ji lta bur bgyi/ bcom ldan 'das kyis bka' stsal pa/ rigs kyi bu byang chub sems dpa' sangs rgyas bcom ldan 'das rnams kyi chos nyid 'di khong du chud par 'dod pas/ sems can thams cad kyis ngan du byas pa dang / mi snyan pa thams cad bzod par bya ba'i phyir sems dang mtshungs par bya'o// bdag dang sems can gzhan rnams kyi rtog pa dang / rnam par rtog pa'i nyon mongs pa'i dri ma thams cad bkru ba'i phyir sems chu dang mtshungs par bya'o// shes rab kyis bdag dang sems can gzhan rnams kyi las dang nyon mongs pa'i rtsi shing bsregs pa'i phyir sems me dang mtshungs par bya'o/ / chags pa thams cad dang 'bral ba'i phyir sems rlung dang mtshungs par bya'o// thams cad du sgrib pa med pa'i ngo bo nyid kyis sems nam mkha' dang mtshungs par bya'o/ / thams cad du 'jigs pa med cing skrag pa med pas/ byang chub sems dpas seng ge dang mtshungs par bya'o// shin tu dul ba'i sems kyis sems can thams cad kyi khur khyer ba'i phyir/ byang chub sems dpas glang po che dang mtshungs par bya'o// dam pa'i chos kyi char 'bebs pa'i phyir/ byang chub

  554. 278a

    sems dpas sprin lta bur bya'o/ / sems can thams cad la ye shes kyis snang bar byed pa'i phyir/ byang chub sems dpas nyi ma lta bur bya'o// thams cad du sems can thams cad la rtag tu bde bar snang ba'i phyir/ byang chub sems dpas zla ba lta bur bya'o// thams cad mkhyen pa'i ye shes kyi rin po che'i gling chen por phyogs pa'i phyir/ byang chub sems dpas ded dpon lta bur bya'o/ / sems can thams cad kyi nyon mongs pa'i nad thams cad gso ba'i phyir/ byang chub sems dpas sman pa lta bur bya'o// sems can thams cad kyi chos la the tshom za ba'i zug rngu 'don pa'i phyir/ byang chub sems dpas zug rngu 'byin pa lta bur bya'o// thams cad mkhyen pa'i ye shes kyi phyogs la mkhas pa'i phyir/ byang chub sems dpas gdos pa 'dzin pa lta bur bya'o/ / 'khor ba'i rgya mtsho las sems can sgrol ba la mkhas pa'i phyir/ byang chub sems dpas gru lta bur bya'o// sems can thams cad kyi 'tsho bar gyur pa'i phyir/ byang chub sems dpas stegs bu lta bur bya'o/ / sems can thams cad mtshungs par 'jug pa'i phyir/ byang chub sems dpas lam po che lta bur bya'o// byang chub kyi phyogs kyi chos rin po che thams cad phun sum tshogs pa'i phyir/ byang chub sems dpas rin po che'i gling lta bur bya'o// yid bzhin gyi nor bu rin po che 'dra bar bsam pa thams cad yongs su skong ba'i phyir/ byang chub

  555. 278b

    sems dpas yid bzhin gyi nor bu rin po che lta bur bya'o/ / legs par bya ba'i las byed pa'i phyir/ byang chub sems dpas cang shes lta bur bya'o// shes rab zab cing gting dpag dka' ba'i phyir/ byang chub sems dpas rgya mtsho lta bur bya'o// sangs rgyas kyi byang chub las bsam pa mi g.yo ba'i phyir/ byang chub sems dpas ri rab dang mtshungs par bya'o// kun nas mdzes pa'i phyir byang chub sems dpas dpag bsam gyi shing lta bur bya'o/ / mthong bar dka' ba'i phyir/ byang chub sems dpas 'dzam bu chu bo'i gser 'dra bar bya'o// chos la dbang thob par bya ba'i phyir byang chub sems dpas brgya byin lta bur bya'o/ / rab tu zhi ba'i spyod lam phun sum tshogs pa'i phyir/ byang chub sems dpas tshangs pa lta bur bya'o// dam pa'i chos yongs su skyong ba'i phyir/ byang chub sems dpas 'jig rten skyong ba lta bur bya'o// dge ba bcu'i las kyi lam la bsten pa'i phyir/ byang chub sems dpas 'khor lo sgyur ba lta bur bya'o// / sangs rgyas bcom ldan 'das rnams kyi gsang ba 'dzin pa'i phyir/ byang chub sems dpas blon po chen po lta bur bya'o// gso sbyong la gnas pa'i phyir/ byang chub sems dpas mngon par 'byung ba la dga' bar bya'o/ / lus dang ngag dang sems zhi ba'i phyir/ byang chub sems dpas dge sbyong du bya'o// bsam gtan dang / ting nge 'dzin dang / snyoms par 'jug pa dang / mngon par

  556. 279a

    shes pa dang / rig pa dang / rnam par grol ba phun sum tshogs pa'i phyir byang chub sems dpas dgon pa par bya'o// stong pa nyid rtags pa nyid rtogs par khong du chud pa'i phyir/ byang chub sems dpas bsam gtan par bya'o// mi 'am ci dang lto 'phye chen po dang / rigs sngags 'chang grub pa 'dul ba la mkhas pa'i phyir/ byang chub sems dpas dben pa la mngon par dga' bar bya'o/ / rig pa gsum rtogs par khong du chud pa'i phyir/ byang chub sems dpas rigs sngags 'chang du bya'o// mngon par shes pa drug thob pa'i phyir/ byang chub sems dpas mngon par shes pa'i ye shes su bya'o/ / phung po dang khams dang / skye mched la mkhas pa'i phyir/ byang chub sems dpas mang du thos par bya'o// bstan bcos thams cad la mkhas pa'i phyir/ byang chub sems dpas slob dpon du bya'o// zang zing med par chos ston pa'i phyir/ byang chub sems dpas chos smra bar bya'o// 'dod chags dang / zhe sdang dang gti mug 'dul ba'i phyir/ byang chub sems dpas 'dul ba 'dzin par bya'o// thams cad du rung ba la tshod shes pa'i phyir/ byang chub sems dpas ma mo 'dzin par bya'o// tshor ba thams cad dang bral ba'i phyir/ byang chub sems dpas dul bar bya'o// 'dod chags dang bral ba'i phyir/ byang chub sems dpas mi rgod par bya'o// zhe sdang bral ba'i phyir/ byang chub sems pas ma

  557. 279b

    khengs par bya'o/ / gti mug dang bral ba'i phyir/ byang chub sems dpas mu cor mi smra bar bya'o// ngag bsdams pa'i phyir/ byang chub sems dpas tshig tshol bar mi smra bar bya'o// theg pa chen po la 'dzud pa'i phyir/ byang chub sems dpas ded dpon du bya'o// byang chub tu dam bcas pa nyams 'og tu chud pa'i phyir/ byang chub sems dpas khur tsa ba lta bur bya'o// sems can thams cad rten pa'i phyir/ byang chub sems dpas bskyed mos tshal 'dra bar bya'o// thams cad mkhyen pa'i ye shes kyi zong yongs su rdzogs pa'i phyir/ byang chub sems dpas grong khyer lta bur bya'o/ / sems can thams cad la bu cig pa bzhin du byams pa dang ldan pa'i phyir/ byang chub sems dpas phan pa 'dod par bya'o// sems can thams cad kyis ci bya ba yongs su thob par bya ba'i phyir/ byang chub sems dpas bran lta bur bya'o// rigs kyi bu gzhan yang byang chub sems dpa' rnams ni mu rgod dag la drang ba rnams yin no// khengs pa dag la nga rgyal med pa rnams yin no/ / g.yon can dag la g.yo med pa rnams yin no// thigs po spyod pa dag la sgyu med pa dang ldan pa rnams yin no// log par zhugs pa dag la snying rje dang ldan pa rnams yin no/ / ngo tsha med pa dag la ngo tsha dang ldan pa rnams yin no// mu cor smra ba dag la khrel yod pa phun sum tshogs pa rnams yin no// phas kyi rgol ba thams cad la sems spa ma gong

  558. 280a

    ba rnams yin no/ / 'khor ba thams cad la bag tsha ba med pa rnams yin no// 'jig rten gyis chos thams cad kyis mi gos pa rnams yin no// bdud thams cad kyis mi 'phrogs pa rnams yin no/ / phas kyi rgol ba thams cad kyis mi thul ba rnams yin no// bla ma dag la gus pa dang bcas pa rnams yin no// 'phags pa dag la zhes dang bcas pa rnams yin no/ / mang du thos pa dag la ri mor byed pa rnams yin no// bsam gtan pa dag la ngo mtshar thob pa rnams yin no// mkhas pa dag la lhag pa'i bsam pa la 'jug pa rnams yin no// chos smra ba dag la sangs rgyas tsam du langs par sems pa dang ldan pa rnams yin no/ / byang chub sems dpa' dag la skyabs su song ba rnams yin no// sangs rgyas dag la bsam pa thams cad kyis zhugs pa rnams yin no/ / nan tan dag la snying por 'du shes pa rnams yin no// nyon mongs pa thams cad kyis mi 'jigs pa rnams yin no// snying rje chen po la phyogs pas mya ngan las 'das pa la mi lta ba rnams yin no/ / sems can thams cad yongs su smin par byed pa la mngon par dga' bas 'khor ba la phyogs pa rnams yin no// rnyed pa dang bkur sti thams cad la mi lta bas zang zing med par chos ston pa rnams yin no/ / mi rtag pa dang sdug bsngal ba dang / bdag med pa dang / mi gtsang ba yongs su shes pas sems phyin ci ma log pa rnams yin no// yul thams cad la mi lta

  559. 280b

    bas sems rnam par grol ba rnams yin no/ / 'phags pa'i rigs su skyes pas rigs phun sum tshogs pa rnams yin no// rab tu byung ba mang bas blo phun sum tshogs pa rnams yin no// sdug bsngal ba dang / kun 'byung ba dang / 'gog pa dang / lam shes pas 'phags pa rnams yin no// tshul khrims dang / thos pa dang / bag yod pa la gnas pas skyes bu dam pa rnams yin no// 'du byed bdag med par yongs su shes pa dang ldan pas/ sems can thams cad la sems mnyam pa rnams yin no// 'phags pa'i phyag rgyas btab pas logs par mi ltung ba'i chos can rnams yin/ no// phyir mi ldog pa'i phyag rgyas btab pas byang chub kyi snying por gzhol ba rnams yin no// spyod lam mdzes pa phun sum tshogs pas byang chub sems dpas rtag tu gtsang ma yang dag pas spyod pa rnams yin no/ / 'jig rten gyi gsang tshig la mngon par dga' ba ma yin no// sdig pa'i grogs po la mngon par dga' ba ma yin no// rnyed pa dang bkur sti dang / tshigs su bcad pa la mngon par dga' ba ma yin no/ / 'du 'dzi dag la chags pa ma yin no// yul rgyus kyi gtam dang / rgyal po'i gtam dang / chom rkun gyi gtam dang / bud med kyi gtam dang / bzhad gad kyi gtam dang dmag gi gtam dang / 'thab cing rtsod pa'i gtam la chags pa ma yin no// yul ngan pa dang / ljongs ngan pa dang / yul 'khor ngan pa dang / grong dang grong khyer dang / tshong dus dang

  560. 281a

    ri brag ngan pa rnams la chags pa ma yin no/ / gar dang bro dang bzhad gad dang / glu la chags pa yin no// gzhan yang rigs kyi bu byang chub sems dpa' rnams sems ser sna can rnams la chags pa ma yin no/ / tshul khrims 'chal pa rnams dang / mtshams so sor bcad pa rnams dang / rgyun rmad du gyur pa rnams la chags pa ma yin no// gnod sems kyi tha ba dang / zhe sdang mang ba rnams la chags pa ma yin no// le lo can rnams dang / brtson 'grus chung zhing brtson 'grus btang ba rnams la chags pa ma yin no// g.yeng zhing phyin ci log tu gyur rnam par 'phro ba'i sems la chags pa ma yin no/ / shes rab 'chal pa pa rnams dang / blun pa lkugs pa'i rang bzhin can rnams la chags pa ma yin no// byang chub sems dang ba rnams ni chos dang zang zing dang / mi 'jigs pa rab tu sbyin pa la mngon par dga' ba yin no// 'dod chags dang / zhe sdang dang / gti mug yang dag par chad pa'o// rnal 'byor chen po'i rnal 'byor pa sgra bsnyungs pa la dga' ba'o/ / tshig mi mang zhing dul ba'o// zhi zhing nye bar zhi la dben pa dang / nags tshal thibs po dang / rtswa dang shing dang / ldam ldum yod pa dang / sa khyon chung ngu dang / chu ngogs dang / ri khrod dang / phug sna tshogs dang / ri dang rdo dang / rtse mo dang / dbye'i phyogs rnams la mngon par dga' ba yin no// zhi ba dang rab tu zhi ba dang /

  561. 281b

    nye bar zhi ba'i phyogs de dag la rab tu dga' ba yin te/ gnas bcas pa'i phyogs de dang de dag tu nam gyi cha stod dang / nam gyi cha smad la mi nyal bar rnal 'byor la rtson par gnas pa dang / thos pa dang sems pa dang / sgom pa stug po'i mthongs na gnas pa dang / bsam gtan dang / ting nge 'dzin dang / gzungs kyi sgo dang / dbang dang / bzod pa'i sgo brgya stong la rnam par rgyu ba dang chos kyi sgo brgya stong dpag tu med pa dag rab tu rnam par dbye ba dang / sangs rgyas brgya stong yang mthong ba dang / ting nge 'dzin gyi sgo brgya stong thob pa dang / gzungs kyi sgo brgya stong yang mngon du byed pa dang / sems can bye ba khrag khrig brgya stong yang yongs su smin par byed pa de lta bu dag la mngon par dga' ba yin te/ rigs kyi bu byang chub sems dpa' de 'dra bar bya'o// de lta bus ni sangs rgyas bcom ldan 'das rnams kyi chos nyid khong du chud par nus so/ / de nas bcom ldan 'das la byang chub sems dpa' sems dpa' chen po rtsom pa med kyis 'di skad ces gsol to/ / bcom ldan 'das theg pa chen po ni bag mchis par gnas shing sgrub pa nyid snying por bgyid pa rnams kyi lags so// de la sgrub pa ni byang chub tu smon pa'o// bag mchis pa ni smon lam yongs su bskang ba'o/ / gzhan yang sgrub pa ni sbyin pa la sbyor ba'o// bag mchis pa ni rnam par smin pa la mi re ba'o// sgrub pa ni tshul khrims kyi sgom pa yang dag par blangs pa ma

  562. 282a

    @#/ nyams pa'o// bag mchis pa ni phyir mi ldog pa'i tshul khrims sgrub pa'o// sgrub pa ni bzod pa sgom pa'o// bag mchis pa ni mi skye ba'i chos rtogs pa'o// sgrub ni dge ba'i rtsa ba thams cad kun tu tshol bas yongs su mi skye ba'o/ / bag mchis pa ni rtsom pa thams cad yongs su 'dod ba'o// sgrub pa ni bsam gtan rtsom pa'o// bag mchis pa ni mi gnas pa'i bsam gtan pa'o/ / sgrub pa ni shes rab yongs su skong ba'o// bag mchis pa ni chos thams cad spros par mi bgyid pa'o// sgrub pa ni dam pa'i chos yongs su 'dzin pa'o// bag mchis pa ni chos thams cad mi dmigs pa'o// sgrub pa ni sems can rnams byang chub la rab tu 'god pa'o// bag mchis pa ni sems can rnams mi dmigs pa'o// sgrub pa ni dge ba'i rtsa ba thams cad bgyis nas byang chub tu yongs su bsngo ba'o/ / bag mchis pa ni chos thams cad byang chub kyi ngo bo nyid du rtogs pa'o// sgrub pa ni mi skye ba'i chos la bzod pa thob pa'o// bag mchis pa ni bsam bzhin du srid pa yongs su 'dzin pa'o// sgrub pa ni byang chub kyi snying por 'gro ba'i bkod pa kun tu ston pa'o// bag mchis pa ni bskal pa dpag tu ma mchis grangs ma mchis par rdzogs par 'tshangs rgya'o/ / sgrub pa ni byang chub mngon par 'tshang rgya'o// bag mchis pa ni sngar bgyi ba bgyis pa'o// sgrub pa ni yongs su mya ngan las 'das pa

  563. 282b

    chen por nye bar zhi ba'o/ / bag mchis pa ni chos shin tu yongs su mya ngan las 'das par 'tshal ba ste/ bcom ldan 'das byang chub sems dpa' sgrub pa 'di lta bu dang / bag mchis pa 'di lta bu dang ldan pa ni byang chub rnyed par dka' ba ma lags so/ / bcom ldan 'das de lta bas na/ byang chub sems dpas bsgrub pa 'di dang / bag mchis pa 'di la brtson par bgyi ba ste/ bcom ldan 'das 'di ni chos yang dag par brjod pa lags so// de nas bcom ldan 'das la byang chub sems dpa' sems dpa' chen po blo gros rnam par gnon gyis 'di skad ces gsol to/ / bcom ldan 'das 'di la byang chub sems dpa' rnams chos yang dag par 'dzin pa zhig la gnas nas/ sangs rgyas kyi byang chub yang dag par sgrub ste/ de la kha cig ni 'di snyam du gang sangs rgyas sangs rgyas zhes bya ba 'di chos gang gi ming du sangs rgyas zhes btags snyam du sems te/ de dag de ltar rtog pa na/ gang 'di sangs rgyas zhes bgyi ba'i chos de yang dag par rjes su mi mthong ngo // de dag sangs rgyas ji lta ba de bzhin du chos thams cad khong du chud do// de dag de ltar yongs su shes pa dang ldan pas gang ci yid la bgyid pa de dag thams cad sangs rgyas thob par bgyid pa lags so/ / la la ni 'di snyam du sems te/ gang chos chos zhes bya ba'i chos 'di ni yul na migan/

  564. 283a

    phyogs na mi gnas te/ gzhan du na chos rang gi sems la rag las pa ni med pa ma yin no// de bas na bdag gis rang gi sems shin tu bzung ba dang / shin tu mthar gtugs pa dang shin tu thul ba dang / shin tu mnyam par gzhag pa dang // shin tu tshar bcad par bya'o// de ci'i phyir zhe na/ sems gang yin pa de la ni yon tan dang nyes pa rnams yod kyi/ sems med pa la ni yon tan dang nyes pa rnams med do snyam pa ste/ de la byang chub sems dpa' nyes pa rnams las sems bzlog nas/ yon tan rnams la 'jug ste/ de bas na chos ni sems la rag las/ byang chub ni tshes la rag las zhes bgyi'o// bcom ldan 'das 'di ni chos yang dag par 'dzin pa lags te bde bar mngon par rdzogs par byang chub par 'gyur ro/ / bcom ldan 'das byang chub semra dpa' kha cig gis yang dag par 'dzin pa ni 'di lags te/ gang sems can thams cad la phan pa dang / bde bar mtshungs par 'jug pa'i sems de ni sems te/ gang sems 'di 'dra ba dang mi ldan pa de ni/ sems can rnams la log par zhugs pa'o// de ci'i phyir zhe na sems can gyi zhing ni byang chub sems dpa'i sangs rgyas kyi zhing ngo / / sangs rgyas kyi zhing gang la sangs rgyas kyi chos rnams rnyed cing thob par 'gyur ba de la log par 'jug par bya ba'i mi rim

  565. 283b

    so snyam mo/ / de yang 'di snyam du sems te/ legs par spyod pa dang / nyes par spyod pa thams cad kyang sems las brten nas 'byung ste/ nyes par spyod pa la gnas pa ni ngan song du skye'o// legs par spyod pa la gnas pa ni lha dang mir skye'o// de gnyis ka yongs su spangs pa ni sangs rgyas bcom ldan 'das rnams su 'gyur ro snyam pa 'di ni/ byang chub sems dpa' rnams kyi chos yang dag par 'dzin pa lags te/ myur du mngon par rdzogs par byang chub par 'gyur ba'o// kha cig gis chos yang dag par 'dzin pa ni 'di lta bu lags te/ 'di dag thams cad ni rten cing 'brel par 'byung ba tsam du zad de/ rten cing 'brel par 'byung ba las rnam par grol ba'i chos gang yang med do// gang rten nas byung ba'i chos de gang zhe na/ gang rten te 'byung ba ni ma skyes pa ste/ ngo bo nyid kyis yongs su grub pa'i chos de gang yang med do// gzhan du na bstan pa tsam dang / tha snyad tsam dang / brtags pa tsam dang / brda tsam dang / don dam par mngon par 'byed pa tsam ni med pa ma yin no snyam mo/ / 'di ni ston pa po'i chos yang dag par 'dzin pa ste/ sangs rgyas thams cad kyis chos bstan pa'i snying po lags so// bcom ldan 'das byang chub sems dpa' kha cig ni 'di snyam du sems te/ skye ba zhes bya ba 'di chos gang gi ming du skye ba zhes bya snyam nas/ des gang 'di skye ba zhes bgyi ba'i chos de yang

  566. 284a

    yang dag par rjes su mi mthong ngo / / de 'di snyam du sems pa dang ldan pas/ chos thams cad ni ma skyes so snyam du bzod pa skyes so// kha cig ni 'di snyam du sems te/ gang 'chi ba zhes bya ba 'di 'dir chos ci zhig 'gags/ gang 'gags pas 'chi ba zhes bya snyam ste/ de de ltar so sor rtog pa na/ gang 'gags pas 'chi ba zhes bgyi ba'i chos de yang dag par rjes su mi mthong ngo 'di ni chos yang dag par 'dzin pa ste/ bdud rtsi khong du chud par gyur pa'o// bcom ldan 'das sangs rgyas bcom ldan 'das rnams kyi thugs ni chos thams cad la mi chags pa lags te/ de dag ni yid dang gnas pa ma mchis pa rnams kyis nyes par bgyi'o// bcom ldan 'das chos ni sgrib pa ma mchis pa lags te/ de nas sems sgrib pa ma mchis pa rnams kyis thob bo/ / bcom ldan 'das chos mnyam pa nyid ni byang chub lags te/ de ni sems mi mnyam pa ma mchis pa rnams kyis rtogs pa'o// bcom ldan 'das ji tsam du tshol ba de tsam du 'ching ba'o/ / mi tshol ba ni thar pa'o// de bas na thar pa tshol bas tshol ba thams cad mi btsal bar bgyi ste/ bcom ldan 'das 'di ni chos yang dag par brjod pa lags so// bcom ldan 'das gzhan yang chos yang dag par brjod pa zhes bgyi ba 'di ni mnyam pa'i tshig go/ / 'di ni zab pa'i tshig go// 'di ni len pa ma mchis pa'i tshig go// 'di ni gzhi ma mchis pa'i tshig go/

  567. 284b

    'di ni kun gzhi ma mchis pa'i tshig go// 'di ni rten ma mchis pa'i tshig go// 'di ni de kho na dang / de bzhin nyid dang / ma nor ba de bzhin nyid kyi tshig ste/ bcom ldan 'das 'di ni chos yang dag par brjod pa lags so/ / de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das ji ltar bcom ldan 'das kyis gsung pa'i don bdag gis 'tshal ba ltar na/ byang chub sems dpa' sems dpa' chen po gang dag de bzhin gshegs pa dang / byang chub sems dpa' sems dpa' chen po 'di dag gis bshad pa rnams thos la thos nas kyang dad cing de bzhin nyid du sgrub pa de dag la/ chos yang dag par brjod pa ma mchis pa snyam bgyid do// de ci'i slad du zhe na/ mi mos pa mang ba la ni chos yang dag par brjod pa ma mchis/ bgyi ba ma brtsams pa la ni chos yang dag par brjod pa ma mchis kyi/ gang 'phags pas bshad pa'i chos rnams la dkon par 'du shes pa dang / rin po che 'du shes pa dang / sman du 'du shes pa de dag la ni chos yang dag par brjod pa mchis/ bcom ldan 'das gang bdag la mi stod pa dang / gzhan la mi smod pa de dag la chos yang dag par brjod pa mchis bcom ldan 'das gang 'phags pa rnams la byams pa'i sems dang / 'phags pa ma lags pa rnam la rjes su 'dzin pa'i sems dang ldan pa de dag la chos yang dag par brjod pa mchis

  568. 285a

    gang dag rgya che bar yang dag par rjes su mi mthong / gzhan dman par yang dag par rjes su mi mthong ba de dag la chos yang dag par brjod pa mchis/ bcom ldan 'das gang mnyam pa rnams la yang mnyam/ mi mnyam pa rnams la yang mnyam/ mnyam pa dang mi mnyam pa rnams la yang mnyam zhing / mnyam pa dang mi mnyam par yang mi rtog pa de dag la chos yang dag par brjod pa mchis/ bcom ldan 'das gang tshig gcig thos pas tshig brgya stong gi don dang / le'u la 'jug cing khong du chud de don dang gzhung la gnyis su 'du shes mi 'gyur ba de dag la chos yang dag par brjod pa mchis/ bcom ldan 'das gang chos thos nas zhi bar yang mi 'gyur/ g.yeng bar yang mi 'gyur ba dang / gang chos thos nas 'ching bar yang mi 'gyur/ thar bar yang mi 'gyur ba dang / gang chos thos nas 'jug par yang mi 'gyur/ ldog par yang mi 'gyur ba dang / gang chos thos nas bri bar yang mi 'gyur/ gang bar yang mi 'gyur ba dang / gang chos thos nas dad par yang mi 'gyur/ khro bar yang mi 'gyur ba dang / gang chos thos nas 'khor bar yang mi 'gyur/ yongs su mya ngan las 'das par yang mi 'gyur ba dang / bcom ldan 'das gang chos yang dag par brjod pas/ chos nyid 'di rjes su rtogs pa de dag la chos yang dag par brjod pa mchis pa snyam bgyid na/ bcom ldan 'das bdag mchi ba lta bur chos yang

  569. 285b

    dag par brjod pa dang mthun pa lta lags sam/ bcom ldan 'das kyis bka' stsal pa shA ri'i bu khyod kyi 'di ni chos yang dag par brjod pa dang mthun pa yin no// shA ri bu gang khyod kyis bshad pa 'di ni 'das pa ma 'ongs pa dang / da ltar byung ba'i de bzhin gshegs pa rnams kyis chos rnams rjes su shes pa yin no// de nas bcom ldan 'das la tshe dang ldan pa mo'u 'gal gyi bu chen pos 'di skad ces gsol to/ / bcom ldan 'das byang chub sems dpa' gang 'di snyam du bdag gis chos yang dag par brjod par bya'o snyam du sems pa des ni/ chos yang dag par brjod par bgyid par mi nus so// de ci'i slad du zhe na/ bdag tu lta bar gyur nas 'di snyam du bdag ni 'chad do// 'di ni nyan to snyam du sems pa'i slad du'o// gang bdag tu 'du shes dang bral ba de dag ni bdag tu sgro btags nas chos ston pa ma lags/ gzhan du sgro btags nas ma lags/ gnyi gar sgro btags nas ma lags/ bag la nyam du sgro btags nas ma lags so/ / de ci'i slad du zhe na/ bcom ldan 'das sgro btags pa thams cad ni ma mchis pa las sgro btags pa'i slad du'o// bcom ldan 'das chos gang sgro btags pa de ni rdza su mchis pa ma lags so/ / de la sgro btags pa rnams yongs su 'tshal ba'i byang chub sems dpa' sems dpa' chen po rnams kyis gang sgro btags pa

  570. 286a

    / de ni chos so// de ci'i slad du zhe na/ bcom ldan 'das 'di lta ste/ dper na/ rgyu ma sprul pa'i brjod pa bzhin du blo btags pa yongs su 'tshal ba'i byang chub sems dpa'i spro btags pa yang de bzhin no/ / bcom ldan 'das sngo btags pasnos yas pa zhes bgyi ba/ bcom ldan 'das ji tsam gyis ni/ zla ga gas bsgo btags pa zhes bgyi zhen slo btags pa gang stong pa nyid dang / rten cing 'brel bar 'byung ba mi spong ba dang mi skye ba dang / mi 'gag pa dang / mthun pa rtog pa dang rnam par rtog pa dang / yongs su rtog pa 'dor ba ngar 'dzin pa dang / nga yir 'dzin pa yang dag par gcod pa// lta bar gyur pa thams cad sel ba de ni sgro btags pa yongs su 'tshal ba'i byang chub sems dpa' sems dpa' chen po rnams kyi sgro btags pa lags so/ / gang sgro btags pa 'di de ltar khong du chud pa de ni chos yang dag par brjod pa lags so// bcom ldan 'das gang chos yang dag par brjod pa dang // kang chos yang dag par brjod pa po dang / gang dag la chos yang dag par brjod pa de thams cad ni 'di lta ste/ chos kyi dbyings kyi mtshan nyid du mtshan nyid gcig go/ gang 'di ltar chos yang dag par brjod pa 'di ni/ chos yang dag par brjod pa lags pa snyam bgyid na/ bcom ldan 'das bdag gis chos yang dag par brjod pa dang mthun pa lta lags sam/ bcom ldan 'das kyis

  571. 286b

    bka' stsal pa/ mo'u 'gal gyi bu khyod kyi 'di ni chos yang dag par brjod pa dang mthun no// de nas bcom ldan 'das la tshe dang ldan pa byams ma'i bu gang pos 'di skad ces gsol to// bcom ldan 'das gang bsod nams tshol bas chos yang dag par brjod par bgyis pa de ni/ de'i chos yang dag par brjod pa skyon chags pa lags so// de ci'i slad du zhe na/ bcom ldan 'das bdag tu mngon par chags pas mngon par zhen pa ni/ bsod nams dang bsod nams ma lags pa dang / mi g.yo ba'i 'du byed mngon par 'du bgyid do// bdag tu mngon par chags pas mngon par zhen pa ni lta ba rnams dang / lta bar gyur pa rnams las rnam par ma grol te/ bdag la phan pa dang / gzhan la phan pa bgyid mi nus so// bcom ldan 'das gang bdag la yang mi phan gzhan la yang mi phan pa de ji ltar chos yang dag par brjod pa bgyid par 'gyur/ bcom ldan 'das gang chos 'tshal ba de ni bsod nams dang bsod nams ma lags pa dang / mi g.yo ba'i 'du byed tshol ba yang ma lags/ mi tshol ba yang ma lags so// gang chos kun 'tshal ba de ni phung po rnams tshol ba yang ma lags mi tshol ba yang ma lags so// khams rnams tshol ba yang ma lags/ mi tshol ba yang ma lags so// skye mched rnams tshol ba yang ma lags/ mi tshol ba yang ma lags so// de ni sems can rnams tshol ba yang ma

  572. 287a

    'grus/ mi tshol ba yang ma lags so// de ni chos rnams tshol ba yang ma lags/ mi tshol ba yang ma lags so// don bden pa tshol ba yang ma lags/ brdzun pa tshol ba yang ma lags so/ / de ni yul tshol ba yang ma lags/ yul rnams las byung ba tshol ba yang ma lags so// 'di ni 'dod chag dang zhe sdang dang / gti mug tshol ba yang ma lags 'dod chabs dang zhe sdang dang / gti mug spong ba tshol ba yang ma lags so// de ni 'khor ba tshol ba yang ma lags/ mya ngan las 'das pa tshol ba yang ma lags so// de ni 'thab pa dang rtsod pa dang / 'gyed pa tshol ba yang ma lags/ cang mi smra ba tshol ba yang ma lags so// stong pa nyid tshol ba yang ma lags/ lta bar gyur pa rnams tshol ba yang ma lags so// mtshan ma med pa tshol ba yang ma lags/ rnam par rtog pa tshol ba yang ma lags so// smon pa tshol ba yang ma lags/ smon pa med pa tshol ba yang ma lags so// sangs rgyas kyi chos rnams tshol ba yang ma lags/ so so'i skye bo'i chos rnams tshol ba yang ma lags so// chos tshol ba yang ma lags/ chos ma lags pa tshol ba yang ma lags so// 'phags pa'i dge 'dun tshol ba yang ma lags/ mu stegs can gyi dge 'dun tshol ba yang ma lags so// bcom ldan 'das chos yongs su tshol ba dang ldan pa'i byang chub sems

  573. 287b

    dpa' sems dpa' chen po ni 'byung ba kun tu mi tshol te/ chos thams cad de'i 'byung ba lags so// thar pa yang kun tu mi tshol te/ chos thams cad de'i shin tu rnam par grol ba lags so/ / gang du yang rjes su chags pa yang ma mchis/ khong khro ba yang ma mchis te/ chos thams cad ni de'i bdag gi 'am gzhan gyis yang ma lags so// chos gang yang yongs su 'dzin pa yang ma mchis/ 'dor ba yang ma mchis te/ yongs su 'dzin pa dang / 'dor ba de gnyis ka skyon chags pa lags so// 'jug pa yang ma mchis ldog pa yang ma mchis te/ 'jug pa dang ldog pa de gnyis ka skyon chags pa lags so// gang du yang dga' ba yang ma mchis/ yid mi bde ba yang ma mchis te/ dga' ba dang yid mi bde ba de gnyis ka skyon chags pa lags so// bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang mthun par bgyid dam/ bcom ldan 'das kyis bka' stsal pa/ gang po khyod kyi 'di ni chos yang dag par brjod pa dang mthun no// de nas bcom ldan 'das la tshe dang ldan pa ka t+ya'i bu chen pos 'di skad ces gsol to/ / bcom ldan 'das gang chos dang chos ma lags pa'i 'du shes la spyod cing / chos yang dag par brjod pa

  574. 288a

    bgyid pa'i sems can de ni ma rig pas khebs pa lags bsnyam bdag bgyid do/ / de ci'i slad du zhe na/ bcom ldan 'das ro tshol ba'i rigs kyi bus ni chos ma lags pa yang dag pa ji lta ba bzhin du blta bar bgyi'o/ / bcom ldan 'das byang chub sems dpas/ chos ma lags pa yang dag pa ji lta ba bzhin du mthong ba de nyid de'i chos lags so/ / bcom ldan 'das chos ni gang nas kyang blangs pa ma lags/ gang du yang bkur ba ma lags so// chos ni su la yang rag las pa yang ma lags rang dbang can yang ma lags so/ / bcom ldan 'das chos ni gang dang yang ring ba yang ma lags/ gang dang yang nye ba yang ma lags so// chos ni yul na yang ma lags/ phyogs na yang ma lags so/ / chos ni rgya chen po rnams la 'jug gi/ tha ma dang 'bring rnams la mi 'jug pa yang ma lags/ chos ni tha ma dang / 'bring rnams la 'jug gi rgya chen po rnams la mi 'jug pa yang ma lags so/ / bcom ldan 'das chos ni 'du shes kyis rab tu phye ba yang ma lags/ 'du shes ma mchis pas rab tu phye ba yang ma lags so// de ci'i slad du zhe na/ 'phags pa rnams kyis ni 'du shes 'ching ba dang / 'du shes ma mchis pa 'ching ba dang bral bar mi mthong ngo // bcom ldan 'das chos ni spang bar bgyi ba

  575. 288b

    yang ma lags/ bsgom par bgyi ba yang ma lags te/ spang ba dang bsgom pa las yang dag par 'das pa na chos dang ldan pa'o// bcom ldan 'das chos ni gang gi phyir sbyin par bgyi ba yang ma lags/ sbyin par mi bgyi ba yang ma lags te/ bdag po ma mchis pa'i slad du ji lta ji lta bur 'tshal ba de lta de lta bur bsgrub bo// bcom ldan 'das chos ni sangs rgyas bcom ldan 'das rnams dang mdza' ba'i dngos por yang mi 'jug/ byis pa so so'i skye bo rnams dang mi mdza' ba'i dngos por yang mi 'jug ste/ bcom ldan 'das chos ni rnam par mi gtog pa spros pa ma mchis pas rab tu phye ba'o/ / chos ni sangs rgyas rnams dang nye ba yang ma lags/ so so'i skye bo rnams dang ring ba yang ma lags te/ gang ji lta ji lta/ bur 'tshal ba de lta de lta bur khong du chud do// bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang mthun par bgyid dam/ bcom ldan 'das kyis bka' stsal pa/ ka t+ya'i bu khyod kyi 'di ni chos yang dag par brjod pa dang mthun no// de nas bcom ldan 'dus la tshe dang ldan pa 'od srungs chen pos 'di skad ces gsol to/ / bcom ldan 'das gang dben pa tshol bas chos gang yang dag par brjed par bgyid pa de ni/ chos yang dag par brjod

  576. 289a

    pa ma lags so/ / bcom ldan 'das chos thams cad ni gnyis su ma mchis pas dben pa la gnas pa'o// sems dang yid dang / yid kyi rnam par shes pa dang bral bas gcig gis cig shos shes pa ma lags so/ / tshol ba dang bral bas gcig gis cig shos tshol ba ma lags so// bgyi ba ma mchis pas gcig gis cig shos kyis bstang ba ma lags so/ / bcom ldan 'das gzhan yang dben pa dben pa zhes bgyi ba 'di ni mi gnyis pa'i tshig bla dwags te/ mi gnyis pa las gud na chos gang yang ma mchis so/ / bcom ldan 'das chos thams cad ni gnyis su ma mchis pa stong pa nyid kyi rang bzhin/ mtshan ma med pa'i rang bzhin/ smon pa med pa'i rang bzhin/ mngon par 'du mi byed pa'i rang bzhin/ ma skyes ma byung ba'i rang bzhin te/ rnam par ma dag pa'i mtshan nyid kyis kyang thob pa yang ma lags/ rnam par dag pa'i mtshan nyid kyis kyang ma lags/ ser sna can rnams kyis kyang thob pa yang ma lags/ sbyin pa la mos pa rnams kyis kyang ma lags/ tshul khrims 'chal pa rnams kyis kyang thob pa yang ma lags/ tshul khrims dang ldan pa rnams kyis kyang ma lags/ gnod sems can rnams kyis kyang ma lags bzod pa phun sum tshogs pa rnams kyis kyang ma lags

  577. 289b

    le lo can rnams kyis kyang ma lags/ brtson 'grus brtsams pa rnams kyis kyang ma lags/ sems rnams par g.yengs pa rnams kyis kyang ma lags/ mnyam par gzhag pa rnams kyis kyang ma lags/ shes rab 'chal pa can rnams kyis kyang ma lags/ shes rab dang ldan pa rnams kyis kyang thob pa ma lags te/ gang chos thams cad thob pa ma mchis pa de ni/ chos rnams kyis thob pa zhes bgyi'o// thob pa 'di 'dra ba 'di ni 'du byed spyod yul ba rnams kyi ma lags/ sems spyod yul ba rnams kyi ma lags gnyis la spyod yul ba rnams kyi ma lags/ dmigs pa la gnas pa rnams kyi ma lags/ mngon par rtogs par 'dod pa rnams kyi ma lags/ spong ba 'dod pa rnams kyi ma lags/ 'byung ba'i sems dang ldan pa rnams kyi ma lags/ sangs rgyas su dmigs pa can rnams kyi ma lags/ chos dang dge 'dun du dmigs pa can rnams kyi ma lags/ 'khor ba dang mya ngan las 'das pa gnyis su lta ba can rnams kyi gnas ma lags so// bcom ldan 'das gzhan yang chos tshol ba gang lags pa de ni/ ci yang tshol ba ma lags so/ / bcom ldan 'das chos thams cad mi tshol ba ni chos tshol ba'o// yang dag par zhugs pa'i byang chub sems dpa' ni chos sam/ chos

  578. 290a

    ma lags pa yang mi dmigs so/ / de bzhin du 'di snyam du sems te/ gang rlom sems thams cad dang bral ba de ni chos so// gang chos su sgro btags pa thams dang bral ba de ni chos so/ / gang yid kyis smon pa thams cad dang bral ba de ni chos so// gang spros pa thams cad nye bar zhi ba de ni chos so snyam mo// gang 'di skad smras pa 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang mthun par bgyid dam/ bcom ldan 'das kyis bka' stsal pa// 'od srungs chen po khyod kyi 'di ni chos yang dag par brjod pa dang mthun no// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das chos chos zhes bgyi ba ni sgra ma mchis pa'i tshig bla dgas te/ gang sgra mi 'byin pa de ni de'i chos so// bcom ldan 'das de la mig gis gzugs rnams la sgra mi 'byin/ rna ba'i sgra rnams dang / snas dri rnams dang / lces ro rnams dang / lus kyis reg bya rnams dang / yid kyis chos rnams la sgra mi 'byin pa de ni chos so// de la ji ltar na mig gis gzugs rnams la sgra mi 'byin ce na/ phrad pa ma mchis pa'i slad du'o// mig ni gzugs la phrad par mi 'gyid/ rna bas sgra la ma lags/ snas dri la ma lags/

  579. 290b

    lces rol ma lags/ lus kyi reg bya la ma lags/ yid kyis chos la phrad par mi bgyid do// gang phrad par mi bgyid pa de ni sgra mi 'byin pa'o// bcom ldan 'das gnyis su ma mchis na/ chos la sgra 'byin pa ma mchis so// bcom ldan 'das chos thams cad ni gnyis su ma mchis pa ste/ gcig gis gcig ma 'tshal rnam par ma 'tshal/ mi rtog rnam par mi rtog/ 'byung bar mi bgyid/ 'jig par mi bgyid 'bri bar mi bgyid/ 'phel bar mi bgyid/ chags par mi bgyid/ mi chags par mi bgyid/ 'khor bar mi bgyid/ yongs su mya ngan las 'da' bar mi bgyid de/ 'di dag ni su'i yang ma lags 'di dag ni ci yang ma lags so// bcom ldan 'das chos 'di dag ni skyo bar yang mi bgyid/ chags par yang mi bgyid do/ / bcom ldan 'das chos 'di dag ni kun nas nyon mongs par yang mi 'gyur/ rnam par byang bar yang mi 'gyur ro// bcom ldan 'das bdag gis de ltar 'tshal to// bdag gis de ltar rtogs so// bcom ldan 'das gang bdag 'di ltar 'tshal ba/ 'di ltar rtogs so zhes de skad mchi ba 'di ni skye mched rnams kyi 'gyur ba'o// bcom ldan 'das skye mched rnams ni 'di snyam du 'di ni bdag cag gi 'gyur ba'o snyam du mi sems so/ / gang de ltar 'tshal ba de ni su dang yang mi brtsod do// gang mi rtsod pa de ni dge sbyong gyi chos kyis

  580. 291a

    rjes su 'jug pam/ gang dge sbyong ga chos kyi rjes su 'jug par na/ kAng nas kyang 'jug par yang mI badz+dzi/ mi 'jug par yang / bar yang mi bgyid/ mi sbyor bar yang mi bgyid/ 'gro bar yang mi bgyid/ sdod par yang mi bgyid/ 'bri bar yang mi bgyid/ 'phel bar yang mi bgyid de thams cad chos kyi tshul du mthong ngo / / thams cad rnams par grol ba'i tshul du mthong ngo // chos kyi dbyings nyid du mthong ngo // de ltar thams cad 'byung bar mthong ste/ gang 'byung ba de yang yang dag par rjes su mi mthong ngo / / gzhan du na ming tsam dang / btags pa tsam dang / tha snyad tsam du mthong ba ni ma mchis pa lags so// ming de yang ming ma mchis pa'o/ / btags pa yang btags pa ma mchis pa'o// tha snyad kyang tha snyad ma mchis pa'o// chos mthong bas sangs rgyas mthong ngo // sangs rgyas mthong bas sems can thams cad mthong ngo / / sems can thams cad mthong bas rgyu dang rkyen mthong ngo // rgyu dang rkyen mthong bas stong pa nyid mthong ngo // stong pa nyid mthong ba ni mthong ba ma mchis pa'o/ / bcom ldan 'das gang de ltar chos thams cad mi mthong ba ni yang dag par mthong ba'o// bcom ldan 'das gang de ltar mthong ba dang ldan pa de ni sangs rgyas rnams

  581. 291b

    mnyes par yang mi bgyid/ mi mnyes par yang mi bgyid do// de chos mnyes par yang mi byed/ mi mnyes par yang mi bgyid do// de dge 'dun mnyes par yang mi bgyi mi mnyes par yang mi bgyid do/ / bcom ldan 'das bzod pa de lta bu dang ldan pa'i byang chub sems dpa' ni bdud rnams dang yang mi rtsod na/ chos mthun pa rnams dang rtsod pa lta smos kyang ci 'tshal te/ de ni gnas ma lags brjod pa thams cad bdag gi phyogs su grub par mthong bas gang dang yang rtsod par mi 'gyur ro// rtsod pa ma mchis pas su dang yang lhan cig sgra byin pabar mi 'gyur ro/ / sgra ma mchis pa'i chos dang ldan pa ni chos thams cad dang ldan pa'o// chos thams cad dang ldan pa zhes bgyi ba ni/ ches thams cad bdag bzhin du gyur pa mnyam par gnas pa mnyam par bzod pa ste/ de bas na chos thams cad dang ldan pa zhes bgyi'o// gang du yang mi mchis gang nas kyang ma mchis pas de'i slad du ldan pa zhes bgyi'o// bcom ldan 'das de ltar chos thams cad dang ldan pa'i byang chub sems dpa'i gang cung zad smra ba dang / kun smra ba de thams cad ni chos yang dag par brjod pa ste sems can thams cad la phan pa thob par bgyid pa'o/ / bcom ldan 'das bdag mchi ba 'di lta bur chos yang dag par brjod pa dang mthun pa lta lags sam/ bcom ldan 'das kyis bka' stsal pa/ rab 'byor khyod kyi 'di

  582. 292a

    ni chos yang dag par brjod pa dang mthun no/ / rab 'byor gyi chos yang dag par brjod pa 'di brjod pa na/ dge slong lnga stong ni chos rnams la chos kyi mig rdul dang 'bral zhing dri ma med pa rnam par dag go/ / lha'i bu lnga stong ni bla na med pa yang dag par rdzogs pa'i byang chub tu sems skyes so// gang khyod kyis chos yang dag par brjod pa 'di thos pa'i byang chub sems dpa' de dag ni/ chos kyi rgya mtsho thob bo snyam du bdag nyid kyis shes so// don yod cing 'bras bu dang bcas par bdag nyid kyis mthong ngo // rab 'byor 'di ni de bzhin gshegs pa thams cad kyi chos yang dag par brjod pa dam pa yin no/ / de nas bcom ldan 'das la tshe dang ldan pa ma 'gags pas 'di skad ces gsol to// bcom ldan 'das chos thams cad yi ger yang dag par brjod pa ni chos yang dag par brjod pa lags so/ / de ci'i slad du zhe na/ yi ge ni mi 'gyur bas de'i slad du yi ge zhes bgyi'o// bcom ldan 'das gang brjod pa de ni yi ge tsam du byas te/ bcom ldan 'das yi ge'i 'bru de dag ni khong nas kyang sma mi 'byin/ slad rol nas kyang sgra mi 'byin te/ sgra 'byin pa de dag kyang 'di ltar bdag cag ni sgra 'byin te snyam du mi sems so/ / bcom ldan 'das yi ge'i 'bru rnams ni zad par yang mi 'gyur/ 'phel bar yang mi 'gyur te/ byang chub sems dpas yi

  583. 292b

    ge mnyam pa nyid kyis chos thams cad mnyam pa nyid du khong du chud par bgyi'o/ / de ltar chos thams cad mnyam pa nyid khong du chud pa'i byang chub sems dpa' ni sgra thams cad la khong khro ba ma mchis te/ gzhan du na sgra thams cad chos thams cad chos kyi sgrar thos pa dang / stong pa nyid kyi sgra dang / mtshan ma med pa'i sgra dang / smon pa med pa'i sgra dang / chos kyi dbyings kyi sgra dang / yang dag pa'i mtha'i sgrar thos so// de'i chos gang yang thams cad mkhyen pa rtogs par 'gyur ba dang 'gal ba ma lags so// de chos gang yang sangs rgyas kyi byang chub dang 'gal bar mi mthong gi/ de chos thams cad sgrib pa ma mchis par mthong / sangs rgyas kyi byang chub dang skal ba mnyam pa dang ma 'gags par mthong ngo // de gang las ldog pa dang / gang du 'jug pa'i chos de yang yang dag par rjes su mi mthong ngo // de sems can de dag kyang yang dag par rjes su mi mthong la/ sems can gyi don bgyi ba la mi phyogs pa yang ma lags so/ / bcom ldan 'das spyod pa de lta bu dang ldan pa'i byang chub sems dpa' sems dpa' chen ni spobs pa zab mo thob ste/ spobs pa zab mo de gang zhe na/ gang nyan thos dang / rang sangs rgyas rnams kyis kyang mi rtogs pa'o// phan pa'i spobs pa yang thob ste/ phan pa'i spobs pa gang zhe na/ gang gis sems

  584. 293a

    can thams cad phan pa nyid du 'gyur gyi/ mi phan par mi 'gyur ba'o// ran pa'i spobs pa yang thob ste/ ran pa'i spobs pa gang zhe na/ gang ji tsam gyi gtam gyis sems can bde bar 'gyur ba de tsam gyi gtam bgyid pa 'di ni ran pa'i spobs pa zhes bgyi'o/ / myur ba'i spobs pa yang thob ste/ myur ba'i spobs pa gang zhe na/ gang gis myur du sems can rnams 'dul ba'o/ / 'bras bu mchis pa'i spobs pa yang thob ste/ 'bras bu mchis pa'i spobs pa gang zhe na/ gang gis rgyun mi chad par sems can thar bar bgyid pa'o/ / lhan cig pa'i spobs pa yang thob ste/ lhan cig pa'i spobs pa gang zhe na/ gang gis sangs rgyas rnams dang lhan cig smra ba'o// skye ba'i spobs pa yang thob ste/ skye ba'i spongs pa gang zhe na/ gang gis tshig cig bstan pas/ tshig brgya stong las lhag pa'i spobs pa skye ba'o// yang ba'i spobs pa yang thob ste/ yang ba'i spobs pa gang zhe na/ gang gis brda bgyis pa tsam gyis thams cad shes nas ston pa'o// bde ba'i spobs pa yang thob ste/ bde ba'i spobs pa gang zhe na/ bde ba'i spobs pa gang gis 'dul ba rnams nyan pas ngoms par mi 'gyur ba'o/ / cang shes kyi spobs pa yang thob ste/ cang shes kyi spobs pa gang zhe na/ gang gis sangs rgyas kyi dgongs pa las mi 'da' ba'o// dul

  585. 293b

    ba'i spobs pa yang thob ste/ 'dul ba'i spobs pa gang zhe na/ gang gis rgyags pa dang bag med pa mi skyed pa'o// zhi ba'i spobs pa yang thob ste/ zhi ba'i spobs pa gang zhe na/ gang gis bdag dang gzhan rnams zhi bar bgyid pa'o// sgra'i spobs pa yang thob ste/ sgra'i spobs pa gang zhe na/ gang gis sems can rnams nyan thos kyi theg pa la 'dul ba'o// dben pa'i spobs pa yang thob ste/ dben pa'i spobs pa gang zhe na/ gang gis sems can rnams rang sangs rgyas kyi theg pa la 'dul ba'o// mtho ba'i spobs pa yang thob ste/ mtho ba'i spobs pa gang zhe na/ gang gis sems can rnams theg pa chen po la 'dul ba'o// mthun mong ma lags pa'i spobs pa yang thob ste/ mthun mong ma lags pa'i spobs pa gang zhe na/ gang gis ma 'dres pa dang / stobs dang / mi 'jigs pa'i gtam yang dag par rab tu ston pa'o// zhi gnas kyi spobs pa yang thob ste/ zhi gnas kyi spobs pa gang zhe na/ gang gis byang chub kyi phyogs kyi gtam rnams bgyid pa'o// ma smad pa'i spobs pa yang thob ste/ ma smad pa'i spobs pa gang zhe na/ gang gis sems can thams cad tshim par bgyid pa'o/ / rgyu dang rkyen gyis spobs pa yang thob ste/ rgyu dang rkyen gyi spobs pa gang zhe na/ gang gis phas kyi rgol ba thams cad tshar gcod pa'o// ston pa'i spobs pa yang

  586. 294a

    thob ste/ ston pa'i spobs pa gang zhe na/ gang gis 'khor bzhi la bag mi tsha bar chos ston pa'o// bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang mthun par bgyid dam/ bcom ldan 'das kyis bka' stsal pa/ ma 'gags pa khyod kyi 'di ni/ chos yang dag par brjod pa dang mthun no/ / // bam po drug pa// de nas bcom ldan 'das la tshe dang ldan pa sgra gcan 'dzin gyis 'di skad ces gsol to// bcom ldan 'das chos yang dag par brjod par 'tshal ba'i byang chub sems dpas chos 'dzin pa btsal bar bgyi'o// de ci'i slad du zhe na/ bcom ldan 'das chos 'dzin pa rnams las chos rtogs par 'gyur ro/ / de bas na chos btsal ba de la brtson par gyur pas/ chos 'dzin pa rnams las chos btsal bar bgyi'o// de ci'i slad du zhe na/ bcom ldan 'das chos lhur len pa rnams las chos skye'i zang zing lhur len pa rnams las ma lags so/ / lus dang srog la mi lta ba rnams dang / 'jig rten pha rol la lta ba dang bcas pa rnams dang dben pa 'dod pa rnams las skye'i grong dang grong khyer dang grong rdal la mngon par dga' ba rnams las ma lags so/ / 'grogs na bde ba rnams las skye'i//

  587. 294b

    'grogs na mi bde ba rnams las ma lags so// nga rgyal ma mchis pa rnams las skye'i/ nga rgyal gyis khengs pa rnams las ma lags so// des pa rnams las skye'i/ mgun ba rnams las ma lags so/ / sems mnyen zhing 'jam pa rnams las skye'i sems kyi rgyud rma can du gyur pa rnams las ma lags so// sems dben pa rnams las skye'i sems chags pa rnams las ma lags so/ / sdig pa rnam par 'byed pa rnams las skye'o/ sdig pa 'chab pa rnams las ma lags so// bcom ldan 'das sbyin pa la mngon par dga' ba rnams las chos skye'i ser sna can rnams las ma lags so/ / tshul khrims dang ldan pa rnams las skye'i/ tshul khrims 'chal pa rnams las ma lags so// bzod pa dang ldan pa rnams las skye'i gnod sems can rnams las ma lags so// brtson 'grus brtsams pa rnams las skye'i le lo can rnams las ma lags so// sems rtse gcig pa rnams las skye'i sems rnam par g.yengs pa rnams las ma lags so// shes rab dang ldan pa rnams las skye'i/ shes rab 'chal pa rnams las ma lags so/ / mang du thos pa rnams las skye'i thos banyung ba rnams las ma lags so// tshul bzhin la brtson pa rnams las spyi'i/ ngan pa'i bsam pa sems pan

  588. 295a

    las ma lags so/ / legs par bgyid pa'i las bgyid pa rnams las skye'i ngan par bgyid pa'i las bgyid pa rnams las ma lags so// legs par bshad pa la dga' ba rnams las skye'i 'jig rten rgyang 'phen pa'i gsang tshig la mngon par dga' ba rnams las ma lags so/ / stong pa nyid la mngon par dga' ba rnams las skye'i lta bar gyur pas rnam par bsgribs pa rnams las ma lags so/ / bslab par 'dod pa rnams las skye'i/ bstan bcos 'dod pa rnams las ma lags so// bcom ldan 'das gzhan yang gang bslab pa 'dod pa ni de'i chos lags so/ / bslab pa de dag kyang gang zhe na/ bcom ldan 'das bslab pa thams cad kyi nang na bslab pa gsum du bslab pa thams cad 'dul bar 'gyur ro// gsum gang zhe na/ lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa'o// bcom ldan 'das byang chub sems dpa sems dpa' chen po gang bslab pa gsum po 'di dag la slob pa de ni/ theg pa chen po thams cad la slob pa lags so// bcom ldan 'das de la byang chub sems dpa' sems dpa' chen po'i lhag pa'i tshul khrims kyi bslab pa gang zhe na/ byang chub sems dpa' ni gang so sor thar pa'i sdom pas bsdams pa yang lags la/ so sor thar pa tsam gyis dag par yang

  589. 295b

    / mi sems te/ byang chub sems dpa'i sdom pa la rton pa yang lags so// cho ga dang spyod yul phun sum tshogs pa yang lags la/ cho ga dang spyod yul tsam gyis dag par yang mi sems te/ byang chub sems dpa'i cho ga dang spyod yul la rton pa yang lags so// kha na ma tho ba rab tu phra ba dag la 'jigs par lta ba yang lags la byang chub sems dpa'i ye shes la rton pa yang lags so/ / de la byang chub sems dpa'i ye shes gang zhe na/ byang chub sems dpa' rnams chos thams cad kyi de kho na shes pas/ las dang nyon mongs pas 'jigs shing skrag pa ma mchis pa 'di ni/ byang chub sems dpa'i de kho na shes pa'o// de la byang chub sems dpa'i spyod yul gang zhe na/ byang chub sems dpa' ni stong pa nyid kyi spyod yul ba rnams lags te/ rtog pa dang rnam par rtog pa dang / yongs su rtog pa spyod yul ba ma lags so// yang dag par blangs nas bslab pa'i gzhi rnams la slob ste/ stong pa nyid du mnyam pa nyid yang dag par blangs nas slob pa 'di ni/ yang dag par blangs nas slob pa zhes bgyi'o// mtshan ma med par mnyam pa nyid dang / smon pa med par mnyam pa nyid dang / mngon par 'du mi byed par mnyam pa nyid dang / ma skyes pa dang / ma byung ba mnyam pa nyid yang dag par blangs nas slob pa 'di ni yang dag par blangs nas bslab pa'i gzhi rnams la slob pa zhes

  590. 296a

    bgyi'o/ / bcom ldan 'das gzhan yang byang chub sems dpa' 'di snyam du sems te/ so sor thar pa'i sdom pa'i tshul khrims 'di la sems can rnams dgod par bgyi'o// snyam pa 'di ni/ byang chub sems dpa'i lhag pa'i tshul khrims kyi bslab pa'o// de la byang chub sems dpa'i lhag pa'i sems kyi bslab pa gang zhe na/ gang rnam par thar pa brgyad rnams la slob pa'o/ / de la byang chub sems dpa' 'di snyam du sems te/ bdag gis lhag pa'i sems kyi bslab pa 'di la sems can thams cad bsgrub par bgyi'o snyam pa 'di ni byang chub sems dpa'i lhag pa'i sems kyi bslab pa'o/ / de la byang chub sems dpa'i lhag pa'i shes rab kyi brlab pa gang zhe na/ gang stong pa nyid rnam pa bco brgyad la slob pa'o// de la byang chub sems dpa' 'di snyam du sems te/ stong pa nyid rnam pa bco brgyad 'di sems can thams cad kyi khong du chud par bgyi'o snyam pa 'di ni/ byang chub sems dpa'i lhag pa'i shes rab kyi bslab pa ste/ bslab pa gsum po 'di dag tu byang chub sems dpa'i bslab pa thams cad 'dus so// bcom ldan 'das gzhan yang byang chub sems dpa' gang sems can rnams srung ba de ni tshul khrims srung ba'o/ / gang tshul khrims srung ba de ni tshul khrims mi snyems pa ste/ de tshul khrims des sems can thams cad kyi bsam pa yongs su rdzogs par bgyid do// bcom

  591. 296b

    ldan 'das byang chub sems dpa' ni mngon par 'byung ba'i ngang tshul can te/ yongs su 'dzin pa thams cad la mi chags so// byang chub sems dpa' ni dben pa'i drang tshul can te/ 'du 'dzi thams cad la mi chags so// byang chub sems dpa' ni nang du yang dag 'jog pa'i ngang tshul can te/ bya ba thams cad la mi chags so// byang chub sems dpa' ni bsam gtan gyi ngang tshul can te yul thams cad la mi chags so/ / byang chub sems dpa' ni rnam par grol ba'i ngang tshul can te/ skye ba'i skye mched thams cad la mi chags so/ / byang chub sems dpa' ni chos nyan pa'i ngang tshul can te/ 'jig rten pa'i gtam thams cad la mi chags so// byang chub sems dpa' ni chos ston pa'i ngang tshul can te/ dpag tshad brgyar yang song nas chos ston pas yongs su mi skyo ba'o// byang chub sems dpa' ni dam pa'i chos yongs su 'dzin pa'i ngang tshul can te/ sdug bsngal dang / yid mi bde ba'i log par ltung ba thams cad kyis yongs su mi skyo ba'o// byang chub sems dpa' ni byang chub kyi sems kyi ngang tshul can te/ sems can thams cad la phan pa'i phyir rtsol gyi/ bdag la ngan pa'i phyir ma lags so// byang chub sems dpa' ni bsam pa'i ngang tshul can te/ thog ma kho nar sems can rnams byang chub par 'tshal gyi

  592. 297a

    bdag ni ma lags so/ / byang chub sems dpa' ni lhag pa'i bsam pa'i ngang tshul can te/ gzhan gyi don kun sum tshogs par rab tu nor dang ldan pa lags kyi// bdag gi don phun sum tshogs pa ni ma lags so// byang chub sems dpa' ni spor ba'i ngang tshul can te/ byang chub kyi phyogs kyi chos kyi dge ba re re'i phyir yang bskal pa grangs ma mchis par yongs su sgrub par spro zhing yongs su mi skyo ba'o/ / byang chub sems dpa' ni sbyin pa'i ngang tshul can te/ yan lag gi dam pa mgo yang yongs su gtong zhing sems can gyi don bgyid do/ / byang chub sems dpa' ni tshul khrims kyi ngang tshul can te/ sems can tshul khrims 'chal pa rnams yongs su mi mthong ngo // byang chub sems dpa' ni bzod pa'i ngang tshul can te/ 'dud thams cad kyis mi 'jigs so// byang chub sems dpa' ni brtson 'grus kyi ngang tshul can te/ sems can thams cad la byang chub yang dag par sgrub pas yongs su mi skyo ba'o/ / byang chub sems dpa' ni bsam gtan gyi ngang tshul can te/ sgra thams cad dang bya ba'i brtsam pa thams cad kyi mi 'khrugs so// byang chub sems dpa' ni shes rab kyi ngang tshul can te/ chos thams cad ni sangs rgyas kyi byang chub dang mtshungs par mthong ngo // byang chub sems dpa' ni stong pa nyid kyi ngang tshul can te/ 'khor ba

  593. 297b

    la mi gnas so/ / byang chub sems dpa' ni snying rje chen po'i ngang tshul can te/ yongs su mya ngan las mi 'da'o// bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang mthun par bgyid dam/ bcom ldan 'das kyis bka' stsal pa// sgra gcan zin khyod kyi 'di chos yang dag par brjod pa dang mthun no/ / de nas bcom ldan 'das la tshe dang ldan pa nye bar 'khor gyi 'di skad ces gsol to// bcom ldan 'das byang chub sems dpa' gang bdag 'dul ba de/ sems can gzhan 'dul ba'i slad du/ sems can gyi khams ji tsam pa dang / chos kyi dbyings ji tsam pa dang / 'dod chags dang / zhe sdang dang / gti mug gi khams su gdags pas btags pa ji tsam pa de srid kyi dus su sems can 'dul ba yang yongs su mi skyo ba'o// de 'di snyam du sems te/ chos thams cad ni shin tu dul ba yin na/ de dag sems can rnams kyis khong du ma chud do snyam mo// de ci'i slad du zhe na/ chos thams cad ni stong pa nyid kyis dul ba te/ de la lta bar gyur pa thams cad dang / brtson pa thams cad mi spyod do// chos thams cad ni mtshan ma med pas dul ba ste/ de la rnam par rtog pa dang dpyod pa mi spyod do//

  594. 298a

    chos thams cad ni smon pa med pas 'dul ba ste/ de la yid kyi smon pa dang / smon lam thams cad mi spyod do// chos thams cad ni dag med pas dul ba ste/ de la chags pa thams cad mi spyod do// chos thams cad ni sems can med pas dul ba ste/ de la sems can tha dad pa mi spyod do// chos thams cad ni srog med pas dul ba ste/ de la tshe dang 'chi 'pho dang / skye ba mi 'jug go// chos thams rud ni bden pas dul ba ste/ de la slu ba thams cad mi 'jug go// chos thams cad ni rten cing 'brel par 'byung bas dul ba ste/ de la bdag po mi 'jug go// chos thams cad ni dran pa nye bar gzhag pas dul ba ste/ de la dran pa dang yid la byed pa mi 'jug go/ chos thams cad ni yang dag par spong bas dul ba ste/ de la blang ba dang dor ba mi 'jug go/ chos thams cad ni rdzu 'phrul gyi rkang pas dul ba ste/ de la 'ong ba dang 'gro ba mi 'jug go// chos thams cad ni dbang po dul ba ste/ de la dman pa mi 'jug go// chos thams cad ni stobs kyis dul ba ste/ de la 'joms pa thams cad mi 'jug go// chos thams cad ni byang chub kyi yan lag gis dul ba ste/ de la mi shes pa mi 'jug go// chos thams cad ni lam gyis dul ba ste/ de la bya ba ngan pa dang / sems pa ngan pa mi 'jug go// chos

  595. 298b

    / thams cad ni stobs bcus dul ba ste/ de la bag chags thams cad mi 'jug go// chos thams cad ni mi 'jigs pas dul ba ste/ de la 'jigs pa dang skrag pa thams cad ma mchi so/ / chos thams cad ni ma 'dres pas dul ba ste/ de la rtsom pa thams cad mi 'jug go// chos thams cad ni ye shes kyis dul ba ste/ de la ma rig pa mi 'jug go// chos thams cad ni byed pa po ma mchis pas dul ba ste/ de la 'du byed mi 'jug go// chos thams cad ni dmigs pa ma mchis pas dul ba ste/ de la rnam par shes pa mi 'jug go/ / chos thams cad ni sems pa ma mchis pas de la ming dang gzugs mi 'jug go// chos thams cad ni gnas pa ma mchis pas de la skye mched drug mi 'jug go// chos thams cad ni mi gnyis pas de la reg pa mi 'jug go/ chos thams cad ni rnam par rig pa ma mchis pas de la tshor ba mi 'jug go/ chos thams cad ni nga'i ba ma mchis pas de la sred pa mi 'jug go/ / chos thams cad ni mthu rtsal ma mchis pas de la len pa mi 'jug go/ chos thams cad ni lus ma mchis pas de la srid pa mi 'jug go// chos thams cad ni 'chi 'pho ma mchis pas de la skye ba mi 'jug go/ / chos thams cad ni snying po can pas de la rga ba mi 'jug go// chos thams cad ni mi zad pas de la 'chi ba mi 'jug ste/

  596. 299a

    bcom ldan 'das 'di ni byang chub sems dpa' rnams kyi sgrib pa ma mchis pas lam mo// lam 'di la rnam par gnas pa'i byang chub sems dpa' ni bdud thams cad kyis mi 'phrogs pa lags so/ / phas kyi rgol ba thams cad kyis mi thub pa lags so// nyon mongs pa thams cad kyis mi brdzi ba lags so// sangs rgyas thams cad kyis bsngags pa lags so/ / lha thams cad kyi phyag bgyi ba lags so// bcom ldan 'das byang chub sems dpa' sems dpa' chen po ye shes de lta bu dang ldan pa ni/ chos kyi gter chen po rnyed pa zhes bgyi'o/ / mi dbul ba zhes bgyi'o// de bzhin gshegs pa rnams kyis thugs brtan pa zhes bgyi'o// de bzhin gshegs pa rnams kyi mdzod 'dzin pa zhes bgyi'o/ / bya ba byas pa dang / byed pa byas pa dang / bdag gi don rjes su thob pa zhes bgyi'o// rgya mtsho ltar gting tshod yas pa dang / ri rab ltar mi g.yo ba zhes bgyi'o// bcom ldan 'das 'di ni chos yang dag par brjod pa lags pa snyam bgyid na// bcom ldan 'das chos yang dag par brjod pa dang mthun par bgyid dam/ bcom ldan 'das kyis bka' stsal pa/ nye bar 'khor khyod kyi 'di chos yang dag par brjod pa dang mthun te/ chos yang dag par brjod par 'di la brten nas/ byang chub sems dpa' sems dpa' chen po

  597. 299b

    mngon par rdzogs par 'tshang rgya'o/ / de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das dam pa'i chos yongs su 'dzin pa ni byang chub sems dpa' rnams kyi chos kyi gtso bo lags so/ / dam pa'i chos yongs su 'dzin pa la brtson pa'i byang chub sems dpa' ni byang chub dang sangs rgyas mnyes par bgyid pa'o/ / de ci'i slad du zhe na/ sangs rgyas bcom ldan 'das rnams ni chos bla mar gyur pa'o// bcom ldan 'das dam pa'i chos yongs su 'dzin pa gang zhe na/ 'di lta ste de bzhin gshegs pas gsungs pa'i mdo sde zab mo rnams lung nod pa dang / kha ton bgyid pa dang / don dang tshig sems pa ni byang chub sems dpa'i dam pa'i chos yongs su 'dzin pa'o/ / bcom ldan 'das gzhan yang bsgrub pa yongs su 'dzin pa ni byang chub sems dpa'i dam pa'i chos yongs su 'dzin pa'o// de la byang chub sems dpa' rnams kyi sgrub pa gang zhe na/ bcom ldan 'das byang chub sems dpa' rnams kyi lus kyi las gang ci yang rung / ngag gi las gang ci yang rung / yid kyi las gang ci yang rung ste/ de thams cad ni sems can thams cad la lta bas 'jug go/ / snying rje chen po sngon du 'gro'o// snying rje chen po'i dbang du gyur pa'o// sems can thams cad la phan pa'i gnas kyi rgyu'o// sems can thams cad la

  598. 300a

    phan pa dang bde ba'i lhag pa'i bsam pa las byung ba'o/ / de phan pa'i bsam pa 'di lta bus 'du shes 'di ltar 'gyur te/ gang sems can thams cad la phan pa sgrub pa dang / bde ba sgrub pa'i sgrub pa de bdag gis bsgrub bo snyam mo// de phung po rnams la sgyu ma lta bur so sor rtog pa sgrub kyang phung po yongs su dor bar yang mi 'tshal lo// khams rnams la sbrul gdug pa lta bur so sor rtog pa sgrub kyang / khams yongs su dor bar yang mi 'tshal lo// skye mched rnams la grong stong lta bur so sor rtog pa sgrub kyang skye mched yongs su dor bar yang mi 'tshal lo/ / de bzhin du gzugs la dbu ba rdol ba lta bur so sor rtog pa sgrub kyang / de bzhin gshegs pa'i gzugs kyi sku rnam par sgrub pa yang mi dor ro// tshor ba la chu'i chu bur lta bur so sor rtog pa sgrub kyang de bzhin gshegs pa'i bsam gtan dang / ting nge 'dzin dang / snyom par 'jug pa'i bde ba sgrub pa'i sbyor ba mi rtsom pa yang ma lags so/ / 'du shes la smig rgyu lta bur so sor rtog pa sgrub kyang / de bzhin gshes pa'i ye shes sgrub pa mi sgrub pa yang ma lags so// 'du byed rnams la chu shing lta bur so sor rtog par sgrub kyang / sangs rgyas kyi chos mngon par 'du bya ba mi sgrub pa yang ma lags so// rnam par shes pa la sgyu ma lta bur so sor rtog pa sgrub kyang / ye shes

  599. 300b

    sngon du 'gro ba'i lus dang / ngag dang yid kyi las sgrub pa mi sgrub pa yang ma lags so// sbyin pas rnam par smin pa la mi re bsgrub bo// tshul khrims kyis sems can tshul khrims 'chal/ pa yongs su skyob pa sgrub bo// bzod pas dul ba dang zhi ba sgrub bo// brtson 'grus kyis dge ba'i chos bsgrub pa thams cad sgrub bo// bsam gtan rnams kyis lus dang sems yongs su las su rung ba sgrub bo/ / shes rab kyis chos thams cad snang ba sgrub bo// dran pa nye bar gzhag pa rnams kyis rnam par gzhag pa sgrub bo// yang dag par spong ba rnams kyis lus dang sems dri ma med pa sgrub bo/ / rdzu 'phrul gyi rkang pa rnams kyis chags pa med pa'i ye shes sgrub bo// dbang po rnams kyis theg pa'i mchog sgrub bo// stobs rnams kyis phyir mi ldog pa'i byang chub sems dpa' sgrub bo/ / byang chub kyi yan lag rnams kyis the tsom med pa sgrub bo// lam gyis kha na ma tho ba med pa sgrub bo// tshangs pa'i gnas pa rnams kyis drang po sgrub bo/ / bcom ldan 'das gzhan yang gang stong pa nyid sgom pa de dam pa'i chos yongs su 'dzin pa ma lags so// de la stong pa nyid ni spros pa ma mchis pa'o// bcom ldan 'das spros pa la dga' ba ni dam pa'i chos yongs su 'dzin pa ma lags so// stong pa nyid ni mtshan ma med pa'o// bcom ldan 'das mtshan ma med pa la spyod pa ni/ dam pa'i chos

  600. 301a

    yongs su 'dzin pa lags te/ mtshan ma la spyod pa ni dam pa'i chos yongs su 'dzin pa ma lags so// stong pa nyid ni smon lam yang yang dag par chad pa'o// bcom ldan 'das smon pa med pa la spyod pa ni dam pa'i chos yongs su 'dzin pa lags te/ smon lam la gnas pa ni dam pa'i chos yongs su 'dzin pa ma lags so// bcom ldan 'das dmigs pa can ni dam pa'i chos yongs su 'dzin pa ma lags so/ / ngar 'dzin pa dang nga yir 'dzin pa la gnas pa ni dam pa'i chos yongs su 'dzin pa ma lags so// mngon pa'i rgyal can ni dam pa'i chos yongs su 'dzin pa ma lags so/ / rnyed pa dang bkur sti dang / tshigs su bcad pa la gnas pa ni dam pa'i chos yongs su 'dzin pa ma lags so// phrag dog dang ser sna la gnas pa ni dam pa'i chos yongs su 'dzin pa ma lags so/ / 'dod pa dang / gnod sems dang / rnam par 'tshe ba mang ba ni dam pa'i chos yongs su 'dzin pa ma lags so/ / bcom ldan 'das gang dag sems can rnams la tha dad pa'i 'du shes ma mchis pa de dag dam pa'i chos yongs su 'dzin pa'o// bcom ldan 'das gang dag chos rnams skye ba ma mchis pa dang / 'gag pa ma mchis par mthong ba de dag dam pa'i chos yongs su 'dzin pa'o// bcom ldan 'das gang dag sems can rnams 'ong ba ma mchis pa dang /

  601. 301b

    'gro ba ma mchis par mthong ba de dag dam pa'i chos yongs su 'dzin pa'o// bcom ldan 'das gang dag bdag kun nas nyon mongs pa yang ma lags/ rnam par byang ba yang ma lags/ par mthong ba de dag dam pa'i chos yongs su 'dzin pa'o// gang dag sangs rgyas kyis chos rnams la rjes su chags pa yang ma mchis/ mu stegs can gyi chos rnams la khong khro ba yang ma mchis pa de dag dam pa'i chos yongs su 'dzin pa'o/ / gang dag chos kyi phung po brgyad khri bzhi stong 'dzin kyang chos su 'du shes pa yang ma mchis pa de dag dam pa'i chos yongs su 'dzin pa'o/ / gang dag nyon mongs pa dang / nye ba'i nyon mongs pa thams cad dang / sdig pa mi dge ba'i chos thams cad dang lhan cig mi gnas kyang / chos ma lags pa'i 'du shes kyang ma mchis pa de dag dam pa'i chos yongs su 'dzin pa'o/ / gang dag sems rnam par grol yang bdag gi sems rnam par grol ba'o snyam du rlom sems ma mchis pa de dag dam pa'i chos yongs su 'dzin pa'o/ / gang dag sangs rgyas thams cad la bsnyen bkur bgyid kyang lus dang ngag dang / sems kyi rtul ba yang ma lags pa de dag dam pa'i chos yongs su 'dzin pa'o/ / gang dag chos thams cad la dbang sgyur ba yang chos dang chos ma lags pa'i 'du shes la mi spyod pa de dag dam pa'i chos yongs su 'dzin pa'o// gang dag chos thams

  602. 302a

    cad gzung ba'i phyir ram/ spang ba'i phyir yang ma zhugs pa de dag dam pa'i chos yongs su 'dzin pa'o// gang dag thob pa'i phyir ram/ mngon sum du byas pa'i phyir yang ma zhugs pa de dag dam pa'i chos yongs su 'dzin pa'o/ / gang dag yongs su 'dzin pa thams cad la sems mi 'dzin pa de dag dam pa'i chos yongs su 'dzin pa'o// gang dag so so'i skye bo yang ma lags/ slob pa yang ma lags/ dgra bcom pa yang ma lags/ gang la gnas pa yang ma lags la/ 'dod chags dang zhe sdang dang gti mug kyang zad pa de dag dam pa'i chos yongs su 'dzin pa'o/ / gang dag byang chub tu lung bstan kyang sangs rgyas nyid du yang mi smon pa de dag dam pa'i chos yongs su 'dzin pa'o// gang dag byang chub kyi snying por 'gro yang thams cad du yang byang chub kyi snying por 'du shes pa ma mchis pa de dag dam pa'i chos yongs su 'dzin pa'o/ / gang dag bdud las rnam par rgyal bar bgyid kyang bdud dang / bdud kyi ris rnams kyang mi dmigs pa de dag dam pa'i chos yongs su 'dzin pa'o// gang dag byang chub mngon par rdzogs par 'tshang rgya yang / snga na med pa'i chos kyang mi thob pa de dag dam pa'i chos yongs su 'dzin pa'o/ / gang dag chos kyi 'khor lo rab tu bskor yang sems can dang chos gang la yang 'jug pa ma mchis/ ldog pa yang ma

  603. 302b

    mchis pa de dag dam pa'i chos yongs su 'dzin pa'o/ / gang dag mu stegs byed pa thams cad tshar gcod kyang rtsod pa yang ma mchis pa de dag dam pa'i chos yongs su 'dzin pa'o// gang dag skye ba yang gsar pa yang ma lags/ rnying pa yang ma lags pa de dag dam pa'i chos yongs su 'dzin pa'o// gang dag 'chi ba yang ma mchis pa zad pa yang ma mchis pa de dag dam pa'i chos yongs su 'dzin pa'o/ / gang dag khams gsum pa las yang dag par 'da' yang gang du yang mi 'gro ba de dag dam pa'i chos yongs su 'dzin pa'o// gang dag brjod pa thams cad brjod kyang mngon par brjod pa yang ma mchis pa de dag dam pa'i chos yongs su 'dzin pa'o/ / bcom ldan 'das gang dag chos thams cad la yang mi chags la/ gang dag kyang phyir mi phyogs pa de dag dam pa'i chos yongs su 'dzin pa'o/ / bcom ldan 'das 'di ni chos yang dag par brjod pa lags pa snyam bgyid na/ bcom ldan 'das bdag chos yang dag par brjod pa dang mthun par bgyid dam/ bcom ldan 'das kyis bka' stsal pa/ kun dga' bo khyod kyi 'di ni chos yang dag par brjod pa dang mthun no// kun dga' bos chos yang dag par brjod pa 'di brjod pa na/ lha'i bu brgyad khri ni bla na med pa yang dag par rdzogs pa'i byang chub tu sems skyes so// byang chub sems dpa' sum khri nyis stong ni mi skye ba'i

  604. 303a

    chos la bzod pa thob bo/ / dge slong lnga brgya ni len pa med par zag pa las sems rnam par grol lo// de nas bcom ldan 'das la byang chub sems dpa' sems dpa' chen po byams pas 'di skad ces gsol to/ / bcom ldan 'das 'di lta ste dper na/ phub ma bor nas 'bras len pa de bzhin du chos ma lags pa bor nas chos 'dzin to/ / de la byang chub sems dpa' ser sna bor nas sbyin pa dang / 'chal pa'i tshul khrims bor nas tshul khrims dang / gnod sems bor nas bzod pa dang / le'o/ bor nas brtson 'grus dang / rnam par g.yeng ba bor nas bsam gtan dang / 'chal pa'i shes rab bor nas shes rab 'dzin pa 'di ni chos yang dag par brjod pa lags so// / bcom ldan 'das gzhan yang yid kyis smon pa ni chos ma lags so// gang mi smon pa de ni mi 'dzin to// gang mi 'dzin pa de mi srung ngo // gang mi srung ba de kun nas nyon mi mongs so/ / gang kun nas nyon mi mongs pa de mi rtsod do// gang mi rtsod pa de mi bzod do// gang mi bzod pa de ma mi phyin to// gang rma mi phyin pa de mi 'jug mi ldog ste/ de ni phyir mi ldog pa lags so/ / bcom ldan 'das byang chub sems dpa' phyir mi ldog pa la de bzhin gshegs pa rnams kyis bla na med pa yang dag par rdzogs pa'i byang chub tu lung ston pa

  605. 303b

    'di ni/ bcom ldan 'das chos lags te/ bcom ldan 'das 'di ni chos yang dag par brjod pa'o// gzhan yang bcom ldan 'das byang chub sems dpa' sems dpa' chen po 'dri snyam du sems te/ bdag ni phyir mi ldog pa ste/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam pa 'di ni/ de bzhin gshes pas lung mi ston to/ / de ci'i slad du zhe na/ bcom ldan 'das 'dod pa ni nyon mongs pa thams cad kyi rtsa ba'o// bcom ldan 'das 'dod pa dang bral na nyon mongs pa dang bral te/ nyon mongs pa dang bral ba la lung ston to// bcom ldan 'das gzhan yang byang chub sems dpa' 'di snyam du 'jig rten dang mi mthun pa smra ba ni lung bstan pa'o snyam du sems so// de ci'i slad du zhe na/ gang lung bstan pa de ni 'di la ma mchis te/ gang lung ston pa de yang de bzhin du ma mchis so// gal te gang lung bstan pa de yang ma mchis/ gang lung ston pa de yang de bzhin du mchis na/ 'di la lung bstan par ga la 'gyur/ gzhan du na bcom ldan 'das thugs rje chen po dang ldan pa/ 'jig rten dang mthun par 'jug pa ni/ 'di skad sangs rgyas su 'gyur ro zhes gsung ngo snyam du byang chub sems dpa' gang de ltar shes pa de la lung ston to/ / bcom ldan 'das 'di lta ste/ dper na/ sgyu ma sprul pas sgyu ma sprul pa

  606. 304a

    la lung bstan kyang sgyu ma sprul pa de 'di ltar bdag sangs rgyas su 'gyur bar lung bstan to snyam du mi sems pa de bzhin du/ bcom ldan 'das byang chub sems dpa' sgyu ma sprul pa yang 'gyur ba ma mchis pa lags so/ / de yang 'di snyam du sems te/ byang chub ni thob pa'i mtshan nyid kyang ma lags/ dor ba'i mtshan nyid kyang ma lags/ byang chub ni skye ba'i mtshan nyid kyang ma lags/ 'gog pa'i mtshan nyid kyang ma lags/ byang chub ni lus kyis kyang mngon par rdzogs par 'tshang mi rgya ste/ sems kyis kyang ma lags// byang chub ni nang nas kyang ma lags/ spad rol nas kyang ma lags/ gnyis ka mchis pa'i bar nas kyang mi dmigs te/ byang chub ni 'di snyam du bdag byang chub bo// bdag la byang chub sems dpa' mngon par rdzogs par 'tshang rgya'o snyam du mi sems so snyam pa 'di ni/ bcom ldan 'das chos yang dag par brjod pa lags so// bcom ldan 'das gzhan yang byang chub sems dpa' sa rab tu dga' ba la ni dga' ba yang ma lags/ mi dga' ba yang ma lags so// dri ma med pa'i sa la ni mi 'phel mi 'bri'o// 'od byed pa'i sa la ni mi rmong mi lta'o// 'od 'phro ba can gyi sa la ni mi spong mi thob bo/ / shin tu sbyong dka' ba'i sa la ni mi skye mi rga'o// mngon du gyur gyi sa la ni chags par yang mi 'gyur mi chags par yang mi 'gyur ro// ring du song ba'i sa la ni mi

  607. 304b

    'gro mi ldog go/ / mi g.yo ba'i sa la ni mi 'gul mi bskyod do// dge ba'i blo gros kyi sa la ni mi 'grub mi bsgrub bo// chos kyi sprin gyi sa la ni mi rtogs rtogs par mi 'gyur ro// sangs rgyas kyi sa la ni thams cad mdzad kyang / rtsom pa thams cad mi mnga' ste/ de bas de bzhin gshegs pa ni lhun gyis grub pa spros pa thams cad mi mnga' ba zhes bgyi'o// bcom 'das 'di ni chos yang dag par brjod pa lags so/ / bcom ldan 'das ye shes de lta bu dang ldan pa'i byang chub sems dpa' ston pa la dbang thob ste/ ston pa la dbang ba des brjod pa thams cad la mi chags so/ / rnam par dag pa la dbang thob ste/ des thams cad du kun nas nyon mi mongs so// spobs pa la dbang thob ste/ des rgyun tu chos kyi tshul re re brtsams nas/ bskal pa brgya stong du ston kyang yongs su mi zad do/ / ye shes la dbang thob ste/ des chos kyi rig re re las rnam pa brgya stong du ston to// skye ba la dbang thob ste/ des gang dang gang du sems can gyi don du 'gyur ba de dang der skye'o/ / ting nge 'dzin la dbang thob ste/ des sems kyi skad cig sems kyi skad cig la ji lta ji lta bur 'dod pa de lta de lta bur snyom par 'jug go// byin gyis brlabs la dbang thob ste/ des ri dgas dang / bya dang rtsa dang shing dang rtsig pa yang rung ste/ ji ltar byin gyis brlabs pa de thams cad sangs rgyas kyis chos rnams ston to// g.yog la dbang thob ste/

  608. 305a

    des g.yog mang po dang g.yog mi phyed par 'gyur ro// blta ba la dbang thob ste/ des yid du mi 'ong ba mi mthong ngo // nyan pa la dbang thob ste/ des rnar mi 'ong ba mi thos so/ / snom pa la dbang thob ste/ des dri thams cad chos kyi dri nyid du snom mo// lcel dbang thob ste/ des chos kyi zas su 'gyur gyi/ zang zing gi zas su ni ma lags so// lus la dbang thob ste/ des chos kyi skur 'gyur gyi/ zang zing gi lus su ni ma lags so// sems la dbang thob ste/ des sems can thams cad la tha na sbrang bu dang // grog mo rnams kyi sems dang spyod pa yang rab tu 'tshal te/ bcom ldan 'das 'di ni chos yang dag par brjod pa zhes bgyi'o// de nas bcom ldan 'das la byang chub sems dpa' mthong dgas 'di skad ces gsol to/ / bcom ldan 'das byang chub sems dpa' gang sems can rnams kyis mthong ma thag tu dga' bar 'gyur ba de lta de ltar bsgrub par bya'o// de ci'i slad du zhe na/ bcom ldan 'das byang chub sems dpa'i bgyi ba gzhan ma mchis kyis/ sems can yongs su smin par bgyi bar byas te/ bcom ldan 'das 'di ni byang chub sems dpa'i rtsa ba'i chos yang dag par brjod pa lags so/ / bcom ldan 'das de bas na/ byang chub sems dpa' dga' bar bgyi ba'i chos rnams la 'jug par bgyi'o// bcom ldan 'das de la byang chub sems dpa'

  609. 305b

    rnams kyi dga' bar bgyi ba'i chos bzhi ste/ bzhi gang zhe na/ lan du phan dogs pa la mi re ba'i sbyin pa dang / sems can thams cad la mnyam pa'i sems kyis snyan par smra ba dang / sems can thams cad kyi don ma lags pa sel cing / don sgrub pa'i don spyod pa dang / sems can thams cad la dga' ba'i bdag nyid kyi don mthun pa ste/ chos bzhi po de dag ni byang chub sems dpa' rnams kyi dga' bar bgyi ba'o/ / gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ nga rgyal ma mchis pa'i mang du thos pa dang / zang zing ma mchis pa'i sems kyis chos ston pa dang / ye shes tshol bas bla ma la gus pa dang / sems can thams cad yongs su smin par bgyid pa don tu nyer bas brtson 'grus brtsams pa ste/ chos bzhi po de dag ni byang chub sems dpa' rnams kyi dga' bar bgyi ba'o// gzhan yang byang chub sems dpa' rnams kyi dga' bar bgyi ba'i chos bzhi ste/ zhigang zhe na/ tshul khrims phun sum tshogs pas chos sbyin pa dang / 'dod pa nyung bas dben pa la gnas pa dang / dben par gnas pas bsam gtan thob pa dang / grong dang grong khyer dang / grong rdal du 'jug pas spyod lam mi 'khrugs pa ste/ chos bzhi po de dag ni byang chub sems dpa' rnams kyi dga' bar bgyi ba'o// gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe

  610. 306a

    na/ bden pa smra bas spobs pa dang / chos smra bas stong pa nyid brjod pa dang / bzod pa smra bas sems can thams cad la sems mnyam pa dang / 'dul ba smra bas dbang po sdom pa ste/ chos bzhi po de dag ni byang chub sems dpa' rnams kyi dga' bar bgyi ba'o// gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ legs dgu mchis pas gsong por smra ba dang / ngan ngon tsam gyis chog par 'dzin pas mgu sla ba dang / ji skad smra ba de bzhin bgyid pas g.yo ma mchis pa dang // sems can thams cad la mi slu bas sgyu ma mchis pa ste/ chos bzhi po de dag ni byang chub sems dpa' rnams kyi dga' bar bgyi ba'o// gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ nang zhi bas gnod par mi sems pa dang / phyi rol tu phyin ci ma log pas ma rmongs pa dang / dngos po thams cad la mi rtag par so sor rtog pas mi brkam pa dang / yang dag pa ji lta ba bzhin du yongs su shes pa dang ldan pas ma khengs pa ste/ chos bzhi po de dag ni byang chub sems dpa' rnams kyi dga' bar bgyi/ ba'o// gzhan yang byang chub sems dpa' rnams kyi dga' bar bgyi ba'i chos bzhi ste/ bzhi gang zhe na/ zab pa yang lags la gsong por yang smra ba dang / sred pa yang ma

  611. 306b

    mchis la mnyen zhing snyan par yang smra ba dang / lta ba yang ma mchis la/ byang chub kyi sems kyang mi 'dor ba dang / don dam par spyod yul ba yang lags la/ kun rdzob kyi bslab pa'i rjes su yang 'jug pa ste/ chos bzhi po de dag ni byang chub sems dpa' rnams kyi dga' bar bgyi ba'o// bcom ldan 'das 'di ni chos yang dag par brjod pa lags so// bcom ldan 'das gzhan yang byang chub sems dpa' ni don dam pa'i stong pa nyid kyis nges par byung ba mngon par shes pa chen po dang / rig pas nges par byung ba dbang chen po thob pa/ chos yang dag par brjod pa la mkhas pa/ chos zab mo la dga' ba sems can thams cad dang mthun par 'jug pa/ bsam gyis mi khyab cing rmad du byung ba'i chos dang ldan pa cang shes kyi chos thob pa/ mngon par shes pa chen po// chos smra ba chen po// chos kyi rgyal po chen po bgyi ba chen po bgyid pa/ skye bo chen po rten pa/ mngon par shes pa chen pos rnam par rtson pa/ sems can yongs su smin pa bgyi ba'i slad du/ 'chi 'pho ma mchis kyang skye la/ skye ba ma mchis kyang 'chi ba/ bya ba byas kyang mngon par rdzogs par 'tshang rgyab sems grol yang brtson 'grus rtsom pa/ yongs su mya ngan las 'das kyang spyod pa/ ngom kyang tshol ba/ don tu gnyer ba ma mchis kyang sbyor ba/ thams cad shes kyang

  612. 307a

    gzhan la dri ba'o/ / bcom ldan 'das rgya mtsho thams cad kyi gting ni rtogs par nus kyi/ sems can chen po de dag gi theg pa chen po'i ye shes kyi rgya mtsho'i gting ni rtogs par mi nus so/ / bcom ldan 'das nam mkha' ni gzhal bar nus kyi/ sems can chen po de dag gi sems ni gzhal bar mi nus so// bcom ldan 'das rlung ni gzung bar nus kyi/ sems can chen po de dag gi yul la ni spyod par mi nus so// bcom ldan 'das smig rgyu la ni nu rnyed paras kyi/ sems can chen po de dag gi las ngar 'dzin pa dang / nga yir 'dzin pa ni rnyed par mi nus te/ bcom ldan 'das 'di ni chos yang dag par brjod pa lags so// de nas bcom ldan 'das la byang chub sems dpa' mig bzangs kyis 'di skad ces gsol to// bcom ldan 'das byang chub sems dpas byang chub kyi sems las chos thams cad khong du chud par bgyi'o// de ci'i slad du zhe na/ bcom ldan 'das chos thams cad ni yongs su rtogs pa'i snying po tsam du bas te sems tsam mo/ / rdzas ma lags pa'o// rdzas ma mchis pa'o// sgyu ma ltar rtsa ba ma mchis pa'o// 'dod pas rnam par sgrubs pa'o// byed pa po dang / tshor ba po dang bral ba'o/ / mi gnas pa'o// gnas pa dang 'bral ba'o// bcom ldan 'das chos thams cad ni thog ma dang ldan pa ma lags so// gnyis su ma mchis pa'o// gnyis dang

  613. 307b

    bral ba'o/ / bcom ldan 'das chos thams cad ni nga'i ba ma mchis pa/ yongs su 'dzin pa ma mchis pa'o// chos thams cad ni bdag po ma mchis pa/ chos kyi dbyings dang mnyam pa'o// chos thams cad ni glo bur du byung ba mi gnas pa/ 'dod chags dang bral ba'o// chos thams cad ni kun tu rtog pa dang / rnam par rtog pa dang bral ba/ rtog pa dang sel ba dang bral ba'o// / chos thams cad ni shes rab bgyi ba tsam dang / shes pa po stong pa'i phyir slad du ma mchis bskur du ma mchis te/ yongs su shes par bgyi ba tsam du bas na/ 'di la byis pa so so'i skye bo dag ma mchis pa rnams la bdag tu 'du shes/ sems can ma mchis pa rnams la sems can du 'du shes pa 'di dag chos nyid 'di lta bu 'di khong du chud par bya'o snyam nas/ byang chub sems dpa' gang sems skye ba de ni/ byang chub sems dpa'i byang chub kyi sems zhes bgyi'o// sems can thams cad la phan pa'i sems dang / bde ba'i sems dang bla na med pa'i sems dang / chos kyi dbyings las skyes pa'i sems dang / sems can gyi khams thams cad la brten nas skyes pa 'di ni/ byang chub kyi sems zhes bgyi'o// bcom ldan 'das gzhan yang sbyin pa'i pha rol tu phyin pas nye bar zhi ba'i sems dang / tshul khrims kyi pha rol tu phyin pas zhi ba'i sems dang / bzod pa'i pha rol tu phyin pas rma mi phyin pa'i

  614. 308a

    sems dang / brtson 'grus kyi pha rol tu phyin pas phyir mi ldog pa'i sems dang / bsam gtan gyi pha rol tu phyin pas rnam par mi g.yeng ba'i sems dang // shes rab kyi pha rol tu phyin pas rnam par mi rtog pa'i sems dang / byams pa chen pos mnyan pa'i sems dang / snying rje chen pos mi zlog pa'i sems dang / dga' ba chen pos 'gyod pa ma mchis pa'i sems dang / btang snyoms chen pos dri ma ma mchis pa'i sems dang / sbyin pa'i 'byung ba ma mchis pa'i sems dang / snyan par smra bas thibs po ma mchis pa'i sems dang / don spyod pas mnyam pa'i sems dang / don mthun pas lhag na ma mchis pa'i sems dang / stong pa nyid kyis mi 'gyur ba'i sems dang / mtshan ma ma mchis pas sgrib pa ma mchis pa'i sems dang / smon pa ma mchis pas mi gnas pa'i sems dang / byang chub kyi phyogs kyi chos rnams kyis nges par 'byung ba'i sems dang / sangs rgyas rjes su dran pas mi phyed pa'i sems dang / chos rjes su dran pas chos kyi sems dang / dge 'dun rjes su dran pas smon pa ma mchis pa'i sems dang / tshul khrims rjes su dran pas mchog tu 'dzin pa ma mchis pa'i sems dang / gtong ba rjes su dran pas chags pa ma mchis pa'i sems dang / lha rjes su dran pas dag pa'i tshogs thams cad yang dag par grub pa'i sems

  615. 308b

    'di ni/ byang chub sems dpa' rnams kyi byang chub kyi sems zhes bgyi'o// bcom ldan 'das bdag gis byang chub kyi sems las brtsams te bskal pa 'am/ bskal pa las lhag par bstan kyang mtha' rtogs par mi 'gyur ro/ / bcom ldan 'das de ltar na byang chub sems dpa' rnams kyi byang chub kyi sems skyed pa ni tshad ma mchis pa'i rgyu las byung ba lags so// bcom ldan 'das de bas na byang chub sems dpas byang chub kyi sems dge ba'i chos thams cad bzung bar bgyi ste/ bcom ldan 'das 'di ni chos yang dag par brjod pa lags so// de nas bcom ldan 'das la byang chub sems dpa' legs par skyes kyis 'di skad ces gsol to// bcom ldan 'das chos thams cad ni rtsa ba yongs su dag pas ma skyes pa'o/ / bcom ldan 'das de la chos rnams kyi rtsa ba ci lags zhe na/ mngon par ma zhen pa ni chos rnams kyi rtsa ba'o// bcom ldan 'das stong pa nyid ni chos thams cad kyi rtsa ba ste/ de la lta bar gyur pa thams cad ma mchis so// mtshan ma ma mchis pa ni chos thams cad kyi rtsa ba ste/ de la rnam par rtog pa thams cad ma mchis so// smon pa ma mchis pa ni chos thams cad kyi rtsa ba ste/ de la khams gsum pa rnams kyi nyon mongs pa rnams ma mchis so// mngon par du mi bgyid pa ni chos thams cad kyi rtsa ba ste/ de la byed pa po ma mchis so//

  616. 309a

    bdag ma mchis pa ni chos thams cad kyi rtsa ba ste/ de la bdag tu lta ba mi 'byung ngo // sems can ma mchis pa ni chos thams cad kyi rtsa ba ste// de la sems can du lta ba kun tu mi 'byung ngo / / srog ma mchis pa ni chos thams cad kyi rtsa ba ste/ de la srog tu lta ba kun tu mi 'byung ngo // chos thams cad ni ma skyes pa ste/ de la ther zug tu lta ba kun tu mi 'byung ngo / chos thams cad ni ma 'gag pa ste/ de la chad par lta ba kun tu mi 'byung ngo // chos thams cad ni dngos po ma mchis pa ste/ de la 'byung bar lta ba kun tu mi 'byung ngo // chos thams cad ni mya ngan las 'das pa dang mnyam ste/ de la 'jig par lta ba kun tu mi 'byung ngo // chos thams cad ni byang chub ste/ de la sangs rgyas su lta ba kun tu mi 'byung ngo // chos thams cad ni ma byas pa ste/ de la chos su lta ba kun tu mi 'byung ngo // chos thams cad ni 'dus pa ma mchis pa ste/ de la dge 'dun du lta ba kun tu mi 'byung ngo // bcom ldan 'das 'di ni chos yang dag par brjod pa lags so/ / byang chub sems dpa' ded dpon gyis gsol pa/ bcom ldan 'das byang chub sems dpa' ni thog ma kho nar sems can thams cad byang chub par 'tshal gyi bdag nyid ni ma lags so// gang sems can gyi slad du thams cad rtsom yang sems can yang mi dmigs la byams pa chen po dang / snying rje chen po yang mi 'dor ro// de la byang chub sems dpa' rnams kyi byams pa chen po

  617. 309b

    gang zhe na/ gang byang chub sems dpa' sems can yang mi dmigs la/ dge ba'i rtsa ba thams cad mngon par 'du bya ba'i cho ga yang mi 'dor zhing / dge ba'i rtsa ba de dag kyang byang chub tu yongs su sngo ba 'di ni/ byams pa chen po zhes bgyi'o// gang sems can gyi bya ba rgyun mi gcod pa 'di ni de'i snying rje chen po'o// gang 'khor ba nyid mya ngan las 'das par yang dag par rjes su mthong la/ lam yang dag par sgrub pa'i brtson 'grus kyang mi 'dor ba 'di ni de'i byams pa chen po'o// gang sems can mi gtong ba 'di ni de'i snying rje chen po'o// gang dag byang chub tu go bgos pa 'di ni de'i byams pa chen po'o/ / gang sems can gzhan yang go gyon par bgyid pa 'di ni de'i snying rje chen po'o// gang bdog pa thams cad yongs su gtong bar bgyid pa 'di ni de'i byams pa chen po'o/ / gang bdog pa thams cad yongs su gtang ba'i dge ba'i rtsa ba sems can thams dud sangs rgyas nyid thob par bgyi ba'i slad du yongs su sngo ba 'di ni de'i snying rje chen po'o// gang tshul khrims dang bslab pa dang / dam bcas pa thams cad ma nyams pa 'di ni de'i byams pa chen po'o// gang bdag gi tshul khrims kyis sems can gzhan gyi tshul khrims 'bel bar bgyid/ pa 'di ni de'i snying rje chen po'o// gang bdag nyid bzod pa dang nges pa phun sum tshogs pa 'di ni de'i byams pa chen po'o// gang bzod pa dang nges pas sems can 'dul ba 'di ni de'i snying rjes chen

  618. 310a

    po'o/ / gang sangs rgyas kyi byang chub thob par bgyi ba'i slad du/ bdag nyid brtson 'grus des sems can gzhan dag kyang brtson 'grus la rab tu 'ged pa 'dra na de'i snying rje chen po'o/ / gang bdag nyid sems nges par rtogs pa la gnas pa 'di ni de'i byams pa chen po'o// gang nges par rtogs pa des gzhan yang nges par rtog tu 'jug pa 'di ni de'i snying rje chen po'o/ / gang bdag shes rab yongs su rdzogs par bgyi ba'i slad du brtson pa 'di ni de'i byams pa chen po'o// gang rang gi shes rab kyi sems can gzhan rnams kyi shes rab 'phel bar bgyid pa 'di ni/ de'i snying rje chen po'o// gang rtson pa yang ma lags/ mi brtson pa yang ma lags pa 'di ni de'i byams pa chen po'o// gang bgyid pa yang ma lags/ mi bgyid pa yang ma lags pa 'di ni de'i snying rje chen po'o/ / gang skya yang mi 'pho ba 'di ni de'i byams pa chen po'o// gang 'pho yang mi skye ba 'di ni de'i snying rje chen po'o// gang smra yang brjod pa ma mchis pa 'di ni de'i byams pa chen po'o/ / gang grol ba yang 'ching ba yang mi 'dor ba 'di ni de'i snying rje chen po'o// gang 'tshang rgya yang khong du chud pa yang ma mchis pa 'di ni de'i byams pa chen po'o// gang yongs su mya ngan las kyang 'da' la nub par yang mi 'gyur ba 'di ni de'i snying rje chen po'o/ / gang lus kyi ring bsrel phye mar yang 'gyur la rus pa dang rgyus pa dang khrag dang / lus kyang ma mchis pa 'di ni

  619. 310b

    de'i byams pa chen po'o/ / gang ring bsrel de dag zad par yang mi 'gyur/ 'phel bar yang mi 'gyur ba 'di ni de'i snying rje chen po'o// gang sbyin pa yang sbyin la gtong ba yang ma mchis pa 'di ni de'i byams pa chen po'o/ / gang smon lam yang 'debs la 'jog pa yang ma mchis pa 'di ni de'i snying rje chen po'o// gang srung ba bsgrub par yang mi bgyid pa 'di ni de'i byams pa chen po'o// gang 'phel yang 'phel la lhag par yang mi 'gyur ba 'di ni de'i snying rje chen po ste/ bcom ldan 'das 'di ni chos yang dag par brjod pa lags so// byang chub sems dpa' 'od tog gis gsol pa/ bcom ldan 'das byang chub sems dpa' nges par rtog par bgyi'o// bcom ldan 'das nges par rtog pa'i byang chub sems dpa' la sangs rgyas kyi chos gzhan rnams bdag nyid kyis mngon sum du 'gyur ro/ / nges par rtog pa gtso bor bgyid pa'i byang chub sems dpa' ni bde bar mngon par rdzogs par 'tshang rgya ba thob ste/ de ni// gzungs so// de la byang chub sems dpa' rnams kyi gzungs gang zhe na/ gang gis ji ltar thos pa'i chos rnams chud mi gson pa dang / ji ltar thos pa'i chos rnams 'dzin pa dang / ji ltar thos pa'i chos rnams khong du chud pa dang / gzhan dag kyang khong du chud par bgyid pa 'di ni gzungs zhes bgyi'o// gang gis mi g.yo ba dang / mi rtog pa dang / gang gis

  620. 311a

    chos kyi phung po brgyad khri bzhi stong 'dzin pa dang / dran par yang mi bgyid/ brjed par yang mi bgyid pa dang / gang gis sems can thams cad kyi spyod pa 'tshal te/ 'tshal nas kyang sems can de dag la de bzhin du 'jug pa dang / gang gis sems can thams cad kyis smras pa thos te/ thos nas kyang 'phags pa ma lags pa'i sgra rnams la snying rje chen po rnyed pa dang / 'phags pas smras pa rnams la byams pa chen po rnyed pa dang / gang gis chos kyi tshig gcig bzung nas/ bskal par bstan kyang de'i spobs pa mthar mi byin cing / zad par mi 'gyur ba dang / gang gis brjod pa dang / mi brjod pa thams cad 'tshal ba dang / gang gis smras pa thams cad sangs rgyas kyis gsungs par 'tshal ba dang / gang gis phyogs bcu'i 'jig rten gyi khams dag na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa thos te/ thos nas kyang thams cad yongs su 'dzin pa dang / de bzhin gshegs pa gcig gi thad na chos nyan kyang / de bzhin gshegs pa gnyis kyis chos bstan pa la grib par yang mi 'gyur ba 'di ni/ byang chub sems dpa' rnams kyi gzungs zhes bgyi'o// mngon par sgrub pa'i gzungs kyang thob ste/ des chos thams cad mngon tu

  621. 311b

    ston pa dang / chos kyi tshig gcig ji lta ba de bzhin du/ chos kyi dbyings ma lus par ston kyang des de rgyags par mi 'gyur/ bag ma mchis par mi 'gyur ro// lhag par bsdu ba'i gzungs kyang thob ste/ des 'jig rten thams cad kyi bla mar gyur pa'i gtam brjod cing / 'jig rten thams cad kyi bla mar gyur pa yang lags so// sel ba'i gzungs kyang thob ste/ des sems can thams cad kyi the tsom thams cad dang / nye ba'i nyon mongs pa thams cad sel to// lhag par bsdu ba dang / sel ba'i gzungs kyang thob ste/ des dkar po'i chos rnams 'phel bar bgyid cing // nag po rnams zad par bgyid do// sgrub pa'i gzungs kyang thob ste/ des chos thams cad kyi sgrub pa yang 'tshal cing / de sgrub kyang rnam par rtog par yang mi bgyid// spyod kyang lus dang sems kyis brtson par mi bgyid// 'chad kyang yi ge rnams sgro 'dogs par yang mi bgyid spong yang sel bar yang mi bgyid/ yongs su rdzogs par bgyid kyang kang du chos gang yang sdud par yang mi bgyid/ nyu dur yang mi bgyid/ 'grib par yang mi bgyid brjod par yang mi bgyid la/ mngon par brjod pa yang ma mchis/ mya ngan las kyang 'da' la 'khor ba las kyang mi g.yo// 'phags pa nyid kyang thob la so so'i sa las kyang mi g.yo// bdud las rnam

  622. 312a

    par rgyal bar yang bgyid la/ lus dang sems dang ngag gis pha rol kyang mi gnon pa 'di ni bcom ldan 'das byang chub sems dpa' rnams kyi chos yang dag par brjod pa lags so/ / byang chub sems dpa' rnam par grol ba'i zla ba'i gsol pa/ bcom ldan 'das chos thams cad ni rnam par grol ba'i mtshan nyid de/ de la byang chub sems dpas bcings pa'am/ grol bar yongs su brtag par mi bgyi'o// de ci'i slad du zhe na/ bcom ldan 'das rnam par grol ba ni gang gis yang ma lags so// rnam pa grol ba yang gang yang ma lags so/ / bcom ldan 'das rnam par grol ba ni/ chos gang yang 'phel bar yang mi bgyid// 'bri bar mi bgyid do// bcom ldan 'das rnam par grol ba ni gang nas kyang mi mchis/ bcings pa ni gang du yang mi mchi'o// bcom ldan 'das dge slong rnams sems rnam par grol ba 'di ltar bdag ni sems rnam par grol ba'o snyam du mi sems te/ gzhan du na ji ltar rnam par grol ba de bzhin du chos thams cad 'tshal te/ bcom ldan 'das gang 'di ltar 'khor ba ni skyon chags pa/ mya ngan las 'das pa ni rnam par grol ba'o snyam du sems pa 'di ni/ sems rnam par grol ba ma lags so// de ci'i slad du zhe na/ bdag tu 'dzin pa ni de ltar sems so// bcom ldan 'das gang 'di ltar bdag

  623. 312b

    gi phung po dang / khams dang skye mched kyi chog gis yongs su mya ngan las 'da'o snyam pa de ni/ sems rnam par grol ba ma lags so// de ci'i slad du zhe na/ bdag tu 'dzin pa ni de ltar sems so/ / bcom ldan 'das sems rnam par grol ba'i dge slong ni 'di ltar chos thams cad kyi rnam par grol ba'i mtshan nyid ni byis pa so so'i skye bo rnams kyis mi shes te/ bdag gis de ltar chos nyid 'di khong du chud par bya'o snyam mo/ / bcom ldan 'das sems rnam par grol ba'i dge slong ni/ bdag gis rnam par grol ba thob par bya'o snyam du mi sems mod kyi de yang 'di ltar shin tu rnam par grol ba'i chos thams cad la rnam par grol ba kun tu tshol ba de rnams la snying rjes chen po bya'o snyam mo/ / de ci'i slad du zhe na/ gang rnam par grol ba kun// tu tshol ba de dag ni rnam par grol ba mi thob bo// bcom ldan 'as de bas rnam par grol ba tshol ba'i dge slong gis bcings pa btsal bar bgyi'o// gang gis bcings pa yang dag pa ji lta ba bzhin du mthong ba de rnam par grol ba la mi rtog ste/ de sems byar grol ba zhes bgyi'o// bcom ldan 'das 'di ni byang chub sems dpa' rnams kyi chos yang dag par brjod pa lags so// de nas bcom ldan 'das la/ byang chub sems dpa' blo gros rgya mtshos 'di skad ces gsol to// bcom ldan 'das byang chub sems dpas nyon mongs pa rnams la 'jigs

  624. 313a

    par mi bgyi'o/ / de ci'i slad du zhe na/ gang na nyon mongs pa mchis pa de na byang chub mchis so// nyon mongs pa ma mchis pa la byang chub kyang ma mchis so// stong pa nyid dang / nyon mongs pa mi gnyis te gnyis su dbyer ma mchis so// bcom ldan 'das byang chub dang nyon mongs pa ni mi gnyis te/ gnyis su dbyer ma mchis so// gzhan du na phyin ci log tu lhung ba'i sems kyi rgyun gyis byis pa so so'i skye bo rnams bdag ni nyon mongs so/ / rnam par dag go snyam du shes pa ni ma mchis pa lags so// bcom ldan 'das yang dag par zhugs pa'i byang chub sems dpa' ni nyon mongs pa yang mi se la/ nyon mongs pa ma mchis pa yang mi sgrub bo// byang chub sems dpa' nyon mongs pa'i sgo la so sor rtog pa ni ting nge 'dzin dang gzungs kyi sgo thob bo/ / bcom ldan 'das de bas na nyon mongs pa nyid byang chub sems dpa' dag gis sangs rgyas kyi rigs lags so// nyon mongs pa de dag la g.yengs shing byin ci log tu gyur pa'i blo can byis pa dag ni ngan song du gzhol ba/ sdug bsngal myong bar 'gyur ba'o// byang chub sems dpa' ni yang dag par so sor rtog pas/ sangs rgyas kyi byang chub khong du chud do/ / bcom ldan 'das de bas na byang chub sems dpa' rgyun las bzlog ste 'jug par bgyi'o// rgyun gyi rjes su mi 'jug par mi bgyi'o// bcom ldan 'das byang chub sems dpa'

  625. 313b

    ni mya ngan las 'das pa las rnam par grol gyi/ 'khor ba las ni ma lags so// de ci'i slad du zhe na/ byang chub sems dpas mya ngan las 'das pa la 'jigs par bgyi'i 'khor ba la ni ma lags so/ / 'khor ba la so sor brtags na/ sems can rnams la snying rje chen po thob bo// sangs rgyas kyi byang chub kyang thob bo// mya ngan las 'das pa la yongs su brtags na/ 'khor ba la zhes 'gras par 'gyur ro// byang chub sems dpa' 'khor ba la zhes 'gras par ni sangs rgyas kyi byang chub las yongs su nyams so// 'khor ba na gnas pa rnams la byang chub sems dpa'i byams pa chen po dang / snying rje chen po skye'i mya ngan 'das pa la gnas pa rnams la ni ma lags so// bcom ldan 'das mya ngan las 'das pa mya ngan las 'das pa zhes bgyi ba ni/ yang dag pa ma yin pa yongs su rtog pa rab tu zhi ba'i tshig bla dgas so// bcom ldan 'das de bas na mya ngan las 'das pa tshol ba'i byang chub sems dpa' yongs su rtog pa nye bar zhi ba btsal bar bgyi ste/ de las mya ngan las 'das pa thob par 'gyur ro// bcom ldan 'das 'di ni chos yang dag par brjod pa lags so// / bam po bdun pa ste tha ma'o// de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to//

  626. 314a

    bcom ldan 'das byang chub sems dpas chos shin tu mang po la bslab par mi bgyi'o// bcom ldan 'das byang chub sems dpas chos gcig rab tu bzung zhing rab tu rtog par bgyis na/ bcom ldan 'das sangs rgyas kyi chos thams cad de'i lag mthil du mchis pa lags so// chos gcig po gang zhe na/ 'di lta ste/ snying rje chen po'o// bcom ldan 'das snying rje chen pos ni sangs rgyas kyi chos thams cad byang chub sems dpa' rnams kyi lag mthil du mchis pa lags so/ / bcom ldan 'das 'di lta ste dper na/ 'khor los sbyar ba'i rgyal po'i 'khor lo rin po che gang du mchi ba der/ dpung gi tshogs thams cad mchi'o// bcom ldan 'das de bzhin du byang chub sems dpa' snying rje chen po gang du mchi ba der sangs rgyas kyi chos thams cad mchi'o/ / bcom ldan 'das 'di lta ste dper na/ gdugs shar na sems can rnams kyi bya ba thams cad shin tu mang bar 'gyur ro// bcom ldan 'das de bzhin du snying rje chen po gang du shar bar gyur pa der/ byang chub byed pa'i chos kyi bya ba gzhan rnams kyang shin tu mang bar 'gyur ro// bcom ldan 'das 'di lta ste dper na/ srog gi dbang po mchis na dbang po gzhan rnams 'byung bar 'gyur ro/ / bcom ldan 'das de bzhin du snying rje chen po mchis na/ byang chub byed pa'i chos gzhan rnams kyang 'byung bar 'gyur te/ bcom ldan 'das 'di ni chos

  627. 314b

    yang dag par brjod pa lags so/ / byang chub sems dpa' blo gros brtan pas gsol pa/ bcom ldan 'das bsam pa phun sum tshogs pa ni chos thams cad kyi rtsa ba ste/ gang la bsam pa ma mchis pa de la sangs rgyas kyi chos thams cad ring ba lags so// bcom ldan 'das bsam pa phun sum tshogs pa la ni/ gal te sangs rgyas mi bzhugs na yang na mkha'i dkyil dang rtsig pa dang / shing rnams las chos 'byung ngo // byang chub sems dpa' bsam pa dag pa ni rang gi yid kyi dpyod pa nyid las gdams ngag dang / rjes su bstan pa thams cad 'byung ngo/ / bcom ldan 'das de bas na byang chub sems dpas bsam pa phun sum tshogs par bgyi'o// bcom ldan 'das 'di lta ste dper na/ gang la rkang pa mchis pa de la 'gro ba mchis so// bcom ldan 'das de bzhin du gang la bsam pa mchis pa de la sangs rgyas kyi chos rnams mchis so// bcom ldan 'das 'di lta ste dper na/ yan lag gi dam pa mgo gang la mchis pa de la 'tsho ba mchis so/ / bcom ldan 'das de bzhin du bsam pa gang la mchis pa de la sangs rgyas kyi byang chub mchis so// bcom ldan 'das 'di lta ste dper na/ gang la 'tsho ba mchis pa de la zad pa mchis so/ / bcom ldan 'das de bzhin du gang la bsam pa mchis pa de la sangs rgyas rnyed pa mchis so// bcom ldan 'das 'di lta ste dper na/ zhugs shing mchis na zhugs

  628. 315a

    'bar gyi/ zhugs shing ma mchis na zhugs mi 'bar ro// bcom ldan 'das de bzhin du bsam pa mchis pa'i byang chub sems dpa' la sangs rgyas kyi chos rnams 'bar gyi/ bsam pa ma mchis pa la mi 'bar ro// bcom ldan 'das 'di lta ste dper na/ sprin chags na char 'bab kyi/ sprin ma chags pa na char mi 'bab bo// bcom ldan 'das de bzhin du bsam pa mchis na/ sangs rgyas kyi chos rnams 'byung gi/ bsam pa ma mchis na mi 'byung ngo // bcom ldan 'das 'di lta ste dper na/ zhugs shing gang rtsa ba nyams pa de la me tog dang / 'bras bu rnams mi 'khrung ngo // bcom ldan 'das de bzhin du gang bsam pa log par zhugs pa de dag la dge ba'i chos thams cad mi 'byung ngo // bcom ldan 'das de bas na/ byang chub sems dpa' sangs rgyas kyi byang chub tshol bas/ rang gi bsam pa shin tu bzung ba dang / shin tu srung ba dang / shin tu sbyang bar bgyi ste/ bcom ldan 'das 'di ni chos yang dag par brjod pa lags so/ / byang chub sems dpa' dpal bzang gis gsol pa/ bcom ldan 'das byang chub sems dpa' chos gang yang 'khrugs par mi bgyi'o// bcom ldan 'das byang chub sems dpas rang gi sems shin tu bzung bar bgyi'o/ / bcom ldan 'das byang chub sems dpa'i sangs rgyas kyi chos thams cad ni rang gi sems la rag las pa'o// bcom

  629. 315b

    ldan 'das byang chub sems dpa' gang chos 'ga' zhig 'khrug par bgyid na/ de tshegs chen pos mi skye ba'i chos la bzod pa thob par 'gyur ro// bcom ldan 'das byang chub sems dpa' gang chos gang yang 'khrug par mi bgyid pa dang / bsam gtan du bgyid pa de ma nyams par gnas pa ste/ de bzhin gshegs pa rnams la nongs pa ma mchis par 'gyur ro// rang gi sems las sangs rgyas kyi chos thams cad rab tu rtogs te/ sems de yang 'khrugs par mi bgyid do// ji ltar sems de rten cing 'brel par 'byung ba de bzhin du/ chos thams cad kyang rten cing 'brel par 'byung bar mthong ngo / / ji ltar sems de yang sgyu ma lta bur mthong ba de bzhin du/ chos thams cad kyang sgyu ma lta bur mthong ngo // ji ltar sems de nang dang phyi rol dang / gnyis ka ma mchis par yang yang dag par rjes su mi mthong ba de bzhin du/ chos thams cad yang dag par rjes su mi mthong ngo // ji ltar sems de gzugs ma mchis/ bstan du ma mchis/ thogs pa ma mchis/ snang ba ma mchis/ rnam par rig pa ma mchis/ rten pa ma mchis/ gnas ma mchis par mthong ba de bzhin du/ chos thams cad kyang mthong ngo / / de ltar mthong ba'i byang chub sems dpa' ni sems snyoms pa nyid thob bo// de sems snyoms pa nyid thob pas/ yang mi rtog mi ldog mi 'dor mi 'dzin mi smon to//

  630. 316a

    gang mi smon pa de mi 'dzin to// gang mi 'dzin pa de yongs su mi 'dzin pa de yang nyon mongs par mi 'gyur ro// nyon mongs pa ma mchis pa'i byang chub sems dpa' ni sangs rgyas kyi chos thams cad kyi ston te/ bcom ldan 'das 'di ni chos yang dag par brjod pa lags so// byang chub sems dpa' nam mkha'i mdzod kyi gsol pa bcom ldan 'das byang chub sems dpas gang gis sems can rnams la gnod par 'gyur ba'i tshig de smra bar mi bgyi'o/ / gang gis gzhan la gdung bar 'gyur ba'i tshig de smra bar mi bgyi'o// byang chub sems dpa' gang gzhan gyis 'tshal bar mi 'gyur ba'i tshig de smra bar mi bgyi'o// gang gzhan gyi don ma lags pa dang / don ma mchis pa'i tshig de smra bar mi bgyi'o// gang gis rig pa mi skyed pa'i tshig de smra bar mi bgyi'o// gang sems can rnams kyi snying la mi 'bab pa dang / 'khor go ba ma lags pa dang / rnar mi snyan pa'i tshig de smra bar mi bgyi'o/ / gang gnyis la spyod par mi 'gyur ba'i tshig de smra bar mi bgyi'o// bcom ldan 'das byang chub sems dpas gang stong pa nyid khong du chud par mi 'gyur ba'i tshig de smra ba mi bgyi'o/ / de ci'i slad du zhen/ gang stong pa nyid khong du chud par 'gyid pa'i tshig de ni tshig thams cad kyi mchog go// bcom ldan 'das gang chos thams cad stong pa dang /

  631. 316b

    ba ma mchis pa dang / mi gnyis pa dang / gnyis dang bral bar mthong yang sems can gyi bgyi ba thams cad kyang mi 'dor ba 'di ni/ de'i sgrib pa ma mchis pa'i snying rje chen po'o// gang sgrub pa ma mchis pa'i snying rje chen pos spyod pa de sangs rgyas kyi bslab pa rnams la slob pa/ gang sangs rgyas kyi bslab pa rnams la slob pa de ni nam mkha'i mdzod thob bo// nam mkha'i mdzod thob pas ci 'tshal ba rnams yongs su gtong bar bgyid kyang gtong bar dang / ser sna la gnyis su 'du shes pa ma lags/ tshul khrims la ma lags 'chal pa'i tshul khrims la ma lags/ bzod pa ma lags/ gnod semA la ma lags/ brtson 'grus lam lags/ le lo la ma lags/ bsam gtan la ma lags/ rnam par g.yeng ba la ma lags/ shes rab la ma lags/ 'chal pa'i shes rab la ma lags te/ de sangs rgyas kyi chos la yang mi smon/ so so'i skye bo'i chos kyang yongs su mi 'dor ro/ / bcom ldan 'das 'di lta ste/ dper na/ rgya mtsho chen por char 'bab po 'tshal ni 'di lta ste/ lan tshwa'i ror ro gcig go// de bzhin du byang chub sems dpa' don dam pa la mkhas pa la chos gang dag snang bar 'gyur ba de dag thams cad ni 'di lta ste/ rnam par grol ba'i ror ro gcig par 'gyur ro// bcom ldan 'das

  632. 317a

    'di lta ste dper na/ gdugs ni dngos po thams cad ni snang bar bgyid do// bcom ldan 'das de bzhin du byang chub sems dpa' yang shes rab kyis chos thams cad snang bar bgyid do/ / bcom ldan 'das chos thams cad ni stong pa nyid du 'gal ba ma mchis te/ bcom ldan 'das byang chub gang de ltar 'tshal ba de chos thams cad byang chub tu yang dag par rjes su mthong ngo / / gang chos thams cad byang chub tu yang dag par rjes su mthong ba de gang drung zad smra ba de thams cad sangs rgyas kyi gsung du 'tshal te/ gang de ltar 'tshal ba/ de chags pa ma mchis pa ston to/ / gang chags pa ma mchis par ston pa de spobs pa thogs pa ma mchis pa zhes bgyi ste/ bcom ldan 'das 'di ni chos yang dag par brjod pa lags so// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das byang chub sems dpas pha rol tu phyin pa rab tu phye ba lags na bcom ldan 'das 'jig rten log par 'dzin pa ni 'di skad du pha rol tu phyin pas byang chub sems dpa' rab tu phye'o zhes mchi'o/ / bcom ldan 'das gal te pha rol tu phyin pas byang chub sems dpa' rab tu bya ba lags na ni/ sems can thams cad kyang byang chub sems dpar 'gyur ro// bcom ldan 'das byang chub sems dpa' ni pha rol tu phyin pa skyed pa dang / khong du chud pa lags

  633. 317b

    te/ bskyed nas kyang gzhan dag la yang yang dag par rab tu ston te/ de'i slad du bcom ldan 'das byang chub sems pa ni ma skyes pa'i lam skyed pa/ ma byung ba'i lam 'byin pa/ ma brjod pa brjod pa'o zhes bgyi'o/ / bcom ldan 'das byang chub sems dpa' dag ni pha rol tu phyin pa rnams kyis bsrung ba ma lags kyi/ byang chub sems dpa' rnams pha rol tu phyin pa srung bar bgyid de/ de'i slad du byang chub sems dpa' rnams dam pa'i chos 'dzin pa zhes bgyi'o// bcom ldan 'das byang chub sems dpa' dag ni pha rol tu phyin pa rnams kyi kun tu bzungs pa ma lags kyi/ byang chub sems dpa' rnams pha rol tu phyin pa kun tu 'dzin par bgyid de/ de'i slad du chos 'dzin pa zhes bgyi'o// bcom ldan 'das chos thams cad ni ngo bo nyid kyi dri ma ma mchis pas skyon ma mchis pa'o/ / bcom ldan 'das chos thams cad ni sems can dang bdag dben pas gnas ma mchis pa'o// bcom ldan 'das chos thams cad ni blang ba dang dor ba ma mchis pas sems ma mchis pa'o/ / bcom ldan 'das chos thams cad ni brtsams pa ma mchis pas yid ma mchis pa'o// bcom ldan 'das chos thams cad ni brtsams pa dang bral bas rnying pa ma lags so/ / bcom ldan 'das chos thams cad ni mi g.yo zhing g.yo ba ma mchis pas 'gro ba dang bral ba'o// chos thams cad ni srog ma mchis

  634. 318a

    pas mi 'chi ba'o/ / chos thams cad ni zas ma mchis pas gsol ba ma mchis pa'o// chos thams cad ni 'dus nas 'grub pas rdzas ma mchis pa'o// chos thams cad ni chos kyi dbyings dang dbyer ma mchis pas dman pa ma lags so/ / chos thams cad ni lus ma mchis pas dbyer ma mchis pa'o// chos thams cad ni yang dag pa'i mtha' dang mtshungs pas rdo rje lta bu'o/ bcom ldan 'das byang chub sems dpa' gang 'di ltar 'tshal ba de chos thams cad kyi chos nyid 'tshal to// gang chos rnams kyi chos nyid 'tshal ba de stong pa nyid 'tshal ba'o// gang stong pa nyid 'tshal ba de su dang yang mi rtsod do// gang su dang yang mi rtsod pa de dge sbyong gi chos la gnas pa'o// gang dge sbyong gi chos la gnas pa de gnas pa ma mchis pa'o// gang gnas pa ma mchis pa de yul rnams mi zag go// gang yul rnams la mi zag pa de skyon ma mchis pa'o/ / gang skyon ma mchis pa de chos kyi sku'o// chos kyi sku gang lags pa de de bzhin gshegs pa'o// de bzhin gshegs pa gang lags pa de mi gnyis pa gsung ba'o// gang mi gnyis pa gsung bde 'khor ba yang mi spong mya ngan las 'das pa yang mi sgrub ste/ gzhan du yongs su rtog pa thams cad spong ba ston te// bcom ldan 'das 'di ni chos yang dag par brjod pa'o/ / phyin ci ma log pa yang dag par brjod pa'o// stong pa nyid yang dag par brjod pa'o// mtshan ma ma mchis pa dang / smon pa ma mchis pa dang / mngon par 'du mi bgyid pa dang

  635. 318b

    ma skyes pa dang / ma 'byung ba yang dag par brjod pa'o// skye ba ma mchis pa yang dag par brjod pa'o// theg pa chen po yang dag par brjod pa'o// chos kyi 'khor lo rab tu bskor ba chen po yang dag par brjod pa'o/ / pha rol tu phyin pa chen po yang dag par brjod pa'o// sa chen po yang dag par brjod pa'o// chos thams cad phyin ci ma log pa yang dag par brjod pa'o// bcom ldan 'das chos yang dag par brjod pa 'di thob pa'i byang chub sems dpa' ni gang du dge ba bcu'i las kyi lam la rab tu 'god pa'i 'khor los sgyur bar 'gyur ro/ / sems can thams cad dge bar bgyid pa'i tshong dpon du 'gyur ro/ / khyim gyi skyon rnam par brjod pa'i khyim bdag chen por 'gyur ro// lha rnams bag mchis pa la rab tu spor ba'i lha'i rgyal po rgya byin du 'gyur ro// bsam gtan dang / tshad ma mchis pa rnams la rab tu 'god pa'i tshangs par 'gyur ro// 'jig rten gyi chos rnams kyis yid mi gos pa'i 'jig rten skyong bar 'gyur ro// mchog tu rtsod pa mchis pa'i dge sbyong du 'gyur ro/ / tshangs pa'i yul la mkhas pa'i bram zer 'gyur ro// dul zhing g.yog kyang dul bar 'gyur ro// zhi zhing g.yog kyang zhi bar 'gyur ro// cang shes shing g.yog kyang rung shes par 'gyur ro/ / dbang chen po thob pa'i thams rung du 'gro bar 'gyur ro// the tsom thams cad gcod pa'i chos smra ba chen por 'gyur ro// nyon mongs pa zad pas mi 'jigs par 'gyur ro//

  636. 319a

    bcom ldan 'das 'di ni chos yang dag par brjod pa lags so// de nas bcom ldan 'das kyis 'jam dpal gzhon nur gyur pa la bka' stsam pa/ 'jam dpal khyod dang / byang chub sems dpa' 'di dag dang / nyan thos chen po rnams kyis smras pa 'di sems can gang dag gis khong du chud pa de dag gis khong du chud pa de dag ni/ dge ba'i rtsa ba chung ngu dang ldan pa ma yin no/ / sangs rgyas gcig la bsnyen bkur byas pa ma yin no// dge ba'i rtsa ba gcig gi rgyu las byung ba ma yin no// de ci'i phyir zhe na/ 'jam dpal de bzhin gshegs pa rnams kyi byang chub ni zab ste/ brtags pa'i mkhas pa dang 'dzangs pas rig pa'o// 'jam dpal chos kyis rnam grangs 'di ni/ sems can dge ba'i rtsa ba chung ngu rnams kyi thos pabar mi 'gyur te/ gang dag gis thos kyang dad par mi 'gyur ro// 'di la gang lus mngon sum du 'gyur ba dang / gang dge ba'i shes gnyen gyis yongs su zin pa de dag gis thos par 'gyur 'dzin par 'gyur te/ bzod pa yang thob par 'gyur ro// 'jam dpal chos kyis tshul 'di la ma rten par sangs rgyas pa gang yang med do// 'jam dpal sangs rgyas bcom ldan 'das gang dag byang chub mngon par rdzogs par sangs rgyas pa gang+gA'i klung gi byed ma snyed po de dag thams cad kyang chos kyi rnam grangs 'di la brten nas mngon par rdzogs par sangs rgyas so/ / 'jam dpal gang

  637. 319b

    chos kyi rnam grangs 'di la ma rten par byang chub 'dod pa de dag ni/ nam mkha' la rlob pas rnyeb par rig par bya'o// chos kyi rnam grangs 'di la ma rten par rjes su mthun pa'i bzod pa yang thob par mi nus na/ bla na med pa yang dag par rdzogs pa'i byang chub lta smos kyang ci dgos/ nga'i nyan thos gang gnyis ka'i cha las rnam par grol ba/ rnam par thar pa brgyad la bsam gtan pa/ so sor yang dag par rig pa thob pa de dag kyang chos kyi tshul 'di la brten nas so// 'jam dpal chos kyi tshul 'di thos nas ngan du bsamra te ngan song du skye ba ni bla'i gtam gzhan rnams la dad par byas te/ mtho risu skyes pa ni de lta ma yin no// de ci'i phyir zhe na/ 'jam dpal gang tshul 'di thos nas sems can dmyal bar skyes pa de dag ni rab tu myur bar de rnam par thar par 'gyur mtho ris su skyes pa de dag ni de lta ma yin no/ / 'jam dpal chos bzhi dang ldan na/ byang chub sems dpas tshul 'di thos par 'gyur te/ bzhi gang zhe na/ des sngon yang tshul 'di thos par 'gyur la/ thos nas kyang rjes su yi rang ba dang / dge ba'i rtsa ba chen pos brtan par 'gyur ba dang / dge ba'i bshes gnyen gyis yongs su zin par 'gyur ba dang / thos pa dang / tshul khrims phun sum tshogs par 'gyur ba ste/ 'jam dpal byang chub sems dpa' chos bzhi po de dag dang ldan na tshul 'di thos par 'gyur ro// 'jam dpal gzhan yang byang chub sems dpa'

  638. 320a

    chos bzhi dang ldan na tshul 'di thos par 'gyur te/ bzhi gang zhe na/ tshul bzhin yid la byed pa la rab tu brtson par 'gyur ba dang / las kyis 'jigs pa dang ldan par 'gyur ba dang / smon lam btab par 'gyur ba dang / rang bzhin gyis drang zhing mnyen la 'grogs na bde bar 'gyur ba ste/ 'jam dpal byang chub sems dpa' chos bzhi po de dag dang ldan na tshul 'di thos par 'gyur ro/ / 'jam dpal chos bzhi dang ldan na/ tshul 'di thos nas spong bar mi 'gyur te/ bzhi gang zhe na/ byang chub tu smon lam btab pa yin// bzod pa thob pa yin/ lta ba la yang dag par zhugs pa yin/ bla na med pa yang dag par rdzogs pa'i byang chub las phyir mi ldog pa yin te/ chos bzhi po de dag dang ldan na tshul 'di thos nas spong bar mi 'gyur ro/ / 'jam dpal chos bzhi dang ldan na tshul 'di thos nas dad par 'gyur te/ bzhi gang zhe na// thos pa phun sum tshogs pa yin te/ shes rab yun sum tshogs pa yin/ stong pa nyid kyi bsam gtan pa yin// gzung thob pa yin te/ chos bzhi po de dag dang ldan na tshul 'di thos nas dad par 'gyur ro// chos bzhi dang ldan na tshul 'di thos nas rab tu rtogs par 'gyur te/ bzhi gang zhe na/ bsod nams kyi tshogs bsags pa yin/ thos pa'i tshogs bsags pa yin/ ye shes kyi tshogs bsags pa yin/

  639. 320b

    bsam gtan rnams kyis sems las su rung ba yin te/ chos bzhi po de dag dang ldan na tshul 'di thos nas rab tu rtogs par 'gyur ro// chos bzhi dang ldan na tshul 'di thos nas bla na med pa yang dag par rdzogs pa'i byang chub tu lung bstan pa thob ste bzhi gang zhe na/ 'di lta ste/ gzugs thams cad sang+yas kyi gzugs su yang dag par rjes su mthong ba dang tshul thams cad sangs rgyas kyi tshul du thos pa dang / 'dod pa thams cad dang bral te/ tha na sangs rgyas kyi byang chub 'dod par 'gyur ba yang med pa dang / snying rje chen po las kyang rnam par mi ldog pa ste/ 'jam dpal byang chub sems dpa' chos bzhi pa de dag dang ldan na/ bla na med pa yang dag par rdzogs pa'i byang chub tu lung ston to// 'jam dpal de bas na/ / byang chub sems dpas tshul 'di rgyun mi 'chad par mnyan par bya'o// myur du nges par 'byung bar 'dod pas kyang tshul 'di mnyan par bya'o// lung bstan pa'i sa 'dod pa'i byang chub sems dpas kyang tshul 'di mnyan par bya'o/ / las kyi sgrib pa byang bar 'dod pa dang / nyon mongs pa'i sgrib pa dang / shes bya'i sgrib pa dang / 'gro ba'i sgrib pa byang bar 'dod pas kyang tshul 'di mnyan par bya'o/ / de bzhin gshegs pa la bla na med pa'i mchod pa byed par 'dod pas kyang tshul 'di mnyan par bya'o// dam pa'i chos yongs su bzung bar

  640. 321a

    'dod pas kyang tshul 'di mnyan par bya'o/ / 'jam dpal gang chos kyi tshub 'di thos nas 'jug pa dag / mi spong ba dang / mi spong bar 'gyur ba'i sems can de dag ngas bla na med/ pa yang dag par rdzogs pa'i byang chub tu lung bstan par bya'o// de nas byang chub sems dpa' sems dpa' chen po rtsom pa med kyis de'i tshe mu tig gi do shal brgya stong rib mgul nas bkrol te/ bcom ldan 'das ga la ba der logs su gtong nas tshig 'di skad du/ bcom ldan 'das sbyin pa'i chos 'dis/ sems can thams cad de bzhin gshegs pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig ces smras so/ / de nas mu tig gi do shal de bcom ldan 'das kyi dbu'i gtsug gi drang thad na khang pa brtsegs pa rnam par bkra ba/ gru bzhi lham pa lha dang mi lta bar byed pa/ nyan thos chen po dag dang / byang chub sems dpa' de dag dang / brgya byin dang / tshangs pa dang / 'jig rten skyong ba rnams kyis sngon ma mthong ma thos par 'dug par gyur te/ de bcom ldan 'das gshegs pa'i rjes su 'gro zhing bzhugs pa'i rjes su gnas so// de'i tshe lha dang mi phal cher ngo mtshar du gyur rmad du byung bar gyur te/ ya mtshan du bya ba skyes nas/ spyi bor thal mo sbyar te/ bcom ldan 'das la phyag 'tshal nas/ mig mi 'dzums par gnas par gyur to// de nas

  641. 321b

    byang chub sems dpa' sems dpa' chen po rtsom pa med ngo mtshar du gyur nas dga' ba skyes te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das kyis zhabs la gtugs te phyag 'tshal nas bcom ldan 'das ga la ba de logs su thal mo sbyar ba btud nas/ bcom ldan 'das la mngon sum du tshigs su bcadas pa 'di dag gis mngon par bstod do/ / yon tan mang po kun gyi snod gyur pa// sa dang lha yul 'gro ba'i mgon gcig pu// bde gshegs zhi zhing rab tu zhi la dgyes// 'jig rten khyod dang mtshungs med ga la lhag/ blo gros mnyan zhing g.yo mod mtshungs par sbyor// bdag po thugs rjes rab tu zin pa'i thugs// nam mkha'i dkyil ltar thugs ni ma gos te// phan ran yang dag bka' mchid gsung zhing spyod/ / khyod la dgra dang zung ni mi mnga' ste// bdag po degyes dang mi dgyes yong mi mnga'// sman pa bzhin du 'gro ba gso mdzad cing // thugs rje bskyed/ nas rnam par mi rtog spyod// lha min lha dang klu dang nam mkha' lding // gnod sbyin khyod la skyabs mchis zhi ba thob// mgon po srid pa gsum na pan mdzad pa// thub pa khyod la bdag ni skyabs su mtsho/ / bde gshegs khyod ni 'dus pa'i skyon mi gzigs// zhi thugs zhi la'ang yon tan mi gzigs te// gnyis ka'i tshul spangs rnam rtog mi mnga' bar//

  642. 322a

    bdag po mya ngan 'das nas 'jig rten spyod// rab bzhi'i yon tan rgya mtsho gting tshod yas// stob bcu nyid du yon tan mkhyen par gyur// sa dang nam mkha' lta bur tshad med chos/ / mgon la thal mo sbyar te mgos phyag 'tshal// srid pa'i chu bor mi rgyal mi nub cing // sems can mchog ni mi khyer mi bzhugs so// khyod ni gcig pu srid mtsho'i pha rol gshegs/ / dpe med rgya mtsho'i blo la phyag 'tshal lo// pad+ma bzhin du chu yis ma gos pa// sa la 'jig rten chos grol rab tu gsung // khyod kyi mkhyen pa su dang mi mtshung te/ / mtshungs med blo gros khyod la bdag skyabs mchi// khyod ni mi mkhyen cung zad 'dir mi mnga'// stobs bdu ldan pas kun tu yong mi bsnyengs// 'khor lang 'dra su yang med ces gsung de slad khyod ni dpa' bo gcig pu rgyu/ / mi gang khyod bka' bdud rtsi snod gyur pa// de dag mdor na sred pa'i 'jigs dang bral// sman pa dam pa mchod 'os 'jigs rten mgon// thugs rjes ldan pa khyod la bdag skyabs mchis/ / de nas bcom ldan 'das la byang chub sems dpa' rtsom pa med kyis 'di skad ces gsol to// bcom ldan 'das kyi bdag gis bsam pa mkhyen te/ bcom ldan 'das bdag gi slad du mchis pa mi bgyid kyi/ gang bdag gis de bzhin gshegs pa dgra bcom pa yang dag par rdzogs pa'i sangs rgyas la mu tig gi ngo

  643. 322b

    shal bul zhing / bskyod pa dang mchod pa'i dge ba'i rtsa ba 'dis/ bcom ldan 'das sems can thams cad sangs rgyas nyid thob par gyur cig/ bcom ldan 'das 'di ni bdag gi bsam pa'o/ / de nas bcom ldan 'das kyis de'i tshe 'dzum pa mdzad do// 'di ni sangs rgyas bcom ldan 'das rnams kyi chos nyid de/ nam sangs rgyas bcom ldan 'das 'dzum pa mdzad pa de na/ bcom ldan 'das kyi zhal gyi sgo nas 'od zer kha dog tha dad pa kha dog du ma 'di lta ste/ sngon po dang / ser po dang / dmar po dang / dkar po dang / le brgan dang / shel gyi kha dog lta bu 'byung ste/ de dag gis 'jig rten gyi khams mtha' yas mu med pa 'od kyis snang bar byas nas/ ngan song du skyes pa'i sems can rnams kyi gdung ba yang rab tu zhi bar byas/ lha dang mi rnams kyang sim par byas nas slar log te/ bcom ldan 'das la lan du mar bskor ba byas nas/ bcom ldan 'das kyi dbu'i gtsug tu nub par gyur to/ / 'od zer de dag mthong ba'i 'khor de thams cad kyang yid 'dun cing rab tu dga' ba dang / bde ba dang yid bde ba skyes nas thal mo sbyar te/ bcom ldan 'das ga la ba de logs su lus btud nas 'dug ste/ bcom ldan 'das 'dzum pa mdzad pa'i rgyu ci yin snyam mo// de nas tshe dang ldan pa kun dga' bo stan las langs te/ bla gos phrag pa gcig tu

  644. 323a

    @gzur nas pus mo g.yas pa'i lhung sa la btsug te/ bcom ldan 'das ga la ba de logs su thal mo sbyar ba btud nas tshigs su bcad pa 'di dag gi bcom ldan 'das 'dzum pa mdzad pa'i don zhus pa/ dpal chen khyod kyis 'dzum mdzad pas// lha dang mir bcas 'jig rten 'di// khyod kyis 'dzum pa mdzad pa la// the tsom 'tshal nas lta zhing mchis/ / 'dod chags bral ba dpa' bo khyod// thams cad mkhyen pa rnam par 'dren// rgyu ma mchis par 'dzum mi mdzad// skyon mi mnga' ba 'dzum don gsungs// thub pa'i zhal nas 'od btang ba/ / gsal zhing dag la yid du mchi// lha mi ngan song mchis pa rnams// de yis reg pa bde bar gyur// sems can chen po khyed zhal nas// 'od zer dag ni rab btang ba/ / de ni ci zhig don du bstan// thugs rje can gyi lung bstan gsol// 'od zer kha dog dkar po dag/ tshems kyi phrag nas mdzes byung ba// de dag gis ni nyi ma'i zer// shin tu mdzes par shar ba dag/ gang slad 'jig rten dga' 'gyur ba// deng du snag tsha'i mdog bzhin gyis// mgon khyod gang la thugs rje zhing // su yi skal ba nye bar gnas/ rgyu dang don ni ma mchis par// 'dod chags bral ba 'dzum mi mdzad// thugs rje thugs kyis lung bstan te// the tshom rnam par gsal bar mdzod// ji ltar khyod kyi zhal nas su//

  645. 323b

    'od zer byung nas slar log ste// 'od ni 'jig rten mgon po yi// dbu yi gtsug tu nub gyur pa// glog ris bzhin du nam mkha' la// dge ba dpag med bkra byid pa// rnam par 'dren pa de dag gis/ / thams cad mkhyen pa'i spyod pa ston// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo byang chub sems dpa' sems dpa' chen po rtsom pa med 'di bskal pa bcu gnyis na/ lhas mngon par bstod pa'i bskal pa la dga' ba chen po'i 'jig rten gyi khams su 'od chen po zhes bya ba'i sangs rgyas su 'gyur te/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su 'gyur ro// kun dga' bo de bzhin gshegs pa 'od chen po'i tshe'i tshad ni bskal pa gcig thub par 'gyur ro// byang chub sems dpa' de dag gi tshe'i tshad nI bar gyi bskal pa bcu gnyis thub par 'gyur ro/ / kun dga' bo 'di lta ste dper na/ gzhan 'phrul dbang byed kyi lha rnams kyi longs spyod dang / kun spyod pa ltar sangs rgyas kyi zhing de'i sems can rnams kyi longs spyod dang / kun spyod pa yang de 'dra bar 'gyur ro// de nas tshe dang ldan pa rab 'byor gyis/ byang chub sems dpa' sems dpa'

  646. 324a

    chen po rtsom pa med la 'di skad ces smras so/ / rigs kyi bu khyod bcom ldan 'das kyis sangs rgyas su 'gyur ro// zhes lung bstan pa ni khyod kyis rnyed pa legs par rnyed do/ / byang chub sems dpa' rtsom pa med kyis smras pa/ btsun pa rab 'byor 'di la su zhig sangs rgyas su 'gyur shes sam/ rab 'byor kyis smras pa/ rigs kyi bu kho bos ni gang sangs rgyas su 'gyur ba'i chos de yang dag par rjes su mi mthong ngo / / smras pa/ btsun pa rab 'byor gal te gang sangs rgyas su 'gyur ba'i chos de yang dag par rjes su mi mthong na/ khyod sangs rgyas su 'gyur bar lung ston to zhes bya bar de mi bsting ngam/ rab 'byor kyis smras pa/ rigs kyi bu khyod bcom ldan 'das kyis sangs rgyas su 'gyur ro zhes lung ma bstan tam smras pa/ btsun pa rab 'byor don yongs su mkhyen pa/ bcom ldan 'das kyis 'di skad du sangs rgyas su 'gyur ro zhes gsungs so// de la de bzhin gshegs pa'i don yongs su mkhyen pa gang zhe na/ byang chub sems dpa' gang byang chub tu smon pa de/ de bzhin gshegs pa rnams kyis lung mi ston to// byang chub sems dpa' gang byang chub tu mi smon pa de/ de bzhin gshegs pa rnams kyis lung ston to/ / de bas na don yongs su mkhyen pa/ bcom ldan 'das kyis ni sems can rnams kyi dge ba'i rtsa ba bskyed pa'i phyir/ 'di skad du sangs rgyas su 'gyur ro zhes

  647. 324b

    gsungs na/ khyod ci zhig la bltos nas 'di skad du sangs rgyas su 'gyur ro// zhes smra/ smras pa/ rigs kyi bu bcom ldan 'das kyi nyan thos kyi tha snyad 'di ni 'jig rten gyi tha snyad do/ / smras pa/ btsun pa rab 'byor 'phags pa rnams la 'jig rten gyi tha snyad kyis gdags su med do// de ci'i phyir zhe na/ de 'phags pa tha snyad 'dog pa ni bden pa'o// 'jig rten tha snyad 'dogs pa ni log pa'o/ / btsun pa rab 'byor de bas na/ 'jig rten gyi tha snyad log pa 'phags pa rnams la brjod par mi 'os so// btsun pa rab 'byor 'jig rten ni bsrungs par bya ba yin te/ don dam pas dngangs su 'ong zhes/ de la 'phags pa rnams snying rje chen pos bden pa yang dag par btang nas/ byis pa rnams la log par tha snyad 'dogs kyi 'phags pa rnams la ma yin te/ 'phags pa rnams ni bden pa yang dag pa la dga' ba'o zhes 'phags pa rnams la bden pa brjod do// 'phags pa rnams kyi bden pa gang zhe na/ btsun pa rab 'byor shin tu mngon par rdzogs par byang chub na/ 'phags pa rnams kyi bden pa'o// chos thams cad ni byang chub kyi rang bzhin te/ 'di ni 'phags pa rnams kyi bden pa'o/ / smras pa/ rigs kyi bu sdug bsngal 'phags pa'i bden pa dang / kun 'byung ba 'phags pa'i bden pa dang / 'gog pa'i bden pa dang / lam gyi bden pa dang / bden

  648. 325a

    pa bzhi mang dam/ byang chub sems dpa' rtsom pa med kyis smras pa/ btsun pa rab 'byor sdug bsngal 'dus byas pa ma yin nam/ smras pa/ de de bzhin te/ sdug bsngal ni 'dus byas so// byang chub sems dpa' rtsom pa med kyis smras pa/ btsun pa rab 'byor bcom ldan 'das kyis 'dus byas thams cad brdzun pa skye ba'i chos so zhes ma gsung/ sam/ smras pa/ rigs kyi bu de lta bu'o// byang chub sems dpa' rtsom pa med kyis smras pa/ gal te sdug bsngal ni 'dus byas te/ de rdzun pa yin na/ khyod 'di ltar ci zhig/ las sdug bsngal 'phags pa'i bden pa'o snyam du sems rab 'byor gyis smras pa/ rigs kyi bu sdug bsngal ni 'dus byas te brdzun pa'o// sdug bsngal yongs su shes pa ni bden pa'o// smras pa/ gal te sdug bsngal ni 'dus byas brdzun pa slu ba'i chos can te yang dag pa ma yin na/ de yongs su shes pa yang bden par rung ngam/ rab 'byor gyis smras pa/ rigs kyi bu de lta bu'o/ / byang chub sems dpa' rtsom pa med kyis smras pa/ btsun pa rab 'byor khyod kyi sdug bsngal yongs su shes pa 'phags pa'i bden pa rag la 'gyur/ rab 'byor gyis smras pa/ rigs kyi bu 'gog pa ni 'dus ma byas pa yin na/ de ci'i phyir 'phags pa'i bden par mi 'gyur/ byang chub sems dpa' rtsom pa med kyis smras pa/ btsun pa rab 'byor ci 'gog pa de nyid

  649. 325b

    'gog pa'i bden pa 'am/ 'on te chos gzhan 'ga' zhig 'gags pa las sam/ ci zhig gri 'gags pas 'gog pa'i bden par yid ches/ rab 'byor gyis smras pa/ rigs kyi bu sdug bsngal 'gog pas 'gog pa'i bden pa zhes brjod do/ / byang chub sems dpa' rtsom pa med kyis smras pa/ gnas brtan rab 'byor gyi sngar sdug bsngal ni 'dus byas te/ brdzun pa slu ba'i chos so zhes ma smras sam/ rab 'byor gyis smras pa/ rigs kyi bu smras so// byang chub sems dpa' rtsom pa med kyis smras pa/ btsun pa rab 'byor chos gang brdzun pa yang dag pa ma yin pa de la ni 'gog pa med na/ khyod kyis sdug bsngal ni 'gog par ga la 'gyur/ de skad ces smras pa dang / tshe dang ldan pa rab 'byor gyis byang chub sems dpa' sems dpa' chen po rtsom pa med la 'di skad ces smras so/ / rigs kyi bu khyod kyi spobs pa la bdag rjes su yi rang ngo // sems can thams cad kyi kyang khyod kyi sobs pa thob par gyur cig/ rigs kyi bu byang chub sems dpa' rnams kyi bden pa ni gang / bden pa mngon par rtogs pa ni gang / byang chub sems dpa' rtsom pa med kyis smras pa/ btsun pa rab 'byor/ chos thams cad ni bden pa'i tshul dang 'gal ba ma yin no// de bas na chos thams cad mngon par rdzogs pa ni bden pa mngon par rdzogs pa'o// btsam pa rab 'khor chos thams cad ni

  650. 326a

    rten cing 'brel par 'byung ba ste/ rten cing 'brel par 'byung ba mngon par rtogs pa ni bden pa mngon par rtogs pa'o// chos thams cad ni stong pa ste/ stong pa nyid khong du chud pa ni bden pa'o/ / stong pa nyid mngon par rtogs pa ni bden pa mngon par rtogs pa'o// chos thams cad ni ma skyes pa ste/ mi skyes khong du chud pa ni bden pa'o// mi skye ba mngon par rtogs pa ni bden pa mngon par rtogs pa'o/ / btsun pa rab 'byor gang du bden pa mngon par rtogs pa de la chos gang yang sgrub pa 'am/ spang ba med do// btsun pa rab 'byor byang chub sems dpa' rnams kyi bden pa mngon par rtogs pa ni chos gang yang mngon par mi sgrub ste/ btsun pa rab 'byor 'di ni byang chub sems dpa' rnams kyi bden pa mngon par rtogs pa'o// btsun pa rab 'byor bden pa bden pa zhes bya ba 'di ni 'gyur pa med pa'i chos kyi tshig bla dgas so// btsun pa rab 'byor ji tsam du rtog pa de tsam du log pa ste/ rtogs pa dang bral ba de ni thar pa'o// / btsun pa rab 'byor gang gi phyir/ bcom ldan 'das kyis sangs rgyas su 'gyur ro zhes lung bstan pas khyod rnyed pa legs par rnyed do// zhes smras pa ni btsun pa rab 'byor gang dag rnyed pa legs par rnyed pa de dag la ni lung mi ston to/ / gang dag rnyed pa legs par ma rnyed cing / rnyed pa med pa de dag la ni lung ston to// gang dag rnyed pas dga' bar mi sems shing ma rnyed pas/ sra

  651. 326b

    shi bar mi 'gyur ba de dag la lung ston to/ / gang dag 'khor ba las kyang mi g.yo la/ mya ngan las 'das pa yang thob par 'gyur ba de dag la lung ston to// gang dag so so'i skye bo'i chos rnams las kyang mi g.yo la/ nges par gyur pa yang thob par 'gyur ba de dag la lung ston to// gang dag lung bstan pa thob na dga' bar mi sems pa de dag la lung ston to// rab 'byor gyis smras pa/ rigs kyi bu khyod kyis khong du chud pa 'di zab bo/ / smras pa/ btsun pa rab 'byor gang dag rtogs pas khong du chud pa mthong ba de dag gi khong du chud pa zab bo// rab 'byor gyis smras pa/ khong du chud pa 'di blta dka'o/ / smras pa/ btsun pa rab 'byor blta 'dod pa rnams kyis so// rab 'byor gyis smras pa/ khong du chud pa 'di rtogs par dka'o// smras pa/ btsun pa rab 'byor mi brtson pa rnams kyis so/ / smras pa/ rigs kyi bu tshul 'di la su 'jug par 'gyur/ smras pa/ gang dag sangs rgyas mang po la bsnyen bkur byas par 'gyur ba dang dge ba'i rtsa ba ma bskyed pa ma yin pa dang / sangs rgyas byung ba la bsnyen bkur byas pa rnams kyi rna lam du chos kyi rnam grangs 'di grags par 'gyur 'gyur ro// rab 'byor gyis smras pa/ rigs kyi bu ji ltar na/ sangs rgyas la bsnyen bkur byas pa yin/ smras pa/ gang sgrub pa bsten pa'o// smras pa/ rigs kyi bu sgrub pa la gnas pa ji ltar rig par bya/ smras pa

  652. 327a

    gang sems can rnams la log par mi sgrub pa ji lta bu/ smras pa/ gang byams pa chen po dang / snying rje chen po mi 'dor ba'o// rab 'byor gyis smras pa/ byang chub sems dpa' rnams kyi byams pa chen po dang / smras pa/ gang lus dang srog dang / dge ba'i rtsa ba thams cad sems can thams cad la byin yang lan du phan 'dogs pa la mi re ba'o// smras pa/ byang chub sems dpa' rnams kyi snying rje chen po gang / smras pa/ gang thog ma kho nar sems can rnams byang chub par 'dod kyi bdag ni ma yin no// bstan pa 'di bshad pa na// srog chags bdun khri drug stong ni/ bla na med pa yang dag par rdzogs pa'i byang chub tu sems bskyed do// dge slong nyes stong ni len pa med par zag pa las sems rnam par grol lo// yang de'i tshe lha'i bu bzang sems zhes bya ba 'khor de nyid du 'dus par gyur nas/ 'dug pa des bcom ldan 'das la 'di skad ces gsol to// bcom ldan 'das byang chub sems dpa'i sangs rgyas kyi byang chub kyi rtsa ba'i rten gyi gnas gang lags/ bcom ldan 'das kyis bka' stsal pa/ lha'i bu sangs rgyas kyi byang chub kyi rtsa ba'i rten gyi gnas ni bsam pa phun sum tshogs pa'i sems bskyed pa'o/ / lha'i bu bzang sems kyi gsol la/ de ltar byang chub tu sems bskyed pa'i spyod yul gang lags/ bcom ldan 'das kyis bka' stsal pa/ gang

  653. 327b

    sbyin pa yang spyod yul la/ rnam par smin pa la re ba med pa la yang mngon du phyogs pa yin/ tshul khrims ma nyams pa yang spyod yul la/ rnam par mi rtogs pa'i tshul khrims la yang mngon du phyogs pa yin/ bzod pa yang spyod yul la/ mi gnyis pa'i chos la yang mngon du phyogs pa yin brtson 'grus kyang spyod yul la/ brtsam pa med pa la yang mngon du phyogs pa yin/ bsam gtan yang spyod yul la/ shin tu snyoms par zhugs pa'i chos thams cad la yang mngon du phyogs pa yin/ shes rab kyang spyod yul la/ spros pa med pa la yang mngon du phyogs pa yin/ thos pa yongs su tshol ba yang spyod yul la/ brjod du med pa la yang mngon du phyogs pa yin/ zhi gnas kyang spyod yul la/ shin tu zhi ba dang / rab tu zhi ba yang mngon du phyogs pa yin/ lhag mthong yang spyod yul la/ chos thams cad stan tu med pa la yang mngon du phyogs pa yin/ dran pa nye bar gzhag pa yang spyod yul la/ dran pa med cing yid la byed pa med pa la yang mngon du phyogs pa yin/ yang dag par spong ba yang spyod yul la/ mngon par 'du mi byed pa la yang mngon du phyogs pa yin/ rdzu 'phrul gyi rkang pa yang spyod yul la/ smon pa thams cad yang dag par chad pa la yang mngon du phyogs pa yin/ dbang po yang spod yul la/ dbang po las 'das pa'i chos rnams la yang mngon du/

  654. 328a

    phyogs pa yin/ stobs kyang spyod yul la/ dbyer med pa'i chos la yang mngon du phyogs pa yin/ byang chub kyi yan lag kyang spyod yul la/ sangs rgyas kyi byang chub la yang mngon du phyogs pa yin/ lam yang spyod yul la/ lam ngan par zhugs pa'i sems can yongs su skyabs pa la yang mngon du phyogs pa yin/ sems can yongs su smin par bya ba yang spyod yul la/ chos thams cad la yang mngon du phyogs pa yin/ 'dul ba yang spyod yul la/ chos thams cad shin tu dul bar bsgom pa la yang mngon du phyogs pa yin/ pha rol tu byiphyin pa yang spyod yul la/ pha rol dang tshu rol la mi chags pa la yang mngon du phyogs pa yin/ 'khor ba yang spyod yul la/ mya ngan las 'das pa la yang mngon du phyogs pa yin/ mya ngan las 'das pa yang spyod yul la/ mngon par 'du byed pa la yang mngon du phyogs pa yin/ skye ba yang spyod yul la/ ma skyes pa dang ma 'byung ba la yang mngon du phyogs pa yin// / phung po yang spyod yul la/ nyon mongs pa med pa la yang mngon du phyogs pa yin/ khams kyang spyod yul la/ dbyer med pa la yang mngon du phyogs pa yin/ skye mched kyang spyod yul la/ 'phags pa'i skye mched la yang mngon du phyogs pa yin/ chos nyan pa yang spyod yul la/ nges par sems pa la yang mngon du phyogs pa yin/ chos ston pa yang spyod yul la/

  655. 328b

    brjod du med pa la yang mngon du phyogs pa yin/ gzugs kyi sku rnam par sgrub pa yang spyod yul la/ chos kyi sku la yang mngon du phyogs pa yin/ chos kyi 'khor lo rab tu skor ba yang spyod yul la/ 'jug pa med pa dang / ldog pa med pa la yang mngon du phyogs pa yin/ nyan thos kyang spyod yul la/ sangs rgyas kyi chos rnams la yang mngon du phyogs pa yin/ rang sangs rgyas kyang spyod yul la/ sangs rgyas dang byang chub sems dpa'i spyod pa la yang mngon du phyogs pa yin te/ lha'i bu 'di ni byang chub sems dpa'i spyod yul zhes bya'o// lha'i bu bzang sems kyis gsol pa/ byang chub sems dpa'i cho ga gang lags/ bcom ldan 'das kyis bka' stsal pa/ bdag bde ba la mi lta ba dang / sems can gzhan bde ba la gtod pa dang / 'khor ba na gnas shing tshul khrims dang / thos pa dang / bag yod pa dang / mya ngan las 'das pa la gnas shing / snying rje chen po las phyir mi ldog pa dang / mya ngan las 'das pa lag mthil du 'ongs kyang thob par mi byed pa dang / sems can yongs su smin par bya ba'i phyir/ 'khor ba nyid kyi rjes su 'brang ba dang / sems can thams cad rjes su skyong ba dang / sems can thams cad la dad pa mtshungs pa dang / sems can thams cad mtshungs par dad par byed pa dang / sems can thams cad la bsam pa mtshungs pa dang / 'gyed pa'i rang bzhin can dang /

  656. 329a

    zang zing med pa'i chos ston pa dang / rung ba la tshod shes pa dang / dben pa la mngon par dga' zhing tshul bzhin yid la byed pa dang // skye bo mang po'i nang du gnas shing chos yang dag par ston pa la snyoms las med pa dang / grong dang grong khyer du zhugs nas/ byams pa la mngon par phyogs pa dang / rnyed pa dang / bkur sti la mngon par mi dga' ba dang / 'jig rten pa'i 'du 'dzi las 'byol ba dang / rigs pa dang / bcas shing snyan pa dang / 'jam por smra ba dang / sangs rgyas dang chos dang / dge 'dun rnams la dngos po thams cad kyis phyag 'tshal ba dang / gsong por smra ba dang / khro gnyer med pa dang / rtag tu gzhan gyi don la dga' ba dang / thams cad du sems chags pa med pa dang / yongs su 'dzin pa thams cad la mngon par mi dga' ba dang / 'phags pa'i skye bo dang 'grogs pa dang / 'phags pa ma yin pa'i skye bo rnams spong ba dang / sangs rgyas la bdag nyid tsam du 'phangs par sems pa dang / chos la srog tsam du gces par 'dzin pa dang / sgrub pa la yan lag gi dam pa mgo tsam du gces par sems pa dang / chos gos dang / bsod snyoms dang / mal cha dang / na ba'i ched kyi sman dang / yo bya ngan ngon gyis chog par sems pa dang / slob dpon dang mkhan po rnams la ston pa tsam du phangs par sems shing / srog gi phyir yang yongs su mi gtong ba dang / lung nod pa dang /

  657. 329b

    kha ton la brtson pa dang / nam gyi cha stod dang nam gyi cha smad la mi nyal bar rnal 'byor la brtson pa dang / bsam gtan dang / ting nge 'dzin dang / snyoms par 'jug pa mngon du byed pa dang / ji ltar thos pa'i chos rnams tshul bzhin so sor rtogs pa dang / shes rab kyis rab tu rtogs par byed pa dang / sems la rnyog pa med pa dang / bdog pa thams cad yongs su gtong ba dang / nang du so sor rtogs pa dang / phyi rol du mi brgyag pa dang / lus yongs su gtong ba dang / khro ba rnam par spong ba dang / gti mug rnam par 'joms pa dang / shes rab 'bar bar byed pa dang / so sor thar pa sdom pa dang / 'dul ba las phyir mi 'da' ba dang / thams cad du sems can du sems cad shes pa dang / thams cad du shes bzhin dang ldan pa dang / sems phyin ci ma log pa dang / sems dri ma med cing 'od gsal ba dang / rtag tu pha rol tu phyin pa rnams la rab tu brtson pa dang / brtson pa mi 'dor ba dang / rtag tu dge ba gang yin zhes tshol zhing ji ltar thos pa'i chos rnams chud mi gzon pa dang / gzhan dag la yang yang dag par rab tu ston pa dang / sems zang zing med pa dang / rtag tu dbang po bsdams pa dang / rtag tu sems mnyam par bzhag pa dang / mya ngan las 'das pa la gzhol ba dang / 'khor ba mi gtong ba dang / rnyed pa dang ma rnyed pa dang / grags pa dang ma grags pa dang

  658. 330a

    bstod pa dang smad pa dang / bde ba dang sdug bsngal gyis mi sprul pa dang / thams cad du tshod shes pa dang / thams cad du dran pa nye bar 'jog pa dang / sbyin pas long spyod che ba dang / tshul khrims kyis lnga dang mir skye ba dang / bzod pas mdzes pa dang / brtson 'grus kyis nyon mongs pa yongs su 'dor ba dang / bsam gtan rnams kyi sems la su rung ba dang / shes rab kyis 'jig rten pa dang / 'jig rten las 'das pa'i chos rnams rab tu rtog pa dang / bsdu ba'i dngos po rnams kyis kha na ma tho ba med pa dang / tshangs pa'i gnas pa rnams kyis dul ba dang / bden pa dang / gtong ba dang / nye bar zhi ba dang / shes rab kyi byin gyis brlabs rnams kyis sems shin tu dul ba dang / bsam gtan rnams kyis sems yid du 'ong ba dang / ting nge 'dzin rnams kyis zab pa dang / 'phags pa'i bden pa rnams kyis yang dag pa ji lta ba bzhin du yongs su shes pa dang / stong pa nyid sgom pas lta ba dang bral ba dang / mtshan ma med pa sgom pas rnam par mi rtog pa dang smon pa med pasgom pa yongs su 'dzin pa med pa dang / pha rol tu phyin pa sgom pas theg pa chen po rtogs par khong du chud pa dang / thabs kyi pha rol tu phyin pas thams cad mkhyen pa'i ye shes la gtong ba dang / byang chub sems dpa'i sa bcu po rnams kyis byang chub sems dpa'i spyod pa

  659. 330b

    yongs su skong ba dang / dge ba'i bshes gnyen yongs su tshol bas yon tan thams cad skye ba'i sgo dang / slob dpon dang / mkhan po dang / bla ma la sri zhu byed pas sangs rgyas thams cad mnyes par byed pa dang / rang gi lus dang sems yongs su shes pas thams cad shes pa nyid dang / nga rgyal med pas gzi brjid dang ldan pa dang / sems can thams cad la 'dud cing phyag 'tshal bas spyi gtsug bltar mi mthong ba dang / chom cho dgu byin pas mtshan yongs su rdzogs pa dang / sems can thams cad dang mthun par 'jug pas/ dpe byad bzang po yongs su rdzogs pa dang / theg pa chen po yang dag par rab tu ston pas cad shes pa'i sa dang / byang chub kyi sems yang dag par rab tu ston pas phyir mi ldog pa'i sa dang / stong pa nyid rab tu ston pas bag chags yang dag par 'joms pa dang / chos byin pas so so yang dag par rig pa thob pa dang / dran pa rab tu byin pas gzungs thob pa dang / chos khong du chud pas spobs pa thob pa dang / spobs pa nye bar sgrub pas byed par lung ston pa dang / nyam chung ba rnams la bzod pas sred med kyi bu'i lus thob pa dang / tshul khrims 'chal pa rnams la bzod pas mthong ma thag tu sems can thams cad ldang bar 'gyur ba drang / gzhan dag gi gnod sems rab tu zhi bar byed pas/ rtag tu mnyam par bzhag pa dang / brtson 'grus

  660. 331a

    brtsams pas mngon par shes pa myur ba dang / ting nge 'dzin rab tu byin pas mdoms kyi sba ba sbubs su nub pa dang / spyod lam yang dag par rab tu byin pas kun tu mdzes pa dang / dge ba'i bshes gnyen la sbyor bas/ sangs rgyas dang / byang chub sems dpa' dang / nyan thos dang / rang sangs rgyas rnams dang 'grogs pa dang / 'do/ pa yongs su gtong bas 'jig rten thams cad yid ches pa dang / khro ba yongs su 'dor bas 'jig rten thams cad dga' ba dang / pra dog yongs su 'dor bas rnyed pa thams cad kyi mchog dang / grags pa'i mchog dang / gnas byin pas 'jig rten thams cad ston pa dang / rnyed pa dang / bkur sti dang / tshigs su bdud pa rab tu byin pas chos la rab tu dga' ba dang / grags pa'i sgra dang / gsong por smra bas ngag yongs su dag pa dang / snyan par smra bas tshangs pa'i sgra dang / 'jam por smra bas bya ka la bing+ka'i sgra skad dang khong khro ba med pa'i sems kyis 'jig rten thams cad du grags pa dang / sems can thams cad la mi slu bas dbang gcig por 'gyur ba dang / ltung ba med gleng bas/ mngal gyi gnas las yang dag par 'da' ba dang / srog gcod pa spong bas tshe dpag tu med pa dang / rkun po yongs su spong bas nam mkha' mdzod dang / sdug pa'i dngos po yongs su gtong bas

  661. 331b

    lag na rin po che dang / byang chub tu yongs su sto bas longs spyod mi zad pa dang / 'dod pa la log par g.yem pa yongs su spong bas/ skyes bu chen po dang / brdzun du smra ba yongs su spong bas ngag gi gsad pa thob pa dang / phra ma yongs su spong bas 'jig rten thams cad kyi ston pa dang / ngag rtsub po yongs su spong bas 'jig rten thams cad kyis bstod pa'i snod dang tshig bkyal pa mi smra bas g.yog mi phyed pa dang / brnab sems yongs su spong bas gter chen po rnyed pa dang / gnod sems yongs su spong bas stegs su gyur pa dang / log par lta ba yongs su spong bas 'jig rten thams cad ston pa dang / / chos rgya chen po la sbyor bas stobs bcu nyid dang / sbyin pa thams cad kyis rnam par smin pa la mi re bas/ sangs rgyas kyi chos phyir mi ldog pa thob pa dang / kun tu 'dzin pa thams cad yongs su gtong bas mi 'jigs pa thob pa ste/ rigs kyi bungs bskal pa 'am/ bskal pa las lhag par byang chub sems dpa'i cho ga bstan nas kyang mthar phyin par mi 'gyur ro/ / de ltar byang chub sems dpa' rnams kyi cho ga tshad med de/ 'di ni byang chub sems dpa'i cho ga zhes bya'o// rigs kyi bu de ltar na/ cho ga dang spyod yul phun sum tshogs pa yin no/ / de ltar cho ga dang spyod yul phun sum tshogs pa'i byang chub sems dpa' ni/ sangs rgyas kyi byang chub rnyed par dka' ba'i 'du shes can ma yin no// lnga'i bu

  662. 332a

    bzang sems kyis gsol ba/ bcom ldan 'das ji ltar na byang chub sems dpa' shes bzhin dang ldan pa zhes bgyi/ bcom ldan 'das kyis bka' stsal pa lha'i bu gang byang chub sems dpa' rtag tu ting nge 'dzin mi 'dor ba ting nge 'dzin gyi dbang gis kyang mi skye dag ting nge 'dzin las log nas gang du sems can gyi don bya ba der skye ba ste/ rigs kyi bu de ltar na/ byang chub sems dpa' shes bzhin dang ldan pa zhes bya'o/ / lha'i bu bzang sems kyis gsol pa/ bcom ldan 'das ji ltar na/ byang chub sems dpa' dben pa zhes bgyi/ bcom ldan 'das kyis bka' stsal pa/ lha'i bu byang chub sems dpa' gang thams cad de bzhin nyid dang / yang dag pa'i mtha' dang / chos kyi dbyings su mthong ba de skye bo'i mang pa'i nang du song yang dben par shes par bya ste/ rigs kyi bu de ltar na byang chub sems dpa' dben pa zhes bya'o// gang gnyis la blo mi 'jug pa de ni shin tu dben pa zhes bya'o// lha'i bu bzang sems kyis gsol pa bcom ldan 'das ji ltar na/ byang chub sems dpa' mnyam par gzhag pa zhes bgyi/ bcom ldan 'das kyis bka' stsal pa/ lha'i bu nam byang chub sems dpa' yid kyis smon pa thams cad dang bral zhing / chos gang yang gzung bar ram spang bar yang yang dag par rjes su mi mthong la/ de gang dang gang yang dag par rjes su mthong ba de dang de stong pa dang yang dag pa ma

  663. 332b

    yin par mthong ste/ lha'i bu de ltar na/ byang chub sems dpa' mnyam par gzhag pa zhes bya'o// lha'i bu bzang sems kyis gsol pa/ bcom ldan 'das ji ltar na/ byang chub sems/ dpa' thams cad du 'gro ba zhes bgyi bcom ldan 'das kyis bka' stsal pa/ lha'i bu byang chub sems dpas gang bdag dang sems can thams cad stong pa nyid du mnyam par yang dag par rjes su mthong ba'o/ / lha'i bu de ltar na/ byang chub sems dpa' thams cad du 'gro ba zhes bya'o// lha'i bu bzang sems kyis gsol pa/ bcom ldan 'das ji ltar na/ byang chub sems dpa' dul ba zhes bgyi/ bcom ldan 'das kyis bka' stsal pa/ gang rnam par rtog pa rnams kyis mi 'phrogs pa'o// lha'i bu bzang sems kyis gsol pa/ ji ltar na zhi ba zhes bgyi/ bcom ldan 'das kyis bka' stsal pa// gang kun nas nyon mongs par yang mi 'gyur/ rnam par byang bar yang mi 'gyur ba de zhi ba zhes bya'o// lha'i bu bzang sems kyis gsol pa/ ji ltar bcom ldan 'das kyis gsungs pa'i don bdag gis 'tshal ba ltar na/ byang chub sems dpa'i byang chub ni rang gi kho na las pa'o// byang chub sems dpa' ni ji lta ji ltar kun nas nyon mongs pa yongs su spong ba de lta de ltar sangs rgyas kyi chos rnams yongs su 'dzin to/ / bcom ldan 'das sangs rgyas kyi chos rnams ni gang nas kyang blang ba ma

  664. 333a

    lags/ gang du yang bskur ba ma lags so// bcom ldan 'das chos thams cad la ye shes rnam par dag pa ni byang chub ste/ bcom ldan 'das de ltar bzod pa'i rjes su zhugs pa ni byang chub kyi spyod pa'o/ / gang 'di ltar shes pa de ni thams cad mkhyen pa'o// bcom ldan 'das gang dag mnyam pa nyid 'di la zhugs pa de dang de dag ni/ bcom ldan 'das sbyin pa phun sum tshogs pa lags so/ / gang dag chos mnyam pa nyid 'di la bsten pa de dang de dag ni/ tshul khrims phun sum tshogs pa lags so// gang dag chos mnyam pa nyid la bzod pa de dang de dag ni bzod pa phun sum tshogs pa lags so/ / gang dag chos kyi rnams grangs 'di la thos pa dang / sems pa dang / sgom pa la brtson pa de dang de dag ni/ brtson 'grus phun sum tshogs pa lags so/ / gang dag chos mnyam pa 'di la nges par rtog pa de dang de dag ni/ bsam gtan pa lags so// gang dag chos mnyam pa nyid 'di rnam par spyod pa de dang de dag ni/ shes rab dang ldan pa lags so// bcom ldan 'das chos kyi rnam grangs 'di la gang dad pa rnyed pa de dag gis de bzhin gshegs pa mthong ngo // de dag gis chos mngon sum du bgyis so// bcom ldan 'das de dag gis bdud btul lo// bcom ldan 'das gang dag chos kyi rnam grangs 'di rab tu ston pa de dag/ de bzhin gshegs pa'i chos kyi 'khor lo rab tu bskor ba lags so//

  665. 333b

    bcom ldan 'das gang dag gis chos kyi rnam grangs 'di khong du chud pa de dag chos rtogs pa lags so// de nas bcom ldan 'das kyis/ lha'i bu bzang sems la legs so zhes bya ba byin te/ bzang sems legs so legs so// de de bzhin no// ji skad smras pa de bzhin te/ bzang sems gang de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub ni chos kyi rnam grangs 'di las rab tu bstan to/ / gang de bzhin gshegs pa thams cad kyis dgongs pa de thams cad kyang chos kyi rnam grangs 'di las bshad do/ / byang chub sems dpa' gang dag chos kyi rnam grangs 'di thos par 'gyur ba de dag ni rnyed pa chen po 'byor par 'gyur ro// chos kyi rnam grangs 'di gang dag gi lag tu song ba de dag ni/ chos kyi gter chen po thob par 'gyur ro// gang dag chos kyi rnam grangs 'di yongs su 'dzin pa de dang de dag ni/ de bzhin gshegs pas id brtan pa'o// de dang de dag ni gsang ba 'dzin/ pa'o// de dang de dag ni de bzhin gshegs pa la bla na med pa'i mchod pas mchod par byed pa'o// de dag ni dam pa'i chos yongs su 'dzin pa'o// gang dag chos kyi rnam grangs 'di thos nas kyang mos pa de dang de dag ni/ lha'i bu nga la lan du phan 'dogs pa'o// lha'i bu de dag ni phyogs thams cad du mun pa med par byed par 'gyur ro// de'i tshe bcom ldan 'das kyis

  666. 334a

    'khor thams cad la bka' stsal pa/ khyed las su dag phyi ma'i tshe/ phyi ma'i dus lnga brgya pa tha ma la chos kyi rnam grangs 'di yang dag par rab tu ston par spro/ de nas byang chub sems dpa' rtsom pa med stan las langs te/ bla gos phrag pa gcig tu bzar nas/ bcom ldan 'das ga la ba der logs su thal mo sbyar ba bdud de bcom ldan 'das la 'di skad ces gsol to/ / bcom ldan 'das bdag ni slad ma'i dus na chos kyi rnam grangs 'di yang dag par rab tu bshad par spro'o// bcom ldan 'das rtsom pa mang pos ni dam pa'i chos yongs su 'dzin par mi nus so/ / bdag ni sems 'dzin pa ma mchis/ rtsom pa ma mchis shing / sems can thams cad la sems snyoms pa ste/ zang zing ma mchis pa'i sems dang / rnyed pa dang / bkur sti dang / tshigs su bdad pa thams cad la re ba ma mchis pas/ chos zab mo la bzod pa 'di yang dag par bshad par bgyi'o// de ci'i slad du zhe na/ bcom ldan 'das rnyed pa dang / bkur sti la gnas pas ni dam pa'i chos yongs su 'dzin par mi nus so// bcom ldan 'das sems can gang dag bcom ldan 'das yongs su mya ngan las 'das nas/ chos kyi rnam grangs 'di nyan pa dang / 'dzin pa dang chang ba dang / yi ger 'dris pa dang / klog pa dang / bris te glegs bam du bgyis

  667. 334b

    nas 'chang bar 'gyur ba de dag na/ bcom ldan 'das byang chub sems dpa' rtsom pa med kyi byin gyis brlabs su rig par bgyi'o// de nas bcom ldan 'das kyis byang chub sems dpa' rtsom pa med la legs so zhes bya ba byin te/ rigs kyi bu legs so legs so// sems de 'dra bas dam pa'i chos yongs su bzung bar nus so// byang chub sems dpa' spyan ras gzigs dbang phyug gis gsol pa/ bcom ldan 'das gang snying rje chen po dang ma bral ba des/ dam pa'i chos yongs su 'dzin par nus so// bdag ni snying rje chen po la dmigs nas chos kyi rnam grangs 'di bshad par bgyi'o/ / byang chub sems dpa' byams pas gsol pa/ bcom ldan 'das byams pa'i sems kyis dam pa'i chos yongs su 'dzin par nus so/ / de ci'i slad du zhe na/ gnod sems mang ba la dam pa'i chos yongs su 'dzin pa ma mchis so// bcom ldan 'das bdag ni byams pa'i sems kyis chos kyi rnam grangs 'di bshad par bgyi'o/ / byang chub sems dpa' mthong dgas gsol pa/ bcom ldan 'das byang chub sems dpa' gang sems can rnams kyis mthong na ngom par mi 'gyur ba des/ dam pa'i chos yongs su 'dzin par nus te/ bcom ldan 'das bdag ni sems can thams cad 'a khong khro ba ma mchis pa'i sems kyis chos kyis rnam grangs 'di yongs su gzung

  668. 335a

    bar bgyi'o/ / byang chub sems dpa' ded dpon gyis gsol pa/ bcom ldan 'das byang chub sems dpa' gang sems can rnams kyi don du sdug bsngal thams cad la spro ba dang / gang yang sems can rnams sang+yas nyid yang dag par 'tshal zhing sems can thams cad bsgral nas/ slad kyis bdag rgal bar 'tshal ba de chos kyi rnam grangs de 'dzin par 'gyur te/ bcom ldan 'das bdag ni sems can thams cad kyi don du sangs rgyas nyid yang dag par sgrub par 'tshal lo// bcom ldan 'das bdag ni sems can thams cad bsgral nas/ slad kyis brgal bar 'tshal lo/ / bsgral bar bgyi ba dang / sgrol ba po dang / sgral ba yang mi dmigs par bgyi'o// bcom ldan 'das bdag ni de lta bu'i sems dang ldan pas/ chos kyi rnam grangs 'di gzung bar bgyi'o/ / 'jam dpal gzhon nur gyur pas gsol pa/ bcom ldan 'das gang 'di ltar bdag gis dam pa'i chos yongs su gzung ngo snyam pa 'di ni/ 'jig rten gyi phyin ci log go/ / bcom ldan 'das byang chub sems dpas ni re shig bdag nyid dul bar bgyi/ bdag nyid zhi bar bgyi'o// bdag nyid dul zhing zhi la nye bar zhi nas/ chos kyi ngo bo nyid kyi dam pa'i chos yongs su gzung bar nus te/ bcom ldan 'das bdag ni drag nyid dul zhing zhi la nye bar zhi nas/ chos kyi ngo bo nyid kyis dam pa'i chos yongs su gzung bar 'gyi'o//

  669. 335b

    de nas bcom ldan 'das kyis byang chub sems dpa' dam pa'i chos yongs su 'dzin pa de dag la legs so zhes bya ba byin te/ skyes bu dam pa dag 'di ltar khyed cag sems can thams cad la phan pa dang / bde ba'i phyir dam pa'i chos yongs su gzung bar spro ba ni legs so legs so// 'di ni khyed dang 'tsham mo// dam pa'i chos yongs su 'dzin pa ni/ byang chub sems dpa' rnams kyi yang dag phul gyi chos so/ / byang chub sems dpas rtag tu dam pa'i chos yongs su bzung ba la brtson par bya'o// rigs kyi bu dag chos yang dag par brjod pa dang rab tu ldan pa'i chos kyi rnam grangs 'di bzung ba dang / klogs pa dang / kun chub par byas pa'i byang chub sems dpa' sems dpa' chen po ni/ skye ba med pa dang / 'gag pa med pa'i sku ni chos kyi sku'o// chos kyi sku ni sangs rgyas kyi sku'o zhes sangs rgyas la snang ba chen po thob par 'gyur ro/ / chos thams cad ni ma byas pa 'dus ma byas pa'o zhes chos la snang ba chen po thob par 'gyur ro// nga'i ba med pa dang yongs su 'dzin pa med pa ni/ bcom ldan 'das kyi slob ma'i dge 'dun no zhes/ dge 'dun la snang ba chen po thob par 'gyur ro// snying rje chen po ni byang chub sems dpa'i bslab pa'i rtsa ba'o zhes byang chub sems dpa' bslab pa rnams la snang la snang ba thob par 'gyur ro/ / nges pa'i tshig thams cad ni skye ba med pa'i ngo bo nyid do zhes spobs pa'i snang ba thob par 'gyur ro// rigs kyi bu

  670. 336a

    dag chos kyi rnam grangs 'di ni/ klu'i rgyal po rgya mtsho'i gnas dang / brgya byin gyi gnas dang / klu'i rgyal po ma dros pa'i gnas su spyod par 'gyur/ de'i 'og tu 'dzam bu'i gling du spyod par 'gyur te/ sems can gang dag sangs rgyas kyis yongs su bzung ba dang / byang chub sems dpas yongs su gzung bar 'gyur ba dang drang ba g.yo med pa des pa chos zab mo la mos pa de dag gi lag tu 'gro bar 'gyur ro/ / bcom ldan 'das kyis 'di skad ces bka' stsal nas/ byang chub sems dpa' rtsom pa meng dang / byang chub sems dpa' blo gros rnam par gnon dang / byang chub sems dpa' de dag dang / nyan thos chen po de dag dang / lha dang mi dang lha ma yin dang dri zar bcas pa'i 'jig rten yi rang nas/ bcom ldan 'das kyis gsungs pa la mngon par bstod do/ / 'phags pa chos yang dag par sdud pa stong phrag brgya pa'i mdo las rtsom pa med kyi le'u ste bcu gnyis pa rdzogs so// // rgya gar gyi mkhan po many+dzu shrI gar+b+ha dang bi dza ya shI la dang shI len dra bo d+he dang / zhu chen gyi lo tsa ba ban d+he ye shes sdes bsgyur cing zhus te/ skad gsar cad kyis kyang bcos nas gtan la phab pa'o// / chos kun bgro ba dang 'gyur khyad cung zad tsam snang ste/ mdo gcig cing skad gsar bcad yin no// the tsom mi 'tshal lags//

  671. 336b

    / rgya gar skad du/ ar+ya d+ha rma skan d+ho nA ma ma hA yA na sU tA/ bod skad du/ 'phags pa chos kyi phung po zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das ser skya'i gnas nas shing n+ya gro de'i kun dga' ra ba na/ dge slong lnga brgya tham pa'i dge slong gi dge bdun chen po dang thabs cig tu bzhugs te/ de nas tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa 'od srung chen po dang / tshe dang ldan pa kun dga' bo dang / tshe dang ldan pa sgra gcan zin/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tha 'o/ / rgyams pacom tu 'dun nas/ dang ldan pa shA 'i zas/ bcom ldan 'das ma ga sa gsal to// sas ldan 'das chos kyi srung po zhes bgyin/ de ba'i gshegs pas chos kyi phung po'i tshad ji tsam gyis chos kyi phung po zhes dka' stsal/ chos kyi phung po ji tsam zhig/ chos kyi phung po ni gang lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to// shA ri'i bu de bzhin gshegs pas chos kyi phung po ni brgyad khri bzhi stong du gsungs te/ shA ri'i bu de la chos

  672. 337a

    thams cad skye ba med pa 'di ni/ chos kyi phung po'i rjes su 'jug pa dang po yin na// shA ri'i bu chos 'ga' zhig la chos zhes 'am/ chos gang yang skye ba 'am 'gag pa zhes nga mi smra'o/ / de ci'i phyir zhe na/ shA ri'i bu chos thams cad ni skye ba med pa'i chos can dang / 'gag pa med pa'i chos can yin pa'i phyir ro// shA ri'i bu 'di lta ste/ dper na/ ma ning ni skyes pa 'am/ bud med ces bya ba'i ming mi thob cing / skyes pa 'am/ bud med ces brjod par bya ba ma yin no// de ci'i phyir zhe na/ shA ri'i bu de ni skyes pa 'am bud med du gdags su med pa'i phyir ro/ / shA ri'i bu de bzhin du chos thams cad de bzhin gshegs pas/ bla na med pa yang dag par rdzogs pa'i byang chub mngon par rdzogs par sangs rgyas te/ de'i phyir chos kyis chos rab tu shes so/ / zhes brjod par mi bya'o// shA ri'i bu 'di lta ste dper na/ za ma 'am ma ning ni 'dod pa'i 'dod chags spang ba yang ma yin la/ 'dod pa la rten pa yang ma yin no/ / shA ri'i bu de dag gis bud med sdug gu mthong nas/ 'dod chags kyi sems skyes pas/ za ma 'am ma ning rnams las phal cher byin pa nad kyis btab par 'gyur/ byin ba zag par 'gyur/ byin par 'khar ba lta bur 'gyur/ bzhin dmar por 'gyur ro// shA ri'i bu 'di ji snyam du sems/ za ma 'am ma ning gang yin pa des la ma 'gyel/ de'i

  673. 337b

    lus la mtshon gyis ma btab par ci'i phyir de dag byin pa na bar 'gyur snyam/ de skad ces bka' stsal pa dang / bcom ldan 'das la tshe dang ldan pa shA ri'i bus/ 'di skad ces gsol to/ / bcom ldan 'das za ma 'am ma ning ni btsun mo'i 'khor srung ba lags te/ de dag bud med sdug gu mthong nas/ 'dod chags kyi sems skye lags so// de dag 'dod chags kyis sems kyis nyon mongs pa khol bar gyur te/ nyon mongs pa khol ba de dag gi lus khu chus rgyas par 'gyur bas/ de dag 'dod chags kyis gdung bas gdungs pa na/ byin pa shin tu gas par 'gyur lags te/ de ltar de dag gi lus ma rung bar 'gyur lags so// de skad ces gsol ba dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu za ma 'am ma ning las gang dag bde 'gro mtho ris kyi 'jig rten du skye ba ni nyung ste/ phal cher sems can dmyal bar 'gro bar 'gyur ro// shA ri'i bu dge sbyong shAkya'i bu rnams las gang dag 'dod chags kyis 'phrogs par mi 'gyur ba'i khyad par la ltos/ de ci'i phyir zhe na/ 'dod pa rnams ni dngos po med par shes/ 'dod pa rnams ni mi gtsang bar shes nas de dag 'dod pa rnams kyis skyo zhing yid byung la mngon par mi dga' nas/ tshangs par spyod pa spyod de/ bzhin dang dpral ba'i mdangs gsal ba yin no// shA

  674. 338a

    ri'i bu skyes bu ngan pa rnams kyis ni skyo ba 'am yid 'byung bar mi nus so/ / de ci'i phyir zhe na/ shA ri'i bu 'di ltar skyes bu ngan pa de dag ni 'dod pa la kun tu rtog pa rnams kyis kun tu rtog pa rnams dang ldan pa'i phyir ro/ / shA ri'i bu skyes bu ngan pa rnams kyis kun tu rtog pa rnams gang zhe na/ gang dag med pa la rtog par byed pa ste/ mi gtsang ba la gtsang bar rtog par byed/ 'du shes med pa la 'du shes su rtog par byed/ bud med la bud med du rtog par byed/ 'dod chags dang bcas pa la 'dod chags dang bcas par rtog par byed pa ste/ shA ri'i bu de lta de dag ni skyes bu ngan pa rnams kyi kun tu rtog pa rnam yin no// shA ri'i bu de dag ni za ma dang ma ning 'dod pas zin pa rnams kyi las rnams yin te/ de dag skyes bu dam pa'i las rnams ni ma yin no/ / shA ri'i bu ma ning gang la la zhig skyes bu ngan pa rnams kyi kun tu rtog pa de lta bu dag la kun tu rtog par byed pa ni/ bdag gis reg go zhes nyams su myong bar byed de bu ga dgu'i sgo dang ldan pa 'di mi gtsang ba 'dzag par 'du shes skyed par byed do/ / 'di dag thams cad ni bya ba ma yin pa ste/ de dag ni skyes bu dam pa'i las rnams ma yin no/ / shA ri'i bu dge sbyong ngam/ bram ze gang la la dag 'dod pa'i nyes dmigs yang dag pa ji lta ba bzhin du mi shes pa de dag ni/ bud med la kun tu rtog cing mig la

  675. 338b

    mtshan mar 'dzin par byed de bai DUR+Ya lta bu'i 'du shes su byed la/ chu'i dbu ba lta bu'i 'du shes su mi byed do// shA ri'i bu 'di lta ste dper na/ bong mo 'brangs pa dang / phag mo babrags pa ni 'brangs pas lus stong par 'gyur zhing / lus las sha ma mi gtsang ba btsog pa blta bar bya ba ma yin pa 'byung ngo // shA ri'i bu mig kyang de dang 'dra bar brjod de/ 'di lta ste dper na bong mo'i sha ma 'am/ phag mo 'am/ khyi mo'i sha ma dang 'dra bar mig kyang de bzhin du 'dug ste/ mig gi 'bras bu'i nang de na chu'i chu bur lta bur 'dug go/ de ltar mi gtsang ba 'byung zhing de ltar mi mthun pa ste/ rnag dang khrag rab tu 'dzag cing mi gtsang ba rab tu 'dzag go/ shA ri'i bu mi gtsang ba rnag dang khrag rab tu 'jug cing / chu'i snying po 'dzag pa'i lus la chags pa gang yin pa de lta bu ni mig ces brjod do/ / shA ri'i bu 'di la rgyu gang gis mig ces bya ba de'i rgyu ni gang / rkyen ni gang zhe na/ de ni lus kyi gtso bo yin te/ gzugs la lta bas thog ma dang dbus dang / mtha' mar ngom pa med la/ lus kyis mi dge ba rgya mtsho snyed byed de/ rgyu des na mig ces bya'o// shA ri'i bu 'di la gang gis na de mig ces bya ba'i rgyu ni gang / rkyen ni gang zhe na/ mi mthun pa'i phyir ro// shA ri'i bu mig gi mi mthun pa de dag gang zhe na/ gang gzugs med pa la gzugs su 'du shes pa dang / tshor ba med pa la tshor

  676. 339a

    bar 'du shes pa dang / 'du shes med pa dang / 'du byed rnams med pa dang / rnam par shes pa med pa la rnam par shes par 'du shes pa'o// yang 'di la rgyu gang gis de mig ces bya ba'i rgyu ni gang / rkyen ni gang zhe na/ 'dis dge ba spyod pa nyams par byed de/ rgyu des na mig ces bya'o// 'dis dge slong gi dngos po las nyams par byed las nimig ces bya'o/ / shA ri'i bu mig nI mi rtag pa/ mi brtan pa/ ther zug ma yin pa ste/ rgyu des na mig ces bya bar shes par bya'o// shA ri'i bu dge slong mkhas pa mang du thos pa/ zhum pa med pa rnams kyis ni mig bud med ma yin/ skyes pa ma yin/ sems can ma yin/ srog ma yin/ gso ba ma yin/ gang zag ma yin pa dang / shA ri'i bu de bzhin du sbyar te/ rna ba dang sna dang / lce dang lus dang yid ni bud med ma yin/ skyes pa ma yin/ sems can ma yin/ srog ma yin/ gso ba ma yin/ gang zag ma yin te/ de dag ni phung po lnga la phyin ci log pa las byung ba'o// shA ri'i bu dge sbyong ngam/ bram ze gang dag kha cig 'dod pa rnams kyis nyes dmigs yang dag pa ji ltar ba bzhin du rab tu mi shes pa de dag ni/ 'dod chags kyis yongs su gdung bas gdungs par 'gyur la/ kha dog ngan cing skya skya bor 'gyur ro// shA ri'i bu 'di lta ste dper na/ shing ljon pa chen po'i 'o/

  677. 339b

    ma 'am/ ljon pa'i 'bras bu smin pa 'brul ba'i tshe skya bor 'gyur ro// shA ri'i bu de bzhin du dge slong ngam/ dge slong ma 'am/ dge bsnyen nam/ dge bsnyen ma gang dag kha cig 'dod pa rnams kyi nyes dmigs yang dag pa ji lta ba bzhin du rab tu mi shes pa de dag ni/ 'dod chags kyis yongs su gdung bas gdungs par 'gyur/ kha dog ngan par 'gyur/ bsam pa migs bar 'gyur/ kha dog ngan cing blta na mi sdug par 'gyur ro// shA ri'i bu dge slong gang dag gsar bu dang la bab pa/ gzhon nu rab tu byung nas ring por ma lon pa de dag ni/ 'dod pa rnams dngos po med do zhes 'dod pa rnams yang dag par ji lta ba bzhin du rab tu shes so/ / 'dod pa'i rtog pa skyes na yang myur ba nyid du rab tu zhi bar byed de/ de dag mi dge ba yin par shes par yang byed do/ / shA ri'i bu de ltar na/ dge slong dag gi 'dod pa rnams kyi nyes dmigs mthong nas/ 'dod pa de dag las yid 'byung bar byed/ 'dod chags dang bral bar byed de/ mngon par dga' nas tshangs par spyad pa spyod de/ bzhin dang dpral ba'i mdangs gsal bar 'gyur ro// shA ri'i bu 'di lta ste dper na/ mi zhig gi lus nad kyis thebs la rnag smin nas de'i yan lag dang / nying lag thams cad la rma'i kha brgyad khri bzhi stong yod la/ rma'i kha re re la yang srin bu'i tshogs brgya khri bzhi stong yod de/ de dag mchu

  678. 340a

    rno zhing mchu kha gnyis na yod la/ kha zas yongs su zos pa'i rnams kyis tshim par byed par mi 'gyur zhing / de dag me spungs pa'i drung du 'dug na/ ji tsam na srog chags de dag mes gdungs par gyur pa dang / de la phyir zhing za bar byed/ yongs su za bar byed na/ shA ri'i bu 'di ji snyam du sems// mi de srog chags de dag gis zos pa yin nam/ 'on te ma zos/ de skad ces bka' stsal pa dang / tshe dang ldan pa shA ri'i bus/ bcom ldan 'das la 'di skad ces gsol to// bcom ldan 'das bdag ni 'di thos pa nyid kyis lus kyi spu zing zhes bgyid par gyur na/ mi de'i mi mthun pa lta smos kyang ci 'tshal te/ bcom ldan 'das mi ni srog chags kyi rig de dag gis 'tshal ba lags kyi ma 'tshal ba ni ma lags so/ / de srog chags brgyad khri bzhi stong po de dag gis lus g.ya' bar bgyid cing / 'di ltar zhi bar mi bgyid la bde ba thob par yang mi bgyid pa lags so// shA ri'i bu 'di ji snyam du sems/ mi de'i lus rnag dang khrag 'dzag cing / de lta bur gyur pa de smad par bya ba yin nam/ gsol pa/ smad par bgyi ba lags/ mi mthun pa lags/ blta bar mi 'os pa lags so/ / bka' stsal pa/ shA ri'i bu de bzhin du dge slong mkhas pa dag ni 'di la so so yang dag par slob ste/ bud med ni 'di ltar btsog pa/ 'di ltar dring ba/ 'di ltar mi

  679. 340b

    mthun pa/ 'di ltar blta bar mi 'os pa'o// nyon mongs pa khol ba'i bud med de dag dang bsten par bya ba ma yin te/ 'dod pa rnams ni dring ba'o// 'dod pa rnams ni mi mthun pa'o// 'dod pa rnams ni mi gtsang ba'o// 'dod pa rnams ni blta bar mi 'os pa'o zhes/ bcom ldan 'das kyis bka' stsal to// snyam mo// shA ri'i bu skyes pa'i lus la yod pa lta bu ma yin pa/ bud med la ches lhag pa srin bu'i tshogs lnga yod de/ shA ri'i bu srin bu'i tshogs lnga po de dag ni bud med kyi gci ba'i lam na gnas te/ srin bu'i tshogs re re la srin bu brgyad cu brgyad cu yod la ma chu rno zhing mchu kha gnyis na yod de/ de dag rtag tu rgyun mi 'chad par bud med kyi lus la za'o// des na nyon mongs pa dag gis bud med lhag par g.yen spyod ste/ 'dod pa yongs su spyad pa dag gis ngom mi myong ngo // shA ri'i bu de ltar na/ 'dod pa rnams ni nyes dmigs yin par mthong na de dag 'dod pa rnams la yid 'byung bar 'gyur/ 'dod chags dang bral bar 'gyur te/ mngon par dga' nas tshangs par spyad pa spyod cing / bzhin dang dpral ba'i mdangs gsal ba yin no// shA ri'i bu 'di ni 'dod pa'i phung po'i phung po la sru ba tsam nas chos ston pa yin te/ shA ri'i bu 'dod pa yongs su spyod pa dag la yid 'byung bar bya'o// shA ri'i bu kun nas nyon mongs pa gang zhe na/ shA ri'i bu kun nas nyon mongs pa ni rang gis byas pa

  680. 341a

    ni rang gis byas pa'o/ / shA ri'i bu rnam par byang ba dang / rnam par zhi ba gang zhe na/ shA ri'i bu rnam par byang ba dang / rnam par zhi ba ni rang gis byas pa'o// shA ri'i bu kun nas nyon mongs pa ni gang / rang gis byas pa ni gang zhe na/ chos su 'du shes pa la mngon par zhen pa gang yin pa'o// chos su 'du shes pa la mngon par zhen pa gang zhe na/ 'di lta ste/ skye bar 'du shes pa dang / 'gag par 'du shes pa dang / bdag yod pa dang med par bdag tu 'du shes pa la mngon par zhen pa yod do// de bzhin gshegs pas chos kyi phung po zhes bka' stsal to/ / shA ri'i bu byis pa so so'i skye bo rnams ni long ba yin te/ gzugs kyi phung po'o zhes rloms sems su byed tshor ba dang / 'du shes dang / 'du byed rnams dang / rnam par shes pa'i phung po'o zhes rlom sems su byed de rlom sems byed na 'ching ngo rlom sems su mi byed na grol lo// shA ri'i bu rlom sems su byed pa gang yin pa de ni/ gzugs kyi phung por 'gyur ro// shA ri'i bu bcu po 'di dag ni tshul khrims 'chal pa'i 'chal pa'i tshul khrims kyi sa pa yin te/ bcu gang zhe na/ 'a tshul khrims 'chal pa ni 'chi ba'i dus kyi tshe gdungs par 'gyur ba dang / dge slong tshul khrims nyams pa 'gyod par 'gyur ba dang / mnar med par 'gro'o zhes 'khor gyi nang na 'dug na skrag pa dang / bdag nyid tshul khrims

  681. 341b

    la skur pa 'debs pa dang / bdag ni sangs rgyas rnams kyis yongs su spangs pa dang / bdag ni nyan thos rnams kyi yongs su spangs pa dang / bdag ni lha rnams kyi yongs su spangs pa'o// snyams pa dang / 'chi ba'i tshe 'jigs pa dang bcas pa dang / ngan 'gror 'gro ba dang / mi'i lus thob par dka' ba'o// shA ri'i bu de dag ni dge slong tshul khrims 'chal pa'i 'chal pa'i tshul khrims kyi nyes pa ste/ tshul khrims 'chal pa ni 'chi ba'i dus kyi tshe/ gdung ba 'byung bar 'gyur ro// shA ri'i bu de lta bas na/ 'dod pa rnams la nyes dmigs kyi 'du shes bskyed par bya'o/ / shA ri'i bu 'di la dge slong dgon pa na gnas pa 'am/ shing drung na gnas pa 'am/ khang stong na gnas pa'am/ bla gab med pa na gnas pa'i 'dod pa rnams ni dring ba'o/ / 'dod pa rnams ni mi mthun pa'o// 'dod pa rnams ni rma kha lta bu'o// 'dod pa rnams ni lta bar mi 'os pa'o// 'dod pa rnams ni smad par bya ba'o// 'dod pa rnams ni shang bas yongs su gang ba'i ro lta bu'o zhes de ltar so so yang dag par slob bo/ / de dag ni byis pa 'phyar ba'i spyod yul yin te/ shA ri'i bu bud med la bsten pa dang bsten pas chog go// shA ri'i bu bud med kyi lus phyi sa dang / 'chil mas yongs su gang ba de la su zhig dga' ste/ shA ri'i bu de dag ni 'jig rten gyi khyi ro rul pa dang 'dra bar smad par bya ba yin no// shi ri'i bu

  682. 342a

    'di lta ste dper na/ khyi ro mi gtsang ba rul pa dri ba'o// mdog mi sdug cing sngo la/ bgasu pa chags pa/ srog chags kyis yongs su gang bu zhig lAm ka nA s+yAd lA/ de'i steng du char pa yang ba b.ring / de rlung gis kyang kun nas btab// der mi rnams kyang kun nas 'khor bar gyur te de dag gis dri de tshor na/ shA ri'i bu 'di ji snyam du sems mi de dag dri mi zhim pa de snom par byed dam/ 'on te mi snom/ gsol pa/ bcom ldan 'das de ni ma lags so// de skad ces gsol ba dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu 'di ji snyam du sems/ khyi ro de la reg par byed dam/ skyod par byed dam/ mngon par dga' bar byed na/ de skye bo mang pos bsngags par byed pa yin nam/ de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das mi de ni blta bar dka' ste/ de la bsngags par ga la bgyid/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to// shU ri'i bu khyi ro de la 'khyud par byed pa 'am/ spyod par byed pa 'am/ mngon par dga' ba'i mi de la ni/ de bzhin gshegs pa bsngags pa mdzad kyi/ gang zhig bud med yul gyi

  683. 342b

    bzang mo na tshod lo bcu drug lon pa dang / lhag pa lta bu gzugs bzang ba mdzes pa/ blta na 'dug pa/ nu ma rgyas par mdzes pa/ rgyan gyis brgyan pa/ shin tu gzhon pa/ reg na bde ba/ nad dang bral ba de la tha na rkang pa'i mthe bos reg par byed pa'i mi de la ni/ de bzhin gshegs pa sngags par mi mdzad de/ shA ri'i bu yul gyi bzang mo de la tha na rkang pa'i mthe bos reg par byed pa'i mi gang zag de lta bu de ni shin tu smad par bya ba yin te/ khyi ro de la 'khyud par byed pa 'am/ spyod par byed pa 'am/ mngon par dga' bar byed pa ni de lta ma yin no// shA ri'i bu 'di ji snyam du sems khyi ro la 'khyud pa 'am/ reg pas sems can dmyal bar 'gro bar 'gyur ram/ gsol pa/ bcom ldan 'das de ni ma lags so// bka' stsal pa/ shA ri'i bu 'di ltar dge slong gis 'dod pa rnams la nyes dmigs kyi 'du shes bskyed par bya'o// shA ri'i bu ji ltar na/ dge slong gis lus la nyes dmigs kyi 'du shes bskyed par bya zhe na/ shA ri'i bu lus 'di ni gnod pa mang ba'o// 'khrug pa mang ba'o// shA ri'i bu bud med kyi lus la ni skyes pa'i lus la yod pa lta bu ma yin pa ches lhag pa'i srin bu'i tshogs nyi shu rtsa lnga yod de/ shA ri'i bu bud med kyi mgo klad pa'i nang na srin bu'i tshogs 'phrog byed ces bya ba dag yod de/ de dag bud med kyi klad pa la za bar

  684. 343a

    byed do/ / shA ri'i bu bud med kyi sna'i nang na srin bu'i tshogs kha rdzogs zhes bya ba dag yod de/ de dag bud med kyi kha spu la za ste des na bud med la kha spu mi skye'o// shA ri'i bu bud med kyi rna khung na srin bu'i tshogs za bar byed pa zhes bya ba dag yod de/ de dag bud med kyi rna ba la za zhing / bud med kyi rna ba 'bogs par byed do// shA ri'i bu bud med kyi mgrin pa'i mtshams dang / mgo'i mtshams na srin bu'i tshogs zhen byed ces bya ba dag yod de/ de dag bud med kyi rna ba za zhing / mud med kyi rna ba 'bigs par byed la/ mig kyang rno bar byed do/ / shA ri'i bu skyes pa'i rna ba la ni mi 'bigs kyi/ bud med kyi rna ba la 'bigs so// shA ri'i bu bud med la srin bu'i tshogs a ba re ban zhes bya ba dag yod do/ / de dag rtag tu rgyun mi 'chad par bud med kyi kha la za ste/ des na bud med kyi mgul dma' ba yin te/ skyes pa la ni de lta bu med de/ bza' ba dang bca' ba khar bcug ma thag tu thog mar de dag za bar byed do/ / de dag nyal nyil bud med kyi nu ma'i nang du 'jog ste/ des na bud med nu ma 'byang ba yin no// gang gi tshe bud med sbrum par gyur pa de'i tshe/ srin bu de dag kyang sbrum par 'gyur te/ de na bud med kyi nu zho mang ba yin no// shA ri'i bu bud med kyi lus kyi nang mngal gyi gnas gang na mngal yod pa'i phyogs de na/

  685. 343b

    srin du zad par byed pa dpa' ba zhes bya ba de dag yod de/ de dag srin bu rab tu ldag byed ces bya ba dag bsad nas za'o// de dag srin bu rab tu ldag byed de dag ma rnyed na de dag kyang 'chi'o// srin bu'i tshogs de gnyis ka shi ste med pa dang / pha ma 'dus pa las mngal chags par 'gyur ro// shA ri'i bu bud med lus la lus kyi nang skye gnas kyi sgo na srin bu'i tshogs bzhi yod do/ / 'di lta ste/ mchu mchog ces bya ba dang / gong bu sbed ces bya ba dang / rlung 'byin ces bya ba dang / 'dod len ces bya ba dang / de dag rtag tu rgyun mi 'chad par bud med kyi lus la za ba ste/ des na bud med nyon mongs pa rnams kyis shin tu 'bar bar byed de/ 'dod pa yongs su spyad pas mi ngoms pa yin no// de lta bas na/ de bzhin gshegs pas bud med kyi skyon ches lhag pa de dag mkhyen nas/ bslab pa'i gzhi lhag pa dag bca' bar mdzad do// shA ri'i bu chos kyi phung po'i chos kyi rnams grangs 'di yang dang yang du 'khor bzhi po dag la ston cig/ de ci'i phyir zhe na/ 'dod pa rnams ni smad par bya ba yin par shes par 'gyur/ lus ni smad par bya ba yin par shes par 'gyur ba'i phyir ro// / shA ri'i bu de ltar lus 'di bcos ma yin par shes nas byis pa so so'i skye bo thos pa dang mi ldan pa ma gtogs par su zhig 'dod pa rnams la bstan par byed de/ de ni gnas med do//

  686. 344a

    shA ri'i bu de lta bas na/ lus 'di la mngon par dga' bar mi bya/ lhag par chags par mi bya'o// bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas gzhan ang 'di skad ces bka' stsal to// lus ni mi gtsang las byung ste// rtag tu srog chags rnams kyang gnas// gcin dang drug pas rab gang na// de la byis pa rab tu chags// dge slong ba dang dge slong ma// dge bsnyen pa dang dge bsnyen ma// 'di thos nas ni 'dod chags 'bral// 'dod chags bral nas rnam par grol/ / chos dang ldan pa rnams la ni// nyes pa 'di dgangs ma bstan// gang dag 'dod la yongs spyod pa// de dag la ni skyon rnams bshad// sangs rgyas kyis ni bstan pa bzhin// bud med mthong na su rtog ste// yang dag bskul ba shes nas su// mkhas pa de dag rtog mi byed// bcom ldan 'das kyi de skad ces bka' sum nas/ tshe dang ldan pa shA ri'i bu dang / lha dang / mi dang / lha ma yin du bcas pa'i 'jig rten yi rang te/ bcom ldan 'das kyis gsungs pa la mngon par bstod do// 'jigs pa chos kyi phung po zhes bya ba theg pa chen po'i mdo rdzogs so// / rgya gar gyi mkhan po brang dzA bar ma dang / zhu chen gyi lo tsA ba ban ne ye shes sdes pa'agyur gyi

  687. 344b

    zhus te gtan la bab pa'o/ / / bka' 'khor lo dang por gtogs pa'o// rgya gar skad du/ d+harma sa mu dra nA nA ma ma hA yA na sU tra/ bod skad du/ theg pa chen po'i mdo chos rgya mtsho zhes bya ba'o// 'di skad bdag gis thos pa dus gcig na/ bcom ldan 'das rgya mtsho'i gling phran po Ta la ka'i ri la rgyal ba'i sras phyir mi ldog pa phal po ches bskor cing mdun du byas te bzhugs so/ / de nas bcom ldan 'das kyis 'jig rten gyi dbang po byang chub sems dpa' sems dpa' chen po la bka' stsal pa/ skyes bu dam pa chos kyi gtam ci 'dod pa dri bar gyis shig 'dod pa la rtog cing mi rten pa dang / mi 'chang ba dang / nga rgyal med pa dang / shes rab dang / thabs la mkhas pa dang / stong pa la shin tu mos pa dang ldan te/ yod pa dang med pa spangs pa dang / yang dag pa ma yin pa la brtags pa grangs med par 'khor bar 'gyur/ ji ltar na dge bar gsungs pa'i chos dang / 'dul ba la rab tu byung zhing / yang dag par rdzogs pa'i bsnyen par rdzogs pa lags/ 'gro ba tha dad pa'i chos rnams las 'das pa dang gnas ngan len pa la rten cing 'jug pa'i sems dang / yid dang yid kyi rnam par shes pa las 'das te/ mi gnyis pa'i chos thob pa ni shin tu rab tu byung ba'o// sems can gang tha dad pa

  688. 345a

    'di lta bus rab tu byung ba de ni yang dag pa rab tu byung ba'o/ / gang rab tu byung yang tshul khrims dang / spyod yul dang // tsho ba dang / lta ba dang / bsam pa nyams pa de ni mgo dang / kha spu bregs kyang don med pa ste/ rnyog pa 'chang bas rang rnyog pa des ngan song du gzhol ba yin no// ngas dad pas byin pa spyod du gnang ba ni rigs pas grol bste/ dge slong brtson pa mi 'dor ba des/ gzugs mi 'dor/ tshor ba dang / 'du shes dang / 'du byed dang / rnam par shes pa mi 'dor/ phung po lnga tha dad pa dang ril gyi brtags pa'i rang bzhin pas na/ mi rtag pa dang / sdug bsngal ba dang / stong pa dang / bdag med par lta ba de dag kyang mi dmigs pa'i tshul gyis khams dang / skye mched kyi lha rnams ma yin par spros pa dam par byed pas rtag tu sgom mo/ / snying po med pa dang / 'brum pa can zug rngu can dang ldan pa skyon can pha rol slu ba'i chos nyid ces sun 'byin pa de dag kyang mi dmigs pa'i tshul du sbyor bas/ gang lus kyis lus la sred pa dang / lus la byams pa dang / lus la bdag ches pa dang / lus la zhen pa de dag rab tu spong ngo // gang 'di lta bu'i dge slong ni dge par gsungs pa'i chos dang 'dul ba la rab tu byung bar gyur/ dad pas bsnyen par rdzogs pa'i yang dag par rdzogs pa yin te/ 'di lta bu'i dge slong ni lha dang 'jig

  689. 345b

    rten du gcas pa rnams kyi sbyin gnas su gyur pa'o/ / de nas byams pa byang chub sems dpas 'jig rten gyi dbang po byang chub sems dpa' la smras pa/ bcom ldan 'das kyis ci la dgongs te/ 'gro ba tha dad pa'i chos las 'das shing / 'jig rten las 'das pa'i chos rnams thob pa de ni/ dge bar gsungs pa'i chos dang 'dul ba la rab tu byung ba gyur/ bsnyen par rdzogs pa'i yang dag par rdzogs pa zhes gsungs gzhan gang zhig rab tu byung zhing bsnyen par rdzogs kyang bdag bslus pa ste/ pa wa da ltar byi ba yang ma yin bya yang ma yin pa bzhin du de ni khyim pa yang ma yin/ rab tu byung ba yang ma yin pas na/ glen pa'i skyes bu de de lta bu'i tshul du zung shig skye bu dam pa 'gro ba tha dad pa'i chos de dag ni sgyu ma lta bu ste/ de las 'da' bar yang mi nus/ 'gro ba tha dad pa'i chos ni yongs su ma rdzogs pas na/ de las 'da' bar yang dka'/ sems can gyi khams ni phyin yang med nang na yang med de/ gnyis kar yang dmigs su med pas na/ gang sems can gyi khams kyi dngos po de ni/ 'gro ba tha dad pa'i chos kyi dngos po ste/ de las 'da' ba yang dka' ba de la/ kye rgyal ba'i sras bcom ldan 'das kyis 'gro ba tha dad pa'i chos las 'das shing / 'jig rten las 'das pa'i chos thob pa'i dge slong de ni rab tu byung bar gyur/

  690. 346a

    bsnyen par rdzogs pa yang dag par rdzogs pa ste/ de ni dad pas byin pa'i spyod pa'i mchod gnas su gyur pa'o zhes gsungs pa dang / kye rgyal ba'i sras rten pa'i gnas med na/ de la thob pa gang ji ste 'jig rten las 'das pa'i chos rnams thob par 'gyur na/ de ni dmigs par gyur pa'o// de bzhin gshegs pa dgra bcom pa yang dag par rdzogs pa'i sangs rgyas kyi chos nyid ni mi dmigs pa ste/ bcom ldan 'das kyis kyang 'di ltar dgongs nas/ 'gro ba tha dad pa'i chos las 'das shing 'jig rten las 'das pa'i chos thob pa ni/ dge slong yang dag par gyur pa ste/ dad pas byin pa spyod pa'i mchod gnas so// de nas byams pa byang chub sems dpas 'jig rten gyi dbang po byang chub sems dpa' la smras pa/ bcom ldan 'das kyis ci la dgongs te/ brtson pa mi 'dor ba'i dge slong gang gis gzugs mi 'dor/ 'tshor ba dang / 'du shes dang / 'du byed dang / rnam par shes pa mi 'dor ba de ni rab tu byung ba'i dge slong ste/ de ni dge bar gsungs pa'i chos 'dul ba la shin tu rab tu byung bar gyur pas na/ 'di lta bu'i dge slong ni dad bas byin pa'i spyod pa'i mchod gnas su gyur pa'o/ / zhes gsung 'jig rten gyi dbang pos smras pa/ kye rgyal ba'i sras bcom ldan 'das kyis chos nyid lang gongs te/

  691. 346b

    chos kyi dbyings nang na yang med byin yang med de/ gnyis kar yang dmigs su med pas na/ nad med par btags pa dang / mi skye bar btags par bdags pa'i dang mi 'gag par btags pa'i rnams gdags su med pa ste/ sems can gyi khams mnyam pa bzhin du chos kyi dbyings mnyam pa nyid chos kyi dbyings mnyam pa bzhin du sems can gyi khams mnyam pa nyid de/ sems can gyi khams mnyam pa nyid dang chos kyi dbyings mnyam pa nyid du mi gnyis te/ gnyis su med do// de mi gnyis te gnyis su med pas na de la dor ba yang med/ mi 'dor ba yang med/ gang dor ba yang med/ mi dor ba yang med pas na/ de las 'da' ba dang / thob par mi nus te/ bcom ldan 'das kyis kyang 'di ltar dgongs nas gdags su med pa'i dge slong btags pa la mi 'jug go/ / gang yi ge med pa'i dge slong yi ge las 'das pa ste/ de la grangs kyis bstan par yang mi rung ste/ de ni mi 'ong mi 'gro mi gnas mi 'dug/ nyal bar yang mi rtog go// zhi ba dang nye bar zhi ba'i rnams mi dmigs pa'i dge slong la brtags pa ste/ spyod pa'i rnams kyang brtags pa'o// log pa la rnam pa mang du rtog pa'i dge slong spyod pa ni ma brtags pa'o/ / bcom ldan 'das kyis 'di ltar dgongs nas 'di lta bu'i dge slong ni dad pas byin pa spyod pa'i sbyin gnas su gyur pa'o//

  692. 347a

    de nas bcom ldan 'das kyis spyan ras gzigs kyi dbang po byang chub sems dpa' la dge ba byin te/ ngas dgongs te bshad pa bzhin du/ skyes bu dam pa khyod kyis bstan pa ni dge ba'o/ / dge'o// dge bar gsungs pa'i chos kyi 'dul ba rab tu byung ba 'di bla na med pa dam pa'i chos kyi phyag rgya ste/ 'di tshul khrims nyams pa dang / ma dul pa dang / nga rgyal mngon par byed pa rnams kyi mdun du mi bshad par gyis shig/ de lta bu de dag rnams kyi snyems pa spang ba'i phyir/ phyag rgya 'di la gang gis yang dag pa ji lta ba bzhin du shes rab kyis ltas shing mi dmigs pa'i lus mngon du byas na/ des yid kyi lus myur du thob bo// gang gi yid kyi lus des grangs med pa'i sems can rnams byang chub tu smin par byed do/ / de nas chos kyi gzhung 'di bshad pa'i tshe/ dge slong bdun stong zag pa med pa mi skye ba'i sems rnam par grol bar gyur/ byang chub sems dpa' stong phrag bcu mi skye ba'i chos la bzod pa thob par gyur/ dmigs pa can gyi dge slong lnga brgya chos kyi gzhung 'di mi sgrub cing mi 'jug pa dang / ma dad pas na stan las langs te dong ngo // / bcom ldan 'das ngas dgongs te gsungs pa 'di 'jig rten thams cad yid mi ches pa'i gnyen po bas na/ chos kyi gzhung 'di dmigs pa dang bcas pa rnams mi mthun pa'o//

  693. 347b

    yod pa ma yin pa la rten pa rnams dang mi 'gal te/ dge ba'i bshes gnyen gyis bzung ba'i rnams dang / zab mo'i chos la mos pa'i rnams dang / skyo zhing chog shes pas bsnyungs te dben pa la mngon par dga' ba'i rnams dang / sngon gyi sangs rgyas rnams dang dge ba'i rtsa ba bskrun pa'i rnams kyi nga'i chos kyi gzhung 'di la ston par shes so// kye rgyal ba'i sras 'di lta ste/ dper na/ skyes bu gang zhig gnyid kyis log pa'i rmi lam na 'gro ba mang po'i mdun na smra zhing chos 'chad kyang chos de 'jig rten thams cad la ma grags na/ kye rgyal ba'i sras ci 'gro ba mang po de rnams yod de/ gang des sangs rgyas kyi chos bshad pa bshad pa dang mi 'gal ba snyam du sems sam/ byams pas smras pa/ rmi lam ni yang dag par ma mchis paste/ 'khrul pa tsam zhig mchis pa bas na/ de ngan 'gro bal po che la chos 'chad par 'gyur ba lta ga la zhig mchis/ kye rgyal ba'i sras de ltar de bzhin du chos thams cad ni rma lam dang mtshungs te/ yang dag pa ma yin par 'byung ba byung nas kyang med par gyur pa ste/ kun rdzob kyang 'khrul pa tsam zhig yod kyi/ don dam par ni ma yin no// 'ab pa'i shes rab kyis ji lta ba mngon du byas na/ bsam gtan sems dpa'i bsam gtan pa yang mi dmigs pa ste/ de la chos kyi tshul tsam zhig yod kyi/ kun tu brtags pa dang //

  694. 348a

    gzhan gyi dbang las kyi rnams ni yod pa ma yin no// de ltar de bzhin du chos 'di ni 'jig rten pa thams cad dang mi mthun pa'o// chos 'di dag la dmigs pa rnams kyis ni don dam par 'dzin gyi/ 'phags pa'i rnams ni mi dmigs so// byis pa'i rnams mi shes pas/ de la mngon par zhen pas na/ dmyal ba dang yi dgas rnams kyi sdug bsngal gyis nyon mongs pa myong bar 'gyur ro/ / chos kyi gzhung 'di ji ltar de ni dmigs pa'o// ji ltar dmigs pa de ni chos thams cad do// de ltar dus gsum gyi chos thams cad mnyam pa nyid de/ mi dmigs pas na gang dmigs pa de ni rtogs pa'o// gang thob pa ni byang chub/ gang byang chub pa ni de bzhin nyid/ gang de bzhin nyid pa de ni yang dag pa'i mtha'/ gang yang dag pa'i mtha' de ni stong pa nyid/ gang stong pa nyid pa de ni mtshan ma med pa/ ji ltar mtshan ma med pa de ni smon pa med pa/ ci smon pa de ni don dam pa/ gang don dam pa de ni chos kyi dbyings/ gang chos kyi dbyings de ni gnyis su med pa'i mtha'/ gang gnyis su med pa'i mtha' de ni dbu mar bsgrub pa/ gang dbu mar bsgrub pa de ni yang dag par rdzogs pa'i sangs rgyas kyi chos kyi sku rtag pa brtan pa mi 'gyur ba ste/ rtag pa yang ma yin/ mi rtag pa yang ma yin/ de ni gdags pa yang ma yin/ mi gdags pa yang ma

  695. 348b

    yin/ gang gdags pa yang ma yin// mi gdags pa yang ma yin pa de ni/ 'jig rten pa yang ma yin/ 'jig rten las 'das pa yang ma yin// gang 'jig rten pa yang ma yin/ 'jig rten las 'das pa yang ma yin pa de ni brjod du med pa/ gang brjod du med pa de cung zad kyang med pa/ gang cung zad med pa de ni/ sems can rnams kyi bsod nams kyi zhing / sems can rnams kyi bsod nams kyi zhing de ni ston pa/ gang ston pa de ni rnam par mi rtog pa/ gang rnam par mi rtog pa de ni dmigs su me pa / gang dmigs su med pa de ni mi 'gyur ba grub pa/ gang mi 'gyur ba grub pa de ni yid bzhin gyi nor bu rin po che ste/ 'dul ba'i sems can rnams kyi bsam pa thams cad yongs su rdzogs par bya ba'i phyir ji ltar mos pa thams cad byed do/ / de nas byang chub sems dpa' mang po de dag gis tshig mthun par smras pa/ chos kyi gzhung 'di gang na spyod pa'i sa phyog pa de rdo rje lta bu ste/ sangs rgyas dang byang chub du bya ba rnams kyi bzhugs pas na/ sems can de myur du mngon par shes pa dang / dbang po rnon por 'gyur bar rig par bya'o// gang zhig tshogs kyi gzhung 'di la brjod dam/ 'dzin tam/ klog gam/ kun chub par byed dam/ kha ton tu byed dam/ tshul bzhin yid la byed na/ de bdud kyi

  696. 349a

    dbang du mi 'gyur ro/ / bcom ldan 'das kyi dgongs pa 'di bshad nas/ 'jig rten gyi dbang po dang / byams pa la sogs pa byang chub sems dpa' rnams dang / nyan thos chen po rnams dang / lha dang mir bcas pa dang / lha ma yin dang / dri za'i 'jig rten rnams bcom ldan 'das kyis bshad pa la mngon par dga'o// theg pa chen po'i mdo// chos rgya mtsho zhes bya ba rdzogs so// // rgya las 'gyur ba skad gsar cad kyis gtan la ma phab pa'o// / rgya gar skad du/ Ar+ya d+harma aR+Wa bi tsam yan nA ma ma hA yA na sU tra/ bod skad du/ 'phags pa chos dang don rnam par 'byed pa zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos la dus gcig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang thabs cig tu bzhugs te/ byang chub sems dpa'i dge 'dun chen po dang yang thabs cig go/ / de nas bcom ldan 'das kyis/ byang chub sems dpa' sems chen po rgyal bas dga' la bka' stsal pa/ rigs kyi bu sngon byung ba 'das pa'i dus bskal

  697. 349b

    pa grangs med pa'i yang ches grangs med cing tshad med par gyur pa de'i tshe de'i dus na/ 'jig rten gyi khams me tog gi 'byung gnas zhes bya ba 'byor pa rgyas pa/ bde ba lo legs pa nyams dga' ba skye bo mang po dang mi rnams kyis gang ba/ lag mthil ltar mnyam par gyur pa zhig byung ngo // rigs kyi bu 'jig rten gyi khams me tog gi 'byung gnas de na/ de bzhin gshegs pa dgra bcom pa yang dag par rdzogs pa'i sangs rgyas me tog las byung ba zhes bya ba da ltar yang bzhugs te/ 'tsho zhing gzhes la 'khor bzhi dang / lha dang klu dang / gnod sbyin dang / dri za dang / lA ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams la chos kyang ston to// rigs kyi bu 'jig rten gyi khams me tog gi 'byung gnas de na 'khor los sgyur ba'i rgyal po stong gsum gi stong chen po'i 'jig rten gyi khams la dbang byed pa/ rgyal ba thob pa zhes bya ba zhig byung ngo / / rigs kyi bu rgyal ba po rgyal ba thob pa de'i tshig rab la sems can de dag de bzhin yid bde ba skyes la/ dge ba bcu'i las kyi lam dang ldan zhing / bdag gi chung mas mngon par dga'o/ / sems can de dag thams cad kyang / theg pa gcig la yang dag par zhugs pa sha stag ste/ 'di lta ste/ theg pa chen po la yang dag par zhugs pa theg

  698. 350a

    pa mchog la yang dag par zhugs pa/ theg pa gtso bo la yang dag par zhugs pa/ theg pa dam pa la yang dag par zhugs pa/ theg pa khyad par du 'phag pa dang / rab dang phul dang / bla ma dang / bla ma'i yang bla ma dang / bla na med pa la yang dag par zhugs pa theg pa mnyam pa med pa la yang dag par zhugs pa/ theg pa mi mnyam pa dang mnyam pa la yang dag par zhugs pa/ theg pa bsam gyis mi khyab pa la yang dag par zhugs pa/ theg pa gzhal du med pa la yang dag par zhug pa sha stag go/ rigs kyi bu rgyal po rgyal ba thob pa de'i tshig rab la theg pa chen po ma gtogs par theg pa gzhan gyi ming yang mi grag go// rigs kyi bu rgyal po rgyal ba thob pa de'i btsun mo'i 'khor ni dgu khri dgu stong yod de/ de dag thams cad kyang theg pa gzhan ma yin pa la yang dag par zhugs pa/ theg pa chen po'i khongs su 'dus pa/ nyin mtshan du chas dadod cing chos la dga' ba sha stag go/ / rigs kyi bu de nas rgyal po de'i btsun mo dam pa rin po che dpal zhes bya ba byang chub sems dpa' sdug pa sangs rgyas dang / chos dang dge 'dun la yang dag par zhugs pa/ theg pa chen po'i khongs su 'dus pa/ nyin mtshan du chos 'dod pa/ chos kyi kun dga' la dga' ba zhig yod de/ rigs kyi bu rin

  699. 350b

    chen dpal de chen po la 'os pa'i seng ge'i khri la 'dug pa dang / de'i bang nas bu rin chen 'byung gnas zhes bya ba lha'i rgyan gyis rnam par brgyan pa/ lha'i gos bgos pa/ lus mtshan dang dpe byad bzang pos legs par brgyan pa zhig skyil mo krung bcas te byung nas/ gzhon nu de byung ma thag tu gzhon nu des ma la 'di skad ces smras so// yum de bzhin gshegs papa me togs las byung ba de 'tsho 'am/ de nas rgyal mo rin chen dpal des gzhon nu de la 'di skad ces smras so// bu cig kun mkhyen 'jig rten mgon// bla na med pa dga' mdzad pa/ / lha dang mi dang bcas pa yin// 'jig rten na ni deng 'tsho'o// de nas rgyal bu rin chen 'byung gnas kyi pha ma la 'di skad ces smras so// yab yum tshur gshegs/ de bzhin gshegs pa dgra bcom pa yang dag par rdzogs pa'i sangs rgyas me tog las byung ba de la blta ba dang phyag bgyi ba dang / mchod pa dang / bsnyen bkur bgyi ba dang / chos mnyan pa'i slad du gshegs so// de ci'i slad du zhe na/ yab yum de bzhin gshegs pa de ni lha dang mir bcas pa'i 'jig rten na dka' ba mdzad pa ste// ma grol ba rnams grol mdzad mgon// long ba rnams la mig sbyin mdzad// chos la dpa' zhing cher dpa' ba// lhun po lta bur migayos so// de nas

  700. 351a

    rgyal po rgyal ba thob pa dang / rgyal mo rin chen dpal gyis bu de blangs te/ btsun mo'i 'khor dang g.yog tu brkus par/ bcom ldan 'das de'i zhabs kyi drung du phyin nas/ bcom ldan 'das la lan bdun bskor ba byas te/ brgya stong ri ba'i mu tig gi se mo do phul lo// phul nas kyang 'khor de nyid du 'dug par gyur to// rigs kyi bu de nas rgyal bu de nas rdzu 'phrul gyi stobs bskyed pa byas nas/ shing ta la bdun srid tsam gyi bar snang gi nam mkha' la 'dug ste/ bcom ldan 'das me tog las byung ba de la rin po che char dang / me tog gi char dang / spos kyi char rnams kyis gtor/ mngon par gtor to// gtor nas/ bcom ldan 'das la 'di skad ces gsol to// ston pa rgal nas sems can rnams/ / sdug bsngal chu bo che las sgrol// bdag ni thams cad mkhyen pa khyod// blta ba'i slad du 'dir mchis so// 'jig rten mgon po bla na med// lha dang mi yi 'jig rten na// khyod kyis yon tan gang bstan dang // khyod 'dra ba ni yongs ma mchis// sems can shul ngan lhung gyur cing // 'dod chags zhe sdang dbang mchis rnams/ theg pa dman la bzhag mdzad nas// theg pa chen po brjod pa mdzad// thabs la mkhas shing dpal ba ste// thugs rje chen po'i dbang du gyur// chos ni don te chos kyis ngoms//

  701. 351b

    chos rtsom yon tan 'byung gnas so// gang dag skye ba ma mchis pa// chos de snying po med mkhyen nas// chos nyid kyang ni khyod kyis mkhyen// des na khyod ni dka' ba mdzad// gzhon nu des tshig 'di dag gis// bcom ldan 'das de la bstod nas/ yang bskor ba byas te/ bcom ldan 'das kyi zhabs kyi drung du 'dug go// de nas bcom ldan 'das kyis pad+ma'i 'dab ma ltar yangs pa'i spyan gyis phyogs thams cad du gzigs te/ 'khor bzhi po de dag gi sems dang / sems las byung ba mkhyen nas/ rgyal po rgyal ba thob pa de la 'di skad ces bka' stsal to/ / rgyal po chen po phung po lnga po de dag ni snying po med pa yin na/ byis pa so so'i skye bo rnams ni snying por 'du shes so// rgyalo chen po phung po rnams ni kha dog ngan pa dring ba/ khrag dang rnag 'byung ba/ shing dang bong ba dang / lam dang mtshungs pa/ snying po med pa g.yo ba med pa/ dga' ba dang / mi dga' bar 'brel pa/ sred pa'i lu gu rgyud kyis phan tshun sbrel ba/ nyon mongs pa mang ba smad pa yin na/ snying po med pa la snying por 'du shes/ mi rtag pa la rtag par 'du shes// mi sdug pa la sdug par 'du shes/ mi gtsang ba la gtsang bar 'du shes/ bden pa ma yin pa la bden par 'du shes so// rgyal po chen po phung po lnga ni rang gi las kyis rnam

  702. 352a

    par bris pa ste/ rgyal po chen po dper na/ rma bya'i 'jug tshogs tshon sna lnga pa de la ri mo mkhan gyis bris pa yang med/ tshon kyang ci yang med de/ de ni rang gi las kyis rnam par bris pa nyid do/ / rgyal po chen po de bzhin du byis pa so so'i skye bo rnams kyang rang gi las kyis rnam par bris pa/ phan tshun gyi rkyen las byung ba dag go/ de nas 'khor de'i nang nas byang chub sems dpa' sems dpa' chen po mi lam dbang phyug ces bya ba de bstan las langs ste/ bcom ldan 'das la bskor ba byas nas bla gos phrag pa gcig tu gzar te/ pus mo g.yas pa'i lha nga sa la btsugs nas/ lus btud lus smad de/ sor mo bcu'i thal mo sbyar nas/ bcom ldan 'das la 'di skad ces gsol to// bcom ldan 'das phung po 'di dag ni kha dog ngan pa dring ba/ khrag dang rnag 'byung ba/ shing dang bong ba dang rtsig pa dang lam dang 'dra ba snying po ma mchis pa/ g.yo ba ma mchis pa lags na/ byis pa so so'i skye bo rnams ni snying por 'du shes te/ yang dag pa ma lags pa/ ldongs pa rmongs pa dang 'dra ba/ gti mug la gzhol ba/ mun pa dang / rab rib dang / ling rtog gis kun nas khebs pa/ lta ba thams cad kyi tshang tshing thibs pos gtibs pa lags so// bcom ldan 'das chos kyi phung po bzhi 'di dag ni zab

  703. 352b

    pa ste/ nam mkha' dang mtshungs shing 'dra ba lags so// bcom ldan 'das gang dag 'di lta bu'i mdo sde'i tshig bshad pa 'di dag la yang dag pa'i 'du shes skyed pa'i sems can de dag/ 'byung bar 'gyur lags sam/ de skad ces gsol pa dang / bcom ldan 'das me tog las byung ba des/ byang chub sems dpa' sems dpa' chen po de la 'di skad ces bka' stsal to/ / rigs kyi bu gang gi tshe/ byang chub sems dpa' sems dpa' chen po 'byung ba de'i tshe sems can rnams sbyangs pa'i phyir 'byung ste/ mos pa ji lta ba bzhin du sems can rnams la chos kyang ston to/ / sred pas nyam thag pa rnams kyi sred pa bcod do// sdug bsngal gyi nyam thag pa rnams kyi mya ngan sel to// chos thams cad snying po med par shes te/ nam mkha' dang mtshungs shing 'dra bar shes nas/ sems can rnams chos nyid la rab tu 'god de// de'i tshe byang chub sems dpa' rnams sems can sbyong bar byed pa zhes bya'o/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas me tog las byung ba des sems can bstan pa 'di bshad pa na rgyal po rgyal ba thob pa bu dang / rgyal mo rin chen dpal de dang / btsun mo'i 'khor dang g.yog 'khor du bcas pa thams cad skra dang kha spu bregs te/ bcom ldan 'das de las rab tu byung ngo // de nas

  704. 353a

    bcom ldan 'das kyis 'khor de la 'di skad ces bka' stsal to/ / rigs kyi bu dag rgyal bu gzhon nu 'di la ltos/ rigs kyi bu dag skyes bu dam pa 'dis/ sangs rgyas bye ba khrag khrig brgya phrag dgu bcu rtsa dgu la dge ba'i rtsa ba bskyed de thams cad du yang ches smra bar gyur to/ / 'di ni rtag tu skyes bu dam pa 'di'i bar gyur te/ rtag tu skyes bu dam pa 'dis byang chub bla na med pa yang dag par rdzogs pa'i byang chub la yongs su smin par byas so/ / rigs kyi bu dag rgyal bu gzhon nu rin chen 'byung gnas 'di ni nga yongs su mya ngan las 'das ma thag tu sangs rgyas su 'gyur te/ rin po che du ma bkod pa'i byang chub kyi shing drung du 'dug nas/ de byang chub thob pa'i tshe/ de bzhin gshegs pa dgra bcom pa yang dag par rdzogs pa'i sangs rgyas rigs pa dang zhabs su ldan pa/ bde bar gshegs pa/ 'dzin rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od zer kun nas mngon par 'phags pa dpal brtsegs rgyal po zhes bya bar 'gyur ro/ / 'jig rten gyi khams ni kun nas rin po che yang dag par bris pa zhes bya bar 'gyur / / de'i nyan thos kyi dge 'dun ni tshad med par 'gyur ro// de'i tshe'i tshad ni bskal pa bye ba khrag khrig phrag dgu bcu rtsa drug thub par 'gyur ro// de'i dam pa'i chos kyi gzugs

  705. 353b

    brnyan nI lo 'bum phrag bdun bcu rtsa lngar gnas par 'gyur ro/ / rigs kyi bu de nus byang chub sems dpa' sems dpa' chen po'i srung bstan pa brjod pa bshad pa na/ srog chags brgyad khri bzhi stong mi skye ba'i chos la bzod pa thob par gyur to/ / rigs kyi bu de'i tshe de'i dus kyi de bzhin gshegs pa de gzhan zhig yin snyam du dogs shing the rtsom za 'am/ yid gnyis su gyur na de ltar mi blta'o/ / de ci'i phyir zhe na/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas 'od dpag med ces bya ba 'di de'i tshe de'i dus na/ de bzhin gshegs pa me tog las byung ba zhes bya bar 'gyur te/ 'jig rten gyi khams der chos bstan par gyur to// rigs kyi bu de'i tshe de'i dus na/ gzhon nu rin chen/ 'byung gnas zhes bya ba de gzhan zhig yin pa snyam du khyod dogs shing the tsom za'am/ yid gnyis su gyur na de ltar mi blta'o// de ci'i phyir zhe na/ rigs kyi bu byang chub sems dpa' spyan ras gzigs dbang phyugs 'di de'i tshe de'i dus na/ rgyal po rgyal ba thob pa zhes bya ba de'i bur gyur te/ de bzhin gshegs pa des nga las 'tshang rgya bar 'gyur ro zhes lung bston to/ / de nas 'khor de'i byang chub sems dpa' sems dpa' chen po rgyal bas dga' zhes bya bas/ bcom ldan 'das la sor mo bcu'i thal mo sbyar te/

  706. 354a

    bcom ldan 'das la 'di skad ces gsol to// bcom ldan 'das chos kyi rnam grangs 'di ni/ sems can dge ba'i rtsa ba ma bskyed pa rnams kyi lam du grags par yang mi 'gyur na/ gang dag yi ger dri ba dang / yi ger 'a drir stsol ba dang / 'dzin pa dang / kha don bgyid pa dang / me tog dang / bdugs pa dang / spos rnams kyis mchod par 'gyur ba lta smos kyang ci 'tshal/ de nas bcom ldan 'das kyis byang chub sems dpa' sems dpa' chen po rgyal bas dga' la 'di skad ces bka' stsal to/ / rigs kyi bu gang dag gis sangs rgyas bcom ldan 'das gang+gA'i klung gi bye ma snyed la bsnyen bkur byas pa de dag gis mdo sde 'di rnyed par 'gyur ro// rigs kyi bu chos kyi rnam grangs 'di gang dag gi rna lam du grags par gyur la/ the tsom mi za ba'i sems can de dag 'di nas shi 'phos nas/ 'jig rten gyi khams bde ba can du skye bar 'gyur ro/ / rigs kyi bu gang na mdo sde 'di lta bu dag 'dzin pa'i sa phyogs de dag phyag bya ba'i 'os su 'gyur ro// rigs kyi bu phyi ma'i tshe phyi ma'i dus na/ bud med gang la la zhig chos kyi rnam grangs 'di 'chang ngam klog na de bud med kyi lus rjes nas/ 'jig rten gyi khams bde ba can du skye bar 'gyur te/ de nyid de'i bud med kyi lus tha ma yin no//

  707. 354b

    'chi ba'i dus kyi tshe na yang de bzhin gshegs pa 'od dpag med mthong bar 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa' chen po rgyal bas dga' ba dang / byang chub sems dpa' de dag dang / dge slong de dag dang / thams cad dang ldan pa'i 'khor de dang / lha dang mi dang lha ma yin dang dri zar bcas pa'i 'jig rten yi rang te/ bcom ldan 'das kyis gsungs pa la mngon par bstod do// 'phags pa chos dang don rnam par byed pa zhes bya ba theg pa chen po'i mdo rdzogs so/ / rgya gar skad du/ tsa tur d+ha ra ma ka sU tra/ bod skad du/ chos bzhi pa'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs so// de nas bcom ldan 'das kyis brten zhing zab la snyan cing rgya che ba'i sgra dbyangs kyis dge slong rnams la bka' stsal pa/ dge slong dag rigs kyi bu mkhas pas ji srid 'tsho'i bar du gnas bzhi la yid brtan par mi bya'o//

  708. 355a

    bzhi gang zhe na/ dge slong dag rigs kyi bu mkhas pas/ bdag ni bud med dag la dga' ba'o snyam du ji srid 'tsho'i bar du yid brtan par mi bya ba dang / dge/ spong dag rigs kyi bu mkhas pas bdag ni rgyal po'i pho brang 'khor la dga' ba'o snyam du ji srid 'tsho'i bar du yid brtan par mi bya ba dang / dge slong dag rigs kyi bu mkhas pas bdag ni gzugs bzang ba/ mdzes pa/ blta na sdug pa/ nad nyung ba'o snyam du ji srid 'tsho'i bar du yid brtan par mi bya ba dang / dge slong dag rigs kyi bu mkhas pas bdag ni phyug pa/ nor mang ba/ yo byad phun sum tshogs pa'o snyam du ji srid 'tsho'i bar du yid brtan par mi bya'o// bcom ldan 'das kyis de skad ces bka' stsal te/ de bar gshegs pas de skad gsungs nas/ ston pas gzhan yang 'di skad ces bka' stsal to// bud med brten du ga la rung // rgyal po'i pho brang ga la dga'// dbu ba snying po ga la yod// longs spyod rtag pa ga la yin/ / longs spyod dag ni 'bab chu bzhin// glu ci 'dra bar khyim de 'dra// me tog ci 'dra gzugs de bzhin// srog ni chu bur 'dra ba yin// bcom ldan 'das kyis de skad ces bka' stsal nas/ dge slong de dag dang / lha dang mi dang / lha ma yin dang / dri zar bcas pa'i 'jig rten yi rang te/ bcom ldan 'das kyis gsungs pa la mngon par

  709. 355b

    spyod do/ / chos bzhi pa'i mdo rdzogs so// bka' 'khor lo dang por gtogs pa'o// rgya ga gan pan tsatA yan nA ma ma hA sU tra ma/ bod skad du/ mdo chen po lnga gsum pa zhes bya ba/ dkon mchog gsum la phyag 'tshal lo// 'di skad bdag gis thos pa dus gcig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de nas bcom 'das kyis dge slong rnams la bka' stsal pa/ dge slong dag dge sbyong dang bram ze gang dag mos pa'i gzhi rnam pa du mau dag mngon par brjod par byed pa de dag thams cad ni gnas lnga mngon par brjod par byed do// lnga gang zhe na kha cig ni de phan chad bdag tu 'du shes can du 'gyur ro zhes bya ba dang / yang kha cig ni 'du shes med pa dang / 'du shes yod pa yang ma yin/ 'du shes med pa yang ma yin pa dang / chad pa'o zhes bya ba dang / yang kha cig ni tshe 'di nyid la mya ngan las 'da'o zhes mngon par rjod par 'dod pa brjod par byed do// dge sbyong dang / bram ze shes pa dang ldan pa 'du shes can du smra ba de dag kha cig ni bdag yod par srid de/ de phan chad 'du shes can du 'gyur ro zhes bya ba dang / yang kha cig ni chad pa'o zhes bya ba dang / yang kha cig ni tshe 'di nyid la mya ngan las

  710. 356a

    'da'o zhes mngon par brjod pa mngon par brjod par byed de/ lnga po de dag yod na gsum du 'gyur la/ gsum yod na lngar 'gyur te/ de ni lnga gsum pa'i chos kyi rnam grangs mdor bstan pa yin no/ / dge slong dag de la dge sbyong dang / bram ze gang dag 'du shes can du smra ba de dag kha cig ni/ de phan chad bdag 'du shes can du 'gyur ro// zhes mngon par brjod pa mngon par brjod par byed pa'i dge sbyong dang / bram ze shes pa dang ldan pa 'du shes can du smra ba de dag kha cig/ bdag yod par srid de/ de phan chad gzugs can 'du shes can du 'gyur ro zhes bya ba dang / gzugs can ma yin pa dang / 'du shes gcig pa dang / 'du shes tha dad pa dang / 'du shes chung ba dang / 'du shes chen por gyur pa dang / 'du shes tshad med pa'o zhes mngon par brjod pa mngon par brjod par byed do// yang kha cig ni de las ldog pa na rnam shes mtha' yas skye mched yin no zhes mngon par brjod pa mngon par brjod par byed de/ de bzhin gshegs pas dge sbyong dang / bram ze gang dag 'du shes can du smra ba de dag kha cig/ de phan chad bdag 'du shes can du 'gyur ro zhes mngon par brjod pa mngon par brjod par byed pa'i dge sbyong dang / bram ze shes pa dang ldan pa/ 'du shes can du smra ba de dag kha cig bdag yod par srid de/

  711. 356b

    mas can sa mdu rgya tshogs bya ba da/ zugs na na m+b+ha/ b+h+ya 'du shes pa du/ sa na / ba dang / 'du shes chen por gyur pa dang / 'du shes tshad med pa'o zhes mngon par brjod pa mngon par brjod par byed pa dang / yang kha cig de las ldog pa na rnam shes mtha' yas skye mched yin no zhes mngon par brjod pa mngon par brjod par byed pa de dag yang dag pa ji lta ba bzhin du rab tu mkhyen to/ / dge slong dag 'du shes tha dad pa dang / mchog tu 'gog pa tha dad pa de dag gis 'di lta ste/ rnam pa thams cad du rnam shes mtha' yas skye mched las yang dag par 'das nas/ ci yang med do zhes ci yang med pa'i skye mched bsgrubs te gnas pa/ / gnyis su med pa mi g.yo ba de ni mchog yin zhing // de ni bla na med pa yin no// dge slong dag de ni rags pa 'dus byas pa// bsam pa/ rten cing 'brel par 'byung ba yin te/ 'di ltar 'du byed rnams yod na/ 'du byed rnams kyis 'gog pa yang yod pas na/ de bzhin gshegs pas de yod par thugs su chud nas/ / de las phyir mi ldog cing / de la zhi bar gzigs nges par 'byung bar gzigs shing bzhugs so// dge slong dag de la dge sbyong dang

  712. 357a

    bram ze gang dag 'du shes med par smra ba de dag de phan chad bdag 'du shes med par 'gyur ro zhes mngon par brjod pa mngon par brjod pa de dag ni/ dge sbyong dang bram ze gang dgra 'du shes can du smra ba de dag kha cig de phan chad bdag 'du shes can du 'gyur ro zhes mngon par brjod pa mngon par brjod par byed pa de dag gis smras pa la phyir rgol bar byed/ smon par byed cing / de dag 'di snyam du sems te/ 'du shes ni nad do// 'du shes ni 'bras so// 'du shes ni zug rngu'o// 'di lta ste/ 'du shes med pa 'di ni zhi ba'o/ / 'di ni gya nom pa'o snyam du sems te/ de bzhin gshegs pas dge sbyong dang bram ze gang dag 'du shes med par smra ba de dag kha cig de phan chad 'dag 'du shes m ed par 'gyur ro zhes mngon par brjod pa mngon par brjod par byed pa de dag dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro zhes mngon par brjod pa mngon par brjod par byed pa de dag gis smras pa la phyir rgol bar byed/ smod par byed cing de dag 'di snyam du sems te/ 'du shes ni nad do// 'du shes ni 'bras so/ / 'du shes ni zug rngu'o// 'di lta ste/ 'du shes med pa 'di ni zhi ba'o// 'di ni gya nom pa'o snyam du sems pa dag kyang drug pa ji lta ba bzhin du rab tu mkhyen to//

  713. 357b

    dge slong dgang ni rnam par shes pa'i 'ong ba 'am/ 'gro ba 'am gnas pa 'am/ 'chi 'pho ba 'am/ skye ba 'am/ rgyas shing 'phel la yang par 'gyur ba gzugs las gzhan pa dang / tshor ba las gzhan pa dang / 'du shes las gzhan pa dang / 'du byed rnams las gzhan du 'dogs par mi byed do// dge slong gang dag 'di skad ces bdag ni rnam par shes pa'i 'ong ba 'am/ 'gro ba 'am/ gnas pa 'am/ 'chi 'pho ba 'am/ skye ba 'am/ rgyas shing 'phel la yangs par 'gyur/ ba/ gzugs las gzhan pa dang / tshor ba las gzhan pa dang / 'du shes las gzhan pa dang / 'du byed rnams las gzhan du 'dogs par byed do zhes zer na de ni tshig gi dngos po kho nar zad de/ 'di lta ste/ yul ma yin pa'i phyir bris na/ yang dag par rab tu mi shes shing lan la yang rmongs par 'gyur ro// dge slong dag de yang rags pa/ 'dus byas pa/ bsam pa/ rten cing 'brel par 'byung ba yin te/ 'di ltar 'du byed rnams yod na/ 'du byed rnams kyi 'gog pa yang yod bas na/ de bzhin gshegs pas de yod par thugs su chud nas/ de las phyir ldog cing / de la zhi bar gzigs nges par 'byung bar gzigs shing bzhugs so// dge

  714. 358a

    slong dag de la dge sbyong dang / bram ze gang dag 'du shes yod pa yang ma yin/ 'du shes med pa yang ma yin par smra ba de dag kha cig de phan chad bdag 'du shes yod pa yang ma yin/ 'du shes med pa yang ma yin par 'gyur ro zhes mngon par brjod pa mngon par brjod par byed pa de dag ni dge sbyong dang / bram ze gang dag 'du shes can du smra ba de dag kha cig/ de phan chad bdag 'du shes can du 'gyur ro zhes mngon par brjod pa mngon par brjod par byed pa de dag gis smras pa la phyir rgol bar byed/ smod par byed/ la/ dge sbyong dang / bram ze gang dag 'du shes med par smra ba de dag kha cig de phan chad bdag tu 'du shes med par 'gyur ro zhes mngon par brjod pa mngon par brjod par byed pa de dag gis smras pa la yang phyir rgol bar byed/ smod par byed cing de dag 'di snyam du sems te/ 'du shes ni nad do// 'du shes ni 'bras so// 'du shes ni zug rngu'o// 'du shes med pa yang kun tu rmongs pa'o/ / 'di lta ste/ 'du shes med 'du shes med min skye mched 'di ni zhi ba'o// 'di ni gya nom pa'o snyam du sems te/ de bzhin gshegs pas dge sbyong dang / bram ze gang dag 'du shes yod pa yang ma yin/ 'du shes med pa yang ma yin par smra ba de dag kha cig de phan chad bdag 'du shes yod pa yang ma yin/ 'du shes

  715. 358b

    med pa yang ma yin par 'gyur ro zhes mngon par brjod pa mngon par brjod par byed pa de dag dge sbyong dang / bram ze gang dag 'du shes can du smra ba de dag kha cig/ de phan chad bdag 'du shes can du 'gyur ro zhes mngon par brjod pa mngon par brjod par byed pa de dag gis smras pa la phyir rgol bar byed/ smod par byed la/ dge sbyong dang bram ze gang dag 'du shes med par smra ba de dag kha cig de phan chad bdag 'du shes med par 'gyur ro zhes mngon par brjod pa mngon par brjod par byed pa de dag gis smras pa la yang phyir rgol bar byed/ smod par byed cing / de dag 'di snyam du sems te/ 'du shes ni nad do// 'du shes ni 'bras so// 'du shes ni zug rngu'o// 'du shes med pa yang kun tu rmongs pa'o// 'di lta ste/ 'du shes med 'du shes med min skye mched 'di ni zhi ba'o/ / 'di ni gya nom pa'o snyam du sems pa de dag kyang yang dag pa ji lta ba bzhin du rab tu mkhyen to// dge slong dag nga ni mthong ba dang / thos pa dang / bye brag phyed pa dang / rnam par shes pa dang / tshul khrims dang / brtul zhugs dang / 'tshol ba dang / tshangs par spyod pa dang / dka' thub dang / bsnyen bkur lhur len pa tsam gyis/ 'du byed kyi skye mched lhag ma de rjes su thob par 'gyur bar mi smra'i dge slong dag nga ni srid pa'i rtse mo'i snyoms par 'jug pas skye mched de rjes su thob

  716. 359a

    par 'gyur bar smra'o/ / dge slong dag 'di lta ste/ de sgrub par snang ba de yang skye mched de nyon mongs pa yin te/ de bzhin gshegs pas 'di lta ste/ sdug bsngal ba dang / sgrub pa de dag kyang yang dag pa ji lta ba bzhin du rab tu mkhyen to// dge slong dag de yang rags pa/ 'dus byas pa/ bsam pa/ rten cing 'brel bar 'byung ba yin te/ 'di ltar 'du byed rnams yod na/ 'du byed rnams kyi 'gog pa yang yod pas na/ de bzhin gshegs pas de yod par thugs su chud nas/ de las phyir ldog cing de la zhi bar gzigs nges par 'byung/ ba gzigs shing bzhugs so// dge slong dag de la dge sbyong dang / bram ze gang dag chad par smra ba de dag kha cig/ de phan chad bdag chad par 'gyur ro zhes mngon par brjod pa mngon p ar brjod par byed pa de dag ni dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro zhes mngon par brjod pa mngon par brjod par byed pa de dag gis smras pa la phyir rgol bar byed/ smod par byed cing / dge sbyong dang / bram ze gang dag 'du shes med par 'gyur ro zhes smra ba de dag kha cig de phan chad bdag 'du shes med par 'gyur ro zhes mngon par brjod pa mngon par brjod par byed pa de dag gis smras pa la yang phyir rgol bar byed/ smod par byed la dge sbyong dang / bram ze gang dag 'du shes yod pa yang ma

  717. 359b

    yin/ 'du shes med pa yang ma yin par smra ba de dag kha cig de phan chad bdag 'du shes yod pa yang ma yin/ 'du shes med pa yang ma yin par 'gyur ba zhes mngon par brjod pa mngon par/ brjod par byed pa de dag gis smras pa la yang phyir rgol bar byed/ smod par byed cing / de dag 'di snyam du sems te/ dge sbyong dang / bram ze shes pa dang ldan na// phyis 'khor zhing legs su smin par smra ba 'di dag thams cad ni/ 'di ltar bdag cag phyi ma la 'di lta bu dang 'di lta bur 'gyur bar bya'o// 'di ltar bdag cag phyi ma la 'di lta bu dang 'di lta bur 'gyur bar bya'o zhes legs su smon pa kho na/ mngon par brjod pa mngon par brjod par byed de/ 'di lta ste dper na skyes bu tshong pa zhig tshong zong gis tshong byed pa na/ 'di snyam du sems te/ bdag gis tshong zong 'di las 'di lta bu dang // 'di lta bu dag blangs shing gzhan du 'gro bar bya ste/ der son na bdag la khe spobs 'di lta bu dang / 'di lta bu dag 'grub par 'gyur ro snyam du sems so// de bzhin du dge sbyong dang / bram ze shes pa dang ldan pa phyir 'khor zhing legs su smon pa smra ba 'di thams cad kyang / 'di ltar bdag cag phyi ma la 'di lta bu dang 'di lta bur 'gyur bar bya'o zhes legs su smon pa kho na mngon par brjod pa mngon par brjod par byed de/ de dag gis smras pa de ni tshong pa lta bur 'gyur ro snyam

  718. 360a

    du sems so/ / de dag 'di snyam du yang sems te/ ji srid du bdag 'di gzugs can/ rags pa 'byung ba chen po bzhi rgya las byung zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/ zug rngu dang bcas/ rims dang bcas/ yongs su gdung ba dang bcas pa yin gyis/ ji tsam du bdag 'di shi phan chad chad cing zhig la mi 'byung ba de tsam du bdag 'di yang dag par shin tu legs par chad pa yin no/ / ji srid du 'dod pa na spyod pa'i lha dang / gzugs na spyod pa'i lha dang / / gzugs med pa nam mkha' mtha' yas skye mched du nye bar 'gro'o// gzugs med pa rnam shes mtha' yas skye mched du nye bar 'gro'o// gzugs med pa ci yang med pa'i skye mched du nye bar 'gro'o/ / gzugs med pa 'du shes med 'du shes med min skye mched du nye bar 'gro zhi gsol 'dug ste/ 'tsho zhing sdod par 'gyur ba de srid du nad dang/ bcas/ 'bras dang bcas/ zug rngu dang bcas/ rims dang bcas/ yongs su gdung ba dang bcas pa yin gyi ji tsam du bdag 'di shi phan chad chad cing zhig la mi 'byung ba de tsam du bdag 'di yang dag par shin tu legs par chad pa yin no snyam du sems te/ de bzhin gshegs pas dge sbyong dang bram ze gang dag chad par smra ba de dag kha cig de phan chad bdag chad

  719. 360b

    p ar 'gyur ro zhes mngon par brjod pa mngon par brjod par byed pa de dag dge sbyong dang bram ze gang dag 'du shes can du smra ba de dag kha cig de phan chad bdag 'du shes can du 'gyur ro zhes mngon par brjod pa mngon par brjod par byed pa de dag gis smras pa la phyir rgol bar byed/ smod par byed cing dge sbyong dang / bram ze gang dag 'du shes med par smra ba de dag kha cig de phan chad bdag 'du shes med par 'gyur ro zhes mngon par brjod pa mngon par brjod par byed pa de dag gis smras pa la yang phyir rgol bar byed/ smod par byed la dge sbyong dang bram ze gang dag 'du shes yod pa yang ma yin/ / 'du shes med pa yang ma yin par smra ba de dag kha cig de phan chad bdag 'du shes yod pa yang ma yin// 'du shes med pa yang ma yin par 'gyur ro zhes mngon par brjod pa mngon par brjod par byed pa de dag gis smras pa la yang phyir rgol bar byed/ smod par byed cing / de dag 'di snyam du sems te/ dge sbyong dang bram ze shes pa dang ldan pa phyis 'khor zhing legs su smon pa smra ba 'di dag thams cad ni/ 'di ltar bdag cag phyi ma la 'di lta bu dang / 'di lta bur 'gyur bar bya'o// 'di ltar bdag cag phyi ma la 'di lta bu dang / 'di lta bur 'gyur bar bya'o zhes legs su smon pa kho na mngon par brjod pa mngon par brjod par byed de/ 'di lta ste dper na/ skyes bu tshong ba zhig

  720. 361a

    tshong zong gis tshong byed pa na 'di snyam du sems te/ bdag gis tshong zong 'di las 'di lta bu dang / 'di lta bu dag blangs shing gzhan du 'gro bar bya ste/ der son na bdag la khe spobs 'di lta bu dang / 'di lta bu dag 'grub par 'gyur ro snyam du sems so// de bzhin du dge sbyong dang bram ze shes pa dang ldan pa phyis 'khor zhing legs su smon pa smra ba 'di dag thams cad kyang / / 'di ltar bdag cag phyi ma la 'di lta bu dang / 'di lta bur 'gyur bar bya'o// 'di ltar bdag cag phyi ma la 'di lta bu dang / 'di lta bur 'gyur bar bya'o zhes legs su smon pa kho na mngon par brjod pa mngon par brjod par byed de// de dag gis smras pa de ni tshong pa lta bur 'gyur ro snyam du sems pa dang / de dag 'di snyam du yang sems te/ ji srid du bdag 'di gzugs can/ rags pa 'byung ba chen po bzhi'i rgyu las byung zhing gson la 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/ zug rngu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'do shi mam chad chad cing zhig la mi 'byung ba de tsam du bdag 'di yang dag par shin tu legs par chad pa yin no/ / ji srid du 'dod pa na spyod pa'i lha dang / gzugs na spyod pa'i lha

  721. 361b

    dang / gzugs med pa nam mkha' mtha' yas skye mched du nye bar 'gro/ gzugs med pa rnam shes mtha' yas skye mched du nye bar 'gro gzug med pa ci yang med pa'i skye mched du nye bar 'gro gzugs med pa 'du shes med min skye mched du nye bar 'gro zhing gson pa 'dug ste/ 'tsho zhing sdod par 'gyur ba de srid du nad dang bcas/ 'bras dang bcas/ zug rngu dang bcas/ rims dang bcas/ yongs su gdung ba dang bcas pa yin gyi/ ji tsam du bdag 'di shi phan chad chad cing zhig la mi 'byung ba de tsam du bdag 'di yang dag par shin tu legs par chad pa yin no snyam du sems bde dag kyang yang dag pa ji lta ba bzhin du rab tu mkhyen to/ / dge slong dag dge sbyong dang / bram ze shes pa dang ldan pa chad pa chad par smra ba sems can yod pa la chad pa dang 'jig pa dang med par 'dogs par byed pa de dag la ni mi shes pa'i phung po'i lhag ma yod do/ / ji tsam du mi shes pa'i phung po'i lhag ma yod pa de tsam du 'jig tshogs kyis 'jig pa yod pas/ 'jig tshogs kyis 'jigs shing skrag ste/ 'jig tshogs kho na la yongs su smod par byed cing / yongs su smod// par byed pa'i de'i tshe de dag 'jig tshogs kho na la rjes su chags pa yin no// dge slong dag de yang rags pa/ 'dus byas pa/ bsams pa/ rten cing 'brel par 'byang

  722. 362a

    ba yin te/ 'di ltar 'du byed rnams yod na/ 'du byed rnams kyi 'gog pa yang yod pas na/ de bzhin gshegs pas de yod par thugs su chud nas// de las phyir ldog cing de la zhi bar gzigs nges par 'byung bar gzigs shing bzhugs so// dge slong dag phyi ma'i mthar rtog pa dag/ phyi ma'i mtha' dang ldan pa'i lta ba'i rnam pa dag mngon par brjod pa mngon par brjod par byed pa ni de snyed yod de/ de dag phyi ma'i mtha' dang ldan pa'i lta ba'i rnam pa rnams zhes bya'o// dge slong dag sngon gyi mthar rtog pa dag/ sngon gyi mtha' dang ldan pa'i lta ba'i rnam pa dag mngon par brjod pa mngon par brjod par byed pa ji snyed yod rjen/ dge slong dag dge sbyong dang / bram ze gang dag sngon gyi mthar rtog pa de dag kha cig bdag dang 'jig rten rtag pa dang / bdag dang 'jig rten mi rtag pa dang rtag kyang rtag la mi rtag kyang mi rtag pa dang / rtag pa yang ma yin/ mi rtag pa yang ma yin pa dang // bdag dang sdug bsngal rtag pa dang / bdag dang sdug bsngal mi rtag pa dang / rtag kyang rtag la mi rtag kyang mi rtag pa dang / rtag pa yang ma yin mi rtag pa yang ma yin pa dang / bdag dang 'jig rten rang gis byas pa dang / bdag dang 'jig rten gzhan gyis byas pa dang / rang gis kyang byas la/ gzhan gyis kyang byas pa dang / rang gis kyang ma byas la gzhan gyis kyang ma byas par rgyu med

  723. 362b

    pa las byung ba dang / bdag dang sdug bsngal rang gi byas pa dang / bdag dang sdug bsngal gzhan gyis byas pa dang / rang gis kyang byas la gzhan gyis kyang byas pa dang / rang gis kyang ma byas la gzhan gyis kyang ma byas par rgyu med pa las byung ngo zhes de ltar lta zhing de skad smra ba dag kyang yod de/ de bzhin gshegs pas dge sbyong dang / bram ze gang dag sngon gyi mthar rtog pa de dag kha cig/ bdag dang 'jig rten rtag go zhes de ltar lta zhing de skad smra la/ mngon par brjod pa mngon par brjod par byed pa de dag kyang yang dag pa ji lta ba bzhin du rab tu mkhyen to/ / dge sbyong dang / bram ze de dag dad pa med pa dang / 'dod pa med pa dang / thos pa brgyud pa dang med pa dang / rnam pa la yongs su rtog pa med pa dang / mthong bas nges par rtogs pa'i bzod pa med par yang rtog nas shes pa de yod par sems pa de ni gnas med do/ / dge sbyong dang / bram ze shes pa dang ldan pa de dang de dag rtogs nas/ shes pa med kyang bdag nyid shes pa smra ba/ yongs su byang ba nyid yin par mgo gcig tu 'jog par byed pa de ni de dag gi mi shes pa kho na yin par snang ste/ dge slong dag de yang rags pa 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na/ 'du byed rnams kyi 'gog pa yang yod pas na/ de bzhin gshegs

  724. 363a

    pas de yod par thugs su chud nas/ de las phyir ldog cing de la zhi bar gzigs nges par 'byung bar gzigs shing bzhugs so// de bzhin gshegs pas dge sbyong dang / bram ze gang dag sngon gyi mthar rtog pa de dag kha cig bdag dang 'jig rten rtag pa dang / bdag dang 'jig rten mi rtag pa dang / rtag kyang rtag la mi rtag kyang mi rtag pa dang / rtag pa yang ma yin mi rtag pa yang ma yin pa dang / bdag dang sdug bsngal rtag pa dang / bdag dang sdug bsngal mi rtag pa dang / rtag kyang rtag la mi rtag kyang mi rtag pa dang / rtag pa yang ma yin mi rtag pa yang ma yin pa dang / bdag dang 'jig rten rang gis byas pa dang / bdag dang 'jig rten gzhan gyis byas pa dang / rang gis kyang byas la gzhan gyis kyang byas pa dang / rang gis kyang ma byas la gzhan gyis kyang ma byas par rgyu med pa las byung ba dang / bdag dang sdug bsngal rang gis byas pa dang / bdag dang sdug bsngal gzhan gyis byas pa dang / rang gis kyang byas la gzhan gyis kyang byas pa dang / rang gis kyang ma byas gzhan gyis kyang ma byas par rgyu med pa las byung ngo / zhes de ltar lta zhing de skad sprul/ mngon par brjod pa mngon par brjod par byed pa de dag kyang yang dag pa ji lta ba bzhin du rab tu mkhyen te/ dge sbyong dang / bram ze de dag

  725. 363b

    dad pa med pa dang / 'dod pa med pa dang / zos pa brgyud pa med pa dang / rnam pa la yongs su rtog pa med pa dang / mthong bas nges par rtog pa'i bzod pa med par yang rtogs nas shes pa de yod par sems pa de ni gnas med do/ / dge sbyong dang bram ze shes pa dang ldan pa de dang de dag rtogs nas shes pa med kyang / bdag nyid shes pa smra ba yod su byang ba nyid yin par mgo gcig tu 'jog par byed pa de ni de dag gi mi shes pa kho na yin par snang ste/ dge slong dag de yang rags pa/ 'dus byas pa/ bsam pa rten cing 'brel par 'byung ba yin te/ 'di ltar 'du byed rnams yod na/ 'du byed rnams kyi 'gog pa yang yod pas na/ de bzhin gshegs pas de yod par thugs su chud nas/ de las phyir ldog cing de la zhi bar gzigs nges par 'byung bar gzigs shing bzhugs so/ / dge slong dag sngon gyi mthar rtog pa dang sngon gyi mtha' dang ldan pa'i lta ba'i rnam pa dag mngon par brjod pa mngon par brjod par byed pa ni de snyed yod pa de dag ni sngon gyi mtha' dang ldan pa'i lta ba'i rnam pa rnams shes bya'o/ / dge slong dag tshe 'di nyid la mya ngan las 'da' bar smra ba dag tshe 'di nyid la mya ngan las 'da'o zhes mngon par brjod pa mngon par brjod par byed pa de snyed yod ce na/ dge slong dag 'di na dge sbyong ngam bram ze la la sngon gyi mtha' dang ldan pa'i lta ba'i

  726. 364a

    rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te rab tu dben pa'i dga' ba lus kyis mngon sum du byas nas bsgrubs te gnas shing / de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba lus kyis mngon sum du byas nas bsgrubs te gnas pa 'di lta ste/ rab tu dben pa'i dga' ba 'di ni zhi ba'o// 'di ni gya nom pa'o snyam du sems te/ de bzhin gshegs pas dge sbyong ngam/ bram ze gang sngon gyi mtha' dang ldan pa'i lta ba'i rnam bdag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba lus kyi mngon sum du byas nas bsgrubs te gnas shing de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu

  727. 364b

    / dben pa'i dga' ba lus kyis mngon sum du byas nas bsgrubs te gnas pa 'di lta ste/ rab tu dben pa'i dga' ba 'di ni zhi ba'o// 'di ni gya nom pa'o snyam du sem pa de yang yang dag pa ji lta ba bzhin du rab tu mkhyen to/ / dge slong dag rab tu dben pa'i dga' ba de yang mi rtag pa dang / 'gog pa'i chos can yin te/ rab tu dben pa'i bde ba 'gags pa las yid mi bde ba 'byung bar 'gyur la/ yid mi bde ba 'gags pa las kyang rab tu dben pa'i dga' ba 'byung bar 'gyur te/ dge slong dag 'di lta ste per na/ gang gi tshe grib ma 'bri ba de'i tshe/ nyi mas khyab par byed la/ gang gi tshe nyi ma 'bri ba de'i tshe/ grib mas khyab par byed do// de bzhin du rab tu dben pa'i dga' ba 'gags pa las kyang yid mi bde ba 'byung bar 'gyur la yid mi bde ba gags pa las kyang rab tu dben pa'i dga' ba la 'byung bar 'gyur te/ dge slong de yang rags pa/ 'dus byas pa/ bsam pa// rten cing 'brel par 'byung ba yin te/ 'di ltar 'du byed rnams yod na/ 'du byed rnams kyi 'gog pa yang yod pas na/ de bzhin gshegs pas de yod par thugs su chud nas/ de las phyir ldog cing de la zhi bar gzigs nges par 'byung bar gzigs shing bzhugs so/ / dge slong dag gzhan yang 'di na dge sbyong ngam/ bram ze la la sngon gyi mtha' dang ldan pa'i lta ba'i rnam pa dag

  728. 365a

    rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun du sbyor ba rab tu spangs te/ rab tu/ dben pa'i dga' ba las yang dag par 'das shing zang zing med pa'i bde ba lus kyis mngon sum du byas nas bsgrubs te gnas la/ de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing / / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba lus kyis mngon sum du byas nas bsgrubs te gnas pa 'di lta ste/ zang zing med pa'i bde ba 'di ni zhi ba'o/ / 'di ni gya nom pa'o snyam du sems so// de bzhin gshegs pas dge sbyong ngam/ bram ze gang sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun du sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba lus kyis mngon sum du byas nas bsgrubs te gnas la/ de 'di snyam du sems te/ 'di ltar bdag sngon gyi mtha' dang ldan pa'i lta ba'i

  729. 365b

    rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba lus kyis mngon sum du byas nas bsgrubs te gnas pa 'di lta ste/ zang zing med pa'i bde ba 'di ni zhi ba'o// 'di ni gya nom pa'o snyam du sems pa de yang yang dag pa ji lta ba bzhin du rab tu mkhyen to// dge slong dag zang zing med pa'i bde ba de yang mi rtag pa dang / 'gog pa'i chos can yin / zang zing med pa'i bde ba 'gags pa las sdug bsngal 'byung bar 'gyur la/ sdug bsngal 'gag pa las kyang zang zing med pa'i bde ba 'byung bar 'gyur te/ dge slong dag 'di lta ste/ dper na/ 'od pa'i chu ni lan 'ga' 'bri zhing / lan 'ga' skye bar 'gyur ro// de bzhin du zang zing med pa'i bde ba 'gags pa las kyang sdug bsngal 'byung bar 'gyur la/ sdug bsngal 'gags pa las kyang zang zing med pa'i bde ba 'byung bar 'gyur te/ dge slong dag de yang rags pa/ 'dus byas pa/ bsams pa/ rten cing 'brel par 'byung ba yin te/ 'di ltar 'du byed rnams yod na/ 'du byed rnams kyi 'gog pa yang yod pas na/ de bzhin gshegs pas de yod par thugs su chud nas/ de las phyir ldog cing

  730. 366a

    de la zhi bar gzigs nges par 'byung bar gzigs shing bzhugs so/ / dge slong dag gzhan yang 'di na dge sbyong ngam/ bram ze la la sngon gyi mtha' dang ldan pa lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang / rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i de ba las kyang yang dag par 'das te/ sdug bsngal yang ma yin// bde ba yang ma yin pa'i tsher ba lus kyis mngon sum du byas nas bsgrubs te gnas la/ de 'di snyam du sems te/ 'di ltar bdag sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing zang zing med pa'i bde ba las kyang yang dag par 'das te/ sdug bsngal yang ma yin/ bde ba yang ma yin pa'i tshor ba lus kyis mngon sum du byas nas bsgrubs te gnas pa 'di lta ste/ sdug bsngal yang ma yin/ bde ba yang ma yin pa'i tshor ba 'di ni zhi ba'o// 'di ni gya nom pa'o snyam du sems te/ de bzhin gshegs pas dge

  731. 366b

    spyong ngam/ bram ze gang sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing // zang zing med pa'i bde ba las kyang yang dag par 'das te/ sdug bsngal ba yang ma yin// bde ba yang ma yin pa'i tshor ba lus kyis mngon sum du byas nas bsgrubs te gnas la/ de 'di snyam du sems te/ 'di ltar dag sngon gyi mtha' dang ldan pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba las kyang yang dag par 'das te/ sdug bsngal yang ma yin/ / bde ba yang ma yin pa'i tshor ba lus kyis mngon sum du byas nas bsgrub te gnas pa 'di lta ste/ sdug bsngal yang ma yin/ bde ba yang ma yin pa'i tshor ba 'di ni zhi ba'o/ / 'di ni gya nom pa'o snyam du sems pa de yang / yang dag po ji lta ba bzhin du rab tu mkhyen to// dge slong dag sdug bsngal yang ma yin/ bde ba

  732. 367a

    yang ma yin pa'i tshor ba yang mi rtag pa dang / 'gog pa'i chos can yin te/ sdug bsngal yang ma yin// bde ba yang ma yin pa'i tshor ba 'gags pa las bde ba dang / sdug bsngal 'byung bar 'gyur la/ bde ba dang sdug bsngal 'gags pa las kyang / sdug bsngal yang ma yin/ bde ba yang ma yin pa'i tshor ba 'byung bar 'gyur te/ dge slong dag 'di lta ste dper na/ khar ba nam mkha' la 'phangs na yang na ni yu bas phyir ltung ngo // yang na ni rtse mos so// dge slong dag de bzhin du sdug bsngal yang ma yin/ bde ba yang ma yin pa'i tshor ba 'gags pa las kyang bde ba dang / sdug bsngal 'byung bar 'gyur la/ bde ba dang sdug bsngal 'gags pa las kyang / sdug bsngal yang ma yin bde ba yang ma yin pa'i tshor ba 'byung bar 'gyur te/ dge slong dag de yang rags pa// 'dus byas pa bsams pa// rten cing 'brel par 'byung ba yin te/ 'di ltar 'du byed rnams yod na/ 'du byed rnams kyi 'gogs pa yang yod pas na/ de bzhin gshegs pas de yod par thugs su chud nas/ de las phyir ldog cing de la zhi bar gzigs/ nges par 'byung bar gzigs shing bzhugs so// dge slong dag gzhan yang 'di na dge sbyong ngam/ bram ze la la sngon gyi mtha' dang ldan

  733. 367b

    pa'i lta ba'i rnam pa dag rab tu spangs shing / phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba las kyang yang dag par 'das/ sdug bsngal yang ma yin/ bde ba yang ma yin pa'i tshor ba las kyang yang dag par 'das nas/ 'di skad ces nga ni zhi ba'o// nga ni mya ngan las 'das pa'o// nga ni sred pa med pa'o// nga ni nye bar len pa med pa ste// nga la sngon bdag yod par gyur pa de ni da ltar nga la med do zhes zer te/ de bzhin gshegs pas dge sbyong ngam/ bram ze gang sngon gyi mtha' dang ldan pa'i lta ba'i rnam pa dag rab tu spangs shing phyi ma'i mtha' dang ldan pa'i lta ba'i rnam pa dag kyang rab tu spangs nas/ tshe 'di nyid la 'dod pa'i kun tu sbyor ba rab tu spangs te/ rab tu dben pa'i dga' ba las yang dag par 'das shing / zang zing med pa'i bde ba las kyang yang dag par 'das/ sdug bsngal yang ma yin/ bde ba yang ma yin pa'i tshor ba las kyang yang dag par 'das nas 'di skad ces nga ni zhi ba'o/ / nga ni mya ngan las 'das pa'o// nga ni sred pa med pa'o// nga ni nye bar len pa med pa ste/ nga la sngon bdag yod par gyur pa de ni da ltar nga la

  734. 368a

    med do zhes zer ba de yang yang dag pa ji lta ba bzhin du rab tu mkhyen to/ / de ni 'di ltar rig par bya ste/ tshe dang ldan pa de ni nye bar len pa dang mthun par 'gro ba'i lam gang yin pa'i lam las yang dag par ma 'das par rig par bya'o/ / des ni 'di ltar 'dod par bya ste/ yang sngon gyi mtha' dang ldan pa'i lta ba'i rnam pa gang yin pa dag nye bar len par 'gyur ba dang / phyi ma'i mtha' dang ldan pa'i rnam pa dag kyang nye bar len par 'gyur ba dang / tshe 'di nyid la 'dod pa'i kun tu sbyor ba yang nye bar len par 'gyur ba dang / rab tu dben pa'i dga' ba yang nye bar len par 'gyur ba dang / zang zing med pa'i bde ba yang nye bar len par 'gyur ba dang / sdug bsngal yang ma yin/ bde ba yang ma yin pa'i tshor ba'i yang nye bar len par 'gyur bar 'dod par bya'o/ / yang de 'di skad ces nga ni zhi ba'o// nga ni mya ngan las 'das pa'o// nga ni sred pa med pa'o// nga ni nye bar len pa med pa ste/ ngal sngon bdag yod par gyur pa de ni da ltar ngal med do zhes zer ba de yang de la nye bar len pa yod pa kho nar snang ste/ dge slong dag de yang rags pa/ 'dus byas pa bsams pa/ rten cing 'brel par 'byung ba yin te/ 'di ltar 'du byed rnams yod na/ 'du byed rnams kyi 'gog pa yang yod pas na/ de bzhin gshegs pas

  735. 368b

    de yod par thugs su chud nas/ de las phyir ldog cing / de la zhi bar gzigs/ nges par 'byung bar gzigs shing bzhugs te/ dge slong dag tshe 'di nyid la mya ngan las 'da' bar smra ba dag/ tshe 'di nyid la mya ngan las 'da' bar mngon par brjod pa mngon par brjod par byed pa ni de snyed yod do// dge slong dag gzhan skyes bu gdul bya'i kha lo sgyur/ ba/ bla na med pa ngas rang gis mngon par shes pas mngon par rdzogs par sangs rgyas te/ bshad pa go 'alang dam pa gzhan yang yod do// dge slong dag gzhan skyes bu gdul bya'i kha lo sgyur ba/ bla na med pa ngas rang gi mngon par shes pas mngon par rdzogs par sangs rgyas te/ bshad pa go 'phang dam pa gzhan yang de gang zhe na/ dge slong dag 'di lta ste/ zag pa rnams zad pas zag pa med cing / mngon par 'dus ma byas pa'i rnam par grol ba ste/ dge slong dag de ni skyes bu gdul bya'i kha lo sgyur ba bla na med pa ngas rang gi mngon par shes pas mngon par rdzogs par sangs rgyas te/ bshad pa go 'phang dam pa yin no// bcom ldan 'das kyis de skad ces bka' stsal nas dge slong de dag yi radradwa te/ bcom ldan 'das kyis gsungs pa la mngon par bstod do// bar sdom ni/ 'du shes tha dad gzugs can dang / chad dang rtag par/

  736. 369a

    lta ba dang // grib dang chu dang khar ba dang // skyes bu gdul bya tha ma yin// mdo chen po lnga gsum pa zhes bya ba rdzogs so// / rgya gar gyi mkhan po dzi na mi tra dang pradz+nyA bar ma dang / zhu chen gyi lo tsa ba ban d+he ye shes sde la sogs pas bsgyur cing zhus te gtan la phab pa// rgya gar skad du/ mA ya dz+wa lan nA ma ma hA sU tram/ bod skad du/ mdo chen po sgyu ma'i 'dra ba zhes bya ba/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de nas bcom ldan 'das kyis dge slong rnams la bka' stsal pa/ dge slong dag lhag pa'i tshul khrims kyi bslab pa yod la lhag pa'i sems med cing / lhag pa'i shes rab med pa dang lhag pa'i tshul khrims dang / lhag pa'i sems kyi bslab pa yod la/ lhag pa'i shes rab med pa yang yod de/ 'phags pa nyan thos lhag pa'i shes rab la brtson pa'i rjes su sbyor ba la gnas na/ lhag pa'i tshul khrims dang / lhag pa'i sems kyi bslab pa'i bsgom pa yongs su rdzogs par 'gyur te/ dge slong dag de ltar na/ 'di la 'phags pa

  737. 369b

    nyan thos lhag pa'i shes rab la sbyor bar rjes su zhugs pa la gnas pa ni/ shes rab kyi 'tsho ba rnams kyi nang na bla na med pas 'tsho ba yin no// dge slong dag ji ltar na 'phags pa'i nyan thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ bdag sngon mig gis rnam par shes par bya ba'i gzugs yid de ba'i gnas lta bu dag la ni rjes su chags shing gnas par gyur la/ mig gis rnam par shes par bya ba'i gzugs yid mi bde ba'i gnas lta bu dag la ni khong khro ba dang ldan zhing gnas par gyur// mig gis rnam par shes par bya ba'i gzugs btang snyoms kyi gnas lta bu dag la ni so sor brtags pa ma yin/ so sor brtags pa ma yin pa'i btang snyoms su gnas par gyur te// de ltar bdag yun ring po nas 'di la rjes su slob cing rjes su byed pa na/ rga ba dang 'chi ba nyams su myong zhing sngon gyi mtha' mi mngon par gyur pas/ bdag gis nga ni mig gis rnam par shes par bya ba'i gzugs dag la sngon ji ltar ba de ltar bslab par mi bya zhing bdag gis mig gis rnam par shes par bya bar 'das pa dang ma 'ongs pa dang / / da ltar byung

  738. 370a

    ba'i gzugs dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi 'dud pa dang / gnod sems kyi tshogs kyi dad pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing mdog mchog tu 'dzin pa'i tshogs kyi 'dun pa gang dag yin pa de dag spangs pa'i phyir bslab par bya zhing / de dag spangs par gyur cig ces de ltar so/ sor rtog par byed pa'i phyir ro// dge slong dag 'on kyang 'di ni kha cig la ni mig gis rnam par shes par bya ba'i gzugs de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas lta bu bdag tu 'gyur te/ dge slong dag de ltar na 'di la sems can rnams yun ring po nas/ sems kyis bsgribs shing sems kyis brid sems kyis bslus nas nye dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go// dge slong dag dge sbyong ngam bram ze

  739. 370b

    gang dag kha cig mig gis rnam par shes par bya ba'i gzugs 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis gzung ste mngon par zhen par byas nas 'di nyid bden gyis/ gzhan ni 'ardzun pa'o zhes rjes su tha snyad 'dogs par byed pa de dag ni/ mig gis rnam par shes par bya ba'i gzugs yid bde ba' gnas lta bu dag la rjes su chags shing gnas te/ dge sbyong dang / bram ze brnab sems kyi tshogs kyi mdud pas kun nas sun phyung ba/ rjes su chags pa'i kun tu sbyor ba dang ldan pa de dag de nas kyang bdud sdig can ji ltar 'dod pa bzhin byed du 'jug pa yin no/ / dge slong dag dge sbyong ngam/ bram ze gang dag kha cig mig gis rnam par shes par bya ba'i gzugs 'di dag nyid bden pa dang / gnas pa'i sgo nas ma mthong zhing ji ltar rang rang log par mos pa dag la nan gyis gzungs te/ mngon par zhen par byas nas/ 'di n yid bden gyi gzhan ni brdzun pa'o zhes rjes su tha snyad 'dogs par byed pa de dag ni mig gis rnam par shes par bya ba'i gzugs yid mi bde ba'i gnas lta bu dag la khong khro ba dang ldan par gnas te/ dge sbyong dang / bram ze gnod sems kyi tshogs kyi 'dun pas kun nas sun byung ba/ khong khro ba'i kun tu sbyor ba dang ldan pa de dag kyang bdud sdig can ji ltar 'dod pa

  740. 371a

    bzhin byed du 'jug pa yin no/ / dge slong dag dge sbyong ngam bram ze gang dag kha cig mig gis rnam par shes par bya ba'i gzugs 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyi gzungs ste/ mngon par zhen par byas nas/ 'di nyid bden gyi gzhan ni brdzun pa'o zhes tha snyad 'dogs par byed pa de dag ni/ mig gis rnam par shes par bya ba'i gzugs btang snyoms kyis gnas lta bu dag la so so so sor brtags pa ma yin pa'i btang snyoms su gnas te/ dge sbyong dang bram ze 'di nyid bden no snyam du mngon par zhen cing mchog tu 'dzin pa'i tshogs kyis 'dun pas kun nas su phyung ba/ nga rgyal gyi kun tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ / dge slong dag 'di lta ste dper na/ mi smyon pa sems g.yengs pa ni gcer bur de dang de dag tu 'khyam par byed cing / de des mngon par dga' bar byed la/ de la nyes dmigs su ma mthong ba las/ gang gi tshe des rang gi sems phyir thob pa de'i tshe/ de'i sngon gyi sngon spyon pa'i spyod pa dang sems g.yengs pa'i spyod pa dang / gcer bu'i spyod pa des gdung bar byed/ ngo tsha bar byed/ gnod par byed cing / rnam par smod par byed do// dge slong dag de bzhin du 'phags pa nyan thos thos pa dang ldan pa yang / 'phags pa

  741. 371b

    'jig rten las 'das pa'i shes rab 'di nyid thob nas/ sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod pa des gdungs par byed/ ngo tsha bar byed/ gnod par byed cing / rnam par smod par byed la/ de 'odi snyam du sems te/ bdag gis ni sngon gyi mi rtag pa kho na la rtag par bsams shing / bdag gis sdug bsnga ba kho na la ni bde bar bsams bdag gis mi gtsang ba kho na la ni gtsang bar bsams/ bdag gis bdag med la kho na la ni bdag tu bsams te/ de ltar bdag ni sngon mi rtag pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so/ / dge slong dag 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig lam po che'i bzhi mdor 'dus ste/ sgyu ma rnam pa bzhi po 'di lta ste/ glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs drag byas te/ rnam par brtan par gyur na/ de la sems can byis pa'i rang bzhin can dang / rmongs pa'i rang bzhin can dang / shes rab 'chal pa'i rang bzhin can gang yin pa de dag 'di snyam du sems te/ glang po che'i tshogs dang

  742. 372a

    rta'i tshogs dang / shing rta'i tshogs dang / dpung bu chung gi tshogs gang snang ba 'di ni bden pa dang gnas pa'i sgo nas yod do snyam du sems so// sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag 'di snyam du sems te/ glang po che'i tshogs dang / te'i tshogs dang shing rta'i tsho ga dang / dpung bu chung gi tshogs dag snang ba 'di ni bden pa dang / gnas pa'i sgo nas yod pa ma yin te/ sgyu mar byas pa 'di 'ba' shig yod do// mig slu bar byed pa 'di 'ba' shig yod do snyam du sems so/ / dge slong dag de bzhin du/ 'phags pa nyan thos thos pa dang ldan pa yang bdag gi mig gis rnam par shes par bya ba'i 'das pa dang ma 'ongs pa dang / da ltar byung ba'i gzugs gang dag yin pa 'di dag la rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba de bzhin nyid dam/ ma nor bde bzhin nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ brdzun pa yang de nyid yin/

  743. 372b

    slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas/ de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi bcom ldan 'das kyis gsungs pa 'phags pa 'jig rten las 'das pa ni bden no zhes de ltar so sor rtog par byed do/ des de ltar shes nas/ mig gis rnam par shes par bya ba 'das pa dang / ma 'ongs pa dang / da ltar byung ba'i gzugs nad tu yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo // des mig gis rnam par shes par bya ba 'das pa dang / ma 'ongs pa dang / da ltar byung ba'i gzugs rnams nad du yang dag par rjes su mthong zhing / 'bras dang / zug rngu dang sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de mig gis rnam par shes par bya ba 'das pa dang / ma 'ongs pa dang / da ltar byung ba'i gzugs dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs

  744. 373a

    kyi 'dun pa dang / gnod sems kyi tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing mchog tu 'dzin pa'i tshogs kyi 'dun pa gang dag yin pa de dag spong bar byed do/ / de dag spangs pa'i phyir bdud ldongs pa dang / yid chad pa dang / phyogs med par byas te// gnas shing bdud sdig can gyis mi mthong bar song nas/ bdud dang bdud kyi 'khor bcom zhing g.yul chen po'i g.yul sprad de/ g.yul las rnam par rgyal ba dang / g.yul ngo de nyid mngon par phan par byas shing gnas te/ de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ shes rab kyis 'tshe ba rnams kyi nang na bla na med pas 'tsho ba yin no/ / dge slong dag yang ji ltar na 'phags pa nyan thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ bdag sngon rna bas rnam par shes par bya ba'i sgra yid bde ba'i gnas lta bu dag la ni rjes su chags shing gnas par gyur la/ rna bas rnam par shes par bya ba'i sgra yid mi bde ba'i gnas lta bu dag la ni khong khro ba dang ldan zhing gnas par gyur/ de rnabs

  745. 373b

    rnam par shes par bya ba'i sgra btang snyoms kyi gnas lta bu dag la ni so sor brtags pa ma yin/ so sor brtags pa ma yin pa'i btang snyoms su gnas par gyur te/ de ltar bdag yun ring po nas 'di la rjes su slob cing rjes su byed pa na/ rga ba dang na ba dang 'chi ba nyams su myong zhing / sngon gyi mtha' mi mngon par gyur pas bdag gis da ni rna bas rnam par shes par bya ba'i sgra dag la sngon ji lta ba de ltar bslab par mi bya zhing / bdag gis rna bas rnam par shes par bya ba 'das pa dang / ma 'ongs pa dang / da ltar byung ba'i sgra dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa/ 'di lta ste/ brnab sems kyi tshogs kyi 'dun pa dang / gnod sems kyi tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing mchog tu 'dzin pa'i tshogs kyi 'dun pa gang/ dag yin pa de dag spangs pa'i phyir bsgrub par bya zhing / de dag spangs par gyur cig ces de ltar so sor rtog par byed pa'i phyir ro// dge slong dag 'on kyang 'di na kha cig la ni rna bas rnam par shes par bya ba'i sgra de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu

  746. 374a

    dag tu 'gyur zhing/ dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go// dge slong dag dge sbyong ngam/ bram ze gang dag kha cig rna bas rnam par shes par bya ba'i sgra 'di dag nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis gzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni rna bas rnam par shes par bya ba'i sgra yid bde ba'i gnas lta bu dag la rjes su chags shing gnas te/ dge sbyong dang bram ze brnab sems kyi tshogs kyi 'dun pas kun nas sun byung ba/ rjes su chags pa'i kun tu sbyor ba dang ldan pa de dag kyang / bdud sdig can ji ltar 'dod pa bzhin byed du 'jug pa yin no// dge slong dag dge sbyong ngam/ bram ze gang dag kha cig rna bas rnam par shes par bya ba'i sgra 'di dag nyid bden pa dang / gnas pa'i sgo nas ma mthong zhing ji ltar rang rang log par mos pa dag la nan

  747. 374b

    gyis gzungs te/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni/ rna bas rnam par shes par bya ba'i sgra yig mi bde ba'i gnas lta bu dag la khong khro ba dang ldan pas gnas te/ dge sbyong dang / bram ze gnod sems kyi tshogs kyi 'dun pas kun nas sun phyung ba/ khong khro ba'i kun tu sbyor pa dang ldan pa de dag kyang bdud sdig can ji ltar 'dod pa bzhin byed du 'jug pa yin no/ / dge slong dag dge sbyong ngam/ bram ze gang dag kha cig rna bas rnam par shes par bya ba'i sgra 'di dag nyid bden pa dang / gnas pa'i sgo nas mi mthong zhing ji ltar rang rang log par mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o/ / zhes rjes su tha snyad 'dogs par byed pa de dag ni/ rna bas rnam par shes par bya ba'i sgra btang snyoms kyi gnas lta bu dag la so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing / mchog tu 'dzin pa'i tshogs kyi 'dun pas kun nas sun byung ba/ nga rgyal gyi kun tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ / dge slong dag 'di lta ste dper na/ mi smyon pa 'am/ chang gis ra ro bar gyur pa ni ma dang lhan cig

  748. 375a

    nyal po byed cing / de des mngon par dga' bar byed la/ de la nyes dmigs su ma mthong ba las/ gang gi tshe de smyos pa 'am/ ra ro ba sangs par gyur pa de'i tshe/ ma dang lhan cig nyal po byas pa des gdung bar byed/ ngo tsha bar byed/ gnod par byed cing / rnam par smod par byed do// dge slong dag de bzhin du 'phags pa nyan thos thos pa dang ldan pa yang / 'phags pa 'jig rten las 'das pa'i shes rab 'di nyid thob nas/ sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod pa des gdung bar byed// ngo tsha bar byed/ gnong bar byed cing rnam par smod par byed la / 'di snyam du sems te/ bdag gis ni sngon mi rtag pa kho na la rtag par bsams shing bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar na drug ni sngon mi rtag pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar du shes pa dang / bdag med pa la bdag tu 'du shes par gyur to snyam du sems so// dge slong dag 'di lta ste dper na/ chu klung gi 'gram 'am/ yur po che'i 'gram na/ sgra brnyan gyi sgra grags par 'gyur na/ de la sems can byis pa'i rang bzhin can dang / rmongs pa'i rang bzhin can dang /

  749. 375b

    shes rab 'chal pa'i rang bzhin can gang dag yin pa de dag ni 'di snyam du sems te/ gang las sgra 'di grags pa'i sems can de ni bden pa dang / gnas pa'i sgo nas yod/ do snyam du sems so// sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag yin pa de dag ni 'di snyam du sems te/ gang las sgra 'di grags pa'i sems can de ni bden pa dang / gnas pa'i sgo nas yod pa ma yin te/ sgra brnyan 'di 'ba' shig yod do// rna ba slu bar byed pa 'di 'ba' shig yod do snyam du sems so/ / dge slong dag de bzhin du 'phags pa nyan thos thos pa dang ldan pa yang / bdag gis rna bas rnam par shes par bya ba 'das pa dang / ma 'ongs pa dang / da ltar byung ba'i sgra gang dag yin pa 'di dag la rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba de bzhin nyid dam/ ma nor ba nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid yin//

  750. 376a

    ro yang de nyid yin/ ro'i gzugs kyang de nyid yin pas/ de la ni mngon par dga' bar bya ba'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/ bcom ldan 'das kyis gsung pa 'phags pa 'jig rten las 'das pa ni bden no// zhes de ltar so sor rtog par byed do// des de ltar shes nas rna bas rnam par shes par bya ba 'das pa dang / ma 'ongs pa dang / da ltar byung ba'i sgra rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo // des rna bas rnam par shes par bya ba 'das pa dang / ma 'ongs pa dang da ltar byung ba'i sgra rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i rna bas rnam par shes par bya ba 'das pa dang / ma 'ongs pa dang / da ltar byung ba'i sgra dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa/ 'di lta ste/ brnab sems kyi tshogs kyi 'dun pa dang / gnod sems kyi tshogs kyi 'dun pa dang / tshul khrim

  751. 376b

    dang brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing mchog tu 'dzin pa'i tshogs kyi 'dun pa gang dag yin pa de dag spongs par byed do// de dag spangs pa'i phyir bdud ldod pa dang / yi chad pa dang / phyogs med par byas te gnas shing bdud sdig can gyis mi mthong bar song nas/ bdud dang bdud kyi 'khor bcom zhing g.yul chen po'i g.yul sprad de/ g.yul las rnam par rgyal ba dang / g.yul ngo de nyid mngon par pham par byas shing gnas te/ de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ shes rab kyis 'tsho ba rnams kyi nang na/ bla na med pas 'tsho ba yin no// dge slong dag yang ji ltar na 'phags pa nyan thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na/ bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ bdag sngon snas rnam par shes par bya ba'i dri yid bde ba'i gnas lta bu dag la ni rjes su chags shing gnas par gyur la/ snas rnam par shes par bya ba'i dri yid mi bde ba'i gnas lta bu dag la ni khong khro ba dang ldan zhing gnas par gyur/ snas rnam par shes par bya ba'i dri btang snyoms kyi gnas lta bu dag la

  752. 377a

    ni so sor brtags pa ma yin/ so sor brtags pa ma yin pa'i btang snyoms su gnas gnas par gyur te/ de ltar bdag yun ring po nas 'di la rjes su slob cing rjes su byed pa na/ rga ba dang 'chi ba nyams su myongs zhing / sngon gyi mtha' mi mngon par gyur pas/ bdag gis da ni snas rnam par bya ba'i dri dag la sngon ji lta ba de ltar bslab par mi bya zhing bdag gis snas rnam par shes par bya ba 'das pa dang / ma 'ongs pa dang / da ltar byung ba'i dri dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa/ 'di lta ste/ brnab sems kyi tshogs kyi 'dun pa dang / gnod sems kyi tshogs kyi 'dud pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spangs pa'i phyir bslab par bya zhing de dag spangs par gyur cig ces de ltar so sor rtog par byed pa'i phyir ro/ / dge slong dag 'on kyang 'di na kha cig la ni snas rnam par shes par bya ba'i dri de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu bdag tu 'gyur zhing / dus la lar ni yid mi bde ba'i gnas lta bu

  753. 377b

    dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na/ 'di la sems can rnams yun ring po nas sems kyis bsgribs shing sems kyis brid/ sems kyis bslus na nyes dmigs su mi mthong zhing / nges par 'byung bar rab tu mi shes te/ bdud sdig can ji ltar 'dod pa bzhin byed du 'jug go// dge slong dag dge sbyong ngam/ bram ze gang dag kha cig snas rnam par shes par bya ba'i dri 'di dag nyid bden pa dang / gnas pa'i sgo nas ma mthong zhing ji ltar rang rang log par mos pa dag la nan gyi bzungs ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni/ snas rnam par shes par bya ba'i dri yid bde ba'i gnas lta bu dag la rjes su chags shing gnas te/ dge sbyong dang / bram ze ba rnab sems kyi tshogs kyi 'dun pas kun nas sun phyung ba/ rjes su chags pa'i kun/ tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no// dge slong dag dge sbyong ngam/ bram ze gang dag kha cig snas rnam par shes par bya ba'i dri'adi dag nyid bden pa dang / gnas pa'i sgo nas mthong zhing / ji ltar rang rang log par mos pa dag la nan gyis gzung ste/ mngon par zhen par byas nas 'di nyid bden gyi gzhan ni

  754. 378a

    brdzun pa'o zhes rjes su tha snyad 'dogs par byed pa de dag ni/ snas rnam par shes par bya ba'i dri yid mi bde ba'i gnas lta bu dag la khong khro ba dang ldan par gnas te/ dge sbyong dang / bram ze gnod sems kyi tshogs kyi 'dun pas kun nas sun phyung ba/ khong khro ba'i kun tu sbyor ba dang ldan par de dag kyang bdud sdig can ji ltar 'dod pa bzhin byed du 'jug pa yin no/ / dge slong dag dge sbyong ngam/ bram ze gang dag kha cig snas rnam par shes par bya ba'i dri 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni snas rnam par shes par bya ba'i dri btang snyoms kyi gnas lta bu dag la so sor brtags pa ma yin/ so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing / mchog tu 'dzin pa'i tshogs kyi 'dun pas kun nas sun byung ba/ nga rgyal gyi kun tu sbyor ba dang ldan pa de dag kyang / bdud sdig can ji ltar 'dod pa bzhin byed du 'jug pa yin no/ / dge slong dag 'di lta ste dper na/ mi zhig gi phyi thog thag tu gshed ma phyir rgol ba dgra bo zhig rjes su 'brang bar gyur cing / de de la mngon par

  755. 378b

    / dga' bar byed la de la nyes dmigs su ma mthong ba las/ gang gi tshe so sor rtog par byed na/ 'di ni bdag gi gshed ma phyir rgol ba dgra bo yin no zhes shes par gyur pa de'i tshe// de des gdung bar byed/ ngo tsha bar byed/ gnod par byed cing rnam par smod par byed do// dge slong dag de bzhin du/ 'phags pa nyan thos thos pa dang ldan pa yang / 'phags pa 'jig rten las 'das pa'i shes rab 'di nyid thob nas/ sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod pa des gdung bar byed/ ngo tsha bar byed/ gnod bar byed cing rnam par smod par byed la/ de 'di snyam du sems te/ bdag gis ni sngon mI/ rtag par bsams shing / bdag gis sdug bsngal ba kho na la ni bde bar bsams bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar bdag ni sngon mi rtag pa la rtag par 'du shes la dang sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so// dge slong dag 'di lta ste/ dper na/ skyes bu mig dang ldan pa zhig gis me long gi dkyil 'khor shin tu yongs su dag pa blangs te/ rang bzhin gyi mtshan ma so sor rtog par byed na/ de la

  756. 379a

    sems can byis pa'i rang bzhin can dang / rmongs pa'i rang bzhin can dang / shes rab 'chal pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i sems can 'di ni bden pa dang gnas pa'i sgo nas yod do snyam du sems so// sems can byis pa'i rang bzhin can ma yin pa dang / rmongs pa'i rang bzhin ca ma yin pa dang / shes rab dang ldan pa'i rang bzhin can gang dag yin pa/ de dag ni 'di snyam du sems te/ gang 'di ltar snang ba'i sems can 'di ni bden pa dang / gnas pa'i sgo nas yod pa ma yin te/ gzugs brnyan 'di 'ba' shig yod do// mig slu bar byed pa 'di 'ba' shig yod snyam du sems so// dge slong dag de bzhin du 'phags pa nyan thos thos pa dang ldan pa yang bdag gis snas rnam par shes pa 'das pa dang / ma 'ongs pa dang / da ltar byung ba'i dri gang dag yin pa 'di dag la/ rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid ma/ ji lta ba bzhin nyid dam/ ma nor ba nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ brdzun

  757. 379b

    pa yang de nyid yin/ slu ba'i chos kyang de nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/ bcom ldan 'das kyis gsungs pa/ 'phags pa 'jig rten las 'das pa ni bden no zhes de ltar so sor rtog par byed do/ / des de ltar shes nas snas rnam par shes par bya ba 'das pa dang / ma 'ongs pa dang / da ltar byung ba'i dri rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo / / des snas rnam par shes par bya ba 'das pa dang / ma 'ongs pa dang / da ltar 'byung ba'i dri rnams nang du yang dag par rjes su mthong zhing / 'bras dang / / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i snas rnam par shes par bya ba 'das pa dang / ma 'ongs pa dang / da ltar byung ba'i dri dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa

  758. 380a

    'di lta ste/ brnab sems kyi tshogs kyi 'dun pa dang / gnod sems kyi tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing mchog tu 'dzin pa'i tshogs kyi 'dun pa gang dag yin pa de dag spong bar byed do// de dag spangs pa'i phyir bdud ldongs pa dang / yi chad pa dang / phyogs med par byas te/ gnas shing bdud sdig can gyis mi mthong bar song nas/ bdud dang bdud kyi 'khor bcom zhing / g.yul chen po'i g.yul sprad de/ g.yul las rnam par rgyal ba dang / g.yul ngo de nyid mngon par pham par byas shing gnas te/ de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ shes rab kyis 'tshe ba rnams kyi nang na bla na med pas 'tsho ba yin no// dge slong dag yang ji ltar na 'phags pa nyan thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ bdag sngon lces rnam par shes par bya ba'i ro yid bde ba'i gnas lta bu dag la ni/ rjes su chags shing gnas par gyur la/ lces rnam par shes par bya ba'i ro yid mi bde ba'i gnas lha

  759. 380b

    / bu dag la ni khong khro ba dang ldan zhing gnas gyur/ lces rnam par shes par bya ba'i ro btang snyoms kyi gnas lta bu dag la ni so sor brtags pa ma yin pa'i btang snyoms su gnas par gyur te// / de ltar bdag yun ring po nas 'di la rjes su slob cing rjes su byed pa na/ rga ba dang / 'chi ba nyams su myong zhing / sngon gyi mtha' mi mngon par gyur pas/ bdag gis da ni lces rnam par shes par bya ba'i ro dag la sngon ji lta ba de ltar bslab par mi bya zhing / bdag gis lces rnam par shes par bya ba 'das pa dang / ma 'ongs pa dang / da ltar byung ba'i ro dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi 'dun pa dang / gnod sems kyi tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing / mchog tu 'dzin pa'i tshogs kyi 'dun pa gang dag yin pa de dag spang ba'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro// dge slong dag 'on kyang 'di na kha cig la ni lces rnam par shes par bya ba'i ro de dag nyid yid du 'ong bar 'gyur la/ gzhan dag la de dag nyid yid du mi 'ong bar gyur pa yang yod la/ de dag la yang dus la

  760. 381a

    yar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas stsa dag tu 'gyur te/ dge slong dag de ltar na/ 'di la sems can rnams yun ring po nas sems kyis bsgribs shing / sems kyis bslus nas nyes dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go// dge slong dag dge sbyong ngam/ bram ze gang dag kha cig lces rnam par shes par bya ba'i ro 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag lo nan gyi bzung ste/ mngon par zhen par byas nas/ 'di nyid bden gyis gzhan ni brdzun pa'o zhes rjes su tha snyad 'dogs par byed pa dag ni/ lces rnam par shes par bya ba'i ro yid bde ba'i gnas lta bu dag la rjes su chags shing gnas te/ dge sbyong dang / bram ze brnab sems kyi tshogs kyi 'dun pas kun nas sun phyung ba/ rjes su chags pa'i kun tu sbyor ba dang ldan pa de dag kyang 'dud sdig can ji ltar 'dod pa bzhin byed du 'jug pa yin no/ / dge slong dag dge sbyong ngam/ bram ze gang dag kha cig lces rnam par shes par bya ba'i ro 'di dag nyid bden pa dang / gnas pa'o sgo nas ma mthong

  761. 381b

    zhing / ji ltar rang rang log par mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni/ lces rnam par shes par bya ba'i ro yid mi bde ba'i gnas lta bu dag la khong khro ba dang ldan par gnas te/ dge sbyong dang / bram ze gnod sems kyi tshogs kyi 'dun pas kun nas sun phyung ba/ khong khro ba'i kun tu sbyor ba dang ldan pa de dag kyang bdud sdig can ji ltar 'dod pa bzhin du byed du 'jug pa yin no// dge slong dag dge sbyong ngam/ bram ze gang dag kha cig lces rnam par shes par bya ba'i ro 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni don med pa'o zhes rjes su tha snyad 'dogs par byed pa de dag ni/ lces rnam par shes par bya ba'i ro btang snyoms kyi gnas lta bu dag la so sor brtags pa ma yin/ / so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing mchog tu 'dzin pa'i tshogs kyi 'dun pas kun nas sun phyung ba/ nga rgyal gyi kun tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no// dge slong

  762. 382a

    dgra 'di lta ste/ dper na/ slob ma zhig gis slob dpon zas sbyin par bya'o zhes pa glang gis lci ba zar bcug cingaskom blud par bya'o zhes gcin 'thung du bcug la/ de des mngon par dga' bar byed cing de la nyes dmigs su ma mthong ba las/ gang gi tshe de so sor rtog par byed pa na/ bdag gis slob dpon zab sbyin par bya zhes pa glang gi lci bzang bcug cing / som brud par bya'o zhes gcin 'thung du bcug par shes par gyur pa de'itshe/ de des gdung bar byed/ ngo tsha bar byed/ gnod par byed cing / rnam par smod par byed do// dge slong dag de bzhin du 'phags pa nyan thos thos pa dang ldan pa yang 'phags pa 'jig rten las 'das pa'i shes rab 'di nyid thob nas sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod pa des gdung bar byed/ ngo tsha bar byed/ gnod par byed cing / rnam par smod par byed la/ de 'di snyam du sems te/ bdag gis ni sngon mi brtag pa kho na la rtag par bsams shing // bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang bar bsams/ bdag gis med pa kho na la ni bdag tu bsams te/ de ltar na bdag ni sngon mi rtag pa la rtag par 'du shes pa dang / sdug bsngal ba la

  763. 382b

    bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so// dge slong 'di lta ste/ dper na/ sos ka'i zla ba tha ma la sprin med cing sprin dang bral ba'i nyi ma'i gung tshigs la bab pa'i tshe/ tsha bas smig rgyu dag g.yo bar gyur pa na/ de la sems can byis pa'i rang bzhin can dang / rmongs pa'i rang bzhin can dang / shes rab 'chal pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i chu 'di ni bden pa dang / gnas pa'i sgo nas yod do snyam du sems so// sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i chu 'di ni bden pa dang / gnas pa'i sgo nas yod pa ma yin te/ smig rgyu 'di 'ba' shig yod do/ / mig slu bar byed pa 'di 'ba' shig yod do// snyam du sems so// dge slong dag de bzhin du 'phags pa nyan thos thos pa dang ldan pa yang / bdag gi lces rnam par shes par bya ba 'das pa dang / ma 'ongs pa dang / da ltar byung ba'i ro gang dag yin pa de dag la rtag pa nyid dam/ brtan pa nyid dam/ ther zug nyid dam//

  764. 383a

    de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji ltar ba bzhin nyid dam/ ma nor ba nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ brdzun yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas/ de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya mi rigs kyi/ bcom ldan 'das kyis gsungs pa/ / 'phags pa 'jig rten las 'das pa ni bden no zhes de ltar so sor rtog par byed do// des de ltar shes nas/ lces rnam par shes par bya ba 'das pa dang / ma 'ongs pa dang / da ltar byung ba'i ro rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo // des lces rnam par shes par bya ba 'das pa dang / ma 'ongs pa dang / da ltar byung ba'i ro rnams nad

  765. 383b

    du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong // ba na/ de'i lces rnam par shes par bya ba'i 'das pa dang / ma 'ongs pa dang / da ltar byung ba'i ro dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi 'dun pa dang / gnod sems kyi tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing / mchog tu 'dzin pa'i tshogs kyi 'dun pa gang dag yin pa de dag spong bar byed do// de dag spangs pa'i phyir bdud ldongs pa dang / yi chad pa dang / phyogs med par byas te/ gnas shing bdud sdig can gyis mi mthong bar song nas bdud dang bdud kyi 'khor bcom zhing g.yul chen po'i g.yul sprad de/ g.yul las rnam par rgyal ba dang / g.yul ngo de nyid mngon par pham par byas shing gnas te/ de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ shes rab kyis 'tsho ba rnams kyi nang na/ bla na med pas 'tsho ba yin no// dge slong dag yang ji ltar na 'phags pa

  766. 384a

    nyan thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na/ bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ bdag sngon lus kyis rnam par shes par bya ba'i reg bya yid bde ba'i gnas lta bu dag la ni/ rjes su chags shing gnas par gyur la/ lus kyis rnam par shes par bya ba'i reg bya yid mi bde ba'i gan lta bu dag la ni khong khro ba dang ldan zhing gnas par 'gyur/ lus kyis rnam par shes par bya ba'i reg bya btang snyoms kyi gnas lta bu dag la ni so sor brtags pa ma yin/ so sor brtags pa ma yin pa'i btang snyoms su gnas par gyur te/ de ltar bdag yun ring po nas 'di la rjes su slob cing rjes su byed pa na/ rga ba dang / 'chi ba nyams su myong zhing sngon gyi mtha' mi sngon par gyur pas/ bdag gis da ni lus kyis rnam par shes par bya ba'i reg bya dag la sngon ji lta ba de ltar bslab par mi bya zhing / bdag gis lus kyis rnam par shes par bya ba 'das pa dang / ma 'ongs pa dang / da ltar 'byung ba'i reg bya dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs

  767. 384b

    'dun pa dang / gnod sems kyi tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing / mchog tu 'dzin pa'i tshogs kyi 'dud pa gang dag yin pa de dag spangs pa'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro/ / dge slong dag 'on kyang 'di na kha cig la ni/ lus kyi rnam par shes par bya ba'i reg bya de dag nyid yid du mi 'ong bar gyur la/ gzhan dag la ni de dag nyid yid du mi 'ong bar 'gyur ba ang yod la/ de dag la yang dus la lar ni yid mi bde ba'i gnas lta bu dag tu gyur zhing / dus la lar ni yid bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bsdus nas nyes dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go// dge slong dag dge sbyong ngam/ bram ze gang dag kha cig lus kyis rnam par shes par bya ba'i reg bya 'di dag nyid bden pa dang / gnas pa'i sgo nas ma mthong zhing / ji ltar rang rang log par

  768. 385a

    mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni lus kyis rnam par shes par bya ba'i reg bya yid bde ba'i gnas lta bu dag la rjes su chags shing gnas te/ dge sbyong dang / bram ze brnab sems kyi tshogs kyi 'dud pas kun nas sun phyung ba/ rjes su chags pa'i kun tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no// dge slong dag dge sbyong dang / bram ze gang dag lus kyis rnam par shes par bya ba'i reg bya 'di dag nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni lus kyis rnam par shes par bya ba'i reg bya yid mi bde ba'i gnas lta bu dag la khong khro ba dang ldan par gnas te/ dge sbyong dang / bram ze gnod sems kyi tshogs kyi 'dun pas kun nas sun phyung ba/ khong khro ba'i kun tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ / dge slong dag dge sbyong ngam/ bram ze gang dag kha cig lus rnam par shes par bya ba'i reg bya 'di dag nyid bden pa dang / gnas pa'i sgo nas ma mthong zhing //

  769. 385b

    ji ltar rang rang log par mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni/ lus kyis rnam par shes par bya ba'i reg bya btang snyoms kyi gnas lta bu dag la so sor brtags pa ma yin/ so sor brtags pa ma yin pa'i btang snyoms su gnas te/ dge sbyong dang / bram ze 'di bden no/ snyam du mngon par zhen cing mchog tu 'dzin pa'i tshos kyi 'dun pas kun nas sun phyung ba/ nga rgyal gyi kun tu sbyor ba dang ldan pa de dag kyang / bdud sdig can ji ltar 'dod pa bzhin byed du 'jug pa yin no// dge slong dag 'di lta ste/ dper na/ mi zhig rkun po dag gis gtses pa na/ rang gi bu yin no snyam du sems shing / gzhan gyi bu blangs te/ grong nas 'bros par byed cing / de des mngon par dga' bar byed la/ de la nyes dmigs su ma mthong ba las/ gang gi tshe so sor rtog par byed pa na/ 'di ni bdag gi bu ma yin gyi/ 'di ni gzhan gyi bu yin no zhes shes par de'i tshe/ de des gdung bar byed/ ngo tsha bar byed/ gnong bar byed cing rnam par smod par byed do// dge slong dag de bzhin du 'phags pa nyan thos thos pa dang ldan pa yang / 'phags pa 'jig rten las 'das pa'i shes rab 'di nyid thos nas/ sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod pa des gdung bar byed/ ngo tsha bar byed/ gnod par byed cing / rnam par smod par byed la/ de 'di snyam du sems

  770. 386a

    te/ bdag gis ni sngon mi brtags pa kho na la rtag par bsams shing / bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang ba bsams/ bdag gis bdag med pa kho na la ni bdag tu bsams te/ de ltar bdag ni sngon mi rtag pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa/ bdag med pa la bdag tu 'du shes par gyur to snyam du sems so// dge slong dag 'di lta ste/ dper na/ skyes bu gnyid kyis log pa'i rmi lam na 'dod pa'i yon tan lngas rtse zhing dga' la dga' dgur spyod par byed pa las phyis sad pa na/ cung zad kyang mi snang bar gyur pa'i tshe// de la sems can byis pa'i rang bzhin can dang / rmongs pa'i rang bzhin can dang / shes rab 'chal pa'i rang bzhin can gang dag yin pa de dag ni 'di snyam du sems te/ gang bdag bdag cag gis rmi lam na dga' dgur spyad pa'i yon tan lnga po de dag ni bden pa dang / gnas pa'i sgo nas yod do snyam du sems so// sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di snyam du sems te/ gang drag cag gis rmi lam na dga' dgur spyad pa'i 'dod pa'i yon tan lnga po de dag ni bden pa dang / gnas pa'i sgo nas yod pa ma yin te/ mi

  771. 386b

    lam de 'bab shig yod do/ / sems slu bar byed pa de 'ba' shig yod do snyam du sems so// dge slong dag de bzhin du/ 'phags pa nyan thos thos pa dang ldan pa yang / bdag gis lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya gang dag yin pa 'di dag la rtag pa nyid dam/ brtan pa nyid dam/ ther zug nyid dam/ de bzhin nyid dam ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji ltar ba bzhin nyid dam/ ma nor ba nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa la yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas/ de las ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya ba mi rigs kyi/ bcom ldan 'das kyis gsungs pa/ 'phags pa 'jig rten las 'das pa ni bden no zhes de ltar so sor rtog par byed do/ / des de ltar shes nas/ lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya rnams nad du yang dag par rjes su mthong zhing / 'bras dang /

  772. 387a

    zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo // de lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya rnams nang du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi 'dun pa dang / gnod sems kyi tshogs kyi 'dun pa dang / tshul khrims dang brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing / mchog tu 'dzin pa'i tshogs kyi 'dun pa gang dag yin pa de dag spong bar byed do// de dag spangs pa'i phyir bdud ldongs pa dang / yi chad pa dang / phyogs med par byas te/ gnas shing bdud sdig can gyis mi mthong bar song nas/ bdud dang bdud kyi 'khor bcom zhing / g.yul chen po'i g.yul sprad de/ g.yul las rnam par rgyal ba dang / g.yul ngo de nyid mngon par pham par byas shing gnas te/ de ltar na 'di la 'phags pa nyan thos lhag pa'i shes rab la brtson pa'i rjes su sbyor ba la gnas pa ni/ shes rab kyis 'tsho ba

  773. 387b

    rnams kyi nang na/ bla na med pas 'tsho ba yin no// dge slong dag yang ji ltar na 'phags pa nyan thos lhag pa'i shes rab la sbyor bar rjes su zhugs pa la gnas pa ni/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni/ bdag sngon yid kyis rnam par shes par bya ba'i chos yid bde ba'i gnas lta ba dag la ni rjes su chags shing gnas par 'gyur la/ yid kyis rnam par shes par bya ba'i chos yid mi bde ba'i gnas lta bu dag la ni khong khro ba dang ldan zhing gnas par gyur/ yid kyis rnam par shes par bya ba'i chos btang snyoms kyi gnas lta bu dag la ni// so sor brtags pa ma yin/ so sor brtags pa ma yin pa'i btang snyoms su gnas par gyur te/ de ltar bdag yun ring po nas 'di la rjes su slob cing / rjes su byed pa/ rga ba dang / 'chi ba nyams su myong zhing / sngon gyi mtha' mi mngon par gyur pas/ bdag gis da ni yid kyis rnam par shes par bya ba'i chos dag la sngon ji lta ba de ltar bslab par mi bya zhing / bdag gis yid kyis rnam par shes par bya ba 'das pa dang / ma 'ongs pa dang / da ltar byung ba'i chos dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi 'dun pa dang / gnod sems

  774. 388a

    kyis tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dun pa dang / 'di bden no snyam du mngon par zhen cing / mchog tu 'dzin pa'i tshogs kyi 'dun pa gang dag yin pa de dag spangs pa'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro// dge slong dag 'on kyang 'di na kha cig la ni yid kyis rnam par shes par bya ba'i chos de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na 'di la sems can rnams un ring po nas sems kyis bsgribs shing / sems kyis bris/ sems kyis bslus nas nyes dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go/ / dge slong dag/ dge sbyong ngam/ bram ze gang dag kha cig yid kyis rnam par shes par bya ba'i chos 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni/

  775. 388b

    yid kyis rnam par shes par bya ba'i chos yid bde ba'i gnas lta bu dag la rjes su chags shing gnas te/ dge sbyong dang / bram ze brnab sems kyi tshogs kyi 'dun pas kun nas sun phyung ba/ rjes su chags pa'i kun tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no// dge slong dag/ dge sbyong ngam/ bram ze gang dag kha cocig yid kyis rnam par shes par bya ba'i chos 'di dag nyid bden pa dang / gnas pa'i sgo nas ma mthong zhing // ji ltar rang rang log par mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni/ yid kyis rnam par shes par bya ba'i chos yid mi bde ba'i gnas lta bu dag la khong khro ba dang ldan par gnas te/ dge sbyong dang / bram ze gnod sems kyi tshogs kyi 'dun pas kun nas sun phyung ba/ khong khro ba'i kun tu sbyor ba dang ldan pa de dag kyang / bdud sdig can ji ltar 'dod pa bzhin du 'jug pa yin no/ / dge slong dag/ dge sbyong dang / bram ze gang dag kha cig yid kyis rnam par shes par bya ba'i chos 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas/ 'di nyid bden gyi gzhan ni brdzun pa'o zhes rjes su tha snyad 'dogs par byed

  776. 389a

    pa de dag ni/ yid kyis rnam par shes par bya ba'i chos btang snyoms kyi gnas lta bu dag la so sor brtags pa ma yin/ so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing / mchog tu 'dzin pa'i tshogs kyi 'dun pas kun nas sun phyung ba/ nga rgyal gyi kun tu sbyor ba dang ldan pa de dag kyang bdud sdig can ji ltar 'dod pa bzhin du byed du 'jug pa yin no/ / dge slong dag 'di lta ste/ dper na/ skyes bu zhig gis rin po che za ma tog yin par sems shing / sbrul gyi za ma tog blangs te grong khyer kun tu 'bar ba nas 'bres par byed cing de des mngon par dga' bar byed la/ de la nyes dmigasu ma mthong ba las/ gang gi tshe de so sor rtog par byed pa na// 'di ni sbrul gyi za ma rtog yin gyi// 'di ni rin po che'i za ma rtog ma yin no zhes shes par gyur pa de'i tshe/ de des gdung bar byed/ ngo tsha bar byed/ gnod par byed/ rnam par smod par byed do// dge slong dag de bzhin du 'phags pa nyan thos thos pa dang ldan pa yang 'phags pa 'jig rten las 'das pa'i shes rab 'di nyid thos nas/ sngon gyi byis pa'i spyod pa dang / mongs pa'i spyod pa dang / shes rab 'chas pa'i spyod pa des gdung bar byed/ ngotsha bar byed/ gnod par byed cing / rnam par smod par byed la/ de 'di snyam du sems te/ bdag gis ni sngon mi rtag pa kho na la rtag par bsams shing / bdag gis sdug bsngal ba kho na la ni bde bar bsams//

  777. 389b

    bdag gis mi gtsang ba kho na la ni gtsang bar bsam/ bdag gis bdag med pa kho na la ni bdag tu bsam te/ de ltar na bdag sngon mi rtag pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems// dge slong dag 'di lta ste/ dper na/ sgyu ma mkhan nam/ sgyu ma mkhan gyi slob ma mkhas pa zhig lam po che'i bzhi mdor 'dug ste/ sgyu ma sna tshogs 'di lta ste/ nor bu dag gam/ rna cha gdub kor dag gam/ mgul rgyan dag gam/ gdub rgyan dag gam/ dpung rgyan dag ga ma/ lag rgyan dag gam/ rkang rgyan dag gam/ sor gdub rgyan dag gam/ gser dang / dngul gyi 'phreng ba dag byas te/ rnam par bstan par gyur na/ de la sems can byis pa'i rang bzhin can dang / rmongs pa'i rang bzhin can dang / shes rab 'chal pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i nor bu dag gam/ rna cha gdub kor dag gam/ mgul rgyan dag gam/ gdub bu rgyan can dag gam/ dpung rgyan dag gam/ lag rgyan dag gam/ rkang rgyan dag gam/ sor gdub rgyan dag gam/ gser dang / dngul gyi phreng ba 'di dag ni bden pa dang / gnas pa'i sgo nas yod do snyam du sems so/ / sems car byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di

  778. 390a

    snyam du sems te/ gang 'di ltar snang ba'i nor bu dag gam/ rna cha gdub kor dag gam/ mgul rgyan dag gam/ gdu bu rgyan can dag gam/ dpung rgyun dag gam/ lag rgyan dag gam/ rkang rgyan dag gam/ sor gdu brgyan dag gas/ gser dang / da ngul gyi phreng ba 'di dag ni bden pa dang / gnas pa'i sgo nas yod pa ma yin te/ gyi na sgyu mar byas pa 'di 'ba' shig yod do// mig slu bar byed pa 'ba' shig yod do snyam du sems so/ / dge slong dag de bzhin du 'phags pa nyan thos thos pa dang ldan pa yang / bdag gis yid kyis rnam par shes par bya ba 'das pa dang / ma 'ongs pa dang / da ltar byung ba'i chos gang dag yin pa 'di dag la rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag par nyid dam/ bden pa nyid dam/ de kho na nyid dam/ ji lta ba bzhin nyid dam/ ma nor ba nyid dam/ phyin ci ma log pa nyid med de/ gsogs kyang de nyid yin la gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas/ de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rig

  779. 390b

    kyi/ bcom ldan 'das kyis gsungs pa/ 'phags pa 'jig rten las 'das pa ni bden no zhes de ltar so sor rtog par byed do// des de ltar shes nas/ yid kyis rnam par shes par bya ba 'das pa dang / ma 'ongs pa dang / da ltar byung ba'i chos rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo // des yid kyis rnam par shes par bya ba 'das pa dang / ma 'ongs pa dang / da ltar byung ba'i chos rnams nang du yang dag par rjes su mthong zhig 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i yid kyis rnam par shes par bya ba 'das pa dang / ma 'ongs pa dang / da ltar byung ba'i chos dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa/ 'di lta ste/ brna ba sems kyi tshogs kyi 'dun pa dang / gnod sems kyi tshogs kyi 'dun pa dang / tshul khrims dang / brtul zhugs mchog tu 'dzin pa'i tshogs kyi 'dud pa dang / 'dir den no snyam du mngon par zhen cing / mchog tu 'dzin pa'i tshogs kyi 'dun pa gang dag yin pa de dag spong bar byed do/ / de dag spangs pa'i phyir bdud ldongs pa dang / yi chad pa dang / phyogs med par byas te gnas shing / bdud sdig can gyis mi

  780. 391a

    @##/ mthong bar song nas/ bdud dang bdud kyi 'khor bcom zhing / g.yul chen po'i g.yul sprad de/ g.yul las rnam par rgyal ba dang / g.yul ngo de nyid mngon par pam par byas shing gnas te/ de ltar na 'phags pa nyan thos lhag pa'i shes rab la sbyor bar rjes su zhugs pa la gnas pa ni/ shes rab kyis 'tsho ba rnams kyi nang na/ bla na med pas 'tsho ba yin no// bcom ldan 'das kyis de skad ces bka' stsal nas/ dge slong de dag yi rang ste/ bcom ldan 'das kyis gsungs pa la mngon par bstod do// bar sdom ni/ smo pa dang ni sgra ma dang / ra ra ba dang sgra brnyan dang // gshed ma dang ni me long dang // zas sbyin pa dang sdig tu dang / rkun po gnas pa'i grong nas dang // rmi dga' spyod za ma tog/ nor bu dpung rgyan rnam dag ni// sgyu ma'i dra ba kun bsdus pa'o// mdo chen po sgyu ma'i dra ba zhes bya ba rdzogs so// / rgya gar gyi mkhan po dza ni mi tra dang / pra dz+nyA bar ma dang / zhu chen gyi lo tsa ba ban d+he ye shes sde la sogs pas bsgyur cing zhus te gtan la phab pa//